Text
ff. 1b–360a · 718 folio sides
- 1b
rgya gar skad du/ Ar+ya mai tri ya pras+thA nan nA ma ma hA yA na sU tra/ bod skad du/ ni// 'phags pa byams pa 'jug pa zhes bya ba theg pa chen po'i mdo/ / // bam po dang po/
- 2a
sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong lnga stong tham pa'i dge slong gi dge 'dun chen po dang / byang chub sems dpa' khri'i byang chub sems dpa'i dge 'dun chen po thams
- 2b
cad kyang mngon par shes pa mngon par shes pa yin zhing / byang chub sems dpa' sems dpa' chen po thams cad kyang phyir mi ldog pa sha stag dang thabs gcig tu bzhugs so/ / de'i tshe 'jam dpal gzhon nur gyur pa yang 'khor de nyid du 'dus par gyur te 'dug go/ byang chub sems dpa' spobs pa brtsegs pa dang / byang chub sems dpa' rnam par rtse ba dang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / zla 'od gzhon nur gyur pa dang / byang chub sems dpa' sems dpa' chen po byams pa yang 'khor de nyid
- 3a
du 'dus par gyur te 'khod do/ / de nas byang chub sems dpa' sems dpa' chen po byams pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de nas byang chub sems dpa' byams pas zhus nas/ de'i tshe bcom ldan 'das cang mi gsung bar dus yol bar mdzad do// de nas 'jam dpal gzhon nur gyur pas/ byang chub sems dpa' sems dpa' chen po byams pa la 'di skad ces smras so// byams pa 'di ltar byas pa
- 3b
dang / zhus nas zhu ba lung bstan pa'i phyir/ khyod la de bzhin gshegs pa skabs 'byed par mdzad do// gal te de bzhin gshegs pa la sangs rgyas kyi theg pa las brtsams te zhu bar mi byed/ rang sangs rgyas kyi theg pa las brtsams te zhu bar mi byed/ nyan thos kyi theg pa las brtsams te zhus bar mi byed/ phung po dang / khams dang / skye mched yongs su shes par bya ba'i phyir zhu bar mi byed/ 'dod chags dang / zhe sdang dang / gti mug zad par bya ba'i phyir zhu bar mi byed/ pha rol tu phyin pa las brtsams te zhu bar mi byed/ pha rol tu phyin pa yongs su rdzogs par bya ba'i phyir zhu bar mi byed na/ de ltar na zhus nas zhu ba lung bstan pa'i phyir/ khyod la de bzhin gshegs pas skabs 'byed par mdzad do// gal te khyod 'du byed rnams las yang dag par 'da' bar bya ba dang / mya ngan las 'das pa thob par bya ba'i phyir zhu bar mi byed dam/ gal te khyod bden pa khong du chud par bya ba'i phyir zhu bar mi byed dam/ lam dang lam bsgom par bya ba'i phyir zhu bar mi byed dam/ gal te khyod 'bras bu thob par bya ba dang / mngon sum du bya ba'i phyir zhu bar mi byed dam/ gal te khyod mi gnas pa'i phyir de bzhin gshegs pa la zhu bar mi byed dam/ yi ge rnams mi rjod par zhu bar byed na/ de lta na zhus nas zhu ba lung bstan pa'i phyir/ khyod la de bzhin gshegs pa'i skabs 'byed par mdzad de/ de ci'i phyir zhe na
- 4a
byams pa ji tsam du sgro 'dogs pa de tsam du chags pa yod la/ sangs rgyas bcom ldan 'das rnams kyis chos bstan pa chags pa med pa'i phyir ro// de nas tshe dang ldan pa shA ra dwa ti/ bus 'jam dpal gzhon nur gyur pa la 'di skad ces smras so// 'jam dpal sgro btags pa sgro btags pa zhes bya ba/ 'jam dpal ji tsam gyis na/ sgro btags par 'gyur/ 'jam dpal gyis smras pa/ btsun pa shA ra dwa ti'i bu chos thams cad ni stong pa nyid mnyam pa nyid kyis mnyam pa yin/ mtshan ma med pa mnyam pa nyid kyis mnyam pa yin/ smon pa med pa mnyam pa nyid kyis mnyam pa yin/ ji lta ba bzhin mnyam pa nyid kyis mnyam pa yin/ de bzhin nyid mnyam pa nyid kyis mnyam pa yin/ chos kyi dbyings mnyam pa nyid kyis mnyam pa yin/ yang dag pa'i mtha' mnyam pa nyid kyis mnyam pa yin/ mi skye mi 'gag mi gnas pa mnyam pa nyid kyis mnyam pa yin/ ma skyes ma byung ba mnyam pa nyid kyis mnyam pa yin/ chos thams cad nam mkha' dang mnyam pa nyid kyis mnyam pa yin/ btsun pa shA ra dwa ti'i bu gang dag 'di ltar chos thams cad mnyam pa nyid la mi mnyam par brtags nas/ med bzhin du sgro 'dogs pas sgro 'dogs par byed de/ 'di ni sangs rgyas so// 'di ni chos so// 'di ni dge 'dun no// 'di ni bdag go// 'di ni sems can no// 'di ni gang zag go// 'di ni shed las skyes pa'o// 'di ni shed bu'o// 'di ni byed pa po'o// 'di ni tsher rab
- 4b
bo'o/ / 'di ni chad pa'o// 'di ni rtag pa'o// 'di ni so so'i skye bo'o// 'di ni nyan thos so// 'di ni rang sangs rgyas so// 'di ni byang chub sems dpa'o// 'di ni kha na ma tho ba dang bcas pa'o// 'di ni kha na ma tho ba med pa'o// 'di ni zag pa dang bcas pa'o// 'di ni zag pa med pa'o// 'di ni 'dus byas so// 'di ni 'dus ma byas so// 'di ni kun nas nyon mongs pa'o// 'di ni rnam par byang ba'o/ / 'di ni dge ba'o// 'di ni mi dge ba'o// 'di ni 'jig rten pa'o// 'di ni 'jig rten las 'das pa'o// 'di ni 'khor ba'o// 'di ni mya ngan las 'das pa'o// 'di ni dngos po'o// / 'di ni dngos po ma yin pa'o// 'di ni yod pa'o// 'di ni med pa'o// 'di ni thob pa'o// 'di ni mngon par rtogs pa'o// 'di ni mngon sum du bya'o// 'di ni lam mo// 'di ni lam gyi 'bras bu'o/ zhes bya ba 'di ni sgro btags pa zhes bya'o// de ci'i phyir zhe na/ btsun pa shA ra dwa ti'i bu mnyam pa nyid ni rnam par rtogs pa med cing / gang dag 'di ltar rnam par rtog pa de dag ni mnyam pa nyid du sgro 'dogs pa yin te/ mi mnyam par spro 'dogs pa ni ma yin la/ gang dag mthong ba med par mnyam pa nyid mthong ba de dag ni/ mnyam pa nyid mthong ba yin/ sgro 'dogs pa la spyod pa ni mi mnyam par mthong ba yin zhing / gang dag mnyam pa nyid la sgro mi 'dogs pa de dag ni mnyam pa nyid mthong ba yin la/ sgro 'dogs pa la spyod pa ni mnyam pa nyid mthong ba ma yin pa'i phyir ro// bstan pa 'di bshad pa na/
- 5a
dge slong nyis brgya len pa med par zag pa rnams las sems rnam par grol te/ dge slong de dag 'dul ba la dbang mdzad pa'i phyir/ bcom ldan 'das cang mi gsung bar dus yol bar mdzad do/ / de nas byang chub sems dpa' sems dpa' chen po byams pas/ 'jam dpal gzhon nur gyur pa la 'di skad ces smras so// 'jam dpal kho bo ni nyan thos kyi theg pa las brtsams te/ de bzhin gshegs pa la zhu bar mi byed do// rang sangs rgyas kyi theg pa las brtsams/ yang dag par rdzogs pa'i sangs rgyas kyi theg pa las brtsams te/ de bzhin gsheg pa la zhu bar mi byed pa nas/ kho bo ni mi gnas pa'i bar du de bzhin gshegs pa la zhu bar mi byed do// 'jam dpal kho bo ni de bzhin gshegs pa la ci nas de bzhin nyid dang mi 'gal ba de ltar zhu bar mi byed do/ / 'jam dpal kho bo ni gang dag de bzhin nyid dang 'gal bar mi byed pa dang / gang dag chos thams cad dben pa nyid kyi phyir/ chos ci yang mi dmigs pa dang / gang dag chos kyi dbyings mi g.yo ba nyid kyi phyir/ 'dod chags dang / zhe sdang dang / gti mug rnams kyis mi gos pa dang / gang dag 'khor ba mi dmigs pa nyid kyi phyir/ 'khor ba las 'da' bar mi byed pa dang / gang dag gang nas kyang 'ong ba med pa nyid dang / gang du yang 'gro ba med pa nyid kyi phyir/ mya ngan las 'das pa thob par mi byed pa de dag gi phyir/ de bzhin gshegs pa la zhu bar byed do// 'jam dpal kho bo ni
- 5b
ci nas kyang yi ge rnams kyang mi rjod/ tshig gi lam la yang mi dpyod la/ shes rab kyis kyang bye brag phyed par 'gyur ba dang / shes pa yang gang yang med la/ 'di la rnam par grol ba gang yang med pa de ltar de bzhin gshegs pa la zhu bar byed do/ / de ci'i phyir zhe na/ yi ge stong pa nyid kyi phyir dang / thams cad skye ba med pa nyid kyi phyir ro// de nas 'khor der byang chub sems dpa' gang dag 'dus par gyur pa de dag 'di snyam du sems te/ kye ma byang chub sems dpa' sems dpa' chen po byams pa 'di de kho na ltar ldem po ngag srel zhing 'dug pa'i tshig 'di dag kyang ston la/ brjod pa thams cad kyang chos nyid dang mthun par sbyor ba las na/ zab mo'i shes rab dang ldan no snyam mo// de nas bcom ldan 'das la/ byang chub sems dpa' sems dpa' chen po rnam par rtse bas 'di skad ces gsol to/ / bcom ldan 'das byang chub sems dpa' sems dpa' chen po byams pa 'di de tsam du zab mo'i bzod pa la nges shing / shes rab dang spobs pa ston pa la mkhas pa ni ngo mtshar lags so/ / bcom ldan 'das byang chub sems dpa' sems dpa' chen po byams pas yun ji srid cig nas/ bla na med pa yang dag par rdzogs pa'i byang chub tu sems bskyed pa de/ bcom ldan 'das skye bo mang po la sman pa dang / skye bo mang po la bde ba dang / lha dang mi rnams kyi don dang / sman pa'i slad du/ de bzhin gshegs pas legs par bka' stsal du gsol/ de ltar
- 6a
bgyis na byang chub sems dpa'i theg pa'i rigs kyi bu 'am/ rigs kyi bu mo rnams kyis gnas de dag kyang thos la/ 'jug pa de yang thos nas slar zhing bla na med pa yang dag par rdzogs pa'i byang chub la brtson par 'gyur lags so/ / de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to/ / rigs kyi bu byang chub sems dpa' sems dpa' chen po byams pas ni yun ring po nas tshangs par spyad pa spyad do// rigs kyi bu byang chub sems dpa' sems dpa' chen po byams pas ni sngon gyi rgyal ba rnams la bya ba byas so/ / dge ba'i rtsa ba bskyed do// zab mo'i bzod pa dang ldan no// rigs kyi bu byang chub sems dpa' sems dpa' chen po byams pa yang dag par zhugs te/ bskal pa brgyad khri bzhi stong lon nas/ de'i 'og tu gdod ngas bla na med pa yang dag par rdzogs pa'i byang chub tu sems bskyed do// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gang gi thad du/ byang chub sems dpa' sems dpa' chen po byams pas/ bla na med pa yang dag par rdzogs pa'i byang chub tu sems bskyed pa'i mtshan ci lags/ de de bzhin gshegs pa dgra bcom pa yang dag par rdzogs pa'i
- 6b
sangs rgyas kyis legs par bka' stsal du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to// rigs kyi bu de'i phyir legs par rab tu nyon la yid la zung shig dang / ngas khyod la bshad do// bcom ldan 'das de ltar 'tshal lo zhes gsol nas/ byang chub sems dpa' sems dpa' chen po rnam par rtse// ba dang / thams cad dang ldan pa'i 'khor de bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to// / rnam par rtse ba sngon byung ba 'das pa'i dus bskal pa grangs med pa bas kyang ches grangs med pa/ yun ring zhing tshad med/ bsam gyis mi khyab dpag tu med pa'i sngo rol/ de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa lha dang mi rnams kyi ston pa/ sangs rgyas bcom ldan 'das gser bzangs 'od ces bya ba 'jig rten du byung ngo / / rigs kyi bu de bzhin gshegs pa gser bzangs 'od kyi spu'i khung bu re re nas 'od zer bye ba khrag khrig 'bum phrag mang po byung ste/ de bzhin gshegs pa'i 'od zer de dag kyang gser gyi 'od ltar bzang la 'od zer re res kyang stong gsum gyi stong chen po'i 'jig rten gyi khams re re 'od kyis snang bar byed do/ / 'od zer re res kyang pad+ma bye ba khrag khrig
- 7a
'bum phrag mang po dag gis shar phyogs 'gengs par byed do/ / lho phyogs dang / nub phyogs dang / byang phyogs dang / phyogs mtshams dang / steng dang 'og kyang de dang 'dra'o// phyogs re rer yang de bzhin gshegs pa re res sangs rgyas kyi zhing bye ba khrag khrig 'bum phrag du ma 'gengs par mdzad do// de bzhin gshegs pa'i sku re res kyang sems can bye ba khrag khrig 'bum phrag tu ma sangs rgyas dang chos rnams la 'dul bar mdzad de/ phyir mi ldog pa la 'god do// rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de'i gser gyi 'od 'jig rten gyi khams rtag tu snang bar byed do/ / sangs rgyas kyi zhing de na nyi ma dang / zla ba gnyis kyi ming med do// rgyu skar dang / gza' dang / skar ma dang / me'i 'od kyi ming yang mi grag go/ / de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to// btsun pa bcom ldan 'das de lta na// sangs rgyas kyi zhing de na ji ltar gdugs mtshan rnam par gzhag par 'gyur lags/ de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to/ / rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser bzangs 'od kyi sangs rgyas kyi zhing de/ sa gzhi chen po de rin po che sna
- 7b
bdun las grub pa yin te/ lag mthil ltar mnyam par gyur la rin po che sna bdun gyi sa gzhi chen po de las kyang rin po che sna bdun gyi pad+ma shing rta'i phang lo tsam la mdzes shing blta na sdug pa dang / dri zhim po'i ngad ldang la yid du 'ong ba dag mngon par 'phags te/ pad+ma re re las dri bsung gi ngad ldang ba'i dri des kyang / stong gsum gyi stong chen po'i 'jig rten gyi khams khyab ste/ sems can gang dag gis dri de tshor ba de dag thams cad kyang bla na med pa yang dag par rdzogs pa'i byang chub tu nges so/ / pad+ma de dag kyang snga dro'i dus kyi tshe me tog rgyas la/ phye ma red kyi dus kyis tshe na rnyis par 'gyur te/ des na sems can de dag 'di snyam du sems te/ phye ma red kyi dus la bab bo snyam mo// rigs kyi bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de'i sangs rgyas kyi zhing de na nyin mtshan rnam par gzhag par mngon pa yod do/ / rigs kyi bu sangs rgyas kyi zhing de na mi khom pa brgyad ni tha na ming tsam yang med do// sdug bsngal ba'i ming tsam dang / nyan thos dang / rang sangs rgyas rnams kyang ming tsam yang med de/ sangs rgyas kyi zhing de ni byang chub sems dpa' 'khrig pa'i chos dang bral ba/ dri nga ba med pa 'ba' shig gis yongs su gang bar 'gyur to/ / 'dus pa re re yang byang chub sems dpa' khrag khrig phrag bcu gnyis yod do// de'i mjug tu bcom ldan 'das de'i byang chub sems dpa' dpag tu med grangs med pa 'dus par 'gyur to// de
- 8a
bzhin gshegs pa dgra bcom pa yang dag par rdzogs pa'i sangs rgyas gser bzangs 'od de yang chos gzhan mi ston te/ byang chub sems dpa'i sde snod phyir mi ldog pa'i 'khor lo 'ba' shig ston par mdzad do/ / byang chub sems dpa'i sde snod phyir mi ldog pa'i 'khor lo'i chos kyi rnam grangs gang zhe na/ 'di lta ste/ chos gang yang de bzhin nyid las phyir mi ldog pa dang / chos gang yang chos kyi dbyings las phyir mi ldog pa dang / chos gang yang yang dag pa'i mtha' las phyir mi ldog pa dang / 'dod chags 'dod chags kyi ngo bo nyid las phyir mi ldog pa dang / zhe sdang zhe sdang gi ngo bo nyid las phyir mi ldog pa dang / gti mug gti mug gi ngo bo nyid las phyir mi ldog pa dang / gzugs gzugs kyi ngo bo nyid las phyir mi ldog pa dang / tshor ba dang / 'du shes dang / 'du byed rnams dang / rnam par shes pa rnam par shes pa'i ngo bo nyid las phyir mi ldog pa dang / mig mig gi ngo bo nyid las phyir mi ldog pa dang / rna ba dang / sna dang / lce dang lus dang / yid yid kyi ngo bo nyid las phyir mi ldog pa dang / ngo bo nyid gang yin pa de ni dngos po med la/ dngos po med pa gang yin pa de ni gang nas kyang phyir mi ldog la/ gang du yang mi 'jug pa'o/ / rigs kyi bu de ltar na de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de/ sangs rgyas kyi zhing de na byang chub sems dpa' de dag la/ byang chub
- 8b
sems dpa'i sde snod phyir mi ldog pa'i 'khor lo'i chos kyi rnam grangs yang dag par ston to/ / de'i tshe chos kyi rgyal po chos dang ldan pa/ gling bzhi pa'i dbang phyug 'khor los sgyur ba'i rgyal po gser mdog ces bya ba zhig byung ngo / / rigs kyi bu rgyal po gser mdog des/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de/ byang chub sems dpa'i dge 'dun chen po dang bcas pa la/ lo bye ba phrag brgyad cu rtsa bzhi'i bar du mchod pa dang / bsnyen bkur thams cad kyis bsnyen bkur byas/ bla mar byas/ ri mor byas mchod par byas so/ / rigs kyi bu 'di ltar rgyal po chen po bzhi dang / lha'i dbang po brgya byin dang / mi mjed kyi bdag po tshangs pa 'khor dang bcas pas kyang / rgyal po chen po gser mdog gi bsam pa rig nas/ bcom ldan 'das de bzhin gshegs pa gser bzangs 'od de la bsnyen bkur bya bar spro bar gyur to// rigs kyi bu rgyal po gser mdog des/ 'khor gyi khyams dpag tshad brgyad cu rtsa bzhi pa zhig byas te/ 'khor gyi khyams der dar gyi lda ldi ni bres/ me tog gis ni pus mo nub pa tsam du khyab par byas/ steng gi bar snang la ni mu tig dmar po'i dra ba bres/ snying po'i spos kyi mchog gis ni gdug te/ 'khor gyi khyams der de bzhin gshegs pa de'i gdan bye ba 'bum phrag dgu bcu rtsa dgu ri ba'i ras bcos bu bye ba khrag khrig 'bum phrag du ma bting ba khri'i rkang pa rin po
- 9a
che du mas spras pa zhig bshams so/ / byang chub sems dpa' re re'i stan yang bye ba phrag 'bum ri ba dag bshams so// de'i tshe de bzhin gshegs pa de dpag tshad nyis stong na bzhugs te/ rigs kyi bu 'di ltar rgyal po gser mdog gis gshegs shul dpag tshad nyis stong legs par brgyan nas/ 'di lta ste/ lam de'i ngos g.yas g.yon du stegs bu rin po che sna tshogs kyis spras pa dag byas so/ / lam de yang pus mo nub pa tsam du me tog gis khebs par byas so// steng gi bar snang la rin po che sna tshogs kyis dra ba'i bla re bres so// stegs bu de dag la yang rin po che'i shing ljon pa 'phang du mda' rgyang gang tsam yod pa dag btsugs so/ / rin po che'i shing ljon pa gcig nas rin po che'i shing ljon pa gcig tu rin po che'i tha gu bres so// rin po che'i shing ljon pa gnyis gnyis kyi bar du/ rdzing rin po che'i stegs bu bskor ba/ gser gyi bye ma bdal ba/ baiDuR+Ya'i them skas kyi rim pa bcas pa/ me tog ut+pa la dang / pad+ma dang / ku mu ta dang pad+ma dkar pos gang ba/ ngur pa skad 'byin pa dang ldan pa dag byas so// de bzhin du rin po che'i shing ljon pa'i bar thams cad du yang rdzing dag byas te/ bkod pa de kho na dang 'dra bar bkod do// rin po che'i shing ljon pa thams cad kyi drung du me tog sil ma thogs pa'i mi lnga brgya lnga brgya bkod do/ / rin po che'i spos kyi snod thogs pa'i mi lnga brgya lnga brgya bkod do// rnga bo che dang / rdza rnga dang
- 9b
'khar rnga dang / kim pa la dang / pi wang dang / 'khar dkrol la sogs pa rol mo'i cha byad rnam pa sna tshogs pa'i mi lnga brgya lnga brgya bkod do// gdugs dang / rgyal mtshan dang / ba dan thogs pa'i mi lnga brgya lnga brgya bkod do/ / de ltar rin po che'i shing ljon pa re re'i drung thams cad du/ mi brgya phrag de snyed de snyed bkod nas/ gang gi tshe bcom ldan 'das de bzhin gshegs pa gser bzang 'od phan tshun du gshegs pa de'i tshe/ khyed kyis me tog sil ma 'di dag gis gtor cig/ tsan dan gyi phye ma 'di dag gis gtor cig/ pog por 'di dag gis bdug par gyis shig/ sil snyan 'di dag kyang dkrol cig/ gdugs dang / rgyal mtshan dang / ba dan 'di dag kyang bsgrengs shig ces bsgo'o// rin po che'i shing ljon pa thams cad kyi drung du/ rin po che'i me tog gi snod thogs pa'i mi lnga brgya lnga brgya yang bkod do/ / lhag ma rnams kyang de bzhin du sbyar te/ gang gi tshe de bzhin gshegs pa de/ lam 'di nas phan tshun du gshegs pa de'i tshe/ khyed kyis rin po che'i me tog 'di dag gis gtor cig ces bsgo'o/ / rigs kyi bu de de ltar bcom ldan 'das de bzhin gshegs pa gser bzangs 'od de/ gtsug lag khang de nas byung ma thag tu 'khor gyi khyams su gshegs te/ de'i bar du gtsug lag khang nas/ byang chub sems dpa' rnams la snang ba byung ngo // rigs kyi bu 'di ltar lam dpag tshad nyis stong po de dag/ byang chub
- 10a
sems dpa' sems dpa' chen pos gang ste/ byang chub sems dpa' sems dpa' chen po re re phan tshun du mdom re tsam na 'greng ngo // rigs kyi bu 'di ltar de bzhin gshegs pa de phan tshun du gshegs pa na/ 'di lta ste/ sangs rgyas kyi mthus byang chub sems dpa' re re'i mgo bo'i drang thad kyi steng na/ dngul gyi gdugs dkar po gser gyi rtsa ba can/ mu tig dmar po'i dra bas g.yogs pa gser gyi dril bu g.yer ka'i dra bas bskor ba/ ma bzung bar nam mkha' la phan tshun du 'gro'o// byang chub sems dpa' thams cad kyang de dang 'dra'o/ / rin po che'i gdugs de dag la dril bu g.yer ka'i dre ba btags pa gang yin pa de dag rlung gis bskyod pa las/ sgra snyan cing yid du 'ong ba 'byung ste/ rin po che'i gdugs de dag rlung gis bskyod pa las/ sgra ji lta bu 'byung ba de 'dra ba ni sil snyan yan lag 'bum dang ldan pa las kyang mi 'byung ngo // rin po che'i gdugs dang / dril bu g.yer ka de dag dang rin po che'i shing ljon pa'i lo ma de dag dang / rin po che'i tha gu de dag dang / rin po che'i stegs bu de dag dang / sil snyan dang / klu dbyangs de dag las kyang sangs rgyas kyi mthus/ chos kyi sgo rnam pa sna tshogs kyi sgra 'byung ste/ de nas sems can gang dag sbyin pa la mos pa de dag gis ni sbyin pa'i sgra thos so// gang dag tshul khrims la mos pa de dag gis ni tshul khrims kyi sgra thos
- 10b
so/ / de bzhin du gang dag bzod pa dang / brtson 'grus dang / bsam gtan la mos pa dang / gang dag shes rab la mos pa de dag gis ni shes rab kyi sgra thos so// de bzhin du stong pa nyid dang / mtshan ma med pa dang / smon pa med pa dang / skye ba med pa dang / 'gag pa med pa'i sgra dang / de bzhin du dbang po dang / stobs dang / byang chub kyi yan lag dang / lam gyi sgra dang / de bzhin du mngon par shes pa dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dag gi sgra 'byung ste/ sems can rnams ji lta bur mos pa de lta bu'i sgra 'byung zhing thos so/ / chos kyi sgra de thos nas kyang sems can dpag tu med/ grangs med pa dag bla na med pa yang dag par rdzogs pa'i byang chub tu nges par gyur to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de/ lam de nas phan tshun du gshegs pa na/ dbu'i drang thad kyi steng gi bar snang la/ rin po che 'bum phrag du mas spras pa'i lha'i rin po che'i gdugs ma bzung bar 'phags te phan tshun du 'gro'o/ / rin po che'i gdugs de dang dril bu g.yer ka de dag rlung gis bskyod pa las sgra snyan cing yid du 'ong ba byung ste/ de bzhin gshegs pa'i phyag rgya zhes bya ba'i chos bstan pa byung ngo / / de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol
- 11a
to/ / bcom ldan 'das de bzhin gshegs pa gser bzangs 'od de'i rin po che'i gdugs de las byung ba/ de bzhin gshegs pa'i phyag rgya zhes bgyi ba'i chos bstan pa gang lags pa de/ bcom ldan 'das de bzhin gshegs pas legs par bka' stsal du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to/ / rigs kyi bu de'i phyir legs par rab tu nyon la yid la zung shig dang / de bzhin gshegs pa'i phyag rgya'i brtsams pa tsam ngas bshad par bya'o// rigs kyi bu chos thams cad ni stong pa nyid kyi phyag rgya dang / mtshan ma med pa'i phyag rgya dang / smon pa med pa'i phyag rgya dang / skye ba med pa dang / 'gag pa med pa dang / gnas pa med pa'i phyag rgya dang / dngos po med pa'i phyag rgya dang / chos kyi dbyings kyi phyag rgya dang / de bzhin nyid kyi phyag rgya dang / yang dag pa'i mtha'i phyag rgya dang / ji lta ba bzhin gyi phyag rgya dang / 'dod chags dang bral ba'i phyag rgya dang / dben pa'i phyag rgya dang / rnam par grol ba'i phyag rgya dang / mtshan nyid med pa'i phyag rgya dang / byed pa med pa dang / 'gro ba med pa'i phyag rgya dang / gzung du med pa dang / gnas med pa'i phyag rgyas btab bo// rigs kyi bu chos thams cad ni nam mkha'i phyag rgyas btab bo// rigs kyi bu dper na/ nam mkha' la ni phyag rgya brko bar bla ba yang ma yin la/
- 11b
phyag rgyar yang 'dug pa dang / phyag rgya'i 'bur yang gdags su med de/ de ci'i phyir zhe na/ gnas kyang med/ rkyen kyang med/ rgyu yang med/ skyed pa yang med/ rten yang med pa'i phyir/ rigs kyi bu de bzhin du byang chub sems dpa' sems dpa' chen po gang chos thams cad nam mkha' dang 'dra ba dang / nam mkha'i rnam pa can dang / nam mkha'i ngo bo nyid dang / nam mkhar ston par yang dag par shes pa dang / nam mkha' la ni chos thams cad gdags su med par gnas te/ gdags pa tsam du zad do// ji ltar nam mkha'i chos thams cad gdags su med par gnas te/ gdags pa tsam du zad pa de bzhin du chos thams cad la yang gdags su med par gnas te/ gdags pa tsam du zad par yang dag par shes pa dang / gang chos rnams gdags pa tsam du shes pa de ni de bzhin nyid dang 'gal bar mi byed pa'o/ / gang de bzhin nyid dang 'gal bar mi byed pa de ni de bzhin gshegs pa'i phyag rgya shes pa'o// 'di ni de bzhin gshegs pa'i phyag rgya ste/ des na de bzhin nyid la rmongs par mi 'gyur ro/ / bstan pa 'di bshad pa na/ byang chub sems dpa' lnga brgyas mi skye ba'i chos rnams la bzod pa thob par gyur to// de nas bcom ldan 'das kyis byang chub sems dpa' sems dpa' chen po rnam par rtse ba la bka' stsal pa/ rigs kyi bu 'di ltar de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de/ byang chub sems dpa'i dge 'dun dang bcas
- 12a
par 'khor gyi khyams der gshegs te/ der byon pa dang / lha 'bum dag mchod pa'i las bya ba la spro bar gyur te/ me tog ut+pal dang / pad+ma dang / ku mu ta dang / pad+ma dkar po rnams 'thor bar byed do/ / lha'i me tog man+da ra ba'i char yang 'bebs so// sil snyan bye ba phrag 'bum dag kyang dkrol bar byed do// rigs kyi bu 'di ltar de bzhin gshegs pa gsar bzangs 'od des/ 'khor gyi khyams der bzhugs pa na/ rgyal po chen po bzhi dang / lha'i dbang po brgya byin dang / mi mjed kyi bdag po tshangs pa mchod pa'i las bya ba dang / snyen bkur bya ba dang / bla mar bya ba'i phyir nye bar gnas par gyur te/ mchod pa ji lta bu dag gi phyir spro bar gyur ce na/ 'di lta ste/ de bzhin gshegs pa de byang chub sems dpa'i dge 'dun dang bcas pa bzhugs pa la byang chub sems dpa' re re'i rgyab na glang po che dkar po rgyan thams cad kyis brgyan pa nye bar gnas la/ glang po che'i rgyal po de'i sna la yang 'di lta ste/ rlung dang nyi ma bskyab pa'i phyir/ rin po che'i gdugs gsal zhing blta na sdug pa thogs pa dang / glang po che'i rgyal po thams cad kyi sna la yang / mu tig sngon po gsal ba'i mu tig gi ngo shal 'phyang ba dang / mu tig gi do shal de las kyang / chu bsil shing bai DUR+Ya sngon po 'dra la/ yan lag brgyad dang ldan pa 'bab ste/ chu des chu'i bya ba byed pa'o// byang chub sems dpa' dag 'khod pa dag tu/ 'di lta ste/ lha'i mthus lag pa g.yas pa la rin po che'i lhung bzed byung bar gyur to/ / lha rnams kyang byang chub sems dpa' de dag gi lhung bzed 'dzin par byed do// de bzhin gshegs pa gser bzangs 'od de la ni tshangs pa nyid rin po che'i gdug
- 12b
thogs te snam logs na 'dug go/ rin po che'i gdugs de las kyang mu tig gi do shal dag 'phyang ngo // mu tig gi do shal de dag las kyang / chu bsil zhing bai DUR+Ya sngon po 'dra la/ yan lag brgyad dang ldan pa 'bab ste/ chu des de bzhin gshegs pa de'i chu'i bya ba mdzad do// lha'i dbang po brgya byin ni bcom ldan 'das de'i lhung bzed 'dzin to// rigs kyi bu 'di ltar de bzhin gshegs pa de byang chub sems dpa'i 'khor dang bcas par bzhugs na thag tu/ byang chub sems dpa' de dag la lha mo re re mdun na 'dug ste/ lha'i spos dri zhim po sna du ma mchig la 'thag par byed do// spos de 'thag pa na yang rdzi phyogs dang rdzi phyogs ma yin par ser bu ldang ste/ ser bu des byang chub sems dpa' de dag gi lus la spos kyis phog par byed do/ / skyes bu dam pa de dag ni dri nga ba med pa ste/ de dag ni lha mo'i 'du shes kyang mjug par mi byed la/ de dag ni spos kyi mtshan ma yang mi skyed na/ chags par lta ga la 'gyur te/ de ni gnas med do/ / rigs kyi bu 'di ltar rgyal po gser mdog des/ de bzhin gshegs pa gser bzangs 'od bzhugs par rig nas/ bu stong dang / bud med brgyad khri bzhi stong dang / rgyal po brgyad khri bzhi stong dang / khyim bdag brgyad khri bzhi stong dang / tshong dpon brgyad khri bzhi stong dang / blon po brgyad khri bzhi stong dang / bu mo brgyad khri bzhi stong dang / gzhan yang skye bo'i tshogs mang po dag dang lhan cig tu/ rang gi lag nas bca' ba dang / bza' ba bsod pa mang po mchog tu gtsang bas tshim par byas te/ ci bzhed pa bstabs so// tshim par byas shing ci bzhed pa bstabs te/ bshos gsol nas gsang sder sgyu ste/ phyag bcabs par rig nas/ de bzhin gshegs pa la bye ba 'bum phrag dgu
- 13a
bcu rtsa dgu ri ba'i ras bcos bu thugs cig phul lo/ / byang chub sems dpa' re re la yang bye ba phrag 'bum ri ba'i ras bcos bu phrugs re re phul lo// phul nas kyang skye bo'i tshigs de dag dang / yul mi gtso bo rnams dang lhan cig tu thal mo sbyar nas/ 'di lta ste/ chos mnyan pa la gus pa'i phyir/ de bzhin gshegs pa'i spyan sngar 'khod do// rigs kyi bu 'di ltar de bzhin gshegs pa gser bzangs 'od des skye bo'i tshogs chen po gus pas 'khod pa dang / byang chub sems dpa' rnams chos 'dod par thugs su chud nas/ sgo so so ba zhes bya ba'i chos kyi rnam grangs bstan to// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to/ / bcom ldan 'das gang bcom ldan 'das de bzhin gshegs pa gser bzangs 'od des bstan pa'i byang chub sems dpa' rnams kyi sgo so so bzhi/ bya ba chos kyi rnam grangs de gang lags/ bcom ldan 'das kyis chos kyi rnam grangs de legs par bka' stsal du gsol/ de ltar bgyis na byang chub sems dpa'i theg pa pa'i rigs kyi bu 'am/ rigs kyi bu mo rnams kyang sgos pa'i chos kyi rnam grangs de la slob par 'gyur ba lags so/ / de skad ces gsol pa dang / bcom ldan 'das kyis byang chub sems dpa' rnam par rtse ba la 'di skad ces bka' stsal to// rigs kyi bu de'i phyir legs par rab tu nyon la yid la zung shig dang / sgo so so ba'i chos kyi rnam grangs de las brtsam pa tsam zhig bshad par bya'o// rigs kyi bu byang chub sems dpa' rnams kyi sgos so ba ni gzhan ma yin gyi/ pha rol tu phyin pa drug kho nar zad de/ 'di lta ste/ sbyin pa'i pha
- 13b
rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ste/ rigs kyi bu byang chub sems dpa' rnams kyi sgo so so ba ni de yin no/ / de ci'i phyir zhe na/ 'di nyid la sngon gyi de bzhin gshegs pa rnams kyis kyang bslabs nas/ bla na med pa yang dag par rdzogs pa'i byang chub mngon par rdzogs par sangs rgyas te/ chos kyi 'khor lo yang bskor/ sems can rnams kyang yongs su smin par mdzad nas/ yongs su mya ngan las 'das la/ ma 'ongs pa'i de bzhin gshegs pa rnams kyang sgo so so ba 'di nyid la bslabs nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / da ltar byung ba'i dus kyi de bzhin gshegs pa dgra bcom pa yang dag par rdzogs pa'i sangs rgyas gang dag 'jig rten gyi khams dpag tu med grangs med pa dag na bzhugs shing 'tshol gzhes pa'i de bzhin gshegs pa de dag kyang sgo so so ba'i chos kyi rnam grangs 'di nyid la bslabs nas/ bla na med pa yang dag par rdzogs pa'i byang chub mngon par rdzogs par sangs rgyas te chos kyi 'khor lo bskor bar mdzad pa'i phyir ro/ / rigs kyi bu gang byang chub sems dpa'i sgo so so ba yang dag par smra bas smra ba ni/ pha rol tu phyin pa drug po 'di dag nyid yang dag par smra bas smra ba'o// de la sgo so so ba de'i bye brag ni gang yin/ nyes pa ni gang yin/ rnam par gnon pa ni gang yin/ nges par 'byung ba ni gang yin zhe na/ ser sna'i sems ni byang chub sems dpa'i nyes pa'o// kun tu 'dzin pa'i sems ni byang chub sems dpa'i nyes pa'o// yongs su 'dzin pa'i sems ni byang chub sems
- 14a
dpa'i nyes pa'o/ / nor kun tu srung ba la bgo ba shar mi byed pa ni byang chub sems dpa'i nyes pa'o// de la byang chub sems dpa' gang ser sna'i sems rnam par gnon cing bcom nas/ sbyin pa yid la byed pa skyed pa de ni de'i rnam par gnon pa yin no/ / de longs spyod ji ltar chung yang rung longs spyod rgya chen po dag kyang rung ste/ dge sbyong dang / bram ze dang / slong ba rnams la bgo bsha' byed la/ de dga' ba'i sems dang / kun tu 'dzin pa med pa'i sems dang / mgu ba'i sems dang / rnam par smin pa la re ba med par sems can thams cad la snying rje bas phan pa'i dngos po sngon du btang ba'i sems bskyed pas lag brkyang ste/ sbyin pa sbyin par byed pa'i byang chub sems dpa' de ni sgo so so ba la slob pa yin te/ 'di ni byang chub sems dpa' nges par 'byung ba'o// rigs kyi bu 'chal pa'i tshul khrims ni byang chub sems dpa'i nyes pa'o// nyams pa'i tshul khrims dang / 'dres pa'i tshul khrims dang / zhig pa'i tshul khrims dang / ral ba'i tshul khrims dang / nag nog gi tshul khrims ni byang chub sems dpa'i nyes pa'o// byang chub sems dpa'i 'chal pa'i tshul khrims dang / nyams pa'i/ tshul khrims dang / 'dres pa'i tshul khrims dang / zhig pa'i tshul khrims dang / ral ba'i tshul khrims dang / nag nog gi tshul khrims gang zhe na/ byang chub sems dpa' gang nyan thos kyi sems sam/ rang sangs rgyas kyi sems sam/ dmigs pa can gyi sems bskyed pa dang / nyan thos kyi theg pa 'am/ rang sangs rgyas kyi theg pa 'am/ dmigs pa'i lta ba 'dod pa dang / nyan thos kyi gtam mam/ rang sangs rgyas kyi gtam mam/
- 14b
dmigs pa can gyi gtam la dga' bar 'dzin pa 'di ni byang chub sems dpa'i tshul khrims 'chal pa dang / tshul khrims nyams pa dang / tshul khrims 'dres pa dang / tshul khrims zhig pa dang / tshul khrims ral ba dang / tshul khrims nag nog can zhes bya'o// byang chub sems dpa'i sgo so so ba la mi spyod pa dang / mi slob pa ni tshul khrims 'chal pa'i rab yin no// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to/ / bcom ldan 'das ci'i slad du/ byang chub sems dpa' sems dpa' chen pos/ de bzhin gshegs pa'i bslab pa gzhan las 'gal ba bgyis na ni/ tshul khrims 'chal bar mi 'gyur la/ gang gi tshe nyan thos kyi sems sam/ rang sangs rgyas kyi sems sam/ dmigs pa can gyi sems bskyed pa de'i tshe ni tshul khrims 'chal pa'i rab tu 'gyur lags/ de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to// rigs kyi bu byang chub sems dpas de bzhin gshegs pa'i bslab pa gzhan las 'gal pabar byas sam/ ngas ltung bar 'gyur ba'i chos bzhi gang dag gsungs pa de dag gi nyes pa byas sam/ mi dge ba bcu'i las kyi lam yang dag par blangs te 'dug gam/ mtshams med pa lnga byas su zin kyang / byang chub sems dpa' de byang chub kyi sems kyang ma btang ma spangs te/ byang chub kyi sems dang ma bral la/ dmigs pa can gyi sems dang / mngon par zhen pa'i sems kyang mi bskyed na/ byang chub sems dpa' de ni tshul khrims dang ldan pa kho na yin pa dang /
- 15a
tshul khrims ma nyams pa dang / tshul khrims ma 'dres pa dang / tshul khrims ma zhig pa dang / tshul khrims ma ral ba dang / tshul khrims na ga nog can ma yin par gzung bar bya ste/ byang chub sems dpa'i sgo so so ba la spyod pa dang slob pa yang yin no/ / de ci'i phyir zhe na/ de dag ni byang chub sems dpa'i byang chub la bar du gcod par byed pa ma yin pa'i phyir ro// byang chub sems dpa'i sdig pa'i las byas pas srid par 'gro bskyed du zin kyang / 'on kyang byang chub sems dpa' ni ji tsam du srid par 'gro ba skyed pa de tsam du pha rol tu phyin pa drug yongs su rdzogs par byed do// byang chub sems dpa' de bzhin gshegs pa'i bslab pa ji ltar bcas pa la bslabs/ su zin kyang / de nyan thos kyi sems sam/ rang sangs rgyas kyi sems sam/ dmigs par lta ba dang lhan cig sten par byed na/ byang chub sems dpa' byang chub sems dpa'i tshul khrims las nyams par 'gyur ro// rigs kyi bu de lta bas na/ byang chub sems dpa' gang byang chub kyi sems mi gtong la/ dmigs par lta ba'i sems kyang mi skyed pa'i byang chub sems dpa' de ni/ byang chub sems dpa'i sgo so so ba la spyod pa dang slob pa yin no// rigs kyi bu gzhan yang gnod sems kyi tha ba'i nyes pa'i sems ni byang chub sems dpa'i nyes pa'o/ / sems can rnams la mi snyoms pa'i yid la byed pa ni/ byang chub sems dpa'i nyes pa'o// sems can rnams dang chos rnams la tha dad par 'du shes pa ni byang chub sems dpa'i nyes pa'o/ / sems can la dmigs pa la rten pa'i byams pa phyogs gcig pa ni/ byang chub sems dpa'i nyes pa'o// stong pa nyid la mi bzod pa ni byang chub sems dpa'i nyes pa'o// 'di la/
- 15b
ni sbyin no// 'di la ni mi sbyin no snyam pa de ni byang chub sems dpa'i nyes pa'o// 'di la ni yon dbul lo// 'di la ni mi dbul lo snyam pa de ni byang chub sems dpa'i nyes pa'o// 'di la ni chos bshad par bya'o// 'di la ni chos bshad par mi bya'o snyam pa de ni/ byang chub sems dpa'i nyes pa'o// 'di la ni bsnyen bkur bya'o// 'di la ni bsnyen bkur mi bya'o snyam pa de ni byang chub sems dpa'i nyes pa'o// byang chub sems dpa' ji tsam du so sor 'byed par byed do/ / 'di ni tshul khrims dang ldan pa'o// 'di ni tshul khrims 'chal pa'o snyam du so sor phye nas/ tshul khrims 'chal pa la brnyas par byed pa de ni byang chub sems dpa'i nyes pa'o// de ci'i phyir zhe na/ byang chub sems dpa' ni sems can thams cad la sems mnyam pa dang / chos thams cad la sems mnyam par bya dgos shing / nyi ma dang zla ba'i dkyil 'khor 'dra ba dang / sa dang chu dang / me dang rlung dang / nam mkha' lta bur snyoms pa'i sems dang / stong pa nyid la bzod pa dang ldan par bya dgos pa'i phyir ro// byang chub sems dpa' gang sems can gang yang yongs su mi gtong la mi gnas pa'i sems dang / tshad nges par mi byed pas sems can thams cad kyi phyir/ snying rje bskyed cing byams pas mos par byas te/ khyab par byas nas bsgrubs te gnas la/ chos rnams la yang stong ngo snyam du bzod pa'i byang chub sems dpa' de ni/ byang chub sems dpa'i sgo so so ba la spyod pa dang slob pa yin no/ / gzhan yang byang chub sems dpa' gang 'khor ba la tshad nges par byed pa de ni/ byang chub sems dpa'i nyes pa ste/ bskal pa 'di tsam gyi bar du ni bdag 'khor bar bya'o// bskal pa 'di tsam gyi bar du ni 'khor
- 16a
bar mi bya'o snyam pa de ni/ byang chub sems dpa'i nyes pa'o// sems can 'di snyed cig ni bdag gis grol bar bya'o// sems can 'di snyed cig ni bdag gis grol bar mi bya'o snyam pa de ni/ byung chub sems dpa'i nyes pa'o/ / 'di na brtson 'grus so// bdag ni brtson 'grus can no// bla na med pa yang dag par rdzogs pa'i byang chub 'di mngon par rdzogs par 'tshang rgya bar bya'o snyam pa de ni/ byang chub sems dpa'i nyes pa'o/ / de la byang chub sems dpa'i rnam par gnon pa gang zhe na/ rigs kyi bu 'di la byang chub sems dpa' 'di ltar go cha bgo bar bya ste/ 'khor ba'i sngon gyi mtha' mi mngon no zhes ji snyed du 'byung ba de srid du/ bdag 'khor ba na 'khor 'khor te/ gal te bdag sems can re re'i phyir yang / bskal pa de kho nar snyed du 'khor ba na 'khor bar bya dgos par gyur na yang bdag gis spro bar bya'o// rnam grangs 'di bzhin du sems can thams cad kyi don gyi phyir/ phyi ma'i mtha'i mur thug pa de ji srid du 'khor ba na 'khor dgos na yang bdag gis spro ste/ de yang brtson 'grus dang / nga rgyal dang / byang chub la mngon par zhen pa spangs la/ mi dmigs pa'i brtson 'grus kyi go chas spro bar bya'o/ snyam ste/ de ltar byang chub sems dpa' go cha bgos pa de ni/ byang chub sems dpa'i sgo so so ba la spyod pa dang slob pa yin no// rigs kyi bu gzhan yang byang chub sems dpa' gang grong dang / grong khyer dang / grong rdal dang / yul 'khor dang / rgyal po'i pho brang dag tu song na/ sems can rnams kyi don nus shing lcogs la/ 'os yin bzhin du/ de dgon pa'i phyogs dben pa gcig tu 'dug nas/ dben pa na bsam gtan gyi ro'i dga' ba
- 16b
dang / bde ba la brten cing gnas pa de ni byang chub sems dpa'i nyes pa'o// byang chub sems dpa' gang sbyin pa yang sbyin par byed la/ skyo ba yang med/ sems kyi dmigs pa la yang mi rten/ nang du yang dag 'jog kyang 'phel bar byed/ bsam gtan gyi ro myang ba yang med/ mi gnas pa'i bsam gtan pa yang yin na/ byang chub sems dpa' 'di ni/ byang chub sems dpa'i sgo so so ba la spyod pa dang slob pa yin no// rigs kyi bu gzhan yang byang chub sems dpa' gang shes rab kyi pha rol tu phyin pa la spyod pa na/ chos thams cad rang bzhin gyis stong par shes nas 'di la bdag gam/ sems can nam/ srog gam/ gang zag gang yang med do snyam du de ltar shes na/ bdag nyid dul bar bya ba dang / zhi gnas la rnal 'byor du brtson par gnas la/ sems can gzhan phyin ci log tu dmigs pa'i 'dzin 'khris zir ba de dag la/ stong pa nyid bdag med pa'i tshul de mi rjod mi ston/ brda sprod par mi byed pa ni/ byang chub sems dpa' de'i thabs la mi mkhas pa yin par rig par bya ste/ nyes pa byed pa yang yin no// byang chub sems dpa' gang shes rab kyi pha rol tu phyin pa la spyod pa na/ chos thams cad ngo bo nyid med par shes shing / chos thams cad ngo bo nyid kyis stong par shes nas/ 'di la bdag gam/ sems can nam/ srog gam/ gang zag gang yang med do snyam ste/ de ltar ngo bo nyid kyis stong pa'i chos 'di/ dag lus kyi mngon sum du byas te/ thams cad la mi dmigs pa'i sems dang ldan la/ sems can phyin ci log tu sems shing / dmigs pa can gang yin pa de dag kyang / phyin ci log gis zin cing / dmigs pa'i sems
- 17a
su gyur pa de las rab tu grol bar byas nas/ de dag la yang chos thams cad ngo ba nyid med do// zhes chos ston cing / de dag kyang rgyas thams cad rang bzhin gyis stong ngo zhes bya ba la 'jung par byed pa'i byang chub sems dpa' de ni thabs la mkhas pa yin par rig par bya ste/ byang chub sems dpa'i sgo so so ba la spyod pa dang / slob pa yang yin no// rigs kyi bu de ltar na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od bshos gsol nas/ 'khor gyi khyams der 'khor de'i nang du byang chub sems dpa'i sgo so so ba zhes bya ba'i chos kyi rnam grangs 'di rgyas par bshad do/ / bcom ldan 'das des chos kyi rnam grangs 'di bshad pa na/ sems can tshad med pa dag bla na med pa yang dag par rdzogs pa'i byang chub tu nges par gyur to// rigs kyi bu ngas bskal pa'am bskal papa las lhag par byang chub sems dpa'i sgo so so ba'i chos kyi rnam grangs las brtsams te/ chos bstan du zin kyang / spobs pa'am/ chos kyi sgo rnams zad par mi 'gyur mod kyi/ 'on kyang de'i brtsam pa tsam bstan pa yin no// rigs kyi bu de ltar na rgyal po gser mdog des/ de bzhin gshegs pa de byang chub sems dpa'i dge 'dun dpag tu med pa dang thabs cig tu lo bye ba phrag brgyad bcu rtsa bzhi tham par/ bkod pa de lta bu dang / bsnyen bkur dang / phu dud du bya ba de lta bu// bkur sti byas/ bla mar byas/ rim gros byas/ mchod pa byas so// / bam po gnyis pa/ de nas bcom ldan 'das la byang chub sems dpa'
- 17b
sems dpa' chen po rnam par rtse bas 'di skad ces gsol to/ / btsun pa bcom ldan 'das rgyal po gser mdog des de bzhin gshegs pa de dang / byang chub sems dpa' de dag gis gtsug lag khang ma bgyis lag/ sam/ de bzhin gshegs pa de dang / byang chub sems dpa' de dag gang na bzhugs bzhugs lags de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to/ / rigs kyi bu de bzhin gshegs pa de dang / byang chub sems dpa' de dag gi rang rang gis sprul pa'i khang pa brtsegs pa'i nang na gnas gnas so// de nas bcom ldan 'das kyis/ byang chub sems dpa' sems dpa' chen po rnam par rtse ba la bka' stsal pa/ rigs kyi bu de ltar lo bye ba phrag brgyad cu rtsa bzhi po de dag 'das pa'i tha ma'i nyin par rgyal po gser mdog gis de bzhin gshegs pa de la bshos gsol yon phul te/ slar gshegs par rig nas/ bsam pa 'di lta bu zhig bsams te/ ci bdag gis dge ba'i rtsa ba 'di brgya byin du 'gyur bar yongs su bsngo bar bya'am/ 'on te tshangs par 'gyur ba yongs su bsngo bar bya 'am/ 'on te 'khor los sgyur ba thob par bya ba'i phyir yongs su bsngo bar bya snyam mo// de nas de'i sems bskyed pa/ bcom ldan 'das de bzhin gshegs pa gser bzangs 'od des thug su chud de/ de nas de bzhin gshegs pas rgyal po de'i sems kyi yongs su rtog pa thugs kyis mkhyen nas/ rgyal po dang skye bo'i tshigs mang po de dag gi mdun du steng gi bar snang la/ de bzhin gshegs pa'i sku de kho na bzhin du rnam pa thams
- 18a
cad yongs su rdzogs pa'i lus shig sprul te/ de steng gi bar snang de la 'dug nas rgyal po gser mdog la tshig su bcad pa 'di skad ces smras so// dper na mi ni shes rab 'tshal/ byis pa'i rang bzhin gyur pa zhig/ rgyal po bsnyen bkur byas nas ni// bya dga' chung ngu gsol bar byed// de bzhin la las sangs rgyas la// bsam gyis mi khyab mchod byas nas// tshangs pa brgya byin rgyal po'i srid// dma' ba'i gnas la 'dod par byed// rgyal po gyur dang brgya byin dang // de bzhin tshangs par 'gyur ba rnams// 'di dag mi rtag bstan pa yin// brtan ma yin te 'jig tshul can// srog chags kun la phan pa'i phyir/ / byang chub sems ni bskyed par gyis// sangs rgyas 'jig rten mkhas rnams kyis// de 'dra'i sems ni bsngags pa yin// rgyal po khyod ni yul 'khor bcas// mchod pa rgya chen byas zin gyis// byang chub sems ni bla na med/ / rgya chen sems ni khyod kyis skyed// dma' ba'i smon lam ma 'debs shig/ de ni byis pa'i spyod yul yin// shes rab bzang po mkhas par gyis// byang chub mchog la 'jug par gyis// mya ngan 'das pa 'dod pa'i phyir/ / sangs rgyas de bzhin gshegs rnams la// gang gis stong gsum thams cad kyang // rin chen bkang ste phul ba bas// gang gis thal mo sbyar byas nas// sems kyis byang chub bsngos byas la/ tshig tu brjod pa ma byas kyang / de ni de bas shin tu che// gang gis sems can thams cad la// bskal pa bye ba brjod med du// sems can kun la bsnyen byas kyang // de yi bcu drug char mi phod// gang zhig thal sbyar byang
- 18b
chub sems bskyed dang / / phyogs bcu dag na sems can don mdzad pa// rnam 'dren sangs rgyas gang dag bzhugs rnams la// bsod nams 'dod pa'i mi 'ga' sngon chad kyi// 'khor ba'i bskal pa bye bar mchod pa bas// mi gang mkhas shing mdzangs pa'i rang bzhin can// bde bar gshegs pa'i bstan la yid ches shing // byang chub sems ni brtan por bskyed nas kyang // bde gshegs mchod rten la ni me tog 'bul// 'di ni de bas bsod nams/ khyad par brjod// byang chub sems kyis me tog 'bul byed la// bsod nams snga ma de yi dper mi rung // rgya mtsho dang ni chu yi thigs pa bzhin// sangs rgyas zhing 'dir sems can ji snyed pa// bskal pa re re la ni sangs rgyas gyur/ / bskal pa mang por las gzhan mi byed par// bsod nams bshad kyang mtha' ni thug pa med// de dag byang chub sems kyi rnam smin bstan// bskal pa mtha' yas bar du bshad na yang // cung zad tsam yang yongs su brjod mi 'gyur/ / sa gzhi dag las rdul ni blangs pa bzhin// de ltar rgyal po skyes mchog khyod kyis kyang // byang chub sems kyi phan yon 'di thos nas// myur du blo gros dma' ba kun spongs la// byang chub phyir ni rgya chen sems skyed cig/ 'jig rten 'dren pa gser gyi mchod sdong 'od// bsam gyis mi khyab yon tan kun ldan pa// de yis byang chub sems kyi rnam par smin// 'di 'dra zhes ni phan yon 'di dag bstan// byang chub sems kyi rnam smin bstan pa yi// bsod nams de la gal te gzugs yod na// zhing rnams gang+gA'i bye snyed gang byas kyang // de dag bkang bas cha tsam zad pa med// rjes su bstan pa 'di 'dra thos nas kyang //
- 19a
rgyal po gtso bo'i sems ni dga' gyur te// sor mo bcu yi thal mo sbyar byas nas// sangs rgyas phyag 'tshal zhes ni tshig tu smras// byang chub phyir ni bdag gis sems bskyed de// bdag ni chos rje sangs rgyas grub par shog/ byang chub rdul bral 'dus ma byas rtogs nas// sems can gang+gA'i bye snyed dgrol bar bgyi// sangs rgyas sku des tshig bcad 'di brjod nas// de tshe rgyal po'i gtso bo dga' gyur pa// shes nas stong gsum thams cad rab g.yos te// ngang pa'i rgyal po bzhin du mkha' las song // rgyal po gser mdog sems ni ngad gyur nas// bu dang bu mo de bzhin chung ma dang // rgyal po dang ni tshong dpon khyim bar rnams/ / sangs rgyas la ni phyag 'tshal 'dong zhes bos// bye ba brgya phrag drug cus yongs bskor cing // me tog rnams dang phreng dang bdug pa thogs// sangs rgyas ga la bar ni gnyis rgyud song // zhabs la phyag 'tsha nas ni phyogs gcig 'dug/ de bzhin bu dang bu mo chung ma dang // blon po dang ni tshong dpon khyim bdag dang // rgyal po gzhan dang de bzhin 'khor gyi rnams// de dag kyang ni phyag 'tshal gus par 'khod// lha rnams kyis kyang de bzhin par snang khyab/ / sil snyan dkrol zhing me tog char pa phab// gser gyi mdog de yul gyi mis bskor nas// thal mo sbyar byas sangs rgyas zhu bar byed// stobs bcu ldan pa dpag med lha yi lha// mi 'dul la lo bsgyur ba khyod la zhu/ / gang gis byang chub sems ni brtan por bskyed// de yi bsod nams ji tsam skyed 'gyur lags// bcom ldan ji ltar spyod pa spyad bgyis na// bskal pa mang por sdug bsngal mi mthong bar//
- 19b
nges par bde dang bde blag tshim gyur pas// byang chub bdud rtsi mya ngan med par rtogs// bdag gzhar rkang lag btang yang mi 'tshal zhing // mgo dang rang sha rtsal yang mi 'tshal bar// bdag ni nges par bder gnas spyod pa yi/ / thabs 'dir thub pas bdag la bstan du gsol// rtag tu bde dang bde blag ldan par shog/ nams kyang bdag lus sdug bsngal ma gyur cig/ byams dang bzod dang dul dang sdom pa la// gnas nas bdag gis byang chub mchog reg shog/ le lo ma mchis rtag tu bslab la slob// bdag gis bslab pa rnams kyang gzhig mi bgyis// 'dren pa bdag gis dam bcas brtan par bgyi// nams kyang tshigs tsam lhur len yongs ma bgyid/ / rang byung bsod nams 'bras bu bdag la gsungs// de bzhin gshegs pa theg pa bde bas gsungs// ji ltar spyad pa'i bslab pa bka' stsa la gsol// thos nas ji ltar bstan bzhin gnas par bgyi// gser 'od gser bkod 'od bzangs des gsungs pa// kye kye sa yi bdag po mnyan par gyis// bde ba'i rgyu yi bsod nams khyod la bshad// bslab pa'ang bshad kyis de phyir nga las nyon// gang gis stong gsum rin chen gang byas la/ / stobs bcu mnga' ba rnams la 'bul byed pa// de bas byang chub tu ni smon byed pa// bsod nams shin tu mang po 'phel bar 'gyur// gang gis zhing rnams gang+gA'i bye ma snyed// rin chen gang bar byas nas sbyin par byin/ / de bas byang chub tu ni smon byed pa// bsod nams shin tu mang po 'phel bar 'gyur// gang gis bskal pa bye ba khrag khrig tu// sems can thams cad la ni mchod pa byed// de bas byang chub tu
- 20a
ni smon byed pa/ / bsod nams shin tu mang po 'phel bar 'gyur// gal te sems can thams cad dgra bcom gyur// ye shes dbang thob gyur pa de dag la// bsod nams 'dod pa'i gang zag la la zhig/ bskal pa khrag khrig bar du mchod pa byed// gang gis snying rje bskyed nas byang chub tu// rgya chen sems ni skyed par byed gyur te// sems can la la gang gis byang chub tu// sems kyi gtso bo bskyed pa byas nas kyang / / gom pa bdun ni bor ba'i bsod nams 'di// de bas khyad par 'phags par 'gyur ba yin// gal te sems can mtha' dag sangs rgyas te// spobs pa mtha' yas ldan pa nyid gyur la// ji ltar sngon gyi 'khor ba'i bskal pa'i bar/ / sems can gcig pus mchod pa byas pa dang // mkhas pa'i ma ni gang yang rung ba yis// byang chub mchog tu sems ni bskyed nas kyang // me tog gcig pu phul ba'i bsod nams 'di/ / de bas khyad par 'phags par 'gyur ba yin// bskal pa bye ba khrag khrig mang por ni// bsod nams de yi bshad pa brtsams byas kyang // bsod nams 'bras bu de yi bshad pa ni// nams kyang zad pabar 'gyur ba ma yin no/ / rigs kyi bu 'di ltar bcom ldan 'das de bzhin gshegs pa gser bzangs 'od des rgyal po gser mdog de la 'di skad ces bka' stsal to// rgyal po chen po chos gcig dang ldan na/ byang chub sems dpa' sems dpa' chen po myur du theg pa bde bas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur la/ sdug bsngal ba dang / yid mi bde bar yang mi 'gyur ro// chos
- 20b
gcig po gang zhe na/ 'di lta ste/ bag yod pa ste/ rgyal po chen po byang chub sems dpa' bag yod pa ni// myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de la bag yod pa gang zhe na/ 'di lta ste/ bslab pa yongs su mi gtong ba dang / dam bcas pa las mi nyams pa dang / sems can thams cad la byams pas gnas pa dang / sems can thams cad yongs su mi gtong ba dang / byang chub la 'dun pa brtan pa dang / brtson 'grus mi gtong ba dang / dge ba'i shes gnyen rnams la sten cing bsnyen bkur byed pa dang / chos la gus pa dang / thos pa mang pos chog mi shes pa dang / gzhan dag la chos kyi bgo bsha' byed pa dang / zang zing med par chos ston pa dang / spangs pa'i yon tan dang / yo byad sbyangs pa rnams mi gtong ba dang / 'dod pa nyung ba dang / chog shes pa dang / nga rgyal bcom pa dang / chos nyan pal rna ba blags te nyan pa dang / bla ma la gus pa dang / bzod pa la gnas pa dang / gnod sems kyi tha ba'i nyes pa rnam par spangs pa dang / zab mo stong pa nyid kyis chos la mos pa dang / dmigs par lta ba thams cad rnam par spangs pa dang / nang du yang dag 'jog la 'dun pa drag po dang ldan pa dang / sems can yongs su smin par bya ba la mi g.yel ba dang / 'du shes zlog pa dang / bre mo'i gtam rnam par spong ba dang / lus dang / sems dben par gnas pa dang / dgon par gnas pa dang / sems mnyen pa dang / tshul khrims mchog tu mi 'dzin pa dang / bdag la mi bstod pa dang / gzhan la mi smod pa dang / 'gyod pa thams cad las nges
- 21a
par 'byung bar byed pa dang / sngon par 'byung ba dang / dge sbyong gi tshul la rgyun du dga' bdangag / gsong por smra ba dang / bzhin khro gnyer med pa dang / chos thams cad skye ba med pa dang / 'gag pa med pa la 'dzud pa dang / chos thams cad nam mkha' dang 'dra bar rtogs pa 'di ni byang chub sems dpa'i bag yod pa zhes bya'o// rgyal po chen po gzhan yang byang chub sems dpa'i bag yod pa ni 'di lta ste/ nyan thos dang / rang sangs rgyas kyi sems dang / dmigs par lta ba'i sems tha na rmi lam du yang yid la mi byed pa ste/ rgyal po chen po 'di ni byang chub sems dpa'i bag yod pa'o// rgyal po chen po chos bzhi dang ldan pa'i byang chub sems dpa' ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mgo bo dang / rkang lag dang / mig dang / yan lag dang / sha dang / khrag dang / rus pa dang / rkang dang / tshil dang / mdog dang / pags pa dang / lus thams cad yongs su gtong ba yang yongs su btang mi dgos par/ bdog pa thams cad yongs su gtong bar yang 'gyur la/ theg pa bde bas kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bzhi gang zhe na/ rgyal po chen po 'di la byang chub sems dpa' ni dge ba'i chos yongs su 'tshal ba yid ma brtan pa yin te/ de ni dge ba'i rtsa ba gang ci bskyed kyang rung ste/ de la brtan por gnas shing / zhum pa med pa'i sems dang ldan la/ theg po chen pa la shin tu brtan no// rgyal po chen po gzhan yang byang chub sems dpa' ni tshul khrims kyi
- 21b
phung po shin tu yongs su dag pa/ 'phags pa dang mkhas pas bsngags pa/ bla na med pa yang dag par rdzogs pa'i byang chub kyis yongs su zin pa dang ldan pa yin te/ des ni bdag nyid tshul khrims la gnas par rig nas chos kyi dga' ba nyams su myong / rgyal po chen po gzhan yang byang chub sems dpa' ni byams pas gnas pa dang / bsam gtan la bsam gtan pa dang / mi gnas pa'i bsam gtan pa yin te/ rgyal po chen po byang chub sems dpa' ting nge 'dzin la gnas shing / mi gnas pa yid la byed pa dang / sems can thams cad la snyoms pa'i sems dang ldan pa'i bde bar gnas pa ci 'dra ba de lta bu'i bde ba'i rnam pa gzhan med do// rgyal po chen po gzhan yang byang chub sems dpa' ni/ ji lta ba bzhin du chos la rtog pa yin te/ de ni 'di ltar ji lta ba bzhin du yongs su rtog ste/ 'du byed kyi rnam pa 'di dag thams cad ni stong pa ste/ 'di la bdag gam/ sems can nam/ srog gam/ gang zag gam/ yongs su gtong ba gang yin pa 'am/ yongs su btang ba gang yin pa 'am/ len pa gang yin pa 'am/ bzod par byed pa gang yin pa 'am/ gang la bzod par bya ba 'am/ bzod par bya ba gang yin pa'am/ rtsom pa gang yin pa'am/ gang gi phyir rtsom pa'am/ bsam gtan byed pa gang yin pa 'am/ bsam gtan du bya ba gang yin pa'am/ sgom par byed pa gang yin pa'am/ bsgom par bya ba gang yin pa gang yang med do snyam mo// de de ltar ji lta ba bzhin du rtog pa na/ 'dus byas kyi chos thams cad rang bzhin gyis stong par rig nas/ dmigs par lta ba gang
- 22a
la yang mngon par zhen pa med la/ bde bar yang gnas te/ rgyal po chen po chos bzhi po de dag dang ldan pa'i byang chub sems dpa' sems dpa' chen po ni bde ba thams cad dang ldan par myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / rigs kyi bu de ltar rgyal po gser mdog des bye ba khrag khrig 'bum phrag dgu bcu rtsa dgu ri ba'i gos kyi sbyin pa de bzhin gshegs pa de la phul nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de la 'di skad ces gsol to// bcom ldan 'das sems can thams cad la glo brje ba'i slad du bdag gis bla na med pa yang dag par rdzogs pa'i byang chub tu sems bskyed do// zhes gsol nas/ de'i tshe tshigs su bcad pa 'di dag gsol to/ / bdag ni zhum pa ma mchis sems kyis su// mi mchog spyan sngar tshig 'dis gsol bar bgyi// sems can kun la snying rje bskyed nas kyang // 'dren pa sem ni byang chub gzhol bar bgyi/ / bdag la nams kyang g.yo sgyu ma mchis te// stobs bcu ldan pas bdag gi bsam par mkhyen// yon tan mnga' ba grags chen 'drang ni// lha mi gzhan la bdag gi dbang ma mchis/ / bdag ni sdug rnams skyabs dang skyob pa dang // dpung gnyen gyur te sdug bsngal chos rnams dgrol// khyu mchog bdag nyid bde la gnas nas kyang // srog chags
- 22b
rnams ni bdag gis bde la dgod/ / 'dren pa bde gshegs gsungs pa'i chos gang dag/ de la bdag ni spyad phyir gnas par bgyi// 'dren pa ji ltar khyod ni lha mis mchod// de ltar bdag kyang mi rnams mchod rten shog/ byang chub thams cad mchog ni tshol bgyid cing // bskal pa mang por sbyin pa sbyin par bgyi// zas skom gos dang shing rta bzhon pa dang // gser dngul rin chen du ma'i sbyin pa bgyi/ / 'dren pa bdag ni bslab la gus par bgyi// de ni ji bzhin yongs su bsrung bar bgyi// nyams par mi bgyi gang la'ang gnas mi bgyi// 'dren pa bdag ni tshul khrims dag par bgyid/ sems can kun la snyoms pa'i bsam pa yis// srog chags rnams la byams pa'i sems su bgyi// bkur sti bgyis dang bkur sti ma bgyis pa// mtho bar 'gyur dang dma' bar 'gyur ma mchis/ / bskal pa bye ba mang po bsam yas par// bdag ni ji srid sngon chad 'khor bar gyur// mi dpa' khyod la rten nas ji srid du// sems can gcig gi phyir yang spro bar bgyi// lha mi'i 'dren pa bde gshegs gsungs pa yi/ / bsam gtan bde ba de la gnas par bgyis// 'dren pa bsam gtan bde la reg gnas shing // rtag tu dgon pa'i gnas su gnas par bgyis// bdag ni stong pa nyid la nges par bgyi/ / lta ba la ni rten pa yod mi bgyi// dma' ba'i spyod pa rtag tu rnam par sdang // mchog gi spyod pa dri med spad par bgyi// rigs kyi bu de ltar rgyal po gser mdog gis
- 23a
bla na med pa yang dag par rdzogs pa'i byang chub tu sems bskyed pa thag pa de'i mod la/ stong gsum gyi stong chen po'i 'jig rten gyi khams 'di rnam pa drug tu rab tu g.yos so// rgyal po brgyad khri ba ni stong po de dag gis kyang bla na med pa yang dag par rdzogs pa'i byang chub tu sems bskyed do// khyim bdag brgyad khri bzhi stong po de dag dang / tshong dpon brgyad khri bzhi stong po de dag dang / bu dang bu mo dang / chung ma de dag dang / gzhan skye bo'i tshogs chen po de dag dang / lha'i bu brgyad khri bzhi stong rnams rgyal po gser mdog de'i rjes su slob cing / thams cad kyis bla na med pa yang dag par rdzogs pa'i byang chub tu sems bskyed do/ / rigs kyi bu 'di ltar rgyal po gser mdog des/ bu thu bo rgyal por bcug go// bcug nas kyang bu rnams dang / bu mo rnams dang / chung ma rnams dang / tshong dpon dang / khyim bdag dang / blon po dang / rgyal phran rnams dang lhan cig tu srog chags bye bas bskor te/ dad pas khyim nas khyim med par rab tu byung ngo // de dag de ltar rab tu byung nas/ lo khri'i bar du tshangs par spyod pa yongs su dag pa/ yongs su byang ba spyad do// rgyal po gser mdog gis kyang / mngon par shes pa bsgrubs nas/ mang du thos pa'i mthar phyin par gyur to// byabs pa'i ting nge 'dzin kyang bsgrubs so/ / de dge ba'i rtsa ba de dang / lhag pa'i bsam pa la yang dag par zhugs pa des 'khor lo sgyur ba'i rgyal por gyur pas/ sangs rgyas nyi khri mnyes par byas te/
- 23b
sangs rgyas bcom ldan 'das de dag thams cad la yang / na bza' dang / zhal zas dang / gzims cha dang / gdan dang / snyun gyi gsos sman dang / yo byad kyis bsnyen bkur byas/ bla mar byas nas/ sangs rgyas bcom ldan 'das de dag thams cad kyi thad du/ dad pas khyim nas khyim med par rab tu byung ngo // rigs kyi bu de'i tshe de'i dus na/ rgyal po gser mdog tu gyur pa de/ gzhan zhig yin pa snyam du khyod som nyi 'am/ yid gnyis sam/ the tshom zan/ rigs kyi bu khyod kyis de ltar mi blta'o// de ci'i phyir zhe na/ byang chub sems dpa' sems dpa' chen po byams pa 'di/ de'i tshe de'i dus na/ rgyal po gser mdog tu gyur to// rigs kyi bu de'i tshe de'i dus na/ tshangs par gyur pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de la mchod pa'i las la brtson par gyur pa gang yin pa de gzhan zhig yin pa snyam du khyod som nyi 'am/ yid gnyis sam/ the tshom za na/ rigs kyi bu khyod kyis de ltar mi blta'o// de ci'i phyir zhe na/ rnam par rtse ba khyod nyid de'i tshe de'i dus na tshangs par gyur to// rigs kyi bu de'i tshe de'i dus na/ lha'i dbang po brgya byin/ bcom ldan 'das gser bzangs 'od la bsnyen bkur dang rim gro byed par spro bar gyur pa gang yin pa de gzhan zhig yin pa snyam du khyod som nyi'am/ yid gnyis sam/ the tsom za na/ rigs kyi bu khyod kyis de ltar mi blta'o// de ci'i phyir zhe na/ nga nyid de'i tshe de'i dus na/
- 24a
lha'i dbang po brgya byin du gyur te/ byang chub tu sems ma bskyed par mi gnas pa'i sems kyis/ de bzhin gshegs pa de la bsnyen bkur byas so// rigs kyi bu de'i tshe de'i dus na/ sems can ji snyed kyis rgyal po gser mdog dang lhan cig tu bla na med pa yang dag par rdzogs pa'i byang chub tu sems bskyed pa de dag gi nang na/ tha na sems can gcig kyang bla na med pa yang dag par rdzogs pa'i byang chub las phyir ldog pa ngas ma mthong ste/ de dag thams cad ni shes rab che ba dang / brtson 'grus che ba sha stag ste/ byang chub kyi phyogs kyi chos rnams yang dag par bsgrubs shing / pha rol tu phyin pa drug yongs su rdzogs par byas nas/ sangs rgyas kyi zhing tha dad pa dag tu mtshan tha dad pa'i de bzhin gshegs par gyur te/ 'jig rten du byung nas thams cad kyis chos kyi 'khor lo bskor te/ chos kyi 'khor lo bskor nas/ yongs su mya ngan las 'das so// de bzhin gsheg pa dgra bcom pa yang dag par rdzogs pa'i sangs rgyas de dag thams cad kyang / nga dang khyod dang byang chub sems dpa' byams pa dang / 'khor 'dir byang chub sems dpa' sems dpa' chen po 'dus pa gang yin pa 'di dag gis kyang mthong ngo // mchod pa byas so// bsnyen bkur byas so// de bzhin gshegs pa de dag gi dam pa'i chos kyang gzung ngo // de nas bcom ldan 'das la byang chub sems dpa' sems dpa' chen po rnam par rtse bas 'di skad ces gsol to// bcom
- 24b
ldan 'das bla na med pa yang dag par rdzogs pa'i byang chub de tsam du yun ring du thogs pa dang / bla na med pa yang dag par rdzogs pa'i byang chub tu sems bskyed pa yang de tsam du dka' ba ni ngo mtshar lag so/ / de ci'i slad du zhe na/ der srog chags bye ba khrag khrig 'bum phrag de snyed kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de'i gsung rab la/ bla na med pa yang dag par rdzogs pa'i byang chub tu sems bskyed la/ bcom ldan 'das kyis ni ma bskyed pa'i slad du'o// de skad ces gsol nas/ bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to/ / rigs kyi bu de ni de bzhin te/ khyod ji skad zer ba bzhin du/ bla na med pa yang dag pa rdzogs pa'i byang chub 'di ni yun ring du thogs so/ / bla na med pa yang dag par rdzogs pa'i byang chub tu sems bskyed pa yang dka'o// rigs kyi bu ngas mngon par shes te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de'i sngon rol dang / de'i 'og tu yang sangs rgyas mang po bye ba khrag khrig phrag 'bum dag la ngas ri mo byas/ mchod pa byas/ bkur sti byas/ bla mar byas mod kyi/ de srid du ngas bla na med pa yang dag par rdzogs pa'i byang chub tu sems ma bskyed de/ gzhan du na nga 'di snyam du sems te/ sangs rgyas bcom ldan
- 25a
'das 'di dag de tsam du mdzes shing / de tsam du blta na sdug la/ de tsam du snying du sdug pa ni ngo mtshar to snyam ste/ de dag la nga'i sdug pa'i sems dang / dga' ba dang gus pa skyes par zad de/ ngas bla na med pa yang dag par rdzogs pa'i byang chub tu nam yang sems ma bskyed do// rigs kyi bu de bas na rnam grangs 'dis khyod kyis 'di ltar rig par bya ste/ sangs rgyas bye ba khrag khrig 'bum phrag dpag tu med grangs med pa dag dang / rang sangs rgyas bye ba khrag khrig 'bum phrag dpag tu med grangs med pa dag dang / nyan thos bye ba khrag khrig 'bum phrag dpag tu med grangs med pa dag la/ byang chub sems dpa' rnams kyis ji ltar mchod pa byas su zin kyang de srid du yang / de dag bla na med pa yang dag par rdzogs pa'i byang chub tu sems mi bskyed de/ gzhan du na phyis gang gi tshe dge ba'i rtsa ba yongs su 'dus par gyur pa de'i 'og tu bla na med pa yang dag par rdzogs pa'i byang chub tu sems bskyed par zad do/ / de nas bcom ldan 'das kyis de'i tshe tshigs su bcad pa 'di dag bka' stsal to/ / dang por ngan ngon dam gzigs pa ni/ grags pa chen po shes rab pha rol son// mi mchog sangs rgyas bye ba khrag khrig dang // bsam yas rnams la gus pas mchod pa byed/ dang por yon tan 'byung gnas rnams mchod kyang // bdag ni mkhas pa chos kun shes pa'i mchog/ 'jig rten mchod rten sangs rgyas gyur cig ces// de srid du yang sems ni skyed mi byed// de dag rang
- 25b
rgyal bye ba snyed la yang / / gus pa bskyed nas mchod pa byed mod kyi/ mi 'dul kha lo sgyur ba rdzogs sangs rgyas// gyur ces sems ni de srid skyed mi byed// gus pa rgya chen yang dag bskyed nas kyang / / dbang du gyur pa bye snyed mchod mod kyi// ye shes rgya mtsho mi mchog 'dra bar ni// de srid du yang sems ni skyed mi byed// don dam gzigs pa rnams kyi gzugs mthong nas// dga' ba'i shugs ni rgya chen bsam mi khyab// mkhas pa mi 'dul rdzogs pa'i sangs rgyas su// gyur ces sems ni de srid skyed mi byed// gang tshe de dag bsod nams rgya chen bsags// lus dang yid kyis bden pa bsgoms pa na/ / 'dren pa mi rnams mchog tu gyur cig ces// byang chub don du sems ni bskyed par byed// de dag gis ni bskal pa bye ba snyed// bsnyen bskur byas pas bsod/ nams tshogs bsags nas// sems dge ba dang 'jam zhing mnyen pa yis// de tshe byang chub tu yang sems bskyed de// bdag gis dge ba'i rtsa ba gang bsags pa// de ni bdag kyang thams cad gzigs gyur cig/ nams kyang bdag gi smon lam nyams ma 'gyur// de dag de skad smon lam 'jug par 'gyur// bdag gis dge ba'i rtsa ba gang bsags pa// des na srogs chags thams cad rgal gyur cig/ mi dge'i las ni bdag gis gang byas pa// de yi 'bras bu mi bzod bdag gis spangs// mthu dang brtson 'grus brtan po bskyed nas ni// phyi nas byang chub mchog tu sems kyang bskyed// /
- 26a
sems ni nam yang zhum par ma gyur cig/ dga' ba rgya chen bas ma yas thob gyur cig/ mkhas pa sems la dmigs par mi byed de// byang chub mi dmigs bdag nyid kun mi dmigs/ / chos 'di mtha' dag stong par shes na ni// des na byang chub sems ni brjed mi 'gyur// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to/ / bcom ldan 'das ci'i slad du/ byang chub sems dpa' sems dpa' chen po byams pa la byams pa zhes bgyi// byang chub sems dpa' sems dpa' chen po byams pa 'dis ming 'di ga la rnyed lags/ / de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to/ / rigs kyi bu sngon byung ba 'das pa'i dus na/ bskal pa grangs med pa bas kyang / ches grangs med pa yun ring po tshad med pa 'das pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ na med pa/ lha dang mi rnams kyi ston pa/ sangs rgyas bcom ldan 'das rin chen gdugs zhes bya ba 'jig rten du byung ste/ rigs kyi bu de bzhin gshegs pa rin chen gdugs de btsas ma thag tu gom
- 26b
pa bdun bor ba na/ gnas gtsang ma'i ris kyi lha rnams kyis/ steng gi bar spang la rin rjen sna bdun gyi gdugs bzung ngo // rin po che'i gdugs des kyang stong gsum gyi stong chen po'i 'jig rten gyi khams thams cad snang bar byas so/ / der lha rnams kyis/ kye ma 'di ni de bzhin gshegs pa rin chen gdugs zhes bya bar 'gyur ro zhes sgra bsgrags te/ des na de bzhin gshegs pa de'i mtshan rin chen gdugs rin chen gdugs zhes bya bar gyur to/ / de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen gdug de'i gsung rab la/ dge slong blo gros brtan po zhes bya ba/ tshong dpon gyi rigs pas rab tu byung ba zhig yod de/ rigs kyi bu dge slong blo gros brtan po de bsod snyoms par gyur to// de'i tshe de'i dus na/ de bzhin gshegs pa rin cheran gdugs de'i bstar ba la bab pa na 'dzam bu'i gling de na/ grong brgyad khri bzhi stong yod do// grong khyer brgyad khri bani stong yod do// grong rdal brgya khri bzhi stong yod do/ / yul 'khor brgyad khri bzhi stong yod do// tshe 'dus brgyad khri bzhi stong yod do// dge slong blo gros brtan po de yang grong dang / grong khyer dang / grong rdal dang / yul 'khor dang tshong dus de dag thams cad du bsod snyoms kyi phyir rgyu bar gyur la/ de 'di snya pa du sems te/ nam srog chags brgya tshang bar bslab pa'i gzhi lnga la ma bkod kyi bar du bdag gis gzan mi bza'o//
- 27a
snyam mo// rigs kyi bu 'di ltar dge slong blo gros brtan po des de lta ba'i yid ma de bcas nas/ grong ngam grong khyer ram/ grong rdal lam/ yul 'khor ram/ tshong dus gang dang gang du bsol snyoms kyi phyir rgyu ba de dang der srog chags brgya tshang bar bslab pa'i gzhi lnga la ma bkod kyi bar du gzan mi bza'o/ / rigs kyi bu dge slong blo gros brtan po des/ gang gi tshe nyi ma gcig gis srog chags brgya bslab pa'i bzhi lnga la bkod pa de'i dus dang de'i skabs kyang yod do/ / gang gi tshe nyi ma gnyis kyis srog chags brgya bslab pa'i gzhi lnga la bkod pa de'i dus dang de'i skabs kyang yod de/ des gzan bcas nas nyi ma gsum pa'i tshe gzan bza'o// gang gi tshe nyi ma gsum gyi srog chags brgya bslab pa'i gzhi lnga la bkod pa de'i dus dang de'i skabs kyang yod do// nyi ma bzhis srog chags brgya tshang bar bslab pa'i gzhi lnga la bkod pa de'i dus dang de'i skabs kyang yod do// rigs kyi bu gang gi tshe nyi ma lnga dang / drug dang / bdun gyis srog chags brgya bslab pa'i gzhi lnga la bkod pa de'i dus dang de'i skabs kyang yod de/ de nag bdun gyi bar du gzan chad kyang sems can rnams la snying rje ba'i phyir sems yongs su mi skyo ste/ zhag brgyad pa'i tshe gzan bza'o// rigs kyi bu rnam grangs de lta bus dge slong blo gros brtan po des/ lo brgyad khri ba ni stong gi bar du yongs su mi skyo ba'i sems kyis grong khyer chen po de dag tu song zhing / grong dang / grong khyer dang /
- 27b
grong rdal dang / yul 'khor dang / tshong dus de dag tu song nas/ sems can de dag bslab pa'i gzhi lnga la bkod do// rigs kyi bu dge slong blo gros brtan po des/ lo brgyad khri bzhi stong po de dag 'das nas srog chags skyes pa dang / bud med dang / khye'u dang / bu mo bye ba khrag khrig 'bum phrag sum cu rtsa drug bslab pa'i gzhi lnga la bkod do// rigs kyi bu 'di ltar dge slong blo gros brtan po de 'di snyam du sems te/ bdag gis sems can mang po 'di dag bslab pa'i gzhi lnga la bkod zin gyis/ bdag gis 'di dag bla ra med pa yang dag par rdzogs pa'i byang chub la gzung gor ma chag go snyam to// de dag gi thad du song nas/ lo bzhi khri nyis stong gi bar du sangs rgyas kyi bsngags pa brjod do// chos kyi bsngags pa brjod do// dge 'dun gyi bsngags pa brjod do// theg pa chen po'i bsngags pa brjod do/ / sems can bslab pa'i gzhi lnga la bkod pa gang yin pa'i sems can de dag gis nang nas/ lo brgyad khri bzhi stong po gzhan 'das nas/ srog chags bye ba phrag gsum du tshang ba/ gang dag sngon gyi sangs rgyas rnams la dge ba'i rtsa bskyed pa/ rgya chen po la mos pa de dag bla na med pa yang dag par rdzogs pa'i byang chub la btsud do// lhag ma dman pa la mos pa rkyen gyi mthun dang ldan pa de dag ni/ rang sangs rgyas kyi byang chub dang / nyan thos kyi theg pa la sems bskyed du bcug go// rigs kyi bu 'di ltar dge slong blo gros brtan po de 'di snyam du sems te/ bdag gis sems can 'di dag theg pa gsum
- 28a
po la mos par byas zin gyis/ bdag gis sems can 'di dag bag yod par gnas par bya ba'i phyir/ ting nge 'dzin la gzud pa bstan to snyam mo// rigs kyi bu de ltar dge slong blo gros brtan po des/ yang lo nyi khri chig stong gi bar du srog chags bye ba khrag khrig 'bum phrag sum cu rtsa drug po de dag la ting nge 'dzin la dmigs pa'i lung phog go// rigs kyi bu dge slong blo gros brtan po des/ srog chags bye ba khrag khrig 'bum phrag sum cu rtsa drug po'i sems can de dag thams cad ci nas byams pa'i ting nge 'dzin sgrub par 'gyur ba de lta de lta bur gdams ngag bstan cing / de lta de lta bur rjes su ston to/ / rigs kyi bu 'di ltar dge slong blo gros brtan po de gang gi tshe grong du 'gro ba de'i tshe/ byams pa'i ting nge 'dzin la snyoms par zhugs te 'gro'o// de byams pa'i ting nge 'dzin la ston/ par zhugs nas/ grong ngam/ grong khyer ram/ grong rdal lam/ yul 'khor ram/ tshong dus su bsod snyoms kyi phyir 'gro ste/ de 'gro ba na de na sems can byams pa la gnas pa gang yin/ pa de dag thams cad dge slong blo gros brtan po de'i rkang pa sgo'i them pa la bzhag pa'i tshe/ byams pa'i ting nge 'dzin la snyoms par zhugs par gyur to// rigs kyi bu lhag pa'i bsam pa dang / dge ba'i rtsa ba la yid ches pa dang / stong pa nyid la mos pa'i khyad par la ltos/ de'i phyir dge slong blo gros brtan po'i rkang pa sgo'i them pa la bzhag pa'i tshe/ sems can de dag thams cad byams pa'i ting
- 28b
'dzin la ji ltar btsud pa bzhin du/ byams pa'i ting nge 'dzin la snyoms par zhugs so// de nas de'i tshe dge slong blo gros brtan po de'i byams pa'i ting nge 'dzin gyi rnam par 'phrul pa de lta bu mthong nas/ sa p+pa'i lha rnams kyis/ a la la byang chub sems dpa' sems dpa' chen po 'di ni byams par 'gyur te/ 'di ltar 'di grong dang / grong khyer dang / grong rdal dang / yul 'khor dang tshong dus su 'gro ba na sems can rnams byams pa'i ting nge 'dzin la snyoms par 'jug pa'i phyir ro zhes sgra sgrogs shing skad 'byin par byed do/ / sa bla'i lha rnams kyi sgra thos nas/ bar snang gi lha rnams kyis sgra sgrogs shing skad phyung ngo / / de dag gis sgra thos nas/ rgyal chen bzhi'i ris kyi lha rnams dang / sum cu rtsa gsum pa'i lha rnams dang / 'thab bral dang / dga' ldan dang // 'phrul dga' dang / gzhan 'phrul dbang byed kyi lha rnams nas/ gnas gtsang ma'i lha rnams kyi bar gcig nas gcig tu sgra thos nas/ a la la byang chub sems dpa' sems dpa' chen po 'di ni byams par 'gyur te/ 'di ltar 'di grong dang / grong khyer dang / grong rdal dang / yul 'khor dang / tshong dus su song ba dang / sems can rnams byams pa'i ting nge 'dzin la snyoms par zhugs pa'i phyir ro/ / zhes sgra bsgrags shing skad phyung ngo // de'i ming de la yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
- 29a
rin chen gdugs des rjes su yi rang bar mdzad de/ 'di skad du byang chub sems dpa' dge slong blo gro brtan po 'di ni srid par 'gro ba'i 'chi 'pho dang skye ba thams cad du byang chub sems dpa' sems dpa' chen po byams pa zhes bya bar 'gyur te/ mngon par grags par 'gyur ro// byang chub thob pa'i tshe yang 'di'i ming de nyid du 'gyur te/ 'jig rten du nyan thos kyi dge 'dun dpag tu med pa dang / rin po che bkod pa'i sangs rgyas kyi zhing gi bde ba thams cad dang ldan pa'i sems cad rnams 'dus pa'i nang du/ de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'gyur ro zhes lung bstan to/ / rigs kyi bu de'i tshe de'i dus na/ dge slong blo gros brtan po zhes bya bar gyur pa de gzhan zhig yin snyam du khyod som nyi 'am/ yid gnyis sam/ the tsom za srid de/ de tshun chad tshe rabs thams cad du/ ming 'di lta ste/ byams pa zhes bya ba 'ba' shig tu 'gyur ro// byang chub thob pa'i tshe yang 'di'i ming 'di lta ste/ de bzhin gshegs pa dgra bcom pa yang dag par rdzogs pa'i sangs rgyas byams pa zhes bya ba de kho nar 'gyur te/ rigs kyi bu rgyu ni yin/ rkyen ni de yi te/ des na byang chub sems dpa' sems dpa' chen po byams pa la/ byams pa byams pa zhes bya'o// de nas bcom ldan 'das kyis/ byang
- 29b
chub sems dpa' sems dpa' chen po byams pa'i sngon byung ba 'di bshad ma thag pa de'i mod la/ stong gsum gyi stong chen po'i 'jig rten gyi khams 'di rnam pa drug tu g.yos so// steng gi bar snang la yang lha'i glu dbyangs grag go// me tog gi char yang bab bo// de nas de'i tshe rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / gzhan yang lha'i bu 'bum phrag du ma dag gis/ lha'i me tog man+dA ra ba dag khyer nas/ byang chub sems dpa' sems dpa' chen po byams pa ga la ba der gtor tshig 'di skad du/ kye ma byang chub sems dpa' sems dpa' chen po byams pa 'di ni skye bo mang po la phan pa'i phyir zhugs te/ skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / phan pa dang / bde ba'i phyir go cha chen po bgos te/ 'di ltar thams cad mkhyen pa nyid ma thob par yang sems can bye ba khrag khrig 'bum de snyed kyi don byas pa'i phyir ro/ / sems can gang dag byang chub sems dpa' sems dpa' chen po byams pa'i ming tsam thos pa de dag kyang rnyed pa'i mchog legs par rnyed pa yin na/ sha'i mig gis mngon sum du mthong nas/ dga' ba thob pa de dag lta ci smos/ btsun pa bcom ldan 'das byang chub sems dpa' sems dpa' chen
- 30a
po byams pa la bdag cag phyag 'tshal lo zhes smras so/ / de nas lha'i bu de dag gis tshig de skad ces smras ma thag pa de'i mod la/ skye bo'i tshogs chen po dang bcas/ lha dang mi dang / lha ma yin du bcas pa'i 'ji rten gyis/ tshig mthun pa'i tshig 'di skad du/ byang chub sems dpa' sems dpa' chen po byams pa la phyag 'tshal lo/ / byang chub sems dpa' sems dpa' chen po byams pa la phyag 'tshal lo zhes smras so// chos kyi rnam grangs 'di bstan pa na/ srog chags khri nyis stong chos rnams la chos kyi mig rdul med cing dri ma dang bral ba rnam par dag go/ / dge slong lnga stong ni len pa med par zag pa rnams las sems rnams par grol lo// srog chags stong phrag du ma ni dge ba'i rtsa ba yongs su smin par gyur te/ de dag kyang de bzhin gshegs pa dgra bcom pa yang dag par rdzogs pa'i sangs rgyas byams pa'i 'khor 'dus pa gnyis pa la dgra bcom pa mngon sum du byed par 'gyur ro zhes de dag kyang bcom ldan 'das kyis lung bstan to/ / de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das chos
- 30b
kyi rnam grangs 'di'i ming ci lags/ 'di ji ltar gzung bar bgyi/ de skad ces gsol ba dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo de'i phyir khyod kyis chos kyi rnam grangs 'di'i ming byams pa'i dang po sems bskyed pa zhes bya bar zung shig/ byang chub sems dpa' rnam par rtse bas zhus pa zhes bya bar yang zung shig/ byang chub sems dpa' lung bstan pa zhes bya bar zung shig/ de bzhin gshegs pa'i phyag rgya bstan pa zhes bya bar yang zung shig/ byang chub sems dngapa gi/ sgo so so zhes bya bar zung shig/ kun dga' bo chos kyi rnam grangs 'di gzung ba'i phyir dang / gzhan dag la yang rgyas par yang dag bstan par bya ba'i bar gyi phyir khyod la gtad do// kun dga' bo rigs kyi bu'am/ rigs kyi bu mo gang gis stong gsum gyi stong chen po'i 'jig rten gyi khams 'di rin po che sna bdun gyis gang bar byas te/ de bzhin gshegs pa rnams la phul ba bas ni/ gang gis byang chub sems dpa' sems dpa' chen po byams pa'i dang po 'jug pa 'di thos nas/ sems kyi rgyud byang chub tu gzhol ba dang / byang chub tu smon pas mos par byed dam/ 'dzin tam/ 'chang ngam/ kun chub par byed dam/ sgom mam/ gzhan dag la rgyas par yang dag par ston par byed na/ 'di ni de bas ches bsod nams
- 31a
mang du bskyed par 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// mi lus thob pa rnyed par dka' sangs rgyas 'byung ba'ang rnyed par dka'/ / sangs rgyas dad pa rnyed par dka'// byang chub sems kyang rnyed par dka'// gnas skabs bzhi po 'di dag ni// bskal pa bye bar rnyed dka' ste/ / de phyir thob nas ma spangs shig/ mthu rtsal dag kyang chung ma gzon// mi lus thob pa rnyed pa dang // sangs rgyas 'byung ba rnyed pa dang // sangs rgyas dad pa'ang snyed pa dang byang chub sems ni skyed gyur na/ / de phyir brtson 'grus bskyed nas kyang // rtag tu bag ni yod par gyis// drang srong chen po de dag gis// bag yod pas ni byang chub brnyes// sangs rgyas chos rnams thams cad kyi// rtsa ba'i sgo dang tshul gyi lam// bag yod pa dang brtson 'grus yin// mkhas pa rnams kyang 'di la slob// bcom ldan 'das kyis de skad ces bka' stsal nas/ byang chub sems dpa' rnam par rtse ba dang / byang chub sems dpa' byams pa dang / thams cad ldan pa'i 'khor de dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa byams pa 'jug pa zhes bya ba theg pa chen po'i mdo rdzogs so//
- 31b
// rgya gar gyi mkhan po pra dzA thar ma dang / dzin mi tra dang / swa ren dra po d+ha dang / zhwa chen gyi lo tsha ba ban d+he ye shes sde la sogs pas bsgyur cib nus te gtan la phab pa/ / rgya kar skad du/ Ar+ya da sha d+hU mi kan nA ma ma hA yA na sU tra/ bod skad du/ 'phags pas bcu po zhes bya ba theg pa chen po'i mdo// / bam po dang po// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mngon par rdzogs par sangs rgyas nas ring po ma lon te/ zhag bdun pa gnyis pa'i tshe/ gzhan 'phrul dbang byed kyi lha rnams kyi nang na/ lha'i dbang po dbang sgyur gyi gzhal med khang nor bu rin po che'i snying po'i khang pa na/ byang chub sems dpa'i tshogs chen po thams cad kyang 'di lta ste/ bla na med pa yang dag par rdzogs pa'i byang chub las phyir mi ldog pa skye ba gcig gis thogs pa/ 'jig rten gyi khams gzhan dang / gzhan dag nas 'dus pa sha stag ste/ thams cad kyang byang chub sems dpa' thams cad kyi ye shes kyi spyod yul rab tu thob pa'i gnas pas gnas pa/ de bzhin gshegs pa thams cad kyi ye shes kyi yul rtog pa la dran pa rgyun mi gcod pa'i spyod yul ba/ 'gro ba thams cad yongs su smin par bya ba dang / gdul bar bya ba'i dus bzhin
- 32a
dpyad pa'i byin rlabs bya ba thams cad yang dag par ston pa la mkhas pa/ byang chub sems dpa' thams cad kyi spyod lam mngon par bsgrub pa rgyun mi gcod cing bskal pa dang dus dang / zhing dang / spyod pa la gnas pa/ byang chub sems dpa' thams cad kyi 'byor pa'i tshogs bsod nams dang / ye shes kyis 'gro ba thams cad nye bar 'tsho ba shin tu yongs su rdzogs pa mi zad pa la zhugs pa/ byang chub sems dpa' thams cad kyi shes rab dang / thabs dam pa mchog thob pa/ 'khor ba dang / mya ngan las 'das pa'i sgo yang dag par ston pa/ byang chub sems dpa'i spyod pa rgyun mi gcod pa/ byang chub sems dpa' thams cad kyi bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / ye shes kyis mngon par shes pa'i bya ba thams cad yang dag par ston pa la mkhas pa/ byang chub sems dpa' thams cad kyi rdzu 'phrul gyi stobs la dbang thob pa/ mngon par 'du bya ba med par sems kyi skad cig gis/ de bzhin gshegs pa thams cad kyi 'khor gyi dkyil 'khor du 'gro ba la mngon du 'dren pa'i gtam gyi skyes bur gyur pa/ de bzhin gshegs pa thams cad kyi chos kyi 'khor lo yang dag par gzung ba dang / sangs rgyas la mchod pa dang / rim gro rgya chen po bya ba la mngon par brtson pa/
- 32b
byang chub sems dpa' thams cad kyi las yang dag par blang ba mnyam pa nyid kyi sbyor bas 'jig rten gyi khams thams cad du lus rab tu snang bar byed pa thob pa/ chos thams cad kyi dbyings la thogs pa med pa'i dbyangs sgrogs pas khyab par byed pas dus gsum thams cad la chags pa med pa'i sems kyi ye shes kyi spyod yul rgyas par 'gengs pa/ byang chub sems d pa' thams cad kyi sde snod kyi yon tan bsgrubs pa shin tu yongs su rdzogs pa bskal pa brjod du med par byin gyi rlabs kyis rab tu bstan pas yon tan bsngags pa'i bstan pa zang mi shes pa sha stag la 'di lta ste/ byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rin po che'i snying po dang / byang chub sems dpa' sems dpa' chen po pad+ma'i snying po dang / byang chub sems dpa' sems dpa' chen po dpal gyi snying po dang / byang chub sems dpa' sems dpa' chen po pad+ma dpal gyi snying po dang byang chub sems dpa' sems dpa' chen po nyi ma'i snying po dang / byang chub sems dpa' sems dpa' chen po gtsang snang byed snying po dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po zla ba dri ma med pa'i snying po dang / byang chub sems dpa' sems dpa' chen po rgyan bkod pa thams cad snang bar
- 33a
ston pa'i snying po dang / byang chub sems dpa' sems dpa' chen po ye shes rnam par snang ba'i snying po dang / byang chub sems dpa' sems dpa' chen po dpal mdzes pa'i snying po dang / byang chub sems dpa' sems dpa' chen po tsan dan dpal gyi snying po dang / byang chub sems dpa' sems dpa' chen po me tog dpal gyi snying po dang / byang chub sems dpa' sems dpa' chen po me tog rgyas pa'i dpal gyi snying po dang / byang chub sems dpa' sems dpa' chen po ut+pa la dpal gyi snying po dang / byang chub sems dpa' sems dpa' chen po lha'i dpal gyi snying po dang / byang chub sems dpa' sems dpa' chen po bsod nams dpal gyi snying po dang / byang chub sems dpa' sems dpa' chen po sgrib pa med pa'i ye shes rnam par dag pa'i snying po dang / byang chub sems dpa' sems dpa' chen po yon tan dpal gyi snying po dang / byang chub sems dpa' sems dpa' chen po sred med kyi bu'i dpal gyi snying po dang / byang chub sems dpa' sems dpa' chen po dri ma med pa'i snying po dang / byang chub sems dpa' sems dpa' chen po dri ma dang bral ba'i snying po dang / byang chub sems dpa' sems dpa' chen po spobs pa sna tshogs kyi rgyan gyi snying po dang / byang chub sems dpa' sems dpa' chen po 'od gzer gyi dra ba chen po snang ba'i snying po dang / byang chub
- 33b
sems dpa' sems dpa' chen po 'od dri ma med pa'i dpal gyi gzi brjid mdzes pa'i snying po dang / byang chub sems dpa' sems dpa' chen po gser 'khrigs pa bsags pa yangs shing bzang pab gzi brjid mdzes pa'i snying po dang / byang chub sems dpa' sems dpa' chen po mtshan thams cad kyis rab tu brgyan pas rnam par dag pa'i dpal gyi snying po dang / byang chub sems dpa' sems dpa' chen po rdo rje 'od 'phro dpal be'u rgyan gyi snying po dang / byang chub sems dpa' sems dpa' chen po 'od 'bar zhing 'phro ba dri ma med pa'i dpal gyi snying po dang / byang chub sems dpa' sems dpa' chen po skar ma'i rgyal po snang ba'i snying po dang / byang chub sems dpa' sems dpa' chen po nam mkha'i mdzod ye shes sgribs pa med pa'i snying po dang / byang chub sems dpa' sems dpa' chen po dbyangs kyi dkyil 'khor sgrib pa med cing nga ro snyan pa'i snying po dang / byang chub sems dpa' sems dpa' chen po gzungs kyi sgo 'gro ba thams cad kyi smon lam yang dag par 'dzin pa'i snying po dang / byang chub sems dpa' sems dpa' chen po rgya mtsho bkod pa'i snying po dang / byang chub sems dpa' sems dpa' chen po lhun po dpal gyi snying po dang / byang chub sems dpa' sems dpa' chen po yon tan thams cad yang dag par ston pa rnam par dag pa'i snying po dang / byang chub sems dpa' sems dpa' chen po de bzhin gshegs pa'i snying po
- 34a
dang byang chub sems dpa' sems dpa' chen po sangs rgyas dpal gyi snying po dang / byang chub sems dpa' sems dpa' chen po rnam par grol ba'i zla ba dang / de dag/ la sogs pa byang chub sems dpa' sems dpa' chen po/ tshad med pa/ dpag tu med pa/ grangs med pa/ bsam gyis mi khyab pa/ mtshungs pa med pa/ gzhal du med pa/ kun tu mtha' yas pa/ mu med pa/ sa mtshams med pa/ brjod du med pa'i yang brjod du med pa rnams dang thabs gcig tu bzhugs te/ byang chub sems dpa' rdo rje'i snying po la sogs pa sangs rgyas kyi zhing sna tshogs nas 'dus pa rnams dang thabs cig go/ / de nas de'i tshe byang chub sems dpa' sems dpa' chen po/ rdo rje'i snying po sangs rgyas kyi mthus byang chub sems dpa'i ting nge 'dzin theg pa chen po rab tu snang ba zhes bya ba la snyoms par zhugs so/ / byang chub sems dpa' rdo rje'i snying po byang chub sems dpa'i ting nge 'dzin theg pa chen po r ab tu snang ba de la snyoms par zhugs ma thag tu de nas de'i tshe phyogs bcu'i 'jig rten gyi khams sangs rgyas kyi zhing bye ba phrag bcu'i rdul phra rab kyi rdul snyed kyi pha rol nas de bzhin gshegs pa sangs rgyas kyi zhing bye ba phrag bcu'i rdul phra rab kyi rdul snyed kun kyang mtshan rdo rje'i snying po zhes bya bar mthun pa sha stag gis zhal mngon par bstan te/ sangs rgyas bcom ldan 'das
- 34b
de dag gis de la 'di skad ces bka' stsal to/ / kye rgyal ba'i bu khyod byang chub sems dpa'i ting nge 'dzin theg pa chen po rab tu snang ba 'di la snyoms par zhugs pa legs so legs s o 'di ltar rigs kyi bu khyod la phyogs bcu'i de bzhin gshegs pa sangs rgyas kyi zhing bye ba phrag bcu'i rdul phra rab kyi rdul snyed kun kyang mtshan rdo rje'i snying po zhes bya bar mthun pa sha stag gis bcom ldan 'das rnam par snang mdzad 'di nyid kyi sngon gyi smon lam dang / byin gyi rlabs kyis byang chub sems dpa' thams cad sangs rgyas kyi chos bsam gyis mi khyab pa snang bar brjod pa ye shes kyi sa la 'jug par bya ba dang / dge ba'i rtsa ba thams cad yang dag par bsdu ba dang / sangs rgyas kyi chos thams cad rab tu dbye ba la mkhas par bya ba dang / chos la ye shes shin tu rgyas par bya ba dang / legs par gnas pa'i chos bstan pa dang / ye shes tha mi dad pa rnam par sbyang ba dang / 'jig rten gyi chos thams cad kyis mi gos par bya ba dang / 'jig rten las 'das pa'i chos dge ba'i rtsa ba yongs su dag par bya ba dang / ye shes bsam gyis mi khyab pa yul khong du chud par bya ba nas/ thams cad mkhyen pa'i ye shes kyi yul gyi bar du khong du chud par bya ba dang / gang 'di byang chub sems dpa'i sa bcu po dag brtsams pas rab tu thob par bya ba dang / byang chub sems dpa'i sa ji lta ba bzhin du rnam par bgod pa la mkhas pas
- 35a
bstan par bya ba dang / sangs rgyas kyi chos thams cad la lhag par dmigs par bya ba dang / zag pa med pa'i chos rab tu rnam par 'byed pas rnam par gzhig/ pa dang / rnam par 'byed pas shin tu rnam par phye ba shes rab chen po snang ba la mkhas par bya ba dang / shin tu brtags pa'i ye shes kyi sgo la 'jug par bya ba dang / gnas gzhan ci rig su rab tu brjod pa la bag 'chums pa med cing spobs pas snang bar bya ba dang / so so yang dag par rig pa chen po'i sa shin tu rtogs par bya ba dang / byang chub kyi sems brjed pa med par bya ba dang / sems can gyi khams thams cad yongs su smin par bya ba dang / thams cad la rnam par nges par thob par bya ba'i phyir byin gyis brlabs pa mdzad do// rigs kyi bu khyod kyis chos rnams kyi sgo rab tu dbye ba la mkhas par 'gyur ba'i chos kyi rnam grangs 'di la/ sangs rgyas kyi mthu dang / de bzhin gshegs pa'i ye shes snang ba'i byin gyi rlabs dang / rang gi dge ba'i rtsa ba yongs su dag par byed pa dang / chos kyi dbyings yongs su sbyong ba dang / sems can gyi khams la phan 'dogs pa dang / chos kyi sku'i ye shes kyi sku dang / sangs rgyas thams cad kyis dbang bskur ba yang dag par nod pa dang / 'jig rten thams cad las mngon par 'phags pa'i lus 'byung ba dang / 'jig rten gyi 'gro ba thams cad las yang dag par 'da' ba dang /
- 35b
'jig rten las 'das pa'i chos kyi rgyud yongs su dag par byed pa dang / thams cad mkhyen pa'i ye shes yongs su rdzogs par byed pas spobs par gyis shig/ de nas sangs rgyas bcom ldan 'das de dag gis/ byang chub sems dpa' rdo rje'i snying po la zil gyis mi non pa'i lus nye bar bsgrub pa mdzad de/ thogs pa med pa'i spobs pa ston pa dang / shin tu sbyangs pa'i ye shes kyis rnam par phye ba la 'jug pa dang / brjed pa med pa'i byin gyi rlabs dang / shin tu nges pa la blo gros mkhas pa dang / thams cad kyi rjes su song ba'i blo mi 'dor ba dang / yang dag par rdzogs pa'i sangs rgyas kyi stobs rdzi ba med pa dang / de bzhin gshegs pa'i mi 'jigs pa zhum pa med pa dang / thams cad mkhyen pa'i ye shes so so yang dag par rig pa'i rnam par 'byed pas chos kyi tshul la rtog pa dang / de bzhin gshegs pa'i sku dang / gsung dang thugs kyi rgyan rab tu rnam par phye ba thams cad mngon par bsgrub pa nye bar bsgrub pa mdzad do/ / de ci'i phyir zhe na/ 'di ltar ting nge 'dzin 'di nyid kyi chos nyid thob pa dang / sngon gyi smon lam gyis mngon par bsgrubs pa dang / lhag pa'i bsam pa shin tu yongs su sbyangs pa dang / ye shes kyi dkyil 'khor shin tu sbyangs pa dang / tshogs shin tu bsags pa dang / yongs su sbyangs pa shin tu byas pa dang / dran pa tshad med pa'i snod dang /
- 36a
mos pa 'od gsal ba rnam par sbyangs pa dang / gzungs kyi sgo zla mi dad pa shin tu thob pa dang / chos kyi dbyings shes pa'i phyag rgyas shin tu btab pa'i phyir ro// de nas sangs rgyas bcom ldan 'das de dag gis/ de dag nyid na bzhugs bzhin du rdzu 'phrul gyi mthus phyag g.yas pa rnams brkyang ste/ byang chub sems dpa' rdo rje'i snying po'i mgo la byug pa mdzad do/ / sangs rgyas bcom ldan 'das de dag gis/ byang chub sems dpa' rdo rje'i snying po la reg ma thag tu de nas de'i mod la ting nge 'dzin de las langs nas/ byang chub sems dpa' de dag la smras pa/ / kye rgyal ba'i sras dag/ byang chub sems dpa'i smon lam 'di ni shin tu rnam par nges pa ste/ tha mi dad pa/ bltar med pa/ chos kyi dbyings shin tu rgyas pa/ na mkha'i khams kyi mthas gtugs pa/ phyi ma'i mtha'i mur thug pa/ sems can gyi khams thams cad kyi dpung gnyen yin te// kye rgyal ba'i sras dag des ni byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi ye shes kyi sa la 'jug par 'gyur ro// ma byon pa'i sangs rgyas bcom ldan 'das rnams kyi ye shes kyi sa la 'jug par 'gyur ro/ / da ltar byung ba'i sangs rgyas bcom ldan 'das rnams kyi ye shes kyi sa la 'jug par 'gyur ro// kye rgyal
- 36b
ba'i sras dag de la byang chub sems dpa'i sa bcu shin tu yongs su rdzogs nas byang chub sems dpa' dag sangs rgyas bcom ldan 'das rnams kyi ye shes kyi sa la 'jug par 'gyur / kye rgyal ba'i sras dag gang la bsams nas/ bdag gis de skad smras pa'i byang chub sems dpa' rnams kyis bcu po de dag ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ / gsung ngo // gsung bar 'gyur ro// bcu gang zhe na/ 'di lta ste/ byang chub sems dpa'i sa rab tu dag ba zhes bya ba dang / dri ma med pa zhes bya ba dang / 'od byed pa zhes bya ba dang / 'od 'phro ba can zhes bya ba dang / shin tu sbyang dka' ba zhes bya ba dang / mngon du gyur ces bya ba dang ring du song zhes bya ba dang / mi g.yo ba zhes bya ba dang / legs pa'i blo gros can zhes bya ba dang / byang chub sems dpa'i sa chos kyi sprin ces bya ba ste/ kye rgyal ba'i sra dag de rnams ni byang chub sems dpa'i sa bcu ste/ de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so// gsung ngo // gsung bar 'gyur ro// kye rgyal ba'i sras ngag gang na de bzhin gshegs pa rnams byang chub sems dpa'i sa bcu po 'di dag ni mi gsung ba'i sangs rgyas kyi zhing rab 'byams de bdag
- 37a
gis ma mthong ngo / / de ci'i phyir zhe na/ kye rgyal ba'i sras dag byang chub sems dpa' sems dpa' chen po rnams kyi byang chub sems dpa'i lam yongs su spyo ba chos kyi sgo snang ba 'di ni yang dag phul yin te/ gang 'dis rnam par dbye ba rnam par gzhag pa'o// kye rgyal ba'i sras dag gang 'dis rnam par dgod pa shes pa zhes bya ba'i gnas 'di ni/ bsam gyis mi khyab pa'o// de nas byang chub sems dpa' rdo rje'i snying pos byang chub sems dpa'i sa bcu po de dag gi ming tsam zhig brjod de/ cang mi zer bar 'dug nas de las rab tu phye ste ma bshad pa dang / de nas byang chub sems dpa'i 'khor de dag thams cad/ byang chub sems dpa'i sa bcu po de dag gi ming tsam zhig thos la/ sa rnam par phye ste ma brjod pas skom par gyur nas/ de dag 'di snyam du sems te/ 'di ltar byang chub sems dpa' rdo rje'i snying pos byang chub sems dpa'i sa bcu po de dag gi ming tsam zhig brjod de cang mi zer bar 'dug nas de las rab tu phye ste mi ston pa de la rgyu ni gang / rkyen ni ci zhig yod snyam pa dang / de'i tshe byang chub sems dpa'i 'khor 'dus pa de na/ byang chub sems dpa' sems dpa' chen po rnam par grol ba'i zla ba zhes bya ba 'dus shing 'dug ste/ / de nas byang chub sems dpa' rnam par grol ba'i zla bas/ byang chub sems dpa'i 'khor de dag gi sems kyi rtog pa sems kyis
- 37b
yongs su shes nas/ tshigs su bcad pa'i dbyangs kyis/ byang chub sems dpa' rdo rje'i snying po la dris pa/ kun tu rtog pa dag gyur pa// ngan dang ye shes yon tan ldan// sa mchog brjod nas ci yi phyir/ / 'byor pa rab tu bshad mi bgyi// 'di kun rnam par nges pa ste// byang chub sems dpa' grags chen ldan// ci phyir khyod kyis sa brjod nas// rnam par dbye ba bshad mi bgyi/ / rgyal ba'i sras po 'di dag kun// nyan par 'dod pa 'jigs pa med// sa rnams kyis ni don gyi tshul// yang dag phye ste bshad pa mdzod// 'khor 'di shin tu rnam dag ste// le lo med cing dge dang ldan/ / dag pa snying por rab gnas pa// yon tan ye shes shin tu ldan// thams cad gus dang bcas gnas shing // phan tshun gcig la gcig lta ste// sbrang ma'i sbrang rtsi bdud rtsi 'dra/ spang bar bya min 'dod pa bzhin// shes rab chen po 'jigs med pa// rdo rje'i snying pos de thob nas// 'khor rnams dga' bar bya ba'i phyir// bde bar gshegs pa'i sras la smras/ 'di ni dka' ba dam pa rmad du byung // byang chub sems dpa'i spyod pa rab bstan pa// sa rgyu rnam par dbye ba mchog yin te// de las sangs rgyas dngos po yang dag thob// phra zhing blta dka' rnam par/ rtogs pa spangs// sems kyis dang bral bas bsgrub par dka'// mkhas pa rnams kyis zag med spyod yul te// 'gro ba rnams kyis de thos mos par 'gyur// rdo rje lta bur bsam pa bzhag
- 38a
byas nas/ / sangs rgyas ye shes mchog la lhag mos shing // sems kyi sa la bdag med rig nas ni// ye shes shin tu phra ba 'di mnyan nus// ji ltar bar snang tshon ris bri ba dang / / ji ltar nam mkha'i dbyings la rlung gnas pa// de ltar 'di yang bcom ldan 'das rnams kyi// ye shes zag med rnam phye blta bar dka'// de la bdag gi blo ni 'di snyam du// 'gro ba gang gis 'dir rtog 'gyur ba dang // mchog 'dir su zhig dad pa'ang dkon snyam nas// de yi phyir na 'di bshad spro ba med// de skad ces smras pa dang / byang chub sems dpa' rnam par grol ba'i zla bas/ / byang chub sems dpa' rdo rje'i snying po la 'di skad ces smras so// kye rgyal ba'i sras kye ma 'khor 'di ni shin tu yongs su dag pa ste/ byang chub sems dpa'i lhag pa'i bsam pa shin tu yongs su sbyangs pa/ kun tu rtog pa shin tu yongs su sbyangs pa/ spyad par bya ba shin tu spyad pa/ sangs rgyas bye ba phrag mang po la bsnyen bkur byas pa/ tshogs shin tu bsags pa yon tan dpag tu med pa dang ldan pa/ yid gnyis dang nem nur dang bral ba/ nyon mongs pa med pa/ lhag pa'i bsam pa dang / mos pa la rab tu gnas pa/ sangs rgyas kyi chos 'ang dag la gzhan gyi dring mi 'jog pa sha stag tshogs pa ste/ de bas na kye rgyal ba'i sras byang chub sems dpa' 'di dag ni gnas 'di la mngon sum du gnas pa sha stag yin gyis/ legs par bshad pa
- 38b
mdzod cig/ rdo rje'i snying pos smras pa/ kye rgyal ba'i sras 'khor 'di ni byang chub sems dpa' shin tu yongs su dag pa ste/ lhag pa'i bsam pa shin tu yongs su sbyangs pa// kun tu rtog pa shin tu yongs su sbyangs pa/ spyad par bya ba shin tu spyad pa/ sangs rgyas bye ba phrag mang po la bsnyen bkur byas pa/ tshogs shin tu bsags pa/ yon tan dpag tu med pa dang ldan pa/ yid gnyis dang nem nur dang bral ba/ nyon mongs pa med pa/ lhag pa'i bsam pa dang / mos pa la rab tu gnas pa/ sangs rgyas kyis chos 'di dag la gzhan gyi dring mi 'jog pa sha stag 'dus mod kyi/ 'on kyang gzhan dag bsam gyis mi khyab pa'i gnas 'di lta bu 'di thos par gyur la thos nas kyang yid gnyis dang / nem nur skye bar gyur na/ de ni de dag la yun ring por phan pa med pa dang / gnod pa dang / yid mi bde bar 'gyur te/ 'di lta bu zhig tu snying brtse bas de'i phyir bdag ni cang mi zer bar 'dug pa nyid du mos so// de nas byang chub sems dpa' rnam par grol ba'i tha bas byang chub sems dpa'i rdo rje'i snying po la don de nyid kyi phyir yang gsol ba btab pa/ kye rgyal ba'i sras don de nyid legs par bshad pa mdzad cig dang / de bzhin gshegs pa'i mthus bsam gyis mi khyab pa'i gnas 'di lta bu 'di dag shin tu bsrungs pa dang / yid ches par 'gyur ro// de ci'i phyir zhe na/ kye rgyal ba'i
- 39a
sras 'di ni/ thog mar spyad pa ste/ 'di ni sangs rgyas kyi chos rnams yang dag par thob pa'o// kye rgyal ba'i sras 'di lta ste/ dper na yi ge'i 'bru dang / yi ge dang / grangs bstan pa dang thams cad kyi mngon du 'gro ba yang yi ge'i phyi mo yin la/ mthar 'byin pa yang yi ge'i phyi mo yin te/ yi ge'i 'bru dang / yi ge dang / grangs bstan pa gang yin pa de ni/ yi ge'i phyi mo med par bstan pa med do// kye rgyal ba'i sras de bzhin du sangs rgyas kyi chos thams cad ni spyod pas 'grub pas/ sa de ni sngon du 'gro ba'o/ / rang 'byung gi ye shes kyi mthar thug par 'gyur bas sa de ni mthar 'byin pa'o// de bas na kye rgyal ba'i sras shod cig dang / de bzhin gshegs pa dgra bcom pa yang dag par rdzog pa'i sangs rgyas rnams kyang yongs su bsrung ba'i phyir byin gyis rlobs pa mdzad do/ / de nas byang chub sems dpa' de dag thams cad kyis dbyangs kyi nga ro gcig gis tshigs su bcad// pa'i dbyangs kyis/ byang chub sems dpa' rdo rje'i snying po la don de nyid kyi phyir/ de'i tshe gsol ba btab pa/ rab mchog dam pa dri ma med pa'i blo// brjod pa legs brjod spobs pa mtha' yas pa/ / snyan cing mchog tu byung ba'i gsungs dbyangs kyis// dam pa'i don dang ldan par bshad pa mdzod// dran dang dga' dang blo ni rnam dag pa// stobs bcu'i stobs
- 39b
thob bsam pa rnam dag pa/ / so so yang dag rig don rnam 'byed pa// sa bcu phul du byung ba bshad pa mdzod// zhi ba dul ba mi g.yeng dge ba'i yid// rgyags dang nga rgyal lta ba'i nyon mongs spangs/ / 'khor 'di the tsom bral bar gyur pa ste// khyod kyis legs par bshad pa 'dod cing 'khod// skom par gyur pa chu grang 'dod pa dang // bkres pa zas dang nad pa sman mchog dang / / brang ba'i tshogs rnams sbrang rtsi 'dod pa ltar// de bzhin 'khor rnams khyod kyi tshig la sdod// de bas bde gshegs bgrod pa stobs bcu ldan// chags pa med pa rab tu/ bstan pa'i phyir// dri ma med pa'i sa yi khyad par ni// rdul med ma lus legs par bshad pa mdzod// de nas de'i tshe bcom ldan 'das shAkya thub pa'i mdzod spu nas/ byang chub sems dpa'i stobs snang ba zhes bya ba'i 'od gzer 'khor gyi 'od gzer grangs med pa'i yang grangs med pa dang ldan pa byung ste/ des phyogs bcu thams cad kyi 'jig rten gyi khams rab 'byams thams cad snang bar byas nas/ ngan song gyi sdug bsngal thams cad rgyun bcad de/ bdud kyi khyim thams cad mog mog por byas nas/ sangs rgyas kyi 'khor gyi dkyil 'khor dpag tu med pa dag snang bar byas te/ sangs rgyas kyi yul gyi rnam pa'i mthu'i rdzu 'phrul gyi rnam par 'phrul pa bsam gyis mi khyab pa bstan nas/ phyogs bcu thams cad kyi 'jig rten gyi khams rab 'byams thams
- 40a
c ad du de bzhin gshegs pa thams cad kyi 'khor gyi dkyil 'khor rnams su chos bstan pa'i byin gyi rlabs kyis byin gyis brlabs pa'i byang chub sems dpa' snang bar byas te steng gi bar snang la 'od gzer stug po'i sprin gyi dra ba'i khang pa brtsegs pa chen po byas nas 'dug go/ / de bzhin du sangs rgyas bcom ldan 'das de dag gis mdzod spu dag nas kyang / byang chub sem dpa'i stobs snang ba zhes bya ba'i 'od gzer 'khor gyi 'od gzer grangs med pa'i yang / grangs med pa dang ldan pa dag byung bar gyur te/ de dag gis kyang phyogs bcu thams cad kyi 'jig rten gyi khams rab 'byams thams cad snang bar byas nas/ ngan song gi sdug bsngal thams cad rgyun bcad de/ bdud kyi khyim thams cad mog mog por byas nas/ sangs rgyas kyi 'khor gyi dkyil 'khor dpag tu med pa dag snang bar byas te/ sangs rgyas kyi yul gyi rnam pa'i mthu'i rdzu 'phrul gyi rnam par 'phrul pa bsam gyis mi khyab pa bstan nas/ phyogs bcu thams cad kyi 'jig rten gyi khams rab 'byams thams cad du de bzhin gshegs pa thams cad kyi 'khor gyi dkyil 'khor rnams su chos bstan pa'i byin gyi rlabs kyis byin gyis brlabs pa'i byang chub sems dpa' snang bar byas nas/ steng gi bar snang la 'od zer stug po'i sprin gyi dra ba'i khang pa brtsegs pa chen po byas te 'dug go/ / bcom ldan 'das shAkya thub pa'i mdzod spu nas byung ba'i 'od zer de dag gis 'jig rten gyi khams de dag dang
- 40b
sangs rgyas kyi 'khor gyi dkyil 'khor rnams dang / byang chub sems dpa' de dag gi lus dang / stan rnams gsal bar snang bar kun tu snang ngo // 'jig rten gyi khams tshad med pa'i sangs rgyas bcom/ ldan 'das de dag gis mdzod spu dag nas byung ba'i 'od gzer de dag gis stong gsum gyi stong chen po 'jig rten gyi khams 'di dang / bcom ldan 'das shAkya grub pa'i 'khor gyi dkyil 'khor 'di dang / byang chub sems dpa' rdo rje'i snying po'i lus dang / stan yang gsal bar snang bar kun tu snang ngo // de nas sangs rgyas kyi mthus sprin stug po'i dri ba'i khang pa brtsegs pa chen po de las 'di lta bu'i sgra 'di byung ngo / / mi mnyam mnyam pa nam mkha' mnyam pa dag/ stobs bcu'i khyu mchog tshogs rab mtha' yas pa// lha dang mi yi nang na mchog rnams kyi// shAkya'i rigs skyes chos la byin rlob mdzad/ / bde bar gshegs pa rnams kyi mthus// chos kyi rgyal po rnams kyi mdzod// spyod pa dam pa rgya chen dang // ye shes sa rab phye bshod// chos kyi rnam grangs gtso bo 'di// gang rnams rna las grag de dag/ bde gshegs rnams kyis byin gyis brlabs// byang chub sems dpa' rnams kyis bzung // sa bcu rdul dang rnam bral ba// mthar gyis rdzogs par byas nas ni/ / stobs bcu dag kyang thob gyur nas// rgyal ba nyid du 'gyur ba yin// the tsom med par gyur pa rnams// rgya mtsho'i chu nang gnas gyur tam// bsreg pa'i bskal che 'phos na yang /
- 41a
@chos kyi rnam grangs 'di thos 'gyur// ye shes sa yi lam gyi mchog/ 'jug dang gnas dpa'abar ba dang // spyong pa nyid kyi yul rnams ni// go mas bzhinan/ legs par shod// de nas byang chub sems dpa' rdo rje'i snying pos phyogs bcur rnam par bltas nas/ 'khor rnams dad pa rgya cher bskyod pa'i phyir tshigs su bcad pa 'di dag smras so// phra zhing shes dka' drang srong chen po'i lam// brtag med rtog bral shin tu reg par dka'// gsal ba rig pa mkhas pas rtogs pa ste// rang bzhin zhi ba'i 'gog min 'byung ma yin// rang bzhin stong yod gnyis min zad mi shes// grol las rnam grol mnyam brnyes mya ngan 'das// mtha' dang dpung min tshig gis brjod du med// dus gsum rnams las grol ba nam mkha' mnyam/ / zhi zhing rab zhi bde bar gshegs pas mkhyen// smra ba'i lam rnams kun gyis brjod par dka'// sa dang spyod pa rnams kyang de 'dra ste// smra bar dka' na mnyan par ga la nus// de ni bsam dang sems kyi lam rnams kyang // ye shes mngon sgrub thub pa'i dbang pos mkhyen// phung po skye mched khams kyis bskyed ma yin// sems kyis mi shes yid kyis bsam ma yin/ / ji ltar bar snang bya rjes mkhas rnams kyis// brjod par nus ma yin zhing mi mthong ba// de ltar rgyal ba'i sras kyis kun kyang // brjod mi nus na mnyan par ga la nus// 'on kyang
- 41b
byangs dang byung 'aman pas cis/ mangs byags pa ma rim pa 'dul bzhin// bcang byang sas byasnyas parnams kyis ma// bsam pang badzini ma shes rdzogs cad/ yul de 'dra blta dka' ba// de ni rang sems gnas kyang brjod mi nus// 'on kyang rgyal ba'i mthus ni rab brjod kyis// thams cad nyon la mthun par dgus bcas kyis// 'di yis 'jug bya ye shes de 'dra ba/ / de ni bskal par brjod par mi nus te// chos don yang dag ma lus ji bzhin gnas// mdo tsam bdag gis bshad kyis mnyan par gyis// gus dang bcas par sta gon gyis / shig dang // rgyal ba'i mthu yis bdag gis legs par bshad// dpe ldan 'thad la yi ge mnyam pa yis// chos kyi dam pa'i sgras ni bshad par bya// de ni tshig gis shin tu brjod dka'/ yang / bde bar gshegs mthu dpag med gang yin pa// 'od gzer lus can de ni bdag la zhugs// de yi mthus ni bdag gis bshad par nus// kye rgyal ba'i sras ngag de la sems can dge ba'i rtsa ba shin tu bsags pa/ tshogs shin tu bsags pa/ spyod pa shin tu spyad pa/ sangs rgyas byung ba la shin tu bsnyen bkur byas pa/ chos dkar po la shin tu bsdus pa dge ba'i bshes gnyen shin tu bzung ba/ bsam pa shin tu rnam par dag pa/ lhag pa'i bsam pa rgya chen po can/ mos brgya chen po dang ldan pa/ snying brtse ba dang snying rje mngon du gyur pa
- 42a
rnams sangs rgyas kyi ye shes la mngon par 'dod par bya ba dang / stobs bcu'i stobs thob par bya ba dang / mi 'jigs pa chen po thob par bya ba dang / sangs rgyas kyi chos mnyam pa nyid thob par bya ba dang / 'gro ba thams cad yongs su bskyabs par bya ba dang / snying brtse ba dang / snying rje chen po rnam par dag par bya ba dang / phyogs bcu ma lus par shes pa thob par byang dang sangs rgyas kyi zhing thams cad la chags pa med pa yongs su sbyang bar bya ba dang / dus gsum skad cig gcig gis khong du chud par bya ba dang / chos kyi 'khor lo chen po rab tu bskor ba la 'jigs pa med par bya ba'i phyir byang chub sems dpa' rnams kyi sems snying rje chen po sngon du 'gro ba dang / shes rab dang / ye shes kyi dbang du gyur pa dang / thabs mkhas pas yongs su bzung ba dang / bsam pa dang / lhag pa'i bsam pas rab tu brtan pa dang / de bzhin gshegs pa'i stobs dpag tu med pa dang ldan pa dang / snying stobs kyi stobs dang / blo'i stobs kyis shin tu rnam par phye ba rnam par 'byed pa dang / rang byung gi ye shes dang mthun pa dang / sangs rgyas kyi chos thams cad la shes rab dang / ye shes kyi gdams ngag yang dag par blangs pa dang / chos kyi dbyings kyis klas pa dang / nam mkha'i khams kyi mthas gtugs shing / phyi ma'i mtha'i mur thug pa de skye bar 'gyur te/ sems bskyed pa de bskyed ma thag tu byang chub sems dpa' byis pa so so'i skye bo'i sa las shin tu 'das
- 42b
pa yin/ byang chub sems dpa'i skyon med par zhugs pa yin/ de bzhin gshegs pa'i rigs su skyes pa yin/ rigs brjod pas kha na ma tho ba med pa yin/ 'jig rten gyi 'gro ba thams cad las phyir ldog pa yin/ 'jig rten las 'das pa'i 'gro bar zhugs pa yin/ byang chub sems dpa'i chos nyid la gnas pa yin/ byang chub sems dpa'i gnas la rab tu gnas pa yin/ dus gsum mnyam pa nyid du rtogs pa yin/ de bzhin gshegs pa'i rigs su nges shing rdzogs pa'i byang chub la gzhol ba yin te// kye rgyal ba'i sras dag chos 'di lta bu la gnas pa'i byang chub sems dpa' ni byang chub sems dpa'i sa rab tu dga' ba la mi g.yo ba'i tshul gyis rab tu gnas pa yin no/ / kye rgyal ba'i sas ngag de byang chub sems dpa'i sa rab tu dga' ba la gnas pa'i byang chub sems dpa' ni mchog tu dga' ba mang ba yin/ dang ba mang ba yin/ dga' ba mang ba yin/ rangs pa mang ba yin/ mgub mang ba yin/ dga' rlabs mang ba yin/ spro ba mang ba yin/ mi 'khrugs pa mang ba yin/ rnam par 'tshe ba med pa mang ba yin/ khro ba med pa mang ba yin no// kye rgyal ba'i sras dag de ltar byang chub sems dpa'i sa rab tu dga' ba la gnas pa'i byang chub sems dpa' ni sangs rgyas bcom ldan 'das rnams dang / sangs rgyas kyi chos rnams dang / byang chub
- 43a
sems dpa' rnams dang / byang chub sems dpa'i spyod pa rnams dang / pha rol tu phyin pa rnams dang / byang chub sems dpa'i sa'i khyad par dang / byang chub sem dpa'i mi 'phrog pa dang / de bzhin gshegs pa'i gdams ngag dang / rjes su bstan pa dang / sems can gyi don rab tu thob par byed pa dang / de bzhin gshegs pa'i ye shes la 'jug pa'i sbyor ba rjes su dran zhing rab tu dga' ba yin no/ / phyir zhing mchog tu dga' ba dang ldan pa yin te/ bdag ni 'gro ba thams cad kyi yul las phyir log go// bdag ni sangs rgyas dang nye bar gyur to/ / bdag ni byis pa so so'i skye bo'i sa las ring du gyur to// bdag ni ye shes kyi sa dang nye bar gyur to// bdag ni ngan song ngan 'gro rnam par ltung ba thams cad kyi rgyun chad pa'o// bdag ni sems can thams cad kyi ston par gyur to/ / bdag ni de bzhin gshegs pa rnams mthong ba dang nye bar gyur to// bdag ni sangs rgyas kyi yul la yang dag par byung ngo // bdag ni byang chub sems dpa' thams cad kyi mnyam pa nyid dang ldan par gyur to/ / bdag ni 'jigs pa dang / sdang ba dang / bag tsha ba dang bral lo zhes mchog tu dga' ba skyed do// de ci'i phyir zhe na/ kye rgyal ba'i sras ngag byang chub sems dpas byang chub sems dpa'i sa rab tu dga' ba 'di thob ma thag tu 'jigs pa gang dag 'di lta ste/ 'tsho ba med pas 'jigs pa 'am/ tshigs su
- 43b
bcad pa med pas 'jigs pa 'am/ 'chi bas 'jigs pa 'am/ ngan 'gros 'jigs pa 'am/ 'khor gyi nang du bag tsha bas 'jigs pa de dag thams cad de la med pa yin no// de ci'i phyir zhe na/ 'di ltar de ni bdag gi 'du shes dang bral bas/ bdag 'phangs par sems pa'ang med pa yin na/ yo byad thams cad 'phangs par sems pa lta ga la yod/ de'i phyir de la 'tsho ba med pas/ 'jigs pa med pa yin no// de ni su las rim gror bya ba cung zad tsam yang re ba med kyi gzhan du na bdag nyid kyis sems can de dag la yo byad mang po thams cad kyis bsdu bar bya'o snyam du sems te/ de'i phyir de la tshigs su bcad pa med pas/ 'jigs pa med pa yin no// de bdag tu lta ba dang bral bas bdag gis 'du shes med de/ de'i phyir de la 'chi bas 'jigs pa med pa yin no/ / bdag shi nas kyang gdon mi za bar sangs rgyas dang / byang chub sems dpa' dag dang mi 'bral bar 'gyur ro snyam ste/ de'i phyir de la ngan 'gros 'jigs pa med pa yin no/ / bdag gi bsam pa dang mtshungs pa yang 'jig rten na su yang med na/ lhag pa lta ga la yod snyam ste/ de'i phyir de la 'khor gyi nang du bag tsha ba'i 'jigs pa med pa yin no// kye rgyal ba'i sras dag de ltar 'jigs pa dang / sdang ba dang / bag cha ba dang / spu zing zhes byed pa med pa'i byang chub sems dpa' ni snying rje chen po sngon du 'gro ba'i phyir/ lhag
- 44a
pa'i bsam pa ma nyams pa dang / mi dma' bas dge ba'i rtsa ba thams cad yang dag par bsdu ba'i phyir shin tu brtson par byed de/ de dad pa'i dbang dang / dang ba mang ba dang / mos pa rnam par dag pa dang / yid ches pa mang ba dang / snying brtse ba dang / snying rje mngon par sgrub pa dang / byams pa chen po dang ldan pa dang / yid yongs su mi skyo ba dang / ngo tsha shes shing khrel yod pa'i rgyan dang / nges pa dang ldan pa dang / de bzhin gshegs pa dgra bcom pa yang dag par rdzogs pa'i sangs rgyas kyi bstan pa la gus pa dang / rim gro byed pa dang nyin mtshan du dge ba'i rtsa ba gsogs pas mi ngoms pa dang / dge ba'i bshes gnyen la bsten pa dang / chos kyi kun dga' la dga' ba dang / mang du thos pa tshol ba la ngoms mi myong ba dang / ji skad thos pa'i chos la tshul bzhin rtog pa dang / gnas med pa'i yid dang / rnyed pa dang / bkur sti dang / tshigs su bcad pa la chags pa med pa dang / yo byad la 'phangs par sems shing mngon par dga' ba med pa dang / sems bskyed pa rin po che lta bus ngoms pa med mngon par sgrub pa dang / thams cad mkhyen pa'i sa la mngon par 'dod pa dang / de bzhin gshegs pa'i stobs dang / mi 'jig pa dang / sangs rgyas kyi chos ma 'dres pa dag la lhag par dmigs pa dang / pha rol tu phyin pa chags pa med pa yongs su tshol ba dang / sgyu dang g.yo yongs su spangs pa dang / ji skad smras pa de
- 44b
ltar byed pa dang / rtag tu rgyun mi 'chad par bden pa'i tshig lhur len pa dang / de bzhin gshegs pa'i rigs sun par mi byed pa dang / byang chub sems dpa'i bslab pa mi gtong ba dang / ri'i dbang po'i/ rgyal po chen po ltar thams cad mkhyen pa nyid kyi sems mi bskul ba dang / 'jig rten pa'i bya ba thams cad kyang mi 'dor la/ 'jig rten las 'das pa'i lam dang yang ldan pa dang / byang chub kyi yan lag gi tshogs gsogs pa la chog mi shes pa dang / rtag tu rgyun mi 'chad par gong nas gong du khyad du 'phags pa yongs su tshol ba dang / kye rgyal ba'i sras dag sa yongs su sbyong ba'i chos kyi rnam pa 'di lta bu dag dang ldan pa'i byang chub sems dpa' ni/ byang chub sems dpa'i sa rab tu dga' ba la rab tu gnas pa yin te/ de byang chub sems dpa'i sa rab tu dga' ba de la gnas shing smon lam chen po rnam pa 'di lta bu 'di dag dang / brtson pa chen po dang / mngon par sgrub pa chen po mngon pa sgrub bo// 'di lta ste/ sangs rgyas ma lus pa la mchod pa dang / rim gro lhag ma med pa mtha' dag bya ba'i phyir/ rnam pa thams cad kyi mchog dang ldan pa mos pa rgya chen po rnam par dag pa/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par sangs rgyas 'byung ba bgrangs pa thams cad la mchod pa dang / rim gro chen po bya ba rgyun mi 'chang ba'i smon lam chen po dang po mngon
- 45a
par sgrub bo/ / 'di lta ste/ de bzhin gshegs pa thams cad kyis gsungs pa'i chos kyi tshul yang dag par gzung ba dang / sangs rgyas thams cad kyi byang chub yang dag par yongs su bzung ba dang / yang dag par rdzogs pa'i sangs rgyas thams cad kyi bstan pa yongs su bsrung ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i myur thug pa/ bskal pa bgrangs par sangs rgyas 'byung ba bgrangs pa thams cad kyi dam pa'i chos yongs su gzung brgyan mi 'chad pa'i smon lam chen po gnyis pa mngon par sgrub bo/ / 'di lta ste/ 'jig rten gyi khams rab 'byams ma lus pa thams cad du/ sangs rgyas 'byung ba thams cad kyi dga' ldan gyi pho brang na bzhugs pa thog mar mdzad de/ 'pho ba dang / gshegs pa dang / lhums na bzhugs pa dang / bltams pa dang / gzhon nu rol pa dang / btsun mo'i 'khor gyi nang na bzhugs pa dang / mngon par 'byung ba dang / dka' ba spyod pa dang / byang chub kyi snying por gshegs pa dang / bdud 'dul ba dang / mngon par rdzogs par byang chub pa dang / chos kyi 'khor lo bskor bar bskul ba dang / yongs su mya ngan las 'das pa chen po ston pa'i drung du 'gro zhing mchod pa dang / chos kyis yang dag par bsdu ba'i sbyor ba sngon du 'gro ba thams cad dus gcig tu bsgrub pa'i phyir/ chos kyi dbyings kyis klas par rgya che ba/ nam mkha'i khams
- 45b
kyi mthas gtugs pa/ phyi ma'i mtha'i mur thug pa/ bskal pa bgrangs par sangs rgyas 'byung ba bgrangs pa thams cad kyi gan du 'gro ba rgyun mi 'chang ba'i smon lam chen po gsum pa mngon par sgrub bo/ / 'di lta ste/ byang chub sems dpa'i spyod pa thams cad shin tu rgyas pa che ba/ tshad med pa/ tha mi dad pa/ pha rol tu phyin pa thams cad kyis bsdus pa sa yongs su sbyong ba/ yan lag dang nye ba'i yan lag tu bcas pa sgrub pa dang / mtshan nyid 'dra ba dang / mtshan nyid mi 'dra ba dang / bsdu ba dang / rgyas pa dang bcas pa/ byang chub sems dpa'i spyod par gyur pa'i sa'i lam thams cad ji lta ba bzhin du ston pas/ pha rol tu phyin pa yongs su sbyang ba bya ba'i gdams ngag dang rjes su bstan pa rab tu sbyin pas brtan pa'i sems bskyed pa mngon par sgrub pa'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par spyod pa bgrangs pa thams cad du rgyun mi 'chad pa mngon par sgrub pa'i smon lam chen po bzhi pa mngon par sgrub bo/ / 'di lta ste/ sems can gyi khams ma lus pa thams cad gzugs can dang / gzugs med pa dang / 'du shes can dang / 'du shes med pa dang / 'du shes med 'du shes med min dang / sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa dang /
- 46a
khams gsum du gtogs pa/ 'gro ba drug tu 'dus pa/ skye ba thams cad du gtogs pa/ ming dang gzugs kyis bsdus pa'i sems can ma lus pa thams cad yongs su/ smin par bya bar sangs rgyas kyi chos la gzung pa dang / 'gro ba bgrangs pa thams cad rnam par gcad pa dang / thams cad mkhyen pa'i ye shes la rab tu dgod pa'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par sems can gyi khams bgrangs pa thams cad yongs su smin par bya ba rgyun mi 'chang pa'i smon lam chen po lnga pa mngon par sgrub bo/ / 'di lta ste/ 'jig rten gyi khams shin tu rgyas pa dang / thag gru che ba dang / tshad med pa dang / phra ba dang / rags pa dang / sbrel zhi dang / spyi'u tshugs ngos phyal ba dang / 'jug pa'i khyim can dang / mig 'phrul ltar rnam par 'byed pa dang / tshogs bcu rnam pa tha dad pa rnam par 'byed pa la 'jug pa/ ma lus pa ye shes kyis khong du chud par mngon sum du 'gyur bar bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par 'jig rten gyi khams bgrangs pa thams cad du 'jug pa rgyun mi 'chad pa'i smon lam chen po drug pa mngon par sgrub bo/ / 'di lta ste/ zhing thams cad kyi ning gcig dang
- 46b
zhing thams cad zhing gcig tu yang dag par gzhol bar bya ba yongs su sbyong ba dang / sangs rgyas kyi zhing tshad med pa dag 'od rnam par bkod pa'i rgyan gyis rab tu brgyan pa dang / yongs su dag pa'i lam dang ldan pas nyon mongs pa thams cad bsal ba dang / sems can ye shes kyi 'byung gnas tshad med pas rab tu gang ba dang / sangs rgyas kyi yul rgya chen po la yang dag par gzhol ba dang / sems can gyi bsam pa ji lta ba bzhin du yang dag par bstan cing shin tu tshim par bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa bskal pa bgrangs par sangs rgyas kyi zhing bgrangs pa thams cad yongs su sbyong ba rgyun mi 'chad pa'i smon lam chen po bdun pa mngon par sgrub bo/ / 'di lta ste/ byang chub sems dpa' thams cad bsam pa dang / sbyor ba gcig par bya ba dang / 'gran zla med pa'i dge ba'i rtsa ba bsags par bya ba dang / byang chub sems dpa' thams cad dang / dmigs pa gcig pas mnyam pa nyid du bya ba dang / rtag tu rgyun mi 'chad par byang chub sems dpa' dang 'grogs shing mi 'bral bar bya ba dang / sangs rgyas 'byung ba ci dgar bstan par bya ba dang / rang gi sems bskyed pas/ de bzhin gshegs pa'i mthu ye shes kyis khong du chud bar bya ba dang / ma nyams shing rjes su 'gro ba'i mngon par shes pa thob par bya ba dang / 'jig rten gyi khams thams cad du rnam par rgyu bar bya ba dang / 'khor gyi
- 47a
dkyil 'khor thams cad du snang ba thob par bya ba dang / skye ba thams cad du rang gi lus rjes su 'gro bar bya ba dang / theg pa chen po bsam gyis mi khyab pa dang ldan par bya ba dang / byang chub sems dpa'i spyod pa spyad par bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par spyod pa bgrangs pa thams cad du theg pa chen po la 'dzud pa/ rgyan mi 'chad pa'i smon lam chen po brgyad pa mngon par sgrub bo// 'di lta ste/ phyir mi ldog pa'i 'khor lo la yang dag par gnas pa'i byang chub sems dpa'i spyod pa spyad par bya ba dang / lus dang ngag dang / yid kyi las don yod par bya ba dang / mthong ma thag tu sangs rgyas kyi chos nges par thob par bya ba dang / dbyangs brjod ma thag tu ye shes khong du chud par bya ba dang / dad par gyur ma thag tu nyon mongs pa ldog par bya ba dang / sman gyi rgyal po chen po lta bu'i lus thob par bya ba dang / yid bzhin gyi nor bu/ lta bu'i lus thob par bya ba dang / byang chub sems dpa' chen po'i spyod pa spyad pa'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par spyod pa bgrangs pa thams cad don yod pa rgyun mi 'chang pa'i smon lam chen po dgu pa mngon par sgrub bo// 'di lta ste/ 'jig rten gyi
