Text

ff. 1b–338a · 674 folio sides

  1. 1b

    / 'phags payongs su mya ngan las 'das pa chen po'i mdo/ / bam ponyi shu dgu pa// / rigs kyi bu khyod kyis phyir ldog pa'isems yod pa'i phyir sems

  2. 2a

    can thams cad la sangs rgyas kyi rang bzhin med do zhes byar mi rung ste/ dper na mi gnyis shig phyogs gzhan zhig ni rin po che sna bdun gyi ri yod de/ ri de la chu mig bzang po ro dang ldan pa yang yod do/ / gang gis der phyin nas dbul zhing 'phongs pa med par 'gyur la/ chu de 'thungs na tshe ring zhing lo brgya phrag stong thub par 'gyur te/

  3. 2b

    nyan du lam ring zhing nyam nga ba dang bgegs mang ngo zhes thos so// de nas mi de gnyis ka 'gro bar gzas na gcig gis ni lam du 'gro ba'i yo byad thams cad bshams nas chus so/ / gcig ni stong pa ci yang med par chas te 'grogs shing lam du song song ba las/ rin po che sna bdun mang po thogs pa'i mi zhig dang phrad do// de nas mi de gnyis kyis dris pa/ kye skyes bu chen po yul de na yang dag par rin po che sna bdun gyi ri yod dam/ des smras pa/ yang dag par yod de/ mi brdzun pas na bdag gis ni rin po che yang thob la/ chu yang thob la chu yang 'thungs te/ nyen

  4. 3a

    du lam nyam nga zhing ring la rkun po dang chom po rgod de/ mya ngan dang tsher ma ni mang gi/ chu dang rtswa ni med pas brgya phrag stong tsam song yang phyin pa ni shin tu nyung ngo / / des de skad ces smras pa thos nas gcig ni 'gyod pa skyes te 'di skad ces/ lam ring la bgegs shin tu mang bas song ba grangs med kyang phyin pa ni gcig gnyis las med na/ bdag gis ji ltar dar phyin par 'gyur/ bdag gis 'tsho ba ni da ltar bdag spyod pa tsam chog na/ gal te lam du zhugs te song ba las ma rnyed na lus dang srog yal bar 'gyur ro/ / lus dang srog med par gyur na tshe ring zhing bde ba de ga la yod ces smras so// gcig ni 'di skad du gzhan dag byin par gyur na/ bdag kyang phyin par bya'o// gal te pha rol tu phyin par gyur na yid bzhin du rin po che blang zhing chu mig bzang po yang btung ngo // ci ste ma thar na srog gi 'jal lo zhes smras so// de nas mi gnyis gcig ni 'gyod de phyir log go/ gcig ni chas te song ngo // chas pa de ri der phyin nas

  5. 3b

    rin po che mang po blangs te/ yid bzhin du chu yang 'thungs nas/ rin po che mang po dang phyir log nas pa ma la dbul zhing gnyen bshes thams cad la yang chog par byin no// de'i tshe 'gyod de phyir log pa des de lta bu'i dngos po dag mthong nas sems la rab tu gdung ba skyes te/ des song ba las kyang phyir log na bdag da ci'i phyir 'dug ces smras nas chas te song ngo/ de la rin po che sna bdun gyi ri ni mya ngan las 'das pa chen po lta bu'o// chu zhim po ni sangs rgyas kyi rang bzhin lta bu'o// mi gnyis po ni thog ma byang chub sems bskyed pa'i byang chub sems dpa' gnyis lta bu'o/ / lam nyam nga ba ni 'khor ba lta bu'o// lam du phrad pa'i mi ni sangs rgyas bcom ldan 'das lta bu'o// chom shod rgod pa lta bu ni bdud bzhi lta bu'o// mya ngan dang tsher ma lta bu ni nyon mongs pa rnams lta bu'o// chu dang rtswa med pa ni byang chub kyi lam mi sgom pa lta bu'o// gcig phyir log pa ni byang chub sems dpa' phyir log pa lta bu'o// chas te song ba ni byang chub sems dpa' phyir mi ldog pa lta bu'i dper rig par bya'o// rigs kyi bu sems can gyi sangs rgyas kyi rang bzhin ni rtag tu gnas shing mi 'gyur ba ste/ lam nyam nga ba'i phyir 'gyod de phyir log pas lam mi rtog go zhes byar mi rung ba ltar/ sangs rgyas kyi rang bzhin yang de dang 'dra ste/ rigs kyi bu byang chub kyi lam la ni phyir ldog pa med do//

  6. 4a

    rigs kyi bu ji ltar 'gyod pa de grogs pos rin po che mang po thob pas mthu dang stobs kyi dbang thob cing / pha ma gsos te gnyen bshes la chog par byin zhing bde ba mang po myong bar gyur pa'ang mthong nas/ sems la gdung ba skyes te chas nas lam du 'jug pa la lus dang srog mi 'phangs shing / dka' ba dang bgegs mang po la bzod de/ rin po che sna bdun gyi rir phyin pa ltar phyir ldog pa'i byang chub sems dpa' yang de dang 'dra'o/ / rigs kyi bu sems can thams cad gdon mi za bar bla na med pa yang dag par rdzogs pa'i byang chub thob par 'gyur bas/ don de'i phyir ngas mdo sde kun la mtshams med pa lnga byas pa dang / phas pham pa bzhi nyams pa dang / log sred can gyi bar du sems can thams cad la sangs rgyas kyi rang bzhin yod ces gsungs so/ / seng ge'i sgras gsol pa/ bcom ldan 'das ji ltar na byang chub sems dpa' phyir ldog pa dang phyir mi ldog pa lags/ bka' stsal pa/ rigs kyi bu byang chub sems dpa' gang de bzhin gshegs pa'i mtshan sum cu rtsa gnyis kyi las kyi rgyu rkyen bsgrub pa ni phyir mi ldog pa zhes kyang bya/ byang chub sems dpa' sems dpa' chen po nas kyang bya/ mi g.yo mi 'gyur ba zhes kyang bya/ sems can thams cad la snying brtse ba zhes kyang bya/ nyan thos dang rang sangs rgyas thams cad las 'phags pa zhes kyang bya/

  7. 4b

    phyir mi ldog pa zhes bya'o// rigs kyi bu byang chub sems dpa' sems dpa' chen po gang tshul khrims sdom pa la mi g.yo zhing sbyin pa'i sems brtan pa dang / ri rab ltar bden pa'i tshig la gnas na las de'i rkyen gyis rkang pa'i mthil mnyam pa pog por gyi sgrom 'dra ba'i mtshan thob bo/ / byang chub sems dpa' sems dpa' chen po gang pha ma dang / mkhan po dang / slob dpon dang bla ma dang / chung ngu na byol song gi skye gnas la yang chos bzhin du rnyed pa'i zang zing gi mchod cing sbyin par byed na/ las de'i rkyen gyis rkang pa'i 'og na 'khor lo'i rtsib ma stong dang ldan pa'i mtshan thob bo/ / byang chub sems dpa' sems dpa' chen po gang srog mi gcod pa dang / ma byin par mi len pa dang / pha ma dang / mkhan po dang / bla ma la rtag tu dga' ba bskyed na/ las de'i rkyen gyis mtshan rnam pa gsum thob ste/ lag pa'i sor mo phra zhing ring ba dang / rkang pa'i rting pa ring ba dang / lus drang zhing zur bzhi'i mtshan gsum thob ste/ mtshan gsum po ni las kyi rgyu gcig go// byang chub sems dpa' sems dpa' chen po gang bsdu ba'i chos rnam pa bzhis sems can sdud na/ las de'i rkyen gyis lag pa'i sor mo'i bar 'brel ba ngang pa'i rgyal po dang 'dra ba'i mtshan thob bo/ / byang chub sems dpa' sems dpa' chen po gang pha ma dang / mkhan po dang / bla ma dag nad kyis gzir ba las/ bdag gis lag

  8. 5a

    bdar te bkrus nas lus kyi yan lag mnyed na/ las de'i rkyen gyis lag pa dang rkang pa mnyen pa'i mtshan thob bo// byang chub sems dpa' sems dpa' chen po gang tshul khrims sdom zhing chos nyan pa dang sbyin pa byin pa la mi skyo na/ las de'i rkyen gyis tshigs dang long bu shas mnyam zhing gang la/ lus kyi ba spu gyen du nyal ba'i mtshan thob bo// byang chub sems dpa' sems dpa' chen po gang sems rtse gcig tu chos nyan cing dam pa'i chos ston na/ las de'i rkyen gyis sha ba'i rgyal po'i byin pa lta bu'i mtshan thob bo// byang chub sems dpa' sems dpa' chen po gang sems can thams cad la 'tshe ba'i sems mi bskyed de/ bza' ba dang btung ba chog shes shing rtag tu sbyin pa byin par dga' ba dang / nad g.yog byed cing sman byin na/ las de'i rkyen gyis lus phun sum tshogs pa shing n+ya gro d+ha lta bu dang / 'greng na lag pa pus mo 'das pa dang / sha'i gtsug tor dang / gtsug tor ltar mi snang ba'i mtshan thob bo// byang chub sems dpa' sems dpa' chen po gang 'jigs pa mthong na mgon dang skyabs byed la/ gcer ba mthong na gros sbyin par byed na/ las de'i rkyen gyis pho mtshan gsang ba'i mdzod kyi mtshan thob bo// byang chub sems dpa' sems dpa' chen po gang shes rab can dang bsnyen cing gti mug can spong la 'dri ba dang lan blon pa la mkhas pa dang / 'gro ba'i lam 'chos shing phyags na/ las de'i rkyen gyis pags pa srab cing

  9. 5b

    mnyen la/ lus kyi bsdu g.yas su 'khyil ba'i mtshan thob bo// byang chub sems dpa' sems dpa' chen po gang rtag tu gos dang / zas dang / mal cha dang / nad kyi rkyen sman dang spos dang / me tog dang / mar me dag sbyin pa byin na/ las de'i rkyen gyis lus gser gyi kha dog lta bu rtag tu lham me lhang nge'i mtshan thob bo// byang chub sems dpa' sems dpa' chen po gang sbyin pa byin na nor gyi dbyig gtong nus shing 'phangs pa med de/ bsod nams kyi zhing dang bsod nams kyi zhing ma yin pa mi rtog na/ las de'i rkyen gyis gnas bdun gang ba'i mtshan thob bo/ / byang chub sems dpa' sems dpa' chen po gang sbyin pa byin pa na the tshom gyi sems mi skye na/ las de'i rkyen gyis sgra dbyangs snyan pa'i mtshan thob bo// byang chub sems dpa' sems dpa' chen po gang chos bzhin du tshol zhing sbyin pa byin na/ las de'i rkyen gyis sgrog rus gang zhing mnyam pa dang / seng ge'i ro stod lta bu dang / lag ngar dang gru mo sham mnyam zhing ring ba'i mtshan thob bo/ / byang chub sems dpa' sems dpa' chen po gang phra ma dang / tshig thun tshags dang / zhe sdang gi sems yongs su spangs na/ las de'i rkyen gyis so bzhi bcu dkar zhing mnyam la/ thags bzang ba'i mtshan thob bo// byang chub sems dpa' sems dpa' chen po gang sems can thams cad la byams pa dang snying rje chen po skyed na

  10. 6a

    las de'i rkyen gyis mche ba gnyis dang ldan pa'i mtshan thob bo/ / byang chub sems dpa' sems dpa' chen po gang rtag tu 'di ltar gang rmong zhing 'ong ba la yid bzhin du sbyin pa byin no zhes smon lam btab na/ las de'i rkyen gyis seng ge'i 'gram pa lta bu'i mtshan thob bo// byang chub sems dpa' sems dpa' chen po gang sems can rnams kyi ci dang ci 'dod pa de dang de sbyin par byed na/ las de'i rkyen gyis ro'i nang na ro mchog dang ldan pa'i mtshan thob bo// byang chub sems dpa' sems dpa' chen po gang bdag nyid dge ba bcu spyod cing gzhan la yang ston na/ las de'i rgyan gyis lce ring zhing yangs pa'i mtshan thob bo/ / byang chub sems dpa' sems dpa' chen po gang gzhan gyi skyon mi brjod cing dam pa'i chos la ma skur na/ las de'i rkyen gyis tshangs pa'i sgra dbyangs kyi mtshan thob bo/ / byang chub sems dpa' sems dpa' chen po dgra sdang ba rnams mthong na dga' ba'i sems skyed na/ las de'i rkyen gyis rdzi ma mthing kha lta bu'i mtshan thob bo// byang chub sems dpa' sems dpa' chen po gang gzhan gyi yon tan mi 'chab cing kun tu sgrog na/ las de'i rkyen gyis mdzod spu dkar po'i mtshan thob bo// rigs kyi bu byang chub sems dpa' sems dpa' chen pos re ltar mtshan sum cu rtsa gnyis kyi las kyi rgyu rkyen sgrub na byang chub kyi sems phyir mi ldog par 'gyur ro/ / rigs kyi bu sems can thams cad bsam gyis mi khyab ste/ sangs rgyas rnams kyi spyod yul

  11. 6b

    dang las kyi 'bras bu dang / sangs rgyas kyi rang bzhin yang bsam gyis mi khyab bo// de ci'i phyir zhe na/ chos bzhi po de dag ni rtag pa yin te/ de ltar rtag pa'i phyir bsam gyis mi Sh+ya bosems can thams cad ni nyon mongs pas bsgribs pa'i phyir rtag pa zhes bya ste/ rtag pa'i nyon mongs pa bcad pas mi rtag pa zhes bya'o// gal te sems can thams cad rtag pa na ci'i phyir 'phags pa'i lam gyi yan lag brgyad pa sgom dgos par 'gyur zhe na/ de sdug bsngal mang po bcad pa'i phyir te/ gal te sdug bsngal mang po chod na de ni mi rtag pa zhes bya'o// gang bde ba myong ba de ni rtag pa zhes bya ste/ de bas na ngas sems can thams cad ni nyon mongs pas yongs su bsgrubs pa'i phyir sangs rgyas kyi rang bzhin mi mthong ste/ de ltar mi mthong ba'i phyir mya ngan las mi 'da'o zhes ngas gsungs so/ / seng ge'i sgras gsol pa/ bcom ldan 'das ji ltar sangs rgyas kyis gsungs pa ltar/ chos thams cad la rgyu rnam pa gnyis te/ bden pa'i rgyu dang / rkyen gyi rgyu'o zhes gsungs so// rgyu rnam pa de gnyis ni 'ching ba dang 'gro ba ma mchis so// phung po lnga ni skad cig skad cig mar skye zhing 'gog ste/ de ltar skye zhing 'gag nasu zhig bcing ba dang grol bar 'gyur/ bcom ldan 'das phung po lnga po 'di'i rgyus phyi ma'i phung po lnga skye ste/ phung po 'di ni rang 'gog pas phung po pha rol por 'gro ba ma lags so// der mi

  12. 7a

    'gro mod kyi/ phung po pha rol po skye bar nus pa ji ltar sa bon gyi rgyus myu gu skye ba bzhin te/ sa bon ni mu gu'i nang du ni mchi ba ma lags so// myu gu'i nang du mi mchi mod kyi/ 'on kyang skye bar 'gyur te/ sems can yang de dang 'dran/ ji ltar 'ching ba dang grol bar 'gyur/ bcom ldan 'das kyis bka' stsal pa/ rigs kyi bu rab tu yid la byas te brtags par nyon cig dang / ngas dgrol zhing bstan par bya'o// rigs kyi bu dper na mi dag tshe'i dus byed pa'i sdug bsngal myong ba na gnyen pa shes kyis bskor cing cho nge 'don te/ mi de 'jigs skrag pas skyabs dang rten gang yin pa mi shes so/ / rnam par shes pa lnga yod mod kyi/ ci la yang mi tshor te/ yan lag dang tshigs thams cad 'dar zhing 'gul yang rtsol mi nus so/ / lus thams cad grang zhing drod zad du nye ba na sngon spyod spyod pa'i dge ba dang / mi dge ba rnam par smin pa'i mtshan nyid mthong bar 'gyur ro// rigs kyi bu dper na nyi ma nub tu nye ba na ri dang 'bar 'bur gyi gring ma thams cad shar phyogs su snang ste/ nub phyogs su 'gro ba'i chos med do// de bzhin du sems can gyi las kyi 'bras bu yang de dang 'dra ste phung po 'di 'gags na phung po pha rol po gcig gi rgyun skye bar 'gyur te/ ji ltar sngon ma byung ba na mun pa 'gog la/ sgron ma 'gags pa na mun pa skye ba bzhin no// rigs kyi bu dper

  13. 7b

    na spra tshil las rgya byas te 'jim pa la btab na/ rgyu dang 'jim pa phrad pa las ri mo 'byung ste/ de ltar spra tshil gyi rgya 'jim par 'phos pa yang med la/ ri mo 'jim pa las byung ba ma yin/ gzhan las 'ong ba yang ma yin te/ spra tshil gyi rkyen gyis ri mo 'byung ngo // da ltar gyi phung po 'gags nas lnga phung bar ma skyes te/ da ltar gyi phung po de nyid lnga phung bar ma 'gyur ba ma yin la/ lnga phung bar yang ma yin rang skye bar ma yin te/ gzhan nas 'ong ba yang ma yin gyi/ da ltar gyi phung po'i rgyu las lnga phung bar ma skyes te/ ji ltar 'jim pa la rgyas btab na/ rgya med pa thag tu ri mo mngon par snang ste/ ming la khyad par med kyang rung ni tha dad do// de bas na lnga phung bar ma ni sha'i mig gis mthong ba ma yin gyi/ 'phrul gi mig gis mthong ngo zhes ngas gsungs so/ / lnga phung bar ma la zas rnam pa gsum ste/ bsam pa'i zas dang / reg pa'i zas dang / rnam par shes pa'i zas so// lnga phung bar ma las rnam pa gnyis te/ dge ba'i las kyi 'bras bu dang / mi dge ba'i las kyi 'bras bu'o// de la dge ba'i las kyi rgyu dang ldan pa ni dge ba la rtog go// mi dge ba'i las kyi rgyu dang ldan pa ni mi dge ba la rtog go/ / pha ma gnyis phrang de 'khrig pa'i las byed pa na/ las ci dang ci byas pa'i chu bzhin du rtse ba'i gnas su 'gro ste/ ma la ni 'dod pa ste/ ba la ni sdang ba skye ste/ pa'i khu ba

  14. 8a

    byung ba na bdag gir 'dzin te/ mthong nas sems rangs shing rab tu dga' ba bskyed do// de ltar nyon mongs pa'i rgyu dang rkyen rnam pa gsum gyis ni/ lnga phung bar ma 'jig ma thag tu lnga phung phyi ma ste/ ji ltar 'jim pa la rgyas btab na/ rgya med ma thag tu ri mor gyur pa bzhin no// skye ba'i tshe dbang po rnams tshang ba dang ma tshang ba yod de/ gang dbang po ma tshang ba ni gzugs mthong nas chags pa skye'o/ / chags pa bskyed pas srid pa zhes bya ste/ bslad pa'i phyir chags pa bskyed pa ni ma rig pa zhes bya'o// 'dod chags dang ma rig pa'i rgyu rkyen gnyis kyis yul thams cad la phyin ci log par mthong ste/ mi rtag pa la ni rtag par lta/ bdag med pa la bdag tu lta/ mi bde ba la bde bar lta/ yongs su ma dag pa la yongs su dag par lta ste/ phyin ci log bzhi po de'i phyir dge ba dang mi dge ba byed do// nyon mongs pa yang las su 'gyur la/ las kyang nyon mongs par 'gyur te/ de ni bcings pa zhes bya'o// don de lta bas na lnga phung skye ba zhes bya'o/ / gal te gang zag des sangs rgyas sam dge ba'i bshes gnyen rnams la bsnyen bkur byas na mdo sde sde bcu gnyis thos par 'gyur ro// de ltar chos thos pa'i phyir dge ba'i spyod yul la rtog go/ / dge ba'i spyod yul la rtog pa'i phyir shes rab chen po thob par 'gyur ro// shes rab chen po zhes bya ba ni yang dag pa'i shes pa dang mthong ba zhes bya ste/ shes

  15. 8b

    pa dang mthong ba thos pas 'khor ba las rab tu 'gyod pa'i sems skye'o/ / 'gyod sems skyes pas dga' ba dang mos pa mi skye'o// dga' ba dang mos pa mi skye bas 'dod chags kyi sems 'jig par 'gyur ro/ / 'dod chags kyi sems zhig pas 'phags pa'i lam brgyad bsgom par 'gyur ro// 'phags pa'i lam brgyad bsgoms pas 'khor ba med par 'gyur ro// 'khor ba med pas rnam par grol ba thob pa zhes bya ste/ ji ltar me ni shing dang ma phrad na 'gog pa zhes bya ste/ 'khor ba 'phags pas mya ngan las 'das pa zhes bya'o// don de lta bas na lnga phung 'gog pa zhes bya'o// seng ge'i sgras gsol pa/ nam mkha' la tsher ma ma mchis par dbyung du ci mchis/ phung po la 'ching ba ma mchis pas cis bcings/ bcom ldan 'das kyis bka' stsal pa/ rigs kyi bu nyon mongs pa'i lcags sgrog gis lnga phung bcings te/ lnga phung gi pha rol na nyon mongs pa gzhan med la/ nyon mongs pa'i pha rol na lnga phung zhes bya ba gzhan med do// rigs kyi bu ka bas khang pa 'dzin te// khang pa'i pha rol na ka ba med la/ ka ba'i pha rol na khang pa med pa ltar/ sems can gyi lnga phung yang de dang 'dra ste/ nyon mongs pa yod pa'i phyir bcings pa zhes bya ste/ nyon mongs pa med pas rnam par grol ba zhes bya'o/ / rigs kyi bu khu tshur dang / thal mo dang / mdud pa la sogs pa gsum ni 'dus pa dang bral ba las skye zhing 'gog ste/ de las chos gzhan med do// sems can gyi

  16. 9a

    lnga phung yang de dang 'dra ste/ nyon mongs pa dang bcas pa na bcings pa zhes bya'o// nyon mongs pa med pa na rnam par grol ba zhes bya'o// rigs kyi bu ji ltar ming dang gzugs kyis sems can 'ching ngo zhes gsungs te/ gal te ming dang gzugs 'gags na/ sems can zhes bya ba med do// ming dang gzugs kyi pha rol na sems can gzhan med la sems can gyi pha rol na ming dang gzugs shes bya ba gzhan med de/ ming dang gzugs kyis sems can bcings la/ sems can gyis kyang ming dang gzugs bcings pa zhes bya'o/ / seng ge'i sgras gsol pa/ bcom ldan 'das dper na mig gis mig mi mthong / mdzub mos mdzub mo mi mtshon/ ral gris ral gris mi chod/ tshor bas mi tshor ba ci'i slad du/ bcom ldan 'das kyis ming dang gzugs kyis ming dang gzugs 'ching ngo zhes gsungs/ de ci'i slad du zhe na/ ming dang gzugs shes bgyi ba nyid sems can no// sems can nyid ming dang gzugs lags te/ gal te ming dang gzugs kyis sems can bcings na/ ming dang gzugs kyis ming dang gzugs bcings pa lags so// bcom ldan 'das kyis bka' stsal pa/ rigs kyi bu ji ltar lag pa gnyis sbyar ba na/ de ma yin pa chos gzhan sbyor du 'ongs pa med de/ ming dang gzugs kyang de dang 'dra'o// don de lta bas na ming dang

  17. 9b

    gzugs kyis sems can bcings te/ gal te ming dang gzugs spangs na rnam par grol lo zhes gsungs te/ de bas na sems can rnam par grol lo zhes ngas gsungs so// seng ge'i sgras gsol pa/ bcom ldan 'das gal te ming dang gzugs mchis pas bcings pa zhes bgyi na/ dgra bcom pa rnams kyang ming dang gzugs ma spangs na/ bcings pa lags sam/ bcom ldan 'das kyis bka' stsal pa/ rigs kyi bu rnam par grol ba la rnam pa gnyis te/ sa bon bcad pa dang / 'bras bu bcad pa'o// de la sa bon bcad pa zhes bya ba ni nyon mongs pa bcad pa'o/ / dgra bcom pa dag nyon mongs pa bcad nas/ kun nas nyon mongs pa zhig cing zad pas/ de bas na sa bon gyi kun nas nyon mongs pas 'ching bar mi nus so// 'bras bum bcad pa'i phyir 'bras bu bcings pa zhes bya'o/ / dgra bcom pa rnams kyis sangs rgyas kyi rang bzhin mi mthong ste/ de ltar mi mthong ba'i phyir bla na med pa yang dag par rdzogs pa'i byang chub ma thob bo/ / don de lta bas na 'bras bus bcings pa zhes byar mi rung gi/ ming dang gzugs kyis bcings pa zhes byar rung ngo // rigs kyi bu dper na me mar ni mar ma zad na snang ba med par mi 'gyur gyi/ gal te mar zad na gdon mi za bar 'tsho bar 'gyur ro// rigs kyi bu mar zhes bya ba ni nyon mongs pa rnams kyi dpe'o// me mar ni sems can rnams kyi dpe ste/

  18. 10a

    sems can thams cad na nyon mongs pa'i ba gyis yongs su su ngan las mi 'da' 'o// gats+tsha te 'dan yongs su byang nams 'du pa gyuro// sgras gsol pa/ bcom ldan 'das me mar dang mar gnyis mtshan mo so te/ sems can dang nyon mongs pa ni da lta ma lags so// sems can nyid sngon mongs pa lags pa nyon mongs pa nyid kyang sems can no/ / sems can ni lnga phung lags te/ lnga phung yang sems can lags so// lnga phung nyid kyang nyon mongs pa lags te/ nyon mongs pa nyid kyang wa phyung zhes bgyin ci'i thang du bcom ldan 'das kyis me mar las dpe len/ bcom ldan 'das kyis bka' stsal pa/ rigs kyi bu dpel rnam pa brgyad de/ gso ba'i dpe dang / bzlog pa'i dpe dang / mngon sum gyi pe dang / ma yin pa'i dpe dang / snga ba'i dpe dang / phyi ma'i dpe dang / snga phyi'i dpe dang / kun khyab pa'i dpe'o/ / de la ji ltar na gzhol ba'i dpe zhe na/ ji ltar mdo sde las gsungs pa ltar char chen po phab na/ shang shong thams cad gang ngo // shang shong gang bas grag thog chung ngu gang ngo / / grag grog chung ngu gang bas grag grog chen po gang ngo // grag grog chen po gang bas chu mig chung ngu gang ngo // chu mig chung ngu gang bas/ chu mig

  19. 10b

    chen po gang ngo / / chu mig chen po gang bas/ rdzing bu gang ngo // rdzing bu grang bas rdzing chen po gang ngo // rdzing chen po gang bas/ klung chung ngu gang ngo // krung chung ngu gang bas klung chen po gang ngo / / klung chen po gang bas/ rgya mtsho gang ste/ de bzhin gshegs pa'i chos kyi char yang de dang 'dra bar/ sems can gyi tshul khrims yongs su gang bar byed do/ / tshul khrims yongs su gang bas/ mi 'gyod pa'i sems yongs su gang ngo // mi 'gyod pa'i sems yongs su gang bas/ rab tu dga' ba gang ngo // rab tu dga' ba gang bas// ring du spong ba gang ngo // ring du spong ba gang bas/ bde ba gang ngo // bde ba yongs su gang bas/ ting nge 'dzin gang ngo // ting nge 'dzin yongs su gang bas/ yang dag pa'i shes pa dang mthong ba gang ngo / / yang dag pa'i shes pa dang mthong ba yongs su gang bas/ skyo ba gang ngo // skyo ba yongs su gang bas/ yongs su smod pa yongs su gang bas/ rnam par grol ba gang ngo / / rnam par grol ba yongs su gang bas/ yongs su mya ngan las 'das pa gang ste/ de ni gzhol ba'i dpe'o// de la ji ltar na bzlog pa'i dpe zhe na/ rgya mtsho'i phyi mo ni 'di lta ste/ glang chen po'o// grung chen po'i phyi mo ni 'di lnga ste/ klung chung ngu'o// klung chung ngu'i phyi mo ni 'di lta ste/ mtsho chen po'o// mtsho chen po'i phyi mo ni 'di lta ste

  20. 11a

    mtsho chung ngu'o/ / mtsho chung ngu'i phyi mo ni 'di lta ste/ chu mig chen po'o// chu mig chen po'i phyi mo ni 'di lta ste/ chu mig chung ngu'o// chu mig chung ngu'i phyi mo ni 'di lta ste/ grog mo chen po'o// grog mo chen po'i phyi mo ni 'di lta ste/ grag grog chung ngu'o// grag grog chung ngu'i phyi mo ni 'di lta ste/ shang shong chen po'o// shang shong chen po'i phyi mo ni 'di lta ste char chen po'o/ / char chen po'i phyi mo ni 'di lta ste/ mya ngan las 'das pa'o// mya ngan las 'das pa'i phyi mo ni 'di lta ste/ rnam par grol ba'o// rnam par grol ba'i phyi mo ni 'di lta ste/ yongs su smod pa'o// yongs su smod pa'i phyi mo ni 'di lta ste/ skye ba'o// skye ba'i phyi mo ni 'di lta ste/ yang dag pa'i shes pa dang mthong ba'o// yang dag pa'i shes pa dang mthong ba'i phyi mo ni 'di lta ste/ ting nge 'dzin to// ting nge 'dzin gyi phyi mo ni 'di lta ste/ bde ba'o// bde ba'i phyi mo ni 'di lta ste/ rab tu spong ba'o// rab tu spong ba'i phyi mo ni 'di lta ste/ dga' ba'i sems so// dga' ba'i sems kyi phyi mo ni 'di lta ste/ mi 'gyod pa'o// mi 'gyod pa'i phyi mo ni 'di lta ste/ tshul khrims 'dzin pa'o// tshul khrims 'dzin pa'i phyi mo ni 'di lta ste chos kyi char pa ste/ de ni bzlog pa'i dpe'o// de la ji ltar na mngon sum gyi dpe zhe na/ ji ltar mdo sde las sems can gyi sems kyi rang bzhin ni spre'u dang mtshungs

  21. 11b

    so/ daspre'u'i rang bzhin ni gcig bcang nas gcig len pa ste/ sems can gyi rang bzhin yang de dang 'dra ste/ gzugs dang / rmA dang/ dri dang / ro dang / reg bya dang / chos la chags pas skad cig sdod pa'i dus med do zhes gsungs te/ de ni mngon sum gyi dpe'o// de la ji ltar na ma yin pa'i dpe zhe na/ 'di ltar ngas sngon rgyal po rab tu sde 'pham byed la 'di skad ces bka' stsal to/ / rgyal po chen po rab tu nye zhing yid ches pa'i phyogs mi bzhi nas 'ongs te/ 'di skad du rgyal po chen po phyogs bzhi nas ri chen po bzhi yongs te/ rgyal po'i mi dag la gnod par 'tshe bar 'ong ngo zhes smras te/ rgyal po de lta bu zhig 'ongs na blo gros ci yod ces bka' stsal nas/ rgyal pos gsol pa/ bcom ldan 'das gal te de lta bu zhig mchis na/ 'bros pa'i gnas ma mchis te/ sems rtse gcig tu tshul khrims 'dzin cing sbyin pa 'ba' zhig bgyi'o zhes gsol nas/ ngas legs so zhes bya ba byin no/ rgyal po chen po ngas ri chen po bzhi zhes smras pa ni/ de nyid sems can gyi skye ba dang / rga ba dang / na ba dang / 'chi ba la bya ste/ skye ba dang / rga ba dang na ba dang / 'chi bas rtag tu sems can la 'dod pas 'tshe zhing 'ongs na/ rgyal po chen pos ci'i phyir tshul khrims dang sbyin pa mi mdzad/ rgyal pos gsol pa/ bcom ldan

  22. 12a

    'das tshul khrims 'dzin cing sbyin pa bgyis na 'bras bu ci thob/ ngas de la rgyal po chen po lnga dang mi'i nang na bde ba'i longs spyod mang du myong bar 'gyur ro zhes bka' stsal to/ / rgyal pos gsol pa/ bcom ldan 'das shing n+ya gro d+has tshul khrims 'dzin cing sbyin pa bgyid na/ de yang lnga dang mi'i bde ba'i longs spyod myong bar 'gyur ram/ ngas de la rgyal po chen po shing n+ya gro d+ha tshul khrims 'dzin pa dang / sbyin pa spyod mi nus so// ci ste nus na bde ba myong bar yang tha mi dad do zhes bka' stsal te/ de ni ma yin pa'i dpe'o// de la ji ltar na snga ma'i dpe zhe ra/ ngas mdo sde kun la dper na gang zag la la zhig me tog bzang po la chags pas/ len pa'i tshe chur khyer ro// sems can kyang de dang 'dra ste/ 'dod pa lnga la chags pas/ skye ba dang / rga ba dang / na ba dang / 'chi ba'i chus khyer ro zhes gsungs pa de ni snga ma'i dpe'o// ji ltar na phyi ma'i dpe zhe na/ chos kyi tshig gi mdo las tshigs su bcad pa 'di dag gsungs pa yin te/ sdig pa phra mo chung ngu la'ang // mi gnod snyam du brnyas mi bya// chu yis thigs pa zag pa yang // sdod med khad kyis gang bar 'gyur/ / zhes bya ba de ni phyi ma'i dpe'o// de la ji ltar na snga phyi'i dpe zhe na/ dper na chu shing 'bras bu skyes ma thag tu 'chi ba dang / glen

