Text
ff. 1b–430a · 858 folio sides
- 1b
rgya gar skad du Ar+ya la li ta bi stA ra nA ma ma hA yA na sU tra/ bod skad du// / 'phags pa rgya cher rol pa zhes bya ba theg pa chen po'i mdo/ bam po dang po// sangs rgyas
- 2a
bya/ / dang / byang chub sems dpa' thams cad la phyag 'tshal lo// 'di skad bdag gis gros pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong khri nyis stong gi dge slong gi dge 'dun chen po la/ 'di lta ste/ tshe dang ldan pa kun shes ko'u di n+ya dang / tshe dang ldan pa
- 2b
rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa bzang po dang / tshe dang ldan pa grags sbyin dang / tshe dang ldan pa dri ma med dang / tshe dang ldan pa lag bzangs dang / tshe dang ldan pa gang po dang / tshe dang ldan pa ba lang bdag dang / tshe dang ldan pa lteng rgyas 'od srungs dang / tshe dang ldan pa chu klung 'od srungs dang / tshe dang ldan pa ga ya 'od srungs dang / tshe dang ldan pa shA ri'i bu dang / dang ldan pa mo'u 'gal gyi bu chen po dang / tshe dang ldan pa 'od srungs chen po dang / tshe dang ldan pa ka t+ya'i bu chen po dang / tshe dang ldan pa ka phi na chen po dang / tshe dang ldan pa gsus po che dang / tshe dang ldan pa skul byed dang / tshe dang ldan pa byams ma'i bu gang po dang / tshe dang ldan pa ma
- 3a
'gags pa dang / tshe dang ldan pa dga' byed dang / tshe dang ldan pa 'ug pa dang / tshe dang ldan pa rab 'byor dang / tshe dang ldan pa nam gru dang / tshe dang ldan pa seng ldeng nags pa dang / tshe dang ldan pa don yod rgyal po dang / tshe dang ldan pa pha rol tu 'gro ba chen po dang / tshe dang ldan pa ba ku la dang / tshe dang ldan pa dga' bo dang / tshe dang ldan pa sgra gcan zin dang / tshe dang ldan pa legs 'ongs dang / tshe dang ldan pa kun dga' bo dang / de dag la sogs pa dge slong khri nyis stong dang thabs gcig tu bzhugs so/ / byang chub sems dpa' sum khri nyis stong thams cad kyang / skye ba gcig gis thogs pa/ byang chub sems dpa'i pha rol tu phyin pa thams cad las nges par skyes pa/ byang chub sems dpa'i mngon par shes pa thams cad kyis rnam par rtsa ba/ byang chub sems dpa'i gzungs thams cad thob pa/ byang chub sems dpa'i spobs pa thams cad thob pa/ byang chub sems
- 3b
dpa'i smon lam thams cad shin tu yong su rdzogs pa/ byang chub sems dpa'i so so yang dag par rig pa thams cad rtogs par khong du chud pa/ byang chub sems dpa'i ting nge 'dzin thams cad la dbang thob pa/ / byang chub sems dpa'i dbang thams cad thob pa/ byang chub sems dpa'i bzod pa thams cad la zhugs pa/ byang chub sems dpa'i sa thams cad rab tu rdzogs pa sha stag ste/ 'di ltar byang chub sems dpa' sems dpa' chen po byams pa dang / byang chub sems dpa' sems dpa' chen po gzungs kyi dbang phyug rgyal po dang / byang chub sems dpa' sems dpa' chen po seng ge'i tog dang / byang chub sems dpa' sems dpa' chen po don grub blo gros dang / byang chub sems dpa' sems dpa' chen po spyod pa rab tu zhi ba'i blo gros dang / byang chub sems dpa' sems dpa' chen po so so yang dag par rig pa thob pa dang / byang chub sems dpa' sems dpa' chen po brtson 'grus rtag par spor dang / byang chub sems dpa' sems dpa' chen po snying rje cher sems dang / de dag la sogs pa byang chub sems dpa' sum khri nyis stong dang yang thabs gcig go// de'i tshe bcom ldan 'das mnyan yod kyi grong khyer chen po na 'khor bzhi dang / rgyal po dang / rgyal po'i sras dang / rgyal po'i blon po chen po dang / chab 'og gi rgyal phran dang / rgyal po'i zham ring ba dang / rgyal rigs dang / bram ze dang / tshong dpon dang / khyim bdag
- 4a
dang / blon po dang / 'khor gyi mo dang / grob khyer ba dang / yul gyi mi dang / mu stegs can dang / dge slong dang / zam pa dang / dpyod pa dang // tu rgyu sna tshogs kyis rim gror byas/ bla mar byas/ bsti stang du byas/ mchod pa byas so// bcom ldan 'das ni bza' ba dang / bca' ba dang / myang ba bsod cing mang ba dang / na bza' dang / bsod snyoms dang / gzims cha dang / snyun gyi gsos sman dang / yo byad rung ba brnyes shing / bcom ldan 'das ni brnyes pa dam pa dang / grags pa dam pa brnyes kyang / pad+ma la chus mi gos pa ltar/ thams cad du ma chags ma gos par bzhugs so// bcom ldan 'das kyi grags pa dang / sgra dang / snyan pa ni 'di skad du/ bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das zhes bya bar 'jig rten du mngon par grags par gyur to// de ni spyan lnga dang ldan pa ste/ 'jig rten 'di dang 'jig rten pha rol lha dang bcas pa/ bdud dang bcas pa/ tshangs pa dang bcas pa/ dge sbyong dang / bram zer bcas pa'i skye dgu spyad mir bcas pa dag rang gis mngon par
- 4b
mkhyen pas mngon du mdzad nas/ nye bar bsgrubs te rab tu ston to// de thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs/ su rdzogs pa/ yongs su dgapa/ yongs su dkar ba'i chos ston te/ tshangs pa'i spyod pa yang dag par ston to// de'i tshe bcom ldan 'das kyis nam gyi gung thun la/ sangs rgyas kyi rgyan bkod pa zhes bya ba'i ting nge 'dzin la snyoms pa zhugs par gyur to/ / bcom ldan 'das kyis sangs rgyas kyi rgyan bkod pa zhes bya ba'i ting nge 'dzin de la snyoms par zhugs ma thag tu/ skad cig de nyid la bcom ldan 'das kyi dbu'i gtsug gi gtsug tor gyi gseb nas/ sngon gyi sangs rgyas rjes su dran par bya ba la chags pa med pa'i ye shes snang ba zhes bya ba'i 'od zer byung ste/ des gnas gtsang ma'i lha'i gnas thams cad snang bar byas nas/ lha'i bu dbang phyug chen po la sogs pa lha'i bu tshad med pa dag yang dag par bskul to// de bzhin gshegs pa'i 'od zer gyi tshogs de las bskul ba'i tshigs su bcad pa 'di dag kyang byung ngo / / ye shes 'od ldan mun bcom 'od mdzad pa// 'od bzang gzi brjid dam pa dri med pa// skra lus rab zhi thugs dge zhi papo/ / shAkya'i seng ge thub dang phrad par gyis// ye shes rgya mtsho mthu chen dag pa ste// chos kyi mnga' bdag kun mkhyen thub pa'i dbang // mi dang lhas mchod lha yi lhar gyur pa// chos
- 5a
la rab byung mnga' dbang mdzad la rton/ / gang zhig gdul dka'i sems la mnga' mdzad de// gang zhig bdud kyi snying las grol ba'i thugs// de 'dir mthong thos don med ma yin gyis/ / rnam grol mthar phyin zhi ba'i drung du deng // mtshungs med chos la snang bar gyur pa ste// mun sel tshul bzang ston par rab mdzad pa// sangs rgyas spyod zhi mkhyen pa dpag med pa// de yi drung du dad pa mchog gis don// de ni sman pa'i rgyal po bdud rtsi gtong // de ni smra ba dpa' bo tshogs ngan 'joms// de ni chos kyi rtsa lag don dam mkhas// de ni 'dren pa bla med lam ston pa'o/ / gnas gtsang ma'i ris kyi lha'i bu de dag sngon gyi sangs rgyas rjes su dran par bya ba la chags pa med pa'i ye shes snang ba'i 'od zer des phog cing / tshigs su bcad pa rnam pa de lta bu de dag gis kyang bskul ma thag tu rab tu zhi ba'i ting nge 'dzin de las langs nas/ sangs rgyas kyis mthus bskal pa grangs med tshad med bgrang ba las shin tu 'das pa dag las 'das pa'i sangs rgyas bcom ldan 'das rnams rjes su dran zhing / sangs rgyas bcom ldan 'das de dag gi sangs rgyas kyi zhing gi yon tan bkod pa gang yin pa dag dang / 'khor gyi dkyil 'khor gang yin pa dag dang / chos bstan pa gang yin pa de dag thams cad kyang rjes su dran par gyur to/ / de nas de'i nub mo mi nyal tsam na gnas gtsang ma'i ris kyi lha'i bu dbang phyug ces bya ba dang / dbang phyug chen po dang / dga' bo dang
- 5b
shin tu dga' bo dang / tsan dan dang / mchod byas dang / rab tu zhi ba dang / dul ba'i dbang phyug la sogs pa de dag dang / gnas gtsang ma'i ris kyi lha'i bu gzhan shin tu mang po kha dog 'phags shing / shin tu 'phags pa dang ldan pa dag gis/ lha'i snang bas rgyal bu rgyal byed kyi tshal thams cad snang bar byas te/ bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas kyang / gnas gtsang ma'i ris kyi lha'i bu de dag gis/ bcom ldan 'das la 'di skad ces gsol to/ / bcom ldan 'das rgya cher rol pa zhes bgyi ba'i chos kyi rnam grangs mdo sde shin tu rgyas pa chen po bsdus pa/ byang chub sems dpa' rnams kyi dge ba'i rtsa ba yang dag par bstan pa/ dga' ldan gyi pho brang dam pa nas 'bab pa dang / ched du dgongs te lhums su 'jug pa'i rnam par rol pa dang / mngal gyi gnas kyi khyad par kun tu bstan pa/ rigs bzang por skyes pa'i sa'i thugs kun tu bstan pa/ byis pa'i spyod pa thams cad las yon tan gyi khyad par gyis shin tu 'da'a'ang bstan pa/ 'jig rten pa'i bzo'i gnas dang / las kyi gnas dang / yi ge dang / grangs dang / lag zis da kyis dag ra mo gro'i thabs dang / 'phong dang / stobs dang / gyad kyi 'dzin stangs rnams sems can thams cad las khyad par du 'phags pa kun tu bstan pa/ btsun mo
- 6a
'khor dang / yul gyi longs spyod dang / yongs su spyod pa kun tu bstan pa/ byang chub sems dpa'i spyod pa thams cad kyi rgyu mthun pas yongs su grub pa'i 'bras bu brnyes// pa yongs su brjod pa/ byang chub sems dpa'i rnam por rol pa dang / bdud kyi dkyil 'khor thams cad rnam par 'jigs pa bstan pa de bzhin gshegs pa'i stobs dang / mi 'jigs pa bsdus pa/ sangs rgyas kyi chos tshad ma mchis pa nges par bstan pa/ sngon gyi de bzhin gshegs pa rnams kyis sngon chad gsungs pa mchis te/ 'di lta ste/ bcom ldan 'das pad+ma'i bla ma dang / chos kyi tog dang / mar me mdzad dang / yon tan gyi tog dang / yon tan 'byung gnas dang / 'od zer chen po dang / drang srong lha dang / dpal gyi gzi brjid dang / bden pa'i tog dang / rdo rje mkhregs dang / thams cad zil gyis gnon dang / gser mdog dang / shin tu 'thor gshegs dang / byi ru'i rgya mtsho dang / me tog gi tog dang / gzugs bzang dang / spyan bzang dang / drang srong sde dang / dmag tshogs las rgyal dang / mtho ba dang / me tog rgyas pa dang / mdzod spugazi brjid dang / shin tu rgyas dang / 'od zer bzang po dang / bkra shis ldan dang / bltan bzang dang seng ge'i gzi brjid chen po dang / blo gros brtan pas byin dang / sos ka'i spos dri dang / bden pa'i phyogs grag pa rgya chen dang / 'od ldan dang / skar rgyal dang / 'jig rten mdzes dang
- 6b
'od rgya chen dang / rin chen grags dang / grags shul gzi brjid dang / rin po che'i gzi brjid dang / tshangs pa'i gzi brjid dang / sgra snyan dang / me tog bzang po dang / ri rab me tog dang / rab tu yid 'ong dbyangs dang / dge ba tshul bzangs dang / rab tu 'dzum pa'i spyan dang / yon tan phung po dang / 'brug sgra dang / kha dog mdzes dang / tshe'i gzi brjid dang / ngom bag glang po'i 'gros dang / 'jig rten mngon par smon dang / dgra las rgyal dang / yang dag mchod dang / rnam par gzigs dang / gtsug tor can dang / thams cad skyo ba dang / 'khor ba 'jig dang / gser thub dang / de bzhin gshegs pa dgra bcom pa yang dag par rdzogs pa'i sangs rgyas 'od srung gis kyang sngon chad gsungs pa lags na/ de bcom ldan 'das kyis kyang skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don du 'gyur ba dang / sman pa dang bde bar 'gyur ba dang / theg pa chen po 'di yang brjod pa dang / phas kyi rgol ba thams cad tshar bcad pa dang / bdud thams cad zil gyis mnan pa dang / byang chub sems dpa' thams cad la bstan pa dang / byang chub sems dpa'i theg pa pa gang zag thams cad kyi brtson 'grus brtsam pa bskyed pa dang / dam pa'i chos yongs su gzung ba dang / dkon mchog gsum gyi gdung mi bcad pa dang / sangs rgyas kyi mdzad pa yongs su
- 7a
rdzogs pa yang kun tu bstan pa'i slad du/ da bstan du gsol zhes gsol pa dang / bcom ldan 'das kyis lha'i bu de dag dang / lha dang bcas pa'i 'jig rten la thugs/ brtse ba'i phyir cang mi gsung bas gnang ngo // de nas lha'i bu de dag kyang bcom ldan 'das kyi cang mi gsung bas gnang bar rig nas/ tshim zhing mgu la yi rangs shing rab tu dga' ste/ dga' ba dang / yid bde ba skyes nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ tsan dan gyi phye ma dang / a ga ru'i phye ma dang / me tog man+da ra ba dag gis kyang mngon par gtor te/ de nyid du mi snang bar gyur to// de nas bcom ldan 'das nub mo de'i nam nangs pa dang / smig ma'i ldum bu'i 'khor gyi khyams ga la ba der gshegs te/ byon nas/ bcom ldan 'das byang chub sems dpa'i tshogs kyis yongs su bskor cing / nyan thos kyi dge 'dun gyis mdun gyis bltas te/ gdan bshams pa la bzhugs so// bzhugs nas kyang / bcom ldan 'das kyis dge slong rnams la bka' stsal pa/ dge slong dag mdang 'dir nga'i drung du gnas gtsang ma'i ris kyi lha'i bu dbang phyug ces bya ba dang / dbang phyug chen po dang / dga' bo dang / shin tu dga' bo dang / tsan dan dang / mchod byas dang / rab zhi dang / dul ba rab zhi dbang phyug la sogs pa de dag dang / gnas gtsang ma'i ris kyi lha'i bu gzhan shin tu
- 7b
mang po zhes bya ba nas/ de nyid du mi snang bar gyur to zhwa bya ba'i bar du snga ma bzhin du gsungs so// de nas byang chub sems dpa' de dag dang / nyan thos chen po de dag gis bcom ldan 'das ka/ la ba de logs su thal mo sbar ba btud te/ bcom ldan 'das la 'di skad ces gsol to// bcom ldan 'das rgya cher rol pa'i chos kyi rnam grangs legs par bstan du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba mdzad pa dang / skye bo phal po che dang / lha dang mi rnams dang / da ltar dang / ma 'ongs pa'i byang chub sems dpa' sems dpa' chen po rnams kyi don dang / sman pa dang / bde bar 'gyur ro zhes gsol pa dang / bcom ldan 'das kyis byang chub sems dpa' sems dpa' chen po de dag dang / nyan thos chen po de dag dang / lha dang mi dang / lha ma yin dang bcas pa'i 'jig rten la thugs brtse ba'i phyir/ cang mi gsung bas gnang ngo // de la 'di skad ces bya ste/ dge slong dag gong ni mdang gsum 'dir/ / gnas pa bzang pos bde bar gnas gyur cing // nyon mongs med par rab tu gnas gyur la// rtse gcig sems su mnyam par bzhag drung du// rdzu 'phrul che zhing kha dog bzang ldan la/ / dri med dpal 'bar lha yi bu lhags nas// dpal gyis rgyal byed tshal 'di snang byas te// dga' bas nga yi gan du mngon par lhags// dbang phyug dbang phyug chen po tsan dan
- 8a
dang / dga' bo rab tu sems ni mchod byas dang // shin tu dga' bo ni pa lha bu// bye ba sgra mang de dang de dag rnams// nga yi zhabs la phyag batshal bsor byas / ngayi mdun du 'dir ni 'khod par gyur// de dag sor mo thal sbyar gus bcas par// de dag 'dir ning la gsol ba btab// 'jig rten kun la sman pa'i don slad du// rgyal ba kun gyis sngon cad gang gsungs pa/ / shin tu rgyas mdo gleng gzhi chen po 'di// thub pa 'dod chags bsal bas de ring yang // byang chub sems dpa'i tshogs kun gzung bzhed pas// phas kyi rgol dang bdud rnams 'dul mdzad pa/ / theg pa chen po mchog 'di rab gsung zhing // thub pa de slad legs par bshad du gsol// lha'i tshogs kyis gsol ba de gnad phyir// mi gsung gyur pas gnang ba mdzad pas na/ / thams cad tshim zhing rab dga' mgu gyur nas// dga' ba thob pas me tog sil ma gtor// de phyir dge slong dag gis rgyas pa'i mdo// 'jig rten kun la phan pa'i don gyi phyir/ / de bzhin gshegs pa kun gyis sngon bshad pa// gleng gzhi chen po khyed kun 'dir nyon cig/ gleng gzhi'i le'u ste dang po'o// // dge slong dag de la chos kyi rnam grangs shin tu rgyas pa chen po'i mdo/ / rgya cher rol pa zhes bya ba de gang zhe na/ dge slong dag 'di la byang chub sems dpa' dga' ldan gyi gnas mchog na gnas pa/ mchod par bya bas mchod
- 8b
pa/ dbang bskur ba thob pa/ lha brgya stong gis bstod cing bkur te/ brjod cing bsngags pa/ bsam pa thob pa/ smon lam gyis yang dag par 'phags pa/ sangs rgyas kyi chos thams cad/ yang dag par thob pa'i blo dang ldan pa/ ye shes kyi mig shin tu rgyas shing yongs su dag pa dang ldan pa/ dran pa dang / blo gros dang / rtogs pa dang / khrel yod pa dang / dga' ba 'bar ba blo rlabs po che dang ldan pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs la mkhas pa chen po'i dam pa'i pha rol tu son pa/ tshangs pa'i lam byams pa chen po dang / snying rje chen po dang / dga' ba chen po dang / btang snyoms chen po la mkhas pa/ mngon par shes pa dang / rig pa chen pos sgrib pa med cing chags pa med pa'i ye shes mthong ba mngon du gyur pa/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / byang chub kyi phyogs kyi chos thams cad shin tu yongs su rdzogs pa'i mthar phyin pa/ bsod nams dang ye shes kyi tshogs dpag tu med pa'i mtshan dang dpe byad bzang pos lus legs par brgyan pa/ yun ring por rjes su 'brang ba dang ldan pa/ ji skad du smras pa de ltar byed pas/ log pa med pa'i tshig gi lam yang dag par smra ba/ drang zhing ma yo la gya gyu med pa'i yid
- 9a
thogs pa med pa dang ldan pa/ nga rgyal dang / rgyags pa dang / dregs pa dang / 'jigs pa dang / zhum pa thams cad med pa/ sems can thams cad la sems mnyam pa/ sangs rgyas bye ba khrag khrig brgya stong dpag tu med pa la bsnyen bkur byas pa/ byang chub sems dpa' bye ba khrag khrig brgya stong mang pos ngor lta zhing lta ba'i yid dang ldan pa/ brgya byin dang / tshangs pa dang / dbang phyug chen po dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / srin po rnams kyi mngon par dga' bar bya ba'i grags pa dang ldan pa/ tshig thams cad rab tu phye ste bstan pa la thogs pa med pa'i so so yang dag par rig pa la 'jug pa'i shes pa la mkhas pa/ sangs rgyas thams cad kyis gsungs ba bzung ba la dran pa'i snod 'khrugs pa med pa dang / gzungs mtha' yas mu med pa rab tu thob pa/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang bo dang / stobs dang / byang chub kyi yan lag dang / lam dang / shes rab kyi pha rol tu phyin pa dang / thabs mkhas pa'i chos rin po che dang / bsod nams kyis yang dag par bsgrubs pa'i chos kyi gru chen po'i ded dpon chen po chu bo bzhi'i pha rol du 'gro ba'i bsam pa can/ bdud dang phyir rgol ba bcom pa/ phas kyi rgol ba thams cad shin tu tshar bcad pa/ g.yul po'i thog ma la rab tu 'dug pa/
- 9b
nyon mongs pa'i dgra'i tshogs 'joms pa/ ye shes mchog gi rdo rje'i mtshon sra ba dang ldan pa/ byang chub kyi sems kyi rtsa ba las snying rje chen po'i chu ba lhag pa'i bsam pas skyes pa/ zab cing brtan pa/ brtson 'grus kyi chos kyi chus mngon par brlan pa/ thabs mkhas pa'i snying po dang ldan pa/ byang chub kyi yan lag dang / bsam gtan gyi ze ba can/ ting nge 'dzin gyi ze 'bru dang ldan pa/ yon tan gyi tshogs rgya chen po'i mtsho las skyes pa/ nga rgyal dang dregs pa'i gdung ba med pa'i zla bas dri ma med pa'i 'dab ma rgyas pa/ tshul khrims dang / thos pa dang / bag yod pa'i bsung gi nga phyogs bcur thogs pa med par ldang ba/ 'jig rten na shes pas thu bor gyur pa/ 'jig rten gyi chos brgyad kyis ma gos pa/ skyes bu chen po'i pad+ma/ bsod nams dang / ye shes kyi tshogs kyi dri zhim po 'byung ba/ shes rab dang / ye shes kyi nyi ma'i 'od zer gyis mi shin tu rnam par dag pa'i pad+ma 'dab ma brgyad pa rgyas pa/ rdzu 'phrul gyi rkang pa bzhi'i mchog tu mgyogs pa'i shugs dang ldan pa/ 'phags pa'i bden pa bzhi'i sder mo dang mche ba shin tu rno ba/ tshangs pa'i gnas bzhi'i so drang bsnyed pa/ bsdu ba'i dngos po bzhis shin tu bsdus pa'i mgo dang ldan pa/ rten cing 'brel par 'byung ba yan lag bcu gnyis khong du chud pas rim gyis 'phags pa'i lus dang ldan pa/ byang chub kyi phyogs kyi chos sum cu rtsa bdun yang dag par yongs su rdzogs pas ral pa can du byas shing rig
- 10a
pa dang ye shes kyi the can/ rnam par thar pabasgo gsum gyi bgadangs pa/ zhi gnas dang lhag mthong shin tu rnam par dag pa'i mig dang ldan pa/ bsam gtan dang / nAH/ par thar pa dang / ting nge 'dzin dang / snyoms par 'jug pa'i ri sul gyi phug na gnas pa/ spyod lam bzhi dang / dul ba'i nags tshal dang / nags 'dab nas skyes pa'i lus dang ldan pa/ stongs bcu dang / mi 'jigs pa bzhi dang / nye ba'i stobs dang ldan pa/ skye ba dang 'jig pa'i 'jigs pa dang / spu g.yo ba med pa/ rtsal la zhum pa med pa/ mu stegs can gyi bong bu dang / ri dgas mang po'i tshogs rab tu 'joms pa/ bdag med par smra brjod pa'i seng ge'i nga ro chen po sgrog pa/ skyes bu seng ge rnam par grol ba dang / bsam gtan gyi dkyil 'khor las shes rab kyi 'od dang / 'od zer gyis mu stegs byed srin bu me khyer gyi tshogs 'od med par byed pa/ ma rig pa'i mun pa mun nag gi ling tog dang / rab rib med par byed pa stobs dang brtson 'grus 'bar ba/ lha dang mi'i nang du bsod nams kyi gzi brjid kyi gzi brjid dang ldan pa/ skyes bu chen po'i nyi ma/ nag po'i phyogs med pa/ dkar po'i phyogs yongs su rdzogs pa/ blta na sdug cing yid du 'ong bas mig gi dbang po la thogs pa med pa/ lha brgya stong gi skar ma'i tshogs kyis shin tu brgyan pa/ bsam gtan dang / rnam par thar pa dang / ye shes kyi dkyil 'khor can/ byang chub kyi yan lag gri bde bas
- 10b
zla ba'i 'od zer du gyur pa/ mi dang lha mkhas pa'i me tog ku mud kha 'byed pa/ skyes bu chen po zla ba 'khor gyi gling bzhir song ba/ byang chub kyi yan lag bdun gyi rin po che dang ldan pa/ sems can thams cad la sems mnyam par sbyor ba/ blo dpyad thogs pa med pa/ dge ba bcu'i las kyi lam gyi dka' thub dang / brtul zhugs shin tu phun sum tshogs shing rab tu rdzogs pas khyad par du bogs dbyung bar bya ba'i bsam pa can/ chos kyi rgyal po'i chos kyi 'khor lo rin po che mchog dam pa thogs pa med par bskor ba/ 'khor lo sgyur ba'i rigs kyi brgyud du byung ba/ chos kyi 'khor lo sgyur ba chen po/ rten cing 'brel par 'byung ba zab cing gting dpag dka' ba/ chos rin po che thams cad kyi rab tu gang ba/ thos pas mi ngoms pas yangs shing rgya che la mtha' yas pa'i ye shes dang tshul khrims kyi tshod las mi 'da' ba/ blo rgya mtsho dang sa ltar rgya che ba'i mchog tu gyur pa/ sa dang / chu dang / me dang / rlung dang / mnyam pa'i sems su gyur pa/ ri rab ltar brtan zhing mi g.yo la bskyod par mi nus pa'i yid dang ldan pa/ rjes su chags pa dang / khong khro ba med pa/ nam mkha'i dkyil ltar dri ma med cing yang sa la 'dra ba med par rgya che ba'i blo dang ldan pa/ lhag pa'i bsam pa shin tu yongs su dag pa/ sbyin pa legs par sbyin pa/ sngon sbyor ba legs par byas pa/ lhag pa'i bya ba legs par byas pa/ bden pa'i rgyan gyis legs par brgyan pa/ dge ba'i rtsa ba thams cad yongs
- 11a
su btsal ba/ gos par bya ba bsgos pa/ dge ba'i rtsa ba nges par byas pa/ bskal pa grangs med pa bdun du dge ba'i rtsa ba thams cad yang dag par bsgrubs pa/ sbyin pa rnams bdun byin pa/ bsod nams bya ba'i dngos po lnga shin tu bsten pa/ legs par spyad pa lus kyi rnam gsum/ ngag gi rnam bzhi/ yid kyi rnam gsum spyad par gyur pa/ dge ba bcu'i las kyi lam bsten pa dang ldan pa/ yang dag pa'i sbyor ba yan lag bzhi bcu dang ldan pa brten par gyur pa/ yang dag pa'i smon lam yan lag bzhi bcu dang ldan pa'i smon lom btab pa/ lhag pa'i bsam pa yan lag bzhi bcu dang ldan pa la zhugs pa/ yang dag pa'i rnam par thar pa yan lag bzhi bcu dang ldan pa yongs su rdzogs par byas pa/ yang dag pa'i mos pa yan lag bzhi bcu dang ldan pa dang por byas pa/ sangs / rgyas bye ba khrag khrig brgya stong phrag bzhi bcu'i rjes su rab tu byung ba/ sangs rgyas bye ba khrag khrig brgya stong lnga bcu rtsa lnga la sbyin pa phul bar gyur pa/ rang sangs rgyas bye ba brgya phrag phyed dang bzhi la lhag par bya ba byas pa/ sems can tshad med grangs med pa dag mtho ris dang thar pa'i lam du btsud par gyur pa/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa tshe/ gcig gis thogs pa/ 'di nas shi 'phos nas dga' ldan gyi gnas dam pa na gnas pa/ lha'i bu dam pa tog dkar po zhes bya ba/ lha'i tshogs rnams kyis 'di ni 'din shi 'phos nas mi'i 'jig rten du
- 11b
skyes te/ ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes der shin tu mchod pa/ gzhal med khang gnas sum khri nyis stong la/ rab tu gnas pa/ stegs bu dang / ba ga ma dang / rta babs dang / skar khung dang / bsil khang dang / khang pa brtsegs pa dang / khyams kyis legs par brgyan pa/ gdugs dang / rgyal mtshan dang / ba dan bsgreng ba/ rin po che'i dril bu g.yer ka'i dra ba'i bla res bres pa/ me tog man+da ra ba dang / man+da ra ba chen po dag chal par bkram pa/ lha'i bu mo bye ba khrag khrig brgya stong glu dbyangs len pa/ me tog a ti mug ta ka dang / tsam pa ka dang / skya snar dang / sa brtol dang / btang bzung dang / btang zung chen po dang / mya ngan mtshang dang / n+ya gro da dang / tin tu ka dang / a sa na dang / dong ka'i me tog dang / shing ke sa ra dang / ta ma la dang / sa la dang / rin po che'i shing ljon pa chen pos brgyan pa/ gser gyi dra bas g.yogs pa/ gzhi mnyam zhing bkod pas mdzes par byas pa/ me tog snang 'od dang / ma li ka dang / sna ma'i me tog dang / bar shi ka dang / ta ra ni dang / ba li dang / ko ta ra ni dang / mchog tu dri zhim dang / da nus ka ri dang / lha'i sna ma'i me tog dang / ut+pal dang / pad+ma dang / ku mud dang / pad+ma dkar po dang / dri rab tu zhim pa'i bla re chen po phyogs phyogs su bres pa/ bya 'dab sden dang / ne tso dang / raM skegs dang / khu byug dang / ngang pa dang / rma bya dang / dur ba
- 12a
dang / kun la dang / ka la bing+ka dang / shang shang ti'u la sogs pa bya sna tshogs sgra snyan pa 'byin pa/ lha bye ba khrag khrig brgya stong gis mig mngon du phyogs te lta zhing ltad mor bya ba/ chos rgya che ba chen po yang dag par brjod pas/ 'dod pa la dga' ba'i shugs kyis nyon mongs pa thams cad gcod pa/ nga rgyal dang / rgyags pa dang / dregs pa dang / khro ba dang / tha ba dang / khong khro ba med par gyur pa/ dga' ba dang / mgu ba dang / mchog tu dga' ba dang / dran pa rgya che zhing gsal ba skye ba'i gzhal med khang chen po de na bde bar gnas shing / chos kyi yang dag pa'i gtam byung ba dang / sil snyan dang / glu dbyangs brgyad khri bzhi stong pa'i sgra de dag las byang chub sems dpa'i sngon gyi las dge ba'i tshogs kyis yang dag par bskul ba'i tshogs su bcad pa 'di dag byung ngo // bson nams rgya chen tshogs mnga' dran rtogs dang // blo gros mtha' yas shes rab 'od mdzad pa// mtshungs med stobs mnga' sgyu rtsal rgya che ba// mar me mdzad kyis lung bstan dgongs par mdzod// rgya chen dri ma med pa'i thugs mnga' ba/ / dri ma gsum spangs rgyags dang skyon zhib// dge ba dri med rnam par dag pa'i thugs// sngon tshe ji ltar sbyin spyad dgongs par mdzod// zhi gnas tshul khrims brtul zhugs bzod pa dang / / dul dang brtson 'grus bsam gtan shes rab stobs// bskal pa bye ba khrag khrig rnam spyad pa// spyod rigs cher byung dgongs mdzod dgongs par mdzod// sems can rnams la thugs brtse
- 12b
mdzad gyur cing / / sangs rgyas bye ba khrag khrig khyod kyis mchod// dgongs mdzod dgongs par mdzod cig grags mtha' yas// de'i dus lags kyis btang snyoms ma mdzad cig/ rga shi nyon mongs 'jig mdzad rdul bral ba/ / lha dang klu dang gnod sbyin dri za dang // lha min dbang po dag kyang sdod lags kyis// 'chi 'pho'i tshul mkhyen 'pho ba bstan par mdzod// bskal pa stong du dka' ba spyad gyur kyang // rgya mtsho'i chu yis ji bzhin mo ngoms kyis/ / ngoms pa khyod kyi thugs dam dge ba ste// yun rings skom nyen skye bo tshim par mdzod// smad pa med pa'i grags pa mnga' ba khyod// chos la dgyed par khyod dgyes 'dod/ mi dgyes// 'on kyang dri ma med pa'i spyan mnga' ba// lhar bcas 'jig rten dag la thugs brtse mdzod// lha rnams bye ba khyod la chos thos pas// ngoms par 'gyur ba ma lags 'on gyis kyang // dal dang mi ldan gyur pa'i ngan song du/ / gnas par gyur pa dag la gzigs su gsol// dri ma med pa'i spyan mnga' phyogs bcu yi// 'jig rten dag gi sangs rgyas gzigs gyur cing // de dag rnams las chos gsan/ chos mchog de// 'jig rten dag la rnam par dbye ba mdzod// dpal ldan khyod kyi bsod nams dpal gyis ni// dga' ldan pho brang shin tu mdzes mod kyi// 'on kyang thugs rje thugs dang ldan pas na// 'dzam bu'i rgyal mtshan du ni char pa phog/ brtul zhugs grub pa byang chub reg ces te// 'dod pa'i khams las rab tu 'das pa yi// gzugs kyi khams na lha rnams gang 'khod pa// du ma thams cad mngon par
- 13a
@rab tu dga'/ / mgon po khyod kyis bdud kyis las rnams bcom// khyod gzhan mu stegs can rnams la ma mdzad de// khyod ni byang chub phyag mthil bzhag dang 'dra// de'i dus lags kyi/ btang snyoms ma mdzad cig/ nyon mongs rab tu 'bar ba'i 'jig rten la// dpa' bo khyod kyis sprin ltar khyab mdzod de// bdud rtsi'i char pa mngon par rab tu phog// lha mi rnams kyi nyon mongs zhi bar mdzod// khyod ni sman pa khams la mkhas pa ste// yun ring nad pa sman pas bor ba yi// sems can rnam thar gsum gyi sbyar sman gyis// mya ngan 'das pa'i bde la myur du 'khod// seng ge'i nga ro thos par ma gyur pas// wa rnams 'jigs pa med par sgra sgrog gis// sangs rgyas seng ge'i sgra ni rab sgrogs te// mu stegs can gzhan wa rnams skrag par mdzod// sa yi dkyil na stobs dang brtson 'grus kyi// stobs ldan phyag na shes rab sgron ma bsnams/ / phyag mthil dam pas sa la brdab mdzod de// 'di rnams khyod kyis rab tu pham par mdzod// gang dag khyod la lhung bzed 'bul ba yi// 'jig rten skyong ba bzhi po sdod cing mchis/ / khyod bltams gang dag len par 'gyur ba yi// brgya byin tshangs pa khrag khrig sdod cing mchis// blo gros bzang po rigs chen rigs ldan pa// gang la gnas nas byang chub sems dpa' yi// spyod pa ston 'gyur dam pa'i rigs skyes par// rigs kyi nang na btsun pa'i rigs la gzigs// snod gyur gang du nor bu rin po che// bzhag na dpal dang ldan par 'gyur ba bzhin// nor bu rin chen lta bur dri
- 13b
med thugs/ / 'dzam bu'i rgyal mtshan du ni char pa phog// glu dbyangs sgra las rnam pa 'di lta yi// tshigs su bcad pa mang po byung gyur nas// 'di ni dus lags btang snyoms ma mdzod ces// snying rje'i yid dang ldan la bskul bar byed/ / yang dag par spro bar bya ba'i le'u ste gnyis pa'o// / dge slong dag de ltar byang chub sems dpa' chos kyi dus de lta bus yang dag par bskul ba dang / gzhal med khang chen po de nas byung ste/ chos kyi mtho ba zhes bya ba'i khang bzangs chen po gang du byang chub sems dpa' 'dug cing dga' ldan gyi lha rnams la chos ston pa der/ byang chub sems dpa' bzhugs so// zhugs nas kyang seng ge 'i khro chos pa po zhes bya ba la 'dug go// de nas lha'i bu gang dag byang chub sems dpa' dang skal ba mnyam pa/ theg pa mtshungs pa la zhugs pa de dag kyang khang bzangs de nyid du zhugs so/ / gang yang byang chub sems dpa' phyogs bcu nas 'dus pa/ byang chub sems dpa' dang spyod pa 'dra ba dag dang / lha'i bu de dag kyang / lha'i bu mo'i tshogs rnams bsal cing / lha'i bu ba la rnams kyang bsal nas/ lhag pa'i bsam pa mthun pa'i 'khor can du byas te/ 'khor bye ba phrag drug cu rtsa brgyad brgyad dang / khang bzangs der zhugs nas/ so so ci rigs par rang rang gi seng ge'i khril 'khod par gyur to/ / dge slong dag de ltar byang chub sems dpa' lo bcu gnyis na ma'i mngal du 'jug par 'gyur ro zhes bya ba de'i tshe/ gnas gtsang ma'i ris kyi lha'i bu dag 'dzam bu'i gling du
- 14a
lhags nas/ lha'i kha dog mi snang bar byas te/ bram ze'i cha byad du bsgyur nas/ bram ze rnams rigs byed slob du 'dzud de/ gang zhig rnam pa 'di lta bu mngal du zhugs par gyur na/ de ni skyes bu chen po'i mtshan sum cu rtsa gnyis dang ldan par gyur te/ de dag dang ldan na rnam pa gnyis su 'gyur gyi/ gsum du 'gyur ba med de/ de gal te khyim na gnas na ni/ 'khor lo sgyur ba'i rgyal po mtha' bzhir rnam par rgyal ba chos dang ldan pa/ chos kyi rgyal po rin po che sna bdun dang ldan par gyur te/ de'i rin po che sna bdun ni 'di lta ste/ 'khor lo rin po che dang / glang po rin po dang / rta rin po che dang / bud med rin po che dang / nor bu rin po che dang / khyim bdag rin po che dang / blon po rin po che dang bdun no// 'khor lo sgyur ba'i rgyal po 'khor lo rin po che rnam pa ji lta bu dang ldan par 'gyur zhe na/ 'di la rgyal po rgyal rigs spyi bo nas dbang bskur ba/ gso sbyong gi nyi ma tshes bco lnga la mgo khrus byas te/ dbu zungs su gnas shing / steng gi khyams na bud med kyi tshogs kyi kun nas bskor cing 'dug pa'i tshe/ shar phyogs nas lha'i 'khor lo rin po che rtsibs stong yod pa/ mu khyud dang ldan pa/ lte ba dang bcas pa/ thams cad gser las grub pa/ mgar bsam byas pa/ 'phang du shing ta la bdun tsam nas 'byung ste/ rgyal po rgyal rigs spyi bo nas dbang bskur bas/ lha'i 'khor lo rin po che de mthong nas/ 'di snyam du sems te/
- 14b
bdag gis thos pa/ rgyal po rgyal rigs spyi bo nas dbang bskur ba/ gso sbyong gi nyi ma tshes bco lnga la mgo khrus byas te/ dbu zungs su gnas shing steng gi khyams na bud med kyis tshogs kyis kun nas bskor cing 'dug pa'i tshe/ shar phyogs nas lha'i 'khor lo rin po che byung bar gyur na/ de ni 'khor lo sgyur ba'i rgyal por 'gyur ro zhes thos na/ bdag gi drung du lha'i 'khor lo rini po che 'ongs pa las na/ bdag kyang 'khor lo sgyur ba'i rgyal po yin du nges so snyam ste/ de nas rgyal po rgyal rigs spyi bo nas dbang bskur ba de bla gos phrag pa gcig tu gzar nas/ pus mo g.yas pa'i lha nga sa la btsugs te/ lag pa g.yubs lha'i 'khor lo rin po che de skor zhing 'di skad du/ btsun pa lha'i 'khor lo rin po che chos kyi skor cig/ chos ma yin pas ni ma yin no zhes bya ba'i tshig smras pa dang / de nas lha'i 'khor lo rin po che de/ rgyal po rgyal rigs spyi bo nas dbang bskur bas bskor bas/ rdzu 'phrul gyis nam mkha' las shar phyogs su legs par 'gro ste/ rgyal po 'khor lo sgyur ba yang dpung gi tshogs yan lag bzhi pa dang lhan cig tu rjes su 'gro'o/ / sa'i phyogs gang du lha'i 'khor lo rani po che de gnas par gyur pa der/ rgyal po rgyal rigs spyi bo nas dbang bskur ba de yang dpung gi tshogs yan lag bzhi pa dang lhan cig tu gnas par 'gyur ro/ / de nas shar phyogs kyi khams kyi rgyal po gang yin pa de dag dngul gyi snod ni gser phyes bkang ste thogs/ gser gyi snod ni dngul sil ma bkang ste thogs nas/ 'khor lo/
- 15a
sgyur ba'i rgyal po bsu zhing 'di skad du/ lha 'dir legs par gshegs so// lha tshur gshegs su gsol/ lha'i chab srid ni shin tu rgyas shing 'byor la bde ste/ lo legs shing nyams dgyes la/ skye bo mang po dang mis gtams pa lags na/ lha nyid kyi yul du byon nas bzhugs su gsol/ de skad ces smras pa dang / rgyal po rgyal rigs spyi bo nas dbang bskur bas khams kyi rgyal po de dag la 'di skad du khyed rang rang gi rgyal srid dag chos kyis gyis shig/ chos ma yin pas ni ma yin no// khyed srog chag dag pa gsod cig/ ma byin par ma len cig/ 'dod pa la log par g.yem par ma byed cig/ brdzun du ma smra zhig/ phra ma ma zer cig/ ngag rtsub po ma smra zhig/ tshig kyal pa ma smra zhig/ brnab sems can du ma gyur cig/ gnod sems can du ma gyur cig/ log par lta bar ma gyur cig/ srog gcod pa la byams par ma gyur cig/ log par lta ba can gyi bar la sems par ma gyur cig/ nga'i yul du chos ma yin pa byung nga re/ chos ma yin par spyod pa la byams par ma byed cig ces bsgo nas/ rgyal po rgyal rigs spyi bo nas dbang bskur bas/ de ltar shar phyogs su rnam par rgyal bar byed do// shar phyogs su rnam par rgyal bar byas nas/ shar phyogs kyi rgya mtsho la 'gro'o// phyogs kyi rgya mtsho la song nas/ shar phyogs kyi rgya mtsho las rgal lo// rgal nas kyang lho phyogs su nam mkha' las rdzu 'phrul gyis legs par 'gro ste/ 'khor lo sgyur ba'i rgyal po yang dpung gi
- 15b
tshogs yan lag bzhi pa dang lhan cig tu 'gro'o/ / snga ma bzhin du lho phyogs su rnam par rgyal bar byed do// lho phyogs su ji lta ba de bzhin du/ nub phyogs dang / byang phyogs su rnam par rgyal bar byed do// byang phyogs su rnam par rgyal bar byas nas/ byang phyogs kyi rgya mtsho la 'gro'o// byang phyogs kyi rgya mtsho la song nas/ byang phyogs kyi rgya mtsho las rgal lo// rgal nas kyang nam mkha' las rdzu 'phrul gyis rgyal po'i pho brang du legs par 'ongs nas/ btsun mo'i 'khor gyi sgo'i steng du nyams pa med par gnas te/ rgyal po rgyal rigs spyi bo nas dbang bskur ba ni/ 'khor lo rin po che rnam pa de lta bu dang ldan pa yin no// 'khor lo sgyur ba'i rgyal po glang po rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i glang po rin po che snga ma bzhin du 'byung ste/ thams cad thal dkar du gyur pa/ yan lag bdun shin tu gnas nga/ gtsug gser gyis brgyan pa/ gser gyi rgyal mtshan dang ldan pa/ gser gyi rgyan gyis brgyan pa/ gser gyis dra bas g.yogs pa/ rdzu 'phrul dang ldan pa/ nam mkha' la 'gro ba/ rnam par 'phrul pa'i chos can te/ 'di ltar glang po'i rgyal po byang chub ces bya'o// gang gi tshe rgyal po rgyal rigs spyi bo nas dbang bskur ba glang po rin po che de brtag par 'dod par gyur pa de'i tshe/ nyi ma shar kar glang po rin po che de la zhon te/ sa chen po 'di rgya mtsho'i mtha' skor dang bcas pa/ rgya mtsho'i mur thug pa dang bcas pa kun tu bskor te/ rgyal po'i pho brang du 'ongs nas/ khye'u
- 16a
sus kyi dga' ba myong bar byed de/ 'khor lo sgyur ba'i rgyal po ni glang po rin po che rnam pa de lta bu dang ldan pa yin no// 'khor lo sgyur ba'i rgyal po rta rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'irta rin po che snga ma bzhin du 'byung ste/ thams cad sngon por gyur pa/ mgo gnag pa/ rngog ma lcang lor 'dug pa/ zhon na gus par byed pa/ gser gyi rgyal mtshan dang bcas pa/ gser gyi rgyan dang ldan pa/ gser gyi dra bas g.yogs pa/ rdzu 'phrul dang ldan pa/ nam mkha' la 'gro ba/ rnam par 'phrul pa'i chos can te/ 'di ltar rta'i rgyal po sprin gyi shugs can zhes bya'o/ / gang gi tshe rgyal po rgyal rigs spyi bo nas dbang bskur ba/ rta rin po che brtag par 'dod par gyur pa de'i tshe/ nyi ma shar kar rta rin po che de la zhon nas/ sa chen po 'di rgya mtsho'i mtha' skor dang bcas pa rgya mtsho'i mur thug pa dang bcas pa kun tu bskor te/ phyir rgyal po'i pho brang du 'khor nas/ khye'u sus kyi bde ba myong bar byed de/ 'khor lo sgyur ba'i rgyal po ni rta rin po che rnam pa de lta bu dang ldan pa yin no/ / 'khor lo sgyur ba'i rgyal po nor bu rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i nor bu rin po che snga ma bzhin du 'byung ste/ thams cad du sngo ba/ bai nu R+Ya'i rang bzhin zur brgyad du 'dug pa/ shin tu sbyangs pa 'byung ste/ nor bu rin po che de'i 'od kyis btsun mo'i 'khor thams cad kyang snang bas khyab par 'gyur ro// gang gi tshe rgyal po rgyal rigs spyi bo nas dbang bskur
- 16b
nor bu rin po che de brtag par 'dod par gyur pa de'i tshe/ mtshan mo nam gyi gung la/ mun pa mun nag gi nang du nor bu rin po che de rgyal mtshan gyi rtse mo la btags te/ bskyed mos tshal gyis bzang po blta ba'i phyir song na/ nor bu rin po che de'i 'od kyis thams cad dang ldan pa'i dpung gi tshogs yan lag bzhi pa thams cad dpag tshad kho ra khor yug tu snang bas gsal bar 'gyur ro// nor bu rin po che de'i 'khor na gnas pa'i mi de dag kyang snang ba des gsal bar gyur pa dang / gcig gis gcig mthong / gcig gis gcig shes nas gcig 'di skad du smra ste/ bzhin bzangs dag longs/ las kyi mtha' dag byos shig tshong dus dag khrom/ nyi ma shar te nyin mor shes so zhes zer te/ rgyal po rgyal rigs spyi bo nas dbang bskur ba de nor bu rin po che rnam pa de lta bu dang ldan pa yin no// rgyal po rgyal rigs spyi bo nas dbang bskur ba'i bud med rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i bud med rin po che snga ma bzhin du 'byung ste/ tshul dang mthun pa/ rgyal rigs su skyes pa/ ha cang yang mi ring ba/ ha cang yang mi thung ba/ ha cang yang mi sdom pa/ ha cang yang mi skem pa/ ha cang yang mi dkar ba// ha cang yang mi gnag pa/ gzugs mdzes pa/ tshul du shes pa/ blta na sdug pa/ kha dog bzang po/ rgyas pa mchog dang ldan pa/ de'i spu'i khung bu thams cad nas tsan dan gyi dri 'byung ba/ kha nas ut+pa la'adid ldang ba/ ka tsa
- 17a
lin+da'i gos ltar reg na bde ba/ de grang ba'i dus na ni lus la reg na dro ba/ dro ba'i dus na lus la reg na bsil ba ste/ de 'khor lo sgyur ba'i rgyal po ma gtogs par gzhan la yid kyi kyang 'dod chags su mi byed na/ lus kyi lta ci smos te/ 'khor lo sgyur ba'i rgyal po ni bud med rin po che rnam pa de lta bu dang ldan pa yin no// 'khor lo sgyur ba'i rgyal po khyim bdag rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i khyim bdag rin po che snga ma bzhin du 'byung ste/ mkhas pa/ gsal ba/ yid gzhungs pa/ lha'i mig dang ldan pa 'byung ngo / / de lha'i mig des dpag tshad kho ra khor yug tu bdag po dang bcas nor gyi gter dag kyang mthong / bdag po med pa'i gter dag kyang mthong ste/ de bdag po med pa'i gter gyi na gang yin pa de dag gis 'khor lo sgyur ba'i rgyal po'i nor gyi dgos pa byed de/ 'khor lo sgyur ba'i rgyal po ni khyim bdag rin po che rnam pa de lta bu dang ldan pa yin no// 'khor lo sgyur ba'i rgyal po blon po rin po che rnam pa ji lta bu dang ldan pa yin zhe na/ 'di la 'khor lo sgyur ba'i rgyal po'i blon po rin po che snga ma bzhin du 'byung ste/ mkhas shing gsal la yid gzhungs pa'o// de 'khor lo sgyur ba'i rgyal po des bsams pa tsam gyis bskor ba'i bya ba'i dpung rnams bsko'o/ / 'khor lo sgyur ba'i rgyal po ni blon po rin po che rnam pa de lta bu dang ldan pa yin te/ 'khor lo sgyur ba'i rgyal po ni rin po che sna bdun de
- 17b
ngag dang ldan pa yin no/ / de la bu stong 'byung ste/ dpa' brtul yod pa/ yan lag mchog gi gzugs dang ldan pa/ pha rol gyi sde rab tu 'joms pa sha stag ste/ de rgya mtsho la thug ba'i sa/ chen po ma lus pa gnod pa sngo ba med cing / 'tshe ba med pa 'di nyid chad pa med cing / mtshon gyis brda ba med la/ chos kyi legs par phab ste gnas so// gal te khyim nas khyim med par rab tu byung na sangs rgyas su 'gyur te/ 'dod pa'i 'dod chags spangs pa/ 'dren pa gzhan gyi dring mi 'jog pa/ lha dang mi rnams kyi ston par 'gyur ro zhes rig byed 'don du 'dzud do// de bzhin du lha'i bu gzhan dag kyang 'dzam bu'i gling du lhags shing / rang sangs rgyas dag la bskul ma 'debs te/ 'phags pa dag da ste lo bcu gnyis na/ byang chub sems dpa' yum gyis lhums su 'jug gis sangs rgyas kyi ning 'ang por tshig ces zer so/ / dge slong dag de'i tshe rgyal po'i khab kyi grob byer chen don/ mjug ma sbyar ba zhes bya ba'i rol/ rang sangs rgyas glang ngo zhes bya ba 'dug pas/ de thos nas rdo ba'i steng du 'ji ba la bya ba bzhin du 'dug ste/ nam mkha' la shing ta la bdun srid du gyen du 'phags so// gyen du 'phags nas kyang / me'i khams la snyoms par zhugs te/ sgron ma bzhin du mya ngan las 'das so// de'i mkhris pa dang / bad kan dang / chu rgyus dang / rus pa dang / sha dang / khrag tu gyur pa gang yin pa de dag thams cad ni mes yongs su zad par
- 18a
gyur te/ ring bsrel 'ba' shigs la lhags nas/ rkang rjes de dag ni da dung yang drang srong gi rjes shes grag ste yod do// dge slong dag 'di tshe yul wA ra NA si ri dgas kyi nags drang srong lhung ba na/ rang sangs rgyas lnga brgya 'khod pa de dag gis kyang sgra de thos nas/ nam mkha' la shing ta la bdun srid du gyen du 'phags nas/ me'i khams la snyoms par zhugs te/ sgron ma bzhin du yongs su mya ngan las 'das so/ / de dag gi mkhris pa dang / bad kan dang / chu rgyus dang / rus pa dang / sha dang / khrag tu gyur pa gang yin pa de dag thams cad ni mes yongs su zad par gyur te/ ring bsrel 'ba' shigs la lhungs so// de ltar 'dir drang srong rnams lhung ngo zhes/ de phyin chad drang srong lhung ba zhes bya ba yang / drang srong lhung ba/ drang srong lhung ba zhes ming du chags par gyur to/ / mi 'jigs pa byin pa'i ri dgas dag kyang de na gnas pas// de phyin chad ri dgas kyi nags zhes bya ba yang / ri dgas kyi nags/ ri dgas kyi nags zhes ming du gyur to// dge slong dag de ltar byang chub sems dpa' dga' ldan gyi gnas dam pa na 'dug pa ni/ rnam par lta ba chen po bzhi la rnam par lta ste/ bzhi gang zhe na/ 'di lta ste/ dus la rnam par lta ba dang / gling la rnam par lta ba dang / yul la rnam par lta ba dang / rigs la rnam par lta ba'o// dge slong dag ci'i phyir byang chub sems dpa' dus rnam par lta ba la rnam par lta zhe na/ byang chub sems dpa'
- 18b
ni thog ma'i dus sems can 'du ba'i tshe/ ma'i mngal du mi 'jug gi/ gang gi tshe 'jig rten gsal bar kun nas snang bar gyur te/ skye ba snang bar gyur/ rga ba snang bar gyur/ na ba snang bar gyur/ 'chi ba snang bar gyur pa de'i tshe/ byang chub sems dpa' ma'i mngal du 'jug go// dge slong dag ci'i phyir byang chub sems dpa' gling rnam par lta ba la rnam par lta zhe na/ byang chub sems dpa' ni mtha' 'khob kyi gling du mi skye/ shar gyi lus 'phags por mi skye/ nub kyi ba glang sprod du mi skye/ byang gi sgra mi snyan du mi skye/ lho'i 'dzam bu'i gling nyid du skye'o// dge slong dag ci'i phyir byang chub sems dpa' yul rnam par lta ba la rnam par lta zhe na/ byang chub sems dpa' ni mtha' 'khob kyi yul gang na mi rnams dbang po rtul zhing blun la lug ltar lkug pa'i rang bzhin can/ legs par bstan pa dang / nyes par bstan pa'i don shes par bya ba'i skal ba med pa dag yod pa dag tu mi skye'i/ byang chub sems dpa' ni yul gyi dbus nyid du skye'o// dge slong dag ci'i phyir/ byang chub sems dpa' rigs rnam par lta ba la rnam par lta zhe na/ byang chub sems dpa' ni/ rigs dma' ba gdol pa'i rigs sam/ smig ma mkhan gyi rigs sam/ shing rta mkhan gyi rigs sam/ g.yung rigs su mi skye'i// bram ze'i rigs sam/ rgyal rigs kho na ste/ rigs gnyis su skye'o// de la gang gi tshe bram ze'i rigs btsun par bya ba de'i tshe/ bram
- 19a
ze'i rigs su skye'o/ / gang gi tshe rgyal rigs btsun par bya ba de'i tshe/ rgyal rigs su skye ste/ dge slong dag da ltar ni rgyal rigs btsun par bya bas/ de'i phyir byang chub sems dpa' rgyal rigs su skye ste/ dge slong dag don gyi dbang de la brten nas/ byang chub sems dpa' dga' ldan gyi gnas dam pa na gnas pa/ rnam par lta chen po bzhi la rnam par lta ste/ de ltar bltas nas cang mi zer bar gyur to// // 'phag pa rgya cher rol pa zhes bya ba theg pa chen po'i mdo bam po gnyis pa/ dge slong dag de ltar lha'i bu de dag dang / byang chub sems dpa' de dag gcig la gcig 'di skad du/ byang chub sems dpa' rigs rin po che ni ji lta bu zhig tu skye bar 'gyur/ yum ni ji lta bu zhig gi lhums su 'jug par 'gyur zhes 'dri'o// de la la la na re yul ma ga d+ha na lus 'phags kyi rigs 'di 'byor cing rgyas la/ lo legs pa dang bde ba dang ldan pa yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro/ / la la na re de ni tshul dang mthun pa ma yin te/ de ci'i phyir zhe na/ 'di ltar de ni ma yi rgyud kyi dag pa yang ma yin/ pha'i rgyud kyis dag pa yang ma yin la/ bsod nams chung ngus byung gis/ bsod nams rgya chen pos mngon par byung ba ma yin zhing / rgod la mi brtan te mi gnas pa yin la/ yul de yang nye 'khor gsegs mas gang ba/ bskyed mos tshal dang / mtsho dang //
- 19b
mtshe'u dag kyang mi mang la/ ri brags ltar mtha' 'khob kyi gnas su gyur pa ste/ de'i phyir de ni tshul dang mthun pa ma yin no zhes zer ro// la la na re ko sa la'i rigs 'di 'khor mang zhing bzhon pa mang la nor che ba ste/ de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re de yang tshul dang mthun pa ma yin te/ de ci'i phyir zhe na/ 'di/ ltar ko sa la'i rigs ni/ gdol pa'i rigs las shi 'phos nas skyes pa yin te/ pha dang mas dag pa yang ma yin la/ dma' ba la mos pa ste/ rigs mtho bar yang mi bya/ nor dang rin po che'i gter yang tshad med par phun sum tshogs pa ma yin te/ de'i phyir de ni tshul dang mthun pa ma yin no zhes zer ro// la la na re rgyal po bad sa la'i rigs 'di 'byor cing rgyas la lo legs pa/ dang / bde ba dang ldan pa yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re de yang de'i tshul dang mthun pa ma yin te/ de ci'i phyir zhe na/ 'di ltar rgyal po bad sa'i rigs ni phal pa ste/ gtum la/ gzi brjid 'bar ba yang ma yin zhing / skyes pa gzhan las skye ba grub pa/ pha ma nyid kyi gzi brjid kyi las kyis grub pa ma yin la/ de'i rgyal po yang chad par smra ba ste/ de'i phyir de yang tshul dang mthun pa ma yin no zhes zer ro// la la na re grong khyer chen po yangs pa can 'di ni 'byor cing rgyas la/ lo legs
- 20a
pa dang / bde ba dang ldan pa yin te/ nyams dga' ba/ skye bo mang po dang / mis kun tu gang ba/ stegs bu dang / ba gam dang / rta babs dang / skar khung dang // bsil khang dang / khang pa brtsegs pa dang / khang bzangs dag gis legs par brgyan pa ste/ me tog gi ra ba dang / nags tshal gyi phreng ba me tog kun tu rgyas pa dang ldan pa yin la lha'i pho brang dang 'dra ba yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro// la la na re de yang tshul dang mthun pa ma yin te/ de ci'i phyir zhe na/ 'di ltar de dag la ni phan tshun du rigs par smra ba med do// chos spyod pa med do// gong ma dang / bar ma dang / rgan pa dang / gtso bo dag la yang rim gror bya ba med cing / re re zhing yang 'di snyam du bdag ni rgyal po'o/ / bdag ni rgyal po'o snyam du sems pas/ slob mar khas len pa med cing / chos khas len pa med pa ste/ de'i phyir de yang tshul dang mthun pa ma yin no/ zhes zer ro// la la na re grong khyer 'phags rgyal na/ rab snang gi rigs 'di ni dpung che zhing bzhon pa mang ba/ pha rol gyi g.yul ngor rgyal ba thob pa yin te/ de ni byang chub sems dpa' yum gyi lhums su 'jug pa'i gnas su rung ngo zhes zer ro/ / la la na re de yang tshul dang mthun pa ma yin te/ de ci'i phyir zhe na/ 'di ltar de dag ni khro zhing gtum la/ rlang zhing gzu lums can/
- 20b
rgod pa ste/ las yod par lta ba yang ma yin pas/ de'i phyir de yang byang chub sems dpa' de lhums su 'jug pa'i gnas kyi 'os ma yin no zhes zer ro// la la na re grong khyer bcom brlag 'di 'byor cing rgyas la lo legs pa dang / bde ba dang ldan pa/ skye bo mang po dang mis kun tu gang ba yin pas/ rgyal po lag bzang sde dpa' ba'i bdag po rgyal po'i pho brang de ni byang chub sems dpa' yum gyi lhums su 'jug pa'i gnas su rung ngo zhes zer ro/ / la la na re de yang tshul dang mthun pa ma yin te/ de ci'i phyir zhe na/ 'di ltar rgyal po de ni log par lta ba'i rigs kyi rgyud du skyes pa ste/ mi rgod dang 'dra ba'i rgyal po yin pas/ byang chub sems dpa' srid pa tha ma pa ni log par lta ba'i rigs su skye bar mi rigs te/ de'i phyir de yang tshul dang mthun pa ma yin no zhes zer ro// la la na re grong khyer ha sti na pu ra 'di'i rgyal po ni skye bseng gi bu'i rigs kyi rgyud las skyes pa/ dpa' zhing rtul phod pa dang ldan pa/ yan lag mchog gi gzugs phun sum tshogs pa gzhan gyi sde 'jom pa ste/ rigs de ni byang chub sems dpa' de lhums su 'jug pa'i gnas kyi 'os yin no zhes zer ro// la la na re de yang tshul dang mthun pa ma yin te/ de ci'i phyir zhe na/ 'di ltar skya bseng gi bu'i rigs su skyes pa dag gis rigs kyi rgyud rnam par 'khrugs par byas te/ g.yul ngor brtan pa la ni chos kyi bu zhes zer// 'jigs sde la ni rlung gi bu zhes zer/ srid sgrub la ni dbang po'i bu zhes zer/ rig byed dang lhar
- 21a
bcas la ni tha skar gyi bu zhes zer te/ de'i phyir rigs de yang byang chub sems dpa' de lhums su 'jug pa'i gnas kyi 'os ma yin no zhes zer ro// la lan re grong khyer bcom brlag 'di ni shin tu yang nyams dga' zhing phan tshun 'byor gyi steng du/ rgyal po bzang po'i bshes gnyen bzhugs pa'i sa yang yin la/ rgyal po de yang glang po dang / rta dang / shing rta dang / dpung bu chung dang / dpung gi tshogs mang po dang ldan pa/ gser dang / dngul dang / nor bu dang / mu tig dang / bai DUR+Ya dang / dung dang / man shel dang / byi ru dang / sa le sbram dang / nor dang / yo byad shin tu mang ba/ rgyal po dang / blon po thams cad kyis zil gyis mi non pa'i stobs dang / pha rol gnon pa dang ldan pa/ mdza' ba dang ldan zhing chos la dga' ba ste/ rigs de ni byang chub sems dpa' de yum gyi lhums su 'jug pa'i gnas su rung ngo zhes zer ro/ / la la na re de yang tshul dang mthun pa ma yin te/ de ci'i phyir zhe na/ rgyal po bzang po'i beshes gnyen yon tan de lta bu dang ldan pa de yod mod kyi/ de ni shin tu rgas pas bu bskyed pa'i mthu yang med la/ bu yang mang bas de'i phyir rigs de yang byang chub sems dpa' de yum gyi lhums su 'jug pa'i gnas kyi bos ma yin no zhes zer ro// de ltar byang chub sems dpa' de dag dang / lha de dag gis 'dzam bu'i gling gi yul chen po bcu drug po thams cad na/ rgyal po'i rigs mthon po mthon po gang ji snyed cig yod pa de dag thams cad la bltas na/ thams cad kyang nyes pa dang bcas par mthong ste/ de dag de
- 21b
ltar sems pa'i yid la byed pa'i tshe/ lha'i bu ye shes tog gi rgyal mtshan zhes bya ba/ byang chub las phyir mi ldog pa/ theg pa chen po 'di la nges par gyur pa zhig yod pa des/ byang chub sems dpa'i 'khor dang / lha'i 'khor chen po yod pa de dag la 'di skad ces smras so// grogs po dag tshur shog/ byang chub sems dpa' de nyid kyi drung du dong ste/ rigs rin po che yon tan ji lta bur phun sum tshogs pa zhig tu srid pa tha ma pa'i byang chub sems dpa' skye bar 'gyur ba dri'o zhes smras pa dang / legs so zhes te/ de dag thams cad kyang thal mo sbyar nas/ byang chub sems dpa'i drung du phyin te dris pa/ skyes bu dam pa'i rigs rin po che yon tan phun sum tshogs pa ji lta bu zhig tu byang chub sems dpa' srid pa tha ma pa skye bar 'gyur/ de nas byang chub sems dpas byang chub sems dpa'i tshogs chen po dang / lha'i tshogs chen po de dag la rnam par bltas te/ 'di skad ces smras so// grogs po dag byang chub sems dpa' srid pa tha ma pa gang du skye bar 'gyur ba'i rigs de ni/ rnam pa drug cu rtsa bzhi phun sum tshogs pa yin te/ drug cu rtsa bzhi gang zhe na/ 'di lta ste/ rigs de ni btsun pa yin/ rigs de ni kun gyi mngon par shes pa yin/ rigs de ni phran tshegs med cing gnod par byed pa med pa yin/ rigs de ni rgyud phun sum tshogs pa yin/ rigs de ni cho 'brang phun sum tshogs pa yin// rigs de ni skyes bu zung phun sum tshogs pa yin/ rigs de ni sngon gyi skyes bu zung phun sum tshogs pa yin/ rigs de ni
- 22a
btsun pa'i skyes bu zung phun sum tshogs pa yin/ rigs de ni kun gyi mngon par shes pa'i skyes du zung phun sum tshogs pa yin+da/ rigs de ni dbang che bar thag/ pa'i skyes bu zung phun sum tshogs pa yin/ rigs de ni skyes pa mang ba yin/ rigs de ni bud med mang ba yin/ rigs de ni 'jigs pa med pa yin/ rigs de ni dman pa med cing zhus pa med pa yin/ rigs de ni brkam pa med pa yin/ rigs de ni tshul khrims dang ldan pa yin/ rigs de ni shes rab dang ldan pa yin/ rigs de ni blon pos blta zhing longs spyod la spyod pa yin/ rigs de ni bzo don yod pas bshams shing longs spyod la spyod pa yin/ rigs de ni mdza' ba brtan pa yin/ rigs de ni dud 'gro'i skye gnas su skyes pa'i srog chags kyis srog la lta ba yin/ rigs de ni byas pa gzo ba dang ldan pa yin// rigs de ni brtul zhugs shes pa yin/ rigs de ni 'dun pas mi 'gro ba yin/ rigs de ni zhe sdang gi mi 'gro ba yin// rigs de ni gti mug gi mi 'gro ba yin/ rigs de ni 'jigs pas mi 'gro ba yin/ rigs de ni kha na ma tho bas 'jigs pa yin/ rigs de ni gti mug la mi gnas pa yin/ rigs de ni lag spabs che ba yin/ rigs de ni bya ba la mos pa yin/ rigs de ni gtong ba la mos pa yin/ rigs de ni sbyin pa la mos pa yin/ rigs de ni zho sha shes pa yin/ rigs de ni rtsal
- 22b
brtan pa yin/ rigs de ni mthu rtsal dang ldan pa yin/ rigs de ni rtsal mchog dang ldan pa yin/ rigs de ni drang srong mchod pa yin/ rigs de ni lha mchod pa yin/ rigs de ni mchod rten mchod pa yin/ rigs de ni mtshun rjed pa yin/ rigs de ni khon du 'dzin pa med pa yin/ rigs de ni phyogs bcur sgra grags pa yin/ rigs de ni 'khor chen po dang ldan pa yin// rigs de ni 'khor mi phyed pa dang ldan pa yin/ rigs de ni bla na med pa'i 'khor dang ldan pa yin// rigs de ni rigs kyi nang nas gtso bor bya ba yin// rigs de ni rigs la dbang thob pa yin// rigs de ni dbang che bar grags pa yin/ rigs de ni phar 'dzin pa yin/ rigs de ni mar 'dzin pa yin/ rigs de ni dge sbyong du 'dzin pa yin/ rigs de ni bram zer 'dzin pa yin/ rigs de ni nor dang 'bru'i bang mdzod mang ba yin/ rigs de ni dbyig dang / gser dang / nor bu dang / mu tig dang / bai rUR+Ya dang / dung dang / man shel dang / byi ru dang / sa le sbram dang / dngul dang / rdzas dang / yo byad mang ba yin/ rigs de ni glang po che dang / rta dang / rnga mo dang / ba lang dang / lug shin tu mang ba yin/ rigs de ni bran po dang / bran mo dang / las byed pa dang / zho shas 'tsho ba shin tu mang ba yin/ rigs de ni thub par dka' ba yin/ rigs de ni don thams cad grub pa yin// rigs de ni 'khor lo sgyur ba'i rigs kyi brgyud du skyes
- 23a
ba yin/ rigs de ni sngon gyi dge ba'i rtsa ba'i grogs kyis bskyed pa yin/ rigs de ni byang chub sems dpa'i rigs su rigs btsun par skyes pa yin/ rigs de ni 'jig/ rten lha dang bcas pa bdud dang bcas pa/ tshangs pa dang bcas pa/ dge sbyong dang / bram ze'i skye dgu dang bcas pa'i nang na/ rigs la smos pa'i skyon gyi kha na ma tho ba thams cad dang bral ba ste/ grogs po dag gang du byang chub sems dpa' srid pa tha ma pa 'byung bar 'gyur ba'i rigs de ni rnam pa drug cu rtsa bzhi po de dag dang ldan pa yin no// grogs po dag srid pa tha ma pa'i byang chub sems/ dpa' bud med gang gi mnga' du 'jug par 'gyur ba'i bud med de ni/ yon tan gyi rnam pa sum cu rtsa gnyis dang ldan pa yin te/ sum cu rtsa gnyis gang zhe na/ 'di lta ste/ byang chub sems dpa' srid pa tha ma pa ni kun gyi mngon par shes pa'i bud med kyi mngal du 'jug go/ / kun gyis mngon par shes pa dang / spyod pa la glags mi thod pa dang / rigs phun sum tshogs pa dang / cho 'brang phun sum tshogs pa dang / gzugs phun sum tshogs pa dang / ming phun sum tshogs pa dang / chu zheng phun sum tshogs pa dang / sngon chad ma btsas pa dang / tshul khrims phun sum tshogs pa dang / btong ba phun sum tshogs pa dang / bzhin 'dzum pa dang mthun par 'dzin pa dang / gsal ba dang / dul ba dang / 'jigs pa med pa dang / mang du thos pa dang / mkhas pa
- 23b
dang sgyu med pa dang / g.yo med pa dang / mi khro ba dang / phrag dog med pa dang / ser sna med pa dang / mi rgod pa dang / mi g.yeng ba dang / ca co med pa dang / bzod cing nges pa dang ldan pa dang / ngo tsha shes shing khrel yod pa dang / 'dod chags dang / zhe sdang dang / gti mug gi shas chung ba dang / bud med kyi skyon dang bral ba dang / khyim thab kyi brtul zhugs dang ldan pa dang / yon tan thams cad phun sum tshogs pa'i bud med kyi mngal du byang chub sems dpa'i srid pa tha ma pa 'jug go/ / grogs po dag byang chub sems dpa' srid pa tha ma pa bud med gang gi mngal du 'jug pa'i bud med de ni/ yon tan gyi rnam pa sum cu rtsa gnyis po de dag dang ldan pa yin no// grogs po dag byang chub sems dpa' ni zla ba mar gyi ngo la ma'i mngal du mi 'jug gi/ byang chub sems dpa' srid pa tha ma pa ni/ zla ba yar gyi tshes bco lnga'i zla ba nya ste/ rgyas pa la skar ma rgyal dang ldan pa'i tshe/ ma gso sbyongs blangs pa'i mngal du 'jug go// de nas byang chub sems dpa' de dag dang / lha'i bu de dag gis byang chub sems dpa' las rigs yongs su dag pa dang / ma yongs su dag pa'i rnam pa de lta bu de dag thos nas 'di snyam du sems te/ skyes bu dam pa 'dis rnam pa ji snyed du bstan pa de lta bu'i yon tan dang ldan pa'i rigs de gang zhig la yod snyam du sems so/ / de ltar sems shing yid la byed pa la zhugs pa de dag 'di snyam du sems te/ shAkya'i grong khyer 'di
- 24a
'byor cing rgyas la/ bde zhing lo legs pa dang ldan te/ nyams dga' zhing skye bo mang po dang / mis gang ba yin la/ rgyal po zas gtsang ma yang ma'i brgyud kyis dag pa/ pha'i brgyud kyis dag pa/ chung ma dag pa dang ldan pa/ las kyi mtha' la nyon mongs pa med pa/ dpe byad bzang ba/ shin tu mdzangs pa/ bsod nams kyi gzi brjid dang ldan pa grags pa chen po'i rigs su skyes pa/ 'khor lo sgyur ba'i rigs kyi brgyud du skyes pa/ nor dang / gter dang / rin po che dpag tu med pa dang ldan pa las yod par lta ba/ sdig pa'i lta ba med pa shAkya'i yul kun nas yang rgyal po de gcig pur zad de/ tshong dpon dang / khyim bdag dang / blon po dang / 'khor gyi mi thams cad kyis rim gror bya zhing mchod pa/ mdzes pa/ blta na sdug pa/ ha cang yang mi rgan/ ha cang yang mi gzhon zhing / gzugs mdzes la yon tan thams cad dang ldan pa/ bzo shes pa/ dus shes pa/ bdag shes pa/ chog shes pa/ sems can shes/ pa/ 'jig rten shes pa/ mtshan shes pa/ chos kyi rgyal po chos kyi rjes su ston pa'o// ser kya'i gnas kyi grong khyer chen po de ni sems can dge ba'i rtsa ba bskyed pa rnams kyi gnas te/ gang dag der skyes par gyur pa de dag kyang de dang / skal ba 'dra ba dag go// rgyal po zas gtsang ma de la lha mo sgyu 'phrul zhes bya ba/ shAkya'i bdag po shin tu legs par rtogs pa zhes bya ba'i/
- 24b
bu mo zhig yod pa'ang / phyug cing gzhon zhing dar la bab pa'i gzugs phun sum tshogs pa/ sngon chad ma btsas pa/ bu dang bu mo med pa/ gzugs mdzes pa/ bu don la dris pa ltar blta na sdug pa/ lha'i bu mo ltar rgyan thams cad kyis brgyan pa/ bud med kyi skyon rnams dang bral ba/ bden par smra ba/ mi drag pa/ mi bslang ba dang / mi gcor ba/ kha na ma tho ba med pa gyo mnga'i sgra lta bu med pa/ ca co med pa/ 'jam zhing snyan la/ yid du 'ong bar smra ba/ mi nges pa/ khong khro ba dang / nga rgyal dang / dregs pa dang / rgyags pa dang / khro ba med pa dang / phrag dog med pa/ dus su smra ba/ gtong ba phun sum tshogs pa/ tshul khrims dang ldan pa/ khyos chog par 'dzin pa/ khyim thab kyi brtul zhugs can/ skyes pa gzhan la bsam pa'i yid la bya ba dang bral ba/ mgo dang / rna ba dang / sna gnas su phebs pa/ bung ba'i mchog gi kha dog lta bu'i sgra dang ldan pa/ dpral ba legs pa/ smin tshugs legs pa/ khro gnyer med pa/ bzhin 'dzum pa/ gsong por smra ba/ 'jam zhing snyan pa'i tshigs dang ldan pa/ mthun par 'dzin pa/ drang ba/ gya gyu med pa/ sgyu med pa/ g.yo med pa/ khrel yod cing ngo tsha shes pa mi rgod pa/ mi g.yeng ba/ kha ngan mi smra ba/ 'chal pa'i tshig med pa/ 'dod chags dang / zhe sdang dang / gti mug gi shas chung ba/ ngang des shing bzod pa dang ldan pa/ rkang lag dang
- 25a
mig dang / blo shin tu bsrungs pa/ rkang lag shin tu 'jam pa/ ka tsa lin+da'i gos ltar reg na bde ba/ pad+ma gzhon nu'i 'dab ma ltar mig shin tu rnam par dag pa// sna dbyibs legs shing mdog sdug pa/ yan lag shin tu brtan pa/ 'ja'i dbyibs ltar shin tu 'dud pa/ yan lag dang nying lag shin tu 'byes pa/ yan lag la smad du med pa/ mchu bim pa ltar dmar ba/ blta na mdzes pa/ mgul rim bzhin du 'dug pa/ rgyan dam pa dang ldan pa/ sna ma'i me tog dang / ba ra shi ka ltar so shin tu rnam par dag pa/ phrag pa leg par byin gyis 'tsham pa/ rim gyis legs par grub pa'i dpung dang ldan pa/ sked pa gzhu'i chang zungs ltar phra ba/ gzhog nyams pa med pa/ lte ba khung zab pa/ sta zur 'jam zhing yangs la/ zlum zhing brtan par grub pa/ rdo rje ltar mkhregs shing mtshungs pa med pa'i lus dang ldan pa/ glang po'i sna ltar mnyam zhing legs pa'i brla dang ldan pa/ byin pa ri dgas e na ya'i lta bu/ lag pa dang / rkang pa'i mthil rgya skyegs kyi khu ba ltar 'dug pa/ 'gro ba'i mig tu sdug pa/ mig gis dbang po nyams pa med pa/ yid du 'ong zhing blta na sdug pa/ bud med rin po che'i gzugs las khyad par du 'phags pa/ mtshungs pa med pa/ sgyu 'phrul sprul pa lta bu'i gzugs su 'dug pa/ sgyu 'phrul zhes ming gi brdar btag pa/
- 25b
sgyu rtsal la mkhas pa/ dga' tshal gyi lha'i bu mo lta bu zhig rgyal po zas gtsang ma'i btsun mo'i 'khor gyi nang na 'dug pa de ni/ byang chub sems dpa'i yum du tshul dang mthun gyis/ gang byang chub sems dpas rigs dag las bstan pa de ni/ shAkya'i rigs nyid la snang gi/ gzhan la ni ma yin no// de la 'di skad ces bya ste/ dag pa'i sems can chos mtho khang bzangs na/ / chos bzangs seng ge'i khri la rab tu 'dug/ byang chub sems dpa' grags chen ldan pa dang // skal ba mnyam pa'i lha rnams drang srong 'khor// de na 'dug cing de ni 'di snyam sems/ / rigs gang rnam dag rab tu shes dang ldan// byang chub sems dpa' skye dang tshul mthun gang // pha ma gang zhig dag pa'i dngos dang ldan// 'dzam bu'i gling 'di kun tu rnam bltas na/ / rgyal rig rgyal brgyud che ba gang yin pa// kun kyang skyon dang bcas par rjes bsams nas// shAkya'i rigs ni skyon dang bral bar mthong // zas gtsang rgyal po'i rigs nang rigs dang ldan/ / mi dbang rgyud na rnam dag cho rigs can// 'byor cing rgyas la 'khrug pa med pa ste// skye bo dam pa chos ldan rim gro can// ser skyar brjod pa'i grong khyer sems can gzhan/ / kun kyang bsam pa rab dag chos dang ldan// bskyed mos kun dga' gzhal med khang gis brgyan// skye ba'i ser ni ser skyar brjod pa mdzes// kun kyang
- 26a
tshan chen stobs dang ldan pa ste/ / glang po gnyis sam gsum gyi stobs kyang bdog/ 'phong rtsal brlabs pa'i pha rol mthar phyin kyang // srog gi don du gzhan la gnod mi byed/ / zas gtsang rgyal po'i bud med dben pa de// bud med dam pa stong gi mchog tu phyin// yid du 'ong ba sgyu 'phrul sprul pa'i gzugs// de yi ming yang lha mo sgyu 'phrul te/ / mdzes pa'i gzugs 'chang lha yi bu mo bzhin// 'byes pa'i lus ldan yan lag dri med sdug/ lha dang mi rnams gang yang rung ba dag/ sgyu 'phrul mthong na gang ngoms de med kyang / / 'dod chags zhen med sdang bas zhe sdang med// de ni 'jam snyan drang ba'i ngag dang ldan// mi brlang mi rtsub shin tu nges pa ste// de ni bzhin 'dzum khro nyer rab tu spangs// ngo tsha khrel yod chos spyod ldan pa ste// nga rgyal med cing ma khengs rgod pa med// phrag dog med cing skya dang g.yo med de// gtong la dga' zhing rtag tu byams sems ldan// las yod lta zhing / log pa'i sbyor ba spangs// bden la gnas shing lus dang yid rab bsdams// sa la gang yod bud med skyon mang tshogs// de dag thams cad de la yod ma yin// mi yi 'jig rten dri za'i 'jig rten nam/ / lha yi 'jig rten dag na bud med gzhan// lha mo sgyu 'phrul mtshungs med ga la lhag/ drang srong chen po'i mar ni de 'os te// tshe rabs lnga brgya kho nar tshang bar yang /
- 26b
de ni byang chub sems dpa'i mar gyur to// de dang der ni yab kyang zas gtsang ste// de yi yon tan ldan pa ma yi 'os// dka' thub can ltar de ni brtul zhugs gnas// brtul zhugs rjes/ spyod rtag par chos kyang spyod// rgyal pos gnang ste mchog sbyin thob pas na// 'dod pa ma spyad zla ba sum cu gnyis// gang gi phyogs na de 'dug 'breng ba 'am// nyal zhing 'gro bar gyur ba'i gnas dag kyang / / de yi las dge gzhol ba'i 'od zer gyis// shin tu snang bar 'od kyis gsal bar 'gyur// lha dang lha min mi rnams gang yang rung // 'dod chags sems kyis blta bar nus pa med/ / spyod lam rnams su 'phags pa'i yon tan ldan// de la kun kyang ma dang bu mor lta// sgyu 'phrul lha mo dge ba'i las kyi rgyus// rgyal po'i srid ni rab yangs rnam par 'phel/ / khams kyi rgyal po'ang 'jug par mi byed cing // rgyal po'i grags dang brjod pa rnam par 'phel// de ltar sgyu 'phrul snod du mthun gyur cing // de ltar sems can dam pa mchog mdzes pas/ / de nyid yon tan mchog dang ldan pas na// 'di ni bur 'gyur de ni ma yi 'os// lha mo yon tan mchog dang ldan pa ste// glang po khri yi stobs bdog ma gtogs par// 'dzam bu'i rgyal mtshan 'di ni mi mchog ste// 'dzin par nus pa'i bud med gang yang med// de skad che ba'i lha yi bu rnams dang // byang chub sems dpa' shes rab rgya chen dag/ shAkya'i
- 27a
rigs rnams dga' bar mdzad pa yi/ / yum du legs ldan sgyu 'phrul 'gyur zhes zer// rigs yongs su dag pa'i le'u ste gsum pa'o// / dge slong dag de ltar byang chub sems dpa' skye ba'i rigs la rnam par bltas nas// dga' ldan gyi gnas kyi gzhal med khang chen po 'argya dang rgyar dpag tshad drug cu rtsa bzhi yod pa gang du byang chub sems dpa' 'dug ste/ / dga' ldan gyi lha rnams la chos ston pa rgyal mtshan mthon po zhes bya ba yod de// byang chub sems dpa' de gzhal med khang chen po der song nas phyin pa dang / dga' ldan gyi ris kyi lha'i bu thams cad la smras pa// khyed rnams 'dir 'du bar gyis shig/ 'chi 'pho ba rnam par sbyong ba zhes bya ba'i chos rjes su dran pa chos rjes su bstan pa tha ma'i chos mnyan pa byang chub sems dpa' las nyon cig/ de skad kyi tshig thos nas/ dga' ldan gyi ris kyi lha'i bu thams cad lha'i bu mo'i tshogs dang bcas te/ gzhal med khang chen po dor 'dus so// der byang chub sems dpas 'khor gyi khyams gling bzhi pa chen po'i 'jig rten gyi khams kyi tshad tsam du yangs par byin gyis brlabs par gyur nas// de de tsam du bzang zhing de tsam du blta na sdug la/ de tsam du rgyan gyis rgyas shing // de tsam du yid du 'ong bar gyur pa des/ 'dod pa na spyod pa dang / gzugs na spyod pa'i lha'i bu thams cad rang
- 27b
rang gi khyim gyi bkod pa la dur khrod lta bu'i 'du shes skyes par gyur to/ / de la byang chub sems dpa' rang gi bsod nams kyi rnam par smin pa'i rgyu mthun pas yongs su brgyan pa'i se/ ge'i khri nor bu rin po che du mas rtsa ba spras pa/ lha'i ras bcos bu'i stan du ma bting ba/ lha'i spros zhim po du mas bsgos pa/ bdug spos dam pa mchog tu bya ba du mas bdugs pa/ lha'i me tog kha dog du ma'i dgram pa bkram pa/ nor bu dang / rin po che'i 'od brgya stong du ma 'bar ba'i gzi brjid can/ nor bu rin po che du ma'i dra bas g.yogs pa/ rin po che'i dril bu g.yer ka'i dra ba du ma'i sgra byung bas mngon par dga' ba dang ldan pa/ rin po che'i dril bu brgya stong du ma mngon par dkrol ba'i sgra dang ldan pa/ rin po che dra ba brgya stong du mas yongs su gsal bar gyur pa/ rin po che gdugs brgya stong du mas kun nas bkab pa/ dar brgya stong du ma rab tu dpyangs pa/ dar gyi phreng ba lnga ldi brgya stong du mas shin tu brgyan pa/ lha'i bu mo brgya stong du mas glu blangs/ gar byas/ rol mo byas pa/ yon tan brgya stong du ma kun tu brjod pa/ 'jig rten skyong ba brgya stong du mas rjes su bsrungs pa/ brgya byin brgya stong du mas phyag byas pa/ tshangs pa brgya stong du mas rab tu btud pa/ byang chub sems dpa' bye ba khrag khrig brgya stong du mas yongs su bzung ba/ phyogs bcu'i sangs rgyas bye ba khrag khrig brgya stong du ma mtha' yas par
- 28a
d gongs pa bskal pa bye ba khrag khrig brgya stong dpag tu med par pha rol tu phyin pa tshogs su byas pa'i bsod nams kyi rnam par smin pa'i rgyu mthun pa las byung ba de lta bu la 'dug go/ dge slong dag de ltar na byang chub sems dpa' seng ge'i khri chen po yon tan de lta bu dang ldan pa la 'dug nas/ lha'i 'khor chen po de dag la smras pa// // grogs po dag byang chub sems dpa'i lus bsod nams brgya'i mtshan gyis legs par brgyan pa la ltos/ shar dang / lho dang nub dang / byang dang 'og dang / steng dang / phyogs bcu kun na byang chub sems dpab dga' ldan gyi gnas dam pa na 'khod cing / thams cad kyang srid pa tha ma pa la mngon du phyogs pa/ lha'i tshogs kyis yongs su bskor ba/ shi 'pho'i rnam pas lha rnams dga' bar byed pa'i chos snang ba'i sgo yang dag par ston pa tshad med pa/ grangs med/ bgrang ba las 'das pa dag la ltos/ de nas lha'i 'khor de dag thams cad kyis byang chub sems dpa'i byin gyis brlabs kyis byang chub sems dpa' de dag mthong bar gyur te/ mthong bar gyur nas kyang / byang chub sems dpa' ga la ba der logs su thal mo sbyar ba btud de/ yan lag lngas phyag 'tshal nas/ 'di skad du 'di ltar bdag cag gis bltas pa tsam gyis byang chub sems dpa' 'di snyed cig mthong ba ni/ byang chub sems dpa
- 28b
byin gyis brlabs bsam gyis mi khyab ste/ legs so zhes ched du brjod pa ched du brjod do// de nas byang chub sems dpas yang lha'i 'khor chen po de dag la bos nas/ 'di skad ces smras ste/ grogs po dag de bas na byang chub sems dpa' de dag lha'i bu de dag la gang ston pa shi 'pho'i rnam pas lha rnams dga' bar byed pa'i chos snang ba'i sgo nyon cig/ grogs po dag/ chos snang ba'i sgo brgya rtsa brgyad po 'di dag ni/ byang chub sems dpas 'chi 'pho ba'i dus la bab pa'i tshe/ lha'i 'khor la gdon mi za bar yang dag par bstan par bya ste/ brgya rtsa brgyad gang zhe na/ 'di lta ste/ grogs po dag dad pa ni chos snang ba'i sgo ste/ bsam pa mi phyed par 'gyur ro// dang ba ni chos snang ba'i sgo ste/ sems rnyog pa can dang par 'gyur ro// mchog tu dga' ba ni chos snang ba'i sgo ste/ lus shin tu sbyangs par 'gyur ro// dga' ba ni chos snang ba'i sgo ste/ sems rnam par dag par 'gyur ro// lus kyi sdom pa ni chos snang ba'i sgo ste/ lus kyi nyes pa rnam pa gsum yongs su dag par 'gyur ro/ / ngag gi sdom pa ni chos snang ba'i sgo ste/ ngag gi nyes pa bzhi yongs su spong bar 'gyur ro// yid kyi sdom pa ni chos snang ba'i sgo ste/ brnab sems dang / gnod sems dang / log par lta ba spong bar 'gyur ro// sangs rgyas rjes su dran pa ni chos snang ba'i sgo ste/ sangs rgyas mthong ba rnam par dag par 'gyur ro//
- 29a
chos rjes su dran pa ni chos snang ba'i sgo ste/ chos bstan pa rnam par dag par 'gyur ro// dge 'dun rjes su dran pa ni chos snang ba'i ska na/ skyon med par 'jug par 'gyur ro/ / gtong ba rjes su dran pa ni chos snang ba'i sgo ste/ rdzas thams cad rab tu spong bar 'gyur ro// tshul khrims rjes su dran pa ni chos snang ba'i sgo ste/ smon lam yongs su rdzogs par 'gyur ro/ / lha rjes su dran pa ni chos snang ba'i sgo ste/ sems rgya chen por 'gyur ro// byams pa ni chos snang ba'i sgo ste/ rdzas las byung ba'i bsod nams bya ba'i dngos po thams cad zil gyis gnon par 'gyur ro/ / snying rje ni chos snang ba'i sgo ste/ rnam par gtse ba med pa lhur len par 'gyur ro// dga' ba ni chos snang ba'i sgo ste/ mi dga' ba thams cad sel bar 'gyur ro/ / btang snyoms ni chos snang ba'i sgo ste/ 'dod pa la smod par 'gyur ro// mi rtag par so sor rtog pa ni chos snang ba'i sgo ste/ 'dod pa dang / gzug yod pa dang / gzugs med pa'i 'dod chags las yang dag par 'da' bar 'gyur ro// sdug bsngal du so sor rtog pa ni chos snang ba'i sgo ste/ smon lam kun tu chad par 'gyur ro// bdag med par so sor rtog pa ni chos snang ba'i sgo ste/ bdag la mngon par zhen pa med par 'gyur ro// zhi bar so sor rtog pa ni chos snang ba'i sgo ste/ rjes su chags pa 'bar ba
- 29b
med par 'gyur ro/ / ngo tsha shes pa ni chos snang ba'i sgo ste/ nang nye bar zhi bar 'gyur ro// khrel yod pa ni chos snang ba'i sgo ste/ phyi rol nye bar zhi bar 'gyur ro// bden pa ni chos snang ba'i sgo ste/ lha dang mi rnams mi slu bar 'gyur ro// yang dag pa ni chos snang ba'i sgo ste/ bdag slu ba med par 'gyur ro// chos spyod pa ni chos snang ba'i sgo ste/ chos la rten par 'gyur ro/ / gsum la skyabs su 'gro ba ni chos snang ba'i sgo ste/ ngan song gsum las yang dag par 'da' bar 'gyur ro// byas pa bzo ba ni chos snang ba'i sgo ste/ dge ba'i rtsa ba byas pa rnams chud mi za bar 'gyur ro/ / byas pa rig pa ni chos snang ba'i sgo ste/ gzhan la brnyas pa med par 'gyur ro// bdag shes pa ni chos snang ba'i sgo ste/ bdag la bstod pa med par 'gyur ro/ / sems can shes pa ni chos snang ba'i sgo ste/ gzhan la smod pa med par 'gyur ro// chos shes pa ni chos snang ba'i sgo ste/ chos kyi rjes su mthun pa'i chos la nan tan byed par 'gyur ro/ / dus shes pa ni chos snang ba'i sgo ste/ mthong ba don yod par 'gyur ro// nga rgyal bcom pa ni chos snang ba'i sgo ste/ ye shes yongs su rdzogs par 'gyur/ ro// zhe 'gras pa med pa'i sems can chos snang ba'i sgo ste/ bdag dang gzhan rjes su srung bar 'gyur ro// khon du 'dzin pa med pa ni chos snang ba'i sgo ste/ 'gyod pa med par 'gyur ro//
- 30a
mos pa ni chos snang ba'i sgo ste/ the tshom med pa lhur len par 'gyur ro// mi sdug pa so sor rtog pa ni chos snang ba'i sgo ste/ 'dod pa la rnam par rtog pa spong bar 'gyur ro/ / gnod sems med pa ni chos snang ba'i sgo ste/ gnod sems kyi rnam par rtog pa spong bar 'gyur ro// gti mug med pa ni chos snang ba'i sgo ste/ mi shes pa rnam par sel bar 'gyur ro/ / chos don du gnyer ba ni chos snang ba'i sgo ste/ don la rton par 'gyur ro// chos 'dod pa ni chos snang ba'i sgo ste/ chos snang ba thob par 'gyur ro// thos pa tshol ba ni chos sdang ba'i sgo ste/ tshul bzhin du chos la so sor rtog par 'gyur ro// yang dag pa'i sbyor ba ni chos snang ba'i sgo ste/ yang dag par nan tan byed par 'gyur ro// ming dang gzugs yongs su shes pa ni chos snang ba'i sgo ste/ chags pa thams cad las yang dag par 'da' bar 'gyur ro// rgyur lta ba yang dag par 'jom pa ni chos snang ba'i sgo ste/ rig pa dang rnam par grol ba thob par 'gyur ro/ / rjes su chags pa dang / khong khro ba spong ba ni chos sdang ba'i sgo ste/ mtho bar sems pa med cing dma' par sems pa med par 'gyur ro// phung po la mkhas pa ni chos snang ba'i sgo ste/ sdug bsngal yongs su shes par 'gyur ro// khams mnyam pa nyid ni chos snang ba'i sgo ste/ kun 'byung ba spong bar 'gyur ro// skye mched gsal ba ni chos snang ba
- 30b
sgo ste/ lam sgom par 'gyur ro// mi skye ba'i bzod pa ni chos snang ba'i sgo ste/ 'gog pa mngon du byed par 'gyur ro// lus la song ba'i dran pa ni chos snang ba'i sgo ste/ lus dben pa 'gyur ro/ / tshor ba la song ba'i dran pa ni chos snang ba'i sgo ste/ tshor ba thams cad rgyun chad par 'gyur ro// sems la song ba'i dran pa ni chos ldang ba'i sgo ste/ sems la sgyu ma lta bur so sor rtog par 'gyur ro/ / chos la song ba'i dran pa ni chos snang ba'i sgo ste/ rab rib dang bral ba'i ye shes su 'gyur ro// yang dag par spong ba bzhi ni chos snang ba'i sgo ste/ mi dge ba'i chos thams cad spong ba dang / dge ba'i chos thams cad yongs su rdzogs par 'gyur ro// rdzu 'phrul gyi rkang pa bzhi ni chos snang ba'i sgo ste/ lus dang sems yang bar 'gyur ro// dad pa'i dbang po ni chos snang ba'i sgo ste/ gzhan gyi dring mi 'jog par 'gyur ro// brtson 'grus kyi dbang po ni chos snang ba'i sgo ste/ shin tu rtogs pa'i ye shes dang ldan par 'gyur ro// dran pa'i dbang po ni chos snang ba'i sgo ste/ las legs par byas par 'gyur ro// ting nge 'dzin gyi dbang po ni chos snang ba'i sgo ste/ sems rnam par grol bar 'gyur ro// shes rab kyi dbang po ni chos snang ba'i sgo ste/ mngon sum gyi ye shes su 'gyur ro// dad pa'i stobs ni chos snang ba'i sgo ste/ bdud kyi stobs la yang dag par 'da' bar 'gyur ro// brtson 'grus kyi stobs ni chos snang
- 31a
ba'i sgo ste/ phyir mi ldog par 'gyur ro// dran pa'i stobs ni chos snang ba'i sgo ste/ mi 'phrog par 'gyur ro// ting nge 'dzin gyi stobs ni chos snang ba'i sgo ste/ rnam par rtog pa thams cad spong bar 'gyur ro// shes rab kyi stobs ni chos snang ba'i sgo ste/ mi thub par 'gyur ro// dran pa yang dag byang chub yan lag ni chos snang ba'i sgo ste/ chos ji lta ba bzhin du rab tu shes par 'gyur ro/ / chos rnam par 'byed pa yang dag byang chub kyi yan lag ni chos snang ba'i sgo ste/ chos thams cad yongs su rdzogs par 'gyur ro// brtson 'grus yang dag byang chub kyi yan lag ni chos snang ba'i sgo ste/ shin tu rtogs pa'i blo dang ldan par 'gyur ro// dga' ba yang dag byang chub kyi yan lag ni chos snang ba'i sgo ste/ ting nge 'dzin sgrub par 'gyur ro/ / shin tu sbyangs pa yang dag byang chub kyi yan lag ni chos snang ba'i sgo ste/ bya ba byas par 'gyur ro// ting nge 'dzin yang dag byang chub kyi yan lag ni chos snang ba'i sgo ste/ chos thams cad mnyam pa nyid du khong du chud par 'gyur ro// btang snyoms yang dag byang chub kyi yan lag ni chos snang ba'i sgo ste/ skye ba thams cad du smon par 'gyur ro// yang dag pa'i lta ba ni chos snang ba'i sgo ste/ skyon med par 'jug par 'gyur ro// yang dag pa'i rtog pa ni chos snang ba'i sgo ste/ rtog pa dang / rnam par rtog dang / yongs su rtog pa
- 31b
thams cad spong bar 'gyur ro/ / yang dag pa'i ngag ni chos snang ba'i sgo ste/ yi ge dang / sgra dang / skad dang / tshig gi lam thams cad brag cha dang mnyam pa nyid du rtogs par 'gyur ro// yang dag pa'i las kyi mtha' ni chos snang ba'i sgo ste/ las med cing rnam par smin pa med par 'gyur ro// yang dag pa'i 'tsho ba ni chos snang ba'i sgo ste/ tshol ba thams cad rgyun chad par 'gyur ro/ / yang dag pa'i rtsol ba ni chos snang ba'i sgo ste/ pha rol gyi ngogs su phyin par 'gyur ro// yang dag pa'i dran pa ni chos snang ba'i sgo ste/ dran pa med cing yid la byed pa med par 'gyur ro/ / yang dag pa'i ting nge 'dzin ni chos snang ba'i sgo ste/ sems mi 'khrugs pa'i ting nge 'dzin thob par 'gyur ro// byang chub kyi sems ni chos snang ba'i sgo ste/ dkon mchog gsum gyi rigs rgyun mi 'chad par 'gyur ro/ / bsam pa'i ni chos snang ba'i sgo ste/ theg pa dman pa la 'dod pa med par 'gyur ro// lhag pa'i bsam pa ni chos snang ba'i sgo ste/ sangs rgyas kyi chos rgya chen po la lhag par dmigs par 'gyur ro// sbyor ba ni chos snang ba'i sgo ste/ dge ba'i chos thams cad yongs su rdzogs par 'gyur ro// sbyin pa'i pha rol tu phyin pa ni chos snang ba'i sgo ste/ mtshan dang / dpe byad bzang po dang / sangs rgyas kyi zhing yongs su dag par 'gyur zhing / ser sna can gyi sems can yongs su smin par byed par 'gyur ro//
- 32a
tshul khrims kyi pha rol tu phyin pa ni chos snang ba'i sgo ste/ mi khom pa dang / ngan 'gro thams cad las yang dag par 'da' zhing // tshul khrims 'chal sems can yongs su smin par byed par 'gyur ro/ / bzod pa'i pha rol tu phyin pa ni chos snang ba'i sgo ste/ gnod sems dang / tha ba dang / zhe sdang dang / nga rgyal dang / dregs pa dang / rgyags pa spong bar 'gyur zhing / gnod sems can gyi sems can yongs su smin par byed par 'gyur ro// brtson 'grus kyi pha rol tu phyin pa ni chos snang ba'i sgo ste/ dge ba'i chos brtsams pa thams cad nyams su len par 'gyur zhing / le lo can gyi sems can yongs su smin par byed par 'gyur ro// bsam gtan gyi pha rol tu phyin pa ni chos snang ba'i sgo ste/ bsam gtan dang mngon par shes pa thams cad skyed cing / sems g.yengs pa can gyi sems can yongs su smin par byed par 'gyur ro// shes rab kyi pha rol tu phyin pa ni chos snang ba'i sgo ste/ ma rig pa dang / gti mug gi mun pa mun nag dang dmigs pa'i lta ba spong zhing / shes rab 'chal pa'i sems can yongs su smin par byed par 'gyur ro// thabs mkhas pa ni chos snang ba'i sgo ste/ sems can ji ltar mos pa bzhin du spyod lam ston cing sangs rgyas kyi chos thams cad sgrub par 'gyur ro// bsdu ba'i dngos po bzhi ni chos snang ba'i sgo ste/ sems can thams cad sdur
- 32b
cing byang chub brnyes pa las chos nod par 'gyur ro/ / sems can yongs su smin par bya ba ni chos snang ba'i sgo ste/ bdag gi bde ba la mi chags shing yongs su skyo ba med par 'gyur ro// dam pa'i chos yongs su 'dzin pa ni chos snang ba'i sgo ste/ sems can thams cad kyi kun nas nyon mongs pa spong bar 'gyur ro// bsod nams kyi tshogs ni chos snang ba'i sgo ste/ sems can thams cad nye bar 'tsho bar 'gyur ro/ / ye shes kyi tshogs ni chos snang ba'i sgo ste/ stobs bcu yongs su rdzogs par 'gyur ro// zhi gnas kyi tshogs ni chos snang ba'i sgo ste/ de bzhin gshegs pa'i ting nge 'dzin thob par 'gyur ro/ / lhag mthong gi tshogs ni chos snang ba'i sgo ste/ shes rab kyi mig thob par 'gyur ro// so so yang dag par rig pa la 'jug pa ni chos snang ba'i sgo ste/ chos kyi mig thob par 'gyur ro// rton pa la 'jug pa ni chos snang ba'i sgo ste/ sangs rgyas kyi spyan yongs su dag par 'gyur ro// gzungs thob pa ni chos snang ba'i sgo ste/ sangs rgyas kyi gsungs pa thams cad 'dzin par 'gyur ro// spobs pa thob pa ni chos snang ba'i sgo ste/ sems can thams cad legs par bshad pas tshim par byed par 'gyur ro/ / rjes su mthun pa'i chos kyi bzod pa ni chos snang ba'i sgo ste/ sangs rgyas kyi chos thams cad dang 'thun par 'gyur ro// mi skye ba'i chos la bzod pa ni chos snang ba'i sgo ste/
- 33a
lung bstan pa thob par 'gyur ro// phyir mi ldog pa'i sa ni chos snang ba'i sgo ste/ sangs rgyas kyi chos thams cad yongs su rdzogs par 'gyur ro// sa nas sar 'phar ba'i ye shes ni chos snang ba'i sgo ste/ thams cad mkhyen pa'i ye shes kyi dbang bskur bar 'gyur ro// dbang bskur ba'i sa ni chos snang ba'i sgo ste/ mngal du 'jug pa dang / btsas pa dang / mngon par 'byung ba dang / dka' ba spyad pa dang / byang chub kyi snying por 'gro ba dang / bdud 'dul ba dang / byang chub mngon par 'tshang rgya ba dang / chos kyi 'khor lo bskor ba dang / yongs su mya ngan las 'das pa chen po ston par 'gyur ro// grogs po dag/ 'di dag ni chos snang ba'i sgo brgya rtsa brgyad ces bya ba ste/ byang chub sems dpas 'chi 'pho ba'i dus kyi tshe// lha'i 'khor du gdon mi za bar gang bstan par bya'o// dge slong dag byang chub sems dpas chos snang ba'i sgo'i le'u 'di bstan pa'i tshe/ lha'i 'khor de dag las lha'i bu brgyad khri bzhi stong // bra na med pa yang dag par rdzogs pa'i byang chub tu sems bskyed par gyur to/ / lha'i bu sngon yongs su sbyang pa byas pa sum khri nyis stong ni mi skye ba'i chos la bzod pa thob par gyur to// lha'i bu bye ba sum cu rtsa drug ni chos rnams la chos kyi mig rdul med cing dri ma dang bral ba rnam par dag go/ dga' ldan gyi gnas thams cad kyang lha'i me tog gis pus mo nub tsam du yogs par
- 33b
gyur to/ / dge slong dag de ltar byang chub sems dpas lha'i 'khor de dag rgya cher dga' bar bya ba'i phyir/ de'i tshe tshigs su bcad pa 'di dag smras so// // gang gi tshe na dga' ldan gnas mchog nas/ / 'dren pa skyes bu seng ge 'chi 'pho'i tshe// lha rnams dag la tshig tu smra ba ni// bag med mtha' dag rnam par spong shes smra// lha yi dga' ba rnam mang ji snyed pa// yid kyis bsams pas 'byung ba dang ldan pa/ / thams cad las dge rgyu las byung ba ste// de ni dge ba'i las kyi 'bras bu yin// de lta bas na byas pa gzo bar gyis// sngon gyi dge bsags 'di ni zad gyur te/ / gang du mi bde sdug bsngal myong 'gyur ba// ngan song dag tu song bar gyur ta re// nga la gus par bya ba bskyed nas ni// chos gang thos par gyur pa de dag la// nan tan gyis ni rab tu sgrubs shig dang / / bde ba mtha' yas nges par thob par 'gyur// 'dod pa thams cad mi rtag brtan pa min// ther zug ma yin rmi lam 'dra ba ste// smig rgyu dang ni sgyu ma rnams dang 'dra/ / glog dang dbu ba 'dra zhing 'gyur ba yin// 'dod pa'i yon tan dag ni dga' bas ni// lan tshwa'i chu 'thungs bzhin du ngoms mi 'gyur// gang dag rdul med 'jig rten 'das pa yi/ / shes rab ldan pa de dag ngoms par 'gyur// lha mo dag dang 'grogs dang glu dbyangs ni// gar gyi ltad mo pa dang mtshungs shing 'dra// dper na 'dus pa dag ni khri las su// /
- 34a
phan tshun 'gro bar sbyor ba byed dang mtshungs// dge ba'i las byas rjes su 'brang byed cing // phyi bzhin 'gro bar byed pa ma gtogs par// 'dus byas dag la gros/ yod ma yin te// mdza' bshes nye du med cing 'khor kyang med// de lta bas ni lhan cig mthun byos la// phan tshun byams sems phan pa'i sems byos te// chos kyi spyad pa dag ni spyad par gyis/ / spyad pa legs par spyad la gdung ba med// thos dang tshul khrims sbyin la dga' gyur cing // bzod dang nges pa phun sum tshogs kyis te// sangs rgyas dang ni chos dang dge 'dun dang / / de bzhin bag yod pa dag dran par gyis// rten pa med cing sdug bsngal bdag med la// rgyu dang rkyen rnams dag ni ldan gyur cing // bdag po med la bems por gyur pa yi/ chos 'di dag la tshul bzhin brtag par gyis// nga la rdzu 'phrul dag ni gang yod dang // spobs pa ye shes dbang rnams gang thob pa// kun kyang las dge 'i rgyu las byung ba ste// thos pa tshul khrims bag yod rnams las byung / / sems can don dang phan dang byams don du// nga yi tshul khrims dang ni thos pa dang // bag yod pa dang sbyin dang dul ba dang // yang dag sdom pa'i rjes su bslab par gyis/ / ngag dang skad dang sgra rnams tsam gyis ni// dge ba'i chos rnams sgrub par mi nus kyis// nan tan snying por bya bas sgrub bos sgrub byos la// ji skad
- 34b
smras pa de bzhin bya bar byos/ / gzhan gyi gleng ba'i skabs ni ma dbye bar// bdag gis rtag tu sgrims pas 'bad par gyis// la las byas shing sbyin pa yod ma yin// ma byas par yang / 'grub par 'gyur ba med// sngon chad 'khor bar 'khor tshe sdug bsngal dag/ myong bar gang gyur de ni dran par gyis// khyed cag log pa nyid du nges pas na// mya ngan las 'das 'dod chags bral ma thob/ / de lta bas na dal dang bshes gnyen dang // tshul dang mthun pa'i yul du gnas pa dang // chos mnyam dam pa thob par byas nas ni// 'dod chags la sogs nyon mongs zhi bar gyis/ / nga rgyal dang ni rgyags dang dregs mthong la// rtag tu mnyen zhing dran la g.yo med cing // mya ngan 'das par 'gro la gzhol byos te// lam rtog bya ba'i phyir ni sbyor bar gyis/ / gti mug rnyog pa'i mun pa thams cad kyang // shes rab sgron mas rnam par bsal bar gyis// bag la nyal bcas skyon gyi dra ba rnams// ye shes rdo rje yi ni rnam par grol// shin tu mang por smra ba ci dgos te// don dang yang dag ldan pa'i chos de la// khyed cag gnas pa byas par ma gyur na// de la chos kyis len pa ma yin no// gang tshe ngas ni byang chub thob gyur te/ / 'chi med 'gro ba'i chos char 'bebs pa'i tshe// rnam par dag pa'i sems dang ldan pa khyed// chos kyi dam pa mnyan pa'i phyir shes shig/ chos snang ba'i sgo'i le'u ste/
- 35a
bzhi pa'o// // dge slong dag de ltar byang chub sems dpas lha'i 'khor chen po de dag la chos kyi gtam 'di yang dag par bstan// yang dag par 'dzin du bcug/ yang dag par gzengs bstod// yang dag par dga' bar byas// bzod par byas nas// lha'i 'khor bkra shis dang ldan pa rnams la smras pa/ grogs po dag kho bo ni 'dzam bu'i gling du 'gro'o/ / kho bo sngon byang chub sems dpa'i spyad pa spyod pa'i tshe/ sems can rnams bsdu ba'i dngos po sbyin pa dang / snyan par smras pa dang / don spyad pa dang / don mthun par bya ba bzhi las mgron du bos la/ grogs po dag de kho bo bla na med pa yang dag par rdzogs pa'i byang chub tu mngon par rdzogs par 'tshang mi rgya bar 'dug pa de ni/ kho bos byas pa ma shes shing rigs pa ma yin par 'gyur ro/ / de nas dga' ldan gyi ris kyi lha'i bu de dag ngu zhing byang chub sems dpa'i rkang pa gnyis la 'jus te 'di skad ces 'dzer to// skyes bu dam pa khyod mi bzhugs na/ dga' ldan gyi gnas 'di mdzes par mi 'gyur ro// de nas byang chub sems dpas lha'i 'khor chen po de dag la 'di skad du/ byang chub sems dpa' byams pa 'dis khyed la chos ston par 'gyur ro zhes de skad smras te/ de nas byang chub sems dpas rang gi mgo las thod dang cod pan phog ste/ byang chub sems dpa' byams pa'i mgo la bzhag nas 'di
- 35b
skad du/ skyes bu dam pa khyod ni nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes de skad smras te/ de nas byang chub sems dpas/ byang chub sems dpa' byams pa dga' ldan gyi gnas dam par dbang bskur nas/ yang lha'i 'khor chen po de dag la smras pa/ grogs po dag/ kho bos ji lta bu'i gzugs kyis ma'i mngal du 'gro bar bya/ de la kha cig na re bram ze'i khye'u'i gzugs su gshegs par rigs so zhes zer ro// la la na re brgya byin gyi gzugs su/ la la na re tshangs pa'i gzugs su/ la la na re rgyal po chen po'i gzugs su/ la la na re rnam thos kyi bu'i gzugs su/ la la na re sgra gcan gyi gzugs su/ la la na re dri za'i gzugs su/ la la na re mi 'am ci'i gzugs su/ la la na re lto 'phye chen po'i gzugs su/ la la na re dbang phyug chen po'i gzugs su/ la la na re zla ba'i gzugs su/ la la na re nyi ma'i gzugs su/ la la na re nam mkha' lding gi dbang po'i gzugs su bzhud pa'i rigs so zhes zer ro// de nas tshangs rigs kyi lha'i bu gzi brjid dam pa zhes bya ba sngon drang srong las shi 'phos pa/ bla na med pa yang dag par rdzogs pa'i byang chub las phyir mi ldog pa zhig 'dug pa des 'di skad ces smras so// bram ze rnams kyi gsang sngags kyi
- 36a
tshig rig byed kyi bstan bcos las ji skad du 'byung ba de lta bu'i gzugs su byang chub sems dpa' sus kyi lhums su bzhud pa ni rigs so/ / de bang ci 'dra zhe na/ glang po dam pa lus chen mchog gyur pa// mche ba drug can gser gyi thabs g.yogs// mgo bo rab tu dmar zhing shin tu mdzes// 'gram nas zag cing gzugs ldan dpal ldan pa'o/ / rig byed bstan bcos yang dag mkhas pa yi// bram zes rnam pa de 'dra de shes nas// sum cu rtsa gnyis mtshan dang ldan 'gyur zhes// yang dag nyid du lung ni ston par 'gyur/ / dge slong dag de ltar byang chub sems dpas skye ba'i dus la bltas nas/ dga' ldan gyi gnas dam pa na gnas bzhin du/ rgyal po zas gtsang ma'i khyim dam pa der snga ltas brgyad bstan to/ / brgyad gang zhe na/ 'di lta ste/ khyim de rtswa dang / sdong dum dang / tsher ma dang / gseg ma dang / gyo mo med cing / dri ma med la/ chag chag legs par btab pa dang / phyag dar legs par byas shing / rlung rdul can dang / mun pa dang / rdul dang bral ba dang / sbrang ma dang / sha sbrang dang / sbrang bu dang / phye ma leb dang sdig sprul med cing / me tog gi kun tu gang ba/ lag mthil ltar mnyam par gnas par gyur te/ 'di ni snga ltas byung ba dang po'o// ri'i rgyal po gang ri la bya 'dab spen dang
- 36b
ne tso dang / ri skegs dang / khu byug dang / ngang pa dang / rma bya dang / ngur pa dang / kun la dang / ka la bing+ge dang / shang shang ti'u la sogs pa/ sgro shog sna tshogs mdzes pa/ yid du/ 'ong zhing snyan pa'i sgra 'byin pa'i bya'i tshogs gang dag gnas pa de dag der 'ongs nas/ rgyal po zas gtsang ma'i khyim dam pa de'i stegs bu dang / ba gam dang / rta babs dang / skar khung dang / bsil khang dang / khang pa brtsegs pa dang / khang bzangs kyi steng dag tu gnas shing / dga' ba dang / mgu ba dang / yid bde ba skyes nas/ rang rang gi sgra skad dag 'byin te/ 'di ni snga ltas byung ba gnyis pa'o// gang yang rgyal po zas gtsang ma de'i kun dga' ra ba nyams dga' ba dang / nags tshal nyams dga' ba dang / skyed mos tshal nyams dga' ba dag na/ me tog dang / 'bras bu'i shing ljon pa sna tshogs dus tha dad par 'byung ba de thams cad kyang kha 'bus shing me tog rgyas par gyur te/ 'di ni snga ltas byung ba gsum pa'o// rgyal po zas gtsang ma'i chu'i longs spyod kyi rkyen rdzing la sogs pa gang dag yod pa de dag thams cad kyang / pad+ma 'dab ma bye ba khrag khrig brgya stong du ma dang ldan pa/ tshad shing rta'i 'phang lo tsam dag gis khebs par gyur te/ 'di ni snga ltas byung ba bzhi pa'o// rgyal po zas gtsang ma'i khyim dam pa de na mar dang / 'bru mar dang / sbrang rtsi dang / bu ram gyi dbu ba dang /
- 37a
sha kha ra la sogs pa bza' ba'i rnam pa gang dag yod pa de dag kyang / yongs su spyad pas zad par mi 'gyur zhing yongs su gang bar snang ste/ 'di ni snga ltas byung ba lnga pa'o/ / rgyal po zas gtsang ma'i khyim mchog dam pa dang / btsun mo'i 'khor chen po dag na/ rnga bo che dang / rdza rnga dang / khar dza dang / rgyud gcig pa dang / bi wang dang gling bu dang / rgyud gsum pa dang / khar ba sol khril dang / pheg la sogs pa rol mo'i cha spyad gang dag yod pa de dag thams cad kyang ma blangs/ ma dkrol bar yid du 'ong ba'i sgra rang sgrog par gyur te/ 'di ni snga ltas byung ba drug pa'o// rgyal po zas gtsang ma'i khyim mchog dam pa na/ gser dang / dngul dang / nor bu dang / mu tig dang / bai DUn+da dang / dung dang man shel dang / byi ru la sogs pa/ rin po che sna tshogs kyi snod gang dag yod pa de dag thams cad kyang kha bye zhing / dri ma med la rnam par dag cing rab tu gang bar snang ste/ 'di ni snga ltas byung ba bdun pa'o/ / nyi zla'i 'od zil gyis rlag par byed cing / lus dang sems dga' ba skyed pa'i 'od dag cing dri ma med pas snang bar gyur te/ 'di ni snga ltas byung ba brgyad pa'o// / / 'phags pa rgya cher rol pa zhes bya ba theg pa chen po'i mdo// bam po gsum pa// lha mo sgyu 'phrul yang khrus byas// lus byug pas
- 37b
byugs/ rgyan sna tshogs kyis lag pa shin tu brgyan te/ gos shin tu 'jam pa mchog bgos shing / btsun spu dang bcas la/ dga' ba dang / mchog tu dga' ba dang / rangs pa thob nas/ bud med stong phrag bcus bskor cing mdun du bdar te lhan cig tu/ rgyal po zas gtsang ma rol mo bya ba'i khang bzangs na/ bde bar gnas pa'i drung du phyin te/ g.yas rol na khri bzang po rin po che'i dra bas brgyan pa la 'dug nas/ 'dzum pa'i bzhin khro gnyer med cing / rab tu dang ba'i mchog gis rgyal po zas gtsang ma la tshigs su bcad pa 'di dag smras so// rgyal po sa bdag legs par bdag la gsan du gsol// rgyal po khyod la gsol gyis bdag la de gnod shig/ bdag gi bsam pa yid la ci mchis cir dga' ba// de dag bdag la gsan cing thugs dgyes rangs par mdzod/ / lha bdag nyer gnas tshul khrims brtul zhugs len par gsol// bdag ni 'gro la byams pas yan lag brgyad len te/ srog/ chags gnod pa spangs shing bsam pa rtag dag pas/ ji ltar bdag la byams pa de ltar gzhan la bgyi// rku sems rnam par spangs te 'dod dang dregs pa spangs/ rgyal po 'dod pa rnams la log par g.yem mi bgyid/ / bden la gnas shing phra ma ma mchis zhe gcod spangs// mi dge kyal pa'i tshig kyang yongs su mi spyod do// gnod sems zhe sdang tha ba gti
- 38a
mug rgyags pa dang / / brnab sems kun spangs rang gi nor gyis 'tshal bar bgyi// yang dag sbyor bas kha gsag tshul 'chos phrag dog spangs// dge bcu las lam 'di dag bdag gis spyad par bgyi/ / bdag ni tshul khrims brtul zhugs mngon dga' rab bsdams kyis// mi yi dbang po dag la bzhed pas sred ma mdzad// rgyal po khyod la yun rings mi dger gyur du mchi/ / bdag gi tshul khrims brtul zhugs nyer gnas dgyes par mdzod// rgyal po bdag gi 'tshal ba 'di lags de myur stsol// khang bzangs bsil khang ldan pa dang skya ldan pa'i nang / / me tog bkram pa'i mchis mal 'jam zhing dri bda' bar// grogs mos rtag tu bskor cing bde dgar gnas snyam bgyid// skyes pa nyung rum rnams dang de bzhin khye'u dag dang / / bud med phal pa rnams kyang mdun na mchis mi 'tshal// snyan cing yid mchi sgra snyan nyan pa ma gtogs par// gzugs dang sgra gsung yid du mi mchi bdag mi 'tshal/ / bcings dang btson rar stsal pa thams cad dgye bar gsol// nor gyis brel ba'i mi rnams nor dang ldan par mdzod// zas skom rang ba shing rta khyogs dang byin pa rta// 'gro ba bde ba'i slad du dgung bdun stsal pa mdzod// pho brang 'di na skyes pa khye'u dang bud med dag/ ji snyed mchis pa 'thab rtsod khro ba'i tshig bral zhing // phan tshun byams pa'i yid ldan
- 38b
phan dang des sems kyis/ / dga' tshal gnas pa'i lha ltar mthun zhing bde spyod mdzod// rgyal po'i chad pa che phra gnyer gyis bda' ba dang // gnod pa bgyi dang brdeg gcog sdig ru mi mdzad par/ / kun la'ang dang ba'i thugs kyis byams dang phan dgongs te// lha yis skye bo rnams la sras gcig bzhin du gzigs// rgyal pos de skad tshig thos rab tu dga' gyur nas smras pa khyod ni ci 'dod de kun de bzhin bya/ / khyod kyis bsam pa yid kyis gang rnams rjes bsam shing // khyod kyis mchog blangs gang yin de ni ngas sbyin no// rgyal po'i dam pas rang gi 'khor la bsgo ba ni/ / khang bzangs dam pa'i steng du phun sum tshogs pa shoms// me tog mdzes pa khrom la bdug spos mchog gis bdugs// gdugs dang ba dan ta la'i phreng ba'i rgyan kyang gyis/ / thab phod stong phrag nyi shu sna tshogs go cha can// mda' mdung lpags mda' mdung thung ral gri thogs pa dag/ yid 'ong sgra gcan dang skya ldan pa skor gyis te/ lha mo 'jigs pa med par bya phyir srung zhing gnas/ / khrus byas spos byug gos mchog dag gis yan lag brgyan// bud med rnams kyis de bskor lha yi bu mo 'dra// yid du 'ong ba'i sgra ldan sil snyan stong blangs te/ / lha mo der zhugs lha yi bu mo bzhin du gnas// lha yi rin chen rin thang chen pos rtsi spras pa// khri la gos mchog mang pos yid 'ongs mal bshams te/
- 39a
mal phyin gtsug gi nor bu rin chen klong byas nas// 'dres pa'i nags tshal lha yi bu mo bzhin du gnas/ dge slong dag de nas rgyal po chen po bzhi dang / lha'i dbang po brgya byin dang / lha'i bu rab 'thab bral dang / yongs su dga' ldan dang / rab 'phrul dga' dang / gzhan 'phrul dbang byed dang / bdud kyi bu ded dpon dang / mi mjed kyi bdag po tshangs pa dang / mdun na 'don tshangs mchog dang / mdun na 'don tshangs bzangs dang / 'od bkod pa dang / 'od gsal dang // gnas gtsang ma'i ris kyi dbang phyug chen po dang / mthar thug dang / bog min pa dang / de dag la sogs pa dang / gzhan yang lha brgya stong mang po 'dus te/ gcig la gcig 'di skad ces smras so// grogs po dag bdag cag gis byang chub sems dpa' gcig pu gnyis su med par gshegs su gsol na/ bdag cag gis byas pa ma shes par 'gyur te/ bdag cag la mi chas/ grogs po dag khyed kyi nang nas/ byang chub sems dpa' thog ma yum gyi lhums su gshegs pa dang / lhums su bzhugs pa dang / bltams pa dang / thor bu dang / byis pa'i nang na rol pa dang / btsun mo'i 'khor gyi nang na bzhugs pa dang / rol mo gzigs pa dang / mngon par 'byung ba dang / dka' ba spyod pa dang / byang chub kyi snying por gshegs pa dang / bdud 'dul ba dang /
- 39b
byang chub tu mngon par rdzogs par 'tshang rgya ba dang / chos kyi 'khor lo bskor ba dang / mya ngan las 'das pa chen po bstan gyi bar du/ phan pa'i sems dang / dga' ba'i sems dang / phangs pa'i sems dang / byams pa'i sems dang / gnyen pa'i sems kyis rtag par rgyun du byang chub sems dpa'i zham 'bring na 'khod par su dag spro// de'i tshe tshigs su bcad pa 'di dag kyang smras so/ / khyed las su zhig rtag tu dga' yid kyis// gzugs mchog mnga' ba'i zham ring byed par spro// su dag rang gi bsod nams gzi brjid dang / / stobs dang grags pa rnam par spel bar 'dod// gang zhig lha yi pho brang 'di dag na// lha mo dag dang 'dod pa'i yon tan gyi// lha yi bde bas dga' bar 'dod pa dag/ dri med zla ba'i zhal gyi zham ring gyis// de bzhin 'dres pa'i nags tshal mdzes pa mchog/ lha yi 'byung gnas lha yi pho brang na// gser mdog me tog rgyas par dga' 'dod na/ / dri med gzi brjid mnga' ba'i zham ring gyis// gang gis sna tshogs shing rta de bzhin du// dga' tshal me tog man dar 'dab rgyas su// lha mo lhan cig rtse bar 'dod pa dag/ skyes bu chen po 'di yi zham ring gyis// 'thab bral ba dag po 'am dga' ldan bdag po 'am// yang na dbang phyug 'gyur bar 'dod pa dang // 'gro ba kun gyi mchod
- 40a
'os 'dod pa dag/ grags pa mtha' yas padi yi zham ring gyis// gang zhig 'phrul dga'i khang pa mdzes pa dang // dbang sgyur lha yi gnas su rtse 'dod cing/ yid kyi 'phrul gyis thams cad spyod 'dod pa// yon tan mchog mnga' bdi yi zham ring gyis// bdud kyi dbang po zhe sdang yid med pa// rdzu 'phrul dbang phyug kun gyi mthar phyin pa'i/ 'dod pa'i dbang phyug dbang mthar phyin 'dod na// phan pa dzad pa 'di dang lhan cig deng // de bzhin 'dod pa'i khams las 'da' byas te// tshangs pa'i gnas su gnas par su 'dod pa/ / de ni tshad med bzhi yi gzi mnga' ba// skyes bu chen po'i zham ring deng nas kyis// 'on tam gang zhig mi yi nang dag tu// 'khor los sgyur yul yangs par skye 'dod na/ / rin chen 'byung gnas mi 'jigs bde sbyin pa// bsod nams yangs pa mnga' ba'i zham ring gyis// gang zhig sa bdag de bzhin tshong dpon bu// phyug cing sgyid la nor mang tshogs chen dang / / dgra yi dpung bcom 'khor dang ldan 'dod pa// de ni phan mdzad 'di dang lhan cig deng // gzugs dang longs spyod de bzhin dbang phyug dang // snyan pa grags dang spobs dang yon tan dang / / gzung 'os tshig dang mnyan pa'i tshig 'dod pa// de ni tshangs dbyangs mkhas pa'i gan du song // lha dang mi yi 'dod pa gang yin dang // srid pa gsum gyi bde ba thams
- 40b
cad dang / / bsam gtan bde dang dben pa'i dpe 'dod pa// de ni chos kyi dbang phyug zham ring gyis// 'dod chags dang ni zhe sdang spang ba dang // nyon mongs mun pa sel bar su 'dod cig// zhi ba rab zhi nyer zhi yid ldan pa// de ni thugs dul zham ring myur du song // gang zhig slob dang mi slob rang rgyal dang // thams cad mkhyen pa'i ye shes thob 'dod dang // stobs bcus seng ge'i sgra sgrogs su 'dod pa/ / de ni yon tan rgya mtsho mkhas drung song // gang zhig ngan song rnams kyi lam gcod cing // bzang 'gro 'chi ba med pa'i lam dbye dang // yan lag brgyad lam 'gro bas 'gro 'dod na/ / 'gro lam mthar phyin 'di yi zham ring gyis// gang zhig bde gshegs yongs su mchod pa dang // thugs rje mnga' ba de las chos nyan dang // dge 'dun yon tan thob par 'dod pa ni/ / yon tan rgya mtsho 'di yi zham ring gyis// skye rga na 'chi'i sdug bsngal zad pa dang // 'khor ba'i bcings pa rnam par grol ba dang // nam mkha'i mtha' mnyam rnam dag spyod 'dod pa/ / de ni sems can dag pa'i zham ring gyis// 'gro ba kun na yid 'ong sdug mdzes shing // gzugs mchog mtshan dang yon tan rgyas pa dang // bdag dang de bzhin gzhan yang / 'grol 'dod pa// de ni blta sdug mkhas pa'i gan du song // tshul khrims ting 'dzin de bzhin shes rab dang // zab cing blta dka' gting dpag dka' ba yi// rnam grol thod 'dod mkhas pa/
- 41a
gang yin de// sman pa'i rgyal po'i gan du myur du song // yon tan 'di dang gzhan yang rnam mang dang // srid pa'i bde dang de bzhin mya ngan 'das// yon tan thams cad rab tu rdzogs 'dod pa/ / de ni brtul zhugs grub mkhas gan du song // tshig de thos nas rgyal chen bzhi'i ris kyi lha 'bum phrag brgyad cu rtsa bzhi dang / sum cu rtsa gsum gyi lha 'bum dang / 'thab bral gyi lha 'bum dang / dga' ldan gyi lha 'bum dang / 'phrul dga'i lha 'bum dang / bdud kyi ris kyi lnga sngon gyi dge ba'i las kyis byung ba drug khri dang / tshangs ris kyi lha drug khri brgyad stong dang / 'og min gyi bar gyi lha brgya stong mang po dag 'dus par gyur pa dang / gzhan yang shar phyogs dang / lho phyogs dang / nub phyogs dang / byang phyogs nas lha'i bu brgya stong mang po 'dus par gyur pa de dag las gang dag mchog tu bya ba'i lha'i bu dag gis lha'i 'khor chen po de dag la tshigs su bcad pa 'di dag smras so/ / bdag cag rnams kyi bsam pa yang dag ci 'dra yi/ / tshig 'di lha yi dbang po bdag gis gsan du gsol// 'dod pa'i dga' byor bsam gtan bde ba mchog spangs te// sems can dag pa dam pa 'di yi zham ring bgyi// lhums su gshegs dang lhums na bzhugs dang bltams pa'i tshe/ / bdag nyid chen po mchod 'os shin tu mchod par bgyi// bsod nams dag gis bsrungs pa'i drang srong yongs bsrungs nas//
- 41b
zhe sdang sems kyis sus kyang glags rnyed 'gyur ma mchis// glu dbyangs sil snyan rol mo'i dbyangs sba legs bsgrags pas// yon tan rgya mtsho mnga' ba'i yon tan bsngags brjod de// gang thos skye bo byang chub mchog tu sems bskyed pa// lha dang mi rnams thams cad rab tu dga' bar bgyi// rgyal po'i pho brang me tog bsil mas rgyas par dgang // a ga ru mchog nag pos bdugs te dri zhim bgyi/ / de yi dri chor lha mi rab tu dga' 'gyur zhing // nad med rims nad bral zhing bde bar 'gyur bar bgyi// me tog man+da ra dang kun nas 'du ba dang // sim byed rab tu sim byed sba la rnam snang dang / / me tog bzang pos phrin las dge las byung ba de// mchod pa'i slad du ser skya'i grong kun dgang bar bgyi// ji srid yum gyi lhums na dri gsum mgos bzhugs/ / ji srid rga shi mthar phyin bltams par gyur gyi bar// de srid dus su dang ba'i yid kyi zham ring bgyi// blo gros che mnga' mchod pa bgyi bar bdag cag sems// bltams nas gom pa bdun gshegs brgya byin tshangs pa yis/ / lag tu blangs te spos chu dag gis sku bsil ba// sems can rnam par dag pa de ni mthong ba yi// lha mi de dag thob pa rgya chen legs par 'thob/ / ji srid bar du 'jig rten rjes su mthun mdzad cing // 'dod pa'i nyon mongs 'joms mdzad btsun mo'i nang bzhugs la// ji srid cig na rgyal srid kun spangs khab nas 'byung
- 42a
de srid dus su dang ba'i sems kyis zham ring bgyi/ / ji srid cig na ran bsnams byang chub snying por gshegs// ji srid gcig na bdud bcom byang chub reg gyur cing / tshangs pa khrag khrig 'khor lo bskor bar gsol btab pa// de srid bde bar gshegs la mchod pa rgya chen bgyi// sems can bye ba khrag khrig 'chi med btul gyur te// stong gsum khams su sangs rgyas phrin las nam langs nas/ / zhi zhing bsil ba'i mya ngan 'das par gshegs gyur pa// de srid kun gyis drang srong grags chen gtang mi bgyid// dge slong dag de nas 'dod pa na spyod pa'i lha'i bu mo de dag gis byang chub sems dpa'i lus gzugs phun sum tshogs pa mthong nas/ 'di snyam du sems te/ sems can dag pa mchog dam pa ji lta bu 'dzin par 'gyur ba'i na chung de ni ji lta bu zhig yod snyam nas/ de dag ngo mtshar du gyur te/ me tog dang / spos dang / phreng ba dang / byug pa mchog tu bya ba dag khyer nas lha'i lus yid las grub pa thob cing / bsod nams kyi rnam par smin pa'i rdzu 'phrul gyis byin gyis brlabs pa de dag skad cig de nyid la lha'i pho brang de nas mi snang bar gyur te/ ser skya'i grong khyer chen po dam pa bskyed mos tshal brgya stong gis brgyan pa/ rgyal po zas gtsang ma'i khyim mchog khang bzangs chen po dang skya ldan zhes bya ba lha'i dbang po'i pho brang lta bu der phyin nas/ lha'i bu mo gos
- 42b
lcug lhug po gyon pa/ dge ba dri ma med pa'i bsod nams gzi brjid kyis rab tu brgyan pa/ lha'i rgyan gyis lag pa shin tu brgyan pa de dag gis lha mo sgyu 'phrul mal mchog gi steng na 'dug pa mthong nas/ phan tshun mdzub mos ston cing / nam mkha'i dkyil na 'khod de gcig la gcig tshigs su bcad de smras pa/ lha gnas 'khod pa'i lha yi bu mo rnams// yid 'ong byang chub sems dpa'i sku mthong nas// de tshe de dag 'di snyam sems gyur te// byang chub sems dpa'i yum 'gyur ci 'dra snyam// lag na me tog phreng can de dag rnams// the tshom skyes nas rgyal po'i pho brang du/ / me tog de bzhin byug pa thogs nas su// sor bcu thal mo sbyar te 'dud cing lhags// lcug lcug gos gyon 'jo bag gzugs 'chang bas// lha mo sgyu 'phrul mal steng gnas mthong nas/ / lag pa g.yas pa'i sor mos phyag byas te// mi yi bud med gzugs la legs ltos 'dzer// bdag cag nga rgyal sems kyis mngon sems pa/ lha yi bu mo'i gzugs mchog yid 'ong snyam// rgyal po'i btsun mo 'di yi gzugs mthong na// lha yi lus kyang zil gyis non par mthong // 'di ni gang zag mchog gis yum 'gyur du/ / yon tan ldan pas shin tu gsha' zhing 'os// nor bu rin chen snod bzang gnas pa ltar// lha mo 'di ni lha yi lha snod yin// rkang lag mthil dang spyi bo man chad du// yan lag yid
- 43a
bong lha las lhag pa ste/ / mig gis blta na ngoms par 'gyur ma yin// yid dang sems ni phyir zhing dga' bar 'gyur// 'di yi la bzhin lus mdzes sprug pa ni/ / nam mkha'i dkyil na zla ba mdzes pa 'dra// nyi ltar dri med me ltar 'bar ba ste// 'di yi lus las 'od gsal bzang po 'byung // gser sbram bcom bzang po'i gser bzhin du lha mo 'di yi kha dog rnam par mdzes/ / 'di yi sgra ni 'jam gtsang dri zhim ste// bung ba mchog gi mdog 'dra lcang lor 'khyil// 'di yi mig ni pad+mo'i 'dab ma 'dra// rnam dag son nam mkha'i skar ma bzhin/ / sked pa gzhu ltar phra zhing sta zur yangs// phrag pa zlum zhing tshig rnams mngon pa med// brla legs glang po mchog gi sna 'dra ste// byin pa shin tu legs pa byin gyis phra/ / rkang lag mthil mnyam shin tu dmar ba ste// 'di ni gzhan min lha yi bu mor nges// de ltar rnams mang du mar blta byas nas// me tog gtor te bskor ba byas nas ni/ / grags ldan rgyal ba'i yum la bstod byas te// skad cig gcig gis phyir yang lha gnas dong // de nas phyogs bzhi skyong ba bzhi po dang // 'thab bral rab dang brgya byin 'phrul pa dang / / lha tshogs lha min grul bum srin po dang // mi 'am ci dang lto 'phye ches smras pa// skyes bu mchog gi mdun du khyed deng la// skyes bu dam pa de la bsrung dang bskyab
- 43b
pa bgyis/ / 'gro ba dag la yid kyis sdang ma byed// mi rnams la yang gtse ba ma byed cig/ lha mo sgyu 'phrul khyim mchog gang gnas pa// der ni mthun par 'khor dang lhan cig kun// mda' gzhu ral gri mdung thung mtshon thogs la// nam mkha'i dkyil na gnas te blta bar gyis// de ltar shi 'pho'i dus shes lha bu rnams// me tog de bzhin byug pa thogs nas ni// sor bcu'i thal mo sbyar te 'dud byos la/ / dga' ba'i sems kyis sgyu 'phrul drung du dang // smra ba'i seng ge'i dus ni deng lags kyis// 'jig rten kun la thugs rjes brtse bskyed de// mi dbang sems can dag la 'chi 'pho ston/ / mchod sbyin don du bdag cag gsol ba 'debs// dge slong dag de nas byang chub sems dpa' 'chi 'pho ba'i dus kyi tshe// shar phyogs nas byang chub sems dpa' skye ba gcig gis thogs pa/ / dga' ldan gyi gnas dam pa na gnas pa brgya stong phrag mang po dag/ byang chub sems dpa' la mchod pa bya ba'i phyir/ byang chub sems dpa' ga la ba der lhags so/ / de bzhin du phyogs bcu'i phyogs re re nas kyang byang chub sems dpa' skye ba gcig gis thogs pa// dga' ldan gyi gnas dam pa na gnas pa brgya stong phrag mang po dag/ byang chub sems dpa' la mchod pa bya ba'i phyir/ byang chub sems dpa' ga la ba der lhags so// rgyal chen bzhi'i rigs kyi lha rnams kyi nang nas// lha'i bu mo 'bum
- 44a
phrag brgyad cu rtsa bzhi sil snyan dang / glu dbyangs sna tshogs len cing / byang chub sems dpa' la mchod pa bya ba'i phyir// byang chub sems dpa' ga la ba der lhags so/ / de bzhin du sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyi nang nas lha'i bu mo 'bum phrag brgyad cu rtsa bzhi sil snyan dang / glu dbyangs sna tshogs len cing byang chub sems dpa' la mchod pa bya ba'i phyir/ byang chub sems dpa' ga la ba der lhags so// de nas byang chub sems dpa' khang pa rtsegs pa chen po bsod nams thams cad kyis yang dag par byung ba dpal gyi snying po lha rnams kyis kun nas blta ba'i nang du 'dug ste/ byang chub sems dpa' de dag dang / lha bye ba khrag khrig brgya stong phrag stong gis yongs su bskor cing mdun du bdar nas/ dga' ldan gyi gnas dam pa nas bskyod par brtsams so// dge slong dag de ltar bskyod par brtsams pa'i tshe// byang chub sems dpas 'od gang gis stong gsum gyi stong chen po'i 'jig rten gyi khams 'di ltar rgya che zhing yangs la/ thag gru che ba 'dir sngan chad ma byung ba'i 'od snang ba lha'i 'od las shin tu 'das pas yongs su gsal zhing snang bar gyur to/ / 'jig rten gyi bar gang sdig pa sdig pas khebs nas/ mun pa mun nag smag tu gyur pa/ snang ba med pa/ gang du nyi ma dang zla ba 'di dag
- 44b
'di ltar rdzu 'phrul che zhing 'di ltar mthu che la/ 'di ltar dbang che bar grags pas kyang / 'od dang / kha dog dang / gzi brjid kyi lam mer ma gyur/ thal ler ma gyur/ lhang nger ma gyur pa/ der sems can gang dag skyes pa de dag rang rang gi lag pa brkyang pa'ang mi mthong ba de dag tu'ang de'i tshe/ snang ba chen pos rgyas par khyab par gyur cing / der skyes pa'i sems can de dag snang ba des khyab par gyur nas/ gcig gis gcig mthong zhing / gcig gis gcig shes te/ 'di skad du kye grogs po dag sems can gzhan dag kyang 'dir skyes so// kye grogs po dag sems can gzhan dag kyang 'dir skyes so zhes zer bar gyur pa de lta bu'i 'od lus las bkye'o/ / stong gsum gyi stong chen po'i 'jig rten gyi khams 'di'ang rnam pa drug dang / ltas chen po bco brgyad du g.yos rab tu g.yos kun tu rab tu g.yos so/ / 'gul rab tu 'gul/ kun tu rab tu 'gul lo// ldeg rab tu ldeg/ kun tu rab tu ldeg go// 'khrugs// rab tu 'khrugs/ kun tu rab tu 'khrug so/ / bur 'ur/ rab tu bur bur/ kun tu rab tu 'ur 'ur ro// chem chem/ rab tu chem chem/ kun tu rab tu chem chem mo// mtha' dma' na dbus mtho bar gyur to// dbus dma' na mtha' mtho bar gyur to/ / shar phyogs dma' na nub phyogs mtho bar gyur to// nub phyogs dma' na shar phyogs mtho bar gyur to// lnga phyogs dma' na byang phyogs mtho bar gyur to// byang
- 45a
phyogs dma' na lho phyogs mtho bar gyur to/ / de'i tshe sma dga' bar 'gyur ba tshim par 'gyur ba/ mgu bar 'gyur ba/ dang bar 'gyur ba/ sim par 'gyur ba/ mnyan par 'gyur ba/ bsngags par 'os pa/ mtshungs pa med pa/ mnyan na gtang mi bra ba/ mi mthun pa med pa/ dngang bar 'gyur ba med pa dag kyang grags par gyur to// skad cig de la sems can gang la yang gnod pa 'am/ 'jigs pa 'am/ dngang ba 'am/ bag nod pa med par gyur to// skad cig de la nyi zla dang / brgya byin dang / tshangs pa dang / 'jig rten skyong ba dag gi 'od kyang mi snang bar gyur to/ / sems can dmyal ba dang / dud 'gro'i skye gnas dang / gshin rje'i 'jig rten du skyes pa'i sems can thams cad kyang skad cig de la sdug bsngal dang bral zhing bde ba thams cad dang ldan par gyur te/ sems can gang la yang 'dod chags kyis gnod par mi 'gyur/ zhe sdang gis gnod par mi 'gyur/ gti mug gis gnod par mi 'gyur zhing / phrag dog gam ser sna 'am/ nga rgyal 'am/ 'chab pa dang / rgyags pa 'am/ khro ba 'am/ gnod sems sam/ yongs su gdung bas gnod par 'gyur ba med par gyur te/ sems can thams cad kyang skad cig de la phan tshun pha ma tsam du sems pa'i 'du shes su gyur nas/ byams pa'i sems dang / phan pa'i sems dang ldan par gyur to// lha dang mi'i rol mo sesil snyan bye ba khrag khrig brgya
- 45b
stong dag kyang ma dkrol ma blangs par yid du 'ong ba'i sgra 'byin par gyur to/ / lha bye ba khrag khrig brgya stong dag kyang lag pa dang / phrag pa dang / spyi bos gzhal med khang chen po de dag bdegs cing khyer bar gyur to/ / lha'i bu mo brgya stong dag gis kyang rang rang gi glu dbyangs blangs te/ mdun dang rgyab dang / g.yas g.yon dag nas/ byang chub sems dpa' la glu dbyangs kyi sgra skad kyis mngon par bstod pa/ khyod kyis sngan chad dge las bsags pa dang // yun rings dus kyi dge bas byung ba dang // khyod kyis chos rnams kun gyis tshul sbyangs pas// de ring mchod pa rgya chen byung/ bar gyur// bskal pa bye ba mang por khyod kyi sngon// sras mo sras sdug sbyin pa mdzad pas na// lha yi me tog char du bab pa 'di// sbyin pa spyad pa de yi 'bras bu lags// gtso bo khyod kyis rang gi sha bcad de/ / srang la gcal nas thugs byon bya phyir btang / sbyin pa de spyad pa yi 'bras bu des// yi dgas 'jig rten rnams kyang zas skom thob// bskal pa bye ba mang por khyod kyis sngon/ / tshul khrims ma zhig ma nyams bsrungs pas na// tshul khrims de spyad pa yi 'bras bu des// mi khom ngan song yongs su dag par gyur// bskal pa bye ba mang por khyod kyi sngon// byang chub bsgrub pa'i gzhir ni bzod pa bsgoms// bzod pa de spyad pa yi 'bras bu des// lha dang mi kun byams pa'i sems su gyur// bskal pa bye ba mang por khyod kyis sngon// brtson 'grus ma
- 46a
gong dam pa bsgoms pas na/ / brtson 'grus de spyad pa yi 'bras bu des// spu ni ri rab bzhin du mdzes par grub// bskal pa bye ba mang por khyod kyis sngon// nyon mongs sbyangs slad bsam gtan bsgoms mdzad pas/ / bsam gtan de spyad pa yi 'bras bu des// 'gro ba kun la nyon mongs gnod mi 'gyur// bskal pa bye ba mang por khyod kyis sngon// nyon mongs gcod pa'i shes rab bsgoms mdzad pas// shes rab de spyad pa yi 'bras bu des// 'od gsal dam pa rnam pa snang zhing mdzes// byams pa'i go mnapas nyon mongs 'joms mdzad cing / / sems can kun la thugs rje che byung ba// dgyes pa mchog brnyes btang snyoms mchog ldan pa// bde gshegs tshangs gyur khyod la phyag 'tshal lo// shes rab sgron ma'i 'od dang gzis 'phags shing / / gti mug skyon gyi mun pa kun sel ba// 'dren pa stong gsum dag na mig gyur pa'i// thub pa lam ston khyod la phyag 'tshal lo// rdzu 'phrul rkang pa mngon shes mchog la mkhas/ / bden pa gzigs shing dam pa'i don bslabs pa// brgal nas srog chags gzhan dag sgrol mdzad pa// bde gshegs grol gyur khyod la phyag 'tshal lo// thabs dang mngon shes dam pa kun la mkhas// 'chi 'pho 'chi 'pho med pa'i 'pho ba ston// 'jig rten chos kyi rjes su mthun mdzad kyang // 'jig rten gang du'ang chags pa khyod mi mnga'
- 46b
gang dag khyod ni nyan tam ltar lhags pa/ / de dag thob pa dam pa bsam mi khyab// khyod las chos nyid thos te gang dad cing // dga' ba yangs pa skyes pa smos ci 'tshal// dga' ldan gnas rnams kun ni mog mog gyur/ / 'dzam bu'i gling du nyi ma mngon du shar// srog chags bye ba khrag khrig bsam mi khyab// nyon mongs gnyid kyis log las sad par mdzad/ deng ni pho brang 'byor cing rgyas gyur la// bye ba khrag khrig lha rnams lang long 'gyur// lha yi bu mos sil snyan sgra phyung bas// rgyal po'i khab na sgra snyan grag par gyur// bsod nams gzi brjid rdzogs shing las dge ba/ / bud med gzugs kyi mchog dang ldan gyur pa// de yi sras gyur de ni de ltar 'byor// dpal gyis 'jig rten gsum ni zil gyis gnon// mi mchog 'byung ba de yi gzi brjid kyis// deng phyi phyin chad pho brang dam pa 'dir// lus can rnams la 'dod sdang 'thab rtsod med// kun kyang byams pa'i sems kyis srid zhur bcas// / 'khor los sgyur ba'i rigs rgyal byung bas na// rgyal po'i rigs ni rab tu 'phel bar 'gyur// ser skya'i grong 'di shin tu phun sum tshogs// rin chen mdzod kyis rab tu gang bar 'gyur/ / gnod sbyin srin po grul bum gsang ba pa// lha dang lha min tshogs rnams dbang por bcas// mi mchog srung ba gang dag gnas pa rnams// de dag ring por mi thogs thar
- 47a
pa 'thob/ / gus dang sri zhal ni gnas nas su// 'dren pa khyod bstod bsod nams gang bsags pa// kun kyang byang chub tu ni yongs su bsngo// mi yi dam pa khyod ltar myur du shog/ bskyod par brtsams pa'i le'u ste lnga pa'o// // dge slong dag de ltar dgun 'das te/ dpyid kyi dus la dpyid zla tha chung gi tshe/ skar ma sa ga la bab pa'i dus kyi dam pa la/ shing rnams kyi lo ma rgyas shing me tog mchog tu rgyas nas/ grang dro dang / mun pa dang / rdul med cing sa gzhi sngo gzhon nu skyes pas khebs par gnas pa'i tshe/ 'jig rten gsum gyi gtso bo 'jig rten gyi mchod pas dus la bab pa'i chod la rnam par gzigs nas/ tshes bco lnga'i zla ba nya la skar ma rgyal gyi dus su// yum gso sbyong blangs pa'i rum du/ byang chub sems dpa' dga' ldan gyi gnas dam pa nas 'phos te/ dran zhing shes bzhin du/ glang po'i phru gu thal dkar mche ba drug dang ldan pa/ mgo'i kha dog srin bu ldam bu chu gsher gyi mdog lta bu/ mche ba la gser 'tshig pa/ yan lag dang nying lag thams cad dang ldan pa/ dbang po nyams pa med par byas te/ ma'i glo g.yas pa nas bzhugs so// zhugs nas kyang glo g.yas logs su brten te gnas kyi/ glo g.yon pa logs su nam yang ma brten to// lha mo sgyu 'phrul ma la bde ba na nyal ba des kyang rmi lam 'di lta bu mthong ngo // /
- 47b
glang po kha ba dngul mdog mche ba drug/ rkang lag rab mdzes mgo bo dmar sdug pa// 'gros bzang lus tshigs rdo rje bzhin brtan pa// glang po'i mchog gcig khong du song snyam byed// des ni de 'dra'i bde ba brgya lam na'ang // ma mthong ma thos myong bar ma gyur te// lus kyang bde zhing sems kyang bder gyur nas// bsam gtan mnyam par gzhag pa bzhin du gyur// de nas lha mo sgyu 'phrul rgyan dang gos lcug lhug por gyon cing thogs pa las// lus dang sems bde bar gyur te/ dga' ba dang / rangs pa dang / nyams bde ba thob nas/ mal dam pa de las langs te/ bud med kyi tshogs kyis yongs su bskor cing mdun du bdar nas/ khang bzangs de'i steng nas babs te/ shing mya ngan ma tshang gi nags tshal ga la ba der song nas/ de mya ngan ma tshang gi nags tshal du bde bar 'dug ste/ rgyal po zas gtsang ma'i drung du pho nya btang nas// rgyal po gshegs su gsol/ lha mo de khyod kyi zhal mthong bar bzhed do zhes byas pa dang / rgyal po zas gtsang mas tshig de thos nas rab tu dga' bar gyur te/ lus g.yos nas khri bzang po las langs te/ blon po dang / grong rdal ba dang / 'khor dang / gnyen pa'i skye bo dag gis yongs su bskor cing mdun du bdar te/ mya ngan ma tshang gi nags tshal ga la ba der song ngo // song nas kyang bdag gis lus shin tu lci ba snyam byed nas
- 48a
mya ngan ma tshang gi nags tshal du 'gro ma nus te/ de mya ngan mtshang gi nags tshal gyi sgor 'dug nas cung zad cig bsams te/ de'i tshe tshigs su bcad pa 'di smras so// bdag ni g.yul du dpa' ba'i phul phyin pa/ deng ltar lus lci bdag gis myong mi dran// bdag gi khyim dubang 'gro bar deng ma nus// kye ma 'di ci su la dri bar bya// gnas gtsang ma'i ris kyis lha dag nam mkha'i dkyil na 'khod nas lus phyed mngon par sprul te/ rgyal po zas gtsang ma la tshigs su bcad de spras pa// dka' thub brtul zhugs yon tan 'jig rten gsum gyis mchod// byams dang snying rje tho bas bsod nams ye shes dbang bskur ba'i// byang chub sems dpa' che ba dga' ldan gnas nas 'phos gyur te// rgyal po khyod kyi sras gyur lha mo sgyu 'phrul mngal du zhugs/ / de tshe rang gi mgo cog sor bcu thal mo sbyar byas te// rgyal po rim gro bya bar ldan gyur de yi nang du zhugs// nga rgyal dregs pa med pas lha mo sgyu 'phrul ngor bltas te// ngas ni khyod la ci bya ci sbyar khyod kyis nga la spros/ lha mos smras pa/ kha ba dngul gyi mdog 'dra nyi zla'i 'od las 'phags pa ste// rkang lag legs shing rab 'byes mche ba drug ldan che ba nyid// glang ngos dam pa rdo rje bzhin du tshigs brtan gzugs bzang ba/ bdag gi rum du zhugs kyis de yi lo rgyas gsan par gsol// stong gsum khams 'di mdzes par rab rib ma mchis bdag gis mthog/
- 48b
bdag ni nyal zhing mchis na lha rnams bye bas rab tu bstod// 'on kyang bdag la 'khro zhing 'tshig dang zhe sdang rmongs ma mchis// zhi ba'i sems su gyur cing bsam gtan bde dang ldan snyam bgyid// / bdag gi rmi lam 'di ni rigs la dge 'am dngos sam ci// bdag gi rmi lam 'di ni yang dag ldan par lung ston pa// rig byed rmi lam gzhung la mkhas shing gza' yi cho ga mkhan// rgyal po myur du bram ze 'dir ni legs par dgug tu gsol/ / de skad tshig thos rgyal pos de yi dus kyi skad cig la// bram ze rig byed bstan bcos gzhung la shin tu mkhas pa gnyer// sgyu 'phrul bram ze rnams kyi mdun du 'dug nas 'di skad smras/ / kho mos rmi lam 'di 'dra mthong na de yi lo rgyus gson/ bram ze rnams kyis smras pa// lha mos bka' stsal du gsol// khyod kyis rmi lam ci 'dra ba zhig gzigs thos nas kyang dpyad par bgyi'o/ / lha mos smras pa/ kha ba dngul gyi mdog 'dra nyi zla'i 'od las 'phags pa ste/ rkang lag legs shing rab 'byes mche ba drug ldan che ba nyid// glang po'i dam pardo rje bzhin du tshig brtan gzugs bzang ba/ / bdag gi rum du zhugs pa de yi lo rgyus mnyan par gyis// de skad tshig thos nas ni bram ze rnams kyis 'di skad smras// rigs la dngos po ma mchis dgyes pa rgya chen brnyes par 'gyur/ / khyod la sras mnga' mtshan gyis yan lag brgyan pa skye bar 'gyur// rgyal po'i rigs su rigs ldan 'khor lo sgyur ba che ba nyid// gal te 'dod pa dag dang rgyal
- 49a
srid pho brang spangs gyur te/ / 'jig rten kun la thugs brtse chags med rab tu byung gyur na// de ni 'jig rten gsum na sbyin gnas sangs rgyas 'gyur ba ste// bdud rtsi mchog gi ro yis 'jig rten thams cad tshim mdzad 'gyur/ / de skad tshig snyan lung bstan te/ rgyal po'i pho brang zan zos nas/ bya dga' byin pa blangs nas su/ bram ze de dag dong ngo // dag slong dag de ltar rgyal po zas gtsang mas bram ze mtshan dang ltas shes shing rnam par 'byed pa dang / rmi lam gyi gzhung shes pa dag las de skad kyi tshig de thos nas tshim zhing mgu ste/ yi rangs la/ rab tu dga' zhing / dga' ba dang / yid bde ba skyes nas/ bram ze de dag bza' ba dang / btung ba dang / myang ba mang po nyams su bsod pas tshim zhing ngoms par byas nas/ bya dga' byin te bkye'o// / de nyid kyi tshe grong khyer chen po ser skya'i gnas kyi grong khyer chen po de'i sgo bzhi na/ grong khyer gyi bzhi mdo dang sum mdo thams cad du sbyin pa byin te/ ji tsam du byang chub sems dpa' la mchod pa bya ba'i phyir/ zas 'dod pa rnams la ni zas/ skom 'dod pa rnams la ni skom/ gos 'dod pa rnams la ni gos/ bzhon pa 'dod pa rnams la ni bzhon pa/ spros 'dod pa rnams la ni spos/ phreng ba 'dod pa rnams la ni phreng ba/ byug pa 'dod pa rnams la ni byug pa/ mal cha 'dod pa rnams la ni mal cha/ gnas 'dod pa rnams la ni gnas/ 'tsho ba 'dod pa rnams la ni 'tsho ba byin no// dge slong dag de
- 49b
nas rgyal po zas gtsang ma 'di snyam du sems te/ lha mo sgyu 'phrul 'di khyim gang na 'dug na bde zhing nyon mongs pa med par 'dug par 'gyur snyam pa dang / de nas skad cig nyid la rgyal po chen po bzhi/ rgyal po zas gtsang ma'i drung du 'ongs te/ 'di skad ces smras so// lha thugs las su ma mdzad par btang snyoms su bde bar bzhugs shig/ bdag cag gis byang chub sems dpa'i pho brang ba sham mo/ / de nas lha'i dbang po brgya byin rgyal po zas gtsang ma'i gan du 'ongs te/ 'di skad ces smras so// skyong ba'i gzhal med khang rnams ngan// sum cu gsum pa yi bzang / / byang chub sems dpa'i pho brang ni// rnam par rgyal tsam bdag gi dbul// de nas lha'i bu rab 'thab bral rgyal po zas gtsang ma'i gan du 'ongs te/ 'di skad ces smras so/ / kho bo'i khang khyim mthong gyur nas/ brgya byin bye ba ngo mtshar gyur/ 'thab bral rab kyi dpal ldan lang / rgyal ba'i sras la bdag 'bul lo// de nas lha'i bu yongs su dga' ldan rgyal po zas gtsang ma'i gan du 'ongs te/ 'di skad ces smras so// grags pa che mnga' sngon chad ni// dga' ldan gang du bzhugs gyur pa// pho brang dam pa 'dzin pa de/ rgyal ba'i sras la bdag 'bul lo// de nas lha'i bu rab 'phrul dga' rgyal po zas gtsang ma'i gan du 'ongs te/ 'di skad ces smras so// dpal ldan yid las grub pa'i khang /
- 50a
de ni rin chen rang bzhin te/ byang chub sems dpa' mchod don du/ rgyal po bdag gis dbul bar bgyi/ de nas lha'i bu gzhan 'phrul dbang byed rgyal ba zas gtsang ma'i gan du 'ongs te/ 'di skad ces smras so// 'dod pa'i khams gnas ji snyed pa// gzhal med khang mdzes gang yod pa// bdag gi gzhal med khang drung na// 'od dang mdog kyang gtor bar snang / / de bas dpal ldan bdag gis dbul// byang chub sems dpa' mchod pa'i phyir// rin chen rang bzhin pho brang bzang // de ni rgyal po blang bar gyis// lha yi me tog rab bkang ste/ / lha yi spos kyi ngad ldang ba'i// pho brang yangs pa bdag gis dbul// der ni lha mo bzhugs par gyis// dge slong dag de ltar 'dod pa na spyod pa'i lha'i dbang po thams cad kyis/ byang chub sems dpa' la mchod pa'i phyir// ser skya'i gnas kyi grong khyer chen po dam pa der rang rang gi khyim phul bar gyur to// rgyal po zas gtsang mas kyang mi'i las ni 'das kyis/ lha yir ni ma gyur pa bshams par gyur te/ de la byang chub sems dpa' bkod pa chen po'i ting nge 'dzin gyi mthus/ khyim de dag thams cad du lha mo sgyu 'phrul mngon par ston to/ / byang chub sems dpa' lha mo sgyu 'phrul gyi rum na 'dug pa'i tshe/ glo g.yas phyogs logs su skyil mo krung bcas te gnas par gyur to// lha'i dbang po de dag
- 50b
thams cad kyang so so nas bdag nyid kyi khyim na byang chub sems dpa' mi 'dug gi/ gzhan ma yin no zhes de ltar shes par gyur to// de la 'di skad ces bya ste/ ting 'dzin bkod ba che la gnas gyur te/ sprul pa bsam gyis mi khyab sprul byas nas// lha rnams thams cad bsam pa rdzogs par byas// rgyal po'ang de ltar yid bzhin bsam pa grub// de nas lha'i 'khor de'i nang nas/ lha'i bu kha cig 'di snyam du sems te/ rgyal chen bzhi'i ris kyi lha gang yin pa de dag kyang mi'i lus kyi dri bro na skyong zhing 'byol na/ de ma yin pa'i lha gzhan sum cu rtsa gsum pa 'am/ 'thab bral lam/ dga' ldan gyi lha'i bu dag lta smos kyang ci dgos na/ ji ltar byang chub sems dpa' gtsang zhing dri nga ba dang bral ba/ 'jig rten thams cad las mngon par 'phags pa/ sems can rin po che dga' ldan gyi lha'i ris nas 'phos te/ yum gyi lhums mo'i lus dri mi zhim par zhugs par gyur snyam pa dang / de nas sangs rgyas kyi mthus tshe dang ldan pa kun dga' bos bcom ldan 'das la 'di skad ces gsol to// bcom ldan 'das ji tsam du bud med kyi lus ni smad pa lags pa dang / 'dod chags la spyod ces bgyi ba'i bar du de bzhin gshegs pas gsungs pa ngo mtshar che na/ bcom ldan 'das de bas kyang 'jig rten thams cad las mngon par 'phags pa/ sngon byang chub
- 51a
sems dpar gyur pa/ 'di ltar dga' ldan gyi lha'i ris nas 'phos te/ yum gyi lhums mi'i lus su glo g.yas phyogs su brten te bzhugs so zhes bgyi pab 'di ni rab tu yang ngo mtshar che ste/ bcom ldan 'das/ sngon bcom ldan 'das kyis de ltar mdzad do zhes de skad du smras pa ni bdag la spob ma mchis so// bcom ldan 'das kyis bka' stsal pa/ kun dga' bo khyod byang chub sems dpa'i yongs su spyad pa/ rin po che bkod pa zhes bya ba gang byang chub sems dpa' ma'i rum na gnas pa'i yongs su spyad par gyur pa mthong bar 'dod dam/ gsol pa/ bcom ldan 'das de'i dus ni de lags so// bde bar gshegs pa de'i dus ni da lags te/ de bzhin gshegs par byang chub sems dpa'i yongs su spyad pa de bstan te mthong na glo ba dga'o/ / de nas bcom ldan 'das kyis rnam pa de lta bu'i mtshan ma mdzad do// de nas mi mdzad kyi bdag po tshangs pa/ tshangs pa 'bum phrag drug cu rtsa brgyad dang lhan cig tshangs pa'i 'jig rten nas mi snang bar gyur te/ bcom ldan 'das kyi spyan sngar phyin nas/ des bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas bal mo sbyar te/ bcom ldan 'das la 'dud cing phyogs gcig tu 'dug go/ de nas bcom ldan 'das kyi mkhyen bzhin
- 51b
du mi mjed kyi bdag po tshangs pa la bka' stsal pa/ tshangs pa khyod kyis sngon nga byang chub sems dpar gyur pa'i ma'i rum na zla ba bcur 'dug bdug pa'i byang chub sems dpa'i yongs su spyod pa blangs sam/ gsol pa/ bcom ldan 'das de de lta lags so// bde bar gshegs pa de de lta lags so// bka' stsal pa/ tshangs pa da de ga la yod ston cig/ gsol pa bcom ldan 'das de ni tshangs pa'i 'jig rten na mchis lags/ bka' stsal pa/ tshangs pa de'i phyir zla ba bcu pa'i byang chub sems dpa'i yongs su spyad pa de 'dir khyod kyis ston cig dang / ji tsam du 'dus byas pa shes par 'gyur ro/ / de nas mi mjed kyi bdag po tshangs pas/ tshangs pa dag la 'di skad ces smras so// kho bos byang chub sems dpa'i yongs su spyad pa rin po che bkod pa de blang gis de'i bar du khyed 'khod cig/ de nas mi mjed kyi bdag po tshangs pa/ bcom ldan 'das kyi zhabs la mgo bos phyag 'tshal te/ bcom ldan 'das kyi spyan sngar nas mi snang bar gyur nas/ skad cig de nyid la tshangs pa'i 'jig rten du phyin to// de nas mi mjed kyi bdag po tshangs pas lha'i bu tshangs pa bzang po la 'di skad ces smras so// grogs po khyod song la tshangs pa'i 'jig rten 'di man chad/ sum cu rtsa gsum gyi gnas yan chad du sgra sgrogs te/ byang chub sems dpa'i yongs su spyad pa rin po che ni bkod pa bdag cag gis de
- 52a
bzhin gshegs pa'i spyan sngar 'dug nas/ khyed kyi nang nas mthong bar su dga' ba myur du shog cig ces sbas go bar gyis shig/ de nas mi mjed kyi bdag po tshangs pas/ lha bye ba khrag khrig brgya stong phrag brgyad cu rtsa bzhi dang lhan cig tu byang chub sems dpa'i yongs su spyad pa rin po che bkod pa blangs te/ tshangs pa'i gzhal med khang chen po dpag tshad sum brgya pa'i steng du bzhag nas/ lha bye ba khrag khrig brgya stong du mas kun nas bskor te/ 'dzam bu'i gling du phab bo// de'i tshe bcom ldan 'das kyi zham ring du 'dod pa na spyod pa'i lha'i bu 'dus pa chen por gyur te/ byang chub sems dpa'i yongs su spyad pa rin po che bkod pa de yang lha'i gos dang / lha'i phreng ba dang / lha'i spos dang / lha'i me tog dang / lha'i rol mo'i dbyangs sgra dang / lha'i longs spyod rnams kyis mngon par 'dus byas par gyur cing / lha dbang che bar grags pa dag gis yongs su bskor bar gyur pa ni 'di tsam ste/ lha'i dbang po brgya byin rgya mtsho chen po'i dbus su 'dug nas rgyang ring po nas/ gdong thal mos bskyabs te/ mgo byol nas bltas kyang mthor bar mi nus so// de ci'i phyir zhe na/ lha'i nang na tshangs pa dag ni mthu che ba ste/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha dag kyang de dag gi drung na dma' ba yin na/ lha'i dbang po brgya byin lta smos kyang ci dgos/ de nas bcom ldan 'das
- 52b
kyis de'i tshe/ lha'i rol mo'i dbyangs sgra'i sgra de dag zhi bar mdzad do// de ci'i phyir zhe na/ de thos pa tsam gyis 'dzam bu'i gling gi mi rnams myo myo por 'gyur du 'ong ba'i phyir ro// de nas rgyal po chen po bzhi lha'i dbang po brgya byin gyi drung du lhags nas 'di skad ces smras so// lha'i dbang po byang chub sems dpa'i yongs su spyad pa rin po che bkod pa 'di bdag cag gis mthong bar mi nus na ji ltar bgyi/ des de dag la smras pa/ grogs po dag kho bos kyang ji ltar bya/ kho bo nyid kyis kyang mthong bar mi nus so// grogs po dag 'on kyang de ni nam bcom ldan 'das kyi spyan sngar phul ba de'i tshe mthong grang ngo / / de dag gis smras pa/ lha'i dbang po de bas na/ ci nas kyang myur du mthong bar 'gyur ba de ltar mdzad du gsol/ smras pa/ grogs po dag lha'i bu mngon par 'phags pa mngon par 'phags pa de dag bcom ldan 'das kyis spyan sngar phyin te/ dga' bar bya ba'i tshig brjod par gyur gyi bar du sdod cig/ de nas de dag phyogs gcig tu 'khod de mgo byol nas/ bcom ldan 'das logs su lta zhing 'khod par gyur to// de nas mi mjed kyi bdag po tshad pa lha bye ba khrag khrig brgya stong drag brgyad cu pa po de dag dang lhan cig tu/ byang chub sems dpa'i yongs su spyad par bya ba rin po che bkod pa de khyer te/ de bzhin gshegs pa ga la ba der phul lo// byang chub sems dpa'i yongs su spyad pa rin po che bkod pa de ni/ gzugs bzang /
- 53a
mdzes pa/ blta na sdug pa/ gru bzhi lham pa/ ka ba bzhi zug pa/ steng khang pa brtsegs pas legs par brgyan pa ste/ de'i tshad ni 'phang du 'di lta ste dper na/ byis pa btsas nas zla ba drug lon pa tsam mo/ / khang pa brtsegs pa de'i nang du khri bshams pa ni 'di lta ste dper na/ byis pa btsas nas zla ba drug lon pa 'dug pa'i stegs bu tsam mo// byang chub sems dpa'i yongs su spyad par bya ba rin po che bkod pa de'i kha dog dang dbyibs ni 'di lta bu ste/ lha dang bcas pa'i 'jig rten na de'i dbyibs dang / kha dog 'dra ba gang yang med do// lha rnams kyis de mthong na yang mig 'khrugs shing ngo mtshar du gyur to/ / de de bzhin gshegs pa'i spyan sngar bzhag na lham me/ lhan ne/ lhang nge ste/ dper na mgar ba mkhas pas gser shin tu bzhu ste/ legs par sbyangs nas/ dri ma'i skyon med par byas pa'i gser bzhin du khang pa brtsegs pa de rnam par mdzes so// byang chub sems dpa'i yongs su spyad pa de'i nang du khri bshams pa ni/ byang chub sems dpa'i dung mgrin ma gtogs par lha dang bcas pa'i 'jig rten na de'i dbyibs dang / kha dog 'dra ba gang yang med do// tshangs pa chen pos gos bgos pa de yang byang chub sems dpa'i khri de'i drung na mdzes par mi snang ba/ 'di lta ste/ dper na/ rlung dang char gyis btab pa'i la ba nag po bzhin no// khang pa brtsegs pa de ni tsan dan sbrul gyi snying po las byas
- 53b
pa ste/ de'i phye ma zho gcig la'ang stong gi 'jig rten gyi khams kyis rin du mi chog go// khang pa brtsegs pa de ni tsan dan sbrul gyis snying po de lta bus kun nas bskor ba ste/ khang pa brtsegs pa de dang 'dra ba gnyis pa gcig kyang khang pa brtsegs pa dang po de'i nang na ma chags ma reg par 'dug go/ / khang pa brtsegs pa de kho na dang 'dra ba gsum pa gcig kyang / khang pa brtsegs pa gnyis pa de'i nang na ma reg ma chags par 'dug go/ / spos kyi khang pa brtsegs pa gsum pa de'i nang du khri de bzhag ste/ gdan bting ngo // tsan dan sbrul gyi snying po de kha dog ni rnam pa 'di lta ste/ dper na bai DUR+Ya sngon po'i rig dam pa dang ldan pa bzhin no// spos kyi khang pa brtsegs pa de'i 'khor na/ me tog lha'i las 'das pa gang ji snyed cig yod pa de dag thams cad kyang ma skyed par/ byang chub sems dpa'i sngon gyi dge ba'i rtsa ba'i rnam par smin pas khang pa brtsegs pa der skye'o// byang chub sems dpa'i yongs su spyad pa rin po che bkod pa de ni rdo rje'i rang bzhin te/ sra zhing brtan la mi shigs pa ste/ ka tsa linI'i gos ltar reg na bde ba'o// 'dod pa na spyod pa'i lha rnams kyi gnas bkod pa gang ji snyed yod pa de dag thams cad kyang / byang chub sems dpa'i yongs su spyad pa rin po che bkod pa der kun tu snang ngo / / gang gi nub mo byang chub sems dpa' ma'i rum du 'jug pa de'i nub mo 'og gi chu'i phung po nas bzung ste/ sa chen po
- 54a
rngams dpag tshad 'bum phrag drug cu rtsa brgyad brtol te/ pad+ma byung bas tshangs pa'i 'jig rten gyi bar du mngon par 'phags so// pad+ma de ni kha lo sgyur ba skyes bu dam pa dang / tshangs pa chen po brgya phrag bcu'i stong la dbang bas mthong du zad kyi/ gzhan sus kyang mthong ba med do// stong gsum gyi stong chen po'i 'jig rten gyi khams 'di na snying khu dang / snying po dang / bcud ji snyed yod pa de dag thams cad pad+ma chen po de la zil mngar gyi thigs pa chags te 'dug nas/ de tshangs pa chen pos bainy+tsa'i snod bzang pos blangs shing // byang chub sems dpa' la phul nas/ byang chub sems dpas kyang de blangs te tshangs pa chen po la snying brtse ba'i phyir 'thungs par gyur to// snying khu'i thigs pa de 'thungs na byang chub sems dpa' srid pa tha ma pa/ byang chub sems dpa'i sa thams cad yongs su rdzogs pa ma gtogs par de yang dag par bde bar zhu bar nus pa/ sems can gyi khams na sems can de lta bu de gang yang med do/ / las gang gi rnam par smin pas snying khu'i thigs pa de lta bu'i byang chub sems dpa' la yod par gyur ce na/ byang chub sems dpas sngon yun ring por byang chub sems raba'i spyad pa spyod pa'i tshe/ sems can nad pa dag la sman byin pa dang / sems can bsam pa la rten pa rnams kyi bsam pa yongs su bskang ba dang / skyabs su 'ongs pa rnams
- 54b
yongs su ma btang ba dang / rtag par me tog gi phud dang / 'bras bu'i phud dang / ro'i phud de bzhin gshegs pa rnams dang / de bzhin gshegs pa'i mchod rten rnams dang / de bzhin gshegs pa'i nyan thos kyi dge 'dun rnams dang / pha dang ma la phul zhing phyis bdag nyid yongs su spyod spyod pas/ las de'i rnam par smin pas tshangs pa chen po// zil mngar gyi thigs/ pa de byang chub sems dpa' la 'bul lo// khang pa brtsegs pa der gnas kyi khyad par dga' ba dang / rtsed mo dang / phreng ba brgyus pa dang ldan pa/ 'phags pa 'phags pa ji snyed cig yod pa de dag thams cad kyang / byang chub sems dpa'i sngon gyi las kyi rnam par smin pas der byung bar snang ngo // byang chub sems dpa'i yongs su spyad pa rin po che bkod pa der/ gos stong phrag brgya'i rgyan ces bya ba phrug gcig byung ste/ de'i de 'byung ba ni byang chub sems dpa' srid pa tha ma pa ma gtogs par/ sems can gyi ris na sems can de lta bu de gang yang med do// gzugs dang sgra dang dri dang / ro dang reg pa mchog tu bya ba dam pa gang ji snyed cig yod pa de dag thams cad kyang khang pa brtsegs pa de na med pa gang yang med do// // 'phags pa rgya cher rol pa zhes bya ba theg pa chen po'i mdo/ / bam po bzhi pa// yongs su spyad par bya ba khang pa brtsegs pa de ni 'di ltar phyi nang shin tu yongs su grub pa/ 'di ltar shin tu yongs su rdzogs
- 55a
paste/ 'di ste ste/ dper na yul ka ling ka nas byung ba'i dang ltar reg na bde ba'o// de yang 'ol byir bstan par zad kyi/ de la dper med do// byang chub sems dpa'i sngon gyi smon lam gyis 'di ni bsam pas 'grub ste/ gdon mi za bar byang chub sems dpa' sems dpa' chen po mi'i 'jig rten du skye ba dang / khyim nas mngon par byung nas bla na med pa yang dag par rdzogs pa'i byang chub mngon par rdzogs par sangs rgyas te/ chos kyi 'khor lo bskor ba dang / ma gang gi rum du skye bar 'gyur ba de'i rum g.yas par khang pa brtsegs pa rin po che bkod pa dam pa sngar mngon par 'grub cing / phyis byang chub sems dpa' dga' ldan gyi gnas nas 'phos te/ khang pa brtsegs pa der skyil mo krung bcas nas 'dug par 'byung ba dang / byang chub sems dpa' srid pa tha ma pa'i lus nur nur po dang / mer mer po dang / ltar ltar po dang / reng ring por 'gyur ba med cing / yan lag dang / nying lag dang / mtshan thams cad phun sum tshogs par 'dug bzhin du 'byung la/ lha mo sgyu 'phrul gyi rmi lam du glang po che chen po 'ongs par mthong ba 'di ni chos nyid do/ / de de ltar 'dug pa la/ lha'i dbang po brgya byin dang / rgyal po chen po bzhi dang / gnod sbyin gyi sde dpon chen po rtsa brgyad dang / gang las lag na rdo rje skyes pa'i gnod sbyin gyi rigs gsang ba pa zhes bya ba de dag byang chub sems dpa' ma'i rum du zhugs par shes nas/ rtag tu rgyun mi 'chad par phyi bzhin
- 55b
'brang bar gyur to/ / byang chub sems dpa' la rim gro byed pa'i lha mo bzhi yod de/ u khu li zhes bya ba dang / mu khu li zhes bya ba dang / rgyal mtshan ldan pa zhes bya ba dang / 'od dang ldan pa zhes bya ba ste/ bzhi po de dag kyang byang chub sems dpa' ma'i rum du zhugs par shes nas/ rtag tu rgyun mi 'chad par srung ngo // lha'i dbang po brgya byin yang lha'i bu lnga brgya tsam dang lhan cig tu/ byang chub sems dpa' ma'i rum du zhugs par shes nas/ rtag tu rgyun mi 'chad par phyi bzhin 'brang bar gyur to// byang chub sems dpa' ma'i rum du zhugs pa'i lus ni rnam pa 'di lta bur gyur te/ dper na/ mtshan mo mun pa shin tu gnag pa'i nang na/ ri'i spo la me'i phung po 'dug pa ni dpag tshad gcig nas kyang snang / dpag tshad lnga'i bar nas kyang snang ngo // de bzhin du byang chub sems dpa' ma'i rum du zhugs pa'i lus mngon par grub pa yang de lta bur gyur te/ 'od gsal zhing gzugs bzang la mdzes shing blta na sdug par gyur pa de/ khang pa brtsegs pa de'i nang du skyil mo krung du 'dug na/ gser gyi sa le sbram rigs dang ldan pa rin po che bai DUR+Yas brgyan pa ltar shin tu mdzes par gyur to// byang chub sems dpa'i mas kyang byang chub sems dpa' rum na 'dug pa mthong bar gyur to/ / 'di lta ste dper na/ sprin gyi tshogs chen po'i nang nas glog byung ba ni snang ba chen po bskyed do// de bzhin du byang chub sems dpa' ma'i rus 'jug pa yang dpal dang /
- 56a
gzi brjid dang / kha dog gis nye bar rin po che'i khang pa brtsegs pa dang po de snang bar byed do// snang bar byas nas spos kyi khang pa rtsegs pa gnyis pa snang bar byed do/ / spos kyi khang pa brtsegs pa gnyis pa snang bar byas nas/ spos kyi khang pa brtsegs pa gsum pa snang bar byed do// spos kyi khang pa brtsegs pa gsum pa snang bar byas nas/ ma'i lus thams cad snang bar byed do// de snang bar byas nas/ de stan gang la 'dug pa de snang bar byed do// de snang bar byas nas/ khyim thams cad snang bar byed do// khyim thams cad snang bar byas nas/ 'od 'phro ba khyim gyi steng du byung ste/ shar phyogs snang bar byed do// de bzhin lho phyogs dang / nub phyogs dang / byang phyogs dang / 'og dang / steng dang / phyogs bcu kun tu rgyang grags tsam du phyogs re rer yang byang chub sems dpa' ma'i rum na 'dug pa'i dpal dang / gzi brjid dang / kha dog gis snang ba byas par gyur to// dge slong dag de ltar byang chub sems dpa' de blta ba dang / de la phyag bya ba dang / bsnyen bskur bya ba dang / chos mnyan pa'i phyir rgyal po chen po bzhi dang / gnod sbyin gyi sde dpon chen po nyi shu rtsa brgyad gnod sbyin lnga brgya tsam dag dang lhan cig tu snga dro'i dus kyi ma 'ongs te/ de'i tshe byang chub sems dpas de dag 'ongs par rig nas lag pa g.yas pa brgya ni// mdzub mo bsgreng nas stan ston na/
- 56b
'jig rten skyong ba la sogs pa de dag kyang ji ltar bting ba'i stan la 'khod par gyur te/ de dag gis byang chub sems dpa' ma'i rum na 'dug bzhin du/ skyes zin pa'i gzugs dang 'dra bar/ lag pa skyod cing 'deg la/ rnam par bskyod cing gzhog par mthong nas/ de dag dga' mgu zhing nyams bde ba thob ste/ byang chub sems dpa' la phyag 'tshal bar gyur to// byang chub sems dpas kyang de dag de ltar 'khod pa mthong nas/ chos kyi gtam gyis yang dag par ston/ yang dag par 'dzin du 'jug/ yang dag par gzengs bstod/ yang dag par dga' bar byed do/ / gang gi tshe de dag 'dod 'dod par gyur pa de'i tshe'ang byang chub sems dpa' de dag gi sems sems kyis rnam par shes nas lag pa g.yas pa brkyang ste/ de dag 'dong ba'i brda ston to/ / de ltar lag pa brkyang ste 'dong ba'i brda bstan nas/ phyir skum par byed de/ ma la gnod pa med do// de'i tshe rgyal po chen po bzhi dag kyang 'di snyam du bdag cag ni/ byang chub sems dpas kyang 'dod par gnang ngo snyam sems shing / de dag byang chub sems dpa' dang / byang chub sems dpa'i ma la lan gsum bskor ba byas nas 'dong bar gyur to// de ltar byang chub sems dpa' nub mo mi nyal nas lag pa g.yas pa brkyang zhing / brkyang nas kyang bskum pa dang / bskums nas kyang dran zhing shes bzhin du/ lag pa de 'jog pa'i rgyu ni de yin no//