- 47b
khams thams cad du/ bla na med pa yang dag par rdzogs pa'i byang chub mngon par rdzogs par 'tshang rgya bar bya ba dang / byis pa'i lam gcig dang tha mi dad par byis pa'i lam thams cad du cher skye ba dang / byang chub kyi snying por gshegs pa dang / chos kyi 'khor lo bskor ba dang / yongs su mya ngan las 'das pa chen po bstan par bya ba dang / sangs rgyas kyi yul chen po mthu dang ye shes kyi rjes su 'gro bas/ sems can gyi khams thams cad kyi bsam pa ji lta ba bzhin du sangs rgyas 'byung bar ngal bdal ba la rtogs par byed/ zhi bar byed/ thob par byed cing bstan par bya ba dang / gcig mngon du yang dag par rtogs pas/ chos kyi dbyings thams cad mya ngan las 'das pas rgyas par bya ba dang / dbyangs gcig brjod pas sems can thams cad kyi sems tshim par bya ba dang / yongs su mya ngan las 'das pa chen po bstan kyang spyod pa'i stobs rgyun mi gcod pa dang / ye shes chen pos chos thams cad 'byung bar byed pa bstan par bya ba dang / chos shes pa dang / rdzu 'phrul dang / sgyu ma'i mngon par shes pas 'jig rten gyi khams thams cad rgyas par bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par mngon par rdzogs par byang chub pa bgrangs pa thams cad du theg pa chen po mngon par sgrub pa rgyun mi 'chad pa'i smon lam chen po
- 48a
bcu pa mngon par sgrub bo/ / kye rgyal ba'i sras dag de ltar na rnam pa 'di lta bu'i smon lam chen po dang / brtson 'grus chen po dang / mngon par sgrub pare/ po'i smon lam gyi sgo bcu po 'di dag la sogs pa smon lam brgya stong grangs med pa phrag bcu tshang ba de dag byang chub sems dpa'i sa rab tu dga' ba la gnas pa'i byang chub sems dpas mngon par sgrub bo/ / smon lam de dag kyang mthar thug pa'i gnas bcus mngon par sgrub ste/ bcu gang zhe na/ 'di lta ste/ sems can gyi khams kyi mthar thug pa dang / 'jig rten gyi khams kyi mthar thug pa dang / nam mkha'i khams kyi mthar thug pa dang / chos kyi khams kyi mthar thug pa dang / mya ngan las 'das pa'i khams kyi mthar thug pa dang / sangs rgyas 'byung ba'i khams kyi mthar thug pa dang / de bzhin gshegs pa'i ye shes kyi sangs rgyas 'byung ba'i khams kyi mthar thug pa dang / sems kyi dmigs pa'i khams kyi mthar thug pa dang / sangs rgyas kyi yul ye shes la 'jug pa'i khams kyi mthar thug pa dang / 'jig rten gyi rgyud dang / chos kyi rgyud dang / ye shes kyi rgyud kyi khams kyi mthar thug pa dag go// de ltar bdag gi smon lam chen po 'di dag sems can gyi khams kyi mthar gang du thug pa de'i mthar thug par gyur cig/ bdag gi smon lam chen po 'di dag ye shes kyi rgyud kyi khams kyi bar dag gi mtha' gang du thug pa de'i mthar thug par
- 48b
gyur cig/ de ltar sems can gyi khams kyi mthar thug pa med pa ltar bdag gi dge ba'i rtsa ba 'di dag kyang mthar thug pa med par gyur cig/ ye shes kyi rgyud kyi khams kyi bar dag gi mtha' mthar thug pa med pa ltar/ bdag gi dge ba'i rtsa ba 'di dag kyang mthar thug pa med par gyur cig ces de de ltar smon lam shin tu bsgrubs te las su rung ba'i sems dang / mnyen pa'i sems su gyur pas/ dad pa dang ldan pa yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams kyi sngon gyi mtha'i spyod pa la 'jug pa dang / pha rol tu phyin pa yang dag par sdud pa dang / sa yongs su 'grub pa dang / mi 'jigs pa yongs su rdzogs pa dang / stobs dang / sangs rgyas kyi chos ma 'dres pa mi 'phrogs pa dang / sangs rgyas kyi chos bsam gyis mi khyab pa dang / de bzhin gshegs pa'i yul mtha' dang dpung med pa mngon par sgrub pa dang / de bzhin gshegs pa'i spyod yul tshad med pa'i rjes su song bar 'jug pa dang / 'bras bu yongs su 'grub pa la yid ches pa yin te/ mdor bsdu na/ byang chub sems dpa'i spyod pa thams cad nas/ de bzhin gshegs pa'i sa'i bar du bstan pa dang / byin gyi rlabs la mngon/ par yid ches pa yin no// // 'phags pa sa bcu pa/ bam po gnyis pa// de 'di snyam du sems te/ sangs rgyas kyi chos 'di dag ni 'di
- 49a
ltar zab/ 'di ltar dben/ 'di ltar zhi/ 'di ltar stong / 'di ltar mtshan ma med/ 'di ltar smon pa med/ 'di ltar goms pa med/ 'di ltar tshad med cing 'di ltar rgya che la/ sangs rgyas kyi chos 'di dag ni 'di ltar bsgrub dka' na/ 'on kyang byis pa so so'i skye bo 'di dag lta ba ngan par lhung ba'i rgyud dang / ma rig pa'i mun pas kun nas khebs pa'i yid dang / nga rgyal gyi rgyal mtshan shin tu bsgreng ba'i kun tu rtog pa dang / srid pa'i dra bas mngon par 'dod pa yid la byed pa dang / sgyu dang g.yo thibs po'i rjes su song ba'i bsam pa dang / phrag dog dang / ser sna dang rab tu ldan par 'gro bas skye bar sbyor ba dang / 'dod chags dang / zhe sdang dang / gti mug la 'dris pa'i la sogs pa dang / khro ba dang / khon du 'dzin pa 'bar bar byas pa'i sems kyi me lce dang / phyin ci log dang rab tu ldan pa las bya ba mngon par bsgrubs pa dang / 'dod pa dang / srid pa dang / ma rig pa'i zag pa dang 'brel pa'i sems dang / yid dang / rnam par shes pa'i sa bon gyis khams gsum du gang 'di ming dang / gzugs dang lhan cig byung ba mi 'bral ba yang srid pa'i myu gu mngon par 'grub par byed do// ming dang gzugs de rnam par 'phel nas skye mched drug gi grong 'byung bar 'gyur ro/ / skye mched rnams byung nas phan tshun reg ste/ phrad pas tshor ba 'byung bar 'gyur ro// tshor ba de nyid la phyi phyir zhing
- 49b
mngon par dga' ba'i sred pa dang / len pa rnam par 'phel lo// rnam par 'phel nas srid pa 'byung ngo // byung nas skye ba dang / rga shi dang / mya ngan dang / smre sngags 'don pa dang // sdug bsngal zhing yid mi bde ba dang / 'khrug pa rnams 'byung bar 'gyur te/ de ltar sems can de dag gi sdug bsngal gyi phung po bdag dang bdag gi med pa/ gsong gsog/ stong pa g.yob med pa/ byed pa med pa/ bems po rtswa dang / rtsig pa dang / mig yor lta bu mngon par 'grub kyang 'di khong du mi chud ngo zhes des sems can sdug bsngal gyi phung po las ma thar pa de lta bu dag mthong nas/ de'i phyir de'i snying rje chen po rgyas par 'byung ste/ sems can 'di dag ni bdag gis yongs su dgrol ba dag go// shin tu bde ba'i mya ngan las 'das pa la rab tu dgod par bya ba dag go snyam ste/ de'i phyir de'i byams pa chen po rgyas par 'byung ngo // kye rgyal ba'i sras dag de ltar byang chub sems dpa' snying rje dang / byams pa dang ldan pa'i lhag pa'i bsam pa'i sa dang po la gnas pa'i tshe/ dngos po thams cad la 'phangs par sems pa'i sems yongs su spangs nas/ sangs rgyas kyi ye shes la re ba dang / 'dod brlabs po che'i blos gtong ba chen po la rab tu brtson par byed do/ / gtang bar bya ba ni 'di dag ste/ 'di ltar nor dang / 'bru dang / mdzod dang / bang ba yongs su gtang ba 'am/ gser dang / nor bu dang / mu tig dang /
- 50a
bai DUR+Ya dang / man shel dang / byi ru dang / dngul dang / sa le sbrum yongs su gtang ba 'am/ rin po che'i rgyan dang / lhab lbub yongs su gtang ba 'am/ rta dang / glang po che dang shing rta'i bzhon pa yongs su gtang ba 'am/ bskyed mos tshal dang dka' thub kyi nags tshal dang / gtsug lag khang yongs su gtang ba 'am/ bran po dang / bran mo yongs su gtang ba 'am/ grong dang / grong khyer dang / grong rdal dang / pho brang 'khor dang / yul 'khor yongs su gtang ba 'am/ chung ma dang / bu dang / bu mo yongs su gtang ba 'am/ sdug cing yid du 'ong ba'i dngos po thams cad yongs su gtang ba 'am/ mgo dang / lag pa dang / rkang pa dang / mig dang yan lag gi dam pa dang / lus thams cad yongs su gtang ba 'am dngos po de dag thams cad la de 'phangs par sems pa med par byas nas/ sangs rgyas kyi ye shes la re ba dang / 'dod pa rlabs po che'i blos yongs su gtong ste/ de ltar byang chub sems dpa'i sa dang po la gnas pa de gtong ba chen por 'gyur ro/ / de de ltar na snying rje dang / byams pa dang / gtong ba'i bsam par gyur nas sems can thams cad yongs su bsgrub pa'i phyir/ phyi phyir zhing 'jig rten pa dang / 'jig rten las 'das pa'i don yongs su tshol zhing don du gnyer ro// de yongs su tshol zhing don du gnyer ba'i tshe/ yongs su skyo ba'i sems mi skye ste/ de ltar de yongs
- 50b
su mi skyo bar 'gyur ro/ / yongs su skyo ba med pas bstan bcos thams cad la 'jigs pa med pa yin no// de'i phyir de'i bstan bcos shes par gyur te/ de ltar na bstan bcos dang ldan pas// bya ba dang bya ba ma yin pa la rnam par brtags pa'i blos/ sems can tha ma dang 'bring dang / mchog rnams la ni ci nus ci 'os su de bzhin nyid du sgrub bo// de'i phyir de'i 'jig rten shes pa yin/ te/ 'jig rten shes pas dus dang / tshod dang / ran par spyod cing ngo tsha shes pa dang / khrel yod pas shin tu brgyan pa rgyud kyis bdag gi don dang gzhan gyi don la rab tu brtson par byed de/ de'i phyir de ngo tsha shes pa dang khrel yod pa yin/ sbyor ba de dag la mngon par 'byung bar spyod pa yin/ phyir mi ldog cing mi zlog pa'i stobs bskyed pa yang thob pa yin te/ de ltar de'i dga' ba'i stobs bskyed pa kun tu skyes pa yin te/ dga' ba'i stobs bskyed pa thob pas de bzhin gshegs pa la mchod pa dang / rim gro bya bar brtson zhing bstan pa la yang nan tan byed do// de ltar de'i sa bcu po de dag yongs su sbyong ba'i chos 'di lta ste/ dang pa dang snying rje dang / byams pa dang / gtong ba dang / skyo ba bag la zha bar byed pa dang / bstar bcos shes pa dang / 'jig rten shes pa dang / ngo tsha shes pa dang / khrel yod pa dang / dga' ba'i stobs bskyed pa dang / de bzhin gshegs pa la mchod pa dang / rim gro bya ba kun tu skyes pa yin no// byang chub
- 51a
sems dpa'i sa rab tu dga' ba 'di la gnas pa de la mthong ba rgya chen po dang / smor lam gyi stobs kyis sangs rgyas mang po snang bar 'gyur te/ mthong ba rgya chen po dang smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed do// btsun par byed do// ri mor byed do// mchod par byed do// na bza' dang / zhal zas dang / gzims cha dang / snyun gsos sman dang / yo byad dag kyang 'bul zhing byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang dag par rim gro byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do/ / des sangs rgyas bcom ldan 'das de dag la mchod pas sems can yongs su smin par bya ba kun tu skyes pa yin te/ de bsdu ba'i dngos po sbyin pa dang / snyan par smra bas sems can
- 51b
rnams yongs su smin par byed do/ / de'i mos pa'i stobs kyis bsdu ba'i dngos po 'og ma gnyis kyang rab tu skye bar 'gyur te/ ye shes kyis ma lus par rtogs nas thob pa ni ma yin no// pha/ rol tu phyin pa bcu po dag las de'i sbyin pa'i pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no// de ji lta ji ltar sangs rgyas bcom ldan 'das rnams la mchod pa byed cing sems can yongs su smin par bya ba la brtson pa dang / sa yongs su sbyong ba'i chos 'di dag yang dag par blangs te/ gnas pa de de ltar de'i dge ba'i rtsa ba thams cad mkhyen pa nyid du yongs su bsngos pa de dag de bas kyang shas cher rab tu byang ba dang / yongs su dag pa dang / ci dgar las su rung bar 'gyur ro// kye rgyal ba'i sras dag 'di lta ste dper na/ mgar ba mkhas pas gser gyis le sbram ji lta ji ltar mes bsregs pa de lta de ltar rab tu byang ba dang / yongs su dag pa dang / ci dgar las su rung bar 'gyur ro// kye rgyal ba'i sras dag de bzhin du byang chub sems dpa' rnams ji lta ji ltar/ sangs rgyas bcom ldan 'das rnams la mchod pa byed pa dang / sems can yongs su smin par bya ba la brtson par byed pa dang / sa yongs su sbyang ba'i chos 'di dag yang dag par blangs te gnas pa de lta de ltar dge ba'i rtsa ba thams cad mkhyen pa nyid du yongs su bsngos pa de dag shin/
- 52a
bya// tu byang ba dang / yongs su dag pa dang / ci dgar las su rung bar 'gyur ro// kye rgyal ba'i sras dag gzhan yang / byang chub sems dpa'i sa dang po 'di la gnas pa'i byang chub sems dpas byang chub sems dpa'i sa dang po nyid kyi rnam pa dang / thob par bya ba dang / rgyu mthun pa dag sangs rgyas dang / byang chub sems dpa' dang / dge ba'i bshes gnyen rnams las yongs su btsal bar bya/ yongs su dri bar bya'o// sa'i yan lag yongs su bsgrub pa'i phyir yang ngoms mi shes par bya ba ste/ sa gnyis pa nas byang chub sems dpa'i sa bcu pa'i bar du yang de bzhin no/ / de des sa'i mi mthun pa'i phyogs dang gnyen po la mkhas par bya'o// sa 'jig pa dang / 'grub pa la mkhas pa dang / sa'i rnam pa dang / rgyu mthun pa la mkhas pa dang / sa thob par bya ba rnam par dpyod pa la mkhas pa dang / sa'i yan lag yongs su sbyang ba la mkhas pa dang / sa nas sar 'phar ba la mkhas pa dang / sa dang sa la gnas pa la mkhas pa dang / sa dang sa'i khyad par shes pa la mkhas pa dang / sa dang sa thob nas phyir mi ldog pa la mkhas pa dang / byang chub sems dpa'i sa thams cad yongs su sbyangs pas de bzhin gshegs pa'i sa gnon pa la mkhas par bya'o/ / kye rgyal ba'i sras ngag de ltar byang chub sems dpa'i sa'i rnam pa mngon par
- 52b
bsgrub pa la mkhas pa ni sa dang po las gyen tu ma bskyod par sa bcu'i bar du gnas shing thob par bya ba la thogs pa med de/ thogs pa med par 'gro ba dang / sa'i ye shes snang bas sangs rgyas/ kyi ye shes snang ba yang thob bo// kye rgyal ba'i sras dag 'di lta ste/ dper na/ ded dpon mkhas pa 'gron po phal po che yongs su gdon pa'i bsam pa dang ldan pa grong khyer chen bor phyin par bya bar 'dod pa ni thog ma nyid nas lam gyi yon tan dang / lam gol ba'i nyes pa dang / lam gyi bar gnas kyi khyad pa dang / lam gyi bar gnas las gol ba'i nyes pa dang / lam rgyags dang / bya ba dang / bya ba ma yin pa rnams yongs su tshol zhing kun tu 'dri'o// lam gyi bar gnas thog ma nyid nas ma 'phags pa nas/ grong khyer chen por phyin gyi bar la shin tu mkhas pa yin te/ lam gyi bar gnas thog ma nyid nas ma 'phags par shes pas rnam par brtags pa'i blo dang / rgyags kyi tshogs chen po phun sum tshogs pa 'gron po phal po che rnams dang lhan cig tu mthar gyis grong khyer chen po'i bar du phyin par byed de/ 'brog dgon pa'i nyes pa rnams kyis bdag dang 'gron po rnams la gnod par mi 'gyur bar byed do// kye rgyal ba'i sras ngag de bzhin du/ byang chub sems dpa' ded dpon mkhas pa yang gang gi tshe/ byang chub sems dpa'i sa dang po la gnas shing sa'i mi mthun pa'i phyogs dang / gnyen
- 53a
po la mkhas pa dang / 'jig pa dang / 'grub pa la mkhas pa dang / sa'i rnam pa dang / rgyu mthun pa la mkhas pa dang / sa thob par bya ba rnam par dpyod pa la mkhas pa dang / sa'i yan lag yongs su sbyang ba la mkhas pa dang / sa nas sar 'phar ba la mkhas pa dang / sa dang sa la gnas pa la mkhas pa dang / sa dang sa'i khyad par shes pa la mkhas pa dang / sa dang sa thob nas phyir mi ldog pa la mkhas pa dang / byang chub sems dpa'i sa thams cad yongasu sbyangs pas de bzhin gshegs pa'i sa gnon pa la mkhas par 'gyur ba de'i tshebasod nams dang / ye shes kyi tshogs chen po'i rgyags yongs su bzung ba dang / ye shes kyi tshogs chen po la rnam par phye ba shin tu byas pa dang sems can gyi 'gron pa phal po che yongs su gdon pa'i bsam pa dang ldan pas thams cad mkhyen pa nyid kyi grong khyer chen por phyin par bya bar 'dod cing thog ma nyid nas sa'i lam gyi yon tan dang / sa'i lam gol ba'i nyes pa dang / sa'i lam gyi bar gnas pa'i khyad par dang / sa'i lam gyi bar gnas kyi gol ba'i nyes pa dang / bsod nams kyi tshogs chen po'i rgyags bshams shing gsog pa dag kyang sangs rgyas dang / byang chub sems dpa' dang / dge ba'i bshes gnyen dag las yongs su tshol zhing yongs su 'dri ste/ de lam gyi bar gnas dang po nas gyen tu ma bskyod par thams cad mkhyen pa nyid kyi grong khyer chen por phyin par bya
- 53b
pa'i bar la mkhas pa yin no/ / de de ltar ye shes kyis rnam par brtags pa blo dang / bsod nams dang / ye shes kyis tshogs chen po'i rgyugs phun sum tshogs pas sems can gyi 'gron po phal po che ji ltar yongs su smin pa bzhin du mthar gyis 'khor ba'i 'brog dgon pa dang / mya ngan las bsgral te thams cad mkhyen pa nyid kyi ye shes kyi grong khyer chen po'i bar du phyin par byed cing 'khor ba'i 'brog dgon pa'i nyes pa rnams kyis sems can gyi 'gron po 'am/ bdag la gnod par yang mi 'gyur bar byed do// kye rgyal ba'i sras dag de lta bas na/ byang chub sems dpas yongs su mi skyo bar yongs su sbyang ba'i khyad par la brtson par bya'o/ / kye rgyal ba'i sras dag 'di ni byang chub sems dpa' rnams kyi byang chub sems dpa'i sa rab tu dga' ba'i sgor 'jug pa mdor bstan pa'o/ / rgya cher ni bskal pa mtha' yas pa bstan pa'i mthar thug par khong du chud par bya'o// de la gnas pa'i byang chub sems dpa' ni phal cher 'dzam bu gling gi dbang por 'gyur zhing dbang phyug chen po la dbang rab tu thob pa dang / chos rjes su srung ba dang / gtong ba chen pos sems can rnams sdud pa'i gtso bor gyur cing sems can rnams kyi ser sna'i rim bzlog pa la mkhas pa yin/ gtong ba chen po rtsom pa yongs su dub par mi 'gyur ba yin no// sbyin pa dang / snyan par smra ba'am/ don spyod pa 'am
- 54a
don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sem/ dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur// rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rton pa'i bar du 'gyur snyam du sems so// 'dod na brtson 'grus rtsom pa rnam pa ji lta bus khyim dang / chung ma dang / longs spyod thams cad spangs te/ de bzhin gshegs pa'i bstan pa la rab tu 'byung ba dang / rab tu byung nas kyang skad cig thang cig yud tsam gcig la ting nge 'dzin brgya rab tu thob cing snyoms par yang 'jug pa dang / sangs rgyas nga rgya mthong ba dang / de dag gi byin gyi rlabs kyang yang dag par shes pa dang / 'jig
- 54b
rten gyi khams brgya g.yo bar byed pa dang / zhing brgyar 'gro ba dang / 'jig rten gyi khams brgya snang bar byed pa dang / sems can brgya yongs su smin par byed pa dang / bskal pa brgyar gnas par byed pa dang / bskal pa brgya la sngon gyi mtha' dang / phyi ma'i mthar rab tu 'jug pa dang / chos kyi sgo brgya rnam par 'byed pa dang / lus brgya kun tu ston pa dang / lus re re la yang byang chub sems dpa'i 'khor brgya brgya kun tu ston pa'i brtson 'grus rnam pa de lta bu rtsom mo/ / de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od ngam/ rdzu 'phrul lam/ mig gam/ spyod yul lam/ dbyangs sam/ spyod pa'am/ bkod pa 'am/ byin gyi rlabs sam/ mos pa'am/ mngon par 'du byed pa ngag kyang bskal pa bye ba khrag khrig brgya stong phrag ji snyed pa de snyed du yang brjod par slab ma yin no/ / byang chub sems dpa'i sa dang po rab tu dga' ba zhes bya'o// kye rgyal ba'i sras dag byang chub sems dpa'i sa dang po la legs par yongs su sbyang ba byas pa'i/ byang chub sems dpa' de byang chub sems dpa'i sa gnyis pa mngon par 'dod pa yin te/ de'i sems kyi bsam pa bcu 'byung ngo // bcu gang zhe na/ 'di lta ste/ drang po'i bsam pa dang / 'jam pa'i bsam pa dang / las su rung ba'i bsam pa dang / dul ba'i bsam pa dang / zhi ba'i bsam pa dang / dge
- 55a
pa'i bsam pa dang / ma 'dres pa'i bsam pa dang / mi ltos pa'i bsam pa dang / rlabs po che'i bsam pa dang / che ba nyid kyi bsam pa dang / sems kyi bsam pa po 'di dag 'byung ste/ de nas byang chub sems dpa'i sa gnyis pa dri ma med pa la gnas pa yin no// kye rgyal ba'i sras dag de la byang chub sems dpa'i sa dri ma med pa la gnas pa'i byang chub sems dpa' ni rang bzhin gyis dge ba bcu'i las kyi lam rnams dang ldan pa yin no/ / bcu gang zhen/ 'di lta ste/ srog gcod pa spangs pa yin te/ dbyig pa spangs mtshon cha spangs/ khon du 'dzin pa spangs nas 'dzem pa dang ldan zhing snying rje la zhugs pas srog chags 'byung po thams cad la phan pa dang / bde ba dang / snying brtse ba dang / byams pa'i sems dang ldan te/ de kun tu rtog pa tsam gyis kyang srog chags la rnam par 'tshe bar mi byed na/ sems can gang la sems can du 'du shes shing ched du bsams te/ lus kyis rnam par 'tshe ba chen po bya ba lta ci smos/ ma byin par len pa spangs pa yang yin te/ bdag gi longs spyod kyis chog shes shing snying brtse ba dang ldan te/ gzhan gyi longs spyod la bag byed pas/ de gzhan gyis yongs su bzung ba'i dngos po dag las gzhan gyis yongs su bzung bar 'du shes shing rku sems nye bar bzhag ste/ tha na rtswa dang / lo ma yang ma byin par mi len na/ 'tsho ba'i yo byad gzhan dag lta ci smos
- 55b
'dod pa la log par g.yem pa spangs pa yang yin te/ bdag gi chung mas chog shes shing gzhan gyi chung ma la 'dod pa med pas de gzhan gyis yongs su bzung ba'i bud med gzhan gyi chung ma rus dang mtshan ma dang / chos kyis bsrungs pa rnams la chags sems kyang mi skye na yan lag ma yin pa'i rnam par rig byed dam gnyis kyi dbang po gnyis spong pa lta ci smos/ brdzun du smras pa spangs pa yang yin te/ bden par smra zhing dag par smra la dus su smra ste/ de tha na rmi lam na yang lta ba dang / bzod pa dang / 'dod pa dang / rab tu rtog pa bsgyur te/ bslu ba'i bsam pas brdzun gyi tshig mi smra na ched du bsams te rjod pa lta ci smos/ phra ma'i cho ga spangs pa yang yin te/ sems can rnams la dbyen mi byed cing rnam par mi 'tshe ba la zhugs pas/ des de dag dbye ba'i phyir chu gyi las thos nas pha gir snyod pa ma yin te/ de dag dbye ba'i phyir/ pha gi las thos nas tshu gir snyod pa ma yin la/ 'dum pa rnams mi 'byed cing bye ba rnams la yang mi rnon te/ mi 'dum pa la dga' zhing mi 'dum pa la mos pa ma yin pas bden nam/ brdzun yang rung mi 'dum par bya ba'i tshig mi smra'o// tshig rtsub po spangs pa yang yin te/ zher 'debs pa dang / brlang ba dang / gzhan la gnod pa dang / gzhan gyi mtshang 'dru ba dang / grong mi'i tshig dang / ma rabs kyi tshig ngor rjod pa dang / ngor rjod pa la gzhol ba dang / brdzun dang / rnar mi snyan pa dang / khro zhing ga
- 56a
ba las byung ba dang / mi snyan pa dang / yid du mi 'ong bas spring na bar byed cing gdung bar byed pa dang / bdag gi rgyud dang / gzhan gyi rgyung ma rung bar byed pa'i tshig rnam/ pa de lta bu spangs te/ gang 'di mnyen pa dang / yid du 'ong ba dang / brdzun ma yin pa dang / rnar sman pa dang / snying du sdug pa dang / grong khyer ba dang / skye bo mang po'i yid du 'ong ba dang / yid dga' bar byed pa dang / yid tshim par byed pa dang / bdag gi rgyud dang / gzhan gyi rgyud dang bar byed pa'i tshig rnam pa de lta bu dag rjod do// tshig kyal pa spangs pa yang yin te/ lan legs bar glon pa'i tshig dang / dus su sdu ba dang / yang dag par smrab dang / chos smra ba dang / rigs pa smra ba dang / 'dul ba sgrub dang / g.yeng ba med pa dang ldan pa dang / dus dang / dang bcas pa'i tshig smra ba yin te/ de tha na bzhad gang du bya ba'i tshig yongs su spong bar bya ba yang yongs su spong na/ tshig gi rnam par g.yeng ba lta ci smos/ brnab sems med pa yang yin te/ gzhan gyi nor dang / gzhan gyi 'dod pa dang / gzhan gyi rdzas dang / yo byad gzhan gyis yongs su bzung ba la brnab sems mi skyed la 'dod par mi byed cing mi smon te/ chags pa'i sems mi skyed la gnod sems med pa yang yin te/ sems can thams cad la byams pa'i sems dang / phan pa'i sems dang / bde ba'i sems dang / 'jam pa'i sems dang / skye bo thams cad la phan gdags
- 56b
pa'i sems dang ldan pas/ gang 'di khro ba dang / khon du 'dzin pa dang / tha ba dang / dri ma dang / gnod sems dang / khong khro ba sngon du 'gro ba de dag spangs te/ gang 'di byams pa dang ldan/ par de dag la rtog pa yin no// yang dag pa'i lta ba dang ldan zhing ngo mtshar dang / bkra shis rnam pa tha dad pa dang / tshul khrims ngan pa'i lta ba dang bral ba yin te/ lta ba drang zhing g.yo med la sgyu med pas/ sangs rgyas dang / chos dang / dge 'dun la bsam pa nges pa yin no// de dge ba bcu'i las kyi lam 'di dag rtag tu rgyun mi 'chad par srung zhing 'di ltar sems kyi bsam pa ngon par bsgrub ste/ sems can rnams kyi ngan song dang / ngan 'gro dang / rnam par ltung ba yod pa gang yang rung ste/ de dag thams cad mi dge ba bcu'i las kyi lam rnams yang dag par blangs pa'i rgyu las byung gis/ bdag gis ni 'di ltar bdag nyid yang dag par sgrub pa la gnas te/ gzhan yang dag par sgrub pa la dgod par bya'o// de ci'i phyir zhe na/ 'di ni gnas ma yin zhing go skabs med de/ gang bdag log par sgrub pa la gnas shing gzhan yang dag par sgrub pa la dgod par bya ba 'di ni gnas med do snyam nas yang de 'di ltar dpyod de/ mi dge ba bcu'i lam 'di dag yang dag par blangs pa'i rgyus sems can dmyal ba dang / dud 'gro'i skye gnas dang / gshin rje'i 'jig rten gyi 'gro ba rnams yod par gyur to// dge ba bcu'i las kyi lam rnams yang dag par
- 57a
blangs pa'i rgyus ni lha dang mir skye ba la sogs pa srid pa'i rtse mo'i bar du skye ba yod par gyur to/ / de'i gong du dge ba bcu'i las kyi lam 'di dag nyi tshe ba'i sems dang khams// gsum pas sgrog pa'i yid dang / snying rje chen po med pa dang / gzhan las thos pa'i rjes su 'gro ste/ sgra'i rjes su 'brang bas shes rab kyi rnam pas yongs su bsgoms na nyan thos kyi theg pa sgrub bo/ / de'i gong du gzhan gyi dring mi 'jog pa dang / rang mngon par rdzogs par 'tshang rgya ba dang / snying rje chen po dang / thabs mkhas pa med pa dang / zab mo rkyen 'di khong du chud pas yongs su sbyangs na/ rang sangs rgyas kyi theg pa sgrub bo// de'i gong du shin tu rgyas shing tshad med pa'i sems dang / snying brtse ba dang / snying rje dang ldan pa dang / thabs mkhas pas bsdus pa dang / smon lam chen po shin tu btab pa dang / sems can thams cad yongs su mi gtong ba dang / sangs rgyas kyi ye shes shin tu rgyas pa la dmigs pas yongs su spangs na/ byang chub sems dpa'i sa yongs su dag pa dang / pha rol tu phyin pa rnam par dag pa'i sbyor pa rgya chen po sgrub bo// de'i gong du rnam pa thams cad yongs su sbyangs pas stobs bcu'i stobs dang / sangs rgyas kyi chos thams cad yang dag par 'grub pa'i bar du sgrub bo/ / de lta bas na bdag gis mngon par sgrub tu 'dra ba la/ rnam pa thams cad yongs su sbyang zhing mngon par sgrub pa nyid
- 57b
la brtson par bya'o zhes de de bas kyang 'di ltar yang dag par slob ste mi dge ba bcu'i las kyi lam 'di dag bsten pa dang / bsgoms pa dang mang du byas pa'i shas che bas ni/ sems can dmyal ba'i rgyur 'gyur ro/ / 'bring gis ni dud 'gro'i skye gnas kyi rgyur 'gyur ro// chung ngus ni gshin rje'i 'jig rten gyi rgyur 'gyur te// de la srog gcod pas ni sems can dmyal bar khrid do// dud 'gro'i skye gnas su khrid do/ / gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ tshe thung ba dang / nad mang bar 'gyur ba'o/ / ma byin par len pas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ longs spyod chung ba dang / thun mong gi longs spyod du 'gyur ba'o// 'dod pa la log par g.yem pas ni sems can dmyal bar khrid do// dud 'gro'i skye gnas su khrid ngo / / gshin rje'i 'jig rten du khrid ngo // de nas gal te mi rnams kyi nang du skyes na yang rnam par smin pa gnyis mngon par smra ba ste/ g.yog 'khor brtan du mi rung ba dang / 'gran blang bcas pa'i chung mar 'gyur ba'o/ / brdzun du smra bas ni sems can dmyal bar khrid do// dud 'gro'o skye gnas su khring ngo // gshin rje'i 'jig rten du khring ngo // de nas gal te mi rnams kyi nang du
- 58a
skyes na yang rnam par smin pa gnyis mngon par sgrub ste/ skur pa mang ba dang / gzhan gyis bslu bar 'gyur ba'o// phra mas ni sems can dmyal bar khring ngo // dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ g.yog 'khor mi 'dum pa dang / g.yog 'khor ngan par 'gyur ba'o// tshig rtsub pos ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khring ngo // de nas gal te mi rnams kyi nang du skyes na yang rnam par smin pa gnyis mngon par sgrub ste/ yid du mi 'ong ba thos pa dang 'thang mo'i tshig tu 'gyur ba'o// tshig kyal pas ni sems can dmyal bar khrid do// dung 'gro'i skye gnas su khrid do/ / gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ gzung bar 'os pa'i tshig ma yin/ pa dang / ma nges pa'i spobs par 'gyur ba'o// brnab sems kyis ni sems can dmyal bar zhing ngo // dung 'gro'i skye gnas su khrid ngo // gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ chog mi shes pa dang / 'dod pa che bar 'gyur ba'o// gnod sems kyis ni sems can dmyal bar khrid do// /
- 58b
dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ phan pa mi tshol ba dang / gzhan gyis gnod pa bya bar 'gyur ba'o// log par lta bas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid ngo // de las gal te mi rnams kyi nang du skyes na yang rnam par smin pa gnyis mngon par sgrub ste/ lta ba ngan par ltung ba dang / g.yo rgyu can du 'gyur ba'o// de ltar na mi dge ba bcu'i las kyi lam 'di dag ni sdug bsngal gyi phung po chen po tshad med pa sdud par 'gyur gyis/ mi dge ba bcu'i las kyi lam 'di dag bdag gis spangs te/ chos kyi kun dga' la dga' bas dga' bar gnas par bya'o snyam nas de mi dge ba bcu'i las kyi lam 'di dag spangs te/ dge ba bcu'i las kyi lam la gnas shing gzhan rnams kyang de dag nyid la rab tu dgod do// de sems can rnams la de bas kyang shas cher phan pa'i sems dang / bde ba'i sems dang / byams pa'i sems dang / snying brtse ba'i sems dang / snying rje'i sems dang / phan gdags pa'i sems dang / kun tu bsrung ba'i sems dang / mnyan pa'i sems dang / slob dpon gyi sems dang / ston pa'i sems bskyed cing de 'di snyam du sems te/ kye ma sems can 'di
- 59a
dag ni lta ba ngan par lhung ba blo gros mi mnyam zhing bsam pa mi mnyam pa/ log pa'i lam thibs por rgyu ba yin gyis de dag bdag gis ma nor ba'i lam yang dag par lta ba'i lam ji lta ba de bzhin nyid la rab tu dgod par bya'o/ / kye ma sems can 'di dag ni rigs mi 'phrod pa mi mthun par 'dzin cing rtsod pa la zhugs pa rtag tu rgyun mi 'chad par khro ba dang / khon du 'dzin pas 'bar bar gyur pa yin gyis/ de dag bdag gis bla na med pa'i byams pa chen po nye bar bsgrub pa la rab tu dgod par bya'o// kye ma sems can 'di dag ni ngoms mi myong zhing gzhan gyi nor la mngon par 'dod pa can yang ba'i 'tsho bas rjes su spyod pa yin gyis/ de dag bdag gis lus dang ngag dang / yid kyi las kyi mtha' yongs su dag pas 'tsho ba la rab tu dgod par bya'o// kye ma sems can 'di dag ni 'dod chags dang / zhe sdang dang gti mug gi gzhi dang ldan pa nyon mongs pa sna tshogs kyi me lce rtag tu rgyun mi 'chad par kun tu 'bar bar gyur kyang de las 'byung ba'i thabs yongs su mi tshol ba yin gyis/ de dag bdag gis nyon mongs pa thams cad rab tu zhi ba 'tshe ba med pa'i mya ngan las 'das pa la rab tu dgod par bya'o// kye ma sems can 'di dag ni gti mug gi mun pa'i rab rib dang / ling thog dang / mun nag gis bsgribs pa mun nag chen po'i thibs por zhugs pas shes rab kyi snang ba dang / ring du gyur pa'i mun nag chen po'i nang na 'thom pa/
- 59b
lta ba'i mya ngan du zhugs pa yin gyis de dag bdag gis ci nas kyang chos thams cad kyi ji lta ba de bzhin nyid la gzhan gyi dring mi 'jog pa thob par 'gyur bar shes rab kyi mig sgrib pa med par rnam par sbyang bar bya'o/ / kye ma sems can 'di dag ni 'khor ba'i mya ngan gyi lam du zhugs pas sems can dmyal ba dang / dud 'gro'i skye gnas dang / gshin rje'i 'jig rten gyi g.yang sa la mngon du phyogs pa/ lta ba ngan pa'i rgyu nyam nga bar zhugs pa/ gti mug thibs pos kun nas yog pa'i lam du zhugs pa/ ldongs par gyur pa/ yongs su 'dren pa med pa/ 'byung ba ma yin pa la 'byung bar lta ba/ bdud kyi lam gyi chom pos zin pa/ bdud kyi bsam pa thibs por zhugs pa/ sangs rgyas kyi bsam pa las ring du gyur pa yin gyis/ de dag bdag gis rnam pa de lta bu'i 'khor ba'i 'brog dgon pa bgrod par dka' ba las bsgral bar bya/ 'jigs pa med pa'i gnas thams cad mkhyen pa'i grong khyer chen por rab tu dgod par bya'o// kye ma sem can 'di dag ni dba' rlabs chen po'i nang du bying ba/ 'dod pa dang / srid pa dang / ma rig pa dang lta ba'i chu bor zhugs pa/ 'khor ba'i rgyun gyis 'das pa srid pa'i klung du zhugs pa/ shugs drag pos bdas te/ blta ba'i mthu med pa/ 'dod pa dang / gnod sems dang / rnam par 'tshe ba'i rnam par rtog pa mang po'i rjes su zhugs pa/ 'jig tshogs la lta ba'i chu'i srin pos zin pa
- 60a
'dod pa'i thibs po'i glong du zhugs pa/ dka' ba can dang / 'dod chags kyi dkyil du kun tu thogs pa/ nga'o snyam pa'i nga rgyal gyi thang la 'khyams pa/ dpung gnyen med pa/ skye mched kyi grong nas ma 'phags pa/ sgrol ba la mkhas pa dang bral ba yin gyis de dag bdag gis snying rje chen po dang / dge ba'i rtsa ba'i stobs kyis gton te/ thams cad mkhyen pa nyid kyi gling 'tshe ba med pa/ rdul med par 'jigs pa dang / skrag pa thams cad med pa la rab tu dgod par bya'o// kye ma sems can 'di dag ni 'khor ba'i btson rang bcug pa/ sdug bsngal dang / yid mi bde ba dang / 'khrug pa mang po mang ba dang / sdug pa dang / mi sdug par 'brel pa/ mya ngan dang / smre sngags 'don pa dang bcas pa'i rjes su rgyu ba/ srid pa'i sgrog tu bcug pa/ khams gsum pa'i ma rig pa'i thibs pos kun nas khebs pa yin gyis/ de dag bdag gis khams gsum pa'i gnas thams cad las dben pa mya ngan las 'das pa la rab tu dgod par bya'o// kye ma sems can 'di dag ni bdag tu mngon par zhen pa/ phung po'i gnas las ma 'phags pa/ phyin ci log bzhir 'gro ba/ skye mched drug gi grong stong pa na gnas pa/ 'byung ba chen po bzhi'i sbrul gyis gtses pa phung po'i gshed ma'i chom pos bcom pa/ sdug bsngal dpag tu med pa myong bar gyur pa yin gyis/ de dag bdag gis gnas pa thams cad dang bral ba 'di lta ste/ sgrib pa thams cad spangs
- 60b
pa'i mya ngan las 'das pa la rab tu dgod par bya'o/ / kye ma sems can 'di dag ni mos pa chung bas/ zhum zhing zhan pa thams cad mkhyen pa'i ye shes mchog gi sems mi bdog pas/ theg pa chen por 'byung ba yod kyang nyan thos dang / rang sangs rgyas kyi theg par ltung ba yin gyis/ de dag bdag gis sangs rgyas kyi chos rgya chen po blos gros rnam par rgyas pas dmigs pa la rab tu dgod par bya'o// snyam mo// kye rgyal ba'i sras dag de ltar tshul khrims kyi stobs bskyed pa de lta bu dang ldan pa bya ba mngon par sgrub pa la mkhas pa'i byang chub sems dpa'/ byang chub sems dpa'i sa dri ma med pa la gnas pa de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos bsti stang byed do/ / btsun par byed do// ri mor byed do// mchod par byed do// na bza' dang / zhal zas
- 61a
dang / gzims cha dang / spyan gyi gsos sman dang / yo byad dag kyang dbul zhing byang chub sems dpa'i bde ba sbyar ba yang nye bar 'grub bo// dge 'dun gyi tshogs la yang yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas de dag las dge ba bcu'i las kyi lam 'di dag nyid kyang gus pa dang / rim gros rab tu 'dzin te ji ltar bzung ba de yang bar ma dor chud zos par mi byed do// de bskal pa du ma dang bskal pa brgya phrag du ma dang / bskal pa stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar ser sna dang / 'chal pa'i tshul khrims kyi dri ma bsal bas gtong ba dang / tshul khrims rnam par dag pa yang dag par 'grub bo/ / kye rgyal ba'i sras dag 'di lta ste dper na/ gser gyi sa le sbram de nyid nag tshur du bcug na de bas kyang dri ma thams cad dang bral bar 'gyur ro// kye rgyal ba'i sras dag de bzhin du byang chub sems dpa'i sa dri ma med pa 'di la gnas pa'i byang chub sems dpa' yang bskal pa du ma nas/ bskal pa bye ba khrag khrig brgya stong du ma'i
- 61b
bar ser sna dang / 'chal pa'i tshul khrims kyi dri ma bsal bas gtong ba dang / tshul khrims rnam par dag pa yang dag par 'grub bo// de'i bsdu ba'i dngos po bzhi po dag las snyan par smra ba'i shas che ba yin/ pha rol tu phyin pa bcu po dag las tshul khrims kyi pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin/ no// kye rgyal ba'i sras dag 'di ni byang chub sems dpa' rnams kyi byang chub sems dpa'i sa gnyis pa dri ma med pa zhes bya ba mdor bstan pa'o// sa de la gnas pa'i byang chub sems dpa' ni phal cher gling bzhi la dbang ba'i 'khor los sgyur ba'i rgyal por te/ chos kyi dbang byed pa thob pa dang / rin po che sna bdun dang ldan pa dang / sems can rnams kyi 'chal pa'i tshul khrims kyi dri ma bzlog pa'i gtso bor gyur cing / sems can rnams dge ba bcu'i las kyi lam rnams la dgod par bya ba la shin tu mkhas pa yin no// sbyin pa 'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa
- 62a
yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya// pa dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rton pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus khyim dang / chung ma dang / longs spyod thams cad spangs te/ de bzhin gshegs pa'i bstan pa la rab tu 'byung/ ba dang / rab tu byung nas kyang skad cig thang cig yud tsam gcig la ting nge 'dzin stong rab tu thob cing snyoms par yang 'jug pa dang / sangs rgyas stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams stong g.yo bar byed pa dang / zhing stong du 'gro ba dang / 'jig rten gyi khams stong snang bar byed pa dang / sems can stong yongs su smin par byed pa dang / bskal pa stong du gnas par byed pa dang / bskal pa stong la sngon gyi mtha' dang / phyi ma'i mthar rab tu 'jug pa dang / chos kyi sgo stong rnam par 'byed pa dang / lus
- 62b
stong kun tu ston pa dang / lus re re la yang byang chub sems dpa'i 'khor stong stong kun tu ston pa'i brtson 'grus rnam pa de lta bu rtsom mo// de yan chad byang chub sems dpa'i smon lam gyi stobs can rnams smon lam khyad pa can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gas/ spyod yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa'am/ mngon par 'du byed pa dag kyang bskal pa bye ba khrag khrig brgya stong phrag ji snyed pa de snyed du'ang brjod par sla ba ma yin no// byang chub sems dpa'i sa gnyis pa dri ma med pa zhes bya'o// kye rgyal ba'i sras dag byang chub sems dpa'i sa gnyis pa la lhag pa'i bsam pa shin tu yongs su sbyangs pa'i byang chub sems dpa' de byang chub sems dpa'i sa gsum pa gnon te/ sems kyi bsam pa yid la byed pa rnam pa bcus gnon te/ bcu gang zhe na/ 'di lta ste/ dag pa'i sems kyi bsam pa yid la byed pa dang brtan pa'i sems kyi bsam pa yid la byed pa dang / skyo ba'i sems kyi bsam pa yid la byed pa dang / 'dod chags dang bral ba'i sems kyi bsam pa yid la byed pa dang / phyir mi ldog pa'i sems kyi bsam pa yid la byed pa dang / sra ba'i sems kyi bsam pa yid la byed pa dang / sbyangs pa'i sems kyi bsam pa yid la byed pa dang / rloms pa'i sems kyi bsam pa yid la byed pa dang
- 63a
rlabs bca'i sems kyi bsam pa yid la byed pa dang / che nyid kyi sams kyi bsam pa yid la byed pa ste/ sems kyi bsam pa yid la byed pa bcu po 'di gagis banon/ kye rgyal ba'i sras dag/ byang chub sems dpa'i sa gsum pa la gnas pa'i byang chub sems dpa' nge 'du byed du gyur pa thams cad la mi rtag par rab tu rtog go// sdug bsngal ba dang / mi sdug pa dang / yid brtan du mi rung ba dang / rnam par 'jig pa dang / ring du mi gnas pa dang / skad cig la 'byung zhing 'gag pa dang / sngon gyi mthar ma byung ba dang / ma'i mthar 'pho ba med pa dang / da ltar byung ba la mi gnas par rab tu rtog go// de 'du byed du gyur pa de lta bu thams cad la yang dag par rtog pa'i tshe/ mngon du gzhol bar bya ba ma yin pa dang / gsol ba'i gnas med pa dang / mya ngan dang bcas pa dang / smre sngags 'don pa dang bcas pa dang / 'khrug pa dang bcas pa dang / sdug pa dang / mi sdug par 'brel pa dang / sdug bsngal dang / yid mi bde ba dang / 'khrug pa mang po mang ba dang / bsags pa med par gyur pa dang / 'dod chags dang / zhe sdang dang / gti mug gi me rab tu 'bar ba dang / nang du ma rnam par 'phel ba'i lus mthong nas de 'du byed du gyur pa thams cad las de bas kyang shas cher sems bskyed cing de bzhin gshegs pa'i ye shes la rab tu gtong ngo / / des de bzhin gshegs pa'i ye shes bas
- 63b
gyis mi khyab pa yang dag par mthong ste/ mtshungs pa med pa dang / dpag tu med pa dang / rnyed dka' ba dang / ma dres pa dang / gnod pa med pa dang / 'khrug pa med pa dang / 'jigs pa med pa'i grong khyer du 'gro ba dang / phyir mi ldog pa dang / skye bo mang po yongs su skyob pa yang dag par rjes su mthong ngo // des de bzhin gshegs pa'i ye shes de ltar tshad med pa yang dag par rjes su mthong ste/ 'du byed du gyur pa de ltar gnod pa mang po dang ldan par rtog pa na/ sems can rnams la de bas kyang shas cher sems kyi bsam pa bcu nye bar 'jog ste/ bcu gang zhe na 'di lta ste/ mgon med pa dang / rton pa med pa'i sems kyi bsam pa dang / rtag tu dbul ba'i sems kyis bsam pa dang / 'dod chags dang / zhe sdang dang / gti mug gi me rab tu 'bar ba'i sems kyi bsan pa dang / srid pa'i btson rar chud pa'i sems kyi bsam pa dang / rtag par rgyun du nyon mongs pa thibs pos bsgribs pa'i sems kyi bsam pa dang / blta ba'i mthu med pa'i sems kyi bsam pa dang / dge ba'i chos la 'dun pa dang bral ba'i sems kyi bsam pa dang / sangs rgyas kyi chos chud gson pa'i sems kyi bsam pa dang / 'khor ba'i rgyun gyis bdab pa'i bsam pa dang / thar pa'i thabs chud gzon pa'i sems kyi bsam pa dang / sems kyi bsam pa bcu po 'di dag nye bar 'jog go// des de ltar sems can gyi khams gnod mang po can mthong nas/ brtson 'grus 'di ltar
- 64a
rtsom ste/ sems can 'di dag ni bdag gis yongs su bskyab par bya ba/ yongs su dgrol bar bya ba/ yongs su sbyang bar bya ba/ gdon par bya ba/ rab tu gnas par// bya ba/ rab tu dgod par bya ba/ yongs su tshim par bya ba/ gnas su phyin par bya ba/ rnam par gdul bar bya ba/ yongs su mya ngan las 'da' bar bya ba yin no snyam nas/ de de ltar 'du byed du gyur pa thams cad la yid byung ba'i rjes su song / sems can thams cad la lta ba'i rjes su song / thams cad mkhyen pa'i ye shes la phan yon gyi rjes su song zhing de bzhin gshegs pa'i ye shes la rtog pas sems can thams cad la yongs su bskyab par bya ba la brtson zhing 'di ltar yongs su rtog ste/ lam gang gis 'di ltar sdug bsngal ba dang / nye ba'i nyon mongs pa mang por lhung ba'i sems can 'di dag mngon par gdon pa dang / mya ngan las 'das pa shin tu bde ba la rab tu dgod par nus snyam nas/ de la byang chub sems dpa' 'di snyam du sems te/ sgrib pa med pa'i ye shes rnam par thar pa la gnas pa ma gtogs par gzhan gyis ma yin no// sgrib pa med pa'i ye shes rnam par thar pa la gnas pa de yang chos thams cad ji lta ba bzhin du khong du chud pa ma gtogs par gzhan gyis ma yin no/ / chos thams cad ji lta ba bzhin du khong du chud pa de yang rgyu ba med cing / skye ba med pa la spyod pa'i shes rab ma gtogs
- 64b
par gzhan gyis ma yin no/ / shes rab kyis snang ba de yang bsam gtan la mkhas shing rnam par nges pas blo la rab tu rtog pa ma gtogs par gzhan gyis ma yin no// bsam gtan la mkhas shing rnam par nges pas blo la rab tu rtog pa de yang thos pa la mkhas pa ma gtogs par gzhan gyis ma yin no snyam mo/ / de de ltar shin tu brtags pa'i shes pa dang ldan pas de bas kyang shas cher dam pa'i chos yongs su tshol ba la mngon par brtson par gnas pa dang / nyin mtshan du chos mnyan pa don du gnyer ba dang / chos 'dod pa dang / chos la dga' dang / chos la rten pa dang / chos la gzhol ba dang / chos la 'bab pa dang / chos la phyogs pa dang / chos la gnas su 'dzin pa dang / chos la skyabs su 'dzin pa dang / chos kyi rjes su mthun pa'i chos spyod pa yin no// 'phags pa sa bcu pa// / bam po gsum pa// sangs rgyas kyi chos yongs su tshol ba la mngon par brtson pa de rdzas kyis rnam pa'am/ nor dang / 'bru dang / mdzod dang / bang ba'i rnam pa yongs su mi gtong ba de cung zad kyang med de/ de la bya dka' bar 'du shes pa ma yin gyi/ gzhan du ni chos smra ba'i gang zag de la bya dka' ba'i 'du shes su gyur pa ni ma gtogs so// phyi rol gyi dngos po nye bar bzung ba yongs su mi gtong ba de gang cung zad kyang med do// nang gi dngos po
- 65a
mi gtong ba de gang cung zad kyang med do/ / bla ma'i yongs su spyod pa dang / rim gror bya ba nyams su mi len pa de gang cung zad kyang med do// nga rgyal dang lhag pa'i nga rgyal spangs te/ nga rgyal med par nye bar spyad par bya ba de ci yang rung ste/ nyams su mi len pa de gang yang med do// lus kyi gnod pa ci yang rung ste/ nyams su mi len pa de gang yang med do// de ma thos pa'i chos thos pa nor che bar 'dzin gyi stong gsum gyi stong chen po'i 'jig rten gyi khams snyed kyi rin po che'i phung po rnyed pas ni ma yin no// de legs par bshad pa'i tshigs su bcad pa gcig thos pa nor che bar 'dzin gyi/ 'khor los sgyur ba'i rgyal srid thob pas ni ma yin no// de byang chub sems dpa'i spyod pa yongs su sbyong ba'i chos ma thos pa thos pa ni nor che bar 'dzin gyi brgya byin dang / tshangs pa rab tu thob pas/ bskal pa brgya stong mang po'i mthar thug pas ni ma yin no// gal te la la zhig de la 'di skad ces zer te/ gal te khyod kyis me'i 'obs chen po kun tu 'bar ba rab tu 'bar ba/ kun tu rab tu mched cing 'bar ba/ me lce gcig tu gyur pa'i nang du bdag bor te/ sdug bsngal gyi tshor ba chen po rang gi lus kyis nyams su blang blta na ngas khyod la chos kyi tshig yang dag par rdzogs pa'i sangs rgyas kyis bstan pa/ byang chub sems dpa'i spyod pa yongs su sbyong ba 'di bshad par bya'o zhe na yang de 'di snyam du sems te/ yang dag par
- 65b
rdzogs pa'i sangs rgyas kyis bstan pa/ byang chub sems dpa'i spyod pa yongs su sbyong ba'i chos kyi tshig gcig gi don du yang stong gsum gyi stong chen po'i 'jig rten gyi khamasams gang bar tshangs pa'i 'jig rten nas bdag gis bdag dor bar mos na/ me'i 'obs tha mal par bdag dor ba lta ci smos/ sems can dmyal ba'i sdug bsngal thams cad nyams su bab kyang bdag gis chos btsal bar byan/ me'i sdug bsngal dang 'grogs pa lta ci smos snyam nas/ de rnam pa de lta bu'i brtson 'grus rtsom pas chos yongs su tshol zhing ji skad du thos pa'i chos rnams la yang tshul bzhin du rab tu rtog pa rang bzhin can yin te/ des chos de dag thos nas kyang rang gi sems la nges par rtog pas gcig pu dben par song ste 'di ltar dpyod do// chos kyi rjes su mthun pa'i chos sgrub pas sangs rgyas kyi chos 'di dag khong du chud par bya/ / tshig gi las yongs su dag pa 'ba' shig gis ni ma yin no snyam ste/ byang chub sems dpa'i sa 'od byed pa 'di la gnas pa'i byang chub sems dpa' de chos kyi rjes su mthun pa'i chos sgrub pa'i rgyur 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde bcan bsam gtan dang po rdzogs par byas te gnas so// de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas/ rtog pa med
- 66a
pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so// de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong ba 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa bsam gtan gsum pa rdzogs par byas te gnas so// de bde ba yang spangs te snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin/ sdug bsngal ba yang ma yin pa/ btang snyoms dang dran pa yongs su dag pa/ bsam gtan bzhi pa rdzogs par byas te gnas so// de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par 'gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas/ nam mkha' mtha' yas skye mched rdzogs par byas te gnas so/ / de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te gnas so/ / de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched rdzogs par
- 66b
byas te gnas so/ / de rnam pa thams cad du ci yang med pa'i skye mched las yang dag par 'das nas/ 'du shes med 'du shes med pa ma yin no snyam ste/ 'du shes med 'du shes med min skye mched rdzogs par byas nas gnas so/ / chos kyi rjes su mthun pa'i chos sgrub pa ma gtogs par de yang mngon par dga' ba'i gnas dang / rten ma yin pas de byams pa dang ldan pa'i sems yangs pa rgya chen por gyur pa/ mi gnyis pa tshad med pa/ kho na med pa/ 'gran zla med pa/ sgrib pa med pa/ gnod pa med pa/ thams cad du khyab pas chos kyi dbyings kyis klas pa nam mkha'i khams kyi mthas gtugs pa thams cad dang ldan pa'i 'jig rten khyab par byas nas rdzogs par byas te gnas so/ / de bzhin du snying rje dang ldan pa/ dga' ba dang ldan pa/ btang snyoms dang ldan pa'i sems yangs pa rgya chen por gyur pa/ mi gnyis pa/ tshad med pa/ khon med pa/ 'gran zla med pa/ sgrib pa med pa/ gnod pa med pa/ thams cad du khyab pas chos kyi dbyings kyis klas pa/ nam mkha'i khams kyi mthas gtugs pa thams cad dang ldan pa'i 'jig rten khyab par byas nas rdzogs par byas te gnas so// de rdzu 'phrul gyi bya ba rnam pa du ma myong bar byed de/ sa yang g.yo bar byed do// gcig tu gyur nas mang por 'gyur ro// mang por gyur nas gcig tu 'gyur ro// snang bar gyur cing mi snang bar 'gyur ro// rtsig pa la yang thang kar
- 67a
'gro/ ra ba las kyang thad kar 'gro'o// ril yang mi thogs par 'gro ste/ dper na nam mkha' la bya ba bzhin no// nam mkha' la yang skyil mo krung gis 'gro ste dper na 'dab chags bya bzhin no/ / sa la yang steng du byung ba dang / byi'u zul byed de dper na/ chu la bya ba bzhin no// chu la yang mi nub par 'gro ste/ dper na sa la bya ba bzhin no// du bar 'phrul par yang byed 'bar bar yang byed de/ dper na me'i phung po chen po bzhin no// bdag gi lus las chu'i rgyun chen po 'byin te/ dper na sprin chen po bzhin no// chu'i rgyun de dag gis stong gsum gyi stong chen po'i 'jig rten gyi khams 'di bsregs shing 'tshig ste mes rab tu 'bar zhing 'bar ba gcig tu gyur pa zhi bar byed do/ / zla ba dang / nyi ma 'di ltar rdzu 'phrul che ba 'di ltar mthu che ba 'di gnyis la yang lag pas 'dzin cing kun tu nyug par byed do/ / tshangs pa'i 'jig rten gyi bar du yang lus kyis dbang sgyur ro// de lha'i rna ba'i khams rnam par dag pa mi'i las 'das pas lha dang mi gnyis ka'i sgra yang thos so/ / gang dag ring yang rung nyi yang rung / tha na sbrang bu dang / sha sbrang dang / bung ba dang / srin bu rnams kyi sgra yang thos so// de sem can gzhan dag dang / gang zag gzhan rnams kyi sems kyang sems kyis yang dag pa ji lta ba bzhin du rab tu shes te/ 'dod chags dang bcas pa'i sems la yang / 'dod chags dang
- 67b
bcas pa'i sems su yang dag pa ji lta ba bzhin du rab tu shes so/ / 'dod chags bral ba'i sems la yang 'dod chags dang bral ba'i sems su yang dag pa ji lta ba bzhin du rab tu shes// / so// de bzhin du zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / nyon mongs pa dang bcas pa dang / nyon mongs pa med pa dang chung ba dang / yangs pa dang / chen por gyur pa dang / tshad med pa dang / bsdus pa dang / spros pa dang / mnyam par gzhag pa dang / mnyam par ma gzhag pa dang / rnam par grol ba dang / rnam par ma grol ba dang / skyon can dang / skyon med pa dang / sems rags pa la yang sems rags pa'o zhes yang dag pa ji lta ba bzhin du rab tu shes so// sems rags pa ma yin pa la yang sems rags pa ma yin pa'o zhes yang dag pa ji lta ba bzhin du rab tu shes so/ / de ltar na sems can gzhan dag dang / gang zag gzhan rnams kyi sems sems kyis yang dag pa ji lta ba bzhin du rab tu shes so/ / de sngon gyi gnas rnam pa du ma rjes su dran te/ tshe rabs gcig kyang rjes su dran no// tshe rabs gnyis dang / gsum dang / bzhi dang lnga dang bcu dang / nyi shu dang / sum cu dang / bzhi bcu dang / lnga bcu dang brgya yang rjes su dran ro// tshe rabs brgya phrag dra ma dang / tshe rabs stong phrag du ma dang / 'jig pa'i bskal pad
- 68a
chags pa'i bskal pa dang / 'jig pa dang / chags pa'i bskal pa du ma yang rjes su dran no// bskal pa brgya yang rjes su dran no// bskal pa stong yang rjes su dran no// bskal pa brgya stong dang / bskal pa bye ba dang / bskal pa bye ba brgya dang / bskal pa bye ba stong dang / bskal pa bye ba brgya stong nas/ bskal pa bye ba khrag khrig brgya stong du ma'i bar du rjes su dran no/ / che ge mo zhig na bdag ming ni 'di zhes bya bar gyur/ rigs ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang / sdug bsngal ba ni 'di lta bu zhig myong myong / yun ni 'di sri gcig gnas gnas/ tshe ni 'di tsam zhig thub/ de nas shi 'phos nas/ che ge mo zhig tu skyes/ de nas shi 'phos nas yang 'di skyes so zhes rnam pa dang bcas/ ngan rtags dang bcas/ rgyu mtshan dang bcas par sngon gyi gnas rnam pa du ma rjes su dran no// des lha'i mig rnam par dag pa mi las 'das pas sems can 'chi 'pho ba dang / skye ba dang / mdog sdug pa dang / mdog mi sdug pa dang / bde bar song ba dang / ngan par song ba dang / bzang po dang / ngan pa rnams mthong ngo // las ji lta ba bzhin du nye bar 'gro ba'i sems can rnams yang dag pa ji lta ba bzhin du rab tu shes so/ / kye ma sems can 'di dag ni lus kyis nyes par spyod pa dang ldan pa/ ngag gis nyes par spyod pa dang ldan pa/ yid kyis nyes par spyod pa dang ldan pa/
- 68b
'phags pa rnams la skur pa 'debs pa/ log par lta ba can dag ste/ log par lta ba'i las yang dag par blangs pa'i rgyus lus zhig ste shi ba'i 'og tu ngan song ngan 'gro rnam par ltung ba'i sems can dmyal ba rnams su skye'o zhes bya ba dang / kye ma sems can 'di dag ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag pa'i lta ba can dag ste/ yang dag par lta ba'i las yang dag par blangs pa'i rgyus lus zhig ste/ shi ba'i 'og tu bde 'gro mtho ris kyi 'jig rten du lha rnams kyi nang du skye'o zhes bya bar rab tu shes te/ de ltar na lha'i mig rnam par dag pa mi'i las 'das pas sems can 'chi 'pho ba dang / skye ba dang / mdog sdug pa dang / mdog mi sdug pa dang / bde bar song ba dang / ngan par song ba dang / bzang po dang / ngan pa thams cad rnam pa dang bcas/ dan rtags dang bcas/ rgyu mtshan dang bcas par mthong ste/ las ji lta ba bzhin du nye bar 'gro ba'i sems can rnams kyang rab tu shes so// de bsam gtan dang / rnam par thar pa dang / ting nge 'dzin dang / snyoms par 'jug pa 'di dag la snyoms par 'jug cing rnam par sdang yang gang du byang chub kyi yan lag yongs su rdzogs par 'gyur bar mthong ba der ched du bsams te/ smon lam btab pa'i dbang gis skye ba ma gtogs
- 69a
par de dag gi dbang gis mi skye'o/ / de ci'i phyir zhe na/ 'di ltar byang chub sems dpa' de thabs mkhas pa mngon par bsgrubs pa'i sems kyi rgyud dang ldan pa'i phyir ro// byang chub sems dpa'i sa 'od byed pa 'di la gnas pa'i byang chub sems dpa' de la mthong ba rgya chen po de dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed do// btsun par byed do// ri mor byed do// mchod pa byed do// na bza' dang / zhal zas dang / gzims cha dang / snyan gsos sman dang / yo byad dag kyang 'bul zhing byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang yang dag par ri mor byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do//
- 69b
de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing / de dag gi chos bstan pa yang bsti stang du byed de nyan no// len no// 'dzin to// thos nas kyang ci tshul du nan tan gyis yang dag par sgrub bo/ / de chos thams cad 'pho ba med pa dang / rnam par 'jig pa med pa dang / rkyen la rten par rtog pas de/ de bas kyang shas cher 'dod pa'i bcings pa thams cad bsrabs par 'gyur ro/ / gzugs kyi bcings pa thams cad dang / srid pa'i bcings pa thams cad dang / ma rig pa'i bcings pa thams cad bsrabs par 'gyur ro// de'i lta bar gyur pa'i bcings pa rnams ni snga nas kyang spangs pa yin no/ / byang chub sems dpa'i sa 'od byed pa 'di la gnas pa'i byang chub sems dpa' de ni bskal pa brgya phrag du ma dang / bskal pa stong phrag du ma dang bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar log pa'i 'dod chags 'grib par bya ba ma yin pa spong bar 'gyur ro// log pa'i zhe sdang 'grib par bya ba ma yin pa dang / log pa'i gti mug 'grib par bya ba ma yin pa spong bar 'gyur ro// de'i dge ba'i rtsa ba de dag kyang shin tu byang ba dang / yongs su dag pa dang / yongs su rung bar 'gyur ro//
- 70a
kye rgyal ba'i sras dag 'di lta ste dper na/ gser gyi sa le sbram de nying mgar ba mkhas pa'i lag na srel na srang grangs kyi tshang bzhin du 'dug go// kye rgyal ba'i sras dag de bzhin du byang chub sems dpa'i sa 'od byed pa 'di la gnas pa'i byang chub sems dpa' yang bskal pa brgya phrag du ma nas/ bskal pa bye ba khrag khrig brgya stong phrag du ma'i bar du log pa'i 'dod chags 'grib par bya ba ma yin pa spong bar 'gyur ro/ / log pa'i zhe sdang dang / log pa'i gti mug kyang 'grib par bya ba ma yin par spong bar 'gyur ro// de'i dge ba'i rtsa ba de dag kyang shin tu byang ba dang // yongs su dag pa dang / las su rung bar 'gyur ro// de'i bzod pa dang / nges pa'i bsam pa yang de bas shas cher yongs su dag par 'gyur te/ mnyen zhing 'jam pa'i bsam pa dang / mi 'khrugs pa'i bsam pa dang / glong ba med pa'i bsam pa dang / rnyog pa med pa'i bsam pa dang / mtho dman med pa'i bsam pa dang / sems can gyis byas pa la re ba med pa'i bsam pa dang / byas pa la phyir byed par re ba med pa'i bsam pa dang / g.yo med cing sgyu med pa'i bsam pa dang / thibs pa med pa'i bsam pa yongs su dag par 'gyur ro// de'i bsdu ba'i dngos po bzhi po dag las don spyad pa'i shas che ba yin/ pha rol tu phyin pa bcu po dag las bzod pa'i pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no// kye rgyal ba'i sras
- 70b
dag 'di ni byang chub sems dpa' rnams kyi byang chub sems dpa'i sa gsum pa 'od byed pa zhes bya ba mdor bstan pa'o/ / de la gnas pa'i byang chub sems dpa' ni phal cher lha'i rgyal po dbang por 'gyur te/ byed pa dang ldan zhing sems can rnams kyi 'dod pa la 'dod chags rnam par bzlog pa'i thabs bsgrub pa'i gtso bor gyur pa/ sems can rnams 'dod pa'i 'angam nas 'don pa la mkhas pa yin/ no// sbyin pa'am/ snyan par smra ba'am/ don spyod pa'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so// 'dod na brtson
- 71a
'grus rtsom pa rnam pa ji lta bus skad cig thang cig yud tsam gcig la ting nge 'dzin brgya stong rab tu thob cing snyoms par yang 'jug pa dang / sangs rgyas brgya stong mthong ba dang de dag gis byin gyi brlabs kyang yang dag par shes pa dang / 'jig rten gyi khams brgya stong g.yo bar byed pa dang / zhing brgya stong du 'gro ba dang / 'jig rten gyi khams brgya stong par byed pa dang / sems can brgya stong yongs su smin par byed pa dang / bskal pa brgya stong du gnas par byed pa dang / bskal pa brgya stong la mngon gyi mtha' dang / phyi ma'i mtha' dang / phyi ma'i mtha' dag tu 'jug pa dang / chos kyi sgo brgya stong rnam par 'byed pa dang / lus brgya stong kun tu ston pa dang / lus re re la yang byang chub sems dpa'i 'khor brgya stong kun ston pa'i brtson 'grus rnam pa de lta bu rtsom mo// de yan chang byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba khrag khrig brgya stong phrag ji snyed pa de snyed du yang brjod par sla ba yin no/ / byang chub sems dpa'i sa gsum pa 'od byed pa zhes bya'o// kye rgyal ba'i sras dag byang chub sems dpa' sa gsum pa la snang ba shin tu yongs su dag pa'i byang chub sems
- 71b
dpa' de byang chub sems dpa'i sa bzhi pa gnon te/ de chos la snang ba 'jug pa bcus gnon no// bcu gang zhe na/ 'di lta ste/ sems can gyi khams rnam par dpyad pa la snang ba 'jug pa dang / 'jig rten gyi khams rnam par dpyad pa la snang ba 'jug pa dang / chos kyi dbyings rnam par dpyad pa la snang ba 'jug pa dang / nam mkha'i khams rnam par dpyad pa la snang ba 'jug pa dang / rnam par shes pa'i khams rnam par dpyad pa la snang ba 'jug pa dang / 'dod pa'i khams rnam par dpyad pa la snang ba 'jug pa dang / gzugs kyi khams rnam par dpyad pa la snang ba 'jug pa dang / gzugs med pa'i khams rnam par dpyad pa la snang ba 'jug pa dang / bsam brlabs po che'i mos pa'i khams rnam par dpyad pa la snang ba 'jug pa dang / che ba nyid kyi bsam pa mos pa'i khams rnam par dpyad pa la snang ba 'jug pa ste/ chos la snang ba 'jug pa bcu po 'di dag gis gnon no// kye rgyal ba'i sras dag de la byang chub sems dpa'i sa 'od 'phro ba can thob ma thag tu byang chub sems dpa' de de bzhin gshegs pa'i rigs su de'i bdag nyid kyi chos rab tu thob pa'i phyir/ ye shes yongs su smin par byed pa'i chos bcus yang dag par grub pa yin no// bcu gang zhe na 'di lta ste/ phyir mi ldog pa'i bsam pa dang / dkon mchog gsum la dad pa mi byed pa'i mthar thug par 'gro ba dang / 'du byed kyi skye ba dang 'jug pa la rnam par 'jig pa dang / rang bzhin gyis ma skyes par rnam par 'jig pa
- 72a
dang / 'jig rten la 'byung ba la rnam par 'jig pa dang / las kyis srid par skye ba la rnam par 'jig pa dang / 'khor ba dang / mya ngan las 'das pa la rnam par 'jig pa dang // zhing du las kyis sems can la rnam par 'jig pa dang / sngon gyi mtha' dang phyi ma'i mtha' la rnam par 'jig pa dang / dngos po med pa dang zad pa med par rnam par 'jig pa ste/ kye rgyal ba'i sras ngag ye shes yongs su smin par byed pa'i chos bcu po 'di dag dang ldan pa'i byang chub sems dpa' de/ de bzhin gshegs pa'i rigs su de bdag nyid kyi chos rab tu thob pa'i phyir yang dag par grub pa yin no// kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' ni rten pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ nang gis lus la lus kyi rjes su lta zhing gnas so// rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ phyi'i lus la lus kyi rjes su lta zhing gnas so// rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ nang dang / phyi'i lus la lus kyi rjes su lta zhing gnas so// de bzhin du rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/
- 72b
nang dang phyi'i lus la lus kyi rjes su lta zhing gnas so// de bzhin du rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ nang gi tshor ba rnams dang / phyi'i tshor ba rnams dang / nang dang phyi'i tshor ba rnams dang / de bzhin du nang gi sems dang / phyi'i sems dang / nang dang phyi'i sems dang / de bzhin du nang gi chos rnams dang phyi'i chos rnams dang / nang dang phyi'i chos rnams la chos kyi rjes su lta zhing gnas so// de sdig pa mi dge ba'i chos ma skyes pa rnams mi bskyed pa'i phyir 'dun pa bskyed do// 'bad do// brtson 'grus rtsom mo/ / sems rab tu 'dzin to// yang dag par rab tu 'jog go// sdig pa mi dge ba'i chos skyes pa rnams spang ba'i phyir 'dun pa bskyed do// 'bad do// brtson 'grus rtsom mo// sems rab tu 'dzin to/ / yang dag par rab tu 'jog go// dge ba'i chos ma skyes pa rnams bskyes pa'i phyir 'dun pa bskyed do// 'bad ngo // brtson 'grus rtsom mo// sems rab tu 'dzin to// yang dag par rab tu 'jug/ dge ba'i chos skyes pa rnams gnas pa dang / mi nyams pa dang / rgyas par 'gyur ba dang / phyir zhing 'byung ba dang / rab tu rtogs par bya ba'i phyir 'dun pa bskyed do// 'bad do// brtson 'grus rtsom// sems rab tu 'dzin to// yang dag par rab tu 'jog go// de 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod
- 73a
chags dang bral ba la gnas pa/ 'gog pa la gnas pa/ rnam par spong ba yongs su bsgyur ba sgom mo// brtson 'grus kyi ting nge 'dzin spang ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// sems kyi ting nge 'dzin spang ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// dpyod pa'i ting nge 'dzin spang ba'i 'du byed dang ldan pa'i rdzu 'phrul gyi rkang pa dben pa la gnas pa 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// de dad pa'i dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// brtson 'grus kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// dran pa'i dbang po dben pa la gnas pa/ 'dod chags dang bral ba la gnas pa/ 'gog/ pa la gnas pa/ rnam par spong bas yongs su bsgyur bsgom mo// ting nge 'dzin gyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par
- 73b
spong bas yongs su bsgyur ba sgom mo/ / shes rab kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba/ sgom mo// de dad pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// brtson 'grus kyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// dran pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// ting nge 'dzin gyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// shes rab kyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo/ / dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur bsgom mo/ / chos rnam par 'byed pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par
- 74a
spong bas yongs su bsgyur bsgom mo/ / brtson 'grus yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// dga' ba yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / shin tu sbyangs pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / ting nge 'dzin yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i rtog pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i ngag dben pa la gnas pa/ 'dod
- 74b
chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i las kyi mtha' dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i 'tsho ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / yang dag pa'i rtsol ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// yang dag pa'i dran pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// de dag kyang sems can thams cad la lta ba dang bcas pa dang / sngon smon lam mngon par bsgrubs pas nye bar brtan pa dang / snying rje chen po sngon du 'gro ba dang / byams pa chen po dang ldan pa dang / thams cad mkhyen pa'i ye shes la lhag par dmigs pa dang / sangs rgyas kyi zhing gyi rgyar rnam par bsgrubs pa mngon par bsgrub pa dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan dang dpe byad bzang
- 75a
po dang / gsung dbyangs phun sum tshogs pa mngon par bsgrub pa dang / gong nas gong du khyad par can gyi lam yongs su tshol ba dang / sangs rgyas kyi chos zab mo rnam pa thar pa nyan pa'i rjes su 'gro ba dang / thabs la mkhas pa chen pos rnam par spyod pas so// kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' de 'jig tshogs la lta ba sngon du 'gro ba'i ngadag dang / sems can dang / srog dang / gso ba dang / skyes bu dang / gang zag dang / phung po dang / khams dang / skye mched la mngon par zhen pas/ kun nas bslang ba'i brkyang ba dang / bcum pa dang / rnam par bsams pa dang / rnam par brtags pa dang / rnam par dpyad pa dang / byi dor byas par 'dzin pa dang / bdag gir 'dzin pa dang / nor du 'dzin pa dang / brten pa'i gnas gang yin pa thams cad dang de bral ba yin no// de bya ba'i cha ma yin pa yang dag par rdzogs pa'i sangs rgyas kyis spang pa/ kun nas nyon mod pa dang ldan pa gang yin pa de dag thams cad kyi thams cad du spong ngo / / las gang dag bya bar 'os pa byang chub sems dpa'i lam gyi tshogs dang mthun pa de bzhin gshegs pas bsngags pa de dag gang yang dag par blangs te gnas so/ / de de bas kyang ji lta ji ltar thabs dang shes rab kyis mngon par bsgrubs pa'i lam yang dag par bsgrub pa'i phyir/ lam gyi yan lag rnams sgom pa de lta de
- 75b
ltar 'jam pa'i sems dang ldan pa yin/ mnyen pa'i sems dang ldan pa yin/ las su rung ba'i sems dang ldan pa yin/ phan pa dang bde ba bskyed pa'i sems dang ldan pa yin/ yongs su nyon mongs pa can ma yin pa'i sems dang ldan pa yin/ gong nas gong du khyad par yongs su tshol ba'i sems dang ldan pa yin/ ye shes kyi khyad par 'dod pa'i sems dang ldan pa yin/ 'gro ba thams cad yongs su skyob pa'i sems dang ldan pa yin/ bla ma la gus pa dang mthun pa'i sems dang ldan pa yin/ ji skad thos pa'i chos bsgrub pa'i sems dang ldan pa yin no// de byas pa ga ba yin/ byas pa tshor ba dang / nges pa dang / 'grogs na bde ba dang / drang ba dang / mnyen pa dang / thibs po med pas spyod pa dang / sgyu med pa dang / nga rgyal med pa dang / bka' blo bde ba dang / mthun par 'dzin pa yin no// de de ltar dul ba dang ldan/ de ltar zhi ba dang ldan te/ de ltar dul ba dang / zhi ba dang ldan pas sa gong ma rnams yongs su sbyong bar byed pa'i lam gyi yan lag rnams yid la byed cing yang dag par spyod pas rgyun mi gcod pa'i brtson 'grus dang ldan pa yin/ yongs su nyon mongs pa can ma yin pa'i brtson 'grus dang ldan pa yin/ phyir mi ldog pa'i brtson 'grus dang ldan pa yin/ shin tu byang ba'i brtson 'grus dang ldan pa yin/ mtshungs pa med pa'i brtson 'grus dang ldan pa yin/ mi 'phrogs pa'i brtson 'grus dang ldan pa yin/ sems can tham
- 76a
/ cad yongs su smin par byed pa'i brtson 'grus dang ldan pa yin/ tshul dang tshul ma yin pa rnam par 'byed pa'i brtson 'grus dang ldan pa yin te/ phyir zhing de'i bsam pa'i khams shin tu yongs su dag par 'gyur ro/ / lhag pa'i bsam pa'i khams dang mi 'bral lo// mos pa'i khams shin tu byang bar 'gyur ro// dge ba'i rtsa ba rnam par 'phel ba yang kun tu skye'o// 'jig rten gyi dri ma'i nag nog dang yang bral bar 'gyur ro/ / the tsom dang / yid gnyis dang / nem nu ma yang rgyun chad par 'gyur ro// som nyi med pa mngon du 'gyur ba yang yongs su rdzogs par 'gyur ba'o// dga' ba dang shin tu sbyangs pa yang yang dag par 'grub bo// de bzhin gshegs pa'i byin gyi rlabs kyang mngon sum du 'gyur ro// sems kyi bsam pa tshad med pa yang yang dag par 'grub bo// byang chub sems dpa'i sa 'od 'phro ba can 'di la gnas pa'i byang chub sems dpa' de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs
- 76b
rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ lhag pa'i bsam pa rgya chen pos bsti stang byed do/ / btsun par byed do// ri mo byed do// mchod pa byed do// na bza' dang / zhal zas dang / gzims cha dang / snyan gsos sman dang / yo byad dag kyang 'bul zhing byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do/ / de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing de dag gi chos bstan pa yang bsti stang du byed de nyan to// len to// 'dzin to// / thos nas kyang ci tshul du nan tan gyis yang dag par sgrub bo// de dag las phal cher de bzhin gshegs pa de dag gi bstan pa la rab tu 'byung ste/ phyir zhing de'i bsam pa dang / lhag pa'i bsam pa dang / mos pa'i mnyam pa nyid rnam par dag par 'gyur ro// byang chub sems dpa'i sa 'od 'phro ba can 'di la gnas pa'i byang chub sems dpa' de bskal pa du ma nas bskal pa bye ba khrag khrig brgya stong phrag du ma'i bar du bsam pa dang / lhag pa'i bsam pa dang / mos pa mnyam pa nyid shin tu rnam par dag par 'gyur ro// de'i dge ba'i rtsa ba de dag thams cad kyang shin tu byang ba dang / yongs su
- 77a
dag pa dang / shin tu 'od gsal bar 'gyur ro// kye rgyal ba'i sras ngag 'di lta ste dper na/ gser gyi sa le sbram de nyid mgar ba mkhas pas rgyan du byas pa ni de ma yin pa'i gser gyi sa le sbram rgyan du ma byas pa rnams kyis mi 'phrogs pa yin no/ / kye rgyal ba'i sras dag de bzhin du byang chub sems dpa'i sa 'od 'phro ba can 'di la byang chub sems dpa'i dge ba'i rtsa ba yang de ma yin pa'i byang chub sems dpa'i sa 'og ma la gnas pa'i byang chub sems dpa' rnams kyi dge ba'i rtsa ba rnams kyis mi 'phrogs pa yin no/ / kye rgyal ba'i sras ngag 'di lta ste dper na/ nor bu rin po che 'od gzer gyis dkyil 'khor yongs su dag pa can snang ba rab tu gtong ba ni rin po che'i rnam pa 'od yongs su dag pa gzhan dag gis mi 'phrogs shing / rlung mar langs pa dang / chu dang char bab pas kyang 'od mi chod pa yin no/ / kye rgyal ba'i sras dag de bzhin du/ byang chub sems dpa'i sa 'od 'phro ba can 'di la gnas pa'i byang chub sems dpa' yang de ma yin pa'i sa 'og ma la gnas pa'i byang chub sems dpa' rnams kyis mi 'phrogs pa yin/ bdud dang / nyon mongs pa kun tu spyod pa rnams kyis ye shes mi chod pa yin no// de'i bsdu ba'i dngos po bzhi po dag las don mthun pa'i shas che ba yin/ pha rol tu phyin pa bcu po dag las brtson 'grus kyi pha rol tu phyin pa'i shes che ba yin te/ lhag ma rnams kyang ci nus kyi tshul du yang dag par mi sgrub pa ni ma yin no// kye rgyal
- 77b
ba'i sras dag 'di ni byang chub sems dpa' rnams kyi byang chub sems dpa'i sa bzhi pa 'od 'phro ba can zhes pa mdor ston pa'o/ / de la gnas pa'i byang chub sems dpa' ni phal cher lha'i rgyal po rab 'brab bral du 'gyur te/ byed pa dang ldan zhing sems can rnams kyi 'jig tshogs la lta ba yang dag par 'joms pa'i gtso bor gyur pa dang / sems can rnams yang dag pa'i lta ba la rab tu 'god pa la mkhas pa yin no/ / sbyin pa'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang dge 'dun yid la bya ba dang / byang chub sems dpa'i yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so// 'dod na brtson
- 78a
'grus rtsom pa rnam pa ji lta bus smad cig thang cig sud tsam gcig sa ting nge 'dzin bye ba rab tu thob cing snyoms par 'jug pa dang / sangs rgyas bye ba mthong ba dang / de dag ga kyi/ gyi rlabs kyang yang dag par shes pa dang / 'jig rten gyi khams bye ba g.yo bar byed pa dang / zhing bye bar 'gro ba dang / 'jig rten gyi khams bye ba snang bar byed pa dang / sems can bye ba yongs su smin par byed pa dang / bskal pa bye bar gnas par byed pa dang / bskal pa bye ba la sngon gyi mtha' dang / phyi ma'i mtha' rab tu 'jug pa dang / chos kyi sgo bye ba rnam par 'byed pa dang / lus bye ba kun tu ston pa dang / lus re re la yang byang chub sems dpa'i 'khor bye ba kun tu ston pa'i brtson 'grus rnam pa de lta ba rtsom mo// de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ bkod pa 'am byin gyi rlabs sam/ mos pa'am/ mngon par 'du byed pa dag kyang bskal pa bye ba khrag khrig brgya stong phrag ji snyed pa de snyed du'ang brjod par sla ba ma yin no// byang chub sems dpa'i sa bzhi pa 'od 'phro ba can zhes bya'o/ / kye rgyal ba'i sras dag byang chub sems dpa'i sa bzhi pa la lam yongs su rdzogs par byas pa'i byang chub sems dpa' de byang chub sems dpa'i sa lnga pa la 'jug
- 78b
ste/ de rnam par dag pa la sems kyi bsam pa mnyam pa nyid bcus 'jug go// bcu gang zhe na/ 'di lta ste/ 'das pa'i sangs rgyas kyi chos rnam par dag pa la bsam pa mnyam pa nyid dang ma byon pa'i sangs rgyas kyi chos rnam par dag pa la bsam pa mnyam pa nyid dang / da ltar byung ba'i sangs rgyas kyi chos rnam par dag pa la bsam pa mnyam pa nyid dang / tshul khrims rnam par dag pa la bsam pa mnyam pa nyid dang / sems rnam par dag pa la bsam pa mnyam pa nyid dang / lta ba dang / som nyi dang / yid gnyis dang / 'gyod pa sel ba rnam par dag pa la bsam pa mnyam pa nyid dang / lam dang lam ma yin pa shes pa rnam par dag pa la bsam pa mnyam pa nyid dang / lam shes pa rnam par dag pa la bsam pa mnyam pa nyid dang / byang chub kyi phyogs kyi chos thams cad gong nas gong du rnam par 'jigs pa rnam par dag pa la bsam pa mnyam pa nyid dang / sems can thams cad yongs su smin par byed pa rnam par dag pa la bsam pa mnyam pa nyid de/ kye rgyal ba'i sras dag byang chub sems dpa' rnam par dag pa la sems kyi bsam pa mnyam pa nyid bcu po 'di dag gis 'jug go/ / kye rgyal ba'i sras dag byang chub sems dpa'i sa lnga pa thob pa'i byang chub sems dpa'i lam gyi yan lag byang chub kyi phyogs de dag nyid yongs su sbyang ba shin tu byas shing / lhag pa'i bsam pa shin tu yongs su sbyangs pas yang de'i gong du lam gyi khyad par tshol zhing de bzhin nyid kyi rjes su zhugs pa
- 79a
dang sngon lam gyi stobs bskyed pa dang / sring brtse ba dang / byams pas sems can thams cad yongs su mi gdong ba dang / bsod rabs dang ye shes kyi tshogs bsags pa dang rgyun ma bcad pa dang / thabs la mkhas pa mngon par bsgrubs pa dang / gong nas gong du sa'i snang ba la lta ba dang / de bzhin gshegs pa'i byin gyi rlabs yang dag par blangs pa dang / dran pa dang blo gros dang / rtogs pa'i stobs bskyed pas yid la bya ba phyir mi ldog par gyur nas 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes so// 'di ni sdug bsngal kun 'byung ba'o/ / 'di ni sdug bsngal 'gog pa'o// 'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin du rab tu shes so// de kun rdzob kyi bden pa la mkhas pa yin/ don dam pa'i bden pa la mkhas pa yin/ mtshan nyid kyi bden pa la mkhas pa yin/ rnam par dbye ba'i bden pa la mkhas pa yin/ phye ste rtog pa'i bden pa la mkhas pa yin/ dngos po'i bden pa la mkhas pa yin/ rab tu skye ba'i bden pa la mkhas pa yin/ zad pa dang mi skye ba shes pa'i bden pa la mkhas pa yin/ lam shes pa la 'jug pa'i bden pa la mkhas pa yin/ byang chub sem dpa'i go rims thams cad kyi mtshams sbyor ba bsgrub pa nas de bzhin gshegs pa'i ye shes yang dag par 'byung ba'i bar gyi bden pa la mkhas pa yin no/ / de sems can gzhan dag gi bsam pa ji lta ba bzhin
- 79b
du tshim par byed pas kun rdzob kyi bden pa rab tu shes so/ / bgrod pa gcig pu la yang dag par gzhol bas don dam pa'i bden pa rab tu shes so// rang dang spyi'i mtshar nyid rtogs pas mtshan nyid kyi bden pa rab tu shes so/ / chos rnam par dbye ba rnam par gzhag pa rtogs pas rnam par dbye ba'i bden pa rab tu shes so// phung po dang / khams dang / skye mched rnam par gzhag pa rtogs pas phye ste rtog pa'i bden pa rab tu shes so/ / lus dang sems la gnod pa nyams su 'bab pas dngos po'i bden pa rab tu shes so// 'gro bar mtshams sbyor ba rtogs pas rab tu skye ba'i bden pa rab tu shes so// rims nad kyis yongs su gdung ba thams cad shin tu zhi bas zad pa dang / mi skye ba shes pa'i bden pa rab tu shes so// mi gnyis pa mngon par bsgrubs pas lam shes pa la 'jug pa'i bden pa rab tu shes so// rnam pa thams cad mngon par rdzogs par khong du chud pas/ byang chub sems dpa'i sa'i go rims thams cad kyis mtshams sbyar ba bsgrub pa nas/ de bzhin gshegs pa'i ye shes yang dag par 'byung ba'i bar gyi bden pa rab tu shes te/ de yang mos pa shes pa'i stobs bskyed pas shes kyi ma lus par shes pa ni ma yin no// de de ltar bden pa la mkhas pa mngon par bsgrubs pa'i blos 'dus byas thams cad brdzun pa dang / bslu ba'i chos can dang / rku byed pa dang / byis pa 'drid par yang dag pa ji lta ba bzhin du rab tu shes te/ de de bas kyang shas cher snying rje chen po mngon du gyur zhing byams pa chen
- 80a
po'i snang ba yang rab tu 'byung ngo / / de de ltar ye shes kyi stobs bskyed pa thob ste/ sems can thams cad la lta ba dang bcas par gyur nas/ sangs rgyas kyi ye shes mngon par 'dod pas/ 'du byed du gyur pa thams cad kyi mngon gyi mtha' dang / phyi ma'i mtha' la rnam par rtog ste/ ji ltar sngon gyi mtha' ma rig pa dang / sred pa las byung ba'i sems can 'khor ba'i rgyun gyi rjes su zhugs pa/ phung po'i gnas las ma bskyed pa rnams kyi sdug bsngal gyi phung po bdag med pa/ sems can med pa/ srog med pa/ gso ba med pa/ gang zag med pa/ bdag dang bdag gi dang bral ba/ rnam par 'phel ba de yang dag pa ji lta ba bzhin du rab tu shes so// ji ltar ma 'ongs pa'i med pa la rmongs pa dang / mngon par 'dod pa de rgyun chad pa dang / mthar 'gyur ba dang / 'byung ba dang med pa dang / yod pa de yang yang dag pa ji lta ba bzhin du rab tu shes so// de 'di snyam du sems te/ kye ma byis pa so so'i skye bo 'di dag ni mi shes pas rmongs pa dag ste/ de dag gi lus grangs med pa/ 'gags la 'gag par 'gyur zhing 'gag bzhin te/ de ltar 'chi yang lus la yid byung ba mi skyed cing / sdug bsngal gyi 'khrul 'khor je bas je 'phel du byed/ 'khor ba'i rgyud las mi ldog phung po'i gnas mi 'dor/ khams kyi sbrul dag gis skyo bar mi 'gyur/ nga rgyal dang lta ba'i zug rngu mi 'byin/ 'dod chags dang / zhe sdang dang / gti mug gi me lce 'bar ba zhi par mi byed/ ma rig pa'i
- 80b
mun pa mi sel/ sred pa'i rgya mtsho mi skyem/ stobs bcu'i deng dpon yongs su mi tshol ming bdud kyi bsam pa thibs pa'i rjes su song ste/ 'khor ba'i rgya mtsho rnam par rtog pa rnam pa sna tshogs kyi chu srin 'dzin khris dkrugs pas yongs su g.yengs pa ngo mtshar ches/ byis pa so so'i skye bo de dag de ltar mi shes shing rmongs pa ni ngo mtshar ches/ ma la bdag gis sems can de ltar sdug bsngal gyis nyam thag pa/ mgon med pa/ dpung gnyen med pa/ skyabs med pa/ gnas med pa/ gzhi med pa/ rten med pa/ long bar gyur pa/ ma rig pa'i sgo nga'i sbubs dang / pris yog pa mun pas zil gyis gnon pa de dag gi don du gcig pu gnyis su med par gyur nas/ bsod nams dang ye shes kyi tshogs bsags par bya ba rnam pa ji lta bus sems can de dag shin tu rnam par dag pa thob par 'gyur nas/ stobs bcu'i stobs kyi ye shes chags pa med pa'i bar gyi mthar thug pa thob par 'gyur ba rnam pa de lta bu'i bsod nams dang / ye shes kyi tshogs bsags par bya'o snyam ste/ de de ltar shin tu brtags pa'i ye shes kyis mngon par bsgrubs pa'i blos dge ba'i rtsa ba gang ci rtsom yang de dag kun sems can thams cad yongs su bskyab pa'i phyir rtsom mo/ / sems can thams cad yongs su bskyab pa dang / sems can thams cad la phan pa 'dod pa dang / sems can thams cad la bde ba 'dod pa dang / sems can thams cad la snying brtse ba dang / sems can thams cad la gtse ba med
- 81a
pa dang sems can thams cad yongs su dgrol ba dang / sems can thams cad drang ba dang / sems can thams cad dang bar bya ba dang / sems can thams cad gdul ba dang sems can thams cad mya ngan las bzla ba'i phyir rtsom ste/ byang chub sems dpa'i sa lnga pa shin tu sbyang dka' ba 'di la gnas pa'i byang chub sems dpa' de ni de bas kyang brjed ngas par mi 'gyur ba'i chos nyid kyis dran pa dang ldan pa yin/ shin tu nges pa'i ye shes kyi blo gros dang ldan pa yin/ de'i tshul dgongs te gsungs pa khong du chud pas rtogs pa dang ldan pa yin/ bdag dang gzhan rjes su srung bas dga' ba dang ldan pa yin/ sdom pa'i cho ga mi 'dor bas dga' ba dang ldan pa yin/ gnas dang gnas ma yin pa la mkhas shing rnam par dpyad pas blo dang ldan pa yin/ don dang don ma yin pa dang / tshig dang 'dres pa la mkhas pas shes rab dang ldan pa yin/ bsgom pa mngon par bsgrub pa la mkhas pas/ mngon par shes pa mngon par bsgrub pa thob pa yin/ 'jig rten dang mthun par 'jug pas thabs la mkhas pa yin/ bsod nams kyi tshogs bsags pas ngoms ma shes pa yin/ ye shes kyi tshogs yongs su tshol bas brtson 'grus rgyun mi 'chad pa yin/ byams pa dang / snying rje chen po'i tshigs bsags pas yongs su mi skyo ba'i bsam pa dang ldan pa yin/ de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yongs su tshol bas snyoms las med par
- 81b
yongs su tshol ba la brtson pa yin/ sangs rgyas kyi zhing gi rgyan rnam par bsgrub pa mngon par bsgrub pa yid la byed pa dang ldan pa yin/ mtshan dang dpe byad bzang po yang dag par bsgrub pas dge ba sna tshogs bya ba la brtson pa yin/ de bzhin gshegs pa'i sku dang / gsung dang / thugs kyi rgyan yongs su tshol bas rtag par rgyun tu shin tu mngon par brtson pa yin/ byang chub sems dpa' dang chos smra ba thams cad la rim gro byed pas bsnyen bkur dang / sri zhu chen po'i ngang tshul can yin/ byang chub kyi sems dang thabs mkhas pa chen pos 'jig rten du mtshams sbyor bar 'jug pas/ smon lam shin tu btab pa'i sems dang ldan pa yin/ sems can thams cad yongs su smin par byed pa la brtson pas nyin mtshan du sems gzhan yongs su spangs pa yin te/ de de ltar mngon par brtson pas sbyin pas kyang sems can yongs su smin par byed do/ / snyan par smra ba dang / don spyod pa dang / don mthun pa dang / gzugs kyi lus kun tu bstan pa dang / chos bshad pa dang / byang chub sems spyod par brjod pa dang / de bzhin gshegs pa'i che ba nyid smos pa dang / 'khor ba'i nyes pa bstan pa dang / sangs rgyas kyi ye shes kyi phan yon yongs su bsnyad pa dang / rdzu 'phrul gyi rnam par 'phrul pa chen po mngon par bsgrub pas tshul gyis bya ba la sbyor ba rnams kyis kyang sems can yongs su smin par byed do/ / de de ltar sems can yongs su smin par bya ba la mngon par brtson par sangs rgyas kyi ye shes kyi rjes su song ba'i
- 82a
sems kyi rgyu dang ldan cing dge ba'i rtsa ba la sbyor ba phyir mi ldog pa yin te/ khyad par can gyi chos yongs su bcal ba la mngon par brtson pas 'jig rten na yi ge dang / bstan bcos dang / brtsis dang rgyu dang / shod thab la sogs pa gang dag yod pa de dag mngon par sgrub bo// nor bsgyur ba'i dpyad dang / gso ba'i dpyad skem pa dang / brjed byed dang / 'byung po'i gdon bsal ba dang dug dang ro langs kyi sbyor ba bsal ba dang / snyan dngags dang / gar thabs dang / gtam rgyud dang / rol mo dang / sngon byung bas rab tu dga' ba dang / grong dang / grong khyer dang / skyed mos tshal dang / 'bab chu dang / mtsho dang / mtshe'u dang / rdzing dang / me tog dang / 'bras bu dang / sman dang / nags tshal mngon par bsgrub pa dang / gser dang / dngul dang / nor bu dang mu tig dang / bai DUR+Ya dang / dung dang / man shel dang / byi ru dang / rin po che'i 'byung khung bstan pa dang / zla ba dang / nyi ma dang / gza' dang / skar ma dang / rgyu skar dang / sa g.yo ba dang / ri dgas dang / bya dang / rmis ltas mthong bas 'jug pa dang / yan lag thams cad kyi mtshan gyis sbyor ba dang / sdom pa'i cho ga la gnas pa dang / bsam gtan dang / mngon par shes pa dang / tshad med pa dang / gzugs med pa'i gnas rnams dang / gzhan yang gang 'tshe ba med pa dang ldan pa dang / sems can thams cad la phan pa dang / bde bar 'gyur ba de dag snying rje dang
- 82b
ldan pas mthar gyi sangs rgyas kyi chos la rab tu dgod pa'i phyir mngon par sgrub bo/ / 'phags pas bcu pa// bam po bzhi pa/ byang chub sems dpa'i sa shin tu sbyang dka' ba 'di la gnas pa'i byang chub sems dpa' de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag ma po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ lhag pa'i bsam pa rgya chen pos/ bsti stang byed do// btsun par byed do// ri mo byed ngodo/ / mchod pa byed do// na bza' dang / zhab zas dang / gzims cha dang / snyun gsos sman dang / yo byad rnams kyang 'bul zhing / byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang / yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa
- 83a
dgra bcom pa yang dag par rdzogs pa'i sangs rgyas de dag la bsnyen bkur byed cing / de dag la gus pa dang / zhes dang / bsti stang byas te chos bstan pa nyan no// len no/ / 'dzin to// thos nas kyang ci tshul du nan tan gyis yang dag par sgrub bo// de dag las phal cher de bzhin gshegs pa de dag gi bstan pa la rab tu 'byung ste/ rab tu byung nas kyang de de bas shas cher thos pa'i rnam pa 'dzin pa'i gzungs rab tu thob pa'i chos smra bar 'gyur ro/ / byang chub sems dpa'i sa shin tu sbyang dka' ba 'di la gnas pa'i byang chub sems dpa' de'i dge ba'i rtsa ba de dag bskal pa du mar ches rab tu sbyangs pa dang / yongs su dag pa dang / shin tu 'od gsal bar 'gyur te/ de'i dge ba'i rtsa ba de dag bskal pa brgya phrag du ma dang / bskal pa stong phrag du ma dang bska pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du pa dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar ches rab tu sbyangs pa dang / yongs su dag pa dang / shin tu 'od gsal bar 'gyur ro// kye rgyal ba'i sras ngag 'di lta ste/ dper na gser gyis le sbra ma de ni sdug gis phyis na de bas kyang ches rab tu dang ba dang / yongs su dag pa dang / shin tu 'od gsal bar 'gyur ro// kye rgyal ba'i sras dag de bzhin du/ byang
- 83b
chub sems dpa'i sa shin tu sbyang dka' ba 'di la gnas pa'i byang chub sems dpa' de'i dge ba'i rtsa ba thabs dang shes rab kyis rnam par dpyad pa de dag kyang ches rab tu byang ba dang / yongs su dag pa dang / shin tu 'od gsal ba yin no// ye shes la sbyor ba'i yon tan bsgrubs nas mi 'phrogs shing rnam par brtags pa yin no// kye rgyal ba'i sras dag 'di lta ste dper na/ nyi ma dang / zla ba dang gza' dang / skar ma dang / rgyu skar rnams kyi gzhal med khang gi 'od snang ba ni rlung gi dkyil 'khor rnams kyis mi 'phrogs shing rlung mar dang blun mong ma yin no// kye rgyal ba'i sras dag de bzhin du byang chub sems dpa'i sa shin tu sbyang dka' ba 'di la gnas pa'i byang chub sems dpa'i dge ba'i rtsa ba thabs dang / shes rab dang / ye shes kyi sems kyis rnam par dpyad pa dang ldan pa de dag kyang nyan thos dang / rang sangs rgyas thams cad kyis mi 'phrogs shing / 'jig rten pa rnams dang thun mong ma yin no// de'i pha rol tu phyin pa bcu po dag las/ bsam gtan gyi pha rol tu phyin pa'i shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no// kye rgyal ba'i sras dag 'di ni byang chub sems dpa' rnams kyi byang chub sems dpa'i sa lnga pa shin tu spang dka' ba zhes bya ba mdor bstan pa'o/ / de la gnas pa'i byang chub sems dpa' ni phal cher lnga'i rgyal po yongs su dga' ldan du 'gyur te/ byed pa dang ldan zhing sems can rnams mu stegs can gyi gnas thams cad las
- 84a
rnam par bzlog pa'i gtso bar gyur pa dang / sems can rnams bden pa dag la rab tu 'god pa la mkhas pa yin no// sbyin pa 'am/ sman par smra ba 'am/ dad spyod pa 'am don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yod la bya ba dang / byang chub sems dpa' yid la bya dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa ying la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so// 'dod na brtson 'grus rtsom pa rnam pa ji lta bus skad cig thang tshig lung tsam gcig la ting nge 'dzin bye ba phrag stong thob cing stoms par yang 'jug pa dang / sangs rgyas bye ba phrag stong mthong ba dang / de dag gi byin gyi rlabs kyang yang dag par shes pa dang / 'jig rten gyi
- 84b
khams bye ba phrag stong g.yo bar byed pa dang / zhing bye ba phrag stong du 'gro ba dang / 'jig rten gyi khams bye ba phrag stong snang bar byed pa dang / sems can bye ba phrag stong yongs su smin par byed pa dang / bskal pa bye ba phrag stong du gnas par byed pa dang / bskal pa bye ba phrag stong la sngon gyi mtha' dang / phyi ma'i mthar rab tu 'jug pa dang / chos kyi sgo bye ba phrag stong rnam par 'byed pa dang / lus bye ba phrag stong kun tu ston pa dang / lus re re la yang byang chub sems dpa'i 'khor bye ba phrag stong stong kun tu ston pa'i brtson 'grus rnam pa de lta bu rtsom mo// de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ stsol yul lam/ dbyangs sam/ spyod pa'am/ bkod pa 'am/ byin gyi rlabs sam/ mos pa'am/ mngon par 'du byed pa dag kyang bskal pa bye ba khrag khrig brgya stong ji snyed pa de snyed du yang brjod par sla ba ma yin no// byang chub sems dpa'i sa lnga pa shin tu sbyang dka' ba zhes bya ba'o/ / kye rgyal ba'i sras dag byang chub sems dpa'i sa lnga pa la lam shin tu yongs su rdzogs pa'i byang chub sems dpa' de byang chub sems dpa'i sa drug pa la 'jug ste/ de chos mnyam ba nyid bcus 'jug go/ / bcu gang zhe na/ 'di lta ste/ chos thams cad mtshan ma med par mnyam pa nyid dang / chos thams cad mtshan nyid med par mnyam pa nyid dang / chos thams cad 'byung ba med par
- 85a
mnyam pa nyid dang / chos thams cad skye ba med par mnyam pa nyid dang / chos thams cad dben par mnyam pa nyid dang / chos thams cad gzod ma nas rnam par dag par mnyam pa nyid dang / chos thams cad spros pa med par mnyam pa nyid dang / chos thams cad blang ba med pa dang dor ba med par mnyam pa nyid dang / chos thams cad sgyu ma dang / rmi lam dang / mig yor dang brag cha dang / gzugs brnyan dang / sprul pa lta bur mnyam pa nyid dang / chos thams cad dngos po dang dngos po med pa gnyis su med par mnyam pa nyid de/ kye rgyal ba'i sras ngag chos mnyam pa nyid bcu po 'di dag gis byang chub sems dpa'i sa drug pa la 'jug go/ / de chos thams cad kyi rang bzhin de ltar rab tu rtog pa na/ rno zhing rjes su mthun pa'i bzod pas byi dor byed mthun par byed de/ mi mthun par mi byed pa byang chub sems dpa'i sa drug pa mngon du gyur pa rjes su thob ste/ de tsam gyis mi skye ba'i chos la bzod pa'i sgo rjes su thob pa ni ma yin no// de chos thams cad kyi rang bzhin de ltar rtog pa na de de bas kyang snying rje chen po sngon du 'gro ba dang / snying rje chen po la dbang byed pa dang / snying rje chen po yongs su rdzogs par bya ba'i phyir 'jig rten gyi 'byung ba dang / 'jig pa la rnam par lta'o// nge 'jig rten gyi 'byung ba dang / 'jig pa la rnam par lta ba'i tshe 'di snyam du sems te/ 'jig rten du 'dogs pa 'byung ba ci snyed pa de dag thams cad ni bdag tu mngon par zhen pa las byung ste/ bdag tu mngon par
- 85b
zhen pa dang bral na/ 'jig rten du 'dogs pa 'byung ba yang med par 'gyur ro snyam mo// de 'di snyam du sems te/ byis pa'i blo can bdag tu mngon par zhen pa/ mi shes pa'i rab rib kyis bsgribs pa yod pa dang med pa la mngon par 'dod pa/ tshul bzhin ma yin pa yid la byed pa las byung ba/ yang dag pa ma yin par song ba/ log pa'i rjes su 'brang ba de dag ni bsod nams dang / bsod nams ma yin pa'i 'du byed ba sogs te/ 'du byed de dag gis yongs su bsgos pa'i sems kyi sa bon zag pa dang bcas pa/ nye bar len pa dang bcas pa ni phyi ma la skyes pa dang / rga shi'i yang srid pa mngon par 'grub pa 'byung bar nye bar 'gro ba yin te/ lus kyi zhing gi gzhi dang / ma rig pa'i mun pa dang / sred pa'i rlan dang / nga'o snyam pa'i nga rgyal gyis brlan pa lta bur gyur pa'i dra ba rab tu 'phel bas ming dang gzugs kyi myu gu 'byung ste/ byung nas rnam par 'phel lo// ming dang gzugs kyi myu gu rnam par 'phel nas dbang po lnga 'byung bar 'gyur ro// dbang po lnga byung nas phan tshun 'dus pas reg par 'gyur ro/ / reg pa 'dus pas tshor ba 'byung ngo // tshor nas de'i gong du mngon par dga' bas sred pa 'byung ngo // sred pa ni len pa rnam par 'phel bar byed do// len pa rnam par 'phel bas srid pa 'byung bar 'gyur ro/ / srid pa byung nas phung po lnga 'byung bar 'gyur te/ phung po lnga byung nas 'gro ba lngar rim gyis dengs par 'gyur ro// dengs nas 'bral bar 'gyur ro// dengs shing
- 86a
bral nas/ rims nad kyis yongs su gdung bar 'gyur ro// rims nad kyis yongs su gdungs pa las mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa thams cad 'byung bar 'gyur yang de dag la su yang 'byung bar byed pa med do// rang bzhin dang / brtsal ba med par 'jig par 'gyur yang de dag la 'jig par byed pa su yang med do zhes/ de ltar byang chub sems dpa' lugs su 'byung ba'i rnam par rten cing 'brel par 'byung ba la rab tu rtog go// de 'di snyam du sems te/ bden pa rnams mi shes pa ni don dam par ma rig pa'o// ma rig pas byas pa'i las kyi rnam par smin pa ni 'du byed rnams so// 'du byed la rten pa'i sems dang po ni rnam par shes pa'o// rnam par shes pa dang lhan cig skyes te/ len pa'i phung po bzhi ming dang gzugs so/ / ming dang gzugs rnam par 'phel ba ni skye mched drug go// dbang po dang / yul dang / rnam par shes par sum phrad pa zag pa dang bcas pa ni reg pa'o// reg pa dang lhan cig skyes pa ni tshor ba'o/ / tshor ba la chags pa ni sred pa'o// sred pa rnam par 'phel ba ni len pa'o// len pa las byung ba'i las zag pa dang bcas pa ni srid pa'o// las kyi rgyu mthun pa ni skye ba ste/ phung po 'byung ba'o/ / phung po yongs su smin pa ni rga ba'o// rgas nas phung po 'jig pa ni 'chi ba'o// 'chi zhing 'bral ba'i tshe myos shing chags par gyur pas sems yongs su gdung ba ni mya ngan no// mya ngan
- 86b
las byung ba'i tshig tu rjod pa ni smre sngags 'don pa'o/ / dbang po lnga'i nyams su bab pa ni sdug bsngal lo// yid kyis lta ba'i nyams su bab pa ni yid mi bde ba'o// sdug bsngal dang yid mi bde ba mang po byung ba ni 'khrug pa ste/ de ltar na sdug bsngal gyi ljon pa byed pa po med pa 'ba' shig po mngon par 'grub par 'gyur ro snyam mo// 'di ji snyam du sems te/ byed pa po la mngon par zhen pas las rnams yod par gyur to/ / gang na byed pa po med pa de na don dam par las kyang mi dmigs so snyam mo// de 'di snyam du sems te/ 'di ltar khams gsum pa 'di ni sems tsam ste/ srid pa'i yan lag bcu gnyis po gang dag de bzhin gshegs pas rab tu phye ste bka' stsal pa/ de dag thams cad kyang sems gcig la gnas pa dag go// de ci'i phyir zhe na/ gzhi gang la 'dod chags dang ldan pa'i sems skyes pa de ni rnam par shes pa'o/ / gzhi ni 'du byed rnams so// 'du byed la kun rmongs pa gang yin pa de ni ma rig pa'o// ma rig pa'i sems dang lhan cig skyes pa de ni ming dang gzugs so// ming dang gzugs rnam par 'phel ba ni skye mched drug go/ / skye mched drug gi cha dang mthun pa ni reg pa'o// reg pa dang lhan cig skyes pa ni tshor ba'o// tshor ba la mi ngoms pa ni sred pa'o// sred pas g.yen spyos nas sdud cing yongs su mi gtong ba ni len pa'o/ / srid pa'i yan lag 'di dag 'byung ba ni srid pa'o// srid pa 'byung ba ni skye ba'o// skye ba yongs su smin pa ni rga ba'o// rga ba yongs su
- 87a
'gyur ba ni 'chi ba'o/ / de la ma rig pa ni bya ba gnyis su nye bar gnas pa yin te/ sems can rnams kyang dmigs pa la rmongs par byed pa dang / 'du byed mngon par 'grub pa'i rgyu yang 'byin pa'o/ / 'du byed rnams kyang bya ba gnyis su nye bar gnas pa yin te/ ma 'ongs pa'i rnam par smin pa yang mngon par 'grub par byed pa dang / rnam par shes pa mngon par 'grub pa'i rgyu yang 'byin pa'o/ / rnam par shes pa yang bya ba gnyis su nye bar gnas pa yin te/ srid pa'i nying mtshams sbyor bar yang byed pa dang / ming dang gzugs mngon par 'grub pa'i rgyu yang 'byin pa'o// ming dang gzugs kyang bya ba gnyis su nye bar gnas pa yin te/ phan tshun rten par yang byed pa dang / skye mched drug mngon par 'grub pa'i rgyu yang 'byin pa'o// skye mched drug kyang bya ba gnyis su nye bar gnas pa yin te/ rang gi yul rnam par phye ba yang ston pa dang / reg pa mngon par 'grub pa'i rgyu yang 'byin pa'o// reg pa yang bya ba gnyis su nye bar gnas pa yin te/ dmigs pa la reg par yang byed pa dang / tshor ba mngon par 'grub pa'i rgyu yang 'byin pa'o// tshor ba yang bya ba gnyis su nye bar gnas pa yin te/ yid du 'ong ba dang / yid du mi 'ong ba dang / gnyis ka las rnam par grol ba myong bar yang byed pa dang / sred pa mngon par 'grub pa'i rgyu yang 'byin pa'o// sred pa yang bya ba gnyis sunye par gnas pa yin te/ chags par 'gyur ba'i dngos po la kun tu chags par yang
- 87b
byed pa dang / len pa mngon par 'grub pa'i rgyu yang 'byin pa'o// len pa yang bya ba gnyis su nye bar gnas pa yin te/ kun nas nyon mongs pa dang 'brel par yang byed pa dang / srid pa mngon par 'grub/ pa'i rgyu yang 'byin pa'o// srid pa yang bya ba gnyis su nye bar gnas pa yin te/ srid pa'i rgyu gzhan yang gnas par byed pa dang / skye ba mngon par 'grub pa'i rgyu yang 'byin pa'o// skye ba yang bya/ ba gnyis su nye bar gnas pa yin te/ phung po 'byung bar yang byed pa dang / rga ba mngon par 'grub pa'i rgyu yang 'byin pa'o// rga ba yang bya ba gnyis su nye bar gnas pa yin te/ dbang po yongs su 'gyur bar byed pa dang / 'chi ba dang phrad pa mngon par 'grub pa'i rgyu yang 'byin pa'o// 'chi ba yang bya ba gnyis su nye bar gnas pa yin te/ 'du byed 'jig par yang byed pa dang / yongs su mi shes pa rgyun mi 'chad pa'i rgyu yang 'byin pa'o/ / de la ma rig pa'i rkyen gyis 'du byed rnams so zhes bya ba ni ma rig pa'i rkyen gyis 'du byed rnams rgyun mi 'chad pa dang rten pa'o// 'du byed kyi rkyen gyis rnam par shes pa'o zhes bya ba ni 'du byed kyi rkyen gyis rnam par shes pa rgyun mi 'chad pa dang rten pa'o/ / rnam par shes pa'i rkyen gyis ming dang gzugs zhes bya ba ni rnam par shes pa'i rkyen gyis ming dang gzugs rgyun mi 'chang ba dang rten pa'o// ming dang gzugs kyi rkyen gyis skye mched drug ces bya ba ni/ ming dang gzugs kyi rkyen gyis skye mched drug rgyun mi 'chad pa dang rten pa'o// skye mched drug gi rkyen gyis reg pa'o zhes bya ba ni skye mched drug gi rkyen
- 88a
gyis reg pa rgyur mi 'chad pa dang rten pa'o/ / reg pa'i rkyen gyis tshor ba'o zhes bya ba ni reg pa'i rkyen gyis tshor ba rgyun mi 'chad pa dang rton pa'o// tshor ba'i rkyen gyis sred pa'o// zhes bya ba ni tshor ba'i rkyen gyis sred pa rgyun mi 'chad pa dang rten pa'o// sred pa'i rkyen gyis len pa'o zhes bya ba ni sred pa'i rkyen gyis len pa rgyun mi 'chad pa dang rten pa'o// len pa'i rkyen gyis srid pa'o zhes bya ba ni len pa'i rkyen gyis srid pa rgyun mi 'chad pa dang rten pa'o/ / srid pa'i rkyen gyis skye ba'o zhes bya ba ni srid pa'i rkyen gyis skye ba rgyun mi 'chad ba dang rten pa'o// skye ba'i rkyen gyis rga shi'o zhes bya ba ni skye ba'i rkyen gyis rga shi rgyun mi 'chad pa dang rten pa'o/ / ma rig pa 'gags pas 'du byed rnams 'gag go zhes bya ba ni ma rig pa 'i rkyen med pas 'du byed rnams nye bar zhi zhing rten pa med pa'o// 'du byed 'gags pas rnam par shes pa 'gag go zhes bya ba ni 'du byed kyi rkyen med pas rnam par shes pa nye bar zhi zhing rten pa med pa'o/ / rnam par shes pa 'gags pas ming dang gzugs 'gag go zhes bya ba ni rnam par shes pa'i rkyen med pas ming dang gzugs nye bar zhi zhing rten pa med pa'o/ / ming dang gzugs 'gags pas skye mched drug 'gag go zhes bya ba ni ming dang gzugs rkyen med pas skye mched drug nye bar zhi zhing rten pa med pa'o/ / skye mched drug 'gags pas reg pa 'gag go zhes bya ba ni skye mched drug gi rkyen med pas reg pa nye bar zhi zhing rten pa med pa'o// reg pa 'gags pas
- 88b
tshor ba 'gag go zhes bya ba ni reg pa'i rkyen med pas tshor ba nye bar zhi zhing rten pa med pa'o/ / tshor ba 'gags pas sred pa 'gag go zhes bya ba ni tshor ba'i rkyen med pas sred pa nye bar zhi zhing rten pa med pa'o/ / sred pa 'gags pas len pa 'gag go zhes bya ba ni sred pa'i rkyen med pas len pa nye bar zhi zhing rten pa med pa'o// len pa 'gags pas srid pa 'gag go zhes bya ba ni len pa'i rkyen med pas srid pa nye bar zhi zhing rten pa med pa'o/ / srid pa 'gags pas skye ba 'gag go zhes bya ba ni srid pa'i rkyen med pas skye ba nye bar zhi zhing rten pa med pa'o// skye ba 'gags pas rga shi 'gag go zhes bya ba ni skye ba'i rkyen med pas rga shi nye bar zhi zhing rten pa med pa'o/ / de la ma rig pa dang sred pa dang len pa ni nyon mongs pa med pa'i lam gyi rgyun mi 'chad pa'o// 'du byed dang srid pa ni las kyi lam gyi rgyun mi 'chad pa'o/ / lhag ma rnams ni sdug bsngal gyi lam gyi rgyun mi 'chad par rab tu rnam par phye ba'o// sngon gyi mtha' dang / phyi ma'i mtha' 'gags pas na lam gyi rgyun mi 'chang ngo // de ltar lam 'di gsum ni bdag med pa/ bdag dang bdag gi dang bral ba/ 'byung zhing 'jig pa ste rang bzhin gyis mdung khyim lta bu'o// yang ma rig pa'i rkyen gyis 'du byed rnams zhes bya ba gang yin pa ni sngon gyi mtha' bltas pa'o/ / rnam par shes pa nas tshor ba'i bar de ni da ltar byung ba la ltas pa'o// sred pa nas srid pa zhes bya ba'i bar de ni phyi ma'i mtha' la ltas pa ste/ de ban chad du yang de dag rab tu
- 89a
'byung ngo / / ma rig pa 'gags pas 'du byed rnams 'gag ces bya ba de ni ltas pa rgyun 'chad pa ste/ lhag ma rnams kyang de bzhin no// yang srid pa'i yan lag bcu gnyis po dag gi rgyus sdug bsngal nyid gsum 'byung ste/ de la ma rig pa'i rkyen gyis 'du byed rnams zhes bya ba nas skye mched drug ces bya ba'i bar de ni/ 'du byed kyi sdug bsngal ba nyid do// reg pa dang / tshor ba zhes bya ba de ni sdug bsngal gyi sdug bsngal nyid do/ / srid pa'i yan lag lhag ma de dag ni 'gyur ba'i sdug bsngal nyid do// ma rig pa 'gags pas 'du byed 'gag ces bya ba de ni sdug bsngal ba gsum gyi rgyun chad pa'o/ / ma rig pa'i rkyen gyis 'du byed rnams zhes bya ba ni 'du byed rnams rgyu gang las 'byung ba ste/ lhag ma rnams kyang de bzhin no// ma rig pa 'gags pas 'du byed 'gag ces bya ba ni 'du byed rnams med pa ste/ lhag ma rnams kyang de bzhin no// ma rig pa'i rkyen gyis 'du byed rnams zhes bya ba de ni skye ba dang 'brel pa ste/ lhag ma rnams kyang de bzhin no// ma rig pa 'gags pas 'du byed 'gag ces bya ba de ni 'jig pa dang 'brel pa ste/ lhag ma rnams kyang de bzhin no// ma rig pa'i rkyen gyis 'du byed rnams zhes bya ba de ni srid pa'i lugs dang mthun par yongs su brtag pa ste/ lhag ma rnams kyang de bzhin no// ma rig pa 'gags pas 'du byed 'gag ces bya ba de ni zad pa'i lugs dang mthun par yongs su brtag pa ste/ lhag ma rnams kyang de bzhin no// de 'di
- 89b
ltar rten cing 'brel bar 'byung ba la lugs dang mthun pa dang / lugs dang mthun pa ma yin par rab tu rtog pa ste/ 'di ltar srid pa'i yan lag rjes su 'brel ba dang / sems gcig tu yang dag/ par 'du ba dang / rang gi las ma 'dres pa dang / tha dad pa ma yin pa dang / lam gsum gyi rgyud du 'brang ba dang / sngon gyi mtha' dang / da ltar byung ba dang / phyi ma'i mtha' la ltas pa dang / sdug bsngal gsum kun tu 'byung ba dang / rgyu dang rkyen las 'byung ba dang / skye ba dang / 'jig pa dang / 'brel pa dang / med pas zad par rab tu rtog pa'o// de de ltar rten cing 'brel par 'byung ba la rnam pa bcur rab tu rtog cing / bdag med pa dang / srog med pa dang / gang zag med pa dang / ngo bo nyid kyis stong pa dang / byed pa po dang / tshor ba po med par rab tu rtog pa'i tshe// / stong pa nyid kyi rnam par thar pa'i sgo skyes pa yin no// de srid pa'i yan lag 'di dag gi rang bzhin 'gags shing rnam par thar pa la shin tu nye bar gnas pas chos kyi mtshan ma gang yang mi skye ste/ des de'i mtshan ma med pa'i rnam par thar pa'i sgo skyes pa yin no// de de ltar stong pa nyid dang / mtshan ma med pa la zhugs pas snying rje chen po sngon du gtong zhing sems can yongs su smin par bya ba ma gtogs par 'dod pa gang yang mi skye ste/ des de'i smon pa med pa'i rnam par thar pa'i sgo skyes pa yin no// de rnam par thar pa'i sgo gsum po 'di dag sgom pas bdag dang gzhan gyi 'du shes pa
- 90a
bral ba dang / byed pa po dang / tshor ba po'i 'du shes dang bral ba dang / yod pa dang / med pa'i 'du shes dang bral bas de byang chub kyi yan lag yongs su ma grub pa rnams yongs su grub par bya ba'i phyir/ snying rje chen po sngon tu btang ste/ de bas kyang shin tu brtson par byed do// de 'di snyam du sems te/ 'du ba las ni 'dus byas 'byung ngo // 'bral ba las ni 'dus byas mi 'byung ngo / / tshogs pa las ni 'dus byas 'byung ngo // ma tshogs pa las ni mi 'byung ngo // de ltas bdag gis 'dus byas nyes pa mang po'i skyon chags pa de lta bu 'di shes par byas la 'du bya ba 'di dang tshogs pa 'di'i rgyun gcad par yang bya'o/ / sems can yongs su smin par bya ba'i phyir 'du byed rnams shin tu zhi bar bya ba thob par yang mi bya'o snyam mo// kye rgyal ba'i sras dag de de ltar 'du byed du gyur pa nyes pa mang po'i skyon chags shing ngo bo nyid med pa dang / ma skyes ma 'gags par so sor rtog pa ni snying rje chen po mngon par sgrub pa dang / sems can gyi chogs yongs su mi gtong bas chags pa med pa'i ye shes la mngon par phyogs pa zhes bya ba shes rab kyi pha rol tu phyin pa la gnas pa snang ba'i tshul gyis mngon sum du 'gyur ro/ / de ye shes de lta bu dang ldan zhing shes rab kyi pha rol tu phyin pa la gnas pa la snang bar gyur nas/ byang chub kyi yan lag sdud pa'i rkyen nye bar sgrub kyang 'dus byas dang 'grogs par yang mi gnas so// 'du byed thams cad
- 90b
la rang bzhin gyis zhi bar rab tu rtog kyang byang chub kyi yan lag yongs su ma rdzogs pa'i phyir de la mi gnas te/ byang chub sems dpa'i sa mngon du gyur pa 'di la gnas pa'i byang chub sems dpa' de la 'jug pa stong pa nyid ces bya ba'i ting nge 'dzin skye bar 'gyur ro/ / rang bzhin stong pa nyid dang / don dam pa stong pa nyid dang / chen po stong pa nyid dang / mtshungs par ldan pa stong pa nyid dang / mngon par sgrub pa stong pa nyid dang / ji lta ba bzhin du rnam par mi rtog pa stong pa nyid dang / lta ba dang bcas pa stong pa nyid dang bral ba dang / ma bral ba stong pa nyid kyi sgo'i ting nge 'dzin skye bar 'gyur te/ de la sogs pa stong pa nyid kyi sgo'i ting nge 'dzin brgya stong phrag bcu mngon du 'gyur ro/ / de bzhin du mtshan ma med pa'i sgo'i ting nge 'dzin brgya stong phrag bcu dang / smon pa med pa'i sgo'i ting nge 'dzin brgya stong phrag bcu mngon du 'gyur ro/ / byang chub sems dpa'i sa mngon du gyur pa 'di la gnas pa'i byang chub sems dpa' de de bas kyang mi phyed pa'i bsam pa yongs su rdzogs par 'gyur/ nges pa'i bsam pa dang / dge ba'i bsam pa dang / zab pa'i bsam pa dang / phyir mi ldog pa'i bsam pa dang / rgyun mi gcod pa'i bsam pa dang / dri ma med pa'i bsam pa dang / mtha' yas pa'i bsam pa dang / ye shes la mngon par 'dod pa'i bsam pa dang / thabs dang shes rab rab tu ldan pa'i bsam pa yongs su rdzogs par 'gyur te/ byang chub sems dpa' de'i bsam pa de dag ni de bzhin gshegs
- 91a
pa'i byang chub la shin tu song ba yin no/ / las kyi rgol ba thams cad kyis phyir mi ldog pa'i brtson 'grus dang ldan pa yin/ ye shes kyi sa la yang dag par zhugs pa yin/ nyan thos dang / rang sangs rgyas kyi sa rnams las phyir log pa yin/ sangs rgyas kyi ye shes la mngon du phyogs par gcig tu nges pa yin/ bdud dang / nyon mongs pa kun tu 'byung ba thams cad kyis mi 'phrogs pa yin/ byang chub sems dpa'i ye shes kyi snang ba la shin tu gnas pa yin/ stong pa nyid dang / mtshan pa med pa dang / smon pa med pa'i chos spyad pa rnams shin tu yongs su bsgoms pa yin/ thabs dang shes rab kyis rnam par dpyad pa rnams dang ldan pa yin/ byang chub kyi phyogs kyi chos rnams mngon par bsgrubs pas rnam par thob pa yin no// byang chub sems dpa'i sa mngon du gyur pa 'di la gnas pa'i byang chub sems dpa' de chos de dag la ji lta ba bzhin du mthun par byed cing mi mthun par mi byed pas/ shes rab kyi pha rol tu phyin pa la gnas pa shes che zhing rjes su mthun pa'i bzod pa rnon po gnyis pa skyes pa yin no/ / byang chub sems dpa'i sa mngon du gyur pa 'di la gnas pa'i byang chub sems dpa' de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas
- 91b
brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po/ dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang ba 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed do/ / btsun par byed do// ri mor byed do// mchod pa byed do// na bza' dang / zhal zas dang / gzims cha dang / snyun gsos sman dang / yo byad rnams kyang 'bul zhing / byang chub sems dpa'i bde bar sbyar ba yang nye bar sgrub bo// dge 'dun gyi tshogs la yang yang dag par ri mo byed do// dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing de dag la gus pa dang / zhe sa dang / bsti stang byas te chos bstan pa nyan no// 'dzin to// thos nas kyang ji lta ba bzhin du snyoms par 'jug pa dang / shes rab dang ye shes kyi snang bas rab tu sbyor ro/ / nan tan gyis kyang rab tu 'dzin te/ de de bas kyang de bzhin gshegs pa'i chos kyi mdzod thob pa yin no// byang chub sems dpa'i sa mngon du gyur pa 'di la gnas pa'i
- 92a
byang chub sems dpa' de'i dge ba'i rtsa ba de dag de bas kyang shas cher bskal pa du mar rab tu sbyangs pa dang / yongs su dag pa dang / shin tu 'od gsal bar 'gyur te/ de'i dge ba'i rtsa ba de dag de bas kyang shas cher bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba rgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar rab tu sbyangs pa dang yongs su dag pa dang / shin tu 'od gsal bar 'gyur ro// kye rgyal ba'i sras dag 'di lta ste dper na/ gser gyis le sbram de nyid bai DUR+Yas phyis na de bas kyang rab tu byang ba dang / yongs su dag pa dang / shin tu 'od gsal bar 'gyur ro// kye rgyal ba'i sras dag de bzhin du byang chub sems dpa' rnams kyi byang chub sems dpa'i sa mngon du gyur pa 'di la gnas pa'i byang chub sems dpa'i de'i dge ba'i rtsa ba thabs dang / shes rab dang / ye shes kyis rnam par dpyad pa de dag de bas kyang shas cher rab tu sbyangs pa dang / yongs su dag pa dang / shin tu 'od gsal bar 'gyur ro/ / phyi phyir zhing rab tu zhi bas mi 'phrogs par 'gyur ro// kye rgyal ba'i sras dag 'di lta ste dper na/ zla ba'i 'od ni sems can gyi lus rnams kyang sim par byed la
- 92b
rlung gi dkyil 'khor bzhis kyang mi 'phrogs pa yin no/ / ce rgyal ba'i sras dag de bzhin du/ byang chub sems dpa' rnams kyi byang chub sems dpa'i sa mngon du gyur pa 'di la gnas pa'i byang chub sems dpa' de'i dge ba'i rtsa ba de dag kyang sems can bye ba khrag khrig brgya stong phrag du ma'i nyon mongs pa 'bar ba rnams kyang rab tu zhi bar byed cing sim par byed la/ 'dud bzhi'i lam gyi spyod pa ngan pa dag gis kyang mi 'phrogs pa yin no/ / de'i pha rol tu phyin pa bcu po dag las/ shes rab kyi pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no/ / kye rgyal ba'i sras dag 'di ni byang chub sems dpa' rnams kyi byang chub sems dpa'i sa drug pa mngon du gyur ces bya ba mdor bstan pa'o// de la gnas pa'i byang chub sems dpa' ni phal cher lha'i rgyal po rab 'phrul du 'gyur te/ byed pa dang ldan zhing sems can rnams kyi mngon pa'i nga rgyal rgyun gcod pa'i gtso bor gyur pa dang / nyan thos kyi yongs su dri ba thams cad kyis mi 'phrogs pa dang / sems can rnams rten cing 'brel par 'byung ba la 'dzud par mkhas pa yin no// sbyin pa 'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la
- 93a
bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur ro snyam du sems so// 'dod na brtson 'grus rtsom pa rnam pa ji lta bus skad cig thang cig yud tsam gcig la ting nge 'dzin bye ba brgya stong thob cing / snyoms par yang 'jug pa dang / sangs rgyas bye ba brgya stong mthong ba dang de dag gi byin gyi rlabs kyang yang dag par shes pa dang / 'jig rten gyi khams bye ba brgya stong g.yo bar byed pa dang / zhing bye ba brgya stong du 'gro ba dang / 'jig rten gyi khams bye ba brgya stong snang bar byed pa dang / sems can bye ba brgya stong smin par byed pa dang / bskal pa bye ba brgya stong du gnas par byed pa dang / bskal pa bye ba brgya stong la sngon gyi mtha' dang / phyi ma'i mthar rab tu 'jug pa
- 93b
dang / chos kyi sgo bye ba brgya stong rnam par 'byed pa dang / lus bye ba brgya stong kun tu ston pa dang / lus re re la yang byang chub sems dpa'i 'khor bye ba brgya stong kun tu ston pa'i brtson 'grus rnam pa delta bu rtsom mo/ / de yan chad byang chub sems dpa'i smon lam gyi stobs can rnams/ smon lam khyad par can gyi rnam par 'phrul te/ de dag gi lus sam/ 'od dam/ rdzu 'phrul pam/ mig gam/ spyod yul lam/ dbyangs sam/ spyod pa'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba zag khrig brgya stong ji snyed pa de skad du yang brjod pa sla ba ma yin no/ / byang chub sems dpa'i sa drug pa mngon du gyur ces bya ba'o// kye rgyal ba'i sras dag byang chub sems dpa'i sa drug pa la lam shin tu yongs su rdzogs pa'i byang chub sems dpa'i de byang chub sems dpa'i sa bdun pa gnon te/ de thabs dang shes rab kyis mngon par bsgrub pa'i lam gzhan brtsam pa'i khyad par bcus gnon to/ / bcu gang zhe na/ 'di lta ste/ stong pa nyid dang / mtshan ma med pa dang / smon pa med pa shin tu bsgoms pa'i yid dang ldan la/ bsod nams kyi tshogs chen po bsog pa yang bsogs pa yin/ bdag med pa dang / srog med pa dang / gang zag med pa'i chos rnams la yang 'jug la tshad med pa bzhi mngon par bsgrub pa yang mi gtong ba yin//
- 94a
bsod napas kyi tshogs pha rol tu phyin pa mngon par 'du bya ba yang mngon par 'du byed la chos gang la yang mngon par zhen pa med pa yin/ khams gsum pa thams cad las dben par gyur pa yang thob la/ khams gsum pa'i rgyan rnam par bsgrub pa mngon par bsgrub pa yang mngon par bsgrub pa yin/ nyon mongs pa 'bar ba thams cad dang bral bas shin tu zhi zhing nye bar zhi ba yang yin la/ sems can thams cad kyi 'dod chags dang / zhe sdang dang / gti mug gi nyon mongs pa'i me lce rab tu zhi bar bya ba mngon par bsgrub pa yang mngon par bsgrub pa yin/ sgyu ma dang / rmi lam dang / mig yor dang / chu zla dang / gzugs brnyan dang / sprul pa'i rang bzhin lta bur gnyis su med par yang khong du chud la/ las dang bya ba rnam par phye ba tshar med pa'i bsam pa yang mngon par bsgrub pa yin/ zhing gi thag zu nam mkha' dang mnyam par shin tu bsgoms pa'i yid dang yang ldan la/ sangs rgyas kyi zhing gyi rgyan rnam par bsgrub pa yang mngon par bsgrub pa yin/ sangs rgyas thams cad kyi sku'i rang bzhin du yang 'jug la/ gzugs dang / mtshan dang / dpe byad bzang po rnam par sgrub pa'i rgyan mngon par bsgrub pa yang mngon par bsgrub pa yin/ de bzhin gshegs pa'i gsung brjod du med cing sgra dbyangs dang bral te rang bzhin gyis zhi bar yang mos la/ dbyangs kyi yan lag thams cad rnam par phye
- 94b
ba rnam par dag pa'i rgyan mngon par bsgrub pa yang mngon par bsgrub pa yin/ sangs rgyas bcom ldan 'das rnams kyis dus gsum mtshan nyid gcig tu thugs su chud par yang 'jug la/ sems can gyi bsam pa brjod pa'i phyir/ bskal pa 'grangs par mtshan nyid tha dad pa shes pa la yang 'jug pa yin te/ kye rgyal ba'i sras dag thabs dang shes rab kyis mngon par bsgrubs pa'i lam gzhan brtsam pa'i khyad par bcu po 'di dag gis byang chub sems dpa' byang chub sems dpa'i sa drug pa nas byang chub sems dpa'i sa bdun pa gnon to/ / kye rgyal ba'i s ras dag byang chub sems dpa' de thabs dang shes rab kyi mngon par bsgrub pa'i lam gzhan brtsam pa'i khyad par bcu snang bar gyur pa 'di dag mngon par sgrub pas byang chub sems dpa'i sa bdun pa non zhes bya ste/ byang chub sems dpa'i sa bdun pa la gnas pa'i byang chub sems dpa' de sems can gyi khams tshad med pa la yang 'jug la/ sangs rgyas bcom ldan 'das rnams kyis sems can yongs su smin par mdzad pa dang / 'dul ba'i 'phrin las tshad med pa la yang 'jug go// 'jig rten gyi khams mang po tshad med pa la yang 'jug la/ sangs rgyas bcom ldan 'das rnams kyi sangs rgyas kyi zhing yongs su dag pa la yang 'jug go/ / chos tha dad pa tshad med pa la yang 'jug la/ sangs rgyas bcom ldan 'das rnams kyi ye shes mngon par
- 95a
rdzogs par thugs su chud pa tshad med pa la yang 'jug go/ / bskal pa bgrangs pa tshad med pa rtogs pa la yang 'jug la/ sangs rgyas bcom ldan 'das rnams kyi dus gsum thugs su chud pa tshad med pa la yang 'jug go/ / sems can gyi mos pa tha dad pa'i khyad par tshad med pa la yang 'jug la/ sangs rgyas bcom ldan 'das rnams kyi ming dang gzugs kyi sku tha dad pa bstan pa/ tshad med pa la yang 'jug go// sems can rnams kyi bsam pas dbang po tha dad pa tshad med pa la yang 'jug la/ sangs rgyas bcom ldan 'das rnams kyi gsung brjod pas sems can gzhan tshim par mdzad pa tshad med pa la yang 'jug go/ / sems can rnams kyi sems kyi spyod pa tha dad pa tshad med pa la yang 'jug la/ sangs rgyas bcom ldan 'das rnams kyi ye shes rab 'byams rjes su rtogs pa la 'jug go/ / nyan thos kyi theg pa nges par 'byung ba la mos pa tshad med pa la yang 'jug la/ sangs rgyas bcom ldan 'das rnams kyi lam bstan pa tshad med pa la 'jug pa la yang mos so/ / rang sangs rgyas kyi theg pa yang dag par bsgrub pa 'grub pa tshad med pa la yang 'jug la/ sangs rgyas bcom ldan 'das rnams kyi ye shes zab mo'i sgor 'jug pa bstan pa tshad med pa la yang 'jug go/ / byang chub sems dpa' rnams kyi byang chub sems dpa'i spyod pa la spyod pa tshad med pa la yang 'jug la// sangs
- 95b
rgyas bcom ldan 'das rnams kyi theg pa chen po yang dag par bsgrub pa la 'jug pa bstan pa tshad med pa la yang 'jug go/ / de 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas rnams kyi yul ni de ltar tshad med pa ste/ de ni bskal pa bye ba khrag khrig brgya stong ji snyed pa de snyed kyis kyang bgrang bar sla ba ma yin te/ sangs rgyas bcom ldan 'das rnams kyi yul de dag gis yang dag par bskyed par bya'o/ / rtog pa med pa dang / rnam par rtog pa med pas lhun gyis grub par yongs su rdzogs par bya'o// de ltar brtags pa'i ye shes dang / mngon par shes pa dang ldan zhing rtag par rgyun tu mngon par brtson pa de thabs dang shes rab kyis yongs su bsgoms pa'i lam gzhan brtsam pa'i khyad par rnams la mi g.yo ba'i tshul gyis gnas pa yin no/ / de skad cig gcig la yang lam mngon par bsgrub cing mi ldang ste/ de 'gro 'am/ 'greng ngam/ 'dug gam/ nyal lam/ rmi lam na yang ye shes de lta bu la mngon par brtson pa yin/ sgrib pa med pas spyod lam thams cad la gnas shing / rnam pa 'di lta bu'i 'du shes yid la bya ba dang mi 'bral ba yin no// de'i sems bskyed pa re re la yang byang chub sems dpa'i pha rol tu phyin pa bcu yang / yang dag par bsgrub pa yang dag par 'grub bo// de ci'i phyir zhe na/ 'di ltar byang chub sems dpa' ni snying rje chen po sngon du btang
- 96a
pa'i sems bskyed pa 'byung ba re re thams cad kyang sangs rgyas kyi chos yang dag par bsgrub pa dang / de bzhin gshegs pa'i ye shes su yongs su bsngo ba'i phyir te/ de la sangs rgyas kyi ye shes yongs su tshol zhing sems can rnams la dge ba'i rtsa ba gtong ba gang yin pa de ni de'i sbyin pa'i pha rol tu phyin pa'o/ / nyon mongs pa'i yongs su gdung ba thams cad rab tu zhi ba gang yin pa de ni de'i rdul khrims kyi pha rol tu phyin pa'o/ / snying rje dang byams pa sngon du 'gro bas sems can thams cad la gnod pa mi byed pa gang yin pa de ni de'i bzod pa'i pha rol tu phyin pa'o/ / gong nas gong du com pas dge ba'i chos kyis mi ngoms pa gang yin pa de ni de'i brtson 'grus kyis pha rol tu phyin pa'o// thams cad mkhyen pa'i ye shes mngon sum du bya ba'i lam las mi 'phyir ba gang yin pa de ni de'i bsam gtan gyi pha rol tu phyin pa'o/ / rang bzhin gyis skye ba med pa mngon sum du bya bar bzod pa gang yin pa de ni de'i shes rab kyi pha rol tu phyin pa'o// ye shes kyis tshad med par mngon par sgrub pa gang yin pa de ni de'i thabs mkhas pa'i pha rol tu phyin pa'o// ye shes kyi gong nas gong du mngon par sgrub pa gang yin pa de ni de'i smon lam gyi pha rol tu phyin pa'o/ / phas kyi rgol ba dang / 'dud kyi tshogs thams cad kyis lam gyi rgyun mi gcod pa gang yin pa de ni de'i stobs kyi pha rol tu phyin pa'o// chos thams cad la ji lta ba bzhin du nges par
- 96b