  23. 12b

    ngag gso ba'i gnas rnyed pa yang de dang 'dra ste/ ji ltar dre'u sbrum na tshe ring po mi thogs pa de ni snga phyi'i dpe'o// de la ji ltar na kun tu khyab pa'i dpe zhe na/ ngas mdo sde las 'di skad du/ sum cu rtsa gsum gnas na shing pa ri ya dra zhes bya ba yod do// de'i rtsa ba sa la dpag tshad lnga bcu snyed zug go// mtho khyad ni dpag tshad brgya'o// yal ga dang lo mas phyogs bzhir dpag tshad lnga bcu snyed khebs so/ / lo ma smin pa na ser por 'gyur te/ lha rnams kyis mthong nas dga' ba'i sems skye'o// lo ma de ring por mi thogs par lhags par 'gyur te/ lo ma de lhags pa na yang rab tu dga' ba skye'o// yal ga yang ring por mi thogs par mdog 'gyur te/ yal ga mdog gyur pa na yang dga' ba skye'o// mdog gyur pa de las ring por mi thogs par kha 'bu bar 'gyur te/ kha 'bus par gyur pa na yang dga' ba skye'o// kha 'bus pa de las ring por mi thogs par myu gu skye te/ de mthong ba na yang rab tu dga' 'o/ / myu gu de ring por mi thogs par kha 'bye bar 'gyur te/ kha bye bas de'i dri bsung dpag tshad lnga bcu sted du bro'o// de'i 'od ni dpag tshad brgyad cu ster du snang ste/ de'i tshe de'i dus na lha rnams dbyar zla ba gsum gyi bar du de'i 'og ra rab tu bde ba la longs spyod do// rigs kyi bu nga'i nye gnas rnams kyang de dang 'dra ste lo ma'i kha dog

  24. 13a

    ser por gyur pa ni nga'i nye gnas rab tu byung bar 'dod pa lta bu'o/ / lo ma lhags pa ni nga'i nye gnas skra dang kha spu bregs pa lta bu'o// mdog 'gyur ba ni nga'i nye gnas gsol ba dang bzhi'i las byas nas bsnyen par rdzogs pa lta bu'o/ / la 'bu ba ni nga'i nye gnas bla na med pa yang dag par rdzogs pa'i byang chub tu sems bskyed pa lta bu'o// myu gur myur ba ni sa bcu pa'i byang chub sems dpa' sangs rgyas kyi rang bzhin mthong ba lta bu'o/ / la bye ba ni byang chub sems dpa' bla na med pa yang dag par rdzogs pa'i byang chub thob pa lta bu'o// dri bsung tho ba ni phyogs bcu'i sems can tshad med pa rnams tshul khrims sdom pa lta bu'o/ / 'od snang ba ni de bzhin gshegs pa mtshan thogs pa med pa phyogs bcur khyab pa lta bu'o// dbyar zla ba gsum zhes bya ba ni ting nge 'dzin gsum lta bu'o/ / sum cu rtsa gsum gyi lha bde ba la longs spyod pa ni de bzhin gshegs pa rnams mya ngan las 'das pa chen po'i rtag pa dang / bde ba dang / bdag dang / yongasasu dag pa thob pa lta bu ste/ de ni kun tu khyab pa'i dpe'o// rigs kyi bu dper bstan to cog ni zad par len pa ma yin gyi/ cung zad gcig gam/ mang po 'am/ gal te kun len to// de la de bzhin gshegs pa'i zhal ni zla ba nya ba lta bu zhes bya ba ni cung zad cig len pa'i dpe'o// rigs kyi bu dper na mi zhig sngon 'o ma mthong ste/ gzhan

  25. 13b

    zhig la 'o ma ci 'dra zhes dris pa dang / des chu dang sbrang rtsi dang / rung dang 'dra'o zhes smras te/ chu ni gsher ba'i mtshan nyid/ sbrang rtsi ni mngar ba'i mtshan nyid/ dung ni kha dog gi mtshan nyid de/ de ltar dpe gsum bstan kyang 'o ma ngo mi shes so// rigs kyi bu ngas ji ltar me mar gyis sems can gyi dper bstan pa yang de dang 'dra ste/ rigs kyi bu chu'i pha rol na klung med de/ sems can yang de dang 'dra bar lnga phung spangs pa'i pha rol na sems can gzhan med do// rigs kyi bu sgom dang / phang lo dang / srog shing dang / mu khyud dang / rtsi ba ma spangs pa'i pha rol na shing rta gzhan med pa ltar/ sems can yang de dang 'dra'o// rigs kyi bu de ste me mar gyi dpe dang 'thun par 'dod na rab tu brtags par nyon cig dang / ngas khyod la bshad par bya'o/ / de la snying po ni srid pa nyi shu rtsa lnga'i dpe'o// mar ni srid pa'i dpe'o// snang ba ni shes rab kyi dpe'o// mun pa bsal ba ni ma rig pa gzhom pa'i dpe'o// dro ba ni 'jagra/ pa'i lam gyi dpe ste/ mar zad na snang ba'i me lce med par 'gyur te/ sems can gyi srid pa zad na sangs rgyas kyi rang bzhin mthong bar 'gyur ro// de la ming dang gzugs yod mod kyi/ 'ching bar mi 'gyur la srid pa nyi shu lngar gnas mod kyi/ srid pa rnams kyis mi gos so// seng ge'i sgras gsol pa/ bcom ldan 'das sems can gyi phung po lnga ni stong pa ci yang ma mchis pa lags na/ sus lung nod cing

  26. 14a

    byang chub kyi tshogs sogs par 'gyur/ bcom ldan 'das kyis bka' stsal pa/ rigs kyi bu sems can thams cad la dran pa'i sems dang / shes rab kyi sems dang / bskyed pa'i sems dang / brtson 'grus rtsom pa'i sems dang / dad pa'i sems dang / ting nge 'dzin gyis sems yod de/ de lta bu la sogs pa'i sems ni skad cig skad cig mar skye zhing 'gog mod kyi/ de dang 'dra ba gcig gis gcig gcig bas bas te/ rgyun mi 'chad pas byang chub kyi tshogs bsags pa zhes bya'o// seng ge'i sgras gsol pa/ bcom ldan 'das de lta bu la sogs pa'i chos ni skad cig skad cig mar 'gog ste/ de ltar skad cig skad cig mar 'gog pa de las kyang 'dra ba'i rgyun gcig gis bas bas pa rgyun mi 'chad pa lags na/ ji lta bur tshogs sogs par 'gyur/ bcom ldan 'das kyis bka' stsal pa/ rigs kyi bu ji ltar me mar de skad cig skad cig mar 'gog mod kyi/ 'on kyang snang bas mun pa bsal ba yod pa ltar/ dran pa la sogs pa'i tshogs rnams kyang de dang 'dra'o/ / rigs kyi bu ji ltar sems can gyis zas kyang skad cig skad cig mar 'god mod kyi/ 'on kyang bkres pa dag 'grangs par 'gyur ro// dper na sman dam pa yang skad cig skad cig mar 'gog mod kyi/ nad sos par byed do// nyi ma dang zla ba'i 'od snang ba yang skad cig skad cig mar 'gog mod kyi/ rtsi shing dang nags tshal thams cad bskyed nus so// rigs kyi bu

  27. 14b

    khyod kyis 'di skad du skad cig skad cig mar 'gog na ji ltar skye bar 'gyur zhes bya ba ni sems ma chad pa'i phyir skye ba zhes bya'o/ / rigs kyi bu ji ltar kha ton byed pa dag kha ton byed pa'i tshig 'bru cig car brjod du mi rung ste/ snga ma ni bar du 'gror mi rung la/ bar ma yang tha mar 'gro mi rung ste/ ming dang / yi ge dang / sems dang / 'du shes kyang skad cig skad cig mar 'gog mod kyi yun ring por goms pa las las kun shes par 'gyur ro/ / rigs kyi bu dper na gser mgar ni thog ma bslabs nas/ rgas kyi bar du byas pas yang skad cig skad cig mar 'gog ste/ snga phyir 'khrugs par ma gyur mod kyi/ yun ring du sbyangs pas bya ba'i rnams phyi phyir mkhas par gyur te/ de bas na gser mgar mkhas pa zhes bya ba ltar/ klog pa dang kha ton byed pa yang de 'dra'o/ / rigs kyi bu dper na sa bon las sas kyang khyod myu gu skyed cig ces ma byas mod kyi/ chos nyid kyis myu gu rang skye'o// me tog gi bar du yang khyod kyis 'bras bu skyed ces ma byas mod kyi/ chos nyid kyis 'bras bu rang skye ba ltar/ sems can dag byang chub kyi tshogs sogs pa yang de dang 'dra'o// rigs kyi bu dper na bgrang ba'i thabs ni gcig kyang gnyis su mi 'gro/ gnyis kyang gsum du mi 'gro ste/ skad cig skad cig mar 'gog mod kyi stong dang khri'i bar du yang phyin pa ltar/ sems can dag byang chub

  28. 15a

    kyi tshogs sogs pa yang de dang 'dra'o/ / rigs kyi bu dper na me mar skad cig skad cig mar 'gog bsdur 'gog pa'i me lce me lde phyi ma la nga ni 'gags kyis khyod skyes la mun pa med par gyis shig ces ma byas so/ / rigs kyi bu dper na be'u byung ma thag tu ma nu ma nu ba'i blo sus kyang ma bstan te/ skad cig skad cig mar 'gog mod kyi/ thog ma bkres pa nas phyis 'grangs pa'i bar du 'gyur te/ de bas na 'dra ba'i mi rigs par rigs par bya'o// gal te 'dra na tha dad pa skye ba'i mi rigs pa bzhin du/ sems can dag byang chub kyi tshogs sogs pa yang de dang 'dra ste/ thog ma nas gong nas gong du 'phar ba ma yin mod kyi/ sun ring du bsgoms pa'i phyir nyon mongs pa thams cad gzhom pa'i phyir ro// seng ge'i sgras gsol pa/ bcom ldan 'das ji ltar bcom ldan 'das kyis gsungs pa ltar/ rgyun du zhugs pa'i 'bras bu mngon par thob pa dag yul ngan par skyes kyang tshul khrims 'dzin te/ mi gsod/ mi rgu/ 'phyo g.yem mi byed/ phra ma dang tshig thun tshags mi smra/ chang mi btung ngo // rgyun du zhugs pa'i phung po ni gnas 'dir 'gags nas yul dran par mi 'chi ba ltar/ byang chub kyi tshogs sogs pa yang de dang 'dra ste/ yul ngan par mi 'chi'o// gal te 'dra ba zhig lags na/ ci'i slad du yongs su dag pa'i zhing du mi skye/ gal te yul ngan pa'i phung po

  29. 15b

    rgyun du zhugs pa'i phung po ma lags na/ ci'i slad du las ngan pa dag mi bgyid par gyur/ bcom ldan 'das kyis bka' stsal pa/ rigs kyi bu rgyun du zhugs pa yul ngan par skyes kyang // rgyun du zhugs pa'i ming mi skor te/ phung po mi 'dra ba'i phyir ngas be'u'i dpe bstan pa yin no// rgyun du zhugs pa yul ngan par skyes mod kyi/ byang chub kyi stobs kyis las ngan pa mi byed do/ / rigs kyi bu dper na ri spos kyi ngad can la seng ge'i rgyal po gnas pas bya 'phur ba thams cad dang / sa la rgyug pa'i gcan gzan thams cad ni ri der mi myug ste/ nye ba'i thugs mi thub bo/ / gal te seng ge'i rgyal po de ri kha ba can la song na yang bya 'phur ba thams cad dang / gcan gzan thams cad 'gro zhing gnas pa'i thugs mi thub bo// rgyun du zhugs pa yang de dang 'dra ste/ byang chub la nan tan mi byed mod kyi/ byang chub kyi mthus mi dge ba thams cad mi byed do// rigs kyi bu dper na mi la la zhig bdud rtsi 'thungs na bdud rtsi/ de skad cig skad cig mar 'gog mod kyi/ de'i mthus mi de ring du 'tsho zhing skye shi med par 'gyur ro// rigs kyi bu dper na ri rab ri'i rgyal po la sman dam pa lang ka li zhes bya ba yod de/ la la zhig gis zos na de skad cig skad cig mar 'gog mod kyi/ sman de'i mthus nad kyi sdug bsngal dang mi phrad do// rigs kyi bu dper na 'khor lo sgyur ba'i rgyal po 'dug pa'i gnas na rgyal po med

  30. 16a

    du zin kyang der nye ba'i thugs mi thub bo/ / de ci'i phyir zhe na/ rgyal po'i mthu dang byin gyi phyir te/ rgyun du zhugs pa yang de dang 'dra bar yul ngan par skyes te/ byang chub la nan tan mi byed kyi/ byang chub kyi mthus mi dge ba'i las mi byed do// rigs kyi bu rgyun du zhugs pa'i phung po 'dir 'gags te/ phung po gzhan du skyes mod kyi 'on kyang rgyun du zhugs pa'i phung po mi stor to/ / rigs kyi bu dper na skye bo dag shing thog dang 'bras bu'i phyir sa bon de la skyed kyi/ 'debs shing chu bcu pa la sogs pa las mang po byed de/ shing thog dang 'bras bu ma thob par sa bon rul mod kyi/ 'on kyang sa bon gyi rgyus shing thog thob par 'gyur ro zhes bya ba bzhin du/ rgyun du zhugs pa'i phung po yang de dang 'dra'o/ / rigs kyi bu dper na shin tu phyug pa zhig la bu gcig 'ba' zhig yod de/ de yang sngar tshe 'phos nas bu de la bu gcig yod pa yang yul gzhan na gnas pa las/ mi de shi bar gyur nas tsha bos de thos pa dang / phyir log nas nor zas thams cad bsdus so// nor zas de dag des ma byas mod kyi/ len cing sdud pa las sus kyang mi ster ba med do/ / de ci'i phyir zhe na/ rus gcig pa'i phyir te/ rgyun du zhugs pa'i 'bras bu yang de dang 'dra'o// seng ge'i sgras gsol pa/ ji ltar bcom ldan 'das

  31. 16b

    kyis tshigs su bcad pa de gsungs pa las/ dge slong gang zhig tshul khrims dang / ting nge 'dzin dang / shes rab bsgoms na phyir mi ldog par rig par bya ste/ mya ngar las 'das pa la nye bar 'gro zhes bgyi ba/ bcom ldan 'das tshul khrims ji ltar sgom/ ting nge 'dzin ji ltar bsgom/ shes rab ji ltar bsgom par bgyi/ bcom ldan 'das kyis bka' stsal pa/ rigs kyi bu gal te gang la la zhig tshul khrims mnos nas bdag la phan pa dang / lha dang mi'i longs spyod 'dod pa'i tshul khrims srung gi// sems can thams cad grol ba dang / bla na med pa'i dam pa'i chos srung ba'i phyir ma yin te/ gzhan yang rnyed pa dang grags pa 'ba' zhig gi phyir ram/ ngan song gsum gyis 'jigs pa dang / tshe dang / mdog dang / stobs 'dod pa dang / bde ba dang thogs pa med pa'i spobs pa 'dod pa dang / rgyal pos 'jigs pa dang / mi snyan pa 'jigs pa dang / 'jig rten gyi las kyi dngos po'i phyir tshul khrims srung ba ni tshul khrims sdom pa zhes mi bya'o/ / rigs kyi bu ji ltar na yang dag par tshul khrims sgom pa zhe na/ tshul khrims mnos nas sems can thams cad sgrol ba'i phyir ram/ dam pa'i chos srung ba'i phyir ram/ margal ba sgrol ba dang / ma grol ba dgrol ba dang / skyabs med pa'i skyabs sam/ mya ngan las ma 'das pa

  32. 17a

    yongs su mya ngan las bzla ba'i phyir srung ste/ de ltar srung ba na tshul khrims su mi wA/ tshul khrims kyi mtshan nyid du mi lta/ 'dzin par mi wA/ 'bras bu rnam par smin par mi lta/ 'jigs pa dang nyams par mi rtog pa'o// rigs kyi bu gang de lta bu'i tshul du srung ba ni tshul khrims sgom pa zhes bya'o// de la ji ltar na ting nge 'dzin sgom pa zhe na/ ting nge 'dzin sgom pa'i tshe/ bdag sgrol ba 'am/ rnyed pa dang grags pa'i phyir gyi/ sems can gyi phyir ma yin/ chos srung ba'i phyir ma yin la/ 'dod chags dang zas mi gtsang ba la sogs pa'i skyon du lta ba dang / skyes pa dang bud med la sogs pa'i dbang po dang / bu ga dgu nas mi gtsang ba zag pa dang / 'thab cing rtsod pa dang / brdeg cing 'tshog pa dang / gcig la gcig 'tshe zhing gsod pa dang / dngos po de dag gi phyir ting nge 'dzin yongs su sgom pa zhes mi bya'o// rigs kyi bu de la ji ltar na yang dag pa'i ting nge 'dzin bsgom pa zhe na/ gal te sems can gyi phyir ting nge 'dzin yongs su sgom ste/ sems can thams cad la mnyam pa'i sems thob pa 'am/ sems can dag gis phyir mi ldog pa'i chos thob par bya ba'i phyir ram/ sems can dag 'phags pa'i sems thob par bya ba'i phyir ram/ sems can dag theg pa chen po thob par bya ba'i phyir ram/ bla na med pa'i chos srung zhing 'dzin

  33. 17b

    pa'i phyir ram/ sems can dag byang chub kyi sems las phyir mi ldog par bya ba'i phyir ram/ sems can dag dpa' bar 'gro ba'i ting nge 'dzin thob par bya ba'i phyir ram/ sems can dag rdo rje lta bu'i ting nge 'dzin thob par bya ba'i phyir ram/ sems can dag gzungs thob par bya ba'i phyir ram/ sems can dag so so yang dag par shes pa bzhi thob par bya ba'i phyir ram/ sems can dag sangs rgyas kyi rang bzhin mthong bar bya ba'i phyir sgom ste/ de ltar spyad pa spyod pa na/ ting nge 'dzin du mi lta/ ting nge 'dzin gyi mtshan nyid du mi lta/ sgom par mi lha 'bras bu rnam par smin par mi lta ste/ rigs kyi bu gang de ltar sgom pa ting nge 'dzin yongs su sgom pa zhes bya'o// de la ji ltar na shes rab sgom pa zhe na/ gal te sgom pa gang 'di snyam du bdag gal te shes rab bsgoms na rnam par grol bar 'gyur zhing ngan song gsum las thar par 'gyur na/ sems can thams cad la phan pa'i don byed kyang su phod/ skye ba dag 'khor ba las sgrol yang sus nus/ sangs rgyas 'jig rten du 'byung ba ni u dum ba ra'i me tog ltar dka' na/ bdag gis da kun nas nyon mongs pa rnams bcad cing / rnam bar grol ba'i 'bras bu thob par bya ba'i phyir bdag gis shes rab brtson par bsgoms te/ nyon mongs pa myur du bcad la/ myur du rnam par grol bar bya'o snyam du de ltar bsgom pa ni shes

  34. 18a

    rab sgom pa zhes mi bya'o/ / de la ji ltar na yang dag pa'i sgom pa zhe na/ shes rab can de de skye ba dang / 'chi ba dang / rgas pa'i sdug bsngal gyis nyon mongs pa'i sems can thams cad ma rig pas khebs pas bla na med pa yang dag pa'i lam ji ltar sgom pa mi shes pa de la rab tu rtags shing / bdag gi lus 'dis sems can de dag gi sdug bsngal chen po myong ba de'i sbyin par bdag gyur cig/ sems can gyi dbul 'phongs pa dang / kun gyi tha mar gyur pa dang / tshul khrims 'jig pa'i sems kyis 'dod chags dang / zhe sdang dang gti mug gi las ci byas pa thams cad bdag gi lus la 'dus par shog cig ces smon lam 'debs pa dang / sems can thams cad 'dod pa'i rgyud du mi skye zhing / ming dang gzugs kyis bcings shing glags par ma gyur cig ces smon lam btab pa dang / sems can thams cad myur du 'khor ba las rnam par grol te/ bdag gcig pu gnas pa la skyo ba med par gyur cig ces smon lam btab pa dang / sems can thams cad bla na med pa yang dag par rdzogs pa'i byang chub thob par gyur cig ces smon lam btab cing / de ltar sgom pa na shes rab tu mi lta/ shes rab kyi mtshan nyid du mi lta/ sgom par mi lta/ 'bras bu rnam par smin par mi lta ste/ de ltar sgom pa ni shes rab yongs su sgom pa zhes bya'o//

  35. 18b

    rigs kyi bu de ltar tshul khrims dang / ting nge 'dzin dang / shes rab sgom pa ni byang chub sems dpa' zhes bya'o// de ltar tshul khrims dang / ting nge 'dzin dang / shes rab sgom mi nus pa ni nyan thos shes bya'o/ / gzhan yang rigs kyi bu yang ji ltar tshul khrims sgom pa zhe na/ gang sems can thams cad kyi spyod lam ngan pa bcu drug po gzhig nus pa ni tshul khrims sgom pa zhes bya ste/ bcu drug po gang zhe na/ 'di lta ste/ rnyed pa'i phyir lu gu gso zhing sos nas gzhan du 'tshong ba dang / rnyed pa'i phyir nyos nas gsod pa dang / rnyed pa'i phyir phag phrug gso zhing sos nas gzhan du 'tshong ba dang / rnyed pa'i phyir nyos nas gsod pa dang / rnyed pa'i phyir be'u gso zhing sos nas 'tshong ba dang / rnyed pa'i phyir nyos nas gsod pa dang / rnyed pa'i phyir bya gso zhing sos nas 'tshong ba dang / rnyed pa'i phyir nyos nas gsod pa dang / nya bzung ba dang / rngon pa dang / chom po dang / gshan pa dang / bya gzung ba dang / phra ma dang / khri mon gyi srungs ma dang / klu la sngags kyis 'debs pa ste/ sems can gyi las ngan pa rnam pa bcu drug po de dag gtan gcod pa ni tshul khrims sgom pa zhes bya'o/ / yang ji ltar na ting nge 'dzin sgom pa zhe na/ 'jig rten gyi ting nge 'dzin thams cad gcod pa ste/ 'di ltar lus med pa'i ting nge 'dzin to// sems can dag

  36. 19a

    mya ngan las 'das pa yin par phyin ci log gi sems bskyed par byed pa dang / srid pa mtha' yas pa'i sems kyi ting nge 'dzin dang / gtsang ba'i phung po'i ting nge 'dzin dang 'jig rten gyi mtha'i ting nge 'dzin dang / 'jig rten tshang ba'i ting nge 'dzin dang / 'jig rten gyi rang bzhin gyi ting nge 'dzin dang / 'jig rten gyi skyes bu'i ting nge 'dzin dang / 'du shes med 'du shes med min gyi ting nge 'dzin te/ de lta bu la sogs pa'i ting nge 'dzin ni sems can dag mya ngan las 'das pa yin no bar phyin ci log gi sems skyed par byed pa'i ting nge 'dzin de dag gtan gcod pa ni ting nge 'dzin yongs su sgom pa zhes bya'o/ / yang ji ltar na shes rab sgom pa zhe na/ 'jig rten gyi ngan par lta ba thams cad gzhom pa ste/ sems can thams cad la ngan par lta ba yod do/ / 'di lta ste/ gzugs ni bdag yin/ bdag gi ba yang yin/ gzugs kyi nang na bdag yod// bdag gi nang na gzugs yod pa nas rnam par shes pa'i bar du yang de bzhin du smra ste/ rtag pa ni bdag yin/ gzugs 'gags kyang bdag yod do// gzugs nyid bdag yin te/ gzugs 'gags na bdag kyang 'gog go zhes smra ba dang / yang la la na re/ byed pa ni bdag yin/ tshor ba ni 'gags so zhes smra ba dang / yang la la 'di skad du/ byed pa ni gzugs yin

  37. 19b

    ba la ni bdag go zhes sgrub dang yang la la na re/ byed pa yang med de/ tshor ba yang med de/ rang snre la rang 'gog ste/ rgyu rkyen ma yin no mes smra ba dang / la la ni 'di ska du byed pa yang med/ tshor ba yang med de/ thams cad dbang sgyur zhes bya bas byas so zhes smra ba dang / la la 'di skad du/ byed pa med la tshor ba med de/ thams cad dus kyis byas so zhes smra ba dang / la la 'di skad du/ byed pa dang tshor ba ci yang med de/ sa la sogs pa chen po lnga la sems can zhes bya'o zhes smras te/ rigs kyi bu gang sems can thams cad kyi ngan par lta ba de dag gzhom pa ni shes rab sgom pa zhes bya'o/ / rigs kyi bu tshul khrims bsgoms pas lus zhi bar 'gyur ro// ting nge 'dzin bsgoms pas sems zhi bar 'gyur ro/ / shes rab bsgom pas the tshom gyi sems choms par 'gyur ro// de la the tshom gyi sems bcom pas byang chub yongs su bsgoms par 'gyur ro// byang chub bsgoms pas sangs rgyas kyi rang bzhin mthong bar 'gyur ro/ / sangs rgyas kyi rang bzhin mthong bas bla na med pa yang dag par rdzogs pa'i byang chub thob par 'gyur ro// bla na med pa yang dag par rdzogs pa'i byang chub thob pas bla na med pa'i mya ngan las 'das pa chen po thob par 'gyur ro/ / mya ngan las 'das pa chen po thob pas sems can thamasad kyi 'khor ba'i 'or mongs pa

  38. 20a

    dang srid pa thams cad dang / khams thams cad dang / bden pa thams cad gcod par 'gyur ro// 'khor ba bcad pa nas/ bden pa'i bar du// bcad pas rtag pa dang / bde ba dang / bdag dang / yongs su dag pa'i chos thob par 'gyur ro// seng ge'i sgras gsol pa/ bcom ldan 'das ji ltar bcom ldan 'das kyis gsungs pa ltar/ gal te mi skye mi 'gog pa la mya ngan las 'das pa chen po zhes bgyi na/ skye ba yang de dang 'dra bar mi skye mi 'gog na/ ci'i slad du mya ngan las 'das pa zhes mi bgyi/ rigs kyi bu de de bzhin no// de de bzhin no// ji ltar khyod kyis smras pa bzhin te// skye ba ni mi skye mi 'gog mod kyang / thog ma dang tha ma med do// gsol pa bcom ldan 'das 'khor ba'i chos kyang thog ma dang tha ma ma mchis so/ / gal te thog ma dang tha ma mchis na rtag par 'gyur ro// gang rtag pa ni mya ngan las 'das pa lags na/ ci'i slad du 'khor ba la mya ngan las 'das pa zhes mi gdags/ rigs kyi bu 'khor ba'i chos de ni rgyu dang 'bras bu yod de/ rgyu dang 'bras bu dang bcas pa'i phyir mya ngan las 'das pa zhes mi gdags so/ / de ci'i phyir zhe na/ mya ngan las 'das pa'i ngo bo nyid la rgyu dang 'bras bu med pa'i phyir ro// seng ge'i sgras gsol pa/ bcom ldan 'das mya ngan las 'das

  39. 20b

    pa yang bcom ldan 'das kyis tshigs su bcad pa de gsungs pa ltar na/ rgyu dang 'bras bu mchis so// 'di lta ste/ rgyu las mtho ris lhar skye 'gyur// rgyu las ngan song lhung bar 'gyur/ / rgyu las mya ngan 'das thob ste// de bas kun la rgyu mchis so// zhes kyang gsungs la/ yang bcom ldan 'das kyis/ sngon dge sbyong rnams la bka' stsal pa/ ngas dge sbyong gi lam dang 'bras bu bshad par bya'o// dge sbyong zhes bya ba ni tshul khrims dang / ting nge 'dzin dang / shes rab yongs su rdzogs par spyod pa'o// lam ni 'di lta ste/ 'phags pa'i lam brgyad do// dge sbyong gi 'bras bu ni 'di lta ste/ mya ngan las 'das pa'o zhes gsungs na/ bcom ldan 'das mya ngan las 'das pa de ci 'bras bu ma lags sam/ de ci'i slad du mya ngan las 'das pa'i ngo bo nyid la rgyu dang 'bras bu ma mchis shes gsungs/ bcom ldan 'das kyis bka' stsal pa/ rigs kyi bu ngas mya ngan las 'das pa'i rgyu gsungs pa ni 'di lta ste/ sangs rgyas kyi rang bzhin te/ sangs rgyas kyi rang bzhin gyi mya ngan las 'das pa bskyed par mi 'gyur te// de bas na mya ngan las 'das pa'i rgyu med do zhes ngas gsungs so/ / nyon mongs pa gzhom pa'i phyir 'bras bu chen po zhes bya'o// lam las ma skyes pa'i phyir 'bras bu med pa zhes bya ste// de bas

  40. 21a

    na mya ngan las 'das pa ni rgyu med 'bras bu med do/ / seng ge'i sgras gsol pa/ bcom ldan 'das sems can gyi sangs rgyas kyi rang bzhin zhes bgyi ba thams cad thun mong ngam/ 'on te so so na mchis/ gal te thun mong ba lags na gcig gis bla na med pa yang dag par rdzogs pa'i byang chub thob pa na sems can thams cad kyang 'thun par 'thob pa'i rigs so/ / bcom ldan 'das ji ltar mi nyi shu la dgra gcig mchis pa las/ gal te mi gcig gis dgra de ma mchis par bgyis na lhag ma bcu dgu po la yang 'thun par ma mchis par 'gyur ba ltar/ sangs rgyas kyi rang bzhin yang de lta na/ gcig thob pa'i tshe gzhan kun gyis kyang thob pa'i rigs so// de ste so so na mchis na mi rtag par 'gyur ro// de ci'i slad du zhe na/ brtsi zhing bgrang du mchis pa'i phyir te/ bcom ldan 'das kyis sems can gyi sangs rgyas kyi rang bzhin ni mi gcig mi gnyis so zhes gsungs so// gal te so so na mchis na de bzhin gshegs pa rnams ni mnyam pa'o zhes bgyir yang mi rung / sangs rgyas kyi rang bzhin nam mkha' dang 'dra'o zhes bgyir yang mi rung ngo // bcom ldan 'das kyis bka' stsal rigs kyi bu sems can gyi sangs rgyas kyi rang bzhin ni mi gcig mi gnyis la/ sangs rgyas rnams kyang mnyam zhing nam mkha' dang 'dra ste/ sems can thams cad la

  41. 21b

    'thun par yod do/ / gal te gang zhig 'phags pa'i lam brgyang bsgoms na des gsal bar mthong bar 'gyur ro// rigs kyi bu ri dA ba can la rtswa bzod pa zhes bya ba yod de/ gal te bas zos na mar gyi snying por 'gyur ro/ / sems can gyi sangs rgyas kyi rang bzhin yang de dang 'dra'o// seng ge'i sgras gsol pa/ ji ltar bcom ldan 'das kyis gsungs pa ltar/ rtswa bzod pa zhes bgyi ba de gcig tu bas sam/ mang du mchis/ gal te gcig tu bas na bas 'tshal bas bas par 'gyur/ ci ste mang na sems can gyi sangs rgyas kyi rang bzhin yang de dang 'dra'o/ zhes gsungs/ ji ltar bcom ldan 'das kyis gsungs pa ltar/ gang 'phags pa'i lam brgyad bsgoms na sangs rgyas kyi rang bzhin mthong ngo zhes gsungs pa de mi rung ngo // de ci'i slad du zhe na/ gal te lam yang gcig tu bas na/ rtswa bzod pa dang 'dra bar bas pa'i rigs gal te bas par 'gyur na/ mi gcig gis bsgoms nas gzhan la skal ba ma mchis par 'gyur ro// gal te lam de mang po zhig mchis na ji ltar yongs su rdzogs par bsgom zhing / thams cad mkhyen pa'i ye shes shes bgyi bar 'gyur/ bcom ldan 'das kyis bka' stsal pa/ rigs kyi bu dper na lam mnyam ning bde bar ni/ sems can thams cad thogs pa med par 'gro'o// lam gyi bar na shing bsil grib can shin tu bsil ba yod do// 'gron po dag der bsti zhing ngal ba sau

  42. 22a

    shing gi bsil grib de ni rtag tu gnas te/ 'gyur zhing 'jig pa yang med la sus kyang khyer ba med do// de la lam zhes bya ba ni 'phags pa'i lam gyi dpe'o// bsil zur ces bya na sangs rgyas kyi rang bzhin gyi dpe'o/ / rigs kyi bu dper na grong khyer chen po zhig la sgo gcig pu yod na/ 'gro ba mang po phyi nang rgyu yang sus kyang bar du gcod nus pa med de/ bshig/ cing khyer nus pa yang med do// rigs kyi bu dper na zam pa chen po la mi mang po rgyu yang sus kyang bar du gcod nus pa'am/ sdod par byed pa 'am/ 'jig cing khyer ba med do// rigs kyi bu dper na sman pa mkhas pa kun tu nad rnams gso bar byed pa de la sus kyang bkag ste/ 'di ni gsol pa bi ni spongs shig ces bkag nus pa med pa bzhin du/ 'phags pa'i lam dang sangs rgyas kyi rang bzhin yang de dang 'dra'o/ / seng ge'i sgras gsol pa/ bcom ldan 'das ji ltar dpe bstan pa rnams ni don de lta ma lags so// ci'i slad du zhe na/ sngar lam du rgyu ba mchis na/ phyi ma la nyam nga bar 'gyur na/ ci'i slad du thogs pa ma mchi shes gsungs/ de dang 'dra ba gzhan la yang nyam nga ba mchis so// 'phags pa'i lam dang sangs rgyas kyi rang bzhin gal te de lta bu zhig lags na/ gcig bsgoms pa'i tshe gzhan la nyam nga ba'i rigs so// bcom ldan 'das kyis bka' stsal pa/ rigs kyi bu khyod kyis 'di skad du don dang mi