- 57a
rkyen ni de yin no// gzhan yang gang gi tshe skyes pa 'am/ bud med dam/ khye'u 'am/ bu mo su yang rung ste/ byang chub sems dpa' blta ba'i phyir 'ongs pa de'i tshe/ thog mar ni byang chub sems dpa' dga' bar bya ba smra'o// de'i 'og tu byang chub sems dpa'i ma dga' bar bya ba smra'o// dge slong dag de ltar byang chub sems dpa' ma'i rum na 'dug pa'i tshe/ sngar dga' bar bya ba smra ba la mkhas par gyur te/ lha 'am klu 'am/ gnod sbyin nam/ mi 'am/ mi ma yin pa su yang rung / byang chub sems dpa' la sngon du dga' bar bya ba'i tshig smra bar nus pa med do/ / byang chub sems dpa' nyid thog mar dga' bar bya ba smra zhing / de'i 'og tu byang chub sems dpa'i ma dga' bar bya ba smra'o// de nas snga dro'i dus zad de/ nyi mgung la bab nas/ lha'i dbang po brgya byin dang / sum cu rtsa gsum pa'i lha'i bu mngon par 'phags pa/ mngon par 'phags pa dag byang chub sems dpa' blta ba dang / de la bsnyen bkur bya ba dang / chos mnyan pa'i phyir 'ong ba dang / byang chub sems dpas de dag rgyang ring po nas 'ong bar mthong nas/ gser gyi mdog tu 'dug pa'i lag pa g.yas pa brkyang ste/ lha'i dbang po brgya byin dang / sum cu rtsa gsum pa'i lha dag dga' bar byed cing / 'dzub mo brkyang ste stan ston to// dge slong dag de'i tshe 'ang lha'i dbang po brgya byin gyis/ byang chub sems dpa' la phyir bzlog ma nus nas rdzi
- 57b
ltar bting ba'i stan de dag la lha'i dbang po brgya byin dang / de ma yin pa'i lha'i bu gzhan dag kyang 'khod par gyur to// byang chub sems dpas de ltar 'khod par rig nas chos kyi gtam gyis yang dag par ston/ yang dag par 'dzin du 'jug/ yang dag par gzengs stong/ yang dag par dga' bar byed do// byang chub sems dpa' lag pa gang du brkyang pa de logs su byang chub sems dpa'i ma yang lta bar gyur to/ / de nas lha de dag kyang 'di snyam du bdag cag ni/ byang chub sems dpa' dang dga' bar bya ba smra'o snyam mo// de dag re re zhing yang 'di snyam du byang chub sems dpa' ni bdag 'ba' shig la smra ste/ bdag 'ba' shig la dga' bar bya ba smra'o snyam mo// khang pa brtsegs pa der lha'i dbang po brgya byin dang / sum cu rtsa gsum pa'i lha de dag gi gzugs brnyan snang bar gyur to/ / ji ltar byang chub sems dpa' ma'i rum na gnas pa'i longs spyod yongs su dag par gyur pa de lta bu ni gzhan dag na med do// dge slong dag gang gi tshe/ lha'i dbang po brgya byin dang / de ma yin pa'i lha'i bu gzhan dag 'dong bar 'dod par gyur pa de'i tshe'ang / byang chub sems dpas de dag gi sems kyi rtog pa sems kyis yongs su shes nas/ lag pa g.yas pa brkyang ste/ de dag 'dong pa'i brda ston to// brda bstan nas phyir bskum pa byas te dran zhing shes bzhin du lag pa bzhag kyang ma la gnod pa med do// de'i tshe lha'i dbang po brgya byin dang / de ma yin pa'i
- 58a
lha'i bu sum cu rtsa gsum pa dag kyang 'di snyam du/ bdag cag ni byang chub sems dpas kyang 'dong bar gnang ngo snyam du sems shing / de dag kyang byang chub sems dpa' dang byang chub sems dpa'i ma la lan gsum bskor ba byas nas dong bar gyur to/ / dge slong dag nyi ma phyed kyi dus 'das nas/ phyi dro'i dus la bab pa dang / mi mjed kyi bdag po tshangs pa lha'i bu brgya stong du mas yongs su bskor cing mdun du bdar te/ lha yul ba'i snying khu'i thigs pa de khyer nas/ byang chub sems dpa' ga la ba der/ byang chub sems dpa' de blta ba dang / de la phyag bya ba dang / bsnyen bkur bya ba dang / chos mnyan pa'i phyir 'ong bar gyur to// dge slong dag byang chub sems dpas mi mjed kyi bdag po tshangs pa 'khor dang bcas te 'ongs par shes nas// byang chub sem dpas yang gser gyi mdog tu 'dug pa'i lag pa g.yas pa brkyang ste/ mi mjed kyi bdag po tshangs pa dang / tshangs ris kyi lha'i bu de dag la dga' bar bya ba smras te/ mdzub mo brkyang nas stan ston to// dge slong dag mi mjed kyi bdag po tshangs pa des kyang byang chub sems dpa'i bka' las bzlog pa ma nus nas/ ji ltar bting ba'i stan de dag la mi mjed kyi bdag po tshangs pa dang / tshangs ris kyi lha'i bu gzhan dag kyang 'khod par gyur to/ / byang chub sems dpas de ltar 'khod par rig nas/ chos kyi gtam gyis yang dag par ston/ yang dag par 'dzin du 'jug/ yang dag par gzengs
- 58b
bstod/ yang dag par dga' bar byed/ byang chub sems dpas lag pa gang du brkyang ba de logs su lha mo sgyu 'phrul yang lta bar gyur to// de ltar na lha de dag kyang bdag cag ni byang chub sems dpa' dang dga' bar bya ba'i gtam byed do snyam ste/ lha'i bu de dag re re zhing yang 'di snyam du byang chub sems dpa' ni bdag 'ba' shig la smra ste/ bdag 'ba' shig la dga' ba'i gtam byed do// snyam mo// dge slong dag gang gi tshe mi mjed kyi bdag po tshangs pa dang / tshangs ris kyi lha'i bu de dag 'dong bar 'dod par gyur pa de'i tshe yang / byang chub sems dpas de dag gi sems kyi rtog pa sems kyis yongs su shes nas/ lag pa g.yas pa brkyang ste/ de dag 'dong ba'i brda ston to// de ltar 'dong ba'i brda bstan nas phyir bskum pa byas te/ dran zhing shes bzhin du lag pa bzhag kyang ma la gnod pa med do/ / de'i tshe mi mjed kyi bdag po tshangs pa dang / tshangs ris kyi lha de dag kyang 'di snyam du bdag cag ni byang chub sems dpas kyang 'dong par gnang ngo snyam du sems shing / de dag kyang byang chub sems dpa' dang / byang chub sems dpa'i ma la lan gsum bskor ba byas nas 'dong bar gyur to// byang chub sems dpa' yang dran zhing shes bzhin du lag pa 'jog par gyur to/ / dge slong dag shar phyogs dang / lho phyogs dang / nub phyogs dang / byang phyogs dang / 'og dang / steng dang / phyogs bcu kun nas kyang byang chub sems dpa' brgya stong
- 59a
mang po byang chub sems dpa' de blta ba dang / de la phyag bya ba dang / bsnyen bkur bya ba dang / chos mnyan pa dang / chos yang dag par brjod par bya ba'i phyir 'ong bar gyur to/ / de dag de ltar 'ongs pa dang / byang chub sems dpas lus las 'od bkye ste/ 'od kyi bkod pa de dag seng ge'i khrir sprul nas/ de ltar sprul pa'i khri de dag la byang chub sems dpa' de dngag 'khod du bcug ste/ de dag de ltar 'khod par shes nas 'di lta ste/ theg pa chen po 'di nyid rgya cher rnam par dbye ba'i don du dris te brtags kyang skal ba mnyam pa'i lha rnams ma gtog par gzhan sus kyang de dag ma mthong ste/ dge slong dag de ltar byang chub sems dpas nub mo mi nyal nas lus las 'od bkye ba'i rgyu ni de yin no// rkyen ni de yin no// dge slong dag lha mo sgyu 'phrul gyis kyang / byang chub sems dpa' ma'i rum na 'dug pa'i tshe/ lus lci bar ma tshor te/ gzhan du na yang ba dang / 'jam pa dang / bde bar tshor zhing lto mi bde ba'i sdug bsngal gang yang myong bar ma gyur to/ / 'dod chags kyis yongs su gdung ba 'am/ zhe sdang gis yongs su gdung ba 'am/ gti mug gis yongs su gdung bas kyang yongs su gdung bar ma gyur// 'dod pa'i rnam par rtog pa 'am/ gnod sems kyi rnam par rtog pa 'am/ gtse ba'i rnam par rtog pa dag la yang rnam par rtog par ma gyur te/ grang ba 'am/ tsha ba 'am/ bkres pa
- 59b
'am/ skom pa 'am/ mun pa 'am/ rdul dang / ngal ba tshor ba 'am/ mthong bar ma gyur te/ de la gzugs dang / sgra dang / dri dang / ro dang / reg yid du mi 'ong bar snang bar ma gyur to/ / rmi lam ngan pa yang mthong bar ma gyur to// de la bud med kyi sgyu'am/ g.yo 'am phrag dog gam/ bud med kyi nyon mongs pa dag kyang nyams su gnod par byed par ma gyur to/ / de'i tshe byang chub sems dpa'i ma ni/ bslab pa'i gzhi lnga yang dag par blangs te/ tshul khrims dang ldan zhing dge ba bcu'i las kyi lam la gnas par gyur to// byang chub sems dpa'i ma yang skyes pa gang la yang 'dod chags kyi sems skye bar ma gyur la/ skyes pa gang yang byang chub sems dpa'i ma la 'dod chags kyi sems mi skye'o// ser skya'i grong khyer chen po de yang yul gzhan dag na skyes pa dang / bud med dang / khye'u dang / bu mo su gang lha dang / klu dang / gnod sbyin dang / dri za dang / 'byung pos non pa ji snyed cig yod pa de dag thams cad kyang / byang chub sems dpa'i ma mthong ma dag tu sos shing dran pa thob par gyur to// mi ma yin pa de dag kyang myur du gnas gzhan du 'dong bar gyur to// sems can gang la la zhig nad sna tshogs kyis thebs par gyur te/ rlung dang / mkhris pa dang / bad kan dang / 'dus pa las byung ba'i nad kyis gnod par gyur pa dang / mig gi nad dam/ rna ba'i nad dam/ sna'i nad dam/
- 60a
lce'i nad dam/ mchu'i nad dam/ so'i nang ngam/ lkog ma'i nad dam/ shu ba 'am/ 'bras sam/ mdze 'am/ sha bkra 'am/ skem pa 'am/ brjed byed dam/ rims sam/ lba ba 'am/ phol mig gam/ me dpal lam/ rkang shu la sogs pa'i nad kyis btab par gyur pa de dag la byang chub sems dpa'i mas lag pa g.yas pa spyi bor bzhag pa tsam gyis nad dang bral bar gyur cing / rab rang gi gnas su 'dong bar gyur te/ tha na lha mo sgyu 'phrul gyis rtswa nyag sa 'ga' zhigs las blangs te/ sems can nad pa dag la byin na yang de dag dablang ma thag tu nad med cing nyams pa med par gyur to/ / gang gi tshe lha mo sgyu 'phrul des bdag gi lha g.yas par blta ba de'i tshe/ byang chub sems dpa' ma'i rum na 'dug pa de/ 'di lta ste/ dper na/ me lo// gi dkyil 'khor shin tu dag pa la gdong gi dkyil 'khor snang ba bzhin te/ de ltar de mthong nas tshim zhing mgu la yi rangs te/ rab tu dga' zhing dga' ba dang / yid bde ba skyes par gyur to// dge slong dag byang chub sems dpa' ma'i rus na gnas pa'i byin gyis brlabs kyis/ nyin mtshan rtag tu rgyun mi 'chad par lha'i rol mo sil snyan gyi sgra 'byung zhing / lha'i me tog gi char 'bab par gyur char na dus bzhin du 'bab/ rlung ni rus bzhinas srang // dus dang skar ma dag kyang dus bzhin su 'gyur zhing 'phob gyur to// rgyal srid kyang ban zhing la legs la/ 'jug pa me na
- 60b
med par gyur to/ / ser skya'i grong khyer chen po da na/ shAkya'i rigs dang / sems can gzhan dag 'khod pa thams cad kyang za zhing 'thung / dga' zhing rtse la dga' dgur spyod do// sbyin pa dag kyang gtong / bsod nams dag kyang byed de/ zla ba bzhi 'das pa'i dus ston bzhin du thams cad kyang dga' ba'i mchog gis rtse zhing bde bar gnas pas gnas par gyur to// rgyal po zas gtsang ma yang tshangs par spyod pa yang dag par blangs te/ rgyal po'i las btang nas/ dka' thub kyi nags tshal yongs su dag par gnas pa bzhin du/ thams cad kyang dga' ba'i mchog gis chos kyi rjes su 'brang bar gyur to/ / dge slong dag byang chub sems dpa' ma'i rum na gnas pa ni rnam pa de lta bu'i rdzu 'phrul gyi cho 'phrul dang ldan pas gnas par gyur to// de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa'i yongs su spyad pa rin po che bkod pa sngon byang chub sems dpa' ma'i rum na gnas pa'i tshe/ gnas gnas pa mthong ngam/ gsol pa/ bcom ldan 'das mthong lakra so// bde bar gshegs pa mthong la g+sa so// de bzhin gshegs pas tshe dang ldan pa kun dga' bo dang / lha'i dbang po brgya byin dang / 'jig rten skyong ba bzhi dang / de ma yin pa'i lha dang / mi gzhan dag kyang bstan te mthong nas/ de dag tshim zhing mgu la yi rangs te/ rab tu dga' zhing dga' ba dang / yid bde ba skyes so// mi mjed
- 61a
kyi bdag po tshangs pas de'i phyir yang tshangs pa'i 'jig rten du mchod par byed pa'i phyir bteg ste/ khyer nas bzhag par gyur to// de'i tshe bcom ldan 'das kyis yang dge slong dag la bka' stsal/ dge slong dag de ltar byang chub sems dpa' ma'i rum na 'dug pas/ lha dang mi khrag khrig phrag sum cu rtsa drug theg pa gsum la yongs su smin par byas par gyur to// de la 'di skad ces bya ste/ gang tshe rgyal sras sems can dam pa ma yi rum gnas pa// de tshe sa 'di tshal dang bcas par rnam pa drug tu g.yos// gser mdog 'od bkye ngan song thams cad rnam par sbyangs par gyur/ / chos kyi rgyal por 'gyur zhes lha yi tshogs rnams rab tu dga'// gzhal med khang chen dbyibs legs rin chen du mas rnam par spras// der ni dpa' bo rnam par 'dren pa bzhugs par gyur nas 'dug/ tsan dan dri zhimachog gis rab tu gang zhing rnam par mdzes// stong gsum rin chen yongs su bkang ba de yi srang phyad rin mi chog/ stong chen 'jig rten khams kyang 'og nas brtol ba byas nas ni/ / yon tan 'byung ba'i gnas kyi pad+ma'i snying khu'i thig pa byung // de ni zhag bdun bsod nams gzi brjid tshangs pa'i 'jig rten 'phags// de las snying khu'i thigs blangs tshangs pa rgyal ba'i sras la 'bul/ / byang chub sems dpa' dpa' bo tshangs pa 'dra ba ma gtogs par// sems can gang gis de zos 'jur 'gyur sems can ris
- 61b
na med/ / bskal pa du ma'i bsod nams gzi brjid snying khu'i thigs gnas pa// de zos lus dang sems dang shes pa rnam par dag par 'gyur// 'dren pa mchod phyir brgya byin tshangs pa 'jig rten skyong ba rnams/ / byang chub sems dpa'i drung du rtag par dus gsum rgyun tu 'ong // phyag byas mchod byas chos kyi dam pa de dag thos gyur nas// bskor ba byas te kun kyang gang nas 'ongs pa'i gnas su 'dong / / 'jig rten khams rnams kun nas chos 'dod byang chub sems dpa' 'ong // 'od bkod khrir gyur rnams la de dag gnas par phan tshun snang // mchog tu bya/ ba'i theg pa dam pa'i chos ni thos gyur nas// kun kyang dga' ba'i sems 'gyur bstod pa'i phreng ba brjod cing 'dong // bud med byis pa gang dag sdug bsngal ldan par gyur pa dang // 'byung pos non dang sems 'khrugs gos med rdul gyis yog pa rnams/ / de kun lha mo sgyu 'phrul mthong nas sems ni rnyed gyur te// blo gros rtog dran dang ldan zhing so so'i khyim khyim 'dong // rlung dang bad kan mkhris pa'i nad dang 'dus pa'i nad thebs dang / / mig nad rna nad dag gis lus sems mi bder gyur pa dag/ rnam mang tha dad nad kyi rnam pas gang dag gnod gyur pa// de dag sgyu 'phrul lag pa mgo la bzhag pas nad med gyur/ / yang na rtswa yi nyag ma 'ga' zhig sa las blangs byas te// sgyu 'phrul nad pa byin na thams cad rims nad med par gyur// bde ba thob cing da rod ma nyams
- 62a
so so'i khyim du 'dong / / de ni sman gyur sman pa'i rgyal po rum na 'dug phyir ro// gang tshe lha mo sgyu 'phrul bdag gi lus la brtag byas pa// de tshe byang chub sems dpa'/ rum na 'dug pa mthong ba ni ji ltar bar snang gnas kyis zla ba skar mas bskor gnas pa// de bzhin byang chub sems dpa' mtshan gyis kun nas brgyan pa snang // de la 'dod chags zhe sdang gti mug gnod par 'gyur ba med/ / de la 'dod pa de med de la phrag dog 'tshe ba med// dga' ba'i sems dang mgu ba'i sems dang dga' dang yid bder gnas// de la bkres dang skom dang tsha dang grang ba'i gnod pa med/ / lha yi rol mo sil snyan dbyangs sgra ma byas rtag tu 'byung // lha yi spos dri me tog dam pa mchog mdzes char yang 'bab// lha dang mi rnams de la lta zhing lha mi thams cad kyang / / de dag phan tshun gnod pa med cing 'tshe ba gang yang med// sems can dga' bder rtse zhing zas dang skom gyi sbyin pa byed// dga' ba'i sgra sgrogs de dag dga' zhing mgu ba'i yid dang ldan/ / rgyal po'i srid bde 'khrug pa med cing char pa dus bzhin 'bab// rtswa dang sman dang me tog rnams kyang de yi dus su skye// rgyal po'i khab tu zhag bdun rin chen char pa bab gyur pas sems can dbul po de las len cing sbyin byed bde bar spyod/ / sems can dbul zhing sdug bsngal gyur pa de tshe gang yang med// ri rab zom gyi dga' tshal sems can bzhin du dga'
- 62b
dang ldan/ / shAkya'i rgyal po de yang gso sbyong rab la nyer gnas shing // de ni rgyal po'i bya ba mi byed chos la rtag par spyod// de ni dka' thug nags tshal song nas lha mo sgyu 'phel la/ sems can mchog srel khyod kyi lus la bde ba ci 'dra rmed// lhums su 'jug pa'i le'u ste drug pa'o// // dge slong dag de ltar zla ba bcu 'das te/ byang chub sems dpa' btsa' ba'i dus la bab pa dang / rgyal po zas gtsang ma'i bskyed mos tshal du snga ltas sum cu rtsa gnyis byung ngo // sum cu rtsa gnyis gang zhe na/ me tog thams cad kha 'bus nas rgyas par gyur pa dang / rdzing dag na me tog ut+pal dang / pad+ma dang / ku mu da dang / pad+ma dkar po yod pa dag kyang kha 'bus nas rgyas par gyur pa dang / me tog dang 'bras bu'i shing ljon pa gsar pa dag kyang sa las 'thon te/ kha 'bus nas rgyas par gyur pa dang / rin po che'i shing ljon pa brgyad byung ba dang / gter chen po nyi khri 'bus te byung nas gnas par snang ba dang / khyim gyi nang du yang rin po che'i myu gu 'thon pa dang / spos chu'i dpa' dpal gyi wa 'bru mar dri zhim pos sbags pa rnams kyang zag par gyur pa dang / gangs kyi ri'i ngogs las seng ge'i phrug gu dag 'ongs te/ dga' bar rtse zhing ser skya'i grong khyer dam pa la bskor ba byas nas/ sgo na gnas par gyur kyang / sems can gang la yang 'tshe ba med par gyur pa dang / glang po'i
- 63a
phrug gu thal kar lnga brgya lhags te/ rgyal po zas gtsang ma'i rkang pa la sna'i rtse mos nyug cing gnas par gyur pa dang / lha'i byis pa rogs pa ska rags bcings/ pa dag kyang / rgyal po zas gtsang ma'i btsun mo'i 'khor gyi pang pa nas pad pa dag tu 'gre ldog par snang bar gyur pa dang / klu'i bu mo mchod pa sna tshogs kyi yo byad thogs pa dag kyang lus phyed phyung zhing nam mkha' la rgyu bar snang ba dang / lha'i bu mo khri yang rma bya'i mdongs lag na thogs shing nam mkha' la 'khod par snang ba dang / bum pa gang ba khri yang ser skya'i gnas kyi grong khyer chen po la bskor ba byed par snang ba dang / lha'i bu mo khri yang spos chu'i ril ba bying gar glad la thogs shing 'khod par snang ba dang / lha'i bu mo khri yang gdugs dang / rgyal mtshan dang / ba dan thogs shing 'khod par snang ba dang / lha'i bu mo brgya stong mang po dag kyang dung dang / rnga dang / rdza rnga dang / kha ra rnga mgul nas dpyangs te/ sdod cing 'khod par snang ba dang / rlung thams cad kyang mi ldang bar gnas par gyur pa dang / chu klung dang chu bran thams cad kyang mi mgul zhing mi 'bab par gyur pa dang / nyi zla dang / gzhal med khang dang / rgyu skar dang / skar ma'i tshogs rnams kyang mi rgyu bar gyur pa dang / skar ma rgyal dang yang ldan par gyur pa dang / rgyal po zas gtsang ma'i khyim yang rin po che'i dra bas yog par gyur pa dang / me yang mi
- 63b
'bar bar gyur pa dang / khang pa brtsegs pa dang / khang bzangs dang / yang thog dang / rta babs dag la'ang nor bu dang / rin po che dag 'phyang bar snang bar gyur pa dang / ras bcos bu'i mdzod dang / rin po che sna tshogs kyi mdzod rnams kyang sgo 'byed par snang ba dang / bya rog dang / 'ug pa dang / bya rgod dang / spyang ki dang / wa'i sgra dag kyang med par gyur pa dang / sgra skad snyan pa'i sgra dag kyang 'byung bar gyur pa dang / skye bo thams cad kyi las kyi mtha'ang rgyun chad par gyur pa dang / sa'i phyogs mthon dman du 'dug pa rnams kyang mnyam par gnas par gyur pa dang / lam gyi gzhi mdo dang / sum mdo dang / srang dang / tshong dus kyi 'khor kyang lag mthil ltar gzhi mnyam zhing 'jam la/ me tog sil mas gang ste mdzes par snang ba dang / sbrum ma thams cad kyang bde ba dang / legs par btsa' bar gyur pa dang / shing sA la'i nags tshal gyi lha thams cad kyang shing gi lo ma'i nang nas lus phyed phyung ste phyag 'tshal zhing / gnas par snang ba ste/ snga ltas sum cu rtsa gnyis po de dag byung bar gyur to/ / de nas lha mo sgyu 'phrul byang chub sems dpa' nyid kyi gzi brjid dang / mthus kyang byang chub sems dpa' btsa' ba'i dus la bab par shes te/ nam gyi srong la rgyal po zas gtsang ma'i drung du 'ongs nas tshigs su bcad de smras pa// bdag gi bsam pa gang lags gsol gyis lha ni gsan du gsol// yun ring ring po
- 64a
'das nas bskyed mos tshal gyi blo skyes te/ gal te khyod mi bkyon cing zhe sdang phrag dog mi mnga' na// bdag gi rtse sa skyed mos tshal du mchi bar bgyi// chos dgongs brtson pa dka' thub spyod pas khyod kyang skyo mkhyen grang / / bdag kyang sems can dag pa srel nas yun ni ring lags na// sA la'i shing ljon sdong po mchog kyang me tog la 'bus te// skyed mos tshal gyi dog sar da ni mchi ba'i rigs so lha/ / sos ka'i dus mchog bud med rnams kyi rgyan du 'gyur lags te// nags rgya khu byug dang ni rma bya sgra rab snyan pa 'byin// gtsang zhing mdzes la sna tshogs me tog rdul gyi ngad kyang ldang / / da ni mchin ma thogs legs par bka' lung stsal du gsol// rgyal po'i dbang pos lha mo las ni de skad tshig thos nas// dga' zhing rab tu mgu ba'i sems kyis 'khor la spras pa ni/ / bzhon pa bzhon chen 'gyogs pa'i shugs ldan dag kyang bstad par gyis// yon tan phun sum tshogs ldan lum bi ni tshal brgyan par gyis// ri sngong mdog ldan sprin gyi kha dog mthun par gyur pa yi/ / glang po stong phrag nyi shu snyed cig myur du bstad par gyis// glang po'i dbang po mche ba drug ldan dril mdzes glo las brgyas// gser dang nor bus rnam par sbas shing gser gyi dra bas spud/ / rgyal po'i bcibs pa rlung ltar mgyogs pa'i shugs dang ldan pa ste// dngul dang kha ba'i mdog 'dra rnga rngog ljang lo bzang 'khril ba'i// rta mchog
- 64b
stong phrag nyi shu bgrangs pa myur du stod gyis te/ / gser gyi dril bu g.yer ka'i dra ba glo nas dbyang ba gyis// skyes bu rtul phod g.yul la mos shing 'thab 'dod dpa' bo dag/ mda' gzhu ral gri mdung thung zhags pa mtshon cha rnon thogs pa/ / stong phrag nyi shu bgrangs pa myur du chos te bshams gyis la// sgyu 'phrul 'khor dang bcas pa bag yod par ni bsrung bar gyis// lum bi ni der gser dang nor bu'i rgyan khrom brgyan par gyis/ / gos dmar rnam pa mang pos shing rnams thams cad brgyan par gyis// lha yi dga' tshal bzhin du me tog sna tshogs chal par khrom/ de ltar thams cad bshams zin myur du nga la sbran par gyis// 'khor rnams kyis ni de skad tshig thos skad cig tu// bzhon pa kun bshams de bzhin lum bi ni yang brgyan byas te// rgyal gyur rgyal gyur sku tshe ring skyongs rgyal po gshegs su gsol/ / ji skad bka' stsal de bzhin kun gyis dus bab lha gzigs shig/ mi yi bdag po dam pa de yang dga' ba'i sems gyur nas// khyim gyi dam par zhugs te bud med rnams la 'di skad smras/ / gang zhig nga la snying nye la dga' bar 'dod pa dag/ nga yi bka' bzhin gyis te bdag gi lus kun brgyan par gyis// spos mchog dad kyi dri zhim kha dog sna tshogs sdug pa'i gos/ / 'jam zhing yid 'ong dga' ba'i sems kyis legs par bgo ba gyis// brang na 'phyang ba'i mu tig se mo do yis brgyan par gyis// rgyan gyi
- 65a
khyad par thams cad der ring kun gyis bstan par gyis/ / khar rnga rgyud gcig gling bu pi wang rdza rnga dum dum pheg/ sil snyan yid du 'ong ba brgya stong dag kyang bshams par/ gyis sgra snyan thos nas lha rnams rab tu dga' ba skye 'gyur zhing // lha mo rnams kyang de bzhin dga' bar 'gyur ba khyed kyis kyis// shing rta'i mchog 'dir lha mo sgyu 'phrul gcig pu 'dug par gyis/ / bud med skyes pa gzhan dag su yang shing rta der ma 'khod// na chung sna tshogs go can rnams kyis shing rta de drongs te// gang du'ang yid du mi 'ong mi mthun sgra rnams mi grag gis/ / lha mo sgyu 'phrul khyim nas byung ste sgo drung phyin pa'i tshe// rta dang glang po shing rta rkang thang dpal ldan sna tshogs dpung // rgyal po'i sgo drung lhags tshe sgra chen mang po grag par gyur/ / rgya mtsho chen po 'khrugs pa'i sgra ltar de dag yongs su grags// de tshe bkra shis don du dril bu brgya stong dkrol ba byas// shing rta de yang de ltar rgyal pos sna tshogs brgyan pa la// lha rnams stong gis lha yi khri yang legs par bshams pa byas/ / rin chen shing ljon me tog lo ma ldan gzhi ldan par byas// rma bya khrung khrung ngang ba yid du 'ong ba'i sgra yang 'byin// gdugs dang rgyal mtshan ba dan che phra kun nas 'khor bar bsgreng / / lha yi gos dang dril bu g.yer ka'i dra ba mchog gis bkab// lha yi bu mo nam mkha' las ni shing rta de la lta// lha yi sgra dbyangs snyan pa
- 65b
sgrog cing bstod pa'i tshig brjod de/ / gang tshe lha mo sgyu 'phrul seng ge'i khri la 'dug gyur pa// de tshe stong gsum sa 'di rnam pa drug tu rab tu g.yos// lha rnams gos kyi g.yab mo 'byin cing me tog sna tshogs 'thor/ / de ring lum bi ni 'dir 'gro ba'i dam pa bltams gyur te// 'jig rten skyong ba bzhi ni shing rta'i mchog de 'dren par byed// sum cu rtsa gsum bdag po dbang po'ang lam gyi byi dor byed/ / tshangs pa skye bo mi srun sel cing sngon du 'gro bar gyur// lha rnams brgya phrag stong yang thal mo sbyar bas phyag 'tshal 'dud// rgyal po rab tu dga' ba'i sems kyis bkod pa de la lta/ / de ni 'di snyam 'di ni lha yi lha zhig yin snyam byed// gang la skyong ba bzhi dang tshangs pa'i dbang por bcas pa'i lha// mchod pa rgya chen byed pa 'di ni nges par sangs rgyas 'gyur// srid pa gsum na lha klu brgya byin tshangs pa 'jig rten skyong // gang yang mchod pa 'di 'dra bzod pa'i sems can de med de// yang na mgo 'gas yang na de dag srog dang bral bar 'gyur// 'di ni lha yi dam pa yin pas mchod pa thams cad bzod// dge slong dag de nas lha mo sgyu 'phrul rta'i shing rta rgyan thams cad kyis brgyan pa brgyad khri bzhi stong gis ni kun nas bskor/ glang po che'i shing rta rgyan thams cad kyis brgyan pa brgyad khri bzhi stong dang rkang thang dpa' zhing rtul phod pa yan lag dam pa dang ldan pa/ go cha legs par bgos par sra
- 66a
ba'i go gyon pa brgyad khri bzhi stong gis ni yongs su bsrungs/ shAkya'i bu mo stong phrag drug khris ni mdun du ba dang / rgyal po zas gtsang ma'i phu nu'i rigs su skyes pa'i shAkya'i rgan pa dang / gzhon pa dang / bar ma bzhi khri ni yongs su bsrungs/ rgyal po zas gtsang ma'i sras/ glu dang rol mo'i dbyangs sgra byed/ khar ba'i sil khrol dang pheg rdog sil snyan dang / glu dbyangs len pa drug khris ni kun nas bskor/ lha'i bu mo brgyad khri bzhi stong dang / klu'i bu mo brgyad khri bzhi stong dang / dri za'i bu mo brgyad khri bzhi stong dang / mi 'am ci'i bu mo brgyad khri bzhi stong dang / lha ma yin gyi bu mo brgyad khri bzhi stong bkod pa'i rgyan sna tshogs kyis brgyan pa sha stag glu dang rol mo'i dbyangs sgra sna tshogs kyis bsngags pa brjod pa rjes su 'brang bas 'gro'o/ / lum bi ni'i nags tshal thams cad kyang spos chu'i chag chag gis btab cing / lha'i me tog gis gtor bar gyur to// nags tshal dam pa de'i nang na/ shing ljon pa ji snyed cig yod pa de dag thams cad kyang dus la ma bab par lo ma dang / me tog dang / 'bras bu skyes par gyur to// nags tshal de ni lha rnams kyis kyang legs par brgyan par gyur te'adi lta ste dper na/ 'dres pa'i tshal lha rnams kyis legs par brgyan pa bzhin no// de nas lha mo sgyu 'phrul lum bi ni'i nags tshal du phyin nas shing rta dam pa de las bkra
- 66b
te/ mi dang lha'i bu mo dag gis yongs su bskor cing / shing drung nas ni shing drung dag tu 'gro// nags tshal nas ni nags tshal dag tu 'chag/ ljon pa nas ni ljon pa dag la lta zhing // de rim gyis shing rin po che chen po mchog dang phul du bya ba/ yal gshin tu rnam par 'byes pa/ lo ma dang / dog pa bzang po dang ldan pa/ mi dang lha'i me tog sna tshogs rab tu rgyas pa/ spos mchog dang / phul du bya ba'i dri'i ngad dang ldan pa'i gos kha dog sna tshogs dpyangs pa/ nor bu dang / rin po che sna tshogs lta bu'i 'od rnam pa tha dad pa 'bar ba/ rtswa ba dang / sdong po dang / yal ga dang / lo ma rnams rin po che thams cad kyis legs par brgyan pa/ yal ga ring zhing shin tu rnam par 'byes pa/ p+lag sha zhes bya ba sa'i phyogs lag mthil ltar mnyam zhing shin tu bzad la yangs pa/ rtswa sngon po rma bya'i mgrin pa lta bu skyes pa/ ka tsa li nI'i gos ltar reg na bde ba'i sa la 'dug pa sngon gyis rgyal ba'i yum gyis brten pa/ lha'i glu dbyangs blangs pa/ gnas gtsang ma'i lha bzang zhing dri ma med la rnam par dag pa rab tu zhi ba'i sems dang ldan pa rnams kyi thor tshugs dang / cod pan mngon par gtud pa'i spyi bos mngon par phyag bya ba'i shing ljon pa blag sha de'i drung du phyin to// de nas byang chub sems dpa'i gzi brjid dang mthus/ shing blag sha des mngon par gtud de phyag byas so// de nas lha mo sgyu 'phrul nam mkha'i dkyil du snang ba'i glog gis phreng ba lta bu'i lag pa
- 67a
g.yas pa brkyang nas/ p+lag sha'i yal ga las bzung ste/ tshul du shis par nam mkha'i dkyil du bltas nas/ bya chungs skyes byed cing 'dug par gyur to// de nas de'i tshe 'dod pa na spyod pa'i lha'i nang nas lha'i bu mo drug khri lhags te/ lha mo sgyu 'phrul la rim gro dang / bkur sti byed par gyur to// byang chub sems dpa' ma'i rum na 'dug pa'i tshe/ rnam pa de lta bu'i rdzu 'phrul gyi cho 'phrul dang ldan par gnas so/ / de zla ba bcu tshang nas ma'i glo g.yas pa nas dran zhim shes bzhin du mngal gyi dri mas ma gos par byung ste/ gzhan ltar ma yin zhing gzhan dag la mngal gyi dri ma zhes bya ba brjod pa de lta bu med par gyur to/ / dge slong dag de'i tshe lha'i dbang po brgya byin dang / mi mjed kyi bdag po tshangs pa gnyis mdun na 'khod de/ de gnyis kyis rim gro dam pa chen pos lha'i gos ka shi ba'i sle ba mos lus dang yan lag thams cad kyis dran zhin shes bzhin du byang chub sems dpa' blangs so/ / byang chub sems dpa' khang pa brtsegs pa gang gi nang na 'dug cing / ma'i rum na gnas gnas pa de yang mi mjed kyi bdag po tshangs pa dang / tshangs ris kyi lha rnams kyis/ tshangs pa'i 'jig rten du gyen du bteg ste/ mchod rten du bya ba dang / mchod pa bya ba'i phyir khyer ro// de ltar byang chub sems dpa' de ni mir gyur pa gang gis kyang ma blangs kyi/ byang chub sems dpa' de ni lha rnams kyis blangs so//
- 67b
de nas byang chub sems dpa' btsas ma thag tu sa la 'bab ste/ byang chub sems dpa' de sa la babs par gyur ma thag tu/ pad+ma chen po zhig gis sa 'di yang brtol te 'byung ngo // klu'i rgyal dga' bo dang / nye dga' bo gnyis kyang nam mkha'i dkyil na lus phyed phyung ste 'khod nas bsil ba dang / dro ba'i chu'i rgyun gnyis mngon par sprul nas byang chub sems dpa'i lus bkrus so// brgya byin dang / tshangs pa dang / 'jig rten skyong ba la sogs pa gzhan yang lha'i bu brgya stong mang po dag byang chub sems dpab btsas ma thag tu spos chu sna tshogs dang / me tog sil mas lus 'dra zhing mngon par 'thor ro/ / bar snang las kyang rdul yab kyi rnga ma gnyis dang / rin po che'i gdugs byung bar gyur to// de pad+ma chen po de la 'dug nas phyogs bzhir rnam par lta ste/ seng ge'i lnga stangs dang / skyes bu chen po'i lta stangs kyis rnam par lta'o// de'i tshe byang chub sems dpas sngon gyi dge ba'i rtsa ba'i rnam par smin pa las byung ba lnga'i mig thogs pa med pas stong gsum gyi stong chen po'i 'jig rten gyi khams thams cad grong khyer dang / grong rdal dang / yul 'khor dang / pho brang 'khor dang / ldengs su bcas/ yul du bcas lngar bcas pa rnas mthong bar b+ha sems cang thams cad kyi sems kyi spyod pa'ang rab tu shes te/ shes nas kyang sems can gang tshul khrims sam/ ting nge 'dzin tam/ shes rab bam/ dge ba'i sdod pas bdag da
- 68a
de lta bu gang la la zhig yod dam zhes rnam par lta'o/ / de'i tshe byang chub sems dpas stong gsum gyi stong chen po'i 'jig rten gyi khams na/ bdag dang mtshungs pa'i sem can gang yang ma mthong nas/ de'i tshe byang chub sems dpa' seng ge ltar 'jigs pa med cing bag tsha ba med de/ zhum pa dang / bag 'chums pa med pas legs par bsams pa dran par byas te/ bsam pa brtags nas sems can thams cad kyi sems kyi spyod pa shes par byas te/ sus kyang brtan pa med par byang chub sems dpa' dge ba'i rtsa ba'i chos thams cad kyi sngon du 'gro bar bya'o zhes/ shar phyogs logs su gom pa bdun bor ro// de ltar byang chub sems dpa' gang dang gang du gom pa bor ba de dang de dag tu pad+ma dag kyang skyes par gyur to// lha dang mi rnams kyi sbyin pa'i gnas su 'gyur bar bya'o zhes lho phyogs logs su gom pa bdun bor ro/ / nub phyogs logs su gom pa bdun bor nas gom pa bdun pa la gnas te/ nga ni 'jig rten na phul du phyin pa'o// 'di ni nga'i skye ba tha ma ste/ skye ba dang / rga ba dang / na ba dang / 'chi ba mthar dbyung ngo zhes seng ge ltar tshim par gyur pa'i sgra sbags so// sems can thams cad kyi nang na bla na med par bya'o/ zhes/ byang phyogs logs su gom pa bdun bor ro// bdud dang bdud kyi sde ni gzhom par bya'o// sems can dmyal ba pa thams cad kyi sems can dmyal ba'i me bsad pa'i phyir chos kyi char sprin
- 68b
chen po'i char phab ste/ de dag bde bas tshim par bya'o zhes 'og gis phyogs logs su gom pa bdun bor ro// sems can thams cad kyis gyem du blta bar 'gyur bar bya'o zhes steng gi phyogs logs su gom pa bdun bor nas steng du lta'o/ / byang chub sems dpa' tshig de brjod ma thag tu/ de nas de'i tshe stong gsum gyi stong chen po'i 'jig rten gyi khams 'dir sgras mngon par go/ bar gyur te/ de ni byang chub sems dpa'i las kyi rnam par smin pa las byung ba'i mngon par shes pa'i chos nyid do// gang gi tshe byang chub sems dpa' srid pa tha ma pa btsa' bar 'gyur ba dang gang gi tshe bla na med pa yang dag par rdzogs pa'i byang chub mngon par rdzogs par 'tshang rgya bar 'gyur pa de'i tshe/ rdzu 'phrul gyi cho 'phrul gyi rnam pa de lta bu de dag 'byung ngo // dge slong dag de'i tshe sems can thams cad kyang rab tu dga' zhing spu g.yos par gyur to/ / 'jig rten du sa g.yo ba chen po shin tu 'jigs shing spu g.yo bar 'gyur ba yang byung bar gyur to// mi dang lha'i sil snyan dang rol mo'i dbyangs sgras bya ba thams cad kyang ma blangs par sgra byin par gyur to/ / de'i tshe stong gsum gyi stong chen po'i 'jig rten gyi khams thams cad du dus dang / dus mtshams so so'i shing thams cad kyang me tog rgyas shing 'bras bu chags pa dang / rnam par dag par gyur to// nam mkha'i dkyil nas kyang sprin gyi sgra grags te/ sprin med pa'i nam mkha' las kyang
- 69a
dal bu dal bus phra ba phra ba'i char lha yul ba'i kha dog dang ldan pa'i me tog dang / gos dang / rgyan dang / spos kyi phye ma dang 'dres pa bab par gyur to// rlung reg na mchog tu/ bde ba 'jam pa/ dri zhim po dag kyang ldang par gyur to// phyogs thams cad kyang mun pa dang / rdul dang / du ba dang / khug rna med cing rab tu dang bas rnam par mdzes par gyur to// steng gi bar snang las kyang tshangs pa'i sgra chen po snyan cing zab pa grags par gyur to// nyi zla dang / brgya byin dang / tshangs pa dang / 'jig rten skyong ba'i 'od thams cad kyang zil gyis mnan te/ 'od kha dog brgya stong dang ldan pa/ reg na mchog tu bde ba/ sems can thams cad kyi lus dang sems la bde ba skye dag 'jig rten las 'das pas stong gsum gyi stong chen po'i 'jig rten gyi khams thams cad rgyas par gang bar gyur to/ / byang chub sems dpa' btsas ma thag tu sems can thams cad kyang bde bas shin tu tshim par gyur te/ 'dod chags dang zhe sdang dang / gti mug dang / dregs pa dang / mi dga' ba dang / zhum pa dang / 'jigs pa dang / chags pa dang / phrag dog dang / ser sna thams cad dang bral zhing mi dge ba'i bya ba thams cad spangs par gyur to/ / sems can nad pa rnams kyi nad kyang zhi bar gyur to// bkres shing skom pa'i sems can rnams kyang bkres pa dang skom pa med par gyur to//
- 69b
chang gis ra ro zhing myos pa rnams kyang myos pa med par gyur to// smos pa rnams kyang dran pa thob par gyur to// mig med pa rnams kyis kyang mig thob par gyur to// rna ba 'on pa rnams kyis kyang sgra thos par gyur to/ / yan lag dang nying lag nyams pa rnams kyang dbang po nyams pa med par gar te// dbul po rnams kyis kyang nor thob par gyur to// btson ra na 'khod pa rnams kyang btson ra nas thar bar gyur to/ / mnar med pa la sogs pa'i sems ca dpral rams cad kyi nang du bya ba dang / sdug bsngal thams cad de'i tshe rgyun chad par gyur to/ / dud 'gro'i skye gnas pa rnams kyi gcig la gcig za ba la sogs pa'i sag pas // gshin rje'i 'jig rten pa'i sems can rnams bkres pa dang skom pa la sogs pa'i sdug bsngal yang zhi bar gyur to/ / gang gi tshe byang chub sems dpa' bskol pa sasnying grangs med par spyad pa shin tu spyad pa/ brtson 'grus chen po dang ldan pa mthu chen po dang ldan pa/ btsas ma thag tu gom pa bdun 'dor ba'i tshe/ chos nyid thob pas de'i pags ba cu'i 'jig rten gyi khams na bzhugs pa'i sangs rgyas bcom ldan 'das rnams sa'i phyogs de/ de'i tshe zhig par mi 'gyur bar bya ba'i phyir/ rdo rje'i rang bzhin du byin gyis rlob par mdage slong dag de tsam du stobs kyi shugs drag po dang ldan par byang chub
- 70a
sems dpa' btsas ma thag tu gom pa bdun 'dor bar gyur to/ / 'jig rten gyi bar thams cad kyang de'i tshe snang ba chen pos rgyas par gang bar gyur to// de'i tshe glu'i sgra chen po yang byung bar gyur to/ / gar gyi sgra chen po yang byung bar gyur to// de'i tshe me tog dang / phye ma dang / spos dang / phreng ba dang / rin po che dang / rgyan dang / gos kyi sprin dpag tu med pa dag kyang char du mngon par bab par gyur to/ / sems can thams cad kyang bde ba'i mchog dang ldan par gyur te/ mdor na byang chub sems dpa' 'jig rten thams cad las mngon par 'phags ba 'jig rten du byung ba'i tshe/ bya ba bsam gyis mi khyab pa byung bar gyur to// de nas tshe dang ldan pa kun dga' bo stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// bcom ldan 'das de bzhin gshegs pa ni sems can thams cad las ngo mtshar du gyur pa ste/ byang chub sems dpa' nyid kyang rmad du byung ba'i chos dang ldan par gyur na/ da bla na med pa yang dag par rdzogs pa'i byang chub mngon par rdzogs par sangs rgyas pa lta smos kyang ci 'tshal te/ bcom ldan 'das 'di ltar bdag ni lan bzhi 'am/ lan lngar yang / lan bcur yang / lan lnga bcu'i bar du yang / lan brgya'i bar du yang
- 70b
lan brgya stong du ma'i bar du yang / sangs rgyas bcom ldan 'das la skyabs su mchi'o// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo ma 'ongs pa'i dus na/ dge slong la la lus ma bsgoms pa/ sems ma bsgoms pa khrims ma bsgoms pa/ shes rab ma bsgoms pa/ byis pa mi mkhas pa lhag pa'i nga rgyal can/ rgod pa/ khengs pa/ ma bsdams pa sems g.yengs pangos mang ba/ dad pa med pa/ dge sbyong gi dri mar gyur pa/ dge sbyong gi tshul dang mi 'dra ba dag 'byung ste/ de dag ni byang chub sems dpa' rum du 'gro ba yongs su dag pa 'di lta bu yid mi ches shing de dag phyogs gcig tu tshogs nas/ gcig la g cig 'di skad du kye khyed cag 'di lta bu'i mi rigs pa la ltes pang rlab sems da pa'i khu shugs dang 'dres pa la yang 'di lta bu'i longs spyod yod ces bya ba dang / de 'byung ba'i tshe ma'i glo g.yas pa nas yangal gyi dri mas ma gos par byung la bya gyung zhes zer bar 'gyur te/ skyes bu glen pa de dag ni sems can l egs par byas pa'i las dang ldan pa rnams kyi lus mi gtsang ba'i khu ba'i nang de mi 'gyuzhes dge slong dag sems can dam pa de lta bu dag gi mngal du 'gro
- 71a
ba dang / mngal na gnas pa ni shin tu yang bzang ba yin no// byang chub sems dpa' rnams ni sems can rnams la snying brtse bas mi'i 'jig rten du skye ste/ lhar gyur pa nyid kyis chos kyi 'khor lo mi skor ro/ / de ci'i phyir zhe na/ kun dga' bo sems can rnams zhum par 'gyur zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de ni lhar gyur pa yin gyis/ bdag cag ni mi tsam du zad pas na/ bdag cag gis gnas de lta bu yongs su rdzogs par byas par mi nus so zhes zhum par gyur tu 'ong ba'i phyir te/ skyes bu glen pa chos kyi rkun por gyur pa de dag 'di snyam du sems can de ni bsam gyis mi khyab pa ste/ de ni bdag cag gis tshod bzung bar bya ba ma yin no snyam du mi sems so/ / kun dga' bo de dag ni de'i tshe/ sangs rgyas kyi cho 'phrul la yang yid mi ches par 'gyur na/ de bzhin gshegs pa byang chub sems dpar gyur pa'i byang chub sems dpa'i tshe 'phrul lta la smos kyang ci dgos te/ kun dga' bo do ltar skyes bu glen pa/ rnyed pa dang / bkur sti dang / tshigs su bcad pas zil gyis non pa mi gtsang bar bying ba/ rim gro'i zil gyis non pa ma rabs kyi ngang tshul can de dag sangs rgyas kyi chos spong zhing bsod nams ma yin pa'i mngon par 'du bya ba mang po ji snyed cig mngon par 'du byed pa la ltos/ / /
- 71b
'phags pa rgya cher rol pa zhes bya ba theg pa chen po'i mdo/ dam po lnga pal pa/ bcom ldan 'das ma byung ba'i dus na/ 'di lta bu'i mdo snga bzang po la yang spong zhing mi snyan par brjod pa de lta bu'i dge slong dag kyang 'byung ba lags pa bka' stsal pa/ kun dga' bo de dag ni mdo sde 'di lta bu spong zhing mi snyan par brjod par yang mi zad de sdig pa rnam pa du ma bangom par 'du bya ba mngon par du mi gnyer ba dag kyang 'byung bar 'gyur ro/ / gsol pa bcom ldan 'das bo na skyes bu dam pa ma lags pa de 'dra ba de dag gi 'gro ba ni ci 'dra ba ga tu mas ni ji lta bu zhig tu mchi/ bcom ldan 'das kyis bka' stsal pa/ de dag ni sangs rgyas kyi byang chub med par byas te/ 'das pa dang / ma byom ldang 'das rnams la mi snyan pas skur pa btab pa'i 'gro ba gang yin pa'i 'gro ba der 'gro bar 'gyur ro/ / de nas tshe dang ldan pa kur das khe sprubal lo zhes brjod de/ bcom ldan 'das la 'di skad ces gsol to/ bcom ldan 'das skyes bu dam pa ma lags pa de dag gi spyod pa 'angadi dag thos ras bdag ni brgyal bcom ldan 'das kyis bka' stsal pa/ kun dga' bo de dag
- 72a
gi spyod pa ni mnyam par mi 'gyur zhing / sems can de dag ni mi mnyam pa'i spyod pa can du 'gyur ro// kun dga' bo de dag tshul dang mi 'dra ba'i spyod pa des/ mnar men/ pa'i sems can dmyal ba chen por ltung bar 'gyur ro// de ci'i phyir zhe na/ kun dga' bo dge slong ngam/ dge slong ma 'am/ dge bsnyen nam/ dge bsnyen ma gang la la zhig/ mdo sde 'di la bu 'di dag thos nas ma mos shing / yid mi ches pa dang / spong ba de dag ni shi 'phos ma thag tu mnar med pa'i sems can dmyal ba chen por lhung bar 'gyur ro// kun dga' bo de bzhin gshegs pa la ni tshad du ma byed cig/ de ci'i phyir zhe na/ kun dga' bo de bzhin gshegs pa ni tshad med cing zab la rgya che zhing gting dpag dka' ba'o// kun dga' bo la la zhig mdo sde 'di lta bu 'di dag thos nas dga' ba dang / mchog tu dga' ba dang / dad pa skyes pa'i sems can de dag gis thob pa de ni legs par thob pa yin te/ de dag gi 'tsho ba ni don yod pa'o// de dag gi mi'i dngos po ni don yod pa'o// de dag gi spyod pa ni legs par spyad pa'o// de dag gis ni snying po blangs so// de dag ni ngan song gsum las grol ba'o// de dag ni bzhin gshegs pa'i sras su 'gyur ro/ / de dag gis ni dgos pa thams cad yongs su thob bo// de dag gis ni dad pa thob pa ni don yod do// de dag gis ni yul 'khor gyi zas
- 72b
legs pa zos so/ / de dag ni sems can dam pa rnams la legs par mos pa yin no// de dag ri bdud rtse zhags pa gtubs pa yin no// de dag ni 'khor ba'i 'brog dgon pa las rgal to/ / de dag gis ni mya ngan gyi zu de dag gis ni mchog tu dga' ba'i dngos po rjes su 'thob bo// de dag gis ni skyabs su 'gro ba legs par blangs so// dag ni sbyin pa'i gnas yin te/ mchod pa 'os pa'o// de dag ni 'jig rten du 'brang bar dkon pa'o// de dag ni 'jig rten na sbyin pa'i gnas su bzung ba'o// de ci'i phyir zhe na/ de bzhin gshegs pa'i chos 'jig rten thams na dang rnam dga' ba sems can de dag ni dge ba'i rtsa ba don dang ldan pa ma yin te/ kun dga' bo sems can de dag ni nga dang tshe rabs 'ga' zhig yid du 'grogs par gyur pa'i grogs po yin no// daci'i phyir zhe na/ kun dga' bo la la ni thos pa tsam gyis dga' zhing yid du 'ong ba yod kyi/ mthong na ma yin no// kun dga' bo la la mi mthong bas dga' zhing yid du 'ong ba yod kyi/ thos pas ni ma yin no// kun dga' bo la la ni mthong na yang dga' zhing yid du 'ong la/ thos nas yang dga' zhing yid du 'ong ba yod do// kun dga' bo gang yang rung ste/ la 'a zhig mthong ngar thos nas dga' zhing yid du 'ong bar gar na/ khyod kyis de la 'di ltar de dag ni nga dang
- 73a
tshe rabs 'ga' zhig tu 'grogs pa'i grags po yin par nges par rtogs par bya ba ste/ de dag ni de bzhin gshegs pas gzigs so// de dag ni de bzhin gshe/ pas dgrol bar bya'o// de dag ni de bzhin gshegs pa dang / yon tan gyi cha mnyam pa'o// de dag ni de bzhin gshegs pa la skyabs su dong ba'o// de dag ni de bzhin gshegs pas bzung ba'o/ / kun dga' bo nga sngon byang chub sems dpa'i spyad pa spyod pa nyid kyi tshe yang sems can su yang rung ste/ 'jigs pas nyam thag cing 'ongs nas/ mi 'jigs pa slong na sems can de dag la dngas mi 'jigs pa byin par gyur na/ da bla na med pa yang dag par rdzogs pa'i byang chub mngon par rdzogs par sangs rgyas par lta smos kyang ci dgos/ kun dga' bo dad pa la brtson par gyis shig/ 'di ni de bzhin gshegs pas bcol ba'o// kun dga' bo khyod kyi bya ba ci yod pa de dag ni de bzhin gshegs pas byas so// nga rgyal gyi zug rngu ni de bzhin gshegs pas bsal to/ / kun dga' bo grogs po'i gtam thos pa tsam gyis kyang dpag tshad brgya'i lam du yang 'gro ste/ thos pas kyang dga' bar 'gyur ba yin na/ sngar ma mthong ba las mdza' bo mthong bar gyur na spos kyang ci dgos te/ gang nga la rten cing dge ba'i rtsa ba skyed par byed pa de dag ni ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis mkhye//
- 73b
cing / sems can de dag ni de bzhin gshegs pa rnams kyi sngon gyi mdza' bo ste/ de dag ni bdag cag gi yang mdza' bo yin no snyam du dgongs so// de ci'i phyir zhe na/ kun dga' bo gang yin pa de mdza' bo la sdug cing yid du 'ong ba yin no/ / mdza' bo de'i gang sdug pa'i grogs po de yang de la sdug cing yid du 'ong ba yin no// kun dga' bo de lta bas na khyod mos par bya zhing khong du chud par byas dad pa tsam yang bskyed par gyis shig/ ngas ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams la yang gtad de/ de dag kyang 'di dag ni bdag cag gi yang mdza' bo yin no zhes bya bar mkhyen cing / bsam pa rdzogs par mdzad par 'gyur ro// kun dga' bo 'di lta ste/ dper na skyes bu la la zhig la bu dag nyan cing / mthun par 'dzin pa gcig pu zhig bdog par gyur la/ skyes bu de yang mdza' bo mang ba zhig yin na/ pha de shi zin kyang pha'i mdza' bos yongs su bzung ba'i bu de ni phongs par mi 'gyur ro// kun dga' bo de bzhin du gang su yang rung ste/ nga la dad na de dag ngas bzung ba yin te/ de dag ni nga'i mdza' bo'o// de dag ni nga la skyabs su dong ba'o// de bzhin gshegs pa ni mdza' bo mang po mnga' ba ste/ de bzhin gshegs pa'i mdza' bo de dag kyang yang dag par gsung zhing brdzun du mi gsung bas/ de bzhin gshegs pa'i mdza' bo de dag kyang / yang dag par gsung ba ma 'ongs pa'i de bzhin gshegs
- 74a
pa dgra bcom pa yang dag par rdzogs pa'i sangs rgyas rnams la de dag rjes su gtad kyis/ kun dga' bo dad pa la brtson par gyis shig/ 'di ni ngas khyod la btsal/ ba'o// dge slong dag de ltar byang chub sems dpa' btsas pa'i tshe/ lha'i bu mo bye ba khrag khrig brgya stong mang po dag nam mkha'i dkyil na gnas shing / lha mo sgyu 'phrul la lha'i ma tog dang / spos dang / phreng ba dang / byug pa dang / gos dang / rgyan gyis mngon par 'thor bar gyur to// de la 'di skad ces bya ste/ dge ba dri med rnam dag gser gyi 'od ldan nyi ma'i'od ldan pa/ / lha yi bu mo sgra dbyangs snyan brjod stong phrag drug cu de yi tshe// skad cig de la lum bi ni lha mo sgyu 'phrul de la smra/ mi dgyes ma mdzad rab tu dgyes mdzad bdag cag khyod kyi phyag rjed lags/ / bdag cag rnams kyis bgyi ba ci mchis ci bgyi ci 'tshal bka' stsol cig/ bdag cag khyod kyi phyag rjed nus ldan nye ba'i sems dang ldan pa lags// khyod kyis dgyes shing bde ba'i nyams bskyed mi dgyes thams cad spang bar gsol/ / rga shi sel ba'i sman pa dam pa de ring lha mo myur skyed 'gyur// ji ltar zhugs shing 'di rnams kha 'bus sa la me tog rgyas gyur cing / stong phrag bgrangs pa'i lha rnams drung na gnas shing lag pa 'dud pa dang // ji ltar dog sa rgya mtshor bcas te rnam pa drug tu g.yos lags na// khyod las lha yul mi yul sgra grags 'jig
- 74b
rten 'das pa'i sras bltam 'gyur/ / ji ltar rnam dag 'od kyis rnam par mdzes shing gser gyi kha dog bzang // nam mkha'i dkyil las yid 'ong sil snyan brgya dag ma dkrol sgra 'byin dang ji ltar dag cing gtsang la 'dod chags bral ba'i lha rnams brgya stong yang / / dga' sems phyag 'tshal ba las de ring 'jig rten kun phan bltam par 'gyur// brgya byin tshangs pa 'jig rten skyong dang de bzhin lha rnams gzhan dag kyang / / dga' zhing brod pa'i sems kyis drung du gnas nas lag pa 'dud pa bgyid// skyes bu seng ge brtul zhugs grub pa de yang brtsib logs g.yas nas byung / / gser gyi ri dang 'dra zhing dag pa'i 'od dang ldan pa'i 'dren pa bltams// brgya byin tshangs pa gnyis kyis lag pa dar te thub pa de yang blangs// zhing rnams brgya stong 'od bzang bkye bas thams cad rab tu g.yos par gyur/ / ngan song gsum gyi sems can rnams kyang bde zhing sdug bsngal med gyur te// lha rnams brgya phrag stong gis me tog gtor te gos kyi g.yab mo phyung / / de tshe sa 'di stobs mthu ldan zhing rdo rje'i dngos gnas pad+ma mdzes// sna tshogs mngon mthon dge la 'dren pa 'khor lo'i mtshan ris zhabs bzhag ste// gom pa bdun du bzhud nas tshangs pa'i sgra dbyangs dam pa gsungs pa ni/ / rga shi sel ba'i sman pa dam pa sems can mchog tu bdag 'gyur ro// tshangs pa'i mchog dang brgya byin lha mchog nam mkha'i
- 75a
dkyil na 'khod gyur te/ / gtsang zhing dang la mdzes pa'i spos chu dag gis 'dren pa'i sku yang bsil// klu yi rgyal gnyis bar snang gnas nas grang dro'i chu yi rgyun kyang gtong / / lha rnams brgya stong dag kyang spos chu dag gis 'dren pa'i sku bsil byed// 'jig rten skyong ba rnams kyang rim gro dam par lag pa bzang pos len// stong gsum 'di yang rgyu dang mi bcas par rab tu g.yos par 'gyur/ / mdzes pa'i 'od rnams bkye bas ngan song rnams kyang rab tu zhi bar gyur// 'jig rten rnam par 'dren pa bltams pas nyon mongs sdug bsngal de dag zhi/ / mi yi 'dren pa rgyal ba la// lha rnams me tog sil mas 'thor// stobs dang brtson 'grus ldan pa yi// brtan pa gom pa bdun du bzhud// sa phyogs gang du zhabs bzhag pa/ / der ni pad+ma bzang ba'i mchog/ rin chen kun gyis brgyan pa dag/ sa las mngon du mthon par gyur// de ltar gom pa bdun bzhud nas// rga dang 'chi ba sel ba yi// sman pa dam pa 'dir byung zhes// tshangs pa'i dbyangs kyi gsung brjod do// 'jigs med phyogs su rnam gzigs te// de nas don ldan gsung phyung ba// da ni 'jig rten kun gyi gtso// 'jig rten phul phyin rnam par 'dren// nga yi skye mtha' 'di yin zhes// mi yi 'dren pas 'dzum pa mdzad// lha dbang bcas dang 'jig rten skyong dag rab tu dang sems skyes//
- 75b
spos chu mchog gis 'jig rten phan pa'i don mdzad sku yang ba sil// klu dbang rnams kyang lhan cig mthun par byas nas ni// dri zhim spos chu dag gi rgyun gyis sku yang bsil ba byas/ lha gzhan khrag khrig dag kyang bar snang la ni gnas nas su// dri zhim spos chu mchog gi rgyun gyis rang byung sku yang bsil// gdugs dkar yangs dang rnga yab bzang po dam pa thogs nas ni bar snang 'khod de lha rnams mi yi khyu mchog sku bsil byed/ / skyes bu gcig cig rings par 'ongs nas zas gtsang de la dgar smras pa// lha gcig 'byor pa rgyas gyur khyod kyi sras ni mtshan gyis brgyan pa bltams/ / de ni nges par 'khor lo sgyur ba'i dbang phyug gdung rabs rin chen 'tsho ba// 'dzam bu'i gling 'di gdugs mang gcig 'gyur bas kyis dgra yang ma mchis 'gyur// de nas skyes bu gnyis 'ongs zas gtsang rgyal po'i mdun du de song ste// lha cig 'byor pa rgyas gyur shAkya'i rigs su rgyal bu skyes gyur nas// shAkya rnams kyi grong du rogs pa 'bum phrag lnga ni btsas pa skyes par gyur/ / kun kyang gzhan gyis mi thub stobs dang ldan zhing chen po che dang 'dra// skyes bu gzhan 'ongs smras pa bdag las bgyis pa'i sgra gson lha// 'dun pa can la sogs pa 'bangs kyi byis pa brgyad brgya btsas par gyur/ / bsngags ldan gyi ni zla bo chibs rta stong phrag bcu dag 'brangs gyur te// chibs mchog dam pa gser gyis 'od ldan rnga
- 76a
rngog ljang lor 'khril ba lags/ / mtha' 'khob khams kyis rgyal po stong phrag nyi shu dag kyang de bzhin du// rgyal po khyod kyi zhabs kyi drung du mchis kyis legs bar rgyal gyur lha/ / da ni bdag mchis sug las ci bgyi rgyal pos bdag la bka' stsal gsol// rgyal po khyod 'dir mnga' brnyes bdag 'bangs jo bo lha cig rgyal bar spyon// gser gyi dra bas mdzes pa'i glang po dam pa stong phrag nyi shu dag/ nam mkha' las na dgra dag 'byin cing rgyal po'i khab tu mgyogs su mchis// sa srung la sogs na gu za lu dag dang be'u ni drug stong 'brangs/ / lha cig lha mchog bltams zhing de dag btsas pas rgyal khab phun sum tshogs// rje cig rgyal po gshegs te bsod nams gzi 'od ldan pa bltams pa yi// yon tan dag ni mthong / bar gyur nas lha dang mi rnams stong bgrangs pa// rab tu dga' bar gyur dang kun la nyid kyis legs par gzigs su gsol// myur du rgyal gyur cig ces byang chub dam pa mya ngan med par bzhugs dge slong dag de ltar byang chub sems dpa' btsas pa dang / skad cig de la sbyin pa gtong ba yang de bas rgya cher gyur to// ya rabs kyi rigs lnga brgya yang btsas par gyur to// grags ldan la sogs pa bu mo khri dang / bran mo brgyad brgya dang // bdun pa la sogs pa bran lnga brgya dang / rte'u mo khri dang / bsngags ldan la sogs pa te'u mo khri dang / 5/ glang gi phru gu mo rdza
- 76b
brgya dang / ba glang gi phru gu po lnga brgya po dag kyang btsas shing 'brangs par gyur nas/ de dag thams cad rgyal po zas gtsang mas sna grangs yi ger bris te sras bu gzhon nu rtsed pa'i phyir byin bar gyur to/ / byang chub sems dpa'i longs spyod kyi don du byang chub sems dpa' nyid kyi mthus/ gling bye ba brgya phrag bzhi'i dbus kyis phyogs nas a shod tha'i sdong po skyes par gyur to// gling phra mo rnams su yang tsan dan gyi nags tshal skyes par gyur to/ / byang chub sems dpa'i longs spyod kyi don du grong khyer gyi kho ra khor yug tu yang bskyed mos tshal lnga brgya dag kyang byung bar gyur to// / gter lnga stong yang sa'i 'og nas gyen tu 'bus te sgo ston par gyur to// de ltar rgyal po zas gtsang ma de'i don bsam pa gang yin pa de de dag thams cad phun sum tshogs par gyur nas rgyal po zas gtsang ma 'di snyam du bdag gis bu gzhon nu de'i ming ji skad cig gdags par bya snyam pa dang / de 'di snyam du sems te/ bu 'di skyes ma thag tu bdag gi don thams cad yang dag par grub par gyur gyis/ 'di'i ming ni don thams cad grub par gdags so snyam ste// de nas rgyal pos byang chub sems dpa' la rim gro tshar byas nas/ bu 'di'i ming don thams cad grub pa zhes bya'o zhes ming du btags so/ / dge slong dag de ltar byang chub sems dpa' btsas nas/ ma'i glo g.yas pa yang ma ral ma nyams shing sngon bzhin du gyur to//
- 77a
der khron pa lan gsum ldud pa dag kyang byung bar gyur to// spos kyi 'bru mar gyi rdzing bu dag kyang byung bar gyur to// de nas lha'i bu mo lnga stong dag lhan spos kyis bsgos pa'i 'bru mar gyi dri zhim po khyer te/ byang chub sems dpa'i ma'i drung du lhags nas/ bltams pa legs par bltam mam/ sku la mi bde ba ma mchis sam zhes 'dri bar gyur to/ / lha'i bu mo lnga stong dag kyang lha'i byug pa dang / rnam par byug pa thogs te/ byang chub sems dpa'i ma'i drung du lhags nas/ bltams pa legs par bltam mam/ sku la mi bde ba ma mchis sam zhes 'dri bar gyur to/ / lha mo lnga stong dag kyang lha'i spos chus bkang ba'i bum pa thogs te/ byang chub sems dpa'i ma'i drung du lhags nas/ bltams pa legs par bltam mam/ sku la mi bde ba ma mchis sam zhes 'dri bar gyur to// lha mo lnga stong dag kyang lha'i byis pa'i gos thogs te/ byang chub sems dpa'i ma'i drung du lhags nas/ bltams pa legs par bltam mam/ sku la mi bde ba ma mchis sam zhes 'dri bar gyur to// lha'i bu mo lnga stong dag kyang lha'i byis pa'i rgyan thogs te/ byang chub sems dpa'i ma'i drung du lhags nas/ bltams pa legs par bltam mam/ sku la mi bde ba ma mchis sam zhes 'dri bar gyur to// lha'i bu mo lnga stong dag kyang glu dbyangs len cing byang chub sems dpa'i ma'i drung du lhags te/
- 77b
bltams pa legs par bltam mam/ sku la mi bde ba ma mchis sam zhes 'dri bar gyur to// 'dzam bu'i gling 'di na phyi rol gyi drang srong mngon par shes pa lnga dang ldan pa ji snyed cig 'khor pa de dag thams cad nam mkha' las 'ongs te/ rgyal po zas gtsang ma'i mdun du 'khod nas/ rgyal po 'phel bar gyur cig ces bya ba'i sgra sgrog par gyur to// dge slong dag de ltar byang chub sems dpa' btsas nas zhag bdun du lum bi ni'i nags tshal du/ lha dang mi'i sil snyan dang / pheg rdob pas rim gror byas so// bkur stir byas so// bsti stang byas so// mchod pa byas so// bza' ba dang / bcab pa dang / myang ba dag kyang drangs par gyur to// shAkya'i tshogs thams cad kyang 'dus nas/ kun dga' ba'i sgra brjod par gyur to// sbyin pa dag kyang byin no/ / bsod nams dag kyang byed do// bram ze sum khri nyis stong yang nyin gcig bzhin du tshim par byas so// su dag ci 'dod pa de dag la yang de byin par gyur to// brgya byin dang / tshangs pa yang bram ze'i 'khor der bram ze'i khye'u'i gzugs su sprul te/ gral gyi thog ma la 'khod nas bkra shis kyi tshigs su bcad pa 'di dag brjod par gyur to// ji ltar ngan song rnams zhi zhing / / ji ltar 'gro kun bde las na// 'gro la bde ba 'god pa yi// bde ba mdzad cig bltams par mngon// ji ltar rab rib me 'od kyis// lha dang nyi zla'i
- 78a
'od rnams kyang / / mi snang zil du rlag pa las// bsod nams thod cig byung bar mngon// mig med rnams kyang mthong gyur cing // rna ba 'on pas sgra thos la// smyon pa rnams kyang dran ldan la// 'jig rten mchod rten 'gyur bar mngon// ji ltar nyon mongs mi gnod cing // 'gro ba byams pa'i yid gyur las// tshangs pa bye bas mchod 'os su// go don mi za bar 'gyur bar mngon// sa la me tog rgyas gyur cing // sa yang mnyam par gnas pa las// 'gro ba kun gyis mchod pa yi// thams cad mkhyen du 'gyur bar mngon// ji ltar 'jig rten 'khrug med cing // pad+ma chen po mthon pa las// nges par gzi brjid chen po 'di// 'jig rten mgon du byon par 'gyur// lha yi spos kyis sbags gyur pa// 'jam pa'i rlung gis ngad ldang zhing / / sems can nad rnams zhi gyur las// 'di ni sman pa'i rgyal por byon// gzugs khams gnas pa'i lha rgyal po// 'dod chags bral ba 'di dag kyang // thal mo sbyar cing 'dug pa las// 'di ni sbyin pa'i gnas su byon// mi rnams kyis ni lha mthong zhing // lha rnams kyis ni mi mthong yang // phan tshun 'tshe ba med pa las// 'di ni ded dag chen por byon/ / me rnams zhi bar gnas gyur cing // chu klung thams cad mi g.yo la// sa yang dal bus g.yo ba las// 'di ni yang dag gzigs par 'gyur/ dge slong dag
- 78b
de ltar byang chub sems dpa' btsas nas zhag bdun lon pa dang / lha mo sgyu 'phrul shi ba'i dus byas par gyur te/ de shi ba'i dus byas nas/ sum cu rtsa gsum gyi lha'i nang du skyes so// dge slong dag khyed 'di snyam du byang chub sems dpa'i lan bon gyis/ lha mo sgyu 'phrul 'chi ba'i dus byas so snyam na/ de ltar mi blta'o// de ci'i phyir zhe na/ de'i tshe'i tshad ni mthar thug pa'i phyir/ ro// dge slong dag 'das pa'i byang chub sems dpa' rnams kyang btsas nas zhag bdun lon nA ma 'chi ba'i dus byas par gyur to// de ci'i phyir zhe na/ byang chub sems dpa' skyes te dbang po yongs su rdzogs nas mngon par byung na ma snying 'gas su 'ong ba'i phyir ro/ / dge slong dag de ltar zhag bdun lon nas/ thog mar ser skya'i gnas kyi grong khyer chen po nas// lha mo sgyu 'phrul bkod pa ji lta bus bskyed mos tshal gyi sar zhugs par gyur pa de dag las bye ba brgya stong gyur pas kyang lhag pa'i bkod pa chen pos/ byang chub sems dpa' grong khyer chen po ser skya'i gnas su zhugs so// de zhugs pa dang / bum pa spos chus gang ba lnga stong gis mdun du drangs par gyur to// de bzhin du bu mo lnga stong ni rma bya'i mdongs lag na thogs te 'dun du bdong bar gyur to// bu mo lnga stong ni shing ta la'i yal ga thogs shing mdun du 'dong bar gyur to/ / bu mo lnga stong ni spos chu'i ril ba bying gar thogs te/ lam chag chag gis 'debs shing mdun du 'dong bar gyur to// bu mo lnga
- 79a
stong ni nags tshal gyi me tog gi phreng ba 'phyang ba khye'u tshang sna tshogs thogs te mdun du 'dong bar gyur to/ / bu mo lnga stong ni bzang por sgyur ba'i rin po che thogs te/ laH/ gyi byi dor byed cing mdun du 'dong bar gyur to// bu mo lnga stong ni stan bzang po thogs shing mdun du 'dong bar gyur to// bram ze lnga stong ni dril bu thogs te/ bkra shis kyi sgra 'byin cing mdun du 'dong bar gyur to/ / glang po lnga stong ni rgyan thams cad kyis brgyan te mdun du 'dong bar gyur lo/ ta ti wi ni gser gyi rgyan gyi makod cing rgyan thams cad kyis brgyan te mdun du 'dong bar gyur to// shing rta brgyad khri na gdugs dang / rgyal mtshan dang / ba dan bsgreng zhing dril bu g.yer ka'i dra bas legs par brgyan te/ byang chub sems dpa'i phyi bzhin 'dong bar gyur to// rkang thang dpa' zhing rdul phod pa yan lag dam pa'i gzugs dang ldan pa/ go cha sra ba bgos pa bzhi khri ni/ byang chub sems dpa' 'gro ba'i phyi bzhin 'dong bar gyur to// 'dod pa na spyod pa dang / gzugs na spyod pa'i lha'i grags pagrags pa che ba bye ba khrag khrig brgya stong tshad med grangs med pa dag ni/ nam mkha'i dkyil nas bkod pa rnam pa sna tshogs du mas/ byang chub sems dpa' la mchod pa byed cing phye bzhin 'dod bar gyur to/ / shing rta gang la byang chub sems dpa' 'dug par gyur pa de yang / 'dod pa na spyod pa'i lha rnams kyis bkod pa chen po du mas legs par brgyan par gyur to// lha'i bu mo rgyan thams cad
- 79b
kyis chas pas/ rin po che'i phreng ba thogs pa nyi khris shing rta de drangs te/ lha'i bu mo gnyis kyis bar du ni mi'i bu mo gcig bdug/ mi'i bu mo gnyis kyi bar du ni/ lha'i bu mo gcig 'dug kyang byang chub sems dpa'i mthus lha'i bu mos kyang mi'i bu mo'i dri mi zhim pa mi tshor/ / mi'i bu mos kyang lha'i bu mo'i gzugs mthong na bag med par ma gyur to// dge slong dag ser skya'i gnas kyi grong khyer chen por shAkya lnga brgya tsam gyis byang chub sems dpa'i ched du khyim lnga brgya phub ste/ de dag byang chub sems dpa' grong khyer der 'jug pa'i tshe/ rang rang gis byas pa'i khyim gyi sgor 'khod de/ thal mo sbyar nas lus gus par btud de rim gro dang bcas pas 'di skad du/ kye don thams cad grub pa 'dir gshegs su gsol/ kye lha'i lha 'dir gshegs su gsol/ kye sems can dag pa 'dir gshegs su gsol/ kye kha lo sgyur ba dam pa 'dir gshegs su gsol/ kye dga' zhing bde ba dang mchog tu dga' ba mdzad pa 'dir gshegs su kye smad pa med pa'i grags pa mnga' ba 'dir gshegs su gsol/ kye kun nas spyan mnga' ba 'dir gshegs su gsol/ kye mi mnyam pa dang mnyam zhing 'dra ba med pa'i yon tan dang gzi brjid mnga' ba mtshan dang dpe byad bzang pos yang dag par brgyan pa'i sku mnga' ba 'dir gshegs su gsol zhes de skad 'dzer to/ / de nas rgyal po zas gtsang
- 80a
mas de dag thams cad dang mthun par bya ba'i phyir/ byang chub sems dpa' khyim de kun tu yang zhugs par byas te/ zla ba bzhi lon nas byang chub sems dpa' nyid kyi/ khyim du zhugs te/ rin po che sna tshogs bkod pa zhes bya ba'i khang bzangs chen po der byang chub sems dpa' bzhugs par gyur to// de na shAkya'i rgan rabs rgan rabs rnams 'dus te bgros pa/ phan pa'i sems dang / byams pa'i sems kyi yon tan dang ldan pa dang / 'jam pa dang ldan par byang chub sems dpa' gtsang ba dang / byi dor bya ba dang / nyams su blang bar sus nus zhes byas pa dang // de na shAkya'i bu mo lnga brgya tsam so so nas 'di skad du bdag gis gzhon nu'i rim gro bgyi'o// bdag gis gzhon nu'i rim gro bgyi'o zhes zer ro// de na shAkya ches bgres ches bgres de dag na re/ bu mo 'di dag thams cad ni byis pa gzhon nu thor bu gzhon la/ gzugs dang ngar la bab pas rgyags shing dregs pa yin pas/ 'di dag gis byang chub sems dpa' la dus dus su rim gro bya bar mi nus so/ / skye dgu'i bdag mo chen mo go'u ta mi 'di gzhon nu'i sru mo ste/ 'dis ni gzhon nu bde ba dang legs par bskyed par nus so// rgyal po zas gtsang ma yang mnyes par nus so zhes thams cad gros gcig tu 'dus te/ skye dgu'i bdag mo chen mo go'u ta mis dad par byas nas/ skye dgu'i bdag mo chen mo go'u ta mis gzhonu nude legs par bskyed do// de'i tshe byang chub sems dpa'i rim gror ma
- 80b
ma sum cu rtsa gnyis bsgos par gyur te/ de la brgyud ni bang na 'tsho ba'i ma ma'o// brgyad ni nu ma snun pa'i ma ma'o// brgyad ni rkyen grogs kyi ma ma'o// brgyad ni dri ma 'phyi ba'i ma ma'o// de nas rgyal po zas gtsang mas shAkya'i tshogs thams cad bsogs te dpyad pa/ ji ltar gzhon nu 'di 'khor lo sgyur ba'i rgyal po zhig tu gyur ram/ 'on te ma yin gyis rab tu byung ba'i phyir mngon par 'byung zhes dpyad pa dang / de'i tshe ri'i rgyal po gangs ri'i ngos la drang srong chen po nag po zhes bya ba/ mngon par shes pa lnga dang ldan pa zhig snag gi tsha bo mis byin zhes bya ba dang / lhan cig tu 'dug 'dug pa las/ des byang chub sems dpa' btsas pa'i tshe/ ngo mtshar rmad du byung ba'i cho 'phrul mang du mthong ste/ nam mkha'i dkyil na yang lha'i bu mang po sangs rgyas kyi sa sgrogs cing gos kyi g.yab mo g.yo ba pa dang / dga' zhing phan tshun du 'dong ba mthong nas/ des bsams pa/ ma la bdag gi rnam par blta ba zhig tu bya 'am snyam nas/ des lha'i mig gis 'dzam bu'i gling thams cad du bltas na/ ser skya'i grong khyer chen po de na rgyal po zas gtsang ma'i khyim du gzhon nu bsod nams kyi gzi brjid kyis gzi dang ldan par byas pa/ 'jig rten thams cad kyis mchod pa/ skyes bu chen po'i mtshan sum cu rtsa gnyis kyis lus legs par brgyan pa zhig btsas par mthong nas/ bram ze'i khye'u mis byin la smras pa/ bram ze'i khye'u shes par
- 81a
gyis shig/ 'dzam bu'i gling du ni rin po che chen po byung ste/ ser skya'i gnas kyi grong khyer chen po na/ rgyal po zas gtsang ma'i khyim du gzhon nu bsod nams kyi gzi brjid kyis gzi dang ldan par byas pa/ 'jig rten thams cad kyis mchod pa/ skyes bu chen po'i mtshan sum cu rtsa gnyis dang ldan pa btsas so// de gal te khyim na gnas na ni mtha' bzhi la dbang ba'i 'khor lo sgyur ba'i rgyal por 'gyur te/ rnam par rgyal ba dang ldan pa/ chos dang ldan pa/ chos kyi rgyal po/ srid kyi mthu stobs thob pa/ rin po che sna bdun dang ldan par 'gyur te/ de'i rin po che bdun ni 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin che dang bdun 'byung bar 'gyur ro/ / de la bu stong yod par gyur te/ dpa' ba/ rtul phod pa/ yan lag mchog gi gzugs dang ldan pa/ pha rol gyi sde 'joms pa sha stag 'byung bar 'gyur ro// de ni sa chen po'i dkyil 'khor 'di rgya mtsho'i mtha' skor dang bcas pa/ chad pa med cing mtshon gyis bda' ba med pa dang / chos dang mthun par rang gi mthus zil gyis mnan cing mngon par phab ste/ dbang phyug gi dbang gis rgyal srid byed par 'gyur ro// de gal te khyim nas khyim med par rab tu byung na yang / de bzhin gshegs pa dgra bcom pa yang dag par rdzogs pa'i sangs rgyas su 'gyur te/
- 81b
ston pa 'dren pa gzhan gyi dring mi 'jog pa/ 'jig rten du sgra rnam par grags par 'gyur ro// de lta bas na tshur shog/ de ltar 'dong ngo // de nas drang srong chen po nag po snag/ gi tsha bo mis byin dang 'grogs te/ ngang pa'i rgyal po ltar nam mkha'i dkyil nas ldings te/ ser skya'i gnas kyi grong khyer chen po ga lA der song nas phyin pa dang / rdzu 'phrul brtul nas rkang gis ser skya'i gnas kyi grong khyer chen por dong ste/ rgyal po zas gtsang ma'i khyim ga la ba der phyin nas/ rgyal po zas gtsang ma'i khyim gyi sgor bsdad do// dge slong dag de ltar drang srong nag po dos rgyal po zas gtsang ma'i khyim gyi sgo drung du srog chags brgya stong mang po 'dus pa mthong ngo / / de nas drang srong nag po sgo ba'i drung du song ste/ 'di skad ces smras so// kye mi khyod song la rgyal po zas gtsang ma la chab sgo na drang srong gcig mchis so zhes gsol cig/ de nas sgo ba des de ltar bgyi'o zhes drang srong nag po'i ltar mnyan te/ rgyal po zas gtsang ma ga la ba der song nas byin pa dang / thal mo sbyar te/ rgyal po zas gtsang ma la 'di skad ces smras so// lha mkhyen par mdzad du gsol/ chab sgo na drang srong rgan po 'khogs pa nas gzer ba zhig mchis te/ 'di skad du bdag ni rgyal po'i zhal mthong bar 'tshal lo zhes mchi'o/ / de nas rgyal po zas gtsang mas drang srong nag po'i stan 'ding du bcug ste/ mi de la 'di skad ces smras so// drang srong de nang du 'ong bar gyis shig/
- 82a
de nas mi de rgyal po'i pho brang nas byung nas drang srong nag po la 'di skad ces smras te/ nang du bzhud cig/ de nas drang srong nag po rgyal po zas gtsang ma ga la ba der song / ste phyin pa dang / mdun du 'dug ste rgyal po zas gtsang ma la 'di skad ces smras so// rgyal po chen po rgyal bar spyon cig/ rgyal bar spyon cig/ sku tshe ring bar srungs shig/ chos bzhin du rgyal po mdzod cig/ de nas rgyal po zas gtsang mas/ drang srong nag po la yon chu dang / rkang pa la gtor ba'i chus mchod pa byas te/ shin tu legs par yongs su bkur nas stan la 'dar to// de stan la bde bar 'dug par shes nas/ rjes dang bcas/ gus pa dang bcas par 'di skad ces smras so// drang srong sngon mthong bar mi dran na/ 'dir ci la byon/ ci zhig bzhed/ de skad ces smras pa dang drang srong nag pos rgyal po zas gtsang ma la 'di skad ces smras so/ / rgyal po chen po khyod kyi sras zhig bltams par gyur pa de blta zhing bdag 'dir mchis so// rgyal pos smras pa/ drang srong chen po gzhon nu nyal zhing mchis kyis langs kyi bar du cung zad cig gzhes shig/ drang srong gis smras pa/ rgyal po chen po skyes bu chen po de lta bu ni ring por mi nyal te/ skyes bu dam de bu dag ni sad par gnas pa'i ngang tshul can no/ / dge slong dag de nas byang chub sems dpas drang srong nag po de la snying brtse ba nye bar bzung ste/ sad pa'i brda byas so// de nas
- 82b
rgyal po zas gtsang mas gzhon nu don thams cad grub pa lag pa gnyis kyis shin tu legs par blangs te/ drang srong nag po'i drung du khyer ro// de nas drang srong nag pos/ byang chub sems dpag bltas na/ skyes bu chen po'i mtshan sum cu rtsa gnyis dang ldan zhing / dpe byad bzang po brgyad cus legs par rnam par spras pa'i lus dang ldan pa/ brgya byin dang / tshangs pa dang / 'jig rten skyong ba las 'phags pa'i lus can/ nyi ma brgya phrag stong las kyang lhag pa'i gzi brjid dang ldan pa/ yan lag thams cad du mdzes pa mthong nas/ kye ma 'jig rten du ngo mtshar gyis gang zag 'di byung ngo/ / kye ma 'jig rten du ngo mtshar chen po dang ldan pa'i gang zag 'di byung ngo zhes/ ched du brjod pa ched du brjod nas stan las langs te/ thal mo sbyar nas byang chub sems dpa'i rkang pa gnyis la phyag 'tshal te bskor ba byas nas/ byang chub sems dpa' phang du blangs te/ sems shing 'dug par gyur to// de nas des byang chub sems dpa'i lus la skyes bu chen po'i mtshan sum cu rtsa gnyis yod pa mthong ste/ de dag dang ldan pa'i skyes bu gang zag de rnam pa gnyis su 'gyur gyi gzhan du ni mi 'gyur ro// gal te khyim na gnas na ni mtha' bzhi la dbang ba'i 'khor lo sgyur ba'i rgyal por 'gyur te zhes bya ba nas/ snga ma bzhin du dbang phyug gi dbang gis rgyal srid byed do// zhes bya ba'i bar du 'gyur ba dang / gal te khyim nas khyim med par rab tu byung na ni/ de bzhin gshegs par
- 83a
'gyur te/ yang dag par rdzogs pa'i sangs rgyas su grags pa 'dren pa gzhan gyi dring mi 'jog par 'gyur ba mthong nas/ des de lta bur mthong ba dang mchi ma blags te/ dus nas shugs ring du phyung ba dang / rgyal po zas gtsang mas drang srong de mchi ma blags te ngus nas/ shugs ring du 'byin par mthong nas/ sngangs te mi dga' zhing rings pa rings par drang srong chen po de la smras pa/ drang srong de ltar bshums shing blags te bshums pa dang / shugs ring du 'byin pa ci zhig nongs/ gzhon nu 'di la mi dge ba 'am cig mi gda' 'am/ de skad ces smras pa dang / drang srong chen po nag pos rgyal po zas gtsang ma la 'di skad ces smras so// rgyal po chen po bdag ni gzhon nu'i slad du ngu ba yang ma lags/ 'di la mi dge ba yang gang yang ma mchis te/ bdag nyid ngu bar bas so/ / de ci'i slad du zhe na/ rgyal po chen po bdag ni rgas shing 'khogs te/ nas gzer lad lta gzhon nu don thams cad grub pa 'di ni gdon mi 'tshal bar bla na med pa yang dag par rdzogs pa'i byang chub mngon par rdzogs par 'tshang rgya ste/ bla na med pa'i chos kyi 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste/ 'jig rten du chos dang mthun par bskor bar mi nus bskor bar 'gyur ro// lha dang bcas pa'i 'jig rten la sman pa dang / bde ba'i slad du chos ston par 'gyur te/ tshangs par spyod pa// thog
- 83b
mar dge ba/ bar du dge ba/ tha mar dge ba'i chos don bzang po// tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba'i mthar phyin pa'i chos yang dag par ston par 'gyur ro/ / sems can skye ba'i chos can dag 'di las chos de thos nas/ skye ba las yongs su grol bar 'gyur ro// de bzhin du sems can rga ba dang / na ba dang / 'chi/ ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams ni rga ba dang / na ba dang / 'chi ba dang / mya ngan dang / smre sngag 'don pa dang / sdug bsngal ba dang / yid mi bde ba dang / 'khrug pa rnams las yongs su 'grol bar 'gyur/ sems can 'dod chags dang / zhe sdang dang / gti mug gi me sa gdungs pa rnams la ni dam pa'i chos kyi char pas sim par mdzad par 'gyur/ sems can lta ba ngan pa sna tshogs 'thibs pos khebs pa la ma gol bar zhugs pa rnams ni/ lam drang por mya ngan las 'das par 'dren par 'gyur/ sems can 'khor ba'i dra ba dang / btson rar 'khod cing nyon mongs pa'i 'ching bas bcings pa rnams ni/ bcings pa las yongs su grol bar mdzad par 'gyur/ sems can mi shes pa'i mun pa dang / rab rib dang / ling tog gis mig ldongs pa rnams la ni shes rab kyi mig skyed par 'gyur/ sems can nyon mongs pa'i zug rngus rdu
- 84a
pa rnams la ni/ zug rngu 'byin par 'gyur te/ rgyal po chen po 'di lta ste/ dper na/ u dum wa ra'i me tog ni brgya la brgya lam na 'jig rten du 'byung ngo // rgyal po chen po de bzhin du bskal pa bye ba khrag khrig mang por brgya la brgya lam na/ sangs rgyas bcom ldan 'das rnams/ 'jig rten du 'byung ste/ de ltar gzhon nu 'di ni nges par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mngon par rdzogs par sangs rgyas nas kyang / sems can bye ba khrag khrig brgya stong 'khor ba'i rgya mtsho'i pha rol tu sgrol bar 'gyur zhing / / 'chi ba med pa la rab tu gzhog par 'gyur la/ bdag gis ni sangs rgyas dkon mchog de mi mthong ba dang / bdag ni nad ma mchis pa 'di las 'dod chags dang bral bar gyur te/ rgyal po chen po bdag ni de'i slad du ngu zhing mi dga' bas shugs ring du 'byin pa lags so// rgyal po chen po bdag cag gi bstan bcos las 'byung ba lta na ni/ gzhon nu don thams cad grub pa yang kha ba na bzhugs par mi 'gyur ro/ / de ci'i slad du zhe na/ 'di ltar rgyal po chen po// gzhon nu don thams cad grub pa 'di ni skyes bu chen po'i mtshan sum cu rtsa gnyis dang ldan pa ste/ sum cu rtsa gnyis gang zhe na/ rgyal po chen po 'di lta ste/ gzhon nu don thams cad grub pa ni dbu'i gtsug tor dang ldan pa ste/ rgyal po chen po gzhon nu don thams cad grub pa ni skyes bu chen po
- 84b
mtshan dang po 'di dang ldan no/ / rgyal po chen po gzhon nu don thams cad grub pa ni dbu stang zil bcag pa'i 'phro dang / rma bya'i mgrin pa ltar mthon mthing du grub cing lcang lor khril la g.yas su 'khyil pa dang / dpral ba'i dbyes mnyam pa lags so// rgyal po chen po gzhon nu don thams cad grub pa'i smin mtshams su mdzod spu skyes pa ni/ kha ba dang / dngul gyi mdog ltar mchis pa lags so/ / rgyal po chen po gzhon nu don thams cad grub pa ni spyan gyi rdzi ma pa'i lta bu dang / spyan dkar gnag 'byes pa dang / tshems bzhi bcu mnyam pa dang / tshems thags bzang ba dang / tshems shin tu dkar ba dang ldan pa lags so// rgyal po chen po gzhon nu don thams cad grub pa ni tshangs pa'i dbyangs dang / ro bro ba'i mchog dang ldan pa dang / ljags shin tu ring zhing srab pa dang / 'gram pa seng ge'i 'dra ba dang / dpung mgo shin tu zlum pa dang / mdun mtho ba dang / thal gong rgyas pa dang / pags pa srab cing mdog gser 'dra ba dang / bzhengs bzhin du ma btud par phyag pus mor slebs pa dang / ro stod seng ge'i lta bu dang ldan pa lags so// rgyal po chen po ga zhon nu don thams cad grub pa ni/ shing n+ya gro d+ha ltar chu zheng ga ba pa dang / sU re re nas skye ba dang / yan lag gi spu ga ya sa phyogs nas gyen du 'khyil ba dang / mdoms kyi sba ba sbubs su nub pa dang / brla legs par zlum pa dang / byin pa ri dgas kyis rgyal po e na ya'i lta bu dang / sor mo ring ba
- 85a
dang / zhabs kyi rting pa yangs pa dang / zhabs kyi gong mtho ba dang / phyag dang zhabs kyi mthil mnyam pa dang / phyag dang zhabs kyi sor mo dra bas 'brel ba dang ldan pa lagra so/ rgyal po chen po gzhon nu don thams cad grub pa'i zhabs kyi 'og gi mthil gnyis la 'khor lo re re skyes pa ni bzang zhing rtsibs stong dang ldan na khyud dang bcas/ lte ba dang bcas pa lags so/ / rgyal po chen po gzhon nu don thams cad grub pa ni zhabs mnyam zhing shin tu gnas pa dang ldan pa lags so// rgyal po chen po gzhon nu don thams cad grub pa ni skyes bu chen po'i mtshan sum cu rtsa gnyis po 'di dag dang ldan no/ / rgyal po chen po/ mtshan gyi rnam pa de lta bu dag ni 'khor lo sgyur ba'i rgyal po la mi 'byung ste/ mtshan de lta bu dag ni byang chub sems dpa' rnams la 'byung ngo // rgyal po chen po gzhon nu don thams cad grub pa'i sku la dpe byad bzang po brgyad cu mchis te/ de dag dang ldan pas gzhon nu don thams cad grub pa ni khab na bzhugs par mi 'gyur gyi/ gdon mi 'tshal bar rab tu 'byung ba'i don du mngon par 'byung bar 'gyur ro/ / rgyal po chen po/ dpe byad bzang po brgyad cu po de dag gang zhe na/ 'di lta ste/ rgyal po chen po gzhon nu don thams cad grub pa ni sen mo mtho ba dang sen mo zangs kyi mdog lta bu dang / sen mo'i mdog snum pa dang / sor mo rnams zlum pa dang / sor mo rnams rgyas pa dang / sor mo byin gyis phra ba dang / rtsa mi mngon pa dang / long bu mi mngon pa dang /
- 85b
tshigs mi mngon pa dang / zhabs mnyam zhing mi mnyam pa ma mchis pa dang / zhabs kyi rting pa yangs pa dang ldan pa lags so// rgyal po chen po gzhon nu don thams cad grub pa ni/ phyag gi ri ma mtshungs pa dang ldan zhing phyag gi ri mo mdangs yod pa dang / phyag gi ri mo zab pa dang / phyag gi ri mo ya yor ma gyur pa dang / phyag gi ri mo rim par 'tsham pa dang / sgros bim pa ltar dmar ba dang / sgra mi drag pa'i tshig dang / ljags mnyen zhing 'jam la zangs kyi mdog ltar 'dug pa dang / glang po che'i nga ro dang 'brug gi sgra dang ldan pa dang / snyan cing 'jam pa dang ldan pa lags so// rgyal po chen po/ gzhon nu don thams cad grub pa ni dpe byad bzang po yongs su rdzogs pa ste/ phyag ring ba dang / sku'i na bza ba gtsang ma phun sum tshogs pa dang / sku 'jam pa dang / bsnyengs pa mi mnga' ba'i sku dang / zhum pa mi mnga' ba'i sku dang / rim par 'tsham pa'i sku dang / shin tu sba bar mdzes pa'i sku dang / rnam par legs par grub pa'i sku dang / pus mo'i lha nga yangs shing rgya che la shin tu gang ba dang ldan pa lags so/ / rgyal po chen po gzhon nu don thams cad grub pa ni sku zlum pa dang ldan pa ste/ sku shin tu 'jam pa dang / sku ya yo ma mchis pa dang / sku rim gyis legs par grub bdang lte ba zab pa dang / lte ba ma g.yo ba dang / lte ba rim gyis gzhol ba dang / drang srong ltar gtsang sbras spyod pa dang / kun nas mdzes pa dang / snang ba dam pa shin tu rnam par dag cing rab rib ma
- 86a
mchis pa'i 'od kun nas 'byung ba dang ldan pa lags so/ / rgyal po chen po/ gzhon nu don thams cad grub pa ni/ glang po ltar dal ba'i 'gros dang / seng ge'i stabs lta bu'i 'gros dang / khyu mchog gi stabs lta bu'i 'gros dang / ngang pa'i stabs lta bu'i 'gros dang / g.yas phyogs su mdzes par 'khor ba'i 'gros dang / dku zlum pa dang / dgu skabs phyin pa dang / dbu ma rmongs pa dang / sked pa gzhu'i chang zungs ltar phra ba dang / mdag gi nyes pa sngo ba 'am/ gnag pa'i spyan dang bral ba'i sku dang ldan pa lags so// rgyal po chen po gzhon nu don thams cad grub pa ni/ mche ba zlum pa dang / mche ba rno ba dang / mche ba byin gyis phra ba dang / shangs legs par mtho ba dang / spyan gsal ba dang / spyan dri ma med pa dang / 'dzum bu'i spyan dang ldan pa dang / spyan ring ba dang / spyan yangs pa dang / ut+pal sngon po lta bu'i spyan dang ldan pa lags so// rgyal po chen po gzhon nu don thams cad grub pa ni smin ma'i spu mnyam pa dang / smin ma stug pa dang / smin ma gnag pa dang / smin ma rgyun chags pa dang / smin ma rim gyis gzhol ba dang / mkhur ba rgyas pa dang / mkhur ba mi mnyam pa med pa dang / mkhur ba skyon dang bral ba dang / sdang ba dang khro ba'i mdog med pa dang / shin tu rigs pa'i dbang po dang ldan pa lags so// rgyal po chen po/ gzhon nu don thams
- 86b
cad grub pa de ni mthong sgra yongs su rdzogs pa dang ldan pa dang / gdong dang dpral ba rkyen du 'bab pa dang / rabu yongs su rgyas pa dang / dbu skra gnag pa dang / dbu smra mnyam pa dang / dbus dri zhim pa dang / dbu skra mig pa shor ba dang / dbu skra mi 'dzing ba dang / dbu skra byin gyis phra ba dang / dbu skra lcang lor 'khyil ba dang ldan pa lags so// rgyal po chen po/ gzhon nu don thams cad grub pa de ni/ dbu skra dpal gyi be'u dang bkra shis dang / g.yung drung 'khyil ba dang / sdong ris kyi dbyibs lta bu'i dbu skra dang ldan pa'o// rgyal po chen po/ 'di dag ni gzhon nu don thams cad grub pa'i dpe byad bzang po brgyad cu ste/ de dag dang ldan pas gzhon nu don thams cad grub pa ni kha ba na bzhugs par mi 'gyur gyi/ gdon mi 'tshal bar rab tu 'byung ba'i slad du khab nas mngon par 'byung bar 'gyur ro/ / de nas rgyal po zas gtsang mas drang srong chen po nag po las gzhon nu'i lung bstan pa de thos nas/ tshim zhing mgu la yi rangs te/ rab tu dga' zhing dga' ba dang // yid/ bde ba skyes nas/ stan las langs te/ byang chub sems dpa'i rkang pa gnyis la phyag 'tshal nas/ tshigs su bcad pa 'di smras so// khyod la lha kun phyag 'tshal zhing // drang srong rnams kyis mchod gyur te/ / 'jig rten kun gyis mchod rten pas// / bdag kyang khyod la phyag 'tshal lo// dge slong dag de ltar rgyal po zas gtsang mas drang srong chen po nag po snag gi tsha bo mes byin dang
- 87a
bcas te/ kha zas tshul dang 'dra bas tshim par byas nas/ gos bskon te/ bskor ba byas so// de nas drang srong chen po nag po gnas de nyid nas rdzu 'phrul gyis nam mkha' las rang gi gnas ga la ba der song ngo / / de nas drang srong chen po nag pos bram ze'i khye'u mis byin la 'di skad ces smras so// mis byin khyod kyis nam sangs rgyas 'jig rten du byung ngo zhes thos pa de'i tshe/ khyod song ste de'i bstan pa la rab tu byung shig dang / de ni khyod kyi yun po'i don dang / phan pa dang / bde bar 'gyur ro// de la 'di skad ces bya ste/ lha yi tshogs rnams nam mkha'i ngos la gnas te sangs rgyas sgra sgrogs pa// lha yi drang srong nag po ri yul gnas pas mthong nas dga' mchog thob// 'di na srog chags rnams kyi dga' skyes sadra rgyas zhes bya'i tshig 'di ci/ / bdag gi lus kyang rab sim gyur cing sems bde mchog tu zhi bar gyur/ lha 'am 'on te lha min yang na nam mkha' lding ngam mi 'am ci// sangs rgyas zhes bya dga' dang mos byed tshig 'di sngon chad ma thos ci/ lha yi mig gi sa phyogs bcur ri dang sa dang rgya mtsho rnams la bltas/ phyis yang sa ri mcho la rmad du byung ba rnam pa sna tshogs mthong / 'od gsal mdzes pa lus la sim byed 'di ni rab tu bzang snang zhing // ji ltar ri yi rtse mo rnams su byi ru'i myu gu mthon gyur la/ shing ljon rnams kyang me tog bzang rgyas sna tshogs 'bras
- 87b
bus brgyan 'gyur las/ srid pa gsum du dkon mchog dam pa myur du 'byung bar shin tu gsal/ sa 'di thams cad mnyam zhing dri med lag mthil bzhin du snang ba dang / lha rnams dga' zhing nam mkha'i dkyil na gos kyi g.yab mo 'byin gyur la/ klu rgyal rgya mtsho'i gnas kyi steng na rin chen rmad byung 'phyo ba las/ 'dzam bu'i gling du rgyal ba'i dkon mchog chos kyi 'byung gnas nges par 'byung / ngan song zhi zhing sdug bsngal bral te sems can rnams ni bder ldan la// lha yi tshogs rnams nam mkha'i dkyil la dga' dang ldan par rgyu ba dang // ji ltar lha yi glu dbyangs sgra sA na yid du 'ong ba grags pa las/ / / srid pa gsum 'dir dkon mchog 'byung 'gyur de yi bltas su gdon mi za// 'dzam bu'i gling 'dir drang srong nag po sa lha yi mig gis rnams bltas na/ / ser skya'i gnas na rgyal po zas gtsang grong khyer dam pa yod pa der// mthu chen mthu ldan mtshan dang bsod nams gzi brjid rgyas pa btsas pa mthong // mthong nas dga' mgu rangs shing bde ba'i yid skyes mthu yang skyes par gyur/ / de nas ngo mtshar rnyed de rang gi slob ma lhan cig rings su dong // phyin nas ser skyar brjod pa'i rgyal po'i grong khyer mchog gi sgor 'dug ste zham ring srog chags bye ba khrag khrig mang po drang srong des mthong nas/ / sgo ba de la smras pa chab sgor drang srong phyin ces myur du gsol// de mnyan myur du pho brang nang phyin rgyal po la ni de
- 88a
bskrad pa/ / lha cig drang srong rgan 'khogs dka' thub chen po can cig chab sgor mchis// drang srong mchog de rgyal po'i pho brang nang du mchi bar dga' zhes mchi// rgyal/ po chen po nang du gtang ngam mi gtang bdag la bka' stsal gsol// de nas de yi stan bting rgyal pos khyod song nang du mthong zhes bsgo// drang srong nag pos sgo ba'i tshig thos dga' mgu brda dang ldan par gyur/ / skom pa bsil ba'i chu 'dod bkres pas gdungs pa zas la mos pa ltar// drang srong dam pa de yang sems can mchog de mthong du mngon par dga'// rgyal po rgyal gyur sku tshe ring bsrung gsol zhes dga' bas de skad sbas/ / snyan par brjod nas yid dul dbang po zhi zhing des bstan la 'dug/ rgyal pos gus par smra byas drang srong thub pa de la tshig brjod pa/ rgyal po'i pho brang 'dir byon rgyu ci thub pas bdag la myur du gsungs// khyod kyi sras bltams gzungs mchog pha rol phyin cing gzi brjid tshe dang ldan// mthu chen mtshan rab sum cu gnyis kyis kun nas brgyan cing rab mang 'ag/ rgyal po khyod sras thams cad don grub de ni mthong bar bdag dga' ste// de slad 'dir mchis rgyal po bdag la 'tshal ba gzhan ni yod ma mchis// legs so// legs par byon te mnyel tam ma mnyel khyod mthong bdag dga'o// mchog sbyin gzhon nu de nyal da ltar blta ba'i skabs ni ma mchis kyis// re shig yud tsam gzhes dang 'dir ni zla ba nya ba dri/
- 88b
med pa// skar ma'i tshogs kyis brgyan pa 'dra ba'i dri med gzigs par 'gyur// gang tshe kha lo sgyur mchog zla ba rgyas pa'i 'od mnga' de sad pa// de tshe rgyal pos 'od 'bar gzugs 'chang / nyi las 'phags 'od pang blangs te// 'di lta drang srong lha mis mchod pa gser mchog gzugs ldan da gzigs shig/ drang srong nag pos de yi rkang pa mdzes pa 'khor la'i mtshan can mthong // de nas langs te thal mo sbyar nas rkang pa gnyis la phyag 'tshal te// bdag nyid chen po bstan bcos mkhas pas pang du blangs nas bsams shing bltas// des ni mthu chen mthu ldan mtshan gyis mchog gis brgyan pa mthong gyur nas/ / mgo tsigs rig byed bstan bcos mkhas pa de ni de la rnam gnyis mthong // stobs ldan 'khor los sgyur ba'i rgya lam sangs rgyas 'jig rten gtso bor 'gyur/ / shin tu mi dga' lus dang sems kyis mchi ma blags te shugs ring phyung // rgyal po mchog kyang sngangs par gyur nas bram ze ci slad bshums zhes smras// drang srong nag pos bdag gi don grub bgegs shig ma gzigs sam/ / drang srong ci slad bshums mdzad dge sdig gang gzigs bdag la med par gsungs// khyod sras don kun grub la bar chad sdig tu 'gyur ba ma mchis te/ bdag la bdag nyid rgas shing 'di ltar 'khogs par gyur ces mya ngan bgyid// 'di ni sangs rgyas 'jig rten mchog 'gyur chos kyang yang dag ston par 'gyur// bdag
- 89a
gis dga' 'a thob pa'i yid kyis mi mthong ba zhes de skad du/ / 'di yi sku la mtshan rab sum ca na gnyis dri med mnga' ba las// rnam pa gnyis su 'gyur te gsum du mchis rgyal po mkhyen par mdzad/ / 'khor la sbyar ba'i rgyal 'gyur yang na sangs rgyas 'jig rte nag ma par byon// 'di ni 'dod pa'i yon tan bzhed par mi 'gyur nges par sangs rgyas 'gyur/ zang srong lung bstan dngos rgyal po dag la zhing bde ba thob par gyur// de nas langs te thal mo sbyar nas rkang pa gnyis la phyag kyang byas// stobs mchog ldan pa khyod ni lhas mchod drang srong rnams kyis bsngags pa ste/ / srid gsum kun gyi 'gro ba'i ded dpon mchog gyur khyod la phyag 'tshal lo// drang srong dga' bas tsha bo de la smras pa nga yi gdams ngag nyon// gang tshe 'di ni byang chub sangs rgyas 'gro la 'khor lo bskor thos pa/ / de tshe myur du thub pa'i bstan la rang byung mya ngan 'das pa thob// drang srong dam pa de yis rkang la phyag 'tshal bskor ba byas nas ni// 'di 'dra ba sras mnga' khyod kyis thob pa rgya chen legs pa thob ces spras/ / 'di ni 'jig rten lha dang mir bcas chos kyis tshim par mdzad par 'gyur// drang srong mchog de ser skya'i gnas nas byung nas bdag gnas dgon par phyin/ / // 'phags pa rgya cher rol pa zhes bya ba theg pa chen po'i mdo// bam po drug pa// dge slong dag de ltar byang chub
- 89b
sems dpa' btsas ma thag tu lha'i bu dbang phyug chen pos/ gnas gtsang ma'i ris kyi lha'i bu rnams la bos te/ 'di skad ces smras so// grogs po dag byang chub sems dpa' sems dpa' chen po gang bskal pa bye ba khrag khrig brgya stong grangs med par yongs su sbyang ba byas pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / thos pa dang / spyod pa dang / brtul zhugs dang / dka' thub can/ sprad pa lags par sprad pa/ byams pa chen po dang / snying rje chen po dang / dga' ba chen po dang ldan pa/ btang snyoms kyis yang dag par 'phags pa'i blo can/ sems can thams cad la phan par brtson pa/ brtson 'grus brtan pa'i go cha legs par bgos pa/ sngon gyi rgyal ba la dge ba'i rtsa ba bskyed par byung ba/ bsod nams brgya'i mtshan gyis yang dag par brgyan pa/ rtul ba nges par byas pa dang ldan pa/ pha rol gyi dmag tshogs rab tu 'jom pa dag pa'i bsam pa shin tu dri ma med pa phun sum tshogs pa/ ye shes chen po'i tog gi rgyal mtshan can/ bdud kyi stobs mthar 'byin pa/ stong gsum gyi ded dpon chen po/ lha dang mis mchod pa/ mchod sbyin chen po'i mchod sbyin byas pa/ bsod nams kyi tshogs shin tu phun sum tshogs pa dang ldan pa/ 'byung ba'i bsam pa can/ skye ba dang / rga ba dang / 'chi ba
- 90a
mthar 'byin pa/ legs par skye ba skyes pa/ 'gro ba rnam par byang chub par byed pa de/ bu ram shing ba'i rgyal po'i rigs su skyes nas mi'i 'jig rten du byung ste/ de myur du bla na med pa yang dag par rdzogs pa'i byang chub tu mngon par rdzogs par 'tshang rgyas tshur sheg/ bdag cag de la phyag 'tshal zhing rim gror bya ba dang / bkur stir bya ba dang / mngon par bstod par bya ba'i phyir 'deng ngo / / lha'i bu nga rgyal gyi zil gyis non pa gzhan dag kyang bdag cag byang chub sems dpa' la phyag 'tshal ba mthong ba dang / de dag kyang nga rgyal dang // dregs kha dang / rgyags pa gtong bar 'gyur te/ byang chub sems dpa' la phyag 'tshal zhing rim gro dang / bkur sti byed par bya ba'i phyir 'dong ngo // de ni lha'i bu de dag la yun ring po'i don dang / phan pa dang / bde ba dang / 'chi ba med pa 'thob pa'i bar du 'gyur ro// rgyal po zas gtsang ma rgyal ba 'phel ba yang rjes su bsgrags par 'gyur ro// byang chub sems dpa' yang de kho na'i lung bstan pas lung bstan te/ bdag cag phyir 'ong bar bya'o// de skad ces bsgo nas lha'i bu dbang phyug chen po/ lha'i bu stong brgya phrag bcu gnyis kyis yongs su skor cing mdun du bdar nas/ ser skya'i gnas kyi grong khyer chen po thams cad 'od kyis rgyas par bkang ste/ rgyal po zas gtsang ma'i pho brang ga la ba der song nas phyin pa dang / sgo bas rgyal po la gsol te/ rgyal pos
- 90b
gnang nas rgyal po'i pho brang du phyin te/ byang chub sems dpa'i rkang pa la mgo bas phyag 'tshal nas/ bla gos phrag pa gcig tu bzar te/ lan brda stong phrag du bskor ba byas nas/ byang chub sems dpa' phang du blangs te/ rgyal po zas gtsang ma dga' bar bya ba'i phyir 'di skad ces smras so// rgyal po chen po dgyes pa'i dam pas dgyes par mdzod cag/ de ci'i slad du zhen rgyal po chen po byang chub sems dpa'i sku mtshan dang dpe byad bzang pos legs par brgyan pa dang / gzhon nus lha dang / mi dang / lha ma yin du bcas pa'i 'jig rten kha dog dang / gzi brjid dang / grags pa dang / dpal gyis zil gyis non pa lags na/ rgyal po chen po byang chub sems dpa' ni gdon mi 'tshal bar/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / dge slong dag de ltar lha'i bu dbang phyug chen po gnas gtsang ma'i ris kyi lha'i bu mang po dang lhan cig tu byang chub sems dpa' la mchod pa dang / rim gro chen po byas te/ de kho na'i lung bstan pas/ byang chub sems dpa' lung bstan nas phyir bdag gi gnas su song ngo // de la 'di skad ces bya ste/ yon tan rgya mtsho'i pha rol phyin pa de bltams pa/ / lha yi dbang pos shes nas dga' ste lha la smras// de thos 'gyur ba'ang bskal pa bye mang shin tu dga'// tshur sheg mi yi dbang po de la
- 91a
mchod ngu 'deng / / rin chen nor bus gtsug ni legs brgyan spyod lam ldan// gtsug phung mdzes pa 'phyang ba rnam par dag pa'i lha// stong phrag bcu gnyis chang ba gser skya'i gnas mchog tu/ / myur du lhag sa nas rgyal po'i sgo yi drung na sdod// de dag rnams kyi sgo ba la ni yid 'ong smras// rgyal po'i pho brang song ste thugs su chud par gsol// chab sgo bas kyang tshig de mnyan nas nang du song // thal mo sbyar nas rgyal po de la 'di skad ces smras// lha cig rtag tu rgyal gyur sku tshe ring du srungs// bsod nams yangs pa rnam dag 'od can chab sgor mchis/ / rin chen nor bus gtsug ni legs brgyan spyod lam ldan// zla ba nya ltar bzhin bzang rtswa ltar dri med 'od// rgyal po de dag gang du mchi yang grib mi gda'// sug pa 'dor yang gom pa'i sgra dag zos mi 'gyur/ / dog sar rgyu ba bgyid kyang rdul ni yongs mi ldang // skye bo rnams kyang de dag mthong na ngoms mi 'gyur// de dag lus kyi 'od ni shin tu rgya chen gsal// tshigs kyang yid du mchi ste mi la dpe ma mchis// zab cing 'jam mnyen snyan pa 'byung gnas las nas// de dag mi ma lags kyi lha tshogs lags snyam bgyid// me tog mchog phreng byug pa dar gyi lda ldi dag/ kun gyi lag na thogs nas gus dang bcas par sdod// rgyal po lha rnams de dag gzhon nu lha yi lha// blta bar 'tshal zhing mchod pa'i slad du mchis su nges// rgyal
- 91b
pos de skad tshig thos rab tu dgar gyur nas/ / song ste kun kyang pho brang nang du gshegs zhes kyis// de dag yon tan spyod lam khyod kyis smras ltar na// rdzu 'phrul de 'dra ba ni mi la gang yang med/ / sgobs thal mo sbyar te lha la 'di skad smras// rgyal pos gnang gis khyed cag nang du bzhud du gsol// lag na phreng thogs de dag dga' mgu yi rangs te// lha yi gnas dang 'dra ba'i rgyal po'i khyim du zhugs/ / lha mchog de dag khyim du phyin par mthong nas ni// rgyal po stan las langs te thal mo sbyar byas te// rin chen rtsa ba can gyi khri gdan bshams pa 'dir// thugs brtse mdzad pa'i thugs kyis khyed cag bzhugs su gsol// nga rgyal dregs med de dag stan la 'khod par gyur// bdag cag ci slad 'dir mchis rgyal po gsan du gsol// khyod sras rnam dag sku mnga' bsod nams chen po bltams/ / shin tu legs pa'i zhabs ldan bdag cag mthong bar 'tshal// gang gi 'gro ba gang dang sbyor ba gang cir 'gyur// mtshan bzangs mtshan gyi cho ga dag ni bdag cag 'tshal/ / de bas rgyal po'i dam pa mi dgyes spang bar mdzod// sna tshogs mtshan gyis yan lag brgyan pa blta bar 'tshalo// rgyal po bud med tshogs kyis bskor ba de rab dga'/ / gzhon nu me yi 'od ltar 'bar ba phang du blangs// lha mchog gtsug phud 'phyang ba dag ni nye bar bsnyen// thog ma sgor byung stong gsum 'di dag kun tu g.yos// lha mchog de dag 'dren
- 92a
pa'i zhabs dang sen mo ni/ / zangs mdog dri med rnam dag sku yi gzi mthong nas// gtsug pud 'phyang ba de dag myur du langs par gyur// dri ma med pa'i 'od kyi zhabs la mgos phyag 'tshal/ / 'di 'dra'i mtshan dang 'di 'drar lta ba dpal can dang // 'di 'dra'i bsod nams gzi brjid spyi gtsug mi mthong dang // mdzod spu nas ni rgya chen 'od 'byung 'di 'dra las bdud rnams pha ma mdzad byang chub brnyes 'gyur gdon mi 'tshal/ / mun sel nyon mongs bral ba'i yon tan brtags nas su// yang dag yon tan ji ltar don mthong de la bstod// skye dang rga dang 'chi/ dang nyon mongs dgra bsal ba'i// sems can rin chen 'di ni ring por mi thogs 'byung // yongs tog 'dod chags yul gyi gtsub mas bskyed pa yi// rnam gsum mes ni srid gsum kun 'a bar yongs gdungs par/ / dpal khyod chos kyi sprin gyis stong gsum bkang nas ni// 'chi med char gyis nyon mongs gdung ba zhi mdzad 'gyur// byams pa'i gsung mnga' thugs rje ldan pa 'jam pa'i gsung / / tshangs pa'i sgra dbyangs yid 'ong gsung du sgrog mdzad pa// stong gsum kun tu go zhing 'gro ba gor 'gyur ba// bcom ldan khyod kyis sangs rgyas gsung chen myur du sgrogs/ srid pa'i 'dod chags bcing byed srid pa'i rtser gnas pa// mu stegs can gyi tshogs ngan log par lta ba bcom// khyod kyi rgyu la brten dang stong pa'i chos thos nas// seng ges wa tshogs bzhin
- 92b
ngu de dag 'byer bar 'gyur/ / nyon mongs chen po'i du ba ma rig bsgribs bsal te// kun tu 'byung ba skye ba nges par snang byed pa'i// ye shes 'od 'phro shes rab 'od rig gzigs pa yis// 'gro ba kun gyi mun pa chen po bsal bar gsol/ / gang du sems can dag pa rmad byung 'di 'dra byung // lha dang mi rnams kyis ni rnyed pa rgya chen thob// rnam par rtogs par mdzad pa'i sems can rin chen 'dis/ / ngan song lam bcad lha yi lam ni btod par 'gyur// ser skya'i gnas su lha yi me tog char phab nas// bskor ba byas te gus par bstod pa byas nas ni// sangs rgyas sangs rgyas legs shes de dag tshig brjod cing / / lha tshogs de dag tshul du shis par mkha' la dong // bltams pa'i le'u ste bdun pa'o// // dge slong dag de ltar byang chub sem dpa' gang gi nub mo btsas pa de nyid kyi nu ba mo/ / rgyal rigs dang / bram ze dang / khyim bdag gi rigs shing sA la chen po lta bu rnams su bu mo nyi khri btsas par gyur te// de dag thams cad kyang de dag gi pha ma rnams kyis byang chub sems dpa' la rim gro bya ba dang / bsnyen bkur bya ba'i phyir phul lo// rgyal po zas gtsang mas kyang bu mo nyi khri byang chub sems dpa' la rim gro bya ba dang / bsnyen bkur bya ba'i phyir phul lo// mdza' bshes dang / blon po dang / nye du dang / snag gi gnyen mtshams dag gis kyang byang chub sems dpa' la rim gro bya ba dang / bsnyen
- 93a
bkur bya ba'i phyir bu mo nyi khri phul lo/ / blon po'i 'khor rnams kyis kyang byang chub sems dpa' la rim gro dang / bsnyen bkur bya ba'i phyir/ bu mo nyi khri phul lo// dge slong dag de'i tshe/ shAkya'i rgan rabs rgan rabs rnams 'dus nas/ rgyal po zas gtsang ma la 'di skad ces smras so// lha mkhyen par mdzad du gsol/ gzhon nu 'di ni lha khang du bkur bar bgyi'o/ / rgyal pos smras pa/ gzhon nu de ltar bkur ba legs kyis/ de bas na/ grong khyer ni brgyan par gyis shig/ srang dang / lam gyi bzhi mdo dang / tshong dus dag ni mdzes par gyis shig/ bkra mi shis pa/ sgur po dang / zhar ba dang / 'on pa dang / lkugs pa dang / dbyibs mi mdzes pa dang / gzugs mi mdzes pa dang / dbang po ma tshang ba rnams ni sol cig/ bkra shis pa rnams kyang sogs shig/ bsod nams kyi rnga ni brdungs shig/ bkra shis kyi dril ni dkrol cig/ grong khyer dam pa'i sgo ni rgyan gyis legs par spyad cig/ rol mo sil snyan dang / pheg rdob pa shin tu yid du 'ong ba dag ni long zhing rdobs shig/ khams kyi rgyal po thams cad ni sogs shig/ tshong dpon dang / khyim bdag dang / blon po dang sgo ba dang / 'khor gyi mi dag ni gcig tu sdus shig/ bu mo'i shing rta ni shoms shig/ bum pa gang ba rnams ni snyen cig/ bram ze kha ton pa rnams ni sdus shig/ lha khang rnams
- 93b
ni shin tu brgyan par gyis shig/ dge slong dag de nas rgyal pos ji skad bsgo ba de bzhin du/ thams cad sbyar ba dang / de nas rgyal po zas gtsang ma rang gi khyim du song nas// sku dgu'i bdag mo chen mo go'u ta mI la bos te 'di skad ces smras so/ / gzhon nu lha khang du bkur gyis rgyan gyis legs par brgyan par gyis shig/ legs so zhes skye dgu'i bdag mtshan mo go'u ta mis de ltar mnyan te/ gzhon nu brgyan gyis brgyan to// de nas gzhon nu de rgyan gyis brgyan pa'i tshe/ bzhin 'dzum zhing khro gnyer med pas/ shin tu yid du 'ong ba'i tshig gis sru mo la smras pa/ ma bdag gang du bkur smras pa/ bu lha khang du bkur ro// de nas gzhon nus bzhin 'dzum ste bgad nas/ sru mo la tshigs su bcad de smras pa/ bdag bcas de tshe stong gsum 'di ni g.yos par gyur/ brgya byin tshangs pa lha min lto 'phye chen po dang // nyi zla de bzhin rnam thos bu dang gzhon nu yang // spyi bo rkang pa gnyis la gtugs te phyag 'tshal nas/ de ring ma yis gang du bdag bkur bgyi ba yi// lha gzhan bdag gis gong na 'phags pa gang zhig mchis// lha rnams kun las bdag 'phags lha yi lha lags te/ bdag 'dra'i lha yang ma mchis gong ma ga la mchis// 'on kyang 'jig rten rjes bsngags tsam du bdag mchi 'am// bdag gi rnam 'phrul skye bos mthong na dgar 'gyur zhing // rim gro bkun
- 94a
sti shin tu che bar bgyid 'gyur la/ / lha mis 'di ni lha yi lha zhes rig par 'gyur// dge slong dag de ltar grong khyer du gzhon nu'i shing rta ba shams te rgyan gyis brgyan/ nas/ bkra shis thams cad bshams te/ rgyal po zas gtsang mas gzhon nu phang du blangs nas/ bram ze dang / grong rdal ba dang / tshong dpon dang / khyim bdag dang / blon po dang / khams kyi rgyal po dang / sgo ba dang / 'khor gyi mi dang / mdza' bshes dang / nye dus bskor te/ srang dang / lam gyi bzhi mdo dang / sum mdo dang / tshong dus rgyan tshad med pas brgyan pa byas nas/ bdug spos dri zhim pos ni bdugs/ me tog sil ma ni gtor/ rta dang / glang po che dang / shing rta dang / rkang thang gi bun long ni cher gyur/ gdugs dang / rgyal mtshan dang / ba dan ni bsgreng / sil snyan sna tshogs kyi sgra ni phyang ste/ song bar gyur to// de'i tshe lha brgya stong dag gis byang chub sems dpa'i shing rta drangs te/ lha'i bu mo bye ba khrag khrig brgya stong du mas nam mkha'i dkyil nas me tog gi char pha ba ste/ sil snyan gyi sgra 'byin par gyur to// dge slong dag de ltar rgyal po zas gtsang mas rgyal po'i bkod pa chen po dang / rgyal po'i phun sum chogs pa chen po dang / rgyal po'i byin chen pos gzhon nu de khyer te lha khang du phyin to// de nas byang chub sems dpas lha khang der rkang pa g.yas pa'i mthil
- 94b
bzhag pa dang / de nas lha'i gzugs sems med pa de dag 'di lta ste/ gu lang dang / skem byed dang / lus ngan dang / zla ba dang / nyi ma dang / rnam thos kyi bu dang / brgya byin dang drangs ba dang / 'jig rten skyong ba la sogs pa'i gzugs thams cad kyang / rang rang gis gnas nas langs te byang chub sems dpa'i rkang pa la phyag 'tshal bar gyur to// de'i tshe lha dang mi brgya stong ni/ kye ma a la la zhes bya ba dang / ca co dang / ga zha'i sgra brgya stong mang po 'byin par gyur to// ser skya'i gnas kyi grong khyer chen po dam pa de thams cad kyang rnam pa drug tu g.yos so/ / lha'i me tog gi char yang mngon par bab bo// lha'i sil snyan brgya stong du ma dag kyang ma dkrol bar sgra 'byin par gyur to// lha gang dag gi gzugs gang yin pa de dag thams cad kyang rang rang gi gzugs bstan nas/ tshigs su bcad pa 'di dag smra bar gyur to// ri rgyal ri mchog ri rab nam yang yungs kar 'bru la phyag mi 'tshal// rgya mtsho klu rje gnas ni nam yang brjes chu phyag mi 'tshal/ / nyi zla 'od byed srin bu me khyer 'od byed de la phyag mi 'tshal// bsod namra shes rab rig byung leg ldan lha rnams gang la'ang phyag mi bzhes// yungs 'bru ba rjes chu dang srin bu me khyer 'dra bar gyur pa ni/ stong gsum 'di na lha mi gang yang rung ste nga rgyal gnas pa lags/ / ri rab rgya mtsho nyi zla 'dra ba 'jig rten rang byung dam pa ste// de la 'jig rten phyag 'tshal ba ni mtho ris mya ngan 'das pa thob// byang chub sems
- 95a
dpa' lha khang du zhugs pa de bstan pa'i che/ / lha'i bu brgya stong phrag sum cu rtsa gnyis kyis bla na med pa yang dag par rdzogs pa'i byang chub tu sems bskyed par gyur to// dge slong dag byang chub sems dpa' lha khang du khyer ba'i tshe/ btang snyoms su bzhag pa'i rkyen ni de yin/ rgyu ni de yin no// lha khang du khyer ba'i le'u ste brgyad pa'o// / dge slong dag de nas bram ze mdun na 'don 'char po zhes bya ba 'char 'gro ba'i pha/ bram ze lnga brgya tsam gyis bskor te/ skar ma me bzhi 'das nas nag pa la bab pa'i tshe/ rgyal po zas gtsang ma'i drung du phyin nas/ 'di skad ces smras so// lha mkhyen par mdzad du gsol// da ni gzhon nu'i rgyan mdzad pa'i rigs so// rgyal pos smras pa/ legs kyis byed du chug shig/ de'i tshe rgyal po zas gtsang ma dang / shAkya lnga brgya tsam gyis/ rgyan gyi rnam pa lnga brgya tsam byed du bcug ste/ 'di ltar lag pa'i rgyan dag dang / rkang pa'i rgyan dag dang / mgo'i rgyan dag dang mgul gyi rgyan dag dang / sor gdub dag dang / rna rgyan dag dang / dpung rgyan dag dang / gser gyi ska rags dag dang / gser skud dag dang / dril bu g.yer ka'i dra ba dag dang / rin po che'i dra ba dag dang / lham rin po ches sbas pa dag dang / do shal rin po che sna tshogs kyi rgyan bdag dang / gdu bu rgya can dag dang / mgul gdub dag dang / cod pan dag kyang byed du bcug ste/
- 95b
zin nas/ skar ma rgyal dang ldan pa'i tshe/ shAkya de dag rgyal po zas gtsang ma'i drung du dong nas 'di skad ces smras so// lha gzhon nu rgyan du gsol/ rgyal pos smras pa/ khyed kyis gzhon nu la brgyan pa dang / mchod pa byas pa chog gis/ ngas gzhon nu'i rgyan thams cad byed du bcug go// spras pa bdag cag gis rgyan 'di dag gzhon nu'i sku la gdugs mtshan bdun zhig tu gdags su gsol de ltar gnang na bdag cag gis sug las bgyis pa yang don mchis par 'gyur ro/ / de'i tshe nam nangs te/ nyi ma shar ba dang / byang chub sems dpa' skyed pos tshal bkod pa dri ma med pa zhes bya ba de zhugs so/ / de'i tshe skye dgu'i bdag mo chen mo go'u ta mis byang chub sems dpa' phang du blangs so// bud med brgyad khris kyang byang chub sems dpa' bsu ste/ gdong du lta zhing 'khod par gyur bu mo stong phrag bcus byang chub sems dpa' bsu ste/ gdong du lta zhing 'khod par gyur to// shAkya stong phrag bcus byang chub sems dpa' ba su ste gdong du lta zhing 'dod par gyur to// bram ze stong yang lhag sa na sa byang chub sems dpa'i gdong du lta zhing 'khod par gyur to/ / de nas shAkya'i rgyal po bzang po zhes bya bas rgyan ji snyed cig byas pa de dag tham pa byang chubasam dpa lu sa la btags te/ de dag lus la btags ma thag tu byang chub sems dpa'i lus kyi 'od kyis mog mog por gyur nas/ lham mer ma gyur/ ldar ner ma gyur/ ljang der ma gyur ta/ 'di lta snga
- 96a
dper na 'dzam bu'i chu bo'i gser gyi gan du snag tsha'i yug gzhag na lham mer mi rung / lhan ner ma rung / lhang nger mi rung ngo // de bzhin du rgyan de dag thams cad byang chub sems dpa'i lus kyi 'od kyis phog na lham mer ma rung / lhan ner ma rung / lhang nger ma rung ngo // de bzhin du rgyan gyis rnam pa gang dang gang byang chub sems dpa'i lus la btags pa de dang de dag mog mog por gyur te/ 'di lta ste dper na/ 'dzam bu'i chu bo'i gser gyi gan du snag tsha'i yug bzhag pa bzhin no// de'i tshe skyed mos tshal gyi lha mo dri ma med pa zhes bya ba 'dug pa des lus chen po bstan nas/ mdun du 'dug ste/ rgyal po zas gtsang ma dang / shAkya'i tshogs de dag la tshigs su bcad de smras pa/ stong gsum sa 'di grong khyer grong rdal bcas pa kun gal te gser gyis gang khyab dri med mdzes gyur kyang / / 'dzam bu'i chu bo'i gser gzezigs gcig gis zil rlag ste/ gser gzhan dag ni dpal dang bral zhing gsal mi 'gyur// sa 'di mtha' dag 'dzam bu'i gling gi gser khebs kyang / / 'dren pa dpal rgyas spu khung 'od phyung zil gyis non// mi snang mi gsal mi mdzes 'od kyang nyams gyur cing // bde gshegs skyo pa'i drung du snag tsha bzhin du 'gyur/ / yon tan brgyas gang 'di ni rang gi gzi yis brgyan// de ni rgyan gyis mdzes min shin tu dri med sku// nyi zla'i 'od dang skar ma nor bu me dag dang /
- 96b
rgya byis tshangs pa'i 'od kyang dpal sdug mdun mi gsal// gang sku sngon gyi dge ba'i 'bras bus mtshan smras pa// de la gzhan gyis byas pa'i rgyan phal ci zhig dges// rgyan rnams 'or mi mkhas mkhas mdzad ma gtse shig/ blo gros mchog mdzad 'di ni bcos ma'i rgyan mi bzhed// 'dun pa 'di ni rgyal khab sras dang lhan cig btsas// dri med rab tu mdzes pa'i rkyen rnam 'apungs de stsal/ shAkya'i rigs ni rgya chen mchog tu 'gyur snyam nas// shAkya dag ni yid dga' mgu zhing ngo mtshar gyur// lha mo des de skad ces smras nas/ lha'i me dag ngag gis bya tu sems dpa' de la mngon par gtor te de nyid du mi snang bar gyur to/ / rgyan gyis le'u ste dgu pa'o// // dge slong dag de ltar gzhoran nu de ya zang skyes pa dang // bkra shis brgya stong bas nas/ khye'u stong phrag bcu dang / bu mo stong phrag bcus yongs su bskor cing mdun du bdar te yi ge'i grar 'jug par byas so// bza' ba dang / bca' ba dang myang ba gang ba'i shing rta stong phrag bcu dang / gser dngul dang / dbyig gis gang ba'i shing rta stong phrag bcu drangs te/ ser skya'i gnas kyi grong khyer chen po'i srang dang / grong bar dang chang dus kyi phyogs gang yin pa dag tu gtor to/ / mngon par byin no// sil snyan 'bum phrag brgyad kyi sgra yang phyung zhing / me tog gi char chen po yang mngon par bab bo// stegs
- 97a
sgo khang dang / rta babs dang / skar khung dang / bsil khang dang / khang pa brtsegs pa dang / khang bzangs dag gi steng nas bu mo brgya stong rgyan thams cad kyis brgyan pa dag/ byang chub sems dpa' la lta zhing me tog dag 'thor bar gyur to// lha'i bu mo stong phrag brgyad ni rgyan thams cad kyis lcug lhug por brgyan te/ rin po che bzang byed thogs nas lam 'phyag cing / byang chub sems dpa'i mdun nas dong bar gyur to// lha dang klu dang gnod sbyin dang / dri za dang / lA ma yin dang / nam mkha' lding dang / mi bam ci dang / lto 'phye chen po rnams kyang lus phyed phyung zhing / nam mkha'i dkyil nas me tog dang / dar gyi lda ldi 'bre bar gyur to// shAkya'i tshogs thams cad kyang rgyal po zas gtsang ma'i mdun du bdar nas/ byang chub sems dpa'i mdun nas 'dod bar gyur te/ bkod pa'i rnam pa 'di lta bu 'dis/ byang chub sems dpa' yi ge'i grar zhugs par gyur to// byang chub sems dpa' yi ger grwar zhugs ma thag tu/ de nas byis pa'i slob dpon kun gyi bshes gnyen zhes bya bas/ byang chub sems dpa'i dpal dang gzi brjid ma bzod de/ kha bub tu 'gyel to// de ltar 'gyel ba dga' ldan gyi rigs kyi lha'i bu yan lag bzang po zhes bya bas mthong nas/ lag pa g.yas pas bteg ste blang ngo // blangs nas kyang de nam mkha'i dkyil na 'dug ste/
- 97b
rgyal ba zas gzungs dang / skyab thal pa cing dag la tshigs su bcad de smras hA// maM yi bajig rten 'dzin bstan bcus gang yod pa// grangs dang migaces dang khams kyi rgyud dag dang / 'jig rten bzo yi sbyor ba tshad med mang po dag/ bskal pa bye mang sngon chad 'dis ni de dag bslabs// 'on kyang skye bo'i rjes su mthun pa tsam mdzad de// byis pa mang po theg pa mchog la smin mdzad dang / sems can khrag khrig gzhan yang 'chi med dgod pa'i phyir// shin tu lobs pa'ang bslab phyir yi ge'i grwar zhugs so// 'jig rten 'das pa'i bden bzhi lam gyi tshul mkhyen cing / / rgyu la rten nas ji ltar 'byung ba de la'ang mkhas// ji ltar 'dus byas 'gags zad pa sil 'gyur de tshul yang // mkhyen na yi ge'i bstan bcos tsam lta cis mi mkhyen// 'jig rten gsum na 'di yi slob dpon gong na med// lha dang mir bcas nang na 'di nyid gtso bo ste// bskal pa bye mang sngon chad gang la 'dis bslabs pa'i// yi ge de dag ming yang khyed kyis/ shes mi 'gyur// 'gro ba rnams kyi sems rgyud sna tshogs gang 'byung ba// skad cig gcig gis sems can dag pa 'dis mkhyen te// gzugs med ltar mi snang ba'i tshul yang rab mkhas na// yi ge gzugs yod pa lta snang dag lta smos ci dgos// de skad ces smras nas/ lha'i bu des byang chub sems dpa' la lha'i me tog mang pos gtor te// de nyid du mi snang bar gyur to//
- 98a
de nas ma ma dang / bran mo'i 'khor bkanan/ rgyal po zas gtsang ma la sogs pa/ shAkya gzhan ni phyir dang ngo // de nas byang chub sems dpa' can dan sbrul gyi snying po la byas pa'i yi ge'i shing / / lha'i tshon gyis byugs pa/ gser gyi yang mig gis gtags pa/ mtha' ma nor bu rin po chos kun nas brgyan pa thogs te/ slob dpon kun gyi ba shes gnyen la 'di skad ces smras so/ / kye mkhan pos bdag la yi ge gang zhig bslab/ tshangs pa'i yi ge 'am/ kha ro sti'i yi ge 'am/ pad+ma'i snying po'i yi ge 'am/ ang ga'i yi ge 'am/ mang ga'i yi ge 'am/ yul ma ga d+ha'i yi ge 'am/ bkra shis pa'i yi ge 'am/ sor mo pa'i yi ge 'am/ sha ka ni'i yi ge 'am/ ya ba na'i yi ge 'am/ bag le ba'i yi ge 'am/ pa ru sha'i yi ge 'am/ ga na'i yi ge 'am 'gro sdi ba'i yi ge 'am/ ki ra ta'i yi ge 'am/ lho phyogs pa'i yi ge 'am/ drag shul can gyi yi ge 'am/ grangs kyi yi ge 'am/ spyi'u tshugs pa'i yi ge 'am/ rjes su mthun pa'i yi ge 'am/ bru sha'i yi ge 'am/ ka sha'i yi ge 'am/ rgya'i yi ge 'am/ phu na'i yi ge 'am/ hu na'i yi ge 'am/ yi ge 'bring ngam/ rgyas par bri ba'i yi ge 'am/ rgyal gyi yi ge 'am/ lha'i yi ge 'am/ klu'i yi ge 'am/ gnod sbyin gyi yi ge 'am/ dri za'i yi ge 'am/ mi 'am ci'i yi ge 'am/ lto 'phye chen po'i yi ge 'am/ lha ma yin gyi yi ge 'am/ nam mkha'
- 98b
lIng gi yi ge ba ma/ ri dgas kyi 'khor lo'i yi ge 'am/ khwa skad shes pa'i yi ge 'am/ sa p+la'i lha'i yi ge 'am/ bar snang gi lha'i yi ge 'am/ nub kyi ba lang spyod kyi yi ge 'am/ byang gi sgra mi snyan gyi yi ge 'a ma/ shar gyi lus 'phags po'i yi ge 'am/ gdeg pa'i yi ge 'am/ gzhag pa'i yi ge 'am/ bsnun pa'i yi ga 'am/ rgya mtsho ba'i yi ge 'am/ rdo rje'i yi ga 'am/ sding yig dngalan gyi yi ge 'am/ rnam 'thor gyi yi ge 'am/ rings med kyi yi ge 'am/ bstan bcos bskor ba'i yi ge 'am/ rtsis skor ba'i yi ge 'am/ gdeg pa skor ba'i yi ge 'am gzhag pa bskor ba'i yi ge 'am/ rkang pas bris pa'i yi ge 'am/ tshig lan gnyis su gdab pa'i tshig gi mtshams kyi yi ge 'am/ tshig gi mtshams bcur brgyud pa'i bar gyi yi ge 'am bla thabs su bsnan pa'i yi ge 'am/ sgra thams cad kun tu sdud pa'i yi ge 'am/ rig pa dang mthun pa'i yi ge 'am/ rnam par 'dren pa'i yi ge 'am/ drang srong gis dka' thub spyad pa'i yi ge 'am/ lha'i nges pa'i yi ge 'am/ sa blta ba'i yi ge 'am/ nam mkha' blta ba'i yi ge 'am/ sman thams cad kyi rgyu mthun pa'i yi ge 'am/ snying po thams cad kun tu sdud pa'i yi ge 'am/ 'byung bo thams cad kyi sgra sdud pa'i yi ge 'am/ kye slob dpon yi ge drug cu rtsa bzhi po de dag gi nang na bdag la gang bslab/ de nas byis pa'i slob dpon kun gyi bshes gnyen ngo mtshar du gyur nas// bzhin
- 99a
gyi 'dzum phyung ste/ nga rgyal dang / dregs pa dang / rgyags pa med par byas nas/ tshigs su bcad pa 'di dag smras so// sems can dag pa ngo mtshar che// bstan bcos kun la bslabs gyur kyang / / 'jig rten 'jig rten rjes bsnyags phyir// yi ge'i grar ni byon par gyur// yi ge gang gi ming dag kyang // bdag gis shes par ma gyur pa// de la 'di ni/ byang gyur kyang // yi ge slob pa'i grwar byon to// 'di yi zhal ni mthong mod kyi// spyi gtsug 'phags pa bltar mi snang // yi ge'i shes rab mthar phyin na// bdag gis 'di go ji ltar bsla lha yi lha chen lha 'di ni/ / lha rnams kun gyi mchog mkhas pa// khyad par 'phags shing mnyam pa med// 'jig rten gang zag do zla med// bdag kyang 'di nyid mthun yis na// shes rab thabs kyis khyad par gyis/ / 'jig rten kun gyi dpung gnyen po// lobs pa 'di ni bslab par bya// dge slong dag de ltar byis pa stong phrag bcu po de dag/ byang chub sems dpa' dang lhan cig tu yi ge slob pa'i tshe/ byang chub sems dpa'i byin gyis brlabs kyis// byis pas de dag yi ga'i phyi ma slob cing gang gi tshe// A zhes brjod pa de'i tshe/ 'du byed thams cad mi rtag pa'i sgra byung ngo / / A zhes brjod pa dang / bdag med pa'i sgra byung ngo // i zhes brjod pa dang / dbang po shin tu yangs pa'i sgra byung ngo // I zhes brjod pa dang / 'gro ba ni yams kyi nang
- 99b
mang ba zhes bya ba'i sgra byung ngo / / u zhes brjod pa dang / 'gro ba ni 'che ba mang ngo zhes bya ba'i sgra byung ngo // U zhes brjod pa dang / 'gro ba ni dmab pa'o zhes bya ba'i sgra byung ngo // e zhes brjod pa dang / nyes pa ni btsal ba las 'byung ngo zhes bya ba'i sgra byung ngo // e zhes brjod pa dang / 'phags pa'i lam ni dge'o zhes bya ba'i sgra byung ngo // o zhes brjod pa dang / chu bo las rgal ba'i sgra byung ngo / / au zhes brjod pa dang / rdzu 'phrul ba'i sgra byung ngo // aM zhes brjod pa dang / bdag gi ba mi 'byung ba zhes bya ba'i sgra byung ngo // aHzhes brjod pa dang / nub pa zhes bya ba'i sgra byung ngo / / ka zhes brjod pa dang / las kyi rnam par smin pa la 'jug pa zhes bya ba'i sgra byung ngo // kha zhes brjod pa dang / chos thams cad nam mkha' dang mnyam zhes bya ba'i sgra byung ngongo/ ga zhes brjod pa dang / chos zab ces bya ba'i sgra byung ngo // g+ha zhes brjod pa dang / ma rig pa dang / gti mug gi mun pa dang / ling rtog stug po bsal zhes bya ba'i sgra byung ngo // nga zhes brjod pa dang / yan lag rnam par dag pa zhes bya ba'i sgra byung ngo // tsa zhes brjod pa dang / 'phags pa'i bden pa bzhi'i sgra byung ngo // tsha zhes brjod pa dang / 'dod pa'i 'dod chags spangs pa'i sgra byung ngo / / dza zhes brjod pa dang / rga shi las yang dag par 'das pa'i sgra byung ngo // dz+nyA zhes brjod pa dang / 'chi byed kyi rgyal mtshan can gyi dpung tshar bcad pa'i sgra byung ngo //
- 100a
nya zhes brjod pa dang / shes par byed pa'i sgra byung ngo // Ta zhes brjod pa dang / lam shin tu chad pa'i sgra byung ngo // tha zhes brjod pa dang / dri ba bzhag pa'i sgra byung ngo / / Da zhes brjod pa dang / dkrugs ma dang bdud tshar bcad pa'i sgra byung ngo // D+ha zhes brjod pa dang / yul mi gtsang ba'i sgra byung ngo // Na zhes brjod pa dang / nyon mongs pa ni phra ba zhes bya ba'i sgra byung ngo / / ta zhes brjod pa dang / de bzhin nyid ni 'dres pa med ces bya ba'i sgra byung ngo // tha zhes brjod pa dang / mthu stobs dang shugs dang mi 'jigs pa'i sgra byung ngo / / da zhes brjod pa dang / sbyin pa dang / dul ba dang / yang dag par sdom pa dang / nges pa'i sgra byung ngo // d+ha zhes brjod pa dang / 'phags pa rnams kyi nor ni rnam pa bdun no zhes bya ba'i sgra byung ngo / / na zhes brjod pa dang / ming dang gzugs yongs su shes par bya ba'i sgra byung ngo // pa zhes brjod pa dang / don dam pa'i sgra byung ngo // pha zhes brjod pa dang / 'bras bu rnyed pa mngon du bya ba'i sgra byung ngo / / ba zhes brjod pa dang / bcings pa las rnam par thar pa'i sgra byung ngo // b+ha zhes brjod pa dang / srid pa 'jig pa'i sgra byung ngo // ma zhes brjod pa dang / nga rgyal dang / rgyags pa zhi bar bya ba'i sgra byung ngo // ya zhes brjod pa dang / chos ji lta ba bzhin du rtogs par bya ba'i sgra byung ngo // ra zhes brjod pa dang / dga' ba la dga' ba med par
- 100b
don dam par dga' ba zhes bya ba'i sgra byung ngo / / la zhes brjod pa dang / 'khri shing chad pa'i sgra byung ngo // wa zhes brjod pa dang / theg pa'i mchog gi sgra byung ngo // sha zhes brjod pa dang / zhi gnas dang / lhag mthong gi sgra byung ngo // Sha zhes brjod pa dang / skye mched drug gzhom zhing mngon par shes pa drug dang / ye shes thob pa'i sgra byung ngo // sa zhes brjod pa dang / thams cad mkhyen pa'i ye shes mngon par rdzogs par byang chub par bya ba'i sgra byung ngo / / ha zhes brjod pa dang / nyon mongs pa bcom zhing 'dod chags dang bral ba'i sgra byung ngo // k+Sha zhes brjod pa dang / yi ge'i mthar phyin te chos thams cad brjod du med pa'o zhes bya ba'i sgra byung ngo // de ltar byis pa de dag yi ge'i phyi mo slob pa'i tshe/ byang chub sems dpa'i mthus de dag la sogs pa/ chos kyi sgo brgya stong grangs med pa byung bar gyur te/ byang chub sems dpa' yi ge'i gra na 'dug pa'i tshe/ byis pa sum khri nyis stong rim gyis bla na med pa yang dag par rdzogs pa'i byang chub tu yongs su smin par byas so/ / byang chub sems dpa' lobs par gyur kyang / yi ge'i grwar 'jug pa'i rgyu ni de yin no// rkyen ni de yin no// yi ge bstan pa'i le'u ste bcu pa'o// / / dge slong dag gzhon nu de de bas kyang ya zad skyes nas/ dus gzhan zhig na gzhon nu de/ gzhon nu gzhan dag dang / zhang lon gyi bu dag dang lhan cig tu
- 101a
zhing pa'i grong lta zhing dang ste/ grong bltas nas zhing zas kyi mtha'i bskyed mos tshal gcig tu phyin to// de na byang chub sems dpa' gcig pu/ gnyis su / par pa zad 'khyam zhing song song ba dang / 'dzam bu'i shing ljon pa mdzes pa/ blta na sdug pa zhig mthong nas/ byang chub sems dpa' de'i grib ma la skyil mo krung du bcas te 'dug go/ 'dug nas byang chub sems dpas sems rtse gcig pa rnyed de/ rnyed nas kyang sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can/ bsam gtan dang po bsgrubs te gnas so// de rtog pa dang / dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang / bde ba can/ bsam gtan gnyis pa bsgrubs te gnas so// de dga' ba'i 'dod chags dang bral bas btang snyoms la gnas shing / dran pa dang / shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa/ bde ba la gnas pa btang snyom/ pa'o zhes brjod pa ste/ dga' ba med pa bsam gtan gsum pa bsgrubs te gnas so// de bde ba yang spangs te/ snga nas sdug bsngal yang spangs shing / yid bde ba dang / yid mi
- 101b
bde ba yang nub pas/ / bde ba yang ma yin/ sdug bsngal ba yang ma yin pa/ btang snyoms dang dran pa yongs su dag pa/ bsam gtan bzhi pa bsgrubs te gnas so// de'i tshe phyi rol gyi drang srong mngon par shes pa lnga yod pa/ rdzu 'phrul dang ldan pa/ nam mkha' las 'dod pa lnga zhig/ lho phyogs nas byang phyogs logs su dong dong ba las/ de dag tshal stug po de'i steng du phyin pa dang / phyir phul ba ltar 'dong ma nus nas/ de dag mi dga' zhing ba spu g.yos te/ tshigs su bcad pa 'di dag smras so// bdag cag 'di na ri rab nor bu rdo rje brtsegs ri shin tu rngams sdug pa yang thal phyung ste/ glang po a mra'i shing ljon yal gas gzings pa mang po bcom nas 'gro ba bzhin du dong dong la/ bdag cag 'di na lha yi khyim la'ang thogs med gnod sbyin rje za'i khyim steng nam mkhar gnas gnas na/ tshal sdug 'dir phyin nas ni sgyid lug gyur pa su yi mthu zhig gis na rdzu 'phrul stobs bzlog gyur/ de nas tshal stug po de na lha mo zhig gnas pa des/ drang srong de dag la tshigs su bcad de spras pa/ rgyal po'i gtso bo'i rigs byung shAkya'i rgyal sras nyi ma shar ba lta bur rab tu snang ba'i 'od// 'jig rten gtsos mkhas pa zla zhal pad+ma rgyas pa'i snying po'i kha dog lha bu rab mdzes pa/ / lha dang klu dbang gnod sbyin dri zas mchod pa de ni bsam gtan dgongs shing tshal stug 'di na bzhugs/ srid pa phye ba ba
- 102a
dag tu ni bsod nams spel ba de yi mthu yis rdzu 'phrul stobs bzlog go/ de nas de dag gis 'og logs su bltas pa dang / gzhon nu zhig dpal dang gzi brjid 'bar ba mthong nas/ de dag 'di snyam du su zhig 'di ltar gnas/ nor gyi bdag po rnam thos kyi bu 'am cig ma yin nam/ 'on te 'dod pa'i dbang po bdud lta 'am/ yang na lto 'phye chen po'i dbang po 'am/ 'on te dbang po rdo rje 'chang ba 'am/ yang na gu lang ngam/ grul bum gyi bdag po 'am/ 'on te spro ba chen po dang ldan pa nag po 'am/ 'on te lha'i bu zla ba 'am/ 'on te 'od zer stong dang ldan pa nyi ma 'am/ 'on te 'khor los sgyur ba'i rgyal po zhig yin nam su zhig yin snyam mo// de'i tshe tshigs su bcad pa 'di yang smras so// gzhon nu 'di ni rnam thos bu yi gzugs las 'phags par gsal bar snang bas na/ / 'di ni sgra gcan yin nam 'on te rdo rje 'chang gi gzugs sam nyi zla'i gzugs/ 'dod mchog dbang po'i gzugs sam gu lang gzugs sam 'on te nag po'i gzugs yin nam/ / yang na 'di ni dpal ldan yan lag mtshan spras sdig med sangs rgyas 'gyur ba zhig/ de nas tshal gyi lha mo dos drang srong de dag la tshigs su bcad de slar smras pa/ / rnam thos bu dang mig stong bdog la dpal na gang yod gyur pa dang / 'jig rten skyong ba bzhi dang lha min dbang la dpal ni gang yod dang // mi mjed bdag po tshangs pa
- 102b
gza' rnams la yang dpal ni gang yod pa/ / dpal de shAkya'i sras po 'di drung phyin na gang gi char mi phod// de nas drang srong de dag gis lha mo de'i tshig thos nas sa la babs pa dang / de dag gis byang chub sems dpa' mi g.yo ba'i lus kyis bsam gtan byed cing / me'i phung po ltar 'bar ba mthong nas// de dag byang chub sems dpa' la sems shing // tshigs su bcad pas bstod de/ de la gcig gis smras pa/ 'jig rten nyon mongs mes gdungs par// mtsho 'di rab tu byung gyur te// gang gis 'jig rten sim 'gyur ba'i// chos de 'di yis brnyes par 'gyur/ / yang gcig gis smras pa/ mi shes rab rib 'jig rten du// sgron ma 'di ni rab tu byung // gang gis 'gro ba snang 'gyur ba'i// chos de 'di yis brnyes par 'gyur/ / yang gcig gis smras pa/ mya ngan rgya mtsho 'dal ba las// gru yi dam pa 'di byung ste/ gang gi 'gro ba sgrol 'gyur ba'i// chos de 'di yis brnyes par 'gyur// yang gcig gis smras pa/ nyon mongs 'chings pas bcings pa la// 'grol bar mdzad pa 'di byung ste// gang gis 'gro ba 'grol 'gyur ba'i// chos de 'di yis brnyes par 'gyur// yang gcig gis smras pa/ rga dang nad kyis gzir ba la// sman pa dam pa 'di byung ste// gang gis rga shi thar bya ba'i// chos de 'di yis brnyes par 'gyur// de nas drang srong
- 103a
de dag gis byang chub sems dpa' la tshigs su bcad pa de dag gis bstod de/ / lan gsum bskor ba byas nas/ nam mkha' las dong ngo // rgyal po zas gtsang ma yang byang chub sems dpa' mi mthong zhing / byang chub sems dpa' med pas mi dga' ste/ des smras pa/ gzhon nu de mi snang na gar song/ de'i tshe skye bo phal po che gzhon nu chol du dong dong ba dang / de'i tshe blon po gcig cig gis// byang chub sems dpa' 'dzam bu'i shing gi grib ma la skyil mo krung bcas te/ bsam gtan byed cing 'dug pa mthong ngo // des de'i tshe shing thams cad kyi grib ma ni yol na/ 'dzam bu'i shing gi grib ma ni byang chub sems dpa'i lus mi gtong bar 'dug par mthong na/ ngo mtshar du gyur te/ tshim zhing mgu la yid rangs nas/ rab tu dga' ste/ dga' ba dang yid bde ba skyes nas// rings shing myur ba myur ba'i gzugs kyis/ rgyal po zas gtsang ma'i thang du phyin te/ tshigs su bcad pa 'di dag smras so// rgyal po gzhon nu de la gzigs// 'dzam bu'i shing grib bsam gtan mdzad// brgya byin tshangs pa ji bzhin du/ gzi brjid dpal gyis rab tu mdzes// zhugs shing gang gi grib ma la// mtshan rab mnga' ba de bzhugs pa'i// grib ma de ni de ma gtang // skyes mchog bsam gtan mdzad la sgrib/ de nas rgyal po zas gtsang ma 'dzam bu'i shing ljon pa ga la ba
- 103b
der song ste phyin nas/ byang chub sems dpa' dpal dang gzi brjid kyis 'bar ba de mthong ba dang / tshigs su bcad pa 'di smras so// ri mi spo la me lce ba bar 'dra ste// zla ba skar ma'i tshogs nang 'dug 'dra zhing / / gzi brjid sgron 'dra bsam gtan byed mthong na// nga yi lus 'di shin tu 'dar bar gyur// de skad ces smras nas/ des byang chub sems dpa'i rkang pa la phyag byas te/ tshigs su bcad pa 'di smras so// thub pa gang tshe bltams pa dang // gang tshe 'od ldan bsam gtan mdzad/ 'dren pa 'di ltar lan gnyis su// mgon po khyod zhabs phyag 'tshal lo/ / de'i tshe byis pa khri'u thogs pa dag ca co'i sgra 'byin par gyur nas/ de dag la blon po dag gis sgra ma che sgra ma che zhes byas pa dang / de dag ci zhig nongs zhes zer ro// blon po ngag gis smras pa/ rgyal po'i sras don thams cad grub pa dge ba'i mtshan bzang po mchog dam pa dang ldan zhing / bod 'dom gang ba mnga' ba 'di ri ltar mi g.yo zhing bsam gtan mdzad pa'i tshe nyi ma'i dkyil 'khor yol te song yang / shing gi grib ma de ma yol zhing sgrib par gnas so// de la 'di skad ces bya ste/ dpyid 'das dbyar gyi dus bab par zla ra ba la// me tog rgyas shing ma tog yal gas khebs gyur te/ khrung khrung rma bya ne tso ri skegs skad 'byin par// shAkya'i bu dag phal cher mngon du 'dong bar gyur// 'dun pa can gyis smras pa/ gzhon nu nags tshal dag ni
- 104a
gzigs pa mdzad slad du/ / byis pa rnams kyis yongs su bskor te gshegs pa'i rigs// bram ze lta bur khyim na bzhugs pas ci zhig bgyi// bdag cag rnams ni/ bu mo'i tshogs rnams sgron du mchi/ nyi ma'i gung la sems can rnam par dag pa de// byis pa lnga brgya dag gis bskor nas lhan cig tu// yab la ma gsol yum la ma gsol ma tshor bar/ de ni byung nas zhing pa rnams kyi grong du song // rgyal po dam pa'i zhing pa dag gi grong de na// 'dzam bu'i sdong chen yal ga mang po rgyas yod pa// gzhon nus mthong nas nyam thag sdug bsngal 'og gyur te/ / 'dus byas ci rung sdug bsngal mang zhes snying rje byed// dul ba'i sems dang ldan pa 'dzam bu'i grib mar song // rtswa dag bsdus te bdag gis gding ba bting nas ni// skyil mo krung 'dug drang por lus bsrang bsam gtan bzhi// dge ba dag la byang chub sems dpa' bsam gtan byed// drang srong lnga zhig nam mkha'i dkyil nas dong dong na// 'dzam bu'i shing gi steng du phyin nas 'dor ma nus/ / de dag thogs nas nga rgyal dregs pa spang byas shing // de dag thams cad 'thun par lhan cig lta bar byed// bdag cag ri mchog ri rab de bzhin khor yug dag/ thal phyung thags thogs med par shugs kyis dong dong na// bdag cag de ring 'dzam bu'i shing ljon 'di las ni// 'da' bar ma nus 'di la rgyu rkyen ci zhig yod//
- 104b
babs te sa steng 'dug nas 'dza ma bu'i shing drung na// shAkya'i bu pho byang chub sems dpa' gzi brjid can// 'dzam gling gser gyi 'od 'phro 'dra ba 'od zer ldan// skyil mo krung bcas bsam gtan byed pa de tshe mthong / / de dag rmad gyur spyi bor sor bcu thal sbyar te// thal mo sbyar ba rkang par gtugs nas phyag 'tshal lo// 'gro ba shin tu bde mdzad legs par bltams pa legs/ / myur du rnam sangs rgyas te bdud rtsis sems can thul// sdong po mchog ni pad ma 'dra ba'i spyan la 'dud// gdugs yol gyur kyang grib ma sa bde bar gshegs mi gtong// lha rnams stong phrag mang po gnas pa thal sbyar nas// nges par byas pa de yi rkang par phyag kyang 'tshal// zas gtsang rgyal po bdag gi khyim na yongs tshol zhing // nga yi bu gzhon de ni gang du song zhes rmed/ / sru mos smras pa bdag gis btsal kyang ma rnyed nas// gzhon nu de ni gar bzhud rgyal pos smra bar gsol// zas gtsang rgyal pos nyung rum dag la rings par smras// nga yi gzhon nu 'di nas byung bar la las mthong ngam zhes// sgo ba rnams dang de bzhin nang mi kun la'ang smras// lha cig khyod gson mchog de zhing pa'i grong du bzhud// de ni rings bar shAkya rnams dang lhan cig tu/ / byung nas dpal zhugs gyur pa'i zhing ba'i grong du bltas// ji ltar nyi ma bye ba khrag khrig shar ba ltar// de ltar dpal gyi 'bar zhing phan byed
- 105a
'dug pa mthong / / cod pan ral gri lham dag pa zad phog phud de// mgo bor sor bcu thal mo sbyar nas phyag kyang 'tshal// drang srong bdag nyid chen po legs/ pa yang dag smra// gzhon nu byang chub don du mngon par 'byung du nges// rab tu dang lha brgya phrag bcu gnyis tshang ba dang // de bzhin shAkya lnga brgya nye bar 'ongs pa dang // bde gshegs yon tan rgya mtsho ldan pa'i rdzu 'phrul mthong / / bsam pa brtan pas rdzogs pa'i byang chub sems kyang bskyed// de nas stong gsum ma lus sa rnams rab bskyod nas// dran dang shes bzhin ting nge 'dzin las langs gyur te/ / mdog bzang ldan pas yab la tshangs pa'i tshig brjod pa// yab gcig zhing las thong la gzhan la tshol ma mdzad// gal te gser zhig 'tshal na'ang bdag gis gser char dbab/ / de ste na bza' 'tshal na'ang bdag gis na bza' dbul// 'on te 'bru zhig 'chal na'ang bdag gis 'bru char dbab// mi dbang khyod kyis 'gro ba kun la yang dag sbyor/ / yab dang de bzhin skye bo 'khor la bstan byas nas// skad cig de la de slar grong khyer mchog tu zhugs// 'gro dang mthun pa tsam du grong khyer der gnas kyi/ / sems can rnams dag mngon par 'byung ba'i yid dang ldan// zhing pa'i grong gi le'u ste bcu gcig pa'o// // 'phags pa rgya cher rol pa zhes bya ba theg
- 105b
pa chen po'i mdo/ / bam po bdun pa// dge slong dag de ltar gzhon nu de de bas ya zad skyes pa dang // dus gzhan zhig na rgyal po zas gtsang ma shAkya'i tshogs dang lhan cig tu 'dun sa na 'dug 'dug pa de'i tshe/ shAkya rgan rabs rgan rabs kha cig gis rgyal po zas gtsang ma la 'di skad ces smras so// lha mkhyen par mdzad du gsol/ gzhon nu don thams cad grub pa 'di ni/ bram ze ltas mkhan rnams dang / blo nges pa dang ldan pa'i lha mang pos 'di skad du bstan te/ gzhon nu 'di gal te mngon par byung bar gyur na ni/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ / ji ste mngon par ma byung na ni 'khor lo sgyur ba'i rgyal po mtha' bzhi las rnam par rgyal ba chos kyi rgyal po chos dang ldan zhing rin po che sna bdun dang ldan par 'gyur ro/ / de'i rin po che sna bdun ni 'di dag ste/ 'di ltar 'khor lo rin po che dang / glang po rin po che dang / rta rin po che dang / nor bu rin po che dang bud med rin po che dang khyim bdag rin po che dang / blon po rin po che dang bdun no// de la bu dpa' ba/ rtul phod pa/ yan lag mchog gi gzugs dang ldan pa/ gzhan gyi sde rab tu 'joms pa stong tshang ba 'byung ngo // de gnod par bya ba dang / mtshon cha med par chos dang mthun pas/ sa'i dkyil 'khor 'di las mngon par rgyal bar byas te/ gcig pu gnas par 'gyur ro zhes mchi na/ de'i slad du gzhon nu des
- 106a
btsun mo blang bar bgyi'o/ / de ltar mdzad dang bud med kyi tshogs kyis yongs su bskor te/ dgyes pa la longs spyod cing 'a nas ngo par 'byung bar yang mi 'gyur te/ de ltar gyur pa dang bdag cag gi 'khor lo sgyur ba'i gdung yang mi 'chad/ khams kyi rgyal po thams cad kyis kyang mi snyan par mi brjod cing rim gro bgyid par 'gyur ro// de nas rgyal po zas gtsang mas smras pa/ gal te de ltar bya na de'i phyir gzhon nu'i tshul dang mthun pa'i bu mo gang zhig yod khyod kyis ltos shig/ de'i tshe shAkya lnga brgya tsam so so nas/ 'di skad du bdag gi bu mo ni gzhon nu'i tshul dang mthun no// bdag gi bu mo ni gzhon nu'i tshul dang mthun no zhes zer ro/ / rgyal pos smras pa/ gzhon nu de ni shin tu phul che ba yin gyis/ gzhon nu nyid la khyod bu mo gang 'dod ces dri bar bya'o// zhes de dag kun kyang 'dus te gzhon nu la dngos po de brjod do/ / gzhon nus smras pa/ da ste dgung bdun na 'di'i lan gsan par gsol// de nas byang chub sems dpa' 'di snyam du bsams te// 'dod pa'i skyon ni gdag gis mtha' yas rig/ 'thab mo kho na bcas mya ngan sdug bsngal rtsa// 'jigs byed dug gi lo ma 'dra ba ste// me dang 'dra zhing ral gri'i so dang 'dra// 'dod pa'i yon tan bdag 'dod ma yin te/ / bdag ni bud med tshogs dang mdzes ma yin// bsam gtan ting 'dzin bde bas zhi sems su// bdag ni mi sgra nags tshal gnas par bya// yang des brtags nas thabs
- 106b
mkhas pa mngon du byas te/ / sems can yongs su smin par bya ba la bltas nas// snying rje chen po bskyed de/ de'i tshe tshigs su bcad pa 'di dag smras so// 'dam dang lcags khrig khrod nas/ pad+ma rnam par 'phel// mi rnams gang ba'i nang na rgyal po mchod pa 'thob// gang tshe byang chub sems dpa' 'khor mchog thob gyur pa// de tshe sems can bye ba khrag khrig 'chi med 'dul// sngon gyi byang chub sems dpa' mkhas pa gang byung ba// de dag kun gyis btsun mo sras dang slas kyang bstan// 'on kyang 'dod pas chags med bsam gtan bde ma nyams// bdag kyang de dag yon tan rjes su bslab par bya/ / gang la spyod lam yon tan bden pa'i tshig med pa// bud med phal pa gang yang bdag gis tshul mthun min// gang zhig bdag gi sems ni mngon par dga' byed cing // bag yod gzugs dang na chod rus rigs dag pa 'os/ / des ni yon tan tshigs su bcad de yi ger bris// 'di 'dra'i bu mo mchis na bdag la bka' stsol cig/ skye bo phal pa ma bsdams bdag la mkho ma lags/ / yon tan brjod pa 'di ldan mchis na bdag stsol cig/ dar cing gzugs bzang ldan yang gzugs kyi dregs dang bral// phu nu ma la byams ltar byams pa'i sems ldan zhing // gtong la dga' ste dge sbyong bram ze sprin tshul can// de 'dra'i bu mo mchis na yab kyis bdag stsol cig/ gang la nga rgyal khengs dang zhe sdang ma mchis shing // g.yo dang phrag dog sgyu spangs drang ba'i
- 107a
ngang tshul can/ / rmi la ma na yang skyes pa gzhan la chags dang bral// bdag gi chos ni chog 'tshal rtag sdom pag mchis la// rgyags pa ma mchis migaseng zung / thub tshul 'chang zhing // nga rgyal ma mchis 'gying dang bral bas bran mo bzhin// sgra dri rol ma chags chad la ma chags te// 'dod bral brnab sems ma mchis rang gi nor gyis 'tshal/ bden la gnas shing mi 'phyar g.yeng ba ma lags pa// ngo tsha'i gos 'tshal rgod dang khengs pa ma mchis gnas// lha dang bkra shis ma chags rtag tu chos la brtson// lus dang ngag dang yid kyi dngos po rab dag pa/ / gnyid dang rmug pa mi mnga' nga rgyal glen bral zhing // rtogs dang ldan la legs pa'i las rnams rtag spyod de// gyos skyug gnyis la'ang ston pa bzhin gyi rim gror ldan/ / bran dang bran mo kun la yang bdag bzhin byams srel pa// smad 'tshong bzhin du bstan bcos cho ga 'tshal cing mkhas// slad kyis nyal zhing sngon du mal nas ldang bgyid pa byams pas rjes snyegs ma bzhin tshul 'chos ma mchis pa/ / de 'dra'i bud med mchis na yab kyis bdag stsol cig/ dge slong dag de nas rgyal po zas gtsang mas tshigs/ su bcad pa de dag thos nas// mdun na 'don la smras pa/ bram ze chen po khyod ser skya'i gnas kyi grong khyer chen por song la/ khyim thams cad du'ang song ste/ bu mo dag ltos la gang lal
- 107b
rung ste/ yon tan de lta bu dag yod na/ rgyal rigs kyi bu mo yang rung / bram ze'i bu mo yang rung / rje'u rigs kyi bu mo yang dud/ dmangs rigs kyi bu mo yang rung gis/ bu mo do dag 'dir 'on cig/ de ci'i phyir zhe na/ gzhon nu 'di ni rigs don tu gnyer ba ma yin/ rus don tu gnyer ba ma yin gyi/ gzhon nu 'di ni yon tan don du gnyer ba yin no// de'i tshe tshigs su bcad pa 'di dag kyang smras so/ / rgyal rigs bram ze'i bu mo dang / rje'u rigs dmangs rigs de bzhin te// su la yon tan 'di yod pa'i// bu mo de ni 'dir 'on cig/ nga yi bu 'di rigs dag dang rus la ngo mtshar 'dzin ma yin/ / yon tan bden pa'i chos kyi rnams// de la 'di yi yid dga'o// dge slong dag de nas bram ze mdun na 'don des/ tshigs su bcad pa yi ger bris pa de khyer te/ ser skya'i gnas kyi grong khyer chen por song nas/ khyim nas khyim du yon tan de lta bu dang ldan pa'i bu mo lta zhing tshol du song song ba las/ yon tan de lta bu dang ldan pa'i bu mo ma mthong ste/ de nas rims kyis shAkya lag na be com can gyi khyim du phyin nas der bltas na/ bu mo gzugs mdzes shing blta na sdug pa/ yid du 'ong ba/ mdog bzang po rgyas pa/ mchog dang ldan pa/ ha cang yang mi ring ba/ ha cang yang mi thung ba/ ha cang yang mi sbom pa/ ha cang yang mi skem pa/ ha cang yang mi dkar ba/ ha cang yang mi gnag pa
- 108a
gzod ma dar la bab pa/ bud med rin po che ltar snang ba zhig mthong ba dang / bu mo des bram ze mdun na 'don de'i rkang pa gnyis nas bzung ste/ 'di skad ces smras so// bram ze chen po khyod la dgos pa ci zhig mchis/ bram ze mdun na 'don gyis tshigs su bcad de smras pa/ zas gtsang sras po gzugs ni mchog tu mdzes gyur cing // sum cu rtsa gnyis mtshan ldan yon tan gzi brjid can/ / de yis bud med rnams kyi yon tan yi ger bris// su la yon tan 'di yod de yi chung mar 'os// zhes smras te/ des de la yi ge de byin no// de nas bu mo des tshigs su bcad pa'i yi ge de klags nas/ bzhin 'dzum pa bstan te/ bram ze mdun na 'don de la tshigs su bcad de smras pa/ bram ze yon tan 'di dag bdag la kun tshang gis/ / des pa'i gzugs can de ni bdag gi khyim thab bo// gal te gzhon nu bzhed na phyi bshol ma mdzad gsungs// brgya la skye bo phal dang bzhugs par 'gyur yang gda'/ / de nas bram ze mdun na 'don de/ rgyal po zas gtsang ma'i drung du song ste/ don de brjod do// rgyal po chen po bdag gis gzhon nu'i tshul dang mthun pa'i bu mo mthong ngo / / rgyal po sa smras pa/ su la de lta bu zhig yod smras pa/ lha shAkya lag na be con can la bu mo de lta bu zhig mchis so// de nas rgyal po zas
- 108b
gtsang ma 'di snyam du sems te/ gzhon nu de shin tu phul che zhing / bzang ba la mos pa yin/ bud med dag ni phal cher yon tan med pa dag kyang / bdag la yon tan yod par khas/ len gyi/ bdag gis yid du 'ong ba'i yo byad dag cig bya ste// gzhon nu 'di bu mo thams cad la sbyin pa byed du gzhug go/ bu mo de dag gi nang nas gang la gzhon nu mig mngon par chags par gyur pa de/ gzhon nu la sbyin par bya'o snyam mo// de nas rgyal po zas gtsang mas yid du 'ong ba'i yo byad/ gser dang dngul dang / rin po che sna tshogs las byed ru bcug nas/ ser skya'i gnas kyi grong khyer chen por dril sgra bsgrags te/ deng nas zhag bdun na/ kun gyis kyang gzhon nu mthong bar 'gyur te/ yid du 'ong ba'i yo byad dag kyang bu mo dag la sbyin pa byed kyis/ bu mo thams cad kyang 'dun khang du shog cig ces bsgo'o// dge slong dag de nas zhag bdun lon pa dang / byang chub sems dpa' 'dun khang du song ste/ seng ge'i khri la 'dug go// de'i tshe rgyal po zas gtsang mas byar ba dag bkod nas/ gzhon nu 'di bu mo gang la mig chags pa de dal gyis shig ces bsgo'o// dge slong dag de nas ser skya'i gnas kyi grong khyer chen po de na bu mo gang ji snyed cig yod pa de dag thams cad 'dun khang ga la ba dang / byang chub sems dpa' ga la ba der byang chub sems dpa' lta ba dang
- 109a
yid du 'ong ba'i yo byad blang ba'i phyir dong ngo / / dge slong dag de nas byang chub sems dpas bu mo ji ltar 'ongs pa de dag la yid du 'ong ba na yo byad rnams byin no// de nas bu mo de dag gis byang chub sems dpa'i dpal dang gzi brjid ma bzod nas/ yid du 'ong ba'i yo byad de dag blangs shing myur ba myur bar phyir dong ngo // de nas shAkya lag na be con can gyi bu mo sa 'tsho ma zhes bya ba bran mo'i tshogs kyang bskor cing mdun du bdar te/ 'dun khang ga la ba dang / byang chub sems dpa' ga la ba der song ste phyin pa dang / mig mi 'dzums par byang chub sems dpa' la lta zhing phyogs gcig tu 'dug par gyur to// gang gi tshe byang chub sems dpas yid du 'ong ba'i yo byad de dag byin zin par gyur pa de'i tshe/ byang chub sems dpa'i drung du 'ongs nas 'dzum dmul te/ byang chub sems dpa' la 'di skad ces smras so// gzhon nu bdag gis khyed la nongs pa ci zhig bgyis na/ bdag la de ltar dang na sdang mdzad/ smras pa/ ngas ni khyod la dang na sdang byas pa 'ang med na/ khyod ni shin tu 'phyis te 'ongs so zhes smras nas/ des sor brngub srang brgya stong du ma ri ba phu de de la byin no/ / bu mo des smras pa/ gzhon nu khyod las bdag gis 'di lta bu zhig 'tshal ba 'os sam/ smras pa/ 'o na rgyan gzhan dang gzhan dag yod pa 'di dag kyang khyod khyer cig
- 109b
des smras pa/ gzhon nu bdag ni rgyan ma mchis par bgyid pa ma lags kyi/ rgyan dang ldan par bgyid pa lags so zhes smras nas bu mo de song ngo // de nas byar bar bkod pa'i mi de dag rgyal po zas gtsang ma'i drung du song nas/ lo rgyus de dag smos te spras pa/ lha shAkya lag na be con can gyi bu mo sa mtsho ma zhes bgyi ba de la gzhon nu spyan chags par gyur la/ cung zad cig tu bka' mchid kyang bgyis so/ / de nas rgyal po zas gtsang mas tshig de thos nas/ shAkya lag na be con can gyi gan du bram ze mdun na 'don po nyar btang ste// khyod kyi bu mo zhig yod pa de nga'i gzhon nu la byin cig ces spring ngo / / lag na be con gyis smras pa/ 'phags pa gzhon nu de ni pho brang na skyid de bar 'khrungs pa lags la/ bdag cag gi rigs kyi chos ni 'di lta bu lags te/ sgyu rtsal shes pa la bu mo gtong gi/ sgyu rtsal mi shes pa la mi gtong ba lags na/ gzhon nu de sgyu rtsal shes pa yang ma lags la/ ral gri'i thabs dang / 'phong dang / stobs dang / gyad kyi 'dzin stangs kyi tshul shes pa yang ma lags na/ bdag gis sgyu rtsal shes pa ma lags pa la bu mo ji ltar gtang / tshig de rgyal po la bzlas pa dang / de nas rgyal po 'di snyam du sems te/ nga la des 'di dang lan gnyis su bsngos te/ gang gi tshe ngas shAkya gzhon nu dag/ gzhon nu'i rim gro byed du ci'i phyir mi 'ong zhes byas pa de'i tshe'ang/ ci nged lug gi rim gro byed du
- 110a
'ong ngam zhes zer la/ da'ang 'di skad zer ro snyam du sems shing 'dug par gyur to// byang chub sems dpas kyang gtam de thos nas/ rgyal po zas gtsang ma ga la ba song ste phyin nas/ 'di skad ces smras so// ci nongs te de ltar zhal zung gnag par bzhugs/ rgyal pos smras pa/ gzhon nu de dri bas ci zhig bya/ gzhon nus smras pa/ lha de ni bka' mi stsal du mi rung ngo zhes lan gsum gyi bar du byang chub sems dpas/ rgyal po zas gtsang ma la dris pa dang / de nas rgyal po zas gtsang mas byang chub sems dpa' la dngos po de dag brjod do/ / byang chub sems dpas smras pa/ lha grong khyer 'di na bdag dang sgyu rtsal gyis 'gran par nus pa 'ga' mchis sam/ de nas rgyal po zas mas bgang nas/ byang chub sems dpa' la 'di skad ces smras so/ / bu khyod kyis sgyu rtsal bstan par nus sam/ sbas pa/ lha de ni bdag gis legs par rngo thog go// de bas na sgyu rtsal 'tshal ba rnams kun kyang bsog tu gsol/ de dag dun du bdag gis sgyu rtsal bstan par bgyi'o/ / de nas rgyal po zas gtsang mas ser skya'i gnas kyi grong khyer chen por dril gyi sgra bsgrags te/ deng nas zhag bdun na gzhon nu rang gi sgyu rtsal ston gyis/ der sgyu rtsal shes pa thams cad shog cig ces bsgo'o// de nas zhag bdun lon pa dang / shAkya gzhon nu lnga brgya tsam tshogs par gyur to//
- 110b
de nas shAkya lag na be con can gyi bu mo sa 'tshom rgyal ba'i ru mtshon du bzhag ste/ 'dir ral gri'i thabs dang / 'phod dang / stobs dang / gyad kyi 'dzin stangs kyis su rgyal ba de ni 'di khyer cig ces dam bcas nas/ de'i tshe thams cad kyi thog ma la gzhon nu lha sbyin grong khyer nas byung ngo // de'i byang chub sems dpa'i bzhon par glang po dkar po bong shin tu che ba zhig grong khyer du khrid pa/ gzhon nu lha sbyin gyis mthong nas/ phrag dog dang / shAkya'i nga rgyal dang / stobs kyi nga rgyal gyis dregs nas/ des glang po de lag pa g.yon pas sna nas bzung ste/ lag pa g.yas pas thal mo lan cig bsnun pas bsad par gyur to/ / de'i 'og tu gzhon nu mdzes dga' bo byung ba dang / des glang po chen po de grong khyer gyi sgor bsad pa mthong nas/ sus bsad ces dris pa dang / smras pa/ lha sbyin gyis bsad do// smras pa/ lha sbyin gyis de ni ma legs pa zhig byas so zhes des glang po de'i mjug ma nas bzung ste/ grong khyer gyi sgo nas gud du bor ro// de'i 'og tu byang chub sems dpa' shing rta la zhon te byung ba dang / byang chub sems dpas glang po de ltar bsad pa mthong ngo // mthong nas kyang sus bsad ces dris pa dang / smras pa/ lha sbyin// gyis bsad do// smras pa/ lha sbyin gyis de ni ma legs pa zhig byas so// grong khyer 'di'i sgo nas sus bor zhes dris pa dang / smras pa/ mdzes dga' bos bor ro// smras pa/