rtogs pa gang yin pa de ni de'i ye shes kyi pha rol tu phyin pa'o/ / kye rgyal ba'i sras dag de ltar na byang chub sems dpa'i sa ring du song ba la gnas pa'i byang chub sems dpa' de'i pha rol tu phyin pa de dag skad cig re re la yongs su rdzogs par 'gyur ro/ / bsdu ba'i dngos po bzhi yang yongs su rdzogs par 'gyur ro// gnas bzhi dang / byang chub kyi phyogs kyi chos sum cu rtsa bdun dang rnam par thar pa'i sgo gsum yang yongs su rdzogs par 'gyur te/ mdor na byang chub kyi yan lag gi chos thams cad skad cig re re la yongs su rdzogs par 'gyur ro// de skad ces smras pa dang / byang chub sems dpa' rnam par grol ba'i zla bas byang chub sems dpa' rdo rje'i snying po la 'di skad ces smras so// kye rgyal ba'i sras ci byang chub sems dpa' byang chub sems dpa'i sa bdun pa 'di la gnas pa 'di nyid kyi byang chub kyi yan lag thams cad skad cig re re la yongs su rdzogs par 'gyur ram/ 'on te sa bcu po thams cad la yang de bzhin du yongs su rdzogs par 'gyur/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i sa bcu po thams cad la yang byang chub sems dpa'i byang chub kyi yan lag yongs su rdzogs par lta 'gyur te/ byang chub sems dpa'i sa bdun pa 'di la lhag par yongs su rdzogs par 'gyur ro// de ci'i phyir zhe na/ kye rgyal ba'i sras byang chub sems dpa' rnams kyi
- 97a
sa 'di ni sbyor ba can gyi spyod pa yongs su rdzogs par byed pas ye shes dang / mngon par shes pa'i spyod pa yongs su gnon pa'o// the rgyal ba'i sras byang chub sems dpa'i sa dang po la ni smon lam thams cad la lhag par dmigs pas/ byang chub sa yan lag rnams yongs su rdzogs par 'gyur ro// gnyis pa la ni sems kyi dri ma bsal bas so// gsum pa la ni smon lam rnam par 'phel ba dang / chos kyi snang ba thos pas so// bzhi pa la ni lam la zhugs pas so// lnga pa la ni 'jig rten gyi bya ba dang mthun par 'jug pas so// drug pa la ni chos zab mo'i sgor 'jug pas so/ / byang chub sems dpa'i sa bdun pa 'di la ni sangs rgyas kyi chos thams cad yang dag par skyed pa/ byang chub kyi yan lag rnams yongs su rdzogs par 'gyur ro// de ci'i phyir zhe na/ byang chub sems dpa'i sa dang po nas bzung ste/ byang chub sems dpa'i sa 'dun pa'i bar du/ byang chub sems dpa' sa ye shes mngon par sgrub pa la spyod pa'i yan lag dag mngon par bsgrubs pa gang yin pa de dag ni/ byang chub sems dpa'i sa brgyad pa yan chad lhun gyis grub par yongs su 'grub bo// kye rgyal ba'i sras 'di lta ste dper na/ kun nas nyon mongs la rnam par dag pa'i 'jig rten gyi khams dang / shin tu yongs su dag pa'i 'jig rten gyi khams dag gi 'jig rten gyi khams kyi bar ni mngon par shes pa'i stobs bskyed pa chen po ma gtogs par gya chom du
- 97b
'da' bar mi nus so/ / kye rgyal ba'i sras de bzhin du byang chub sems dpa'i spyod pa 'dres la yongs su dag pa yang smon lam dang / thabs dang shes rab dang / mngon par shes pa'i stobs bskyed pa chen po ma gtogs par gya chom du 'da' bar mi nus so/ / byang chub sems dpa' rnam par grol ba'i zla bas smras pa/ kye rgyal ba'i sras ci byang chub sems dpa'i sa bdun pa la byang chub sems dpa'i spyod pa nyon mongs pa'i spyod pas/ kun nas nyon mongs par shes par bya ba yin nam/ byang chub sems dpa' rdo rje snying pos smras pa/ kye rgyal ba'i sras byang chub sems dpa'i sa dang po nas bzung ste/ byang chub sems dpa'i spyod pa thams cad byang chub tu yongs su bsngos pa'i dbang dang ji ltar mthun pa'i lam mtshungs pa nyid kyis nyon mongs pa dang 'dres pa med par shes par bya ste/ de tsam gyis sa bdun po rnams la nyon mongs pa'i spyod pa las shin tu 'das zhes ni mi bya'o// kye rgyal ba'i sras 'di lta ste dper na/ 'khor los sbyar ba'i rgyal po ni/ lha'i glang po rin po che la zhon zhing gling bzhi dag tu'ang 'gro'o// mi'i sdug bsngal dang / dbul ba dang / kun nas nyon mongs pa rnams kyang rab tu shes te nyes pa de dag gis gos pa yang ma yin mod kyi/ de tsam gyis mi'i lus las shin tu 'das pa yang ma yin te/ nam mo'i lus spangs nas tshangs pa'i 'jig rten du skyes par gyur pa de'i
- 98a
tshangs pa'i gzhal med khang na gnas te/ stong gi 'jig rten gyi khams kyang mthong zhing rnam par rgyu la tshangs par snang ba yang ston te/ mi zhes kyang mi brjod do// kye rgyal ba'i sras de bzhin du byang chub sems dpa'i sa dang po nas bzung ste/ byang chub sems dpa'i pha rol tu phyin pa'i theg pa la zhon zhing 'gro ba thams cad du rgyu ba'i tshe/ kun nas nyon mongs pa'i nyes pa rnams kyang rab tu shes te/ yang dag pa'i lam du zhugs pas kun nas nyon mongs pa de dag gis kyang mi gos mod kyi/ 'on kyang de tsam gyi sa bdun po rnams la nyon mongs pa'i nyes pa rnams las yang dag par 'das zhes ni mi bya ste/ nam sbyor ba can gyi spyod pa spangs nas sa bdun pa nas brgyad pa non par gyur pa de'i tshe/ byang chub sems dpa'i theg pa rnam par dag pa la zhon te/ 'gro ba thams cad du rgyu zhing kun nas nyon mongs pa'i nyes pa rnams kyang rab tu shes te/ shin tu 'das pas de dag gis gos par gyur zhes mi bya'o// kye rgyal ba'i sras byang chub sems dpa'i sa bdun pa 'di la gnas pa'i byang chub sems dpa' ni 'dod chags la sogs pa nyon mongs pa'i tshogs thams cad las kyang shin tu 'das te/ byang chub sems dpa'i sa ring tu song ba 'di la spyod pa'i byang chub sems dpa' de ni nyon mongs pa dang bcas pa zhes kyang mi bya/ nyon mongs pa med pa zhes kyang mi bya'o// de ci'i phyir zhe na/ nyon mongs pa
- 98b
rnams kun tu mi 'byung bas nyon mongs pa dang bcas pa zhes mi bya'o/ / de bzhin gshegs pa'i ye shes mngon par 'dod pa dang / bsam pa yongs su ma rdzogs pas nyon mongs pa med pa zhes kyang mi bya'o/ / byang chub sems dpa'i sa bdun pa 'di la gnas pa'i byang chub sems dpa' de ni lhag pa'i bsam pa yongs su dag pa'i lus kyi las dang ldan pa yin/ lhag pa'i bsam pa yongs su dag pa'i ngag gi las dang ldan pa yin/ lhag pa'i bsam pa yongs su dag pa'i yid kyi las dang ldan pa yin no// de mi dge ba'i las kyi lam gang dag de bzhin gshegs pas smad pa de dag las thams cad kyi thams cad du shin tu 'das pa yin/ dge ba'i las kyi lam gang dag yang dag par rdzogs pa'i sangs rgyas kyis bka' stsal pa/ de dag la rtag par rgyun du rjes su 'ju pa yin no/ / sa lnga pa la 'jig rten pa'i bzo'i gnas dang / las kyi gnas gang dag mngon par bsgrubs pa de dag thams cad kyang 'dir lhun gyis grub pa nyid du rab tu 'byung ngo // de ni stong/ gsum gyi stong chen po'i 'jig rten gyi khams na slob dpon du bya ba yin te/ de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa'i sa brgyad pa yan chad la gnas pa'i byang chub sems dpa' rnams ma gtogs par stong gsum gyi stong chen po'i 'jig rten gyi khams su slob dpon du grags pa yin te/ de dag bsam pa 'am/ sbyor bas
- 99a
mnyam pa su yang med do/ / bsam gtan rnams dang / ting nge 'dzin rnams dang / snyoms par 'jug pa rnams dang / mngon par shes pa rnams dang / rnam par thar pa rnams gang dag yin pa de dag kyang bsgom pa'i sgo'i tshul gyis thams cad kyi thams cad du de la mngon du 'gyur ro/ / 'on kyang de tsam gyis byang chub sems dpa'i sa brgyad pa la ji lta ba bzhin du rnam par smin pa yongs su grub pa ni ma yin no/ / de ltar byang chub sems dpa'i sa bdun pa 'di la gnas pa'i byang chub sems dpa' de'i sems bskyed pa thams cad la shes rab dang thabs bsgom pa'i stobs yongs su rdzogs par 'gyur te/ de bas kyang shas cher byang chub kyi yan lag thams cad yongs su rdzogs pa rab tu thob bo// de byang chub sems dpa'i sa bdun pa 'di la gnas pa'i tshe/ byang chub sems dpa'i ting nge 'dzin rnam par 'byed pas shin tu rnam par phye ba zhes bya ba la snyoms par 'jug ste/ byang chub sems dpa'i ting nge 'dzin don shin tu bsams pa zhes bya ba dang / khyad par gyi blo gros zhes bya ba dang / rab tu phye ba'i don gyi mdzod ces bya ba dang / don ji lta ba bzhin du rnam par 'byed pa zhes bya ba dang / rtsa ba shin tu gnas pas brtan pa zhes bya ba dang / ye shes dang / mngon par shes pa'i sgo zhes bya ba dang / chos kyi dbyings yongs su sbyong bar byed pa zhes bya ba dang / de bzhin gshegs pa'i phan yon zhes
- 99b
bya ba dang / byang chub sems dpa'i ting nge 'dzin don sna tshogs kyi mdzod 'khor ba dang mya ngan las 'das pa'i sgo zhes bya ba la yang snyoms par 'jug ste/ de dag la sogs pa ye shes dang / mngon par shes pa chen po'i sgo'i ting nge 'dzin sa yongs su sbyong bar byed pa brgya stong phrag bcu tshang ba la snyoms par 'jug go// de thabs dang shes rab kyis yongs su sbyangs pa'i ting nge 'dzin de dag rab tu thob nas snying brtse ba dang / snying rje'i stobs kyis nyan thos dang / rang sangs rgyas kyi sa las shin tu 'das pa yin no// shes rab dang ye shes kyis rnam par dpyad pa'i sa mngon du gyur pa yin no/ / byang chub sems dpa'i sa bdun pa 'di la gnas pa'i byang chub sems dpa' de'i lus kyi las tshad med pa mtshan ma dang bral ba rab tu 'byung / ngag gi las tshad med pa mtshan ma dang bral ba rab tu 'byung / yid kyi las tshad med pa mtshan ma dang bral ba shin tu yongs su sbyangs pa mi skye ba'i chos la bzod pas snang bar gyur pa rab tu 'byung ngo // byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa'i sa dang po la gnas pa'i byang chub sems dpa'i lus dang / ngag dang / yid kyi las tshad med pa yang nyan thos dang / rang sangs rgyas thams cad kyi spyod pa las shin tu 'das pa ma yin nam/ byang chub sems dpa' rdo rje'i snying pos smras pa/ kye rgyal ba'i sras de ltar yang yin te/ de ni sangs rgyas
- 100a
kyi chos la lhag par dmigs pa'i che ba nyid kyis gyur tu zad kyi/ rang gi blos rnam par dpyad pas ni ma yin no// byang chub sems dpa'i sa bdun pa 'di la ni rang gi zlam spyod yul rnam par dpyod pa rab tu thob pas nyan thos dang / rang sangs rgyas thams cad kyis mi 'phrogs pa yin no// kye rgyal ba'i sras 'di lta ste dper na/ rgyal po'i rigs su skyes pa'i rgyal po'i mtshan dang ldan pa ni/ rgyal po'i byin gyis blon po'i tshogs thams cad zil gyis gnon gyi/ rang gi blos rnam par dpyad pas ni ma yin no// nam de nar son par gyur pa de'i tshe rang gi blo'i stobs bskyed pas/ blon po thams cad kyi bya ba las shin tu 'das pa yin no// kye rgyal ba'i sras de bzhin du/ byang chub sems dpa' yang sems bskyed ma thag tu lhag pa'i bsam pa'i che ba nyid kyis nyan thos dang / rang sangs rgyas thams cad zil gyis gnon gyi/ rang gi blos rnam par dpyad pas ni ma yin no// byang chub sems dpa'i sa bdun pa 'di la gnas pa'i byang chub sems dpa' ni rang gi yul gyi ye shes la gnas pas nyan thos dang / rang sangs rgyas thams cad kyi bya ba las shin tu 'das so// kye rgyal ba'i sras byang chub sems dpa' byang chub sems dpa'i sa bdun pa 'di la gnas pa'i tshe/ lus dang ngag dang / yid kyi las zab cing dben pa rgyu ba med pa yang thob pa yin te/ gong du yongs su tshol ba'i brtson pa yang mi gtong ngo // byang
- 100b
chub sems dpa' rnam par grol ba'i zla bas smras pa/ kye rgyal ba'i sras byang chub sems dpa'i sa gang yan chad byang chub sems dpa' 'gog pa la snyoms par 'jug/ byang chub sems dpa'// / rdo rje'i snying pos smras pa/ kye rgyal ba'i sras byang chub sems dpa' sa drug pa yan chad byang chub sems dpa' 'gog pa la snyoms par 'jug ste/ byang chub sems dpa'i sa bdun pa 'di la gnas pa'i byang chub sems dpa' ni sems kyi skad cig sems kyi skad cig la yang 'gog pa la snyoms par 'jug ste/ 'gog pa mngon sum du byas zhes ni mi bya'o// des na 'di ni bsam gyis mi khyab pa'i lus dang / ngag dang / yid kyi las dang ldan pa zhes bya'o// kye rgyal ba'i sras de ltar byang chub sems dpa' yang dag pa'i mtha' la gnas pas kyang gnas la 'gog pa yang mngon sum du mi byed do/ / kye rgyal ba'i sras 'di lta ste dper na/ mi zhag rgya mtsho chen po'i gru chen por zhugs te/ rgal ba'i thabs la mabs shing rlung la mkhas pa dang / chu la mkhas pa ni rgya mtsho chen po'i chu'i nyes pas mi gos so/ / kye rgyal ba'i sras de bzhin du byang chub sems dpa'/ byang chub sems dpa'i sa bdun pa 'di la gnas shing pha rol tu phyin pa'i theg pa'i grur zhugs pa yang yang dag pa'i mtha' la gnas pas kyang gnas la/ 'gog pa yang mngon sum du mi byed do// de ltar ye shes thob pa de ting nge 'dzin dang ye shes kyi stobs bsgom pa mngon par bsgrubs pa'i blo dang / thabs dang
- 101a
shes rab kyi stobs bskyed pa chen pos 'khor ba'i sgo yang ston la bsam pa mya ngan las 'das pa la gnas pa yang yin/ 'khor mang pos kun nas bskor bar yang snang la rtag par rgyun du shin tu dben pa'i sems rab tu thob pa yang yin/ smon lam gyi dbang gis khams gsum du skye ba yang mngon par sgrub la/ 'jig rten gyi nyes pas kyang mi gos pa yin/ zhi zhing rab tu zhi ba yang yin la/ thabs kyis kyang rab tu 'bar te 'bar yang tshig par mi 'gyur ba yin/ sangs rgyas kyi ye shes la yang 'jug la nyan thos dang / rang sangs rgyas kyi sa dag las kyang ldog pa yin/ sangs rgyas kyi yul gyi mthil du yang son la/ bdud kyi yul na 'dug par snang ba yang yin/ bdud bzhi'i lam las kyang shin tu 'das la/ bdud kyi spyod yul yang ston pa yin/ mu stegs can gyi gnas thams cad na 'dug par yang snang la/ sangs rgyas kyi mu stegs can gyi gnas mi 'dor ba'i bsam pa dang ldan pa yang yin// 'jig rten gyi bya ba thams cad dang ldan par yang snang la/ 'jig rten las 'das pa'i chos kyi tshul la yang yang dag par gzhol ba yin/ lha dang klu dang / gnod sbyin dang / dri za dang lha ma yin dang / nam mkha' lding dang / mi 'am ci dang / mi dang mi ma yin pa dang / brgya byin dang / tshangs pa dang / 'jig rten skyong ba thams cad las lhag pa'i bkod pa rnam par bsgrub pa yang thob
- 101b
la/ chos la dga' ba yid la bya ba yang mi spong ba yin no// de ltar de lta bu'i ye shes dang ldan par byang chub sems dpa'i sa ring du song ba 'di la gnas pa'i byang chub sems dpa' de la mthong brgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong mang po snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed/ btsun par byed/ ri mor byed/ mchod pa byed/ na bza' dang / zhal zas dang / gzims cha dang / snyun gsos sman dang / yo byad rnams kyang 'bul zhing / byang chub sems dpa'i bde bar sbyar ba yang nye bar sgrub bo// dge 'dun gyi tshogs la yang yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas
- 102a
de dag la bsnyen bkur byed cing / de dag la gus pa dang / zhes dang / bsti stang byas te chos bstan pa nyan to// len to// 'dzin to// thos nas kyang lta ba bzhin du snyoms par 'jug pa dang / shes rab dang / ye shes kyi snang bas rab tu sbyor ro// nan tan gyis 'dzin par yang byed do// sangs rgyas bcom ldan 'das de dag gi bstan pa 'dzin par yang 'gyur ro/ / nyan thos dang / rang sangs rgyas thams cad kyi mngon par rtogs pa yongs su dri ba rnams kyis mi 'phrogs par 'gyur ro// de de bas kyang ches sems can la phan 'dogs pas chos kyi bzod pa rnam par dag par 'gyur ro/ / byang chub sems dpa'i sa ring du song ba 'di la gnas pa'i byang chub sems dpa' 'di'i dge ba'i rtsa ba de dag bskal pa du mar rab tu sbyangs pa dang / yongs su dag pa dang / las su rung ba dang / yongs su byang bar gyur te/ de'i dge ba'i rtsa ba de dag bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar rab tu sbyangs pa dang / yongs su dag pa dang / las su rung ba dang / yongs su byang bar 'gyur ro// kye rgyal ba'i sras dag
- 102b
'di lta ste dper na/ gser gyi sa le sbram de nyid rin po che thams cad kyis spras na de bas ches shin tu bzang zhing 'od gsal bar 'gyur te/ de ma yin pa'i rgyan gyi rnam pa gzhan dag gis mi 'phrogs par 'gyur ro/ / kye rgyal ba'i sras dag de bzhin du byang chub sems dpa' rnams kyi byang chub sems dpa'i sa ring du song ba 'di la gnas pa'i byang chub sems dpa' de'i dge ba'i rtsa ba thabs dang / shes rab dang ye shes kyis mngon par bsgrubs pa de dag kyang de bas ches shin tu rab tu sbyangs pa dang / shin tu 'od gsal bar 'gyur te/ nyan thos dang / rang sangs rgyas thams cad kyis shin tu mi 'phrogs par 'gyur ro/ / kye rgyal ba'i sras dag 'di lta ste dper na/ nyi ma'i 'od ni skar ma'i tshogs thams cad dang / zla ba'i 'od rnams kyis mi 'phrogs shing 'dzam bu'i gling na/ rlan gyi bag yod pa thams cad kyang shin tu yongs su skam par byed do/ / kye rgyal ba'i sras dag de bzhin du/ byang chub sems dpa' rnams kyi byang chub sems dpa'i sa ring du song ba 'di la gnas pa'i byang chub sems dpa' de'i dge ba'i rtsa ba de dag kyang nyan thos dang / rang sangs rgyas thams cad kyis mi 'phrogs shing sems can thams cad kyi nyon mongs pa'i rnyog pa yang yongs su skems so// 'phags pa sa bcu pa/ / / bam po lnga pa// de'i pha rol tu phyin pa bcu po dag las thabs kyi pha rol tu phyin pa shas che ba yin te/ lhag ma rnams kyang ci
- 103a
nus ci tshul du yang dag par mi sgrub pa ni ma yin no/ / kye rgyal ba'i sras dag 'di ni byang chub sems dpa' rnams kyi byang chub sems dpa'i sa bdun pa ring du song ba zhes bya ba mdor bstan pa'o/ / de la gnas pa'i byang chu sems dpa' ni phal cher lha'i rgyal po dbang sgyur du 'gyur te/ byed pa dang ldan zhing sems can rnams la mngon par rtogs pa'i ye shes nye bar sgrub pa'i gtso bor gyur pa dang / sems can rnams skyon med pa la 'dzud mkhas pa yin no// sbyin pa 'am/ snyan par smra ba 'am/ don spyod pa 'am/ don mthun pa'i las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ sral du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas
- 103b
rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus skad cig thang cig sud tsam gcig la ting nge 'dzin bye ba khrag khrig brgya stong thob cing snyoms par 'jug pa dang / sangs rgyas bye ba khrag khrig brgya stong mthong ba dang / de dag gi byin gyi rlabs kyang yang dag par shes pa dang 'jig rten gyi khams bye ba khrag khrig brgya stong g.yo bar byed pa dang / zhing bye ba khrag khrig brgya stong du 'gro ba dang / 'jig rten gyi khams bye ba khrag khrig brgya stong snang bar byed pa dang / sems can bye ba khrag khrig brgya stong yongs su smin par byed pa dang / bskal pa bye ba khrag khrig brgya stong du gnas par byed pa dang / bskal pa bye ba khrag khrig brgya stong la sngon gyi mtha' dang / phyi ma'i mtha' rab tu 'jug pa dang / chos kyi sgo bye ba khrag khrig brgya stong rnam par 'byed pa dang / lus bye ba khrag khrig brgya stong kun tu ston pa dang / lus re re la yang byang chub sems dpa'i 'khor bye ba khrag khrig brgya stong kun tu ston pa'i brtson 'grus rnam pa de lta bu rtsom mo/ / de yan chad byang chub sems dpa' smon lam gyi stobs can rnams/ smon lam khyad par can gyis rnam par 'phrul te/ de dag gi lus sam/ 'o dam rdzu 'phrul lam/ mig gam/ spyod yul lam/ dbyangs sam/ spyod pa'am/ bkod pa'am/ byin brlabs sam/ mos pa'am/ mngon par 'du byed pa dag kyang bskal pa bye ba
- 104a
khrag khrig brgya stong ji snyed pa de snyed du yang brjod par slab ma yin no/ / byang chub sems dpa'i sa bdun pa ring du song ba zhes bya ba'o// kye rgyal ba'i sras ngag de la byung / chub sems dpa' sems dpa' chen po byang chub sems dpa'i sa bdun po dag la rnam par dbye ba shin tu byas pa/ shes rab dang / thabs kyis lam shin tu yongs su sbyangs pa/ tshogs shin tu bsags pa smon lam chen po shin tu btab pa'i stobs dang shugs can/ de bzhin gshegs pa'i byin gyis shin tu byin gyis brlabs pa/ rang gi dge ba'i rtsa ba'i stobs bskyed pa rjes su thob pa/ de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa yid la bya ba dang ldan pa lhag pa'i bsam pa'i brnag pa shin tu yongs su sbyangs pa/ bsod nams dang / ye shes kyi stobs kyis mngon par 'phags pa/ snying rje chen po dang / snying brtse bas sems can thams cad la sbyor ba mi gtong ba dang / ye shes kyi lam tshad med pa dang ldan pa de chos thams cad bzod ma nas ma byung ba nyid la 'jug go/ / ma skyes pa dang / mtshan nyid med pa dang / skye ba med pa dang / 'jug pa med pa dang / thug pa med pa dang / mi rgyu ba dang / mi ldog pa dang / dngos po med pa'i rang bzhin dang / thog ma dang / dpung dang / tha ma mnyam pa nyid dang / de bzhin nyid rnam par mi rtog pa la thams cad mkhyen pa'i ye shes 'jug pa la 'jug ste/ de rnam pa thams cad du sems dang / yid dang
- 104b
rnam par shes pa'i rnam par rtog pa'i 'du shes dang bral zhing thogs pa med la/ nam mkha' dang 'dra zhing bla gab med pa'i rang bzhin du khong du chud pas mi skye ba'i chos la bzod pa thob pa zhes bya'o// kye rgyal ba'i sras de la bzod pa de lta bu dang ldan pa'i byang chub sems dpa' ni/ byang chub sems dpa'i sa mi g.yo ba thob ma thag tu byang chub sems dpa'i gnas zab mo shes par dka' ba tha mi dad pa mtshan ma thams cad dang bral ba/ 'du shes kyi 'dzin pa thams cad las phyir log pa/ tshad med pa dang / nyan thos dang / rang sangs rgyas thams cad kyis mi 'phrogs pa/ dben pa thams cad las dben pa/ mngon du gyur pa shin tu thob pa yin no// kye rgyal ba'i sras 'di lta ste dper na/ dge slong rdzu 'phrul dang ldan pa/ sems kyi dbang mchog thob pa/ mthar gyis dgu pa 'gog pa la snyoms par zhugs pa ni rgyu ba dang / sems pa dang / g.yo ba dang / rlom sems thams cad dang bral ba yin no// kye rgyal ba'i sras de bzhin du/ byang chub sems dpa' yang byang chub sems dpa'i sa brgyad pa mi g.yo ba 'di thob ma thag tu 'bad pa thams cad dang bral te/ lhun gyis grub pa'i chos nyid thob cing lus dang ngag dang / sems kyi rtsol ba dang bral nas/ rnam par smin pa la gnas pa yin no// kye rgyal ba'i sras 'di lta ste dper na/ mi zhig gnyid kyis log pa'i rmi lam na/ bdag chu bo chen pos khyer ba snyam byed la/ de de nas
- 105a
ci byin tu 'bad cing rtsol ba chen po rtsol rtsol ba las de 'bad cing rtsol ba chen po de nyid kyis sang na sad ma thag tu 'bad cing rtsol ba thams cad dang bral bar 'gyur ro/ / kye rgyal ba'i sras/ de bzhin du byang chub sems dpa' yang sems can gyi tshogs chu bo chen po bzhis khyer bar shes nas 'bad cing rtsol ba chen po rtsom mo// de brtson 'grus chen po brtsams pas/ byang chub sems dpa'i sa mi g.yo ba thob ma thag tu 'bad pa thams cad dang bral ba yin te/ de'i gnyis kun tu 'byung ba dang / mtshan ma kun tu 'byung ba thams cad kyi thams cad du mi snang bar 'gyur ro// kye rgyal ba'i sras 'di lta ste dper na/ tshangs pa'i 'jig rten du skyes shing gnas pa la ni 'dod pa na spyod pa'i nyon mongs pa rnams kun tu mi 'byung ngo // kye rgyal ba'i sras de bzhin du byang chub sems dpa'i sa mi g.yo ba la gnas pa'i byang chub sems dpa' la yang sems dang / yid dang / rnam par shes pa'i kun tu 'byung ba kun tu mi 'byung ste/ de sangs rgyas la kun tu 'byung ba 'am/ byang chub la kun tu 'byung ba 'am/ byang chub sems dpa' la kun tu 'byung ba 'am/ nyan thos la kun tu 'byung ba'am/ mya ngan las 'das pa la kun tu 'byung ba 'am/ dgra bcom pa la kun tu 'byung ba 'am/ phyir mi 'ong ba la kun tu 'byung ba'am/ lan cig phyir 'ong ba la kun tu 'byung ba'am/ rgyun du zhugs pa la kun tu 'byung ba'ang kun tu mi 'byung na/ 'jig rten pa'i kun tu 'byung ba rnams lta smos
- 105b
kyang ci dgos/ kye rgyal ba'i sras de ltar byang chub sems dpa'i sa mi g.yo ba 'di la gnas pa'i byang chub sems dpa' sngon gyi smon lam gyi stobs bskyed pa dang / chos kyi sgo'i rgyun de la gnas pa de la sangs rgyas bcom ldan 'das rnams de bzhin gshegs pa'i ye shes nye bar sgrub pa mdzad de/ de la 'di skad ces kyang bka' stsal to// rigs kyi bu legs so legs so// sangs rgyas kyi chos rjes su rtogs par bya ba la 'di ni don dam pa'i bzod pa yang yin na/ 'on kyang gang nged kyi stobs bcu dang / mi 'jigs pa bzhi la sogs pa sangs rgyas kyi chos phun sum tshogs pa de khyod la med kyis sangs rgyas kyi chos phun sum tshogs pa de yongs su btsal ba'i phyir/ brtson 'grus rtsoms shig/ bzod pa'i sgo 'di nyid kyang ma dor cig/ rigs kyi bu khyod kyis de ltar zhi ba'i rnam par thar pa thob kyang byi pa so so'i skye bo ma zhi ba rab tu ma zhi ba/ nyon mongs pa sna tshogs kun tu 'byung bar 'gyur ba/ rnam par rtog pa rnam pa sna tshogs kyis g.yen spro ba 'di dag la soms shig/ yang rigs kyi bu sngon gyi smon lam dang sems can gyis don thob par bya ba dang / ye shes kyi sgo bsam gyis mi khyab pa dran par gyis shig/ yang rigs kyi bu 'di ni chos rnams kyis chos nyid de/ de bzhin gshegs pa rnams byung yang rung / ma byung yang rung chos kyi dbyings 'di ni gnas pa nyid de/ 'dis ni de bzhin gshegs pa rnams nyid tshe rab tu dbye bar bya ba ma yin gyi/ nyan thos dang / rang sangs rgyas thams
- 106a
cad kyang rnam par mi rtog pa'i chos nyid 'di thob bo/ / yang rigs kyi bu nged kyi lus chad med pa dang / ye shes tshad med pa dang / sangs rgyas kyi zhing chad med pa dang / 9/ shes mngon par sgrub pa tshad med pa dang / 'od kyi dkyil 'khor tshad med pa dang / dbyangs kyi yan lag tshad med pa la ltos te/ khyod kyis kyang de bzhin du mngon par sgrub pa skyed cig/ yang rigs kyi bu gang khyod kyi chos thams cad la rnam par mi rtog pa'i snang ba 'di ni snang ba gcig pur zad do/ / rigs kyi bu de bzhin gshegs pa rnams la ni chos snang ba 'di 'dra ba mtha' yas par gyur te/ mdzad pa mtha' yas shing 'brel pa mtha' yas pa yin gyis/ de dag thob par bya ba'i phyir mngon par sgrub pa skyed cig/ rigs kyi bu phyogs bcu'i zhing tshad med pa dang / sems can tshad med pa dang / chos rnam par phye ba tshad med pa la ltos te ci lta ba bzhin du 'brang bar gyis shig ces de skad ces bka' stsal to// kye rgyal ba'i sras de ltar de lta bu'i ye shes dang ldan pa'i byang chub sems dpa' la/ sangs rgyas bcom ldan 'das de dag ye shes mngon par sgrub pa'i sgo tshad med pa de dag la sogs pa gang dag gis byang chub sems dpa' ye shes rnam par bye ba tshad med pa mngon par bsgrub pa'i las mngon par bsgrub pa dag nye bar bsgrub par mdzad do/ / kyai rgyal ba'i sras khyod mos par bya'o// khyod kyi khong du chud par bya'o// gal te sangs rgyas
- 106b
bcom ldan 'das de dag gis byang chub sems dpa' de la mngon par bsgrub pa'i sgo rnams su zhugs pa ma mdzad du zin na/ de ni de nyid du yongs su mya ngan las 'das par 'gyur te/ sems can thams cad kyi bya ba yang rgyun bcad par 'gyur ro/ / yang sangs rgyas bcom ldan 'das de dag ni byang chub sems dpa' de la skad cig gcig la ye shes kyi las gang mngon par bsgrubs pa la dang po sems bskyed pa nas bzung ste/ sa bdun la gnas pa dang ldan pa'i bar gyi rtsom pa snga ma des brgya'i char yang nye bar mi 'gro// stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi char yang nye bar mi 'gro// grangs dang / cha dang / bgrang ba dang / bskrun pa dang / rgyur yang nye bar mi 'gro ba nas/ dpe'i bar du yang mi bzod pa de snyed du tshad med pa'i ye shes mngon par sgrub pa'i las nye bar sgrub pa mdzad do// de ci'i phyir zhe na/ kye rgyal ba'i sras 'di ltar sngon chad mi lus gcig gis mngon par bsgrags pas spyod pa mngon par sgrub par gyur gyi/ sa 'di la gnas pa'i byang chub sems dpa' ni lus rnam par phye ba tshad med pa dang / dbyangs mngon par sgrub pa tshad med pa dang / ye shes mngon par sgrub pa tshad med pa dang / skye ba mngon par bsgrub pa tshad med pa dang / zhing yongs su sbyong ba tshad med pa dang / sems can yongs su smin par bya ba
- 107a
tshad med pa dang / sangs rgyas la mchod pa dang / rim gro bya ba tshad med pa dang / chos kyi tshul khong du chud pa tshad med pa dang / chos mngon par shes pa mngon par bsgrub pa'i stobs bskyed pa tshad med pa dang / 'khor gyi dkyil 'khor rnam par phye ba tshad med pas byang chub sems dpa'i spyod pa'i stobs yang dag par sgrub pa ste/ tshad med pa dang ldan pa'i lus dang / ngag dang / yid kyi las kyis byang chub sems dpa'i spyod pa thams cad kyi stobs mi g.yo ba'i tshul gyis yang dag par sgrub bo// kye rgyal ba'i sras 'di lta ste dper na/ rgya mtsho chen por 'gro ba'i gru bo che ni rgya mtsho chen po la ma thug gi bar du ched du bskyod cing 'gro bar yang bya ba yin te/ rgya mtsho chen po la zhen ma thag tu rlung gi dkyil 'khor gyis bskyod nas ched du bskyod mi dgos par 'gro ste/ des rgya mtsho chen po la nyin gcig gis ci chod pa de ni sngon gyi ched du bskyod cing 'gro bas lo brgyar yang de srid du tshad med par phyin par mi nus so// kye rgyal ba'i sras de bzhin du byung chub sems dpa' sems dpa' chen po dge ba'i rtsa ba'i tshogs shin tu bsags pa/ theg pa chen po yang dag par sgrub pa yang byang chub sems dpa'i spyod pa'i rgya mtshor phyin nas/ lhun gyis grub pa'i ye shes kyis yud tsam gcig la thams cad mkhyen pa'i ye shes ci tsam gnon pa de ni sngon gyi ched du bya ba'i las kyis bskal pa brgya stong du yang de snying du dpag tu med pa gnon par mi nus so/ /
- 107b
rgyal ba'i sras byang chub sems dpa'i sa brgyad pa 'di thob pa'i byang chub sems dpa' de ni thabs mkhas pa'i ye shes kyis mngon par bsgrub pa lhun gyis grub pa la zhugs pa'i byang chub sems dpa'i thos thams cad mkhyen pa'i ye shes la rnam par dpyod cing 'jig rten gyi khams 'byung ba la yang rnam par dpyod do/ / 'jig rten gyi khams 'jig pa la yang rnam par dpyod do// de 'jig rten ji ltar 'jig pa de yang rab tu shes so/ / 'jig rten ji ltar chags pa de yang rab tu shes so// las gsog pa gang gis 'jig rten 'jig pa de yang rab tu shes so// las zad pa gang gis 'jig rten chags pa de yang rab tu shes so/ / dus ji srid du 'jig rten 'jig pa de yang rab tu shes so// dus ji srid du 'jig rten chags pa de yang rab tu shes so// 'jig rten zhig nas dus ji srid cig tu gnas pa de yang rab tu shes so/ / 'jig rten chags nas dus ji srid cig tu gnas pa de yang rab tu shes so// de sa'i khams chung ba yang rab tu shes so// che ba dang / chang med pa dang / rnam par phye ba yang rab tu shes so// de chu'i khams chung ba yang rab tu shes so// che ba dang / tshad med pa dang / rnam par bye ba yang rab tu shes so// de me'i khams chung ba yang rab tu shes so/ / che ba dang / tshad med pa dang / rnam par phye ba yang rab tu shes so// de rlung gi khams chung ba yang rab tu shes so// che ba dang / tshad med pa dang / rnam par phye ba yang rab tu shes
- 108a
so/ / de rdul phral rab kyi rdul phra rab yang rab tu shes so// rnam par phye ba yang rab tu shes so// 'jig rten gyi khams gang na sa'i khams kyi rdul phra rab kyi rdul ji snyed yod pa de dag kyang rab tu shes so/ / de bzhin du chu'i khams dang / me'i khams dang / rlung gi khams kyi rdul phra rab kyi rdul ji snyed yod pa de dag kyang rab tu shes so// sems can gyi lus la rdul phra rab kyi rdul ji snyed yod pa de dag kyang rab tu shes so/ / zhing gi tshogs la rdul phra rab kyi rdul ji snyed yod pa de dag kyang rab tu shes so// de sems can gyi lus rags pa dang / lus phra ba dang / lus rnam par phye ba yang rab tu shes so// sems can dmyal ba pa'i lus kyi gnas rdul phra rab kyi rdul ji snyed cig las byung ba de dag kyang rab tu shes so// dud 'grol skye gnas pa dang / gshin rje'i 'jig rten pa dang / lha ma yin dang / lha dang mi'i lus kyi gnas kyi rdul phra rab kyi rdul de dag kyang rab tu shes so// de ltar rdul phra rab kyi rdul rab tu dbye ba shes pa la zhugs pa de 'dod pa'i khams 'jig pa yang rab tu shes so/ / gzugs kyi khams 'jig pa dang / gzugs med pa'i khams 'jig pa yang rab tu shes so// 'dod pa khams chags pa dang / gzugs kyi khams chags pa dang / gzugs med pa'i khams chags pa yang rab tu shes so// 'dod pa'i khams chung ba yang rab tu shes so// che ba dang / tshad med
- 108b
pa dang / rnam par phye ba yang rab tu shes so// gzugs kyi khams dang / gzugs med pa'i khams chung ba yang rab tu shes so// che ba dang / tshad med pa dang / rnam par phye ba yang rab tu shes so/ / de khams gsum pa rnam par dpyad pa'i ye shes khong du chud pa mngon par bsgrub pa'i ye shes kyi snang ba dang ldan zhing sems can rnams kyi lus rab tu dbye ba'i ye shes la mkhas la lus rnam par dbye ba'i ye shes la mkhas pas skye ba mngon par bsgrub pa rnams la blo gtong ste/ de sems can yongs su smin par bya ba'i phyir/ sems can rnams kyi skye ba dang / lus yang dag par 'grub pa ci 'dra ba de lta bur rang gi lus byin gyis rlob bo/ / de stong gsum gyi stong chen po'i 'jig rten gyi khams gcig rgyas par bkang nas/ sems can gyi mos pa ji lta ba/ bzhin du snang bar shes pa'i rjes su 'gro bas rang gi lus rnam par dbye ba skye bar mngon par sgrub bo// stong gsum gyi stong chen po'i 'jig rten gyi khams/ gnyis sam/ gsum mam/ bzhi'am/ lnga 'am/ bcu'am/ nyi shu 'am/ sum cu 'am/ bzhi bcu'am/ lnga bcu nas brjod du med pa'i yang brjod du med pa'i bar dag rgyas par bkang ste/ sems can gyis mos pa ji lta ba bzhin du snang bar shes pa'i rjes su 'gro bas rang gi lus skye bar mngon par sgrub bo/ / de ye shes de lta bu dang ldan pas/ sangs rgyas kyi zhing gcig nas kyang mi g.yo la
- 109a
sangs rgyas kyi zhing brjod du med pa rnams dang / 'khor gyi dkyim 'dor rnams na yang snang bar phyin pa yin no// de sems can rnams kyi lus rnam par phye ba dang mos pa dang / lhag pa'i bsam pa ji lta ba bzhin du sangs rgyas kyi zhing de dang de dag dang / 'khor gyi dkyil 'khor de dang de dag tu de lnga de ltar rang gi lus ston to// de dge sbyong gi 'khor gyi dkyil 'khor rnams su dge sbyong gi kha dog dang gzugs ston to/ / bram ze'i 'khor gyi dkyil 'khor rnams su bram ze'i kha dog dang gzugs ston to// rgyal rigs kyi 'khor gyi dkyil 'khor rnams su rgyal rigs kyi kha dog dang gzugs ston to/ / rje'u rigs kyi 'khor gyi dkyil 'khor rnams rje'u rigs kyi kha dog dang gzugs ston to// khyim bdag gis 'khor gyi dkyil 'khor rnams su khyim bdag gi kha dog dang gzugs ston to/ / rgyal chen bzhi'i rigs kyi 'khor gyi dkyil 'khor rnams su rgyal chen bzhi'i ris kyi kha dog dang gzugs ston te/ sum cu rtsa gsum pa'i 'khor gyi dkyil 'khor rnams su sum cu rtsa gsum pa'i kha dog dang gzugs ston to/ / de bzhin du 'thab bral gyi 'khor gyi dkyil 'khor rnams dang / dga' ldan gyi 'khor gyi dkyil 'khor rnams dang / 'phrul dga'i 'khor gyi dkyil 'khor rnams dang / gzhan 'phrul dbang byed kyi 'khor gyi dkyil 'khor rnams dang / tshangs pa'i 'khor gyi dkyil 'khor rnams su tshangs pa'i kha dog dang gzugs ston to// de nyan thos kyis 'dul ba'i sems
- 109b
can rnams la nyan thos kyi lus dang kha dog dang gzugs ston to/ / rang sangs rgyas kyis 'dul ba'i sems can rnams la rang sangs rgyas kyi lus dpa kha dog dang gzugs ston to// byang chub sems rabs 'dul ba'i sems can rnams la byang chub sems dpa'i lus dang kha dog dang gzugs ston to/ / de bzhin gshegs pas 'dul ba'i sems can rnams la de bzhin gshegs pa'i sgra dang kha sapa gzugs son to/ / kyi rgyal ba'i sras de ltar sangs rgyas kyi ming brjod du med pa de dag gi sems can rnams kyi mos pa rab 'byams rnams su de ltar rang gi lus rnam par byed sngon to// dbus su rnam par rtog pa thams cad dang bral zhing lus mjam pa'i thob pas/ de sems can gyi lus kyang rab tu shes so// zhing gi lus dang / las rnam par smin pa'i lus dang / nas kyi lus dang/ rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / shes pa'i lus dang / chos kyi lus dang / nam mkha'i lus kyang rab tu so/ / de sems can rnams kyi sems dang / bsam pa mngon par bsgrub pa kun tu shes pas 'dod na sems can gyi lus rang gi lus su byin gyis rlob bo// de bzhin du ning gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sgra dang / shes pa'i lus dang / chos kyi lus dang
- 110a
nam mkha'i lus kyang rab tu shes so/ / de sems can rnams kyi sems dang bsam pa mngon par sgrub pa kun tu shes pas 'dod na sems can gyi lus su rang gi lus byin gyis rlob bo/ / de bzhin du zhing gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / shes pa'i lus dang / chos kyi lus dang / nam mkha'i lus su rang gi lus byin gyis rlob bo// de sems can gyi lus rnams kyi las kyi lus kyang rab tu shes so// rnam par smin pa'i lus dang / nyon mongs pa'i lus dang / gzugs kyi lus dang / gzugs med pa'i lus kyang rab tu shes so// zhing gi lus rnams kyi chung ngu yang rab tu shes so// che ba dang tshad med pa dang / kun nas nyon mongs pa dang / rnam par dag pa dang / snrel zhi dang / spyi'u tshugs ngos phyal ba dang 'jug pa'i khyim can dang / phyogs kyi dra ba rnam par dbye ba yang rab tu shes so/ / las rnam par smin pa'i lus rnams kyi rnam par phye ba dang / brda yang rab tu shes so// nyan thos dang / rang sangs rgyas dang / byang chub sems dpa'i lus rnams kyi rnam par phye ba dang / brda yang rab tu shes so// de bzhin gshegs pa'i sku rnams kyi mngon par rdzogs par byang chub pa'i sku yang rab tu shes so// smon lam gyi sku dang /
- 110b
sprul pa'i sku dang / byin gyi rlabs kyi sku dang / gzugs dang / mtshan dang / dpe byad bzang po'i rgyan gyi sku dang / 'od kyi sku dang / yid kyi sku dang / bsod nams kyi sku dang chos kyi sku dang / ye shes kyi sku yang rab tu shes so// shes pa'i lus rnams kyi shin tu dpyad pa nyid kyang rab tu shes so// ji lta ba bzhin du rdog pa dang / 'bras bu'i sbyor bas bsdus pa dang / 'jig rten pa dang / 'jig rten las 'das pa rnam par dbye ba dang / theg pa gsum rnam par dgod pa dang / thun mong dang / thun mong ma yin pa dang / nges par 'byung ba dang / nges par 'byung ba ma yin pa dang / slob pa dang / mi slob pa yang rab tu shes so// chos kyi lus rnams kyi mnyam pa nyid kyang rab tu shes so// mi 'khrugs pa dang / rim pa dang / brda kun rdzob tu rnam par gzhag pa dang / sems can dang / sems can ma yin pa'i chos rnam par gzhag pa dang / sangs rgyas dang / chos dang / 'phags pa'i dge 'dun gyi chos rnam par gzhag pa yang rab tu shes so/ / nam mkha'i lus rnams kyi tshad med pa yang rab tu shes so// thams cad du song ba dang / lus med pa dang / nor pa med pa dang / gzugs kyi lus mngon par gsal bar byed pa yang rab tu shes so/ / des lus kyi shes pa mngon par bsgrub pa de lta bu thob pas bskal pa brjod du med par tshe byin gyis rlob pa'i phyir/ tshe la dbang ba rab tu thob bo// ting nge 'dzin
- 111a
nges par sems pa dpag tu med pa grangs med pa'i ye shes kyis 'jug pas/ sems la dbang ba rab tu thob bo// 'jig rten gyi khams thams cad rgyan bkod pa dums rab tu brgyan pa'i byin gyi rlabs kun tu ston pas yo byad la dbang ba rab tu thob bo/ / las kyi rnam par smin pa'i byin gyi rlabs dus ji lta ba bzhin du ston pas las la dbang ba rab tu thob bo// 'jig rten gyi khams thams cad du skye ba kun tu ston pas skye ba la dbang ba rab tu thob bo/ / sangs rgyas kyi zhing dang / dus gang du ci dga' bar mngon par rdzogs par byang chub par kun tu ston pas smon lam la dbang ba rab tu thob bo/ / 'jig rten gyi khams thams cad sangs rgyas kyis rab tu gang ba kun tu ston pas mos pa la dbang ba rab tu thob bo// sangs rgyas kyi zhing thams cad du rdzu 'phrul gyi rnam par 'phrul pa kun tu ston pas rdzu 'phrul la dbang ba rab tu thob bo/ / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang mtshan dang / dpe byad bzang po dang / mngon par rdzogs par byang chub pa kun tu ston pas ye shes la dbang ba rab tu thob bo// mtha' dang dpung med pa'i chos kyi sgo snang ba kun tu ston pas chos la dbang ba rab tu thob bo/ / de byang chub sems dpa'i dbang bcu po de dag thob ma thag nas ye shes bsam gyi mi khyab pa dang ldan pa yin/ ye shes dpag tu med pa dang / ye shes
- 111b
rgyas pa dang / lags sa 'gas pa dang ldar payino// dI/ rnas sa na grus spya du / sum kyil sa ng+ya ma rdzab ma pa gar tu 'byung bas tu 'byu / ngagags pas lan mthab shin tu med kun tu 'byung b.rab tu 'byung / med kyilas brnam thas shi tu med pa la shes sbyin du 'gran ra shes kyi rjes su 'thung ba rol tu d+ha pas dang byed pa yid rje chen po sngon da sa thabs ma khas pas shin rnam par byab/ sgron lam rgyas shing du mngon par bsgrubs pa/ de bzhin gshegs par tshu gyi rnas sa N+Di b+h+ya kyi rla mas kyi sa byur ba rgyum brnya pa/ 'jig rten gyi khams mthams pa rnam por gyi ba tu po bas tu 'byung b.rab tu 'byung kyi rgyus pa'i sras ma dang byang chub sems dpa' sa mi g.yo ba'ang thob pa'i byang chub sems dpa'i sras dang ngag dang / mid kyi las ni sangs rgyas kyi chos thams cad yang dag par tha bar bya ba'i phyir/ kun tu 'byung ba rab tu 'byung ngo // de de ltar byang chub sems dpa'i sa mi g.yo ba 'di thob pas/ nyon mongs pa'i kun tu 'byung ba thams cad dang bral ba'i phyir bsam pa'i stongs shin tu brtan pa yin/ lam dang mi bral ba'i phyir lhag pa'i bsam pa'i stobs shin tu brtan pa yin/ sems can gyi don mi gtong ba'i byor zhing chen po'i spobs shin bta ma'i
- 112a
'gro ba thams cad yongs su skyob pa'i phyir byams pa chen po'i stobs shin tu brtun pa yin/ brjod pa med pa'i chos dang ldan pa'i phyir gzungs kyi stobs shin tu brtan pa yin/ sangs rgyas kyi chos thams cad rab tu rnam par 'byed pa'i bye brag la mkhas pa'i phyir spobs pa'i stobs shin tu brtan pa yin/ 'jig rten gyi khams mtha' yas pa'i spyod pa rnam par dbye ba la mkhas pa'i phyir mngon par shes pa'i stobs shin tu brtan pa yin/ byang chub sems dpa'i bya ba thams cad mi gtong ba'i phyir smon lam gyi stobs shin tu brtan pa yin/ sangs rgyas kyi chos thams cad yang dag par sdud pa'i phyir pha rol tu phyin pa'i stobs shin tu brtan pa yin/ rnam pa thams cad kun mkhyen pa'i ye shes mngon du gyur pa'i phyir de bzhin gshegs pa'i byin rlabs kyi stobs shin tu brtan pa yin te/ de de lta bu'i stobs bskyed pa thob pas bya ba thams cad kyang kun tu ston la bya ba thams cad la yang kha na ma tho ba med pa yin no// kye rgyal ba'i sras byang chub sems dpa'i ye shes kyi sa 'di ni mi 'phrogs pa'i phyir mi g.yo ba zhes bya'o// ye shes kyis mi bzlog pa'i phyir/ phyir mi ldog pa'i sa zhes bya'o// 'a ba thams cad kyis shes par dka' ba'i phyir bsnyen par dka' ba'i sa zhes bya'o/ / kha na ma tho ba med pa'i phyir gzhon nu'i sa zhes bya'o// bsam pa ji lta ba bzhin du dbang byed pa'i phyir skye ba'i sa
- 112b
zhes bya'o/ / yang bya ba med pa'i phyir yongs su sgrub pa'i sa zhes bya'o// ye shes kyis rnam par dbye ba shin tu byas pa'i phyir mthar thug pa'i sa zhes bya'o// sngon lam shin tu mngon par bsgrub pa'i phyir mya ngan las 'das pa'i sa zhes bya'o/ / gzhan gyis rnam par mi 'khrugs pa'i phyir byin gyi rlabs kyis zhes bya'o// sngon gyi mthar mngon par bsgrubs pa'i phyir lhun gyis grub pa'i sa zhes bya'o/ / kye rgyal ba'i sras de ltar byang chub sems dpa' ye shes de lta bu mngon par bsgrubs pa dang ldan zhing sangs rgyas kyi rigs kyi rjes su song ba/ sangs rgyas kyi yon tan shin tu snang bar gyur pa/ de bzhin gshegs pa'i spyod lam dang spyod pa'i tshul gyis rjes su song ba/ sangs rgyas kyi yul mngon du gyur pa de ni rtag par rgyun du de bzhin gshegs pa'i byin gyis rlabs kyis shin tu byin gyis brlabs pa yin/ brgya byin dang / tshangs pa dang / 'jig rten skyong bas bsu ba yin/ lag na rdo rje rtag par phyi bzhin 'brang ba yin/ ting nge 'dzin gyi stobs ma btang ba yin/ lus rnam par phye ba tshad med pa mngon par bsgrubs pa yin/ lus kyi spyod pa'i stobs thams cad dang ldan pa yin/ mngon par shes pa chen po'i rnam par smin pa yongs su grub pa yin/ ting nge 'dzin mtha' yas pa la dbang byed pa yin/ lung bstan pa tshad med pa yang dag par nod pa yin/ 'gro ba ji ltar yongs su smin pa bzhin du mngon par rdzogs par byang chub pa ston pa yin te/ de lta bu dang ldan
- 113a
zhing theg pa chen po'i dkyil 'khor du zhugs pa shin tu rnam par dpyad pa'i ye shes dang / mngon par shes pa chen po dang ldan pa/ rtag par rgyun du shes rab kyi snang ba'i 'od zer rab tu gtong ba/ chos kyi dbyings chags pa med pa'i lam du zhugs pa/ 'jig rten gyi khams kyi lam rnam par dbye ba la mkhas pa/ yon tan gyi rnam pa thams cad yang dag par ston pa rang gi sems bskyed pa la dbang byed pa/ sngon gyi mtha' dang / phyi ma'i mtha' shin tu rtogs pa'i ye shes can/ bdud kyi las thams cad 'jug pa dang ldog pa'i ye shes dang ldan pa/ de bzhin gshegs pa'i yul dang spyod yul thams cad kyi rjes su zhugs pa de ni 'jig rten gyi khams rab 'byams mu med pa dag na/ byang chub sems dpa'i spyod pa phyir mi ldog pa'i tshul gyis spyod pas de'i phyir/ byang chub sems dpa' de ni byang chub sems dpa'i sa mi g.yo ba thob pa zhes bya'o// kye rgyal ba'i sras dag byang chub sems dpa'i sa mi g.yo ba thob pa'i byang chub sems dpa' de ni/ ting nge 'dzin gyi stobs kyis mngon par bsgrubs pas rtag tu rgyun mi 'chad par de bzhin gshegs pa mtha' yas pa mthong ba dang mi 'dral ba yin/ sangs rgyas rgya cher yang mthong zhing mchod pa dang rim gro bya ba mi gtong ste/ de dag bskal pa re re dang / 'jig rten gyi khams re re dag tu sangs rgyas du ma dang / sangs rgyas brgya phrag du ma dang / sangs
- 113b
rgyas stong phrag du ma dang / sangs rgyas khrag khrig brgya stong phrag du ma dang / sangs rgyas bye ba phrag du ma dang / sangs rgyas bye ba brgya phrag du ma dang / sangs rgyas bye ba stong phrag du ma da sangs rgyas bye ba brgya stong phrag du ma dang / sangs rgyas bye ba khrag khrig brgya stong phrag du ma la bsti stang byed/ btsun par byed/ ri mor byed/ mchod pa byed do// mchod pa mngon par sgrub pa'i rnam pa thams cad kyang nye bar sgrub bo/ / de bzhin gshegs pa de dag la bsnyen bkur byed cing 'jig rten gyi khams rnam par dbye ba sngon du 'gro ba'i chos snang ba nye bar bsgrubs pa yang dag par len to/ / de de bas kyang shas cher de bzhin gshegs pa'i chos kyi mdzod thob pas 'jig rten gyi khams rnam par phye ba yongs su dris pa bstan pas mi 'phrogs pa yin no// de'i dge ba'i/ rtsa ba de dag kyang bskal pa du mar rab tu sbyangs pa dang / yongs su dag pa dang / shin tu 'od gsal bar 'gyur te/ de'i dge ba'i rtsa ba de dag de bas kyang shas cher bskal pa brgya phrag du ma dang bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal bye ba stong phrag du ma dang / bskal pa bye ba brgya phrag du ma dang / bskal pa bye ba khrag khrig brgya stong phrag du mar rab tu sbyangs pa dang / yongs su dag pa dang / shin tu 'od gsal bar 'gyur ro//
- 114a
kye rgyal ba'i sras 'di lta ste dper na/ gser gyi sa le snum de nyid mgar bamabs pas zin par byas te/ 'dzam bu'i gling gi bdag po'i mgul lamams la btags na 'dzam bu gling ba'i sems can thams cad kyi rgyan gyi rnam pa rnams kyis mi 'phrogs pa yin no/ / kye rgyal ba'i sras de bzhin du byang chub sems dpa'i sa mi g.yo ba 'di la gnas pa'i byang chub sems dpa' de'i dge ba'i rtsa ba de dag kyang nyan thos dang rang sangs rgyas thams cad nas/ byang chub sems dpa'i sa bdun pa la gnas pa'i bar dag gis mi 'bregs pa yin no// sa 'di dang ldan pa'i byang chub sems dpa'i ye shes kyi 'od chen po ni ye shes shin tu rnam par phye ba'i sgo mngon par sgrub pas/ sems can rnams kyi nyon mongs pa'i mun pa rab tu sel lo// kye rgyal ba'i sras 'di lta ste dper na/ stong la dbang ba'i tshangs pa chen po ni/ stong gi 'jig rten gyi khams byams pas khyab par byas nas 'od kyi snang bar byed do// kye rgyal ba'i sras de bzhin du byang chub sems dpa'i sa mi g.yo ba 'di la gnas pa'i byang chub sems dpa' yang sangs rgyas kyi zhing brgya stong phrag bcu'i rdul phra rab kyi rdul snyed kyi bar gyi 'jig rten gyi khams snang bas khyab par byas nas/ sems can rnams kyi nyon mongs pa'i yongs su gdung ba mthar gyi zhi bar byed do/ / lus kyang rab tu sim par byed do// de'i pha rol tu phyin pa bcu po dag las smon lam gyi pha rol tu phyin pa'i shas che ba yin te/ lhag
- 114b
ma rnams kyang ci nus ci tshul du yang dag par sgrub pa ni ma yin no/ / kye rgyal ba'i sras 'di ni byang chub sem dpa' rnams kyi byang chub sems dpa yis brgyad pa mi gso ba zhes bya ba mdor bstan rgya cher ni bskal pa mu med pas bstan pa'i mthar thug par shes par bya'o/ / de la gnas pa'i byang chub sems dpa' ni phal cher stong gi bdag po tshangs pa chen po'i stobs dang mthu chen po thob cing zil gyis gnon pa'i zil gyis mi gnon pa dang / don mthong zhing dbang thob par 'gyur te/ byed pa dang ldan zhing sems can rnams la nyan thos dang / rang sangs rgyas dang byang chub sems dpa'i pha rol tu phyin pa stong pa'i gtso bor gyur pa yin/ 'jig rten gyi khams rnam par phye ba yongs su dris pa bstan pas mi 'phrogs pa yin no// sbyin pa 'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'dzan pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin
- 115a
te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la ston pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus skad cig thang cig yud tsam gcig la/ stong gsum brgya stong phrag bcu'i rdul phra rab kyi rdul snyed kyi ting nge 'dzin thob cing snyoms par yang 'jug pa dang / stong gsum brgya stong phrag bcu'i rdul phra rab kyi rdul snyed kyi sangs rgyas mthong ba dang / de dag gi byin gyi rlabs kyang yang dag par shes pa dang / stong gsum brgya stong phrag bcu'i rdul phra rab kyi rdul snyed kyi 'jig rten gyi khams g.yo bar byed pa dang / stong gsum brgya stong phrag bcu'i rdul phra rab kyi rdul snyed kyi zhing du 'gro ba dang / stong gsum brgya stong phrag bcu'i rdul phra rab kyi rdul snyed kyi 'jig rten gyi khams snang bar byed pa dang / stong gsum brgya stong phrag bcu'i rdul phra rab kyi rdul snyed kyi sems can yongs su smin par byed par dang / stong gsum brgya stong phrag bcu'i rdul phra rab kyi rdul snyed kyi bskal par gnas par byed pa dang / stong gsum brgya stong phrag bcu'i rdul phra rab kyi rdul snyed kyi bskal pa la sngon gyi mtha' dang / phyi ma'i mtha
- 115b
rab tu 'jug pa dang / stong gsum brgya stong phrag bcu'i rdul phra rab kyi rdul snyed kyi chos kyi sgo rnam par 'byed pa dang / stong gsum brgya stong phrag bcu'i rdul phra rab kyi rdul snyed kyi lus kram ston pa dang / lus re re la yang byang chub sems dpa'i 'khor stong gsum brgya stong phrag bcu'i rdul phra rab kyi rdul snyed kun tu ston pa'i brtson 'grus rnam pa de lta bu rtsom mo// de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam spyod pa'am/ bkod pa 'am/ byin gyi rlabs sam/ mos pa'am/ mngon par 'du byed pa dag kyang bskal pa byed khrag khrig brgya stong ji snyed pa de snyed du yang rjod par sla ba ma yin no// byang chub sems dpa'i sa brgyad pa mi g.yo ba zhes bya ba'o/ / kye rgyal ba'i sras byang chub sems dpa' de ltar ye shes tshad med pas rnam par dpyad pa'i blos yang gong du rnam par thar pa zhi bar shes par byed pa dang / yang gong du de bzhin gshegs pa'i ye shes ma rdzogs pa la rnam par spyod pa dang / de bzhin gshegs pa'i gsang ba'i rjes su 'jug par bya ba la 'jug pa dang / ye shes bsam gyis mi khyab pa'i che ba nyid la rnam par dpyod pa dang / gzungs dang / ting nge 'dzin gyis rab tu rnam par 'byed pa yongs su sbyong ba dang / mngon par shes pa rgya chen po mngon par sgrub pa dang
- 116a
'jig rten gyi khams rnam par dbye ba shes par byed pa dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa mi 'phrogs pa yongs su sbyong ba dang / de bzhin gshegs pa'i chos kyi 'khor lo bskor ba dang / khyu mchog tu gyur pa'i rjes su 'jug pa dang / snying rje chen po'i byin gyi rlabs rab tu thob pas byang chub sems dpa'i sa dgu pa gnon te/ byang chub sems dpa'i sa 'di la gnas pa de dge ba dang / mi dge ba dang / lung du mi ston pa'i chos mngon par 'du bya ba yang yang dag pa ji lta ba bzhin du rab tu shes te/ zag pa dang bcas pa dang / zag pa med pa'i chos mngon par 'du bya ba dang / 'jig rten pa dang 'jig rten las 'das pa'i chos mngon par 'du bya ba dang / bsam gyis mi khyab pa dang / bsam gyis mi khyab ba'i chos mngon par 'du bya ba dang / nges pa dang / ma nges pa'i chos mngon par 'du bya ba dang / nyan thos dang / rang sangs rgyas kyi chos mngon par 'du bya ba dang / byang chub sems dpa spyod pa'i chos mngon par 'du bya ba dang / de bzhin gshegs pa'i chos mngon par 'du bya ba dang / 'dus byas kyi chos mngon par 'du bya ba dang / 'dus ma byas kyi chos mngon par 'du bya ba yang yang dag pa ji lta ba bzhin du rab tu shes so/ / de ye shes de lta bu dang ldan pa'i blos sems can gyi sems thibs po rgyu ba yang dag pa ji lta ba bzhin du rab tu shes te/ nyon mongs pa
- 116b
thibs po rgyu ba dang / las thibs po rgyu ba dang / dbang po thibs po rgyu ba dang / mos pa thibs po rgyu ba dang / khams thibs po rgyu ba dang / bsam pa dang / bag la nyal ba thibs po pab dang / skye ba thibs po rgyu ba dang / bag chags kyi mtshams sbyor ba thibs po rgyu ba dang / phung po gsum du rnam par gnas pa thibs po rgyu ba yang yang dag pa ji lta ba bzhin du rab tu shes so// de sems can rnams kyi sems rnam pa tha dad pa yang dag pa ji lta ba bzhin du rab tu shes te/ sems rnam pa sna tshogs dang / sems skad cig tu myur du 'gyur ba dang / 'jig pa dang / 'jig pa dang / sems lus med pa dang / sems mtha' yas shing thams cad du dbang byed pa dang / sems 'od gsal ba dang / sems nyon mongs pa dang bcas pa dang / nyon mong pa med pa dang / sems bcings pa dang / rnam par thar pa dang / sems sgyu ma lta bu rnam par sgrub pa dang / sems 'gro ba ji lta ba bzhin du nye bar gnas pa nas sems tha dad pa brgya stong du ma'i bar dag kyang yang dag pa ji lta ba bzhin du rab tu shes so/ / de nyon mongs pa rnams ring du song ba yang yang dag pa ji lta ba bzhin du rab tu shes so// sbyor ba mtha' yas pa dang / ldan cig tu skyes shing tha mi dad pa dang bag la zhal gyi kun nas ldan pa dang / don gcig pa dang / sems de mtshungs par ldan pa dang / mtshungs par ldan pa ma yin pa dang / skye ba mtshams
- 117a
sbyor ba'i 'gro ba ji lta ba bzhin du nye bar gnas pa dang / khams gsum par bye ba dang / sred pa dang / ma rig pa dang / lta ba'i zug thub na ma tho ba chen po dang / 4 rnam pa gsum gyi gzhi rgyun mi 'chad pa nas/ mdor snga na nyon mongs pa'i spyod pa tha dad pa brgyad khri bzhi stong gi rjes su 'jug pa'i bar du yang yang dag pa ji lta ba bzhin du rab tu shes so// de la dge ba dang / mi dge ba dang / lung mi ston pa yang yang dag pa ji lta ba bzhin du rab tu shes te/ rnam par rig byed dang / rnam par rig byed ma yin pa dang / sems dang lhan cig skyes shing tha mi dad pa dang / rang gi ngang gis skad cig tu rgyu 'jig cing 'phel bas 'bras bu chud mi za bar mtshams sbyor ba dang / rnam par smin pa dang bcas pa dang / rnam par smin pa med pa dang / nag po dang dkar po dang / mi gnag mi dkar ba phyogs gcig gi las yang dag par len pa rnam pa tha dad pa dang / las kyi zhing tshad med pa dang / 'phags pa dang / 'jig rten pa rab tu rnam par phye ba dang / tshe 'di dang / skyes pa dang / lan grangs gzhan la myong bar 'gyur ba dang / theg pa dang theg pa ma yin pa la nges pa dang / ma nges pa nas las tha dad pa stong phrag du ma'i bar dag kyang yang dag pa ji lta ba bzhin du rab tu shes so/ / de dbang po tha ma dang / 'bring dang / rab rnams kyang yang dag pa ji lta ba bzhin du rab tu shes te/ sngon gyi mtha' dang / phyi ma'i
- 117b
mtha' tha dad pa dang / tha dad pa ma yin pa dang / rlabs po che dang / 'bring dang / tha ma dang / nyon mongs pa dang / lhan cig skyes shing tha mi dad pa dang / theg pa dang / theg pa ma yin pa la nges pa dang / ma nges pa dang / yongs su smin par nges pa dang / ma nges pa dang / dbang po'i dra ba'i rjes su 'brang ba dang / myur du 'jig pa dang / mtshan mar 'dzin pa dang / dbang po'i dbang gis mi rdzib dang / dbang po bzlog tu rung ba dang / bzlog tu mi rung ba rab tu rnam par dbye ba dang / ring du song ba dang / lhan cig skyes pa rnam pa sna tshogs tha dad pa nas mdor bsdu na dbang po tha dad pa stong phrag du ma'i bar dag kyang yang dag pa ji lta ba bzhin du rab tu shes so/ / de mos pa tha ma dang / 'bring dang rab rnams kyang yang dag pa ji lta ba bzhin du rab tu shes nas/ mos pa tha dad pa stong phrag du ma'i bar dag kyang yang dag pa ji lta ba bzhin du rab tu shes so// de khams tha ma dang / 'bring dang / rab rnams kyang yang dag pa ji lta ba bzhin du rab tu shes pa nas khams tha dad pa stong phrag du ma'i bar dag kyang yang dag pa ji lta ba bzhin du rab tu shes so/ / de bsam pa tha ma dang / 'bring dang rab rnams kyang yang dag pa ji lta ba bzhin du rab tu shes pa nas// bsam pa tha dad pa stong phrag du ma'i bar dag kyang yang dag pa ji lta ba bzhin du rab tu shes so// de bag la nyal bsam pa dang lhan cig skyes pa dang / sems dang lhan cig skyes pa yang yang dag pa
- 118a
ji lta ba bzhin du rab tu shes te/ sems dang mtshungs par ldan pa dang / mtshungs par ldan pa ma yin pa dang / ring nas rjes su zhugs pa dang / thog ma med pa'i dus nas ma bsal ba dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa thams cad kyi mi mdzad pa dang / khams gsum pa'i mtshams sbyor bas shin tu sbrel ba dang / thog ma med pa'i dus nas sems can bcings par kun tu 'byung ba dang / skye mched kyi sgo nas rnam par rig pa 'byung ba dang / nyen po thob pa rdzas su gyur ba dang / sa dang skye mched du phrad pa dang / mi 'phrad pa dang / 'phags pa'i lam las gzhan ma yin pas bsal ba yang yang dag pa ji lta ba bzhin du rab tu shes so// de skye ba tha dad pa rnams kyang yang dag pa ji lta ba bzhin du rab tu shes te las ji lta ba bzhin du skye ba dang / sems can dmyal ba dang / dud 'gro dang / yi dgas dang / lha ma yin dang / mi dang lnga'i gnas dang / gzug yod pa dang / gzugs med par skye ba dang / 'du shes yod pa dang / 'du shes med par skye ba dang / las kyi zhing dang / srid pa'i rlan dang / ma rig pa'i mun par gyur pa'i rnam par shes pa'i sa bon gyis yang srid par rab tu 'byung ba dang / ming dang gzugs lhan cig skyes shing tha mi dad pa dang / srid pa las rmongs pa dang / sred pas mngon par 'dod pas mtshams sbyor ba dang
- 118b
spyod par 'dod pa dang / skye bar 'dod pa dang / sems can la dga' ba dang / thog ma dang / tha ma med par khams gsum pa 'dzin pa dang / 'du shes sel ba yang yang dag pa ji lta ba bzhin du rab tu shes so/ / de bag chags nye bar btags pa dang / nye bar btags pa ma yin pa yang yang dag pa ji lta ba bzhin du rab tu shes te/ 'gro bar gnas pa ji lta ba bzhin du bsgos pa dang / sems can gyi spyod pa ji lta ba bzhin du spyad pas bsgos pa dang / ji ltar las kyis nyon mongs pa goms par byas pa bzhin du bsgos pa dang / dge ba dang / mi dge ba dang / lung du mi ston pa'i chos goms par byas pas bsgos pa dang / yang srid par 'gro bas bsgos pa dang / mthar gyis bsgos pa dang / ring du song bas rgyun mi 'chad de nyon mongs pa 'grib par byed pas bsgos rdzas su gyur pa dang / rdzas su ma gyur pas bsgos pa dang / nyan thos dang / rang sangs rgyas dang / byang chub sems dpa' dang / de bzhin gshegs pa mthong ba dang / thos pa dang / 'grogs pas bsgos pa yang yang dag pa ji lta ba bzhin du rab tu shes so// de sems can gyi phung po yang dag pa nyid du nges pa dang / log pa nyid du nges pa dang / gnyis ka la ma nges pa rnams kyang yang dag pa ji lta ba bzhin du rab tu shes te/ yang dag pa'i lta bas yang dag pa la nges pa dang / log par lta bas log pa la nges pa dang / gnyis ka dang bral bas nges pa med pa yang
- 119a
yang dag pa ji lta ba bzhin du rab tu shes so/ / mtshams med pa lnga las gang yang rung bas log pa la nges pa dang / dbang po lngas yang dag pa la nges pa dang gnyis ka dang bral bas nges pa med pa dang / log pa brgyad kyis log pa la nges pa dang / yang dag pas yang dag pa la nges pa dang / yang byar med pa dang / de gnyis ka dang bral bas nges pa med pa dang / ser sna dang / phrag dog dang / snying mi brtse ba la nye bar spyod pa ma zlog pas log pa la nges pa dang / 'phags pa bla na med pa'i lam bsgom pa nye bar bsgrub pas yang dag pa la nges pa dang / gnyis ka dang bral bas nges pa med pa'i phung po la lung da bog pa yang yang dag pa ji lta ba bzhin du rab tu shes so// kye rgyal ba'i sras de ltar byang chub sems dpa' ye shes de lta bu dang ldan pa ni byang chub sems dpa'i sa legs pa'i blo gros can la gnas pa zhes bya ste/ byang chub sems dpa'i sa legs pa'i blo gros can 'di la gnas pa'i byang chub sems dpa' de ni sems can gyi spyod pa rnam pa tha dad pa de lta bu dag shes nas/ de bzhin du thar pa nye bar bsgrub pa nye bar sgrub bo// sems can yongs su smin pa yang yang dag pa ji lta ba bzhin du rab tu shes te// sems can gdul ba dang / nyan thos kyi theg pa bstan pa dang / rang sangs rgyas kyi theg pa bstan pa dang / byang chub sems dpa'i theg pa bstan pa dang / de bzhin gshegs pa'i sa bstan pa
- 119b
yang yang dag pa ji lta ba bzhin du rab tu shes so/ / des de ltar shes nas sems can rnams la de kho na bzhin du chos ston to// bsam pa rnam par dbye ba ji lta ba dang / bag la nyal rnam par dbye ba ji lta ba dang / dbang po rnam par dbye ba ji lta ba dang / mos pa rnam par dbye ba ji lta ba dang / spyod yul rnam par dbye bas shes pa nye bar sgrub pa ji lta ba dang / spyod yul thams cad shes pa khong du chud par bya ba dang / khams thibs po ji lta ba bzhin du nye bar spyod pa khong du chud par bya ba dang / skye bar nyon mongs pa dang / las kyi bag chags ji lta ba bzhin du rjes su 'jug pa dang / phung po ji lta bu la gnas pa khong du chud par bya ba dang / theg pa ji lta bu la mos pas rnam par grol ba thob par bya bas chos ston to// 'phags pa sa bcu pa// / bam po drug pa// byang chub sems dpa'i sa legs pa'i blo gros can 'di la gnas pa'i byang chub sems dpa' de ni chos sla ba'i chen po byed cing / de bzhin gshegs pa'i chos kyi mdzod srung ngo / / de chos smra ba'i tshul dang ldan te/ ye shes la mkhas pa/ tshad med pa dang ldan pas/ so so yang dag par rig pa bzhis mngon par bsgrubs pa'i byang chub sems dpa'i tshig gis chos ston to/ / de la byang chub sems dpa'i so so yang dag par rig pa bzhi ma 'dres pa 'di lta ste/ chos so so yang dag par rig pa dang / don so so yang dag par rig pa dang
- 120a
nges pa'i tshig so so yang dag par rig pa dang / spobs pa so so yang dag par rig pa rtag par rgyun du 'byung ngo // de chos so so yang dag par rig pas chos rnams kyi rang gi mtshan nyid rab tu shes so/ / don so so yang dag par rig pas chos rnams kyi rnam par dbye ba rab tu shes so// nges pa'i tshigs so so yang dag par rig pas chos rnams ma 'dres par bstan pa rab tu shes so/ / spobs pa so so yang dag par rig pas chos rnams kyi mthun pa'i rgyun/ rgyun mi 'chad par rab tu shes so// gzhan yang chos yang dag par rig pas chos rnams kyi dngos po med pa'i dus rab tu shes so/ / don so so yang dag par rig pas chos rnams kyi 'byung ba dang / 'jig pa rab tu shes so// nges pa'i tshig so so yang dag par rig pas chos thams cad kyi btags pa'i rgyun chad pa med par chos ston to/ / spobs pa so so yang dag par rig pas ji ltar btags pa bzhin du 'khrugs pa med par mtha' yas par chos ston to// gzhan yang chos so/ so yang dag par rig pas da ltar byung ba'i chos rnams kyi rnam par dbye ba rab tu shes so// don so so yang dag par rig pas 'das pa dang / ma 'ongs pa'i chos rnams kyis rnam par dbye ba rab tu shes so/ / nges pa'i tshig so so yang dag par rig pas 'das pa dang / ma 'ongs pa'i chos rnams dang / da ltar byung ba ma 'dres par chos ston to// spobs pa so so yang dag par rig pas dus re re
- 120b
zhing chos kyi snang ba mu med pas chos ston to/ / gzhan yang chos so so yang dag par rig pas chos rab tu dbye ba rab tu shes so// don so so yang dag par rig pa don rab tu dbye ba rab tu shes so// nges pa'i tshig so so yang dag par rig pas sgra ji lta ba bzhin du bstan pas chos ston to// spobs pa so so yang dag par rig pas bsam pa ji lta ba bzhin du shes pas chos ston to// gzhan yang chos so so yang dag par rig pas chos shes pas rnam par dbye ba ma 'dres pa la mkhas pa rab tu shes so// don so so yang dag par rig pas rjes su rtog pa'i shes pas de bzhin du rnam par bzhag pa rab tu shes so/ / nges pa'i tshig so so yang dag par rig pas kun rdzob shes pas bstan pas ston to// spobs pa so so yang dag par rig pas don dam pa shes pa la mkhas pas chos ston to/ / gzhan yang chos so so yang dag par rig pas chos tshul gcig pa mi 'khrug pa rab tu shes so// don so so yang dag par rig pas/ phung po dang / khams dang / skye mched dang / bden pa dang / rten cing 'brel par 'byung ba la mkhas pa khong du chud par bya ba la 'jug go// nges pa'i tshig so so yang dag par rig pas 'gro ba thams cad smon pa'i sgra dbyangs shin tu snyan pa'i yi ge rnams kyis chos ston to/ / spobs pa so so yang dag par rig pas phyi phyir snang ba mu med pas chos ston to// gzhan yang chos so so yang dag par rig pas theg
- 121a
pa gcig la yang dag par gzhol ba tha dad pa med pa rab tu shes so/ / don so so yang dag par rig pas theg pa rab tu rnam par dbye ba rnam pa tha dad pa rab tu shes so/ / nges pa'i tshig so so yang dag par rig pas theg pa thams cad tha mi dad par ston to// spobs pa so so yang dag par rig pas theg pa re re la yang chos kyi snang ba mu med pas ston te/ gzhan yang chos so so yang dag par rig pas/ byang chub sems dpa'i spyod pa dang / ye shes kyi spyod pa dang / chos kyi spyod pa dang / chos kyi spyod pa ye shes kyis khong du chud par bya ba la 'jug go/ / don so so yang dag par rig pas sa bcu rnam par dgod pa dang / bstan pa rab tu rnam par dbye ba la 'jug go// nges pa'i tshig so so yang dag par rig pas ji ltar sa'i lam mebar bsgrub pa ma 'dres par ston to/ / spobs pa so so yang dag par rig pas sa re re la yang rnam pa mu med pas ston to// gzhan yang chos so so yang dag par rig pas de bzhin gshegs pa thams cad mtshan nyid gcig tu khong du chud par bya ba la 'jug go/ / don so so yang dag par rig pas dus dang / dngos po dang / mtshan ma rnam par dbye ba tha dad pa khong du chud par bya ba rab tu shes so/ / nges pa'i tshig so so yang dag par rig pas ji ltar mngon par rdzogs par thugs su chud ba rnam par dbye ba ston to// spobs pa so so yang dag par rig pas chos kyi chog
- 121b
re la yang bskal pa mtha' yas par rgyun mi 'chad par ston to/ / gzhan yang chos so so yang dag par rig pas/ de bzhin gshegs pa thams cad kyi gsung dang / stobs dang / mi 'jigs pa dang / sangs rgyas kyi chos dang / thugs rje chen po dang / so so yang dag par rig pas sbyor ba dang / chos kyi 'khor lo bskor bas thams cad mkhyen pa'i ye shes khong du chud par bya ba rab tu shes so// don so so yang dag par rig pas sems can gyi spyod pa brgyad khri bzhi stong dang / bsam pa ji lta ba dang / dbang po ji lta ba dang / mos pa ji lta ba bzhin du de bzhin gshegs pa'i gsung rab tu shes so/ / nges pa'i tshig so so yang dag par rig pas sems can thams cad kyi spyod pa ma 'dres pa'i de bzhin gshegs pa'i gsung rjes su bsgrags pas ston to// spobs pa so so yang dag par rig pas de bzhin gshegs pa'i ye shes kyis snang ba spyod pa'i dkyil 'khor la mos pas chos ston to/ / kye rgyal ba'i sras byang chub sems dpa' so so yang dag par rig pa'i ye shes de lta bu la mkhas pa/ byang chub sems dpa'i sa dgu pa thob pa/ de bzhin gshegs pa'i chos kyi mdzod thob pa/ chos smra ba chen po byed pa ni don dang ldan pa'i gzungs rab tu thob pa yin te/ chos dang ldan pa'i gzungs dang / ye shes mngon par bsgrub pa dang ldan pa'i gzungs dang / snang ba dang ldan pa'i gzungs dang / blo gros bzang po dang ldan pa'i gzungs dang / nor dang ldan
- 122a
pa'i gzungs dang / gzi brjid dang ldan pa'i gzungs dang / chags pa med pa'i sgo'i gzungs dang / mtha' yas pa dang ldan pa'i gzungs dang / don sna tshogs dang ldan pa'i gzungs rab tu thob pa yin no/ / de gzungs de dag la sogs pa/ gzungs kyi sgo grangs med pa brgyad stong phrag bcu tshang ba thob ste/ gzungs kyi sgo grangs med pa brgya stong phrag bcu dang ldan pa'i dbyangs kyi yan lag la mkhas pas de snyed du tshad med pa dang ldan pa'i spobs pa rnam par phye ba'i sgos chos ston to/ / de de ltar gzungs kyi sgo grangs med pa brgya stong tshad med pa dag gis sangs rgyas bcom ldan 'das dpag tu med pa dag las chos nyan cing thos nas kyang brjed par mi byed de/ ji skad thos pa yang tshad med par rnam par phye nas ston to// de de bzhin gshegs pa gcig las gzungs kyi sgo grangs med pa brgya stong phrag bcus chos kun chub par byed de/ de bzhin gshegs pa gcig las ji lta ba bzhin du de bzhin gshegs pa mtha' yas pa dag las kyang de bzhin mo// de smon pa tsam gyis yang dag par rdzogs pa'i sangs rgyas las chos kyi sgo snang ba ches mang du yang dag par 'dzin gyi/ nyan thos shin tu mang du thos pa dang ldan pa thos pa 'dzin pa'i gzungs rab tu thob pas ni/ bskal pa brgya stong du bzung ba'i byin gyi rlabs kyis de ltar mi zin to// de de lta bu'i gzungs thob pas chos kyi gtam bya ba'i phyir 'dug na/ stong gsum gyi stong chen po'i
- 122b
'jig rten gyi khams thams cad rgyas par bkang ste/ chos kyi stan la 'dug cing bsam pa ji lta ba bzhin du rnam par bye ste/ sems can rnams la chos ston to// de'i chos kyi stan nI da bzhin gshegs pa dag dang / byang chub sems dpa'i dbang bskur ba'i sa thob pa rnams ma gtogs par thams cad las 'phags pa snang ba tshad med pa dang ldan pa yin no// de'i chos kyi stan la 'dug nas 'dod na dbyangs gcig gis 'khor thams cad kyi go bar byed do/ / 'dod na sgra tha dad pa dang / dbyangs kyi yan lag tha dad pa rnam par phye ba rnams kyis go bar byed do// 'dod na 'od zer gyi sgo nye bar bsgrub pa las chos kyi sgo rnams 'byung bar byed do/ / 'dod na spu'i khung bu rnam par dbye ba thams cad nas dbyangs 'byung bar byed do// 'dod na stong gsum gyi stong chen po'i 'jig rten gyi khams na gzugs su snang ba ji snyed yod pa'i gzugs su snang ba de dag thams cad las chos kyi sgra 'byung bar byed do/ / 'dod na sgra skad gcig gi chos kyi dbyings thams cad go bar byed do/ / 'dod na sgra skad thams cad chos kyi sgrar byin gyis rlob bo// 'dod na 'jig rten gyi khams thams cad na yod pa'i klu dang / rol mo'i sgra dang / sil snyan gyi sgra thams cad las chos kyi sgra 'byung bar byed do/ / 'dod na yi ge gcig gi sgra las tshig thams cad rab tu phye ba'i sgra 'byung bar byed do// 'dod na 'jig rten gyi khams brjod du med pa'i sa
- 123a
@dang / chu dang me dang rlung gi phung po tshad med pa'i rdul phra rab phye ba'i rdul dra rab kyi rdul re re las chos kyi sgo brjod du med pa 'byung bar byed do// gal te stong gi 'jig rter gyi khams su gtogs pa'i sems can rnams lpags te/ de la skad cig thang cig yud tsam gcig la dri ba yongs su 'dri zhing de dag kyang re res kyang sgra rnam pa tha dad pa tshad med pas yongs su dris la gcig gis gang dris pa de gnyis pas ma yin na yang / byang chub sems dpa' des skad cig thang cig yud tsam gcig nyid la thams cad bzung ste/ tshig gcig brjod pas thams cad go bar byed do/ / gal te stong gnyis su gtogs pa dang / stong gsum du gtogs pa nas stong gsum gyi stong chen po'i 'jig rten gyi khams brjod du med par gtogs pa'i sems can rnams lhag te/ skad cig thang cig yud tsam gcig la dri ba yongs su 'dri zhing de dag re res kyang sgra rnam pa tha dad pa tshad med pas yongs su dris la gcig gis gang dris pa de gnyis pas ma yin na yang / byang chub sems dpa' des skad cig thang cig yud tsam gcig nyid la thams cad gzung ste/ tshig gcig brjod pas thams cad go bar byed do// chos kyi gtam gyi phyir 'dug nas kyang de bzhin gshegs ba'i byin gyi rlabs len cing sangs rgyas kyi mdzad pa mtha' dag gis sems can thams cad la nye bar gnas pa yin no/ / de de bas kyang ye shes kyi snang ba 'di lta bu rab tu 'dzin par rtsom ste/
- 123b
de gal te sgra'i rtse mo'i go gcig la 'jig rten gyi khams brjod du med pa'i rdul phra rab kyi rdul ji snyed pa de snyed kyi de bzhin gshegs pa bzhugs la/ de snyed du tshad med pa'i 'khor gyi dkyil 'khor na chos ston cing de bzhin gshegs pa de dag re res kyang de snyed du tshad med pa'i sems can rnams la chos tha dad pa ston la/ sems can gyi bsam pa'i rgyud re re la yang de snyed du tshad med pa'i chos nye bar bsgrub pa nye bar bsgrub ste/ de bzhin gshegs pa gcig gis ji lta ba bzhin du de bzhin gshegs pa thams cad kyang de bzhin la skra'i rtse mo'i go gcig la ji lta ba de bzhin du/ chos kyi dbyings thams cad na yang de thams cad zin par 'gyur na/ 'jig rten gyi khams de tsam dag gi sems can rnams la lta smos kyang ci dgos/ de ltar byang chub sems dpa'i sa legs pa'i blo gros can 'di thob pa'i byang chub sems dpa' de ni de bas kyang nyin mtshan du yid la byed pa gzhan med par sangs rgyas kyi spyod yul la zhugs pas/ de bzhin gshegs pa dang 'grogs pa thob cing byang chub sems dpa'i rnam ba thar pa zab mo thob pa yin no/ / byang chub sems dpa'i ye shes de lta bu dang ldan pa de mnyam par gzhag kyang de bzhin gshegs pa la lta ba mi gtong ste/ bskal pa re re la yang sangs rgyas du ma nas sangs rgyas bye ba khrag khrig brgya stong du ma'i bar dag la lta zhing mthong nas kyang bsti stang byed/ btsun par byed/ ri mo byed/ mchod par byed do// sangs rgyas rgya cher yang mthong zhing mchod pa dang /
- 124a
rim gro bya ba mi gtong ngo // de bzhin gshegs pa de dag la yongs su zhu ba byed de/ chos kyi gzungs bstan pa las nges par byung ba yin no// de'i dge ba'i rtsa ba dengs kyang de bas ches rab tu sbyangs pa dang mi 'phrogs par 'gyur ro/ / kye rgyal ba'i sras 'di lta ste dper na/ gser gyi sa le sbram de nyid la mgar ba mkhas pas rgyan du byas te yongs su zin pa 'khor los sgyur ba'i rgyal po'i yan lag gi dam pa mgo 'am mgul du btags na/ khams kyi rgyal po thams cad dang / gling gzhi pa'i sems can thams cad kyi rgyan gyi rnam pa rnams kyis mi 'phrogs pa yin no/ / kye rgyal ba'i sras de bzhin du byang chub sems dpa'i sa legs pa'i blo gros can 'di la gnas pa'i byang chub sems dpa' de'i dge ba'i rtsa ba ye shes kyi snang ba chen pos shin du rnam par phye ba de dag kyang rab tu sbyangs pa yin te/ nyan thos dang / rang sangs rgyas dang / sa 'og ma la gnas pa'i byang chub sems dpa' thams cad kyis mi 'phrogs par 'gyur ro/ / de'i dge ba'i rtsa ba'i snang ba des sems can rnams kyi nyon mongs pa dang / sems kyis thabs pa snang bar byas te/ de nyid nas phyir ldog go// kye rgyal ba'i sras 'di lta ste dpen na/ stong gnyis la dbang ba'i tshangs pa chen po ni stong gnyis kyi 'jig rten gyi khams thams cad kyi thibs po dma' bar gzhol ba rnams snang bar byed do// kye rgyal ba'i sras de bzhin/
- 124b
du byang chub sems dpa'i sa legs pa'i blo gros can 'di la gnas pa'i byang chub sems dpa' de'i dge ba'i rtsa ba'i snang ba de yang sems can rnams kyi nyon mongs pa dang / sems kyi thibs po snang bar byas te de nyid nas phyir ldog go/ / de'i pha rol tu phyin pa bcu po dag las stobs kyi pha rol tu phyin pa'i shas che ba yin te/ lhag ma rnams kyang ci rus ci tshul du yang dag par mi sgrub pa ni ma yin no/ / kye rgyal ba'i sras 'di ni byang chub sems dpa' rnams kyi byang chub sems dpa'i sa dgu pa legs pa'i blo gros can zhes bya ba mdor bstan pa'o// rgya cher ni bskal pa mu med pas bstan pa'i mthar thug par shes par bya'o// de la gnas pa'i byang chub sems dpa' ni phal cher stong gnyis kyi bdag po tshangs pa chen po stobs dang mthu chen po thob cing zil gyis gnon la zil gyis mi non pa dang / don mthong zhing dbang thob par 'gyur te/ byed pa dang ldan zhing sems can rnams la nyan thos dang / rang sangs rgyas dang / byang chub sems dpa'i pha rol tu phyin pa thams cad ston pa'i gtso bor gyur pa yin/ sems can gyi bsam pa yongs su dris pa bstan pas mi 'phrogs pa yin no// sbyin pa 'am/ snyan par smra ba 'am/ don dpyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge
- 125a
'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan par thams cad mkhyen pa'i ye shes kyi bar du yid la bya ba dang mi 'bral bar 'gyur te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus skad cig thang cig yud tsam gcig la/ sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi ting nge 'dzin thob cing snyoms par yang 'jug pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi sangs rgyas mthong ba dang / de dag gi byin gyi rlabs kyang yang dag par shes pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi 'jig rten
- 125b
gyi khams g.yo bar byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi sangs rgyas kyi zhing du 'gro ba dang / sangs rgyas kyi zhing grangs med pa stong phrag bcu tshang ba'i rdul phra rab kyi rdul snyed kyi 'jig rten gyi khams snang bar byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi sems can yongs su smin par byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi bskal par gnas par byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi bskal pa la sngon gyi mtha' dang / phyi ma'i mthar rab tu 'jug pa dang / sangs rgyas kyi zhing grangs med pa rgya stong phrag bcu tshang ba'i rdul phra rab kyi rdul snyed kyi chos kyi sgo rnam par byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi lus kun tu ston pa dang / lus re re la yang byang chub sems dpa'i 'khor sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kun tu ston pa'i brtson 'grus rnam pa de lta bu rtsom mo/ / de yan tshad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gis lus sam/ 'od ngam/ rdzu 'phrul lam/ mig gam/ spyod
- 126a
yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba khrag khrig brgya stong ji snyed pa de snyed du yang dag par brjod par sla ba ma yin no/ / byang chub sems dpa'i sa dgu pa legs pa'i blo gros can zhes bya ba'o// kye rgyal ba'i sras byang chub sems dpa' de ltar sa dgu pa'i bar du shes bya tshad med pa la rnam par brtags pa'i blos rnam par 'byed pas shin tu rnam par bya ba/ chos dkar po shin tu yongs su rdzogs pa/ tshogs bsags par bya ba/ mtha' yas pa shin tu bsags pa/ bsod nams dang ye shes kyi tshogs chen po shin tu yongs su bzung ba/ snying rje chen po shin tu yangs pa thob pa/ 'jig rten gyi khams rnam par phye ba/ rnam pa tha dad pa la mkhas pa/ sems can gyi khams thibs po rgyu ba la zhugs pa/ de bzhin gshegs pa'i spyod yul la 'jug par bya ba dang mthun par song ba'i 'du shes dang yid la byed pa can stobs dang mi 'jigs pa dang / sangs rgyas kyi chos ma 'dres pa la lhag par dmigs pa dang ldan pa ni rnam pa thams cad du thams cad mkhyen pa'i ye shes la dbang bskur ba'i sa thob pa zhes bya'o/ / kye rgyal ba'i sras byang chub sems dpa' ye shes de lta bu dang ldan zhing dbang bskur ba'i sa thob pa de la byang chub sems dpa' ting
- 126b
nge 'dzin dri ma med pa zhes bya ba mngon sum du 'gyur ro/ / chos kyi dbyings rnam par dbye ba la 'jug pa zhes bya ba dang / byang chub kyi snying po'i rgyan bkod pa zhes bya ba dang / 'od zer rnam pa thams cad kyi me tog ces bya ba dang / rgya mtsho'i snying po lta bu zhes bya ba dang / rgya mtsho ltar 'byor pa zhes bya ba dang / nam mkha'i khams ltar rgyas pa zhes bya ba dang / chos thams cad kyi ngo bo nyid rnam par dbye ba zhes bya ba dang / sems can thams cad kyi sems kyi spyod pa'i rjes su song ba zhes bya ba dang / byang chub sems dpa'i ting nge 'dzin da ltar byung ba'i sangs rgyas thams cad mngon sum du bzhugs pa zhes bya ba mngon sum 'gyur te/ de dag la sogs pa'i ting nge 'dzin grangs med pa brgya stong phrag bcu de la mngon du 'gyur ro// de ting nge 'dzin de dag thams cad la snyoms par 'jug cing ldang ngo / / ting nge 'dzin la mkhas pa yang yin te/ ting nge 'dzin gyi bya ba ji snyed pa de dag thams cad kyang rab tu myong ngo // de la ting nge 'dzin grangs med pa brgya stong phrag bcu ji snyed pa'i tha ma la/ byang chub sems dpa'i ting nge 'dzin thams cad mkhyen pa'i ye shes dang khyad par med par dbang bskur ba dang ldan pa zhes bya ba mngon du 'gyur te/ de mngon du gyur ma thag tu stong gsum brgya stong phrag bcu'i gtos dang mnyam pa'i rin po che chen po'i rgyal po'i pad+ma rin po che'i rnam pa thams cad kyis spras pa/ 'jig rten gyi
- 127a
yul thams cad las shin tu 'das pa/ 'jig rten las 'das pa'i dge ba'i rtsa ba las byung ba/ sgyu ma'i rang bzhin gyi spyod yul du yongs su grub pa/ chos kyi dbyings la shin tu gnas par snang ba/ lha'i yul las shin tu 'das pa/ nor bu rin po che bai DUR+Ya chen po'i chu ba can/ tsan dan gyi rgyal po mtshungs pa med pa'i snying po can/ rdo'i snying po chen po'i za ba can/ 'dzam bu'i chu bo'i gser ltar snang ba'i lo ma can/ 'od gzer dpag tu med pas rgyas pa'i lus can/ rin po che thams cad kyis nang rab tu spras pa/ rin po che'i dra ba bu med pas kun nas yog pa/ stong gsum brgya stong phrag bcur tshang ba'i rdul phra rab kyi rdul snyed kyi pad+ma'i 'khor dang ldan pa 'byung bar 'gyur te/ byang chub sems dpa' de'i lus kyang de dang 'tsham zhing de'i rkyen du bab par gnas so/ / thams cad mkhyen pa'i ye shes dang khyad par med par dbang bskur ba dang ldan pa'i ting nge 'dzin thob ma thag tu/ rin po che chen po'i rgyal po'i pad+ma'i stan de la 'dug par kun tu snang ngo / / byang chub sems dpa' de rin po che chen po'i rgyal po'i pad+ma de la 'dug ma thag tu/ de nas rin po che chen po'i rgyal po'i pad+ma'i 'khor pad+ma ji snyed byung ba de snyed kyi byang chub sems dpas byang chub sems dpa' de bskor nas/ pad+ma de dag la 'khor bar snang ste/ byang chub sems dpa' de nyid la lta zhing de dag re re yang ting nge 'dzin stong phrag bcu la snyoms par 'jug go//
- 127b
byang chub sems dpa' de dang byang chub sems dpa' de dag gis mnyam par gzhag ma thag tu 'jig rten gyi khams thams cad yongs su ma lus par g.yo bar 'gyur ro// ngan song thams cad rgyun chad par 'gyur ro/ / chos kyi dbyings thams cad snang bas rgyas par 'gyur ro// 'jig rten gyi khams thams cad yongs su dag par 'gyur ro// zhing thams cad du sangs rgyas kyi sgra grags par 'gyur ro/ / spyod pa mthun pa'i byang chub sems dpa' thams cad 'du bar 'gyur ro// 'jig rten gyi khams thams cad kyi lnga dang / mi'i rol mo dang / glu dang rol mo'i sgra dang / sil snyan gyi sgra 'byung bar 'gyur ro// sems can thams cad kyi bde ba skye bar 'gyur ro// yang dag par rdzogs pa'i sangs rgyas thams cad la mchod pa dang / rim gro bya ba bsam gyi mi khyab pa byed pa 'byung bar 'gyur ro/ / de bzhin gshegs pa thams cad kyi 'khor gyi dkyil 'khor gyis kyang rnam par rig par 'gyur ro// de ci'i phyir zhe na// kye rgyal ba'i sras 'di ltar byang chub sems dpa' de rin po che chen po'i rgyal po'i pad+ma'i stan de la 'dug ma thag tu/ rkang pa'i mthil gnyis kyi 'og nas 'od gzer grangs med pa brgya stong phrag bcu 'byung ste/ byung nas kyang phyogs bcu'i sems can dmyal ba chen po mnar med pa yan chad snang bar byas nas sdug bsngal rnams kyang rab tu zhi bar byed do// pus mo gnyis nas 'od gzer grangs med pa brgya stong
- 128a
phrag bcu 'byung ste/ byung nas kyang phyogs bcu'i dud 'gro'i skye gnas pa'i gnas thams cad snang bar byas nas sdug bsngal rnams kyang rab tu zhi bar byed do// lte ba'i khung nas 'od gzer grangs med pa brgya stong phrag bcu 'byung ste/ byung nas kyang phyogs bcu'i gshin rje'i 'jig rten pa'i gnas thams cad snang bar byas nas sdug bsngal rnams kyang rab tu zhi bar byed do/ / rtsib logs g.yas g.yon nas 'od gzer grangs med pa brgya stong phrag bcu 'byung ste/ byung nas kyang phyogs bcu'i mi'i gnas rnams snang bar byas nas sdug bsngal rnams kyang rab tu zhi bar byed do/ / lag pa'i mthil gnyis nas 'od gzer grangs med pa brgya stong phrag bcu 'byung ste/ byung nas kyang phyogs bcu'i lnga dang lha ma yin gyi gnas rnams snang bar byas nas sdug bsngal rnams kyang rab tu zhi bar byed do/ / phrag pa gnyis nas kyang 'od gzer grangs med pa brgya stong phrag bcu 'byung ste/ byung nas kyang phyogs bcu'i nyan thos kyi theg pa rnams kyi gnas rnams snang bar byas nas chos snang ba'i sgo nye bar bsgrub bo/ / rgya ba dang mgul nas 'od gzer grangs med pa brgya stong phrag bcu 'byung ste/ byung nas kyang phyogs bcu'i rang sangs rgyas kyi gnas rnams snang bar byas nas zhi ba'i ting nge 'dzin gyi sgo'i tshul yang nye bar sgrub bo/ / kha'i sgo nas 'od gzer grangs med pa brgya stong phrag bcu 'byung ste/ byung nas kyang phyogs bcu'i byang chub sems
- 128b
dpa' sems dang po bskyed pa yan chad sa dgu pa thob pa'i bar dag snang bar byas nas shes rab dang thabs mkhas pa'i tshul yang nye bar sgrub bo/ / smin mtshams kyi mdzod spu nas 'od gzer grangs/ med pa brgya stong phrag bcu 'byung ste/ byung nas kyang phyogs bcu'i bdud kyi gnas thams cad mog mog por byas nas/ dbang bskur ba thob pa'i byang chub sems dpa' rnams snang bar byas te/ dag gi lus su nub par byed do// steng gi yan lag gi dam pa mgo las stong gsum grangs med pa brgya phrag bcur tshang ba'i rdul phra rab kyi rdul snyed kyi 'od gzer 'byung ste/ byung nas kyang phyogs bcu'i de bzhin gshegs pa'i 'khor gyi dkyil 'khor thams cad snang bar byas te/ 'jig rten la lan bcur bskor ba byas nas steng gi bar snang la 'dug ste/ 'od gzer gyi dra ba'i dkyil 'khor chen por byas nas/ de bzhin gshegs pa la mchod pa dang / rim gro bya ba 'od shin tu gsal ba zhes bya ba rab tu byed de/ mchod pa dang rim gro bya ba de la sems dang po bskyed pa yan chad sa dgu pa thob pa'i bar dag gis de bzhin gshegs pa la mchod pa dang / rim gro byas pas brgya'i char yang nye bar mi 'gro/ stong gi cha dang / brgya stong gyi cha dang / bye ba'i cha dang / bye ba brgya'i cha dang bye ba stong gi cha dang / bye ba brgya stong gi cha dang / bye ba khrag khrig brgya stong gi char yang nye bar mi 'gro ste/ grangs dang cha dang bgrang ba dang rgyur yang nye bar mi 'gro ba nas dpe'i bar du yang mi
- 129a
bzod do/ / 'od gzer gyi dra ba'i dkyil 'khor chen po de las phyogs bcun me tog du gdags pa dang / spos dang / bdug pa dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / rin po che'i rgyan dang / nor bu rin po cher gdags pa ji snyed pa de dag thams cad pas lhag cing 'jig rten gyi yul thams cad las shin tu 'das pa/ 'jig rten las 'das pa'i dge ba'i rtsa ba'i dbang gis grub pa dag sprin chen po'i char bzhin du mngon par 'bab bo// mchod pa de dag sems can gang dag gis shes pa de dag thams cad kyang bla na med pa yang dag par rdzogs pa'i byang chub tu nges par 'gyur ro/ / mchod pa dang / rim gro bya ba de lta bu byas nas kyang 'od gzer de dag gis de bzhin gshegs pa'i 'khor gyi dkyil 'khor thams cad snang bar byas te/ 'jig rten la lan bcur bskor ba byas nas/ de bzhin gshegs pa dgra bcom pa yang dag par rdzogs pa'i sangs rgyas rnams kyi zhabs kyi mthil gyi 'og tu nub par 'gyur te/ de nas de bzhin gshegs pa de dag dang / byang chub sems dpa' de dag gis 'jig rten gyi khams rab 'byams che ge mo zhig na/ byang chu sems dpa' spyod pa de lta bu dang ldan pa zhig dbang bskur ba'i dus la bab par thugs su chud par 'gyur ro// kye rgyal ba'i sras de la byang chub sems dpa'i sa dgu pa la rab tu
- 129b
gnas pa'i bar gyi byang chub sems dpa' mtha' yas pa dag phyogs bcu nas der lhags nas/ byang chub sems dpa' de la kun nas bskor te/ mchod pa chen po byas nas/ byang chub sems dpa' de nyid la lta zhing ting nge 'dzin stong phrag bcu bcu la snyoms par 'jug go/ / byang chub sems dpa' dbang bskur ba'i sa thob pa rnams kyi dpal be'u dang / rdo rje dang / bkra shis las bdud kyi dgra las rnam par rgyal ba zhes bya ba'i 'od gzer chen po gcig 'od gzer gyi 'khor grangs med pa brgya stong phrag bcu 'byung ste/ byung nas kyang phyogs bcu snang bar byas nas/ cho 'phrul mu med pa yang dag par bstan te/ byang chub sems dpa'i dpal be'u dang / rdo rje dang bkra shis su nub par 'gyur ro// 'od gzer de dag der nub ma thag tu byang chub sems dpa' de'i stobs dang mthu yang brgya stong du gyur pas kyang lhag par mngon par 'phel bar snang ngo / / kye rgyal ba'i sras de nas de bzhin gshegs pa dgra bcom pa yang dag par rdzogs pa'i sangs rgyas de dag gi mdzod spu dag nas/ thams cad mkhyen pa nyid kyi mngon par shes pa dang ldan pa zhes bya ba'i 'od gzer 'khor 'od gzer grangs med pa brgya stong phrag bcu 'byung ste/ de dag gis phyogs bcu thams cad kyi 'jig rten gyi khams thams cad ma lus par snang bar byas nas/ 'jig rten la lan bcur bskor ba byas te/ de bzhin gshegs pa'i rnam par 'phrul pa chen po rnams bstan
- 130a
rgya chags sna rgyag rgya song rgyag gang / s+ya s+yAm+b+ha na ga 'grums rnams da rnam pa rnyag tu brgyad/ @ thams cad kyi 'chi 'bo dang / / 'gro bar skye ba rab tu zhi bar byas/ bdud kyi gnas thams cad mog mog par byas/ de bzhin gshegs pa thams cad mngon par rdzogs par byang chub pa ma bar sangs rgyas pa'i sangs rgyas kyi gdan kun tu bstan/ sangs rgyas thams cad kyi 'khor gyi dkyil 'khor bkod pa'i ma rab tu bstan/ 'jig rten gyi khams ches kyi dbyings kyis klas pa rnam pa pa'i khams kyi mthas gtugs pa thams cad snang bar byas nas/ byi log ste byang chub sems dpa'i 'khor gyi dkyil 'khor thams cad kyi steng nas bskor ba byas nas bkod pa chen po sa 'odag rde de dag drung chub sems dpa' de'i yan lag gi dam par nub par 'gyur ro/ / de'i gakhor gyi 'od gzed rnams ni da ltar 'dus pa'i byang chub sems dpa' rnams kyi mgor rung ba 'gyur te/ 'od gzer de dag gis 'og ma thag tu/ byang chub sems dpa' de dag gis sngon ma thob pa'i ting nge 'dzin stong phrag bcu bcu rab tu thob bo// 'od gzer de dag kyang dus gcig tu byang chub sems dpa' de'i yan lag gi dam pa la 'bab par 'gyur te/ byang chub sems dpa' de yang yang dag par rdzogs pa'i sangs rgyas kyi yul la mngon par dbang bskur ba zhes bya'o// stobs
- 130b
bcu yongs su rdzogs nas ni/ yang dag par rdzogs pa'i sangs rgyas su bgrang ba yang thob par 'gyur ro// kye rgyal ba'i sras 'di lta ste dper na/ 'khor los sgyur ba'i rgyal po'i bu thu bo/ / gzhon nu btsun mo dam pa las btsas pa/ rgyal po'i mtshan dang ldan par gyur pa de 'khor los sgyur ba'i rgyal pos lnga'i glang po che las gser gyi khri bzang po'i steng du bzhags ste/ steng nas bla re bres shing / gdugs dang / rgyal mtshan dang / ba dan dang / rol mo'i bkod pa rgya chen po byas te/ rgya mtsho chen po bzhi las chu blangs pa gser gyi bum pas bcus te/ chu ngas gzhon nu'i spyi bo nas dbang bskur na de dbang bskur ma thag tu/ rgyal po rgyal rigs spyi bo nas dbang bskur ba zhes bya ba'i grangs su 'gro ste/ dge ba bcu'i las kyi lam yongs su rdzogs nas ni 'khor los sbyar ba zhes bya ba'i ming thob bo/ / kye rgyal ba'i sras de bzhin du byang chub sems dpa' yang sangs rgyas bcom ldan 'das de dag gis dbang bskur ma thag tu ye shes kyi dbang bskur bas dbang bskur baM zhes bya ste/ stobs bcu yongs su rdzogs nas ni/ yang dag par rdzogs pa'i sangs rgyas kyi grangs su 'gro'o// kye rgyal ba'i sras 'di ni gang gi don du byang chub sems dpa' bya dka' ba brgya stong du ma rtsom pa'i byang chub sems dpa'i ye shes chen por dbang bskur ba'o/ / de ltar dbang bskur zhing yon tan dang ye shes tshad med pa rnam par 'phel ba de ni/ byang chub sems dpa'i sa chos
- 131a
kyi sprin la gnas pa zhes bya'o/ / kye rgyal ba'i sras byang chub sems dpa'i sa chos kyi sprin 'di la gnas pa'i byang chub sems dpa' ni chos kyi khams yang dag par 'grub pa yang dag pa ji lta ba bzhin du rab tu shes te/ 'dod pa'i khams yang dag par 'grub pa dang / gzugs kyi khams yang dag par 'grub pa dang / gzugs med pa'i khams yang dag par 'grub pa dang / sems kyi khams yang dag par 'grub pa dang / rnam par shes pa'i khams yang dag par 'grub pa dang / 'dus byas dang / 'dus ma byas kyi khams yang dag par 'grub pa dang / nam mkha'i khams yang dag par 'grub pa dang / yang dag pa dang yang dag pa ma yin pa bstan pa'i khams yang dag par 'grub pa dang / mya ngan las 'das pa'i khams yang dag par 'grub pa dang / lta bar gyur pa'i nyon mongs pa yang dag par 'grub pa yang yang dag pa ji lta ba bzhin du rab tu shes so// 'jig rten gyi khams 'jig pa dang / chags pa yang dag par 'grub pa dang nyan thos kyi spyod pa yang dag par 'grub pa dang / rang sangs rgyas kyi spyod pa yang dag par 'grub pa dang / byang chub sems dpa'i spyod pa yang dag par 'grub pa dang / de bzhin gshegs pa'i stobs dang / mi 'jigs pa dang / sangs rgyas kyi chos dang / gzugs kyi sku dang / chos kyi sku yang dag par 'grub pa dang / rnam pa thams cad du thams cad mkhyen pa'i ye shes yang dag par
- 131b
'grub pa dang / mngon par rdzogs par 'tshang rgya ba dang / chos kyi 'khor lo bskor ba dang / mya ngan las 'das pa kun tu bstan pa yang dag par 'grub pa dang / mdor na chos thams cad la 'jug cing rnam par dbye bas brtag pa yang dag par 'grub pa yang yang dag pa ji lta ba bzhin du rab tu shes so/ / de ye shes de lta bu dang ldan pa'i blos gong du sems can du sprul pa'i las yang dag par ji lta ba bzhin du rab tu shes te/ nyon mongs par sprul pa dang / lta bar gyur par sprul pa dang / 'jig rten gyi khams su sprul pa dang / chos kyi dbyings su sprul pa dang / nyan thos su sprul pa dang rang sangs rgyas su sprul pa dang / byang chub sems dpar sprul pa dang / de bzhin gshegs par sprul pa dang / sprul pa thams cad la rtog pa med rtog pa med par yang dag par ji lta ba bzhin du rab tu shes so/ / de sangs rgyas su byin gyis brlab pa yang yang dag par ji lta ba bzhin du rab tu shes te/ chos su byin gyis brlab pa dang / dge 'dun du byin gyis brlab pa dang las su byin gyis brlab pa dang / nyon mongs par byin gyis brlab pa dang / dus byin gyis brlab pa dang / smon lam du byin gyis brlab pa dang / mchod pa byin gyis brlab pa dang / spyod pa byin gyis brlab pa dang / bskal pa byin gyis brlab pa dang / ye shes su byin gyis brlab pa yang yang dag pa ji lta ba bzhin du rab tu shes so// de de bzhin gshegs pa dgra bcom pa yang dag par
- 132a
rdzogs pa'i sangs rgyas rnams kyi phra ba la 'jug pa'i mkhyen pa gang 'di dag yang dag pa ji lta ba bzhin du rab tu shes te/ 'di ltar spyod pa la za ba la 'jug pa'i mkhyen pa dang / 'chi 'pho ba dang / skye ba la phra ba la 'jug pa'i mkhyen pa dang / bltams pa la phra ba la 'jug pa'i mkhyen pa dang / rnam par sprul pa phra ba la 'jug pa'i mkhyen pa dang / mngon par 'byung ba la phra ba la 'jug pa'i mkhyen pa dang / mngon par rdzogs par byang chub la phra ba la 'jug pa'i mkhyen pa dang / chos kyi 'khor lo bskor ba la phra ba la 'jug pa'i mkhyen pa dang / tshe'i tshad byin gyis brlab pa la phra ba la 'jug pa'i mkhyen pa dang / yongs su mya ngan las 'das pa la phra ba la 'jug pa'i mkhyen pa dang / bstan pa la gnas pa la 'jug pa'i mkhyen pa de dag kyang yang dag pa ji lta ba bzhin du rab tu shes so/ / de de bzhin gshegs pa dgra bcom pa yang dag par rdzogs pa'i sangs rgyas rnams kyi gsang ba'i gnas gang 'di yang dag pa ji lta ba bzhin du rab tu shes te/ 'di ltar sku'i gsang ba dang / gsung gi gsang ba dang / thugs kyi gsang ba dang / dus dang dus ma yin pa rnam par dbye ba gsang ba dang / byang chub sems dpa' lung bstan pa gsang ba dang / sems can bsdu ba dang / tshar bcad pa gsang ba dang / theg pa tha dad pa gsang ba dang / sems can
- 132b
gyi spyod pa dang / dbang po rnam par dbye ba gsang ba dang / las dang bya ba la 'jug pa gsang ba dang / spyod pa dang mngon par rdzogs par byang chub pa dang / rang bzhin thugs su chud pa gsang ba de dag kyang / yang dag pa ji lta ba bzhin du rab tu shes so// de bskal pa la 'jug pa gang 'di dag 'di lta ste/ bskal pa gcig la bskal pa grangs med par yang dag par gzhol ba dang / bskal pa grangs med pa la bskal pa gcig tu yang dag par gzhol ba dang / bskal pa grangs med pa la bskal pa grangs med par yang dag par gzhol ba dang skad cig la bskal pa dang bsgral pa la skad cig tu yang dag par gzhol ba dang / bskal pa la bskal pa ma yin pa dang bskal pa ma yin pa la bskal par yang dag gzhol ba dang / sangs rgyas dang bcas pa'i bskal pa la sangs rgyas med pa'i bskal par yang dag par gzhol ba dang / sangs rgyas med pa'i bskal pa la sangs rgyas dang bcas pa'i bskal par yang dag par gzhol ba dang / 'das pa dang ma 'ongs pa la da ltar byung ba dang / da ltar byung ba dang 'das pa la ma 'ongs pa dang / ma 'ongs pa dang 'das pa la da ltar byung ba'i bskal par yang dag par gzhol ba dang / bskal pa ring po la bskal pa thung ngur yang dag par gzhol ba dang / bskal pa thung ngu la bskal pa ring por yang dag par gzhol ba dang /
- 133a
bskal pa thams cad la ming du btags par yang dag par gzhol ba de dag yang dag pa ji lta ba bzhin du rab tu shes so// de bzhin gshegs pa dgra bcom pa yang dag par rdzogs pa'i sangs rgyas rnams kyi gzud pa mkhyen pa gang 'di dag 'di lta ste/ byis pa'i lam gyis gzud pa mkhyen pa dang / rdul phra rab kyi rdul gyis gzung ba mkhyen pa dang / zhing gi tshogs mngon par rdzogs par thugs su chud pa'i gzud pa mkhyen pa dang / sems can gyi tshogs kyi sems mngon par rdzogs par thugs su chud pas gzud pa mkhyen pa dang / thams cad kyi rjes su song ba mngon par rdzogs par thugs su chud pas gzud pa mkhyen pa dang / snrel zhi'o'i spyod pa kun tu bstan pas gzud pa mkhyen pa dang / mthun pa'i spyod pa kun tu bstan pas gzung pa mkhyen pa dang / mi mthun pa'i spyod pa kun tu bstan pas gzud pa mkhyen pa dang / 'jig rten gyis rnam par shes par bya ba'i spyod pa bsam gyis mi khyab pa dang / bsam gyis mi khyab pa kun tu bstan pas gzud pa mkhyen pa dang / nyan thos kyis rnam par shes par bya ba dang / rang sangs rgyas kyis rnam par shes par bya ba dang / byang chub sems dpas rnam par shes par bya ba dang / de bzhin gshegs pa rnam par mkhyen par bya ba'i spyod pa kun tu bstan pas gzung ba mkhyen pa de dag yang dag pa ji lta ba bzhin du rab tu shes te/
- 133b
kye rgyal ba'i sras de ltar na sangs rgyas bcom ldan 'das rnams kyi mkhyen pa yangs shing tshad med pas sa 'di la gnas pa'i byang chub sems dpa' gzung pa mkhyen pa yang tshad med do// kye rgyal ba'i sras de ltar byang chub sems dpa'i sa 'di dang ldan pa'i byang chub sems dpa' de byang chub sems dpa'i rnam par thar pa bsam gyis mi khyab pa zhes bya ba rab tu thob bo// sgrib pa med pa zhes bya ba dang / rnam par 'byed pa rnam par dag pa zhes bya ba dang / sgo kun tu snang ba zhes bya ba dang / de bzhin gshegs pa'i mdzod ces bya ba dang / 'khor lo thogs pa med pa dang ldan pa zhes bya ba dang / dus gsum gyi rjes su song ba zhes bya ba dang / chos kyi dbyings kyi snying po zhes bya ba dang / rnam par grol ba'i dkyil 'khor snang ba zhes bya ba dang / yul ma lus pa zhes bya/ ba'i byang chub sems dpa'i rnam par thar pa rab tu thob ste/ kye rgyal ba'i sras de ltar byang chub sems dpa'i sa bcu pa 'di la gnas pa'i byang chub sems dpa' byang chub sems dpa'i rnam par thar pa'i sgo bcu po de dag la sogs pa rnam par thar pa'i sgo brgya stong grangs med dpag tu med pa rab tu thob bo/ / de bzhin du ting nge 'dzin brgya stong dang / gzungs brgya stong dang mngon par shes pa mngon par bsgrub pa brgya stong gi bar du rab tu thob bo/ / de ye shes de lta bu dang ldan pa'i blo dang / tshad med pa'i rjes su song ba'i dran pa la mkhas pa dang ldan pa yin
- 134a
/ daphyogs pacu'i sangs rgyas bcom ldan 'das dpag tu med pa las skad cig thang cig smad na ma gcig la chos kyi snang ba chen po dang / chos kyi klas pa pa chen po dang / kyi sprin chen po tshad med pa bzod do// yang dag par len to// bdag gir byed do// yang dag par 'dzin to// kye rgyal ba'i sras 'di lta ste dper na/ rgya mtsho'i sprin las chu'i phung po 'bab pa ni rgya mtsho chen po ma gtogs pa'i sa'i phyogs gzhan gyis bzod pa 'am/ yang dag par blang ba 'am/ bdag gir bya ba 'am/ yang dag par gzung bar sla ba ma yin no// kye rgyal ba'i sras de bzhin du de bzhin gshegs pa rnams kyi de bzhin gshegs pa'i gsang ba la 'jug pa 'di lta ste/ chos kyi snang ba chen po dang / chos kyi gsal ba chen po dang / chos kyi sprin chen po de dag ni sems can thams cad dang nyan thos dang rang sangs rgyas thams cad dang / sa dang po nas bzung ste sa dgu pa'i bar la gnas pa'i byang chub sems dpa' rnams kyis kyang bzod pa 'am/ yang dag par blang ba 'am/ bdag gir bya ba 'am/ yang dag par bzung bar sla ba ma yin te/ byang chub sems dpa'i sa chos kyi sprin 'di la gnas pa'i byang chub sems dpa' ni de dag thams cad bzod do/ / yang dag par len to// bdag gir byed do// yang dag par 'dzin to// kye rgyal ba'i sras 'di lta ste dper na// rgya mtsho
- 134b
chen po ni klu'i dbang po chen po gcig gi sprin chen po yang bzod do/ / yang dag par len to// bdag gir byed do// yang dag par 'dzin to// klu'i dbang po chen po gnyis dang / gsum nas dpag tu med pa'i bar dag gi sprin chen po dag kyang skad cig thang cig yud tsam gcig la bzod do/ / yang dag par len to// bdag gir byed do// yang dag par 'dzin to// de cig phyir zhe na/ rgya mtsho chen po tshad med par yangs shing rgya che ba'i phyir ro// kye rgyal ba'i sras de bzhin du byang chub sems dpa'i sa chos kyi sprin 'di la gnas pa'i byang chub sems dpa' yang skad cig thang cig yud tsam gcig la de bzhin gshegs pa gcig gi chos kyi snang ba chen po dang / chos kyi gsal ba chen po dang / chos kyi sprin chen po rnams kyang bzod do// yang dag par len to/ / bdag gir byed do// yang dag par 'dzin to// skad cig thang cig yud tsam gcig la de bzhin gshegs pa gnyis dang gsum nas tshad med pa'i bar dag gi chos kyi snang ba chen po dang / chos kyi gsal ba chen po dang / chos kyi sprin chen po tshad med pa rnams kyang bzod do// yang dag par len/ bdag gir byed/ yang dag par 'dzin te/ de'i phyir nas 'di chos kyi sprin zhes bya'o// 'phags pa sa bcu pa// / bam po bdun pa ste tha ma'o// byang chub sems dpa' rnam par
- 135a
grol ba'i zla bas smras pa/ kye rgyal ba'i sras byang chub sems dpa' skad cig thang cig yud tsam gcig la de bzhin gshegs pa ji snyed gcig las chos kyi snang ba chen po dang / chos kyi gsal ba chen po dang / chos kyi sprin chen po bzod par byed pa dang / yang dag par len pa dang / bdag gir byed pa dang / yang dag par 'dzin pa dag bgrang par nus sam/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa' skad cig thang cig yud tsam gcig la de bzhin gshegs pa 'di snyed cig las chos kyi snang ba chen po dang / chos kyi gsal ba chen po dang / chos kyi sprin chen po bzod yang dag par len/ bdag gir byed/ yang dag par 'dzin to zhes grangs kyis bstan pa'i tshul gyis bgrang bar sla ba ma yin te/ 'on kyang dpe bstan par bya'o// kye rgyal ba'i sras 'di lta ste dper na/ phyogs bcu'i 'jig rten gyi khams sangs rgyas kyi zhing brjod du med pa bye ba khrag khrig b rgya stong phrag bcu'i rdul phra rab kyi rdul snyed na sems can gyi khams ma lus pa'i tshul du ji snyed cig yod pa de dag las sems can gcig cig thos pa 'dzin pa'i gzungs rab tu thob par gyur la/ 'di lta ste dper na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rdo rje'i pad+ma'i bla ma'i dge slong rnam par rgyal ba chen po zhes bya ba bzhin du/
- 135b
de bzhin gshegs pa rnams kyi zham ring ba nyan thos chen po thos pa 'dzin pa'i mchog tu phyin par gyur te/ de ltar sems can gcig po de thos pa la mkhas pa'i stobs bskyed pa dang ldan par gyur la sems can gcig po de ci 'dra bar 'jig rten gyi khams ma lus pa thams cad kyi sems can de dag thams cad kyang de bzhin du ldan par gyur la/ gcig gis gang gzung ba de gnyis pas ma bzung na/ kye rgyal ba'i sras 'di ji snyam du sems sems can de dag gis thos pa la mkhas par gyur pa de dag tshad med cing mang ba ma yin nam/ byang chub sems dpa' rnam par grol ba'i zla bas smras pa/ kye rgyal ba'i sras sems can de dag gi thos pa la mkhas pa de dag ni mang ste/ tshad med do// byang chub sems dpa' rdo rje'i snying pos smras pa/ kye rgyal ba'i sras khyod mos par bya'o/ / khyod khong du chud par bya'o// byang chub sems dpa'i sa chos kyi sprin 'di la gnas pa'i byang chub sems dpa' ni skad cig thang cig yud tsam gcig la de bzhin gshegs pa gcig las chos kyi snang ba dang gsal ba dang / sprin chen po chos kyi dbyings dus gsum gyi mdzod ces bya ba bzod/ yang dag par len/ bdag gir byed/ yang dag par 'dzin te/ chos kyi snang ba dang / gsal ba dang / sprin chen po yang dag par 'dzin pa la mkhra ba de la thos pa la mkhwab snga ma des brgya'i char yang nye bar mi 'gro/ stong gi cha dang / brgya phrag stong gi
- 136a
cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang bgrang ba dang / dpe dang rgyur yang nye bar mi 'gro ba nas bsnun pa tsam gyi bar du yang mi bzod do// de bzhin gshegs pa gcig las ji lta ba de bzhin du phyogs bcu'i 'jig rten gyi khams snga ma dag na rdul phra rab kyi rdul de dag ji snyed yod pa de snyed kyi yang dag par rdzogs pa'i sangs rgyas rnams dang / de dag pas kyang ches mang zhing tshad med pa'i de bzhin gshegs pa rnams las byang chub sems dpas skad cig thang cig yud tsam gcig la chos kyi snang ba dang gsal ba dang / sprin chen po chos kyi dbyings dus gsum gyi mdzod ces bya ba bzod/ yang dag par len/ bdag gir byed/ yang dag par 'dzin te/ de'i phyir na sa 'di chos kyi sprin zhes bya'o// kye rgyal ba'i sras gzhan yang byang chub sems dpa'i sa chos kyi sprin 'di la gnas pa'i byang chub sems dpa' ni rang gi smon lam gyi stobs bskyed pas snying brtse ba dang / snying rje chen po'i sprin chos kyi snang ba chen po bsgrag pa'i 'brug sgra sgrog pa/ mngon par shes pa dang / rig pa dang mi 'jigs pa'i glog 'gyub/ 'od zer chen po'i rlung gis shin tu bskyod pa/ bsod nams dang ye shes kyi sprin dra ba stug pos kun tu khebs pa
- 136b
lus rnam pa sna tshogs kyi sprin gyi glog 'khyil ba kun tu ston pa/ chos kyi sgra chen po rab tu sgrog pa/ bdud kyi phyogs shin tu tshar gcod pa kun nas bsdus te/ skad cig thang cig y ud tsam gcig la phyogs bcu'i 'jig rten gyi khams snga ma de dag na rdul phra rab kyi rdul ji snyed yod pa de snyed kyi 'jig rten gyi khams kyang bye ba khrag khrig brgya stong dang de dag pas kyang ches mang zhing tshad med pa'i 'jig rten gyi khams bye ba khrag khrig brgya stong rgyas par bkang ste/ dge ba'i bdud rtsi'i rgyun gyi char chen pos bsam pa ji lta ba bzhin du sems can rnams kyi mi shes pa las langs pa'i rdul dang me lce thams cad rab tu zhi bar byed de/ de'i phyir na sa 'di chos kyi sprin ces bya'o// kye rgyal ba'i sras byang chub sems dpa'i sa chos kyi sprin 'di la gnas pa'i byang chub sems dpa' ni 'jig rten gyi khams gcig na yang dga' ldan gyi pho brang na bzhugs pa nas gzung ste/ 'pho ba dang gshegs pa dang / lhums na bzhugs pa dang / bltams pa dang / mngon par 'byung ba dang / mngon par rdzogs par byang chub pa dang / bskul ba dang / chos kyi 'khor lo chen po bskor ba dang / yongs su mya ngan las 'das pa chen po'i sa zhes bya ba'i bar du de bzhin gshegs pa'i mdzad pa thams cad sems can rnams kyi bsam pa ji lta ba dang / 'dul ba ji lta ba bzhin du byin gyis
- 137a
rlob bo/ / de bzhin du gnyis nas 'jig rten gyi khams de dag na rdul phra rab kyi rdul de dag ji snyed yod pa de dag pas kyang ches mang ba'i 'jig rten gyi khams bye ba khrag khrig brgya stong dpag tu med pa'i bar dag na yang dga' ldan gyi pho brang na bzhugs pa nas bzung ste/ yongs su mya ngan las 'das pa chen po'i sa zhes bya ba'i bar du de bzhin gshegs pa'i mdzad pa thams cad sems can rnams kyi bsam pa ji lta ba dang / 'dul ba ji lta ba bzhin du byin gyis rlob bo// ye shes kyi dbang de lta bu thob cing shin tu rnam par brtags pa'i ye shes dang / mngon par shes pa dang ldan pa ste/ 'dod na 'jig rten gyi khams dog pa ni yangs par byin gyis rlob bo// 'jig rten gyi khams yangs pa ni dog par byin gyis rlob bo/ / de bzhin du thag gru che ba dang / cher gyur pa dang / tshad med pa dang / phra ba dang / rags pa dang / snrel zhi dang spyi'u tshugs ngos phyal ba la s ogs pa'i 'jig rten gyi khams thams cad kyang khyu mchog tu gyur pas mngon par bsgrub de dang der byin gyis rlob po 'dod na 'jig rten gyi khams kun nas nyon mongs pa can ni yongs su dag par byin gyis rlob bo/ / 'jig rten gyi khams yongs su dag pa ni kun nas nyon mongs pa can du byin gyis rlob bo// 'dod na rdul phra rab kyi rdul gcig la 'jig rten gyi
- 137b
khams khor yug gi 'obs dang bcas pa thams cad dang ldan pa gcig byin gyis rlob ste/ rdul phra rab kyi rdul de yang mi 'phel la/ bya ba de dag kyang kun tu ston to// rdul phra rab kyi rdul gcig la 'jig rten gyi khams gnyis dang / gsum dang / bzhi dang / lnga nas brjod du med pa'i bar du thams cad dang ldan pa'i 'khor yug gi mtha' skor dang bcas par byin gyis rlob ste/ rdul phra rab kyi rdul de yang mi 'phel la/ bya ba de dag kyang kun tu ston to// 'dod na 'jig rten gyi khams gcig tu 'jig rten gyi khams gnyis kyi bkod pa kun tu ston to/ / 'dod na 'jig rten gyi khams brjod du med pa'i bar gyi bkod pa kun tu ston to// 'dod na 'jig rten gyi khams gcig gi bkod pa 'jig rten gyi khams gnyisu kun tu ston to/ / 'dod na 'jig rten gyi khams brjod du med pa'i bar dag tu'ang kun tu ston to// 'dod na 'jig rten gyi khams brjod du med pa bdag na sems can gyi khams ji snyed yod pa de dag 'jig rten gyi khams gcig tu 'god de/ sems can rnams la gnod pa yang med do// 'dod na 'jig rten gyi khams gcig na sems can gyi khams ji snyed yod pa de dag 'jig rten gyi khams brjod du med pa dag tu 'god de/ sems can rnams la gnod pa yang med do// 'dod na 'jig rten gyi khams brjod du med pa dag na 'khod
- 138a
pa'i sems can rnams sgra tsam gyi khyon gcig la 'god de/ sems can rnams la gnod pa yang med do// 'dod na sgra tsam gyi khyon gcig la sangs rgyas thams cad kyi yul bkod pa gcig kun tu ston pa nas 'dod na sangs rgyas thams cad kyi yul bkod pa brjod du med pa'i bar dag kun tu ston to/ / 'dod na 'jig rten gyi khams brjod du med pa dag na rdul phra rab gyi rdul ji snyed yod pa de snyed kyi lus skad cig thang cig yud tsam gcig la sprul pa byed do/ / lus re re la yang de snyed kyi lag pa kun tu ston to// lag pa de dag gis kyang phyogs bcu'i sangs rgyas rnams la mchod pa byed de/ lag pa re res kyang me tog gi phur ma gang+gA'i klung gi bye ma snyed/ sangs rgyas bcom ldan 'das de dag la 'thor ro// me tog la ji lta bar spos dang / 'phreng ba dang / byug pa dang / na bza' dang / gdugs dang / rgyal mtshan dang / ba dan rnams kyang de bzhin no// bkod pa thams cad kyang de bzhin no// lus ra re la yang de snyed kyi mgo byin gyis rlob cing mgo re re la yang de snyed kyi lce byin gyis rlob ste/ lce de dag gis sangs rgyas bcom ldan 'das de dag gi bsngags pa brjod do// sems bskyed pa re re la yang phyogs bcu khyab par 'gro ste/ sems bskyed pa tsam gyis kyang mngon par rdzogs par byang chub pa tshad med pa nas yongs su mya ngan las 'das pa chen po'i bkod pa'i
- 138b
bar du byin gyi rlob bo/ / dus gsum gyi lus tshad med pa yang byin gyis rlob ste/ rang gi lus la sangs rgyas bcom ldan 'das tshad med pa rnams kyi sangs rgyas kyi zhing gi yon tan bkod pa tshad med pa byin gyis rlob bo/ / 'jig rten gyi khams 'jig pa dang / chags pa thams cad kyang rang gi lus la byin gyis rlob bo// rlung kyi dkyil 'khor thams cad kyang spu'i khung bu gcig nas 'byin te/ sems can rnams la gnod pa yang med do// 'dod na chu'i phung po yan chad 'jig rten gyi khams gcig byin gyis rlob bo// der yang pad+ma chen po byon gyis rlob bo/ / pad+ma chen po de'i 'od kyi bkod pas kyang 'jig rten gyi khams mu med pa rgyas par gang bar byed de/ de la yang byang chub kyi shing chen po kun tu ston pa nas rnam pa thams kyi mchog dang ldan pa'i thams cad mkhyen pa'i bar du yang kun tu ston to/ / rang gi lus la phyogs bcu'i nor bu dang / glog dang / zla ba dang / nyi ma'i 'od byin gyis rlob pa nas 'od dang snang ba thams cad kyi bar du byin gyis rlob bo/ / kha'i dbugs kyis kyang phyogs re re'i 'jig rten gyi khams mtha' yas pa g.yo bar byed de/ sems can rnams 'jigs par yang mi byed do/ / phyogs bcu rlung gis 'jig pa dang / mes 'jig pa dang / chus 'jig pa yang byin gyis rlob bo// 'dod na sems can thams cad la bsam
- 139a
pa bzhin du gzugs kyi lus kyi gnas brgyan par byin gyis rlob bo/ / rang gi lus de bzhin gshegs pa'i skur byin gyis rlob bo// de bzhin gshegs pa'i sku rang gi lus su byin gyis rlob bo/ / de bzhin gshegs pa'i sku la rang gi sangs rgyas kyi zhing byin gyis rlob bo// rang gis sangs rgyas kyi zhing du de bzhin gshegs pa'i sku byin gyis rlob bo/ / kye rgyal ba'i sras de ltar byang chub sems dpa'i sa chos kyi sprin la gnas pa'i byang chub sems dpa' ni rdzu 'phrul gyi rnam par 'phrul pa 'di dag dang / gzhan/ yang bye ba khrag khrig brgya stong dpag tu med pa dag kun tu ston to// 'dod na sems can gyi bsam pa bzhin du gzugs kyi lus kyi gnas brgyan par byin gyis rlob bo// de nas 'khor de'i byang chub sems dpa' kha cig dang lha dang klu dang gnod sbyin dang dri za dang / lha ma yin dang / brgya byin dang / tshangs pa dang / dbang phyug chen po dang / gnas gtsang ma kha cig 'di snyam du sems te/ 'di ltar byang chub sems dpa'i rdzu 'phrul mngon par 'du bya ba'i spyod yul yang de ltar tshad med na/ de bzhin gshegs pa'i rdzu 'phrul ci 'dra ba zhig yod snyam pa dang / de nas byang chub sems dpa' rnam par grol ba'i zla bas 'khor de'i sems kyi bsam pa'i rnam par rtog pa shes nas/ byang chub sems dpa'i rdo rje'i snying
- 139b
po la 'di skad ces smras so/ / kye rgyal ba'i sras kye ma 'khor 'di the tsom du gyur na de dag gi the tsom bcad pa'i phyir/ byang chub sems dpa'i rdzu 'phrul gyi bkod pa cung zad cig legs par bstan pa mdzod cig/ de nas byang chub sems dpa' rdo rje'i snying po de'i tshe/ byang chub sems dpa'i ting nge 'dzin sangs rgyas thams cad kyi zhing gi tshogs kyi rang bzhin kun tu ston pa zhes bya ba la snyoms par zhugs so/ / byang chub sems dpa' rdo rje'i snying po byang chub sems dpa'i ting nge 'dzin sangs rgyas kyi zhing thams cad kyi tshogs kyi rang bzhin kun tu ston pa la snyoms par zhugs ma thag tu de nas de nyid kyi tshe byang chub sems dpa' 'khor de dag thams cad dang / lha dang klu dang / gnod sbyin dang dri za dang / lha ma yin dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma'i 'khor thams cad byang chub sems dpa' rdo rje'i snying po'i lus kyi khong na 'khod par rang rang gis shes par gyur te/ der sangs rgyas kyi zhing mngon du grub par shes so// sangs rgyas kyi zhing de'i rnam pa dang bkod pa gang yin pa de dag kyang bskal pa khrag khrig tshang bas kyang brjod par sla ba ma yin no/ / der byang chub kyi shing stong gsum brgya stong phrag bcur khyab pa'i sdong
- 140a
/ can stong gsum khrag khrig yongs su tshang ba tsam du shin tu rgyas pa tshad med pa'i yal ga can rtse mo shin tu mtho ba byung ste/ de dang rkyen du 'bab par byang chub kyi snying po de la seng ge'i khri rgya chen po byung nas/ de la de bzhin gshegs pa mngon par shes pa'i blo gros thams cad kyi rgyal po zhes bya ba byang chub kyi snying po dam par gshegs te bzhugs par mthong ngo / / de ltar de na bkod pa ji snyed snang bar gyur pa de dag ni bskal pa khrag khrig brgya stong tshang bas kyang brjod par sla ba ma yin no// des cho 'phrul chen po de bstan nas/ thams cad dang ldan pa'i byang chub sems dpa'i 'khor de dang / lha dang klu dang / gnod sbyin dang / dri za dang / lha ma yin dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma pa'i 'khor thams cad gnas ji lta ba bzhin du bkod pa dang / de nas thams cad dang ldan pa'i 'khor de ngo mtshar dang rmad du gyur nas/ cang mi smra bar byang chub sems dpa' rdo rje'i snying po de nyid la nges par sems shing 'khod par gyur to// de nas byang chub sems dpa' rnam par grol ba'i zla bas byang chub sems dpa' rdo rje'i snying po la 'di skad ces smras so/ / kye rgyal ba'i sras 'di ltar ting nge 'dzin 'di'i bkod pa'i mthu de ni ngo
- 140b
mtshar rmad du byung ba yin na/ kye rgyal ba'i sras ting nge 'dzin 'di'i ming ci zhes bya/ byang chub sems dpa' rdo rje'i snying pos smras pa/ kye rgyal ba'i sras ting nge 'dzin 'dzin sangs rgyas thams cad kyi zhing gi tshogs kyi rang bzhin kun tu ston pa zhes bya'o/ / byang chub sems dpa' rnam par grol ba'i zla bas smras pa/ kye rgyal ba'i sras ting nge 'dzin 'di'i spyod yul dang / yul gyi bkod pa ji lta bu/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i ting nge 'dzin 'di la shin tu bsgoms pa ni 'dod na sangs rgyas kyi zhing 'di 'dra ba 'jig rten gyi khams gang+gA'i klung gi bye ma snyed kyi rdul phra rab kyi rdul snyed dam/ de bas kyang mang du rang gi lus las kun tu ston to/ / kye rgyal ba'i sras byang chub sems dpa'i sa chos kyi sprin la gnas pa'i byang chub sems dpas ni byang chub sems dpa'i ting nge 'dzin 'di 'dra ba brgya stong mang po rab tu thob te/ des na byang chub sems dpa' de'i lus sam/ lus kyi las ni byang chub sems dpa' rgyal tshab thob pa/ byang chub sems dpa'i sa legs pa'i blo gros can 'di la gnas pa dag gis kyang shes par sla ba ma yin no/ / ngag gam ngag gi las kyang shes par sla ba ma yin no// yid dam yid kyi las kyang shes par sla ba ma yin
- 141a
no/ / rdzu 'phrul yang shes par sla ba ma yin no// dus gsum la rnam par lta ba yang shes par sla ba ma yin no// ting nge 'dzin gyi spyod yul la 'jug pa yang shes par smra ba ma yin no/ / ye shes kyi yul yang shes par sla ba ma yin no// rnam par thar pas rnam par rol pa yang shes par sla ba ma yin no// sprul pa'i las sam/ byin gyi rlabs kyi las sam/ mthu'i las kyang shes par sla ba ma yin pa nas/ mdor bsdu na/ gom pa 'jog cing 'dreg pa'i las kyi bar du yang byang chub sems dpa' rgyal tshab thob pa/ byang chub sems dpa'i sa legs pa'i blo gros can la gnas pa dag gis kyang shes par sla ba ma yin te/ kye rgyal ba'i sras byang chub sems dpa'i sa chos kyi sprin 'di ni mdor bsdus te bstan na yang de ltar tshad med pa ste/ rgya cher ni bskal pa brgya stong grangs med pas bstan kyang mthur thug par mi 'gyur bar shes par bya'o// byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa' rnams kyi spyod pa'i yul dang / byin gyi rlabs 'di yang de ltar tshang med na/ de bzhin gshegs pa rnams kyi spyod yul dang / yul la 'jug pa ci 'dra/ byang chub sems dpa' rdo rje'i snying pos spras pa/ kye rgyal ba'i sras 'di lta ste dper na/ mi lal
- 141b
zhig gis gling bzhi pa'i 'jig rten gyi khams nas/ rde'u rgya shug gi tshig gu tsam gnyis sam/ gsum zhig blangs te/ 'di skad du 'jig rten gyi khams mtha' yas pa dag na san/ khams ji snyed cig yod/ rde'u 'di las ji tsam zhig gis lhag par 'phags shing lhag par tshad med ces zer ba zhig yod na/ kye rgyal ba'i sras de ltar khyod de bzhin gshegs pa dgra b com pa yang dag par rdzogs pa'i sangs rgyas ye shes tshad med pa mnga' ba rnams kyi chos nyid la byang chub sems dpa'i chos nyid kyis 'jal ba ni khyod kyi tshig 'di de dang 'dra bar bdag gis dpags so/ / kye rgyal ba'i sras ji ltar gling bzhi pa'i 'jig rten gyi khams nas gang blangs pa'i sa'i khams chung la lhag ma las pa tshad med pa de bzhin du/ kye rgyal ba'i sras byang chub sems dpa'i sa chos kyi sprin 'di kho na yang bskal pa dpag tu med par bstan kyang phyogs tsam zhig bstan du zad na de bzhin gshegs pa'i sa lta smos kyang ci dgos/ kye rgyal ba'i sras khyod mos par bya zhing khong du chud par bya'o/ / de bzhin gshegs pa 'di bdag gi mdun na dpang du bzhugs te/ kye rgyal ba'i sras gal te/ phyogs bcu'i phyogs re re'i sangs rgyas kyi zhing 'jig rten gyi khams mu med pa'i rdul phra rab kyi rdul snyed cigs 'di lta bu thob pa'i byang chub sems dpa' rnams kyis 'di lta ste dper na/ bu ram shing de
- 142a
tshal lam/ 'od ma'i tshal lam/ 'dam bu'i tshal lam/ til gyi tshul bzhin du yongs su gang bar gyur la/ byang chub sems dpa'i spyod pa mngon par b sgrub pa bskal pa dpag tu med par mngon par bsgrubs pa de dag na de bzhin gshegs pa'i ye shes skad cig gcig la byung ba'i de bzhin gshegs pa'i yul gyi brgya'i char yang nye bar mi 'gro/ / stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang rgyur yang nye bar mi 'gro ba nas bskrun pa tsam gyi bar du yang nye bar mi 'gro'o// kye rgyal ba'i sras de ltar byang chub sems dpa' ye shes de lta bu dang ldan pa/ de bzhin gshegs pa'i sku dang gsung dang thugs dang / gnyis su med pa ni byang chub sems dpa'i ting nge 'dzin gyi stobs kyang mi gtong la sangs rgyas la blta ba dang / mchod pa dang / rim gro yang rab tu byed de/ bskal pa re re la yang de bzhin gshegs pa mtha' yas pa la mchod pa rnam pa thams cad du mngon par bsgrub pa'i mchod pa rgya chen po dang ldan pas mchod pa byed do/ / sangs rgyas bcom ldan 'das de dag gi byin gyi rlabs kyi snang ba yang yang dag pa len to// de ni
- 142b
de bas kyang bskal pa du ma dang bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar chos kyi dbyings yongs su dris pa bstan pa la mi 'phrogs pa yin no/ / kye rgyal ba'i sras 'di lta ste dper na/ lha'i rgyan chen po'i rnam pa mkhan bzos ma byas pa nor bu rin po che chen pos sbas pa/ lha'i rgyal po dbang sgyur gyi yan lag gi dam pa mgo 'am/ mgul du btags na de ma yin pa'i lha dang mi'i rgyan lngab lbub dag gis mi 'phrogs pa yin no// kye rgyal ba'i sras de bzhin du byang chub sems dpa'i sa bcu pa chos kyi sprin 'di thob pa'i byang chub sems dpa'i ye shes kyi rgyud de dag kyang sems can thams cad dang / nyan thos dang rang sangs rgyas thams cad dang / byang chub sems dpa'i sa dang po yan chad byang chub sems dpa'i sa dgu po thob pa'i bar gyi byang chub sems dpa' rnams kyis kyang mi 'phrogs pa yin te/ byang chub sems dpa'i sa 'di la gnas pa'i byang chub sems dpa'i ye shes snang ba ni sems can rnams thams cad mkhyen pa'i ye shes la 'dzud