  43. 22b

    ldan no zhes smras pa de ni/ ngas lam gyi dper bya ba'i phyogs tsam gyi dpe ste/ thams cad kyi dpe ma yin no// rigs kyi bu 'jig rten pa'i lam ni bar du gcod pa dang / thogs pa yod ngo // 'di dang pa bi tha dad pas 'dra ba ma yin no// zag pa med pa'i lam ni de lta ma yin te/ sems can dag bar du mi gcod pa dang / mnyam pa zhing gnyis su med pa dang / nyam nga ba'i gnas med de/ 'di dang pha bi tha dad do// yang dag pa'i lam 'di ni sems can thams cad kyi sangs rgyas kyi rang bzhir gyi gsal ba'i rgyur 'gyur gyi/ skye ba'i rgyur ni mi 'gyur ro// de yang ji ltar sgron ma'i snang bas rdzas gsal bar byed pa bzhin no/ / rigs kyi bu sems can thams cad la 'dra bar ma rig pa'i rkyen gyi 'du byed yod do// gcig gi ma rig pa'i rkyen gyis 'du byed dkag nas gzhan yang med ces byar mi rung ste/ sems can thams cad la ma rig pa'i rkyen gyis 'du byed yod do// de bas na rten cing 'brel te byung ba bcu gnyis ni thams cad la mnyam par yod do zhes bshad do// de bzhin du sems can gyis zag pa med pa'i lam bsgom pa yang de dang 'dra ste/ mnyam par sems can gyis nyon mongs pa dang / skye ba'i gnas bzhi dang / khams rnams dang / srid pa'i lar thams cad gcod do/ / don de lta bas na mnyam pa zhes bya ste/ gang gis de chung na 'di dang pha bi shes shing mthong ste sgrib pa med do// de bas na thams cad mkhyen pa'i ye shes shes bya'o// seng ge'i

  44. 23a

    smras gsol pa/ sems can thams cad lus rnam pa gcig tu ma bas te/ la la ni lha'i lus/ la la ni mi'i lus/ la la ni byol song dang / yi dgas dang sems can dmyal ba'i lus te/ lus de dag so so ste gcig pa ma lags na/ ci'i slad du sangs rgyas kyi rang bzhin gcig ces gsungs/ bcom ldan 'das kyis bka' stsal pa/ rigs kyi bu dper na la la zhig gis 'o ma'i nang du dug bcug na mar gyi snying po'i bar du dug yod par 'gyur te/ 'o ma yang zho zhes mi bya la/ zho yang 'o ma zhes mi bya ba mar gyi snying po'i bar du yang de dang 'dra bar ming dang mtshan nyid so so mod kyi/ dug gi rang bzhin mi sbyor te/ ro rnam pa lnga po kun tu 'gro'o// mar gyi snying por dug ma bcug kyang gal te mar gyi snying po 'thungs na de yang 'chi bar 'gyur ro// sems can gyi sangs rgyas kyi rang bzhin yang de dang 'dra bar/ lam rgyud lngar 'khor zhing lus tha dad pa len kyang sangs rgyas kyi rang bzhin gcig pa rtag pa mi 'gyur ba'o// seng ge'i sgras gsol pa bcom ldan 'das yul chen po bcu drug gi nang na grong khyer chen po drug mchis te/ 'di ltar grong khyer mnyan du yod pa dang / grong khyer ba ci dang / grong khyer tsam pa ka dang / grong khyer yangs pa can dang / grong khyer ser skya dang / grong khyer rgyal po'i lab ste/ grong khyer drug po de dag 'jig rten gyi nang na mchog tu che ba lags na/ ci'i slad du de bzhin gshegs pas de dag spangs te/

  45. 23b

    yul gyi mtha' shin tu ngan cing rab tu mi mdzes la dog cing nyam nga ba'i grong khyer rtswa mchog 'dir yongs su mya ngar las 'da' bar gshegs bcom ldan 'das kyis bka' stsal pa/ khyod grong khyer rtswa mchog 'di la yul gyi mtha' shin tu ngan cing dog go zhes smra ba'i mi rigs kyi/ grong khyer 'di ni yon tan mchog dam pa rnams kyis shin tu brgyan pa'o zhes bya ba'i rigs so// de ci'i phyir zhe na sangs rgyas dang byang chub sems dpa' rnams bzhugs pa'i gnas yin pa'i phyir ro/ / rigs kyi bu ji ltar mi ngan pa'i khyim du gal te rgyal po gshegs na khyim de la ni shin tu rgyan gyis mdzes pa'o// bsod nams dang ldan pa ste/ 'di ltar rgyal po 'dir gshegs par gyur to zhes bstod dgos so// rigs kyi bu ji ltar mi zhig nad tshabs chen po btab pa des sman ngan pa ba'ang ste/ smra na des nad gsos par gyur na sma na de la dga' bskyed cing mchog dam pa'o/ / bdag gi nang gsos shes bstod pa'i rigs so// rigs kyi bu ji ltar gyur zhugs te rgya mtshor zhugs pa las/ gru zhig nas skyabs dang rten med pa las mi ro la 'jus te mthar phyin na/ mi ro de la rab tu dga' zhing bdag khyod dang phrad pas bde bar gyur to zhes bstod cing bsngags pa bzhin du/ grong khyer rtswa mchog kyang de dang 'dra ste/ de ni sangs rgyas dang byang chub sems dpa' rnams kyi'i chag cing gshegs pa'i gnas yin na/ ci'i phyir yul mtha' 'khob ngar pa dog cing nya nga ba'o zhes smra// rigs kyi

  46. 24a

    bu nga sngon du dran pa sngon 'das pa'i bskal pa klung gad+hA'i bye ma snyed 'das pa na/ bskal pa'i ming ni legs pa'i blo gros shes bya ste/ de'i tshe 'khor los sgyur ba'i rgyal po ko'u shi ka'i rigs las byung ba rin po che sna bdun dang ldan zhing bu stong tshang ba'i rgyal po des thog mar grong khyer 'di byas te/ kho ra khor yug chu zheng gab par dpag tshad bcu gnyis te/ rin po che sna bdun gyis rab tu brgyan to/ / de'i tshe yul de na krung shin tu mang ste/ chu thams cad shin tu dang ba dang / 'jam pa dang / mngar ba'o// 'di lta ste/ klung 'jil na shan zhes bya ba dang / i la ba te zhes bya ba dang / hi len sha na zhes bya ba dang / i sho ma te zhes bya ba dang / bi pa sha na zhes bya ba la sogs pa krung lnga brgya snyeng yod do// klung de'i tshu rol dang / pha rol dang pha rol gyi 'tham na shing rab tu mang ba zhig me tog dang 'bras bu rab tu rgyas par gang ngo / / de'i tshe de'i dus na mi'i tshe'i tshad dpag tu med do// de'i tshe na 'khor los sgyur ba'i rgyal po de lo brgya 'das nas 'di skad ces brjod pa smras so/ / de yang ji ltar bcom ldan 'das kyis gsungs pa bzhin te/ chos thams cad ni mi rtag go// gang gis dge ba bcu'i chos spyod na mi rtag pa'i sdug bsngal chen po sbyor bar 'gyur ro/ / de nas skye bo thams cad kyis de skad du smra ba thos nas kun gyis dge ba bcu'i chos nyams su blangs so// nga de'i tshe sangs rgyas kyi mtshan thos te/ dge ba

  47. 24b

    gzungs su 'dzin cing rab tu yid la byas te bsgoms nas/ thog ma bla na med pa yang dag par rdzogs pa'i byang chub kyi sems der skyes so// de ltar sems skyes nas chos de nyid kyis sems can tsang med grangs med pa snyed la chos thams cad ni mi rtag pa 'jig cing 'pho ba'o zhes bstan te/ de bas na ngas de yang gnas 'dir chos thams cad ni mi rtag par 'gyur zhing 'pho ba'o// sangs rgyas kyi sku 'ba' zhig ni rtag pa'i chos can no/ / zhes rjes nas gzung ste gsungs brjod pa dang / sngon spyod spyod pa'i rgyu dang rkyen dgongs nas de'i phyir sa 'di la lan blan pa'i phyir yang deng 'dir mya ngan las 'da' bar gshegs so/ / don de lta bas na ngas mdo sde kun las nga'i 'khor du gtogs pa ni drin lo lan blon no zhes gsungs so// gzhan yang rigs kyi bu sngon 'das pa na sems can gyi tshe bskal pa tshad med pa snyed thub pa na/ de'i tshe grong khyer de'i ming kho sha bar te zhes bya ste/ kho ra khor yug tu chu zheng gab par dpag tshad lnga bcu snyed de/ de'i tshe 'dzam bu rming 'dir grong khyer 'dab chags su gnas su garas te/ khyim byas phur na gcig tu slebs pa tsam mo// de'i tshe na 'khor los sgyur ba'i rgyal po gya nom snang zhes pa rin po che sna bdun pa/ bu spong tshang ba/ gling bzhi la dbang ba zhig yod de/ de'i rgyal tshab dam pa'i chos yid la byas nas/ rang sangs rgyas mngon par grub bo// de nas 'khor los sgyur ba'i rgyal po de rgyal bu de rgyal tshab rang

  48. 25a

    sangs rgyas grub cing tshul bzhin du mdzes la rdzu 'phrul ngo mtshar che ba mthong ste/ de lta bu'i dngos po dag mthong nas/ rgyal po'i thabs mchil ma bor ba ltar spangs terab tu byung nas sbru la'i shing drung 'dir lo brgyad khri'i bar du byams pa'i sems bsgoms so/ / snying rje dang / dga' ba dang / btang snyoms kyi sems kyang lo brgyad khri'i bar du bsgoms so/ / rigs kyi bu de'i tshe de'i dus na rgyal po gya nom snang zhes bya ba de gzhan yin par sems sam/ de ni nga yin no// de'i phyir da ltar yang rtag tu chos bzhi po de dag la longs spyod par dga' 'o// chos bzhi po de nyid ni ting nge 'dzin ces bya'o// rigs kyi bu don de lta bas na de bzhin gshegs pa'i sku ni rtag pa dang / de ba dang / bdag dang / yongs su dag pa'o// rigs kyi bu de'i rgyu de'i rkyen gyis da yang grong khyer rtswa mchog sA la'i shing drung du ting nge 'dzin la snyoms par 'jug go/ / rigs kyi bu ngas mngon du dran pa bskal pa tshad med pa de'i tshe de'i dus na grong khyer 'di'i ming ser skye zhes bya ste/ de na rgyal po ni zas gtsang ma zhes bya'o// rgyal po de'i btsun mo ni lha mdzes shes bya'o// rgyal po de'i rgyal bu ni don grub ces bya'o// de'i tshe rgyal bu de slob dpon gyis ma bstan par rang gis yid la byas nas/ bla na med pa yang dag par rdzogs pa'i byang chub thob bo// nye gnas gnyis yod de/ gcig ni shA ri'i bu/ gcig ni mo'u 'gal gyi bu chen po//

  49. 25b

    g.yog byed pa'i nye gnas ni dga' bo zhes bya'o// de'i tshe bcom ldan 'das sA la'i shing drung du yongs su mya ngan las 'das pa'i mdo sde 'di bstan te/ nga de'i tshe na 'khor der 'dus par gyur to/ de'i tshe na sems can thams cad la sangs rgyas kyi rang bzhin yod do zhes thos par gyur to// de lta bu'i dngos po dag thos nas byang chub las phyir mi ldog par gyur te/ smon lam 'di skad ces btab bo/ / bdag ma 'ongs pa'i dus na mngon par sangs rgyas pa'i tshe pha ma dang / yul mi dang / nye gnas dang / g.yog dang / chos ston pa yang da ltar gyi bcom ldan 'das 'di dang 'dra bar gyur cig ces smon lam btab ste/ de'i rgyu de'i rkyen gyis da yang 'dir mya ngan las 'das pa chen po'i mdo sde 'chad cing ston par gyur to// rigs kyi bu nga sngon rab tu byung nas bla na med pa yang dag par rdzogs pa'i byang chub ma thob pa na/ rgyal po gzugs can snying pos pho nya btang ste/ 'di skad du rgyal bu don grub gal te 'khor los sgyur ba'i rgyal por gyur na bdag gi blon po bgyi'o/ / gal te khyim la mi dga' ste bla na med pa yang dag par rdzogs pa'i byang chub thob na/ sngar rgyal po'i khab 'dir gshegs shing chos bshad de/ sems can thams cad bsgral la bdag gis mchod pa bzhes par ci gnang zhes gsol to/ / nga de'i tshe cang mi gsung bar de'i gsol ba gnang ngo // rigs kyi bu nga thog ma bla na med pa yang dag par rdzogs pa'i byang chub mngon

  50. 26a

    par sangs rgyas nas/ yul kar sha zhes bya bar 'gro ba las/ klung de'i tshe 'jig lem zhes bya ba'i 'gram na bram ze 'od srungs kyi rigs 'khor slob ma lnga brgya dang bcas treklung de'i 'gram na bla na med pa'i lam sgrub bo/ / ngas de dag gi phyir ched du chos ston du gshegs nas/ 'od srungs kyis nga la 'di skad ces smras so// go'u ta ma nga ni nas te lo yang brgya nyi shu lon no/ / yul dbus 'gyur 'chang gi skye bo thams cad dang / rgyal po gzugs can snying po la sogs pa kun gyis bdag dgra bcom pa'i 'bras bu thob pa ma yin no zhes smra bar 'gyur gyis/ go'u ta ma khyod myur du gud du gshegs su gsol lo// gal te skye bo 'di dag go'u ta ma'i yon tan bdag las 'phags par shes na/ bdag cag la sogs pas slan chad 'tsho ba thob par mi 'gyur ro// ngas de'i tshe na de dag la 'di skad ces smras so// 'od srungs gal te khyod kyis bdag la bkur sti mi byed pa dang / zhe sdang gi sems med na nub gcig 'dug par gnong zhig dang sang ni sngar 'gro'o// 'od srungs kyis smras pa/ go'u ta ma bdag gi sems la sgyu bag gzhan med de/ khyod la dga' mod kyi/ bdag gi gnas 'di na klu gdug pa shin tu khro zhing gtum pa zhig yod de/ gnod pa byed kyis dogs so/ / ngas smras pa/ 'od srungs drug gi nang na gdug pa ni drag gsum las 'da' ba med de/ ngas de dag kyang bcad na 'jig rten gyi dug gis mi 'jigs so// 'od srungs kyis

  51. 26b

    yang smras pa/ de ltar mi 'jigs yang dag na lha legs kyi 'dug la rag go// rigs kyi bu de'i tshe 'od srungs kyi phyir ched du cho 'phrul bco brgyad bstan te/ ji ltar mdo sde las bshad pa bzhin no// de'i tshe 'od srungs 'khor lnga brgyad dang bcas te/ de lta bu dag mthong zhing thos nas dgra bcom pa'i 'bras bu thob par gyur to// 'od srungs de la nu bo gnyis yod de/ gcig ni chu bo 'od srungs/ gcig ni steng rgyas 'od srungs zhes bya ste/ de dag la yang 'khor lnga brgya snyed yod de/ de dag kyang dgra bcom pa'i 'bras bu thob par gyur to// de'i tshe rgyal po'i khab na mu stegs can gyi ston pa drug 'khor dang bcas pa dngos po de dag thos nas/ nga la ngan sems chen po skyes so// nga de'i tshe dam bcas pa dang mi 'gal bar bya ba'i phyir rgyal po'i gsol ba bzhin du rgyal po'i khab tu song na/ der ma phyin pa'i bar du rgyal pos 'khor tshad med pa brgya stong snyed dang bcas te bsu nas ngas chos bstan to// de'i tshe chos thos ma thag tu 'dod pa'i khams kyi lha brgyad khri drug stong snyed bla na med pa yang dag par rdzogs pa'i byang chub tu sems bskyed par gyur to/ / rgyal po gzugs can snying po'i g.yog dang 'khor du song ba'i khri phrag bcu gnyis snyed rgyun du zhugs pa'i 'bras bu thob bo// gzhan yang sems can tshad med pa snyed bzod pa'i sems dang ldan par gyur to/ / zong khyer gyi nang du zhugs nas shA ri'i bu dang po'u 'gal gyi bu 'khor dang bcas pa nyis brgya lnga bcu yang rab tu byung ste/

  52. 27a

    sems snga ma btang nas lam slob par gyur to// nga de'i tshe der gnas nas rgyal po'i mchod pa zhes so// mu stegs can gyi ston pa drug ni 'khor rnams bsdus nas yul mnyan du yod par song ngo / / de'i tshe yul de na khyim bdag skyabs med zas sbyir zhes bya ba mna' ma len pa'i phyir rgyal po'i khab tu 'ongs so// rgyal po'i khab tu phyin nas der khyim bdag san sha ya zhes bya ba la gnas so/ / de nas khyim bdag de nam gyi gung thun la langs nas/ 'khor rnams la 'di skad ces smras so// kye skyes bu dag longs la myur du khang khyim brgyan cing phyag ba dar gyis la bshos bzang rab tu sbyor cig/ de nas skyabs med zas sbyin gyis 'di skad du smra ba thos nas/ 'di snyam du bag ma len pa'i ston mo 'am/ rol mo bya ba'i phyir ram/ dbus 'gyur 'chang gi rgyal po spyan 'dren tam snyam sems so/ / de snyam du bsams nas gan du song ste 'di skad ces dris so// khyim bdag chen po bag ma len pa'i ston mo 'am/ rol mo'i phyir ram/ 'on te dbus 'gyur 'chang gi rgyal po gzugs can snying po spyan 'dren tam/ ci na de ltar brel cing las sbyin du byed/ khyim bdag des smras pa/ de ma yin no// khyim bdag bdag sangs rgyas bla na med pa'i chos kyi rgyal po zhes bya ba spyan 'dren to/ / khyim bdag skyabs med zas sbyin gyis der thog ma sangs rgyas kyi mtshan thos nas lus thams cad skyi g.ya' bar gyur te/ yang 'di skad du/

  53. 27b

    sangs rgyas shes bya ba ji lta bu zhes dris so// khyim bdag des smras pa/ khyed kyis mthos sam/ yul ser spyan shAkya'i rigs la don grub ces bya ba/ rus ni go'u ta mi yang ni zas gtsang ma zhes bya ste/ bshos nas ring po ma lon par ltas mkhan gyis bltas na gdon mi za bar 'khor los sgyur ba'i rgyal por 'gyur te/ ji ltar a 'bra'i 'bras bu lag na 'dug pa dang mtshungs kyang sems mi mos te/ khyim nas khyim med par rab tu byung nas mkhan po med par rang gis rig ste/ bla na med pa yang dag par rdzogs pa'i byang chub thob pa/ 'dod chags dang / zhe sdang dang / gti mug zad pa/ rtag tu gnas shing mi 'gyur/ mi 'pho/ mi skye/ mi 'gog pa/ mya ngan dang 'jigs pa med pa/ sems can thams cad la thugs mnyam zhing ji ltar pha mas bu gcig pa la lta ba dang mtshungs pa/ sku dang thugs mang po kun gyis mchog tu gyur pa thams cad las 'phags kyang rgyags shing dregs pa med pa/ byug pa dang gdug pa la sems gnyis su med pa/ shes rab kyis kun rtogs pa/ chos la thogs pa med pa/ stobs bcu dang / mi 'jigs pa bzhi dang / ye shes lnga dang / ting nge 'dzin dang / byams pa chen po dang / snying rje chen po dang / dran pa nye bar gzhag pa gsum dang ldan pa'i phyir sangs rgyas shes bya ste/ sang gshegs su gnang bas de'i phyir brel te gtam byar yang mi khom mo//

  54. 28a

    'phags pa yongs su mya ngan las 'das pa chen po'i mdo bam po sum cu pa// / khyim bdag skyabs med zas sbyin gyis smras pa/ legs so skyes bu chen po sangs rgyas shes bya ba yon tan bla na med pa mnga' ba de da ltar gang na bzhugs/ khyim bdag des smras pa/ da ltar rgyal po'i khab 'dir ka lan da ka'i 'od ma tshal gyi gzhal med khang na bzhugs so// de nas skyabs med zas sbyin gyis sems rtse gcig tu sangs rgyas kyi stobs bcu dang / mi 'jigs pa bzhi dang / ye shes lnga dang / ting nge 'dzin dang / byams pa dang / snying rje chen po dang / dran pa nye bar gzhag pa gsum dang / yon tan thams cad rjes su dran te yid la byas so// de ltar rjes su dran pa na snang ba chen po'i 'od nyi ma bzhin du rab tu lhang nge lham me bar gyur nas/ 'od gang nas byung ba'i phyogs su song ste grong khyer gyi sgor phyin pa dang / bcom ldan 'das kyis byin gyi rlabs kyis sgo yang rang bye bar gyur to// sgor byung nas lam du 'jig rten gyi lha'i rten zhig yod pa la skyabs med zas sbyin gyis bsti stang dang bcas pas phyag byas pa dang / mod la phyir mun par gyur te/ 'jigs skrag pa'i sems skyes nas/ phyir gnas su ldog par byas te grong khyer gyi sgor phyin pa dang / lha zhig gis/ skyabs med zas sbyin la 'di skad ces smras so// kye skyes bu khyod gal te de bzhin gshegs pa'i spyan sngar phyin na phan pa dang bde ba'i don mang du thob par 'gyur ro//

  55. 28b

    skyabs med zas sbyin gyis smras pa/ phan pa dang bde ba'i don ces bya ba ji lta bu/ lhas smras pa/ khyim bdag gal te la la zhig gis rin po che yang dag pas brgyan pa'i rta bzang po brgya dang / spos kyi bal glang brgya dang / rin po che'i shing rta brgya dang / gser las blugs pa'i mi brgya dang / bu mo bzang mo lus la 'phreng ba thogs shing rin po ches brgyan pa brgya dang / khang pa dang gzhal med khang mchog dam pa'i ri mo'i 'bur du brkos pa dang / gser gyi gzhong par dngul gyi nye 'us bkang ba dang / dngul gyi gzhong pa gser gyi nye 'us bkang ba brgya brgyas mi gcig la byin te/ de bzhin du mthar gyis 'dzam bu'i gling gi mi thams cad sbyin pa byin pa'i bsod nams ji snyed thob pa bas/ gang la la zhig gis de bzhin gshegs pa'i spyan sngar 'gro bar chas nas gom pa gcig bor ba tsam mi phod do/ / skyabs med zas sbyin gyis smras pa/ rigs kyi bu 'di skad du smras pa khyod su yin/ lhas smras pa/ khyim bdag bdag ni bram ze rgyal mtshan zhes bya ba'i bu ste/ sngun 'das pa na yang khyod kyi dge ba'i bshes gnyen du gyur pa yin no/ / bdag spun shA ri'i bu dang mo'u 'gal gyi bu mthong nas/ dga' ba'i sems skyes pas lus brjes nas byang phyogs kyi mgon po ngal bso bo'i bur gyur te/ rtag tu rgyal po'i khab 'di'i srungs ma byed do// ngas shA ri'i bu la sogs pa la dga' ba'i sems skyes te phyag byas pas/ de'i rgyu de'i rkyen gyis 'di lta bu'i lus bzang po dam pa thob

  56. 29a

    par gyur na/ de bzhin gshegs pa ston pa chen po mthong nas mchod cing phyag bya ba lta ci smos/ khyim bdag srubs med pas sbyin gyis de skad ces smras pazos nas phyir lam zhugs te/ ngagang na bar 'ongs nas nga'i zhabs la spyi bos phyag 'tshal te/ ngas de'i tshe ji lta ba bzhin du chos bstan te/ khyim bdag gis thos nas rgyun du zhugs pa'i 'bras bu thob par gyur to// de ltar 'bras bu thob nas/ yang 'di skad du de bzhin gshegs pa thugs rje chen po yul mnyan du yod par bdag gi mchod pa cung zad cig bzhes shing gshegs su ci gnang zhes gsol to// de'i tshe ngas khyim bdag la khyod kyi yul mnyan du yod pa na gzhal med khang nga shong ba yod dam zhes dris nas/ skyabs med zas sbyin gyis gsol pa/ gal te bcom ldan 'das kyis thugs brtse ba'i slad du nges par gshegs su gnang na lta/ bdag la ci mchis pa gtugs te gnas sbyar bar 'tshal lo zhes gsol to// rigs kyi bu nga de'i tshe cang mi gsung bar gshegs su gnang ngo // khyim bdag skyabs med pas sbyin gyis kyang gshegs su gnang bar shes nas/ ngal 'di skad ces gsol to// bdag sngan chad de lta bu'i dngos po dag bgyid ma myong na/ de bzhin gshegs pas ji ltar bgyi ba'i cho ga bstan par shA ri'i bu gtang du cig nang zhes gsol to/ / ngas kyang gsol pa bzhin du gnang nas shA ri'i bu dang skyabs med zas sbyin gnyis shing rta gcig gi nang du zhugs te mnyan du yod

  57. 29b

    par song ngo / / nga'i byin gyi rlabs kyis zhag gcig gis gnas su phyin to// de nas skyabs med zas sbyin gyis/ shA ri'i bu la nus pa/ btsun pa grong khyer 'di'i phyi rol grong khyer dang ha cang mi ring ha cad yang mi nye la/ chu mig dang / mtshe'u dang / bza' shing bzang po dang / tshal dang / me tog dang / 'bras bu'i shing mang zhing rgyas pa dang / yongs su dag cing dben pa'i gnas ci mchis pa brtag tu gsol/ bdag gis der sangs rgyas bcom ldan 'das dang dge slong gi dge 'du gyi phyir gzhal med khang brtsig go// shA ri'i bus smras pa/ 'dze ta'i tshal 'di ni ha cang mi ring la yongs su dag cing dben te/ chu mig dang / 'bab chu dang / me tog dang / 'bras bu'i shing mang ste/ 'phral du ci dang ci dgos pa yang yod do// gnas 'di ba rtags kyi gzhal med khang slong zhig/ de nas skyabs med zas sbyin gyis de skad ces smras pa thos nas/ khyim bdag chen po 'dze ta gang na bar song ste 'dze ta la 'di skad ces smras so// bdag bla na med pa'i chos kyi rgyal po'i phyir gnas 'ang brtsig par byas pa las khyod kyi rab tu brtag te bdag gis nyo snyam sems na/ nyor gnang ngam/ 'dze tas smras pa/ gal te gser 'ba' zhig gis sa gzhi thams cad khyab par bkang na yang mi sbyin no// skyabs med zas sbyin gyis smras pa/ legs so 'dze ta khyod kyi ra ba ni kho bo dbang bar gyur gyis gser long zhig/ 'dze tas smras pa/ pa ri ra ba mi 'tshong na ci'i phyir gser long zhig ces smras/ skyabs med zas sbyin gyis spras pa/ de ltar ma rangs

  58. 30a

    / na bdag cag zhal ces gcod pa'i gan du 'dong ngo // de nas khyim bdag gnyis zhal ce gcod pa'i gan du dong nas/ zhal ce gcod pa'i rab ni byabs med zas sbyin dbang gi/ 'dzeta ni gser long zhig ces gtsad do/ / de nas shing rta dang rtas gser bskyas te sa gzhi bkram mo// nyin gcig gis gom pa lnga brgya 'ba' zhig gser gyis mkhebs pa las 'dze tas smras pa/ khyim bdag khyod gal te 'gyod na phyir gtang yang yul rung ngo / / skyabs med zas sbyin gyis smras pa/ bdag la 'gyod pa'i sems ni med kyi/ gser gyi snod gang phye na yog par 'gyur snyam sems so// 'dzetas smras pa/ lhag ma ma yog pa 'di gser mi dgos kyis/ bdag gis bcom ldan 'das kyi phyir sgo khang brtsigs te/ rtag tu de bzhin gshegs pa yan man 'chag cing gshegs par bya'o// de nas khyim bdag 'dze tas sgo khang brtsigs so/ / khyim bdag skyabs med zas sbyin gyis zhag bdun gyi bar du gnas khang chen po sum brgya dang / bsgom pa'i khang bu drug cu rtsa gsum dang / dgun gyi khang pa dron po dang / dbyar gyi khang pa bsil ba yang so so tsang mang dang / khrus khang dang / rkang pa bkru ba'i gnas khang bshang gci che chung sAd+ma phyi sa la sogs pa brtsigs te/ thams cad mi ldan pa med do// bya ba thams cad byas nas phog snod thogs te/ rgyal po'i khab kyi logs su rgyang nas 'di skad ces smras so// mchod pa thams cad bshams lags kyis/ de bzhin gshegs pa thugs brtse ba can sems can thams cad kyi

  59. 30b

    srad du gnas 'di ba zhes su gsol zhes smras so/ / ngas de'i tshe khyim bdag de'i bsam pa thugs kyis mkhyen nas 'khor dang bcas te rgyal po'i khab nas stobs po che lag pa brkyang ba las bskum btsam gyis mnan du yod par 'dze ta'i tshal bya sa med pas sbyin gyi gsal med lang du byin to/ / der byin nas khyim bdag skyabs med pas sbyin gyis mchod pa bshams pa rnams pa la khrul lo// ngas de'i tshe banas nas de nid na zu / / sa thigs can bston du drum thab tsun ga mams kyi ldan 'phrum/ rgyal po ru chu byed kyi nga du song / 'di da ces smras so// rnam sbyin po'i kar mkhyen par mdzad gyi/ / rgyal po'i yul lams rab tu 'i zhing bde ba 'di yang dag par rab tu 'byung ba'i gams / de'i phyir ba dag cig par ltar 'dinag so// rnam pa chen po ni p ar chos kyi zing 'dzin cing / 'bangs la banod pa sel bzhin no// dge sbyong kro'u ta na 'din gnonas pasab pa sral snang bu n+d+he shes pa ni yang med do// rgyas rigs rnams pas sum 'dzin d+ha kAnas pa'i gan rabs dang / don tan can la yang bkur sti mi byed do// sel te rgyal rigs yinan 'bangs kyi zing bcid pa'i rig 5/ tsi d+ha rab tu byung na yang gar 'das la babur gyi brjid rje rigs so/ / rgyal po chen po legs par gsan dugasol/ dge slong grobu bas ni yang dag par rgyal po'i rigs las ma skyeb bo// dege sbyong go na nam lagal cipa ma mchis na ci'i byang gzhan gyim pa rlon

  60. 31a

    par 'gyur/ rgyal po chen po bdag cag gi gzhung las 'di skad du byung ste/ lo stong 'das nas ltas ngan sgyu can zhig 'byung ngo zhes gsungs te/ 'di ni dge sbyong go'u ta ma 'di kho na lags so/ / dge sbyong go'u ta ma la ni pha yang med ma yang med do// gal te pha ma yod na ci'i phyir chos thams cad mi rtag pa dang / sdug bsngal ba dang / stong pa dang / bdag med pa dang / byed pa med pa dang / len pa med pa'o zhes 'chad/ de'i sgyu dang g.yos sems can slu bar byed de/ gti mug can ni yid ches kyi shes rab can ni spong bar byed do// rgyal po chen po rgyal po zhes bya ba ni 'greng thams cad kyi pha ma ste zang dang 'dra ba ste/ sa gzhi dang 'dra ba/ rlung dang 'dra ba/ me dang 'dra ba/ lam dang 'dra ba/ chu klung dang 'dra ba/ zam pa dang 'dra ba/ sgron ma dang 'dra ba nyi ma dang 'dra ba/ zla ba dang 'dra ba ste/ chos bzhin du zhal che gcod kyi/ byams sdang med pa'o// dge sbyong go'u ta ma 'di ni bdag cag 'tshor mi ster te/ bdag cag gar 'gro ba'i gnas su slad bzhin mchi ste mi gtong ngo / / rgyal po chen po bdag cag gis ko'u ta ma dang rdzu 'phrul gyi stobs 'gran te/ gal te kho rgyal na bdag cag kho'i dbang du mchil/ gal te bdag cag rgyal na bdag cag dbang bar mdzad du gsol/ rgyal pos spras pa/ btsun pa khyed kyang so so nas spyod pa'i chos yod la/ gnas kyang so so ste/ 'dag ni nges par de bzhin gshegs pa khyed cag la mi gnod par gshegs so// ston pa

  61. 31b

    / drug gis gsol pa/ ji ltar mi gnod/ dge sbyong ko'u ta ma 'di chos sbums mi rnams brid de/ bram ze la sogs pa kun skyabs su song nas thams cad zad do// gal te rgyal pos bdag cag rdzu 'phrul gyi stobs 'gran par gnang na/ rgyal po'i ming snyan pas phyogs brgyad du grags par 'gyur gyi/ de ltar ma gnang na ming mi snyan pas kun tu gang bar 'gyur ro// rgyal pos smras pa/ btsun pa khyed de bzhin gshegs pa'i rdzu 'phrul gyi stobs shin tu che bar mi shes pas 'gran 'dod kyi/ gal te yang dag par shes na de ltar mi 'phod kyis dogs so// rgyal po chen po khyod kyang dge sbyong gis bslus zin tam/ rgyal po chen po re zhig bzhes la bdag cag gis la ma smod cig/ don med par tshig gis brjod pa bas bskrun na mngon par 'gyur ro// rgyal pos 'o na legs so legs so zhes smras nas/ ston pa drug 'khor dang bcas te rab tu dga' nas song ngo / / de'i tshe rgyal po sde rab tu 'pham byed 'khor dang bcas te nga'i spyar sngar lhags nas/ bsti sdang dang bcas pas mgo bos phyag byas te g.yas phyogs nas lan gsum bskor nas phyogs gcig tu 'khod de/ nga la 'di skad ces gsol to// bcom ldan 'das mu stegs can gyi ston pa drug bdag gis thad du mchis nas rdzu 'phrul 'gran par gsol ba las bdag gis rjes su ma dpags pas gnang ba stsal to/ / bcom ldan 'das kyis bka' stsal pa/ rgyal po chen po legs so legs so// 'di ma yin pa gzhan dag tu yang gnas khang rtsigasar shig/ de ci'i phyir zhe na/ gal te nga dang