- 111a
mdzes dga' bos de ltar byas pa'ang legs na/ sems can 'di ni lus chen po dang ldan pa ste/ rul na grong khyer thams cad dri mi zhim pas gang bar 'gyur ro zhes nas/ de nas byang chub sems dpas shing rta la 'dug bzhin du/ rkang pa ya cig sa la brkyang ste/ rkang pa'i mthe bos glang po de blangs te/ ra ba bdun rim dang / 'obs bdun rim bzlas nas/ grong khyer gyi phyi rol rgyang grags cig tsam du 'phangs so// glang po do phyogs gang du lhung ba'i phyogs de gshong chen po zhig tu gyur nas/ da ltar glang po'i gshong zhes bya ba yin no/ / de'i tshe lha dang mi brgya stong mang po e ma a la la zhes zer zhing / ca co dang / gzha'i sgra stong 'byin la/ gos kyi g.yab mo 'byin par gyur to// nam mkha'i dkyil nas lha'i bu dag gis kyang tshigs su bcad pa 'di dag smras so/ / glang po'i dbang po bdo ba bzhin bzhud pa// zhabs kyi mthe bos glang po'i dbang po blangs// ra ba bdun dang 'obs bdun yongs bzlas nas/ grong khyer 'di yi phyi rol rgyang ring 'phangs// mkhyen pa mchog mnga' 'dis ni gdon mi zar// nga rgyal stobs kyis mtho ba'i lus can rnams// 'khor ba'i grong nas phyi rol rgyang ring du/ shes rab stobs kyis 'dis ni 'phen par 'gyur// dge slong dag de nas shAkya gzhon nu lnga brgya tsam grong khyer nas mthon nas/ sa'i phyogs gang du shAkya
- 111b
gzhon nu dag sgyu rtsal ston pa der dong ngo / / rgyal po zas gtsang ma dang / shAkya rgan rabs rgan rabs dag dang / skye bo bal po che dag kyang byang chub sems dpa' dang / shAkya gzhon nu gzhan dag gi sgyu rtsal gyi khyad par mthong bar 'dod de/ sa'i phyogs der dong ngo // de nas thog mar shAkya gzhon nu yi ge mkhas shing yi ge'i cho ga shes pa de dag dang byang chub sems dpa' yi ge 'gran to/ / de'i tshe shAkya de dag gis slob dpon kun gyi bshes gnyen dpang du bzhag ste/ gzhon nu 'di dag gi nang nas/ yi ge 'bru 'am/ yi ge'i sna grangs kyi mthar phyin pas khyad par du 'phags pa gang yin khyod kyis bye brag phye shig/ de nas slob dpon kun gyi bshes gnyen byang chub sems dpa' yi ge la mkhas pa mngon du mthong bas bzhin 'dzum pa bstan te/ tshigs su bcad pa 'di dag smras so// mi yi 'jig rten lha yi 'jig rten nam// lha min 'jig rten dri za'i 'jig rten nam// 'jig rten kun gyi yi ge ji snyed gang / / de la sems can dag pa 'dis mthar phyin// mi'i zla ba 'di yis gang mkhyen pa'i// yi ge dag dang yi ge'i sna grangs kyi// ming yang khyed dang ngas ni yong mi shes/ / 'di la mngon sum ngas shes 'di rgyal 'gyur// shAkya rnams kyis smras pa/ gzhon nu 'di yi ge'i shes pa la khyad par du 'phags pa lta'ang 'phags par chug/
- 112a
ste/ gzhon nu 'di grangs kyi shes pa la khyad par ci yod pa skrun par bya'o// de nas shAkya srid sgrub ces byabartsis pa chen po byed pa/ bgrang ba dang / rtsis kyi pha rol tu phyin pa zhig yod pa de dbang du bzhag ste/ gzhon nu 'di dag gi nang nas grangs kyi shes pa la khyad par du gang 'phags khyod kyis ltos shig ces byas te/ de nas de'i tshe byang chub sems dpas ni rtsis mgo phog/ shAkya gzhon nu gcig gi ni brtsis pa dang / byang chub sems dpa' la sleb par ma nus so// de nas shAkya gzhon nu gnyis dang / gsum dang bzhi dang lnga dang bcu dang nyi shu dang sum cu dang bzhi bcu dang lnga bcu dang / brgya nas shAkya gzhon nu lnga brgya'i bar gyis dus gcig tu brtsis kyang / byang chub sems dpa' la ma slebs so// de nas byang chub sems dpas smras pa/ khyed kyis ni rtsis mgo phog shig/ kho bos ni brtsi'o// de'i tshe shAkya gzhon nu gcig gis rtsis mgo phog na/ byang chub sems dpas rtsis kyis chod pa la ma slebs so// de nas shAkya gzhon nu gnyis dang / gsum dang / bzhi dang lnga dang bcu dang nyi shu dang sum cu dang bzhi bcu dang lnga bcu dang brgya nas shAkya gzhon nu lnga brgya'i bar gyis dus gcig tu rtsis mgo phog kyang / byang chub sems dpas rtsis kyis chod pa la ma slebs so// byang chub sems dpas smras pa/ 'di la brtsad de yang ci rung gis// khyed thams cad gcig tu 'dus te rtsis/
- 112b
mgo phog shig/ kho bos brtsi'o// de nas shAkya gzhon nu lnga brgyas tshig cig tu brjod pas snga phyi med par cis mgo log nas/ byang chub sems dpas rmongs pa med par brtsis de ltar shAkya gzhon nu de dag thams cad ni phug thug par gyur/ byang chub sems dpa' la ni thug pa'i mtha' med par gyur to// de nas rtsis pa chen po srid sgrub ngo mtshar du gyur te/ tshigs su bcad pa 'di dag smras so/ / legs pa'i blo mngab 'di dris na// mkhyen pa shin tu myur ba ste/ shAkya gzhon nu lnga brgya tsam/ kun kyang rtsis kyi lam la thug/ de yi shes rab 'di 'dra ste/ ye shes blo gros dran ldan yang // rtsis kyi mkhyen pa rgya mtsho do// da dung sbyong zhing slob pa mdzad// de nas shAkya'i tshogs thams cad ngo mtshar du gyur te/ shin tu rmad du byung bar sems shing / / de'i tshe thams cad mgrin gcig tu tshig 'di skad ces smras so// kye don grub gzhon nu khyod ni rgyal lo rgyal lo zhes thams cad stan las langs te thal mo sbyar nas/ byang chub sems dpa' la phyag 'tshal te/ rgyal po zas gtsang ma la 'di skad ces smras so// rgyal po chen po khyod la sras de ltar dris pa la spobs pa myur zhing mgyogs la/ yang zhing shugs dang ldan pa can mnga' ba ni brnyes pa legs par brnyes so/ / de nas rgyal po zas gtsang mas byang chub sems dpa' la 'di skad ces smras so// bu rtsis pa chen po srid sgrub grangs kyi shes pa
- 113a
la mkhas pa dang rtsis kyi lugs 'gran nus sam/ smras pa/ lha rdo thog go// smras pa/ 'o na rtsis shig/ de nas rtsis pa chen po srid sgrub kyis byang chub sems dpa' la 'di skad ces smras so/ / gzhon nu khyod kyi khye las brgyar gong du bsgres pa zhes bgyi ba'i rtsis kyi lugs mkhyen tam/ smras pa shes so// smras pa/ 'o na dbye kha la sa brgyar gong du bsgres pa'i rtsis kyi lugs la ji ltar rjes su 'jug par bgyi/ / byang chub sems dpas smras pa/ bye ba phrag brgya nather 'bum zhes bya'o// ther 'bum phrag brgya na khrag khrig ces bya'o/ / khrag khrig phrag brgyan btams pa zhes bya'o// gtams pa phrag brgyan dkrigs pa zhes bya'o// dkrigs pa phrag brgya na mi 'khrugs pa zhes bya'o// mi 'khrugs pa phrag brgya na khyad phyin ces bya'o/ / khyad phyin phrag brgyan pang steng zhes bya'o// phang steng phrag brgyan mang 'dzin ces bya'o// mang 'dzin phrag brgyan glang po'i stobs shes bya'o// glang po'i stobs phrag brgya na ngogs 'thob ces bya'o/ / ngogs 'thob phrag brgyan rnam par gzhag pa gdags pa zhes bya'o// rnam par gzhag pa gdags pa phrag brgyan rgyu rig ces bya'o// rgyu rig phrag brgya na lag sbyin zhes bya'o/ / lag sbyin phrag brgya na rgyu dbang zhes bya'o// rgyu dbang phrag brgya na rdzogs thob ces bya'o// rdzogs thogs phrag brgyan bgrang stogs shes bya'o// bgrang rtogs
- 113b
phrag brgyan sgrib pa zhes bya'o/ / sgrib pa phrag brgyan stobs zhes bya'o// stobs phrag brgyan kun stobs shes bya'o// kun stobs phrag brgyan rnam par brda shes ldan zhes bya'o// rnam par brda shes ldan phrag brgya na brda shes kun ces bya'o// brda shes kun phrag brgyan rnam 'byung zhes bya'o// rnam 'byung phrag brgya na de'i mtshan nyid ces bya ste/ 'di ltar de'i mtshan nyid ces bya ba'i rtsis kyis ni/ ri'i rgyal po ri rab brtsi ba'i gzhir byas kyang chod par rung ngo // de'i yang gong na rgyal mtshan gyi rtse mo'i nor bu zhes bya ba'i grangs yod de/ grangs des ni gang+gA'i klung gi bye ma snyed brtsi ba'i gzhir byas kyang chod par rung ngo / / de'i yang gong na rgyal mtshan gyi rtse mo nges par sgrogs pa zhes bya ba'i grangs yod de// de'i yang gong na ded 'dren gdags pa zhes bya ba'i grangs yod do/ / de'i yang gong na gtan la 'bebs pa zhes bya ba'i grangs yod do// de'i yang gong na gcod rtogs zhes bya ba'i grangs yod do// de'i yang gong na gcod rtogs ldan zhes bya ba'i grangs yod do/ / de'i yang gong na thams cad rnam par 'byed pa zhes bya ba'i grangs yod de/ grangs des ni gang+gA'i klung bcu'i bye ma brtsi ba'i gzhir byas kyang chod par rung ngo // de'i yang gong na snying po mchog ces bya ba'i grangs yod do/ grangs des ni gang+gA'i klung bye ba phrag brgya'i bye ma dang mnyam pa brtsi ba'i gzhir byas kyang chod par rung ngo // de'i yang gong na rdul phra rab la 'jug
- 114a
pa'i rjes su song ba zhes bya ba'i grangs yod de/ grangs de la ni de bzhin gshegs pa dang / byang chub kyi snying po mchog dam par gnas pa'i byang chub sems dpa' dang / chos thams cad la dbang bskur ba mngon du gyur pa'i byang chub sems dpa' ma gtogs par/ sems can gyis ris na grangs de shes pa ni nga dang / gzhan yang nga dang 'dra ba srid pa tha ma par gyur pa/ khyim gyi gnas nas mngon par byung ba'i byang chub sems dpa' ma gtogs pa gang yang med do// srid sgrub kyis smras pa/ gzhon nu rdul phra rab la 'jug pa'i rjes su song ba'i grangs la ji ltar rjes su 'jug par bgyi/ byang chub sems dpas spras pa/ rdul phra rab kyi rdul bdun la ni rdul phra mo gcig go// rdul phra mo bdun la ni rdul chung ngu gcig go/ rdul chung du 'dun la ni nyi zer gyi rdul gcig go/ nyi zer gyi rdul bdun la ni ri bong gi rdul gcig go// ri bong rdul bdun la ni lug rdul gcig go// lug rdul bdun la ni glang rdul gcig go/ glang rdul bdun la ni sro ma gcig go/ / sro ma bdun la ni yungs 'bru gcig go// yungs 'bru bdun la ni nas gcig go/ nas bdun la ni sor gcig go// sor bcu gnyis la ni mtho gang ngo // mtho do la ni khru gang ngo // khru bzhi la ni gzhu gang ngo // gzhu stong la ni yul ma d+ha'i rgyang grags gcig go// rgyang grags bzhi la ni dpag tshad gcig go/ de la khyed kyi nang nas dpag tshad la
- 114b
rdul phra rab de lta bu du yod sus shes/ srid sgrub kyis smras pa/ gzhon nu bdag nyid kyang de la mgo rmongs na/ gzhan blo chung ngu dang ldan pa lta smos kyang ci 'tshal/ de bas na gzhon nus dpag tshad la rdul phra rab de lta bu du mchis bshad du gsol/ byang chub sems dpas smras pa/ de la dpag tshad la ni rdul phra rab mi 'khrugs khrag khrig cig dang / bye ba khrag khrig 'bum phrag sum cu dang / bye ba drug cu phrag brgya dang / bye ba phrag sum cu rtsa gnyis dang / 'bum phrag lnga dang khri nyis stong yod de/ dpag tshad la ni rdul phra rab de snyed cig yod do// de ltar 'jug pa des 'dzam bu'i gling 'di la ni dpag tshad bdun stong yod do// nub kyi ba lang spyod la ni dpag tshad brgyad stong yod do// shar gyi lus 'phags la ni dpag tshad dgu stong yod do/ / byang gi sgra mi snyan la ni dpag tshad khri yod de/ de ltar 'jug pa des gling bzhi pa'i 'jig rten gyi khams 'di la sogs pa/ gling bzhi pa chen po'i 'jig rten gyi khams bye ba phrag brgya dang / rgya mtsho chen po bye ba phrag brgya dang / 'khor yug dang 'khor yug chen po bye ba phrag brgya dang / ri'i rgyal po ri rab bye ba phrag brgya dang / rgyal chen bzhi'i ris kyi lha bye ba phrag brgya dang / sum cu rtsa gsum bye ba phrag brgya dang / 'thab bral bye ba phrag brgya dang / dga' ldan bye ba phrag brgya dang / 'phrul dga' bye ba phrag brgya dang / gzhan 'phrul dbang byed bye ba phrag
- 115a
brgya dang / tshangs ris bye ba phrag brgya dang / tshangs pa'i mdun 'don bye ba phrag brgya dang / tshangs 'khor bye ba phrag brgya dang / tshangs chen bye ba phrag brgya dang bong chung bye ba phrag brgya dang / tshad med 'od bye ba phrag brgya dang / 'od gsal bye ba phrag brgya dang / dge chung bye ba phrag brgya dang / tshad med dge bye ba phrag brgya dang / ngag rgyas bya ba phrag brgya dang / sprin med bye ba phrag brgya dang / bsod nams skyes bye ba phrag brgya dang / 'bras bu che bye ba phrag brgya dang / sems can 'du shes med pa bye ba phrag brgya dang / mi che ba bya ba phrag brgya dang / mi gdung ba bye ba phrag brgya dang / gya nom snang ba bye ba phrag brgya dang / shin tu mthong bye ba phrag brgya dang / 'og min gyi lha'i ris bye ba phrag brgya la stong gsum gyi stong chen po'i 'jig rten gyi khams gcig ces bya ste yangs shing rgya che ba'o/ / de la dpag tshad du yod pa dang / dpag tshad brgya phrag du yod pa dang / dpag tshad stong phrag du yod pa dang / dpag tshad bye ba phrag du yod pa dang / dpag tshad ther 'bum phrag du yod pa dang / dpag tshad khrag khrig phrag du yod pa dang / de bzhin du sbyar te/ dpag tshad snying po dam pa'i rtsis kyi bar du thug pa la rdul phra rab de lta bu du yod ces bya ba'i rtsis de ni grangs dang / bgrang ba las 'das pa ste/ de ni grangs med pa zhes bya'o// de bas kyang shin tu grangs med pa de snyed kyi rdul phra rab ni stong
- 115b
gsum gyi stong chen po'i 'jig rten gyi khams na yod do/ / byang chub sems dpas rtsis kyi le'u 'di bstan pa'i tshe/ rtsis pa chen po srid sgrub dang / shAkya'i tshogs thams cad kyang tshim zhing mgu la yi rangs te/ ngo mtshar rmad du byung ba thob nas/ de dag thams cad kyang gos re re zhig bzhag ste/ gos dang / rgyan lhag ma gzhan byang chub sems dpa' la yon du phul lo// de nas rtsis pa chen po srid sgrub kyis tshigs su bcad pa 'di dag smras so// 'di ltar bye ba brgyan ther 'bum de bzhin du/ khrag khrig dang ni gtams pa'i rgyud dang de bzhin du/ dkrigs pa mi 'khrugs bdag gis shes thug de gong min/ mtshungs pa med kyis mkhyen pa rtsis la de bas lhag/ yang kye shAkya dag/ stong gsum dag gi rdul dang rtswa dang nags tshal dang / sman dang chu yi thigs pa ji snyed yod pa yang / hung zhes bya ba gcig la 'di yis rtsi nus na/ lnga brgya tsam dag gi lta ngo mtshar ci zhig che// de nas lha dang mi brgya stong dag/ e ma a la la zhe zer zhing / ca co dang / gzha'i sgra stong 'byin par gyur to// nam mkha'i dkyil nas lha'i bu dag gis kyang tshigs su bcad pa 'di brjod do// dus gsum sems can ma lus ji snyed gang yod pa'i sems dang sems byung 'du shes rnam par rtog pa dag/ mchog dang tha ma de bzhin rgya chung yangs pa dag/ thams cad sems kyi 'gyur ba gcig gis rab tu mkhyen// dge slong dag
- 116a
de ltar shAkya gzhon nu de dag thams cad zil gyis non par gyur te/ byang chub sems dpa' 'ba' zhig khyad par du 'phags par gyur to// de'i rjes la mchongs pa dang / rgyal dang / bang la sogs pa thams cad la'ang byang chub sems dpa' nyid khyad par du 'phags par gyur nas/ nam mkha'i dkyil nas lha'i bu dag gis tshigs su bcad pa 'di dag smras so// brtul zhugs dka' thub sdom pa'i yon tan dang // bskal pa bye bar bzod dul byams stobs kyis// lus dang sems ni ci nas yang mdzad pas// de yi shugs kyi khyad par mnyan par gyis sems can mchog 'di grong khyer 'di na bzhugs par khyed kyis mthong / / 'on kyang 'di ni phyogs bcu'i 'jig rten khams rnams thams cad du// skad cig gcig la rin chen gser dang mchod pa sna tshogs kyis/ / rgyal ba dpag tu med pa dag la mchod par mdzad du bzhud// 'on kyang rdzu 'phrul de 'dra brnyes pa de// byon tam bzhud par khyed kyis yongs mi shes// ji tsam zhugs shes de la ci zhig bskyed/ / 'di ni mtshungs pa med kyis rim gro skyed// de ltar byang chub sems dpa' de gcig pu khyad par 'phags par gyur to// de nas shAkya de dag gis smras pa/ gzhon nu 'di la stobs kyi khyad par ci yod pa'ang sad par bya'o// de nas byang chub sems dpa' phyogs gcig tu 'dug nas/ shAkya gzhon nu lnga brgya po de dag kyang dus gcig tu
- 116b
so so nas stobs 'gyed par gyur te/ shAkya gzhon nu sum cu rtsa gnyis shig tshogs nas/ byang chub sems dpa' la brgal ba ltar chas te 'khod do// de'i nang nas dga' bo dang / kun dga' bo gnyis kyis byang chub sems dpa' la stobs brgal ba'i phyir drung du phyin pa dang / byang chub sems dpa'i lag gis reg ma thag tu/ de gnyis kas kyang byang chub sems dpa'i mthu dang / gzi brjid ma bzod de sa la 'gyel to// de'i 'og tu shAkya gzhon nu lhas sbyin nga rgyal can/ mthus bsnyems pa de stobs kyi nga rgyal dang / shAkya'i nga rgyal gyis bsnyems la/ byang chub sems dpa' la sngo zhing / thams cad dang ldan pa'i ltad mo pa'i dkyil 'khor la bskor te/ bsgyings nas byang chub sems dpa' la stobs brgal to// de nas byang chub sems dpas ma brtabs shing mi rings par/ stangs bzangs por gzhon nu lhas sbyin lag pa g.yas pas bteg ste/ bsad pa'i blos ma yin gyis/ nga rgyal bcag pa'i phyir byams pa'i sems kyi nam mkha las bskor bskor te/ sa'i steng du bor yang de'i lus la gnod par gyur pa med do// de nas byang chub sems dpas smras pa/ de lta bu gnod par 'gyur bas chog gis thams cad gcig tu 'dus te brgal bar gyis shig/ de nas de dag thams cad nga rgyal gyis rlom zhing byang chub sems dpa' la rub par gyur to// de nas de dag byang
- 117a
chub sems dpa' la reg ma thag tu byang chub sems dpa'i dpal dang gzi brjid dang lus kyi mthu ma bzod de/ byang chub sems dpas reg pa tsam gyis sa la 'gyel bar gyur to/ / de nas lha dang mi brgya stong de dag/ e ma a la la zhes zer zhing / ca co dang gzha'i sgra brgya stong phyung ngo // nam mkha'i dkyil na 'khod pa'i lha'i bu dag gis kyang me tog gi char chen po mngon par phab ste/ dbyangs gcig tu tshigs su bcad pa 'di dag smras so// phyogs bcu'i sems can gang rnams ji snyed pa// de dag gyad chen stobs po che 'dra la/ cig char skyes bu'i mchog la rub gyur kyang // reg pa tsam gyis sa la 'gyel bar 'gyur// lhun po ri rab rdo rje'i khor yug dang // phyogs bcu dag na ri gzhan gang yod pa/ lag pas mnyes shing darmeg med byer rlog na// mi lus snying po med pa mtshar ci che// 'di ni shing dbang mchog drung sdang ba'i gyad// dpung bcas bdud rnams rgyal mdzad sder bcas pa/ nag po'i rtsa lag byams pa'i stobs kyis 'joms// bla med byang chub zhi bar 'tshang yang rgya// de ltar byang chub sems dpa' de gcig pu khyad par du 'phags par gyur to// de nas shAkya lag na be con can gyis/ shAkya gzhon nu de dag la 'di skad ces smras so// 'di dag ni sad kyang zin/ mthong yang zin gyis/ da ni 'phong zhig bstan par gyis shig/ de'i
- 117b
tshe kun dga' bos rgyang grangs gnyis kyi pha rol tu lcags kyi rnga gcig 'ben du btsugs so/ / de'i 'og tu lhas sbyin gyis rgyang grags bzhi'i pha rol tu lcags kyi rnga gcig 'ben du btsugs so/ / de'i 'og tu mdzes dga' bos rgyang grags drug gi pha rol tu lcags kyi rnga gcig 'ben du btsugs so// de'i 'og tu shAkya lag na bcon can gyis rgyang grags brgyad kyi pha rol tu lcags kyi rnga gcig 'ben du btsugs so/ / de nas byang chub sems dpas rgyang grags bcu'i pha rol tu lcags kyi rnga gcig 'ben du btsugs te/ de'i drung du shing ta la bdun dngar nas/ / de'i pha rol tu lcags kyi phag rgod kyi gzugs 'khrul 'khor du byas pa gcig btsugs so// de nas kun dga' bos rgyang grag sa gnyis kyi pha rol na rnga'i 'ben 'dug pa la 'phangs nas phog par gyur te/ de phan chad kyi la phog par ma nus so// lha sbyin gyis rgyang grags bzhi'i pha rol na rnga'i 'ben 'dug pa la 'phangs nas phog par gyur te/ de phan chad kyi la phog par ma nus so// mdzes dga' bos rgyang grags drug gi pha rol na rnga'i 'ben 'dug pa la 'phangs nas phog par gyur te/ de phan chad kyi la phog par ma nus so// lag na be con can gyis rgyang grags brgyad kyi pha rol na rnga'i 'ben 'dug pa la 'phangs nas phog par gyur te/ thal byung du phyin nas de phan chad kyi la phog par ma nus so// de nas byang chub sems dpa' la gzhu gang dang gang byin pa de
- 118a
dag la la ni gzhu rgyud chad/ la la ni chag nas/ byang chub sems dpas smras pa/ grong khyer 'di na gzhu gzhan la la bdag gis brdung bzod pa 'am/ lus kyi stobs dang mthu bzod pa mchis sam/ rgyal pos smras pa/ bu yod do// gzhon nus smras pa/ lha de lta bu gang na mchis/ rgyal pos smras pa/ bu khyod kyi mes seng ge'i 'gram zhes bya ba byung ste/ de'i sna ba ru da ltar lha khang na spos dang phreng bas mchod de/ de ni sus kyang brdung bar yang mi nus na/ dgang bar lta smos kyang ci dgos pa zhig yod do// byang chub sems dpas smras pa lha de blang du gsol/ / sad par bgyi'o// de nas gzhu de blangs te 'ongs pa dang / shAkya gzhon nu thams cad kyis nan tan gyi mchog gis bsgrims kyang gzhu de brdung bar yang ma nus na/ dgang bar lta smos kyang ci dgos te ma nus so// de nas gzhu de shAkya lag na be con can gyi lus kyi mthu stobs thams cad phyung ste/ gzhu de brdung bar brgal na ma brdungs so// de nas gzhu de byang chub sems dpa' la byin no/ / de nas byang chub sems dpas gzhu de blangs te/ stan las ma langs par skyil mo krung phyed bcas te/ lag pa g.yon pas bzung nas/ lag pa g.yas pa'i sor mo gcig gis brdungs so// gzhu de de ltar brdungs pa'i tshe/ ser skya'i gnas kyi grong khyer chen po thams cad du sgra mngon par grags par gyur to// grong khyer gyi mi thams
- 118b
cad kyang skrag sgeg por gyur te/ gcig la gcig 'dri zhing 'di ltar ci'i sgra zhig ces zer ro// de la la na re gzhon nu don grub kyis mes kyi snam du brdungs nas/ de'i sgra byung ba ni 'di yin no/ zhes zer ro// de nas lha dang mi brgya stong dag/ a ma a la la zhes zer zhing / ca co dang gzha'i sgra brgya stong 'byin par gyur to// nam mkha'i dkyil na 'khod pa'i lha'i bu dag gis kyang rgyal po zas gtsang ma dang / skye bo'i tshogs phal po che de dag la tshigs su bcad de smras pa/ gdan las ma bzhengs brtsol ba ma mchis su/ thub pas snam ru 'di 'dra brdungs pa las// gdon mi 'tshal bar dgongs pa rdzogs gyur te/ / bdud kyi sde bcom myur du thub pas byon// dge slong dag de ltar byang chub sems dpas mda' blangs nas gzhu de dang sbyar te bkangs nas/ 'phangs pa'i mthu stobs kyis/ kun dga' bo'i 'ben du rnga btsugs pa dang / lha sbyin gyis 'ben du rnga btsugs pa dang / mdzes dga' bo'i 'ben du rnga btsugs pa dang / lag na be con can gyi 'ben du rnga btsugs pa de thams cad las thal nas/ rgyang grags bcu'i pha rol tu bdag gi 'ben lcags kyi rnga btsugs pa dang / shing ta la bdun dang ra ba dang / phag rgod kyi gzugs 'khrul 'khor du byas pa las kyang thal te mda' de sa la gzug nas mi snang bar nub par gyur to/ / sa phyogs gang du mda' de zug ste nub pa'i sa phyogs der khron pa lta bu'i khung zhig byung nas/ da ltar yang mda'i khron pa
- 119a
zhes bya ba yin no/ / de'i tshe lha dang mi brgya stong dag e ma a la la zhes zer zhing / ca co dang / gzha'i sgra brgya stong 'byin par gyur to// shAkya'i tshogs thams cad kyang / ngo mtshar rmad du byung ba thob ste/ kye ma ngo mtshar to// 'dis ni bslabs kyang ma bslabs par rtsal gyis shes pa de lta bu dang ldan pa ni ngo mtshar che'o zhes zer ro// nam mkha'i dkyil na 'khod pa'i lha'i bu dag gis kyang rgyal po zas gtsang ma dang / skye bo'i tshogs phal po che de dag la 'di skad ces smras so// de lta bu ngo mtshar yang ci che ste/ de ci'i phyir zhe na/ 'di ni sa yi snying po sngon gyi sangs rgyas gdan la bzhugs/ / zhi gnas snam ru thogs shing stong pa bdag med mda' rnams kyis// nyon mongs dgra rnams bcom ste lta ba'i dra ba dral nas su// byang chub dam pa zhi ba rdul med mya ngan med pa 'thob/ / de skad ces smras nas/ lha'i bu de dag gis/ byang chub sems dpa' la lha'i me tog dag gis mngon par gtor te dong ngo // de bzhin du mchongs pa dang / yi ge dang / lag rtsis dang / rtsis dang / grangs dang / gyad kyi 'dzin stangs dang / rgyang nas phog pa dang / bang dang / tshar dang / rgyal dang / 'phong dpyad dang / glang po che'i gnyar bzhon pa dang / rta rtsal dang / shing rta'i thabs dang / mda' gzhu'i thabs dang / brtan pa dang / mthu dang / dpa' ba dang / 'gyed stobs dang / lcags kyus sgyur thabs dang / zhags pa'i thabs dang /
- 119b
mdun du brdzu ba dang / phyir bsnur ba dang / bzur ba dang / 'dzin stangs dang / goms stabs dang / thor tshugs dang / bcad pa dang / dral ba dang / dbugs pa dang // gzhig pa dang gsheg pa dang / ma 'chor bar phog pa dang / gnad du phog pa dang / sgra grag par phog pa dang / tshabs che ba dang / cho lo'i rtsed mo dang / snyan dang gas sbyar ba dang / lam dang / ri mo dang gzugs dang / gzugs kyi las dang / thags kyi dpyad dang / me'i las dang / rol mo'i dbyangs sgra dang sgra dang / gar dang / glu dang / yi ge bklags pa'i mig 'or dang / gtam dang // bzhad gad dang rtsed mo dang / bro dang / sgeg pa dang / 'phreng ba rgyu ba dang / rlung yab g.yob pa dang / nor bu tshor gyis bsgyur ba dang / gos tshon gyis bsgyur ba dang / mig 'phrul gyi cho ga dang / rmi lam gyi dpyad dang / bya'i skad dang / bud med kyi mtshan dang / skyes pa'i mtshan dang / glang po'i mtshan dang / rta'i mtshan dang / ba lang gi mtshan dang / ra'i mtshan dang / lug gi mtshan dang / khyi'i mtshan dang / shes sal dang / sgra nges par sbyor ba dang / nga ro sbyar ba dang / sngon gyi rab sa dang / sngon byung ba dang / rig byed dang / lung bstan pa dang / nges pa'i tshig dang / yi ge lci yang dang / tshig sdeb pa dang / mchod sbyin gyi cho ga dang // skar ma'i lugs dang / grangs can gyi lugs dang / rnal 'byor gyi lugs dang / las kyi tshogs dang / bye brag pa'i lugs dang / nor gyi rig pa dang / phur bu'i lugs
- 120a
dang chu'i lugs dang / lha ma yin gyi lugs dang / bya dang / ri dgas kyi skad dang / gtan tshigs kyi rig pa dang / rgya skags kyi 'khrul 'khor dang / spra tshil gyi las dang // 'dru shur dang / brko bzhog dang / lo ma phra ba dang / spos sbyar ba la sogs pa'i sgyu rtsal 'jig rten pa dang / lha'i dang / mi'i las 'das pa thams cad la'ang byang chub sems dpa' 'ba' shig khyad par du 'phags par gyur to/ / de'i tshe shAkya lag mabatsan can gyis rang gi bu mos 'chos byang chub sems dpa' la phul lo// rgyal po zas gtsang mas kyang ni'i rim gyis bag mar blangs te/ byang chub sems dpa' la phul lo// de nas byang chub sems dpas 'jig rten dang mthun pa tsam du bya ba'i phyir bu da med brgyad khri bzhi stong gi nang du 'dug ste/ dga' zhing rtse la yongs su spyod pa ston to/ / bud med brgyad khri bzhi stong de dag thams cad kyi nang nas shAkya'i bu mo sa mtsho ma btsun mo'i mchog tu dbang bskur bar gyur to// de nas shAkya'i bu mo sa mtsho ma gyos skyug gam/ nang mi gang mthong yang rung ste/ gdong mi sbed do// de dag kyang de la bag sar mo ni zhum zhum por 'dug pa'i rigs na/ 'di ni rtag tu ma g.yogs so zhes 'phya smod cing mi snyan par zer ro/ / de nas shAkya'i bu mo sa mtsho mas gtam de thos nas/ nang mi rnams kyi mdun du 'dug ste/ tshigs su bcad pa 'di dag smras so// 'dug dang 'greng dang 'chag pa la// 'phags
- 120b
pa dag ni ma g.yogs mdzes/ / nor bu rin chen 'od gsal ba// rgyal mtshan rtse mor gsal na mdzes// 'phags pa 'gro na'ang mdzes pa ste// 'ong na'ang de bzhin mdzes pa yin// 'greng ba 'am de bzhin 'dug pa dang // thams cad du'ang 'phags pa mdzes// 'phags pa smra na'ang mdzes pa ste// mi smrar 'dug kyang de bzhin mdzes// dper na ka la bing ka ni// mthong dang sgra tsam thos bzhin no// ku sha'i gos ni gyon pa dang // gos ngan gyon dang lus rid pa// de ni rang gi gzi yis mdzes// yon tan ldan pa yon tan brgyan// gang la sdig pa med gyur pa/ / 'phags pa kun tu dge ba yin// byis pa sdig pa byed pa ni// ji snyed brgyan kyang mdzes ma yin// gang dag snying la sdig pa yod cing tshig 'jam pa// de dag dug gi bum par bdud rtsi blugs pa bzhin/ / brag gi ser ga rtsub pa lta bu nang yang rtsub// de 'dra de dag sbrul gyi kha la nyug pa bzhin// des pa de dag gan du kun 'ong kun phyag 'tshal// 'bab stegs thams cad lta bur 'gro ba kun gyi gsos/ / 'phags pa dag ni rtag tu'o zhes bkang bum 'dra// bdag nyid dag pa de 'dra mthong na bkra shis dge/ gang dag sdig pa'i grogs po yun ring yongs spong zhing / / dge ba'i bshes gnyen rin po chos ni yongs bzung la// sdig pa rnams spong sangs rgyas chos la mngon chags pa// de lta bu dag mthong na bkra shis
- 121a
'bras bu yod/ / gang dag lus bsdams lus kyi skyon rnams rab bsdams dang // gang dag tshig bsdams rtag tu tshig 'tshal med gyur la// dbang po smras shing shin tu bsdams la yid dang ga/ / de lta bu dag gdong g.yogs te ni ci zhig bya// gal te lus la gos ni stong gis g.yogs gyur kyang // gang dag sems bshus ngo tsha med cing khrel med dang / / gang dag 'di 'dra'i yon tan med cing bden tshig med// de dag sgren mo bas kyang sgren mor 'jig rten rgyu// gang zhig sems sbas rtag tu dbang po bsdams gyur cing // bdag gi khyo cho ga sems can gzhan la mi sems pa/ / de 'dra ba dag nyi zla bzhin du ma g.yogs snang // de 'dra ba dag gdong g.yogs te ni ci zhig bya// gzhan yang drang srong bdag nyid che dang gzhan sems blo mkhas dang / / de bzhin lha tshogs dag gi kho mo'i bsam pa dang // kho mo'i tshul khrims yon tan sdom dang bag yod mkhyen// de lta bas na kho mos gdong bkab ci zhig/ dgos// dge slong dag rgyal po zas gtsang mas shAkya'i bu mo sa mtsho ma'i spobs pa bstan pa'i tshigs su bcad pa'i rnam pa 'di lta bu 'di thos so// thos nas kyang tshim zhing mgu la yi rangs te/ / rab tu dga' zhing dga' ba dang / yid bde ba skyes nas/ ras bcos bu bzang po rin po tshe du mas sbas bzung cig dang / mu tig gi do shal srang bye ba brgya stong rib dang // mu tig
- 121b
dmar po bzang pos sbas pa'i gser gyi phreng bas shAkya'i bu mo sa mchom la bkab nas ched du brjod pa 'di ched du brjod do/ / kho bo'i bu ni yon tan ci 'dras brgyan pa dang // mna' mas rang gi yon/ tan ji ltar rab smras pa/ sems can dag pa de gnyis phrad par gyur pa ni// mar dang mar gyi snying khu ji ltar 'dra ba bzhin// sgyu rtsal bstan pa'i le'u ste bcu gnyis pa'o// / 'phags pa rgya cher rol pa zhes bya ba theg pa chen po'i mdo// bam po brgyad pa// dge slong dag de ltar byang chub sems dpa' btsun mo'i 'khor gyi nang na 'dug pa na/ gang dag byang chub sems dpa' la mchod pa'i las byed par spro bar gyur pa/ lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba du ma de dag rang rang gi dga' ba'i sgra byin cing lhags par gyur to// de la dge slong dag dus gzhan zhig na/ lha dang klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba mang po dag 'di snyam du sems par gyur te/ ma la skyes bu dam pa 'di btsun mo'i 'khor gyi nang du ha cang yun ring du thogs par gyur na/ sems can gang dag 'dis yun ring po nas bsdu ba'i dngos po bzhi po sbyin pa dang snyan
- 122a
par smras pa dang / don spyad pa dang / don mthun pas yongs su smin par byas pa dang / gang dag 'dis byang chub thob nas chos bstan pa shes par 'gyur ba/ chos kyi snod du gyur pa'i sems can de dag med par gyur nas/ phyis byang chub sems dpa' mngon par phyung ste/ bla na med pa yang dag par rdzogs pa'i byang chub mngon par rdzogs par 'tshang rgya ba 'am/ gcig tu mo 'gyur grangs snyam mo/ / de nas de dag gus pa dang bcas/ rjes dang bcas par thal mo sbyar te/ byang chub sems dpa' la phyag 'tshal nas/ nam zhig na bdag cag gis byang chub sems dpa' dam pa mchog rab dag pa 'di mngon par 'byung ba dang / mngon par byung nas kyang / shing gi rgyal po chen po de'i drung du 'dug ste/ bdud dpung dang bcas pa btul nas/ bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa'i stobs bcu dang ldan pa dang / de bzhin gshegs pa'i mi 'jigs pa bzhi dang ldan pa dang / sangs rgyas kyi chos ma 'dres pa bco brgyad dang ldan pa dang / lan gsum du bzlas te rnam pa bcu gnyis su bskor ba'i chos kyi 'khor lo bla na med paskor zhing / sangs rgyas kyi rnam b ar rol pa chen pos lha dang mi dang lha ma yin du bcas pa'i 'jig rten mos pa ji lta bzhin du legs par bshad pas tshim par byed pa mthong bar 'gyur snyam pa'i bsam pa de lta bus sdod cing 'khod par
- 122b
gyur to/ / dge slong dag de la byang chub sems dpa' ni bskal pa grangs med pa'i yang grangs med pa nas bzung ste/ yun ring por rtag par rgyun du 'jig rten pa dang / 'jig rten las 'das pa'i chos thams cad la gzhan gyi dring mi 'jog par gyur cing / dge ba'i chos spyod pa thams cad la bdag nyid slob dpon du gyur pa yin la/ yun ring po nas dus shes pa dang / chod shes pa dang / ran pa shes par gyur pa dang / mngon par shes pa las ma nyams pa dang / mngon par shes pa lnga dang ldan pa dang / rdzu 'phrul gyi rkang pas rnam par rtse ba dang / sems can gyi bsam pa dang / dbang po la mkhas pa dang / dus dang dus ma yin pa shes pa dang / dus la lta zhing rgya mtsho chen po ltar dus ran pa las mi yol bar gyur pa'o// de mngon par shes pa'i ye shes kyi stobs dang ldan pas 'di ni rab tu bzung ba'i dus so/ / 'di ni tshar bcad pa'i dus so// 'di ni bsdu ba'i dus so// 'di ni phan gdags pa'i dus so// 'di ni btang snyoms su bzhag pa'i dus so// 'di ni smra ba'i dus so// 'di ni mi smra bar bya ba'i dus so// 'di ni khyim nas 'byung ba'i dus so// 'di ni rab tu 'byung ba'i dus so// 'di ni kha ton bya ba'i dus so// 'di ni tshul bzhin yid la bya ba'i dus so/ / 'di ni rab tu dben par bya ba'i dus so// 'di ni rgyal rigs kyi 'khor gyi nang du 'gro ba'i dus so zhes bya ba nas/ 'di ni bram ze dang / khyim bdag gis bar gyi nang
- 123a
du 'gro ba'i dus so/ / 'di ni lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / dge slong dang / dge slong ma dang / dge bsnyen dang / dge bsnyen ma'i 'khor gyi nang du 'gro ba'i dus so// 'di ni chos bstan pa'i dus so// 'di ni nang du yang dag par gzhag pa'i dus so zhes bya ba thams cad bdag nyid kyis shes so/ / byang chub sems dpa' dus thams cad du rtag par dus shes par gyur cing / dus la lta ba yin yang / dge slong dag 'di ni chos nyid kyis thob pa yin te/ srid pa tha ma pa'i byang chub sems dpa' btsun mo'i 'khor gyi nang na 'khod pa rnams la phyogs bcu'i 'jig rten gyi khams na bzhugs pa'i sangs rgyas bcom ldan 'das rnams glu dbyangs dang sil snyan gyi sgra las/ chos kyi sgo rnam pa 'di lta bu 'di dag gis yang dag par skul ba mdzad do// de la 'di skad ces bya ste// sems can mchog gang phyogs bcu'i 'jig rten bzhugs/ / de dag mthu yis sil snyan sgra dag las/ tshigs bcang sgra snyan 'di dag byung ba yis// mi mchog dam pa rnams la yang dag skul// sdug bsngal brgyas gang sems can mthong nas ni/ / 'gro ba'i mgon dang skyabs dang gnas 'gyur zhing // phan byed mchog dang dpung gnyen gyur cig ces/ khyod kyis sngon ni smon lam de skad btab/ dge ba dpa' bo sngon gyi
- 123b
spyod pa dang / 'gro phan bya zhes smon btab dran par byos// 'di ni khyod kyi dus man tshod yin gyis// drang srong mchog rab mngon par 'byung bar byos// sangs rgyas lha mi 'dul byed 'jig rten mchog/ yon tan brgyas gang bar ni gyur cig ces// de'i phyir khyod mngon mgo dang rkang lag dang // nor gyi dam pa sna tshogs rnams kyang btang // khyod ni khrims kyis brtul zhugs dka' thub spyad/ / khyod ni bzod pas 'gro la phan pa byed// khyod ni brtson pas yon tan brgya yis gang // bsam gtan shes rab srid gsum mnyam pa med// khro bas non cing tha ba'i dri mang ba// de dag bde gshegs khyod kyi byams pas khyab// dge ba'i yon tan bral ba log par nges// mi mkhas rnam mang dag la khyed snying rje// bsod nams ye shes dge bas lus khyab cing // rdul bral bsam gtan mngon shes lham mer 'dug/ phyogs bcu 'di dag rnams su rab tu gsal// sprin med zla ba dri ma med pa 'dra// 'di dang gzhan yang snyan pa rnam mang gis// sil snyan las dag rgyal bas sgra bsgrags te/ / mngon par khyod 'byung dus ni 'di yin zhes// lha mis mchod par 'os la skul ma 'debs// dge slong dag byang chub sems dpa' khyim dam pa mchog yo byad phun sum tshogs pa thams cad dang ldan pa/ bsam pa ji lta ba bzhin du bde bar gnas pa dang mthun pa// lha'i khang khyim lta bu stegs bu dang / sgo khang dang / rta babs dang /
- 124a
skar lung dang / bsil khang dang / khang pa brtsegs pa dang / khang bzangs mchog dang / rin po che sna tshogs kyi rkyen rnam pa tha dad pa dbye ba shin tu rnam par phye ba/ gzugs dang / rgyal mtshan dang / ba dan bsgreng ba/ rin po che'i dril bu g.yer ka'i dra ba du mas legs par brgyan ga/ dar gyi lda ldi brgya stong du ma mngon par dpyangs pa// rin po che sna tshogs kyis spras pa'i mu tig gi rgyan phreng rab tu dpyangs pa/ rin po che sna tshogs kyi spang leb can gyi zam pas mdzes par byas pa// me tog gi phreng ba dang / chun po mang pos dpyangs pa/ bog snod nas spos kyi bdugs pa/ dar la'i bla re bres pa/ dus thams cad pa'i me tog dri mchog tu zhim zhing shin tu mdzes pa dag bkram pa/ rdzing me tog pad+ma dkar po dang / pad+ma dang ldan pa'i chu'i gnas yongs su spyad par bya ba mang ba/ bya 'dab skyong dang / ne tso dang / ri skegs dang / khu byug dang / ngang pa dang / rma bya dang / ngur pa dang / ku na la dang / ka la bing ka dang / shang shad te'u la sogs pa bya rnam pa tha dad pa'i tshogs sgra snyan pa 'byin pa/ bai DUR+Ya sngon po'i sa gzhi'i gnas yongs su spyad par bya ba/ gzugs thams cad kyi gzugs brnyan kun tu ston pa/ lta bas mi ngoms par nyams dga' ba dga' ba dang / mchog tu dga' dam pa'i bskyed pa'i khyim dam pa mchog de na 'dug ste/ byang chub sems dpa' khang pa mdzes pa chen po mchog na
- 124b
gnas pa/ dri ma med pa/ dri ma dang bral ba/ yan lag dri ma med pa/ phreng ba dag dang / rgyan mabor ba/ dri mchog tu zhim pa dam pa'i byug pas lus bskus pa/ dkar zhing bzang la dri ma med cing rnam par dag la dri ma dang bral ba'i gos gyon pa'i lus dang ldan pa/ mal cha lha'i ras bcos bu bzang po phra ba du ma bting ba/ 'jam pa ka tsa lin+da'i gos ltar reg na bde ba/ yan lag dam pas spras pa'i mal bzang po'i steng na 'dug pa btsun mo'i 'khor dam pa lha'i bu mo dang 'dra ba thams cad du kha na ma tho ba med pa/ blta ba dang mthun pa/ spyod pa bzang pos mdzes par byas pa/ gzugs bzang ba'i nang na 'dug pa/ dung dang / rnga dang / rdza rnga dang / kharnga dang / pi wang dang / rgyud gsum pa dang / khar ba'i sil khrol dang / pheg dang / ki ma la dang na khu la dang / sgra snyan dang / gling bu snyan pa'i sgra dbyangs dang / sil snyan dang / gla dbyangs sna tshogs dang ldan pa/ bslab pa la bud med kyi tshogs kyis kyang // sgra mnyan zhing 'jam bstan la yid du 'ong ba dang / gling bu 'bud pa'i sgra dbyangs kyis byang chub sems dpa' slong ngo // phyogs bcu na bzhugs pa'i sangs rgyas bcom ldan 'das de dag gis byin gyis brlabs kyis sil snyan gyi sgra phyung ba'i sgra skad de dag las byang chub sems dpa' la skul ba'i tshigs su bcad pa 'di dag byung ngo / / bud med gang dag rab tu yid dga' sems dang bas// sil snyan yid du
- 125a
'ong zhing snyan pa'i sgra 'byin tshe/ phyogs bcu'i rgyal ba dam pa dag gi mthu yis ni/ tshigs bcad rnam pa sna tshogs rnam mang 'di dag byung / rtag tu mgon med gyur pa'i/ 'gro ba 'di mthong nas/ go 'phang mya ngan med mchog rdul med sangs rgyas te/ skye dang rga dang sdug bsngal dag las sgrol lo zhes/ dpa' bo khyod sngon smon lam de skad btab par gyur/ de phyir dge myur grong khyer mchog 'di nas/ / byung ba sngon gyi drang srong zhabs bcags pa/ sa phyogs de ni rab tu mnan nas su// rgyal ba'i ye shes mtshungs med 'tshang rgyar gyis// khyod kyi sngon chad sna tshogs rin chen nor/ / rkang lag phangs pa'i lus kyang btang bar gyur// drang srong chen po de ring khyod dus 'di// chos kyi chu bo mtha' yas 'gro la phye// khyod kyi tshul khrims ma nyams dri med dge/ sngon chad khyod ni rtag tu mchog gi rgyan// drang srong chen po khyod khrims 'dra ba med// 'gro ba nyon mongs rnam pa mang las khrol// khyod kyis srid pa brgyar ni bzod pa spyad/ khyod ni 'gro bas ngan brjod rnam mang bzod// bzod pas bzod cing dul bas nges pa'i bdag/ rkang gnyis dbang po mngon par 'byung blo gyis// khyod btson brtan zhing mi g.yo g.yo ba med// bde bar gshegs pa sngon mthar rgya chen gyur// g.yon can bdud ni sde dang bcas btul te// ngan song gsum po mtha' dag skam par gyis// gang phyir khyod kyis brtul zhugs dka' thub spyad//
- 125b
dus ngan nyon mongs snyigs ma bsregs kyis la// khyod kyis bdud rtsi chu bo'i char phob ste// mgon med ring nas skom pa tshim par gyis// 'chi med mya ngan med gnas sangs rgyas te// skom pas nyam thag bdud rtsis tshim bya zhes/ / khyod kyis sngon spras tshig mchog dran byos te// grong khyer dam pa 'di nas myur du byung // khyod ni shes rab mchog gi spyod pa mkhas// khyod kyi ye shes mtha' yas dri med che/ / rmongs pa'i yid gnyis lam la gnas rnams la// shes rab 'od dge dam pa mdzes par gyis// khyod kyi srid pa brgyar ni byams pa spyad// snying rje dang ni dga' mchog btang snyoms dang / / khyod kyis spyod pa dam pa gang spyad pa// spyod pa de nyid 'gro la rnam par phye// phyogs bcu'i rgyal ba dag gi gzi brjid kyis// yon tan me tog sna tshogs tshigs bcad 'di/ / sil snyan dag las rnam mang yid 'od grag/ mal na 'dug pa'i gzhon nu de la skul// gang gi tshe na dga' byed bud med rab tu dga' ba rnams// shin tu mdzes shing rab tu snyan pa'i sil snyan sgrog pa'i tshe/ / phyogs bcu dag gi rgyal ba lha mi 'dul ba mdzad rnams kyang // sil snyan dag las gsung mchog ha cang mi che rjes su sgrog/ 'gro la phan byed yon tan mangs ldan khyod 'gro rnams su/ / rnam par rgyu ba'i tshe na rgyal ba'i yon tan gnyug mar byas// sngon gyi brtul zhugs dka' thub spyad pa dran gyis te// shing mchog drung du myur song 'chi med go 'phang thob
- 126a
par gyis/ / lha mi dag ni shin tu sgom zhing rgyal ba'i yon tan bral// khyod ni shin tu stobs ldan bdud rtsi'i rabro rtag tu sbyin// stobs bcu 'ir zla dam pa mkhas pa rnams kyis mchod byas pa/ / bdud rtsi de ni mi bdag khyod kyis myur du rnam par phye// rgyal ba'i yon tan 'gro la phan pa byed la dga' ba po// khyod kyis sngon gyi srid par nor dang nor bu gser rnams btang chung ma bu sdug dag dang grong khyer grong rdal bcas pa dang / / rang gi mgo dang mig dang lag pa dag dang rkang pa'ang btang // mi mchog khyod ni gna' sngon rgyal po dge bar gyur pa'i tshe// mi zhig khyod la mngon du phyogs nas 'di skad tshig smras te/ / grong khyer grong rdal bcas pa'i sa 'di kho la byin zhes byas// de yi tshe na rab tu dga' zhing 'khrugs par gyur pa med// gna' sngon khyod ni rgyal po'i bram ze dge bar gyur pa'i tshe/ / skye bo bla ma bsnyen bkur byed cing gzhan la 'khu mi byed// bram ze dam pa dag dang skye bo mang po dag la bkod// de nas shi 'phos srid pa'i 'gro ba lha yi gnas su skyes/ / sngon khyod rgyal po'i bu las drang srong dam par gyur pa'i tshe// rgyal po ngan pa khros pas khyod kyis yan log bcad pa na// khyod ni yid 'khrugs gyur pa med par 'chi ba'i dus byas te/ / de yi chen khyod kyi rkang lag dag la 'o ma zag/ khyod sngon drang srong sngo bsangs zhes byar gang tshe gyur pa na// ri mchog gnas na brtul zhugs dga' zhing bla ma la yang dga'// mi mi
- 126b
bdag pos dug mda' dag gis khyod la bsnun pa na/ / khyod ni rgyal po de la yid 'khrugs med cing snying brtser gyur// khyod sngon ri dgas bdag po yon tan can du gyur pa'i tshe// ri gzar 'bab chu chen pos mi zhig khyer bar gyur pa na/ / phan dang ldan pa khyod kyis mi de phyung ste thang la bzhag/ khyod kyi dgra bo khrid de 'ongs pa na yang yid ma 'khrugs// mi mchog khyod sngon bram ze'i bur ni gang che gyur pa na/ / khyod kyi nor bu rgya mtsho chen po yangs par lhung ba'i tshe// khyod kyis rgya mtsho chen po zad par bya bar brtsams pa dang // stobs brtan khyu mchog khyod kyi nor bu de tshe phyir yang rnyed// skyes bu mchog khyod gna' sngon drang srong dam par gyur pa'i tshe/ / bram ze zhig gis bdag gi skyabs gyur shog ces khyod gan 'ongs// smras pa bram ze dam pa kho bo dgra las phyung zhes byas// khyod kyis rang lus btang gi bram ze de ma btang ngo / / gna' sngon shing gi gnas su drang srong sngo ba sangs drung 'ongs te// 'dod pas smras pa shing 'di lo ma du yod grongs shes byas// shing 'di lo ma ji snyed yod par rab grangs rab mkhas pas/ / khyod kyi de bzhin nor pa med cing mthun par tshig tu brjod// khyod sngon ne co yon tan ldan gyur shing la gnas pa'i tshe// zad par gyur kyang sngon gyi drin la bsams te de ma spangs/ / lha yi bdag po khyod kyi yon tan dran nas rab tu dga'// snga mkho bzhin du shing mchog de ni dpal dang ldan par byas// khyod kyi brtul zhugs dka' thub spyad pa de
- 127a
dag mtshungs med de/ / yon tan ldan pa yon tan lam la spyad pas yon tan mang // khyod kyi dus la dbang grong khyer bcas pa'i sa yang thob // 'gro ba dag ni rgyal po yon tan spyod la myur du khod/ / gang gi tshe na bud med rin chen bzang po'i gos kyis lus brgyan te// sil snyan dam pa mchog rab yid du 'ong ba'i sgra ni rab sgrog pa// de tshe phyogs bcu'i rgyal ba'i gzi yis tshigs su bcad pa sna tshogs pa/ / sgra dbyangs snyan pa 'di dag sil snyan dag gis sgra las rab tu byung // rga dang shi bas zin pa'i 'jig rten dag la bdag ni skyabs gyur ces// 'jig rten sgron ma khyod kyis bskal mang snga rol smon lam de skad btab/ / mi yi seng ge khyod kyi sngon gyi smon lam dag ni dran gyis shig/ rkang gnyis dbang po khyod de mngon par 'byung ba'i dus ni 'di yin no// khyod 'dir srid pa khrag khrig dag tu sbyin pa mang po du ma byin// nor dang rin po che dang gser dang gos bzangs rin chen spras pa dang // rkang lag dag dang mig dang phangs pa'i bu dang rgyal srid 'byor pa dag khyod kyis btang yang khyod ni slong ba rnams la tha ba zhe sdang med/ / khyod 'dir zla ba'i tog dang mche ba bzang dang rgyal po zhi bar gyur// snying brtse snying rje'i yid dang zla ba'i sgron dang gtsug na nor bur gyur// rgyal po dpa' bo brtan dang mig bzangs dang ni de la sogs pa byas// rgyal po khrag khrig mang po sbyin dga' rnam par 'phrul pa de nyid khyod// bde bar gshegs pa khyod kyis bskal pa mang por
- 127b
tshul khrims spyod pa spyad/ / nor bu rin chen dri ma med pa lta bur tshul khrims rnam dag gyur// khyod kyis 'bri yi rnga ma ci 'dra de 'drar tshul khrims bsrungs shing spyad// tshul khrims dga' bas khyed/ kyis 'dir ni 'gro la rgya chen don yang byas// 'dir khyod glang po mchog tu gyur te rngon pa dgra yis mdas bsnun tshe// gtun po dgra la snying brtse snying rje bskyed nas de ni khyod kyis bskyabs// bzang zhing mdzes pa'i mche ba yongs su btang ste tshul khrims yongs ma btang / / khyod kyis de la sogs pa tshul khrims rnam par 'phrul pa mang po byas// bzod la dga' bas khyod kyis 'gro ba'i mi phan sdug bsngal stong ming dang / / tshig rtsub dag dang bsad pa dang ni bcing ba mang po bzod pa byas// khyod kyis gna' sngon mi gang dag la bde ba kun gyis rim gror byas// de dag phyi nas khyod kyi gshed mar gyur kyang khyod kyis de dag bzod/ / mgon po khyod ni ri mchog gnas na gang tshe dred mor gyur pa'i tshe// kha ba bab cing chu brug pa ni 'jigs shing skrag pa'i mi bzung ste// rtsa ba 'bras bu rnam par mang dang bde ba kun gyis rim gro byas/ / de yis myur du khyod la gsod pa khrid 'ongs khyod kyis de la bzod// byang chub btsal phyir brtul zhugs dka' thub yon tan rnam mang ye shes la// khyod kyis brtson 'grus shin tu brtan par gnas shing mi g.yo g.yo ba med/ / dbang sgyur bdud kyang khyod kyi brtson 'grus stobs kyis stobs ni med par byas// mi yi seng ge khyod 'dir mngon par
- 128a
'byung ba'i dus la dbab bo/ / khyod 'dir gna' sngon kha ba'i kha dog 'dra ba'i rta mchog gyur pa'i che// snying rje bskyed nas nam mkha' las ni srin po'i gling du myur du song // de tshe 'phongs shing 'dug pa'i mi de blangs te bde la rab tu bzhag/ khyod kyis 'di la sogs pa brtson 'grus rnam par 'phrul pa mang po byas// myur du 'gyur zhing g.yo la yul la dga' zhing rgod pa'i sems btul te/ / bsam gtan par gyur dul des zhi gnas rnams kyis nyon mongs gtso bo bcom// khyod 'dir bsam gtan dga' bas rang gi yon tan dag gis 'gro don byas// da 'dir sems can mchog khyod bsam gtan rnam 'phrul bya ba'i dus la bab/ / gna' sngon khyod ni drang srong bsam gtan dga' zhing rab tu gnas par gyur// rgyal po med pa'i mi dag gis ni khyod khring rgyal srid dbang yang bskur/ / khyod kyis skye bo dag ni dge ba bcu dang tshangs pa'i lam la bkod// de yi tshe na mi las shi 'phos thams cad tshangs pa'i gnas su dong // phyogs dang phyogs mtshams 'gro ba rnam mang shes pa'i cho ga khyod rab mkhas/ / gzhan gyi spyod dang 'gro ba'i skad shes pa dang dbang po shes pa dang // tshul dang dul dang blo gros rnam mang rgyu ba'i pha rol khyod phyin gyur// rgyal ba'i sras khyod 'dir ni mngon par 'byung ba'i dus la dbab bo// khyod kyis gna' sngon skye bo lta ba log par zhugs par gyur pa dag/ rga shi sdug bsngal rnam pa mang pos nyam thag
- 128b
'khod pa 'di mthong nas/ / srid pa rnam par bzhig pa'i drang lam nyid kyis khong du chud byas te// mun pa bcom pa khyod kyis 'jig rten dag la don chen rab tu byas// tshigs bcad// rnam pa mang po mdzes pa yon tan ldan pa sna tshogs 'dis// sil snyan sgra bsgrags de las rgyal ba'i gzi yis dpa' bo bskul bar gyur// blo mchog ldan pa khyod 'dir mngon par 'byung ba'i dus ni dbab kyis/ / sdug bsngal gang ba'i skye bo 'di dag mthong nas btang snyoms ma byed cig/ bud med gos dang rin po che dang do shal spos phreng sna tshogs kyis// brgyan pa dag kyang sems dang phangs pa skyes nas rab tu dga' ba rnams/ / sems can mchog la sil snyan rab tu sgrog cing slong bar byed pa na// rgyal ba'i mthu yis sil snyan dag las tshigs su bcad pa 'di 'dra byung / / gang gi don du khyod kyis 'gro la phan phyir bskal pa du mar ni// btang bar dka' ba btang zhing tshul khrims bzod pa brtson 'grus shin tu spyad// bsam gtan shes rab shin tu bsgoms pa khyod kyi dus la da bab kyis/ / 'dren pa mngon par 'byung ba'i blo la myur soms phyi shol ma byed cig/ sngon chad rin chen mdzod dang gser dang dngul dang rgyan rnams rab tu btang / / skye ba de dang de dag tu ni mchod sbyin rnam pa mang po byas// khyod kyis chung ma bu po bu mo lus dang rgyal srid srog btang ste// byang chub don du gtang bar dka' ba dpag tu med pa khyod kyis
- 129a
btang / khyod ni rgyal po mi dman bsod nams dpal gyis rnam par grags par gyur// mu khyud 'dzin dang mu khyud nag po tshangs pas byin dang ral pa can// mchod/ sbyin stong ldan dang ni chos sems 'od 'phro can dang nor bstan dang // shin tu don bsams gyur te sems can dman la gtang bar dka' ba btang // zla ba'i bu dang brtson 'grus 'bar dang bsod nams 'od zer can du gyur/ / gtong ba tshe dang ldan zhing mthu ldan khyod ni byas pa bzo bar gyur// rgyal po drang srong zla ba gzugs ldan dpa'o bden pa 'phel ba dang // rgyal po legs par smra ba tshol dang blo gros bzang dang nges par gyur/ / zla ba'i 'od dang khyad par 'gro dang rdul dang phyogs kyi bdag por gyur// rab sbyin dpa' bo ka shi rgyal po rin chen gtsug phud zhi ba ston// mi dbang de dag rnams dang gzhan du gyur te btang bar dka' ba btang / / khyod kyis ji ltar gtong ba'i char phab de bzhin chos kyi char pa pho bo// khyod kyis sngon chad sems can snying po gang+gA'i bye ma snyed cig/ mthong // sems can thar par bya phyir byang chub dam pa'i mchog ni tshol ba na// khyod kyis mchod pa dpag med bsam mi khyab pas sangs rgyas de dag mchod// dpa'o grong khyer dam pa 'di nas 'byung ba'i dus la dbab bo/ / thog mar khyod kyis don yod thong las la'i me tog gis ni mchod// rnam par snang mdzad la ni rang ba'i sems kyis skad cig bar du bltas// rnga dbyangs ldan pa
- 129b
la ni khyod kyis a ru ra yi 'bru gcig phul/ / tsan dan mthong nas khyod kyis rtsa yi me sgron blangs te khyim du bzung // rdul po grong khyer 'jug pa mthong nas phye ma spar gang rab tu gtor// chos kyi dbang / phyag chos 'chad pa na legs shes bya ba rab tu byin// kun tu gzigs pa mthong nas phyag 'tshal phyag 'tshal lo zhes tshig tu brjod// 'od 'phro chen po'i phung po la ni khyod kyis dga' bas gser phreng gtor/ / 'od zer rgyal mtshan la ni kha tshar phul zhing gsal la bal sran gtor// ye shes tog la mya ngan med pa'i me tog kha lo sgyur la 'jams// rin chen gtsug tor can la mar me pad+ma ldan la sman yang phul/ / thams cad zil gnon mu tig do shal rgya mtsho la ni pad+ma phul// pad+ma'i snying po la ni bla re seng ge la ni char gding phul// sa la'i dbang po rgyal la mar phul me tog rgyas la 'o ma phul grags sbyin kun ta'i me tog phul te bden pa gzigs la zhal zas phul/ / ye shes lhun la lus btung klus byin la ni na bzab dbul ba byas// rab mthor gshegs dang tsan dan mchog dang 'od ldan la ni tshwa sAr re/ / bkod pa che la pad+ma dbul byas 'od zer rgyal la rin chen phul// shAkya thub la sngar gang gser phul dbang po'i tog la bstod pa byas// nyi ma'i zhal la me tog rna rgyan blo gros bzang la gser cod pan/ / klu zil gnon la nor bu phul te rgyal la ras bcos gding ba phul// sman gyi rgyal ba 'i chen gdugs phul seng ge'i tog la khrig dan phul// man tan mchog ldan rin chen dra
- 130a
ba 'od srungs la ni glu dbyangs kun/ / spos mchog me tog phul zhing 'od 'phro'i tog la rtag tu me tog phul// mi 'khrugs rgyal la khang brtsegs phul zhing 'jig rten mchod la phreng ba phul/ / rgyal spos gtsug la rgyal srid dbul byas rgyal bar dka' la spos kun phul// sgron ma che la bdag phul pad+ma'i mchog la rgyan rnams dbul ba byas// chos kyi tog la me tog sna tshogs sgron ma mdzad la ut+pa la/ / mchod pa rnam pa sna tshogs tha dad gzhan dang gzhan dag byed pa na// khyod kyis sems can snying po de dag rnams dang gzhan yang sngon chad mchod// 'das pa'i sangs rgyas rnams dang ston pa de dag khyod mchod dran par gyis/ / sems can mgon med mya ngan gang ba mdor mngon par byung // mar me mdzad pa mthong ba tsam gyis khyod kyis bzod pa mchog thob ste/ / rjes su mthun pa'i mngon par shes pa lnga po nyams pa med pa thob// de nas rab tu dga' bas bskal pa grangs med 'jig rten khams kun tu// sangs rgyas dag ni re re la yang mchod pa bsam gyis mi khyab byas/ / bskal pa dpag med de dag zad gyur sangs rgyas de dag mya ngan 'das// khyod kyis lus rnams thams cad dang ni de dag ming yang gang du song // dngos po thams cad tha mar mdzad pa'i chos te 'dus byas rtag pa med/ / 'dod pa rgyal srid longs spyod rtag pa min gyis grong khyer mchog nas byang // bskal pa bzad par 'gyur tshe gzi brjid drag po
- 130b
'jigs pa'i me 'od ltar/ / rga dang na dang 'chi ba mi bzad 'jigs pa chen po 'ong bar 'gyur// dngos po thams cad tha mar mdzad pa'i chos te 'dus byas rtag pa med// shin tu sdug bsngal sems can ltos la yon tan ldan pa mngon par byang / / rgyal po bde ba'i mal na nyal gyur cing // gang tshe mo tshogs gling bu rgyud gcig dang // sil snyan sna tshogs sgra yis spong byed pa// de rje sil snyan sgra las 'di dag byung / / srid gsum rga dang nad kyi sdug bsngal 'bar// 'chi med rab 'bar 'di ni mgon med pa// srid las 'byung la 'gro ba rtag tu rmongs// bum par chud pa'i bung ba 'khor ba bzhin/ / srid gsum mi brtan ston ka'i sprin dang 'dra// 'gro ba'i skye 'chi gar la lha dang mtshungs// 'gro ba'i tshe 'gro nam mkha'i glog 'dra ste// rig zar 'bab chu lta bur myur 'gyogs 'gro/ / srid sred ma rig dbang gis skye bo rnams// mi dang lha gnas ngan song lam gsum po// 'gro ba lnga po dag tu mi mkhas 'khor// dper na rdza mkhan phang lo skor ba bzhin// rtag tu gzugs sdug mchog dang sgra snyan dang // dri zhim ro mchog reg pa bde byed pa// dus ngan snyil 'gro ba 'di dag thogs// dper na rngon pa'i rI ya spre'u thogs bzhin// 'dod pa'i yon tan mya ngan gnod pa mang / / 'jigs bcas rtag tu dgra byed nyon mongs bcas// ral gri'i so 'dra dug sdong lo ma mtshungs// ngan skyugs snod ltar 'phags pa'i skye bos spangs// 'dod pa'i
- 131a
yon tan 'jigs bcas nyon mongs bcas/ / rtag tu rjed par byed pa mun pa 'dra// rtag tu 'jigs pa'i rgyu byed sdug bsngal rtsa// srid pa'i sred pa'i 'a bri shing 'phel bar// byed/ ji ltar me 'bar 'obs ni 'jigs bcas pa// de ltar 'dod 'di 'phags pa'i skye bos rig/ 'dam rdzab che 'dra ral gyi gshegs nas 'dra// ral gri so la sbrang rtsis bskus dang mtshungs// ji ltar sbrul gyi mgo dang ngan skyugs snod// de ltar 'dod 'di mkhas pa rnams kyis rig/ bya sha kham bu 'dra zhing gsal shing 'dra// ro la khyi ltar dgra dang bcas pa yin// 'dod pa'i yon tan 'di dag chu zla 'dra/ / gzugs brnyan mtshungs shing brag cha 'dra ba dang / mig yor 'dra zhing gar la blta 'dra dang // rmi lam mnyam par 'phags pa'i skye bos rig/ 'dod pa'i yon tan skad cig ya ma brla/ / sgyu ma smig sgyu 'dra zhing brdzun pa can// chu bur dbu ba lta bur yang dag min// yongs su btags las byung bar mkhas pas rtogs// na chod thog mar gzugs mchog 'dzin pa'i tshe/ sdug 'dod 'di ni byis pa'i spyod// rga na sdug bsngal gzi brjid lus bcom nas// rnam par spong ste ri dgas klung skam bzhin// nor 'bru dam pa'i rdzas mang stong ldan che/ / phangs shing sdug 'dod 'di ni byis pa'i spyod// nor nyams sdug bsngal bar ni gyur pa'i tshe// rnam par spong ste mi yis 'brog stong bzhin// ji ltar me tog shing dang 'bras
- 131b
bcas shing / / de ltar sbyin 'dod mi la dga' bar byed// nar nyams rgabs nyan cing spong ba na// de tshe dga' bar mi 'gyur bya rgod bzhin// rdzas ldan gzugs mchog ldan tshed dpon po bzhin/ phrad na sdug cing dbang po dga' bar byed// rga na sdug bsngal nyen cing nor zad na// de tshe 'dod par mi 'gyur 'chi bdag bzhin// rga bas rga byas mchod lal gyur na// sdong po gnam ldugs kyis ni bcom pa bzhin/ / rga bas 'khogs nas 'jig pa khang rul 'dra// rga las byung ba thub pa myur du spros// bud med skyes pa'i tshogs rnams rga bas skems// ma lu'i 'khri shings la'i nags stug bzhin/ / rga bas brtson 'grus rtsal dang shugs 'phrog ste// dper na skyes bu 'dam du bying ba bzhin// rga bas gzugs sdug gzugs ni mi sdug byed// rga bas gzi brjid 'phrog cing mthu stobs 'phrog/ rga bas bde ba 'phrog cing brnyas par byed// rga bas 'chi byed rga bas mdangs kyang 'phrog/ nad brgya mang dang nad thibs sdug bsngal gyis// 'gro ba gtses te mi yis yi dgas bzhin// rga dang na bas bcom pa'i 'gro ltos la// sdug bsngal las ni 'byung ba myur shod cig/ dper na dgun slad rlung dang kha ba che// rtswa shing gal ba nags sman mdangs kyang 'phrog/ de ltar nang 'di 'gro ba'i mdangs 'phrog cing // dbang po gzugs dang stobs ni nyams par byed// nor 'bru nor ches tha mar zad par byed//
- 132a
nad ni rtag tu 'gro ba brnyas par byed// gnod pa byed cing sdug la sdang bar byed// yongs su gdung byed mkha' la nyi ma bzhin// 'chi dang 'pho dang 'chi 'pho dus byed pa/ phangs shing sdug pa'i skye bo rtag tu 'bral// phyir mi 'ong zhing 'phrad par 'gyur ma yin// shing las lo 'bru 'dra zhing klu yi rgyun dang mtshungs// 'chi ba dbang yod pa dag dbang med byed// 'chi ba 'phrog byed chu bos shing ded bzhin/ / mi ni gnyis min grogs med gcig pu 'gro// rang las 'bras bu ldan pas dbang yang med// 'chi bas srog chags brgya phrag mang 'dzin te// 'byung po'i tshogs la rgya mtsho'i chu srin bzhin/ / klu la mkha' lding glang chen seng ge 'dra// rtswa rtsi 'byung po'i tshogs la me dang mtshungs// skyon brgya mang po 'di 'dra 'di dag las// 'gro ba sgrol zhes khyod kyis smon lam btab/ / sngon gyi smon lam spyod pa de dran byos// khyod ni mngon par 'byung ba'i dus la bab// gang tshe bud med tshogs ni rab dga' zhing // sil snyan dag gis thub chen slong byed pa/ / de tshe bde bar gshegs pa rnams kyi mthus// tshigs bcad sna tshogs sil snyan sgra las byung // 'dus byas thams cad myur du 'jig pa ste// mkha' la glog rgyun ring du mi gnas bzhin/ khyod kyis dus 'di nye bar gnas gyur gyis// brtul zhugs bzang po mngon 'byung dus la bab// 'du byed mi rtag brtan pa ma yin te// rdza so ma btang lta bur 'jig pa'i bdag/ gzhan gyi rdzas
- 132b
ni brnyan po byas dang mtshungs/ / bye ma'i grong khyer lta bur ring mi thogs// 'du byed 'di dag 'jig pa'i chos can de// dbyar gyi zhal la ji ltar 'gogs pa bzhin// chu ngogs bye ma yod pa 'dra ba ste/ rkyen la rag las rang bzhin nyam chung ba// 'du byed mar me'i 'od 'phro 'dra ba ste// myur du 'byung zhing 'gag pa'i chos can yin// rlung dang mtshungs par ring du mi gnas la// dbu pa lta bur nyam chung snying po med/ / 'du byed g.yo ba med cing stong pa ste// brtags na chu shing dag gis phung po 'dra// sgyu ma lta bur sems ni rmongs par byed// lag bcangs stong pas byis pa 'bring dang mtshungs// 'dus byas gyur pa thams cad rgyu dag dang / / rkyen rnams kyis ni rab tu 'byung ba ste// gcig gis gcig rgyu byas te brten nas byung // byis pa'i skye bos 'di 'dra de ma rtogs// dper na gres ma mun dza brten byas la/ / rtsol ba'i stobs kyis thag par sgyur ba dang // zo chun rgyud mo 'khor lor bcas pa yang // de dag re res 'grub par 'gyur ba med// de ltar srid pa'i yan lag kun grub pa// gzhan dang gzhan tshogs pa la brten nas ni// de dag so so re rer 'grub par 'gyur// sngon gyi mtha' dang phyi ma'i mtha' mi dmigs// sa bon yod na myu gu ji bzhin te// sa bon gang yin myu gu de nyid min/ de las gzhan min de yang ma yin te// de ltar rtag min chad min chos nyid do// ma rig pa yi 'du byed rkyen yin te// 'du byed de yang yang dag nyid du med// ma rig pa dang 'du byed de dag kyang
- 133a
rang bzhin stong ste g.yo ba med pa yin/ / rgya las rgya yi 'bur mi snang mod kyi// rgya de 'phos par dmigs babang yod ma yin// de las de med gzhan las ma yin te// de ltar/ 'dus byas rtag med chad pa med// mig dang gzugs la brten pa byas nas su// mig gi rnam par shes pa 'dir 'byung yang // mig ni gzugs la rten pa ma yin la// gzugs kyang mig la 'pho/ ba yod ma yin// 'di dag bdag med mi sdug chos can yang // de dag bdag dang sdug par btags pa ste// nor pa yang dag ma yin btags yin yang // de las mig gi rnam par shes pa 'byung // rnam par shes pa 'gags nas 'byung 'gyur te// mkhas pas skye dang 'jig pa rnam par mthong // gang du ma song gang nas 'ongs pa min// rnal 'byor pas ni stong pa sgyu ltar mthong // dper na gtsung shing dang ni gtsub stan dang / / lag pas bcol ba byas pa gsum tshogs pa// de la brten nas me ni 'byung 'gyur te// byung nas ring por mi thogs 'gags par 'gyur// de nas mkhas pa la las brtags byas te/ / 'di ni gang nas 'ongs la gar song zhes// phyogs dang phyogs mtshams kun tu brtags byas na// de yi 'ong ba'am 'gro ba mi dmigs so// phung po dag dang skye mched khams rnams kyi/ / rkyen ni ma rig pa dang sred dang las// de dag tshogs pa sems can zhes brjod kyang // de ni dam pa'i don du dmigs su med// mchu dang lkog ma rkan la brten nas ni// lce bsgyur ba las
- 133b
yi ge'i sgra 'byung yang / / lkog mar brten nas ma yin rkan las min// re re la ni yi ge dmigs su med// tshogs pa de la brten nas ngag de ni// yid kyi blo yi dbang gis 'byung mod kyi// yid dang ngag ni// mi snang gzugs med de// nang dang phyi rol na yang dmigs su med// mkhas pas ngag skad sgra dang dbyangs rnams kyi// skye dang 'jig la rnam par brtags byas na// de tshe ngag kun brag cha lta bu dang // skad cig pa dang snying po med par mthong // dper na shing dang rgyud la brten byas la// lag pas brtsol ba byas pa gsum tshogs na// sgra snyan pi wang gling bu la sogs pa// de dag las ni sgra yang 'byung bar 'gyur/ / de nas mkhas pa la las brtags byas te// 'di ni gang nas 'ongs la gar song zhes// phyogs dang phyogs mtshams kun tu brtags byas na// sgra yi 'ong ba 'am 'gro ba mi dmigs so// de ltar rgyu dag dang ni rkyen rnams las// 'du byed gyur pa thams cad byung ba ste// yang dag mthong ba'i rnal 'byor pa yis ni// 'du byed stong pa g.yo ba med par mthong // phung po dag dang skye mched khams rnams ni/ / nang yang stong la phyi rol stong pa ste// thams cad bdag gis dben zhing gnas med la// chos kyi mtshan nyid nam mkha'i ngo bo nyid// chos kyi mtshan nyid 'di 'dra 'di dag ni// mar me mdzad pa mthong nas khyed kyis rtogs// ji ltar nyid kyis rjes su rtogs pa ltar// de bzhin lha mir bcas pa rtogs par gyis// gnod pa yang dag ma yin brtags pa yi// 'dod chags
- 134a
zhe sdang dag gis 'gro ba gdungs/ / snying rje'i sprin las zhi ba bsil pa'i chu// 'dren pa bdud rtsi'i rgyun ni rab tu phob// byang chub dam pa yang dag thob nas ni// 'phags pa'i nor gyis srog chags bsdu'o zhes/ / mkhas pa khyod kyis gang gi ched kyi phyir// bskal pa bye ba mang por sbyin pa byin// sngon gyi spyod de rjes su dran gyis te// 'phags pa'i nor gyis dman dbul sdug bsngal la/ / sems can kha lo sgyur ba ma g.yel bar// 'phags pa'i nor gyis de dag bsdu bar gyis// ngan song sa yi lam ni bcas pa dang // mtho ris bdud rtsi'i sgo mo'i mchog de nika sems can bye ba mang la bstan zhes te/ / khyod kyis rtag tu tshul khrims shin tu bsrungs// tshul khrims ldan pa'i bsam pa 'grub 'gyur gyis// sngon gyi spyod de rjes su dran gyis la// ngan song gsum po'i sa yi sgo chod de/ / mtho ris bdud rtsi'i sgo ni dbye bar gyis// srog chags rnams kyi khong khro khro gzhi la dang // srid pa'i mtsho las sems can bsgral byas te// zhi bde rims nad med la dgod do zhes/ / khyod kyis rtag tu bzod pa shin tu bsgoms// sngon gyi spyod de rjes su dran gyis te// dgra dang gnod sems 'tshe bas dkrugs pa yi// 'tshe ba spyod pa yal bar ma dor bar// 'gro ba 'di dag bzod pa'i sa la khod// chos kyi gru ni legs par sbyar byas la// srid pa'i mtsho las 'gro ba rnams bsgral te// zhi bde rims nad med la dgod do zhes// gang gi don du khyod kyis
- 134b
brtson 'grus brten/ / sngon gyi spyod de rjes su dran gyis la// 'gro ba chu bo bzhi yis khyer gyur pa// sems can mgon med pa dag brtson stobs dang // brtul ba'i shugs kyis myur du 'di/ dag thon// dbang po 'khrul dang phal pa'i dbang po dang // spre'u 'dra'i sems las zhi gnas ngas dgod ces// 'dren pa khyod kyis gang gi ched kyi phyir// nyon mongs gzhal ba'i bsam gtan sgoms gyur pa/ / sngon gyi spyod de rjes su dran gyis te// nyon mongs dra bas dkrugs par gyur pa yi// 'gro la ma g.yel nyon mongs gtses pa las// bsam gtan mchog la skye dgu 'di dag khod/ / gti mug ma rig mun pa bsgribs pa yi// 'gro ba chos brgya mang po mthong byed pa// yang dag mthong ba'i mig ni sbyin no zhes// khyod kyis sngon chad shes rab shin tu bsgoms// sngon gyi spyod de rjes su dran gyi sa la// gti mug ma rig mun pas bsgribs pa yi// 'gro la shes rab dam pa 'od bzang ba// chos mig dri med nyon mongs med pa byin// bud med rnams kyi sil snyan glu dbyangs las/ / tshigs su bcad pa 'di 'dra 'di byung ste// de thos nas ni rgyags pa rnams spangs nas// byang chub dam pa mchog tu sems btang ngo // dge slong dag de ltar byang chub sems dpa' btsun mo'i 'khor gyi nang na 'dug pa'i tshe/ / chos mnyan pa dang bral bar ma gyur to// chos yid la byed pa dang bral bar ma gyur to// de ci'i phyir zhe na/ dge slong dag 'di ltar
- 135a
byang chub sems dpa' ni yun ring po sa rlos chos smra ba rnams la gus pa dang bcas par gyur cing / / bsam pa thag pa nas chos don du gnyer ba/ chos 'dod pa/ chos kyi kun dga' la dga' zhing mos par gyur pa/ / chos tshol bas ngoms mi shes pa ji ltar thos pa'i chos yang dag par ston pa// bla na med pa'i chos chen po'i sbyin bdag tu gyur pa// zang zing med par chos ston pa/ / chos kyi sbyin pa la ser sna med pa/ slob dpon gyi dpe mkhyud dang bral ba// chos kyi rjes su mthun pa'i chos sgrub pa// chos la nan tan byed pa la dpa' ba// chos la gnas su 'dzin pa/ chos la skyabs su 'dzin pa// chos la dpung gnyen du 'dzin pa// chos la brten pa/ chos la nges par sems pa'i bzod pas nges par byung ba// shes rab kyi pha rol tu phyin pa la spyad pa ste/ thabs la mkhas pas rtogs par khong du chud pa yin no// dge slong dag de la byang chub sems dpa' thabs la mkhas pa chen pos rnam par rtse zhing btsun mo'i 'khor thams cad kyi mos pa ji lta ba bzhin du spyod lam ni bstan/ / sngon gyi byang chub sems dpa' 'jig rten gyi yul thams cad las yang dag par 'das pa rnams kyi 'jig rten dang mthun par bya ba'i chos nyid dang mthun par ni byas/ / yun ring po nas 'dod pa'i skyon shin tu rtogs pa yin yang sems can yongs su smin par bya ba'i dbang gis 'dod pa'i longs spyod ni kun
- 135b
tu bstan/ / dge ba'i rtsa ba dpag tu med pa bsags pa'i bsod nams kyi stobs kyi tshogs kyi khyad par gyis 'jig rten gyi dbang du bya ba mtshungs pa med pa ni kun tu bstan/ lha dang mi'i las shin tu 'das pa snying po dang ldan zhing rgya che la/ rnam pa tha dad pa rnam pa sna tshogs kyi gzugs dang / sgra dang dri dang / ro dang reg mchog tu dga' ba nyams dga' ba'i 'dod pa'i dga' ba bde ba ni bstan// 'dod pa'i dga' ba'i yul thams cad la 'dzin pa med par rang gi sems la dbang sgyur ba ni bstan/ sngon gyi smon lam gyi stobs kyis grogs su gyur pa// dge ba'i rtsa ba bsags pa'i sems can rnams ni mtshungs par gnas pas yongs su smin par byas nas/ 'jig rten gyi kun nas nyon mongs pa'i dri ma thams cad kyis ni sems la kun nas nyon mongs pa med par btsun mo'i 'khor gyi mang na gnas te/ ji ltar/ gron du gnyer ba'i sems can gyi khams yongs su smin par bya ba'i dus la lta zhing / de'i tshe byang chub sems dpa' shin tu rgya cher sngon gyi dam bcas pa rjes su dran no/ / sangs rgyas dang chos kyang mngon du byed do// smon lam gyi stobs kyang mngon par sgrub bo// sems can rnams la yang snying rje chen po gtong ngo // sems can rab tu thar par bya bar yang sems so/ / 'byor pa thams cad kyi mtha' ni rgud pa yin par yang so sor rtog go// 'khor ba la gnod pa dang / 'jigs pa mang po du ma yod par yang rtog go// bdud dang nyes pa'i zhagras
- 136a
pa yang yang dag par gcod do/ / 'khor ba'i rgyud las kyang bdag nyid 'da' bar byed do// mya ngan las 'das pa la yang sems yang dag par gtong ngo // 'phags pa rgya cher rol pa zhes bya ba theg pa chen po'i mdo// bam po dgu pa// dge slong dag de la byang chub sems dpa' ni sngon gyi mtha' nyid nas kyang 'khor ba'i skyon shin tu rig pa yin/ / 'dus byas la bsam pa thag pa nas don du mi gnyer ba yin/ nye bar len pa yongs su 'dzin pa thams cad don du mi gnyer ba yin// sangs rgyas kyi chos don du gnyer ba yin/ mya ngan las 'das pa la mngon du phyogs pa yin/ 'khor ba la rgyab kyis bltas pa yin/ de bzhin gshegs pa'i spyod yul la mngon du dga' ba yin// bdud kyi spyod yul dang ma 'dres pa yin/ / srid pa la 'bar bar skyon du mthong ba yin/ khams gsum pa las 'byung ba'i bsam pa can yin/ 'khor ba'i skyon dang nyes dmigs dang 'byung ba la mkhas pa yin// / rab tu 'byung bar 'dod pa yin// mngon par 'byung ba'i bsam pa can yin// dben pa la gzhol ba yin/ dben pa la bab pa yin/ dgon pa dang bas mtha' la mngon par dga' ba yin// rab tu dben pa bsten pa rab tu zhi bar 'dod pa yin/ bdag dang gzhan la phan par zhugs pa yin// bla na med pa'i nan tan la dpa' ba yin// 'jig rten gyi don du 'dod pa yin/ phan par
- 136b
'dod pa yin/ bde bar 'dod pa yin/ grub pa dang bde bar 'dod pa yin/ 'jig rten la snying brtse ba can yin/ phan par 'dod pa can yin/ byams pa la gnas pa can yin/ snying rje chen po dang ldan pa yin/ bsdu ba'i dngos po la mkhas pa yin/ rtag tu yid yongs su mi g.yo ba yin/ sems can yongs su smin par bya ba dang / 'dul ba la mkhas pa yin/ sems can thams cad la bu gcig pa dang 'dra bar sdug par sems pa yid la byed pa dang ldan pa yin/ dngos po thams cad la mi lta bar yongs su btang ba yin/ sbyin pa 'ged pa la dga' ba yin/ lhag par gtong ba yin/ lag brkyang ba yin/ gtong ba la dpa' ba yin/ mchod sbyin byas pa yin/ bsod nams shin tu phun sum tshogs pa yin// bsod nams kyi yo byad shin tu bzung ba yin// dri ma dang ser sna dang bral ba yin/ sems kun tu ma bzung ba yin/ bla na med pa'i sbyin bdag chen po yin// byin nas kyang rnam par smin pa la mi re ba yin/ sbyin pa la dpa' ba yin/ 'dod pa dang 'dod pa che ba dang / chags pa dang / zhe sdang dang / rgyags pa dang / nga rgyal dang / gti mug dang / ser sna la sogs pa nyon mongs pa'i dgra'i tsho gas phyir rgol ba thams cad tshar bcad pa'i phyir/ mngon par byung ba yin/ thams cad mkhyen pa'i sems bskyed pa'i rgyun las mi g.yo ba yin/ gtong ba chen po'i sems kyi go cha shin tu bgos pa yin/ 'jig rten la snying brtse ba can yin
- 137a
phan pa 'dod pa can yin/ ya yang bgos pa yin/ go cha bgos pa yin/ sems can rab tu thar par bya ba la dmigs pa yin/ snying rje chen po'i stobs dang rnam par gnon pa dang pha rol gnon pa dang ldan pa yin/ phyir mi ldog pa yin/ sems can thams cad la sems mnyam pa yin/ gtong ba'i lag cha can yin/ sems can gyi bsam pa dang re ba ji lta ba bzhin du tshim par byed pa yin/ byang chub kyi snod du gyur pa yin/ dus dang phyed par chos rtogs pa yin/ smon lam byang chub tu yongs su bsngos pa yin/ rgyal mtshan ma bsnyal ba yin/ 'khor gsum yongs su dag pa'i sbyin pa yongs su gtong ba dang ldan pa yin/ ye shes mchog gi rdo rje'i mtshon cha sra ba dang ldan pa yin/ nyon mongs pa'i phyir rgol ba shin tu tshar gcod pa yin/ tshul khrims dang yon tan dang spyod pa la zhugs pa yin/ lus dang ngag dang yid kyi las kyi mtha' legs par bsrungs pa yin// kha na ma tho ba phra rab tsam la yang 'jigs par lta ba yin/ tshul khrims yongs su dag pa yin/ dri ma med cing dri ma dang bral la dri ma spangs pa'i sems dang ldan pa yin/ ngan du smras pa dang / ngan du brjod pa'i tshig gi lam dang / brgyad pa dang / spro ba dang // smad pa dang / bshung ba dang / brdeg pa dang / bsdigs pa dang / bsad pa dang / bcing ba dang / gzung ba'i nyon mongs pa thams cad kyi sems ma rnyogs pa yin/ sems ma 'khrugs pa
- 137b
yin/ bzod pa dang nges pa phun sum tshogs pa yin/ gnod par mi sems pa yin/ gnod pa mi byed pa yin/ gnod sems med pa'i sems dang ldan pa yin/ sems can thams cad la phan par bya ba'i brtson 'grus 'bar ba brtsams pa yin/ yi dam la brtan pa yin/ dge ba'i chos thams cad yang dag par bsgrub pa la phyir mi ldog pa yin/ dran pa dang ldan pa yin// shes bzhin can yin/ shin tu mnyam par gzhag pa yin/ sems ma g.yengs pa yin/ bsam gtan la rtse gcig tu yid la byed pa yin/ chos rab tu rnam par 'byed pa la mkhas pa yin// snang ba thob pa yin/ mun pa mun nag dang bral ba yin/ mi rtag pa dang / sdug bsngal ba dang / bdag med pa dang / mi sdug pa'i rnam par sems yongs su bsgoms pa yin/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / byang chub kyi phyogs kyi chos thams cad shin tu yongs su spyang ba byas pa'i yid la byed pa dang ldan pa yin/ zhi gnas dang lhag mthong gis shin tu dkar bar byas pa'i yid dang ldan pa yin/ rten cing 'brel par 'byung bar lta ba yin bden pa rjes su rtogs pas gzhan gyi dring mi 'jog pa yin/ rnam par thar pa'i sgo gsum gyis rnam par rtse ba yin/ chos thams cad kyi tshul sgyu ma dang / rmig rgyu dang / chu zla dang
- 138a
khrag cha dang / mig yor lta bur rtogs pa yin no// dge slong dag byang chub sems dpa' de ni de ltar rang bzhin gyis chos la gnas pa yin/ de ltar ye shes la gnas/ pa yin/ de ltar yon tan gyi che ba nyid la gnas pa yin/ de ltar sems can gyi don la brtson par gnas pa yin te/ phyogs bcu'i sangs rgyas kyi byin gyis brlabs kyis byin gyis brlabs pa'i sil snyan dang / glu dbyangs las byung ba'i tshigs su bcad pa de dag gis rgya cher bskul ba dang / de'i tshe sngon gyi don gyi byang chub sems dpa' srid pa tha ma par gyur pa rnams kyi btsun mo'i 'khor yongs su smin par bya ba'i chos kyis sgo bzhi mngon du byed do/ / bzhi gang zhe na// 'di lta ste/ sbyin pa dang / snyan par smra ba dang / don bya ba dang / don mthun pa bsdu ba'i dngos po bzhi la sbyor ba/ bsgrub pa rnam par dag pa zhes bya ba'i chos kyi sgo mngon du byed pa dang / dkon mchog gsum gyi rigs yang dag par 'dzin pa'i bsam ba chud mi za ba'i thams cad mkhyen pa'i sems smon lam gyi stobs bskyed pa'i phyir mi ldog pa'i yul zhes bya ba'i chos kyi sgo mngon du byed pa dang / sems can thams cad yongs su mi btang ba'i lhag pa'i bsam pa snying rje chen po'i stobs la zhugs pa zhes bya ba'i chos kyi sgo mngon du byed pa dang / byang chub kyi phyogs kyi chos thams cad tshig rab tu dbye ba dang / don
- 138b
larnam par nges pa'i ye shes kyi tshogs kyi stobs kyi khyad par yang dag par bsgrub pa bkang ba chen pa zhes bya ba'i chos kyi sgro mngon du byed pa'o/ / byang chub sems dpas rjes kyis bzhi po de dag mngon du byas nas/ btsun mo'i 'khor thams cad yongs su smin par bya ba'i phyir/ de'i tshe rnam pa ji lta bu'i rdzu 'phrul mngon par 'du bya ba mngon par byas pas byang chub sems dpa'i mthus sil snyan dang glu dbyangs de dag las chos kyi sgo rnam pa 'di lta bu brgya stong 'byung ba de lta bu'i rdzu 'phrul mngon par 'du bya ba mngon par byed do/ / mos pa rgya chen dang ni bsam pa dang / lhag pa'i bsam dang srog chags snying rje bas// byang chub dam pa'i mchog tu sems skye zhes// de 'dra'i sgra dog sil snyan rnams las byung // dang zhing dad dang mos dang gus pa dang / nga rgyal med cing bla la 'dud pa dang / dri dang dge ba ci zhes tshol ba dang / rjes su dran pa bsgom pa'i sgra byung ngo // sbyin dang dul dang sdom dang tshul khrims sgra// bzod pa'i sgra dang de bzhin brtson 'grus sgra/ / bsam gtan mngon par bsgrub dang ting 'dzin sgra// shes rab dang ni thabs kyi sgra yang byung // byams pa'i sgra dang de bzhin snying rje'i sgra// dga' dang btang snyoms mngon par shes pa'i sgra/ / bsdu ba'i dngos po bzhi po rnam nges pas// sems can yongs su smin pa'i sgra yang byung // dran pa nye bar gzhag pa rab phye sgra// yang dag spong dang de
- 139a
bzhin rdzu 'phrul dang / / dbang po lnga dang stobs lnga rab dbye dang // byang chub yan lag sgra ni sil snyan byung // yan lag brgyad pa'i 'phags lam mchog dbye dang // zhi gnas sgra dang de bzhin lhag mthong sgra// mi rtag pa dang sdug bsngal bdag med sgra// mi sdug sgra yang sil snyan rnams las byung // 'dod chags bral sgra de bzhin dben pa'i sgra// zad pa shes pa'i sgra dang mi skye sgra/ / 'gog pa'i sgra dang de bzhi gnas med sgra// mya ngan 'das pa'i sgra yang sil snyan byung // rdzogs pa'i byang chub sems dpa'i mthu yis ni// sil snyan ngag las 'di 'dra'i sgra byung ste/ / sgra de thos nas bud med thams cad kyis// sems can mchog rab rjes brlabs byang chub smon// dge slong dag de ltar byang chub sems dpa' btsun mo'i 'khor gyi nang na 'dug pas/ bud med brgyad khri bzhi stong dang / lha'i bu brgya stong mang po gang dag der 'dus par gyur pa dag kyang bla na med pa yang dag par rdzogs pa'i byang chub tu yongs su smin par byas par gyur to/ / de nas byang chub sems dpa' mngon par byang ba'i dus la bab pa dang / dga' ldan gyi ris kyi lha'i bu khrel yod pa'i lha zhes bya ba/ bla na med pa yang dag par rdzogs pa'i byang chub las phyir mi ldog pa des mtshan mo mi nyal tsam na/ lha'i bu 'bum phrag sum cu rtsa gnyis kyis bskor cing mdun du bdar te/ byang chub sems dpa' la rim gro pa
- 139b
ba'i phyir khang bzangs ga la ba der song ste phyin nas/ nam mkha'i dkyil na 'dug ste/ byang chub sems dpa' la tshigs su bcad de smras pa/ shi 'pho ba ni shin tu bstan// skyes bu seng ges tshe yang bstan/ / btsun mo'i 'khor kyang bstan pa mdzad// khyod kyis 'jig rten rjes mthun mdzad// 'jig rten chos ni rjes thob pas// lha mi mang po yongs smin mdzad// mngon par 'byung ba'i blo dgongs pa'i/ / de yi dus la deng bab po// ma grol bas ni sgrol mi nus// long bas lam yang ston mi nus// grol bas sgrol bar byed par nus// mig ldan long ba lam ston nus/ sems can gang dag 'dod pas 'khol// khyim nor bu dang chung ma chags// de dag khyod kyi rjes slob cing // mngon par 'byung ba bzhed par mdzod// dbang phyug 'dod pas rtse ba dang / gling bzhi rin chen bdun spangs te// khyod ni mngon par 'byung rig nas// lha mir bcas pa'i 'jig rten mos// khyod ni 'dod la mi dgyes te// bsam gtan bde bas gnas mdzad/ kyang // lha mi brgya phrag mang po dag/ gnyid kyis log nas sad par mdzad// ngar la bab 'di shin tu 'da'// rig zar 'bab chu mgyogs 'gro bzhin// dar la bab pa yal gyur nas// mngon par 'byung ba mdzes ma lags// de slad thog mar gzhon pa'i tshe// dar bab dam par mngon byung ste// thugs dam nyam 'og chud mdzod la// lha mi'i don ni mdzad pa'i rigs// 'dod
- 140a
ba'i yon tan mi ngoms te/ / dper na lan tshwa'i chu dang mtshungs// 'phags pa rdul med 'jig rten 'das// shes rab gang ldan de dag ngoms// khyod 'dir rgyal po zas gtsang dang / / yul 'khor rnams kyi yid 'ong sdug/ 'dab ma brgya yi zhal 'dra ba// mngon par 'byung bar dgongs su gsol// nyon mongs gdung bas rab gdungs shing // 'byung med bcing bas dam bcings rnams/ / dpa' bos myur du mtshungs med pa// thar lam zhi la dgod du gsol// khyod ni sman pa khams la mkhas// sems can yun ring na rnams la// chos kyi sman ni sbyar mdzod de// mya ngan 'das pa de myur 'khod// mig med mun pa gti mug glags// lta ba'i dra bas dkris pa yi// lha rnams dang ni mi yi mig/ shes rab sgron mas myur du sbyongs/ / byang chub thob par blta bya zhing // bla na med pa'i chos mnyan ces// lha dang lha min klu dag dang // gnod sbyin dri za mang po sdod// klu yi rgyal pos rang gi gnas// khyod kyi dpal gyis snang bar mthong / / mchod pa dag ni mtha' yas bgyid// de yi brtul zhugs bsam bskongs// byang chub shing drung yid rdzogs la// lhung bzed bzhi ni dbul lo zhes// 'jig rten skyong bzhi sder bcas pa/ / de dag khyod la sdod cing mchis// tshangs pa rab tu zhi spyod pa// byams ldan snying rje thob pa yang // bla med 'khor lo rab bskor bar// mi dbang gsol snyam sdod
- 140b
cing mchis/ / byang chub bsnyen bkur byed pa'i lha// byang chub snying por gnas rnams kyang // byang chub rnam par 'tshang rgya ba// blta'o zhes te sdod cing mchis// byang chub sems dpa' btsun mo'i nang / bya ba ston pa gzhan yang mchis// de dag thog mar khyod gyur mdzod// de dag 'og tu lus sa re// dbyangs snyan cing ni dbyangs 'jam pa// mar me mdzad kyis lung ston dgod// yang dag de bzhin ma nor ba// rgyal ba'i sgra dbyangs bsgrag tu gsol// bskul ba'i le'u ste bcu gsum pa'o// // dge slong dag de ltar lha'i bu des byang chub sems dpa' bskul ma thag tu rgyal po zas gtsang ma la rmi lam 'di bstan to/ / rgyal po zas gtsang ma gnyid kyi log pa'i rmi lam du rmis pa// byang chub sems dpa' mtshan mo mi nyal tsam na/ lha'i tshogs kyis bskor te/ mngon par 'byung zhing mngon par byung nas kyang rab tu byung ste/ gos ngur smrig gyon pa rmis so// de nas de sad pa dang / rings pa rings par nyung rum la dris pa gzhon nu btsun mo'i 'khor gyi nang na 'dug gam/ des smras pa lha bzhugs so// de nas rgyal po zas gtsang ma 'di snyam du gzhon nu gdon mi 'tshal bar mngon par 'byung bar 'gyur te/ snga ltas su snang ba ni 'di dag yin snyam nas/ khongs pa'i snying la mya ngan gyi zug rngus zug par gyur to// de yang 'di snyam du sems te/ bdag gi gzhon nu ni skyed mos tshal gyi sar yang nam yang
- 141a
'gro bar mi 'gyur te/ bud med kyi tshogs kyi nang na mngon par dga' bas 'di nyid du chags par 'gyur te/ mngon par 'byung bar ni mi 'gyur ro snyam mo// de nas rgyal po zas gtsang ma sa gzhon nu'i longs spyod kyi phyir/ dpyid dang dbyar dang ston gyi dus ji lta ba bzhin du khang bzangs gsum byed du bcug go// de la dpyid sa gang yin pa de ni shin tu bsil ba'o// dbyar sa gang yin pa de ni grang dro ran pa'o// dgun sa gang yin pa de ni rang bzhin gyi dro ba'o// khang bzangs re re'i gru skas rnams kyang mi lnga brgya lnga brgyas 'dzugs shing 'degs so// de dag de ltar 'dzugs shing bdegs pa na gzhon nu sus kyang ma tshor bar mngon par 'byung bar 'gyur du 'ong ngo zhes sgra dpag tshad phyed du grag pa byung ngo // ltas pa dang / mtshan mkhan kun gyis kyang gzhon nu ni chab sgo bkra shis pa nas/ mngon par 'byung bar 'gyur ro zhes lung bstan to// de nas rgyal pos bkra shis kyi sgo'i sgo 'phar chen po byed du bcug ste/ sgo 'phar re re yang mi lnga brgya lnga brgyas 'byed cing gcod do/ / de dag gi sgra yang dpag tshad phyed du grag go/ de la 'dod pa'i yon tan mtshungs pa med pa yang sbyor ro// glu dang rol mo'i sgra dbyangs len ba dang / gar byed pa'i na chung dag kyang rtag tu bzhag par gyur to// dge slong dag de nas byang chub sems dpas la lo sgyur ba la smras pa/ deng bskyed mo'i tshal gyi sar 'gros shing rta myur du sbyor
- 141b
cig/ de nas kha lo sgyur rgyal po zas gtsang ma'i gan du song ste 'di skad ces smras so// lha gzhon nu skyed mo'i tshal gyi sar 'byung ngo zhes gsung ngo // de nas rgyal po zas gtsang ma 'di snyam du sems te/ bdag gi gzhon nu skyed mo'i tshal gyi sar nam yang ma byung bas sa bzang po blta bar bya ba'i phyir bdag gis gzhon nu skyed mo'i tshal gyi sar phyung na/ 'on tang gzhon nu bud mod kyi tshogs kyis bskor te/ dga' ba myong bar 'gyur bas/ mngon par mi 'byung ngo snyam mo// de nas rgyal po zas gtsang ma byang chub sems dpa' la byams pa dang / rim gro byed pas da ste zhag bdun na gzhon nus bzang po lta ba'i phyir skyed mo'i tshal gyi sar 'byung gis/ der khyod kyis gzhon nu mig tu mi 'ong ba mthong bar mi 'gyur bar yid du mi 'ong ba thams cad ni sol cig/ yid du 'ong ba dang / yul nyams dga' ba thams cad ni sbyor cig ces grong khyer du dril bsgrags so// de nas zhag bdun gyi nyin par grong khyer thams cad brgyan to// skyed mo'i tshal yang mdzes par byas te/ ras bcos bu kha dog tha dad pa'i bla re ni bres/ gdugs dang / rgyal mtshan dang / ba dan gyis ni legs par brgyan to// byang chub sems dpa' lam gang nas 'gro ba'i lam de yang chag chag btab ste/ phyags nas spos chu'i chug dag gas kye me man mi ma ni sa par bas ma pa das ni 'dugs/ bum pa gang bas ni mdzes par byas/ chu shing ljon pa ni bsgreng /
- 142a
dar tha dad pa sna tshogs kyi bla re ni bres/ rin po che'i dril bu g.yer ka'i dra ba dang / rgyan 'phreng dang chun po ni sbyangs/ dpung bzhi'i bkod pa ni byas so// g.yog 'khor kyang gzhon nu'i btsun mo'i 'khor brgyan pa'i phyir btson par gyur to/ / de nas byang chub sems dpa' bkod pa chen pos grong khyer gyi shar phyogs kyi sgo nas bskyed mo'i tshal gyi sar 'byung ngo / / de nas byang chub sems dpa' nyid kyi mthus gnas gtsang ma'i ris kyi lha'i bu rnams kyis/ mi rgan po gtugs pa/ 'khogs pa/ lus la rtsa rgyus mthon pa/ so rgal ba/ lus gnyer mas gang ba/ skra byi ba/ skur ba/ gdung rten ltar dgu pa/ zhom pa khar ba la rten pa/ mthu zad pa/ dar yal ba/ mid pa nas sgra ngar ngar po 'byung b.lus dgu pas khar ba la brten nas/ yan lag dang nying lag thams cad 'dar ba zhig/ lam kar bstan par gyur to// de nas byang chub sems dpas shes bzhin du kha lo sgyur ba la 'di skad ces smras so/ / kha lo sgyur ba mi ring nyam chung zhing // sha khrag skams la rgyus lpags nyi tses dkris// mgo dkar so rgal lus ni rab skem la// khar ba rten cing mi bder 'byor 'gro su/ / kha lo sgyur bas spros pa/ lha cig mi 'di rga bas zil gyis non// dbang po nyams shing sdug bsngal brtson stobs nyams// gnyen gyi skye bos brnyas shing mgon
- 142b
med gyur/ don bgyid mi nus nags khrod shing ltar bor// byang chub sems dpas smras pa// 'di'i chos 'di rigs kyi yin nam 'on tam ni// 'gro ba 'di kun la yang 'di srid de spros shig/ tshig 'di yang dag ji bzhin myur du smos shig dang / thos nas de bzhin don la 'dir ni tshul bzhin bsam// kha lo sgyur bas smras pa/ lha 'di rigs chos ma lags yul 'khor chos ma lags/ / skye bo kun gyi dar la bab pa rga bas 'jom// khyod kyi yab dang yum dang nye du gnyen tshogs kyang // rga las mthar 'gro ba yi thabs na gzhan ma mchis// byang chub sems dpas smras pa/ / kha lo sgyur ba'i byis pa'i skye bo mi mkhas pa'i// blo ngan gzhon pas rgyags shing myos pas rga ma mthong // da ni slar 'gro nga yid shing rta myur du sgyur// nga'ang rga la gnas pas rtse dgas ci zhig bya/ / de nas byang chub sems rabs shing rta'i mchog de slar bsgyur te// phyir grong khyer du zhugs so// dge slong dag de ltar byang chub sems dpa' dus gzhan zhig na/ bkod pa chen pos grong khyer gyi lho phyogs kyi sgo nas skyed mo'i tshal gyi sar zhugs pa dang / des lam ka na mi nad kyis nyen pa/ dmu rdzing can lus nyam chung ba/ rang gi gcin rkyag tu bying ba/ mgon med pa skyabs med pa shin tu sha thang bar dbugs dbyung zhing brngub dgos pa zhig mthong ngo / / mthong nas kyang yang byang chub sems dpas shes bzhin du la lo sgyur ba la 'di skad ces smras so// kha lo sgyur
- 143a
ba mi rtsub lus kyi mdog ngan la/ dbang po thams cad nyams shing dbugs dbyung rab tu dka'// yan lag lus skams lto bas dkrugs shing nyam thag gyur// rang gi gcin rtug smad pa'i gnas na 'dug 'di su// kha lo sgyur bas smras pa/ lha cig mi 'di shin tu nad kyis btab pa ste/ nad kyi 'jigs pa nye bar mchis pas 'gum la thug/ nad med gzi brjid ma mchis stobs kyang rnam par nyams/ / mgon dang skyabs dang gling dang dpung gnyen ma mchis lags// byang chub sems dpas smras pa/ nad med pa yang rmi lam na ni rtse dang mtshungs nad kyi 'jigs pa 'di ltar shin tu mi bzad pa/ / skyes bu mkhas pas gnas 'di mthong nas ji lta bur// rtse la dga' dang sdug pa'i 'du shes skyed par 'gyur// dge slong dag de nas byang chub sems dpa' shing rta'i mchog de slar bsgyur te phyir yang grong khyer du zhugs so/ / dge slong dag de ltar byang chub sems dpa' dus gzhan zhig na bkod pa chen pos/ grong khyer gyi nub phyogs kyi sgo nas skyed mo'i tshal gyi sar zhugs pa dang / des lam ka na mi shi bar gyur pa/ khyogs la bzhag pa ras kyi bla re phub pa/ nye du'i tshogs kyis bskor te/ kun kyang ngu zhing skad phyung ste/ dul smre sngags 'don cing / sgra gshig la mgo la sas 'thor zhing brang brdung la cho nge 'don cing phyi 'brang gyur pa mthong ngo // mthong nas kyang byang chub sems dpas shes bzhin du kha lo sgyur ba la
- 143b
'di skad ces smras so/ / kha lo sgyur ba mi 'di khyogs la bzhag nas ni/ mi dag sgra bshig mgo la sa yis 'thor byed cing // sna tshogs dag gi tshig ni brjod la brang brdung bas// kun nas ba byas te khyer ba su zhig yin/ kha lo sgyur bas smras pa/ lha cig mi 'di 'dzam bu gling du gum pa ste/ slan chad pha ma mchis brang bu rnams mthong mi 'gyur// longs spyod khyim dang mdza' gshes gnyen tshogs spangs nas ni/ 'jig rten pha rol mchis te slan chad gnyen mi mthong // byang chub sems dpas spras pa/ rga bas gnod par 'gyur ba'i gzhon pa cir mi rung // sna tshogs nad kyis gnod 'gyur nad med cir mi rung / / ring du mi gnas gson pa mkhas la cir mi rung // rga la chags pa skyes bu mkhas la cir mi rung / gal te rga med nad med 'chi ba med gyur kyang // 'on kyang phung po lnga 'dzin sdug bsngal che yin na// rga na 'chi ba rtag tu 'brang ba smos ci dgos// legs par slar zlog rab tu thar par bya ba bsam// dge slong dag de nas byang chub sems dpa' shing rta mchog de slar zlog ste/ phyir yang grong khyer du zhugs so// dge slong dag de ltar byang chub sems dpa' dus gzhan zhig na grong khyer gyi byang phyogs kyi sgo nas/ skyed mo'i tshal gyi sar zhugs pa dang / byang chub sems dpa'i mthus lha'i bu de dag nyid kyis lam ka der dge slong zhig mngon par sprul pa dang / byang chub sems dpas dge slong zhi pa dul ba yang dag par
- 144a
bsdams pa tshangs par spyod pa mig phab pa/ gnyab shing gang tsam du lta ba/ spyod lam mdzes pa/ phun sum tshogs pa/ 'gro ba dang ldog pa mdzes pa phun sum chog pa mdun du lta ba dang / g.yas g.yon du blta ba mdzes pa/ bskum pa dang basmang ba mdzes pa/ chos gos snam sbyar dang lhung bzed dang / chos gos thogs pa marjes pa zhig lam ka na 'dug pa de mthong ngo / / mthong nas kyang byang chub sems dpas shes bzhin du kha lo sgyur ba la 'di skad ces smras so// kha lo sgyur ba skyes bu sems zhi rab zhi zhing // mig phab 'gro la gnya' shing gang tsam lta byed cing / / ngur smrig gos gyon shin tu rab tu zhi bar spyod// lhung bzed thogs nas mi rgod ma khengs su zhig yin// kha lo sgyur bas smras pa/ lha gcig mi 'di dge slong zhes ni bgyi ba lags/ 'dod pa'i dga' ba spangs shing shin tu dul bar spyod// bdag nyid zhi ba 'chol zhing rab tu byung bar gyur// 'dod chags zhe sdang bral ba bsod snyoms spyod cing rgyu// byang chub sems dpas smras pa/ 'di ni dge bar legs smras nga yang 'dod pa ste// rab tu byung ba mkhas pa rnams kyis rtag tu bsngags// de ni bdag la phan zhing sems can gzhan la'ang phan/ 'tsho ba bde zhing nyams mthun 'chi med 'bras bur 'gyur/ dge slong dag de nas byang chub sems dpas shing rta mchog de slar bsgyur te/ phyir yang grong khyer du zhugs so// dge slong dag
- 144b
de ltar byang chub sems dpa' la bskul ba rnam pa 'di lta bu 'di dag rgyal po zas gtsang mas mthong zhing thos nas/ byang chub sems dpa' yongs su bsrung ba'i phyir// ra ba rgya chen po byed du bcug ste/ 'obs kyang rkor bcug/ sgo brtan po yang 'dzugs su bcug/ srungs ma yang bkod/ dpa' bo rnams kyang sbran/ bzhon pa yang sta gon byas go cha yang gyon du bcug go/ byang chub sems dpa' bsrung ba'i phyir/ grong khyer chen po'i sgo bzhi'i lam gyi sum mdo rnams su dpung chen po'i bkod pa bzhag ste// byang chub sems dpa' mngon par 'byung ba re zhes de dag de bsrung du bcug go/ / btsun mo'i 'khor la yang res 'ga' tsam yang glu dbyangs kyi rgyun 'chad da re/ dga' ba dang rtse ba thams cad kyang sbyor cig/ ci nas kyang gzhon nu chags nas rab tu 'byung bar mi 'gyur ba dang / mgu bar 'gyur bar bud med kyi rgyu yang ston cig ces bsgo'o// de la 'di skad ces bya ste/ thab mo mos pa'i skyes bu lag na ral gri mtshon thogs sgo gar bkod/ / go bgos mi rta glang po shing rta mi bskyon glang po'i 'phreng ba'ang bkod// 'obs dang shing thags dag dang rta babs phyir mthon po'ang byed du bcug/ sgo mo rgyang grags grag pa'i sgra 'byung ba yang gtan pa dam po bcug/ shAkya'i tshogs rnams thams cad yid mi dga' zhing nyin mtshan bsrung bar byed/ dpung chen de dag rnams kyang sgra ma chen po shin tu grags par byed/
- 145a
nges pa 'di nas 'byung du 'ong zhes grong khyer 'khrugs shing yid sngangs skrag/ shAkya'i rigs skyes song na rigs 'di chad par mi 'gyur grang sbram byed/ skye bo ngag la bsgo ba rtag tu glu dbyangs rgyun ma bcad/ / rtse bas dga' ba rnams kyis bsnyen bkur gyis shing yid kyang mgu bar gyis// bud med sgra thabs spyod pa gang yin rnam pa du ma mang po ston/ / nges pa 'gror mi 'gyur bar bsrung bar byos shing bgegs kyang rab tu byos// kha lo sgyur ba mchog de mngon par 'byung ba'i snga ltas 'di dag ste// ngang pa khrung khrung dag dang rma bya ri skegs dag dang ne tso rnams/ / khang bzang skar khung rta babs mchog dang yang thog khri la 'khod nas ni// dman zhing dman la mi dga' mi bde mgo smang sems shing sgra mi 'byin// rdzing dang rdzing chen dag gi pad+ma dag kyang rnyis shing rnyis par 'gyur// shing ljon skams shing yal ga me tog lpags la me tog slar mi 'chags// pi wang gling bu rgyud gsum gyis ni brgyan pa de tshe ga bur chad/ / rnga dang rdza rnga dag kyang lag pas brdungs na 'chag cing sgra mi 'byung // grong khyer de dag thams cad 'khrugs par gyur cing shin tu gnyid kyis non// gang gi yid kyang gar byed pa dang glu len pa la dga' ba med/ / rgyal po 'ang mchog tu rab tu yid dman gyur te sems 'ongs chud cing 'dug/ e ma ma rung shAka rigs rdzu 'phrul rgya chen mi tshig grang snyam byed// sa 'tsho ma dang
- 145b
rgyal bu mal cig na ni nyal zhing 'khod pa'i tshe/ / nam phyed tsam nas mchos yi tshe lam du ni 'di dag rmis// sa 'di thams cad rtse mor ldan pa'i ri dang bcas te g.yos par gyur// shing ldan rnams kyang rlung gi sa bskyod nas rtsa nas mthon te sa la skyel/ / nyi ma zla ba skar ma'i rgyan dang bcas te mkha' las sa la lhung // lag pa g.yon pas sgra yang rab tu 'bal zhing cod pan lhung mthong / / lag pa chad la de bzhin rkang pa'ang chad cing bdag ni sgren mor mthong // bdag gi mu tig do shal nor bu gser gyi 'og bag chad par mthong // nyal khri de yi rkang pa bzhi chag sa yi steng na nyal ba mthong / / rgyal po'i gdugs kyi nor bu nor bus spras pa dpal ldan mdzes pa chag par mthong // rgyan rnams kun kyang rnam par thor cing chu yis khyer bar gyur pa dang // khyim tha brgyan yang gos dang cod pan bcas te mal steng 'thor bar mthong / / grong khyer dag nas me sgron phyir byung grong khyer mun pas non pa dang // rin po che las byas pa'i dra ba mdzes pa'ang chad par gyur pa rmis// mu tig do shal 'phyang ba lhung nas rgya mtsho chen pos dkrugs pa dang // de yi tshe ni ri yi rgyal po ri rab gnas nas g.yos pa rmis// shAkya'i bu mo rmi lam du ni 'di 'dra 'di dag rmis gyur nas// de sad// mig nas mchim zag cing rang gi khyo la 'di skad smras// lha cig rmi lam 'di 'dra rmis pa cir 'gyur ba ni bka' stsol cig/ bdag ni dran pa 'khrul cing mig kyang 'khrul la yid ni mya ngan non
- 146a
de yis de thos ka la bid rnga sgra tshangs dbyangs sgra snyan pas/ / sa mchom la spras pa/ khyod ni rab tu dga' gyur sdig pa med// sems can gang dag bsod nams mngon spyad/ de dag rmi lam de 'dra rmi// sdug bsngal du mas nyen pa rmi lam 'di 'dra rmi ba ga la yod// khyod kyis sa 'di rab tu g.yos pa dang // ri rtser bcas te sa la lhung rmis pa// lha dang klu dang srin po 'byung po'i tshogs/ / kun gyis khyod mchog gtso mor byed par 'gyur// khyod kyis shing rnams rtsa nas mtho na rmis shing // lag pa g.yon pas sgra 'bal rmis pa ni// sa mtsho myur du nyon mongs dra ba bcad/ / 'dus byas dag las lta ba'i dra ba 'byin// khyod kyis nyi zla sa la lhung rmis shing // skar ma rnams kyang lhung bar rmis pa ni// sa mtsho myur du nyon mongs dgra bcom ste// khyod ni 'jig rten mchod pa bsngags par 'gyur/ / khyod kyis mu tig do shal 'thor rmis shing // lus kun chad dang sgren mo rmas pa ni// sa mtsho myur du bud med lus spangs te// ring por mi thogs skyes pa'i lus su 'gyur/ / khyod kyis khri rkang chag par rmis pa dang // gdugs yu rin chen spras pa chag rmis pa// sa 'tsho myur du chu bo bzhi rgal cig/ nga ni 'jig rten gdugs gcig 'gyur ba mthong / / khyod kyis rgyan rnams chus khyer rmis pa dang // nga yi gos dang cod pan khri steng rmis// sa mtsho myur du mtshan gyis brgyan nas ni// 'jig rten kun gyis nga la bstod pa mthong // khyod
- 146b
kyis me sgron brgya phrag bye ba dag/ grong khyer byang nas mun nag gyur rmis pa// sa mtsho myur du ma rig rmongs pa'i mun// 'jig rten kun la shes rab snang byed 'gyur// khyod kyis mu tig de shal chad pa dang / gser gyi cod cong spras pa chad rmis pa// sa 'tsho myur du nyon mongs dra bcad de// 'dus byas dag las 'du shes skud pa 'byin// sa 'tsho gang phyir nga la gus par ni// rtag tu rim gro mchog gis mchod byed na/ / khyod la ngan 'gro med cing mya ngan med// myur du dga' zhing mchog tu dga' ba 'thob// ngas ni sngon chad sbyin pa gya nom byin// tshul khrims bsrung dang rtag tu bzod pa bsgoms/ / de bas nga la dad pa gang rnyed pa// de dag thams cad dga' zhing rab dga' rnyed// 'khor bar bskal pa bye ba mtha' yas su// ngas ni byang chub lam mchog rnam par sbyangs// de bas nga la dad par gang byed pa// de dag thams cad ngan song gsum po chad// dga' ba thob kyis mi dga' ma skyed cig/ tshim pa thob par gyis la mgu skyed cig/ dga' dang mchog tu dga' ba myur 'thob ste/ / khyod kyis rmi ltas bzang gis sa mtsho nyol// sngon chad dge ba'i las ni gang dag bsags gyur pa// mi mchog rnams ni mngon par 'byung ba'i dus bab che// mtshan ma ba/ dag bsod nams gzi brjid bsags pa dang // dpal gyi gzi brjid snying po can des rmi lam 'gyur// de ni rkang pa dag dang lag pa chen po yis// rgya mtsho chen po bzhi po dag gi chu dkrug dang //
- 147a
@sa 'di thams cad sna tshogs mal char gyur pa dang // ri bo lhun po mchog kyang sngas su gyur par rmi// rmi lam na ni 'od rab bkye bas 'jig rten na// mun pa mun nag chen po rnam par bsal ba dang / / sa las gdugs shig byung bas 'jig rten gsum khyab dang // 'od kyis reg pas log lhung sdug bsngal rab zhi rmi// dkar gnag srog chags bzhi zhig rkang pa ldag pa dang / / kha dog bzhi pa'i byas 'ongs kha dog gcig gyur dang // mchog tu ngan pa smad pa ngan skyugs ri la yang // 'dzegs nas 'gro yang de nas gos pa med pa rmi// rmi lam na ni chu bo'i chu yi sa ra pa gang nas/ / srog chags bye ba khrag khrig mang po khyer ba las// de ni grur byas bsgral de gzhan dag bsgral nas ni// de yis 'jigs med mya ngan med mchog thang bkod rmi/ rmi lam na ni nad pa mang po nad btab pa// nad med gzi brjid bral zhing stobs kyang nyams rnams la// de ni sman par gyur nas rtsi sman mang byin pas// nad btab sems can khrag khrig mang po thar byed cing / / ri rab ngos la seng ge'i khri la 'dug nas ni// slob ma thal mo sbyor cing lha rnams phyag 'tshal la// bdag ni g.yul las rgyal zhing lha rnams nam mkha' las/ / kun tu dga' ba'i sgra sgrog par ni rmi lam rmi// bkra shis brtul zhugs bzang po yongs su rdzogs par yang // byang chub sems dpa' rmi lam rnam pa de dag rmi// de thos nas ni 'dra
- 147b
ni ring por mi thogs par/ / mi yi lha yi lhar 'gyur snyam ste lha mi dga'// rmi lam gyi le'u ste bcu bzhi pa'o// // dge slong dag de ltar byang chub sems dpa' 'di snyam du sems te/ bdag gis rgyal po chen po zas gtsang ma la ma byas shing // phas gnang ba med par mngon par 'byung ba 'di ni bdag la mi rigs te// byas pa gzo ba ma yin par 'gyur ro snyam nas/ de mtshan mo mi nyal tsam na// rang gi gnas kyi khang bzangs nas byung ste/ rgyal po zas gtsang ma'i khang bzangs su phyin nas 'dug go// byang chub sems dpa' 'dug ma thag tu khang bzang thams cad kyang 'od kyis gsal bar gyur to/ / de nas rgyal po sad pa dang 'od de mthong ste/ mthong nas kyang myur ba myur bar nyung rum la smras pa/ kye nyung rum ci nyi ma shar tam/ gang gis na 'di 'od kyis rnam par mdzes/ nyung rum gyis smras pa/ lha da dung du dgung phyed kyang ma pas so// lha gzhan yang nyi ma'i 'od ni shing dang rtsig pa thal mi phyin/ / lus la gdung bar bgyid cing tsha bar rab tu bgyid// nang par dus na ngang pa dag dang rma bya dang // ne tso lu byug ngur pa dag kyang rang sgra 'byin// 'od 'di lha yi yid du mchi zhing bde ba ste rab tu sim bgyid dge bgyid gdung bar gyi ma lags/ / shing dang rtsig pa thal phyung sgrib pa yongam mchis// yon tan ldan pa gcig cig dang ni 'dir byon des// rgyal po de ni mi dga' phyog
- 148a
bcur bltas pa dang / / sems can dag pa pad+ma'i mig can de mthong nas// de ni mal nas ldang bar 'dod nam nus te// rnam dag blo can dam pa pha la gus pa skyed// de ni rgyal po'i mdun du 'dug nas 'di skad smras// lha cig bdag ni mngon par 'byung ba'i dus bab rigs// bgegs kyang ma mdzad mi dgyes pa yang ma mdzad cig/ rgyal po gnyen bcas yul 'khor bcas te bzod par gsol/ / rgyal po de ni mchi mas mig gang 'di skad smras// khyod ni phyir mi ldog pa'i dgos pa ci zhig yod// bdag la dam pa ci slong smros shig/ thams cad sbyin// bdag dang pho brang 'khor dang yul 'khor 'di phan thogs// de'i tshe byang chub sems dpas snyan pa'i tshigs smras pa// lha cig dam pa bzhi 'tshal de ni bdag la stsol// gal te stsal bar spyod na mnga' ni khyod la mchis// 'on tang rtag tu khyim na gzigs shing 'byung mi 'gyur// lha cig bdag ni rga bas tshugs par mi 'gyur zhing // rtag tu mdog bzang dar la bab par gnas pa dang / / nad ma mchis par thob cing nad kyis mi btab dang // tshe dpag ma mchis pa dang rgud par mi 'gyur 'tshal// rgyal pos tshig thos shin tu sdug bsngal nyam thag stegazhon nu gnas min slong bas bdag la mthu med do/ / bskal par gnas pa'i drang srong rnams kyang nam du yang // rgan 'chi ba'i 'jigs dang chud las mthar to// rgan 'chib
- 148b
'jigs dang rgud par mi 'gyur ba/ / lha cig gal te mchog bzhi 'di dag mi stsal na// gzhan yang mchog cig gsol gyis rgyal po gsan du gsol// 'di nas shi 'phos nyid mtsham sbyor ba mi 'gyur mdzod/ / mi yi dam pa'i tshig ni de skad thos pa dang // sred pa bsrabs te bu la chags pa yongs su gcod// phan byed 'gro ba thar byed rjes su yi rang ngo // khyod kyi bsam pa rnams ni yongs su rdzogs gyur cig/ dge slong dag de nas byang chub sems dpa' slar song ste/ rang gi khyim du phyin nas/ mal na 'dug pa dang / de song ba 'am 'ongs par sus kyang ma tshor ro/ / dge slong dag de'i nam nangs pa dang / rgyal po zas gtsang mas shAkya'i tshogs thams cad sogs te/ de'i lo rgyus rnams smos nas/ gzhon nu ni mngan/ par 'byung na da ji ltar bya zhes smras so// shAkya rnams kyis smras pa/ lha bsrung bar bgyi'o// de ci'i slad du zhe na/ shAkya'i tshogs ni mang la/ de ni gcig pur gyur pas/ mthus mngon par 'byung ba'i nus pa de la ma mchis so// de nas shAkya de dag dang rgyal po zas gtsang mas shAkya gzhon nu 'thab chos sbyangs pa/ 'os su gyur pa/ 'phong bslabs pa chen po che chen po'i stobs dang ldan pa lnga brgya byang chub sems dpa' bsrung ba'i phyir grong khyer gyi shar sgor bkod de/ byang chub sems dpa' bsrung ba'i phyir/ shAkya gzhon nu re re la yang
- 149a
'khor shing rta lnga brgya lnga brgya dang / shing d+ha re re la yang 'khor dpung bu chung lnga brgya lnga brgya bkad do// byang chub sems dpa' bsrung ba'i phyir de bzhin du grang khyer lho dang / nub dang / byang gi sgor yang shAkya gzhon nu 'thab chos sbyangs pa 'os su gyur pa/ 'bong bsrabs pa/ chen po che chen po'i stobs dang ldan pa lnga brgya lnga brgya dang / shAkya gzhon nu re re la yang 'khor shing rta lnga brgya lnga brgya dang / shing rta re re la yang 'khor dpung bu chung lnga brgya lnga brgya bkod do// byang chub sems dpa' bsrung ba'i phyir/ shAkya rgan rabs rgan rabs rnams kyang lam gyi bzhi mdo dang / mdo sum dang / lam po che mang po thams cad na 'khod do// rgyal po zas gtsang ma yang shAkya gzhon nu lnga brgyas bskor cing / mdun gyis bltas te/ rta dang glang po che dag la bzhon nas rang gi khyim sgo na mel tshe byed do// skye dgu'i bdag mo chen mo go'u ta mis kyang rang gi bran mo'i tshogs la smras pa// mar me dri ma med pa bus la nor bu thams cad rgyal mtshan rtse mor thogs/ / mu tig rgyan 'phreng rnams kyang sbyongs la khyim 'di kun tu 'od kyis snang bar byos// glu dbyangs dag kyang sbyor la do mod g.yel ba med par mel tshe dam du gyis/ / gzhon nu ci nas ma tshor bar ni 'gro bar mi 'gyur tshul du bsrung bar gyis// go bgos lag na lag char ral gri dang / mdung thung mda' dang mtshon cha rtse gnyis thogs// sdug pa'i bu ni
- 149b
bsrung bar bya ba'i phyir/ / kun kyang rab tu bsgrim pa chen po gyis// sgo kun tshong la gtan pa dam pa rgyug/ sgo 'bar sra brked par gtan chug la// dus la ma bab par ni so ma dbye// sems/ can dam pa 'di ni shor ta re// nor mu 'do shal mu tig do shal thogs// me tog zla gam seng ge shing lo ris// ska rags sor rdub rna rgyan chings shing thogs// rkang rngub dag kyang shin tu leg par thogs/ / lha mi phan pa mang po glang po dregs bzhin 'gro// gal te glo bur mngon par byung nga re// ci nas mi bde rnyed par ma gyur par// de ltar de ltar nan tan cher gyis shig/ bud med gang dag mdung thung thogs pa dag/ dri ma med pa lam na 'dug pa skor// ci nas gnyid kyis log par ma gyur pa// phye ma leb bzhin mig gis bsrung bar gyis// rgyal bu 'di ni bsrung ba bya ba'i phyir/ / khyim 'dir rin po che yi dra ba bres// gling bu dag kyang rab tu bud cing long // do mong rdul dang bral ba bsrung bar gyis// phan tshun gcig la gcig ni sbron byas te// do mong mnyal shin tu bsrung bar gyis/ / rgyal srid dang ni yul 'khor spangs nas su// khyim nas mngon du 'byung bar gyur ta re// 'di ni mngon par byang bar gyur nago/ rgyal po'i pho brang 'di kun nyams dga'/ / rgyal po'i rigs rgyud yun ring gnas pa yang // rgyal po'i rigs kyi rgyud ni chad par 'gyur// dge slong dag de nas gnod sbyin gyi sde dpon lngas rtsen la sogs pa/
- 150a
gnod sbyin gyi sde dpon chen po nyi shu rtsa brgyad dang / 'phrog ma bu lnga brgya rnams gcig tu 'dus nas/ 'di skad ces smras te/ grogs po dag do nub byang chub sems dpa' mngon par 'byung gis/ / khyed cag de la mchod pa byed pa'i las la spro bar gyis shig/ rgyal po chen po bzhi yang lcang lo can gyi pho brang du zhugs nas/ gnod sbyin gyi 'khor chen po la smras pa grogs po dag do mod byang chub sems dpa' mngon par 'byung gis/ khyed kyis bcibs pa'i rkang lag nas theg la 'byung bar gyis shig/ gnod sbyin gyi 'khor gyis smras pa// sku ni sred med bu yi stobs ldan rdo rje lta bur mi phyed sra la lci/ / sems can kun gyi dam pa de ni brtson 'grus stobs ldan g.yo ba mi mnga' ste// ri yi dam pa lhun po chen po rmang nas byung ste nam mkhar gzung nus kyi/ rgyal ba'i yon tan lhung ba lhun po'i ri lci bsod nams ye shes gnas pa sus kyang gang du bkur mi nus/ rnam thos kyi bus smras pa// mi gang nga rgyal 'gying ba de la ston pa lci// gang dag dga' gus gnas pa de dag yang bar tshor/ / bsam pas thags pas btson par byos la gus pa yi// bya yis sha kham bzhin du yang bar shes par gyis// kho bo mdun nas 'gro yis khyed cag rnams kyis bcibs pa theg/ byang chub sems dpa' mngon par 'byung tshe bsod nams mang po sogs// dge slong dag de nas lha'i dbang po brgya byin gyi sum cu rtsa gsum gyi lha rnams la spras
- 150b
pa/ kye grogs po dag do nub byang chub sems dpa' mngon par 'byung gis/ de la khyed thams cad mchod pa'i las la spro bar gyis shig/ de nas lha'i bu zhi ba'i blo gros zhes bya ba des 'di ska/ ces smras so// bdag gis ni ser skya'i gnas kyi grong khyer chen po skyes pa dang / bud med dang / khye'u dang / bu mo thams cad gnyid kyis log ra bgyi'o// lha'i bu rtse ba bkod pa zhes des 'di skad ces smras so/ / bdag gis ni rta dang / glang po che dang / bong bu dang / rnga mo dang / ba lang dang / ma he dang / skyes pa dang / bud mang dang 'u pang / bu me rtsabs kyi sgra mi grag par bgyi'o/ / lha'i bu bkod pa'i blo gros zhes bya ba des 'di skad ces smras so// bdag gis ni nam mkha'i dkyil na shing rnga chen po bdun rin pa che'i stegs bus 'khor / nor bu rin po che me shel gyi 'od 'bar ba// gdugs dang / rgyal mtshan dang / ba dan bsgreng ba/ me tog sna tshogs cas 'ams pa sems dpas ma @ der dg od par bgyi'o/ / klu'i rgyal po sa srung gi bu zhes bya bas 'di skad ces smras so// bdag gis ni bdag nyid kyi sna la khang pa brtsegs pa dpag chang sum cu rtsa gnyis pa bgyis der lha'i bu mo dag bkod la sil snyan dang glu dbyangs len du stsal zhing/ / glu dang rol mo'i dbyangs sgra chen pos/ byang chub sems dpa' la rim gro dang // bsnyen bkur bgyid cing mchi bar bgyi'o//
- 151a
lha'i dbang po brgya byin nyid kyis 'di skad ces smras so// kho bos ni sgo dbye'o// lam mtshon par bya'o// lha'i bu chos spyod kyis 'di skad ces smras so// bdag gis ni btsun mo'i 'khor rnams mi sdug par bstan par bgyi'o/ / lha'i bu yang dag sgung pos smras pa/ bdag gis ni byang chub sems dpa' gzims mal nas bzhengs gsol bar bgyi'o// de nas klu'i rgyal po chu lha dang / klu'i rgyal po gzi can dang / klu'i rgyal po rgya mtsho dang / klu'i rgyal po ma dros pa dang / klu'i rgyal po dga' bo dang / nye dga' bos 'di skad ces smras so// bdag cag gis byang chub sems dpa' la mchod pa'i las kyi phyir/ dus kyi rjes su 'brang ba'i tsan dan gyi sprin mngon par sprul te/ tsan dan sbrul gyi snying po'i phye ma'i char dbab po// dge slong dag de ltar lha dang / klu dang / gnod sbyin dang / dri za rnams kyis rnam pa 'di lta bu'i bsam pa nges par bsams te brtsams so// byang chub sems dpa' chos sems pa la zhugs pa glu dbyang len pa'i khang bzangs mal bde ba la 'dug pa/ btsun mo'i 'khor gyi nang na 'dug pa ni sngon gyi sangs rgyas kyi spyod pa rnam par sems shing sems can la phan pa bya ba rjes su sngon gyi smon lam gyis tshig mngon du byed do/ / bzhi gang zhe na/ sngon parang byung gis bdag po 'dod cing thams cad mkhyen pa nyid don du gnyer ba na/ go cha 'di lta bu bgos par gyur te/ sems can sdug bsngal ba dag mthong
- 151b
nas/ kye ma'o bdag gis 'jig rten gnas pa bcings te 'khor ba'i btson ra chen por bcug pa la/ 'khor ba'i btson ra dral te bcings pa bkrol ba'i sgra sgrog go/ sred pa'i zhags pa dang sgrog dam pos bcings pa'i sems can rnams kyang rab tu dgrol lo zhes bya ba sngon gyi smon lam gyi tshig dang po 'di mngon du gyur to/ / kye ma'o bdag gis 'jig rten ma rig pa'i mun pa mun nag thibs po chen por zhugs pa mi shes pa'i ling tog dang / / rab rib kyis mig bsgribs pa/ shes rab kyi mig dang bral ba/ ma rig pa dang / gti mug gis ljongs pa la chos kyi snang ba chen po bya zhing ye shes kyi sgron ma yang nye bar bsgrubs la rnam par thar pa'i sgo gsum shes pa'i mig sman ril lu dang / sman thabs dang / shes rab dang / ye shes dang ldan pa btang ste/ ma rig pa'i mun pa mun nag dang / gti mug gi mun pa dang / rab rib dang / ling tog dang / rnyog pa thams cad bsal nas shes rab kyi mig rnam par sbyang ngo zhes bya ba sngon gyis smon lam gyis tshig gnyis pa 'di mngon du gyur to/ / kye ma'o bdag gis 'jig rten nga rgyal gyi rgyal mtshan bsgreng ba/ ngar 'dzin pa dang / nga yir 'dzin pa la mngon par shes pa/ bdag dang bdag gir 'dzin pa dang ldan pa'i yid can 'du shes dang / sems dang lta ba phyin ci log gis phyin ci log tu gyur pa/ gzung ba ngan pas zin pa la 'phags pa'i
- 152a
lam bstan te/ nga'o snyam pa'i nga rgyal brnyal bar bya'o zhes bya ba sngon gyi smon lam gyi tshig gsum pa 'di mngon du gyur to// kye ma'o bdag gis 'jig rten rnam par ma zhi ba/ thags 'khrugs pa lta bur gyur pa/ dru gu 'dzings pa lta bur gyur pa/ 'ong ba dang 'gro bar gyur pa/ 'jig rten 'di nas 'jig rten pha rol dang / 'jig rten pha rol nas 'jig rten 'dir kun tu rgyug cir 'khor la 'khor ba las mi ldog pa/ mgal me'i 'khor lo lta bur gyur pa la/ nye bar zhi bar byed pa'i shes rab kyis chog par byed pa'i chos kyang bstan to zhes bya ba sngon gyi smon lam gyi tshig bzhi po 'di mngon du gyur te/ sngon gyi smon lam gyi tshig bzhi po de dag mngon du gyur to// skad cig de la lha'i bu chos spyod pa dang / gnas gtsang ma'i ris kyi lha'i bu rnams kyis btsun mo'i 'khor mi sdug par bsgyur te mi sdug par gnas pa dang / smad pa'i gzugs su bstan nas/ nam mkha' la 'khod de/ byang chub sems dpa' la tshigs su bcad de smras pa/ de nas lha bu rdzu 'phrul che rnams kyis// pad+ma rgyas pa yangs pa'i spyan la smras/ dur khrod dbus 'dir zhugs par gyur lags na khyod ni ji ltar dgyes pa skye bar 'gyur/ / lha yi dbang phyug rnams de bskul nas// yud tsam btsun mo'i 'khor la lta zhing rtog/ bltas nas smad par gyur pa de dag mthong /
- 152b
khrod gnas par gyur pa bden snyam byed// byang chub sems dpas thams cad dang ldan pa'i bud med kyi tshogs la rnam par bltas pa dang / 'chenan gos srung bar rgyal kha cig ni bya zhig kha cig ni rgyan thal la cig cod pan lhung / kha cig ni phrag pa mi sdug par gyur/ kha cig ni lus rnam par 'khrugs/ kha cig ni bzhin mi sdug par gnas/ kha cig ni mig gyur/ kha cig ni kha chu zag/ kha cig ni sdu kha cig ni lung pa yu/ kha cig ni rgod/ kha cig ni brdol/ kha cig ni so 'khrig kha cig ni bzhin mdog gyur/ kha cig ni gzugs mi sdug par gyur te/ lag pa ring por gyur/ kha cig ni rkang pa phral/ kha cig ni mgo phyung / kha cig ni mgo g.yogs/ kha cig ni bzhin gyi dbyibs gyur/ kha cig ni lus ma rungs par gyur/ kha cig ni lus sgren mor gyur/ kha cig ni lus bskum shing sbur/ kha cig ni rdza rnga la 'khyud nas lus gan rgyal du 'gyel/ kha cig ni pi wang dang / rgyud gsum pa'i steng du lag pa brkyang / kha cig ni gling bu la sos 'debs/ kha cig ni rol mo'i cha byad/ kim pa la dang / nagu la dang / khar ba'i sil khrol dang / pheg la 'dzin/ kha cig ni mig 'dzums shing 'byed la gyur/ kha cig ni kha gdangs par gyur te/ de ltar sa la mi sdug par gnas par gyur pa'i btsun mo'i 'khor la lta zhing / byang chub sems dpa' dur khrod kyi 'du shes bskyed do// de la 'di skad ces bya ste/ 'jig rten mgon des de mthong yi byung ste/ snying rjes shugs
- 153a
@phyung nas ni 'di skad smras/ em skye dgu dag ni sdug bsngal gyur// srin ma'i tshogs la dga' ba ji ltar rnyed// 'dod pa'i yon tan mngaman man tan 'dzin/ gtis mun pas rab bsgribs blo gros ngan/ dper na bya ni bya rgyar chud pa bzhin// nam yang 'byung ba rnyed par 'gyur ma yin// // 'phags pa rgya cher rol pa zhes bya ba theg pa chen po'i mdo/ / bam po bcu pa// de nas byang chub sems dpas chos snang ba'i sgo 'dis/ yang btsun mo'i 'khor la rtog cing / snying rje chen po'i smre bas/ sems can gyi phyir smre ste/ 'di na byis pa de dag ni gsod pa ste/ bsad pa'i gnas su bsad par bya ba gsod pa dang mtshungs so// 'di na byis pa de dag ni chags pa ste/ ngan skyugs kyis gang ba'i snod ri mo can rnams la mi mkhas pa chags pa dang mtshungs so/ / 'di na byis pa de dag ni 'bying ba ste// glang po che chur 'bying ba dang mtshungs so// 'di na byis pa de dag ni btsas pa ste/ btson ra'i nang gi btson btsas pa dang mtshungs so// 'di na byis pa de dag ni mngon par dga' ba ste// phag mi gtsang ba la dga' ba dang mtshungs so// 'di na byis pa de dag ni chags pa ste// khyi keng rus la chags pa dang mtshungs so// 'di na byis pa de dag ni rab tu lhung ba ste/ / phye ma leb mar me'i me lcer lhung ba dang mtshungs so// 'din byis pa de dag ni thogs pa ste/ spre'u rnyang la thogs pa dang mtshungs so// 'di na byis pa de dag na
- 153b
yongs su bzung ba ste/ ta rgyas zin pa dang mtshungs so// 'din byis pa de dag ni yongs su gtugs pa ste/ sha 'tshang gi gnas kyi lug dang mtshungs so// 'din byis pa de dag ni bcug pa ste/ sdig pa byed pa gsal shing gi rtse mo la btsugs pa dang mtshungs so// 'di na byis pa de dag ni 'bying zhing thogs pa ste/ glang po che rgan po 'dam du song ba dang mtshungs so// 'di na byis pa de dag ni phongs pa ste/ rgya mtsho chen por gru'i snam bu zhig pa dang mtshungs so// 'di na byis pa de dag rab tu lhung ba ste/ dmus long g.yang sa chen por lhung ba dang mtshungs so// 'di na byis pa de dag ni yongs su zad par 'gyur ba ste/ sa'i gting gi mtshams su song ba'i chu dang mtshungs so// 'di na byis pa de dag ni du ba 'thul ba ste/ bskal pa zad pa'i sa chen po dang mtshungs so// 'di na byis pa de dag ni 'khor ba ste/ rdza mkhan gyi 'khor lo'i shugs dang mtshungs so// 'di na byis pa de dag ni 'brog 'chol ba ste/ dmus long ri la phyin pa dang mtshungs so// 'di na byis pa de dag ni btags shing 'khor ba ste/ khyi stong gis btags pa dang mtshungs so// 'di na byis pa de dag ni brnyes pa ste/ dpyid kyi rtswa dang nags tshal dang mtshungs so// 'din byis pa de dag ni yongs su nyams pa ste/ zla ba mar gyi ngo'i zla ba dang mtshungs so/ / 'di dag ni byis pa rnams la za ba ste/ klu la nam mkha' lding dang mtshungs so// 'di dag ni byis pa rnams la 'cha' ba ste/ gru bo che la chu srin chen po dang mtshungs so//
- 154a
'di dag ni byis pa rnams la 'joms pa ste/ 'dron po la chom po mang po dang mtshungs so// 'di dag ni byis pa rnams la 'jigs pa ste/ shing sa la la rlung dmar chen po dang / mtshungs so// 'di dag ni byis pa rnams la gsod pa ste/ skye ba po la sbrul mig gdug pa dang mtshungs so// byis pa rnams ni ro myang ba'i 'du shes kyis chod pa ste/ ral gri'i so sbrang rtsis bskus pas chod pa bzhin no/ / 'di dag ni byis pa rnams khyer ba ste/ shing gi phung po la chu bo'i chus khyer ba dang mtshungs so// 'di dag ni byis pa rnams la rtsed pa ste/ byis pa chung ngu rang gi gcin rtug la rtse ba dang mtshungs so/ / 'di dag ni byis pa rnams kun tu sgyur ba ste/ glang po che la lcags kyu dang mtshungs so// 'di dag ni byis pa rnams la slu ba ste/ g.yon can gyis byis pa'i rang bzhin can dag brid pa bzhin no/ / 'di dag ni byis pa de dag gi dge ba'i rtsa ba zad par byed pa ste/ rgyan po la dga' ba'i nor dang mtshungs so// 'di dag gis byis pa rnams la 'chos pa ste/ srin mo rnams kyis tshong pa 'chos pa dang mtshungs so/ / byang chub sems dpas rnam pa sum cu rtsa gnyis po de dag gis btsun mo'i 'khor la yongs su brtag pa byas nas/ lus la mi gtsang ba'i 'du shes rnam par sgom/ mi mthun pa'i 'du shes nye bar sgrub/ smad pa'i 'du shes skyed/ rang gi lus la yang de dang 'dra bar sgom/ lus kyi nyes dmigs yang dag par mthong / lus la lus su
- 154b
mngon par zhen pa las skyod/ sdug pa'i 'du shes rnam par 'jig/ mi sdug pa'i 'du shes 'jug par byed/ 'og gi rkang pa'i mthil nas/ steng gi klad pa man chad mi gtsang ba las byung ba dang mi gtsang ba las gyur pa dang / rtag tu mi gtsang ba zag par mthong ngo // de'i tshe tshigs su bcad pa 'di ga kyang smras so// las kyi zhing las skyes shing sred pa'i chu las byung ba'i 'jig tshogs ming du btags/ / mchi ma rdul dang mchil mas brlan lagacin gyis bsgyur cing khrag gi thig pas gang // zhag dang rnag dang lgang pa dang ni klad rgyas dag dang sdig pa rnams kyis gang / rtag tu ngan skyugs zag cing kun kyang dri ma sna tshogs tha dad pa/ pags pa so dang sgra dang spu yis bsgyur cing pags pas g.yogs la spu dang ldan// rgyu ma mchin pa mcher pa chu ser kha chu 'di dag bsags pa nyam chung ba/ rkang dang chu rgyus dag gis sbrel te 'khrul 'khor 'dra zhing sha yis mdzes par byas// sna tshogs nad kyis gang zhing mya ngan khyab las bkres dang skom pas kun tu nyen// skye ba po ngag lus ni bu ga mang zhing 'chi dang rga ba'i gnas gyur pa/ / mthong nas mkhas pa su zhig rang gi lus dgra dang mtshungs par sems mi 'gyur// de ltar byang chub sems dpa' lus la lus su song ba'i dran pas gnas par gyur to/ / nam mkha' dkyil na 'khod pa'i lha'i bu rnams kyis lha'i bu chos spyod pa la 'di skad ces sbas so// grags pa don grub 'di ni btsun mo'i la kho la
- 155a
rnam par lta zhing 'dzums yang ston/ sems ni mi dga' mig ni phyir lhan phyi shol byed dam ci// yang na 'di ni rgya mtsho'i zabs dang mtshungs te 'di tshad gzung bar mi nus so/ / yang na chags pa med pa 'ang yul rnams la yid chags par ni mi 'gyur grang // lha rnams kyis bskul ba'i yi dam brjed par ma 'gyur grang // lha'i bu chos spyod kyis smras pa/ de skad smra ci dgos/ 'di sngon byang chub kyi phyir spyod pa na yang mngon par 'byung ba dang / gtong ba la rnam pa de lta bur chags pa med par gyur pa/ khyed la mngon sum du gyur pa yin na// da srid pabatha ma par gnas pa chags par mi 'gyur ba lta smos kyang ci dgos/ dge slong dag de nas byang chub sems dpa' nges par byas pa/ yid byung bar gyur pa/ blo brtul ba/ tshul du shes shing // rings thabs med par skyil mo krung bshig ste/ glu dbyangs len pa'i khang bzangs na/ shar phyogs su lta zhing 'dug nas/ lag pa g.yas pas rin po che'i dra ba smad de/ khang bzangs kyi steng du song nas sor mo bcu thal mo sbyar te/ sangs rgyas thams cad bsams nas/ sangs rgyas thams cad la phyag 'tshal te/ nam mkha'i dkyil du bltas pa dang / des mthong ba nam mkha'i dkyis na/ lha'i dbang po mig stong dang ldan pa lha brgya stong gis bskor cing / me tog dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan
- 155b
dang / ba dan dang / me tog rna rgyan dang / rin po che'i do shal gyi chun po thogs te/ lus btud nas/ byang chub sems dpa' la phyag 'tshal zhing 'dug pa mthong ngo // 'jig rten skyong ba bzhi yang gnod sbyin dang / srin po dang / dri za dang / klu'i tshogs kyis bskor cing / go cha sra ba bgos/ ya lad bgos te/ ral gri dang / mda' gzhu dang / mdung thung dang / mtshon rtse gnyis dang / rtse gsum pa lag na thogs shing tshul du shis par nor bu'i cod pan dang / gtsug phud 'phyang bar byang chub sems dpa' la phyag 'tshal zhing 'dug pa mthong ngo // lha'i bu nyi ma dang zla ba gnyis kyang / glo g.yas g.yon na 'dug par mthong ngo // skar ma'i bdag po rgyal yang nam phyed na shar bar mthong ngo // mthong nas kyang byang chub sems dpas 'dun pa la smras pa/ nga yi bkra shis 'di ni don kun 'grub/ do nub gdon mi za bar don grub kyis/ 'dun pa phyi shol ma byed la gong du/ rta rgyal rgyan gyis brgyan pa'angang la byin/ de nas 'dun bas tshig de thos nas/ yid mi dga' zhing 'di skad ces smras so// smin ma ring zhing pad+ma'i 'dab ma rgyas 'dra'i spyan mnga' mi yi seng ge ston ka'i zla ba nya ba lta bu dang / me tog ku mu dA dang zla ba dang ni dga' ba'i pad+ma'i rdzing bu gsar par 'jam pa'i pad+ma rgyas 'dra'i zhal/ / sbyangs pa'i gser dang nyi ma shar ma thag dang zla ba dri med gzi dang mar blugs me yi 'od 'phro
- 156a
nor bu glog 'od 'bar ba'i gzi brjid can/ / glang po rgyags pa 'gying ba'i glang po'i stobs can ba lang khyu mchog ri dgas rgyal dang ngang pa'i stobs can stabs mdzes shin tu zhabs legs gang du bzhud/ / byang chub sems dpas smras pa/ 'dun pa gang gi don du nga yis sngon chad lag pa rkang pa mig dang de bzhin mgo dang lus btang zhing // chung ma dang ni phangs pa'i rgyal srid nor gser gos dang rin chen gang ba'i shing rta glang po rlung mgyogs shugs ldan rta pho rtsal mchog ldan pa btang / / bskal pa bye ba khrag khrig mang nas tshul khrims ngas bsrungs bzod pa yongs bsgoms brtson 'grus stobs dang bsam gtan shes rab dag/ de lta mod kyi byang chub zhi ba shis pa thob nas rga shi'i rgya mor chud pa'i sems can nga yis/ yongs su dgrol ba'i dus la bab/ 'dun pas smras pa/ jo bo khyod bltams ma thag tu blta ba'i phyir/ bram ze ltas mkhan rnams la bstan na/ de dag gis khyod rgyal po zas gtsang ma'i/ spyan sngar/ lha khyod kyi rgyal po'i pho brang 'phel bar 'gyur ro zhes lung bstan ces bdag gis thos so// smras pa/ ji lta bur 'gyur/ smras pa/ gzhon nu 'di ni bsod nams brgya mtshan ldan/ / khyod kyi bu btsas bsod nams gzi brjid can/ de ni gling bzhi dbang phyug 'khor los sgyur// nor bdun dang ni rab tu ldan par 'gyur// gal te 'jig rten sdug bsngal bltas
- 156b
nas ni/ btsun mo'i 'khor spangs mngon par byung gyur na// byang chub rga shi med pa'i gnas thob ste// chos kyi chu yis skye dgu 'di tshim byed// rdo bo lung bstan pa 'di ni mchis te/ 'di ma mchis pa ni ma lags mod kyi/ 'on gyis kyang phan par 'tshal ba bdag gi tshig gsan par gsol/ smras pa ci zhig/ smras pa/ lha cig gang gi don du 'di na kha cig brtul zhugs dang dka' thub rnam pa du ma rtsom ste/ ri dgas kyi lpags pa dang / ram pa'i phor tshugs dang / rtswa dang / shing shun gyon pa dang / sen mo dang / sna dang / a ga com ring por 'jig pa dang / lus la gdung ba dang / yongs su gdung ba rnam pa du ma spro bar bgyid de/ bdag cag ji ltar lha dang / mi'i phun sum tshogs pa 'thob par 'gyur zhes brtul zhugs dang / dka' thub drag bo rtsom mo/ / jo bo phun sum tshogs pa de ni khyod kyis brnyes lags te/ rgyal srid 'byor cing rgyas la bde zhing lo legs te/ nyams dga' zhing mi dang skye bo mang pos gang ba 'di dang bskyed// mo'i tshal dam pa mchog me tog dang / 'bras bu rnam pa sna tshogs kyis brgyan pa/ bya'i tshogs sna tshogs sgra skad yid du 'ong ba 'byin pa 'di dag dang / rdzing me tog ut+pa la dang / pad+ma dang / ku mu dA dang / pad+ma dkar pos mdzes par gyur pa ngang ba dang / rma bya dang / khu brug dang / dung ba dang / khrung khrung dang / dang s+ya sgra skad 'byin pa/ shing a mra dang / mya ngan tshang dang / tsam
- 157a
pa ka dang / kur ba ka dang / ke sa ra la sogs pa shing me tog chags pa sna tshogs kyis 'gram 'khor ba/ rin po che'i shing sna tshogs kyi 'phreng gis legs par brgyan pa/ mig mangs ris su bkod pa/ rin po che sna tshogs kyi stegs bus bskor ba/ rin po che'i dra ba bres pa/ dus ji lta ba bzhin du yongs su spyad pa/ dgun dang dbyar dang ston dang dpyid gnas par bde ba rnams dang / khang bzangs chen po chos dang / chos bzang dang / bde ba dang / mya ngan bral ba la sogs pa rnam par rgyal ba'i khang pa lta bu ston ka'i sprin 'dra ba/ gangs te se lta bu stegs bu dang / sgo khang dang / rta babs dang / skar khung dang / bsil khang dang / khang pa brtsegs pa dang / khyams kyis legs par brgyan pa/ rin po che'i dril bu g.yer ka'i dra ba sgra 'byung ba 'di dag dang / btsun mo'i 'khor dang / rol mo'i cha spyad rgyud cig pa dang / pi wang dang / khar rnga dang / gling bu dang / khar ba'i sil khrol dang / pheg dang / kim pa la dang / na gu la dang / sgra snyan dang / rdza rnga dang / ba Ta ha dang / glu dang / gar dang / rol mo'i dbyangs sgra dang / glu dbyangs sbyar ba legs par bslabs pa dgod pa dang / 'jo ba dang / rtse ba dang / dga' ba dang / tshul du shis pa dang / spyod pa mdzes pa 'di dang ni ldan la/ lha khyod kyang dar ni ma yol te/ gzhon pa thor bu dar la bab pa/ lus 'jam pa/ lang 'tsho la bab pa/ dbu skra gnag pa/
- 157b
'dod pa la ma ral pa lags kyis/ sum cu rtsa gsum pa'i bdag po mge stong dang ldan pa/ lha'i bdag po lta bu rang shig dgyes par rol la/ srad kyis bkres nas mngon par 'byung bar mdzod cig/ de'i tshe tshigs su bcad pa 'di yang smras so// sum cu rtsa gsum 'jig rten lha dbang ltar// dgyes pa'i cho ga mkhyen pa dgyes par rol// slad kyis bgres par gyur nas brtul zhugs dang / / dka' thub dag ni yang dag brtsams par mdzod// byang chub sems dpas smras pa/ 'dun pa mi dgos te/ 'dod pa 'di dag ni mi rtag pa/ mi btan pa// ther zug ma yin pa/ 'gyur ba'i chos can myur du 'gro ba g.yo ba ri gzar po'i chu'i shugs dang 'dra ba/ bil ba'i thig pa ltar ring du mi gnas pa/ lag pa bcangs pa stong pas byis pa ltar snying po med pa/ chu shing gi si po ltar mthu med ga snod so ma btang ba ltar mthar 'jig pa/ ston ka'i sprin ltar skad cig byung nas med par 'gyur ba/ nam mkha'i glog ltar ring du mi gnas pa/ dug dang bcas pa'i snod ltar 'gyur/ ba'i sdug bsngal can/ 'khri shing ma lu ta ltar mi bde ba 'byin pa/ byis pa'i blo can rnams kyis 'dod par bya ba/ chu'i chu bur myur du 'gyur ba'i chos can/ smig rgyu ltar 'du shes phyin ci log las byung ba/ sgyu ma ltar sems phyin ci log gis rnam par bsgrubs pa/ rmi lam ltar lta ba phyin ci log gis yongs su zin pa/ rgya mtsho gang dka' ba ltar ngoms ma shes par byed pa
- 158a
tsha chu ltar skom par byed pa/ sbrul gyi mgo ltar reg par bya dka' ba/ g.yang sa chen po ltar mkhas pa rnams kyis yongs su spangs pa/ shes rab can rnams kyis 'jigs pa dang bcas pa dang / rtsod pa dang bcas pa dang / nyes pa dang bcas pa dang / skyon dang bcas par shes nas/ rnam par spangs pa/ rig pa rnams kyis smad pa/ 'phags pa rnams kyis bshungs pa/ mkhas pa rnams kyis ma bsngags pa/ mi mkhas pa rnams kyis yongs su bzung ba/ byis pa rnams kyis bsten pa yin no// de'i tshe tshigs su bcad pa 'di yang smras so// mkhas pa rnams kyis sbrul gyi mgo bzhin spangs// ngan skyugs snod bzhin mi gtsang rnam par spangs// 'dun pa dge ba thams cad 'jig byed par// 'dod pa shes nas nga ni dga' mi skye/ / de'i tshe 'dun pa zug rngus zug pa bzhin du skad phyung ste ngu zhing de nas mig nas mchi ma zag la/ sdug bsngal zhing tshig 'di skad ces smras so// lha cig gang gi don du 'di na kha cig/ brtul zhugs rnam pa mang po rtsom ste ri dgas lpags pa 'chang // skra dang sen mo ag com ring du 'jog cing de bzhin shing shun gyon la yan lag skams shing brtul zhugs gnas/ sred pa dang ni ldam ldum dag dang ma 'drus 'bras ze kha cig spyi'u tshugs 'dug dang ba lang brtul zhugs gnas/ ji ltar bdag cag 'gro ba'i gtso bo khyod 'phags 'khor lo sbyor ba mchog dang de bzhin
- 158b
'jig rten skyong ba dang / / brgya byin rdo rje 'chang dang 'thab bral lha dbang 'phrul par 'gyur snyam tshangs pa'i 'jig rten bsam gtan bde ba 'dod// mi yi dam pa khyod kyi rgyal srid 'di ni shin tu 'byor cing rab tu rgyas la shin tu lo legs pa/ de bzhin kun dga' ra ba dag dang skyed mo'i tshal dang khang bzangs mthon po rnam par rgyal ba'i khang pa mtshungs// bud med 'di dag rnams kyang pi wang dang ni gling bu dag dang glu dang rol mo'i dbyangs sgra len cing mchis/ / dga' bar bgyid dang gar dang glu dbyangs sbyar ba shin tu bslabs pa 'di dag spyod cing des pa ma bzhud cig khyang chub sems dpas smras pa/ 'dun pa nyon cig 'dod pa'i rgyus ni sngon gyi tshe rabs dag na bcings dang ma tsas dang brdeg dang bsdigs pa sdug bsngal brgya dag ngas ni bzod byas 'dus byas rnams ya nga yI yid byung byas ma gyum/ sngon chan bag med namang du song zhing gti mug dkrug la lnga ba'i dra bas dkris dashi un gyur tshwa 'di mi shwe pa 'byung ste ba dag tu 'du ga 'dzin/ rnam ma thams cad g.yo zhing 'gyur la mi rtag sprin dang mtshungs shing glog dang 'dra ste zil pa'i thigs pa 'dra zhing gsogs gsarnga snying po med la bag yod ma yin stong par gyur pa ste// nga yi yid ni yul la chags pa med kyis 'dun pa rta rgyal dam pa bsngags ldan nga byin nga sngon bsams pa'i bkra shis rdzogs kyis thams cad zil gnon chos kun dbang phyug chos rgyal thub par 'gyur/ / 'dun pas spras pa/ pad+ma 'dab ma rgyas pa 'dra ba'i mig ldan zhing // do shal nor bu rin chen sna tshogs rnams kyis brgyan// mkha' la sprin tshogs dag las byung ba'i/
- 159a
glog 'drab// mal na rnam par mdzes pa 'di la mi gzigs sam// bair lding dang ni kharda dag dang sgra snyan dang // rnga rnga dag dang gling bu glu dbyangs len pa dang // bya ba rma bya ka la bing+ga sgra 'byin pa/ / mi 'am ci'i khyim 'dra 'di yang dor lags sam// su ma na dang ut+pa la dang ba ra sha ka/ tsam ba ka dang dri mchog 'phrang ba me tog brgyus// dus kyi a ga ru mchog bdug pas rab bdugs dang / / byug pa dam pa de dag la yang mi gzigs sam// shin tu dri bda' dri ldan ro bro gya nom dang / skyu rum dag dang bshos gtsang shin tu legs sbar dang // skyems kyi ro yang kha ra bcas par rab sbyar ba// 'di la'ang mi gzigs par ni lha khyod gang du bzhud// grang ba'i dus na byug pa dro ba dam pa dang // tsha ba'i dus na tsan dan sbrul gyi snying po dang / / ka shi pa yin bza' bzang po mang po dang // de dag la yang mi gzigs lha khyod gang du bzhud// lha yul dag na lha rnams dag ni ci 'dra bar// 'dod pa'i yon tan lnga po 'di dag rab 'byor pa/ / dga' zhing bde dang ldan la dgyes par rol mdzod de// de nas shAkya'i dam pa nags tshal bzhud par mdzod// de nas byang chub sems dpas smras pa/ bdun pa ngas ni bskal pa mtha' yas dpag tu med par gzugs dang sgra dang dri dang ro dang reg dang mi dang lha yi 'dod pa rnam pa sna tshogs spyad kyang ngoms par gyur pa med// rgyal po'i
- 159b
sras mchog gyur te dbang phyug byas shing gang tshe gling bzhi dag tu 'khor lo sgyur ba'i rgyal por gyur nas rin chen sna bdun ldan zhing bud med dag gi nang na 'dug pa dang / / sum cu rtsa gsum dbang dang 'thab bral rab kyi lha dbang byas shing de dag nas ni shi 'phos 'dir 'ongs sprul pa'i lha yi nang na yid 'ong dpal ldan dam pa nga yis sngon chad spyad/ / lha yi gnas su dbang sgyur bdud kyi dbang po byas shing 'dod pa 'byor pa mchog tu spyad kyang ngoms ma gyur na da ci dman pa 'di la bsten pas nga ngoms 'gyur ram de ni gnas min no/ / gzhan yang 'dun pa nga ni sdug/ bsngal mya ngan dgon pa'i 'khor bar gnas pa nyon mongs gdugs pas dkrugs shing nyam ngas rtag tu khyer te mgon med skyabs med cing // gti mug ma rig mun pa dag ni rga dang na dang 'chi/ ba'i 'jigs pa dag gis nyen la skye ba'i sdug bsngal dgra yis kun tu gnon cing rnam par gnon pa'i 'gro ba 'di bltas nas// ngas 'dir chos kyi gru bzang gtod dang tshul khrims brtul zhugs bzod pa brtson 'grus stobs can dag gi shing tshogs gsogs te sbyar nas lhag pa'i bsam pa snying po ldan pa rdo rje lta bus gzugs btab sbyar/ / gru de rang nyid zhugs nas b dag gis 'gro ba mtha' yas pa dag 'khor ba'i chu bo 'dal bar che ba khro ba'i dba'arlabs ldan pa 'dod chags 'dzin khri gling 'khyil dgra yis rnam par dkrugs pa rgal bar dka' las
- 160a
bsgral lo snyam steng sems de 'dra'o/ / de phyir srid mcho grar bcas lta bu'i 'dzin khri dang // nyon mongs srin po yod pa 'di las bdag rgal te// bdag nyid rgal bar gyur nas 'gro ba mtha' yas pa/ / rga med 'chi med zhi ba'i thang la dgod par bya// de'i tshe 'dun pa de bas kyang rab tu ngu zhing 'di skad ces smras so// lha de ltar nges par mdzad dam byang chub sems dpas smras pa/ 'dun pa nga yis nges par byas pa nyon// sems can dgrol phyir phan par bya phyir brtson// mi g.yo las kyang mi g.yo gnod pa med// ri rgyal lhun po lta bur brtan mi g.yo// 'dun pas smras pa/ jo bo'i nges pa ci 'dra ba zhig lags/ byang chub sems dpas smras pa/ rdo rje gnam lcags dgra sta mdung thung mda' char dang / lcags bskol glog gi tshogs ltar rab tu 'bar ba dang // ri rtse kun tu 'bar ba mgo stong rab 'bab kyang // nga ni khyim la 'dod pa'i phyir yang mi skyed do// de'i tshe lha'i bu nam mkha' la 'khod pa dag gis ca co dang gzha'i sgra brgya stong phyung ste/ me tog gi ra snga phab nas/ tshigs su bcad pa 'di dag smras so// yul rnams la ni yid kyang ma chags shing // sems can dag pa snying rje snying bcer ldan// blo gros mchog ldan rgyal gyur rgyal gyur cig/ mgon po 'gro la mi 'jigs skyon mdzad pa// mkha' la rdul gnag du ba mjug rings dag
- 160b
mi chags bzhin du skyes mchog thugs mi chags/ / dri med yul gyi bde bas mi gos te// chu las pad+ma ji ltar 'phags pa bzhin// dge slong dag de nas lha'i bu zhing / blo gros dang / lha'i bu tse ba bkod pas/ byang chub sems dpa'i nges pa rig nas/ ser skya'i gnas kyi grong khyer chen po'i skyes pa dang / bud med dang / khye'u dang / bu mo thams cad gnyid kyis log par byas so/ / sgra thams cad kyang mi grags par byas so// dge slong dag de nas byang chub sems dpas grong khyer gyi skye bo thams cad gnyid kyis log par rig/ nam gyi gung la bab par rig nas/ skar ma'i bdag po rgyal dang ldan par rig/ de kho na mngon par 'byung ba'i dus la bab par rig nas/ 'dun pa la smras pa/ 'dun pa da skyo bar ma byed par rta bsngags ldan 'as brgyan te/ ma thogs par nga la byin/ byang chub sems dpas tshig de skad smras ma thag tu/ de nas skad cig de nyid la rgyal po chen po bzhis/ byang chub sems dpa'i tshigs thos nas// rang rang gi gnas nas byung ste/ byang chub sems dpa' la mchod pa'i las kyi phyir rang rang gi bkod pas rings rings par yang ser skya'i gnas kyi grong khyer chen por 'ongs so// de nas dri za'i bdag po rgya mtshan po yul 'khor srungs ni dri za bye ba khrag khrig brgya stong phrag du ma dag dang lhan cig tu sil snyan dang / glu dbyangs sna tshogs len cing / shar phyogs nas 'ongs par gyur to//
- 161a
'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i shar phyogs nyid du gnas nas byang chub sems dpa' la phyag 'tshal zhing 'dug go/ / rgyal po chen po 'phags skyes po ni grul bum mu tig gi do shal sna tshogs lag na 'phyang ba nor bu rin po che sna tshogs thogs pa/ spos chu sna tshogs kyis gang ba'i bum pa thogs pa bye ba khrag khrig brgya stong phrag du ma dag dang lhan cig tu lho phyogs nas 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i lho phyogs nyid du gnas nas/ byang chub sems dpa' la phyag 'tshal zhing 'dug go// rgyal po chen po mig mi bzang ni klu mu tig gi do shal sna tshogs lag na 'phyang ba/ nor bu rin po che sna tshogs thogs pa/ spos kyi phye ma dang / me tog gi char gyi sprin kun nas spong ba'i rlung dal zhing dri zhim pa sna tshogs gtong ba bye ba khrag khrig brgya stong phrag du ma dag dang lhan cig tu nub phyogs nas 'ongs par gyur te/ 'ongs nas kyang ser skya gnas kyi grong khyer chen po la bskor ba byas te/ ji ltar 'ongs pa'i nub phyogs nyid du gnas nas byang chub sems dpa' la phyag 'tshal zhing 'dug go// rgyal po chen po lus ngan ni gnod sbyin nor bu rin po che skar ma'i 'od zer thogs pa lag na mar me thogs pa/ sgron ma 'bar ba lag na thogs pa/ mda' gzhu dang / ral gri dang / mdung thung dang / mtshon rtse gnyis pa dang
- 161b
rtse gsum pa dang / 'khor lo dang / mtshon rtse gcig pa dang / 'phangs mdung la sogs pa/ mtshon cha sra ba thogs/ go cha dang ya lang srab bgos pa/ bye ba khrag khrig brgya stong phrag du ma ngag dang lhan cig tu byang phyogs nas 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i byang phyogs nyid du gnas nas/ byang chub sems dba' la phyag 'tshal zhing 'dug go/ / lha'i dbang po brgya byin yang sum cu rtsa gsum pa'i lha/ lha'i me tog dang / spos dang // 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / me tog rna rgyan dang / rgyan thogs pa rnams dang lhan cig tu 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i steng gi bar snang la 'khor dang bcas te/ byang chub sems dpa' la phyag 'tshal zhing 'dug go// dge slong dag de ltar 'dun pas/ byang chub sems dpa'i tshig thos nas/ mig mchis mas gang zhing 'bral sa sa dpa' la 'di skad ces smras so// jo bo khyod ni dus mkhyen pa da byed pas mkhyen pa lags na/ da ltar ni bzhud pa'i dus dang tshod ma lags na/ ci'i slad du bka' de skad stsal/ byang chub sems dpas smras pa/ 'dun pa da ni dus la bab po// smras pa/ jo bo gang gi dus la bab/ byang chub sems dpas smras pa/ sems can rnams kyi don
- 162a
ni tshol ba na/ / byang chub rga shi med pa'i gnas thob nas// 'gro ba dgrol zhes nga yis yun ring nas// smon lam btab pa de yi dus la bag/ de la 'di ni chos nyid de/ de la 'di skad ces bya ste/ sa bla ba dang bar snang de bzhin skyong // lha dbang brgya byin rang gi phyogs dang bcas// 'thab bral lha dang dga' ldan 'phrul dga' dang // gzhan 'phrul dbang byed lha rnams brtson par 'gyur/ / klu rgyal chu lha dang ni gzi can dang // ma dros pa dang de bzhin rgya mtsho yang // mi mchog mngon par 'byung ba'i dus bab pas// de dag rnams kyang mchod phyir brtson par 'gyur/ / gang dag gzugs na spyod pa'i lha rnams dang // rtag tu bsam gtan spyod yul rab zhi spyad// de dag rnams kyang 'jig rten gsum mchod pa// mi mchog de la mchod phyir mngon par brtson/ / sngon spyad spyod tshe grogs por gyur pa yi// byang chub sems dpa' phyogs bcu lhags pa yang // rgyal ba mngon par 'byung ba lta byed cing // rjes su mthun pas mchod pa bya snyam byed/ / gsang ba'i bdag po bdag nyid chen po do// rdo rje 'bar thogs nam mkha'i dkyil na gnas// lus la go bgos stobs brtson rtsal dang ldan// gsang ba lag na rdo rje 'bar ba thogs/ / lha'i bu nyi ma zla ba de gnyis kyang // g.yas dang g.yon na rab tu gnas par gyur// sor mo bcu yi thal mo sbyar byas te// mngon par 'byung la rjes su rtogs par byed// skar ma
- 162b
rgyal de 'khor dang bcas pa yang / / rang gi lus ni rgya chen sprul byas te// mi yi dam pa de yi mdun 'dug nas// yid du 'ong ba'i sgra ni rab 'byin te// skar ma rgyal ldan bzhud pa'i dus la bag// do nub khyod dge bkra shis thams cad grub// bdag kyang khyod dang thabs cig mchi bar bgyi// 'dod chags sel ba bar chad 'byung ma gyur// lha bu yang dag srul pos bskul byas pa// stobs/ dang brtson 'grus 'phags pa myur du bzhengs// sdug bsngal nyen pa'i sems can thams cad sgrol// da ni mngon par 'byung ba'i dus la bab// lha rnams bye ba stong phrag mang po yang / yid 'ong me tog char pa 'debs shing lhags// de ni skyil mo krung bcas mchog la 'dug/ lha yis bskor cing mdzes la gzi brjid 'bar// grong khyer na ni skyes pa bud med khye'u dang bu mo gang yod pa/ / de dag thams cad yid ngal gyur nas nyal te spyod lam rnams las nyams// rta dang glang po ba lang ne tso khrung khrung rma bya ri skegs rnams// de dag kun kyang yid ngal gyur pa nyal te// de dag gzugs mi mthong // shAkya'i bu gang rdo rje sra ba mtshon cha rtse gnyis thogs bkod dang // glang chen rta dang shing rta rta babs mchog drung bkod pa de dag nyal// rgyal po rgyal bu rgyal po'i skye bo kun kyang gnyid log par gyur/ / bud med tshogs rnams gnyid log gos bral ba cer bur gyur kyang yod mchor// de ni tshangs dbyangs yid du 'ong tshig ka la 'di'i sgra dbyangs kyis//
- 163a
nam phyed 'das te nam gyi gung la bab nas 'dun pa de la smras// 'dun pa rta po bsngags ldan bzang ba legs par nga la byin// gal te nga la byams par sems na bgegs ma byed par myur du byin/ / 'dun pas tshig thos mchis mas mig gang rang gi jo bo de la smras// sems can kha lo sgyur mchog gar bzhud bcibs pas khyod la ci zhig bgyi// dus mkhyen cing ni chod mkhyen chos spyod gang du'ang gshegs pa'i dus ma lags/ khyod kyi sgo bkus gtan pa dam stsal su yang chab sgo 'byed mi 'gyur// brgya byin gyi ni yid kyi sems 'i dbang gis sgo yang 'bye bar gyur/ / 'dun pas de 'dra mthong nas dga' zhing sdug bsngal de ni mchi ma 'khor// kyi hud bdag grogs su yod ji ltar bya zhing phyogs ni gar brgyug snyam// gzi brjid ldan pas drag shul can gyi tshig spras brgya byin 'ba' shig thos// yan lag bzhi ldan dpung bcas pa 'di ni ci zhig byed// rgyal po rgyal bu rgyal po'i skye bo de dag rnams kyis de ma tshor/ bud med tshogs kyang gnyid log lha rnams kyis ni grags ldan gnyid log byas// kyi hud 'di yis sngon chad bsams pa'i smon lam thams cad grub gyur cig/ lha stong bye ba de dag dga' ba'i yid kyis 'dun pa de la smras/ / 'dun pa rta mchog bsngags ldan legs par phul cig 'dun pa skyo mi bya// lha dang lha min ngag gis rnga dung rdza rnga rol mo khrag khrig byas// 'on kyang
- 163b
lhas bsnyal ba yi grong khyer mchog 'di sad par yong ma gyur/ / bdun pa bar snang dri ma med pa lha yi 'od rab mdzes la ltos// khyod kyis byang chub sems dpa' bye ba mang po mchod phyir gang lcags ltos/ / bde sogs khyim thab brgya byin dpung bskor sgo na mdzes par 'dug pa dang // lha dang lha min mi 'am ci tshogs gang dag mchod phyir lhags la ltos// 'dun pa des kyang lha tshig de thos bsngags ldan rta po de la smras/ / sems can kha lo sgyur mchog 'di bzhud khyod ni rta skad sgrogs shing shog/ de yis dbyar gyi kha dog can de rmig pa gser gyis brgyan byas nas// yid mi dga' bzhin yon tan rgya mtsho mnga' ba'i chibs par dbul ba byas// mtshan mchog mnga' zhing phan mdzad khyod kyi chibs 'di rigs bzang dge ba lags// khyod kyis sngon chad gang dgos smon lam de grub gyur cing gshegs su gsol/ / gang dag bgegs bgyid zhi bar gyur cig dgongs pa'i brtul zhugs grub gyur cig/ 'gro ba kun la bde dang mtho ris pa dang zhi ba sbyin gyur cig/ de ni gang che mal nas langs tshes 'di thams cad rnam drug g.yos// rta rgyal dam pa zla ba nya ba'i dkyil 'khor 'dra ba de la zhon// skyong ba'i lag pa rnam dag pad+ma dri med 'dra bas rta mchog bteg/ brgya byin tshangs pa de gnyis de yi mdun na lam ni 'di zhes ston// de yis gsal ba dri ma med pa'i 'od btangs sa rnams snang bas gsal//
- 164a
de tshe ngan song kun zhi sems can bde ldan nyon mongs gnod pa med// me tog char bab sil snyan bye ba sgra byung lha dang lha min bstod// thams cad dga' dang / ldan nas grong khyer mchog la bskor ba byas te dong // skyes bu chen po song bas grong khyer dam pa'i lha yang yid ni dman par gyur nas 'ongs// mdun du 'dug nas snying rjer ngu ba'i yid ldan de yis pad+ma 'dra ba'i bzhin la smras/ / khyod bral sgren mor mi mdzes sa 'di grong khyer thams cad mun pas kun tu dkrugs par gyur// do nub khyod kyis khab 'di spangs nas bdag la dga' ba de bgyid pa 'di na 'ga' ma mchis/ / slan chad bya tshogs rnams kyi sgra dag dang // grags pa mtha' yas khyod ni sad bgyid pa'i// btsun mo'i 'khor gyi gling bu snyan pa dang // bkra shis sgra dang glu sgra thos mi 'gyur// nyon mongs bcom pa khyod ni gshegs gyur na// gdugs mtshan khyod la mchod pa bgyid pa yi// lha dang grub tshogs slan chad mthong mi 'gyur// lha yi dri yang slan chad snom mi 'gyur// 'phreng ba btags nas zhag lon gyur pa ltar// khyod kyis do nub pho brang de bzhin spangs// khyod bzhud slan chad gzi brjid dpal ma mchis// gar la lta ba bzhin du bdag la lta/ / grong khyer kun gyi byin dang stobs phrogs te// 'di ni dgon pa 'dra zhing mdzes ma lags// gang gis sa 'dir 'khor la stobs can du// lung bstan drang srong