- 143a
par 'gyur bas de ma yin pa'i ye shes snang ba dag gis mi 'grogs so/ / kye rgyal ba'i sras 'di lta ste dper na/ lha'i rgyal po dbang phyug chen po'i 'od na skye ba'i gnas thams cad las shin tu 'das pa yin te/ sems can rnams kyi lus kyang sim par byed do// kye rgyal ba'i sras de bzhin du byang chub sems dpa'i sa bcu pa chos kyi sbyin 'di la gnas pa'i byang chub sems dpa'i ye shes snang ba yang nyan thos dang / rang sangs rgyas thams cad dang / byang chub sems dpa'i sa dang po yan chad byang chub sems dpa'i sa dgu pa thob pa'i bar gyi byang chub sems dpa' rnams kyis kyang mi 'phrogs pa yin te/ thams cad mkhyen pa nyid kyi bar la yang sems can rnams rab tu 'jog go// kye rgyal ba'i sras byang chub sems dpa' ye shes de lta bu dang ldan pa de la sangs rgyas bcom ldan 'das rnams bgrod pa gsum shes pa yang dag par ston te/ chos kyi dbyings rab tu dbye ba shes pa dang / 'jig rten gyi khams thams cad rgyas par dgang ba dang / 'jig rten gyi khams thams cad du snang ba'i byin gyi rlabs dang / sems can dang zhing dang / chos thams cad yongs su shes pa dang / mdor bsdun thams cad mkhyen pa'i ye shes thob par byed pa'i bar dag yang dag par ston to// de'i pha rol tu phyin pa bcu po dag las ye shes kyi pha rol tu
- 143b
byin pa'i shas che ba yin no/ / kye rgyal ba'i sras 'di ni byang chub sems dpa' rnams kyis chos kyi sprin ces bya ba byang chub sems dpa'i sa bcu pa mdor bstan pa'o// rgya cher ni bskal pa grangs med mu med pas bstan kyang thug pa med par shes par bya'o// de la gnas pa'i byang chub sems dpa' ni phal cher lha'i rgyal po dbang phyug chen por 'gyur/ sems can rnams la nyan thos dang / rang sangs rgyas dang / byang chub sems dpa'i pha rol tu phyin pa bsten pa'i byed pa can dang / gtso bor 'gyur te/ chos kyi dbyings rnam par phye ba yongs su dris pa bstan pas mi 'phrogs pa yin no/ / sbyin pa 'am/ snyan pa smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab
- 144a
tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so/ / 'dod na rtson 'grus rtsom pa rnam pa ji lta bus skad cig thang cig yud tsam gcig la sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi ting nge 'dzin rab tu thob cing snyoms par yang 'jug pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi sangs rgyas mthong ba dang / de dag gi byin gyi rlabs kyang yang dag pa shes pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi 'jig rten gyi khams g.yo bar byed pa dang / sangs rgyas kyi zhing rjod du med pa bye ba khrag khrig brgya stong phrag bcu'i rdul phra rab kyi rdul snyed kyi sangs rgyas kyi zhing du 'gro ba dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi 'jig rten gyi khams snang bar byed pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi sems can yongs su smin par byed pa dang / sangs rgyas kyi zhing brjod
- 144b
du med pa bye ba khrag khrig brgya stong phrag bcu'i rdul phra rab kyi rdul snyed kyi bskal par gnas par byed pa dang / sangs rgyas kyis zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi bskal pa la sngon gyi mtha' dang phyi ma'i mthar rab tu 'jug pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyis chos kyi sgo rnam par 'byed pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi lus kun tu ston pa dang / lus re re la yang byang chub sems dpa'i 'khor sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kun tu ston pa'i brtson 'grus rnam pa de lta bu rtsom mo/ / de yan chad byang chub sems dpa' smon lam gyi stobs can rnams smon lam khyad par can gyi rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba khrag khrig brgya stong phrag bcu'i ji skad pa de snyed du yang bgrang bar sla ba ma yin no/ / kye rgyal ba'i sras 'di dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gang dag gsungs
- 145a
pa dang gsung ba dang / gsung bar 'gyur ba/ byang chub sems dpa'i sa bcu po de dag mdor bshad pas bstan pa ste/ rgya cher ni bskal pa grangs med mu med pas bstan kyang thug pa med par shes par bya'o/ / kye rgyal ba'i sras byang chub sems dpa'i sa bcu po de dag ni rim gyis mngon du phyogs pas rnam pa thams cad du thams cad mkhyen pa'i ye shes kyi rjes su song bar blta'o/ / kye rgyal ba'i sras 'di lta ste dper na/ mtsho chen po ma dros pa las byung ba'i 'bab chu ni glang gi rgyun gyi sgo bzhi sa 'dzam bu'i gling kun tu ngoms par byas nas kyang mi zad la/ yang rnam par 'phel te/ sems can dpag tu med pa dag la phan par gyur cing / rgya mtsho chen po'i bar du zhen par 'gyur te/ chu de ni thog ma nas mtsho chen po las mngon du phyogs pa yin no/ / kye rgyal ba'i sras de bzhin du byang chub kyi sems kyi mtsho chen po las byung ba'i dge ba'i rtsa ba'i chu yang smon lam chen po'i 'bab chu'i rgyun gyi sgo bsdu ba'i dngos po bzhis sems can gyi khams kun tu ngoms par byas nas kyang mi zad la/ yang rnam par 'phel te/ sems can dpag tu med pa dag la phan par gyur cing / rnam pa thams cad du thams cad mkhyen pa'i ye shes kyi bar gyi rgya mtsho chen po la zhen par byed de/ dge ba'i rtsa ba'i chu de ni thog ma nas thams cad mkhyen pa nyid kyi rgya mtsho chen po la mngon du phyogs pa yin
- 145b
no/ / kye rgyal ba'i sras byang chub sems dpa'i sa bcu po de dag ni sangs rgyas kyi ye shes la brten nas yod par gyur te/ kye rgyal ba'i sras 'di lta ste dper na/ sa chen po la brten nas ri'i rgyal po chen po'i bcu yod par gyur 'di lta ste/ ri'i rgyal po chen po gangs ri dang / spos kyi ngad ldang dang / rnam par 'dal ba dang / drang srong ri dang / gnya' shing 'dzin dang rta rna ri dang / sa 'dzin dang / khor yug dang / rtog can dang / ri'i rgyal po chen po ri rab bo// kye rgyal ba'i sras de la 'di lta ste dper na/ ri'i rgyal po chen po gangs ri ni sman gyi rnam pa thams cad kyi 'byung gnas yin te/ sman gyi rnam pa thams cad blangs pas thug par 'gyur ba med do// kye rgyal ba'i sras de bzhin du byang chub sems dpa'i sa rab tu dga' ba la gnas pa'i byang chub sems dpa' yang 'jig rten pa'i snyan dang gas dang / bstan bcos dang / gsang sngags dang / rig pa thams cad kyi 'byung gnas yin te/ 'jig rten pa'i snyan dngags dang / bstan bcos dang / gsang sngags dang / rig pa thams cad 'don pas thug par 'gyur ba med do// kye rgyal ba'i sras 'di lta ste dper na ri'i rgyal po chen po spos kyi ngad ldang ni spos kyi rnam pa thams cad kyi 'byung gnas yin te/ spos kyi rnam pa thams cad blangs pas thug par 'gyur ba med do// kye rgyal ba'i sras
- 146a
de bzhin du byang chub sems dpa'i sa dri ma med pa la gnas pa'i byang chub sems dpa' yang byang chub sems dpa'i tshul khrims dang sdom pa dang / spyod pa thams cad kyi 'byung gnas yin te/ byang chub sems dpa'i tshul khrims dang sdom pa dang / spyod pa thams cad kyi spos kyi thug par 'gyur ba med do// kye rgyal ba'i sras 'di lta ste dper na ri'i rgyal po chen po rnam par 'dal ba ni dngos rin po che 'ba' shig yin zhing rin po che'i rnam pa thams cad kyi 'byung gnas yin te/ rin po che'i rnam pa thams cad blang bas thug par 'gyur ba med do/ / kye rgyal ba'i sras de bzhin du byang chub sems dpa'i sa 'od byed pa la gnas pa'i byang chub sems dpa' yang 'jig rten pa'i bsam gtan dang / mngon par shes pa dang rnam par thar pa dang / ting nge 'dzin dang / snyoms par 'jug pa thams cad kyi 'byung gnas yin te/ 'jig rten pa'i bsam gtan dang / mngon par shes pa dang / rnam par thar pa dang / ting nge 'dzin dang / snyoms par 'jug pa thams cad yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po drang srong ri ni dngos rin po che 'ba' shig yin zhing drang srong mngon par shes pa lnga dang ldan pa rnams kyi 'byung gnas yin te/ drang srong mngon par shes pa
- 146b
lnga dang ldan pa rnams bgrang bas thug par 'gyur ba med do/ / kye rgyal ba'i sras de bzhin du byang chub sems dpa'i sa 'od 'gro ba can la gnas pa'i byang chub sems dpa' yang lam dang lam ma yin pa gzhan gyi khyad par thams cad shes pa'i 'byung gnas yin te/ lam dang lam ma yin pa gzhan gyi khyad par thams cad shes pa yongs su dris pa bstan pa rnams kyis thug par 'gyur ba med do/ / kye rgyal ba'i sras 'di lta ste dper na/ ri'i rgyal po chen po gnya' shing 'dzin ni dngos rin po che 'ba' shig yin ning gnod sbyin rdzu 'phrul chen po dang ldan pa rnams kyi 'byung gnas yin te/ gnod sbyin rdzu 'phrul chen po dang ldan pa bgrangs pas thug par 'gyur ba med do// kye rgyal ba'i sras de bzhin du byang chub sems dpa'i sa tu sbyang dka' la gnas pa'i byang chub sems dpa' yang mngon par shes pa'i rdzu 'phrul gyi rnam par 'phrul pa dang / cho 'phrul thams cad kyi 'byung gnas yin te/ mngon par shes pa'i rdza 'phrul gyi rnam par 'phrul pa dang / cho 'phrul thams cad yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po rta rna ri ni dngos rin po che 'ba' shig yin zhing 'bras bu'i rnam pa thams cad kyi 'byung gnas yin te/ 'bras bu'i rnam pa thams cad blang bas thug par 'gyur ba med do// kye rgyal ba'i
- 147a
s ras de bzhin du byang chub sems dpa'i sa mngon du gyur pa la gnas pa'i byang chub sems dpa' yang rten cing 'brel bar 'byung ba la 'jug pa bstan pa'i 'byung gnas yin te/ nyan thos kyi 'bras bu dang / mngon par rtogs pa yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po sa 'dzin ni dngos rin po che 'ba' shig yin zhing rdzu 'phrul chen po dang ldan pa thams cad kyi 'byung gnas yin te/ rdzu 'phrul chen po dang ldan pa thams cad bgrangs pas thug par 'gyur pa med do/ / kye rgyal ba'i sras de bzhin du byang chub sems dpa'i sa ring du song ba la gnas pa'i byang chub sems dpa' yang thabs dang shes rab bstan pa'i 'byung gnas yin te/ rang sangs rgyas kyi 'bras bu dang / mngon par rtogs pa yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po khor yug ni dngos rin po che 'ba' shig yin zhing dbang du gyur pa rnams kyi 'byung gnas yin te/ dbang du gyur pa rnams bgrang bas thug par 'gyur ba med do// kye rgyal ba'i sras d e bzhin du byang chub sems dpa'i sa mi g.yo ba la gnas pa'i byang chub sems dpa' yang byang chub sems dpa'i dbang mngon par bsgrub pa yongs su dris pa bstan pa rnams kyi 'byung
- 147b
gnas yin te/ 'jig rten gyi khams rnam par dbye ba yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen rtog dang ldan pa ni dngos rin po che 'ba' shig yin zhing lha ma yin rdzu 'phrul chen po dang ldan pa rnams kyi 'byung gnas yin te/ lha ma yin rdzu 'phrul chen po dang ldan pa bgrangs pas thug par 'gyur ba med do/ / kye rgyal ba'i sras de bzhin du byang chub sems dpa'i sa legs pa'i blo gros can la gnas pa'i byang chub sems dpa' yang sems can gyi 'jug pa dang ldog pa thams cad shes pa'i spyod pa'i 'byung gnas yin te/ 'gro ba thams cad kyi 'byung ba dang / 'jig pa yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po ri rab ni dngos rin po che 'ba' shig yin zhing lha rdzu 'phrul chen po dang ldan pa rnams kyi 'byung gnas yin te/ lha rdzu 'phrul chen po dang ldan pa bgrangs pas thug par 'gyur ba med do/ / kye rgyal ba'i sras de bzhin du byang chub sems dpa'i sa chos kyi sprin la gnas pa'i byang chub sems dpa' yang de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa rnams kyi 'byung gnas yin te/ sangs rgyas kyi 'phrin las yang dag par bstan pa
- 148a
yongs su dris pa bstan pa rnams kyis thug par 'gyur ba med do/ / kye rgyal ba'i sras 'di lta ste dper na/ rin po che'i ri de dag gis kyang rgya mtsho chen po smras la rgya mtsho chen pos kyang rab tu phye ba'o/ / kye rgyal ba'i sras de bzhin du byang chub sems dpa'i sa bcu po 'di dag gis kyang thams cad mkhyen pa nyid smos la/ thams cad mkhyen pa nyid kyis kyang rab tu phye ba'o/ / kye rgyal ba'i sras 'di lta ste dper na/ rgya mtsho chen po ni rnam pa bcus mi 'phrogs pa'i grangs su 'gro ste/ bcu gang zhe na/ 'di lta ste/ dgas kyis gzhol ba dang / shi ba'i ro dang mi gnas pa dang / chu gzhan gyi grangs spangs pa dang / ro gcig pa dang / rin po che mang ba dang / zab cing ting dpag dka' ba dang / yangs shing tshad med pa dang / 'byung po chen po'i gnas su gyur pa dang / dus chad pa las mi 'da' ba dang / sprin chen po'i char thams cad kun tu 'dzin pas mi ngoms pa'o// kye rgyal ba'i sras de bzhin du byang chub sems dpa'i spyod pa yang rnam pa bcus mi 'phrogs pa'i grangs su 'gro ste/ bcu gang zhe na/ 'di lta ste/ byang chub sems dpa'i sa rab tu dga' ba la smon lam chen po rims kyis mngon par bsgrubs pas gzhol ba dang / byang chub sems dpa'i sa dri ma med pa la 'chal pa'i tshul khrims kyi shi ba'i ro dang
- 148b
mi gnas pa dang / byang chub sems dpa'i sa 'od byed pa la 'jig rten pa'i gdags pa'i grangs spangs pa dang / byang chub sems dpa'i sa 'od 'gro can la sangs rgyas lad/ pa mi byed pa ro gcig pa dang / byang chub sems dpa'i sa shin tu sbyang dka' la thabs dang mngon par shes pa tshad med pas 'jig rten gyi bya ba mngon par bsgrub pa'i rin po che mang ba dang byang chub sems dpa'i sa mngon du gyur pa la rten cing 'brel par 'byung ba la rab tu rtogs pas zab pa dang / byang chub sems dpa'i sa ring du song ba la blos rab tu rnam par 'byed pa la mkhas pa yangs shing tshad med pa dang / byang chub sems dpa'i sa mi g.yo ba la bkod pa chen po mngon par bsgrub pa kun tu bstan pas 'byung po chen po'i gnas su gyur pa dang / byang chub sems dpa'i sa legs pa'i blo gros can la rnam par thar pa zab mos 'gro ba'i spyod pa ji lta ba bzhin du khong du chud pas dus chad pa las mi 'da' ba dang / byang chub sems dpa'i sa chos kyi sprin la de bzhin gshegs pa'i chos kyi snang ba'i sprin gyi char thams cad kun tu 'dzin pas mi ngoms pa'o// kye rgyal ba'i sras 'di lta ste dper na/ nor bu rin po che chen po gang gi tshe rin po che'i rigs bcu las shin tu 'das/ mngon par spags par gyur/ mgar ba mkhas pas legs
- 149a
@par bsregs/ legs par bac+doMs/ legs par sbyangs/ legs par byi dor byas te/ legs par phug cing / rin po che'i skud pas legs par btags la/ nor bu rin po chebai DUR+Ya'i rgyal mtshan gyi yu ba mthon po'i rtse mo la btags te/ thams cad 'od rab tu 'byung zhing rgyal pos bsngags par gyur pa de'i tshe sems can thams cad kyis rin po che thams cad bsdu bar bya bar nye bar gnas pa yin no/ / kye rgyal ba'i sras de bzhin du gang gi tshe/ byang chub sems dpa' rnams kyi thams cad mkhyen pa nyid kyi sems rin po che bskyed pa/ 'phags pa'i rigs bcu la sa shin tu 'das pa bskyed par gyur/ sbyangs pa'i yon tan dang / yo byad bsnyungs pa dang / tshul khrims dang / brtul zhugs dang / dka' thub kyis legs par bsregs/ bsam gtan dang / ting nge 'dzin dang / snyoms par 'jug pas legs par bcos lam gyi yan lag gi rnam pas legs par sbyangs/ thabs dang mngon par shes pas legs par byi dor byas te/ rten cing 'brel par 'byung bas legs par thug cing thabs dang shes rab rin po che sna tshogs kyi srad bus legs par btags la/ dbang gi nor bu rin po che chen po bai DUR+Ya'i rgyal mtshan gyi yu ba'i rtse mo la btags te/ sems
- 149b
can gyi spyod pa thams cad rab tu brtags pa dang / thos pa'i shes pa'i 'od rab tu 'byung bar gyur la/ de bzhin gshegs pa chos kyi rgyal pos yang dag par rdzogs pa'i sangs rgyas kyi ye shes dbang bskur bas dbang bskur bar gyur pa de'i tshe/ sems can thams cad kyis sangs rgyas kyi mdzad pa rin po che thams cad bsdu bar bya bar nye bar gnas pa yin te/ de'i tshe thams cad mkhyen pa zhes kyang bya'o// kye rgyal ba'i sras byang chub sems dpa' spyod pa yang dag par bsgrub pa rnam pa thams cad du thams cad mkhyen/ pa'i ye shes kyi yon tan bsogs pa'i chos kyi sgo'i le'u 'di ni sems can dge ba'i rtsa ba ma bskyed pa rnams kyi rna lam du grag par mi 'gyur ro// byang chub sems dpa' rnam par grol ba'i zla bas smras pa/ kye rgyal ba'i sras rnam pa thams cad du thams cad mkhyen pa'i ye shes kyi yon tan bsogs pa'i chos kyi sgo'i le'u 'di gang dag gi rna lam du grag par gyur pa de dag bsod nams kyi tshogs ji tsam zhig dang ldan par 'gyur/ byang chub sems dpa' rdo rje'i snying pos smras pa/ kye rgyal ba'i sras thams cad mkhyen pa'i ye shes kyis bsdus te/ dmigs pa'i bsod nams kyi tshogs ji snyed par rnam pa thams cad du thams cad mkhyen pa'i ye shes kyi yon tan bsogs pa'i chos kyi sgo'i le'u 'di'i bsod nam/
- 150a
kyi cho gas mngon par phyogs pa yang de tsam du shes par bya'o// de ci'i phyir zhe na/ kye rgyal ba'i sras rnam pa thams cad du thams cad mkhyen pa'i ye shes kyi yon tan bsogs pa'i chos kyi sgo'i le'u 'di ni byang chub sems dpa' ma yin pas mnyan pa 'am/ mos par bya ba 'am/ gzung bar yang mi nus na bsgom pa'i rnam pa'i sbyor bas brtson par bya ba lta smos kyang ci dgos/ kye rgyal ba'i sras de bas na gang chos kyi sgo'i le'u 'di thos te/ thos nas kyang mos pa dang / mos nas kyang 'dzin pa dang / bsgom pa'i rnam pas sbyor ba de dag ni thams cad mkhyen pa'i ye shes kyi sgo dang ldan par shes par bya'o// de nas de'i tshe sangs rgyas kyi mthu dang / chos nyid thob pas phyogs bcu'i 'jig rten na sangs rgyas kyi zhing bye ba phrag bcu'i rdul rab kyi rdul snyed kyi 'jig rten gyi khams rnam pa drug dang / ltas chen po bco brgyad du g.yos/ rab tu g.yos/ kun tu rab tu g.yos so// 'gul rab tu 'gul/ kun tu rab tu 'gul to// ldeg rab tu ldeg/ kun tu rab tu ldeg go/ 'khrugs rab tu 'khrugs/ kun tu rab tu 'khrugs so/ / bur 'ur/ rab tu 'ur 'ur/ kun tu rab tu 'ur 'ur ro// chem chem/ rab tu chem chem/ kun tu rab tu chem mo// sangs rgyas kyi mthu dang /
- 150b
chos nyid thob pas lha'i me tog gi 'phreng ba'i sprin gyi char mngon par bab bo// lha'i gos kyi sprin dang / lha'i rin po che'i sprin dang / lha'i rgyan gyi sprin dang / lha'i gdugs kyi sprin dang / lha'i rgyal mtshan gyi sprin dang / lha'i ba dan gyi char mngon par bab bo// lha'i rol mo'i sprin dang / pheg rdob pa dang / glu dbyangs kyi sprin gyi char mngon par bab bo/ / lha'i las shin tu 'das pa thams cad mkhyen pa nyid kyi sa la mngon par stod pa'i glu dbyangs kyi sprin gyi sgra grag go// gling bzhi pa'i 'jig rten gyi khams gzhan 'phrul dbang byed kyi gnas su lha'i dbang po dbang sgyur gyi gzhal med khang gi nor bu rin po che'i snying po'i khang pa na ji lta ba bzhin du/ 'jig rten gyi khams thams cad du yang chos bstan pa 'di phyogs bcu mtha' yas par byung bar gyur to/ / sangs rgyas kyi mthus phyogs bcu nas byang chub sems dpa' sangs rgyas kyi zhing bye ba phrag bcu'i rdul phra rab kyi rdul snyed kyi phyogs bcu rgyas par 'gengs shing lhags te/ lhags nas kyang 'di skad ces kye rgyal ba'i sras de ltar khyod kyis byang chub sems dpa'i chos nyid brjod pa 'di legs so/ legs so// kye rgyal ba'i sras bdag cag kyang rdo rje'i snying po zhes bya bar mtshan mthun pa sha stag ste/ 'jig rten gyi khams rdo rje'i dpal zhes bya ba dag nas/
- 151a
de bzhin gshegs pa'i mtshan rdo rje'i rgyal mtshan zhes bya ba dag gi drung nas 'dir lhags te/ 'jig rten gyi khams de dag thams cad na yang sangs rgyas kyi mthus 'khor rnam pa 'di 'dra bdag la tshig 'di dag nyid dang / yi ge 'di dag nyid dang / khong du chud par byed pa 'di dag nyid dang / don 'di dag brjod pa dag gis chos bstan pa 'di nyid lhag chad med par byung bar gyur to// kye rgyal ba'i sras bdag cag kyang dbang du gyur pa sha stag sangs rgyas kyi mthus 'khor 'dir phyin te/ kye rgyal ba'i sras 'jig rten gyi khams 'dir bdag cag ji ltar phyin pa bzhin du/ phyogs bcu'i ' jig rten gyi khams thams cad kyi gling bzhi pa 'jig rten gyi khams re re'i gzhan 'phrul dbang byed kyi gnas su lha'i rgyal po dbang sgyur gyi gzhal med khang gi nor bu rin po che'i snying po'i khang par yang sangs rgyas kyi zhing bye ba phrag bcu'i rdul phra rab kyi rdul snyed kyi byang chub sems dpa' phyin par gyur to zhes zer ro/ / de bzhin gshegs pas gnang ste/ byang chub sems dpa' sems dpa' chen po/ / rdo rje'i snying pos de skad ces smras nas// thams cad dang ldan pa'i byang chub sems dpa'i 'khor de dang / lha dang klu dang / gnod sbyin dang / lha ma yin dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma pa'i 'khor de dang / bcom ldan 'das mngon par rdzogs par sangs rgyas nas/ ring po
- 151b
ma lon pas zhag bdun pa gnyis pa'i tshe/ gzhan 'phrul dbang byed kyi lha'i nang na/ lha'i rgyal po dbang sgyur gyi gzhal med khang na nor bu rin po che'i snying po'i khang pa na bzhugs pa yang thugs mi rangs te/ byang chub sems dpa' sems dpa' chen po rdo rje'i snying pos bshad pa la mngon par bstod do// 'phags pa sa bcu pa zhes bya ba theg pa chen po'i mdo rdzogs so// rgya gar skad du/ Ar+ya bud d+ha b+hU mi nA ma ma hA yA na sU tra/ bod skad du/ 'phags pa sangs rgyas kyi sa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das gzhal med khang chen po rin po che sna bdun mchog tu 'bar pab bkod pa/ 'jig rten gyi khams dpag tu med pa rgyas par 'gengs pa'i 'od gzer chen po rab tu 'byung ba/ gnas tha dad pa shin tu rnam par phye ba tshad med pa rnam par gnas pa/ rgya yongs su ma chad pa/ khams gsum pa thams cad las yang dag par 'das pa'i spyod yul/ 'jig rten las 'das pa de'i bla ma'i dge ba'i rtsa ba las byung ba/ shin tu rnam par dag cing dbang sgyur ba'i rnam par rig pa'i mtshan nyid/ de bzhin gshegs pa'i gnas// byang chub sems dpa' dpag tu med pa'i dge 'dun rjes su song ba/ lha dang klu dang / gnod sbyin dang / dri za dang /
- 152a
lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang mi ma yin pa mtha' yas pa rnam par rgyu ba/ chos kyi ro'i dga' ba dang bde ba chen pos brtan pa// sems can thams cad kyi don thams cad yang dag par thob par byed pa nye bar gnas pa nyon mongs pa'i dri ma'i gnod pa thams cad dang bral ba/ bdud thams ru da yongs su spangs pa// thams cad kyi bkod pa bas lhag pa// de bzhin gshegs pa'i byin gyi rlabs kyis bkod pa dang / dran pa dang / blo gros dang / rtogs pa chen po nges par 'byung ba/ zhi gnas dang lhag mthong chen po bzhon pa yin pa/ rnam par thar pa'i sgo chen po stong pa nyid dang / mtshan ma med pa dang / smon pa med pa nas 'jug pa/ rin po che'i pad+ma'i rgyal po chen po yon tan gyi tshogs tshad med pas brgyan pa'i bkod pa la rten pa na bzhugs te/ legs par thugs su chud pa'i blo dang ldan pa/ kun tu spyod pa gnyis mi mnga' ba/ mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa sgrib pa mi mnga' ba'i rtogs pa thugs su chud pa/ phyir mi ldog pa'i chos dang ldan pa/ spyod yul gyis mi 'phrogs pa/ bsam gyis mi khyab pa rnam par 'jog pa/ dus gsum
- 152b
mnyam pa nyid tshar phyin pa 'jig rten gyi khams thams cad du zhugs pa'i sku dang ldan pa/ chos thams cad la the tshom med pa'i mkhyen pa mnga' ba/ spyod pa thams cad dang ldan pa'i blo mnga' ba chos mkhyen pa la nem nur mi mnga' ba/ rnam par ma brtags pa'i sku mnga' ba/ byang chub sems dpa' thams cad kyis ye shes yang dag par bslangs pa/ sangs rgyas kyi gnas pa gnyis su med pa/ dam pa'i pha rol tu phyin pa/ de bzhin gshegs pa'i ma 'dres pa'i rnam par thar par mdzad pa'i ye shes kyi mthar phyin pa// mtha' dang dbus med pa'i sangs rgyas kyi sa mnyam pa nyid du thug su chud pa/ chos kyi dbyings dam pa can/ nam mkha'i khams kyis mthas gtugs pa/ phyi ma'i mtha'i mur thug pa de/ nyan thos tshad pa'i dge 'dun thams cad kyang cang shes pa// sangs rgyas kyi sras/ sems shin tu rnam par grol ba/ shes rab shin tu rnam par grol ba/ tshul khrims shin tu rnam par dag pa/ chos 'dod pa rnams bde bar phrad pa/ thos pa mang ba/ thos pa kun tu 'dzin pa/ thos pa bsags pa/ legs par bsam pa sems pa/ legs par smra ba brjod pa/ legs par bya ba'i las byed pa// shes rab myur ba/ shes rab mgyog pa/ shes rab rno ba/ nges par byung ba'i shes rag ngas par rtogs pa'i shes rab can/ shes rab che ba/ shes rab yangs pa/ shes rab zab pa/ shes rab mnyam pa med pa/ shes rab rin po che dang ldan pa/ rig pa gsum dang ldan pa/
- 153a
tshe 'di la bde bar gnas pa'i mchog thob pa/ yon yongs su sbyong ba chen po// spyod lam rab tu zhig/ phun sum tshogs pa/ bzod pa dang nges pa chen po dang ldan pa// bde ba gshegs pa'i bka' la shin tu zhugs pa sha stag dang / byang chub sems dpa' shin tu 'dus pa la sogs pa/ byang chub samA dpa' sems dpa' chen po sangs rgyas kyi zhing tha dad pa nas 'dus pa dpag tu med pa/ thams cad kyang gnas chen po la yang dag par zhugs pa/ theg pa chen po'i chos kyi nges par byung ba/ sems can thams cad la sems mnyam pa/ bskal pa dang bskal pa ma yin par rnam par rtog pa thams cad dang bral ba/ bdud phyir rgol ba thams cad nges par bcom pa// nyan thos dang / rang sangs rgyas thams cad kyi yid la byed pa las ring du gyur pa/ chen po'i chos kyi ro'i dga' ba dang / bde bas nye bar brtan pa/ 'jigs pa lnga las yang dag par 'das pa/ phyir mi ldog pa'i sa bgrod pa gcig tu gyur pa can/ sems can thams cad kyi gnod pa rab tu zhi bar byed pa'i sa mngon du gyur pa sha stag dang thabs gcig go/ / de nas bcom ldan 'das kyis byang chub sems dpa' shin tu 'dus pa la bka' stsal pa/ shin tu 'dus pa chos lngas sangs rgyas kyis bsdus pa yin te/ lnga gang zhe na/ 'di lta ste/ chos kyis dbyings rnam par dag pa dang / me long lta bu'i ye shes dang / mnyam pa nyid kyi ye shes
- 153b
dang / so sor rtog pa'i ye shes dang / bya ba sgrub pa'i ye shes kyis so// shin tu 'dus pa de la chos kyi dbyings rnam par dag pa ni/ 'di lta ste/ dper na nam mkha' ni gzugs su gyur pa sna tshogs kyi rnam pa thams cad la kun na yod kyang des brjod par bya ba ma yin zhing sna tshogs ma yin te ro gcig go/ / de bzhin du de bzhin gshegs pa rnams kyi chos kyi dbyings rnam par dag pa yang / shes bya sna tshogs kyi rnam pa thams cad la kun na yod kyang des brjod par bya ba ma yin zhing sna tshogs ma yin te ro gcig go/ shin tu 'dus pa/ 'di lta ste dper na nam mkha' ni gzugs su gyur pa thams cad la tha mi dad par zhugs kyang gzugs kyi nyes pa rnams kyis kyang ma gos so/ / de bzhin du de bzhin gshegs pa rnams kyi chos kyi dbyings rnam par dag pa yang / sems can thams cad dang sems mnyam pa nyid kyi yongs su grub pas tha mi dad par zhugs kyang sems can gyi nyes pa rnams kyis kyang mi gos so// 'di lta ste/ dper na nam mkha'i ni lus dang / ngag dang / yid kyi las su gyur pa thams cad kyi go 'byed kyang nam mkha' ni rtsol ba yang med/ mngon par 'du byed pa yang med do// de bzhin du de bzhin gshegs pa rnams kyi chos kyi dbyings rnam par dag pa yang ye shes dang sprul pa dang sems can gyi bya ba sgrub pa thams cad kyis go 'byed kyang / chos kyi dbyings rnam par dag pa ni rtsol
- 154a
ba yang med/ mngon par 'du byed pa yang med do// 'di lta ste/ dper na nam mkha' la gzugs kyi skye ba yang snang / 'jig pa yang snang ste/ de la nam mkha' na skye ba yang med/ 'jig pa yang med do// de bzhin du de bzhin gshegs pa rnams kyi chos kyi dbyings rnam par dag pa la yang / ye shes dang sprul pa dang sems can gyi bya ba bsgrub pa thams cad kyi skye ba yang snang / 'jig pa yang snang ste/ de la chos kyi dbyings rnam par dag pa la ni skye ba yang med/ 'jig pa yang med do// 'di lta ste dper na/ nam mkha' la gzugs kyi rnam pa sna tshogs rnams kyi 'phel ba yang snang 'grib pa yang snang ste/ nam mkha' la ni 'phel ba yang med 'grib pa yang med do// de bzhin du de bzhin gshegs pa rnams kyi chos kyi dbyings rnam par dag pa la yang / de bzhin gshegs pa'i bstan pa'i snying ku 'phel ba yang snang / nub pa yang snang ste/ chos kyi dbyings rnam par dag pa la ni 'phel ba yang med/ 'grib pa yang med do/ / 'di lta ste/ dper na nam mkha' mtha' thug pa med pa'i phyir/ nam mkha' la phyogs bcu na gzugs su gyur pa/ g.yo ba rnams mtha' yas mu med kyang / nam mkha' ni 'gro ba 'am/ 'ong ba 'am/ g.yo ba 'am/ 'gul ba med do// de bzhin du chos kyi dbyings rnam par dag pa/ mtha' thug pa med pa'i phyir/ de bzhin gshegs
- 154b
pa rnams kyi chos kyi dbyings rnam par dag pa la/ phyogs bcu na sems can la phan pa nye bar gnas pa phan pa mtha' yas mu med kyis/ chos kyi dbyings rnam par dag pa la ni 'gro ba 'am 'ong ba 'am/ g.yo ba 'am/ 'gul ba med do// 'di lta ste/ dper na nam mkha' la stong gsum gyi stong chen po'i 'jig pa yang snang / chags pa yang snang ste/ nam mkha' ni 'jig pa yang med chags pa yang med do/ / de bzhin du de bzhin gshegs pa rnams kyi chos kyis dbyings rnam par dag pa la/ rnam pa thams cad mngon par rdzogs par byang chub pa dang / yongs su mya ngan las 'da' ba dpag tu med pa dag snang ste/ chos kyi dbyings rnam par dag pa ni/ mngon par rdzogs par 'tshang rgya ba yang med/ yongs su mya ngan las 'da' ba yang med do// 'di lta ste/ dper na gzugs su gyur pa nam mkha' la rten pa dag la/ snang ba dang / 'drul ba dang / 'tshig pa dang / skam par 'gyur ba rnam pa sna tshogs dmigs kyang / nam mkha' ni de dag gis 'gyur ba yang mang la yongs su skyo ba yang med do/ / de bzhin du sems can gyi khams de bzhin gshegs pa rnams kyi chos kyi dbyings rnam par dag pa la rten pa la bslab pa dang / lus dang ngag dang / yid kyi las log par sgrub pa rnam pa sna tshogs dmigs kyang / chos kyi dbyings rnam par dag pa ni/ de dag gis 'gyur ba yang med la yongs su skyo ba med do// 'di lta ste/ dper na nam mkha' la rten
- 155a
pa'i sa chen po yang dmigs/ ri chen po sna tshogs dang / me snang ba dang / bya rgyu ba dag dang / nyi ma dang / zla ba rgyu ba dag kyang dmigs te/ nam mkha' ni de dag gi mtshan nyid ma yin no/ / de bzhin du de bzhin gshegs pa rnams kyi chos kyi dbyings rnam par dag pa la tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dag kyang dmigs te/ chos kyi dbyings rnam par dag pa ni de dag gi mtshan nyid ma yin no// 'di lta ste/ dper na nam mkha' la rgyu dang rkyen gzhan dang gzhan dag las yang dag par byung ba/ stong gsum gyi stong chen po'i 'jig rten gyi khams kyi dkyil 'khor dpag tu med pa dag dmigs te/ nam mkha' ni de la rtsol ba yang meng mngon par 'du byed pa yang med do// de bzhin du de bzhin gshegs pa rnams kyi chos kyi dbyings rnam par dag pa la yang rnam pa thams cad phun sum tshogs pa'i sangs rgyas kyi 'khor gyi dkyil 'khor dpag tu med pa dag ni dmigs te/ chos kyi dbyings rnam par dag pa la ni rtsol ba yang med/ mngon par 'du byed pa yang med do// shin tu 'dus pa me long lta bu'i ye shes ni 'di lta ste dper na/ me long gi dkyil 'khor la brten nas gzugs brnyan dag 'byung ngo // / de bzhin du de bzhin gshegs pa rnams kyi me long lta bu'i ye shes kyi dkyil 'khor la brten nas/ skye mched dang / de'i yul dang / rnam par shes pa'i gzugs brnyan dag snang ngo // de lta
- 155b
bas na me long gi dkyil 'khor dang / de bzhin gshegs pa'i ye shes kyi me long gi dkyil 'khor mnyam pas mnyam ste/ des na me long lta bu'i ye shes zhes bya'o// de bas na me lod kyi dkyil 'khor de ni de'i dper rig par bya'o/ / 'di lta ste/ dper na mi bsod nams 'dod pa la la zhig gis skyon bsal ba dang yon tan bskyed pa'i phyir/ skye bo'i tshogs ji snyed 'ongs shing lhags pa rnams rang gi lus kyi skyon dang yon tan la so sor rtog par bya ba'i ched du me long gi dkyil 'khor chen po gnas bzang por mi 'gul bar bzhag pa ltar/ kun nas nyon mongs pa dang rnam par byang bar bsal zhing bskyed pa'i phyir/ sems can dpag tu med pa grangs med pa ji snyed pa rnams kun nas nyon mongs pa dang / rnam par byang ba la so sor rtog par bya ba'i ched du/ de bzhin gshegs pa rnams kyi me long lta bu'i ye shes chos kyi dbyings rnam par dag pa'i gnas su bzhag pas/ rgyun mi 'chad pa nyid kyi phyir mi g.yo ba yang de dang 'dra'o// 'di lta ste/ dper na me long gi dkyil 'khor legs par phyis pa gsal zhing rnam par dngas la g.ya' med pa ni/ kun tu lam me thal le lhang nge'o// de bzhin du de bzhin gshegs pa rnams kyi me long lta bu'i ye shes nyon mongs pa dang / shes bya'i sgrib pa'i dri ma gsal bde la rten pa'i ting nge 'dzin yongs su bzung bas/ shin tu sbyangs pa gsal zhing rnam par dang la/ rnyog pa med pa yang sems can thams cad kyi bya ba thams cad sgrub pa'i phyir/ kun tu lham mthal
- 156a
le ljang nge'o/ / 'di lta ste/ dper na me long gi dkyil 'khor ni gzugs kyi rkyen la ltos nas gzugs brnyan sna tshogs 'byung ba'i rgyu mtshan du 'gyur ro// de bzhin du de bzhin gshegs pa rnams kyi me long lta bu'i ye shes kyang sems can gyi dus kyi rkyen la ltos na/ shes pa'i gzugs brnyan sna tshogs 'byung ba'i rgyu mtshan du 'gyur ro// 'di lta ste dper na/ me long gi dkyil 'khor gzugs brnyan rnam pa du ma rnam pa sna tshogs mang po dag 'byung yang / de dag me long gi dkyil 'khor de la yod pa yang ma yin la/ de la me long gi dkyil 'khor de rtsol ba yang meng / mngon par 'du byed pa yang med do// de bzhin du de bzhin gshegs pa rnam kyi me long lta bu'i ye shes la shes pa'i gzugs brnyan rnam pa du ma rnam pa sna tshog mang po dag 'byung yang / shes pa'i gzugs brnyan de dag mi long lta bu'i ye shes kyis dkyil 'khor de la yod pa yang ma yin la/ de la me long lta bu'i ye shes de rtsol ba yang med/ mngon par 'du byed pa yang med do// 'di lta ste/ dper na me long gi dkyil 'khor ni gzugs brnyan rnam pa du ma rnam pa sna tshogs mang po de dag dang ldan pa yang ma yin/ mi ldan pa yang ma yin te/ de dag mi mnye ba dang de dag gi rgyu mtshan yin pa'i phyir ro/ / de bzhin du de bzhin gshegs pa rnams kyi me long lta bu'i ye shes kyi dkyil 'khor yang / shes pa'i gzugs brnyan rnam pa du ma rnam pa sna tshogs mang po de dag dang ldan
- 156b
pa yang ma yin/ / mi ldan pa yang ma yin te/ de dag mi nye ba dang bsnyel ba mi mnga' ba'i chos nyid kyi phyir ro// 'di lta ste/ dper na me long gi dkyil 'khor ngos thams cad nas legs par phyis pa'i mdun dang zur dang rgyab kun nas gzugs brnyan 'byung ba'i rgyu mtshan du 'gyur ro/ / de bzhin du de bzhin gshegs pa rnams kyi me long lta bu'i ye shes rnam pa yongs su ma chad cing tshad med pa kun nas shin tu spungs pa yang shes pa'i gzugs brnyan rnams 'byung ba'i rgyu mtshan du 'gyur te/ 'di lta ste/ nyan thos kyi theg pa can rnams nyan thos kyi theg pas nges par 'byung bar bya/ pab dang / rang sangs rgyas kyi theg pa can rnams rang sangs rgyas kyi theg pas nges par 'byung bar bya ba dang / theg pa chen po pa rnams theg pa chen pos nges par 'byung bar bya ba'i phyir/ nyan thos kyi thog/ pa pa'i shes pa'i gzugs brnyan rnams dang / rang sangs rgyas kyi theg pa pa'i shes pa'i gzugs brnyan rnams dang / theg pa chen po pa'i shes pa'i gzugs rnams kyi rgyu mtshan du 'gyur ro// 'di lta ste/ dper na me long gi dkyil 'khor la 'di lta ste/ sa dang ri dang / shing dang khyim dang gzhal med khang chen po dag dmigs te/ me long gi dkyil 'khor ni de'i tshad ma yin no// de bzhin du de bzhin gshegs pa rnams kyi me long lta bu'i ye shes kyi dkyil 'khor la/ byang chub sems dpa'i sa dang po nas bzung ste/ sangs rgyas kyi sa'i bar gyi ye shes kyi gzugs
- 157a
brnyan dag kyang dmigs/ 'jig rten pa dang / 'jig rten las 'das pa'i chos thams cad shes pa'i gzugs brnyan dag kyang dmigs te/ me long lta bu'i ye shes la ni chang yongs su chad pa gang yang med do/ / 'di lta ste dper na/ me long gi dkyil 'khor ni gzugs gzhan gyis bsgribs pa'i gzugs rnams kyi gzugs brnyan 'byung ba'i rgyu mtshan du mi 'gyur ro// de bzhin du de bzhin gshegs pa rnams kyi me long lta bu'i ye shes kyang sems can mi dge ba'i grogs pos zin pa/ dam pa ma yin pa'i chos nyan pas bsgribs pa dag gi shes pa'i gzugs brnyan 'byung ba'i rgyu mtshan du mi 'gyur te/ snod ma yin pa'i phyir ro// 'di lta ste/ dper na me long gi dkyil 'khor ni mun pa'i nang du zhag pa'i gzugs rnams kyi gzugs brnyan 'byung ba'i rgyu mtshan du mi 'gyur ro// de bzhin du de bzhin gshegs pa rnams kyi me long lta bu'i ye shes kyang sems can nyes par spyod pa la dga' ba/ ma rig pa'i mun par zhugs pa rnams kyi shes pa'i gzugs brnyan 'byung ba'i rgyu mtshan du mi 'gyur te/ snod ma yin pa'i phyir ro// 'di lta ste/ dper na me long gi dkyil 'khor ni ha cang bskal pa'i yul na 'dug pa'i gzugs rnams kyi gzugs brnyan 'byung ba'i rgyu mtshan du mi 'gyur ro/ / de bzhin du de bzhin gshegs pa rnams kyi me long lta bu'i ye shes kyang // sems can chos kyis phongs par 'gyur ba'i las rnam par ma dag pa la gnas pa rnams dang / 'dod pa can
- 157b
ma yin padan na shes pa'i gzugs panas 'byung ba'i rdum can dun 'gyu/ da ma yin par gyur/ dus pasanyas pa nyid kyi nas na yongs su gru na / las rig par bya ste/ mtshan ma dang bdag po dang / dga' ba mnyam pa nyid khong du chud pa yongs su grub pa las dang / rten cing 'brel bar 'byung ba nyams su myong ba mnyam pa nyid khong du rdung pa yongs su grub pa las dang / mtshan nyid dben pa can mtshan nyid med pa mnyam pa nyid khong du chud ba yongs su grub pa las dang / yongs su skyob pa'i rnam pa'i byams pa chen po'i mnyam pa nyid yongs su grub pa las dang / yal bar mi 'dor ba'i rnam pa'i snying rje chen po'i mnyam pa nyid yongs su grub pa las dang / sems can thams cad la ji ltar mos pa bzhin du gzugs kyi sku kun tu ston pa mnyam pa nyid yongs su grub pa las dang / sems can thams cad kyis gzung bar 'os pa'i tshig mnyam pa nyid yongs su grub pa las dang / 'jig rten nye bar zhi ba ro gcig pa mnyam pa nyid yongs su grub pa las dang / 'jig rten gyi chos bde ba dang sdug bsngal ro gcig pa mnyam pa nyid yongs su grub pa las dang / yon tan shin tu bskyed pa mnyam pa nyid yongs su grub pa las so// shin tu 'dus pa so sor rtog pa'i ye shes ni 'di lta ste/ dper na 'jig rten gyi khams ni sems can gyi khams kyi gnas yin no// de bzhin du de bzhin gshegs pa rnams kyi
- 158a
so sor rtog pa'i ye shes dang / gzungs dang / ting nge 'dzin dag gi sgo dang / so sor yang dag par rig pa dang / spobs pa bstan pa dang / sangs rgyas kyi chos thams cad kyi gnas yin no/ / 'di lta ste/ dper na 'jig rten gyi khams ni cig car sems can rnams kyi rnam par rig pa rnam pa sna tshogs can gyi rgyu yin no// de bzhin du de bzhin gshegs pa rnams kyi so sor rtog pa'i ye shes kyang / cig car shes bya thams cad la chags pa med pa'i ye shes kyi rnam par rig pa rnam pa sna tshogs can gyi rgyu yin no// 'di lta ste/ dper na 'jig rten gyi khams ni kun dga' ra ba dang / nags tshal dang / rdzing bu nyams dga' ba sna tshogs de dag gis lam me thal le lhang nge'o// de bzhin du de bzhin gshegs pa rnams kyi so sor rtog pa'i ye shes kyang / pha rol tu phyin pa dang / byang chub kyi phyogs dang mthun pa'i chos dang / stobs dang / mi 'jigs pa dang / sangs rgyas kyi chos ma 'dres pa nyams dga' ba rnam pa sna tshogs de dag gis lam me thal le lhang nge'o// 'di lta ste/ dper na 'jig rten gyi khams na 'di lta ste/ gling bzhi pa dang / zla ba dang / nyi ma dang / rgyal chen bzhi'i ris dang / sum cu rtsa gsum pa dang / 'jab bral dang / dga' ldan dang / 'phrul dga' dang / gzhan 'phrul dbang byed dang / tshangs ris la sogs pa shin tu rnam par phye ba'i rnam pa yin no// de bzhin du de bzhin gshegs pa rnams kyi so sor rtog pa'i ye shes kyang 'jig
- 158b
rten pa dang 'jig rten las 'das pa'i phun sum tshogs pa dang / rgud pa dang / rgyu dang 'bras bur bcas pa dang / nyan thos dang / rang sangs rgyas dang / byang chub sems dpa'i yang dag par 'grub pa ma lus pa la so sor rtog pas shin tu rnam par phye ba'i rnam pa yin no/ / 'di lta ste/ dper na 'jig rten gyi khams ni sems can gyi longs spyod chen por 'gyur ba yin no// de bzhin du de bzhin/ gshegs pa rnams kyi so sor rtog pa'i ye shes kyang rnam pa thams cad dang ldan pa'i sangs rgyas kyi 'khor gyi dkyil 'khor kun tu bstan pas/ chos la rdzogs par longs spyod pa chen por 'gyur ro/ / 'di lta ste/ dper na 'jig rten gyi khams na 'gro ba lnga po sems can dmyal ba dang / dud 'gro dang / yi dgas dang / lha dang / mi'i 'gro ba dag dmigs so// de bzhin du de bzhin gshegs pa rnams kyi so sor rtog pa'i ye shes la yang / rgyu dang 'bras bur bcas pa'i 'gro ba lnga po rnam pa rab tu dbye ba mtha' yas pa dag snang ngo // 'di lta ste dper na/ 'jig rten gyi khams na 'dod pa dang gzugs dang gzugs med pa'i khams ngag snang ngo / / de bzhin du de bzhin gshegs pa rnams kyi so sor rtog pa'i ye shes la ying / rgyu dang 'bras bur bcas pa'i khams gsum po rnam pa rab tu dbye ba mtha' yas pa dag snang ngo / / 'di lta ste/ dper na 'jig rten gyi khams na ri rab la sogs pa rin po che'i ri dag dmigs so// de bzhin du de bzhin gshegs pa rnams
- 159a
kyi so sor rtog pa'i ye shes la yang / sangs rgyas dang byang chub sems dpa'i mthu dang ldan pa'i chos rgya chen po ston padag snang ngo // 'di lta ste/ dper na 'jig rten gyi khams na rgya mtsho chen po zab pa mi 'khrug pa dag dmigs so/ / de bzhin du de bzhin gshegs pa rnams kyi so sor rtog pa'i ye shes la yang mu stegs dang pha rol rgol ba thams cad kyis mi 'khrug pa'i chos ston pa dag snang ngo / / 'di lta ste/ dper na 'jig rten gyi khams ni ri khor yug chen po rnams kyis kyang kun nas yongs su bskor ro// de bzhin du de bzhin gshegs pa rnams kyis so sor rtog pa'i ye shes kyang chos thams cad kyi rang gi mtshan nyid dang spyi'i mtshan nyid kyi rnam pa thams cad la kun tu rmongs pa med pa'i ri rnams kyis kun nas yongs su bskor ro/ / shin tu 'dus pa bya ba sgrub pa'i ye shes ni 'di lta ste/ dper na sems can rnams kyi lus kyi las rtsol ba las byung ba des/ sems can rnams zhing las dang / tshong byed pa dang / rgyal po'i zham ring byed pa la sogs pas yongs su tshol bar byed do/ / de bzhin du de bzhin gshegs pa rnams kyi bya ba sgrub pa'i ye shes kyi sku sprul pa'i 'phrin las rtsol ba las byung ba des kyang / de bzhin gshegs pa rnams sems can las dang / bzo'i gnas thams cad kyis rgyags shing dregs pa rnams la/ las dang bzo'i gnas thams cad nye bar bstan nas zil gyis mnan te/ thabs mkhas
- 159b
pa des kyang / sems can rnams bstan pa la dad par mdzad/ yongs su smin par mdzad/ rnam par grol bar mdzad do// 'di lta ste/ dper na sems can rnams kyi lus kyi las yongs su spyod par/ 'gyur ba des sems can rnams gzugs la sogs pa yul rnams la yongs su spyod do// de bzhin du de bzhin gshegs pa rnams kyi bya ba sgrub pa'i ye shes sku sprul pa'i 'phrin las yongs su spyod par 'gyur ba des kyang / de bzhin gshegs pa rnams kyi sems can so so'i skye mched du skyes par gyur pa rnams la/ skye ba mnyam pa nyid nye bar ston par mdzad cing ris mthun pa yongs su spyod pa mnyam pa nyid bstan pas kyang / sems can rnams dbang du mdzad nas thabs mkhas pa des kyang bstan pa la 'dzud par mdzad/ yongs su smin par mdzad/ rnam par grol bar mdzad do// 'di lta ste/ dper na sems can rnams kyi lus kyi las nyams su myong bar 'gyur ba des sems can rnams la legs par byas pa dang / nyes par byas pa'i las rnams kyi 'bras bu so sor nyams su myong ngo / / de bzhin du de bzhin gshegs pa rnams kyi bya ba sgrub pa'i ye shes/ sku sprul pa'i 'phrin las sku nyams su btang bar 'gyur ba des kyang de bzhin gshegs pa rnams de lta bu byung ba'i sde dang skyes pa rabs kyi snga dang / dka' ba spyod pa thams cad sku nyams su btar ba yang dag par bstan pas/ sems can rnams dad par mdzad nas/ thabs mkhas pa des kyang sems can rnam bstan pa la
- 160a
'dzud par mdzad/ yongs su smin par mdzad/ rnam par grol bar mdzad do// 'di lta ste/ dper na sems can gyi ngag gi las yang dag par dga' bar 'gyur ba des sems can rnams phan tshun smra zhing kun tu smra la so so yang dag par dga' bar byed do/ / de bzhin du de bzhin gshegs pa rnams kyi bya ba sgrub pa'i ye shes gsung sprul pa'i 'phrin las yang dag par dga' bar 'gyur ba des kyang de bzhin gshegs pa'i don bzang po tshig 'bru bzang po thos pa tsam gyis kyang / sems can byis pa'i shes rab can dad par byed pa'i chos ston pa la rab tu 'jug cing thabs mkhas pa des kyang sems can rnams bstan pa la 'dzud par mdzad/ yongs su smin par mdzad/ rnam par grol bar mdzad do// 'di lta ste/ dper na sems can rnams kyi ngag gi las sbyor bar 'gyur ba des sems can rnams phan tshun du bya ba dag la rnam par sbyor bar byed do/ / der 'khrul pa la rnam par smod/ ma 'khrul pa la bstod cing 'bod do// de bzhin du de bzhin gshegs pa rnams kyi bya ba sgrub pa'i ye shes gsung sprul pa'i 'phrin las sbyor bar 'gyur des kyang / de bzhin gshegs pa rnams yang dag pa'i bslab pa 'cha' bar mdzad la/ de la bag med pa la ni smod/ bag yod pa la ni bstod cing dad pa'i rjes su 'brang ba dang chos kyi rjes su 'brang ba la sogs pa'i gang zag rnam par 'jog pa dag kyang mdzad la/ thabs mkhas pa
- 160b
des kyang sems can rnams bstan pa la 'dzud par mdzad/ yongs su smin par mdzad/ rnam par grol bar mdzad do// 'di lta ste/ dper na sems can rnams kyi ngag gi las yang dag par go bar 'gyur ba des kyang sems can rnams phan tshun du don bye brag tu mi shes pa bye brag tu shes par byed cing / snyan dngags dang bstan bcos rnams kyang yang dag par rjod par byed do// de bzhin du de bzhin gshegs pa rnams kyi bya ba sgrub pa'i ye shes gsung sprul pa'i 'phrin las yang dag par go bar byed pa des kyang / de bzhin gshegs pa rnams sems can dpag tu med pa dag gi the tsom gyi rnam pa dpag tu med pa dag zlog par mdzad cing thabs mkhas pa des kyang / sems can rnams bstan pa la 'dzud par mdzad/ yongs su smin par mdzad// rnam par grol bar mdzad do/ / 'di lta ste/ dper na sems can rnams kyi yid kyi las rnam par nges par 'gyur ba des/ sems can rnams bya ba dang mi bya ba dag rnam par nges par byed do// de bzhin du de bzhin gshegs pa rnams kyi bya ba sgrub pa'i ye shes thugs kyi sprul pa'i 'phrin las rnam par nges par 'gyur ba des kyang / de bzhin gshegs pa rnams sems can rnams kyi sems kyi spyod pa brgyad khri bzhi stong dag rnam par nges par mdzad cing / thabs mkhas pa des kyang sems can rnams bstan pa la 'dzud par mdzad/ yongs su smin par mdzad/
- 161a
rnam par grol bar mdzad do// 'di lta ste/ dper na sems can rnams kyi yid kyi las mngon par du byed par 'gyur ba des sems can rnams bsams nas las kun nas slong ba mngon par 'du byed do/ / de bzhin du de bzhin gshegs pa rnams kyi bya ba sgrub pa'i ye shes thugs sprul pa'i 'phrin las mngon par 'du mdzad par 'gyur ba des kyang de bzhin gshegs pa rnams sems can gyi spyod pa de dang de dag kun tu spyod pa dang / kun tu spyod pa'i yon tan dang / nyes pa dag yang dag par dpyad nas de dor ba dang bskyed pa'i phyir/ gnyen po rnams mngon par 'du mdzad cing / thabs mkhas pa des kyang / sems can rnams bstan pa la 'dzud par mdzad/ yongs su smin par mdzad/ rnam par grol bar mdzad do// 'di lta ste/ dper na sems can rnams kyi yid kyi las kun nas slong bar 'gyur ba des sems can rnams las kun nas slong bar byed do// de bzhin du de bzhin gshegs pa rnams kyi bya ba sgrub pa'i ye shes thugs sprul pa'i 'phrin las kun nas slong bar 'gyur ba des kyang de bzhin gshegs pa rnams de'i gnyen po'i chos bstan pa'i phyir/ ming gi tshogs dang / tshig gi tshogs dang / yi ge'i tshogs rnams la dga' bar mdzad cing // thabs mkhas pa des kyang sems can rnams bstan pa la 'dzud par mdzad/ yongs su smin par mdzad/ rnam par grol bar mdzad do//
- 161b
'di lta ste/ dper na sems can rnams kyi yid kyi las nyams su myong bar 'gyur ba des sems can rnams bde ba dang sdug bsngal so sor nyams su myong ngo // de bzhin du de bzhin gshegs pa rnams kyi bya/ sgrub pa'i ye shes thugs sprul pa'i 'phrin las nyams su btang bar 'gyur ba des kyang / de bzhin gshegs pa rnams 'dri ba lung bstan pa mgo gcig pa dang / rnam par dbye ba dang / dri ba dang / bzhag pa dag ci rigs par dris pa lung bstan par bya ba'i phyir/ byung ba dang 'byung bar 'gyur ba dang de ltar gyi don rnams nyams su btar bar mdzad do// de skad ces bka' stsal pa dang / bcom ldan 'das la byang chub sems dpa' shin tu 'dus kyis 'di skad ces gsol to/ / bcom ldan 'das ci lags/ chos kyi dbyings rnam par dag na// 'dres pa nye bar 'dres pa 'bras bu ro gcig pa ye shes rdzogs par yong spyad pa de/ de bzhin gshegs pa rnams kho na'i lags sam/ 'on te byang chub sems dpa' rnams kyi yang lags/ bka' stsal pa/ shin tu 'dus pa 'dres pa nye bar 'dres pa 'bras bu ro gcig pa ye shes rdzogs par longs spyad ba ni/ byang chub sems dpa' rnams kyi yang yin par blta'o// gsol pa/ bcom ldan 'das 'dres pa nye bar 'dres pa 'bras bu ro gcig pa ye shes rdzogs par longs spyad pa/ byang chub sems dpa' gang dag gi legs par blta lags/ bka' stsal pa/ byang chub sems dpa' mi skye ba'i chos la bzod pa thob pa rnams kyi yin te/ mi skye
- 162a
ba'i chos la bzod pa thob pa de dag ni gnyis su 'du shes pa'i gnyen po 'di lta ste/ bdag dang gzhan du 'du shes pa'i gnyen pos sems mnyam pa nyid thob ste/ de dag de yan/ chad bdag dang gzhan du 'du shes pa yang mi 'byung la/ 'dres pa nye bar 'dres pa 'bras bu ro gcig pa ye shes rdzogs par longs spyad par yang 'gyur ro// gsol pa/ bcom ldan 'das ci nas kyang byang chub sems dpa' 'di dag gis bcom ldan 'das kyis gsungs pa'i don 'tshal bar 'gyur zhing / byang chub sems dpa' rnams la yang rgya cher yang dag par ston par 'gyur ba'i dpe mdzad du gsol/ bde bar gshegs pa dpe mdzad du gsol/ bcom ldan 'das kyis bka' stsal pa// shin tu 'dus pa 'di lta ste dper na/ sum cu rtsa gsum pa'i lha rnams ji srid du 'dres pa'i tshal du zhugs par ma gyur pa de srid du de dag la/ lha'i longs spyod dngos po dang / nyams su myong ba dang / nga yir 'dzin pa med pa'i sgo nas kyang 'dres pa nye bar 'dres pa rnams kun tu mi gnas kyi// nam 'dres pa'i tshal du zhugs par 'gyur ba de na 'dres pa'i tshal gyi mthu 'di 'dra ste/ gang sum cu rtsa gsum pa'i lha der zhugs pa rnams la lha'i longs spyod dngos po dang / nyams su myong ba dang / nga yir 'dzin pa med pa'i sgo nas kyang / 'dres pa nye bar 'dres pa rnams kun tu gnas so// de bzhin du byang chub sems dpa' rnams ji srid du mi skye ba'i chos la bzod pa thob par ma gyur pa
- 162b
de srid du sems mnyam pa nyid ma thob par de dag la btang snyoms nyan thos dang / rang sangs rgyas thams cad la yang med pa gang dag yin pa yang thob par mi 'gyur la/ gnyis su 'du shes pa de dag la 'dres pa nye bar 'dres pa 'bras bu ro gcig pa ye shes rdzogs par longs spyad pa yang kun tu mi gnas so/ / nam mi skye ba'i chos la bzod pa thob par gyur pa de na gnyis su 'du shes pa'i ga pos sems mnyam pa nyid thob nas nyan thos dang / / rang sangs rgyas thamaso cad dang thun mong ma yin pa'i btang snyoms kyang thob cing de dag la 'dres pa nye bar 'dres pa 'bras bu ro gcig pa ye shes rdzogs par longs spyad pa yang kun tu gnas so/ / shin tu 'dus pa 'di lta ste/ dper na chu bo dang / chu bran rnam pa mang po dag ni/ ji srid du rgya mtsho chen po la zhen par ma gyur pa desrid du gnas tha dad pa dang / tshu ba dad pa dang / chu chung ba dang / chu skye 'grib yod pa dang / so sor rang gi bya ba sgrub pa'i las can gyi chu dang / srog chags chu skyes nyung ngu dag gi 'tshe ba nye bar rten pa'i gnas yin no/ / nam rgya mtsho chen po la zhen par gyur pa de na gnas tha dad pa ma yin pa dang / chu ba dad pa ma yin pa dang / chu tshad med pa dang / chu skye 'grib med pa dang / bya ba gcig sgrub ba'i las can gyi chu dang / srog chags chu skyes phal po che chen po rnams kyi 'tsho ba nye bar ston pa'i gnas yin no// de bzhin du byang chub sems dpa' rnams ji srid du de bzhin gshegs pa'i chos
- 163a
kyi dbyings rnam par dag pa'i rgya mtsho chen por zhugs par ma gyur pa de srid du/ gnas pa dang pa dang / ye shes pa dad pa dang / ye shes chung ba dang / ye shes 'phel 'grib yod pa dang / so so rang gi bya ba sgrub pa'i las can gyi ye shes dang / gdul ba'i sems can nyung ngu dag yongs su smin par byed pa'i gnas ma yin no// nam de bzhin gshegs pa'i chos kyi dbyings rnam par dag pa'i rgya mtsho chen por zhugs par gyur pa de nyid na/ / gnas tha dad pa ma yin pa dang / ye shes tha dad pa ma yin pa dang / ye shes tshad med pa dang / ye shes 'phel 'grib med pa dang / 'dres pa nye bar 'dres pa 'bras bu ro gcig pa'i bya ba sgrub pa'i las can gyi ye shes dang / gdul ba'i sems can phal po che dag yongs su smin par byed pa'i dge ba'i rtsa ba'i gnas yin no// de nas bcom ldan 'das kyis de'i tshe tshigs su bcad pa 'di dag gsungs so/ / chos rnams kun gyi de bzhin nyid// sgrib gnyis ldan dag mtshan nyid can// dngos po shes pa de dmigs pa// dbang zad mi shes mtshan nyid can/ / de bzhin nyid shes thams cad nas// bsgoms las yang dag 'grub pa can// sems can kun gyi gnyis skyed pa/ gtan du mi zad 'bras bu can// sku dang gsung dang thugs sprul pa/ sbyor ba'i thabs kyi 'phrin las can// ting nge 'dzin dang gzungs rnams ni// dpag tu med pa gnyis dang ldan// rang bzhin chos rdzogs longs spyod dang / sprul pas tha dad 'jug
- 163b
pa can/ / sangs rgyas rnams kyi chos kyi dbyings// rnam dag 'di ni yang dag brjod// bcom ldan 'das kyis de skad ces bka' stsal pa dang / byang chub sems dpa' sems dpa' chen po shin tu 'dus pa dang / byang chub sems dpa' de dag dang / nyan thos de dag dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten de dag thams cad bcom ldan 'das kyis gsungs pa la mngon par bstod do/ / 'phags pa sangs rgyas kyi sa zhes bya ba theg pa chen po'i mdo rdzogs so// / sngon rgya las 'gyur ba rnying pa brda ma bcos pa'o// // / rgya gar skad du/ a b+hi ni sla ma na sU tra/ bod skad du/ mngon par byung ba'i mdo// / dkon mchog gsum la phyag 'tshal lo// gang zhig nyid kyi dbu ni rin chen 'od ldan dang / btsun mo pad+ma kha bye ma snyid mdangs ldan mas// slong ba dga' mdzad sangs rgyas go 'phang brnyes gyur cing / / chos rnams ston mdzad zhi ba de la phyag 'tshal lo// gang ji snyed pas ngan 'gro'i 'jigs las 'das gyur cing // srid pa'i 'ching ba thams cad zad byed zhi 'gyur la// sdug bsngal mtha' med 'khor ba'i rgya mtsho las rgal ba'i// zam pa gcig pu bde gshegs chos la phyag 'tshal lo// gang la yon tan phul byung la gnas sbyin pa'i gnas// mchod pa
- 164a
cung zad byas kyang rgya che nyid 'gyur ba/ / bde bar gshegs pas rab bsngags gang zag mchog brgyad kyis// rab brgyan 'phags pa'i dge 'dun de la phyag 'tshal lo// thub/ gsung rnam par brtags na dad pa'i mi skyed pa 'am// phan pa mi 'byung gang de ci yang yod min la// tshig btu ba dang 'dzin pa'i nus dang rnam bral ba// rnam par g.yengs phyir 'bras stsol 'di bdag nyung zad cing / / 'di ltar pad+ma kha bya'i dbus gnas bung ba ni// 'khor zhing pad+ma las ni cung zad pa sogs par byed// de bzhin thub pa'i zhal gyi pad+ma'i tshal nang nas// rang yid rab tu dga' byed cung zad bsdu bar bya/ / thub pa'i gsung ni ma lus shin tu rtogs dka' ba// dang ldan mi la nyin par rgyas par nye 'gro ste// rnam par dpyang na tshigs bcad phyed mtha' mi dpogs na/ / rin chen mdo rgyas bsdu ba 'di ni smos ci dgos// phyogs sgo rnams su snyan dang grags pa'i snang bas khyab// rab gsal zhes bya sa yi bdag por gyur pa na// bsod nams stobs kyis dgra las rgyal bas rgyal phran gyis/ / btud pas nor bu'i cod pan 'od kyis zhabs gtsang byas// glang po'i dbang po rgyags 'khrig 'dod chags kyis chags pa// 'phral du bcos pa'i thabs med nyon mongs skyab/ gyur la// gzigs nas 'gro ba'i chags sogs nye bar zhi bzhed pas// thugs brtan thub dbang gyur par des ni smon lam btab// de nas brtsams te sbyin dang tshul khrims bzod pa dang
- 164b
brtson 'grus bsam gtan mi g.yo blo gros rnon po rnams/ / nyid bde'i ltos med shin tu yun ring yang dag spel// 'gro la phan phyir shin tu dka' ba brgya phrag mdzad// thugs rje cher ldan drang srong mchog 'di tshe gzhan du/ / nyid kyis 'gro phan don mdzad mi skyo ji snyed te// brjod par 'di ni shA ri'i bus kyang mi nus na'ang // ngag dag phyir ni cung zad yongs su brjod par bya// stag mo shi ba glang po spre'u dka' thub dbang / / tshangs sogs sku tshe brgya phrag du mar dge mdzad nas// don kun bsgrub brtson bdag nyid chen po che gcig thogs// byang chub sems dpa' dga' ldan gnas su skye ba bzhes/ / der bzhugs nas ni 'gro ba kun la legs gzigs nas// skyabs med g.yo zhing phongs pa du mas yongs khyab la// thugs rje chen pos thugs ni spro ba bskyed gyur te/ / gzhan gyi don mdzad thugs dam nyid kyi rgyud dgongs rgyur// de bas 'di ni mi yul nye bar rab gshegs te// skye dang rga shin pa'i 'jigs pa gzigs nas ni// rang byung blo gros des mdzad byang rmub yang dag brnyes/ / de bzhin chos ston mdzad pa bshad kyis mnyan par gyis/ de nas dga' ldan gyi gnas na bzhugs pa'i byang chub sems dpa' bskal pa mang por bsod nams dang ye shes kyi tshogs dpag tu med pa rnam pa du mar nye bar bsags pas/ / byang chub kyi tshogs yongs su rdzogs par mdzad pa/ nyon mongs pa'i chu bo stobs dang ldan pa shin tu chod pa rnams la bugs rjes
- 165a
yongs su bskul ba/ gzhan gyi don mdzad pa'i phyir rtag tu brtson par mdzad pa/ de bugs la dgongs pa 'di lta bu mngon sum du mdzad de/ gang ngas skye ba mang por yongs su 'khor ba na/ rang gi sha dang / khrag dang / mgo dang / mig dang / bu dang / chung ma rnams gtong ba dang / shin tu gtong bas yongs su btang ba dang / dka' ba'i tshul khrims la gnas pa dang / gzhan gyis sbyar ba'i bsnyen bkur ma yin pa sna tshogs pa bzod par byas pa dang / rtag tu lhod pa med pa'i spro ba dang / 'bras bu dang bcas pa'i ting nge 'dzin gyi bde ba la ma chags pa dang / yod pa dang med pa'i don la rnam par dpyod pa dang ldan pas/ / gzhan gyi don la brtson pa'i blo gros kyis/ shin tu mi bzad pa'i sdug bsngal gyi tshor ba rnam pa mang pos sems la gdungs pa'i sdug phongs pa'i srog chags rnams la mchog tu snying rje bskyed nas/ byams pa'i stobs dang / zla 'od dang / shi bi dang / glang po dang / thams cad sgrol dang / bzod par smra ba dang / spre'u'i bdag po dang / mi bzangs dang / sman chen po la sogs pa skyes pa'i rabs stong phrag snyed du smon lam byas shing bsags pa/ / e ma'o kye ma bdag gis 'jig rten long ba/ 'dren pa med pa/ yongs su 'dren pa med pa/ chos ma yin pa/ 'dod chags kyi dbang du 'gro ba/ log pa'i chos kyis yongs su khyab pa/ sems la mi bzad ba'i chags pas zil gyis non pa/ khro ba mang ba/ lta ba ngan pa'i tshang tshing rnam par brlag pa/ phrag dog dang / ser snas kun tu bcings
- 165b
pa/ legs par spyod pa la 'jug pa rgyab kyis phyogs shing nyes par spyod pa la kun tu gzhol bar gyur pa rnams la/ bdag sangs rgyas su gyur nas/ sems can ma rgal ba rnams ni bsgral bar bya'o/ / ma grol ba rnams ni bgrol bar bya'o// dbugs ma phyin pa rnams ni dbugs dbyung bar bya'o// yongs su mya ngan las ma 'das pa rnams ni// yongs su mya ngan las bzla bar bya'o zhes ngas yun ring du mngon par 'dod pa yin na/ da ni don dbya ba'i dus la bab pa yin gyis/ ma la bdag gis 'jig rten gyi gnas skabs ci zhig yin pa bltas na/ gdul bar nus so gdul bar nus so zhes de ltar rnam par dgongs nas/ 'jig rten 'di dag thams cad la gzigs pa 'jug ste/ su ni 'grib/ su ni dge ba'i chos rnams kyis 'phel/ su ni gnod par gyur// su ni nyam thag par gyur/ su ni sdug bsngal bar gyur/ gang la ni ngas ma 'jigs shig ma 'jigs shig ces mi 'jigs pa sbyin pas dbyugs dbyung bar bya// su ni ngan song la gzhol/ su ni ngan song la 'bab/ / su ni ngan song la bab/ su ni ngas ngan song las bton te/ mtho ris dang thar pa'i 'bras bu la bzhag par bya/ su ni 'dod pa'i 'dam na bying ba la lag nas drang bar bya/ su ni 'phags pa'i nor dang bral ba rnams la 'phags pa'i nor gyi dbang phyug gi bdag po la gzhag par bya/ gang gi dge ba'i rtsa ba ma bskyed pa dag ni bskyed par bya/ gang gi dge ba'i rtsa ba bskyed pa dag ni yongs
- 166a
su smin par bya/ gang gi yongs su smin pa rnams ni rnam par grol bar bya zhes ye shes kyi gzigs pa 'jug par mdzad pa na/ srog chags brgya stong dpag tu med pa la la ni dge ba'i rtsa ba ma bskyed pa bskyed par 'os pa dang / la la dge ba'i rtsa ba ma smin pa yongs su smin par nus pa dang / la la dge ba'i rtsa ba yongs su smin pa bde 'gror 'gro bar gzhol ba dang la la 'bras bu dang po thob par gzhol ba dang / la la lan cig phyir 'ong ba'i 'bras bu dang / phyir mi 'ong ba dang / dgra bcom pa nyid dang / rang byang chub thob par gzhol ba dang / la la bla na med pa yang dag par rdzogs pa'i byang chub pa'i skal ba dang ldan pa dang / la la ni sngon gyi smon lam rnams nye bar bsngags pas rkyen la rag las pa gang zhig ma thos pas/ dam pa'i chos las yongs su nyam/ par gyur pa gzigs so// gzigs nas kyang 'di snyam du dgongs te/ kye ma'o bdag gi yun ring po nas yang dag par rtog pa rdzogs par gyur cing / nga'i ngal ba 'bras bu dang bcas par gyur to// zhes dgyes shing ngas bya ba ni byas so// ngas khur bkur ba dka' ba ni mthar phyin te/ gang nga'i yongs su dag pa'i rgyud dang ldan pa'i zhing du gyur cing gdul bya'i skye bo rnams yun ring por mi thogs par pad+ma'i chal yongs su smin cing kha bye lam rig pa'i nyi ma shar bas rgyas par 'gyur ba lta bur gyur gyis/ phyi ba shol mi bya'o// 'dir gnas bzhin du yang dngos po thams cad rdzogs par bya bar nus pa ma yin pas
- 166b
na/ gzhes pa'i dus ni ma yin gyis/ ma la bdag mi'i 'jig rten du song la/ der phyin nas brtson 'grus kyi grogs dang / de bzhin gshegs pa'i bla na med pa'i ye shes rtogs par byas te/ 'di rnams skal/ ba ji lta ba bzhin du 'di rnams ni dge ba'i rtsa ba bskyed cing yongs su smin la rnam par grol bar bya zhing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang yid mi bde ba'i sdug bsngal gyi rgya mtshor ltung ba/ skyabs med pa yongs su skyob pa med pa'i srog chags rnams/ dam pa'i chos bstan pa'i lag pa brkyang bas gdon par bya'o// thog ma med pa'i dus nas rjes su 'brel ba'i 'dod chags dang / zhe sdang dang / gti mug gi mes kun tu gdungs pa rnams la/ 'phags pa'i lam yan lag brgyad pa'i chu'i rgyun blugs pas sdug bsngal ma lus pa bsal bar bya'o zhes de lta bu'i thugs la dgongs pa brtse ba bskyed nas/ 'dzam bu'i gling du 'jug par mdzad pa na/ rigs dang / yul dang / dus dang / rgyud dang / bud med de/ gzigs pa rnam lngas gzigs par mdzad byang chub sems dpa' rnams rgyu gang gis rigs la gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams rigs ji lta ba zhig tu nying mtshams sbyor ba len snyam na/ bram ze'i rigs sam/ rgyal rigs su yin la/ de la res 'ga' ni bram ze'i tshigs btsun par bkur/ res 'ga' ni rgyal rigs te/ da ltar
- 167a
ni rgyal rigs btsun par bkur bar gzigs nas/ ma la bdag la gzhan dag byang chub sems dpas rigs ngan par nying mtshams sbyor ba blangs so zhes gzhi 'dis kha zer bar mi 'gyur bas/ bdag gis rgyal rigs su nying mtshams sbyor ba blang bar bya'o snyam mo// 'di ltar byang chub sems dpas thog ma med pa'i dus nas smad par mi 'gyur ba'i las byas shing bsags pa dang sangs rgyas bcom ldan 'das rnams ni chos bshad pa 'bras bu med pa ma yin pas/ rgyu 'dis na/ byang chub sems dpa' rnams rigs la gzigs par mdzad do// byang chub sems dpa' rnams rgyu gang gis yul la gzigs pa mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams yul ji lta bu zhig tu nying mtshams sbyor bi len snyam na/ 'bras dang / bu ram shing dang / ba glang dang / ma he phun sum tshogs pa/ slong mo ba brgya 'du ba/ mtha' 'khob kyi skye bo med pa/ dbus pa'i skye bo gnas pa/ gang du skye bo gcig/ btul bas skye bo'i tshogs chen po 'dul bar yin par gzigs so// de nas byang chub sems dpa' 'di snyam du dgongs te/ dbus kyi yul 'di ni bu ram shing gi 'phreng ba dang / 'bras dang / baglang dang / ma he phun sum tshogs pa dang / spong mo ba brgya 'dub/ mtha' 'khob kyi skye bo med pa/ dbus pa'i skye bo gnas pa/ gang du skye bo gcig btul bas skye bo'i tshogs chen po
- 167b
btul bar 'gyur ba yin gyis/ ma la bdag la gzhan dag byang chub sems dpa' yul mtha' 'khob rnams su nying mtshams sbyor ba blangs so zhes gzhi 'dis kha zer bar mi 'gyur bar bdag gis yul dbus su nyeng mtshams sbyor ba blang bar bya'o snyam mo/ / 'di ltar byang chub sems dpa' thog ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas/ / rgyu 'dis na/ byang chub sems dpa' yul la gzigs par mdzad do// byang chub sems dpa' rnams rgyu gang gis na dus la gzigs par mdzad ce na/ byang chub sems dpa' dga' ldan gyi gnas na bzhugs pa na 'di snyam du dgongs te/ byang chub sems dpa' rnams dus ji lta ba zhig tu 'dzam bu'i gling du nying mtshams sbyor ba len snyam na/ skye dgu'i tshe lo yar skye ba na/ brgyad khri thub pa yan chad/ nying mtshams sbyor mi len la/ mi rnams kyi tshe lo mar 'grib pa brgya phub pa man chad nying mtshams sbyor ba mi lan no// byang chub sems dpa' rgyu gang gis mi rnams kyi tshe lo brgyad khri thub pa yan tshad nying mtshams sbyor ba len par mi mdzad ce na/ mi rnams kyi tshe lo brgyad khri thub pa na/ yid 'byung bar dka' zhing skyo bar bya/ bar dka' la/ blun zhing dbang po rtul ba dang / bag med cing bde ba mang bas/ bden pa rnams kyi snod du mi 'gyur ba'i phyir ro// mar 'grib pa lo brgya man chad du yang snyigs me lnga po 'di lta ste/ tshe'i
- 168a
bya/ sdig la ma dang / nyon mongs pa'i snyigs ma dang / sems can gyi snyigs ma dang / lba ba'i sdigs ma dang / dus kyi smrigs ma shas rnam yin pas/ bangag la gzhan dag byang chu sems dpas snyigs ma lA shas che ba'i dus su nying mtshams sbyor ba blangs so zhes gzhi 'dis kha zer bar mi 'gyur ro snyam mo/ / 'di ltar byang chub sems dpas thog ma med pa'i dus na smad bar mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas// rgyu 'dis na byang chub sems dpa' rnams dus la gzigs ba yin no/ / byang chub sems dpa' rnams rgyu gang gis rgyud la gzigs par mdzad ce na/ byang chub sems dpa' dga' ldan gyi gnas na bzhugs pa na 'di snyam du dgongs te/ byang chub sems/ dpa' rnams rgyud ci 'dra ba zhig tu nying mtshams sbyor ba len snyam na/ rigs gang zhig btsun par bkur zhing ma mes dang / pha mes zung bdun gyi bar spyod pa la skyon med par gzigs nas/ de 'di snyam du dgongs te/ shAkya'i rigs rgyud 'di ni btsun par bkur ba yin zhing / mang pos bkur ba nas bzung ste/ spyod pa skyon med pa yin gyis/ ma la bdag lo gzhan dag byang chub sems dpa' rgyud ngan pa las nying mtshams sbyor ba blangs so zhes gzhi 'dis kha zer bar mi 'gyur bar/ bdag gis rgyal po zas ga tsang ma'i rgyud du nying mtshams sbyor ba blang ngo snyam mo// 'di ltar byang chub sems dpas
- 168b
thog ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas/ rgyu 'dis na byang chub sems dpa' rgyud la gzigs pa mdzad do/ / byang chub sems dpa' rnams rgyu gang gis bud med la gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgod te/ byang chub sems dpa' rnams bud med ci 'dra ba zhig gi rum du nying mtshams sbyor ba len snyam na/ de 'di snyam du dgongs te/ bud med gang zhig gzugs bzang mo dang ldan pa/ rigs dang ldan pa// rigs 'phel bar 'gyur ba/ khro bag can ma yin pa/ phra ma can ma yin pa/ ngag rtsub pa ma yin pa/ dad pa dang ldan pa/ rang bzhin bzang ba/ bsam pa dge ba/ rgyud phun sum tshetshogs pa/ rigs mtho ba/ nye du'i rigs dang ldan pa/ shes rab phun sum tshogs pa/ gtong ba phun sum tshogs pa/ mtshan nyid mi g.yo ba/ rang bzhin brtan la rgod bag can ma yin pa/ khengs pa med pa/ byams pa'i sems dang ldan pa/ sdug cing yid du 'ong ba/ 'jig rten thams cad la chos dang ldan pa/ bud med thams cad kyi mchog tu gyur pa/ sngon gyi sangs rgyas rnams la/ e ma'o bdag sangs rgyas kyi yum du gyur cig ces smon lam btab pa dang / byang chub sems dpa' zla ba bcu rum du 'dzin nus pa dang / rang gi don yang nyams par mi byed pa yin pa
- 169a
la gzigs so/ / de nas byang chub sems dpa' 'di snyam du dgongs te/ sgyu 'phrul chen mo 'di ni ma mes dang pha mes zung bdun gyi bar du spyod pa la skyon med cing gzugs dang / ldan pa dang / rigs dang ldan pa dang / tshul dang ldan pa zhes bya ba nas/ bud med thams cad kyi mchog tu gyur ces bya ba'i bar gong ma bzhin te/ khro bag can ma yin pa dang / rigs 'phel babar 'gyur ba dang / byang chub sems dpa' rum du zla ba bcur 'dzin nus pa dang / rang gi don yang mi nyams pa yin la 'di ltar sgyu 'phrul chen mos sngon sangs rgyas rnams la kye ma bdag sangs rgyas kyi sum du gyur cig ces smon lam btab pa yang yin pas/ bdag la gzhan dag byang chub sems dpa' mtshan ngan pa dang ldan pa'i bud med kyi rum du nying mtshams sbyor ba blangs so zhes kha zer bar mi 'gyur ro snyam mo/ / 'di ltar byang chub sems dpas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin bas rgyu 'dis na/ byang chub sems dpas bud med rnams la gzigs par mdzad do// de nas byang chub sems dpa' gzigs pa lngas gzigs nas/ dga' ldan na spyod pa'i lha'i ris rnams la gsungs pa/ grogs po dag shes par gyis shig nga 'dzam bu'i gling du babs nas yul dbus su nying mtshams sbyor ba len gyis/ khyed cag las gang dag bdud rtsi don du gnyer ba de
- 169b
bal cher yul dbus kyi grong khyer chen po drug po 'di lta ste/ mnyan yod dang / sA ke ta dang / yangs pa can dang / tsam pa dang / rgyal po'i khab pa dang / wA ra NA sir nying mtshams sbyor ba/ long shig/ de skad ces bka' stsal pa dang / dga' ldan gyi ris kyi lha rnams kyis/ byang chub sems dpa' la 'di skad ces gsol to// byang chub sems dpa' mkhyen par mdzod cig da ltar 'jig rten ni sdig pas gos pa/ skye dgu'i ma rungs pa'i bsam pa can/ 'dzam bu'i gling ni rtog ge ba drug dang / rjes su sgrogs pa drug dang / snyoms par 'jug pa drug gis dkrug pa lags so/ / de la rtog ge ba drug gang zhe na/ 'di lta ste/ 'od srungs rdzogs byed dang / kun tu rgyu gnag lhas kyi bu dang / smra 'dod kyi bu mo'i bu yang dag rgyal ba can dang // mi pham skra'i la ba can dang / ka t+ya'i bu nog can dang / gcer bu pa gnyen gyi bu'o// rjes su sgrogs pa drug gang zhe na/ 'di lta ste/ bram ze sgyus rgal dang / bram ze rnam rdeg dang / bram ze bzeng ldan dang / bram ze tshangs pa'i tshe dang / bram ze pad+ma'i snying po dang / bram ze dmar po'o// snyoms par 'jug pa drug gang zhe na/ 'di lta ste/ rangs byed kyi bu lhag spyod dang / sgyu rtsal shes kyi bu ring 'phur dang / kun tu rgyu rab bzang dang / bram ze'i khye'u kun rgyal dang / drang srong nyon mongs med dang / lteng rgyas 'od srungs ral pa can no// 'dir ni chos mnyan pa'i slad du/ byang chub
- 170a
sems dpa' khyed kyi gdan dpag tshad badru gnyis pa bsham par bgyi zhing / bdag cag 'di snyam du bdag cag la dga' ldan gyi gnas na/ byang chub sems dpa' bzhun/ pas chos bshad do// chos de bdag cag gis thos nas/ ci nas kyang bdag cag gi yun ring po'i don dang / sman pa dang / bde bar 'gyur ba de lta de ltar bsgrub par bgyid par sems lags so/ / de skad ces gsol pa dang / byang chub sems dpas dga' ldan gyi lha rnams la 'di skad ces gsungs so// grogs po dag/ de'i phyir rol mo'i cha spyad thams cad brdungs shig dga' ldan gyi ris kyi lha rnams kyis rol mo'i cha spyang thams cad brdungs pa dang / byang chub sems dpas kyang dung bus te gsungs pa/ grogs po dag 'di la lhag par sgra gang re/ bcom ldan 'das dung gi sgra lags so/ / grogs po dag ji ltar dung gi sgras rol mo'i cha byad thams cad zil gyis mnan te gnas pa de bzhin du/ ngas kyang 'dzam bu'i gling du song la/ rtog ge ba drug dang / rjes su sgrogs pa drug dang // snyoms par 'jug pa drug zil gyis mnan nas bdud rtsi rtogs par byas te/ bdud rtsis 'gro ba tshim par bya'o// mi rtag pa'i dung bud par bya'o// stong pa nyid kyi rnga brdung bar bya'o// bdag med pa'i seng ge'i sgra bsgrag par bya'o zhes gsungs nas/ tshigs su bcad de yang gsungs pa/ seng gi gcig gis gcan gzan tshogs ni du ma
- 170b
'joms/ / rdo rje gcig gis brag gi rtse mo du ma 'jig/ brgya byin gcig gis lha ma yin dbang du ma 'joms// nyi ma gcig gis mun pa du ma rnam par sel// grogs po dag khyed cag las gang bdud rtsi don du gnyer ba de/ yul dbus kyi grong khyer chen po drug tu nying mtshams sbyor ba long shig/ de nas lha rnams kyi dbang po brgya byin 'di snyam du sems byang chub sems dpa' 'di ni btsun mo sgyu 'phrul chen mo'i lhums su nying mtshams sbyor ba len pa bzhed kyis/ ma la de la bdag gis gzi brjid bsgrub par bya/ lhums kyang srung bar bya'o snyam nas/ lha rnams kyi dbang po brgya byin gyis/ btsun mo sgyu 'phrul chen mo la gzi brjid bsgrubs shing lhums kyang gtsang mar byas so// de nas byang chub sems dpa' dga' ldan gyi gnas na bzhugs pa/ rigs dang / yul dang / dus dang / rgyud dang / bud med la gzigs pa ste/ gzigs pa lngas gzigs nas/ nam gyi gung la glang po cher bstan te dga' ldan gyi lha'i ris nas 'phos nas yum gyi lhums su zhugs so/ / gang gi tshe byang chub sems dpa' dga' ldan gyi lha'i ris nas shi 'phos te// yum gyi lhums su zhugs pa de'i tshe/ sa chen po 'di shin tu g.yos par gyur/ 'jig rten 'di thams cad snang ba rgya chen pos gsal bar gyur cing / 'jig rten na 'jig rten gyi bar gyi mun pa mun gnag smag tu gyur pa/ gang du nyi ma dang
- 171a
zla ba 'di ltar rdzu 'phrul che ba/ 'di ltar mthu che ba dag gis kyang 'od kyis snang bar mi nus pa de dag kyang / de'i tshe snang ba chen pos gsal bar gyur to// der sems can gang / ngag rang gi lag pa brkyang ba yang mi mthong ba las// de rnams snang ba des gcig gis gcig mthong nas shes ldan dag sems can gzhan yang 'dir skyes so// shes ldan dag sems can gzhan yang 'dir skyes so zhes bya bar shes so/ / ji ltar sprin ni rgya chen legs 'dus pa// chu mang bsags pa rlung gis bskyod pa ltar// de bzhin blo ldan de ni lhums 'jug pa// ston ka'i sprin rum zla rgyas ji bzhin no/ / gang tshe rtsal ldan mnyam med nyer gshegs la// de tshe 'jig rten so so'i gling bar na// mun gyis khebs bsal phyogs kun shin tu ni// gsal snang byung gyur 'di 'dir chos nyid gang gi tshe byang chub sems dpa' dga' ldan gyi lnga'i ris nas 'phos te/ yum gyi lhums su zhugs par mdzad pa de nyid kyi mtshan mo btsun mo sgyu 'phrul chen mos rmi lam bzhi mthong ste/ glang po che'i phrug gu dkar po zhig bdag gi rum g.yas pa dral nas zhugs pa dang / steng gi nam mkha' la skyil mo krung gis 'chag pa dang / seng ge'i gdan la 'dug nas skye bo'i tshogs chen po la chos ston pa dang / lha dang lha ma yin du bcas pa'i 'jig rten bdag la phyag byed pa'o// rgyal po zas gtsang mas btsun mo las de thos pa dang / mtshan mkhan rnams la rmi lam 'di ji ltar
- 171b
ston pa yin zhes dris pa dang / de rnams kyis smras pa/ lha mkhyen par mdzod cig/ gang btsun mos rmi lam du mthong ba'i glang po che'i phrug gu dkar po zhig bdag gi rum g.yas pa dral nas zhugs pa zhi ba bya ni/ 'khor los sgyur ba'i sras bltam par 'gyur ro// steng gi nam mkha' la 'chag go zhes bya ba ni/ rdzu 'phrul che ba dang / mthu che bar 'gyur ro// seng ge'i gdan la 'dug ste/ chos ston to zhes bya ba ni/ de yang seng ge'i gdan la bzhugs te/ 'khor bzhi la chos ston par 'gyur ro// lha dang lha ma yin du bcas pa'i 'jig rten bdag la phyag byed do zhes bya ba ni/ gal te rab tu byung bar gyur na/ lha dang lha ma yin du bcas pa'i 'jig rten gyis mchod cing rjed la mngon par bstod par 'gyur ro// chos nyid kyis gang gi tshe byang chub sems dpa' dga' ldan gyi lha'i ris nas 'phos te yum gyi lhums na/ bzhugs pa de'i tshe/ lha rnams kyi dbang po brgya byin gyis de la mi 'am mi ma yin pa sus kyang 'tshe bar mi 'gyur bar lha'i bu bzhi yum gyi srungs mar 'jog pa ni lag na ral gri dang // lag na mdung dang / lag na mdung thung dang / lag na mnga' bo che'o// de la 'di skad ces bya ste/ lha mchog gzhi la brgya byin gyis smras pa// khyed rnams song la lha mi rnams kyi ni// shin tu mchog gyur yum de ji ltar su la'ang / / gnod mi byed par gus pas yongs su srungs// de rnams shin tu 'bad byas dga' ba dang / brgya byin lung ni spyi bos mnos nas su// rnam kun mda' mdung ral gri lag
- 172a
na thogs/ / byang chub sems dpa'i yum ni srung bar byed// g.yul du rgyal gyur lha bzhis sbas pa dang // de ni nyin mtshan sna tshogs rgyun 'chang zhing // lha mo rang khyim nang gnas rnam rol pa/ / dga' ba'i tshal na spyod pa lta bur spyod// de nas dus gzhan zhig na/ btsun mo sgyu 'phrul chen mo 'di lta bu'i 'dod pa skyes te/ kye ma'o lha btson thams cad phar par bgyi'o/ / rgyal po zas gtsang mas kyang btsun mo'i tshig mnyan nas/ btson thams cad thar par byas so// de nas dus gzhan zhig na btsun mo 'dod pa skyes pa/ kye ma'o lhas grong khyer gyi shar phyogs kyi dbus su dman pa dang / long ba dang / bkren pa dang / sdug phongs pa dang / slong mo ba rnams la sbyin pa byin/ bsod nams dag byas pa dang / lho dang / nub dang / byang dang / sum mdo'i dbus su dman pa dang / long ba dang / bkren pa dang / sdug phongs pa dang / slong mo pa rnams la sbyin pa byin/ bsod nams ni bgyi'o// de nas rgyal po zas gtsang gis btsun mo'i tshogs mnyan nas grong khyer gyi shar phyogs su dman pa dang / long ba dang / bkren pa dang / sdug phongs pa dang / slong mo pa rnams la ji ltar mngon par 'dod pa dang / ji ltar bslangs pa bzhin du sbyin pa ni byin/ / bsod nams ni byas pa dang / de bzhin du lho dang / nub dang / byang dang / sum mdo'i dbus su dman pa dang / long ba dang / bkren pa dang / sdug phongs pa dang / slong mo
- 172b
ba rnams gang mngon par 'dod pa dang / ji ltar bslangs pa bzhin du sbyin pa ni byin/ bsod nams ni byas so// gang gi tshe byang chub sems dpa' shAkya thub pa dga' ldan gyi lha'i ris nas 'phos te/ yum gyi lhums na bzhugs pa na/ mdzod kyi nang du rdzas bzhag pa bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gang yang rung ba sna tshogs kyis ma sngags so/ / dper na nor bu rin po che ka shi'i ras kyis mi gos pa dang / ka shi'i ras kyang nor bu rin po ches mi gos pa de bzhin du/ gang gi tshe byang chub sems dpa' yum gyi lhums na bzhugs pa na/ mdzod kyi nang du rdzas bzhag pa bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gang yang rung ba sna tshogs kyis ma sbags so// ji ltar nor bu tshol zhes 'od gsal dang / rab gtsang ka shi'i ras kyang gos pa med// de bzhin thub chen lhums na bzhugs pa na// mngal gyi dri ma cis kyang gos pa med// gang gi tshe byang chub sems dpa' dga' ldan gyi lha'i ris nas 'phos nas/ yum gyi lhums na bzhugs pa de'i tshe// yum gyi lhums na de thams cad yongs su rdzogs pas bzhugs pa mthong ngo // dper na nor bu bai DUR+Ya zur brgyad pa bzang po// rigs dang ldan pa/ dang ba/ gsal ba/ dri ma med pa/ tshon skud sna lnga/ sngon po dang / ser po dang / dmar po dang / dkar po dang / le brgan la brgyus la/ de skyes bu mig dang ldan pas mthong na 'di ni skud pa'o// 'di ni
- 173a
nor bu'o/ / skud pa 'di la nor bu brgyus pa yin no zhes shes pa de bzhin du/ gang gi tshe byang chub sems dpa' shAkya thub pa dga' ldan gyi gnas nas 'phos te/ yum gyi lhums na bzhugs pa de'i tshe/ de'i yum gyi lhums na rnam pa thams cad yongs su rdzogs pa lhums kyi nang na bzhugs pa mthong ngo // ji ltar dri mang nor bu bai DUR+Ya// 'od gsal lag par gzhag pa snang ba ltar/ / de bzhin thub chen yum gyi lhums bzhugs pa// shes shing sems pas yum ni yang dag lta// chos nyid kyis gang gi tshe byang chub sems dpa' shAkya thub pa dga' ldan nas 'phos nas yum gyi lhums na bzhugs pa de'i tshe/ de'i yum 'di lta ste/ byang chub sems dpa' 'dzin pas lus ngal ba 'am/ lus dub par 'gyur ba med do// las kyi rnam smin zad pas mtho ris 'phos gang tshe 'di ni lhums zhugs bzhugs pa na/ / de'i yum ngal bas 'dzin par mi byed par// de tshe gyur pa 'dir de chos nyid do// chos nyid kyis gang gi tshe byang chub sems dpa' shAkya thub pa dga' ldan gyi gnas nas 'phos nas/ yum gyi lhums na bzhugs pa de'i tshe/ yum de phan chad ji srid 'tsho'i bar du brtul zhugs lnga'i gzhi blangs par gyur te/ ji srid 'tsho'i bar du srog gcod pa blangs te srog gcod pa las slar ldog go/ / ma byin par len pa dang / mi tshangs par spyod pa dang / brdzun du smra ba dang / 'bru'i chang dang / sbyar ba'i chang myos par 'gyur ba bag med pa'i gnas spangs te/ 'bru'i
- 173b
chang dang / sbyar ba'i chang myos par 'gyur ba bag med pa'i gnas las slar ldog par byed do// srog mi gcod dang ma byin mi len dang // brdzun mi smra dang chang la mi brkam dang // 'khrig pa'i mi tshad spong pa spong ba 'di/ / 'dir ni don grub yin gyis chos nyid yin// chos nyid kyis gang gi tshe byang chub sems dpa' shAkya thub pa dga' ldan gyi gnas nas 'phos nas/ yum gyi lhums na bzhugs po de'i tshe/ de'i yum 'di lta ste/ skyes pa rnams la 'dod pa dang ldan pa'i yid gtod pa med do// nyon mongs rnams la chags par mi 'gyur zhing // de ni 'dod rgyus sems gdungs mi 'gyur la// / de yum 'dod pa'i yon tan ldan pa yi// skyes pa rnams la sems ni gtong pa meng // de nas dus gzhan zhag na/ btsun mo sgyu 'phrul chen mo 'dod pa skyes pa/ kye ma bdag gis rgya mtsho chen po bzhi'i/ chu btung ngo snyam nas/ des rgyal po zas gtsang la smras pa dang / rgyal po zas gtsang gyis mtshan mkhan rnams la smras pa/ ci'i phyir btsun mo 'di lta bu'i 'dod pa skye/ mtshan mkhan rnams kyis lha btsun mo la sras skyes bu chen po'i mtshan sum cu rtsa gnyis kyis sku brgyan pa zhig bltams par 'gyur te/ de rab tu byung nas shes bya'i rgya mtsho mtha' dag 'thung bar 'gyur ro// zhes lung bstan to// rgyal po zas gtsang gis smras pa/ gal te 'di la mtsho chen po'i chu ma blud na cir 'gyur/ de rnams kyis smras pa/ sras yan lag ma tshang ba zhig bcas par 'gyur ro// rgyal pos smras pa
- 174a
nga'i ming zas gtsang zhes bya'i bu yan lag ma tshang bar bya 'am/ de'i tshe grong khyer ser skya'i gzhin/ kun tu rgyu mi dmar zhes bya ba mig 'phrul la byang ba zhig 'dug pa de/ rgyal pos bkug nas rgya mtsho chen po las chu myur bar khug shig ces bsgo ba dang / des de nyid na 'dug bzhin du rgya mtsho chen po bzhi'i chu drangs te/ de rnams la btsun mo 'phung du bcug pa dang / de'i 'dod pa skyes pa gang yin pa de dang bral bar gyur to/ / de nas dus bzhan zhig na btsun mo sgyu 'phrul chen mo tshul 'di lta bu'i 'dod pa skyes te/ skye ma'o bdag lum pa ni'i tshal du zhugs la shing gi rtsar yal ga'i mthar 'dug par bya'o snyam mo/ / de nas rgyal po zas gtsang mas btsun mo sgyu 'phral chen mo tshul 'di lta bu'i 'dod pa skyes par rigs nas/ rin po che sna bzhi las byas pa'i khyogs bshams te/ glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs te/ dpung gi tshogs yan lag bzhi pa go bskon nas skye bo'i tshogs chen pos yongs su bskor te/ btsun mo sgyu 'phrul chen mo dang lhan cig tu chas nas lum bi ni'i tshal du phyin to/ / de nas btsun mo sgyu 'phrul chen mos lum bi ni'i tshal mthong ba na/ sems rtse gcig par gyur pa dang / khyogs las babs te/ shing mya ngan 'tshang me tog yang dag par rgyas pa mthong bas dga' ba dang / yid bde ba skyes te der song nas/ me tog dang 'dab ma'i g.yur gyis dud pa'i yal ga la 'jus te/ bud med rgan pas bskor/
- 174b
nas gnas so// de nas lha rnams kyi dbang po brgya byin 'di snyam du sems te/ btsun mo sgyu 'phrul chen mo sras bltams par nye bar gnas gyis/ ma la bdag gis byang chub sems dpa' de dang po bltan pa na blang bar bya'o/ / de nas yang bsams pa/ btsun mo sgyu 'phrul chen mo ni ngo tsha shes pa dang ldan pa yin pas bdag gi mdun du bltams mi phod kyis/ thabs shig bsham par bya'o snyam nas lha'i dbang po brgya byin bud med rgan mo zhig gi cha byad du spel te/ des gang gis bud med rgan mo de rnams phyogs bcur 'phros par 'gyur ba de lta bu'i rlung dang char drag po zhig sngal nas/ de rnams bros pa dang / bdag nyid ma ma rgan mo'i cha byang du mngon par sprul nas/ btsun mo sgyu 'phrul chen mo'i mdun du 'dug go// chos nyid kyis byang chub sems dpa' ni mkhyen bzhin du yum gyi lhums su 'jug pa dang / mkhyen bzhin du gnas pa dang / mkhyen bzhin du 'byung ba yin no// de nas byang chub sems dpa' de 'di snyam du dgongs te/ gang bdag skyes bu tha mal pa bzhin du mngal gyi sgo nas 'byung ba ni tshul dang mthun pa ma yin gyis ma la bdag gis yum gyi dku g.yas pa brtol la 'byung bar bya'o zhes/ de nas byang chub sems dpa' yum gyi dku g.yas pa brtol te byung ba dang / lha'i dbang po brgya byin gyis lag pa gnyis kyis blangs pa dang / byang chub sems dpa' 'di snyam du dgongs te/ brgya byin 'di dag gis byang chub dpa' 'di blangs so zhes dregs pa skye bar 'gyur
- 175a
bar mkhyen nas/ ngo bo nyid kyis rdo rje'i snying po can gyi skur byin gyi brlabs te/ lhums su ni yum 'dzin pas nyon mongs par ma gyur cig snyam du dgongs nas/ yang dag par mdzad de bzhugs pa yin no/ / de nas lha'i dbang po brgya byin gyis 'dzin par ma nus par 'dar bar gyur to// byang chub sems dpas bka' stsal pa/ ko'u shi ka thong thong // de skad ces bka' stsal pa dang / lha'i dbang po brgya byin gyis byang chub sems dpa' sa la bzhag go// bzhag pa tsam gyis mod la sus kyang ma bzung bar phyogs bzhir gzigs nas gom pa bdun bdun bor zhing tshig tu yang gsungs pa/ ko'u shi ka phyogs 'di gang yin/ byang chub sems dpa' shar phyogs lags so// byang chub sems dpas bka' stsal pa/ ko'u shi ka sems can thams cad kyi sngon du 'gro bar bya'o/ / phyogs 'di gang yin/ lho phyogs lags so// 'gro ba thams cad kyi yon gnas su gyur par bya'o// phyogs 'di gang yin/ byang phyogs lags so// srid pa'i rgya mtsho las brgal bar bya'o/ / phyogs 'di gang yin// nub phyogs lags so// nga'i skye ba ba ma ni 'di yin par 'gyur ro// skye 'tsho mthar byed de ni bltams pa na/ sau la gom pa bdun ni bzhud nas su// 'di nga'i skye ba tha mar gyur yin zhes/ 'jig rten gsum gyi bla ma gcig pus gsungs// chos nyid kyis byang chub sems dpa' shAkya thub pa yum gyi lhums nas byung ba de'i tshe/ sa chen po 'di shin tu g.yos par
- 175b
gyur/ 'jig rten 'di thams cad snang ba rgya chen pos gsal bar gyur cing // 'jig rten na 'jig rten gyi bar gyi mun pa mun gnag skrag tu gyur pa gang du/ nyi ma dang zla ba 'di ltar rdzu 'phrul che ba/ 'di ltar mthu che ba dag gis kyang 'od kyis snang bar mi nus pa de dag kyang de'i tshe/ snang ba chen pos gsal bar gyur to// der sems can gang dag skyes pa de dag gi lag pa brkyang ba yang mi mthong ba las/ de rnams snang ba des sems can gcig gis gcig mthong nas/ shes ldan dag sems can gzhan yang 'dir skyes so// shes ldan dag sems can gzhan yang 'dir skyes so zhes bya bar shes so// gang tshe rnam 'dren bltams par gyur pa na// de tshes ni rir bcas shin tu g.yo// gang gis 'jig rten par yang skad cig gis// snang byed 'od gsal de yang byung bar gyur// de nas rgyal po zas gtsang mas sa g.yos pa chen po dang / snang ba rgya chen po mthong ba dang / byang chub sems dpa' la bskor ba byas te/ zhabs gnyis la phyag 'tshal nas 'di skad ces kyang smras so// 'di lta bu'i rdza 'phrul che ba dang / mthu che ba'i bu skyes pa ni bdag gis rnyed pa legs par rnyed de// chos nyid kyis gang gi tshe byang chub sems dpa' shAkya thub pa yum gyi lhums nas bltams pa naral gri shugs nas phyung ba bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gzhan dang gzhan sna tshogs kyis ma gos so// ji ltar 'od gsal tshon shel bzang po dang / ka shi rab gtsang pha
- 176a
chun gos mi 'gyur/ / de bzhin thub de zhums nas byung ba na// gser sbyangs me chen mang nas bton pa 'dra// chos nyid kyis byang chub sems dpa' shAkya thub pa yum gyi lhums nas bltams pa de'i tshe/ de'i yum mi 'dug mi nyal te/ 'greng bzhin du rgyal rigs ma des rgyal rigs bltams par byed do// de ni mi 'dug nyal ba'ang ma yin te// yan lag lnga ldan tshul khrims kyis brgyan pas/ / de ni 'greng bzhin shin tu dge ba yi// gzhon nu de 'di brgya byin dag gis blangs// chos nyid kyis gang gi tshe byang chub sems dpa' shAkya thub pa yum gyi lhums nas bltams pa de'i tshe// de'i dbu'i steng nas lha rnams gdugs dkar po nor bu'i u ba can dag 'dzin to// dri med zla ba'i dkyil 'khor 'od 'dra'i gdugs// lha'i gtso bo dbu yi steng nas 'dzin// gdub 'khrol 'od gzer gyis 'bar lag pa dang / / rnga yab bzang gis 'di la g.yob par byed// chos nyid kyis gang gi tshe byang chub sems dpa' shAkya thub pa bltams pa'i modo la bar snang las chu bsil ba gcig dang chu dron po gcig ste chu gnyis kyi rgyun spyi gtsug gi steng du 'bab cing des byang chub sems dpa' khrus mdzad do/ / dri med rab dag bsil dang de bzhin dro'i// chu yis rkang gnyis gtso bo khrus mdzad de// rigs rgyud gang du byang chub sems dpa' 'khrungs/ / klu rnams de la'ang mchod pa byed par gyur// chos nyid kyis byang chub sems dpa' bltams pa'i mod la bskrun pa'i yum gyi mdun du chu mig chen po byung nas 'bab par gyur te//
- 176b
de la de'i yum chus chu'i bya ba byed do// rkang gnyis gtso bo gzhon nu bltams pa na// lha de rnams ni shin tu yid dga' bas// der ni chu bzang phyung bar gyur pa la// de yum der ni chu yis bya ba byed/ lha yi rol mo shin tu sgra snyan rnams/ / shin tu dga' bas mchog tu rdung bar byed// de rnams gos dang 'phreng ba 'thor byed cing / gzhan dag rab tu 'dug cing de bzhin sdod// chos nyid kyis byang chub sems dpa' bltams pa'i modado la/ lhas par snang las lha'i me tog ut+pa la dang / pad+ma dang / ku mud da dang / pad+ma dkar po dang / a ka ru'i phye ma dang / rgya spos kyi phye ma dang / tsan dan gyi phye ma dang / ta ma la'i 'dam mas 'phor ro/ / lha'i me tog man+da ra bas kyang 'phor ro// lha'i sil snyan rnams kyang sgra 'byin to// gos dag kyang 'thor bar byed do// mkhas pas btud pa'i sangs rgyas bltams pa na/ dri zhim dri mchog char ni phab pa dang // de dang de ni rang spobs tshul mthun pa'i// rab dga' sems kyis bstod pa brjod par byed// 'dis ni byang chub mchog dag thob 'gyur zhing // sdug bsngal zad pa'i 'gro phan mdzad 'gyur la/ / 'gro ba mi shes rab rib mig mdongs la// sman pa mchog 'di mig ni rab stsol 'gyur// 'di ni rmongs pas mig khebs long ba yi// 'gro ba'i sprin ma chen po nyid du 'gyur/ / lta ngan gyis brlag log pa'i lam zhugs la// ma 'chol drang po'i lam ni ston par 'gyur// ngan 'gro'i lam ni ma lus 'gog 'gyur zhing // lha yi gnas kyis ni
- 177a
'byed 'gyur zhes/ / 'og min bar na gnas pa'i lha rnams ni// lha yi gnas su yang yang sgrog par byed// gang gi tshe byang chub sems dpa' shAkya thub pa bltams pa de nyid kyi tshe/ mnyan yod du rtsibs kyis 'phur// tshangs sbyin bu btsas pa na tshangs sbyin 'di snyam du sems te/ bdag gi bu btsas pa na yul gsal ba bzhin du snang bas de bas na/ 'di'i ming gsal rgyal zhes bya bar gdags so zhes btags so/ / rgyal po'i khab kyi grong khyer na/ rgyal po pad+ma chen po bu btsas pa na/ pad+ma chen po 'di snyam du sems/ bdag gi bu btsas pa na 'jig rten nyi ma'i gzugs shar ba ltar snang zhing gzugs can ma'i bu yin pas/ 'di'i ming ni gzugs can snying po zhes bya bar gdags so zhes btags so// ko'u sham pa na rgyal po dmag brgya pa bu btsas pa na dmag brgya pa 'di snyam du sems te bdag gi bu btsas pa na 'jig rten nyi ma shar ba ltar snang bar gyur pas/ / 'di'i ming shar pa zhes bya bar gdags so zhes btags so// grong khyer 'phags rgyal du rgyal po mu khyud mtha' yas bu btsas pa na 'di snyam du sems te/ bdag gi bu btsas pa na 'jig rten sgron mas snang ba lta bur gyur pas/ 'di'i ming rab snang zhes bya bar gdags so zhes btags te/ de ni de lta ma yin no// 'on kyang de thams cad ni byang chub sems dngapa'i mthu yin no/ / gang gi tshe byang chub sems dpa' shAkya thub pa bltams pa de nyid kyi tshe dga' bo la sogs pa shAkya'i gzhon nu lnga brgya btsas pa dang / grags 'dzin ma la sogs pa shAkya'i gzhon
- 177b
nu ma lnga brgya btsas pa dang / 'dun pa la sogs pa rim gro pa lnga brgya btsas pa dang / bsngags ldan la sogs pa rta lnga brgya 'brangs so// lha rnams kyis gter lnga'i kha yang nye bar bstan to// khams kyi rgyal phran rnams dang / mkhar gyi rgyal po rnams kyis rab tu btud cing thams cad kyis kyang dpya phul lo// de nas rgyal po zas gtsang ma 'di snyam du sems te/ bdag gi bu btsas pa na 'dod pa thams cad grub pas na/ gzhon nu 'di'i ming don thams cad grub pa zhes bya'o zhes byang chub sems dpa' la thog mar mtshan bdags so// chos nyid kyis byang chub sems dpa' shAkya thub pa bltams pa'i mod la/ yab yum gyis mtshan mkhan dang ltas mkhan gyi bram ze rnams la nye bar ston pa yin pas/ shes ldan dag cig gzhon nu gang dag dang ldan na/ 'gro ba gnyis su 'gyur gyis gzhan du/ ni ma yin te/ gal te khyim pa khyim na gnas par gyur na/ 'khor los sgyur ba'i rgyal po mtha' bzhir rnam par rgyal ba/ chos kyi rgyal po chos dang ldan pa rin po che sna bdun dang ldan par 'gyur te/ de'i rin po che sna bdun ni 'di lta bu dag byung ste/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni blon po rin po che'o/ / bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong 'byung ba de rgya mtsho la thug pa'i ma lus par/ gnod par sngo ba med cing 'tshe ba med pa
- 178a
nyid chad pa med cing mtshon gyis bda' ba med la/ chos dang 'dul bas legs par phab ste/ gnas par gyur to// gal te skra dpa baspu bregs nas gos ngur smrig bgos te/ dad pa yang dag pa kho nas khyim nas khyim med par rab tu byung na/ de bzhin gshegs pa dgra bcom pa yang dag par rdzogs pa'i sangs rgyas zhes bya bar 'jig rten du sgra rnam par grags par 'gyur ba/ skyes bu chen po'i mtshan sum cu rtsa gnyis dang ldan nam/ lha ma lags te/ gzhon nu skyes bu chen po'i mtshan sum cu rtsa gnyis dang ldan pa ni 'gro ba gnyis su 'gyur gyi/ gzhan du ma yin te zhes bya ba nas/ yang dag par rdzogs pa'i sangs rgyas zhes bya bar 'jig rten du grags par 'gyur zhes bya ba'i bar ste snga ma bzhin du 'di ni 'dir chos nyid yin no/ / de la 'di skad ces bya ste/ rgyal pos gzhon nu bltams nas skyes bu yi mtshan shel bram ze la dris de tshe smras/ / rgyal bu gal te khyim na gnas gyur na// nges par 'di ni mi dbang dag tu 'gyur// rtul bar ldan zhing rgyal po gzhan rnams kyi// spyi la dbang ba'i 'khor los sgyur bar 'gyur// 'di ni gling rnams kun tu mngon rgyal ba'i// chos kyis rgyal srid dag ni byeng par 'gyur// rin chen gyur pa 'di ni rin chen bdun// mi mchog bsod nams las kyis thob par 'gyur// gang gi mthu yis sa nim lus pa/ / 'di ni lung mi gcog par spyod par 'gyur// gser las legs byas lte ba shin tu zlum// rtsibs stong ldan zhing mu khyud ma nyams bzang // dang por sa la rnam par rgyal 'gyur gang //
- 178b
'khor lo de 'dis dang por thob par 'gyur// yan lag thams cad legs skyes sa la ni// rab gnas gangs can rtse 'dra'i glang po mchog/ rgyal po la 'os mkha' la 'gro ba yi// rin chen mchog ni gnyis pa 'dis thob 'gyur/ / tho rangs dus su phyogs kun ma lus pa'i// sa rnams bskor nas slar ni ldog gyur gang // rma bya'i mgrin 'dra spu ni yid 'ong ba'i// rin chen rta ni 'di yis thob par 'gyur// rin chen dri med bai DUR+Ya'i rang bzhin/ / kun tu dpag tshad tsam du snang byed pa// dri med mtshan mo ci 'dra nyin de bzhin// rin chen mchog ni bzhi pa thob par 'gyur// gang zhig reg dri gzugs dang mdangs ldan pa'i// bud med dam pa dgra ldan rnams kyi mchog/ lha mo bzhin du yon tan kun ldan pa// bud med rin chen de 'dir thob par 'gyur// gang yang 'di na rgyal ba mu tig dang // gser sogs shin tu mang po dbul ba yi// nor ldan mtshungs par nor mang khyim bdag ni/ / rin chen thob nas rnam par spyod par 'gyur// 'gro dang kun tu gnas dang rnam ldog par// ma lus dasung la mkhas par byed pa yi// dpal ldan bdun pa 'byung bar 'gyur// ba ni// mi yi rin chen blon po zhes bya yin// dpa' zhing rtul phod yan lag mchog gzugs ldan// bu stong dag ni 'di las 'byung 'gyur zhing // gang gi gzi brjod shin tu stobs che zhing // sa bdag gzhan dag 'dud par byed pa 'byung / / gal te khyim na nyes mang gis dkrugs pa// rab 'bar shing ni byi yis spong ba ltar// nye bar zhi phyir nags su nges song na// de 'dir ring po mi thogs sangs rgyas 'gyur// khyed kyi sras
- 179a
'di dang ni 'di 'dra ba/ / gzhon nu 'gro ba'i rin chen gcig bltams pa// 'gro ba gnyis las gzhan du mi 'gro bar// de ltar sngags kyi tshig las mthong ba lags/ shes ldan/ dag gang dag dang ldan pa'i skyes bu chen po'i 'gro ba gnyis su 'gyur gyi gzhan du ma yin zhes bya ba nas/ snga ma bzhin du 'jig rten gyi sgra rnam par grags par 'gyur zhes bya ba'i bar gyi skyes bu chen po'i mtshan sum cu rtsa gnyis po ni gang dag yin/ lha gzhon nu'i zhabs shin tu gnas pa lags so// zhabs gnyis shin tu gnas pa nyid kyis sa la mnyam par 'bab ste/ lha 'di ni gzhon nu'i skyes bu chen po'i skyes bu chen po'i mtshan lags so/ / de'i zhabs kyi mthil gyi ngos gnyis la 'khor lo rtsibs stong pa lte ba dang / mu khyud du bcas pa/ rnam pa thams cad yongs su rdzogs pa mchis te/ lha 'di ni gzhon nu'i skyes bu chen po'i skyes bu chen po'i mtshan lags so/ / lha gzhon nu'i sor mo ring ba dang / zhabs kyi rting pa yangs pa dang / de'i phyag dang zhabs 'jam zhing gzhon sha chags pa lags te/ phyag dang zhabs 'jam zhing gzhon sha chags pa ni/ dper na shing bal gyi 'da' ba dang / ras bal gyi 'da' ba bzhin no// lha 'di ni gzhon nu'i skyes bu chen po'i skyes bu chen po'i mtshan lags so// lha gzhon nu'i phyag dang zhabs dra bar 'brel ba lags te/ de'i phyag dang zhabs dra bar 'brel ba ni/ dper na ngang pa'i rgyal po gzhon nu bzhin no// lha 'di ni gzhon nu'i skyes bu chen po'i skyes bu chen po'i mtshan lags so// lha'i gzhon nu'i zhabs long bu'i tshigs mi
- 179b
mngon pa dang / byin pa ri dgas e ne ya'i lta bu dang / spu mdud pa dang / sku bzhengs bzhin du ma btud par phyag pus me'i snang gnyis su slebs shing reg pa ste/ lha 'di ni gzhon nu'i skyes bu chen po'i skyes bu chen po'i mtshan lags so/ / lha gzhon nu'i mdoms kyi sba ba sbubs su nub pa lags te/ de'i mngoms kyi sba ba sbubs su nub pa nidapar na glang po che cang shes kyi 'am/ rta cang shes byung ma thag gi bzhin no// lha 'di ni gzhon nu'i skyes bu chen po'i skyes bu chen po'i mtshan lags so/ / lha gzhon nu'i sku ji srid par 'dom yang de srid la/ 'dom 'i seM par sku yang de srid pas/ shing n+ya gro d+ha ltar chu zheng gab pa lags te/ lha 'di ni gzhon nu'i skyes bu chen po'i skyes bu chen po'i mtshan lags so/ / lha gzhon nu'i ro stod kyi spu re re nas skye zhing / de'i sku la s+phu ra ra nas skye ba yang mthing ka la g.yas phyogs su 'khyil bar skye lags te/ lha 'di ni gzhon nu'i skyes bu chen po'i skyes bu chen po'i mtshan lags so/ / lha gzhon nu ni mdog gser 'dra ba dang / 'od 'dom gang ba dang / lpags pa srab cing mdog gser gyi 'dra ba lags te/ ldag pa srab pa nyid kyis rdul dang / dri mas sku la mi gos pa ste/ lha 'di ni gzhon nu'i skyes bu chen po'i skyes bu chen po'i mtshan lags so// lha gzhon nu'i sku ni bdun mtho ba ste/ sku bdun mtho bar 'khrungs pa ni/ phyag gnyis dang / zhabs gnyis dang / dpung mgo gnyis dang / lhag pa lagasate/ lha 'di ni skyes bu chen po'i skyes bu chen po'i mtshan lags so// lha gzhon nu'i thal gong rgyas pa dang / sku ro stong seng ge'i 'dra ba dang
- 180a
sru drang zhing lo lag che ba dang / dpung mgo shin tu zlum pa dang / tshems bzhi bcu mnga' du dang / choms mnyam pa dang / tshems pags bzang ba dang / mched shin tu dkar ba dang 'gram pa seng ge'i 'dra ba dang / ro bro ba'i mchog dang ldan pa lags te/ lha 'di ni gzhon nu'i skyes bu chen po'i skyes bu chen po'i mtshan lags so// lha gzhon nu ni ljags shin tu ring zhing srab pa lags te/ ljags shin tu ring ba nyid srab pa nyid kyi phyir/ ljags zhal nas phyung nas skra mtshams nas bzung ste/ zhal gyi dkyil 'khor thams cad kyi bar du yog par mdzad pa ste/ lha 'di ni gzhon nu'i skyes bu chen po'i skyes bu chen po'i mtshan lags so/ / lha gzhon nu ni tshangs pa'i dbyangs dang / ka la bid+ma'i skad ltar yid du 'ong ba dang / rnga'i dbyangs can lags te/ lha 'di ni gzhon nu'i skyes bu chen po'i skyes bu chen po'i mtshan lags so/ / lha gzhon nu'i spyan mthon mthing la ba'i rdzi ma lta bu dang / gtsug tor dang ldan pa dang / smin mtshams kyi mdzod spusdu dung ltar dkar zhing g.yas su 'khyil ba lags te/ lha 'di ni gzhon nu'i skyes bu chen po'i skyes bu chen po'i mtshan lags so/ / lha 'di dag ni gang dang ldan pa'i 'gro ba gnyis su 'gyur gyi/ gzhan du ni ma lags pa zhes bya ba nas snga ma bzhin du/ 'jig rten du rnam par grags par 'gyur ro zhes bya'i bar gyi/ skyes bu chen po'i mtshan sum cu rtsa gnyis lags so// bdag nyid legs bsgoms sku la ni/ sku yi tha ma 'dzin mdzad pa'i/ thub pa
- 180b
chen po'i mtshan rnams ni/ / de ni bdag gis brjod par bgyi// 'di zhabs shin tu gnas pa ste// sa la mnyam par 'bab pa yin// 'di zhabs phyag gi mthil la ni// 'khor lo shin tu dbyibs lags skyes/ / 'di ni zhabs rting yangs pa dang // de ni sor mo ring zhing mdzes// phyag zhabs dra bas 'brel ba dang // shing bal lta bur 'jam pa dang // 'di zhabs long bu'i tshig mi mngon// byin pa e ne dang tshungs/ / mi mchog sku yang ma btud par// phyag gis pus mo'i lha nga sleb// mdoms kyi sba ba sbubs su nub// n+ya gro d+ha ltar chu zheng gab// ro stod spa ni re re nas// skye zhing de spa g.yas su 'khyil// mdog ni gser spungs 'dra ba dang // kun nas 'dem gang 'od dang ldan// bcom ldan de ni ljags srab cing // 'di sku bdun ni mtho ba ste// bcom ldan thal gong rgyas pa dang // sku stod seng ge 'dra ba dang / sku drang kho lag che ba dang // dpung mgo shin tu zlum pa dang // bcu phrag bzhi yi tshems rnams ni// yongs su rdzogs shing ma tshang med// mnyam dang thags bzang nyid du ni// de yi tshems ni legs par gnas/ rab dkar seng ge'i 'gram pa 'dra// ro bro'i mchog dang ldan pa dang // ljags ni shin tu srab pa dang // bcom ldan tshangs pa'i dbyangs dang ldan// rdzi ma ba 'dra spyan mthon mthing // smin ma'i mtshams kyi mdzod spa ni/ / dung ltar dkar zhing g.yas su 'khyil// mtshan bzangs sum cu rtsa gnyis 'di// gang zhig la ni 'byung 'gyur ba// de ni 'gro ba gnyis 'gyur gyi// gsum par 'gyur ba ma lags so// 'di ni gal te
- 181a
khyim gnas na/ / 'khor los sgyur rgyal nyid 'gyur te// dran ldan bu ni mang ba dang // gnod pa chung zhing mkhas par 'gyur// gal te rang byung rdzogs sangs rgyas// gang zag mnyam pa med par 'gyur/ / bshos dang btung dang na bza' dang // gzims cha rnams kyang rnyed 'gyur la// 'di yi 'khor ni mi phyed cing // lus can kun gyi yid du 'ong // lha rnams rjes su 'brang ba dang // mi rnams kyis ni de bzhin te/ / chos kyi bdag po mchog 'gyur zhing // mi yul ngag tu'ang de bzhin 'gyur// mnyam pa med cing 'dra ba med// rnam 'dren mtshungs pa med par 'gyur// lha 'di ni gzhon nu'i skyes bu chen po mtshan lags te/ gang dang ldan na 'gro ba gnyis su 'gyur gyi/ gzhan du ma lags zhes bya ba ni snga ma bzhin no// chos nyid kyis byang chub sems dpa' shAkya thub pa bltams nas zhag bdun lon pa dang / de bskrun pa'i yum nongs par 'gyur te/ nongs ma thag tu sum cu rtsa gsum gyi lha'i ris gyi nom par skyes so// de nas rgyal po zas gtsang mas/ byang chub sems dpa' ma ma rnams la gtad nas/ ma ma khyod kyis gzhon nu 'di dus dus su sku mnye byos shig/ dus dus su khrus byos shig/ dus dus su zas byin cig/ dus dus su yang dag pa'i bde bas bsnyen bkur byos shig/ ma ma dga' ba'i lag pa gnyis kyis de blangs nas dus dus su sku mnyes byed/ / dus dus su khrus byed/ dus dus su zas sprin/ dus dus su yang dag pa'i bde bas bsnyen bkur byed do// yang de'i tshe dri shin tu yid du 'ong ba'i ngo bo gang yin pa de rnams kyis byugs
- 181b
sa/ thams ca sasul smras/ rgyal pa mam sa ca sa/ sgyu/ nga na su na nga chu / thub pa ni gzugs bzang ba/ mdzes pa/ blta na sdug pa/ mi'i kha dog las yang dag par 'das la/ lha'i kha dog ma thob pa// skyes pa dang bud med rnams kyis bltas pa na/ ngoms mi shes shing dga' ba thob ste/ dper na 'dzam bu chu bo'i gser la mgar ba mkhas pas rgyan brdungs pa/ la ba dkar po sar pa'i steng du bzhag na/ shin tu gsal zhing 'bar la rnam par 'tsher ba de bzhin du/ byang chub sems dpa' shAkya thub pa gzugs bzang ba/ mdzes pa// blta na sdug pa/ mi'i kha dog las 'das shing / lha'i kha dog ni ma thob pa yin no// chos nyid kyis byang chub sems dpa' shAkya thub pa/ skye bo'i tshogs chen po'i snying du sdug pa dang / yid du 'ong bar 'gyur te/ yang 'di skye bo'i tshogs chen pos/ de phrag pa nas phrag par spo bar byed pa ni/ dper na ston kha'i pad+ma skye bo'i tshogs chen po'i snying du sdug cing yid du 'ong bas/ skye bo'i tshogs chen bos de lag pa nas lag par brgyud par byed pa bzhin te/ / snga ma bzhin no// chos nyid kyis byang chub sems dpa'abaltams pa'i mod nas/ spyan mi 'dzums par gzugs rnams la blta ste/ de spyan mi 'dzums pa ni dper na sum cu rtsa gsum gyi lha rnams bzhin no/ / chos nyid kyis byang chub sems dpa' bltams pa'i mong nas/ sngon gyi las kyi rnam par smin pa las skyes pa'i lha'i spyan dang // nges de nyin mtshan du dpag chad
- 182a
gcig kho ra khor yug tu gzigs so/ / las bcas las byung dri med spun gyis ni// gzugs chen po dang de bzhin phra rab rnams// nyin dang mtshan du khor yug dpag tshad gcig mdun na gnas pa bzhin du'ang gzigs par gyur/ / chos nyid kyis byang chub sems dpa' bltam pa'i mod nas/ gsung snyan zhing 'jebs pa dang / gsung snyan pa dang / gsung yid du 'ong ba yin te/ dper na gangs can gyi bya skad snyan cing 'jebs pa dang / skad snyan pa dang / yid du 'ong ba de bzhin du byang chub sems dpa' bltams pa'i mod nas/ gsung snyan zhing 'jebs pa dang / gsung snyan pa dang / gsung yid du 'ong ba yin no/ / ri bo kun 'dzin la drang srong nyon mongs med ces bya ba mngon par shes pa lnga dang ldan pa byams pa'i bdag nyid can snying rje dang ldan pa/ skye dgu la mnyes gshin pa zhig gnas te/ de la tsha bo mis byin zhes bya ba yod pa dang / de de'i tshe phug tu zhugs te bsam gtan byed pa na/ byang chub sems dpa' bltams te 'jig rten thams cad snang ba chen pos gsal bar gyur pa'i snang ba de mthong ba dang nyon mongs med la smras pa/ / mkhan po// 'dir ni nyi ma thams cad dag/ ci car byung bar gyur tam ci// 'di ltar ri ni phug bcas pa// 'di ni 'od kyis gsal bar gyur// nyon mongs med kyis de la smras pa nyi ma'i 'od ni rgyun du rno/ / bu cig snang ba 'di dag ni// yan lag reg na 'od bsal bas// nges par thub pa de yi 'od// byang chub sems dpa'i 'od chen ni// nges par lhums nas bltams gyur la
- 182b
bltams nas sems dpa' chen po de'i/ / 'od gzer gser dang 'dra ba ni// dri ma med pa 'di dag gis// 'jig rten gsum ni snang byas yin// mis byin gyis smras pa/ mkhan po bzhud/ ci re shig 'khor los sbyar ba'i rgyal por 'gyur ram/ 'on te bla na med pa'i ye shes rtogs par 'gyur ba rang nyid kyis blta bar mdzod cig/ drang srong nyon mongs med kyis smras pa/ de lta ni ni rgyal po zas gtsang ma'i khyim/ nyi 'og gi rgyal po dang / mkhar gyi rgyal po dang / tshong pa dang / tshong dpon dang / ded dpon rnams dang / bram ze dang / khyim bdag brgya stong dpag tu med pas kun tu khyab nas 'dug gi/ gang gi tshe de dben par gyur pa de'i tshe/ rgyal po zas gtsang ma'i gan du 'gro bar bya'o/ / de nas rgyal po zas gtsang ma 'di snyam du kye ma'o drang srong nyon mongs med rkang gis ser skya'i gzhir 'ongs na ci ma rung snyam du sems so// de nas drang srong nyon mongs med steng gi nam mkha' la mngon par 'phags nas rgyal po zas gtsang ma'i pho brang sgor phyin pa dang / ji tsam na sgo srungs kyis rgyal po zas gtsang ma la lha dgyes pa bskyed du gsol/ drang srong nyon mongs med 'dir mchis so zhes rig par byas pa dang / rgyal po zas gtsang mas thos te dga' ba dang / mgu ba dang / rab tu dga' ba dang / mchog tu rangs pas byung nas mchog tu gus pas mchod de 'di skad ces smras so// drang srong chen po legs par 'ongs so/ / dgos pa ci zhig la 'ongs/ nyon mongs med kyis smras pa/ rgyal po chen po bdag ni 'dir// khyod sras ba lta ba'i phyir mchis te// 'jig rten gtso bo rnam 'dren pa// thub pa
- 183a
de ni mthong bar 'tshal/ / rgyal pos smras pa/ gal te de lta na ni gzhon nu nyid log gis sad kyi bar du re shig sdod cig/ nyon mongs med kyis smras pa/ rigs dang ldan pa'i rta rnams ni/ mtshan mo'i bzhi cha nyal ba ltar// dgos pa don gnyer rnams kyi gnyid// mig la yun ring mi gnas so// de nas gzhon nu shAkya thub pa ma ma'i pang na 'dug pa drang srong nyon mongs med la byin pa dang / drang srong nyon mongs med kyis lag pa gnyis kyis blangs nas yud tsam brtags te smras pa/ lha gzhon nu 'di mtshan mkhan rnams kyis ji skad lung bstan/ rgyal po zas gtsang mas smras pa/ rin po che sna bdun dang ldan pa'i 'khor los sbyar ba'i rgyal por 'gyur ro zhes zer ro/ / de nas drang srong nyon mongs med kyis/ byang chub sems dpa' mthong nas tshigs su bcad de smras pa/ sa bdag rtog pa po rnams blo 'khrul te/ rtsod pa'i dus na 'khor los sbyar mi 'byung / / bsod nams mchog gi chos kyi mdzod 'di ni// nyes las rnam par rgyal nas sangs rgyas 'gyur// mtshan mi gsal dang ldan na mi dbang po// gling bzhi rnams kyi bdag po dbang phyug 'gyur/ thub dbang mtshan ni shin tu gsal bas na/ / mi mchog sangs rgyas chos kyi 'khor los sgyur// de nas drang srong nyon mongs med kyis bdag nyid kyis tshe'i mnga'i nges pa dang / byang chub sems dpa'i mngon par byang chub po brtags pa la zhugs pa dang / byang chub sems dpa' lo nyi shu rtsa dgu bzhes nas khab nas byung ste/ lo drug tu dka' ba spyod par 'gyur te/ de nas bdud rtsi rtogs par 'gyur ba mthong ngo // bdag ni bar skabs de
- 183b
'chi ba'i dus byed par mthong nas/ de mig mchi mas gang ste 'dug pa/ rgyal po zas gtsang gis mthong nas/ sngangs nas tshigs su bcad de smras pa/ skyes pa bud med rnams kyis mthong ba na// ngoms par mi 'gyur dga' ba thob 'gyur ba/ / lus bzang dge byed de ni 'dir mthong nas// drang srong chen po ci slad du bzhir 'gyur// ga las bdag gi gzhon nu 'jigs pa 'am// tshe zad 'gyur ba nye bar mi gnas grang // de ni myur du legs par bdag la smos/ / khyod kyi mchims bdag ni 'dar bar gyur// drang srong nyon mongs med kyis kyang tshigs su bcad de smras pa/ gal te 'di yi steng du nam mkha' las// rdo rje sar drag 'phangs par ba gyur kyang / / thub pa chen po'i sku las ba spu ni// nyag ma gcig kyang g.yos par mi nus so// me chen rlung gi shugs kyis bdas pa dang // mtshon cha rnon po shin tu mi bzad dang // drag po'i dug dang sprul gyi dug rnon yang / / gzhon nu la bab skad cig 'jig mi 'gyur// thugs rje nyid la gnas gyur gang lags pa// 'jigs pas nyen pa rnams la mi 'jigs stsol// de ni 'jig rten kun gyi 'jigs 'dzems na/ / mi dbang 'di la 'jigs pa ga la 'byung // 'jig rten na ni bdag nyid che rnams kyi// gtsor gyur bdag nyid chen po gang zhig la// tshangs bcas lha yang rtag tu srung byed pa// mi dbang de la 'jigs// pa gal 'byung // mi dbang bdag gi rgud 'i mthong nas ni// gang phyir nib mi bo'i bdag du mod// chos kyi mchog mdzod 'di dang phrad nas ni// don ma thob par bdag ni tsho bar 'gyur// gang dag smra ba
- 184a
dam pa mtshungs med pa/ / 'di yi chos thos 'gyur zhing thos nas kyang // rab tu zhi ba'i pha rol 'gro de dag/ skyid cing bsod nams ldan la rims nad bral// de nas drang srong nyon mongs med byang chub sems dpa'i reg pa'i mthus de'i rdzu 'phrul nyams so/ / nyams pa dang / nyon mongs med kyis smras pa/ rkang pa kho nas grong khyer nas phyir 'byung bar bya'o// de nas rgyal po zas gtsang mas thos pa dang / grong khyer thams cad rdo ba dang / gseg ma dang / gyo mo rnams gsal nas spos dang phye mas khyab par byed du gtsug go/ de nas drang srong nyon mongs med 'byor pa chen pos grong khyer nas byung ste rim gyis ri bo kun 'dzin du phyin pa dang / mi sbyin la smras pa/ ngas gzhon nu mthong ste bla na med pa'i ye shes rtogs par 'gyur na/ ngas ni de slebs par mi 'gyur te/ nga ni bar skabs su dus byed par 'gyur gyis/ khyod ni de'i thazad du rab tu byung la/ nga rgyal dang dregs pa nges par bcom par gyur pa dang / tshangs par spyod pa la spung par bya ste/ rigs kyis dregs par mi bya/ rus kyis dregs par mi bya/ rigs rgyud kyis dregs par mi bya ste/ khyod kyis kyang yun ring po mi thogs par bdud rtsi thob par 'gyur gyis zhes smras nas/ yang tshigs su bcad de smras pa/ de bzhin gshegs pa tshol 'dod na// shar phyogs su ni khyod 'dug dang // rdzogs pa'i sangs rgyas grags ldan pa/ / rnyed par dka' ba mthong bar 'gyur// de nas dus gzhan zhig na rgyal po zas gtsang mas gzhon nu ma ma'i pang na 'dug pa la yang dang yang du lta zhing nga'i bu ci 'dra ba de lta bu ni sa'i
- 184b
steng na su la yang med do snyam du sems shing shin tu dga' bar gyur to/ / de nas byang chub sems dpa' 'khrungs nas ring po ma lon par ma ma'i pang du bzhugs nas/ gser gyi gzhong par 'bras dang shar bsres pa'i chan gsol ba na/ de ma mas bkab kyang ma phub mang por gsol nas 'phrog par brtsams pa dang / 'phrog ma nus nas des rgyal po zas gtsang la sbran pa dang / rgyal pos btsun mo dang lhan cig gis 'phrog par brtsams pa dang / des kyang ma nus so// de nas rgyal pos blon po rnams dang / ser skyan gnas pa'i skye bo'i tshogs rnams la bsgo na/ de rnams kyis kyang 'phrog par ma nus so// de nas glang po che lnga brgya la btags pa dang / byang chub sems dpas bsams pa/ 'di rnams kyis bdag gi stobs nyams na mi rung gis/ ma la bdag gis mdzub mo bkug pas gser gyi gzhong pa nas bzung ngo snyam nas des mdzub mo bkug pas gser gyi gzhong pa bzung nas drangs pa dang / glang po che lnga brgya po de dag kha phyir bsgyur te grangs nas/ de dag gis kyang gser gyi gzhong pa 'phrog par ma nus so// rgyal po zas gtsang gis bsams pa/ ji ltar byang chub sems dpa'i lag pa g.yon pas glang po che lnga brgya drang ba dang sbyar na gdon mi za bar lag pa gnyis kyis ni glang po che stong thub kyis de bas na/ gzhon nu'i ming glang po che stong gi stobs can zhes gdags so zhes btags so/ / grong khyer ser skya'i gnod sbyin shAkya 'phel zhes bya ba zhig gnyug mar gnas so// shAkya rnams kun tu spyod pa ni/ shAkya su yang rung ba la khye'u 'am bu mo btsas
- 185a
ba gang yin pa de dag gnod sbyin shAkya 'phel gyi rkang pa la phyag tshal du gzhug pa'i phyir khrid pa yin pas/ rgyal pos blon po rnams la bsgo ba/ shes ldan dag deng la gzhon nu gnod sbyin shA 'phel gyi rkang pa la phyag 'tshal du chug shig/ de nas byang chub sems dpa' glang po che la bskyon te dpung gi tshogs dpag tu med pas yongs su bskor te/ grong khyer ser skya'i gzhir 'jug par brtsams pa dang / grong khyer ser skya'i gzhi sgra bcu gnyis dang bral bar gyur cing / byang chub sems dpa' de nang du zhugs pa na thub pa bzhin du gnas par gyur to// de nas rgyal po zas gtsang mas bsams pa/ grong khyer 'di 'di lta ste/ glang po che'i sgra dang / rta'i sgra dang / shing rta'i sgra dang / dpung bu chung gi sgra dang / dung gi sgra dang / rnga bo che'i sgra dang / b+he de'i sgra dang / rA dung gi sgra dang / gar gyi sgra dang / glu'i sgra dang / rol mo'i sgra dang / sbyin pa ni byin/ bsod nams ni gyis/ bsnyen gnas la ni nye bar gnas/ tshul khrims yang dag par blangs te gnas shig ces bya ba'i sgra ste/ sgra bcu gnyis dang bral zhing gzhon nu de nang du zhugs pas thub pa bzhin du ni bar gnas pas gzhon nu'i ming shAkya thub pa zhes gdags so zhes byang chub sems dpa'i ming shAkya thub pa zhes bya bar btags so/ / de nas byang chub sems dpa' gnod sbyin shAkya 'phel gyi gan du byer ba dang / gnod sbyin shAkya 'phel gyis byang chub sems dpa' gnas dang nye bar phyin pa mthong ngo // mthong nas kyang phyir byung nas lus thams cad kyis byang chub sems dpa'i rkang pa gnyis la gtugs te phyag byas so//
- 185b
de mthong ba dang rgyal po zas gtsang mas smras pa/ lhas kyang rkang pa gnyis la gtugs pas 'di ni lha'i yang lha yin pas gzhon nu'i ming lha'i yang lha zhes bya'o zhes byang chub sems dpa'i ming lha'i yang lha zhes bya bar btags so/ / de nas de'i tshe rgyal po zas gtsang gi dgos pa'i ched la 'dug nas/ don zab mo'i tshig dang / yi ge dag shes rab kyis so sor 'byed par byed do// de nas byang chub sems dpa' shAkya thub pa 'khor lnga brgya dang yi ge'i slob dpon srin bu go cha la yi ge slob par gtad nas yi ge'i slob dpon srin bu go chas byang chub sems dpa' la yi ger bris nas 'phog pa dang / byang chub sems dpas smras pa/ 'di ni ngas shes so// de nas des yi ge gnyis dang / gsum nas de bzhin du lnga brgya'i bar bris nas phog pa dang / byang chub sems dpas smras pa/ 'di dag thams cad kyang ngas shes kyis gzhan dag smros shig/ srin bu go chas smras pa/ 'jig rten na yi ge 'di tsam spyod kyi/ gzhan ni bdag gis mtshal lo// de nas byang chub sems dpa' nyid kyis yi ge bris te/ srin du go cha la byin nas gsungs pa/ yi ge 'di'i ming ci yin smros shig/ des smras pa ma 'tshal lo// byang chub sems dpas gsungs pa/ 'jig rten du gnyis shig byung na mngon par 'gyur te/ byang chub sems dpa' dang 'khor los sgyur ba'o/ / nam mkha'i ngos la gnas pa'i tshangs pas smras pa/ srin bu go cha byang chub sems dpas ji skad gsungs pa de de bzhin te/ yi ge 'di ni 'jig rten du gnyis shig/
- 186a
byung na mngon par 'gyur te/ byang chub sems dpa' 'am 'khor los sgyur ba'i rgyal po'o// byang chub sems dpas yi ge de tshangs pa'i dbyangs kyis bklags la/ nam mkha'i ngos la gnas pa'i tshangs pas dbang byas pas tshangs pa'i yi ge zhes bya bar gyur to/ / de nas byang chub sems dpa' yi ge'i mthar phyin pa dang / 'khor lnga brgya dang bcas par bzang len dang lhar bcas zhes bya ba 'phong gi slob dpon gyi gan du 'phong gi gnas su gtad do/ / de nas byang chub sems dpa' gnas lnga po rgyang nas phog pa dang / sgra drag par phog pa dang / gnad du phog pa dang / mi 'tsho bar phog pa dang / tshabs che ba la byang bar gyur to// de nas bzang len dang lhar bcas pa 'di snyam du sems te/ byang chub sems dpa' 'di ni snying rje can yin pas bslab par bya ba thams cad bslab kyi lha sbyin 'di ni gdug pa yin pas 'jig rten thams cad du gnod par gyur na ni mi rung gis 'di la gnang du bsnun pa bslab par mi bya'o/ / de nas dus gzhan zhig na lha sbyin gyis ngang pa lcags mdas bsnun pa dang / byang chub sems dpa' steng gi khang bzangs kyi gzhi la bzhugs pa de'i bang par de lhung ngo // de nas byang chub sems dpas bzungs nas mda' phyung ste/ sman gyis byugs pas sos so/ / lha sbyin gyis smras pa/ byang chub sems dpa'/ ngang pa 'di ni ngas yongs su bzung ba yin gyis skur cig/ byang chub sems dpas smras pa/ ngas ches sngar yongs su bzung ste gang gi tshe bla na
- 186b
mngapa yang dag par rdzogs pa'i byang chub tu sems bsrud pa de kho na'i tshe yongs su bzung ngo / / de byang chub sems dpa lA l+la sbyin ga nad sems dang / bzongs ma yin pa dang / phebs pa ma yin pa byung bar gyur to/ / de nas lha sbyin la sogs pa shAkya'i gzhon nu lnga brgya byung ba dang / lha sbyin ras kyis bcings nas/ shAkya'i gzhon nu lnga brgya bsgyel lo// ji tsam na byang chub sems dpa' phyogs der bzhud pa dang / lha sbyin gyis smras pa/ byang chub sems dpa' ci la sdod/ byang chub sems dpas kyang ras bcings te/ shAkya'i gzhon nu lnga brgya bsgyel lo// de nas lha sbyin ras kyis bcings pa dang / byang chub sems dpas bzung ste rkang pa gyen du bstan nas gan skyal du bsgyel ba dang / der yang byang chub sems dpa' la lha sbyin gnod sems dang / mi bzod pa dang / bag mi phebs pa'i sems gnyis pa skyes par gyur to// de nas shAkya'i gzhon nu lnga brgya mda' gzhu thogs te phyi rol du byung nas ta la la tshabs byed pa la zhugs pa dang / la las ni tra la gcig phigs so/ / la las ni gnyis so// lha sbyin gyis ni gsum mo// byang chub sems dpas lcags mda' 'phangs pa dang / shing ta la bdun phigs pa las ji srid rlung gis bskyod de thams cad 'gyel ba'i bar du rgya cher sbyar ro/ / de nas gnas gtsang ma'i lha rnams kyis 'bab chu ro hi ta ka'i 'gram na shing dge ba'i snying po zhes bya ba nyi ma gcig cing khru brgyar skye ba// mtshan mo
- 187a
ni sen mos kyang bcad du rung la/ nyin par ni mtshan gyis kyang bcang bar mi nus pa zhig yod pa dang / gnas gtsang ma'i lha rnams kyis gang gis shing dge ba'i snying po rtsa bskyed du ston nas ro hi te'i nang du bcug pa de lta bu'i rlung dang chu brub cig sprul lo/ / de rgyal po zas gtsang ma dang / legs par rab sad kyis thos nas shing 'dis grong khyer brlag par ma gyur ram snyam nas srog chags brgya stong dpag tu med pa dang / shing dge ba'i snying po gang na ba der song ste phyin pa dang / 'khor brgya stong dpag tu med pas drangs su zin kyang ji tsam na bskyod par yang ma nus so// 'char kas smras pa/ lha byang chub sems dpa' sbron cig/ rgyal pos smras pa/ kho bos gzhon nu la bka' stsal par mi nus so// 'char kas smras pa/ khyed rnams kyis ca co'i sgra gsang mthon po sgrogs shig/ ci nas kyang ngas byang chub sems dpa' gshegs par bya'o/ / de nas skye bo'i tshogs de rnams kyis/ sgra gsang mthon po dang chen pos ca co'i sgra bsgrags so// 'char ka byang chub sems dpa'i thad du song ba dang / byang chub sems dpas smras pa/ 'char ka ca co'i sgra 'di ci zhig yin/ 'char kas rnam pa de dag rgya cher gsol to// de nas byang chub sems dpas gsungs pa/ gal te de lta na 'byin du 'deng // de nas 'char ka dang / byang chub sems dpa' chas pa dang / ji tsam na khung nas sbrul gdug pa zhig byung ngo // 'char kas byang chub sems dpa' zin par gyur du 'ong ngo zhes ral gri rnon pos skyed pa bcad pa dang /
- 187b