  62. 32a

    rdzu 'phrul 'gran par gyur na/ 'khor de dag las tshur dang bamang bar 'gyur te/ gnas 'di dog pas shong bar mi 'gyur ro// rigs kyi bu ngas de'i tshe rtswa stegs can gyi ston pa drug gi phyir thog ma tshes gcig nas/ bco lnga'i bar du ngo mtshar rmad kyi rdzu 'phrul dang cho 'phrul ston to// de'i tshe de'i dus na sems can tshad med pa snyed ni bla na med pa yang dag par rdzogs pa'i byang chub tu sems skyes so// sems can tshad med pa snyed ni dkon mchog gsum la the tshom med par yid ches par gyur to// ston pa drug gi 'khor tshad med pa snyed ni ngan par lta ba'i sems bcom nas yang dag pa'i chos la rab tu byung ngo // sems can tshad med pa snyed ni byang chub las phyir mi ldog pa'i sems thob par gyur to// sems can tshad med pa snyed ni gzungs kyi ting nge 'dzin gyi rnam grangs thob par gyur to// sems can tshad med pa snyed ni rgyun du zhugs pa'i 'bras bu nas/ dgra bcom pa'i 'bras bu'i bar du thob par gyur to// de'i tshe mu stegs can gyi ston pa drug po shin tu ngo tsha ste skyengs nas thams cad 'grogs te/ grong khyer pa tsi tha zhes bya bar song ngo // der phyin nas de na gnas pa thams cad log pa'i chos bstan nas yid ches par byas te/ dge sbyong go'u ta ma ni stong pa 'ba' zhig ston to zhes bsgrags so// rigs kyi bu de'i tshe nga ni yum gyi phyir sum cu rtsa gsum gnam du gshegs nas shing ba ri tsi tra'i drung na tshul du bzhugs te chos bstan to// de'i tshe ston pa drug rab tu dga' ba'i sems skyed nas 'di skad du shin tu

  63. 32b

    legs so/ / go'u tam sgra can deng med par gyur to zhes bsgrags te/ gzhan yang sems can tshad med grangs med pa sbed ngan par lta ba la btsud par gyur to// de nas rgyal po gzugs can snying po dang / rgyal po sde rab tu 'pham byed dang / 'khor rnam bzhi la sogs pas/ mo'u gal gyi bu la 'di skad ces gsol to// btsun pa 'dzam bu gling 'dir ngan par lta ba skye zhing 'phel te/ sems can rab tu brtse ba'i gnas su gyur pa yang mun pa chen por 'thom par gyur gyis/ btsun pa khyod gnam gyi steng du bzhud la/ bcom ldan 'das la 'di skad ces gsol cig/ bdag cag gus par phyag 'tshal te 'di skad mchi'o/ / dper na be'u byung nas ring po ma lon par gal te 'o ma ma 'thungs na gdon mi 'tshal bar 'gum pa ltar/ bdag cag dang sems can thams cad kyang de dang 'dra na de bzhin gshegs pas sems can la thugs brtse ba'i slad du slar 'dir gshegs su ci gnang zhes gsol cig/ de nas mo'u 'gal gyis cang mi smra bar gnang nas/ ji stobs po che lag pa bskum pa las brkyang ba tsam gyis gnam gyi steng du bcom ldan 'das kyi spyan sngar phyin nas/ bcom ldan 'das la 'di skad ces gsol to// 'dzam bu gling na 'khor rnams bzhi mchis pa dag de bzhin gshegs pa la skom pas gdungs pa bzhin du chos thos par mos so/ / rgyal po gzugs can snying po dang / rgyal po sde rab tu 'bam byed dang / 'khor rnam bzhi la sogs pa zhabs la phyag

  64. 33a

    'tshal te 'di skad ces mchi'o/ / 'dzam bu gling 'di ni sems can ji snyed mchis pa ngan par lta ba skye zhing mched par gyur te/ mun nag gi nang du 'thom pas shin tu thugs brtse bar rung ste/ dper na be'u btsas nas ring po ma lags par gal te nu ma ma 'thungs na gdon mi 'tshal bar 'gum pa ltar/ bdag cag la sogs pa yang de dang 'dra ste/ de bzhin gshegs pa sems can gyi don gyi slad du slar 'dzam bu'i gling du gshegs su gsol lo zhes mchi'o/ / bcom ldan 'das kyis bka' stsal pa/ mo'u 'gal khyod myur du phyir 'dzam bu gling du song la/ rgyal po rnams dang 'khor rnam bzhi la 'di skad gyis shig/ nga da nas zhag bdun nas phyir log ste/ ston pa drug gi phyir yul pa tsi tar gshegs so gyis shig/ de nas zhag bdun 'das nas brgya byin lha'i dbang po dang / tshangs pa dang / bdud kyi lnga dang / lha'i bu tshad med pa snyed dang / shu ta'i 'khor la sogs pa lha thams cad kyis bskor cing yul pa ci tar lhags te/ seng ge'i sgra chen po 'di skad bsgrags so/ / nga'i chos 'da' zhig la dge sbyong dang / bram ze dang / chos thams cad mi rtag pa dang / bdag med pa dang / mya ngan las 'das pa dang / zhi ba ste/ nyes pa'i skyon thams cad dang bral ba yod kyi/ de ma yin pa gzhan gyi chos la dge sbyong dang / bram ze dang / rtag pa dang / bdag med pa dang / mya ngan las 'das pa yod ces bya ba'i gnas

  65. 33b

    med do/ / de'i tshe na sems can tshad med mtha' yas pa snyed bla na med pa yang dag par rdzogs pa'i byang chub tu sems skyes so// de nas mu stegs can gyi ston pa drug gcig la gcig 'di skad smras so// gal te bdag cag gis chos la dge sbyong dang bram ze sogs pa med na/ ji ltar 'jig rten du bcas pas mchod par gyur ces smras nas ston pa drug 'grogs te yul yangs pa can du song ngo // rigs kyi bu dus gcig cig na grong khyer yangs pa can a 'bra'i tshal du bzhugs pa las bu mo a 'bra zhes bya ba nga der 'dug par shes nas nga'i spyan sngar 'gro ba bsams so// ngas de'i tshe dge slong rnams la bka' stsal pa/ dge slong khyed dran pa nye bar gzhag pa la brtags te/ shes rab bsgom zhing ci dang ci bsgom pa la le lo ma byed cig/ de la ji ltar na dran pa nye bar gzhag pa la brtag pa zhe na/ gal te dge slong gang nang gi lus la yongs su brtags kyang bdag dang bdag gi bar mi mthong / phyi rol gyi lus dang phyi nang gi lus la yongs su brtags kyang bdag dang bdag gi bar mi mthong / tshor ba dang / sems dang / chos la yang de ltar rtog pa ni dran pa nye bar gzhag pa zhes bya'o// ji ltar na shes rab bsgom pa zhe na/ gal te dge slong gang yang dag pa ji lta ba bzhin du sdug bsngal dang / kun 'byung dang / 'gog pa dang / lam mthong ba ni shes rab bsgom pa zhes bya'o// le lo'i sems med pa gang zhe na/ gal te dge slong gang sangs rgyas

  66. 34a

    rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / sbyin pa rjes su dran pa dang / lha rjes su dran pa ni dge slong le lo'i sems med pa zhes bya'o/ / de'i tshe bu mo a 'bras nga gang na bar 'ongs nas spyi bos phyag 'tshal te/ g.yas su lan gsum bskor te mchod pa byas nas phyogs gcig tu 'dug go/ rigs kyi bu nga de'i tshe bu mo a 'bra la ji lta ba bzhin du chos ston te/ bu mo de chos thos nas bla na med pa yang dag par rdzogs pa'i byang chub tu sems bskyed do// de nas de'i tshe grong khyer de na li tsa byi gzhon nu lnga brgya snyed nga'i spyan sngar lhags nas spyi bos phyag 'tshal te/ g.yas phyogs nas lan gsum bskor te mchod pa byas phyogs gcig tu 'khod do// ngas de'i tshe li tsa byi gzhon nu rnams la ji lta ba bzhin du chos bstan to/ / rigs kyi bu dag 'di lta ste/ bag med pa la 'bras bu rnam pa lnga smin par 'gyur ro// lnga gang zhe na/ bdog pa'i nor la dbang med pa dang / ming mi snyan par grags pa dang / dbul 'phongs pa la sbyin par mi dga' ba dang / 'khor rnam bzhi mthong mi 'dod pa dang / lha rnams kyi lus mi thob pa'o// rigs kyi bu dag bag byas pa'i rgyu las 'jig rten dang 'jig rten las 'das pa'i chos bye bar 'gyur te/ gang bla na med pa yang dag par rdzogs pa'i byang chub 'dod pa yang bag yod pa'i chos la brtson par bya'o// bag med pa la gzhan yang 'bras bu rnam pa

  67. 34b

    bcu gsum smin par 'gyur ro/ / bcu gsum po gang zhe na/ 'jig rten gyi las byed par mos pa dang / don med pa'i tshig smra bar mos pa dang / gnyid yun ring du log par mos pa dang / 'jig rten gyi dngos po brjod par mos pa dang / rtag tu mi dge ba'i bshes gnyen la bsnyen par mos pa dang / le lo dang snyoms las byed pa dang / rtag tu gzhan gyis brnyas pa dang / ci dang ci thos su zin kyang de nyid du brjed pa dang / mtha' 'khob tu gnas par dga' ba dang / dbang po rnams gdul mi nus pa dang / zas la chog mi shes pa dang / dben pa la mi mos pa dang / lta ba yang dag pa ma yin pa dang bcu gsum mo// rigs kyi bu bag med pa ni sangs rgyas dang / sangs rgyas kyi nye gnas dang nye bar gyur kyang shin tu ring ba zhes bya'o// li tsa byi rnams kyis gsol pa/ bdag cag ni bag ma mchis pa lags par 'tshal lo// de ci'i slad du zhe na/ ci ste bdag cag bag ma mchis pa lags na/ de bzhin gshegs pa chos kyi rgyal po bdag cag gi yul du gshegs pa'i rigs so/ / de'i tshe 'khor mang po'i nang na bram ze'i bu mi 'pham pa zhes bya bas/ li tsa byi rnams la 'di skad ces smras so// legs so legs so// khyod kyis ji skad smras pa bzhin rgyal po gzugs can snying po ni phan pa dang bde ba'i don chen po thob pas/ sangs rgyas bcom ldan 'das yul der gshegs te/ ji ltar pad+mo dam pa mtsho chen po las skye ba chu'i nang nas skyes

  68. 35a

    #kyang chus mi gos so/ / li tsa byi gzhon nu dag sangs rgyas kyang de dang 'dru bar yul der byung mod kyi/ 'jig rten gyi chos kyi thogs par 'gyur ba med de/ sangs rgya bcom ldan 'das rnams ni byung ba yang med/ 'jug pa yang med mod kyi/ sems can gyi phyid 'jig rten du mngon par gshegs te/ 'jig rten gyi chos kyis thob par mgyur ro// skyes bu dag rang gis rang bslus te 'dod pa lnga la chags shing zhen nas/ de bzhin gshegs pa la skabs su 'gro bar mi shes pa sa nA byug med pa zhes bya'i/ sangs rgyas dbus 'gyur 'cha du byung bas bag med pa zhes mi bya'o/ / de ci'i phyir zhe na/ sangs rgyas bcom ldan 'das ni nyi zla dang 'dra ste/ gcig gam gnyis kyi phyir 'jig rten du byung ba ma yin no// de nas l-i tsa byi de dag de skad du smras pa thos nas bla na med pa yang dag rdzogs pa'i byang chub tu sems bskyed de/ 'di skad du legs so legs so// gzhon nu mi 'pham pa shin tu legs pa'i tshig dam pa smras pa legs so// de nas li tsa byi de dag so so nas gos ya re phud de mi 'pham pa la phul lo// mi 'pham pas bslangs nas ngal phul te 'di skad du/ bcom ldan 'das bdag gis li tsa byi dag las gos 'di dag rnyed de bzhin gshegs pas sems can la thugs brtse ba'i slad du bdag gis phul ba 'di bzhes su gsol lo zhes smras so/ / nga de'i tshe gzhon nu mi 'pham pa la thugs brtse ba'i phyir bzhes so//

  69. 35b

    de nas li tsa byi rnams dus gcig tu thal mo sbyar te 'di skad ces gsol to// de bzhin gshegs pas yul 'dir dus gcig tu tshul du zhugs te/ bdag gi mchod pa cung zad bzhes su ci gnang zhes gsol to/ / nga de'i tshe cang mi gsung bas li tsa byis gsol pa bzhin du gnang ngo // de nas de'i tshe ston pa drug de lta bur gyur pa thos nas/ ston pa dang 'khor du bcas te yul ser sbyar song ngo // de nas ngas yang ser skyar song ste klung pa la zhes bya ba'i 'gram du 'dug go// de nas ser skya na khyim bdag rin chen grags shes bya ba 'dod pa lnga la shin tu chags shing zhen pa mi rtag par mi shes pa zhig yod de/ nga der phyin pas keng rus la rtogs pa'i chos rang thob ste khang khyim dang / gnas dang / chung ma dang / slas kun keng rus su mthong nas/ rab tu 'jigs pa'i sems skyes te/ ji ltar ral gri 'am/ sbrul gdug pa'am/ rkun po 'am/ me lta bur gyur nas khyim nas byung ste/ nga'i spyan sngar chas pa las/ lam thog thag 'di skad ces dge sbyong go'u ta ma bdag ni da ltar dgras ded pa bzhin shin tu 'jigs pa med do/ / khyim bdag des gsol pa/ gal te dkon mchog gsum la 'jigs pa ma mchis na bdag kyang mi 'jigs pa thob par gyur cig ces gsol nas ngas rab tu 'byung bar gnang ngo / / de'i tshe khyim bdag de la grogs po lnga bcu zhig yod pa yang rin chen grags 'dod pa la shin tu skyo nas rab tu byung zhes thos nas

  70. 36a

    de dag kyang kha rum ste rab tu byung ngo / / ston pa drug gis de skad thos nas mthar gyis grong khyer chen po tsam pa kar song ngo // de nas tsam pa ka'i mi thams cad ston pa drug dang de'i 'khor la mchod cing bsti stang byed cing / sangs rgyas dang / chos dang / dge 'dun gyi ming yang ma thos so// skye bo mang po dag shin tu mi dge ba'i las byed par gyur te/ nga de'i tshe sems can gyi phyir grong khyer tsam pa kar gshegs so// de'i tshe grong khyer de na khyim bdag rabs chad du nye ba zhig yod de/ bu 'dod pa'i phyir ston pa drug la mchod pa byed do// phyis de'i chung ma sbrum par gyur te/ khyim bdag gis shes nas ston pa drug gi gan du song ste/ dga' ba'i mdangs kyis 'di skad ces smras so// bdag gi chung ma'i lto na sbrum pa 'di bu pho yin nam bu mo yin zhes dris pa las/ de dag gis gdon mi za bar bu mo zhig 'byung ngo zhes smras so// khyim bdag des 'di skad ces smras pa de thos nas mya ngan gyis gdungs te mi dga' ba las/ de'i grogs po zhig khyim bdag de'i thad du 'ongs nas/ khyim bdag de la ji ltar mya ngan gyis gdungs par gyur ces dris so// khyim bdag des smras pa/ kho bo'i chung ma sbrum pa las bu pho 'am bu mo mi shes te ston pa drug la dris so/ / ston pa drug gis bltas nas 'di skad du/ bdag cag gi mtshan lba ba dang sbyar na gdon mi za bar bu mo 'byung ngo zhes zer te/ kho bo de thos nas kho bo rgan po rgas te nor

  71. 36b

    grangs med pa snyed yod pa las/ gal te bu po ma yin na gtang ba'i gnas med pas de'i phyir kho bo mi dga' 'o// grogs po des smras pa/ khyod ni mi shes pa'o// sngan chad ma thos sam/ chu bo 'od srungs spun gnyis sangs rgyas sam/ ston pa drug gang gi nye gnas su song / gal te ston pa drug thams cad mkhyen pa yin na/ 'od srungs kyis ci ste ston pa drug spangs nas sangs rgyas kyi nye gnas su gyur/ yang shA ri'i bu dang / mo'u 'gal la sogs pa dang / rgyal po gzugs can snying po la sogs pa rgyal po rnams dang / rgyal po'i btsun mo la sogs pa dang / yul thams cad kyi khyim bdag skyabs med zas sbyin la sogs pa de dag thams cad kyang sangs rgyas kyi nye gnas ma yin nam/ 'brog dgon pa'i yi dgas dang / rgyal po ma skyes dgra dang / nor srung ba'i bal glang rmis pa dang / sor mo rgyan mi dge ba'i sems rab tu mched nas/ pa gsad par gzas pa de dag la sogs pa kun de bzhin gshegs pas ma btul tam/ khyim bdag sangs rgyas bcom ldan 'das ni chos thams cad thogs pa med par mkhyen cing gzigs pas sangs rgyas shes bya'o/ / gsungs so cog gnyis su med pas de bzhin gshegs pa zhes bya'o// nyon mongs pa bcom pas dgra bcom pa zhes bya ste/ bcom ldan 'das kyis gsungs pa ni gnyis su med pa yin gyi ston pa drug po ni de lta ma yin na/ ci ste yid ches par byed/ de bzhin gshegs pa ni da ltar 'di na bzhugs so//

  72. 37a

    gal te yang dag par shes par 'dod na sangs rgyas kyi kun thar song zhig ces smras so// de nas khyim bdag mi dang 'phrogs te pa'i spyan sngar 'ongs nas spyi bos phyag 'tshas tegayas su lan gsum bskor te/ thal mo sbyar nas pus mo'i ljang sa la btsugs te 'di skad ces gsol to// bcom ldan 'das ni sems can thams cad la mnyam zhing gnyis su ma mchis te/ dgra dang gnyen la mtshan nyid gcig tu gzigs pa lags na/ bdag ni sred pa'i kun nas nyon mongs pas bcings par gyur/ dgra dang gnyen la gnyis su med par ma gyur na/ bdag deng de bzhin gshegs pa bcom ldan 'das la zhu snyam bsams pa las rab tu ngo tsha zhing 'jigs pas drir mi spobs so/ / bcom ldan 'das bdag gi mchis zang sbrum pa las/ ston pa drug gis bltas nas gdon mi 'tshal bar bu mo 'byung ngo zhes mchis na dngos po de ji lta bu/ bcom ldan 'das kyis bka' stsal pa/ khyim bdag khyod kyi chung ma'i lho na sbrum pa ni bu phor gdon mi za ste/ skyes nas kyang bsod nams dpag tu med pa dang ldan no/ / de nas khyim bdag des ngas de skad smras pa thos nas/ rab tu dga' ba skyes nas phyir khyim du song ngo // de'i tshe ston pa drug gis gdon mi za bar bu bor skyes te bsod nams dang ldan no zhes ngas lung bstan pa thos nas phrag dog gi sems skyes te/ a 'bra'i 'bras bu dang dug tu sbyar nas khyim bdag gi thad du 'ongs te/ khyim bdag de la 'di skad du go'u tams mtshan rab tu

  73. 37b

    legs par smras so/ / khyod kyi chung ma bu byung du nyes sngan 'di 'thung zhig/ sman 'di btang na bu rab babang sdug cing nad med par 'gyur ro zhes smras so// khyim bdag de dga' nas drug blangs te/ chung ma la blud nas 'thungs ma thag tu shi bar gyur to/ / de nas ston pa drug dga' ste/ grong khyer dang tshong dus thams cad du skar chen pos 'di skad du/ dge sbyong go'u ta mas khyim bdag de'i chung ma gdon mi za bar bu khye'u btsas te bsod nams dang dpe zla med do zhes lung bstan pa las/ bu yang ma byung bar ma shi'o zhes bsgrags so// de nas khyim bdag de nga la ma dad pa'i sems skyes te/ 'jig rten gyi chos bzhin du sbom gyi nang du bcug nas grong khyer gyi phyi rol tu bskyal te shing skam po spungs nas bsnyeg par byas so// ngas lnga'i spyan gyis de lta bu'i dngos po dag gzigs nas/ dga' bo la nga'i na bza' long zhig ngan par lta ba 'joms du 'gro'o zhes bka' stsal to/ / de nas ngal bso bos yi dgas kyi bdag po rin chen pa lta la zhes bya ba la 'di skad ces bsgo'o// de bzhin gshegs pa deng dur khrod du gshegs kyis/ khyed myur dus bsnyam zhing chag chag dang phyag bdar gyis la/ seng ge'i khri btsugs te me tog dang spos dam pas sa gzhi chal pa 'khod cig/ de nas sngon pa drug gis rgyang nas nga 'ongs pa mthong nas gcig la gcig 'di skad du/ dge sbyong go'u ta ma dur khrod du sha za bar 'gro 'am ci mes pa'o// de'i tshe na dge bsnyen chos kyi mig mthob pa rnams

  74. 38a

    so so nas ngo tsha zhing 'dzem par 'gyur te/ nga la 'di skad du khyim bdag de'i mchis brang gum lags kyis/ der mi gshegs su gsol lo zhes smras so// de nas dga' bos de dag la khyed re zhig sdod cig dang / de bzhin gshegs pas ring po mi thogs par sangs rgyas kyi spyod yul rgya chen po 'byed cing ston par 'gyur ro zhes smras so// nga de'i tshe der phyin nas seng ge'i gdan la bzhugs pa dang / khyim bdag des 'di skad ces gsol to// gsungs so cog gnyis su med pas bcom ldan 'das shes bya zhe na/ ma yang shi na ji ltar bu skyes par 'gyur/ ngas khyim bdag de la 'di skad ces bka' stsal to/ / khyod de'i tshe ma'i tshe ring thung ni ma dris kyi/ lton bu sbrum pa de pho 'am mo shes 'ba' zhig dris so// sangs rgyas bcom ldan 'das gsungs so cog gnyis su med de/ de bas na gdon mi za bar bu thob par 'gyur ro// de'i tshe ro de la me 'bar te lto ba gas nas de'i nang nas bu gcig byung ba ni ji ltar ngur pa pad+mo'i steng na 'dug pa bzhin du me'i nang na bu gcig yod par gyur to/ / ston pa drug gis mthong nas/ yang 'di skad du go'u ta ma stu can sgra re mkhas shes smras so// khyim bdag gis mthong nas dga' ba'i sems skyes te/ ston pa drug la 'di sprum yin no zhes zer na/ khyed kyang ci ste mi byed ces spyos so// de nas ngas 'tsho byed la me'i nang du song la bu de long zhig ces bka' stsal to// 'tsho byed me'i nang du 'gro ba las ston pa drug gis bzung ste

  75. 38b

    'tsho byed la 'di skad ces smras so/ / dge sbyong go'u ta ma 'di spu byed pa'i rnam pa rtag tu rung ba ma yin gyi/ bar 'ga' ni nus/ bar 'ga'i ni mi nus te/ gal te khyod 'chi bar gyur gyis tshig de la yid ches par ma byed cig/ 'tsho byed kyis smras pa/ de bzhin gshegs pas gal te sems can dmyal ba'i me mur gyi nang du song zhig ces bka' stsal na yang tshig par mi 'gyur na/ 'jig rten gyi me lta ci smos shes smras nas/ me'i phung po'i nang du zhugs so// der zhugs pa na chu bsil ba'i nang du 'dug pa ltar/ bu de pang du thogs nas nga'i gam du 'ongs te nga la byin no// ngas bu blangs nas bdag la 'di skad ces bka' stsal to/ / sems can thams cad la tshe'i tshad nges pa med de/ chu'i chu bur dang 'dra'o// gal te sems can la shin tu chags pa'i las kyi 'bras bu yod na mes mi tshig dug gis mi 'chi ste/ 'di yang bu nyid kyi las kyi 'bras bu yin gyi/ ngas byas pa ma yin no// de nas khyim bdag gis gsol pa legs so// bcom ldan 'das bu 'di gal te tshe'i tshad thub na de bzhin gshegs pas ming zhig gdags par gsol lo/ / bcom ldan 'das kyis bka' stsal pa/ khyim bdag bu 'di me pur gyi nang nas skyes pas ming ni shu te zhes bya ste/ shu te zhes gdags so/ / de nas de'i tshe 'khor gyi dkyil 'khor de dag gis ngas rdzu 'phrul sprul pa mthong nas/ sems can tshad med pa snyed bla na med pa yang dag par rdzogs pa'i byang chub tu sems skyes so//

  76. 39a

    de'i tshe ston pa drug grong khyer drug po kun tu gnas ma rnyed nas shin tu ngo tsha ste/ mgo spang nas grong khyer rtswa mchog 'dir 'ongs so// 'dir phyin nas 'di skad du/ kye skye bo rnams 'di ltar shes par gyis shig/ dge sbyong go'u ta ma ni sgyu ma'i mkhan po chen po zhe/ thams cad bkrus nas grong khyer chen po drug tu khyab ste/ dper na sgyu ma mkhan gyis 'di ltar shing rta'i tshogs dang / rta'i tshogs dang / ba lang gi tshogs dang / rkang thang gi tshogs sprul pa dang mtshungs/ gzhan yang se mo do dang / grong khyer dang / khang pa dang / klung dang / mtsho dang / shing la sogs pa byed pa ltar/ dge sbyong go'u ta ma yang de dang 'dra ste/ sgyu mas rgyal po'i lus su sprul to// chos bshad pa'i phyir res 'ga' ni bram ze'i lus/ res 'ga' ni dge slong gi lus res 'ga' ni skyes pa dang bud med kyi lus/ res 'ga' ni lus chen po dang / lus chung ngu dang / res 'ga' ni byol song dang yi dwags kyi lus su ston cing / ched 'ga' ni rtag pa med par 'chad/ cher 'ga' ni rtag pa yod par 'chad/ ched 'ga' ni sdug bsngal bar 'chad/ ched 'ga' ni bde bar 'chad/ ched 'ga' ni bdag yod par 'chad/ ched 'ga' ni bdag med par 'chad/ ched 'ga' ni yongs su dag pa yod par 'chad/ ched 'ga' ni yongs su dag pa med par 'chad/ ched 'ga' ni yod par 'chad/ ched 'ga' ni med par 'chad de/ de dag kyang

  77. 39b

    bden pa ma yin pas sgyu ma zhes bya'o/ / ji ltar sa bon gyi rgyu las 'bras bu 'thob pa ltar/ dge sbyong go'u ta ma yang de dang 'dra ste/ lha mdzes las btsas so// ma nyid kyang sgyu ma yin na bu yang/ de ltar ga la mi 'gyur/ dge sbyong go'u ta ma ni yang dag par shes pa dang mthong ba med do// bram ze rnams lo du mar dka' ba spyod cing tshul khrims bsrungs kyang yang dag pa'i shes pa dang mthong ba med na/ go'u ta ma ni na gzhon la bslab pa'i yun thung ste dka' ba yang ma spyad na/ de la ci'i phyir yang dag pa shes pa dang mthong ba dag yod par 'gyur/ gal te lo bdun gyi bar du dka' ba spyod kyang mthong ba mang po med na/ lo drug kyang ma tshang ba lta ci smos mi blun po shes pa med pa ni des bshad pa la yid ches so// ji ltar sgyu ma mkhan chen pos mi glen pa bslu ba bzhin du/ dge sbyong go'u ta ma yang de dang 'dra'o/ / rigs kyi bu de ltar ston pa drug po de dag grong 'dir sems can rnams la ngan par lta ba rab tu bskyed do// rigs kyi bu ngas de lta bu dag gzigs nas rab tu thugs brtse bas/ phyogs bcu'i byang chub sems dpa' sems dpa' chen po rnams bsdus te/ tshal 'dir dpag tshad bzhi bcur gang bar byas nas/ deng 'dir seng ge'i sgra chen po sgrogs so// rigs kyi bu gnas stong par mang du bshad kyang seng ge'i sgras bsgrags pa zhes mi bya ste/ mkhas pa shes rab can gyi 'khor mang po'i nang du bsgrags pa ni seng ge'i sgra chen po'i sgrogs pa zhes bya'o// de la seng ge'i sgra sgrog

  78. 40a

    pa ni chos thams cad mi rtag pa/ sdug bsngal ba/ bdag med pa/ yongs su ma dag pa zhes mi 'chad de/ de bzhin gshegs pa rtag pa/ bde ba/ bdag dang yongs su dag pa 'ba' zhig 'chad do/ / de nas ston pa drug gis yang 'di skad du go'u ta ma bdag yod na bdag cag la yang bdag yod de/ de bzhin gshegs pa bdag ces bya ba de ni mthong ba de la bdag ces bya'o/ / ko'u ta ma dper na gang gis mthong nas rdzas mthong ba bzhin du bdag kyang de dang 'dra ste/ mthong ba ni mig lta bu'o// mthong ba ni bdag lta bu'o zhes smras pa dang / bcom ldan 'das kyis/ ston pa drug la bka' stsal pa/ gang mthong ba de la bdag ces bya ba ni don de lta ma yin no// de ci'i phyir zhe na/ khyod kyis dper bshad pa las mthongs kyis mthong bar 'gyur zhes bya ba de mi zhig mthongs gcig na lta ba na/ dbang po drug car spyod par 'gyur ro// gal te nges par bdag yod la mig gis rkyen gyis mthong ba zhig yin na/ ci ste mthongs dang 'dra bar dbang po gcig las yul drug car rtogs par ma gyur/ gal te dbang po gcig gis yul drug thos shing mthong bar mi nus pas na bdag med par mngon te/ mthongs kyi dper ni lo brgya'i bar du bltas nas mthong ba ni tha mi dad do// bal te mig gis dbang po yang de stan rgas te dbang po nyams par gyur kyang tha mi dad pa'i rigs so// mig dang mthongs tha mi dad pa'i phyir/ nang dang phyi rol mthong ngo // mig gi dbang po gal te ldan nang dang

  79. 40b

    phyi rol dus gcig cig car mthong ba'i rigs so/ / gal te mi mthong na bdag yod ces byar rung ngam/ ston pa drug gis smras pa/ go'u ta ma gal te bdag med na sus mthong bar 'gyur/ bcom ldan 'das kyis bka' stsal pa/ gzugs dang / snang ba dang / sems dang / mig la sogs pa bzhi mthong ba la mthong ba zhes bya ste/ de la yang dag par na mthong ba dang len pa med do// sems can phyin ci log pas mthong ba dang len pa zhes smras te/ don de lta bas na sems can thams cad ni phyin ci log tu mthong ngo // sangs rgyas dang byang chub sems dpa' rnams ni yang dag par gzigs so// ston pa drug gal te gzugs la bdag ces smras na de'ang de lta ma yin no// de ci'i phyir zhe na/ gzugs ni yang dag par na bdag ma yin no// gal te gzugs bdag yin na byang gzugs mi sdug pa med pa'i rigs na/ ci ste rigs bzhi khyad par du gyur te/ bram ze'i rigs gcig tu ma gyur te/ ci'i phyir gzhan dbang zhing dbang med la dbang po nyams shing ma tshang bar gyur/ ci ste lha'i lus mi len cing sems can dmyal ba dang / byol song dang / yi dgas la sogs pa'i lus rnam pa sna tshogs len/ de ltar yid bzhin du mi 'gyur ba las bltas nas gdon mi za bar bdag med par rig go// de ltar bdag med pa'i phyir mi rtag pa zhes bya'o// mi rtag pa'i phyir sdug bsngal ba'o// sdug bsngal ba'i phyir stong pa'o// stong pa'i phyir phyin ci log go// phyin ci log gi phyir sems can 'khor

  80. 41a

    bar rab tu 'khor te/ tshor ba dang / 'du shes dang / 'du byed dang / rnam par shes pa yang de dang 'dra'o// ston pa drug sangs rgyas bcom ldan 'das ni gzugs kyis 'ching ba yongs su bcad pa nas/ rnam par shes pa'i 'ching ba'i bar du yos su bcad pas/ de'i phyir brtag pa dang / bde ba dang / bdag dang / yongs su dag pa zhes bya'o// gzhan yang gzugs ni rten cing 'brel pa ste/ gang rten cing 'brel pa ni bdag med pa zhes bya'o// gang bdag med pa ni stong pa sdug bsngal ba zhes bya ste/ de bzhin gshegs pa'i sku ni rten cing 'brel te byung ba ma yin/ rten cing 'brel te byung ba ma yin pas bdag yod pa zhes bya'o// gang bdag yod pa ni rtag pa/ bde ba/ bdag dang / yongs su dag pa zhes bya'o// ston pa drug gis yang gsol pa/ go'u ta ma gzugs bdag ma yin pa nas/ rnam par shes pa'i bar du yang ma yin te/ bdag ces bya ba ni kun tu khyab pas nam mkha' stong pa dang mtshungs so// bcom ldan 'das kyis bka' stsal pa/ gal te kun tu khyab par yod pa zhig yin na/ bdag sngun ma mthong ngo zhes bya ba'i mi rigs so// gal te sngun ma mthong na mthong ba de sngar ni med la phyis ni yod par mngon no/ / gal te sngar med la phyis yod na de ni mi rtag pa zhes bya'o// gal te mi rtag na ci'i phyir kun tu khyab pa zhes bya/ ci ste kun tu khyab na lam chud lnga kun tu lus tshang bar yod pa'i