- 164b
tshig ni deng brdzun gyur/ / bsod nams sdong po chen po khyod byung na// sa 'di shAkya'i stobs ni stobs ma mchis// rgyal po'i pho brang 'khor 'dir gdung yang 'chad// shAkya'i tshogs 'di bsam pa rab tu nyams/ / dri med dri bral khyod ni gar bzhud par// bdag kyang khyod dang lhan cig mchi bar bgyi// 'on kyang thugs brtse thugs rje bskyed nas ni// khod kyis pho brang 'di la gzigs su gsol/ / blo gros ldan pa khyim la bltas nas ni// snyan pa'i nga ros 'di skad tshig smras te// skye 'chi mthar phyin ma thob bar du ni// ra yis ser skya'i grong khyer 'jug mi bya// rga shi med pa'i gnas mchog 'chi med pa/ / byang chub dam pa nga yis ma thob par// nga ni ser skya'i gnas su mngon phyogs te// 'greng 'dug nyal dang 'chag par mi bya'o// gang tshe 'gro ba'i gtso bo pa/ byang chub sems dpa' de byung zhing // de ni mkha' la 'gro ba'i tshe// lha yi bu mo rnams kyis bstod// 'di ni sbyin pa'i gnas chen yin// 'di ni bsod nams zhing chen yin// 'di ni/ bsod nams 'dod pa'i zhing // 'chi med 'bras bu smin mdzad pa// sems can rnams la thugs rdzebs// 'di yis bskal pa bye mang du// sbyin dang dul dang sdom pa yis// 'dis ni byang chub yang dag bsgrubs/ / 'di yi tshul khrims yongs su dag/ brtul zhugs bzang zhing spyod ma nyams// 'dod pa dag dang longs spyod rnams// don du mi gnyer tshul khrims srung //
- 165a
sems can yongs su bskyab pa'i phyir// 'di ni rtag tu bzod pa gsungs// yan lag nyid lag bcad gyur kyang // khro ba mi mnga' sdang mi mnga'// 'di ni rtag tu brtson 'grus ldan/ / bskal pa bye bar skyo mi mnga'// 'di yis byang chub yan lag bsgrubs// mchod sbyin dag ni bye ba mdzad// 'di rtag bsam gtan bsam gtan pa// thugs ni zhi zhi rab tu zhi/ / nyon mongs thams cad bsregs nas ni// sems can bye ba 'grol bar 'gyur// 'di ni shes rab chags mi mnga'// rtog dang rnam par rtog ldan las// grol zhing thugs ni rnam grol te/ / rang byung ba yi rgyal bar 'gyur// 'di ni rtag tu byams thugs ldan// thugs rje yi ni pha rol byon// dga' dang btang snyoms bsam gtan pa// tshangs pa'i lam gyi cho ga mkhyen/ / 'di ni shin tu lha yi lha// lha rnams kyis ni mchod pa'i 'os// thugs dge dag cing dri ma bral// yon tan khrag khrig pha rol byon// 'jigs pas gnyen pa rnams kyi skyabs// mig med rnams kyi sgron ma ste// gnod pa rnams kyi skyabs kyang lags// rings nas na ba'i sman pa lags// rgyal po dam pa chos kyi rgyal// dbang po lta bur spyan stong mngag/ tshangs pa lta bur rang byung gyur/ / lus dang sems ni rab sbyangs pa// brtan zhing shes rab rab tu mang // dpa' zhing thugs ni 'dod chags bral// nyon mongs 'joms pas dpa' bo ste// ma rgyal
- 165b
dgra las rgyal ba lags/ / seng ge lta bur bsnyengs pa spangs// glang po lta bur rab dul thugs// khyu mchog lta bur tshogs kyis gtso// bzod de 'khrugs pa rab tu spangs// zla ba lta bur/ rab tu gsal// nyi ma lta bur snang ba mdzad// sgron ma lta bur gsal mdzad pa// skar ma lta bur mun pa bral// pad+ma lta bur chags mi mnga'// me tog lta bur khrims dri gda'// ston pa lhun po ltar mi g.yo/ / dog sa lta bur ba sos su gyur// rin chen 'byung gnas ltar mi 'khrugs// 'di ni phung po'i bdud las rgyal// 'di ni 'chi bdag bdud las rgyal// 'di ni lha yi bdud kyang bcom/ / 'di ni ded dpon chen po ste// lam ngan ngag na gnas rnams la// yan lag brgyad pa lam gyi mchog/ ring por mi thogs ston par 'gyur// rga shi nyon mongs 'joms pa po// mun pabapa rab rib rnam par grol/ / sa dang lha yul grags pa yi// rang byung rgyal bar byon pa lags// skyes bu mchog gi gzugs mnga' ba// dpag tu med la bstod pas bstod// khyod la bstod pa'i bsod nams des/ / sba ba'i seng ge 'dra bar shog/ dge slong dag de ltar byang chub sems dpa' mngon par byung nas// shAkya'i yul dang / ko'u ta'i yul dang / gyad yul las 'das te/ me ne ya'i yul gyi grong rdal rjes su dpag pa zhes bya ba nas/ dpag tshad drug tu byang chub sems dpa' phyin pa dang / nam nangs par gyur to// de nas byang chub sems dpa'
- 166a
rta bsngags ldan las babs te/ / sa la 'dug nas/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i tshogs chen po slar bkye'o// slar bkye nas kyang de 'di snyam du sems te/ rgyan 'di dag dang / rta bsngags ldan yang 'dun pa'i lag tu gtad de/ slar btang ngo snyam mo// de nas byang chub sems dpas 'dun pa la bos te/ 'di skad ces smras so// 'dun pa khyod song la rgyan 'di dag dang / rta bsngags ldan khyer te slar log cig/ sa phyogs gang nas 'dun pa slar log pa der mchod rten brtsigs te/ / ding sang du yang mchod rten de la 'dun pa slar log pa'i mchod rten zhes grags pa yin no// yang byang chub sems dpa' 'di snyam du sems te/ ji ltar na gtsug pud kyang yod la rab tu byung ba zhes bya bar yang 'gyur snyam nas/ des ral gris gtsugs bud bcad de bar snang la bor ba dang / de sum cu rtsa gsum pa'i lha rnams kyis mchod pa'i phyir blangs te/ ding sang du yang sum cu rtsa gsum pa'i lha rnams gtsug phud kyi dus ston byed do// der mchod rten yang byas te/ ding sang du yang mchod rten de gtsug pud blangs pa'i mchod rten zhes ming du chags so/ / yang byang chub sems dpa' 'di snyam du sems te/ rab tu byung nas yang gos ka shi ba gyon pa ji ltar rung gi gal te nags tshal gyi gnas nas/ tshul dang mthun pa'i gos shig/
- 166b
rnyed na ni legs so snyam du sems pa dang / de nas gnas gtsang ma'i ris kyi lha rnams 'di snyam du sems te/ byang chub sems dpa' la ngur smrig bgos par gyur to snyam mo// de na lha'i bu gcig lha'i gzugs mi mngon par byas te/ rngon pa'i gzugs lta bus gos ngur smrig bgos nas/ byang chub sems dpa'i mdun du phyin to// de nas byang chub sems dpas de la 'di skad ces smras so/ / gal te grogs po khyod kyis gos ngur sprigs de rnams kho bo la byin na kho bo'i gos ka shi pa 'di rnams kyang khyod la sbyin no// des smras pa/ gos 'di dag kyang khyod la mdzes la/ 'o na rnams kyang kho bo la mdzes so/ / byang chub sems dpas smras pa/ kho bos khyod la bslang ngo // de nas lha'i bu rngon pa'i gzugs lta bu des gos ngur smrig rnams byang chub sems dpa' la byin te/ gos ka shi pa rnams kyang blangs so/ / de nas lha'i bu des gus pa bskyed de/ lag pa gnyis kas gos de dag blangs nas spyi bo la bzhag ste/ de dag la mchod pa dang / bkur bsti bya ba'i phyir/ de nyid nas lha'i 'jig rten du song ngo / / de yang 'dun pas mthong bar gyur nas der mchod rten du brtsigs te/ ding sang du yang mchod rten ngur smrig blangs pa zhes ming du chags so// gang gi tshe byang chub sems dpas gtsug bud bcad nas/ gos ngur smrig rnams bgos pa'i tshe/ lha'i bu brgya stong dag dga' zhing mgu la tshim zhing yi rangs te/ mchog tu rab tu dga' nas dga' ba dang /
- 167a
yid bde ba skyes te/ kye grogs po dag gzhon nu don grub rab tu byung ngo // kye grog po dag gzhon nu don grub rab tu byung ngo // de ni bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor bar 'gyur te/ sems can skye ba'i chos can grangs med pa dag skye ba las yongs su 'grol bar 'gyur ba nas/ rga ba dang / 'chi ba dang / na ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las sems can rnams yongs su bkrol te/ 'khor ba'i rgya mtsho'i pha rol tu sgral nas/ bde ba 'jigs pa med pa/ mya ngan med pa/ gnod pa med pa/ zhi ba rdul dang bral ba 'chi ba med pa'i chos kyis dbyings la 'god par 'gyur ro// zhes pa nas a la la zhes bya ba dang / ca co dang ga zha'i sgra skad phyung bar gyur to// sgra de yang gcig nas gcig tu brgyud nas/ 'og min gyi gnas kyi bar du grag par gyur to// de nas btsun mo'i 'khor/ rnams kyis gzhon nu ma mthong nas/ dpyid dang dgun dang dbyar gnas pa'i khang bzangs rnams dang / khri rnams dang / khyim rnams su tshol zhing gang gi tshe/ ma rnyed pa de'i tshe/ gcig tu 'dus nas bya ku ra ra mo bzhin du dus mo mthon par gyur to/ / de na bud med kha cig ni shin tu mya ngan gyis nyam thag nas/ kha dzin chung zhes me ci mo// 'tshan ni kyi chu ming po zhes 'dzin cing dru'o// kha cig ni kyi hud khyim tha ba ces/
- 167b
'dzer to// kha cig ni rje bo zhes 'dzer to// kha cig ni sdug pa'i tshig sna tshogs smra'o// kha cig ni lus rdeb cing ngu'o// kha cig ni mgo 'bal lo// kha cig ni gcig gi gdong du gcig/ lta zhing du'o// kha cig ni mig bsgyur cing ngu'o// kha cig ni lag pa brla la rdeb cing ngu'o// kha cig ni brang brdung zhing du'o// kha cig ni lag pa dpung bar rdob cing du'o// kha cig ni mgo rdung zhing du'o/ / kha cig ni mgo las 'thor zhing du'o// kha cig ni sgra 'jig cing ngu'o// kha cig ni sgra 'bal zhing du'o// kha cig ni lag pa bstod de bsgreng nas cho ngo 'don te/ kha cig ni ri dgra mo dug mdas phog tu glo bur rgyug cing ngu'o/ / kha cig ni gdong gos kyis g.yogs shing ngu'o// kha cig ni chu shing rlung dmar gyis bskyod pa bzhin du lus 'khyor zhing du'o// kha cig ni sa la 'gyel te ma shi tsam du gyur to/ / kha cig ni nya chu nas bton pa bzhin du sa la 'gre ldog cing ngu'o// kha cig ni shing rtsa nas bton pa bzhin du glo bur dus la 'gyel nas du'o// sgra de yang rgyal pos zos nas shAkya rnams la smras pa/ ci'i phyir btsum mo'i 'khor na sgra chen po 'di grag/ shAkya rnams kyis shwe nas spral rgyal po chen po gzhon nu btsun mo'i 'khor na mi gda' zhes gda'o// rgyal pos smras pa/ myur du grong khyer gyi sgo rnams chod la nang du gzhon nu tshol cig/ de dag gis phyi nang du btsal kyang ma rnyed nas/ skye dgu'i bdag mo chen mo go'u ta mi smre sngags 'don te sa la 'gre ldog cing / rgyal po zas gtsang ma la 'di skad
- 168a
ces smras so/ / rgyal po chen po bdag bu dang myur du sprad du gsol/ de nas rgyal pos phyogs bzhir pho nya rta pa bkye ste/ khyed deng la gzhon nu ma rnyed kyi bar du slar ma ldog shig/ mtshan mkhan dang / ltas mkhan rnams kyis kyang / byang chub sems dpa' ni bkra shis kyi chab sgo nas mngon par 'byung ngo zhes lung bstan nas de dag bkra shis kyi sgor dong ba dang / lam gyi bar zhig na me tog gi char bab par mthong ngo // de nas de dag 'di snyam du sems te/ gzhon nu ni lam 'di dag nas byung ngo snyam nas/ de dag cung zad cig pha zad du song ba dang / lha'i bu byang chub sems dpa'i gos ka shi ba rnams mgo la thogs te/ 'gro ba de mthong nas/ de dag 'di snyam du sems te/ 'di dag ni gzhon nu'i gos ka shi ba rnams yin na/ gos 'di dag gi phyir 'dis gzhon nu bsad de 'di dag khyer bar ma gyur tam snyam mo// de nas yang de dag gis de'i phyi bzhin du 'dun pa rta bsngags ldan dang rgyan rnams thogs te 'ong ba mthong ngo / / de nas de dag phan tshun du smras pa/ kye 'dun pa rta bsngags ldan khrid de 'ong gis de la ma dris kyi bar du hur 'dums ma byed cig ces smras nas/ de dag gis 'dun pa la dris pa/ kye 'dun pa gos ka shi pa 'di dag gis phyir mi 'dis gzhon nu bkrongs par ma gyur grang / 'dun pas smras pa/ de lta ni ma yin te/ 'dis kyang gzhon nu la
- 168b
gos ngur smrig rnams phul lo/ / gzhon nus kyang na bza' ka shi ba'adi rnams la byin no// de nas lha'i bu des de dag mchod pa'i phyir/ gos de rnams lag pa gnyis kas spyi bo la thogs te/ de nyid nas lha'i 'jig rten du song ngo // de dag gis 'dun pa la yang dris pa/ 'di ji snyam du sems/ kho bo cag shAkya gzhon nu zlog tu 'dod na nus sam/ des smras pa/ mi nus so// gzhon nus ni brtson 'grus dang brtul ba brtan pa yin te/ nga bla na med pa yang dag par rdzogs pa'i byang chub mngon par rdzogs par sangs ma rgyas kyi bar du nga ser skya'i gnas kyi grong khyer chen por mi 'jug go zhes de skad gsung bas phyir mi ldog ste/ gzhon nus ji skad gsungs pa de de bzhin du 'gyur ro// de ci'i phyir zhe na/ gzhon nu ni brtson 'grus dang brtul ba brtan pas slar mi ldog de nas 'dun pa rta bsngags ldan dang rgyan rnams khyer te/ btsun mo'i 'khor gyi nang du phyin to// de nas ring zhig lon pa dang / rgyan de dag shAkya gzhon nu bzang po dang / ming chen dang / ma 'gags pas btegs pa dang / sred med kyi bu chen po ltar mkhregs pa dang / sred med kyi bu phyed ltar mkhregs pa'i rgyud de yang des gis ma theg go// gang gi tshe de dag gis kyang theg par ma nus pa de'i tshe/ skye dgu'i bdag mo chen mo go ta mi 'di snyam du sems te/ bdag gis ji srid du rgyan 'di dag mthong ba de srid du bdag gi snying la mya ngan du 'gyur gyis/ bdag gis rgyan 'di dag rdzing du
- 169a
dobar snyam mo/ / de nas skye dgu'i bdag mo chen mo ga'u ta mis rgyan de dag rdzing du dor te deng sang du rgyun gyi rdzing bu zhes ming du chags so// de la 'di skad ces bya ste/ ga byang chub sems dpa' mkhas pa dpa' 'byung / / de yis ser skya'i grong khyer ba dag mtha' dag sad// kun gyi snying lam gzhon nu mal na nyal snyam sems// mgu zhing rab tu dga' nas phan tshun tshig kyang smra/ / sa 'tsho ma dang de bzhin btsun mo'i 'khor rnams sad// mal du bltas nas byang chub sems dpa' ma mthong nas// kyi hud bdag bslus byang chub sems dpa' gar bzhud ces/ rgyal po'i khyim du dus mo'i sgra yang byung bar gyur// rgyal pos sgra de thos nas sa la 'gyel gyur te// e ma nga yi bu gcig pa zhes dus mo phyung // de nas de la bum pa'i chu blugs khrus byas nas// shAkya mang po dag gis de ni dbug kyang phyung // sa 'tsho ma yang mal nas sa la lhung bar gyur// sgra rnams 'bal zhing rgyan rnams dag kyang bkrol bar gyur// sdug pa kun dang bral ba ring por mi thogs shesa'adren pas bdag la sngon gsungs kye ma legs par gsungs/ / gzugs ni gzugs bzang shin tu dri med yan lag smras// gsal zhing rnam dag 'gro ba rnams kyi yid 'ong sdug/ dpal yon ldan pas bsngags pa lha mis mchod pa'i 'os// bdag ni mal du bor te khyod ni gang du bzhud// yon tan mnga' ba'i byang chub sems dpa' ma mthong bar// skoms yang mi
- 169b
'tshal rgyags pa rnams kyis rgyags mi bgyid/ / sa la nyal zhing ral pa rnams kyang thogs par 'gyi// khrus bgyi spangs te brtul zhugs dka' thub spyad par bgyi// bskyed ma'i tshal kun lo ma me tog 'bras ma mchis/ / rnam dag se mo do yang mun rdul phyag dar 'dra// mi mchog dam pa khyod kyis spangs par gang gyur pa'i// grong khyer khyim rnams mdzes pa ma lags 'brog pa mtshungs/ / kyi hud glu dbyangs rab tu snyan pa'i sgra skad can// kyi hud lcug lhug po yi rgyan thogs btsun mo'i 'khor// kyi hud gser gyi dra bas khyab pa'i bar snang yang // yon tan ldan dang bral bas phyin chad mi blta'o/ / sru mo de yang shin tu sdug bsngal thob gyur cing // shAkya'i bu mo ma du shig ces dbugs kyang 'byin// nga ni 'jig rten dag na rga shi thar byed ces// mi mchog dam pa des ni sngon yang smras pa yin/ / drang srong chen po dge ba stong dag spyad pa de// nam phyed nas ni dpag tshad drug tu song gyur nas// 'dun pa de la rta mchog dang ni rgyan rnams gtad// 'dun pa 'di dag khyer la ser skya'i grong song shig/ yab dang yum dag la yang nga yi tshig gis ni// gzhon nu song gis slar zhing thugs ngan ma mdzad cig/ byang chub sangs rgyas nas ni slar 'dir mchi bar bgyi// chos rnams gsan nas thugs kyang zhi bar 'gyur zhes smos// 'dun pas de bzhin 'dren pa ni slar smras pa// 'dun pa legs ldan byang chub sems dpa' gar khrid ces// mi mchog gnyen
- 170a
gyi tshogs rnams bdag la brdeg 'gyur gyis/ / bdag la nus pa ma mchis stobs dang mthu ma mchis// byang chub sems dpas slar smras 'dun pa ma 'jigs shig nga yi gnyen gyi tshogs rnams dga' par gyur nas ni/ / khyod la ston pa'i bdu shes rtag tu sgom 'gyur te// nga la byams pa bzhin du khyod la'ang byams par 'gyur// 'dun pas rta mchog dang ni rgyan rnams khyer nas su/ / mi mchog dam pa de yi skyed mo'i tshal du phyin// skyed mo'i tshal gyi srungs ma dga' ba'i shugs skyes nas// kun tu dga' ba'i sgra ni shAkya rnams la smras// gzhon nu 'di yin rta mchog dang ni 'dun pa yang // skyed mo'i tshal du phyin gyis thugs ngan ma mdzad cig/ rgyal pos de skad thos nas shAkyas bskor nas ni// rab tu dga' ba'i shugs skyes skyed mo'i tshal du phyin/ / sa 'chos byang chub sems dpa' blo gros brtan rig nas// tshig de la ni yid ma ches te dgar ma gyur// gzhon nu byang chub ma thob bar du phyir 'dir yang // byon cing ldog par 'gyur ba de ni gnas ma yin/ / rgyal pos rta mchog dang ni 'dun pa de mthong nas// dus mos btab ste sa yi steng du 'gyel bar gyur// kyi hud nga'i bu glu dang rol mo'i dbyangs sgra mkhas rgyal srid thams cad bor te khyod ni gang du song / / 'dun pa khyod kyis nga lu legs par spros// byang chub sems dpa' gar song sbyor ba ci 'dra zhig/ sgon su yis phye zhing gang gis khrid par
- 170b
gyur/ / lha tshogs rnams kyis de la mchod pa ji ltar byas// 'dun pas spras pa rgyal po'i dbang po bdag la gson// dgung phyed grong khyer byis pa rgan po gnyid log nas// byang chub sems dpa' 'jam dbyangs bdag la 'di skad du/ / 'dun pa rta rgyal nga la myur du byin zhes gsung // bdag gis skyes pa'i tshogs dang bud med tshogs kyang bslang // de dag log cing rab tu log pas tshig ma thos/ / bdag ni ngu zhing bdag gis chibs kyi rgyal po phul// phan par mdzad pa gang du dgyes pa gshegs bgyis// brgya byin gyis ni 'khrul 'khor ldan pa'i chab sgo phye// 'jig rten skyong ba bzhis ni chibs kyi rkang lag bteg/ dpa' bo bcibs nas stong gsum lam rnams rab tu g.yos// nam mkha' shin tu yangs pa 'di las gshegs gyur te// 'di ni rab tu btang bas mun pa mu na nag gsal/ / me tog bab cing sil snyan brgya dag sgra yang byung // lha dang de bzhin lha yi bu mo rnams kyis bstod// nam mkha' las ni lha tshogs rnams kyis bskor te gshegs// 'dun pa rta mchog dang ni rgyan rnams khyer nas su// de ni ngu zhing btsun mo'i 'khor du phyin pa dang // sa 'chos 'dun pa de dang rta mchog mthong gyur nas// rab tu brgyal bar gyur te sa yi steng du 'gyel// bud med tshogs mang thams cad rab tu brtson par ni// chu dag blangs shing shAkya'i bu mo 'khru bar byed// mya ngan rnyed pas 'chi ba'i dus byed gyur du 'ong // phangs pa gnyis dang bral bar gyur
- 171a
du 'ong snyam byed/ / shAkya'i bu mo sdug bsngal gyur pa mthu bskyed nas// rta yi rgyal po rta mchog de yi mgul nas 'jus// sngon chad dga' bas rtse ba dag kyang dran byas nas/ / mya ngan gyur cing sna tshogs tshig kyang rab tu smra// kyi hud bdag gi dga' skyed kyi hud bdag gi mi mchog dri med zla ba'i zhal mnga' ba// kyi hud bdag gi gzugs can kyi hud bdag gi mtshan mchog dri med gzi brjid ldan/ / kyi hud bdag gi yan lag ma smad legs par 'khrungs pa rim gyis 'phags pa mnyam med pa// kyi hud bdag gi yon tan mchog ldan lha mis mchod pa thugs rje chen por mchog ldan pa/ / kyi hud bdag gi stobs ldan sred med bu yi mthu dang ldan pa dgra yi tshogs bcom pa// kyi hud bdag gi shin tu 'jam dbyangs ka la bing+ka'i sgra skad tshangs dbyangs snyan ldan pa/ / kyi hud bdag gi grags pa mtha' yas bsod nams brgyas 'phags bsod nams rgya chen mnga' ba po// kyi hud bdag gi bsngags pa mtha' yas yon tan tshogs brgyan drang srong tshogs rnams dga' mdzad pa/ / kyi hud bdag gi nags mchog bung ba sgra 'byin lum bi ni der bltam pa legs bltams pa// kyi hung bdag gi sgra grags lha mi rnams kyi mngon par mchod pa'i ye shes sdong po che/ / kyi hung bdag gi ro bro dam pa bim pa'i sgros can pad+ma'i spyan mnga' gser mchog 'dra// kyi hud bdag gi shin tu rnam dag tshems ldan zhob mo lta bu'i
- 171b
tshems ldan pa/ / kyi hung bdag gi shangs legs sprin legs sprin mtshams par na ji med mdzod spu gnas pa po// kyi hud bdag gi dpung mgo rab zlum gzhu 'dra'i skyed pa zlum// kyi dud bdag gi glang po'i sna 'dra brla ldan phyag zhabs rnam dag mdzes pa'i sen mo can/ / de yi rgyan rnams 'di dag bsod nams dag gis byas pa rgyal po'i rab tu dga' byed pa// kyi hud bdag gis glu dang dbyangs sgra dam pa me tog byug pa bzang po'i dus bzang ba/ / kyi hud bdag gi me tog spos rnams glu len dag dang btsun mo'i 'khor ni dga' byed pa// kyi hud bsngags ldan legs skyes nga yi khyim thab grogs po yin na khyod kyis gang du khrid/ / kyi hud 'dun pa snying rje med pa mi yi dam pa bzhud tshe sbron cing slong ma phod// do nub grong khyer dam pa 'di nas mi yi kha lo sgyur ba thugs rje ldan gshegs te/ / phan pa mdzad pa 'di ni gshegs shes skabs der tshig cig tsam zhig ci yi phyir ma smras// phan pa mdzad pa ji ltar gshegs shing rgyal po'i pho brang 'di nas su yis phyung ba byas/ / gang gi phyogs gshegs nags tshal gel ba'i lha mo de yi grogs su 'gyur ba dpal yon ldan// 'dun pa kho mo shin tu sdug bsngal gter bstan nas ni mig phyung 'dra bas mig byin cig/ 'dun pa rgyal ba kun gyi pha dang ma dag mchod pa'i 'os shes rtag tu bsngags mdzad na// de dag rnams kyang spangs te byung na bud med 'dod pa'i dga' ba 'di lta smos ci dgos//
- 172a
kyi hud sdug pa rnams dang bral ba gar la lta ba'i rang bzhin 'dra ste rtag ma yin// byis pa 'du shes kyis bzung lta ba phyin ci log pas skye dang 'chi bo gnas par 'gyur// de yis sngon chad rga shi ldan pa'i 'dus byas dag la grogs po 'ga' yang med ces bstan// khyod kyi dgongs pa yongs su rdzogs nas shing mchog drung du byang chub dam pa mchog thob gyur// rdul med byang chub sangs rgyas nas ni grong khyer dam pa 'dir ni slar yang gshegs su gsol// 'dun pa de yang mchog tu yid mi dga' zhing sa 'tsho ma yi tshogs ni thos gyur nas// de ni nga ro/ mthon cing tshig tu smras pa sa 'tsho ma khyod bdag tshig legs par gson// nam gyi gung thun bud med tshegs rnams thams cad rab tu gnyid kyis log ste dben gyur pa// de yi tshe na bsod nams brgyas 'phags de yis bdag la bsngags ldan nga la byin zhes gsung / / de skad tshig thos nas ni de ma thag tu bdag gis khyod ni gzims ma la gzims la bltas// de tshe khyod kyi sdug pa 'di ni gshegs kyis 'tsho bzhengs zhes sgra skad chen po phyung / / lha yis tshig de bkag par gyur par bud med rnams las 'ga' tsam zhig kyang sad ma gyur// bdag ni rab tu ngu zhing rta yi rgyal po brgyan pa bgyis nas mi mchog de la phul/ / bsngags ldan drag shul can gyi gzi ldan sgra phyung de yi sgra ni rgyang grags tsam du grags// 'on kyang lha yis gnyid kyis logs par bgyis pas grong khyer pa
- 172b
las 'ga' yang sad ma gyur/ / gser dang dngul dang nor bu rnams kyis g.yogs pa'i sa la bsngags ldan rkang lag rab tu brdabs// de las snyan dang 'jigs dang mdzes pa'i sgra byung 'on kyang mi 'ga' tsam sad ma gyur/ / de yi bar skabs skar ma rgyal dang ldan gyur zla ba skar ma dag kyang mkha' la gnas// mkha' las lha rnams bye bas thal mo sbyar te btud nas phyag kyang rab tu 'tshal/ / gnod sbyin srin po'i tshogs rnams nye bar gnas shing 'jig rten skyong ba rdzu 'phrul che ldan bzhis// pad+ma'i ze ba lta bur rnam dag dri med lags pas bsngags ldan gyi ni rkang lag bteg bsod nams gzi brjid pa rgyas 'phags de yang ku mu da dang bar sha lta bu de la bcibs/ / sa 'di rnam bcug tu tu g.yos shing sangs rgyas zhing rnams dri med 'od kyis khyab bde sogs khyim thab brgya byin lha yi gtso bo nyid kyis de tshe 'chab sgo dbye ba bgyis/ / de ni bye ba khrag khrig lha yis mdun du bdar te lha dang klu yis mchod nas 9/ bsngags ldan gyis ni 'du shes tsam gyis nges pa 'jig rten mgon po mkha' las bkur bar shes/ / lha dang lha ma yin tshogs dbang por bcas pa de dag bcibs te bde bar gshegs pa gshegs// lha yi bu mtshad mkhas pa rnams kyang byang chub sems dpa'i yon tan rab brjod cing / / de dag bsngags ldan la yang stobs btang byed la sman la yid du 'ong ba'i sgra yang 'byin// bsagasapa
- 173a
'dren pa myur ba myur bar khyer la skyo bar mi dga' ma skyed cig/ 'jig rten mgon po mnyes par byas na khyod la 'jigs dang ngan song ngan 'gro med par 'gyur// lha rnams re re zhing yang bdag la 'jig rten mgon po bcibs par mngon du dga' bar gyur/ / yul sa 'di na bye ba lha yi rkang pa dag gi non par ma gyur cung zad med// bsngags ldan nam mkha'i skabs na sna tshogs spras shing mdzes pa'i lam gnas rin chen stegs bu ni/ / rnam pa sna tshogs dag gis brgyan cing lha yi bdug pa snying po mchog bdugs 'di la ltos// bsngags ldan dge ba'i las 'dis sum cu rtsa gsum lha gnas shin tu legs par sprul pa der/ / lha yi bu mos bskor cing mdun gyis bltas la lha yi 'dod pa'i dga' bas dga' bar gyis// legs pas mtsho ma khyod phyir zhing ma bshums dgyes par mdzad cing mchog tu dgyes par mdzod/ / mi mchog byang chub brnyes nas lha yis mdun du bdar ba ring por mi thogs gzigs par 'gyur// sa mtsho mi rnams gang dag legs pa'i las bgyis de dag rtag tu bshums par bgyi ma lags/ / de ni bsod nams gzi brjid brgyas 'phags lags kyis dgyes par mdzod la bshums mo ma mdzad cig/ rgyal po mngon par byung ba de na lha dang mi yi mchod pa'i bkod pa gang lags pa// bkod pa de ni sa mtsho bdag gis dgung bdun par du brjod kyang rdzogs par brjod mi nus// khyod
- 173b
kyis 'grol phan mdzad pa la bsnyen bkur mdzad pas brnyes mchog bsam gyis mi khyab brnyes/ / bdag gis bsams na khyod kyang mi yi dam pa de ni ci 'drang sa 'gyur snyams bgyid// mngon par 'byung ba'i le'u ste bco lnga pa'o/ / // 'phags pa rgya cher rol pa zhes bya ba theg pa chen po'i mdo bam po bcu gcig pa/ dge slong ngag de ltar byang chub sems dpa'i byin gyis brlabs kyis/ / 'dun pas rgyal po zas gtsang ma dang / shAkya'i bu mo sa mtsho ma dang / btsun mo'i 'khor thams cad dang / shAkya'i tshogs thams cad kyi mya ngan bsang ba'i gtam smras so/ / dge slong dag de ltar byang chub sems dpas lha'i bu rngon pa'i gzugs lta bu la gos ka shi pa rnams byin nas// de la gos ngur smrig rnams blangs te/ 'jig rten dang mthun par bya ba dang / sems can la snying brtse ba dang / sems can yongs su smin par bya ba'i phyir bdag nyid rab tu byung ngo // de nas byang chub sems dpa' bram ze'i rigs ldan gyi gnas ga la ba der song ba dang / des byang chub sems dpa' gnas par bya ba dang / zas la mgron du bos so// de nas byang chub sems dpa' bram ze pad+ma'i gnas su song ba dang / des kyang byang chub sems dpa' gnas par bya ba dang / zas la mgron du bos so// de nas bram ze drang srong nam gru'i gnas su song ba dang / des kyang de bzhin du
- 174a
byang chub sems dpa' mgron du bos so/ / de bzhin du gdul ba'i be con can gyi bu 'od ldan gyis kyang byang chub sems dpa' mgron du bos te/ dge slong dag de ltar byang chub sems dpa' rim gyi grong khyer chen po yangs pa can du phyin to/ / de'i tshe sgyu rtsal shes kyi bu ring 'phur nyan thos kyi dge 'dun chen po dang / slob ma sum brgya dang lhan cig tu grong khyer yangs pa can du gnas bcas shing gnas te/ de slob ma dag la ci yang med pa'i skye mched kyi brtul zhugs dang mthun pa'i chos ston pa des byang chub sems dpa' rgyang ring po nas bong ba mthong nas/ ngo mtshar du gyur te slob ma rnams la smras pa/ kye 'di'i gzugs la ltos shig/ de dag gis smras pa/ de bzhin du de la blta bar bgyi ste/ 'di ni ya mtshan che'o// dge slong dag de nas nga sgyu rtsal shes kyi bu ring 'phur ga la ba der song ste/ sgyu rtsal shes kyi bu ring 'phur la 'di skad ces smras so// kye sgyu rtsa la shes kyi bu ring 'phur khyod las bdag gis tshangs par spyad pa spyod do/ / des smras pa/ kye go'u ta ma dad pa'i rigs kyi bu gang la spyad na/ tshegs chung ngus kun shes pa thob par 'gyur ba'i chos bstan pa/ de lta bu la spyod cig/ dge slong dag ngas 'di snyam du bsam ste/ ngal mos pa yang yod/ nga la brtson 'grus kyang yod/ dran pa yang yod/ ting nge 'dzin kyang yod/ shes rab kyang yod kyis chos de'i
- 174b
thob par bya ba dang / mngon du bya ba'i phyir bdag gcig pu bag yod pa dang / brtun pa dang / dben par gnas bya'o snyam nas/ dge slong dag de nas nga gcig pu bag yod pa dang / brtun pa dang dben par gnas nas/ tshogs chung ngus chos de khong du chud cing mngon du gyur to// dge slong dag de nas nga sgyu rtsal shes kyi bu ring 'phur ga la ba der song ste/ 'di skad ces smras so// kye ring 'phur khyod kyis chos 'di tsam zhig khong du chud cing mngon du gyur tam/ des smras pa/ kye go'u ta ma/ de de bzhin no// ngas smras pa/ kye kho bos kyang chos de mngon du byas shing khong du chud do/ / des smras pa/ kye go'u ta ma de bas na chos gang kho bos shes pa de khyod kyis shes la/ gang khyod kyis shes pa de yang kho bos shes te/ de bas na bdag cag gnyis kas slob ma'i tshogs 'di la bstan to/ / dge slong dag de nas sgyu rtsal shes kyi bu ring 'phur gyis nga la mchod pa dam pas mchod de/ nga slob ma rnams la yang don mthun par byed du bcug go/ dge slong dag ngas 'di snyam du bsams te/ ring 'phur gyi chos 'di ni nges par 'byung ba ma yin te/ de byed pa yang dag par sdug bsngal zad par nges par 'byung ba ma yin gyi/ bdag gis de las lhag pa zhig btsal zhing sprad do snyam mo/ / dge slong dag de nas nga ji srid dga' ba'i bar du grong khyer yangs pa can du gnas nas/ yul ma ga d+ha ra yul rgyu zhing / yul ma ga d+ha'i rgyal po'i khab
- 175a
kyi grong khyer chen po ga la ba der song ste/ ri'i rgyal po skya bogal ba der song nas// ri'i rgyal po skya bo de'i ngos lang gcig pu gnyis su med cing grogs med par lta bye ba khrag khrig brgya stong phrag du mas bsrungs shing gnas so/ / de nas nang par sham thabs dang chos gos bgos lhung bzed thogs te/ chu dron can gyi sgo nas rgyal po'i khab kyi grong khyer chen por 'gro ba dang ldog pa dang mdun du blta ba dang / g.yas g.yon du blta ba dang / bskum pa dang / brkyang ba mdzes pa dang / snam sbyar dang / thang ba dang / lhung bzed dang / chos gos 'dzin pa mdzes pa dang dbang po ma g.yengs pa dang / sprul pa bzhin du yid phyi rol tu ma byung ba dang / 'bru mar gyis gang ba'i snod thogs pa bzhin gnya' shing gang tsam du lta zhing bsod snyoms kyi phyir zhugs so// de na rgyal po'i khab kyi mi rnams kyi mthong nas/ ngo mtshar du gyur te/ ci 'di tshangs pa yin nam/ lha'i dbang po brgya byin nam/ 'on te rnam thos kyi bu 'am/ 'on te ri'i lha 'ga' zhig yin nam snyam mo/ / de la 'di skad ces bya ste/ de nas gzi brjid mtha' yas dri med ldan// byang chub sems dpa' bdag nyid rab byung ste// sems ni zhi zhing spyod lam rab dul bar// ri yi rgyal po skya bo'i ngos la gnas// byang chub sems dpas nam nangs shes nas ni// mchog tu blta na mdzes par shams thabs bgos// lhung bzed thogs te dma' ba'i yid kyi su
- 175b
de ni rgyal po'i khab tu bsad snyoms zhugs/ / gser gyi sa le sbram bzhin rab dul la// sum cu rtsa gnyis mtshan gyig zugs pa// skyes pa'i nog dang bud med kyis mthongo na// su snang blta bas ngoms par mi 'gyur ro/ / srang dag rin chen gos dang 'brus kyang brgyan// gang gi mthus ni grong khyer kun mdzes pa'i// sngon chad ma mthong sems can 'di su zhes// skye bo se cing de yi phyi bzhin 'brang / / bud med stong dag khang pa'i steng 'dug cing // de bzhin sgo dang de bzhin skar khung dang // srang dag skang ste khyim ni stong byas na// de dag las gzhan med par mi mchog lta/ / skyes bu mchog gi gzugs la lta ba'i tshe// nyo dang 'tshod pa dag kyang mi byed cing // chang dad can yang chang ni mi 'thung la// khyim dang srang na 'dug par mi dga'o// rings par mi zhig rgyal po'i khab song ste/ / de dga' rgyal po gzugs can snying po la// grong 'dir tshangs pa bdag nyid bsod snyoms spyod// lha khyod brnyes pa dam pa brnyes shes zer// kha cig brgya byin/ lha yi rgyal zhes zer// gzhan dag 'thab bral lha yi bu zhes zer// de bzhin yongs su dga' ldan 'phrul pa dang // gzhan dag rab 'phrul lha yi bu zhes zer// kha cig nyi ma zla ba de bzhin du/ / sgra gcan stobs ldan thags bzangs rigs zhes zer// kha cig dag ni tshigs kyang 'di skad du// ri rgyal skya la 'dug pa 'di yin zer// rgyal pos tshig ni de dag thos gyur nas// yid
- 176a
ni mchog tu dga' zhing skar khung 'dug/ shin tu sbyangs pa'i gser ltar dpal 'bar ba// byang chub sems dpa' sems can mchog mthong ngo // rgyal po gzugs can snying pos mi de la/ / bsod snyoms byin la gar song ltos shes bsgo// ri yi mchog la de ni song mthong nas// kha cig ri yi ngos la de mchis smras// gzugs can snying pos nam nangs shes nas ni/ / mi dbang skye bo mang pos yongs bskor te// ri yi rgyal po skya bo'i drung du song // ri de dpal ni rab tu 'bar bar mthong // bzhon pa las ni babs te rkang gis song ji ltar lhun po bzhin du mi g.yo zhing / / rtswa bting steng na skyil mo krung 'dug pa'i// byang chub sems dpa' mchog tu gus pas mthong // rgyal pos rkang par mgo bos phyag byas te// rnam pa sna tshogs dag gi gtam byas nas/ / khyod la rgyal srid kun gyi phyed sprin gyis// 'dod pa'i yon tan 'di sprod ma 'phyan smras// byang chub sems dpas 'jam po'i tshig smras pa// sa yi bdag po yun ring tshe srungs shig/ kho bos rgyal srid sdug pa bor nas su// re ba med par zhi phyir rab tu byung // gzhon nu thor bu dar la ba ba dang ldan// lus kyi kha dog mdzes shing shugs ldan pa/ / nor mang dag dang bud med tshogs bzhes te// bdag gi rgyal srid 'dir bzhugs 'dod pa spyod// ma ga d+ha'i rgyal pos byang chub sems dpa' la smras pa// bdag khyod mthong bas
- 176b
mchog tu dga'/ / bdag gi rgyal srid kun gyi grogs mdzod cig/ bdag ni khyod la mnga' dbul 'dod pa spyod// nags tshal stong pa dag tu ma bzhugs shig/ slan chad sa gnas rtswa sted/ ma bzhugs shig/ khyod kyi sku ni mchog tu rab tu gzhon// bdag gi rgyal srid 'dir bzhugs 'dod pa spyod// byang chub sems dpa' 'jam zhing gya gyu med// dga' 'gyur phan zhing snying brtse'i tshig smras pa/ / rgyal po khyod ni rtag tu bkra shis gyur// kho bo 'dod pa'i yon tan mi 'dod do// 'dod pa dug 'dra nyes pa mtha' yas ldan// sems can dmyal dang yi dgas dud 'gror lhung / / mkhas pas smad cing 'dod pa'i 'phags ma yin// kho bos ngar snabs rul ba bzhin du dor// 'dod pa shing gi 'bras bu bzhin du lhung // ji ltar sprin dang char sprin bzhin du 'gro/ / mi brtan 'gyur las ji ltar rlung bzhin 'gro// dge ba thams cad rnam par 'thor zhing slu// de bzhin 'dod pa mi rnyed phyir yang gdungs// rnyed du zin kyang chog par 'dzin mi 'gyur// gang tshe dbang po ma rung rab gyur pa// de tshe 'dod pa sdug bsngal drag chen skyed// rgyal po lha yi 'dod pa gang yin dang // mi yi 'dod pa bzang po gang yin pa'i// 'dod pa thams cad mi gcig gis thob kyang / / de la chog pa med de yang tshol lo// rgyal po gang dag zhi zhing dul gyur pa// 'phags pa zag med chos kyi 'du shes kyang // shes rab mkhas pas chog pa de legs chog
- 177a
'dod pa'i yon tan chog pa cung zad med/ / rgyal po'i 'dod pa dag la bsten byas shing // sngon chad 'dus byas pa yi mtha' ma med// ji ltar mi dag lan tshwa'i chu 'thungs bzhin/ 'dod pa bsten na phyir zhing sred pa 'phel// rgyal po'i lus la yang stobs de mi bstan// snying po med de sdug bsngal 'khrul 'khor bzhin// bu ga dgu yi sgo nas rtag tu 'dzag/ rgyal po kho bo'i 'dod pa'i 'dod chags med// kho bos 'dod pa mang dang de bzhin du// blta na sdug pa'i bud med stong bor te// mchog zhi byang chub dam pa thob 'dod nas// kho bo srid pa mi dag nges par 'byung / / dge slong phyogs ni gang dang gang nas byon// gang du khyod skyes yab yum gang na bzhugs// rgyal rigs lags sam bram ze 'am rgyal po lags// dge slong khur gyi 'du shes med na gsungs/ / rgyal po shAkya rnams kyi ser skya'i grong // mchog tu 'byor cing rgyas pa thos gyur tam// kho bo'i pha yi ming ni zas gtsang yin// yon tan 'dod pas kho bo der rab byung // khyod mthong legs par mthong ste legs pa lags// gang las khyod skyes bdag kyang de'i slob ma'o// 'dod chags bral ba 'dod par spyan drangs pa// thugs pas bdag la bzod pa mdzad du gsol/ / gang tshe khyod kyis byang chub rnyes gyur tshe// chos rjes bdag la chos kyi bgo bsha' mdzod// rang byung bdag gi yul nas bzhugs pa ni// bdag gis mchog mchod rnyed par ba
- 177b
rnye do/ de nas kyang ni na dur byag byas te// rgyal thos shen gus par bskur byas nas// mi dbang ngag sgrubs mangs pan ts+tsha// srang yang rgyam pa'i lab tu grags par gyur// 'jig rten mgon po ma ga d+ha yi grong zhugs te// ji srid 'dod par zhi ba'i yid kyis 'dug/ lha dang mi rnams kyi ni don byas nas// mi dbang ne rat+na na'i chu 'gram song // gzugs can snying po 'ongs pa'i le'u zhes bya ba ste/ bcu drug pa'o// / dge slong dag yang de'i tshe// rangs byed kyi bu lhag spyod/ rgyal po'i khab kyi grong khyer chen por gnas bcas nas/ slob ma'i tshogs chen po slob ma bdun brgya dang lhan cig tu gnas te/ de de dag la 'du shes med min gyi brtul zhugs dang mthun pa'i chos ston to// dge slong dag byang chub sems dpa' rangs byed kyi bu lhag spyod tshigs dang ldan pa tshogs can/ tshogs kyi slob dpon grags pa mngon par 'dod pa/ skye bo mang pos mchod pa mkhas pa/ kun gyis shes pa mthong nas kyang de 'di snyam du sems te/ rangs byed kyi bu lhag spyod 'di tshogs dang ldan pa/ tshogs can tshogs kyi slob dpon/ grags pa mngon par 'dod pa/ skye bo mang pos mchod pa mkhas pa kun gyis shes pa yin na/ gal te bdag de'i drung du song ste/ brtul zhugs dang dka' thub ma brtsams na ni/ 'di dag la khyad par du 'phags pa'i 'du shes kyang mi skyed la/ mngon sum gyi shes pas
- 178a
kyang shes par mi 'gyur ba dang / 'dus byas zag pa dang bcas pa nye bar len pa dang bcas pa'i bsam gtan dang ting nge 'dzin dang snyoms par 'jug pa dag kyang sun phyung bar ma 'gyur gyis/ gang gis na de la bsam gtan gyi spyod yul dag dang / snyoms par 'jug pa'i dmigs pa dag mngon sum du 'gyur ba dang / 'jig rten pa'i ting nge 'dzin dag kyang 'byung ba ma yin par bstan par 'gyur ba de lta bu'i thabs shig bstan par bya 'am/ bdag rangs byed kyi bu lhag spyod kyi drung du song ste/ bdag gis ting nge 'dzin gyi yon tan gyi khyad par bstan pa'i phyir de'i slob mar khas blangs la/ 'dus byas kyi ting nge 'dzin snying po med par bstan par bya 'am snyam mo// dge slong dag de nas byang chub sems dpas don de'i dbang du byas te/ rangs byed kyi bu lcags spod ga la ba der song nas phyin pa dang / rangs byed kyi bu lhag spyod la 'di skad ces smras so// grogs po khyod kyi ston pa ni su zhig sus ston pa kun shes/ de skad ces smras pa dang / rangs byed kyi bu lhag spyod kyis byang chub sem dpa' la 'di skad ces smras so// grogs po kho bo la ston pa gang yang med de/ 'on kyang kho bo rang gis 'di yang dag par khong du chud do/ / byang chub sems dpas smras pa/ khyod kyis ci khong du chud/ smras pa/ 'du shes med 'du shes med min skye mched kyi snyoms par 'jug pa'i lam mo// byang chub sems dpas
- 178b
smras pa/ bdag gis khyod las ting nge 'dzin gyi lam gyi gdams ngag dang rjes su bstan pa thob par 'tshal lo// smras pa/ de ltar bya'o zhes bya ba nas/ gdams ngag byin pa'i bar du'o// de nas byang chub sems dpa' phyogs gcig tu song ste/ skyil mo krung bcas nas 'dug go// 'dug ma thag tu byang chub sems dpa'i bsod nams kyi khyad par dang / shes kyi khyad par dang / sngon spyod pa legs par spyad pa'i 'bras bu'i khyad par dang / ting nge 'dzin thams cad la 'dris pa'i khyad par dang / de sems la dbang sgyur ba'i phyir bsam gtan la sog pa 'jig rten pa'i snyoms par 'jug pa brgya stong thams cad rnam par dang bcas/ bye brag dang bcas par mngon sum du gyur to// de nas byang chub sems dpa' dran pa dang / shes bzhin du sa las langs te/ rangs byed kyi bu lhag spyod ga la ba der song nas phyin pa dang / rangs byed kyi bu lhag spyod la 'di skad ces smras so// grogs po 'du shes med 'du shes med min skye mched kyi lam las gong na gzhan 'ga' zhig yod dam/ des smras pa med do// de nas byang chub sems dpa' 'di snyam du sems te/ lhag spyod 'ba' zhig la dad pa yod pa dang // brtson 'grus dang dran pa dang / ting nge 'dzin dang / shes rab yod pa ma yin gyi/ bdag la yang dad pa dang / brtson 'grus dang / dran pa dang / ting nge 'dzin dang / shes rab yod do snyam mo// de nas byang chub
- 179a
sems dpas rangs byed kyi bu lhag spyod la 'di skad ces smras so/ / grogs po khyod gang du nges par 'byung ba'i chos de kho bos kyang khong du chud do// de smras pa/ de bas na 'dod / khyod dang kho bos tshogs 'di dag la rjes su bslab bo zhes byang chub sems dpa' don mthun pa dang / slob dpon gyi gnas su bzhag go// byang chub sems dpas smras pa/ grogs po lam 'di ni yid 'byung bar 'gyur ba ma yin/ 'dod chags dang bral bar 'gyur ba ma yin/ 'gog par 'gyur ba ma yin/ nye bar zhi bar 'gyur ba ma yin/ mngon par shes par 'gyur ba ma yin/ rdzogs par byang chub par 'gyur ba ma yin/ dge sbyong nyid du 'gyur ba ma yin/ mya ngan las 'das par 'gyur ba ma yin no// dge slong dag de ltar byang chub sems dpas lhag spyod slob ma dang bcas pa 'dun par byas nas/ de tsam gyis chog go zhes bya ba nas/ chog par byas te song ba'i bar du'o// de'i tshe lnga sde bzang po rangs byed kyi bu lhag spyod las tshangs par spyad pa spyod pa de dag 'di snyam du sems te/ bdag cag gis 'di'i phyir yun ring por btsal zhing brtson par byas kyang mtha' dang mu khong du chud par ma nus kyi/ dge sbyong go'u ta mas tshegs chung ngus khong du chud cing mngon du byas la de de yang mi 'dod cing de las gong du tshol ba las the tsom med par de ni 'jig rten gyi ston par 'gyur ro/ / gang des mngon du byed par 'gyur ba de bdag cag la yang
- 179b
'gyed par 'gyur ro snyam mo/ / de ltar dpyad nas lnga sde bzang pos rangs byed kyi bu lhag spyod kyi drung nas dong ste/ byang chub sems dpa'i phyi bzhin 'brang ngo // dge slong dag de ltar byang chub sems dpa' ji srid dga' ba'i bar du rgyal po'i khab tu gnas nas/ lnga sde bzang po dang lhan cig tu yul ma ga d+har yul rgyu zhing song ngo // yang de'i tshe rgyal po'i khab dang / ri ga ya'i bar na tshogs gzhan dag gcig dus ston byed de/ / tshogs de dag gis kyang byang chub sems dpa' lnga sde bzang po dang lhan cig tu gnas par bya ba dang / zas la mgron du bos so// dge slong dag de nas byang chub sems dpa' yul ma ga d+har rgyu zhing / yul ma ga d+ha'i ri ga ya ga la ba der song ste/ der phyin par gyur to// ri ga ya'i rtse mo dor byang chub sems dpas spong ba'i phyir gnas te/ de der gnas pa'i tshe/ sngon ma thos pa dang / sngon mi shes pa'i dpe gsum mngon du gyur to// gsum gang zhe na/ dge sbyong dang bram ze gang la la 'dod pa dag las lus dben par mi gnas// 'dod pa dag las sems dben par mi gnas shing / de dag gi 'dod pa la dga' ba dang / 'dod pa la chags pa dang / 'dod pa la 'dun pa dang / 'dod pa la brkam pa dang / 'dod pa la yongs su gdung ba dang / 'dod pa la zhen pa gang yin pa de ni nye bar zhi bar ma yin la/ de dag bdag nyid kyis gnod pa byed cing / lus la gdung bar byed pas/ sdug bsngal gyis tshor ba drag po
- 180a
mi bzad pa tsha ba myong ste/ 'on kyang de dag mi'i chos bla ma las mchog tu gyur pa/ 'phags pa ye shes mthong ba'i khyad par mngon du byed mi nus so// 'di lta ste/ dper na/ skyes bu zhig me 'dod la shing rlon pa'i gtsub stan dang / shing rlom pa'i gtsub shing thogs la chur bcug ste gtsubs na des me phyin par mi nus so// de bzhin du dge sbyong dang / bram ze de dag 'dod pa rnams las lus dben par mi ga nas/ 'dod pa rnams las sems dben par mi gnas te/ de dag gi 'dod pa la dga' ba dang / 'dod pa la sred pa dang / 'dod pa la 'dun pa dang / 'dod pa la sgom pa dang / 'dod pa las yongs su gdungs pa dang / 'dod pa la brkam pa dang / 'dod pa la zhen pa gang yin pa de ni nye bar zhi ba ma yin gyi// de dag bdag nyid kyi gnod par byed cing / lus la gdung bar byed pas sdug bsngal gyi tshor ba drag po ma bzad pa tsha ba myong mod kyi/ 'on kyang de dag mi'i chos bla ma las mchog tu gyur pa/ 'phags pa ye shes mthong ba'i khyad par mngon du byed mi nus so snyam ste/ 'di ni byang chub sems dpa' la dpe mngon du gyur pa dang po'o// yang de 'di snyam du sems te/ gang dge sbyong dang bram ze 'di dag 'dod pa rnams las lus dang sems dben par gnas kyang / de dag gi 'dod pa la dga' zhes bya ba nas/ me tshol ba zhes bya ba'i bar du thams cad snga ma bzhin du sbyar te/ de so shing rlon pa'i gtsub stan thogs la thang la bzhag ste/
- 180b
shing rlon pa'i gtsub shing gi gtsubs na des me phyin par mi nus so// de bzhin du gang dge sbyong dang bram ze 'di dag ces bya ba nas thams cad snga ma bzhin du sbyar te/ mi'i chos bla ma las mchog tu/ gyur pa/ 'phags pa ye shes mthong ba'i khyad par du mngon bya bar mi nus so snyam ste/ 'di ni sngon ma thos shing mi shes pa'i dpe mngon du gyur pa gnyis pa'o// gzhan yang gang dge sbyong dang bram ze 'di dag 'dod pa rnams las lus dang sems dben par gnas shing / de dag gi 'dod pa la dga' ba zhes bya ba nas/ thams cad de bzhin du sbyar te/ de dag gi de ni nye ba zhi ba yin te/ de dag bdag nyid kyis gnod pa byed cing/ lus la gdung bar byed pas sdug bsngal gyi tshor ba drag po mi bzad pa myong mod kyiga'on kyang de dag mi'i chog bus lags chos tu gyur pa/ 'phags pa le sheg sang du sa kha'i khyad par mngon du bya bar mi nus so/ / 'di lta ste dper na/ skyes bu zhig me 'dod cing 'od 'dod pa dang / 'od tshol bar gyur la/ des shing skam pos gtsub stan dang / gtsub shing thang la bzhag ste gtsubs na/ des me 'byung ba dang / 'od 'bar bar byed nus so// de bzhin du gang dge sbyong dang / bram ze 'di dag ces bya ba nas/ tshor ba myong zhes bya ba'i bar du snga ma bzhin te/ 'or kang de mi'i chos bla ma las mchog tu gyur pa/ 'phags pa ye shes mthong ba'i khyad par mngon du bya bar nus so snyam ste/ 'di ni sngon ma thos shing sngon mi shes pa'i dpe gsum pa'o//
- 181a
dge slong dag de nas byang chub sems dpa' de 'di snyam du sems te/ bdag kyang da ltar 'dod pa rnams las lus dben par gnas/ 'dod pa rnams las sems dben par gnas la/ bdag gi 'dod pa la dga' ba zhes bya ba nas/ thams cad snga ma bzhin du sbyar te/ bdag gi de yang nye bar zhi ba yin la/ bdag nyid kyis gnod par byas shing / lus la gdung bar byed pa sa/ sdug bsngal zhes bya ba nas/ tshor ba myong zhes bya ba'i bar du snga ma bzhin du sbyar te/ 'on kyang bdag mi'i chos bla ma las mchog tu gyur pa/ 'phags pa ye shes mthong ba'i khyad par mngon du bya bar nus so snyam mo/ / dge slong dag de ltar byang chub sems dpa' ji srid dga' ba'i bar du ga ya'i ri ra ga ya'i rtse mo la gnas te/ rkang gis yul rgyu zhing sde dpon gyi grong khyer lteng rgyas ga la bar song ste phyin pa dang / de na klung ne ran dzA na chu gsal ba 'bab stegs bde ba/ shing dang shing gel ba mdzes pa dag gis brgyan pa/ nyen 'khor na spyod yul gyi grong yod pa mthong ste/ de la byang chub sems dpa' yid shin tu dga' bar gyur nas 'di snyam du sems te/ e ma ho sa phyogs 'di ni mnyam zhing nyams dga' ba/ nang du yang dag 'jog dang mthun pa ste/ rigs kyi bu spong ba don du gnyer ba la ni 'dis chog go/ / bdag kyang spong ba don du gnyer ba yin gyis/ bdag 'di nyid du gnas par bya'o snyam mo// dge slong dag de ltar byang chub sems dpa' 'di snyam du
- 181b
sems te/ bdag ni 'dzam bu gling 'dir snyigs ma lnga'i dus la bab cing sems can rnams dman pa la mos pa dang / mu stegs can gyi sdes gang ba dang / lta ba sna tshogs la zhugs pa dang / lus la ril por 'dzin pa la zhen pa'i tshe 'ongs te/ blun po dag gdung bas yongs su gdung ba rnam pa sna tshogs kyis dag pa tshol zhing ston pa 'di lta ste/ sngags la spyod pa dang / lag pa la ldag pa dang mi slong ba dang / mi smra ba dang / rtsa ba du ma za ba dang / sha dang nya mi za ba dang / dbyar mi 'byung ba dang / chang dang phub ma dang / chu yongs su spangs pa dang / khyim gcig dang gsum dang / lnga dang bdun nas/ zas len pa dang / rtsa ba dang / 'bras bu dang / nya lcibs dang / rtsa ku sha dang / lo ma dang / ba lang gi lci ba dang / ba'i gcin dang / bo thug dang / zho dang / mar dang / bu ram dang ma btags pa za zhing 'thung ba dang / bya ngang pa dang / phug ron gyis zos te bor ba bkrus te za ba dang / grong dang dgon pas 'tsho ba dang / ba lang gi brtul zhugs dang / ri dgas dang / khyi dang / pag dang / spre'u dang / glang po che'i brtul zhugs dang / 'greng ba dang / mi smra ba dang / dpa' bo'i tshul du 'dug pa dang / kham gcig za ba dang / kham bdun gyi bar du za ba dang / zas lan cig za ba dang / nyin zhag gcig za ba dang / bzhi dang / lnga dang / drug gi skabs skabs su za ba dang / zla ba phyed dang / zla ba gcig za bar byed pa dang / zla ba la lta ba dang / bya rgod dang / rul ba'i
- 182a
ga shog pa thogs pa dang / shing leb dang / rtswa mun dza dang / zar ma'i shun pa dang / rtswa dur bya dang / bres ma dang / rnga bal gyi la ba dang / ra bal gyi la ba dang skra'i la ba dang / ko pags gyon pa dang / gos gsher ba dang / stegs bu'i steng dang / chu'i nang na nyal ba dang / thal ba dang / rdo dang / gyo mo dang / shing leb dang / tsher ma dang / rtswa dang gtun shing gi steng du nyal ba dang / mgo thur du bstan pa dang / tsog tsog por 'dug pa dang / thang la nyal ba dang / gos gcig pa dang / gos gnyis dang / gsum dang / bzhi dang / lnga dang / drug dang / bdun dang / gos mang po srel ba dang / gcer bur 'dug pa dang / 'khru ba dang / mi 'khru ba'i cho ga dang / sgra dang / sen mo dang / a ga tsom ring por 'jog pa dang / ral pa'i thor tshugs 'chang ba dang / rgyags shug dang / til dang / 'bras 'bru gcig za ba dang / thal ba dang / sngag tsha dang / me tog spyad spyad pa dang / rdul 'thul ba dang / rdul nag po dang / phyag dar dang / rdzab kyis lus la skud pa dang / ba s+phu dang / mi'i thod pa dang / skra dang / sen mo dang / tsha bu'i smad g.yogs dang / rdzab dang / keng rus thogs pa dang / chu dron po dang / 'bras kyi khu ba dang / la bang btsags pa dang / khrud ma 'thung ba dang / mdag ma dang / tshon rtsi dang / gos ngur smrig dang / khar ba gsum dang / mgo 'dreg pa dang / ril pa dang / mi'i thod pa dang /
- 182b
khri'i zur shing 'chang ba sa blun po rnams dag par khong du chud do// du ba rngub pa dang / me rngub pa dang / nyi ma la lta ba dang / gdung ba lnga byed pa dang / rkang pa gcig dang / lag pa gcig bstod pa dang / rkang pa gcig gtsugs pa dang / gnas gcig na bdug pas dka' thub sogs dang / phub ma la sogs pa dang / mdag ma bsregs pa dang / bum pa bsregs pa dang / rdo bsregs pa dang / me 'bar bar 'jug pa dang / zas mi za ba dang / mya ngan dang / 'bab stegs su song ste shi bas sdug pa'i 'gro ba tshol lo// rab bsngags shes bya ba dang / gzhi mi 'grib pa zhes bya ba dang / gzhi srung zhes bya ba dang / gzhi tshugs zhes bya ba dang / smon lam dang / bstod pa dang / sbyin bsreg dang / dbab pa dang / sngags kyi bzlas brjod dang / klag pa 'dzin cing byed pas dag par khong du chud do// bdag dag par sems shing de dag la rten te/ 'di lta ste/ tshangs pa dang / dbang po dang / gu lang dang / khyab 'jug dang / lha mo dang / gzhon nu dang / ma mo dang / ka t+ya'i bu dang / zla ba dang / nyi ma dang rnam thos kyi bu dang / chu lha dang / nor can gyi bu dang / tha skar gyi bu dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / 'byung po dang / grul bum dang / yi dgas dang / 'khor dang / tshogs dang / mtshan dang / za dang / lha'i drang srong dang / rgyal po'i drang srong dang / tshangs pa'i drang srong dag
- 183a
la phyag 'tshal zhing / de dag la nyid por 'du shes so// sa dang / chu dang / me dang / rlung dang / nam mkha' la yang rten/ ri dang / ri sul dang / klung dang / chu// mig dang / mtsho dang / mtshe'u dang / rdzing dang / rgya mtsho dang / lteng ka dang / khron pa dang / rdzing bu dang / shing dang / shing gel ba dang / 'khri shing dang / rtsa dang / sdong dum dang / lhas dang / dur khrod dang / bzhi mdo dang / sum mdo dang / srang dag la yang rten to// khang pa dang / ka ba dang / rdo ba dang / tho ba dang / ral gri dang / gzhu dang / dgra sta dang / mda' dag mdung mthung dang / rtse gsum dag la yang phyag 'tshal lo// zho dang / mar dang / yungs kar dang / nas dang / shing bal gyi phreng ba dang / rtswa dur ba dang / nor bu dang / gser dang / dngul la sogs pa la bkra shis par 'dzin te/ gzhan mu stegs can 'di dag 'khor bas 'jigs skrag nas/ rnam pa de lta bu dag byed cing rten to// 'di na kha cig bdag cag gi mtho ris dang / dzar pa yang 'di lta bu dag las 'grub bo snyam du sems te/ de ltar log pa lam du song bas/ skyabs ma yin pa la skyabs su 'du shes shing / bkra shis ma yin pa la bkra shis par 'du shes la/ dag pa ma yin pa la dag par sems kyis/ bdag gis ci nas kyang phas kyi rgol ba thams cad tshar bcad par 'gyur ba dang / sems can las dang bya ba chud zos pa rnams kyis las dang
- 183b
bya ba chud mi za ba bstan par bya ba dang / gzugs na spyod pa'i lha bsam gtan spyod yul pa rnams la bsam gtan gyi khyad par bstan pas 'dun par byed pa de lta bu'i brtu la zhugs dang dka' thub kyi khyad par brtsam mo snyam mo/ / dge slong dag de ltar byang chub sems dpas de 'di snyam du bsams nas/ lo drug tu brtul zhugs dang / dka' thub shin tu drag po shin tu spyad par dka' bshin tu byang bar dka' ba'i dka' ba spyad par brtsams so/ / ci'i phyir dka' ba spyad pa zhes bya zhe na/ de ni spyad par dka' ba ste/ de bas na dka' ba spyad pa zhes bya ste/ byang chub sems dpa' srid pa tha ma pa gang bsam gtan mkha' khyab la snyoms par zhugs pa ma gtogs par sems can gyis ris na mi 'am/ mi ma yin pa sus kyang dka' ba spyad pa de lta bu spyod par nus pa med do// ci'i phyir mkha' khyab ces bya zhe na/ de dang po nyid du bsam gtan bzhi pa la snyoms par 'jug pa'i tshe/ dbugs phyi nang du rgyu ba nye bar 'gog kun tu 'gog ste/ bsam gtan de ni rtog pa med rnam par rtog pa med/ g.yo ba med/ sems pa med/ 'gyur ba med cing / thams cad rjes su song ba thams cad la mi rten pa ste/ bsam gtan de la sngon slob pa 'am/ mi slob pa 'am/ rab sang rgyas sam/ spyod pa la zhugs pa'i byang chub sems dpa' sus kyang snyoms par ma zhugs so// mkha' zhes bya ba ni nam mkha' ste/ khyab par byed pa/ byed pa med pa/ rnam par mi 'thor ba ste/
- 184a
des thams cad khyab par byed pas na/ bsam gtan de nam mkha' dang mnyam pa ste/ de bas na mkha' khyab ces bya'o// dge slong dag de nas byang chub sems dpa' 'jig rten pa rnams la ngo mtshar yang dag par bstan par bya ba dang / mu stegs can rnams kyi rgyags pa gzhil ba dang / phas kyi rgol ba rnams char bcad pa dang / lha rnams 'dun par bya ba dang / sems can chad pa dang / rtag par smra ba/ las dang bya ba chud zos pa rnams/ las dang bya ba la gzud pa dang / bsod nams kyi 'bras bu brjod pa dang / ye shes kyi 'bras bu yang dag par bstan pa dang / bsam gtan gyi yan lag rnam par dbye ba dang / lus kyi stobs dang mthu yang dag par bstan pa dang / sems kyi dpa' ba yang dag bskyed pa'i phyir/ byi dor ma byas pa'i sa la skyil mo krung bcas te 'dug go/ / 'dug nas rang gi lus sems kyis tshar bcad cing gzir to// dge slong dag de nas nga dgun gyi tshes brgyad pa'i nub mo// de ltar lus tshar bcad cing gzir bas man khung nas kyang rdul byung ste zags/ dpral ba nas kyang rdul byung ste zags nas sa la lhung zil par chags nas dro zhing drangs pa byung ngo // 'di lta ste/ dper na nyes su stobs dang ldan pas skyes bu shin tu nyam chung ba zhig mgrin pa nas bzung ste/ btsir ba de bzhin du dge slong dag lus 'di sems kyis tshar bcad cing gzir na/ mchan khung nas kyang rdul byung zhing zags/ dpral ba nas kyang rdul byung zhing zags nas
- 184b
sa la lhung ste/ zil par chags nas dro zhing rlangs pa byung ngo // dge slong dag de nas ngas 'di snyam du bsams te/ bdag gis bsam gtan ma la khyab la lasam gtan du bya'o snyam nas/ dge slong dag de nas ngas bsam gtan mkha' khyab la bsam gtan du byas pa dang / kha dang sna nas dbugs phyi nang du rgyu ba 'gags par gyur te/ rna ba'i bu ga gnyis nas sgra drag po dang sgra chen po byung ngo // 'di lta ste/ dperan sduspud pa bus pa'i tshe/ sgra drag po dang / sgra chen po 'byung ba de bzhin du/ dge slong dag kha dang sna nas dbugs phyi nang du rgyu ba 'gags par gyur pa dang / rna ba'i bu ga gnyis nas sgra drag po dang / sgra chen po byung ngo // dge slong dag de nas ngas 'di snyam du bsams te/ yang bdag gis bsam gtan mkha' khya ba la bsam gtan du bya'o snyam pa dang / de nas nga'i kha dang sna dang / rna ba 'gags par gyur to/ / de dag 'gags pa dang / rlung gong du mgo'i thod pa la gnod par gyur to// dge slong dag 'di lta ste/ dper na/ skyes bu zhig gis mdung thung rtul pos mgo'i thod pa la btab pa de bzhin du/ dge slong dag kha dang sna dang / rna ba'i dbugs phyi nang du rgyu ba 'gags pa dang / gong du mgo'i thod pa la gnod par gyur to// der lha'i bu gcig gis byang chub sems dpa' na ba de mthong nas 'di skad ces smras so/ / kye ma ho kyi hud gzhon nu don grub 'di 'chi ba'i dus byas so// gzhan zhig gis 'di skad ces smras so// 'di 'chi ba'i dus byas pa ma yin gyi/ dgra bcom pa bsam
- 185a
gtan la gnas pa rnams kyi tshul ni de lta bu'o zhes smras nas/ de'i tshe tshigs su bcad pa 'di dag smras so// mi yi bdag po shAkya'i sras pa 'di// brnag pa ma rdzogs don kyang ma mdzad cing / / 'jig rten gsum pa sdug bsngal mgon med par// mdzad nas mgon 'dir grongs par mi 'gyur grang // kyi hud sems can snying po thugs dam brtan// mgon pos sngon chad bdag cag dga' ldan du/ / dam chos mchod sbyin la ni mgron du bos// sems can dag khyod dam bcas te ga re// de nas lha de sum cu rtsa gsum gyi lha'i nang du song ste/ lha mo sgyu 'phrul la gzhon nu ni 'chi ba'i dus byas so zhes don de brjod de/ de nas lha mo sgyu 'phrul lha'i bu mo'i tshogs kyis bskor nas nam phyed tsam na/ klung ne ran dzA na'i 'gram ga la ba dang byang chub sems dpa' ga la ba der song ba dang / des byang chub sems dpa' lus bskams shing 'chi ba'i dus byas pa dang 'dra ba mthong ngo // mthong nas kyang mchi mas brnangs shing ngus nas de'i tshe tshigs su bcad pa 'di dag smras so/ / lum bi ni zhes bya ba'i tshal du nga bu btsas pa'i tshe// seng ge bzhin du 'dzin pa med par gom bdun khyod nyid song // phyogs bzhir bltas shing 'di ni nga yi skye ba tha ma zhes/ / khyod kyi tshig snyan smras pa de yang khyod la yong ma rdzogs// 'jig rten sangs rgyas 'gyur zhes drang srong nag pos bstan pa yi/ de yi lung bstan pa yang nyams la mi
- 185b
rtag des ma mthong / / bus ni yid dga' 'khor lo sgyur ba'i dpal yang ma myong la// byang chub kyang ni rjes su ma thob tshal tu 'grongs par 'gyur// bu phyir su la sgrub cing sdug bsngal su yi gan du mdud/ / bdag gi bu gcig cung zad gson pa'i srog ni su yis sbyin/ byang chub sems dpas smras pa/ shin tu snying rjes par ni du byed cing // skra yang bshig la mdzes pa rnams bor ba/ shin tu bu yi smre sngags 'don byed la// sa stangs 'dug cing 'greng ba 'di su zhig/ lha mo sgyu 'phrul gyis smras pa// bdag gis zla ba bcu bar du// rdo rje 'dra ba mngal du bcangs// bu de'i ma ni bdag yin te/ / rab tu sdug bsngal rnam par smra// de nas byang chub sems dpas ma'i dbugs 'byin cing smras pa// bu la byams pa khyod kyi ngal ba 'bras bu yod par bya yis ma 'jigs shig/ sangs rgyas par bya ba'i phyir yongs su btang ba ni don yod pa ste/ drang srong nag pos bstan pa yang mngon par gsal bar bya'o// mar me mdzad kyis lung bstan pa yang mngon par gsal bar bya'o/ / sa ni rnam rgyang 'thor bar 'gyur yang srid// rin chen rtse mo lhun po tshur 'pho srid// nyi zla skar tshogs sa la lhung 'gyur srid// so so'i skye bo yin yang nga mi 'chi// de phyir 'di la mya ngan khyod ma byed/ / ring por mi thogs byang chub sangs rgyas mthong // lha mo sgyu 'phrul gyis thos ma thag tu rab tu dga' ste/ ba spu g.yos nas byang chub sems dpa' la me tog man dar bas
- 186a
gtor te/ lan gsum bskor ba byas nas/ lha'i sil snyan dkrom zhing rang gi gnas ga la ba der song ngo // dge slong dag ngas 'di snyam du bsams te/ dge sbyong dang bram ze gang dag kha cig zas chung ngus dag par sems pa yod kyis/ ngas kyang zas chung ngu la nan tan bya'o snyam mo// dge slong dag ngas mngon par shes te/ zas su rgyag shug 'bru gcig pu kho na ste/ gnyis su med pa zos so// dge slong dag khyed kyi blo 'di snyam du de'i tshe'i rgya shug che ba snyam du sems par gyur na/ de ltar mi lta ste de'i tshe/ rgya shug kyang 'di nyid tsam mo// dge slong dag ngas zas su rgya shug 'bru gcig kho na ste/ gnyis su med pa zos pas/ lus shin tu nyam chung zhing rid par gyur to// dge slong dag 'di lta ste dper na/ ldum du a si ta ka'i tshigs pa dang ka li ka'i tshigs pa ci 'dra bar nga'i yan lag dang nying lag rnams kyang de 'dra bar gyur te/ 'di lta ste dper na/ srog chags kar ka ta ka'i rtsib logs ci 'dra bar nga'i rtsib logs gnyis kyang de 'dra bar to/ / 'di lta ste dper na/ bzhon pa'i bres khang ngam/ glang po'i bres khang rnying pa ngos gnyis zhig pa ni gdung rten gyi bar sdang zhing mngon no// de bzhin du nga'i rtsib logs gnyis ka nas lus kyi nang snang zhing mngon no/ / 'di lta ste dper na/ lan bur blas pa ni mthon dman dang mnyam pa dang mi mnyam par 'gyur ro// de bzhin du nga'i sgal tshig kyang mthon dman dang mnyam pa dang mi mnyam par
- 186b
gyur to/ / 'di lta ste dper na/ ku ba kha bo gzhon nur bcad pa ni rnaMs pa dang / kun tu rnyis pa dang / cu bcul por 'gyur ro// de bzhin du da'imag yang rnyis pa dang / kun tu rnyis pa dang / rtsu rtsub por gyur to/ / 'di lta ste dper na/ sos ka'i zla ba tha ma la khron pa'i skar ma dma' bar song ste/ tshegs chen por snang bar 'gyur ro// de bzhin du nga'i mig gi 'bras bu yang khung du song ste/ tshegs chen pos snang bar gyur to/ / 'di lta ste dper na/ ra'i rkang pa dang / rnga mo'i rkang pa ci 'dra bar nga'i mchan khung dang / lto dang / brang la sogs pa yang de 'dra bar gyur to// dge slong dag de nas nga gang gi tshe lag pas lto ba la byug go snyam na sgal tshigs nyid la reg go/ / ldang ngo snyam nas langs na yang / de bzhin du sgur por gyur te 'gyel to// sha thang ste langs na rdul gyis lus yog pa lag pas phyis pa dang / ba spu rul ba thams cad lus las lhags so// gang sngon nga kha dog mdzes shing 'jam par gyur pa de yang 'di ltar bdag nyid spong ba rtsub bor btang bas med par gyur to// nga'i spyod yul gyi grong na gnas pa'i skye bo nyon 'khor pa rnams kyang nga la 'di ltar e ma ho dge sbyong go'u ta ma ni gnag go/ / e ma ho dge sbyong goT ta ma ni sngo bsangs so// e ma ho dge sbyong go'u ma na mang gu ra'i mdog 'dra'o/ / sngon 'di'i mdog mdzes pa gsal bar gyur pa de yang med par gyur to snyam du shes so// dge slong dag ngas 'di snyam du bsams te/ bdag gis de bas kyang zas chung
- 187a
du la nan tan bya'o snyam mo/ / dge slong dag ngas mngon par shes te/ ngas zas su 'bras 'bru gcig pu kho na ste/ gnyis su med par zos so// dge slong dag khyed 'di snyam du de'i tshe 'bras che ba snyam du sems par gyur na/ de ltar mi lta ste/ de'i tshe 'bras kyang 'di nyid tsam mo// dge slong dag ngas zas su 'bras 'bru gcig zos pas lus myur du snga ma bzhin du gyur to/ / e ma ho dge sbyong go'u ta ma nyam dgu ra'i mdog 'dra'o// sngon 'di'i mdog mdzes pa gsal bar gyur pa de yang med par gyur to zhes bya ba'i bar du'o// dge slong dag ngas 'di snyam du bsam te/ bdag gis de bas kyang zas chung ngu nyid la nan tan bya'o snyam mo// dge slong dag ngas mngon par shes te/ ngas zas su til 'bru gcig pu kho na ste/ gnyis su med pa zos pa nas/ de'i kha dog 'jam po med par gyur to zhes bya ba'i bar du'o/ / dge slong dag ngas 'di snyam du bsams te/ dge sbyong dang bram ze gang dag kha cig zas mi za bas dag par sems te/ bdag gis kyang yang mas cad du zas mi za bar nan tan bya'o snyam nas/ dge slong dag de nas ngas zas mi za bar 'dug go// dge slong dag ngas ma zos pas lus shin tu bskams shing nyam chung ba dang rid par gyur to// 'di lta ste dper na/ ldum bu a si ta ka'i tshigs pa dang / ka li ka'i tshigs pa bas kyang nyis gyur dang / su ma gyur dang / bzhi gyur dang / lnga gyur dang / bcu gyur gyis/ nga'i yan lag
- 187b
rang nying lag skem par gyur te/ 'di lta ste/ rtsib logs ni srog chags kar ka ta ka'i rtsib logs dang / gzhon pa'i bres khang lta bur gyur to// skal tshigs ni la klas pa lta bur gyur to// mgo'i thod pa ni slu ba kha ba lta bur gyur to// mig gi 'bras bu ni khron pa'i skar ma lta bur gyur to// dge slong dag nga legs par ldang ngo snyam nas lus kyis bskyod nas/ sgur por gyur te 'gyel lo// sha thang ste langs nas rdul gyis lus yog pa lag pas phyis pa dang / ba spu rul ba thams cad lus las lhags so// gang sngon nga kha dog mdzes shing 'jam par gyur pa de yang 'di ltar/ bdag nyid spong ba brtsub por btang ba'i phyir med par gyur to/ / nga'i spyod yul gyi grong na gnas pa'i skye bo nye kor ba rnams kyang / 'di ltar a ma ho dge sbyong go'u ta ma ni gnag go// e ma ho dge sbyong go'u tam ni sngo bsangs so/ / e ma ho dge sbyong go'u ta ma ni nyam dgu ra'i mdog 'dra'o// sngon 'di'i kha dog mdzes pa gsal bar gyur pa de yang med par gyur to snyam du shes so// de'i tshe rgyal po zas gtsang mas kyang nyin re bzhin byang chub sems dpa'i drung du pho nya btong ngo / / dge slong dag de ltar byang chub sems dpa' snga ma bzhin du 'jig rten du bya ba rmad du byung ba bstan pa dang / bya ba nyams pa'i sems can rnams las dang bya ba la gzung ba dang / bsod nams kyi tshogs rnams brjod pa dang / ye shes chen po'i yon tan bstan pa dang / bsam gtan gyi yan lag rnams rnam par dbye ba'i phyir
- 188a
til 'bru gcig dang / rgya shug 'bru gcig dang / 'bras 'bru gcig gi lo drug gi bar du dka' ba spyad pa bstan te/ yid dman pa med pa'o// byang chub sems dpa' lo drug gi bar du skyil mo krung bcas nas ji ltar 'dug pa bzhin du gnas te/ spyod lam nyams pa med do// nyi mas bab nas kyang grib ma la ma song ngo // grib ma las kyang nyi ma la ma song ngo // rlung dang nyi ma dang char pa'i skyabs ma btsal to/ / sha sbrang dang / sbrang bu dang / sdig sbrul ma bskrad do// bshang ba dang / gci ba dang / mchil ma dang / snabs ma bor ro// bskum pa dang sbyang ba ma byas so/ glos phab pa'am/ khas bub pa 'am/ gan rgyal ma yin par gnas pas gnas so// sprin chen po dang / yul ngan chen po dang / char pa dang / ser ba dang / ston dang / dpyid dang / dgun gang yin pa de dag gis kyang byang chub sems dpa'i lus la ma phog go// tha na byang chub sems dpas lag pas kyang ma skyabs so// dbang po yang ma bkag go// dbang po'i yul yang ma blangs so/ / gang dag der 'ong bgrong gi gzhon nu 'am/ grong gi gzhon nu ma 'am/ ba lang rdzi 'am/ phyugs rdzi 'am/ rtsa thun nam/ shing thun nam/ gci thun de dag kyang byang chub sems dpa' la dur khrod kyi 'dre yin pa snyam du sems shing de la rtsen te/ de la sas skud do// der byang chub sems dpa' lo drug po de dag gis lus ngan pa dang / gong ba dang / ring par gyur te/ de'i rna ba gnyis su
- 188b
swa 'am/ shing bal bcug nas/ sna'i bu ga gnyis su 'byin to// sna'i bug gnyis su bcug nas/ rna ba'i bug gnyis su 'byin to// rna ba'i bu ga gnyis su bcug nas khar 'byin to// khang bcug nas rna ba dang sna'i bu gar 'byin to/ / snar bcug nas 'byin to// lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag byang chub sems dpa'i yon tan mngon sum du gyur pa de dag nyin mtshan du gnas shing / byang chub sems dpa' la mchod pa byed do// smon lam yang 'debs so// de na byang chub sems dpa lo drug gi bar du dka' ba spyod pa ston cing / lha dang mi khrag khrig phrag bcu gnyis tshangs pa dag theg pa gsum la yongs su smin par byas so// de la 'di skad ces bya ste/ byang chub sems dpa' khyim byang ba/ / yon tan dag dang ldan pa de// sems can don dang phan pa'i phyir// thabs dang ldan pa'i bsam pa skyes// snyigs ma lnga yi dus kyi tshe// chos dman mos pa'i 'jig rten pa// las dang bya bor 'jig rten du/ 'dzam bu gling 'dir skyes par 'gyur// mu stegs tshogs kyi rab tu gang // ltad mo dang ni bltas su lta// lus la gnod pa bya ba byed/ byis pa de dag dag par sems g.yang sa me dang mya ngan 'jug/ sgren mo sa dang thal ba skud// lus ni yongs su gdung ba'i phyir// gdung ba lnga la brtson dang ldan// lag pa brkyang ste rgyu ba dang // mi mkhas kha cig lag pa ldag/
- 189a
bum pa khar gzhong las mi len// sgo dang ka bas chos mi len// gang na khyi yod pa nas min// 'dug ce'am chur shog ces las min// khyim nas kha cig kha zas cig len pas/ / bdag ni dag par 'gyur snyam sems// mar dang 'bru mar bu ram zho// nya dang sha dang 'o ma spong // ldam ldam sre da pad+ma'i rtsa// gzegs dang ba lang gci ba za// rtsa ba 'bras bu lo ma dang / / ku sha tshal bu la ba sbags// srel byed kha cig sgren mor rgyu// glen pa 'di bden gzhan brdzun snyam// lag pa sgreng bar byed pa dang // skra bsgreng ral bar bsgreng ba dag/ lam las rab tu rnam par nyams// las min gnas shing bde 'gro 'dod// rtswa dang gtun shing thal bar nyal// tsher mar nyal zhing cog pur 'dug/ kha cig rkang pa gcig pus 'greng / / gdong bstod nyi dang zla la lta// chu mig mtsho dang lteng ka dang // rgya mtsho chu bo nyi zla dang // shing dang ri yi rtse mo dang // rdza dang sa la phyag kyang 'tshal// glen pa de dag mnod mang gis/ / lus ni yongs su skam par byed// log par lta dang ldan pa dag/ myur du ngan song rnams su ltung // nga ni dka' thub brtul zhugs dang // dka' spyad gang zhig lha dang mis// spyad par nus pa ma yin pa'i// dka' spyad drag po rtsom snyam sems// bsam gtan gang zhig rang rgyal gyis// blta bas nus pa ma yin pa'i// rdo rje lta bur brtan gnas pa// mkha'
- 189b
khyab bsam gtan bsam gtan byed/ / mu stegs brtul zhugs ngan pa yis// dga' ba'i lha mi 'di na yod// de dag yongs su smin bya'i phyir// dka' spyad brtul zhugs drag po brtsams sa stengs ci yang mi bting bar/ / skyil mo krung ni bcas te 'dug/ rgya shug til dang 'bras 'bru gcig/ za ba'i cho ga rnam par ston// dbugs dbyung rngub po rnam par spangs// stobs dang ldan pa g.yo ba med/ / lo drug bar du bsam gtan mchog/ nam mkha' khyab la bsam gtan byed// rtog dang rnam par rtog pa med// g.yo ba med cing sems rgyu med// nam mkha'i khams su khyab pa yi/ / mkha' khyab bsam gtan bsam gtan byed// de ni nyin las grib mar ram// grib las nyi mar song ma byas// lhun po lta bur mi g.yo ba'i// mkha' khyab bsam gtan bsam gtan byed/ / rlung dang char dang sha sbrang dang // sdig sbrul sbrang bu skyob mi byed// rnam par ma 'khrugs spyod pa yis// mkha' khyab bsam gtan bsam gtan byed// bdag nyid gcig pu'i don gyi phyir/ / mkha' khyad bsam gtan byed pa min// gzhan du snying rje'i sems kyis ni// 'jig rten don mang ched du sgom// grong gi byis pa ba lang rdzi// shing thun dag dang rtsa thun dag/ de la dur khrod 'dre snyam sems/ / de la sa yis skud byed cing // mi gtsang ba yang 'thor bar byed// de dag gnod pa mang byed kyang // g.yo ba med cing 'khrugs med par// mkha' khyab bsam gtan bsam gtan
- 190a
byed/ / mtho ba med cing dma' ba med// lus ma bsrungs par chos ma reg/ bshang ba mi byed gci mi byed// sgra yis mi 'jigs gzhan mi lta// sha dang khrag rnams skams gyur/ te/ pags pa rtsa rgyus rus pa lus// sgal tshigs dag ni lto bar snang // lan bu blas pa ci bzhin no// gang dag lhag par byas lha dang // lha min gnod sbyin dri za klu// yon tan ldan pa mngon sum pas/ / nyin dang mtshan du mchod pa byed// ji ltar mkha' 'dra'i sems ldan 'di// mkha' khyab bsam gtan bsam gtan byed// de 'drar bdag cag myur gyur ces// smon lam dag kyang 'debs par byed/ / snying rje blo yis 'jig rten gyi// don mang phyir byed ma gtogs par// bdag phyir ma yin bde blos min// bsam gtan ro ni myang phyir min// phas kyi rgol ba rab tu bcom// mu stegs blo nyams zil gyis mnan/ / mgo rog byang chub ga la yod// byang chub bskal mang rnyed dka' zhes// 'od srungs la ni tshig smras pa'i// las dang bya ba rab tu bstan// skye bo dag ni dga' bya'i phyir/ / mkha' khyab bsam gtan bsam gtan byed// lha mi khrag khrig bcu gnyis tshang // theg pa gsum la rab tu btul// de yi ched du blo gros bzang // mkha' khyab bsam gtan bsam gtan byed/ / dka' ba spyad pa'i le'u zhes bya ba ste bcu bdun pa'o// // dge slong dag bdud sdig can yang // byang chub sems dpa' lo drug gi bar du dka' ba spyad pa spyod pa'i
- 190b
tshe/ / phyi bzhin 'brang ste glags bltas/ skabs btsal kyang / nam yang glags cung zad kyang ma rnyed do// de glags ma rnyed nas/ yi chad de yid la gcags bzhin du song ngo // de la 'di skad ces bya ste/ dgon pa nyams ni dga' ba dang // nags tshal gel ba sgra med dang // lteng rgyas kyi ni shar phyogs na// chu klung ne ran dzA ra der// spong ba'i phyir ni brtson par byas// rtag tu mthu rtsal brtan pa po/ / grub dang bde ba thob bya'i phyir// brtson pas rab tu brtul de la// bdud ni 'jam zhing snyan pa'i tshig/ smra bar byed cing 'ongs par gyur// kye srog gces kyis 'tsho bar gyis// gson na chos ni spyod par 'gyur// gson tshe bya ba gang yod pa// de dag byas nas mya ngan med// khyod dge mdog nyams dman par gyur// khyod ni shi la thug cing 'dug/ 'chi ba'i cha ni stong snyed tsam/ / cha gcig tsam zhig gson par zad// sbyin pa dag ni rtag tu byin// me yi sbyin bsreg sbyin bsreg byos// 'on tang bsod nams chen por 'gyur// spong ba yis ni ci zhig bya// spong ba'i lam ni sdug bsngal te/ / sems dul ba ni bya dka' zhes// de tshe bdud kyi de skad tshig/ byang chub sems dpa' de la smras// de skad smra ba'i bdud de la// byang chub sems dpas 'di skad smras/ / sdig can myos pa'i rtsa lag po// khyod ni rang gi don phyir 'ongs// nga la bsod nams cung zad kyang // don du gnyer ba med do bdud// gang dag bsod nams don du gnyer// de la
- 191a
'di skad smra ba'i rigs/ / 'tsho ba'i mtha' ni 'chi yin pas// mi 'chi snyam dung mi sems// tshangs par spyod la gzhol gyur pas// phyir ldog par ni mi bya'o// chu klung dag gi chu rgyun kyang / / rlung gis rnam par skems byed na// spangs pa nyid kyi khrag tsam lta// 'di yis ci phyir skams mi 'gyur// khrag ni skams par gyur pa dang // de yi 'og tu sha skams 'gyur/ sha ni zad par gyur pa dang // phyir zhing sems ni dang bar 'gyur// phyir zhing 'dun dang brtson 'grus dang // ting nge 'dzin kyang gnas par 'gyur// nga ni de ltar gnas pas na// tshor ba dam pa thob gyur kyang / / lus dang srog la mi lta ste// sran thub dag par gyur la ltos// nga la 'dun pa yod gyur cing // brtson 'grus dang ni shes rab yod// nga ni brtson 'grus skyed nus pa// 'jig rten de dag ngas mi mthong / / srog chad shi ba ches bla ste// 'tsho ba ngan pa de ltar min// g.yul ngor shi ba legs pa ste// pham nas gson pa de ltar min// sngar ma dpung las mi rgyal te// dpa' bo dpung las rgyal bar 'gyur/ / rgyal yang de ni rlom sems med// bdud khyod las ni myur rgyal bya// 'dod pa khyod kyi dang po'i dpung // mi dga' ba ni gnyis pa yin// khyod kyis gsum pa bkres dang skom/ / sred pa dpung tshogs bzhi pa yin// rmugs pa gnyis ni lnga pa ste// 'jigs pa drug par brjod pa yin// khyod kyi the tsom bdun pa ste// khro dang 'chab pa brgyad pa yin// 'thab
- 191b
dang tshigs bcad bkur ste dang / / log par grags pa gang thob dang // bdag la bstod par byed pa dang // gzhan la smod par byed pa dang // de dag nag po'i rtsa lag tu// lhung ba'i bdud kyi dpung yin no/ / dge sbyong bram ze kha cig ni// 'di na glags lta 'khod par snang // khyod dpung gang yin lhar bcas kyi// 'jig rten 'di ni rab 'dul ba// so btang ma byas snod chus zhing // shes rab kyis ni de dag bshig/ dran pa legs par nyer gzhag ste// shes rab legs par bsgom byas nas// shes bzhin du ni spyad par bya// blo ngan khyod kyi ci byar yod// de skad ces smras pa dang bdud sdig can sdug bsngal zhing yid mi bde ste/ / yi ma rangs nas yid la gcags bzhin du// de nyid du mi snang bar gyur to// // 'phags pa rgya cher rol pa zhes bya ba theg pa chen po'i mdo/ bam po bcu gnyis pa/ dge slong dag de nas byang chub sems dpa' 'di snyam du sems te// dge sbyong dang / bram ze gang dag kha cig 'das pa dang ma 'ongs pa dang / da ltar byung ba'i dus na// bdag la gnod pa byed pa dang / lus la gdung ba byed de/ sdug bsngal drag po chob mi bzang ba/ yid du mi 'ang ba'i tshor ba myong par byed pas// de dag shin tu sdug bsngal myong ngo snyam mo/ / dge slong dag ngas 'di snyam du bsams te/ spyad pa 'di dang sgrub pa 'das/ mi'i chos tha ma las mchog tu gyur pa/ 'phags pa ye shes mthong ba'i khyad par gang sa
- 192a
mngon du ma byas te/ 'di ni byang chub kyi lam ma yin/ lam 'di ni ma 'ongs pa'i skye ba dang / rga ba dang / 'chi ba 'byung ba nub par byed pa ma yin te/ byang chub kyi lam ma 'ongs pa'i skye ba dang / rga ba dang / 'chi ba'i sdug bsngal 'byung ba nub par byed pa gzhan zhig yod do snyam mo// dge slong dag ngas 'di snyam du bsams te/ ngas pa'i skyed mo'i tshal du/ shing 'dzam bu'i grib ma la 'dug ste/ 'dod pa rnams las dben pa/ sdig pa mi dge ba'i chos rnams las dben pa rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po nas bsam gtan bzhi pa'i bar du bsgrubs te gnas pa de byang chub kyi lam yin te/ skye ba dang / rga ba dang / na ba dang / 'chi ba'i sdug bsngal 'byung ba rnams nub par 'gyur ba yin snyam nas/ de byang chub kyi lam yin no snyam ste/ nga'i rnam par shes pa de'i rjes su 'brang bar gyur to// ras 'di snyam du bsams te/ 'di ltar nyam chung bar gyur pas ni lam de mngon par rdzogs par byang chub par bya mi nus so/ / gal te 'di ltar lus ngan cing nyam chung bzhin du mngon par shes pa dang / ye shes kyi stobs kyi byang chub kyi snying por song na ni/ ngas phyi ma'i skye bo la snying brtse ba byas par mi 'gyur te/ 'di yang byang chub kyi lam ma yin gyis/ ngas kha zas rags pa zos la lus kyi mthu stobs bskyed de/ de nas gdod byang chub kyi snying por 'gro snyam mo// dge
- 192b
slong dag de na lha'i bu gang dag nga la mos pa de dag gis/ nga'i sems kyi yongs su rtog par sems kyis shes nas/ nga ga la ba der 'ongs te/ nga la 'di skad ces smras so// skyes bu dam pa zhal zas rags pa ma gsol cig/ bdag cag gis ba spu'i khung bur mdangs stsal bar bgyi'o// dge slong dag ngas 'di snyam du bsams te/ bdag ni zas mi bza' bar bdag nyid kyis dam bcas la/ / bdag gi spyod yul gyi grong na gnas pa'i skye bo nyon 'khor ba rnams kyis kyang 'di ltar dge sbyong go'u ta ma ni zas mi za ba yin par yang shes te/ nga la mos pa'i lha'i bu 'di dag gis nga'i ba spu'i khung bur mdangs bcug par gyur na/ ngas shin tu brdzun smras par 'gyur ro snyam mo// de nas byang chub sems dpa' brdzun smra ba spang ba'i phyir/ lha'i bu de dag gi tshig ma mnyan par kha zas rags pa bza' bar sems btud do/ / dge slong dag de ltar byang chub sems dpas lo drug gi bar du brtul zhugs dang / dka' thub nyams su blangs nas/ stan de las langs te kha zas rags pa 'di lta ste/ bu ram gyi dbu ba dang / mon sran sde'u'i khu bcud dang / ha re nu ka'i khu bcud dang / zan dang / 'bras chan dang / 'dren mar bza'o zhes tshig tu brjod do// dge slong dag de nas lnga sde bzang po dag 'di snyam du sems te/ dge sbyong go'u ta mas/ lam 'di dang bsgrub pa 'dis mi'i chos bla ma las mchog tu gyur pa/ 'phags pa ye shes mthong ba'i khyad par gang yang
- 193a
mngon du byed ma nus na/ kha zas rags pa 'di zos te/ bsod nams la sbyor ba dang ldan par gnas pas ci nus te/ mi gsal ba byis pa yin no snyam du bsams nas/ byang chub sems dpa'i gan nas song ste/ grong khyer wA ra Na ser song nas/ drang srong lhung ba ri dgas kyi nags su gnas so// de nas byang chub sems dpa' thog ma nyid du dka' ba spyad pa spyod pa na/ grong pa'i bu mo gzhon nu bsus lta ba dang / phyag bya ba'i phyir bsnyen bkur byas so// lnga sde bzang po de dag gis kyang rim gro byas shing rgya shug 'bru gcig dang / 'bras 'bru gcig dang til 'bru gcig dbul ba yang phul lo/ / grong pa'i bu mo bcu ni bu me stobs ldan ma zhes bya ba dang / stobs sbed ma dang / shin tu sdug dang / sde las rnam par rgyal dang / a ti mug ta ka'i phreng ba can dang / mdzes ma dang / rdza byed ma dang / skra lcang lo rgyas dang / ral bu can dang / legs skyes ma zhes bya ba ste/ gzhon nu de dag gis byang chub sems dpa'i tshod ma'i rnam pa de dag thams cad byas te phul lo// byang chub sems dpas kyang de dag zos nas rim gyis spyod yul gyi grong du bsod snyoms spyad pas/ mdog dang / gzugs dang / stobs dang ldan par gyur to// de tshun chad byang chub sems dpa' la dge sbyong mdzes pa/ dge sbyong chen po zhes 'dzer to// dge slong dag de nas byang chub sems dpa' dang po nyid du dka' ba spyad pa spyod pa na/ byang chub sems dpas brtul zhugs dang / dka'
- 193b
thub nyams 'og tu chud par bya ba dang lus rtas par bya ba'i phyir grong pa'i bu mo legs skyes mas/ nyin gcig bzhin du bram ze brgyad brgya zas byin zhing 'di skad du bdag gi zas zos pas/ bya sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar shog cig ces smon lam yang btab bo/ / dge slong dag lo drug 'das nas/ ngas 'di snyam du bas te/ gal te bdag gis mdoms g.yogs 'ga' zhig rnyed na re ste snyam mo// dge slong dag de'i tshe grong pa'i bu mo legs skyes ma'i bran mo grub ma zhes bya ba zhig shi nas/ de sha na'i ras kyis dkris te/ dur khrod du bor bar gyur pa'i phyag dar khrod pa de ngas mthong nas/ ngas phyag dar khrod pa de blang ba'i phyir// rkang pa g.yon pas mnan te dgus nas/ lag pa g.yas pa brkyang ba dang de nas sa bla'i lhas par snang gi lha rnams la sgra bsgrags pa/ grogs po dag 'di ltar rgyal po chen po'i rigs su skyes pa 'khor lo sgyur ba'i rgyal srid bor te/ phyag dar khrod pa la sems btud pa ngo mtshar te/ grogs po dag 'di ni rmad du byung ba'o// bar snang gi lha rnams kyis/ sa bA'i lha rnams kyi sgra thos nas rgyal chen bzhi'i ris kyis lha rnams la sgra bsgrags so// rgyal chen bzhi ris pas kyang sum cu rtsa gsum pa la'o/ / sum cu rtsa gsum pas kyang 'thab bral ba la'o// 'thab bral bas kyang dga' ldan pa la'o// dga' ldan pas kyang 'phrul dga' ba la'o// 'phrul dga'
- 194a
bas kyang gzhan 'phrul dbang byed pa la'o/ / gzhan 'phrul dbang byed pas kyang tshangs ris pa'i bar du'o// skad cig de dang / thang cig de dang / yud tsam de la grogs po 'di ltar rgyal po chen po'i rigs skyes pa/ 'khor lo sgyur ba'i rgyal srid bor te/ phyag dar khrod pa la sems btud pa ngo mtshar te/ 'di ni rmad du byung ba'o zhes sgra gcig dang / brjod pa gcig 'og min gyi gnas kyi bar du grags par gyur to/ / de nas byang chub sems dpas yang 'di snyam du bsams te/ bdag gis phyag dar khrod pa ni rnyed na/ gal te chu zhig rnyed na re ste snyam mo de nas de nyid du lhas lag pa sa la brdabs pa dang / der rdzing bu zhig byung bar gyur te/ deng sad du'ang lag pa brdabs pa'i rdzing zhes grags so// de nas yang byang chub sems dpas 'di snyam du bsams te/ bdag gis chu ni rnyed na/ gal te phyag dar khrod pa 'di bkru ba'i rdo lab cig rnyed na re ste snyam pa dang / skad cig de nyid la brgya byin gyis der rdo leb bzhag nas/ de la byang chub sems rabs phyag dar khrod de bkrus so/ / de nas lha'i dbang po brgya byin gyis// byang chub sems dpa' la 'di skad ces smras so// skyes bu dam pa 'di kho bo la stsol cig dang / kho zas bkru'o// de nas byang chub sems dpas rab tu byung ba ni bdag nyid kyis bya bar bstan pa'i phyir/ brgya byin la ma byin par bdag nyid kyis bkrus so// de lus ngal te changad nas rdzing nas 'byung snyam pa dang / bdud
- 194b
sdig can phrag dog gi chos dang ldan pas rdzing du ga pa mthon po zhig sprul to/ / rdzing de'i 'gram na shing sgrub byed ces bya ba chen po zhig yod de/ byang chub sems dpa' 'jig rten dang mthun par bya bas/ lha mo la phan gdags pa'i phyir/ shing de'i lha mo la smras pa/ lha mo shing gi yal ga spod cig/ des kyang shing gi ya la ga smad nas// byang chub sems dpas del 'jus te byung ngo // byung nas kyang shing sgrub byed de'i drung du phyag dar khrod ba chos gos snam sbyar du byas nas drubs te ding sang du yang de phyag dar khrod badrubs pa zhes ming du grags so// de nas gnas gtsang ma'i ris kyi lha'i bu 'od dri ma med pa zhes bya ba des lha'i gos ngur smrig gi tshon du bcos pa rung ba/ dge sbyong gi tshul dang mthun pa dag byang chub sems dpa' la phul lo// byang chub sems dpas kyang de dag blangs te/ snga dro sham thabs dang / chos gos bgos nas spyod yul gyi grong du phyogs pa dang // de na lha rnams kyis lteng rgyas kyi sde dpon gyi grong na/ dga' byed ces bya ba'i grong mi zhig yod pa'i bu mo legs skyes ma la nam phyed tsam na smras pa/ khyod kyis gang gi phyir mchod sbyin byas pa de brtul zhugs de nyams 'og tu chud nas/ de kha zas rags pa bzang po bza' bar sems kyis/ sngon khyod kyis bdag gi phas zos nas/ byang chub sems dpa' bla na med pa yang dag par rdzogs pa'i byang chub mngon par rdzogs par tshangs rgya bar shog cig ces smon lam btab pa gang yin pa khyod kyi bya ba de gyis
- 195a
shig/ dge slong dag de nas grong mi dga' byed kyi bu mo legs skyes mas/ lha de dag gi tshig de thos nas myur ba myur bar/ ba stong gi 'o ma lan bdun du bsnyen bkur byas pa bzang po mchog tu 'gyur ba snying po can zang te/ blangs nas kyang 'o ma de 'bras gsar pa gsar pa dag dang / phrub gsar par blugs nas thab gsar par btsugs te/ kha zas de sgrub bo// de sgrub ba na snga ltas 'di dag snang ste/ 'o ma de'i nang na dpal be'u dang / bkra shis dang / g.yung 'khrung 'khyil ba dang / pad+ma dang / sdong ris la sogs pa bkra shis rnams snang ngo // de nas des 'di snyam du bsams te/ ltas 'di lta bu 'di dag snang ba las na/ byang chub sems dpas zas zos nas byang chub thob par 'gyur tu the tshom med do snyam pa dang / brgya mtsho ba shes shing cho ga shes pa'i mtshan mkhan phyogs der phyin par gyur nas des kyang bdud rtsi 'thob pa nyid du lung bstan to/ / de nas legs skyes mas thug pa de chos pa dang thang la bzhag ste/ me tog gis gtor/ spos chus gtor nas gus par stan bting ste/ bran mo gong ma zhes bya ba la smras pa/ gong ma song la bram ze bos shig/ ngas ni 'o thub sbrang rtsi can 'di blta'o// jo mo legs so zhes de'i ltar mnyan nas/ shar phyogs logs su song ba dang / de byang chub sems dpa' mthong ngo // de bzhin du lho phyogs loH su song na yang byang chub sems dpa'
- 195b
mthong ngo / / de bzhin du nub dang byang phyogs logs su song na yang de dang der/ des byang chub sems dpa' mthong ngo // de'i tshe na gnas gtsang ma'i ris kyi lha'i bu rnams kyis gzhan mu stegs can thams cad tshar bcad par gyur pas 'ga' tsam yang mi gnang ngo / / de nas de slar log ste jo mo la 'di skad ces smras so// gang dang gang du mchis kyang de dang de na dge sbyong mdzes pa gda' ba las/ dge sbyong ngam/ bram ze gzhan ni bga' tsam yang mig da'o// legs skyes mas smras pa/ de nyid bram ze yin te de'i phyir 'di brtsams kyis/ gong ma song la de nyid bos shig/ jo mo legs so zhes smras te/ gong ma song nas byang chub sems dpa'i rkang pa gnyis la gtugs te legs skyes ma zhes bgyi bas spyan 'dren to zhes smras so// / dge slong dag de nas byang chub sems dpa' grong ba'i bu mo legs skyes ma'i khyim du song ste stan bting ba la 'dug go/ dge slong dag de nas grong pa'i bu mo logs skyes mas 'o thug sbrang rtsi can gyis gser gyi snod chen po bkang ste/ byang chub sems dpa' la phul lo// de nas byang chub sems dpa' 'di snyam du bsams te/ legs skyes mas kha zas 'di lta bu 'di byin pa 'di bdag gis deng zos te/ the tsom med par bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam mo// de nas byang chub sems dpas zas
- 196a
de blangs nas/ grong ba'i bu mo legs skyes ma la 'di skad ces smras so// che zhe gser gyi snod chen po 'di ji ltar bya/ des smras pa/ khyod snoms shig/ byang chub sems dpas smras pa/ kho bo la ni gnod 'di lta bu mi dgos so// legs skyes mas smras pa/ ci dgyes su mdzod cig/ bdag ni snod ma mchis par su la yang zas mi sol to// de nas byang chub sems dpas zas de thogs te/ lteng rgyas nas byung nas/ drol bab pa dang / klu'i klung chu bo nor na dzA na'i ngogs su song ste/ zas dang chos gos rnams phyogs cig tu bzhag nas byang chub sems dpa' lus bsil bar bya ba'i phyir/ klung ne ran dzA na'i nang du zhugs so// dge slong dag byang chub sems dpa' khrus byed pa'i tshe/ lha'i bu brgya stong du ma dag 'di lta ste/ byang chub sems dpa' la mchod pa'i las kyi phyir lha'i a ka ru dang / tsan dan gyi phye ma dang / byugs pa dag klung du ldugs shing lha'i me tog kha dog sna tshogs kyang chu'i nang du 'thor ro/ / de'i tshe klung chen po no rAn dzA na lha'i spos rnams dang / me tog rnams kyis gang bar gyur te 'bab bo// byang chub sems dpa' spos chu gang gis khrus byas par gyur pa de lha'i bu bye ba khrag khrig brgya stong dag gis blangs te/ mchod rten du bya ba dang / mchod pa bya ba'i phyir/ rang rang gis gnas su khyer ro// byang chub sems dpa'i sgra dang ag com gang yin pa de dag kyang grong pa'i bu mo
- 196b
legs skyes mas/ bkra shis pa yin no snyam nas/ mchod rten du bya ba dang / mchod par bya ba'i phyir khyer ro// byang chub sems dpa' klung nas byung nas 'dug par 'dod de gling la lta'o// de nas klung ne ran dzA na'i klu'i bu mo gang yin pa de sa'i 'og nas byung ste/ yid las byung ba'i seng ge'i khri byang chub sems dpa' la phul nas/ byang chub sems dpa' de la 'dug ste/ grong ba'i bu mo legs skyes ma la snying brtse ba nye bar bzung nas/ ci tsam dgos par 'othug sbrang rtsi can de 'thungs so// 'thungs nas kyang gser gyi snod chen po de la ma chags par chur bor ro// bor ma thag tu klu'i rgyal po rgya mtshos mchod pa'i 'os yin no zhes dad pa dang gus pa bskyed de blangs nas rang gi gnas su song ngo / / de nas mig stong pa grong khyer 'jigs pa nam mkha' lding gi gzugs su sprul nas kha rdo rje'i mchur bsgyur te/ klu'i rgyal po rgya mtsho las gser gyi snod chen po dang brog tu brgal na/ ma nus nas rang gi gzugs kyis gus par byas te/ bslangs nas mchod rten du bya ba dang / mchod par bya ba'i phyir sum cu rtsa gsum gnas su khyer ro/ / khyer nas kyang snod chen po'i dge 'dun gyis dus ston byas te/ ding sang du yang sum cu rtsa gsum pa'i lha rnams lo gcig bzhin du snod chen po'i dus ston byed do/ / seng ge'i khri de yang klu'i bu mo de nyid kyis mchod rten du bya ba dang / mchod par bya ba'i phyir khyer ro// dge slong dag byang chub sems dpa' zas rags pa zos ma thag tu
- 197a
byang chub sems dpa'i bsod nams kyi stobs dang / shes rab kyis stobs kyis skad cig de nyid la lus la snga ma'i kha dog bzang po rgyas pa dang / skyes bu chen po'i mtshan sum cu rtsa gnyis dang / dpe byad bzang po brgya bcu dang / 'od 'dom gang ba yang byang bar gyur to// de la 'di skad ces bya ste/ lo drug bar du brtul zhugs nyams 'og chud byas bcom ldan blo gros 'di snyam sems/ gal te bdag ni 'di ltar ring bzhin bsam gtan mngon shes ye shes stobs ldan pa// shing gi rgyal po'i drung du song ste thams cad mkhyen nyid 'tshang rgyar bya na ni// de lta na yang/ bdag gis phyi ma'i skye bo dag la snying brtse ma byas 'gyur/ bsod nams ngan ngon tsam dang ldan pa'i lha mi 'di dag ngan pas ye shes tshol// de dag lus ni nyam chung gyur na bdud rtsi 'tshang rgya byed par mi nus pas/ / kha zas rags pa dam pa zos te lus kyi mthu stobs skyed par byas nas ni// shing gi rgyal po'i drung du song ste thams cad mkhyen nyid 'tshang rgyar bya bar bsams// grong pa'i bu mo sngon chad spyod pa spyad pa legs skyes ma zhes bya ba de/ / 'dren pa brtul zhugs grub par shog ces de lta'i yid kyis rtag tu mchod sbyin byed// de ni lha yis bskul ba thos nas de che 'o thug sbrang rtsi can blangs te/ / glang gi 'gram du song nas dga' ba'i yid kyis ne ran dzA na'i ngogs na 'dug/ bskal pa stong du spyod pa spyad cing dbang po zhi la rab tu zhi ba de// lha dang klu yi tshogs dang drang
- 197b
srong dag gis bskor te ne ran dz+nyA nar 'ongs/ / pha rol rgal nas sems can sgrol ba blo gros ldan pa khrus byas bsams nas ni// thub pa dag pa dri med 'jig rten snying rtse phyir ni klung du zhugs te 'brus bye ba phrag stong lha dag dga' ba'i yid kyis spos rnams dang ni phye ma dag/ klung du 'thor zhing sems can dam pa bkru ba'i don tu chu la gang bar byed// byang chub sems dpa'i dri med nges pa bkrus te 'dug par shes gyur nas/ / lha stong rab tu dga' ste sems can dag pa bkrus pa'i chu de mchod phyir khyer// ngur smrig bzang po dri ma med pa'i gos dag lha yi bu yis de la byin// rung ba dag dang sham thabs bgos nas bcom ldan 'das ni chu klung ngogs na 'dug/ klu yi bu mo dga' zhing rab tu mgu ba'i yid kyis seng ge'i khri yang bshams// de la 'jig rten dag gi mig byed yid kyang rab tu zhi ba de 'dug nas/ / blo gros ldan pa legs skyes ma des gser gyi snod du kha zas blugs te byin// rkang par phyag 'tshal nas ni de dag kha lo sgyur ba bdag gis gsol zhes byas blo gros ldan pas ji tsam dgos par zas kyang zos nas snod ni chur bor te/ / de ni grong khyer 'jig pa lha yi bla mas bdag gis mchod par bya zhes khyer// gang tshe rgyal bas kha zas rags pa dam pa zos pa de yi skad cig la/ / de yi lus kyi stobs dang gzi brjid dag dang dpal yang snga mkho bzhin du gnas// legs skyes ma dang lha rnams dag la chos gtam byas nas don kyang mang du byas//
- 198a
seng ge ngang pa'i stabs dang glang po'i dbang po'i gros kyis byang chub shing drung chas// ne ran dzA na'i le'u zhes bya ba ste bco brgyad pa'o// // dge slong dag de ltar byang chub sems dpa' klung ne ran dzA nar khrus byas te zas zos nas/ / lus kyi mthu stobs bskyed de/ bdud las rnam par rgyal bar bya ba'i phyir rnam pa bcu drug dang ldan pa'i sa phyogs shing gi rgyal po byang chub chen po'i drung ga la ba der skyes bu chen po'i stabs gang yin pa'i stabs des song ste mi bskyod pa'i stabs dang / dbang po'i mchod sdong lta bu'i bstabs dang / ri'i rgyal po lhun po ltar shin tu brtan pa'i stabs dang / mi ngom pa ma yin pa'i stabs dang / ya yo med pa'i stabs dang / 'tshe ba med pa'i stabs dang / rings pa ma yin pa'i stabs dang / sdod pa med pa'i stabs dang / 'khrugs pa med pa'i stabs dang / 'khyor pa med pa'i stabs dang / 'drud pa med pa'i stabs dang / zhum pa med pa'i stabs dang / ha cang mi sdod pa'i stabs dang / mi g.yo ba'i stabs dang / tab tab po med pa'i stabs dang / tshul du shis pa'i stabs dang / dri ma med pa'i stabs dang / dge ba'i stabs dang / zhe sdang med pa'i stabs dang / gti mug med pa'i stabs dang / chags pa med pa'i stabs dang / seng ge'i stabs dang / ngad pa'i rgyal po'i stabs dang / klu'i rgyal po'i stabs dang / sred med kyi bu'i stabs dang / sa la mi rig pa'i
- 198b
stabs dang / rtsibs stong dang ldan pa'i 'khor lo'i ri mo sa la snang ba'i stabs dang / sor mo drabs 'brel cing sen mo zangs lta bu'i stabs dang / so sgra 'byin pa'i stabs dang / ri rdob pa'i stabs dang / mthon dman mnyam par byed pa'i rkang mthil gyi stabs dang / dra ba'i bar na sa bod dang 'od zer phyung nas/ sems can la reg na bde 'gror 'gro ba'i stabs dang / pad+ma drim med pa la gom pa 'dor ba'i stabs dang / sngon dge ba legs par sprad pa'i 'gros kyi skabs dang / sngon gyi sangs rgyas seng ge'i khri la bzhugs pa'i stabs dang rdo rje ltar bsam pa ba zhing mi phyed pa'i stabs dang / ngan song ngan 'gro thams cad gcod pa'i stabs dang / bde ba thams cad skyed pa'i stab dang / khar pa'i lam ston pa'i stan dang / bdud kyi stobs stobs med par byed pa'i stabs dang ngan pa'i tshogs can gyi tshogs phas kyi rgol ba chos dang mthun pas tshar bcad pa'i stabs dang / mun pa'i ling tog dang / nyon mongs pa sel ba'i stabs dang / 'khor ba'i phyogs phyogs med par byed pa'i stabs dang / brgya byin dang / tshangs pa dang / dbang phyug chen po dang / 'jig rten skyong ba rnams zil gyis gnon pa'i stabs dang / stong gsum gyi stong chen kho na dpa' bo gcig pu'i stabs dang / rang byung zil gyis mi non pa'i stabs dang / thams cad mkhyen pa'i ye shes thob par byed pa'i stabs dang / dran pa dang blo gros kyi stabs dang / bde
- 199a
'gror 'gro ba'i stabs dang / rga ba dang / 'chi ba rab tu zhi bar byed pa'i stabs dang / zhi ba rdul med pa/ bdud kyi 'jigs pa med pa mya ngan las 'das pa'i grong khyer du 'gro ba'i stabs te/ de 'dra ba'i stabs kyis byang chub sems dpa' byang chub kyi snying por chas so// dge slong dag de ltar klang ne ra na dzA na dang / byang chub kyi snying po'i bar der/ rlung gi sprin gyi lha'i bu rnams kyis lam phyag dar byas par gyur to/ / char sprin rnams kyis spos chus chag chag btab bo// me tog kyang chal bar bkram mo// stong gsum gyi stong chen po'i 'jig rten gyi khams 'di na shing ji snyed cig yod pa de dag thams cad kyang / shing byang chub ga la ba de logs su rtse mo 'dud par gyur to// gang dag de'i nyin par btsas pa'i byis pa de dag kyang / byang chub kyi snying po logs su mgo bstan te nyal lo/ / stong gsum gyi stong chen po'i 'jig rten gyi khams 'di na ri rab la sogs pa ri gang dag yod pa de dag thams cad kyang / byang chub kyi snying po ga la ba de logs su 'dud par gyur to/ / klung ne ran dz+nyA na nas bzung ste/ byang chub kyi snying po'i bar der 'dod pa na spyod pa'i lha'i bu rnams kyis kha tshon rgyang grags tsam tshun chad kyi lam mngon par bshad par gyur to/ / lam de'i 'gram g.yas g.yon du yang rin po che sna bdun gyi stegs bu 'phang du shing ta la bdun tsam du mtho ba/ steng du rin po che'i dra ba bres pa/ lha'i gdugs dang / rgyal mtshan dang /
- 199b
ba dan gyis legs par rgyan pa sprul to// mda' rgyang gang tsam mda' rgyang gang tsam gyi zhing / rin po che sna bdun gyi shing ta la stegs bu de bas mtho ba mngon par sprul te/ shing ta la thams cad rin po che/ brgyus pas phan tshun 'brel par 'dug go/ shing ta la gnyis gnyis kyi bar du rdzing spos chus yongs su gang ba gser gyi bye ma brdal ba/ me tog ut+pa la dang / pad+ma dang / ku mu da dA dang / pad+ma dkar po la sogs pas gang ba rin po che'i stegs bus bskor ba/ nor bu rin po che bai DUR+Yas thems skas brgyan pa/ chu sreg dang / bya gar dang / ngang pa dang / ngur pa dang / khrung khrung dang / rma byaH 'byin pa'i rdzing dag byas so/ / lam de na lha'i bu mo brgyad khri ni spos chus chag chag 'debs so// lha'i bu mo brgyad khri ni me tog sil ma lha'i dri bsung dang ldan pa 'thor ro// shing ta la thams cad kyi mdun logs su rin po che'i mkha' rten bzhag go/ / rin po che'i mkha' rten thams cad lha'i bu mo tsan dan dang / a ga ru'i phye ma'i phung ma thogs pa dang / dus kyi rjes su 'brang ba'i bdug pa'i pog por thogs pa brgyad khri 'khod par gyur to/ / rin po che mkha' rten thams cad la lha'i bu mo lha'i glu dbyangs len pa lnga khri ba khod par gyur to// dge slong dag de ltar byang chub sems dpa' zhing rnams ni rab tu spyod/ 'od zer bye ba khrag khrig brgya stong ni 'byin/ sil snyan brgya stong ni sgrogs/ me tog mang po'i char chen po ni 'bebs/ gos brgya stong gi g.yab mo ni 'dor/ rnga bo che brgya stong na
- 200a
brdung / rta dang / glang po che dang / glang khyab rnams ni sgra 'byin/ bya ne co dang / ri skegs dang / khu byug dang / ka la bing+ga dang / shang shang te'u dang / ngang pa dang / dur/ pa dang / khrung khrung dang / rma bya brgya stong ni bskor ba byed/ bkra shis pa brgya stong ni 'bul zhing lam gyi bkod pa rnam pa de lta bu des/ byang chub sems dpa' byang chub kyi snying por song ngo // gang gi n ub mo byang chub sems dpa' byang chub mngon par mngon par rdzogs par byang chub par 'dod par gyur pa de nyid kyi nub mo stong gsum gyi stong chen po'i bdag po tshangs pa dbang sgyur zhes bya ba des tshangs pa'i 'khor chen po de la bos te 'di skad ces smras so/ / grogs po dag shes par gyis shig/ byang chub sems dpa' sems dpa' chen po go cha chen po ma nabs pa// dam bcas pa chen po ma bor ba/ go cha sra ba banabs pa/ thugs yongs su mi skyo ba/ byang chub sems dpa'i spyod pa thams cad tshar phyin pa pha rol tu phyin pa thams cad kyi pha rol tu byon pa/ byang chub sems dpa'i sa thams cad la mnga' dbang brnyes pa/ byang chub sems dpa'i bsam pa thams cad kyi bya ba shin tu mkhyen pa/ sems can thams cad kyi dbang po'i rjes su zhugs pa/ de bzhin gshegs pa'i gsang ba thams cad la shin tu zhugs pa/ bdud kyi las kyi lam thams cad las yang dag par 'das pa/ dge ba'i rtsa ba thams cad la gzhan gyi dring mi 'jog pa/ de bzhin gshegs pa thams cad kyis byin gyis brlabs
- 200b
pa/ sems can thams cad la rab tu thar pa'i lam ston pa// ded dpon chen por gyur pa/ bdud kyi dkyil 'khor thams cad 'joms par mdzad pa/ stong gsum na dpa' bo gcig pur gyur pa/ chos kyi sman thams cad yang dag par bsgrub pa/ sman pa'i rgyal po chen por rnam par grol ba'i babs thob pa/ chos kyi rgyal po chen po shes rab kyi 'od chen po gtong ba tog chen po'i rgyal po// 'jig rten gyi chos brgyad kyis mgos pa/ pad+ma chen po lta bu/ chos thams cad kyi gzungs ma skyes pa/ rgya mtsho chen po dang 'dra ba/ rjes su chags pa dang / khong khro ba dang bral ba/ mi g.yo ba/ mi skyod pa/ ri rab chen po lta bu/ shin tu dri ma med pa/ shin tu yongs su dag pa/ shin tu dkar ba'i blo dang ldan pa/ nor bu rin po che dang 'dra ba/ chos thams cad la dbang sgyur ba/ sems las su rung ba/ tshangs pa chen po lta bu'i byang chub sems dpa' de bdud kyi sde rab tu btul ba dang / bla na med pa yang dag par rdzogs pa'i byang chub tu mngon par rdzogs par byang chub par bzhed pa dang / stobs bcu dang mi 'jigs pa bzhi dang / sangs rgyas kyi chos ma 'dres pa bco brgyad yongs su rdzogs par mdzad pa dang / chos kyi 'khor lo chen po bskor ba dang / seng ge'i sgra chen po bsgrags pa dang chos kyi sbyin pas sems can thams cad tshim par mdzad pa dang / sems can thams cad kyi chos kyi mig rnam par sbyang ba dang / phas kyi rgol ba thams cad chos dang mthun pas tshar bcad pa dang
- 201a
sngon dam bcas pa yongs su rdzogs pa kun tu bstan pa dang / chos thams cad la dbang phyug gi mnga' dbang brnyes pa'i mdzad pa'i phyir// byang chub kyi snying por bzhud kyis de la grogs po dag khyed byang chub sems dpa' lam mchod pa dang / rim gro bya ba'i las thams cad la spro bar gyis shig/ de nas tshangs pa chen po dbang sgyur gyis/ de'i tshe tshigs su bcad pa 'di dag smras so/ / gang gi bsod nams dag dang gzi brjid dpal gyis byams dang snying rje dga' ba dang / btang snyoms dang ni bsam gtan dag dang de bzhin mngon shes tshangs pa'i lam snang ba/ / bskal pa stong du spyod pa spyad pa de ni byang chub shing drung chas par gyur// thub pa de la bsam pa'i brtul bzhugs sgrub par byed pa'i mchod pa legs par bya// de la skyab su song na ngan 'gro'i 'jig dang mi phrad mi khom mi 'gyur te/ / lha yi nang du 'dod pa'i bde ba rnyed nas tshang ba'i gnas yang 'gro bar gyur// lo drug bar du dka' ba spyad pa spyad nas 'di ni byang chub shing drung bzhud// kun kyang dga' zhing rab tu mgu ba'i yid kyis de la mchod pa legs par gyis/ de ni stong gsum rgyal po dbang phyug dam pa chos kyi dbang phyug rgyal po ste// brgya byin tshangs pa nyi zla grong khyer dag na de dang mnyam pa gang yang med// gang bcas tshe na zhing rnams bye ba khrag khrig rnam pa drug tu g.yos gyur pa// de ni de ring bdud kyi dpung las rgyal bar mdzad phyir shing chen mchog drung bzhud// gang gi spyi gtsug tshangs pa'i gnas
- 201b
'dir gnas kyang blta bar nus pa ma yin zhing / / gang gi sku la mtshan rab dam pa ldan zhing sum cu rtsa gnyis legs brgyan la// gang gi gsung 'dir yid du 'ong zhing snyan la rnar 'thad tshangs dbyangs sgra snyan cing / / gang gi thugs ni rab zhi khro dang bral ba de la mchod pa byed du 'dong // gang dag blo gros brgya byin tshangs pa'i gnas su bsam gtan bde bas 'da' bya dang // nyon mongs 'ching ba'i 'khri shing kun dang dra ba de dag gcod par byed 'dod dang / / gzhan las ma thos par ni rang rgyal byang chub zhi pa 'chi med thob 'dod dang // gal te sa gsum dag na sangs rgyas nyid 'dod dag 'dran ba mchod par gyis/ / gang gis rgya mtshor bcas pa'i sa dang de bzhin rin po che rnams mtha' yas dang // khang bzangs skar khung bsil khang mang ldan pa dang zung du sbrel dang bzhon pa dang // me ton 'phreng ba shin tu mdzes pas brgyan pa skyed mo'i tshal gyis rab brgyan dang // rkang lag mgo dang mig rnams yongs su btang ba de ni byang chub snying por gzhugs// dge slong dag de ltar stong gsum gyi tshangs pa chen po de skad cig de la/ / stong gsum gyi stong chen po'i 'jig rten gyi khams 'dir phyir te/ lag mthil ltar mnyam par gyur pa/ gyo mo dang rdo med pa/ nor bu dang / mu tig dang / bai DUR+Ya dang / dung dang / man shel dang / byi ru dang / gser dang / dngul mang ba/ rtswa sngo zhing 'jam la g.yas su 'khyil cing g.yung drung 'khyil ba/ ka tsa lin+di ka'i gos ltar reg
- 202a
na bde ba dag gis stong gsum gyi stong chen po'i 'jig rten gyi khams khyab pa 'dir phyin to/ / de'i tshe rgya mtsho chen po thams cad sa lta bur gyur kyang chu na rgyu ba'i sems can rnam la gnod pa cung zad kyang med do/ / 'jig rten gyi khams de ltar brgyan pa 'di phyogs bcu'i brgya byin dang / tshangs pa dang / 'jig rten skyong ba rnams kyis mthong nas byang chub sems dpa' la mchod pa'i las kyi phyir/ sangs rgyas kyi zhing brgya stong legs par brgyan to// byang chub sems dpa' la mchod pa'i las kyi phyir/ byang chub sems dpa' rnams kyis kyang lha'i d ang mi'i las shin tu 'das pa'i mchod pa bkod pa rnams kyis phyogs bcu'i sangs rgyasmrasangs rgyas kyi zhing de dag thams cad kyang bkod pa'i rgyan sna tshogs kyis brgyan pas sangs rgyas kyi zhing gcig lta bur snang bar gyur to/ / 'jig rten gyi bar dag dang / ri nag po dang / khor yug dong / khor yug chen po dag kyang mi snang bar gyur to// sangs rgyas kyi zhing de dag thams cad ni byang chub sems dpa'i 'od kyis gsal bar snang ngo / / byang chub kyi snying po yongs su skyong ba'i lha'i bu bcu drug yod de// 'di lta ste/ lha'i bu ud ka li zhes bya ba dang / lha'i bu mud ka li zhes bya ba dang / skye dgu'i bdag po dang / dpa' stobs dang / dpung rgyan stobs dang / rab brtan dang / sa 'dzin dang / sdang byed dang / dri ma med dang / chos kyi dbang phyug dang /
- 202b
chos kyi rtog dang / 'gro grub dang / mig thogs pa med pa dang / bkod pa chen po dang / tshul khrims rnam dag dri ldan dang / pad+ma'i 'od de lha'i bu bcu drug po de dag ni byang chub kyi snying po yongs su skyong ba ngag ste/ thams cad kyang phyir mi ldog pa'i bzod pa thob pa sha stag go/ de dag gis kyang byang chub sems dpa' la mchod pa bya ba'i phyir byang chub kyi snying po brgyan te/ dpag tshad brgyad cu khor yus tu rin po che sna bdun gyi stegs bu rim pa bdun gyis ni bskor/ shing ta la'i 'phreng ba rim bdun dang / rin po che'i dril bu g.yer ka'i dra ba rim bdun dang / rin po che'i brgyus pa rim pa bdun gyis bskor/ 'dzam bu chu bo'i gser gyi glegs pa ma rin po che thams cad kyis spras pa dag dang / gser gyi tshong tshong dag dang / 'dzam bu chu bo'i gser gyi pad+ma dag gis ni khebs par byas/ snying po mchog gi spos kyis ni bdugs/ rin po che'i dra ba ni bris so// phyogs bcu'i 'jig rten gyi khams tha dad pa dag na shing sna tshogs mngon par 'phags pa/ bzang ba mngon du mchod pa/ lha yul ba dang / mi yul pa gang dag na yod pa de dag thams cad kyang // byang chub kyi snying po dor snang bar gyur to// phyogs bcu dag na chu nas skyes pa dang / thang las skyes pa'i me tog rnam pa sna tshogs gang dag yod pa de dag thams cad kyang / byang chub kyi snying po dar snang bar gyur to// phyogs bcu'i 'jig rten gyi khams tha dad pa dag na/ byang chub sems dpa' gang dag
- 203a
bsod nams dang ye shes kyi tshogs tshad med pa'i bkod pa dag gis byang chub kyi snying po rgyan par byed pa de dag kyang / byang chub kyi snying po dor snang bar gyur to// de ltar lha'i bu byang chub kyi snying po yongs su skyong ba dag gis byang chub kyi snying por bkod pa de 'dra ba dag sprul par gyur te/ de dag lha dang / klu dang / gnod sprin dang / dri za dang / lha ma yin dag gis mthong nas/ rang rang gis gnas la dur khrod tsam gyi 'du shes skyes par gyur to// bkod pa de dag mthong nas shin tu ngo mtshar cher 'dzin te/ e ma ho bsod nams kyi rnam par smin pa'i rgyu mthun pa bsam gyis mi khyab pa legs so zhes ched du brjod pa'ang ched du brjod do/ / byang chub kyi shing gi lha mo bzhi yod de// 'di lta ste/ 'od ma dang / snyam ldan dang / yid bzangs dang / mdangs ldan ma ste/ byang chub kyi shing gi lha mo bzhi po de dag gis kyang / byang chub sems dpa' la mchod pa bya ba'i phyir/ byang chub kyi shing rtsa ba phun sum tshogs pa/ sdong po phun sum tshogs pa/ yal ka dang / lo ma dang / me tog dang / 'bras bu sna tshogs phun sum tshogs pa/ khrun dang sboms phun sum tshogs pa/ mdzes pa/ blta na sdug paH/ shin tu 'grel ba 'phang du shing ta la bdun srid du tsam du mtho ba de dang 'tsham par 'grel pa/ bkra ba/ blta na sdug pa/ yid du 'ong ba/ rin po che sna bdun gyi stegs bu rim pa bdun gyis bskor ba/ rin po che'i
- 203b
shing ta la'i phreng ba rim pa bdun dang / rin po che'i dril bu g.yer ka'i dra ba rim pa bdun dang / rin po che brgyus pa'i phreng ba rim pa bdun gyis kun nas bskor cing phyi rim bskor ba/ shing yongs 'du sa brtol dang 'dra ba/ mig gis blta bas mi ngoms pa bskyed do// gang du byang chub sems dpa' 'dug nas/ byang chub mngon par rdzogs par byang chub par 'dod pa'i sa phyogs de ni/ stong gsum gyi stong chen po'i 'jig rten gyi khams kyi rdo rje'i dkyil de sra ba/ snying po yod pa/ mi phyed pa/ rdo rje'i rang bzhin du gnas par gyur pa'o// dge slong dag de ltar byang chub sems dpa' byang chub kyi snying por 'gro ba na/ lus las rnam pa 'di lta bu'i 'od 'gyed de/ 'od des ngan song thams cad zhi bar gyur to// mi khom pa thams cad bcad par gyur to// ngan 'gro'i tshor pa thams cad bskams par gyur to/ / sems can gang dag dbang po ma tshang ba de dag ni dbang po yongs su rdzogs par thob par gyur to// nad kyis btab pa rnams ni nad sos par gyur to// mi bde ba thams cad ni bde ba thob par gyur to// 'jigs pas nyen pa rnams ni dbugs phyin pa thob par gyur to// bcing bas bcings pa rnams ni bcings pa las grol bar gyur to// sems can dbul po rnams ni longs spyod dang ldan par gyur to/ / nyon mongs pas gdungs pa ni yongs su gdungs pa med par gyur to// bkres pa rnams ni lto 'grangs par gyur to// skom pa rnams ni
- 204a
skom pa med par gyur to/ / sbrum ma rnams ni bde bar btsas par gyur to// zhum pa nyam chung ba rnams ni stobs phun sum tshogs par gyur to// de'i tshe sems can ga la yang 'dod chags dang / zhe sdang dang / gti mug dang / khro ba dang / 'chab pa dang / tha ba dang / gnod sems dang / phrag dog gi gnod pa med par gyur to// de'i tshe sems can gang yang 'chi ba med/ 'pho ba med/ skye ba med do// de'i tshe sems can thams cad byams pa'i sems dang / phan pa'i sems dang ldan zhing gcig la cig pha mar 'du shes skyed par gyur to// de la 'di skad ces bya ste// / mnar med pa la thug pa'i bar// dmyal ba mi bzad snang ba yi// sems can rnams kyi sdug bsngal zhi// bde ba'i tshor ba thob par gyur// dud 'gro'i skye 'gro sems can rnams/ phan tshun gnod byed ji snyed pa// thub chen 'od kyis reg pas na// de dag byams pa'i sems kyang skyes// yi dgas 'jig rten yi dgas rnams// bkres skom nyed pa ji snyed pa/ byang chub sems dpa'i gzi brjid kyis// de dag zas skom rnyed par gyur// mi khom thams cad chad gyur cing // ngan 'gro rnams kyang skams par gyur// sems can thams cad bder gyur te/ / lha yi bde bas rab tu tshim// mig dang rna ba med pa dang // gzhan yang gang dag dbang po nyams// de dag dbang po kun rdzogs shing // yan lag thams cad mdzes
- 204b
par gyur/ / 'dod chags zhe sdang la sogs pa'i// nyon mongs rnams kyis sems can gang // gnod gyur de tshe nyon mongs kun// zhi bar gyur te bde dang ldan// smyos pa dag ni dran ldan zhing / / dbul po dag kyang nor dang ldan// nad kyis btab pa nad sos shing // bcing bas bcings pa grol bar 'gyur// ser sna med cing dgra med de// gnod sems dang ni rtsod pa dag/ phan tshun byed pa med gyur te/ / de tshe byams pa'i sems su gnas// pha dang ma dag bu gcig la// ji ltar phangs par sems pa ltar// de bzhin sems can phan tshun du// de tshe bu phangs bzhin du sems/ / byang chub sems dba'i 'od dra yis// phyogs bcu'i phyogs ni kun tu yang // gang+gA'i bye ma'i grangs snyed kyi// zhing rnams bsam gyis mi khya ba ga sa la// ri bo nag po rnams dang ni/ / khor yug dag kyang mi snang gyur// rgya chen zhing rnams de dag kun// gcig po ji bzhin de ltar snang // lag mthil lta bur gyur pa te// byang chub sems dpa' mchod pa'i phyir// zhing rnams thams cad legs brgyan pas// thams cad rin chen nyid du snang // byang chub snying po'i rim gro ba// lha ni de ltar bcu drug yod// dpag tshad brgyad cu'i sa khyon nang // byang chub snying por brgyan par gyur/ / zhing rnams bye ba mtha' yas na// bkod pa chen po gang yod pa// byang chub sems dpa'i gzi brjid kyis// de dag thams cad der yang snang // lha dang
- 205a
klu dang gnod sbyin dang / / mi 'am ci dang lto 'phye che// rang rang gzhal med khang rnams la// dur khrod tsam du shes par gyur// 'dir ni bkod pa de mthong nas// lha dang mi rnams ngo mtshar gyur/ / bsod nams gang gi rgyu mthun 'dir// phun sum 'di 'dra 'di legs mtshar// lus dang ngag dang yid rnams kyis// brtson par byed pa med par yang // de yi yid la 'dod pa dang // bsam pa thams cad rab tu 'grub// ji ltar bsam pa gzhan dag kyang // sngon spyod chen rdzogs gyur pa// las de'i rnam par smin pa yis// 'di 'dra'i phun sum tshogs 'di byung / / byang chub shing gi lha mo bzhin// lha yi shing gi yongs 'du ba// de bas khyad par 'phags pa yis// byang chub snying por rgyan par byas// byang chub snying po'i bkod pa gang / lha yis mngon par 'dus byas pa// yon tan de dag tshig gis ni// thams cad brjod par yong mi nus// dge slong dag de ltar byang chub sems dpa'i lus las 'od phyung ba// rnam par dag pa/ dri ma med pa/ lus dang sems tshim par byed cing dga' ba skyed pa/ nyon mongs pa thams cad sel ba// sems can la dga' ba dang / bde ba dang / dad pa dang / mchog tu dga' ba thams cad skyed pa des/ klu'i rgyal po nag po'i gnas snang bar byas par mthong nas// de'i tshe klu'i rgyal po nag po rang gi 'khor gyi mdun du 'dug ste/ tshigs
- 205b
su bcad pa 'di dag smras so/ / gang phyir bdag gis gnas 'dir gser gyi 'od kyi brgyan par lhang nger gyur pa las// ji ltar 'khor ba 'jig gi 'od mdzes mthong zhing gser zhes bya ba mthong ba dang / / ji ltar 'od srungs chos kyi rgyal po'i skyon med pa yi dri med 'od mthong ltar// mtshan mchog ldan zhing phan mdzad ye shes 'od ldan pa zhig byung du the tsom med// sngon chad nyes par byas pa'i las kyi bdag gi khyim ni shin tu mun pas gang / / khyim 'di na ni nyi ma zla ba dag gi rgya chen 'od kyang yong mi snang // me dang nor bu dag dang dri med klog dang skar ma rnams kyi 'od mi snang / / brgya byin 'od dang tshangs pa'i 'od dang lha min rnams kyi 'od mi snang na// de ring khyim 'di nang du nyi ma'i 'od 'dra ba yi dge bas mdzes gyur la// sems kyang dga' ba skyed cing lus kyang bde bar gyur la lus ni bsil gyur te/ / lus kyi steng du bye tshan 'bab pa de yang bdag la bsil bar gyur pa las// bskal pa bye ba mang por spyad pa byang chub shing drung bzhud par shi tu gsal/ / klu'i me tog mdzes dang bzang la dri zhim gos dang mu tig do shal dang // rgyan dang gdub bu dag dang phye ma rnams dang bdug pa mchog rnams myur thogs la// glu dbyangs dag dang rol mo'i dbyangs sgra sna tshogs gyis shig rnga dang rdza rnga dag/ brdung zhing 'gro ba kun gyi mchod 'os phan pa mdzad la mchod pa byed du 'deng // de ni langs te klu yi bu mo rnams dang lhan cig phyogs bzhin
- 206a
bltas pa dang / / de nas ri bo lhun po lta bur gzi brjid rnams kyis legs par brgyan pa zhig/ lha dang lha min bye ba dag dang tshangs pa'i dbang dang gnod sbyin rnams kyis bskor/ / dga' ba'i yid kyis de la mchod byed shul ni 'di zhes ston cing 'dod pa mthong // klu yi rgyal de rab tu dga' zhing mgu nas 'jig rten mchog la mchod byas te// gus dang bcas pas de yi rkang pa gnyis la phyag 'tshal thub pa'i mdun du 'dug/ klu yi bu mo rnams kyang dga' zhing mgu ba'i yid kyis thub la mchod pa byed// me tog rnams dang spos dang byug pa dag kyang 'thor zhing sil snyan rnams kyang byed/ / klu yi rgyal po rab tu dga' nas thal sbyar yang dag yon tan rnams kyis stong // 'dren pa 'jig rten dam pa dgung zla nya ba'i zhal 'dra mthong bar gyur pa legs// bdag gis sngon chad drang srong rnams kyi mtshan ma mthong ba khyod kyang de 'dra ste// de ring khyod kyis bdud kyi dpung rnams bcom ste bzhed pa'i go 'phangs brnyes par 'gyur// gang gi don du sngon chad dul dang sbyin dang bsdams shing bdog pa kun btang la/ / gang gi don du dul dang tshul khrims byams dang snying rje ba dang bzod pa bsgom// gang gi don du brtson 'grus brtan dang bsam gtan dgyes dang shes rab 'bar mdzad pa/ / khyod kyi smon lam de dag thams cad rab tu rdzogs nas de ring rgyal bar 'gyur// ji ltar ljon shing lo ma me tog 'bras bur bcas pa byang chub shing la 'dud// ji ltar dus
- 206b
pa chab kyis gang ba stong dag khyod la skor ba rab bgyid cing / / ji ltar tsam shi'i tshogs rnams rab tu dga' ste snyan pa'i sgra skad 'byin pa dang // ji ltar ngang pa khrung khrung tshogs kyang mkha' la mchi zhing tshul du shis ldan pa/ / dang ba'i yid kyis drang srong la ni skor ba bgyid las de ring dgra bcom 'gyur// ji ltar gser gyi kha dog lta bur mdzes pa'i 'od rnams zhing ni brgyar mchi ste// ji ltar ngan song mtha' dag zhi bar gyid cing skye dgu'i sdug bsngal thar bgyid dang / / ji ltar nyi ma zla ba'i gnas kyis rgyun chad ser ma'ang dal bus 'dang ba las// srid pa gsum du skye dang rga ba thar mdzad pa yi ded dpon de ring 'gyur/ / ji ltar lha rnams 'dod pa'i dga' ba spangs te khyod la mchod du lhags pa dang // tshangs dang tshangs pa'i mdun na 'don dang lha rnams bsam gtan bde ba spangs pa dang / gang yang srid pa gsum na dbang phyug dam pa thams cad 'dir lhags las// srid pa gsum du skye rga thar bar mdzad pa'i sman pa'i rgyal po de ring byon// ji ltar lha rnams dag gis phyag dar bgyis pa'i shul des nas ni khyod gshegs la/ / bcom ldan 'khor ba 'jig dang gser zhes bgyi dang 'od srungs dag kyang de nas gshegs// ji ltar pad+ma bzang po dri ma ma mchis rnam dag dogs btol byung ste/ / de la stobs chen ldan pa zhabs kyi gom pa 'dar las de ring dgra bcom 'gyur// bye ba khrag khrig stong brag du ma'i gang+gA'i klung gi byem snyed kyi bdud// de dag rnams kyis zang
- 207a
chub shing drung nas ni khyod la bskyod pa 'am g.yo ma nus/ / mchod sbyin khrag khrig phrag stong rnam pa du ma gang+gA'i klung gis bye ma snyed// khyod kyis mdzad cing 'gro la phan phyir spyad pa des na 'dir ni rnam par mdzes/ / rgyu skar zla bar bcas shing skar ma nyi mar bcas pa mkha' las sar lhung gda'// ri mchog chen po rang gi gnas nas g.yo zhing rgya mtsho skams par 'gyur yang gda'/ / skyes bu mkhas pa bzhi po dag re re nas ni ston nus gda'// khyod ni shing gi rgyal po'i drung du gshegs nas byang chub ma thob bzhengs mi gda'// gang gi slad du kha lo sgyur ba mthong zhing mchod bgyis yon tan brjod pa dang / / byang chub tu yang spro bas bdag gis rnyed pa 'phel ba rgya chen rnyed par gyur// bur bcas bdag dang klu yi bu mo thams cad skye gnas 'di las thar gyur cing / / glang po dregs pa'i stabs su bzhud pa khyod kyi stabs des bdag cag mchis par bgyi// dge slong dag de ltar klu'i rgyal po nag po'i chung ma dam pa gser 'od ces bya ba/ klu'i bu mo rin po che'i gdugs sna tshogs thogs pa dang / sil snyan sna tshogs thogs pa dang / mu tig gi do shal sna tshogs thogs pa dang / nor bu rin po che sna tshogs thogs pa dang / lha dang mi'i phreng babargyus pa sna tshogs thogs pa dang / bog por sna tshogs thogs pa dang / sil snyan dang glu dbyangs sna tshogs len pa rab tu mang pos yongs su bskor cing mdun du bdar te/ byang chub sems
- 207b
dpa'i gan du 'dong zhing rin po che'i me tog sna tshogs mngon par gtor te/ tshigs su bcad pa 'di dag gis kyang bstod do// 'khrul pa mi mnga' mi bsnyengs mi 'joms bag mi tsha// ma zhus ma dman rab tu dgyes par gdul dka' ba/ / ma chags mi sdang ma rmongs brkam pa mi mnga' ba// chags bral rnam grol drang srong khyod la phyag 'tshal lo// sman pa zug rngu bral ba gdul ba gdul mdzad pa/ 'grol ba sdug bsngal rnams las thar mdzad sman pa mchog/ gnas dang skyabs ma mchis shing dman pa mkhyen nas ni// 'jig rten gsum 'dir gnas dang skyabs su khyod byung ngo // ji ltar lha tshogs rab tu dad cing dgar 'gyur te/ / me tog char pa chen po mkha' las 'bebs pa dang // 'di dag ji ltar gos chen 'thor bar bgyid pa las// de ring rgyal bar 'gyur gyis rab tu dgyes ba mdzod/ / shing dbang drung du gshegs la brnyengs pa mi mnga' bzhugs// bdud kyi sde las rgyal mdzod nyon mongs dral ba drol// sngon gyi rgyal dbang rnams kyis ji ltar sangs rgyas ltar/ byang chub zhi ba dam pa mchog tu 'tshang rgyar mdzod// khyod kyis gang gi don du bskal pa bye mang du// 'gro ba sgrol ba'i don du dka' ba spyad pa mdzad// khyod kyi dgongs pa rdzogs te dus la dbab kyis// shing dbang drung du gshegs de byang chub mchog reg mdzod// dge slong dag de nas byang chub sems dpa' 'di snyam du bsams te// sngon gyi de bzhin gshegs pa de dag ci
- 208a
zhig la bzhugs nas/ / bla na med pa yang dag par byang chub mngon par rdzogs par sangs rgyas snyam mo// de nas des yang 'di snyam du bsams te// rtswa bting nas bzhugs so snyam mo/ / de nas gnas gtsang ma'i ris kyi lha'i tshogs brgya stong par snang la 'khod pa dag gis// byang chub sems dpa'i sems kyi yongs su rtog pa sems kyis shes nas tshig 'di skad ces smras so/ / de de bzhin no// skyes bu dam pa de de bzhin te/ sngon gyi de bzhin gshegs pa de dag rtsa bting ba la bzhugs nas/ bla na med pa yang dag par rdzogs pa'i byang chub mngon par rdzogs par sangs rgyas so/ / dge slong dag byang chub sems dpas lam gyi g.yas rol na rtswa 'tshong bkra shis pa zhes bya ba rtswa sngo ba 'jam pa/ shin tu gzhon pa/ nyams dka' ba/ lcang lor 'khyil par 'dug pa g.yas su 'khyil pa/ rma bya'i mgrin pa lta bu/ ka tsa lin+da'i gos ltar reg na bde ba/ dri rab tu zhim pa/ kha dog dang ldan pa/ yid du 'ong ba dag rnga zhing 'dug pa mthong ngo / / mtho nas kyang byang chub sems dpas lam bor te/ rtswa 'tshong bkra shis pa ga la ba der song nas phyin pa dang / rtswa 'tshong bkra shis pa la snyan pa'i tshig gis smras te/ tshig de ni kun shes par byed pa dang / rnam par shes par byed pa dang / rnam par gsal ba dang / mi chod pa dang / chags par byed pa dang / snyan cing 'jebs pa dang / mnyan par 'os pa dang /
- 208b
snum pa dang / go bar byed pa dang / skul ba dang / tshim par byed pa dang / dga' bar byed pa dang / mi rtsub pa dang / sha sha bo ma yin pa dang / mi brlang ba dang / mi brkam pa dang / 'jam pa dang / snyan pa dang / rnar bde ba dang / lus dang sems shin tu dga' bar byed pa dang / 'dod chags dang / zhe sdang dang / gti mug dang / 'thab pa dang / rnyog pa sel ba dang / ka la bing+ge'i sgra skad lta bu dang / bya ku na la dang / shang shang te'u la sogs pa sgra 'byin pa'i nga ro lta bu dang / rnga bo che dang / glu dbyangs kyi sgra skad kyi nga ro dang / ldan pa dang gnod pa med pa dang / bden pa dang / gsal ba dang / yang dag pa dang / tshangs pa'i sgra skad bsgrags pa'i gdangs lta bu dang / rgya mtsho'i sgra'i shugs lta bu dang / ri rdob pa'i sgra lta bu dang ldan pa dang / b+ha'i dbang po dang / lha ma yin gyi dbang pos mngon par bstod pa dang / zab pa dang gting dpag dka' ba dang / bdud kyi stobs stobs med par byed pa dang / phas kyi rgol ba'i smra ba 'jom pa dang / seng ge'i sgra'i shugs lta bu dang / rta dang glang po che'i sgra 'byin pa'i nga ro lta bu dang / glu sgra sgrogs pa lta bu dang / 'brug zer ba'i sgra lta bu dang / phyogs bcu'i sangs rgyas kyi zhing thams cad rgyas par 'gengs pa dang / gdul ba'i sems can thams cad tshim par byed pa dang / tabatab po ma yin pa dang / 'tshe ba med pa dang / mi shol ba dang / 'tsham pa dang
- 209a
rigs pa dang / dus su smra ba dang / dus las mi yol ba dang / chos brgya stong legs par brgyus pa dang / gnyes pa dang / thogs pa med pa dang / rgyun chad pa med pa'i spobs pa dang ldan pa dang / skad cig gis skad thams cad sgrogs pa dang / bsam pa thams cad shes par byed pa dang / bde ba thams cad skyed pa dang / thar pa'i lam yang dag par ston pa dang / lam gyi tshogs smra ba dang / 'khor las mi 'da' ba dang / 'khor thams cad tshim par byed pa dang / sangs rgyas thams cad kyis gsungs pa dang mthun pa ste/ byang chub sems dpas de lta bu'i tshig gis rtswa 'tshong bkra shis pa la tshigs su bcad de smras pa/ / bkra shis rtswa dag nga la myur du byin// de ring nga la rtswas ni don chen 'gyur// dpung dang bcas pa'i bdud ni bcom nas su byang chub dam pa zhi ba reg par 'gyur/ / gang gi ched dung yis bskal stong du// sprin dang dul dang sdom dang stong byas dang // tshul khrims brtul zhugs dka' thub rab sprad pa// de ni de ring nga yis thob par 'gyur/ / bzod pa'i stobs dang de bzhin brtson 'grus stobs// bsam gtan stobs dang de bzhin shes rab stobs// bsod nams dang ni mngon shes rnam thar stobs// de ni de ring nga la 'grub par 'gyur// shes rab stobs dang thabs kyi stobs gang dang // rdzu 'phrul dang ni chags med byams pa'i stobs// so so yang dag rig dang bden pa'i stobs// de ni de ring
- 209b
nga la 'grub par 'gyur/ / de ring nga la rtswa sbyin byas na ni// khyed la bsod nams stobs ni mtha' yas te/ de ni khyod kyi ngan pa'i rgyur mi 'gyur khyod kyang ston pa bla na med par 'gyur// bkra shis pas ni 'dren pa'i tshig snyan rab tu mdzes thob nas/ / dga' zhing mgu la yi rang rab tu dga' ba'i yid kyis ni// rtswa 'ja ma gzhon zhing bzang la reg par ldan pa spar gang thogs// mdun du 'dug nas rab tu dga' ba'i sems kyis 'di skad smras/ / gal te rtswa yis byang chub go 'phang dam pa 'chi med pa// mchog gyur zhi ba blta dka' sngon gyi rgyal ba'i lam 'thob na// yon tan chen po rgya mtsho'i grags pa dpag med khyod pa zhes shig/ bdag gis go 'phang dam pa 'chi med thog mar 'tshang brgyar bgyi// brtul zhugs dka' thub rnam mang bya dka' bskal mang ma spyad par// bkra shis rtswa mchog bting bas byang chub 'di ni thob mi 'gyur// gang tshe blo gros ldan pa shes rab bsod nams thabs kyis 'phags// de nas rgyal ba grub pas rdul med 'gyur zhes lung ston to// bkra shis gal te byang chub skye bo gzhan la sbyin nus na// srog chags bsdu ba byas te sbyin par yid gnyis khyod ma za// gang tshe nga yis byang chub thob shes bdud rtsi rnam par dbyes// khyod 'ongs chos kyi dam pa nyon dang rdul dang bral bar 'gyur// 'dren pas shin tu mchog tu 'jam pa'i rtsa ni sbar gang blangs/ / seng ge ngang pa'i stabs kyis chas nas ni rab tu g.yos// lha klu tshogs rnams thal mo sbyar te rab tu dga' yid kyis// deng 'dis bdud
- 210a
dpung bcom nas bdud rtsi reg par 'gyur snyam sems/ dge slong dag de ltar byang chub sems dpa' byang chub kyi shing drung du 'gro ba na/ lha'i bu rnams dang byang chub sems dpa' rnams kyis byang chub sems dpa' deng 'dir 'dug nas byang chub thob par 'gyur zhing mngon par rdzogs par 'tshang rgya bar 'gyur snyam ste/ byang chub kyi shing brgyad khris brgyan par gyur to/ / de nas byang chub kyi shing kha cig ni me tog gi rang bzhin can la 'phang du dpag tshad brgya pa yang yod/ byang chub kyi shing kha cig ni spos kyi rang bzhin can la/ 'phang du dpag tshad stong pa yang yod/ byang chub kyi shing kha cig ni tsan+dan gyi rang bzhin mas 'phang bu dpag tshad 'bum pa yang yod/ byang chub kyi shing kha cig ni gos kyi rang bzhin can la 'phang du dpag tshad lnga 'bum pa yang yod/ byang chub kyi shing kha cig ni rin po che'i rang bzhin can la 'phang du dpag tshad 'bum phrag bcu pa yang yod/ byang chub kyi shing kha cig ni rin po che thams cad kyi rang bzhin can la 'phang du dpag tshad bye ba khrag khrig brgya stong pa yang yod do/ / byang chub kyi shing de dag thams cad kyi drung na yang ji ltar 'tsham pa'i seng ge'i khri/ lha'i ras bcos bu sna tshogs bting ba bshams par gyur to/ / byang chub kyi shing kha cig gi drung du ni pad+ma'i khri stan bshams par gyur to// kha cig gi drung du ni spos kyi khri stan no// kha cig gi drung du ni rin po che rnam pa sna tshogs kyi khri stan
- 210b
no/ / byang chub sems dpa' ni rol pa bkod pa zhes bya ba'i ting nge 'dzin la snyoms par zhugs te/ byang chub sems dpa'i ting nge 'dzin rol pa bkod pa 'di la byang chub sems dpa' snyoms p ar zhugs ma thag tu de nas skad cig de nyid la byang chub sems dpa' mtshan dang dpe byad bzang pos legs par brgyan pa'i lus kyi byang chub kyi shing drung gi seng ge'i khri de dag thams cad la 'dug par kun tu snang ste/ byang chub sems dpa' dang / lha'i bu so so'i yid la yang / byang chub sems dpa' ni bdag nyid kyi seng ge'i khri la snyoms par zhugs shing 'dug gi/ gzhan gyi la ni ma yin par shes so/ / ji ltar de dag gis shes pa de bzhin du byang chub sems dpa'i ting nge 'dzin rol pa bkod pa 'di nyid kyi mthus sems can dmyal ba pa dang / dud 'gro'i skye gnas pa dang / gshin rje'i 'jig rten pa thams cad dang / lha dang mi thams cad dang / 'gro ba thams cad du skyes pa'i sems can thams cad kyis kyang byang chub sems dpa' byang chub kyi shing drung na seng ge'i khri la 'dug par mthong ngo / / de lta mod kyi 'on kyang dman pa la mos pa'i sems can rnams kyi blo gros yongs su tshim par bya ba'i phyir byang chub sems dpa' rtsa spar gang thogs te/ byang chub kyi shing ga la ba der song nas phyin pa dang / byang chub kyi shing la lan bdun bskor ba byas te/ bdag nyid kyi rtswa'i rtse mo ni nang du bstan/ rna ba ni phyir bstan nas
- 211a
rtswa'i gding ba kun nas bzang po bting ste/ seng ge lta bu dang / dpa' bo lta bu dang / stobs lta bu dang / brtan pa lta bu dang / brtson 'grus lta bu dang / mthu bu dang / glang po lta bu dang / dbang phyug lta bu dang / rang byung lta bu dang / ye shes can lta bu dang / bla na med pa lta bu dang / khyad par du 'phags pa lta bu dang / mngon par 'phags pa lta / dang / grags pa lta bu dang / brjod pa lta bu dang / sbyin pa lta bu dang / tshul khrims lta bu dang / bzod pa lta bu dang / btsan 'grus lta bu dang / bsam gtan lta bu dang / shes rab lta bu dang / ye shes lta bu dang / bsod nams lta bu dang / bdud phyir rgol ba bcom pa lta bu dang / tshogs lta bur skyil mo krung bcas nas/ rtsa bting ba de la shar phyogs su ltas te 'dug nas lus drang por bsrang ste/ dran pa mngon du bzhag nas 'di 'dra ba'i yi dam brtan po byas so// stan 'dir bdag gi lus ni skams kyang rung / pags pa rus pa sha rnams zhig kyang rung / bskal mang rnyed dkar byang chub ma thob par/ stan 'di las ni lus bskyod mi bya'o// byang chub kyi snying por bzhud pa'i le'u zhes bya ste bcu dgu'o// // / 'phags pa rgya cher rol pa zhes bya ba theg po'i chen po'i mdo// bam po bcu gsum pa/ dge slong dag de ltar byang chub sems dpa' byang chub kyi snying po la 'dug pa dang
- 211b
'dod pa na spyod pa'i ris drug gi lha rnams/ byang chub sems dpa' la bar chad byed pa mi 'byung grang snyam ste/ shar phyogs logs su gnas par gyur to// de bzhin du lho dang nub dang byang phyogs kyang lha rnams kyis yongs su bsrung bar gyur to/ / dge slong dag de ltar byang chub sems dpa'/ byang chub kyi snying po la 'dug pa de'i tshe/ byang chub sems dpa' bskul ba zhes bya ba'i 'od byung nas/ 'od des phyogs bcu kun tu grangs med/ dpag tu med pa/ chos kyi dbyings kyis klas pa/ nam mkha'i mthas gtugs pa'i sangs rgyas kyi zhing thams cad snang bar gyur to// de nas shar phyogs na/ de bzhin gshegs pa dri ma med pa'i 'od kyi sangs rgyas kyi zhing 'jig rten gyi khams dri ma med par byang chub sems dpa' sems dpa' chen po bde ba bkod pa zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la der so ste phyin nas/ byang chub sems dpa' la mchod pa'i las kyi phyir/ de'i tshe rdzu 'phrul gyi mngon par 'du bya ba de lta bu byas te/ rdzu 'phrul mngon par 'du bya ba de byas pas phyogs bcur nam mkha'i mthas gtugs pa'i sangs rgyas kyi zhing thams cad 'khor gyi khyams bai DUR+Ya sngon po dag las byas pa gcig tu bstan to/ / 'gro ba lngar skyes pa'i sems can thams cad kyi mdun du yang / byang chub sems dpa' byang chub kyi snying
- 212a
bo la 'dug par bstan to/ / sems can de dag kyang phan tshun du sor mo gcig gis byang chub sems dpa' ston cing sems can tshul du shis pa'i gzugs 'di lta bu dang ldan pa 'di su zhig/ 'di ltar rnam par mdzes pa'i sems can 'di su zhig zhes 'dzer to// sems can de dag gi mdun du byang chub sems dpa' des byang chub sems dpa' rnam kyang sprul te/ de na byang chub sems dpa' gzugs de dag gis tshigs su bcad pa 'di smras so// ci yang med pa'i 'dod chags zhe sdang rnyog pa gang yin bag chags bcas bton pa/ gang gis lus las 'od phyung phyogs bcu'i 'od rnams thams cad 'od ni med par byas/ / gang gis bsod nams ting 'dzin ye shes tshogs ni bskal pa mang por kun spel ba/ shAkya thub pa thub pa chen po dam pa 'di ni/ phyogs rnams kun tu mdzes// de nas lho phyogs na de bzhin gshegs pa rin chen 'od 'phro'i sangs rgyas kyi zhing 'jig rten gyi khams rin po che bkod par/ byang chub sems dpa/ sems dpa' chen po rin po che'i gdugs brtsegs kun tu ston pa zhes bya ba 'od des bskul bas// byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ rin po che'i gdugs gcig gis thams cad dang ldan
- 212b
pa'i 'khor gyi khyams de bkab bo/ / de na brgya byin dang / tshangs pa dang / 'jig rten skyong ba dag phan tshun 'di skad 'dzer to// gang gi phyir rin po che'i gdugs bkod pa rnam pa 'di lta bu 'di snang bar gyur pa 'di su'i 'bras bu zhes 'dzer to/ / de nas rin po che'i gdugs de las tshigs su bcad pa 'di byung ngo // gang gis rin po che dang spos gdugs stong phrag bye ba khrag khrig dag/ byams pa'i yid kyis do zla med par bzhugs dang mya ngan 'das la phul/ / de yis mtshan mchog ldan pa phan mdzad sred med bu yi mthu ldan pa// yon tan mnga' ba byang chub shing drung gshegs pa de la mchod pa byas/ / de nas nub phyogs na de bzhin gshegs pa me tog phreng ba dang nags tshal gyi phreng ba me tog kun tu rgyas pa mngon par mkhyen pa'i sangs rgyas kyi zhing 'jig rten gyi khams me tog tsam pa ka'i kha dog tu byang chub sems dpa' sems dpa' chen po dbang po'i dra ba can zhes bya ba 'od des bskul bas/ / byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir rin po che'i// dra ba gcig gis thams cad dang ldan pa'i 'khor gyi khyams te bkab bo// de na phyogs bcu'i lha dang / klu dang / gnod sbyin dang / dri za dag phan tshun du 'di skad 'dzer te/ 'od kyi bkod pa rnam/
- 213a
pa 'di lta bu 'di su'i yin zhes 'dzer to// de nas rin po che'i dra ba de las tshigs su bcad pa 'di byung ngo // rin chen 'byung gnas 'jig rten gsum dga' rin chen to/ / rin chen dam pa rin chen grags pa de chos dgyes// dkon mchog gsum po rgyun mi 'chad pa'i brtson 'grus brnyes// byang chub mchog brnyes 'gyur te de yi mchod pa 'di/ denas byang phyogs na da bzhin gshegs pa nyi bla zis du chag par byed pa'i 'ad dpa'i sangs rgyas kyi zhing 'jig rten gyi khams nyi ma 'khor bar byang chub sems dpa' sems dpa' chen ba zag rgyal po zhes bya ba 'od des bskul bas/ byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der dong ste phyin nas/ byang chub sems dpa' la mchod pa'i las kyi phyir phyogs bcu'i 'jig rten gyi khams thams cad kyi sangs rgyas kyi zhing gi yon tan bkod pa ji snyed pa de snyed 'khor gyi khyas der kun tu bstan to/ / de na byang chub sems dpa' kha cig 'di skad 'dzer te/ bkod pa rnam pa 'di lta bu 'di su'i yin zhes 'dzer to// de nas bkod pa de dag thams cad las tshigs su bcad pa 'di byung ngo / / gang gis bsod nams ye shes shin tu mang pos lus ni rnam spangs shing / gang gis brtul zhugs dka' thub dag dang bden pa'i chos kyis ngag spangs la/ gang gis
- 213b
khrel yod mos pa byams dang de bzhin snying rjes sems sbyangs pa/ de ni shing rgyal drung gshegs shAkya khyu mchog de la mchod pa byed// de nas shar lho'i phyogs mtshams na de b zhin gshegs pa yon tan gyi rgyal po snang ba'i sangs rgyas kyi zhing 'jig rten gyi khams yon tan 'byung gnas su byang chub sems dpa' sems dpa' chen po yon tan gyi blo gros zhes bya ba 'od des bskul bas/ byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ 'khor gyi khyams der yon tan gyi bkod pa thams cad dang ldan pa'i khang pa brtsegs pa mngon par sprul te khang pa brtsegs pa de las tshigs su bcad pa 'di byung ngo / / gang gi yon tan dag gis lha dang lha min dang / gnod sbyin lto 'phye che dag rtag tu yon tan bsgos/ yon tan can de yon tan ldan pa'i rgyal rigs skyes/ yon tan rgya mtsho byang chub shing gi drung na bzhugs/ de nas lho dang nub kyi phyogs mtshams na de bzhin gshegs pa rin chen srong shing gi sangs rgyas kyi zhing 'jig rten gyi khams rin po che 'byung bar/ byang chub sems dpa' sems dpa' chen po rin po che 'byung ba zhes bya ba 'od des bskul bas/ byang chub sems dpa' bgrang ba las
- 214a
'das pa dag gis yongs su bskor cing mdun du bdar te/ byang chub kyi snying po gal ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ 'khor gyi khyams der rin po che'i mkha' rten grangs med dpag tu med pa mngon par sprul te/ rin po che'i mkha' rten de dag las tshigs su bcad pa 'di byung ngo / / gang gis rgya mtshor bcas pa'i sa dang de bzhin rin chen rnam dag dang // khang bzangs skar khung bsil khang cho ga dang zung dang bzhon pas mkha' rten brgyan// me tog phreng ba mdzes dang 'dun sa dag dang bskyed mo'i tshal rnams dang / / rkang pa lag pa mgo dang mig btang ba de byang chub snying por 'dug/ de nas nub dang byang gi phyogs mtshams na/ de bzhin gshegs pa 'brug sgra'i rgyal po'i sangs rgyas kyi zhing 'jig rten gyi khams sprin dang ldan par/ byang chub sems dpa' sems dpa' chen po sprin brtsegs 'brug bsgrags dbyangs shes bya ba 'od des bskul bas/ byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ dus kyi rjes su 'brang ba'i las a ga ru'i sprin mngon par sprul te/ 'khor gyi khyams der tsan dan sbrul gyi snying po'i phye
- 214b
ma'i char mngon par phab bo/ / dus kyi rjes su 'brang ba'i sprin gyi dkyil 'khor de las kyang tshigs su bcad pa 'di byung ngo // rigs dang rnam par grol ba'i 'od kyi sprin gyis srid gsum thams cad khyab/ / dam chos 'dod chags bral ba bdud rtsi mya ngan 'das par thob byed char pa 'bebs// 'dod chags nyon mongs 'ching ba'i 'khri shing thams cad bag chags bcad de gcod par 'gyur// bsam gtan rdzu 'phrul stobs dang dbang po'i me tog rgyas pa dad par byed pa 'byin// de nas byang shar gyi phyogs mtshams na/ de bzhin gshegs pa rin po che'i gdugs mngon par 'phags pa snang ba'i sangs rgyas kyi zhing 'jig rten gyi khams gser gyi dra bas khebs pa na/ byang chub sems dpa' sems dpa' chen po gser gyi dra bas brgyan pa zhes bya ba 'od des bskul bas/ byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ khang pa brtsegs pa de dag thams cad dang / rin po che'i mkha' brten rnams su byang chub sems dpa' gzugs mtshan sum cu rtsa gnyis kyis legs par brgyan pa dag mngon par sprul te/ byang chub sems dpa'i gzugs de dag thams cad kyang lha dang mi'i me tog gi phreng ba thogs shing / byang chub sems dpa' ga la ba
- 215a
der logs su lus btud nas/ me tog gi phreng ba dbyangs te/ tshigs su bcad pa 'di smras so// gang gis sangs rgyas khrag khrig sngon bstod cing / gus dang bcas pas dad pa che bskyed la/ / tshangs pa'i sgra dbyangs snyan pa'i tshig smras pa// byang chub snying por byon la mgos phyag 'tshal// de nas 'og gi phyogs na de bzhin gshegs pa kun tu gzugs kyi sangs rgyas kyi zhing 'jig rten gyi khams kun tu rnam par bltas par byang chub sems dpa' sems dpa' chen po rin po che'i snying po zhes bya ba 'od des bskul bas/ byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi phyir/ bai DUr+ya'i 'khor gyi khyams der 'jam bu'i gling gi gser gyi pad+ma rnams mngon du 'byung bar bstan to// pad+ma de dag gi snying po la bud med lus phyed snang ba/ kha dog dang gzugs phun sum tshogs pa/ rgyan thams cad kyis brgyan par bstan te/ lag pa g.yas g.yon na mgul gdub dang / gdu bu dang / dpung rgyan dang / gser skud dang / mu tig gi do shal la sogs pa rgyan rnam pa mang po thogs shing / me tog dang / dar gyi lnga ldi dpyangs nas/ byang chub kyi snying po ga la ba dang / byang chub sems dpa' ga la ba der logs su lus btud
- 215b
te tshigs su bcad pa 'di smras so/ / gang zhig rtag tu sangs rgyas nyan thos dang / rang rgyal dag dang bla ma rnams la 'dud/ khrims ldan rtag dran dga' la nga rgyal med/ yon tan ldan pa de la 'dud pa byos/ / de nas steng gi phyogs na de bzhin gshegs pa tshogs kyi dbang po'i sangs rgyas kyi zhing 'jig rten gyi khams tshogs kyi dam par// byang chub sems dpa' sems dpa' chen po nam mkha' mdzod ces bya ba 'od des bskul bas/ byang chub sems dpa' bgrang ba las 'das pa dag gis yongs su bskor cing mdun du bdar te/ byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems dpa' la mchod pa'i las kyi yongs su bskor cing / nam mkha'i dkyil na 'dug bzhin du/ phyogs bcu'i sangs rgyas kyi zhing thams cad na sngon ma mthong ma thos pa'i me tog dang / bdug pa dang / spos dang / phreng ba dang / byug pa dang / phye ma dang / bdug spos dang / gos dang / rgyan dang / gdugs dang // rgyal mtshan dang / ba dan dang / rnam par rgyal ba'i khang pa dang / rin po che dang / nor bu dang / gser dang / dngul dang / mu tig dang / rta dang / glang po che dang / shing rta dang / dpung bu chung dang / bzhon pa dang / shing ljon pa dang / lo ma dang / me tog dang / 'bras bu dang / khye'u dang / bu mo dang / lha dang / klu dang / gnod sprin dang / dri za dang / lha ma yin dang / nam
- 216a
mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa ji snyed yod pa dag thams cad nam mkha'i dkyil nas char chen po mngon par phab ste/ thams cad dga' ba dang / bde ba skyed kyi/ sems can gang la yang 'jigs pa 'am/ gnod par mi byed do// de bzhin du sbyar te/ de la 'di skad ces bya'o// phyogs bcu de dag rnams nas rgyal ba'i sras po gang // phan pa byed pa mchod par byang chub lhags gyur pa// 'gro la phan pa de dag rnams kyi bkod rim dang // rtsal dang rim pa mdzes pa dag gi dpe tsam nyon/ / kha cig do shal khrag khrig rab tu sbyang byas te// nam mkha' las ni 'brug ltar shin tu sgrogs shing lhags// kha cig mkha' las me tog gzhal med khang ston cing / / cod pan rin chen thogs la gtsugs bud 'phyang zhing lhags// kha cig stong pa mtshan med smon med mchog brjod cing // sa las seng ge lta bur shin tu sgrogs shing lhags/ / kha cig sngon chad ma mthong me tog mdzes 'thor zhing // khyu mchog ci 'dra de 'drar shin tu sgrogs shing lhags// kha cig rang gi lus kyi kha dog stong ston cing // rma bya lta bur mkha' las shin tu/ sgrogs shing lhags// kha cig bde gshegs sras kyi yon tan phreng brjod cing // zla ba lta bur mkha' las shin tu rgyas shing lhags// kha cig nyi ma lta bur 'od zer rab 'gyed de// bdud
- 216b
kyi gnas rnams thams cad mog mog byed cing lhags/ / bsod nams tshogs bsags kha cig dbang po'i mchod sdong 'dra'i// dri med tog thogs byang chub snying po der yang lhags// kha cig mkha' las nor bu rin chen 'dra ba 'thor/ / zla ba zla bzangs thang skyes rnams mdzes man+da ra// bar sha tsam pa ka dang sna ma'i me tog phreng // byang chub sems dpa' shing rgyal drung na bzhugs la mthor/ / kha cig rkang pa gnyis kyis sa ni rab bskyod la// sa bskyod nas kyang skye bo dga' bar byed cing lhags// kha cig ri bo lhun po lag na thogs byed la// bar snang gnas te me tog skon bu 'thor zhing lhags/ / kha cig rgya mtsho bzhi po mgo la thogs nas ni// sa la spos chu 'thor te chag chag 'debs shing lhags// kha cig rin chen mchod sdong sna tshogs thogs nas ni// rgyang rings 'dug ste byang chub sems dpa' ston cing lhags/ / kha cig tshangs pa lta bu zhi ba'i gzugs bsgyur te// yid zhi ra ba zhi gnas shing bsam gtan bsam gtan pa// de dag ba spu dag las byams dang snying rje dang / / dga' dang btang snyoms tshad med yid 'ong sgra 'byin lhags// kha cig brgya byin lha ltar stong phrag khrag khrig gi/ lha rnams dag gis mdun du bdar nas lhags gyur cing / / de dag byang chub shing drung phyin nas thal sbyar te// brgya byin thogs pa'i nor bu rin chen sna tshogs 'thor// kha cig phyogs bzhi dag gi skyong ba ji lta bar// dri za srin po mi 'am ci yis
- 217a
yongs bskor te/ / glog ltar gsal ba'i me tog char pa 'bebs shing lhags// dri za mi 'am ci yi skad kyis ston pa stod// kha cig me tog rgyas pa'i ljon shing 'bras/ bur bcas// me tog bcas shing mchog gi dri ni rab 'byin la// lo mar sangs rgyas sras po lus phyed gnas thogs lhags// btud nas sa yi snying por me tog rnams kyang 'thor// kha cig ut+pa la pad+ma dkar po rgyas/ / pad+ma'i snying por sum cu rtsa gnyis mtshan ldan gnas// de 'drar me tog rgyas pa'i rdzing bu thogs te lhags// chags med yid ldan byang chub sems dpa' mkhas la stod/ / kha cig lhun po lta bur lus chen bsgyur te lhags// bar snang gnas nas rang gi lus kyang rab tu 'dor// bor ma thag tu me tog 'phreng ba rnams su gyur// stong gsum ngag gi rgyal ba'i zhing rnams khebs par byed/ / kha cig mig gnyis sreg pa'i bskal ba lta bu dang // de bzhin chags pa dang ni 'jig par ston cing lhags// de dag lus las chos kyi sgo mo mang grag ste/ / de dag thos pas sems can khrag khrig sred pa spong // kha cig mchu ni bim pa 'bral bzhin mdzes shing // kha bzhin rdzogs la mi 'am ci 'dra'i sgra sgrogs lhags/ zo shal sna tshogs legs brgyan bu mo ches pa 'dra// de la lta bas lha yi tshogs rnams ngams mi 'gyur// kha cig rdo rje lta bur mi byed lus can te/ rkang pas 'ag gi chu yi phung po 'bog cing /
- 217b
lhags// nyi ma 'dra zhing zla ltar bzhin rgyas snang byed la// 'od byed nyon mongs skyon rnams bcom pa kha cig lhags// kha cig rin po chos brgyan lag na rin chen thogs// zhing ma byed stong dag khebs par byed cing lhags/ / sems can mngal phan dang bde dang tshim bya'i phyir// rin chen me tog dam pa dri zhim char pa 'bebs// kha cig gzungs chen rin po che mdzod gyur cing // ba spu rnams nas mdo sde khrag khrig rab brjod la// spobs par ldan zhing blo gros ldan la blo mchog ldan// rgyags shing rab dregs skye bo rtogs par byed cing lhags// kha cig ri bo lhun po rnga ltar thogs nas ni/ / rab tu brdung zhing mkha' las yid 'ong sgra 'byin lhags// de yi sgra ni phyogs bcur bye ba'i zhing song ste// bdud rtsi ma thob ston pa do mod 'tshang rgyar sgrog/ byang chub kyi snying por bkod pa'i le'u zhes bya ba ste nyi shu 'o/ / // dge slong dag de ltar byang chub sems dpa' la mchod pa'i las kyi phyir/ byang chub sems dpa' dag gis byang chub kyi snying por bkod pa rnam pa de lta bu de dag mngon par byas par gyur to/ / byang chub sems dpa' nyid kyis kyang phyogs bcu dag gi sangs rgyas bcom ldan 'das 'das pa dang // ma byon pa dang / da ltar byang ba rnams kyi sangs rgyas kyi zhing thams cad na/ byang chub kyi snying po'i rgyan bkod pa ji snyed cig yod pa de dag thams cad byang chub kyi snying po der kun tu