sbrul gyi dug gi dbugs kyis 'char ka la phog ste/ de nag por gyur nas de'i ming yang 'char ka nag po zhes bya bar gyur to// de nas byang chub sems dpa' shing dge ba'i snying po gdan ba der bzhud de byon pa dang / lha sbyin la gsungs pa/ khyod kyi stobs ji tsam pa blta yis bskyod cig/ lha sbyin gyis 'bad de cung zad cig bskul to// dga' bos ni cung zad drangs so// ji tsam na byang chub sems dpa' stobs kyi nyam song bar mdzad cing shing dge ba'i snying po phyag gis blangs te/ 'bab chu ro hi ta ka'i 'gram nas 'phangs te/ byang chub sems dpas gsungs pa/ shes ldan dag shing dge ba'i snying po 'di ni bsil pa'i rang bzhin yin pas mkhris pa'i nad dang / shu ba dang / phol mig byung ba la byugs na zhi bar 'gyur gyis dum bur byos la khyer te rang rang gi khyim du zhog shig/ yang ba can du glang po che zhig skyes pa dang / de nas yangs pa can gyi li tsa byi rnams kyis glang po che mtshan dang ldan pa zhig rnyed nas/ de rnams kyis bsam pa/ rgyal po zas gtsang gi sras mtshan mkhan rnams kyis 'khor los sgyur ba'i rgyal por 'gyur ro/ / zhes lung bstan pa de'i mthus glang po che rin po che 'di byung gis deng la de kho na la dbul lo snyam mo// de rnams kyis glang po che rgyan thams cad kyis brgyan nas khrid de dong ba las rim gyis ser skya'i gzhir phyin nas/ rgyal po'i pho brang gi sgor glang po che'i dam pa bzhag nas sdong ba dang / ma stes te gdug pa'i las can lha sbyin phyir byung ba des glang po che'i dam pa de de ltar rgyan gyis brgyan par mthong nas/
- 188a
de ngas phrag dos chen po skyes te/ de phrag dog dang mi bzod pa skyes pas dris pa/ glang po che'i dam pa 'dasum yin// de rnams kyis sprug pa/ gzhon nu gakrathus pa mtshanam ldan nam kyis 'khor los sgyur ba'i rgyal por lung bstan pa de la yangs pa can gyi tshogs rnams kyis glang po che 'di skyes su phul lo/ / lha sbyin lhag par mi bzod pa skyes nas smras pa/ re shig de 'khor los sgyur bar ma gyur par/ rnga khyed cag glang po rin po che 'bul lam zhes smras nas// phal lcug gis glang po che bsad do// ji tsam na phyogs der dga' bo 'ongs pa des de mthong nas dris pa/ shes ldan dag glang po che bzang po 'di sus bsad/ de rnams kyis smras pa/ lha sprin gyis bsad do// des bsams pa gdon mi za bar 'di la lha sbyin gyis mthu sad kyis ma la bdag gis kyang 'di la mthu sad par bya'o snyam nas mjug ma nas bzung ste gom pa bdun du bor ro/ / ji tsam na byang chub sems dpa' shAkya thub pa phyir byung ba des de gzigs nas/ dris pa glang po che 'di gang nas 'ongs/ de rnams kyis ji ltar gyur pa smras so// sus bsad/ lha sbyin gyis so// 'gro na rnams la 'gron gyi mchod pa bya ba yin nam lpags pa zhig byas so// phyogs gang du bsad/ pha gir ro// 'dir sus drung / dga' bos so// des dgongs pa 'dir gdon mi za bar de gnyis kyis 'di la mthu sad kyis ma la ngas kyang 'di la mthu sad par bya'o snyam du dgongs nas mjug ma nas bzung ster ba'i khar
- 188b
'phangs pa las ra nga'i rim pa bdun dang 'obs bdun las bzlas te bor ro/ / de lhung bas gshong gtong pa glang po che'i gshong glang po che'i gshong zhes bya bar gyur to// 'dir smras pa lha sbyin gyis ni glang chen dbang po bsad/ / dga' bos de ni gon pa bdun du drung// byang chub sems dpas phyag gos par snang la// rdo bzhin du phyi rol rgyang rings 'phangs/ / mtshan mkhan rnams kyis lung bstan pa/ gal te gzhon nu lo bcu gnyis kyi bar du rab tu ma byung na/ 'khor los sgyur ba'i rgyal por 'gyur ro// de nas rgyal po zas gtsang ma 'di snyam du sems te/ ma la bdag gis 'di la 'dod pa'i yon tan lnga phal po che byin na de lta na ni de rnams la dga' bas rab tu byung bar mi 'gyur ro snyam nas/ rgyal po zas gtsang gis byang chub sam dpa'i mdun du gos dang / rgyan gyi phung po bzhag nas smras pa/ deng khyed kyis shAkya'i bu mo rnams la rgyan dang gos rnams byin cig/ de nas rgyal po zas gtsang gis ser kya'i grong khyer du deng gzhon nu gos dang rgyan rnams ster bar 'gyur gyis shAkya'i bu mo thams cad shog cig ces dril sgrog tu bcug go/ de nas shAkya'i bu mo gzhon nu ma lnga brgya 'ongs pa dang / thams cad la byang chub sems dpa' gos dang rgyan rnams byin no/ / de nas shAkya dbyigs pa can la grags 'dzin ma zhes bya ba'i bu mo yod pa dang / des de la smras pa/ khyed la yang gzhon nu gos dang can rnam ster bar 'gyur gyis song // de nas grags 'dzin
- 189a
ma ci bdag la byang chub sems dpa' las gzhan su zhig khyor 'gyur snyam du bsams nas/ byang chub sems dpa'i thad du song ba dang / ji tsam na gos dang rgyan thams cad byin zin nas ci yang ma lus pa dang / des byang chub sems dpa'i mgul na shin tu mdzes shing rin che ba'i mu tig phreng cig lus pa mthong nas de de la dga' bas bag 'khum pa med par rang nyid kyis bkrol te/ rang gi mgul du btags nas byang chub sems dpa'i thad nas song ngo // de nas rgyal po zas gtsang ma 'di snyam du sems te/ bu mo 'di'i phebs shing brtan pa las na 'dis gzhon nu'i thugs dang / bstan par nus kyis 'di blang bar bya'o snyam du bsams nas/ grags 'dzin ma bud med kyi 'khor nyi khri dang / byang chub sems dpa'i btsun mor blangs so// rgyal po zas gtsang mas byang chub sems dpa' la smras pa/ song la las kyi mtha' ji tsam pa la ltos shig/ de nas byang chub sems dpa' rgyal po zas gtsang mas bsgo ba gsan te shing rta bzang po la zhugs nas/ phyi rol du gshegs te yab rgyal po zang gtsang ma'i las kyi mtha' gzigs shing byang chub sems dpa' las kyi mtha' la zhugs pa rnams kyi gan du byon pa dang / gshol lnga brgya dang zhing rmad cing zhing pa'i mi de rnams kyang gshol gnon cing 'dren pas stobs nye bar nyams pa/ mgo lus rdul gyis yog pa/ rlung dang than pas lus la gdungs pas lus rtsub cing mdog ngan pa// rkang pa dang lag pa gas pa/ dengs shing dri ma can gyi gos gyon pa/ rkang pa dri ma can
- 189b
ltogs pa dang / skoms pas mdog ngan cing lkog ma dang mkhur ba dang / mig gi logs bskams pa dang / glang de rnams kyang rmon pa lcug gzer du rnon po can gyis lus dral bas rgyab dang mdun phyogs khrag gis yog pa/ ltogs pa dang / skom pas dbugs brtsegs shing snying ka'i phogs nas dbugs brtsegs par ring du 'dren la/ gnya' shing gis mnan pa'i rma las rnag khrag 'dzag pa las sbrang bu dang 'bru'i tshogs za ba thong lcags kyis rkang pa rma byung zhing kha dang sna nas kha chu dang sna chu 'dzag la sdang ma dang sha sbrang dang / sbrang bu mchu rings kyis yog pa rnams gzigs so// gzigs nas kyang thog ma med pa'i dus nas bsod nam bskyed cing bsags pa'i thugs rjes kun nas bskyod pa'i thugs kyis zhing pa rnams la 'di skad ces gsungs so/ / shes ldan dag khyed su'i yin/ de rnams kyis gsol pa/ byang chub sems dpa'i legs so// des gsungs pa shes ldan dag khyed dang phan chad bran du mi bya/ mngag gzhug par mi bya/ rang dbang can gar dga' bar 'gro bar byas/ bde ba la reg pa la gnas shig/ rmo nad pa rnams kyang dkrol nas gsungs pa khyed cag kyang deng phan chad rtsa mchog ma nyams pa la za zhing / chu ma brtul ma rnyogs shing dang ba dag la 'thungs shig/ khyed la phyogs bzhi nas kyang rlung bsil ba ldang bar gyur cig/ de nas byang chub sems dpa' yid byung ba de nyid kyis/ yang shAkya zas gtsang gi zhing blas kyi mtha' la gzigs nas/ snum zhing sngo la 'dab ma 'jug cing grib ma bzang po dang ldan pa'i 'dzam bu'i shing gi grib ma gang na ba der gshegs te byon nas
- 190a
shing 'dzam bu'i grib ma la bzhugs te/ 'dod pa las dben pa sdig pa mi dge ba'i chos rnams las dben pa/ rtog pa dang bcas dpyod pa dang bcas shing / dben pa las skyes pa'i dga' ba dang bde ba zag pa med pa dang 'dra ba'i bsam gtan dang po la snyoms par bzhugs so/ / skye bo'i tshogs chen po yang byang chub sems dpa' spangs te mi 'gro bar shing gzhan rnams kyi drung na sdod do// rgyal po zas gtsang gis bsams pa/ byang chub sems dpa'i ring zhig thogs te/ 'di ltar de'i dus las yol gyis bltar 'gro'o zhes de shing rtar zhugs nas zhing pa'i grong du song ste/ phan tshun du byang chub sems dpa' tshol zhing shing 'dzam bu'i drung du phyin to/ / de'i tshe nyi ma'i gung yol nas shing gzhan rnams kyi grib ma shar phyogs su gzhol/ shar phyogs su 'bab/ shar phyogs su bab par gyur to// byang chub sems dpa'i mthus shing 'dzam bu'i grib ma ni byang chub sems dpa'i sku mi gtong ngo / / rgyal po zas gtsang gis nyi ma'i gung yol nas shing gzhan rnams kyi grib ma ni shar phyogs su gzhol/ shar phyogs su 'bab pa/ shar phyogs su bab par gyur na shing 'dzam bu'i grib ma ni byang chub sems dpa'i sku mi gtong ba mthong ngo // mthong nas kyang de 'di snyam du sems te/ gzhon nu ni rdzu 'phrul che zhing mthu che ba yin te/ 'di lta la nga nyi ma'i gung yol nas/ shing gzhan rnams kyi grib ma ni shar phyogs su gzhol/ shar phyogs su 'bab/ shar phyogs su bab par gyur na shing 'dzam bu'i grib ma ni byang chub sems dpa'i sku mi gtong
- 190b
ngo mtshar che'o snyam mo/ / de nas dga' ba'i bsti stang byas te/ byang chub sems dpa'i zhabs gnyis la gtugs nas tshigs su bcad de smras pa/ ji ltar bltam tshes ni g.yos pa ltar// 'dzam bu'i grib ma khyod sku mi gtong ba/ / bla chen khyod kyi ya mtshan gnyis 'di ste// kun gzigs khyod kyi zhabs la phyag 'tshal lo// de nas byang chub sems dpa' ting nge 'dzin de las bzhengs nas shing rtar zhugs pa dang ji tsam na gter skyong ba/ skra dang kha spu dang sen mo ring ba gter thogs te byang chub sems dpa' gang na ba der song ste phyin nas/ byang chub sems dpa' la 'di skad ces gsol to// lha gtir 'di rnams bzhes shig/ byang chub sems dpas gsungs pa/ 'di gang gi/ lha skyes bu gang zhig dus las 'das pa de rnams kyis lags so// byang chub sems dpas gsungs pa/ 'di rnams kyis chog gis/ re shig de rnams kyis blun po'i yongs su gzung ba byas nas ci zhig bya/ khyed nga la dgos pa med kyis song shig/ tshigs su bcad pas kyang gsungs pa/ gang gis nga la 'chi ba'i gtam smras pa// de dag kyang shi gtam du gyur pa yin// bdag kyang shi nas ring po mi thogs par// gzhan dag gi yang gtam du 'gyur ba 'ong // de rnams kyis yang sgra phyung ba/ gzhon nu gal te mi bzhes na bdag cag rgya mtsho chen por 'jug go// byang chub sems dpas ci bde bar zhugs shig ces gsungs pa dang / de rnams rgya mtsho chen po'i nang du zhugs so// de nas gnas gtsang ma'i ris kyi lha rnams 'di snyam du sems te/ byang chub sems dpa' rnams ni rgyu'i stobs
- 191a
@can yin mod kyi/ 'on kyang rkyen bsgrub par bya dgos te/ 'di ltar rgyu'i stobs chen po yang rkyen gyi stobs la ltos so snyam nas/ byang chub sems dpa' dur khrod kyi nang nas gshegs pa na lha rnam kyis mi ro rnam par bsngos pa dang / rnam par rnags pa dang / rnam par 'bus gzhig pa dang / rnam par bam pa dang / rnam par zos pa zhig bstan pa dang / byang chub sems dpas gzigs nas skyo ba 'khrud so/ / de nas rgyal po zas gtsang mas byang chub sems dpa' lam gzhan nas grong khyer ser skya'i gzhir 'jug par byas so// de nas grong khyer ser skya'i gzhi'i bud med kyi tshogs skar khung dang / skar khung dra ba can dang / ba gam dag na byang chub sems dpa' la lta zhing 'dug pa dang / shAkya dus legs kyi bu mo sa 'tsho ma zhes bya ba steng gi khang bzangs kyi gzhi la 'dug pa/ byang chub sems dpa' la rtog pa na/ rkang pa'i mthe bos sa bskos te khrag byung yang ma tshor ro// byang chub sems dpa' yang sa 'tshe ma la gzigs pa na phyag g.yas kyis mda' phye mar glags so// kha lo bas lcags mda' phul ba dang / de yang phye mar glags so// de nas rgyal po zas gtsang ma 'di snyam du sems te/ 'di ni gzhon nu'i thugs dang bstan par nus so snyam mo// de nas kha lo sgyur bas shing rta drangs pa dang / shAkya dril bu sgra'i bu mo ri dgas skyes zhes bya bas byang chub sems dpa' shing rtar zhugs te byon pa mthong ba dang / yang steng gi khang bzangs kyi gzhi la 'dug nas tshigs su bcad de smras pa/ kye ma 'di'i yum bde zhing / yab kyang
- 191b
shin tu bde ba yin/ / kye ma gang gi khyim thab 'gyur// bud med de yang mya ngan 'das// skyes mchog bsam gtan pa de yis// mya ngan 'das pa'i sgra gas na nas// mya ngan 'das pa zhi nyid du// mkhyen nas de la thugs dgyes/ 'gyur// de nas byang chub sems dpas mya ngan 'das pa'i sgra gsan pas ri dgas skyes la dgyes te/ mgul nas mu tig phreng gcig phog ste/ 'phangs nas shing rta de la bsam gtan la snyoms par zhugs par mdzad do/ / phreng ba de yang de'i mgul du 'khris par gyur to// de nas rgyal po zas gtsang ma 'di snyam du sems te/ 'dis ni byang chub sems dpa'i thugs dang bstan par nus so snyam nas sa mtsho ma bud med nyi khris bskor ba dang / ri dgas skyes kyang bud med nyi khris bskor ba byang chub sems dpa'i btsun mor blangs so// de ltar na grags 'dzin ma dang / sa mtsho ma dang / ri dgas skyes la sogs pa btsun mo stong phrag drug cu byung bar gyur to/ / mtshan mkhan rnams kyis gal te byang chub sems dpa' lo bdun gyi bar du rab tu ma byung na 'khor los sgyur ba'i rgyal por 'gyur ro zhes lung bstan to// de nas rgyal po zas gtsang ma 'di snyam du sems te/ ma la bdag gis byang chub sems dpa' la 'dod pa'i yon tan lnga las phal po che zhig sbyin par bya'o snyam nas phal po che byin no// mtshan mkhan gyis gal te byang chub sems dpa' zla ba bdun gyi bar du ma byung na gdon mi za bar 'khor los sgyur ba'i rgyal por 'gyur ro zhes lung bstan to/ / de nas rgyal po zas gtsang mas byang chub sems dpa' la 'dod pa'i yon tan lnga shin tu yang mang du byin te/ 'di
- 192a
ltar yang 'di mngon par dga' bas rab tu 'byung bar mi 'gyur ro snyam mo/ / chos nyid kyis byang chub sems dpa' skyed mos tshal gyi gzhir gshegs par bzhed par gyur pa de'i tshe/ kha lo sgyur ba la kye kha lo sgyur ba re shig bzhon pa bzang po myur du shoms shig dang der zhugs nas skyed mos tshal gyi gzhir 'gro'o zhes gsung bar 'gyur bas/ de nas byang chub sems dpa' kha lo sgyur ba la bsgo ba/ kyi kha lo sgyur bar re shig bzhon pa bzang po myur du shoms shig dang / der zhugs nas skyed mos tshal gyi gzhir 'gro'o// lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas/ bzhon pa bzang po myur du bshams te/ byang chub sems dpa' shAkya thub pa gang na ba der song nas phyin pa dang / byang chub sems dpa' shAkya thub pa la 'di skad ces smras so// lha bcibs pa bzang po bshams lags kyis/ lha nga de'i dus la bab par dgongs su gsol/ de nas byang chub sems dpa' shAkya thub pa gzhon pa bzang por zhugs nas/ skyed mos tshal gyi gzhir byung ba dang / byang chub sems dpa' shAkya thub pas mi rgas 'khogs btugs pa/ sgur po phya ma dgu po ltar kyang kyor can mdun nas 'khar ba la rten cing lus 'dar zhing 'gro ba/ de'i ska sa ba/ ji ltar yang mi gzhan dag dang mi 'dra ba zhig gzigs so/ / gzigs nas kyang kha lo sgyur ba la gsungs pa/ kha lo sgyur ba mi rgas 'khogs gtugs pa/ sgur po phya ma dgu po ltar kyang kyor can mdun nas 'khar
- 192b
pa la rten cing lus 'dar zhing 'gro ba de'i skra se ba ji ltar yang mi gzhan dang mi 'dra ba ci yin/ lha mi 'di ni rgas pa zhes bgyi'o// kha lo sgyur ba rgas pa zhes bya ba 'di ci yin/ lha mi 'di ring po mi bog pa kho nar 'gum par 'gyur bas/ de rgas pa zhes bgyi'o// kha lo sgyur ba nga yang rga ba'i chos dang rga ba'i chos nyid las ma 'das sam/ lha yang rga ba'i chos nyid las ma 'das so// kha lo sgyur ba de'i phyir shing rta phyir sbyar cig/ pho brang nyid du 'dong ngo // 'di ltar nga pho brang du phyin nas/ nga rga ba las ma 'das so zhes grag pa'i don de nyid bsam par bya'o// kha lo sgyur bas shing rta phyir sgyur nas pho brang nyid du chas te/ der byang chub sems dpa' shAkya thub pa pho brang gi nang du byon nas/ nga yang rga ba las ma 'das pa lta zhig ces mi dgyes shing thugs ngan dgongs so// 'dir smras pa/ dar yal rgas shing skur la mgo skya ba/ / lag na 'khar ba thogs pa'i mi gzigs nas// 'di bdag rga las ma 'das ces grag ces// de nas mi dgyes thugs ngan dgongs par mdzad// de nas rgyal po zas gtsang gis kha lo sgyur ba la smras pa/ kha lo sgyur ba ci gzhon nu yid dga' ba dang mgu bas skyed mos tshal gyi gzhir byung ngam/ skyed mos tshal la mngon par dga' 'am/ lha ma lags so// de ci'i slad du zhe na/ lha gzhon nu skyed mos tshal gyi gzhir gshegs pa na mi rgas 'khogs gtugs pa sgur po phyim dgu po ltar kyar kyor can mdun nas 'khar ba la rten cing lus 'dar zhing
- 193a
mchil/ de'i sra sa pa/ ji ltar yang mi gzhan dag dang mi 'dra ba zhig gzigs so// gzigs nas kyang bdag la 'di skad ces bka' stsal to// kha lo sgyur ba mi rgas/ 'khogs gtugs pa/ sgur po phyam dgu po ltar kyang kyor can mdun nas 'khar ba la rten cing lus 'dar zhing 'gro la/ de'i skra sa pa/ ji ltar yang mi gzhan dang mi 'dra ba 'di ci yin/ de la bdag gis 'di skad ces gsol to/ / lha 'di rgas pa zhes bgyi'o// de 'di skad ces gsung ste/ kha lo sgyur ba rgas pa zhes bya ba 'di ci yin/ de la bdag gis 'di skad ces gsol to// lha mi 'di ring po mi thogs pa kho nar 'gum par 'gyur bas lha de ni rgas pa zhes bgyi'o/ / de 'di skad ces gsung ste/ kha lo sgyur ba nga yang rga ba'i chos dang rga ba'i chos nyid las ma 'das sam/ de la bdag gis 'di skad ces gsol to/ / lha yang rga ba'i chos dang rga ba'i chos nyid las ma 'das so// de 'di skad ces gsung ste/ kha lo sgyur ba de'i phyir shing rta phyir sgyur cig pho brang nyid du 'dong ngo // 'di ltar pho brang du phyin nas nga rga ba las ma 'das so zhes grag pa'i don de nyid bsam par bya'o/ / lha gzhon nu de pho brang gi nang du gshegs te/ de nas rga ba las ma 'das pa lta shig ces mi dgyes shing thugs ngan dgongs so/ / de nas rgyal po zas gtsang ma 'di snyam du sems te/ mtshan mkhan dang ltas mkhan gyi bram ze de rnams kyis tshig yang dag par bden par mi 'gyur grang / gzhon nu sgra dang kha spu bregs
- 193b
te gos ngur smrig bgos nas dad pa yang dag pa kho nas khyim nas khyim med par rab tu 'byung bar 'gyur du 'ong gis/ ma la bdag gis gzhon nu la 'dod pa'i yon tan lnga las phal po che zhig byin la/ ci nas kyang 'di la dga' zhing rab tu 'byung bar mi 'gyur bar bya'o snyam mo/ / de nas rgyal po zas gtsang gis byang chub sems dpa' shAkya thub pa la 'dod pa'i yon tan lnga las phal po che byin te/ ci nas kyang 'di la dga' zhing rab tu 'byung bar mi 'gyur bar byas so/ / 'dir smras pa/ kha lo sgyur ba'i tshig de bos pa dang // gzhon nu la ni yab de dogs gzhon nu// de tshe sngar dga' nags su mi 'gro'i phyir/ 'dod pa'i yon tan lngar bcas mang du byin// de nas chos nyid kyis byang chub sems dpa' skyed mos tshal gyi gzhir gshegs par bzhed par gyur pa de'i tshe/ kha lo sgyur ba kye kha lo sgyur ba re shig bzhon pa bzang po myur du shoms shig/ de la nga zhon nas bskyed mos tshal gyi gzhir 'gro'o zhes gsung bar 'gyur bas/ de nas byang chub sems dpas kha lo sgyur ba la gsungs pa/ kye kha lo sgyur ba re shig bzhon pa bzang po myur du shoms shig/ de la nga zhon nas bskyed mos tshal gyi gzhir gshegs so// lha bka' bzhin 'tshal zhes kha lo sgyur bar byang chub sems dpa' shAkya thub pa'i ltar mnyan nas bzhon pa bzang po bshams te/ byang chub sems dpa' shAkya thub pa gang na ba der song ste phyin nas/ byang chub sems dpa' shAkya thub pa la 'di skad ces gsol to// lha bcibs pa bzang po bshams lags na/
- 194a
lha nga de'i dus la bab par dgongs su gsol/ de nas byang chub sems dpa' shAkya thub pa bzhon pa bzang por zhugs nas/ skyed mos tshal gyi gzhir byung ba dang / byang chub sems dpa' shAkya thub pas mi skya bo rbab rbab po rid pa nyam chung ba dbang po nyams pa/ skye bo mang po'i mig gis blta mi phod pa zhig gzigs so// gzigs nas kyang kha lo sgyur ba la gsungs pa/ kha lo sgyur ba mi skye bo rba ba rbab po rid pa nyam chung ba dbang po nyams pa skye bo mang po'i mig gis blta mi phod pa 'di ci yin/ lha 'di ni bro nad kyi thebs pa zhes bgyi'o// kha lo sgyur ba bro nad kyi phebs pa zhes bya ba 'di ci yin/ lha mi 'di gang gis 'gums par 'gyur ba'i gnas de mchis te/ lha 'di ni bros thebs pa zhes bgyi'o// kha lo sgyur ba nga yang nad kyi chos dang nad kyi chos nyid las ma 'das sam/ lha yang snyan gyis chos dang snyan gyi chos nyid las ma 'das so/ / kha lo sgyur ba de'i phyir shing rta phyir sgyur cig/ pho brang nyid du 'dong ngo // 'di ltar pho brang du phyin nas/ nga nang las ma 'das zhes bya ba'i don de nyid bsam par bya'o// kha lo/ sbyor bas shing rta phyir sbyar nas/ pho brang nyid du ches te/ der byang chub sems dpa' shAkya phub pa pho brang gi nang du gshegs nas bdag kyang nad las ma 'das pa lta zhig ces mi dgyes shing thugs ngan dgongs so/ / 'dir smras pa/ mi ni lus ring skya bo rbab rdab po// rang dbang med pa'i nad thebs 'dir gzigs nas// nang las bdag ma 'das pa lta zhig ces// de nas mi dgyes thugs ngan dgongs par mdzad
- 194b
de nas rgyal po zas gtsang gi kha lo sgyur ba la smras pa/ kha lo sgyur ba ci gzhon nu yid dga' ba dang mgu bas skyed mos tshal gyi gzhir byung ngam/ bskyed mos tshal la mngon par dga' bar gyur tam/ lha ma lags so/ / de ci'i slad du zhe na/ lha gzhon nu skyed mos tshal gyi gzhir byung ba na/ mi skya bo rba ba rbab po rid pa nyam chung ba dbang po nyams pa skye bo mang po'i mig gis lta mi phod pa zhig gzigs so// gzigs nas kyang bdag la bka' stsal pa/ kha lo sgyur ba mi skya bo rbab rbab po ring pa nyam chung ba dbang po nyams pa skye bo mang po'i mig gis lha mi phod pa 'di ci yin/ de la bdag gis 'di skad ces gsol to// lha 'di ni bro nad kyis thebs pa zhes bgyi'o/ / de 'di skad ces gsung ste/ kha lo sgyur ba nad kyis thebs pa zhes bya ba 'di ci yin/ de la bdag gis 'di skad ces gsol to// mi 'di gang gnod pa 'dis 'gum pa'i gnas mchis te/ lha de ni bros phebs pa zhes bgyi'o// de 'di skad ces gsung ste/ kha lo sgyur ba nga yang nad kyis chos dang nad kyi chos nyid las ma 'das sam/ de la bdag gis 'di skad ces gsol to// lha yang spun gyi chos dang snyun gyi chos nyid las ma 'das so/ / de 'di skad ces gsung ste/ kha lo sgyur ba de'i phyir shing rta phyir sgyur cig/ pho brang nyid du 'dong ngo // 'di ltar nga pho brang nyid du phyin nas nga nang las ma 'das zhes grag pa'i don de nyid bsam par bya'o/ / gzhon nu de pho brang gi nang du gshegs nas/ ting yang nad las ma 'ongs pa lta zhig ces mi dgyes shing thugs ngan dgongs so// de nas rgyal po zas gtsang ma
- 195a
'di snyam du sems te/ mtshan mkhan dang ltas mkhan gyi bram ze de rnams kyi tshig yang dag par bden par mi 'gyur grang zhes bya ba la sogs pa snga ma bzhin no// 'dir smras pa/ de'i tshe dga' nas bdag 'dor mi gzhug phyir/ / gzugs dang sgra dang dri dang ro rnams dang // reg bya yid du 'ong ba gtso rnams kyi// 'dod pa'i yon tan lnga po de bzhin no// chos nyid kyis byang chub sems dpa' shAkya thub pa bskyed mos tshal gyi gzhir gshegs par bzhed par gyur pa de'i tshe/ kha lo sgyur ba la bka' stsal pa la sogs pa snga ma bzhin te/ byang chub sems dpa' shAkya thub pa ras kha dog sna tshog las byas pa'i bla res bres pa dang / khyogs khyer ba dang / mdun name sgron thogs pa dang / skye bo'i tshogs chen po mdun nas 'gro ba dang / bud med skra bshig pa rnams ngu zhing rjes bzhin du 'brang ba zhig gzigs so/ / gzigs nas kyang kha lo sgyur ba la gsungs pa/ kha lo sgyur ba ras kha dog sna tshogs byas pa'i bla res bris pa dang / khyogs khyer ba dang / mdun nas ma sgron thogs pa dang / skye bo'i tshogs chen po mdun nas 'gro ba dang / bud med skra bshig pa rnams du zhing rjes bzhin du 'brang ba 'di ci yin/ lha 'di ni gum pa zhes bgyi'o// kha lo sgyur ba shi ba zhes bya ba 'di ci yin/ lha ma 'dis slan chad sdug pa'i pham mi mthong zhing bu pho dang / bu mo dang / bran po dang / bran mo dang / las bgyid pa dang / zho shas 'tsho ba'i mi rnams kyang ma lag sa la/ de dag gis slan chang 'di mi mthong
- 195b
bas lha 'di ni gum pa zhes bgyi'o/ / kha lo sgyur ba nga yang 'chi ba'i chos dang 'chi ba'i chos nyid las ma 'das sam/ lha yang 'chi ba'i chos dang 'chi ba'i chos nyid las ma 'das so// kha lo sgyur ba de'i phyir shing rta phyir sgyur cig/ pho brang nyid du 'dong ngo // 'di ltar nga pho brang du phyin nas nga 'chi ba las ma 'das zhes grag pa'i don de nyid bsam par bya'o// kha lo sgyur bas shing rta phyir sbyar nas pho brang nyid du chas te/ der byang chub sems dpa' shAkya thub pa pho brang gi nang du gshegs nas bdag kyang 'chi ba las ma 'das pa lta zhig ces mi dgyes shing thugs ngan dgongs so// 'dir smras pa/ tshe zas pa yis 'du shes bral gyur cing // sems med mi yi ro zhig gzigs nas ni// 'chi las bdag ma 'das pa lta zhig ces// de nas mi dgyes phrugs ngan dgongs par mdzad// de nas rgyal po zas gtsang gis kha lo sgyur ba la smras pa zhes bya ba la sogs pa ni snga ma bzhin no/ / 'dir smras pa/ grong khyer dam pa dpal ldan yid 'ong der// lha yi lhar gyur sgron ma dang mtshungs dang // 'dod pa'i yon tan lnga pos kuni dgyes pa/ / mig stong dga' ba'i tshal na gnas pa bzhin// de nas gnas gtsang ma'i ris kyi lha rnams 'di snyam du sems te/ byang chub sems dpa' ni rgyu'i stobs can yin mod kyi/ 'on kyang rkyen bsgrub par bya dgos te/ 'di ltar rgyu'i stobs chen po yang rkyen gyi stobs la ltos so snyam nas/ de rnams kyis mi skra bregs shing gos ngur smrig gyon pa lag pa lhung zed thogs pa zhig/
- 196a
khyim nas khyim dang / khang pa nas khang par rgyu zhing 'gro ba zhig sprul to// chos nyid kyis byang chub sems dpa' skyed mos tshal gyi gzhir gshegs par bzhed par gyur pa zhes bya ba la sogs pa ni snga ma bzhin no/ / bskyed mos tshal gyi gzhir byung ba dang / byang chub sems dpa' shAkya thub pas mi skra bregs shing gos ngur smrig gyon pa lag pa na lhung bzed thogs pa zhig khyim nas khyim dang / khang pa nas khang par rgyu zhing 'gro ba zhig gzigs so/ / gzigs nas kyang kha lo sgyur ba la gsungs pa/ kha lo sgyur ba mi skra breg shing lhung bzed thogs nas khyim nas khyim dang / khang pa nas khang par rgyu zhing 'gro la/ 'di'i gos kyang kha dog mi mtshungs te/ ji ltar yang mi gzhan dag gi dang mi 'dra ba ci yin/ lha de ni rab tu byung ba zhes bgyi'o// kha lo sgyur bas tu byung ba zhes bya ba 'di ci yin/ lha rab tu byung ba de ni dul ba legs pa dang yang dag par sdom pa lags pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spong bar rig nas/ skra dang kha spu bregs te/ gos ngur smrig bgos nas dad pa yang dag pa kho nas khyim nas khyim med par rab tu byung ba ste/ lha 'di ni rab tu byung ba zhes bgyi'o// kha lo sgyur ba de'i phyir shing rta 'di rab tu byung ba gang na ba de logs su sgyur cig/ lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas shing rta de rab tu byung ba gang na ba der sbyar to/ / de nas byang chub sems dpa' shAkya thub pas rab tu byung ba de la 'di skad ces bka' stsal to// kye mi khyod
- 196b
ci'i phyir skra bregs shing lag pa na lhung bzed thogs nas khyim nas khyim dang khang pa nas khang par rgyu zhing 'gro la khyod kyi gos kyang kha dog mi mtshungs te/ ji ltar yang mi gzhan dag gi dang mi 'dra ba yin// des 'di skad ces smras so// gzhon nu bdag ni rab tu byung ba zhes bgyi'o// kye mi khyod ji ltar na rab tu byung ba zhes bya/ gzhon nu bdag gis dul ba legs pa dang / yang dag par ngom pa legs pa dang don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas/ sgra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ste/ de ltar na bdag rab tu byung ba zhes bya'o// kye mi khyod kyis dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas/ skra dang kha spu bregs te gos ngur smrig bgos nas/ dad pa yang dag pa kho nas khyim nas khyim med par rab tu byung ba legs so/ / de nas byang chub sems dpa' shAkya thub pos kha lo sgyur ba la gsungs pa/ khal sbyor ba de'i phyir shing rta phyir sgyur cig/ pho brang nyid du 'dong ngo // 'di ltar nga pho brang du phyin nas don 'di kho na bsam par bya'o/ / kha la sgyur bas shing da phyir sbyar nas/ kho brang nyid du chas te/ deng po brang nyid du gshegs pa dang / byang chub sems dpa' shes thub pa kye ma'o bdag ni sra dang la spu bres
- 197a
te gos ngur smrig bgos nas dad pa yang dag pa kho nas khyim nas khyim med par rab tu 'byung bar bya'o snyam pa'i don de nyid dgongs so/ / de nas rgyal po zas gtsang gis kha lo sgyur bal smras pa la sogs pa ni snga ma bzhin no/ / de nas skye dgu'i bdag mo chen mos rmi lam rmis pa/ dbang po'i tog ltung ba dang / shAkya rnams phyag dar gyis khebs pa dang / sa ldog pa dang / dpal khyim nas byung ba dang / phyi rol na skad cig cig du zhing dgod pa la bdag nyid lta ba dang / nyi ma gang nas shar ba de nyid nas nub pa'o// byang chub sems dpas de gsan pa dang / dgongs pa nga ni shAkya rnams kyi dbang po'i tog gi gnas yin pa dang / nga grong khyer nas 'byung na dpal 'byung bar 'gyur ro// rgyal po zas gtsang mas kyang rmi lam rmis pa dpal gyi mal khri chig pa dang pha'i rgyud chad pa'o// byang chub sems dpas de gsan pa dang / de de bzhin te/ nga ni grags 'dzin ma'i dpal gyi gnas su gyur pa dang / zas gtsang ma'i pha'i rigs brgyud kyi gnas su gyur pas rab tu byung bas shAkya rnams kyi rigs brgyud chad par 'gyur ro/ / mtshan mkhan rnams kyis rgyal po zas gtsang ma'i mdun du gal te gzhon nu zhag bdun gyi bar du rab tu ma byung na/ 'khor los sgyur ba'i rgyal por 'gyur ro zhes lung bstan to// 'di skad ces kyang smras te/ gal te de ni bzang po gzigs bzhed na/ de'i slad dgung bdun bar du srungs shig dang // mi dbang gdugs ni bdal bar gyur pa lta'i// rin chen sna bdun 'byung bar
- 197b
the tshom med/ / khyod sras rin chen bdun po yi// dbang phyug gi ni rgyal por 'gyur// rgya mtsho la ni thug pa'i sa// chad pa med pas skyong bar 'gyur// 'on te sa ni spangs nas su// bsnyengs med nags su bzhud na ni/ / thams cad mkhyen pa thob gyur nas// 'gro ba sgrol bar mdzad par gyur zhes thos so// thos nas kyang zas gtsang dang / zas dkar dang / bre bo zas dang / bdud rtsi zas bzhi lhan cig gcig tu tsho gnas gros bya bar brtsams pa/ shes ldan dag mtshan mkhan dang ltas mkhan gyi bram ze rnams kyis/ byang chub sems dpa' shAkya thub pa la gal te zhag bdun gyi bar du rab tu ma byung na/ 'khor los sbyar ba'i rgyal por 'gyur ro zhes lung bstan gyis/ de lta bas na bdag gis byang chub sems dpa' zhag bdun gyi bar du bsgrims te bsrung bar bya zhing grong khyer yang legs par srung bar bya'o// de nas de rnams kyis ser skya'i gzhi'i grong khyer rab rim pa bdun dang / 'obs rim pa bdun gyis bskor nas/ grong khyer gyi sgo 'phar lcags las byas shing sgo 'phar rnams la dril bu shin tu sgra gsal ba btags te/ sgo phye na de'i sgras dpag tshad gcig kho ra khor yug tu grag par 'gyur ro/ / byang chub sems dpa' khang bzangs kyi gzhin bud med yid 'phrog pa/ gzugs bzang ba rnams dang / gar dang / glu dang / rol mo rnams kyi spyod pas bsnyen bkur byed du bcug go/ / skas shin tu che ba sngor rung ba/ mi lnga brgyas bteg pa byas so// rlabs pa sngags ldan gyi sa phyogs ni zangs ma'i glegs bus g.yogs shing gser gyi sil khrol gyi dra ba btags pas
- 198a
bskor ro/ / byang chub sems dpa'i ni steng gi khang bzangs kyi gzhi skyes pa med par zhugs nas/ bi wang dang / gling bu dang / 'khar rnga dang / sgra brnyan la sogs pa rol mo'i cha byad dag nye bar len cing 'byor pa chen pos bzhugs so/ / mtshan mo ni rgyal po zas gtsang yang dpung gi tshogs yan lag bzhi dang / shar sgo'i phyi rol na 'dug go/ lho phyogs na ni bre bo zas so/ / nub phyogs na ni zas dkar ro// byang phyogs na ni bdud rtsi zas so// grong khyer gyi dbus kyi 'dram po byed pa ni shAkya ming chan dpung gi tshogs yan lag bzhi dang ldan pa'o// de shar sgor song nas smras pa/ su zhig mel tse byed/ su zhig mal tse byed/ rgyal po zas gtsang gis smras pa/ kho ba mel tsa byed do// lha mal tsa mdzod cig/ mel tse mdzod dang khyod la legs par 'gyur zhes smras nas/ tshigs su bcad de smras pa/ 'jig rten gnyid log ro dang mtshungs// gnyid log bdud kyi dbang du song // 'di ni mi nyal rtag tu mkhas// de bas ma nyal me la cetsebyos/ / lho sgor song nas smras pa/ su zhig mel tse byed// bre bo zas kyis smras pa/ kho bo mel rtse byed do// lha mal rtse mdzod cig/ mal rtse mdzod dang khyod la legs par 'gyur ro zhes smras nas/ tshigs su bcad de smras pa/ 'jig rten gnyid log ro dang mtshungs// gnyid log bdud kyi dbang du song // gnyid log 'chi bdag dbang du song // de bas mnyal me la tse byos// nub sgor song nas smras pa/ su zhig mel tse byed/
- 198b
zas dkar gyis smras pa/ kho bo mel tse byed do// lha ma la tse mdzod cig/ mel ce mdzod dang khyod la legs par 'gyur ro zhes smras nas/ tshigs su bcad de smras pa/ gnyid log pa ni rtag tu myos/ / myos 'gyur bre bos 'thungs pa nyal// dgon par nags su nyal ba 'dras// de bas ma nyal mel ce byos// byang sgor song nas smras pa/ su zhig mel tse byed/ su zhig mal tse byed/ bdud rtsi zas kyis smras pa/ kho bo mel tse byed do// lha mel tse mdzod cig/ mel ce mdzod dang khyod la legs par 'gyur ro zhes smras nas/ tshigs su bcad de smras pa/ ri nyal ri sul nyal ba bzhin rgya mtsho'i chur ni nyal ba bzhin/ de bas ma nyal mal ce byos// dbus kyi gzhi mdo dang sum mdo dag tu song nas smras pa/ su zhig mel ce byed/ su zhig mal ce byed/ srungs ma rnams kyi smras pa/ bdag cag mel rtse bgyid do/ / mel tse byos shig/ mel tse byos dang legs par 'gyur ro zhes smras nas/ tshigs su bcad de smras pa/ chos spyod chos ma yin ma spyod// bden pa smros shig brdzun ma smra/ mun pa chen por 'jug par 'gyur/ de bas ma nyal ma la tse byos/ de nas nam nangs nas/ shAkya ming chen gyis rgyal po zas gtsang la smras pa/ lha dgung sangs lags te/ dgung bdun la dgung gcig ni thal/ dgung drug ni lus so// rgyal po zas gtsang gis smras pa/ legs kyis zhag drug 'das nas/ gzhon nu 'khor los sgyur bar gyur na/ bdag cag nam mkha'i ngos la rgyu zhing gling
- 199a
bzhir phyi bzhin 'dong ngo / / de bzhin du dgung gcig lus so zhes bya ba'i bar du'o// de nas lha'i dbang po brgya byin 'di snyam du sems te/ mi dbang shAkya'i sras pa thub pa 'di/ / bdag nyid chen po pha rol phyin drug rdzogs// phub rnams dgyes par mdzad pa dka' thub 'tshal// 'phags pa dgyes pa'i nags su gshegs par bzhed// de nas byang chub sems dpa' 'di snyam du dgongs te/ bdag la gzhan dag gzhon nu shAkya thub pa ni skyes pa ma yin te/ gang gi phyir grags 'dzin ma dang / sa mtsho ma dang / ri dgas skyes dang / bud med drug khri spangs nas/ rab tu 'byung ngo zhes gzhi des kha zer bar 'gyur du 'ong gis/ ma la bdag gis grags 'dzin ma dang / lhan cig dga' dgur sdud par bya'o snyam nas des grags 'dzin ma dang lhan cig dga' dgur spyad pa dang / grags 'dzin ma sems can dang ldan par gyur nas/ de 'di snyam du sems te/ nam langs nas byang chub sems dpa'i snyan du gsol lo snyam mo/ / de nas byang chub sems dpas de'i tshe rten cing 'brel par 'byung ba dang ldan pas tshigs su bcad de gsungs pa/ bud med dang khyim bdag nyal ba'i// tha ma dang gi 'di yin te// phyin chad khyim du bud med dang / / nga ni lhan cig mi gnas so// de nas bud med de rnams gar dang glu dang rol mos ngal zhing lci la dub nas/ kha nas kha chu 'dzag cing skra zhig la gos dang lag pa dang lkug par
- 199b
btang nas/ brla ba'i tshig byung rgyal du brdol zhing gnyid log go/ byang chub sems dpas bud med de dag thams cad kha nas kha chu 'dzag cing skra zhig la gos dang lag pa dag lkug par btang nas brla ba'i tshig byung rgyal du brdol zhing gnyid log pa gzigs so/ / gzigs nas kyang btsun mo'i 'khor la dur khrod kyi 'du shes skyes so// de nas byang chub sems dpa' skyo ba 'khrungs pa dang / tshigs su bcad de gsungs pa/ rlung gi shugs kyis pad+ma'i tshal ltar sa gzhi 'dir/ lag pa dag dang rkang pa brkyang nas 'gyel gyur te/ skra rnams zhig cing mdoms dang rkub kyi phyogs snang ba// shAkya'i sras kyis gzigs nas rang bzhin skyo bar 'gyur/ / tshul dang bral ba'i bud med na chung tshogs 'di dag/ dur khrod 'jigs su rung ba'i rang bzhin 'drar mthong nas// sems can byis pa'i spyod pa'i yul la deng dga' na/ / sems dang blo gros dran dang bral ba yin nam ci// 'dod pa tha chad 'dam dang mda' mdung dug me 'dra// rmi lam lta bu yin te tsha chu'i ro dang mtshungs// 'dod pa phung byed rtsod dang sdig pa'i rgyur gyur pa// mtha' ngan sbrul gyi kha 'dra bdag gis spang bar bya// de nas byang chub sems dpa'/ gzims mal chen po la gzigs pa na mtshan mo de nyid la rmi lam lnga rmis/ sa chen po nyid gzims mal du byas shing / ri rab ri'i rgyal po dbu rten du bcug/ phyag g.yon pa shar phyogs kyi rgya mtsho chen por 'jug/ phyag g.yas pa nub phyogs kyi rgya mtsho chen por 'jug/ zhabs gnyis rgya mtsho chen por 'jug pa dang /
- 200a
'greng ba zhes bya ba'i rtswa'i rigs lte ba nas byung nas nam mkha'i bar du 'phags te 'dug pa dang / bya kun nas dkar la mgo gnag pa rnams kyis zhabs gnyis la gtugs nas pus mo'i lha nga la thug gi bar du lta ba dang / bya sna tshogs phyogs bzhi nas 'ongs nas/ mdun du kha dog gcig tu 'dug pa dang / mi gtsang ba'i ro'i steng na bdag nyid mi gtsang bas ma gos par 'chag pa'o// de lta rmis nas kyang thugs dgyes te dgongs pa/ nga'i rmi lam 'di 'dra ba rmis pas ring po mi thogs pa kho nar bla na med pa'i ye shes thob par 'gyur ro snyam mo// grags 'dzin mas kyang rmi lam du mthong ba/ bdag gi so kun lhags pa dang // dung gi dpung pa chag pa dang // zla ba sa la lhung ba dang // skar ma rnams ni ngu ba'o// grags 'dzin mas rmi lam rmis pa de byang chub sems dpa' la gsol ba dang / byang chub sems dpas gsungs pa// khyod kyi so ni kha nang gnas// zla ba 'di ni mkhar gnas kyis// yid kyi gdung ba bsal nas ni// dogs med bde bar gnyid log cig/ de nas grags 'dzin ma 'di snyam du sems te/ rmi lam 'jigs pa rmis pas na// bdag yid dogs dang bcas par gyur// deng gi mtshan mo sdug pa dang // 'bral ba dag tu mi 'gyur grang // de nas lha'i dbang po brgya byin 'di snyam du sems te/ byang chub sems dpa' rnams ni ji ltar rgyu'i stobs can yin mod kyi 'on kyang rkyen bsgrub par bya dgos te/ 'di ltar rgyu'i stobs chen po yang rkyen gyi stobs la
- 200b
ltos so snyam nas/ byang chub sems dpa' gang na ba der song ste phyin pa dang / khang bzang gi gzhi la 'dug ste/ byang chub sems dpa' la 'di skad ces gsol to// nags kyi spre'u ni spyod yul rgyu 'dra zhing / / yan par 'dug pa'i spre'u dang 'dra ba'i thugs// gal te 'dod pa'i yon tan las bzlog na// de las shin tu gsal ba'i snang ba gzigs// blo gros bzang po bzhengs shig bzhengs/ sa ni spangs te bzhud mdzod la// thams cad mkhyen nyid brnyes nas ni// 'gro ba dag na bsgrol bar mdzod// byang chub sems dpas gsungs pa/ ko'u shi ka ma mthong ngam// nga ni ri dgas bdag po rgyas bskor ltar/ / mi ni mthu ldan gzhu mtshon ral gri thogs// rta glang shing rta dpung tshegs mang po yis// grong khyer sar skya kun nas yongs su bskor// zas gtsang la sogs shAkya'i tshogs 'di dag/ glang chan rta zhon legs par go bgos lus/ / mi sdug sna tshogs lag na mtshon thogs te// khyams dang rta babs khang bzangs gzhi nang gnas// pho brang dang ni khyim sgo dang // de bzhin grong khyer sgo dag dang // bcas nas gnas pa dam bcug ste/ / de bzhin kun nas bsrungs par gyur// ru dung paT ha dang rnga sgra yis// khyams dang rta babs khang bzangs nang gnas shing // glang chen rta dmag 'bad pa'i skye bo'i tshogs// rgyun dung mi gtang phyir srung bar byed/ / brgya byin gyis gsol pa/ des na mar me mdzad kyis lung bstan dang / sdug bsngal gyis gdungs 'jig rten 'di dang yang // khyod kyi sngon gyi dam bcas dgongs mdzod la// khab dag spangs
- 201a
te nges par 'byung bar mdzod/ / ji ltar khyed na 'gegs med par// deng nyid nags su gshegs 'gyur ba// bdag cag tshangs sogs bcas pa yi// lha rnams kyis ni de bzhin bgyi/ byang chub sems dpas legs so zhes gsungs nas/ thugs dgyes par gyur to// de nas lha rnams kyi dbang po brgya byin gyis gnyid kyis myos par byas nas/ gnod sbyin gyi sde dpon chen po lngas rtsen la bsgo ba/ grogs po byang chub sems dpa' steng gi khang bzangs nas 'babs kyis skas long shig/ des skas blangs pa la byang chub sems dpa' babs pa dang / de nas brgya byin gyis brda byas ma thag tu zham ring ba 'dun pa gang na ba der gshegs na/ ji tsam na 'dun pa gnyid stug pos non pa gzigs nas/ byang chub sems dpas bsgrims te bslang nas tshigs su bcad pa'i dbyangs kyis gsungs pa/ 'dun pa longs kyi khyim nas myur du ni/ / da nirta pho rin chen bsngags ldan long // sngon gyi rgyal bas longs spyad dka' thub tshal// thub rnams dgyes par mdzad par da gshegs so// 'dun pa gnyid log pa'i mig phye nas smras pa/ lha khyod skyed mos tshal gyis dus ma bab/ des na khyod dang 'ga' yang kho na ma mchis// khyod la dgra bo su yang ma mchis na// dgung phyed khyod la bcibs pas ci zhig bgyi// byang chub sems dpas bka' stsal pa/ 'dun pa khyod kyis lan 'ga' yang // nga yi tshig ni ma bcag na// nga yi deng dus pham la// nga yi tshig 'di ma gcog shig/ 'dun pas gsol pa/ gzhon nu mtshan mo 'dra
- 201b
ni 'jigs pa dang / 'jigs su rung ba mchis pas bdag bcibs pa mi len no// byang chub sems da pas dgongs pa/ lan dang yang len gyis gdon mi za bar skye bo sad par 'gyur gyis/ bdag nyid song la rta'i rgyal po bsngags ldan sta gon bya'o snyam nas/ de nyid kyis pho brang gi sgo phye nas rta'i rgyal po bsngags ldan gzung bar brtsams pa na/ mdzad kyog byed la par 'bros tshur 'dros shing 'dug tu mi btub bo/ / de nas byang chub sems dpa'i phyag bsod nams brgya phrag du mas bskyed pa/ 'khor lo dang / bkra shis dang / g.yung drung 'khyil ba mnga' ba/ skrag pa rnams dbugs 'byin par mdzad pas mgo la blugs nas gsungs pa/ bsngags ldan tha ma yi ni khur long ste/ dka' bu ba nags su ma thogs nga stsol cig/ byang chub thob nas myur du 'gro ba kun/ bsam gtan rnam thar char gyis tshim par byas// chos nyid kyis dud 'gro yang gdams na phyi lang mi byed pas rta'i rgyal po bsngags ldan mi g.yo bar 'dug go/ de nas byang chub semA dpa' thugs dgyes pa skyes te/ rta'i rgyal po bsngags ldan bsnyad do// ji tsam na shAkya ming chen 'dram po byed pa skye bo nyul zhing phyogs der phyin pa dang / byang chub sems dpa' gshegs par chas pa mthong de nas skad 'dzer cing mig mchims gang bas sbas pa/ gzhon nu 'di ci mdzad/ ming chen 'gro'o// gzhon nu 'di ni rigs pa ma lags so// byang chub sems dpas gsungs pa
- 202a
ming chen 'di ni rigs pa yin te/ gang gi phyir ngas bskal pa grangs med pa gsum du dka' brgya stong du mas sems can rnams kyi don du byang chub yang dag par bsgrubs pa des na dang ci khyim na 'dug phod dam/ 'di ni nges te dka' thub kyi tshal du 'gro'o// gang zhig 'bar ba'i khyim tshan las// mkhas rnams myur du 'byung ba la// legs min smra bar mi 'os kyi// de ni bsngags par 'os nyid yin/ / de bzhin rga nad 'chi ba yis// rab 'bar srid pa'i gzeb las ni// 'byung bar 'dod gyur gang yin la// 'dir ni mi rigs ci zhog mthong // de ltar gsung drag pos smyos pa dang / ming chen gdong las mchi ma char bzhin du 'bab cing / / cho nges 'debs pa la zhugs te kyi hud/ deng du rgyal po zas gtsang dang / shAkya dag ni thams cad kyis// yang dang yang du bsams pa yi// rab 'bras bu med par gyur// deng du rgyal po zas gtsang ni// sras kyi mya ngan gyis gdungs pas// lag bsgreng bzhin du sdug bsngal zhing // mi bzad sgra ni 'byin par 'gyur// sa mtshe grags 'dzin ri dgas skyes// de bzhin btsun mo'i 'khor rgyas pa'ang / / don grub dang ni bral ba yis// shin tu sdug bsngal myong bar 'gyur// zhes smras nas/ de sngangs pas grags 'dzin ma bslang ste smras pa// don grub 'di ni gshegs gyur gyis// khyim thab sdug bsngal gyis gdung nas/ sdug bsngal nyam bag du ma 'ong // khyim bab sdug pa de zlog shig/ khyod kyi khyim bdag gshegs 'gyur 'di ni mthong dka' ste// khyod kyis 'di ltos khyim thab mthong ba'i ba ma yin// kyi dud phongs pas bdag gis mtshan mo khus btab kyang //
- 202b
sus kyang lan ma ster bas bdag gis mnyes so// des ni de ltar khus btab kyang // 'di ltar lha rnams byin rlabs kyis// dgon par 'o dad bos pa bzhin// 'ga' yang thos par ma gyur to// de nas byang chub sems dpa' 'di snyam du dgongs te/ gang bdag gis yab la ma bltas par 'gro ba ni/ nga'i tshul dang mthun pa ma yin no// snyam nas rgyal po zas gtsang ma gang na ba der gshegs te byon pa dang / rgyal po zas gtsang ma gnyid kyis non par gyur to// de nas 'di snyam du dgongs te/ ji ltar nga 'jig rten thams cad kyi phar gyur cing 'jig rten gyi bla ma dang 'jig rten gyi thu bo yin mod kyi/ de lta na yang pha dang ma ni skyes bu'i slob dpon du gyur pa dang / lhar gyur pa dang / tshangs par gyur pa yin zhing / shin tu phan pa byed pa yin no snyam du dgongs nas yab kyi zhabs gnyis la btud de bskor ba lan gsum mdzad nas/ 'di skad ces gsungs so// bdag kyang yid la brtsar ldan zhing // bdag kyang nye du rnams la dga'/ 'on kyang 'khor ba rang bzhin ngan// 'di mthong nas ni mchib lags// gal te rgand 'chi ba dang // sdug pa'i gnyen bral las byung ba'i// gnod byed sdug bsngal ma mchis na// khyed ni spong bar su zhig bgyid// gang phyir mi 'dod bzhin du ni// rab che gnyen gyi dkyil 'khor dang // mdza' bshes chung ma dbang phyug rnams// yun mi ring bar 'khor bar 'gyur// de bas ma chags yid kyis ni// 'khor ba las ni rnam grol phyir// brtser ldan nye du spangs nas ni// skye bo med nags sten pa lags// lus can 'du ba nges par ni// mthar ni 'bral 'gyur nyid lags pas// bdag ni rjes su dgongs nas ni// rmongs pas thugs ngan ma mdzad cig/
- 203a
ces gsungs nas chas so// de nas ming chen gyis rgyal po mas gcang la bsrang ste smras pa/ don grub 'di ni bzhud lags kyis// sa bdag de ni bzlog par mdzod// sras kyi mu pa gyis thabs nas/ / sdug bsngal gyis gdungs bshums 'gyur mchi// ma thos te de yang gnyid ma sad do// de nas lha'i dbang po brgya byin gyis lha'i bu myu gu dang / mang ku ra dang / 'od gzer can dang / lo ma gyon po ste bzhi la smras pa/ grogs po dag khyed rnams kyis byang chub sems dpa' gdeg par nus sam/ de rnams kyis smras pa/ shin du yang nus lags so// khyed rnams la stobs ji yod/ myu gus smras pa/ bdag gis ni sa la ri rdzi snyed yod pa de phrag pa gcig tu thogs te/ nyam nga ba chung ngus 'gro nus pa tsam gyi stobs yod do// mang ku ras smras pa/ bdag gis kyang sa la chu ji yod pa de thams cad phrag pa gcig tu thogs nas 'gro nus so/ / 'od gzer can gyis spras pa/ bdag gis kyang sa la rdul ji snyed yod bde thams cad phrag par bogs te nyam nga ba chung ngus 'gro nus so// lo ma gyon pa smras pa/ bdag gis kyang sa la rtswa dang shing dang yal ga dang po ma ji skad ba de thams cad phrag pa gcig tu thogs te/ nyam nga ba chung ngus 'gro nus so// brgya byin gyis smras pa/ grogs po dag stobs 'di dang ldan na/ byang chub sems dpa' gdeg par nus kyis/ de nas myu gu dang / mang kur dang 'od gzer can dang / lo mgyon pa ste bzhis chibs rin pod+ma sngags ldan khyer te/ byang chub sems dpa' gang na ba der song ste phyin nas smras pa/ byang chub sems
- 203b
dpa' ci la bzhugs/ de nas byang chub sems dpa' 'di snyam du dgongs te 'di rnams ni bdag cag gis byang chub sems dpa' bteg ste/ bar snang la khyer ro zhes dregs pa skye bar 'gyur ro snyam nas/ byang chub sems dpa' rdo rje'i srur byin gyis brlabs pa dang / de rnams kyis bskul bar yang ma nus nas/ ngo mtshar skyes te gsol pa/ gzhon nu bdag cag gis ni byang chub sems dpa' rnams la stobs 'di 'dra ba mnga' bar ma 'tshal to// de nas byang chub sems dpa' chibs rin po che bsngags ldan la bcibs te/ 'di ltar byang chub sems dpa' rnams kyi byang chub sems dpa'i mthu dang / lha rnams kyi lha'i mthus chibs rin po che bsngags ldan dang bdun pa steng gi nam mkha' la 'phags so/ / de nas brgya byin dang / tshangs pa la sogs pa lha rnams kyang lha brgya stong phrag du mas yongs su bskor nas/ byang chub sems dpa' gang na ba der song ste phyin pa dang / byang chub sems dpa' bskor cing dong ste/ g.yas phyogs nas gzugs na spyod pa'i lha rnams spyod lam zhi ba dang / g.yon phyogs nas 'dod pa na spyod pa rnams kyis rgyal mtshan dang / ba dan bsgreng nas/ lha'i rol mo'i khyad par sna tshogs dang / mdun nas brgya byin dang tshangs pa la sogs pa rang rang gi spyod lam gyis dong ngo // nam mkha'i ngos la gnas pa'i lha brgya stong du mas ni/ byang chub sems dpa'i steng nas/ lha'i me tog ut+pa la dang / pad+ma dang / ku mu ta dang / pad+ma dkar po rnams kyis gtor ro// a ka ru'i phye ma dang / tsan dan gyi phye ma dang / ta ma la'i 'dab ma'i phye ma dang / lha'i me tog man+da ra bas kyang gtor to// lha'i rol
- 204a
mo'i cha byad sna tshogs kyang brdungs so/ / gos rnams kyang gtor ro// 'dir sbas pa/ mkha' la lha rnams gzha'i sgra chen 'byin byed la// dga' ba'i yid kyis gos kyi g.yab mos 'debs byed cing / / kha cig byang chub sems dpa' la ni bstod byed de// nam mkha' la ni sor mo brgya phrag sgyur bar byed// kha cig dag ni sgo rnams 'byed byed cing // me tog man+da ra bas 'thor bar byed/ kha cig dag ni bcibs pa'i rkang 'dzin cing // bde bar gshegs la rtog cing rjes bzhin 'brang / kha cig dag kyang g.yas nas rjes bzhin 'brang // g.yon nas 'gro ba dag kyang rjes bzhin 'brang// brgya byin de bzhin tshangs par bcas pa dang // lus ngan bdag nyid shul ni mtshon par byed// zla ba nya ba rgyu skar tshogs kyis ltar// bdag nyid chen po lha tshogs mdun bdar nas// bka' thub nags ni thub rnams dgyes byed pa/ / 'phags pa dgyes pa'i nags su thugs dgyes gshegs// de nas byang chub sems dpas bsngags ldan la dbugs phyung ba'i phyir gsungs pa/ ma skyo ma skyo stobs ni gzung bar gyis/ / 'gro don ngal ba gcig ni de ring long // mi ring byang chub thob nas 'gro ba rnams// bsam gtan rnam thar gyis tshim byed por bya// byang chub sems dpa' dpag tshad bcu gnyis su bzhud nas nang par grong khyer dpe med du byon to/ / de nas lha rnams kyang byang chub sems dpa' byung nas/ 'di slar yang rang gi grong khyer du 'jug par mi 'gyur ram snyam pa la/ sku thams cad kyis g.yas phyogs su
- 204b
glang po che'i lta stangs kyis gzigs nas/ sangs rgyas rnams kyis bstan pa yi// lam gyi mchog ni ma thob par// grong khyer sar skya'i gzhir ni slar// nga ni 'jug par mi bya'o zhes gsungs so// de nas byang chub sems dpa'i zhabs la bskor ba lan gsum byas nas rang rang gi gnas su song ngo / / byang chub sems dpas chibs las babs te rgyan bkrol nas 'dun pa la bka' stsal pa// 'dun pas rgyan dang rta khyer la slar song shig/ 'dir smras pa/ kha lo sgyur ba khyod nga'i rta 'di dang / rgyan 'di rnams kyang gnyen pa dag la byin// nga ni 'dod pa rgya chen spangs nas su// da ltar 'di nyid du ni rang 'byung bya// 'dod pa 'di ni spu gri'i so 'dra zhing // me 'obs 'bar dang mtshungs shing mtha' ngan pa// 'jig rten phan phyir snying rjes ngas spangs te// dgon par song nas khyim gyi phyir mi ldog/ de nas 'dun pa gdong la mchi ma char bzhin 'bab pas byang chub sems dpa' la gsol pa/ seng ge stag gis bltam pa dang // phyugs rjes bltam pa'i nags tshal du// 'ba' shig sku gnyen dang bral bas// 'phags pa ji ltar spyod par 'gyur// byang chub sems dpas gsungs pa/ skye dgu 'di na skye na'ang gcig pu skye// de bzhin 'chi na'ang gcig pu 'chi bar 'gyur// 'di ni gcig pus sdug bsngal myong 'gyur gyi// 'khor ba kha ni grogs yod ma yin no// 'dun pas gsol pa kyi hud gzhon nus sdug bsngal ma gzigs te/ / zhabs 'jam glang chen rdal bcibs goms pa// sa gzhi rtsa dang rdo bas bltam rtsub par// ji ltar zhabs kyis gshegs shing nags su rgyu// byang chub
- 205a
sems dpas gsungs pa/ / 'chi bdag 'jigs pa de ni lan 'ga' yang // sgyid la btsam med bde bar goms la min// mgon bcas la min rigs btsun la ma yin// dpa' dang btson min skye bo dga' la min/ / rga bas 'chi bdag 'jigs pa dag/ bskyed nas 'ongs par 'gyur zhes grag/ don ma byas shing ma brtsams par// 'chi bar yang ni 'gro bar 'gyur// 'dun pas gsol pa/ rgyal po bgres po ni sras kyi mya ngan gyis 'grongs par 'gyur ro// 'on kyang byang chub sems dpa' byang chub kyi tshogs bsags pa'i phyir 'dun pa'i tshig thugs la ma bab po// de nas byang chub sems dpas ut+pal sngon po 'dra ba'i ral gri shubs nas phyung nas gtsug pud bregs te/ stang gi nam mkha' la bor ba dang / lha rnams kyi dbang po brgya byin gyis blangs nas bkur sti chen bo byas te/ sum cu rtsa gsum gyi lha rnams kyi nang du khyer nas gtsug phud kyi mchod pa chen po btsugs so// de nas lha'i dbang po brgya byin 'di snyam du sems te/ gzhon nu ni rgyal rigs kyi mngon pa'i nga rgyal gyis 'dis bzlog par mi nus so snyam nas dga' bar gyur to/ / de nas byang chub sems dpas 'dun pa la gsungs pa/ khyod kyis bsngags ldan pho brang gi nang du ma bkri shig/ de skad ces gsungs pa dang / 'dun pa skad 'dzer cing mig mchi mas gang nas/ rta'i rgyal po bsngags ldan khrid de/ yang dang yang du byang chub sems dpa' la lta zhing song ste/ ser skya'i gzhir phyin pa dang / der ca co skyes te/ ji tsam na
- 205b
rgyal po zas gtsang ma la smras pa/ lha gzhon nu byin gyis dgyes pa bskyed du gsol/ grong khyer ser skya'i gzhir yang sgra gsang chen po bsgrags so// rta'i rgyal po bsngags ldan pho brang gi nang du zhugs pa dang / btsun mo'i tshogs thams cad kyis bsngags ldan gyi mgul du 'jus te/ ngu bar brtsams so// bsngags ldan yang dbugs khong du song ste de nyid du dus byas so// shi nas de sgra gcan gyi bram zelas drug la brtson pa zhig gi rigs su nying mtshams sbyor ba blangs so/ / de nas byang chub sems dpa' rim gyis drang srong ngan spong gi bsti gnas su gshegs pa dang / de'i tshe drang srong ngan spong gi bu lag pa 'gram pa la gtad nas/ sems khongs su chud cing 'dug pa/ de lta bu de byang chub sems dpas gzigs nas gsungs pa/ drang srong chen po ci'i phyir lag pa 'gram pa la gtad nas sems khongs su chud cing 'dug pa/ des gsol pa/ bdag gi bsti gnas 'di na shing rta la rnams gser gyi lo ma dang me tog dang 'bras bu chags pa las/ de rnams snga ma kho bzhin du ma gyur to// byang chub sems dpas gsungs pa/ drang srong chen po gang gi mthus bsti gnas 'di na shing rta la rnams gser gyi lo ma dang / me tog dang / 'bras bur ldan pa de/ rga ba dang / na ba dang / 'chi ba yang dag par mthong nas yid byung ste/ dka' thub kyi nags su gnas pas so/ / gal te des rga ba dang / na ba dang / 'chi ba yang dag par mthong nas yid byung ste/ dka' thub kyi nags su gnas par ma gyur na/ skyed mos tshal 'di de'i yin pa zhig/ de skad ces gsungs pa
- 206a
dang drang srong ngan spong gi bus byang chub sems dpa' la brtag par brtsams so/ / de nas gzugs bzang zhing zhi ba'i cha byad du mthong nas/ yun ring du brtags te ngo mtshar skyes nas gsol pa/ kyi rab tu byung ba de khyod kho na ma lags grangs/ byang chub sems dpas gsungs pa/ drang srong chen po de ltar nges so// de nas ngan spong gi bu ya mtshan skyes pa'i mig bgrad de bltas nas/ byang chub sems dpa' thog mar gdan la spyan drangs te/ me tog dang 'bras bu btabs so// grong khyer dpe med na khyim bdag phyug pa dang / nor mang la long spyod che ba zhes bya ba nas de la khye'u bcu btsas so// zhes bya ba'i bar du ste/ de dag thams cad kyang rab tu byung nas rang sangs rgyas kyi byang chub mngon sum du byas so/ / ji tsam na bdag nyid chen po de rnams la ma rgan mos sha na'i gos dag cig byin pa dang / de rnams kyis smras pa/ yum mkhyen par mdzod cig/ rgyal po zas gtsang gis sras gzhon nu don thams cad grub pa zhes bya ba rga ba dang / na ba dang / shi ba mthong nas kun tu skyo ba'i yid kyis nags su song nas de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bas na bdag cag rnams sangs rgyas kyi zhing du gnas par mi nus pas bdag cag yongs su mya ngan las 'da'o// sha na'i gos 'di rgyal po zas gtsang ma'i sras la khyod kyis phul cig/ bdag nyid chen po de ni bla na med pa'i ye shes thugs su chud par 'gyur la/ khyed kyis kyang 'bras bu chen po thob par 'gyur ro zhes smras nas 'bar ba dang / gsal ba dang / char 'bebs pa dang /
- 206b
glog 'byin pa'i cho 'phrul dag byas nas/ phung po lhag ma med pa'i mya ngan las 'das pa'i dbyings su yongs su mya ngan las 'das so// rgan mo des kyang 'chi gar gos de dag bu mo la gtad nas ji ltar gyur pa rnams smras so/ / de'i bu mo de yang nad kyis thabs te 'chi bar shes nas/ des kyang shing drung gcig tu bzhag nas/ shing de la gnas pa'i lha gang yin pa de la khyod kyis 'di dag rgyal po zas gtsang gi sras la phul cig ces gsol ba btab bo/ / lha rnams kyi dbang po brgya byin gyi shes pa mthong ba ni 'og tu 'jug pa yin pas/ des de dag shes nas blangs te/ de nas rngon pa rgas 'khogs pa lta bu zhig tu bdag nyid mngon par sprul nas/ de dag bgos te lag pa la mda' gzhu thogs nas/ byang chub sems dpa' gshegs pa'i lam gar bsdad ba dang / byang chub sems dpa' yang rim gyis lam der byon nas// rngon pa lag na mda' gzhu thigs shing gos ngur smrig gyon pa zhig gzigs so/ / gzigs nas kyang mi de la gsungs pa/ kA ye nang rje sha na'i gos 'o ni dag ni rab tu byung ba la 'tsham pa yin gyis/ ka shi ka'i ras phran 'di dag khyer la 'o ni dag nga la byin cig/ des gsol pa/ gzhon nu bdag la gzhan dag khyod kyis rgyal bu gzhon nu bkrongs nas ka shi ka'i ras phran gyi gos 'di dag blangs so zhes gzhi des g.yar mchi bar 'gyur lags pas/ bdag 'di dag mi 'bul lo// byang chub sems dpas gsungs pa/ kye nang rdzang ni mthu ji ltar dang ldan pa 'jig rten thams cad kyis shes te/ su zhig gis nga bkrongs par nus/ khyod kyis
- 207a
nga bkrongs par su zhig yid ches kyis bag cha ba med par byin cig/ de nas lha rnams kyi dbang po brgya byin gyis byang chub sems pa'i zhabs gnyis la gtugs nas sha na'i gos ngag phul te/ ka shi ka'i ras phran rnams blangs so// byang chub sems dpa'i sku dang sha na'i gos dag 'tsham par ma gyur pa dang / de 'di snyam du dgongs te/ kye ma'o sha na'i gos rnams bdag gi sku dang 'tsham par gyur cig snyam nas tshig smras ma thag tu/ sha na'i gos de dag 'di ltar byang chub sems dpa' rnams kyi byang chub sems dpa'i mthu dang / lha rnams kyi lha'i mthus byang chub sems dpa'i sku dang 'tsham par gyur to/ / de nas byang chub sems dpa' 'di snyam du dgongs te/ de na bdag rab tu byung zin gyis 'gro ba rnams rjes su gzung bar bya'o snyam mo// de nas byang chub sems dpa' mthar gyis rgyu zhing gshegs pa dang / rgyal po'i khab tu byon to// byang chub sems dpa'i bzo'i gnas dang las kyi gnas de dang de rnams la mkhas pa yin pas des shing ka ra bi ra'i lo ma las lhung bzed byas nas spyod lam zhi bas rgyal po'i khab tu bsod snyoms kyi phyir zhugs so/ / de'i tshe rgyal po gzugs can snying po steng gi khang bzangs kyis gzhi na 'dug pa des 'gro ba dang / ldog pa dang / lta ba dang / rnam par blta ba dang / bskum pa dang / brkyang ba dang / chos gos snam sbyar dang / lhung bzed thogs nas mdzes pas bsod snyoms spyod pa mthong ngo // mthong nas kyang 'di snyam du sems te/
- 207b
rgyal po'i khab na rab tu byung ba ji snyed cig gnas pa la rab tu byung ba 'di'i spyo da ma de lta bu ni 'ga' yang med do snyam mo// 'di smras pa/ ji ltar mis can 'gro bltar// rab tu byung ba ba grags par bya/ 'dis ni brtag pa mdzad nas su// rab tu byung ba yang dag bzhid// khyim gnas 'di ni sdug bsngal te// 'di ni rdul gyis gnas yin zhing // rab tu byung ba bar snang ltar// mkhyen nas de tshe rab tu byung // rab tu byung nas sku yis ni// sdig pa'i las ni spangs pa dang / gsung gi sdig pa spangs nas ni// 'tsho ba kun nas dag par mdzad// de nas ma ga d+ha yi ni// grong mchog rgyal po khab gshegs nas// mgon po shes bzhin dran ldan pa/ / bsod nams phyir ni gshegs pa der// bzo sbyangs ma ga d+ha yi bdag/ khang bzangs na ni 'dug pas mthong // mthong nas sems dad de nas ni// blon po rnams la 'di skad smras// mtshan mchog gis ni rgyas gyur cing // kho lag phun sum tshogs pa dang // gnya' shing gang du lta ba yi// 'di la shes ldan dag ltos shig/ spun mi 'deg la yid bzhungs shing // dman pa'i rigs las ma 'khrungs 'di/ gang du gnas par gshegs 'gyur ba/ rgyal pos pho nya rjes bzhin btang // de nas pho nya la bsgo ba// de srong de ni gar 'gro zhing // gang du gnas ni btab pa yi// rjes bzhin du ni 'brang ba gyis// de ni bsod snyoms gshegs pa na/ / sgo drug legs par bsdams nas ni// shes bzhin dran pa ldan pa yis// lhung bzed myur du gang bar mdzad// bsod snyoms spad pa byas nas kyang // thub pa grong khyer phyir byang
- 208a
nas/ / skya bseng la ni mngon gshegs te// de la gnas ni btab par 'gyur// gnas btab pa ni shes nas kyang // pho nya gcig gis bsdad byas nas// gzhan ni myur du slar log sde/ rgyal po la ni tshig smras pa// rgyal po chen po dge slong de// seng ge 'am stag gi phru gu dag/ ri sul dag na gnas pa ltar// skya gsang gi ni steng na gnas// pho nya rnams kyis tshig thong nas// sa bdag shing drung zhugs nas ni/ / de ni blon pos yongs bskor nas// myur ba kho nar dong bar gyur// gzhon pas grod pa'i sar zhon te/ de ni bzhon pa las babs nas/ rkang gis nye bar song nas ni// de nas de bzhin gshegs pa mthong / rgyal po 'dug nas dgyes pa dang // mgu bar 'gyur ba'i gtam gsol nas// de ni ma khengs mi rlang bar// de don 'di dag rab smras so// dge slong lang tsho dang po la// babs par yang dag gnas gyur cing 'di 'dra gzi brjid ldan pa la/ / bsod snyoms spyod pa mdzes ma lags// khang pa nyams dga' dag dang ni// bud med rgyan gyis brgyan pa dang // longs spyod mchog ni khyod gsol na// nyid kyi gdung ni zhu yis gsungs/ / rgyal po gangs ri nye ba na// yul gyi ljongs ni nor dag dang // 'bru dag gis ni gang gyur pa// ko sa la zhes grags pa yod// bu ram shing pa nyid mi'i rus// shAkya dag ni de na gnas// rgyal po nga ni rgyal rigs te// nga ni 'dod pa don mi gnyer// sa 'dir ri dang bcas shing rgya mtshor bcas// rin chen kun dang ldan par 'byor gyur kyang // mi ni rnams kyang ngoms par mi 'gyur te// sog tshadus
- 208b
shing gis me bzhin no/ / 'dod pa rnams ni sha kho na 'brel ces gsungs// mi dbang rgal bar dka' zhing 'dam rdzab 'dra// sdug bsngal dang ni mya ngan 'jigs pa yi// rtsa ba'i gtso ste blo ngan rnams kyis bstan/ / rgyal po ngas ni byung ma thag tu yang // 'dod pa rnams la mi dga'i blo bskyed na// 'jigs byed chos kyi dgra bor gyur pa dag/ bor ba de go slar yang ji ltar blang // rtse mo sna tshogs yangs par gyur pa yi// / lhun po gangs can rlung gis bskyod srid kyi// nga yi blo ni bar pa la brten pa// 'dod pa'i shugs kyis bskyod par mi nus so// 'jig rten 'di na 'dod par byin gyur nas// 'khor ba'i 'khor los yongs su 'khyams pa la/ / mi dbang nga skyabs yin te gzhan med pas// 'jigs pa che las de ni thar par bya// 'dod pa rnams kyis nyes dmigs mkhyen// mya ngan 'das pa zhi ba gzigs// spang phyir gang du nga yi yid// dga' bdag tu 'gro bar bya/ / rgyal po gzugs can snying pos gsol pa// kye rab tu byung ba brtul zhugs 'dis ci zhig don tu gnyer// des gsungs pa/ bla na med pa yang dag par rdzogs pa'i byang chub bo// rgyal pos gsol pa/ kye rab tu byung ba/ gang gi tshe khyod bla na med pa yang dag par rdzogs pa'i byang chub mngon par sangs rgyas par gyur pa de'i tshe/ bdag la yang dgongs shig/ byang chub sems dpas gsungs pa/ de bzhin du bsam par bya'o zhes gsungs nas rgyal po'i khab nas byung ste/ bya rgod kyi phung po'i ri dang hacang yang mi ring bar drang srong rnams kyi bsti gnas der gshegs so// de nas spyod pa dang
- 209a
gnas pas bsam gtan la brtson par gnas te/ de rnams gang gi tshe rkang pa gcig gis nyin thun gcig 'greng ba de'i tshe byang chub sems dpa' ni nyin thun gnyis su bzhugs so// gal te de rnams gdung ba lnga'i sbyor bas nyin thun gcig 'dug pa de'i tshe/ byang chub sems dpas kyang sbyor ba des thun gnyis su bzhugs so// de nas de rnams ya mtshan skyes nas dge sbyong 'di ni chen po zhig go/ zhes smras pas/ dge sbyong chen po zhes bya bar gyur to// byang chub sems dpas de rnams la smras pa/ shes ldan dag khyed brtul zhugs 'dis ci zhig don tu gnyer/ de na kha cig gis gsol pa/ brgya byin nyid dokha cig gis gsol pa/ bdag cag ni tshangs pa nyid do// kha cig gis gsol pa/ bdag cag ni bdud nyid do// byang chub sems dpas dgongs pa/ drang srong 'di dag ni slar yang ltung ba/ lam log/ par zhugs pa'o// lam 'di ni shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no// de nas byang chub sems dpa' lam de nyid nus pa med par mkhyen nas/ sgyu rtsal shes kyi bu ring 'phur gang na bar der gshegs te byon pa dang / sgyu rtsal shes kyi bu ring 'phur la 'di skad ces gsungs so// ring 'phur gal te khyod la mi bde ba med na khyod kyi drung du khor tshangs par spyong bsrung ngo / / des smras pa/ tshe dang ldan pa go ru tam bdag la mi bdeb med kyis/ ci bde lakho nar bzhugs shig// byang chub sems dpas gsungs pa/ ring 'khru khyod kyis chos ji snyed cig rang gi mngon par
- 209b
shes pas rtogs par gyur/ des gsol pa/ tshe dang ldan pa go'u ta ma ci yang med pa'i skye mched kyi bar du'o// de nas byang chub sems dpa' 'di snyam du dgongs te/ sgyu rtsal shes kyi bu ring 'phur dad pa de la ni nga yang dad la/ sgyu rtsal shes kyi bu ring 'phur la brtson 'grus dang dran pa dang ting nge 'dzin dang / shes rab yod pa ltar/ bdag la yang brtson 'grus dang dran pa dang ting nge 'dzin dang shes rab yod pas/ sgyu rtsal shes kyi bu ring 'phur gyis ci yang med pa'i skye mched kyi bar gyis chos de snyed mngon sum du byas na/ ci'i phyir bdag gis kyang chos 'di dag mngon sum du mi bya snyam nas/ de nas byang chub sems dpa' chos de rnams kho na ma thob pa thob par bya ba'i phyir dang ma rtogs pa rtogs par bya ba'i phyir dang / mngon sum du ma byas pa mngon sum du bya ba'i phyir gcig pu dben pa bag yod pa rtun pa dang ldan pa/ bdag nyid gtod par gnas te/ gcig pu dben pa bag yod pa rtun pa dang ldan pa bdag nyid gtod par gnas pa na/ ring po mi thogs pa kho nar chos de dag mngon sum du mdzad par gyur to// chos de dag mngon sum du mdzad nas/ yang sgyu rtsal shes kyi bu ring 'phur gang na ba der gshegs te/ byon nas sgyu rtsal shes kyi bu ring 'phur la 'di skad ces gsungs so/ / ring 'phur khyod kyis ci yang med pa'i skye mched kyi bar gyi chos 'di dag rang gi mngon par shes pas mngon sum du byas sam/ des 'di skad ces smras so// tshe dang ldan pa go'u ta ma mad de bdag gis ci yang med pa'i skye mched kyi bar gyi chos de dag mngon sum du byas so/ / byang chub sems dpas gsungs pa/ tshe dang ldan pa ring 'phur bdag gis kyang ci yang med pa'i skye mched kyi bar gyis chos de dag rang
- 210a
gi mngon par shes pas mngon sum du byas so/ / tshe dang ldan pa go'u ta ma de lta na khyod kyi ji tsam pa bdag gi yang de tsam la/ bdag gis ji tsam pa khyod kyi yang de tsam pas don 'di lalo'oskol mtshungs shing mnyam ste 'dra bar thob kyis tshur spyon/ 'oskol gnyis kas 'khor 'di yongs su drang bar bgyi'o// de nas sgyu rtsal shes kyi bu ring 'phur/ byang chub sems dpa' la rjed pa'i dam pas rjed cing mchod pa'i dam pas mchod do/ / de'i rtogs pa dag la yang dga' ba dang mgu bar gyur to// de nas byang chub sems dpa' 'di snyam du dgongs te/ lam 'di ni shes par nus pa ma yin// mthong bar nus pa ma yin/ bla na med pa yang dag par rdzogs par nus pa ma yin no snyam mo// de nas byang chub sems dpas lam de nus pa med par rig nas rangs byed kyi bu lhag spyod gang na ba der gshegs te byon nas/ rangs byed kyi bu lhag spyod la 'di skad ces gsungs so/ / lhag spod gal te khyod la mi bde ba med na/ khyod kyi drung du tshangs par smad pa spyod do// des gsol pa/ tshe dang ldan pa go'u ta ma bdag la mi bde ba med kyis/ khyod ci bde ba kho nar zhugs shig/ khyod kyis chos ji snyed cig mngon du byas/ tshe dang ldan pa go'u ta ma 'du shes med 'du shes med min gyis skye mched kyi bar du'o// de nas byang chub sems dpa' 'di snyam du dgongs te/ rangs byed kyi bu lhag spyod gang la dad pa de la ni bdag kyang dad la/ rangs byed kyi bu lhag skyong brtson 'grus dang / dran pa dang / ting nge 'dzin dang / shes rab yod pa lta bu'i brtson 'grus dang / dran pa dang / ting nge
- 210b
'dzin dang / shes rab ni bdag la yod na// rangs byed kyi bu lhag spyod kyis 'du shes med 'du shes med min skye mched kyi bar gyis chos 'di snyed cig mngon sum du byas na/ bdag gis kyang chos 'di dag ci'i phyir mngon sum du mi bya snyam mo/ / de nas byang chub sems dpas chos de rnams kho na ma thob pa thob par bya ba'i phyir dang // ma rtogs pa rtogs par bya ba'i phyir dang / mngon sum du ma byas pa mngon sum du bya ba'i phyir/ gcig pu dben pa bag yod pa/ rtun pa dang ldan pa/ bdag nyid gtod par gnas te/ gcig pu dben par bag yod pa bdag nyid gtong par gnas pa na/ ring po ma thogs pa kho nar chos de mngon du mdzad par gyur to/ / chos de mngon sum du mdzad nas/ rangs byed kyi bu lhag spyod gang na ba der gshegs te byon pa dang / rangs byed kyi bu lhag spyod la 'di skad ces gsungs so// lhag spyod khyod kyis 'du med 'du shes med min gyi skye mched kyi bar du chos 'di dag rang gis mngon sum du byas sam/ tshe dang ldan pa go'u ta ma mad lags te/ bdag gis 'du shes med 'du shes med min gyi skyed mched kyi bar gyi chos 'di dag mngon sum du bgyis so/ / byang chub sems dpas gsungs pa/ tshe dang ldan pa lhag spyod bdag gis kyang 'du shes med 'du shes med min skyed mched kyi bar gyi chos 'di dag rang gis mngon sum du byas so/ / tshe dang ldan pa ko'u ta ma de ltan khyod kyis ji tsam pa bdag gi yang de tsam la/ bdag gi ji tsam pa khyod kyi yang de tsam pas don 'di la skol mtshungs shing mnyam ste 'dra bar thob kyis/ tshur spyor skom
- 211a
gnyi kas tshogs 'di yongs su drang bar bgyi'o/ / de nas rangs byed kyi bu lhag spong byang chub sems dpa'i thog ma'i slob dpon gyis byang chub sems dpa' la rjed pa dam pas rjed cing mchod pa'i dam pa'i mchod do/ / de'i shes pa rnams la yang dga' dang mgu bar 'gyur to// de nas byang chub sems dpa' 'di snyam du dgongs te// lam 'di ni shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ / de nas byang chub sems dpas lam de yang nus pa mang bar rig nas gshegs so// de nas sgyu rtsal shes kyi bu ring 'phur gyi 'khor gsum dang / rangs byed kyi bu lhag spyod kyi 'khor gnyis te drang srong lnga byang chub sems dpa'i rjes su 'brangs so// de nas byang chub sems dpa' lnga po dang lhan cig gang+gA'i lho phyogs na lteng rgyas 'od srung gi sde'i grong rdal gang na ba der rgyu zhing gshegs te byon nas de phan tshun 'chag pa na/ phyogs dga' dga' ltar 'dug pa nags tshang tshing mdzes pa/ chu klung nair ldan bsil bar 'bab pa/ gas gu can 'jug ngogs bde zhing mtha' rgya che la gsing ma sngon po dang / shing sna tshogs kyis brgyan pa dga' dga' ltar 'dug pa zhig gzigs so// gzigs nas kyang 'di snyam du dgongs te/ kye ma'o sa phyogs 'di ni dga' dga' ltar 'dug pa nags tshang tshing mdzes pa/ chu lung der ldan bsil bar 'bab pa/ gas gu can 'jug ngogs bde zhing mtha' rgya che la gsing ma sngon po dang / shing sna tshogs kyis brgyan pa dga' dga' ltar 'dug pa zhig ste/ kyem sbeng
- 211b
ba don du gnyer ba'i rigs kyi bu nags khrod 'dir brten pa spong ba bya bar nus so/ / bdag spong ba don du gnyer ba yin pas/ ma la dag gis kyang nags khrod 'dir brten la spong bar bya'o snyam mo// de nas byang chub sems dpa' nags khrod du zhugs te/ shing drung du bzhugs nas tshems la tshems gtad/ ljags dkan la bcar nas thugs kyi thugs mngon du bzung // mngon du bsdams/ shin tu mngon du bsdams so// de thugs kyis thugs mngon du bzung / mngon du bsdams/ shin tu mngon du bsdams pas/ ba spu'i khung bu thams cad nas// rdul byung bar gyur te/ dper na mi stobs dang ldan pas/ mi stobs shin tu chung ba zhig phying ka log tu bcings/ mngon du snga mas/ shin tu mngon du bsdams na des de'i ba spu'i khung bu thams cad las rdul byung ba de bzhin du de'i tshe/ byang chub sems dpa' tshems la tshems gtad/ ljags dkan la bcar te/ thugs kyi thugs mngon du bzung / mngon du bsdams// shin tu mngon du bsdams pa las sogs pa snga ma bzhin no// de nas byang chub sems dpa' 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo/ / des rnam par bam pa'i bsam gtan dag la snyoms par 'jug par brtsams te/ des rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ / de'i zhal dang shangs nas dbugs rngub pa dang 'byung ba bgags pa na rlung thams cad spyi bo'i nang du zhugs pas de'i dbu la dbu'i tshor ba shin tu
- 212a
mi bzad pa skyes so/ / dper na mi stobs dang ldan pas mi stobs shin tu chung ba'i spyi bor lcags kyi phur pa rnon pos btab na/ de'i mgo la mgo'i tshor ba shin tu mi bzad pa skyes pa de bzhin du// byang chub sems dpa' rnam par bam pa'i bsam gtan dag la snyoms par zhugs pa na/ dbu la dbu'i tshor ba shin tu mi bzad pa skyes kyang de zhums pa ma yin gyi brtson 'grus brtsams pa yin/ skum sbyangs pa ma yin gyi spangs pa yin/ rmugs pa ma yin te dran pa nye bar gzhag pa yin te/ sems rtse gcig tu mnyam par bzhag pa yin no// byang chub sems dpa' sdug bsngal mi bzad pa rtsub pa tsha ba yid du mi 'ong ba'i tsher ba de lta bu myong yang / 'di ltar sku bsgoms pa yin pa'i phyir thugs yongs su gtugs te mi gnas so// de 'di snyam du dgongs te/ ma la bdag gis lhag par rnam par bam pa'i bsam gtan dag la snyoms par 'jug par bya'o snyam mo/ / des lhag par rnam par bam pa'i bsam gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang 'byung ba bgags so/ / de zhal dang shangs nas dbugs rngub pa dang 'byung ba bgags pas rlung thams cad stan gnyis kyi bu ga nas rgyus par gyur to// dper na mgar bas sdud pa bus pa na rlung thams cad kyi rgyun grwa gnyis kyi bu gnas rgyu ba de bzhin du byang chub sems dpa' rnam par bam pa'i bsam gtan dag la snyoms par zhugs pa na/ rlung thams cad kyi rgyun snyan gnyis kyi bu ga nas rgyus par gyur
- 212b
kyang de zhum pa ma yin gyi brtson 'grus brtsams pa yin zhes bya ba la sogs pa ni snga ma bzhin no/ / de nas byang chub sems dpa' de 'di snyam du dgongs te/ ma la bdag gis lhag par yang rnam par bam pa'i bsam gtan dag la snyoms par 'jug par bya'o snyam mo/ / des lhag par rnam par bam pa'i bsam gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang 'byung ba bgags so// de'i zhal dang shangs nas dbugs rngub pa dang 'byung ba bgags pas phyal gyi nang thams cad rgyas par gyur/ shin tu rgyas par gyur to// dper na mgar ba mkhas pa'i skud pa bud na gang bar 'gyur/ shin tu gang bar 'gyur ba de bzhin du/ de'i tshe byang chub sems dpa' rnam par bam pa'i bsam gtan dag la snyoms par zhugs pa na phyal gyi nang thams cad rgyas par gyur/ shin tu rgyas par gyur kyang de zhum pa ma yin gyi brtson 'grus brtsams pa yin zhes bya ba la sogs pa ni snga ma bzhin no// de nas byang chub sems dpa' de 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo/ / de nas lhag par rnam par bam pa'i bsam gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang 'byung ba bgags so// de'i zhal dang shangs nas dbugs rngub pa dang 'byung ba bgags pa dang // de'i tshe dbu la dbu'i tshor ba shin tu mi bzang
- 213a
pa skyes so/ / dper na mi stobs dang ldan pas mi stobs shin tu chung ba'i mgo 'phreng bas yang nas yang du yin de'i mgo la mgo'i tshor ba shin tu mi bzad pa skye ba de bzhin du/ de'i tshe byang chub sems dpa' rnam par bam pa'i bsam gtan dag la snyoms par zhugs pa na/ dbu la dbu'i tshor ba shin tu mi bzad pa skyes kyang / zhum pa ma yin gyis brtson 'grus brtsams pa yin zhes bya ba la sogs pa snga ma bzhin no/ / de nas byang chub sems dpa' 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo// de lhag par rnam par bam pa'i bsam gtan dag la snyoms par 'jug par brtsams te/ des rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang 'byung ba bgags so/ / de'i zhal dang shangs nas dbugs rngub pa dang 'byung ba bgags pa dang de'i tshe khong du khong gi tshor ba mi bzad pa skyes so// dper na ba lang gi shan pa mkhas pa 'am// ba lang gi shan pa'i slob ma mkhas pas/ ba lang bsad pa'i gri rnon pos ba lang gi lto dral na de'i khong du khong gi tshor ba shin tu mi bzad pa skye ba de bzhin du// de'i tshe byang chub sems dpa' rnam par bam pa'i bsam gtan dag la snyoms par zhugs pa na/ khong du khong gi tshor ba shin tu mi bzad ba skyes kyang / de zhum pa ma yin gyi brtson 'grus brtsams pa yin zhes bya ba la sogs pa ni snga ma bzhin no// de nas byang chub
- 213b
sems dpa' de 'di snyam du dgongs te ma la bdag gis rnam par bam pa'i bsam gtan la snyoms par 'jug par bya'o/ / de lhag par rnam par bam pa'i bsam gtan dag la snyoms par 'jug par brtsams te/ des rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang 'byung ba bgags so// de'i zhal dang shangs nas dbugs rngub pa dang 'byung ba bgags pa na de'i tshe sku la sku'i gdung ba shin tu mi bzang ba skyes so/ / dper na mi shin tu stobs dang ldan pa gnyis kyis mi stobs shin tu chung ba zhig phying ka log tu bzung ste/ me dong gi nang du sbyangs na/ de'i lus la lus kyi gdung ba shin tu mi bzad pa skye ba de bzhin du de'i tshe byang chub sems dpa' rnam par bam pa'i bsam gtan dag la snyoms par zhugs pa na sku la sku'i gdung ba shin tu mi bzad pa skyes kyang / de zhum pa ma yin gyi brtson 'grus brtsams pa yin zhes bya ba la sogs pa ni snga ma bzhin no/ / de nas byang chub sems dpa' de 'di snyam du dgongs te/ ma la bdag gis thams cad kyi thams cad du zas mi za ba bsgrub par bya'o snyam mo/ / de nas lha rab tu mang po'i sems kyis byang chub sems dpa'i thugs shes nas byang chub sems dpa' gang na ba der dong ste phyin nas byang chub sems dpa' la 'di skad ces smras so// grogs po gal te khyod mi'i kha zas kyis 'dzem par mdzad/ ngo tsha bar mdzad/ smod par mdzad na/ bdag cag gis khyod kyi ba spu'i khung bu thams cad nas/ lha'i mdangs bsgrub par bgyis te khyod kyis bdag gir mdzod cig
- 214a
de nas byang chub sems dpa' 'di snyam du dgongs te/ gal te bdag gis mi'i zas mi bza' bar dam bcas la/ bdag gis ba spu'i khung bu thams cad du lha rnams kyis lha'i mdangs bsgrubs nas/ / de bdag gir byed pa ni bdag gi brdzun yin la/ bdag gi brdzun gang yin pa de ni bdag gi log pa yin no// bdag gi log pa gang yin pa de'i rkyen gyis ni 'di na sems can kha cig lus zhig ste/ shi nas ngan song ngan 'gro log par lhung ba sems can dmyal ba rnams su skye bar 'gyur gyis/ ma la bdag gis lha rnams kyi tshig ni thams cad kyi thams cad du spangs la kha zas nyung ba dang cung zad chang chung bza' ba 'am/ yang na mo sran sde'u'i khu ba 'am/ 'on te rgya sran gyi khu ba 'am/ yang na ha ra nu ka'i 'bras bu'i khu ba btung ngo snyam mo// de nas byang chub sems dpa' de'i tshe lha rnams kyis tshig thams cad kyi thams cad du spangs nas/ zhal zas nyung ba dang chung ba dang / cung zad dang / chang chung gsol ba 'am/ yang na mon sran sde'u'i khu ba 'am/ 'on te rgya sran gyi khu ba 'am/ yang na ha re nu ka'i 'bras bu'i khu ba gsol lo// de nas byang chub sems dpa' zhal zas nyung ba 'am/ chung ba dang / cung zad dang chang chung gsol pa na/ yan lag dang zhing lag thams cad kun tu zhum ste/ skams zhing sku dpal chung bar gyur to// dper na ldum bu a sa ta'i sdong bu dang / ka li ka'i sdong bu 'dzum kun tu 'dzum pas sha chung zhing bskams par gyur pa de bzhin du de'i tshe/ byang chub sems dpa' zhal zas nyung ba dang / chung ba dang / cung zad dang / chang chung gsol ba na/
- 214b
yan lag dang nying lag thams cad zhum/ kun tu zhum ste/ skam zhing sku dpal chung bar gyur to// de nas byang chub sems dpa' de'i tshe zhal zas nyung ba dang / chung ba dang / cung zad dang // chang chung gsol ba na// dbu la dbu'i lpags pa rIs kun tu rIs te 'khums shing 'bar 'bur du gyur to// dper na ku ba brtsa ba nas bcad na rIs kun tu rnyis pas 'khums la 'bar 'bur du gyur pa de bzhin du/ de'i tshe byang chub sems dpa' zhal zas nyung ba dang / chung ba dang / cung zad dang / chang chung gsol ba na/ dbu la dbu'i lpags pa rnyis kun tu rnyis te/ 'khums shing 'bar 'bur du gyur kyang de zhum pa ma yin gyis brtson 'grus brtsams pa yin zhes bya ba la sogs pa ni snga ma bzhin no/ / de nas byang chub sems dpa' zhal zas nyung ba dang / chung ba dang / cung zad dang / chang chung gsol ba dang / spyan gnyis kyis spyan gyi 'bras bu phug tu song zhing shin tu phug tu song ste/ zab pa shin tu zab par ring du song bas phyung ba lta bur snang ngo // dper na khron pa zab mo'i chur skar ma'i gzugs brnyan phug du song zhing shin tu phug tu song ste/ zab pa shin tu zab par ring du song bar gtam du bya ba de bzhin du de'i tshe/ byang chub sems dpa' zhal zas nyung ba dang / chung ba dang / cung zad dang / chang chung gsol ba na/ spyan gnyis kyi spyan gyis 'bras bu phug tu song / shin tu phug tu song ste/ zab pa shin tu zab par ring du song bas phyung ba lta bur snang yang de zhum pa ma yin gyi/ brtson 'grus brtsams pa yin zhes bya ba la sogs pa ni snga ma bzhin no// de nas byang chub sems dpa' zhal zas nyung ba dang //
- 215a
chung ba dang / cung zad dang / chang chung gsol ba na/ de'i tshe rtsib ma'i bar mtho dman can du gyur te/ dper na rtsa khang lo gnyis sam gsum lon pa'i phya ma dgu po mtho dman can du gyur pa de bzhin du de'i tshe byang chub sems dpa' zhal zas nyung ba dang / chung ba dang / cung zad dang / chang chung gsol ba na/ rtsib ma'i bar mtho dman can du gyur kyang / de zhum pa ma yin gyi brtson 'grus brtsams pa yin zhes bya ba la sogs pa rnams ni snga ma bzhin no/ / de nas byang chub sems dpa' zhal zas nyung ba dang / chung ba dang / cung zad dang / chang chung gsol ba na/ skal pa'i tshogs 'di lta ste/ skra'i lan bu lta bur gyur to/ / 'jug doni 'di lta ste/ rnga mo'i rkang pa lta bu gyur to// de lan 'ga' ldang bar 'dod na kha sbub du 'gyel la/ lan 'ga' 'dug par 'dod na gal rkyal du 'gyel lo// de ro stod la brten nas ro smad 'jog par byed/ ro slad la brten nas ro stod 'jog par byed do// de phyag gnyis kyis sku la byugs yongs su byugs de'i tshe spu rnams drung rul bas sa la lpags par gyur to// de nas byang chub sems dpa' de 'di snyam du dgongs te/ lam 'di yang shes par nus pa ma yin mthong ba nus pa ma yin// bla na med pa yang dag par rdzogs pa'i byang chub par nus pa ma yin no snyam mo// de nas byang chub sems dpa' de 'di snyam du dgongs te/ ma la bdag gis til 'bru gcig gis zas bza' bar bya'o zhes te des til 'bru gcig gis zas gsol to// de til 'bru gcig gi zas gsol ba na/ yan lag dang
- 215b
ting lag thams cad zhum kun tu zhum ste/ skem zhing sru dpal chung bar gyur to// til 'bru gcig gis ji ltar bar 'bras 'bru gcig dang / sran ko la 'bru gcig dang / rgyu sran 'bru gcig dang mon sran gre'u 'bru gcig dang / mon sran sde'u 'bru gcig dang / rtsa'i gding ba la mnal bar mdzad do// rgyal po zas gtsang gis dka' ba spyad pa'i gnas skabs de thos nas nyi ma re re zhing pho nya pa nyis brgya lnga bcu gtong bar byed do/ / rgyal po legs par rab sad kyis kyang nyis brgya lnga bcu'o// de dag nyi ma re re zhing de gnyis la myur ba myur bar gtam skyel bar byed do// byang chub sems dpa' ni 'di 'dra ba'i dka' ba spyod de// til 'bru gcig dang / 'bras 'bru gcig dang / sran ko la 'bru gcig dang / rgya sran 'bru gcig dang / mon sran gre'u 'bru gcig dang / mon sran sde'u 'bru gcig gi zas gsol zhing rtswa'i gding ba la mnal bar mdzad to zhes smra'o/ / de rgyal po zas gtsang gis thos nas bu'i mya ngan gyis non pas lhag par dang kan zhing mig mchi mas rnangs te gdungs nas btsun mo'i 'khor dang bcas par rtswa'i gding ba la nyal bar byed do/ / grags 'dzin mas kyang de thos pa dang / khyim thab kyi mya ngan gyis non te til 'bru gcig za ba dang / de'i rum mi bde ba de nyid du zhu bar gyur to// de nas byang chub sems dpa' 'di snyam du dgongs te/ lam 'di yang shes par nus pa ma yin mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo// de nas byang chub sems dpa' 'di snyam du
- 216a
@dgongs te/ ma la bdag gis kha zas shin tu ngan pa bza' bar bya'o snyam ste/ des kha zas shin tu ngan pa gsol bar mdzad do// de la zas phal pa ni 'di yin te/ be'ubyung nas ring po/ malon pa'i 'o ma 'thung ba gang yin pa de rnams kyi gcin dang lci ba yin no// de ji srid de'i sku las mdangs yal bar ma gyur de srid du zas gnyis pa mi gsol to// yal nas kha zas phyi ma gsol bar mdzad do/ / dur khrod chen por gshegs nas kyang mi ro dbu rten du bcug/ zhabs la zhabs bzhag ste snang ba'i 'du shes dang dran pa dang shes bzhin dang ldan pa'i 'du shes yid la mdzad pas glo g.yas pas mnal bar mdzad do/ / de'i tshe grong khyer gyi gzhon nu rnams dang / grong khyer gyi gzhon nu ma rnams lhags nas shing bus de'i snyan gnyis kyi bu gar 'dzugs par byed/ rna ba gnyis ka nas 'dren par byed cing 'di skad ces kyi phyag dar khrod kyi sha za la ltos/ kye phyag dar khrod kyis sha za la ltos zhes smra bar yang byed do// de'i tshe phyag dar dang bong rdog dang / gseg mas kyang 'thong bar byed do// 'on kyang byang chub sems dpa' ni grong khyer gyi gzhon nu rnams sam/ grong khyer gyi gzhon nu ma de rnams la ngan sems bskyed pa 'am/ sdig pa'i tshig dbyung bar mi dgongs so// byang chub sems dpa' dka' thub chen po la dka' bar spyod pas na/ dge sbyong chen po dge slong chen po zhes ya mtshan du gyur te/ de ltar lo drug gi bar du dka' thub sbyang bar mdzad do// de nas lha gsum zhig byang chub sems dpa' gang na ba der lhags te/
- 216b
de nas lha gcig gis 'di skad ces smras so// dge sbyong go'u ta ma ni nag po zhig go/ gnyis pas 'di skad ces smras so// 'di nag po ma yin gyi 'od kyang sngo bsangs zhig go/ gsum pas 'di skad ces smras so// de 'di ni nag po yang ma yin sngo bsangs kyang ma yin gyi dmar sdug gcig go// byang chub sems dpa'i sku mdog bzang por snang ba ni thams cad kyi thams cad du nub par gyur to// de nas de'i tshe byang chub sems dpa' la sngon ma gsan pa'i dpe gsum zhig gsan pa 'di lta ste/ shing rlon pa chu can zhig chu nas byung ste/ nye bar skam la bzhag pa dang / de nas mi me don du gnyer ba ma tshol ba zhig 'dir 'ongs nas/ des de la gtsub stan byas te/ gtsub shing bzhag nas gtsubs na/ 'di ltar shing de rlon pa chu can yin pa'i phyir ma 'byung ba dang 'bar du mi btub pa de bzhin du dge sbyong ngam/ bram ze kha cig 'dod pa rnams la lus dang sems kyis thag bsring bar mi gnas kyi/ de rnams kyi 'dod pa rnams la 'dod pa la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de ni de rnams kyi sems yongs su gtugs te gnas pa ma yin pas lus dang sems kyi thag sring bar mi gnas pa rnams kyi no de dang 'dra'o/ / de rnams bdag nyid gnod pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong mod kyi/ 'on kyang de rnams kyis shes par nus pa ma yin/ mthong bar nus pa ma yin/ bla na med pa yang dag par
- 217a
rdzogs par byang chub par nus pa ma yin te/ de la 'di ni de'i tshe byang chub sems dpa' la sngon ma gsan pa'i dpe snang ba dang po yin no// dper na shing rlon pa chu can zhig chu nas phyung ste/ nye bar skam la bzhag pa dang / de nas mi me don du gnyer ba// me tshol ba zhig 'ongs nas de la des gtsub stan byas te/ gtsub shing bzhag nas gtsubs na 'di ltar shing de rlon pa chu can yin pa'i phyir me mi 'byung ba dang 'bar du mi btub pa de bzhin du dge sbyong ngam bram ze kha cig 'dod pa rnams la lus kyis spong bar gnas kyi sems kyis ma yin pa de rnams kyi 'dod pa rnams la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de rnams kyi sems yongs su gtugs te gnas pa ma yin no// de rnams bdag nyid gnod pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong mod kyi/ 'on kyang de rnams shes par nus pa ma yin/ mthong bar nus pa ma yin/ bla na med papa yang dag par rdzogs par byang chub par nus pa ma yin te/ de la 'di ni de'i tshe/ byang chub sems dpa' la sngon ma gsan pa'i dpe snang ba gnyis pa yin no// 'di lta ste shing skam khog stong chu med pa zhig chu dang thag ring por skam la gzhag pa dang / de ni mi me don du gnyer ba me tshol ba zhig 'ongs nas des de gtsub stan byas te/ gtsub shing bzhag nas gtsubs na yang 'di ltar shing de skams shing khong stong pa'i
- 217b
phyir ma 'byung ba dang / 'bar du btub pa de bzhin du dge sbyong ngam bram ze kha cig 'dod pa rnams la lus dang sems kyis thag bsring bar gnas pa de rnams kyi 'dod pa rnams la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de ni de rnams kyis sems yongs su gtugs te mi gnas pa yin no/ / de rnams bdag nyid gnod pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong mod kyi/ 'on kyang de rnams kyis shes par nus// mthong bar nus/ bla na med pa yang dag par rdzogs par byang chub par nus te/ de la 'di ni de'i tshe byang chub sems dpa' la sngon ma gsan pa'i de pa snang ba gsum pa yin no// de nas byang chub sems dpa' 'di snyam du dgongs te/ gang su dag sdug bsngal spong bar brtson par gnas pa de dag thams cad ni 'di tsam du zad de/ de las lhag pa yang med/ de'i gong na yang med na/ lam 'di yang shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no// de nas byang chub sems dpa' 'di snyam du dgongs te shes par nus pa dang / mthong bar nus pa dang / bla na med pa yang dag par rdzogs par byang chub par nus pa'i lam de gang yin snyam na/ de 'di snyam du dgongs te/ bdag yab shAkya zas gtsang gi khyim na gnas pa'i tshe/ zhing las kyi mtha'i drung du song nas/ shing 'dzam bu'i grib ma la
- 218a
'dug ste/ 'dod pa las dben pa/ sdig pa mi dge ba'i chos las dben pa// rtog pa dang bcas dpyod pa dang bcas shing dben pa las skyes pa'i dga' ba dang bde ba can bsam/ gtan dang po nye bar bsgrubs te gnas pa de mngon par dran te/ de ni lam yin/ de ni sgrub pa yin// shes par nus pa yin/ mthong bar nus pa yin bla na med pa yang dag par rdzogs par byang chub par nus pa yin na/ de la bdag gis bskyed du yang 'di ltar ring cing nyam chung ba zhan pas sla ba ma yin te/ ma la bdag gis ci bder dbugs rngub pa dang / ci bder dbugs dbyung ba dang / ci bder 'bras chan dang / zan dron gyi kha zas rags pa bza' zhing / lus mar sar dang / til mar gyi byugs la/ chu 'jam pos lus bkru bar bya'o snyam ste/ de ci bder dbugs rngub pa dang / ci bder dbugs dbyung ba dang ci bder 'bras chan dang / zan dron gyi zhal zas rags pa gsol zhing / sku til mar dang mar sar gyis byugs nas chu 'jam pos sku 'khru bar mdzad do// de nas rim gro pa de rnams 'di snyam du sems te/ shes ldan dag dge sbyong go'u ta ma 'di ni sdom pa lhod pa/ bya ba mang ba/ mang pos 'tsho ba/ spong ba nyams par gyur pa yin te/ 'di da ltar 'bras chan dang / zan dron gyi kha zas mang du zal/ lus zhun mar dang / til mar gyis byugs nas chu 'jam pos lus khrus byed de/ 'dis da ni drung zad kyang thob par ma nus so snyam du bsams nas byang chub sems dpa' bor te dong ba las rim gyis wA ra Na sir phyin nas/ drang srong smra bar
- 218b
dgas kyi nags na gnas so/ / de nas byang chub sems dpa' rim gyis lus kyi stobs dang mthu dang brtson 'grus yang dag par bskyed nas rim gyi sde can gyi grong khyer du gshegs so// de nas grong khyer sde can zhes bya ba na nai rany+dza na'i chu bo'i 'gram na bzhugs pa dang / bram ze lha zhes bya ba byang chub sems dpa'i sngon gyi grogs pa shes su gyur pa de sde can gyi grong khyer na gnas pa dang / des byang chub sems dpa' dka' bar spod pa mdzad pa mthong nas grong pa'i bu mo dga' mo dang dga' stobs ma gnyis la smras pa/ khyed gnyis kyis rgyal po zas gtsang ma'i sras mtshan mkhan gyis gal te rab tu byung bar ma gyur na khor los sgyur ba'i rgyal por 'gyur ro zhes lung bstan pa de zos sam/ de gnyis kyis smras pa/ bdag cag rnams kyis kyang gal te de 'khor los sgyur ba'i rgyal por gyur na bdag cag de'i btsun mor gyur cig ces smon lam btab lags so// bram ze lngas smras pa/ bdag nyid chen po de ni dka' thub kyis lus gdungs pas spong ba las bzhengs na/ khyed gnyis kyis de la thog ma kho nar bsod snyoms phul cig dang / de khyed cag gnyis kyi yun ring por phan pa dang / bde ba'i don du 'gyur ro// de nas bu mo dga' mo dang / dga' stobs mas thos pa dang / ba stong bzhos so// bzhos nas kyang ba lnga brgya la blung ngo // ba lnga brgya bzhos nas banyis brgya lnga bcu la blud ngo do/ / banyis brgya lnga bcu bzhos nas kyang brgyal blung ngo // brgya bzhos nas kyang lnga bcul blud ngo do// lnga bcu bzhos nas kyang nyi shu la brud do// nyi shu bzhos te me sbar nas shel las byas pa'i snod kyi nang du
- 219a
chu blugs nas 'o thug skol bar brtsams pa na/ bram ze rnams kyis bsams pa/ 'dir nges par bag ma len tam bag ma gtong bar 'gyur ro snyam nas/ bram ze mang 'dus par gyur pa dang / 'o bug stong du bsgres pa skol ba na/ bum pa bzang po dang / dpal be'u dang / g.yu drung la khyil ba'i mtshan ma dag byung ba snang ba dang / kun tu rgyu nye bar 'gro zhes bya bas mthong nas bsams pa/ 'o ma'i thug pa 'di sus 'brangs pa des ni blan med pa'i ye shes thob par 'gyur gyis ma la bdag gis bslang ngo snyam mo/ / de nas brgya byin 'di snyam du sems te/ byang chub sems dpa' 'di ni dka' thub kyi sku lus nyams chung zhing sku la sgribs pa dang / skyems pas nyen pa yin la/ byang chub sems dpas 'o thugs gsol na/ bla na med pa'i ye shes thugs su chud par 'gyur na/ bram ze 'di dag ni rang bzhin gyis brkam pa dag 'dir 'dus par gyur pas/ gal te byang chub sems dpa' la gnod pa byed par 'gyur snyam nas/ ri spos kyi ngad ldang nas lha'i sman blangs te/ de shin tu gzugs bzang ba'i bram ze zhig tu mngon par sprul nas/ 'o thug de skol ba'i steng du 'dug ste/ lnga'i dbang po brgya byin gyis der sman mthu bskyed pa zhes bya ba blugs so// de nas dga' mo dang / dga' stobasams 'o thug sbrang rtsi ltar dang rab stong du bsgres pa skol nas lha'i dbang po brgya byin la 'di skad ces smras so/ / khyod nyid rgyal po zas gtsang ma'i sras yin nam/ brgya byin gyis smras pa// de ni nga'i mkhan po yin te/
- 219b
nga ni de'i slob ma yin no// de nas lha'i dbang po brgya byin gyis 'o thug sbrang rtsi ltar dang ra ba stong du bsgres pa blangs so// blangs nas kyang dga' mo dang dga' stobs ma gnyis la smras pa/ sbyin pa 'dis khyed gnyis ci zhig don du gnyer gang gi don du yon bsngo bar bya/ / de gnyis kyis smras pa/ bsod pa phul ba'i bsod nams ci mchis pas// grags dang ldan pa don rnams kun grub pa// mi'i mchog gyur blo mchog ldan pa de'i/ / don kun myur du shin tu grub gyur cig/ de nas byang chub sems dpa' chu klung nai rany+dza nar zhugs nas sku khrus mdzad de/ brgal bar bzhed pa dang / sku nyam chung ba nyid kyis brgag bar mi spyod na/ lha rnams kyis a rdzu na'i yal ga btud pa dang // de la 'jus nas byang chub sems dpas brgal bar mdzad de/ chos gos bsnams nas chu klung nai rany+dza na'i 'gram na bzhugs so// de nas lha'i dbang po brgya byin gyis byang chub sems dpa' bde bar bzhugs par rig nas 'o thug sbrang rtsi ltar dang rab stong du bsgres pa yol gor blugs te/ byang chub sems dpa' la bstabs so// byang chub sems dpas kyang gsol nas yon bsngo bar mdzad do/ / de nas byang chub sems dpa' chu klung nai rany+dza na'i 'gram na phan tshun du bzhugs pa'i sa btsal ba dang / ji tsam na ri brag chen po me tog dang 'bras bu sna tshogs dang ldan pa zhig gzigs nas de de la 'dzegs te phyogs dben zhing gsal ba'i sa phyogs su skyil mong krung bcas te bzhugs so/ / bzhugs ma thag tu ri de nyid du rnyil to// de nas byang chub
- 220a
sems dpa' 'di snyam du dgongs te/ 'dir rgyu ci zhig yod na ri rnyil par gyur cing 'ong ba/ lha rnams mngon par mi dga' 'am/ 'on te bgegs 'ga' zhig 'byung bar 'gyur snyam mo/ / lha rnams kyis byang chub sems dpa'i thugs shes nas gsol pa/ byang chub sems dpa' sa thams cad kyis gzung bar rngo mo thogs pa ni gnyis te/ dge ba'i rtsa ba chad pa gang lags pa dang / dge ba'i rtsa ba sbyangs pa gang lags pa ste/ khyod ni dge ba'i rtsa ba sbyangs pa lags so// 'di ni byang chub sems dpa' rnams kyis gnas ma lags te/ 'on kyang mdun du bzhud cig dang / de na rdo rje'i gdan mchis te der ni 'das pa dang / ma byon pa dang da ltar byung ba'i byang chub sems dpa' thams cad bzhugs nas/ bla na med pa'i ye shes thob par gyur cing thob par 'gyur ro// de nas byang chub sems dpas lhas lam bstan pa bzhin gshegs pa na/ de'i zhabs bzhag par pad+ma dag byung bar gyur to// rgya mtsho chen po bzhi las kyang chubab pa nas pad+ma'i rdzing dag byung bar gyur to// gom pa bor nas mnan pa na sa chen po 'di 'khar ba'i snod bzhin du sgra 'byin par brtsams so/ / bya tsa sha dang // ri dgas dag gis kyang byang chub sems dpa' la bskor ba byed do// rlung gtong ba'i lnga'i bu rnams kyis kyang dal bu dal bus rlung gtong bar byed do/ / char pa 'bebs pa'i lha'i bu rnams kyis kyang char pa cung zad 'bebs par byed do// de nas byang chub sems dpa' 'di snyam du dgongs te/ 'dra ba'i mtshan ma bzang po byung bar
- 220b
gyur pas/ deng nyid bdag gis bla na med pa'i ye shes thob par 'gyur ro snyam mo// chu klung ner ny+dzana'i 'gram na klu'i rgyal po dus can zhes bya ba long ba zhig gnas te/ der de'i las kyi rnam par smin pa las skyes pa'i wa zhig byung bar gyur te/ de sangs rgyas byung ba na mig thob par 'gyur la/ yongs su mya ngan las 'das pa na/ slar long bar 'gyur ro// de sa'i sgra grag pas gnas nas byung ba dang / rgyang ring po kho na nas byang chub sems pa'i sku skyes bu'i mtshan sum cu rtsa gnyis kyis kun nas brgyan pa/ dpe byad bzang po brgyad cus sbas pa/ 'od 'dom gang gi brgyan pa/ nyi ma stong pas lhag pa'i 'od gzer dang / rin po che'i ri bo 'gro ba ltar kun nas mdzes pa mthong ngo / / mthong ma thag tu byang chub sems dpral tshigs su bcad pa'i dbyangs kyis bstod par brtsams pa/ dga' ba'i dbyangs kyis kun gang ba'i// sa yi sgra ni thos nas kyang / klu yi gnas nas byung nas su// phyogs kun tu yang lta bar byed// brang gis 'gro ba'i gtso bo ste// klu yi rgyal po mthu chen gyis// nai rany+dza na'i ngogs su ni// 'jig rten 'dren pa gshegs pa mthong // sangs rgyas 'byung ba'i mthu yis ni// klu yis mig ni thob gyur te/ sems ni dga' zhing yid mgu nas// des ni 'di skad tshigs gsol to// bdag gis sngon ni mthong ba yi// sangs rgyas mthu chen de rnams dang / / thub pa khyod ni mthong gyur na// de dang tha dad dbyer ma mchis// thub pa ji ltar thog mar ni// g.yas pa'i zhabs ni 'degs pa lags// khyod ni sangs rgyas deng gyur nas/ 'jig rten gyi ni yon gnas
- 221a
'gyur/ / ji ltar chos gos mnabs pa dang // nai rany+dza na'i chu bsil la// ji lta bur ni 'jug pa las// de ring khyod ni sangs rgyas 'gyur// ji ltar rab brtan 'gros su gshegs pa dang / / pa glang mchog bgyid pa ltar gshegs pas na// skyes bu'i khyu mchog chos 'dzin rnams kyi mchog/ deng 'dir khyod ni sangs rgyas mchog 'gyur ro// ji ltar mkha' la tsa sha brgya phrag gis// / khyod sku rgya chen rgya chen mdzad de la// lding zhing skor bar bgyid par gyur pa las// mi mchog deng ni sangs rgyas mchog 'gyur ro// ji ltar dri zhim rlung ni ldang ba dang // ri dgas bya yi tshogs kyang mi skrag la/ ljon shing rlung gis g.yos par ma gyur pas// mi mchog deng ni sangs rgyas mchog 'gyur ro// ji ltar btsun pa khyod kyi zhal gyi 'od// dri med gsar 'od 'bar ba 'dra ba de/ rnam par mdzes shing kha dog ldan pas na/ / mi mchog dang ni sangs rgyas mchog 'gyur ro// de nas byang chub sems dpa' klu'i rgyal po dus can gyis yang dag par bstod nas/ rdo rje'i gdan logs su gshegs so// de nas byang chub sems dpa' 'di snyam du dgongs te/ rtswa'i gding ba la 'dug par bya'o snyam pa dang / de la rtswa'i dgos pa byung bar lha rnams kyi dbang po brgya byin gyis sems kyis byang chub sems dpa'i dgos pa shes nas/ ri spos kyi ngad ldang las shing bal gyi 'da' ba ltar reg na bde ba'i rtswa khur cig blangs nas/ rtswa 'tshong bkra shis kyi cha byad du bdag nyid mngon par sprul te/ byang chub sems dpa'i
- 221b
spyan snga na sdod do/ / byang chub sems dpas gsungs pa/ bzhin bzangs rtsa bo ni dag nga la phul cig/ lha rnams kyi dbang po brgya byin gyis byang chub sems dpa'i zhabs gnyis la gtugs nas gus pa dang bcas nas phul lo/ / byang chub sems dpa' du 'tshong bkra shis las rtsu ba zhes te/ lha dang mi rnams kyi yid sdud par byed pa'i spyod lam gyis 'gro ba rnams dad par mdzad cing ldanam kyis bstan pa'i lam nas byang chub kyi snying po gang na bar der gshegs te/ stong gsum gyi stong chen po'i 'jig rten gyi khams kyi 'khor lo na lte ba lta bu'i rdo rje'i gdan la brtan zhing / nges par nyid kyis rnams ma 'khrugs pa dang / sdug srab med par bkram nas thugs bskyed cing tshig tu yang gsungs pa/ ji srid sdug bsngal kun gyi mtha'i/ zag zad yang dag ma thob pa/ de sring srog mthar gyur kyang ni// skyil krung 'di ni gzhig mi bya// zhes gsungs nas/ byang chub sems dpa' rdo rje'i gdan la mdzegs te brang gis 'gro ba'i rgyal po gnyid log pa'i lus bskyil ba lta bu'i skyil mo krung bcas nas// sku drang por bsrangs nas dran pa mngon du bzhag nas bzhugs so/ / bzhugs pa'i mod kho na la bdud sdig can gyis gnas g.yos par gyur to// de nas bdud sdig can 'di snyam du sems te/ ci'i phyir nga'i gnas g.yos snyam pa dang / ji tsam na byang chub sems dpa' rdo rje'i gdan la bzhugs pa mthong ngo // de nas bdud sdig can 'di snyam du sems te/ shAkya zas gtsang gi bu rdo rje'i gdan la
- 222a
'dug gis/ ji tsam bdag gis yul ma 'das kyi bar du de la bgegs bya'o snyam du bsams nas/ phrin yig skyel ba skra gyen du 'greng ba sha na'i smad g.yogs bgos pa zhig gis kha dog tu mngon par sprul nas byang chub sems dpa' gang na der song ste/ phyin nas btabs par smras pa/ grong khyer ser kya'i gzhi ni lha sbyin gyis mnan/ pho brang ni bcom/ shAkya rnams ni kha btags na khyod ci'i phyir gnas btab ste 'dug/ de nas byang chub sems dpa' la sdig pa mi dge ba'i rnam par rtog pa gsum skyes pa 'di lta ste/ 'dod pa'i rnam par rtog pa dang / gnod sems kyis rnam par rtog pa dang / rnam par 'tshe ba'i rnam par rtog pa'o// de la 'dod pa'i rnam par rtog pa ni grags 'dzin ma dang / ri dgas skyes dang sa mtsho la'o// gnod sems kyi rnam par rtog pa ni lha sbyin la'o// rnam par 'tshe ba'i rnam par rtog pa ni de'i rjes su 'tshe ba'i shAkya rnams la'o/ / de nas byang chub sems dpa' 'di snyam du dgongs te/ ci'i phyir bdag la sdig pa mi dge ba'i rnam par rtog pa gsum skyes snyam na/ ji tsam na bdud sdig can 'di lta ste/ 'khrug pa'i las kyi phyir nye bar 'ongs pa gzigs so// de nas byang chub sems dpa' dge ba'i rnam par rtog pa gsum skyes pa/ 'di lta ste nges par 'byung ba'i rnam par rtog pa dang / gnod sems med pa'i rnam par rtog pa dang / rnam par mi 'tshe ba'i rnam par rtog pa'o// yang bdud kyis smras pa/ khyod ci'i phyir byang chub kyi snying po la 'dug/ byang chub sems dpas bka' stsal pa/ bla na
- 222b
med pa'i ye shes thob par bya ba'i phyir ro/ / bdud kyis smras pa/ khyod kyis bla na med pa'i ye shes ga la thob// byang chub sems dpas bka' stsal pa/ sdig pa can khyod kyis re shig mchod sbyin gcig byas pas kyang 'dod pa'i khams kyi dbang phyug phun sum tshogs par gyur na/ ngas bskal pa grangs med pa gsum du mchod sbyin bye ba khrag khrig brgya stong du ma byas shing / sems can rnams kyi don gyi phyir/ mgo dang lag pa dang / rkang pa dang / mig dang / sha dang / khrag dang / bu dang / chung ma dang / dbyig dang / gser la sogs pa yongs su btang nas/ bla na med pa'i ye shes thob par 'gyur ba lta smos kyang ci dgos te/ ngas bla na med pa'i ye shes thob par mi 'gyur ba de srid re skan/ de skad ces bka' stsal pa dang / bdud kyis smras pa/ re shig ji ltar bdag gis mchod sbyin gcig gis 'dod pa'i khams kyi dbang phyug thob par gyur pa'i bdag gi dbang ni khyod nyid yin na/ ji ltar khyod kyis bla na med pa'i ye shes thob par bya ba'i phyir bskal pa grangs med pa gsum du/ mchod sbyin bye ba khrag khrig brgya stong phrag du ma byas shing sems can rnams kyi phyir/ mgo dang / lag pa dang / rkang pa dang / mig dang / sha dang / khrag dang / bu dang / chung ma dang / dbyig dang / gser la sogs pa yongs su gtang bar khyod la dpang su yod/ de nas byang chub sems dpa' bcom ldan 'das kyi phyag 'khor lo dang / bkra shis dang / g.yu drung 'khyil pa dang / drangs 'brel pa dang / bsod nams brgya phrag du mas bskyed pa/ skrag pa rnam la
- 223a
dbugs 'byin par mdzad pas sa la reg par mdzad nas/ ngas bskal pa grangs med pa gsum du mchod sbyin bye ba khrag khrig brgya stong phrag du ma byas shing / sems can rnams kyiphyir/ mgo dang lag pa dang / rkang pa dang / mig dang / sha dang / khrag dang / bu dang / chung ma dang / dbyig dang / gser la sogs pa yongs su gtang ba'i nga'i dbang ni sa 'di yin no// de nas sa'i lhas sa brtol nas thal mo sbyar te skad phyung ba/ sdig can bcom ldan 'das kyis ji skad bka' stsal pa de bzhin yin no zhes de skad smras pa dang / bdud sdig can cang mi smra bar gyur te/ zhum zhum por gyur/ bag 'khums par gyur/ spyi ba smad nas spobs pa med la sems khongs su chud cing 'dug par gyur to// de nas bdud sdig can 'di snyam du sems te/ bdag gis zas gtsang gi bu la de ltar byas kyang glags ma rnyed kyis ma la 'di la bdag gis yang bgegs zhig bya'o snyam nas/ dpung mchog dang ldan pa bye ba phrag sum cu rtsa drug po glang po che dang / rta dang / rnga mo dang / ra dang / ri dgas dang / ma he dang / phag dang / khyi dang / 'ug pa dang / ne'u le dang / spre'u dang / wa la sogs pa 'dra ba ral gri dang / mda' bo che dang / mtshon rtse gcig pa dang / 'khor lo dang / mdung thung dang / gzhu dang / zhags pa dang / dgra sta dang / lcags kyi dbyug pa la sogs te mtshon cha rnams 'phyar ba 'jigs su rung ba rnams dang / lhan cig byang chub sems dpa' kun nas
- 223b
yongs su bskor nas gnas shing bdud sdig can rang nyid gzhun drung du bkang nas 'dug go/ de nas byang chub sems dpas gzugs rnam pa du ma can/ mtshon cha rnam pa sna tshogs mang po dang chas pa de rnam gzigs nas/ dgongs pa re shig skyes pa phal pa zhig dang lhan cig 'thab pa la rtsom na yang / de'i gnyen po'i phyogs la sbyor bar byed na/ 'dod pa'i khams kyi dbang phyug 'di la lta smos kyang ci dgos kyis/ ma la bdag gis gnyen po'o phyogs la sbyar bar bya'o snyam du dgongs nas/ de zhi bar 'gyur ba'i thabs la dgongs par brtsams so// bdud kyang 'byung po bye ba phrag sum cu rtsa drug dang lhan cig tu byang chub sems dpa'i steng nas 'khor lo dang / mdung thung dang / mda' bo che dang / mtshon rtse gcig pa dang / mda' la sog te/ mtshon cha rnams dbab par brtsams so// de nas byang chub sems dpas shel las byas pa'i gzhal yas mngon par sprul pa dang / mtshon cha thams cad gzhal yas khang de'i steng du 'bab pa dang / gzhal yas khang gi sgras bdud kyi sde thams cad skrag nas kun tu 'byer bar gyur de nas byang chub sems dpa' nam gyi thun dang po la rtag tu bya ba dang / 'grus skyong dang ldan zhing byang chub kyi phyogs dang 'thun pa'i chos rnams la bsgom pa'i rnal 'byor gyi rjes su brtson pas bzhugs so/ / de nam gyi thun dang po la rdza 'phral gyi yul shes pa mngon du bya ba'i mngon par shes pa la dgongs pa mngon du bzhag pa na/ de rdzu 'phrul gyi yul rnam pa du ma
- 224a
nyams su myong bar mdzad de/ gcig tu gyur cing mang por gyur la/ mang por gyur cing gcig tu 'gyur ba dang / snang bar gyur cing mi snang bar gyur pa ye shes gzigs pas nyams su myong bar mdzad do/ / skus rtsig pa dang / ri dang / ra ba la yang phang dkar gshegs par mdzad de/ dper na nam mkha' la bya ba bzhin no// sa la yang steng du 'byung ba dang / bye'u zul mdzad de/ dper na chu la bya ba bzhin no/ / chu'i rgyun la yang mi nyams par gshegs te/ dper na sa la bya ba bzhin no// nam mkha' la skyil mo krung gis gshegs par mdzad de/ da per na 'dab chags bya ba bzhin no// nyi ma dang zla ba 'di gnyis 'di ltar rdzu 'phrul che ba/ 'di ltar gzi brjid che ba la yang phyag gis nom zhing nyug par mdzad cing // tshangs pa'i 'jig rten gyi bar du skus dbang sgyur bar mdzad do// de nas bdud sdig can 'di snyam du sems te/ bsam gtan gyi tsher ma ni sgra yin pas ma la bdag gis rgyang ring po kho nar 'dug la sgra dbyung bar bya'o snyam nas/ des 'byung po bye ba phrag sum cu rtsa drug dang / 'jigs pa chen po 'jigs su rung ba'i sgra phyung ngo / / byang chub sems dpas kyang sgrib pa'i phyir dpag tshad bcu gnyis kyi bar du shing ka dam pa'i tshal sprul pas des na/ sgra de rdugs pas mi grag go/ de nas byang chub sems dpa' 'di snyam du dgongs nas ma la bdag gis lha'i rnab shes pas mngon sum du bya ba'i mngon par shes pa la sems mngon du bzhag nas/ des na lha dang mi rnams kyis
- 224b
gang dag thos par 'dod pa de dag mnyan par bya'o snyam du dgongs nas lha'i rna ba shes pa mngon sum du bya ba'i mngon par shes pa la dgongs pa bzhag pa na/ de lha'i snyan rnam par dag pa mi rnams kyis las 'das pas bla gnas po mi rnams kyi dang / mi ma yin pa rnams kyi dang / gang dag ring ba dang / gang dag nye ba yang gsan to// de nas byang chub sems dpa' 'di snyam du dgongs / bdud gyi lakho ba 'byung po bye ba phrag sum cu drug las/ bdag la su ngag ni gnod par sems/ sungag ni ma yin zhes de dag ji lta shes par bya smras pa dang / de nas byang chub sems dpa' di 'di snyam du dgongs te/ sems kyi rnams grangs shes pa mngon sum du bya ba'i mngon par shes pa yin no snyam nas/ denam gyi gung bun pa sems kyirnam grangs shes pa mngon sum du bya ba'i mdzan pa bags pa langs sa pa mngon du zhag pa na/ de'i thugs kyis sems can gzhan dang gang zag gzhan dag gis rnam par rtog pa dang // rnam par dpyod pa'i yid ji lta ba bzhin du gtus khyen te/ 'dod chags dang bcas pa sems la 'dod chags dang bcas pa'i sems nas ji lta ba bzhin du rab tu mkhyen to/ / 'dod chags dang bral ba'i sems la 'dod chags dang bral ba'i sems sa zhes ji ltab bzhin du rab tu ma byen to// ni lnga mtshas pa dang / bsngang dang bral ba dang / gti mug dang bcas pa dang / gti mug dang bral ba dang / bsdus pa dang / rnam par g.yengs pa dang / zhum pa dang / rab tu 'dzin pa dang / nang pa dang /
- 225a
mi rgod pa dang / nye bar ma zhi ba dang / nye ba bzhi pa dang / mnyam par ma bzhag pa dang / mnyam par bzhag pa dang / ma bsgoms pa dang / bsgoms pa dang / sems rnam par ma gros ba dang / rnam par grol ba zhes ji lta ba bzhin du rab tu mkhyen to// shin tu rnam par grol ba'i sems la shin tu rnam par grol ba'i sems shes yang dag pa ji lta ba bzhin du rab tu mkhyen to// de nas byang chub sems dpa' 'di snyam du dgongs te/ bdud kyi mngag gzhug pa 'di rnams las su dag tshe rabs gzhan na/ mar 'brel pa 'am/ phar 'brel pa su dag gshed pa 'am/ phyir rgol ba 'am dgrar gyur pa de dag ji ltar shes par bya snyam mo/ / de nas byang chub sems dpa' 'di snyam du dgongs te/ sngon gyi gnas rjes su dran pa shes pa'i mngon sum du bya ba'i mngon par shes pa yin no snyam nas/ denenam gyi gung thun la sngon gyi gnas rjes su dran pa'i shes pa mngon sum du bya ba'i mngon par shes pa la dgongs pa mngon du bzhag pa na/ des sngon gyi gnas rnam pa du ma rjes su dgongs te/ 'di lta ste skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang / bzhi bcu dang / lnga bcu dang / skye brgya dang / skye ba stong/ dang / skye ba brgya stong dang / skye ba brgya phrag du ma dang / skye ba stong phrag du ma dang / skye ba brgya stong phrag du ma dang / 'jigs pa'i skal pa dang / 'chags pa'i bskal pa dang / 'jig pa dang 'chags pa'i bskal
- 225b
pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang 'chags pa'i bskal pa du ma rjes su dgongs te/ bdag sngon sems can 'di dag gi nang na gnas pa na/ ming ni 'di zhes bya/ / rigs ni 'di zhes bya// rus ni 'di zhes bya// zas ni 'di lta bu zhi za za/ bde ba dang / sdug bsngal ni 'di lta bu zhig nyams su myong tshe ni 'di srid cig lon/ yun ni 'di srid 'dug 'dug/ tshe 'di srid cig lon te/ gnas de nas bdag shi 'phos te che ge mo zhig tu skyes so// de nas kyang shi 'phos nas 'dir skyes so zhes rnam pa dang bcas pa yul phyogs dang bcas par sngon gyi gnas rnam pa du ma rjes su dgongs so/ / de nas byang chub sems dpa' 'di snyam du dgongs te/ bdud kyi mngag gzhug 'di rnams las su dag ni ngan song du 'gro/ su dag ni ngan song du mi 'gro ba de dag ji ltar shes par bya snyam mo/ / de nas byang chub sems dpa' 'di snyam du dgongs te/ 'chi 'pho dang / skye ba shes pa mngon du bya ba'i mngon par shes pa yin no snyam ste/ de nam gyi thun tha ma la 'chi 'pho dang skye ba shes pa mngon sum du bya ba'i mngon par shes pa la dgongs pa mngon du bzhag pa na/ des lha'i spyan rnam par dag pa mi rnams kyi las 'das pas gzigs na/ sems can rnams kyi 'chi 'pho dang skye ba dang / kha dog bzang po dang / kha dog ngan pa dang / dman pa dang / gya nom pa dang / bde 'gro dang / ngan 'gror 'gro ba'i sems can rnams ji lta ba bzhin rjes su 'gro ba/ ji lta ba bzhin du rab tu mkhyen te/
- 226a
shes ldan sems can 'di zhes bya ba 'di ni lus kyis nyes par spyod pa dang ldan/ ngag dang yid kyis nyes par spyod pa dang ldan te/ 'phags pa rnams la skur pa 'debs pa log par// lta ba ste/ log par lta ba'i chos dang las yang dag par blang ba'i rgyus/ rgyu de dang rkyen des lus zhig nas/ shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro// shes ldan sems can 'di dag ni lus kyis legs par spyod pa dang ldan pa/ ngag dang yid kyis legs par spyod pa dang ldan te/ 'phags pa rnams la skur pa mi 'debs shing yang dag par lta ba ste/ yang dag par lta ba'i chos dang / las yang dag par blangs pa'i rgyus/ rgyu de dang rkyen des lus zhig nas shi ba'i 'og tu bde 'gro mtho ris kyi 'jig rten du lha dang mi rnams su skye bar 'gyur ro// de nas byang chub sems dpa' byang chub kyi shing drung na bzhugs te/ rtag tu bya ba dang / 'grus skyong dang ldan zhing / byang chub kyi phyogs dang 'thun pa'i chos rnams la sgom pa'i rnal 'byor gyi rjes su 'thun pas bzhugs te/ de nam gyi thun tha ma zag pa zad pa'i shes pa mngon sum du bya ba'i shes pa la dgongs pa mngon du bzhag pa na/ des 'di ni sdug bsngal 'phags pa'i bden pa'o zhes ji lta ba bzhin du rab tu mkhyen to// 'di ni sdug bsngal kun 'byung ba'o// 'di ni sdug bsngal 'gog pa'o// 'di ni sdug bsngal 'gog par 'gro ba 'phags pa'i bden pa'o zhes ji lta ba bzhin du rab tu mkhyen to// de de ltar shes shing de ltar
- 226b
mthong na 'dod pa'i zag pa las sems rnam par grol bar 'gyur zhing / sring pa'i zag pa dang / ma rig pa'i zag pa las sems rnam par grol bar 'gyur ro// rnam par grol na bdag gi skye ba ni zad do// tshangs par spyod pa la bsten to// bya ba byas so// 'di la srid pa gzhan mi shes so zhes de nyid du yang bla na med pa yang dag par rdzogs pa'i byang chub mngon par rdzogs par sangs rgyas so zhes thugs su chu par gyur cing / de ltar bcom ldan 'das nam gyi thun tha ma la bdud 'byung po bye ba phrag sum cu rtsa drug dang bcas pa las byams pa'i mtshon gyis mngon par rgyal te/ bla na med pa'i ye shes brnyas so// de nas bdud sdig can gyi lag pa nas gzhu shor ba dang / rgyal mtshan rtse mo bur du lta ba dang / gnas g.yos par gyur to// de nas bdud sdig can 'byung po'i 'khor bye ba phrag sum cu dang bcas par sdug bsngal zhing yid mi bde la yid la gcags te de nyid du mi snang bar gyur nas/ rang gi gnas su song ste/ sdug bsngal zhing yid mi bde la pham par gyur pas sems pa la zhugs te/ mangs sa la 'dri zhing gnas par gyur to// de nas bdud gyi bu mo sreng ma dang / dga' byed ma dang / dga' spyod ma zhes bya ba bdud gang na ba der song ste phyin nas bdud sdig can la 'di skad ces smras so// yab khyod ci'i phyir thugs mi dgyes// ci'i phyir na 'di ltar bzhugs/ / gang gis khyed la gnod byed pa'i// skyes bu gang la rjes su sems// gsungs shig de ni 'dod chags kyi// zhags pas nags nas glang po bzhin// bcings nas bdag cag 'tshal te/
- 227a
mchi/ de ni khyod kyi dbang du 'gyur// bdud kyis smras pa// skyes bu 'dod chags rab bral te// chags pas legs par dgug mi nus// bdud kyi yul 'das de yi phyir// nga ni shin tu mya ngan byed/ / de nas srad ma dang / dga' byed ma dang / dga' spyod ma ste bdud kyi bu mo gsum po sprin las byung ba'i glog bzhin du gzi brjid rab tu 'bar zhing rang gi gnas nas bcom ldan 'das gang na ba de logs su song ste phyin pa dang / bcom ldan 'das kyis zhabs la mgo bos phyag 'tshal nas/ phyogs gcig tu 'dug go/ phyogs gcig tu 'dug nas kyang bcom ldan 'das la bdud sdig can gyi bu mo gsum gyis 'di skad ces gsol to/ / kye dge sbyong khyod kyi zhabs la bsnyen bkur bgyid cing / bde bar gshegs pa khyod kyi rim gror bgyid do// bcom ldan 'das ci nas kyang sred pa yang dag par zad cing rnam par grol la thugs yang dag par shin tu rnam par grol ba bla na med pa brnyes pas de la dgongs pa ma mdzad do/ / lan gnyis lan gsum du yang bcom ldan 'das la bdud kyi bu mo gsum gyis 'di skad ces gsol to// kye dge sbyong khyod kyi zhabs la bsnyen bkur bgyid cing / bde bar gshegs pa khyod kyi rim gro bgyid do// bcom ldan 'das kyis lan gnyis lan gsum du yang ci nas kyang sred pa yang dag par zad cing rnam par grol la thugs yang dag par shin tu rnam par grol ba bla na med pa brnyes pas de la dgongs par ma mdzad do/ / de nas bdud kyi bu mo gsum phyogs gcig tu song ste phan tshun smra zhing kun tu bgros pa/
- 227b
shes ldan spun zla dag skyes pa rnams kyi bud med la sred pa ni tha dad pa yin pas/ ma la bdag cag gis gzhon nu ma mdog mdangs brgya phrag dang / gos dang / kha dog brgya phrag pa bcas par mngon par sprul zhing / bu btsas ma myong ba dang / lan cig btsas pa dang / lan gnyis dang / gsum dang / lan bzhi btsas par mngon par sprul zhing / bud med par ma brgya phrag du mar bdag nyid mngon par sprusbal la/ dge sbyong go'u ta ma gang na ba der nye bar 'gro bar bya'o// phyin nas kyang dge slong go'u ta ma la 'di skad ces dge sbyong khyed kyi zhabs la bsnyen bkur byed cing bde bar gshegs pa khyod la rim gro bgyid do zhes smra bar bya'o/ / de nas bdud kyi bu mo gsum po gzhon nu'i mdog brgya stong du mar bdag nyid mngon par sprul zhing gos kha dog brgya phrag dang bcas pa nas/ ji srid du bung mang bar ma'i tshul brgya phrag du bdag nyid mngon par sprul nas bcom ldan 'das ga la ba der song ste phyin pa dang / bcom ldan 'das kyis zhabs la mgo bos phyag byas nas phyogs gcig tu 'dug go/ phyogs gcig tu 'dug nas/ bcom ldan 'das la 'di skad ces gsol to// kye dge sbyong khyod kyi zhabs la bsnyen bkur bgyid cing / bde bar gshegs pa khyod kyi rim gro pa bgyid do// bcom ldan 'das ci nas kyang sred pa yang dag par zad cing rnam par grol ba bla na med pa brnyes pas de la dgongs par ma mdzad do/ / lan gnyis lan gsum du bcom ldan 'das la bdud kyi bu mo gsum gyis de skad
- 228a
du gsol kyang / lan gnyis lan gsum du bcom ldan 'das kyis de la dgongs par ma mdzad do// de nas bdud kyi bu mo gsum phyogs gcig tu song / nas phan tshun 'di skad ces smra ste/ spun zla dag 'dod chags dang ma bral ba'i skyes bu dag 'di lta bu'i thabs mang pos nye bar bsten cing gnas na de'i sems g.yengs par 'gyur ba 'am snying 'gas par 'gyur ba 'am/ kha nas khrag dron mo skyug par 'gyur ba'i gnas de ni yod na/ dge sbyong go'u ta ma 'di ni yu pu cag la sems gtod par mi byed kyis/ skyes pa rnams kyis bud med la sred pa ni tha dad pa yin gyis/ ma la bdag cag bud med rgan mo'i tshul brgya phrag du ma mngon par sprul la/ dge sbyong go'u ta ma'i gan du 'gro na de lta na ni dge sbyong go'u ta ma bdag cag rnams la 'dun pa skyed pa yang srid par 'gyur gyis zhes smras te/ bdud kyis bu mo gsum po bud med rgan mo'i tshul brgya phrag du bdag nyid mngon par sprul nas/ bcom ldan 'das gang na ba der song ste snga ma bzhin du bstan bkur bgyid pa'i pabar gsol pa dang / bcom ldan 'das ci nas kyang sred pa yang dag par zad cing rnam par grol la thugs yang dag par shin tu rnam par grol ba bla na med pa brnyes pas de la dgongs par ma mdzad do// de nas bcom ldan 'das 'di snyam du dgongs te/ 'di dag ni rang nyid kyis rgan mo'i dngos por byas pa yin gyis ma la ngas kyang 'di rnams nyid kun tu skyo ba skyed pa'i phyir/ rgan pa 'di nyid du byin gyis
- 228b
brlab par bya'o snyam nas/ bcom ldan 'das kyis bdud kyi bu mo rgan mor byin gyis brlabs so// de nas bdud kyi bu mo gsum po rgan pa de mi snang bar 'dod kyang mi snang bar bya bar ma nus so// de nas bdud kyi bu mo gsum po bsam pa yongs su ma rdzogs shing gzugs kyis ngo tsha bzhin du rgas shing 'khogs la gtugs pa/ sgur po phyam dgu po ltar kyang kyor can/ mdun nas 'khar ba la brten cing lus 'dar bzhin du bdud sdig can ga la ba der song ste phyin nas bdud sdig can la 'di skad ces smras so/ / skyes bu 'dod chags rab bral te// chags pas legs par dgug mi nus// bdud kyi yul 'das de yi phyir// nga ni shin tu mya ngan byed// ces bdag cag rnams la gsung ba ni yab med de// gang zhig gzhan sems rmongs byed pa// bdag cag gis ni ma byas pa'i// rnam pa de ni yod min na// de lta na yang dbang ma gyur/ / tha mar gzugs ni 'di 'dra ga/ byas nas de gan nyer song na// ji ltar rgan pa nyid gnas pa// de ltar de yis byin gyis brlabs// de bas yab kyis bdag cag rnams// rgas pa 'di ni mi snang mdzod/ / bdud kyis smras pa/ khyed rnams gzugs kyis dregs nas ni// sprin gyi tshogs las glog bzhin du// gzi brjid rab tu 'bar ba dang // spro ba'i nga rgyal gnas pas song // dpa' chen de'i gan phyin pa dang / rlung gis shing bal bzhin du brlag/ gang zhig chags kun mthar 'byin pa'i// sangs rgyas la 'dir gnod byed pa// ri bo sen mos brgod pa dang // so yis lcags ni 'cha' ba dang /
- 229a