  81. 41b

    rigs so/ / gal te de ltar lus yod na so so nas rnam par smin pa'i rigs so// gal te rnam par smin pa so sor myong na ci'i phyir lha dang mir 'gyur ro zhes smra/ khyod kyi kun tu khyab bo zhes bya ba de gcig gam mang ba yin/ bdag de gal te gcig na pa dang / bu dang / gnyen dang / dgra zhes bya ba'i ming med do// bdag de gal te mang ba zhig yin na sems can thams cad kyi dbang po lnga kun mnyam la/ las dang 'bras bu yang mnyam pa'i rigs so// gal te de lta bu yin na ci ste dbang po tshang ba dang / ma tshang ba dang / dge ba'i las dang / mi dge ba'i las dang / gti mug dang shes rab can khyad par du bshad/ ston pa drug gis gsol pa/ go'u ta ma sems can gyi bdag ni mtha' dang mu med pa'i chos dang chos ma yin pa ni phyogs cha yod do// sems can chos spyod pa ni lus bzang po thob la/ chos ma yin pa spyod pa ni lus ngan pa thob ste/ don de lta bas na sems can gyi las kyi 'bras bu khyad par med pa yin no// bcom ldan 'das kyis ston pa drug la bka' stsal pa/ chos dang chos ma yin pa gal te de lta na bdag de kun tu khyab pa ma yin no/ / bdag de gal te khyab pa zhig na kun tu phyin pa'i rigs so// de ltar kun tu phyin na dge ba spyod pa'i mi yang sdig pa yod la/ sdig pa byed pa'i mi yang dge ba yod pa'i rigs so/ / gal te de lha ma yin na ci ste kun tu khyab pa yin zhe na/ ston pa drug gis gsol pa/ go'u ta ma dper na khang pa gcig gi nang nam mar brgya stong btsugs

  82. 42a

    kyangs so nas snang te/ gcig gis gcig la thogs pa med pa sbyar/ sems can gyi bdag kyang de dang 'adz+ra ste/ dge ba spyong pa dang sdig pa byed pa dag gcig dang gcig mi 'dres so/ / bcom ldan 'das kyis bka' stsal pa/ khyed kyis ji ltar bdag ni ma mar dang 'dra'o zhes bya ba don de lta ma yin no// de ci'i phyir zhe nA/ me mar gyi snang ba ni rkyen las byung yin te/ me mar skyes nas yang snang ba yang skye'o// sems can gyi bdag ni de lta ma yin no// snang ba ni ma mar las byung ste/ gnas tha dad do// sems can gyi bdag ni lus byung ba yis gnas tha dad pa ma yin no/ / me mar gyi snang ba ni mun pa dang lhan cig gnas so// de ci'i phyir zhe na/ ji ltar mun khang gi nang du me mar gcig btsugs na gsal bar mi 'gyur te/ me mar mang du btsugs na gsal bar 'gyur ro/ / gal te me mar snga mas mun pa bsal na/ me mar phyi ma mi dgos pa'i rigs so// ci ste me mar phyis dgos na snang ba snga ma de mun pa dang lhan cig gnas par mngon no/ / ston pa drug gis gsol pa/ go'u ta ma gal te bdag med na sus dge ba dang mi dge ba byed par 'gyur/ bcom ldan 'das kyis bka' stsal pa/ gal te bdag ces bya ba des byed na/ rtag pa zhes bya bar rung ngam/ de ste rtag pa yin na ci d+ha res 'ga' ni dge ba byed la/ res 'ga' ni mi dge ba byed/ gal te dge ba dang mi dge babyed pa 'dus yod na/ tsi

  83. 42b

    bdag ni mthar yas shes smra/ gal te bdag gis byed pa zhig yin na ci'i phyir mi dge ba'i chos spyod/ de ltar bdag de byed pa yin/ shes pa yin na ci'i phyir sems can la the tshom skye bar 'gyur/ de lta bas na mu stegs can gyi chos la ni nges par bdag med do// gang bdag ces bya ba ni de bzhin gshegs pa yin no// de ci'i phyir zhe na/ sku mtha' yas pa/ the tshom gyi dra ba med pa mi byed mi len pa'i phyir rtag pa zhes bya/ mi skye mi 'gog pa'i phyir bde ba zhes bya'o// nyon mongs pa'i dri ma med pa'i phyir yongs su dag pa zhes bya/ mtshan nyid bcu med pa'i phyir stong pa zhes bya ste/ de bas na de bzhin gshegs pa ni rtag pa dang / bde ba dang / bdag dang / yongs su dag pa/ stong pa mtshan ma med pa'o// mu stegs can gyis gsol pa/ gal te de bzhin gshegs pa rtag pa dang / bde ba dang / bdag dang / yongs su dag pa dang / mtshan ma med pa'i phyir stong na lta/ go'u ta mas gsungs pa'i chos kyang stong pa ma yin par rig ste/ de bas na bdag cag gis spyi bos blangs te gzungs su gzung ngo zhes gsol nas/ de'i tshe mu stegs can tshad med pa rnams sangs rgyas kyi bstan pa la dad pa'i sems kyis rab tu byung ngo // rigs kyi bu de'i rgyu de'i rkyen gyis ngas sA la'i shing drung 'dir seng ge'i sgra chen po bsgrags so// seng ge'i sgra bsgrags pa de nyid mya ngan las 'das pa zhes bya'o// rigs kyi bu shar phyogs kyi sba la'i

  84. 43a

    shing zung gcig ni mi rtag pa bcom nas rtag pa thob par byed pa nas/ byang phyogs kyi bar gyi shing zung gcig ni yongs su ma dag pa bcom nas yongs su dag pa thob par byed do// rigs kyi bu 'di na gnas pa'i sems can dag sA la'i shing phyir sA la'i tshal bsrungs te/ phyi rol gyi mi rnams yal ga dang lo ma sogs pa gcig cing gcod du mi ster ba ltar/ nga yang de dang 'dra ste/ chos rnam pa bzhi'i phyir nga'i nye gnas rnams sangs rgyas kyi chos ba srung du gtsug go/ bzhi gang zhe na/ rtag pa dang / bde ba dang / bdag dang / yongs su dag pa'o// shing zung bzhi po 'di ni rgyal po bzhis bsrung ba yin te/ rgyal po bzhis nga'i chos bsrung zhing 'dzin par bya ba'i phyir/ nga 'dir yongs su mya ngan las 'da' 'o// rigs kyi bu sA la'i shing gi me tog dang 'bras bu rtag tu rgyas te/ rtag tu sems can tshad med pa snyed la phan par byed do// nga yang de dang 'dra bar nyan thos dang rang sangs rgyas la phan pa mdzad do// de la me tog ni bdag gi dpe'o// 'bras bu ni bde ba'i dpe ste/ don de lta bas na nga sA la'i shing bar 'dir yongs su zhi ba'i ting nge 'dzin du bzhugs so// yongs su zhi ba'i ting nge 'dzin ces bya ba ni mya ngan las 'das pa chen po'o/ / seng ge'i sgras gsol pa/ bcom ldan 'das bcom ldan 'das kyis ci'i rmad du dpyid zla 'bring po la mya ngan las 'das rigs kyi bu dpyid zla 'bring po ni dpyid ces

  85. 43b

    byA/ dpyid kyi thab la dngos po thams cad skye zhing rno ba thams cad rtsa pa bcug / me thog dang 'bras na yongs su rgyastsa la/ chu bo thams cad thug cing byol song thams cad nus rgya / de'i tshe na sems can dag cag pa'i 'du shes mang du skye ste/ sems can gyi rtag pa'i sems gzhig pa'i phyir chos thams cad mi rtag par bstan te/ de bzhin gshegs pa 'ba' zhig ni rtag mi 'gyur ba/ gnas par bstan to// rigs kyi bu dus drug gi nang na dgun stod ni thams cad bskams te kun mi dga' 'o// dbyar ni sdum pas kun dga' zhing chags te/ sems can gyi 'jig rten gyi bde ba gzhig pa'i phyir rtag pa dang / bde ba dang / bdag dang / yongs su dag pa bshad do// de bzhin gshegs pa yang de dang 'dra ste/ 'jig rten gyi bdag dang 'jig rten gyi dag pa gzhig pa'i phyir de bzhin gshegs pa'i yang dag pa'i bdag dang / yongs su dag pa bshad do// de la dpyid zla 'bring po zhes bya ba ni de bzhin gshegs pa'i chos kyi sku rnam gnyis kyi dpe'o/ / dgun mi dga' ba zhes bya ba ni mkhas pa shes rab can dag de bzhin gshegs pa mi rtag cing mya ngan las 'da' bar mi dga' ba'i dpe'o// dbyar dga' ba zhes bya ba ni mkhas pa shes rab can gyis de bzhin gshegs pa rtag pa/ bde ba/ bdag dang / yongs su dag pa la mos pa'i dpe'o// rmo ba zhes bya ba ni sems can thams cad chos thos nas dga' bar

  86. 44a

    gyur te/ bla na med pa yang dag par rdzogs pa'i byang chub tu sems kyi dge ba'i rtsa ba rnams bsrungs pa'i dpe'o// chu bo zhes bya ba ni phyogs bcu nas byang chub sems dpa' chen/ po rnams nga'i spyan sngar lpags pa nas/ mya ngan las 'das pa chen po'i mdo sde 'di 'dri zhing 'dzin pa'i dpe'o// byol song thams cad nu ma rgyas zhes bya ba ni nga'i nye gnas dge ba'i rtsa ba rnams bskyed pa'i dpe'o/ / me tog ni byang chub kyi yan lag gi dpe'o// 'bras bu ni gzhi'i dpe ste/ don de lta bas na nga dpyid zla 'bring po la yongs su mya ngan las 'da' 'o// seng ge'i sgras gsol pa de bzhin gshegs pa thog ma bltams pa nas/ rab tu byung ba dang / mngon par byang chub pa dang / chos kyi 'khor lo bskor ba'i bar du kun kyang tshes brgyad dang sbyor na/ ci'i slad du mya ngan las 'das pa 'ba' zhig tshes bco lnga dang sbyar/ bcom ldan 'das kyis bka' stsal pa/ legs so legs so// rigs kyi bu ji ltar tshes bco lnga la zla ba bskyed dbri med pa ltar/ sangs rgyal bcom ldan 'das kyang de dang 'dra ste/ yongs su mya ngan las 'das pa la skyed zi med do// de lta bas na tshes bco lnga la yongs su mya ngan las 'da' 'o// rigs kyi bu tshes bco lnga'i nub mo zlab rgyas pa na dngos po rnam pa bcu gcig gi don du 'gyur ro/ / bcu gcig po gang zhe na/ mun pa gsal ba yin/ sems can dag lam dang lam yin par mthong bar byed pa yin/ sems

  87. 44b

    can dag lasam log pa dang lam ma log pa mthong bar byed pa yin/ tsha ba'i gdung ba bsil zhing bsil ba'i bde bathob par byed pa yin/ zin bu me khyer gying rgyal gyi sems bcom pa yin rkun shod thams cad kyi 'du shes kyi sems zhi bar byed pa yin/ sems can dag gcan gzan khro bos 'jigs pa'i sems bsal ba yin/ me tog ut+pa la'i kha byed pa yin/ pad+ma'i kha 'drub pa yin/ 'gron po dag lam du 'jug pa'i sems skye bar byed pa yin/ sems can rnams 'dod pa lnga la longs spyod cing bde ba mang po la reg pa yin/ rigs kyi bu de bzhin gshegs ba'i zla ba nya ba yang de dang 'dra ste/ ma rig pa'i mun pa chen po bcom pa dang / yang dag pa'i lam dang / log pa'i lam ston pa dang / 'khor ba'i las ston pa dang / nyam nga ba mthong ba dang / mya ngan 'das pa'i lam bde ba byed cing ston pa dang / 'dod chags dang / me sdang dang / gti mug gis gadrungs pa spong ba dang / mu stegs can gyim rig pa gzhom pa dang / kun nus nyon mongs pa'i rgan po gcom pa dang / 'jigs pa lus pa sgribs pa'i sems bsal ba dang / sems can gyi dge ba'i rtsa ba bskyed pa'i sems 'byed pa dang / sems kyi 'dod lnga'i mams 'bebs pa dang / sems can rnams mya ngan las 'das pa chen po la 'jug par bskul pa dang / sems can rnams rnam par grol bar spyod pa mos par byed pa ste/ don rje ma/

  88. 45a

    bas na tshes bco lnga la yongs su mya ngan las 'das te/ yang dag par na mya ngan las ma 'das so// nga'i nye gnas thun po dag gis de bzhin gshegs pa yongs su mya ngan las 'das so snyam sems te/ dper na bud med gcig pu mang du yod pa las/ ma re bu dang bral te gzhan du song ba las ma log pa'i bar du bu rnams so so nas nga'i ma shi zin no zhes zer te ma ni yang dag par na ma shi'o/ / byang chub sems dpa' seng ge'i sgras gsol pa/ bcom ldan 'das dge slong ji lta bu dag gis sA la'i shing 'di brgyan par 'gyur/ rigs kyi bu gal te dge slong gang mdo sde bcu gnyis gzungs su 'dzin cing klog gam/ 'don tam/ yi ge'i 'bru bcos sam/ don zab mo rtogs par 'gyur te/ gzhan la ston pa la thog mar yang dge bar du yang dge/ tha mar yang dge zhing / sems can tshad med pa snyed la phan 'dogs pa'i phyir tshangs pa'i spyad pa ston pa'i dge slong de lta bu ni sA la'i shing rab tu brgyan par 'gyur ro/ / byang chub sems dpa' seng ge'i sgras gsol pa/ bcom ldan 'das ji ltar bdag gis bcom ldan 'das kyis gsungs pa'i don 'tshal ba ltar na/ dge slong dga' bo ni de kho na lags so/ / de ci'i slad du zhe na/ dge slong dga' bo ni mdo sde sde bcu gnyis gzungs su 'dzin cing 'don to// klog go// gzhan la yang tshig dam pa dang / don dam pa 'byed cing

  89. 45b

    ston to/ / ji ltar snod gcig nas gcig tu chu thugs pa ltar/ dge slong dga' bo yang de dang 'dra ste/ sangs rgyas las ji ltar thos pa ltar gzhan la yang ston to// rigs kyi bu gas te dge slong gang lha'i mig rnam par dag pa thob pas/ phyogs bcu'i stong gsum gyi stong chen po'i 'jig rten gyi khams kun lag mthil du a 'bra'i 'bras bu bzhag pa ltar mthong ba'i dge slong de lta bu yang sA la'i shing rab tu brgyan par 'gyur ro/ / seng ge'i sgras gsol pa/ bcom ldan 'das gal te de ltar na dge slong ma 'gags pa de kho na lags so// de ci'i slad du zhe na/ ma 'gags pa'i lha'i mig gis stong gsum gyi stong chen po'i 'jig rten gyi khams na lnga phung bar ma'i bar du ci mchis par thams cad thogs pa ma mchis par gsal bar mthong ngo / / rigs kyi bu gal te dge slong gang 'dod pa nyung zhing chog shes la bde ba la mos shing brtson 'grus rab tu rtsom ste/ dran pa dang / ting nge 'dzin dang / shes rab sgom pa de lta bu'i dge slong yang sA la'i shing rab tu brgyan par 'gyur ro/ / seng ge'i sgras gsol pa/ bcom ldan 'das gal te de ltar na dge slong 'od srungs nyid de kho na lags so// de ci'i slad du zhe na/ dge slong 'od srungs ni 'dod pa nyung ba dang chog shes pa la sogs pa'i chos shin tu bsgom mo/ / rigs kyi bu gal te dge slong gang sems can la phan pa'i don du rnyed pa dang grags pa'i phyir ma yin par/ rtsod pa med pa'i ting rje

  90. 46a

    'dzin dang / 'phags pa'i spyod pa dang / stong pa'i spyad pa spyod pa de lta bu'i dge slong yang sA la'i shing rab tu brgyan par 'gyur ro// seng ge'i sgras gsol pa bcom ldan 'das gal te de lta na dge slong rab 'byor nyid de kho na lags so/ / de ci'i rmad du zhe na/ rab 'byor ni rtsod pa med pa'i ting nge 'dzin dang / 'phags pa'i spyod pa dang / stong pa'i spyad pa spyod pa'o/ / rigs kyi bu gal te dge slong gang rdzu 'phrul sgom zhing yud tsam thang cig gis rdzu 'phrul dang / cho 'phrul dang / cho 'phrul rnam pa sna tshogs ston te/ sems gcig dang ting nge 'dzin gcig las chu dang me'i 'bras bu rnam pa gnyis ston pa'i dge slong de lta bu ni sA la'i shing rab tu brgyan par 'gyur ro/ / seng ge'i sgras gsol pa/ bcom ldan 'das gal te de lta na dge slong mo'u 'gal nyid de kho na lags so/ / de ci'i slad du zhe na/ mo'u 'gal ni rdzu 'phrul dang cho 'phrul tshad med pa snyed ston pa la mkhas so// rigs kyi bu dge slong gang che ba'i shes rab dang / rno ba'i shes rab dang / myur ba'i shes rab dang / rnam par grol ba'i shes rab dang / shin tu zab pa'i shes rab dang / rgya che ba'i shes rab dang / mtha' yas pa'i shes rab dang / phan pa med pa'i shes rab dang / yang dag pa'i shes rab skom zhing shes rab kyi dbang po de lta bu dang ldan zhing dgra rang gnyen la khyad par gyi sems med cing de bzhin gshegs pa bya ngan

  91. 46b

    las 'das te mi rtag go zhes thos na yang mya ngan med la/ rtag tu gnas shing mya ngan las mi 'da' 'o zhes thos na yang dga' ba mi skyed pa de lta bu'i dge slong ni sA la'i shing rab tu brgyan par 'gyur ro// seng ge'i sgras gsol pa/ bcom ldan 'das gal te de lta na dge slong shA ri'i bu de nyid de kho na lags so// de ci'i slad du zhe na/ shA ri'i bu ni shes rab chen po de dag dang ldan pa lags so rigs kyi bu gal te dge slong gang sems can kun la sangs rgyas kyi rang bzhin yod de/ rdo rje lta bu'i sku mtha' dang mu med pa rtag pa/ bde ba/ bdag dang / yongs su dag pa thob cing lus dang sems thogs pa med de/ dbang brgyad thob bo zhes bcad pa de lta bu'i dge slong ni sA la'i shing rab tu brgyan par 'gyur ro// seng ge'i sgras gsol pa/ bcom ldan 'das gal tede ltar na de bzhin gshegs pa 'ba' zhig ni de kho na lags so/ / de ci'i slad du zhe na/ de bzhin gshegs pa'i sku ni rdo rje lta bu mtha' yas mu med pa rtag pa/ bde ba/ bdag dang yongs su dag pa'i sku ste/ sku dang thugs thogs pa ma mchis shing dbang brgyad dang ldan pa ste/ bcom ldan 'das 'ba' zhig gis sA la'i shing brgyan par 'gyur ro// gal te mi bzhugs na mdzes par mi 'gyur gyi/ thug pa rje chen por dgongs te rab tu brgyan pa'i phyir rtag tu sA la'i tshal 'dir bzhugs par ston to// bcom ldan 'das kyis bka' stsal pa/ rigs kyi bu chos

  92. 47a

    thams cad kyi ngo bo nyid ni gnas pa'i gnas med na/ khyod ci'i phyir de bzhin gshegs pa gnas par smon ces smra/ rigs kyi bu gnas pa zhes bya ba ni gzugs kyi chos so// / rgyu las skyes pa'i phyir gnas pa zhes bya ste/ rgyu dang rkyen med pa'i ni mi gnas shes bya'o// de bzhin gshegs pa ni gzugs kyis bcings pa thams cad kyang bcad na/ ci'i phyir de bzhin gshegs pa gnas par smon ces smra/ de dang 'dra bar tshor ba dang / 'du shes pa dang / 'du byed dang / rnam par shes pa yang de bzhin du rgyas par rig par bya'o// rigs kyi bu gnas pa zhes bya ba ni nga rgyal zhes bya ste/ nga rgyal gyi phyir rnam par ma grol ba'o// rnam par ma grol ba'i phyir gnas pa zhes bya ba ni nga rgyal su la yod// gang nas 'ongs par gyur/ de lta bas na mi gnas pa'i gnas ba zhes bya ste/ de bzhin gshegs pas nga rgyal thams cad yongs su bcad na/ ci'i phyir de bzhin gshegs pa la gnas par smon ces smra/ gnas pa ni 'dus byas kyi chos te/ de bzhin gshegs pa ni 'dus byas kyi chos yongs su gcad pas mi gnas pa'o// gnas pa ni stong pa'i chos te/ de bzhin gshegs pa ni stong pa'i chos de lta bu yongs su bcad pas rtag pa dang / bde ba dang / bdag dang / yongs su dag pa thob pa yin na/ ci'i phyir de bzhin gshegs pa gnas par smon ces swa/ gnas pa ni sring pa nyi shu rtsa lnga/ de bzhin gshegs pas

  93. 47b

    srid pa nyi shu rtsa lnga yongs su bcad na/ ci'i phyir gnas shes sgra/ gnas pa ni bus pa ma rabs so so'i skye bo thams cad do// 'phags pa ni song ba yang med/ 'ongs pa med/ gnas pa/ yang med de/ de bzhin gshegs pas song ba dang / 'ongs pa dang / gnas pa'i mtshan nyid kyang yongs su bcad na/ ci'i phyir gnas shes smra/ de la mi gnas pa ni sku mtha' yas pa zhes bya ste/ de ltar sku mtha' yas pa la ci'i phyir de bzhin gshegs pa sA la'i tshal du gnas par smon to zhes smra/ gal te tshal 'dir gnas na mtha' yod pa'i skur 'gyur te/ ci ste mtha' yod na mi rtag par 'gyur ro/ / de bzhin gshegs pa ni rtag pa yin na/ ci'i phyir gnas shes smra/ de la mi gnas pa ni nam mkha' stong pa ste/ de bzhin gshegs pa'i rang bzhin ni nam mkha' stong pa dang mtshungs na/ ci'i phyir gnas shes smra/ yang mi gnas pa zhes bya ba ni rdo rje lta bu'i ting nge 'dzin ni gnas thams cad 'jig ste/ rdo rje lta bu'i ting nge 'dzin nyid de/ de bzhin gshegs pa ci'i phyir gnas shes smra/ yang mi gnas pa ni sgyu ma zhes bya ste/ de bzhin gshegs pa sgyu ma dang mtshungs na/ ci'i phyir gnas shes smra/ yang mi gnal ni thog ma dang tha ma med pa ste/ de bzhin gshegs pa'i rang bzhin yang thog ma dang tha ma med na ci'i phyir gnas shes sgra/ yang mi gnas pa'i chos kyi dbyings mtha' yas pa ste/ chos kyi dbyings mtha'

  94. 48a

    yas pa nyid de bzhin gshegs pa ni/ ci'i phyir gnas shes smra/ yang mi gnas pa zhes bya ba ni dpa' bar 'gro ba'i ting nge 'dzin te/ dpa' bar 'gro ba'i ting nge 'dzin gyis chos thams cad chags pa med pa shes so/ / chags pa med pa'i phyir dpa' bar 'gro ba'i ting nge 'dzin ces bya ste/ de bzhin gshegs pa yang dpa' bar 'gro ba'i ting nge 'dzin dang ldan na/ ci'i phyir gnas shes smra/ yang mi gnas pa ni gnas dang gnas ma ma yin pa'i stobs shes bya ste/ de bzhin gshegs pa ni gnas dang gnas ma yin pa'i stobs dang ldan na/ ci'i phyir gnas rishes smra/ yang mi gnas pa zhes bya ba ni sbyin pa'i pha rol tu phyin pa zhes bya ste/ sbyin pa'i pha rol tu phyin pa la gal te gnas yod na/ tshul khrims kyi pha rol tu phyin pa nas/ shes rab kyi pha rol tu phyin pa'i bar du phyin par mi nus te/ de lta bas na sbyin pa'i pha rol tu phyin pa ni mi gnas pa zhes bya ste/ de bzhin gshegs pa yang shes rab kyi pha rol tu phyin pa'i bar du mi gnas na/ ci ste de bzhin gshegs pas rtag tu sA la'i tshal na bzhugs par gsol zhes smra/ yang mi gnas pa ni dran pa nye bar gzhag pa bzhi bsgom pa zhes bya ste/ de bzhin gshegs pas gal te dran pa nye bar gzhag pa bzhi la gnas na/ bla na med pa yang dag par rdzogs pa'i byang chub thob par mi nus pas mi gnas pa'i mi gnas pa zhes bya'o// yang mi gnas pa

  95. 48b

    ni sems can gyi khams mtha' yas pa zhes bya ste/ de bzhin gshegs pas sems can thams cad kyi khams mtha' yas par phyin kyang mi gnas so// yang mi gnas pa zhes bya ba ni rten dang gnas med pa zhes bya ste/ rten dang gnas med pa ni ci yang med pa zhes bya/ ci yang med pa ni mi skye ba zhes bya// mi skye ba ni 'chi ba med pa zhes bya/ 'chi ba med pa ni mtshan ma med pa zhes byamatshan ma med pa ni bcings pa med pa zhes bya/ bcings pa med pa ni chags pa med pa zhes bya/ chags pa med pa ni zag pa med pa zhes bya/ zag pa med pa ni dge ba'o// dge ba ni 'dus ma byas so/ / 'dus ma byas pa ni mya ngan las 'das pa chen po rtag pa mya ngan las 'das pa'o// rtag pa ni bdag go// bdag ni yongs su dag pa'o// yongs su dag pa ni bde ba'o// zhes bya ste/ rtag pa dang / bde ba dang / bdag dang / yongs su dag pa ni de bzhin gshegs pa'o// rigs kyi bu dper na nam mkha' ni shar dang / lho dang / nub dang byang dang / phyogs mtshams bzhi dang / steng dang / 'og na mi gnas te/ de bzhin gshegs pa yang de dang 'dra ste/ shar dang / lho dang / nub dang / byang dang phyogs mtshams bzhi dang / steng dang / 'og na mi gnas so// rigs kyi bu gal te gang lus dang / ngag dang / yid kyi mi dge bas dge ba'i 'bras bu thob ces bya ba'i gnas med do//

  96. 49a

    log sred can dang / mtshams med pa lnga byas pa dang / shin du rgyas pa'i mdo la skur pa dang / rtsa ba bzhi pa shig pa bdag gis bla na med pa yang dag par rdzogs pa'i byang chub thob ces bya ba'i gnas med do/ / byang chub sems dpa' sa drug pa'i nyon mongs pa'i rgyu rkyen gyis ngan song gsum du lhung zhes bya ba'i gnas med do// byang chub sems dpa' sems dpa'/ chen po yang dag par bud med kyi lus kyis bla na med pa yang dag par rdzogs pa'i byang chub thob ces bya ba'i gnas med do// log sred can ni rtag la/ dkon mchog gsum mi rtag go zhes bya ba'i gnas med de/ de bzhin gshegs pa grong khyer rtswa mchog na gnas shes bya ba'i gnas kyang med do// rigs kyi bu de bzhin gshegs pas deng grong khyer rtsa mchog 'dir ting nge 'dzin chen po'i phug zab mor zhugs te/ sems can dag gis mi mthong ba'i phyir yongs su mya ngan las 'das so zhes zer ro// seng ge'i sgras gsol pa/ de bzhin gshegs pa ci'i slad du ting nge 'dzin gyi phug zab mor bzhugs/ bka' stsal pa/ rigs kyi bu sems can thams cad sgrol ba'i phyir/ dge ba'i rtsa ba ma bskyed pa skyed pa'i phyir/ dge ba'i rtsa ba skyed pa 'phel ming 'bogs par bya ba'i phyir/ 'azas bu dge ba ma smin pa smin par bya ba'i phyir/ smin pa bla na med pa yang dag par rdzogs pa'i byang chub la 'jug par bya ba'i phyir/ dge ba'i chos

  97. 49b

    sman pa la bkur sti skye bar bya ba'i phyir/ bag med pa rnams bag med pa dang bral ba'i phyir/ 'jam dpal gzhon nu la sogs pa spos kyi baglang chen po lta bu dang chos kyi ga'am sba ba'i phyir de klog pa dang 'don pa la dga' ba dag ting nge 'dzin la rab tu mos par bya ba'i phyir/ 'phags pa'i spyod pa dang / tshangs pa'i spyod pa dang / lha'i spyod pas sems car gdul ba'i phyir ma 'dres pa'i chos kyi snying po zab mo la brtag pa'i phyir/ nye gnas bag med pa rnams spro ba'i phyir/ de bzhin gshegs pa yang rtag tu zhi zhing ting nge 'dzin la dga' na/ khyod nyon mongs pa ma zad par bag med pa skyong dam/ dge slong ma rungs pa rnams ma brtags pa'i rdzas rnam pa brgyad 'chang ba dang / 'dod pa mang ba dang / chog mi shes pa spyod pa'i phyir/ sems can dag ting nge 'dzin la sogs pa'i chos thos pa rnams la bkur sti bskyed par bya ba'i phyir/ de lta bu'i rgyu rkyen gyis ting nge 'dzin gyi phug zab mor bzhugs so// seng ge'i sgras gsol pa/ bcom ldan 'das mtshan nyid med pa'i ting nge 'dzin ni mya ngan las 'das pa chen po zhes bgyi ste/ de'i slad du mya ngan las 'dra ba mtshan nyid med pa zhes bgyi 'am ci na mtshan nyid med pa zhes gdags/ bcom ldan 'das kyis bka' stsal pa/ rigs kyi bu mtshan nyid rnam pa bcu med pa'i phyir/ bcu gang zhe na/ 'di lta ste/

  98. 50a

    gzugs kyi mtshan nyid dang / sgra'i mtshan nyid dang / ro'i mtshan nyid dang / dri'i mtshan nyid dang / reg bya'i mtshan nyid dang / skyes pa dang / kAn pa dang / 'jig pa'i mtshan nyid dang / skyes pa'i mtshan nyid dang / bud med kyi mtshan nyid dang bcu ste/ de lta bu'i mtshan nyid med pa ni mtshan nyid med pa zhes bya'o// rigs kyi bu gang mtshan nyid la chags pa ni gti mug skye bar 'gyur te/ gti mug pa'i phyir sred pa skye'o// sred pa'i phyir 'ching ba skye'o// 'ching ba'i phyir skye ba len to// skye ba'i phyir 'chi bar 'gyur ro/ / 'chi ba'i phyir mi rtag pa'o// mtshan nyid la mi chags pa ni gti mug mi skye/ gti mug mi skye ba'i phyir sred pa med/ sred pa med pa'i phyir bcings pa med bcings pa med pa'i phyir skye ba mi len/ skye ba mi len pa'i phyir 'chi ba med/ 'chi ba med pa'i phyir rtag pa zhes bya'o// don de lta bas na mya ngan las 'das pa ni rtag pa'o// seng ge'i sbas gsol pa/ bcom ldan 'das dge slong ji lta bu dag mtshan nyid rnam pa bcu po de dag gcod par 'gyur/ bcom ldan 'das kyis bka' stsal pa/ rigs kyi bu gal te dge slong gang yang dang yang mtshan nyid rnam pa gsum sgom pa ni/ mtshan nyid rnam pa bcu gcod par 'gyur ro// 'di lta ste/ yang dang yang ting nge 'dzin gyis mtshan nyid sgom pa dang / yang

  99. 50b

    dang yang shes rab kyi mtshan nyid sgom pa dang / skabs skabs su yang dang yang btang snyoms kyi mtshan nyid sgom pa ste/ mtshan nyid gsum zhes bya'o// seng ge'i sbas gsol pa bcom ldan 'das ting nge 'dzin dang / shes rab dang / btang snyoms kyi mtshan nyid ji lta bu lags/ gal te ting nge 'dzin gyi mtshan nyid la ting nge 'dzin ces bgyi na lta/ sems can thams cad la yang ting nge 'dzin mchis na/ ting nge 'dzin bsgom par bya'o zhes gsungs pa yang ci 'tshal/ gal te sems yul gcig la dmigs pa nyid ting nge 'dzin ces bgyi ste/ gal te gzhan la dmigs pa la ting nge 'dzin ces mi bgyi na lta/ ting nge 'dzin du ma zhugs pa thams cad mkhyen pa ma lags sam/ thams cad mkhyen pa ma lags na/ ci'i slad du ting nge 'dzin ces bgyi/ gal te spyod pa gcig gis ting nge 'dzin thob na/ spyod pa gzhan ting nge 'dzin ma lags so// gal te ting nge 'dzin ma lags na/ thams cad mkhyen pa ma lags te/ gal te thams cad mkhyen pa ma lags na/ ci'i slad du ting nge 'dzin ces pogyi/ de bzhin du shes rab dang btang snyoms kyi mtshan nyid gnyis kyang de dang mtshungs so// / 'phags pa yongs su mya ngan las 'das pa chen po'i mdo bam po sum cu gcig pa// bcom ldan 'das kyis bka' stsal pa/ rigs kyi bu khyod smra bsngar/