- 218a
bstan to/ / dge slong dag de nas byang chub sems dpa' byang chub kyi snying po la 'dug nas 'di snyam du sems te/ 'dod pa'i khams 'di'i bdag po dbang phyug dbang sgyur ba/ bdud sdig can de la bdag gis ma sbran par/ bdag bla na med pa yang dag par rdzogs pa'i byang chub mngon par rdzogs par 'tshang rgya ba de ni bdag gis mi chas bdag gis bdud sdig can bskul bar bya'o/ / de las rnam par rgyal na/ 'dod pa na spod pa'i lha la sogs pa thams cad tshar bcad par 'gyur ro// 'on kyang bdud kyi 'khor na bdud kyi ris kyi lha'i bu sngon dag pa'i rtsa ba bskyed pa 'khod pa dag gis/ nga'i seng ge rnam par rol pa mthong na/ bla na med pa yang dag par rdzogs pa'i byang chub tu sems bskyed par 'gyur ro snyam mo// dge slong dag de nas byang chub sems dpas de ltar bsams nas/ de'i tshe smin mtshams kyi bar gyi mdzod spu nas bdud kyi dkyil 'khor thams cad 'jom par byed pa zhes bya ba'i 'od zer gcig phyung ste/ 'od zer des stong gsum gyi stong chen po'i 'jig rten gyis khams 'di thams cad kyi bdud kyi gnas thams cad snang bar byas nas/ mog mog por byas te/ rab tu g.yos par byas par yang gyur to/ / stong gsum gyi stong chen po'i 'jig rten gyi khams 'di thams cad kyang snang ba chen pos yongs su khyab par gyur to// bdud sdig can gyis 'od de las rnam pa 'di lta bu'i
- 218b
sgra 'di yang thos so/ / sems can shin tu dag pa bskal mang spyod spyad pa// zas gtsang sras pos rgyal srid dag ni rab spangs te/ phan byed de ni bdud rtsi mngon par 'dod pas byung // byang chub shing drung 'ongs kyis de rings bsgrim pa bgyis/ / de ni bdag kyang sbrul la gzhan yang sgrol bar byed// de ni bdag nyid grol bas gzhan yang grol bar byed// de ni bdag kyang dbugs phyin gzhan ngag dbugs kyang 'byin/ / yongs su mya ngan 'das nas gzhan dag mya ngan zla// ngan song gsum po ma lus stongs par byed par 'gyur// lha mi rnams kyi grong khyer gang bar byed par 'gyur// phan pa byed pa de ni bdud rtsi thob gyur nas// bsam gtan mngon shes bdud rtsi bde mchog sbyin par 'gyur// gang tshe rang byung nyid kyis chos char mngon phab tshe// nag po'i rtsa lag khyed kyi grong khyer stongs byed 'gyur/ / stobs med pas kyang stobs med 'gyur te dpungs nyams 'gyur// phyogs ni phyogs min ci bya gar 'gro shes mi 'gyur// dge slong dag de ltar bdud sdig can bskul ba'i tshigs su bcad pa 'di dag gis bskul nas/ rmi lam rnam pa sum cu rtsa gnyis rmis so// rnam pa sum cu rtsa gnyis gang zhe na/ 'di lta ste/ bdag gi gnas mun pas khyab par rmis pa dang / rang gi gnas rdul gyis gang zhing gyo mo dang / gseg mas gang bar rmis pa dang / bdag nyid sngangs skrag nas phyogs phyogs su 'bros par rmis pa dang / bdag cod pan dang bral zhing rna cha lhung bar rmis
- 219a
pa dang / bdag mchu dang / gre ba dang / rkan skams par rmis pa dang / bdag snying kun tu gdungs par rmis pa dang / skyed mo'i tshal gyi lo ma dang me tog dang 'bras bu rnams rnyis par rmis pa dang / rdzing rnams skams te chu med par rmis pa dang / ngang pa dang / khrung khrung dang / rma bya dang / ka la bing+ga dang / ku na la dang / shang shang ti'u la sogs/ bya'i tshogs rnams 'dab gshog zegs par rmis pa dang / rnga dang / dung dang / rdza rnga dang / khar rnga dang / rgyud gcig pa dang / pi wang dang / rgyud gsum pa dang / pheg rdob dang / khar ba'i sil khrol la sogs pa rol mo'i cha spyad rnams chag grugs te/ sa la lhung bar rmis pa dang / 'khor sdug pas kyang bdud spangs te ngo 'dzums gnag cing phyogs gcig tu dong nas/ sems shing 'khod par rmis pa dang / chung ma'i dam pa phreng ba can yang mal nas sa la lhung ste/ lag pa gnyis mgo la rdob par rmis pa dang / bdud kyi bu gang dag shin tu brtson 'grus dang ldan pa dang / shin tu stobs dang ldan pa dang / shin tu gzi brjid dang ldan pa dang / shin tu shes rab dang ldan pa de dag kyang / byang chub sems dpa' byang chub kyi snying po mchog dam pa la 'dug pa la phyag 'tshal bar rmis pa dang / bdag gi bu mo rnams kyang kyi hud yab/ kyi hud yab ces chong de 'don par rmis pa dang / bdag lus la gos dri ma can gyon par rmis pa dang / bdag mgo rdul gyis gang la skya'o ba seng bsang ba dang / nyam chung ba dang / mdangs nyams par
- 219b
rmis pa dang / bsil khang dang / khang pa brtsegs pa dang / skar khung dang / rta babs rnams kyang rdul gyis gang nas rdib par rmis pa dang / de'i sde dpon gnod sbyin dang / srin po dang / grul bum dang / dri za'i bdag po gang yin pa de dag thams cad kyang skom tshugs bcas te ngu zhing cho nges btab nas bye bar rmis pa dang / 'dod pa na spyod pa'i lha rnams kyi lha'i bdag po 'di lta ste/ yul 'khor srung dang / 'phags skyes po dang / mig mi bzang dang / rnam thos bu dang / brgya byin dang / rab 'thab bral dang / yongs su dga' ldan dang / rab 'phrul dang / dbang sgyur la sogs pa gang yin pa de dag thams cad kyang bdud la mi gus shing / byang chub sems dpa' la phyogs par rmis pa dang / 'thab mo'i nang na de'i ral gri shubs nas ma phyin cing / bdag mi shis pa'i sgra 'byin par rmis pa dang / rang gi 'khor gyis bdag bor bar rmis pa dang / bkra shis kyi bum pa sgor lhung bar rmis pa dang / bram ze mis byin bu yang bkra mi shis pa'i sgra sgrogs par rmis pa dang / sgo ba kun tu dga' byed kyang kun tu mi dga' ba'i sgra sgrogs par rmis pa dang / nam mkha'i dkyil mun pas khebs par rmis pa dang / 'dod pa'i gnas na gnas pa'i dpal yang ngu bar rmis pa dang / bdag gi dbang yang dbang med par gyur par rmis pa dang / rang gi phyogs kyang phyogs ma yin par rmis pa dang / nor bu dang / mu tig gi dra ba rnams kyang chad cing rnam par chad nas 'brul bar
- 220a
rmis pa dang / bdud kyi gnas thams cad kyang rab tu g.yos par rmas pa dang / shing rnams kyang bcad cing ba gam yang lhung bar rmis pa dang / bdud kyi sde bkod pa thams cad kyang bas bub tu skyel bar rmis pa ste/ dge slong dag de ltar bdud sdig can gyi rmi lam du rnam pa sum cu rtsa gnyis po 'di lta bu rmis so// de sad pa dang / 'jigs skrag sngangs nas nang mi thams cad ba sogs te/ dpung dang bcas pa dang / 'khor dang sde dpon dang / sgo ba dang / de dag 'dus par rig nas/ tshigs su bcad pa 'di dag smras so// bdud des rmi lam de dag mthong nas nyam thag ste/ sde dpon bdud po seng ge za 'gram zhes bya dang / bu rnams dag dang 'khor rnams gang dag yin la smras// nag po'i rtsa lag de dag kun la yongs su dris// shAkya'i nang du skyes pa mtshan mchog yan lag spras/ / lo drug bar du bya dka' brtul zhugs drag po spyad// byang chub shing drung 'ongs kyis rab tu sgrims shig ces// ma dang sum par snang las ni tshigs bcad de skad grag/ byang chub sems dpa' de nyid rnam par sangs rgyas nas/ sems can bye ba khrag khrig mang po rnam rtogs byed// gang tshe bdud rtsi thob ste bsil ba'i dngos reg che// des ni nga gnas ma lus stongs par byed par 'gyur/ / dpung chen rnams dang lhan cig der ni rab dong la// shing dbang drung 'dug dge sbyong gcig de gzhom par bya// yan lag bzhi pa'i sde rnams myur
- 220b
du rab tu bsgrims/ / gal te nga la sdug sems phyi shol ma byed cig/ dgra bcom rang sangs rgyas kyis 'jig rten gang gyur kyang // mya ngan 'da' bas bdag dpung nyam chung yong mi 'gyur// de yang cig pu rgyal ba chos rgyal gyur na ni// bgrang las 'das pa'i rgyal ba'i rig ni gzhar mi 'chang // dge slong dag de nas bdud kyi bu ded dpon zhes bya bas/ bdud sdig can de la tshigs su bcad de smras pa/ / yab cig ci nongs zhal gyur cing zhal mdog nyams// thugs kyang 'phar la khyod kyi yan lag nyid lag 'dar// khyod kyis cigs na cigazigs myur du bka' stsol cig/ yang dag bsams nas de bzhin sbyor ba 'tshal bar bgyi// nga rgyal med bdud smras pa bu gcig nga las nyon// ngas ni sdig pa'i rmi lam shin tu mi bzang rmis// de ring 'khor 'dir de kun ma lus smras na ni/ / khyed rnams brgyal te sa la rab tu skyel bar 'gyur// ded dpon gyis smras pa/ gal te 'thab dus bab ste brgyal na nongs ma mchis// gal te der ni bcom par gyur na nongs dang bcas/ / gal te khyod kyi rmi lam de 'dra'i ltas lags na// gzhag na dge ste g.yul ngor yongs su gnas mi 'gyur// bdud kyis smras pa/ brtsal ba grub pa'i skyes bu g.yul ngor grags par 'gyur/ / gal te brtan la brten te legs byas bdag cag rgyal// kho bo 'khor dang bcas pa mthong nas langs nas su// kho bo'i rkang par mgos phyag mi 'tshal des mi nus//
- 221a
ded dpon gyis smras pa/ rgya chen dpung bdog kyang ni shin tu mthu chung ste// stobs ldan dpa' bo gcig pu mchis na g.yul las rgyal// gal te srin bu me khyed stong gsum/ gang gyur kyang // nyi ma gcig pu'i zil du rlag ste 'od mi bgyid// gzhan yang gang la nga rgyal gti mug mchis la dpyod ma mchis// mkhas dang mi mthun bgyid pa de ni gso mi nus// dge slong dag de ltar bdud sdig can gyis ded dpon gyis tshig ma mnyan nas/ yan lag bzhi pa'i dbun chen po stobs che ba/ thab mo la dpa' ba 'jigs su rung ba/ spu zing zhes byed nus pa dang / lha dang mi rnams kyis sngon ma mthong ma thos pa bzhin bsgyur ba/ rnam pa mang po bye ba khrag khrig brgya stong du ma bsgyur ba'i rnam pa dang ldan pa/ rkang lag sbrul brgya stong gis dkris pa dang ldan pa/ ral gri dang mda' gzhu dang / mdung mthung dang / mda' bo che dang / sta re dang / rtse gsum kha gdeng dang / bong ba dang / ga tun shing dang / be con dang / zhags pa dang / dbyug to dang / 'khor lo dang / rdo rje dang / rdo rje rtse gcig pa thogs pa/ lus la go cha bzang po bgos pa/ mgo dang rkang lag dang mig log par bdug pa/ mgo dang mig dang gdong 'bar ba/ lho dang rkang lag dbyibs mi sdug pa/ bzhin gzi brjid drag po dang ldan pa/ shin tu bzhin bsgyur cing so bcigs pa/ 'jigs su rung bar mche ba gtsigs pa/ lce stug cing zheng che ba mang
- 221b
'phyang ba/ lce 'bar 'bur can re lde dang 'dra ba/ mig med/ sbrul nag po dug gi rgyas pa'i mig ltar dmar ba dag char bcug ste/ de la kha cig ni sbrul gdug pa skyug/ kha cig ni nam mkha' lding gis rgya mtsho nas phyung ba bzhin du lag mthil du sbrul gdug pa bzhag ste za/ kha cig ni mi'i sha dang khrag dang / rkang lag dang / mgo dang / mkhal mo dang / nang grol dang / ngan skyugs la sogs pa za/ kha cig ni gzugs spo ba sangs dang / kham pa po dang / sngon po dang / dmar po dang / ser por 'dug ste/ 'jigs su rung ba'i gzugs sna tshogs can/ kha cig ni mig zhigs pa dang / mig khron pa lta bu dang / mig phyung ba lta bu dang / mig 'bar ba dang / mig gzung ba dang mi sdug pa/ kha cig ni mig log pa dang / 'bar ba dang / mi sdug pa/ kha cig niri 'bar ba thogs te/ 'gying zhing ri gzhan la zhon te 'ong / kha cig ni shing rtsa thon byas te/ byang chub sems dpa'i logs su rgyug cing 'ong / kha cig gi rna ba ni phag rna lta bu dang / zhib ma lta bu dang / glang po'i rna ba lta bu dang / 'phyang ba dang / phag rna lta bur 'dug pa/ kha cig ni rna ba med pa/ kha cig ni keng rus mang po sprul nas/ lus rid tsang gsus pa che la sna zhom pa/ gsus pa bum pa lta bur 'dug pa/ rkang pa mgo'i thod pa ltas 'dug pa/ pags pa dang / sha dang khrag skams pa/ rna ba dang / sna dang / rkang lag dang / mig dang / mgo bcad pa/ kha cig ni khrag 'thung 'dod
- 222a
bas gcig la gcig gcod pa/ kha cig ni sgra sha sha po dang / sgra mi snyan pa dang / 'jigs su rung ba dang / sgra rtsub pa dang ldan pa/ hu tu zhes bya ba dang / bi ni zhes bya ba dang / hu lu hu lu zhes bya ba'i sgra 'byin pa dang / spyugs pa len pa dang / dge sbyong go'u ta ma 'di shing dang chos te 'on cig ces zer ba dang / 'or cig ces zer ba dang / rgyogs shig ces zer ba dang / rab tu rgyob cig ces zer ba dang / chings shig ces zer ba dang / zug shig ces zer ba dang / chod cig ces zer ba dang / gtubs shig ces zer ba dang / gtogs shig ces zer ba dang / bab bab tu 'or cig ces zer pa dag go/ kha cig ni wa dang lce sbrang dang / phag dang / bong bu dang / ba lang dang / glang po che dang / rta dang / rnga mo dang / rkyang dang / ma he dang / ri bong dang / g.yag dang / bse dang / ri dgas/ ldang sgo skal sogs pa'i kha gdong sna tshogs 'jigs su rung ba/ sngangs par byed pa/ mi sdug pa dang ldan pa dag go// kha cig ni seng ge dang / stag dang / phag rgod dang / dred dang / spre'u dang / gzig dang / byi la dang / ra dang / lug dang / sbrul dang / ne'u le dang / nya dang / chu srin dang / chu srin byis pa gsod dang / rus sbal dang / bya rog dang bya rgod dang / bug pa dang / nam mkha' lding lta bu'i lus dang ldan pa dag go/ kha cig ni gzugs mi sdug pa dag go// kha cig ni mgo gcig pa dang / mgo gnyis pa nas mgo brgya stong gi bar dang
- 222b
ldan pa dag go/ / kha cig ni mgo med pa dag go/ kha cig ni lag pa gcig pa nas lag pa brgya stong gi bar dang ldan pa dag go// kha cig ni lag pa med pa dag go// kha cig ni rkang pa gcig pa nas rkang pa/ brgya stong gi bar dang ldan pa dag go/ kha cig ni rkang pa med pa dag go/ kha cig ni rna ba dang / kha dang / sna dang mig dang / lte ba'i khung bu nas sbrul gdug pa 'byin to// kha cig ni ral gri dang / mda' gzhu dang / mdung thung dang / rtse gsum kha gdeng dang / dgra sta dang / 'khor lo dang / mda' bo che dang / rdo rje rtse gcig pa dang / rdo rje dang / bong ba dang / mtshon rtse gcig pa la sogs pa mtshon cha sna tshogs sor zhing gar byed la/ byang chub sems dpa' la sdigs mo byed do// kha cig ni mi'i sor mo bcad nas 'phreng bar brgyus te thogs so// kha cig ni keng rus dang / thod pa dang phreng ba lta bur brgyus te thogs so/ / kha cig ni lus sbrul gdug pas dkris so// kha cig ni mgo la zhugs ling ma can thogs te/ glang po dang / rta dang / rnga mo dang / ba lang dang / bong bu dang / ma he la zhon no/ / kha cig ni spyi'u tshugs su 'dug la khab lta bu'i spu can dag go/ kha cig ni ba lang dang / bong bu dang / phag god dang / ne'u le dang / ra dang / lug dang / byi la dang / spre'u dang / spyang ki dang / lce sbyang gi spu lta bu dang ldan la sbrul gdug pa skyugs cing / lcags kyi thu lum med pa dang / me 'byin pa dang / lcags dang / zangs 'bar ba'i char 'bebs pa dang / lce 'bebs pa dang / rdo rje'i
- 223a
lce 'bebs pa dang / lpags kyi bye mtshan po che'i char 'bebs pa dang / sprin nag po bsdus te rlung gi char 'bebs pa dang / mda'i sprin bsdus te char du 'bebs pa dang / mun nag ston pa dang / sgra 'byin cing byang chub sems dpa'i logs su rgyug pa dag go/ kha cig ni zhags pa skor ba dang / ri chen po rnyil bar byed pa dang / rgya mtsho chen po 'khrug par byed pa dang / chen po las mchod pa dang / ri'i rgyal po lhun po sgul ba dang / rgyug pa dang / 'bros pa dang / yan lag dang / nying lag 'thor ba dang / lus skor ba dang / gad mo cher rgod pa dang / brang ba rdung ba dang / brang la rdob pa dang / mgo gsig pa dang / mgo 'bar zhing skra gyen du 'greng ba dang / phan tshun shugs zhing rgyug cing / wa'i mig lta bus byang chub sems dpa' la 'jigs par byed do// bud med rgan mo dag kyang ngu zhing byang chub sems dpa'i gan du lhags te/ 'di skad du/ kyi hud bu kyi hud nga'i bu/ longs shig longs la myur du bros shig ces 'dzer ro// srin mo'i gzugs dang sha za mo'i gzugs dang / yi dgas long ba theng po rko ba bkres pas rid pa lag bsgreng ka kha bcus pa dag kyang ngu zhing 'jigs pa ston te/ spangs par byed cing byang chub sems dpa'i mdun na rgyug go// bdud kyi dpung 'dus pa rnam pa de lta bu des dpag tshad brgyad cu kho ra khor yug tu gang bar gyur to/ / bdud gcig gi ji lta ba de bzhin du stong gsum gyi stong chen po bye ba phrag brgyar gtogs pa'i bdud sdig can rnams
- 223b
kyi dpung dag gis/ thad ka dang steng gang bar gyur to// de la 'di skad ces bya ste/ gnod sbyin grul bum lto 'phye chen po'i gzugs// srin po yi dgas sha za'i gzugs dang bcas// 'jig rten mi sdug drag gzugs ji snyed pa/ / thams cad sgyu yis de ni sprul pa byas// mgo gcig mgo gnyis mgo gsum ldan pa nas/ mgo stong bar du ldan zhing gnod sbyin mang // lag gcig lag gnyis lag gsum ldan pa nas/ / lag stong bar du ldan pa rab tu mang // rkang gcig rkang gnyis rkang gsum ldan pa nas// rkang stong bar du ldan pa gzhan yang mang // kha bzhin sngo la lus ni ser ba dang kha bzhin ser la lus ni sngo ba dang / / kha bzhin dkar la lus ni gnag pa dang // kha bzhin gnag la lus ni dkar ba dang // kha bzhin gzhan la lus kyang gzhan pa dang // de 'dra'i gzugs brnyan dag gi dpung rnams lhags/ / stag dang sbrul dang phag gi gdong can dang // glang po rta dang bong bu rnga mo'i gdong // spre'u dang seng ge dred kyi gdong can dang // de 'dra'i kha gdong ldan pa'i dpung rnams lhags/ / ral brdzes la 'jigs pa'i gnod sbyin mang // lus mgo rus sa 'bar 'bur sba ba can// lus ni mi yis khrag gis rab tu sbags// gnod sbyin de 'dra ba dag der yang lhags/ / rkang pa dag ni dgo ba'i rkang pa 'dra// mig gi 'bras bu spre'u yi mig dang mtshungs// mche ba dag ni glang ba'i mche ba 'dra// kha ma dog de 'dra'i dpung rnams der yang lhags// lus kyi
- 224a
dbyibs ni chu srin 'dra ba ste/ / mig gi 'bras bu gnyis ni rab tu 'bar// rna ba dag ni ra yi rna ba 'dra// kha dong de 'dra'i dpung rnams der yang lhags// kha cig dag ni lag na dbyig pa thogs/ / tho ba mdung thung rtse gsum lag na thogs// kha cig ri bo lhun po lag na thogs// 'jigs su rung ba'i gzugs can gnod sbyin lhags// gshol thogs 'khor la thogs shing mig bsgyur dang / / ri rtse chen po lag na thogs pa dang // rlung dang rdo dang gnam lcags rab 'bebs shing // gnod sbyin 'jigs su rung ba der yang lhags// rlung gi rab tu gtor zhing char yang 'bebs/ / brgya phrag stong gi glog kyang rab tu 'byin// 'brug gi sgra yang sgrog cing shing ljon skyel// byang chub shing gi lo ma tsam mi g.yo// char pa rab tu 'babs shing rlung yang gtong // chu bo 'bebs shing chu yis sa yang gang / / de ltar 'jigs su rung ba mtshan mo byung // de yi nub mo sems med shing yang skye la// thams cad dbyibs mi sdug cing gzugs mi sdug/ 'jigs pa'i gzugs ldan de dag mthong nas kyang / / yon tan mtshan dang gzi brjid ldan pa'o// lhun po lta bur sems ni g.yo ba med// sgyu ma 'dra zhing rmi lam mtshungs pa dang // sprin dang 'dra bar chos rnams kun la rtog/ de ltar chos kyi tshul la rtog pas na// legs gnas bsam gtan byed cing chos la gnas// gang zhig nga dang nga yi snyam sems shing // dngos dang lus la yang
- 224b
das nga nas/ / thamakhas 'dzin 'daganas nas mamang nas na// 'jigs par gyur cing kya ba rgyas// zla ba'i sras pos rgyas rnas su brten byung ba// dngas pazang / chab nyid du rtags// rnam ma pa lta bu'i sems dang rang tu ldan// dpung bcas gas skye ma pang mang byas pa med// dge slong dag da ltar bdug smrig can kyi bu stong po de dag gnang nas da dpan la sogs pa bdud kyi bu gang dag byang chub sems dpa' la mngon par dad pa de dag ni bdud kyi galas ral bu 'khod par gyur to/ / gang dag bdud rtsi phyogs byed pa de dag ni bdud sdig can gyi gamon rol du mkhong bar gyur to/ / de nas bdud sdig can gyis rang gi bu de dag la smras pa// su pra cag ci 'dra ba'i dpung gis/ byang chub sems dpa' gdul bar bya/ de na gams ral nas/ bdud kyi bu ded dben zhes bya bas/ pa la tshigs su bcad de smras pa// klu yi dbang po gnyid log slang 'ad dang // glang po'i dbang pa gnyid log slong 'dod dang // ri dgas rgyal po mgo slong 'dod dang / / de ni mi dbang legs gnas slong bar 'dod// g.yon rol nas bdud kyi bu blo gros ngan pa zhes bya ba des/ 'di skad ces smras so// bltas pa tsam gyis seng la tu 'gas 'gyur la/ / 'jig rten dag na snying po ldan pa'i shing chen 'gas// bdag gi lta bas phog na 'gro ba 'chis log ltar// 'tsho bar 'gyur ba'i mthu ni dalag la mchis/
- 225a
g.yas rol nas dbyangs snyan ces bya bas smras pa/ bltas pa tsam gyis shing yang 'gas na mi rnams la// bdag bsgrim ci dgos shes smras snying po ga la lod/ gal te bltas pas ri bo lhun po 'jigs 'gyur yang // de yi mdun du khyod ni mig 'byed yong mi nus// gzhan yang / mi gang rgya mtsho lag pa gnyis kyis rgal 'dod cing // de yi/ chu ni brngubs te 'thung bar nus 'gyur gyis// de yi kha bzhin dri ma med la mngon sum du// blta ba de ni de bas sdug bsngal che zhes smras// g.yon rol nas lag pa brgya pa zhes bya bas smras pa/ bdag gis lus ni lag pa brgya mchis pa// gcig gis kyang ni mda' brgya 'phang bgyi ste// dge sbyong de yi lus ni dbug par bgyi// yab cig bder 'gyur ma shol khyod gshegs shing / g.yas rol nas blo bzang po zhes bya bas smras pa// ba spu rnams kyang ci phyir lag pa min// lag pa brgya dang khyad par ci zhig yod// lag pa re rer de ltar mdung yod kyang // de dag gis kyang de la ci mi nus/ / ci'i phyir zhe na/ des ni 'jig rten 'das pa'i byams pa bsgoms// byams ldan thub pa de yi sku la ni/ dug dang mtshon dang me yis mi tshugs te/ mtshon cha phangs pa thams cad me tog 'gyur// gzhan yang mkha' dang sa dang chu la stobs ldan gang / / mi 'am gnod sbyin ral gri dgra sta thogs// mi dbang bzod pa'i stobs ldan de drung phyin// stobs chen stobs ldan de kun stobs chung 'gyur//
- 225b
g.yon rol nas gzi brjid drag shul can zhes bya bas spras pa/ bdag ni de yi lus bzang gis// khong du zhugs te bsreg par bgyi// 'brog gi me ltar chung ngu yis// rkang dang bcas pa'i shing yang skam/ / g.yas rol nas mig bzang gis smras pa// khyod ni ri rab sa yi na bzhugs te// thams cad ma lus bsreg par nus gyur kyang // khyod dang 'dra ba gang+gA'i bye snyed kyis/ / rdo rje'i thugs ldan de ni bsreg mi nus// gzhan yang / ri bo thams cad 'gul yang srid// rgya mtsho chen po zad kyang srid// nyi zla sa la lhung yang srid// sa ni zhu bar 'gyur/ yang srid// 'jig rten don du rtsom mdzad pa// thugs dam nges par mdzad pa po// byang chub dam pa ma thob par// shing chen drung nas bzhengs mi srid// g.yon rol nas lag rings kyis bsgyings te smras pa/ khyod kyi gnas 'dir mchis bzhin du// bdag gi sug pas nyi ma dang // zla ba skar ma rnams kyi gnas// thams cad rab tu mnye bar bgyi// rgya mtsho chen po bzhi po las/ / tshul du shis bar chab kyang blang // yab cig dge sbyong de bzung ste// rgya mtsho'i pha rol dor bar bgyi// yab gcig dpung ni bzhag tu gsol// khyod ni thugs ngan che ma mdzad// byang chub shing de drungs phyung ste// sug pas phyogs phyogs gtong bar bgyi// g.yas rol nas dang ba thob pas smras pa// gal te khyod ni dregs bsgyings te// lha dang lha min dri zar bcas//
- 226a
sa dang ri dang rgya mtshor bcas// de dag lag pas phyir glog kyang // khyod dang 'dra ba stong phrag ni// gang+gA'i bye ma snyed rnams kyis// byang chub sems dpa' shes rab can/ de yi ba spu g.yos mi nus// g.yon rol nas 'jigs byed kyis smras pa/ dpung gi nang na bzhugs bzhin du// yab khyod ci slad rab tu bsnyengs// de la dpung grogs ga la mchis// ci slang khyod 'dir de la bsnyengs// g.yas rol nas blo gros rtse gcig gis smras pa// 'jig rten dag na nyi zla dpung ma mchis// 'khor lo sgyur dang seng ge dpung ma mchis// byang chub sems dpa' 'di na dpung ma mchis/ / 'on kyang gcig pus bdud ni gzhom par spyod// g.yon rol nas klags ltas smras pa// mdung thung rtse gsum dbyug tho ral gri rta// glang po shing rta rkang thang ma masmi/ pa// dge sbyong gcig pu mchis pa de dag gis do mod dgum gyis cung zad ma bsnyengs yab// g.yas rol nas bsod nams brgyan pas smras pa// sred med bu ltar mi shigs sku dang ldan/ bzod stobs go man pas brtson 'grus brtan pa'i ral gri mda'// rnam par thar gsum gzhom pa shes rab gzhu lags yab// bsod nams stobs kyis de ni bdud kyi dpung las rgyal// g.yon rol nas phyir mi ldog pas smras pa/ / 'brog me rtsa la tshig pa phyir mi ldog/ lobs pas 'phangs pa'i mda' yang phyir mi ldog/ mkha' las rdo rje 'bab pa phyir mi ldog/ shAkya'i bu las ma rgyal
- 226b
bdag gnas med/ / g.yas rol nas chos 'dod kyis spras pa// gsher ba'i rtsa dang phrad na ma yang ldog/ brag gi rtse mor bab na mda' yang ldog/ rdo rje sar bab de nas gang du 'gro/ zhi ba bdud rtsi ma tho ba de mi ldog/ ci'i phyir zhe na/ yab gcig par snang la ni ri mo bri bar nus kyang gda'// sems can ji snyed kun gyi sems ni gcig bsdur nus kyang gda'// yab cig nyi zla rlung ni zhags pas bcings du nus kyang gda'/ / byang chub sems dpa' byang chub snying po las ni bskyod mi nus// g.yon rol nas nye bar ma zhi bas smras pa/ lta ba'i gdug pa chen pos lhun po bsreg par gyi/ rgya mtsho chen po rnams kyi chab kyang skam par bgyi// bdag gis do mod de gnyis thal bar rlag par bgyi// yab gcig byang chub dang ni dge sbyong gzigs su gsol// g.yas rol nas don grub kyis smras pa/ / gal te dug gis 'di kun gang gyur la// stong gsum dam pa rab tu 'bar gyur kyang // yon tan 'byung gnas kyis ni gzigs tsam gyis// dug ni dug ma yin par rab tu 'gyur/ srid pa gsum na gdug pa drag po ni// 'dod chags zhe sdang de bzhin gti mug ste// de dag de yi sku dang thugs la med// mkha' la rdzab dang rdul ni med pa bzhin// sku dang gsung dang thugs kyang rab tu dag/ sems can kun la byams pa'i thugs dang ldan// de la mtshon dang dug gis yongs mi tshugs// de bas yab gcig thams cad bzlog tu gsol// g.yon rol nas dga' ba chags
- 227a
pas spras pa/ / bdag gis sil snyan skyong dgas bgyi ste// lha yi bu mo brgyan pa ze stong gis// chags par bgyis te grong khyer mchog tu bkri// 'dod la dga' bar khyod dbang du bgyi/ / g.yas rol nas chos dgas smras pa// de 'dir rtag tu chos la dgyes pas dgyes// bsam gtan dgyes shing bdud rtsi don la dgyes// sems can thar bar mdzad dang byams la dgyes/ / 'dod chags dga' la de ni dgyes mi mdzad// g.yon rol nas rlung gi shugs shes bya bas smras pa// bdag gis shugs kyis nyi zla ming bgyis la// nam mkha' las ni rlung yang rab btang zhing yab cig do mod dge sbyong bzung nas ni/ / rlung gis phub ma bzhin du gtor bar bgyi// g.yas rol nas bdud kyi bu blo gros mi g.yo ba zhes bya ba des 'di skad ces smras so// ji ltar khyod kyi shugs mgyogs drag pa ltar/ / gal te lha dang mi rnams de 'drar 'gyur// de dag thams cad gcig tu 'dus pas kyang // zla med gang zag de la gnod mi nus// g.yon rol nas tshangs pa'i blo gros kyis smras pa/ de 'dra'i drag po phal cher gyur kyang ni// khyod kyi nga rgyal cung zad 'jom mi nus// bgyi ba thams cad mang pos 'grub lags na// gcig pus khyod la ci bgyi spros ci 'tshal// g.yas rol nas seng ge'i blo gros kyi smras pa/ / sa la seng ge khyud 'khod sngon ma byung // lta ba'i gdug pa dag kyang khyus mi 'khod// gzi ldan bden pa pha rol gnon pa po// skyes bu khyu mchog rnams kyang khyus mi
- 227b
'khod/ / g.yon rol nas thams cad du gdol pa zhes bya bas smras pa// ji ltar khyod kyi sras po brtson 'grus dang // shugs dang stobs dang ldan pa sgra sgrogs pa// tshig 'bar de 'dra yab kyis sngon gsan tam/ / myur du dge sbyong de ni gzhom du bzhud// g.yas rol nas seng ge sgra sgrogs shes bya bas smras pa// nags tshal dag gi khrod na wa mang po// seng ge med pa de ni sgra yang sgrogs// seng ge sgra sgrogs 'jigs pa thos pa dang // skrag nas phyogs phyogs dag tu rab tu 'bros// de ltar bdud bu mi mkhas 'di dag kyang // mi mchog gsung ni ma thos de bar du// de dag spyi rdol byed cing byung rgyal smra/ / mi yi seng ge gsung bsgrags 'bros par 'gyur// g.yon rol nas nyes par bsam pa sems pas smras pa// bdag gis gang bsam myur du 'dir 'grub na// de ni ci slad dpung cho ga 'di mi lta/ / gang phyir lang te myur du mi 'bros pas// de ni glen pa cho ga ma 'tshal ga g.yas rol nas don legs par bsam pa sems pa zhes bya bas smras pa// de ni mi glen pha rol gnon pa ste// khyed cag glen zhing shin tu ma bsdams pa/ / khyed kyis de yi mthu rtsal yong mi shes// de yi shes rab stobs kyis thams cad pham// bdud kyi bu ni gang+gA'i bye ma snyed// khyed cag rnams kyis de 'dra'i mthu rtsal can/ / de yi ba spu gcig kyang g.yos mi nus// bsad par bsams pa mi 'grub smos ci dgos// khyod ni de la yid kyis gnod ma sems// gus dang bcas par dad pa'i sems su gyis//
- 228a
'di ni srid gsum rgyal por gyur pas nA// thab mo ma byed par ni slar log cig/ de bzhin du sbyar te/ de ltar bdud kyi bu dkar po'i phyogs pa dang / nag po'i phyogs pa stong du tshang ba de dag thams cad kyis/ so so nas bdud sdig can la tshigs su bcad de smras so// de nas bdud sdig can gyi sde dpon sde bzang po zhes bya ba des/ bdud sdig can la tshigs su bcad de smras pa/ gang dag khyod kyi rjes 'brang brgya byin dang // skyong dang mi 'am ci yi tshogs rnams dang // lha min dbang dang mkha' lding dbang po rnams// thal mo sbyar de la phyag 'tshal na/ / khyod kyi rjes su 'brang ba ma lags pa// tshangs pa 'od gsal lha yi bu rnams dang // gnas gtsang ris kyi lha rnams de dag kun// de la phyag 'tshal ba ni smos ci 'tshal/ khyod kyi sras po shes rab can// stobs dang ldan zhing yid gzhungs pa// de dag byang chub sems dpa' la// snying dang mthun gyur phyag 'tshal lo// dpag tshad brgyad cur khyab pa yi// gnod sbyin la sogs bdud dpung 'di// phal cher rab tu dang yid kyis// kun kyang nyes pa med pa lta// 'jigs su rung zhing drag bsgyur ba// dpung tshogs mi bzad 'di gzigs nas// ngo mtshar ma gyur zhum mi mnga'// nges par do mod 'di rgyal 'gyur// gang na dpung de gnas pa der// wa dang 'ug pa sgra 'byin la// bya rog bong bu sgra 'byin pas// myur du slar ni
- 228b
ldog pa'i rigs/ / byang chub snying por gzigs su gsol// pa ta kun ta ngang pa dang // khu byug rma bya mngon skor bar// nges par do mod 'di rgyal 'gyur// gang na dpung 'di gnas pa de/ / rdul dang stag cha'i char 'bab la// sa dkyil me tog char 'bab pas// bdag gi tshig bzhin ldog pa'i rigs// gang na dpung 'di gnas pa de// shang shong gyur cing tsher mas gang / / sa dkyil dri med gser gyur pas// shes rab can dag ldog pa'i rigs// gal te mi 'dod sngar rmis pa'i// rmi lam de dag mngon sum 'gyur// drang srong rnams kyis yul brlag pa// de bzhin dpung 'di thal bar rlog/ rgyal po 'gro ba drang srong mchog/ tshangs pas byin gyis khros byas pas// dan ta ka yi nags tshal tshig lo mang zhig tu rtsa ma skyes/ / drang srong brtul zhugs spyod pa po// dka' thub ldan pa'i 'jig rten na// ji snyed 'khod pa kun gyi mchog/ 'byung po kun la mi 'tshe 'di// gang gi lus la mtshan rab 'bar/ / khyim nas kyang ni byung ba der// nyon mongs pham byas 'tshang rgya zhes// khyod kyi sngon chad mags na nam// rgyal sras rnams kyis mchod don du// 'byor pa 'di 'dra 'di dag sprul// de bas nges par sems can mchog/ sbyin sreg dam pa len par 'gyur// 'di yi mdzod spu dri med pa// bye ba khrag khrig zhing du mdzes//
- 229a
de yis bdag cag mog mog bgyis// bdud dpung des bcom gdon mi 'tshal// srid pa'i rtse gnas lha rnams kyis// de yis spyi gtsug bltar mi nus/ nges par gzhan gyis ma bstan par thams cad mkhyen nyid thob par 'gyur// ji ltar lhun po khor yug dang // nyi zla brgya byin tshangs pa dang // shing ljon rnam so dang ri mchog kun// sa dkyil phyag 'tshal bgyid las na// bsod nams stobs can shes rab stobs// ye shes stobs can bzod pa'i stobs// brtson 'grus stobs dang ldan pa de// bdud phyogs stobs med mdzad par nges/ / glang pos so ma btang snod dang // seng ges ji ltar wa bcom dang // nyi mas srin bu me khyer ltar// bde bar gshegs pas dpung bcom 'gyur// tshig de skad thos pa dang / bdud kyi bu gzhan zhig shin tu khros nas mig dmar por 'gyur te smras pa/ khyod ni gcig po de yi bsngags pa dag/ shin tu dpag tu med par brjod byed na// gcig pu des ni ci zhig bya bar nus// 'jigs su rung ba'i dpung chen ma mthong ngam// de nas g.yas rol nas bdud kyi bu bdud rab tu 'jom pa zhes bya bas smras pa// 'jig rten nyi zla seng ge dang / / 'khor lo sgyur la grogs byed med// byang chub zhugs nas nges pa med// byang chub sems dpa' grogs mi dgos/ de nas byang chub sems dpas bdud
- 229b
mthu chung bar bya ba'i phyir/ gang mthong bas bdag gis dpung byang chub sems dpa'i kha'i nang du zhugs so snyam du sems shing / bdud bros par 'gyur ba dang / bros nas kyang ci yang ma yin no snyam nas/ yang slar log ste/ 'khor dang bcas pas/ mtshon cha rnam pa sna tshogs byang chub sems dpa'i steng du 'phen cing / ri rab tsam gyi ri de dag kyang / byang chub sem dba'i steng du 'phangs pa dang / me tog gi bla re dang / gzhal med khang du gyur te gnas pa dang / gang dag mig gdug pa dang / myur du gdug pa dang / dbugs gdug pa sume lce gtor ba'i me'i dkyil 'khor de yang / byang chub sems dpa' la 'od kyi dkyil 'khor lta bur gnas par bya ba'i phyir/ pad+ma mdab ma brgya pa/ rgyas pa lta bu'i bzhin bskyed do// de nas byang chub sems dpas lag pa g.yas pas mgo la byugs pa dang / bdud kyis byang chub sems dpa'i lag na ral gri thogs par mthong nas/ lho phyogs su bros pa dang / ci yang ma yin no snyam nas yang slar log go/ / slar log nas byang chub sems dpa'i steng du mtshon cha rnam pa sna tshogs/ ral gri dang / mda' gzhu dang / mdung thung dang / mda' bo che dang / dgra sta dang / bong ba dang / gtun shing dang / rdo rje rtse gcig pa dang / dbyug tho dang / 'khor lo dang / tho ba dang / shing drungs phyung dang / pha bong dang / zhags pa dang / lcags kyi thu lum shin tu
- 230a
'jigs pa du ma 'phen te/ de dag kyang 'phangs ma thag tu me tog gi/ phreng ba dang / me tog gi bla rer gyur te gnas so// me tog gsil mar yang gyur nas sa la 'thor ba dang / 'phreng ba'i chun por yang 'phyang bas/ byang chub kyi shing brgyan par gyur to// byang chub sems dpa'i bkod pa 'byor pa de dag mthong nas/ bdud sdig can phrag dog dang / ser snas sems la gnod de/ byang chub sems dpa' la smras pa/ kye rgyal bu gzhon nu bzhengs bzhengs/ rgyal srid la spyod cig/ khyod kyi bsod nams de tsam gyis/ khyod kyis thar pag la 'thob/ de nas byang chub sems dpas brtan la zab cing rgya che ba dang / 'jam zhing snyan pa'i tshig gis bdud sdig can la 'di skad smras so// sdig can khyod kyis ni gtan pa med pa'i mchod sbyin gcig gis 'dod pa'i dbang phyug thob tu zad do/ / ngas ni mchod sbyin bye ba khrag khrig brgya stong phrag du mas gtan pa med pa'i mchid sbyin byas so// lag pa dang / rkang pa dang / mig dang / mgo dag kyang bcad cing slong ba rnams la byin no/ / sems can rnams thar bar bya ba'i phyir// khyim dang / nor dang / 'bru dang / mal cha dang / gos dang / 'chag sa dang / skyed mos tshal rnam pa du ma dag kyang spong ba rnams la byin no/ / de nas bdud sdig can gyis tshigs su bcad de byang chub sems dpa' la slar smras pa/ sngon chad kho bos mchod sbyin kha na mtho mod//
- 230b
gtan pa med pa byas pa khyod 'dir dbang du yod// khyod la 'di ni dbang po gang yang yod min pas/ smras kyang phan pa ci yod khyod ni pham par gyur// byang chub sems dpas smras pa/ sdig can sa 'di ni nga'i dbang yin no/ / de nas byang chub sems dpas bdud sdig can dang 'dud kyi 'khor la byams pa dang snying rje sngon du 'gro ba'i sems kyis khyab par byas nas/ seng ge ltar mi 'jigs mi skrag la bag tsha ba med cing / mi dam mal ma zhum pa dang / ma 'khrugs pa dang / ma stsogs pa dang / 'jigs pa dang / spu zings zhes byed pa med par lag mthil na/ dung dang / rgyal mtshan dang / nya dang / bum pa dang // bkra shis pa dang / lcags kyu dang / 'khor lo'i mtshan ma yod pa/ sor mo bar dra bas 'brel ba/ sen mo shin tu mdzes shing zangs kyi mdog ltar 'dug pas brgyan pa/ / 'jam zhing mnyen la shin tu gzhon pa/ bskal pa dpag tu med par dge ba'i rtsa ba'i cho gas bsags pas grub pa'i lag pa g.yas pas lus thams cad la byugs nas/ tshul du shis par sa la brdabs te/ de'i tshe tshigs su bcad pa 'di yang smras so// sa 'di 'gro ba kun gyi gnas yin te/ rgyu dang mi rgyu snyoms shing nye mgon med 'di ni bdag gi dbang ste bdag brdzun med/ 'di la khyod ni bdag gi dbang byos shig/ byang chub sems dpas sa chen po 'di la reg ma thag tu rnam pa drug tu gams rab tu g.yos// kun tu
- 231a
rab tu g.yos so/ / chem chem rab tu ches ches so// kun tu rab tu chem chem mo// de 'di lta ste dper na/ yul ma ga d+ha'i brdab khar sgra 'byung zhing / sgra rgyun ring ba de bzhin du sa chen po 'di yang byang chub sems dpa'i lag pas bsnun ma thag tu sgra 'byung zhing sgra rgyun ring du byung ngo / / / 'phags pa rgya cher rol pa zhes bya ba theg pa chen po'i mdo/ bam po bcu bzhi pa/ de nas stong gsum gyi stong chen po'i 'jig rten gyi khams 'di na/ sa'i lha mo chen mo brtan ma zhes bya ba sa'i lha mo'i 'khor bye ba phrag brgya dang ldan pa gang yin pa de/ sa chen po thams cad g.yos par byas nas/ byang chub sems dpa' dang ha cang yang mi ring ba zhig tu sa brtol te/ lus rgyan thams cad kyis brgyan pa phyed phyung nas/ byang chub sems dpa' ga la ba de logs su lus btud de thal mo sbyor nas/ byang chub sems dpa' la 'di skad ces smras so// de de bzhin no// skyes bu chen bo de de bzhin no/ / khyod kyis ji skad gsungs pa bzhin te/ 'di ni bdag la mngon sum mo// de lta lags mod kyis shin gyis kyang bcom ldan 'das nyid lha dang bcas pa'i 'jig rten gyi dbang du gyur pa dang / tshad mar gyur pa dam pa lags so// sa'i lha mo chen mo brtan mas de skad ces spras nas/ rnam pa du mar bdud sdig can gyi glags ni med par byas/ byang chub
- 231b
sems dpa' la ni bstod de/ rang gi mthu rnam pa mang po bstan nas/ 'khor dang bcas te de nyid du mi snang bar gyur to// g.yon can dbyung bcal sgra thos nas// nags su seng ges sku bsgrags was thos dang / / bya rog rdo 'phangs mod la 'byor pa bzhin// sngangs skrag snying gas thams cad rab tu byer// de nas bdud sdig can sdug bsngal zhing yid mi bde ste/ yid ma rang la skyed bzhin du/ nga rgyal gyis zil gyis non pas ma song la/ phyir yang ma log cing / bros kyang ma bros te/ phyir bltas nas yang dpung rnams la smras pa/ khyed lhan cig 'dus te/ cung zad cig sdod cig/ rnam pa 'di lta bu'i sems can rin po che blo bur du chud mi gzan par kho bos rjes su chags pas 'di bslang bar nus sam mi nus sad par bya'o// de nas bdud sdig can gyis rang gi bu mo rnams la smras pa/ bu mo khyed deng ste/ byang chub kyi snying por song la/ ci byang chub sems dpa' 'dod chags dang bcas pa 'am/ 'on te 'dod chags med/ ci gti mug can nam/ 'on te shes rab can/ ci ljongs pa zhig gam/ 'on te phyogs shes pa zhig gam/ 'on te dpung gnyen med pa zhig gam/ dman pa zhig gam brten pa zhig yin pa goms shig/ tshig de thos nas/ lha'i bu mo do dag byang chub kyi snying po ga la ba dang / byang chub sems dpa' ga la ba der song ste phyin nas/ byang chub sems
- 232a
dpa'i mdun du 'khod de/ bud med kyi sgyu rnam pa sum cu rtsa gnyis nye bar bstan to// rnam pa sum cu rtsa gnyis gang zhe na/ 'di lta ste/ de'i nang nas kha cig na bzhin phyed 'gebs pa dang / kha cig ni ma mkhrang zhing 'bur ba ston pa dang / kha cig ni cung zad 'dzums pas so'i 'phreng ba ston pa dang / kha cig ni lag pa brkyang ste bya sbyangs byed cing mtshan khung ston pa dang / kha cag ni shing tog bim pa ltar dmar ba'i mchu ston pa dang / kha cig ni mig phyed btsums te byang chub sems dpa' la lta zhing bltas nas myur ba myur bar 'dzum pa dang / kha cig ni nu ma phyed g.yogs te ston pa dang / kha cig ni gos snyil bar byas te/ gser gyi phag ska dang bcas pa'i rked pa ston ba dang / kha cig ni gos dug ku la sra mo gyon te/ gser gyi phag ska dang bcas pa'i rked pa ston pa dang / kha cig ni rkang gdub sgra sil sil 'byin pa dang / kha cig ni nu ma'i bar nas/ phreng ba gcig nye bar ston pa dang / kha cig ni brla phyed tsam brdzes pa nye bar ston pa dang / kha cig ni mgo dang phrag pa dag la bya 'dab skyed dang ne tso dang / ri skegs 'dug par nye bar ston pa dang / kha cig ni byang chub sems dpa' la mig zur gyis lta ba dang / kha cig ni gos legs par bgos kyang / mgo ma legs pa lta bur bcos pa dang / kha cig/
- 232b
ni rked pa dang / gser gyi phag ska spyod pa dang / kha cig ni 'khrul pa ltar 'chos shing sgeg ste/ phan tshun 'chag pa dang / kha cig ni gar byed pa dang / kha cig ni glu len pa dang / 2 cig ni bsgeg cing ngo tsha ba ltar yang 'chos pa dang / kha cig ni chu shing rlung gis bskyod pa ltar brla sgul ba dang / kha cig ni brjid pa'i sgra 'byin pa dang / kha cig ni seng ras bgos te/ gser gyi phag ska dril bu can bcings nas rgod cing 'chag pa dang / kha cig ni gos dang rgyan rnams sa la 'dor zhing ngo tsha ltar slar yang len pa dang / kha cig ni gsang ba dang // gsal ba'i rgyan thams cad nye bar ston pa dang / kha cig ni lag pa spos kyis bskus pa ston pa dang / kha cig ni mkhur ba bskus shing rna cha yang ston pa dang / kha cig ni mgo yang g.yogs shing bzhin yang g.yogs la skad cig tsam gyis ston pa dang / kha cig ni sngon rgod rgod pa dang / dga' dga' ba dang / rtse rtse ba phan tshun dran par byed cing yang ngo tsha ba ltar 'dug pa dang / kha cig ni gzhon nu'i gzugs dang / bu ma btsas pa'i gzugs dang / na chung tshad la bab pa'i gzugs ston pa dang / kha cig ni 'dod pa dang ldan pas byang chub sems dpa' la sgugs pa dang / kha cig ni byang chub sems dpa' la me tog sil mas 'thor ba dag ste/ byang chub sems dpa'i mdun du 'dug nas byang chub sems dpa'i bsams pa la rtog cing gdong du yang lta ste/ 'di ci chags pa'i dbang
- 233a
pos lta 'am/ 'on te mi rtsa ring du lta 'am/ g.yo 'am mi g.yo zhes bltas na/ byang chub sems dpa'i bzhin dag cing dri ma med la/ sgra gcan las thar pa'i zla ba'i dkyil 'khor lta bur 'dug pa dang / nyi ma thog ma shar ba lta bu dang / gser gyi mchod sdong lta bu dang / pad+ma 'dab ma stong rgyas pa lta bu dang / gtor bar bya ba gtor ba'i me lta bu dang / lhun po ltar mi g.yo ba dang / khor yug ltar mngon par 'phags pa dang / dbang po shin tu bsrungs pa dang / glang po ltar sems shin tu dul bar mthong ngo // de nas bdud kyi bu mo de dag gi/ byang chub sems dpa' shin tu chags par bya ba'i phyir/ gla dang gar du sbar ba'i tshigs su bcad pa 'di dag smras so// dus kyi dam pa sos ka bzang la bab/ zhugs shing me tog rgyas kyis dgyes par rol/ / khyod kyi gzugs ni gzugs bzang mdzes pa ste// mtshan gyis spras pa'i dbang du bdag cag gyur// bdag cag skyes pa legs skyes dbyibs legs te// lha mi bde ba'i rkyen du bdag cag byung // byang chub rnyed dkas thugs ni slar sbyar la// myur du bzhengs te dar la bab pa spyod// khyod kyi ched du chas nas rab tu brgyan te lhags gyur pa// lha yi bu mo legs par brgyan pa 'di dag rnams la gzigs/ / gzugs 'di bltas nas shing rul lta bur srog tsam lus pa yang // chags par gyur na chags pas dga' ba su zhig chags mi
- 233b
'gyur/ / sgra 'jam shin tu dri zhim dri dang ldan// cod pan rna cha 'dab ris bzhin rgyas la// 'phral ba legs shing legs byugs bzhin dang ldan// pad+ma rgyas pa lta bur mig yangs legs/ kha bzhin zla ba nya ba lta bu ste// shing tog bim pa smin 'dra'i mchu dang ldan// dung dang kun da kha ba dkar so ldan// sdug pa dga' la chags pa rnams la gzigs// nu ma shin tu mkhrang zhing rgyas la 'bur/ / lto ba'i rked na gnyer gsum shin tu mdzes// rked pa 'khor sa lta bu yangs shing mdzes// na chung shin tu mdzes la mgon po gzigs// glang po'i sna 'dra ba yi brla ldan zhing / / lag pa gdu bus chal par gang ba can// rked pa gser gyi pha skar ba mdzes brgyan/ khyod kyi bran mo 'di la mgon pos gzigs// ngang pa'i stabs ldan dal gyis mchi bgyid pa/ 'jam zhing yid 'ong 'dod ldan mdzes smra ba// rnam pa 'di ltar shin tu logs brgyan la// lha yi dga' ba rnams la shin tu mkhas// glu dang rol mo'i dbyangs sgra gar rab bslabs// dga' ba'i ched du mdzes pa'i gzugs can skyes/ / 'dod la rab dga' gal te mi bzhed na// 'jig rten dag na khyod ni shin tu bslus// mi len nor gyis bde ba mi shes 'ga'// gter mthong nas ni 'bros par bgyid pa ltar/ / khyod kyang 'dod chags mi mkhyen rang lhags pa// na chung rnams la mi spyod de dang 'dra// dge slong dag de nas byang chub sems dpa' mig mi 'dzum par
- 234a
'dzum dmyal te/ bzhin gyi 'dzum phyung shing / dbang po rnam par ma 'khrugs pa dang lus ma bcos pa dang / brjid pa dang / ma chags pa dang / mi sdang ba dang / ma rmongs pa dang / / ri'i dbang po ltar mi g.yo ba dang / ma zhum pa dang / ma gyur pa dang / 'dzem pa med pa dang / blo shin tu legs par gnas pa dang / nyon mongs pa rnams shin tu spang ba'i phyir/ rang gi kha na las pa'i ye shes kyi sgo dang / 'jam zhing snyan pa'i tshig dang / tshangs pa las lhag pa'i nga ro dang / bya ka la bing+ka'i sgra dbyangs dang / snyan pa dang yid du 'ongs pas bdud kyi bu mo de dag la tshigs su bcad pas slar smras pa/ 'dod pa sdug bsngal mang po sogs shing sdug bsngal rtsa ba ste// mi mkhas rnams la bsam gtan rdzu 'phrul dka' thub nyams par byed// bud med 'dod pa'i yon tan chog pa med ces mkhas pas smras// nga ni mi mkhas rnams la shes rab chog par byed par 'gyur// 'dod pa bsten na sred pa phyir zhing rnam par 'phel 'gyur te// dper na mi 'ga' la la tshwa chu 'thungs par gyur pa bzhin// de la zhugs pa bdag gi don min gzhan gyi don kyang min// da ni bdag gi don dang gzhan gyi don la spro ba yin// khyod kyis gzugs ni chu bur dag dang dbu ba mtshungs shing 'dra/ / sgyu ma'i tshon ltar rang gi blo yis rnam par bsgrubs pa ste// rmi lam dag na rtse ba lta bur mi brtan mi rtag kyang // byis pa mi mkhas rnams kyi sems
- 234b
ni rtag tu rmongs par byed/ / mig ni chu yi chu bur mtshungs shing 'dra ste pags pas g.yogs// khrag brlang mkhrang zhing 'bur ba dper na nad kyi 'bras dang mtshungs// lte ni gcin dang bya sa sogs te shin tu mi gtsang ba dang ldan/ / sdug bsngal bakhrul 'khor las dang nyon mongs pa las yang dag byung // byis pa'i blo can dag ni rmongs gyur phyin ci log pa yis// lus gang la ni sdug par rtog pa mkhas pa de lta min/ / sdug bsngal rtsa bar gyur pa'i 'khor bar yun ring 'khor byed na// sems can dmyal ba rnams su sdug bsngal mi bzad mang po myong / / rked pa nas nirab tu yid mi 'ong ba'i dri can 'dzag/ brla dang byin pa rkang pa dag ni 'khrul 'khor lta bur gnas// nga yis khyed la yang dag brtags nas sgyu ma ji bzhin te/ / phyin ci log gi rgyu dang rkyen las byung bar gyur pa yin// 'phags pa'i ye shes lam las gol ba phyin ci log gyur pa// me dang dug gi lo ma 'dra zhing sbrul chen khros 'dra ba// 'dod pa'i yon tan min zhing yon tan nyams mthong na// de la byis pa bde ba'i 'du shes bskyed cing rgyal bar gyur// mi gang 'dod pas bud med rnams kyi khol bor gyur pa dang / gang zhig chos kyi dga' ba bor te 'dod pas dga' byed cing // dga' la brkam pa de ni tshul khrims lam las gol gyur cing // bsam gtan la ma gol blo nyams ye shes las ni rab
- 235a
ring gnas/ nga ni 'dod chags zhe sdang lhan cig gnas pa ma yin te// rtag dang sdug dang bdag dang lhan cig gnas par byed ma yin// mi dga' ba dang dga' dang lhan cig gnas pa ma yin la/ / nga yi sa rab tu grol te mkha' la rlung dang 'dra// gal te khyod 'dra'i 'gro ba kun gyis 'dir ni gang gyur la// bskal par de dag rnams dang lhan cig 'dre zhing gnas kyang ni/ / nga la tha ba med ce/ med gti mug min 'gyur te// rgyal ba rnams kyis thugs ni nam mkha' mtshungs zhing 'dra phyir ro// lha dang lha mo shin tu dri med la/ khrag dang rus pa med cing rab bzang ba/ de ngas kun kyang 'jigs pa cher gnas te// rtag dngos bral zhing ther zug med phyir ro// de nas bdud kyi bu mo bud med kyi rgyu rnams shin tu bslabs pa de dag de bas kyang / cher 'dod chags dang / rgyags pa dang / dregs pa bskyed dang / steg pa bstan nas/ lus rnams brgyan te/ bud med kyi g.yo nyo bar bstan nas/ byang chub sems dpa' la rjod // de la 'di skad ces bya ste/ bu mo'i nang na gces mchog sred dang dga' dang dga' can lhan cig tu// bdud kyi btang ba shin tu tshul du shis par rings par lpags gyur te/ shing drug ma gzhan nu lo mar bcas pa rlung gis bskyod pa bzhin// gar byed cing ni rgyal po'i sras po shing drung 'dug la rjod par byed// dus kyi nang na dam
- 235b
pa mchog tu dgyi ba sos ka'i dus 'di ste/ / skyes pa dag dang bud med dga' bar bgyid cing mun pa rdul yang bcom// khu byug dang ni ngang pa rma bya sgra 'byin bya tshogs rnams kyi gang / 'dod pa'i yon tan dga' ba myong bar bgyi ba'i dus la dbab po// bskal pa stong du tshul khrims dga' zhing brtul zhugs dka' thub spyad gyur pa// ri yi rgyal po lta bur mi g.yo nyi ma shar ma thag pa'i gzugs/ / 'brug bsgrags lta bur sgra snyan ri dgas dbang pos sgra bsgrags 'dra ba po// 'gro la phan pa byed pa de yis don dang ldan pa'i tshig smras pa// 'dod pa rtsod dang ngag dang 'thab dang nyon mongs bcas dang 'jigs byed pa/ byis pa'i skye bos nye bar bsten gyi mkhas pa'i skye bos rtag spangs la// gang du bde gshegs rnams kyis bdud rtsi brnyes pa'i dus la bab gyur kyis/ / do mod bdud las rgyal te stobs bcu rnams dang ldan pa dgra bcom 'gyur// sgyu rnams bstan nas smras pa zhal ras pad+ma 'dra ba bstan du gsol// khyod ni rgyal po dbang phyug dam pas bdag stobs dang ldan par 'gyur/ / bud med dam pa'i tshogs kyis sil snyan stong dag rab tu bgyid 'gyur na// thub pa'i cha byad kyis ni ci bgyis spongs la dga' ba bsnyen du gsol/ / byang chub sems dpas smras pa/ nga ni srid pa gsum na dbang phyug lha dang mi rnams kyis mchod la// chos kyi 'khor los 'gro zhing stobs bcu stobs dang
- 236a
ldan pa'i rgyal por 'gyur/ / slob dang mi spong bu rnams khrag khrig rtag tu 'dud pa mngon du byed// chos kyi dga' bas dga' ba'i yul la nga yi yid ni dga' ma yin// de dag gis smras pa/ re zhig dar la bab pa ma yol dang por thor bur gyur pa dang / khyod ni re zhig snyun gyis ma btab mi shis bgres par ma gyur dang // ji srid dar la bab cing bdag cag grogs kyang dar la bab gyur pa/ / de srid par du 'dzum pa'i zhal gyis 'dod pa dga' ba spyad du gsol// byang chub sems dpas smras pa/ ji sri do mod dal ba dam pa 'chi med dkon pa rnyed pa dang // ji srid lha dang lha min grong khyer mi khom sdug bsngal spangs pa dang / / ji srid rga dang na dang 'chi ba'i dgra yis dkrugs par ma gyur pa// de srid nga ni 'jigs med grong khyer 'gro ba'i lam mchog bsgom par bya/ / de dag gis smras pa/ lha yi gnas na sum cu rtsa gsum bdag po lha mos bskor ba dang // 'tha pa bral 'thab bral rab dang dga' ldan rab dang bdud kyi grong khyer na/ / lha mchog bstod pa bzhin du bud med dbang du gyur nas 'dod dga' la// rol cing spyod la bdag cag rnams dang lhan cig dgyes pa rgya chen mdzod// byang chub sems dpas smras pa/ 'dod pa rtswa rtse'i zil thig bzhin du mU ra la ston ka'i sprin dang mtshungs// klu yi bu mo khro ba lta bur shin tu 'jigs par byed pa yin// brgya byin 'thab bral rab lha dga' ldan pa dag bdud
- 236b
kyi dbang du song / / 'phags min rnams kyis 'dod pa sdug bsngal ldan pa 'di la su zhig dga'// de dag gis smras pa/ shing mchog 'di dang lo ma gzhon dang ldan zhing me tog rgyas gyur na/ shang shang te'u dang khu byug sba 'byin bung ba sgra 'byin ldan pa gzigs// sa las rtsa 'khrungs rab sngo 'jam zhing ma la ljang lo can mchis pa// ga nas mchog mi ci tshogs kyis brten par na chung rnams dang dgyes par mdzod/ / byang chub sems dpas smras pa/ lo mar bcas pa'i shing rnams 'di dag dus kyi dbang gis me tog rgyas// bung ba dag kyang bkres dang skom pas nyen nas me tog rnams su lhags/ / gang zhig dus na sa las skyes pa rnams kyang nyi mas skams par gyur// nga 'dir sngon gyi rgyal ba rnams kyis spyad pa bdud rtsi nges par spyad// bdud kyi bu mo rnams kyis smras pa/ zla 'dra'i zhal mnga' gzigs shig parlagasar pa 'dra ba'i kha bzhin can// snyan can yid du 'ong ba'i tshigs ldan so ni dngul dang kha ba 'dra// 'di 'dra lha yis gnas na dka na ma'i gnas na ga la mchis/ / gang dag lha mchog rnams kyis rtag tu 'dong par bgyi ba khyod kyis brnyes// byang chub sems dpas smras pa/ lus ni ngan skyugs mi gtsang srin bu'i rigs kyis gang ba shig shig po/ / myur du 'gyes shing 'jigs pa bde ba ma yin rnams dang ldan par mthong // rgyu bar bcas dang mi rgyu ba yi 'gro la bde ba mchog byed pa// go 'phang 'chi 'pho mod pa
- 237a
skye bo mkhas pas mchod pa de thob bya/ / de dag 'dod pa'i sgyu rtsal drug cu rtsa bzhi myong bar gyur pa ste// rkang gdub gser gyi phag ska 'khrol zhing gos kyang shag shig byas nas ni/ / 'dod pa'i mda' yis phog pa rgyags pa 'dzum zhing 'di skad smras// jo bo khyod la nongs pa ci zhig bgyis na 'di dag bsten mi bgyi// srid pa kun gyi nyes pa rig nas rdul dang bral bapas 'di skad smras/ / 'dod pa ral gri mdung thung rtse gsum sbrang rtsi can gyi spu gri 'dra// sbrul gyi mgo dang me mur 'dra ba rangs 'dir rab tu rika pas na// bud med yon tan 'phrogs pas de phyir nga yis bud med tshogs rnams spangs/ / bud med yon tan rnam pa mang po khrag khrig bye ba de dag gis// gang gi tshe na glang po phrug gu'i stabs can de brjed ma ngas che// ngo tsha bskyengs nas thub pa'i rkang pa gnyis la rab tu phyag 'tshal te/ / dga' zhing mgu ba bskyed nas phan pa byed pa de la bstod pa byas// pad+ma dri ma med pa'i snying po 'dra zhing ston zla lnga bu'i zhal// mar gyis sprin bsreg bgyis pa'i 'od 'phro me 'dra gser gyi ri 'dra ba/ / srid pa brgya nas spyad cing dgongs dang smon lam btab pa grub gyur cig/ bdag nyid rgal nas sdug bsngal dag dang ldan pa'i 'grob bsgral du gsol/ / de dag rnams kyis dong ka'i shing dang tsam pa ka 'dra rnams mang bstod// mchog tu gyur pa ri ltar mi g.yo ba la bskor ba byas nas ni// song ste pha yi rkang la mgo bos
- 237b
phyag 'tshal 'di skad tshig kyang smras/ / yab cig lha dang mi yi bla ma de la khong khro spangs na legs// bzhin ni 'dzum par gyur nas pad+ma'i mdab ma 'dra ba'i mig gis lta// de ni chags pas skye bo mi lta de la khro gnyer mchis ma lags/ / lhun po g.yo zhing rgya mtsho skams la nyi zla ltung bar 'gyur yang gda'// srid pa gsum gyi nyes mthong de ni bud med rnams kyi dbang mi 'gyur de nas bdud sdig can gyis tshigs de skad thos nas/ / de bas kyang cher sdug bsngal zhing yid mi bde la// yid ma rangs shing tshig pa za ba'i yid kyis rang gi bu mo de dag la smras pa/ / kye mi shis shing glen te/ khyod kyi gzugs dbang rod ma mthong ngam/ ji ltar gyur na/ de byang chub kyi snying po las bslangs par ma nus/ de nas bdud kyi bu mo de dag gis// rang gi pha la tshigs su bcad pas slar smras pa/ / snyan cing 'jam por smra yang chags pa ma mchis te/ gsang ba chen po ltar yang sdang ba mchis ma lags/ spyod lam dag dang spyod pa lta yang rmongs ma mchis/ / lus rnams thams cad rtogs kyang bsam pa shin tu zab// bud med nongs pa rgya chen the tsom ma mchis rtogs// 'dod las dben pa'i yid ldan 'dod chags chags ma mchis/ / gang zhig de yi sems dang spyod pa yongs 'tshal ba// lha yul mi yul 'di na lha mi de ma mchis// de la bud med sgyu rnams gang lags bstan na yab// chags bcas gang
- 238a
lags de yi snying zhu 'gyur rigs na/ de dag mthong yang de yi sems ni gcig ma g.yos/ ri dbang rgyal po bzhin du de ni mi g.yo mchis// bsod nams gzi brji brgyas bltams yon tan gzi brjid rdzogs/ / bskal pa bye ba mang por tshul khrims brtul zhugs spyad// lha dang tshangs pa sems can gzi brjid rnam dag dge/ de dag de yi rkang par mgos gtugs phyag kyang 'tshal/ / sde dang bcas pa'i bdud rnams bcom nas sngon chad kyi// rgyal bas bzhed pa byang chub dam pa 'thob 'gyur nges// yab cig bdag cag g.yul ngor 'thab pa mi 'tshal te/ stobs ldan bdag dang 'thab par sbyor 'di tshegs rab che// yab cig mkha' la nor bu rin chen gtsug pud can/ rdzogs pa'i byang chub sems dpa' khrag khrig gus par gnas/ / rin chen 'byung gnas yan lag me tog phreng bas brgyan// stobs bcu mnga' bas mchod phyir 'dir btang rnams la gzigs// gang dag sems pa mchis dang gang sems ma mchis/ / shing ri lha dbang gnod sbyin mkha' lding dbang po dag/ yon tan ri bor mngon par 'dud cing phyogs pa las// yab cig do mdo slar log na ni legs pa 'dra// gzhan yang gang gi pha mthar mi phyin der ni rkyal mi bgyi// gang zhig rtsa nas mi phyin de ni brko mi bgyi// gang la bzod pa yang gsol de ni dkrug mi bgyi// gang gis yid mi bde bar 'gyur/
- 238b
pa de mi bgyi/ dge slong dag de nas de'i tshe shing gi lha mo brgyad la 'di lta ste/ dpal ldan dang / 'phel mo dang / dka' thub dang / dge ma dang / mkhas ma dang / mdangs stobs dang / bden smras dang / ldan ma ste/ de dag gis byang chub sems dpa' la yang dag par mchod nas/ dpal rnam pa bcu drug gis byang chub sems dpa' 'phel bar byed/ mngon du stod par byed de/ sems can dag pa khyod ni dgun zla yar gyi ngo ltar mdzes pa'o// blo rnam par dag pa khyod ni gdugs dang po shar ba ltar lhang nge ba'o// sems can dag pa khyod ni chab kyi nang na pad+ma ltar rab tu rgyas pa'o/ / sems can dag pa khyod ni nags dang nags mdab na rgyu ba'i seng ge ltar sgrogs pa'o// sems can dag pa khyod ni rgya mtsho'i dbus na ri'i rgyal po ltar mdzes pa'o/ / sems can dag pa khyod ni khor yug gi ri ltar mngon par 'phags pa'o// sems can dag pa khyod ni rgya mtsho ltar rin po chos bltams zhing gting dpag par dka' ba'o// 'jig rten gyi mgon po khyod ni nam mkha' ltar thug pa ma mchis shis thugs kyi rgya che ba'o// sems can rnam par dag pa khyod ni dog sa ltar sems can thams cad kyi 'tsho bar gyur cing thugs shin tu brtan pa'o/ / sems can dam pa khyod ni mtsho ma dros pa ltar rtag tu dang zhing thugs rnyog pa mi mnga' ba'o// sems can dam pa khyod ni rlung mar ltar 'jig rten gyi khams
- 239a
thams cad la rtag tu mi chags shing thugs gnas pa ma mchis pa'o/ / sems can dam pa khyod ni gzi brjid kyi rgyal po ltar rlom sems can thams cad spangs bsnyen par dka' ba'o/ / sems can dam pa khyod ni sred med kyi bu ltar thul bar dka' zhing stobs dang ldan pa'o// 'jig rten gyi mgon po khyod ni byang chub kyi snying po las mi bzhengs pa dam bcas pa bstan pa'o/ / sems can dam pa khyod ni dbang po'i lag gis 'phangs pa'i rdo rje ltar slar mi ldog pa'o// sems can dam pa khyod ni ring po mi thogs par stobs bcu dang ldan par byin pas brnyes pa legs par brnyes pa'o/ / dge slong dag de ltar byang chub kyi shing gi lha mo rnams kyis dpal rnam pa bcu drug gos byang chub sems dpa' 'phel bar byed do/ dge slong dag de na gnas gtsang ma'i ris kyi lha'i bu rnams kyi rnam pa bcu drug gis bdud nyams dmas par byed de/ rnam pa bcu drug gang zhe na/ 'di lta ste/ sdig can khyod ni khrung khrung rgan po ltar sems khong du chud cing dmas pa'o/ / sdig can khyod ni glang po rgan po 'dam du bying ba ltar nyam chung ba'o// sdig can khyod ni dpa' bor khas 'ches pa pham pa ltar gcig pur gyur pa'o/ / sdig can khyod ni nad kyis nyen pa 'brog tu bor ba ltar gnyis su med pa'o// sdig can khyod ni glang bu khal gyis nyon mongs pa ltar stobs med pa'o/
- 239b
sdig can khong ni shing rlung gis btab pa ltar skyel ba'o// sdig can khyod ni 'dron pa lam stor ba ltar lam ngan par gnas pa'o// sdig can khyod ni mi dbul po bu lon can ltar dman pa bas kyang dman pa'o/ / sdig can khyod ni bya rog byung rgyal ba ltar mu cor smra ba'o// sdig can khyod ni ma dul ba byas pa mi gzo ba ltar nga rgyal gyis zil gyis non pa'o// sdig can khyod ni seng ge'i sgras wa 'bros pa ltar deng 'bros par 'gyur ba'o/ / sdig can khyod ni rnam par 'thor rlung gi sa gtor ba'i bya bzhin du deng 'dar bar 'gyur ba'o// sdig can khyod ni sprang po bsod nams zad pa ltar dus mi shes pa'o/ / sdig can khyod ni snod chag pa rdul gyis gang ba ltar deng rnam par spang bar 'gyur ba'o// sdig can khyod ni sngags la dpa' ba sprul la bab pa ltar de tshar chod par 'gyur ba'o// sdig can khyod ni mi rkang lag bcad pa ltar stob thams cad dang bral ba'o zhes bya ba'o/ / dge slong dag ltar gnas gtsang ma'i ris kyi lha rnams kyis rnam pa bcu drug gis bdud sdig can nyams smad par byas so// dge slong dag de la byang chub kyi bsnyen bkur ba'i lha rnams kyis rnam pa bcu drug gis bdud sdig can zlog par byed do/ / bcu drug gang zhe na/ 'di lta ste/ sdig can khyod ni dpa' bo pha rol gyi sde bcom pa ltar/ byang chub sems dpas ngo mod pham par byas par 'gyur ro/ / sdig can khyod ni gyang stobs chung ngu la gyad stobs chen po bab pa ltar do mod byang chub sems dpas tshar bcad par 'gyur ro// sdig can khyod ni srin bu me khyer
- 240a
la nyi ma'i dkyil 'khor bab pa ltar/ do mod byang chub sems dpas zil gyis non par 'gyur ro// sdig can khyod ni phub ma sbar ba gang la rlung mar bab pa ltar do mad byang chub sems dpas gtor bar 'gyur ro/ / sdig can khyod ni wa la seng ge bab pa ltar do med byang chub sems dpas spangs par byas par 'gyur ro// sdig can khyod ni shing sA la chen po rtsa ba nas bcad pa ltar de mod byang chub sems dpas bsgyel bar 'gyuraro/ / sdig can khyod ni mi mdza' ba'i grong khyer la rgyal po chen po bab pa ltar do mod byang chub sems dpas brlag par 'gyur ro/ / sdig can khyod ni ba rjes kyi chu la nyi tshan chen po bab pa ltar do mod byang chub sems dpas yongs su zad par byas par 'gyur ro// sdig can khyod ni mi g.yon can bsad par bya ba shor ltar do mod byang chub sems dpas 'bros par byed par 'gyur ro/ / sdig can khyod ni me'i tsha bas bung ba'i khyu ltar ngo mod byang chub sems dpas mgo 'khor bar byed par 'gyur ro// sdig can khyod ni chos kyi rgyal po rgyal srid nyams pa ltar do mong byang chub sems dpas mya ngan byed du bcug par 'gyur ro/ / sdig can khyod ni khrung khrung rgan po mdab ma bregs pa ltar do mod byang chu sems dpas sems khong du bcug par 'gyur ro/ / sdig can khyod ni 'brog dgon par lam brgyags chad pa ltar/ do mod byang chub sems dpas phongs par byas par 'gyur ro//
- 240b
can khyod na rgya mtsho tshan por gru zhig pa ltar nam byang chub sems dpas smre sngags 'dzin du bcug par 'gyur ro// sdig cam khyod ni sreg pa'i bskal pas rba dang nags tshal ltar na mad nga chub sems rapas rnyis par byas par 'gyuraro/ / sdig can khyang na rab rtsom man rdzobapa pa ltar/ dmod byang chub sems dpas brnyim par 'gyur ro zhes bya ba'o// dge slong dag de ltar byang chung kyisasnyen bkur ba'i lha'i bu rnams kyis rnam pa 'acu drug gis bdud sdig cad zlog par byed cing / bdud sreg can phyi ma logag/ de la 'di skad ces bya ste/ lha ma tshogs kyis yang dag bskul ba thos kyang bdud ni phyir log ma gyur te/ slongs shig rgyub shig 'di ni brlag par gyis shig srog kyang sbyin par ma byed cig/ 'di ni rang nyid rgal nas nga yi yul mas gzhan yang sgrol bar byed par 'gyur/ / langs te bros pa ma gtogs dge sbyong 'di la thar gzhan cung zad med ces sba// byang chub sems dpas spras pa/ ri'i rgyal po lhun po gnas nas gam sring 'gro ba thams cad med 'gyur srid/ / skar ma'i tshogs rnams thams cad zla ba bcas par mkha' las sa la lhung yang srid// sems can kun gyi bsam pa gcig byed 'gyur srid rgya mtsho chen po skam srid kyi/ / nga 'di shing gi rgyal ba'i drung na 'dug pa la nig yo ba yang mi srid// bdud kyis spras pa/ kha po 'dod pa'i dbang phyug 'jig rten 'di kun dbang / lha dang lha min tshogs
- 241a
bcas mi dang dud 'gro rnams/ / kho bos khyab ste thams cad kho bo'i dbang du gyur/ kho bo'i yul na gdugs pa 'ongs la tshig bzhin gyis// byang chub sems dpas smras pa/ gal te 'dod dbang khyod yin gsal bar khyod dbang min// yang dag nga ltos nga yang chos kyi dbang phyug yin// gal te ngan 'gror mi 'gro khyod na 'dod dbang phyug/ dbang med khyod ni lta bzhin byang chub ngas thob 'gyur/ / bdud kyis smras pa/ dge sbyong bdag nyid gcig pu dgon par ci zhig byed// khyod kyis gang bcal de dang phrad par sla ma yin// rab 'gro shes ldan la sogs dka' thub rab sgrims kyang // go 'phangs mchog de ma thob mir gyur khyod ci spos// byang chub sems dpas spras pa/ kho bo'i zil non blo dang lha yul 'dod pa dang / bdag la rtag snyan du gnas pa dang / yul du 'gro bas gnas pa thar snyam gnas pa yi// drang srong mi shes sngon du 'gro bas dka' thub spyad// de dag yang dag don dang bral zhing skyes pa smra/ / khyab dang phyogs gcig ches dang kha cig rtag ces smra// lus can lus min yon tan min dang yon tan can// byed pa po dang byed po min zhes gzhan dag 'dzer// stan 'dir 'dug ste nga rgyal bcom pa sde dpung bcas// khyod pham byas te byang chub rdul med deng thob nas// 'gro ba 'di la 'byung dang byang dang mya ngan 'das// sdug bsngal zhi ba bsil
- 241b
ba'i dngos po bstan par bya/ / bdud ni khros shing 'khrugs te tshig pa zos nas mdun du rtsub pa'i tshig tu smras pa dge sbyong 'di bzung shig/ gcig pu dgon par bor bar gyur pa 'di ming yi mdun nas zung la song ste myur du dbang du gyis/ nga yi khyim du myur du song la shing sgrog dang ni lcags sgrog phrugs su chug ste sgo ba byed du chug/ sdug bsngal nyen nas ku co rnams pa mang po 'don cing lha yi khol po yin par bdag gis bdag mthong byos/ / byang chub sems dpas smras pa/ nam mkha' la ni ri mo rnam pa sna tshogs cha cha ris ris phye ste so sor bri bar nus kyang sring phyogs dang phyogs mtshams 'gro ba'i shugs can rlung ni mi yis rab tu bsgrims te zhags pas bcing du nus kyang srid/ / nyi ma zla ba mun pa rab rib med byed mkha' las sa la ltung bar byed par nus srid kyi/ / khyod dang 'dra ba rab tu mang po bgrang las 'das pa dag gis shing drung nas ni nga bskyod nus mi 'gyur// bdud dpung stobs dang ldan pa langs te ha zhes zer/ dung dang rngadza dang rdza lnga mchog gi sgra 'byin langs/ bdud dpung shin tu 'jigs pa 'di dag mthong nas ni// kyi hud bu sdug khyod cis ma rung gyur ces zer// 'dzam gling gser dang tsam pa'i snying po 'dra bar ser/ / shin tu gzhon nu lha mis bstod cing mchod pa'i 'os// khod deng g.yul ngo chen po rab tu brlag 'gyur te// dbang pos lnga min lta bar bdud kyi dbang nga 'gar
- 242a
pa'i dbyangs dang ka la bing+ga'i sgra skad kyi/ / bde bar gshegs pas gnod sbyin srin tshogs de la smras// mi mkhas gang zhig nam mkha' skrag par byed 'dod pa// de ni shing mchog drung nas nga 'dra slong bar 'dod// gang zhig stong gsum chen po bshig nas rdul 'grang dang // gang zhig ba spu yis ni rgya mtsho chu 'byin dang / skad cig gis ni rdo rje'i rang bzhin ri 'thor ba/ / des kyang shing drung 'dug pa nga la 'tshe mi nus// bdud khros sems kyis gnya' shing gang gi bar tsam 'dug/ shubs nas phyung ba ral gri rnon po lag na thogs// dge sbyong myur du longs la nga yi bsam pa bzhin du song // 'od ma'i myu gu sngo ltar do mod bcad da re// byang chub sems dpas smras pa// gal te stong gsum sa rnams 'di dag thams cad bdud kyis rab tu gang gyur la/ / kun gyi lag na ri bo lhun po mchog 'dra ba yi ral gri thogs gyur kyang // de dag nga yi ba spu bskyod par mi nus nga la gnod byed smos ci dgos// sun 'byin ma rings zhig dang de'u re brtags te nga yis brtan por dran par bya/ / rnga mo ba lang glang chen mgo dang 'jigs mig dang // myur gdug sbrul dang mig gdug mi bzad 'dra ba dag/ me 'bar kha dog rtse mor bcas pa'i ri 'phen cing / / rtsa bar bcas pa'i shing dang zangs dang lcags rnams 'phen// sprin ltar langs te phyogs bzhi dag tu sgra sgrog cing // rdo rje'i lce dang lcags
- 242b
kyi thu lum char pa 'bebs/ / ral gri mdung thung rna dang dgra sta dug can 'bebs// sa ni brtol bar byed cing shing dag rab tu 'joms// kha cig lag pa brgya dag gis ni mnga' brgya 'phen kha nas myur du gdug pa'i sbrul dang me yang 'thor/ / chu skyes chu srin la sogs pa dag mtsho nas len// kha cig nam mkha' lding du bsgyur nas klu yang 'phen// kha cig khros nas lcags kyi thu lum ri rab tsam/ / me 'bar kha dog rtse mor bcas pa rnams kyang 'phen// sa la lhags nas sa ni rab tu 'khrugs par byed// 'og gi chu yi phung po'i chu yang rnam par 'khrug kha cig de yi mdun dang de bzhin rgyab tu mchong / / kye ma bu zhes g.yas dang de bzhin g.yon du mchod // rkang pa lag pa log par 'dug cing mgo 'bar la// glog ltar rab tu 'bar ba mig gnas mngon du 'byin/ / bdud kyis dpung ni bsgyur ba mi sdug byas mthong nas// sems can dag pa sgyu ma byas pa ji bzhin tog/ 'di la bdud med stobs med 'gro med bdag kyang med/ / chu zla'i tshul 'dra ba yi 'jig rten gsum po 'khor// mig dang skyes pa bud med med cing bdag gi med// rna ba sna dang de bzhin lde dang de bzhin lus// chos 'di byed pa po dang tshor ba po dang bral/ / brten nas skyes te nang yang stong zhing phyi yang stong // bden tshig gang gis 'dir chos shin tu stong zhe na// 'dul mthun gnod sbyin nges pa gang yin de dag gis//
- 243a
lag pa'i mtshon cha me tog phreng bar mthong gyur ces// rtag tu bden spras de yis bden pa'i tshig byas te// de yis lag mthil g.yon pa dra ba mchog spras pa/ sen mo zangs mdog rab mdzes rtsibs stong 'khor lo can// 'dzam gling gser 'bar 'dra ba bsod nams bgyis bsten pas// tshul du shis par mgo nas rkang pa'i bar du byugs/ mkha' las glog 'dra bar ni lag pa brkyang byas nas// tshig tu smras pas 'di ni nga yis dbang yin te// ngas ni sngon chad mchod sbyin khrag khrig sna tshogs byas// slong la mi sbyin snyam ste don med gzhan ma byin/ / chu dang me dang rlung ni nga yi dbang yin te// tshangs pa skyes dgu bdag dang skar bcas nyi zla dang // gang dag phyogs bcu dag na bzhugs pa'i sangs rgyas dang // bdag khrims brtul zhugs byang chub yan lag 'phags pa dbang // sbyin dang tshul khrims de bzhin bzod pa nga yi dbang // brtson 'grus de bzhin bsam gtan de ltar shes rab dang // tshad med bzhi dang de bzhin mngon shes nga yi dbang // rim gyis byang chub spyod pa thams cad nga yi dpang // phyogs bcu'i 'jig rten sems can mtha' dag ji snyed pa// de dag rnams kyi bsod nams tshul khrims ye shes dang / / gtan pa med pa'i mchod sbyin byas pa bsdoms kyang ni// de dag nga yi ba spu'i brgya yis char mi phod// de yis tshul du shis par lag pa sa la brdug
- 243b
khar ba'i snod ltar sa 'di sgra yang byung bar gyur/ / bdud kyi sgra thos nas ni sa la skyel gyur te// nag po'i rtsa lag rgyob shig zung shig sgra yang thos// lus las rdul byung gzi brjid nyams shing bzhin mdog gyur/ / rga bas bcom par bdud de nyid kyis mthong bar gyur// brang brdung cho nge 'don cing 'jigs nyen mgon yang med// bdud kyi yid 'khrul gyur cing sems ni myos par gyur// glang po rta dang bzhon pa shing rta sa la lhung // srin po grul bum dag dang sha za sdangs shing rgyug/ mgo rmongs lam mi rnyed cing gnas med skyabs kyang med// rlung btab nags mes byas ltar bltas nas song bar gyur/ / pha ma bu dang sring mo de bzhin phu nu dag/ gang na mthong zhing gang du dong zhes 'dri bar byed// de yi rkyen gyis de dag phan tshun 'thab cing rtsod// bdag ni sdug bsngal gyur te 'tsho ba'i bskabs kyang med/ / bdud dpung rgya che mang ba mi 'khrugs snyed po do// thams cad rnam par 'thor zhing tha dgur gyes 'gyur te// zhag bdun 'das kyi bar du phan tshun phrad ma gyur/ / mthong nas spras pa gal te gson na dga' zhes 'dzer/ shing gi lha mos de tshe de la snying rje byas// chu yi bum pa thogs te nag po'i rtsa lag gtor// myur du longs la phyi shol ma byed skyen du song / / bla ma'i tshig ma mnyan pas de ltar gyur pa yin// bdud kyis smras pa/ bdag gis bu yi snyan tshig phan pa ma mnyan te/ sems can shin tu dag la nyes pa bas pas
- 244a
sdug bsngal 'jigs 'phongs mya ngan brlag dang brnyas pa dang / cir mi rung ba'i sgra dang dman nyid bdag gis thob// lha mos smras pa/ mi mkhas gang zhig nyes pa med la nyes byed pa/ / de ni nyes dang sdug bsngal ba dang 'phongs pa dang / cir mi rung zhes bya ba'i sgra dang dman nyid dang // bsad dang bcing dang nyes pa du ma rnyed par 'gyur// lha dang lha min mang lding mi ci srin po'i dbang / / tshangs pa brgya byin gzhan 'phrul 'og min bcas pa dag/ 'di ltar khyod kyis 'di 'dra'i bdud kyi dpung bcom pas// 'jig rten dpa' bo rgyal zhes de yi rgyal ba brjod// rgyar 'gre po zla ba gdugs dang rgyal mtshan ba dan 'bul/ me tog a ga ru dang rgya spos tsan dan phye char 'bebs// sil snyan dag kyang rab tu dkrol ba byed cing tshig brjod pa// dpa' bo dgra tshogs rgyal rnams khyod la dgab pa mdzad par 'gyur/ / stan mchog 'dir ni byams pas g.yon can bdud kyi phyogs// rgya chen pham mdzad dpa' bo de mod byang chub brnyes// stobs bcu ma 'dres so so yang dag rig pa dang / / sangs rgyas yul rnams thams cad do mad brnyes par 'gyur// bdud 'dul ched du 'dir ni g.yul ngor rab tu zhugs// rdzogs pa'i byang chub sems dpa'i stobs rtsal sus mthong ba/ / bye ba sum cu drug dang khrag khrig nyi shu bzhi// de dag sangs rgyas byang chub mchog tu yid kyis smon// bdud btul ba'i le'u zhes bya ba ste nyi shu rtsa gcig pa'o// / dgra
- 244b
slong dag de ltar byang chub sems dpa' bdud phyir rgol ba bcom pa/ / dgra btul ba/ g.yul ngor g.yul las rnam par rgyal ba// gdugs dang rgyal mtshan dang / ba ngan bsgreng bas 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can// bsam gtan dang po rdzogs par byas te gnas so/ / de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas/ rtog pa med pa/ ting nge 'dzin las skyes pa'i dga' ba dang / bde ba can/ bsam gtan gnyis pa rdzogs par byas te gnas so// de dga' ba'i 'dod chags dang bral bas// btang snyoms la gnas shing dran pa dang shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste// dga' ba med pa bsam gtan gsum pa rdzogs par byas te gnas so/ / de bde ba yang spangs te/ snga nas sdug bsngal ba yang spangs shing yid bde ba dang / yid mi bde ba yang nub pas/ bde ba yang ma yin/ sdug bsngal yang ma yin pa/ btang snyoms dang dran pa yongs su dag pa/ bsam gtan bzhi pa yongs su rdzogs par byas te gnas so// de nas byang chub sems dpa' de lta bur snyoms par zhugs pa'i sems
- 245a
yongs su dag pa/ yongs su byang ba/ 'od gsal ba/ nyon mongs med pa/ nye ba'i nyon mongs pa dang bral ba// mnyen pa las su rung bar gnas pa/ mig so bar gyur pas nam gyi cha stod la lha'i mig las ye shes mthong ba'i rig pa mngon du bya ba'i phyir/ / sems mngon par sgrub cing / mngon par gtod do// de nas byang chub sems dpa' lha'i mig yongs su dag pa/ mi'i las shin tu 'das pas sems can shi 'pho ba dang / skye ba dang kha dog bzang po dang / kha dog ngan pa dang / bzang po dang / ngan pa rnams mthong ngo / / las ji lta ba bzhin du 'gro ba'i sems can rnams kyang rab tu shes te/ kye ma sems can 'di dag ni lus kyis nyes par spad pa dang ldan pa/ ngag dang yid kyis nyes par spyad pa dang ldan pa/ 'phags pa rnams la skur pa 'debs pa/ log par lta ba dag ste/ de dag log par lta ba'i las yang dag par blangs pa'i rgyus lus zhig ste/ shi ba'i 'og tu ngan sa 'gro log par ltung ba sems can dmyal ba rnams su skye bar 'gyur ba dag go/ / sems can 'di dag ni lus kyis legs par spyod pa dang ldan pa/ ngag dang yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag par lta ba dag ste/ de dag yang dag par lta ba'i las yang dag par blangs pa'i rgyus lus zhig nas/
- 245b
bde 'gro mtho ris kyi 'jig rten du lha'i nang du skye bar 'gyur ba dag ces bya bar rab tu shes so// de ltar lha'i mig rnam par dag pa mi'i las shin tu 'das pas sems can 'chi 'pho ba dang // skye ba dang / kha dog bzang po dang / kha dog ngan pa dang / bde 'gror song ba dang / ngan 'gror song ba dang / ngan pa dang / bzang po dag dang / las ji lta ba bzhin du 'gro ba rnams mthong ngo / / dge slong dag de ltar byang chub sems dpa' nam gyi cha stod la rig pa mngon sum du byed do// mun pa sel te/ snang ba skyed do// de nas byang chub sems dpa' de lta bur snyoms par zhugs pa'i sems yongs su dag pa/ yongs su byang ba/ 'od gsal ba/ nyon mongs pa med pa/ nye ba'i nyon mongs pa dang bral ba/ mnyen pa/ las su rung bar gnas pa mi g.yo bar gyur pas nam gyi gung thun la sngon gyi gnas rjes su dran pa'i ye shes mthong ba'i rig pa mngon du bya ba'i phyir/ sems mngon par sgrub cing mngon par gtod do// de dag dang / sems can gzhan dag gi sngon gyi gnas rnam pa dus rjes su dran te/ 'di lta ste/ skye ba gcig dang / gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / skye ba lnga bcu dang / skye ba brgya dang / skye ba stong dang / skye ba brgya stong dang / skye ba brgya stong phrag du ma dang / skye ba bye ba dang / skye ba bye ba phrag brgya dang / skye ba bye ba phrag stong
- 246a
dang / skye ba bye ba brgya stong dang / skye bye ba khrag khrig brgya stong dang / skye ba bye ba brgya phrag du ma dang / skyed bye ba stong phrag du ma dang / skya dbye ba brgya stong phrag du ma skye ba bye ba khrag khrig brgya stong phrag du ma nas/ 'jig pa'i bskal pa dang / chags pa'i bskal pa dang / 'jig pa dang / chags pa'i bskal pa dang / 'jig pa dang / chags pa'i bskal pa du ma dag kyang rjes su dran no/ / bdag che ge mo zhes bya ba zhig tu gyur te/ ming ni 'di zhes bya bar gyur to// rus ni 'di zhes bya'o// kha dog ni 'di lta bu'o// kha zas ni 'di lta bu zhig za za'o/ / tshe'i tshad ni 'di tsam zhig thub bo// yun ni 'di srid cig tu gnas gnas so// bde ba dang sdug bsngal ni 'di lta bu zhig myong ngo // bdag de nas shi 'phos nas che ge mo zhes bya ba zhig tu skyes so/ / de nas shi 'phos nas kyang che ge mo zhes bya ba zhig tu skyes so// de nas shi 'phos na kyang 'dir skyes so zhes rnam pa dang bcas/ yul phyogs dang bcas par bdag dang sems can thams cad kyi sngon gyi gnas rnam pa du ma rjes su dran no/ / de nas byang chub sems dpa' de lta bur snyoms par zhugs pa'i sems yongs su dag pa/ yongs su byang ba/ 'od gsal ba/ nyon mongs pa med pa/ nye ba'i nyon mongs pa dang bral ba/ mnyen pa/ las su rung bar gnas pa mi g.yo bar gyur pas/ nam gyi cha smad skya rang 'char ba'i dus kyi tshe// rnga brdung ba'i nam chod
- 246b
tsam na/ sdug bsngal dang / kun 'byung ba nub par bya ba dang / zag pa zad pa shes pa mthong ba'i rig pa mngon du bya ba'i phyir/ sems mngon par sgrub cing mngon par btod de/ de 'di snyam du sems te/ kye ma 'jig rten 'di ni 'di lta ste/ skye ba dang / rga ba dang / na ba dang / 'chi 'pho ba dang / skye bas sdug bsngal bar gyur pa yin na/ 'on kyang rga ba dang / na ba dang / 'chi ba la sogs pa'i sdug bsngal gyi phung po chen po 'ba' zhig 'di las 'byung bar bya ba mi shes te/ e ma ho rga ba dang / na ba dang / 'chi ba la sogs pa sdug bsngal gyi phung po chen po 'ba' shig 'di thams cad zad par bya bar shes na ci ma rung snyam nas/ de nas byang chub sems dpa' 'di snyam du sems te/ gang yod pas rga ba dang / 'chi ba 'byung / rga ba dang / 'chi ba'i rkyen ni gang yin snyam nas 'di snyam du sems te/ skye ba yod pas rga shi byung ste/ rga shi'i rkyen ni skye ba yin no snyam mo// de nas yang byang chub sems dpa' 'di snyam du sems te/ gang yod pas skye ba byung skye ba'i rkyen ni gang yin snyam nas/ des 'di snyam du bsams te/ srid pa yod pas skye ba byung ste/ skye ba'i rkyen ni srid pa yin no snyam mo// de nas yang byang chub sems dpa' 'di snyam du sems te/ gang yod pas srid pa byung / srid pa'i rkyen ni gang yin snyam nas/ des 'di snyam du bsams te/ len pa yod pas srid pa byung ste/ srid pa'i rkyen ni len pa yin no snyam mo//
- 247a
de nas yang byang chub sems dpa' 'di snyam du sems te/ gang yod pas len pa byang / len pa'i rkyen ni gang yin snyam nas/ des 'di snyam du bsams te/ sred pa yod pas len pa byung ste/ len pa'i rkyen ni sred pa yin no snyam mo// de nas yang byang chub sems dpa' 'di snyam du sems te/ gang yod pas sred pa byung / sred pa'i rkyen ni gang yin snyam nas des 'di snyam du bsams te/ tshor ba yod pas sred pa byung ste/ sred pa'i rkyen ni tshor ba yin no snyam mo// de nas yang byang chub sems dpa' 'di snyam du sems te/ gang yod pas tshor ba byung tshor ba'i rkyen ni gang yin snyam nas/ des 'di snyam du bsams te/ reg pa yod pas tshor ba byung ste/ tshor ba'i rkyen ni reg pa yin no snyam mo// de nas yang byang chub sems dpa' 'di snyam du sems te/ gang yod pas reg pa byung / reg pa'i rkyen ni gang yin snyam nas/ des 'di snyam du bsams te/ skye mched drug yod pas reg pa byung ste/ reg pa'i rkyen ni skye mched drug yin no snyam mo/ / de nas yang byang chub sems dpa' 'di snyam du sems te/ gang yod pas skye mched drug byung / skye mched drug gi rkyen ni gang yin snyam nas/ des 'di snyam du bsams te// ming dang gzugs yod pas skye mched drug byung ste/ skye mched drug gi rkyen ni ming dang gzugs yin no snyam mo// de nas yang byang chub sems dpa' 'di snyam du sems te/ gang yod pas
- 247b
ming dang gzugs byung / ming dang gzugs kyi rkyen ni gang yin snyam nas/ des 'di snyam du bsams te/ rnam par shes pa yod pas ming dang gzugs byung ste/ ming dang gzugs kyi rkyen ni rnam par shes pa yin no snyam mo/ / de nas yang byang chub sems dpa' 'di snyam du sems te/ gang yod pas rnam par shes pa byung / rnam par shes pa'i rkyen ni gang yin snyam nas// des 'di snyam du bsams te/ 'du byed yod pas rnam par shes pa byung ste/ rnam par shes pa'i rkyen ni 'du byed yin snyam mo// de nas yang byang chub sems dpa' 'di snyam du sems te// gang yod pas 'du byed byung / 'du byed kyi rkyen ni gang yin snyam nas/ des 'di snyam du bsams te/ ma rig pa yod pas 'du byed byung ste/ 'du byed kyi rkyen ni ma rig pa yin no snyam mo// de ltar byang chub sems dpa' 'di snyam du sems te/ ma rig pa'i rkyen gyis 'du byed rnams/ 'du byed kyi rkyen gyis rnam par shes/ rnam par shes pa'i rkyen gyis ming dang gzugs ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams
- 248a
'byung bar 'gyur te/ de ltar sdug bsngal gyi phung po chen po 'ba' shig 'di 'byung bar 'gyur ro snyam mo// dge slong dag sngon ma thos pa'i chos rnams la kun 'byung kun 'byung zhes tshul bzhin yid la byed cing mang du byed pas/ byang chub sems dpa'i ye shes skyes// rig pa skyes/ mang po shes pa skyes/ yid gzhungs pa skyes/ shes rab skyes so// snang ba byung ngo // de nas yang byang chub sems dpa' 'di snyam du sems te/ gang med pas rga shi med par 'gyur/ gang 'gags pas rga shi 'gag snyam nas/ des 'di snyam du bsams te/ skye ba med na rga shi med par 'gyur te/ skye ba 'gags pas rga shi 'gag go snyam mo// de nas yang byang chub sems dpa' 'di snyam du sems te/ gang med pas skye ba med par 'gyur// gang 'gags pas skye ba 'gag snyam nas/ des 'di snyam du bsams te/ srid pa med na skye ba med par 'gyur te/ srid pa bgags pas skye ba 'gag go snyam mo// de nas yang byang chub sems dpa' 'di snyam du sems te/ gang med pas shes bya ba nas rgyas par sbyar te/ 'du byed med par 'gyur/ gang 'gags pas 'du byed 'gag snyam pa'i bar du'o// des 'di snyam du bsam te/ ma rig pa med pas 'du byed med par 'gyur te/ ma rig pa 'gags pas 'du byed 'gag go// 'du byed 'gags pas rnam par shes pa 'gag go zhes bya ba nas/ skye ba 'gags
- 248b
pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba'// zhig 'gag par 'gyur ro// snyam pa'i bar du'o// dge slong dag de ltar sngon ma thos pa'i chos rnams la tshul bzhin yid la byed cing mang du byed pas/ byang chub sems dpa' ye shes skyes mig skyes/ rig pa skyes/ mang po shes pa skyes yid gzhungs pa skyes/ shes rab skyes so// snang ba byung ngo // dge slong dag ngas de'i tshe 'di ni sdug bsngal lo zhes yang dag pa ji lta/ ba bzhin du shes so// 'di ni zag pa'i kun 'byung ba'o// 'di ni zag pa 'gog pa'o// 'di ni zag pa 'gog par 'gro ba'i lam mo zhes yang dag pa ji lta ba bzhin du shes so// 'di ni 'dod pa'i zag pa'o// 'di ni srid pa'i zag pa'o// 'di ni ma rig pa'i zag pa'o// 'di ni lta ba'i zag pa'i zad pa'o// 'dir zag pa ma lus par 'gag go// 'dir zag pa ma lus par mi snang bar 'gyur zhing / nub par 'gyur ro// 'di ni ma rig pa'o// 'di ni ma rig pa'i kun 'byung ba'o// 'di ni ma rig pa 'gog pa'o// 'di ni ma rig pa 'gog par 'gro ba'i lam mo zhes yang dag pa ji lta ba bzhin du shes so/ / 'dir ma rig pa ma lus pa mi snang bar 'gyur te/ nub par 'gyur ro zhes bya bar de bzhin du sbyar ro// 'di dag ni 'du
- 249a
byed rnams so/ / 'di ni 'du byed kyi kun 'byung ba'o// 'di ni 'du byed 'gog pa'o// 'di ni 'du byed 'gog par 'gro ba'i lam mo zhes yang dag par ji lta ba bzhin du shes so/ / 'di ni rnam par shes pa'o// 'di ni rnam par shes pa'i kun 'byung ba'o// 'di ni rnam par shes pa 'gog pa'o// 'di ni rnam par shes pa 'gog par 'gro ba'i lam mo zhes yang dag par ji lta ba bzhin du shes so/ / 'di ni ming dang gzugs so// 'di ni ming dang gzugs kyi kun 'byung ba'o// 'di ni ming dang gzugs 'gog pa'o// 'di ni ming dang gzugs 'gog par 'gro ba'i lam mo/ / zhes yang dag pa ji lta ba bzhin du shes so// 'di ni skye mched drug go/ 'di ni skye mched drug gi kun 'byung ngo'o/ 'di ni skye mched drug bgog pa'o// di ni skye mched drug 'gog par 'gro ba'i lam mo zhes yang dag pa ji lta ba bzhin du shes so/ / 'di ni reg pa'o// 'di ni reg pa'i kun 'byung ba'o// 'di ni reg pa 'gog pa'o// 'di ni reg pa 'gog par 'gro ba'i lam mo zhes yang dag pa ji lta ba bzhin du shes so/ / 'di ni tshor ba'o// 'di ni tshor ba'i kun 'byung ba'o// 'di ni tshor ba 'gog pa'o// 'di ni tshor ba 'gog par 'gro ba'i lam mo/ / 'di ni sred pa'o// 'di ni sred pa'i kun 'byung ba'o// 'di ni sred pa 'gog pa'o// 'di ni sred pa 'gog par 'gro ba'i lam mo// 'di ni len pa'o//
- 249b
'di ni len pa'i kun 'byung ba'o// 'di ni len pa 'gog pa'o// 'di ni len pa 'gog par 'gro ba'i lam mo// 'di ni srid pa'o// 'di ni srid pa'i kun 'byung ba'o// 'di ni srid pa 'gog pa'o/ / 'di ni srid pa 'gog par 'gro ba'i lam mo// 'di ni skye ba'o// 'di ni skye ba'i kun 'byung ba'o// 'di ni skye ba 'gog pa'o// 'di ni skye ba 'gog par 'gro ba'i lam mo/ / 'di ni rga ba'o// 'di ni rga ba'i kun 'byung ba'o// 'di ni rga ba 'gog pa'o// 'di ni rga ba 'gog par 'gro ba'i lam mo// 'di ni 'chi ba'o// 'di ni 'chi ba'i kun 'byung ba'o/ / 'di ni 'chi ba 'gog pa'o// 'di ni 'chi ba 'gog par 'gro ba'i lam mo zhes yang dag pa ji lta ba bzhin du shes so// 'di dag ni mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams te/ de ltar sdug bsngal gyi phung po chen po 'ba' shig 'di 'byung bar 'gyur ba nas/ 'gog par 'gyur ro zhes bya ba'i bar du yang dag pa ji lta ba bzhin du shes so/ / 'di ni drug bsngal lo// 'din drug bsngal gyi kun 'byung ba'o// 'di ni sdug bsngal 'gog pa'o// 'di ni sdug bsngal 'gog par 'gro ba'i lam mo zhes yang dag pa ji lta ba bzhin du shes so/ / dge slong dag de ltar byang chub sems dpa' nam gyi cha smad skya reng 'char ba'i dus kyi tshe/ rnga brdung ba'i nam chod
- 250a
tsam na/ khyeb su dang / skyes bu das pa dang / skyes bu chog dang / skyes bu chen po dang / skyes bu khyu mchog dang / skyes bu glang po dang / skyes bu seng ge dang / skyes bu skyes mchog dang / skyes bu dpa' bo dang / skyes bu brtul phod dang / skyes bu cang shes dang / skyes bu pad+ma dang / skyes bu pad+ma dkar po dang / skyes bu ljingad khyer ba dang / skyes bu kha lo sgyur ba bla na med pas 'phags pa'i ye shes kyis shes par bya ba dang / khong du chud par bya ba dang / thob par bya ba dang / blta bar bya ba dang / mngon du bya ba gang ci yang rung ste/ de thams cad sems kyi skad cig cig dang ldan pa'i shes rab kyis/ bla na med pa yang dag par rdzogs pa'i byang chub mngon par rdzogs par sangs rgyas nas/ rig pa gsum thob bo// dge slong dag de nas lha'i bu rnams kyis smras pa/ grogs po dag bcom ldan 'das mngon par rdzogs par sangs rgyas kyis me tog gtor cig ces byas so// de nas lha'i bu gang dag sngon gyi sangs rgyas mthong ba de dag 'dus nas/ de dag gis de dag la smras pa/ grogs po dag sngon gyi yang dag par rdzogs pa'i sangs rgyas rnams kyang brda mdzad cing brda mngon par sprul pa mdzad kyis/ bcom ldan 'das kyis brda ma mdzad kyi bar du me tog ma gtor cig/ dge slong dag de bzhin gshegs pas/ lha'i bu de dag yid gnyis su gyur pa mkhyen nas/ shing ta la
- 250b
bdun tsam du nam mkha' la mngon par 'phags te/ der bzhugs nas lam gyi rgyun ni chad do// rdul ni nye bar zhi'o// zag pa ni bskams te yang mi zag go// lam ni chad de yang mi 'jug go/ / 'di ni sdug bsngal gyi mtha' zhes bya'o zhes ched du brjod pa ched du brjod do// de nas lha'i bu de dag gis de bzhin gshegs pa la lha'i me tog gis gtor te/ de nas lha'i me tog pus mo nub tsam du bkram par gyur to/ / dge slong dag de ltar de bzhin gshegs pas mngon par rdzogs par sangs rgyas te/ mun pa mun nag dang ni bral/ sred pa ni rnam par sbyang lta ba ni zlog nyon mongs pa rnams ni rnam par dkrugs/ zug rngu ni phyung / mdud pa ni bkrol/ nga rgyal gyi rgyal mtshan ni bsnyal/ chos kyi rgyal mtshan ni bsgreb/ bag la nyal ba rnams ni brtson// chos kyi de bzhin nyid ni mkhyen/ yang dag pa'i mtha' ni thugs su chud/ chos kyi dbyings ni yongs su mkhyen/ sems can gyi khams ni rnam par bkod/ yang dag pa nyid du nges pa'i phung po ni bsngags/ log pa nyid du nges pa'i phung po ni smad/ ma nges pa'i phung po ni yongs su bzung / sems can gyi dbang po rnams la ni rnam par gzigs/ sems can gyi spyod pa ni yongs su mkhyen/ sems can gyi nad gso ba ni thugs su chud/ bdud rtsi'i sman spang ba ni grub/ sman pa'i rgyal por ni byung / sdug bsngal thams cad las rab tu thar par mdzad pa por ni gyur/
- 251a
mya ngan las 'das pa'i bde ba la 'jog pa por ni gyur/ de bzhin gshegs pa'i snying po de bzhin gshegs pa'i chos kyi rgyal po'i khri chen po la ni bzhugs/ rnam par grol ba'i thabs ni brnyes/ thams cad mkhyen pa nyid kyi grong khyer du ni zhugs/ sangs rgyas thams cad dang yang dag par ni 'dres/ chos kyi dbyings thugs su chud pa las dbyer med par ni gyur to/ / dge slong dag de bzhin gshegs pa ngas 'dir thog ma med pa'i skye ba dang / rga ba dang / 'chi ba'i sdug bsngal mthar byung ngo zhes bdun pa dang po la byang chub kyi snying po de nyid na bzhugs so/ / // 'phags pa rgya cher rol pa zhes bya ba theg pa chen po'i mdo// bam po bco lnga pa// dge slong dag byang chub sems dpas thams cad mkhyen pa nyid thob ma thag tu/ de nas skad cig de nyid la phyogs bcu'i 'jig rten gyi khams thams cad kyi sems can thams cad skad cig de dang / thang cig de dang / yud tsam de la mchog tu bde ba dang ldan par gyur to/ / 'jig rten gyi khams thams cad kyang snang ba chen pos snang bar byas nas/ 'jig rten gyi bar sdig pa/ sdig pas khyab pa/ mun nag ces bya ba snga ma bzhin no/ / phyogs bcu'i 'jig rten gyi khams thams cad rnam pa drug tu g.yos// rab tu g.yos// kun tu rab tu g.yas so// ldeg rab tu ldeg/ kun tu rab tu ldeg go// 'gul
- 251b
rab tu 'gul/ kun tu rab tu 'gul to// 'khrugs/ rab tu 'khrugs/ kun tu rab tu 'khrugs so// chem chem/ rab tu chem chem/ kun tu rab tu chem chem mo// zur bur/ rang / tu bur 'ur/ kun tu rab tu 'ur 'ur ro// sangs rgyas thams cad kyis kyang / de bzhin gshegs pa mngon par rdzogs par sangs rgyas pa la legs so// zhes bya ba byin te/ chos kyi dgab pa dag kyang bskur ro/ / chos kyi dgab pa de dag gis stong gsum gyi stong chen po'i 'jig rten gyi khams 'dir ni rin po che'i gdugs gcig gis khebs par gyur te/ rin po che'i gdugs de las kyang rnam pa 'di lta bu'i 'od zer gyi dra ba byung ste/ de dag gis phyogs bcu'i 'jig rten gyi khams grangs med dpag tu med pa dag snang bar byas nas/ phyogs bcu'i byang chub sems/ dpa' rnams dang / lha'i bu rnams kyang kun dga' ba'i sgra brjod par gyur te/ sems can mkhas pa'i pad+ma ye shes kyi mtsho las byung ba/ 'jig rten gyi chos rnams kyis ma gos pa byung ngo / / thugs rje chen po'i spring yang dag par 'phags te/ chos kyi dbyings kyi gnas khyab par mdzad nas 'dul ba'i skye bo'i sman gyi chos kyi char/ dge ba'i rtsa ba'i sa bon thams cad kyi rgyu gu skyed pa/ dad pa'i myu gu rnams rnam par 'phel bar byed pa rnam par grol ba'i 'bras bu rnams 'byin par byed pa'i char 'bebs par 'gyur ro zhes zer to// de la 'di skad ces bya ste//
- 252a
skyes bu seng ge de yis dpung bcas bdud btul te/ ston pa bsam gtan bde ba mngon du mdzad nas ni// gang tshe stobs bcus rig pa gsum po brnyes gyur tshe// phyogs bcu'i sangs rgyas zhing mang bye ba g.yos par gyur// chos 'dod byang chub sems dpa' gang dag yongs lhags pa// zhabs la gtugs te 'di skad tshig smras ma mnyal tam// bdag cag mngon sum ci 'dra shin tu 'jigs dpung de/ shes rab bsod nams stobs dang brtson 'grus stobs kyis bcom// khrag khrig zhing nas sangs rgyas rnams kyis gdugs rnams bskur/ / des pa skyes bu chen po bdud kyi sde rnams btul// khyod kyis gnas mchog 'chi med mya ngan med pa brnyes// srid pa gsum du dam chos char pa myur du phob// phyogs bcu'i sems can snying po rnams kyis phyag brkyang ste/ / ka la bing+ka'i sgra yi gsung du brjod na ni// bdag cag ji ltar byang chub thob ltar khyod sangs rgyas// dper na mar dang mar gyi snying khu mtshungs 'dra bzhin/ / dge slong dag de nas 'dod pa na spyod pa'i lha'i bu mo dag de bzhin gshegs pa byang chub kyi snying po la bzhugs pa// mngon par shes pa brnyes pa dang // brnag pa yongs su rdzogs pa dang / g.yul las rnam par rgyal ba dang // bdud phyir rgol ba pham par mdzad pa dang / gdugs dang / rgyal mtshan dang / ba dan bsgreng ba dang / dpa' dang / rgyal ba 'phags pa dang
- 252b
skyes bu dang / skyes bu chen po dang / sman pa'i mchog dang / zug rngu 'byin pa chen po dang / seng ge'i ltar mi snying shing spu zing zhes byed pa mi mnga' ba dang / glang po ltar thugs shin tu dul ba dang / dri ma gsum spangs pas dri ma mi mnga' ba dang / rig pa gsum brnyes pas mkhyen pa po dang / chu bo bzhi las brgal bas pha rol tu byon pa dang / rin po che'i gdugs gcig 'dzin pas rgyal rigs su gyur pa dang / sdig pa'i chos spangs pas 'jig rten gsum gyi bram zer gyur pa dang / ma rig pa'i sgo nga'i sbubs bcom pas dge slong du gyur pa dang / chags pa thams cad las yang dag par 'das pas/ dge sbyong du gyur pa dang / nyon mongs pa bsal bas gtsang sbra can du gyur pa dang / rgyal mtshan ma bsnyal bas dpa' ba dang / stobs bcu mnga' bas shin tu stobs dang ldan pa dang / rin po che'i 'byung gnas ltar chos rin po che thams cad yongs su rdzogs par rig nas/ byang chub kyi snying logs su phyogs te/ tshigs su bcad pa 'di dag gis mngon par bstod do/ / 'di ni shing gi rgyal drung du// bdud sde mngon du pham mdzad nas// ri rab lta bur mi g.yo bzhugs/ bsnyengs pa mi mnga' 'bros mi mdzad// 'di ni bskal pa bye mang du/ sbyin dang dul dang sdom pa yis// byang chub dam pa yang dag bsgrubs// des na 'dir ni do mod mdzes// byang chub dam pa tshol ba na// 'di yis bskal pa bye mang du// tshul khrims
- 253a
brtul zhugs dka' thub kyis/ / brgya byin tshangs pa zil du rlag/ 'di yis bskal pa bye mang du// bzod pa'i stobs kyi go mnabs te// sdug bsngal rnams ni dang du blangs/ / des na gser mdog 'od dang ldan// 'di yis bskal pa bye mang du// brtson 'grus stobs dang rtsal gyis ni// gzhan dag phyir bsnyil mdzad pa de// des na bdud kyi sde las rgyal// 'di yis bskal pa bye mang du// bsam gtan mngon shes ye shes kyis// thub pa'i dbang po yang dag mchod// des na do med 'di la mchod// 'di yis bskal pa bye mang du// shes rab dang ni gsan pa bsags/ / sems can bye ba phan yang btags// des na byang chub myur du brnyes// 'di ni phung po'i bdud las rgyal// 'chi bdag nyon mongs bdud las rgyal// 'di ni lA yi bdud las rgyal/ / des 'di mya ngan mi mnga'o// 'di ni shin tu lha yi lha// lha rnams kyis kyang mchod pa'i cha// 'jig rten gsum na mchod pa'i 'os// bsod nams don du gnyer ba'i zhing / / 'chi med 'bras bu sbyin mdzad pa// 'di ni sbyin gnas dam pa ste// 'di la sbyin pa btang na de// byang chub dam pa thob bar du// bar ma dor ni chud mi za// 'di yi mdzod spu mdzes pa yis/ / zhing mdo bye ba gsal bar bgyid// nyi zla dag kyang zil du rlag/ sems can rnams la snang bar gyur// 'di yi gzugs ni gzugs mdzes te// gzugs kyi dam pa
- 253b
legs pa'i gzugs/ / mtshan mchog mnga' zhing phan bzhed pa// 'jig rten gsum na mchod pa'i 'os// 'di spyan shin tu rnam dag ste// zhing rnams dang ni sems can tshogs// sems dang ldan dang sems med pa// mang po dag la rang byung gzigs// 'di snyan shin tu rnam dag ste// lha yi dag dang mi yi dang // rgyal ba rnams kyi chos smra dang // mtha' yas pa yi sgra rnams gsan/ / 'di yi ljags ni yangs pa ste// ka la bing+ga 'jam pa'i dbyangs// 'chi med rab tu zhir 'gro ba'i// chos ni 'di las bdag cag mnyan// bdud kyi sde rnams gzigs gyur kyang / / de yi thugs ni 'khrug mi mnga'// lha yi tshogs rnams gzigs gyur kyang // shin tu thugs gzhungs dgyes mi mnga'// 'di yis mtshon dang mda' rnams kyis// bdud kyi sde las rgyal ba lags/ / bden pa brtul zhugs dka' thub kyis// sdang ba'i gyad las 'di rgyal lo// gdan las ma skyod bzhin du ni// de yi sku la gnod ma byung // de yi skabs su byams mi mnga'/ / zhe sdang gyur pa'ang ma lags so// gang dag khyod las chos thos nas// sgrub pa bgyid par 'tshal ba yi// lha dang mi rnams de dag ni// rnyed pa legs par rnyed pa lags/ / rgyal ba bsod nams gzi mnga' ba// khyod la bstod pa'i bsod nams kyis// mi yi zla ba khyod 'dra bar// kun kyang myur du 'gyur bar shog/ skyes bu khyu mchog
- 254a
'dra bas byang chub sangs rgyas nas/ / khrag khrig zhing rnams spyod cing bdud kyang pham mdzad de// tshangs pa'i dbyangs dang kA lA bing ka'i sgra skad kyis// 'dren pas thog mar tshigs su bcad pa 'di gsungs so/ / bsod nams rnam smin bde ste sdug bsngal thams cad sel// bsod nams ldan pa'i mi yi bsam pa rnams kyang 'grub/ bdud bcom nas ni byang chub myur du reg par 'gyur// mya ngan 'das pa zhi ba bsil ba'i dngos po 'thob// de bas bsod nams bya bas chog par su zhig 'dzin// bdud rtsi chos mnyan pas kyang chog par su zhig 'dzin/ / skye bo mod pa'i nags gnas chog par su zhig 'dzin// sems can don bya bas kyang chog par su zhig 'dzin// byang chub sems dpas lag pa brkyang ste tshig brjod pa/ / mchod pa byas kyis rang rang dag gi zhing du deng // kun gyis de bzhin gshegs pa'i zhabs la phyag 'tshal nas// sna tshogs bkod pas rang rang dag gi zhing du dog dpung rnams phan tshun chen po byung ba de gzigs nas/ / bde bar gshegs pa tshul du shis par rnam par rol// dpung bcas bdud las rgyal de bdud rtsi reg shog ces// sems can rnams kyis mtshungs med sems kyis byang chub smon/ / dge slong dag de bzhin gshegs pa byang chub kyi shing drung na seng ge'i gdan la bzhugs te/ mngon par rdzogs par sangs rgyas nas/ skad
- 254b
cig de la sangs rgyas kyi rnam par rol pa dpag tu med pa mdzad de/ de dag ni bskal par yang bstan par sla ba ma yin no// de la 'di skad ces bya ste/ sa ni lag mthil lta bur mnyam bar gnas par gyur/ / mdab ma brgya pa rgyas pa 'od dang ldan pa byung // lha rnams brgya stong byang chub snying por rab tu 'dud// seng ge'i sgra yi mtshan ma dang po 'di 'dir mthong // stong gsum shing brgya dag dang ri rnams du ma dang / / ri yi rgyal po lhun po byang chub snying por 'dud// stobs bcu'i gan du song ste brgya byin tshangs pa 'dud// 'di yang mi yi seng ge byang chub snying por rol// sku las 'od zer brgya stong dag ni rab bkye ste// rgyal ba'i zhing mchog khyab nas ngan song gsum po zhi// de nas skad cig yid tsam mi khom bskams par gyur// sems can gang la'ang tha brgyags sdang gnod pa med/ / 'di yang mi yi seng ge gdan la bzhugs pa'i rol// nyi zla nor bu me dang glog dang lha yi 'od// 'od ldang ba'i rlabs kyis zil mnan lam me min// 'gro ba gang gis kyang ni ston pa'i gtsug mi mthong / / 'di yang mi yi seng ge gdan la bzhugs pa'i rol// phyag gi mthil gyis reg nas sa yang rnam drug g.yos// de yis bdud kyi sde rnams shing bal bzhin dkrugs/ / bdud ni mda' thogs sa la ri mo gang 'dra ba// 'di yang mi yi seng ge gdan la rol pa lags// mngon par rdzogs par byang chub pa'i le'u zhes bya ba ste nyi shu rtsa gnyis lo/
- 255a
de nas gnas gtsang ma'i rigs kyi lha'i bu rnams kyis/ byang chub kyi snying po la bzhugs pa'i de bzhin gshegs pa la bskor ba byas te/ lha'i tsan dan gyi phye ma'i char mngon par phab nas/ tshul dang mthun pa'i tshigs su bcad pa 'di dag gis bstod do// 'jig rten gsal bar mdzad pa byung // 'jig rten mgon po 'od mdzad pa// 'jig rten ldongs par gyur pa la/ / nyon mongs spangs pa mig sbyin pa// khyod ni g.yul las rnam par rgyal// bsod nams dag gis dgongs pa rdzogs// dkar po'i chos rnams kun tu rdzog khyod ni 'gro ba tshim mdzad 'gyur/ / sdig pa mi mnga' 'dam las rgal// go'u ta ma thang la bzhugs// sems can gzhan dag klung chen gyis// khyer ba rnams kyang sgrol bar 'gyur// shes rab chen po khyod 'phags te// 'jig rten dag na zla ma mchis// 'jig rten chos kyis khyod mi gos// chab na mchis pa'i pad+ma bzhin// 'jig rten ring nas gnyid log 'di/ / mun pa'i phung pos gtibs pa la// khyod ni shes rab sgron ma yis// rab tu sad par mdzad spyod pa// 'tsho ba'i 'jig rten ring nas ni// nyon mongs nad kyis gzir ba la/ / nad rnams kun las thar mdzad pa// sman pa'i rgyal po yang dag byung // 'jig rten mgon po khyod byung bas// mi khom rnams ni stongs par 'gyur// lha rnams dang ni mi dag
- 255b
kyang / bde ba rnams dang ldan par 'gyur// skyes bu khyu mchog nges pa khyod// lta bar gang dag 'dod bgyid pa// de dag bskal pa stong rnams su// nam yang ngan 'gror mchi mi 'gyur// gang ngadag chos nyan 'gyur ba rnams/ / de dag mkhas shing nad med dang // zab dang phung po zad pa dang // 'jigs pa med pa rnams su 'gyur// nyon mongs bcings pa bcad nas ni// kun kyang len pa ma mchis par/ / myur du rab tu grol 'gyur te// dge ba mchog gi 'bras bu 'thob// de dag 'jig rten sbyin gnas te// sbyin pa rnams ni blang ba'i 'os// de dag yon phul mi chung ste// kun kyang mya ngan 'das rgyu lags// dge slong dag de ltar gnas gtsang ma'i ris kyi lha'i bu rnams kyis// de bzhin gshegs pa la mngon par bstod nas thal mo sbyar te// de bzhin gshegs pa la phyag 'tshal zhing / / phyogs cig tu 'khod do// de nas 'od gsal gyi lha'i bu rnams kyis// de bzhin gshegs pa byang chub kyi snying po la bzhugs pa la me tog dang / bdug pa dang / spos dang / phreng ba dang / byug pa dang / gdugs dang / rgyal mtshan dang / ba dan rnam pa sna tshogs rnams kyis cho ga bzhin du mchod nas lan gsum bskor ba byas te/ tshigs su bcad pa 'di dag gis mngon par bstod do/ / thub pa thugs zab gsung ni shin tu snyan// thub mchog tshangs dbyangs glu ltar gsung snyan mchog/ byang chub rab mchog shin tu dam pa brnyes// dbyang
- 256a
kun mthar phyin khyod la phyag 'tshal lo/ / khyod skyabs khyod ni gling khyod dpung gnyen te// khyod ni 'jig rten mgon po byams thugs mdzad// khyod ni sman pa'i dam pa zug rngu 'byin/ / gso ba phan mdzad khyod ni dam pa mchog/ mar me mdzad pa gzigs ma thag tu khyod// byams dang thugs rje'i sprin gyi dra ba bsgrubs// mgon po bdud rtsi'i rgyun gyi char pho bo la/ / lha mi rnams kyi gdung ba zhi bar mdzod// khyod ni srid gsum mi gos pad+ma 'dra// khyod ni mi g.yo ma spyod lhun po 'dra// khyod ni thugs dam mig yo rdo rje bzhin// yon tan mchog kun mnga' ste zla ba 'dra/ / dge slong dag de ltar 'od gsal gyi lha'i bu rnams kyis// de bzhin gshegs pa la mngon par bstod nas// thal mo sbyar te/ de bzhin gshegs pa la phyag 'tshal zhing phyogs gcig tu 'khod do/ / de nas lha'i bu rab tshangs pa la sogs pa tshangs rigs kyi lha rnams kyis de bzhin gshegs pa byang chub kyi snying po la bzhugs pa la nor bu rin po che bye ba khrag khrig brgya stong du mas spras pa'i rin po che'i dra bas bkab ste/ / lan gsum bskor ba byas nas// tshul dang mthun pa'i tshigs su bcad pa 'di dag gis mngon par bstod do/ / dge ba dri med shes rab 'od dang gzi brjid ldan// mtshan gyi dam pa sum cu rtsa gnyis mchog mnga' ba// dran dang ldan zhing blo gros ldan pa ye shes mnga'// mnyel ba mi
- 256b
mnga' khyod la mgo bos phyag 'tshal lo/ / dri gsum dri mi mnga' ba dri med dri ma bral// 'jig rten gsum du grags shing rig pa gsum brnyes pa// rnam par thar pa dam pa gsum gyi mig sbyin pa spyan gsum dri ma mi mnga' khyod la phyag 'tshal lo/ / dus ngan rnyog pa bsal zhing rab tu zhi thugs ldan// thugs brtse thugs rjes 'phags pa 'gro ba'i don mdzad pa// thub pa dgyes pas 'phags pa thugs ni rab zhi ba/ / khyod ni yid gnyis grol bar mdzad pa btang snyoms dgyes// brtul zhugs dka' thub 'phags pa 'gro ba'i don mdzad pa// rang spyod rnam par dag cing spyod pa'i pha rol byon/ / bden pa bzhi po ston pa rnam thar dgyes pa po// grol bar gyur nas 'gro ba gzhan yang grol mdzad pa// stobs dang brtson 'grus ldan pa'i bdud po 'dir lhags pa shes rab brtson 'grus de bzhin byams bas pham mdzad nas/ / khyod kyis go 'phang dam pa 'chi ba med pa brnyes// g.yon can dpung rnams bcom pa khyod la phyag 'tshal lo// dge slong dag de ltar lha'i bu rab tshangs pa la sogs pa tshangs ris kyi lha rnams kyis/ / de bzhin gshegs pa la tshigs su bcad pa 'di dag gis mngon par bstod nas thal mo sbyar te// de bzhin gshes ba la phyag 'tshal zhing phyogs gcig tu 'khod do/ / de nas bdud kyi bu dkar po'i phyogs pa de dag de bzhin gshegs pa ga la ba der song ste phyin pa dang // rin po che'i gdus
- 257a
dang bla re chen po rnams kyis de bzhin gshegs pa la mngon par bkab nas thal mo sbyar te/ de bzhin gshegs pa la tshul dang mthun pa'i tshigs su bcad pa 'di dag gis mngon par bstod do/ / khyod stobs shin tu rgya che ba dang bdud dpung drag po bdag cag mngon sum ste/ bdud dpung rab 'jigs chen po de yang khyod kyis skad cig cig la pham par mdzad/ khyod ni bzhengs par ma gyur sku yang mi g.yo gsung yang brjod pa ma mdzad de// thub pa don kun grub pa 'jig rten gsum gyis mchod pa khyod la bdag phyag 'tshal// 'du kyi bu mo bye ba khrag khrig stong phrag du ma gang+gA'i bye ma snyed/ / de dag rnams kyis byang chub shing mchog drung nas khyod ni bskyod cing g.yos ma nus// mchod sbyin bye ba khrag khrig stong phrag du ma gang+gA'i bye ma snyed mdza de/ / byang chub shing drung bzhugs pa des na de ring khyod ni rnam par mdzes pa lags// byang chub spad pa dam pa sprod mdzad tshe na shin tu sdug pa'i btsun mo dang / phangs pa'i sras dang bran mo de bzhin bskyed mo'i tshal dang grong khyer dang // yul 'khor grong rdal dag dang rgyal srid rnams dang btsun mo'i 'khor dang glang po dang // dbu dang spyan dang ljags dang de bzhin zhabs btang des na de ring rnam par mdzes/ / nga ni sangs rgyas 'gyur te bsam gtan rdzu 'phrul blo yi go bgos nas// sems can bye ba khrag khrig mang po sdug
- 257b
bsngal rgya mtshos khyer bar gyur pa rnams/ / dam chos gru yis nyid kyis bsgral bar bya zhes khyod kyis lan mang gsung brjod pa// khyod kyis smon lam de ni grub lags srog chags rnams kyang sgrol bar mdzad par 'gyur/ / smra ba'i khyu mchog 'jig rten mig sbyin mdzad pa khyod la bstod pa'i bsod nams des// bdag cag thams cad dga' mgur yid gyur thams cad mkhyen pa nyid du smon lam 'debs/ / sangs rgyas rnams kyis rab bsngags byang chub dam pa mtshungs med yang dag bsgrubs nas ni// de ltar bdud sde 'khor de bcom nas thams cad mkhyen nyid 'tshang rgyar gyur par shog/ dge slong dag de ltar bdud kyis bu rnams kyis// de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'khod do/ / de nas lha'i bu gzhan 'phrul dbang byed lha'i bu brgya stong du mas yongs su bskor te mdun du bdar nas/ de bzhin gshegs pa la 'dzam bu gling gi gser gyi pad+ma dag gis mngon par gtor te/ spyan snga nas tshigs su bcad pa 'di dag gis mngon par bstod do// gsung ni dpyas ma mchis shing ma 'khrug rnam par ma 'khrugs pa/ / mun rdul bral zhing 'chi med rtogs par thugs su chud par gyur// lha yul mi yul ba yi dpal dang bgyi ba gzhal med 'os// rab tu 'bar ba'i blo gros ldan
- 258a
/ la mgo bos phyag 'tshal lo// dka' ba mdzad pa nyon mongs spong ba rdul dang dri ma sel// shin tu dga' ba'i gsung gis lha dang mi rnams dga' bar mdzod// sku mchog 'od zer rgyas pa'i dri ma shin tu mi mnga' bas// lha dang mi yi bdag po bzhin du 'gro ba 'di las rgyal// pha rol tshogs rnams rab tu 'jom pa gzhan gyi spyod mkhas pa// lha dang mi yi srid par dga' ba gzhan gyi blo sol ba/ / shin tu mkhas pa blo ldan gzhan gyi spyod pa rnam par phye// stobs bcu mnga' ba gshegs pa'i lam 'dir rnam par rgyu ba mdzad// srid pa 'dzin dang sdug bsngal log 'dzin 'dor sel te/ / lha mi blo gros 'dul ba ji lta bzhin du 'dul ba mdzod// zla ba bzhin du mkhas las phyogs bzhi dag tu rnam rgyu ba// srid pa gsum 'dir rmad byung mig dang dpung gnyen gyur par shog/ lha dang mi yi srid par dga' yang yul la 'khrul mi mnga'// 'dod pa'i dga' dang bral zhing dge ba'i dga' la dgyes pa po// 'khor la sgrogs pa 'jig rten gsum na khyod dang mtshungs ma mchis/ / khyod 'dir 'gro ba rnams kyi mgon dang skyabs dang dpung gnyen lags// dge slong dag de ltar lha'i bu dbang sgyur la sogs pa gzhan 'phrul dbang byed kyi lha rnams kyis/ de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'khod do// de nas lha
- 258b
rab 'phrul gyi lha'i tshogs kyis yongs su bskor cing mdun du bdar te/ de bzhin gshegs pa la dar gyi lda ldis g.yogs nas/ spyan snga nas tshigs su bcad pa 'di dag gis mngon par bstod do/ / dri ma rnam gsum spangs pas khyod ni chos kyi sdang ba yang dag 'phags// gti mug dang ni lha dang ma rig 'joms pa mdzes dang dpal gyis rgyas// log pa'i lam la dga' ba'i skye bo 'di dag 'chi med dgod mdzad pa/ 'jig rten 'dir byung mchod rten lha yul ba dang mi yul pas mchod pa// khyod ni gso ba'i sman pa mkhas pa bdud rtsi bde ba sbyin ba bo/ / lha dang nyon mongs pa dang ma rig bsags pa sngon gyi bag la nyal// lus can rnams kyi nad kun sngon gyi rgyal ba'i lam gyis sel ba ste// de bas sman pa dam pa 'dren pa khyod ni sa la rnam par rgyu/ / nyi zla'i 'od dang skar ma rnams dang me dang de bzhin nor bu dang // brgya byin tshangs pa'i 'od rnams dpal stug spyan sngar lam me ma lags te// shes rab snang ba mdzad dang 'od dang dpal gyis rab tu rgyas/ / khyod kyi ye shes rmad byung mngon sum gyur pas mgo bos phyag 'tshal lo// rnam par 'dren pa snyan pa'i gsung ldan pade dang bden min gsung // dul ba thugs zhi dbang po dul ba rab tu zhi ba'i thugs ldan pa// ston pa lha dang mi yi 'khor la bstan par bgyi ba ston mdzad pa// shAkya thub pa mi yi khyu mchog lha mis mchod la phyag
- 259a
'tshal lo/ / ye shes mnga' ba ye shes bka' mchid mchog can srid gsum go mdzad pa// dri ma gsum bsal rig pa gsum dang rnam par thar gsum ston pa po// thub pa blo gros ji ltar gdul ba skal dang skal med rab mkhyen pa// stong gsum rmad du byung ba lha mis mchod pa khyod la phyag 'tshal lo// dge slong dag de ltar lha'i bu rab 'phrul 'khor dang bcas pas/ de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'dug go// de nas lha'i bu yongs su dga' ldan dga' ldan ris kyi lha'i bu rnams dang lhan cig tu de bzhin gshegs pa ga la ba der song ste phyin nas/ lha'i gos kyi dra ba chen pos/ byang chub kyi snying po la bzhugs pa'i de bzhin gshegs pa la mngon par bkab ste/ spyan snga nas tshigs su bcad pa 'di dag gis mngon par bstod do// khyod ni dga' ldan gnas na bzhugs te der ni khyod kyis rgya chen chos kyang bshad// khyod kyis bstan pa de ni da dung lha yi bu rnams chos spyod rgyun mi 'chad// khyod la blta bas ngoms par mi 'gyur chos mnyan pas kyang ngoms pa rnyed mi 'gyur// yon tan rgya mtsho 'jig rten sgron ma khyod la mgo dang yid kyis phyag 'tshal lo/ / khyod ni dga' ldan gnas nas 'phos te de tshe khyod kyis mi khom thams cad sbyangs// gang tshe byang chub shing drung bzhugs tshe 'gro ba
- 259b
kun gyi nyon mongs rab tu zhi/ / gang gi ched du rgya chen byang chub btsal ba brnyes te bdud kyang pham par mdzad// khyod kyi smon lam de ni rab tu rdzogs kyis 'khor lo rgya chen myur du skor/ chos 'tshal ba dag chos mnyan bgyi zhes te// srog chags stong phrag mang po sdod cing mchis// 'khor la rgyo chen myur du bskor du gsol// srog chags stong rnams srid las bsgral du gsol/ / dge slong dag de ltar lha'i bu yongs su dga' ldan 'khor dang bcas pas de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'dug go/ de nas lha'i bu rab 'thab bral la sogs pa/ 'thab bral gyi lha rnams bcom ldan 'das ga la ba der dong ste phyin nas/ me tog dang spos dang / phreng ba dang / byug pa sna tshogs kyis byang chub kyi snying po la bzhugs pa'i de bzhin gshegs pa la mchod de/ spyan snga nas tshul dang mthun pa'i tshigs su bcad pa 'di dag gis mngon par bstod do/ / tshul khrims ting 'dzin de bzhin gshegs rab kyis// khyod dang mtshungs pa ma mchis ga la lhag/ mos dang rnam par grol la mkhas pa po// de bzhin gshegs pa khyod la mgos phyag 'tshal// byang chub snying por lha yis gang bgyis pa// bkod pa mdzes pa de dag mthong lags te// ji ltar khyod la lha dang mis mchod
- 260a
pa/ de ni gzhan gang la yang 'os ma lags// khyod byung don ma mchis pa ma lags te// gang gi don du dka' ba mang po spyad// shin tu g.yon can sde dang bcas las rgyal/ / khyod kyis bla na med pa'i byang chub brnyes// phyogs bcu dag tu snang ba mdzad par gyur// shes rab sgron mas 'jig rten gsum po gsal// khyod ni rab rib sel bar 'gyur ba ste/ / 'gro la bla na med pa'i mig sbyin pa// khyod la bstod pa bskal par brjod kyang ni// khyod kyi ba spu'i khung bu mtha' ma mchis// yon tan rgya mtsho'i 'jig rten rnam par grags/ / de bzhin gshegs pa khyod la mgos phyag 'tshal// de ltar lha'i bu rab 'thab bral la sogs pa 'thab bral gyi lha'i bu de dag gis de bzhin gshegs pa la mngon par bstod nas phal mo sbyar te/ de bzhin gshegs pa la phyag 'tshal zhing phyogs gcig tu 'khod do// de nas lha'i dbang po brgya byin sum cu rtsa gsum ris kyi lha rnams dang lhan cig tu me tog dang / spos dang / phreng ba dang / byug pa dang / gdugs dang / rgyal mtshan dang / ba dan bkod pa rnams kyis/ de bzhin gshegs pa la mchod nas tshigs su bcad pa 'di dag gis mngon par bstod do/ / thub pa ma 'khrul kha na ma tho mi mnga' rtag tu legs bzhugs lhun po 'dra// phyogs bcu dag tu ye shes 'od grags bsod nams
- 260b
dag dang gzi brjid ldan pa po/ / thub pa khyod kyis sngon chad sangs rgyas brgya phrag mtha' yas yang dag mchod pa mdzad// de yi yul de yis ni byang chub shing drung bdud kyi sde las rgyal bar gyur/ / tshul khrims dang ni thos dang ting 'dzin shes rab 'byung gnas ye shes rgyal mtshan tog/ rga shi 'joms par mdzad pa sman pa dam pa 'jig rten dag la mig sbyin pab/ thub pa dri ma gsum dang tha ba spangs shing dbang po zhi la thugs zhi ba// shAkya khyu mchog 'gro ba dag gis chos kyi rgyal po khyod la skyabs su mchi// khyod kyis brtson 'grus mthu yis 'phags pa'i byang chub spyod pa mtha' yas gyur lags te/ / shes rab stobs dang thabs dang byams pa'i stobs dang bsod nams stobs rnams dang // stobs rnams de dag bcom ldan 'das khyod byang chub bzhugs pa'i tshe na mtha' yas te/ / stobs dang ldan pa de ring byang chub snying por bzhugs nas stobs bcu mnga' bar gyur// dpung tshogs mtha' yas mthong nas dge sbyong rgyal po byang chub snying por bzhugs pa de/ / nyams par mi gyur grang zhes lha rnams thams cad rab tu sngangs shing skrag par gyur// khyod ni 'byung po rnams kyis bsnyengs par ma gyur sku yang g.yo ba mi mnga' ste/ / khur lci phyag gis brdabs nas kun tu g.yos te bdud kyi sde las rgyal bar gyur// ji ltar snga ma rnams kyi seng ge'i khri la byang chub
- 261a
dam pa brnyes gyur pa/ / de ltar khyod kyis rjes su sangs rgyas mtshungs shing mnyam ste gzhan du 'gyur ma lags// yid kyang mnyam zhing sems kyang mnyam ste khyad bdag nyid kyis thams cad mkhyen nyid brnyes/ / des na khyod ni 'jig rten dam pa rang byung 'gro ba rnams kyi bsod nams zhing // dge slong dag de ltar lha'i dbang po brgya byin sum cu gsum pa'i lha rnams dang lhan cig tu/ / de bzhin gshegs pa la mngon par bstod nas thal mo sbyar te// de bzhin gshegs pa la phyag 'tshal zhing phyogs cig tu 'dug go// de nas rgyal po chen po bzhi po dag rgyal chen bzhi'i ris kyi lha'i bu rnams dang lhan cig tu/ de bzhin gshegs bag la ba der song ste phyin nas/ me tog a ti mug ta ka dang / tsam pa ka dang / mi'i me tog dang / ba ra sha ka dang / d+ha nu ska ri'i 'phreng ba dang / chun po thogs te/ lha'i bu mo brgya stong gis bskor nas lha'i glu dbyangs len pas/ de bzhin gshegs pa la mchod pa byas te/ tshul dang mthun pa'i tshigs su bcad pa 'di dag gis mngon par bstod do// shin tu gsung snyan dbyangs mi yid du mchi// zla ltar rab tu zhi mdzad thugs dang ba// 'dzum pa'i zhal ldan ljags ni rab yangs pa/ / thub mchog dga' mdzad khyod la phyag 'tshal lo// lha mi rnams kyi snyan cing dgar 'gyur ba// sgra skad gang dag 'jig rten mchis pa kun// khyod kyi 'jam pa'i gsung ni phyung bas
- 261b
na mi yi sgra skad thams cad zil gyis non/ / 'dod chags zhe sdang gti mug nyon mongs zhi// mi min dga' ba rnam par dag pa skyed// rnyog pa ma mchis snying gis chos thos nas// de kun 'phags/ pa'i rnam par grol ba thob// khyod ni mi mkhas rnams la brnyas mi mdzad// mkhas pa'i rgyags pas nam yang rgyags ma gyur// khyod ni 'gying ba mi mnga' zhum mi mnga'// rgya mtsho'i dbus nas ri mchog 'phags pa bzhin/ / de 'dra'i sems can 'jig rten byung bas na// mi rnams 'dir ni rnyed pa legs par rnyed// pad+ma dpal ltar nor rnams sbyin pa po// de ltar 'jig rten kun la chos sbyin mdzad/ / de ltar rgyal po chen po bzhi la sogs pa rgyal chen bzhi'i ris kyi lha rnams kyis// byang chub kyi snying po la bzhugs pa'i de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'khod do// de nas bar snang gi lha rnams de bzhin gshegs pa'i drung du lhags te/ mngon par rdzogs par byang chub pa la mchod pa'i las kyi phyir bar snang thams cad rin po che'i dra ba dang / dril bu g.yer ka'i dra ba dang / rin po che'i gdugs rnams dang / rin po che'i ba dan rnams dang / rin po che dang / dar gyi lda ldi dang / rin po che'i me tog rna rgyan dang / mu tig gi chun khor dang / me tog gi lda ldi sna tshogs rnams lus phyed phyung ba'i lha rnams kyis bzung ba dang / zla gam rnams kyis legs par brgyan
- 262a
nas de bzhin gshegs pa la phul lo/ / phul nas kyang spyan snga nas tshigs su bcad pa 'di dag gis mngon par bstod do// thub pa mkha' la bdag cag mchis nas ni/ 'gro ba'i spyod kun ji bzhin gsal bltas shing / sems can dag pa khyod kyi spyod bltas na// de ltar khyod kyi thugs gcig 'khrul ma mthong // mchod phyir byang chub sems dpa' gang lhags pa/ mi yi 'dren pa de dag nam mkha' khyab// 'di ltar de dag nam mkha'i lus lags pas// gzhal med khang rnams la yang gnod ma mchis// bar snang nas ni me tog char phab pa// stong chen byung brar rab tu gang gyur pa/ / de dag ma lus khyod kyi skur bab kyang // 'bab chu rgya mtsho bab pa bzhin du gyur// gdugs dang me tog rna rgyan me tog phreng // me tog tsam pa ka yi lda ldi dang // rgyan phreng zla ba zla gam rnams kyang mthong / / lha yis gtor kyang 'dres par gyur ma mchis// bar snang thams cad lha yis gang gyur te// 'di la skra tsam gzhag pa'i gnas ma mchis// rkang gnyis mchog la mchod pa bgyid kyang ni/ / khyod la rgyags pa 'am ngo mtshar 'gyur mi mnga'// de ltar bar snang gi lha rnams kyis// byang chub kyi snying po la bzhugs pa'i de bzhin gshegs pa la mngon bar bstod nas thal mo sbyar te/ de bzhin gshegs pa la phyag 'tshal zhing phyogs cig tu 'khod do// de nas sa bla'i lha rnams kyis de bzhin gshegs pa la mchod pa'i las kyi phyir/
- 262b
sa gzhi thams cad legs par phyags te byugs nas/ spos chus chag chag btab ste/ me tog gis chal par bkang nas ras bcos bu sna tshogs kyi bla re bres te de bzhin gshegs pa la phul nas tshigs su bcad pa 'di dag gis mngon par bstod do/ / stong gsum rdo rje lta bur mi shigs gnas par gyur// nga 'dir bags pa sha dang rus pa rkang bskams kyang // byang chub ma reg nga ni 'di nas ma ldang zhes/ / rdo rje'i gnas kyis de ni byang chub snying por bzhugs// gal te mi yi seng ge khyod kyis stong gsum kun// byin gyis ma brlabs na ni gang dag rkang mthil gyis// bye ba'i zhing rnams bskyod pa de ltar shugs che ba/ / byang chub sems dpa' lhags tshe ma lus zhigs par 'gyur// sa phyogs gang du sems can dam pa 'chag pa ni// sa yi lha yis rnyed pa rgya chen legs par rnyed// / 'jig rten rdul rnams ji snyed khyod kyis snang bar mdzad// stong gsum mchod rten gyur na khyod sku smos ci 'tshal// 'og gi chu yi phung po brgya stong ji snyed dang // sa yi steng na 'gro ba'i 'tsho ba ji snyed pa stong gsum sa rnams thams cad bdag cag bzung bar bgyi/ / khyod la kun dbul ji ltar bzhid bzhin spyad du gsol// gang du khyod ni bzhugs sam 'chag gam mnal ba dang // go'u ta ma bde bar gshegs pa'i sras po nyan thos gang / / chos gtam smra dang gang yang de dag nyan pa dang // dge ba'i rtsa ba thams cad byang chub phyir bsngo'o// de ltar sa bla 'i lha rnams kyis byang chub kyi
- 263a
snying po la bzhugs pa'i de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs cig tu 'khod do// mngon pabar bstod pa'i le'u zhes bya ba ste nyi shu rtsa gsum pa'o/ / / dge slong dag de ltar mngon par rdzogs par sangs rgyas pa'i de bzhin gshegs pa la lha rnams kyis bstod cing skyil mo krung ma bshig/ spyan mi 'dzum par shing gi rgyal po la gzigs shing bsam gtan dang / dga' ba'i zas kyis bde ba myong bar byang chub kyi shing drung du zhag bdun 'das par gyur to// de nas zhag bdun 'das pa dang / 'dod pa na spyod pa'i lha'i bu rnams spos chu'i bum pa khri thogs te/ de bzhin gshegs pa ga la ba der lhags so// gzugs na spyod pa'i lha'i bu rnams kyang spos chu'i bum pa khri thogs te/ de bzhin gshegs pa ga la ba der dong ste lhags nas/ byang chub kyi shing dang de bzhin gshegs pa la spos chus bkrus so// lha dang klu dang gnod sbyin dang dri za dang / lha ma yin dang / na mkha' lding dang / mi 'am ci dang / lto 'phye chen po bgrang ba las 'das pa dag gis de bzhin gshegs pa'i sku la phog pa'i spos chu des rang rang gi lus la bskus so/ / bla na med pa yang dag par rdzogs pa'i byang chub tu yang sems bskyed do// lha'i bu la sogs pa de dag rang rang gi gnas su phyin kyang spos chu de dang ma bral bar gyur te/ spos
- 263b
gzhan la 'dod pa mi skyed do/ / de dag de bzhin gshegs pa la gus par yid la bya ba las skyes pa'i dga' ba dang // mchog tu dga' ba des bla na med pa yang dag par rdzogs pa'i byang chub las phyir mi ldog par gyur to/ / dge slong dag de nas lha'i bu kun nas me tog ces bya ba 'khor de nyid du 'dus par gyur pa des/ de bzhin gshegs pa'i zhabs gnyis la gtugs te thal mo sbyar nas/ de bzhin gshegs pa la 'di skad ces gsol to// bcom ldan 'das ting nge 'dzin gang dang ldan pas/ de bzhin gshegs pa dgung bdun du skyil mo krung ma bshig par bzhugs pa'i ting nge 'dzin de'i ming ci zhes bgyi/ dge slong dag de skad ces gsol pa dang / de bzhin gshegs pa des lha'i bu de la 'di skad ces bka' stsal to// lha'i bu ting nge 'dzin 'di'i ming ni dga' ba'i zas bkod pa zhes bya ste/ / ting nge 'dzin 'di dang ldan pas/ de bzhin gshegs pa zhag bdun du skyil mo krung ma bshig par bzhugs so// dge slong dag de nas lha'i bu kun nas me tog gis/ de bzhin gshegs pa la tshigs su bcad pa 'di dag gis mngon par bstod do// zhabs ni 'khor los khyab pa po// pad mdab rdul med stong gzi ldan// lha yi cod pa na zhabs gtugs pa/ / dpal stug zhabs la phyag 'tshal lo// bde gshegs zhabs la phyag 'tshal nas// de tshe lha bu de sems dga'// g+ha mi rab tu zhi byed pa// yid gnyis sel bas tshig 'di smras//
- 264a
shAkya'i rigs la dgyes skyed pa// chags sdang gti mug mthar 'byin pa// zhus pa rnams kyang mthar 'byin pa// lha mi dogs pa bsal du gsol// dpag/ med thams cad mkhyen pa nyid// sangs rgyas stobs bcu ci slad du// rgyal ba dog sa snying por ni// dgung bdun skyil mo krung ma bshig/ 'dab brgya rgyas pa'i spyan mnga' ba// ci zhig gzigs na dgung bdun du// mi yi seng ge rnam dag spun// spyan mi 'dzum par gzigs pa mdzad// gang gis shing rgyal drung du ni// skyil krung ma bshig dgung bdun bzhugs/ / smon lam 'di ni khyod kyi'am// smra ba'i seng ge kun gyi lags// tshems ni mnyam zhing rnam dag pa// stobs bcu'i zhal ni bri rab gda'// ma nor legs par bka srul te/ / lha dang mi rnams dga' bar mdzod// zla 'dra'i zhal gyis bka' stsal pa// ngas bshad lha yi bu nyon cig/ ngas ni dris pa de yi lan// cung zad tsam zhig bshad par bya// dper na rgyal po phyogs gang du// gnyen gyi tshogs kyis dbang bskur ba// zhag bdun bar du sa phyogs de// mi 'dor rgyal po'i chos nyid do// de bzhin stobs bcu mnga' ba yang / gang tshe smon rdzogs dbang bskur ba// sa yi snying por zhag bdun du// rgyal ba'i skyil mo krung mi 'jig/ dper na dpa' bo dgra tshogs rnams// ma lus pham byas lta ba ltar//
- 264b
byang chub snying por sangs rgyas kyang // nyon mongs bcom nas gzigs pa mdzad// gti mug byung ba'i 'dod dang bro// de dag 'gro ba'i dgra 'dra ste// chom po chas ni bzang 'dra ba/ de dag ma lus ngas 'dir bshig/ nga 'dir nga rgyal rnam dgu dang // gnas med rlom sems rab tu bcom// zag pa thams cad rab tu spangs// nga yi ye shes dam pa skyes// ngas 'dir/ sred pa'i sred rgyu dang // ma rig bya min byed pa de// bag nyal bcas rtsa dra ba rnams// ye shes gsal ba'i me yis bsregs// ngas 'dirang dang nga yi dang // nyes zhags ris 'gro rtsa zug pa/ / sgrib pa'i mdud pa dam po do// ye shes mtshon gyis bcad par gyur// ngas 'dir ring nas nga'i ldan pa// slu ba tha ma rnams 'jig pa// len par bcas pa'i phung po do/ / ye shes kyis ni yongs su shes// gnyis su rmongs pa log 'dzin pa// tha mar dmyal 'gyur de dag rnams// ngas 'dir ma lus bsal byas te// phyin chad nam yang skyer mi 'gyur/ / ngas 'dir dge ba'i rtsa ba yi// me yis sgrib pa'i nags tshal bsregs// phyin ci log ni rnam bzhi yang // nga yis ma lus nges par bsregs// 'du shes skud pas brgyus pa yi/ / rnam rtog phreng ba gnod byed pa// ngas 'dir byang chub yan lag gi/ phreng ba sna tshogs rnams kyis bzlog/ bgrod dka' drug cu rtsa lnga dang // gti mug
- 265a
sum cu dri ma can/ / sdig pa dag ni bzhi bcungs// sa yi snying po 'dir bsal to// sa yi snying por 'dug nas ngas// sdom pa ma yin bcu drug dang / khams ni rnam pa bco brgyad dang // khyab pa nyi shu rtsa lnga bsal// nyon mongs chu bo nyi shu dang // 'gro ba 'jigs pa nyi shu brgyad// brtson 'grus mthu dang rtul ba yis// nga 'dir de dag shin tu 'das/ / de bzhin sangs rgyas bsgyings sgrog pa// lnga brgya ngas 'dir yang dag rtogs// brgya phrag stong du tshang ba yi// chos rnams nga yis yang dag rtogs// ngas 'dir bag nyal ma lus pa/ / dgu bcu rtsa brgyad rtsar bcas mtha'// kun nas ldang ba'i lo ma rnams// ye shes me yis nges par bsregs// dogs dang yid gnyis kun 'byung ba// lnga ba'i chu yis gang gyur pa/ / mi dge ngogs can sreg pa'i klung // shugs drag ye shes nyi mas bskams// tshul 'chos pa dang kha gsag spangs// sgyu dang ser sna phrag dog sdang // nyon mongs dgon pa deng 'dir bcad/ / 'dul ba'i me yis rab tu bsregs// 'dir ni rtsod pa'i rtsa ba de// ngan 'gro nyam ngar 'dren byed pa// 'phags pa skur pa 'debs pa'i tshig/ ye shes mchog gi sman gyis bskyugs/ / ngas 'dir ye shes yon tan dang // ting 'dzin thob nas ngu ba dang // cho ngo 'don dang mya ngan dang // sme ba ma lus mthar mar phyin// ngas 'dir bden tshul ting nge
- 265b
'dzin/ / thob nas chu bo sbyor ba dang // mdud pa mya ngan zug rngu dang // rgyags dang bag med kun las rgyal// ngas 'dir nyon mongs gzings pa yi// srid pa'i ljon shing rtog rtsa brtan dran pa'i ste res ma lus par/ / bcad nas ye shes me yis bsregs// ngas 'dir nga snyam nga rgyal te// khams gsum dbang byed stobs che ba// g.yon can ye shes ral gris bcom// lha min dbang la dbang po bzhin// dra ba ma lus sum cu drug/ 'jug pa sa yi snying po 'dir// shes rab ral gri stobs ldan pas// bcad nas ye shes me yis bsregs// nyon mongs rtsa ba bag nyal bcas/ / sdug bsngal mya ngan 'byung de dag/ ngas 'dir shes rab dam pa yi// thong lcags kyis ni ma lus bton// rang bzhin gyis dag sems can gyis// shes rab mig 'dir nga yis sbyangs/ / ye shes mig sman chen po yis// gti mug ling tog rgya chen bsal// 'byung khams bzhi po rgyags pa yi// chu srin gyis dkrugs sred yangs pa// srid pa'i rgya mtsho dran pa dang / / zhi gnas nyi ma'i 'od kyis bskams// ngas 'dir yul gyi shing gi tshogs// rnam rtog tu 'phrul chags chen me// rab tu 'bar ba rnam thar chu// bsil ba'i khu bas bsad par gyur/ / ngas 'dir bag la nyal ba'i sprin// ro myang glog 'dra rnam rtog 'brul// brtson 'grus stobs kyi rlung shugs kyis// bdas te kun tu gtor bar gyur// ngas 'dir dran pa
- 266a
dri med pa'i/ / ting 'dzin thob nas sems spyod dgra// srid pa'i khon rgyud ma lus par// shes rab ral gri'i stobs kyis bcad// ngas 'dir rgyal mtshan mchog 'chang ba/ / shing rta glang po rtas mtho ba// gzugs bsgyur bdud dpung brtson pa'i sde// byams pa thob nas rnam par bcom// mi sdug ting nge 'dzin thob nas// ngas 'dir dbang po drug gi rta/ / 'dod pa'i yon tan lngas rtas pa// rtag tu rgyags yan ma lus btags// smon med ting nge 'dzin thob nas// ngas 'dir rjes su chags pa dang // khong khro ba dang 'thab pa dang rtsod spangs ma lus mtha' mar phyin/ / stong pa'i ting nge 'dzin thob nas// ngas 'dir phyi dang nang dag gi/ rlom sems kun dang rtog pa dang // rnam par rtog pa yongs su zad// mtshan med ting nge 'dzin thob nas/ / lha mi srid pa'i rtser thug pa'i// bde ba thams cad ma lus par// nga yis 'dir ni yongs su btang // ngas 'dir rnam thar gsum thob nas// ngas 'dir shes rab stobs kyis ni/ / srid pa dag gi 'ching ba kun// ma lus kun las grol bar gyur// ngas 'dir rgyu mthong gyur nas ni// rtag dang mi rtag 'du shes dang // bdag dang bdag med bde sdug bsngal/ / rgyu yi 'bu shes gsum las rgyal// ngas 'dir las kyis rnam par dag/ skye mched drug rtsa kun 'byung las// byung ba thams cad shing dbang drung //
- 266b
mi rtag pa yis bsnun te bcad// ngas 'dir ye shes nyi ma yis// gti mug mun pa'i rnyog pa dang // lta gyur rgyags dang khros gang ba// yun ring mun pa bsal snang byas// ngas 'dir brtson 'gyur stobs kyi grus/ / 'dod dang chags pa'i chu srin can// ngar 'dzin lta ngan sred rlabs chu// 'khor ba'i rgya mtsho de las rgal// gang rtogs chags dang gti mug dang sems kyi rnam par rtog bsregs te/ / phye blags nags mer lhung 'dra bkangs 'dir de ni rjes su rtogs// nga 'dir ring nas song ba yi// bskal pa dpag med bye khrag khrig/ 'khor ba'i lam gyis nyon mongs pa/ gdung ba med nas ngal yang sos// 'jig rten phan phyir rga shi dang // mya ngan sdug bsngal mthar phyin pa// phas rgol kun gyis ma thob pa// bdud rtsi de ni ngas 'dir rtogs// sred las byung ba'i skye mched kyis/ / sdug bsngal phung pos sdug bsngal ba// phyir mi 'byung ba 'jigs med kyis// grong khyer 'dir ni ngas phyin to// ngas 'dir nang gi dgra chen po// khyab pa de dag rjes su rtogs// rtogs nas rab tu bsregs te ngas// de dag yang byung gnas med byas// bdud rtsi don du bskal pa ni// bye ba khrag khrig rang gi sha/ mig dang rin chen mang btang ba/ / de 'dir nga yis rjes su rtogs// sngon gyi rgyal ba dpag med pas// gang sangs rgyas de ngas 'dir rtogs// gang gi snyan pa nyams dga' ba// sgra ni 'jig rten
- 267a
rnams su grags/ / rten nas byung ba'i 'gro ba stong // sems kyi skad cig cig la 'jig/ smig rgyu dri za'i grong khyer 'dra// de 'dir nga yis rjes su rtogs/ gang gis lag pa'i mthil du ni// shing tog bzhag bzhin 'jig rten khams// thams cad mthong ba'i mig mchog de// nga yis 'dir ni dag par byas// sngon gyi gnas ni ngas 'dir dran/ / rig pa gsum yang thob par gyur// bskal pa khrag khrig dpag med pa// gnyis kyis log las sad bzhin dran// lha mi nor cing 'du shes log/ phyin ci log gyur gang 'bar ba/ / de yang de bzhin ma nor bar// ngas 'dir bdud rtsi'i snying khu 'thungs// gang gis don du stobs bcu po// sems can kun la byams pa bsgoms// byams pa'i stobs kyis rgyal gyur nas/ / ngas 'dir bdud rtsi'i snying khu 'thungs// gang gi don du stobs bcu po// sems can kun la snying rjes bsgoms// snying rje'i stobs kyis rgyal gyur nas ngas 'dir bdud rtsi'i snying khu 'thungs/ / gang gi don du stobs bcu po// sems can kun la dga' ba bsgoms// dga' ba'i stobs kyis rgyal gyur nas// ngas 'dir bdud rtsi'i snying khu 'thungs/ / gang gi don du stobs bcu po// bskal pa khrag khrig btang snyoms bsgoms// btang snyoms de yis stobs kyis rgyal// ngas 'dir bdud rtsi'i snying khu 'thungs// stobs
- 267b
bcu gang+gA'i bye ma bas/ / rab tu mang bas gang gsol pa// sngon rgyal seng gis sngon gsol ba// bdud rtsi'i snying khu ngas 'dir 'thungs// rga shi mtha' mar ma phyin par// skyil mo krung ni mi gzhig ces/ / sder bcas pa yi bdud mdun 'dir// nga yis tshig ni gang smras pa// ye shes rdo rje brtan par byas// nga yis ma rig pa yang bcom// stobs bcu nyid ni thob par gyur/ / de lta bas na skyil krung gzhig/ nga yis dgra bcom nyid thob ste// nga yi zag pa ma lus zad// bdud kyi sde yang bcom par gyur// de lta bas na skyil krung gzhig/ sgrib pa lnga yi sgo glegs rnams// nga yis 'dir ni thams cad bcag/ sred pa'i 'khri shing rnams kyang bcad// da 'dir skyil mo krung gzhig go/ de nas mi yi zla ba de// dal gyis gdan las bzhengs nas su/ / dbang bskur chen po bzhengs nas ni// seng ge'i gdan la bzhugs par gyur// lha tshogs rnams kyis rin chen snod// steng nas spos chu sna tshogs kyis/ / stobs bcu yon tan mthar phyin pa// 'jig rten rtsa lag sku yang bsil// bye ba khrag khrig lha rnams dag/ lha mo khrag khrig lhan cig tu// kun nas rol mo stong dag gis mchod pa gzhal du med pa byed/ / lha yi bu dag de ltar na// sa yi snying por zhag bdun du// rgyal po'i skyil krung ma shig pa// rgyur bcas rkyen bcas gzhi dang bcas// dge slong dag de
- 268a
ltar byang chub mngon par rdzogs par sangs rgyas pa'i de bzhin gshegs pa ngas 'dir/ / bla na med pa yang dag par rdzogs pa'i byang chub mngon par rdzogs par sangs rgyas so/ / ngas 'dir thog ma med pa'i skye ba dang // rga ba dang / 'chi ba'i sdug bsngal mthar phyung ngo zhes zhag bdun pa dang po la gdan de nyid la bzhugs so// zhag bdun pa gnyis pa'i tshe ni de bzhin gshegs pa stong gsum gyi stong chen po'i 'jig rten gyi khams kyi bar du rgyang ring du 'chag pas 'chag go/ / zhag bdun pa gsum pa'i tshe ni de bzhin gshegs pa ngas 'dir/ bla na med pa yang dag par rdzogs pa'i byang chub mngon par rdzogs par sangs rgyas nas// thog ma med pa'i skye ba dang // rga ba dang / 'chi ba'i sdug bsngal mthar phyung ngo zhes byang chub kyi snying po la spyan mi 'dzums par gzigs so/ / zhag 'dun pa bzhi pa'i tshe ni de bzhin gshegs pa shar gyi rgya mtsho nas/ nub kyi rgya mtsho'i bar du mi ring ba'i 'chag pas 'chag go/ / / 'phags pa rgya cher rol pa zhes bya ba theg pa chen po'i mdo// bam po bcu drug pa// de nas bdud sdig can de bzhin gshegs pa ga la ba der song ste phyin nas/ de bzhin gshegs pa la 'di skad ces gsol to// bcom ldan 'das yongs su mya ngan las 'da' ba'i dus la bab lags kyis// bcom ldan
- 268b
'das yongs su mya ngan 'da' bar gsol/ / bde bar gshegs pa yongs su mya ngan las 'da' bar gsol// dge slong dag de skad ces gsol ba dang / de bzhin gshegs pas bdud sdig can la 'di skad ces bka' stsal to/ / sdig can nga'i dge slong gnas brtan/ gnas brtan dul ba/ gsal ba/ byang ba/ bag tsha ba med pa/ mang du thos pa/ chos kyi rjes su mthun pa'i chos la zhugs pa bdag nyid slob dpon du sgrogs pa dang / phas kyi rgol ba 'byung ba/ byung ba rnams chos dang mthun pas tshar bcad de/ dad par byas nas// cho 'phrul/ dang bcas pa'i chos ston par nus pa dag ma byung gi bar de srid du nga yongs su mya ngan las mi 'da'o// sdig can ngas 'jig rten du sangs rgyas dang / chos dang / dge 'dun gyi sgra bzhag par ma gyur pa dang / byang chub sems dpa' dpag tu med pa dag/ bla na med pa yang dag par rdzogs pa'i byang chub tu lung bstan par ma gyur gyi bar de srid du nga yongs su mya ngan las mi 'da'o// sdig can nga'i 'khor bzhi po dul ba/ gsal ba/ byang ba/ bag tsha ba med pa nas/ cho 'phrul dang bcas pa'i chos ston pa'i bar du nus pa dag byung bar ma gyur gyi bar de srid du yongs su mya ngan las mi 'da'o/ / de nas bdud sdig can gyis tshig de skad thos nas/ sdug bsngal zhing yid mi bde ste/ phyogs gcig tu song nas 'dug ste/ mgo smod nas mdas sa la ri mo 'dre
- 269a
zhing bdag gi yul las 'das so snyam du sems par gyur to/ / de nas bdud kyi bu mo dga' ma dang / mi dga' ma dang / sred ma gsum gyis bdud sdig can la tshigs su bcad de smras pa/ yab cig ji ltar thugs mi dgyes// mi dgyes gang lags bka' stsol dang / 'dod chags zhags pas de bcings nas// glang po bzhin du dgug par bgyi// bkug nas de ni myur du yang // khyod kyis dbang du 'gyur bar bgyi// de ltar thugs ngan 'o brgyal por// dgyes pa rgya chen brnyes par 'gyur// bdud kyis smras pa/ 'jig rten dgra bcom bde bar gshegs/ / 'dod chags dbang du de mi 'gro// nga yi yul las shin tu 'das// de bas nga ni mya ngan che// de nas de dag gis de bzhin gshegs pa'i mthu byang chub sems dpa' mdzad pa rnams kyang shes mod kyi/ / bud med kyi mi brtan pas pa'i tshig ma mnyan te// bu cig btsas tsam gyi mchod kyi dar la bab par bsgyur nas// mig gis mi rtsol bar bya ba'i las kyi phyir de bzhin gshegs pa'i gan du dong ba dang / de bzhin gshegs pas de dag yid la mdzad par de dag rgas pas 'khogs par byin gyis brlabs so// de nas de dag pha'i gan du dong ste/ 'di skad ces smras so/ / de ni chags pas mi bkri ste// nga yi yul las shin tu 'das// de bas mya ngan nga che ste// yab kyis bdag cag gsungs pa mang // go'u ta ma brlag pa'i phyir// bdag
- 269b
cag rnams kyis gang sprul pa/ / gzugs la gal te de lta na// de yis de snying 'gas par 'gyur// yab bdag cag gi lus rga bas 'khogs pa 'di ma mchis par mdzad du gsol// bdud kyis smras pa/ gang zhig sangs rgyas byin gyis brlabs ni gzhan du sgyur bar byed nus pa// rgyu dang mi rgyu dag gi 'jig rten dag na mi dengs ma mthong // myur du song ste thub pa de la rang byas nyes pa shogs shig dang / des ni khyod kyis bsam pa bzhin du sngon gyi lus su sgyur bar 'gyur// de nas de dag dong ste// bdag cag gis bcom ldan 'das la sku brnyas bgyi bar bsams pas// bcom ldan 'das ji ltar byis pa rnams dang // ji ltar glen pa rnams dang / ji ltar mi bsal ba/ mi mkhas shing ma 'tshal ba rnams ltar bdag cag nongs pa can du bzung du gsol// bde bar gshegs pa bdag cag nongs pa can du bzung du gsol/ / zhes de bzhin gshegs pa la bzod pa gsol to// de nas de bzhin gshegs pas de dag la tshigs su bcad pas bka' stsal pa// sen mos ri la bra ba dang / so yis lcags ni bca' ba dang // mgo yis ri ni dbug pa dang / gting mi dpogs la dpog par 'dod// de ltar bas na bu bo khyod/ nyes pa can du gzung ngo // de ci'i phyir zhe na/ gang nyes pa la nyes par mthong nas 'chags shing phyin chad kyang sdom par byed pa de ni// 'phags pa'i chos 'dul ba la 'phel bar 'gyur ro// dge slong dag zhag bdun pa lnga pa zhag
- 270a
bdun du yul ngan chen po byung ba'i tshe na de bzhin gshegs pa klu'i rgyal po btang bzung gi gnas na bzhugs so/ / de nas klu'i rgyal po btang bzung / bcom ldan 'das kyi sku la grang ba dang / rlung gis phog tu 'ong zhes rang gi gnas nas byung ste/ lus kyis de bzhin gshegs pa'i sku la lan bdun du dkris nas mgo'i gdengs ka rnams kyis bkab bo/ / bcom ldan 'das kyi sku la grang ba dang / rlung gis phog tu 'ong zhes/ shar phyogs nas kyang klu'i rgyal po gzhan mang du lhags te/ de bzhin gshegs pa'i sku la lus rnams kyis khan bdun du dkris nas mgo'i gdengs ka rnams kyis bkab po/ / shar phyogs nas ji lta ba de bzhin du/ bcom ldan 'das kyi sku la grang ba dang rlung gis phog tu 'ong ngo zhes lho dang / nub dang byang phyogs nas kyang klu'i rgyal po rnams lhags nas/ / de bzhin gshegs pa'i sku la lus rnams kyi lan bdun du dkrin nas mgo'i gdengs ka rnams kyis bkab bo// klu'i rgyal po lus kyi phung po de ni ri'i dbang po lhun po ltar mthong por gnas par gyur to/ / klu'i rgyal po de dag gis kyang ji ltar nyin bdun mtshan bdun du de bzhin gshegs pa'i sku de la reg pa de lta bu'i bde ba de dag gis sngon nam yang ma rnyed do/ / de nas zhag bdun 'das nas/ klu'i rgyal po de dag gis yul ngan med par shes te de bzhin gshegs pa'i sku las lus bkrol nas// de bzhin gshegs pa'i
- 270b
zhabs la mgo bos phyag 'tshal te/ lan gsum bskor ba byas nas rang rang gi gnas su dong ngo // klu'i rgyal po btang bzung yA de bzhin gshegs pa'i zhabs la mgo bos phyag 'tshal te/ lan gsum bskor ba byas nas rang gi gnas su bzhugs so// zhag bdun pa drug pa'i tshe ni de bzhin gshegs pa klu'i rgyal po btang bzung gi gnas nas shing n+ya gro dar skyong gi drung du bzhud do// klu'i rgyal po btang ba zung gi gnas dang / shing na gro dar skyong gi bar du klung ne ran dzA na'i ngogs su spyod pa dang / kun tu rgyu dang / nyan thos rgan po dang / go'u ta ma dang / gcer bu pa dang / kun tu 'tsho ba pa la sogs pas de bzhin gshegs pa mthong nas/ bcom ldan 'das go'u ta mas zhog bdun pa yul ngan chen po'i dus 'di bde bas bde bar gnas par byas sam zhes zer to/ / dge slong dag de nas de bzhin gshegs pas de'i tshe ched du brjod pa 'di ched du brjod do// chos thos pa dang / mthong ba dang / dben par dga' ba bde ba yin/ srog chags 'byung po rnams la bsdams// gnod pa mi byed 'jig rten bde// sdig pa rnams las rab 'das pa/ 'dod chags bral ba 'jig rten bde// nga snyam nga rgyal gang 'dul ba/ de ni mchog tu bde ba yin/ dge slong dag de bzhin gshegs pa'i skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang /
- 271a
yid mi bde ba dang / 'khrugs pa rnams kyis 'jig rten kun tu 'bar zhing rab tu 'bar bar gzigs nas/ de'i tshe bcom ldan 'das kyis ched du brjod pa 'di ched du brjod do/ / sgra reg ro gzugs dang dri rnams kyis// 'jig rten 'di ni kun tu gdungs par gyur// srid pas 'jigs kyang srid pa'i sred pa yis// phyir zhing srid pa tshol bar byed pa yin/ zhag bdun pa bdun pa'i tshe ni de bzhin gshegs pa shing sgrol rgyu'i drung du bzhugs so// de'i tshe byang phyogs pa'i tshong pa ga gon dang / bzang po zhes bya ba/ mkhas pa gsal ba spun gnyis rnyed pa chen po rnyed nas/ zong rnam pa mang po thogs te/ 'gron pa phal po che dang / shing rta shin tu gang ba lnga brgya dang lhan cig tu lho phyogs nas/ byang phyogs su dong ngo // de gnyis la glang bu cang shes legs skyes dang grags pa zhes bya ba gnyis yod do/ / de gnyis la thogs pa'i 'jigs pa med de/ gang glang bu gzhan mi thar pa der de gnyis gtong ngo // gang du mdun rol na 'jigs pa yod pa der de gnyis phur pa la btags pa bzhin du 'dug go/ / de gnyis la lcags mi 'ju'i me tog ut+pa la sbar gang ngam/ sna ma'i me tog phreng bas de gnyis ded de/ shing sgrol rgyu dang nye ba zhig tu shing 'o ma can gyi nags na gnas pa'i lha mos byin gyis brlabs kyis byin gyis brlabs pas/ de dag gi shing rta de dag thams cad mi 'gro ste/ phreng ba
- 271b
la sogs pa shing rta'i cha rkyen thams cad kyang chad grugs so/ / shing rta'i phang lo rnams kyang lte ba la thug par sa'i nang du nub ste/ thams cad kyis rab tu bsgrims kyang shing rta de dag 'gro ba ma gyur nas/ kha cig ngo mtshar dang skrag par gyur te// shing rta de dag thang la yang thogs par gyur pa 'di la rgyu ni ci zhig yod/ 'di'i 'gyur ba ni ci zhig yin snyam nas/ de dag gis glang bu legs skyes dang / grags pa de gnyis 'dren du bcug ste/ me tog ut+pa la spar gang dang / sna ma'i me tog gi phreng bas bdas kyang 'gro bar ma gyur nas/ de dag 'di snyam du sems te/ gang gi phyir 'di gnyis kyang mi 'gro ba las mdun na 'jigs pa 'ga' zhig 'byung du gdon mi za'o snyam nas/ de dag gis sa 'khru ba rta pa dag sngar btang ngo // sa 'khru ba rta pa rnams slar log nas 'jigs pa ci yang med ces smras so/ / lha mo dos kyang rang gi gzugs bstan ma 'jigs shig ces dbugs phyung ngo // glang bu de gnyis kyis kyang de bzhin gshegs pa ga la ba de logs su shing rta drangs pa dang / de dag gis de bzhin gshegs pa me ltar rab tu 'bar ba/ skyes bu chen po'i mtshon sum cu rtsa gnyis kyi mtshan gyis legs par brgyad/ nyi ma shar nas ring por ma lon pa lta bu dpal gyis 'bar ba mthong ngo / / mthong nas kyang de dag ngo mtshar du gyur te/ 'di ni ci zhig tshangs pa 'dir phyin tam/ 'on te lha'i dbang po brgya byin nam/ 'on te/
- 272a
rnam thos kyi bu 'am/ 'on te nyi ma dang zla ba 'am/ 'on te ri'i lha 'ga' zhig gam/ klung gi lha zhig snyam mo// de nas de bzhin gshegs pas na bza' dur smig rnams bstan to/ / de nas de dag gis ngur smrig bgos pa 'di ni rab tu byung ba yin gyis bdag cag 'jigs pa med do zhes smras te/ de dag dad pa thob nas yang phan tshun du smras pa/ rab tu byung ba 'di ni dus su za ba yin na/ cung zad ci yod/ smras pa/ sbrang rtsi dang / skye ma dang / bu ram shing bshus pa yod do// de dag gis sbrang rtsi dang / skye ma dang / bu ram shing bshus pa khyer nas de bzhin gshegs pa ga la ba der dong ste phyin pa dang / de bzhin gshegs pa'i zhabs la mgo bos phyag 'tshal te/ lan gsum bskor ba byas nas/ phyogs gcig tu 'khod do/ / phyogs gcig tu 'khod nas kyang / de dag gis de bzhin gshegs pa la 'di skad ces gsol to// bcom ldan 'das bdag cag la thugs brtse bar dgongs te/ spyan gzigs 'di bzhes su gsol/ / dge slong dag de nas de bzhin gshegs pa 'di snyam du dgongs te/ bdag gis lag pas 'di blangs na ni ma legs na/ sngon gyi yang dag par rdzogs pa'i sangs rgyas rnams kyis snod ji lta bus bzhes snyam nas mkhyen pa 'jug par gyur to/ / dge slong dag de ltar de bzhin gshegs pa'i skabs kyi dus la bab par rig nas skad cig de nyid
- 272b
la phyogs bzhi nas rgyal po chen po bzhis gser gyi lhung bzed bzhi thogs te/ lhags nas de bzhin gshegs pa la bcom ldan 'das bdag cag la thugs brtse bar dgongs te/ gser/ gyi lhung bzed bzhi po 'di dag bzhes su gsol zhes phul lo// de dag dge sbyong gi cha ma yin par dgongs nas/ de bzhin gshegs pas ma bzhes so// de bzhin du dngul gyi bzhi dang / bai DUR+Ya dang / shel dang / spug dang / rdo'i snying po las byas pa bzhi bzhi dang / rin po che thams cad las byas pa'i lhung bzed bzhi thogs te/ de bzhin gshegs pa la phul na yang dge sbyong gi cha ma yin par dgongs te/ de bzhin gshegs pas ma bzhes so// dge slong dag de nas de bzhin gshegs pas yang 'di snyam du dgongs te/ sngon gyi de bzhin gshegs pa rnams kyis lhung bzed rnam pa ji 'dra ba dag gis bzhes snyam dgongs na rdo'i lhung bzed rnams kyis bzhes par mkhyen nas/ / de bzhin gshegs pas de lta bu'i thugs bskyed pa dang / de nas rgyal po chen bornam thos kyi bus rgyal po chen po gzhan gsum la sbas pa/ grogs po dag sngon po'i ris kyi lha'i bu rnams kyis bdag la rdo'i lhung bzed bzhi byin pa dang / de la bdag gis 'di snyam du bsams te/ 'di spyad par bya'o snyam pa dang / de nas sngon po'i ris kyi lha'i bu rnam par snang byed ces bya ba des bdag la 'di skad ces smras so// kye snod 'di dag spyad par ma bya bar/