pad+ma gzhon nu'i sdong bu yis// ri bo gzhig par 'dod pa yin// gang zhig chags kun mthar 'byin pa'i// sangs rgyas la 'dir gnod byar 'dod// rgya mtsho brkos par gyur nas ni/ / zab pa'i gting tshol 'dod pa yin// gang zhig chags kun mthar 'byin pa'i// sangs rgyas la 'dir gnod byar 'dod// rlung ni zhags pas 'ching ba dang // zla ba mkha' las dbab pa dang / rgya mtsho lag pas 'chu ba dang // gangs can la ni rgal ba dang // snang zhing sreg bcas 'bar ba yi// me la mkhyud par 'dod pa yin// gang zhig dka' ba byed 'dod pa'i// de ni 'di ltar 'gyur ba yin/ / ji srid thub pa de nyid la// skyabs su 'gro bar gyis shig dang // de nyid rga ba'i gzugs 'di ni// don gzhan du ni byed par 'gyur// de yi thugs rje cher ldan pas// nges par khyed kyi sel bar 'gyur/ / 'jig rten lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu rnams dang / lha dang mi dang lha ma yin du bcas pa'i 'jig rten na/ / khyed rnams kyi rga ba'i dngos po mi snang bar byed pa de ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de nyid las gzhan dag gang yang ma mthong ste/ khyed rnams song la bcom ldan 'das de nyid mnyes par gyis shig/ de nas bdud kyi bu mo gsum bcom ldan 'das ga la ba de logs su song ste phyin nas/ bcom ldan 'das
- 229b
kyis zhabs la mgo bos phyag byas te/ phyogs gcig tu 'dug go/ phyogs gcig tu 'dug nas bdud kyi bu mo gsum gyis bcom ldan 'das la 'di skad ces gsol to// btsun pa bcom ldan 'das bdag gis byis pa ji lta ba dang / rmongs pa ji lta ba dang / mi gsal ba ji lta ba dang / thabs mi mkhas pa ji lta ba ji tsam du/ de bzhin gshegs pa dgra bcom pa yang dag par rdzogs pa'i sangs rgyas mnyes par bgyi ba mnyes par ma bgyis pa ni nongs lags kyis/ bcom ldan 'das nongs pa gzung du gsol/ bde bar gshegs pa bzod par mdzad du gsol/ bcom ldan 'das bdag cag gis rgas pa'i dngos po mi snang bar mdzad du gsol/ bde bar gshegs pa bdag cag gis rgas pa'i dngos po mi snang bar mdzad du gsol// de nas bcom ldan 'das kyis de rnams kyi rgas pa'i dngos po mi snang bar mdzad do/ / de nas bdud kyis bu mo gsum po rang gi gzugs nyid rnyed nas/ bcom ldan 'das kyi zhabs la mgo bos phyag byas te/ bcom ldan 'das la dad par gyur pa dang / de nyid du mi snang bar gyur to/ / de nas rgyal po zas gtsang la rang gi skyes bu rnams kyis lha dgyes par bskyed du gsol/ gzhon nus bla na med pa'i ye shes brnyes so// de thos pa dang nyi ma de nyid la grags 'dzin ma la yang khye'u zhig btsas so/ / bdud rtsi zas la yang khye'u zhig btsas so// de nyid kyi nyin mo zla ba yang sgra gcan gyis zin to// de nas rgyal po zas gtsang gis phun sum tshogs pa de mthong nas/ dga' ba dang /
- 230a
mgu ba dang / rab tu dga' ba dang / rangs pa rgya chen po dang yid bde ba skyes par gyur to// de nas grong khyer ser skya'i gzhi rdo ba dang / gseg ma dang / gyo mo rnams bsal nas/ tsan dan gyi chus chag chag btab/ shin tu dri zhim pa'i ngog por nye bar bshams/ dar gyi chun phyang mang pos 'byangs/ rgyal mtshan dang / ba dan bsgreng / me tog sna tshogs kyis dga' dga' ltar bkram nas/ grong khyer gyi sgo bzhi dang / sum mdo rnams su yang sbyin gtong gi khang pa brtsigs so// de nas grong khyer gyi shar sgor dge sbyong dang / bram ze dang / spyod pa pa dang / kun tu rgyu dang / ngan pa dang / mgon med pa dang / bkren pa dang / phongs pa dang / slongs mo pa rnams la yang sbyin pa dag gtong ngo // lho dang nub dang / byang dang / dbus kyi sum mdo rnams su yang sbyin pa dag gtong ngo // bsod nams dag byed do/ / grags 'dzin ma'i bu ming 'dogs par byed de/ btsun mo'i 'khor gyi skye bos smras pa/ 'di btsas pa na zla ba sgra gcan gyis zin pas/ de bas na khye'u'i ming sgra gcan zin zhes gdags so/ / bdud rtsi zas kyi yang de bzhin du sbyin pa dag btang / bsod nams dag byas nas khye'u'i ming cir gdags zhes bu'i ming 'dogs par byed do// nya du dag gis smras pa/ gang gi tshe 'di btsas pas grong khyer thams cad dga' bar gyur par/ de'i phyir khye'u 'di'i ming kun dga' bor gdags so zhes gdags so// rgyal po zas gtsang gis smras pa/ grags 'dzin ma'i bu gang
- 230b
yin pa 'di ni shAkya thub pa'i bu ma yin no zhes smras pa/ gags 'dzin mas thos nas yi chad par gyur to// de nas des byang chub sems dpa'i pang tshad kyi pha bong la bskyon nas/ rol pa'i rdzing 'gram du 'dug ste/ bden pa gsol ba btab pa/ gal te 'di byang chub sems dpa' las skyes pa yin na/ de bzhin du rdzing 'dir pha bong dang lhan cig 'phyo bar gyur cig/ ji ste ma yin na bying bar gyur cig ces smras nas chur bor ba dang / de shing bal gyi 'da' ba bzhin du pha bong dang lhan cig 'phyo bar gyur to// rgyal po zas gtsang gis ya mtshan du gyur pa de thos nas/ skye bo'i tshogs chen pos yongs su bskor te/ byang chub sems dpa' rol pa'i rdzing 'gram du dong na/ ji tsam na sgra gcan 'dzin bzang po byang chub sems dpa'i phang tshad kyi pha bong la zhon nas shing bal gyi 'da' ba bzhin du chun 'phyo ba mthong ngo // mthong nas kyang dga' ba dang / mgu ba dang / rab tu dga' ba dang / rang pa rgya chen po dang / yid bde ba skyes te/ de ma thag tu rdzing der zhugs nas/ gzhon nu sgra gcan 'dzin bzang po bang du blangs nas langs so/ / gang gi tshe bcom ldan 'das kyi bdud kyi 'khor 'byung po bye ba phrag sum cu rtsa drug byams pa'i mtshon gyis mngon du btul nas/ bla na med pa'i ye shes brnyes pa de'i tshe/ sa chen po 'di shin tu g.yos par gyur to/ / 'jig rten 'di thams cad kyang snang ba rgya chen pos gsal bar gyur te/ 'di ltar 'jig rten dang / 'jig rten gyi bar gyi mun pa mun gnag smag tu gyur pa nyi ma
- 231a
dang / zla ba 'di gnyis 'di ltar rdzu 'phrul che zhing 'di ltar mthu che ba'i snang bas snang ba nyams su ma myong ba gang yin pa de dag kyang / de'i tshe snang ba rgya chen pos gsal bar gyur nas/ der sems can gang dag skyes pa de rnams kyis snang ba des sems can gcig gis gcig mthong nas/ shes ldan dag sems can gzhan dag kyang 'dir skyes pa lta zhig/ shes ldan dag sems can gzhan dag kyang 'dir skyes pa lta zhig ces ngo shes par gyur to/ / sangs rgyas bcom ldan 'das ma'i khams la snyoms par zhugs nas skyil mo krung gcig gis zhag bdun 'da' bar mdzad do// de nas tshangs ris kyi lha gnyis shig tshangs pa'i 'jig rten na 'dug pa 'di snyam du sems te/ sangs rgyas bcom ldan 'das lteng rgyas na chu klung nai ran dza na'i 'gram byang chub kyi shing drung na bzhugs te/ mngon par rdzogs par sangs rgyas nas ring po ma lon par me'i khams la snyoms par zhugs te/ skyil mo krung gcig gis zhag bdun 'da' bar mdzad na/ de la sus kyang bsod snyoms ma phul gyis/ ma la bdag cag der song la tshigasu bcad pa re res mngon par bstod do/ / de nas tshangs ris kyi lha de gnyis kyis 'di lta ste/ skyes bu stobs dang ldan pa'i dpung pa bskums te brkyang ba 'am/ brkyang ste bskums pa tsam gyis tshangs ris kyi lha gnyis kyi tshangs ris kyi 'jig rten nas mi snang bar gyur te/ bcom ldan 'das kyi spyan sngar phyin nas phyogs gcig tu 'dug ste/ tshangs ris kyi lha gnyis las gcig gis tshogs su bcad te gsol pa/ ded dpon g.yul
- 231b
las rnam par rgyal ba po/ / sdig pa mi mnga' bzhengs shig 'jig rten gzigs// rin chen chos ni 'tshal bar 'gyur mchis kyis// bde gshegs chos kyi mchog ni bshad du gsol// cig shos kyis kyang tshigs su bcad de gsol pa/ nga rgyal bcom zhing g.yul las rnam rgyal ba// sdig pa mi mnga' bzhengs shig 'jig rten gzigs// bco lnga lon pa'i dgung zla nya ba ltar// khyod kyi thugs ni shin tu rnam dag lags/ / zhes gsol nas tshangs ris kyi lha gnyis de nyid du mi snang bar gyur to// de nas bcom ldan 'das ting nge 'dzin de las bzhengs nas/ de'i tshe tshigs su bcad de bka' stsal pa/ 'jig rten 'dod pa'i bde gang dang // lha yul byung bde gang yin pa// srid pa zad pa'i bde de la// bcu drug char yang mi phod do// khur khyer ba ni sdug bsngal te// khur ni lci ba rnams bor na/ / gzhan dag blang bar mi bya'o// sred pa thams cad rnams spangs shing // 'dus byas thams cad zad nas ni// dngos po thams cad yongs shes nas// slar yang srid par mi 'ong ngo // sangs rgyas bcom ldan 'das rnam par grol ba'i dga' ba dang / bde ba dang / sku nyams su bstar ba las skyil mo krung gcig gis zhag bdun 'das par mdzad pa na// de la sus kyang bsod snyoms ma phul lo/ / de'i tshe tshong pa ga gon dang bzang po gnyis shing rta lnga brgya tsam dang / lhan cig dong ngan lam de nyid du bzhugs par gyur to// de nas tshong pa ga gon dang bzang po'i sngon gyi grogs po dang / blon po dang /
- 232a
nye du dang / mdza' bshes su gyur pa'i lha zhig yod pa 'di snyam du sems te/ sangs rgyas bcom ldan 'das lteng rgyas na chu klung nai rany+dza na'i 'gram byang chub kyi shing drung du bzhugs te/ mngon par rdzogs par sangs rgyas nas ring po ma lon par rnam par grol ba'i dga' ba dang / bde ba nyams su bstar nas/ skyil mo krung gcig gis zhag bdun 'das par mdzad nas/ de la sus kyang bsod snyoms ma phul gyis/ de la tshong pa ga gon dang bzang po gnyis kyis der thog mar bsod snyoms 'bul du bcug na/ de ni tshong pa ga gon dang bzang po de gnyis kyi yun ring po'i don dang / phan pa dang bde bar 'gyur gyis/ ma la bdag rang gis 'di lta ste/ bcom ldan 'das la bsod snyoms 'bul du bzhugs pa'i phyir brtson par bya'o snyam nas/ de nas lha des shing rta dang / tshong pa thams cad snang ba rgya chen pos gsal bar byas nas/ tshong ba ga gon dang bzang po la 'di skad ces smras so// tshong pa tshong pa dag sangs rgyas bcom ldan 'das 'di ltang rgyas na chu klung na rany+dza na'i 'gram byang chub kyi shing drung na bzhugs te/ mngon par rdzogs par sangs rgyas nas ring po ma lon par grol ba'i dga' ba dang / bde ba sku nyams su bstar ba na/ skyil mo krung gcig gis zhag bdun 'das par mdzad de/ de la sus kyang bsod snyoms ma phul gyis de la khyed kyi der thog mar bsod snyoms phul na/ de ni khyod kyi yun ring po'i don dang phan pa dang / bde bar 'gyur ro zhes smras nas/ lha de nyid du mi snang bar
- 232b
gyur to/ / de nas tshong pa gagon dang bzang po gnyis 'di snyam du sems te/ sangs rgyas ni mchog ma yin pa ma yin la/ chos bshad pa yang mchog ma yin pa ma yin te/ gang gi phyir 'di ltar lhas kyang 'di lta ste/ bcom ldan 'das de la bsod snyoms dbul ba'i phyir brtson par byed do snyam nas/ nang par sngar langs te/ sbrang rtsi dang lde gu mang du khyer nas/ bcom ldan 'das gang na ba der song ste phyin pa dang / bcom ldan 'das kyis zhabs gnyis la mgo bos phyag byas te phyogs gcig tu 'dug go// phyogs gcig tu 'dug nas tshong pa gagon dang bzang pos bcom ldan 'das la 'di skad ces gsol to// btsun pa bcom ldan 'das de'i cheng du 'dir bdag gis sbrang rtsi'i lde gu mang du 'tshal te mchis kyis/ bcom ldan 'das thugs brtse ba nye bar bzung ste 'di bzhes su gsol/ de nas bcom ldan 'das 'di snyam du dgongs te/ gal te bdag gi phyag gis bsod snyoms bzhes na/ dper na mu stegs can bzhin du 'gyur bas de ni bdag gi cha ma yin gyis ma la bdag gis sngon gyi yang dag par rdzogs pa'i sangs rgyas rnams kyis srog chags rnams la phan pa'i phyir bsod snyoms gang du bzhes pa bsam par bya'o snyam pa na/ bcom ldan 'das la lha rnams kyis gsol pa/ btsun pa sngon gyi yang dag par rdzogs pa'i sangs rgyas rnams kyis srog chags rnams la sman par bgyi ba'i slad du/ lhung bzed du bsod snyoms bzhes lags so// bcom ldan 'das kyis kyang dgongs shing ye shes gzigs pa bskyed na/ sngon gyi sangs rgyas bcom ldan 'das
- 233a
rnams kyis srog chags rnams la phan pa'i phyir bsod snyoms lhung bzed du bzhes par gyur nas/ de na bcom ldan 'das la lhung bzed kyis bgos pa byung ngo // de na/ rgyal po chen po bzhis bcom ldan 'das la lhung bzed kyi bgos pa byung bar rig nas/ ri brag can zhig la rdo ba las byas pa'i lhung bzed mi ma yin pas byas shing mi ma yin pas zin par byas la gsal ba gca ba dri mi zhim pa med pa bzhi khyer te/ bcom ldan 'das gang na ba der song nas phyin pa dang / bcom ldan 'das kyi zhabs gnyis la mgo bos phyag 'tshal nas phyogs gcig tu 'dug go// phyogs gcig tu 'dug nas rgyal po chen po bzhis bcom ldan 'das la 'di skad ces gsol to/ / btsun pa bcom ldan 'das la lhung bzed kyi mkho ba byung bar bdag cag gis 'tshal nas/ ri brag can zhig las rdo'i lhung bzed mi ma lags pas bgyis shing mi ma lags pas bgyis pa gsal ba gtsang ba/ dri nga ba ma mchis pa bzhi 'dir 'tshal te mchis na bcom ldan 'das thugs brtse ba nye bar bzung ste bzhes su gsol// de nas bcom ldan 'das 'di snyam du dgongs te/ gal te bdag gis rgyal po chen po gcig las lhung bzed gcig bzhes na gsum gyi sems mi dga' bar 'gyur ro// gal te gnyis las ni gnyis kyi sems mi dga' bar 'gyur ro/ / gal te gsum las ni gcig gi sems mi dga' bar 'gyur gyis ma la bdag gis rgyal po chen po bzhi las lhung bzed bzhi bzhes la/ lhung bzed gcig tu byin gyis brlabs par bya'o/
- 233b
snyam nas/ de nas bcom ldan 'das kyis rgyal po chen po bzhi las lhung bzedang bzhi bzhes te/ lhung bzed gcig tu byin gyis brlabs so// de nas bcom ldan 'das kyis tshong pa gagon dang / bzang po las srog chags rnams la phan pa'i phyir bsod snyoms pazhes so/ / de nas bcom ldan 'das kyis tshong pa gagon dang bzang po la 'di skad ces bka' stsal to// tshong pa dag khyed tshur sangs rgyas la skyabs su dang shig/ chos la skyabs su deng shig/ ma 'ongs pa'i dus na 'byung bar 'gyur ba'i dge 'dun zhes bya ba gang yin pa de la yang skyabs su deng shig/ btsun pa bdag cag sangs rgyas la skyabs su mchi'o/ / chos la skyabs su mchi'o// ma 'ongs pa'i dus na 'byung bar 'gyur ba'i dge 'dun gang lags pa de la yang skyabs su mchi'o// de nas bcom ldan 'das kyis tshong pa ga gon dang bzang po'i sbyin pa de la rjes su yi rang ba mdzad do/ / gang gi don du sbyin pa gtang // de yi don tu 'gyur ba ste// bde ba'i don du sbyin btang na// de ni bde bar 'gyur ba yin// bsod nams rnam smin bde ba dang // bsam pa yang ni grub par 'gyur// myur du zhi ba dam pa yi// mya ngan 'das pa rtogs par 'gyur// pha rol las byung gnod pa ni// lha dang bdud kyi ris dag gis/ / bsod nams kho na byed pa na// bar chad bya bar mi nus so// gal te 'phags pa'i shes rab phyin// gtong ldan de ni dbang byed na// sdug bsngal tha mar byed pa dag/ rnam par
- 234a
'thar zhes rig par 'gyur/ / de nas tshong pa ga gon dang bzang po bcom ldan 'das kyis bka' stsal pa la mngon par dga' ste/ rjes su yi rang nas bcom ldan 'das kyi zhabs gnyis la mgo bos phyag byas te/ bcom ldan 'das kyis spyan snga nas dong ngo // de nas bcom ldan 'das kyis tshong pa ga gon dang bzang po las bsod snyoms pa zhes nas/ chu klung nai rany+dza na gang na par gshegs te/ byon nas chu klung nai rany+dza na'i 'gram du bzhugs te/ zhal zas kyi bya ba mdzad do// de nas sbrang rtsi yang rlung slong bas des na bcom ldan 'das rlung nad kyi snyun gyis thebs so/ / de nas bdud sdig can gyis bcom ldan 'das rlung nad kyi snyan gyis thabs par rig nas/ bcom ldan 'das gang na ba der song ste phyin pa dang / bcom ldan 'das la 'di skad ces gsol to// bcom ldan 'das yongs su mya ngan las 'da' ba'i dus la bab lags so/ / bde bar gshegs pa yongs su mya ngan las 'da' ba'i dus la bab lags so// de nas bcom ldan 'das 'di snyam du dgongs te/ 'di lta ste/ dkrug pa'i las kyi phyir bdud sdig can 'di nye bar 'ongs so snyam dgongs nas/ bdud sdig can la 'di skad ces bka' stsal to// sdig can ji srid nga'i nyan thos mkhas pa gsal ba yid gzhungs pa/ pha rol gyirtsod pa byung zhing byung ba rnams chos bzhin gyis tshar gcod nus pa/ rang gi smra ba gsal bar byed nus pa/ dge slong dang / dge slong ma dang / dge bsnyen dang / dge bsnyen ma rnams byung bar ma gyur pa dang /
- 234b
nga'i tshangs par spyod pa rgya chen po skye bo mang po dang / lha dang / mi'i bar la rgya cher yangs par legs par rab tu ma bstan gyi bar du nga yongs su mya ngan las mi 'da'o// de nas bdud sdig can 'di snyam du sems tekye ma'o dge slong go'u ta ma ni yongs su mya ngan las mi 'da'o/ / snyam du bsam nas sdug bsngal zhing yid mi bde la 'gyod pas de nyid du mi snang bar gyur to// de nas lha rnams kyi dbang po brgya byin gyis bcom ldan 'das rlung nad kyi spun gyis thebs par rig nas shing 'dzam bu zhes bya bas 'dzam bu'i gling du gdags pa gang yin pa de dang ha cang mi ring ba zhig na a ru ra chen po'i tshal yod de/ de nas kha dog dang dri dang / ro dang ldan pa'i a ru ra blangs nas/ bcom ldan 'das gang na ba der song ste phyin pa dang / bcom ldan 'das kyis zhabs gnyis la mgo bos phyag byas te phyogs gcig tu 'dug go/ phyogs gcig tu 'dug nas lha rnams kyi dbang po brgya byin gyis bcom ldan 'das la 'di skad ces gsol to/ / btsun pa bcom ldan 'das bser ma'i snyun nad kyis thebs par bdag gis 'tshal nas shing 'dzam bu zhes bgyi bas 'dzam bu'i gling du gdags pa gang lags pa de dang ha cang mi ring bzhig na a rur chen po'i tshal mchis te/ de nas bdag gis kha dog dang dri dang ro dang ldan pa'i a ru ra 'dir 'tshal te mchis kyi/ de bcom ldan 'das gsol cig/ bcom ldan 'das kyis de gsol ba dang bser ma dang mthun par 'gyur zhing bser ma'i snyun nye bar zhi bar 'gyur ro//
- 235a
bcom ldan 'das kyis de gsol pa dang / rlung dang mthun par gyur/ rlung nad kyi spun nye bar zhi bar gyur to// de nas bcom ldan 'das shin tu bzod cing lhag par 'tshe bar gyur to/ / de nas bcom ldan 'das ji tsam dgyes kyi bar du/ byang chub kyi shing drung du bzhugs nas/ klu'i rgyal po btang bzung gi gnas gang na ba der gshegs te byin nas/ shing gi drung du brten te/ skyil mo krung bcas nas/ sku drang por bsrang ste/ dran pa mngon du phyogs par bzhag nas bzhugs so// de'i tshe klu'i rgyal po btang bzung gi gnas su zhag bdun du dus ma yin pa'i sprin chags par gyur to/ / de nas klu'i rgyal po btang bzung gis zhag bdun du dus ma yin pa'i sprin chags par rig nas/ gnas nas mngon par 'phags te/ bcom ldan 'das zhag bdun po 'di la bsar bar 'gyur du 'ong / tsha ba dang / sbrang ma dang / sha sbrang dang / rlung dang / nyi ma dang / sdig sbrul gyis reg pas sku la gnod par 'gyur du 'ong zhes lus kyis/ bcom ldan 'das kyi sku la lan bdun du dkris te/ steng du mgo'i gdengs ka chen po byas nas 'dug go/ de nas klu'i rgyal po btang bzung gis zhag bdun gyi dus ma yin pa'i sprin chags pa med par rig nas/ bcom ldan 'das kyi sku las lus phral te/ dpung rgyan dang / rna rgyan dang / phreng ba dang / rgyan tshogs dang / byug pas byugs nas bcom ldan 'das gang na ba de logs su thal mo sbyar ba btud de/ bcom ldan
- 235b
'das la 'di skad ces gsol to/ / bcom ldan 'das dgung bdun po 'di dag la bser bar ma gyur tam/ tsha ba dang / sbrang ma dang / sha sbrang dang / bser ma dang / gdugs dang / sdig sprul gyi gnod pas sku la reg par ma gyur tam/ de nas bcom ldan 'das kyis de'i tshe tshigs su bcad de bka' stsal pa/ bden pa'i dga' ba bde ba yin// chos thos pa la lta ba dang / srog chags rnams la sdom pa yi/ / 'jig rten 'tshe ba med pa bde// 'jig rten 'dod chags bral ba dang // 'dod pa rnams la 'gal ba bde// nga'o nga rgyal dul ba gang // de nyid bde ba'i dam pa yin// de nas bcom ldan 'das ji tsam bzhed kyi bar du klu'i rgyal po btang bzung gi gnas na bzhugs nas/ byang chub kyi snying po gang na ba der gshegs te byon pa dang / rtswa'i gding ba bshams pa nyid la skyil mo krung bcas sku drang por bsrang nas dran pa mngon du phyogs par bzhag nas bzhugs te/ skyil mo krung gcig gis zhag bdun 'das par mdzad cing rten cing 'brel par 'byung ba yan lag bcu gnyis po lugs dang 'thun pa dang / lugs dang mi 'thun pa 'di nyid la gzigs par mdzad de/ 'di lta ste 'di yod pas 'di yod/ 'di skyes pas 'di skye ba 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang / gzugs dang / ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/
- 236a
sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'ba' shig po 'di 'byung bar 'gyur ro// 'di lta ste 'di med na 'di med la/ 'di 'gags pa 'di 'gag par 'gyur te 'di lta ste ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' shig po 'di 'gag par 'gyur ro/ / de nas bcom ldan 'das kyis zhag bdun po de nyid 'das par mdzad nas/ ting nge 'dzin de las bzhengs nas/ de'i tshe tshigs su bcad de bka' stsal pa/ gang tshe chos 'di dag ni skyed byed pa'i// brtson 'grus ldan pa'i bsam gtan tshangs pa yin// gang tshe chos rnams rgyu dang bcas shes pa/ de nas de yi som nyi thams cad
- 236b
'bral/ / gang tshe chos 'di dag ni skyed byed pa'i// brtson 'grus ldan pa'i bsam gtan tshangs pa yin// gang tshe sdug bsngal rgyu dang bcas shes pa// de nas de yi som nyi thams cad 'bral// gang tshe chos 'di dag ni skyed byed pa'i/ / brtson 'grus ldan pa'i bsam gtan tshangs pa yin// gang tshe char pa zad pa thob gyur pa// de nas de yi som nyi thams cad 'bral// gang tshe chos 'di dag ni skyed byed pa'i/ / brtson 'grus ldan pa'i bsam gtan tshangs pa yin// gang tshe rkyen rnams zad pa thob nas ni// de nas de'i tshe som nyi thams cad 'bral// gang tshe chos 'di dag ni skyed byed pa'i// brtson 'grus ldan pa'i bsam gtan tshangs pa yin// gang tshe zag pa zad pa thob gyur nas// de nas de yi som nyi thams cad 'bral// gang tshe chos 'di dag ni skyed byed pa'i// brtson 'grus ldan pa'i bsam gtan tshangs pa yin/ / 'jig rten kun tu snang bar 'dug pa ni// ji ltar bar snang nyi ma shar ba bzhin// gang tshe chos 'di dag ni skyed byed pa'i// brtson 'grus ldan pa'i bsam gtan tshangs pa yin/ / bdud kyi sde rnams rnam par bcom gnas te// sangs rgyas kun tu sbyor las rnam par grol// de nas bcom ldan 'das 'di snyam du dgongs te/ bdag gis chos zab mo zab par snang ba mthong par dka' zhing khong du chud par dka' ba/ rtog ge ba rnams kyi rtog ge'i sbyor yul ma yin/ zhib mo mdzangs pa'i mkhas pa dang / rig pas rnam par shes par bya ba rtogs te/ de bdag gis gzhan
- 237a
la smras kyang gzhan gyis de mi shes pas/ des bdag dub par 'gyur/ ngal bar 'gyur/ sems la spro ba med pa kho nar 'gyur bar zad pas/ ma la bdag cig pu dgon pa'i nags stug por mthong ba'i chos la bde bar gnas pa'i rnal 'byor la rjes su brtson par gnas par bya'o snyam ste/ de nas bcom ldan 'das thugs las chung ngus bzhugs pa la thugs gzhol bar mdzad cing / chos 'chad pa la ma yin no// de nas tshangs pa mi mjed kyi bdag po 'di snyam du sems te/ kye ma'o 'jig rten 'di ni ma rung ngo // kye ma'o 'jig rten 'jig rten 'di ma rung ste/ gang gi phyir da ltar brgya lam na/ lan 'ga' de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba ni/ dper na u dum wa ra'i me tog bzhin no// bcom ldan 'das de da ltar thugs las chung ngus bzhugs pa la thugs gzhol bar mdzad cing / chos 'chad pa la ma yin pas/ ma la bedag der song la de la gsol ba gdab po snyam mo/ de nas tshangs pa mi mjed kyi bdag pos dper na skyes bu stobs dang ldan pa'i dpung pa bskums nas brkyang pa 'am/ brkyang nas bskums pa tsam gyis tshangs pa mi mjed kyi bdag po tshangs pa'i 'jig rten nas mi snang bar byas te/ bcom ldan 'das kyis spyan sngar 'dug go/ de nas tshangs pa mi mjed kyi bdag pos/ de'i tshe tshigs su bcad pa 'di dag gsol pa/ ma ga d+har ni sngon chad chos
- 237b
byung ba/ dag pa ma lag dri mar bcas pas rtogs// bdud rtsi'i chos kyi sgo ni phye mdzod la// dri ma med pas rtogs pa bshad pa mdzod// de nas bcom ldan 'das kyis de'i tshe tshigs su bcad de bka' stsal pa/ tshangs pa ngas ni tshogs chen gyis// skyon rnams bcom nas rtogs gyur pa// srid dang chags pas dkris rnams kyis// chos 'di legs par rtogs mi 'gyur// rgyun las zlog phyogs 'gro ba'i lam/ zab cing shin tu mthong dka' ba// mun pa'i phung pos bsgribs pa yi// 'dod chags zhen pas mthong mi 'gyur// btsun pa 'jig rten du skyes shing 'jig rten du rgas pa'i sems can rnams la/ dbang po rnon po dang dbang po 'bring po dang / dbang po rtul po dang / drang bsla ba dang / gdul sla ba dang / nyon mongs pa chung ba dang / rdul chung ba'i rigs mchis te/ de dag gis dam pa'i chos ma thos na yongs su nyams par 'gyur lags so/ / btsun pa dper na ut+pa la 'am/ pad+ma 'am/ ku mu ta 'am/ pad+ma dkar po dag chab nas skyes shing chab nas chen por gyur te/ chab nas 'phags te kha cig ni cha ba dang mnyam/ kha cig ni chab kyi nang du nub cing mchis pa de bzhin du/ btsun pa 'jig rten du skyes shing 'jig rten du rgas pa'i sems can rnams la yang / dbang po rnon po dang / dbang po 'bring po dang / dbang po rtul po dang / drang sla ba dang / gdul sla ba dang / nyon mongs pa chung ba dang / rdul chung ba'i rigs mchis te/ de dag gis dam pa'i chos ma thos na yongs su nyams par 'gyur bas/ chos rin po che 'tshal bar 'gyur ba mchis kyis/
- 238a
bcom ldan 'das chos bshad du gsol// bde bar gshegs pa chos bshad du gsol/ de nas bcom ldan 'das 'di snyam du dgongs te/ ma la nga nyid kyi sangs rgyas kyi spyan gyis 'jig rten la lta bar bya'o snyam nas/ de nas bcom ldan 'das nyid kyi sangs rgyas kyi spyan gyi 'jig rten la gzigs te/ 'jig rten du skyes shing 'jig rten du rgas pa'i sems can rnams la dbang po rnon po dang / dbang po 'bring po dang / dbang po rtul po dang / drang sla ba dang / gdul sla ba dang / nyon mongs pa chung ba dang / rdul chung ba'i rang bzhin yod do// de dag dam pa'i chos ma thos na yongs su nyams par 'gyur bar gzigs so/ / gzigs nas kyang sems can rnams la thugs rje chen po gzhol bar gyur to// de nas bcom ldan 'das kyis de'i tshe tshigs su bcad de bka' stsal pa/ bdud rtsi sgo mo dag ni dbye bar byas/ / nyan par su 'dod som nyi sol cig dang // tshangs pa mi rnams la ni gya nom chos// klan ka mi btsal mdo tsam bshad par bya// de nas tshangs pa mi mjed kyi bdag po 'di snyam du sems te/ kye ma bcom ldan 'das kyis chos bshad par 'gyur ro// kye ma bde bar gshegs pas chos bstan par 'gyur ro snyam du rig nas/ dga' ba dang / mgu ba dang mchog tu dga' ba dang / dga' ba rgya chen po dang / yid bde ba skyes nas/ bcom ldan 'das kyi zhabs gnyis la mgo bos phyag byas te/ bcom ldan 'das la lan gsum bskor ba byas nas de
- 238b
nyid du mi snang bar gyur to/ / de nas bcom ldan 'das 'di snyam du dgongs te/ ngas su la thog mar chos bshad par bya snyam mo// de nas bcom ldan 'das 'di snyam du dgongs te/ ma la ngas sgyu rtsal shes kyi bu ring du 'phur de la thog mar chos bshad par bya ste/ de ni nga'i thog ma'i slob dpon kho na yid bzhin du rjed pa'i dam pas rjed cing mchod pa'i dam pas mchod la/ rtogs pa dam pa dag la yang yi rangs shing dad par gyur pa yin no snyam mo/ / bcom ldan 'das la lha rnams kyis gsol pa/ btsun pa sgyu rtsal shes kyi bu gum nas dgung bdun lags so// bcom ldan 'das kyis kyang dgongs pa la zhugs te ye shes gzigs pa bskyed na sgyu rtsal shes kyi bu ring du 'phur shi nas zhag bdun lon no/ / de nas bcom ldan 'das 'di snyam du dgongs te/ e ma'o sgyu rtsal shes kyi bu ring du 'phur shi ba de ni te por ma stes so/ / e ma'o sgyu rtsal shes kyi bu ring du 'bur shi ba de ni shin tu de bor ma stes te/ chos 'dul ba 'di ma thos so// gal te chos 'dul ba 'di thos na shes par 'gyur ba zhig snyam mo/ / de nas bcom ldan 'das 'di snyam du dgongs te/ ma la ngas thog mar su zhig la chos bshad snyam mo// de nas bcom ldan 'das 'di snyam du dgongs te/ ma la ngas rang byed kyi bu lhag spyod de la thog mar chos bshad par bya ste/ de ni nga'i thog ma'i slob dpon kho na yin bzhin du rjed pa'i dam pas rjed cing mchod pa'i dam pas mchod la/ rtogs pa
- 239a
dam pa dag la yid rangs shing dad par gyur to snyam mo/ / bcom ldan 'das la lha rnams kyis gsol pa/ btsun pa rangs byed kyi bu lhag spyod mdangs su ma srong la gum lags so// bcom ldan 'das kyis dgongs pa la zhugs te ye shes gzigs pa bskyed na rangs byed kyi bu lhag spyod srong la shi bar gyur to// de nas bcom ldan 'das 'di snyam du dgongs te/ e ma'o rangs byed kyi bu lhag skyong shi ba de ni te por ma stes te/ e ma'o rangs byed kyi bu lhag spyong shi ba de ni shin tu te por ma stes te/ chos 'dul ba 'dim bos so// gal te chos 'dul ba 'di thos na shes par 'gyur ba zhig snyam mo// de nas bcom ldan 'das 'di snyam du dgongs te/ ma la ngas thog mar su zhig la chos/ bshad snyam mo// de nas 'di snyam du dgongs te/ ma la ngas sde lnga'i dge slong de rnams la thog mar chos bshad par bya ba ste/ de dag gis nga sngon sdug bsngal spong ba'i rnal 'byor gyi rjes su brtson par gnas pa na/ bla ma dang / gus pa dang / sdug pa dang bcas pas gnas pa yin no snyam mo// de nas bcom ldan 'das 'di snyam du dgongs te/ lnga sde'i dge slong rnams da ltar gang na 'dug snyam nas/ bcom ldan 'das kyis lha'i spyan rnam par dag pa'i mi rnams kyi las 'das pas lnga sde'i dge slong rnams wA ra Na se na drang srong smra ba ri dgas kyi gnas na 'khor pa gzigs so/ / gzigs nas kyang ji tsam bzhed kyi bar du byang chub kyi shing drung du bzhugs nas/ wA ra NA si na ka shi'i grong rdal gang na ba der rgyu zhing gshegs so// de'i tshe kun tu 'tsho
- 239b
nyer 'gro lam de nyid du lam du zhugs par gyur te/ kun tu 'tsho nyer 'gros bcom ldan 'das lam nas gshegs pa mthong ngo // mthong nas kyang 'di skad ces gsol to// dge slong go'u ta ma khyod kyi dbang po rnams ni dngas/ bzhin gyi mdog ni yongs su dag/ pags pa'i mdog ni gsal na/ tshe dang ldan pa go'u ta ma khyod kyi ston pa ni gang khyod su las brten te rab tu byung / khyod su'i chos la dga' bcom ldan 'das kyis de'i tshe tshigs su bcad de bka' stsal pa/ nga dang 'dra ba yod min pas/ nga la slob dpon 'ga' med de// 'jig rten sangs rgyas gcig pu// yang dag byang chub dam pa thob// thams cad zil mnan 'jig rten kun mkhyen la// 'di ni chos kun gyis ni ngam gos// thams cad spangs shing sred bral rnam grol te/ rang gis mngon par shes na su la rten// de bzhin gshegs pa lha mi'i ston pa po/ / thams cad mkhyen pa'i stobs ni kun ldan pas// nyid kyis byang chub rtogs nas rab gsungs pa// mi mnyam mtshungs pa med na su la rten// nga ni 'jig rten dgra bcom ste/ 'jig rten bla med nga yin pas// lha dang bcas pa'i 'jig rten na// nga ni rgyal ba bdud zil gnon// tshe dang ldan pa go'u ta ma rgyal ba zhes gsungs ngam// gang gis zag pa zad thob pa/ / rgyal ba nga 'drar shes par bya// sdig pa'i chos ni ngas bcom pas// de bas nyer 'gro nga rgyal ba'o// tshe dang ldan pa go'u ta ma gang du bzhud// wA ra NA sir gshegs nas ni//
- 240a
ngas ni chos kyi rnga brdung zhing // 'jig rten ma bskor gang yin pa// chos kyi 'khor lo rab tu bskor// 'jig rten chags pa las rgal ba'i// kun mkhyen sangs rgyas zhing gyur pa/ / 'jig rten bskal ba ma byas par// skyes bu dam pa grags mi srid// tshe dang ldan pa go'u ta ma rgyal ba lags so zhes gsol nas/ kun tu 'tshe nyer gro lam nas song ngo // de nas bcom ldan 'das yul ka shi'i ljongs rgyu zhing gshegs pa na/ wA ra NA sir byon to// de'i tshe lnga sde'i dge sbyong rnams wA ra NA sa drang srong smra ba ri dgas kyi nags na 'khod do// lnga sde'i dge slong rnams kyis bcom ldan 'das rgyang ring po kho na nas mthong ngo / / mthong nas kyang phan tshun nas chad du bsams te/ legs par 'dug nas khrims su bcas pa/ shes ldan dag dge slong go'u ta ma mi brtan pa/ bya ba mang ba mang pos 'tshe ba spong ba nyams pa de dang / 'bras chan dang / zan dron gyi kha zas la mang du za zhing / lus mar sar dang til mar gyis byugs nas chu 'jam pos lus khrus byed cing 'ong gis/ de bdag cag gi drung du 'ongs dang / de la smra bar mi bya/ phyag mi bya/ ldang bar mi bya/ langs te stan bstabs par mi bya'o// gzhan du na stan nar ma kho na bting la tshig 'di skad ces tshe dang ldan pa go'u ta ma stan yod kyis ji ste 'dod na 'dug cig ces brjod par bya'o zhes bcas so/ / bcom ldan 'das kyis ji lta ji ltar lnga sde'i dge slong rnams la gzigs pa'i phyir nye bar gshegs pa de lta de ltar
- 240b
lnga sde'i dge slong rnams bcom ldan 'das kyi gzi brjid dang / dpal dang / bkur sti ma bzod nas stan las langs nas/ kha cig ni bcom ldan 'das kyi ched du gdan shom mo// kha cig ni zhabs bkru ba'i chu dang zhabs kyi rten dag mtha' gcig tu 'jog par byed do/ / kha cig ni bsu ste na bza' chos gos dag blangs nas 'di skad ces shes ldan go'u ta ma tshur skyon shes ldan go'u ta ma byon pa legs so/ / shes ldan go'u ta ma gdan bshams pa nyid la bzhugs shig ces zer ro// de nas bcom ldan 'das 'di snyam du dgongs te/ kye ma skyes bu blun po 'di rnams kyis khrims bcas nas rang gis bshig go snyam du mkhyen nas/ gdan bshams pa nyid la bzhugs so// de na lnga sde'i dge slong rnams lhags par yang bcom ldan 'das kyi mtshan nas brjod/ gdung nas brjod/ tshe dang ldan pas brjod kun tu brjod par byed do// de nas bcom ldan 'das kyis lnga sde'i dge slong rnams la bka' stsal pa/ dge slong dag khyed lhag par yang de bzhin gshegs pa'i mtshan nas brjod pa dang / gdung nas brjod pa dang / tshe dang ldan pas brjod pas kun tu ma rjod cig/ khyed la yun ring por gnod pa dang / phan pa ma yin pa dang / sdug bsngal bar 'gyur ro/ / de ci'i phyir zhe na/ dge slong dag gang la la lhag par de bzhin gshegs pa dgra bcom pa yang dag par rdzogs pa'i sangs rgyas kyi mtshan nas brjod pa dang / gdung nas brjod pa dang
- 241a
tshe dang ldan pas brjod pa'i kun tu brjod pa de ni skyes bu blun po de dag la yun ring po nas gnod pa dang / phan pa ma yin pa dang / sdug bsngal bar 'gyur ro// de dag gis 'di skad ces gsol to/ / tshe dang ldan pa go'u ta ma khyod kyis re shig sngon gyi tshul dang / spyod pa dang / dga' bar spyad pa des mi'i chos bla ma 'phags pa'i khyad par thob par nus pa 'am/ shes pa 'am/ mthong ba dang / reg par gnas pa cung zad kyang ma thob na/ da ltar khyod mi brtan zhing bya ba mang la/ mang pos 'tshe zhing spong ba nyams pas/ da khyod 'bras chan dang zan dron gyi kha zas mang du za zhing lus mar sar dang / til mar gyi byugs nas chu 'jam pos lus khrus byed pas lta smos kyang ci dgos/ dge slong khyed kyis de bzhin gshegs pa'i zhal mdog dang / dbang po rnams gsal ba sngon las tha dad du bya ba gzhan lha mthong ngam de rnams kyis 'di skad ces gsol to/ / tshe dang ldan pa go'u ta ma de de bzhin no// de nas bcom ldan 'das kyis lnga sde'i dge slong rnams la bka' stsal pa/ dge slong dag rab tu byung bas ni mtha' 'di gnyis la bsten par mi bya/ bsnyen par mi bya/ bsnyen bkur mi bya ste/ gnyis gang zhe na/ 'dod pa rnams la 'dod chags bsod nams kyi rjes su brtson pa dman pa ngan pa tha chad ma rabs gang yin pa dang / bdag nyid dung pa la rjes su brtson pa sdug bsngal ba/ 'phags pa ma yin pa gnod pa dang ldan pa gang yin pa'o// khyed kyis mtha' 'di gnyis la mi rten par dbu ma'i lam mig byed pas// ye shes
- 241b
byed pa/ nye bar zhi bar 'gyur ba/ mngon par shes pa dang / rdzogs par byang chub pa dang / mya ngan las 'das par 'gyur ba yod de/ dbu ma'i lam gang zhe na/ 'phags pa'i lam yan lag brgyad pa 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang yang dag pa'i ting nge 'dzin yin no/ / bcom ldan 'das kyis lnga sde'i dge slong rnams la shes par bya ba 'dis shes par mdzad spyod pas/ bcom ldan 'das lnga sde'i dge slong rnams las gnyis la snga dro gdams ngag dpog pa na/ gsum grong du bsod snyoms la 'jug ste/ gsum gyis bsgrubs pa gang yin pa des drug char 'tsho bar byed do// bcom ldan 'das lnga sde rnams kyi dge slong gsum la phyi dro gdams ngag dbog pa na/ gnyis grong khyer du bsod snyoms la 'jug ste/ gnyis kyis bsgrubs pa gang yin pa des lnga sde 'tsho bar byed de/ de bzhin gshegs pa ni snga dro'i dus kho nar gsol ba yin no/ / de nas bcom ldan 'das kyi lnga sde'i dge slong rnams la bka' stsal pa// dge slong dag nga sngon ma thos pa'i chos rnams la 'di ni sdug bsngal 'phags pa'i bden pa'o zhes tshul bzhin yid la byed pa na mig skyes so/ / shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la 'di ni sdug bsngal kun 'byung ba'o// 'di ni sdug bsngal
- 242a
'gog pa'o/ / 'di ni sdug bsngal 'gog par 'gro ba'i lam mo zhes tshul bzhin yid la byed pa na mig skyes so// shes pa dang / rig pa dang / blo dang rtogs pa skyes so// dge slong dag ngas sngon ma thos pa'i chos rnams la sdug bsngal 'phags pa'i bden pa de ngas mngon par shes pas yongs su shes par bya'o zhes tshul bzhin yid la byed pas na mig skyes so/ / shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la sdug bsngal kun 'byung ba'i phags pa'i bden pa de ngas mngon par shes pas spang bar bya'o zhes tshul bzhin yid la byed pa na mig skyes so/ / shes pa dang / rig pa dang / blo dang / rtogs pa skyes so// dge slong dag ngas sngon ma thos pa'i chos rnams la sdug bsngal 'gog pa 'phags pa'i bden pa de ngas mngon par shes pas mngon sum du bya'o zhes tshul bzhin yid la byed pa na mig skyes so/ / shes pa dang / rig pa dang / blo dang / rtogs pa skyes so// dge slong dgang sngon ma thos pa'i chos rnams la sdug bsngal 'gog par 'gro ba'i lam 'phags pa'i bden pa de ngas mngon par shes pas bsgom par bya'o zhes tshul bzhin yid la byed pas na mig skyes so/ / shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la sdug bsngal 'phags pa'i bden pa de ngas mngon par shes pas yongs su shes so zhes
- 242b
tshul bzhin yid la byed pas na mig skyes so/ / shes pa dang / rig pa dang / blo dang / rtogs pa skyes so// dge slong dgang sngon ma thos pa'i chos rnams la sdug bsngal kun byung 'phags pa'i bden pa de ngas mngon par shes pas spangs so zhes tshul bzhin yid la byed pa na mig skyes so/ / shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la sdug bsngal 'gog pa 'phags pa'i bden pa dengs mngon par shes pas mngon sum du byas so zhes tshul bzhin yid la byed pa na mig skyes so/ / shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la sdug bsngal 'gog par 'gro ba'i lam 'phags pa'i bden pa de ngas mngon par shes pas bsgoms so zhes tshul bzhin yid la byed pa na mig skyes so/ / shes pa dang / rig pa dang / blo dang / rtogs pa skyes so// dge slong dag ji srid du 'phags pa'i bden pa bzhi po 'di rnams de ltar lan gsum du bzlas te rnam pa bcu gnyis su bskor ba'i mig ma skyes/ shes pa ma yin/ rig pa ma yin/ blo ma yin/ rtogs pa ma skyes pa de srid du lha dang bcas pa'i 'jig rten bdud dang tshangs pa dang bcas/ dge sbyong dang bram zer bcas pa'i skye dgu dang lha dang mir bcas pa 'di las grol ba dang nges par 'byung ba dang mi ldan pa dang / rab tu grol ba dang / phyin ci log dang bral ba'i sems kyis mang du
- 243a
gnas par ma gyur cig dge slong dag ngas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar mi shes so/ / dge slong dag/ ngas gang na 'phags pa'i bden pa bzhi po 'di rnams la de ltar lan gsum du bzlas te/ rnam pa bcu gnyis su skor ba'i mig skyes shing shes pa dang / rig pa dang / blo dang / rtogs pa skyes pa de nas nga lha dang bcas pa'i 'jig rten bdud dang tshangs pa dang bcas/ dge sbyong dang bram zer bcas pa'i skye dgu dang lha dang mir bcas pa 'di las grol ba dang / nges par 'byung ba dang mi ldan pa dang / rab tu grol ba dang / phyin ci log dang bral ba'i sems kyis mang du gnas par gyur cig/ dge slong dag ngas de nas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes so// chos kyi rnam grangs de bka' stsal pa na/ tshe dang ldan pa ko'u di n+ya dang / lha brgyad khri'i chos rnams la chos kyi mig rdul med cing dri ma dang bral ba skyes so// de nas bcom ldan 'das kyis tshe dang ldan pa ko'u di n+yal bka' stsal pa/ ko'u di nu khyed kyi chos kun shes sam/ bcom ldan 'das kun 'tshal lags so// ko'u di n+ya khyod kyis chos kun shes sam/ kun shes sam/ bde bar gshegs pa kun 'tshal lags so/ / kun 'tshal lags so// tshe dang ldan pa ko'u di n+yas chos kun shes pas de'i phyir tshe dang ldan pa kun shes ko'u di n+ya zhes bla dgas su btags so// tshe dang ldan bko'u di n+yas chos kun shes
- 243b
so zhes sa bla'i gnod sbyin rnams sgra sgrogs par byed do/ / grogs po dag bcom ldan 'das kyis wA ra NA sir drang srong smra ba'i ri dgas kyi gnas su lan gsum du bzlas te/ rnam pa bcu gnyis su chos kyi 'khor lo chos dang ldan par/ dge slong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang mthun par ma bskor ba skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir bskor bas lha'i rigs mngon par 'phel zhing lha ma yin gyi ris yongs su nyams so zhes dbyangs bsgrags so/ / sa bla'i gnod sbyin rnams kyis sgra thos nas/ nam mkha' la rgyu ba'i gnod sprin dang / rgyal chen bzhi'i ris dang / sum cu rtsa gsum pa'i lha dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams nas/ skad cig de dang / thang cig de dang / yud tsam de dang / skad cig dang / thang cig dang / yud tsam de la tshangs pa'i 'jig rten gyi bar du sgra sgrags so/ / tshangs ris kyi lha rnams kyis kyang sgra sgrogs par byed de/ grogs po dag bcom ldan 'das kyis wA ra NA sir drang srong smra ba'i ri dgas kyi nags su lan gsum du bzlas te/ rnam pa bcu gnyis su chos kyi 'khor lo chos dang ldan pa/ dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang
- 244a
'jig rten du chos dang mthun par 'ga' yang ma bskor ba/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang phan pa dang / bde ba'i phyir bskor bas lha'i ris mngon par 'phel zhing / lha ma yin gyi ris yongs su nyams so zhes dbyangs bsgrags so// bcom ldan 'das kyis wA ra NA sir drang srong smra ba'i ri dgas kyi gnas su lan gsum du bzlas te/ rnam pa bcu gnyis su chos kyi 'khor lo chos dang ldan par bskor bas de'i phyir chos kyi rnam grangs 'di la chos kyi 'khor lo bskor ba zhes tshig bla dgas su btags so/ / de nas bcom ldan 'das kyis lan gnyis su yang lnga sde'i dge slong rnams la bka' stsal pa/ dge slong 'phags pa'i bden pa bzhi ni 'di dag yin te/ bzhi gang zhe na/ sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa'o// sdug bsngal 'phags pa'i bden pa gang zhe na/ skye ba sdug bsngal ba dang / rga ba sdug bsngal ba dang / na ba sdug bsngal ba dang / 'chi ba sdug bsngal ba dang / sdug pa dang bral ba sdug bsngal ba dang / mi sdug pa dang phrad pa sdug bsngal ba dang / gang 'dod pa tsal te ma rnyed pa de yang sdug bsngal ba dang / mdor na nye bar len pa'i phung po lnga sdug bsngal ba ste/ de yongs su shes par bya ba'i phyir
- 244b
'phags pa'i lam yan lag brgyad pa bsgom par bya'o/ / sdug bsngal kun 'byung ba 'phags pa'i bden pa gang zhe na/ yang srid pa'i sred pa dga' ba'i 'dod chags dang ldan pa de dang de la mngon par 'dod pa ste/ de spang ba'i phyir 'phags pa'i lam yan lag brgyad pa bsgom par bya'o// sdug bsngal 'gog pa 'phags pa'i bden pa gang zhe na/ yang srid pa'i sred pa dga' ba'i 'dod chags dang ldan pa de dang de la mngon par dga' ba gang yin pa de nyid ma lus par spangs pa dang / bor ba dang / bsal ba dang / zad pa dang / 'dod chags dang bral ba dang / 'gags pa dang / nye bar zhi ba dang / nub pa ste/ de mngon sum du bya ba'i phyir 'phags pa'i lam yan lag brgyad pa sgom par bya'o// sdug bsngal 'gog par 'gro ba'i lam 'phags pa'i bden pa gang zhe na/ 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ de yang bsgom par bya'o// chos kyi rnam grangs 'di bshad pa na/ tshe dang ldan pa kun shes ko'u din+ya len pa med par zag pa las sems rnam par grol lo// lnga sde'i dge slong lhag ma rnams la ni chos rnams la chos kyi mig rdul med cing dri ma dang bral ba skyes so//
- 245a
de'i tshe 'jig rten na dgra bcom pa gcig dang / gnyis pa ni bcom ldan 'das so// de nas bcom ldan 'das kyis yang dge slong lnga snga'i lhag ma rnams la bka' stsal pa/ dge slong dag gzugs ni bdag ma yin no// dge slong dag gal te gzugs bdag yin na/ gzugs la gnod pa dang / sdug bsngal bar mi 'gyur zhing gzugs la bdag gi gzugs 'di lta bur gyur cig/ 'di lta bur ma gyur cig snyam na yang thob par 'gyur ro// dge slong dag gang gi phyir gzugs bdag ma yin pa de'i phyir gzugs la gnod pa dang / sdug bsngal bar 'gyur zhing gzugs la dag gi gzugs 'di lta bur gyur cig/ 'di lta bur ma gyur cig snyam pa yang thob par mi 'gyur ro// dge slong dag tshor ba dang / 'du shes dang / 'du byed dang / rnam par shes pa ni bdag ma yin no// dge slong dag gal te rnam par shes pa bdag yin na rnam par shes pa la gnod pa dang sdug bsngal bar mi 'gyur zhing / rnam par shes pa la bdag gi rnam par shes pa 'di lta bur gyur cig/ 'di lta bur ma gyur cig snyam na yang thob par 'gyur ro/ / dge slong dag gang gi phyir rnam par shes pa bdag ma yin pa de'i phyir/ rnam par shes pa la gnod pa dang / sdug bsngal bar 'gyur zhing rnam par shes pa la bdag gi rnam par shes pa 'di lta bur gyur cig/ 'di lta bur ma gyur cig snyam na yang thob par mi 'gyur ro// dge slong dag 'di ji snyam du sems/ gzugs rtag gam mi rtag/ btsun pa mi rtag lags so// mi rtag pa
- 245b
gang yin pa de sdug bsngal yin nam/ sdug bsngal ma yin/ btsun pa sdug bsngal ba lags so// mi rtag pa sdug bsngal ba rnam par 'gyur ba'i chos can gang yin pa de la cig 'phags pa nyan thos thos pa dang ldan pa de 'di ni bdag go/ / bdag ni 'di yin no// 'di ni bdag gi bdag go zhes bdag tu khas len tam/ btsun pa ma lags so// dge slong dag ji snyam du sems/ tshor ba dang / 'du shes dang / 'du byed dang / rnam par shes pa rtag gam mi rtag/ btsun pa mi rtag lags so// mi rtag pa gang yin pa de sdug bsngal yin tam/ sdug bsngal ma yin/ btsun pa sdug bsngal lags so/ / mi rtag pa sdug bsngal ba rnam par 'gyur ba'i chos can gang yin pa de la cig 'phags pa nyan thos thos pa dang ldan pa 'di ni bdag go// bdag ni 'di yin no// 'di ni bdag gi bdag go zhes bdag tu khas len tam/ btsun pa ma lags so// dge slong dag de lta bas na gzugs gang yin pa de ci'ang rung ba 'das pa 'am/ ma 'ongs pa'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag zag nye ba de dag thams cad ni bdag ma yin/ bdag ni de ma yin/ de ni bdag gi ma yin no zhes ji lta ba bzhin du yang dag pa'i shes rab kyis blta bar bya'o/ / dge slong dag de lta bas na tshor ba dang / 'du shes dang / 'du byed dang / rnam par shes pa ji snyed pa gang ci yang rung ba
- 246a
'das pa dang / ma 'ongs pa dang / da ltar byung ba 'am/ nang gi'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ thag nye bde dag thams cad ni bdag ma yin/ bdag ni de ma yin/ de ni bdag gis ma yin no zhes ji lta ba de bzhin du yang dag pa'i shes rab kyis blta bar bya'o// dge slong dag 'di ltar 'phags pa nyan thos thos pa dang ldan pa ni/ nye bar len pa'i phung po lnga po 'di bdag ma yin/ bdag gi ma yin par lta ste/ de de ltar lta ba na 'jig rten ci yang len pa med do// len pa med na yongs su gdung ba med do/ / yongs su gdung ba med na bdag nyid yongs su mya ngan 'da' ba ste/ bdag gi skye ba zad do// tshangs par spyod pa la bstan to// bya ba byas so// srid pa 'di las gzhan mi shes so zhes bya bar 'gyur ro/ / chos kyi rnam grangs 'di bshad pa na lnga sde'i dge slong lhag ma rnams kyis len pa med par zag pa las sems rnam par grol lo// de'i tshe dgra bcom pa / lnga dang / drug pa ni bcom ldan 'das so// de nas bcom ldan 'das wA ra NA saM'i 'ba' chu gnod pa can gyi 'gram na bzhugs so// de'i tshe wA ra NA si na rigs kyi gtso bo zhes bya ba'i bu grags pa zhes bya ba zhig gnas te/ de nyi ma re re zhing bud med kyis rtses pa'i rol mos rtse bar byed/ dga' dgur spyod par byed pas lus snyom/ lus dub pa/ lus dgung pa
- 246b
myur du gnyid log par gyur to/ / bud med de rnams kyang lus snyom/ lus du ba lus dgud pas myur du gnyid log gyur to// rigs kyi bu gtso bo'i bu grags pa mtshan mo gnyid sad pa dang bud med de dag thams cad brdol zhing sgren mor byung la sla zhing lag pa brkyang ste byung rgyal du bla ba mthong ngo / / mthong nas kyang de bdag gi chung ma la dur khrod kyi 'du shes skyes par gyur to// de nas rigs kyi gtso bo'i bu grags pa mal chen po las babs te/ rin po che'i lham brgya stong ri ba zung cig gyon nas nyal khang gi sgo gang na ba der song ste phyin nas/ grog po bdag ni gtses so// grogs po bdag ni nyams so zhes skad ngan phyung ba dang / de'i sgo mi ma yin pa rnams kyis phye nas skad kyang mi grag par byas so// de nas rigs kyi gtso bo'i bu grags pa khyim gang na ba der song ste phyin nas grogs po bdag ni gtses so/ / grogs po bdag ni nyams so zhes skad ngan phyung ba dang / de'i sgo mi ma yin pa rnams kyis phye nas skad kyang mi grag par byas so// de nas rigs kyi gtso bo'i bu grags pa grong khyer gyi sgo gang na ba der song ste phyin nas grogs po bdag ni gtses so/ / grogs po bdag ni nyams so zhes skad ngan phyung ba dang / de'i sgo mi ma yin pa rnams kyis phye nas skad kyang mi grag par byas so/ / de nas rigs kyi gtso bo'i bu grags pa 'bab chu gnod pa can gang na ba der song ba na/ de'i tshe bcom ldan 'das 'bab chu gnod pa can gyi 'gram na
- 247a
gtsug lag khang gi phyi rol bla gab med pa na/ rigs kyi gtso bo'i bu grags pa 'ong ba la yang dang yang bzhes shing 'chag pas 'chag go// rigs kyi gtso bo'i du grags pas/ bcom ldan 'das 'bab chu gnod pa can gyi 'gram na/ 'chag pa rgyang ring po nas mthong ngo // mthong nas kyang dge slong bdag ni gtses so// dge slong bdag ni nyams so zhes skad ngan phyung ngo // de nas bcom ldan 'das kyis rigs kyi gtso bo'i bu grags pa la 'di skad ces bka' stsal to// gzhon nu tshur shog/ gnas 'di ni khyod la 'tshe ba med pa yin/ 'di na nyams pa med pa yin/ de nas rigs kyi gtso bo'i bu grag pa rin po che'i lham brgya stong ri ba zung cig po 'bab chu gnod pa can gyi 'gram du phud nas/ 'bab chu gnod pa can rgal te/ bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag byas te/ phyogs gcig tu 'dug go/ de nas bcom ldan 'das kyis rigs kyi gtso bo'i bu grags pa khrid de/ nyid kyi gtsug lag khang gang na ba der gshegs nas/ byon pa dang / gang na bshams pa nyid la bzhugs so// bzhugs nas bcom ldan 'das kyis rigs kyi gtso bo'i bu grags pa la chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzeng bstod/ yang dag par rab tu dga' bar mdzad do// sangs rgyas bcom ldan 'das rnams kyi thog ma'i dus su chos kyi tam
- 247b
gleng ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par byang ba dang rab tu dben pa'i rjes su bsngags pa dang / rnam par byang ba'i phyogs kyi chos rnams rgya cher bshad do// gang gi tshe de bcom ldan 'das kyis dga' ba'i sems dang / mgu ba'i sems dang / sgrib pa dang bral ba'i sems dang / skal ba dang ldan pa dang / yang dag phul gyi chos bshad na shes par nus par gzigs pa de'i tshe/ sangs rgyas bcom ldan 'das rnams kyis yang dag phul gyi chos bshad pa gang yin pa 'di lta ste/ 'phags pa'i bden pa bzhi // sdug bsngal dang / kun 'byung ba dang / 'gog pa dang // lam de rgya cher bshad do/ / dper na gos gtsang ma nag nog med pa tshon rtsi'i 'os pa'i nang du bcug na/ tshon rtsi legs par 'dzin du btub pa de bzhin du/ rigs kyi gtso bo'i bu grags pa stan de nyid la 'dug bzhin du/ 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang lam rtogs so// de nas rigs kyi gtso bo'i bu grags pa chos mthong ba dang / chos thob pa dang / chos rigs pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas
- 248a
bstan pa'i chos rnams la mi 'jigs pa thob nas stan las langs te/ bla gos phrag pa gcig tu bzar nas/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag ni 'phags so// mngon par 'phags so// bdag bcom ldan 'das dang / chos dang / dge 'dun la skyabs su mchi lags kyis/ bdag dge bsnyen du gzung du gsol/ deng slan chad ji srid 'tsho'i bar du srog dang yang bsngos te skyabs su mchi bar mngon par dang lags so// bran mo zhig de nyid kyi mtshan mo gnyid log pa las sad na/ gzhon nu grags pa mal chen po na mi snang bar mthong ngo // mthong nas kyang rigs kyi gtso bo'i gang na ba ngar song ste phyin nas/ khyim bdag rigs kyi gtso bo'i 'di skad ces gsol to/ / jo bo mkhyen par mdzod cig/ gzhon nu grags pa ni rang gi mal chen po na mi gda' lags so// de nas khyim bdag rigs kyi gtso bo 'di snyam du sems te/ gzhon nu nor gyi phyir chom rkun nam/ g.yon can rnams kyis phyi rol du khrid par ma gyur grang snyam du sems shing / phyogs bzhir pho nya rta bdag bkye nas// rang nyid mi lag na sgron ma thogs pa rnams dang lhan cig tu 'bab chu gnod pa can gang na ba de logs su song ba dang / khyim bdag rigs kyi gtso bos 'bab chu gnod pa can gyi 'gram na/ rin po che'i lham brgya stong ri ba zung cig phud pa mthong ngo // mthong nas kyang de 'di snyam du
- 248b
sems te/ gzhon nu ni nor gyi phyir chom rkun nam/ g.yon can rnams kyis phyi rol du ma khrid kyi 'di ltar 'bab chu gnod pa can gyi 'gram na/ rin po che'i lham brgya stong ri ba zung cig phud pa las na gzhon nu 'bab chu gnod pa can gyi ngogs 'di nyid nas rgal bar ma gyur grang / 'di ltar 'bab chu gnod pa can gyi 'gram na/ rin po che'i lham brgya stong rib zung cig bor ro snyam du bsams nas/ 'bab chu gnod pa can gyi ngogs de nyid nas rgal te/ bcom ldan 'das gang na ba der song ngo // bcom ldan 'das kyis khyim bdag rigs kyi gtso bo rgyang ring po nas gzigs so// gzigs nas kyang 'di snyam du dgongs te/ ci nas kyang ngas rdzu 'phrul mngon par 'du bya ba ji lta bu mngon par 'du byas pas khyim bdag rigs kyi gtso bos gzhon nu grags pa stan 'di nyid la 'dug bzhin ma mthong ba de lta bu zhig bya'o snyam nas/ de nas bcom ldan 'das kyis rdzu 'phrul mngon par 'du bya ba ji lta bu mngon par 'du mdzad pas/ khyim bdag rigs kyi gtso bos gzhon nu grags pa stan de nyid la 'dug bzhin du mi mthong ba de lta bu mdzad ngo / / de nas khyim bdag rigs kyi gtso bo bcom ldan 'das gang na ba der song ste phyin nas/ bcom ldan 'das la 'di skad ces gsol to// bcom ldan 'das cig/ gzhon nu grags pa gzigs sam/ khyim bdag de'i phyir 'dug shig dang / stan 'di kho na la gzhon nu grags pa 'dug pa mthong bar 'gyur ba'i gnas gang yin pa de yod do// de nas khyim bdag
- 249a
rigs kyi gtso bo 'di snyam du sems te/ gdon mi za bar bcom ldan 'das kyis gzhon nu grags pa gzigs par gyur to// 'di ltar bcom ldan 'das 'di skad ces khyim bdag de'i phyir 'dug shig dang / stan 'di kho na la gzhon nu grags pa 'dug pa mthong bar 'gyur ba'i gnas gang yin pa de yod zhes bka' stsal to snyam du rig nas/ dga' ba dang / mgu ba dang / mchog tu dga' ba dang / dga' ba rgya chen po dang / yid bde ba skyes nas/ bcom ldan 'das kyis zhabs gnyis la mgo bo phyag byas te phyogs gcig tu 'dug go/ phyogs gcig tu 'dug pa dang / khyim bdag rigs kyi gtso bo la bcom ldan 'das kyis chos dang ldan pa'i gtam gyis yang dag par bstan pa la sogs pa ni snga ma bzhin no/ / chos kyi rnam grangs 'di bshad pa na/ khyim bdag rigs kyi gtso bo chos rnams la chos kyi mig rdal med cing dri ma dang bral ba skyes so/ / tshe dang ldan pa grags pa yang rgyan thams cad kyis brgyan bzhin du len pa med par zag pa rnams las sems rnam par grol bar gyur to/ / de nas bcom ldan 'das kyis rdzu 'phrul mngon par 'du mdzad pa de brtul nas/ de'i tshe tshigs su bcad pas bka' stsal pa/ rgyan gyis brgyan bzhin du ni chos sprad de// dul zhing yang dag sdom pa tshangs spyod la/ 'byung po kun la chad pa spangs pa ni// de ni bram ze dge sbyong dge slong yin// de'i tshe 'jig rten na dgra bcom pa drug dang / bdun pa ni bcom ldan 'das so// khyim bdag rigs
- 249b
kyi gtso bos gzhon nu grags pa stan de nyid la 'dug pa mthong ngo / / mthong nas kyang gzhon nu grags pa la 'di skad ces smras so// gzhon nu tshur shog/ khyod kyi ma lus ngal zhing lus dub pas smra sngags gdon gyis khyim du 'dong / / de nas bcom ldan 'das kyis khyim bdag rigs kyi gtso bo la 'di skad ces bka' stsal to// khyim bdag ji snyam du sems/ gang gis mi slob pa'i shes pa dang / mi slob pa'i lta bas 'phags pa'i bden pa bzhi po// 'di lta ste/ sdug bsngal dang / kun 'byung dang / 'gog pa dang / lam mngon par rtogs pa de cig pa khyim pa khyim na gnas pa'am/ gsog 'jog gi longs spyod kyi/ 'dod pa longs spyod par 'gyur ram/ btsun pa ma lags so// khyim bdag ji ltar khyod kyis slob pa'i shes pa dang / slob pa'i lta bas 'phags pa'i bden pa bzhi po// 'di lta ste/ sdug bsngal dang / kun 'byung dang / 'gog pa dang / lam mngon par rtogs pa de bzhin du gzhon nu grags pas mi slob pa'i shes pa dang / mi slob pa'i lta bas 'phags pa'i bden pa bzhi po 'di lta ste/ sdug bsngal dang / kun 'byung dang / 'gog pa dang / lam mngon par rtogs so// btsun pa gzhon nu grags pas gang gis ni/ mi slob pa'i lta bas 'phags pa'i bden pa bzhi po 'di lta ste sdug bsngal dang / kun 'byung dang / 'gog pa dang / lam mngon par rtogs pa ni rnyes pa legs par rnyed lags so// bcom ldan 'das slad bzhin du 'brang ba'i dge sbyong
- 250a
grags pa la thugs brtse ba nye bar bzungs ste/ rigs kyi gtso bo gang na ba der gshegs na legs so// bcom ldan 'das kyis khyim bdag rigs kyi gtso do la cang mi gsung bas gnang ngo / / de nas khyim bdag rigs kyi gtso bos bcom ldan 'das cang mi gsungs pas gnang bar rig nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / / de nas bcom ldan 'das kyis de nyid kyi mtshan mo 'das nas snga dron bza' sham thabs mnabs/ lhung bzed dang chos gos bsnams te phyi bzhin 'brang ba'i dge sbyong tshe dang ldan pa grags pa dang / khyim bdag rigs kyi gtso bo'i khyim gang na ba der gshegs so// de'i tshe tshe dang ldan pa grags pa'o ma dang chung ma gnyis bcom ldan 'das la yang dang yang du bsdu ba'i phyir bar sgo na sdong ngo / / tshe dang ldan pa grags pa'i ma dang chung ma gnyis kyis/ bcom ldan 'das rgyang ring po nas mthong ngo // mthong nas kyang bcom ldan 'das kyi phyir/ gdan bsham nas 'di skad ces gsol to/ / bcom ldan 'das tshur spyon/ bcom ldan 'das byon pa legs so// bcom ldan 'das gdan bshams pa nyid la bzhugs su gsol zhes gsol nas/ bcom ldan 'das gdan gshams pa nyid la bzhugs so/ / de nas tshe dang ldan pa grags pa'i ma dang chung ma gnyis kyis/ bcom ldan 'das kyi zhabs gnyis la mgo bos phyag byas te/ phyogs gcig tu 'khod do//
- 250b
phyogs gcig tu 'khod nas bcom ldan 'das kyis tshe dang ldan pa grags pa'i ma dang chung ma gnyis chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste/ sbyin pa'i gtam dang tshul khrims kyi gtam dang / mtho ris kyi gtam dang / 'dod pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i rjes su bsngags pa dang / rnam par byang ba'i phyogs kyi chos rnams rgya cher bshad do// gang gi tshe de gnyis bcom ldan 'das kyis dga' ba'i sems dang / mgu ba'i sems dang / sgrib pa dang bral ba'i sems dang / skal ba dang ldan pa dang / yang dag phul gyi chos bshad na shes par nus pa gzigs pa de'i tshe/ sangs rgyas bcom ldan 'das rnams kyi yang dag phul gyi chos bshad pa gang yin pa 'di lta ste/ 'phags pa'i bden pa bzhi po sdug bsngal dang / kun 'byung dang / 'gog pa dang / lam de rgya cher bshad do// dper na gos gtsang ma nag nog med pa chen rtsi ' os pa'i nang du bcug na tshon rtsi legs par 'dzin du btub pa de bzhin du tshe dang ldan pa grags pa'i ma dang chung ma gnyis kyis stan de nyid la 'khong bzhin du 'phags pa'i bden pa bzhi pa
- 251a
'di lta ste/ sdug bsngal dang / kun 'byung dang / 'gog pa dang / lam mngon par rtogs so// de nas tshe dang ldan pa grags pa'i ma dang chung ma gnyis kyis chos mthong ba dang / chos thos pa dang / chos rig pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jig pa thob nas stan las langs te bcom ldan 'das gang na ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bdag cag ni 'phags so/ / bdag cag ni mngon par 'phags te/ bcom ldan 'das dang chos dang / dge slong gi dge 'dun la skyabs su mchi lags kyis/ dge bsnyen du gzung du gsol/ dang slan chad / ji srid 'tsho'i bar du srog dang yang bsngos te/ skyabs su mngon par dad lags so// btsun pa de'i slad du 'dir zhal zas kyi mdzad pa mdzad du gsol/ bcom ldan 'das kyis tshe dang ldan pa grags pa'i ma dang chung ma gnyis la cang mi gsung bas gnang ngo / / de nas tshe dang ldan pa grags pa'i ma dang chung ma gnyis kyis bcom ldan 'das mi gsung bas gnang bar rig nas/ bcom ldan 'das gdan la bde bar bzhugs pa dang / gtsang zhing bsod pa'i bza' ba dang / bca' ba dag rang gi lag nas stobs shing tshim par byed de/ rnam grangs du mas gtsang zhing bsod pa'i bza' ba
- 251b
dang bca' ba dag rang gi lag nas bstabs shing tshim par byas nas/ / bcom ldan 'das kyis gsol zin cing phyag bcabs te lhung bzed gru bar rig nas/ stan ches dma' ba zhig blangs te/ bcom ldan 'das kyi spyan sngar chos nyan pa'i phyir 'khod do/ / de nas bcom ldan 'das kyis tshe dang ldan pa grags pa'i ma dang chung ma gnyis la chos dang ldan pa'i gtam gyis yang dag par ston/ yang dag par 'dzin du 'jug par 'dzad/ yang dag par gzengs bstod/ yang dag par rab tu dga' bar mdzad de rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad nas/ gdan las bzhengs te gshegs so// wA ra NA si na khyim bdag rigs kyi gtso bo'i bu gnyis pa dang gsum pa dang / bzhi pa dang / lnga pa gang po dang / dri med dang / ba lang bdag dang / lag bzangs te/ rigs kyi gtso bo'i bu grags pa skra dang kha spu bregs te/ gos ngur smrig bgos nas da pa yang dag pa kho nas khyim nas khyim med par rab tu byung ngo zhes thos so/ / thos nas kyang de dag 'di snyam du sems te/ kye ma'o sangs rgyas ni mchog ma yin pa ma yin zhing chos bstan pa yang mchog ma yin pa ma yin te/ gang gi phyir da ltar rigs kyi gtso bo'i bu grags pa re shig shin tu gzhon pa/ shin tu bde ba 'dod pa yang skra dang kha spu bregs te/ gos ngur smrig bgos nas dad pa yang
- 252a
dag pa kho nas khyim nas khyim med par rab tu byung gis/ ma la bdag cag gis kyang skra dang kha spu bregs te gos dung smrig bgos nas dad pa yang dag pa kho nas khyim nas khyim med pa kho nar rab tu byung bar bya'o/ / snyam mo// de nas rigs kyi gtso bo'i bu gnyis pa dang / gsum pa dang / bzhi pa dang / lnga pa gang po dang / dri meng dang / ba lang bdag dang / lag bzangs te/ rigs kyi gtso bo'i bu rnams wA ra NA sa nas byung nas/ bcom ldan 'das gang na ba der dong ste lhags nas/ bcom ldan 'das kyis zhabs gnyis la mgo bos phyag byas te/ phyogs gcig tu 'khod do/ / phyogs gcig tu 'khod nas/ rigs kyi gtso bo'i bu gnyis pa dang / gsum pa dang / bzhi pa dang / lnga pa gang po dang / dri med dang / ba lang bdag dang / lag bzangs te rigs kyi gtso bo'i bu rnams kyis bcom ldan 'das la 'di skad ces gsol to/ / btsun pa legs par gsungs pa'i chos 'dul ba la bdag cag rab tu byung ba dang / bsnyen par rdzogs par dge slong gi dngos po gnang na/ / bdag cag bcom ldan 'das kyi spyan sngar tshangs par spyod pa spyad par bgyi'o// tshe dang ldan pa de dag gis legs par gsungs pa'i chos 'dul ba la rab tu byung ba dang / bsnyen par rdzogs par dge slong gi dngos po thob ste/ de ltar rab tu byung nas tshe dang ldan pa de dag gcig pu dben pa bag yod pa/ brtan pa dang ldan pas bdag nyid gtod par gnas
- 252b
so/ / gcig pu dben pa bag yod pa brtun pa dang ldan pa/ bdag nyid gtod par gnas pa na/ gang gi phyir rigs kyi bu dag sgra dang / kha spu bregs de gos ngur smrig bgos nas ngang pa yang dag pa kho nas khyim nas khyim med par rab tu byung bar byed pa/ tshangs par spyod pa'i mtha' bla na med pa tshe de nyid la rang gi mngon par shes pas mngon sum du byas te/ bsgrubs nas bdag cag gi skye ba zad do/ / tshangs par spyod pas bstan to// bya ba byas so// srid pa 'di las gzhan mi shes so// zhes go bar byed cing / tshe dang ldan pa de dag sems shin tu rnam par grol ba/ kun shes pa dang ldan pa'i dgra bcom par gyur to// de'i tshe 'jig rten na dgra bcom pa bcu dang / bcu gcig pa ni bcom ldan 'das so// wA ra NA si na grong migatso bo gtso bo rnams kyi khye'u lnga bcus rigs kyi gtso bo'i bu dang po dang / gnyis pa dang / gsum pa dang / bzhi pa dang / lnga pa ste/ grags pa dang / gang po dang / dri med dang / ba lang bdag dang / lag bzangs te/ rigs kyi gtso bo'i bu rnams skra dang kha spu bregs te/ gos ngur smrig bgos nas dang pa yang dag pa kho nas khyim nas khyim med par rab tu byung ngo zhes thos so// thos nas kyang de dag 'di snyam du sems te/ kye ma sangs rgyas ni mchog ma yin pa ma yin zhing chos bstan pa yang mchog ma yin pa ma yin te/ gang gi phyir da ltar rigs kyi gtso bo'i bu dang po dang /
- 253a
gnyis pa dang / gsum pa dang / bzhi pa dang / lnga pa ste grags pa dang / gang po dang / dri med dang / ba lang bdag dang / lag bzangs te/ rigs kyi gtso bo'i bu rnams ni re shig shin tu gzhon pa/ shin tu bde ba 'dod pa yang skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung gis// ma la bdag cag kyang sgra dang kha spu dregs nas gos ngur smrig bgos te/ dad pa yang dag pa kho nas khyim nas khyim med par rab tu byung ngo snyam mo// de nas grong khyer gyi gtso bo rnams kyi khye'u lnga bcu po dag wA ra NA sir bcom ldan 'das gang na ba der song ste lhags pa dang / bcom ldan 'das kyi zhabs la mgo bos phyag byas te/ phyogs gcig tu 'khod do// phyogs gcig tu 'khod nas grong mi'i gtso bo'i khye'u lnga bcu po bdag gis bcom ldan 'das la 'di skad ces gsol to/ / btsun pa bdag cag legs par gsungs pa'i chos 'dul ba la rab tu byang ba dang / bsnyen par rdzogs pa dge slong gi dngos po gnang na bdag cag bcom ldan 'das kyi spyan sngar tshangs par spyod pa spyad par bgyi'o/ / tshe dang ldan pa de dag legs par gsungs pa'i chos 'dul ba la rab tu byung ba dang / bsnyen par rdzogs pa dge slong gi dngos po thob ste/ de ltar rab tu byung nas/ tshe dang ldan pa de dag gcig pu dben pa bag yod brtun pa dang ldan pa bdag nyid gtod par gnas so// gcig pu dben pa bag yod pa rtun pa dang ldan pa/ bdag nyid gtong
- 253b
par gnas pa na/ gang gi phyir rigs kyi bu dag snga ma bzhin du ji srid sems shin tu rnam par grol ba kun shes pa dang ldan pa'i dgra bcom par gyur to// de'i tshe 'jig rten na dgra bcom pa drug cu dang drug cu gcig pa ni bcom ldan 'das so/ / de nas bcom ldan 'das wA ra NA si'i drang srong smra ba'i ri dgas kyi nags na bzhugs so// de nas bcom ldan 'das kyis dge slong rnams la bka' stsal pa/ dge slong dag nga ni lha dang mi'i 'ching ba gang yin pa thams cad las grol ba yin no// dge slong dag khyed kyang lha dang mi rnams kyi 'ching ba gang yin pa thams cad las grol ba yin gyis// / dge slong dag skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams la phan pa dang / bde ba'i ched du rgyu zhing dang la/ khyed gnyis shing ni gcig/ tum 'gro shig/ nga yang lteng rgyas grong khyer sde can gang na ba der rgyu zhing gshegs so// de nas bdud sdig to can 'di snyam du sems te/ dge sbyong go'u ta ma 'di wA ra NA si'i drang srong smra ba'i ri dgas kyi nags su 'dug nas/ de nyan thos rnams la 'di skad ces chos ston te/ dge slong dag nga ni lnga dang mi'i 'ching ba gang yin pa thams cad las grol ba yin no// dge slong dag khyed kyang lha dang mi'i 'ching ba gang yin pa thams cad las grol ba yin gyis/ dge slong dag skye bo mang po la phan pa dang / zhes bya ba nas rgyu zhing deng shig ces bya ba'i bar du ste/ nga yang lteng rgyas kyi grong khyer gang na
- 254a
bder rgyu zhing 'gro'o zhes zer gyis/ ma la bdag gis de la 'di lta ste dkrug pa'i las shig bya ba'i phyir nye bar 'gro'o snyam mo// de nas bdud sdig can bram ze'i khye'u yi cha byang du bdag nyid mngon par sprul te/ bcom ldan 'das gang na ba der dong ste phyin nas/ bcom ldan 'das kyi spyan sngar 'dug ste tshigs su bcad pas gsol pa/ ma grol grol bar 'du shes na// ji ltar bdag nyid grol bar sems/ / bdag gis dge sbyong ma grol bas// 'ching ba chen pos bcing pa yin// de nas bcom ldan 'das 'di snyam du dgongs te/ e ma'o 'di ni bdud sdig can yin te 'di lta ste// dkrug pa'i las kyi phyir nye bar 'ongs so snyam du thugs su chud nas tshig su bcad de bka' stsal pa/ nga ni lha dang mi rnams kyis// 'ching ba gang yin kun las grol// bar chad byed pa khyod bcom par/ / sdig can de ltar shes par gyis// de nas bdud sdig can 'di snyam du sems te/ dge sbyong go'u ta ma'i sems kyis bdag shes so snyam du rig nas/ sdug bsngal zhing yid mi bang kha yid la bcags nas/ / de nyid du mi snang bar gyur to// de nas bcom ldan 'das kyis lan gnyis su yang dge slong rnams la bka' stsal pa/ dge slong dag nga ni lha dang mi rnams kyi 'ching ba gang yin pa thams cad las grol ba yin no/ / dge slong dag khyed kyang lha dang mi rnams kyi 'ching ba gang yin pa thams cad las grol ba yin gyis/ dge slong dag skye bo mang po la phan pa dang zhes
- 254b
bya ba nas rgyu zhing deng shig ces bya ba'i bar gong ma bzhin du'o/ / nga yang lteng rgyas kyis grong khyer gyi sde can gang na ba der gshegs so// btsun pa bka' bzhin 'tshal zhes dge slong rnams kyis bcom ldan 'das las mnyan nas ljongs rgyu zhing dong ngo / / de nas bcom ldan 'das kyis wA ra NA sir ji tsam bzhed kyi bar du bzhugs nas lteng rgyas kyis grong khyer sde can gang na ba der rgyu zhing gshegs te/ rim gyis rgyu zhing gshegs pa dang / grong khyer sde can du byon to// de nas bcom ldan 'das ral pa can gyi nags tshang tshing gang na ba der gshegs te byon nas shing zhig gi drung du bsten te/ nyen par gyi gnas pas bzhugs so// de'i tshe drug cu sde bzang po'i cho gas grong khyer snga can gyis phyi rol du nyi ma re re zhing bud med kyis byas pa'i rol mos rtse bar byed/ dga' bar byed/ dga' dgur spyod par byed pa na/ de rnams las bud med cig dam bcas pa dral te bros so// de nas drug cu sde bzang po'i tshogs bud med de tshol zhing ras bal gyi nags tshang tshing gang na par 'dong pa dang / drug cu sde bzang po'i tshogs kyis/ bcom ldan 'das mdzes pa dang par 'os pa/ dbang po zhi ba/ thugs zhi ba/ thugs mchog tu dul ba zhi ba dang dul dang ldan pa/ gser gyi mchod sdong lta bur dpal gyis 'bar zhing shing zhig gi drung na brten te bzhugs pa mthong ngo / / mthong nas kyang bcom ldan 'das gang na ba der dong ste lhags nas bcom ldan 'das la 'di skad ces
- 255a
gsol to/ / bcom ldan 'das cig bud med cig gzigs sam/ gzhon nu dag bud med de khyed cag gi cir 'ong / btsun pa 'di na bdag cag drug cu sde bzang po'i tshogs grong khyer sde can gyis slad rol du bud med kyis bgyis pa'i rol mos rtse bar bgyid/ dga' bar bgyid dga' dgur spyod par bgyid de/ de rnams dang bdag cag rtse bar bgyid/ dga' bar bgyid dga' dgur spyod par bgyid pa na/ bud med cig dam bcas pa dral te bor nas bdag cag tshol lags so// gzhon nu dag ji snyam du sems// bud med tshol ba gang yin pa dang / bdag nyid tshol ba gang yin pa gang bdam/ btsun pa bdag cag la bud med kyis ci bgyid/ bdag cag ni bdag nyid tshol ba gang lags de 'dam lags so// gzhon nu dag de'i phyir 'dug shig dang / khyed la / chos bshad do// de nas drug cu sde bzang po'i tshogs kyis bcom ldan 'das kyis zhabs gnyis la mgo bos phyag byas te/ phyogs gcig tu 'khod do// phyogs gcig tu 'khod nas bcom ldan 'das kyis drug cu sde bzang po'i tshogs chos dang ldan pa'i gtam gyi yang dag par stan pa la sogs pa snga ma bzhin no/ / de nas drug cu sde bzang po'i tshogs kyis stan de nyid la 'khor bzhin du 'phag pa'i bden pa bzhi po 'di lta ste/ sdug bsngal dang / kun 'byung dang / 'gog pa dang / lam mngon par rtogs so// de nas drug cu sde bzang po'i tshogs kyis chos mthong ba dang / chos thob pa dang
- 255b
chos rig pa dang / chos kyis gting slebs pa dang / som nyi las rgal ba dang / the tsom las rgal ba dang / gzhan gyis dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jig pa thob nas/ stan las khengs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ / btsun pa bdag cag 'phags so// mngon par 'phags so// bdag cag bcom ldan 'das dang / chos dang / dge slong gi dge 'dun la skyabs su mchi lags kyis/ bdag cag dag bsnyen du gzung du gsol/ deng slan chad ji srid 'tshe'i bar du srog dang yang bsngos te/ skyabs su mchi bar mngon par dad lags so// de nas drug cu sde bzang po'i tshogs bcom ldan 'das kyis bka' stsal pa la mngon par dga' ste/ rjes su yi rang nas/ bcom ldan 'das kyi zhabs gnyis la mgo bos phyag byas te/ bcom ldan 'das kyis spyan snga nas dong ngo // de nas bcom ldan 'das de'i nub mo 'das nas/ snga dron bza' sham parnga mnapas/ lhung bzed dang chos gos bsnams te grong khyer sde can du bsod snyom la zhugs so// de nas bcom ldan 'das grong khyer sde can du bsod snyoms la zhugs pa na/ 'di snyam du dgongs te/ ma la ngas grong khyer snga can der thog mar su zhig la chos bshad snyam pa las/ de nas bcom ldan 'das 'di snyam du dgongs
- 256a
te/ ngas grong pa'i bu mo dga' mo dang / dga' stobs ma la thog mar chos bshad par bya ste/ de dag gis nga sngon sdug bsngal spong ba'i rnal 'byor la rjes su brtson pas gnas pa/ na 'dis mar sar dang 'o thug sbrang rtsi ltar dngar bas bsnyen bkur byas so snyam mo// de nas bcom ldan 'das grong ba'i bu mo dga' mo dang dga' stob ma'i khyim gang na ba der gshegs so// grong pa'i bu mo dga' mo dang dga' stobs mas bcom ldan 'das rgyang ring po nas mthong ngo / / mthong nas kyang bcom ldan 'das kyis ched du gdan bshams nas 'di skad ces gsol to// bcom ldan 'das tshur spyon/ bcom ldan 'das byon pa legs so// bcom ldan 'das gdan bshams pa nyid la bzhugs su gsol zhes gsol nas/ bcom ldan 'das gdan bshams pa de nyid la bzhugs so// de nas grong pa'i bu mo dga' mo dang dga' stobs mas bcom ldan 'das kyis zhabs gnyis la mgo bos phyag byas te phyogs gcig tu 'dug go// phyogs gcig tu 'dug nas bcom ldan 'das kyis grong pa'i bu mo dga' mo dang dga' stobs ma la chos dang ldan pa'i gtam gyis yang dag par bstan ces bya ba nas mngon par dad nas skyabs su song ngo zhes bya ba'i bar du gong ma bzhin no/ / de nas grong ba'i bu mo dga' mo dang dga' stobs mas bcom ldan 'das la 'di skad gsol to/ / btsun pa de'i slad du 'dir zhal zas kyis mdzad pa mdzad du gsol/ bcom ldan 'das kyis grong pa'i bu mo dga' mo dang dga'
- 256b
stobs ma la cang mi gsung bar gnang ngo / / de nas grong pa'i bu mo dga' mo dang dga' stobs mas bcom ldan 'das cang mi gsung bas gnang bar rig cing bcom ldan 'das bde bar bzhug par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang / bca' ba dag rang gi lag nas bstabs shing tshim par byas so/ / bcom ldan 'das kyis gsol zin te phyag bcabs shing lhung bzed 'gyur bar rig nas/ stan ches dma' ba zhig blangs te/ bcom ldan 'das kyi spyan sngar chos mnyan pa'i phyir 'khod // de nas bcom ldan 'das kyis grong ba'i bu mo dga' mo dang dga' stobs ma la chos dang ldan pa'i gtam gyis yang dag par bstan/ yang dag par 'dzin du bcug/ yang dag par bzengs bstod/ yang dag par rab tu dga' bar mdzad nas gangadan las bzhengs te gshegs so/ / de nas bcom ldan 'das grong khyer sde can nas gshegs pa na 'di snyam du dgongs te ngas te yul ma ga d+ha 'dir ngang tshul bzang por bkur ba'i dge slong ngam bram ze gang zhig dbang du byas na de dbang du gyur pas tshegs chung ngus skye bo'i tshogs chen po dbang du 'gyur ba su zhig yod snyam mo/ / de'i tshe lteng rgyas 'od srungs ral pa can bcas nas lo brgya nyi shu lon pa rgas 'khogs gtugs pa zhig yod pad ma ga d+ha'i mi rnams kyis bkur stir bya ba dang / bla mar bya ba dang / rjed par bya ba dang / mchod par bya bas dgra bcom par
- 257a
bkur cing 'khor lnga brgya dang nai rany+dza na'i chu klung gis 'gram gyis bsti gnas na dkara' thub spyod do/ / de nas bcom ldan 'das 'di snyam du dgongs te lteng rgyas 'od srungs ral pa can btsas nas lo brgya nyi shu khon pa rgas 'khogs gtugs pa 'di ma ga d+ha'i mi rnams kyis zhes bya ba nas dka' thub spyod do/ / zhes bya ba'i bar gong ma bzhin du ste/ ma la ngas steng rgyas 'od srungs ral pa can dbang du byas te 'di dbang du gyur na tshegs chung ngus skye bo'i cho gas chen po dbang du 'gyur ro snyam mo/ / de nas bcom ldan 'das lteng rgyas 'od srungs ral pa can gyis bsti gnas gang na pa der gshegs so/ / lteng rgyas 'od srungs ral pa can gyis bcom ldan 'das rgyang ring po nas mthong ngo // mthong nas kyang bcom ldan 'das kyi ched du gdan bshams nas 'di skad ces kyang gsol to// dge sbyong chen po tshur spyon/ dge sbyong chen po byon pa legs so// dge sbyong chen po yun ring mo zhig lag na gang nas 'khor te 'dir byon/ dge sbyong chen po gdan bshams pa nyid la bzhugs shig ces gsol to/ / bcom ldan 'das kyi gang na bshams pa nyid la bzhugs so// de nas lteng rgyas 'od srungs ral pa can dang / bcom ldan 'das lhan cig mngon du yang dag par dga' bar 'gyur ba dang / mgu par 'gyur ba'i gtam rnam pa sna tshogs mdzad nas phyogs gcig tu 'dug go/ / phyogs gcig tu 'dug pa dang / bcom ldan 'das kyis lteng rgyas 'od srungs ral pa can la 'di skad ces bka' stsal to//
- 257b
'od srungs gal te khyod la mi bde ba med na khyod kyis me khang du nga zhag cig gcig 'dug go// dge sbyong chen po bdag la mi bde ba ma mchis na 'on kyang de na klu gdug pa zhig gnas te des khyod mtho btsam par 'gyur du mchi'o/ / 'od srungs re shig gnang bar gyis shig dang / mgo tsam par mi 'gyur ro// dge sbyong chen po gal te khyod la mtho mi tsham na dge sbyong chen po ci bde ba khor nar bzhugs zhig/ nga nas bcom ldan 'das lteng rgyas 'od srungs ral pa can gyis ma khang gang na ba der gshegs te/ byon nas ma khang gi phyi rol tu zhabs bsil nas me khang gi nang du zhugs te/ nyid kyis rtswa'i gding ba bshams nas sku drang por bsrang ste/ skyil mo krung bcas nas dran pa mngon du phyog par bzhag ste gzhugs so// klu gdug pas bcom ldan 'das rgyang ring po nas mthong ngo // mthong nas kyang khros pa'i mthus dud pa phyung ngo // bcom ldan 'das kyis kyang rdzu 'phrul gyis mthus dud pa phyung ngo / / klu gdug pa khros pa'i mthus 'bar bar byas so// bcom ldan 'das kyis kyang me'i khams la snyoms par zhugs so// de nas klu gdug pa khros bapa'i mthu dang / bcom ldan 'das kyi rdzu 'phrul gyi mthus ma khang thams cad 'bar rab tu 'bar kun tu rab tu 'bar te/ ma lce gcig tu gyur pa sreg par byed do// de nas klu lteng rgyas 'od srungs ral pa can mtshan mo rgyu skar la lta ba na me khang thams cad 'bar kun tu 'bar kun tu rab tu 'bar te/ me lce gcig tu gyur nas sreg pa mthong ngo // mthong nas kyang 'di snyam du sems te/ dge sbyong chen po go'u ta ma
- 258a
'di ltar mdzes pa/ klu gdug pas thal bar byas par ma gyur grang / kyi hud nyon mong pa bdag gi tshig ma mnyan no snyam mo// de nas bcom ldan 'das 'di snyam du dgongs te/ nga lteng rgyas 'od srungs ral pa can 'khor dang bcas pas chad pa bcad kyis/ ma la ngas rdzu 'phrul ji lta bu mngon par 'du bya ba sems mnyam par bzhag na mes klu gdug pa'i me zil gyis mnan la des kyang de'i lus la gnod pa mi byed cing dul bar byas nas lhung bzed kyi nang du bcug ste/ lteng rgyas 'od srungs ral pa can de la sbyin pa de lta bu zhig bya'o snyam mo// de nas bcom ldan 'das kyi rdzu 'phral ji lta bu mngon par 'du mdzad pa la thugs mnyam par bzhag na mas klu gdug pa'i me zil kyis mnan la/ des kyang de'i lus la gnod pa mi byed pa de lta bu mngon par 'du mdzad de/ de dul bar mkhyen nas lhung bzed du bcug ste/ lteng rgyas 'od srungs gang na ba der bsnams te gshegs so// lteng rgyas bod srungs ral pa can gyis bcom ldan 'das rgyang ring po nas mthong ngo // mthong nas kyang bcom ldan 'das la 'di skad ces gsol to/ / dge sbyong chen po gson pa lta zhig 'od srungs gson no// dge sbyong chen po khyod kyis lhung bzed na bsnams te byon pa ci/ 'od srungs klu gdug ba gang gi mthus khyod kyi me khang du mir gyur pa/ rdzu 'phrul dang mi ldan pa gnas su mi ster ba de ngas brtul nas lhung bzed du gtsug nas khyer te 'ongs so// de nas lteng rgyas 'od srungs ral pa can
- 258b
'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo// de nas bcom ldan 'das lteng rgyas na ltang rgyas 'od srungs ral pa can gyis bsti gnas kyis nags tshang tshing na bzhugs so/ / de'i tshe lteng rgyas 'od srungs ral pa can gyis bsti gnas na bram ze'i khye'u lnga brgya tsam me la yongs su spyod pa re re mem thab gsum gsum ste ma thab stong lnga brgya yod do/ / de nas bram ze'i khye'u de rnams me la yongs su spyod par 'dod na me sbar bar ma nus so// de nas bram ze'i khye'u de rnams ltang rgyas 'od srungs ral pa can gang na ba der song ste phyin nas/ lteng rgyas 'od srungs ral pa can la 'di skad ces smras so// mkhan po mkhyen par mdzod cig/ 'dir bdag cag zhugs la yongs su skyong par 'tshal na zhugs de sbar bar rngo ma thog lags so/ / de nas lteng rgyas 'od srungs ral pa can 'di snyam du sems te/ dge sbyong chen po bdag gi nye 'khor na gnas na de'i mthu zhig ma byung grang snyam mo/ / de nas lteng rgyas 'od srungs ral pa can bcom ldan 'das gang na ba der song ste/ phyin nas bcom ldan 'das la 'di skad ces gsol to// dge sbyong chen po mkhyen par mdzod cig 'dir bdag gi bram ze khye'u lnga brgya tsam ma la yongs su sbyong par 'tshal na/ me de sbar bar rngo ma thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu
- 259a
zhig ma byung grang snyam bgyid do/ / 'od srungs me sbar bar 'dod dam/ dge sbyong chen po sngar du gsol/ de nas 'di ltar sangs rgyas rnams kyis sangs rgyas kyi mthu dang / ldanas kyi lha'i mthus me de rang nyid 'bar bar gyur to/ / de nas lteng rgyas 'od srungs ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ / de nas bram ze'i khye'u de rnams me la yongs su spung nas/ me bsad par 'dod na/ bsad par ma nus so// de nas bram ze'i khye'u de rnams lteng rgyas 'od srungs ral pa can gang na ba der song ste lhags nas/ lteng rgyas 'od srungs ral pa can la 'di skad ces smras so// mkhan po mkhyen par mdzod cig dang / 'dir bdag cag zhugs la yongs su spyad nas zhugs 'gum par 'tshal na dgum pa'i rngo ma thogs lags so/ / de nas lteng rgyas 'od srungs ral pa can 'di snyam du sems te/ dge sbyong chen po// bdag gi nye 'khor na gnas na de'i mthu zhig ma byung grang snyam mo/ / de nas lteng rgyas 'od srungs ral pa can bcom ldan 'das gang na nga der dong ste phyin nas bcom ldan 'das la 'di skad ces gsol to// dge sbyong chen po mkhyen par mdzad du gsol/ 'dir bdag gi bram ze'i khye'u rnams zhugs la yongs su spyad nas zhug dgum par 'tshal na/ dgum pa'i rngo ma thog nas bdag 'di snyam du sems te/ bdag gi nye 'khor na dge sbyong chen po bzhug
- 259b
na de'i mthu zhig ma byung grang snyam bgyid do/ / 'od srungs me de bsad dam/ dge sbyong chen po dgum du gsol/ de nas 'di ltar sangs rgyas rnams kyi sangs rgyas kyis mthu dang / lha rnams kyis lha'i mthus me de rang nyid shi'o/ / de nas ltang rgyas 'od srungs ral pa can 'di snyam du sems te/ 'di ltar dge sbyong chen po ni rdzu 'phrul che zhing mthu che ba yin te/ ya mtshan che mod kyi/ bdag kyang dgra bcom pa yin no/ snyam mo// de nas yang dus gzhan zhig na/ lteng rgyas 'od srungs ral pa can rang nying me la yongs su skyong par 'dod na sbyar bar ma nus so zhes bya ba'i bar du nas bdag kyang dgra bcom pa yin no zhes bya ba'i bar du gong ma bzhin no/ / de bzhin du yongs su spyad nas bsang bar 'dod na zhes bya ba nas bdag kyang dgra bcom pa yin no zhes bya ba'i bar du gong ma bzhin no// de nas dus gzhag zhig na lteng rgyas 'od srung ral pa can gyis me khang thams cad 'bar/ rab tu 'bar/ kun tu rab tu 'bar te/ me lce gcig tu gyur nas sreg par byed pa de la ltang rgyas 'od srungs ral pa can 'khor dang bcas pa dang gzhan yang skye bo'i tshogs rnams kyis bsgrims kyang bsad par ma nus so/ / de nas lteng rgyas 'od srungs ral pa can 'di snyam du sems te/ bdag gi nye 'khor na dge sbyong chen po gnas na de'i mthu zhig byung bar ma gyur grang snyam mo/ / de nas lteng rgyas 'od srungs ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to// dge sbyong chen po mkhyen par mdzad du
- 260a
gsol/ / dge sbyong chen po 'dir bdag gis me khang thams cad 'bar/ rab tu 'bar/ kun tu rab tu 'bar te/ me lU gcig tu gyur nas sreg par bgyid pa de la bdag 'khor dang bcas pa dang / gzhan yang skye bo'i tshogs chen pos bsgrims nas zhugs 'gum pa'i rngo ma thogs nas bdag 'di snyam du sems te/ bdag gi nye 'khor na/ dge sbyong chen po bzhugs na/ de'i mthu zhig byung bar ma gyur grang snyam bgyid do/ / 'od srungs me de zhi bar bya 'am/ dge sbyong chen po zhi bar mdzad du gsol/ de nas 'di ltar sangs rgyas rnams kyi sangs rgyas kyi mthu dang lha rnams kyis lha'i mthu ma khang de rang nyid zhi bar gyur to/ / de nas lteng rgyas 'od srungs ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi/ bdag kyang dgra bcom pa yin no snyam mo// de nas bcom ldan 'das lteng rgyas 'od srungs ral pa can gyis bsti gnas nags tshang tshing na bzhugs so// de nas rgyal po chen po bzhi po bdag kha dog 'phags pas mtshan mo la bab pa na/ bcom ldan 'das gang na ba der dong ste lha gnas/ bcom ldan 'das kyis zhabs la mgo bos phyag byas te/ de rnams dpar na me'i phung po 'bar/ rab tu 'bar/ kun tu rab tu 'bar te/ me lce gcig tu gyur nas bsreg par byed pa bzhi mthong ngo // mthong nas kyang 'di snyam du sems te dge sbyong chen po yang
- 260b
me la yongs su spyod de/ 'di ltar de de'i spyan snga na/ me'i phung po 'bar/ rab tu 'bar/ kun tu rab tu 'bar te/ me lce gcig tu gyur nas sregs par byed pa yod do snyam mo// de nas lteng rgyas 'od srungs ral pa can nang par sngar langs te/ bcom ldan 'das gang na ba der song ste phyin pa dang / bcom ldan 'das la 'di skad ces gsol to// dge sbyong chen po mkhyen par mdzad du gsol/ 'dir bdag ma dang gsum rgyu skar rnams la lta ba na/ dge sbyong chen po'i spyan snga na zhugs kyis phung po 'bar rab tu 'bar/ kun tu rab tu 'bar te/ me lce gcig tu gyur te bsreg pa bgyid pa bzhi mthong ngo // mthong nas kyang 'di snyam du sems te/ dge sbyong chen po yang me la yongs su spyod de/ de ltar de'i spyan snga na/ me'i phung po 'bar rab tu 'bar/ kun tu rab tu 'bar te/ me lce gcig tu gyur nas bsreg par bgyid pa bzhi mchis so snyam mo// 'od srungs cing me la yongs su spyod dam/ nga ma la yongs su mi spyod de/ mkhas pa kun nas nyon mongs las// sems ni yongs su zlog byed kyis// me 'am yang na chu dag la// yongs rten yon tan ci zhig yod// de lta mod kyis 'dir mang gsum rgyal po chen po bzhi po dag kha dog 'phags pas mtshan mo la bab pa na/ nga gang na ba der 'ong te lhag nas/ nga'i zhabs gnyis la mgo bos phyag byas te de rnams dper na me'i phung po 'bar
- 261a
rab tu 'bar kun tu rab tu 'bar te/ me lce gcig tu gyur nas sreg par byed par byed pa bzhi po lta bu'i lus kyi phyogs gcig tu 'dug pa yin no// de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyis dag kyang dgra bcom pa yin no snyam mo// de nas lha rnams ngag gi dbang po brgya byin kha dog 'phags pas mtshan mo la bab pa na/ bcom ldan 'das gang na ba der song ste phyin nas/ bcom ldan 'das kyi zhabs la mgo bos phyag byas te/ de dper na ma'i phung po 'bar/ rab tu 'bar/ kun tu rab tu 'bar te/ me lce gcig tu gyur pa bzhi po dag pas kyang ches lhag cing 'phags la ches bzang ba lta bu'i lus kyis phyogs gcig tu 'dug go// ltung rgyas 'od srungs ral pa can de nyid kyis mtshan mo rgyu skar rnams la lta ba na/ bcom ldan 'das kyis sngun snga na me'i phung po 'bar zhes bya ba nas/ dge sbyong chen po rdzu 'phrul che zhing mthu che ba yin te/ ya mtshan cha mod kyi bdag kyang dgra bcom pa yin no snyam mo zhes bya ba'i bar du gong ma bzhin no/ / de nas mi mjed kyis bdag po tshangs pa kha dog 'phags pas mtshan mo bab pa na/ bcom ldan 'das gang na ba der song ste byin nas/ bcom ldan 'das kyi zhabs la mgo bos phyag byas te/ de dper na me'i phung po bzhi po de dag nyid snga ma bzhin du sreg pa zhes bya ba nas me'i phung po chen po lnga po de me lce gcig tu gyur
- 261b
nas sreg par byed do zhes bya ba de dag pas kyang ches lhag cing ches 'phags la ches bzang ba lta bu'i lus kyis phyogs gcig tu 'dug go/ / lteng rgyas 'od srungs ral pa can de nyid kyis mtshan mo d+ha/ skar rnams la lta ba na/ bcom ldan 'das kyis spyan snga na me'i phung po chen po 'bar zhes bya ba nas/ dge sbyong chen po rdzu 'phrul che zhing mthu che ba yin te/ ya mtshan che mod kyis bdag kyang dgra bcom pa yin no snyam mo zhes bya ba'i bar du gong ma bzhin no/ / de'i tshe lteng rgyas 'od srungs ral pa can gyis 'dug gnas na mchod sbyin zhag bdun pa byed pa la bab po// de nas lteng rgyas 'od srungs ral pa can 'di snyam du sems te/ gal te ma ga d+ha'i mi rnams kyis dge sbyong chen po 'di ltar rdzu 'phrul che zhing mthu che ba yin par shes na/ de nyid la bya ba byed par sems kyi/ bdag la ni de lta ma yin pa'i gnas yod kyis kye ma dge sbyong chen po zhag bdun zhig 'di nas gzhan du song yang ci ma rung snyam mo/ / de nas bcom ldan 'das kyi thugs kyis lteng rgyas 'od srung ral pa can gyis sems mkhyen nas zhag bdun gzhan du bzhud ngo / / de'i tshe zhag bdun du lteng rgyas 'od srungs ral pa can la rnyed pa dang / bkur sti chen po byung nas/ bza' ba dang / bca' ba rab tu mang po dang ldan pa skye bo'i tshogs chen po dang ldan/ skye bo'i tshogs chen po yang dbang du gyur to// de nas lteng rgyas 'od srungs ral pa can gyis 'dug gnas na mchod sbyin zhag bdun du byas zin pa dang / 'di snyam du sems de
- 262a
zhag bdun po 'di la bdag rnyed pa dang / bkur sti chen po byung nas bza' ba dang bca' ba rab tu mang po dang ldan// skye bo'i tshogs chen po yang dbang du gyur gyis/ kye ma da ni dge sbyong chen po 'od kyang ci ma rung / bdag gis de la bsod snyoms sbyong du gzhug go snyam mo// de nas bcom ldan 'das kyi thugs kyi lteng rgyas 'od srungs ral pa can gyis sems mkhyen nas lteng rgyas 'od srungs gang na ba der gshegs so/ / lteng rgyas 'od srungs ral pa can gyis bcom ldan 'das rgyang ring po nas mthong ngo // mthong nas kyang bcom ldan 'das la 'di skad ces gsol to/ / dge sbyong chen po byon tam/ 'od srungs 'ongs so// dge sbyong chen po khyod ci'i slad du zhag bdun 'di nas gzhan du bzhud pa lags/ 'od srungs khyod kyi 'dug gnas na mchod sbyin zhag bdun du byed pa la bab nas/ 'di snyam du gal te ma ga d+ha'i mi rnams kyis dge sbyong chen po ni 'di ltar rdzu 'phral che ba 'di ltar mthu che ba yin par shes na/ de kho na la bya ba byed par sems kyis bdag la nide lta ma yin pa'i gnas 'di yod par 'gyur gyis kye ma dge sbyong chen po zhag bdun 'di nas gzhan du song yang ci ma rung snyam sems pa ma yin nam/ nga'i thugs kyis khyod kyi sems shes nas zhag bdun 'di nas gzhan du song ngo / / 'o na ci'i srad du 'dir byon lags/ 'od srungs khyod kyi mchod sbyin zhag bdun du byas zin nas 'di snyam du bdag la zhag bdun du rnyed pa dang / bkur sti chen po
- 262b
byung zhing bza' ba dang / bca' ba rab tu mang po dang yang ldan/ skye bo'i tshogs chen po yang dang du gyur gyis/ kye ma dge sbyong chen po 'ongs kyang ci ma rung / bdag gis yang de la yong su longs spyod du gzhug go snyam du sems pa ma yin nam/ dge sbyong chen po de ltar lags so// nga'i thugs kyis khyod kyis sems shes nas da 'ongs pa yin no// dge sbyong chen po ci bde kho nar longs spyad du gsol de nas lteng rgyas 'od srungs ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo// de nas lteng rgyas 'od srungs ral pa can gyis bcom ldan 'das la 'di skad ces gsol to/ / dge sbyong chen po de'i slang du bdag gi nye 'khor du bzhugs shig dang / bdag gi khyed la chos dang mthun pa'i 'tsho ba sbyar ro/ / bcom ldan 'das lteng rgyas 'od srungs ral pa can la cang mi gsung bas gnang ngo // de nas lteng rgyas 'od srungs ral pa can gyis bcom ldan 'das kyi ched du rang kho nas g.yos byas nas/ bcom ldan 'das gang na ba der song ste phyin nas/ bcom ldan 'das la 'di skad ces gsol to// dge sbyong chen po gdug chod lags shing mchis na/ dge sbyong chen po de'i dus lakha bab par dgongs su gsol/ 'od srungs de'i phyir song shig nga yang 'ong ngo // de nas bcom ldan 'das kyis lteng rgyas 'od srungs ral pa can song nas ring po ma lon par mkhyen nas// ji ltar
- 263a
thugs mnyam par gzhag nas shing 'dzam bu zhes bya ba gang gis 'dzam bu'i gling du gdag pa de las kha dog dang dri zhim pa dang / ro dang ldan pa'i 'dzam bu'i sti ma rnams kyis lhung bzed bkang nas bsnams te/ lteng rgyas 'od srungs ral pa can gyis bsti gnas gang na ba der gshegs pa de lta bu ting nge 'dzin la snyoms par zhugs te/ byon nas ga na bshams pa nyid la bzhugs so/ / de nas de'i 'og tu lteng rgyas 'od srungs ral pa can 'ongs nas/ lteng rgyas 'od srungs ral pa can gyis bcom ldan 'das bsti gnas kyi gdan bshams pa nyid la bzhugs pa mthong ngo/ mthong nas kyang 'di skad ces gsol to// dge sbyong chen po byon tam/ 'od srungs 'ongs so// dge sbyong chen po khyod kyi lhung bzed na ci mchis/ 'dir ngas 'od srungs khyod song nas ring po ma lon par mkhyen nas ji ltar thug mnyam par gzhag na/ shing 'dzam bu zhes bya ba gang gi 'dzam bu'i gling du btags pa de las kha dog dang dri dang / ro dang ldan pa'i 'dzam bu'i snyem rnams kyis lhung bzed bkang nas 'dir phyin pa de lta bu ting nge 'dzin la snyoms par zhug kyis gal te 'dod na long spyod cig/ dge sbyong chen po ci bde ba kho nar 'tshal lags so// de nas ltang rgyas 'od srungs ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo// shing 'dzam
- 263b
bu zhes bya ba gang gi/ 'dzam bu gling du btag pa de dang ha cang mi ring ba zhig na a ru ra'i nags dang / bil ba'i nags dang / ka ping tha'i nags dang / skyu ru ra'i nags kyang de bzhin no// byang gi sgra mi snyan gyi gling du gshegs nas ma rmos ma btab pa'i 'bras sa lus lhung bzed bkang ste bsnams nas/ lteng rgyas 'od srungs ral pa can gyis bsti gnas gang na ba der gshegs te/ byon nas gangan bshams pa nyid la bzhugs so// de nas de'i 'og tu ltung rgyas 'od srungs ral pa can 'ongs nas/ ltang rgyas 'od srungs ral pa can gyis bcom ldan 'das bsti gnas kyis gdan bshams pa nyid la bzhugs pa mthong ngo / / mthong nas kyang 'di skad ces gsol to// dge sbyong chen po byon tam/ 'od srungs 'ongs so// dge sbyong chen po khyod kyi lhung bzed na ci mchis/ 'dir ngas 'od srungs khyod song nas ring po ma lon par mkhyen nas ji ltar thugs mnyam par bzhag na/ byang gi sgra mi snyan gyis gling du gshegs nas ma rmos ma btab pa'i 'bras sa lus lhung bzed bkang nas/ 'dir phyin pa de lta bu ting nge 'dzin la snyoms par zhugs kyis gal te 'dod na longs spyod cig/ dge sbyong chen po ci bde ba kho nar 'tshal lags so// de nas lteng rgyas 'od srungs ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo// de nas bcom ldan 'das kyis
- 264a
lteng rgyas 'od srungs ral pa can gyis bsod snyoms pazhes nas/ phyogs gzham zhig tu bzhugs nas zhal zas kyis bya ba mdzad do// de nas bcom ldan 'das la chus rgya dgos pa zhig byung ngo / / de nas lha'i dbang po brgya byin gyis bcom ldan 'das la chus chu'i dgos pa byung bar shes nas/ bcom ldan 'das gang na ba der song ste phyin nas/ bcom ldan 'das kyi spyan sngar lag pas sa la bsnun pa dang / de nas bkod ma chen po zhig byung ste/ chu 'bab pa de la bcom ldan 'das chus chu'i bya ba mdzad do// lteng rgyas 'od srungs ral pa can bsti gnas na 'chags na bkod ma chen po byung ste chu 'bab pa mthong ngo / / mthong nas kyang 'di snyam du sems te/ chu 'di sngon ni med na chu 'di da ltar gang nas 'bab snyam mo// de nas ltang rgyas 'od srungs ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to// dge sbyong chen po mkhyen par mdzad du gsol/ bdag 'dir bsti gnas na 'chag pa na bkod ma chen po'i chabs gcig mthong ngo / / mthong nas kyang bdag 'di snyam du sems te/ chu 'di sngon ni ma mchis na da ltar chu 'di dag gang nas 'bab snyam bgyid do// 'od srungs 'dir khyod las bsod snyoms bzhes nas/ phyogs 'dir bzhugs te zhal zas kyis bya ba mdzad pa na/ nga la chus chu'i dgos pa zhig byung ngo // de nas lha rnams kyi dbang
- 264b
brgya byin gyis nga la chus chu'i dgos pa byung bar shes nas/ nga gang na ba der 'ong ste phyin nas nga'i mdun nas lag pas sa la bstun pa las de nas bkod ma chen po zhig byung ba de la ngas chus chu'i bya ba mdzad de 'od srungs rdzing 'di ni lag pas brkos pa zhes bya ba'o/ / de nas lteng rgyas 'od srungs ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan cha mod kyi bdag kyang dgra bcom pa yin no snyam mo// de nas bcom ldan 'das phye 'bring nang du yang dag 'jog las bzhengs nas/ rdzing bu lag pas brkos pa gang na ba der gshegs te byon nas/ rdzing lag pas brkos pa'i 'gram gyi mtha' gcig tu na bza' chos gos rnams bzhag ste/ rdzing lag pas brkos par zhugs nas sku khrus mdzad de/ rdzing lag pas brkos pa nas byung bar bzhed pa na/ shing ardzu na gang na ba de logs su phyag brkyang ngo // de nas ardzu na'i yal ga chen po dud par gyur te/ de la bcom ldan 'das kyis bzung nas rdzing lag pas brkos pa nas byung ngo / / lteng rgyas 'od srungs ral pa can pasti gnas na 'chag pa na rdzing lag pas bkos pa'i 'gram na ardzu na'i ya la ga chen po dung ba zhig mthong ngo // mthong nas kyang 'di snyam du sems te/ ardzu na'i yal ga 'di sngon ni dung bar ma gyur na/ ardzu ma'i yal ga chen po 'ding su zhig gis btung snyam mo// de nas lteng rgyas 'od srungs ral pa can bcom ldan 'das
- 265a
gang na ba der song ste phyin nas/ bcom ldan 'das la 'di skad ces gsol to// dge sbyong chen po mkhyen par mdzad du gsol/ bdag 'dir bsti gnas na 'chag pa na rdzing/ khag pas brkos pa'i 'gram na ardzu na'i yal ga chen po 'dud pa mthong ngo // mthong nas kyang de 'di snyam du sems te/ ardzu na'i yal ga chen po 'di sngon ni dud par ma gyur na su zhig gi btud snyam bgyid do/ / 'od srungs 'dir phye 'phreng na nang du yang dag 'jog pa las bzheng nas/ rdzing lag pas brkos pa gang na ba der gshegs te byon nas/ rdzing lag pas brkos pa'i 'gram gyi mtha' gcig tu na bza' chos gos rnams bzhag ste/ rdzing lag pas brkos par zhugs te lus khrus byas nas rdzing lag pas brkos pa nas byung bar 'dod nas/ shing ardzu na 'di dag gang na ba de logs su lag pa brkyang ba dang / de nas ardzu na'i yal ga chen po 'di dung bar gyur te/ de la ngas 'jus nas rdzing lag pas brkos pa nas byung ngo // 'od srungs 'di ni ardzun lag pas bzung ba zhes bya'o// de nas lteng rgyas 'od srungs rakha pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo// de'i tshe bcom ldan 'das kyi phyag dar khrod pa'i sha na'i ras dag brnyes nas/ de nas bcom ldan 'das 'di snyam du dgongs te/ nga'i phyag dar khrod pa'i sha na'i ras gang du bkru snyam mo// de nas lha rnams
- 265b
kyi dbang po brgya byin gyi sems kyis bcom ldan 'das kyis dgongs pa shes nas/ ri brag gcig las rdo leb che ba ring ba zhig blangs nas/ bcom ldan 'das gang na ba der song ste phyin nas/ bcom ldan 'das la 'di skad ces gsol to/ / bcom ldan 'das phyag dar khrod pa'i sha na'i ras ngag 'di la bkru bar gsol/ de la bcom ldan 'das kyos phyag dar khrod pa'i sha na'i ras rnams bkrus so/ / de nas bcom ldan 'das 'di snyam du dgongs te/ nga'i phyag dar khrod pa'i dasha na'i ras rnams gang du dgram snyam pa dang / de nas lha rnams kyi dbang po brgya byin gyi sems kyis bcom ldan 'das kyi dgongs pa shes nas/ brag cig las rdo leb che la ring ba zhig khyer nas bcom ldan 'das gang na ba der song ste phyin nas/ bcom ldan 'das la 'di skad ces gsol to// bcom ldan 'das 'di la phyag dar khrod pa'i sha na'i ras rnams dgram du gsol/ de nas bcom ldan 'das kyis phyag dar khrod pa'i sha na'i ras ngag bkram mo// ldang rgyas 'od srungs ral pa can bsti gnas na 'chag pa na rdolab che la ring nga dag mthong ngo / / mthong nas kyang 'di snyam du sems te/ rdo leb che la ring ba 'di dag sngon ni med na/ rdole ba che la ring ba 'ang dag nga su zhog gi khyer te 'ong snyam mo/ de nas lteng rgyas 'od srungs ral pa can bcom ldan 'das gang na ba der song ste phyin nas/ bcom ldan 'das la 'di skad ces gsol to// dge sbyong chen po mkhyen par mdzad du gsol/ 'dir
- 266a
bdag bsti gnas na 'chag pa na/ rdo leb che la ring ba dag cig mthong ngo // mthong nas kyang 'di snyam du sems te/ rdo leb che la ring ba 'di dag sngon ni ye ma mchis na rdo leb che la ring ba 'di dag su zhig gis 'tshal te mchis nyam bgyid do/ / 'od srungs 'dir ngas phyag dar khrod pa'i sha na'i ras dag ba rIs so// de nas nga 'di snyam du dgongs te/ phyag dar khrod pa'i sha na'i ras dag gang bkru snyam pa dang / de nas lha rnams kyi dbang po brgya byin gyi sems kyis nga'i dgongs pa shes nas brag cig las rdo leb che la ring ba zhig blangs te/ nga gang na ba der 'ong te phyin nas/ nga la 'di skad ces gsol to// bcom ldan 'das 'di la phyag dar khrod pa'i sha na'i ras rnams bkru bar gsol/ ngas de la phyag dar khrod pa'i sha na'i ras rnams bkrus so// nga 'di snyam du dgongs te/ ngas phyag dar khrod pa'i sha na'i ras rnams gang du dgram snyam pa dang / de nas lha rnams kyi dbang po brgya byin gyis sems kyis nga'i dgongs pa shes nas brag cig las rdo leb che la ring ba zhig blangs te/ nga gang na ba der 'ongs te phyin nas/ nga la 'di skad ces gsol to// bcom ldan 'das 'di la phyag dar khrod pa'i sha na'i ras rnams dgram du gsol/ ngas de la phyag dar khrod pa'i sha na'i ras rnams bkram mo/ / 'od srungs rdo leb che zhing ring ba 'di dag ni gnod sbyin gyis blangs pa zhes bya ba'o// de nas lteng rgyas 'od srungs ral pa can 'di snyam du sems te/ 'di ltar
- 266b
dge sbyong chen po rdzu 'phrul che zhing mthu che ba yin te/ ya mtshan cha mod kyi bdag kyang dgra bcom pa yin no snyam mo// de nas bcom ldan 'das lteng rgyas na/ lte nga rgyas 'od srungs ral pa can gyi bsti/ gnas kyi nags tshangs tshing na bzhugs so// de'i tshe nai rany+dza na'i chu cher brag nas bab bo// de nas bcom ldan 'das chu klung mi gang bas lhag pas khebs pa'i ltung na rdul gyis yog pa bla gab med pa la 'chag pas 'chag par mdzad do/ / de nas lteng rgyas 'od srungs ral pa can 'di snyam du sems te/ dge sbyong chen po de ltar mdzes pa chu chen po brug pas khyer bar ma gyur grang / ma la bdag gis dge sbyong chen po btsal snyam du bsam nas/ shing cig pa'i gru'i nang du zhugs te/ bcom ldan 'das btsal ba na lteng rgyas 'od srungs ral pa can gyis bcom ldan 'das chu klung mi gang bas lhag par khebs pa'i lteng na/ sa rdul gyi yog pa bla gab med pa na 'chag pas 'chag pa mthong ngo // mthong nas kyang bcom ldan 'das la 'di skad ces gsol to// dge sbyong chen po gson nam/ 'od srungs gson no// dge sbyong chen po zhugs shing gcig pa'i grur 'jug gam/ 'od srungs 'jug go// de nas bcom ldan 'das 'di snyam du dgongs te/ ma la ngas ji ltar thugs mnyam par bzhag na shing gcig pa'i gru ji lta bar chu la 'jug pa de lta bu'i rdzu 'phrul mngon par 'du bya ba mngon par 'du bya'o snyam nas/ de nas bcom ldan 'das kyis ji ltar thugs mnyam par bzhag na shing gcig pa'i glu ji lta bar chu la
- 267a
'jug de lta bu'i rdzu 'phrul mngon par 'du mdzad do/ / de nas lteng rgyas 'od srungs ral pa can 'di snyam du sems te/ 'di ltar dge slong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo// de nas bcom ldan 'das kyi thugs kyis lteng rgyas 'od srungs ral pa can gyis sems mkhyen pas/ lteng rgyas 'od srungs ral pa can la 'di skad ces bka' stsal to/ / 'od srungs khyod ni dgra bcom pa ma yin/ dgra bcom pa'i 'bras bu mngon sum du bya ba'i phyir zhugs pa ma yin te/ dgra bcom pa'i lam gang yin pa de yang mi shes so// de nas lteste rgyas 'od srungs ral pa can 'di snyam du sems te/ dge sbyong chen po go'u ta ma'i thugs kyis bdag gi sems mkhyen to snyam du rig nas/ bcom ldan 'das la 'di skad ces gsol to// dge sbyong chen po bdag legs par gsungs pa'i chos 'dul ba la rab tu byung ba dang / snyan par rdzogs pa dge slong gi dngos po thob pa lta na/ dge sbyong chen po'i spyan sngar ngag tshangs par spyod pa spyad par bgyi'o// 'od srungs khyod kyi 'khor la bltas sam/ dge sbyong chen po ma bltas lags so// 'od srungs de'i phyir re shig 'khor la ltos shig/ 'dir khyod lto bu'i mi grags pa dang ldan pa beshes gnyen can rnams kyis ni 'khor la lta ba legs pa yin no/ / de nas lteng rgyas 'od srungs ral pa can rang gi bsti gnas gang na ba der song ste phyin nas/ bram ze'i khye'u rnams la smras pa/ bram ze'i
- 267b
khye'u dag shes par gyis shig/ bram ze'i khye'u dag kho bo ni/ dge slong chen po'i spyan sngar tshangs par spod par spyad na shes ldan dag ci byed/ mkhan po bdag cag gis cung zad ci 'tshal ba de thams cad ni mkhan po la brten nas lags pas/ gal te mkhan po dge slong chen po'i spyan sngar tshangs par spong ba spong na/ bdag cag kyang mkhan po rab tu byung ba'i rjes su rab tu 'byung ngo // bram ze'i bye'u dag khyed kyis de'i phyir ga yang gzhi dang shing shun dang / 'khor ba dang / ril ba'i spyi'u blugs dang / blugs gzar 'di dag chu klung nai rany+dza na'i 'gram du bor shig/ mkhan po bka' bzhin 'tshal zhes bram ze'i khye'u de rnams kyis ga yang gzhi dang shing shun dang / 'khar ba dang / ril ba spyi'u blugs dang / blug gzar rnams chu klung nai rany+dza na'i 'gram du bor nas/ lteng rgyas 'od srungs ral pa can gang na ba der song ste phyin nas/ lteng rgyas 'od srungs ral pa can la 'di skad ces smras so// mkhan po 'dir bdag 'di ltar bdag cag gi bdag gis bgyi gang lags de bgyis lags so/ / de nas lteng rgyas 'od srungs ral pa can 'khor lnga brgya dang / bcom ldan 'das gang na ba der song ste phyin nas bcom ldan 'das la 'di skad ces gsol dge sbyong chen po bdag gi 'khor la bltas lags te/ bdag legs par gsung ba'i chos 'dul ba la rab tu byung ba dang / bsnyen par rdzogs pa dge sbyong gi dngos po thob pa lta na
- 268a
bdag dge sbyong chen po'i spyan sngar tshangs par spyod pa sdud par bgyi'o/ / 'od srungs tshur shog/ tshangs par spyad pa spyod cig/ de nyid kyi tshe dang ldan pa de dag rab tu byung ba dang / des bsnyen par rdzogs pa dang / des dge slong gi dngos por gyur to// de'i tshe lteng rgyas 'od srungs ral pa can gyis spun chu klung 'od srungs dang 'od srungs gnyis/ 'khor nyis brgya lnga bcu dang / chu klung nai rany+dza na'i 'jug gi 'gram gyis bsti gnas na dka' thub spod do// chu klung 'od srungs dang / ga ya 'od srungs spun gnyis kyi g.yang gzhi dang / shing shun dang / 'khar ba dang / ril ba spyi'u blugs dang / blug gzar de dag chu klung nai rany+dza nas khyer ba mthong ngo // mthong nas kyang de dag 'di snyam du sems te/ bdag cag gi tshangs pa mtshungs par spyod pa rnams/ rgyal po 'am chom rkun nam me 'am chus nyes ngamig 'ga' zhig byung bar ma gyur grang / ma la bdag cag gis tshang ba mtshung bar spod pa rnams btsal lo snyam mo// de nas chu klung 'ong srungs dang / ga ya 'od srungs s pun dag lteng rgyas 'od srungs ral pa can tshol zhing lteng rgyas 'od srungs ral pa can gyis bsti gnas gang na ba der song ba dang de'i tshe tshe dang ldan pa lteng rgyas 'od srungs ral pa can sba phyi snam sbyar bgos nas 'khor lnga brgya dang / bcom ldan 'das kyis spyan snga na chos mnyan pa'i phyir 'khord ngo // chu klung 'od srungs dang / ga ya 'od srungs gis lteng rgyas 'od srungs ral pa can
- 268b
skra phyi snam sbyar bgos nas/ bcom ldan 'das kyi spyan sngan chos mnyan pa'i phyir 'dug pa mthong ngo // mthong nas kyang tshe dang ldan pa lteng rgyas 'od srungs ral pa can la 'di skad ces sbas so// 'od srungs 'di mchog yin la de mchog ma yin nam/ 'od srungs dag 'di ni mchog yin te/ de ni ma yin no// de nas chu klung 'od srungs dang / ga ya 'od srungs spun dag 'di snyam du sems te/ sangs rgyas bcom ldan 'das ni mchog yin zhing chos bshes pa yang mchog ma yin pa ma yin te/ gang gi phyir da ltar lteng rgyas 'od srungs ral pa can btsas nas lo brgya nyi shu lhag lon pa rgas 'khog gtug pa ma ga d+hA'i mi rnams kyis bkur stir byas/ bla mar byas/ rjed par byas/ mchod pa byas shing dgra bcom par bkur ba de yang lan gnyis kyi bar du dge sbyong chen po'i spyan sngar rab tu byung bar khas blangs kyis ma la bdag cag kyang dge sbyong chen po'i spyan sngar tshangs par spyod pa spyad par bya'o snyam du bsams nas/ bcom ldan 'das la 'di skad ces gsol to// dge sbyong chen po bdag cag legs par gsung ba'i chos 'dul ba la rab tu byung ba/ bsnyen par rdzogs pa dge slong gi dngos po thob pa lta na bdag cag dge sbyong chen po'i spyan sngar tshangs par spong ba spyang par bgyi'o// khyed kyis 'khor la bltas sam/ dge sbyong chen po ma bltas lags so// 'od srungs dag de'i phyir re shig 'khor la ltos shig/ 'di ltar khyod lta bu'i mi grag po dang ldan pa/ bshes gnyen can dag gis ni 'a
- 269a
la blta ba legs pa yin no/ / de nas chu klung 'od srungs dang / ga ya 'od srungs spun rang gi bsti gnas gang na ba der song ste phyin nas/ bram ze'i khye'u rnams la 'di skad ces smras so/ / bram ze'i khye'u dag shes par gyis shig/ kho bo cag ni dge sbyong chen po'i spun sngar tshangs par spyad pa spyod pa na shes ldan dag ci byed/ mkhan po dag bdag cag cung zad ci 'tshal ba de thams cad ni mkhan po dag la brten nas lags kyis/ gal te mkhan po dag dge sbyong chen po'i spyan sngar tshangs par spyad pa spyod na/ bdag cag kyang mkhan po dag rab tu byung ba'i rjes su rab tu 'byung ngobram ze'i khye'u dag de'i dus nga yin par shes par gyis shig/ de nas chu klung 'od srungs dang / ga ya 'od srungs spun 'khor nyis brgya lnga bcu nyis brgya lnga bcu dang / bcom ldan 'das gang na ba der dor ste lhag nas/ bcom ldan 'das la 'di skad ces gsol to// dge sbyong chen po bdag cag gis 'khor la bltas lags te/ dge sbyong chen po bdag cag lag par gsu pa'i chos 'dul ba la rab tu byung ba dang / bsnyen par rdzogs pa dge slong gi dngos po thob pa lta na bdag cag dge sbyong chen po'i spyan sngar tshangs par spyod pa spang bar bgyi'o// 'od srungs dag chutshur shog/ tshangs par spyod pa spyod cig/ de nyid kyis tshe dang ldan pa de rnams rab tu byung ba dang / des bsnyen par rdzogs pa dang // des dge slong gi dngos por gyur to// de nas bcom
- 269b
ldan 'das kyis ral pa can stong po de dag rab tu byung / bsnyen par rdzogs par mdzad nas/ lteng rgyas su ji tsam bzhed kyis bar du bzhugs nas/ ga ya gang na ba der rgyu zhing gshegs te rim gyis rgyu zhing gshegs pa na ga yar byon nas ga ya'i mgo'i mchod rten la sngon gyi sa ral pa can thams cad rab tu byung ba'i dge slong stong dang thabs cig tu bzhugs so/ / de nas bcom ldan 'das kyis dge slong stong po de la cho 'phrul rnam pa gsum gyis 'dom par mdzad de/ rdzu 'phrul gyis cho 'phrul dang / kun rjod kyi cho 'phrul dang / rjes su bstan pa'i cho 'phrul lo// de la bcom ldan 'das kyis rdzu 'phrul gyis cho 'phrul ni 'di yin te/ de nas bcom ldan 'das kyi ji ltar thugs mnyam par gzhag na nyid kyi gdan gyis nang du mi snang bar gyur cing / shar phyogs kyi steng gi bar snang la sngon par 'phags nas spyod lam rnam pa bzhi mdzad de/ 'di lta ste/ 'chag pa dang / bzhengs pa dang / bzhugs pa dang / mnal bar mdzad do// me'i ting nge 'dzin la snyoms par zhug pabar mdzad do/ / me'i ting nge 'dzin la snyom par zhugs pa na/ sangs rgyas bcom ldan 'das kyis sku las 'od gzer rnam pa sna tshogs dag 'byin par mdzad // 'di lta ste/ sngon po dang ser po dang / dmar po dang / dkar po dang / le brgan dang / shel gyi kha dog dag go// cho 'phrul zung du yang ston pa mdzad de/ sku'i smang nas me 'bar bar mdzad la/ sku'i stong
- 270a
las chu grang mo'i rgyun 'beb par mdzad do/ / sku'i sdod nas me 'bar bar mdzad la/ sku'i slad nas chu grang mo'i rgyun 'bebs par mdzad pa de lta bu'i ting nge 'dzin la snyoms par zhugs so/ / shar phyogs la ji lta ba bzhin du lho dang / nub dang / byang phyogs su yang de bzhin no// phyogs bzhir rdzu 'phrul gyis cho 'phrul rnam pa bzhi bstan nas/ rdzu 'phru mngon par 'du mdzad pa rnams bsdus te/ dge slong gi dge 'dun gyi gung la gdan bshams pa nyid la bzhugs te/ de la 'di ni bcom ldan 'das kyis rdzu 'phrul gyi cho 'phrul yin no// de la bcom ldan 'das kyis kun rjod pa'i cho 'phrul ni 'di yin te/ dge slong dag khyed kyi sems ni 'di lta bu'o// khyed kyi yid ni 'di lta bu'o// rnam par shes pa ni 'di lta bu'o// 'di ni rtogs shig 'do ni ma rtogs shig/ 'di ni yid la byos shig/ 'di ni yid la ma byed cig/ 'di ni spongs shig/ 'di ni ma spang shig/ 'di ni lus kyis mngon sum du byas la rdzogs par gyis te/ gnos shig ces smra ba 'di ni bcom ldan 'das kyis kun brjod pa'i cho 'phrul yin no// de la bcom ldan 'das kyis rjes su bstan pa'i cho 'phrul ni 'di yin te/ dge slong 'di thams cad ni kun tu 'bar ba yin no/ / dge slong dag thams cad kun tu 'bar ba de ci yin zhe na/ dge slong dag mig dang / gzugs dang / mig gis rnam par shes pa dang / mig gi 'dus te reg pa
- 270b
kun tu 'bar ba yin zhing / mig gis 'dus te reg pa'i rkyen gyis nang gi tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung ba gang yin pa de yang kun tu 'bar ba yin no/ / dge slong dag rna ba dang / sna dang / lce dang / lus dang / yid dang / chos dang / yid kyis rnam par shes pa dang / yid kyis 'dus te reg pa ni kun tu 'bar ba yin zhing / yid kyis 'dus te reg pa'i rkyen gyis nang gi tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung ba gang yin pa de yang kun tu 'bar ba yin no/ / gang gis kun tu 'bar ba 'dod chags kyi me dang / zhe sdang gi me dang gti mug gi me kun tu 'bar/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa ste/ sdug bsngal gyis kun tu 'bar ba'o zhes smra'o// 'di ni bcom ldan 'das kyis rjes su bstan pa'i tshe 'phrul yin no/ / chos kyis rnam grangs 'di bshad pa na/ sngon thams cad ral pa can du gyur pa'i dge slong de len pa med par zag pa rnams las sems rnam par grol lo// de nas bcom ldan 'das ga ya'i mgo'i mchod rten la sngon thams cad ral pa can du gyur pa'i dge slong stong thams cad kyang dgra bcom pa/ zag pa zad pa/ bya ba byas pa/ byed pa byas pa khur bor ba/ rang gi don
- 271a
rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba sha stag dang thabs cig tu bzhugs so// rgyal bopo gzugs can snying po'i zho shas 'tsho ba'i mi rnams ljongs rgyu ba na/ shAkya rnams kyis gzhon nu gang ri'i ngos chu bo skal ldan shing rta'i 'gram/ drang srong ser skya'i bsti gnas dang ha cang mi rang pab zhig tu byung ba de bram ze mtshan mkhan dang ltas mkhan rnams kyis/ gal te khyim par gyur te/ khyim na gnas na ni 'khor los sgyur ba'i rgyal po chos dang ldan pa/ chos kyi rgyal po mtha' bzhir rnam par rgyal ba/ rin po che sna 'dun dang ldan par 'gyur te/ de'i rin po che sna bdun ni 'di lta bu dag yin par 'gyur ro// 'di lta ste/ 'khor lo rin po che dang / glang po rin po che dang / rta rin poche dang / nor bu rin po che dang / bud meng rin po che dang / khyim bdag rin po che dang / bdun pa blon po rin po che yin no// de la bu stong yang tshang bar 'byung bar 'gyur te/ dpa' brtul phong pa yan lag mchog gi gzugs dang ldan pa/ pha rol gyi sde rab tu 'joms pa// de rgya mtsho la thug pa'i sa chen po ma lus par// gnod par sngo ba med cing 'tshe ba med pa 'di nyid chad pa med cing mtshon gyis bda' ba med la/ / chos dang mthun zhing snyom pas legs par nga ba ste/ gnas par 'gyur ro// gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim
- 271b
med par rab tu byung bar gyur na/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du sgra rnam par grag par 'gyur bar lung bstan to zhes thos so// thos nas kyang ma ga d+hA'i rgyal po bzo sbyangs gzug can snying po gang na ba der song ste phyin nas/ ma ga d+ha'i rgyal po'i bzo sbyangs gzugs can snying po la 'di skad ces smras so// lha mkhyen par mdzad du gsol/ bdag cag 'dir lha'i yul na rgyu ba na shAkya rnams kyi gzhon nu gang ri'i ngos zhes bya ba nas/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du sgra rnam par grags par 'gyur bar lung bstan pa zhig thos so zhes bya ba'i bar gong ma bzhin du'o/ / lha de khum shig/ lta bas gtso bo bas ches gtso bo 'gyur du mchi'o// grong pa dag shAkya rnams kyis gzhon nu gangs re'o ngos zhes bya ba nas grag par 'gyur ro zhes bya ba'i bar gong ma bzhin te/ / lha de khum shig/ lta bas gtso bo bas ches gtso bor 'gyur du mchi'o zhes khyed cag de skad ma smra shig de ci'i phyir zhe na/ grong pa dag shAkya rnams kyis gzhon nu zhes bya ba nas byung ba'i bar gong ma bzhin du ste/ gal te 'khor los sgyur ba'i rgyal por gyur na de'i g.yog bya'o// gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar gyur te/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du sgra rnam par
- 272a
grags par gyur na/ de'i nyan thos su khas blang bar bya'o// de nas ma ga ng+gA'i rgyal po gzo sbyangs gzugs can snying po steng gi khang bzangs kyi gzhi la 'dug nas/ smon pa'i gzhi la smon par byed de/ kye ma bdag gi yul du 'jig rten gyi ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde pabar gshegs pa 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa bcom ldan 'das 'byung ba dang / de la yang blta ba'i phyir bdag nye bar 'gro ba dang / nye bar song na des kyang bdag la chos bshad pa dang / bdag gis kyang chos bshad pa de shes pa dang / bdag gis chos shes nas bslab pa bcas shing bslab pa de yang bdag gis blangs te gnas kyang ci ma rung snyam mo/ / de nas bcom ldan 'das kyis dge slong rnams la bka' stsal pa/ dge slong dag ma ga d+ha'i rgyal po gzo spangs gzugs can snying po steng gi khang bzangs kyi gzhi la 'dug nas/ smon pa'i gzhi la smon par byed de/ kye ma'o bdag gi yul du 'jig rten gyi ston pa de bzhin gshegs pa dgra bcom pa yang dag par rdzogs pa'i sangs rgyas zhes bya ba'i bar gong ma bzhin no/ / ma ga d+ha'i rgyal po gzo sbyangs gzugs can snying po'i zho shas 'tsho ba dag cig ljongs rgyu ba dang / shAkya rnams kyi gzhon nu gangs ri'i ngos chu bo skal ldan
- 272b
shing rta'i 'gram drang srong sar skya'i bsti gan sa dang ha cang yang mi ring ba zhig tu byung ba gang yin pa de bram ze mtshan mkhan dang ltas mkhan zhes bya ba nas 'jig rten du sgra rnam par grags par 'gyur ro/ zhes lung bstan pa zhes bya ba'i bar gong ma bzhin du'o/ / de skra dang kha spa brags te gos ngur smig bgos nas dad pa yang dag pa kho nas khyim nas khyim med par rab tu byang ba de bla na med pa yang dag par rdzogs pa'i byang chub mngon par rdzogs par sangs rgyas nas de dag/ ga ya na ga ya'i mgo'i mchod rten la sngon thams cad ral pa can du gyur pa'i dge slong stong thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba sha stag dang thabs cig tu bzhugs so zhes thos so/ / thos nas kyang ma ga dA'i rgyal po bzo spungs gzugs can snying po gang na ba der song ste lhags nas/ ma ga d+ha'i rgyal po bzo spangs gzugs can snying po la 'di skad ces smras so/ / lha mkhyen par mdzad du gsol/ bdag cag 'di na lha'i yul na rgyu ba na shAkya rnams kyi gzhon nu gang lags pa de zhes bya ba nas/ 'jig rten du sgra rnam par grags par 'gyur ro zhes bya ba'i bar gong ma bzhin du ste/ de skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ba de// bla na med pa yang dag par rdzogs
- 273a
pa'i byang chub mngon par rdzogs par sangs rgyas nas/ de dag ga ya na ga ya'i mchod rten la sngon thams cad ral pa can du gyur pa'i dge slong stong thams cad kyang dgra bcom pa zag pa zad pa zhes bya ba nas yang dag pa'i shes pas sems shin tu rnam par grol ba sha stag dang thabs cig tu bzhugs so zhes bya ba'i bar du ste/ lha de la bkur sti mdzod cig dang / de lta na lha gtso bo bas ches gtsor 'gyur ro/ / de nas ma ga d+ha'i rgyal po bzo spangs gzugs can snying pos mi zhig la bsgo ba/ kA ye nang rje tshur khyod bcom ldan 'das gang na ba der song la song nas kho bo'i tshig 'di dag gis bcom ldan 'das kyi zhabs gnyis la mgo bos phyag byos la/ gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang / bde ba dang sku nyams dang ldan nam/ reg par spyod dam zhes zhus la/ 'di skad ces kyang gsol cig/ bcom ldan 'das dge slong gi dge 'dun dang thabs cig la ji srid 'tshe'i bar du na bza' chos gos dang / bsod snyoms dang / gzims cha dang / spyan dpyad kyi rkyen sman dang / yo byad rnams kyis bsnyen bkur bgyid na/ bcom ldan 'das rgyal po'i khab tu gshegs su gsol zhes gsol cig/ lha bka' bzhin 'tshal zhes mi nges ma ga d+ha'i rgyal po 'azo sbyangs gzugs can snying po las mnyan te bcom ldan 'das gang na ba der song ste phyin nas/ bcom ldan 'das
- 273b
kyi zhabs la mgo bos phyag byas te/ phyogs gcig tu 'dug nas/ bcom ldan 'das la mi nges 'di skad ces gsol to// btsun pa bcom ldan 'das kyi zhabs gnyis la ma ga d+ha'i rgyal po bzo sbyangs gzugs can snying po mgo bos phyag 'tshal nas/ gnod pa chung ngam/ nyam nga ba chung ngam zhes bya ba nas reg par spyod dam zhes bya ba'i bar du gong ma bzhin du ste/ snyun gsol lags so// kye mi khyod dang ma gang+gA'i rgyal po bzo sbyangs gzugs can snying po bde bar gyur cig/ btsun pa ma ga d+ha'i rgyal po bzo spangs gzugs can snying po'i mchid nas/ 'di skad ces bdag bcom ldan 'das dge slong gi ngage 'dun dang thabs cig la/ ji srid 'tsho ba'i bar du na bza' dang / chos gos dang / bsod snyoms dang / gzims cha dang / snyan dpyad kyi rkyen sman dang / yo byad rnams kyis bsnyen bkur bgyid na/ bcom ldan 'das rgyal po'i khab tu gshegs su gsol zhes mchis lags so// bcom ldan 'das kyis de la cang mi gsung bas gnang ngo // de nas mi des bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo // de nas bcom ldan 'das sngon thams cad ral pa can du g yur pa'i dge slong gi dge 'dun chen po thams cad kyang dgra bcom pa zag pa zad pa zhes bya ba nas yang dag pa'i shes pas sems shin tu rnam par grol ba zhes bya ba'i bar sha stag dang thabs cig tu ma
- 274a