  100. 51a

    sa gas pa la byu 'a nga thun nga 'dzin ts+tsha / pa zhan dang yul gcig ces / 'du byed kya de dang 'dra'o// pang 'di ga du sems cad dgal tho sa nas cing nge 'dzin yo do// ma mings sa po 'is bya das de yin no/ / de ci'i phyir zhe na/ ting nge 'dzin ces bya ba ni dge ba'i ting nge 'dzin la bya ste/ sems can thams cad la yang dag par med na/ ci'i phyir bsgom mi dgos par 'gyur ro zhes su da ltar dge ba'i ting nge 'dzin la gnas te/ chos thams cad la rtog pa ni dge ba'i shes rab kyi mtshan nyid ces bya/ ting nge 'dzin dang shes rab kyi mtshan nyid tha dad par mi mthong ba ni btang snyoms kyi mtshad nyid ces bya'o/ / gzhan yang rigs kyi bu gal te gzugs kyi mtshan nyid du 'dzin te/ gzugs rtag pa dang mi rtag pa'i mtshan nyid du mi rtog pa ni ting nge 'dzin ces bya'o// gzugs la rtag pa dang mi rtag pa'i mtshan nyid du rtog pa ni shes rab kyi mtshan nyid ces bya'o/ / ting nge 'dzin dang shes rab mnyam par chos thams cad la rtog pa ni btang snyoms kyi mtshan nyid ces bya'o// rigs kyi bu dper na shing rta bkri legs pa ni mgyogs bul ran par 'gro'o// mgyogs bul ran pa ni btang stoms kyi mtshan nyid ces bya ste/ byang chub sems dpa' yang de dang 'dra bar/

  101. 51b

    gal te ting nge 'dzin gyi shas chen shes rab bsgom mo// gal te shes rab kyi shas chen ting nge 'dzin bsgom par bya'o// ting nge 'dzin dang shes rab kyi shas mnyam pa ni btang snyoms shes bya'o/ / rigs kyi bu byang chub sems dpa' sa bcu pa ni shes rab kyi mthu'i shas che la/ ting nge 'dzin gyi mthu'i shas chung bas sangs rgyas kyi rang bzhin gsal bar mi mthong ngongo/ nga nyan thos dang rang sangs rgyas ni ting nge 'dzin gyi mthu'i shas che/ shes rab kyi shas chung bas sangs rgyas kyi rang bzhin mi mthong ngo // sangs rgyas bcom ldan 'das rnams ni ting nge 'dzin dang shes rab kyi shas mnyam pas sangs rgyas kyi rang bzhin gsal bar gzigs te/ ji ltar lag mthil du a 'bra'i 'bras bu bzhag pa bzhin no// sangs rgyas kyi rang bzhin mthong ba ni btang snyoms kyi mtshan nyid ces bya'o/ / zhi gnas zhes bya ba ni bkag pa ste/ kun nas nyon mongs pa thams cad 'gags pa'i phyir/ yang zhi gnas ni 'dul ba zhes bya ste/ dbang po mi dge ba 'dul ba'i phyir ro// yang zhi gnas ni zhi ba zhes bya ste/ sgo gsum zhi bar byed pa'i phyir ro// yang zhi gnas ni rab tu spong ba zhes bya ste/ sems can dag 'dod pa lnga rab tu spong ba'i phyir ro/ / yang zhi gnas ni skyong ba zhes bya ste/ 'dod chags dang / zhe sdang dang / gti mug sbyong ba'i phyir ro// don de lta bas na ting nge 'dzin gyi mtshan nyid

  102. 52a

    / / sa m ag pa / mi myo pa zhes ni nga sa // rigs kyi thas gsas rnam pa 'jigarten gyi dang / 'ji 'das pa'o/ / yang rnam pa gnyis te/ zab pa dang / mgrub pa'o// de la thub pa ni sangs rgyas dang byang chub sems dpa' 'o// mthub pa ni nyan thos dang rang sangs sogs pa'o/ / yang rnam pa gsum ste/ za ma dang / 'bring dang / rab bo// de lam ma ni bus pa ma rabs so// 'bring ni nyan thos dang rang sangs rgyas rnams so// rab ni sangs rgyas dang byang chub sems dpa' rnams so/ / yang rnam pa bzhi ste/ ldog pa dang / klanas pa dang / gong nas gong du 'bar ba dang / phan pa'i don byed nus pa'o// yang rnam pa lnga ste/ 'di ltar ye shes lnga'i ting nge 'dzin to// lnga gang zhe na/ zad pa med pa'i ting nge 'dzin dang / skyon med pa'i ting nge 'dzin dang / lus dang yid rnam par dag pa'i

  103. 52b

    sa pa k+Shas pa'i tshong de rlu na sa / na pa dun / kun dun byu ting dzin// d+hA / sa smra ti ng nge badzin dang / nubs pa'i ting nge 'dzin dang / rten cing 'arje byung ba 'argya nyis martog par ting nge 'dzin dang / dbugs pablang ba'i ting nge 'dzinan rnam rjes su can pa'i ting nge 'dzin dang / skye ba dang 'gog pa la chog pa'i ting nge 'dzin to// sang rnas pa bdun pa/ 'di kar brang rlung kyi yan lag bdun to// dran pa cung chub l ag dang / chos rnam par 'byed pa byang chub kyi yan lag dang / brtson 'grus byang chub kyi yan lag dang / dga' ba byang chub kyi yan lag dang sprin tu byangs byang chub kyi lag dang / ting nge 'dzin byang chub kyi yan lag dang / btang snyoms byang chub kyi yan lag go// yang rnam pa bdun te/ rgyun du zhugs pa'i ting nge 'dzin dang / lan cig phyir 'ong ba'i ting nge 'dzin dang / phyir mi ldog pa'i ting nge 'dzin dang / dgra bcom pa'i ting nge 'dzin dang / rang sangs rgyas kyi ting nge 'dzin dang / byang chub sems dpa'i ting nge 'dzin dang / de bzhin gshegs pa'i thams cad mkhyen pa'i ting nge 'dzin to// yang rnam pa brgyad de/ 'di ltar rnam par grol ba brgyad do// 'di ltar gzugs kyis gzugs

  104. 53a

    su rtog pa ni rnam par grol ba'i ting nge 'dzin dang / nang gzugs kyi mtshan nyid med par phyi rol gyi gzugs la rtog pa'i rnam par grol ba'i ting nge 'dzin dang lus kyis chung pa'i ting nge 'dzin dang / nam mkha' mtha' yas skye mched kyi rnam par grol ba'i ting nge 'dzin dang / rnam shes mtha' yas skye mched rnam par grol ba'i ting nge 'dzin dang / cung zad med pa'i skye mched rnam par grol ba'i ting nge 'dzin dang / 'du shes med 'du shes med min rnam par grol ba'i ting nge 'dzin dang / 'gog pa zad pa'i rnam par grol ba'i ting nge 'dzin to/ / yang rnam pa dgu la/ mthar gyis 'jug pa dgu ste/ 'di ltar bsam gtan bzhi dang / stong pa bzhi dang / 'gog pa zad pa'i ting nge 'dzin to/ yang rnam pa bcu la/ 'di ltar gnas bcu ste/ thams cad sa'i ting nge 'dzin dang / thams cad chu'i ting nge 'dzin dang / thams cad me'i ting nge 'dzin dang / thams cad rlung gi ting nge 'dzin dang / thams cad sngon po'i ting nge 'dzin dang / thams cad ser po'i ting nge 'dzin dang / thams cad dmar po'i ting nge 'dzin dang / thams cad dkar po'i ting nge 'dzin dang / nam mkha' mtha' yas kyi ting nge 'dzin dang / rnam shes mtha' yas kyi ting nge 'dzin dang / cung zad med pa'i ting nge 'dzin to// gzhan yang grangs med pa la 'di

  105. 53b

    sangs rgyas dang byang chub sems dpa' rnams so/ / rigs kyi bu de dag ni ting nge 'dzin gyi mtshan nyid ces bya'o// rigs kyi bu shes rab sa rnam pa gnyis te/ 'jig rten dang 'jig rten las 'das pa'o/ / yang rnam pa gsum ste/ shes rab dang / lhag mthong dang / ye shes so// shes rab ces bya ba ni sems can thams cad do// lhag mthong zhes bya ba ni 'phags pa thams cad do/ / ye shes shes bya ba ni sangs rgyas dang byang chub sems dpa' rnams so// gzhan yang shes rab ni ma dad pa'i mtshan nyid do// lhag mthong ni spyi'i mtshan nyid do/ / ye shes ni mtshan nyid rnam par bcom pa'o// yang rnam pa bzhi ste/ 'di ltar yang dag pa'i bden pa bzhi'o// rigs kyi bu dngos po rnam pa gsum gyi phyir zhi ba nas sgom mo/ gsum gang zhe na/ bag med pa med par bya ba dang / ye shes chen pos bkod pa dang / dbang thob par bya ba'i phyir ro// gzhan yang dngos po gsum gyi phyir lhag mthong sgom ste/ gsum gang zhe na/ 'khor ba'i mi dge ba'i 'bras bu rnam par smin pa la rtog pa dang / dge ba'i rtsa ba rnams skye zhing 'phel bar bya ba dang / kun nas nyon mongs pa thams cad gzhom pa'i phyir ro/ / seng ge'i sgras gsol pa/ bcom ldan 'das ji ltar mdo las gsungs pa ltar/ lhag mthong gis nyon mongs pa choms par 'gyur na

  106. 54a

    gnas la sgom yang ci 'tshal/ bcom ldan 'das kyis bka' stsal pa/ rigs kyi bu khyod kyis lhag mthong gis nyon mongs pa choms par 'gyur ro zhes bya ba'i don de lhalta ma yin no/ / de ci'i phyir zhe na/ shes rab yod pa'i tshe ni nyon mongs pa med/ nyon mongs pa yod pa'i tshe shes rab med na/ ci'i phyir lhag mthong gis nyon mongs pa choms par 'gyur zhes smra/ rigs kyi bu dper na snang ba'i tshe ni mun pa med la/ mun pa'i tshe ni snang ba med de/ gang gis 'di skad du snang bas mun pa sel bar 'gyur ro zhes bya ba de lta bu'i gnas med do/ / rigs kyi bu shes rab ni gang yin/ nyon mongs pa ni gang yin na/ shes rab kyis nyon mongs pa sel bar 'gyur zhes m+b+ha/ de ltar med pas na gsom du yang med ro/ / rigs kyi bu shes rab kyis nyon mongs pa gzhom par 'gyur ro zhes bya ba byin nas bcom pa 'am/ ma phyin par bcom/ gal te maphyin par bcom na bus pa ma rabs so so'i skye rnams kyis kyang choms pa'i rigs so/ / gal te byin nas bcom rA ga cig sa rdzasas bcom pa'i rigs so// gal te gang cig ma thams ma chom sa ni phyims kyang mchom 'o// snga ma byin mthag choms na de nyid ma byin pa yin na/ ci'i phyir shes rab kyis gzhom par 'gyur zhes sgra/ zhal te phyin pa dang ma phyin pas bcom zhes ldan don de yang de sa

  107. 54b

    / / nan srung thug sa mngags can mongs pa ma 'a 'on te gsugs klunas / don tu s+ho gzho / kla chu g zhom nus pa zhig yin na/ byang chub sems dpas ci'i phyir 'phags pa'i lam gyi yan lag brgyad bsgom par 'gyur/ gal te rdzogs kyis gsom par gyur pa zhig yin na pus gzhom pa ma yin par rig go/ / gal te gcig pus mi nus na grogs kyis kyang mi nus par/ ji ltar long ba gcig gis gzugs mi mthong na/ long ba mang pos grogs byas kyang gzugs mi mthong ba ltar/ lhag mthong yang de dang 'dra'o// rigs kyi bu ji ltar sa'i rang bzhin sra ba dang / chu'i rang bzhin gsher ba dang / me'i rang bzhin dro ba dang / rlung gi rang bzhin g.yo ba'o/ / de ltar sa'i rang bzhin sra ba nas/ rlung gi rang bzhin g.yo ba'i bar du rgyu dang rkyen gyis bya ba ma yin te rang bzhin gyis de lta'o// de ltar chen po bzhi'i nyon mongs pa yang de dang 'dra ste/ rang bzhin gyis bcad pa'o// de ltar bcad pa yin na/ ci'i phyir shes rab kyis gcod par 'gyur ro zhes smra/ don de lta bas na lhag mthong gis nges par nyon mongs pa rnams gzhom mi nus so/ / rigs kyi bu dper na lan tshwa'i rang bzhin khabs de las tha dad pa gzhan yang kha bar byed pa dang / sbrang rtsi'i rang bzhin mngar bas de las tha dad pa

  108. 55a

    gzhan yang mngar bar byed pa dang / rba'i rang bzhin gsher bas de las tha dad pa gsher bar byed pa ltar/ shes rab kyi mtshan nyid 'gog pa yin pas chos 'gog bar byed do zhes bya ba'i don de lta ma yin no/ / ci'i phyir zhe na/ gal te chos la 'gog pa med na/ ji ltar shes rab kyis nan gyis 'gog par bya/ lan tshwa kha bas de las tha dad pa gzhan kha bar byed pa ltar/ shes rab kyis 'gog pa yang de dang 'dra ste/ chos tha dad pa 'gog par byed do zhes bya ba yang de lta ma yin no// de ci'i phyir zhe na/ shes rab kyi rang bzhin ni skad cig skad cig mar 'gog pa'o/ / gal te skad cig skad cig mar 'gog na/ ci'i phyir chos tha dad pa 'gog par byed do zhes smra/ don de lta bas na shes rab kyi rang bzhin gyis nyon mongs pa gzhom par mi 'gyur ro/ / rigs kyi bu chos thams cad la 'gog pa rnam pa gnyis te/ rang bzhin gyis 'gog pa dang / mthar 'gog pa'o// de ltar rang bzhin gyis 'gog pa yin na/ ci'i phyi shes rab kyis 'gog par byed ces smra/ gal te shes rab kyis nyon mongs pa bsreg nus te/ ji ltar mes rdzas bsregs pa bzhin no zhes sma na/ de yang de lta ma yin no// de ci'i phyir zhe na/ mes rdzas bsregs pa ni thal ba tsam du yang lus so// shes rab kyang de dang 'dran/ thal ba dang 'dra ba lus pa'i rigs

  109. 55b

    shing bcad pa yang brgyu pa'i 'byo byung / / shes rab tu dang bdudu sbya dzin pa mnas/ ba kyis nyon mongs pa bar chun nu// sngon nga p a de dag ji ltar mu stegs can rnams grong khyer chen po drug po na med kyang / grong khyer rtswa mchog na snang ba bzhin du gzhan du snang ba'i rigs te/ de ltar nyon mongs pa de gzhan na mi snang ba des na shes rab kyis spong mi nus par rig go/ / rigs kyi bu chos thams cad kyi rang bzhin gyi so sor stong pa ste/ sus kyang bskyed mi nus la/ sus kyang 'gag mi nus so// skye ba yang tha dad la/ 'gag pa yang tha dad de/ sus kyang ma byas so// rigs kyi bu gang zhig gis ting nge 'dzin bsgoms na yang dag par shes pa dang / yang dag par mthong ba 'di lta bu thob ste/ don de lta bas na ngas mdo sde las gal te dge slong gang ting nge 'dzin pasgom pa ni phung po lnga skye ba dang 'gog pa'i mtshan nyid mthong ngo zhes gsungs so// rigs kyi bu ga la te ting nge 'dzin mi bsgom na/ 'jig rten gyi dngos po yang mi shes na/ 'jig rten las 'das pa ci smos/ gal te ting nge 'dzin med na lam bde bar song na yang g.yang du lhung ngo/ sems can gyis chos gzhan la dmigs kyang ngag tha dad pa smra zhing rnam pa tha dad pa thos te sems can tha dad pa'i don go'o// yi ge gzhan zhig bri bar bsams kyang / lag pas

  110. 56a

    tha dad pa 'dril lam gzhan du 'gro ba las gom pa gzhan du 'gro'o/ / gal te gang gis ting nge 'dzin bsgoms na/ phan pa'i don chen por 'gyur ba nas na med pa yang dag par rdzogs pa'i byang chub kyi bar du 'grub par 'gyur ro/ / rigs kyi bu byang chub sems dpa' sems dpa' chen po chos gnyis dang ldan pas dran pa'i don chen po byed nus so// gnyis gang zhe na/ ting nge 'dzin dang / shes rab bo// rigs kyi bu 'di lta ste/ sra ba ni drag tu drangs na chad pa ltar/ byang chub sems dpa' sems dpa' chen po chos de gnyis bsgom pa yang de dang 'dra'o/ / rigs kyi bu ji ltar shing sra ba rtsa ba nas gdon na sngar bskul te phyis dbyung na sla ba ltar/ byang chub sems dpa'i ting nge 'dzin dang / shes rab kyang de dang 'dra ste/ sngar ting nge 'dzin gyis bskul la/ phyis shes rab kyis dbyung ngo // ji ltar gos 'khru ba dag sngar thal bas bkrus la/ phyis chu dang sems bkrus na dag par 'gyur ba ltar/ byang chub sems dpa'i shes rab dang / ting nge 'dzin yang de dang 'dra'o// rigs kyi bu ji ltar klog cing kha ton byas na phyis don go ba ltar/ byang chub sems dpa'i ting nge 'dzin dang / shes rab kyang de dang 'dra'o// rigs kyi bu dper na mi dpa' bo go sngar bgos la mtshon dang chas te gdod g.yul ngor byung na dgra thul ba bzhin

  111. 56b

    du byang chub sems dpa'i ting nge 'dzin dang / shes rab kyang de dang 'dra'o// rigs kyi bu dper na mgar bas zhi ga'i nang du gser thugs pa na yid bzhin du bzhu pa ltar byang chub sems dpa'i ting nge 'dzin dang / shes rab kyang de dang 'dra'o// rigs kyi bu dper na me long gsal ba'i nang du ngo'i gzugs brnyan mnga' ba ltar/ byang chub sems dpa'i ting nge 'dzin dang / shes rab kyang de dang 'dra'o// rigs kyi bu ji ltar sngar sa gzhi ba snyam te gdod sa bon 'debs pa dang / sngar mkhan po las lung mnos te gdod don yid la byed pa bzhin du/ byang chub sems dpa'i ting nge 'dzin dang / shes rab kyang de dang 'dra ste/ don de lta bas na byang chub sems dpa' sems dpa' chen pos chos de gnyis bsgoms na phan chen po thob par 'gyur ro/ / rigs kyi bu byang chub sems dpa' sems dpa' chen pos chos de gnyis bsgoms na dbang po lnga las su rung bar 'gyur te/ sdug bsngal mang bo la bzod pa ni 'di lta ste/ bkres pa dang / nom pa dang / grang ba dang / tsha ba dang / brdeg pa dang / 'tshog pa dang / spyo ba dang / ka can gzan khro bos bza' ba dang / sbrang bu mchu sbyang la sogs pas bza' ba'i sdug bsngal thams cad bzod nus te/ rtag tu sems sdud cing bag byed pa dang / rnyed pa dang grags pa'i phyir chos ma yin pa mi

  112. 57a

    spyod pa dang / gla bur gyi nyon mongs pas mi gos pa dang / ngan par lta ba thams cad kyis mi smras pa dang / rtag tu mi dge ba'i chos rtog pa rnams yongs su spong ba dang ring por mi thogs par sems can la phan pa'i don bsgrub pa'i phyir/ bla na med pa yang dag par rdzogs pa'i byang chub tu mngon par 'tshang rgya bar 'gyur ro// rigs kyi bu byang chub sems dpa' sems dpa' chen pos chos de gnyis bsgoms na phyin ci log gi rlung drag po bzhis bskul mi nus te/ ji ltar ri rab ri'i rgyal po la rlung rnam bzhis bus kyang bskyod mi nus pa bzhin no/ / ji ltar brgya byin gyi rgyal mtshan bskyod du med pa ltar/ mu stegs can gyi ston pas bskyod du med do// log pa'i sku rtsa la tha dad pa rnams kyis bslu mi nus shing rtag tu bde ba mchog dam pa la longs spyod pa dang / de bzhin gshegs pas dgongs te gsungs pa'i don zab mo rtogs pa dang / bde ba la yang dga' ba med la/ sdug bsngal la yang mya ngan mi byed pa dang / lha dang mi thams cad kyis bsti stang dang bkur sti byed cing bstod pa dang / 'khor ba dang 'khor ba ma yin pa gsal ba mthong ba dang / chos kyi dbyings dang chos kyi mtshan nyid la mkhas shing lus la rtag pa dang / bde ba dang / bdag dang / yongs su dag pa'i chos yod par shes par 'gyur te/ de ni yongs su mya ngan las 'das pa'i bde ba zhes

  113. 57b

    bya'o/ / rigs kyi bu ting nge 'dzin gyi mtshan nyid ni stong pa nyid kyi ting nge 'dzin ces bya'o// shes rab kyi mtshan nyid ni smon pa med pa'i ting nge 'dzin ces bya'o// btang snyoms kyi mtshan nyid ni mtshan ma med pa'i ting nge 'dzin ces bya ste/ rigs kyi bu gal te byang chub sems dpa' sems dpa' chen po gang ting nge 'dzin gyis dus dang / shes rab kyi dus dang / btang snyoms kyi dus dang / dus ma yin pa la mkhas shing shes pa ni/ byang chub sems dpa' sems dpa' chen po byang chub kyi lam spyod pa zhes bya'o// seng ge'i sgras gsol pa/ bcom ldan 'das ji ltar na byang chub sems dpas dus dang dus ma yin pa 'tshal ba lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen pos bde ba myong ba'i rkyen gyis nga rgyal chen po skyes sam/ 'on te chos bshad pa'i rkyen gyis nga rgyal skyes sam/ brtson 'grus rtsom pa'i rkyen gyis don shes shing 'dri ba dang lan 'debs pa la mkhas pa'i rkyen gyis nga rgyal skyes sam/ mi dge ba'i bshes gnyen dang bsten pa'i rkyen gyis nga rgyal skyes sam/ nor dam pa sbyin par byas pa'i rkyen gyis nga rgyal skyes sa ma 'jig rten na rigs chen po dang btsun pa'i mi dag gis bkur sti byas pa'i rkyen gyis nga rgyal skyes na/ de'i tshe shes rab mi bsgom gyi/ ting nge 'dzin bsgom par rig par bya ste/

  114. 58a

    de ni byang chub sems dpa'i dus dang dus ma yin pa shes pa zhes bya'o// gal te byang chub sems dpa' gang gi rtson 'grus su rtsom pa las ngan pa dang bde ba'i mya ngan las 'das pa ma thob pas/ de ltar thob pa'i phyir 'gyod pa'i sems skyes sam/ dbang po brtul ba'i phyir dbang po lnga gdul mi nus sam/ nyon mongs pa'i dri ma rnams kyi lhun sdug por gyur nas tshul khrims dang gdul ba la the tshom za zhing nyams pa na/ de'i tshe ting nge 'dzin mi bsgom gyi/ shes rab bsgom par bya ste/ de ni byang chub sems dpa' dus dang dus ma yin pa shes pa zhes bya'o/ / gal te byang chub sems dpa' gang ting nge 'dzin dang / shes rab kyi shas mi mnyam pa de'i tshe btang snyoms mi bsgom par rig par bya'o// gal te mnyam na bsgom par bya ste/ de ni byang chub sems dpa' dus dang dus ma yin pa shes pa zhes bya'o// rigs kyi bu gal te byang chub sems dpa' gang ting nge 'dzin dang / shes rab bsgom pa'i tshe nyon mongs pa skyen/ de'i tshe btang snyoms bsgom par mi bya ste/ mdo sde sde bcu gnyis klog pa dang / 'don pa dang / yi ger bris te gzhan la bstan cing / sangs rgyas rjes su dran pa dang chos rjes su dran pa dang / dge 'dun rjes su dran pa dang / tshul khrims rjes su dran pa dang / lha rjes su dran pa dang / sbyin pa rjes su dran par rig par bya ste/ de ni btang sdom

  115. 58b

    sgom pa zhes bya'o/ / rigs kyi bu byang chub sems dpa' chos kyi mtshan nyid gsum po de dag bsgoms na/ de'i rgyu de'i rkyen gyis mtshan ma med pa'i mya ngan las 'das pa thob bo// seng ge'i sgras gsol pa/ bcom ldan 'das mtshan nyid bcu ma mchis pa'i slad du yongs su mya ngan las 'das pa chen po la mtshan nyid ma mchis pa zhes bgyi na yang / de'i rkyen gyis ma skyes pa dang ma byung ba dang / 'dus ma byas pa dang / rten dang / gling dang / mgon dang / skyabs dang / rab tu bde ba dang / 'gog pa dang / mya ngan las 'das pa dang / zhi ba dang / nad kyi sdug bsngal rnams ma mchis pa dang / srid pa ma mchis pa zhes bgyi/ bcom ldan 'das kyis bka' stsal pa/ rigs kyi bu rgyu dang rkyen med pa'i phyir ma skye ba zhes bya/ ma skyes pa'i phyir ma byung ba zhes bya/ las byas pa gang yang med pa'i phyir 'dus ma byas pa zhes kyang bya/ lta ba lnga la mi 'jug pa'i phyir gnas dang rten zhes bya/ 'dod pa bzhi dang bral ba'i phyir gling zhes bya/ sems can gdul ba'i phyir mgon dang skyabs zhes bya/ nyon mongs pa'i dgra bcom pa'i phyir bde ba zhes bya/ nyon mongs pa'i me 'gags pa'i phyir 'gog pa zhes bya/ rnam par rtog pa dang bral ba'i phyir mya ngan las 'das pa zhes bya/ 'du 'dzi spangs pa'i phyir zhi ba zhes bya ste/ 'chi ba yongs su bcad pa'i phyir nad med pa zhes bya/ thams cad med pa'i phyir srid pa

  116. 59a

    med pa zhes bya'o/ / rigs kyi bu gal te byang chub sems dpa' sems dpa' chen po gang de ltar rtog pa na sangs rgyas kyi rang bzhin gsal bar mthong bar 'gyur ro// seng ge'i sgras gsol pa/ bcom ldan 'das byang chub sems dpa' sems dpa' chen po chos du dang ldan na/ de ltar mtshan ma med pa'i mya ngan las 'das pa nas/ srid pa med pa'i bar du mthong bar 'gyur/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po chos bcu dang ldan na/ mtshan ma med pa'i mya ngan las 'das pa nas/ srid pa med pa'i bar du mthong bar 'gyur ro// bcu gang zhe na/ dad pa'i sems dang ldan pa yin/ ji ltar dad pa'i sems dang ldan pa yin zhe na/ sangs rgyas dang / chos dang / dge 'dun rtag pa yin par yid ches shing / phyogs bcu'i sangs rgyas rnams kyang thabs kyis mngon par ston pa dang / log sred can gyi bar du sems can thams cad la sangs rgyas kyi rang bzhin yod par yid ches kyi/ de bzhin gshegs pa la skye ba dang / rga ba dang / na ba dang / 'chi ba dang / dka' ba spyod pa dang / lha sbyin gyis yang dag par dge 'dun gyi dbyen byas pa dang / de bzhin gshegs pa'i sku la khrag phyung ba dang / de bzhin gshegs pa mtha' yun du yang mya ngan las 'das pa dang / dam pa'i chos ma lus par zad pa gyur ro zhes bya ba la

  117. 59b

    yid ches pa ma yin pa ni/ byang chub sems dpa' dad pa'i sems dang ldan pa zhes bya'o// tshul khrims rnam par dag pa dang ldan pa yin/ de la ji ltar na tshul khrims rnam par dag pa dang ldan pa zhe na/ rigs kyi bu gal te byang chub sems dpa' gang bdag nyid tshul khrims rnam par dag go zhes khas 'ches te bud med la mi reg mod kyi/ bud med mthong ba na gzhogs sgeg gam rtsed mo'i tshog sde ba na byang chub sems dpa' de ni 'dod chags kyi chos dang ldan pa yin te/ tshul khrims rnam par dag pa nyams shing / tshangs par spyod pa'i rigs su 'byin par byed pas/ de ni tshul khrims sme bar byed pa ste/ tshul khrims rnam par dag pa dang ldan pa zhes mi bya'o// gzhan yang byang chub sems dpa' gang tshul khrims rnam par dag go zhes khas 'ches te/ bud med kyi lus la mi reg cing sdig pa dang rtsed mo'i chog mi sba mod kyi/ dben pa skyabs yod pa'i phyi rol na bud med kyi brgyan dang / 'phreng ba dang / do shal gyi sgra dang / skad rnam pa sna tshogs pa las chags pa'i sems bskyed na/ byang chub sems dpa' de yang 'dod chags kyi chos dang ldan pa yin te/ tshul khrims rnam par dag pa nyams shing tshangs par spyod pa'i rigs sun 'byin par byed pas/ tshul khrims sme bar byed pa ste/ de yang tshul khrims rnam par dag pa dang ldan pa zhes mi bya'o// gzhan yang byang chub sems dpa' gang tshul khrims rnam par dag go zhes khas

  118. 60a

    'ches te/ bud med la reg cing theg pa dang rtser mo'i tshig kyang mi sprul/ spu skad minyan mod kyi/ skyes pa dag bud med kyi phyir 'brang ba'am/ bud med dag skyes pa'i phyir 'brang ba mthong nas 'dod chags bskyed na/ byang chub sems dpa' de yang 'dod chags kyi chos dang ldan pa yin te/ tshul khrims rnam par dag pa nyams shing tshangs par spyod pa'i rigs sun 'byin par byed pas/ tshul khrims sme bar byed pa ste/ de yang tshul khrims rnam par dag pa dang ldan pa zhes mi bya'o// gzhan yang byang chub sems dpa' gang tshul khrims rnam par dag go zhes khas 'ches te/ bud med la yang mi reg/ steg pa dang rtsed mo'i tshig kyang mi smra/ sgra skad kyang mi nyan/ skyes pa dang bud med 'grogs pa la mi lha mod kyi mtho ris kyi lha'i 'dod pa lnga la chags shing dga' na/ byang chub sems dpa' de yang 'dod chags kyi chos dang ldan pa yin te/ tshul khrims rnam par dag pa nyams shing tshangs par spyod pa'i rigs sun 'byin par byed pas/ tshul khrims sme bar byed pa ste/ de yang tshul khrims rnam par dag pa dang ldan pa zhes mi bya'o// rigs kyi bu byang chub sems dpa' gang rnam par dag pa'i tshul khrims 'dzin pa ni tshul khrims kyi phyir ma yin/ tshul khrims kyi pha rol tu phyin pa'i phyir ma yin/ sems can gyi phyir ma yin/ phan pa dang bde ba'i don gyi phyir ma yin

  119. 60b

    byang chub sems dpa'i phyir ma yin/ mya ngan 'das pa'i phyir ma yin/ nyan thos dang rang sangs rgyas kyi phyir ma yin gyi/ bla na med pa'i don dam pa 'ba' zhig gi phyir tshul khrims srung ba ni/ byang chub sems dpa' tshul khrims rnam par dag pa dang ldan pa zhes bya'o// dge ba'i shes gnyen la sten pa yin/ de la dge ba'i bshes gnyen zhes bya ba ni gang dag dad pa dang / tshul khrims dang mang du thos pa dang / sbyin pa dang / shes rab ston cing pha rol pos spyod par 'gyur ba ni/ byang chub sems dpa' dge ba'i bshes gnyen zhes bya'o// zhi ba la dga' ba yin de la zhi ba zhes bya ba ni 'di lta ste/ lus dang sems zhi bas chos rnams kyi chos kyi dbyings zab mor rtogs pa ni zhi ba zhes bya'o// brtson 'grus dang ldan pa yin/ de la brtson 'grus shes bya ba ni 'di lta ste/ sems rtse gcig tu 'phags pa'i bden pa bzhi la rtog pa na/ gal te mgo'i thod la me 'bar yang mi gtong ba ni brtson 'grus shes bya'o// dran pa'i bar gzhag pa dang ldan pa yin/ de la dran pa nye bar gzhag pa ni 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / byin pa rjes su dran pa ni/ dran pa nye bar gzhag pa dang ldan pa zhes bya'o// ngag 'jam par sla ba yin/ de la ngag 'jam po ni 'di lta ste/ tshig bden pa dang

  120. 61a

    tshig dam pa dang / sngar gsong por smra ba dang / dus kyi tshig dang / yang dag pa'i tshig smra ba ni 'jam po zhes bya'o// chos srung ba dang ldan pa yin/ de la chos srung ba ni 'di lta ste/ dam pa'i chos rtag tu bshad pa dang / klog pa dang / 'don pa dang / yi ker bri ba la dga' zhing mos pa dang / don yid la byed pa dang / rgyas par 'byed cing ston te khong du chud par byed pa dang / gzhan dag yi ger 'dri ba dang / 'byed cing 'chad pa dang / klog cing 'don pa dang / bsngags shing bstod pa dang / don yid la byed pa mthong na 'di ltar 'tsho ba'i yo byad sbyor ba ni gos dang / zas dang / mal cha dang / nad kyi rkyen sman la sogs pa 'bul ba dang / chos bsrung ba'i phyir lus dang srog mi 'phangs pa ni/ chos bsrung ba zhes bya'o/ / byang chub sems dpa' sems dpa' chen pos bslab pa gcig pa dang / tshul khrims gcig pa dag brel cing 'phong ba mthong na/ gzhan la lhung bzed dang / gos kha dog bsgyur ba dang / nad g.yog byed pa dang / gos dang / zas dang / mal cha dang / gnas khang la sogs pa bslangs te sbyin pa byin na/ shes rab dang ldan pa yin/ de la shes rab ces bya ba ni 'di lta ste/ de bzhin gshegs pa la rtag pa dang / bde ba dang / bdag dang / yongs su dag pa lta ba ltar/ sems can thams cad la sangs rgyas kyi rang bzhin yod par lta ba dang / chos