- 273a
'di dag chongs shig mchod rten grags par 'gyur// shAkya thub ces bya ba'i rgyal ba 'byung // de la lhung bzed 'di dag dbul ba gyis// grogs po bdag cag shAkya thub pa la/ / snod 'bul ba yi dus dang chod la bab// glu dbyangs dag dang sil snyan sgra phyung ste// mchod pa byas nas lhung bzed dbul bar bya/ snod de chos kyi rang bzhin mi gshegs pa// snod 'di rdo yi rang bzhin bzhes su rung // gzhan gyis blang bar bzod pa ma yin gyis// da ni bdag cag de dag len du 'dong // de nas rgyal po chen po bzhis rang gi gnyen dang 'khor du bcas te/ me tog dang / bdug pa dang / spos dang / phreng ba dang / byug pa dang / sil snyan dang / pheg rdob pa dang / glu dbyangs len cing / rang rang gi lag tu lhung bzed de dag thogs nas/ de bzhin gshegs pa ga la ba der song ste phyin nas/ de bzhin gshegs pa la mchod pa byas te/ lhung bzed de dag lha'i me tog gis bkang nas/ de bzhin gshegs pa la phul lo// dge slong dag de nas de bzhin gshegs pa 'di snyam du dgongs te/ rgyal po chen po dang pa dang ba bzhi po 'di dag gis bdag la rdo'i lhung bzed bzhi phul na/ bdag la bzhir mi rung la ji ste gcig gis blangs na ni/ gsum yang mi dga' bar 'gyur na/ bdag gis lhung bzed bzhi po 'di dag blangs te/ lhung bzed gcig tu byin gyis brlab po snyam mo// dge slong dag de nas de bzhin pas phyag g.yas pa brkyang
- 273b
ste/ rgyal po chen po rnam thos kyi bu la tshigs su bcad pas bka' stsal pa// bde bar gshegs la lhung bzed phul cig dang // khyod ni theg pa mchog gis snod du 'gyur// nga 'dra dag la lhung// bzed phul ba ni// dran dang blo gros nam yang nyams mi 'gyur// dge slong dag de nas de bzhin gshegs pas thugs brtse bar dgongs te/ rgyal po chen po rnam thos kyi bu las lhung bzed ba zhes so/ / bzhes nas kyang rgyal po chen po yul 'khor bsrung la tshigs su bcad pas bka' stsal pa// gang zhig de bzhin gshegs la lhung bzed phul// nam yang dran dang shes rab nyams mi 'gyur/ / bsil dngos go 'phang sangs rgyas thob bar du// bde bas bde bar dus rnams zad par byed// dge slong dag de nas de bzhin gshegs pas thugs brtse bar dgod te/ rgyal po chen po yul 'khor srung las lhung bzed bzhes so// bzhes nas kyang rgyal po chen po 'phags skyes po la tshigs su bcad pas bka' stsal pa// rnam par dag sems de bzhin gshegs pa la/ khyod kyis yongs dag lhung bzed phul cig dang // khyod kyi sems ni myur du dag par 'gyur// lha mi 'jig rten dag na bsngags par 'os// dge slong dag de nas de bzhin gshegs pas thugs brtse bar dgongs te/ rgyal po chen po 'phags skyes po las lhung bzed bzhes so// bzhes nas kyang rgyal po chen po mig mi bzang la tshigs su bcad pas bka'
- 274a
stsal pa bskyon med sems dang dad pas skyon med snod/ / de bzhin gshegs pas tshul khrims skyon med ces// tshul skyon med la rab tu phul cig dang // khyod kyi sbyin pa bson nams skyon med 'gyur/ / dge slong dag de ltar de bzhin gshegs pas thugs brtse bar dgongs te/ rgyal po chen po mig mi bzang las lhung bzed bzhes so// bzhes nas kyang mos pa'i stobs kyis lhung bzed gcig tu byin gyis brlabs te/ de'i tshe ched du brjod pa 'di ched du brjod do// nga yis sngon gyi srid par snod kyi rnams// bzang byas 'bras bus rab tu bkang ste byin/ de nas lhung bzed dbyibs legs bzhi po 'di// rdzu 'phrul chen po'i lha bzhi rnams kyis byin/ de la 'di skad ces bya ste/ brtan pa dam pa'i don de dgongs pa de// zhag bdun byang chub shing mchog gzigs nas ni/ / seng ge'i stabs 'dra mi yi seng ge de// sa ni rnam pa drug tu bskyod nas bzhengs// glang po'i dbang ltar kun tu dal gyis gshegs// rim gyis sgrol rgyu'i shing gi drung byon nas/ / lhun po lta bur g.yo ba mi mnga' bzhugs// thub pa bsam gtan ting nge 'dzin rnams dgongs// de yi tshe na ga gon bzang po spun / gnyis dang tshong pa'i tshogs dang shing rta ni/ / nor gyis gang ba dag dang lhan cig tu// sA la'i me tog nags tshal rgyas par zhugs// drang srong chen po'i gzi yis skad cig du// srog shing thug par
- 274b
phang lo sa nang nub/ / de dag de 'dra ba yi gnas mthong nas// tshong pa'i tshogs ni 'jigs pa chen po skyes// de dag ral gri mda' dang mdung thung thogs// nags na ri dgas bzhin du su zhes tshol/ / sprin med 'od zer stong ldan 'dra ba'i rgyal// zhal ras ston gyi zla ba 'dra ba mthong // khro ba spangs shing rgyags pa bsal nas su// mgo bos phyag 'tshal 'di ni su zhes dpyod/ / mkha' las lha yis 'di skad tshig smras te// 'di ni sangs rgyas 'jig rten phan don mdzad// nyin bdun mtshan bdun bza' dang btung ba dag/ thugs rje'i bdag nyid 'dis ni ma gsol to/ / gal te bdag gi nyon mongs zhi 'dod na// sku dang thugs bsgoms 'di la bshos gsol cig/ de dag gis ni sgra snyan de thos nas// rgyal la phyag 'tshal bskor ba byas nas ni/ / dga' nas de dag grogs dang lhan cig tu// rgyal ba bshos gsol bar ni grogs bcas so// dge slong dag de'i tshe tshong pa ga gon dang / bzang po gnyis kyi ba'i khyu mtha' 'khob kyi 'or cig na gnas so/ / de nas de'i tshe ba de dag bzhos na mar gyi snying khu byung bar gyur to// de nas ba lang rdzi de dag gis mar gyi snying khu de khyer nas/ tshong bag gon dang bzang po ga la ba der song ste phyin nas de dag gis tshul spos te/ btsun pa dag mkhyen par mdzad du gsol// khyed kyi ba thams cad ni bzhos nas/ mar gyi snying khu byung na 'di ci dge
- 275a
ba zhig lags sam/ 'on te ma lags/ de na bram ze zas la bskams pa'i rang bzhin can dag 'di skad ces/ 'di ni dge ba ma yin te/ bram ze rnams la mchod// sbyin chen po byed dgos so zhes 'dzed to// dge slong dag de'i tshe tshong pa ga gon dang // bzang po dag gi tshe rabs snga ma'i snag gi gnyen mtshams bram ze rma bya zhes bya ba tshangs pa'i 'jig rten du skyes par gyur pa des/ bram ze'i gzugs su sprul nas/ tshong pa de dag la tshigs su bcad de smras pa/ khyed kyi sngon ni smon btab pa/ byang chub brnyes nas de bzhin gshegs// bdag cag rnams kyi bshos gsol te/ chos kyi 'khor lo bskor bar shog/ smon lam de ni rdzogs zin gyis// byang chub brnyes pa de bzhin gshegs// de la zhal zas phul cig dang // gsol nas 'khor lo skor bar 'gyur/ / khyed kyi ba mar snying khu byung // shin tu bkra shis skar ma bzang // drang srong chen po de yi ni// bsod nams las kyi mthu 'di'o// de ltar chod pa bskul nas ni/ / / rma bya rang gi gnas su song // ga gon zhes ni bya la sogs// thams cad yid ni mgu bar gyur// kha stong 'o ma ji snyed yod pa dag/ de kun ma lus par ni bsdug nas su/ / de yi steng nas phris ma zham byas te// de dag rab tu gus par zhal zas sbyar// rin chen gzhong pa'i tsam byed ces bya ba// srang cig la yang 'bum phrag gcig ri ba/
- 275b
gtsang mar rab bkrus dri ma med byas nas// zhal zas kyis ni khad chad du bkang // sbrang rtsi dang ni rin chen gzhong thogs te// sgrol rgyu'i shing gi drung song ston pa la// btsun pa bzhes te bdag cag sman yang thogs/ / zhal zas gya nom pa 'di mnabs su gsol// spun gnyis po la thugs brtse mdzad pa dang // byang chub bzhugs pa'i sngon ni bsam mkhyen nas/ ston pas bzhes pa mdzad de zhal zas gsol// gsol nas gzhong ba nam mkha'i dkyil du dor// lha yi bu pho rab tshangs zhes bya ba// de yis rin chen gzhong pa mchog de blangs des de dung tshangs pa'i 'jig rten na/ / lha gzhan grogs dang lhan cig mchod pa byed// de nas de'i tshe de bzhin gshegs pas tshong pag gon dang / bzang po de dag las 'di dag gis rab tu dga' bar mdzad do/ / lha yi bkra shis don sgrub cing // phyogs rnams bkra shis byed pa des// khyed kyi don rnams sgrub gyur cig/ thams cad myur du mthun par shog/ phreng ba mgo la 'dug pa ltar// lag pa g.yas na dpal yod shog/ g.yon na'ang dpal ni gnas gyur cig/ yan lag kun na'ang dpal yod shog/ tshong pa dag ni nor tshol zhing // phyog bcu dag tu 'gro ba rnams/ / rnyed pa chen po rnyed gyur cing // de dag bde ba skyid par shog/ dgos pa la la gang gi phyir// shar phyogs su ni 'gro ba na// gang dag phyogs der gnas pa
- 276a
yi rgyu skar khyed la skyong gyur cig/ smin drug dang ni snar ma dang // mgo dang lag dang nab so dang // rgyal dang skag ces bya ba ste// de dag rnams ni shar phyogs pa// rgyu skar bdun po de dag ni// 'jig rten skyong ba grags ldan pa// shar phyogs logs na yod ces bstan// de dag khyed la kun tu srungs// de dag bdag po rgyal po ni// yul 'khor bsru zhes grags pa ste/ / de ni dri za kun gyi bdag/ nyi ma lhan cig srung bar shog/ de la bu ni mang yod la// mkhas shing ming yang mthun pa ste// dgu bcu rtsa gcig zad par yang // dbang po zhes bya stobs po che/ / de rnams khyed la nad med cing // shis par lhag par skyong gyur cig/ shar phyogs logs kyi phyogs chan// lha mo gzhon nu brgyad yod de// rgyal dang rnam par rgyal ma dang don grub ma dang mi 'pham dang / / dga' mchog ma dang dga' sde dang // dga' can ma dang dga' 'phel ma// de dag khyod la nad med cing // shis par lhag par skyong bar shog/ shar phyogs logs kyi phyogs chan/ / gzhi 'dzin ces bya'i mchod rten yod// rgyal ba skyob pa dgra bcom pa// de rnams kyis ni bzhugs shing mkhyen// de yang khyed la nad med cing // shis par lhag par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos pa la la gang gi phyir//
- 276b
lho phyogs su ni 'gro ba na// gang dag phyogs der gnas pa yi// rgyu skar khyed la skyong gyur cig/ mchu dang gre dang dbo dang ni// me bzhi nag pa lnga pa yin// sa ri dang ni sa ga ste// de dag rnams ni lho phyogs pa/ / rgyu skar bdun po de dag ni// 'jig rten skyong ba grags ldan pa// lho phyogs logs na yod ces bstan// de dag khyed la kun tu bsrungs// de dag bdag po rgyal po ni/ / 'phags skyes po zhes bya bar brjod// de ni grul bum kun gyi bdag/ gshin rje lhan cig srung bar shog/ de la bu ni mang yod la// mkhas shing ming yang mthun pa ste// dgu bcu rtsa gcig zad par yang / / dbang po zhes bya stobs po ro// de rnams khyed la nad med cing // shis par lhag par skyong gyur cig/ lho phyogs logs kyi phyogs cha na// lha mo gzhon nu brgyad yod de/ / dpal ldan ma dang grags ldan ma// grags pa thob dang grags 'dzin dang // legs par langs dang rab snga dang // legs par sad dang bde sgrub ma// de dag khyed la nad med cing / / shis par lhag par skyong gyur cig/ lho phyogs logs kyi phyogs cha na// pad+ma zhes bya'i mchod rten yod// rtag tu gzi brjid kyis kyang 'bar// rtag tu thams cad gsal byed pa/ / de yang khyed la nad med cing // shis par lhag par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas//
- 277a
nor rnams rnyed de ldog par shog/ dgos pa la la gang gi phyir// nub phyogs su ni 'gro ba na// gang dag phyogs der gnas pa yi// rgyu skar khyed la spyod gyur cig lha mtshams dang ni snron dang yang / / brtson 'grus brtan ldan sbubs dang ni// chu stod chu sma dbyi zhin dang // gro bzhin de ni bdun pa yin// de dag rnams ni nub phyogs pa// rgyu skar bdun po de dag ni/ / 'jig rten skyong ba grags ldan pa// nu ba phyogs logs na yod ces bstan// de dag khyed la kun tu srung // de dag bdag po rgyal po ni// mig mi bzang zhes bya bar shes/ / de ni klu rnams kun gyi bdag/ chu lha lhan cig srung bar shog/ de la bu ni mang yod la// mkhas shing ming yang mthun pa ste// dgu bcu rtsa gcig zad par yang // dbang po zhes bya stobs po che// de dag khyed la nad med cing // shis par lhag par skyong gyur cig/ nub phyogs logs kyi phyogs chan// l+h+wa mo gzhon nu brgyad yod do// na cha sgra 'dres ma dang ni/ / pad+ma dkar dang skya reng dang // cha med cig dang dgu pa dang // rol dang gnas dang stabs myur srid // de dag khyed la nad med cing // shis par lhag par skyong bar shog nub phyogs logs kyi phyogs cha na/ / nub ces bya ba'i ri bo yod// nyi ma zla ba rnams kyang gnas// nub pa'ang khyed la nor sbyin gyur/ de yang khyed la nad med cing / shis par lhag par skyong gyur cig/ phyogs ma khyed/
- 277b
cag bdes shog khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos pa la la gang gi phyir// byang phyogs su ni 'gro ba na/ gang dag phyogs der gnas pa yi// rgyu skar khyed la skyong gyur cig/ mon gru dang ni mon gre dang // khrums stod dang yang khrums smad dang // nam gru dang ni tha skar dang // bra nye ste ni bdun pa yin// rgyu skar bdun po do dag ni// 'jig rten skyong ba grags ldan pa// byang phyogs logs na yod ces bstan// de dag khyed la kun tu srungs// de dag bdag po rgyal po ni// mi la zhon pa lus ngan po/ / gnod sbyin kun gyi bdag po ste// nor bzangs lhan cig srung bar shog/ de la bu ni mang yod la// mkhas shing ming yang mthun pa ste// dgu bcu rtsa gcig zad par yang // dbang po zhes bya stobs po che// de dag khyed la nad med cing // shis par lhag par skyong gyur cig/ byang phyogs logs kyi phyogs chan// lha mo gzhon nu brgyad yod de// rab chags lha mo gtong lha mo/ / sa dang de bzhin pad+ma can// rgyal po che la nyer gnas dang // re dang khrel yod dpal ldan ma// de dag khyed la nad med cing // shis par lhag par skyong bar shog/ byang phyogs logs kyi phyogs cha na/ / spos dang ldan pa'i ri bo yod// gnod sbyin 'byung po rnams kyi gnas// rtse mo sna tshogs blta na sdug/ de yang khyed la nad med cing // shis par lhag par skyong
- 278a
gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ rgyu skar nyi shu rtsa brgyad po/ / phyogs bzhi dag na bdun bdun gnas// lha yi bu mo sum cu gnyis// phyogs bzhi dag na brgyad brgyad gnas// dge sbyong brgyad dang bram ze brgyad// yul rnams na ni grong rdal brgyad/ / dbang por bcas pa'i lha brgyad rnams// de dag khyed la kun tu srungs// khyed cag 'gro na'ang bkra shis gyur// ldog pa na yang bkra shig shog/ gnyen la lta ba bkra shis gyur// gnyen gyis blta ba'ang ba kra shis shog/ dbang bcas gnod sbyin rgyal chen dang // dgra bcom pa dag snying brtse bas// thams cad du ni bkra shis dang // bdud rtsi shis pa thob par shog tshangs pa dang ni de bzhin nor rgyas dang / / zag pa med pa rnam par grol rnams dang // klu dang gnod sbyin rtag tu snying brtses bsrungs// ston brgyar mtshungs par tshe na skyong bar shog/ rnam 'dren bla med 'jig rten mgon po yis/ / de dag mthun par sbyin pa'i bsngags pa gsungs// khyed rnams kyi ni dge ba'i las 'di yis// sbrang rtsi 'byung zhes bya ba'i rgyal bar 'gyur// 'jig rten rnam par 'dren pa rgyal ba yis/ / lung bstan chags med 'di ni dang po yin// phyin chad byang chub sems dpa' mtha' yas mang // gang dag lung bstan de dag phyir mi ldog/ rgyal bas lung
- 278b
bstan pa ni 'di thos nas/ / sems ni mgu zhing mchog tu dga' gyur te// de dag spun dang grogs dang lhan cig tu// de dag sangs rgyas chos la skyabs su dong // ga gon dang bzang po'i le'u zhes bya ba ste/ nyi shu rtsa bzhi pa'o// // dge slong dag de ltar de bzhin gshegs pa shing sgrol rgyu'i drung na bzhugs pa/ dang po mngon par rdzogs par sangs rgyas pa gcig pu dben par gshegs te/ nang du yang dag bzhag nas 'jig rten dang mthun par mdzad pa'i phyir 'di snyam du dgongs te/ kye ma ngas thob cing mngon par rdzogs par sangs rgyas pa'i chos 'di ni/ / zab pa/ zhi ba rab tu zhi ba/ nye bar zhi ba/ gya nom pa/ mthong bar dka' ba/ khong du chud par dka' ba/ brtag mi nus pa/ rtog ge'i spyod pa ma yin pa/ 'phags pa mkhas pa dang mdzangs pas rig pa ste/ 'di lta lte/ 'di phung po thams cad bor ba/ kun tu rig pa/ nges par rig pa/ tshor ba thams cad 'gog pa/ don dam pa/ kun gzhi med pa/ bsil ba'i dngos po// len pa med pa/ nye bar len pa med pa// rnam par rig pa ma yin pa/ rnam par rig par bya ba ma yin pa// 'dus ma byas pa/ yul drug las shin tu 'das pa/ mi rtog pa/ rnam par mi rtog pa/ brjod du med pa/ sgra med pa/ sgras brjod du med pa/ bstan du med pa/ thogs pa med pa/ dmigs pa thams
- 279a
cad las yang dag par 'das pa/ zhi gnas kyi lam gyis chod pa/ stong pa nyid dmigs su med pa/ sred pa zad pa/ 'dod chags dang bral ba/ 'gog pa mya ngan las 'das pa ste/ gal te bdag gis chos 'di gzhan dag la bstan la/ gal te de dag gis ma shes na de ni bdag ngal ba dang / log par stsal pa dang / chos bstan pa don med par 'gyur gyi/ bdag snying las chung ngur kha rog par gnas par bya'o/ snyam mo// de'i tshe tshigs su bcad pa 'di dag gsungs so// za ba zhi spros bral 'od gsal 'dus ma byas// bdud rtsi chos ni bdag gis thob par gyur// bdag gis bstan kyang gzhan gyis mi shes te// mi smrar nags 'dab gnas par bya ba snyam// tshig bral ngag gi lam gyis ma gos pa// de bzhin nyid chos rang bzhin nam mkha' 'dra// sems dang yid kyi rgyu ba rab grol ba// mchog rab ngo mtshar che ba dam pa shes// don tshul 'di ni yi ge rnams kyis su// shes par mi nus mdzangs pas rig pa yin/ / sngon gyi rgyal la lhag byas sems can rnams// de dag chos 'di thos na yid ches 'gyur// 'di na chos ni gang yang yod min te// yod min gang yin/ de ni yod ma yin// gang gis rgyu dang bya ba rgyud shes pa// de la yod pa 'am med pa yod ma yin// bskal pa brgya stong dpag tu med par ni// sngon gyi rgyal ba'i gan nas bdag gis spyad//
- 279b
'on kyang gang na bdag dang sems can dang // srog med bzod pa de ni bdag ma thob// gang tshe 'di na skye 'chi gang med pa// chos 'di thams cad rang bzhin bdag med pa'i// bzod// 'di bdag gis thob pa de yi tshe// sangs rgyas mar me mdzad kyis bdag lung bstan// 'jig rten kun la snying rje mtha' yas pa// gzhan gyis gsol ba btab la nga mi sdod// skye bo 'di dag tshangs la dad pa ste/ / de yis gsol ba btab na 'khor lo bskor// gal te tshangs pas nga yi rkang par gtugs// rnam pa bzang po 'tshal 'gyur sems can mchis// rdul bral gya nom chos shod gsol btab na/ / de ltas nga yi chos 'di gzung 'os 'gyur// dge slong dag de ltar de bzhin gshegs pas de'i tshe smin mtshams kyi mdzod spu nas 'od gang gis stong gsum gyi stong chen po'i 'jig rten gyi khams 'di snang ba chen pos khyab par 'gyur ba'i 'od phyung ngo / / de nas stong gsum gyi stong chen po'i bdag po tshangs pa chen po gtsug phud can sangs rgyas kyi mthus/ de bzhin gshegs pa'i thugs kyi rnam par rtog pa sems kyis shes te/ bcom ldan 'das thugs las chung ngu la thugs btud cing chos mi ston par shes nas/ de 'di snyam du sems te/ bdag song la de bzhin gshegs pa la chos kyi 'khor lo skor bar bskul gor ma chag snyam mo// de nas tshangs pa gtsug phud can gyis de'i tshe de ma yin pa tshangs ris
- 280a
kyi lha'i bu gzhan dag la smras pa/ grogs po dag de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas kyang 'di ltar chos mi ston par thugs las chung ngu la thugs btud pas/ kye ma 'jig rten 'di ni ma rung ngo // grogs po dag kye ma 'jig rten 'di ni rnam par ma rung ngo // bdag cag dong ste/ de bzhin gshegs pa dgra bcom pa yang dag par rdzogs pa'i sangs rgyas la chos kyi 'khor lo bskor bar bskul gor ma chag go// dge slong dag de nas tshangs pa chen po gtsug phud can/ tshangs pa 'bum phrag drug cu rtsa brgyad kyis bskor te/ mdun du bdar nas/ de bzhin gshegs pa ga la ba der song ste phyin pa dang / de bzhin gshegs pa'i zhabs la mgo bos phyag 'tshal te/ thal mo sbyar nas/ de bzhin gshegs pa la 'di skad ces gsol to// 'di ltar de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas kyang / chos mi ston par thugs las chung ngu la thugs btud pas/ kye ma'o bcom ldan 'das 'jig rten 'di ni ma rung ngo // kye ma'o bcom ldan 'das 'jig rten 'di ni rab tu ma rung ngongo/ / sems can rnam pa bzang po go slob/ bcom ldan 'das kyis gsungs pa'i don 'tshal bar rngo thog pa/ skal ba dang ldan pa/ nus pa dang ldan pa dag mchis te/ de lta lags pas
- 280b
bcom ldan 'das chos legs par bstan du gsol/ / bde bar gshegs pa chos bstan du gsol// de'i tshe tshigs su bcad pa 'di dag kyang smras so// ye shes chen po mchog gis dkyil 'khor bsgrubs nas ni/ / phyogs bcu dag tu 'od zer rnam par 'gyed mdzad de// ye shes zer gyis mi yi pad+ma kha 'byed pa// smra ba'i nyi ma de ring ci slad btang snyoms bzhugs// 'phag pa'i nos sems can dag ni mgron gnyer te/ / srog chags bye ba mang po dbugs phyung mdzad nas ni// gang slad me gsungs 'gro la btang snyoms mdzad pa 'di// 'jig rten rtsa lag khyod la rigs pa ma lags so/ / chos kyi dam pa'i rnga bo che ni brdung du gsol// dam pa'i chos kyi dung ni myur du bud du gsol// chos kyi mchod sdong chen po bsgreng bar mdzad du gsol// chos kyi mar me chen po 'bar bar mdzad du gsol/ / chos chu mchog gi char pa rab tu dbab tu gsol// srid pa'i rgya mtshor gnas pa 'di dag bsgral du gsol// nad chen nyon mongs 'di dag thar par mdzad du gsol/ / nyon mongs mes gdungs rab tu zhi bar mdzad du gsol// bde ba shis pa rims med mya ngan med gyur pa// zhi ba'i lam ni khyod kyis nges par bstan du gsol// mya ngan 'das pa'i lam du mi 'gro mgon med pa/ / log pa'i lam du gnas la mgon po thugs rje mdzod// rnam par thar pa'i sgo rnams rab tu dbye bar gsol// chos tshul 'khrugs pa ma mchis de ni
- 281a
bzung du gsol/ / skye bo dmus long du ni gyur pa de dag la// mgon po khyod kyis chos mig dam pa sbyang du gsol// mi yi zla ba mgon po khyod ni ma gtogs par// 'jig/ rten dag gi skye dang rga ba sel bgyid pa// tshangs pa'i 'jig rten dang ni lha yi 'jig rten dang // gnod sbyin dri za mi yi 'jig rten na ma mchis// lha rnams thams cad lhag par spyad pa bgyis nas ni/ / bdag ni chos rgyal khyod la gsol ba 'debs pa lags// bsod nams 'di yis bdag kyang rab tu myur bar ni// chos kyis 'khor lo dam pa rab tu skor gyur cig/ dge slong dag de bzhin gshegs pa sa lha dang mi dang lha ma yin du bcas pa'i 'jig rten rjes su gzung ba'i phyir thugs brtse bar dgongs te/ tshangs pa chen po gtsug phud can la cang mi gsung bas gnang ngo // de nas tshangs pa chen po gtsug phud can gyis/ de bzhin gshegs pas cang mi gsung bsaganang bar rig nas// lha'i tsan dan gyi phye ma dang / a ga ru'i phye mas de bzhin gshegs pa la mngon par gtor nas/ dga' ba dang mchog tu dga' ba skyes te/ de nyid du mi snang bar gyur to// dge slong dag de nas de bzhin gshegs pas chos la 'jig rten gus pa bskyed pa dang / tshangs pa chen po gtsug phud can yang de bzhin gshegs pa la yang dang yang skul bas/ dge ba'i rtsa ba rnam par spel ba dang / chos kyang shin tu zab pa'i phyir/ yang gcig pu dben par gshegs
- 281b
te/ nang du yang dag gzhag nas/ thugs la 'di lta bur rnam par rtog par gyur te/ bdag gis chos zab pa/ phra ba gsal ba/ khong du chud par dka' ba/ brtag mi nus pa/ rtog ge'i spyod pa ma yin pa/ mkhas pa dang mdzangs pas rig pa/ bajig rten thams cad dang mi mthun pa/ mthong bar dka' ba/ phung po thams cad bor ba/ 'du byed thams cad nye bar zhi ba zhi gnas kyi lam gyis chad pa/ stong pa nyid dmigs su med pa/ sred pa zad pa/ 'dod chags dang bral ba/ 'gog pa/ mya ngan las 'das pa 'di mngon par rdzogs par sangs rgyas te/ gal te bdag gis chos 'di bstan la/ gzhan gyis 'di khong du ma chud na de ni bdag la shin tu 'tho btsams par 'gyur gyis/ bdag snying las chung dus gnas pas gnas par bya gor ma chag snyam mo/ / dge slong dag de nas sangs rgyas kyi mthus/ tshangs pa chen po gtsug phud can gyis yang de bzhin gshegs pa'i thugs kyi rnam par rtog pa de lta bu de sems kyis shes nas/ lha'i dbang po brgya byin ga la ba der song ste phyin nas/ lha'i dbang po brgya byin la 'di la 'di skad ces smras so// ko'u shi ka shes par gyis shig/ de bzhin gshegs pa dgra bcom pa yang dag par rdzogs pa'i sangs rgyas ni chos mi ston par thugs las chung ngu la thugs btud de/ 'di ltar de bzhin gshegs pa dgra bcom pa yang dag par rdzogs pa'i
- 282a
sangs rgyas chos mi ston par thugs las chung ngu la thugs btud pas/ ko'u shi ka kye ma'o 'jig rten 'di ni ma rung bar 'gyur ro// ko'u shi ka kye ma'o 'jig rten 'di ni rnam par ma rung bar 'gyur ro/ / kye ma'o 'jig rten 'di ni ma rig pa'i mun pa chen por bcug par 'gyur na/ bdag cag de bzhin gshegs pa dgra bcom pa yang dag par rdzogs pa'i sangs rgyas la chos kyi 'khor lo bskor bar skul du ci'i phyir mi 'dod/ de ci'i phyir zhe na/ ma bskul bar de bzhin gshegs pa chos kyi 'khor lo ma bskor ba'i phyir ro// grogs po legs so zhes te/ brgya byin dang / tshangs pa dang / sa bla'i lha rnams dang / bar snang ba rnams dang / rgyal chen bzhi'i ris dang / sum cu rtsa gsum dang / 'thab bral dang // dga' ldan dang / 'phrul dga' dang / gzhan 'phrul dbang byed dang / tshangs ris dang / 'od gsal dang / 'bras bu che dang / dge rgyas dang / gnas gtsang ma'i ris kyi lha'i bu brgya stong rab tu mang po kha dog mngon par 'phags pa dag nam sros pa dang / lha'i kha dog dang / lha'i snang bas shing sgrol rgyu'i drung nyi tshe snang bar byas nas/ de bzhin gshegs pa ga la ba der dong ste phyin pa dang / de bzhin gshegs pa'i zhabs la mgo bos phyag 'tshal te/ bskor ba byas nas phyogs gcig tu 'khod do// de nas lha'i dbang
- 282b
brgya byin gyis de bzhin gshegs pa ga la ba de logs su thal mo sbyar ba btud de/ de bzhin gshegs pa la tshigs su bcad pas mngon par bstod do// zla ba nya ba gza' las thar ba ltar/ / khyod kyi thugs ni rnam par grol ba lags// g.yul las rnam par rgyal ba bzhengs su gsol// 'jig rten mun par shes rab 'od dbyung gsol// de skad ces gsol pa dang de bzhin gshegs bcang mi gsung bar bzhugs so/ / de nas tshangs pa chen po gtsug phud can gyis lha'i dbang po brgya byin la 'di skad ces smras so// ko'u shi ka ji ltar khyod kyis bskul ba de ltar de bzhin gshegs pa dgra bcom pa yang dag par rdzogs pa'i sangs rgyas la chos kyi 'khor lo bskor bar gsol ba ni gdab bo/ / de nas tshangs pa chen po gtsug phud can gyis bla gos phrag pa gcig tu bzar te/ pus mo g.yas pa'i lha nga sa la gtsugs nas/ de bzhin gshegs pa ga la ba de logs su thal mo sbyar ba btud te/ de bzhin gshe pa la tshigs su bcad pas gsol pa/ / g.yul las rnam par rgyal ba bzhengs su gsol// 'jig rten mun par shes rab 'od dbyung gsol// kun tu 'tshal bar 'gyur ba mchis lags kyis/ / thub pa khyod kyis chos ni bstan du gsol// dge slong dag de skad ces gsol pa dang / de bzhin gshegs pas tshangs pa chen po gtsug phud can la 'di skad ces bka'
- 283a
stsal to/ / tshangs pa ngas chos zab pa/ phra ba gsal ba 'di mngon par rdzogs par sangs rgyas shes bya ba nas/ de ni bdag la shin tu tho btsams par 'gyur ro zhes bya ba'i bar du sbyar ro/ / tshangs pa tshigs su bcad pa 'di dag nga la rgyun tu snang mod kyi/ nga'i lam rgyun las bzlog par 'gro ba/ zad pa mthong bar dka' ba de ni// 'dod chags kyis ldongs pa dag gis mi mthong ste/ de lta bas na bstan kyang mi phan no// skye dgu 'dod pa rnams la bcings// rgyun gyis rab tu bdas pa yin// ngas 'di tshegs ni chen pos rnyed// de lta bas na bstan mi phan// dge slong dag de nas tshangs pa chen po gtsug phud can dang lha'i dbang po brgya byin gyis/ de bzhin gshegs pa cang mi gsung bar gyur par rig nas/ lha'i bu de dag dang lhan cig tu sdug bsngal zhing yid mi bde nas/ de nyid du mi snang bar gyur to// lan gsum gyi bar du de bzhin gshegs pa thugs las chung ngu la thugs btud do// dge slong dag de'i tshe yul ma ga d+ha'i mi rnams la sdig pa mi dge ba'i lta bar gyur pa 'di lta bu dag byung bar gyur te/ 'di lta ste/ kha cig ni 'di skad du rlung ldang bar mi 'gyur ro zhes zer ro// kha cig ni 'di skad du me 'bar bar mi 'gyur ro zhes zer ro/ / kha cig ni 'di skad du char 'bab par mi 'gyur ro zhes zer ro// kha cig ni 'di skad du chu 'bab par mi 'gyur ro zhes zer ro// kha cig ni lo tog skye bar mi
- 283b
'gyur ro zhes 'dzer ro/ / kha cig ni bya rnams nam mkha' la 'phur bar mi 'gyur ro zhes 'jed do// kha cig ni sgrub pa rnams nad med par bca' bar mi 'gyur ro zhes 'dze // dge slong dag/ de nas tshangs pa chen po gtsug phud can gyis/ de bzhin gshegs pa'i thugs kyi rnam par rtog pa de lta bu de yang shes/ yul ma ga d+hA'i mi rnams nad kyi lta gyur pa de dag kyang rig nas/ nam sros pa dang / kha dog mngon par 'phags pa dang / lha'i snang bas shing sgrol rgyu'i drung thams cad snang bar byas nas// de bzhin gshegs pa ga la ba der song ste phyin pa dang / de bzhin gshegs pa'i zhabs la mgo bos phyag 'tshal te/ bla gos phrag pa gcig tu bzar nas/ pus mo g.yas pa'i lha nga sa la btsugs te/ de bzhin gshegs pa ga la ba de logs su thal mo sbyar ba btud nas de bzhin gshegs pa la tshigs su bcad pas gsol pa/ / ma ga d+har ni sngon chos ma dag pa// dri mar bcas par sems pa'i smra ba byung // de slad thub pas bdud rtsi'i sgo dbye gsol dri med sangs rgyas chos nyid nyan cing mchis/ / khyod ni rang gi dgos mdzad rang dbang gyur// sdug bsngal mngon par 'du byed dri ma spangs// khyod kyi dge ba 'phel dang 'grib ma mchis// khyod 'dir chos mchog pha rol byon par gyur// thub pa khyod 'dra 'jig rten 'dir ma mchis// drang srong che khyod lhag pa ga la mchis// srid gsum 'di na rnam par lhang nge ste// lha min
- 284a
gnas na mchis pa'i ri bo 'dra/ / sdug bsngal skye bo thugs rje che bskyed gsol// khyod 'dra nam yang btang snyoms mdzad mi rigs// khyod ni mi 'jigs stobs// dang yang dag ldan// khyod ni skye bo rab tu sgrol bar spyod// lha dang dge sbyong bram zer bcas pa kun// dge dgu 'di dag ring na zug rngu bcas// nad rims ma mchis nad ma mchis gyur cing // / 'di ni de dag skyabs ni gzhan ma mchis// chos de rgyal bas thugs su chud gyur te// ji lta bzhin du mi nyung ston 'gyur zhes// dge ba'i sems kyis bdud rtsi don gnyer zhing // lha dang mi rnams khyod phyir ring nas 'brang / / de slad mthu rtsal bzang po khyod la gsol// ring nas lam las nyams pa'i sems can thul// ma thos don rnams rab tu thos par 'tshal// shin tu nyam chung rtas par 'tshal dang 'dra/ / rab tu skam pa'i sa la sprin lta bur// 'dren pa chos kyi char pas tshim par mdzod// ring nas nyams pa'i mi rnams srid pa na// lha ngan thibs po// / cher mar bcas pa rgya// gang bsgoms na ni bdud rtsi thob 'gyur ba// tshe sa ma mchis drang lam de bstan du gsol// long ba g.yang lhung 'dren pa ma mchis pa// 'di na de dag gzhan gyis drang ma nus/ / blo ldan khyu mchog khyod ni mos skyed de// g.yang sa chen por lhung ba gdon du gsol// thub pa khyod dang ring nas rtag mi 'jal// u dum wA ra'i me tog brgya lam ltar/
- 284b
'dren pa rgyal ba dag ni sa la 'byung // mgon po dal rnyed sems can sgrol du gsol// rang rgal nas ni bsgral bar bya'o zhes// sngon srid khyod kyi dgongs pa 'di 'byung ngo // da ltar khyod ni pha rol byon par nges/ / bden pa'i mthu rtsal thugs dam dam par mdzod// thub pa chos kyi sgron mas mun pa sol// de bzhin gshegs pa'i rgyal mtshan khyod kyis bsgreng // snyan pa'i gsung brjod pa yi dus la bab/ / nga sgra ri dgas dbang ltar bsgrag tu gsol// dge slong dag de nas de bzhin gshegs pas sangs rgyas kyi spyan gyis thams cad dang ldan pa'i 'jig rten la gzigs pa na/ sems can dman pa dang 'bring dang / gya nom pa dang / mtho ba dang / dma' ba dang / bar ma dang / rnam pa bzang po dang / rnam par sbyang sla ba dang / rnam pa ngan pa dang / rnam par sbyang dka' ba dang / zur tsam gyis go ba dang tshig lhur len pa dang / sems can gyi phung po gsum ste/ gcig ni log pa nyid du nges pa/ gcig ni yang dag pa nyid du nges pa gcig ni ma nges pa gzigs so/ / dge slong dag 'di lta ste/ dper na mi zhig rdzing gi 'gram na 'dug pas pad+ma kha cig ni chu'i nang nas ma mthon/ kha cig ni chu dang mnyam/ kha cig ni chu las 'phags pa dag mthong ngo / / dge slong dag de bzhin du de bzhin gshegs pas sangs rgyas kyi spyan gyis thams cad dang ldan pa'i 'jig rten na sems can phung po gsum du rnam
- 285a
par gnas pa dag gzigs so/ / dge slong dag de nas de bzhin gshegs pa 'di snyam du dgongs te/ ngas chos bstan kyang rung / ma bstan kyang rung ste/ gang // log pa nyid du nges pa'i phung po 'di ni chos 'di shes par mi 'gyur ro// ngas chos bstan kyang rung / ma bstan kyang rung ste/ gang yang dag pa nyid du nges pa'i phung po 'di ni/ chos 'di shes par 'gyur ro/ / ma nges pa'i phung po gang yin pa 'di ni gal te chos bstan ni shes par 'gyur/ ji ste chos ma bstan na ni shes par mi 'gyur ro snyam mo// dge slong dag de nas de bzhin gshegs pas ma nges pa'i phung por rnam par gnas pa'i sems can rnams las brtsams te/ thugs rje chen po bskyed do// de nas de bzhin gshegs pas bdag nyid kyi yang dag pa'i ye shes 'di'i dbang du mdzad de/ / tshangs pa chen po gtsug phud can gyis bskul ba yang mkhyen nas/ tshangs pa chen po gtsug phud can la tshigs su bcad pas bka' stsal pa/ tshangs pa pa ma ga d+ha yi sems can gang / / rna ba ldan zhing dad dang ldan gyur la// mi tshe 'du shes rtag tu chos nyan pas// de dag la ni bdud rtsi'i sgo phye'o// de nas tshangs pa chen po gtsug phud can gyis de bzhin gshegs pas gnang bar rig nas tshim zhing mgu la yi rangs te/ rab tu dga' nas dga' ba dang yid bde ba skyes te/ de bzhin gshegs pa'i zhabs la mgo bos
- 285b
phyag 'tshal nas de nyid du mi snang bar gyur to/ / dge slong dag de nas de'i ches bla'i lha rnams kyis bar snang gi lha rnams la tshig tu brjod cing smra bsgrags pa/ glo po dag do mod de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor lo bskor bar gnang ste/ de ni skye bo mang po la phan pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / phan pa dang bde bar 'gyur ro// kye grogs po dag lha ma yin gyis ris ni yongs su 'grib par 'gyur ro/ / lha'i ris ni yongs su rdzogs par 'gyur ro// 'jig rten na sems can mang po yongs su mya ngan las 'da' bar 'gyur ro// de ltar bar snang gi lha rnams kyis/ sa bla'i lha rnams las thos nas/ rgyal chen bzhi'i ris kyi lha rnams sgrar brjod do// rgyal chen bzhi'i ris kyi lha rnams kyi sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed rnams la'o// de dag gis kyang tshangs ris kyi lha rnams la tshig tu brjod cing smra bsgrags te/ grogs po dag do nub de bzhin gshes pa pos yang dag par rdzogs pa'i sangs rgyas kyis chos kyi 'khor lo bskor bar gnang ste/ de ni skye bo mang po la phan pa dang / skye bo mang po la bde ba dang / 'jig rten la
- 286a
thugs brtse ba dang / skye bo phal ngo tsha dang / lha dang mi rnams kyi don dang phan pa dang bde bar 'gyur ro// kye grogs po dag lha ma yin gyi ris ni yongs su 'grib par 'gyu ro/ lha'i ris ni 'phel bar 'gyur ro// 'jig rten na sems can mang po yongs su mya ngan las 'da' bar 'gyur ro// dge slong dag de ltar skad cig de dang / thang cig de dang / yud tsam de la/ sa bla'i lha rnams nas bzung ste/ tshangs ris kyi lha'i bar man chad du grogs po dag de bzhin gshegs pa dgra bcob pa yang dag par rdzogs pa'i sangs rgyas kyis do nung chos kyi 'khor lo bskor bar gnang ste zhes bya ba nas/ snga ma bzhin du sgra skad cig mngon du byung bar gyur to// dge slong dag de nas byang chub kyi shing gi lha chos sred ces bya ba dang / chos 'dod pa dang / chos kyi blo gros dang / chos spyod dang / byang chub kyi shing gi lha bzhi po de dag gis de bzhin gshegs pa'i zhabs gnyis la gtugs te 'di skad ces gsol to// bcom ldan 'das gang du chos kyi 'khor lo bskor bar mdzad/ dge slong dag de skad ces gsol pa dang / de bzhin gshegs pas lha de dag la 'di skad ces bka' stsal to// grong khyer wA ra NA se drang srong lhung ba ri dgas kyi nags su'o/ / de dag gis gsol pa/ bcom ldan 'das grong khyer wA ra NA se ni skye bo'i tshogs chung ba lags/ ri dgas kyi nags ni bzhugs shing gi grib ma chung ba lags te/ bcom
- 286b
ldan 'das grong khyer chen po 'byon pa/ rgyas pa bde ba lo logs pa/ nyams dgyes pa/ mi dang skye bo mang pos gang ba/ bskyed mo'i tshal dang / nags dang / nags 'dab kyis brgyan pa gzhan dag kyang mchis na/ bcom ldan 'das de dag cig tu chos kyi 'khor lo bskor bar gsol/ de bzhin gshegs pas bka' stsal pa/ bzhin bzang dgade skad ma zer cig/ de ci'i phyir zhe na/ der ni nga yis mchod sbyin stong phrag bye ba khrag khrig drug cu byas// der ni sangs rgyas stong phrag bye ba khrag khrig drug cu de dag mchod// wA ra NA se ma pa de ni sngon gyi drang srong rnams kyi gnas/ / sa de lha dang klu yis mngon bstod rtag tu chos ni mngon par gzhol// ngas ni sngon chad sangs rgyas bya ba stong phrag dgu bcu rtsa gcig dran// de dag drang srong zhes bya nags mchog der ni 'khor lo dam pa bskor/ / zhi zhing nyer zhi bsam gtan mngon gyur rtag tu ri dgas rnams kyis bsten// de phyir drang srong zhes bya nags mchog der ni 'khor lo dam pa bskor// bskul ba'i le'u zhes bya ba ste/ nyi shu rtsa lnga'o// // 'phags pa rgya cher rol pa zhes bya ba theg pa chen po'i mdo// bam po bcu bdun pa// dge slong dag de nas de bzhin gshegs pa bya ba mdzad pa/ byed pa mdzad pa/ bcing ba thams cad yang dag par chad pa/ nyon mongs pa thams cad bsal ba/ dri ma dang nyon mongs pa sbyangs pa/ bdud phyir rgor ba bcom pa
- 287a
sangs rgyas kyi chos thams cad kyi tshal gyi rjes su zhugs pa/ thams cad mkhyen pa/ thams cad gzigs pa/ stobs bcu dang ldan pa/ mi 'jigs pa bzhi brnyes pa sangs rgyas kyi chos ma 'dres pa bco brgyad rab tu rdzogs pa/ spyan lnga dang ldan pa/ sangs rgyas kyi spyan sgrib pa mi mnga' bas/ 'jig rten thams cad la gzigs nas 'di snyam du dgongs te/ ngas thams cad kyi thog mar gang la chos bstan par bya/ sems cad dag pa/ rnam par bzang gdul sla ba/ go sla ba/ sbrang sla ba/ 'dod chags dang / zhe sdang dang / gti mug chung ba/ rnam par shes pa lkog tu ma gyur pa/ gang chos ma thos na yongs su nyams par 'gyur ba/ gang dag la bdag gis thog mar chos bstan par bya/ gang la chos 'di bstan nas kyang shes par 'gyur zhing / / tho 'tshams par mi 'gyur ba ni gang yin snyam mo// dge slong dag de nas de bzhin gshegs pa 'di snyam du dgongs te/ rangs byed kyi bu lhag spyod ni dag pa/ rnam par bzang ba/ gdul sla ba/ go sla ba/ sbyang slab/ 'dod chags dang / zhe sdang dang / gti mug chung dang / rnam par shes pa lkog tu ma gyur pa ste/ de chos mthos na yongs su nyams par 'gyur ba'o/ / de ni nyan thos rnams la 'du shes med 'du shes med min skye mched kyi brtul zhugs dang mthun par chos ston pa yin na/ de da ltar ga la 'dug snyam dgongs pa dang / de 'chi ba'i
- 287b
dus byas nas/ deng du zhag 'dun lon par mkhyen to// lha rnams kyis de bzhin gshegs pa'i zhabs la gtugs te 'di skad ces gsol to// bcom ldan 'das de de ltar lags so// bde bar gshegs pa de de ltar lags te/ rangs byed kyi bu lhag spyod gum nas deng du dgung bdun lags so// dge slong dag ngas 'di snyam du bsams te/ e ma ra ngas byed kyi bu lhag spyod de chos shin tu bzang po 'di lta bu 'di ma thos par 'chi ba'i dus byas pa ni cher nyams so/ / gal te des chos 'di thos na shes par 'gyur te/ de la bdag gis thog mar chos bstan par bya zhing / de yang bdag la tho 'tshams par mi 'gyur ro snyam mo// dge slong dag de bzhin gshegs pa yang 'di snyam du dgongs te/ sems can dag pa gdul bla ba zhes bya ba nas/ nga'i chos bstan pa tho 'tshams par mi 'gyur ba zhes bya ba'i bar du snga ma bzhin te/ de lta bu gzhan su yod snyam mo// dge slong dag de nas de bzhin gshegs pa 'di snyam du dgongs te/ sgyu rtsal shes kyi bu ring 'phur ni dag pa zhes bya ba nas/ nga'i chos bstan pa tho 'tshams par mi 'gyur ba zhes bya ba'i bar du ste/ de da ltar ga la 'dug snyam dgongs na/ de yang 'chi ba'i dus byas nas deng du zhag gsum lon par mkhyen to/ / gnas gtsang ma'i ris kyi lha rnams kyis don de de bzhin gshegs pa la gsol te/ bcom ldan 'das de de lta lags so// bde bar gshegs pa de de lta lags te/
- 288a
rtsal shes kyi bu ring 'phur gum nas deng du dgung gsum lags so// de nas de bzhin gshegs pa 'di snyam du dgongs te/ e ma sgyu rtsal shes kyi bu ring 'dur de chos shin tu bzang po 'di lta bu 'di ma thos par shi ba ni cher nyams so snyam mo/ / dge slong dag de bzhin gshegs pas yang 'di snyam du dgongs te/ sems can dag pa rnam pa bzang ba zhes bya ba nas/ nga'i chos bstan pa tho 'tshams par mi 'gyur ba zhes bya ba'i bar du snga ma bzhin te/ de lta bu gzhan su yod snyam mo// dge slong dag de bzhin gshegs pas 'di snyam du dgongs te/ lnga sde bzang po rnams ni dag pa/ rnam par bzang ba/ gdul sla ba/ go sla ba/ rnam par sbyang sla ba/ 'dod chags dang / zhe sdang dang / gti mug chung ba/ rnam par shes pa lkog tu ma gyur pa ste/ de dag chos mthos na yongs su nyams par 'gyur ba'o/ / nga dka' ba spyad pa spyod pa na yang de dag gis bsnyen bkur byas par gyur te/ de dag ngas chos bstan na shes par 'gyur zhing / nga la tho 'tshams par mi 'gyur ro snyam mo/ / dge slong dag de nas de bzhin gshegs pa 'di snyam du dgongs te/ bdag gis lnga sde bzang po rnams la thog mar chos bstan par bya gor ma chags snyam mo// dge slong dag de nas yang de bzhin gshegs pa 'di snyam du dgongs te/ lnga sde bzang po dag da ltar gang na 'khod snyam mo// de nas de bzhin gshegs pas sangs rgyas kyi spyan gyis thams cad dang ldan pa'i 'jig rten
- 288b
la rnam par gzigs na/ lnga sde bzang po dag grong khyer wA ra Na se'i drang srong lhung ba ri dgas kyi nags na 'khod par gzigs so// gzigs nas kyang de bzhin gshegs pa 'di snyam du dgongs te/ bdag gis lnga sde bzang po rnams la thams cad kyi thog mar chos bstan par bya gor ma chag go// de dag gis ngas thams cad kyi thog mar chos bstan pa kun shes par 'gyur ro snyam mo// dge slong ngag de ci'i phyir zhe na/ de dag ni spyad pa dang ldan pa/ chos dkar po rnams shin tu yongs su bsdus pa/ thar pa'i lam la mngon du phyogs pa/ gegs dang bral ba dag go// dge slong dag de nas de bzhin gshegs pas de snyam du dgongs nas/ byang chub kyi snying po las bzhengs te/ stong gsum gyi stong chen po'i 'jig rten gyi khams su gshegs nas/ mthar gyis yul ma ga d+har yul rgyu zhing yul gsal ldan du gshegs so/ / de nas ri ga ya dang / byang chub kyi snying po'i bar du kun tu 'tsho ba pa gzhan zhig gis/ de bzhin gshegs pa rgyang ring po nas gshegs pa mthong ngo / / mthong nas kyang de bzhin gshegs pa ga la ba der song ste phyin nas/ phyogs gcig tu 'dug go// dge slong dag phyogs gcig tu 'dug nas kyang kun tu 'tsho ba pa de/ de bzhin gshegs pa dang lhan cig tu yang dag par mgu bar bya ba'i gtam rnam pa mang po byas nas/ 'di skad ces gsol to// tshe dang ldan pa go'u ta ma khyod kyi dbang po rnams ni shin tu gsal ma
- 289a
khyod kyi pags pa'i mdog ni ser por gda' zhing yongs su dag la/ yongs su byang ba ste/ 'di lta ste/ dper na ston ka rgya shug kha dog rtsa ser zhing 'od gsal te ser por gda' ba de bzhin du/ go'u ta ma khyod kyi dbang po rnams yongs su dag cing // zhal gyi dkyil 'khor yang yongs su dag la byang ba'o// 'di lta ste/ dper na shing ta la'i 'bras bu smin pa rtsa ba nas chad ma thag pa'i rtsa ba logs ser por gda' ba lags te/ yongs su dag cing yongs su byang ba de bzhin du/ go'u ta ma khyod kyi dbang po rnams ni yongs su dag la zhal gyi dkyil 'khor ni yongs su dag cing yongs su byang ba'o/ / 'di lta ste/ dper na/ 'dzam bu'i chu bo'i gser gyi mgul brgyan thab nas phyung ste/ mgar ba'i bu mkhas pas legs par yongs su sbyang ba bgyis pa/ la ba dur ka'i nang du stsal na/ kha dog dang ldan par 'gyur te/ yongs su dag cing yongs su byang la ser por gda' zhing 'od gsal bar 'gyur ro/ / de bzhin du go'u ta ma khyod kyis dbang po rnams ni shin tu gsal la/ pags pa'i mdog ni yongs su dag/ zhal gyi dkyil 'khor ni yongs su byang ba lags so// tshe dang ldan pa go'u ta ma su las tshangs par spyad pa spyod/ dge slong dag de skad ces gsol ba dang / de bzhin gshegs pas kun tu 'tsho ba pa de la tshigs su bcad pas slar bka' stsal pa/ nga la
- 289b
slob dpon gang yang med/ / nga dang 'drab yong ma yim/ nga ni gcig pu rdzogs sangs rgyas/ bsil myur zag pa med pa yin// des smras pa/ goru tu ma bdag nyid dgra bcom par zhal gyi mche'am/ de bzhin gshegs pas bka' stsal pa/ nga nyid 'jig rten dgra bcom pa// nga ni ston pa bla na med// lha dang lha min dri zar bcas// nga yi do zla gang yang med// des smras pa go'u ta ma bdag nyid rgyal ba lags par zhal gyis mche 'am/ de bzhin gshegs pas bka' stsal pa/ gang dag zag pa zad brnyes pa// nga 'dra rgyal bar shes par bya// nga ni sdig pa'i chos las rgyal/ / de bas nye 'gro nga rgyal yin// des spras pa/ tshe dang ldan pa go'u ta ma dgar bzhud/ de bzhin gshegs pas bka' stsal pa/ nga ni wA ra Na ser 'gro// grong khyer gsal ldan song nas ni long ba lta bu'i 'jig rten la/ / mtshungs pa med pa'i 'od bya'o// da ni wA ra Na ser 'gro// grong khyer gsal ldan song nas ni// 'on pa lta bu'i 'jig rten la// bdud rtsi rnga chen brdung bar bya nga ni d+hA ra NA ser 'gro/ / grong khyer gsal ldan song nas ni// 'jig rten du ni ma bskor ba'i// chos kyi 'khar lo bskor bya/ kun tu 'tsho ba pa des/ ko'u ta ma de bzhin du 'gyur ro// de bzhin du 'gyur ro zhes smras te/ lho phyogs logs su song ngo // de bzhin gshegs pa ni byang phyogs logs su bzhud do// dge slong dag de nas de bzhin gshegs pa
- 290a
rig pa'i klu'i rgyal po shin tu blta mdzes kyis bzhugs su gsol ba dang / bshos gsol bar spyan drangs so// de nas de bzhin gshegs pa de nas gshegs so/ / de nas kyang lteng rgyas ltar gshegs so// de nas kyang tsan na lar gshegs so// de nas grong khyer kha lo sgyur du gshegs so// dge slong dag de dag tu yang khyim bdag rnams kyis de bzhin gshegs pa bzhugs su gsol pa dang / bshos gsol bar spyan drangs te/ mthar gyis klung chen po gang+gA'i 'gram du gshegs so// dge slong dag do tse krung chen po gang+gA shin tu brug te/ mu dang mnyam par 'bab bo// dge slong dag de nas de bzhin gshegs pa pha rol tu gshegs pa'i phyir mnyan pa'i gan du gshegs pa dang / des gsol pa/ go'u ta ma gru btsas stsal du gsol/ grogs po ngal grubatsas med do// zhes bka' stsal nas/ de bzhin gshegs pa nam mkha' las tshu rol gyi 'gram nas pha rol gyi 'gram du gshegs so// de nas mnyan pa des de mthong nas sbyin gnas rnam pa 'di lta bu 'di bdag gis ma bsgral to/ / zhes shin tu 'gyod do// kyi hud mtshar byas so// zhes smras nas brgyal te sa la gyel to// de nas mnyan bas rgyal po gzugs can snying po la/ jo ba dge sbyong go'u ta ma la gru btsas stsal bar gsol nas/ gru btsas med do zhes gsungs te/ nam mkha' las tshu rol gyi 'gram nas pha rol
- 290b
gyi 'gram du gshegs so/ / zhes de'i lo rgyas bsnyad do// de skad ces thos nas/ rgyal po gzugs can snying po de phyin chad rab tu byung ba thams cad la gru btsas mi dbab par byas so// dge slong dag de ltar de bzhin gshegs pa mthar gyis yul rgyu ba rgyu zhing / grong khyer chen po wA ra NA se ga la ba der gshegs so// gshegs nas nang par sham thabs dang chos gos gsol te/ lhung bzed bsdams nas grong khyer chen po wA ra NA ser bsod snyoms kyi phyir gshegs so// der bsod snyoms kyi phyir gshegs dag / khasod goms kyi sa zag drug tu gsol te/ zas kyi byab byas nas/ drang sro cung ba ri dgas kyi nags ga la ba dang / lnga sde bzang po ga la ba der gshegs pa dang / lnga sde bzang po dag gis de bzhin gshegs pa rgyang ring po nas gshegs pa mthong ngo // mthong nas kyang 'di skad du tshe dang ldan pa dag dge sbyong go'u ta ma lhod pa/ mang du za ba spong ba las nyams pa 'di 'ong ste/ 'dis sngon gyi dka' ba spyad des mi'i chos bla ma las mchog tu gyur pa/ 'phags ba'i ye shes mthong ba'i khyad par cung zad kyang mngon sum du byed ma nus na/ da ltar kha zas rags pa za zhing / bsod snyoms la sbyor ba dang ldan par gnas pa lta smos kyang ci dgos te/ lhong pab mang du za ba 'di la skal ba med kyis/ gang gis kyang 'di bsu bar mi bya'o// ldang bar mi bya'o// chos gos dang lhung bzed blang bar mi bya'o// stan dang yongs su spyad par 'os pa'i btung
- 291a
ba dang rkang pa bzhag pa yang sbyin par mi bya'o/ / stan lhag pa gzhan ni ma gtogs te/ tshe dang ldan pa go'u ta ma stan lhag pa gzhan 'di dag yod kyis/ ji ste 'dod// na 'dug cig par brjod do zhes 'og khrims bcas so// tshe dang ldan pa kun shes ko'u di rgyas sems kyis ni khas ma blangs te/ tshig gis ni mi rung zhes ma byas so// dge slong dag de bzhin gshegs pa ji lta ji ltar lnga sde bzang po ga la ba der gshegs pa de lta de ltar de dag rang rang gi stan la mi dga' zhing ldang 'dod par gyur te/ 'di lta ste dper na/ 'dab chags bya skon par bcug par gyur la/ skon pa de'i 'og nas mes bdugs na/ de mes gdungs pas myur ba myur bar 'phur bar 'dod cing / 'phur 'dod pa de bzhin du/ de bzhin gshegs pa ji lta ji ltar lnga sde bzang po dag gi gan du gshegs pa de lta de ltar lnga sde bzang po de dag rang rang gi stan la mi dga' zhing ldang 'dod par gyur to/ / de ci'i phyir zhe na/ gang de bzhin gshegs pa mthong nas// stan las mi ldang ba'i sems can de ni/ sems can gyi ris na gang yang med do// de bzhin gshegs pa ji lta ji ltar lnga sde bzang po de dag gi gan du gshegs pa de lta de ltar lnga sde bzang po dag gis/ de bzhin gshegs pa'i dpal dang gzi brjid ma bzod nas/ stan gyi steng na 'dar zhing kun gyis 'og khrims dral te/ stan las langs nas la la ni rim gro byed/ la las ni bsu ste/ na barba
- 291b
chos gos dang lhung bzed blangs/ la las ni gdan bting / la las ni zhabs bzhag pa bshams/ la las ni zhabs bkru ba'i chu bshams te/ 'di skad ces kyang gsol to// tshe dang // ldan pa go'u ta ma khyed legs par byon to// gangan bting ba 'di la bzhugs su gsol/ dge slong dag de bzhin gshegs pa gdan bting ba la bzhugs nas/ lnga sde bzang po dag de bzhin gshegs pa dang lhan cig tu yang dag par mgu bar bya ba dang / yang dag par chags par bya ba'i gtam rnam pa mang po byas nas phyogs cig tu 'khod do// phyogs cig tu 'khod nas kyang / de bzhin gshegs pa la lnga sde bzang po dag gis 'di skad ces gsol to// tshe dang ldan pa go'u ta ma'i dbang po rnams ni rab tu gsal la/ pags pa'i mdog ni yongs su dag go zhes bya ba thams cad snga ma bzhin no/ / tshe dang ldan pa go'u ta ma khyod la mi'i chos bla ma las mchog tu gyur pa/ 'phags pa'i ye shes mthong ba'i khyad par cung zad mngon sum du mdzad pa lta mnga' 'am/ dge slong dag de skad ces gsol ba dang / de bzhin gshegs pas lnga sde bzang po rnams la 'di skad ces bka' stsal to// dge slong dag khyed de bzhin gshegs pa la tshe dang ldan pa zhes ma brjod cig/ khyed la yun ring por gnod pa dang / mi phan pa dang mi bde bar gyur ta re/ dge slong dag ngas ni bdud rtsi dang 'chi ba med par 'gro ze'i lam mngon du byas so// dge slong dgapa
- 292a
ni sangs rgyas so/ / thams cad mkhyen pa'o// thams cad gzigs pa'o// bsil bar gyur pa'o// zag pa zad pa'o// chos thams cad la dbang ba'o// dge slong dag ngas khyed la chos bshad kyis tshur shog/ nyon cig/ nan tan gyis shig/ na ba lhogs shig dang / ngas gdams shing rjes su bstan to// ngas ci nas yang dag pa bshad cing dag par rjes su bstan na/ khyed kyang zag pa rnams zad nas/ zag pa zad pa'i sems rnam par grol ba dang / shes rab rnam par grol ba tshe 'di nyid la rang gi mngon par shes pas mngon tu byas te nye bar bsgrubs nas/ bdag gi skye ba zad do// tshangs par spyod pa bsnyen to// bya ba byas so// 'di las srid pa gzhan mi shes so// zhes shes par 'gyur ro// dge slong dag khyed tshe dang ldan pa dag dge sbyong go'u ta ma/ lhod pa/ mang du za ba/ spong ba las nyams pa 'di 'ong ste zhes bya ba na/ ji ste 'dod na 'dug shig ce bya ba'i bar du thams cad snga ma bzhin te/ de snyam du ma bsams sam/ dge slong dag de skad ces ma zer cig ces bka' stsal pa dang / de dag la mu steg can gyi rtags dang / mu stegs can gyis rgyal mtshan gang ci yod pa de thams cad skad cig de nyid la med par gyur ro/ / chos gos gsum dang lhung bzed dang ldan par gyur cing / sgra yang bregs par gyur te/ 'di lta ste dper na/ dge slong bsnyen/
- 292b
par rdzogs nas lo brgya lon pa'i spyod lam dang 'dra bar gyur to// de nyid kyis de dag rab tu byung zhing bsnyen par rdzogs te/ dge slong gi dngos por gyur to// dge slong dag de nas de'i tshe/ dge slong lnga pos de bzhin gshegs ba'i zhabs la gtugs te/ nyes pa bshags nas/ de bzhin gshegs pa la ston pa'i 'du shes dang / phangs par bsam pa dang / dad pa dang gus pa skyed do/ / gus pa bskyed nas kyang rdzing khebs par de bzhin gshegs pa'i sku bsil zhing yongs su sbyang ba'i las byed do// dge slong dag de bzhin gshegs pa sku bsil te// byung nas 'di snyam du dgongs te/ sngon gyi yang dag par rdzogs pa'i sangs rgyas rnams gang du bzhugs nas chos kyi 'khor lo bskor snyam pa dang / dge slong dag sa phyogs gang du sngon gyi de bzhin gshegs pa rnams kyis chos kyi 'khor lo bskor bar gyur pa'i sa phyogs der rin po che sna bdun gyi khri stong byung bar gyur to/ / de nas de bzhin gshegs pas sngon gyi de bzhin gshegs pa rnams la gus par mdzad pa'i phyir/ khri gsum la bskor ba mdzad nas/ seng ge ltar bag tsha ba mi mnga' bar khri bzhi pa la skyil mo krung bcas te bzhugs so// dge slong lnga bos kyang de bzhin gshegs pa'i zhabs la mgo bos phyag 'tshal te/ de bzhin gshegs pa'i spyan sngar 'khod do// dge slong dag de nas de'i tshe de bzhin gshegs pas sku las rnam pa
- 293a
'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur nas/ snang ba des 'jig rten gyi khams kyi bar sdig pa sdig pas khyab pa/ mun pa mun nag tu gyur pa/ gang du nyi ma dang zla ba 'di ltar rdzu 'phrul che ba/ 'di ltar dbang che ba grags pa 'di gnyis kyi 'od dang / kha dog gis kha dog dang gzi brjid kyis gzi brjid lam mer ma gyur pa/ lhang nger ma gyur pa gang yin pa der/ sems can gang dag skyes pa/ rang rang gi lag pa brkyang ba yang mi mthong ba der yang / de'i tshe snang ba chen po rgya cher byung bar gyur to/ / der sems can gang dag skyes pa de dag kyang snang ba des gsal bar gyur ma thag tu gcig gis gcig mthong zhing / gcig gis gcig shes te/ 'di skad ces kyi sems can gzhan dag kyang 'dir skyes so/ / kye sems can gzhan dag kyang 'dir skyes so zhes 'dzer to// stong gsum gyi stong chen po'i 'jig rten gyi khams 'di yang rnam pa drug dang ltas chen po bco brgyang du g.yos/ rab tu g.yos/ kun tu rab tu g.yos so// 'gul rab tu 'gul/ kun tu rab tu 'gul to// ldeg rab tu ldeg/ kun tu rab tu ldeg go// 'khrugs rab tu 'khrugs/ kun tu rab tu 'khrugs so// bur bur/ rab tu 'ur 'ur/ kun tu rab tu 'ur 'ur ro// chem chem/ rab tu chem chem/ kun tu rab tu chem chem mo// mtha' dam
- 293b
na dbus mtho bar gyur to/ / dbus dma' na mtha' mtho bar gyur to// shar phyogs dma' na nub phyogs mtho bar gyur to// nub phyogs dma' na shar phyogs mtho bar gyur to// byang phyogs dma' na lho phyogs mtho bar gyur to/ / lho phyogs dma' na byang phyogs mtho bar gyur to// de'i tshe dga' bar 'gyur ba dang / tshim par 'gyur ba dang / mgu bar 'gyur ba dang / dang bar 'gyur ba dag/ brtag par bya ba dang / rab tu sim par 'gyur ba dang / bsngags par bya ba dang / bsngags par bya zla med pa dang / ngoms par mi 'gyur ba dang mi mthun pa med pa dang / skrag par mi 'gyur ba'i sgra dag kyang grags ste/ skad cig de la sems can gang la yang rnam par 'tshe ba 'am/ 'jigs pa'am/ sngangs pa'am/ bag tsha ba med par gyur to// skad cig de la nyi ma dang / zla ba dang / brgya byin dang / tshangs pa dang / 'jig rten skyong ba rnams kyi 'od kyang mi snang ngo // sems can dmyal ba pa dang / dud 'gro'i skye gnas dang / gshin rje'i 'jig rten du skyes pa'i sems can thams cad kyang skad cig de la sdug bsngal rnams dang bral zhing / / bde ba thams cad dang ldan par gyur to// sems can gang la yang 'dod chags dang / zhe sdang dang / gti mug dang / phrag dog dang / ser sna dang / nga rgyal dang / 'chab pa dang / rgyags pa dang / khro ba dang / gnod sems dang / yongs su gdung ba'i gnod pa med de/ skad cig de la sems can thams cad gcig la
- 294a
gcig byams pa'i sems dang / phan pa'i sems dang / pha ma tsam du 'du shes par gyur to// 'od kyi bkod pa de las tshigs su bcad pa 'di dag kyang byung ngo // dga' ldan ris nas shi 'phos gang / / yum gyi lhums su zhugs par gyur// lum bi ni yi tshal bltams nas// bde ba sogs pa'i khyo nyis blangs// gang zhig seng ge'i rtsal stobs kyis// ma rmongs gom pa bdun bor nas/ / nga ni 'jig rten gtso bo zhes// tshangs pa'i dbyangs kyi gsung phyung ngo // sems can kun la phan pa'i phyir// gling bzhi bdang ste rab tu byung // dka' thub dka' babaspyad nas ni/ / sa yi snying po ga lar gshegs// dpung dang bcas pa'i bdud bcom nas// 'jig rten phan phyir byang chub brnyes// wA ra NA ser gshegs nas ni// chos kyi 'khor la bskor bar mdzad/ / de la tshangs pa lhar bcas pas// mnyam pa'i 'khor lo bskor ces bskul// 'jig rten thugs rje bskyed nas su// thub pa yis ni gnang ba mdzad// de ni thugs dang brtan pa ste/ / wA ra NA se'i ri dgas nags// gshegs te 'khor lo bla med pa// shin tu rmad byung dpal ldan bskor// rgyal bas bskal pa khrag khrig bsgrubs// chos de nyan par gang 'dod pa/ / de ni rings par la gor du// chos mnyan pa yis phyir shog shig/ mi dang sangs rgyas byung rnyed dka'// dad pa'ang shin tu rnyed par dka'// mi khom brgyad spangs rnyed par dka'//
- 294b
chos nyan pa ni gtso bo yin// sangs rgyas 'byung dang dal ba dang // de dag thams cad de rnyed kyis// bag med ma lus rnam par spong // gal te bskal pa khrag khrig tu// chos thos ma 'gyur srid pa de/ / khyed kyis de ring rnyed zin gyis// bag med ma lus rnam par spongs// 'dren pa bdud rtsi 'khor lo ni// bskor ba mdzad kyis kun myur gshegs// sa bla'i lha tshogs tshangs pa'i bar/ / de dag rnams la de skad bskul// sgra chen gyis ni lha bskul nas// skad cig de la thams cad kyis// lha yi 'byor pa bor nas ni// de dag sangs rgyas gan du ga dge slong dag de ltar sa bla'i lha rnams kyis/ grong khyer wA ra NA ser drang srong lhung ba ri dgas kyi nags su chos kyi 'khor lo bskor ba'i phyir/ de bzhin gshegs pa'i 'khor gyi khyams chen po bkra ba/ blta na sdug pa yangs pa/ rgya che ba/ chu zheng du dpag tshad bdun brgya yod pa sprul te/ lha rnams kyis steng gi nam mkha'i dkyil du gdugs dang / rgyal mtshan dang / ba dan dang / bla res legs par brgyan par gyur to// 'dod pa na spyod pa dang / gzugs na spyod pa'i lha'i bu rnams kyis seng ge'i khri brgyad khri bzhi stong de bzhin gshegs pa la phul te/ bdag cag/ la thugs ba rtse bar dgongs shing / 'di la bzhugs nas do mod bcom ldan 'das kyis chos kyi 'khor lo bskor du gsol zhes gsol to// dge slong dag de nas de'i tshe/ shar dang / lho dang
- 295a
nub dang / byang dang / steng dang / 'og dang / phyogs bcu kun nas byang chub sems dpa' sngon gyi smon lam dang ldan pa bye ba phrag mang po lhags te/ de bzhin gshegs pa'i zhabs la gtugs nas/ chos kyi 'khor lo bskor bar bskul to// stong gsum gyi stong chen po'i 'jig rten gyi khams 'di na gang dag yod pa'i brgya byin dang / tshangs pa dang / 'jig rten skyong ba dang / de dag ma yin pa gzhan dbang che ba/ dbang che bar grags pa'i lha'i bu de dag thams cad kyang / de bzhin gshegs pa'i zhabs la mgo bos phyag 'tshal nas/ de bzhin gshes pa me skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang / bde ba'i slad du bcom ldan 'das chos kyi 'khor lo bskor du gsol/ / bde bar gshegs pa chos kyi 'khor lo bskor du gsol// bcom ldan 'das chos kyi mchod sbyin mdzad du gsol// chos kyi cher chen po dbab du gsol/ / chos kyi rgyal mtshan chen po bsgreng du gsol// chos kyi dung chen po bud du gsol// chos kyi rnga chen po brdung du gsol// zhes chos kyi 'khor lo bskor bar bskul to/ / de la 'di skad ces bya ste/ stong gsum 'di nas tshangs pa dbang po skyong ba mang po dag/ dod nas rgal ba'i zhabs la gzugs te tshig tu smras pa ni// nga ni gtso bo dam pa skye dgu'i sdug
- 295b
bsngal zab bya zhes/ / thub chen khyod kyis gsung brjod sngon gyi thugs dam dgongs par mdzod// thub khyod shing dbang drung du bzhugs nas sdeng bcas bdud btul te// byang chub dam pa zhi ba/ sangs rgyas nyon mongs sdong po bsgyel// bskal pa brgya nas dgongs pa ma lus rdzogs lags kyis// mgon ma mchis pa'i skye bo gzigs te 'khor lo mchog bskor gsol// bde bar gshegs pa'i 'od kyis zhing stong phrag brgya snang bar gyis/ / sangs rgyas sras po brgya phrag mang po rdzu 'phrul stobs kyis mchod// bde bar gshegs la mchod pa chen po rnam par mang bgyis nas// yang dag yon tan de bzhin gshegs bstod thugs rje can la bskul// thugs rje sprin dang shes rab glog dang lhag mthong rlung dang 'dra// bskal pa stong du 'gro ba thams cad mgon gnyer 'brug bsgra te/ yan lag brgyad kham char gyi rgyun gyis 'gro skom zhi bar mdzod// dbang po stobs dang bsam gtan rnam thar lo tog nags 'phel mdzod// bskal pa stong mang stong pa legs bslabs de bzhin nyid la bzhugs/ / chos las byung ba'i sman bsgrubs sems can rnams kyis spyod pa mkhyen// nyon mongs tshogs kyi nad brgyas gtses pa'i skye bo 'di dag la// rgyal ba sman pa 'khor lo dam pa bskor te thar mdzad gsol/ / khyod kyis ring nas pha rol phyin pa drug gi mdzod phel mdzad// mtshungs med mi g.yo gya nom chos kyi nor ni legs par bsags// skye dgu mgon med dbu
- 296a
kho 'dren med 'di dag kun gzigs nas/ / nor bdun bgo bsha' mdzad cing 'dren pa 'khor lo bskor bar gsol// rgyal ba byang chub btsal phyir nor 'bru dbyig dang gser rnams dang / / gos bzang me tog bdug pa byug pa phye ma dam pa dang // pho brang mchog dang btsun mo'i 'khor dang rgyal srid phangs pa'i sras// dgyes bzhin btang bas de sangs rgyas kyis 'khor lo mchog bskor gsol/ / de bzhin tshul khrims ma nyams ma 'dres bskal pa brgyar yang bsrungs// rtag tu bzod pa legs bsgoms khyod ni brtson 'grus ma zhum gyur// thub pa bsam gtan mchog dang mngon shes shes rab lhag mthong ldan/ / dgongs pa yongs rdzogs rims nad ma mchis 'khor lo mchog bskor gsol/ dge slong dag de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba zhes bya bas de'i tshe/ / chos kyi 'khor lo 'dzam bu'i chu bo gser las byas pa/ rin po che thams cad kyi spras pa/ rin po che thams cad kyis mdzes par byas pa/ rgyan sna tshogs kyis brgyan pa/ bkod pa rtsibs stong dang ldan pa/ 'od zer stong phrag dang ldan pa/ lte ba dang bcas pa/ mu khyud dang bcas pa/ dril bu g.yer ka dang bcas pa/ spos kyi lag ris dang bcas pa/ bum pa gang ba dang bcas pa/ g.yung drung 'khyil ba dang bcas pa/ bkra shis kyi brgyan pa dang bcas pa/ lha'i gos tshon sna tshogs su bcos pas mdzes par byas
- 296b
ba/ lha'i me tog dang / spos dang / phreng ba dang / byug pas byug pa/ rnam pa'i mchog thams cad dang ldan pa/ sngon gyi smon lam gyis mngon par bsgrubs pa/ byang chub sems dpa'i bas/ pas rnam par sbyong ba/ de bzhin gshegs pa la mchod pa'i 'os su gyur pa/ de bzhin gshegs pa thams cad kyis dgongs pa/ sangs rgyas thams cad kyi byin gyis brlabs kyis ma 'khrugs pa sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bzhes shing sngon yang skor ba/ chos kyi 'khor lo bskor ba'i phyir/ de bzhin gshegs pa la phul lo/ / phul nas kyang thal mo sbyar te tshigs su bcad pa 'di dag gis// de bzhin gshegs pa la mngon par bstod do// mi yi seng ge seng ge khyod ni sangs rgyas 'gyur ro zhes/ gang tshe mar me mdzad kyis sems can dge ba lung bstan pa// de tshe bdag gis smon lam rnam pa 'di 'dra 'di btab ste// rdzogs pa'i byang chub brnyes nas bdag gis chos bshad bskul zhes bgyis/ / phyogs bcu dag nas sems can dam pa gang dag 'dir lhags pa// de dag thams cad 'jug pas bgrang bar nus pa ma lags te// btud cing thal mo sbyar nas zhabs gnyis la ni gtugs nas su/ / chos kyi 'khor lo bskor phyir shAkya'i rigs la dgyes pa bskul// byang chub snying por lha rnams kyis ni bkod pa gang bgyis dang / rgyal ba'i
- 297a
sras po kun gyis bkod pa gang dag bgyis pa rnams/ / 'byor pa de kun chos kyi 'khor lo bskor phyir 'dir bshams te// bskul ba yongs su rdzogs par brjod kyang bas par 'gyur ma lags// stong gsum 'jig rten dag gi nam mkha' lha yi tshogs kyis bltams/ / dog sa'i steng yang lha min mi 'am ci dang mi yis bltams// yud tsam de la lud pa'i sgra yang grags par ma gyur te// thams cad rab tu dad pa'i yid kyis rgyal la mngon du lta/ dge slong dag de ltar de bzhin gshegs pa nam gyi cha stod kyi thun la ni cang mi gsung bas zad par mdzad do// nam gyi gung thun la ni yang dag par chags par 'gyur ba'i gtam gsung ngo // nam gyi cha smad kyi thun la ni lnga sde bzang po rnams la bos te 'di skad ces bka' stsal pa/ dge slong dag mtha' gnyis po 'di dag ni rab tu byung ba'i 'jug par bya ba ma yin pa ste/ gang 'dod pa rnams la bsod nams su sbyor ba/ dman pa spong ba'i la so so'i skye bo pa/ 'phags pa la mi mkho ba/ gnod pa dang ldan pa/ phyi ma la tshangs par spyod par mi 'gyur ba/ yid byung bar mi 'gyur ba/ 'dod chags dang bral bar mi 'gyur ba/ 'gog par mi 'gyur ba/ mngon par shes par mi 'gyur ba/ rdzog pa'i byang chub tu mi 'gyur ba/ mya ngan las 'dab par mi 'gyur ba dang / gang yang dbu ma'i laM la ma yin pa/ lus ngal bar sbyor ba/ sdug bsngal ba/ gnod pa dang ldan pa/ tshe 'di la yang sdug bsngal la/ phyi ma la yang sdug bsngal rnam par smin pa ste/ dge slong dag mtha' gaN+DI po 'di dag spangs nas/ dbu ma'i lam nyid kyis de bzhin gshegs pa chos ston to// 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang
- 297b
yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// dge slong dag bzhi po 'di dag ni 'phags pa'i bden pa dag ste/ bzhi gang zhe na/ sdug bsngal ba dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam mo// de la sdug bsngal gang zhe na/ skye ba'i sdug bsngal dang / rga ba dang / nab dang / 'chi ba dang / mi sdug pa dang phrad pa dang / sdug pa dang bral ba'i sdug bsngal dang / gang yang 'dod pa btsal te ma rnyed pa de yang sdug bsngal lo// mdor na nye bar len pa'i phung po lnga po dag ni sdug bsngal te/ 'di ni sdug bsngal zhes bya'o/ / de la sdug bsngal kun 'byung ba gang zhe na/ gang 'di yang 'byung ba'i sred pa dang / dga' ba'i 'dod chags dang ldan pa dang / de dang der mngon par dga' ba ste/ 'di ni sdug bsngal kun 'byung/ ba zhes bya'o// de la sdug bsngal 'gog pa gang zhe na/ gang yang 'byung ba'i sred pa dang / dga' ba'i 'dod chags dang ldan pa dang / de dang der mngon par dga' ba dang / skyed pa dang / sgrub pa 'di nyid la 'dod chags ma lus ba dang bral ba 'gog pa 'di ni sdug bsngal 'gog pa'o/ / de la sdug bsngal 'gog par 'gro ba'i lam gang zhe na/ 'phags pa'i lam yan lag brgyad pa 'di lta ste/ yang dag pa'i lta ba nas/ yang dag pa'i ting nge 'dzin gyi bar du ste/ 'di ni sdug bsngal 'gog par 'gro ba'i lam 'phags pa'i bden pa zhes bya'o// dge slong dag bzhi po 'di dag ni 'phags pa'i bden pa dag ces bya'o// dge slong dag ngas sngon ma thos pa'i chos rnams la 'dum
- 298a
sdug bsngal lo zhes tshul bzhin yid la byas shing mang du byas pas/ ye shes skyes/ mig skyes/ rig pa skyes/ mang po shes pa skyes/ yid gzhungs pa skyes/ shes rab skyes so// snang ba byung ngo/ / dge slong dag ngas sngon ma thos pa'i chos rnams la 'di ni sdug bsngal kun 'byung ba'o zhes tshul bzhin yid la byas shing mang du byas pas/ ye shes skyes/ mig skyes/ rig pa skyes/ mang po shes pa skyes yid gzhungs pa skyes/ shes rab skyes so// snang ba byung ngo // dge slong dag ngas sngon ma thos pa'i chos rnams la 'di ni sdug bsngal 'gog pa'o zhes tshul bzhin yid la byas shing mang du byas pas/ ye shes skyes/ mig skyes/ rig pa skyes/ mang po shes pa skyes/ yid gzhungs pa skyes/ shes rab skyes so// snang ba byung ngo // dge slong dag ngas sngon ma thos pa'i chos rnams la 'di ni sdug bsngal 'gog par 'gro ba'i lam mo zhes bya ba nas/ sdang ba byung ngo // zhes bya ba'i bar du snga ma bzhin du sbyar ro// dge slong dag sdug bsngal yongs su shes par bya'o zhes bya ba nas/ snang ba byung ngo zhes bya ba'i bar du snga ma bzhin du sbyar ro/ / dge slong dag ngas sngon ma thos pa'i chos rnams la sdug bsngal kun 'byung ba 'di spang bar bya'o zhes bya ba nas/ snang ba'i bar du thams cad snga ma bzhin no// dge slong dag sdug pa snga 'gog pa 'di du bya'o zhes bya ba nas snang ba'i bar du snga ma bzhin no/ / dge slong dag sdug bsngal 'gog par 'gro ba'i lam 'di bsgom par bya'o zhes bya ba nas/ snang ba zhes bya ba'i bar du snga ma bzhin no// dge slong dag ngas ljon
- 298b
ma thos pa'i chos rnams la sdug bsngal 'di yongs su shes so zhes bya ba nas de bzhin du sbya ro/ / dge slong dag ngas sngon ma thos pa'i chos rnams la sdug bsngal kun 'byung ba 'di spangaso zhes bya ba nas de bzhin du sbyar ro// dge slong dag ngas sngon ma thos pa'i chos rnam la sdug bsngal 'gog pa 'di mngon du byaso zhes bya ba nas de bzhin du sbyararo/ / dge slong dag ngas sngon ma thos pa'i chos rnams la sdug bsngal 'gog par 'gro ba'i lam 'di bsgom so zhes tshul bzhir yid la byas shing mang du byas pas/ ye shes skyes/ mig skyes/ rig pa skyes/ mang po shes pa skyes/ yid gzhungs pa skyes/ shes rab skyeso// snang ba byung ngo // dge slong dag de ltar ngas 'phag pa'i bden pa bzhi po 'di dag la/ 'di ltar tshul bzhin yid la byed pa na/ ji srid du lan gsum du bzlas te/ rnam pa bcu gnyis su bskor ba'i ye shes mthong ba ma skyes pa de srid du dge slong dag bdag bla na med pa yang dag par rdzogs pa'i byang chub mngon par rdzogs par sangs rgyas so// zhes khas ma 'ches te/ nga la ye shes mthong ba ma skyes so// dge slong dag gang tshun chad ngas 'phags pa'i bden pa bzhi po 'di dag la de ltar lan gsum du bzlas te/ rnam pa bcu gnyis su bskor ba'i ye shes mthong ba skyes nas ngas sems rnam par grol ba dang / shes rab rnam par grol ba mi 'khrugs pa mngon byas pa de tshun chad dge slong dag ngas bla na med pa yang dag par rdzogs pa'i byang chub mngon par rdzog par sangs rgyaso zhe khas bache / / nga'i ye shwe mthong ba yang skyeso// nga'i skye ba zado// tshang par spyad pa bsnyed to// bya ba byaso// 'di las srid pa gzhan mi she so// de la 'di skad ces bya ste/ de ni tshad dpyang mi 'am ci yi skad kyi gsung // yan lag khrag khrig stong phrag bskal pa bya
- 299a
/ / mang du// rtag tu bden pa shin tu bsgoms pas rang byungs shAkya thub pas ko'u di rgyal bka' stsal pa/ mig dang rna ba sna ni mi rtag mi brtan te/ lce dang lus rang yid kyang sdug bsngal bdag med stong sa bems po rang bzhin rtsa dang rtsig pa ltar mi g.yo/ / 'di la bdag med ming dang srog kyang yod ma yin// chos 'di thams cad rgyu la brten nas byung ba ste// mtha' dang mtha' med lta dang bral zhing nam mkha' 'dra/ / byed po med de de bzhin tshor ba po yang med// dge dang mi dge byas pa'i las ni chud mi za// phung po rnams la rten nas 'di ltar sdug bsngal 'byung // sred pa'i chu yis rnam par 'phel nas 'byung bar 'gyur/ / lam gyis chos rnams mnyam pa nyid du rnam mthong nas// shin tu zad cing byang ba'i chos nyid kyis ni 'gags// kun rtog rtog pas bskyed pa'i tshul bzhin ma yin pas// ma rig 'byung ste 'di las 'byung byed gang yang med// 'du byed rgyu yang 'byin te 'pho ba yod ma yin// 'pho ba 'gyur la brten te rnam par shes pa 'byung // rnam par shes las de ltar ming dang gzugs kyang 'byung/ ming dang gzugs las dbang po drug ni yang dag 'byung // dbang po de dag 'dus pa la ni rig ces brjod// reg pa las ni tshor ba rnam gsum 'byung bar 'gyur// cung zad tshor ba gang yin de kun sred par bshad/ / srid pa las ni sdug bsngal phung po thams cad 'byung // nye bar len pa las ni srid pa thams cad 'byung // srid pa'i rkyen gyis de yi skye ba 'byung bar 'gyur/ skye ba'i gzhi las rga dang na dang
- 299b
sdug bsngal 'gyur/ / srid pa'i dra ba 'di ni skye ba'i rnam pa mang // de ltar 'gro ba 'di rnams thams cad rkyen byung nyid// bdag gam gang zag 'pho ba po yang mang // gang mjog dang rnam rtog med de tshul bzhin brjod/ / tshul bzhin gang na yod der ma rig gang yang med// gang na ma rig pa ni 'gags pa gyur de na// srid pa'i yan lag kun zad byang zhing zad nas 'gags// de lta rkyen 'di de bzhin gshegs pas thugs su chud/ / des nang byung byang chub nyid bdag la lung ston to// rgyu rnams rtogs par sangs rgyas yin pa ma rtogs par// phung po skye mched khams rnam sangs rgyas yin mi smra/ / 'di la pha rol mu stegs can rten gnas med de// chos sbyor 'di 'dra 'di la rab tu rtsod pa stong // yang dag mngon sangs rgyas las sprad cingar ba dag pa// sems can de dag chos 'di shes pa'i skal ba yod/ / de ltar rnam pa bcu gnyis kyis// chos kyi 'khor lo rab bskor ba/ ko'u 'di rgyas ni kum shes te// dkon mchog gsum ni mngon tu grub sangs rgyas chos dang dge 'dun ni/ / de dag dkon mchog gsum yin te// tshangs pa'i grong khyer gnas kyi bar// gcig nas gcig tu sgra song ba// 'jig rten mgon po skyob pa yis// rdul med 'khor lo rab tu bskor/ / gang dag 'jig rten rab dkon pa// dkon mchog gsum ni byung bar gyur// ko'u 'di rgya la sogs pa dag/ dge slong dag ni lnga po dang // 'jig rten mtshan
- 300a
po skyob pa yis/ / rdul med 'khor lo rab tu bskor// lha mi bye ba drug cu rnams// chos kyi mig ni rnam par sbyangs// chos kyi 'khor lo bskor ba na// gzugs kyi khams ni 'khod pa'i lha/ / gzhan yang bye ba brgyad cu po// de dag mig ni rnam par sbyangs// brgyad khri bzhi stong mi yi rnams// gang dag lhags pa de dag kyang // mig ni rnam par sbyangs gyur te/ / thams cad ngan par 'gro las grol// skad cig de la phyogs bcu mtha' yas par ni sangs rgyas gsung song ste// stobs bcu shAkya'i khyu mchog 'di ni drang srong lhung bar gshegs nas su/ / wA ra NA ser chos kyi 'khor lo dam pa gzhan min bskor to zhes// gsung snyan yid du 'ong zhing dge ba bar snang kun tu grags par 'gyur// phyogs bcu dag na sangs rgyas gang dag ji snyed thams cad mi gsung gyur/ / thub pa de dag rnams kyi rim gro pa dag kun gyis rgyal ba la// sgra gsan nas ni ci slad stobs bcus chos kyi bka' mching rgyun kyang bkum// ci yi slad du mi gsung gzhugs par gyur pa myur du legs par gsungs// sngon gyi srid pa brgyar ni brtsom 'grus stobs kyis byang chub bsgrubs nas su// byang chub sems dpa' brgya stong phrag mang rnams kyang phyir ni bsnyil ba mdzad/ / des na phan pa mdzad pas shin tu sbyangs pas byang chub shis pa brnyes// 'khor lo gsum du bskor ba rab tu bskor bas des ni mi gsung gyur//
- 300b
thub pa de dag rnams kyi gsung 'di thos nas sems can bye ba brgya// byams pa'i stobs bskyed nas ni byang chub dam pa shis par yang dag zhugs// bdag cag rnams kyang thub pa re/ las brtson 'grus thugs 'phags rjes bslabs te// 'jig rten la ni 'jig rten mchog gis chos mig sbyin par myur gyur cig/ de nas bcom ldan 'das la byang chub sems dpa' sems dpa' chen po byams pas 'di skad ces gsol to/ / bcom ldan 'das phyogs bcu'i 'jig rten gyi khams nas 'dus pa'i byang chub sems dpa' sems dpa' chen po 'di dag ni/ bcom ldan 'das las chos kyi 'khor lo bskor ba'i rnam par 'phrul pa'i phyogs nyan par 'tshal ba lags na/ de'i slad du bcom ldan 'das de bzhin gshegs pas chos kyi 'khor lo rnam pa ji lta bu zhig bskor ba/ de bzhin gshegs pa dgra bcom pa yang dag par rdzogs pa'i sangs rgyas kyis legs par bshad du gsol// bcom ldan 'das kyis bka' stsal pa/ byams pa chos kyi 'khor lo do ni gting mi dmigs pa'i phyir zab pa'o// 'khor lo de ni gnyis dang bral ba'i phyir mthong bar dka' ba'o// 'khor lo de ni yid la byed pas yid la bya ba ma yin pa'i phyir khong du chud par dka' ba'o/ / 'khor lo do ni ye shes dang rnam par shes pa mnyam pa nyid du rtogs pa'i phyir rnam par shes dka' ba'o// 'khor lo ngo ni sgrib
- 301a
pa med pa'i rnam par thar pas thos pa'i phyir rnyog pa med pa'o/ / 'khor long ni dpe bzhag pa dang bral ba'i phyir phra ba'o// 'khor lo de ni rdo rje lta bu'i ye shes kyis thob pa'i phyir snying po'o/ / 'khor lo do ni sngon gyi mthar ma byung ba'i phyir mi phyed pa'o// 'khor lo do ni spros pa'i skyon thams cad dang bral ba'i phyir spros pa med pa'o// 'khor lo de ni shin tu mtha' thug pa'i phyir mi 'khrugs pa'o/ / 'khor lo de ni nam mkha' dang mtshungs pa'i phyir thams cad kyi rjes su song ba'o// byams pa chos kyi 'khor lo de ni chos thams cad kyi rang bzhin dang ngo bo nyid kun tu bstan pa 'jig pa'i 'khor lo'o/ / stong pa nyid kyi 'khor lo'o// mtshan ma med pa'i 'khor skye ba med pa dang / 'gag pa med pa dang / 'byung ba med pa'i 'khor lo'o/ / kun gzhi med pa'i 'khor lo'o// rtog pa dang rnam par rtog pa med pa'i chos kyi tshul la rtog pa'i 'khor lo'o// stong pa nyid kyi 'khor lo'o// mtshan ma med pa'i 'khor lo'o// smon pa med pa'i 'khor lo'o// mngon par 'du bya ba med pa'i 'khor lo'o// dben pa'i 'khor lo'o// 'dod chags dang bral ba'i 'khor lo'o// 'gog pa'i 'khor lo'o// de bzhin gshegs pas thugs su chud pa'i 'khor lo'o/ / chos kyi dbyings 'dres pa med pa'i 'khor lo'o// yang dag pa'i mtha' rnam par mi 'khrugs pa'i 'khor lo'o// chags pa med cing sgrib pa med pa'i
- 301b
'khor lo'o/ / rten pa la 'jug cing gnyis su lta ba las yang dag par 'da' ba'i 'khor lo'o// chos kyi dbyings mtha' dang dpung med par rnam par mi 'khrugs pa'i 'khor lo'o// sangs rgyas kyi mdzad pa lhun gyis grub par rgyud mi gcod pa'i 'khor lo'o/ / 'jug pa med cing mngon par 'grub pa med pa'i 'khor lo'o// shin tu dmigs su med pa'i 'khor lo'o// blang ba med pa dang / dor ba med pa'i 'khor lo'o// brjod du med pa'i 'khor lo'o// rang bzhin gyis ji lta ba bzhin gyi 'khor lo'o// yul gcig la chos thams cad mnyam pa nyid du 'jug pa'i 'khor lo'o// sems can 'dul ba'i phyir khyad par byin gyis brlob cing ldog pa med pa'i 'khor lo'o/ / gnyis su med cing sgro btags pa med pa don dam pa'i tshul la 'jug pa'i 'khor lo'o// chos kyi dbyings su yang dag par 'du ba'i 'khor lo'o/ / 'khor lo do ni tshad thams cad las shin tu 'das pas dpag tu med pa'o// 'khor lo de ni grangs thams cad dang bral bas grangs med pa'o// 'khor lo de ni sems kyi lam las yang dag par 'das pas bsam gyis mi khyab pa'o/ / 'khor lo de ni gzhan pa dang bral bas mtshungs pa med pa'o// 'khor lo do ni sgra skad kyi tshig gi lam thams cad dang bral bas brjod du med pa ste/ tshad med pa/ dang med pa/ dpe dang bral ba/ nam mkha' dang mtshungs shing 'dra ba/ chad pa med pa/ rtag pa med pa/ rten pa la 'jug pa dang mi 'gal ba/ zhi ba shin tu nye bar
- 302a
zhi ba/ de kho na/ de bzhin nyid/ ma nor ba de bzhin nyid/ gzhan ma yin pa/ gzhan du mi 'gyur ba/ sems can thams cad kyi sgrar brjod pa/ bdud rnams tshar gcod pa/ mu stegs can rnams pham par byed pa/ 'khor ba'i yul las shin tu 'da' ba/ sangs rgyas kyi yul la 'jug pa/ 'phags pa'i gang zag rnams kyis yongs su shes pa/ rang sangs rgyas rnams kyis rtogs pa/ byang chub sems dpa' rnams kyis yongs su bzung ba/ de bzhin gshegs pa thams cad dang dbyer med pa'o// // 'phags pa rgya cher rol pa zhes bya ba theg pa chen po'i mdo/ / bam po bco brgyad pa ste tha ma'o// byams pa de bzhin gshegs pas chos kyi 'khor lo rnam pa 'di lta bu bskor te/ de bskor bas de bzhin gshegs pa la de bzhin gshegs pa zhes bya'o/ / yang dag par rdzogs pa'i sangs rgyas zhes bya'o// rang byung zhes bya'o// chos kyi rje zhes bya'o// 'dren pa zhes bya'o// rnam par 'dren pa zhes bya'o/ / yongs su 'dren pa zhes bya'o// ded dpon zhes bya'o// chos thams cad la dbang bsgyur ba zhes bya'o// chos kyi dbang phyug ces bya'o// chos kyi 'khor lo bskor ba zhes bya'o// chos kyi sbyin bdag ces bya'o// mchod sbyin rje zhes bya'o// mchod sprin legs par mdzad pa zhes bya'o// brtul zhugs grub pa zhes bya'o// dgongs pa rdzogs pa zhes bya'o// 'chad pa po zhes
- 302b
bya'o/ / dbugs 'byin pa zhes bya'o// bde ba mdzad pa zhes bya'o// dbab bo zhes bya'o// nyon mongs spangs pa zhes bya'o// g.yul las rnam par rgyal ba zhes bya'o// gdug sa dang / rgyal mtshan dang / / ba dan bsgreng ba zhes bya'o// snang ba mdzad pa zhes bya'o// 'od mdzad pa zhes bya'o// mun pa sel ba zhes bya'o// sgron ma 'dzin pa zhes bya'o// sman pa'i rgyal po zhes bya'o// yang dag pa'i gso ba mdzad pa zhes bya'o/ / zug rngu'abyin pa chen po zhes bya'o// ye shes gzigs pa rab rib mi mnga' ba zhes bya'o// kun tu gzigs pa zhes bya'o// kum tu rnam par gzigs pa zhes/ bya'o/ kun nas spun zhes bya'o// kun nas 'od ces bya'o// kun tu snang ba zhes bya'o// kun nas sgo zhes bya'o// kun tu bzang po zhes bya'o// kun tu mdzes pa zhes bya'o// gnas pa med la blang ba med cing dor ba med pa zhes bya'o/ / mtho bar sems pa dang / dma' bar sems par med pa'i phyir sa dang mtshungs pa zhes bya'o// rab tu mi g.yos pa'i phyir/ ri'i dbang po dang 'dra pa zhes bya'o/ / yon tan thams cad dang ldan pa'i phyir 'jig rten thams cad kyi dpal zhes bya'o// 'jig rten thams cad las mngon par 'phags pa'i phyir spyi gtsug ltar mi mthong ba zhes bya'o// zab cing gting dpag dka' ba'i phyir rgya mtsho dang mtshungs pa zhes bya'o// byang chub kyi phyogs kyi chos rin po che thams cad rdzogs pa'i phyir chos rin po che'i 'byung gnas zhes bya'o// gnas pa
- 303a
med pa'i phyir rlung dang mtshungs pa zhes bya'o/ / chags pa med cing bcings pa med la/ grol ba med pa'i sems dang ldan pa'i phyir blo chags pa med pa zhes bya'o// chos thams cad nges par rtogs pa'i phyir phyir mi ldog pa'i chos shes bya'o/ / bsnyen par dka' zhing rlom sems thams cad spangs te/ nyon mongs pa thams cad sreg par gnas pa'i phyir ma dang mtshungs pa zhes bya'o/ / kun tu rtog pa rnyog pa med cing sku dang thugs dri ma med la sdig pa bsal ba'i phyir chu dang mtshungs pa zhes bya'o// ye shes yul la chags pa med pa dang / chos kyi dbyings mtha' dang dbus med pa'i spyod yul gyi ye shes dang / mngon par shes pa brnyes pa'i phyir nam mkha' dang mtshungs pa zhes bya'o// sgrib pa'i chos thams cad shin tu spangs pa'i phyir sgribs pa med pa'i ye shes dang rnam par thar pa la gnas pa zhes bya'o/ / nam mkha' dang mtshungs par mig gi lam las yang dag par 'das pa'i phyir chos kyi dbyings thams cad du song ba'i sku dang ldan pa zhes bya'o/ 'jig rten gyi yul thams cad kyi nyon mongs pa med pa'i phyir sems can gyi mchog ces bya'o// sems can chags pa med pa zhes bya'o// blo tshad med pa zhes bya'o// 'jig rten las 'das pa'i chos ston pa zhes bya'o/ / 'jig rten gyi mchod rten zhes bya'o// 'jig rten na mngon par 'phags pa zhes bya'o// 'jig rten gyi chos kyis mi gos pa zhes bya'o// 'jig
- 303b
rten gyi mgon pa zhes bya'o/ / 'jig rten gyi gtso bo zhes bya'o// 'jig rten gyi phu la zhes bya'o// 'jig rten gyi dbang phyug ces bya'o// 'jig rten gyi mchod pa zhes bya'o// 'jig rten dpung gnyen zhes bya'o/ / 'jig rten gyi pha rol tu byon pa zhes bya'o// 'jig rten gyi sgron ma zhes bya'o// 'jig rten las 'das pa zhes bya'o// 'jig rten gyi bla ma zhes bya'o// 'jig rten gyi don mdzad pa zhes bya'o/ / 'jig rten dang mthun par mdzad pa zhes bya'o// 'jig rten mkhyen pa zhes bya'o// 'jig rten gyi bdag po brnyes pa zhes bya'o// sbyin gnas chen po zhes bya'o// / mchod pa'i 'os zhes bya'o// bsod nams kyi zhing chen po zhes bya'o// sems can chen po zhes bya'o// sems can dam pa zhes bya'o// sems can mchog ces bya'o// sems can rab mchog ces bya'o/ / sems can bla ma zhes bya'o// sems can gong na med pa zhes bya'o// sems can mnyam pa med pa zhes bya'o// sems can 'dra ba med pa zhes bya'o// rtag tu mnyam bar bzhag par zhes bya'o/ / chos thams cad kyi mnyam pa nyid la gnas pa zhes bya'o// lam brnyes pa zhes bya'o// lam ston pa zhes bya'o// lam mtshon pa zhes bya'o// lam la shin tu gnas pa zhes bya'o/ / bdud kyi yul las yang dag par 'das pa zhes bya'o// bdud kyi dkyil 'khor 'joms par mdzad pa zhes bya'o// rga shi mi mnga' bas bsil ba'i dngos po brnyes pa
- 304a
zhes bya'o/ mun pa mun nag dang bral ba zhes bya'o// the tsom dang bral ba zhes bya'o// dogs pa dang bral ba zhes bya'o// nyon mongs pa dang bral ba zhes bya'o// som nyi btul ba zhes bya'o/ / yid gnyis yang dag par bcom pa zhes bya'o// chags pa dang bral ba zhes bya'o// rnam par grol ba zhes bya'o// rnam par dag pa zhes bya'o// 'dod chags dang bral ba zhes bya'o/ / zhe sdang dang bral ba zhes bya'o// gti mug dang bral ba zhes bya'o// zag pa zad pa zhes bya'o// nyon mongs pa mi mnga' ba zhes bya'o// dbang dang ldan par gyur ba zhes bya'o/ / thugs shin tu rnam par grol ba zhes bya'o// shes rab shin tu rnam par grol ba zhes bya'o// cang mkhyen pa zhes bya'o// glang po chen po zhes bya'o// bya ba mdzad pa zhes bya'o/ / byed pa mdzad pa zhes bya'o// khur bor ba zhes bya'o// rang gi don rjes su brnyes pa zhes bya'o// srid par kun tu sbyor ba yongs su zad pa zhes bya'o// mnyam pa nyid kyi ye shes kyis rnam par grol ba zhes bya'o/ / sems kyi dbang dam pa thams cad kyi pha rol tu byon pa zhes bya'o// sbyin pa'i pha rol tu phyin pa zhes bya'o// tshul khrims kyis mngon par 'phags pa zhes bya'o/ / bzod pa'i pha rol tu byon pa zhes bya'o// brtson 'grus kyis mngon par 'phags pa zhes bya'o// bsam gtan dang mngon par shes pa brnyes pa zhes bya'o//
- 304b
shes rab kyi pha rol tu byon pa zhes bya'o// smon lam grub pa zhes bya'o// byams pa chen po la gnas pa zhes bya'o// snying rje chen po la gnas pa zhes bya'o// dga' ba chen po la gnas pa zhes bya'o/ / btang snyoms chen po la gnas pa zhes bya'o// sems can bsdu ba la brtson pa zhes bya'o// sgrib pa med pa'i so so yang dag par rig pa brnyes pa zhes bya'o// rton par gyur ba zhes bya'o/ / bsod nams chen po zhes bya'o// ye shes chen po dang ldan pa zhes bya'o// dran pa dang / blo gros dang / rtogs pa dang / blo phun sum tshogs pa zhes bya'o// dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lum dang / zhi gnas dang // lhag mthong gi snang ba brnyes pa zhes bya'o/ / 'khor ba'i rgya mtsho las rgal ba zhes bya'o// pha rol tu byon pa zhes bya'o// thang la byon pa zhes bya'o// bde ba brnyes pa zhes bya'o// mi bsnyengs pa brnyes pa zhes bya'o/ / nyon mongs pa'i tsher ma bkrugs pa zhes bya'o// skyes bu zhes bya'o// skyes bu chen po zhes bya'o// skyes bu seng ge zhes bya'o// 'jigs pa dang spu zing zhes byed pa mi mnga' ba zhes bya'o/ / glang po zhes bya'o// dri ma med pa zhes bya'o// dri ma gsum spangs pa zhes bya'o// rig pa po zhes bya'o// rig pa gsum brnyes pa zhes bya'o// chu bo bzhi las rgal ba
- 305a
zhes bya'o/ / rin po che'i gdugs 'dzin pa gcig pur gyur pa'i phyir rgyal rigs zhes bya'o// sdig pa'i chos spangs pa'i phyir bram ze zhes bya'o// ma rig pa'i sgo nga skabs bcom pa'i phyir dge slong zhes bya'o/ / chags pa thams cad las yang dag par 'das pa'i phyir dge sbyong zhes bya'o// nyon mongs pa gzigs pa'i phyir gtsang sbra can zhes bya'o// stobs dang ldan pa zhes bya'o// stobs bcu mnga' ba zhes bya'o// bcom ldan 'das zhes bya'o// sku bsgoms pa zhes bya'o// rgyal po'i yang rgyal po zhes bya'o// chos kyi rgyal po zhes bya'o/ chos kyi 'khor lo mchog dam pa bskor cing rjes su ston pa zhes bya'o// mi 'khrugs pa'i chos ston pa zhes bya'o// thams cad mkhyen pa'i ye shes kyi dbang bskur ba zhes bya'o// chags pa med pa'i ye shes chen po dri ma med cing rnam par grol ba'i go 'phang gi thabs brnyes pa zhes bya'o/ / byang chub kyi yan lag bdun gyi rin po che dang ldan pa zhes bya'o// chos rin po che thams cad kyi khyad par brnyes pa zhes bya'o/ / blon po 'phags pa'i nyan thos thams cad kyis zhal gyi dkyil 'khor du bltas pa zhes bya'o// sras byang chub sems dpa' sems dpa' chen po'i 'khor can zhes bya'o/ / gdul ba shin tu btul ba zhes bya'o// byang chub sems dpa' legs par lung bstan pa zhes bya'o// rnam thos kyi bu dang 'dra ba zhes bya'o// 'phags pa'i nor bdun
- 305b
gyi mdzod byin pa zhes bya'o/ / lhung bar gtong ba zhes bya'o// bde ba phun sum tshogs pa thams cad dang ldan pa zhes bya'o// re ba thams cad sbyin pa zhes bya'o// 'jig rten thams cad la phan pa dang / bde bas rjes su skyong ba zhes bya'o// dbang po dang mtshungs pa zhes bya'o// ye shes mchog gi rdo rje 'chang ba zhes bya'o// kun nas spyan zhes bya'o// chos thams cad la sgrib pa mi mnga' bar gzigs pa zhes bya'o/ / ye shes kyi kun tu rnam par 'phrul pa zhes bya'o// chos kyi gar gyi rgyud rje chen po ston pa la zhugs pa zhes bya'o// zla ba dang mtshungs pa zhes bya/ 'gro ba thams cad kyis blta bas mi ngom pa zhes bya'o// 'od rnam par dag cing kun tu yangs pa zhes bya'o// dga' ba dang mchog tu dga' bar mdzad pa'i 'od ces bya'o// sems can thams cad la mngon tu phyogs shing gzigs par snang ba zhes bya'o/ / 'gro ba thams cad kyi sem dang bsam pa'i snod ji lta ba bzhin du snang ba brnyes pa zhes bya'o// bkod pa chen po zhes bya'o// slob pa dang mi slob pa'i skar ma'i tshogs kyi 'khor can zhes bya'o// nyi ma'i dkyil 'khor dang mtshungs pa zhes bya'o// mun pa mun gnag bsal ba zhes bya'o// tog chen po dang ldan pa'i rgyal po zhes bya'o/ / 'od zer tshad med cing mtha' yas pa zhes bya'o// snang ba chen po kun tu ston pa zhes bya'o// dris pa thams cad lung bstan pa ston pa la rmongs pa mi mnga' ba zhes bya'o//
- 306a
ma rig pa'i mun pa chen po 'joms par mdzad pa zhes bya'o// ye shes kyi snang ba chen pos rnam par gzigs pa'i blo dang ldan pa zhes bya'o// rnam par mi rtog pa zhes bya'o/ / byams pa dang / snying brtse ba dang / snying rje chen pos 'gro ba thams cad la 'od zer mnyam par gtong zhing yul tshad med pa zhes bya'o// shes rab kyi pha rol tu phyin pa zab cing / rnyed par dka' la blta dka' ba'i dkyil 'khor can zhes bya'o// tshangs pa dang mtshungs pa zhes bya'o// rab tu zhi ba'i spyod las dang ldan pa zhes bya'o// spyod lam dang spyod pa'i khyad par thams cad dang ldan pa zhes bya'o/ / gzugs dam pa mnga' ba zhes bya'o// blta bas mi ngom pa zhes bya'o// dbang po zhi ba zhes bya'o// yid zhi ba zhes bya'o// zhi gnas kyi tshogs yongs su rdzogs pa zhes bya'o/ / zhi gnas dam pa brnyes pa zhes bya'o// dul ba dang zhi gnas mchog brnyes pa zhes bya'o// zhi gnas dang lhag mthong gi tshogs yongs su rdzogs pa zhes bya'o// sbas pa dang bo thul ba dang / glang po ltar shin tu dul ba dang / mtsho ltar rnyog pa med cing dang ba zhes bya'o// nyon mongs pa'i ngag chags kyi sgrib pa thams cad legs par spangs pa zhes bya'o// skyes bu chen po'i mtshan sum cu rtsa gnyis dang ldan pa zhes bya'o/ / skyes bu mchog ces bya'o// dpe byad bzang po brgyad cu'i 'khor sna tshogs kyi sku spras pa zhes bya'o// skyes bu khyu mchog ces bya'o//
- 306b
stobs bcu dang ldan pa zhes bya'o// mi 'jigs pa bzhi brnyes pa zhes bya'o// skyes bu 'dul ba'i kha lo sgyur ba bla na med pa zhes bya'o// ston pa zhes bya'o// sangs rgyas kyi chos ma 'dres pa bco brgyad yongs su rdzogs pa zhes bya'o/ / sku dang gsung dang thugs kyi 'phrin las kyi mtha' ma smad pa zhes bya'o// rnam pa thams cad kyi mchog dang ldan pa'i phyir shin tu yongs su sbyangs ba'i ye shes kyi dkyil 'khor mnga' ba zhes bya'o/ / rten cing 'brel bar 'byung ba mnyam pa nyid du mngon par thugs su chud pa'i phyir stong pa la gnas pa zhes bya'o// don dam pa'i bden pa'i tshul rab tu rtogs pa'i phyir mtshan ma med pa la gnas pa zhes bya'o/ / 'jug pa thams cad kyi mi gos pa'i phyir smon pa med pa gnas pa zhes bya'o// 'du byed thams cad kyi rgyun bcad pa'i phyir mngon par 'du mdzad pa mi mnga' ba zhes bya'o/ / yang dag pa'i mtha'i ye shes kyi yul rnam par mi 'khrugs pa'i phyir yang dag pa gsung ba zhes bya'o// de bzhin nyid dang / chos kyi dbyings dang / nam mkha'i mtshan nyid shes pa'i yul yin pa'i phyir ma nor ba de bzhin nyid dang / gzhan ma yin pa gsung ba zhes bya'o// chos thams cad sgyu ma dang / smig rgyu dang / rmi lam dang / chu zla dang zag cha dang / mig yor dang mtshungs par gnas pa'i phyir nyon mongs pa med pa'i chos shin tu rtogs pa zhes bya'o// yongs su mya ngan las 'das pa'i rgyu skyed pa'i phyir mthong ba dang / thos pa don
- 307a
yod pa zhes bya'o/ / sems can gdul btul ba'i rtsal dang ldan pa'i phyir gom pa 'dor ba don yod pa zhes bya'o// ma rig pa dang srid pa'i sred pa yang dag par bcad pa'o/ phyir 'obs las rgal ba zhes bya'o// nges par 'byin pa'i lam legs par bstan pa'i phyir zam pa btags pa zhes bya'o// bdud kyi yul dang / spyod pa thams cad kyis mi gos pa'i phyir bdud dang / nyon mongs pa'i phyir rgol ba las rgyal ba zhes bya'o// 'dod pa'i khams las yang dag par 'das pa'i phyir 'dod pa'i 'dam las rgal ba zhes bya'o// gzugs kyi khams las yang dag par 'das pa'i phyir nga rgyal gyi rgyal mtshan bsnyal ba zhes bya'o/ / gzugs med pa'i khams las yang dag par 'das pa'i phyir/ shes rab kyi rgyal mtshan bsgreng ba zhes bya'o// chos kyi sku dang / ye shes kyi sku dang ldan pa'i phyir/ 'jig rten gyi yul thams cad las yang dag par 'das pa zhes bya'o// yon tan rin po che'i ye shes kyi me tog mtha' yas pa shin tu rgyal shing rnam par grol ba'i 'bras bu shin tu phun sum tshogs pa'i phyir/ / sdong po chen po zhes bya'o// 'byung ba dang mthong ba rnyed par dka' ba'i phyir/ u dum wA ra'i me tog dang mtshungs pa zhes bya'o/ / tshul ji lta ba bzhin du nges par 'byung ba'i bsam pa shin tu yongs su rdzogs par mdzad pa'i phyir yid bzhin gyi nor bu rin po che'i rgyal po dang mtshungs pa zhes bya'o// yun ring ba
- 307b
nas gtong ba dang / tshul khrims dang / dka' thub dang / brtul zhugs dang / tshangs par spyod pa brtan por yang dag par blangs pas mi g.yo zhing mi bskyod pa'i phyir zhabs shin tu gnas pa zhes bya'o/ / yun ring po nas pha ma dang / dge sbyong dang / bram ze dang / bla ma dang / sbyin gonas rnams dang / chos dang ldan pa yongs su skyong ba dang / skyabs su lhags pa rnams yongs su mi gtong ba'i phyir zhabs kyi mthil bkra shing dang / g.yung drung 'khyil ba dang / 'khor lo rtsibs stong dang ldan pa sna tshogs kyi mtshan dang ldan pa zhes bya'o// yun ring po nas srog gcod pa spangs pa'i phyir zhabs rting pa yangs pa zhes bya'o/ / yun ring po nas sems can gzhan srog gcod pa spangs pa yang dag par 'dzin du bcug pa'i phyir// phyag gi sor mo ring ba zhes bya'o// yun ring po nas srog gcod pa spong ba'i yon tan gyi bsngags pa brjod pa mdzad pa dang / skye bo mang po'i skyabs mdzad pa'i phyir skra che zhing drang ba zhes bya'o// yun ring po nas pha ma dang / dge slong dang / bram ze dang / bla ma dang / sbyin gnas la bsnyen bkur dang / yongs su spang ba byed cing / bkru ba dang / byug pa dang / mar dang / 'bru mar gyis bskud cing lag dar te lus la spong ba byed pas yongs su mi skyo ba'i phyir phyag dang zhabs 'jam zhing gnyen pa zhes bya'o/ / bsdu ba'i dngos po bzhi pa sbyin pa dang / snyan par smra ba dang / don byed pa dang / don mthun pa'i dra bas
- 308a
sems can bsdu ba la mkhas par legs par bslabs pa'i phyir/ phyag dang zhabs dra bas 'brel pa zhes bya'o// yun ring po nas gong nas gong du dge ba'i rtsa ba shin tu khyad par du 'phags pa la lhag par dmigs pa'i phyir zhabs mtho ba zhes bya'o/ / yun ring po nas pha ma dang / dge sbyong dang / bram ze dang / bla ma dang / sbyin gnas dang / de bzhin gshegs pa'i mchod rten la bskor ba byed pa dang / lus kyi las dang / gus pas chos nyan cing spu zing zhes byed pa dang / sems can gzhan yang dag par dga' bar byed pa dang / chos ston pa la sbyor ba'i phyir/ yan lag gi spu gyen du g.yas su 'khyil bar mngon par grub pa zhes bya'o// yun ring po nas bsti stang du byas te/ chos nyan pa dang / 'dzin pa dang / klog pa dang shes par byed pa dang / don dang / tshig rnam par nges par rtog pa la mkhas pas rga ba dang / na ba dang / 'chi ba la mngon du phyogs pa'i sems can thams cad la skyabs su 'gro ba sbyin pa dang / bsti stang du byas te/ chos ston cing mi brnyes pa'i blo dang ldan pa'i phyir/ byin pa ri dgas e n+ya ya'i lta bu zhes bya'o// yun ring po nas dge sbyong dang / bram ze rnams dang de las gzhan pa tshangs pa mtshungs par spyod pa rnams la tshangs par spyod pa'i rjes su bzung ba'i yo byad thams cad sbyin pa dang / sgren mo rnams la gos sbyin pa dang / gzhan gyi chung
- 308b
ma la mi 'phyo ba dang / tshangs par spyod pa yon tan gyi bsngags pa brjod pa dang / ngo tsha shes pa dang / khrel yod pa rjes su bsrung ba brtan por yang dag par blangs pa'i phyir 'doms kyi sba ba sbubs su nub pa zhes bya'o/ / yun ring po nas lag pa dang / rkang pa sdom pa dang / sems can la mi 'tshe bar sbyor ba dang / lus kyi las dang / ngag gi las dang / yid kyi las byams pa dang ldan pa'i phyir/ phyag ring ba zhes bya'o// yun ring po nas zas kyi tshod shes pa dang / nyung ngu za ba dang / lto sngon pa dang / nad pa la sman byin pa dang / skye bo dman pa la mi brnyas pa dang / mgon med pa khyad du mi gsod pa dang / de bzhin gshegs pa'i mchod rten zhig pa 'chos pa dang / mchod rten rtsig pa dang / 'jigs pas nyen pa'i sems can rnams la mi 'jigs pa sbyin pa'i phyir shing n+ya gro d+ha ltar chu zheng gab pa zhes bya'o/ / yun ring po nas pha ma dang / bram ze dang / dge sbyong dang / bla ma dang / sprin gnas rnams la bkru ba dang / bsku ba dang / mar dang / 'bru mar gyis skud pa dang / grang ba'i dus na ni chu dron po dang / tsha ba'i dus na ni chu grang ba dang / bsil gri ba dang / dus kyi bde ba'i longs spyod sbyin pa dang / shing bal 'jam po ltar reg na bde zhing 'jam pa'i ras legs par bting ba'i mal cha sbyin pa dang / de bzhin gshegs pa'i mchod rten la spos kyi 'bru mar 'thor ba dang /
- 309a
dar khra mo'i rgyal mtshan dang / ba dan dang / srad bu phul ba'i phyir sku'i pags pa 'jam zhing mnyen la srab pa zhes bya'o// yun ring po nas sems can la khong khro ba med pa dang / byams pa sgom pa la sbyor ba dang / bzod pa dang nges pa la sems can gzhan dag 'dzud pa dang / khon du 'dzin pa med cing gnod sems med pa'i yon tan gyi bsngags pa brjod pa dag de bzhin gshegs pa'i mchod rten dang / de bzhin gshegs pa'i sku gzugs rnams la gser gyi rgyan dang / gser gyi me tog dang / gser gyi phye ma 'thor ba dang / gser gyi kha dog lta bu'i dar gyi ba dan dang / rgyal mtshan dang / rgyan dang / gser gyi snod dang / gser gyi kha dog lta bu'i gos phul ba'i phyir/ pags pa'i mdog gser gyi kha dog lta bu zhes bya'o// yu na ring po nas mkhas pa'i gan du 'gro zhing dge ba dang / mi dge ba gang yin zhes 'dri ba dang / kha na ma tho ba dang bcas pa dang / kha na ma tho ba med pa dang / bsten par bya ba dang / bsten par bya ba ma yin pa dang ngan pa dang / 'bring dang / gya nom pa'i chos yongs su 'dri ba dang / de'i don dpyad pa dang / yongs su 'jal ba la rmongs pa med pa dang / de bzhin gshegs pa'i mchod rten la srin bu ki ta dang / lu ta'i tshang dang / brgya dang / me tog rnying pa dang / rtswa sna tshogs dang / phyag dang yod pa sel bar sbyor ba'i phyir s+pha re re skyes pa zhes bya'o// yun ring po nas pha ma dang / bla ma dang / gtso bo dang / dam pa
- 309b
dang / mchod pa'i 'o sa dang / dge sbyong dang / bram ze dang / phongs pa dang / slong ba la sogs pa 'ongs pa dag la/ bsti stang du byas te/ bsam pa ji lta ba bzhin du zas dang / skom dang / mal cha dang / sman dang / gos dang / gnas dang / mar me dang / 'tsho ba'i yo byad rung ba sbyor ba dang / khron pa dang / rdzing chu bsil bas gang ba dag/ skye bo mang po'i longs spyod du sbyin pa'i phyir/ mdun mtho ba zhes bya'o// yun ring po nas pha ma dang / dge sbyong dang / bram ze dang / bla ma dang / sbyin gnas la 'dud pa dang / rab tu 'dud pa dang / gsong por smra ba dang / mi 'jigs pa sbyin pa dang / nyam chud pa la mi brnyas pa dang / skyabs su song yongs su mi gtong ba brtan por yang dag par blangs pa yongs su mi gtong ba'i phyir/ ro stod seng ge'i 'dra ba zhes bya'o// yun ring po nas rang gi nyes pa la yongs su 'jal ba dang / gzhan gyi 'khrul pa dang / gzhan gyi skyon la nyes par mi lta ba dang / rtsod pa'i rtsa ba dang / gzhan 'byed par byed pa'i brjod pa yongs su spang ba dang / gsang tshig legs par 'don pa dang / ngag gi las kyi mtha' legs par bsrungs pa'i phyir/ tha' gong rgyas pa zhes bya'o/ / yun ring po nas pha ma dang / dge sbyong dang / bram ze dang / bla ma dang / sbyin gnas rnams la ldang ba dang / bsu ba dang / gsong por smra ba dang / bstan bcos
- 310a
thams cad la 'jigs pa med pas/ rtsod par 'dod pa'i sems can tshar gcod pa dang // rang gi chos 'dul ba dang mthun par yang dag par 'jug pa dang / rgyal po dang / blon po la sogs pa dge ba'i las kyi lam la 'god pa dang / sgom du 'jug pa dang / de bzhin gshegs pa'i bstan pa yongs su 'dzin pa dang / kun tu 'dzin pa dang / dge ba'i spyod pa thams cad yang dag par 'dzin du 'jug pa'i sngon du 'gro ba'i phyir/ dpung mgo shin tu zlum pa zhes bya'o// yun ring po nas slong ba'i bsam pa ji lta ba bzhin du/ dngos po thams cocad yongs su gtong ba dang / snyan par smra ba dang / lhags pa rnams la yang mi brnyas shin spu gong bar mi byed pa dang / mi skyo ba dang / thams cad kyi bsam pa ji lta ba bzhin du yongs su rdzogs par bya ba'i phyir/ sbyin pa yongs su gtong ba/ brtan por yang dag pa'i blangs pa mi 'dor ba'i phyir/ 'gram pa seng ge'i 'dra ba zhes bya'o// yun ring po nas phra ma'i tshig yongs su spong ba dang / dbyen gyi gsang tshag mi 'dzin pa dang / 'dum par sdums byed 'dod pa dang / 'dum pa rnams dbye bar mi sems pa dang / phra ma'i tshig la smod pa dang / 'dum par sdum pa'i yon tan gyi bsngags par brjod par sbyor ba'i phyir/ tshems bzhi bcu mnyam pa zhes bya'o// yun ring po nas nag po'i phyogs yongs su spong ba dang / dkar po'i phyogs dge ba'i rtsa ba sogs pa dang / las gnag cing
- 310b
rnam par smin pa yang gnag pa yongs su spong ba dang / las dkar zhing rnam par smin pa yang dkar ba bsngags pa dang / 'o ma dang sbyar ba'i zas dang / gos dkar po sbyin pa dang / da bzhin gshegs pa'i mchod rten rnams la/ rdo thal 'o ma dang bsres pa par gyis skud pa dang / sna ma'i me tog su ma na dang / bar sha ka dang / d+ha nu ska ri'i phreng ba brgyus pa'i me tog gi chun po dang / me tog kha dog dkar po sbyin pa'i phyir/ tshems shin tu dkar ba zhes bya'o// yun ring po nas 'phya ba dang / 'thil pa rnam par spong ba dang / kun dga' bar byed pa dang / tshig srung ba dang / kun dga' bar byed pa'i tshig brjod pa dang / gzhan gyi 'khrul pa dang gzhan gyi skyon mi tshol ba dang / sems can thams cad la sems mthun par yang dag par 'dzin du 'jug pa dang / mnyam par sbyor ba dang / mnyam par chos ston pa brtan por yang dag par blangs pa yongs su mi 'dor ba'i phyir/ tshems thags bzang ba zhes bya'o// yun ring po nas sems can thams cad la rnam por mi 'tshe ba dang / rnam par 'tho mi 'tshams pa dang / nad sna tshogs kyis thebs pa la rim gro byed pa dang / nad pa la sman byin pa dang / 'dzin pa rnams ro bro ba thams cad sbyin pas yongs su mi skyo ba'i phyir/ ro bra ba mchog dang ldan pa zhes bya'o// yun ring po nas brdzun dang / tshig rtsub po dang / brlang po dang / g.yo dang /
- 311a
gzhan la gnod pa dang / gzhan 'khrug par byed pa dang / mi snyan pa dang / gzhan gyi 'tshang 'dru ba'i tshig yongs su spong ba dang / byams pa dang / snying rje la sbyor ba dang dga' ba dang / mchog tu dga' bar byed pa dang / 'jam pa dang / snyan pa dang / mnyen pa dang / snying du 'thar ba dang / sems can gyi dbang po tshim par byed pa dang / yang dag pa'i ngag la yang dag par sbyor ba'i phyir/ tshangs pa'i dbyangs lta bu zhes bya'o// yun ring po nas pha ma la bya ba dang 'dra bar sems can thams cad la khong khro ba med pa'i mig tu sbyor ba dang / bu gcig pa la bya/ ba bzhin du slong ba la byams pa dang / snying rje sngon du 'gro ba'i lta ba dang / spa gong bar mi byed pa dang / dang ba'i dbang pos de bzhin gshegs pa'i mchod rten la mig mi 'dzums par lta ba dang / sems can gzhan de bzhin gshegs pa la lta ba yang dag par 'dzin du 'jug pa brtan por yang dag par blang ba'i phyir/ spyan mthon ting du 'dug pa zhes bya'o// yun ring po nas blo gros dman pa dang / sems dman pa rnam par spong ba dang / rgya chen po dang / rlabs po che la mos pa yongs su rdzogs par byed pa dang / bla na med pa'i chos la mos pa'i sems can yang dag par 'dzud pa dang / khro gnye gyi bzhin rnam par spong ba dang / 'dzum pa'i bzhin dang ldan pa dang / dge ba'i bshes gnyen thams cad kyi gan du 'gro zhing mngon du phyogs pa'i sngon du 'gro bas dge ba'i rtsa ba thams cad
- 311b
sogs pa las phyir mi ldog pa'i phyir/ spyan gyi rdzi ma pa'i 'dra ba zhes bya'o// yun ring po nas tshig gi skyon thams cad rnam par spong ba dang / nyan thos dang / rang sangs rgyas dang / chos smra ba thams cad kyi yon tan gyi bsngags pa tshad med pa brjod pa dang / de bzhin gshegs pa'i mdo sde yi ger 'dri ba dang / klog pa dang / 'don pa dang / rnam par shes par byed pa dang chos de dag gi don dang / tshig rab tu dbye ba sems can gzhan la go bar byed pa la mkhas pa'i phyir/ ljags yangs pa zhes pa'o// yun ring po nas pha ma dang / dge sbyong dang / bram ze dang bla ma dang / srin gnas kyi rkad pa la mgo bos phyag 'tshal ba dang / rab tu byung ba la phrag 'tshal ba dadang / gsong por smra ba dang / dbu ska sbed pa dang / steng du spos kyi 'bru mar 'thor ba dang / slong ba thams cad la phye ma dang / phreng ba brgyus pa dang / mgo rgyan byin pa'i phyir/ dbu gtsug tor dang ldan zhing / spyi gtsug bltar mi mthong ba zhes bya'o// yun ring po nas gtan pa med ba'i mchod sbyin thams cad byed pa dang / sems can dge ba yang dag par len du 'dzud pa dang / dge ba'i bshes gnyen gyis rjes su bstan pa dang 'gal bar mi byed pa dang / chos smra ba rnams kyi mngags te phyogs rnams su 'gro ba dang 'ong bas yongs su mi skyo ba dang / sangs rgyas dang / byang chub sems dpa' dang / rang sangs rgyas dang / 'phags pa nyan thos dang / pha ma dang /
- 312a
bla ma dang / sbyin gnas thams cad la rim gro bya bar/ spos sna tshogs kyi 'bru mar dang / mar dang / sgron ma dang / mar me rnams kyis mun pa mun nag sal ba dang de bzhin gshegs pa'i sku gzugs rnam pa'i mchog thams cad dang ldan pa mdzes par byed du 'jug pa dang / 'o ma lta bu'i mdzod spus brgyan pa byed pa dang / sems can gzhan byang chub kyi sems mngon du byed du 'jug pa dang / dge ba'i tshogs khyad par du gyur pa'i phyir/ smin mtshams kyi mdzod bu mdzes par skyes shing // g.yas su 'khyil la 'bar zhing / kha dog rnam par dag par snang ba dang ldan pa zhes bya'o/ / sred med kyi bu chen po'i stobs dang ldan pa'i phyir/ mthu chen po brnyes pa zhes bya'o// bdud bye ba phrag brgya thub pa'i stobs dang ldan pa'i phyir/ sre med kyi bu chen po'i stobs dang ldan pa zhes bya'o// de bzhin gshegs pa'i stobs bcu dang ldan pa'i phyir/ phas kyi rgol ba thams cad 'dul ba zhes bya'o// gnas dang gnas ma yin bab mkhyen pa la mkhas pa dang / dman pa nyi tshe ba'i theg pa rnam par spong ba dang / theg pa chen po'i yon tan yang dag par sgrub pa'i stobs dang ldan pas/ stobs la sbyor ba mchog mi shes ba'i phyir/ de bzhin gshegs pa'i stobs bcu dang ldan pa zhes bya'o// 'das pa dang / ma 'ongs pa dang / da ltar byung ba'i las yang dag par blangs pa'i rgyu dang / rnam par smin pa
- 312b
mkhyen pa'i stobs dang ldan pa'i phyir/ gnas dang gnas ma yin pa mkhyen pa la mkhas pa dang / dman pa nyi tshe ba'i theg pa rnam par spong ba dang / theg pa chen po'i yon tan yang dag par sgrub pa'i stobs dang ldan pas/ stobs la sbyor bas chog mi shes pa zhes bya'o// sems can thams cad kyi dbang po dang / brtson 'grus kyi rim pa mkhyen pa'i stobs dang ldan pa'i phyir/ 'das pa dang / ma 'ongs pa dang / da ltar byung ba'i las yang dag par blangs pa'i rgyu dang / rnam par smin pa mkhyen pa'i stobs dang ldan pa zhes bya'o// khams du ma dang / khams sna tshogs pa'i 'jig rten la 'jug pa mkhyen pa'i stobs dang ldan pa'i phyir/ sems can thams cad kyi dbang po dang / brtson 'grus kyi rim pa mkhyen pa'i stobs dang ldan pa zhes bya'o/ / mos pa du ma dang / mos pa sna tshogs dang / mos pa ma lus pa dang / rnam par grol ba mkhyen pa'i stobs dang ldan pa'i phyir/ khams du ma dang / khams sna tshogs pa'i 'jig rten la 'jig rten mkhyen pa'i stobs dang ldan pa zhes bya'o/ / thams cad du 'gro ba'i lam mkhyen pa'i stobs dang ldan pa'i phyir/ mos pa du ma dang / mos pa sna tshogs dang / mos pa ma lus pa thams cad dang / rnam par grol ba mkhyen pa'i stobs dang ldan pa zhes bya'o// bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs
- 313a
pa dang rnam par byang ba dang / rnam par gzhag pa thams cad mkhyen pa'i stobs dang ldan pa'i phyir// thams cad du 'gro ba'i lam mkhyen pa'i stobs dang ldan pa zhes bya'o// sngon gyi gnas rnam pa du ma dran pa mkhyen pa chags pa mi mnga' ba'i stobs dang ldan pa'i phyir/ bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / rnam par gzhag pa thams cad mkhyen pa'i stobs dang ldan pa zhes bya'o// gzugs ma lus pa thams cad sgrib pa med par gzigs pa'i lha'i spyan gyi mkhyen pa'i stobs dang ldan pa'i phyir/ / sngon gyi gnas rnam pa du ma dran pa mkhyen pa chags pa mi mnga' ba'i stobs dang ldan pa zhes bya'o// bag chags kyi mtshams sbyor// / bar gyur pa thams cad dang / zag pa thams cad ma lus par zad par mkhyen pa'i stobs dang ldan pa'i phyir// gzugs ma lus pa thams cad sgrib pa med par gzigs pa'i lha'i spyan gyi mkhyen pa'i stobs dang ldan pa zhes bya'o/ / chos thams cad ma lus par mngon par rdzogs par sangs rgyas so zhes dam bcas pa la/ lha dang bcas pa'i 'jig rten gyis zil gyis mi non pa'i dam bcas pa'i mi 'jigs pa brnyes pa'i phyir/ / bag chags kyi mtshams sbyor bar gyur pa thams cad dang / zag pa thams cad ma lus par zad pa mkhyen pa'i stobs
- 313b
dang ldan pa zhes bya'o/ / kun nas nyon mongs pa thams cad mya ngan las 'das pa'i bar du gcod pa'i chos su bstan te/ der dam bcas pa la lha dang bcas pa'i 'jig rten gyi mi shigs ba'i dam bcas pa mi 'jigs pa brnyes pa'i phyir chos thams cad ma lus par mngon par rdzogs par sangs rgyas so zhes dam bcas pa la/ lha dang bcas pa'i 'jig rten gyis zil gyis mi non pa dam bcas pa'i mi 'jigs pa brnyes pa zhes bya'o/ / nges par 'byung ba'i lam bsgrubs na mya ngan las 'das par 'gyur ro zhes dam bcas pa la/ lha dang bcas pa'i 'jig rten gyi brgal du med pa'i dam bcas pa'i mi 'jigs pa brnyes pa'i phyir/ kun nas nyon mongs pa thams cad mya ngan las 'das pa'i bar du gcod pa'i chos su bstan te/ der dam bcas pa la/ lha dang bcas pa'i 'jig rten gyis mi shes pa'i dam bcas pa'i mi 'jigs pa brnyes pa zhes bya'o/ / zag pa thams cad spangs par mkhyen par dam bcas pa la/ lha dang bcas pa'i 'jig rten gyis mi zlogs par dpa pa'i mi 'jigs pa brnyes pa'i phyir/ nges par 'byung ba'i lam bsgrubs na/ mya ngan las 'das pa brnyes par 'gyur ro zhes dam bcas pa la/ lha dang bcas pa'i 'jig rten gyis brgal du med pa'i dam bcas pa'i mi 'jigs pa brnyes pa zhes bya'o/ / tshig ma 'khrul par chos ston pa'i phyir/ zag pa thams cad spangs pa mkhyen par dam bcas pa la/ lha dang bcas
- 314a
pa'i 'jig rten gyis mi zlogs pa'i dam bcas pa'i mi 'jigs pa brnyes pa zhes bya'o/ / sgra med pa dang brjod du med pa'i chos kyi ngo bo nyid thugs su chud pa'i phyir tshig mi 'khrul par chos ston pa zhes bya'o/ / bral ba med pa'i phyir/ sgra med pa dang / brjod du med pa'i chos kyi ngo bo nyid thugs su chud pa zhes bya'o// sems can thams cad kyi sgra tshad med pa sangs rgyas kyi chos kyi sgra skad du byin gyis brlob nus pa'i phyir bral ba med pa zhes bya'o/ / bsnyel ba mi mnga' ba'i phyir sems can thams cad kyi sgra tshad med pa/ sangs rgyas kyi sgra skad du byin gyis rlob nus pa zhes bya'o/ / sna tshogs kyi 'du shes dang bral ba'i phyir bsnyel ba mi mnga' ba zhes bya'o// sems can thams cad kyi sems mnyam par gzhag pa bas shin tu mnya par gzhag pa'i phyir/ sna tshogs kyi 'du shes dang bral ba zhes bya'o// so sor ma brtags pa'i btang snyoms kyi phyir/ sems can thams cad kyi sems mnyam par gzhag pa ba shin tu mnyam par gzhag pa zhes bya'o/ / mos pa'i 'du byed kyi ting nge 'dzin las yongs su ma nyams pa'i phyir// so sor ma brtags pa'i btang snyoms can zhes bya'o// brtson 'grus kyi 'du byed kyi ting nge 'dzin gyi rgyun mi 'chad cing brtson 'grus las yongs su ma nyams pa'i phyir/ mos pa'i 'du byed kyi ting nge 'dzin las yongs su ma nyams pa zhes bya'o// dran pa las yongs su
- 314b
ma nyams pa'i phyir/ brtson 'grus las yongs su ma nyams pa zhes bya'o// shes rab las yongs su ma nyams pa'i phyir/ dran pa las yongs su ma nyams pa zhes bya'o// rnam par grol ba las yongs su ma nyams pa'i phyir/ shes rab las yongs su ma nyams pa zhes bya'o// rnam par grol ba'i ye shes mthong ba las yongs su ma nyams pa'i phyir/ rnam par grol ba las yongs su ma nyams pa zhes bya'o/ / lus kyi las dang / dag gi las dang / yid kyi las thams cad kyi sngon du ye shes 'gro zhing ye shes kyi rjes su 'brang ba'i ye shes dang ldan pa'i phyir rnam par grol ba'i ye shes mthong ba las yongs su ma nyams pa zhes bya'o/ / 'das pa dang / ma 'ongs pa dang / da ltar byung ba'i dus la ma chags ma thogs pa'i ye shes mthong ba dang ldan pa'i phyir/ lus kyi las dang / ngag gi las dang / yid kyi las thams cad kyi sngon du ye shes 'gro zhing ye shes kyi rjes su 'brang ba'i ye shes dang ldan pa zhes bya'o/ / sgrib pa med pa'i rnam par thar pa brnyes pa'i phyir/ dus gsum la ma chags ma thogs pa'i ye shes mthong ba dang ldan pa zhes bya'o// sems can thams cad kyi spyod pa'i lam la mkhas pa rgyun mi 'chad pa'i phyir/ sgrib pa med pa'i rnam par thar pa brnyes pa zhes bya'o// so sor ci rigs par chos ston pa la mkhas pa'i phyir/ sems can thams cad
- 315a
kyi spyod pa la 'jug pa la mkhas pa rgyun mi 'chad pa zhes bya'o/ / dbyangs kyi yan lag thams cad kyi dkyil 'khor dam pa'i pha rol tu phyin pa'i phyir/ so sor rigs pa'i chos ston pa la mkhas pa zhes bya'o/ / sgra thams cad kyi brag cha 'byin pa la mkhas pa brnyes pa'i phyir/ dbyangs kyi yan lag thams cad kyi dkyil 'khor dam pa'i pha rol tu phyin pa zhes bya'o/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i skad dang ldan pa zhes bya'o/ / tshangs pa'i sgra dbyangs bsgrags pa'i dbyangs lta bu zhes bya'o// ka la bing+ga'i sgra skad lta bu zhes bya'o// rnga bo che dang glu dbyangs kyi sgra skad lta bu zhes bya'o// sa'i sgra'i nga ro'i sgra lta bu zhes bya'o/ / klu'i rgyal po rgya mtshos 'brug sgra bsgrags pa'i sgra skad lta bu zhes bya'o// seng ge dang khyu mchog tu gyur pa bsgyings pa'i sgra skad lta bu zhes bya'o// sem can thams cad kyi sgra skad bsgrags pa dang / mthun par sgrogs pas tshim par byed pa'i sgra dang ldan pa zhes bya'o// chags pa med cing sgrib pa med par 'khor gyi dkyil 'khor dga' bar byed pa'i sgra dang ldan pa zhes bya'o/ / skad cig las skad thams cad go bar byed pa'i sgra dang ldan pa zhes bya'o// tshangs pa'i dbang pos mchod pa zhes bya'o// lha'i dbang pos bsti
- 315b
stang du byas pa zhes bya'o/ / klu'i dbang pos phyag byas pa zhes bya'o// gnod sbyin gyi dbang pos zhal du bltas pa zhes bya'o// dri za'i dbang pos nye bar glu blangs pa zhes bya'o// srin po'i dbang pos dbang po dang bas mig mi 'dzums par bltas pa zhes bya'o// lha ma yin gyi dbang pos mngon par btud pa zhes bya'o// nam mkha' lding gi dbang pos rnam par ma gtses par bltas pa zhes bya'o/ / mi 'am ci'i dbang pos mngon par bstod pa zhes bya'o// lto 'phye chen po'i dbang pos blta 'dod pa zhes bya'o// mi'i dbang pos mngon du yang dag par mchod pa zhes bya'o/ / dgra bcom pa'i tshogs ma nga pos bstan pa zhes bya'o// byang chub sems dpa' thams cad yang dag par 'dzin du 'jug pa dang / yang dag par gzeng stong pa dang / yang dag par dga' bar mdzad pa zhes bya'o/ / zang zing med par chos ston pa zhes bya'o// tshig dang tshig 'bru nyams pa med par 'bras bu yod pa'i chos ston pa zhes bya'o// dus las mi yol bar chos ston pa zhes bya'o/ / byams pa chos kyi 'khor lo bskor ba 'di ni/ de bzhin gshegs pa'i yon tan bsngags phyogs la 'jug pa cung zad tsam zhig mdor bstan du zad de/ byams pa rgyas par bya na/ de bzhin gshegs pas bskal pa 'am/ bskal pa las lhag par bstan pa 'di'i mthar mi phyin to// de nas de'i tshe bcom ldan 'das kyis tshigs su bcad pa 'di dag bka' stsal to//
- 316a
zab cing blta dka' phra ba yi/ chos kyi 'khor lo rab bskor te/ de la pha rol mu stegs can/ kun dang bdud kyi mi chud do// kun gzhi med cing spros med pa/ skye ba med cing 'byung med la/ / dben zhing rang bzhin stong pa yis// chos kyi 'khor lo rab bskor to// blang ba med cing dor med la// mtshan ma med cing mtshan nyid med// mnyam pa nyid kyi chos bstan pa'i/ / 'khor lo sangs rgyas kyis bskor to// ji ltar sgyu ma smig rgyu dang // rmi lam brag cha chu zla dang / de dag 'dra ba'i 'khor lo ni// 'jig rten mgon pos rab bskor to// brten pa'i chos la 'jug byed pa// chad min rtag pa ma yin pa/ lta ba thams cad chad pa ni// chos kyi 'khor lo yin zhes brjod// rtag tu nam mkha' mtshungs 'dra zhing // rnam par mi rtog 'ong gsal ba/ / mtha' dang dbus med bstan pa ni// chos kyi 'khor lor 'dir brjod do// yod dang med las rnam grol zhing // bdag dang bdag med rnam spangs la// rang bzhin mi skyes bstan pa ni/ / chos kyi 'khor lor 'dir brjod do// yang dag mtha' ni mtha' min pa// de bzhin nyid la de bzhin nyid// gnyis su med pa'i chos bstan pa// chos kyi 'khor lo/ brjod pa yin// mig ni ngo bo nyid kyi stong // de bzhin sna dang rna ba dang // lce dang lus dang sems kyang ni// stong pa'i bdag nyid g.yo ba med// 'di lta bu yi 'khor lo 'di// chos kyi
- 316b
'khor lo zhes brjod de/ / sems can mi mkhas rtogs byed pas// des na sangs rgyas zhes brjod do// chos kyi mtshan nyid rang bzhin 'di// gzhan gyis bstan pa med par ni// nga bdag/ nyid kyi sangs rgyas te// des na rang byung mig dang ldan// chos rnams kun la dbang brnyes so// chos kyi rje zhes brjod pa yin// chos la tshul dang tshul min mkhyen// des na 'dren par brjod pa yin/ / ji ltar 'dul bar 'gyur ba la// skye bo dpag tu med btul te// 'dul ba'i pha rol phyin par gyur// des na rnam par 'dren ces brjod// sems can gang dag lam las nyams de dag rnams la lam mchog bstan/ / pha rol gyi ni 'gram du bkri// de phyir nga ni rnam par 'dren// bsdu ba'i dngos po shes pa yis// skye bo dag ni ngas bsdus te// 'khor ba'i 'brog las rgal bas na/ / des nang ni ded dpon yin// chos rnams kun la dbang sgyur te// des ni rgyal ba chos la mnga'// chos kyi 'khor lo rab bskor bas/ chos kyi rgyal por brjod pa yin// chos kyi sbyin bdag ston pa yin// chos kyi bdag po bla na med// mchog sbyin legs mdzad don grub pa// dgongs pa rdzogs pa bkra shis grub// dbugs 'byin mdzad pa de gnyis pa// dpa' bo nyon mongs chen po spongs/ / g.yul rnams kun la rgyal gyur pa// grol ba'i skyes bu thar mdzad pa// 'jig rten gyi ni snang gyur pa// shes par ye shes 'od mdzad pa// mi shes mun pa
- 317a
'joms pa po/ / sgron ma 'dzin pa 'od chen ldan// ye shes che ldan sman pa che// nyon mongs pa las gso mdzad pa// sems can nyon mongs gzugs rnams la// zug rngu 'byin pa bla na med// mtshan rnams thams cad phun sum tshogs// dpe byad bzang po kun gyis mdzes// sku yis kun tu bzang pa ste// dman pa rnams dang mthun par mdzad// stobs bcus stobs dang shin tu ldan/ / bsnyengs pa mi mnga' mi bsnyengs pa// ma 'dres rnam pa bco brgyad kyis// thub pa chen po thog pa mchog/ chos kyi 'khor lo rab bskor ba// 'di ni mdo tsam bshad pa yin/ / de bzhin gshegs pa'i yon tan bsngags// 'di ni cung zad brjod par zad// sangs rgyas ye shes mtha' bas te// nam mkha' rgya chen mnyam pa bzhin// bskal pa zad par brjod kyang ni/ / sangs rgyas yon tan mi zad do// chos kyi 'khor lo bskor ba'i le'u zhes bya ste/ nyi shu rtsa drug pa'o// // de nas lha'i bu gang dag gis de bzhin gshegs pa la chos kyi rnam grangs 'di rab tu bshad par gsol ba btab par gyur pa/ dbang phyug chen po dang / dga' bo dang / rab dga' dang / tsan dan dang / mchod pa dang / zhi ba dang rab tu zhi ba dang / dul ba'i dbang phyug la sogs pa/ gnas gtsang ma'i ris kyi lha'i bu khri brgyad stong dang // gang yang de bzhin gshegs pa chos kyi 'khor lo bskor ba'i tshe 'dus par gyur pa
- 317b
de la bcom ldan 'das kyis lha'i bu dbang phyug chen po la sogs pa/ gnas gtsang ma'i ris kyi lha'i bu rnams la bka' stsal pa/ grogs po dag rgya cher rol pa zhes bya ba'i mdo sde shin tu rgyas pa chen po/ / byang chub sems dpa'i rnam par rtsen pa/ sangs rgyas kyi yul la rol pa 'jug pa 'di ni bdag nyid kyi phyir de bzhin gshegs pas gsungs pa ste/ de khyed kyis long shig/ zung shig/ lhogs shig/ 'khor la yang rgya cher rab tu ston cig/ de ltar na nga'i chos kyi tshul 'di rgyas par 'gyur te/ byang chub sems dpa'i theg pa pa'i gang zag dag gi chos kyi rnam grangs 'di thos nas/ bla na med pa yang dag par rdzogs pa'i byang chub la brtson 'grus shin tu brtan pa rtsom par 'gyur ro// rgya chen po la mos pa'i sems can rnams ni chos chen po'i chad pa'i shugs skyed par 'gyur ro/ / bdud kyi phyogs kyang tshar gcod par 'gyur ro// phas kyi rgol ba thams cad kyis glags mi rnyed par 'gyur ro// khyed kyis chos bshad par bskul ba'i dge ba'i rtsa ba yang don chen po dang / 'bras bu chen po dang / phan yon chen por 'gyur ro// grogs po dag gang la la zhig rgya cher rol pa'i chos kyi rnam grangs 'di la thal mo sbyor bar 'gyur pab de/ mchog gi chos brgyad thob par 'gyur te/ brgyad gang zhe na/ 'di lta ste/ gzugs mchog thob par 'gyur ba dang / stobs mchog thob par 'gyur ba dang / g.yog 'khor mchog thob
- 318a
par 'gyur ba dang / spobs pa mchog thob par 'gyur ba dang / 'byung ba mchog thob par 'gyur ba dang / sems yongs su dag pa mchog thob par 'gyur ba dang / ting nge badzin phun sum tshogs mchog thob par gyur pa dang // shes rab kyi snang mchog thob par 'gyur ba ste/ mchog gi chos brgyad po do dag thob par 'gyur ro// grogs po dag gang la la zhig rgya cher rol pa'i chos kyi rnam grangs 'di ston par 'dod pa'i chos smra ba la chos kyi stan 'dir na/ stan bting ma thag tu de stan brgya da 'thob par shes par bya ste/ brgyad gang zhe na/ 'di lta ste/ tshong dpon gyi stan 'thob pa dang / khyim bdag gi stan 'thob pa dang / 'khor los sgyur ba'i stan 'thob pa dang / brgya byin gyi stan 'thob pa dang / dbang sgyur gyi stan 'thob pa dang / tshangs pa'i stan 'thob pa dang / byang chub kyi snying po mchog dam par song ba'i byang chub sems dpa' gyur pa/ phyir mi ldog pa/ bdud phyir rgol ba bcom pa'i sa dge'i khri 'thob pa dang / bla na med pa yang dag par rdzogs pa'i byang chub mngon par rdzogs par sangs rgyas nas kyang / bla na med pa'i chos kyi 'khor lo bskor ba'i khri stan 'thob par shes par bya ste/ stan brgyad po de dag 'thob par shes par bya'o/ / grogs po dag gang la la zhig rgya cher rol pa'i chos kyi rnam grangs 'di 'chad pa'i chos smra ba la legs so zhes bya ba sbyin pa de dag gi las yongs su dag pa brgyad
- 318b
'thob par 'gyur te/ brgyad gang zhe na/ 'di lta ste/ bden pa'i rjes su 'brang ba'i ngag gi las yongs su dag pas/ ji skad smras pa de bzhin du byed pa dang / 'khor zil gyis non pas gzung bar 'os pa'i tshig dang 'gal bar mi byed pas blang bar 'os pa'i cho ga dang / mi brlang bas snyan cing 'jam pa'i tshig dang / lus dang sems rnam par byed pas ka la bing+ka'i sgra skad lta bu dang / sems can sdug pas tshig snyan pa dang / sgra thams cad zil gyi non pas tshangs pa'i sgra lta bu dang / phas kyi rgol ba thams cad kyis mi non pas seng ge bsgyings ba'i sgra lta bu dang / sems can thams cad kyi dbang po yongs su tshim par byed pas sangs rgyas kyi gsung ste/ ngag gi las yongs su dag pa brgyad po dag thob par 'gyur ro// grogs po dag gang la la zhig rgya cher rol pa'i chos kyi rnam grangs 'di glegs bam du bris te 'chang / ba klog gam/ bsti stang du byed dam/ btsun par byed dam/ rim gror byed dam/ mchod par byed dam/ ser sna med pa'i sems kyis chos kyi rnam grangs 'di'i bsngags pa phyogs bzhir brjod pa dang / tshur sheg chos kyi rnam grangs 'di yi ger bris shig/ chongs shig/ lhogs shig/ soms shig/ kha ton gyis shig ces brjod par byed na/ gter chen po brgyad thob par 'gyur te/ brgyad gang zhe na/ brjed pa med par dran pa'i gter dang / blos rab tu 'byed pas blo gros kyi gter dang /
- 319a
mdo sde thams cad kyi don gyi rnam pa khong du chud pas rtogs pa'i gter dang / thos pa thams cad kun tu 'dzin pas gzungs kyi gter dang / legs par bshad pas sems can thams cad tshim par byed pas spobs pa'i gter dang / dam pa'i chos yongs su srung bas chos kyi gter dang / dkon mchog gsum gyi rigs rgyun mi gcod pas byang chub kyi sems kyi gter dang / mi skye ba'i chos la bzod pa thob pas sgrub pa'i gter te/ gter chen po brgyad po de dag 'thob par 'gyur ro// grogs po dag gang la la zhig gis rgya cher rol pa'i chos kyi rnam grangs 'di legs par bstan te 'chang ba de/ tshogs brgyad yongs su rdzogs par 'gyur te/ brgyad gang zhe na/ 'di lta ste/ ser sna'i sems med pas sbyin pa'i tshogs yongs su rdzogs par 'gyur ba dang / dge ba'i bsam pa thams cad yongs su rdzogs par byed pas/ tshul khrims kyi tshogs yongs su rdzogs par 'gyur ba dang / chags pa med pa'i shes rab yang dag par bsgrub pa'i phyir thos pa'i tshogs yongs su rdzogs par 'gyur ba dang / ting nge 'dzin dang / snyoms par 'jug pa thams cad mngon du bya ba'i phyir/ zhi gnas kyi tshogs yongs su rdzogs par 'gyur ba dang / rig pa gsum gyi rig pa rab tu rdzogs par bya ba'i phyir/ / lhag mthong gi tshogs yongs su rdzogs par 'gyur ba dang / mtshan dang dpe byad bzang po dang / sangs rgyas kyi zhing gi rgyan yongs su sbyang ba'i phyir
- 319b
bsod nams kyi tshogs yongs su rdzogs par 'gyur ba dang / sems can thams cad ji ltar mos pa bzhin du tshim par bya ba'i phyir/ ye shes kyi tshogs yongs su rdzogs par 'gyur ba dang / sems can thams cad yongs su smin par bya ba la mi skyo bar bya ba'i phyir/ snying rje chen po'i tshogs yongs su rdzogs par 'gyur ba ste/ tshogs brgyad po de dag yongs su rdzogs par 'gyur ro// grogs po dag gang la la zhig 'di lta bu'i sems dang ldan te/ 'di lta ste/ ji ltar sems can 'di dag rnam pa 'di lta bu'i chos 'di thob par 'gyur snyam nas/ rgya cher rol pa'i chos kyi rnam grang 'di gzhan dag la rgya cher rab tu ston par byed na/ de dge ba'i rtsa ba des bsod nams chen po brgyad thob par 'gyur te/ brgyad gang zhe na/ 'di lta ste/ 'khor los sgyur ba'i rgyal po thob par 'gyur ba 'di ni/ bsod nams chen po dang po'o// rgyal chen bzhi'i ris kyi lha rnams kyi bdag po byed par 'gyur ba 'di ni/ bsod nams chen po gnyis pa'o// lha'i dbang po brgya byin du 'gyur ba 'di ni bsod nams chen po gsum pa'o/ / lha'i bu rab 'thab bral du 'gyur ba 'di ni/ bsod nams chen po bzhi pa'o// yongs su dga' ldan du 'gyur ba 'di ni/ bsod nams chen po lnga pa'o// rab 'phrul du 'gyur ba 'di ni/ bsod nams chen po drug pa'o// lha'i rgyal po dbang sgyur du 'gyur ba 'di ni/ bsod nams chen po bdun pa'o// tshangs pa chen po'i tshangs par 'gyur ba
- 320a
'di ni/ bsod nams chen po brgyad pa'o// tha mar de bzhin gshegs pa dgra bcom pa yang dag par rdzogs pa'i sangs rgyas mi dge ba'i chos thams cad spangs nas dge ba'i chos thams cad dang ldan par yang 'gyur te/ bsod nams chen po brgyad po dag thob par 'gyur ro// grogs po dag gang la la zhig rgya cher rol pa'i chos kyi rnam grangs 'di 'chad pa na rna blags te nyan par byed pa de sems dri ma med pa brgyad 'thob par 'gyur te/ brgyad gang zhe na/ 'di lta ste/ zhe sdang thams cad gzhom pa'i phyir byams pa thob par 'gyur ba dang / rnam par 'tshe ba thams cad dor ba'i phyir snying rje 'thob par 'gyur ba dang / mi dga' ba thams cad bsal ba'i phyir/ dga' ba 'thob par 'gyur ba dang / rjes su chags pa dang / khong khro ba dor ba'i phyir/ btang snyoms 'thob par 'gyur ba dang / 'dod pa'i khams thams cad la dbang sgyur bar bya ba'i phyir/ bsam gtan bzhi pa thob par 'gyur ba dang / sems la dbang sgyur bar bya ba phyir/ gzugs med pa'i snyoms par 'jug pa bzhi 'thob par 'gyur ba dang / sangs rgyas kyi zhing gzhan du 'gro ba dang 'ong bar bya ba'i phyir/ mngon par shes pa lnga 'thob par 'gyur ba dang / dpa' bar 'gro ba'i ting nge 'dzi 'thob par bya ba'i phyir// bag chags kyi mtshams sbyong ba thams cad yang dag par gzhom pa thob par 'gyur ba ste/ sems dri ma med pa brgyad po de dag thob
- 320b
par 'gyur ro/ / grogs po dag/ grong ngam/ grong khyer ram/ grong rdal lam/ ljongs sam/ ljongs kyi phyogs sam/ 'chag sa 'am/ gtsug lag khang gang du rgya cher rol pa'i chos kyi rnam grangs 'di skyed par 'gyur ba der/ sngon gyi las kyi rnam par smin pa ma gtogs pa 'jigs pa brgyad 'byung bar mi 'gyur ro// brgyad gang zhe na/ 'di lta ste/ rgyal pos dkrug pa'i 'jigs pa 'byung bar mi 'gyur ba dang / chom rkun gyis dkrug pa'i 'jigs pa 'byung bar mi 'gyur ba dang / sbrul gyis dkrug pa'i 'jigs pa 'byung bar mi 'gyur ba dang / mu ge'i dgon pas dkrug pa'i 'jigs pa 'byung bar mi 'gyur ba dang / phan tshun 'thab pa dang / rtsod pa dang / 'gyed pa dang / 'tshang 'bru bas dkrug pa'i 'jigs pa 'byung bar mi 'gyur ba dang / lhas dkrug pa'i 'jigs pa 'byung bar mi 'gyur ba dang / klas dkrug pa'i 'jigs pa 'byung bar mi 'gyur ba dang / gnod sprin la sogs pas dkrug pa'i 'jigs pa 'byung bar mi 'gyur ba dang / gtse ba thams cad kyis dkrug pa'i 'jigs pa 'byung bar mi 'gyur ba dang / sngon gyis las kyi rnam par smin pa ma gtogs par grogs po dag 'jigs pa brgyad po de dag 'byung bar mi 'gyur ro// grogs po dog mdor na/ gal te de bzhin gshegs pa'i sgra tshe'i tshad bskal par bzhugs la nyin mtshan du rgyun mi 'chad par chos kyi rnam grangs 'di'i bsngags pa brjod kyang / chos kyi rnam
- 321a
grangs 'di'i bsngags pa mthar thug par yang mi 'gyur la/ de bzhin gshegs pa'i spobs pa yang zad par mi 'gyur// grogs po dag ji ltar de bzhin gshegs pa'i tshul khrims dang / ting nge 'dzin dang / shes rab dag rnam par grol ba dang / rnam par grol ba'i ye shes mthong ba tshad med cing thug pa med pa de bzhin du/ grogs po dag gang chos rgya chen po 'di lta bu 'di sems can 'di dag gis ji ltar 'thob par 'gyur snyam pa'i sems 'dis/ chos kyi rnam grangs 'dzin pa dang / 'chang ba dang / klog pa dang / yi ger 'dri ba 'am/ yi ger 'dri 'jug pa dang / kun chub par byed pa dang / 'khor gyi nang du rgya cher yang dag par ston par 'gyur ba de dag gi bsod nams kyang thug pa med do// de nas bcom ldan 'das kyis tshe dang ldan pa 'od srungs chen po dang / tshe dang ldan pa kun dga' bo dang / byang chub sems dpa' sems dpa' chen po byams pa la bka' stsal pa/ grogs po dag bla na med pa yang dag par rdzogs pa'i byang chub ngas bskal pa grangs med pa bye ba khrag khrig brgya stong du yang dag par bsgrubs pa 'di khyed kyi lag tu gtad de/ yongs su gtad pa'i mchog gis gtad do// khyed bdag nyid kyi kyang chos kyi rnam grangs 'di zung shig/ gzhan dag la yang rgya cher yang dag par ston cig/ de skad ces bka' stsal nas/ de'i tshe bcom ldan 'das kyis chos kyi rnam grangs 'di rgya cher yongs su gtad pa'i
- 321b
phyir/ de'i tshe tshigs su bcad pa 'di dag kyang bka' stsal to// sangs rgyas gzigs pas sems can gang dag ngas mthong ba// de dag shA ri'i bu 'drar dgra bcom par gyur la// gal te la las gang+gA'i klung gi bye snyed kyi/ / bskal pa bye bar de dag rnams la mchod byed la// gang zhig nyin zhag gcig tu rab tu dga' ba yis// rang sangs rgyas rnams la ni phreng ba de bzhin du/ gzhan yang rnam pa mchog rnams kyis ni mchod byed na/ de bas bsod nams byas pa 'di ni khyad par 'phags// gal te sems can thams cad rang rgyal thob gyur la// de dag rnams la gang zhig 'dir ni bag yod par// bskal pa du mar zas dang skom dang bgo ba dang // me tog spos dang byug pa rnams kyis mchod byed la// gang zhig gis ni de bzhin gshegs pa gcig cig la// lan cig phyag 'tshal byed cing dang ba'i sems kyis ni/ / dgra bcom pa la phyag 'tshal lo zhos tshig brjod na/ de bas bsod namra 'di ni shin tu ches mchog go// gal te sems can thams cad sangs rgyas thob gyur la// de dag rnams la gang zhig snga bzhin mchod byed cing / / lha yi me tog rnams dang mi yi mchog rnams dang / rnam pa mang pos bskal pa du mar mchod byed la// gang zhig dam pa'i chos ni rnam par 'jig pa'i tshe// rang gi lus dang de bzhin srog kyang btang nas ni/ / zhag cig bar du mdo sde 'di ni 'dzin byed na// bsod nams 'di ni de bas khyad par 'phags par 'gyur// gang zhig rnam par 'dren pa rnams dang
- 322a
rang rgyal dang / / de bzhin nyan thos rnams la mchod pa byed 'dod pa// de yis byang chub sems ni brtan por skyed byas te/ mdo sde 'di ni rtag par rab tu gzung bar bya// de bzhin gshegs pa thams cad mngon byung gang yin pa// 'di ni legs par bshad pa kun gyi rgyal po yin// mdo sde dkon mchog 'di ni gang na gnas 'gyur ba// de yi khyim du de bzhin gshegs pa rtag tu gnas/ / gang gis mdo 'di pha rol dag la byin pa dang // tshig cig brjod pa de yang bskal pa bye bar ni// tshig 'bru rnams las mi nyams don las nyams mi 'gyur// spobs pa / ba mtha' yas pa dag thob par 'gyur// gang zhig chos 'di thos nas rab tu sgrub byed pa// de ni mi yi 'dren pa ma gtogs 'og tu ni// de 'dra ba yi sems can gang yang yod ma yin// de ni rgyamatsho lta bur zad mi shes par 'gyur/ bcom ldan 'das kyis de skad ces bka' stsal nas/ lha'i bu dbang phyug chen po la sogs pa gnas gtsang ma'i ris kyi lha'i bu de dag dang / byams pa la sogs pa byang chub sems dpa' sems dpa' chen po thams cad dang / 'od srungs chen po la sogs pa nyan thos chen po thams cad dang / tshe dang ldan pa kun dga' bo dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// mjug sdud pa'i le'u zhes bya ba ste nyi shu rtsa bdun no// 'phags pa rgya cher rol pa zhes
- 322b
bya ba theg pa chen po'i ma rdzogs so/ / / rgya gar gyi mkhan po dzi na mi tra dang / dA na shI la dang / mu na bar ma dang / zhu chen gyi lo tso ba ban d+he ye shes sdes bsgyur cing zhus skad gsar chad kyis kyang bcos nas gtan la phab pa/ / / rgya gar skad du/ bud d+hA pITI ka pu shI la gra hA nA ma ma hA na sU tra/ bod skad du/ sangs rgyas kyi sde snod tshul khrims 'chal pa tshar gcod pa zhes bya ba theg pa chen po'i mdo// bam po dang po/ sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das yul wA ra NA sa'i drang srong lhung ba ri dgas kyi nags na// dge slong gi dge 'dun chen po zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba shes rab shin tu rnam par grol ba/ dbang du gyur pa/ lnga brgya dang thabs cig tu bzhugs te/ thams cad kyang dgra bcom pa sha stag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o/ / de nas tshe dang ldan pa shA ra dwa ti'i bu dang / tshe dang ldan pa mo'u 'gal gyi bu chen po dang / tshe dang ldan pa 'od srungs chen po dang / tshe dang ldan pa rab 'byor dang
- 323a
tshe dang ldan pa bku la dang / tshe dang ldan pa byams ma'i bu gang po dang / tshe dang ldan pa kun dga' bo rnams/ phye 'bred kyi dus su nang du yang dag 'dzag las langs te/ bcom ldan 'das ga la ba der dong nas/ bcom ldan 'das kyi zhabs gnyis la mgo bos phyag byas te/ phyogs gcig tu 'khod do// de nas bcom ldan 'das la tshe dang / ldan pa shA ri'i bus 'di skad ces gsol to// de bzhin gshegs pa dgra bcom pa yang dag par rdzogs pa'i sangs rgyas bcom ldan 'das kyis 'di lta ste/ 'dus byas thams cad mngon par 'dus ma bgyis pa dang / 'byung ba ma mchis pa dang / mtshan ma ma mchis pa dang / mtshan nyid ma mchis pa dang / 'dus ma bgyis pa dang / bstan du ma mchis pa'i bar du legs par bshad pa 'di ni/ bcom ldan 'das ngo mtshar lags so// bde bar gshegs pa ngo mtshar lags so// bka' stsal pa/ shA ri'i bu khyod kyis don gyi dbang gang zhig mthong na/ de bzhin gshegs pa dgra bcom pa yang dag par rdzogs pa'i sangs rgyas bcom ldan 'das kyis 'di lta ste/ 'dus byas thams cad mngon par 'dus ma bgyis pa dang / 'byung ba ma mchis pa dang / mtshan ma ma mchis pa dang / mtshan nyid ma mchis pa dang / 'dus ma bgyis pa dang / bstan du ma mchis pa'i bar du legs par bshad pa 'di ni/ bcom ldan
- 323b
'das ngo mtshar lags so/ / bde bar gshegs pa ngo mtshar lags so// zhes de skad smra/ gsol pa/ bcom ldan 'das 'di la bdag gcig pu dben par zhugs te/ nang du yang dag bzhag pa na/ sems la sems kyi yongs su rtog pa 'di lta bu 'di skyes par gyur te/ ji ltar bcom ldan 'das kyis ming dang / mtshan ma med pa'i chos rnams la ming dang mtshan ma 'di bshad shin tu brjod du med pa'i chos rnams la brjod pa gsungs snyam du/ bcom ldan 'das don gyi dbang 'di nyid rab tu sems pa na/ bdag la ngo mtshar skyes par gyur te/ bcom ldan 'das bdag gis don gyi dbang 'di mthong nas/ 'di skad ces de bzhin gshegs pa dgra bcom pa yang dag par rdzogs pa'i sangs rgyas bcom ldan 'das kyis 'di lta ste/ 'dus byas thams cad mngon par 'dus ma bgyis pa dang / 'byung ba ma mchis pa dang / mtshan ma ma mchis pa dang / mtshan nyid ma mchis pa dang / 'dus ma bgyis pa dang / bstan du ma mchis pa'i bar du gsungs pa 'di ni/ bcom ldan 'das ngo mtshar lags so/ / bde bar gshegs pa ngo mtshar lags so// zhes gsol to// bka' stsal pa/ shA ri'i bu de de bzhin te/ shA ri'i bu gnas 'di ni ngo mtshar yin no// gnas 'di ni mchog tu ngo mtshar yin te/ 'di lta ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi/ bla na med pa yang dag par rdzogs pa'i byang chub yin no//
- 324a
shA ri'i bu dper na/ ri mo mkhan nam/ ri mo mkhan gyi slob ma mkhas pa zhig/ nam mkha' bar snang gnas med cing dmigs su med pa la/ kha dog sna tshogs dang / dbyibs sna tshogs kyi gzugs kyi tshul rnam pa du ma rnam pa sna tshogs ston par byed na/ ji ga skyes bu de ngo mtshar de byed pa yin nam/ gsol pa/ bcom ldan 'das ngo mtshar lags so// bde bar gsheg pa mchog tu ngo mtshar lags so/ / bka' stsal pa/ shA ri'i bu de bas kyang bla na med pa yang dag par rdzogs pa'i byang chub mngon par rdzogs par sangs rgyas nas/ de bzhin gshegs pas chos bshad pa gang yin pa 'di ni ches ngo mtshar yin no/ / de ci'i phyir zhe na/ shA ri'i bu mtshan nyid med pa dang / yid la byed pa med pa dang / rtsol ba med pa dang / kun tu rgyu ba med pa dang / thob pa med pa dang / 'jug pa med pa dang / thob pa spangs pa dang / thob pa ma thob pa dang / ma thob pa rgyun chad pa dang / thob pa rjes su ma thob pa dang / thob pa bor ba dang / thob pa yang dag par ma thob pa dang / sbyangs pa med pa dang / sbyang bar bya ba med pa dang / sbyang bar 'os pa med pa dang / bsam du med pa dang / bsam par bya ba med pa dang / dge bar bsam pa med pa dang / spros pa med pa dang / spro bar bya ba med pa dang / dge bar spro ba med pa dang / rnam par brtags pa med pa dang / rnam par brtag par bya ba med pa dang / dge bar rnam par brtags par med pa dang / rmongs pa med pa dang / yang dag pa
- 324b
'du ba med pa dang / yang dag par 'du bya ba med pa dang / gzhi med pa dang / dmigs pa med pa dang / g.yo ba med pa dang / g.yo bar bya ba med pa dang / dge bar g.yo ba med pa dang / rang bzhin gyis stong pa dang / ngo bo med pa'i rang bzhin dang / bstan du med pa'i rang bzhin dang / bstan par byar med pa'i rang bzhin dang / dge bar bstan du med pa dang / 'jig rten thams cad yid ches par dka' ba dang / ming dang mtshan ma med pa'i chos la ji ltar yang ming dang mtshan mar tha snyad 'dogs pa dang / brjod du med pa'i chos rnams la brjod pa gsungs te/ 'di lta ste/ mngon par 'du byed pa med pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni shA ri'i bu mchog tu ngo mtshar yin no/ / shA ri'i bu dper na/ 'di na skyes bu 'ga' zhig gis/ ri'i rgyal po ra rab khar bcug ste/ legs par lan gsum bcas nas ming la/ des ming pa zas bzhin du 'ju bar byed de/ de la sdug bsngal cung zad kyang mi skyed cing / de yang zos nas nam mkha' bar snang la 'chag par byed na/ shA ri'i bu 'di ji snyam du sems/ ji ga skyes bu de shin tu ngo mtshar byed pa yin nam/ gsol pa/ bcom ldan 'das ngo mtshar lags so// bde bar gshegs pa mchog tu ngo mtshar lags so// bka' stsal pa/ shA ri'i bu de bas kyang 'di lta ste/ mngon par 'du byed pa med pa
- 325a
dang / 'byung ba med pa dang / mtshan ma med pa dang / mtshan nyid med pa dang / bstan du med pa la de bzhin gshegs pas chos bstan pa gang yin pa 'di ni ches ngo mtshar yin no// shA ri'i bu dper na/ lci ba'i me chen po 'bar ba/ rab tu 'bar ba kun tu rab tu 'bar ba/ me lce gcig tu gyur pa 'od dang bcas pa 'phang du dpag tshad tsam la/ rgyar yang dpag tshad tsam yod pa'i me bur sgra tsam gyis sgo bzhi rab tu gang bar gyur cing / sgo bzhi nas de'i me lce bar snas dpag tshad bzhi tsam du gyen du 'bar bar gyur pa der skyes bu 'ga' zhig rtsa khur shin tu chen po thogs te/ 'jug par byed la/ de yang zhugs ma thag tu sgo bzhi po de dag nas/ tshub ma bzhi mngon du langs te/ me lce gang yin pa des skyes bu de'i lus la phog na/ de'i lus kyang mi tshig la rtswa yang mi tshig pa kho nar slar 'byung zhing rtswa'i nyag ma gcig kyang mi tshig par byed na/ shA ra dwa ti'i bu 'di ji snyam du sems/ jig skyes bu de ngo mtshar byed pa yin nam/ gsol pa/ bcom ldan 'das ngo mtshar lags so// bde bar gshegs pa mchog tu ngo mchar lags so/ / bka' stsal pa/ shA ri'i bu de bas kyang 'di lta ste/ 'dus byas thams cad mngod par 'du byed pa med pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni ches ngo mtshar yin no// shA ri'i bu dper ma 'od skyes bu 'ga' zhig rgya mtsho chen po rgal ba
- 325b
'dod nas/ des rdo'i gzings sa chen po tsam gyis rgya mtsho chen po'i tshu rol gyi 'gram nas pha rol gyi 'gram du phyin par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam gsol pa/ bcom ldan 'das ngo mtshar lags so// bde bar gshegs pa mchog tu ngo mtshar lags so// bka' stsal pa/ shA ri'i bu de bas kyang 'di lta ste/ 'dus byas thams cad mngon par 'dus ma byas pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni cis ngo mtshar yin no// shA ri'i bu dper na/ 'di na skyes bu 'ga' zhig rgya mtsho dang bcas/ ri dang bcas/ rtswa dang / chu dang bcas pa'i gling bzhi pa'i 'jig rten gyi khams 'di bteg nas/ sbrang ma'i byin pa'i them skas las tshangs pa'i 'jig rten du 'dzeg par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so// bde bar gshegs pa mchog tu ngo mtshar lags so/ / bka' stsal pa/ shA ri'i bu de bas kyang 'di lta ste/ 'du byed thams cad mngon par 'dus ma byas pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni ches ngo mtshar yin no// shA ri'i bu dper na/ skyes bu 'ga' zhig
- 326a
gis rlung gis bskul ba'i srad bus/ ri rab ri'i rgyal po gyen du bteg ste/ nam mkha' 'am/ bar snang la 'dzin par byed na/ shA ri'i bu 'di ji snyam du sems/ ji ga skyes bu dang / mtshar byed pa yin nam/ gsol pa/ bcom ldan 'das ngo mtshar lags so// bde bar gshegs pa mchog tu ngo mtshar lags so// bka' stsal pa/ shA ri'i bu de bas kyang 'di lta ste/ 'dus byas thams cad 'dus ma byas pa dang zhe pa'i du rgyas par bya ste/ de bzhin gshegs pas chos bstan pa gang yin pa 'di ni ches ngo mtshar yin no// shA ri'i bu 'di ji snyam du sems/ dzi ga gang+gA'i 'bab chu chen po shin tu che ba dang / rgya che ba dang / gting zab pa dang / tshad med pa yin nam/ gsol pa/ bcom ldan 'das de lta lags so// shA ri'i bu gal te stong gsum gyi stong chen po'i 'jig rten gyi khams 'di lta bu'i char gyi rgyun chen po 'di lta ste/ gang+gA'i 'bab chu chen po lta bu'i char gyi rgyun chen po bab pa de la// skyes bu 'ga' zhig gis ra shig char chen po'i rgyan nam mkha' bar snang la bab pa sa lam lhung bar lag pa gcig gis gzed la/ chu thigs pa 'ga' yang de'i lag pa nas lags te/ sa la lhung bar ma gyur na/ shA ri'i bu 'di ji snyam du sems/ jig skyes bu de ngo mtshar byed pa yin nam/ gsol pa/ bcom ldan 'das ngo mtshar lags so// bde bar gshegs pa mchog tu ngo mtshar lagaso so// bka' stsal pa/ shA ri'i bu de bas kyang 'di lta ste/ 'dus byas thams
- 326b
'dus ma byas pa dang / zhes bya ba rgyas par bya ste/ de bzhin gshegs pas chos bstan pa gang yin pa 'di ni ches ngo mtshar yin no// shA ri'i bu ji snyam du sems/ ji ga ri'i rgyal po ra rab che ba dang / shin tu che ba yin nam/ gsol pa/ bcom ldan 'das che lags so// bde bar gshegs pa che lags so// bka' stsal pa/ shA ri'i bu gal te stong gsum gyi stong chen po'i 'jig rten gyi khams 'dir/ 'di lta bu'i rdo ba'i char 'di lta ste/ ri'i rgyal po ri rab lta bu'i rdo ba'i char gyi rgyun chen po bab pa de la skyes bu 'ga' zhig gis re shig rdo'i char chen po'i rdo ba'i char gyi rgyun cha po nam mkha' bar snang la mngon par 'bab pa sa la ma lhung bar lag pa gcig gis gzed la/ rdo'i gzegs ma chung ngu na yungs 'bru tsam 'ga' yang de'i lag pa nas zags te/ sa la lhung bar ma gyur na/ shA ri'i bu 'di ji snyam du sems/ skyes bu de ngo mtshar byed pa yin nam/ gsol pa/ bcom ldan 'das ngo mtshar lags so// bde bar gshegs pa mchog tu ngo mtshar lags so// shA ri'i bu de bas kyang zhes bya ba nas/ de bzhin gshegs pas chos bstan pa gang yin pa 'di ni ches ngo mtshar yin no zhes bya ba rgyas par sbyar ro// shA ri'i bu dper na/ bsreg pa'i bskal pa chen po byung ba na/ skyes bu 'ga' zhig gis me'i phung po chen po shin tu mched pa de mchil ma'i thal ba gcig gis zhi bar byed cing / kha'i dbugs phyung ba gcig gis 'jig rten gyi khams
- 327a
thams cad dang / lha'i gzhal med khang rnams kun tu 'god par byed na/ shA ri'i bu 'di ji snyam du sems/ skyes bu de ngo mtshar byed pa yin nam/ gsol pa/ bcom ldan 'das ngo mtshar lags so// bde bar gshegs pa mchog tu ngo mtshar lags so// shA ri'i bu de bas kyang zhes bya ba nas/ de bzhin gshegs pas chos bstan pa gang yin/ pa 'di ni chas ngo mtshar yin no zhes bya ba rgyas par sbyar ro// shA ri'i bu dper na/ 'di na skyes bu 'ga' zhig gis lag pa gcig gi mthil du sems can thams cad rab tu bkod la/ lag pa gcig shos kyis ni stong gsum gyi stong chen po'i 'jig rten gyi khams rgya mtsho dang bcas pa/ ri dang bcas pa/ gling dang nags tshal dang / yul ljongs dang bcas pa/ rtswa dang / shing dang / chur bcas pa 'di gyen du bteg nas/ nam mkha' bar snang la 'dzin par byed cing / sems can de dag kyang sems gcig dang / blo gros gcig tu byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mcher lags so// bde bar gshegs pa mchog tu ngo mtshar lags so// bka' stsal pa/ shA ri'i bu de bas kyang / bla na med pa yang dag par rdzogs pa'i byang chub mngon par rdzogs par sangs rgyas nas/ 'di lta ste/ 'dus byas thams cad mngon par 'dus ma byas pa dang / 'byung ba med pa dang / 'gag pa med pa gsum
- 327b