gang+gA'i ljongs rgyu zhing gshegs pa na/ yul ma ga d+ha pa rnams kyi mchod rten legs par rang gnas ltang brang gi tshal yod pa gang na ba der gshegs so// de nas bcom ldan 'das legs par rab gnas su byon nas/ ma ga d+ha pa rnams kyi mchod rten legs par rab gnas ltang brang gi tshal yod pa na bzhugs so// ma ga d+hA'i rgyal po bzo sbyangs gzugs can snying pos/ bcom ldan 'das sngon thams cad ral pa can du gyur pa'i dge slong stong gi dge slong gi dge 'dun chen po zhes bya ba nas/ sems shin tu rnam par grol ba zhes bya ba'i bar du ste/ ma ga d+ha'i ljongs rgyu zhing gshegs pa na/ ma ga d+ha pa rnams kyi mchod rten legs par rab gnas ltung brang gi tshal na yod pa gang na ba der gshegs te/ ma ga d+ha pa rnams kyi mchod rten legs par rab gnas ltung brang gi tshal na yod pa na bzhugs so zhes thos so/ / thos nas kyang shing rta bzang po'i nang du zhugs te/ rgyal po'i mthu chen po dang / rgyal po'i 'byor pa chen pos rta dang / shing rta brgya stong snyang dang lhan cig 'khor brgya phrag du ma dang / rgyal po'i khab nas byung nas bcom ldan 'das la blta ba dang / bsnyen bkur bya ba'i phyir/ bcom ldan 'das kyi spyan sngar song ba na de'i shing rta'i 'khor lo sa'i nang du bying bar gyur to/ / nges bsams pa bang gi gis las skyon can chung zad cig byas par ma gyur grang snyam mo// lha rnams kyis de la smras pa/ rgyal po chen po
- 274b
khyed kyis las skyon can ma byas mod kyi/ khyod dang lhan cig las mtshungs par spyad pa gang yin pa de dag btson ran 'dug gis/ de dag phon cig/ rgyal pos smras pa/ gal te de ltar gdon no zhes rgyal bos btson rnams 'don du bcug go/ / yang rgyal po phyir byung bar brtsams pa na/ de'i dbu rgyan sgo la thug go// des yang bsam pa bdag gis ni gdon mi za bar las skyon cam zhig byas te/ des na bdag la ltas ngan gzhan sgo la dbu rgyan thug pa 'di byung ngo snyam mo// lha de rnams kyis yang smras pa/ rgyal po chen po khyod kyis las skyon can ma byas mod kyi/ khyod dang lhan cig las mtshung par spyad pa gang yin pa de dag kha cig ni 'dus kha cig ni yul ljongs gzhan ga ge mo zhes bya ba dag na/ las kyi mtha' byed cing 'dug pa de dag sbron cig/ rgyal pos yul de na gnas pa'i skye bo'i tshogs thams cad kyang bkug go/ de nas rgyal po gzugs can snying po shing rta khri nyis stong dang / zhabs 'bring brta pa'i tshogs khri brgya stong dang / ma ga d+ha'i bram ze dang / khyim bdag brgya stong phrag du ma dang lhan cig rgyal po'i khab nas byung ste/ bcom ldan 'das la blta ba dang / bsnyen bkur ba'i phyir bcom ldan 'das kyi spyan sngar song ngo // de ji tsam gzhon pa'i sa'i bar du bzhon pas song ste/ bzhon pa las babs nas rkang pa kho nas kun dga' ra bar bzhugs so// ma ga d+hA'i rgyal po bzo sbyangs gzugs can snying pos thag ji tsam nas bcom ldan 'das mthong ba'i
- 275a
bar de nas rgyal po'i mtshan ma lnga po ze'u kha dang / gdugs dang / ral gri dang / nor bu'i rnga yang dang / lham khra bo rnams sud do// de nas ma ga d+ha'i rgyal po bzo sbyangs gzugs can snying pos rgyal po'i mtshan ma lnga bzhag nas/ bcom ldan 'das gang na ba der song ste phyin pa dang / bla gos phrag pa gcig tu gzar nas bcom ldan 'das gang na ba de logs su tha mo sbyar ba btud de/ de rang gi ming nas phyung ste/ lan gsum du gsol pa/ btsun pa bdag ni ma ga d+ha'i rgyal po bzo sbyangs gzugs can snying po lags so// btsun pa bdag ni ma ga d+ha'i rgyal po bzo sbyangs gzugs can snying po lags so/ / rgyal po lags so// rgyal po de de bzhin no// de de bzhin te/ rgyal po chen po khyod ma ga ng+gA'i rgyal po bzo sbyangs gzugs can snying po yin no/ / rgyal po chen po khyod ma ga d+ha'i rgyal po bzo sbyangs gzugs can snying po yin no// rgyal po yin no// rgyal po chen po khyod rang gi stan ji lta ba la 'dug shig/ de nas ma ga d+ha'i rgyal po bzo srungs gzugs can snying pos bcom ldan 'das kyi zhabs gnyis la mgo bos phyag byas te/ phyogs gcig tu 'dug go// ma ga d+ha'i bram ze dang / khyim bdag kha cig ni/ bcom ldan 'das kyi zhabs gnyis la mgo bos phyag byas te/ phyogs gcig tu 'khod do// kha cig ni bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i
- 275b
gtam rnam pa sna tshogs byas/ / phyogs gcig tu 'khod do// kha cig ni bcom ldan 'das gangan ba der logs su thal mo sbyar ba btud de 'khod ngo // kha cig ni bcom ldan 'das rgyang ring lo nas/ mthong nas cang mi smra bar phyogs gcig tu 'khod do// de'i tshe tshe dang ldan pa lteng rgyas 'od srung 'khor dang bcas te de nyid du 'dus shing 'dug par gyur to// de nas ma ga d+ha'i bram ze dang khyim bdag rnam 'di snyam du sems te/ ci dge sbyong chen po lteng rgyas 'od srungs ral pa can gyi tshangs par spyod pa la spyod dam/ 'on te lteng rgyas 'od srungs ral pa can dge sbyong chen po'i tshangs par spyod pa la spong snyam mo// de nas bcom ldan 'das kyi thugs kyi ma ga d+ha'i bram ze dang khyim bdag rnams kyi sems mkhyen nas/ tshe dang ldan pa ltang rgyas 'od srungs la tshigs su bcad pa'i dbyangs kyis dri ba rmos pa/ lteng rgyas gnas pa khyod 'dir ci mthong na// me spangs nas ni brtul zhugs 'di dag spyod// khyod kyis ji ltar me yi mchod spangs pa// don de 'od srungs nga la smra bar gyis// lteng rgyas 'od srungs gis gsol pa/ 'di na kha cig zas skom de bzhin ro// 'dod pa dag dang bud med kho na smra// de dag phung po'i dri mar rab mthong ste// nges bdag mchod sbyin mi dga' bsreg blugs min/ / khyod ni 'dod dang bza' dang btung ba dang // de bzhin ro la yid ni mi dga' na// lnga mi 'jig rten la ci khyod kyi yid// dga' ba yin nam 'od srungs dri yis smos//
- 276a
phung po ma mchis zhi ba ci ma mchis// 'dod sred ma chags gzhan du 'gyur ma mchis// gzhan gyis mi dkri'i go 'phang mchog mthong ste// des bdag mchod sbyin mi dga' bsreg blugs min/ / go 'phangs mi nyams mchog ni ma mthong bas// mchod sbyin brtul zhugs dang ni zhugs dag gis// grol snyam bdag gi yingan mongs gyur te// dmus long gyur nas skye shi'i rjes bzhin mthong / / skyob pa gtso bo mchog gis legs bshad pa// go 'phang 'dus ma byas de gzod mthong na// thub pa go'u tam rnam par 'dren khyod ni// skye bo'i phal char don brtson bden la zhugs/ / bcom ldan 'das kyis bka' stsal pa/ khyod kyis rtogs pa legs rtogs te// khyod kyis nyes par bsams ma yin// rab tu phye ba'i chos rnams la// po gang yin de blangs so// 'od srungs 'khor skyo ba skyed cig/ de nas tshe dang ldan pa lteng rgyas 'od srungs bcom ldan 'das kyis skabs phye nas/ ji ltar sems mnyam par gzhag na rang gi stan gyi nang du mi snang bar gyur cing / shar phyogs kyi steng gi bar snang la mngon par 'phags nas/ spyod lam rnam bzhi byed de/ snga ma bzhin du phyogs bzhir rdzu 'phrul rnam bzhi bstan nas rdzu 'phrul mngon par 'du bya ba dag bsdus te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btung nas
- 276b
bcom ldan 'das la 'di skad ces gsol to/ / bcom ldan 'das ni bdag gi ston pa lags so// bdag ni bcom ldan 'das kyi nyam thos lags so// bcom ldan 'das ni ston pa lags so/ / bdag ni bcom ldan 'das kyi nyan thos lags so// 'od srungs de de bzhin no// de de bzhin te/ 'od srungs nga ni khyod kyi ston pa yin no// khyod ni nga'i nyan thos yin no// 'od srungs nga ni khyod kyi ston pa yin no/ / khyod ni nga'i nyan thos yin no// 'od srungs khyod rang gi stan ji lta ba la 'dug shig/ de nas tshe dang ldan pa lteng rgyas 'od srungs kyis bcom ldan 'das kyi zhabs gnyis la mgo bos phyag byas te/ phyogs gcig tu 'dug go// de nas ma ga d+ha'i bram ze dang khyim bdag rnams 'di snyam du sems te/ dge sbyong chen po ni lteng rgyas 'od srung ral pa can gyi tshangs par spod pa la mi slod kyi/ lteng rgyas 'od srungs ral pa can nyid ni dge slong chen po'i tshangs par spang pa la sdong ngo snyam mo// de nas bcom ldan 'das kyi ma ga d+ha'i rgyal bo bzo sbyangs gzugs can snying po la bka' stsal pa/ rgyal po chen po gzugs la skye ba yang yod/ 'jig pa yang yod/ de'i skye ba dang / 'jig pa yang rig par bya'o// rgyal po chen po tshor ba dang / 'du shes dang / 'du byed dang / rnam par shes pa la skye ba yang yod/ 'jig pa yang yod de/ de'i skye ba dang / 'jig pa yang rig par bya'o// rgyal po chen po yang rigs kyis bus gzugs
- 277a
kyi skye ba dang / 'jig pa'i chos nyid rig nas/ gzugs de yongs su shes so// rgyal po chen po rigs kyi bus/ tshor ba dang / 'du shes dang / 'du byed dang / rnam par shes pa'i skye ba dang / 'jig pa'i chos nyid rig nas/ rnam par shes pa de yongs su shes so// rgyal po chen po rigs kyi bus gzugs yongs su shes na/ gzugs la bdag gam bdag gir khas mi len na/ mi 'dzin lhag par mi gnas/ mngon par zhen par mi byed do// rgyal po chen po rigs kyi bus tshor ba dang / 'du shes dang / 'du byed dang / rnam par shes pa yongs su shes na/ bdag gam bdag gir khas mi len na/ mi 'dzin/ lhag par mi gnas/ mngon par zhen par mi byed do// rgyal po chen po rigs kyi bus gzugs la bdag gam bdag gir khas mi len/ mi 'dzin/ lhag par mi gnas/ mngon par zhen par mi byed na/ tshad med cing grangs med pa'i mya ngan las 'das pa yin no// zhes smra'o// rgyal po chen po rigs kyi bus tshor ba dang / 'du shes dang / 'du byed dang / rnam par shes pa la bdag gam bdag gir khas mi len/ mi 'dzin/ lhag par mi gnas/ mngon par zhen par byed na tshad med cing grangs med pa'i mya ngan las 'das pa yin no zhes sla'o/ / de nas ma ga ng+gA'i bram ze dang / khyim bdag rnams 'di snyam du sems te/ gal te gzugs bdag ma yin/ tshor ba dang
- 277b
'du shes dang / 'du byed dang / rnam par shes pa bdag ma yin na/ 'o na bdag gam/ sems can nam/ srog gam/ skye ba 'am/ gso ba po 'am/ gang zag gam/ shang las// skyes sam/ shed bu 'am/ byed pa po'am/ byed du 'jug pa po 'am/ shes pa po 'am/ kun nas shes pa po 'am/ slong ba po 'am/ kun nas slong ba po 'am/ smra ba po 'am/ tshor ba po'am/ kun nas tshor ba po gang yin pa nam yang ma byang byung bar mi 'gyur zhing / da ltar yang yod pa ma yin pa gang gis de dang der dge ba dang / sdig pa'i las byas pa rnams kyi rnam par smin pa so sor nyams su myong zhing / gang gis phung po 'di bor te phung po gzhan dang nying mtshams sbyor ba de su zhig yin par 'gyur snyam mo// de nas bcom ldan 'das kyi thugs kyis ma ga d+ha'i bram ze dang / khyim bdag rnams kyi sems mkhyen nas/ dge slong rnams la bka' stsal pa/ dge slong dag bdag bdag ces bya ba ni byis pa so so'i skye bo thos pa dang mi ldan pas btags pa'i rjes su lhung ba yin te/ 'di la bdag ce 'am bdag gi med kyi/ dge slong dag skye ba na sdug bsngal 'di skye zhing / 'gag pa na yang sdug bsngal 'di 'gag go// skye ba na 'du byed/ rnams skye zhing 'gag pa na 'du byed rnams 'gag par 'gyur/ rgyu de dang rkyen de la brten nas sems can rnams kyi 'du byed kyi rgyud 'jug go// dge slong dag de bzhin gshegs pas 'du byed kyi
- 278a
nying mtshams sbyor ba thugs su chud nas sems can rnams kyi 'chi 'pho dang / skye ba 'dogs par mdzad de/ dge slong dag ngas lha'i spyan rnam par dag pa mi'i las 'das pas sems can rnams kyi 'chi 'pho zhes bya ba nas bde 'gro mtho ris kyi 'jig rten du lha rnams su skye bar 'gyur ro zhes bya bar mkhyen to zhes bya ba'i bar du gong ma bzhin no/ / dge slong dag ngas de ltar mkhyen cing de ltar gzigs pas nga 'di skad ces bdag gam/ sems can nam zhes bya ba nas tshor ba po zhes bya ba'i bar gong ma bzhin ste/ gang ma byung 'byung bar mi 'gyur zhing da ltar yang yod pa ma yin pas gang gi de dang der sdig pa'i las byas pa rnams kyi rnam par smin pa so sor myong zhing / gang gis phung po 'di bor te phung po gzhan dang nying mtshams sbyor ba de chos su brdar bdags pa 'di yin no zhes mi gsung ngo / / de la chos kyi brdar btags pa ni 'di yin te/ 'di lta ste/ 'di yod pas 'di yod/ 'di skyes pas 'di skye ba ste/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tsho sa/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skyob/ skye ba'i rkyen gyis rga shi dang / mya ngan dang / smre sngags
- 278b
'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' shig po 'di 'byung bar 'gyur ro// 'di lta ste/ 'di med pas 'di mid la/ 'di 'gags pas 'di 'gag par 'gyurate/ 'di Sh+Tha/ marig pa 'gegs pas/ 'du bye dgas/ 'du byed 'gag pas rnam par shes pa 'gag par shes pa 'gagra pas/ ming dang gzugs 'gag/ ming dang gzugs 'gagra pas/ skye mched drug 'gag/ skye mched drug 'gags pas// reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas/ len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de lta na sdug bsngal gyi phung po 'ba' shig po 'di 'gag par 'gyur ro/ / dge slong dag 'du byed rnams ni sdug bsngal lo// mya ngan las 'das pa ni zhi ba'o// rgyu kun 'byung bas sdug bsngal kun 'byung zhing rgyu 'gags pas sdug bsngal 'gag ste/ rgyu bcad pas mi 'byung zhing nying mtshams sbyor ba med pas/ 'gag pa 'di nyid ni sdug bsngal gyi mtha' yin no// dge slong dag de la yongs su mya ngan las 'das pa
- 279a
gang zhe na/ gzhan med kyi sdug bsngal 'gag pa gang yin pa de ni nye bar zhi ba/ de ni sil bar gyur pa de ni nub pa ste/ dge slong dag zhi ba'i gnas 'di yin te/ 'di lta/ ste/ phung po thams cad spangs pa/ sred pa zad pa/ 'dod chags dang bral ba 'gag pa/ mya ngan las 'das pa yin no// de nas bcom ldan 'das yang ma ga d+ha'i rgyal po bzo spangs gzug can snying po la lan gnyis su bka' stsal pa/ rgyal po chen po ji snyam du sems/ gzugs rtag gam mi rtag/ btsun pa 'di ni mi rtag lags so// mi rtag pa gang yin pa de sdug bsngal yin/ nam/ sdug bsngal ma yin btsun pa 'di ni sdug bsngal lags so// mi rtag pa sdug bsngal bar 'byung ba'i chos can gang yin pa de la cig 'phags pa nyan thos thos pa dang ldan pa/ 'di ni/ bdag yin no// bdag ni 'di yin no// 'di ni bdag gi bdag go zhes bdag tu khas len par byed dam/ btsun pa ma lags so// rgyal po chen po ji snyam du sems/ tshor ba dang / 'du shes dang / 'du byed dang / rnam par shes pa rtag gam mi rtag/ btsun pa 'di ni mi rtag lags so// mi rtag pa gang yin pa de sdug bsngal yin nam/ sdug bsngal ma yin/ btsun pa 'di ni sdug bsngal lags so// mi rtag pa sdug bsngal ba 'gyur ba'i chos can gang yin pa de la cig 'phags pa nyan thos thos pa dang ldan pa/ 'di ni bdag yin no// bdag ni 'di yin no// 'di ni bdag gi bdag go zhes bdag tu khas
- 279b
len par byed dam/ btsun pa ma lags so// rgyal po chen po de lta bas na khyod kyis gzugs gang ci yang rung / 'das pa 'am/ ma 'ongs pa 'am/ da ltar byung ba 'am/ nang gi 'am phyi'i 'am/ ngan pa 'am/ gya nom pa 'am/ gang dag zag ring ba 'am/ gang dag thag nye bar yang rung ste/ de thams cad la 'di ni bdag ma yin no// bdag ni 'di ma yin no// 'di ni bdag gi bdag ma yin no zhes de bzhin du yang dag pa'i shes rab kyis ji lta ba bzhin du blta bar bya'o/ / rgyal po chen po de lta bas na khyod kyis tshor ba dang / 'du shes dang / 'du byed gang ci yang rung ba dang / rnam par shes pa gang yi ci yang rung ba 'das pa 'am/ ma 'ongs pa'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am// ngan pa 'am/ gya nom pa 'am/ gang dag thag ring ba 'am/ gang dag thag nye bar yang rung ste/ de dag thams cad la 'di ni bdag ma yin no// bdag ni 'di ma yin no// 'di ni bdag gi bdag ma yin no zhes de bzhin du yang dag pa'i shes rab kyis li lta ba bzhin du lta bar bya'o/ / rgyal po chen po 'phags pa nyan thos bos pa dang ldan pa de ltar mthong ba ni gzugs la yang yid 'byung bar 'gyur ro// tshor ba dang / 'du shes dang / 'du byed dang / rnam par shes pa la yang yid 'byung bar 'gyur ro// yid byung na 'dod chags dang 'bral lo// 'dod chags dang bral na rnam par grol bar 'gyur ro//
- 280a
rnam par grol na bdag gi skye ba zad do// tshangs par spyod pa bsten to// bya ba byas so// srid pa 'di las gzhan mi shes so zhes rnam par grol ba'i ye shes mthong bar 'gyur ro/ / chos kyi rnam grangs 'di bshad pa na/ ma ga d+hA'i rgyal po bzo srungs gzugs can snying po dang lha brgyad khri dang / ma ga d+ha'i bram ze dang / khyim bdag 'bum phrag du ma chos rnams la chos kyi mig rdul med cing dri ma dang bral ba skyes so/ / de nas ma ga d+ha'i rgyal po bzo spangs gzugs can snying pos chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas/ stan las langs te bla gos phrag pa gcig tu gzar nas/ bcom ldan 'das gang na ba de logs su thal mo sbar pa btud de/ bcom ldan 'das la 'di skad ces gsol to/ / btsun pa bdag ni 'phags so// mngon par 'phags so// bdag btsun pa bcom ldan 'das dang / chos dang / dge slong gi dge 'dun la skyabs su mchi lags kyis dge bsnyen du gzung du gsol/ deng slan chad ji srid 'tsho'i bar du srog dang bsngos te skyabs su mchi bar mngon par dang lags so// bcom ldan 'das bdag cag bcom
- 280b
ldan 'das dang / dge slong gi dge 'dun du bcas pa la/ ji srid 'tsho'i bar du na bza' chos gos dang bsod snyoms dang // gzims cha dang / snyun dpyad kyi rkyen sman gyi yo byad rnams kyis/ bsnyen bkur bgyid lags na/ bcom ldan 'das rgyal po'i khab tu gshegs su gsol// bcom ldan 'das kyis ma ga d+ha'i rgyal po bzo sbyangs gzugs can snying po la cang ma gsung bas gnang ngo / / de nas ma ga d+hA'i rgyal po bzo spangs gzugs can snying pos bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo // de nas bcom ldan 'das ma ga d+hA nas ljongs rgyu zhing gshegs pa dang / rgyal po'i khab du byon nas/ rgyal po'i khab bya ka lan ta ka gnas pa na bzhugs so/ / de'i tshe rgyal po'i khab na mu stegs yang dag rgyal ba can zhes bya ba skyes nas ring por ma lon par de rnams kyi ston pa dus byas par gyur pa dang / de rnams kyi nang na nye rgyal dang / pang nas skyes zhes bya ba gnyis tshogs su sdud pa dang / tshogs kyi 'dren par gyur pa gang yin pa da / yongs su 'dren pa na de gnyis gyis 'di ltar yu bu cag las gcig gis bdud rtsi sngar rnyed pa des gcig la gcig smra bar bya'o zhes dam bca' bar byas so/ / de nas tshe dang ldan pa rta thul snga dro sham thabs bgos/ lhung bzed dang / chos gos thogs te 'gro ba dang / ldog pa dang / cung zad blta ba dang /
- 281a
rnam par blta ba dang / bskum pa dang / brkyang ba dang / snam sbyar dang / chos gos dang / lhung bzed thogs pa mdzes pas rgyal po'i khab du bsod snyoms la zhugs so// de'i tshe na kun tu rgyu nye rgyal rgyal po'i khab tu bya ba zhig gi phyir spyod yul du zhugs pas/ tshe dang ldan pa rta thul 'gro ba dang / ldog pa dang / cung zad blta ba dang / rnam par blta ba dang / bskum pa dang brkyang ba dang / snam sbyar dang / chos gos dang / lhung bzed thogs pa mdzes pas rgyal po'i kha' na/ bsod snyoms la rgyu ba thag ring po nas mthong ngo // mthong nas kyang 'di snyam du sems te/ rgyal po'i khab 'dir rab tu byung ba ji snyed lhags shing gnas pa dag 'di lta ste/ rab tu byung ba 'di'i spyod lam lta bu ni bdag gi sngon chang 'ga' yang ma mthong gis ma la bdag de'i gan du song ste dge slong khyod kyi ston pa ni gang yin/ gang gi phyir ni rab tu byung / su'i chos la ni dga' zhes dri'o snyam du rigs nas/ lam po che rub pa zhig na 'gro ba dang / ldog pas shas che sdo cing 'dug go/ / de nas tshe dang ldan pa rta rdul kun tu rgyu nye rgyal gang na ba der dong ngo // de nas kun tu rgyu ni rgyal gyis tshe dang ldan pa rta rdul la 'di skad ces smras so// dge slong khyod kyi ston pa gang yin/ gang gi phyir ni rab tu byung / su'i chos la ni dga'// tshe dang ldan pa shAkya'i chos kyi dge slong go'u ta ma shAkya'i rigs las skra dang kha spu bregs nas gos du
- 281b
smig dag bgos te dang pa yang dag pa kho nas khyim nas khyim med par rab tu byung ba zhig yod de/ de bla na med pa yang dag par rdzogs pa'i byang chub mngon par rdzogs par sangs rgyas nas kho bo'i ston pa ni bcom ldan 'das de yin no/ / kho bo de'i phyir rab tu byung ngo // kho bo de'i chos la dga'o// dge slong de'i phyir chos ston cig/ tshe dang ldan pa kho bo ni gzhon pa dang rab tu byung ba gsar bas/ de'i phyir kho bos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nges bstan pa rgya cher yang dag par rab tu bstan par sla ba ma yin te/ 'on kyang 'di ltar des bstan par bya'o/ / dge slong kho bo la ni don dgos kyi tshig ni shin tu mang pos kyang ci bya ste/ khyod kyis don mang yang rung nyung yang rung ston cig/ de nas tshe dang ldan pa rta thul gyis de'i tshe tshigs su bcad pas smras pa/ chos rnams gang dag rgyu las byung ba dang // de yi rgyu dang de 'gog gang yin pa'ang // de bzhin gshegs pa nyid kyis bka' stsal to// de skad gsung ba'i tshul can dge slong che// chos kyi rnam grangs 'di bshad pa na/ kun du rgyu nye rgyal chos rnams la chos kyi mig rdul med cing dri ma dang bral ba skyes so// de nas kun tu rgyu nye rgyal chos mthong ba dang / chos thos pa dang chos rig pa dang / chos kyi gting slebs pa dang // som nyi las rgal ba dang // the tsom las rgal ba dang / gzhan gyi dring mi 'jog pa dang / gzhan gyis mi bkri ba dang // ston pas
- 282a
bstan pa'i chos rnams la mi 'jigs pa thob pas/ ro stong bsrang nas lag pa g.yas pa brkyang ste/ tshe dang ldan pa rta rdul ga la ba de logs su thal mo sbyar ba btud de'i tshe tshigs su bcad pas smras pa/ skyob pa rnams kyi chos 'di yin/ bskal pa bye ba khrag khrig tu// sngon chang ma mthong ma thos pa'i// 'chi meng mya ngan med pa yi// go 'phang 'dra la rjes su rtogs/ / tshe dang ldan pa bcom ldan 'das de da lta ga la bzhugs/ tshe dang ldan pa rgyal po'i khab na/ 'od ma'i tshal ka lan ta ka'i gnas 'di nyid na'o// de nas kun tu rgyu nye rgyal tshe dang ldan pa rta thul gyis sbas pa la mngon par bstod pa dang / rjes su yi rang bar byas te/ tshe dang ldan pa rta thul gyi rkang pa gnyis la mgo bos phyag 'tshal nas/ tshe dang ldan pa ta dum la lan gsum bskor ba byas te song nas/ kun tu rgyu pang nas skyes ga la ba der song ngo // kun tu rgyu pang nas skyes kyis kun tu rgyu nya rgyal thag ring po kho nas mthong ngo // mthong nas kyang kun tu rgya nya rgyal la 'di skad ces smras so/ / tshe dang ldan pa khyod kyi dbang po rnams ni rnam par dngas/ bzhin gyi mdog ni yongs su dag/ lpags pa'i mdog ni yongs su dkar na/ khyod kyis bdud rtsi rnyed dam/ tshe dang ldan pa rnyed do// tshe dang ldan pa de'i phyir chos ston cig/ de nas kun tu rgyu nye rgyal gyis de'i tshe tshigs su bcad pa smras pa/ chos rnams gang dag rgyu las byung ba dang // de yi rgyu dang
- 282b
de 'gog gang yin pa/ / de bzhin gshegs pa nyid kyis bka' stsa to// de skad gsung ba'i tshul can dge sbyong che// tshe dang ldan pa da dung yang lan gcig rjod cig/ tshe dang ldan pa brjod par bya'o// chos rnams gang dag rgyu khas byung ba dang // zhes bya ba la sogs pa snga ma bzhin no// chos kyi rnam grangs 'di bshad pa na/ kun tu rgyu nga nas skyes chos rnams la chos kyi mig rdul med cing dri ma dang bral ba skyes so/ / de nas kun tu rgyu pang nas skyes chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas// ro stong bsrang nas lag pa g.yas pa brkyang ste/ kun tu nye rgyal ga la ba de logs su thal mo sbyar ba btud de/ de'i tshe tshigs su bcang ba smras pa/ skyob pa rnams kyi chos 'di yin/ bskal pa bye ba khrag khrig tu// sngon chad ma mthong ma thos pa'i// 'chi med mya ngan meng po yi// go 'phang 'dil rjes su rtogs// tshe dang ldan pa bcom ldan 'das de da lta ga la bzhugs/ tshe dang ldan pa rgyal po'i khab 'ong ma'i tshal ka lan ta ka'i gnas 'di nyir na'o/ / tshe dang ldan pa chur shog/ bcom ldan 'das de'i spyan sngar tshangs par sbyong ba srung bar bya'o// tshe dang ldan pa de'i phyir rje 'khor la blta bar bya ste/ bdag cag lta bu mi grags pa
- 283a
ldan pa shes par gyur pa dag gis 'khor la blta ba ni legs pa yin no/ / de nas kun tu rgyu nye rgyal dang / pang nas skyes gnyis kyis bram ze'i khye'u rnams la smras pa/ bram ze khye'u rnams shes par gyis shig/ kho bo cag gnyis ni bcom ldan 'das kyi spyan sngar tshangs par spyad pa spyod par byed na/ khyed cag ji ltar byed/ mkhan po ga'is bdag cag cung zad ci 'tshal ba gang lags pa de dag thams cad mkhan po gnyis la brten nas 'tshal ba lags na/ gal te mkhan po gnyis bcom ldan 'das kyi spyan sngar tshangs par spad pa spyod na/ bdag cag kyang mkhan po gnyis rab tu byung ba'i rjes su rab tu byung bar bgyi'o/ / bram ze'i khye'u rnams da de'i dus la bab par shes par gyis shis// de nas kun tu rgyu nye rgyal dang / pang nas skyes gnyis 'khor nyis brgya lnga bcu dang / bcom ldan 'das ga la ba der dong ngo // de'i tshe na bcom ldan 'das dge slong gi 'khor brgya phrag du ma'i gung la chos ston cing bzhugs so// bcom ldan 'das kyis kun tu rgyu nye rgyal dang bang nas skyes gnyis thag ring po kho na nas gzigs nas kyang dge slong rnams la bka' stsal pa/ dge slong dag khyod kyis grogs po'i tshogs yongs su sdud pa/ tshogs yongs su 'dren pa tshogs kyis mdun nas 'ongs pa 'di lta ste/ nye rgyal dang / pang nas skyes gnyis mthong ngam/ btsun pa mthong ngo // 'di gnyis ni nyan thos zung gi mchog dang / zung bzang por gyur te/
- 283b
gcig ni rdzu 'phrul dang ldan pa rnams kyis chog tu 'gyur la/ cig sho ni shes pa nga ldan pa rnams kyi mchog tu 'gyur// denas ngan slong nigags rab gyi tshigs su bcangad bzlas pa dgos yul mtha' yas pa/ / skyes bu'i dbang po mkhyen mthar byon// bcom ldan srid pa mamang mdzad pa// grags pa nye rgyal pang nas skyes// 'od ma'i tshal dus phyin par// ba gzigs gyur nas// tshogs mchog dbus su de gnyis ni// 'di gnyis pa yi nyan thos kyi// zung mchog 'gyur zhes ngas bstan te// gcig ni rdzu 'phrul ldan pa'i mchog/ tshig shos shes ldan pa yi/ / mchog tu 'gyur bar lung bstan mdzad// de nas kun tu rgyu nye rgyal dang / pang nas skyes gnyis bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to// btsun pa bdag cag legs par gsungs pa'i chos 'dul ba la rab tu byung ba dang / bsnyen par rdzogs par dge slong gi dngos po gnang na bdag cag bcom ldan 'das kyi spyan sngar tshangs par spyod pa spyang par bgyi'o/ / bcom ldan 'das kyis de gnyis la dge slong tshur shog ces bya bas rab tu byung zhing dge slong dag tshur shog tshangs par spyad pa spyod cig ces bka' stsal pa dang / de dag bcom ldan 'das kyi bka'i 'jug kho nar/ skra byi ba dang / snam sbyar gyon par gyur te/ log na lhung bzed
- 284a
thogs pa/ skra dang kha spu zhag bdun skyes pa tsam dang / dge slong bsnyen par rdzogs nas lo brgya lon pa'i spyod lam lta bur gnas par gyur to// yang smras pa/ de bzhin gshegs pas tshur shog bka' stsal pa/ / skra byi rnam sbyar gyon pa'i lus ldan zhing // mod la dbang po rab zhir gnas gyur te// sangs rgyas dgongs pas lus gzugs bkab par gyur// de nas dge slong rab tu mang po ngag snga dro sham thabs gos/ lhung bzed dang / chos gos thogs te/ rgyal po'i khab tu bsod snyoms la zhugs pa dang / de nas rgyal po'i khab kyi mi gang dag yang dag rgyal ba can gyi mu stegs can gyi gnas nas rab tu byung zhing bsnyen par rdzogs nas ring po ma lon pas yi ma rangs shing mngon par mi dga' ba de dag gis/ dge slong de dang de dag mthong nas co 'dri zhing tshigs su bcad pa smras pa/ sangs rgyas ma ga d+ha dag gi/ grong mchog rgyal po'i khab gshegs pas// yang dag rgyal ba'i kun khrid nas// phyin chad ci zhig bkri bar bya// des dge slong rnams spa gong zhing mi dga' ba dang / mi 'jigs pa med par gyur to// de nas dge slong rab tu mang po dag rgyal po'i khab du bsod snyoms brgyus nas zas kyi bya ba byas te/ phyi dro bsod snyoms mi len pas lhung bzed dang chos gos mkhos su phab nas rkang pa gnyis bkrus te/ sdug bsngal zhing yid mi bde bas/ bcom ldan 'das ga la ba der dong nas phyin pa dang / bcom ldan 'das
- 284b
kyi zhabs gnyis la mgo bos phyag 'tshal te/ phyogs gcig tu 'khod do// phyogs gcig tu 'khod nas/ bcom ldan 'das la dge slong rab tu mang po dag gis 'di skad ces gsol to// btsun pa 'di na bdag cag dge slong rab tu mang po dag snga dro sham thabs 'tshal/ lhung bzed dang / chos gos thogs te/ rgyal po'i khab tu bsod snyoms la zhugs pa dang / de nas rgyal po'i khab kyi mi gang dag yang dag rgyal ba can gyi mu stegs can gyi gnas nas rab tu byung zhing bsnyen par rdzogs nas ring po ma lon pas yid ma rangs shing mngon par mi dga' ba de dag gis/ dge slong de dang de ngag mthong nas cho 'dri zhing tshigs su bcad pa smras pa/ sangs rgyas ma ga d+ha dag gi/ grong mchog rgyal po'i khab gshegs pas// yang dag rgyal ba'i kun khrid na/ phyin chad ci zhig bkri bar bya/ / zhes mchi nas nges bdag cag rnams spa gong zhing mi dga' ba dang / mi 'jigs pa ma mchis par gyur to// bcom ldan 'das kyis bka' stsal pa/ dge slong dag rgyal po'i khab kyi mi di skad zer ba rnams la 'di skad ces/ 'di la dpa' chen bde gshegs dag/ dam pa'i chos kyis khrid mdzad de// de dag chos kyis khrid mdzad la// mkhas pa su zhig mi bzod byed// ces brjod na rgyal po'i khab kyi mi de skad zer ba rnams kyi rlom pa tsam 'am/ spobs pa tsam gang yin pa de dag thams cad kyi thams cad du med par 'gyur ro// de nas dge slong rab tu mang po dag
- 285a
sham thabs bgos lhung bzed dang chos gos bogs te/ rgyal po'i khab du bsod snyoms la zhugs pa dang / de nas rgyal po'i khab kyi mi gang dag yang dag rgyal ba can gyi mu stegs can gyi gnas nas rab tu byung zhing bsten par rdzogs nas ring po ma lon pas/ yi ma rangs shing mngon par mi dga' ba de dag gis// dge slong de dang de dag mthong nas co 'dri zhing tshigs su bcad/ pa smras pa/ sangs rgyas ma ga d+hA dag gis// grong mchog rgyal po'i khab gshegs pas// yang dag rgyal ba'i kun khrid na// phyin chad ci zhig bkri bar bya// de nas dge slong zhig gis de'i tshe tshigs su bcad pa smras pa/ 'di la dpa' chen bde gshegs dag/ dam pa'i chos kyi khring mdzad de// de dag chos kyis khrid mdzad la// mkhas pa su zhig bzong mi byed// de skad ces smras pa/ dang rgyal po'i khab kyi mi de skad zer ba rnams kyi rlom pa tsam mam/ spobs pa tsam gang yin pa de thams cad kyi thams cad du med par gyur to// de nas sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / ko sa la'i rgyal po gsal rgyal gyis/ rgyal po zas gtsang la spring yig bskur ba/ lnga dgyes pa bskyed du gsol/ khyod kyi sras kyis bdud rtsi thob nas/ bdud rtsis 'gro ba tshim par byed do zhes spring ba/ rgyal po zas gtsang gis thos pho nya btang ba las de de nyid du rab tu byung ste/ pho nya gang dang gang gtang ba de dang
- 285b
de dag de nyid du legs par gsungs pa'i chos 'dul ba nyid rab tu byung bar gyur to/ / rgyal po zal gtsang lag pa 'gram pa la gtad nas pho nya gang dang gang gtang ba de dang de dag de nyid du legs par gsungs pa chos 'dul ba nyid la rab tu byung ngo snyam nas sems khongs su chud cing 'dug pa/ 'char kas mthong nas smras pa// lha khyod ci'i slad du phyag la zhal gtad nas thugs mi dgyes shing bzhugs/ des smras pa/ 'char ka gang gi tshe gzhon nu don thams cad grub pa dka' ba spyod pa de'i tshe/ kho bos spring yig skyel ba'i mi btang ba las// de dag kho bo'i gan du 'ongs nas/ gzhon nu don thams cad grub pa bzhugs pa 'di dang 'dis bzhugs so zhes smra'o/ / da ni kho bos 'phrin yig skyel ba'i mi btang na 'ga' yang 'phrin khyer te mi 'ong na/ ji ltar sems khongs su chung bar mi 'gyur// 'char kas smras pa/ lha bdag mchis te/ bka' mching 'tshal kha slar mchi'o/ / rgyal po zas gtsang gis smras pa// 'char ka gang dang gang song ba de dang de'i bstan pa phun sum tshogs pa mthong nas de nyid du 'dug pas khyod kyang sngon de nying du 'dug par 'gyur ba'i gnas gang yin pa de yod do/ / 'char kas smras pa/ lnga slar mchi lags so// de nas rgyal po zas gtsang rang nyid kyis spring yig bris pa/ lhums su zhugs pa bzung nas su// khyod ni gang gis cher bskrun te/ / nyon mongs ma rab 'bar bzhin du// rgyal ba ljon shing la bsdad na// de ni khyod kyi slob ma yi// yal ga lcug ma 'phel bar 'gyur bas// gzhan ni bde bas
- 286a
dga' bar gyur/ / bdag ni sdug bsngal skal bar ldan// gzhan yang gang gis khyod ni ljon shing lcug phran mtshungs tsam na// bdag gi bu ni 'di yin snyam nas chung nas bskrun bskrun te/ / bu gcig yul mis 'bras bu yongs su spyad pa thob gyur na// de la yon tan 'bras bu mi ster khyod la snying rje me// gang tshe thog ma bltam pa na// nyid don bsgrubs nas gnyen rnams ni// shin tu che dang phan gdags zhes// khyod kyis dam bcas mdzad nas ni// khyod kyi zhi gnas de brnyed na// bdag dang gnyis kyi tshogs rnams la// thugs brtse rjes su bzung mdzod de// gshegs par dgongs pa mdzad du gsol/ / zhes spring ba'i yi ge 'char kas khyer nas chas te rim gyis mnyan yod du phyin pa dang / lam gyis dub pa ngal bsos nas/ bcom ldan 'das gang na ba der song ste phyin nas/ bcom ldan 'das la rgyal po zas gtsang gis gsol pa/ spring yig lags so zhes bcom ldan 'das la yi ge phul ba dang / bcom ldan 'das nyid kyis bzhes nas bklags so// bklags nas yi ga mtha' gcig tu bzhag pa dang / 'char kas gsol pa/ bcom ldan 'das ci lags/ ser skya'i gzhir mi bzhud dam/ bcom ldan 'das kyis bka' stsal pa/ 'char ka 'dong ngo // 'char ka sngon bcom ldan 'das dang lhag par 'dris pa yin pas/ de sngon gyi 'dris pa kho nas gsol pa// bcom ldan 'das gal te mi bzhud dam/ bdag gi mthus bkri bar bgyi lags so// de nas bcom ldan 'das kyis 'byung ba
- 286b
'di la tshigs su bcad de bka' stsal pa/ gang zhig yul gyi rgya mor ma chags shing // sred 'gas bkri ba yod pa ma yin pa'i// sangs rgyas spyod yul mtha' yas mnga' ba de// gzhi med na ni gang gi gzhi yis bkri/ / gang zhig yul gyi rgya mor ma chags shing // sreng 'gas bkri ba yod pa ma yin pa'i// sangs rgyas mtha' yas pa yi rtsal mngang // gzhi med na ni gang gi gzhi yi bkri// gang zhig bcom nas brtsegs pa meng gyur cig/ 'jig rten ma bcom cung zad yod min pa// sangs rgyas spyod yul mtha' yas mnga' ba de// gzhi med na ni gang gi gzhi yis bkri// lan la spobs pa med nas gsol pa/ bcom ldan 'das mchi ste/ rgyal po zas gtsang ma la rig par bgyi'o// 'char ka sangs rgyas kyi pho nya ni 'di lta bu ma yin no// 'char kas gsol pa/ bcom ldan 'das ci 'dra ba zhig lags/ rab tu byung ba yin gyis/ khyod kyang rab tu byung shig/ bcom ldan 'das bdag gis rgyal po zas gtsang ma la slar mchi bar dam bcas lags so// bcom ldan 'das kyis bka' stsal pa/ 'char ka rab tu byung la ji ltar dam bcas pa bzhin du gyis shig/ 'di ltar bcom ldan 'das sngon byang chub sems dpar gyur pa na/ yab dang / yum dang / mkhan po dang / slob dpon dang / bla ma dang / bla ma'i gnas lta bu rnams kyi chos dang mthun pa'i tshig lan 'ga' yang slar ma bzlog pas/ 'char kas gsol pa/ bcom ldan 'das gal te de lta na rab tu byung lags so//
- 287a
de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ri'i bu 'char ka 'di'i yun ring po'i don dang phan pa dang / bde ba'i phyir rab tu phyung shig/ btsun pa bka' bzhin 'tshal zhes tshe dang ldan pa shA ri'i bus/ bcom ldan 'das la mnyan nas 'char ka rab tu phyung ste/ bsnyen par rdzogs par byas nas kun tu spyod pa'i chos dag de la rgyas par smras nas 'char ka 'di ni khyod kyi bya ba yin te/ dang phan chad bud med dang lhan cig khang pa gcig tu nyal bar mi bya'o zhes bya ba dag go// btsun pa bka' bzhin 'tshal zhes 'char kas tshe dang ldan pa shA ri'i bu'i rkang pa gnyis la mgo bos phyag byas te song nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag byas te/ bcom ldan 'das la 'di skad ces gsol to/ / bcom ldan 'das ser skya'i gzhir mchi lags so// bcom ldan 'das kyis bka' stsal pa/ 'char ka song la khyod mong kho nar rgyal po'i khab tu ma 'jug par sgor sdod la shAkya'i dge slong 'angs so zhes brjod par bya'o/ / gal te nang du skyon cig zer na 'jug par bya'o// zhugs nas gal te shAkya'i dge slong gzhan yang byon nam zhes zer na yod do zhes brjod par bya'o// gal te gzhon nu don thams cad grub pa yang 'di 'dra zhing cha byad 'di 'dra 'am zhes 'drin/ 'di 'dra zhing cha byad 'di 'dra'o zhes brjod par bya'o// khyod kyis rgyal po'i khab tu yang gnas par mi bya'o// gal te gzhon nu don thams
- 287b
cad grub pa yang rgyal po'i khab tu gnas par mi byed dam zhes 'drin/ mi bzhugs so zhes brjod par bya'o// gal te gang du gnas par byed ces 'drin dgon pa 'am/ gtsug lag khang du'o zhes brjod par bya'o/ / gal te gtsug lag khang ci 'dra zhes 'dri na/ rgyal bu rgyal byed kyi tshal gyis rnam pa bris te bstan par bya'o// gal te gzhon nu don thams cad grub pa byon nam zhes 'dri na/ byon no zhes brjod par bya'o/ / ji srid cig na byon zhes 'drin zhag bdun lon na'o zhes brjod par bya'o// des gsol pa/ bcom ldan 'das mchi lags so// bcom ldan 'das kyis bka' stsal pa/ song shig/ sa bdag rnams ni tshig gis te// lha rnams bsams pas grub 'gyur zhing // de bzhin bsam gtan pa rnams kyi// sems bskyed pas ni thams cad 'grub// bcom ldan 'das kyis tshe dang ldan pa 'char ka ji ltar skad cig de nyid la grong khyer ser skya'i gzhir song ba de ltar byin gyis brlabs pa dang / tshe dang ldan pa 'char ka bcom ldan 'das la dad pa drag po skyes pa nga rgyal po'i khab kyi sgor bsdang nas smras pa/ shes ldan dag rgyal po la shAkya'i dge slong mchis so zhes gsol cig/ de rnams kyis smras pa/ ci shAkya'i dge slong gzhan dag kyang yod dam/ shes ldan dag yod do// dernams kyis rgyal po la smras pa/ shAkya'i dge slong mchis so// rgyal pos smras pa/ nang du bong shig/ de nang du zhugs pa rgyal po zas gtsang gis mthong nas smras pa/ 'char ka rab tu byung ngam/
- 288a
lha rab tu byung ngo // khyod slar 'ong ngo zhes smras pa ma yin nam/ 'di ci yin/ 'char kas smras pa/ lha bcom ldan 'das kyis sangs rgyas kyi pho nya ni 'di lta bu ma yin no zhes bka' stsa/ pa nas chos 'dul ba legs par gsungs pa'i phyir bdag cag rab tu byung mod kyi/ bdag rang gi dad pas kyang rab tu 'byung ngo // rgyal pos yan lag thams cad kyis 'khyud nas/ stan bshams pa nyid la 'dug tu badrug ste/ de'i don tu chu btsags pa dang / 'bras bu btags pa gtsang sbra byas te zar bcug go// tshe dang ldan pa 'char ka mchog tu nye bar zhi ba dang / dul bar gnas pa dang ldan zhing ji srid rjes su bstan pa'i cho ga yongs su longs spyod do/ / rgyal pos de la brtags nas ngo mtshar skyes te/ smras pa// 'char ka ci gzhon nu don thams cad grub pa yang 'di 'dra bar nye bar zhi ba yin nam 'char kas smras pa/ lha bdag gi dul po dang nye bar zhi ba ni cung zad tsam lags so// dper dzi lta buM/ ri rab dang yungs 'bru bzhin no// rgya mtsho dang mig rjes bzhin no// nyim dang srin bu ma khyer bzhin no/ / nam mkha' dang pad+ma'i rtsa ba'i bu ga bzhin no// rgyal po zas gtsang gis smras pa/ 'char ka gzhon nu don thams cad grub pa yang 'di 'dra zhing cha byang 'di 'dra'am lha 'di 'dra zhing cha byad kyang 'di 'dra'o/ / rgyal po zas gtsang brgyal nas sa la 'gyel ba dang / chu mang du btab nas dbugs slar phyung ste smras pa/ 'char ka gzhon nu don thams cad grub pa byon
- 288b
nam/ 'char kas smras pa/ lha byon no// dus ji tsam na dgung bdun lon na'o// rgyal po zas gtsang gis blon po rnams la bsgo ba/ shes ldan gzhon nu don thams cad grub pa byon par 'gyur gyis rgyal po'i khab dang pho brang byi dor byos shig/ 'char kas smras pa/ bcom ldan 'das ni pho brang du bzhugs par mi mdzad do// rgyal pos smras pa/ gang du bzhugs/ 'char kas smras pa/ dgon pa 'am gtsug lag khang du'o/ / rgyal po zas gtsang gis smras pa/ 'char ka gtsug lag khang ci 'dra ba yin/ tshe dang ldan pa 'char kas rgyal bu rgyal byed kyi rnam pa ri mor bris te bstan to// de nas rgyal po sa blon po rnams la smras pa/ shes ldan dag n+ya gro d+ha'i kun dga' ra bar rgyal bu rgyal byed kyi tshal gyi rnam pa gtsug lag khang chen po bcu drug dang / khang phran drug cu brtsig tu chug shig/ lha bka' bzhin 'tshal zhes blon po rnams kyis rgyal po zas gtsang las mnyan nas n+ya gro d+ha'i kun dga' ra bar rgyal bu rgyal byed kyi tshal gyi rnam pa gtsug lag khang chen po bcu drug dang / khang phran drug cu rtsa cig brtsig tu bcug go/ de nas bcom ldan 'das kyis tshe dang ldan pa mo'u 'gal gyi bu chen po la bka' stsal te/ mo'u 'bal gyi du song la/ dge slong rnams la bcom ldan 'das ser skya'i gzhir gshes te/ yab sras gangan 'jom na/ khyod cag las su zhig lta bar spro ba de chos gos dag long shig ces bsgo shig/ btsun pa bka' bzhin 'tshal zhes tshe dang ldan pa mo'u 'gal gyis bu chen pos bcom
- 289a
ldan 'das las mnyan nas/ dge slong rnams la smras pa/ tshe dang ldan pa dag bcom ldan 'das ser skya'i gzhir gshegs te// yab sras gdan 'dzem na/ khyed cag las su lta bar spro ba de chos gos dag long shig ces bka' stsal to/ / de nas bcom ldan 'das dul ba 'khor dul ba/ zhi ba 'khor zhi ba grol ba 'khor grol ba/ dbugs phyin pa/ 'khor dbugs phyin pa/ rnam par dul ba 'khor rnam par dul ba/ dgra bcom pa 'khor dgra bcom pa/ 'dod chags dang bral ba 'khor 'dod chags dang bral ba// mdzes pa/ 'khor mdzes pa/ khyu mchog pa lang gis tshogs kyis bskor ba lta bu/ glang po che glang po'i phrug gu'i tshogs kyis bskor ba lta bu// seng ge mche ba can gyi tshogs kyis bskor ba lta bu/ ngang pa'i rgyal po ngang pa'i tshogs kyis bskor ba lta bu/ nam mkha' lding bya'i tshogs kyis bskor ba lta bu// bram ze slob ma'i tshogs kyis bskor ba lta bu/ sman pa mkhas pa nad pa'i tshogs kyis bskor ba lta bu/ dpa' bo ru ba'i tshogs kyis bskor ba lta bu/ lam mkhan 'dron po'i tshogs kyis bskor ba lta bu/ ded dpon tshong pa'i tshogs kyis bskor ba lta bu/ khams kyis rgyal po blon po'i tshogs kyis bskor ba lta bu/ 'khor los gyusbyar ba'i rgyal po bu stong gis bskor ba lta bu/ zla ba rgyu skar gyi tshogs kyis bskor ba lta bu/ nyi ma 'od zer stong gis bskor ba lta bu/ yul 'khor skyong dri za'i tshogs kyis bskor ba la ba 'phags
- 289b
bo grul bum gyi tshogs kyis bskor ba lta bu/ mig mi bzang klu'i tshogs kyis bskor ba lta bu/ rnam pos kyi bu gnod sbyin gyis tshogs kyis bskor ba lta bu/ thag zangs ris lha ma yin gyi tshogs kyis bskor ba lta bu/ brgya byin sum cu rtsa gsum pa'i tshogs kyis bskor ba lta bu/ tshangs pa tshangs ris kyi tshogs kyis bskor ba lta bu/ rgya mcho g.yo ba med pa lta bu/ sprin chu dang bcas pa lta bu glang po dam pa dregs pa dang bral ba ltar dbang po rnams shin tu dul bas spyod lam gyi tshul ma 'khrugs pa/ sku skyes bu chen po'i mtshan sum cu rtsa gnyis kyis kun nas brgyan pa/ dpe byangad bzang po brgyad cus rnam par mdzes par byas pa/ 'od 'dom gang gis brgyan pa'i sku/ nyi ma'i 'od zer stong pas lhags pa'i 'od can/ rin po che'i ri bo 'gro ba ltar kun nas mdzes pa stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ dge slong gis dge 'dun chen po dang thabs cig 'bab chu ro hi ti kar byon no// rgyal po zas gtsang gis gzhon nu don thams cad grub pa 'ang ba chu ro shi ta kar byon no zhes thos so/ / bos nas kyang rgyal po zas gtsang gis grong khyer ser skya'i gzhi rdo ba dang / gyo mo dang / gsegs ma rnams pas la nas nadan gyi chus chag chag bta/ dri shin tu nim pa pog par ge bar bshams/ rang kyis chus 'phyang mang po dbyangs te/ gang yang 'bab chu ro tsa ta ka nas gang yang n+ya grona'i kun dga'
- 290a
de'i bar gyi lam shin tu mdzes par byas te/ sa phyogs yangs shing rgya che bar gdan rnam par bkra ba dag shom du bcug go// de na 'bab chu ro hi ta ka la dge slong kha cig ni lag pa 'khru bar byed do/ / kha cig ni so shing 'dor bar byed do// kha cig ni khrus byed do// sar skya'i gzhin gnas pa'i shAkya rnams kyis gzhon nu don thams cad grub pa gshegs so/ zhes thos so// thos nas kyang kha cig ni sngon gyis dge ba'i rtsa bas bskul/ kha cig ni ya mtshan skyes nas thams cad n+ya gro dA'i kun dga' ra ba nas byung ste/ ci yab sras kyis zhabs la phyag byed dam/ 'on te sras yab kyi zhabs la byang ba blta'o snyam mo// de nas bcom ldan 'das 'di snyam du dgongs te/ gal te nga zhabs kyis ser skya'i gzhir gshegs na/ shAkya nga rgyal can rnams kye ma'o gzhon nu don thams cad grub pas dka' thub kyi gnas su gshegs pa nas/ ltog po zhig grub pa lta zhig ste/ de lha brgya stong phrag du mas zha 'bring byas nas steng gi nam mkha' las gshegs te/ des de srid du dka' ba brgya stong spyad pas bdud rtsi thob nas nga zhabs kyis gshegs pa lta zhes/ ma dad pa skyes par 'gyur ro snyams nas de nas bcom ldan 'das kyis thugs mnyam par bzhag na/ shar phyogs kyi steng gi bar snang la mngon par 'phags nas spyod lam rnam pa bzhi mdzad de/ 'di lta ste/ 'chags pa dang
- 290b
bzhengs pa dang / bzhugs pa dang / mnal ba mdzad do// me'i ting nge 'dzin la snyoms par 'jug par mdzad de/ me'i ting nge 'dzin la snyoms par zhugs nas/ sangs rgyas bcom ldan 'das kyis sku las 'od zer rnam pa sna tshogs dag 'byin par mdzad dang 'di lta ste/ sngon po dang / ser po dang / dmar po dang / dkar po dang / la brgan dang / shel gyi kha dog dag go/ cho 'phrul zung du yang ston par mdzad de/ sku'i slad nas 'bar bar mdzad la/ sku'i stong chu grang mo'i rgyun 'bebs par mdzad do// sku'i stong nas 'bar bar mdzad la/ sku'i smad nas chu glang mo'i rgyun 'bebs par mdzad pa de lta bu'i ting nge 'dzin la snyoms par zhugs so/ / shar phyogs la ji lta bar/ lho dang / nub dang / byang phyogs su yang de bzhin no// phyogs bzhir rdzu 'phrul gyi cho 'phrul rnam pa bzhi bstan nas/ rdzu 'phrul gyis mngon par 'du mdzad pa de bsdus te/ ta la bdun gyi srid tsam na bzhugs so// dge slong rnams ni ta la drug gi srid tsam na'o// bcom ldan 'das drug gi sring tsam na ni// dge slong rnams lnga'i srid tsam na'o// bcom ldan 'das lnga'i srid tsam na ni// dge slong rnams bzhi'i srid tsam na'o// bcom ldan 'das pachi srid tsam na ni/ dge slong rnams gsum gyi srid tsam na'o// bcom ldan 'das gsum gyi sring tsam na ni/ dge slong rnams gnyis kyi sring tsam na'o// bcom ldan 'das gnyis kyi sring
- 291a
dge slong rnams ta la gcig gi srid tsam na'o/ / bcom ldan 'das mi bdun gyi srid tsam na bzhugs na ni/ dge slong rnams mi drug gi srid tsam na'o// bcom ldan 'das drug gis srid tsam na ni/ dge slong rnams lnga'i srid tsam na'o// bcom ldan 'das lnga'i srid tsam na ni/ dge slong rnams bzhi'i srid tsam na'o// bcom ldan 'das bzhi'i srid tsam na ni/ dge slong rnams gsum gyi srid tsam na'o/ / bcom ldan 'das gsum gyi srid tsam na ni/ dge slong rnams gnyis kyi srid tsam na'o// bcom ldan 'das gnyis kyi srid tsam na ni/ dge slong rnams mi gang lhag tsam na'o/ / bcom ldan 'das mi gang lhag tsam na ni/ dge slong rnams sa la'o// rgyal po zas gtsang gis cho 'phrul de lta bu de dang / dge slong mang po mthong nas/ de la bcom ldan 'das gang yin pa ma shes te rmongs par gyur to/ / de nas tshe dang ldan pa 'char ka la smras pa/ 'char ka 'di na ngur smrig gyon pa'i rab tu byung ba mang po zhig yod na/ de la gzhon nu gang yin/ tshe dang ldan pa 'char kas bcom ldan 'das bstan nas smras pa/ 'di ni bcom ldan 'das lags srid pa'i mthar byed sems kyi dbang phyug 'dren pa lags/ 'di ni nyon mongs sel mdzad nyin byed don ni kun tu ston mdzad lags/ 'di ni dgongs pa bzhin brnyes stobs bcu mnga' bas kun gyi pha rol gshegs pa lags/ dri med btsal ba chos kyis dbang phyug khyod kyi sras lags mi dbang de gzigs shig/ de nas rgyal po
- 291b
zas gtsang gis lus btungad nas zhabs la phyag byas te/ tshigs su bcad pas gsol pa/ blo gros yangs pa khyod la 'di dang ni// kun spyan zhabs la lan gsum phyag bgyis te/ bltams pa'i tshe na sa ni ga yos pa dang / 'dzam bu'i grib ma skra las ma 'das pa'o// de nas shAkya dang shAkya mo rnams kyis rgyal po zas gtsang bcom ldan 'das kyi zhabs la btud pa mthong nas/ da ltar yab sras kyi zhabs la phyag byed pa ci'i tha tshig ces ma dad pa skyed do/ / rgyal po zas gtsang gis shAkya dang shAkya mo rnams la go bar bya ba'i phyir 'di skad ces smras so// shes ldan dag da gdong kho bos gzhon nu don thams cad grub pa'i zhabs la phyag byas pa ma yin te/ gang gis tshe gzhon nu don thams cad grub pa bltams pa na// sa chen po g.yos par gyur cing / 'jig rten 'di thams cad snang ba rgya chen pos gsal bar gyur te/ 'jig rten na 'jig rten gyi bar gyi mun pa mun nag smag tu gyur pa/ nyi ma dang zla ba 'di gnyis 'di ltar rdzu 'phrul che ba/ 'di ltar mthu che ba'i 'od kyis snang ba nyams su myong ba gang yin bde yang de'i tshe snang ba chen pos gsal bar gyur nas/ sems can gang dag skyes pa de dag snang ba des sems can dag gcig gis gcig mthong nas/ shes ldan dag sems can gzhan dag kyang 'dir skyes pa lta/ shes ldan dag sems can gzhan dag kyang 'dir skyes pa lta zhes ji shes par gyur ba de'i tshe yang khe ngas byang chub sems dpa'i zhabs la mgo bos phyag byas so// gang gis che gzhon nu ngen
- 292a
thams cad grub pa zhing blas kyi mtha' la gzigs pa na/ shing 'dzam bu'i grib ma la bzhugs nas/ 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas/ dpyod pa dang bcas pa/ dben pa las skyes pa'i dpa' ba dang / bde ba zag pa med pa dang mtshungs pa'i bsams gtan dang po bsgrubs te bzhugs pa na/ shing gzhan rnams kyi grib ma ni shar phyogs su gzhol/ shar phyogs su 'bab/ shar phyogs su bab kyang / shing 'dzam bu'i grib ma ni byang chub sems dpa'i sku las ma 'das par gyur pa de'i tshe yang ngo mtshar rmad du byung ba'i chos des/ kho bo'i yid bsdus pas/ bcom ldan 'das kyi zhabs la yang phyag byas te/ 'di dang bcom ldan 'das kyi zhabs la lan gsum phyag byas so// de bas nas 'di skad ces/ blo gros yangs pa khyod la 'di dang ni/ kun span zhabs la lan gsum phyag bgyis te/ bltam pa'i tshe na sa ni g.yos pa dang // 'dzam bu'i grib ma skra las ma 'das pa'o// zhes smras so// de nas bcom ldan 'das kyis rdzu 'phrul mngon par 'du mdzad pa de brtul nas 'khor brgya phrag du ma zil gyis mnan nas/ dge slong gi dge 'dun gyi gung la gdan bshams pa nyid la bzhugs so/ / de nas rgyal po zas gtsang skad 'dzer cing mig mchi mas gang bas/ bcom ldan 'das la tshigs su bcad pa'i dbyangs kyis zhu ba zhus pa/ gzhal med khang gi gnas
- 292b
rnams las/ / yab kyi khab na bzhugs pa las// dgon pa 'jigs dang bcas rnams su// ji lta bur ni 'ba' shig bzhugs/ bcom ldan 'das kyis bka' stsal pa mi yi bdag po gang du ni/ / khyim gyi 'ching ba las grol ba// 'phags pa yi ni gnas pa bcus// thub pa rnams ni gnas par mdzad// rgyal pos gsol pa// ba so / gsar gyis rtsa ba can// shin tu bde ba bting ba yi// khri la mnal bar mdzad pa las// bting ba la ni ji ltar mna'// bcom ldan 'das kyis bka' stsal pa/ rgyal po rnam grol gnas mal ni/ / dga' ba byang chub yan lag gi/ me tog bkram par chags med cing // yongs su gdung ba rnam spangs mnal// rgyal pos gsol pa/ dpa' bo nyid kyi pho brang na/ glang po shing rta rtas bzhud pa// tsher mar bcas pa'i sa bzhi la// zhabs kyis ji ltar gshegs par mdzad// bcom ldan 'das kyis bka' stsal pa/ nga yi shing rta rdzu 'phrul rkang / yang dag rtsol ba'i bzhon pa yis// sa kun rnam par rgyun na yang // nyon mongs tsher mas gnod pa med// rgyal po zas gtsang gis gsol pa dpa' bo sngon ni ka shi ka'o// na bza' mnabs nas mdzes pa la// ngur smrig rtsub po'i gos mnabs pa// ji ltar khyod kyi sku yis bzod// bcom ldan 'das kyis bka' stsal pa/ rgyal po nga'i gos ngo tsha shes
- 293a
@nga yi bgo basmras sbyar te/ / de mgos bub bzhi ba rnams// nags khrod na ni mdzes par 'gyur// rgyal po zas gtsang gis gsol pa/ 'di lta ba khyod tsa gser gyi gzhong pa nas/ / du ma'i ro ldan 'bras chan gsol ba las// 'di ltar gtso bo da lta'i bsod snyoms ni// phal pa gsol ba ji ltar mgur du mchi// bcom ldan 'das kyis bka' stsal pa/ zas kyi srid pa thams cad spangs nas ni// nges par byung dang mnyam par gzhag ldan pa'i// nga ni chos kyi ro mchog gsol mod kyi// 'jig rten kun la snying brtse'i phyir spyo do/ / rgyal po zas gtsang gis gsol pa/ mgur du bde ba mang bgyid pa'i// rgun skyems kha ra'i chab gsol na// rnyog pa can la dri nga ba'i// chab ni ji lta zhig tu gsol/ bcom ldan 'das kyis bka' stsal pa/ mi'i bdag po gang 'thungs na// bdag la 'thung ba thams cad ni// dug dang 'dra bar snang gyur pa// chab kyi ro mchog nga 'thung ngo // rgyal po zas gtsang gis gsol pa/ 'di ltar khyod sngon bsil khang gzhal med khang // khang bzangs steng na ji lta'i dus bzhin bzhugs// da ltar gcig pu nags khrod khyod bzhugs pa/ blo bzangs ji ltar bsnyengs pa med par bzhugs/ / bcom ldan 'das kyis bka' stsal pa/ go'u ta ma 'jigs pa'i rtsa ba gang yin pa// dri ma dag chags bcas par yang spangs pas// nga ni mya ngan 'jigs
- 293b
pa med gnas te/ / nga la 'di na 'jigs pa cung zad med// rgyal po zas gtsang gis gsol pa/ khyod sngon khrus khang shin tu yid 'ongs par// khrus mchog khyad par 'phags pas rtag bsil na gcig pu khyod ni nags khrod gnas ldan par/ / thub dbang de ltar su yis khrus mdzad 'gyur// bcom ldan 'das kyis bka' stsal pa/ go'u ta ma chos kyi mtsho bran dri med pa// tshul khrims 'jug ngogs dam pas bsngags pa ste/ / de la rig pa'i yon tan mi bkrus na// lus mi gsher bar pha rol rab tu rgal// rgyal po zas gtsang gis gsol pa/ dpa' bo nyid kyi khab na ni// gser dngul bum pas khrus mdzad na/ / rnyog pa can la dri nga ba// chab kyis ji ltar khrus mdzad lags// bcom ldan 'das kyis bka' stsal pa/ go'u ta ma dang pa'i 'bab chu rnyog pa med bsod nams 'jug ngogs dam pas bsngags pa ste/ / de la rig pa'i yon tan mis bkrus na// lus mi gsher bar pha rol rab tu rgal// rgyal po zas gtsang gis gsol pa// dpa' bo khyod sngon ser skya mi/ tsan dan gyis ni zhu bkrus shing // ka shi'i mchog gnas mdzab pa las// de dang bral nas mdzes ma lags// bcom ldan 'das kyis bka' stsal pa/ tshul khrim nga yi rgyan yin te/ / tshul khrims nyid ni byug pa yin// gser dang nor bu rna cha dag/ rmongs skyes nga la ci zhig bya// rgyal po zas gtsang gis gsol pa// gang gis khyod ni khyad du gsod //
- 294a
gang las 'jigs su rung ba skye/ yid byung ba yang gang las skyes// zhus pa de dag bdag la gsungs// bcom ldan 'das kyis bka' stsal pa/ gang gis nga mi byang gsod dang / gang zhig las ni 'jigs pa dang // gang las yid 'byung skyes pa dag/ nyon cig khyod la bshad par bya// rga dang na dang 'chi ba ste// gal te 'di gsum yod min na// nga yang shin tu yid 'ong ba'i// / yul rnams la ni dga' bar 'gyur// rgyal po zas gtsang gis gsol pa/ shAkya rnams kyi rigs dga' ba// legs par 'khrungs pa'i dpa' bo legs// khyod ni 'jig rten chos brgyad kyis/ ji lta bar yang ma gos so// de nas rab dga' dang pa rgyas byas nas// drang srong dge 'dun bskor ba byas nas ni// thub pa'i zhabs la mgo bos phyag byas te/ bde bar gshegs la kun nas rtog cing 'dug/ de nas rgyal po zas gtsang 'di snyam du sems te/ gang bdag gis bus yon tan gyi tshogs 'di lta bu thob pa ni/ bdag gis rnyed pa legs par rnyed do snyam mo// de nas bcom ldan 'das kyis n+ya gro d+ha'i kun dga' ra bar 'khor de'i bsam pa dang / bag la nyal dang / khams dang / rang bzhin mkhyen nas de dang mthun pa'i chos bshad pa mdzad de/ de thos pas zas dkar la sogs pa shAkya bdun khri bdun stong gis rgyun tu zhugs pa'i 'bras bu mngon sum du byas te/ rgyal po zas gtsang ni ma gtogs so// lha sbyin nga rgyal can sdig pa 'dod pa nges bden pa
- 294b
mthong bar ma byas pas/ khrobs kun nas dbris pa dang bcas pas smras pa/ gal nga rangs sapa'ang 'dra da'i rnams dbang du byed bar shes na/ bdag gis kyang 'jig rten bams cad dbang nga/ bya ba zhig/ de la shAkya rnams kyis gshe ba'i tshig gi smras pa/ lce sbyin bcom ldan 'das ni rdzu 'phrul che ba yin gyis de skad ma smra shig/ ces bzlogs nas cang mi smra bar 'dug go/ tshangs pas bskor ba'i bskyed mos tshal du 'di lta bu'i chos bshad pa mdzad de/ de thos pas rgyal po zas gtsang ma gtogs par bre bo zas la sogs pa shAkya bdun khri drug steng gis rgyun tu zhugs pa'i 'bras bu mngon sum du byas pa na yang lha sbyin de kho na bzhin du zer ro/ / ro hi ta ka'i bskyed mos tshal du 'di lta bu'i chos bshad pa mdzad de/ de thos pas rgyal po zas gtsang ma gtogs par bdud rtsi zas la sogs pa shAkya bdun khri lnga stong gis rgyun tu zhugs pa'i 'bras bu mngon sum du byas pa na/ lha sbyin de kho na bzhin du zer ro// 'khor lhag ma rnams las kha cig gis ni nyan thos kyis byang chub tu sems bskyed do/ / kha cig gis ni rang sangs rgyas kyis byang chub tu/ kha cig gis ni bla na med pa yang dag par rdzogs pa'i byang chub tu// kha cig gis ni rgyun tu zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung nas nyon mongs
- 295a
pa thams cad spangs te dgra bcom par gyur/ kha cig gis ni sangs rgyas la skyabs su song / kha cig gis ni chos la/ kha cig gis ni dge 'dun la ste/ 'khor de dag pa cher yang sangs rgyas la gzhol/ chos la 'bab/ dge 'dun la bab par bkod do// de nas rgyal po zas gtsang 'di snyam du sems te/ sngon ni bcom ldan 'das lha dang lha ma yin gyi 'gro bar bcas pas mchod pa dang rjed pa dang / mngon du smra bar bya bar gyur na/ da lta ni mos mchod kyis lhas ni ma yin no snyam mo// de nas shAkya gzhon nu zhig gis tshigs su bcad de gsol pa/ drang srong chen po sgra mchog dam chos kyis/ / char pas 'gro ba 'di ni tshim mdzod de/ mi bzang lam du lhung ba'i 'jig rten 'di// drongs te thar pa'i lam la sbyor bar mdzod// rgyal po zas gtsang ni 'di snyam du bdag gi bu 'ba' shig 'di ltar rdzu 'phrul che zhing 'di ltar mthu che ba yin no snyam ste/ lhag par dga' ba las gyur gyis mdor na de'i dregs pa spong du gzhug go// rgyu gnyis kyis bden pa rnams mthong bar mi 'gyur te/ ha cang zhum pa dang / shin tu dga' ba'o// de la zhum pa'i sems dang shin tu dga' ba yod kyis/ ma la ngas de'i zhum pa dang shin tu dga' ba gnyis slong du gzhug go snyam nas/ de nas bcom ldan 'das kyis tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu rgyal po zas gtsang ma la soms shig/ btsun pa bka' bzhin 'tshal zhes tshe dang ldan pa mo'u 'gal gyi bu chen
- 295b
thos bcom ldan 'das las mnyan nas rgyal po bas gtsang gal ba der song ba dang / rgyal po zas gtsang gis tshe dang ldan pa mo'u 'gal gyi brgyad ring po nas 'ong ba mthong ngo // mthong nas kyang ched pa ldan pa mo'u 'gal gyis bu chen po la 'di skad ces smras so/ / btsun pa mo'u 'gal gyi bu chen po tshur spyon/ mo'u 'gal gyi bu chen po khyod byon pa legs so// btsun pa mo'u 'gal gyi bu chen po gdan bshams pa nyid la bzhugs shig/ tshe dang ldan pa mo'u 'gal gyi bu chen pos gdan bshams pa nyid la bzhugs so// de nas tshe dang ldan pa mo'u 'gal gyi bu chen pos sems ji ltar mnyam bar bzhag na/ rang gis stan las mi snang bar gyur te/ shar phyogs kyi steng gi bar snang la mngon par 'phags nas/ spyod lam rnam pa bzhi byed de/ 'di lta ste/ 'chag pa dang / 'greng ba dang / 'dug pa dang / nyal bar byed do// me'i ting nge 'dzin la yang snyoms par 'jug par byed de/ me'i ting nge 'dzin la snyoms par zhugs pa na/ tshe dang ldan pa mo'u 'gal gyis bu chen po'i lus las 'od zer rnam pa sna tshogs dag 'byin par byed de/ 'di ltani// sngon po dang / ser po dang / dmar po dang / dkar po dang / le brgan dang / shel gyi kha dog dag go// cho 'phrul zung du yang ston par byed do/ / lus kyi smad nas 'bar bar byed la/ lus kyi stong nas chu grang mo'i rgyun 'bebs par byed do// lus kyi spong nas 'bar bar byed la lus kyi smad nas chu grang mo'i rgyun
- 296a
'bebs par byed pa de lta bu'i ting nge 'dzin la snyoms par zhugs so/ / shar phyogs la ji lta ba bzhin du lho dang / nub dang / byang phyogs su yang de bzhin no// phyogs bzhir rdzu 'phrul gyi cho 'phrul rnam pa bzhi bstan nas/ rdzu 'phrul mngon par 'du bya ba bsdus te/ stan bshams pa nyid la 'dug go// de nas rgyal po zas gtsang gis tshe dang ldan pa mo'u 'gal gyi bu chen po la 'di skad ces smras so/ / btsun pa mo'u 'gal gyi bu chen po bcom ldan 'das kyis nyan thos 'di ltar rdzu 'phrul che ba 'di ltar mthu che ba gzhan yang mchis lags sam/ rgyal po chen po mchis so zhes tshigs su bcad de smras pa/ mthu che ba dang gsum rig dang // sems kyi rnam grangs shes pa dang // zag zad dgra bcom gang yin pa// thub pa'i nyan thos mang du mchis// de nas rgyal po zas gtsang 'di snyam du sems te/ bdag gis bu 'ba' shig 'di ltar rdzu 'phrul che zhing mthu che bar ma zad de/ 'di ltar rdzu 'phrul che zhing mthu che ba'i rab tu byung ba gzhan yang yod do snyam nas de shin tu dga' ba gang yin pa de dang bral bar gyur to/ / skabs der bcom ldan 'das kyis 'jig rten pa'i thugs bskyed par mdzad de/ kye ma brgya byin dang tshangs pa la sogs pa lha rnams 'ongs na lha'i 'khor dag la chos bshad do snyam pa dang / chos nyid kyis gang gi tshe sangs rgyas bcom ldan 'das rnams kyi 'jig rten pa'i thugs bskyed pa mdzad pa de'i tshe/ srog chags grog sbyar rnams kyi sems
- 296b
kyis kyang bcom ldan 'das kyi dgongs pa shes par gyur na/ brgya byin dang tshangs pa la sogs pa lha rnams kyis lta smos kyang ci dgos/ gang gis tshe/ 'jig rten las 'das pa'i thugs bskyed pa de'i tshe/ nyan thos chen po rnams kyi sems kyis kyang bcom ldan 'das kyi dgongs pa mi shes na/ brgya byin dang tshangs pa la sogs te/ lha rnams kyis lta ci smos/ srog chags grog zur rnams kyis lha ga la shes/ de nas lha rnams kyi dbang po brgya byin 'di snyam du sems te/ bcom ldan 'das ci'i phyir 'jig rten pa'i thugs bskyed pa mdzad snyam pa las/ de 'di snyam du sems te/ lha'i 'khor dag pa rnams la chos 'chad par bzhed do snyam nas/ des lha'i bu bzo thams cad pa la bsgo ba/ bzo thams cad pa bcom ldan 'das lha'i 'khor dag pa la chos 'chad par bzhed kyis/ n+ya gro d+ha'i kun dga' ra bar rin po che sna bzhi'i khang pa brtsegs ma gad na sna tshogs bshams pa zhig sprul cig/ ko'u shi ka khyod kyi mchog tu bzang po zhes lha'i bu bzo thams cad pa lha'i dbang po brgya byin las mnyan te/ n+ya gro d+ha'i kun dga' rabar rin po che sna bzhi'i khang pa brtsegs ma gdan sna tshogs bshams pa zhig sprul to/ / de la rgyal po chen po ba ni sgo bzhi nas 'khod pa ni/ yul 'khor skyong dang / 'phags skyes po dang / mig mi gzang dang / lus ngan po ste/ shar sgo na ni yul 'khor skyong / dpung rgyan dang / rna cha gdub 'khor dang / phreng ba dang / rgyan sna tshogs kyis brgyan pa'o// lho phyogs na ni 'phags skyes po// lha'i rgyan thams cad
- 297a
kyis brgyan pa'o/ / nub phyogs na ni mig mi bzang rin po che sna bdun gyis brgyan pa'o// byang phyogs na ni lus ngan po// rgyan thams cad kyis brgyan pa'o// de nas ldamam kyi dbang po brgya byin gyis n+ya gro d+ha'i kun dga' ra ba che thang du brgyan du bcug ste/ bcom ldan 'das gang na ba der song ste phyin nas/ bcom ldan 'das la don de rgyas par gsol to// de nas brgya byin dang tshangs pa la sogs pa lha brgya stong phrag du mas yongs su bskor nas khang pa brtsegs par zhugs te/ lha'i 'khor phal po che'i gung la rin po che sna tshogs kyis brgyan pa'i seng ge'i khri la bzhugs so// de nas tshe dang ldan pa mo'u 'gal gyi bu chen pos rgyal po zas gtsang khrid de/ bcom ldan 'das gang na ba der song ste phyin nas/ tshe dang ldan pa mo'u 'gal gyi bu chen po nang du zhugs pa dang / rgyal po zas gtsang la rgyal po chen po yul 'khor skyong gis rgyal po chen po nang du ma 'gro bar sdod cig ces bzlog go/ / ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo / / bzhin bzangs khyod su zhig rgyal po bdag ni yul 'khor sbyong ngo // de nas rgyal po zas gtsang lho skar song ba dang / rgyal po chen po 'phags skyes pos mthong nas spras rgyal po chen po nang du ma 'jug par sdod cig/ rgyal po zas gtsang gis mthong nas smras pa/ bzhin bzangs khyod su zhig/ 'phags skyes pos smras pa/ rgyal po chen po bdag ni 'phags
- 297b
skyes po'o/ / ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo // de nas rgyal po zas gtsang nub sgor song ba dang / rgyal po chen po mig mi bzang gis mthong nas smras pa/ rgyal po chen po nang du ma 'jug par sdod cig/ rgyal po zas gtsang gis mthong nas smras pa/ bzhin bzangs khyod su zhig/ mig mi bzang gis smras pa/ rgyal po chen po bdag ni mig mi bzang ngo / / ci'i phyir/ bcom ldan 'das lha'i 'khor dag pa la chos 'chang de/ der mir gyur pa 'jug tu mi dbang ngo // de nas rgyal po zas gtsang byang sgor song ba dang / rgyal po chen po rnam thos kyis pus mthong nas smras pa/ rgyal po chen po nang du ma 'jug par sdod cig/ rgyal po zas gtsang gis smras pa/ bzhin bzangs khyod su zhig/ rnam thos kyi bus smras pa rgyal po chen po bdag ni rnam thos kyis bu'o/ / ci'i phyir/ bcom ldan 'das lha 'khor dag pa la chos 'chang de/ der mir gyur pa 'jug tu mi dbang ngo // de nas rgyal po zas gtsang kye ma'o bcom ldan 'das lha'i 'khor dag pa la chos 'chad pa de/ bdag gis blta'o snyam pa'i 'dod pa skyes so// de nas rgyal po zas gtsang gis zhum pa'i rgyud gang yin pa de dang bral bar gyur to// de nas bcom ldan 'das kyis dgongs pa rgyal po zas gtsang gis gal te nga ma mthong na/ khrag dron po skyugs nas 'chi bar 'gyur ba'i gnas skabs gang yin pa de yod kyis/ de la thabs shig bshams par bya'o snyam nas/ bcom ldan 'das
- 298a
@#kyis rin po che sna bzhi'i khang pa brtsegs pa gang yin pade shel las byas par sprul pa dang / de nas rgyal po zas gtsang gis sangs rgyas kyi sgra sgrib pa med par mthong ngo // mthong nas kyang dga' ba dang mgu ba skyes nas bcom ldan 'das kyi zhabs gnyis la mgo bos phyag 'tshal te/ phyogs gcig tu 'dug go// de nas bcom ldan 'das kyis rgyal po zas gtsang gi bsam pa dang bag la nyal dang / khams dang / rang bzhin mkhyen nas/ 'phags pa'i bden pa bzhi so sor rtogs par 'gyur ba de lta bu'i chos bshad pa mdzad de/ de thos pas rgyal po zas gtsang gis 'jig tshogs la lta ba'i ri'i rtse mo nyi shu mtho ba/ ye shes kyis rdo rjes bcom nas/ rgyun tu zhugs pa'i 'bras bu mngon sum du byas te/ de bden pa mthong nas/ lan gsum du ched du rjod pa ched du brjod pa/ btsun pa phas ma bgyis mas ma lags/ rgyal pos ma lags/ lha rnams kyis ma lags/ sngon gyi 'das pa rnams kyis ma lags/ dge sbyong dang bram ze rnams kyis ma lags/ sdug pa dang rang gi skye bo dang / gnyen gyi tshogs kyis ma lags pa de ni/ bcom ldan 'das kyis bdag la mdzad de/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song gi sgo rnams ni bkum/ mtho ris dang thar pa'i sgo rnams ni phye/ bdag lha dang mi rnams su ni bzhag go// yang gsol pa/ pha la lan du phan gdags pa// dam pa'i bus ni bgyi ba gang // khyod kyis
- 298b
bdag la mdzad lags te/ / sems ni grol bar gzhol bar bgyis// khyod kyis bdag ni ngan 'gro las// drangs te mtho ris thar pa la// bsgrim mi 'tshal bar bzhag lagra ste/ khyod kyis dga' ba mdzad pa lags// mgon po byams pa khyod kyis ni// bdag ni tshong pa rnyed ldan ltar// mtho ris rnyed pas srid pa yi// longs spyod dag ni rnyed par mdzad// de nas rgyal po zas gtsang stan las langs ste/ bla gos phrags pa cig tu gzar nas/ bcom ldan 'das gang na ba de logs su thal mo sbyar ba btung de/ bcom ldan 'das la 'di skad ces gsol to// bcom ldan 'das dge slong gis dge 'dun dang thabs cig tu sang bdag gis sdum par gdugs tshod sbyor zhing mchis na/ gnang bar mdzad du gsol/ bcom ldan 'das kyis rgyal po zas gtsang la cad mi gsung bas gnang ngo / / de nas rgyal po zas gtsang bcom ldan 'das cang mi gsung bas gnang bar rig nas/ bcom ldan 'das kyis zhabs gnyis la mgo bos phyag byas te/ bcom ldan 'das kyi spyan snga nas chas te zas dkar gang na ba der song ste phyin nas/ zas dkar la 'di skad ces smras so// gzhon nu rgyal srid thod kyis khyer cig/ ci'i slad du/ dang bcom ldan 'das kyi spyan sngar bangon pa mthong bas so/ / gang gi gdugs la lags/ de ring kho na'o// bdag gis kyang bcom ldan 'das gang gis nyi ma la n+ya gro d+ha'i kun dga' ra bar chos bshad pa de'i nyi ma 'dreshA kya 'dum bri 'dun spong
- 299a
dang lhan cig bden pa mthong lags so/ / de bzhin du bre bo zas la rgyal srid khyer cig ces smras pa dang / des smras pa/ bdag gis kyang bcom ldan 'das kyis gang gis tshe tshangs pas bskor ba'i skyed mos tshal du bshad pa de'i tshe/ shAkya bdun khri drug stong dang lhan cig bden pa zong lags so// de bzhin du bdud rtsi zas la rgyal sring khyer cig ces smras pa dang / des smras pa bdag gis kyang gang gis tshe bcom ldan 'das kyis ro hi ta ka'i skyed mos tshal du chos bshad pa de'i tshe/ shAkya bdun khri lnga stong dang lhan cig bden pa mthong lags so// gal te de ltar gyur na su zhig rgyal srid la gzhag/ de rnams kyis smras pa/ shAkya'i rgyal po bzangs ldan gyis bgyi'o zhes de rnams 'dus nas shAkya'i rgyal po bzang ldan rgyal srid kyis dbang phyug la dbang bskur ro// de nas rgyal po zas gtsang gis de nyid kyi mtshan mo nas gtsang zhing bsod pa'i bza' ba dang / bca' ba dag sta gon byas nas/ nang par sngar langs te/ gdan bshams shing nor bu'i chu snod bzhag nas/ bcom ldan 'das la spun 'dren gyis dus chod gsol pa/ btsun pa bcom ldan 'das gdugs chod lags na// da de'i dus la bab par dgongs su gsol/ bcom ldan 'das snga dron bza' sham thabs mnabs/ lhung bzed dang chos gos bsnam te/ dge slong gis chog kyis yongs su bskor cing / dge slong gi dge 'dun gyis mdun du bdar nas rgyal po zas gtsang gis bka sa gang na ba der gshegs te byon nas/ dge slong gi dge 'dun gyi gung la
- 299b
gdan bshams pa nyid la bzhugs so/ / de nas rgyal po zas gtsang gis sangs rgyas la sogs pa dge slong gi dge 'dun bde bar bzhugs par rig nas/ gtsang zhing bsod pa'i bza' ba dang bca' bas rang gis lag nas stobs shing tshim par byed de/ rnam grangs du mar gtsang zhing bsod pa'i bza' ba dang / bca' bas rang gi lag nas bstabs shing tshim par byas te/ bcom ldan 'das kyis gsol zin nas/ phyag bcabs te/ lhung bzed gyur par rig nas/ gser gyis bya ma bum blangs te/ bcom ldan 'das la n+ya gro d+ha'i kun dga' rab phul lo// bcom ldan 'das kyis yan lag lnga dang ldan pa'i gsung dbyangs kyis/ yon sngo bar mdzad pa/ sbyin pa'i bsod nams gang yin 'dis/ / shAkya rnams kyi bsams pa yi// yid la re ba rdzogs nas ni// rtag pa'i gnas ni thob par shog/ de nas bcom ldan 'das ser skya'i gzhi shing n+ya gro d+ha'i kun dga' ra ba na bzhugs so// de bzhin du bsam gtan pa rnams kyis kyang mdo sde la bcom ldan 'das ser skya'i gzhi shing n+ya gro d+ha'i kun dga' ra ba na bzhugs so zhes gdags pa byas so// bcom ldan 'das ser skya'i gzhi de nyid na bzhugs nas nyi ma gcig ni rgyal po'i pho brang du gdugs tshod gsol/ nyi ma gcig ni btsun mo'i nang du gsol lo// rgyal po zas gtsang gi ral pa can las rab tu byung ba'i dge slong rnams sbyor lam zhi zhing sems dang ba yin na/ dka' thub drag po'i brtul zhugs kyi khyad par ngag gis lus gdungs pas lus mi mdzes par mthong ngo // mthong nas kyang 'di snyam du sems te/ 'di ltar ral pa can 'di dag spyong lam zhi zhing sems dang ba
- 300a
yin mod kyis/ lus mdzes pa ma yin na// 'khor ci 'dra ba zhig gis bcom ldan 'das mdzes par 'gyur snyam pa las nges bsams pa/ shAkya'i 'khor gyis yin no snyam nas/ de nas shAkya thams cad sogs te smras pa/ shes ldan dag gal te gzhon nu don thams cad grub pa rab tu byung bar ma gyur na ji ltar 'gyur/ 'khor los sgyur ba'i rgyal por 'gyur ro// khyed cag ci zhig byed par 'gyur g.yog bgyis par 'gyur ro/ / da ltar gzhon nu don thams cad grub pa bla na med pa'i rgyal por gyur na/ khyed cag ci'i phyir g.yog mi byed/ lha ci rab tu 'byung ngam/ rab tu byung shig/ ci thams cad ngam khyim re re nas re re'o/ / bka' bzhin 'tshal/ rgyal po zas gtsang gis grong khyer ser skya'i gzhir dril sgrogs su bcug pa/ rgyal po'i zhal nas nga'i yul na gnas pa'i shAkya rnams kyis khyim re re nas re re rab tu phyung shig ces de skad bka' stsal to/ / bre bo zas la bu gnyis yod pa ma 'gags pa dang ming chen no// ming chan ni zhing blas kyis mtha' la lhag par brtson no// ma 'gags pa ni steng gi khang bzangs kyi gzhi la 'dug nas skyes pa med pa'i rol mos rtse bar byed/ dga' bar byed/ dga' mgur spyod par byed do// ming chen la mas smras pa/ bu rgyal pos dril sgrogs su bcug pa shAkya rnams las khyim re re nas re re rab tu phyung shig ces bsgos khyod rab tu byung shig/ des smras pa/ bdag ni rab tu mi 'byung gis khyod kyi bu sdug pa dang bde ba dang ldan par gnas pa gang yin pa de rab tu phyung
- 300b
shig dbu bsod nams kyi dbang bang chen po can gyi sems can de la khyod 'gran ma tshol cig/ yum khyod gang la dgyes pa de bsod nams kyi dab dbang chen po can lags mod/ de ring la cung zad kyang ma bskul dang / ci bsod nams kyi dbang thang chen po lags sam ma lags mngon par 'gyur ro// bu de bzhin du byas te/ yid ches par bya'o// des gzab stong pa rje'us bkang nas kha ras dkar po dkris te rgyaskyegs la rgyas btab nas bu mo mngag gzhug ma'i lag tu bskur nas bsgo ba/ gal te den ci yod ces 'dri ba dang / ci yang ma mchis so zhes smos shig/ nges de khyer nas song ba dang / lha rnams dbang po brgya byin gyi shes pa mthong ba ni 'og tu 'jug pa yin pas/ des bsams pa rang sangs rgyas kun shes la bsod snyoms phul ba gang yin pa de/ deng ci'i phyir zas kyis phongs par bya de'i zan sbyar bar bya'o zhes rdze'u de rnams sran tshong dang / tshod ma sna tshogs ro dang ldan pa'i zas kyis bkang ngo // ji tsam na mngag gzhug mas der khyer na sa ma 'gags pa'i drung du phyin pa dang / des smras pa/ bu mo 'o ni ni ci yod/ des smras pa/ gzhon nu ci yang ma mchis so// ma 'gags pas bsams pa/ bdag la ma byams na 'di stong par ci ste bskur gdon mi za bar 'di na ci yang ma yin pa zhes bya ba'i zas shig bskur gyis/ re shig blta'o zhes ji tsam na kha phye ba dang / skyed mos tshal thams cad zas kyi dri zhim pos gang bar gyur te/ de bsnams nas
- 301a
ma 'gags pa mchog tu ya mtshan skyes so/ / de ma la gus pa yin pa des ma las zas kyi phung bskur nas spring ba/ nu ma gdugs chod re re zhing zas ci yang ma yin pa zhes bgyis pa 'di lta bu bskur ba'i rigs so/ / des kyang mthong nas mchog tu ya mtshan skyes te/ des ming chen la bstan nas bu mthong ngam/ yum mthong lags so// khyod la kho mos sngar bsod nams kyis dbang thang chen po'i sems can mi'i bskal pa bzang po dang ldan pa la khyod 'gran ma tshol cig ces ma smras sam/ des smras pa/ yum de bsod nams kyis dbang thang chen po dang ldan yang rung // mi ldan yang rung / bdag ni rab tu mi 'byung ngo zhes ji ltar ming chen gnas skabs thams cad du rab tu 'byung bar khas len du ma btub bo// de nas nges ma 'gags pa la smras pa/ bu rgyal pos dril sgrog tu bcu pa shAkya rnams la khyim re re nas re ri rab tu byung shig ces bsgo na/ / khyod ci rab tu 'byung ngam/ 'on te khyim par 'dug/ des smras pa/ yum rab tu byung ba la phan yon ci mchis/ nyes dmigs ci mchis khyim par mchis pa la phan yon ci nyes dmigs ci mchis/ bu rab tu byung bas legs par bsgrubs na/ mya ngan las 'das pa thob par 'gyur ro// legs par ma bsgrubs na lha dang mi thob par 'gyur ro/ / khyim par 'dug ste legs par bskyangs na lha dang mi thob bo// ma bskyangs na sems can dmyal ba dang / dud 'gro dang / yi dgas thob bo// yum rab tu byung ba'i nyes dmigs gang lags pa
- 301b
de ni khyim na gnas pa'i phan yon lags pas/ de bas na khyim na gnas pa mi 'tshal gyis/ gnang bar mdzod cig dang / rab tu 'byung ngo // nges smras pa/ bu legs kyis de bzhin du gyis shig/ ma 'gags pa'i ne'u zla shAkya'i rgyal po bzang ldan yin pas de de'i drung du song ngo / / de'i tshe shAkya'i rgyal po bzang ldan pa wang len te/ pi wang len pa na rgyud chang nas sgra gzhan du gyur to// ma 'gags pa pi wang len pa la byang ba yin pas/ des sgra ci 'dra bar gyur pa'i rtags bzung nas de sgor bsdang de/ sgor srungs kyi mi la smras pa/ kye nang rje song la rgyal po bzangs ldan la ma 'gags pa lnga'i zhal mthong bar 'tshal nas sgo na sdod cing mchis so zhes gsol cig/ sgo srungs song nas shAkya'i rgyal po bzang ldan la smras pa/ lha ma 'gags pa lha'i zhal mthong bar 'tshal nas chab sgo na sdod cing mchis so// ngas smras pa shes ldan ma 'gags pa la su 'gog/ shes ldan ma 'gags pa nang du thong shig/ de nang du zhugs pa dang / rgyal pos 'khyud nas pang du bcug ste/ smras pa/ khyod 'ongs nas ji srid lon/ nges smras pa/ gang gi tshe khyod pi wang len pa na brgyud chad nas sgra gzhan du gyur pa nas so// de mchog tu ya mtshan skyes nas nges smras pa/ khyod pi wang len pa la byang ba yin no// shAkya'i rgyal po bzang ldan gyis smras pa/ gzhon nu don ci zhig la 'ongs/ ma 'gags pas smras pa/ lha'i rgyal po zas gtsang gis dril sgrogs su bcug pa shAkya rnams las khyim re re nas re re rab tu byung shig par bsgo bas
- 302a
de khyod kyis mkhyen par mdzod cig/ rab tu byung ngo // rgyal pos smras pa/ gal te de ltar na kho bo yang rab tu 'byung ste/ gros bya ba yod kyis/ khyod de ring 'di nyid du gnas thob shig/ de de nyid du gnas btab bo// mal 'cha' bas rims bag gi dri can gyi gos kyis bting zhing me tog gi sil mas bkram pa'i mal du ma 'gags pa nyal ba dang / de'i 'og na me tog gi rtsa ba yod pa'i reg pa de'i nyams su tshor nas smras pa/ ci 'di'i 'og na rdo phre'u yod dam/ de rnams kyis brtag par brtsams pa na me tog gi rtsa ba zhig mthong nas/ de rnams mchog tu ngo mtshar skyes so// ma 'gags ba mtshan mo mi bde zhing nyal nas nam mnangs so/ / rgyal pos smras pa/ ma 'gags pa jig bde bar gnyid log gam/ des smras pa// lha bde bar gnyid ma log go// rgyal pos smras pa// ci'i phyir ma 'gags pa gnyid ma log/ lha rims bag gi dri can gyi gos bting bar me tog sil ma bkram pa'i me tog gi rtsa bas lus snang lags so// rgyal pos mal 'cha' ba bkug nas/ khyod kyis rims bag gi dri can gyi gos bting ste ci bya/ mal 'cha' bas smras pa/ lha bdag la dkor bas gtad pa lags so// rgyal pos dkor ba bkug nas smras pa/ khyod kyis rims bag gi dri can gyi gos phog ste ci bya/ de smras pa/ lha bdag la tha ga pas gtad pa lags so// rgyal pos tha ga pa bkugs nas smras pa/ khyod kyis ci'i phyir rims bag gi dri can gyi gos 'bul/ tha ga pas smras pa
- 302b
lha rnams bu 'phag pa'i 'gro chung zhig lus pa na/ / bdag rims kyis btab bzhin bgyis pa lags so// rgyal pos smras pa/ gzhon nu khyod kyis ji ltar shes/ des smras pa/ tsha ba'i reg pa 'ams su myong bas rims bag gi dri lags so/ / rgyal po mchog tu ya mtshan skyes te smras pa/ shes ldan ma 'gag pa ni shAkya'i skal ba bzang po dang ldan pa yin no// de nas shAkya'i rgyal po bzang ldan gyis smras pa/ / gzhon nu gal te kho bo rab tu byung na/ lha sbyin shAkya rnams kyi rgyal por 'gyur te/ de shAkya rnams la gnod pa byed par 'gyur gyis/ ma la bdag cag thams cad 'dus la/ lha sbyin spro ba bskyed par bya'o zhes shAkya'i rgyal po bzang ldan gyis de bkug ste/ de nas thams cad 'dus nas smras pa/ lha sbyin kho bo cag thams cad rab tu 'byung na khyod ci byed/ lha sprin gyis bsams pa/ gal te rab tu mi 'byung ngo zhes smras pa dang / shAkya'i rgyal po bzang ldan rab tu 'byung bar mi 'gyur gyis/ de la thabs shig bshams par bya ste/ bsku'o// gzhan yang bcom ldan 'das kyis gang gi nyi ma la n+ya gro d+ha'i kun dga' ra bar sgyu ma'i cho 'phrul bstan pa de'i tshe/ bdag blo skyes pa/ ji ltar 'di'i sgyu mas skye ba'i tshogs chen po dbang du byed pa de bzhin du bdag gis kyang dbang du bya'o zhes bsams so snyam nas smras pa/ khyod cag rab tu 'byung na bdag ci ste 'dug/ shAkya'i rgyal po bzang ldan gyis bsams pa 'di ni brdzun du smras pa yin gyis dam 'char bcug la 'gro ba mang pos so sor rig
- 303a
@#par bya'o snyam mo/ / de nas rgyal pos tshig de glegs bul bris nas grong khyer ser skya'i gzhir dri'i sgrogs su bcug pa/ grong khyer ser skya'i gzhin gnas pa'i shes ldan dgazhon cig/ bzang ldan dang / nam grwa dang / ma 'gags pa dang / lha sbyin la sogs te shUkya lnga n+ya rab tu 'byung bar 'gyur gyis thos par gyis rab la rab tu dga' ba bskyed cig ces bsgo'o// lha sbyin gyis de thos nas sdug bsngal chen po dang / yid mi bde ba skyes nas/ gal te bdag gis shAkya'i rgyal po bzang ldan nges par rab tu 'byung bar shes par gyur pa dang / bdag khas len par mi 'gyur ba zhig de ni gal te rab tu ma byung na brdzun du smra ba yin no zhes rgyal srid kyang thob par mi 'gyur bas/ / thams cad kyi thams cad du dus 'dir zang ngam/ ci rab tu byung la bdag rab tu byung bzhin du rgyal srid bya'o snyam mo/ / de nas rgyal po zas gtsang 'di snyam du sems te/ shAkya rnams kyi tha ma'i 'byor pa la blta'o snyam nas/ de grong khyer de gseg ma dang / gyo mo bsal/ tsan dan gyi chus chag chag btab/ gdugs dang / rgyal mtshan bsgreng / dar gyi chun 'phyang mang po dbyangs/ shin tu dri zhim po'i pog por nye bar gzhag/ me tog sna tshogs kyi sil mas dga' dga' ltar byed du bcug go/ de nas shAkya brgya stong du mas yongs su bskor nas grong khyer gyis sgo na seng ge'i khri la 'dug go// shAkya mo dang / shAkya gzhon nu ngo mtshar skyes pa rnams kyang skar khung 'khol ma can dang / skar khung dang
- 303b
stegs bu dag la 'dug go/ / shAkya rnams kyi 'byor pa la lta bar 'dod pa'i skyes bu'i tshogs yul sna tshogs nas lhag pa dag kyang lam po che dang / chongs dang / bzhi mdo dang / sum mdo rnams su 'dug go/ / shAkya la su dag gis ni mnyes par 'gyur/ su dag gi ni thugs byung bar 'gyur ba brtag pa'i bram ze mtshan mkhan dang ltas mkhan dag bkug go// shAkya rnams do shal dang / gdu bu dang dpung rgyan dang / rgyan gyis brgyan pa rnams kyis pa dang ma dang ngag la bltas nas/ so so'i shing rtar zhugs te/ phyir 'byung bar brtsams pa na/ shAkya'i rgyal po bzang ldan sna la byung ba/ mtshan mkhan rnams kyis mthong nas/ de dag gis smras pa/ reg shig 'dis ni mnyes par 'gyur ro// de bzhin du nam gru dang / ma 'gags pa la sogs pa phyir byung ba na de rnams kyang mtshan mkhan rnams kyis lung bstan to/ / de nas lha sbyin phyir byung ste/ de phyir byung ba na bya khras gtsug gi nor bu phrogs pa mtshan mkhan rnams kyis mthong nas de rnams kyis smras pa/ 'di'i rtags dang sbyar na gdon mi za bar ston pa la 'khus nas dmyal bar gzhol bar 'gyur ro/ / ko ka li ka dang / khan da drab bya dang / ka ti mo ra ta ka dang / rgyal dang / rgya mtshos byin rnams phyir byung ba dang / bong bu'i skung grag nas de dag kyang mtshan mkhan rnams kyis lung bstan pa/ 'di dag gis kyang nyan pos chen po rnams la tshig ngan pa smras nas dmyal bar gzhol bar 'gyur ro// nye dga' glang po che la zhon nas
- 304a
phan tshun du lta bar byed pa na/ mu tig gi do shal lhung ba dang / de glang po che las babs te blangs so// de yang de rnams kyis lung bstan pa/ 'di ha cang 'dong zhe na ches pas sems can dmyal ba rnams su skye bar 'gyur ro/ / de nas bzang ldan dang / nam gru dang / ma 'gags pa dang / lha sbyin la sogs pa shAkya lnga brgya po de rnams bskyed mos tshal du dus ston la 'gro ba bzhin du bzang pos 'gran cing bcom ldan 'das gang na ba der dong ngo / / bcom ldan 'das kyis dgongs pa gal te ngas shAkya rnams la dge slong tshur shog ces bya bas rab tu phyung na/ kha cig gis ni mnyes par byed par 'gyur/ kha cig gis mnyes par byed par mi 'gyur te/ mnyes par byed par mi 'gyur ba gang dag yin pa de dag gzhan du sems la dge slong tshur shog ces bya ba ni thams cad srid pa tha ma pa yin pas/ ma la ngas thams cad dge slong rnams kyis gsol ba dang / bzhi'i las kyis rab tu byung ba dang / bsnyen par rdzogs su gzhug go snyam du dgongs nas/ dge slong rnams la bka' stsal pa/ dge slong dag ser skya'i gzhi'i shAkya rnams gsol ba dang / bzhi'i las kyis rab tu dbyung ba dang / bsnyen par rdzogs par gyis shig/ btsun pa bka' bzhin 'tshal zhes dge slong de rnams kyis bcom ldan 'das las mnyan to/ / rgyal po zas gtsang gis shAkya rnams kyi 'dreg mkhan nye bar 'khor zhes bya ba de rnams rab tu 'byin pa na// skra 'dreg par gtang nas/ shAkya'i rgyal po
- 304b
bzang ldan gyi sgra 'dreg pa na/ de ngom zum gnag cing mchi ma 'dzag cing / skad 'dzer cing dbugs rtsegs bro sgra 'dreg par byed do// shAkya'i rgyal po bzang ldan gyis smras pa/ nye bar 'khor ci'i phyir dude snying rje rje skad du gcom chung ngur dngal bus tshig re re nas smras pa/ lha bdag 'dzam bu'i gling gi skyes bu gtso bo rnams la bsnyen bkur bgyid bgyid pa mi phal pa/ rnams la yang bskor bkur bgyid par 'gyur ba lta zhig khyed kyis spangs te/ gson pas ni gum mi bsngo'o// shAkya'i rgyal po bzad ldan gyis smras pa/ nye bar 'khor khyod kyis jo bo la snying nye ba'i mnyes par bya ba bstan zin te/ chog gis mya ngan ma byed cig/ ngas ji ltar mi phal pa rnams la bsnyen bkur byed par mi 'gyur ba de ltar bya'o zhes smras nas/ des phyogs gcig tu ras gcig bting nas shAkya gzhon nu rnams la smras pa/ shes ldan gzhon nuchudrungag nyon cig/ 'dreg mkhan nye bar 'khor 'dis bdag cag la bkur sti byas la/ bdag cag kyang slar khyim du mi gnas kyis rgyan rnams de'i 'tsho ba'i rkyen tu ras kyi steng du zhog shig/ de rnams kyis se mo do dang / do shal dang / mgul rgyan dang / gdu bu dang / da pung rgyan dang / rna rgyan la sog pa rin po che sna tshogs kyis brgyan pa'i rgyan khyad par can rnams kyis ras kyi steng du dung po chen por spungs so// nye bar 'khor gyis de rnams mthar gyis skra bregs te/ de rnams khrus la dong ba dang / des bsams pa re shig gzhon nu 'di dag rigs dang 'byor pa dang / lang tsho la bab cing chung ma dang ldan la mdzod dang
- 305a
bang mdzod kyis kyang rgyas pa yang spangs nas/ rab tu byung na bdag rgyan 'di tsam la chags pa ni tshul ma yin pas sdug bsngal bar 'gyur ro// gal te bdag rigs ngan du ma skyes na bdag kyang legs par gsungs pa'i chos 'dul ba la rab tu 'byung zhing chu bo las rgal ba dang / sbyor ba las yang dag par 'da' bar bya ba'i phyir bsal ba dang 'bad pa la brtson par bya ba zhig snyam mo/ / 'di ni chos nyid yin te/ ji ltar sangs rgyas bcom ldan 'das rnams nyin lan gsus mtshan lan gsum/ sangs rgyas kyi spyan gyis 'jig rten la gzigs pa de bzhin du nyan thos chen po rnams kyang byed bas/ tshe dang ldan pa shA ri'i bus 'dreg mkhan nye bar 'khor lhag par skyo ba skyes pa mthong ngo // mthong nas kyang 'dreg mkhan nye bar 'khor gang na ba der song ste/ byin nas 'dreg mkhan nye bar 'khor la 'di skad ces smras so/ / nye bar 'khor khyod ci'i phyir shin tu mi dga' bas lag pa 'gram pa la gtad nas sems khongs su chud cing 'dug/ nye bar 'khor gyis smras pa/ btsun pa shA ri'i bu gang gi phyir/ da ltar gzhon nu 'di dag rigs dang 'byor pa dang / lang tshol bab cing chung ma dang ldan la mdzod dang / bang mdzod kyis rgyas pa yang spangs nas rab tu byung na/ bdag rgyan 'di tsam la chags pa ni tshul ma yin pas sdug bsngal bar 'gyur ro/ / gal te bdag rigs ngan du ma skyes na/ bdag kyang legs par gsungs pa'i chos 'dul ba la rab tu 'byung zhing chu bo las rgal ba dang / sbyor ba las yang dag
- 305b
par 'da' bar bya ba'i phyir bsal ba dang / 'bad pa la brtson par bgyi ba zhig na/ bdag ci'i phyir sems khongs su chud par mi 'gyur/ tshe dang ldan pa shA ri'i bus smras pa/ bzhin bzangs thub pa'i dbang po'i gsung rab 'di la ni rogs snying por byed pa ma yin/ rus snying por byed pa ma yin// rgyud snying por byed pa ma yin/ thos pa snying por byed pa ma yin te/ 'di ltar thub pa'i dbang po'i gsung rab 'di la ni sgrub pa snying por byed pa yin no/ / de bzhin gshegs rnams rigs dang ni// rgyud dang rus la rtog mi mdzad// 'das nas yun ring lon pa yi// las rnams la ni rtog par mdzad// gal te legs par gsung pa'i chos 'dul ba la rab tu byung ba dang bsnyen par rdzogs pa dge slong gis dngos po 'dong na tshur/ bcom ldan 'das kyi spyan sngar 'dong dang / bcom ldan 'das kyis rab tu 'byin par 'gyur ro// des khas blangs so/ / de nas tshe dang ldan pa shA ri'i bus 'dreg mkhan nye bar 'khor khrid de/ bcom ldan 'das gang na ba der dong nas phyin pa dang / bcom ldan 'das kyi zhabs gnyis la mgo bos phyag byas te/ bcom ldan 'das la 'di skad ces gsol to// btsun pa nye bar 'khor 'di legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po 'tshal lags na/ thugs brtse ba nye bar bzung te/ bcom ldan 'das kyi 'di rab tu dbyung ba dang / bsnyen par rdzogs par mdzad du gsom/ bcom ldan 'das kyis de la bka' stsal pa/ dge slong tshur
- 306a
shog tshangs par spyad pa spyod cig ces/ bcom ldan 'das kyis bka' stsal pa'i mong kho nar skra byib dang / snam sbyar gyon pa dang / lag pa lhung bzed dang / bya ma dum gyis 'brel ba dang / skra dang kha spu skyed nas zhag bdun lon pa tsam dang / dge slong bsten par rdzogs nas lo brgya lon pa'i spyod lam lta bur gnas par gyur to// smras pa/ de bzhin gshegs pas tshur shog bka' stsal pas/ sgra byi snam sbyar gyon pa'i lus ldan zhing // mo la dbang po rab zhir gnas gyur te// sangs rgyas dgongs pas lus gzugs bkab par gyur// shAkya rab tu byung ba'i rnam nirgan rims ji lta ba bzhin du 'dud pa byed pas/ shAkya'i rgyal po bzang ldan 'dud par byed pa na/ nye bar 'khor gyi rkang pa yin par shes so// de nas des gdong bteg ste gsol pa// bcom ldan 'das 'di ni nye bar 'khor lags na/ ci bdag gis 'di'i rkang pa gnyis la yang gdud pa bgyi 'am/ bcom ldan 'das kyis bka' stsal pa/ bu nga rgyal spang ba'i phyir rab tu byung ba yin te/ 'di rgan gyis nga rgyal gyi dregs pa cho ga la bud cig/ des de'i rkang pa la gtugs pa na sa chen po lan drug tu g.yos par gyur te/ sa chen po 'di g.yos rab tu g.yos/ kun tu rab tu g.yos ldeg rab tu ldeg/ kun tu rab tu ldeg ste/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'
- 306b
dbus mtho na mtha' dma'/ mtha' mthon dbus dma' bar gyur to// de ltar thams cad kyis rims bzhin du gtugs so// lha sbyin gyis ma btud pa dang / bcom ldan 'das kyis bka' stsal pa/ du nga rgyal spangs pa'i phyir/ rab tu byung ba yin gyis thung cig/ des gsol pa/ bdag gis de'i rkang pa la ma gtugs na khyod la gnod pa ci mchis zhes de 'dud du ma btub ste/ der thog mar bcom ldan 'das kyi bka' lha sbyin gyis bcag go/ / sangs rgyas bcom ldan 'das yul ser skya'i gzhi n+ya gro d+ha'i kun dga' ra ba na bzhugs so// de nas ser skya'i gzhi na gnas pa'i shAkya rab tu mang po 'dun khang du tshogs shing / 'dus nas bar skabs kyi gtam 'di lta bu dag gleng bar byed de/ shes ldan dag shAkya rnams ni gang las skyes/ thog ma ni gang yin// rgyu ni ci zhig yin/ shAkya rnams kyi sngon gyi rigs rgyud ni gang yin/ gal te bdag cag gi drung du 'ga' zhig 'ongs nas 'di skad 'dri ste/ shes ldan dag shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin zhes de skad du 'dri na/ bdag cag gis ni shAkya rnams gang las skyes pa dang / thog ma gang yin pa dang / rgyu ci zhig yin pa dang / shAkya rnams kyis sngon gyi rigs rgyud ni gang yin/ pa yang mi shes na/ ji skad du lung bstan/ tshur bdag cag bcom ldan 'das gang na ba der dong la lpags pa dang / bcom ldan 'das la don de nyid zhus nas/ bcom ldan 'das kyis bdag cag la rdzi
- 307a
skad du lung bstan pa de bzhin du gzung bar bya'o/ / de nas ser skya'i gzhi na gnas pa'i shAkya rab tu mang po bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag byas te/ phyogs gcig tu 'dug go// phyogs gcig tu 'dug nas/ ser skya'i gzhi'i shAkya rnams kyis 'di skad ces gsol to// btsun pa 'dir bdag cag ser skya'i gzhi'i shAkya rab tu mang po 'dun khang du tshogs shing 'dus nas/ bar skabs kyi bka' mchod 'di lta bu dag glang ste/ shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin// gal te bdag cag gi drung du 'ga' zhig 'ongs nas 'di skad 'dri ste/ shes ldan dag shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin zhes de skad du 'dri na/ bdag cag gis shAkya rnams ni gang las skyes// thog ma ni gang yin// rgyu ni ci zhig yin/ shAkya rnams kyi sngon gyi rigs rgyud gang yin pa yang mi shes na ji skad du lung bstan/ tshur bdag cag bcom ldan 'das gang na ba der dong la lhags pa dang / bcom ldan 'das la don 'di nyid zhus te/ bcom ldan 'das kyis bdag cag la ji skad du lung bstan pa de bzhin du gzung bar bgyi'o snyam nas/ de'i slad du/ bcom ldan 'das la bdag cag don 'di nyid zhu lags na/ bcom ldan 'das shAkya rnams ni gang
- 307b
las skyes lags/ thog ma ni gang lags/ rgyu ni ci lags/ shAkya rnams kyi sngon gyi rigs rgyud ni gang lags/ de nas bcom ldan 'das 'di snyam du dgongs te/ gal te ngas shAkya rnams kyi sngon gyi rigs rgyud las brtsams nas chos kyi gtam glengs na/ mu stegs can dang kun tu rgyu gzhan dag 'di skad ces dge sbyong go'u ta ma ni ci 'dod pa de lung ston pas bdag nyid bstod par byed do zhes smra ba gang yin pa'i gnas 'di yod pas/ nga'i nyan thos las shAkya rnams kyi sngon gyi rigs rgyu las brtsams nas chos kyi gtam gleng bar nus pa su yod snyam mo// de'i tshe tshe dang ldan pa mo'u 'gal gyi bu chen po 'khor de nyid du 'dus shing 'dug par gyur to/ / de nas bcom ldan 'das kyis tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu nga ro rgyab spungs pas re shig de bsal gyis/ khyod kyis shAkya rnams kyi sngon gyi rigs rgyud las brtsams nas dge slong rnams la chos kyi gtam bya bar spobs par gyis shig/ tshe dang ldan pa mo'u 'gal gyis bu chen pos bcom ldan 'das la cang mi smra bas khas blangs so// de nas bcom ldan 'das kyis tshe dang ldan pa mo'u 'gal gyis bu chen pos cang mi smra bas khas blangs par thugs su chung nas/ snam sbyar blta ba ste phangs su bcug nas glo g.yas pas phab ste zhabs kyi steng du zhabs bzhag nas snang ba'i 'du shes dang dran pa dang / shes bzhin dang ldan pa'i 'du shes kho na yid la mdzad pas mnal to// de nas tshe dang ldan pa mo'u 'gal gyi bu chen po 'di snyam du sems te/ ma la bdag gis sems
- 308a
ji ltar mnyam par bzhag na shAkya rnams gang las skyes pa dang / thog ma gang yin pa dang / rgyu gang yin pa dang / shAkya rnams kyi sngon gyi rigs rgyud gang yin pa mthong bar 'gyur ba de lta bu'i ting nge 'dzin la snyoms par 'jug par bya'o snyam nas/ tshe dang ldan pa mo'u 'gal gyi bu chen pos sems ji ltar mnyam par bzhag na/ shAkya rnams kyi sngon gyi rigs rgyud mthong bar 'gyur ba de lta bu'i ting nge 'dzin la snyoms par zhugs pa dang / tshe dang ldan pa mo'u 'gal gyi bu chen pos shAkya rnams kyi sngon gyi rigs rgyud shAkya rnams gang las skyes pa dang / thog ma gang yin pa dang / rgyu ci zhig yin pa dang / shAkya rnams kyi sngon gyi rigs ni gang yin pa mthong ngo / / mthong nas ting nge 'dzin de las langs te/ dge slong gi dge 'dun gyi gung la stan bshams pa nyid la 'dug go// 'dug nas tshe dang ldan pa mo'u 'gal gyi bu chen pos/ ser skya'i gzhi'i shAkya rnams la smras pa/ go'u ta ma dag 'jig rten 'di 'jig cing 'jig rten zhig na// sems can phal cher 'od gsal gyi lha'i ris su skye bar 'gyur te/ de rnams de na yid las byung ba'i gzugs phun sum tshogs pa/ dbang po ma nyams shing ma tshang ba med pa/ yan lag dang nying lag thams cad dang ldan pa/ kha dog bzang pos gnas pa/ rang gi 'od can nam mkha' la'i'agro ba/ dga' ba za zhing dga' ba'i zas kyi tshe ring zhing yun ring du gnas so// de'i tshe sa chen po 'di chu 'ba' shig tu 'gyur zhing mchogacig tu 'gyur ro// sa chen po 'di chu 'ba'
- 308b
shig gi mcho gcig tu gyur pa'i steng du rlung gis spris ma chags pa dang / mkhregs pa dang / khebs par byed do// dper na 'o ma bskol ba grangs par gyur pa'i steng du rlung gis spris ma chags pa dang / mkhregs pa dang / khebs pa de bzhin du sa chen po 'di chu 'ba' shig gis mcho gcig tu gyur pa'i steng du rlung gis spris ma chags pa dang / mkhregs pa dang / khebs par byed do// sa'i bcud de ni kha dog phun sum tshogs pa/ dri phun sum tshogs pa/ ro phun sum tshogs pa yin zhing / kha dog ni 'di lta bu yin te/ dper na mar sar lta bu'o// ro ni 'di lta bu yin te/ dper na sbrang ma'i sbrang rtsi btsir ba lta bu'i dus gang yin pa de yod do/ / go'u ta ma dag 'jig rten gang yin pa 'di 'chags shing 'jig rten chags na// de nas sems can kha cig tshe zad/ las zad / bsod nam zad nas/ 'od gsal gyi lha'i ris nas shi 'phos nas/ 'di lta bur mi rnams dang skal ba mnyam pa 'ong zhing / de rnams 'di na yid las byung ba'i gzugs phun sum tshogs pa/ dbang po ma nyams shing ma tshang ba med pa/ yan lag dang / nying lag thams cad dang ldan zhing / kha dog bzang pos gnas pa rang gi 'od can/ nam mkha' la 'gro ba dga' ba za zhing dga' ba'i zas kyis tshe ring zhing yun ring du gnas par 'gyur ro/ / de'i tshe nyi ma dang / zla ba yang 'jig rten du mi 'byung ste// rgyu skar rnams kyang med skad cig dang thang cig dang / yud tsam yang med/ mtshan mo dang / nyin mo yang
- 309a
med/ zla ba dang / zla ba phyed dang / dus tshigs dang / lo rnams kyang 'jig rten du 'byung ba med do// skyes pa dang / bud med du mngon pa yang med kyi/ gzhan du na sems can sems can zhes bya ba'i grangs su 'gro'o/ / de nas sems can brkam chags kyi rang bzhin can zhig gis mdzub mo'i rtse mos sa'i bcud myang bar byed do// ji lta ji ltar myangs pa de lta de ltar sred do// ji lta ji ltar sred pa de lta de ltar kham gyi zas rim gyis za'o// sems can gzhan dag gis kyang sems can de mdzub mo'i rtse mos sa'i bcud myang bar byed do// ji lta ji ltar myangs pa de lta de ltar sred la ji lta ji ltar sred pa de lta de ltar kham gyi zas rims gyi za ba mthong ngo / / mthong nas de rnams kyis kyang mdzub mo'i rtse mos sa'i bcur myang bar rtsom ste/ ji lta ji ltar myangs pa de lta de ltar srad do// ji lta ji ltar sred pa de lta de ltar kham gyi zas rim gyis za'o// gang gi tshe sems can de rnams kyis sa'i bcung la kham gyi zas rim gyis zos pa de'i tshe de rnams kyi lus la mkhrang pa dang / lci bzhugs par gyur to/ / de rnams kyi kha dog bzang po'i gsal ba gang yin pa de yang nub par gyur pas 'jig rten du mun pa byung bar gyur to// go'u tam dag chos nyid kyis 'jig rten du mun pa byung ba na nyi ma dang zla ba gnyis 'jig rten du 'byung bar 'gyur ro/ / rgyu skar dang / skad cig dang / thang cig dang / yud tsam dang / mtshan mo dang / nyin mo dang / zla ba dang / zla ba phyed dang / dus tshigs dang / lo 'jig rten
- 309b
du 'byung bar 'gyur ro/ / de rnams de za zhing / zas su za ba la tshe ring zhing yun ring du gnas so// de rnams las zas la ches nyung zad du za ba gang yin pa de ni kha dog dang ldan par 'gyur ro// kha zas la ches mang du za ba gang yin pa de ni kha dog ngan par 'gyur te/ kha zas kyi tshad gnyis la brten nas/ kha dog gi rnam pa gnyis mngon te/ kha dog rnam pa gnyis yod pas/ kye sems can kho bo ni kha dog dang ldan no/ / khyod ni kha dog ngan pa yin no// zhes sems can gyis sems can la khyad du gsod ngo // kha dog gi mngon pa'i nga rgyal can de rnams sdig pa mi dge ba'i chos de dag nyid blangs pa'i rgyus sa'i bcung nu pabar gyur to/ / go'u ta ma dag sa'i bcud de nub pa na sems can de rnams tshogs shing 'dus nas 'di skad ces kyi hud bro ba kyi hud bro ba zhes smre sngags 'don la mya ngan dang sdug bsngal bar gyur to// dper na da ltar mi rnams kyis zas zhim po cung zad cig zos nas sngon gyi yi ge dang tshig dang / tshig 'bru de nyid rjes su dran nas/ 'di skad ces kyi hud bro ba/ kyi hud bro ba zhes smra ba de bzhin du/ sems can de rnams sa'i bcu nub pa na tshogs shing 'dus nas 'di skad ces kyi hung bro ba/ kyi hud bro ba zhes smra zhing smre sngags 'don la mya ngan dang / sdug bsngal bar gyur kyang / smras pa 'di'i don ni 'di yin/ smras pa 'di'i don ni 'di yin no zhes de'i don ni mi shes so/ / go'u ta ma dag sems can de rnams kyi sa'i bcu nga nub pa na/ sa'i zhag kha dog phun sum tshogs pa byung bar gyur te/ kha dog ni 'di lta bu yin te/ dper na dong ka'i me tog lta bu'o//
- 310a
ro ni 'di lta bu yin te/ dper na sbrang ma'i sbrang rtsi btsir ba lta bu'o// de rnams de za zhing de zas su za ba la tshe ring zhing yun ring du gnas so// de rnams las kha zas la ches nyung ngu za ba gang yin pa de ni kha dog dang ldan par gyur to/ / kha zas ches mang du za ba gang yin pa de ni kha dog ngan par gyur to// zas kyi tshad gnyis la brten nas kha dog rnam pa gnyis mngon te/ kha dog rnam pa gnyis yod pas/ kye sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do// kha dog gi mngon pa'i nga rgyal can de rnams sdig pa mi dge ba'i chos de ngag nyid blangs pa'i rgyus sa'i zhag nub par gyur to/ / go'u ta ma dag sa zhag de nub par gyur pa na/ sems can de rnams tshogs shing 'dus nas 'di skad ces kyi hud bro ba zhes smra zhing smre sngags 'don la/ mya ngan gyis sdug bsngal bar gyur to// dper na da ltar mi rnams sdug bsngal ba dang / yid mi bde ba 'ga' shig gis reg pa na/ sngon gyi yi ge dang tshig dang tshig 'bru de nyid rjes su dran nas// 'di skad ces a ma'o kyi hud e ma'o kyi hud zhes smra ba de bzhin du/ sems can de rnams sa zhag de nub pa na tshogs shing 'dus nas 'di skad ces kyi hud bro ba kyi hud bro ba zhes smra zhing smre sngags 'don la mya ngan dang / sdug bsngal bar gyur kyang smras pa 'di'i don ni 'di yin/ smras pa 'di'i don ni 'di yin no zhes bya bar mi shes so// go'u ta ma dag sems can de rnams kyis zhag de nub pa na/ myu gu'i tshal kha dog phun sum
- 310b
tshogs pa/ dri phun sum tshogs pa/ ro phun sum tshogs par 'gyur zhing / kha dog 'di lta bu yin te/ dper na/ shing ka dam pa ka'i me tog lta bu'o// ro ni 'di lta bu yin te/ dper na sbrang ma'i sbrang rtsi btsir ba lta bu'o/ / de rnams de za zhing de zas su za ba la tshe ring zhing yun ring du gnas so// de rnams las kha zas la ches nyung bar za ba gang yin pa de ni/ kha dog dang ldan par gyur to// kha zas la chas mang du za ba gang yin pa de ni kha dog ngan par gyur to/ / zas kyi tshad gnyis la bsten nas kha dog rnam pa gnyis mngon no// kha dog rnam pa gnyis yod pas/ kye sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsong bar byed do// kha dog gi mngon pa'i nga rgyal can de rnams sdig pa mi dge ba'i chos de dag nyid blang ba'i rgyus myu gu'i tshal de nub par gyur to/ / go'u ta ma dag myu gu'i tshal de nub par gyur pa na sems can de rnams tshogs shing 'dus nas 'di skad ces mdun nas par song mdun nas par song zhes smra zhing sde sngags 'don la mya ngan dang / sdug bsngal bar gyur to/ / dper na da ltar mi rnams 'ga' shig la drag po'i tsher gcod par 'dod pa na/ sngon gyi yi ge dang / tshig dang / tshig 'bru de dag nyid rjes su zlos shing 'di skad ces mdun nas phar song mdun nas phar song zhes smra ba de bzhin du sems can de rnams myu gu'i tshal nub pa dang / tshogs shing 'dus nas 'di skad ces mdun nas par song mdun nas par song zhes smra zhing smre sngags 'don la
- 311a
mya ngan dang / sdug bsngal bar gyur kyang smras pa 'di'i don ni 'di yin/ smras pa 'di'i don ni 'di yin no zhes bya bar de'i don ni mi shes so// go'u ta ma dag sems can de rnams kyi myu gu'i tshal nub nas/ ma rmos ma btab pa'i 'bras sa lu'i 'bras bu tshen bzhi pa/ phub ma med pa/ sbun pa med pa/ shun pa med pa/ dag pa gtsang ma skyes te/ de nub brngas na nang skye zhing smin par 'gyur/ nang brngas na nub skye zhing smin par 'gyur bas/ brngas shing brngas kyang slar skye bas brngas par yang mi mngon no// de rnams de za zhing de za ba la tshe ring zhing yun ring du gnas so// gang nas sems can de rnams kyis ma rmos ma btab pa'i 'bras sA lu'i 'bras bu la kham gyi zas su rim gyis zos pa de nas de rnams kyi dbang po tha dad pa byung bar gyur to// kha cig la ni skyes pa'i dbang po'o// kha cig la ni bud med kyi dbang po'o// de na bud med kyi dbang po can gang yin pa rnams dang / skyes pa'i dbang po can gang yin pa rnams gcig la gcig mig gis mig tshugs su lta'o// ji lta ji ltar gcig la gcig mig mig tshugs su lta ba de lta de ltar kun tu chags so/ / ji lta ji ltar kun tu chags pa de lta de ltar zhen to// ji lta ji ltar zhen pa de lta de ltar log par zhugs so// sems can gzhan dag gis kyang sems can gyis sems can la log par zhugs pa mthong ngo / / mthong nas kyang sa dang bong ba dang / gseg ma dang / gyo mo gtor nas 'di skad ces sems can ngan pa tha chad rnams ni bya ba ma yin
- 311b
'byed do/ / sems can ngan pa tha chad rnams ni bya ba ma yin pa byed pa yin gyis/ kra ye sems can khyod kyis da ji ltar sems can sun dbyung zhes smra'o// dper na/ da ltar gyi mi rnams bag ma blangs pa na phye ma dang / dri dang / phreng ba dang / gos dang / 'bras yos kyis gtor nas 'di skad ces bag ma bde bar gyur cig ces zer ba de bzhin du/ sems can rnams kyis sems can log par zhugs pa mthong ba na/ sas gtor cing bong ba dang / gsag ma dang / gyo mo rnams kyis kyang gtor nas/ 'di skad ces sems can ngan pa tha chad rnams ni bya ba ma yin pa byed do// sems can ngan pa tha chad rnams ni bya ba ma yin pa byed kyis/ kA ye sems can khyod kyis da ji ltar sems can sun dbyung zhes smra ba'i dus gang yin pa de yod do// go'u ta ma dag de ltar na sngon chos ma yin par 'dod pa gang yin pa dang / sngon gyi 'dul ba ma yin par 'dod pa gang yin pa de ni da ltar chos su 'dod do/ / 'dul bar 'dod do// sngon smad par bya bar 'dod pa gang yin pa de ni da ltar bsngags par bya bar 'dod do// de rnams kyis de zhag gcig cig spangs pa nas/ zhag gnyis dang gsum dang / bdun du yang spangs so// gang na sems can de rnams sdig pa can dam pa ma yin pa'i chos de la lhag par sdig pa can gyi brtul zhugs spyod pa de rnams khang pa rtsig ba la brtson par byed de/ 'dir bdag cag bya ba ma yin pa skyong ngo // 'dir bdag cag bya ba ma yin pa spyod do zhes zer bas khyim khyim zhes bya bar grags te/ go'u tam dag 'di ni 'jig rten du khang
- 312a
pa'i las kyi mtha' rnams byung ba'i rtsom pa dang po yin no/ / de yang chos kyis yin gyi chos ma yin pas ma yin te/ de la rgyal ba'i dbang po'i chos la 'di ni gtso bo yin no// de rnams nub bza' ba don du gnyer ba yang dgongs ka/ nang bza' ba don du gnyer ba yang nang par sa lu'i ched du 'dong bar byed do// de nas sems can snyom las kyi rang bzhin can zhig gis nang par gyis lu nub blangs so/ / de nas sems can gzhan zhig gis sems can de la 'di skad ces smras so// kye sems can dag khyod tshur sa lu'i phyir 'dong ngo // de nas sems can des sems can de la 'di skad ces smras so/ / kye sems can khyod rang gi sa lu la soms shig/ kho bos ni nang par gyi sa lu nub blangs so// de nas sems can de 'di snyam du sems te/ kye ma de ni legs so/ / kye ma de ni shin tu legs kyi/ ma la bdag gis zhag gnyis kyi dang / zhag gsum gyi dang / zhag bdun gyi bar gyi sa lu blang ngo snyam nas/ des zhag gnyis kyi dang / zhag gsum dang / zhag bdun gyi bar gyi sa lu blangs so/ / de nas sems can zhig gis sems can de la 'di skad ces smras so// kye sems can khyod tshu sa lu'i phyir 'dong ngo // de nas sems can des de la 'di skad ces smras so/ / kye sems can khyod rang gis lu la soms shig/ kho bos ni zhag gnyis kyi dang / gsum gyi dang / zhag bdun gyi bar gyis lu blangs zin no// de nas sems can de 'di snyam du sems
- 312b
te/ kye ma de ni legs so// kye ma de ni shin tu legs kyis/ ma la bdag gis zla ba phyed dang / zla ba gcig gi sa lu blang ngo snyam nas des zla ba phyed dang / zla ba gcig gi sa lu blangs so// gang nas sems can de rnams kyis ma rmos ma btab pa'i 'bras sa lu'i 'bru sog 'jog gi yongs su longs spyad pas zos pa de nas sa lu de'i 'bras bu dub ma dang / sbun pa dang / shun pas yog par gyur to// brngas shing brngas na yang phyir mi skye bas brngas par yang mngon la/ sa lu yang sbubs sam yal ga'i sbubs la yod par gyur to// de nas sems can de rnams tshogs shing 'dus nas/ shes ldan dag bdag cag la sngon yid las byung ba'i gzugs phun sum tshogs pa/ dbang po ma nyams shing ma tshang ba med pa/ yan lag dang / nying lag thams cad dang ldan pa/ kha dog bzang pos gnas ba/ rang gi 'od dang ldan pa/ nam mkha' la 'gro zhing dga' ba za zhing dga' ba'i zas kyi tshe ring zhing yun ring du gnas la/ bdag cag la sa'i bcud kha dog phun sum tshogs pa/ dri phun sum tshogs pa ro phun sum tshogs pa byung bar gyur te/ bdag cag sa'i bcud la kham gyi zas kyi rim gyis zos te/ gang gi tshe bdag cag gis sa'i bcud la/ kham gyi zas kyi rim gyis zos pa de'i tshe/ bdag cag gi lus la thub pa nyid dang / lci ba nyid zhugs par gyur to// kha dog bzang po'i gsal ba gang yin pa de nub par gyur pas/ 'jig rten du mun pa byung bar gyur to// bdag cag de za zhing zas su za ba la tshe ring
- 313a
zhing yun ring du gnas par gyur to/ / bdag cag las kha zas la ches nyung ngu za ba yin pa de ni kha dog bzang por gyur/ kha zas ches mang du za ba gang yin pa de ni/ kha dog ngan par gyur te/ kha zas kyi tshad gnyis la brten nas/ kha dog gi rnam pa gnyis mngon te/ kha dog rnam pa gnyis yod pas/ kA ye sems can kho bo ni kha dog dang ldan la/ khyod ni kha dog ngan pa yin no zhes sems can gyi sems can la khyang du gsod par byed do/ / bdag cag kha dog gi mngon pa'i nga rgyal can rnams sdig pa mi dge ba'i chos de dag nyid blangs pa'i rgyus sa'i bcud de nub par gyur to/ / sa'i bcud de nub pa na sa zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag cag de za zhing / de zas su za ba la tshe ring zhing yun ring du gnas so/ / bdag cag las kha zas ches chung ngu za ba gang yin pa de ni kha dog dang ldan par gyur/ kha zas ches mang du za ba gang yin pa de ni kha dog ngan par gyur te/ zas kyi tshad gnyis la brten nas/ kha dog gi rnam pa gnyis mngon no/ / kha dog rnam par gnyis yod pas kA ye sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do// bdag cag kha dog gi mngon pa'i nga rgyal can rnams sdig pa mi dge ba'i chos de dag nyid blangs pa'i rgyus sa zhag de nub par gyur to/ / sa zhag de nub pa na/ myu gu'i tshal kha dog phun sum tshogs pa/ dri phun sum tshogs pa// ro phun sum tshogs
- 313b
pa byung bar gyur te/ bdag cag de za zhing de zas su za ba la/ tshe ring zhing yun ring du gnas so// bdag cag rnams las kha zas ches nyung ngu za ba gang yin pa de ni kha dog dang ldan par gyur/ kha zas ches mang du za ba gang yin pa de ni kha dog ngan par gyur te/ kha dog gi rnam pa gnyis mngon no// kha dog rnam pa gnyis yod pas/ kwa ye sems can kho bo ni kha dog dang ldan la/ khyod ni kha dog ngan pa yin no zhes sems can gyis sems can la khyad du gsod par byed do/ / bdag cag kha dog gi mngon pa'i nga rgyal can sdig pa mi dge ba'i chos de dag nyid blangs pa'i rgyus myu gu'i tshal de nub par gyur to// myu gu'i tshal de nub pa na/ ma rmos ma btab pa'i 'bras sa lu'i 'bru tshon bzhi pa/ phub ma med pa/ sbun pa med pa/ shun pa med pa/ dag pa gtsang ma skye ste/ de nub brngas na nang skye zhing smin par 'gyur/ nang brngas na nub skye zhing smin par 'gyur bas/ brngas shing brngas kyang slar yang skye bas brngas par yang mi mngon te/ bdag cag de za zhing zas su za ba la tshe ring zhing yun ring du gnas so// gang nas bdag cag gis ma rmos ma btab pa'i 'bras sa lu'i 'bru sog 'jog gi yongs su longs spyad pas zos pa de nas sa lu de'i 'bras bu bub ma dang / sbun pa dang / shun pas yog par gyur to// brngas shing brngas na yang slar mi skye bas brngas par yang mngon la sa lu yang sbubs la yod par gyur pas/ ma la bdag cag tshogs shing 'dus la zhing gzhal te/ mtshams bcang la/ 'di ni khyod kyi'o// 'di ni nga'i'o zhes mu thug bre bar bya'o zhes de rnams tshogs
- 314a
shing 'dus nas zhing bgos te/ mtshams su mu thugs bres so// go'ungam dag 'di ni 'jig rten du mu thug 'dri ba'i las kyi mtha' rnams byung ba'i rtsom pa dang po yin na// de yang chos kyis yin gyi cho ma yin pas ni ma yin pas/ de la rgyal ba'i dbang po'i chos la 'di ni chos kyi mtsho yin no// de nas sems can zhig gis rang gi sa lu yod bzhin du gzhan gyis lu ma byin par blang so/ / sems can gzhan dag gis sems can des rang gi sa lu yod bzhin du gzhan gyis lu ma byin par blangs pa mthong ngo // mthong nas sems can de la 'di skad ces smras so// kra ye sems can khyod rang gis lu yod bzhin du gzhan gyis lu ma byin par ci'i phyir blang zhes de par drangs tshur drangs nas/ ji tsam na 'khor mi'i nang du khrid de shes ldan dag sems can 'di rang gi sa lu yod bzhin du lan gsum gyi bar du gzhan gyis lu ma byin par len to zhes spyos so/ / de nas sems can de rnams kyis sems can la 'di skad ces smras so// kwa ya sems can khyod rang gi sa lu yod bzhin du gzhan gyi sa lu ma byin par ci'i phyir blang / kwa ye sems can khyod song la phyin chad de ltar ma byed cig/ de nas sems can des sems can de rnams la 'di skad ces smras so// shes ldan dag sems can 'dis bdag sa lu'i phyir phar drangs tshur drangs te ji tsam na 'khor gyi nang du yang phyung nas spos so/ / de nas sems can de rnams kyis sems can de la 'di skad ces smras so// kA ye sems can khyod kyis sems can
- 314b
las lu'i phyir bar drangs chur drangs nas ji tsam na 'khor gyi nang du yang srung nas ci'i phyir spyos/ kwa ye sems can khyod song la phyin chad de ltar ma byed cig/ de nas sems can de rnams 'di snyam du sems teshes ldan dgas su'i phyir bar 'dren tshur 'dzin cing ji tsam na 'khor gyi nang du skyo ba yang snang bas/ ma la bdag cag tshogs shing 'dus la bdag cag gi nang na sems can lhag par gzugs bzang ba lhag par blta na sdug pa/ lhag par mdzes la/ lhag par bsod nams che bar grags pa gang yin pa de ni bdag cag gi zhing rnams kyi bdag por bskos dang nges bdag cag chad pas bcad par bya ba rnams ni chad pas gcod par 'gyur/ phan gdags par bya ba rnams la ni phan 'dogs par 'gyur te// bdag gi zhing dag las 'khrungs pa gang yin pa de las de la chos bzhin du thog shas sbyin par bya'o snyam nas/ de rnams tshogs shing 'dus te/ de rnams kyi nang nas lhag par gzugs bzang ba/ lhag par blta na sdug pa/ lhag par mdzes pa/ lhag par bsod nams che bar grags pa gang yin pa de zhing rnams kyi bdag por bskos te/ 'di skad ces kyi sems can khyod tshur shog/ kho bo cag las chad pas bcad par bya ba rnams ni chad pas chod cig/ phan gdags par bya ba rnams ni phan thogs shig/ kho bo cag gi zhing dag las 'khrud pa gang yin pa de las khyod la kho bo cag gis chos bzhin du thog shas sbyin no// de de rnams la chad pas bcad par bya ba ni chad pas gcod/ phan gdags par
- 315a
bya ba rnams la ni phan 'dogs par byed cing / de la de rnams kyi zhing dag las 'khrungs pa gang yin pa de las chos bzhin du thog shas dbul te/ skye bo'i tshogs chen pos bkur cing skye bo tshogs chen pos bkur bas mang po bkur ba mang pos bkur ba zhes grags so/ / zhing de rnams kyi bdag por gyur pa na/ nyam pa las skyob par byed pas rgyal rigs rgyal rigs zhes bya bar grags so// chos kyis skye dgu mgu bar byed cing / tshul khrims nyams su blangs te gnas/ shes rab nyams su blangs te gnas pas rgyal po rgyal po zhes bya bar grags so// go'u ta ma dag rgyal po mang pos bkur kyi tshe/ mi rnams kyi ming sems can sems can zhes bya bar gyur to// go'u ta ma dag rgyal po mang pos bkur ba'i bu 'ong mdzes zhes bya ste/ go'u ta ma dag rgyal po 'od mdzes kyi tshe/ mi rnams kyi ming tshur shog tshur shog ces bya bar gyur to/ / 'od mdzes kyi bu dge ba zhes bya ste/ go'u ta ma dag rgyal po dge ba'i tshe/ mi rnams kyi ming sme ba can sme ba can zhes bya bar gyur to// go'u ta ma dge ba'i bu dge mchog ces bya ste/ go'u tam dag rgyal po dge mchog gi tshe/ mi rnams kyi ming sprin mgrin sprin mgrin zhes bya bar gyur to// dge mchog gi bu gso sbyong 'phags zhes bya ste/ go'u ta ma ngag rgyal po gso sbyong 'phags kyi tshe/ mi rnams kyi ming ta la'i rkang ta la'i rkang zhes bya bar gyur to// rgyal po gso sbyong 'phags kyi spyi bor rmen pa zhig skyes pa 'jam zhing shin tu mnyan te/ dper na shing bal gyi 'da' ba 'am/ ras bal gyi 'da' ba
- 315b
bzhin du cung zad kyang gnod pa mi skyed do/ / de smin nas brtol ba dang / khye'u gzugs bzang ba/ blta na sdug pa/ mdzes pa skyes bu chen po'i mtshan sum cu rtsa gnyis kyis kun nas brgyan pa zhig byang ste/ spyi bo las skyes pas spyi bo skyes zhes bya bar gyur to// gzhon nu byung ma thag tu rgyal po gso sbyong 'phags kyi btsun mo drug khri'i nang du bkri ba dang / de rnams kyi nu ma la 'o ma zag nas ri res nga las nu nga las nu zhes smras pas nga las nu zhes bya bar grags so/ / go'u ta ma dag rgyal po nga las nu gang gi tshe rgyal srid byed pa de'i tshe/ mi rnams sems par byed/ 'jal bar byed// nye bar rtog par byed de// de rnams bsams gzhal nye bar brtags nas/ bzo'i gnas dang / las kyi gnas tha dad pa dag byed du 'jug pas/ des na de rnams yid las skyes yid las skyes zhes bya bar grags so/ / go'u ta ma dag rgyal po drug po 'di dag ni tshe tshad med cing tshe dpag tu med pa yin no// go'u ta ma dag rgyal po nga las nu'i brla g.yas par sha rman zhig skyes pa 'jam zhing shin tu mnyen te/ dper na shing bal gyi 'da' ba 'am/ ras bal gyi 'da' ba bzhin du cung zad gnod pa mi skyed do// de smin nas brtol ba dang / khye'u gzugs bzang zhing blta na sdug pa/ mdzes pa skyes bu chen po'i mtshan sum cu rtsa gnyis kyis kun nas brgyan pa zhig byung ste/ brla g.yas pa las skyes pas ming mdzes pa mdzes pa zhes bya bar gyur to// gzhon nu de rdzu 'phrul che zhing mthu
- 316a
ba yin pas da rung yang gling bzhi la rgyal srid kyi dbang phyug la dbang byed du 'jug go/ / go'u tam dag rgyal po mdzes pa'i brla g.yon par sha rma ma zhig skyes pa 'jam zhing shin tu mnyen te/ dper na shing bal gyi 'da' ba 'am/ ras bal gyi 'da' ba bzhin du cung zad kyang gnod pa mi skyed do// de smin nas brtol ba dang / khye'u gzugs bzang ba/ blta na sdug pa/ mdzes pa/ skyes bu chen po'i mtshan sum cu rtsa gnyis kyis kun nas brgyan pa zhig byung ste/ brla g.yon pa las skyes pas ming nye mdzes nye mdzes zhes bya bar gyur to// gzhon nu de rdzu 'phrul che zhing mthu che ba yin pas/ da dung yang gling gsum la rgyal srid kyi dbang phyug la dbang byang du 'jug go// go'u ta ma dag rgyal po nye mdzes kyi rkang pa g.yas par sha rma na zhig skyes pa 'jam zhing shin tu mnyen te/ dper na shing bal gyi 'da' ba 'am/ ras bal gyi 'da' ba bzhin du cung zad kyang gnod pa mi skyed do// de smin nas brtol ba dang / khye'u gzugs bzang ba/ blta na sdug pa/ mdzes pa skyes bu chen po'i mtshan sum cu rtsa gnyis kyis brgyan pa zhig byung ste/ rkang pa g.yas pa las skyes pas/ ming mdzes ldan mdzes ldan zhes bya bar gyur to// gzhon nu de rdzu 'phrul che zhing nabu che ba yin pas da dung du yang gling gnyis la rgyal srid kyi dbang phyug la dbang byed du 'jug go/ go'u ta ma dag rgyal po mdzes ldan gyi rkang pa g.yon par sha rman zhig skyes pa 'jam zhing shin tu mnyen te
- 316b
dper na shing bal gyi 'da' ba 'am/ ras bal gyi 'anga' ba bzhin du cung zad gnod pa mi bskyed do// de smin nas brtol ba/ khye'u gzugs bzang ba/ bstan sdug pa/ mdzes pa/ skyes bu chen po'i ma sum cu rtsa gnyis kyis kun nas brgyan pa zhig byung ste/ rkang pa g.yon pa las skyes pas/ ming nye mdzes ldan nye mdzes ldan zhes bya bar gyur to// gzhon nu rdzu 'phrul che zhing mthu che ba yin pas da dung du yang gling gcig la rgyal srid kyi dbang phyug la dbang byed du 'jug go/ / go'u ta ma dag de ltar na rgyal po mang pos bkur gyi bu 'ong mdzes so// 'od mdzes kyi dge pa'o// dge ba'i dge mchog go// dge mchog gi gso sbyong 'phags so/ / gso sbyong 'phags kyi nga las nu'o// nga las nu'i mdzes pa'o// mdzes pa'i nye mdzes so// nye mdzes kyi mdzes ldan no// nye mdzes ldan dang / bzang po dang / legs bzang dang / btang ba dang / btang bzung dang / yan lag dang / yan lag shing rta dang / ngan spong dang / skal ldan shing rta dang // rgya mtsho dang / rgya mtsho'i bu dang / rgya mtsho chen po dang sha ku ni dang / sha ku ni chen po dang / ku sha dang / nye ba'i ku sha dang / ku sha chen po dang / legs mthong dang / legs mthong chen po dang / rab thob dang / rab thob chen po dang / rab tu sgra bsgrags dang rab tu sgra bsgrags chen po dang / 'od byed dang / rtul pod dang // lhun po ldan dang / lhun po yod dang / 'od gzer dang / 'od zer ldan dang / 'od zer yod dang / kun nas 'od zer ro// go'u ta ma
- 317a
ngag kun nas 'od zer gyi bu dang / tsha bo dang / yang tsha dang / sum tsha'i rgyud rgyal po brgya bam pa yul gru 'dzin du byung ste/ de rnams kyi tha ma ni rgyal po dgra 'dul zhes bya ba byung ste dgra 'dul bar byed pas dgra 'dul dgra 'dul zhes bya bar gyur to/ / go'u ta ma dag rgyal po dgra 'dul gyi bu dang / tsha bo dang / yang tsha dang / sum tsha'i rgyud rgyal po lnga khri bzhi stong yul dmag gis mi tshug par byung ngo / / de rnams kyi tha ma ni/ rgyal po ma rgyal ba las rgyal ba zhes bya ba byung ste/ ma rgyal ba las rgyal bar byed pas na/ ma rgyal ba las rgyal ba/ ma rgyal ba las rgyal ba zhes bya bar grags so/ / go'u ta ma dag/ rgyal po ma rgyal ba las rgyal ba'i bu dang / tsha bo dang / yang tsha dang / sum tsha'i rgyud rgyal po sum khri drug stong yul wA ra NA sir byung ste/ de rnams kyi tha ma ni rgyal po bzod dka' zhes bya ba byung ngo / / go'u ta ma dag rgyal po bzod dka'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong ki ma bi la'i grong khyer du byung ste/ de rnams kyi tha ma ni rgyal po tshangs byin zhes bya ba byung ngo / / go'u ta ma dag rgyal po tshangs byin gyi bu dang / tsha bo dang / yang tsha dang / sum tsha'i rgyud rgyal po sum khri gnyis stong glang po che'i grong khyer du byung ste/ de rnams kyi pha ma ni rgyal po glang pos sbyin zhes bya ba byung ngo / / go'u ta ma dag rgyal po glang pos sprin gyi bu dang / tsha bo dang / yang tsha dang / sum tsha'i rgyud rgyal po lnga stong yul rdo 'jog tu byung ste/ de rnams kyi ba ma ni rgyal po bal bu can zhes
- 317b