  121. 61b

    kyi mtshan nyid gnyis su lta ste/ 'di ltar stong pa dang / stong pa ma yin pa dang / rtag pa dang / mi rtag pa dang / bde ba dang / bde ba med pa dang / bdag dang / bdag med pa dang / yongs su dag pa dang / yongs su ma dag pa dang / chos tha dad pa bcad du rung ba dang / chos tha dad pa bcad du mi rung ba dang / chos tha dad pa rkyen las skye ba dang / chos tha dad pa rkyen las mthong ba dang / chos tha dad pa rkyen las 'bras bur gyur pa dang / chos tha dad pa rkyen las 'bras bur gyur pa ma yin par rtogs pa ni shes rab dang ldan pa zhes bya ste/ rigs kyi bu de ni byang chub sems dpas chos bcu dang ldan na/ mtshan ma med pa'i mya ngan las 'das pa gsal bar mthong ba zhes bya'o// seng ge'i sgras gsol ba/ bcom ldan 'das ji ltar bcom ldan 'das kyis sngar tsun da la bka' stsal pa/ khyod ni sangs rgyas kyi rang bzhin mthong ngo // yongs su mya ngan las 'das pa chen po'ang thob bo// bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bgyi ba'i don ni ji lta bu lags/ bcom ldan 'das mdo sde las gal te byol song la sbyin pa byas na rnam par smin pa brgya 'gyur 'thob bo// log sred can la sbyin pa byas na rnam par smin pa stong 'gyur 'thob bo/ / tshul khrims bsrung ba la sbyin pa byas na rnam par smin pa brgya stong snyed 'thob bo// gal te mu stegs can nyon mongs pa tshad med pa

  122. 62a

    steng bcad pa la sbyin pa byas na rnam par smin pa tshad med pa snyed 'thob bo/ / phyogs bzhi dang 'bras bu ba ni thob pa dang / rang sangs rgyas la sbyin pa byas na rnam par smin pa tshad med pa snyed thob bo/ / phyir mi ldog pa'i byang chub sems dpa' dang / tshe gcig gis thogs pa'i byang chub sems dpa' sems dpa' chen po rnams dang / sangs rgyas bcom ldan 'das la sbyin pa byas pa'i bsod nams rnam par smin pa thob pa ni tshad med mtha' yas brjod du med bsam gyis mi khyab bo zhes gsungs te/ skyes bu tsun das de ltar bsod nams rnam par smin pa myong bar 'gyur na rnam par smin pa de bas mi 'tshal te/ nam zhig gi dus su bla na med pa yang dag par rdzogs pa'i byang chub thob par 'gyur/ bcom ldan 'das yang mdo sde las gal te gang zhig gogi bsam pa dag pas dge ba dang mi dge ba'i las byas na gdon mi 'tshal bar 'bras bu rnam par smin par 'gyur te/ da ltar gyi dus sam/ skye ba rmang ma 'am/ skye ba 'di nyid kyis myong bar 'gyur ro zhes gsungs na/ tsun da yang bsam pa dag pa las dge ba bgyis pa'i las de ni gdon mi 'tshal bar 'bras bu myong bar 'gyur ro// gal te nges par 'bras bu myong bar 'gyur na/ bla na med pa yang dag par rdzogs pa'i byang chub ji ltar 'thob/ yang ji ltar na sangs rgyas kyi rang bzhin mthong bar 'gyur/ bcom ldan 'das yang mdo sde las nang pa dang / pha ma dang

  123. 62b

    sangs rgyas bcom ldan 'das dang / rnam pa 'di gsum la sbyin pa byas na zad mi shes pa'i 'bras bu myong ngo zhes gsungs so// yang mdo sde las bcom ldan 'das kyis dga' bo la bka' stsal pa las sems can thams cad 'dod pa'i khams dang / gzugs dang gzugs med pa'i khams kyi las byed na/ bla na med pa yang dag par rdzogs pa'i byang chub thob par 'gyur ro zhes gsungs so/ yang bcom ldan 'das kyis chos kyi tshig gi mdo las tshigs su bcad pa 'di skad ces gsungs so// nam mkha'i khams dang rgya mtsho dang // ri dang brag tu song ba dang // sa phyogs gang dang gar song yang / / byas pa'i las las thar mi 'gyur// yang ma 'gags pas gsol pa las// bcom ldan 'das bdag mngon du dran pa sngon za ma gcig gi zas kyi sbyin pa byin pas bskal pa brgyad khri'i bar du ngan song gsum du ltung bar ma gyur to/ / bcom ldan 'das za ma gcig gis sbyin pa byas pas kyang rnam par smin pa'i 'bras bu de lta bu thob par gyur na/ tsun da 'dis dad pa'i sems kyis sangs rgyas la sbyin pa bgyis pas/ sbyin pa'i pha rol tu phyin pa dang ldan par 'gyur ba lta ci smos/ bcom ldan 'das gal te dge ba'i 'bras bu rnam par smin pa mi 'tshal na/ shin tu rgyas pa'i mdo la skur ba dang / mtshams med pa lnga'i kha na ma tho ba bgyis pa dang / rtsa ba bzhi nyams pa dang / log sred can gyi kha na ma tho ba ji ltar bas par 'gyur/ gal te bas

  124. 63a

    par mi 'gyur na/ sangs rgyas kyi rang bzhin mthong zhing bla na med pa yang dag par rdzogs pa'i byang chub tu mngon par 'tshang rgya bar 'gyur/ bcom ldan 'das kyis bka' stsal pa/ legs so legs so// rigs kyi bu skyes bu rnam pa gnyis kyis tshad med pa mtha' yas pa'i yon tan thob ste/ dpag tu medal brjod du med do// 'khor ba'i 'od pa yang skems shing bdud dang phyir rgol ba thul te bdud kyi rgyal mtshan bskal ba dang / de bzhin gshegs pa'i bla na med pa'i chos kyi 'khor lo bskor bar 'gyur ro// gnyis gang zhe na/ 'dri ba la mkhas pa dang / lan 'debs pa la mkhas pa'o// rigs kyi bu sangs rgyas kyi stobs bcu'i nang na las kyi stobs mchog go// rigs kyi bu sems can gang las kyi rgyu khyad du gsod cing / yid mi ches pa dag gdul ba'i phyir de skad ces gsungs pa yin no// rigs kyi bu byas pa'i las thams cad ni yang ba yang yod la/ lci ba yang yod do// yang ba dang lci ba'i las gnyis la yang gnyis gnyis yod de/ gang zhe na/ nges pa dang / ma nges pa'o// rigs kyi bu kha cig 'di skad du mi dge ba'i las kyi 'bras bu med do// las mi dge ba'i las kyi 'bras bu nges bar yod na/ ci'i phyir rigs ngan dbugs 'phrogs ces bya ba mtho ris kyi lhar skyes la/ sor mo rgyan gyis rnam par grol ba'i 'bras bu thob par 'gyur/ don de lta bas na las byas pa

  125. 63b

    la nges par 'grus bu thob pa dang / nges par 'bras bu mi thob pa yod do zhes smra ba yod do// ngan par lta ba bdang pa'i phyir mdo sde las las byas pa thams cad 'bras bu mi thob pa med do nas bya ba gsungs so/ / rigs kyi bu las lci ba las yang bar yang 'gyur la/ las yang ba lci bar yang 'gyur te/ de yang 'gro ba thams cad la bya ba ma yin gyi/ glen pa dang shes rab can du bye brag dbye'o/ / de bas na las thams cad nges par 'bras bu thob pa ma yin te/ nges pa ma yin mod kyi mi thob pa yang ma yin no// rigs kyi bu sems can thams cad la rnam pa gnyis te/ shes rab can dang / gti mug can no// de la shes rab can ni shes rab kyi stobs kyis sems can dmyal ba'i las shin tu lci ba byas pa yang tshe 'di la yang ba tsam myong nas thar par 'gyur ro/ / gti mug can tshe 'di'i las yang ba dang sems can dmyal ba'i las lci ba myong bar 'gyur ro// seng ge'i sgras gsol pa/ bcom ldan 'das gal te lta na tshangs par spyod pa rnam par dag pa dang / rnam par grol ba'i 'bras bu yang mi 'tshal bar 'gyur ro// bcom ldan 'das kyis bka' stsal pa/ rigs kyi bu gal te las thams cad nges par 'bras bu thob na tshangs par spyod pa dang / rnam par grol ba mi dgos so zhes byar yang rung na/ mi nges pa'i phyir tshangs par spyod pa dang / rnam par grol ba'i 'bras

  126. 64a

    bu bsgom dgos so/ / rigs kyi bu gal te mi dge ba'i las thams cad spangs na dge ba'i 'bras bu thob bo// dge ba'i las spangs na mi dge ba'i 'bras bur 'gyur ro/ / gal te las thams cad nges par 'bras bu thob na/ 'phags pa'i lam bsgom mi dgos pa'i rigs so// gal te 'phags pa'i lam ma bsgoms na rnam par grol bar mi 'gyur te de bas na 'phags pa rnams kyi nges pa'i las gzhig cing rnam par smin pa yang bar bya ba dang / ma nges pa'i las kyis 'bras bu rnam par smin pa med par bya ba'i phyir lam bsgom mo// gal te las thams cad nges par 'bras bu thob na/ 'phags pa'i lam mi dgos par 'gyur te/ 'phags pa'i lam bsgom pa spangs pa'i pha rol na rnam par grol ba thob pa'i gnas gzhan med do/ / rnam par grol ba ma thob par mya ngan las 'das pa thob bo zhes bya ba yang gnas med do// rigs kyi bu gal te las thams cad nges par 'bras bu thob na tshe gcig tu dge ba'i las sha stag byas pa rtag tu bde ba myong bar 'gyur la/ tshe gcig tu mi dge ba'i las lci ba byas pa yang rtag tu sdug bsngal chen po myong bar 'gyur ro// gal te las kyi 'bras bu de lta yin na lam bsgom pa yang med/ rnam par grol ba dang mya ngan las 'das pa yang med de/ mi yang rtag tu mi byed pa'i rigs/ bram ze yang rtag tu bram ze byed pa'i rigs so// gal te de

  127. 64b

    ltar na rigs ngan pa dang / mi ngan pa med pa'i mi rigs te/ mi yang rtag tu mir 'gyur la/ bram ze yang rtag tu bram ze byed par 'gyur te/ chung ngu'i tshe na las byas pa yang chung ngu'i nas myong ba'i rigs te/ tshad la bab pa dang rgas pa'i tshe myong ba'i mi rigs so// rgas pa'i tshe mi dge ba byas pa dag sems can dmyal bar ltung ba yang sems can dmyal bar skyes ma thag gi lus kyis myong ba'i mi rigs kyi/ rgas nas gdod myong ba'i rigs so// gal te rgas pa'i tshe srog ma bcad pa dag dar la bab pa'i tshe mi myong ba'i rigs te/ gal te dar la bab pa'i tshe mi myong ba rgas par yang ji ltar 'gyur te/ de ni las med par ma gyur pa'i phyir ro// gal te las byed pa ma gyur na lam bsgom pa dang mya ngan las 'das pa yod par mi 'gyur ro// rigs kyi bu las la rnam pa gnyis te/ nges pa dang / ma nges pa'o// nges pa'i las la yang rnam pa gnyis te/ rnam par smin pa nges pa dang / dus nges pa'o// de kho na gcig ni rnam par smin pa nges la/ dus ma nges pa yang yod de/ rkyen dang phrad pa na myong bar 'gyur ro// kha cig ni dus gsum du myong ste/ 'di ltar da ltar myong ba dang / ma 'ongs pa la myong ba dang / phyis myong ba'o// rigs kyi bu gal te nges pa'i sems kyis dge ba dang / mi dge ba'i las byas nas shin tu dad pa'i sems bskyed de/ rab tu dga' ba la dkon mchog

  128. 65a

    gsum la rtag tu mchod par shog cig ces yi dam 'cha' ba ni las nges pa'o/ / rigs kyi bu shes rab kyi dge ba'i rtsa ba ni zab cing brtan to// bskul dka' bas lci ba dag kyang yang bar 'gyur ro/ / gti mug can ni mi dge ba zab cing lhun sdug pas las yang ba yang rnam par smin pa lci bar 'gyur ro// de na de lta bas na las thams cad ni nges pa zhes mi bya'o/ / byang chub sems dpa' sems dpa' chen po la sems can dmyal ba'i las med mod kyi/ sems can gyi phyir sems can dmyal bar skye bar smon lam 'debs so// rigs kyi bu sngon sems can tshe lo brgya thub pa na/ sems can gang+gA'i klung gi bye ma snyed sems can dmyal bar sdug bsngal myong ba las ngas de dag mthong nas yi dam chen po bskyed de/ sems can dmyal ba'i lus blangs so/ / byang chub sems dpa' de'i tshe na las de lta bu yang dag par med mod kyi/ sems can gyi phyir sems can dmyal ba'i rnam par smin pa len to// nga de'i tshe/ sems can dmyal bar lo tshad med pa snyed kyi bar du sdig pa can rnams la mdo sde sde bcu gnyis rgyas par 'byed cing bstan te/ de dag gis thos nas mi dge ba'i rnam par smin pa bcom pas sems can dmyal ba yang stongs par byas te/ log sred can ni ma gtogs so// de ni byang chub sems dpa' sems dpa' chen po da ltar dang / ma 'ongs pa dang / phyis mi

  129. 65b

    dge ba'i las myong ba ma yin pa zhes bya'o/ / gzhan yang rigs kyi bu bskal pa bzang po 'dir sems can tshad med pa snyed byol song gi skye gnas su skyes te/ mi dge ba'i las kyi 'bras bu myong ba las/ ngas de dag mthong nas/ yang yi dam chen po bskyed de/ sems can de dag la chos bstan cing bsgral ba'i phyir/ bar bar ni kha sha dang sha ba dang / dred mo dang / phug ron dang / spre'u dang / klu dang / sbrul dang / nam mkha' lding dang / nya dang / rus sbal dang / wa dang / ri bong dang / ba glang dang / rta la sogs pa'i lus myong ngo // rigs kyi bu byang chub sems dpa' sems dpa' chen po la de lta bu'i byol song gi las ngan pa med mod kyi/ yi dam chen po'i stobs kyis sems can gyi phyir lus de dag kyang len to/ / 'di ni byang chub sems dpa' sems dpa' chen po da ltar dang / ma 'ongs pa dang / phyis myong ba'i mi dge ba'i las ma yin pa zhes bya'o/ / gzhan yang rigs kyi bu bskal pa bzang po 'dir sems can tshad med mtha' yas pa snyed yi dgas su skyes te/ zas su sprugs pa dang / tshil dang sha dang / rnag dang / khrag dang / bshang gci dang / mchil ma dang / snabs za zhing / tshe'i tshad lo khri phrag tshad med pa brgya stong snyed kyi bar du skom gyi ming yang ma thos na/

  130. 66a

    mig gis mthong zhing btung ba lta ci smos gal te rgyang nas chu mthong ste drung du 'gro bar gzas na yang phyin ma thag tu me mur dang rnag khrag tu 'gyur ro// ci ste ma gyur na yang mi mang po ral gri dang mdung thogs shing srung ste nye bar mi ster to/ / gal te char pas lus la phog na mer gyur te/ de mi dge ba'i las kyi 'bras bu rnam par smin pa'o// rigs kyi bu byang chub sems dpa' sems dpa' chen po la yang dag par mi dge ba'i las kyi 'bras bu de lta bu med mod kyi/ sems can dag rnam par grol ba thob par bya ba'i don gyi phyir yi dam chen po skyed cing / lus de lta bu dag len te/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ / rigs kyi bu nga bskal pa bzang po 'dir shan pa'i khyim du skyes te/ bya dang / phag dang / ba glang dang / lug gsod cing sngon gyi yo byad gtor ba dang / ta rgya la sogs pa 'chang ste/ rigs ngan dag gi khyim du skyes/ rkun po dang chom po byas so// byang chub sems dpa' la yang dag par de lta bu'i las med mod kyi/ sems can sgrol zhing rnam par grol ba thob par bya ba'i phyir smon lam chen po'i stobs kyis de lta bu'i lus len to/ / de ni byang chub sems dpa' sems dpa' chen po da lha dang / ma 'ongs pa dang /

  131. 66b

    phyis mi dge ba'i las myong ba ma yin pa zhes bya'o// rigs kyi bu nga bskal pa bzang po 'dir yang yul gyi mtha' 'khob tu skyes te/ 'dod chags dang / zhe sdang dang gti mug gi las mang du byas nas chos ma yin pa spyod de/ dkon mchog gsum dang tshe phyi ma'i 'bras bu rnam par smin pa la yid mi ches shing pha ma dang / gnyen bshes dang rgan rabs dang / bla ma la bkur sti mi byed do// rigs kyi bu byang chub sems dpa' la de'i tshe yang dag par de lta bu'i las med mod kyi/ sems can rnam par grol bar bya/ ba'i phyir smon lam chen po'i stobs kyis der skye bar byed do// de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ / rigs kyi bu bskal pa bzang po 'dir yang bud med kyi lus dang / lus ngan pa dang / 'dod chags kyi lus dang zhe sdang gyi lus dang / gti mug gi lus dang / phrag dog gi lus dang / 'byung po'i lus dang / sgyu ma'i lus dang / bslu ba'i lus dang / klags pa dang bcas pa'i lus blangs so/ / rigs kyi bu byang chub sems dpa' la de'i tshe na las ngan pa de lta bu med mod kyi/ sems can dag rnam par grol ba thob par bya ba'i phyir smon lam chen po'i stobs kyis

  132. 67a

    der skye bar byed de/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o// rigs kyi bu nga bskal pa bzang po 'dir nyung rum dang / ma ning dang / mtshan gnyis dang / mtshan gcig tu ma nges pa'i lus myong ste/ rigs kyi bu byang chub sems dpa' sems dpa' chen po la yang dag par lus kyi mi dge ba'i las de lta bu med mod kyi/ sems can sgrol ba'i phyir smon lam chen po'i stobs kyis der skye bar byed de/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o// rigs kyi bung bskal pa bzang po 'dir mu stegs can gcer bu pa'i chos la yid ches te sbyin pa yang med/ mchod sbyin yang med/ sbyin pa dang mchod sbyin gyi 'bras bu yang med// dge ba dang mi dge ba'i las kyang med/ dge ba dang mi dge ba'i las kyi 'bras bu rnam par smin pa yang med/ da ltar gyi dus dang ma 'ongs pa'i dus kyang med/ tshu rol dang pha rol yang med/ 'phags pa med/ sprul pa'i sku yang med/ lam dang mya ngan las 'das pa'i chos la gnas par gyur to/ / rigs kyi bu byang chub sems dpa' la yang dag par mi dge ba'i las de lta bu med mod kyi/ sems can rnam par grol bar bya ba'i phyir smon lam

  133. 67b

    chen po'i stobs kyis ngan par lta ba'i chos de la zhugs te/ de ni byang chub sems dpa' sems dpa' chen po da ltar dang / ma 'ongs pa dang / phyis mi dge ba'i las myong ba ma yin pa zhes bya'o/ / rigs kyi bu ngas mngon du dran pa sngon 'das pa na lha sbyin dang gnyis tshong dpon byed pa na/ so so nas tshong pa lnga brgya lnga brgya snyed yod do// de dag rnyed pa 'dod pa'i phyir rgya mtshor zhugs te nor bu rin po che len du song ba las/ mi dge ba'i las kyi rgyus bar du glo bur gyi rlung drag po dang phrad de gru zhig nas grogs po thams cad shi'o// de'i tshe nga dang lha sbyin gnyis srog mi gcod pa'i 'bras bu tshe ring bar gyur pas/ rlung gis bus nas bskam sar phyin to// de'i tshe lha sbyin ni nor dang rin po che la 'phangs shing chags pas mya ngan chen po'i sdug bsngal gyis gdungs te skad chen po phyung nas ngus pa las/ ngas de'i tshe lha sbyin lam du zhig ces smras pa dang / lha sbyin gyi phyir nga la 'di skad ces smras so// kye brtags par nyon cig/ dper na mi dbul po 'phongs pa zhig dur khrod du song ste/ lag pas ro la bzung nas 'di skad du khyod kyis 'chi ba'i bde ba nga la byin cig/ ngas khyod la dbul 'phongs pa'i 'tsho ba 'di sbyin no zhes smras pa las/ de nas ro de langs te 'dug nas mi dbul po de la 'di skad ces smras so// rigs kyi bu dbul 'phongs pa'i 'tsho ba yang mi 'dod la/ bdag ni

  134. 68a

    da ltar rab tu bde ba nas 'chi ba'i bde ba las dbul 'phongs pa'i 'tsho ba la dga' ba med do zhes smras so/ / bdag kyang de dang 'dra ste/ 'chi ba'i bde ba yang med la dbul kyang dbul na ji ltar mi ngur rung / sangs yang spro ba bskyed de/ khyod mya ngan ma byed cig/ bdag la nor bu gnyis yod de/ rin dpag tu med kyis/ gcig khyod la sbyin no zhes smras nas gcig byin te/ yang 'di skad du gang dbang thang yod pa ni rin po che yang 'thob par rung gi/ gal te dbang zad med na thob par mi 'gyur ro zhes smras so// nga de'i tshe na chad ngal te shing zhig gi drung na ngal bso zhing gnyid log pa las/ lha sbyin 'dod pa'i sems mched de nor bu gcig gi phyir ngan sems bskyed nas nga'i mig bcar te nor bu phrogs nas bros so// nga de'i tshe mig na bas skad phyung ste mthun pa las bu mo gcig nga'i gam du 'ongs te/ 'di skad du skyes bu khyod ci ste 'di ltar mkhun ces dris so// ngas de la rgyus nas rgyas par bshad do// bu mos de skad smras pa thos nas nga la khyod kyi ming ci zhes dris so/ / de la nga'i ming ni bden par smra ba'o zhes byas so// bu mos smras pa/ khyod kyi ming bden par smras pa yin nam ma yin ji ltar rtog par gyur/ ngas 'di skad du yi dam bcas te/ gal te bdag lha sbyin la ngan sems yod na/ mig kyang da ltar 'di 'dra bar rtag tu long bar gyur cig/ gal te med na mig

  135. 68b

    kyang slar thob par shog cig ces smras ma thag tu/ mig kyang snga ma kho na bzhin du gyur to// rigs kyi bu 'di ni byang chub sems dpa' sems dpa' chen po da ltar gyi dus kyi 'phral du rnam par smin pa bstan pa'o/ / rigs kyi bu ngas mngon du dran pa sngun 'das pa'i dus na/ lho phyogs be ta la'i yul du grong khyer bu na ta zhes bya bar bram ze'i khyim du skyes te de'i tshe na rgyal po ka la bu zhes bya ba khro zhing gtum pa/ nga rgyal gyis mngon par zin pa/ lang 'tsho zhing mdangs bzang bas 'dod pa lnga la chags shing zhen te/ nga de'i tshe na sems can bsgral ba'i phyir/ grong khyer de'i phyi rol na rnal 'byor spyod cing 'dug pa las de'i tshe rgyal po de dbyar gyis dus me tog rgyas pa na 'khor btsun mo dang sras dang bcas te/ grong khyer gyi phyi rol du gsang zhing shing drung du 'dod pa lngas rtse zhing 'dug pa dag/ bu mo slas rnams rgyal po bzhag ste rtsa zhing song ba las nga'i kun du phyin te/ nga de'i tshe de dag gi 'dod pa bcang pa'i phyir chos bshad cing 'dug pa las rgyal po phyi bzhin du 'ongs te/ nga mthong nas ngan sems skyes te/ nga la 'di skad ces dris so// khyod dgra bcom pa'i 'bras bu thob par/ ngas spras pa/ ma thob bo// yang dris pa phyir mi ldog pa'i 'bras bu thob dam/ ngas smras pa/ ma thob bo// yang dris pa khyod 'bras bu rnam pa de gnyis ma thob na/

  136. 69a

    'dod chags dang nyon mongs pa dang ldan pa yin na/ ci ste bag med par nga'i slas rnams la rtog/ ngas smras pa/ rgyal po chen po 'di ltar shes par gyis shig/ bdag da ltar 'dod pa'i kun nas nyon mongs pa ma bcad mod kyi/ nang gi sems ni yang dag par 'dod chags med do// rgyal pos smras pa/ glen pa 'jig rten na drang srong dbugs rngub cing shing thog za ba rnams kyang gzugs mang po mthong na 'dod chags kye na/ khyod dar la bab ste 'dod chags ma bcad pa'i gzugs mang po mthong na mi chags pa lta ci smos/ ngas smras pa rgyal po chen po gzugs mthong ste mi chags pa ni dbugs dang 'bras bu za ba la rag lus pa ma yin te/ mi rtag pa dang mi gtsang ba la sems rtse gcig tu dmigs pa'i dbang gis 'gyur ro/ / rgyal pos smras pa/ gzhan la smod cing skur pa btab na tshul khrims gtsang ba zhes byar rung ngam/ ngas smras pa/ rgyal po chen po gang phrag dog gi sems dang bcas pa ni skur pa 'debs so/ / bdag la phrag dog gi sems med na/ ci'i phyir skur pa 'debs pa zhes bya// rgyal pos smras pa/ btsun pa tshul khrims shes bya ba ni ji lta bu rgyal po chen po bzod pa ni tshul khrims shes bya'o/ / rgyal pos smras pa/ gal te bzod pa'i tshul khrims yin na khyod kyi rna ba bcad kyis/ bzod na khyod tshul khrims bsrungs par

  137. 69b

    rigs par 'gyur ro zhes smras nas/ nga'i rna ba bcad do// de'i tshe nang mdangs kyang ma gyur to// rgyal po'i blon po dag de lta bu'i dngos po mthong nas/ rgyal po la 'di skad ces gsol to/ / rgyal po skyes bu 'di la ni gtse ba mi rigs so// rgyal pos blon po dag la smras pa/ 'di skyes bu yin par khyed kyis ji ltar shes/ blon po rnams kyis gsol pa/ sdug bsngal myong ba na mdangs ma gyur par rig go// rgyal pos yang smras pa/ mdangs 'gyur ram mi 'gyur ba sad dgos so zhes smras nas/ sna dang rkang lag thams cad bcad do// de'i tshe na byang chub sems dpa' tshe rabs tshad med grangs med pa'i byams pa dang snying rje bsgoms shing / sems can sdug bsngal ba'i snying brtse ba'i sems bskyed pa de'i tshe na/ mgon po bzhis khros nas rdo dang gseg ma char bzhin phab bo/ / rgyal pos de lta bu mthong nas skrag pa'i sems skyes te pus mo sa la btsugs nas 'di skad ces thugs brtse ba'i slad du/ 'gyod tshangs gnang bar smon to zhes gsol to/ / ngas smras pa/ rgyal po chen po bdag gi sems la khro ba yang med la/ 'dod chags kyang med do// rgyal pos smras pa/ sems la khro ba med par cir rigs par bgyis/ de nas ngas 'di skad du gal te bdag yang dag par khro ba med na/ bdag gis lus 'di snga ma kho na bzhin du gyur cig ces smon lam btab nas/ de ma thag tu lus snga

  138. 70a

    ma kho na bzhin du gyur to/ / de ni byang chub sems dpa' sems dpa' chen po de nyid tshe 'di nyid la 'bras bu mngon du gyur par bstan pa'o// rigs kyi bu dge ba'i las kyi 'bras bu ma 'ongs pa na rnam par smin pa/ phyi ma'i dus na rnam par smin pa ltar/ mi dge ba'i las kyang de bzhin du rig par bya'o// byang chub sems dpa' sems dpa' chen po bla na med pa yang dag par rdzogs pa'i byang chub 'thob pa na/ las thams cad kyi 'bras bu mngon sum du smin par 'gyur ro// mi dge ba'i las ngan pa mngon sum du smin pa ni/ rgyal po mi dge ba byas pas gnas pa las rdo dang gseg ma bab pa 'am/ rngon pa la dred mo lag brdas ston pa dang / rngon pa las rin po che'i kha dog lta bu'i sha ba la lag brdas ston ston pa las lag pa chad nas ltung ba bzhin te/ de ni mi dge ba'i las kyi 'bras bu mngon sum du smin pa zhes bya'o// ma 'ongs pa na rnam par smin pa ni ji ltar log sred can gyis phas pham pa bzhi nyams pa dang / mtshams med pa lnga byas pa'o// phyis rnam par smin pa ni ji ltar tshul khrims can dag ma 'ongs pa'i dus na 'di lta bu'i tshul khrims yongs su dag pa'i lus 'thob par gyur cig/ gal te sems can tshe lo brgya dang brgyad cu thub pa na/ de'i tshe 'khor los sgyur pa'i rgyal por 'gyur te/ sems can gyi don byed par shog cig ces smon pa'o// rigs kyi bu gal te las thams cad

  139. 70b

    nges par da ltar mngon sum du smin par gyur na/ ma 'ongs pa'i rnam par smin pa dang / phyi ma'i rnam par smin pa med par 'gyur ro// byang chub sems dpa' sems dpa' chen pos skyes bu chen po'i mtshan sum cu rtsa gnyis bsgom pa'i las ni da ltar mngon sum du rnam par smin par mi 'gyur te/ las gang dag rnam par smin pa rnam gsum du mi 'gyur ba ni ma nges pa zhes bya'o/ / rigs kyi bu gal te gang zhig las thams cad nges par smin par yod do zhes smra na/ tshangs par spyod pa dang / rnam par grol ba dang / mya ngan las 'das pa yang med par 'gyur te/ de ni nga'i nye gnas ma yin gyi/ bdud kyi 'khor yin par rig par bya'o// de la gang zhig las thams cad nges pa dang ma nges pa yod de/ nges pa zhes bya ba ni ra ltar rnam par smin pa dang / ma 'ongs pa'i rnam par smin pa dang / phyi ma'i rnam par smin pa'o// ma nges pa'i rkyen dang phrad pa na myong bar 'gyur zhing / rkyen dang ma phrad na mi myong ngo zhes smra ba ni tshangs par spyod pa dang / rnam par grol ba dang / mya ngan las 'das pa yod de/ de bas na de ni nga'i nye gnas yang dag pa yin te/ bdud kyi 'khor ma yin no// / / 'phags pa yongs su mya ngan las 'das pa chen po'i mdo bam po sum cu gnyis pa// / rigs kyi bu sems can thams cad la ma nges pa'i lam ni mang

  140. 71a

    gcig tu nges pa'i lam ni nyung bas/ de'i phyir lam la nan tan byed pa yod do// lam la nan tan byed pa yod pas/ nges par lci ba'i las kyang yang bar 'gyur te ma nges pa'i lam ni ma 'ongs pa'i dus su myong ba ma yin no/ / rigs kyi bu gang zag la rnam pa gnyis te/ gang zhe na/ mu nges pa nges par rnam par smin par byed pa dang / da ltar gyi rnam par smin pa ma 'ongs pa na rnam par smin par byed pa dang / rnam par smin pa yang ba rnam par smin pa lci bar byed pa dang / mi'i skye gnas su myong ba'i rigs par sems can dmyal bar myong bar byed pa yin/ gcig tu nges pa ma nges par byed pa dang / ma 'ongs pa na myong ba'i rigs pa ldog ste/ da ltar myong bar byed pa dang / rnam par smin pa lci ba rnam par smin pa yang bar byed pa dang / sems can dmyal ba'i myong ba'i rigs pa mi'i skye gnas su myong bar byed pa yin no// gang zag rnam pa de gnyis la/ gcig ni gti mug can/ gcig ni shes rab can te/ shes rab can ni yang bar byed/ gti mug can ni lci bar byed do// rigs kyi bu dper na mi gnyis shig rgyal po'i khrims dang 'gal bar byas na/ gang rtsa lag che ba nyid nyes pa cher byas kyang chung bar 'gyur la/ gang rtsa lag chung ba ni chung ba'i rigs pa yang che bar 'gyur te/ gti mug can dang / shes rab can dang / de dang 'dra bar shes rab can la dge bar las mang

  141. 71b

    bas lci ba yang yang bar 'gyur gyi/ gti mug can ni las dge ba chung ba bas yang ba yang lci bar 'gyur ro// rigs kyi bu dper na mi gnyis shig gcig ni 'tsho la nyam rtsal che'o// gcig ni ring la nyam rtsal chung ste/ gnyis ka 'dam du lhung na gang nyam rtsal che ba ni phyin par 'byung gi/ gang nyam rtsa la chung ba ni nub bo// rigs kyi bu dper na dug 'thung ba'i mi gnyis shig gcig la ni sngags kyi mthu dang sman a gas yod do/ / gcig la med de/ gang sngags dang sman yod pa la ni drug gis mi tshugs so// gang sngags dang sman med pa la ni 'thungs ma thag tu shi'o// rigs kyi bu dper na mi gnyis skom mang du 'thungs na gcig la ni me'i mthu che'o// gcig la ni me'i mthu chung ste/ me'i mthu che ba ni zhu bar nus so// me'i mthu chung ba ni na du gyur to// rigs kyi bu dper na mi gnyis shig rgyal pos btson du bzung na/ gcig ni thabs mkhas pas shes rab dang ldan/ gcig ni glen zhing ngan no// gang thabs mkhas pa'i shes rab dang ldan pa ni de ma thag tu thar par 'gyur ro/ / glen zhing ngan pa ni thar pa'i dus med do// rigs kyi bu dper na lam nyam nga bar 'gro ba'i mi gnyis shig gcig ni mig dang ldan no// gcig ni dmus long ste/ mig dang ldan pas ni bde bar thar gyi/ dmus long gis ni g.yang sar lhung ngo // rigs kyi bu dper na chang 'thungs pa'i mi gnyis shig gcig ni kha zas mang