dang / bdag po med pa brgyad dang / rang bzhin med pa drug dang / rang bzhin yod pa ma yin pa bdun dang / rang bzhin stong pa brgyad dang / 'jig rten thams cad yid ches pa dgu la de bzhin gshegs pas chos bstan pa gang yin pa de ni ches ngo mcher yin no/ / de ci'i phyir zhe na/ shA ri'i bu chos 'di dag ni mtshan nyid med pa dang / mtshan nyid spangs pa dang / yid la byed pa med pa dang / yid la byed pa dang ldan pa ma yin pa dang / rtsol ba med pa dang / 'ong ba med pa dang / 'gro ba med pa dang / bkod pa med pa dang / spros pa med pa dang / spros pa dang bral ba dang / gdung ba med pa dang / gdung ba dang bral ba dang / pha rol med pa dang / tshu rol med pa dang / 'gram med pa dang / 'gram ma yin pa med pa dang / gshong med pa dang / thang med pa dang / chu bo mod pa dang / chu bo ma yin pa med pa dang / grol ba med pa dang / rnam par grol ba med pa dang / rmongs pa med pa dang / rnam par rmongs pa ma yin pa med pa dang / rab tu rnam par rmongs pa med pa dang / rmongs pa'i dri ba med pa dang ji lta ba bzhin du med pa dang / tshad mar gsung bar bya ba med pa dang / brtag par bya ba me ba dang / rtog pa'i spyod yul med pa dang / rgyu ba med pa dang / kun tu rgyu ba med pa dang / sgra ma yin pa med pa dang / tshig rtsub po med pa dang / dran pa med pa dang / dran pa tshar bcad pa dang / sems pa med pa dang / sems tshar bcad pa dang / yid med pa dang / yid tshar bcad pa dang / thar pa med pa dang / rnam par
- 328a
thar pa med pa dang / brdzun med pa dang / brdzun gyi chos med pa dang / kun tu slu ba med pa dang / kun tu slu ba'i chos med pa dang / kun tu slu ba'i dra ba med pa dang / ming med pa dang / mtshan ma med pa dang / tha snyad med pa dang / tha snyad ma yin pa med pa dang / btags pa med pa dang / btags pa ma yin pa med pa dang / mthar phyin pa med pa dang / mthar phyin pa ma yin pa med pa dang / 'dren par byed pa med pa dang / lam med pa dang / lam gyi 'bras bu dang bral ba med pa dang / rmongs pa dang bral ba dang / rtog pa med pa dang / mi rtog pa dang / yongs su mi rtog pa dang / kun tu mi rtog pa dang / rnam par rtog pa thams cad spangs pa dang / 'dres pa med pa dang / 'dzin pa med pa dang / yongs su 'dzin pa med pa dang / gzung ba med pa dang / yongs su gzung bar bya ba med pa dang / thob pa med pa dang / thob par bya ba med pa dang / bden pa bsal ba dang / 'dod chags bsal ba dang / zhe sdang bsal ba dang / gti mug bsal ba dang / bden pa med pa dang / brdzun pa med pa dang / rtag pa med pa dang / mi rtag pa med pa dang / gsal ba med pa dang / gsal ba ma yin pa med pa dang / snang ba med pa dang / mun pa med pa dang / bdag gir med pa dang / rang gi ngo bo mang pa dang / rang gi ngo bor bya ba med pa dang / rang gi ngo bo stong pa dang / grol ba med pa dang / yid la byed pa med pa dang / 'chi ba med pa dang / shin tu mthar thug pa ste/ bdud kyi dpung tshar gcod pa dang
- 328b
nyon mongs pa tshar gcod pa dang / phung po tshar gcod pa dang / khams tshar gcod pa dang / skye mched tshar gcod pa dang / phung por 'du shes pa rnams tshar gcod pa dang / khams su 'du shes pa rnams tshar gcod pa dang / skye mched du 'du shes pa rnams tshar gcod pa dang / bdag tu 'du shes pa rnams tshar gcod pa dang / sems can du 'du shes pa rnams tshar gcod pa dang / srog tu 'du she brnams tshar gcod pa dang / gang zag tu 'du shes pa rnams tshar gcod pa dang / srid par 'du shes pa rnams tshar gcod pa dang / dngos por 'du shes pa rnams tshar gcod pa dang / log par lta ba rnams dang log par zhugs pa rnams tshar gcod pa yin no/ / shA ri'i bu 'dzin pa thams cad tshar gcod cing 'joms pa yin te/ shA ri'i bu tha na skyes bu dam pa ma yin pa rnams kyi chos su 'du shes pa yang tshar gcod cing 'joms pa yin no/ / shA ri'i bu de bzhin nyid dam/ gzhan ma yin pa de bzhin nyid la mos par byed pa'i skyes bu dam pa ma yin pa/ de bzhin gshegs pa'i bka' la log par 'dzin pa gang yin pa de dag gi chos de yang tshar gcod cing 'joms pa yin no/ / de ci'i phyir zhe na/ shA ri'i bu gang su dag bdag tu smra ba 'am/ sems can du smra ba 'am/ srog tu smra ba 'am/ gang zag tu smra ba 'am/ rtag par smra ba 'am/ chad par smra ba 'am/ yod par smra ba 'am/ med par smra ba 'am/ ming du smra ba 'am/ mtshan mar smra ba 'am/ btags par smra ba 'am/ shA ri'i bu gang su
- 329a
dag dngos por dmigs pa de dag thams cad ni de bzhim gshegs pa dang mi mthun par 'dzin pa yin no/ / shA ri'i bu de bzhin gshegs pa dang mi mthun par 'dzin pa gang yin pa de dag ni log par zhugs pa yin no/ / log par zhugs pa gang yin pa de dag ni nga'i nyan thos ma yin no// nga'i nyan thos ma yin pa gang yin pa de dag ni mya ngan las 'das pa dang mi mthun par 'dzin pa yin/ sangs rgyas dang mi mthun par 'dzin pa yin/ chos dang mi mthun par 'dzin pa yin/ dge 'dun dang mi mthun par 'dzin pa yin no// shA ri'i bu ngas de lta bu'i lta ba dang ldan pa ni rab tu 'byung ba'i phyir ram/ bsnyen par rdzogs pa'i phyir yang skabs ma phye'o// shA ri'i bu ngas de lta bu'i lta ba dang ldan pa rnams la ni dad pas byin pa'i chu phor bu gang yang rjes su ma gnang ngo // de ci'i phyir zhe na/ shA ri'i bu de dag thams cad ni mi dge ba de lta bu'i rang bzhin 'dzin pa yin pa'i phyir ro// shA ri'i bu 'di ltar yang dag mi dge ba de lta bu'i rang bzhin 'dzin pa spangs nas bstan pa 'di la rab tu byung ste/ mya ngan las 'das par rlom sems su mi byed/ mya ngan las 'das pa la rlom sems su mi byed/ mya ngan las 'das pa la mngon par zhen par mi byed/ stong pa nyid la mi skrag mi dngang / dngang bar mi 'gyur ba gang yin pa/ de dag ni/ chos rnams kyang spong ba'i phyir 'bad par byed na/ mi dge ba de lta bu'i rang bzhin 'dzin pa rnams lta ci smos/ 'di lta ste/ bdag tu 'dzin pa dang / sems
- 329b
can du 'dzin pa dang / srog tu 'dzin pa dang / gang zag tu 'dzin pa de dag thams cad yid la mi byed pas mtshan ma med pa'i ting nge 'dzin la kun tu bsten pa yin te/ de yang mtshan mar mi 'dzin cing mtshan ma de dag thams cad mtshan nyid gcig par so sor rtogs par byed de/ 'di lta ste/ mtshan nyid med pa'o// shA ri'i bu de ni reng shig rjes su mthun pa'i bzod pa yin no// shA ri'i bu bzod pa de lta bu dang ldan pa'i dge slong ni nga'i nyan thos yin pas/ dad pas byin pa'i 'thob pa dang bcas pa la longs spyad par bya ste/ skyes bu de ni ma rmongs pa thob pa yin no// de ci'i phyir zhe na/ shA ri'i bu chos 'di ni 'gro ba med pa dang / 'ong ba med pa dang / gzung ba med pa dang / yongs su gzung ba med pa dang / mngon par zhen pa med pa dang / phyi rol med pa dang / tha snyad kun tu bcad pa dang / tha snyad kun tu chad pa dang / dga' ba med pa dang / dga' bar bya ba med pa dang / dga' ba tshar bcad pa dang / 'du ba med pa dang / 'du ba dang bral ba dang / 'gro ba med pa dang / 'gro ba dang 'ong ba med pa dang / 'gro ba thams cad rgyun bcad pa dang / tha snyad thams cad rgyun bcad pa dang / mthong ba med pa dang / bltar med pa dang / gzung du med pa dang / 'dres pa med pa dang / tha snyad med pa dang / bden med pa dang / brdzun pa med pa dang / rtag pa med pa dang / mi rtag pa med pa dang / nam mkha' med pa dang / snang ba med pa dang / bar snang med pa dang / bsdus pa med pa dang
- 330a
dor ba med pa dang / 'dzin pa med pa dang / bstan par bya ba med pa dang / nges par bstan par bya ba med pa dang / tshogs pa med pa dang / tshogs pa dang bral ba med pa dang / g.yo ba med pa dang / rlom sems med pa dang / bstags pa med pa dang / rnam par bzhag pa med pa dang / bsnyems pa med pa dang / kun nas nyon mongs pa med pa dang / yongs su sbyang ba'i 'os med pa dang / ming med pa dang / mtshan ma med pa dang / mtshan ma'i las med pa dang / bsam par bya ba med pa dang / bud med med pa dang / skyes pa med pa dang / lha med pa dang / klu med pa dang gnod sbyin med pa dang / dri za med pa dang / grul bu ma med pa dang / chad pa med pa dang / rtag pa med pa dang / sems can med pa dang / srog med pa dang / gso ba med pa dang / skye ba med pa dang / bu med med pa dang / gang zag med pa dang / shed las skyes med pa dang / shed bu med pa dang / rtag pa med pa dang / 'pho ba med pa dang / mi 'pho ba med pa dang / gnom pa med pa dang / tshul khrims med pa dang / 'chal pa'i tshul khrims med pa dang / kun nas nyon mongs pa med pa dang / rnam par byang ba med pa dang / ting nge 'dzin med pa dang / snyoms par 'jug pa med pa dang / ting nge 'dzin gyi dbang po mong ba dang / bsam gtan med pa dang / bsam gtan gyi 'bras bu med pa dang / shes pa med pa dang / mthong ba med pa dang / bzung ba med pa dang / bzung ba ma yin pa med pa dang / lam
- 330b
med pa dang / lam gyi 'bras bu med pa dang / shes rab med pa dang / shes rab kyi dbang po med pa dang / rig pa med pa dang / ma rig pa med pa dang / grol ba med pa dang / ma grol ba med pa dang / rnam par grol ba med pa dang / 'bras bu med pa dang / 'bras bu thob pa med pa dang / mthu med pa dang / mthu chung ba med pa dang / bag tsha ba med pa dang / 'jigs pa ma yin pa med pa dang / dran pa med pa dang / dran pa'i dbang po med pa dang / gnas med pa dang / 'dug pa med pa dang / phrag dog med pa dang / phrag dog gi lam med pa dang / rtog pa med pa dang / mi rtog pa med pa dang / rnam par rtog pa med pa dang / byang chub med pa dang / byang chub kyi yan lag med pa dang / shes pa med pa dang / mi shes pa med pa dang / sa med pa dang / chu med pa dang / me med pa dang / rlung med pa dang / nam mkha' med pa dang / legs par byas pa med pa dang / nyes par byas pa med pa dang / chos med pa dang / chos ma yin pa med pa dang / bde ba med pa dang / sdug bsngal med pa dang / spros pa thams cad gcod pa dang / spros pa thams cad kun tu bcom pa dang bral ba/ bsil bar gyur pa/ dud pa med pa/ gzhag pa med pa dang / lta ba thams cad dang / 'dod pa thams cad dang / mdud pa thams cad dang / mngon pa'i nga rgyal thams cad dang / ming dang mtshan ma thams cad dang / mngon pa'i nga rgyal thams cad yang dag par bcom pa dang / tha snyad rnam pa du ma chad pa yongs su rtog pa med pa/ mtshan ma med pa yin no//
- 331a
shA ri'i bu 'di ltar de bzhin gshegs pas mngon par rdzogs par sangs rgyas pa'i chos gang yin pa de la rtag pa med pa dang / mi rtag pa med pa dang / bde ba med/ sdug bsngal med/ kun nas nyon mongs pa med/ rnam par byang ba med/ chad pa med/ rtag pa med/ sems can med/ srog med/ gso ba med/ skyes bu med/ gang zag med/ shed las skyes med/ shed bu med/ brtan pa med/ dri za med/ dngos po mod/ dngos po ma yin pa med/ 'gog pa med/ mi 'gog pa med/ thob pa med/ ma thob pa med/ 'pho ba med/ gnod pa med/ skye ba med 'byung ba med/ 'das pa med/ ma 'ongs pa med/ da ltar byung ba med/ skye ba med/ rga ba med/ na ba med/ 'chi ba med/ mya ngan med/ smre sngags 'don pa med/ sdug bsngal dang / yid mi bde ba dang / 'khrugs pa rnams med/ mngon par rdzogs par byang chub pa med/ mngon par rdzogs par byang ma chub pa med/ sngon gyi mtha' med/ phyi ma'i mtha' med/ dbus med/ zhi ba med/ dul ba med/ bri ba med/ 'phel ba med/ 'jug pa med/ btags pa med/ ma btags pa med/ btags pa dang ma btags pa med/ nam mkha' med/ mngon par skabs yod pa med/ yid byung ba med/ 'dod chags dang bral ba med/ 'gog pa med/ mya ngan las 'das pa med do// de ci'i phyir zhe na/ shA ri'i bu 'di ltar de bzhin gshegs pas chos 'ga' yang ma dmigs pa gang yin pa ni
- 331b
mya ngan las 'das pa yin no/ / de bzhin gshegs pas tha snyad 'ga' yang ma dmigs pa gang yin pa ni mya ngan las 'das pa yin no// de bzhin gshegs pas dngos po bga' yang ma dmigs pa gang yin pa ni mya ngan las 'das pa yin no/ / shA ri'i bu 'di ltar de bzhin gshegs pa ni mya ngan las 'das pa la rlom sems mi mnga'/ mya ngan las 'das pas rlom sems su mi mdzad/ mya ngan las 'das pa rnams kyis rlom sems su mi mdzad/ mya ngan las 'das pa la mngon par zhen pa mi mnga'/ mya ngan las 'das pa la mngon par dga' bar mi mdzad do// shA ri'i bu de lta ba sa na bla na med pa yang dag par rdzogs pa'i byang chub mngon par rdzogs par sangs rgyas nas 'di lta ste/ 'dus byas thams cad mngon par 'du byed pa med pa dang / 'byung ba med pa dang mtshan ma med pa dang / mtshan nyid med pa dang / 'dus byas pa dang / bstan du med pa la de bzhin gshegs pas chos bstan pa gang yin pa 'di ni ches mchog tu ngo mtshar yin no// gleng gzhi'i le'u ste dang po'o/ / // gsol ba/ bcom ldan 'das chos kyi rnam grangs 'di la gdams pa ji lta bu dang / rjes su bstan pa ji lta bus sdig pa'i grogs por 'gyur/ lags gdams pa ji lta bu dang / rjes su bstan pa ji lta bus dge ba'i bshes gnyen zhes bgyi lags/ bka' stsal pa/ shA ri'i bu 'di na dge slong gis dge slong la 'di skad rab tu
- 332a
'doms shing 'di skad rjes su ston te/ dge slong tshur shog/ khyod sangs rgyas yid la gyis shig/ chos yid la gyis shig/ dge 'dun yid la gyis shig tshul khrims rjes su dran pa yid la gyis shig/ gtong ba rjes su dran pa yid la gyis shig/ lha rjes su dran pa yid la gyis shig/ dge slong tshur shog/ khyod lus la lus kyi rjes su lta zhing gnas par gyis shig/ gnas pa'i mtshan ma gzung ba'i phyir lus la mi gtsang ba'i mtshan ma yid la gyis shig/ dge slong tshur shog/ khyod 'du byed thams cad mi rtag pa yin par yid la gyis shig/ sdug bsngal ba yin par yid la gyis shig/ chos thams cad bdag med pa yin par yid la gyis shig/ stong pa yin par yid la gyis shig/ dge slong tshur shog/ khyod dmigs pa'i mtshan ma zung la/ bzung nas sems la nye bar zhog shig/ sems mi g.yeng bar bya ba'i phyir dmigs pa'i mtshan ma zung shig/ dge slong cher shog/ khyod dge ba'i chos rnams la ltos pa dang bcas par gyis shig/ mi dge ba'i chos rnams kyi mtshan ma ma 'dzin cig ma 'dzin la de rnams spang ba'i phyir spro ba skyed cig/ ma 'ongs pa na mi skye bar bya ba'i phyir mi dge ba'i chos spang pa rnams kyi mtshan ma'i rjes su 'brang bar gyis shig/ dge slong tshur shog/ khyod phung po'i rnam pa dang / khams kyi rnam pa dang / skye mched kyi rnam pa la yid 'byung bar rjes su lta zhing gnas par gyi shig/
- 332b
dge slong chur shog/ khyod dge ba dang mi dge ba'i chos rnams kyi mtshan ma zung la/ bzung nas chos de rnams spangs pa'i phyir gnas 'di dag yid la bya ste/ 'di lta ste/ 'dod chags spang ba'i phyir mi gtsang ba yid la gyis shig/ zhe sdang spang ba'i phyir byams pa yid la gyis shig/ gti mug spang ba'i phyir rkyen 'di la rten cing 'brel bar 'byung ba yid la gyis shig/ dge slong rgyur shog/ khyod tshul khrims yongs su dag pa yid la bgyis shig/ ting nge 'dzin gyi mtshan ma yid la gyis shig/ shes rab yongs su dag pa yid la gyis shig/ bsam gtan bzhi po rnams la brtson par gyis shig/ 'bras bu thob par bya ba bltos pa la dang bcas par gyis shig/ mi dge ba'i chos rnams la mi ltos par yid la gyis shig/ dge ba'i chos rnams la bsten par yid la gyis shig/ lam bsgom pa'i phyir brtson par gyis shig/ dge ba'i chos rnams kyi mtshan ma legs par zung la/ mya ngan las 'das pa la bde ba dang / zhi bar yid la gyis shig/ khyod kyis mya ngan las 'das pa 'thob par bya ba'i phyir ltos pa dang bcas par gyis shig/ des kyang dag par yid la gyis shig ces des skad 'doms shing de skad rjes su ston na/ phyin ci log tu 'dzin du 'jug ste/ yang dag par lta ba'i 'du shes kyis log par lta ba 'dzin du 'jug pa yin no/ / shA ri'i bu de ltar rjes su 'doms shing de ltar rjes su ston na/ sdig pa'i grogs po yin te/ nga la yang skur pa 'debs pa yin no// yod pa ma yin pa dang /
- 333a
yang dag pa ma yin pas mu stegs can gyi tha snyad smra ba yin no// mu stegs can gyi smra bas rang gi phyogs la yang ston par byed do// shA ri'i bu ngas skyes bu dam pa ma yin pa de lta bu la ni dad pas byin pa'i chu phor bu gang tsam yang rjes su ma gnang ngo / / shA ri'i bu 'doms pa po'i ched du 'di skad gsung gi/ 'di skad 'doms shing 'di skad rjes su ston pa ni ma yin no// de ci'i phyir zhe na/ mngon pa'i nga rgyal du lhung ba phal cher ni/ de skad 'doms shing de skad rjes su ston pa yin no// shA ri'i bu gal te yang mi shes pa'i dge slong gis gnas 'di lo lngar thams cad kyi thams cad rnam pa thams cad kyi thams cad du mi spong na/ bden pa ma yin pa'i tshig 'di la mngon par brtson par byed pa yin gyi/ dmigs pa med pa'i dge slong 'khod pa rnams la yongs su mi 'dri/ yongs su mi rtog pas/ shA ri'i bu de ni dge slong lo lngar log pa'i brtson 'grus dang ldan pa/ gzhan mu stegs can gyi spyod yul dang kun tu 'dres pa/ bdud kyi phyogs dang rjes su mthun par spyod pa yin no zhes gsung ngo // shA ri'i bu yang dge slong gang zhig de skal 'dos shing de skang rjes su ston pa'i stong panyid na su med pa'i chos thos la/ gdams ngag de lta bu 'dod cing / stong pa yid la byed de dmigs su med pa stong pa nyid kyi chos la chom med cing som nyi ma za ste/ 'jug par byed/ kun tu rtog par byed/ goms par byed/ lhag par mos par byed cing / rnam pa thams cad kyi thams cad du/ gang zag tu lta ba la rten par mi byed na/
- 333b
shA ri'i bu nga ni dge slong de yongs su dag pa dang tshangs par spyod pa yin no zhes gsung ngo // de ci'i phyir zhe na/ shA ri'i bu dge slong de lta bu ni ji ltar gyur kyang / dmigs su med pa'i bzod pa dang ldan zhing / mthong ba'i chos 'di nyid la yongs su mya ngan las 'das par 'gyur ro// shA ri'i bu de lta mod kyi ngas dmigs su med pa bzod pa'i yon tan dang ldan pa'i dge slong de lta bu ni bcom ldan 'das byams pa'i gsung rab la 'dus pa chen por bgrang bar 'gyur zhing / der bcom ldan 'das byams pas kye ma 'dus pa chen po ni shAkya thub pa'i gsung rab la dmigs pa med pa'i spyod pa dang ldan pa rnams yin no/ / kye ma 'dus pa chen po na/ shAkya thub pa'i gsung rab la dmigs su med pa'i spyod pa dang ldan pa rnams yin no// kye ma 'dus pa chen po ni shAkya thub pa'i gsung rab la dmigs sra med pa'i spyod pa dang ldan pa rnams yin no zhes lan gsumagyi bar du ched du brjod pa ched du brjod pa mdzad par 'gyur ro zhes lung ston par 'gyur ro/ / de bas na shA ri'i bu nga ni bzod pa de lta bu dang ldan pa'i khyim pa 'am/ rab tu byung ba ni 'di la yongs su mya ngan las 'das pa'i bar du lung ston pa mdzad // shA ri'i bu yang dge slong gang zhig de skad 'doms shing de skad rjes su ston pa'i dmigs su med pa'i stong pa nyid kyi chos rnams thos nas skrag par gyur/ sngangs par gyur/ kun tu spangs par gyur na/ de mgon med pa dang / skyabs med pa dang / rton pa med pas sems can
- 334a
dmyal bar 'gro bar 'gyur ro/ / de ci'i phyir zhe na/ shA ri'i bu 'di ltar sangs rgyas kyi bstan pa la skrag pa gang yin pa de ni ngan song yongs su rdzogs par byed pa yin pa'i phyir ro/ / shA ri'i bu yang ngas kha cig gi skye ba gsungs pa ni ngan song yin no// de ci'i phyir zhe na/ shA ri'i bu 'di ltar sangs rgyas kyis bstan pa la btags pa med pa de ni/ dmigs pa la btags pa med ba yin no/ / shA ri'i bu mtshams med pa lnga dang ldan pa ni bla'i/ bdag tu lta ba dang ldan pa ni de lta ma yin te/ sems can du lta ba dang ldan pa ma yin/ srog tu lta ba dang ldan pa ma yin/ gang zag tu lha ba dang ldan pa ma yin/ phung por lta ba dang ldan pa ma yin/ khams su lta ba dang ldan pa ma yin/ skye mched du lta ba dang ldan pa ma yin/ 'byung bar lta ba dang ldan pa ma yin/ 'jig par lta ba dang ldan pa ma yin/ tshul khrims su lta ba dang ldan pa ma yin/ tshul khrims snying por lta ba dang ldan pa ma yin/ ting nge 'dzin gyi snying por dag tu lta ba dang ldan pa ma yin/ ting nge 'dzin gyi snying por dag par lta ba dang ldan pa ma yin/ / sangs rgyas gzugs kyi mtshan ma'i rjes su 'brang bar lta ba dang ldan pa ma yin/ chos thob pa yid la byed par lta ba dang ldan pa ma yin/ gang zag tu lta ba dge 'dun gyitha snyad dang ldan pa ma yin no/ / shA ri'i bu de ci'i phyir zhe na/ 'di ltar de bzhin gshegs pa'i bstan pa la gang zag tu lta ba dang ldan pa ni dge 'dun gyi grangs su gtogs pa ma yin no zhes gsungs pa'i
- 334b
phyir ro/ / de ci'i phyir zhe na/ shA ri'i bu de bzhin gshegs pa'i nyan thos kyi dge 'dun ni gang zag med pa/ rtog pa med pa/ rnam par mi rtog pa yin pa'i phyir ro// shA ri'i bu de bzhin gshegs pa'i nyan thos kyi dge 'dun la ni mi dge ba cung zad kyang med de/ tshul khrims nyams pa med pa yin/ smod pa nyams pa med pa yin/ 'tsho ba nyams pa med pa yin/ lta ba nyams pa med pa yin no// shA ri'i bu dge ba gang zhe na/ de bzhin gshegs pa'i nyan thos kyi dge 'dun ni 'di lta ste/ sems dang mtshungs par ldan pa dang / dngos po med par rnam par rtog pa dang / mtshan mar rnam par rtog pa ming du dmigs pa dang / gang zag tu dmigs pa dang / shA ri'i bu tha na gang du 'ga' zhig gi sems dang 'brel ba'i tha snyad dag pa dang mi dge pa'i chos kyang mi dmigs pa de ni/ 'phags pa'i chos 'dug ba la dge ba zhes gsungs so/ / shA ri'i bu de ci'i phyir zhe na/ gang na bde ba yod pa de na sdug bsngal yang yod par rig par bya ste/ shA ri'i bu 'di ltar de bzhin gshegs pas mngon par rdzogs par sangs rgyas pa'i chos ni nye bar zhi ba yin no/ / shA ri'i bu 'di ltar de bzhin gshegs pas mngon par rdzogs par sangs rgyas pa'i chos gang yin pa de la ni/ 'dod pa med/ mi 'dod pa med bde ba med/ sdug bsngal med/ sems med/ sems pa med/ 'du shes med/ tshor ba med de/ shA ri'i bu tha na de la stong pa nyid kyang med do// de ci'i phyir zhe na/ shA ri'i bu 'di ltar stong pa'i
- 335a
'du shes gang yin pa de la ni/ bdag gi 'du shes dang / sems can gyi 'du shes dang / srog gi 'du shes dang / gang zag gi 'du shes dang / rtag pa'i 'du shes dang / chad pa'i 'du shes dang / 'byung ba'i 'du shes dang / 'jig pa'i 'du shes de yang 'byung bar 'gyur ba'i phyir ro// shA ri'i bu de ci'i phyir zhe na/ ji tsam du 'du shes pa de tsam du mtshan ma'i 'du shes 'dzin pa nyid yin no zhes gsungs pa'i phyir ro/ / de lta bas na log par zhugs pa yin no// shA ri'i bu mtshan ma'i 'du shes can gyi stong pa nyid yid la byed pa med pa des na stong pa nyid ces bya'o// stong pa nyid yid la byed pas kyang stong pa nyid ces bya'o/ / shA ri'i bu 'di ltar stong pa nyid la dge ba'am/ mi dge ba med pa des na stong pa nyid ces bya'o// shA ri'i bu tha na de la stong pa nyid kyi 'du shes kyang med pa des na stong pa nyid ces bya'o/ / shA ri'i bu 'du byed thams cad shes par bya ste/ de yang shes pa med pa dang / rnam par shes pa med pa dang / yongs su shes pa med pa dang / rnam par dpyad pa med pa dang / gnas pa med pa yin te des na stong pa nyid ces bya'o/ / shA ri'i bu stong pa nyid ni sus kyang yid la bya bar mi nus te/ mtshan ma med par ma yin/ smon pa med par ma yin/ mtshan ma yid la byed pa med par ma yin te/ des na stong pa nyid ces bya'o// shA ri'i bu ci'i phyir stong pa nyid kyis gnas pa zhes gsungs she na/ mtshan ma thams cad dang tha na stong pa nyid kyi mtshan ma yang yid la mi byed pas/ des na stong pa nyid kyis
- 335b
gnas pa zhes bya'o/ / mtshan ma spangs pa des na/ mtshan ma med pa zhes bya'o// shA ri'i bu mtshan ma 'di dag gang du yang yid la mi byed pa dang / yid la byed pa med pa dang / mtshan ma med pa dang / brda med pa des na mtshan ma med pa zhes bya'o// shA ri'i bu gang cung zad mtshan mar 'dzin cing dmigs pa de ni log pa'i lta ba yin no zhes gsung ngo // de ci'i phyir zhe na/ shA ri'i bu chos 'dul ba 'di banye ba ni ba dmigs na yang log par zhugs pa yin na/ tha snyad lta ci smos/ gang gi tha snyad lta ci smos/ gang de'i tha snyad lta ci smos/ shA ri'i bu ci'i phyir sangs rgyas bcom ldan 'das tha snyad log bapa yin par rgya cher ston ce na/ shA ri'i bu tha snyad 'di dag bden pa ma yin par khyod kyis mi shes te/ des na log pa yin par de bzhin gshegs pas thugs su chud nas/ cung zad tsam gyi tha snyad kyang dmigs su med pas/ shA ri'i bu tha snyad ni log par lta ba yin no zhes gsungs so// shA ri'i bu de bzhin gshegs pa rnams kyi bla na med pa yang dag par rdzogs pa'i byang chub ni dran pa med pa yid la byed pa med pa yin no/ / de ci'i phyir zhe na/ shA ri'i bu de bzhin gshegs pas chos gang gis rang bzhin gyis de kho na nyid ma dmigs te/ rang gi ngo bo dmigs pa ma yin/ gzhan gyingo bo dmigs pa ma yin/ mnyam pa dmigs pa ma yin/ mi mnyam pa dmigs pa ma yin pa'i phyir ro// shA ri'i ru ci'i phyir zhe na/ dran pa nye bar gzhag pa zhes bya zhe na/ shA ri'i bu ngas dran pa
- 336a
bar gzhag pa dmigs pa dang / rang bzhin dmigs pa dang / rang gi de kho na nyid dmigs pa dang / rang gnas pa dmigs pa gang yin pa de ni gnas pa ma yin zhing go skabs med/ do zhes de bzhin gshegs pas gsungs te/ rang gi mtshan nyid kyi stong pa'i chos rnams la nges par rtog pa'i don gyis dran pa nye bar gzhag pa zhes bya'o// zhen pa med pa dang / mngon par zhenapa med pa dang / gnas pa med pa dang / so so nyo bar gzhag pa med pa dang / kun tu gnas pa med pa dang / gnas pa dang bral ba ste/ de dag la dran pa nyid kyang med na/ dran pa nye bar gzhag pa lta ci smos te/ des na dran pa nye bar gzhag pa zhes bya'o// shA ri'i bu gal te chos 'ga' zhig gi rang gi de kho na nyid tha na skra'i rtse mo brgyar gshegs pa'i cha shas tsam zhig yod par gyur na yang / shA ri bu de bzhin gshegs pa 'jig rten du byung nas/ chos thams cad rang bzhin med do zhes chos ston par mi 'gyur ro// shA ri'i bu gang gi phyir chos thams cad rang bzhin med pa dang / rang bzhin gyis stong pa dang / mtshan nyid gcig pa dang / mtshan nyid med par mkhyen pa de'i phyir/ de bzhin gshegs pas dran pa nye bar gzhag pa zhes dran pa nye bar gzhag pa bstan pa yin no// gang la gnas pa med pa dang / rnam par gnas pa med pa dang / dran pa med pa dang / dran pa'i las med pa dang / rtog pa med pa dang / rnam par rtog pa med pa dang / sems pa med pa dang / sems
- 336b
pa'i las med pa dang / yid med pa dang / yid kyis las med pa dang / chos kyi 'du shes med pa dang / rnam pa thams cad kyi thams cad du 'dzin pa'i 'du shes med pa dang / gnyis kyi las med pa dang / gnas med pa dang / kun tu gnas med pa ste/ de nyid kyi phyir 'phags pa rnams kyi rnam par mi rtog pa ni/ dran pa nye bar gzhag pa zhes bya'o// de ltar de bzhin gshegs pas dran pa nye bar gzhag pa gsungs pa dngos po'i rjes su 'gro ba de dag ni dran pa nye bar gzhag pa zhes bya'o/ / shA ri'i bu yang sangs rgyas rjes su dran pa zhes bya ba gang zhe na/ dngos po med pa mthong ba ni sangs rgyas rjes su dran pa zhes bya'o/ / sangs rgyas kyang bsam gyis mi khyab pa mtshungs pa med pa/ sems pa de bzhin nyid dang bcas pa ni/ sangs rgyas rjes su dran pa zhes bya'o// shA ri'i bu sems pa de bzhin nyid dang bcas pa gang zhe na/ sangs rgyas bcom ldan 'das rnams ni rtog pa med pa/ rnam par mi rtog pa/ rtog pa dang / rnam par rtog pa med pa yin te/ des na sangs rgyas rjes su dran pa zhes bya'o/ / rang gi ngo bo mthong bas sangs rgyas mthong ba yin no// rang gi ngo bo mthong ba gang zhe na/ dngos po med pa mthong ba ni sangs rgyas rjes su dran pa yin no// sangs rgyas mthong ba la ni sems dang sems las byung ba'i chos rnams kyi rjes su dran pa'i las phra rab tsam yang dmigs su med de/ des na sangs rgyas rjes su dran pa zhes bya'o// shA ri'i/
- 337a
bu chos de ni tha snyad bsang ba yid la byed pa tshar bcad pa yin te/ rjes su dran pas kyang rjes su dran par bya bar sla ba ma yin pas/ de'i phyir sangs rgyas rjes su dran pa zhes bya'o/ / shA ri'i bu chos de ni yid la byed pa thams cad nye bar zhi ba yin te/ de la gang dag mngon par brtson par de dag gi yang sangs rgyas rjesu dran pa de ni de bzhin gshegs pa la gzugs kyi mtshan mar yid la mi byed do/ / de ci'i phyir zhe na/ shA ri'i bu rnam par shes pa ni rtag tu gzugs kyi mtshan ma tsam la chums pa yin no// gzugs med pa la dmigs pa dngos po med pa ni sangs rgyas rjes su dran pa ste/ de lta bas na rtog pa med pa/ rnam par mi rtog pa/ gzung ba med pa ni sangs rgyas rjes su dran pa zhes bya'o// dran pa bstan pa'i le'u ste gnyis so/ / // sangs rgyas kyi sde snod tshul khrims 'chal pa tshar gcod pa/ bam po gnyis pa// bcom ldan 'das chos 'di dag ji ltar ston/ na/ sdig pa'i grogs por mi 'gyur lags/ bcom ldan 'das ji ltar 'doms shing ji ltar rjes su ston na/ dge ba'i bshes gnyen zhes bgyi ba lags// bka' stsal pa/ shA ri'i bu 'di la dge slong gis dge slong la 'di skad 'doms shing 'di skad rjes su ston te/ dge slong tshur shog/ khyod sangs rgyas rjes su dran pa sgoms shig/ mos par gyis shig/ khyod kyis yang dag par
- 337b
'du ba'i gnas yid la ma byed cig/ ci nas kyang dngos po med pa de yang dag par rjes sa mthong bar 'gyur pa de yang dag par mthong ba med pa'i chos kyi rang bzhin du mos par byas la/ rang bzhin med pa de'i ngo bo'i 'du shes rang gis spang bar bya'o/ / de'i mtshan ma'i 'du shes spong zhing / de'i tshe mtshan ma med pa'i dngos po yang dmigs par mi 'gyur na/ dran pa'i las lta smos kyang ci dgos de de ltar rang gi ngo bo med pa dang / mtshan ma med pa dang / mtshan ma'i 'du shes spangs pas/ sogs pa nyid kyang med la/ sogs pa med pa yang ma yin pa de ni// chos thams cad 'gog pa/ sangs rgyas rjes su dran pa sgoms pa yin no/ / dge ba dang mi dge ba'i chos rnams la rnam par rtog pa med cing / dpyod pa med pas/ rtog pa dang dpyod pa kun tu spangs pa'i phyir/ 'di ltar sangs rgyas ni rnam par rtog pa med pa ste/ rnam par rtog pa med par sangs rgyas yid la bya'o// rtog pa med pa dang / dpyod pa med pa dang / mtshan ma med pa ni sangs rgyas rjes su dran pa yin te/ de la ni sems las byung ba'i chos rnams kyi dran pa'i las cung zad tsam yang yod pa ma yin na/ lus kyi las lta ci smos/ ngag gi las lta ci smos te/ yid kyi las lta ci smos/ de ni gnas yod pa ma yin no// mtshan nyid spangs pa dang / kun tu rgyu ba med pa dang / mtshan ma med pa dang / mtshan nyid med pa dang / yid la byed pa med pa ni sangs rgyas rjes su dran pa yin no// ming med pa dang / mtshan ma med
- 338a
pa dang / rang gir med pa dang / bsam pa med pa dang / thob pa med pa dang / so sor rnyed pa med pa dang / rtog pa dang dpyod ba'i kun nas slong ba med pa ni sangs rgyas rjes su dran pa yin no/ / de ci'i phyir zhe na/ shA ri'i bu ji tsam du yid la byed pa'i rgyun yod na/ mtshan mar 'dzin pa yin te/ shA ri'i bu de ni log par lta ba yin no// shA ri'i bu 'di ltar ji tsam du mtshan ma med pa dang / so sor rtog pa med pa dang / dngos po med pa dang / rtog pa med pa dang / dpyod pa med pa dang / mtshan ma med pa dang / 'gog pa med pa dang / 'byung ba med pa dang / kun tu rgyu ba med pa dang / skye ba med pa dang / mi skye ba la bzod pa 'di dag ni/ shA ri'i bu sangs rgyas rjes su dran pa zhes bya'o// de la ni chags pa med/ rab tu chags pa med/ mi 'gog pa med// mi 'gal ba med/ ming med/ mtshan ma med pa ste/ ming med pa dang / mtshan ma med pa gang yin pa de ni/ shA ri'i bu sangs rgyas rjes su dran pa yin no// de ni mtshan nyid med pa tha snyad med pa yin te/ de la dran pa'i las cung zad tsam yang med na/ lus dang ngag gi las lta smos kyang ci dgos te/ de ni gnas yod pa ma yin no// gang na lus kyi las med pa dang / ngag gi las med pa dang / yid kyi las med pa la ni zhen pa med pa dang / 'dzin pa med pa dang / kun tu 'dzin pa med pa dang / mi 'gog pa med pa dang / 'gal ba med pa dang / 'byung ba med pa dang / skye ba med pa dang
- 338b
phye ba med pa dang / bsdus pa med pa dang / brkyang ba med pa dang / dngos po med pa dang / rnam pa thams cad du rtog pa dang / dpyod pa rnams rgyun chad pa de lta bu de ni/ sangs rgyas rjes su dran pa zhes gsungs so/ / de lta bu'i rang bzhin gyis sangs rgyas rjes su dran pa dang ldan pa gang yin pa de ni 'dod na/ stong gsum gyi stong chen po'i 'jig rten gyi khams 'di yongs su sbyar bar byed/ bdud bya ba stong phrag brgya yang pham par byed na/ ma rig pa gzhi med pa bden pa ma yin pa la dmigs te/ kun nas bslang ba la lta smos kyang ci dgos/ chos de dag ni mtshan ma med pa dang / spros pa med pa dang / ma spros pa med pa dang / 'gog pa med pa dang / 'gal ba med pa dang / mtshan nyid med pa dang / tha snyad med pa dang / btags pa med pa dang / snang ba med pa dang / gsal ba med pa dang / bdud dang bdud kyi 'khor dang ma 'dres par so sor rtogs nas tha snyad tsam gyis 'doms shing rjes su ston na/ de lta bu ni sangs rgyas rjes su dran pa yin pas mtshan mar 'dzin pa cung zad tsam yang yid la ma byed cig/ rnam par ma rtog shig/ ma spro shig/ de ci'i phyir zhe na/ dngos po med pa'i chos de ni mtshan ma med pa/ mtshan nyid med pa/ yid la byed pa med pa yin pas 'di ni sangs rgyas rjes su dran pa zhes bya ste/ 'di lta ste/ mtshan ma med pa dang / mtshan nyid med pa dang / yid la byed pa med pa yin no// de ci'i phyir zhe na/ 'di ltar sangs rgyas rnams ni gzugs kyi mtshan ma las yid la bya ba ma yin te/
- 339a
rtog pa las ma yin/ rnam par rtog pa las ma yin/ zhen pa las ma yin/ ma zhen pa las ma yin/ ting nge 'dzin las ma yin/ shes rab las ma yin/ rig pa las ma yin/ rig pa med pa las ma yin pa'i phyir/ de ci'i phyir zhe na/ 'di ltar de bzhin gshegs pa rnams ni btags pa med pa/ bsam gyis mi khyab pa/ shin tu bsam gyis mi khyab pa yin pa'i phyir ro/ / de lta bas na mtshan mar ma 'dzin cig/ de spang ba 'am/ thob pa 'am/ sgom pa'i chos gang yin pa la cung zad kyang zhen par mi byed de/ de de bzhin gshegs pa nyid kyang mi dmigs na rjes su dran pa lta smos kyang ci dgos/ shA ri'i bu dge slong gis dge slong la 'di skad ces dge slong tshur shog/ khyod chos rnams kyi rang bzhin mtshan nyid rnam par sgoms shig/ chos kyi 'du shes yid la ma byed cig ces 'doms shing de skad rjes su ston to/ / de de ltar yid la byed pa na/ rab tu ma zhen pa nyid dang / ma chags pa nyid dang / chos med pa nyid dang / dngos po med pa nyid dang / mtshan nyid gcig bapa nyid la dga' bar byed do/ / de chos kyi 'du shes kyang mi 'jug na/ gang zag gi 'du shes su 'gyur ba lta smos kyang ci dgos te/ de ni gnas yod pa ma yin no// shA ri'i bu 'di ji snyam du sems// ji ga chos mi dmigs te/ chos kyi 'du shes skyed par byed dam/ gsol pa/ bcom ldan 'das de ni ma lags so// ji ga chos kyi 'du shes yid la mi byed cing chos mi dmigs na/ rnam par 'jig
- 339b
par byed pa'i chos 'ga' yang yod dam/ gsol pa/ bcom ldan 'das de ni ma mchis lags so// bka' stsal pa/ shA ri'i bu gal te shing gi rtsa ba med par ji ga yal ga dang / lo ma dang / shun pa 'byung bar 'gyur ram/ gsol pa/ bcom ldan 'das de ni ma mchis lags so// bka' stsal pa/ shA ri'i bu de bzhin du ji ga chos mi dmigs na/ chos kyi 'du shes skye bar 'gyur ram/ gsol pa/ bcom ldan 'das de ni ma lags so// ji ga chos kyi 'du shes yid la mi byed cing / chos mi dmigs na/ rnam par 'jigs par byed pa'i chos 'ga' yang yod dam/ gsol pa/ bcom ldan 'das de ni ma mchis lags so/ / bka' stsal pa/ de de ltar chos sam 'du shes mi dmigs shing yid la mi byed na/ 'gag pa med pa dang / 'byung ba med pa dang / sgom du med de/ rtog par mi byed/ rnam par rtog par mi byed/ 'gog par mi byed/ rnam par 'gog par mi byed/ 'jug par mi byed/ ldog par mi byed de/ de de kho na nyid kyi rang bzhin thob nas tha snyad du byed do// shA ri'i bu de skad 'doms shing de skad rjes su ston pa ni/ dge ba'i bshes gnyen zhes bya'o/ / don dam par ni dge ba yang med/ mi dge ba yang med do// shA ri'i bu mtshan nyid de dag dang ldan pa gang yin pa de dag ni 'jig rten na dkon pa yin te/ 'di lta ste/ phyin ci ma log par yang dag pa'i lta ba dang ldan pa des na yang dag pa'i lta ba zhes bya'o/ / de lta mod kyi shA ri'i bu yang dag pa'i lta ba dang / yang dag pa'i bzod pa dang / yang dag pa'i mos pa ni 'di lta ste/ phyin ci/
- 340a
ma log par yang dag par rjes su lta ba de ni/ de bzhin gshegs pas yang dag pa'i lta ba zhes gsungs so// shA ri'i bu gang su yang rung / phyin ci ma log par yang dag par lta ba med pa de ni yang dag pa'i lta ba ma yin no/ / shA ri'i bu bdag tu smra ba dang / sems can du smra ba dang / srog tu smra ba dang / gang zag tu smra ba dang / rtag par smra ba dang / chad par smra ba gang ci yang rung / de dag thams cad ni log par zhugs pa yin no// shA ri'i bu de bzhin gshegs pa rnams sam/ de bzhin gshegs pa'i nyan thos rnams ni bdag tu smra ba ma yin/ sems can du smra ba ma yin srog tu smra ba ma yin/ gang zag tu smra ba ma yin/ rtag par smra ba ma yin/ chad par smra ba ma yin te/ de ni de bzhin gshegs pa rnams dang / de bzhin gshegs pa'i nyan thos rnams kyi yang dag pa'i lta ba zhes bya'o/ / yang dag par lta ba dang / phyin ci ma log par lta ba dang / ji lta ba bzhin du lta ba ma gtogs pa ni byis pa so so'i skye bo yin no// de ci'i phyir zhe na/ shA ri'i bu 'di ltar byis pa so so'i skye bobo ni 'ga' la yang yang dag pa'i lta ba med do/ / gzhan du na rjes su mthun pa'i bzod pa dang ldan pa gang dag yin pa de dag la ni/ yang dag pa'i lta ba'i cha shas yod pa yin yang ji lta ba bzhin mthong bas ni ma yin pa'i phyir ro/ / shA ri'i bu de ltar yang dag pa'i lta ba dang / log pa'i lta ba yin te/ yang dag pa mthong bas ni/ yang dag pa'i lta ba yin pa 'jig rten gyi zang zing gi sbyin pas ni longs spyod 'phel ba
- 340b
yin no/ / shA ri'i bu 'di ltar slu bar byed pa 'khor ba rgyu bar byed pa/ smad pa'i chos gang yin pa ni de bzhin gshegs pas tshangs par spyad pa'i tha chad yin no zhes gsungs so// shA ri'i bu 'di ltar yang dag pa'i lta ba ni 'di yin no/ / log pa'i lta ba ni 'di yin no zhes ma gsungs pa ma yin te/ de ci'i phyir zhe na/ shA ri'i bu lta bar gyur pa thams cad ni yang dag pa ma yin pa la dmigs pa yin pa'i phyir ro/ / shA ri'i bu gang su yang rung 'di snyam du yang dag pa'i lta ba ni 'di yin no// log pa'i lta ba ni 'di yin no snyam du sems na/ de'i de nyid log par lta ba yin no// de ci'i phyir zhe na/ shA ri'i bu 'phags pa'i chos 'dul ba 'di la nam mkha' dang lag mthil ji lta ba bzhin du lta bar gyur pa thams cad kun tu spangs pa dang / tha snyad thams cad kun tu chad pa yin te/ de lta bu ni dge sbyong gi chos yin no/ / dge ba'i bshes gnyen gyi le'u ste gsum pa'o// // shA ri'i bu de la 'phags pa'i dge 'dun zhes bya ba gang zhen/ gang dag skye ba med pa dang / 'gag pa med pa dang / 'byung ba med pa dang / mtshan ma med pa dang / mtshan nyid med pa dang / spros pa med pa de la 'jug pa dang / lhag par mos pa dang / yang dag par ston pa dang / yang dag par gzhol ba de lta bu'i bzod pa ldan pa ste/ mtshan nyid med pa la lhag par mos pa ni/ bdag gang yin pa yang mi dmigs na/ rgyun du zhugs pa dmigs pa lta ci smos/ lan cig phyir 'ong ba lta ci smos/ dgra bcom pa dmigs pa
- 341a
lta ci smos/ chos su dmigs pa lta ci smos/ skyes pa dang / bud med dang / ma ning lta ci smos/ btags par dmigs pa lta ci smos/ gnas su dmigs pa lta ci smos te/ 'di dang 'di lta bu'o zhes bya ba dmigs pa 'di ni dge 'dun yin no// de lta mod kyi shA ri'i bu mtshan nyid med pa dang / 'gag pa med pa dang / 'byung ba med pa de la mos pa ni nyung ngo // shA ri'i bu mtshan nyid med pa dang / 'gag pa med pa dang / 'byung ba med pa la mos pa gang yin pa de dag ni/ phyin ci ma log pa'i shes pas gzhan dang gzhan dag shes shing / gzhan dang gzhan dag rab tu shes nas/ kun tu gleng bar byed/ yang dag par gzhol bar byed/ gzhan dang gzhan dag ston par byed pa na/ bden pa la dmigs pas bcings shing zhen pa'i 'jig rten pa 'di thams cad ma gtogs par dngos po cung zad tsam yang mi dmigs so/ / de dag ni yang dag pa'i lus la gnas pa yin te/ de ni 'phags pa'i dge 'dun zhes bya'o// de dag tha snyad de la yang dmigs la ming dang mtshan mas mtshan nyid med pa 'doms par byed/ spros pa med pa nyid kun tu ston par byed do// shA ri'i bu de dag ni dge 'dun dkon mchog yon gnas kyi 'os yin te/ 'di lta ste/ phyin ci ma log pa'i don gyis dge 'dun zhes bya'o// shA ri'i bu de bzhin du dge slong gis gnas gang yid la byed pa'i gnas de nyid kyang rang gi mtshan nyid stong pa yin par shes bzhin
- 341b
ru de skad 'doms shing / de skad rjes su ston pa'i dge slong ni dge ba'i bshes gnyen zhes bya'o// shA ri'i bu tha snyad kun tu chad pa ni 'phags pa'i dge 'dun zhes bya'o// de ci'i phyir zhe na/ shA ri'i bu 'phags pa'i chos 'dul ba 'di la ni gang yang dag par btags par gyur pa'i tha snyad kyang mi dmigs pa'i phyir ro// shA ri'i bu de lta bas na tha snyad kun tu chad pa ni 'phags pa'i dge 'dun zhes bya'o/ / shA ri'i bu de la gang dag 'di skad ces ci'i phyir dge 'dun gyi tha snyad ces bya zhe na/ gang la yang dag par btags par gyur pa'i tha snyad 'ga' yang mi dmigs pa gang yin pa'o zhes smra na/ shA ri'i bu de la nga ni 'di skad ces dge 'dun ni ji lta ba bzhin du rtog pa'i don dang / chags pa'i mtshan ma med pa sgrogs pa'i don gyi dngos po 'ga' yang mi dmigs pa yin te/ blo gcig tu gyur pa'i phyir dang / bzod pa gcig pa'i phyir dang / ro gcig pa'i phyir ro zhes gsungs te/ tha snyad gcig po de yang 'jig rten pa'i tha snyad tsam gyis tha snyad du byed kyi/ don dam par ni dge 'dun 'ga' yang med do// gang zhig rtag pa 'am/ brtan pa 'am/ ther zug pa 'am/ mi 'gyur ba'i chos can gyi bzhi po de ni 'ga' yang dmigs su med de/ 'di lta ste/ chos zhes bya ba'i tha snyad yang dag par gtags pa'i tha snyad gang yin pa de yang 'phags pa rnams kyis smad pa yin no/ / 'di ni skyes pa'o// 'di mi bud med do// 'di ni ma ning ngo // 'di ni lha'o// 'di ni klu'o// 'di ni gnod sbyin no// 'di ni dri za'o// 'di ni
- 342a
grul bum mo/ / 'di ni chos so// 'di ni chos ma yin pa'o zhes bya ba de lta bu ni/ chos de ring du spangs nas gzhi rnam pa du ma la dmigs te/ tshig 'di skad ces dge slong chur shos khyod 'dug shig/ 'dir mal gyis shig/ 'di ni che ge mo zhig go zhos smra zhing brdzun gyis tshig tu brtags nas/ ming dang mtshan mar tha snyad du byed do// de ci'i phyir zhe na/ shA ri'i bu 'di ltar chos thams cad ni ming dang / mtshan ma med pa/ mtshan nyid med pa/ yid la byed pa med pa yin no// shA ri'i bu 'di ji snyam du sems/ chos gang yid la byed pa med pa de tha snyad kyis thogs tu phebs par brjod du yod dam/ gsol pa/ bcom ldan 'das de ni ma lags so// bka' stsal pa/ shA ri'i bu gang zhig 'di skad ces 'di ni bud med do// 'di ni skyes pa'o// 'di ni ma ning ngo / / 'di ni lha'o// 'di ni klu'o// 'di ni gnod sbyin no// 'di ni grul bum mo// 'di ni chos so// 'di ni chos ma yin pa'o zhes snu na/ de ni nges par brdzun gyi tshig smra zhing yang dag par ma yin pa'i mtha' la zhugs pa yin pas/ des na dge 'dun zhes mi bya ste/ shA ri'i bu phyin ci ma log pa la zhugs pas de'i phyir 'phags pa'i dge 'dun zhes bya'o// shA ri'i bu de la re zhig mi dge ba ni 'di lta bu la dmigs pa yin par shes par bya ste/ 'di lta ste/ ming dang mtshan ma yin te/ 'di ni mi dge ba thams cad kyi rtsa ba yin no// shA ri'i bu 'phags pa'i chos 'dul ba la ni/ ming dang mtshan
- 342b
ma rnams rgyun chad pa yin te/ ming gis rlom sems su mi byed na dge 'dun de ni 'di yin no// 'di ni 'phags pa'i dge 'dun no// 'di ni kun rdzob kyi dge 'dun no// 'di ni 'bras bu'i dge 'a no/ 'di ni blo bur du lhag pa'i dge 'dun no// 'di ni gnyug mar gnas pa'i dge 'dun no// 'di ni dge slong ma'i dge 'dun no// 'di ni mthun pa dang 'di ni mi mthun pa'i dge 'dun no zhes bya bar ci ltar 'gyur te/ thams cad spangs pa dang / thams cad rgyun bcad pas 'phags pa'i dge 'dun zhes bya'o// ming dang mtshan ma med pa tha snyad med pa/ 'jug pa med pa tha snyad rgyun chad pa de dag ni mchog tu 'phags par brjod pa'i phyir dngos po de dag mi dmigs pa yin no/ / shA ri'i bu yongs su brtags nas ming dang mtshan ma rnams kyi tha snyad dmigs par gyur na ni/ lta bar gyur pa rnam pa du ma la chags pa yin te/ gang zhig srid pa 'byung ba'i rgyur gyur pa phung po'i 'du shes dang / phung po lnga la yongs su rten pa ni log par lta ba'i gnas yin pa'i phyir ro// yang dag pa ma yin pa'i 'du shes yongs su bzung nas 'di lta ste/ phung po'i 'du shes log par 'dzin pa dang / ngan song la 'dzin pa dang / dmigs pa la 'dzin pa dang / lam gol ba la 'dzin pa dang / yang dag par ma yin pa la 'dzin pa de ngadag ni 'phags pa nyan thos rnams la yod pa ma yin pa ma yin te/ yang dag pa ma yin pa la dmigs pa khams gsum pa mi shes pa thams cad ma gtogs te/ des na 'phags pa'i dge 'dun zhes
- 343a
bya'o/ / shA ri'i bu yang dag pa ma yin pa sgra sna tshogs la zhen pa gang ci yang rung / de dag ni 'phags pa'i dge 'dun la dmigs su yod pa ma yin te/ 'di lta ste/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / mir 'dzin pa dang / mi ma yin par 'dzin pa dang / bud med du 'dzin pa dang / skyes par 'dzin pa dang lhar 'dzin pa dang / dmyal bar 'dzin pa dang / dud 'gro'i skye gnas su 'dzin pa dang / gshin rje'i 'jig rten du 'dzin pa dang / phung por 'dzin pa dang / khams su 'dzin pa dang / skye mched du / 'dzin pa dang / 'byung bar 'dzin pa dang / 'jig par 'dzin pa dang / dung gi sgrar 'dzin pa dang / rnga bo che'i sgrar 'dzin pa dang / 'khar rnga'i sgrar 'dzin pa dang / rdza rnga'i sgrar 'dzin pa dang / pi wang gi sgrar 'dzin pa dang / glu'i sgrar 'dzin pa dang / de bzhin du rol mo'i sgra thams cad dang / sa dang chu dang / me dang rlung dang / tshul khrims dang / 'chal pa'i tshul khrims kyi sgrar 'dzin pa dang / lam gyi sgrar 'dzin pa dang / log pa'i lam gyi sgrar 'dzin pa dang / dregs pa'i sgrar 'dzin pa dang / kun nas nyon mongs pa'i sgrar 'dzin pa dang / rnam par byang ba'i sgrar 'dzin pa dang / bsam gtan gyi sgrar 'dzin pa dang / ting nge 'dzin gyi sgrar 'dzin pa dang / snyoms par 'jug pa'i sgrar 'dzin pa dang / brgyad pa'i sgrar 'dzin pa dang / rgyun tu zhugs pa'i sgrar 'dzin pa dang / lan cig phyir 'ong ba'i sgrar 'dzin pa dang /
- 343b
phyir mi 'ong ba'i sgrar 'dzin pa dang / dgra bcob pa'i sgrar 'dzin pa dang / rig pa'i sgrar 'dzin pa dang / rnam par grol ba'i slar 'dzin pa dang / 'bras bu 'thob pa'i sgrar 'dzin pa dang / sangs rgyas kyi sgrar 'dzin pa dang / chos kyi sgrar 'dzin pa dang / dge 'dun gyi sgrar 'dzin pa dang / mya ngan las 'das pa'i sgrar 'dzin pa dang / yongs su mya ngan las 'das pa'i sgrar 'dzin pa ste/ shA ri'i bu yang dag par ma yin pa'i sgra sna tshogs su 'dzin pa dang / gang yin pa 'di dag ni don dam par 'phags pa'i nyan thos rnams kyis mi dmigs so// de lta mod kyi sgra sna tshogs dang / sgra sna tshogs su 'dzin pa'i rnam pa du ma de dag ni shes pa gcig gi mtshan nyid yin te/ 'di lta ste/ mtshan nyid med pa'o// mtshan ma med pa dang / mi mthun pa ni 'du shes phyin ci log tu zhugs pa yin gyi/ phyin ci ma log pa'i bzod pa dang ldan pa ni 'phags pa'i dge 'dun zhes bya'o/ / gang dag mtshan nyid med pa dang / mtshan ma med pa dang / chags pa med pa dang / kun tu chags pa med pa dang / gzung ba med pa dang / skye ba med pa dang 'gag pa med pas ni phyin ci ma log pa'i bzod pa yin no/ / de la rang gi ngang gis 'jug pa gang yin pa de la ni sgom pa med/ rnam par sgom pa med/ rab tu skye ba med/ rlom sems med/ rnam par rlom sems med/ rnam par rlom sems ma yin pa med/ 'gal ba med do// de ni tshu rol med/ pha rol med/ rtog pa med/ rnam par rtog pa med pa'i mtshan nyid du so sor rtogs pas 'phags pa'i dge 'dun zhes bya'o// @
- 344a
ri'i bu 'dus pa rnams kun tu bcad pas de'i phyir 'phags pa'i dge 'dun zhes bya'o/ / shA ri'i bu 'di ltar yang ngas chos mthong ba gang yin pa de ni nga mthong ba yin no zhes gsungs pa shA ri'i bu nga ni nam yang chos yin par mi 'gyur ro/ / shA ri'i bu 'di ltar nga la gzugs kyi skur skyes bu gti mug lhas byin dang / de bzhin du mu stegs pa gzhan dag gis kyang mthong ste/ shA ri'i bu 'di ltar de bzhin gshegs pa la gzugs su mthong na mthong ba ma yin no/ / sgras kyang ma yin te de bzhin du sbyar bar bya'o// shA ri'i bu de bzhin gshegs pa la gzugs kyi skur mthong nas mthong ngo zhes smra ba gang yin pa'i tshig de ni tshig gi ngo bo tsam du zad kyi/ dris na yang dag par shes pa ma yin no// de ci'i phyir zhe na/ shA ri'i bu 'di ltar gang dag de bzhin gshegs pa la gzugs su mthong ba yin pa'i phyir ro/ / shA ri'i bu gang zhig mtshan nyid med pa dang / mtshan ma med pa dang / yid la byed pa gsum med pa dang / rtsol ba med pa dang / 'gag pa med pa dang / 'byung ba med pa dang / spros pa med pa'i chos thams cad la rlom sems su mi byed/ mya ngan las 'das pa la yang rlom sems su mi byed/ mya ngan las 'das par rlom sems su mi byed/ mya ngan las 'das pa la dga' bar mi byed/ rtog par mi byed rnam par rtog par mi byed de/ chos thams cad mtshan nyid gcig par mos pa ni/ 'di lta ste/ mtshan nyid med pa nyid yin no// shA ri'i bu de bzhin gshegs pa yang de lta bu yin// de bzhin gshegs
- 344b
pa mthong ba yang de lta bu yin no/ / de bzhin gshegs pa mthong ba yang gang zhe na/ rtsol ba med pa dang / spros pa med pa dang / 'byung ba med pa ste/ de ni rtog pa med pa dang / zhen pa med pa dang / nges par 'dzin pa med pa dang / ming med pa dang / mtshan ma med pa dang / mtshan ma ma yin pa med pa dang / mtshan ma'i las med pa dang / tha snyad du gzung ba med pa dang / btags pa'i las med pa yin te/ des na dngos po med pa tha snyad kun tu chad pa de la rlom sems su mi byed pa gang yin pa de ni/ de bzhin gshegs pa mthong ba'i cho ga yin no// shA ri'i bu gang mthong na de bzhin gshegs pa mthong bar 'gyur ba/ de bzhin gshegs pas chos mthong ba gsungs pa gang zhe na/ mtshan ma med pa dang / smon pa med pa dang / spros pa med pa dang / len pa med pa dang / tha snyad thams cad la rtag tu mi dmigs pa ste/ de yang 'di lta ste/ mya ngan las 'das pa la rlom sems su mi byed pa yin no// de ci'i phyir zhe na/ shA ri'i bu nga yang mya ngan las 'das pa la rlom sems su mi mdzad mya ngan las 'das pas rlom sems su mi mdzad/ mya ngan las 'das pa la mngon par dgyes par mi mdzad na/ shA ri'i bu nga mya ngan las 'das pa la rlom sems su byos shig ce 'am/ mya ngan las 'das pas rlom sems su byos shig ce 'am/ mya ngan las 'das pa la mngon par dga' bar byos shig ces de ci gsung bar 'gyur ram/ shA ri'i bu gang su yang rung / mya ngan las 'das par dmigs
- 345a
par gyur na/ de dag gi rjes su rab tu mi 'byung ba zhig na/ ston pa gang yin pa de dag gi rjes su rab tu byung ste/ ston pa gang yin pa de dag ni chos ston pa'i chos ni skyo ba yin pa'i shA ri'i bu chos 'dul ba 'di la rig par bya'o/ / de dag ni chos 'dul ba 'di la sun 'byin pa yin par rig par bya'o// de dag ni chos 'dul ba 'di la rtsod pa can yin par shes par bya ste/ shA ri'i bu dbar na/ grong rdal dang / tshong rdal dang / grong khyer dag gi chom rkun pa chen po bzhin no// de ci'i phyir zhe na/ shA ri'i bu skyes bu blun po de dag ni mya ngan las 'das pa la dmigs pa na dmigs par byed na/ gang zag tu lta smos kyang ci dgos/ shA ri'i bu de dag gi ston pa yang nga ma yin la/ nga'i nyan thos kyang de dag ma yin zhing / 'di ltar nga'i nyan thos kyi dge 'dun 'du pa'i nang du yang mi gtogs pas nga ni skyes bu blun po de dag lag brdas skrod par mdzad do/ / shA ri'i bu gang zhig chos thams cad ni rgyun can ma yin pa yid la byed pa med pa/ mtshan ma med pa bzod pa dang ldan pa ma yin pa/ mngon par rdzogs par byang chub pa ma yin pa ste/ de dag ni mya ngan las 'das pa yang dmigs par mi byed na/ gang gi mya ngan las 'das pa lta smos kyang ci dgos shA ri'i bu 'di ni gang mthong na/ de bzhin gshegs pa mthong ba yin no zhes de bzhin gshegs pas chos mthong ba gsungs pa yin no// shA ri'i bu yang de bzhin gshegs pa gang zhe na/ de bzhin
- 345b
nyid dang / ma nor de bzhin nyid dang / gzhan ma yin pa de bzhin nyid de/ shA ri'i bu 'di ni de bzhin gshegs pa zhes bya'o// yang chos la nem nur med cing the tsom mi za ba gang yin par dag ni 'phags pa'i nyan thos zhes bya'o/ / rtog pa med pa dang / rtog pa dang bral ba dang / spros pa med pa dang / mtshan ma med pa la gnas pa de dag ni skyes bu dam pa yin te/ de dag ni 'phags pa'i dge 'dun zhes bya'o/ / shA ri'i bu sngon byung ba skyes bu byis pa'i rang bzhin can sngon chad lan 'ga' yang spre'u ma mthong ba zhig dgos pa 'ga' zhig gi phyir nags tshang tshing zhig tu son pa dang / des der spre'u'i tshogs chen po mtha' gcig tu 'dus pa dag mthong ngo // des spre'u yi tshogs chen po de dag mthong ba dang / de 'di snyam du sum cu rtsa gsum pa'i lha zhes bya ba zhig yod do zhes thos pa'i sum cu rtsa gsum pa'i lha de rnams ni 'di dag yin pa lta zhig snyam nas de rings shing brtags pa'i gzugs kyis myur bar rang gi greng rdal du song sde/ son pa dang / de'i tshe grong rdardul de na skye bo'i cho ga chen po 'dus par gyur to/ / des skye bo'i tshogs chen po de la 'di skad ces smras so// khyod kyis sum cu rtsa gsum pa'i lha rnams sngon chad mthong ngam/ de dag gis smras pa/ grog po bdag cag gis sngon chad sum cu rtsa gsum pa'i lha rnams ma mthong ngo / / des smras pa/ shes ldan dag bdag gis ni sum cu rtsa gsum pa'i lha rnams mthong ma/ khyed cag kyang sum cu rtsa gsum
- 346a
pa'i lha rnams la lta bar 'dod dam/ de dag gis smras pa/ grogs po bdag cag kyang sum cu rtsa gsum pa'i lha rnams la blta bar 'tshal lo// des grong rdal gyi skye bo'i tshogs de ded nas/ nags tshang tsha chen po ga na pa der song ste/ shes ldan dag sum cu rtsa gsum gyi lha rnams la ltos shig ces spre'u yi tshogs chen po do bstan pa dang / de dag gis skyes bu 'di dag gi ni sum cu rtsa gsum pa'i lha rnams ma yin no/ / kye skyes bu 'di dag ni nags na rgyu ba'i spre'u zhes bya ba yin te/ kye skyes bu khyod ni nor ba/ phyin ci log pa 'di ltar spre'u yang mi shes/ sum cu rtsa gsum pa'i lha yang mi shes so zhes smras so/ / shA ri'i bu skyes bu rmongs pa des/ skye ba'i tshogs de don med par bslus pa de bzhin du/ shA ri'i bu ma 'ongs pa'i dus na dge slong 'di lta bu dag 'byung/ bar 'gyur te/ de dag khyim pa dag gi drung du dong nas/ 'di skad ces khyed cag bcom ldan 'das kyi nyan thos kyi dge 'dun la lta ba dang / sangs rgyas kyi gsung nyam par 'dod dam zhes smras pa dang / shA ri'i bu de la khyim pa dag mngon par dga' bar gyur nas/ 'di skad ces bdag cag kyang de bzhin gshegs pa'i nyan thos kyi dge 'dun la lta ba dang / sangs rgyas kyi gsung nyan par 'tshal lo zhes smra'o// ri'i bu de la dge slong smra ba lhur len pa gang yin pa dag 'byung bar 'gyur te/ de dag khyim pa de dag dang dge 'dun gyi kun dga' ra bar zhugs nas ston par byed do// rnam par rig byed la mkhas pa'i yi ge lhur
- 346b
byed pa/ yi ge la mkhas pa/ yi ge'i rjes su 'brang ba/ yi ge la ston pa/ yi ge la mos par 'gyur ba'i dge slong dag 'byung bar 'gyur te/ de dag ni bya ba de dang de'i rjes su 'bran pa de'i rjes su 'brang ba/ yi ge tsam ched cher byed pa/ yi ge lhur len pa'i dge sbyong tshogs kyis gzugs brnyan phyugs rdzi lta bu grangs smra ba la dga' ba/ smra ba la sred pa/ smra ba la dga' ba'i sbyor ba'i rjes su brtson pa yang dag pa ma yin pa'i mtha' la zhugs pa/ gzhan la smra ba mang ba// gsang tshig na bas 'tsho ba/ 'jig rten rgyang pan pa sna tshogs la mkhas pa/ yongs su ma dag pa'i chos byed pa/ yongs su ma dag pa'i chos ston pa/ gtam la sems pa/ 'jig rten pa'i lam du bying ba/ mdangs ngan pa/ mdog ngan pa/ dpe chad pa/ mi smra ba'i rang bzhin bor ba/ ting nge 'dzin ma yin pa lhur byed pa de dag ni nyin par ram/ mtshan mo 'am/ nyin mtshan du brtsod pa'i gtam la mngon pa dga' zhing / shin tu gzab pa'i mal sngas nang tshangs can bcug pa gding ba dang / g.yog pa 'jam po la nyal bar byed kyi/ de dag bsam gtan la gzhol ba'i sems gcig kyang skyed par mi byed na/ 'bras bu thob par byed pa lta smos kyang ci dgos te/ de ni gnas med do// de dag 'jig rten rgyud pan pa yid la byed pa'i sbyor bas nyal zhing de lta bu'i sems kyis gnyid log par 'gyur ro/ / de dag nam gyi cha stod dang / gung thun dang / nam gyi cha smad kyi thun la yang rjes su mthun pa'i bzod pa skyed par byed pa ma yin no//
- 347a
de dag de na dman pa ma dag pa'i gtam la mngon par brtson zhing chos gos dang / bsod snyoms dang / gnas mal dang / nad kyi rkyen sman dang / yo byad kyi rnyed pa dang ldan par 'gyur ro/ / de ci'i phyir zhe na/ 'di ltar skyes bu dam pa ma yin pa rnams bsdu ba'i phyir bdud sdig can mngon par brtson par byed de/ de dag bdud sdig can la spro bar 'gyur zhing // mngon par brtson pa byed de/ de dag phal pa'i gtam de la mngon par brtson/ mngon par dga' ste/ don dam pa la brtson par mi byed do// de dag rigs pa ma yin pa dang mthun pas/ 'di lta bu'i nges pa'i gtam 'dzin par mi 'gyur gyi/ skrag par 'gyur/ dngang bar 'gyur/ gtam gyi snying po 'dor zhing lcags kyi tsha tsha lta bu dag 'dzin par 'gyur ro// de dag bkur ba sti de skyes bu dam pa ma yin pa byis pa gzhan dag gis kyang mthong nas dga' bar 'gyur ro/ / de dag 'di snyam du bdag cag kyang re shig 'di lta bu'i gtam btsal zhing mthar phyin par bya'o snyam nas de dag bla na med pa'i chos 'dul ba 'di spong bar 'gyur ro// shA ri'i bu de lta bu'i dge slong 'byung bar 'gyur ba gang yin pa de dag ni lam ma rnyed pa/ de dag ni lam gol bzung ba/ dge sbyong gi dri ma can dge sbyong gdol pa yin no// de dag gis khyim pa gang yin pa dag shes nas/ drung du 'dong bar sems so// skyes bu dam pa ma yin pa de dag gi drung du dong nas/ ji srid 'tsho ba'i lamo gyi don du sangs rgyas kyi bsngags pa brjod par 'gyur ro// chos kyi
- 347b
bsngags pa brjod par 'gyur ro/ / dge 'dun gyi bsngags pa brjod par 'gyur ro// de dag ni 'tsho ba don du gnyer ba zang zing gis bkol ba/ zas dang bgo ba lhur len pa yin pas gang dag de dag la rtag par sbyin par byed do/ / de dag de bas kyang lhag par de bzhin gshegs pas tshangs par spyod par gsungs pa ni 'di yin te/ 'di lta bu'i sbyin pa chen po byin pas ni mtho rig len par 'gyur ro zhes bsngags pa brjod par 'gyur ro/ / de dag ni don shes pa ma yin/ chos shes pa ma yin/ sbyin pa lhur len pa ma yin/ gang zag tu 'dzin pa ma yin te/ 'di ltar don dam pa'i gtam gyi snying po 'dzin par mi 'gyur ro/ / shA ri'i bu de ltar kha cig dad pa rnyed nas khyim nas khyim med par rab tu 'byung bar 'gyur ro// de dag de la rab tu byung nas kyang skyes bu dam pa ma yin pa de lta bu dag dang / rig pa ma yin pa'i sbyor bas lhan cig tu gnas par 'gyur ro/ / de dag ni dmigs pa can bdag tu smra ba/ sems can du smra ba/ srog tu smra ba/ gang zag tu smra ba te/ de dag ni dngos po yod pa ma yin pa la yod par brtags nas 'jig par 'dod par 'gyur/ chad par smra ba dang / ma chad par smra bar 'gyur te/ shA ri'i de'i tshe gsung rab rgya chen po 'di la mu stegs can mang du 'byung bar 'gyur ro// de dag skye bo'i tshogs chen po 'byed par 'gyur ro/ / shA ri'i bu de ltar de bzhin gshegs pa'i bstan pa don dam par dmigs su med pa/ bla na med pa'i chos dkon mchog 'di yang nub par 'gyur ro// shA ri'i bu skyes bu dam pa ma yin
- 348a
pa de lta bu de dag gis nga'i bla na med pa yang dag par rdzogs pa'i byang chub spong bar 'gyur ro/ / shA ri'i bu ngas de dag ni rab tu 'byung ba'i phyir ram/ bsnyen par rdzogs pa'i phyir ram/ dad pas byin pa tha na chu phor bu gang tsam la yang yongs su longs spyad pa'i phyir skabs ma phye'o// de ci'i phyir zhe na/ shA ri'i bu gang su yang rung / 'di ltar dmigs par lta ba dang / bdag tu lta ba dang / sems can du lta ba dang / srog tu lta ba dang / gang zag tu lta ba ste/ lta ba 'di dag so sor ma spangs pa'i phyir ro// shA ri'i bu de dag gis ni chos 'dul ba 'di la 'bras bu 'thob par mi nus so// de ci'i phyir zhe na/ shA ri'i bu nga ni lta ba de lta bu dang ldan pa rnams ni gzhan mu stegs can no zhes gsung ngo // shA ri'i bu de bzhin gshegs pas don ma 'ongs pa na 'byung bar yang dag par gzigs nas bla na med pa yang dag par rdzogs pa'i byang chub 'di nyid kyang sbed par mdzad kyi/ chos la ser sna byed pa'i phyir ni ma yin no// shA ri'i bu de la gang zhig yang dag pa don dam pa de bzhin gshegs pas dgongs te gsungs pa ma shes pa rnams ni gang zag tu smra bar 'gyur zhing / gang zag tu khas len par 'gyur ro// gal te yang dmigs su med pa/ bla na med pa'i chos dkon mchog 'di thos nas dad par gyur na rang gi gnas su khrid nas slar yang rab tu dbyung bar bya'o/ / slar yang bsnyen par rdzogs par bya'o// de ci'i phyir zhe na/ shA ri'i bu gang dag 'di lta ste/ dmigs par lta ba dang / bdag tu
- 348b
lta ba dang / sems can du lta ba dang / srog tu lta ba dang / gang zag tu lta ba ste/ 'di ltar lta ba de dag so sor ma spangs pa'i phyir/ gzhan mu stegs can yin no zhes gsungs pa'i phyir ro// de ci'i phyir zhe na/ shA ri'i bu de bzhin gshegs pas 'jig rten gyi tha snyad la brten nas gang zag gsungs par mdzad kyi/ don dam par ni ma yin no// shA ri'i bu de la gal te/ gang dag 'di skad ces bdag cag kyang 'jig rten gyi tha snyad du byed kyi/ don dam par ni ma yin no zhes sban/ de dag gi bzod pa 'di ni 'di lta ste/ 'byung ba med pa/ 'gag pa med pa/ skye ba med pa/ mtshan nyid med pa// so sor rig pa med pa/ smad du med pa yin te/ ngas gsungs pa dang mi mthun pa med pas de dag ni nga'i nyan thos yin no// shA ri'i bu gang zhig 'di skad ces de bzhin gshegs pas gang zag me pa la/ gang zag ces gsungs pa ni ci nas kyang 'jig rten gyi tha snyad kyi don du yin no zhe na/ re shig de bzhin gshegs pa 'jig rten gyi tha snyad kyi don du brdzun mi gsung zhing / de bzhin gshegs pas mdo sde mang po de dag las gang zag gi sgra gsungs pa yang re zhig de bzhin gshegs pa'i yang dag pa la yang dag pa ma yin par mi 'gyur ro zhes smra na/ shA ri'i bu de la yang tshig 'di skad ces/ de bzhin gshegs/ bas chos thams cad ni bdag po med pa/ dngos po med par gsungs te/ de bzhin gshegs pas 'jig rten gyi tha snyad kyis brjod pa mdzad kyi/ ji ltar 'phags pa rnams kyi tha snyad don dam par ni ma
- 349a
yin no/ / de bzhin gshegs pa dang 'dra ba yang 'ga' yang med na/ de bas lhag pa'i lha 'am/ klu 'am/ gnod sbyin lta ga la yod/ gang zhig de bzhin gshegs pa bas lhag par mkhas pa 'am/ / lhag par byang ba 'am/ lhag par yid gzhungs pa 'am/ lhag par shes rab dang ldan par 'gyur ba de ni gnas yod pa ma yin no// shA ri'i bu sangs rgyas kyi gsung bsam gyis mi khyab pa gang yin pa de ni/ sems can thams cad kyis mi shes na/ shA ri'i bu ci 'dir de bzhin gshegs pa'i bdag dang 'jig rten lhan cig tu mtshungs par bya ba yin nam/ glang po chen pos ci'i phyir gang zag gsungs she na/ shA ri'i bu 'jig rten ni nga dang lhan cig rtsod par byed kyi/ da ni 'jig rten dang lhan cig rtsod par mi mdzad de/ shA ri'i bu nga ni gang zag tu lta ba'i sems can skrod par mdzad do/ / shA ri'i bu de bzhin gshegs pas gang du gang zag med pa dang / dngos po med pa de las dgongs te gsungs pa/ sems can mang pos ma shes nas/ chos 'dul ba 'di la mi 'jug cing ngan song du 'dod par 'gyur ro/ / de ci'i phyir zhe na/ shA ri'i bu ngas gzhan mu stegs can gyi tshig gsungs kyang de bzhin gshegs pa ni gzhan mu stegs can ma yin no// shA ri'i bu nga ni chad par smra ba dam 'cha' yang de bzhin gshegs pa ni lam gol ba la gzhol ba ma yin no/ / shA ri'i bu nga ni thams cad rgyu med par dam 'cha' yang de bzhin gshegs pa ni rgyu med par gsung ba ma yin no//
- 349b
shA ri'i bu nga ni byed pa med pa'i tshig dam 'cha' yang / de bzhin gshegs pa ni byed pa med pa gsung ba ma yin no// shA ri'i bu nga ni log par dam 'cha' yang de bzhin gshegs pa ni log par lta ba ma yin no// shA ri'i bu log par lta ba la log par lta ba yin par rab tu shes pa de ni de'i yang dag pa'i lta ba yin no// shA ri'i bu log par lta ba ni nam yang yang dag pa'i lta bar mi 'gyur te/ lta bas lta ba ni nam yang shes pa 'am mthong ba ma yin no/ / shA ri'i bu 'jig rten thams cad kyis yid ches par dka' ba'i gnas ni 'di yin te/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub yin no/ / shA ri'i bu nga ni yid mi ches par bya ba ma yin no// shA ri'i bu nga ni mthu dang ldan pas lha dang bcas pa'i 'jig rten gyis yid mi ches par bya ba ma yin te/ shA ri'i bu de bzhin gshegs pas pha rol tu 'gro ba'i chos bstan pa de la yang chos bstan pa 'ga' yang med do/ / shA ri'i bu de bzhin gshegs pas mi zad pa'i chos bstan pa de la yang 'jug pa 'ga' yang med do// shA ri'i bu de bzhin gshegs bas nye bar zhi ba'i chos bstan pa de la yang nye bar zhi ba 'ga' yang med do/ / shA ri'i bu de bzhin gshegs pas yongs su mya ngan las 'da' bar bya ba'i phyir chos bstan pa de la yang yongs su mya ngan las 'da' ba 'ga' yang med do/ / shA ri'i bu de bzhin gshegs pas 'grol bar bya ba'i phyir chos bstan pa de la yang grol ba med cing rnam par grol ba 'ga' yang med do// shA ri'i bu de bzhin gshegs pas nges par 'phyang
- 350a
par bya ba'i phyir chos brtan pa de la yang len pa med cing dul ba 'ga' yang med do/ / shA ri'i bu de bzhin gshegs pas mkhas pas shes pa dang rig par bya ba'i phyir chos bstan pa de la yang rig pa 'ga' yang med do/ / shA ri'i bu de bzhin gshegs pas sems rnam par byang bar bya ba'i phyir/ chos bstan pa de la kun nas nyon mongs pa 'ga' yang med do// shA ri'i bu de bzhin gshegs pas lha rnams kyi phyir chos bstan pa de la yang lha 'ga' yang med do/ / shA ri'i bu de bzhin gshegs pas mi rnams kyi phyir chos bstan pa de la yang mi 'ga' yang med do// shA ri'i bu de bzhin gshegs pas sems/ can gyi phyir chos bstan pa de la yang sems can 'ga' yang med do// shA ri'i bu de bzhin gshegs pas rig pa dang / rnam par grol bar bya ba'i phyir/ chos bstan pa de la yang rig pa dang rnam par grol ba 'ga' yang med do/ / shA ri'i bu de bzhin gshegs pas sangs rgyas rjes su dran pa'i chos bstan pa la yang sangs rgyas bcom ldan 'das rnams kyis kyang rjes su dran par mi spyod do// shA ri'i bu de bzhin gshegs pas stong pa nyid kyis gnas pa gsungs pa la yang stong pa nyid kyi phyir yang gnas par mi nus shing / stong pa nyid yid la bya bar yang mi nus so// shA ri'i bu de bzhin gshegs pas mdo sde dag bstan pa de la yang ston pa po 'am/ 'chad pa po 'ga' yang med na/ skyes bu blun po gang yin pa de ni dmigs nas/ gzhan la chos ston par 'gyur/ nga la yang ston pa yin no zhes smra bar 'gyur/ dge 'dun gyi ming gis
- 350b
kyang 'grang zhing kun tu 'brel bar byed par 'gyur te/ chos gang dag dang ldan na/ de bzhin gshegs pa'i nyan thos kyi dge 'dun du 'gyur ba'i chos de dag dang ldan par mi 'gyur ro// shA ri'i bu dper na/ spre'u dag dang sum cu rtsa gsum pa'i lha rnams ni 'dra ba ma yin no// de bzhin du skyes bu blun po de dag dang / nga'i nyan thos kyi dge 'dun yang 'dra ba ma yin no// shA ri'i bu byis pa'i rang bzhin gyis lha thos pa tsam gyis spre'u ston par byed pa de bzhin du/ skyes bu blun po de dag kyang tshig tsam lhur byed pa/ dge sbyong gi 'du shes can du 'gyur ro// shA ri'i bu de la 'brib po'i rang bzhin du 'gyur pa gang yin pa de dag ni dge slong rnams la 'di lta bu sa mgu bar byed par 'gyur te/ gang dag ming dang gzugs kyi brjod pa med pa dang / tha snyad med pa dang / dmigs pa med pa dang / 'byung ba med pa dang / 'jig pa med pa dang / 'gal ba med pa dang / rnam par mi rtog par bya ba'i phyir mtshan nyid med par so sor khong du chud par byed do// gang dag gis mtshan nyid med pa dang / 'byung ba med pa de lta bu de dag thos nas mi skrag mi dngang bar mi 'gyur na/ shA ri'i bu de dag ni ngas sngon gyi rgyal ba la lhag par bya ba byas pa yin no zhes gsung ngo // de dag ni chos 'dul ba 'di la kun shes pa yin no// de dag ni 'phags pa'i dge 'dun zhes bya'o// 'phags pa'i dge 'dun gyi le'u ste bzhi pa'o// // sangs rgyas kyi sde snod tshul khrims 'chal pa tshar gcod pa/ bam po gsum pa/ shA ri'i bu yang tshul
- 351a
khrims 'chal pa'i dge slong rnams kyi gdung ba ni bcu po 'di dag yin te/ tshul khrims 'chal pa'i dge slong mya ngan gyi zug rngu bcu dang ldan pa rnams ni/ sangs rgyas kyi gsung gi re mi myong / chos zab mo bshad pa rnams la mi 'jug cing / mos par mi 'gyur ro// dmigs su med pa'i stong pa nyid dang / mtshan ma med pa dang / smon pa med pa'i chos thos nas skrag par 'gyur/ dngang bar 'gyur/ kun tu dngang bar 'gyur ro// de bzhin gshegs pas dgongs te gsungs pa'i don mi shes so// chos smra ba'i dge slong la yang sdang bar byed do// chos smra ba'i dge slong la yang lha mi dod par 'gyur ro// bcu gang zhe na/ shA ri'i bu 'di la tshul khrims 'chal ba'i dge slong ni dge 'dun mthun pa la dmigs zhing yid mi bde ba skyed par 'gyur ro// de ci'i phyir zhe na/ dge slong gi dge 'dun mthun pa'i gso sbyong gi las kyi mthas bdag nyams par mi 'gyur grang snyam ste/ de rang gi skyon la bltas nas rtag tu yid gnyis kyi sdug bsngal gyis gnas shing tshul khrims dang ldan pa'i dge slong rnams la yang gnod par sems par 'gyur ro/ / shA ri'i bu 'di ni tshul khrims 'chal pa'i dge slong rnams kyi 'chal pa'i tshul khrims kyi skyon dang po yin te/ ngan song yongs su rdzogs par bya ba'i phyir zhugs pa yin no// shA ri'i bu gzhan yang tshul khrims 'chal pa'i dge slong ni skye bo mang pos smad pa'i 'os su 'gyur ro/ / glang ra dzan bzhin du bskrad pa'i 'os yin te/ de rang gi skyon la kun tu bltas nas sdug bsngal gyis gnas par 'gyur
- 351b
ro/ / shA ri'i bu 'di ni tshul khrims 'chal pa'i dge slong gisa'achal pa'i tshul khrims kyi skyon gnyis pa yin te/ ngan song yongs su rdzogs par bya ba'i phyir zhugs pa yin// no/ shA ri'i bu gzhan yang tshul khrims 'chal pa'i dge slong gis dge slong gi 'khor mthong na/ thag mi ring bar 'dug nas g.yas g.yon du lta bar byed do// de na bdag dang mtshungs par ma mthong nas/ yid chad pa nyid kyis slar ldog par 'gyur/ dge slong gi 'khor gyi nang du nye bar 'gro bar mi spro zhing / nye bar song na yang zhum zhum por byas nas 'dug par 'gyur ro// shA ri'i bu 'di ni tshul khrims 'chal ba'i dge slong gi 'chal pa'i tshul khrims kyi skyon gsum pa yin te/ ngan song yongs su rdzogs par bya ba'i phyir zhugs pa yin no// shA ri'i bu gzhan yang tshul khrims 'chal pa'i dge slong na gtum pa snying rje med/ gsod pyad med pa/ mu stegs kyi tshul khrims la rab tu gnas pa yin no// de tshul khrims ral zhing / tshul khrims mtshungs pa dang ldan pa'i dge slong rnams las legs par bgo ba sha'am byas pa yin te/ de tshul khrims nyams pas ngo tsha med pa yin no// shA ri'i bu 'di ni tshul khrims 'chal pa'i dge slong gi 'chal pa'i tshul khrims kyi skyon bzhi pa yin te/ ngan song yod su rdzogs par bya ba'i phyir zhugs pa yin no/ / shA ri'i bu gzhan yang tshul khrims 'chal pa'i dge slong ni gzhan gyis bsags pa'i longs spyod kyis lus gso bar byed do// shA ri'i bu nga ni de lta bu'i
- 352a
dge slong la khur khyer ba yin no zhes gsung ngo / / de ci'i phyir zhe na/ shA ri'i bu ngas rig pa can dang / grol ba can rnams la ni dad pas byin pa rjes su gnang ngo // shA ri'i bu yang tshul khrims 'chal pa'i dge slong ni/ rig pa med pa nyid kyis grol ba ma yin no// shA ri'i bu de lta bas na tshul khrims 'chal ba'i dge slong gis bskal pa bye ba phrag brgya stong du ya na lag dang / nying lag gi sha gtubs kyang slar sor chud par 'gyur ba'i gnas de ni yod pa ma yin no// dud 'gro'i skye gnas su gtogs pa glang dang bong bu'i khur lon par 'gyur bas de slar sor chung par 'gyur ba'i gnas de ni yod pa ma yin no/ / de ci'i phyir zhe na/ shA ri'i bu 'di ltar tshul khrims 'chal pa'i dge slong rnams kyis dad pas byin pa la bye ba brgya stong du gshegs pa'i cha shas kyang yongs su sbyang bar mi nus na/ chos gos sam/ bsod snyoms lta smos kyang ci dgos te de ni gnas yod pa ma yin no// shA ri'i bu ngas drang srong gi rgyal mtshan gyis g.yogs pa tshul khrims 'chal pa'i dge slong ni gtsug lag khang gi gzhi las gom pa gcig kyang 'dor bar rjes su ma gnang na/ chu'i snod lta ci smos/ khri 'am khri'u lnga ci smos de ci'i phyir zhe na/ shA ri bu skyes bu dam pa ma yin pa de dag ni lha dang bcas pa'i 'jig rten gyi chom rkun pa yin pa'i phyir/ shA ri'i bu skyes bu dam pa ma yin pa de dag ni lha dang bcas pa'i 'jig rten gyis bskrad par bya ba'i 'os
- 352b
yin no/ / shA ri'i bu skyes bu dam pa ma yin pa de dag ni lha dang bcas pa'i 'jig rten gyi dgra bo yin te/ de dag ni sdig pa'i grogs po zhes bya'o// shA ri'i bu ngas lha dang bcas pa'i 'jig rten las chos bstan pa'i phyir skabs dbye bar bya'o/ / shA ri'i bu nga ni tshul khrims 'chal pa'i dge slong tshul khrims nyams pa spyod pa nyams pa/ 'tsho ba nyams pa/ lta ba nyams pa rnams ni lag brdas skrod par mdzad do/ / de dag ni ngas blta ba'i phyir yang skabs ma phye na/ bstan pa 'di la mtshan gcig gam/ nyin gcig gam/ skad cig tsam nye bar 'gro ba'i phyir lta ci smos shA ri'i bu dper na/ sbrul gyi ro 'am/ khyi ro 'am/ mi ro ma gtsang pa rul pa/ bri mi zhim pa dag ni lha'i 'khor dang mthun pa ma yin zhing 'dod pa'i rtsed mo rnams dang yang mthun pa ma yin te/ gal te de dag mthong na/ rgyang ring po kho na nas yongs su spong bar byed do// shA ri'i bu de bzhin du mkhas pa rnams kyis tshul khrims 'chal pa'i dge slong yang sbrul gyi ro dang 'dra bar rig par bya ste/ 'di ltar de ni rgyang ring por yongs su spang bar bya'o// de dag dang bkra shis kyi las sam/ gso sbyong ngam/ dgag dbye yang lhan cig tu mi bya'o// de ci'i phyir zhe na/ 'di ltar skyes bu blun po dag ni yun ring por gnod pa dang / phan pa ma yin pa dang / bde ba ma yin pa dang / sdug bsngal ba dang / nyams pa dang / gzhan gyis zil gyis mnan pa dang / log par ltung ba kun tu rdzogs
- 353a
par 'gyur ba yin pa'i phyir ro/ / tshul khrims dang ldan pa'i dge slong gang yin pa dag la gus par mi byed/ dge sbyong ma yin par dge sbyong du khas 'che/ tshangs par spyod pas yin par tshangs par spyod par khas 'che zhing / bya ba dang / las dang / gso sbyong dang / dgag dbye rnams 'dra bar byed do// shA ri'i bu nga'i bstan pa 'di la tshul khrims dang ldan par bkur ba'i dge slong gang yin pa de dag gis/ tshul khrims 'chal pa'i dge slong rnams mthong na/ rgyang ring po kho nar yongs su spong bar 'gyur ro// de ci'i phyir zhe na/ shA ri'i bu 'di ltar tshul khrims dang ldan pa'i dge slong rnams kyi lhung bzed dam/ chos gos gang yin pa de dag dang / tshul khrims dang ldan pa'i dge slong rnams kyir 'dres na/ dug dang 'dres pa lta bur rig par bya'o// shA ri'i bu nga ni sbrul gyi ros gang ba 'am/ khyi ros gang ba 'am/ mi ros gang ba'i sa la spyod lam bzhi po rnams las spyod lam gang yang rung bas gnas par ni spro'i// shA ri'i bu nga ni tshul khrims 'chal pa'i dge slong spyod pa nyams pa/ 'tsho ba nyams pa// lta ba nyams pa rnams dang / mtshan gcig gam/ nyin gcig gam/ skad cig gam/ tha na se gol gtogs pa tsam yang lhan cig tu gnas par yang mi spro'o// de ci'i phyi zhe na/ shA ri'i bu 'di ltar de lta bu'i dge sbyong rnams ni dge sbyong tha shal zhes bya'o// dge sbyong bkren pa zhes bya'o// dge sbyong phal pa zhes bya'o// dge sbyong sbran pa zhes bya'o// dge sbyong rul
- 353b
pa zhes bya'o/ / dge sbyong dri can zhes bya'o// dge sbyong gi snyigs ma zhes bya'o// dge sbyong gi dri ma zhes bya'o// dge sbyong gdol pa zhes bya'o// dge sbyong nyams pa zhes bya'o// dge sbyong sdig can zhes bya'o/ / dge sbyong sre da zhes bya'o// 'phags pa'i lam las phyi rol pa zhes bya'o// dge sbyong chu sbyar zhes bya'o// dge sbyong sun 'byin pa zhes bya ste/ de dag nga'i bstan pa 'di la rab tu byung nas/ bsod nams ma yin pa'i phung po mang du 'thob par 'gyur ro// shA ri'i bu de dag ni de bzhin gshegs pa'i 'thab krol ba yin no// shA ri'i bu de dag ni de bzhin gshegs pa'i chom rkun chos sum 'byin pa yin no/ / shA ri'i bu skyes bu dam pa ma yin pa de dag ni tshul 'chos pa 'tsho ba lhur len pa/ 'jig rten gyi zang zing gis bkol ba/ zas dang bgo ba lhur len pa yin no// shA ri'i bu dper na ma ning ni bud med kyang ma yin/ skyes pa yang ma yin no zhes brjod par bya'o// shA ri'i bu de bzhin du tshul khrims 'chal pa'i dge slong yang khyim pa yas yin/ dge sbyong yang ma yin no zhes brjod par bya ste/ de'i tha snyad kyi bden pa'i tshig gi don gyi bla dgas ni sems can dmyal ba zhes bya ba kho na yin no// shA ri'i bu dper na bya ma byi ni 'dab chags kyi brel pa byung na ni phug tu zhugs nas/ byi ba'i 'du shes 'byin to/ / byi ba'i 'brel pa byung na ni 'dab chags rnams kyi grangs kyi kha skong bar byed do// de la ni bya ba dang bskyod pa'i mthu yod pa ma yin/ skad dang gdangs chen po 'byin pa ma yin//
- 354a
kha dog bzang po dang / ngan pa'i gnas rnams bstan du med de/ 'di ltar mun khung nyid la sten pa dang / de bdag nyid kyi rang bzhin yang dri zhim pa yin no// shA ri'i bu de bzhin du tshul khrims 'chal pa'i dge slong yang bya ba dang bskyod pa la mthu med par 'gyur te/ rgyal po'i las la ni dge sbyong dang thun mong / bzang po'i las la ni khyim pa dang thun mong du byed de/ de lta bas na da ni/ khyim pa yang ma yin/ dge sbyong yang ma yin par brjod par bya'o// ro 'am mgal me'i 'khor lo bzhin du bya ba dang g.yo ba yongs su nyams pas/ de nyid kyis tshul khrims kyi dri yod pa ma yin/ ting nge 'dzin gyi dri yod pa ma yin/ shes rab kyi dri yod pa ma yin/ rnam par grol ba'i dri yod pa ma yin/ rnam par grol ba'i ye shes mthong ba'i dri yod pa ma yin gyi/ gzhan du na de la tshul khrims 'chal pa'i dri kho na yod do/ / dge sbyong dang 'dra ba'i skad dang gtam/ 'di lta ste/ tshul khrims kyi gtam 'am/ ting nge 'dzin gyis gtam 'am/ shes rab kyi gtam 'am/ rnam par grol pa'i gtam 'am/ rnam par grol ba'i ye shes mthong ba'i gtam 'am/ 'bras bu thob pa'i gtam mngon par mi brjod kyi gzhan du tshul khrims 'chal pa'i dge slong ni 'du 'jil dga' zhing mngon par mgu bar byed pa kho na yin no/ / de ni rig pa ma yin pa la sbyor ba de 'dra ba dag dang lhan cig ma dag pa'i gtam mang po 'di lta ste/ chos gos bgos pa'i gtam dang / bdag gis kha zas rnyed
- 354b
nas zos pa'i gtam dang / sbyin pa byin na byin len bya ba'i gtam dang / pho nya dang spring yig skyel ba'i gtam dang / lo ma dang me tog dang / 'bras bu sbyin pa'i gtam dang / gzha gang dang rtsed mo dang kun tu 'brel pa dang / gdul dka' ba dang / dgang dka' ba dang / gso dka' ba smra ste/ gtam 'di 'dra ba ma dag pa dag gis nyin mtshon lhag par 'da' bar byed do// de ltar de dag yongs su ma dag pa'i lus kyi las kyi mtha' dang / yongs su ma dag pa'i ngag gi las kyi mtha' dang / yongs su ma dag pa'i yid kyi las kyi mtha' dang / yongs su ma dag pa'i 'tsho bas lus zhig nas shi ba'i 'og tu ngan song ngan 'gro log par ltung ba sems can dmyal ba rnams su ltung bar 'gyur ro/ / shA ri'i bu dper na bya ma byi ni mun khrod na sten pa yin no zhes gsung ngo // skyes bu blun po de dag kyang de bzhin gshegs pas gsungs pa'i mdo sde yang dag par ji lta ba bzhin skul bar byed pa 'di lta bu thos nas sdug bsngal bar 'gyur ro/ / de ci'i phyir zhe na/ shA ri'i bu 'di ltar 'jig rten ni bden pa la khro ba yin pas/ de dag chos smra ba la sems ma dad par 'gyur ro// de dag lhag par yang ngan song gi gnas kun tu 'phel ba dang / yongs su rdzogs par byed par 'gyur ro/ / shA ri'i bu 'di ni tshul khrims 'chal ba'i dge slong gi 'chal ba'i tshul khrims kyi skyon lnga pa yin te/ ngan song yongs su rdzogs par bya ba'i phyir zhugs pa yin no//
- 355a
bu gzhan yang tshul khrims 'chal ba'i dge slong ni spyi brtol can yin/ mu cor smra ba yin/ thugs thub can yin/ phal pa'i dbang po can yin no// lus kyi las mi gtsang ba rnams dang ldan pa yin no/ / ngage gi las mi gtsang ba rnams dang / yid kyi las mi gtsang ba rnams dang ldan pa yin no// spyod lam mi gtsang ba rnams dang ldan pa yin no// chos gos mi gtsang ba'i dgon pa dang ldan pa yin no/ / brdzun du smra ba yin/ ngag ma bsdams pa yin/ sems kun nas nyon mongs pa can yin no// shA ri'i bu dper na/ sa las byas pa'i snod gsar pa zhig yod la/ / der skyes pa 'ga' zhig gis ngan skyugs blugs nas/ de pho sto tsan dan dmar pos slar bkang nas tsan dan dmar po do yang pho na/ shA ri'i bu 'di ji snyam du sems/ sa las byas pa'i snod gsar pa de la 'di ltar tsan dan gyi dri'am/ 'on te ngan skyugs kyi dri/ dri'i rang bzhin gang zhig gi mthu yod par 'gyur/ bcom ldan 'das dgo sa'i snod de ngan skyugs kyi dri gang lags pa kho nas thog mar bsgos pas dri de'i rang bzhin kho nar 'gyur lags te/ 'di lta ste/ ngan skyugs kyi dri lags so// tsan dan gyi dri ni ma lags te/ des ni tsa na dan dmar po'i bgyi ba dang / bsgrub pa rngo mi thog lags so// shA ri'i bu de bzhin du 'di na sems can kha cig dbang po yongs su rdzogs shing / yongs su dag ste
- 355b
dge ba'i chos rnams dang ldan zhing / de dad pas khyim nas khyim med par rab tu byung ste/ de dag khyim nas khyim med par rab tu byung nas/ sdig pa'i grogs po'i lag tu 'dong ba dang / dbang // du 'dong ba dang / nye bar 'dong bar 'gyur ro// shA ri'i bu sdig pa'i grog po zhes bya ba de dag gang zhe na/ shA ri'i bu sdig pa'i grogs po ni 'di lta ste/ rgod pa dang / pho thag che ba dang / mi brtan pa dang / mu cor smra ba dang / thugs thub can dang / tshig zlos bu can dang / le lo can dang / brtson 'grus zhan pa dang / brjed nges pa dang / sems mnyam par ma bzhag pa dang / sems 'khrug pa dang / mdzes pa ma yin pa dang / shes bzhin ma yin pa dang / shes rab 'chal pa dang / lug ltar lkugs pa dang / phal pa'i dbang po can gyi dge slong rnams yin no// de dag dge slong de lta bu dag la nye bar sten cing bkur bsti dang / bsnyen bkur byed pa na/ rgyun tu zhugs pa'i 'bras bu las yongs su nyams par 'gyur ro// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid las yongs su nyams par 'gyur ro// tha na mtho ris su skye ba las kyang yongs su nyams par 'gyur ro// chos kyis phongs par 'gyur ba'i las mngon par 'du byed par 'gyur ro/ / chos kyis phongs par 'gyur ba dag dang lhan cig gnas pa dang / kun tu gzhol bar 'gyur ro// yongs su ma dag pa'i lus kyi las dang ldan par 'gyur ro//
- 356a
yongs su ma dag pa'i ngag gi las dang / yid kyi las dang ldan par 'gyur ro// dge slong 'tshong yongs su ma dag pa de lta bu dag la bsten cing bkur bsti dang / bsnyen bkur byas nas lus zhig nas shi ba'i 'og tu ngan 'gror 'gro bar 'gyur ro/ / shA ri'i bu ngan 'gro zhes bya ba gang zhe na/ shA ri'i bu ngan 'gro zhes bya ba ni 'di lta ste/ sems can dmyal ba dang / dud 'gro'i skye gnas dang / yi dgas kyi yul dang / lha ma yin gyi rigs so// shA ri'i bu srog chags kyi rigs rnyed dgu za zhes bya ba zhig yod pa dang / shA ri'i bu srog chags kyi rigs mchus rko zhes bya ba zhig yod pa dang / shA ri'i bu srog chags kyi rigs khab kyi kha zhes bya ba zhig yod pa dang / shA ri'i bu srog chags kyi rigs bcog ces bya ba zhig yod de/ der sdig pa'i grogs po skyes bu blun po de dag skye bar 'gyur ro/ / shA ri'i bu sdig pa'i grogs po de dag gi lag tu song ba dang / dbang du song ba dang / nye bar song ba gang yin pa de dag kyang lus zhig nas shi ba'i 'og tu ngan 'gror 'gro bar 'gyur ro/ / shA ri'i bu ngan 'gro zhes bya ba gang zhe na/ shA ri'i bu ngan 'gro zhes bya ba ni 'di lta ste/ sems can dmyal ba dang / dud 'gro'i skye gnas dang / yi dgas kyi yul dang / lha ma yin gyi ris so// gal te sems can dmyal ba nas shi 'phos te/ mi rnams su slar skyes par 'gyur te/ de dag mi rnams su slar skyes nam dang yang 'bral bar 'gyur zhing / pa dang yang /
- 356b
'bral ba dang / spun dang yang 'bral ba dang / sring mo dang yang 'bral ba dang / bu dang yang 'bral ba dang / bu mo dang yang 'bral ba dang / bran g.yog dang yang 'bral ba dang / grogs po dang yang 'bral ba dang / nye du yang 'bral ba dang / nad kyis kyang nyam thag pa dang / longs spyod dang yang 'bral ba dang / yul dang 'bral ba dang / yul phyogs dang yang 'bral bar 'gyur ro// mi khom pa brgyad dang yang ldan par 'gyur ro// dal ba phun sum tshogs pa dang yang 'bral bar 'gyur ro// 'dod chags pa do ba dang / zhe sdang bdo ba dang / gti mug bdo bar yang 'gyur/ rgod pa dang / pho thog che ba dang / mi brtan pa dang / mu cor smra ba dang / thugs thub can dang / tshig zlos bu can dang / le lo can dang / brtson 'grus zhan pa dang / ma bsdams pa dang / shas bzhin ma yin pa dang / mnyam par ma bzhag pa dang / brjed nges pa dang / shes rab 'chal pa dang / lug ltar lkugs pa dang / sems 'khrug pa dang / phal pa'i dbang po can rnams su 'gyur ro/ / 'dod chags kyis kyang bcom par 'gyur te/ zhe sdang gis bcom pa dang / gti mug gis bcom pa dang / nga rgyal gyis bcom par yang 'gyur ro// long ba dang / zhar ba dang / sgur po dang / 'gram pa zhom pa dang / 'on pa dang / rna ba ya gcig 'on pa dang / lhag par 'on pa dang / rkyen gyis 'on pa dang / glen pa dang / dig pa dang / lug lta
- 357a
rmugs pa rnams su 'gyur ro/ / de la skyes bu blun po de dag ni gang du sangs rgyas bcom ldan 'das rnams mngon sum du mi 'gyur ba dang / yang dag par mngon sum du mi 'gyur ba der skye bar 'gyur ro/ / 'di ltar kha phyir ltas par yang 'gyur ro// gang na chos mi thos pa dang / sangs rgyas kyi nyan thos dgra bcom pa zag pa zad pa rnams dang kun tu phrad par mi 'gyur ro/ / de dag las ngan pa rnams mngon par 'du byed par 'gyur ro// de dag las ngan pa mngon par 'dus byas nas/ ngan pa kho na rnams dang lhan cig skye bar 'gyur ro// ngan pa rnams la dga' bar 'gyur ro/ / de dag yang dag pa'i lta ba la log pa'i lta ba yin par 'du shes shing / log pa'i lta ba la yang dag pa'i lta ba yin pa'i 'du shes par 'gyur ro// de dag ngan pa 'dod pa dang ngan pa la sems pa dang / ngan pa la don du gnyer ba dang / ngan pa la smon pa dang / ngan pa la mngon par 'du byed pa dang / ngan pa'i lta ba dang / ngan pa'i bzod pa dang / ngan pa'i shes pa dang / ngan pa'i shes pa can du 'gyur ro// shA ri'i du shes pa ngan pa can gyi sems can rnams ni nam yang yid 'byung ba 'am/ 'dod chags dang bral ba'i phyir ram/ 'gog pa'i phyir ram/ nye bar zhi ba'i phyir ram/ mngon par byang chub pa'i phyir ram/ dge sbyong gi phyir ram/ mya ngan las 'da' bar bya ba'i phyir/ sems gzhol bar mi byed de// shA ri'i bu 'di lta bu dag gis
- 357b
phongs par 'gyur ro/ / sdig pa'i grogs po'i dbang du song ba'i sems can rnams kyi tshul ni 'di dag yin/ rtags ni 'di dag yin/ mtshan ma ni 'di dag yin no// shA ri'i bu skyes bu blun po de dag de bzhin gshegs pas gsungs pa'i mdo sde 'di lta bu dag mthong nas/ skrag par 'gyur/ dngang bar 'gyur/ kun tu dngang bar 'gyur te/ g.yang sa'i 'du shes su 'gyur zhing // g.yang sa chen por yang lhung bar 'gyur ro/ / de ci'i phyir zhe na/ shA ri'i bu 'di ltar de bzhin gshegs pas yang dag phul gyis mdo sde 'di las tshul khrims 'chal pa'i skyon rnams gsungs pa'i phyir ro// shA ri'i bu rgyu gang dang / rkyen ci zhig gis gang gi phyir 'chal ba'i tshul khrims rnams zhes bya zhe na/ shA ri'i bu tshul khrims kyi spyod pa 'chal pas/ tshul khrims 'chal pa rnams zhes bya ste ngan pa'i tshig spyod pa dang / mkhas pa ma yin pa'i tshig spyod pa dang / kun nas nyon mongs pa'i tshig spyod pa dang / mi mthun par spyod pa dang / chags par spyod pa dang / kun tu chags par spod pa dang 'dod chags la spyod pa dang / kun nas 'dod chags la spyod pa dang / zhe sdang la spyod pa dang / rab tu zhe sdang la spyod pa dang / gti mug la spyod pa dang / kun nas gti mug la spyod pa dang las kyi mtha' mang ba dang / smra ba la dga' ba dang / go nyid la dga' ba dang / 'dul ba la dga' ba dang / 'odu 'jil dga' ba dang / spros pa la dga' pa dang / rigs pa med pa'i
- 358a
gtam dang / ma dag pa'i gtam dang / bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / sman pa'i tha snyad kyis khyim sun 'byin pa la dga' ba dang / pho nyar 'gro ba dang / khyim pa'i las kyi mtha' byed du 'jug pa dang / khyim pa'i 'du 'ji byed pa dang / khyim pa'i go ro long byed pa dang / lo ma dang / me tog dang / 'bras bu 'jig pa dang / gcer bu pa'i sdom pa bdag gi byed pa dang / gcer bu pasrel ba dang / 'jig rten las 'das pa'i ye shes spong ba dang / lo nyi shu ma tshang bar bsnyen par rdzogs pa dang / yan lag ma tshang par bsnyen par rdzogs pa dang / 'brum gcos pa byin len byed pa dang / sha ma bcos pa byin len byed pa dang / gser dang dngul byin len byed pa dang bdag tu smra ba la mi smod pa dang / bdag shes pa ma yin pa dang / gang zag gzhan dang / gzhan shes par byed pa dang / brdzun du smra ba dang / sdom pa la lhod pa dang / gya gyu byed pa dang / dad pa med pa dang / sran chung ba dang / byas pa mi shes pa dang / ma rig pa dang / le lo dang / gnyid dang / rgod pa dang / 'gyod pa dang / khro ba dang / khon du 'dzin pa dang / 'chal pa dang / chags pa dang / sgyu dang / g.yo dang phrag dog dang / ser sna dang / khrel med pa dang / ngo tsha med par
- 358b
rgyags pa dang / bag med pa dang / khengs pa dang / kun la rtsom pa dang / dga' ba med pa dang / sgyid lug pa dang / gral ba dang / zas kyis dregs pa dang / sems zhum pa dang / nga rgyal dang / mngon pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / cung zad pa'i nga rgyal dang / log pa'i nga rgyal dang / tshul 'chos pa dang / khagasag dang gzhog slongs dang / thob kyis 'jal ba dang / chos dang mi mthun pa dang / rnyed pas rnyed pa sgrub pa dang / tshul khrims kyi phung po nyams pa dang / shes rab kyi phung po nyams pa dang / rnam par grol ba'i phung po nyams pa dang / rnam par grol ba'i ye shes mthong ba'i phung po nyams pa dang / sangs rgyas la ma dad pa dang / chos la ma dad pa dang / dge 'dun la ma dad pa dang las kyi rnam par smin pa la yid mi ches dang / tshe 'di gtso bor byed pa dang / tshe phyi ma'i chos la gces par mi byed pa dang / som nyi dang / yid gnyis dang / be tsom dang / pho theg che dang / 'jigs su rung ba'i rang bzhin can yin te/ shA ri'i bu gang zag de dag ni chos 'dul ba 'di la ngan skyugs dang 'dra bar rig par bya'o// mi gtsang ba'i lus kyi las dang ldan pa dang mi gtsang ba'i ngag gi las dang ldan pa dang / mi gtsang ba'i yid kyi las dang ldan pa dang / 'tsho ba ma dag pa gang yin pa de dag ni lus zhig nas shi ba'i 'og tu sems can dmyal bar ltung bar
- 359a
'gyur ro/ / de dag ni sangs rgyas rnams dang / sangs rgyas kyi nyan thos rnams dang / de bzhin du gzhan yang dge ba don du gnyer ba rnams dang / yongs su mya ngan las 'da' bar 'dod pa rnams kyis yongs su spangs pa'i 'os yin no/ / shA ri'i bu dper na/ tsan dan dmar po do ngan skyugs blugs pa'i snod der bcug na/ de yang mi gtsang bar 'gyur zhing smad par 'gyur ro/ / shA ri'i bu de bzhin du khyim pa 'am/ rab tu byung ba tshul khrims kyi phung po ma ral ba dang ldan pa gang dag 'byung bar 'gyur ba de dag kyang skyes bu dam pa ma yin pa sdig pa'i grogs po de lta bu de dag bsten la/ bsnyen bkur dang / bkur bsti byas te/ tshul khrims kyi phung po nyams pa de dag gi rjes su bslabs na/ de dag kyang de kho na'i rang bzhin du 'gyur ro// tshul khrims ral ba dang sdom pa ral ba dang / spyod lam ral ba dang / spyod pa ral pa de dag lus zhig nas shi ba'i 'og tu sems can dmyal bar ltung bar 'gyur ro// de dag sangs rgyas rnams dang / sangs rgyas kyi nyan thos rnams dang / de bzhin du gzhan yang dge ba don du gnyer ba rnams dang / yongs su mya ngan las 'da' bar 'dod pa rnams kyis yongs su spang bar bya ba'i 'os yin no// shA ri'i bu dper na/ tsan dan dmar po dongan skyugs kyis spabs pa'i snod der bcug na/ de yang bya ba dang / sgrub pa la mthu yod pa ma yin no// shA ri'i bu ci nas kyang tsan ngan dmar po de skyes bu mi
- 359b
shes pa zhig gis lag pas kun tu reg gam/ lus la byugs na/ 'di ltar ngan skyugs kyi rang bzhin kho na yin par lta bar bya ste/ 'di lta ste/ dri mi zhim pa yin pa'i phyir ro// shA ri'i bu de bzhin du dge slong sdig can drang srong gi rgyal mtshan gyis g.yogs pa dge 'dun gyi dbus na 'dug na/ 'di ltar dge slong sdig can gyi gnas skabs kyi rnam pa dang / tshul khrims 'chal pa'i dge slong gi rang bzhin de yang de dang 'dra bar blta bar bya'o/ / de tshangs pa mtshungs par spong pa rnams kyis mi gtsang ba yin par rig nas spong bar byed do// de dge slong des pa rnams kyis spangs pa na/ 'thab krol chen po byed de/ de ni ngas sems can dmyal ba chen por 'gro bar 'gyur ro zhes gsung ngo // shA ri'i bu 'di ni tshul khrims 'chal pa'i dge slong gi 'chal ba'i tshul khrims kyi skyon drug pa yin te/ ngan song yongs su rdzogs par bya ba'i phyir zhugs pa yin no// shA ri'i bu gzhan yang tshul khrims 'chal pa'i dge slong gis/ de bzhin gshegs pas gsungs pa'i yang dag pa'i mdo sde 'di lta bu 'di dag shes nas dga' ba 'am/ mgu ba mi thob cing bdag nyid la lhag par yang gnod pa byed de/ rang gi spyod lam ngan pa la kun tu bltas nas rang nyid yid gnyis za bar 'gyur zhing / mdo sde 'di lta bu 'di dag ni bdag kho na'i ched du gsungs kyi gzhan la ni ma yin no// de ci'i phyir zhe na/ 'di ltar bdag kho na la kun tu snang ngo snyam
- 360a
mo/ shA ri'i bu 'di ni dge slong tshul khrims ral pa rnams kyi ma 'dres pa'i chos yin te/ des de thos nas thog ma kho nar khro ba skyed par 'gyur ro// de khro ba zil gyis non nas/ dge slong chos smra ba la ma dad bskyed par byed de/ de bzhin gshegs pas gsungs pa'i mdo sde 'di lta bu 'di la 'di ni sangs rgyas kyis gsungs pa ma yin no/ zhes smod cing skye bo mang po la 'du shes su byed do// de ci'i phyir zhe na/ shA ri'i bu 'di ltar tshul khrims 'chal pa'i dge slong ni tshul bzhin ma yin pa dang ldan pa'i phyir ro// shA ri'i bu yang tshul bzhin la sbyor ba'i dge slong rnams ni/ ston pa'i gsung la smod par mi byed do// de ci'i phyir zhe na/ shA ri'i bu tshul khrims 'chal pa'i las 'di ni byis pa'i las yin pa'i phyir ro// rigs pa med po'i las 'di ni 'di lta ste/ dam pa'i chos la smod pa yin pa'i phyir ro// de bdag nyid rma dang bcas pa dang / zug rngu dang bcas par shes nas/ zug rngu rnams glengs// gnad rnams legs par bstan/ lta bar gyur pa rnams bskul ba na/ mngon du khro bar byed/ 'khrug par byed/ gnod sems skyed/ slar gnod par byed/ yongs su yi chad par byed/ zhum zhum por gyur cing khro ba dang / skyon rab tu ston par byed de/ de sangs rgyas la mi snyan pa brjod/ chos la smod/ dge 'dun la skur pa 'debs par byed do// shA ri'i bu zab mo dmigs
- 360b
su med pa don dam pa stong pa/ sangs rgyas kyi byang chub la ma mos pa'i dge slong ji snyed pa dag gis/ de bzhin gshegs pas gsungs pa'i mdo sde 'di lta bu 'di thos na/ 'di ni sangs rgyas kyis gsungs pa ma yin no zhes spyod par byed cing / de ltar skye bo la 'du shes byed par 'gyur ro// shA ri'i bu 'di ni de bzhin gshegs pas chos la sdod pa yin no zhes gsungs te smod pa gang yin pa de ni dge sbyong ma yin/ shAkya'i sras ma yin no// skyes bu gti mug de ni srid pa bye ba phrag brgya stong rnams su chad pa chen po 'thob cing gnod par byed par 'gyur bas nyams pa'i 'os yin no/ / shA ri'i bu yang de lta bu'i dge slong rnams la ni/ gal te sangs rgyas spong ngam/ sangs rgyas bye ba phrag brgya phrag stong gis cho 'phrul rnam pa gsum gyi chos bsten kyang de dag kho na chos kum shes par mi 'gyur zhing / 'bras bu thob pa mi nus so// de ci'i phyir zhe na/ 'di ltar skyes du dam pa ma yin pa de dag gis 'phags pa'i lam rnams 'gags pa'i phyir te/ dad pa dang bral ba zas dang bgo ba lhur len pa 'jig rten gyi zang zing la 'chums pa rnams ni sems can dmyal ba chen por 'dong bar 'gyur ro zhes gsung ngo // shA ri'i bu yang khyod la go bar bya'o/ / khong du chud par bya'o// 'di lta bu'i chos dkon mchog la smod pa ni bde 'gro la dga' ba ma yin gyi 'di ltar ngan 'gro la rab tu dga' ba dang / dmus long la rab tu dga' ba
- 361a
yin no/ / shA ri'i bu mngon pa'i nga rgyal can dang / tshul khrims 'chal ba dang / ma nges pa'i chos ston pa'i dge slong rnams las dge slong phal cher gyis nga'i bstan pa 'a nub par 'gyur te/ de dag ni 'tsho bas 'jigs pas 'jig rten gyi zang zing la 'dzums pa yin no// shA ri'i bu 'di lta bu'i chos dkon mchog la de ltar smod pa chen po byed pa mi 'os pa ma yin no// gang la sangs rgyas bcom ldan 'das thams cad kyis 'di ltar gus pa dang bcas pa/ 'di ltar zhe sa dang bcas pa rang sangs rgyas thams cad dang dgra bcom pa thams cad kyis 'di ltar gus pa dang bcas pa/ 'di ltar zhe sa dang bcas pa mngon pa'i nga rgyal can gyi dge slong rnams dang / tshul khrims 'chal pa dang / ma nges pa'i chos ston pa'i dge slong rnams kyis shin tu zil gyis gnon pa dang / shin tu spong bar 'gyur ro// de dag ni rkam chags dang / sred pas zil gyis non pa dang / 'tsho ba'i lam du bying ba dang / zang zing lhur len pa dang / phrag dog dang / ser sna'i kun tu sbyor ba dang ldan pas phan tshun du brtsod pa 'byung bar 'gyur ro/ / bye nas mi mthun pas phan tshun du gus pa med pa dang / 'khu ba dang / phrag dog gi lam gyis 'khu ba dang / slob dpon la khyad du gsod pa dang / spre'u dang 'dra bar spyod pa dang / gdol pa dang / lus ma sgoms pa dang / sdig pa'i las kyi mtha' 'chab pa dag dge sbyong gi chos rnams las shin tu nyams
- 361b
pa yin no/ / shA ri'i bu de la bdud sdig can gyis skyes bu dam pa ma yin pa/ sdig pa 'dod pa 'dod chen che ba/ zang zing lhur len pa/ 'tsho ba'i lam du bying ba de lta bu de dag gi bsam pa rig nas/ ji ltar nga'i chos 'dul ba'ang rnam pa lngar 'gyur ba de lta bu'i gnas skabs dag byed par 'gyur ro// de dag gis rnam pa lngar phye nas/ brtsod par 'gyur zhing / de dag phan tshun du khyim pa dang / rab tu byung ba rnams la mi snyan pa sgrogs par 'gyur ro// 'di lta ste/ da ltar gcig la gcig kha zer ba dang / gcig lag cig gus pa med pa dang / zhes med pa dang / ston pa'i bka' bzhin mi byed pa de'i tshe/ de dag gcig la gcig 'doms par mi 'gyur rjes su ston par mi 'gyur zhing / gang dag bya ba ma yin pa'i gnas byed pa dag mthong na/ de la cung zad kyang sto bar mi byed de/ de dag skrag nas gnas gtong ba 'am/ yul gtong bar byed kyi/ chos dang mthun pas gdams ngag dbog pa 'am/ rjes su bstan par mi nus so// de dag phyogs su lhung nas gcig la gcig bus pa'i nga'o snyam pa'i nga rgyal byin par 'gyur zhing / phan tshun nas rang gi sde pa'i phyogs sbeng bar 'gyur ro// shA ri'i bu de dag ni mthong na yang phan tshun du dga' bar mi 'gyur na/ gdams ngag dang rjes su bstan pa len pa lta ci smos te/ de ni gnas yod pa ma yin no// shA ri'i bu de bzhin gshegs bzhugs na/ sangs rgyas dkon mchog gcig/ chos dkon mchog gcig/ dge
- 362a
'dun dkon mchog gcig yin na/ yongs su mya ngan las 'das nas ni bstan pa yang rnam pa lngar 'gyur ro// shA ri'i bu bdud sdig can gyis 'dun pa 'byin pa'i skyes bu gti mug lhas byin dge 'dun 'byed pa la mngon par brtson par 'gyur te/ de la de bzhin gshegs pa thams cad mkhyen pa/ thams cad gzigs pa mngon dususnyam du gyur pa na ni/ bdud sdig can gyis rmongs par bya mi nus so// shA ri'i bu gang yang bstan pa 'di la bdud sdig can dge slong gi gzugs su mngon par sprul nas/ log par 'dzin pa rnam pa du ma rab tu ston cing / de la skye bo mang po rab tu 'god par 'gyur ba'i dus de dag 'byung bar 'gyur ro// de log par 'dzin pa 'di lta bu 'di dag rab tu ston par 'gyur te/ yid kyi khams kyi gzhi lnga po 'di lta ste/ cha dang mthun pa'i gzhi dang / zad pa'i cha dang mthun pa'i gzhi dang / thams cad yod par smra ba'i gzhi dang / gang zag gi gzhi dang / dmigs pa'i gzhi'o// shA ri'i bu log par 'dzin pa 'di lta bu 'di dag rab tu ston par 'gyur te/ de ni sangs rgyas rnams dang / nyan thos rnams kyis kyang ma bshad do// de'i tshe bdud sdig can gyis de dag mngon par zil gyis mnan/ rmongs par byas// rmugs par byas/ lhag par zil gyis mnan/ mthu can du byas/ mngon par zhen par byas nas/ rang rang gi lta ba mchog tu 'dzin te/ 'di kho na bden gyi gzhan gyi 'di kho na ni rmongs pa yin no/
- 362b
zhes gleng bar byed do// shA ri'i bu 'di ltar de bzhin gshegs pas ma 'ongs pa'i chos kyi bar chad la kun tu gzigs nas snga nas bdud sdig can gyi phyogs bcad pa dang / gzhom pa'i phyir 'di lta bu'i mdo sde 'di yang dag par ston to/ / shA ri'i bu de'i tshe mngon pa'i nga rgyal can gyis 'dzam bu'i gling 'di rab tu gang bar 'gyur ro// de dag gnas skabs tsam gyis ma thob pa the'o snyam pa'i 'du shes can du 'gyur te/ de dag 'chi ba'i dus kyi tshe phal cher ngan 'gro rnams su rab tu ltung bar 'gyur ro// de ci'i phyir zhe na/ shA ri'i bu 'di ltar skyes bu de dag gis bdag ni yun ring mo zhig nas/ 'dod chags dang bral ba yin no zhes gzhan la yang de lta bu'i 'du shes su byed cing / de dag dgra bcom pa'i bsod snyoms la longs spyod pas lha dang bcas pa'i 'jig rten gyi chom rkun pa yin pa'i phyir ro/ / shA ri'i bu dam pa ma yin pa de dag gis de bzhin gshegs pas gsungs pa'i mdo sde don dam pa'i gtam gsungs pa thos nas/ g.yang sa'i 'du shes su 'gyur zhing skrag pa chen po skye bar 'gyur ro/ / shA ri'i bu bzod pa mchog la mos par mi 'gyur ba gang yin pa de dag phan tshun nas gcig tu 'dus te/ sangs rgyas kyi byang chub la smod par 'gyur zhing / shA ri'i bu de'i tshe mngon pa'i nga rgyal can gyis phyogs mang bar 'gyur ro// de'i tshe bdud sdig can gyis khyim pa dang rab tu byung ba rnams kun nas skul bar 'gyur zhing
- 363a
gang yang chos ma yin pa'i phyogs su 'dzin par 'gyur ro/ / de'i tshe chos smra ba'i phyogs ni nyung zhing tshar bcang par 'gyur ro// shA ri'i bu de'i tshe dge slong gsar bu/ rnams las shes rab rnon po phal cher 'byung bar 'gyur ro// de ci'i phyir zhe na/ shA ri'i bu 'di ltar gang dag bstan pa 'di la rab tu byung nas nyon mongs pa'i spyod pa la spyad pa yin mod kyi de dag las mang du mi rnams su slar skye ba blangs shing rab tu 'byung ba'i phyir/ / de dag myur ba kho nar mngon par byang ba dag yin pa'i phyir ro// shA ri'i bu dge slong de dag ni sangs rgyas kyi gsung don dam pa gang yin zhes yongs su 'dri ba'i rang bzhin can du 'gyur ro/ / shA ri'i bu de la mngon pa'i nga rgyal can/ bdud kyi phyogs la zhen pa/ 'tsho ba'i yo byad lhur len pa/ so so'i skye bo byas pa rnams kyis dgra bcom par bkur ba dag 'byung bar 'gyur te/ de dag de rnams kyi drung du song nas 'di skad ces/ btsun pa dag chos 'dul ba 'di la rab tu byang nas ci zhig bsgom par bya/ sangs rgyas kyi gsung ni don dam par gang yin zhes 'dri bar byed do// shA ri'i bu de nas mngon pa'i nga rgyal can gyi dge slong gnas brtan rgan po rmongs pa 'khogs pa/ lam gol bar gzhol ba dag la/ dge slong gsar pra sngon gyi rgyal ba la lhag par bya ba byas pa de dag gis dris pa na/ 'di skad ces lus kyis legs par spyad pa dang / ngag gis legs par spyad pa dang
- 363b
yid kyis legs par spyad pa dang / tshul khrims kyi sdom pa la gnas pa dang / klog pa dang / 'don pa dang / mang du thos pa la mngon par brtson pa dang / sangs rgyas la yid dang ba ste/ 'di ni rjes su mthun pa'i bzod pa yin no// de lta mod kyi sems la dmigs pa nye bar sbyar te/ nam zhig na sdug bsngal gyi phung po chen po 'di spangs par 'gyur zhing / mya ngan las 'das pa la dmigs par 'gyur zhes yid la byed pa bskyed par byed do/ / phung po rnams dang / khams rnams dang / skye mched rnams la yid 'byung bar byed pa 'am/ dben par song ste/ yang phung po rnams dang / khams rnams dang / skye mched rnams la mi rtag pa la sogs par yid la byed pa dang / yang lus la mi gtsang ba rnam pa du ma'i 'du shes nye bar sgrub par byed de/ de de ltar yid la byed pa na/ rgyun du zhugs pa'i 'bras bu 'thob par 'gyur ro// phung po de nyid sdug bsngal ba nyid dang / phung po stong pa nyid dang / phung po nyam chung ba nyid du yid la byed pa na/ lan cig/ phyir 'ong ba'i 'bras bu 'thob par 'gyur ro// de bzhin du phyir mi 'ong ba'i 'bras bu dang / de bzhin du dgra bcom pa nyid 'thob par 'gyur ro// 'di ni sangs rgyas kyi phung dor dam pa yin te/ 'di lta ste/ dgra bcom pa nyid thob pa yin no zhes smra bar byed do// shA ri'i bu de la dge slong shes rab rnon po 'byung bar 'gyur ba gang yin pa de dag gis 'di skad ces bdag kyang sangs rgyas kyi
- 364a
gsung don dam pa ni 'di yin te/ 'di lta ste/ dgra bcom pa nyid thob pa yin par de ltar na shes na/ jig phung po lnga rnams yid la byed pas 'thob par 'gyur ram/ 'on te/ yid la byed pa med pas 'gyur zhes dris pa dang / de dag 'di skad ces 'di ltar phung po lnga rnams yid la byed pas thob par 'gyur gyi/ yid la byed pa med pas ni ma yin zhes smras so// de dag gis 'di skad ces ji ga phung po yang gzhan yin la/ yid la byed pa yang gzhan yin nam zhes dris pa dang / de dag gis 'di skad ces phung po yang gzhan yin la/ yid la byed pa yang gzhan yin no zhes smras so/ / de dag gis 'di skad ces gal te phung po yang gzhan yin la yid la byed pa yang gzhan yin zhing / des lam bsgoms na mya ngan las 'da' bar 'gyur ba'i phung po gang yin pa de dag dang / yid la byed pa gzhan gang yin pa de 'ga' zhig kyang yod par 'gyur ram zhes dris pa dang / de dag gis 'di skad ces phung po gang yin pa de dag dang / yid la byed pa gang yin pa de yang de ltar ma gyur na/ yongs su mya ngan las 'da' bar mi 'gyur ba zhig na/ gang gi phyir phung po gang yin pa dag dang / yid la byed pa gang yin pa de yang yod pas/ des lam bsgoms nas yongs su mya ngan las 'da' bar 'gyur ro zhes smra'o/ / shA ri'i bu 'di ltar de'i tshe dge slong de dag phal cher de lta bu'i bzod pa can du 'gyur ro// shA ri'i bu de na yang sangs rgyas kyi gsung don
- 364b
dam par nyan par 'dus pa'i lha gang yin pa de dag gis de lta bu'i bshad pa thos nas/ ga yang sa chen por rab tu ldang bar 'gyur ro zhes skrag pa chen po skye bar 'gyur zhing / 'di skad ces kye ma'o bcom ldan 'das shAkya thub pa'i bstan pa ni myur du zhig pa dang / myur du nub pa'i du 'gyur ro zhes smra'o// shA ri'i bu de la dge slong sngon gyi rgyal ba la lhag par bya ba byas pa/ dge ba'i rtsa ba nye ba brtan pa/ dge ba'i rtsa ba 'bar par byas pa gang yin pa de dag ni skyes bu gti mug phung po'i 'du shes dang / gang zag gi 'du shes can gyi gnas brtan rgan po rmongs pa 'khogs pa/ lam gol ba la zhugs pa/ mngon pa'i nga rgyal dang / log pa'i lta ba can de dag gis smras pa/ de la mngon par bstod par mi byed cing / stan las langs nas 'dong par 'gyur ro/ / shA ri'i bu de la lha'i tshogs mang po dag yid lhag par dga' nas/ phyogs bzhir da dung bcom ldan 'das shAkya thub pa'i nyan thos rnams gnas pa lta ci zhig ces dbyangs su sgrogs par 'gyur ro/ / de ci'i phyir zhe na/ 'di ltar rigs kyi bu de dag ni dge ba'i rtsa ba ngan ngon dang ldan pa ma yin pa'i phyir ro// de dag 'di lta bu'i yongs su ma dag pa'i bzod pa la dga' bar mi byed de/ 'di lta ste/ gang zag tu lta ba yin no// 'di ltar lha mang po 'dus pa des/ de dag gi bsam pa rig nas dga' ba dang / yid bde ba skyes te/ lhag par yid dga' nas/
- 365a
ched du brjod pa chen po tshad du brjod par 'gyur ro// shA ri'i bu dge slong yongs su 'dri ba'i rang bzhin can sangs rgyas kyi sras de dag ni dmigs su med pa'i bzod pa/ kha dga' bar 'gyur te/ de dag de na lhan cig de lta bu ston par 'gyur ro// shA ri'i bu de'i tshe 'di ltar sangs rgyas kyi nyan thos rnams tshogs shing spyod pa lhag par chags pa rnams kyi tshar bcad par 'gyur ro/ / de ci'i phyir zhe na/ ci nas kyang shin tu zil gyis mnan par bya ba'i phyir ro// shA ri'i bu 'di ltar de'i tshe nga'i sras nga'i nyan thos rnams kyi yab kyi gnas/ yang kyi spyod yul/ yab kyi rigs rgyud la dga' ba'i tshig tsam yang smra bar mi 'gyur na/ gtsug lag khang du gnas pa lta ci smos/ bkur ba sti bya ba lta'i smos te/ de ni gnas yod pa ma yin no// shA ri'i bu ltos shig/ de bzhin gshegs pa yongs su mya ngan las 'das pa'i sras shin tu dul ba/ shin tu byang ba/ dmigs su med pa'i bzod pa gang yin pa de dag de'i tshe shin tu zil gyis non pa dang / shin tu spangs par gyur pa de'i tshe/ de bzhin gshegs pa ji snyed cig thib kyis mnan par 'gyur/ gang yang ngas nga'i sras rnams yab kyi spyod yul gang yin pas bde ba la reg par gnas par 'gyur bar bya ba'i phyir/ de dag gi don du bskal pa grangs med pa nas bzung ste/ g.yul chen po bcom nas/ chos kyi rgyal srid kyis bskyangs na/ shA ri'i bu 'di ltar
- 365b
gsal zhing rgya che ba'i chos 'dul ba 'di chom rkun pa chen po'i dge 'dun de dag gis g.yag chen po lta bu'i dge 'dun phye bar 'gyur ro/ / shA ri'i bu 'di ltar ngas chos dang mthun pas/ bla na med pa yang dag par rdzogs pa'i byang chub mngon par rdzogs par sangs rgyas nas/ dge sbyong ngam/ bram ze 'am/ lha 'am/ bdud dam/ tshangs pa sus kyang 'jig rten du chos dang mthun pas ma bskor ba'i bla na med pa'i chos kyi 'khor lo chos dang mthun pas bskor gyi/ chos dang mi mthun pas ma yin pa'i gnas 'di la lha dang bcas pa'i 'jig rten mngon sum dang dbang du gyur pa yin no/ / shA ri'i bu de la 'di lta bu'i gtan tshigs 'di mngon sum du yod bzhin du de bzhin gshegs pa yongs su mya ngan las 'das nas/ bla na med pa yang dag par rdzogs pa'i byang chub 'di yid la byed pa na/ chos dang mthun pas dbang po dris na yang lan ljon par mi nus shing / de'i tshe nga'i sras rnams la yang mi 'jigs pa sbyin par mi byed do// shA ri'i bu dper na mi 'ga' zhig gis lam po che'i bzhi mdor sbrang rtsi'i bum pa zhig bzhag nas/ 'di skad ces gang gis sbrang rtsi'i bu pa 'di las tha na skra'i rtse mo'i cha shas tsam zhig zos na yang / de ni rga ba dang / 'chi ba med par 'gyur ro zhes smras la/ sbrang rtsi'i bum pa de la lha dang bcas pa'i 'jig rten phal cher gyis lag par mtshon cha blangs nas/ gang gis sbrang rtsi'i bum pa 'di las tha na skra'i rtse mo'i
- 366a
cha shas tsam zhig zos na de'i srog kyang med par 'gyur ro zhes bsrung zhing sbed bar byed do/ / shA ri'i bu de la 'ga' zhig 'di snyam du su yang rung sbrang rtsi'i bum pa 'di las tha na skra'i rtse mo'i cha shas tsam zhig zos na yang / de kho nas na ba dang 'chi bar mi 'gyur bas/ ma la bdag gis srog dang yang bsngos te/ sbrang rtsi'i bum pa 'di las zos na/ gal te mtshon cha rnams mngon du 'bab mod kyi/ sbrang rtsi'i bum pa 'di las cung zad gcig mya bar nus na/ bdag la mtshon gyis bsad pa'i 'jigs pa yang mi 'byung zhing / rga ba dang / 'chi ba med pa yang 'thob par 'gyur gor ma chag go snyam du bsams nas des srog dang bsngos shing / srog la mi lta bar byas te/ sbrang rtsi'i bum pa de la reg pa dang / srog chags brgya stong phrag du ma'i lag pa nas mtshon cha mngon du 'phen no/ / de ltar mtshon cha mngon du 'phen pas 'jigs bzhin du sbrang rtsi'i bum pa las skra'i rtse mo'i cha shas tsam zhig zos nas/ de de las langs pa dang / rga ba dang 'chi ba las yongs su thar par gyur to/ / shA ri'i bu de bzhin du chos dkar po rnams kyi bar chad bya ba'i phyir bdud dam bdud kyi ris kyi lha rnams sam/ bdud kyis mngags pa'i dge slong ngam/ dge slong ma 'am/ dge bsnyen nam/ dge bsnyen ma mang po gang yin pa dag rab tu zhugs pa yin no// shA ri'i bu gang dag de bzhin gshegs pa yongs su mya ngan las 'das pa na/ stong pa
- 366b
nyid dmigs su med pa'i chos de la/ som nyi med cing yid gnyis mi za ste/ 'jug pa dang gang yang chos de dag la mos par byed pa'i sangs rgyas kyi sras dmigs su med pa'i spyod pa bzod pa mchog dang ldan pa de dag dang / gang dag yang chos de dag la mngon par brtson par 'gyur ba ste/ de rnams ni de'i tshe/ ci nas kyang shin tu zil gyis gnon par 'gyur ro// srog la yang mi ltos par zhes bya ba ni de bzhin du de dag mngon par 'du byed pa med par so sor rtogs par 'gyur zhing / sdug bsngal thams cad las yongs su grol bar 'gyur ro// shA ri'i bu sbrang rtsi'i bum pa zhes bya ba ni/ de bzhin gshegs pas chos 'dul ba 'di so sor bstan pa'i tshig bla dgas yin te/ 'di lta ste/ stong pa nyid dang / mtshan ma med pa dang / smon pa med pa'i chos rnams so/ / shA ri'i bu lha dang bcas pa'i 'jig rten gyis srung zhing sbed pa zhes bya ba ni lha dang bcas pa'i 'jig rten mi dge ba'i phyogs la rab tu zhen pa dang / bdud kyi phyogs la zhugs pa dang / bdud kyi phyogs la chags pa phal mo cho gang yin pa ste/ de dag bdag nyid kyang shin tu nyams shing / gang dag chos de dag la mngon par brtson par byed pa de dag gi bar tshad bya ba'i phyir yang zhugs pa yin no/ / shA ri'i bu mngon pa'i nga rgyal can gyi dge slong gang yin pa de rnams kyang zhes bya ba la/ de dag ni bdud kyi dbang du song ba/ bdud kyi phyogs skyong bar byed
- 367a
pa bdud kyi phyogs la chags pa rnams yin te/ de dag kyang stong pa nyid dmigs su med pa'i chos yid la byed pa 'di la smod par 'gyur ba/ shA ri'i du ma 'ongs pa'i dus na yongs su ma dag pa'i chos ston pa'i dge slong gang yin pa de dag kyang bdag tu dmigs pa dang / sems can du dmigs pa dang / srog tu dmigs pa dang / gang zag tu dmigs pa dang du dmigs pa dang / khams su dmigs pa dang / skye mched du dmigs pa dang / srid par dmigs pa dang / lam du dmigs pa dang / mya ngan las 'das par dmigs pa dang / 'bras bur dmigs pa dang / thob par dmigs pa dang / ma thob par thob pa'i 'du shes can du 'gyur ro// // sangs rgyas kyi sde snod tshul khrims 'chal pa tshar gcod pa/ bam po bzhi pa// de dag yang sangs rgyas kyi byang chub zab mo dmigs su med pa'i chos stong pa nyid 'di la smod par 'gyur te/ de dag thams cad ni de bzhin gshegs bas bdud kyi 'khor/ bdud kyi byin gyis brlabs pa yin par gsungs so// de dag ni sangs rgyas kyi byang chub la nye bar 'tsho bar mi 'gyur ro// bdud kyi phyogs kyang rab tu rgyas par 'gyur ro bdud kyi bya ba yang byed par 'gyur ro/ / shA ri'i bu de la gang dag bdag med pa dang / sems can med pa dang / srog med pa dang / gang zag med pa dang / dmigs su med pa'i stong pa
- 367b
nyid dang / mtshan ma med pa dang / smon pa med pa'i chos rnams bshad pa na/ skrag par 'gyur ba dang / dngang bar 'gyur ba dang / kun tu dngang bar 'gyur ba'i khyim pa 'am/ rab tu byung ba de dag thams cad ni sangs rgyas kyi nyan thos rnams kyis bdud kyis mngags pa dang / dge slong ma yin par dge sbyong ltar bcos pa dang / chos kyi rkun ma gnas pa dang / chos kyi chom rkun pa dang / spre'u dang 'dra bar spyod pa dang / bdud kyi 'khor yin pa de ltar shes par bya'o// shA ri'i bu gang dag bdag tu lta ba dang ldan pa dang / sems can du lta ba dang / srog tu lta ba dang / gang zag tu lta ba dang ldan pa de dag thams cad ni chos 'dul ba 'di la bdud kyi phyogs zhes bya'o// de ci'i phyir zhe na/ shA ri'i bu de bzhin gshegs pas 'dus byas su gtogs pa 'di la ni bdag gam/ bdag gi 'am/ sems can nam/ srog gam/ gso ba 'am/ skyes bu 'am/ gang zag gam/ shed las skyes sam/ shed bu 'am/ byed pa po 'am/ byed du 'jug pa bo 'am/ tshong pa po 'am/ kun tu tshor ba po 'am/ lha 'am/ dri za 'am/ rtag pa 'am/ brtan pa 'am/ ther zug gas/ yongs su mi 'gyur ba'i chos rnams kyis stong ngo zhes gsungs pa ni 'di yin te/ mdo sde'i tshig 'di dag de dag gis 'dzin par 'gyur/ gzhan la yang ston par 'gyur zhing / gang zag tu lta bar yang byung bar 'gyur ba'i phyir ro// shA ri'i bu skyes bu dam pa ma yin pa
- 368a
de lta bu de dag ni skal ba ngan pa can zhes bya'o/ / 'byed pa po zhes bya'o// dge 'dun 'byed pa po zhes bya'o// kha drangs pa zhes bya'o// dge sbyong sun 'byin pa zhes bya'o// dge sbyong sred zhes bya'o// ro zhes bya'o// ngo 'dzum gnag pa zhes bya'o// phra ma can zhes bya'o// dge sbyong gi rigs can zhes bya'o// dge sbyong gi snyigs ma zhes bya'o// dge sbyong bkren pa zhes bya'o/ / dge sbyong phal pa zhes bya'o// khur blangs pa zhes bya'o// de bzhin gshegs pa la gsod pa zhes bya'o// mtshams med pa dang ldan pa zhes bya'o// sdig pa'i grogs po zhes bya'o// / tshul khrims 'chal pa zhes bya'o// log par lta ba zhes bya'o// mu stegs pa zhes bya'o// bar chad byed pa zhes bya'o// sdig pa dang 'grogs pa zhes bya'o// mdangs 'joms par byed pa zhes bya'o/ / rma dang bcas pa zhes bya'o// zug rngu dang bcas pa zhes bya'o// snyigs ma dang bcas pa zhes bya'o// cho ga mi shes pa zhes bya'o// yongs su gdung ba dang bcas pa zhes bya'o// sgyu ma zhes bya'o// rab rib dang mun par lhung ba zhes bya'o// tshang tshing du rgyu ba zhes bya'o// rgyun gyi rjes su spyod pa zhes bya'o// rjes su chags pa la spyod pa zhes bya'o// gzhan spang ba zhes bya'o/ / sems can dmyal ba pa zhes bya'o// dud 'gro'i skye gnas pa zhes bya'o// gshin rje'i 'jig rten pa zhes bya'o// lha ma yin gyi rigs pa zhes bya'o// rigs pa med pa zhes bya'o
- 368b
grol ba med pa zhes bya'o/ / ngan g.yo can zhes bya'o// tshul 'chos pa zhes bya'o// thob kyis 'jal ba zhes bya'o// gzhog slongs pa zhes bya'o// rnyed pa dang bkur sti lhur len pa zhes bya'o/ / lhag par zhen pa zhes bya'o// khyim sun 'byin pa zhes bya'o// pho nyas nyon mongs pa zhes bya'o// pho nya mngags gzhug pa zhes bya'o// rgod pa zhes bya'o// khengs pa zhes byas mi brtan pa zhes bya'o/ / bcom pa med pa zhes bya'o// tshig zlos bu can zhes bya'o// le lo can zhes bya'o// brtson 'grus zhan pa zhes bya'o// sems mnyam par ma bzhag pa zhes bya'o// sems 'khrugs pa zhes bya'o// dran pa nyams pa zhes bya'o// phal pa'i dbang po can zhes bya'o// shes rab 'chal pa zhes bya'o// lug ltar lkugs pa zhes bya'o// ngan par bsgrags pa zhes bya'o/ / nyes par rtogs pa zhes bya'o// dge slong gi dri ma zhes bya'o// 'dod chags kyis bcom pa zhes bya'o// zhe sdang gis bcom pa zhes bya'o// gti mug gis bcom pa zhes bya'o/ / nga rgyal gyis bcom pa zhes bya'o// chom rkun pa zhes bya'o// g.yon can zhes bya'o// bu ngan pa zhes bya'o// slub pa zhes bya'o// rtsod pa la dga' ba zhes bya'o// co pas spags pa zhes bya'o// rtsod pas len pa zhes bya'o// rtsod pa la gnas pa zhes bya'o// yongs su ma grol ba zhes bya'o// yongs su ma dag pa zhes bya'o// mya ngan gyis bcom pa
- 369a
zhes bya'o/ / mya ngan gyis 'khrugs pa zhes bya'o// dge sbyong tsam zhes bya'o// dge sbyong gi 'dud pa zhes bya'o// dge sbyong gtum po zhes bya'o// dge sbyong rul pa zhes bya'o/ / dge sbyong sbun pa zhes bya'o// dge sbyong klan ka tshol ba zhes bya'o// dgang dkar ba zhes bya'o// gso dka' ba zhes bya'o// blo gros 'chol ba zhes bya'o// nyes par gnas pa zhes bya'o// 'phags pa ma yin pa zhes bya'o// 'dzem pa med pa zhes bya'o// ngo tsha ba med pa zhes bya'o// mgo bcad pa zhes bya'o// rnam par brtags pa zhes bya'o// bsags pa dang kun nas bsags pa zhes bya'o/ / 'bras gdug pa can zhes bya'o// khong 'bras can zhes bya'o// zhen pa dang / nyes pa dang / rmongs pa zhes bya'o// brkam chags dang zhen pa zhes bya'o// kun nas bcings pa zhes bya'o/ / ngan pas gos shing rmongs pa sa gtugs pa zhes bya'o// stong pa can dang zad pa can dang / nyams pa can zhes bya'o// stong pa dang / zad pa dang / nyams pa zhes bya'o// shA ri'i bu ci'i phyir stong pa dang / zad pa dang / nyams pa zhes bya zhe na/ sangs rgyas kyis bsngags pa dang / skyes bu dam pa'i mtshan nyid dang / dge sbyong gi chos dang / dge sbyong gi yon tan dang / dge sbyong gi cho ga dang / dge sbyong gi tshul rnams las yongs su nyams shing shin tu yongs su nyams pa ste/ shA ri'i bu de'i phyir stong pa dang / zad pa dang / nyams pa zhes bya'o// /
- 369b
'phags pa'i gsung rab 'di las phyi rol tu gyur pa'i phyir des na nyams pa zhes bya'o// sangs rgyas kyis byang chub 'di la tha dad par byed cing / dmigs su med pa'i stong pa nyid dang mtshan ma med pa dang / smon pa med pa'i mtshan nyid kyi chos las tha dad par byed pas/ shA ri'i bu des na stong pa dang / zad pa dang / nyams pa zhes bya'o// yang dag pa ma yin pa la zhen pa dang / snying po med pa la zhen pa de dag ni/ bdud sdig can dga' bar byed du 'jug pa yin no// de dag gi tshul khrims sam/ 'jig rten pa'i spyod tshul thams cad kyis byis pa so so'i skye bo rnams dang mtshungs pa yin no/ / skyes bu dam pa ma yin pa dag gang zhig dang ldan na ma yin pa'i bzod pa dang ldan pa zhes bya ste/ spang za ba rnams dang mtshungs pa ma yin/ mnyam pa ma yin 'dra ba ma yin te/ dmigs par lta ba can rnams ni dge sbyong gi yon tan dang / dge sbyong gi chos dang / dge sbyong gi cho ga dang / dge sbyong gyi tshul las phyi rol tu gyur pa'i phyir ro// bye ba brgya stong gi cha tsam du yang nye bar mi 'gro ste/ shA ri'i bu des na stong pa dang / zad pa dang / nyams pa zhes bya'o// 'jig rten gyi zang zing la lhag par zhen pa/ dge sbyong du khas 'che ba de dag nidage sbyong ma yin par dge sbyong ltar bcos pa/ dad pas byin pa la longs spyod par byed pa/ rtag tu chom rkun pa'i rtags thogs pa/ rgyal mtshan snyol bar byed pa yin to/ ji ltar yongs su
- 370a
dag pa'i yon gnas 'jig rten pa'i bsod nams kyi zhing rnams kyis yongs su longs spyad pa ltar kham cig tsam yang yongs su dag par longs spyod par mi byed pas/ de dag ni yongs su yongs ma spyod pa/ rigs pa med pa/ grol ba med pa yin pas/ shA ri'i bu des na stong pa dang / nyams pa dang / zad pa zhes bya'o// shA ri'i bu 'di ji snyam du sam khyim pa srog gcod pa dang / ma byin par len pa dang / 'dod pa rnams la log par spyod pa dang / brdzun du smra ba dang / phra ma'i tshig dang / tshig rtsub po dang / tshig kyal pa dang / brnab sems dang / gnod sems dang / log par lta ba gang yin pa zhig yod par gyur lo/ srog gcod pa'i khyim pa de 'dug nas/ ci nas kyang rtag par rgyun tu srog gcod cing 'tshe bar byed dam/ 'on te dus thams cad du ni ma yin/ gsol pa/ bcom ldan 'das srog gcod pa'i khyim pa mchis kyang rtag par rgyun du srog chags rnams kyi srog la 'tshe bar mi bgyid de/ bcom ldan 'das srog gcod pa'i khyim pa gang zhig/ gdugs gcig gam/ mtshan gcig srog mi 'gums shing / 'tshe bar mi bgyid pa ni ches ngo mtshar lags kyi/ bcom ldan 'das srog gcod pa'i khyim pa gang zhig/ gdugs gcig gam/ mtshan gcig la srog chags rnams kyi srog la 'tshe bar bgyid pa ni ngo mtshar mi che lags so// shA ri'i bu 'di ji snyam du sems
- 370b
ma byin par len pa'i khyim pa gang zhig ma byin par mi len pa dang / gang yang ma byin par len pa gang ngo mtshar che/ gsol ba/ bcom ldan 'das ma byin par len pa'i khyim pa gang zhig/ gdugs gcig gam/ mtshan gcig ma byin par mi len pa ni ches ngo mtshar lags kyi/ bcom ldan 'das ma byin par len pa'i khyim pa gang zhig/ gdugs gcig gam/ mtshan gcig gam/ gdugs gnyis sam/ gsum 'am/ dgung zla 'am/ dgung zla phyed kyi bar du ma byin par len cing / ma byin par blangs pa ni ngo mtshar mi tshe lags so// bka' stsal pa/ shA ri'i bu 'di ji snyam du sems/ 'dod pa rnams la log par spyod pa'i khyim pa gang zhig 'dod pa rnams la log par mi spyod pa dang / gang zhig 'dod pa rnams la log par spyod pa dang / de bzhin du brdzun du smra ba dang / phra ma'i tshig dang / tshig rtsu bo dang / tshig khyal pa dang / brnab sems dang / gnod sems mi spyod pa gang ngo mtshar che/ shA ri'i bu 'di ji snyam du sems/ log par lta ba'i khyim pa gang zhig log par lta ba yid la byed pa dang / gang zhig log pa'i lta ba yid la mi byed pa gang ngo mtshar che/ gsol pa/ bcom ldan 'das 'dod pa rnams la log par spyod pa'i khyim pa gang zhig gdugs gcig gam/ mtshan gcig 'dod pa rnams la log par mi spyod pa ni ches ngo mtshar lags kyi/ bcom ldan 'das 'dod pa rnams la log par spyod pa'i khyim pa gang
- 371a
zhig/ gdugs gcig gam/ mtshan gcig 'dod pa rnams la log par spyod pa ni ngo mtshar mi che lags so// gang zhig 'dod pa rnams la log par mi spyod pa ches ngo mtshar// lags pa de bzhin du/ bcom ldan 'das brdzun du smra ba dang / phra ma'i tshig dang / tshig rtsub po dang / tshig khyal pa dang / brnab sems dang / gnod sems la yang gnod sems dang ldan pa'i khyim ba gang zhig/ gdug gcig gam/ mtshan gcig gnod sems mi bgyid pa ni ches ngo mtshar lags kyi/ bcom ldan 'das gnod sems dang ldan pa'i khyim pa gang zhig gdugs gcig gam/ mtshan gcig gnod sems bgyid pa ni ngo mtshar mi che lags so/ / bcom ldan 'das log pa'i lta ba can ni lan 'ga' yang yang dag pa'i lta ba can du mi 'gyur la/ lan 'ga' yang yang dag pa'i lta ba yid la mi bgyid pas/ bcom ldan 'das bdag ni mi dge ba'i las kyi lam bcu po 'di rnams las log par lta ba ni thams cad du kha na ma tho ba chen po dang bcas pa lags so zhes mchis lags so// bcom ldan 'das de ci'i slad du zhe na/ 'di ltar log pa'i lta ba can ni lta ba nyams pas/ rtag par rgyun du kun nas nyon mongs pa'i sems dang / yongs su ma dag pa'i sems su 'gyur lags so// bcom ldan 'das kyis bka' stsal pa/ shA ri'i bu khyod la go bor bya'o// khong du chud par bya'o// shA ri'i bu srog gcod pa'i mi gang zhig nyi ma re re zhing srog chags bye ba brgya stong gi srog la 'tshe bar byed pa
- 371b
dang / ma byin par len pa'i mi gang zhig nyi ma re re zhing khyim bye ba brgya stong nas nor dang / 'bru dang / gser dang / dngul dang / rang gi nor thams cad 'phrog par byed pa dang / 'dod pa rnams la log par spyod pa'i mi gang zhig rtag par rgyun du dub pa med par 'dod pa rnams la log par spyod pa dang / brdzun du smra ba'i mi gang zhig nyin mtshan rtag par rgyun du rdzun gyi tshig smra bar byed de/ bden pa'i rjes su mthun pa'am bden pa'i rjes su 'gro ba'i tshig gcig tsam yang mi smra bas/ rtag par tshig yongs su ma dag par byed pa dang / phra ma'i tshig smra ba'i mi gang zhig rtag par rgyun tu zhugs pa la dga' 'khrug pa la mgu bar byed pas/ 'khrug par byed pa'i tshig smra ste/ mthun pa rnams 'byed par byed cing / phye ba rnams ni lhag par yang 'byed par byed pas/ lhag par yang sbed pa dang / tshig rtsub bo smra bar byed pa'i mi gang zhig rtag par rgyun du rtsod pa'i gtam la sbyor ba'i rjes su brtson par gnas te/ tshig 'jam po gcig tsam yang mi smra ba dang / tshig kyal pa smra ba'i mi gang zhig de gzhan dris pa na/ gzhan du smra ste/ bden par mi smra zhing / gzhan gyi tshig 'khrugs par bya ba'i phyir/ tshig rgyud pa ste/ yud tsam la tshig brgya 'am/ stong smra bar byed na/ nyin par ram mtshan mo lta la ci thos te/ tshig kyal pa smra ba dang / brnab sems can gyi mi gang zhig rtag par rgyun du mnyam pa dang mi mnyam pas gzhan gyis yongs su bzung ba'i yo byad rnams la mngon par zhen par byed/ lhag par 'brang bar byed
- 372a
gnod sems can gyi mi gang zhig rtag par rgyun du 'tshe bas khro ba dang / khon du 'dzin pa yongs su rdzogs par bya ba'i phyir lhag par bdo bar byed pa dang / log par lta ba'i mi gang zhig/ lta ba nyams pas rtag par rgyun du lam gol ba la gzhol zhing yang dag pa'i lta ba yid la byed pa'i sems gcig tsam yang skyed par mi byed na/ shA ri'i bu 'di ji snyam du sems/ ji ga mi dge ba bcu'i las kyi lam de lta bu dang ldan pa'i mi de dag bsod nams ma yin pa'i phung po mang du mngon par 'du byed par 'gyur ram/ bcom ldan 'das mang du 'gyur lags so// bde bar gshegs pa mang du 'gyur lags so/ / shA ri'i bu khyod la go bar bya'o// khong du chud par bya'o// gang yang mi dge ba bcu'i las kyi lam de lta bu dang ldan pa'i mi de dag rtag par rgyun du bar chad med par lo brgya'i bar du bsod nams ma yin pa'i phung po bsags pa bas/ dge slong tshul khrims ral pa gang zhig bstan pa 'di la drang srong gi rgyal mtshan gyis g.yogs nas/ dad pas byin pa la zhag gcig longs spyod par byed na/ de bas na ches mang du 'di mi dge ba'i rtsa ba mngon par 'du byed par 'gyur ro// de'i phyir tshul khrims ral pa'i dge slong 'di ni nyin zhag cig dad pas byin pa la longs spyod na/ de nyid de dag las mi dge ba'i rtsa ba ches mang du mngon par 'du byed pa yin te/ 'di lta ste/ tshul khrims ral pa'i dge slong nyin zhag gcig dad pas byin pa la longs spyod
- 372b
par byed pa yin no/ / de ci'i phyir zhe na/ shA ri'i bu 'di ltar srog gcod pa'i mi ni skye bo mang pos ngo shes par bya ba dang / skye bo mang pos rig par bya ba dang / skye bo mang pos smad ba'i 'os yin no/ / de ni thams cad kyis tshul khrims 'chal ba zhes bya ba dang / gtum po zhes bya ba dang / sdig can zhes bya ba dang / bshung ba zhes bya ba dang / mi gtsang ba zhes bya ba dang / mi dge ba zhes bya ba dang / dge legs ma yin pa zhes bya ba dang / yon tan med pa zhes bya ba dang / yon tan dang brel ba zhes bya bar grangs shing yongs su spang bar bya ba'i 'os su 'gyur ro/ / de ni skye bo mang pos kyang lhag par yang yon tan med do zhes bya bar shes par 'gyur ro// shA ri'i bu de lta mod kyi srog gcod pas srog chags kyi srog la gnod par byas nas res 'ga' ba dag la rnam par smin pa mi sdug par 'gyur bas/ bdag gi 'di ni cha ma yin no zhes smod pa'i 'du shes skye bar 'gyur yang / de ni skye bo rnams kyis tshul khrims 'chal pa de ltar yang dag par shes te/ de la chung ngu yon tan skra'i rtse mo brgyar bshags pa'i cha tsam 'am/ yungs 'bru bye ba brgya stong du gshegs pa'i cha tsam yang rtog par mi byed na/ de la yon gnas su sems pa lta ci smos/ de la yon dbul ba dang / bskal pa bzang po dang ldan pa dang / rnam par smin pa bde ba dang / mtho ris su 'gyur ba dang / gong ma'i char 'gro ba'i
- 373a
'os su 'gyur ba lta ci smos te/ de ni gnas yod pa ma yin no// gang yang de'i bu dang bu mo dang / grogs po dang / nye du dang / snag gi gnyen mtshams dang 'brel pa de dag kyang de'i tshul khrims 'chal ba yang dag par shes nas de dag gis de mthong na ldang bar mi byed/ mngon du smra bar mi byed na/ bkur ba sti bya ba lta ci smos te/ de ni gnas yod ba ma yin no/ / de las des bsgrubs pa'i longs spyod gang yin pa de dag gis bu dang bu mo dag gis 'tsho ba byed par 'gyur ro// shA ri'i bu gang gi phyir rngon pa yang 'di lta bu'i yon gnas su 'gyur ba'i dus de dang de yod de/ las gang gi rnam par smin pas 'phags pa rnams dang phrad nas gal te dge slong ngam/ dge slong ma 'am/ dge bsnyen nam/ dge bsnyen ma 'ga' zhig gis srog gcod pa las yid 'byung bar 'gyur ba yang dag par 'dzin du bcug ste/ de rgyun de las log cing gal te srog gcod pa spang ba'i phyir/ bstan pa 'di la dad pa rnyed nas/ khyim nas khyim med par rab tu byung ste/ de sgribs pa med par bya ba'i phyir/ sangs rgyas rnams dang / sangs rgyas kyi nyan thos rnams rab tu byung ba'i rjes su rab tu byung nas/ dge ba'i bshes gnyen rnams la sten cing bsnyen te bkur bsti byed pa na dge sbyong gi sa 'thob par 'gyur zhing / de mthong ba'i chos la myong bar 'gyur ba'i sdug bsngal skyes pa gang yang rung ba dang / de sgribs pa med par byas nas
- 373b
'phags pa'i lam skye bar 'gyur zhing / ngan song las kyang yongs su thar bar 'gyur zhing / shA ri'i bu 'di na yang dge slong sdig can dge sbyong ma yin par dge sbyong ltar bcos pa/ tshangs par spyod pa ma yin par tshangs par spyod par khas 'ches thams cad 'gog pa yin no/ / dge ba'i rtsa ba thams cad yang dag par bcad pa yin no// des dge ba'i rtsa ba thams cad nyams par byas pas/ dge ba gang la yang bya ba'i mthu med par 'gyur ro// smad pa'i lam sems can dmyal ba'i 'khor du lhung ba/ lam stor ba/ lam bkag pa/ gzi brjid nyams pa/ mdog nyams pa/ dpe blang du med pa/ dge ba'i yan lag nyams pa/ lhod pa/ 'bab stegs yongs su nyams pa/ log pa'i 'bab stegs su zhugs pa/ nyes par bsgrags pa/ nyes par rtogs pa gdol pa lta bu/ ngang tshul zhig pa/ zhi ba don med par spyod pa/ dur khrod dang / mtshungs pa/ cho ga yongs su nyams pa de ni/ nga'i bstan pa 'di la lam sun 'byin pa/ chos kyi rkun mar gnas pa/ 'thab krol ba/ nyan rna ba/ bdud kyi mngag gzhug pa/ phra ma'i tshig can/ btsugs pa rnams kyis mnyan par mi 'os pa yin no// shA ri'i bu ji ltar seng ge'i dbus na wa 'am/ 'khor lo sgyur ba'i dbus nam ning ngam/ lha'i 'khor gyi dbus na spre'u 'am/ klu'i rgyal po'i dbus na longs spyod dang bral ba 'am/ lha'i mig can gyi dbus na dmus long ngam/
- 374a
'dab bzangs bya'i rgyal po'i dbus na srog chags pad pa 'dug pa de bzhin du/ shA ri'i bu nga'i nyan thos kyi dbus na/ tshul khrims ral pa'i dge slong 'dug pa/ lha brgya stong phrag du ma sa mthong na/ yid mi bde ba chen po so sor myong bar 'gyur na/ bdud kyi pho nya de gso sbyong gi las sam/ dgag dbye la lta ci smos/ de ni bdud kyi mngag gzhug pa yin te/ des sangs rgyas kyi byang chub yang dag phul 'di thos nas khyim pa rnams la sgrogs pa na/ de la ma dad pa'i lha dang / klu dang / gnod sprin kha cig gad rgyangs chen pos gad mo 'debs shing / rta cang shes rnams kyi dbus na rta rgod dang 'dra bar dge slong sdig can sbed pa 'chab bstan 'di la ci'i phyir 'dug ces 'phya bar byed do/ / de ltar skyes bu dam pa ma yin pas/ bdag la shes pa 'am/ lta ba ni 'ga' yang med pa yin no zhes mi sems pas/ de lha dang mi dang / bdag la slu bar byed pa yin no// ltos shig 'di ni lha dang bcas pa'i 'jig rten pa'i chom rkun pa yin no// de ni de ltar ltas kyang yon tan ma yin pa dang ldan par shes bzhin du/ dad pas byin pa la longs spyod par byed do// mngon du smra ba dang / phyag dang / ldang ba dang / thal mo sbyar ba dang 'dud pa'i las bdag gir byed dongo khyim pa dang / rab tu byung ba las ris nyams pa dang / bshung ba dang / dur khrod kyi ro dang 'dra bar spyod pa yin no// de chos gos ma byin pa la gyon par byed do// lhung bzed ma byin pa la longs
- 374b
spyod par byed do/ / zas ma byin pa la longs spyod par byed do// gdugs dang mchil lham ma byin pa la longs spyod par byed do// bsod snyoms spyod pa ma byin pa la longs spyod par byed do// gnas ma la ma byin pa la longs spyod par byed do/ / gding ba ma byin pa la longs spyod par byed do// g.yog pa ma byin pa la longs spyod par byed do// gtsug lag khang ma byin pa la longs spyod par byed do// chu snod ma byin pa la longs spyod par byed do// 'chag pa dang 'dug pa ma byin pa la longs spyod par byed do// khab ral ma byin pa la longs spyod par byed do// 'di ltar shar dang / lho dang / nub dang byang gi phyogs gang du gom pa 'dor ba de yang ma byin par gom pa 'dor ba yin no/ / spyod lam na yang chom rkun byed do// kun tu brtags shing yang chos rkun byed do// lta ba dang yang g.yas g.yon du lta ba dang / bskum pa dang / brkyang ba dang / snam sbyar dang / lhung bzed dang / chos gos gyon pa na yang chom rkun byed do// de'i lus dang / ngag dang / sems kyi g.yo ba dang / rtsa ba gang yin pa de dag thams cad du yang chom rkun byed do/ / de'i sgra 'dreg tu 'jug pa gang yin pa de dag kyang chom rkun pa'i sgra 'dreg tu 'jug pa yin no// shA ri'i bu tshul khrims kyi sbyor ba zhig pa'i dge slong rnams kyi g.yo ba dang / sems pa dang / spyod pa dang / yongs su spyod pa de dag thams cad ni chom rkun pa yin no zhes gsung ngo // shA ri'i bu chung ngu na/ dge slong sdig can de'i lag pa 'khrub dang / bshang ba dang /
- 375a
gci ba byed na yang chom rkun pa yin no zhes gsung ngo // de ci'i phyir zhe na/ shA ri'i bu 'dzam bu'i gling 'di ni rgyal po dang / rgyal po'i blon po chen po dang / mi dang mi ma yin pa rnams kyis yongs su bzung ba yin na/ skyes bu gti mug 'di ni lha dang mi'i chom rkun pa yin no// shA ri'i bu rnam grangs 'dis kyang rgyal po 'am/ rgyal po'i blon po chen po dag ni chom rkun pa 'di ni yon tan gyis bdag cag pas ches gtso bo 'am/ ches khyad par du 'phags pa yin no bar cung zad kyang rtog par mi byed do// shA ri'i bu yang rgyal po 'am/ rgyal po'i blon po chen po dag ni/ tshul khrims ral pa'i dge slong drang srong gi rgyal mtshan gyis g.yogs pa la yon tan yod par 'du shes par mi byed pas/ de'i phyir de dag sa la gom pa gcig 'dor ba yang rjes su ma gnang ngo // shA ri'i bu de la skyes bu dam pa ma yin pa la rjes su ma gnang ba de lta bu gang ci yang rung / mchil ma dor ba tsam de thams cad kyang dad pas byin pa yin no// shA ri'i bu rnam gras 'dis kyang dge slong sdig can ni nyin mtshan rtag par rgyun du chom rkun pa'i spyod pa kho na spyod par byed/ chom rkun pa'i g.yo ba kho na g.yo bar byed de/ shA ri'i bu thams cad kyis chom rkun pa zhe 'am/ chom rkun par grags pa zhe 'am/ thams cad 'phrog ba zhes bya ba de ni dge slong sdig can gyi tshig bla dgas yin no/ / shA ri'i bu rnam grangs 'dis kyang dge slong sdig can ni lha dang bcas pa'i 'jig rten gyi chom rkun pa zhes bya'o// shA ri'i bu lha dang bcas
- 375b
pa'i 'jig rten gyi chom rkun gang yin pa des ni/ dad pas byin pa'i chu phor bu gang yang yongs su sbyang bar nus sam/ gsol pa/ bcom ldan 'das rngo mi thog lags so// bka' stsal pa// shA ri'i bu de la mi dge ba las ji skad brjod par bya/ sdig can gyi dge slong las ji skad brjod par bya/ shA ri'i bu tshul khrims ral pa'i dge slong 'di ni gang yang lha dang bcas pa'i 'jig rten gyi chom rkun pa nyes pa chen po'i skyon can yin te/ shA ri'i bu de bzhin gshegs pas don 'di la gzigs nas/ 'di skad ces lcags kyi thu lum me lce 'bar ba lta bu ni za ba bla'i/ tshul khrims 'chal pa ma bsdams pa'i yul 'khor gyi bsod snyoms za ba ni de lta ma yin no zhes gsungs so/ / shA ri'i bu yang tshul khrims 'chal pa'i dge slong ni rig nyams pa dang / dpe blang du med pa dang / de'i lus yongs su gdungs pa dang / sems yongs su gdungs pa yin/ rmi lam du sdig pa rmi ba yin/ gcig pu la mngon par mi dga' ba dang / dben par song nas dbugs ring du 'dren pa dang / dge slong tshul khrims dang ldan pa rnams kyi mdun du zhum pa dang / kun tu zhum pa dang / bag 'khums pa dang / bag tsha ba yin/ dad pas byin pa len na yang phyogs 'khrugs pa'i sems dang ldan pa yin/ zang zing la zhen pa dang / ro'i sred pa la zhen pa yin te/ lus zhig nas shi ba'i 'og tu ngan song ngan 'gro log par lhung ba sems can dmyal po rnams su skye bar 'gyur ro// shA
- 376a
ri'i bu 'di yang dge slong tshul khrims 'chal pa'i tshul khrims kyi skyon bdun yin te/ ngan song rab tu rdzogs par bya ba'i phyir zhugs pa yin no// shA ri'i bu gzhan yang tshul khrims 'chal pa'i dge slong ni bre mo gtam la dga' ba dang / bre mo gtam la mngon par dga' ba dang / phrag dog can yin no// tshul khrims 'chal pa'i 'khor can yin no// tshul khrims 'chal pa sten pa dang / tshul khrims kyi gtam lami dga' ba yin no// mdo sde zab mo 'di lta bu dag dang mi mthun par byed pa yin no// mdo sde 'di lta bu 'di dag smra ba la mi mthun par byed cing rtsod pa dang / stan la mngon par mi dga' ba dang / phyogs dang phyogs mtshams su lta bar byed pa dang / lag pas gdong 'gebs pa dang / bar snang la lta bar byed pa dang / stan las langs te 'gro ba dang de bzhin gshegs pa'i gsung la smod pa dang / chos smra ba la khro bar byed pa yin no// de mi dge ba dang ldan zhing lus dang / ngag dang / yid kyis nyes par spyod pas ngan song du 'gro bar 'gyur ro// shA ri'i bu 'di yang dge slong tshul khrims 'chal pa'i tshul khrims kyi skyon brgyad pa yin te/ ngan song rab tu rdzogs par bya ba'i phyir zhugs pa yin no// shA ri'i bu gzhan yang dge slong tshul khrims 'chal pa ni yon tan sgrogs pas slob dpon gtso bor byed pa yin/ grags pa dang sgra dang tshigs su bcad pa mngon par bstod pas mkhan po gtso bor byed pa yin no// tshul
- 376b
khrims dang ldan pa'i ming yongs su bsgrags pas 'tsho ba yongs su sgrub pa dang / grims pa dang / gtogs 'dod che ba yin no// dper na bya rog bzhin du dge 'dun gyi ming gis bdag nyid kyi chos gos dang / bsod snyoms dang / gnas mal dang / nad kyi rkyen sman dang / yo byad rnams yongs su sgrub par byed pa yin no// mthu dang ldan pa dang lus kyi 'jo sgeg la brtson pa yin no/ / ngo tsha ba med pa dang / 'dzem pa med pa yin no// tshig thun tshags su smra ba dang / lag pa dang / rkang pa rgod pa yin no// rigs nyams pa yin no// bud med sten pa yin no/ / skyes pa la mi sten pa yin no// shin tu yongs su 'dus par byed pas gus pa med pa yin no// de'i bsngags pa lha dang / klu dang / gnod sbyin yang mi smra'o// de'i bsngags pa sangs rgyas bcom ldan 'das rnams kyang gsung bar mi 'gyur ro/ / 'tshe ba la dpa' ba dang / dge 'dun gyi tha snyad dang ldan pa kun byed pa yin no// shA ri'i bu gang zag de lta bu ni dge 'dun gyi dbang/ phyug 'dod pa yin no// gang ci la mngags kyang ma 'dris par smra ba yin no// chos gos tshol ba yin no// gzhan tshul khrims dang ldan pa rnams la glags lta ba la brtson pa yin no// mtshungs par byed pa yin no/ / dam pa ma yin pa'i chos 'dzin pa yin no// dam pa ma yin pa'i chos len pa yin no// tshogs la dga' ba yin no// rtsod pa 'bar bar byed pa yin no// shA ri'i bu 'di
- 377a
yang dge slong tshul khrims 'chal pa'i 'chal pa'i tshul khrims kyi skyon dgu pa yin te/ ngan song rab tu rdzogs par bya ba'i phyir kun tu zhugs pa yin no// shA ri'i bu gzhan yang dge slong tshul khrims 'chal pa ni rtsod pa len pa yin no/ / 'thab mos dga' ba 'thob pa dang / chos gos la zhen pa yin no// 'gro ba ngan par 'gro ba dang / nyal ba'i bde ba la gzhol ba yin no/ / bsngags pa rnyed na dga' ba dang / bshes pa'i khyim dang / slong mo pa'i khyim la 'chums pa yin no// khyim la phrag dog byed pa dang / gnas la phrag dog byed pa yin no// de ci'i phyir zhe na/ kye ma bdag gi 'di dge slong de dag gis ma shes kyang ci ma rung snyam du sems pa'i phyir ro// tshul khrims la sdang ba yin no// 'chal pa'i tshul khrims la kun tu dga' ba dang sbyin pa'i bsngags pa 'ba' shig lhag par smra ba yin te/ tshul khrims dang / bzod pa dang / brtson 'grus dang / bsam gtan dang / shes rab dang / nye bar zhi ba rnams kyi ma yin/ dgon pa'i gnas dben pa cung zad don gyi sgo nas sam/ cung zad yi ge'i sgo nas kyang ma yin te/ dge slong ngo tsha shes pa rnams la bsngags pa ma yin pa spyod pas mngon par brtson par byed pa yin no/ / de dge slong sbyangs pa'i yon tan dang ldan pa rnams la cung zad don gyi sgo nas sam/ cung zad yi ge'i sgo nas kyang bsngags pa ma yin pa smra zhing / ci nas kyang skyon 'dogs pa yin
- 377b
no/ / rigs brgyud smra ba la zhugs pa yin no// sngon gyi nye du la smos pa dang / ci'i rgyus chos ston kyang 'di ltar bkren pa'i phyir yin pa dang / bag tsha bas lce gnyis su smra ba dang / rang gis skye bo mo spong ba dang / skye bo mang pos myur du zil gyis mnan pa 'thob pa dang / yid du ma 'thad pa yin no// tshul khrims dang ldan pa rnams la kha zer ba dang / gdams ngag smra ba'i skyes pa dang / bud med rnams la mi rten pa dang / de mdo sde 'di lta bu 'di dang / mdo sde 'di lta bu 'chang ba dang / ston pa gang yin pa de dag yid la mi 'thad pa dang / mdo sde 'di lta bu di ston pa rnams la dga' ba dang / mgu bar byed pa gang yin pa de dag la yang sdang zhing yid du mi 'ongs pas/ tshul khrims kyi bsngags pa mi brjod pa yin no// 'di lta bu'i mdo sde ston pa rnams kyi drung du nye bar mi 'gro'o// nye bar song na yang slar myur du ldog pa dang / bltos pa med par ston pa yin no// byang rgyal du smra ba dang / khyim pa nye du ma yin pa la nye dur smos pa yin no// dbang phyug gi phyir 'bye bar byed pa dang / tshul khrims dang ldan pa'i phyogs smod par byed pa yin no/ / shA ri'i bu 'di yang tshul khrims 'chal pa'i 'chal pa'i tshul khrims kyi skyon bcu pa yin te/ ngan song yongs su rdzogs par bya ba'i phyir kun tu zhugs pa yin na shA ri'i bu dge slong tshul khrims 'chal pa rnams kyi 'chal pa'i tshul khrims kyi skyon ni bcu po 'di dag yin te/ ngan song yongs su rdzogs par bya ba'i phyir kun tu zhugs pa yin no// 'chal pa'i tshul
- 378a
khrims kyi le'u ste lnga pa'o/ / // shA ri'i bu 'tsho ba'i lam du bying ba/ rtsod pa la zhen pa/ bdag dang gzhan la gnod pa byed pa/ skyes bu dam pa yin pa de lta bu dag gis 'dzam bu'i gling 'di rab tu gang bar 'gyur ro/ / shA ri'i bu de ltar na bcom ldan 'das 'od srungs kyis de bzhin gshegs pa shAkya thub pa'i gsung rab de ni lhag par reng pa dang bku ra sti byed pas myur du nub par 'gyur ro zhes lung bstan te/ shA ri'i bu 'di ltar chos 'dul ba 'di ni rnyed pa dang / bkur bstis myur du nub par 'gyur ro// shA ri'i bu dper na/ mi shu po zhig gis gter chen po zhig rnyed nas/ gzhi de las bde ba dang / yid bde ba nyams su myong ngo // shA ri'i bu de bzhin du ma 'ongs pa'i dus na/ dge slong dag 'di ltar khyim pa la sten pa dang phu dud byed pa dang / bkur sti byed pa dag 'byung bar 'gyur ro// shA ri'i bu de la khyim pa gang dag gis dge slong gang dag 'jig rten gyi zang zing gis zang zing la mgron du 'bod par 'gyur zhing de dag 'jig rten gyi zang zing gis yid bde bar bya ba'i phyir/ las kyi mtha' de dag rim bzhin du byed par 'gyur ro// mi dbul po gter la chags pas bde ba ma mthong ba de bzhin du/ de dge slong gang dag 'jig rten gyi zang zing lhur len par 'gyur te/ 'jig rten gyi zang zing gis 'khol pas chog mi shes pa dang / nye du la 'dod par 'gyur ro// bdag nyid mi shes bzhin du/ khyim pas
- 378b
shes par bya ba'i phyir bdag nyid dgra bcom pa yin par sgrogs par byed do/ / de dag de ltar shes par byed pa yongs su tshol ba na/ sangs rgyas kyi byang chub 'dar bar 'gyur ro// de dag gang kho na la spyod pa de kho nas mgu bar 'gyur bas de yongs su sgrub par byed do/ / shA ri'i bu de lta bas na de bzhin gshegs pas skyes bu blun po de dag gi don du/ 'di lta bu'i mdo sde 'di rab tu ston par mdzad do/ / de ci'i phyir zhe na/ shA ri'i bu tshul khrims ral pa'i dge slong 'byung ba gang yin pa de dag de bzhin gshegs pas gsung ba'i mdo sde 'di lta bu 'di thos nas/ nyams par bya ba'i phyir 'jug par 'gyur ba'i phyir ro/ / shA ri'i bu de la dad pas byin pa rnams la longs spyod par byed pa dag ni chom rkun pa chen po yin no// shA ri'i bu chos 'dul ba 'di thos nas/ dga' ba 'am/ rangs par mi 'gyur ba gang yin pa de ni/ lhag par yang dge slong sdig can yin par shes par bya'o// de ci'i phyir zhe na/ shA ri'i bu 'di ltar dge slong tshul khrims dang ldan pa dag la ni yang na tshul khrims kyi gtam 'am/ yang na ting nge 'dzin gyi gtam 'am/ yang na shes rab kyi gtam 'am/ yang na kun tu skyo bar 'gyur ba'i chos kyi gtam de lta bu gang yang yid du mi 'ong bar mi 'gyur ba'i phyir shA ri'i bu 'di lta bu'i mdo sde 'di thos na gsum yid mi bde bar 'gyur te/ gsum po de dag gang zhe na/ tshul khrims ral pa'i dge slong gang yin pa dang / mngon pa'i nga rgyal can gyi dge slong
- 379a
gang yin pa dang / chos ma yin pa'i gtam chos kyi gtam ltar bcos pas chos yongs su ma dag pa ston pa'i dge slong gang yin pa'o// gzhan yang gsum gyi yid mi bde bar 'gyur te/ gsum po de dag gang zhe na/ bdag tu lta ba dang / srog tu lta ba dang / gang zag tu lta ba'o// gzhan yang gsum gyi yid mi bde bar 'gyur te/ gsum po de dag gang zhe na/ phung por lta ba dang / khams su lta ba dang / skye mched du lta ba'o// shA ri'i bu khyod la go bar bya'o// khong du chud par bya'o// ji ltar dge ba'i bshes gnyen gyis rjes su snying brtse ba dang / don du 'dod pa dang / phan par 'dod pa dang / bde bar 'dod pa dang / grub pa dang bde 'dod pa de ltar smra yis/ shA ri'i bu nga'i tshig nyon la dag yod pas bslab par bya'o// khyod kyis dge ba ci yin zhes btsal cing goms par bya'o// shA ri'i bu lnga po 'di dag ni yongs su ma dge pa'i chos ston pa'i dge slong gi yid mi bde bar 'gyur te/ lnga gang zhe na/ sangs rgyas kyi gsung thams cad chub par ma byas pa dang / mdo sde rnams kyi gdams ngag med pa dang / rtsod pa'i gtam la mngon par dga' ba dang / chos rnams la ma dad pa skyes pas mdo sde mdo sde khal skyon 'dogs pa dang / rnyed pa dang bkur sti sngon du btang ste chos ston pa'o// shA ri'i bu lnga po 'di dag ni yongs su ma dag pa'i chos ston pa'i dge slong rnams la yid mi bde bar 'gyur