bya ba byung ngo / / go'u tam dag rgyal po bal bu can gyi bu dang / tsha bo dang / yang tsha dang / sum tsha'i rgyud rgyal po sum khri nyis stong grong khyer brang gis nyal du byung ste/ de rnams kyi pha ma ni rgyal po chen po che 'dus zhes bya ba byung ngo / / go'u ta ma dag rgyal po chen po che 'dul gyi bu dang / tsha bo dang / yang tsha dang / sum tsha'i rgyud sum khri nyis stong grong khyer ma rgyal ba las rgyal bar byung ste/ de rnams kyi tha ma ni rgyal po rgyal sbyin zhes bya ba byung ngo / / go'u ta ma dag rgyal po rgyal sbyin gyi bu dang / tsha bo dang / yang tsha dang / sum tsha'i rgyud rgyal po sum khri nyis stong grong khyer ka n+ya kub dzar byung ste/ de rnams kyi tha ma ni rgyal po rgyal sde zhes bya ba byung ngo / / go'u ta ma dag rgyal po rgyal sde'i bu dang / tsha bo dang / yang tsha dang / sum tsha'i rgyud rgyal po khri brgyad stong grong khyer tsam par byung ste/ de rnams kyi tha ma ni rgyal po klu'i lha zhes bya ba byung ngo / / go'u ta ma dag rgyal po klu'i lha'i bu dang / tsha bo dang / yang tsha dang / sum tsha'i rgyud rgyal po nyi khri lnga stong grong khyer ta la'i 'phreng du byung ste/ de rnams kyi tha ma ni rgyal po mi'i lha zhes bya ba byung ngo // go'u ta ma dag rgyal po mi'i lha'i bu dang / tsha bo dang / yang tsha dang / sum tsha'i rgyud rgyal po khri nyis stong grong khyer ta ma lir byung ste/ de rnams kyi tha ma ni rgyal po rgya mtsho'i lha zhes bya ba byung ngo // go'u ta ma dag rgyal po rgya mtsho'i lha'i bu dang / tsha bo dang / yang tsha dang / sum tsha'i rgyud rgyal po khri brgyad stong grong khyer ba so'i grong du byung ste/ de rnams kyi tha ma ni rgyal po blo gros bzang po zhes bya ba byung ngo //
- 318a
go'u ta ma dag rgyal po blo gros bzang po'i bu dang / tsha bo dang / yang tsha dang / sum tsha'i rgyud rgyal po nyi khri lnga stong grong khyer rgyal po'i khab tu byung ste/ de rnams kyi bam ni rgyal bo mun sel ces bya ba byung ngo / / go'u ta ma dag rgyal po mun sel gyi bu dang / tsha do dang / yang tsha dang / sum tsha'i rgyud rgyal po brgya tham pa yang grong khyer wA ra NA sir byung ste/ de rnams kyi tha ma ni rgyal po dbang phyug chen po'o sde zhes bya ba byung ngo / / go'u ta ma dag rgyal po dbang phyug chen po'i sde'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong grong khyer rtswa can du byung ste/ de rnams kyi pha ma ni rgyal po rgya mtsho'i sde zhes bya ba byung ngo // go'u ta ma dag rgyal po rgya mtsho'i sde'i bu dang / tsha bo dang / yang tsha dang / sum tsha'i rgyu rgyal po stong yang grong khyer gru 'dzin du byung ste/ de rnams kyi tha ma ni rgyal po dka' thub spyod ces bya ba byung ngo // go'u ta ma dag rgyal po dka' thub spyod kyi bu dang / tsha bo dang / yang tsha dang / sum tsha'i rgyud rgyal po brgyad khri bzhi stong yang grong khyer rtswa can du byung ste/ de rnams kyi tha ma ni/ rgyal po sa'i gdong zhes bya ba byung ngo // go'u ta ma dag rgyal po sa'i gdong gi bu dang / tsha bo dang / yang tsha dang / sum tsha'i rgyud rgyal po 'bum yang grong khyer wA ra NA sir byung ste/ de rnams kyi tha ma ni rgyal po sa'i bdag po zhes bya ba byung ngo // go'u ta ma dag rgyal po sa'i bdag po'i bu dang / tsha bo dang / yang tsha dang / sum tsha'i rgyud rgyal po
- 318b
'bum yang grong khyer dmag gis mi tshugs par byung ste/ de rnams kyi pha ma ni rgyal po sa 'dzin zhes bya ba byung ngo // go'u ta ma dag rgyal po sa 'dzin gyi bu dang / tsha bo dang / yang tsha dang / sum tsha'i rgyud rgyal po brgyad khri bzhi stong grong khyer mi thi lar byung ste/ de rnams kyi tha ma ni rgyal po lha chen po zhes bya ba byung ngo // go'u ta ma dag rgyal po lha chen po'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong yang grong khyer mi thi lar drang srong gi tshangs par spyod pa la spyad de/ de rnams kyi tha ma ni rgyal po mu khyud ces bya bar byung ngo // mu khyud las 'bying ba dang / sra ba'i mu khyud dang rko ba dang / nye bar rko ba dang / rkob yod pa/ kun nas rko dang / gya nom snang dang / thos pa'i sde dang / chos kyi sde dang / rtogs pa dang / rtogs pa chen po dang / rtogs pa'i sde dang / mya ngan med dang / mya ngan bral dang / brtan pa'i sde dang / rga bas sbyar dang / glen bsang dang / skya rengs dang / phyogs kyi bdag po dang / rdul can dang / bde byed dang / kun dga' dang / me long gdong dang / skyed pa dang / kun nas skyed pa dang / skye bo'i khyu mchog dang / bza' btung can dang / bza' btung mang po can dang / mi thub pa dang / gzhan gyis mi thub pa dang / gnas pa dang shin tu gnas pa dang / stobs chen dang / stobs chen zhon dang / legs pa'i blo gros dang / brtan pa zhon dang / gzhu bcu pa dang / gzhu brgya pa dang // gzhu dgu bcu pa dang / gzhu rgyal
- 319a
dang / gzhu bkra dang / gzhus dang / shing rta bcu pa dang / shing rta brgya pa dang / shing rta dgu bcu pa dang / shing rta khra bo dang / shing rta rgyal dang / shing rta sra ba'o// go'u ta ma dag rgyal po shing rta sra'i bu dang / tsha bo dang / yang tsha dang / sum tsha'i rgyud rgyal po bdun khri bdun stong grong khyer kun tu snang bar byung ste/ de rnams kyi tha ma ni rgyal po kri kr-i zhes bya ba byung ngo // de'i tshe ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba// bla na med pa lha dang mi rnams kyi ston pa/ sangs rgyas bcom ldan 'das 'od srungs zhes bya ba 'jig rten du byung ste/ de'i spyan sngar bcom ldan 'das byang chub sems dpas ma 'ongs pa na byang chub par bya ba'i phyir smon lam btab nas tshangs par spyod pa spyad de/ dga' ldan gyi lha'i ris su skyes so// go'u ta ma dag rgyal po kri kri'i bu legs skyes so// go'u ta ma dag rgyal po legs kyi bu dang / tsha bo dang / yang tsha dang sum tsha'i rgyud rgyal po brgya tham pa yang grong khyer gru 'dzin du byung ste/ de rnams kyi tha ma ni rgyal po rna ba can zhes bya ba byung ngo // go'u ta ma dag rgyal po rna ba can la bu gnyis te/ go'u ta ma dang / ba ra dwa dza'o// de gnyis las go'u ta ma ni mngon par 'byung bar dga'o// ba ra dwa dza ni rgyal srid la mngon par dga'o// de pha chos dang chos ma yin pas rgyal srid byed pa mthong nas/ nges bsams pa
- 319b
bdag yab 'das nas rgyal por gyur te/ bdag gis kyang chos dang chos ma yin pas rgyal srid byas na/ sems can dmyal bar gzhol bar 'gyur bas/ 'dir ci'i dus la bab ce na/ khyim nas khyim med par rab tu 'byung bar bya'o snyam du bsam nas/ rgyal po rna ba can gang na ba der song ste phyin pa dang / rkang pa gnyis la gtugs te gsol ba btab pa/ yab mkhyen par mdzod cig/ bdag ni ngang pas khyim nas khyim ma mchis par rab tu 'byung ngo / / des smras pa/ bu gang gi phyir mchod sbyin mchod par byed pa dang / sbyin sreg sreg par byed pa dang / dka' thub dka' thub spyod pa de dag ni 'dir ched yin te/ nga 'das na rgyal srid lag mthil du 'ong ste/ rgyal po byed par 'gyur na/ ci'i phyir rab tu 'byung / des smras pa/ yab bdag gis chos dang chos ma yin pas rgyal srid bgyid rngo mi thog go/ delta bas na mkhyen par mdzod cig/ rab tu 'byung ngo // de nas rgyal pos gal gyis 'chu bar shes nas gnang ngo // de'i tshe bsti gnas zhig na drang srong mdog gnag ces bya ba gnas so// de nas gzhon nu go'u ta ma rgyal pos gnang nas/ dga' zhing mgu la dga' ba chen po dang yid bde ba skyes nas/ drang srong mdog gnag gang na ba der song ste phyin pa dang / spyod lam dul bas rkang pa gnyis la phyag byas nas smras pa/ drang srong chen po bdag rab tu 'byung bar 'dod kyis/ bdag rab tu phyung shig/ des de rab tu phyung ngo // drang srong mdog gnag ni 'bras bu dang / rtsa ba dang / chu 'thung bas
- 320a
de yang drang srong go'u ta ma/ drang srong go'u ta ma zhes bya bar gyur to// ji tsam na dus gzhan zhig na/ rgyal po rna ba can shi nas/ gzhon nu ba ra dA dza pha'i rgyal srid kyi dbang phyug la dbang byed du bcug go/ / ji tsam na dus gzhan zhig na drang srong go'u ta mas mkhan po la smras pa/ mkhan po dgon pa'i gnas na zas kyis 'tsho bar rngo mi thog gis/ grong 'dab tu gnas par bgyi'o// des smras pa/ bu rung gis grong ngam dgon pa na gnas pa'i drang srong gis ni mdor na dbang po bsrung ba yin gyis/ khyod song la gru 'dzin gyi nyen 'khor du lo ma'i spyil bu byos la 'dug shig mkhan po bka' bzhin 'tshal zhes smras nas/ drang srong go'u ta ma gru 'dzin gyi nye 'khor du lo ma'i spyil bu byas te gnas so// de'i tshe grong khyer gru 'dzin na smad 'tshong ma bzang mo zhes bya ba dang / skyes bu g.yo can pad+ma'i rtsa lag ces bya ba gnas te/ des dga' mgur spyad pa'i phyir gos dang rgyan dag bskur ro// de nas gos dang rgyan dag thogs nas chas pa las/ mi gzhan zhig kar sha pa Na lnga brgya thogs pa zhig 'ongs nas bzang mo dga' mgur spyad kyis tshur shog/ des bsams pa/ gal te bdag song na/ kar sha pa Na lnga brgya yang mi thob la/ khyim du 'ongs pa spangs te/ gzhan du 'gro ba 'di ni legs pa ma yin no snyam nas/ des bu mo mngag gzhug ma la smras pa/ song la pad+ma'i rtsa lag la jo mo'i mching nas re shig bdag skabs ma mchis te slad kyis mchi'o zhes smros shig/ des de'i gan du song nas
- 320b
smras so/ / mi de yang bya ba mang po zhig yin pas/ de de dang dga' dgur spyad nas thun dang po nyid la song ngo // des bsams pa/ namachod ring du yod pas/ de'i sems kyang bsrung / babar nus so snyam nas/ des yang bu mo de la bsgo ba/ pad+ma'i rtsa lag gi gan du song la/ jo mo'i mching nas sta gon bgyis lags na/ bskyed mos tshal gang du mchi zhes smros shig/ de'i gan du song nas smras pa dang / des smras pa/ khyod kyi skad cig la skabs med/ skad cig la skabs yod ce'am/ bu mo de de dang rags mi 'phrod pa zhig pas des smras pa// rje'i sras/ skabs ma mchis pa ni ma lags mod kyi/ de khyod kyi gos dang rgyan dag gis skye la gzhan dang lhan cig dga' dgur spyod do// de'i 'dod chags kyi kun nas dkris pa gang yin pa de dang bral bar gyur cing / gnod sems kyis kun nas dkris pa skyes te/ de mi bzod pa skyes nas smras pa/ bu mo song la/ bzang mo pad+ma'i rtsa lag na re skyed mos tshal ga ge mo zhig tu shog shig ces byos shig/ de song nas bzang mo la smras nas/ de nas de bskyed mos tshal du song ba dang / skyes bu g.yon can pad+ma'i rtsa lag gis smras pa/ khyod kho bo'i gos dang rgyan gyis skyes pa gzhan dang lhan cig dga' dgur spyod par rigs sam/ des smras pa/ rje'i sras/ nga ni bdag gis nongs te/ 'on kyang bud mang ni rtag tu skyon can lags pas bzod par mdzod cig/ de nas de mi bzod pa skyes nas ral gri shubs nas phyung ste bsad do// de nas bu mo mngag gzhug mas jo mo bsad //
- 321a
jo mo bsad do zhes ku co'i sgra chen po bton pa skye bo'i tshogs chen po kun gyis thos nas/ rgyugs pa dang / ji tsam na bsti gnas de nyid na drang srong go'u ta ma gnas so// de nas skyes bu g.yon can pad+ma'i rtsa lag de skrag nas/ ral gri khrag can drang srong go'u ta ma'i mdun du bor nas skye bo'i tshogs de nyid kyi nang du zhugs so// skye bo'i tshogs chen po des ral gri khrag can mthong nas smras pa/ rab tu byung ba 'dis bzang mo bsad do zhes de nas drang srong go'u ta ma de bskor te/ mi bzod pa skyes nas smras pa/ kA ye rab tu byung ba/ drang srong gi rgyal mtshan thogs nas 'di 'dra ba'i las byed dam/ des smras pa/ ci byas/ de rnams kyis smras pa/ bzang mo dang khyod lhan cig dga' dgur sprad nas de bsad do// des smras pa/ kho bo'i sdig pa zhi bas las de mi byed do zhes/ des zhi bas smras kyang skye bo'i tshogs des lag pa phying ka log tu dam du bcings nas rgyal po la phul te/ lha/ rab tu byung ba 'dis bzang mo dang lhan cig dga' dgur spung nas de bkum lags so// rgyal po rnams ni mi rtog pa yin pas nges smras pa/ gal te de ltar gyur na/ rab tu byung ba 'di ngas spangs kyis/ gsal shing la shon cig/ de nas rab tu byung ba de me tog ka ra bi ra'i 'phreng ba mgul tu btags shing / skyes pa gos sngon po gyon pa lag na mtshon thogs pa rnams kyis yongs su bskor nas/ lam po che dang / tshong dus dang / bzhi mdo dang / sum mdo rnams su bsgrags pa'i sgor bsgrags te/ grong khyer gyi lho phyogs kyi sgor phyung nas
- 321b
gson po nyid du gsal shing la bskyon no/ / de'i mkhan po mdog gnag de dus dus su de'i bsti gnas su 'gro ba yin pas/ ji tsam dus gzhan zhig na song ba las ma mthong nas/ des phan tshun du btsal bar brtsams pa dang / ji tsam na de gsal shing la gshon pa mthong nas/ de skad mi gsal zhing / mig mchis mas gang la/ snying rje ba'i tshig dal bu dal bus smras pa/ kyi hud bu 'di ci zhig/ des kyang skad mi gsal zhing yid chad la/ gnang du bab pa'i gnod pa'i tshor ba skyes shing gdungs pas smras pa/ mkhan po// gzhan ci lags/ las lags mod/ des smras pa/ bu rma phyung ba 'am/ gnod pa zhig ma byas grang / mkhan po bdag gi lus kyi rma phyung gi/ sems kyi ma yin no// bu ji ltar shes/ mkhan po bden pa gsol gyis/ gson cig/ bden pa dang bden pa'i tshig gang gis/ bdag gis lus kyi rma phyung gi/ sems kyi ma yin na/ bden pa dang bden pa'i tshig des/ mkhan po'i pags pa'i mdog nag po gang yin pa de gser gyi kha dog tu gyur cig/ bdag nyid chen po de lhag pa'i bsam pa goms pa yin pas/ tshig smras ma thag tu drang srong mdog nag gi pags pa nag po mi snang zhing / gser gyi kha dog tu gyur to// kun tu drang srong mdog nag gser gyi kha dog tu gyur to zhes sgra grags pas de'i ming gser mdog ces bya bar gyur te/ de ngo mtshar mchog tu gyur to// de nas drang ba go'u tams smras pa/ mkhan po bdag 'di nas shi 'phos nas 'gro ba ni gang / skye ba ni gang / tshe phyi ma ni gang zhig lags/ des smras pa/
- 322a
bu bram ze rnams nar bu med pa la 'gro ba med do zhes zer na/ khyod kyi bu 'ga' bskyed pa lta yod dam/ mkhan po// yab kyis rgyal srid kyi slad du spro ba bskyed na/ bdag gzhon nu nyid du rab tu byung bas bud med kyi rgyus kyang ma 'tshal na/ bdag gi bu skye ba lta ga la mchis/ bu gal te de lta na sngon yul la spyad pa rjes su dran par gyis shig/ mkhan po tshor ba drag pos nyen pas da ni bdag gi gnad rnams chad cing / tshigs rnams bye ste/ 'gum pa gcig pu dran par bas na/ ji ltar sngon gyi yul la spyad pa rjes su dran par 'gyur/ de'i mkhan po mngon par shes pa thob ba yin pas/ des rdzu 'phrul gyi rdzi char chen po sprul nas char pa'i thigs pa de'i lus la phog pa dang / de nas char pa dang / rlung grang mos reg pas sdug bsngal rnam par mnan nas// des sngon gyi yul la spyad pa rjes su dran par bya bar brtsams so/ / gang gi tshe des 'khrigs pa'i 'dod chags rjes su dran par byas pa las/ khu ba'i thigs pa gnyis khrag dang lhan cig lhung ngo // bsam gyis mi khyab pa'i gnas ni gzhi ste/ bdag sems pa dang / 'jig rten sems pa dang / sems can rnams kyi las kyi rnam par smin pa sems pa dang / sangs rgyas rnams kyi ye shes kyi yul sems pa'o/ / khu ba'i thigs pa de gnyis sgo nga gnyis su gyur nas nyi ma shar ba'i dus kyi tshe/ nyi ma'i 'od zer gyis smin nas rdol ba dang / khye'u gnyis shig byung nas/ de dang ha cang yang mi ring ba'i
- 322b
bu ram shing gi tshal gseb der de gnyis zhugs so/ / de nas nyi ma'i 'od zer shin tu tsha ba byung ste/ nyi ma'i 'od zer gyis drang srong go'u ta ma gdungs nas shi'o// de nas drang srong gser mdog 'ong te/ shib mthong nas/ de gsal shing gi nyen kor du bltas na sgo nga rdol ba'i khog pa gnyis shig 'dug nas/ de phan tshun rjes gcod cing bu ram shing gi tshal gsab tu zhugs pa las// ji tsam na khye'u gnyis shig mthong ngo / / des 'di gnyis su'i bu yin zhes bsam pa la zhugs pa dang / drang srong go'u ta ma'i yin par gyur nas/ de nas de lhag par sdug pa skyes te/ des de gnyis bsti gnas su khrod nas bsnun bstod de/ des de gnyis kyi ming btags pa/ nyi ma shar ba'i tshe nyi ma'i 'od zer gyis smin par byas pa las 'di gnyis skyes par gyur pas de bas na nyi ma'i rigs yin pas/ des na nyi ma'i rigs shes bya bar gyur to/ / drang srong go'u ta ma'i bu yin pas ming gnyis pa go'u ta ma/ go'u ta ma zhes bya bar gyur to// rang gi yan lag las skyes pas/ ming gsum pa yan lag skyes yan lag skyes shes bya bar gyur to/ / bu ram shing gi tshal gseb nas rnyed pas/ ming bzhi pa bu ram shing pa zhes bya bar gyur to// ji tsam na dus gzhan zhig na rgyal po ba ra dA dza bu med par shi nas blon po rnams 'dus nas gros bya bar brtsams pa/ shes ldan dag su zhig rgyal por dbang bskur bar bya/ gzhan dag gis smras pa/ de'i gcen go'u ta ma drang srong rnams kyi nang du rab tu byung ste/ rgyal
- 323a
srid 'di ni de'i rigs rgyud du 'ongs pa yin pas de dbang bskur ro/ / de nas de rnams kyis gros byas nas drang srong gser mdog gi drung du song ste/ son pa dang / rkang pa gnyis la gtugs nas smras pa/ drang srong chen po go'u ta ma gang du mchis/ nges smras pa/ khyed cag kho nas bsad do// de rnams kyis smras pa/ drang srong chen po bdag cag gis de mthong bar yang mi dran na ji ltar bsad/ kho bos khyed cag dran par bya'o// ma nongs so// des de rnams dran par byas pa dang / smras pa/ drang srong chen po gal te de lta na/ sdig pa spyod pa de ming tsam yang smos pa yang bsgrags pa ma yin gyis zhog shig/ des sdig pa'i las ci byas 'di dang 'di'o// skyon med pa gnod pa ma byed pa des sdig pa'i las ma byas par khyed cag gis bsad do// de ltar ci mngon/ des ji ltar gyur pa rgyas par smras pa dang / de rnams yid mi bde ba skyes nas smras pa/ drang srong chen po gal te de lta na des ma legs kyi/ bdag cag gis sdig pa'i las bgyis so zhes de rnams de skad du smras par byed pa na/ khye'u de gnyis kyang drang srong gi drung du 'ongs so/ / blon po rnams kyis smras pa/ drang srong che no khye'u 'di gnyis su'i lags des smras pa/ de kho na'i bu'o// de rnams kyis smras pa/ 'di gnyis ji ltar skyes 'di gnyis kyi ming ci lags/ des byung ba dang bcas par rgyas par smras pa/ blon po rnams kyis de thos te mngon du ngo mtshar skyes nas/ de rnams kyis drang srong de la gsol ba btab nas/ de gnyis
- 323b
las gzhon nu phu bo shos rgyal srid kyi dbang bskur bas dbang bskur ba las de yang bu med par shi'o/ / de nas gcig shos nu bo dbang bskur nas de'i ming rgyal po bu ram shing pa zhes bya bar gyur to// go'u ta ma dag rgyal po bu ram shing pa'i bu dang / tsha bo dang / yang tsha dang / sum tsha'i rgyud rgyal po bu ram shing pa brgya yang grong khyer gru 'dzin du byung ste/ de rnams tha ma ni rgyal po bu ra ma shing ba 'jag skyes po zhes bya ba byung ngo / / go'u ta ma dag rgyal po bu ram shing pa 'phags skyes mo la bu bzhi ste/ skar mda' gdong dang / lag rna dang / glang po che 'dul dang / rkang gdu ba can no// dus gzhan zhig na de'i btsun mo dam pa shi nas/ de lag pa 'gram pa la btad de sems khong du chud cing 'dug go// blon po rnams kyis smras pa/ lha ci'i slad du phyag la zhal gtad de/ thugs mi dgyes shing bzhugs/ des smras pa/ nga'i btsun mo dam pa shi na/ ci'i phyir sems khongs su chud cing mi 'dug/ lha gal te de lta na nyi 'og gi rgyal po rnams la bu mo mchis na ci'i slad du lha'i btsun mo dam pa mi btsal/ rgyal pos smras pa/ gzhon nu 'di dag ni rgyal srid mngon par 'dod pas phyir rgol ba 'di dag yod na nga la su zhig bu mo ster bar 'gyur// lha/ dgongs shig dang / bdag cag gis btsal lo// ji tsam na rgyal po gzhan zhig gi bu mo gzugs bzang ba/ blta na sdug pa mdzes pa/ btsun mo dam par 'tsham pa yod pa de mi rnams kyis brtags te
- 324a
rgyal po'i drung du dong nas/ de rnams kyis gcig nas gcig tu brgyud de rgyal po la rig par byas pa dang / rgyal pos bsgo ba/ khug shig/ de nas de rnams rgyal po'i spyan sngar dong nas/ rkang pa gdugs te thog mar gtam byas nas 'dug go/ gtam gyi skabs rnyed cing rgyal po'i zhal mthong nas smras pa/ lha/ bkra shis par gyur cig/ bkra shis par gyur cig/ rgyal pos smras pa/ shes ldan dag khyed cigasol/ rgyal po bu ram shing ba 'phags skyes po'i btsun mo dam pa gum nas de'i ched du sras mo slong ngo // rgyal pos smras pa/ 'thab rer bab pa'i mchog yin pas rung na 'on kyang dam zhig bca' ste/ gal te nga'i bu mo la khye'u zhig yod par gyur na de gal te rgyal srid kyi dbang phyug la gzhag blta na sbyin no// lha/ bka' bzhin 'tshal mchis la lha la stan tu gdags par gsol lo zhes de rnams dong nas/ rgyal po bu ram shing ba 'phags skyes po la ji ltar gyur pa smras pa dang / rgyal pos smras pa/ shes ldan dag/ gzhon nu chas phu bor gyur pa/ rgyal srid la mngon par dga' ba rnams spangs te/ nu bo rgyal srid la 'jog pa de ni 'os pa ma yin no// lha/ don 'di la nges pa ma mchis te/ re shig btsun mo blangs la// lha de dang lhan cig rtsed mo dang dgyes pa dang dgyes dgur spyod pa mdzod cig/ de la khye'u btsal bar 'gyur ram/ 'on te bu mor 'gyur ram/ spri ma mchis par 'gyur ba sus 'tshal// rgyal pos smras pa
- 324b
shes ldan dag gal te de lta na deng la long shig/ de rnams dong nas bsu ste// ji tsam na rgyal po'i dpal gyi 'byor pa chen pos blangs nas/ de yang rgyal pos mngon par 'dod par gyur te/ de de dang ldan cig rtse bar byed/ dga' bar byed/ dga' dgur spyod par byed do// de rtse bar byed/ dga' bar byed/ dga' dgur spyod par byed pa las dus gzhan zhig na btsun mo sems can dang ldan par gyur to// de zla ba brgyad dam/ dgu 'das pa dang / khye'u gzugs bzang ba/ blta na sdug pa/ mdzes pa zhig btsas so// btsas nas de'i btsas pa'i btsas ston rgya cher byas te/ khye'u 'di'i ming cir gdags zhes ming 'dogs par byed do/ / blon po rnams kyis smras pa/ lha 'di ltar ma skyes pa nyid nas rgyal srid la mngon par dga' bas/ de'i slad du khye'u'i ming rgyal sring dga' zhes bgyi'o// khye'u rgyal srid dga' ma ma brgyad la rjes su gtad de zhes bya ba nas/ rdzing na gnas pa'i pad+ma bzhin du myur du skyed par byed do zhes bya ba'i bar gong ma bzhin du'o// nga rgyal tshab kyi rgyal srid la ma bzhag pa/ de'i zhang po rgyal bos thos nas des de la pho nya btang ste/ tshig rtsub po dang bcas pa'i spring yig spring ba/ khyod kyis sngon khas blangs zhing / dam bcas pa bzhin gal te byed na de lta na lags gal te de ltar ma byas na khyod kyi mthu dang / brtson 'grus kyi pha rol gnon pa gang yin pa des sdod cig/ kho bo'o nir 'ongs nas yul 'khor bur mar brlag go// rgyal po de mthu chen po dang ldan pas/ des thos nas skrag ste/
- 325a
blon po rnams bsogs nas smras pa/ shes ldan dag nga la rgyal po des 'di skad ces spring na/ de la ji ltar bsgrub par bya/ de rnams kyis smras pa/ lga rgyal srid dga' rgyal tshab tu dbang skur lags mod/ des smras pa/ shes ldan dag gzhon nu ches bu bor gyur pa// rgyal srid la mngon par dga' ba rnams spangs te/ nu bo rgyal srid kyis dbang bskur ba 'di ni 'os pa ma yin no// de rnams kyis smras pa/ lha rgyal po de ni stobs dang bzhon pa rgya che bas gal te 'dir mchis na gdon mi 'tshal bar yul bur mar rlog pa gang lags pa'i gnas de mchis pas/ rgyal srid dga' rgyal tshab kyi dbang phyug la dbang bgyid par dbang bskur la/ gzhon nu de rnams ni skyug tu gsol/ rgyal pos smras pa/ shes ldan dag skyon med cing gnod pa ma byas pa'i gzhon nu rnams ji ltar sprug/ lha/ bdag cag ni blon po legs te/ lha la sman par bgyi ba lhur len pa lags pas/ skyon ma mchis pa dang / nongs pa ma mchis pa yang sdug la/ skyon ma mchis pa dang / nongs pa bgyis pa ni bzhag go// rgyal pos btang snyoms su bzhag nas cang mi smra bar 'dug go/ / blon po rnams tshogs nas phan tshun du gros bya bar brtsams pa/ shes ldan ngag thabs shig bsham par bya ste/ des na rgyal po gzhon nu rnams la thugs byung bar 'gyur ba zhig bya'o zhes/ de nas de rnams kyis skyed mos tshal byi dor byas pa/ ri mo sna tshogs bris par shin tu dri zhim pa'i pog por nye bar bzhag/ dar gyi chun phyang mang po btags// me tog sna tshog
- 325b
kyis dga' dga' ltar byas pa zhig byed du bcug go/ / de nas de rnams kyis/ blon po rnams kyis skyed mos tshal de byi dor byed pa rgyang ring po nas mthong nas/ gzhon nu rgong bag can de rnams skyed mos tshal gyi/ phyogs su dong / blon po rnams skyed mos tshal byi dor byas nas sgor byung ba dang / gzhon nu rnams kyis dris pa/ 'di su'i skyed mos tshal// de rnams kyis smras pa/ lha'i lags so// de rnams slar ldog par brtsams pa dang / blon po rnams kyis smras pa/ gzhon nu rnams nang du zhugs shig/ ci'i phyir slar ldog/ de rnams kyis smras pa/ lha'i skyed mos tshal yin na 'dir 'jug tu ga la rung blon po rnams kyis smras pa/ lha 'am gzhon nu rnams rol pa 'di la 'gal ba ci mchis/ de rnams nang du zhugs te rtse bar brtsams so// blon po rnams kyis rgyal po la smras pa/ lha skyed mos tshal legs par byi dor bgyis lags kyis/ lha gzigs pa'i dus la bab lags so// rgyal po ches pa dang / skyed mos tshal na ku co'i sgra thos so// thos nas kyang blon po rnams la smras pa/ shes ldan ngag skyed mos tshal na ku co'o sgra grag na 'di na su zhig 'dug/ blon po rnams kyis smras pa/ lha gzhon nu rnams so// gal te de lta na ngas gzhon nu rnams spangs so// blon po rnams kyis rkang pa gnyis la gtugs te smras pa/ lha/ bzod pa mdzad cing gzhon nu rnams spang bar gsol/ rgyal pos smras pa/ de bzhin du bya'o zhes gzhon nu de rnams skyug par chad pa dang / rgyal po'i rkang pa gnyis la
- 326a
gtugs nas smras pa/ lha/ gal te de lta na bdag cag 'khor gyi skye bo dang lhan cig mchi na/ de ci nas kyang mi dgag pa de ltar bka' stsal pa'i rigs so// rgyal pos bsgo nas de rnams chas pa na/ de rnams la dga' ba'i pho brang 'khor gyi mi skye bo'i tshogs chen po dang de rnams lhan cig chas te/ zhag bdun du grong khyer gru 'dzin gyi sgo phye nas skye bo'i tshogs rgyus so// blon po rnams kyis rgyal po la smras pa/ lha/ gal te grong khyer gyi sgom bkum na ring po mi thogs par gru 'dzin stongs par 'gyur ro// gal te de lta na sgo chod cig/ de nas gzhon nu de rnams rang gis sring mo khrid nas mthar gyis ri bo gangs ri dang nye ba chu bo skal ldan shing rta'i 'gram drang srong ser skya'i bsti gnas dang ha cang yang mi ring ba zhig tu phyin nas/ de rnams kyis der lo ma'i spyil bu dag byas te/ gnas btab nas ri dgas bsad cing / bsad nas 'tshe ba byed cing dus gsum du drang srong sar skya'i bsti gnas su 'dong bar byed de/ lang tshe dang dar la bab pa'i dregs pas zin pas/ 'dod chags kyis shin tu nyen te sha bri ngan pa skya bo bseng bseng por gyur to/ / ji tsam na dus gzhan zhig na drang srong ser skyas de lta bu mthong nas dris pa/ khyed cag ci'i phyir skya bo bsang bseng por gyur/ de rnams kyis smras pa/ drang srong chen po bdag cag 'dod pa'i 'dod chags kyis shin tu nyen pas so// des smras pa/ rang rang gi sring mo spongs la/ mas dbyen gyi sring mo rnams dang lhan cig 'dug shig/ drang srong
- 326b
chen po bdag cag gis de lta bu bgying rung ngam/ shes ldan dag 'di ltar rgyal rigs rgyal srid stor ba rnams kyis rung ngo // de na de rnams drang srong gi tshig ni tshad ma yin no snyam nas/ 'dod pa'i 'dod chags kyis nyen pas dga' ba dang mgu ba skyes te/ mas dbyen gyi sring mo rnams dang lhan cig rtse bar byed/ dga' bar byed/ dga' dgur spyod par byed do// de rnams dang de dag lhan cig rtse bar byed/ dga' bar byed/ dga' dgur spyod par byed pa na/ bu pho dang bu mo dag btsas te/ de rnams chen por gyur pa dang / bsam gtan gyi tsher ma ni sgra yin pas drang srong ser skya sems rtse gcig pa nyid du ma btub nas/ shes ldan dag mthong zin gyis kho bo gzhan du 'gro'o// drang srong chen po ci'i phyir/ bsam gtan gyi tsher ma ni sgra yin pas sems rtse gcig pa nyid du ma btub pas so// drang srong chen po khyod 'di nyid na bzhugs shig/ bdag cag gzhan du mchi na/ 'on kyang sa'i phyogs shig bdag cag la phog shig/ shes ldan dag rung ngo // drang srong bdag nyid chen po de rnams ni 'dod pabazhin yid la re ba 'grub pa yin pas/ nges gser gyi bya ma bum blangs te/ chu'i rgyun gyis grong khyer gyi rnam pa dag bris nas de rnams kyis grong khyer brtsigs so// drang srong ser skyas de rnams kyi gnas kyi phyir bzhi yongs su btang bas ser skya'i gzhi ser skya'i gzhi zhes bya ba gyur to/ / de rnams der 'phel bar gyur pas skye bo'i tsho gas chen por gyur te/ dogs pas 'phel che bar ma gyur to// lha
- 327a
rnams kyi sems kyis de rnams kyi sems shes nas/ phyogs gzhan zhig bstan pa dang / de rnams der dong ste/ grong khyer gcig shos brtsigs nas/ lhas bstan lhas ba ces bya bar gyur to/ / de nas de rnams tshogs shing 'dus nas/ phan tshun gros bya bar brtsams pa/ shes ldan dag gang gi phyir bdag cag skyugs pa ni rigs mnyam pa las chun ma blangs pa de las gyur gyis de lta bas na bdag cag las sus kyang rigs mnyam pa las chun ma blang bar mi bya ste/ gcig kho nas chog shes par bya'o// de rnams rigs mnyam pa gcig kho na las chung ma len gyi/ chun ma ni mi len to// de nas dus gzhan zhig na rgyal po 'phags skyes po bu sdug pa rnams rjes su dran nas/ blon po rnams la smras pa/ kye grong ba dag gzhon nu de rnams da ltar gang na 'dug/ de rnams kyis smras pa/ lhas nongs pa 'ga' zhig la skyugs pa las/ de rnams rang rang gi sring mo khrid de/ 'di nas mchis pa na gangs ri dang nye ba chu bo skal ldan shing rta'i 'gram/ drang srong ser skya'i bsti gnas dang ha cang mi ring ba zhig tu gnas btab ste/ rang rang gi sring mo spangs te/ mas dbyen gyi sring mo rnams dang lhan cig rtse bar bgyid/ dga' bar bgyid/ dga' dgur spyod par bgyid do// de rnams rtse bar bgyid/ dga' bar bgyid/ dga' dgur spyod par bgyid pa na/ bu pho dang / bu mo dag btsas so// grong ba dag gzhon nu rnams kyis de ltar byed phod dam/ lga/ rngo thogs lags so// de nas rgyal po bu ram shing pa
- 327b
'phags skyes pos/ ro stong bsrangs nas/ lag pa g.yas pa brkyang ste/ ched du brjod pas ched du brjod pa/ kye ma gzhon nu rnams ni bongad pa yin no// kye ma gzhon nu rnams ni shin tu phod pa yin no zhes/ sems can dbang chen pos tshig tu phyung ste/ kye ma gzhon nu rnams ni phod pa yin no// kye ma gzhon nu rnams ni shin tu phod pa yin no zhes byas pas de rnams shAkya shAkya zhes bya bar gyur to// de nas dus gzhan zhig na rgyal po bu ram shing pa 'phags skyes po shi nas/ rgyal srid dga' rgyal srid la dbang bskur to// de yang bu med par shi nas/ skar mda' gdong rgyal srid kyi dbang phyug la dbang byed du bcug go// de yang bu med par shi nas/ lag rna rgyal por gyur to// de yang bu med par shi nas glang po che 'dul rgyal por gyur to// de yang bu med par shi nas/ rkang gdub can rgyal por gyur to// de'i bu gnas 'jog go/ go'u ta ma dag gnas 'jog gi bu sa khyim mo// go'u ta ma dag rgyal po sa khyim gyi bu dang / tsha bo dang / yang tsha dang / sum tsha'i rgyud rgyal po lnga khri lnga stong grong khyer ser skya'i gzhir byung ste/ de rnams kyi tha ma ni shing rta bcu pa dang / shing rta brgya pa dang / shing rta dgu bcu pa dang / shing rta khra bo dang / shing rta rgyal dang / brtan pa'i shing rta dang / gzhu bcu pa dang / gzhu brgya pa dang / gzhu dgu bcu pa dang / gzhu rgyal dang / gzhu bkra dang / gzhu brtan no// go'u ta ma dag gzhu brtan la bu gnyis te/ seng ge 'gram dang / seng ge sgra'o// go'u ta ma dag 'dzam bu'i gling gi gzhu thogs ji
- 328a
sted yod pa de rnams kyi nang na seng ge 'gram mchog tu grags so/ / go'u ta ma dag seng ge 'gram la bu bzhi ste/ zas gtsang dang / zas dkar dang / bre ngo zas dang bdud rtsi zas so/ / bu mo gtsang ma dang / dkar mo dang / bre bom dang / bdud rtsi ma'o// zas gtsang la gnyis te/ bcom ldan 'das dang / tshe dang ldan pa dga' bo'o// zas dkar la bu gnyis te/ tshe dang ldan pa rgyal dang / shAkya'i rgyal po bzang ldan no// bre bo zas la bu gnyis te/ ming chen dang / tshe dang ldan pa ma 'gags pa'o// bdud rtsi zas la bu gnyis te/ tshe dang ldan pa kun dga' bo dang / lhas sprin no// gtsang ma'i bu ni legs par rab bsang ngo // dkar mo'i bu ni 'phreng ba can no// bre bo ma'i ni bzang len no// bdud rtsi ma'i ni dge 'phel lo// bcom ldan 'das kyi sras ni sgra gcan 'dzin yin te// go'u ta ma dag mang pos bkur gyi rgyud tshe dang ldan pa sgra gcan 'dzin du rdzogs/ srid pa'i breng rgyud chad/ 'khor bzang de/ nga ni yang srid pa med do// de nas bcom ldan 'das kyis tshe dang ldan pa mo'u 'gal gyi bu chen po'i gtam rdzogs par mkhyen nas bzhengs te bzhugs so// bzhugs nas tshe dang ldan pa mo'u 'gal gyi bu chen po la bka' stsal pa mo'u 'gal gyi bu legs so legs so/ / mo'u 'gal gyi bu khyod kyis dge slong rnams kyi mdun du/ shAkya rnams kyi sngon gyi rigs rgyud las brtsams nas/ chos kyi gtam smras pa yang
- 328b
khyod legs so/ / mo'u 'gal gyi bu yang khyod kyis shAkya rnams kyi sngon gyi rigs rgyud las brtsams te/ chos kyi gtam rtag tu smros shig dang / des na de rnams la yun ring por phan pa dang bde bar 'gyur ro/ / de nas bcom ldan 'das kyis dge slong rnams la bka' stsal pa/ dge slong dag khyed kyis shAkya rnams kyi sngon gyi rigs rgyud las brtsams pa'i chos kyi gtam chongs shig/ zung shig/ lhogs shig/ de ci'i phyir zhe na/ dge slong dag shAkya rnams kyi sngon gyi rigs rgyud las brtsams pa'i chos kyi gtam ni don dang ldan/ chos dang ldan pa nas/ tshangs par spyod pa'i bar dang ldan pa yin te/ dge slong dag rigs kyi bu 'am/ rigs kyi bu mo dang bas rab tu byung bas/ shAkya rnams kyi sngon gyi rigs rgyud las brtsams pa'i chos kyi gdam zung zhing bklags pa'i rigs so/ / de nas ser skya'i gzhi'i shAkya rnams/ bcom ldan 'das kyis gsungs pa la mngon par dga' ste rjes su yi rang nas/ bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas dong ngo / / de'i tshe grong khyer ser skya'i gzhi na/ rgyal po seng ge 'gram zhes bya ba rgyal srid byed du 'jug ste/ 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ 'thab pa dang / 'thab mo dang / rtsod pa dang / 'gyeng ba dang / chom rkun med cing nang rab tu zhi bar gyur pa// 'bras dang / bu ram shing
- 329a
gi 'phreng ba dang / ba lang dang / ma he phun sum tshogs pa na bu gcig pa la sdug pa bzhin du rgyal srid skyong bar byed do// grong khyer lhas bstan du legs par rab sad ces bya ba rgyal po byed du 'jug ste/ 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba/ 'thab pa dang / 'thab mo dang / rtsod pa dang / 'gyed pa dang chom rkun med cing nad rab tu zhi bar gyur pa/ / 'bras dang / bu ram shing gi 'phreng ba dang / ba lang dang ma he phun sum tshogs pa ni/ bu gcig pa la sdug pa bzhin du rgyal srid skyong bar byed do// rgyal po legs par rab sad kyi btsun mo dam pa/ gzugs bzang ba/ blta na sdug pa mdzes pa/ yul gyi bzang mo lum bi ni zhes bya ba yod do// lhas bstan na khyim bdag phyug cing nor mang la longs spyo che ba/ yongs su gzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas pa de'i kun dga' ra ba/ me tog phun sum tshogs pa dang 'bras bu phun sum tshogs pa dang / chu phun sum tshogs pa dang / bya sna tshogs skad 'byin pas de'i kun dga' ra ba dga' dga' ltar 'dug pa der rgyal po dus dus su btsun mo'i 'khor dang lhan cig lhags nas/ den dga' ba'i rtseng mo nyams su myong bar byed do// lum bi nas de mthong nas 'dod pa skyes te/ des smras pa/ lha kun dga' ra ba 'di bdag la stsal du gsol/ rgyal pos smras pa/ nga kun
- 329b
dga' ra ba 'di khyim bdag gi yin na ji ltar sbyin/ gal te khyod la kun dga' ra ba dgos na/ khyod kyi phyir de bas lhag par bzang po gzhan zhig bya'o// de nas rgyal po legs par rab sad kyis lum bi ni'i ched du de bas khyad par du 'phags po'i kun dga' ra ba zhig byed du bcug nas/ de'i ming lum bi ni'i tshal zhes bya bar gyur to// rgyal po seng ge 'gram la yun ring po nas/ kye ma'o bdag gi rgyud la 'khor los sgyur ba skye bar gyur kyang ci ma rung snyam pa'i bsam pa 'di yod do/ / rgyal po legs par rab sad la yang yun ring po nas kye ma'o bdag ni seng ge 'gram dang lhan cig gnyen du gyur kyang ci ma rung snyam pa'i bsam pa 'di yod do/ / ji tsam na dus gzhan zhig na/ de'i btsun mo dang lhan cig rtse bar byed/ dga' bar byed/ dga' dgur spyod pa las dus gzhan zhig na/ btsun mo sems can dang ldan par gyur nas/ de zla ba brgyad dam dgu 'das pa na/ bu mo gzugs bzang ba/ blta na sdug pa/ mdzes pa/ yan lag dang nying lag thams cad dang ldan pa zhig btsas so// btsas pa de'i gzugs bzang pos rgyal po legs par rab sang btsun mo'i 'khor dang bcas pa dang / lhas bstan na gnas pa'i skye bo'i tshogs rnams mchog tu ngo mtshar skyes te/ the tshom du gyur nas ci 'di bu mo yin nam/ 'on te las sna tshogs pas sprul pa'i sgyu 'phrul yin snyam mo/ / de bcas pa'i btsas ston nyi ma bdun gsum nyi shu gcig tu rgya chen byas nas/ bu mo 'di'i ming cir gangags zhes ming 'jog par byed do//
- 330a
blon po rnams kyi smras pa/ lhas bstan na gnas pa'i skye bo'i tshogs la lam po che dang / tshong 'dus dang / sum mdo dang / bzhi mdo rnams su gleng pa/ kha cig gi mchid nas ni 'di bu mo kho na lags te/ sngon gyi las kyi rnam par smin pas gzugs bzang zhing kha dog phun sum tshogs par gyur to zhes mchi'o// gzhan dag gi mchod nas ni 'di bu mo ma lags kyi/ 'o na ci zhe na/ las sna tshogs pas sprul pa'i sgyu 'phrul lags so zhes mchi lags pas/ de bas na bu mo'i ming sgyu 'phrul zhes gdags so zhes de'i ming sgyu 'phrul zhes btags so// bu mo sgyu 'phral ma ma brgyad la rjes su gtad do zhes bya ba nas chen mor gyur to zhes bya ba'i bar gong ma bzhin du'o/ / de la mtshan mkhan rnams kyis lung bstan pa/ mtshan phun sum tshogs pa du ma dang ldan pas/ bu zhig bca' bar 'gyur ba zhig stobs kyi 'khor los bsgyur bar 'gyur ro zhes bstan to/ / yang rtse bar byed/ dga' bar byed/ dga' dgur spyod par byed pa las/ bu mo gzugs bzang ba blta na sdug ba/ mdzes pa/ kha dog bzang mo// rgyas pa/ mchog dang ldan pa zhig btsas so// de bcas pa na grong khyer de dag thams cad snang ba rgya chen pos snang bar byas te/ sgyu 'phrul la ji lta ba bzhin du/ de'i gzugs bzang ba/ rnam pa thams cad du dpyad par mi nus so// de btsas pa'i btsas ston yang rgya cher byas nas/ bu mo 'di'i ming cir gdags zhes ming 'dogs par
- 330b
bye do/ / blon po rnams kyis smras pa/ sgyu 'phrul pas 'di lhag par gzugs bzang bas/ sgyu 'phrul chen mo zhes bgyi bar gdags so// de yang bskyed bsrings nas chen mor gyur pa dang / mtshan mkhan rnams kyis lung bstan pa/ skyes bu chen po'i mtshan sum cu rtsa gnyis dang ldan pa zhige btsa' bar 'gyur te/ de ni 'khor los sgyur ba'i rgyal por 'gyur ro zhes zhes lung bstan to// rgyal po legs par rab sad kyis/ rgyal po seng ge 'gram la pho nya btang ste/ bdag la bu mo gnyis shig btsas pa ni/ sgyu 'phrul dang / sgyu 'phrul chen mo lags te/ de la gcig la ni mtshan thams cang phun sum tshogs pa'i bu zhig btsa' bar 'gyur zhing / de ni stobs kyi 'khor los sgyur ba'i rgyal por 'gyur ro zhes lung bstan to// gcig shos la ni skyes bu chen po'i mtshan sum cu rtsa gnyis kyis brgyan pa'i bu zhig btsa' bar 'gyur zhing / / de ni 'khor los sgyur ba'i rgyal por 'gyur ro zhes lung bstan gyis// 'di gnyis las gang bzhed pa gzhon nu zas gtsang gi chung mar snoms shig/ seng ge 'gram gyis slar spring ba/ gnyis ka yang gzhon nu la dgos mod kyi/ 'on kyang chung ma 'dra ba gnyis gcig la bzhag par mi bya bas/ gang la skyes bu chen po'i mtshan sum cu rtsa gnyis kyis brgyan pa'i bu btsa' bar 'gyur zhing / de yang 'khor los sgyur ba'i rgyal por 'gyur ro zhes lung bstan pa de re shig 'dod do// gcig shos kyang tshogs la brtag par bya'o// des 'khor lnga brgya dang bkri'o//
- 331a
de'i tshe shAkya rnams kyi phyir rgol ba skya bsang zhes bya ba ri khrod pa gcig yod nas/ shAkya rnams 'dus te/ rgyal po seng ge 'gram gyi drung du song nas/ lha skya bseng ri khrod pa bdag cag la gnod pa bgyid kyis/ grogs mdzad du gsol/ des smras pa/ shes ldan dag kho bo rgas pas/ de rnams dang lhan cig g.yul sprad par mi nus so// lha/ gzhon nu zas gtsang btang du gsol/ dam zhig bca' ste/ gal te gzhon nu ji lta bu 'dod pa'i dam pa gcig bslangs pa'i dam pa de sbyin pa lta na gtong ngo // de rnams kyis smras pa/ lha bka' bzhin 'tshal/ sprul bar bgyi'o// rgyal po dpung gi tshogs yan lag bzhi pa gzhon nu zas gtsang la sngo nas/ des ri khrod pa de rnams bcom/ rab tu bcom ste rma ga bta'o// de nas shAkya rnams mgu nas rgyal po seng ge 'gram gyi drung du dong ste/ lga/ gzhon nus ri khrod pa rnams bcom/ rab tu bcom ste/ rme ga bta' lags pas/ bdag cag glo ba dga' na/ gzhon nu mchog ci bzhed gsungs shig/ dbul lo// shes ldan dag/ shAkya rnams kyi khrims su bcas pa/ sus kyang mnyam pa las chun ma bzhag par mi bya'o zhes bcas so// lha/ ci khrims 'dral lam/ nges smras pa/ lhag par shin tu bsdam byinal par mi byan 'on kyang gzhon nu'i dam pa gcig spong ba ni mnyam pa las chung ma blangs pa yin no/ / lha rung gis de bzhin du mdzod cig/ de nas seng ge 'gram gyis/ legs par
- 331b
rab sang la pho nya btang nas/ kho bos tshogs brtags zin gyis/ bu mo gcig shos kyang bkri shig/ des de yang 'khor lnga brgya dang bkri te/ gzhon nu zas gtsang gis gnyis ka blangs so// ji tsam na dus gzhan zhig na rgyal po seng ge 'gram shi nas/ ser skya'i gzhin/ rgyal po zas gtsang rgyal srid byed du 'jug ste/ 'byor pa dang / rgyas pa dang / bde ba dang / lo legs pa/ skye bo dang mi mang pos gang ba/ 'bab pa dang / 'bab mo dang / rtsod pa dang / 'gyed pa dang / chom rkun med cing nang rab tu zhi bar gyur pa/ 'bras dang / bu ram shing gi 'phreng ba dang / ba lang dang / mahe phun sum tshogs pa na/ bu gcig pa la sdug pa bzhin du rgyal srid skyong bar byed do// de dus gzhan zhig na btsun mo sgyu 'phrul chen mo dang lhan cig/ steng gi khang bzangs kyi gzhi skyes pa med par dong nas/ rol mos rtse bar byed/ dga' bar byed/ dga' dgur spyod par byed do// 'di ni chos nyid yin te/ byang chub sems dpa' dga' ldan gyi gnas na bzhugs pa na/ 'jig rten la gzigs pa lngas gzigs par mdzad de/ rigs la gzigs pa dang / yul la gzigs pa dang / dus la gzigs pa dang / rgyud la gzigs pa dang / bud med la gzigs pa ste/ rgya cher mdo snga ma dang sbyar ro// mngon par 'byung ba'i mdo rdzogs so// / rgya gar gyi mkhan po A tsa r+ya d+ham shId+ha rba dang / zhu chen gyi lo tsab dge slong rin chen bzang pos bsgyud rtsi zhus te gtan la phab pa/
- 332a
rgya gar skad du/ Ar+ya bud+d+ha ba lA d+ha na pra ti har+ya bi kurban nir de sha nA ma ma hA yA na sU tra/ bod skad du/ 'phags pa sangs rgyas kyi stobs bskyed pa'i cho 'phrul gyi yul rnam par 'phrul pa bstan pa zhes bya ba theg pa chen po'i mdo/ / thams cad mkhyen pa la phyag 'tshal lo// 'di skad bdag gi thos pa dus gcig na/ bcom ldan 'das chu bo chen po'i klung nai ran dza na'i 'gram na/ 'phags pa spyan ras gzigs kyi dbang phyug dang / lag na rdo rje dang / byams pa dang / 'jam dpal la sogs pa byang chub sems dpa' bdun stong dang / rab 'byor dang / shA ri'i bu dang / mo'u 'gal gyi bu la sogs pa nyan thos chen po thams cad dang thabs cig tu bzhugs te/ brgya byin dang / tshangs pa dang / 'jig rten skyong ba thams cad dang / rgyal po dang / blon po dang / bram ze dang / khyim bdag thams cad kyis bskor cing mdun du bdar te/ zhal zas kyi bya ba byas nas/ 'khor gyi dkyil 'khor de dag chos dang ldan pa'i gtam gyis tshim par byas/ bskul/ gzengs bstod/ yang dag par dga' bar byas te/ 'khor gyi dkyil 'khor dang thabs cig tu de bzhin gshegs pa'i rdzu 'phrul chen pos grong khyer wA ra NA sir gshegs te/ wA ra NA sir shing a mra srung ba'i tshal na bzhugs so/ / de nas de'i tshe na sa cher g.yos par gyur nas/ seng ge'i khri chen po rin po che sna bdun las byas pa 'phang du dpag tshad gcig tsam/ zheng du dpag tshad phyeng tsam gyi tshad les
- 332b
par sbas pa/ shin tu dga' bar 'gyur ba/ yid du 'ong ba/ dar gyi chun po btags shing sbyangs pa/ lha'i na bza' brgya stong du ma bting ba/ lha'i me tog gi chun po bye ba du ma rab tu sbyangs pa lha'i dri dang ldan pa/ / kha dog dang ldan pa/ de bzhin gshegs pa'i sngon gyi dge ba'i rtsa ba las skyes pa de mthong ma thag tu sems can thams cad mi skye ba'i chos la bzod pa thob par 'gyur ba zhig byung ngo / / de nas bcom ldan 'das seng ge'i khri de nyid la bzhugs te/ sangs rgyas phal po che zhes bya ba'i ting nge 'dzin la snyoms par zhugs nas/ byang chub sems dpa' 'phags pa sman ras gzigs kyi dbang phyug dang / lag na rdo rje la bka' stsal pa/ 'phags pa spyan ras gzigs kyi dbang phyug khyod song la/ mi mjed kyi 'jig rten gyi khams 'di dang / phyogs bcu'i 'jig rten gyi khams gzhan dag na khyod kyis 'dul bar 'gyur ba'i sems can bsdigs pa'i rang bzhin can ma dad pa sdig pa spyod pa/ / nyon mongs pa dang / nye ba'i nyon mongs pa de dag gis bsgribs pa// mar mi shes pa/ phar mi shes pa/ dge sbyong du mi 'dzin pa/ bram zer mi 'dzin pa/ dkon mchog gsum la mngon par ma dad pa/ de dag thams cad lag na rdo rje dang / gnyis kyis rdzu 'phrul chen po dang ting nge 'dzin gyi stobs kyi shugs kyis 'khor gyi dkyil 'khor 'dir sdus shig/ de nas byang chub sems dpa' 'phags pa spyan ras gzigs kyi dbang phyug dang / byang chub sems dpa' lag na rdo rjes
- 333a
de bzhin gshegs pa las tshig 'di thos nas/ sems can thams cad la blta ba dang / yang dag par bskul bar 'gyur ba zhes bya ba'i ting nge 'dzin la snyoms par zhugs so// ting nge 'dzin de'i mthus sa chen po 'di rnam pa drug tu g.yos/ rab tu g.yos/ yang dag par rab tu g.yos so// de nas lus las 'od zer brgya stong du ma byung ngo // byung nas kyang stong gsum gyi stong chen po'i 'jig rten gyi khams 'di kun tu snang bar byas te/ tshangs pa'i 'jig rten man chad gzugs man chad yod pa dang / gzugs kyis khyab pa man chad du snang bar byas te/ 'od zer de dag las kyang yang dag par bskul ba'i tshigs su bcad pa 'di dag byung ngo / / bag yod pa dang nyon mongs med par byos// bag med pa'i dbang du ma 'gro shig/ skye dang rga shis gtses pa'i sdug bsngal te/ bde bar gshegs pa'i bstan pa 'byung bar dkon/ / bskal pa bye ba phrag brgya grangs med du/ srid pa'i rgya mtshor nges par 'khor ba dang / nyon mongs dog par rtag tu 'khor ba na// 'tshe ba ma rungs pa ni skrag mi 'gyur// rnyed dang chags dang bud med rtag pa min/ / rtag tu glu gar sgyu ma'i chos dang ldan// bskal pa du mar bde ba myong nas kyang // phyis ni sdug bsngal rjes su thob par 'gyur// rnam par slu bar gyur pa 'di la ltos// 'di la mar gyur pa yang chung mar 'gyur// de yi sha dag yongs su zos nas kyang // mi mkhas pa dag mi shes dga' bar 'dzin// srid pa'i sdug bsngal rgya mtshor skye ba de// mis ni ma myong med la skrag
- 333b
pa med/ mi rnams kyi ni dam pa'i chos 'chad kyis// bde bar gshegs pa mchod par 'dod rnams deng // mi 'dul kha lo sgyur ba de mthong nas// ting 'dzin zhi ba bsgom pa thob 'gyur gyis/ de phyir sdug bsngal rgya mtsho mi gang rnams/ / skrag par gyis la thar pa 'dod par byos// mi rnams kyi ni dam pa de la mchod// gzhan gyi srog ni ma gcod de bzhin du// gzhan gyi nor dag ma byin len ma byed// gzhan gyi bud med dag la 'tshe ma byed// sangs rgyas chos la rtag tu gus par byos// nga rgyal rgyags dang brlang ba spangs nas kyang // wA ra NA si zhe ni bya ba yi// a mra srung ba mo yi tshal du deng // mi mchog la ni myur du blta bar gyis/ / de'i bkod pa rgya cher yid du 'ong // dge slong dge 'dun rtag tu rdzu 'phrul ldan// byang chub sems dpa' rgya chen rdzu 'phrul che// sems can mi mkhas khong du chud bya dang / sems can bye ba mang po thar bya'i phyir// 'od gzer rtag tu gang gis btang ba de// mtshan ni spyan ras gzigs kyi dbang phyug go// gang dag nga rgyal rgyags khengs bgyid gyur cing // sangs rgyas chos la rim gro mi byed pa/ / lag na rdo rje mgon po sems can mchog/ rtag tu 'od zer gtong zhing go bar byed// de yi gzugs ni yangs shing rdzu 'phrul che// bskal pa bye bar de ni bshad mi rdzogs/ / 'dir ni bde bar gshegs la mchod pa'i phyir// dri dang phreng ba gos mchog rgyan khyer la// mi yi 'dren pa 'di la mchod par byos// sangs rgyas 'byung bar 'gyur ba rab dkon no//
- 334a
'dod phyir bskal pa bye ba mang por yang // rtag tu sdug bsngal thob cing thob par 'gyur// mkhas pas rtag tu thar par 'dod par gyis// mi mchog sangs rgyas la ni mchod pa byos/ bu dang bu mo de bzhin gnyen rnams dang / pha ma chung ma bshes mang skye bo rnams// thams cad sgyu ma 'dra bas don med de// rtag par gzhan dang gzhan du skye bar 'gyur// de ltar gser dang da ngul yang glog pa 'dra/ / 'di kha snying po 'ga' yang snang ba med// byang chub go 'phang thob par bya ba'i phyir// mi rnams 'dren pa la ni mchod par byos// de nas de'i tshe na 'od zer las byung ba'i tshigs su bcad pas bskul ba gcig nas gcig tu brgyud pa 'dis/ stong gsum gyi stong chen po'i 'jig rten gyi khams khams sgras gang bar gyur nas/ sems can thams cad la bskul bar gyur te/ sems can gang dag log par lta ba de dag ni yang dag pa'i lta ba la bkod par gyur/ gang dag nga rgyal dang / rgyags pa dang / khengs pa dang // 'gying ba de dag ni nga rgyal dang / rgyags pa dang / khengs pa rnams dang bral bar byed par gyur/ gang dag 'dod chags la rjes su spyod cing / bag med par gyur pa de dag ni 'dod chags dang bral bar gyur// gang dag srog gcod pa dang / ma byin par len pa dang / 'dod pas log par g.yem pa dang / mi dge ba'i chos brgyad la gnas pa de dag thams cad lus dang ngag dang yid kyi spyod pa rnams 'phags pa'i lam yan lag brgyad pa la gnas par gyur/ thams cad
- 334b
kyang rgod pa dang / ku re dang / dga' ba dang / rtse ba dang / 'dod pa dang / khro ba dang / phrag dog dang / chags pa yongs su spangs nas de bzhin gshegs pa la blta ba dang / brten pa dang bsnyen bkur bya ba la spro bar gyur/ thams cad kyang chos nyan 'dod par gyur// lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / klu'i rgyal po dang / rgyal po mkhar gyi bdag po dang / rgyal phran dang / stobs kyi 'khor los sgyur ba'i rgyal po dang / dge slong dang / dge slong ma dang / dge bsnyen dang / dge bsnyen ma gang de dag thams cad kyis de bzhin gshegs pa la mchod pa'i phyir lha'i me tog dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / sil snyan dang / dar gyi chun po rnams thogs te/ grong khyer chen po wA ra NA si zhes bya ba gang na ba dang / a mra srung ba mo'i tshal gang na ba der dong nas/ bdag bdag gi bsod nams las skyes pa'i dge ba'i rtsa bas de bzhin gshegs pa dang / 'khor gyi dkyil 'khor rnams mngon par mchod de/ me tog gi char dang / dri'i char chen po mngon par phab bo// de nas de'i tshe na bcom ldan 'das 'dzam bu'i gling dang / a mra srung ba mo'i tshal de nga bag tshad khrag khrig brgya stong du ma srid du rgya che bar byin gyis brlabs te/ sa gzhi lag mthil ltar mnyam la/ lha'i yid du 'ong ba kha dog dang ldan pa/ dri dang
- 335a
ldan pa dang / lha'i me tog gi shing dang / 'bras bu'i shing dang / spos kyi shing dang / rin po che'i shing dang / dpag bsams kyi shing dang / gos kyi shing rnams kyis mdzes par byas pa/ lha'i seng ge'i khri dang ldan pa/ rin po che dang / dar dang / me tog gi chun po rab tu spungs pa// lha'i dril bu'i sgras brgyan par gyur te/ 'di lta ste dper na/ bde ba can gyi 'jig rten khams bzhin du yid 'phrog par byed pa/ tshim par byed pa/ mgu bar byed pa/ mngon par dga' bar byed pa/ byang chub sems dpa' dang / nyan thos dang / rang sangs rgyas dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po nas/ dge slong dang / dge slong ma dang // dge bsnyen dang / dge bsnyen ma dang / rgyal po dang / blon po dang / bram ze dang / khyim bdag rnams kyi bar du de dag gis gang bar byin gyis brlabs so// de nas byang chub sems dpa' 'phags pa spyan ras gzigs kyi dbang phyug dang / byang chub sems dpa' lag na rdo rje ting nge 'dzin de las langs nas/ bcom ldan 'das ga la ba der song ste phyin pa dang / lan gsum du bskor ba byas nas bcom ldan 'das la 'di skad ces gsol to/ / bcom ldan 'das de bzhin gshegs pa rnams kyi thabs mkhas pa dang / sems can rnams yongs su smin par bgyi ba ni mang ngo // bde bar gshegs pa mang ngo // bcom
- 335b
ldan 'das de bzhin gshegs pa'i gzi brjid dang / rdzu 'phrul gyi mthus byang chub sems dpa' sems dpa' chen po dang / nyan thos chen po dang / lha dang klu dang / gnod sbyin dang dri za dang lA ma yin dang / nam mkha' lding dang / mi 'am ci dang / lto 'phye chen po dang / rgyal po dang blon po dang / bram ze dang / khyim bdag dang / dge slong dang / dge slong ma dang / dge bsnyen dang dge bsnyen ma rnams mang du 'dus so/ / bcom ldan 'das kyis bka' stsal pa/ rigs kyi bu legs so legs so// kye rgyal ba'i bu dag de bzhin te/ de bzhin gshegs pa'i 'ang mkhas pa dang / sems can yongs su smin par bya ba ni mang ngo // sems can rnams kyi bsam pa ji lta bu dang / ji ltar 'dul ba dang / dge ba'i rtsa ba ji lta bu dang / sems can rnams kyi mos pa sna tshogs kyi spyong pa mkhyen nas chos ston te/ sems can kha cig ni byang chub sems dpas 'dul/ kha cig ni nyan thos kyis 'dul/ kha cig ni rang sangs rgyas kyis 'dul/ kha cig ni rtswas 'dul/ kha cig ni brgya byin gyis 'dul/ kha cig ni tshangs pas 'dul/ kha cig ni klus 'dul/ kha cig ni rdzu 'phrul chen pos 'dul/ kha cig ni rgyal pos 'dul/ kha cig ni ting 'dzin gyis 'dur/ kha cig na chos nyan pas 'dul/ kha cig ni tshe 'phrul gyis 'dul/ kha cig ning bzhin gshegs pa myeng na 'da' bas 'dul/ kha cig ni ring srel gyis 'dul// ba ci ni mchod
- 336a
rten byed du gzhugs pa dang / gtsug lag khang dang / chags dang / bskyed mos tshal byed du gzhug pa'i dge ba'i rtsa ba la spro ba bskyed pas 'dul/ kha cig ni sku gzugs byed du gzhug pa dang / ri mo dang / gser dang / dngul dang / ra gan gyi sku gzugs byed du gzug pa'i dge ba'i rtsa ba la spro ba bskyed pas 'dul/ kha cig ni dge slong gi dge 'dun la mchod pa dang / bkur sti bya ba'i dge ba'i rtsa ba la spro ba bskyed pas 'dul/ kha cig ni mdo sde bri ba dang / 'drir gzhug pa dang / klog pa la spro ba bskyed pas 'dul/ kha cig mar me dang / spos dang / me tog dang / dri dang / phreng ba dang / byug pa dang / do shal la sogs pas brgyan pa la spro ba bskyed pas 'dul ba yin te/ don dam pa la mkhas pa'i chos dang ldan pa dang / mya ngan las 'das pa'i chos dang ldan ba ni ma yin no/ / kye rgyal ba'i bu dag yang de bzhin gshegs pa dag la ni mi mkhyen pa'am/ mi gzigs pa 'am/ mi gsan pa dang / rnam par mi mkhyen pa cung zad kyang mi mnga' ste/ ma 'ongs pa yang mkhyen/ 'das pa yang mkhyen/ da ltar byung ba yang mkhyen/ sems can thams cad kyi spyod lam yang mkhyen/ spyod pa yang mkhyen/ khams kyang mkhyen/ skye ba yang mkhyen/ 'byung ba yang mkhyen to/ / kye rgyal ba'i bu dag 'di lta steng dper na/ sman pa legs par bslabs pa/ tshe'i rig pa yan lag brgyad pa thams cad la khas 'che shing / khams thams cad la mkhas la/ sman dang
- 336b
yo byad sbyor ba la brtson pa ni/ sems can nangad pa nang sna tshogs kyis lus yongs su gzir ba rnams kyi khams kyang shes/ dus kyang shes/ tshod kyang shes// sman yang shes/ rlung las gyur pa dang // mkhris pa las gyur pa dang / bad kan las gyur pa dang / 'dus pa las gyur pa dang / khrag las gyur pa dang / ma zhu ba las gyur pa dang / skran dang / dmu rdzing dang / snying nang dang / mdze dang / g.yan pa dang / shu ba dang / 'bras la sogs pa dang / dug dang / me dpal la sogs pa yang shes so// des thams cad shes nas sman gyi rdzas sna tshogs kyis skyugs pa dang / bkru ba dang / phye ma sbyar ba dang / sna nas blugs pa'i las dang / ga ta ra ka gdab pa dang / mar dang / 'bru mar bskod pa dang / smin par bya ba rnams sbyor ba'i thabs kyis sems can thams cad kyi nang de ngag thams cad nye bar zhi bar byed cing / nang sna tshogs kyis 'jigs pa las yongs su thar par byed do// kye rgyal ba'i bu dag de bzhin du de bzhin gshegs pas kyang ting nge 'dzin sna tshogs dang / rdzu 'phrul gyi rkang pa dang / stobs dang / mi 'jigs pa dang / lha'i mig dang / rna ba rnams kyi tshe'i rig pa yan lag brgyad pa dang ldan te/ sems can gyi khams dang / bsam pa dang sbyor ba sna tshogs la mkhas pas 'dod chags dang / zhe sdang dang / gti mug gi nang dang / nyon mongs pa dang / nye ba'i nyon mongs pa'i nad kyis gzir ba'i sems can dang / nga rgyal dang /
- 337a
rgyags pa dang / dregs pas bsgribs pa dang / chags pa dang / mya ngan dang / 'jigs pa dang / khro bas bsgribs pa rnams sems can dmyal ba dang / dud 'gro'i skye gnas dang / yi dgas kyi skye gnas dang / gshin rje'i 'jig rten gyi gnas nas yongs su thar par bya ba'i phyir/ thabs mkhas pa sna tshogs dang / sbyor ba sna tshogs dang / ting nge 'dzin sna tshogs dang / rdzu 'phrul gyis rnam par 'phrul pas sems can rnams yongs su grol bar byas nas/ bla na med pa yang dag par rdzogs pa'i byang chub kyi bar la bkod nas lhag ma ma lus pa'i mya ngan bas 'das pa'i dbyings su yongs su mya ngan 'da' bar mdzad do/ / mi dge ba'i chos brgyad las yongs su thar par mdzad cing / 'phags pa'i lam yan lag brgyad pa la so sor 'god de rig kyi bu 'di lta ste dper na/ zla ba'i dkyil 'khor ni thabs la mkhas pa dang ldan pa ji ltar khams kyi dge ba'i rtsa ba 'dul ba'i sems can rnams kyi don tu bdag nyid mi snang ba yang ston/ zla ba kham pa lta bu'i dkyil 'khor kyang ston/ zla ba mar gyi ngo dang / yar gyi ngo yang ston/ zla ba'i dkyil 'khor yongs su rgyas pa yang ston/ mun nag thibs po thams cad kyang rnam par sel/ rtswa dang / shing gel ba dang / sman dang / 'bru la sogs pa yang sim par byed do// kye rgyal ba'i bu dag de bzhin du de bzhin gshegs pas kyang sdug bsngal rnam pa sna tshogs kyis bsgribs pa'i sems can
- 337b
rnams dang / khams sna tshogs kyis 'dul ba'i sems can rnams kyi spyod pa mkhyen nas/ yongs su mya ngan las 'da' ba yang ston// skye ba yang ston/ 'khor lo sgyur ba'i rgyal po yang ston rtse ba dang / dga' dang / bud med kyi bzhad gad dang / ku re dang / dri dang / phreng ba dang / dga' zhing rtse ba yang ston/ khyim nas 'byung ba dang / rab tu 'byung ba dang / dka' ba spyod pa rnams kyang ston/ bdud btul ba dang / chos kyi 'khor lo bskor ba nas/ chos kyi sprin chen po'i char phab pas sems can rnams tshim par byas pa'i bar du yang ston te/ de bzhin gshegs pa rnams yongs su mya ngan las 'das kyang spor ba sna tshogs kyis ring bsrel mchod pa dang / mchod rten dang / gtsug lag khang dang / sku gzugs byed du gzhug pa dang / rab tu byung ba'i phyir khyim nas 'byung ba dang / dge slong gi dge 'dun la mchod pa dang / dam pa'i chos bri ba dang / klog pa dang / kha don du bya ba la spro ba bskyed pa bdag gis kyang sems can thams cad thar par mdzad de/ bslab pa 'dzin pa dang / brtul zhugs dang / sdom pa dang / nye bar gnas pa dang / dge bsnyen gyi sdom pa rnams 'dzin tu gzhug pa'i thabs mkhas pas kyang sems can rnams thar par mdzad de/ sems can dmyal ba dang / dud 'gro'i gnas dang / gshin rje'i 'jig rten dang / mi khom pa dang / ngan song dang / ngan 'gro thams cad las yongs su thar
- 338a
par mdzad nas/ chos nyan pas tshim par mdzad de/ bla na med pa yang dag par rdzogs pa'i byang chub kyi bar du bkod do// de nas de'i tshe na lha'i bu blo chung ba kha cig 'di snyam du sems par gyur te/ ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis de bzhin gshegs pa'i mdzad pa mdzad de/ sku tshe shin tu ring por byin gyis brlabs nas/ sems can thams cad skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams las yongs su thar par mdzad pa de ltar de bzhin gshegs pa'i mdzad pa thams cad du da dung ma mdzad kyis kyang / 'dir mya ngan las 'das pa shin tu bsngags shing brjod de// 'khor mang po bsdus nas rdzu 'phrul dang rnam par 'phrul pa'i cho 'phrul sna tshogs ston pa las na// de ci'i de bzhin gshegs pa 'di myur ba nyid du yongs su mya ngan las 'da' bar bzhed pa lta snyam nas/ de dag yid mi dga' ste/ cang mi smra bar gyur to// de nas 'jam dpal gzhon nur gyur pa'i sems kyis lha'i bu de dag gi sems shes nas lha'i bu de dag la 'di skad ces smras so/ / lha'i bu dag de ltar ma sems ma smra/ yid mi dga' bar ma byed cig/ de bzhin gshegs pa rnams kyi thabs mkhas pa ni mang ste/ thabs dang shes rab dang / ting nge 'dzin sna tshogs
- 338b
kyi dge ba'i rtsa ba'i stobs kyi byin gyi rlabs gyis/ sems can bsam pa sna tshogs dag la chos ston te/ lha'i bu dag ngas sngon gyi de bzhin gshegs pa rnams kyi thabs mkhas pa'i rdzu 'phrul dang rnam par 'phrul pa'i tshe phrul ji ltar mthong ba de ltar ngas shes pa las na/ de bzhin gshegs pa ni sangs rgyas kyi stobs bskyed pa'i cho 'phrul zhes bya ba theg pa chen po'i mdo sde'i rgyal po 'char par bzhed pa dang / / rgyas par mdzad par bzhed mi 'gyur ram/ yang lha'i bu dag de bzhin gshegs pa rnams ni yongs su mya ngan las mi 'da' sde/ de bzhin gshegs pa rnams kyi yongs su mya ngan las 'da' ba yang med/ sku tshe zad par 'gyur ba yang med/ bskal pa bye ba dpag tu med pa'i bskal pa brjod du med pa'i yang brjod du med par de bzhin gshegs pa rnams bzhugs mod kyi/ thabs mkhas pas sems can rnams la yongs su mya ngan las 'da' ba yang ston/ dam pa'i chos nub par 'gyur ba yang ston to// sems can mya ngan 'da' bas 'dul ba dang / ring bsrel gyis 'dul ba'i snyigs ma'i rang bzhin can de bzhin gshegs pa la ma dad pa/ bla ma la bsti stang byed par mi 'gyur ba'i sems can dag ji ltar mthong ba de ltar de bzhin gshegs pa yongs su mya ngan las 'da' ba ston mod kyi/ de bzhin gshegs pa ni byon pa yang med/ gshegs pa yang med do// gang gi tshe sems can rnams dge ba'i rtsa ba yongs su smin par
- 339a
gyur cing / de bzhin gshegs pa la lta bar 'dod pa dang / mchod par 'os pa dang / chos nyan par 'dod pa dang // zla ba'i dkyil 'khor bzhin du 'dod par gyur pa de'i tshe// lha dang mi rnams kyi skye bo mang po la phan pa dang / skye bo mang po la bde bar bya ba dang / dkon mchog gsum gsal bar bya ba dang / rgyas par bya ba'i phyir de bzhin gshegs pa 'jig rten du 'byung mod kyi de bzhin gshegs pa la skye ba med de/ rga ba dang / 'chi ba yang med do// rigs kyi bu 'di lta ste dper na// me long gi dkyil 'khor shin tu legs par phyis pa la gzugs sna tshogs snang bar 'gyur/ mi snang bar yang 'gyur mod kyi/ gzugs brnyan ni der 'ong ba dang / 'gro bar snang ba ni med do// lha'i bu dag de bzhin gshegs pa'i sku la yang de ltar blta bar bya'o// rigs kyi bu 'di lta ste dper na/ sgyu ma byed pa legs par bslabs pa ni/ grong khyer dang / rta babs dang / skyed mos tshal sna tshogs dang / shing rta sna tshogs dang / 'khor los sgyur ba'i gzugs dang / dga' ba dang rtse ba sna tshogs bstan te/ mi snang bar byed kyang de la 'pho ba yang med/ 'ongs pa yang med/ 'gro ba yang med do// de bzhin du de bzhin gshegs pa rnams 'byung ba dang yongs su mya ngan las 'da' ba la blta bar bya'o/ / yang lha'i bu dag sngon gyi smon lam gyis de bzhin gshegs pa mya ngan las 'das nas lo stong lon pa 'am/ mya ngan las 'das nas bskal
- 339b
par lon pa'am/ mya ngan las 'das nas bskal pa bye bar lon yang / sems can rnams kyis mchod par bya ba dang / bkur sti bya ba dang / ring bsrel gyi mchod rten byed du gzhug pa dang sku gzugs byed du gzhug pa dang / mtshan nas brjod pa dang / dam pa'i chos 'dzin pa dang / mchod pa byed pa'i sems can 'jig rten gyi khams sna tshogs na gnas pa rnams thar par mdzad de/ sems can dmyal ba dang / dud 'gro'i skye gnas dang / gshin rje'i 'jig rten dang / mi khom pa dang / ngan song dang / ngan 'gro log par ltung ba thams cad dang / sdug bsngal thams cad las yongs su bar mdzad nas/ rim gyis bla na med pa yang dag par rdzogs pa'i byang chub kyi bar du mngon par rdzogs par sangs rgyas par 'gyur na/ gang dag de bzhin gshegs pa la mngon sum du me tog dang / spos dang / dri dang / phreng ba dang / byug pa dang / na bza' dang / rgyan rnams kyi mchod pas mchod pa lta smos kyang ci dgos/ lha'i bu dag gang sems can la las sangs rgyas bcom ldan 'das mya ngan las 'das nas lo brgya stong ngam bskal pa bye ba lon yang / sangs rgyas la phyag 'tshal lo zhes mtshan lan bdun du brjod nas// nam mkha' la me tog gtor na de dag thams cad sdug bsngal gyi mthar byed par 'gyur ro/ / me tog nam mkha' la gtor ba lta zhog gi/ gang dag dad pas de bzhin gshegs pa'i rjes su slob pa la la zhig gis
- 340a
de bzhin gshegs pa la mchod pa'i phyir/ de bzhin gshegs pa'i tshul khrims bslab pa gcig tsam 'dzin tam/ nyin gcig gam/ mtshan gcig gam/ yud tsam zhig de bzhin gshegs pa la mchod pa yid la byed par brtson na/ de sdug bsngal mthar byas nas rim gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// gang gis de bzhin gshegs pa la mchod pa'i phyir/ bzhad gad ngam/ ku re 'am/ byis pa'i kyal ka 'am/ rtsed mor yang byed pa 'am/ 'jam pa las mchod rten byed na// de dag thams cad sdug babasngal mthar byas nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur na// gang gis ring bsrel gyi mchod rten nam/ ring bsrel gyi sku gzugs byas te/ sems can thams cad la snying rje ba gtso bor shes nas/ sems can thams cad sdug bsngal las yongs su dgrol lo snyam ste/ bla na med pa yang dag par rdzogs pa'i byang chub tu sems bskyed nas lha'i spos dang / 'phreng ba dang / byug pa dang / me tog dang / sil snyan dang / gdugs dang / rgyal mtshan rnams kyis mchod pa byed pa lta smos kyang ci dgos te/ des de bzhin gshegs pa thams cad la mchod pa byas par 'gyur ro/ / de ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal dang / yid mi bde ba dang / 'khrug pa rnam
- 340b
las yongs su thar par 'gyur te/ ji srid du bla na med pa yang dag par rdzogs pa'i byang chub tu mngon par rdzogs par sangs rgyas par gyur pa de srid kyib du bde 'gror 'gro bar 'gyur ro// lha'i bu dag de ltar na de bzhin gshegs pa rnams kyi sngon gyi smon lam la mkhas shing mthun pa yongs su dag pa yin no/ / de nas lha'i bu de dag 'di snyam du sems par gyur te/ kye ma'o 'jam dpal gzhon nur gyur pa 'di ni shes rab chen po dang ldan no/ / de bzhin gshegs pa rnams mchog tu thabs mkhas pa ni lags na/ gang 'jam dpal gyis de bzhin gshegs pa rnams mya ngan las 'das nas bskal pa bye ba du ma lon yang 'jig rten gyi khams dag na bzhugs shing / thabs mkhas pa sna tshogs kyis sems can rnams yongs su smin par mdzad do// zhes smras pa de ji lta bu 'di ci zhig snyam mo// 'jam dpal gzhon nur gyur pa'i sems kyis lha'i bu de dag gi sems shes nas 'di skad ces smras so// lha'i bu dag legs so legs so// yud tsam zhig sdod cig/ khyed kyi yid la byed pa skyes pa 'di dang / sngar zhus par gyur pa yang de bzhin gshegs pa'i byin gyi rlabs yin no// de nas bcom ldan 'das kyis ji lta bu'i rdzu 'phrul mngon par 'du mdzad pa mngon par mdzad nas/ de bzhin gshegs pa gtsug phud can dang / thams cad skyob dang / log par dad sel dang / gser thub dang / 'od srungs dang / rnam par gzigs dang / mi 'khrugs pa dang /
- 341a
'od dpag tu med pa de dag 'khor gyi dkyil 'khor na bzhugs shing / de bzhin gshegs pa seng ge'i khri chen po la bzhugs nas/ nyan thos dang / byang chub sems dpar bcas pas bskor cing / 'khor rgya mtsho lta bu la chos ston par snang ba dang / shar dang / lho dang / nub dang / byang gi phyogs kyi 'jig rten gyi khams dag na yang de bzhin gshegs pa du ma seng ge'i khri chen por bzhugs nas/ chos 'chad cing bzhugs par mthong ba de lta bu'i rdzu 'phrul mngon par 'du mdzad pa mngon par mdzad do// de nas thams cad dang ldan pa'i 'khor de dang / lha'i bu de dag dga' bar gyur te/ mchog tu dga' zhing yid dgu pa skyes nas bdag gi dge ba'i rtsa ba las skyes pa'i bsod nams kyi stobs bskyed pas/ de bzhin gshegs pa de dag la me tog dang / spos dang / dri dang / 'phreng ba dang / byug pa dang / na bza' dang / rgyan rnams kyis mngon par mchod te/ lan gsum du bskor ba byas nas tshigs su bcad pa 'di dag smras so// e ma ye shes ye shes ni/ ting 'dzin dang ni shes rab bsgom// ji ltar 'jig rten sgron ma rnams// 'das nas bskal pa dum na// sems can rnams la phan pa'i phyir// dpa' bo chen po 'di na bzhugs// byang chub sems dpas yongs skor cing / / seng ge'i khri la bzhugs pa ganga'// sangs rgyas mthong ba legs pa ste// chos nyan pa yang legs pa yin// dge ba'i bshes gnyen blta ba dang // mnyan
- 341b
pa'ang de bzhin legs pa yin/ / gang dag 'dir ni bslab 'dzin pa'i// lus kyi sdom pa legs pa yin// nan tan gyis ni sgrub pa dag/ de kun byang chub thob par 'gyur// thabs dang shes rab mkhas pa rnams/ / 'di ni sems can thar par mdzad// zla ba'i dkyil 'khor 'dra ba dang // de bzhin sgyu ma byed pa 'dra// 'o ba dang ni 'gro ba yang // de bzhin gshegs pa'i ston par mdzad/ / mchod rten dang ni ri mo dang // sku gzugs byed du 'jug pa dang / mchod dang bkur sti bya ba'i phyir// gang dag mtshan ni dran byed pa// byang chub phyir ni gnas pa rnam thams cad thar pa thob par 'gyur/ / de bzhin gshegs la phyag 'tshal nas// dam pa'i chos ni mnyan pa dang // mchod cing 'dzin pa'ang de bzhin te// sdug bsngal kun las grol bar 'gyur/ / de bzhin gshegs pa'i byin gyi rlabs dang / rnam par 'phrul pa'i cho 'phrul yang dag par bstan pa 'di bshad pa na/ srog chags drug khri bzhi stong gis mi skye ba'i chos la bzod pa thob par gyur to/ / srog chags nyi khris chos la chos kyi mig rnam par dag go// lha'i bu lnga stong gis len pa med par zag pa las sems rnam par grol te/ phyir mi ldog pa'i sa la gnas par gyur to/ / dge slong dang / dge slong ma dang / dge bsnyen dang / dge bsnyen ma bdun brgyas ting nge 'dzin sna tshogs thob par gyur to// 'jam dpal gzhon nur gyur pa la rgyal po gsal
- 342a
rgyal gyis 'di skad ces smras so/ / rgyal ba'i sras khyod kyis sems can thams cad kyi don tu dris pa'i lan bshad pa 'di ni/ khyod kyis legs par bshad de legs mod kyi/ kho bo the tsom cung zad cig skyes kyis/ gang thos nas sems can rnams kyis yid la byas te/ de dag thams cad 'khor ba'i sdug bsngal las grol bar 'gyur ba dang / bde 'gror 'gro bar 'gyur ba dang / bla na med pa yang dag par rdzogs pa'i byang chub las phyir mi ldog par 'gyur/ kho bos dris pa de bstan cing lung ston cig/ 'jam dpal gyis smras pa rgyal po chen po khyod kyis sngon dge ba'i rtsa ba bskyed pa dang / de bzhin gshegs pa'i byin gyis rlabs kyis spobs pa skyes pa ni legs so// khyod gang dang gang 'dod pa dris shig dang / ngas khyod la bshad par bya'o/ / smras pa/ kye rgyal ba'i sras de bzhin gshegs pa rnams kyi mtshan thos pa tsam dang / mchod pa dang / bkur sti byas pa nyid kyis sdig pa byed pa'i sems can rnams sems can dmyal ba dang / dud 'gro'i skye gnas dang / gshin rje'i 'jig rten las grol bar 'gyur zhing / bde 'gror 'gro bar 'gyur ba de dag gang lags/ de dag 'jig rten gyi khams ni gang na bzhugs/ de dag la mchod pa ni ji ltar bgyi/ 'jam dpal gyis smras pa/ rigs kyi bu gang gi phyir sems can rnams ngan song du 'gro bar mi 'gyur ba dang / gang ngan song du skyes pa de
- 342b
ngadag sems can dmyal ba dang / dud 'gro'i skye gnas dang / gshin rje'i 'jig rten las yongs su grol bar 'gyur ba'i bcom ldan 'das de bzhin gshegs pa de dag gi mtshan rnams dang / 'jig rten gyi khams su mchod cing bsti stang bya bar bshad kyis nyon cig/ 'jig rten gyi khams bai DUR+Ya snang ba na/ de bzhin gshegs pa dgra bcom pa yang dag par rdzogs pa'i sangs rgyas sman gyi bla bai DUR+Ya'i 'od ces bya ba bzhugs te/ 'tsho la gzhes shing chos kyang ston pa yod do// 'jig rten gyi khams gtsug dud can na/ de bzhin gshegs pa dgra bcom pa yang dag par rdzogs pa'i sangs rgyas rin po che'i gtsug du nga can zhes bya ba yod do// 'jig rten gyi khams dri ma med pa na/ de bzhin gshegs pa dgra bcom pa yang dag par rdzogs pa'i sangs rgyas dri ma med par 'byung ba zhes bya ba yod do// 'jig rten gyi khams zhi ba na/ de bzhin gshegs pa dgra bcom pa yang dag par rdzogs pa'i sangs rgyas rab tu zhi ba bkod pa zhes bya ba yod do/ / 'jig rten gyi khams bde ba can na/ de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pa zhes bya ba dang / 'jig rten gyi khams pad+mo'i bla ma na/ de bzhin gshegs pa dgra bcom pa yang dag par rdzogs pa'i sangs rgyas pad+mo 'byung zhes bya ba dang / 'jig rten gyi khams rdo rje na/ de bzhin gshegs pa rdo rje mkhregs pa zhes bya ba dang / 'jig rten gyi khams mya ngan med pa na/ de bzhin gshegs pa mya ngan bral zhes bya ba dang / 'jig rten gyi khams 'jigs pa med pa na/
- 343a
de bzhin gshegs pa 'jigs pa thams cad rab tu zhi bar mdzad pa zhes bya ba dang / 'jig rten gyi khams rtog pa dang blo gros su ldan pa na/ de bzhin gshegs pa 'gro ba thams cad yongs// su sbyong ba zhes bya ba dang / 'jig rten gyi khams bral ba na/ de bzhin gshegs pa ngan song thams cad zhi bar mdzad pa zhes bya ba dang / 'jig rten gyi khams dri ma med pa na/ de bzhin gshegs pa blo/ gros rnam par dag pa zhes bya ba dang / 'jig rten gyi khams dbang po na/ de bzhin gshegs pa dbang po'i blo gros zhes bya ba yod de/ de'i mtshan bzung ba nyid kyis lha'i dbang por 'gyur ro// 'jig rten gyi khams zla ba na// de bzhin gshegs pa zla ba rgyas pa dri ma med pa zhes bya ba yod de/ de'i mtshan bzung zhing mchod pas/ nyon mongs pa thams cad yongs su grol bar 'gyur ro// 'jig rten gyi khams khyad par thob na/ de bzhin gshegs pa ngan 'gro thams cad zhi bar mdzad pa zhes bya ba yod de/ de'i mtshan bzung zhing mchod pas ngan 'gro thams cad las grol bar 'gyur ro// 'jig rten gyi khams legs par snang ba na/ de bzhin gshegs pa sems cad thams cad sdug par mthong zhes bya ba yod de/ de'i mtshan bzung zhing mchod pas 'jig rten pa thams cad mngon par dga' bar 'gyur ro/ / rigs kyi bu mdor na de bzhin gshegs pa dga' ba'i dpal dang / de bzhin gshegs pa tsan ngan gyi dpal dang / de bzhin gshegs pa dpa' bo dang / de bzhin gshegs pa
- 343b
bdud thams cad kyi stobs rab tu 'jom pa dang / de bzhin gshegs pa gtsug pung can dang / de bzhin gshegs pa thams cad skyob dang / de bzhin gshegs pa log par dang sel dang / de bzhin gshegs pa gser thub dang / de bzhin gshegs pa 'od srungs dang / rgyal po chen po de bzhin gshegs pa de dag mya ngan las 'das nas lo bye ba khrag khrig brgya stong lon pa 'am/ mya ngan las 'das nas bskal pa brgya lon pa'i sangs rgyas bcom ldan 'das rnams kyi mtshan bzung ba dang / ring bsrel gyi mchod rten byed du 'jug pa dang / ri mo dang sku gzugs byed du 'jug pa dang / mar me dang / spos dang / me tog dang / dri dang / byugs pa rnams kyis mchod cing bkur sti byas pa dang / bslab pa 'dzin pa dang / brtul zhugs dang / bka' thub dang / sdom pa dang nye bar gnas pa rnams kyis sems can thams cad ngan song thams cad dang / ngan 'gro thams cad las yongs su grol bar 'gyur ro// bskal par gnas pa'i las kyi sgrib pa mtshams med pa lnga la sogs pa yang yongs su dag par 'gyur te/ bde 'gror 'gro bar 'gyur zhing / ngan 'gror 'gro bar mi babs nas rim gyis bla na med pa yang dag par rdzogs pa'i byang chub kyi bar du mngon par rdzogs par 'tshang rgya'o/ / gal te rigs kyi bu 'am/ rigs kyi bu mo dad pa byang chub kyi sems dran pa nyams pa zhig gis sdig pa byed pa dang / dam pa'i chos spong ba dang / 'phags
- 344a
pa dag la skur pa 'debs pa dang / mtshams med pa lnga byed pa dang / srog gcod pa dang / dkon mchog gsum gyi nor rku ba dang / sems can dmyal ba mnar med par 'gro pa dang / ngan song gsum du skyes pa'i sems can rnams kyi don dang / grogs po dang / gnyen rnams yongs su thar par bya ba'i phyir/ de bzhin gshegs pa de dag gi ri mo'i sku gzugs dang // 'jim pa'i sku gzugs byed du 'jug cing / byed du bcug nas kyang / sems can thams cad la snying rje ba'i sems gtso bor byas te/ 'phags pa'i lam yan lag brgyad pa dang ldan par gyur nas/ zla ba yar gyi ngo tshes brgyad nas brtsams te/ tshes bco lnga'i bar du/ de bzhin gshegs pa de dag la me tog dang / spos dang / dri dang / phreng ba dang / byug pa dang / mar me dang / sil snyan dang / rgyal mtshan dang / ba dan rnams kyis mtshan lan gsum nyin lan gsum du mchod de/ sems can de dag thar par bya ba'i phyir ci nas kyang sangs rgyas bcom ldan 'das de dag/ de bzhin gshegs pa'i ye shes kyis ni mkhyen/ lha'i stan gyis ni gsan// lha'i spyan gyis ni gzigs shing / sems can de dag bde 'gror 'gro bar 'gyur gyi/ ngan 'gror 'gro bar mi 'gyur ba dang // legs par bya ba byed kyi/ ngan par bya ba mi byed par yongs su sngo zhing / da ltar sems can ngan song du skyes pa de dag thar par bgyi ba'i slad du de bzhin gshegs pa de dag la gsol ba gdab po// bshags pa dang / 'thol bas sdig pa
- 344b
bsrabs par gyur cig/ de bzhin gshegs pa'i mtshan thos par gyur cig/ ngan 'gro thams cad las yongs su grol bar gyur cig/ ji srid du bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du/ bdag gi spyod pa dang 'thun par spyod par gyur cig ces de ltar yongs su bsngo bar bya'o// chos kyi rnam grangs 'di yang bris pa dang / 'drir bcug ba dang / bcangs pa dang / bklags pa dang / mchod pa de'i phyir sngon gyi de bzhin gshegs pa de dag gi smon lam gis mthus/ sems can mnar med par 'gro ba dang / ngan song gsum du skyes pa de dag gi rna bar mtshan rnams thos par 'gyur ro/ / chos kyi rnam grangs 'di'i mthus kyang sdig pa thams cad bsrabs par 'gyur ro// de bzhin gshegs pa de dag gi gzi brjid kyi mthu dang chos kyi rnam grangs 'di'i mthus dge ba dang mi dge ba'i las rjes su dran par gyur nas/ phyis sdig pa'i las byed par mi 'gyur te/ de nas sdug bsngal de dag las yongs su grol bar 'gyur zhing bde 'gror 'gro bar 'gyur ro/ / bla na med pa yang dag par rdzogs pa'i byang chub mngon par rdzogs par sangs ma rgyas kyi bar du sbyong ba mthun par 'gyur ro// de lta bas na chos kyi rnam grangs 'di ni yon tan mang po dang ldan zhing nor bu rin kho che chen po dang 'dra ste/ yid bzhin gyi bu rin po che bzhin du bsams pa thams cad 'grub ste/ sdig pa thams cad 'joms par byed/ ngan 'gro'i sgo thams cad gcod par byed/ bde 'gro'i sgo dang / sangs rgyas kyi zhing gi
- 345a
sgo rnams ni 'byed de/ rigs kyi bu de ltar na de bzhin gshegs pa rnams kyi thabs mkhas pa dang smon lam dang / rnam par 'phrul pa dang / byin gyis brlabs dang / ting nge 'dzin sna tshogs pas mya ngan las 'das nas bskal pa brgya lon pa/ / 'jig rten gyi khams sna tshogs na gnas pa dag mnyan cing / mchod pa gcig nas gcig tu brgyad pa nyid kyis/ ngan song thams cad las yongs su bar te/ bde 'gror bkod par 'gyur na/ gang 'chang ba dang / klog pa dang // 'dri ba dang / 'drir 'jug pa dang / gzhan la rgya cher yang dag par ston pa lta smos kyang ci dgos te/ yon tan de dag rigs kyi bu 'am/ rigs kyi bu mos yongs su bzung bar gyur te/ de'i bsod nams mngon par 'du bya ba dang / dge ba'i rtsa ba mngon par 'du bya ba'i yon tan de ni de bzhin gshegs pa ma gtogs par brjod par sla ba ma yin no/ / rgyal po chen po de lta bas na yon tan 'di dag la ltos la chos kyi rnam grangs 'di bcang bar bya'o// klog par bya'o// bshad par bya'o// mchod par bya'o// dkon mchog gsum la dad pa mi phyed par bya'o// de bzhin gshegs pa la rtag tu mchod cing bsnyen bkur bya ba dang / de bzhin gshegs pa'i bstan pa yang dag par bzung bar bya'o/ / 'khor ba las yid skyo zhing bag yod pa dang / 'khor ba skad cig mar yid la byed pa dang ldan par bya'o// yang rgyal po chen po 'dod pa la bsten pas bskal pa bye ba
- 345b
khrag khrig brgya stong du mar sdug bsngal ba/ skye ba dang 'gag pa'i sdug bsngal dang / mngal na gnas pa'i sdug bsngal dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal dang / dbul ba'i sdul bsngal dang / gcod pa dang / gzhom pa dang / brdung ba dang / brdeg pa dang / sred pa'i sdug bsngal myong bar 'gyur te/ 'du byed thams cad yongs su spangs te/ 'gro dgos pas rgyal po chen po khyod kyis snying brtse ba gtso bor bya ba dang / chos dang phar pa 'dod par bya'o// de nas thams cad dang ldan pa'i 'khor de dang / rgyal po gsal rgyal gyis 'jam dpal la legs so zhes bya ba byin te/ 'jam dpal legs so legs so// chos kyi char phab pas bdag cag tshim par bgyis tshim par bgyis/ rang bar bgyis byang chub la rab tu gzhag pas bag yod par bgyi'o/ / de nas bcom ldan 'das la byang chub sems dpa' ltad mo can gyis 'di skad ces gsol to// bcom ldan 'das gang la la zhig chos kyi rnam grangs 'di 'chang ba dang / klog pa dang // gzhan la rgya cher yang dag par bstan pa dang / 'dri ba dang / 'drir 'jug pa dang / 'dri ba po dang / 'chang ba po dang / klog pa po de dag la me tog dang / spos dang / dri dang / phreng ba dang / byug pa dang / gos dang / rgyan rnams kyis mchod na/ bcom ldan 'das de'i bsod nams ji snyed cig skye bar 'gyur/ bcom ldan 'das
- 346a
kyis bka' stsal pa/ / gang rigs kyi bu 'am/ rigs kyi bu mo 'am/ rgyal po 'am/ blon po 'am/ dge slong ngam/ dge slong ma 'am/ dge bsnyen nam/ dge bsnyen ma la la zhig gis chos kyi rnam grangs 'di de bzhin gshegs pa la dad pas bcangs pa dang / mchod pa dang / 'dri ba dang / 'drir 'jug pa dang / yang dag par bstan na// des yon tan chen po brgyad thob par 'gyur te/ brgyad gang zhe na/ gang dag 'jig rten na nad dang / gnod pa de dag de la thams cad kyi thams cad du mi 'byung ba dang / gang 'jig rten na gnod sbyin dang / 'byung po dang / sha za mdang sa 'phrog pa de dag thams cad byams pa la gnas par 'gyur ba dang / gang dag gshed byed dang / byang dang / sngags dang // ro langs gzhan gyi gnod pa de dag de'i lus la gnod par mi 'gyur ba dang / rgyal po dang / blon po dang / bram ze dang / khyim bdag dang / dge slong dang / dge slong ma dang / dge bsnyen dang / dge bsnyen ma thams cad de la dga' zhing mgu bar gyur nas/ de'i don thams cad grub par 'gyur ba dang / lha thams cad kyis yongs su gzung bar 'gyur ba dang / bde 'gror 'gro bar 'gyur ba dang / lag na rdo rjes yongs su bzung bar 'gyur ba dang / ji ltar 'dod pa'i gnas su skye zhing tshe rabs dran par 'gyur ba ste/ yon tan chen po de brgyad thob par 'gyur ro// des na de bzhin gshegs pa 'di dag la de bzhin gshegs pa'i lha'i mchod
- 346b
ba dang / mngon sum du mchod pas lo 'bum gyi bar du mchod par 'gyur ro// gang yang 'dzam bu'i gling 'di de bzhin gshegs pa'i ring bsrel gyi mchod rten rin po che sna bdun las byas pas gang bar byas te/ lha'i phreng ba dang / byug pa dang / me tog dang / mar me dang / rin po che'i gdugs dang / sil snyan dang / rgyal mtshan dang / ba dan rnams kyis lo 'bum du bkur sti byas te/ brjed cing mchod pa bas/ gang chos kyi rnam grangs 'di 'chang ba dang / klog pa dang // mchod pa dang / 'dri ba dang / 'drir 'jug pa dang / gzhan dag la yang dag par rab tu bstan na// de bas 'di ches bsod nams mang du 'phel lo/ / rigs kyi bu gang la la zhig gis 'dzam bu'i gling sems can de dag 'phags pa'i lam yan lag brgyad pa la gzhog cing / bzhag nas kyang lha'i lo stong du yo byad thams cad kyis mi brel bar brjed cing / mchod pa bas gang gis chos kyi rnam grangs 'di las tshig bzhi pa'i tshigs su gcad pa tsam yang mnyan pa dang / 'chang ba dang / 'dri ba dang / 'drir 'jug pa dang / gzhan la rgyas par byed na/ de bas 'di ches bsod nams mang du 'phel lo// de nas bcom ldan 'das kyis don 'di nyid rgya cher brjod pa'i bya ba'i phyir/ de'i tshe tshigs su bcad pa 'di dag gsungs so/ / zhing stong bye ba gzhan du gnas pa yi// sangs rgyas mkhas pa mtha' yas bye ba dag/ sems can rnams kyi phyir ni dgos mdzad cing // ngan 'gro las
- 347a
ni sems can bar bar mdzad/ / bstir med las la gnas shing sbyin byed dag/ las byas nas ni ngan 'gror song ba'i rnams// de dag thar bar bya phyir chos 'dod pas/ / de bzhin gshegs pa 'di dag mchod par gyis// ri mo mchod rten rnam pa sna tshogs byos// gser dang dngul dang de ltar lugs rnams dang // 'jim pa'i sku gzugs dag ni byed gtsug nas/ / mchod pa sna tshogs kyis ni mchod par gyis// me tog dang ni phreng ba byug pa dang // mar me sil snyan dri dang spos kyis mchod// shes rab che bas bsngo ba dag kyang gyis/ mdo sde bshad cing 'drir yang gzhug par gyis// de bzhin gshegs dang mdo sde'i gzi brjid kyis// sdig pa'i las las sems can de thar gyis// bla med byang chub reg par 'gyur rab tu/ / dag pa'i gnas su skye ba 'dzin par 'gyur// sngon gyi las rnams rjes su dran 'gyur zhing // dran nas mkhas pa sdig pa byed mi 'gyur// mi yi byang chub sems dpa' mdo sde 'di// bshad pas des ni bsod nams mang du thob// de ni lha rnams kun gyis bsrung bar 'gyur// de'i lus 'di la ni nad mi 'byung // de yi rgyal srid la ni gnod mi 'byung // khyim dang grong dang grong khyer zhi bar 'gyur// gang zhing mdo sde 'di ni rtag 'dzin pa// sangs rgyas rnams kyi mdzod ni rtag 'dzin 'gyur// gang zhig mchod cing rjed dang 'jug pa dang // las gzhan med par nyan du 'jug pa ni// des ni sangs rgyas yang dag
- 347b
mchod par 'gyur/ / des ni myur du byang chub mchog rtogs 'gyur// de nas bcom ldan 'das la/ byang chub sems dpa' sems dpa' chen po ltad mo can gyis 'di skad ces gsol to// bcom ldan 'das bdag ni 'di la the tsom skye ste/ bcom ldan 'das ci lus 'dis rgyal srid kyi khongs spyod bsgrubs nas/ slar yang sdug bsngal sgrub par 'gyur ram/ 'khor bar 'khor ba'i tshe skyo bar mi 'gyur ram/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnams yongs su myong bar 'gyur zhing ji ltar skye/ ji ltar 'gum/ ji ltar 'tsho/ ji ltar bde ba bsgrub par 'gyur/ ji ltar sdug bsngal myong bar 'gyur/ de nas bcom ldan 'das kyis/ byang chub sems dpa' sems dpa' chen po ltad mo can la 'di skad ces bka' stsal to// ltang mo can 'di ni las kyi rkyen yin par blta bar bya'o/ / rigs kyi bu yang 'di la gang yang skye ba med/ 'chi ba med/ 'tshe ba med de/ rigs kyi bu 'di la rga ba dang / 'chi ba ni med kyi/ 'tshe ba'i khams ni rtag tu lus kyi rnam par shes pa la gnas so/ / yang las kyi rkyen dang / las kyi gzhis skye ba sna tshogs su 'ongs shing 'phos nas/ bde ba dang / sdug bsngal myong bar 'gyur to// bde ba la bde bar 'du shes/ sdug bsngal la sdug bsngal du 'du shes/ bde ba yang ma yin/ sdug bsngal yang ma yin pa la/ bde ba yang ma yin/ sdug bsngal yang ma yin pa'i 'du shes skyed mod kyi
- 348a
lhag ma ma lus pa'i mya ngan las 'das pa'i dbyings su yongs su mya ngan las 'da' ba'i chos can du gyur gyi bar du skyo ba'i sems bskyed par 'gyur ro/ / rigs kyi bu 'di ltar dper na/ skyes bu la la zhig gos/ sar pa gyon te/ des de gyon nas las thams cad byed cing bde ba dang / sdug bsngal yang myong bar 'gyur ro// yang dus gzhan zhig na gos de rAngs shing mugs te dri ma can mthar chad par gyur pa dang / des de dor ba'i chos can du shes na sa bor ro// bor nas kyang gos sar pa gsar ma gzhan zhig btsal te gyon to// de gyon nas yang las byed cing bde ba dang sdug bsngal myong bar gyur nas/ don dam pa'i gos sra zhing brtan la mi shigs shing mi chod pa gyon par ma gyur gyi bar du/ gcig nas gcig tu brgyud pa 'di lta bus bskal pa du ma 'das kyang gos de bgos so zhe'am/ bor ro zhes mi rtog rnam par mi rtog gi de ni lus kyi dbang du 'gro'o// rigs kyi bu de bzhin du gang gi tshe 'tsho ba'i khams des lus 'jig pa dang / 'gyel ba'i mthar gyur par mthong ba de'i tshe/ lus de bor nas yang skur pa gzhon nur gzhan btsal te/ de de'i las byed cing de bgos nas bde ba dang / sdug bsngal myong bar 'bar ro// ji ltar rang gi bsod nams las skyes pa'i gos de 'jam pa dang / sra ba dang / rtsub pa'i bgo ba de bzhin du tshor ba'i khams kyis bgo ba lta bu'i lus blangs te/ ji ltar rang gi las kyi rkyen gyi dge ba'i rtsa ba las skyes pa bzhin du/ lha dang / rgyal po dang
- 348b
sems can dmyal ba dang / dud 'gro'i skye gnas dang / gshin rje'i 'jig rten rnams su skye bar 'gyur te/ lus de yang 'tsho ba'i khams kyi dbang gis 'gro zhing 'tsho ba'i khams kyis yongs su btang yang mi rtog rnam par mi rtog go/ / rigs kyi bu de bzhin du lus gos lta bur blta bar bya'o// rigs kyi bu 'di lta ste dper na/ sgyu ma la ni las kyi rkyen gyis dus kyi mthar shun pa de bor nas rang gi lus kyi gzug kyis 'gro zhing 'ong ste/ bde ba dang / sdug bsngal myong bar gyur kyang shun pa de mi rtog rnam par mi rtog go// de bzhin 'tshor ba'i khams ni sbrul lta bur blta'o// rigs kyi bu 'di lta ste dper na shing lo ma dang 'dab mar ldan par gyur pa las/ yang dus kyi rkyen gyis 'jig pa dang / ltung bar mthar gyur pa'i chos can du gyur nas/ phyis yang dus kyi rkyen gyis myu gu dang / yal ga dang 'dab ma dang / me tog dang / 'bras bu rnams len te/ rigs kyi bu de bzhin du las kyi rkyen gyis skye ba dang / 'gag par blta'o// rigs kyi bu yang phyi ma'i dus phyi ma'i tshe na/ sems can dag rnyeng pa dang / chags pa dang / khro ba dang phrag dog dang / nga rgyal mang ba dag 'byung ste/ srang dang / gzhal ba la g.yo byed par dga' ba/ 'dod chags kyi rjes su spyod pa dag 'byung ste/ de dag 'dod ba'i rgyu dang / / 'dod pa'i gzhis sdig pa mang du byed par 'gyur te/ sdig pa mang du byas nas sdug bsngal myong bar 'gyur zhing / mi rtag pa la rtag pa'i 'du shes can dang / mi gtsang ba la gtsang
- 349a
ba'i 'du shes can gyis sangs rgyas dang / chos dang / dge 'dun la mchod pa byed par mi 'gyur te/ byis pa'i blo can de dag dge ba'i bshes gnyen mi tshol gyis/ gang lta bu'i sems can de dag chos ston pa de dag la bgod cing kyal ka byed pa mang bar 'gyur gyi/ dad par mi byed yid ches par mi byed de/ de lta bu'i sems can de dag ni sdig pa spyod de/ de dag gi 'tsho ba'i khams des las kyi rkyen ji lta ba bzhin du myong bar 'gyur ba'i bgo ba'i lus blangs nas/ sdug bsngal la dga' ba'i 'du shes skyed do// rigs kyi bu de lta bas na de bzhin gshegs pas bka' stsal pa/ 'di ni las kyi rkyen yin par blta ste/ 'di la su yang 'chi ba med/ 'tsho ba med/ bde ba dang / sdug bsngal yang myong bar mi 'gyur te/ las kyi sgyu las kyi rkyen gyis skye ba dang / 'gag par 'gyur ro/ / sems can de dag gi don du de bzhin gshegs pa rnams kyis dka' ba spyad pa bye ba khrag khrig brgya stong du ma mdzad nas/ bdog pa thams cad yongs su btang nas/ bla na med pa yang dag par rdzogs pa'i byang chub tu mngon par rdzogs par sangs rgyas par 'gyur te/ sems can thams cad kyang mya ngan las 'das pa chen po la bkod do// de nas de'i tshe na de bzhin gshegs pa'i byin rlabs kyis sa chen po g.yos par gyur to/ / ji ltar lhags pa'i 'khor de dag gis kyang bcom ldan 'das la legs so zhes bya ba gsol to// rgyal po gsal rgyal dang / gzhan yang mthu chen po
- 349b
mthu che brdzu 'phrul chen po mang pos lha'i na bza' lnga brgyas de bzhin gshegs pa la mngon par mchod nas/ lus 'angar bzhin du bcom ldan 'das la lan gsum bskor ba byas te/ de bzhin gshes pa thams cad kyi spyan sngar sdig pa thams cad nyes pa la nyes so zhes so sor bshags te/ bsab pa la yi dam bca' bar bya ste/ ji ltar lhags pa'i 'khor de dag gis tshig 'di skad du sbas so// de bzhin gshegs pa skye ba thams cad las slar log pa/ sems can thams cad sdug bsngal las sgrol ba/ bsgral ba thams cad la phyag bgyi'o// phyag 'tshal lo// bcom ldan 'das sman chang bdag cag skye ba'i sdug bsngal myong bar skyo bar mi bgyid do/ / bcom ldan 'das bdag cag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams las grol bar mdzad du gsol/ bcom ldan 'das kyis bka' stsal pa/ rigs kyi bu dag nan tan snying por byed pa'i dge ba'i rtsa bas dkon mchog gsum la lhag pa'i bsam pa dang ldan par byos shig/ 'du byed thams cad mi rtag cing sgyu ma lta bur shes par byos shig/ chos yongs su bzung ba la spro bar byos shig/ mchod pa dang / rjod pa dang / bkur stesti mang bas byos shig/ sems can thams cad la mchog tu snying rje bar shes par byos shig/ chos smras pa la de bzhin gshegs par 'du shes skyed par byos shig/ dge ba'i bshes gan
- 350a
la bla mar 'du shes skyed par byos shig/ chos kyi rnam grangs 'di yid la bya ba dang / sgom pa dang / rgyas par byos shig/ rigs kyi bu sdug bsngal thams cad dang / skye ba dang rga ba dang / na ba dang / 'chi ba dang / sdug bsngal ba dang / yid mi bde ba dang / 'khrug pa chen po las yongs su grol bar 'gyur/ 'khor ba'i zhags pa las yongs su grol bar 'gyur ro// 'phags pa'i lam yan lag brgyad pa'i dge ba'i rtsa ba la sgrub par byos shig/ bag med pa'i gnas las slar ldog par byos shig/ rigs kyi bu de bzhin gshegs pa'i bslab pa gcig yud tsam bzung bas kyang / sems can rnams sdug bsngal thams cad las yongs su grol zhing / bde 'gror 'gro ste/ ngan 'gror mi 'gro bar 'gyur na/ gang dag rgod pa dang / ku re dang / dga' ba dang rtsed mo rnams yid kyis yongs su spangs nas/ de bzhin gshegs pa la mchog tu mos pas rim gro byed cing / lhag pa'i bsam pas zhugs te/ 'phags pa'i nye bar gnas par yan lag brgyad pa la nye bar gnas nas/ gso sbyin yang dag par blangs te/ srung ba de dag ngan song gsum du mi skye zhing / bde 'gror 'gro bar 'gyur ba dang / lha dang mi'i bde ba myong nas sdug bsngal mthar byas te rim gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lta ci smos/ bud med kyi lus nyon mongs pa dang / nye ba'i nyon mongs pas nyon mongs par gyur pa la la
- 350b
zhig nyin gcig gam/ nyi ma phyed dam/ yud tsam yang rung ste/ gsum la skyabs su 'gro ba yang dag par len cing bslab pa 'dzin par byed na/ de dag thams cad bud med kyi dngos po dang / sdug bsngal dang / yid mi bde ba dang / 'khrug pa thams cad rnam par bzlog ste/ sdug bsngal mthar byas nas/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du bde 'gror 'gro bar 'gyur ro/ / rigs kyi bu de ltar lus dang / ngag dang / yid kyi yid dam 'chang ba dang / bslab pa 'dzin pa yang dag par len par byed pa ni yon tan dang / dge ba'i rtsa ba mang po dang ldan pa yin na/ byis padag gis ni ma shes so// de nas de'i chen par snang la sgra chen po byung bar gyur pa dang / 'khor de dag thams cad kyis e ma'o e ma zhes dam pa'i tha byung nas/ me tog dang / dri'i char chen po rab tu phab bo// sems can 'bum tshang ba'i rnams sdug bsngal thams cad las grol bar 'gyur te/ phyir mi ldog pa'i sa bla na med pa yang dag par rdzogs pa'i byang chub la bkod do/ / gzhan yang sems can bye ba rnams sangs rgyas dang / chos dang / chos dge 'dun la skyabs su 'gro ba yid la byed cing / sems dang po bskyed par gyur to// de bzhin gshegs pa de dag thams cad kyang mi snang bar gyur to// de nas phyag na rdo rje la sogs pa rdo rje 'dzin pa thams cad dang / brgya byin dang / tshangs pa dang / 'jig rten skyong ba rgyal po chen po bzhi
- 351a
rnams kyis bcom ldan 'das la 'di skad ces gsol te/ / de bzhin gshegs pas bdag cag dbugs phyung ste bdag cag gis chos kyi rnam grangs 'di dang de bzhin gshegs pa/ de dag gi mtshan rnams thos te/ bcom ldan 'das chos smra ba dang / 'chang ba dang / 'dri ba dang / klog pa dang / mchod pa dang / sgrogs pa// de dag gi yul lam/ grong khyer ram/ gtsug lag khang rnams bdag cag gis lus dang / srog dang yang bsngos te bsrung bar gyi/ yongs su bskyab par bgyi/ don thams cad grub par bgyi/ nor dang / 'bru rnams legs par grub par bgyi/ thams cad du mchod par 'gyur bar bgyi/ nad thams cad las yongs su thar par bgyi/ dran pa dang / spro ba stsal bar bgyi'o// de nas bcom ldan 'das kyis de dag la legs so legs so// legs so zhes bya ba byin nas/ 'di skad ces bka' stsal to// ci nas kyang de bzhin gshegs pa'i ngam tshig gi chos kyi rnam grangs 'di myur du nub par mi 'gyur ba de ltar khyod kyis byos shig/ bcom ldan 'das kyis de skad ces bka' stsal pa dang / 'phags pa spyan ras gzigs dbang phyug dang / lag na rdo rje la sogs pa byang chub sems dpa' sems dpa' chen po de dag thams cad dang / nyan thos chen po rnams dang / thams cad dang ldan pa'i 'khor de dag thams cad dang / lha dang / mi dang / lha ma yin dang / dri zar bcas pa'i 'jig rten rnams yi rang ste/ bcom ldan 'das kyis gsungs pa la mngon par
- 351b
bstod do/ / sangs rgyas kyi stobs bskyed pa'i tshe 'phrul rnam par 'phrul pa bstan pa zhes byang theg pa chen po'i mdo rdzogs so// / rgya ga gad du nA gA rA dzad rA gA tA/ bod skad du klu'i rgyal po rnga sgra'i tshigs su bcad pa/ sangs rgyas dang / byang chub sems dpa' thams cad la phyag 'tshal lo// de bzhin gshegs pas rab bstan pa// byang chub sems dpa' skye ba'i rabs// thams cad legs par 'dus nas su/ / shin tu dang ba'i sems kyis nyon// rdzogs pa'i sangs rgyas lha yi lha// de bzhin gshegs pa bzhugs pa na// dge slong rnams ni gcig la gcig/ kha stobs la sogs rnams kyi bgyid/ / dge slong tshig ngan 'don pa dag/ drang srong chen pos gsan pa dang // de phyir thub pas dge 'dun rnams// bsdus nas 'di skad bka' stsal to// khyed cag kha stobs la sogs pas/ / gcig la gcig ni 'tshe byed pa// khyim nas khyim med rab byung dang // de dag 'thun pa ma yin no// rtag tu yang dag dga' byed pa'i// chos drug gang yin la 'jug pa// 'di ni khyim nas khyim med par// rab tu byung ba rnams dang 'thun// sems can kun la snying brtse'i phyir// 'tshe ba med par rab bsgoms nas// ji lta byang chub don gnyer ba// dge slong nga las 'di nyon cig/ shes rab ldan pa mi yis ni// thos nas sdig pa rnams spong la// grub dang bde ba'i thob bya'i phyir// dge ba'i chos la spyad par gyis// sngon gyi spun drung gyur
- 352a
ba yi/ / klu yi rgyal po gnyis byung ba// gcig gi ming ni rnga zhes bya// gnyis pa nye rnga zhes bya'o// gnyis ka srog gcod las ldog cing // tshul khrims ldan zhing dbang cher grags/ / klu yi skye gnas la smod cing // mi yi srid pa 'dod par 'gyur// tshul ldan mang du thos pa yis// dge slong bram ze mthong ba dang // mi yi tshul du bsgyur nas ni// bsnyen bkur dag ni byed par 'gyur/ / zla ba yang ngo'i tshes brgyad dang // bcu bzhi bco lnga gang yin pa// de la yan lag brgyad pa yi// gso sbyong la ni sems mnyam 'jog/ de gnyis sngon gyi gnas/ spangs nas// yul gzhan zhig tu phyin pa dang // de dang nye ba'i gnas de nas// rnga sgra zhes bya'i klu gnas so// klu yi skyes mchog spun gnyis po// de gnyis 'ong bar nges shes nas// khengs shing khros pa'i yid kyis su/ / du ba can gyi dbugs 'byin cing // khyed gnyis chos spyong ma yin te// g.yon can tshul 'chos pa'o zhes// rnga sgras tshig ni rtsub mo yis// yang dang yang du skong byed pa/ / dman pas skrod pa thos pa dang // nye rnga rab tu khros gyur te// de tshe phu bo rnga la ni// tshig rnams kyis ni go byas pa// kye rnga mi yi 'jig rten dag/ tshig ngan sngon du smra bas gdung byed cing / / sbal zan chu yi 'gram nas skyes pa yis// mche ba gdug pas bdag cag slod par byed// 'di ni chu nang dud 'gro rnams la 'tshe// thang la mi rnams la yang 'tshe bar byed// gtso bo
- 352b
gal te bdag la bzod mchis kyang / / tshis ngan sprul yid ni bzod mi nus// ded ni 'dzin thong khyer dang / 'o brang gnyen 'dun bcas drag ste// rnga sgra gtan nas blangs nas su// 'ad nas bdag cag 'dong bar bya/ / klu yi rgyal po stobs po che// de yis nu bo'i tshig thos nas// yid la 'bab par byed pa yis// tshigs bcad 'di skad smras te bsgo// gang gi khyim du zhag ni gcig gnas shing / / bza' dang btung ba legs par blangs gyur pa// de la yid kyis gnod par mi bsam ste// byas pa gzo bya skyes bu dam pas bsngags// ljon shing gang gi grib ma yis/ / yid tsam zhig kyang legs 'gebs de'i// lo ma'ang gcod par mi byed na// yal ga ljon shing smos ci dgos// nags tshal shing ni bcad dam bsreg/ slar la skye 'gyur 'di la the tsom med/ / lag pa rlon bcad phyir yang mi skye ltar// grog la 'khubs yun ring bde mi thob// skye bo ngan pa yun rings mchod byas shing // bza' btung zhim po mang pos phan btags kyang / / des ni nges par grogs po spong 'gyur te// glang chen gyis ni ke'u shi skyil bu bzhin// ji ltar chu 'gram shing ni 'gyel 'gyur ltar// mi gang blo ni g.yo zhig 'gyur byed pa// de yi 'dzab shes brtan par mi 'gyur te// shing shun chos kyis ras dkar bcos pa bzhin// gal te mkhas pas dgra bo dag/ mi dga' bar ni byed 'dod na// sems la skyon med byas
- 353a
pa dang / / de nyis kyis ni der gnod 'gyur// rgya mtsho dang ni ri rab dang // sa rnams bdag gi khur mi gnas// byas pa mi bzo gang yin pa// de ni bdag gi khur chen yin/ / mi gang sems ni mi rgod cing // byas pa tshor dang byas ma bzo// byas pa chung bzon mi byed pa// de dag mkhas pas rab tu sngags// chos bde byams pa bde ba ste/ / 'jug dogs bde ba'i chu klung bzhin// grogs la 'khu ba med pa dang // nga bsnyems nga rgyal zad pa bde// khengs dang zol byed nga rgyal che// sdig pa'i grogs byed sten pa dang / / stobs ldan rnams la rgol byed pa// de dag rnam kyi grags pa 'jig/ de phyir kheng par mi bya ste// khro ba rnam par spang bar bya// khengs dang khro ba langs gyur na// grags pa mtha' dag 'jig par 'gyur/ / gang zhig rgan dang byis pa nad pa dang // nyam chung thabs stor de bzhin dman pa dang // rgyal pos spangs dang skyabs med pa dag la// snying brtse med pa de dag mir mi rung / / rang gi yul 'khor gnas spangs te// gzhan gyi ljongs su byin pa dang // tshig ngan so sor zlog pa la// bzod pa chen po bya dgos so// rang gi yul na/ brnyes bzhin 'grub pa bas// mi rnams gzhan gyi yul na gnas kyang rung // gang na mi rnams gzhan gyis mi brnyes te// rang gi yul yin de dag rang gi mi// mi mchog rnams ni brnyas thabs byed
- 353b
pa'i tshe/ / chung ma dag dang longs spyod rgya chen gtong // ngan pa rnams ni de nang yongs su 'khyam// brnyas thabs byed pa de yang chu bzhin mthung // ngar ba brnyed par dka' ba ste// rgyud pa mod pa yin pa'i phyir/ / sems can dman pas brnyas 'gyur tshe// kha rog 'dug dang bde ba thob// gal te nor med phyogs nyung ngam// mdza' shes phyogs kyi stobs chung la// dgra bo'i phyogs kyi stobs ldan tshe// kha rog 'dug dang bde ba thob// mi rnams chos min byed pa dang // 'dod pa'i longs spyod mngon dga' zhing // ngang chung ngo tsha med pa'i tshe// kha rog 'dug dang bde ba thob// mi rnams khro ba byed pa dang / / gnod sems mang por gyur pa dang // gzhan la gdug pa'i tshul ldan tshe// kha rog 'dug dang bde ba thob// mi rnams dad pa med pa dang // khwa bzhin mu tshor smra ba dang // sgyu dang g.yo ngag byed pa'i tshe/ / kha rog 'dug dang bde ba thob// mi rnams tshul khrims 'chal pa dang // gtum zhing gzu lums byed pa dang // bden pa'i chos dang mi ldan tshe// khe rog 'dug dang bde ba thog/ mi rnams dang tshul ngan pa dang // log pa blta bas bcom pa dang // gti mug ldan par gyur pa'i ra// kha rog 'dug dang bde ba thob// ngo tsha med cing brdzun du sba// don med phra ma tshig rngub dang / / dbye nga khyal ba zla ba'i tshe// kha rog 'dug dang bde ba thob// ya rabs tshul med shin tu khengs// nga rgyal gyis ni 'gying ba dang // phrag dog brkas ngang tshul
- 354a
nyams tshe/ / kha rog 'dug dang bde ba thob// gang tshe me yi rus rnams dang // rigs rnams shes pa ma yin pa'i/ mi dang lhan cig 'dug par// de tsheng rgyal byar mi rung / gzhan gyi yul na 'dug pa dang // gzhan gyi 'tsho bas 'tsho ba'i tshe// yul gyi phyir dang bde ba'i phyir// gzhan gyis brnyes pa de bzod bya// gzhan gyi yul na 'dug pa dang // gzhan gyi 'tsho bas 'tsho ba'i tshe/ / sdang bas 'khrug par gyur pa na// gzhan gyis brnyas pa de bzod bya// gzhan gyi yul na 'dug pa dang // gzhan gyi 'tshe bas 'tshe ba'i che// dman pas bskrang bar gyud kyang rung shes rab ldan pas de bzod bya/ / kye ma yul logs bdag gnas shing // mdza' bshes ngan dang phrad pa na// byis pa rnams dang 'grogs pa yi// gnas su mya ngan rten byed med// shes rab ldan pas de bsams nas// mi shes mi dang 'grogs byed kyang // mkhas pas nor dang long spyod phyir// gzu lums kho nar khro mo bya// ji ltar thal bas bkab pa'i me// rtswa dang shing gis g.yogs pa la// rlung rnams kyis ni lags bus na// shin tu rab tu 'bar 'gyur te// rtswa rang shing ni bsres nas su// chen por mched cing 'bar ba yis// rtswa dang gel ba mang ba dang // ljon shing chen po sreg pa ltar// de bzhin rnam rtog bud shing las// byung ba'i khro ba me 'dra bas/ / bdag nyid dang ni gzhan dag la// phung khrol chen po byed par 'gyur// de phyir khrod byung ba na// zhe sdang gnyen por gyur pa yi// byams pa'i sems la bsgoms gnas su// mkhas pa rnams kyis
- 354b
zlog par byed/ / bstod pa byas na mdza' byed la// ma bstong mdza' bar mi byed cing // mod la yongs su spong byed pa// de ni byis pa'i mtshan nyid yin// gal te 'di ni byas pa dag/ sgo bshog brtogs pa'i bya lta bur/ blo spangs shes rab ma 'chal na// mkhas pa ji ltar 'tsho bar 'gyur// gang phyir byis pa phal cher ni// blo gros spangs shing shes rab 'tshal// de phyir mkhas pa shes rab can// khyad par du ni bde bar 'tsho// mkhas pas / nomor rnyed dga' bar mi 'gyur la// 'phongs par gyur kyang mi 'khrul 'khrug pa med// rjes su gzung phyir phan pa de spyan// legs sgra yin zhes gyis cis rtogs// mkhas pa zu lums med par gyur pa de/ de nyid spyad pa legs par mnyan nas ni// de ltar rnam par bsams nas rang don dang // gzhan gyi don dag legs par spyod par byed// mkhas pa rnams ni 'tsho ba'i rgyu tsam gyi// sdig pa'i las rnams kun tu spong mi 'gyur/ / gal te bde dang sdug bsngal ldan 'gyur kyang // rtag tu chos 'dod yongs su gtong ba med// blo ldan g.yo rgyu can du mi 'gyur te// rmongs par mi 'gyur tshig tsug khro mi 'gyur// phongs pa'i gnas na mya ngan mi byed pa/ / gzhan gyi gnad la 'bebs par byed re skan// ha cang thal dang ha cang zhum pa yi// dman pa'i mi rnam la yang ma yin te// bar ma'i gnas la sten par byed pa dag/ de ni mkhas pa rnams kyi mtshan nyid yin// ha cang thal ba rtag tu 'khon// ha cang zhum pa rtag tu brnyas// de phyir de gnyis spangs nas su// go 'phang bar ma sten par bya// res 'ga' lkugs pa 'am 'on pa lta bur gyis// dus la babanasas bdag bzhin du slos
- 355a
res 'ga' gangs ri bzhin du bsil ba gyis/ / dus la baban me lce bzhin du skor// res 'gar rtswa dang 'dra bar zhum par bya// dung la bab na ri rab lta bur gyis// res 'ga' rgyal po lta bur 'gyur bar bya/ / dus la bab na thub 'dra nags su song // nges 'ga' bkres dang skom pa'ang bzod par bya// dus su bde dang sdug bsngal dang du blang // nor phyir bran bzhin bkol bar mi bya ste// khro ba'i dbang du 'gyur bar mi bya'o/ / res 'ga' dga' ba'i klu dang sil stan gyis// rtse zhing sha dang chang yang spyad par bya// res dga' ri rigs bzhin du 'jigs bzhin song // dus su gcan zan bzhin du 'am rtsal bstan dang por dus dang dus min dang / / bdag nyid stobs ldan stobs med dang // dar dang rgud pa rtags nas su// de nas don rnams legs par brtsam// bzod med rnams la bzod pa dang // bzod ldan rnams la bzod par gyis/ / nyam chung rnams la bzod pa dang // stobs ldan rnams la rtag bzod gyis// 'khon gyis 'khon zhing nam yang mi 'gyur bas// bzod med rnams la'ang bzod par byas na legs// khros pa rnams la rtag tu dang ba dang / / gzhan gyis skyon rnams rtag tu bcab par gyis// gtso bo rnams kyi tshig ni 'jigs phyir dang // 'thab zla'i tshig dang 'thab gcugs 'gyur phyir bzod// gang zhig 'og ma'i tshig rnam bzod byed pa/ / de ni bzod pa'i mchog ces dam pas gsungs// gshe dang gya tsom smra ba dang // tshig ngan smra bar byed pa la// blo gros chung ngus mi bzod de// pad+ma la ni jo char bzhin// gshe dang gya tsom smra ba dang //
- 355b
tshig ngan smra bar byed pa la// mkhas pa shin tu bzod byed de// glang chen me tog char ba bzhin// khro ba dang ni brdzun dag dang // tshig ngan smra bar byed pa la// mkhas pa shes rab ldan gyur pa/ gang yin de ni thams cad bzod// rdob bsregs kyang zhu mi 'gyur// char pa bab kyang 'jig pa med// de bzhin bde dang sdug bsngal gyis// mkhas pa nyams par 'gyur ba med// gang zhig bden pas gshe med pa// de la mkhas pas bzod par byed// bden pa ma yin pa yang bzod/ / de las gzhan pa'ang bstan tu med// 'di ltar skyes bu mkhas pa nor gyi phyir// sdug bsngal bzod bya bzod par 'gyur bar bya// gal te mi bzod mya ngan rnams spangs te// gzhan du song nas stong phrag rnyed dang 'dra/ / yal ga gnyigs na 'ju bar mi bya ste// chags bral sems la chags par mi bya'o// bzang zhing sdug pas sa steng gang bas na// 'jig rten yangs pa gzhan du 'gror zad mong // gang na brnyas byed bkur stir mi byed dang / smod par byed cing bstod par mi byed na// mkhas dang blun 'grogs ched ka mi ches pas// rang rgyal bzhin du ma smra de 'gro rigs// gang la skyes bu 'thab la dga' gyur nas// g.yo rgyu'i bsam ldan rtag tu grags kyang byed// kyal ba dbyen brdzun tshig rtsub smra byed pa// de tshe mkhas pa myur du yul gzhan song // gang na mi rnams 'tsho bar byed gyur nas// phan tshun gnang la 'bebs par dga' ba dang // lus dang ngag yid sdom pa med gyur pa// de tshe mkhas pa myur du yul gzhan song / / gang na mi rnams phrag dog byed gyur nas// gzhan gyi rnyed pa rtag tu mi bzod cing // snang ba'i bsam pas rnam rmongs tshul chos pa// de che bdag 'dod yul gzhan 'gro bar gyis//
- 356a
gang na mi rnams sdig byed 'dod gyur nas// bkur sti 'dod cing tshul 'chos g.yo rgyu byed// nang yang ma dag phyi yang ma ngag la// de tshe bdag 'dod yul gzhan 'gro bar gyis// gang na mi rnams zhes med gyur nas/ / ya rabs tshul med khengs shes nga rgyal ldan// byis pas mkhas pa rtag tu brnyas byed pa// de tshe bdag 'dod yul gzhan 'gro bar gyis// gang dang gang na bza' btung dang // gang du gos rnams rnyed pa dang / / gang du 'tsho ba der song la// chags 'gyur gnas su ma 'dug shig/ lan 'ga' rtsod 'gyur sred pa gang yin spongs// 'bras bu ngan pa'i khro ba gang yin spongs// rtag khengs mchod med nga rgyal gang yini spangs phongs dus mi lta'i grogs po gang yin spongs/ / me yis gang ba'i lam 'dra'i ma rig spongs// byas gzo med pa'i gnyen 'dra'i 'dod chags spongs// mche ba mi bzang klu 'dra'i chags pa spongs// dgra bo mtshon thogs lta bu'i sdug bsngal spongs/ / klu mo lta bu'i mi bzang chung mthong // mgo la me 'bar lta bu'i bu rnams thong // mgo ba'i nad bcas lta bu'i khyim rnams thong // btung ba dug chen lta bu'i 'dod pa thong // khyim gyi phyar ni gcig gtang ste/ / grong khyer don du khyim gtang ngo // ljongs kyi phyir ni grong khyer te// bdag gi don dus gtang ngo // mi yi yan lag phyir ni nor gtang zhing // srog gi don du yan lag gtang bar bya// nor dang yan lag rnam dang de bzhin srog/ thams cad gtang gi 'dir ni chos bsrung ngo // chos spyod pa la 'jigs skrag med pa nyid// chos spyod dag ni ngan 'gror mi 'gro ste// chos spyod pa ni 'dod pa'i 'gro bar 'gro// chos min spyod pa shi nas
- 356b
gdungs par 'gyur/ / mkhas pa nor rnyed dga' bar mi 'gyur la// nor zad na yang blo gros mi 'khyim par// 'jig rten dag na ci dgar legs rgyu ba// sems can nang na mi yi snying por chud// gang zhig dga' bas gzhan la nor sbyin zhing / / nga rgyal 'tshe ba rnams spangs bden la gnas// rgya mtsho 'dra ba'i sems ldan de dag ni// dbang po rtul phod ya rabs stobs ldan zhing // gang zhing de dang de la legs bslabs pas// don rnams kun la mkhas par 'gyur ba dang / / zhi la 'grogs na bde ba de dag ni// dam pas legs pa yin zhes bsngags pa mdzad// nye rdzas smras pa/ rnga khyod la ni phyi phyir zhing // 'di ltar bdag ni rab tu dang // bdag gi lus ni skams pa 'am// yang na sems nimed kyang bla/ / sdug bsngal shin tu mi bzad par// lhung yang phyin chad sdig mi bgyi// tshul khrims nyams pa gson pa bas// tshul khrims ldan pa shi yang bla// skye ba gcig tu lus 'di'i phyir// ji ltar bur ni mi bzang ngas/ / bcom ldan 'das kyis bka' stsal pa/ sngon tshe gang du rab gnas shing // de dang der ni skye ba na// mi dge'i grogs dang 'grogs pa yis// bdag gis mi dge'i las rnams byas// dge ba'i bshes dang 'phrad pa dang // mi dge'i las rnams spangs pa yis// bdag gis mi dge'i las rnam bsal// bcom ldan de bzhin gshegs pa yis// sngon gyi gnas rnams mngon mkhyen nas// de phyir dge slong rnams la ni// thub pas lung yang bstan par mdzad/ / sngon tshe nga ni rngar gyur te// kun dga' bo ni nye rnga yin// lha sbyin rnga sgrar gyur to zhes// skyes rabs de ltar shes par gyis// chos rnams sdud par byed pa yis// don rgyas mdo sde 'di thos nas// dge slong thams
- 357a
ca gus bcas pas/ chos paspyong pa nyid sa shA rgyal po / grub sa pa rdzogs/ phyug d+ha/ hrI nA ma/ bod skad du/ dge slong la rab tu gces pa'i mdo zhes bya ba/ thams cad mkhyen pa la phyag 'tshal lo// 'di skad bdag gis bos pa dus gcig na/ bcom ldan 'das mnyan yod kyi grong khyer chen po pad+ma rgyas pa zhes bya ba'i gtsug lag khang na bzhugs te/ de na dge slong gi dge 'dun 'khor stong phrag phyed dang gsum dang thabs cig go// de nas de'i tshe bcom ldan 'das kyis 'khor 'dus pa de'i nang na/ 'phags pa nye bar 'khor zhes bya ba dbang po dul ba thos pa dang ldan pa shes rab zab pa/ bcom ldan 'das kyis legs par gsungs pa'i chos 'dul ba la lhag par mos shing mchog tu 'dzin par gnas pa rang gi stan las langs te/ bla gos phrag pa gcig tu gzar te pus mo g.yas pa'i lha nga sa la gtsugs nas/ lag pa gnyis kyi thal mo snying kar sbyar ba byas te/ 'dzum dgul nas bcom ldan 'das la 'di skad ces gsol to// 'khor ba'i 'dam nas pad+ma ltar byung ba'i/ / skyob mdzad ri bo lta bur mi bskyod thub pa'i sku// dpe byad rgyan gyis brgyan cing mtshan gyi me tog mdzes// blta bas mi ngoms rab mchog khyod la phyag 'tshal lo// khyod kyis bdag cag 'dir 'dus 'di ga la/ / dge slong 'ba' zhig gnas pas dge slong gi/ ngo bo dbye dang sgra 'jug ched bya ba// bzhi po 'di dag thub pas gsungs du gsol// de nas bcom ldan pade gshegs rab dgyes te/ nye bar 'khor la spyan
- 357b
gzigs pa srid gsungs/ / legs par nyon gyig bu khyod nye bar 'khor/ ngas ni khyod kyi sems rang bu phyir dang // dge slong rnams la phan phyir de bshad do// dge slong zhes bya chos kyi rgyal mtshan te// dge slong zhes bya rdo rje phrog shing yin/ / dge slong zhes bya sdug bsngal spangs pa ste// dge slong zhes bya rgyal ba'i sras po yin// dge slong zhes bya nyon mongs srog gcod de// dge slong zhes bya thar pa'i tshal 'gro'o// dge slong rang gi ngo bo bsdams pa ste/ rtsa ba bzhi sogs nyis brgya lnga bcu pa// ched du bya ba rnams dag tshul khrims yin// dbye ba ming gi dge slong gang yin dang // rtags tsam 'dzin dang yang dag dge slong ste// sgra 'jug rnam par zad phyir dang // dge ba slong dang zas slong dang // zhi bar gnas dang lam zhugs dang // legs par 'tsho dang chags spangs dang // yid 'ong phyir na dge slong ngo // dge slong zhes bya brgyan pa ste// rgyan spangs rgyan gyis lags par brgyan// chags spangs chags pa chen po spang // byug pa khrus dang bza' ba dang // rgyan dang gos dang kha dog dang // rta dang glang po khyogs rtsigs kyis// bzhon pa bla med de yang bzhon// de dag 'byor pa dge slong ste// de dag mi 'byor dge slong min// de nas nye bar 'khor de yis/ / bcom ldan 'das la 'di skad gsol// ci bde bar gshegs pa yis// skad kyis rtogs par dka' ba gsungs// de nyid bde bar gshegs pa yis/ tshig gi mun pa tshig gis ni// mar mes gsal bar mdzad du gsol/ / bcom ldan 'das kyis bka' stsal pa/ gser las sogs pa 'jig rten rgyan// rab tu spangs pas snying rje yi// rgan gyi ro ba yis brlan par bya/ 'jig rten ma yin bslabs pa yi// gos gyon gos
- 358a
mchog bzang po yin/ / gapung la sogs ma yin pa'i// tshul khrims byug pa mchog gis byug/ dkar dmar la sogs ma yin gyi// dang pa'i kha dog rnam par mdzes// 'jig rten ma yin brtson 'grus kyi/ / bzhon pa bla med mgyogs pa'i mchog/ bsam gtan chos spyod zas mchog ni// 'bras chan pas ni ro mchog ldan// dge 'dun tshogs kyi gzhal yas khang // zhi gnas stan la rab tu spong // de dag ldan zhing phyir mi ldog/ de ni yang dag dge slong yin// gtso bo gsum dang 'khor ltar ldan// drang srong spyod bcas 'khar gsil ldan// lus ngag yid gsum rnam par bsdams// rang gi spod pa brtul zhugs brten// de yang yang dag dge slong yin// de gnyis thar pa'i grong khyer la// bsnyen pas thar pa bde ba'i mchog/ yang dag ma yin gnyis shos ni// lhung bzed la sogs rab 'bar bas// dmyal bar khro chu lta bur ni// bskal pa stong phrag bzhi ru 'tshed/ / la la'i tshul khrims bde ba ste// la la'i tshul khrims sdug bsngal rgyu// tshul khrims ldan pa bde ba'i mchog/ tshul khrim 'chal pa sdug bsngal yin// shin tu legs par tshul khrim gang / / bsdams pas mi de mdzes pa'i gzugs// 'dul ba la ni nye bar gnas// tshul khrims bslab pa rang yid ches// mi de nyi ma gcig la yang // bsod nams phung po dpag med pa// sog cing sangs rgyas 'bras bu bskrun/ / rang gi rang la bslus 'debs shing // bslab pa dag la ma gnas shing // bde bar gshegs pa'i rgyal mtshan 'dzin// gzugs tsam la ni brten nas su// nga ni dge slong yin zer ba// grang smon snang la
- 358b
rtags pa'am/ / sbrum masbyar rtsi 'bung ba ltar// mi de nyi ma gcig la yang // sdig pa'i sa bon dpag med dang // rang la gnod pa sna tshogs pa// byed par 'gyur ba kho na yin// gang zhig bslab pa mi gnas shing // bdeg shegs rgyal mtshan 'dzin pa pas/ / bslab pa mi gnas skad cig la// gzugs bor khyim par gnas pa bzang // bslab pa mi gnas rtag 'dzin pa// 'jig rten pa ni thams cad kyis// snying du sdug par mi 'gyur zhing // kun gyi tshig gi ngan sdod pas/ / dper na sdongs po bzang po la// yun ring yan lag 'khrug pa bzhin// mi de rtags tsam yun ring na// kha na mtho'i gtam 'phel dang // sdig pa'i las rnams 'phel bar bshad// tshul khrims 'di ni bde ba'i mchog/ tshul khrims 'di ni thar pa'i lam// tshul khrims 'di ni yon tan zhing // tshul khrims 'di ni sangs rgyas rgyu// tshul khrims 'di ni mchog yin pas// mig gi 'bras bu bzhin du srungs// srog la bab kyang tshul khrims ni/ / gtong ba mi mkhas blun po yin// srog chad phyi mar skye ba ste// tshul khrims phyi nas de lta min// de bas nye bar 'khor sogs kyis// 'di nyid la ni brten par bzung // de skad ces bcom ldan 'das kyis bka' stsal te/ / nye bas 'khor la sogs pa dge slong de dag bcom ldan 'das kyis gsungs pa la mngon par bstod do// dge slong la rab tu gces pa zhes bya ba'i mdo rdzogs so// #/ rgya gar skad du/ bud+d+ha a b+hi'i ka ma nA ma sto tra ma bod skad du/ sangs rgyas dbang bskur ba zhes bya ba'i bstod pa/ thams cad mkhyen pa la phyag 'tshal lo// de nas bska
- 359a
pa grangs med gsum/ / pha rol phyin rnams rdzogs pa yi// thub la lha rnams kyis gsol pas// mtho ris nas ni mi nang gshegs// nyi ma'i rigs te zla ba yi// sa yi bdag po zas gtsang dang / gtso mo sgyu 'phrul lha mo yi/ mngal du nying mtshams sbyor bar mdzad// der ni rin chen khang gnas shing // lha yi mchog rnams bstod byed la// de la gsung ni mngon po yis// dam pa'i chos ni ston par mdzad// lha rnams thal mo sbyar byas te// dus gsum du ni der lta ba// rdul med mu tig 'phreng ba ni// bai DUR+Ya'i snod gnas 'dra// bdud rtsi rab sprin gzugs can te// de yis lha mo mdzes par gyur// zla ba shin tu gsal ba 'am/ mu tig 'o ma'i rgya mtsho 'dra// 'byung po rnams ni dbugs 'byin cing // yid la re ba'i don rdzogs mdzad// de ni 'dod pa stsol ba ste// 'dod pa tham cad phun tshogs mdzad// skyed mos tshal ni lum bi ni re// 'jig rten gtso mo song gyur te/ / sa bdag dang ni sras rnams dang // 'dun na 'don dang lhan cig tu// der ni mya ngan med pa yis// yal ga la 'jus brtul zhugs gnas// nam mkha' lha yi bu mo rnams// zla ba dang ni skar tshogs 'dra/ / skar ba rgyal la bab pa na// de sras rtsi ma'i logs nas ni// 'gro la phan pa mkhyen pa yis// nyi ma shar ba bzhin du byung / mtshan mchog yang dag rdzogs pa yis// gtso bo nyid kyi sku yi 'ong // 'dzam bu'i chu bo'i gser 'dra yis/ / phyogs rnams rab tu snang bar gyur// brgya byin ma ma'i cha byad can// smin ma bkod pas bzlog par mdzad// sa la gom pa bdun bor na// gter dang pad+mas brgyan par gyur// bdag gi skye ba tha ma ni// 'di la yang srid
- 359b
yod min zhes/ / snyan pa'i gsung ni bsgrags nas kyang // phyogs rnams kun tu gzigs par gyur// nyi zla rin chen bum pa las// dro grang chu yi rgyun gnyis ni// dri ma med pa'i nam mkha' las// de yi dbu la bab par gyur/ / bde gshegs 'gro ba'i bla ma ni// rin chen sna tshogs bkram pa yi// seng ge'i gdan ni mthon po la// dgyes pas der ni bzhugs par gyur// brgya byin gnas kyi chu bo dang // 'jug dogs las blangs lha yi chu/ / gsar las byas pa'i bum pa yi// lha rnams kyis ni dbang bskur bstabs// lha yi gos dang 'phreng ba dang // bstod pa la ni brtson pa yi// tshogs rnams du ma 'dus pa yis// lha yi tshal ni gang bar gyur/ / rnga sgra rnams kyi ca co yis// mkha' dbyings ma lus khyab par gyur// nam mkha' las ni me tog char// rgyun mi 'chad par bab par gyur// man+dar me tog cha la bkram pas// gtsang ma yi ni gnas ltar gyur/ / ga bur tsan dan phye ma yis// 'jig rten mgon la gtor bar gyur// ri bo rgya mtshor bcas pa dag/ gar mkhan gyi ni gos ltar g.yos// bcud rnams sna tshogs 'dzin pa yis/ / sa dag rnam drug g.yos par gyur// bung ba rnams ni sgra sgrogs shing // dus rnams kun tu byung ba yi// shing rnams rang nyid 'dud pa dang // me tog rnams ni 'phor bar gyur// blon po rgan dang 'dun na 'don/ / bkra shis ngag ni 'angon par byed// sa dang mkha' dang grub pa dang / mi 'am ci dang lhan cig spyod/ nags na gnas pa'i lha rnams dang // lha dang grub pa rig 'dzin mi
- 360a
nang gi sras kyi bud med kyang / / rab tu dga' bas gar yang byed// long bas mig dang 'on pas thos// lkugs pa rnams ni sgra gsal dang / nad pa nad las thar pa dag/ skad cig der ni thob par gyur// ri dgas bya dang sdig sbrul dag/ phan tshun 'tsho bar 'dod pa yi// sems can thams cad de yi tshe// rtsong meng 'tshe ba med par gyur// de tshe gang la'ang sdug bsngal dang / / nyes spod byang bar ma gyur to// 'gro ba 'di dag nad mad cing // bde zhing lo yang lags par gyur// de tshe kun tu'ang mdun du ni// gdar rnams der ni byang bar gyur// de'i srid gsum rgyas par ni/ / dga' zhing bde ba dag tu gyur// rgyal ba dbang bskur bsod nams gang // bsod nams ldan pa'i sems kyis ni// nyan par byed pa de dag la// phun sum tshogs kun lag mthil gnas// tshe dang nad med dbang phyug dang // dga' zhing rgyas dang rgyal dang grags// rdzogs sangs yon tan sgrogs pa yi// da pa'i mi yis thob par 'gyur// sangs rgyas dbang bskur ba zhes bya ba'i bstod pa rdzogs so// // rgya gar gyi mkhan po bi ma la ka ra war ma dang /