- 379b
ro/ shA ri'i bu nga ni de lta bu'i chos smra ba ni/ ngan song rtsom pa dang / mya ngan las 'das pa mi rtsom pa yin no zhes gsung ngo // shA ri'i bu gzhan yang 'di na dge slong kha cig chos ma yin pa'i gtam chos kyi gtam ltar bcos nas 'khor gyi nang du song ste/ dad pas byin pa'i gnas mal bshams pa 'di la 'dug nas/ 'jig rten rgyang pan la mkhas pa dag rab tu ston/ par byed/ sangs rgyas kyi gsung nye bar gtod par byed/ gang zag tu lta ba nye bar gtod par byed de/ sangs rgyas kyi gsung gi rnam grangs mi shes pas/ bdag med pa'i mtshan nyid ni spong bar byed de/ de la dge slong des pa rnams kyis mdo sde dang rjes su mthun par bskul ba na yid gnyis su lhung nas bdag la ma smra zhig ces mdo sde mdo sde la skyon 'dogs par byed/ mdo sngas mdo sde la phyir sun 'byin par byed kyi/ rjes su slob par ni mi byed do// mdo sde la cung zad ci yang rung bar dkyogs nas/ 'phags pa'i phyogs kyi chos ston to// nye du 'dod pas chos ston to// zang zing sngon du btang ste chos ston to/ / zil gyis gnan pa'i phyir chos ston to// shA ri'i bu de la dad pas byin pa'i stan la 'dug pa'i dge slong gang yin pa de 'jig rten rgyang pan pa'i mkhas pa dag rab tu ston par byed na/ des stan de las bslang bar bya'o// de ci'i phyir zhe na/ shA ri'i bu 'di ltar dad pas byin pa'i 'phags pa'i stan la 'dug nas/ gcer bu pa'i tshig smra bar bya ba ma yin pa'i phyir ro//
- 380a
gal te ldang du ma btub na/ de ni rung ba ma yin pa/ ston pa'i rjes su srung ba ma yin pa'o// shA ri'i bu de ltar ston na/ ltos pa dang bcas pas chos mnyan par bya'o// shA ri'i bu nga ni 'di lta bu'i chos smra ba ni dge sbyong gi snying po ma yin gyi/ gcer bu pa'i snying po yin no zhes gsung ngo // de lus zhig nas shi ba'i 'og tu skyes bu dam pa ma yin pa rnams dang gcer bu pa rnams kyi 'gro ba gang yin pa der 'gro bar 'gyur ro/ / shA ri'i bu 'o na gcer bu pa rnams kyi 'gro ba gang zhe na/ log par lta ba rnams kyi gang yin pa'o// 'o na log par lta ba rnams kyi 'gro ba gang zhe na/ sems can dmyal ba dang / dud 'gro'i skye gnas dang / gshin rje'i 'jig rten no// de ci'i phyir zhe na/ shA ri'i bu bdag nyid mi mkhas pa dang / ma bslabs pas gzhan la chos ston pa dang / lus kyi mngon sum du ma byas par seng ge'i khri don du gnyer ba dang / sred par lhung nas seng ge'i khri don du gnyer ba gang yin pa de de ltar 'gyur ba'i phyir ro// shA ri'i bu 'di ltar kha sna tshogs dang / 'dzin ba sna tshogs dang / lta ba sna tshogs dang / blo gros sna tshogs dang / bsam pa sna tshogs kyis bstan pa 'di nub par 'gyur ba'i don 'di/ de bzhin gshegs pas mkhyen to// shA ri'i bu skyes bu blun po dngas gis de bzhin gshegs pas gsungs pa'i mdo sde zab mo dmigs su med pa/ sangs rgyas kyi byang chub don dam pa stong pa nyid 'di lta bu 'di thos na/ cher spangs par 'gyur zhing g.yang sa chen por lhung bar 'gyur/
- 380b
shA ri'i bu dper na sngon byung ba 'das pa na/ mig med pa'i dmus long lnga brgya lam ring por dong ba las/ grong rdal zhig tu nye bar lhags pa dang / bkres pa dang / skom pas de dag gis grong rda la de nyid du brang btab ste/ dmus long gcig brangs srung bar bzhag nas/ lhag ma rnams slong zhing dong ngo // shA ri'i bu des na dmus long de dag dong nas/ ring po ma lon par g.yon can zhig brangs srung ba'i dmus long gang na ba der song nas/ brangs srung ba'i dmus long de la 'di skad ces smras so// 'ba' shig de na ci byed/ des smras pa/ kho bo 'ba' zhig ma yin te/ gzhan dag kyang yod de g.yon can gyis smras pa/ grogs po phyogs ga ge mo zhes bya ba na/ zas don du gnyer ba rnams la ni zas/ skom don du gnyer ba rnams la skom ste/ sbyin pa mang po gtong ba yod de/ ma song ba la ni mi ster ro/ / gal te 'dod na kho bos khyod der bkri'o// des smras pa/ de bzhin du bgyi'o// des dmus long de mtha' gcig tu gzhag ste/ dmus long de rnams kyi rdzas gang yin pa de dag thams cad brkus so/ / de nas dmus long slongs mo pa de dag lhags pa dang / de nas g.yon can de dmus long de dag gang na ba der song ste/ dmus long de dag la 'di skad ces smras so// ji ga gtong ba chen po la 'deng ngam/ de dag gis smras pa/ grogs po med pa snyam 'am/ des smras pa/ nyon mongs dag bslangs pa ngan pa 'did 'or cig dang khyed kho bos der bkri'o// de dag gis bslangs pa rnams bor
- 381a
nas g.yon can de'i phyi bzhin du dong ba dang / g.yon can des bgrong dka' ba'i rdzong g.yang sa chen po zhig yod pa der ded nas des smras pa/ phyogs 'di ni mnyam pa nyams dga' ba yin no/ / phyogs 'di nas ni sbyin pa chen po gtong ba yin no zhes des ha cang mi ring ba zhig tu 'dug nas/ nga ro dag phyung zhing mdun 'o ni nas sbyin pa chen po ljong shig ces sgra dag rjes su bsgrags so/ / shA ri'i bu de la dbus long de dag thams cad g.yang sa chen po dor btsud nas/ tshul ma yin pas sdug bsngal bar gyur to// shA ri'i bu de ltar mig med pa'i dmus long rnams kha zas kyi rgyus srog dang bral bar gyur to/ / ji ltar g.yon can brkam chags can des dmus long de dag thams cad ded nas/ g.yang sa chen por btsud pa de bzhin du ma 'ongs pa na 'byung bar 'gyur pa'i dge slong de dag la bdud sdig can gyis/ 'jig rten rgyang pan pa'i gdams ngag rnams kyis bslus par 'gyur zhing / 'jig rten rgyang pan pa'i gdams ngag rnams la mngon par dga' ba skye bar 'gyur ro/ / de dag lhag par yang dge ba'i chos rnams la kun tu rmongs par byas par 'gyur ro// shA ri'i bu dge slong sgra la dga' ba dang / sgra la sems pa gang yin pa de dag 'byung bar 'gyur te/ de dag gis bsam pa yang lhag par yang shes par 'gyur zhing / dge slong 'jig rten rgyang pan pa la mngon par brtson pa gang yin pa dag gis/ de dag gis phyir blo gros dang spobs pa lhag par yang sbyin
- 381b
par 'gyur ro/ / shA ri'i bu dge slong sangs rgyas kyi gsung la mngon par brtson par 'gyur ba gang yin pa de dag 'byung bar 'gyur te/ de dag kyang kun tu rmongs par byed par 'gyur ro// gang gi phyir dge slong dag sangs rgyas kyis gsungs pa'i mdo sde gnyis sam gsum bzung bar gyur pa dang / de 'di snyam du bdag gis sangs rgyas kyi gsung la ni byas zin gyis/ re shig bdag gis yang 'jig rten rgyang pan pa btsal zhing chub par bya'o snyam du sems so/ / shA ri'i bu 'jig rten rgyang pan pa'i dge slong gang yin pa de dag 'byung bar 'gyur te/ de dag gis de rnams la 'di kho na mchog go// 'di kho na gtso bo yin no zhes spro ba skyed par 'gyur ro/ / de ltar skyes bu blun po de dag dmus long rnams g.yang sa chen por lhung bar gyur pa bzhin du/ bdud sdig can gyis mngon par zil gyis mnan par 'gyur ro// sred pa dang chags pa'i zil gyis non pa dang / 'jig rten gyis zang zing rgyu la mngon par brtson pa dang / dmus long rnams zhes bya ba de lta bu de ni/ shA ri'i bu 'di ltar dge slong rnams kyi tshig bla dgas yin te/ gang yang sangs rgyas kyis byang chub spong zhing gcer bu pa'i tshig tshol ba'i phyir ro// shA ri'i bu g.yon can zhes bya ba de ni/ bdud sdig can gyi tshig bla dgas yin te/ lam log pa thob par byed pa'i phyir ro// shA ri'i bu dper na/ dmus long de dag gis grong rdal gyi bslangs pa bor te/ sbyin bdag chen po la mngon par dga' nas/ gtong ba chen po tshol ba na/ g.yang sa chen por btsud pa de bzhin du/ shA ri'i bu
- 382a
gang yang dge slong de dag gis nga'i rjes su bstan pa bor te/ bsod snyoms phal bas chog mi shes shing / mgron du gnyer ba chen po tshol bar 'gyur ro// de dag zang zing gi rgyus ngan pa'i zhags pas bcings nas bdud sdig can gyis g.yang sa chen por gtong bar 'gyur zhing / shes rab 'chal pa shes reb yongs su nyams pa rnams mnar med pa chen por ltung bar 'gyur ro// shA ri'i bu de la lhag ma yongs su ma dag par chos ston pa'i dge slong gang yin pa de ni/ sangs rgyas kyis gsung thams cad chub par ma byas pa dang / bdag nyid mi mkhas pa dang / ma bslabs par 'khor gyi nang du song nas gzhan la chos ston par 'gyur te/ de'i tshe 'di la dge slong lha'i mig dang ldan pa 'am/ lha 'am gang dag pha rol gyi sems rig pa ma gtogs par mis mi shes pa'i skyon lnga dang ldan par 'gyur te/ de de na bdag la 'ba' zhig brtsod par mi 'gyur grang zhes yid gnyis kyis chos ston par 'gyur bas/ byis pa so so'i skye bo rnams kyis shes par dka' ba'i zug rngu de'i sems la gnas pa dang / rang gi spobs pa kun nas nyon mongs pa can gyis tshig dang / yi ge 'chal pa dang / de'i sdig pa'i tshig gi rnam par smin pa ste/ rgyu mthun pa'i rnam bar smin pa dang / 'gyod pa yid la byed pa dang / dge 'dun gyi nang na 'dug na/ byis pa so so'i skye bo rnams kyis shes par dka' ba sems la gnas pas gdung bar 'gyur ba ste/ mdza
- 382b
sde'i tshul mi shes par gzhan la ci dgar mngon sum du chos ston par 'gyur ba'i shes pa de lta bu ni de la yod pa ma yin pas/ de'i yid gnyis gang yin pa de ni/ byis pa so so'i skye bo rnams kyis// shes par bslab ma yin pa'i phyir ro// de nges pa med pa'i shes pa dang / nga rgyal gyi dbang dang / phran tshegs kyi ched du sems pa dang / nye du 'dod pas ma btags par zug rngu dang bcas pa'i chos ston par 'gyur te/ yun ring por 'dod chags kyi zug rngu dang / zhe sdang gi zug rngu dang / gti mug gi zug rngu rnyed par 'gyur ro// de ci'i phyir zhe na/ shA ri'i bu ma nges par chos ston pa'i rnam par smin pa las skyes pa'i bzang po'i gnas skabs zhig byung na yang de 'di ltar 'gyur te/ gnas skabs de yang myur ba kho nar 'jig par 'gyur ro// shA ri'i bu ngas ni yongs su ma dag pa'i chos ston pa'i dge slong rnams kyi skyon ji ltar dge slong rnams dang / lha rnams kyis kyang mi shes pa 'di dag rab tu mkhyen to// shA ri'i bu gzhan yang yongs su ma dag pa'i chos ston pa'i dge slong ni/ de bzhin gshegs pas dgongs te gsungs pa mi shes par gzhan la chos ston par byed de/ de de bzhin gshegs pas sems can med pa dang / srog med pa dang / gso ba med pa dang / gang zag med pa'i chos ston pa gang yin pa de dag la de bdag ca'am/ sems can zhe 'am/ srog ce 'am/ gang zag ces chos ston cing de nga la yang kha zer/ de chos la yang smod/ dge 'dun la skur pa 'debs par 'gyur ro// de'i rnam par smin
- 383a
pa gang yin pa de ni/ de bzhin gshegs pa rnams ma gtogs par lha dang bcas pa'i 'jig rten gyis rig pa 'am/ yongs su shes par mi nus so// shA ri'i bu yang ngas yongs su ma dag pa'i chos ston pa'i dge slong rnams kyi skyon dge slong rnams dang / lha rnams kyis kyang mi shes pa gang yin pa 'di dag mkhyen to// shA ri'i bu gzhan yang yongs su ma dag pa'i chos ston pa'i dge slong gang yin pas/ sangs rgyas kyi byang chub 'di mi shes par gzhan la chos ston par byed na/ de ni dge ba'i rtsa ba ji snyed cig dang ldan par 'gyur ba de'i don khong du chud par bya ba'i phyir/ shA ri'i bu 'di ltar khyod la dpes bstan par bya'o/ / shA ri'i bu 'di ji snyam du sems/ 'dzam bu'i gling 'di'i sems can mang ba yin nam/ gsol pa/ bcom ldan 'das mang lags so// bcom ldan 'das kyis bka' stsal pa/ shA ri'i bu gang gis 'dzam bu'i gling gi sems can rnams srog dang bral na de jig gzhi de las mi dge ba mang du mngon par 'du byed par 'gyur ram/ gsol pa/ bcom ldan 'das mang lags so/ / bde bar gshegs pa mang lags so// bcom ldan 'das kyis bka' stsal pa/ shA ri'i bu de bas ni gang zhig sangs rgyas kyi byang chub 'di mi shes par gzhan la yongs su ma dag pa'i chos ston pa de ches mang du mi dge ba'i rtsa ba mngon par 'du byed par 'gyur ro/ / de ci'i phyir zhe na/ shA ri'i bu 'di ltar sangs rgyas kyi byang chub la smod par byed pa ni/ 'das pa dang / ma 'ongs pa dang /
- 383b
da ltar byung ba'i sangs rgyas bcom ldan 'das rnams la kha zer ba'i phyir ro// de ci'i phyir zhe na/ shA ri'i bu 'di ltar 'das pa'i dus na byung ba'i de bzhin gshegs pa dgra bcom pa yang dag par rdzogs pa'i sangs rgyas gang yin pa de dag chos ston pa yang / chos thams cad stong pa yin te/ sems can med pa/ srog med pa/ gso ba med pa/ gang zag med pa'o// shA ri'i bu ma 'ongs pa'i dus na 'byung bar 'gyur pa'i de bzhin gshegs pa dgra bcom pa yang dag par rdzogs pa'i sangs rgyas gang yin pa de dag/ bla na med pa yang dag par rdzogs pa'i byang chub mngon par sangs rgyas pa de dag gi chos bstan pa yang / chos thams cad stong pa yin te/ sems can med pa/ srog med pa/ gso ba med pa/ gang zag med pa'o// shA ri'i bu da ltar gyi nga dang / shar dang / lho dang / nub dang / byang dang / phyogs mtshams kyi de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma dang mnyam pa gang yin pa de dag thams cad chos ston pa yang / don dam pa stong pa nyid bdag med pa sems can med pa/ srog med pa/ gso ba med pa/ gang zag med pa kho na rab tu ston to// shA ri'i bu sangs rgyas bcom ldan 'das rnams kyis yang dag phul gyi chos bstan pa 'di ni don dam pa stong pa nyid yin te/ 'di lta ste/ sangs rgyas kyi chos thams cad ni rang gi ngang gis 'byung ba/ dngos po med pa/ dmigs pa med pa/ stong pa nyid rang bzhin las log pa/ 'gag pa med pa/ ming dang mtshan ma med pa/ rang gis mtshan nyid stong pa
- 384a
rtog pa spangs pa'o/ / shA ri'i bu de bzhin gshegs pa ni rtog pa med pa'i byang chub kyi chos ston to// shA ri'i bu rtog pa gang zhe na/ 'di lta ste/ bdag tu lta ba dang / sems can du lta ba dang / srog tu lta ba dang / gang zag tu lta ba'o// shA ri'i bu byis pa so so'i skye bo thams cad ni rtog pa 'di dang ldan pa'i phyir ro// gang la rtog pa 'di dag med pa de la ni chos thams cad yid la byed pa med pa'i phyir ro/ / // sangs rgyas kyi sde stong tshul khrims 'chal pa tshar gcod pa/ bam po lnga pa/ de lta mod kyi chos thams cad rang gi mtshan nyid stong pa dang bdag med pa dang / sems can med pa dang / srog med pa dang / gso ba med pa dang / gang zag med par yid la byed do// de de ltar yid la byed pa na/ rab tu dga' ba skye bar 'gyur ro// don dam pa stong pa nyid kyis kyang skrag pa dang / dngang ba dang / kun tu dngang bar mi 'gyur ro// phung po lnga rnams ma skyes pa dang / khams rnams dang / skye mched rnams ma byung bar yang dag par shes nas de mya ngan las 'das pa la yang rlom sems su mi byed/ mya ngan las 'das pas kyang rlom sems su mi byed de/ mya ngan las bla dmigs su med pa'i phyir ro// gang gis zhi ba dang / gang zhi ba dang / gang du zhi ba de yang rlom sems su mi byed de/ dmigs su med pa'i phyir ro// shA ri'i bu don dam pa stong pa nyid de ni rjes su mthun par bzod pa yin no// de rjes su mthun pa'i bzod pa de dang ldan na/ don dam pa gang yin pa de
- 384b
la rang gi mtshan nyid dmigs su med do/ / shA ri'i bu bzod pa'i rang gi mtshan nyid gang zhe na/ 'di lta ste/ mtshan nyid med pa'o// shA ri'i bu 'di ji snyam du sems/ bzod pa'i mtshan nyid gang yin pa de ji ga bdag yin nam/ sems can yin nam/ srog yin nam/ gso ba yin nam/ gang zag yin nam/ gsol pa/ bcom ldan 'das de ni ma lags so// bcom ldan 'das kyis bka' stsal pa shA ri'i bu shes pa de dag ldan pa gang yin pa de ni dgra bcom pa yin no/ / sangs rgyas kyi sras yin no// mi gnas pa'i bsam gtan pa yin no// shA ri'i bu 'di ni sangs rgyas gsung gang la yang mi rtog pa rnam par rtog pa med pa ste/ 'di ni de don dam pa'i rnam par thar pa'i sgo yin no// skyes bu blun po gang zhig 'khor gyi nang du song ste/ brtags shing brtags nas/ 'di ni sangs rgyas kyi gsu yin no/ / 'di ni 'phags pa'i lam yin no zhes ston cing log pa'i lta ba ston par byed na/ de ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la smod pa dang / sdig pa'i grogs po yin te/ skyes bu dam pa ma yin pa de ni dge ba'i bshes gnyen ma yin no// de ci'i phyir zhe na/ shA ri'i bu ji ltar yang phas kyi rgol ba 'ga' zhig gis/ mdza' bshes kyi srog dang 'bral bar byed na/ de ni tshe gcig gi yin no// skyes bu blun po yongs su ma dag pa'i chos ston pa 'di ni/ srid pa bye ba phrag brgya stong rnams su gnod pa chen po byed pa yin te/ de dag sangs rgyas kyi byang chub la rmongs
- 385a
pa dang / sngon gyi 'dzin pa de nyid 'bar bar byed/ kun tu 'jug par byed de/ 'dzin pa gang gis nga rgyal rgyun gcod par mi byed pa yin no// shA ri'i bu rnam grangs 'dis kyang yongs su ma dag pa'i chos ston pa'i dge slong ni bsod nams ma yin pa mang du skyed par byed pas/ sdig pa'i grogs po yin no// 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi sangs rgyas kyi byang chub la smod pa yin no/ / shA ri'i bu 'dzam bu'i gling na sems can ji snyed 'khod pa dang / spyi phud kyi 'jig rten gyi khams su ji snyed gtogs pa dang / shA ri'i bu stong gsum gyi stong chen po'i 'jig rten gyi khams 'di'i sems can ji snyed pa de dag thams cad 'ga' zhig gis/ srog dang phral ba bas ni/ gang zhig gzhan la yongs su ma dag pa'i chos ston par byed na 'di ni de bas ches bsod nams ma yin pa mang du skyed par 'gyur ro/ / de bzhin du gling bzhi pa rnams dang / spyi phud kyi 'jig rten gyi khams su gtogs pa'i sems can rnams la yang brjod par bya ste/ shA ri'i bu 'dzam bu'i gling gi sems can rnams kyang zhog/ spyi phud kyi 'jig rten gyi khams su gtogs pa ji snyed pa yang zhog/ shA ri'i bu stong gsum gyi stong chen po'i 'jig rten gyi khams 'di'i sems can ji snyed pa de dag thams cad 'ga' zhig gis srog dang phral ba bas/ gang gis gzhan la yongs su ma dag pa'i chos ston na// 'di nyid de bas ches bsod nams ma yin pa mang du skyed par 'gyur ro// de ci'i
- 385b
phyir zhe na/ shA ri'i bu 'di ltar de sangs rgyas kyi byang chub la smod pa dang / bdud kyi phyogs 'bar bar byed pa dang / sems can rnams la yang srid pa bye ba brgya stong rnams su gnod pa chen po byed pa dang / rmongs par byed pa'i phyir ro/ / skyes bu blun po de ni grol bar mi byed pas/ de'i phyir de ni sems can thams cad kyi sdig pa'i grogs po bden pa ma yin no// skyes bu dam pa ma yin pa gang yin pa de 'khor gyi nang du song ste sangs rgyas la spyod par byed de/ de'i phyir de ni sems can dmyal ba chen po zhes bya'o// skye bo mang po log pa'i lta ba 'dzin du 'jug pa yin no// srid pa brgya phrag stong du sangs rgyas kyi byang chub la dga' bar mi 'gyur te/ shA ri'i bu gang zag tu lta ba ni phal cher log pa nyid du lhung bar 'gyur ro// ltong par lta ba ni phal cher chos kun myur du shes par 'gyur ro// de ci'i phyir zhe na/ lta ba de myur du spong ba'i phyir/ shA ri'i bu mtshon rnon pos lce btubs pa ni bla'i/ 'khor gyi nang du song nas sam/ dben par song nas sam/ bdag dang gnyis kyis yongs su ma dag pa'i chos ston pa ni de lta ma yin no// shA ri'i bu 'di ni yongs su ma dag pa'i chos ston pa'i dge slong rnams kyi skyon yin te/ ngan song rab tu rdzogs par bya ba'i phyir kun tu zhugs pa yin no// yongs su ma dag pa'i chos bstan pa'i le'u ste drug pa'o// / shA ri'i bu khyod kyis rnam grangs 'di dag gis kyang de ltar khong du chud par bya ste/ sngon byung ba 'das pa bskal pa grangs med pa'i yang ches grangs med pa/ yangs pa/ rgya chen po/ tshad med
- 386a
par gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das bkod pa chen po zhes bya ba byung ngo // shA ri'i bu bcom ldan 'das de bzhin gshegs pa bkod pa chen po de'i tshe tshad ni lo bye ba stong phrag drug cu rtsa brgyad du gyur to/ / nyan thos kyi dge slong ni brgya stong bye ba phrag drugacu rtsa brgyad 'dus par gyur to// bcom ldan 'das yongs su mya ngan las 'das pa de'i sku gdung rgyas par gyur pa ni/ dper na ma 'ongs pa na 'di dam pa'i chos lo lnga brgyar gnas par 'gyur ba dang / dper na ma 'ongs pa na nga'i de las lhag par gnas par mi 'gyur ba bzhin no// bcom ldan 'das de bzhin gshegs pa de yongs su mya ngan las 'das nas/ de nas nyan thos kyi dge 'dun mang po las nyi ma gcig gis dge slong brgya yongs su mya ngan las 'das pa nas/ dge slong nyis brgya dang / sum brgya dang / bzhi brgya dang / lnga brgya yongs su mya ngan las 'das pa nas/ shA ri'i bu gang yang nyi ma gcig gis dge slong bye ba brgya phrag stong yongs su mya ngan las 'das par gyur pa'i dus de dang de lta bu byung bar gyur to/ / shA ri'i bu rnam grangs 'dis bcom ldan 'das de'i nyan thos mngon par shes pa'i ye shes dang mthu chen po dang ldan pa de dag thams cad lo gsum gyis yongs su mya ngan las 'das par gyur to// shA ri'i
- 386b
bu yang bcom ldan 'das de'i gsung rab rgyas pa de la lha dang mi'i 'gro bar gtogs pa mang pos mchod par gyur to/ / de nas dus gzhan ni bcom ldan 'das yongs su mya ngan las 'das de'i nyan thos de rnams kyang yongs su mya ngan las 'das pa dang / rim gyis skye bo'i tshogs chen po dag rab tu byung nas/ de dag nad med pa'i dge sbyong dang / de dag mya ngan las 'das pa'i dge sbyong du gyur te/ de dag rnyed pa dang / bkur bstis zil gyis non cing len pa la zhen pa'i sems kyis de bzhin gshegs pas gsung ba'i mdo sde zab mo sangs rgyas kyi byang chub dmigs su med pa/ don dam pa stong pa nyid kyi chos de dag la mi 'jug cing ma mos par gyur te/ gzhan du na nges pa med pa'i shes pa dang / nges pa med pa med pa'i don dang yongs su ma dag pa'i chos spyod cinga'i yongs su ma dag pa'i chos bdag tu smra ba dang / srog tu smra ba dang / gang zag tu smra ba ston gyi/ stong pa nyid du smra bar ni ma gyur to// shA ri'i bu bcom ldan 'das de yongs su mya ngan las 'das nas/ lo brgya lon pa dang / chos 'dul ba la rnam pa lngar gyur te/ bkur ba'i bzhi pa zhes bya ba dang / 'byung bar dmigs pa zhes bya ba dang / thams cad yod par smra ba zhes bya ba dang / tshogs nas byung ba zhes bya ba dang / nye bar bcings pa zhes bya'o// shA ri'i bu de la dge slong bkur ba'i bzhi pa zhes bya ba dang / 'byung bar dmigs pa zhes bya ba dang / thams cad yod par smra ba zhes bya ba dang / tshogs nas byung ba zhes bya ba dang / nye bar bcings pa zhes bya ba dang /
- 387a
lnga po de dag ni 'khor gyi gtso bor gyur to// shA ri'i bu de la bkur ba'i bzhi pa zhes bya bar gyur pa gang yin pa de dag ni sangs rgyas kyi gsung du gyur pa de dag kun shes shing dmigs su med pa'i stong pa de nyid smra bar gyur to/ / 'di ltar dge slong bzhi po de dag ni 'khor dang bcas te/ lam gol ba bzung bas phal cher gang zag tu smra bar gyur te// shA ri'i bu de la bkur ba'i bzhi pa zhes bya ba gang yin pa de dag phyogs dgu 'am bzhi nas shin tu spa bkong bas sran gzugs mi nus shing / skye bo mang pos kyang mi rten par gyur to// shA ri'i bu de ltar dge slong sdig can bzhi po de dag gis/ skye bo'i tshogs chen po log pa'i lta ba yang dag par rab tu 'dzin tu bcug go/ de ltar bcom ldan 'das de'i gsung rab de yang gcig la gcig bkur sti med pa dang / gcig la gcig smod pas nub par gyur to/ / shA ri'i bu de la bkur ba'i bzhi pa'i chos rnams bstan pa na kun shes pa dang ldan pa dang / rtogs pa dang ldan pa dang / mos pa dang ldan pa gang yin pa de dag ni/ sangs rgyas stong phrag lnga'i nyan thos su gyur pa bye ba dung phyur phrag drug cu rtsa brgyad yongs su mya ngan las 'das pa gang yin pa de dag yin par mkhyen to/ / de ci'i phyir zhe na/ shA ri'i bu de ltar de dag gis sngon gyi rgyal ba la lhag par bya/ ba byas pa/ mya ngan las 'das pa dmigs su med pa la spyad pa dag yin pa'i phyir ro// shA ri'i bu de la 'byung bar dmigs pa zhes bya ba dang / thams cad yod par smra ba zhes bya ba dang / tshogs nas byung ba
- 387b
zhes bya ba dang / nye bar bcings pa zhes bya ba'i dge slong 'khor dang bcas pa gang yin pa de dag thams cad ni dmigs pa can du gyur/ bdag tu smra ba la kun tu rten/ sems can du smra ba dang / srog/ tu smra ba dang / gang zag tu smra ba dang / skye bo mang po'i 'khor dang / gang zag tu smra ba la mngon par zhen par gyur to// shA ri'i bu de ltar skyes bu dam pa ma yin pa de dag gis rab tu byung ba dang / khyim pa'i skye bo'i tshogs chen po dag log pa'i lta ba la zhen par byas nas/ don dam pa ni spangs/ dmigs su med pa'i stong pa nyid dang / mtshan ma med pa dang / smon pa med pa'i chos sangs rgyas kyi byang chub ni gcer bu pa'i tshig gis bcabs nas log par lta ba yongs su bzung bar gyur to/ / shA ri'i bu de la dge slong bzhi po gang yin pa de dag 'khor gyi gtso bo yin pas skyes bu dam pa ma yin pa bzhi po gang yin pa de dag gi rjes su phyogs pa de rnams kyang de skad du smra bas/ de rnams kyis gsung rab rgya chen po de chub par byas so// shA ri'i bu de la gang dag gis chos ma yin pa de la chos su bzung nas de dag gis btsol ba dang / 'bad pa dang / brtson par byas kyang rjes su mthun pa'i bzod pa yang skyes par ma gyur na/ 'bras bu thob pa lta ci smos te/ de ni gnas yod pa ma yin no// shA ri'i bu 'di ltar khyim pa dang rab tu byung ba de dag phal cher ngan song du dong bar gyur gyi/ bde 'gror dong ba ni ma yin no// shA ri'i bu 'di ltar skyes bu dam pa ma yin pa de dag gis sangs rgyas kyi byang chub de nub par byas pas/ sems can mang po la gnod par
- 388a
byed pa yin te/ skyes bu dam pa ma yin pa de dag kyang dus las 'das nas/ mnar med pa'i sems can dmyal ba chen por lhung nas/ der lo bye ba brgya stong phrag dgu khas bub tu btsos par gyur to/ / lo stong phrag dgur ni glo g.yas g.yon btsos te/ de dag de nas shi 'phos nas rab tu tsha ba dang / tsha ba dang / ngu 'bod chen po dang / ngu 'bod pa dang / bsdus gzhom dang ngathig na ga dang / yang sos kyi dmyal ba chen po rnams su lhung nas/ rnam grangs 'di dag gis dmyal ba chen po re rer yang dus de srid du btsos par gyur to// de dag de nas yang yang sos kyi dmyal ba chen po nas/ thig nag tu lhung zhing / thig nag nas bsdus gzhom dang / bsdus gzhom nas ngu 'bod dang / ngu 'bod nas ngu 'bod chen po dang / ngu 'bod chen po nas tsha ba dang / tsha ba nas rab tu tsha bar lhung ba nas/ mnar med pa dang / mnar med pa'i sems can dmyal ba chen por lhung bar gyur to// shA ri'i bu rnam grangs 'dis khyim pa dang / rab tu byung ba de dag dang 'brel ba gang yin pa dag dang / slong pa'i khyim dang / mdza' bshes kyi rgyud du gyur pa gang yin pa de dag kyang de rnams dang lhan cig de dag nas shi 'phos nas/ sems can dmyal ba chen por skyes te/ mi bzad pa'i tshor ba myong bar gyur to// de dag las yang srog chags bye ba brgya stong phrag drug cu rtsa bzhi snga phyi med par sems can dmyal ba chen po de dag tu skyes par gyur to// de dag las 'grogs bshes kyi brgyud dang / rim gro byed pa'i brgyud dang /
- 388b
rim gro byed pa'i dge slong dang / slob dpon dang / brgyud pa'i slob dpon dang / nye gnas dang / brgyud pa'i nye gnas shi 'phos par gyur pa de ni de dag las phal mo che zhig dang / shA ri'i bu rjes su phyogs par gyur pa ji ltar de bzhin gshegs pas mkhyen gyi/ de dag gi grangs khyed kyis shes par sla ba ma yin pa gang yin pa ji snyed pa de dag dang / des zin pa'i sems can log par ltung ba'i 'gro bar gyur pa ji snyed pa de dag dang / de dag nas shi 'phos pa'i srog chags bye ba brgya stong phrag drug cu rtsa bzhi po de dag dang lhan cig sems can dmyal ba chen po rnams su skyes par gyur to// shA ri'i bu rnam grangs 'dis de dag bskal pa yongs su rdzogs par ngan song thob par gyur to/ / shA ri'i bu gang gi tshe sreg pa'i bskal ba byung ba de'i tshe yang skyes bu thun pa de dag de nyid du khon bzhin du ltung bar gyur to// rdo ci'i phyir zhe na/ shA ri'i bu sangs rgyas bcom ldan 'das rnams kyi bstan pa la smad pa'i las drag po gang yin pa de byas pa'i phyir ro/ / shA ri'i bu yang 'jig pa'i bskal pa byung ba na/ skyes bu dam pa ma yin pa bzhi po de dag dang / srog chags bye ba phrag drug cu rtsa bzhi po de dag de nas shi 'phos te/ 'di nas 'jig rten gyi khams gzhan nam/ 'jig rten gyi bar gyi sems can dmyal ba shin tu chen por lhung bar gyur to// de ci'i phyir zhe na/ shA ri'i bu 'a/ ltar drag po'i las byas shing bsags pa'i rnam par smin pa ni chung ngur mi 'gyur te/ de dag de na lo brgya phrag mang po dang / lo stong phrag mang po dang / lo brgya stong phrag mang po dang / lo bya ba brgya stong phrag mang po
- 389a
rnams su sdug bsngal drag po rtsub pa mi bzad pa yid du mi 'ong ba'i tshor ba myong bar gyur to/ / shA ri'i bu 'jig rten gnas pa gang yin pa 'di zhig par gyur te/ der yang sreg pa'i bskal pa chen po nye bar gnas pa de dang de dag byung bar gyur to/ / shA ri'i bu de nas skyes bu dam par yin pa bzhi po de dag dang / srog chags bye ba phrag brgya stong phrag drug cu rtsa bzhi po de dag dang / gzhan yang sems can dmyal ba las kyi rnam par smin pa mi bzad pa gang yin pa de rnams de nas shi 'phos nas yang 'jig rten gyi khams 'di nyid kyi sems can dmyal ba chen po dag tu skyes par gyur to/ / shA ri'i bu yang skyes bu dam pa ma yin pa bzhi po de dag dang / srog chags bye ba brgya stong phrag drug cu rtsa bzhi po de dag mi rnams su skyes par gyur te/ der yang thams cad dmus long sha stag tu gyur to// shA ri'i bu rnam grangs 'dis mi rnams su skye ba lnga brgyar dmus long sha dag tu gyur to/ / skye ba lnga brgyar ni dmyal ba chen por lhung bar gyur te/ der yang thams cad dmus long sha dag tu gyur to// de dag skye ba brgya'i tha ma la mi'i rang bzhin slar thob nas sha'i mig dang ldan par gyur to/ / shA ri'i bu de'i tshe/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa bla na med pa/ skyes bu 'dul ba'i kha lo sgyur ba lha dang mi rnams kyi ston pa/ sangs rgyas bcom ldan 'das kun nas 'od ces bya ba 'jig rten du byung ste/ bcom ldan 'das de'i tshe'i tshad ni lo bye ba phrag brgya stong du
- 389b
gyur to/ / de'i nyan thos 'dus pa chen po ni bye ba phrag dung phyur yongs su tshang par gyur to// de'i tshe mi de dag gi lus ni khru dgu bcu rtsa dgu yod do// bcom ldan 'das kyi sku la ni khru phal pa de'i nyis 'gyur yod do/ sangs rgyas bcom ldan 'das de'i 'od nar ma gang yin pa des ni dpag tshad bye ba dur phyur phrag brgya stong snang bas khyab par gyur to// bcom ldan 'das de'i bstan pa la skyes bu dam pa ma yin pa de dag rab tu byung nas lo brgya stong du mgo la me 'bar ba bzhin du 'bras bu 'dod pa'i phyir btsal bar byas kyang rjes su mthun pa'i bzod pa yang ma skyes na 'bras bu thob pa lta ci smos te/ de ni gnas yod pa ma yin/ de ci'i phyir zhe na/ shA ri'i bu sangs rgyas kyi byang chub la smod pa gang yin pa ni de ltar 'gyur te/ 'di ltar chos kyi phongs par 'gyur ba'i las mngon par 'dus byas pa'i phyir ro// shA ri'i bu rnam grangs 'di'i ji srid du 'dir nga ma byung ba'i bar ma dor de dag de nas shi 'phos nas kyang sngon gyi mi dge ba'i las mngon par 'dus byas pas mnar med pa'i sems can dmyal ba chen por lhung bar gyur to/ / de dag gis rang sangs rgyas bye ba phrag dgu bcu dang thabs cig tu mnyes par byas na/ 'on kyang de dag gis sangs rgyas de snyed cig las kyang rje su mthun pa'i bzod pa yang ma thob bo// de ci'i phyir zhe na/ shA ri'i bu de bzhin gshegs pas gsungs pa la ma dad cing smod pa dang / 'phags pa'i dge slong rnams la kha zer ba gang yin pa de ni de ltar 'gyur te/ chos kyis phongs par 'gyur ba'i las mngon par
- 390a
'dus byas pa'i phyir ro/ / shA ri'i bu 'phags pa rnams la skur pa btab pas/ ji snyed kyi sdug bsngal mang ba nyams su myong bar gyur pa la ltos/ 'on kyang ngan song rnams las ni mthar to/ / shA ri'i bu bstan pa de la smod pa'i sems can gang dag yin pa dang / de la chos kyis phongs par 'gyur ba'i las mngon par 'du byed pa gang dag yin pa'i sems can ji snyed pa de dag ni/ re shig dpag tu med cing re shig grangs med pa yin na/ shA ri'i bu de las bskal pa grangs med pa 'di snyed dang / sangs rgyas bye ba phrag dgu bcu rtsa dgu 'das kyi bar du sems can gcig kyang yongs su mya ngan las 'das par mi dgongs so/ / shA ri'i bu de lta bas na byis pa mngon pa'i nga rgyal can dang / dge slong sdig can tshul khrims dang sdig zhig pa dang / yongs su ma dag pa'i chos ston pa ma gtogs par su zhig sangs rgyas bcom ldan 'das rnams kyi bstan pa la smod par byed/ de dag la ni chos gsum po 'di dag yod pas dge ba ni de nyid kyis rigs pa med pa grol ba med pa yin te/ de dag ni de bzhin gshegs pa'i gsung la ma dad cing sbesmod par byed do/ / shA ri'i bu khyod kyis de'i tshe de'i dus kyi yongs su ma dag pa'i chos ston pa'i dge slong nges par 'byung ba zhes bya bar gyur pa de gzhan zhig yin pa snyam du som nyi'am/ yid gnyis sam/ the tsom pa na khyod kyis de ltar mi blta ste/ de ci'i phyir zhe na/ skyes bu gti mug rgyas byin 'i'i tshe de'i dus na yongs su ma dag pa'i chos ston pa'i dge slong nges par 'byung ba zhes bya bar gyur to// shA ri'i du
- 390b
khyod kyis de'i tshe de'i dus kyi yongs su ma dag pa'i chos ston pa'i dge slong thams cad yod par smra ba zhes bya bar gyur pa de gzhan zhig yin pa snyam du som nyi'am yid gnyis sam/ the tsom za na/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu dge slong ko ka li ka 'di de'i tshe de'i dus na yongs su ma dag pa'i chos ston pa'i dge slong thams cad yod par smra ba zhes bya bar gyur to// shA ri'i bu khyod kyis de'i tshe de'i dus na yongs su ma dag pa'i chos ston pa'i dge slong tshogs nas byung ba zhes bya bar gyur pa de gzhan zhig yin pa snyam du som nyi 'am/ yid gnyis sam/ the tsom za na/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu dge slong ser skya 'di de'i tshe de'i dus na yongs su ma dag pa'i chos ston pa'i dge slong tshogs nas byung ba zhes bya bar gyur to// shA ri'i bu khyod kyis de'i tshe de'i dus na yongs su ma dag pa'i chos ston pa'i dge slong nye bar bcings pa zhes bya bar gyur pa de gzhan zhig yin pa snyam du som nyi 'am/ yid gnyis sam/ the tsom zan/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu gcer bu pa'i bu bden ldan 'di de'i tshe de'i dus na yongs su ma dag pa'i chos ston pa'i dge slong nye bar bcings pa zhes bya bar gyur to// shA ri'i bu khyod kyis de'i tshe de'i dus na gang gis sangs rgyas kyi byang chub yang dag par ji lta ba bzhin rab tu ston pa yongs su dag pa'i chos ston pa dang ldan pa/ sems can mang po'i don byed pa dang ldan pa de'i chos bstan pa la sangs rgyas stong
- 391a
p hrag lnga'i nyan thos su gyur pa bye ba dung phyur phrag drug cu rtsa brgyad yongs su mya ngan las 'das pa gang dag yin pa dag gis rjes su bslabs pa'i dge slong bkur ba zhes bya bar gyur pa de gzhan zhig yin pa snyam du som nyi'am/ yid gnyis sam/ the tsom za na/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu byams ma'i bu gang po 'di nyid de'i tshe de'i dus na gang gis sangs rgyas kyi byang chub yang dag pa ji lta ba bzhin rab tu ston pa yongs su dag pa'i chos ston pa/ sems can mang po'i don byed pa de'i chos ston pa la yang / sangs rgyas stong phrag lnga'i nyan thos su gyur pa bye ba dung phyur phrag drug cu rtsa brgyad yongs su mya ngan las 'das pa gang dag yin pa dag gis rjes su bslabs pa'i dge slong bkur pa zhes bya bar gyur to/ / shA ri'i bu gang dag nges pa'i don gyi chos kyi gtam dang / yongs su dag pa'i chos rnams ston pa yin no zhes yang dag par smra bas smra ba de dag gis ni/ byams ma'i bu gang po kho na yin no zhes yang dag par smra bas smros shig/ shA ri'i bu dge slong gang po ni nges pa ma yin pa nges par byed pa ma yin te/ shA ri'i bu de lta bas na gang po ni nges pa'i don gyi chos kyi tshul rab tu ston pa yin no/ / dge slong gang po ni ma nges pa'i don gyi chos ston pa ma yin te/ dge slong gang po ni nges pa'i don gyi chos ston pa yin no// dge slong gang po ni mthar phyin pa ma yin pa'i chos ston pa ma yin te/ dge slong gang po ni mthar phyin pa'i chos ston pa yin no// shA ri'i bu dge slong gang po ni the tsom dang bcas pas nges par byed pa ma yin te/ dge slong gang po na the
- 391b
com med pa dang / nges pa'i don dang mthar phyin pa'i chos ston pa yin no// shA ri'i bu gang dag rnam pa thams cad yongs su rdzogs pa'i chos kyi gtam dang ldan pa yin no zhes yang dag par smra bas smra ba dag gis ni gang po kho na yin no zhes yang dag par smra bas smros shig/ shA ri'i bu dge slong gang po ni sems can rnams la sangs rgyas kyi mdzad pa byed pa dang ldan pa yin te/ shA ri'i bu byams ma'i bu gang po ni sangs rgyas bcom ldan 'das bye ba phrag dgu 'das shing 'khrungs pa'i gnas de dang de dag tu chos smra bar gyur te/ thams cad du yang yongs su dag pa'i chos ston pa yin no// sangs rgyas bcom ldan 'das de dag gis spyan sngar tshe ji srid par tshangs par spyad pas yongs su dag pa'i chos ston pa yin no/ / shA ri'i bu dge slong gang po 'di ni yang dag par rdzogs pa'i sangs rgyas bdun po rnams kyi chos smra bar yang gyur to// shA ri'i bu dge slong gang po 'di ni de ltar nga'i chos smra ba dgra bcom pa sems shin tu rnam par grol ba yin no/ / shA ri'i bu gang dag sngon gyi rgyal ba la lhag par bya ba byas pa yin no zhes yang dag par smra bas smra ba dag gis ni gang po kho na yin no/ / zhes yang dag par smra bas smros shig/ shA ri'i bu gang po ni sangs rgyas bye ba phrag dgu'i sangs rgyas kyi byang chub shin tu rnam par nges pa gang yin pa de dag la legs par bslabs pas shes rab chen po yin te/ dge slong gang po ni de'i phyir de bzhin gshegs pas chos smra ba rnams kyi mchog tu bstan to// shA ri'i bu ngas dge slong gang po'i bsngags pa nyin par ram/ mtshan mo 'am/ nyin mtshan du
- 392a
gsungs kyang / shA ri'i bu dge slong gang po kho na pa'i bsngags pa ni ma bsgrags par zad do// shA ri'i bu ngas dge slong gang po'i bsngags pa nyi ma gnyis sam/ gsum 'am/ bzhi 'am/ lnga 'am/ bcu 'am/ zla ba phyed dam/ zla ba 'am/ de bas lhag par gsungs kyang dge slong gang po kho na'i bsngags pa ni ma bsgrags par zad do// de ci'i phyir zhe na/ 'di ltar nga'i nyan thos rnam pa thams cad du nges pa'i don dang yongs su dag pa'i chos ston pa dang ldan pa/ sngon gyi rgyal ba la lhag par bya ba byas pa/ dmigs su med pa'i stong pa nyid kyis gnas pa yin pa'i phyir ro// shA ri'i bu dge slong gang po ni lha'i mig gis dpag tshad brgya stong na sems can nyan thos kyis 'dul bar 'gyur pa gang yin pa de dag mthong na/ dge slong gang po der song nas de dag la chos ston par byed de/ shA ri'i bu dge slong gang po ni yun ring por skye bo mang po la phan pa dang / skye bo mang po la bde ba'i phyir zhugs pa yin no/ / shA ri'i bu dge slong gang po chos ston pa ni nyon mongs pa med pa dang / zang zing la mi lta ba dang / rnyed pa dang / bkur sti la ma zhen par chos ston pa yin no// shA ri'i bu dge slong gang po ni so so yang dag par rig pa thob pa'i chos smra ba yin pas/ ston pa ma gtogs par gang po la lha dang bcas pas 'jig rten gyis don tam/ tshig mthar thug par mi nus te/ de ni gnas yod pa ma yin no// / shA ri'i bu de lta bas na khyod la go bar bya'o// khong du chud par bya'o// gang zhig bla na med pa yang dag par rdzogs pa'i byang chub la dang rjes su mthun pa'i chos ston pa de ni/ skye bo mang po'i don byed pa yin pas/
- 392b
dge ba'i rtsa ba dpag tu med pa mngon par 'du byed pa yin no// shA ri'i bu gang zhig sangs rgyas kyi byang chub la smod par byed pa de ni skye bo mang po la yang gnod pa byed pa yin pas/ mi dge ba'i rtsa ba mang du mngon par/ 'du byed pa yin no// de ci'i phyir zhe na/ shA ri'i bu 'di ltar sdig pa'i rnam par sman pa ni sdig pa yin la/ zag pa dang bcas pa'i mi dge ba'i rnam par smin pa yang zag pa dang bcas pa yin zhing / zag pa medapa rnam par smin pa ni zag pa med pa yin no/ / shA ri'i bu de lta bas na de bzhin gshegs pas gsungs pa'i mdo sde 'di lta bu 'di 'khor bzhi la rgyas par bshad cing rab tu bstan pa na/ shA ri'i bu gang dag gis chos kyi rnam grangs 'di thos nas de dag dga' ba dang / mgu ba thob par 'gyur na shA ri'i bu de dag bsod nams kyi phung po dpag tu med pa dang ldan par 'gyur ro// gang dag yang de bzhin gshegs pas gsungs pa'i chos kyirnam grangs 'di lta bu 'di thos nas dga' ba dang mgu ba thob cing lhag par yang ma dad pa nye bar ston par 'gyur na gdon mi za bar de dag ni tshul khrims ral pa 'am/ mngon pa'i nga rgyal can nam/ yongs su ma dag pa'i chos ston pa yin no/ / yang gang zhig smod par byed na/ de de nyid nas dmus long du 'gyur ro// shA ri'i bu khyod la go bar bya'o// khong du chud par bya'o// shA ri'i bu nga ni ji ltar rdza mkhan gyis som btang pa'i snod rnams la khyad du gsod par byed pa de ltar pha rol gnod par mi mdzad kyi/ shA ri'i bu nga ni sangs rgyas kyi byang chub dmigs su med pa don dam pa stong pa nyid kyis zil gyis mnan cing zil gyis mnan nas/
- 393a
gzhan la chos ston pa na/ snying por 'gyur ba gang yin pa de ni 'dug la/ sbun par 'gyur ba gang yin pa de ni 'dor bar 'gyur ro// de ci'i phyir zhe na/ shA ri'i bu 'di ltar de bzhin gshegs// pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub mngon par rdzogs par sangs rgyas nas chos ston par mdzad pa ni log pa'i lta ba la brten nas ma yin tebadag tu smra ba la ma yin/ sems can du smra ba la ma yin/ srog tu smra ba la ma yin/ gang zag tu smra ba la ma yin/ rtag par smra ba la ma yin/ chad par smra ba la ma yin no// de ci'i phyir zhe na/ ri'i bu 'di ltar de lta bu la zhen pa de dag thams cad ni log pa'i lta ba zhes bya'o// shA ri'i bu bdag gi 'du shes dang / sems can gyi 'du shes dang / srog gi 'du shes dang / gang zag gi 'du shes dang rtag pa'i 'du shes dang / chad pa'i 'du shes gang yin pas ni rjes su mthun pa'i bzod pa skye bar 'gyur ba yang gnas pa ma yin zhing go skabs med na/ 'bras bu 'thob par 'gyur ba lta ci smos te/ de ni gnas yod pa ma yin no/ / shA ri'i bu de lta bas na de bzhin gshegs pas de lta bu'i lta ba dang ldan pa rnams la ni dad pas byin pa rjes su ma gnang ngo // de ci'i phyir zhe na/ shA ri'i bu 'di ltar rigs pa med pa/ grol ba med pa de dag ni ji srid du lus gso ba'i don du bstan pa 'di la rab tu byung ba yin pa'i phyir ro// shA ri'i bu de lta bas nangs sngon gyi mu stegs can bstan pa 'di la rab tu byung ba gang yin pa de bla
- 393b
pa bzhi'i gnas bca' bar bya'o zhes gzhan mu stegs can rnams kyi gnas bca' bar gsungs so/ / de ci'i phyir zhe na/ shA ri'i bu gzhan mu stegs can rnams ni phal cher bdag tu smra ba dang / sems can du ba dang / srog tu smra ba dang / gang zag tu smra ba dang / rtag par smra ba dang / chad par smra ba yin pa'i phyir ro// shA ri'i bung dang nga'i nyan thos rnams ni bdag med par smra ba/ stong pa nyid du smra ba/ mtshan ma med pa'i bsam gtan pa rjes su mthun pa'i bzod pa dang ldan pa rnam par shes pa rnams la mi gnas pa yin pa'i phyir ro/ / shA ri'i bu gang zhig bzod pa de lta bu dang ldan pa de la ni ngas rab tu 'byung ba dang bsnyen par rdzogs pa dang / dad pas byin pa'i chos gos dang / bsod snyoms dang gnas mal dang / nad kyi rkyen sman dang / mkho ba'i yo byad rnams skabs dbye bar bya'o// gang zhig mi ldan pa de ni gnas bca' pa'i don du bdag med pa la mngon par sbyar bar bya'o/ / shA ri'i bu gang zhig don dam pa stong pa nyid rab tu bshad pa na/ de la bzod pa dang dad pa ma thob cing skrag par gyur/ dngangs par gyur/ kun tu dngangs par gyur/ kun tu rmongs par gyur te/ don dam pa stong pa nyid la smod cing / gang zag tu lta ba la dga' ba 'thob pa lta na/ de ni nges par yun ring po nas bdud kyis mngags pa 'am/ sngon gyis mu stegs can gzhan gang yin pa zhig yin par rtog par bya ste/ de la mkhas pas yid mi bde ba bskyed par mi bya'i/ snying rje dang / byams pa yang dag par bskyed par bya'o// de ci'i phyir zhe na/ shA ri'i bu 'di ltar tshig gis rdzogs par ma nus pas bya ba ji
- 394a
snyed dang ldan pa de lta bu'i bzod pa can la ni rnam par smin par 'gyur ro/ / gzhan du na de la rjes su bzung ba'i 'du shes bskyed par bya'o// stong pa zhes bya ba bdag med pa'i chos rnams/ dang gang zag med pa'i 'du shes kho na bskyed par bya'o// de 'di ltar stong pa nyid de la ltos pa med cing spong ba dang / sangs rgyas kyi byang chub spong ba dang / sangs rgyas kyi chos dang / dge sbyong gi chos spong nade la tshangs pa mtshungs par spyod pa/ stong pa nyid kyi gnas pa/ mtshan ma med pas gnas pa/ smon pa med pas gnas pa rnams kyis yang dag par bstan par bya/ yang dag par 'dzin du gzhug par bya yang dag par gzengs bstod par bya/ yang dag par rab tu dga' bar bya ste/ de sangs rgyas kyi gsung la nye bar sbyar bar bya'o// don dam pa stong pa nyid dmigs su med pa rab tu bstan par bya'o// gal/ te sangs rgyas kyi byang chub kyis bsgrag par gyur na/ de'i mkhan po dang slob dpon la dge slong mang pos sam/ dge slong gi dge 'dun gyis tshig 'di skad ces de la bcom ldan 'das kyis gang dag chos rnams kyi rang gi mtshan nyid rab tu shes shing / stong pa nyid kyis gnas pa de lta bu dag gis ston pa ni nga yin gyi/ gang zag gi 'du shes can log par zhugs pa lam gol bar gzhol ba rnams kyi ston pa ni nga ma yin no zhes gsungs la/ bcom ldan 'das kyis yang dag pa'i tshul khrims dang lta ba phun sum tshogs pa rnams kyi gso sbyong gi las ni gsungs kyis/ 'di ltar tshul khrims nyams pa rnams kyi ni ma yin pas/ tshe dang
- 394b
ldan pa'i lhan cig gnas pa ni dmigs su med pa'i stong pa nyid kyi chos rnams lam mos shing / gzhan sa rgyags can gyi smra bar gyur to// bcom ldan 'das kyis gzhan su sngags cas kyi sma dang lhan tsa/ tu gso sbyong gi las ma gsungs pas de ni mi bsten to// de lta bu'i bzod pa dang ldan pa gang yin pa de dag ni dge 'dun gyi bya ba la bskor bar mi bya'o// bdun pa blang bar mi bya'o// de'i yongs su ma dag pa'i bzod pa de lta bu de dag tshe dang ldan pa dag gis kyang 'di ltar phyir bzlog par nus par gyis shig ces brjod par bya'o/ / shA ri'i bu dge slong gi dge 'dun gyis de ltar byas na nga la yang mchog pa byas pa yin no/ / gzhan mu stegs can yang shin tu char bcad pa yin no// gso sbyong gi las kyang shin tu yongs su dag par byas pa yin no// shA ri'i bu khyod la go bar bya'o// khong du chud par bya'o// ga zhig 'di lta ste/ bdag tu lta ba dang / sems can du lta ba dang / srog tu lta ba dang / gang zag tu lta ba ste/ lta ba 'di dag 'dzin par byed na/ de dag ni nga'i rjes su rab tu byung ba ma yin/ de dag ni nga la mnyes par byed pa ma yin te/ de dag gi ston pa yang nga ma yin no// de dag ni ston pa drug po'i rjes su rab tu byung ba yin/ de dag ni ston pa drug po mnyes par byed pa yin pas/ de dag gi ston pa yang ston pa drug po yin no/ / de la gang dag shin tu gya nom pa'i chos rnams la bzod pa ma thob par dad pas byin pa la longs spyod par byed na/ de dag ni dad pas byin pa la shin tu longs ma spyad pa yin no// de dag
- 395a
gis ci nas kyang bstan pa 'di la rab tu byung nas/ so sor thar pa'i sdom pas bsdams par gyur kyang / don dam pa stong pa nyid la 'jug par mi 'gyur ba dang / mos par mi 'gyur ba dang / stong pa nyid dmigs su med pa'i chos rnams la yid gnyis dang / the tsom za bar gyur na/ de dag phal cher tshul khrims gtso bor byed pa dang / ting nge 'dzin gtso bor byed pa dang / thos pa gtso bor byed pa yin yang / shA ri'i bu de dag gis de bzhin gshegs pa la mchod pa byas pa ma yin/ gus par byas pa ma yin/ bla mar byas pa ma yin/ rjed par byas pa ma yin no// de ci'i phyir zhe na/ shA ri'i bu 'di ltar sems can gang zhig bsam gtan bzhi po dag thob par gyur pa de ni shin tu rnyed par mi sla ba ma yin na/ shA ri'i bu de la de bzhin gshegs pa la ci zhig gis bkur bsti byas gang dag de tsam gyis dge sbyong du khas 'che ba de dag ni sdug bsngal gyi sbyor ba thams cad las yongs su ma grol ba yin pa'i phyir ro/ / shA ri'i bu de lta bas na khyed la go bar bya'o// khong du chud par bya'o// chos 'dul ba 'di ni mang po'i 'dzin pa sna tshogs kyi lta ba nyams par 'gyur ro// shA ri'i bu 'di ltar yongs su ma dag pa'i tshul khrims gtso bor byed pa dang / yongs su ma dag pa'i ting nge 'dzin gtso bor byed pa dang / yongs su ma dag pa'i thos pa gtso bor byed pas yongs su dag pa'i dge sbyong ma yin no// shA ri'i bu de la ni dge sbyong zhes mi gsung ngo // bram ze zhes mi gsung ngo // shA ri'i bu gang zhig bdag
- 395b
med pa'i chos rnams la bdag med pa'i chos rnams yin no zhes yang dag pa ji lta ba bzhin du rab tu shes pa dang / chos thams cad kyi rang gi mtshan nyid stong pa la/ chos thams cad kyi rang gi mtshan nyid stong pa nyid yin no zhes yang dag pa ji lta ba bzhin du rab tu shes pa de ni/ de'i tshe nyid nas tshul khrims gtso bor byed pa ma yin te/ ting nge 'dzin gtso bor byed pa ma yin/ thos pa gtso bor byed pa ma yin no// de ci'i phyir zhe na/ shA ri'i bu 'di ltar mngon par 'du byed pa med na/ chos gang zhig gtso bor bya/ shA ri'i bu de lta bas na mi gnyis pa'i gnas gcig po gang yin pa de la ni tshul khrims su dmigs pa yang med na/ 'chal pa'i tshul khrims lta smos kyang ci dgos te/ chos gang zhig gtso bor bya ba de ni gnas yod pa ma yin no// shA ri'i bu de bzhin gshegs pa rnams kyi bla na med pa yang dag par rdzogs pa'i byang chub de ni 'di yin te/ 'di lta ste/ chos thams cad rang gi mtshan nyid stong pa dang / gang zag med pa dang / mtshan nyid med pa yin no// gang dag bzod pa de lta bu can de dag ni rigs pa dang grol ba yin te// khyim med pa'i rab tu byung ba yin no// de dag ni dad pas byin pa la kha na ma tho ba med cing brtags pa yin no// de nyid de dag gis bsnyen par rdzogs pa'i las yongs su dag pa yin no// shA ri'i bu sems can rnams dang / de bzhin gshegs pa rnams kyi gnas ni gcig po 'di yin te/ 'di lta ste/ bla na med pa yang dag par rdzogs pa'i byang chub bo// ji ltar gcig po 'di yin zhe na/ ji lta ba bzhin
- 396a
du 'dod chags dang bral zhing spangs pa'o/ / gang zhig spangs pa yin zhe na/ 'dod pa rnams dang ldan pa rnams so// 'dod pa rnams gang zhe na thog ma'i 'o// lta ba gang zhe na/ yid la byed pa'o// de ci'i phyir zhe na/ shA ri'i bu chos thams cad ni yid la byed pa las byung ba yin te/ gang yid la byed pa de ni 'du shes yin no// gang 'du shes pa de ni lta ba yin no// lta ba gang yin pa de ni log par lta ba yin pa'i phyir ro/ / shA ri'i bu de bzhin gshegs pas dge ba'i chos de yang log par lta ba yin no// zhes gsungs so// de ci'i phyir zhe na/ shA ri'i bu 'di ltar 'dod chags dang bral ba lta ba ni chos sam/ chos ma yin pa 'am/ dge ba'am/ mi dge ba spangs pa'i phyir ro// de ni lta ba thams cad dang / 'dzin pa thams cad dang / yid la byed pa thams cad kyis ma chags pa yin pas/ de ci'i phyir 'dod chags dang bral ba yin no// zhes gsungs so// shA ri'i bu byang chub ni spangs pa yin no// gang gis spangs pa yin zhe na/ 'dod par gtogs pa rnams kyi'o// 'dod par gtogs pa rnams gang zhe na/ 'dod par gtogs pa rnams kyi tshul bzhin ma yin pa mi dge ba bdag ce'am/ bdag gi zhe 'am/ bdag tu byed pa dang / bdag gir byed pa gang yin pa de dag ste/ 'di dag ni 'dod par gtogs pa yin no// 'di lta ste/ bdag tu 'du shes pa spangs pa gang yin pa de dag ni mngon par zhen pa med pa yin no// de ni spangs pa yin te/ 'di ni
- 396b
de bzhin gshegs pa rnams kyi bla na med pa yang dag par rdzogs pa'i byang chub yin no/ / sngon gyi sbyor ba'i le'u ste bdun pa'o// // shA ri'i bu nga 'das pa mngon par dran te/ bla na med pa yang dag par rdzogs pa'i byang chub 'di la brten nas/ nga 'khor lo sgyur ba'i rgyal por gyur pa na/ sangs rgyas shAkya thub pa zhes bya ba sha dag bye ba phrag sum cu nyan thos kyi tshogs dang bcas pa gang yin pa dag chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams kyis bsti stang du byas/ bla mar byas/ brjed/ mchod de/ mnyes par byas nas/ bla na med pa yang dag par rdzogs pa'i byang chub 'di kho na bsgrubs na/ sangs rgyas bcom ldan 'das de dag gis nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan to/ / de ci'i phyir zhe na/ 'di ltar nga dmigs pa'i 'du shes can du gyur cing / bdag tu smra ba la mngon par zhen pa gyur pa'i phyir ro// shA ri'i bu ngas gzhan yang 'das pa mngon par dran te/ nga 'khor lo sgyur ba'i rgyal por gyur pa na/ sangs rgyas mar me mdzad ces bya bar gyur pa sha dag brgyad stong byung bar gyur te/ sangs rgyas bcom ldan 'das nyan thos kyi tshogs dang bcas pa de dag la yang ngas chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams kyis bsting stang du/
- 397a
byas bla mar byas/ brjed/ mchod de/ mnyes par byas nas/ bla na med pa yang dag par rdzogs pa'i byang chub 'di nyid bsgrubs na/ sangs rgyas bcom ldan 'das/ de dag gis nga la khyod ma 'ongs pa na/ de bzhin gshegs pa dgra bcom pa yang dag par rdzogs pa'i byang chub tu 'gyur ro zhes lung ma bstan to// de ci'i phyir zhe na/ 'di ltar nga dmigs pa'i 'du shes can du gyur cing bdag tu smra ba la mngon par zhen pa'i phyir ro/ / shA ri'i bu gzhan yang ngas mngon par dran te/ bla na med pa'i byang chub 'di nyid las brtsams te/ sangs rgyas rab tu 'bar ba zhes bya ba sha dag drug stong po de dag la yang nga 'khor lo sgyur ba'i rgyal por gyur pa na zhes bya ba nas/ bkur sti byas so zhes bya ba'i bar gong ma bzhin du thams cad brjod par bya'o// shA ri'i bu gzhan yang ngas mngon par dran te/ sangs rgyas skar rgyal zhes bya ba sha dag bye ba phrag gsum po de dag la yang zhes bya ba nas/ nga 'khor lo sgyur ba'i rgyal por gyur pa na/ bkur sti byas so zhes bya ba'i bar du brjod par bya'o/ / shA ri'i bu gzhan yang ngas mngon par dran te/ sangs rgyas sA la'i rgyal po zhes bya ba sha dag khri drug stong po de dag bskal pa gcig la byung ste/ shA ri'i bu bskal pade'i ming yang gong mas 'phags shes bya bar gyur to/ / shA ri'i bu de la yang ngas mngon par dran te/ sangs rgyas khri drug stong po de dag sgra dang kha spu bregs nas gos ngur smrig bgos te/ dad pas
- 397b
khyim nas khyim med par rab tu byung bar gyur pa dang / bla na med pa yang dag par rdzogs pa'i byang chub 'di nyid la brten nas zhes bya ba nas/ nga la sangs rgyas bcom ldan 'das de dag gis lung ma bstan to zhes bya ba dang / 'di ltar yang nga smra ba de dag la mngon par zhen pa dang dmigs pa'i lta ba can du gyur pa'i phyir ro zhes bya ba'i bar du brjod par bya'o// shA ri'i bu ngas mngon par dran te sangs rgyas pad+mas 'phags pa zhes bya ba sha dag lnga brgya po de dag la yang zhes bya ba nas/ nga 'khor lo sgyur ba'i rgyal po nyid du gyur pa na zhes bya ba'i bar du brjod par bya'o// shA ri'i bu gzhan yang ngas mngon par dran te/ sangs rgyas rab tu 'bar ba zhes bya ba sha stag khri lnga stong po de dag la yang zhes bya ba nas/ nga 'khor lo sgyur ba'i rgyal po nyid du gyur pa na zhes bya ba'i bar du brjod par bya'o// shA ri'i bu gzhan yang ngas mngon par dran te/ sangs rgyas ko'u din n+ya'i rigs zhes bya ba phrag dgu bcu po dag la yang zhes bya ba nas/ nga 'khor lo sgyur ba'i rgyal po nyid du gyur pa na zhes bya ba'i bar du brjod par bya'o/ / shA ri'i bu gzhan yang ngas mngon par dran te/ sangs rgyas 'od srungs zhes bya ba sha dag stong phrag dgu po de dag la yang nyan thos kyi tshogs dang bcas pa yang ngas chos gos dang zhes bya ba nas bde ba'i yo byad thams cad kyis thams cad du bde ba la reg par gnas par bya ba'i phyir/ bkur bsti byas shes bya ba nas mnyes par byas so zhes bya ba'i bar du brjod par bya'o// sangs rgyas
- 398a
bcom ldan 'das de dag gis nga la khyod ma 'ongs pa na/ bde bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan te/ gang yang / ngas 'di ltar chos rnams kyi rang gi mtshan nyid ma shes shing dmigs pa can gyi lta bar gyur nas/ bdag tu smra ba la mngon par zhen pa'i phyir ro zhes bya ba'i bar du'o// shA ri'i bu gzhan yang ngas mngon par dran te/ bskal pa khrir 'jig rten 'di sangs rgyas bcom ldan 'das rnams kyis stongs par gyur to// de la bskal pa lnga brgya po gang dag la rang sangs rgyas sha dag byung bar gyur to// shA ri'i bungs mngon par dran te/ rang sangs rgyas brgya stong phrag dgu bcu gang dag langs ji srid 'tsho ba'i bar du chos gos dang / bsod snyoms dang zhes bya ba nas/ bkur bsti byas/ mnyes par byas zhes bya ba'i bar du brjod par bya'o/ / shA ri'i bu ngas bskal pa lnga brgyar rang sangs rgyas bye ba stong phrag brgyad cu rtsa bzhi la bkur bsti byas zhes bya ba nas/ mnyes par byas so zhes bya ba'i bar du brjod par bya'o// shA ri'i bu 'di ltar bskal pa lnga brgya po de dag rdzogs shing rang sangs rgyas gang yin pa de dag kyang byung ba dang / de'i tshe nga ma rnams las shi 'phos nas tshangs pa'i 'jig rten du skyes te/ der tshangs par gyur pa na yang tshangs pa chen por gyur to/ / shA ri'i bu rnam grangs 'dis bskal pa lnga brgyar rtag par rgyun tu tshangs pa chen por gyur to// shA ri'i bu 'di ltar yang bskal pa lnga brgya po de dag 'das
- 398b
nas/ slar 'dzam bu'i gling du rgyal srid byed du 'jug ste/ rgyal po chen po rnams dang / lha rnams kyi bskal pa chen po dang ldan par skyes so// de nas sum cu rtsa gsum pa'i lha rnams kyis lha'i dbang po gcig por gyur to/ / shA ri'i bu rnam grangs 'dis bskal pa lnga brgyar 'dzam bu'i gling du skyes te/ de bskal pa lnga brgyar tshangs par gyur na yang tshangs pa chen por gyur te/ shA ri'i bu bskal pa brgya stong phrag dgur skye ba gcig po mi rnams kyi nang du skyes so/ / shA ri'i bu 'di ltar bskal pa brgya stong phrag dgur sangs rgyas ni byung bar gyur gyi/ rang sangs rgyas ni byung bar ma gyur to// sems can phal cher ngan 'gror 'gro bar gyur pa na/ shA ri'i bu 'di ltar bskal pa brgya stong phrag dgu po dag tu skye ba ma rnams kyi nang du skyes te/ 'jig rten 'di 'jig pa na ni/ 'od gsal gyi lha'i nang du skyes so// 'jig rten 'di chags pa na ni 'dod pa na spyod pa'i lha rnams su skyes te/ 'dod pa na spyod pa'i lha chen po'i ris kyi bdag por gyur to// shA ri'i bu 'di ltar yang bskal pa khri po de dag 'das nas/ de bzhin gshegs pa dgra bcom pa yang dag par rdzogs pa'i sangs rgyas kun tu sbas pa zhes bya ba 'jig rten du byung ba dang / nga yang tshangs pa'i 'jig rten nas tshe 'phos nas/ 'dzam bu'i gling du skyes te/ 'khor los sgyur ba'i rgyal po legs mthong zhes bya bar gyur to// de'i tshe mi de dag gi tshe lo stong phrag dgu bcu thub par gyur to// // sangs rgyas kyi sde snod tshul khrims
- 399a
'chal pa tshar gcod pa/ bam po drug pa/ de nas ngas bcom ldan 'das de dge 'dun dge slong brgya stong bye ba phrag dgu bcu dang thabs gcig tu ji srid 'tsho'i bar du chos gos dang zhes bya ba nas/ bde ba'i yo byad thams cad kyi thams cad du bde bar gnas par bya ba'i phyir/ bkur bsti byas/ mnyes par byas so zhes bya ba nas/ bcom ldan 'das des kyang nga lung ma bstan to zhes bya ba'i bar du brjod par bya ste/ 'di ltar chos rnams kyi rang gi mtshan nyid mi shes shing / bdag tu smra ba la mngon par zhen pa dang / dmigs pa can gyi lta bar gyur pa'i phyir ro// shA ri'i bu de'i tshe/ bskal pa yongs su tshang par sangs rgyas mtshan tha dad pa stong byung ba de yang nga 'khor lo sgyur ba'i rgyal por gyur pa na/ nyan thos kyi dge 'dun dang bcas par chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams kyis thams cad du bde bar gnas par bya ba'i phyir/ bkur bsti byas/ bla mar byas/ mchod rjed de mnyes par byas nas/ bla na med pa yang dag par rdzogs pa'i byang chub 'di nyid bsgrubs na/ sangs rgyas de dag gis nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes khung ma bstan to/ / de ci'i phyir zhe na/ 'di ltar ngas chos rnams kyi rang gi mtshan nyid mi shes shing / bdag tu smra ba la mngon par zhen pa dang / dmigs pa can gyi lha
- 399b
pa la mngon par zhen par gyur pa'i phyir ro/ / shA ri'i bu gzhan yang ngas mngon par dran te/ bskal pa grangs med pa bdun brgya'i tshe/ sangs rgyas 'dzam bu 'dud pa zhes bya ba stong yongs su tshang byung ba/ zhes bya ba nas/ de dag kyang ngas zhes bya ba'i bar du brjod par bya'o// bskal pa grangs med pa brgya po de nyid la/ sangs rgyas don thams cad gzigs zhes bya ba sha stag drug khri nyis stong zhes bya ba nas de dag kyang ngas bkur bsti byas zhes bya ba nas/ ji ltar yang dmigs pa can gyi 'du shes su gyur pa'i phyir ro zhes bya ba'i bar du brjod par bya'o// grangs med pa'i bskal pa brgya po de nyid la/ sangs rgyas dbang po'i rgyal mtshan zhes bya ba sha stag brgyad khri bzhi stong zhes bya ba nas de dag yang ngas bkur bsti byas zhes bya ba dang / ji ltar yang dmigs pa can gyi 'du shes su gyur pa'i phyir ro zhes bya ba'i bar du brjod par bya'o/ / shA ri'i bu gzhan yang ngas mngon par dran te/ sangs rgyas nyi ma zhes bya ba sha stag lnga brgya zhes bya ba nas/ de dag kyang ngas zhes bya ba dang / ji ltar yang dmigs pa can gyi 'du shes su gyur pa'i phyir ro zhes bya ba'i bar du brjod par bya'o/ / shA ri'i bu gzhan yang ngas mngon par dran te/ sangs rgyas bcom ldan 'das zhi bar mdzad ces bya ba sha stag drug khri nyis stong nyan thos kyi tshogs dang bcas pa de dag yang nga 'khor lo sgyur ba'i rgyal por gyur pa na/ chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams kyis bkur bsti byas
- 400a
bla mar byas/ rjed mchod de/ mnyes par byas nas/ bla na med pa yang dag par rdzogs pa'i byang chub 'di nyid bsgrubs na/ sangs rgyas bcom ldan 'das de dag gis lung ma bstan to/ / zhes bya ba nas/ ji ltar yang dmigs su med pa'i 'du shes can du gyur cing / bdag tu smra ba la mngon par zhen pa'i phyir ro zhes bya ba'i bar du brjod par bya'o// shA ri'i bu de ltar rim gyis bcom ldan 'das mar me mdzad kyis nga lung bstan to/ / de ci'i phyir zhe na/ shA ri'i bu bcom ldan 'das mar me mdzad de ngas mthong ma thag kho nar chos rnams la ma skyes pa'i bzod pa thob nas/ bcom ldan 'das mar me mdzad kyis thog mar nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa'i phyir ro// shA ri'i bu gzhan yang ngas mngon par dran te/ rgyal por las nu zhes bya ba sha stag bye ba phrag bcu gnyis byung ste/ thams cad kyang 'khor lo sgyur ba'i rgyal por gyur to zhes bya ba'i bar du brjod par bya'o// shA ri'i bu gzhan yang ngas mngon par dran te/ rgyal po mang pos bkur ba zhes bya ba sha stag bye ba stong phrag sum cu rtsa gnyis byung ste/ thams cad kyang 'khor lo sgyur ba'i rgyal por gyur to// shA ri'i bu gzhan yang ngas mngon par dran te/ rgyal po lha chen po zhes bya ba sha stag bye ba phrag bzhi bcu byung ste/ thams cad kyang 'khor lo sgyur ba'i rgyal por gyur to// shA ri'i bu gzhan yang ngas mngon par dran te/ rgyal po tshangs byin zhes bya
- 400b
ba shadag bye ba phrag brgyad curtsa bzhi byung ste/ thams cad kyang 'khor lo sbyar ba'i rgyal por gyur so// shA ri'i bu gzhan yang ngas mngon par dran te/ rgyal po bu ram shing pa zhes bya ba jug bye ba byung ste/ thams cad kyang 'khor lo sgyur ba'i rgyal bar gyur to// shA ri'i bu gzhan yang ngas mngon par dran te/ 'das pa'i dus na/ rgyal po rab 'bar zhes bya ba sha b+hag khri byung ste/ thams cad kyang 'khor los sgyur ba'i rgyal por gyur to/ / shA ri'i bu gzhan yang ngas mngon par dran te/ rgyal po gzugs mdzes zhes bya ba sha stag bye ba phrag nyi shu byung ste/ thams cad kyang 'khor lo sgyur ba'i rgyal por gyur to// shA ri'i bu 'di ltar ming sna tshogs pa'i rgyal po bye ba phrag bcu drug dang / shA ri'i bu rgyal po bye ba phrag brgyad pa gang yin pa 'di dag ni/ de bzhin gshegs pas dge slong kun dga' bo la gsungs so// shA ri'i bu de'i tshe de'i dus kyi de dang der byung ba'i 'khor lo sgyur ba'i rgyal por gyur pa dag khyod gzhan yin pa snyam du sems na/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu nga nyid de'i tshe de'i dus kyi de dang der byung ba'i 'khor lo sgyur ba'i rgyal ba rnams su gyur te/ / de bzhin gshegs pa la bkur bsti byas pa dang / bla mar byas pa dang / brjed pa dang / mchod pa dang mnyes par byas pa'i le'u ste brgyad pa'o/ / / shA ri'i bungs 'das pa'i dus mngon par dran te/ gang gi tshe de bzhin gshegs pa dgra bcom pa yang dag par rdzogs pa'i sangs
- 401a
@rgyas shin tu 'od ces bya ba zhig byung bar gyur pa'i dus de dang de yod de/ 'di ltar byang chub sems dpa' byams pa 'khor lo sgyur ba'i rgyal por gyur pa na/ de la des thog mar/ byang chub kyi sems kyi dge ba'i rtsa ba bskyed de/ bcom ldan 'das de'i tshe'i tshad ni lo brgyad khri bzhi stong du gyur to// bcom ldan 'das de'i nyan thos rnams kyi 'dus pa chen po ni gsum du gyur te/ 'dus pa chen po dang po la ni dgra bcom pa bye ba phrag dgu bcu rtsa drug byung ngo / / 'dus pa gnyis pa la ni dgra bcom pa bye ba phrag dgu bcu rtsa bzhi byung ngo // 'dus pa gsum pa la ni dgra bcom pa bye ba phrag da bcu rtsa gnyis byung ngo / / shA ri'i bu de nas rgyal po rnam par snang byed kyis bcom ldan 'das de mthong nas dga' ba chen po skyes par gyur te/ des bcom ldan 'das de nyan thos kyi dge 'dun dang thabs cig la lo khrir zhes bya ba nas bkur bsti byas/ mnyes par byas nas zhes bya ba'i bar du brjod par byas te/ smon lam du yang kye ma re zhig byang chub don tu gzer ba na ma 'ongs pa na/ bdag gi tshe'i tshad kyang 'di nyid dang / re shig nyan thos chen po'i dge 'dun gyi tshad kyang 'di kho na snyed dang ldan par gyur cing / gang gi tshe sems can rnams bde ba la bkod par gyur pa de'i tshe/ bdag bla na med pa yang dag par rdzogs pa'i byang chub mngon par rdzogs par sangs rgyas par gyur cig ces smon lam btab bo/ / shA ri'i bu ngas mngon par dran te/ byang chub sems dpa' byams pas bskal
- 401b
pa bye ba phrag bzhi bcu po 'di snyed cig lon nas/ de'i 'og tu ngas byang chub tu sems bskyed par gyur te/ de bzhin gshegs pa dgra bcom pa yang dag par rdzogs pa'i sangs rgyas gzhan gyis mi rnguthub pa'i rgyal mtshan las dge ba'i rtsa ba bskyed do/ / bcom ldan 'das de la lo stong du bde ba'i yo byad thams cad kyis bstabs shing / lha'i ras bcos bu 'bum phrag lnga ri bdag gis mngon par bkab bo/ / bcom ldan 'das de yongs su mya ngan las 'das nas kyang / mchod rten shin tu chen po 'phang du dpag tshad tsam la/ rgyar dpag tshad phyed pa rin po che sna bdun las byed du bcug ste/ 'di lta ste/ gser dang / dngul dang / bai DUR+Ya dang / shol dang mu tig dmar po dang / rdo'i snying po dang / bdun pa ni rin po che spug go// shA ri'i bu ngas rtag par rgyun du 'di skad ces gang gi tshe sems can rnams sdug bsngal gyis nyen par gyur cing / skyabs med la/ rton pa med pas phal cher mi dge ba'i chos sgrub pa la zhugs te/ ngan song yongs su rdzogs par byed pa de'i tshe/ bdag bla na med pa yang dag par rdzogs pa'i byang chub mngon par sangs rgyas par gyur cig ces smon lam du btab bo/ / shA ri'i bud bzhin gshegs pas dka' ba ji snyed cig spyad pa dang / bla na med pa yang dag par rdzogs pa'i byang chub 'di dka' ba ji snyed cig gis bsgrubs pa dang / shA ri'i bu ngas bla na med pa yang dag par rdzogs pa'i byang chub 'di sgrub pa na/ sdug bsngal gang dag nyams su myong bar byas pa la ltos/ gal te ngas bla na med pa yang
- 402a
joms gyu 'di gyu/ sa / rnamahA/ byung ba tshor ba mas myong ba ma pa sa pams ma dzad sa sa tu rgyus sa / a rgyu tu sgyu da pa sa mas pading shegs pa na r dzo sa ga shes pa dus pa dang / tha mamed pa 'ang dag par rdzogs pa'i thung rgyu 'di 'a 'dzig cig gis bsgrungs pa la sa/ skye rdzun po 'di sa yongs bye ba ma sa gas pam da ltangs na khyong pa gyu bar bya'o/ / 'od du chung par bya'o// dzin ji ltar yang ngan pas ni rtse rnam pa thab sa la/ gas par mi gsung // shAr+ya'i bu ngan pa gang na bu lus spyod dadu/ dgani slong pa dang / 'di kyi spyod bden pa dang / dge pa'i rnam rnams lan myu ngan pa dang / dmigs bangan pa dang / mam ngan pa dang / lam pa'i tshum tsham shi bu 'dzi nga po rnams kyi ngan napa pa chang yizhim/ / shA ri'i bu dang zhig bstan pa 'di la rab tu byunganas/ bdag tu sprum la mngon par rten par gyur ci// de bzhin mas ma du blabang nga/
- 402b
srog tu smra ba dang / gang zag tu smra ba la mngon par zhen par gyur pa'i phyir ro// de ci'i phyir zhe na/ shA ri'i bu 'di ltar de bzhin gshegs pas gang zag tu smra ba la ni rjes su mthun pa'i bzod pa yang med par mngon sum du gzigs pa'i phyir ro/ / shA ri'i bu gal te dmigs pa'i 'du shes can la ni sangs rgyas bye ba phrag stong gos nyin gcig bzhin du cho 'phrul rnam pa gsum gyis chos bstan ku de'i lta ba de kho na spong bar mi 'gyur zhing dad pas byin pa'i bsod snyoms kham cig tsam yang yongs su sbyang ba'i phyir mi 'thob na/ 'bras bu 'thob pa lta ci smos te/ de ni gnas yod pa ma yin no// shA ri'i bu gal te gang zag tu lta ba yongs su mya ngan las 'da' bar 'gyur na/ so so'i skye bo thams cad yongs su mya ngan las 'da' bar 'gyur ro// de ci'i phyir zhe na/ shA ri'i bu 'di ltar gang zag tu blta ba ni log par lta ba yin pa'i phyir ro/ / shA ri'i bu byis pa so so'i skye bo thams cad ni phal cher bdag tu smra ba la mngon par zhen pa yin te/ de bzhin du sems can du smra ba dang / srog tu smra ba dang / gang zag tu smra ba la mngon par zhen pa yin no/ / shA ri'i bu de lta bas na log pa'i lta ba dang ldan pa thams cad yongs su mya ngan las 'das par 'gyur ro// shA ri'i bu gang zhig 'di snyam du gang zag tu lta ba ma spangs pa la yongs su mya ngan las 'da' bar 'gyur ba yod do snyam na de lta na ni byis pa so so'i skye bo thams cad 'phags pa'i lam dang ldan par 'gyur te/ de dag gi 'phags pa'i lam ma tshang ba med pa'i phyir ro// shA ri'i bu gang
- 403a
zhig 'di snyam du log par lta ba la yongs su mya ngan las 'da' bar 'gyur ba yod do snyam du sems pa de lta na/ de'i de nyid 'phags pa'i lam yin par 'gyur te/ de'i yid la byed pa gzhan ma rnyed pa'i phyir ro/ / de ci'i phyir zhe na/ 'di ltar byis pa so so'i skye bo thams cad ni gang zag tu lta ba dang mi 'gal ba'i phyir ro// skyes bu blun po de dag ni yang skyon 'di 'thob par 'gyur te// byis pa so so'i skye bo thams cad 'phags pa'i lam 'thob pa dang / 'phags pa'i lam thob pa rnams lam goms par bya ba'i phyir/ kun gyis srog gcod par byed pa dang / 'dod pa la sten pa dang // mtshams/ med pa byed par 'gyur ro// de ltar skyes bu blun po de dag gi 'phags pa'i lam gang yin pa de ni mtshams med pa yin par 'gyur ro// de ci'i phyir zhe na/ 'di ltar byis pa so so'i skye bo thams cad ni gang zag tu smra ba yin pa'i phyir ro/ / yang na de skrod ces mtshams med pa dang ldan pa la ni yongs su mya ngan las 'da' ba med kyi/ gang zag tu smra ba la ni yongs su mya ngan las 'da' ba yod do zhes smra na/ de ni brdzun gyi tshig smra bas/ nga la yang sgur po 'debs pa yin te/ de ni rab tu byung zhing bsnyen par rdzogs na yang don med par gyur pa yin no// shA ri'i bu khyed la go bar bya'o// khong du chud par bya'o// dmigs pa'i 'du shes can la ni yongs su mya ngan las 'da' ba med do/ / shA ri'i bu gal te dmigs pa'i 'du shes can yongs su mya ngan las 'das par 'gyur na/ de bzhin gshegs pa dgra bcom pa yang dag par rdzogs pa'i sangs rgyas
- 403b
rnams 'byung bar mi 'gyur zhing / byis pa so so'i skye bo thams cad yongs su mya ngan las 'das par 'gyur ro// de ci'i phyir zhe na/ 'di ltar byis pa so so'i skye bo thams cad ni dmigs pa can gang zag tu smra ba log par lta ba can rnams yin pa'i phyir ro/ / shA ri'i bu ji srid du nga ni dmigs pa can gyi lta ba de lta bu dang ldan par gyur te/ bar chad kyi gnod pa dang bcas pa de srid du sangs rgyas bcom ldan 'das de dag gis nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan gyi/ ji srid du nga dang mi ldan par gyur pa la ltos skyes bu gti mug bdag tu smra ba dang / gang zag gi 'du shes can gang yin pa ngag gi tshul khrims dang thos pa dang / ting nge 'dzin tsam gyis lta smos kyang ci dgos te/ nga ni de la ldan pa yang ma yin/ grol ba yang ma yin no zhes gsung ngo // de ci'i phyir zhe na/ shA ri'i bu 'di ltar yun ring po nas yang dag pa ma yin pa'i chags pa de lta bu de dag la zhen pas de la yongs su mya ngan las 'das pa yod pa ma yin pa'i phyiraro/ / skyes bu blun po de dag ni 'di snyam du nga ni ci nas kyang re shig bdag med pa'i mtshan nyid kun tu bsten cing bsgoms te mang du byas la/ ci nas kyang sdug bsngal gyi phung po spang ngo snyam du sems par mi 'gyur ro/ / shA ri'i bu dper na/ dmus long shig rgyab nas bsad pas bsdigs pa na/ bros na bde bar 'gyur ba'i 'du shes kyis me ma mur dang mgal dum gyis gang bar mchod /
- 404a
shA ri'i bu de bzhin du ngas kyang / skyes bu blun po dmigs pa'i lta ba dang / gang zag gi lta ba de lakun tu sten pa gang yin pa de ltar 'gyur bar dgongs te/ gang dag de kho nas dag par rlom sems su byed do/ / sems can rnams gang dang gang kho nas nyon mongs par gyur pa de kho nas grol bar rlom sems su byed de/ de dag lta ba de rnams dang ldan pas ngan song du 'gro/ bar 'gyur ro zhes gsung ngo // shA ri'i bu dper na/ dmus long de de bde ba'i 'du shes kyi me ma mur du mchod pa de bzhin du/ skyes bu blun po de dag kyang bde ba'i 'du shes kyis/ gang zag tu lta bar 'gyur ro/ / de dag lta ba gang dang gang kho nas yun ring por bslus shing rmongs par byas te/ de nyid la lhag par chags par 'gyur zhing dad pas byin pa la yongs su longs spyod par byed do// de dag de 'o nas yun ring por gnod pa dang phan ma yin pa dang / bde ba ma yin pa dang / sdug bsngal ba dang / nyams pa dang / gzhan gyis zil gyis mnan pa dang / yun ring por log par ltung bar bya ba'i phyir kun tu zhugs pa yin no/ / shA ri'i bu rgyal po rgyal rigs spyi bo nas dbang bskur ba/ 'byor pa/ rang gi yul dang / rang gi pho brang 'khor na bsad pa'i rigs ni gsod la/ skyug pa'i rigs ni smyig par byed de/ de la gang dag gnod par byed pa/ / dedag gang dag grong khyer gyi tshul khrims bzhin rje su mi sgrub pa dag dang bar chad kyis skye bo mang po 'byed pa'o// de dag rgyal pos chom rkun pa yin par shes shing 'thab krol ba yin
- 404b
par shes nas/ skad drag po dang / rnga pa Ta ha brdungs nas/ rgyal po'i 'khor dang / grong khyer gyi mi rnams kyi mdun nas phyir byung ste/ 'di skad ces rgyal po'i 'khrug long ba dang / grong khyer kyigyi tshul khrims bzhin rjes su mi sgrub pa gang yin pa de na/ rtags can 'di yin no zhes sgrogs su 'jug go/ shA ri'i bu de bzhin du de bzhin gshegs pas bskal pa grangs med pa nas bzung ste/ bla na med pa yang dag par rdzogs pa'i byang chub 'di bsgrubs pas/ shA ri'i bu de bzhin gshegs pa yang nyid kyi yul 'di la mnga' yod de/ de bzhin gshegs pa'i 'khor gyi bya ba la srog gi phyir ya 'ga' bar mi byed pa dag kyang yod de/ shA ri'i bu gang zhig de bzhin gshegs pa'i gsungs rtogs pa de lha dang bcas pa'i 'jig rten gyis bya ba dang 'brel pa de las bskyod pa dang / de bzhin gshegs pa'i mdzad pa la yang gang gis kyang mi bsrung bar mi nus te/ 'chi ba la thug na yang mi byed cing byed du mi 'jug go/ shA ri'i bu nga ni 'khor dang bcas par bya ba 'jug par bya ba la lnga yod de/ gang gri chos kyi grong khyer 'di la chom rkun pa 'am/ chom rkun pas sder gtogs pa 'am/ phu gu pa 'am/ 'khrug long ba su yang rung / mi rgyu bar bya ba'i phyir/ de shin tu bsrung zhing shin tu sbas pa yin no// gang dag de bzhin gshegs pa 'am/ de bzhin gshegs pa'i 'khor gyi gsang ba'i don gyi gsang sngags kyi tshigs 'di de bzhin gshegs pa'i gsung las phyi rol du gyur pa/ tshig gi bya ba med pa gang
- 405a
yin pa dag la mi smra ba ste/ shA ri'i bu de ltar de bzhin gshegs pas bya ba la gzhol bar bzhi'i shes rab chen pos chos kyi grong khyer shin tu bsrungs pa yin no// shA ri'i bu chos kyi grong khyer de'i bar chad byed pa gang yin pa de ni da ltar med do/ / shA ri'i bu da ltar chos kyi grong khyer de'i bar chad byed pa gang dag yod na/ de dag ni 'di la chom rkun pa zhes bya'o// 'khrug lo ba zhes bya'o/ / gang dag de bzhin gshegs pa'am/ de bzhin gshegs pa'i 'khor gyi gsang ba'i don gyi gsang sngags kyi tshig 'di phyi rol pa la smra na/ de dag nga'i spyan sngar nye bar 'ongs shing lhags kyang ngas de dag chos dang mthun pa'i gtam gyis sdud par mi mdzad/ de dag la bya ba ston par mi mdzad/ de dag la gsang ba'i don gyi gsang sngags kyi tshig brjod par mi mdzad do// de dag yang bya ba 'di dag kun tu tshol ba na/ rab tu 'byung ba dang / bsnyen par rdzogs par bya ba'i phyir glags tshol bar byed do// ngas de dag bya ba la mthu yod par mkhyen nas skabs dbye bar mdzad de/ zla ba bzhi'i gnas 'char gzhug go zhes gsungs so/ / de ci'i phyir zhe na/ de nyid chos kyi grong khyer bsrung zhing sba ba'i phyir dang / ma 'ongs pa'i 'khrung long ba rnams bsrungs pa yin no// shA ri'i bu de ltar de bzhin gshegs pas chos kyi grong khyer shin tu yongs su bzung bas de dag gis grags mi rnyed do/ / de dag gis glags mi snyed pas/ de bzhin gshegs pa'i gsung 'dzin cing sdig can gyi lta ba spong bar 'gyur ro// de dag de ltar sems
- 405b
mgu nas/ rab tu 'byung ba dang / bsnyen par rdzogs par bya'o// de dag de ltar rab tu byung ba na/ lha dang bcas pa'i 'jig rten gyis mi skul par 'gyur ro// shA ri'i bu de bzhin gshegs pas gnas 'char gzhug gi zhes gsungs pa'i 'os gang zhe na/ gzhan mu stegs can rnams dang / gzhan mu stegs can gyi smra ba la dga' ba su yang rung ba dag ste/ de dag de bzhin gshegs pas gnas 'char gzhug pa'i 'os su gsungs pa yin no/ / shA ri'i bu gzhan mu stegs can gyi smra ba gang zhe na/ gang dag srid pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / gang zag gi 'du shes dang / dmigs pa can gyi 'du shes dang / dmigs pa can gyi bya ba la bying ba dang / lam gol ba 'dzin pa dang / rang gi mtshan nyid kyis stong pa'i chos rnams la yid gnyis dang / the tsom za ba dang / 'dzin pa sna tshogs dang / yang dag pa ma yin pa la chags pas gnas kyi don dam pa stong pa nyid la ni mi 'jug pa ste/ phyin ci log tu gyur pas des na gzhan mu stegs can zhes bya'o/ / shA ri'i bu de bas na chos gos la gnas 'char gzhug pa ma yin zhing / kha dog gi rigs rnam pa sna tshogs kyi 'os kyang ma yin no// shA ri'i bu khyim pa 'am/ dungur smrig bgos pa su yang rung / 'di lta bu'i dmigs pa can gyi lta ba yod pa de dag thams cad ni/ de bzhin gshegs pas gzhan mu stegs can dag yin no zhes gsungs so// de dag ni chos 'dul ba
- 406a
'di la rab tu 'byung bar 'dod na/ gnas 'char gzhug pa'i 'os ma yin no// de ci'i phyir zhe na/ shA ri'i bu 'di ltar dmigs pa'i lta ba ni log par lta ba yin pa'i phyir ro// de ni chos 'dul/ ba 'di la bya ba bying ba yin no// de ni de bzhin gshegs pa'i chom rkun pa chen po 'khrug long ba yin no// shA ri'i bu nga ni log pa'i lta ba can rab tu 'byung ba dang / bsnyen par rdzogs par bya ba'i phyir skabs dbye bar mi mdzad do/ / shA ri'i bu gang zhig chos thams cad bdag med do zhes rjes su mthun pa'i bzod pa mi skyed pa dang / chos thams cad stong pa dang / bdag med pa dang / sems can med pa dang / srog med pa dang / gang zag med pa'o zhes ma mos shing mi 'jug pa de chos 'dul ba 'di la rab tu 'byung zhing / rab tu byung nas chos thams cad bdag med pa/ sems can med pa/ srog med pa/ gang zag med pa/ don dam pa stong pa nyid thos na/ ma mos shing mi 'jug na/ de mi dbang bar dad pas byin pa la yongs su longs spyod par byed pas/ des sangs rgyas la bkur bstir ma byas pa yin/ bla mar ma byas pa yin// brjed par ma byas pa yin/ mchod par ma byas pa yin/ bsnyen bkur ma byas pa yin te/ chos la ma yin/ dge 'dun la ma yin zhing / de bzhin gshegs pa'i bslab pa rnams phye mar 'thag par byed pas/ de ni gzhan mu stegs can dge sbyong ltar bcos pa'i chos kyi rkun mar gnas pa yin no// shA ri'i bu ma 'ongs pa'i dus na dge slong lus ma bsgoms pa/ tshul khrims ma bsgoms pa// sems ma
- 406b
/ bsgoms pa/ shes rab ma sgoms pa dag byung sa gyur te/ de dag de bzhin gshegs pa'i gsung la 'phya bar 'gyur/ tse 'dri bar 'gyur ro// de bzhin gshegs pa'i gnas gang la de bzhin gshegs pagus pa dang / bcas pa/ 'dzem pa dang bcas pa/ don dam pa stong pa nyid la rtag par rgyun tu don dam pa stong pa nyid kyi gnas pa 'di gas la spyad du gsod par 'gyur ro// de dag de'i tshe yang dag pa'i mtha' de bzhin gshegs pa'i gnas pa stong pa nyid de la 'phya bar 'gyur/ co 'dri bar 'gyur/ khyad du gsod par 'gyur ro// shA ri'i bu de'i tshe stong pa nyid la mi gnas pa'i dge slong mang du 'byung bar 'gyur te/ de dag de'i tshe 'phya bar 'gyur/ co 'dri bar 'gyur/ khyad du gsod par 'gyur ro// shA ri'i bu de bzhin gshegs pas stong pa nyid kyi gnas pa gang yin pa de dag la de ltar legs so zhes bya bas spro bar mdzad/ tshig bzhi/ du mdzad do// de'i tshe 'tshe ba don du gnyer ba de dag mi bzas kho na kun tu tshol ba na/ gang zag tu 'dzin pas skye bo dga' bar bya bar sems par 'gyur ro// shA ri'i bu de'i tshe dge slong gang dag stong pa'i chos rnams la chos rnams ni sbyong ba'o zhes rab tu ston par 'gyur ba dang / bdag med pa'i chos rnams la chos rnams ni bdag med pa dang / sems can med pa dang / srog med pa dang / gang zag med pa'i chos rnams la chos rnams ni gang zag med do zhes ston par 'gyur ba de dag/ kun tu 'tsho ba de dag gis shin tu zil gyis mnan par 'gyur ro// de ci'i phyir zhe na/ shA ri'i bu de ni sems can rnams kyi
- 407a
dge ba'i rtsa ba kun tu gcod pa'i ston du 'gro ba'i mtshan ma dang po ni de yin te/ byis pa'i rang bzhin can ga tsan dran shing gi rin thang du 'tshong ba bzhin du/ 'jig rten na legs par gsungs pa gang yin pa len par mi byed do/ / shA ri'i bu de lta bas na bcom ldan 'das 'od srungs kyis ma 'ongs pa'i dus na/ de bzhin gshegs pa shAkya thub pa zhes bya ba de'i nyan thos rnams 'jig rten gyi zang zing gi phyir khyim pa dang / rab tu byung ba dag la/ don dam pa stong pa nyid rab tu ston par 'gyur ro// de la khyim pa dang / rab tu byung ba byis pa shes rab 'chal pa'i rang bzhin can de dag smod par 'gyur/ yid mi ches par 'gyur te/ de de dag dpal chen po dbyug pas slong par 'gyur ro// de'i rgyus yang ngan song du 'dong bar 'gyur ro zhes lung bstan te/ shA ri'i bu de'i tshe mi mthun pa'i gtim rnams la shin tu gnas par 'gyur zhing / de la yang snying po'i 'du shes su byed par 'gyur ro// sangs rgyas kyi gsung don dam pa spong zhing thos na yang skrag par 'gyur ro// de ci'i phyir zhe na/ 'di ltar de'i tshe bdag tu smra ba dang / sems can du smra ba dang / gang zag gi 'du shes can du gyur pa dang / 'dun pa zhan pa dang / le lo dang / snyoms las dang / rnyed pa la gdung ba dang / 'dod chags che ba dang / zhe sdang che ba dang / gti mug che ba dang / rnyed pa dang / bkur sti 'dod pa dang / mkhas pa'i nga rgyal dang / byis pa dang / gzhung 'byed pa dang / rtsod pa ched cher byed pa dang / phan tshun du
- 407b
byams pa'i sems med pa dang / dge sbyong gi chos kyis stong pa dang / rnyed pa dang / bkur sti kho na la mngon par dga' bar gyur pa dang / las kyi mtha' mang ba dang / bud med kyi blo gros byed par gyur pa dang / gzhan gyi skyon tshol bar gyur pa dang / ji ltar yang bdag nyid ma bslabs pas/ rang gi skyon 'chab pa dang / sdig pa sbed cing / dge ba spyoms par gyur pa'i phyir ro// da ltar gyis yongs su dag pa/ sdig pa bsal ba/ dge ba'i chos kyis gnas pa gang yin pa de dag ni/ de'i tshe bslab pa'i tshig rnams srog phyir yang 'das par byas te/ ston par mi 'gyur ro// shA ri'i bu de ltar ma sbas pa'i tshul khrims can rnams la ni stong pa nyid kyis byar ci yod/ rang gi mtshan nyid kyis stong pa'i chos rnams kyis byar ci yod/ dper na rigs kyi bu dag gis rol mo'i gnas su sgyu mar gtogs pa rnam pa du ma dag nye bar bstan pa na/ de na byis pa zhum pa rmongs pa shes rab 'chal par gyur pa gang yin pa de dag gis mthong nas/ de dag gang mo chen po'i ga rgyangs dag rgod par 'gyur ro// de ci'i phyir zhe na/ ji ltar yang byis pa'i rang bzhin nyid yin pa'i phyir ro// mkhas pa shes rab rnon po'i rang bzhin can gang yin pa de dag ni/ 'di skad ces blun po 'di dag de la ji zhig je tsom za na gad mo chen po'i gang rgyangs dag rgod ces smra ba de bzhin du/ shA ri'i bu de'i tshe stong pa nyid rab tu stong par 'gyur ba'i dge slong gang yin pa de dag la 'tshe ba don du gnyer ba de dga' bya bar sems par 'gyur ro// de ci'i phyir zhe na/
- 408a
'di ltar yang de la ma bslabs pa nyid yin pa'i phyir dang / de dag sangs rgyas kyi gsung stong pa nyid 'di thos na skrag par 'gyur ba'i phyir ro// shA ri'i bu skyes bu blun po de dag kun ji srid cig tu nud zos pa la ltos/ 'di ltar bde legs gang yin pa la ni/ ci nas kyang bde legs ma yin pa'i 'du shes 'byung shing 'jigs pa ma yin pa la ni 'jigs pa'i 'du shes 'byung ngo // shA ri'i bu de'i tshe dge slong dag dge ba'i chos rnams la phan pa ma yin pa'i 'du shes dang / mi dge ba'i chos rnams la phan pa'i 'du shes phyin ci log tu 'dzin pa dag 'byung bar 'gyur ro// shA ri'i bu dge slong de dag ni rnyed pa la gdung ba dang / 'dod chags che ba dang / zhe sdang che ba dang / gti mug che ba dang / mi dge ba'i rtsa ba gsum yang dag par blangs te 'jug par 'gyur ro// shA ri'i bu de la ngas dge slong tshul khrims dang ldan pa dag rjes su bzung ba la ltos nas lhag pa'i tshul khrims kyi bslab pa'i gzhi bcas pa dang / so sor thar pa'i mdo bstan pa gang yin pa de/ de'i tshe de dag gis 'jig rten gyi zang zing gi ched du khyim pa la brjod par 'gyur ro/ / glegs bam du byas te khyim pa la sbyin par sems so// shA ri'i bu de la skyes bu dam pa ma yin pa de lta bu dag la ni stong pa nyid kyis ci byar yod/ rang gi mtshan nyid kyis stong pa'i chos rnams kyis ci byar yod/ de ci'i phyir zhe na/ shA ri'i bu 'di ltar skyes bu blun po de dag ni chags pa spangs pa'i phyir brtson par mi nus na/ ma rig pa spangs pa'i phyir brtson par bya ba lta ci smos
- 408b
te/ de ni gnas yod pa ma yin no// shA ri'i bu de'i tshe ma bslabs pa'i dge slong 'dul ba 'dzin pa dag byung ngo // ma bslabs pa'i chos kyi gtam dang ldan pa dang / ma bslabs pa'i dge slong mdo sde dang ldan pa dag phal cher 'byung ngo / / shA ri'i bu de'i tshe ma bslabs pa'i dge slong 'dul ba 'dzin pa 'byung ba ni gang / ma bslabs pa'i chos kyi gtam dang ldan pa 'byung ba ni gang / ma bslabs pa'i dge slong mdo sde dang ldan pa 'byung ba ni gang zhe na/ shA ri'i bu 'di la bslab pa ni gsum ste/ gsum gang zhe na/ 'di lta ste/ lhag pa'i tshul khrims kyi bslab pa dang / lhag pa'i sems kyis bslab pa dang / lhag pa'i shes rab kyi bslab pa ste/ shA ri'i bu de bzhin gshegs pas gsungs pa'i bslab pa gsum ni 'di dag yin no// de dag gis bslab pa gsum po 'di dag la ma bslab par thob pa tsam gyis gzhan la khyad du gsod par byed de/ de nyid skyes bu blun po de dag gis bar du gcod par 'gyur ro// skyes bu de dag ni chos dang mthun pas the tsom dris na yang lan thebs par mi 'gyur na/ dmig su med pa stong pa nyid kyi chos rnams la brtson 'grus brtsams pa lta ci smos te/ de ni gnas yod pa ma yin no// shA ri'i bu de la tshul khrims ral pa'i dge slong gang yin pa de dag 'byung bar 'gyur te/ de dag khyim pa'i las kyi mtha' rnams byed par 'gyur ro// pho nya'i las kyi 'tsho bar rtog par 'gyur ro// sman pa'i tha snyad kyis 'tsho bar rtog par 'gyur ro// shA ri'i bu nga'i bstan pa la rab tu byung
- 409a
nas/ 'i byang chub kyis 'tsho bar byed de/ de bzhin gshegs pa la skye ba dang bcas pas kun tu spyod par 'gyur ba la ltos/ shA ri'i bu de'i tshe rgyal po chen po bzhi dang lha rnams kyi dbang po brgya byin dang / mi mjed kyi bdag po tshangs pa dang / gzhan yang lha stong phrog mang po dag de lta bu'i gsung rab la rnam pa du mar gyis pa mthong nas/ smre sngags chen pos smre sngags 'don par 'gyur ro/ / shA ri'i bu nga la brten nas/ khyim pa'i go re long byed par 'gyur ba gang yin pa de ni 'tsham pa ma yin no// de ci'i phyir zhe na/ shA ri'i bu nga'i nyan thos rnams ni lha 'am/ klu 'am gnod sbyin su la yang nye gnas kyis yongs su spyod par byed pa ma yin no/ / shA ri'i bu de lta mod kyi lha dang / klu dang / gnod sbyin dag kho na nga'i nyan thos rnams la nye gnas kyis yongs su spod par byed pa yin no/ / shA ri'i bu skyes bu blun po khyim pa'i go re long byed pa de dag dmigs su med pa stong pa nyid kyi chos rnams la kun tu sten par 'gyur ba dang / lhag par mos par 'gyur ba de ni gnas yod pa ma yin te/ shA ri'i bu de'i tshe dge slong tshul khrims 'chal pa dag sangs rgyas kyi gsung chang skyogs gang tsam gyi phyir yang khyim pa la brjod par 'gyur ro// shA ri'i bu 'di ji snyam du sems/ ci nas kyang bdag la chags pa dang / zhe sdang che ba dang / gti mug che ba dang / 'du 'dzil dga' ba dang / smra ba la dga' ba dang / 'jig rten rgyang pan pa dang / spyod pa yongs su ma dag pa rnams kyis dmigs su mang
- 409b
pa'i stong pa nyid kyi chos rnams kun du shes pa 'am/ rnam par rig pa 'am/ 'jug pa 'am/ mos pa 'am/ dge sbyong gi chos rnams yang dag par thob par bya ba'i phyir rab tu ston par nus pa de ni gnas yod pa ma yin no/ / shA ri'i bu dge slong dag chos gos ngan ngon tsam gyis chog shes pa dang / chos gos ngan ngon tsam gyis chog shes pa'i bsngags pa smra ba dang / bsod snyoms ngan ngon tsam gyis chog shes pa dang / bsod snyoms ngan ngon tsam gyis chog shes pa'i bsngags pa smra ba dang / gnas mal ngan ngon tsam gyis chog shes pa dang / gnas mal ngan ngon tsam gyis chog shes pa'i bsngags pa smra ba dang / nad kyi rkyen sman dang / mkho ba'i yo byad ngan ngon tsam gyis chog shes pa dang / nad kyi rkyen sman dang mkho ba'i yo byad ngan ngon tsam gyis chog shes pa'i bsngags pa smra ba dang / tshul khrims dang ldan zhing spyod pa yongs su dag pa dang / 'du 'dzi rnams la mi dga' ba dang / smra ba la mi dga' ba dang / 'jig rten rgyang len pa'i gtam la mngon par mi brtson pa dang / nyin dang mtshan du mgo la me bar ba bzhin du sbyong ba la brtson pa dang / 'phags pa'i lam bsgom pa la brtson pa de dag ni dmigs su med pa stong pa nyid kyi chos rnam la tshegs chung ngus mnyes par byed pa ma yin no// de la mos pa med pa dang 'dud pa med pa dang / dga' ba med pa gang yin pa dag lta ci smos/ shA ri'i bu de'i tshe gnod pa mang po 'ba' shig byed pa'i dge slong dag 'byung bar 'gyur ba la ltos// de dag ni sangs
- 410a
rgyas kyi byang chub 'di dag mi shes pas mi 'jug cing smod par byed pas/ / de dag ni de bzhin gshegs pas chos 'dul ba 'di la 'khrug long ba yongs su spang ba'i 'os yin/ par gsungs so// shA ri'i bu skyes bu blun po de dag 'di snyam du/ bdag cag da ni de kho na'i ched du rab tu byung bas bdag cag gis bstan pa 'di la spyod yul ma yin pa la spyad par mi bya'o snyam du de bzhin gshegs pa la byas pa gzo bar mi 'gyur ro/ / shA ri'i bu de lta bas na de bzhin gshegs pas ma 'ongs pa'i dgos pa las brten nas mdo sde 'di gsungs so// de nas de dag 'di lta bu'i chos kyi rnam grangs 'di thos nas/ dge sbyong gi chos ma yin pa/ sdom pa yongs su nyams par byed pa dag spang ba'i phyir 'jug par 'gyur ro// de ci'i phyir zhe na/ shA ri'i bu 'di ltar dge slong tshul khrims 'chal pas se gol gtogs pa tsam yang drang srong gi rgyal mtshan bcang bar mi bya ba'i phyir ro/ / shA ri'i bu chos kyi rnam grangs 'di thos nas rab tu dga' ba skye bar 'gyur ba gang yin pa de dag ni/ sangs rgyas kyi byang chub shin tu yongs su bzung ba yin no/ / de ci'i phyir zhe na/ shA ri'i bu de dag gi sangs rgyas kyi byang chub 'di yin te/ 'di lta ste/ yang dag pa'i mtha'o// shA ri'i bu dge sbyong don du gnyer bas ni 'di lta bu'i chos mnyan pa'i phyir dpag tshad bye ba brgya stong du yang 'gro bar bya'o/ / de ci'i phyir zhe na/ sangs rgyas bcom ldan 'das rnams 'jig rten du 'byung ba yang brgya lam na lan 'ga' zhig yin la/ mdo sde 'di lta
- 410b
bu yang brgya lam na lan 'ga' zhig rab tu ston par 'gyur ba'i phyir ro/ / shA ri'i bu 'di lta bu'i gtam 'di la ni/ gsum mi 'dod cing dga' ba skye bar mi 'gyur te/ gsum gang zhe na/ 'di lta ste/ tshul khrims 'chal ba dang / mngon pa'i nga rgya dang / yongs su ma dag pa'i chos ston pa ste/ ji ltar yang bdag tu smra ba la mngon par zhen par gyur pa'i phyir ro// shA ri'i bu skyes bu blun po de dag ni rje su mthun pa'i chos 'di lta bu 'di dag mnyan pa las shin tu yongs su nyams par 'gyur zhing dmus long gi phyogs yongs su rdzogs par 'gyur ro/ / shA ri'i bu de lta bas na mdo sde 'di lan gnyis su yang yongs su gtad do/ / de ci'i phyir zhe na/ shA ri'i bu 'di ltar mdo sde 'di ni de bzhin gshegs pa yongs su mya ngan las 'das na/ dge slong tshul khrims dang ldan pa rnams dga' ba dang mgu bar byed par 'gyur ba'i phyir ro/ / shA ri'i bu mdo sde 'di ni tshul khrims dang ldan pa rnams kyis kun tu bzung zhing / tshul khrims 'chal pas yongs su spangs par 'gyur ro// de ci'i phyir zhe na/ shA ri'i bu 'di ltar yang dag pa ji lta ba bzhin du bstan na/ byis pa rnams sdug bsngal bar 'gyur te/ shA ri'i bu gang dag gi yan lag dang / gang dag gi rnam pa dang / gang dag gi rtags dang / gang dag gi mtshan mas tshul khrims 'chal pa dang / ldan par 'gyur ba'i rnam pa dang / rtags dang mtshan ma de dag de bzhin gshegs pas mdo sde las gsungs te/ tshul khrims 'chal pa'i tshul khrims kyi gtam
- 411a
la dga' bar mi 'gyur/ mnyam par ma bzhag pa ni mnyam par bzhag pa'i gtam la dka' bar mi 'gyur/ ser stanan ni gtong ba'i gtam la dga' bur mi 'gyur/ mngon pa nga rgyal can ni lhag par nga rgyal med pas sangs rgyas kyi gsung pos nag yang sa chen por ltung bar 'gyur zhing / skrag pa chen por 'gyur ro// zang zing dang / kha zas lhar len pa ni yo byad bsnyungs pa'i bsngags pa smra na yid mi bde ba chen po skye bar 'gyur ro/ / gzhan mu stegs can gyi smra ba la rab tu zhugs pa dang / 'jig rten rgyang ben pa lhur byed pa dang / tshig lhur byed pa dang / 'du 'dzil mngon par dga' ba dang / sna tshogs smra ba la mngon par dga' ba la sangs rgyas kyi gsung don dam pa 'di bstan pa na/ dad par mi 'gyur zhing chos bla mar byed par mi 'gyur ro// shA ri'i bu dper na ma ning skyes pa'i dbang po dang mi ldan bide/ skyes pa'i dbang po dang ldan pa rnams la ma ning gi 'du shes de nyid kyis/ 'di dag thams cad kyang 'di lta bu'i rang bzhin dang / 'di lta bu'i mtshan nyid yin no snyam du 'du shes skyed par 'gyur ro// shA ri'i bu de bzhin du dge slong 'di 'jig rten rgyang len pa dang sre bar byed pa gang yin pa de yang / phyi rol pa'i tshig dang yi ge rnams la mngon par brtson pas/ de sangs rgyas kyi gsung don dam pa 'di la gus pa med cing gces par mi byed pa yin no/ / sangs rgyas kyi gsung yongs su dag par dmigs su med pa smra ba'i dge slong gang dag yin pa de dag la yang mi gus pa dang / gces par mi byed pa dang
- 411b
dge slong tshul khrims dang ldan pa rnams la yang byang du gsod par byed do/ / de ci'i phyir zhe na/ de ni 'jig rten rgya ben pa'i rjes su mthun pa dang / gcer bu'i smra ba'i chos kyi rjes su mthun pa dang / de lhag par khengs pa dang / mgo 'phang yang stong par byed pa yin pa'i phyir ro// de ci'i phyir zhe na/ ji ltar yang yid 'byung bar bya ba'i phyir mngon par brtson pa ma yin te/ 'dod chags dang bral ba'i phyir ma yin/ 'gog pa'i phyir ma yin/ nye bar zhi ba'i phyir ma yin/ yang dag par rtog pa'i phyir yin/ dge sbyong gi phyir ma yin/ mya ngan las 'da' ba'i phyir ma yin pa'i phyir ro// de dbang po nyams pas skyes pa thams cad la ma ning yin pa bzhin du/ thams cad la dbang po nyams pa'i 'du shes bskyed par 'gyur ro// shA ri'i bu dper na dmus long gang gis nag po dang / dkar po dang / kha dog bzang po dang / kha dog ngan pa dang / sngon po dang / ser po dang / dmar po la sogs pa'i gzugs dang / ring po dang / thung ngu la sogs pa ma mthong ngo // de'i mig sngar phra mo 'am/ sbom po 'am/ ring po 'am/ thung ngu 'am/ sngon po 'am/ ser po 'am/ dmar po 'am/ dkar po'i gzugs cung zad kyang snang bar ma gyur pa dang / de 'di snyam du sngon po dang / ser po dang / dmar po dang / dkar po'i gzugs kyang yod pa ma yin no// ring po dang / zung ngu dang / phra mo dang / sbom po rnams kyang yod pa ma yin no// sngon po dang / ser po dang / dmar po dang / dkar po dang / ring po dang /
- 412a
thung ngu dang / phra mo dang / sbom po'i gzugs rnams yang dag par mthong ba yang med do// nyi ma dang / zla ba yang dag mthong ba 'am/ ston pa yang med do// zhes ji ltar bdag/ gis phyin ci log tu mthong ba de bzhin du/ gzhan thams cad la yang long ba'i 'du shes kho na bskyed par 'gyur ro// shA ri'i bu de bzhin du mngon pa'i nga rgyal can gyi dge slong gang dag yin pa dang / yang dge slong gzhan mu stegs can gyi smra ba 'dzin pa gang dag yin pa dang / yang dge slong tshul khrims 'chal pa gang dag yin pa de dag ni sangs rgyas kyi byang chub zab mo la sems mi 'jug/ dad par mi byed/ dmigs su med pa'i stong pa nyid kyi chos rnams la dga' ba 'thob par mi 'gyur te/ rtog par mi byed/ 'jug par mi byed/ ma mos shing de dag 'di skad ces shes ldan dag khyed kyang smra ba la mngon par dga' ba/ yang dag pa'i chos rnams kyi mtha' la rab tu zhugs pa yin na/ khyed kyis chos de rnams rab tu bstan par mi nus shing / chos gang dag gis dge sbyong ngo zhes bden par tha snyad gdags pa de dag ni khyed kyis mi shes ma mthong ngo zhes smra ste/ de lta bas na dmus leng la dkar po dang / nag po la sogs pa'i gzugs med pa bzhin no// shA ri'i bu yang dag pa ma yin pa'i mtha' la zhugs pa/ dmus long lta bu 'jig rten rgyang len pa tshol ba/ 'du 'dzil dgal ba smra ba la mngon par dga' ba/ nyon mongs pas non pa/ tshul khrims 'chal pa/ sdig pa'i chos can de dag gis ni/ dmigs su med pa stong pa nyid kyi chos la shes pa 'am/ 'jug
- 412b
pa'am/ mos pa 'am/ rtogs pa 'am/ dge sbyong gi chos yang dag par 'thob pa'i mthu med de/ de ni gnas yod pa ma yin no// shA ri'i bu 'di ji snyam du sems/ dzi ga wa seng ge'i nga ro sgrogs sam/ sgrog par 'gyur ram/ seng ge'i rnam par rtse bas rtse 'am/ seng ge'i rnam par gnon pas gnon tam/ gsol pa/ bcom ldan 'das de ni ma lags so// de ci'i slad du zhe na/ bcom ldan 'das 'di ltar seng ge'i dang wa ni kha dog gam/ stobs sam/ nga ro 'am/ rnam par gnon pas mi 'dra ba kho na'i sgrar sgra 'byin lags so// lags so// bcom ldan 'das wa'i ngo bo gang lags pa de ni wa lags te/ wa kho na'i nga ror nga ro 'byin lags so// wa kho na'i skad 'byin lags so// wa kho na slar sgra 'byin lags so// bka' stsal pa/ shA ri'i bu de bzhin du tshul khrims 'chal pa dang / tshul khrims nyams pa dang spyod pa ral pa dang / spyod pa nyams pa dang / mngon pa'i nga rgyal can dang / mngon pa'i nga rgyal du lhung ba dang / 'di lta bu ni dam pa yin no snyam du rlom sems pa dang / yongs su dag pa'i chos ston pa dang / gcer bu pa'i smra ba la gzhol ba dang / snying po med pa 'dzin pa dang / sor bzhir rtog pa dang / 'jig rten gyi zang zing gtso bor byed pa dang / smra ba la dga' ba dang / 'du 'dzin las skyes pa dang / 'jig rten rgya phen pa'i gtam dang ldan pa ste/ de dag gis stong pa nyid shes pa 'am/ 'jug pa 'am/ rtogs par mi nus te/ de ni gnas yod pa ma yin no// shA ri'i bu gang dag dge slong gnas
- 413a
brtan gnas brtan chen po glang po chen po/ seng ge seng ge chen po/ bsam gtan pa bsam gtan pa chen po/ tshul khrims dang ldan pa lhag mthong dang ldan pa/ dmigs su/ med pa stong pa nyid kyi chos rnams la mos pa/ chos rnams kyi rang gi mtshan nyid kyis stong pa dang / bdag med pa dang / sems can med pa dang / srog med pa dang / gang zag med pa la mos pa/ 'du 'dzil ma dga' ba/ 'du 'dzi la dga' ba med pa/ 'du' dzi la dga' bar sbyor ba'i rjes su mi brtson pa/ smra ba la mi dga' ba/ smra ba la dga' ba med pa/ smra ba la dga' bar sbyor ba'i rjes su mi rjes gnyid la mi dga' ba gnyid la dga' ba med pa/ gnyid la dga' bar sbyor ba'i rjes su mi brtson pa/ las la mi dga' ba/ las la dga' ba med pa/ las la dga' bar sbyor ba'i rjes su mi brtson pa/ khyim pa'i las kyi mtha' byed du mi 'jug pa/ pho nya ma byed pa/ spring yig skyel ba mi byed pa/ sman pa ma yin pa/ sman pa'i tha snyad la mngon par mi brtson pa/ 'jig rten rgya ben pa'i gtam la mngon par mi brtson pa/ 'jig rten rgyang phan pa'i gtam la mi ltos pa/ 'jig rten las 'das pa'i gtam kho na smra ba de dag ni/ chos thams cad stong pa yin par mos pas/ byed pa med cing mi byed pa yang med do// de dag ni yang dag pa'i mthas mgu bar byas nas/ yang dag pa'i seng ge'i sgra sgrogs par byed kyi/ wa'i sgra ni ma yin no// shA ri'i bu gang dag dge slong 'jig rten rgyang len pa'i gtam lhur len pa/ sangs rgyas kyi gsung spangs nas
- 413b
gzhan mu stegs can gyi gsang tshig smra ba de dag ni 'khor gyi nang du dong nas/ de dag chos kyi sgras 'khor dga' bar byed de/ skyes bu dam pa ma yin pa de lta bu de dag ni dge sbyong rul pa zhes bya'o// de ci'i phyir zhe na/ shA ri'i bu 'di ltar sangs rgyas kyi gsung la ni 'jig rten rgyang len pa med pa'i phyir ro// shA ri'i bu dge slong 'jig rten rgyal len pa la mngon par brtson pa gang yin pa des de'i tshe nga la ston pa'o zhes brjod par mi bya'o/ / de ci'i phyir zhe na/ shA ri'i bu 'di ltar shAkya'i sras kyi dge sbyong rnams ni gcer bu ba'i tshig mi 'dzin/ gzhan la yang mi 'chad 'khor gyi nang du dong nas kyang rab tu mi ston pa'i phyir ro/ / shA ri'i bu gang dag stong pa nyid kyi gtam la mngon par mi brtson pa de dag ni seng ge'i sgra bsgrags par bya'o zhes wa'i sgra kho na sgrogs par byed de/ de lta bas na skyes bu dam pa ma yin pa de dag ni don dam pa kun tu shes par mi nus so/ / shA ri'i bu khyod la go bar bya'o// khong du chud par bya'o// tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ brkam chags med pa/ zhen pa med pa/ zhe sdang med pa/ gti mug med pa/ g.yo med pa/ sgyu med pa/ drang po'i rang bzhin can/ shes rab kyi rang bzhin can/ don smra ba/ yang dag par smra ba/ gcig pu la dga' ba/ gnyis la dga' ba med pa/ stong pa nyid kyis gnas pa/ mtshan ma med pas gnas pa/ smon pa med pas gnas pa/ mtshan nyid med pas gnas pa
- 414a
sangs rgyas kyi gsung la mos pa/ 'jig rten rgyang phen pa'i gtam la ltos pa med pa/ tshul khrims thams cad rjes su bsrung ba/ sdig pa'i grogs po thams cad yongs su spong ba/ 'du 'dzi thams cad yongs su spong ba/ brtson 'grus tshad med pa brtsams pa/ dran pa nye bar gnas pa de lta bu de dag gis ni/ dmigs su med pa stong pa nyid kyi chos rnams kun tu shes par nus so// / de ci'i phyir zhe na/ shA ri'i bu gnas 'di ni skyes bu dam pa'i yin gyi/ gnas 'di ni 'jig rten gyi zang zing gi gtso bor byed pa dang / dge sbyong 'chal pa dang / dge sbyong ma yin par dge sbyong du khas 'che ba rnams kyi ni ma yin no/ / shA ri'i bu de lta bas na 'di ni sangs rgyas kyi sa yin te/ 'di ni 'jig rten rgyang 'phen pa lhur len pas thob par mi nus so// chos 'di ni yongs su ma dag pa'i chos dang ldan pas thob par mi nus so/ / shA ri'i bu sa 'di ni shes pa dang ldan pa'i yin gyi/ shes pa dang mi ldan pa'i ma yin te/ gcer bu pa'i smra ba dang 'dres pa rnams kyi ma yin/ gang zag tu lta ba rnams kyi yin no// shA ri'i bu gal te gang zag bden par gyur na/ don dam pa'i gang zag tu smra ba'i gang zag tu btags pa bden par 'gyur zhing / gang zag 'di ni ser po 'am/ dmar po 'am/ dkar po 'am/ lus la kun tu rten pa 'am/ de dang tha dad pa'i bden pa'i gnas 'di dmigs par 'gyur ba zhig go// / sangs rgyas kyi sde snod tshul khrims 'chal pa tshar gcod pa
- 414b
bam po bdun pa ste tha ma'o/ / shA ri'i bu til rnams las til mar bzhin du lus kyi nang na yod par kun tu bstan par ni mi nus te/ 'di ni bden pa zhes bya ba'i tshig bla dag yin no// shA ri'i bu 'on te gang nang na yod par gyur na/ gang zag tu smra ba rnams kyis gang zag de ni 'di yin no// zhes til rnams las til mar bzhin du nges par bstan par bya'o// shA ri'i bu de lta bas na gang zag bden par gyur pa na/ don dam par dmigs par 'gyur ba zhig na/ 'di ltar de skad du smra ba'i dge sbyong du khas 'che ba rnams kyi dge sbyong gi rang bzhin yang mi dmigs na/ dge sbyong gis thob pa lta ci smos te/ de ni gnas yod pa ma yin no// shA ri'i bu shes pa 'di dang / ma dag pa'i 'dzin pa 'di dang / bdag tu 'dzin pa 'di dang / sems can du 'dzin pa 'di dang / srog tu 'dzin pa 'di dang / gang zag tu 'dzin pa 'dis thog mar ltung ba yin te/ rnyed pa dang bkur sti la lhag par chags pa yang yin no// shA ri'i bu gang 'du shes dag pa la 'dod chags sam/ zhe sdang ngam/ gti mug skye bar 'gyur ba ni gnas ma yin zhing go skabs med do/ / rnyed pa 'am/ bkur sti mthar thug par 'gyur ba'i gnas de yang yod pa ma yin no// rnyed pa dang bkur sti sems la zhen cing gnas pa yang ma yin zhing / 'og tu ltung bar yang mi 'gyur ro/ / shA ri'i bu bdag tu 'du shes pa dang / gang zag tu lta ba la ni 'tsho ba med pa'i 'jigs pa yod do// de 'tsho ba med pa'i 'jigs pas skra gnas rnyed pa dang bkur sti la lhag par
- 415a
zhen par 'gyur zhing / de ni de'i bar du gcod par yang 'gyur ro// shA ri'i bu ci nas kyang bdag tu lta ba dang ldan pa dang / sems can du lta ba dang ldan pa dang / srog tu lta ba dang ldan pa dang / gang zag tu lta ba dang ldan pa dag/ shA ri'i bu bstan pa 'di la rab tu byung nas rab tu byung ba yin no zhes tha snyad 'dogs par 'gyur te/ skyes bu blun po de dag ni 'phags pa rnams rab tu byung ba'i phyir rab tu byung ba ma yin no/ / de ci'i phyir zhe na/ shA ri'i bu 'di ni gcer bu po'i rab tu byung ba yin te/ 'di lta ste/ gang zag tu lta ba rnams dang / dmigs pa'i lta ba can rnams kyi rab tu byung ba la sngon bsten pa ma yin pa'i phyir ro/ / shA ri'i bu de dag ni skye ba de dang de dag tu de lta bu'i kha bya'i rab tu byung bar gyur te/ de'i de nyid gcer bu pa smra ba rnams kyi rab tu byung ba yin par bstan gyi/ 'phags pa rnams kyi rab tu byung ba ni ma yin no/ / de ci'i phyin zhe na/ shA ri'i bu 'di ltar dman pa'i sems ni rgya chen po la mi 'jog cing / mos pa skye bar mi 'gyur la/ don dam pa bde ba'i tshul la/ mi gnas pa'i phyir ro/ / de ci'i phyir zhe na/ shA ri'i bu de ni chos kyis phongs par 'gyur ba'i las yin te/ sngon sdig pa mi dge ba'i las mngon par 'dus byas pa dang / 'phags pa'i lam dang / mi mthun par byas pa dang / dge slong tshul khrims dang ldan pa dag la ma dad par byas pa dang / gzhan dag gi tshul khrims nyams pa dang / spyod pa nyams pa'am/ 'tsho ba nyams pa'i rgyu dag mngon sum du ma mthong
- 415b
bar glengs pa dang / rnam par 'tshe ba'i sems kyis ma dad pa mang du byas pa dang / gzhan gyi bsngags pa ma yin pa brjod pa dang / des sangs rgyas kyis gsungs pa'i ngo sde'i tshig dang / yi ge rnams la ma brtag par smad pa'i phyir ro/ / shA ri'i bu sdig pa mi dge ba de lta bu de dag gis/ chos kyis phongs par 'gyur ba'i las byas shing bsags pas/ sangs rgyas kyis gsungs pa don dam pa 'di la sems mi 'jug cing ma dad de/ de'i rnam par smin pa gang yin pas 'bad rtsol te/ brtson 'grus brtsams na yang dmigs pa'i gnas skabs tsam yang gzung bar mi nus na/ 'bras bu thob pa lta ci smos te/ de ni gnas yod ma yin no// gang zag tu lta ba la kun tu rten par gyur pa de dag gi lta ba gang yin pa de ni sangs rgyas kyis kyang dpral bar mi spyod na/ nyan thos rnams kyis lta ci smos te/ de ni gnas yod pa ma yin no/ / shA ri'i bu gang dag gi bdag tu mngon par zhen cing chags pa dang / sems can dang / srog dang / gang zag tu mngon par zhen cing chags pa de lta bu'i 'dzin pa de dag gis rnam par thar pa'i sgo rnams thos na skrag par 'gyur/ dngang par 'gyur/ kun tu dngang bar 'gyur ro// de dag sngon gyi dus su sdig pa mi dge ba'i chos kyis phongs par 'gyur ba'i las dang ldan pas/ de dag 'di lta bu'i bdag tu 'dzin pa dang / sems can dang / srog dang / gang zag tu 'dzin pa der gdon mi za bar 'gro bar 'gyur te/ de dag la sangs rgyas bye ba phrag brgya stong gis cho 'phrul gsum gyis chos bstan kyang de dag
- 416a
gis chos kun shes par mi nus so/ / shA ri'i bu lcags kyi mtshon rnon pos lce kun tu bcad cing btubs pa ni zla'i/ tshul khrims nyams pa 'am/ lta ba nyams pa'am/ spyod pa nyams pa'am/ 'tsho ba nyams pa'i rgyu mngon sum du ma mthong bar gleng ba dang / sangs rgyas kyis gsungs pa'i mdo sde'i tshig dang / yi ge rnams la ma brtag par smod par byed pa ni de lta ma yin no/ / shA ri'i bu ma 'ongs pa'i dus na dge slong dag so sor thar pa'i sdom pas ma bsdams pa dag 'byung bar 'gyur te/ de dag tshul khrims kyis rgyags pa skyed par byed de/ bdag ni tshul khrims dang ldan gyi/ 'di dag ni de bzhin du ma yin te/ spyod pa gzhan yin no zhes de dag phan tshun du zil gyis gnon par 'gyur ro// shA ri'i bu dge slong dag phal cher bdag ni tshul khrims dang ldan gyis/ 'di ni de ltar tshul khrims dang ldan pa ma yin no bdag ni mang du thos pa yin te/ 'di ni de ltar mang du thos pa ma yin no zhes tshul khrims la gtso bor byed par 'gyur ro// shA ri'i bu dge slong de dag ni phar cher dgon gnas su 'byung bar 'gyur te/ tshul khrims bsrung ba byed pa tshul khrims kyi phung po la gus par byed pa/ mang du chub par byed pa/ phal cher sangs rgyas kyi gsung kun tu nub par byas nas/ khro ba dang / brnab sems che ba dang / chags pa dang / gtum pa dang / rmongs pa dag tu 'gyur ro// de dag gis lta ba nyams pa 'am/ tshul khrims
- 416b
nyams pa 'am/ spyod pa nyams pa'am/ 'tsho ba nyams pa'i skyen 'ga' kho na zhig la brten nas 'thab krol chen po bdo bar 'gyur ro// shA ri'i bu der 'thab rtsod byung ba de la/ shA ri'i bu yang 'thab rtsod nye bar zhi bar byed pa'i gzu bo'i dge slong gang yin pa de dag 'byung ste/ de dag kyang de'i tshe phan tshun gyi phyogs su lhung bar 'gyur ro// shA ri'i bu de la phan tshun nas mnar sems la zhugs pas/ de dag reg par gnas par mi 'gyur ro// rnal 'byor spyod pa rnams kyang reg par gnas par mi 'gyur ro// khyim na gnas pa dang / rab tu byung ba rnams kyang reg par gnas par 'gyur ro// shA ri'i bu de la dge slong lor ma lon pa dang / gsar bu dag rgan po dang / gnas brtan rnams la gces par mi byed pa dang / ma gus par 'gyur ro// de ci'i phyir zhe na/ 'di ltar yang ma bslabs pa rnams kyis rab tu byung zhing bsnyen par rdzogs par byas pa'i phyir ro/ / dge slong gus pa med pa dang / gces par mi byed pa de dag ni lo grangs kyi mthas rgan por gtog pa/ lo bcu pa rnams sam/ lo bco lnga pa rnams sam/ lo nyi shu pa rnams sam/ lo lnga bcu pa'i bar ngag dang yang nges par 'dra bar 'gyur te/ de dag gi 'khor de yang de kho na dang 'dra bar spyod pa med par 'gyur ro// shA ri'i bu de'i tshe lhag par yang chags par 'gyur/ lhag par yang zhe sdang bar 'gyur/ lhag par yang gti mug par 'gyur ro// shA ri'i bu skyes bu blun po de dag sangs rgyas kyis gsungs pa'i mdo sde'i tshig rnams lam brtag
- 417a
par mi mos shing / mngon par ma dad pa na mi mthun pa dang rtsod par 'gyur ro// shA ri'i bu de ltar phan tshun gus pa med pa dang / phan tshun smod pas nga'i chos 'dul ba 'di nub par 'gyur ro/ / shA ri'i bu skyes bu blun po de dag las phal cher gyis chos kyis phongs par 'gyur ba'i las mngon par 'du byed par 'gyur ro// chos kyis phongs pa'i las mngon par 'du byas nas/ ngan 'gro rnams su ltung bar 'gyur ro// shA ri'i bri khyod la ko bar bya'o// khong du chud par bya'o// dgra bcom pa dang / nyon mongs pa zad pa dang / nad pa bskyod mi nus pa ma gtog par don du gnyer ba'i rigs kyi bus/ de'i tshe mtshan gcig tsam yang tshogs kyi gnas su gnas par mi bya'o// shA ri'i bu 'di ltar de'i tshe sdig pa can rnams kyi chags pa dang / zhe sdang dang / gti mug dang / 'tsho ba med pa rnams kyi 'jig pa 'byung bar 'gyur ro/ / shA ri'i bu don du gnyer ba'i rigs kyi bus ri dgas 'chi ba bzhin du khas blangs te dgon par bya'o// shA ri'i bu khyod la go bar bya'o// khong du chud par bya'o/ / nga'i chos 'dul ba 'di ni ring du mi gnas par 'gyur ro// shA ri'i bu 'di ltar sems can rnams kyi dge ba'i rtsa ba yongs su zad nas ni/ ngan song gi lus mngon tu 'byung bas/ shA ri'i bu dge slong rnal 'byor spyod pas 'di lta bu'i sems bskyed par bya ste/ dge sbyong gis 'brog dgon pa rnam par 'gyel pa'i chos rnying pa de 'dra ba ni blta'o// kye ma'o bdag gis brtson 'grus ni myur du brtsamano/
- 417b
/ dgra bcom pa nyid ni myur du thob par bya'o zhes sems bskyed par bya'o// shA ri'i bu 'di ltar nga'i bstan pa ni zhes par thob par mi 'gyur la/ nga'i nyan thos rnams ni chos gos dang / bsod snyoms kyis dub par ma 'gyur bas/ shA ri'i bu sangs rgyas kyi sa la mngon par brtson par gyis shig/ 'jig rten gyi zang zing la bcas par ma byed cig/ shA ri'i bu ltos shig/ nga ni 'di skad ces rnal 'byor spyod pa'i dge slong rnams la ni/ lha bye ba stong phrag dag bde ba thams cad kyi stobs pas brtson par gnas te/ shA ri'i bu mis ni de lta bu'i mchod pa dang / bsnyen bkur bya bar mi nus so zhes gsung ngo / / lho dang klu dang / gnod sbyin gang dag gis sbyar ba'i 'tsho ba'i yo byad rnams la ma chags par bya'o// de bzhin gshegs pa'i gsung ni bden pa gsung pa yin te/ tshul 'chos pa nyid ma yin/ kha gsag mdzad ma yin pas/ don dam pa stong pa nyid rab tu bstan pa'i don dam pa stong pa nyid la mngon par brtson par gyis shig 'brog dgon pa chen po de ni 'di lta ste/ dmigs pa yin no// shA ri'i bu gang zhig de bzhin gshegs pa'i phyir rab tu byung nas chos de la yang brtson 'grus kyis gnas na/ 'dod pa chung ba'i lha rnams dang / 'dod pa chung ba'i mi rnams dang / 'dod pa chung ba'i sems can thams cad las/ dge slong rnal 'byor spyod pa de'i lhung bzed dang / chos gos 'byung bar 'gyur ro// de ci'i phyir zhe na/ 'di ltar de bzhin gshegs pa'i bsod nams kyi phung po ni dpag tu med pa
- 418a
yin te/ shA ri'i bu de bzhin gshegs pa yongs su mya ngan las 'das pa'i smin mtshams na mnga' ba'i skyes bu chen po'i mdzod spu'i mtshan gang yin pa de'i bye ba brgya stong gi cha shas tsam la yang mi 'jug na sku'i rdzogs pa dang / nyan thos la bkur sti byas pa'i lha ga la zhig/ shA ri'i bu 'jig rten lha dang bcas pa nga'i bstan pa la rab tu byung bar gyur cing de yang chos la sgom par gyur na/ shA ri'i bu 'jig rten lha dang bcas pas kyang mtshan cig gi bcu drug cha tsam du yang mi chos te/ shA ri'i bu de ltar de bzhin gshegs pa'i bsod nams ni dpag tu med pa yin no// shA ri'i bu dge slong gang zhig chos gos ngan ngon gyis chog shes pa dang / ngan ngon gyis chog shes pa'i bsngags pa brjod pa dang bsod nams dang / gnas mal dang / nad kyi rkyen sman dang / mkho ba'i yo byad ngan ngon rnams kyis chog shes pa dang / bsod snyoms dang / gnas mal dang / nad kyi rkyen sman dang / mkho ba'i yo byad ngan ngon gyis chog shes pa'i bsngags pa brjod pa des na/ 'di ltar 'dod par bya ste/ chos gos kyi ched du mi dge ba'i 'tsho ba gang yin pa la mi spyod pa yin no// bsod snyoms dang / gnas mal dang / nad kyi rkyen sman dang / mkho ba'i yo byad rnams kyis ched du/ mi dge ba'i 'tsho ba la mi spyod pa yin no// shA ri'i bu gal te dge slong phyag dar khrod blangs na 'di snyam du bdag gi phyag dar khrod pa 'di ni/ zang ba na grang ba bsal ba'i phyir dang / dro ba na dro ba bsal
- 418b
ba'i phyir dang / sbrang bu dang / sha sbrang dang / sdig sbrul dang / rlung dang / tsha ba'i reg pa rnams spangs pa'i phyir dang / phal pa'i gnas pas gnas par bya ba'i phyir dang / ngan ngon gyis yongs su dub pa bsal ba'i phyir dang / 'phags pa rnams kyis bsngags par bya ba'i phyir dang / ngo tsha ba'i gnas sba bar bya ba'i phyir dang / 'phags pa'i lam bsgom pa'i phyir yin pas bdag gis phyag dar khrod pa'i snam sbyar 'di dag bgos nas/ re shig so so'i skye bo'i phyag dar khrod pa gang yin pa de lta bu ni/ mtshan gcig kyang lus la mi bcang ba'i brtson 'grus bdag gis brtsam mo snyam du sems bskyed par bya'o/ / des phyag dar khrod de legs par bkru zhing legs par bshal bar bya'o// gal te de phyag dar khrod pa de la kun tu 'dod chags skye zhing mngon par zhen par gyur na/ des phyag dar khrod pa de yang spang bar bya'o/ / shA ri'i bu de lta bu'i ngas dge slong la ni phyag dar khrod pa de yang rjes su ma gnang na yo byad gzhan lta ci smos/ de ci'i phyir zhe na/ dge sbyong gi chos ma yin pa'i phyir ro/ / shA ri'i bu 'di ltar de'i gnas skabs de ni dge sbyong gi chos ma yin te/ 'di ltar dge sbyong gi chos ma yin pa de ni de la 'os pa ma yin na/ yo byad gzhan lta ci smos/ shA ri'i bu de'i tshe lcags glebs pa 'bar bas lus g.yogs pa ni bla'i/ dge slong phyag dar khrod pa rnams kyis phyag dar khrod la longs spyod par byed pa ni de lta ma yin no// shA ri'i bu de gang kho na la sred pa skye zhing kun tu 'dod
- 419a
chags par 'gyur na/ des yang 'di snyam du phyag dar khrod pa bgo bar bya ste/ bdag gis chos gos 'di ni grang ba bskyab pa'i phyir dang / zhes bya ba nas/ gang yang 'phags pa'i lam goms par bya ba'i phyir dang zhes bya ba'i bar du sbyar te/ bdag gi chos gos 'di bgos nas/ rgyun tu zhugs pa'i 'bras bu thob par bya'o// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par bya'o// gang yang chos gos 'di la brten te/ dge sbyong gi chos yongs su rdzogs par ma byas pa de srid du/ chos gos gnyis pa shos mi btsal lo zhes bsam par bya ste/ de ltar lhag pa'i bsam pa phun sum tshogs pa dang ldan pa'i dge slong la ni/ shA ri'i bu ngas phyag dar khrod kyi chos gos rjes su gnang ngo // shA ri'i bu de la dge slong bsod snyoms pas grong du bsod snyoms kyi phyir 'jug pa na/ chos thams cad la dran pa med pa yid la bya ba bskyed par bya zhing / sems mi g.yeng bar ting nge 'dzin gyi go cha bgos nas/ grong du bsod snyoms kyi phyir 'jug par bya'o/ / des grong du bsod snyoms spyad nas ma chags pa'i sems kyis grong nas byang ste/ dkyil mo krung bcas pa'i mdun du bsod snyoms nas mi gtsang ba'i 'du shes dang / mi 'phrod pa'i 'du shes dang / bshang gci'i 'du shes dang / snun pa'i 'du shes dang / skyugs pa'i 'du shes dang / gtsang ma ma yin pa'i 'du shes dang / rma rlon pa'i 'du shes dang / smad pa'i 'du shes dang / mi mthun pa'i 'du shes dang / bu'i//
- 419b
sha lta bu'i 'du shes dang / rlugs pa'i 'du shes dang / rul ba dang rgyu mthun pa'i 'du shes dang / dri mi zhim pa'i 'du shesas ci ba'i 'du shes dang / 'dun pa med pa'i 'du shes de lta bu dag bskyed par bya zhing de lta bu'i yid la byed pa'i 'du shes dang ldan pas kha zas la bza' bar bya'o ma chags pa dang / ma zhen pa dang / mi sdang ba dang / ma rmongs pa dang / mi sred pa dang / lhag par ma zhen pa dang / nyes dmigs su lta ba dang / 'byung ba'i shes pas/ ji srid cig kho nar lus gnas par bya ba'i phyir dang / 'tsho bar bya ba'i phyir dang / bru ba las bzlog pa'i phyir dang / tshangs par spyad rjes su gzung ba'i phyir dang / tshor ba rnying pa rnams bzlog pa'i phyir dang / tshor ba gsar pa rnams mi bskyed pa'i phyir dang / stobs dang / bde ba dang / kha na ma tho ba med pas bde bar gnas pa dang / srog rjes su gzung ba'i phyir bdag 'tsho ba yin gyis/ bdag brtson 'grus rtsom pa la gnas shing lus kyi stobs dang mthu mi nyams par bya ba'i phyir/ kha zas 'di zos nas rgyun tu zhugs pa'i 'bras bu thob par bya'o// lan cig phyir 'ong ba'i// 'bras bu dang / phyir mi 'ong ba'i 'bras bu dang / dgra bcom pa nyid thob par bya'o snyam na/ shA ri'i bu ngas de lta bu'i dge slong la dad pas byin pa'i bsod snyoms rjes su gnang ngo // shA ri'i bu gal te ga yang dge slong bsod snyoms la longs spyod pa na/ chags pa dang / zhen pa dang / ro myang ba dang / 'chums pa dang / lhag par zhen pa dang / sred pa dang / zhes dmigs su mi lta ba dang / 'byung bar mi shes pas bdag gis bsod
- 420a
snyoms kyi kha zas 'di la zos shing longs spyad nas/ 'phags pa'i lam goms par bya ba'i phyir mngon par brtson par bya'o// rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par bya'o snyam na/ shA ri'i bu de lta bu'i dge slong la ni ngas dad pas byin pa'i chu bor bu gang tsam yang rjes su ma gnang na/ bsod snyoms lta ci smos/ shA ri'i bu bkres pas rang gi brla'i sha 'am/ dpung pa'i sha zos pa ni bla'i/ nyes dmigs su mi lta ba dang / 'byung bar mi shes pas dad pas byin pa la longs spyod par byed pa ni de lta ma yin no/ / de ci'i phyir zhe na/ shA ri'i bu ngas ldan pa rnams dang / grol ba rnams la dad pas byin pa rjes su gnang ste/ de dag las gzhan pa la ni ma yin no// shA ri'i bu ji tsam zhig gis ldan pa yin/ tsam zhig gis grol ba yin zhes na/ mthong ba'i chos 'di nyid la len pa med par yongs su mya ngan las 'das pa ste/ lta bu ni ldan pa yin no// mi dge ba'i chos spang ba'i phyir dang / dge ba'i chos mngon sum du bya ba'i phyir spong ba dang / 'phags pa'i lam goms par bya ba la mgo la me 'bar ba lta bur byed pa de lta bu ni ldan pa yin no// stong pa'i chos rnams la mos pa dang / rnam par thar pa'i sgo stong pa nyid dang / mtshan ma med pa dang / smon pa la mos pa ste/ de lta bu de ni grol ba yin no// dge ba ci yin zhes tshol zhing 'dri ba'i rang bzhin can go cha chen po bgos nas/ bla na med pa yang dag
- 420b
par rdzogs pa'i byang chub don du gzher ba na/ yang dag pa'i byang chub kyi yan lag rnams la mngon par brtson pa yin te/ gang dag lam la zhugs pa de dag 'di snyam du/ rgyun tu zhugs pa'i 'bras bu thob par bya ba nas/ dgra bcom pa nyid kyi bar du thob par bya'o snyam du/ de'i bya ba la gnas pa te/ dge ba'i chos rnams la gang dag khong du chud par bya ba'i phyir/ lhag pa'i bsam pas gnas pa de lta bu ni ldan pa yin no/ / ngan song gsum las grol ba ni rgyun tu zhugs pa zhes bya'o// 'dod pa'i khams dang ldan pa ni lan cig phyir 'ong ba dang / phyir mi 'ong ba'o// 'jigs pa thams cad las grol ba ni dgra bcom pa bya ba byas pa yin no/ / shA ri'i bu gang dag yang bslab pa gsum po dag la bslabs pa de dag ni ldan pa zhes bya ste/ de dag kyang dad pas byin pa thob pa yin no// 'di dag tsam gyis ldan pa yin/ zhing 'di dag tsam gyis grol ba yin te/ de lta bu'i ldan pa dang / de lta bu'i grol ba gang yin pa de dag la ngas dad pas byin pa rjes su gnang ngo // so sor thar pa'i sdom pas yang dag par bsdams shing tshul khrims kyi phung po la rab tu gnas pa de dag gis shin tu longs spyod pa yin te/ so sor thar pa'i sdom pas shin tu bsdams pa gang yin pa dag ni gya gyu mi byed pa yin no// de dag ni mang du thos pa la mngon par brtson pa yin te/ de bzhin gshegs pas gsungs pa'i chos gang dag yin pa 'di lta ste/ mdo'i sde dang / dbyangs kyis snad pa'i sde dang / lung bstan pa'i dang / tshigs su bcad pa'i sde dang / ched du brjod pa'i sde dang //
- 421a
gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / rmad du byung ba'i chos kyi sde dang / gtan la bab par bstan pa'i sde rnams dang / so sor thar pa'i sdom pas yang dag par bsdams pa/ tshul khrims kyi phung po ma ral zhing nyams pa med pa/ klog pa dang 'don pa la mngon par brtson pa dag yin te/ de dag la ngas ngad pas byin pa rjes su gnang ngo / / shA ri'i bu lus kyis mngon sum du byas nas/ nges pa'i gtam smra ba yin te/ ji tsam du so so'i skye bo ni tshul khrims la gtso bor byed pas/ gzhan mu stegs can gyi smra ba dang 'dres pa'i lus can yin no/ / de ltar nang gi phun sum tshogs pa dang ldan pa ni rnyed pa dang / bkur sti la ma zhes cing gzhan gyi dring la sangs rgyas kyi byang chub mi sgrogs pas rnam par nges pa la mkhas pa/ thos pa snying por byed pa/ gang du srog gi phyir yang brdzun gyi tshig mi smra zhing mi mthun pa'i gtam rnams las phyir log pa yin no// bdag dang gzhan gyi don bya ba dang / dad pa'i gtam smra nus pa/ don dam pa stong pa nyid kho na rab tu ston cing gnas pa yang des gnas pa yin no/ / shA ri'i bu dge slong de lta bu ni chos kyi sbyin pa rnam par gtan la dbab par nus pas ngas chos ston par rjes su gnang ngo // gang zhig sangs rgyas kyis gsungs pa'i mdo sde las tshul khrims kyi phung po dang / ting nge 'dzin gyi phung po dang / shes rab kyi phung po ston par byed pa ni bcu'i gtam dang rjes su mthun par byed pa yin no// shA ri'i bu rigs kyi
- 421b
du rang gi don gnyer ba bdag la phan par 'dod pa/ bdag la dga' ba/ chos 'dod pa/ bdag dang gzhan la phan par sems pa'am/ bdag nyid la phan par sems pas thams cad mkhyen pa thugs rje chen po dang ldan pa/ sems can thams cad la bu bzhin du byams pa'i sangs rgyas la brten te/ rab tu byung nas tshul khrims kyi phung po nyams par bya ba'i phyir nges pa'i gtam mi smra ba yin no// de ci'i phyir zhe na/ shA ri'i bu de bzhin gshegs pa dgra bcom pas gsungs pa ni 'di yin te/ de bdag nyid g.yeng ba ma dul bas gzhan dul bas 'gyur ba dang / bdag nyid ma zhi bas gzhan zhi bar 'gyur ba dang / bdag nyid yongs su mya ngan las ma 'das pas/ gzhan mya ngan las 'da' bar 'gyur ba de ni gnas yod pa ma yin no// de de ltar g.yeng ba'i rang bzhin zhi bas gzhan du la 'gyur ba de ni gnas yod do/ / bdag nyid zhi bas gzhan zhi bar 'gyur ba dang / bdag nyid yongs su mya ngan las 'das pas gzhan yongs su mya ngan las 'da' bar 'gyur pa de ni gnas yod do// shA ri'i bu de lta bas na khyod la go bar bya'o/ / khong du chud par bya'o// de bzhin gshegs pa la skur pa 'debs pa ni lci ba yin pas/ shA ri'i bu bden pa'i tshig gis chos bstan par bya'i/ brdzun pa'i tshig gis ni ma yin no/ shA ri'i bu dge slong tshul khrims dang ldan pa'i chos kyi sbyin pa ni/ sna ma'i me tog gi phreng ba'am gser gyi phreng ba bzhin no// shA ri'i bu yang dag phul gyi gnas ni 'di yin te/ 'di lta ste/ chos kyi gtan
- 422a
rnam par gtan la dbab pa gus par byas te ston pa yin no/ / shA ri'i bu tshul khrims 'chal pa rnams dang / gzhan mu stegs can gyi smra ba dang 'dres pa rnams la ngas gnas 'di rjes su ma gnang ste/ brdzun du smra ba rnams la ma yin/ 'jig rten gyi zang zing gtso bor byed pa rnams la ma yin/ snyed pa dang / bkur sti la 'chums pa rnams la ma yin/ ma mos pa rnams la ma yin// rtsod pa zhugs pa rnams la ma yin gyi/ shwa ri'i bu drang po sdom pa la gnas pa rnams la ngas gnas 'di rjes su gnang ngo // shA ri'i bu khyod la go bar bya'o// khong du chud par bya'o// shA ri'i bu tshul khrims 'chal pas nyams par bya ba'i phyir zhugs pa ni bla'i bstan pa 'di la drang srong gi rgyal mtshan bgos nas/ dad pas byin pa la longs spyod par byed cing sdig pa 'chab par byed pa ni ma yin no// de ci'i phyir zhe na/ shA ri'i bu ci nas kyang cung zad tsam gyi ched du bdag nyid dmyal bar mngon par 'du bye ba'i phyir ro// de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to/ / bcom ldan 'das de'i tshe dge ba'i chos rnams la dge slong rnams kyi 'dun pa ji lta bu dag 'byung lags/ bka' stsal pa/ kun dga' bo gnas 'di ma zhu shig zhog cig/ de ci'i phyir zhe na/ kun dga' bo 'di ltar de bzhin gshegs pa'i ye shes gang yin pa de la/ de'i tshe dge slong rnams kyis/ 'di ltar de bzhin gshegs pa'i ye shes ni 'di ltar dpag tu med pa yin no zhes rtogs par
- 422b
mi 'gyur ro/ / kun dga' bo 'dus byas gang la de bzhin gshegs pa'i ye shes 'jug pa de ni/ rang sangs rgyas thams cad kyis sam/ dgra bcom pa thams cad kyis kyang bsams pa'am shes par mi nus so/ / kun dga' bo de bzhin gshegs pas mngon par mkhyen pa'i chos gang yin pa de/ gal te de bzhin gshegs pas rab tu bstan na/ khyed cag kyang mos par gyur na/ de bzhin gshegs pas gsungs pa'i yon tan la gang dag gis rtog par mi 'gyur ba lta ci smos/ kun dga' bo de bzhin gshegs pas gsungs pa'i mdo sde de lta bu de la de'i tshe/ dge slong dag dad par mi 'gyur na/ gang dag de bzhin gshegs pas skyes bu blun po de dag gi 'gro ba de dag ni 'gyur ro zhes 'gro ba thams cad lung bstan pa lta ci smos/ de ci'i phyir zhe na/ kun dga' bo gang gi phyir bden pa'i yon tan 'di dag gsung pa ni de ltar 'gyur ba'i phyir ro/ / kun dga' bo da ltar gyi dge slong le lo can gang yin pa de dag thams cad ni de'i tshe/ brtson 'grus brtsom na/ tshul khrims mthun can ma yin/ spyod pa mthu can ma yin/ spyod lam ngam/ brtson 'grus mthun can ma yin/ shes rab mthu can ma yin no// kun dga' bo gang de bzhin gshegs pa skyes bu blun po de dag gi spyod pa thams cad lus bstan na/ de dag de bzhin gshegs pa'i gsungs la ma dad pa/ lhag par yang las shin tu drag po mngon par 'du byed par 'gyur zhing / kun dga' bo khyod kyang yid mi bde ba chen po skye bar 'gyur ro// kun dga' bo gang yang khyed kyis kyang 'di dag
- 423a
gzhan par mi nus te/ ji tsam du skyes bu dam pa ma yin pa sdig pa 'dod pa de dag de'i tshe/ 'byung zhing gang yang de'i tshe/ sangs rgyas kyi gsung mi tshol bar 'gyur ro// kun dga' bo 'di ji snyam du sems/ ding ba dang / g.yog par bshams pa'i khri gang yin pa de la phag gi phru gu 'dug tu gtsug na/ ji ga de de la 'dug par 'gyur ram/ dga' ba 'thob par 'gyur ram/ mngon par dga' ba skye bar 'gyur ram/ gsol pa/ bcom ldan 'das de ni mi 'gyur lags so// bka' stsal pa/ kun dga' bo de bzhin du sangs rgyas kyi byang chub 'di ni mkhas pas rig par bya ba yin no/ / gang dag sangs rgyas kyi byang chub de la 'jug par mi 'ong bar de dag de'i tshe rab tu byung nas/ dge sbyong yin no zhes khas 'che bar 'gyur ro// de dag 'di lta bu'i yang dag pa ji lta ba/ bzhin du bskul ba na mi bzod pa na/ 'di lta bu'i yang dag pa ji lta ba bzhin du rjes su bstan pa na/ ro myang bar mi byed pas/ chos 'dul 'di las phag gi phru gu khri chen po las lhung ba bzhin du thal mo brdabs pas g.yang sa chen por ltung bar 'gyur ro/ / de ci'i phyir zhe na/ kun dga' bo dman pa rnams sems rgya chen po la mi 'jug go// kun dga' bo de bzhin du bla na med pa yang dag par rdzogs pa'i byang chub zab mo 'di yang gdul dka' ba rnams dang / dgang dka' ba rnams dang / bso dka' ba rnams dang / shes rab 'chal pa rnams dang / tshul khrims 'chal pa rnams dang / nyes
- 423b
par glags pa rnams dang / nyes par smras pa rnams dang / zhes par khong du chud pa rnams dang / zhes par rjes su rtogs pa rnams dang / 'jig rten gyi zang zing gi gtso bor byed pa rnams dang zas dang bgo ba lhur len pa rnams dang / tshul khrims ral pa rnams dang / sdom pa zhig pa dang / bgo ba zhig pa rnams dang / spyi'u tshugs su lhung ba rnams dang / lam gol bas 'tsho ba rnams dang / dman pa rnams dang / le lo can rnams dang / brtson 'grus zhan pa rnams dang / spri rdol can rnams dang / gcod pa rnams dang / mu tsor smra ba rnams dang / nyes par gzung ba rnams dang / legs par gnas pa ma yin pa rnams dang / khyim pa'i las kyi mtha' yongs su ma dag pa rnams dang / dge sbyong gtum po rnams dang / dge sbyong khyim na gnas pa rnams dang / dge sbyong rul pa rnams dang / lam gol ba na gnas pa rnams dang / dge sbyong ma yin par dge sbyong du khas 'che ba rnams dang / tshangs par spyod pa ma yin par tshangs par spyod par khas 'che ba rnams dang / bdud kyis zin pa rnams dang / smra ba la dga' ba rnams dang // 'du 'dzil dga' ba rnams dang / gzhan mu stegs kyi smra ba dang 'dres pa rnams dang / de la ched cher byed pa rnams dang / 'du 'dzi la gtso bor byed pa rnams dang / tshig lhur len pa rnams dang / 'jig rten rgya phan pa rnams dang / bdud kyi rtsod pa dang / nyon mongs pas non pa thams cad dang / bdag tu 'du shes pas phyin ci log pa rnams kyis chos kyi rnam grangs
- 424a
'di kun tu shes pa 'am/ 'jug pa 'am/ mos pa 'am/ khong du chud par mi nus te/ de na gnas yod pa ma yin no// de ci'i phyir zhe na/ kun dga' bo 'di ltar skyes bu dam pa ma yin pa de dag ni dman pa yin la/ sangs rgyas kyi byang chub 'di ni rgya chen po yin pa'i phyir ro// kun dga' bo dper na/ 'jig rten gyi khams bye ba stong pas lhag pa bas kyang / skyes bu gti mug de rnams kyi dge sbyong gi tshul khrims de ltar thag ring na/ dge sbyong gis thod par 'gyur ba lta ci smos/ rjes su mthun pa'i bzod pa lta ci smos/ mya ngan las 'das pa ltolta ci smos/ kun dga' bo ji tsam du dge slong yon tan ma yin pa dang ldan pa rnams dang / ji tsam du yon tan med pa rnams dang / ji tsam du dman pa rnams dang / ji tsam du shin tu dman pa rnams dang / ji tsam du le lo can rnams dang / ji tsam du brkam chags pa rnams dang / ji tsam du khro ba rnams dang / ji tsam du ma dad pa rnams dang / ji tsam du gnod sems mang ba rnams dang / ji tsam du 'khu ba rnams dang / ji tsam du zhes pa 'phel ba rnams 'byung bar 'gyur ba de'i tshe/ ji tsam du 'di gsungs kyang khyed kyis shes par sla ba ma yin no// shA ri'i bu dper na/ skyes bu zhig rang gi 'bras kyi zhing la me gtong ba dang / kha zas g.yos zin pa la dug 'debs pa dang // me lte par 'dod nas rang gi khyim sreg par byed na/ ji ga de'i de
- 424b
'os par 'gyur ram/ gsol pa/ bcom ldan 'das de ni 'os pa ma lags so// bcom ldan 'das kyis bka' stsal pa/ kun dga' bo de bzhin du skyes bu dam pa ma yin pa 'di yang / nga'i sangs rgyas kyi byang chub 'di la brten te/ rab tu 'byung bas nye bar 'tsho bar 'gyur yang / de bzhin gshegs pa'i yon tan rnams la ni rtog par mi 'gyur mngon par dad par mi 'gyur/ mos par mi 'gyur zhing / de bzhin gshegs pas gsungs pa'i mdo sde 'di dag yang dag par ji lta ba bzhin du bskul ba na/ bdag nyid rma dang bcas par shes nas smod par 'gyur te/ gang kho nas 'tsho bar byed pas de kho nas smod par 'gyur ro// kun dga' bo de ltar shes rab 'chal pa rnams kyis 'dzam bu'i gling gang bar 'gyur na/ kun dga' bo skyes bu gti mug de dag gi spyod lam yongs su btsal ba des khyod la ci bya/ gsol ba/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi lags/ / bka' stsal pa/ kun dga' bo de lta bas na khyod kyis chos kyi rnam grangs 'di sangs rgyas kyi sde snod ces bya bar zung zhig/ gzhi brtsams pa zhes bya bar yang zung shig/ 'di ni cho ma par 'byed pa zhes bya bar yang zung shig/ tshul khrims 'chal pa tshar gcod pa zhes bya bar yang zung shig/ kun dga' bo yang gang zhig chos kyi rnam grangs 'di 'dzin
- 425a
par 'gyur na/ de bsod nams kyi phung po dpag tu med pa dang ldan par 'gyur ro// de ci'i phyir zhe na/ kun dga' bo tshul khrims 'chal pas ni 'di lta bu'i chos kyi rnam grangs 'di 'chang ba 'am/ gzhan la bsgrags pa 'am/ thos nas kyang dad par bya ba'i mthu med na/ dga' ba thob par 'gyur ba lta ci smos te/ de ni gnas med pa'i phyir ro/ / de ci'i phyir zhe na/ kun dga' bo rgyal po 'am/ rgyal po'i blon po 'am/ grong mi 'am/ yul mi la chom rkun pas 'di lta bu'i nor 'phrog pa ni/ bdag yin no zhes bdag nyid ston par mi byed do/ / kun dga' bo de bzhin du dge slong tshul khrims 'chal pa dge sbyong gi kun nas nyon mongs pa gang yang rung bas nyon mongs pa ni/ mdo sde 'di lta bu 'di bcang ba'am/ gzhan la bsgrags pa 'am/ thos nas kyang dad par bya bar mi nus ni/ dga' ba 'thob par 'gyur ba lta ci smos te/ de ni gnas pa ma yin no/ / kun dga' bo ji srid du dge slong tshul khrims 'chal pa la/ 'di lta bu'i mdo sde 'dis bskul bar 'gyur ba de srid du/ dge slong tshul khrims 'chal pa rnams yang dag par tshar bcad pa dang / ngo tsha shes pa dang / drang po rnams kyis kun tu gzung bar 'gyur ro// chos kyi rnam grangs 'di bstan pa na/ lha stong phrag dgu chos rnams
- 425b
la chos kyi mig rdul med la/ dri ma dang bral zhing rnam par dag par gyur to// bdud sdig can 'khor dang bcas pa dang / lha'i 'khor gyi mdun du sa chen po yang rnam pa bcu drug tu rgya cher g.yos par gyur te/ smre sngags 'don par 'gyur te/ dge sbyong go'u ta mas ni gang yang bdag gis de bzhin gshegs pa yongs su mya ngan las 'das na/ dge sbyong gis phyogs la gtse bar bya ste/ tshul khrims dang ldan pa'i phyogs ni thag bsring ngo // tshul khrims 'chal pa'i phyogs ni kun tu bzung bar bya'o// des na tshul khrims 'chal pa rnams kyis/ sangs rgyas kyis gsung 'di la 'dzin par mi 'gyur pa dang / kun tu bzung ba de rnams kyis rjes su sgrub pa mang po rmongs par bya zhing / de dag gis mdo sde 'di thos nas/ de bzhin gshegs pa'i gsung 'di la/ 'di la rigs pas// 'di ni sangs rgyas kyi gsung ma yin no zhes spro ba skye bar mi 'gyur bar bya'o snyam du de lta bu'i sems bskyed pa'i bsam pa shes nas/ dge sbyong go'u ta mas ma 'ongs pa de nyid nyan thos rnams la yang dag par rtogs par byas te/ ma 'ongs pa'i skyabs byas shing / mkhas pa rnams spro bar byas/ gsal bar byas/ bstan te/ lha dang bcas pa'i 'jig rten 'di la rab tu bshad kyis ma 'ongs pa na tshol bar mi 'gyur ba de ltar 'bad par bya'o snyam nas/ de nas bdud
- 426a
@#sdig can de nyid du mi snang bar myur to/ / de nas bcom ldan 'das kyis don 'di nyid rgyas par bya ba'i phyir/ lhag par yang tshigs su bcad pa 'di dag gsungs so/ / de dag phan tshun rtsod pa yis// mya ngan 'das pa mthong mi 'gyur// ji srid dge slong khyim pa la// 'di ltar de srid smra ba na// de srid du ni 'dren pa'i chos/ / khyad par dag kyang med par 'gyur// bdag gi ya mtshan shes kyis shes// dge slong khyim pa smra ba ni// sangs rgyas rnams kyi byang chub shes// bdag gis dang po'i 'bras thob ces/ / dge slong ji skad smra ba bzhin// de nyid bden gyi gzhan ni min// mthong ba'i chos la bdag dad de// de dang bdag tu mnyam mo zhes// dge slong khyim pa de dag ni/ / mthong ba'i chos la rloms sems byed// de dang der ni gsung rabs la// phan tshun yod do med do zhes// ji ltar gzhan yang spyod 'gyur pa// dam pa'i chos la gnas ma yin/ / sangs rgyas byang chub gzhig pa'i phyir// sdig pa'i rang bzhin skyes pa yin// bdag ni sten cig de ma ste na// lam ston pa ni bdag yin te de ltar bdag bzhin khyod kyang ni/ / myur du thob par 'gyur ro zhes// de bzhin phan tshun sgra dag kyang // rnam pa kun tu sgrogs par 'gyur// thams cad mthun par gyur nas
- 426b
ni/ / bstan pa 'di ni 'jigs par 'gyur// ji ltar chom rkun mi bzad pas// 'di na grong khyer 'joms pa dang // yul 'khor dang ni ljongs rnams dang // grong rdal du ma phung ba ltar/ / de bzhin dge slong de dag kyang // gzhan cing rmongs pa tshig 'tshal dang // blo ngan shin tu shes rab 'chal// de bzhin gang zag la rten pa/ nga ni mya ngan 'das 'og tu// bstan pa 'di la skyon gsungs gang // zag bcas lhag pa'i nga rgyal can// de dag dgra bcom nyid du smra// de yi tshe na 'dus pa yi// dge slong mang po tshogs pa na/ / de na shes rab chen po ni// gcig kyang shin tu rnyed par dka'// yang dag ji bzhin gnas pa yis// dge slong gang dag der byung na// 'di ni ci yang mi shes zhes// de la mi snyan brjod par byed// gang tshe chos rgyal byang chub la// smod par 'gyur pa de yi tshe// yang dang yang du lha rnams ni// yid mi bde bas cho nges 'debs// de nas lha gzhon gang yin pa// deng du shAkya seng ge 'di'i// chos kyi dam pa nyams gyur ces// sa la rab tu ltung bar 'gyur// kye ma sangs rgyas kye ma'o chos// kye ma'o dge 'dun legs bstan dang // sangs rgyas sras po dpa' bo zhes// de yi tshe na smra bar 'gyur// nyi ma'i gnyen gyis gsungs
- 427a
pa si/ / chos kyang mnyan du med pa dang // 'joms shing rmongs par 'gyur bas na// 'di yi 'gro ba 'gag par 'gyur// de nas gzhan spangs yi lha/ / smon ma 'di mi ni 'gyur ces// de skad kyi ni gtam smra zhing // cho nges mi bzad 'debs par 'gyur// bdag gi ma thos ma mthong bar// byang chub 'di ni nub bo zhes/ / phyi nas m+b+ha mi tshogs dag ni// yod la bcags par mi 'gyur krung // gang zhig bskul pa grangs med par// sdug bsngal mi bad khyad bsad nas// bdag nyid dngadam gtso bo yi/ / sangs rgyas nyid du gyur cig ces// thub pa srog chags mgon po yi// shAkya seng ges 'di lta bu'i// legs par bstan pa dag gis chos// de ni 'di ltar nyams par 'gyur/ / 'khrug par byed dang gtum po dang // sdig pa byed dang bdud kyis zin// bdud kyi pho nyags dka' dang // gdul dka' ba dag 'byung ba dang // sgyu dang g.yo dang rgya klu dang / / brtson 'grus zhan cing blo rlung dang // 'khrugs dang khro bas non pa dang // gtum pos bstan pa phung bar byed// bdag nyid chen pos dgon gnas dang / gnas gsum zhal gyis bzhes mod kyi// de dag bsam gtan mi sgom na// 'thob par 'byung bar ga la 'gyur// thob pa med par tho ba spa zhing // 'chi ba mya ngan 'das smras nas/
- 427b
dang pas mchod rten byed bcug pa// de dag ngan 'gror 'gro bar 'gyur// 'di 'dra'i rmongs pas rgas pa dag/ phan tshun gus pa med pa yis// bskal pa bye bar rnyed dga' ba'i// byang chub nyams par byed par 'gyur// des nas gzhan yang sa yi lha// shAkya seng ge skyob pa yi// dam chos 'khrugs par gyur to zhes// 'jigs su rung ba'i smre sngags 'don// sa lha/ cho nges 'debs thos nas// gong ma'i lha rnams skyo bar 'gyur// rgyal po chen po bzhi po yang // de yi tshe na 'ong bar 'gyur// lcang lo can gyi pho brang nas// gnod sbyin tshogs dag lhags nas ni/ / kun tu smras shing ngu 'dod gyis// 'jigs su rung ba smra bar 'gyur// rin chen sna tshogs kun mdzes pas// grong khyer shin tu brgyan pa dag/ de tshe phyag dar khrod lta bur// thams cad kha dog nyams par 'gyur// grong khyer gtso bo de dag na// de rnams dga' ba mi rnyed cing // snying rje'i nga ro smre sngags kyis// de dang der ni kun tu 'dong // de tshe de dag brda sprod pa/ / phan tshun nus pa med nas ni// nga ni gung du bltam gyur pa// der ni lha rnams 'dong bar 'gyur// mthong nas kyang ni ltung ba dang // shin tu 'jigs pa 'byung bar 'gyur// 'dzam/ bu'i gling du phyin pa dang // 'jigs pa chen po 'di mthong 'gyur// rnam par nyams pas rgyal sras rnams// bdag nyid so sor gdung bar byed// zhag bdun du ni grong khyer dang // grong
- 428a
rdal mya ngan gdungs par 'gyur/ / zhag bdun du ni lha rnams kyang // kye ma sangs rgyas kyi dpa'o// mngon sum du ni mthong ngo zhes// yang dang yang du cho nges 'debs// mya ngan 'das gzhan gang yin pa// de dag rnams kyang mthong mi 'gyur// mnyan yod bzhugs par gang dag kyang // bsnyen ba kur ched du lhags pa dag/ gang du de bzhin gshegs pa yis// bdag cag rnams la mngon sum du// bden pa bzhi dag gsungs pa yi// de tshe ston pa'i gdan 'di yin// de dag sa gnas de la ni// yang dang yang du cho nges 'debs// gzhan dag kyang ni bltan pan/ / phan tshun gus pa med pa dang // sdig pa'i las ni 'dir spyad pas// mi dge'i 'gro bar 'gro bar 'gyur// kye ma lha yi gzhal med khang // mtho ris dag kyang stong par rgyu// 'dzam bu'i gling na gang gnas pa// thams cad mgon ni med par 'gyur// 'chag sa yi ni gnas 'di yang // thams cad 'khrugs shing stong par 'gyur// de yi tshe na 'dzam gling yang // nyams dgar 'gyur ba ma yin no/ / ljon shing drung ni 'di dag dang // ri bo dang ni de bzhin phug/ 'jig rten rgyu dang mi rgyu kun// 'jigs pa'i sgra ni 'byin par 'gyur// de nas sum cu rtsa gsum lha// lag pa sgreng nas mya ngan byed// so so'i gzhal med khang rnams na// ji ltar phan tshun cho nges 'debs// ngayi grags pa lha dag gis// gnas su lhag par grags pa dag/ rgyal ba'i dbang
- 428b
gang zhig gis/ / chos ston pa dang bdag tu bral// lha rnams bdud rtsi mi za zhing // dbyangs kyi sgra yang mi 'byin la// sum cu rnams su zla drug tu// rtsed mo dga' ba med par 'gyur// lha rnams/ skyabs ni med do zhes// lha min blo nA sun 'jigs pas// sum cu rtsa gsum 'di dag dang // g.yul ni lhan cig 'gyed par 'gyur// 'dzam bu'i gling gi rgyal po dag/ kun tu mchod rten 'jig pa na// de tshe lha dang lha ma yin// g.yul 'gyed pa dag 'byung bar 'gyur// de na dge slong phral cher yang // de yi rgyus na ngan 'gror 'dong // dge slong ma yang phal cher ni// de yi tshe na ngan 'gror 'dog/ khyim pa ngang tshul ngan pa dang // bud med sdig can gang yin dang // legs so sgra 'byin de dag kyang // 'dir ni ngan 'gror 'dong bar 'gyur// 'jig rten g.yo dang mi g.yo dang // grong rdal gzhan du rgyug pa dang / / de bzhin ri drung rgyug pa dang // de yi tshe na 'byung bar 'gyur// rnam par rgyug pa'i sems can rnams// tshe yang zung bar 'gyur ba yin// de tshe chom rkun shin tu mang // dgon pa dag kyang 'jigs pa che// lo tog skrun par byed pa dang // zla ba la sogs gnod pa 'byung // mu ga'i bskal pa byung ba der// gang zhig 'chi ba'i dus byas nas// sdug bsngal chen po 'byung ba yi/ / phyir yang 'gro ba thob par 'gyur// mchod rten phyogs bzhi'i dge 'dun la// bsngos par gyur pa gang yin pa// de tshe de la dge slong dag/ phan tshun nas ni spyod par byed//
- 429a
de ltar nga ni 'das 'og tu// dge 'dun sna tshogs 'byung bar 'gyur// khyed der 'byung bar mi 'gyur bar// brtsam pa dag ni myur du gyis// byis pa kun la shes pa med// byis pa kun la mkhas pa med// byis pa de dag las byas nas// myur du ngan 'gror 'gro bar 'gyur// 'don dang 'chad la brtson pa yis// shes rab thob par gyur pa dang // shes rab kyi ni sems can skyob/ / myur du bzang 'gror 'gro bar 'gyur// 'di ltar 'jig rten shes rab gang // ji bzhin rtag tu de slobs shig/ chags pa thams cad bkag nas ni// myur du bzang 'gror 'gro bar gyis/ / ngo ni re shig gsung spyod kyis// 'phags lam dge ba brgyad yan lag/ dge ba'i brtson 'grus brtsam par gyis// myur du bsam gtan tshul bzhin gyis// bskal pa 'di ni 'das pa dang / / bskal pa drug cu tshang bar yang // sangs rgyas sgra ni mi 'byung na// 'thob par 'gyur ba ga la zhig/ phan tshun dag nas 'dus na yang // bkres pas yongs su gdungs pa yis// ma yi sha dang bu yi sha/ phan tshun dag tu za bar 'gyur// de na pa shes pa'i sbyin pa po// nam yang khyim du 'ong mi 'gyur// de ltar de yi khyim der ni// 'jigs pa mi bzad 'byung bar 'gyur// de skad zos shing mthong ba na// 'khor ba gnod pa can 'di dang // bud med lta bu'i 'dod rtsa dang // sred pa 'di ni su zhig skyed// sdug bsngal rtsa ba mi bzad 'dir// bud med rtsa ba yin par dgongs
- 429b
sdug bsngal rtsa banyer len te/ / de bas sdug bsngal yongasu spangs// gang zhig skyes par gyur pa na// rnam smin 'bras bu lhan cig tu// gang dag mtshungs par mi 'phrad pa// ngan 'gror 'gro/ bar mi 'gyur ro// zab med chos ni gang yon dang // stong pa dang ni gsob dang gsog/ snying po med par rnam shes par// de dag myur du rtogs par gyis// sems med sems yod 'du shes dang / / 'jigs pa chen po 'byung 'gyur bas// de la de dag ci byar yod// de dag de na spyod pa dang // gcig pu gnas shing sems pa yis// gang du ji ltar 'gyur zhig ces/ / mi bzad cho nges 'debs par 'gyur// phung po med la phung blo dang // bdag meng bdag gi 'du shes kyis// de dag rang gi mtshan thos nas// sdug bsngal gyis ni skrag par 'gyur/ / ji ltar sangs rgyas bstan pa yi// phung po'i don ni ma shes pas// mthar phyin rtogs par 'gyur snyam pa'i// 'jigs dang bcas la bde bar lta// 'das pa'i phung po gang yin dang / / ma 'ongs pa dang da ltar byung // de bzhin dus gsum gang yin pa// ngas ni 'dir mtshungs stong par bstan// 'das pa'i sangs rgyas gang yin pa// rgyal ba thams cad 'byung ba yang // de dag mtshan nyid stong pa yi// chos rnams thams cad ston par mdzad// ma 'ongs pa yi ston pa gang // de bzhin gshegs pa
- 430a
'byung de dag/ rang gi mtshan nyid stong pa yi// 'dren pa'i chos ni ston par mdzad// da ltar khyed stong nga dang ni// ston pa gang dag rnams bzhugs kun// rang gi mtshan nyid stong pa yi// chos ni rnam par 'chad par mdzad// ji ltar sangs rgyas kyis bshad pa'i// phung po 'di dag mi shes pas// 'di ltar bdag dang sems can zhes/ / 'dzin pa bzang 'gror mi 'gro'o// rims drag 'jigs su rung ba dang // 'di 'dra mi bzang 'byung 'gyur ba// der khyod 'byung bar mi 'gyur bar// myur du brtson 'grus bskyed par gyis// bcom ldan 'das kyis de skad ces bka' stsal nas/ tshe dang ldan pa shA ri'i bu dang / tshe dang ldan pa kun dga' bo dang / lha dang mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// mdo sde rab tu rnam par 'byed pa zhes bya ba dang / rnam par thar pa theg pa chen po'i mdo zhes bya ba sangs rgyas kyi sde snod ces bya ba dang / tshul khrims 'chal pa tshar gcod pa zhes bya ba rdzogs so//