  142. 72a

    du zos so/ / gcig ni kha zas nyung ngu zos te/ gang nyung ngu zos pa ni 'thungs yang gnod pa med kyi/ gang mang du zos pa ni 'thungs nas nang du gyur to// rigs kyi bu dper na g.yul ngor phyin pa'i mi gnyis shig gcig la ni go mtshon dang ldan no// gcig la ni ci yang med de/ gang go mtshon dang ldan pa ni dgra thub par 'gyur gyi/ ci yang med pa ni bdag kyang mi thar to/ / yang mi gnyis shig mi gtsang bas go sa la reg pa las/ gcig ni tshor ma thag tu bkrus so// gcig ni tshor yang ma bkrus na/ gang bkrus pa gos gtsang ngo / / ma bkrus pa ni mi gtsang ba phyi phyir che bar gyur to// yang mi gnyis shig gnyis ka shing rta la zhon na/ gcig la ni srog shing yod do// gcig la srog shing med de/ gang srog shing yod pa ni yid bzhin du 'gro'o// gang srog shing med pa ni gnas nas mi 'pho'o// yang mi gnyis shig dbye dgon par song na/ gcig la ni rgyags tshogs yod do// gcig la ni rgyags tshogs med de gang rgyags dang ldan pa ni nyam nga ba las rgal to/ / stong par song ba ni rgal mi nus so// yang mi gnyis shig chom pos bcom na/ gcig la ni rin po che'i gter yod do/ / gcig la ni gnyer med de/ gang rin po che'i gter yod pa ni bcom yang mya ngan gyi sems med kyi gang gter med pa ni mya ngan gyis gdungs par gyur to//

  143. 72b

    gti mug can dang / shes rab can yang de dang 'dra ste/ gang dge ba'i gter yod pa ni las lci ba yang ba tsam gyis myong bar byed kyi/ gang dge ba'i gter med pa ni las yang ba yang lci ba myong bar byed do/ / byang chub sems dpa' seng ge'i sgras gsol pa/ bcom ldan 'das ji ltar bcom ldan 'das kyis gsungs pa ltar/ las thams cad 'bras bu thob par 'gyur ba yang ma lags la/ sems can thams cad kyis myong bar 'gyur ba yang ma lags so zhes gsungs na/ ci'i slad du bcom ldan 'das kyis sems can gyi da ltar gyi rnam par smin pa yang ba dag sems can dmyal ba'i lci ba myong zhing sems can dmyal ba'i rnam par smin pa lci ba dag kyang da ltar gyi tshe la yang ba myong bar 'gyur ro zhes gsungs/ bcom ldan 'das kyis bka' stsal pa/ sems can thams cad la rnam pa gnyis te/ mkhas pa shes rab can dang / glen pa gti mug can no// gang lus dang / tshul khrims dang sems dang / shes rab sgom pa ni shes rab can no// gang lus dang / tshul khrims dang / sems dang / shes rab mi bsgom pa ni gti mug can zhes bya'o// de la ji ltar lus mi bsgom pa zhe na/ gang dbang po lnga mi sdud pa ni lus mi bsgom pa'o// tshul khrims yongs su dag pa bdun mi 'dzin pa ni tshul khrims mi bsgom pa'o// 'phags

  144. 73a

    pa 'i spyod pa mig / / nga grus ra gA pa ma ma da / pa shA / sgyu ro// ma 'i s a'o/ / // sa kyi byung // kyi na pa / rnas pa sa sa na sa 'a sa/ / / mas sa tu ches mi sa tshu la pa gyi 'jis mi la go mi

  145. 73b

    bya'o/ / sems mi bsgom pa ni sems 'khrugs shing g.yengs pa na rtse gcig tu bdag gi spyod yul bsrung mi nus so// bdag gi spyod yul zhes bya ba ni 'di ltar dran pa nye bar gzhag pa bzhi'o/ / bdag gi spyod yul ma yin pa ni 'di ltar 'dod pa lnga'o// gang dran pa nye bar gzhag pa bzhi bsgom mi nus pa ni sems bsgom pa zhes mi bya'o// gang mi dge ba'i las la sems mi srung ba ni shes rab bsgom pa zhes mi bya'o/ / gzhan yang lus mi bsgom pa ni lus 'di mi rtag pa/ mi gnas pa/ mi brtan pa/ skad cig skad cig mar zhig cing 'gog pa bdud kyi spyod yul yin par rab tu rtog mi nus pa'o/ / tshul khrims mi bsgom pa ni tshul khrims kyi pha rol tu phyin pa dang mi ldan pa'o// sems mi bsgom pa ni bsam gtan gyi pha rol tu phyin pa dang mi ldan pa'o/ / shes rab mi bsgom pa ni shes rab kyi pha rol tu phyin pa dang mi ldan pa'o// gzhan yang lus mi bsgom pa ni bdag gis lus dang / bdag gi ba'i lus dang / bdag gi lus rtag par mi 'gyur ba'o zhes chags pa'o// tshul khrims mi bsgom pa ni bdag gis lus kyi phyir mi dge ba bcu'i las byed pa'o// sems mi bsgom pa ni mi dge ba'i las la sems bsdud mi nus pa'o/ / shes rab mi bsgom pa ni sems mi bsdud pas dge ba dang mi dge ba'i chos rnam par 'byed mi nus pa'o// gzhan yang

  146. 74a

    lus mi bsgom pa ni bdag tu lta ba mi gcod pa'o/ / tshul khrims mi bsgom pa ni tshul khrims snyems pa mi gcod pa'o// sems mi bsgom pa ni 'dod chags dang zhe sdang gi las byed cing sems can dmyal bar 'gro ba'o/ / gzhan yang lus mi bsgom pa ni lus rtog mi nus pa'o// nyes pa med kyang rtag tu dgrar 'dzin pa'o// rigs kyi bu dper na skyes bu zhig la dgra zhig rtag tu 'brang zhing skabs tshol na/ / shes rab can gyis tshor nas sems rtse gcig tu rtag tu bag byed do// gal te bag ma byas na dgras 'tshe bar 'gyur ba ltar/ sems can thams cad kyis lus kyang de dang 'dra bar rtag tu skom dang / zas dang / zang drod mnyam par rim gro byed do// gal te de ltar rim gro dang bag ma byas na zhig cing dgyes par 'gyur ro/ / rigs kyi bu ji ltar me lha rjed pa'i bram ze rtag tu spos dang me tog/ 'bul zhing bsngags bstod de phyag 'tshal ba dang / mchod pa dang / rim gro lo brgya'i bar du byas kyang / gal te thang cig reg na lag pa tshig par 'gyur ro// me de la de ltar mchod pa byas mod kyi/ skad cig yud tsam yang mchod pa'i drin la lan blan pa med pa ltar/ sems can thams cad kyang de dang 'dra ste/ lo mang po'i bar du spos dang / me tog dang / 'phreng ba dang / gos dang / zas dang / la

  147. 74b

    cha dang / nad kyi rkyen sman gyis rab tu gsos mod kyi/ gal te nang dang phyi rol gyi mi dge ba'i rgyu rnams dang phrad na 'jig cing 'gog par 'gyur te/ sngon gos dang zas kyis gso// pa'i drin cung zad kyang mi sems so// rigs kyi bu dper na rgyal po zhig sbrul gdug pa bzhi gsos te/ snod gcig gi nang du bcug nas mi gcig 'tshor bcug go// sbrul gdug pa de bzhi las gang yang rung ba gcig zhe sdang skyes na mi gsod par 'gyur te/ des 'jigs nas rtag tu zas tshol zhing dus su spyod do// sems can thams cad kyang chen po bzhi'i sbrul gdug pa yang de dang 'dra ste/ gal te chen po bzhi las gcig zhe sdang skyes na lus 'jig par 'gyur ro// rigs kyi bu dper na mi zhig nad kyis btab na sems thag pa nas sman dang sman pa tshol te nad gso ba'i cho ga byed do/ / gal te 'grus par ma gsos na gdon mi za bar 'chi'o// sems can thams cad kyi lus kyang de dang 'dra ste/ rtag tu sems sdud pa la bag med par mi bya'o/ / gal te bag med pa byas na 'jig cing 'gog par 'gyur ro// rigs kyi bu dper na rdza ma so ma btang ba ni rlung dang / char pa dang / brdeg pa dang 'dor ba dang / mnan mi bzod de/ sems can thams cad kyi lus kyang de dang 'dra bar/ bkres pa dang / skom pa dang / zang ba dang / tsha ba dang

  148. 75a

    rlung dang / char pa dang / brdeg pa dang / 'ching ba dang / skyo mi bzod do// rigs kyi bu dper na thor bu spangs na rtag tu bag byed de reg tu mi ster ro/ / gal te reg pa zhig tu gyur na na ba'i sdug bsngal chen por 'gyur te/ sems can thams cad kyi lus kyang de dang 'dra'o// rigs kyi bu dper na dre'u sbrum na bdag gi lus med par byed de/ sems can thams cad kyi lus kyang de dang 'dra bar/ khong na rlung nad dang bad kan gyi nad yod na sdug bsngal myong bar 'gyur ro// rigs kyi bu dper na chu shing la 'bras bu chags na de ma thag tu bskams te/ sems can thams cad kyi lus kyang de dang 'dra'o// rigs kyi bu dper na chu shing snying po med pa ltar/ sems can thams cad kyi/ lus kyang de dang 'dra'o// rigs kyi bu dper na sbrul dang sre mo ni rtag tu gcig la gcig kyi gnod sems bskyed pa ltar/ sems can gyi chen po bzhi yang de dang 'dra'o// rigs kyi bu dper na ngang pa'i rgyal po ni dur khrod la mi dga' ba ltar/ byang chub sems dpa' yang de dang 'dra ste/ rus kyi dur la mi chags mi mos so// rigs kyi bu dper na rigs ngan dag rabs bdun gyi bar du rigs ngan gyi las byed na thams cad kyis smad par gyur pa ltar/ lus kyi sa bon yang de dang 'dra ste/ sa bon khu ba dang khrag las gyur pas mthar mi gtsang ba'o//

  149. 75b

    de ltar mi gtsang ba'i phyir sangs rgyas dang byang chub sems dpa' rnams kyis yongs su spod do// rigs kyi bu lus 'di ni rim la ya dang mi mtshungs so// tsan dAn dang / me tog ut+pa la dang / pu na da ri ka dang / tsam pa ka dang / mi li ka dang / pa shi ka mi skye ste/ bu ga dgu nas rtag tu khrag dang / rnag dang / mi gtsang ba zag ste/ mnam pa sme ba'i gnas su skyes te/ mi sdug pa skyo bar rung ba rtag tu srin bu rnams dang lhan cig gnas pa'o// rigs kyi bu dper na 'jig rten skyed mos tshal gyi ra ba dam pa gtsang bar mi ro bzhag na de gtsang bar mi 'gyur te/ mang po kun gyis spangs nas chags pa'i sems mi skye ba ltar/ gzugs kyi khams kyang de dang 'dra ste/ gtsang la bzang mod kyi/ lus yod pa'i phyir sangs rgyas dang byang chub sems dpa' rnams kyis yongs su spong ngo / / rigs kyi bu gang de ltar rtog mi nus pa ni lus bsgom zhes mi bya'o// de la tshul khrims mi bsgom pa ni// rigs kyi bu gang gis tshul khrims 'di ni dge ba'i chos thams cad kyi skas kyi them pa'o// dge ba'i chos thams cad kyi rtsa ba ste/ ji ltar sa chen po ni shing dang nags tshal thams cad kyi skye ba'i gnas dang mtshungs so/ / dge ba'i rtsa ba thams cad kyi thog mar 'gro ba ste/ ji ltar tshong dpon tshong pa thams cad kyi thog mar 'gro ba dang mtshungs so// tshul khrims ni dge ba'i chos

  150. 76a

    thams cad kyi rgyal mtshan yin te/ ji ltar brgya byin gyis rgyal mtshan bsgreng ba bzhin no// tshul khrims kyis mi dge ba'i las thams cad dang / ngan song gsum gyi lam yun du gcod pa'o/ / mi dge ba'i nad gso ba ste/ ji ltar sman gyi sdong bu bzhin no// tshul khrims ni 'khor ba'i lam nyam nga ba'i rgyags tshol ba lta bu'o// tshul khrims ni nyon mongs pa'i dgra gzhom pa'i go mtshon no/ / tshul khrims ni nyon mongs pa'i sbrul gdug pa med par bya ba'i rig sngags so// tshul khrims ni mi dge ba'i las spyod pa sgrol ba'i zam pa lta bur rtogs mi nus pa ni tshul khrims bsgom pa zhes mi bya'o/ / de la sems mi bsgom pa ni sems g.yengs pa dang / 'phyar ba dang / 'gyur ba dang / gzung dka' ba dang / gdul dka' ba ste/ kun tu rgyu la ji ltar bal glang ma rungs pa bzhin no// skad cig skad cig mar myur te glog gi 'od dang mtshungs so// sems ni rgod cing mi gnas te spre'u dang mtshungs so// sems ni sgyu ma smig rgyu dang mtshungs te mi dge ba thams cad kyi rtsa ba'o// 'dod pa lnga ni cho ga dka' ste me dang shing bu phrad pa dang mtshungs so// sems ni rgya mtsho dang mtshungs te 'bab chu thams cad shor ba'o/ / sems ni ri ma dang mtshungs te rtswa shing mang po skye ba'i gnas lta bur rtog mi nus shing 'khor ba yang dag pa ma yin pa slu ba la chags pas gnod par 'gyur te/ ji ltar

  151. 76b

    nya dag mchil pas zin pa bzhin no/ / rtag tu thog mar 'gro ba'i rjes su las 'brang ba ni ji ltar nya mo thog mar song na/ bu rnams phyi bzhin 'brang ba bzhin te/ 'dod pa lnga la chags nas mya ngan las 'das pa la mi mos pa ni/ ngi wAr rdza mos sbrang rtsi thos na shi ba la thug gi bar du rtswa la mi blta'o// dra ltar nam bde ba la chags shing phyi ma'i nyes pa mi rtog ste/ ji ltar ba glang ljang bu la chags pa dbyug pas brdabs kyang mi 'jigs pa dang / srid pa nyi shu rtsa lngar kun tu 'khor zhi rgyug pa ni/ ji ltar rlung drag pos shing bal 'bud pa bzhin no// tshol ba'i mi rigs pa tshol ba la chog mi shes pa ni/ ji ltar blun po glen pa dag ngo mi tsha ba bzhin no// rtag tu 'khor ba la dga' zhing rnam par grol ba la mi dga' ba ni/ ji ltar srin bu 'ji ba zhes bya ba shing 'jib pa la chags pa bzhin no/ / bslad cing 'khor ba'i mnam po la sred cing chags pa ni/ ji ltar btson dag btson dpon gyi bu mo la dga' ba 'am/ phag mi gtsang ba la chags pa bzhin te/ gang gis de ltar rtog mi nus pa'i sems mi bsgom pa zhes bya'o// de ltar shes rab mi bsgom pa ni bya nam mkha' lding lta bu'i mthu stobs chen pos las ngan pa thams cad 'joms pa dang / nyi ma'i 'od ltar ma rig pa'i mun pa gzhom pa dang / phung po'i shing rtsa ba rtsa nas 'don pa ni ji ltar chu drag pos g.yeng ba lta bu dang / log par

  152. 77a

    lta ba sreg pa ni me mur dang 'dra ba'i mthu stobs yod pa mi rtog pa dang / shes rab ni dge ba'i chos thams cad kyi rtsa ba yin te/ sangs rgyas dang byang chub sems dpa' rnams kyi yum dang / sa bon yin par rtogs mi nus pa ni shes rab bsgom pa zhes mi bya'o// rigs kyi bu don dam pa la gal te lus dang / lus kyi mtshan nyid dang / lus kyi rgyu dang lus kyi 'bras bu dang / lus kyi phung po dang / lus gcig pa dang / lus gnyis pa dang / lus 'di dang / lus pha rol dang / lus 'gog pa dang / lus mnyam pa dang lus kyis lus bsgom par blta ba ni lus bsgom pa zhes mi bya'o/ / rigs kyi bu gang tshul khrims dang / tshul khrims kyi mtshan nyid dang / tshul khrims kyi rgyu dang / tshul khrims kyi 'bras bu dang / tshul khrims rab dang / 'bring dang / tshul khrims tha ma dang / tshul khrims kyi tshogs dang / tshul khrims gcig pa dang / tshul khrims gnyis pa dang / tshul khrims 'di dang / tshul khrims pha rol dang / tshul khrims 'gog pa dang / tshul khrims mnyam pa dang / tshul khrims kyis tshul khrims bsgom pa dang tshul khrims kyi pha rol tu phyin par lta na ni tshul khrims bsgom pa zhes mi bya'o/ / gang gis sems dang / sems kyi mtshan nyid dang / sems kyi rgyu dang / sems kyi 'bras bu

  153. 77b

    dang sems kyi tshogs dang / sems dang sems las byung ba dang / sems gcig pa dang / sems gnyis pa dang / sems 'di dang / sems pha rol dang / sems 'gog pa dang / sems mnyam pa dang / sems kyis sems bsgom pa dang / sems rab dang / 'bring dang / tha ma dang / mi dge ba'i sems dang / dge ba'i sems su lta na/ de ni sems bsgom pa zhes mi bya'o// rigs kyi bu gang shes rab dang / shes rab kyi mtshan nyid dang / shes rab kyi rgyu dang / shes rab kyi 'bras bu dang / shes rab kyi tshogs dang / shes rab gcig pa dang / shes rab gnyis pa dang / shes rab 'di dang / shes rab pha rol dang / shes rab 'gog pa dang / shes rab mnyam pa dang / shes rab rab dang / 'bring dang / tha ma dang / shes rab rdul ba dang / shes rab rno ba dang / shes rab kyis shes rab bsgom par lta ba ni shes rab bsgom pa zhes mi bya'o/ / rigs kyi bu gang gis lus dang / tshul khrims dang / sems dang / shes rab mi bsgom pa de ni mi dge ba'i las chung ngus kyang mi dge ba'i rnam par smin pa chen por 'gyur te/ 'di ltar 'jigs pa'i phyir rtag tu 'di snyam du/ bdag sems can dmyal bar rtogs pas sems can dmyal ba'i spyad pa spyod do snyam sems te/ mkhas pa

  154. 78a

    shes rab can gyis sems can dmyal ba'i sdug bsngal bstun pa thos kyang rtag par 'di snyam du ji ltar lcags kyis lpags brdung ba dang / rdos rdo brdeg pa dang shing gis shing brdeg pa dang / me'i srin bu me la dga' ba bzhin du/ sems can dmyal ba'i lus kyang sems can dmyal ba dang mtshungs so// de ltar sems can dmyal ba dang mtshungs na sdug bsngal gyis dngos po ci zhig yod ces sems so/ / dper na sbrang bu dar snabs la 'byar te 'byung mi nus pa ltar/ de yang de dang 'dra ste/ kha na mtho ba chung ngu las 'byung mi nus shing / thog ma nas 'gyod pa'i sems med de/ dge ba spyod ma nus shing skyon bcab pas sngon gyi dge ba'i las yod pa rnams kyang kha na ma tho ba sme bar bya ste/ de la da ltar gyi dus su myong ba rigs pa'i rnam par smin pa yang bar bsgyur te/ sems can dmyal ba'i mi dge ba'i 'bras bu shin tu lci bar bsgyur to// rigs kyi bu ji ltar na snod chung du'i chu nyung zad kyi nang du lan tshwa phul gang btab na ro shin tu kha bas btung rab tu dka' ba ltar/ de'i kha na ma tho ba'i las kyang de dang 'dra'o// rigs kyi bu dper na mi zhig gzhan la dong tshe gcig chags pa las sbyin pa 'jal mi phod pa'i phyir bcings drags te sdug bsngal mang du myong ba ltar/ de'i kha na ma tho ba'i las kyang de dang 'dra'o// byang chub sems dpa'

  155. 78b

    seng ge'i smras gsol pa/ bcom ldan 'das ci'i skad du da ltar myong ba'i rigs pa'i rnam par smin pa yang ba sems can dmyal bar myong bar 'gyur/ bcom ldan 'das kyis bka' stsas/ pa rigs kyi bu sems can thams cad kyis dngos po 'di lnga dang ldan na/ da ltar gyi rnam par smin pa yang ba sems can dmyal ba myong bar 'gyur/ lnga gang zhe na/ gti mug can dang / dge ba'i rtsa ba nyung ba dang / mi dge ba'i las lci ba dang / 'gyod ma tshangs ma byas pa dang / thog ma'i dge ba'i las mi spyod pa'o// yang rnam pa lnga ste/ mi dge ba'i las spyod pa dang / tshul khrims kyi nor med pa dang / dge ba'i rtsa ba spong ba dang / lus dang / tshul khrims dang / sems dang / shes rab mi bsgom pa dang / mi dge ba'i bshes gnyen la sten pa ste/ rigs kyi bu de bas na da ltar 'bras bu rnam par smin pa yang ba sems can dmyal ba'i lci ba myong bar 'gyur ro// seng ge'i sgras gsol pa/ bcom ldan 'das skyes bu gang dag ni sems can dmyal ba'i rnam par smin pa lci ba bsgyur te/ da ltar gyi tshe yang ba myong bar 'gyur/ bcom ldan 'das kyis bka' stsal pa/ rigs kyi bu gang gis lus dang / tshul khrims dang / sems dang / shes rab bsgom zhing gong du bshad pa ltar/ chos thams cad nam mkha' dang 'dra bar rtogs te/ shes rab tu

  156. 79a

    mi lta shes rab can du mi lta/ gti mug tu mi lta/ gti mug can du mi lta/ bsgom par mi lta/ bsgom pa can du mi lta ba de ni shes rab can zhes bya ste/ des ni lus dang / tshul khrims dang / sems dang / shes rab bsgom zhing / des ni sems can dmyal ba'i 'bras bu rnam par smin pa lci ba da ltar gyi tshe na yang myong ba ste/ des gal te mi dge ba'i las rab tu lci ba byas kyang 'di snyam du bdag gis las 'di shin tu lci mod kyi/ dge ba'i las tsam mi phod do snyam du sems pa ni 'di lta ste/ dper na ras kyi bal ni pho re brgya yang gser yang dag par srang gcig gi dor med pa 'am/ ji ltar gang+gA'i klung gi nang du lan tshwa phul gang btab na lan tshwa mi br-i ste/ 'thung ba dag mi tshor paba'am/ dper na shin tu phyug pos rin po che brgya stong gzhan la chags kyang sus kyang bcings drags te sdug bsngal bar byed mi nus pa 'am/ ji ltar spos kyi bal glang chen po lcags kyis bcag nas rang nyam du 'gro nus pa ltar/ shes rab can yang de dang 'dra ste/ rtag tu 'di snyam du bdag ni dge ba'i stobs che la mi dge ba'i las ni nan pas/ bdag gis 'grol zhing bshags na sdig pa byang bar 'gyur te/ shes rab bsgoms na shes rab kyi stobs che zhing / ma rig pa'i stobs chung bar 'gyur ro snyam bsam nas/ dge ba'i bshes

  157. 79b

    gnyen la sten te/ yang dag pa'i lta ba la goms par byed cing / mdo sde sde bcu gnyis gzungs su 'dzin te klog pa dang / 'don pa dang / yi ger bris shing gzhan la ston pa dang / gzhan dag gzungs su 'dzin cing klog gam/ 'don tam/ yi ger 'bri 'am/ gzhan la yang 'don pa mthong na bkur sti'i sems bskyed do// kos dang zas dang / gnas khang dang / mal cha dang / nad kyi rkyen sman dang / me tog dang / spos kyis mchod de/ bsti stang dang rim gro byed do// gang nas gang du byin pa'i gnas su legs pa brjod kyis/ nyes pa mi brjod de/ dkon mchog gsum la mchod cing shin tu rgyas pa'i mdo mya ngan las 'das pa'i las de bzhin gshegs pa rtag pa dang / mi 'gyur mi 'pho ba dang / sems can thams cad la sangs rgyas kyi rang bzhin yod par lhag par yid ches pa de ni/ sems can dmyal ba'i rnam par smin pa lci ba da ltar gyi dus na yang ba myong bar byed pa'o// rigs kyi bu don de lta bas na las thams cad nges par 'bras bu yod pa ma yin la/ sems can thams cad kyis nges par myong ba ma yin no// byang chub sems dpa' seng ge'i sgras gsol pa/ bcom ldan 'das gal te las thams cad la nges pa'i 'bras bu yang ma mchis la/ sems can thams cad la sangs rgyas kyi rang bzhin mchis pas/ 'phags pa'i lam brgyad bsgom par

  158. 80a

    'gyur na/ ci'i rgyu ci'i rkyen gyis sems can thams cad yongs su mya ngan las 'das pa chen po ma thob/ bcom ldan 'das gal te sems can thams cad la sangs rgyas kyi rang bzhin mchis/ gdon mi za bar bla na med pa'i byang chub thob par 'gyur na/ 'phags pa'i lam brgyad bsgom yang ci 'tshal/ bcom ldan 'das mdo sde 'di las nad pa dag gal te sman dang / sman pa dang / nad g.yog dang / nad ji lta ba bzhin du gsos na nang byang bar 'gyur ba ltar/ sems can thams cad kyang de dang 'dra ste/ nyan thos dang / rang sangs rgyas dang / de bzhin gshegs pa dang / byang chub sems dpa' rnams dang / dge ba'i bshes gnyen rnams las chos thos te/ 'phags pa'i lam bsgom sam/ gal te ma 'phrad dam/ ma thos sam/ lam pa bsgoms kyang bra na med pa yang dag par rdzogs pa'i byang chub thob par 'gyur ro// de ci'i slad du zhe na/ sangs rgyas kyi rang bzhin mchis pa'i slad du'o// bcom ldan 'das dper na nyi ma zla ba an tar du ma phyin par bar du gcod nus pa 'am/ klung chen po bzhi yang rgya mtshor ma phyin par dgag nus sam/ log sred can dag sems can dmyal bar mi 'gro bar dgag nus pa ma mchis pa lta/ sems can thams cad kyang de dang 'dra ste/ sus kyang bla na med pa yang dag par rdzogs pa'i byang chub tu 'gro ba'i bar du gcod nus pa ma mchis so// de ci

  159. 80b

    slad du zhe na/ sangs rgyas kyi rang bzhin mchis pa'i rmad du'o// bcom ldan 'das don de lta bas na/ sems can thams cad lam bsgom mi 'tshal bar sangs rgyas kyi rang bzhin gyi mthus bla na med pa yang dag par rdzogs pa'i byang chub thob pa'i rigs kyi/ 'phags pa'i lam bsgom pa'i mthu la rag ma lus so// bcom ldan 'das gal te log sred can dang // phas pham pa bzhi nyams pa dang / mtshams med pa lnga bgyis pa la sogs pa bla na med pa yang dag par rdzogs pa'i byang chub mi thob pa ni bsgom 'tshal na/ sangs rgyas kyi rang bzhin gyi rgyus nges par thob par 'gyur bas bsgom pa'i phyir thob par 'gyur ba ni ma lags so/ / bcom ldan 'das dper na rdo khab long lta bur lcags dang mi nyi mod kyi/ de'i mthus lcags 'dzin to// sems can gyi sangs rgyas kyi rang bzhin yang de dang 'dra ste/ de bas na 'phags pa'i lam la brtson mi 'tshal lo// bcom ldan 'das kyis bka' stsal pa/ legs so legs so// rigs kyi bu dper na klung gi 'gram na mi rnam pa bdun zhig khrus byed dam/ dgras 'jigs pa'i phyir ram/ me tog brda ba'i phyir ram/ chu'i nang du zhugs na/ de la gcig ni chur zhugs ma thag tu nub par gyur to/ / de ci'i phyir zhe na/ zhe la mthu rtsal med de/ rgyal ma bslabs pa'i phyir ro// de la gcig ni zhugs nas nub mod kyi/ nub nas phyir yang byung ste/

  160. 81a

    byung nas phyir nub bo// de ci'i phyir zhe na/ mthu rtsal che bas nub nas phyir byung ngo // rgyal ma bslabs pas byung nas phyir yang nub bo// de la gcig ni nub nas phyir byung ste/ byung nas phyir ma nub bo// de ci'i phyir zhe na/ lus lci bas nub kyang mthu rtsal che bas slar byung ngo // rgyal bslabs pas kyang ma nub bo// de la gcig ni zhugs nas nub ste/ nub nas phyir byung ngo // byung nas phyir chags te phyogs bzhi kun tu blta'o// de ci'i phyir zhe na/ lus lci bas nub kyang mthu rtsal che bas byung ngo // rkyal bslabs pas chags te byung ba'i gnas mi shes pas phyogs bcur blta'o/ / de la gcig ni zhugs nub ste phyir byung byung nas chags so// chags nas phyogs bzhir bltas so// bltas nas song ngo de ci'i phyir zhe na/ 'jigs pa'i phyir ro// de la gcig ni zhugs nas song ngo // gting tshugs pa na sdod do// de ci'i phyir zhe na/ dgra nye ring lta ba'i phyir ro// de la gcig ni pha rol 'gram du phyin nas ri mthon por 'dzegs te dgra dang bral nas/ 'jigs pa med cing rab tu bde bar gyur to// rigs kyi bu de bzhin du 'khor ba'i klung chen po yang de dang 'dra ste/ mi rnam pa bdun yod do// de dag kyang nyon mongs pa'i dgras 'jigs pa'i phyir 'khor ba'i klung chen po rgal snyam bsam nas/ khyim nas khyim med par rab tu byung ste sra

  161. 81b

    dang kha spu bregs nas lus la chos gos gyon te/ de ltar rab tu byung nas mi dge ba'i grogs dang bsten te/ dge ba de'i ngag mi nyan cing log pa'i chos 'di dag 'dzin to// sems can gyi lus ni lnga phung ste/ lnga phung de ni chen po lnga'o// gal te sems can shing chen po lnga yun du bcad pa yin no// chen po lnga yun du bcad na/ dge ba dang mi dge ba'i las rnams bsgom ci dgos shes zer te/ de bas na dge ba dang / mi dge ba dang / mi dge ba'i rnam par smin pa med par rig go zhes zer te/ de lta bu ni log sred can zhes bya'o// log sred can zhes bya ba ni dge ba'i rtsa ba thams cad gcod pa zhes bya'o/ / dge ba'i rtsa ba bcad pa'i phyir 'khor ba'i klung du nub ste 'byung mi nus so// de ci'i phyir zhe na/ mi dge ba'i las lci ba'i phyir dad pa'i stobs med pa'i phyir te/ rlung gi mi dang po dang mtshungs so// rigs kyi bu log sred can dag ni rgyu rkyen rnam pa drug gis ngan song gsum du nub ste 'byung mi nus so// drug gang zhe na/ 'di lta ste/ mi dge ba'i sems 'bar ba dang / 'jig rten phyi ma mi mthong ba dang / nyon mongs pa spyod par dga' ba dang / dge ba'i rtsa ba spong ba dang / mi dge ba'i las kyis bsgribs shing chod pa dang / mi dge ba'i bshes gnyen la brten pa'o// yang dngos po rnam pa lnga ngan song gsum du nub bo// lnga gang zhe na/ dge slong la chos

  162. 82a

    ma yin par byed pa dang / dge slong ma la chos ma yin par byed pa dang / dbang du byas te dge 'du gyi rdzas la gcod pa dang / ma la chos ma yin par spyod pa dang dge 'dun sde mi mthun pa lnga la yin pa dang ma yin pa bskyed pa'o/ / yang dngos po rnam pa lngas ngan song gsum du lhung ste/ lnga gang zhe na/ rtag tu dge ba dang mi dge ba'i 'bras bu med do zhes 'chad pa dang / byang chub kyi sems bskyed pa'i sems can gyi srog gcod pa dang / chos smra ba'i skyon 'dru ba dang / chos la chos ma yin par bshad cing chos ma yin pa la chos su bshad pa dang / chos la skyon tshol ba'i phyir nyan pa'o// yang dngos po rnam pa gsum du nub bo// gsum gang zhe na/ de bzhin gshegs pa mi rtag pa ste 'gog pa'o zhes smra ba dang / dam pa'i chos kyang mi rtag pa ste 'gyur zhing 'pho ba'o zhes smra ba dang / dge 'dun dkon mchog 'gog par 'gyur ro zhes smra ba ste de bas na rtag tu ngan song gsum du nub bo/ / de 'og mas 'khor ba'i klung las rgal bar 'dod pa'i phyir dge ba'i rtsa ba bcad pas nub nas 'byung mi nus so// de la 'byung ba zhes bya ba ni dge ba'i bshes gnyen la bsnyen nas dad pa'i sems thob pa'o/ / de la dad pa'i sems ni sbyin pa dang / sbyin pa'i 'bras bu la yid ches pa dang / dge ba dang / dge

  163. 82b

    ba'i 'bras bu la yid ches pa dang / mi dge ba dang / mi dge ba'i 'bras bu la yid ches pa dang / 'khor ba la sdug bsngal ba dang / mi rtag pa dang / 'jig par yid ches/ pa ste/ de ni dad pa zhes bya'o// dad pa'i sems dang ldan pa'i phyir tshul khrims gtsang ba spyod cing gzungs su 'dzin te klog gam/ 'don tam/ yi ger bris sam/ dgrol zhing bshad de/ rtag tu sbyin pa byed cing shes rab sgom yang dbang po rdul ba'i mi dge ba'i bshes gnyen dang phrad na lus dang / tshul khrims dang / sems dang / shes rab mi bsgom zhing log pa'i chos 'dzin to/ / yang na dus ngan pa'i tshe yul ngan par skyes na dge ba'i rtsa ba rnams gcod do// dge ba'i rtsa ba bcad pa'i phyir rtag tu 'khor bar nub ste/ de ni klung gi mi gnyis pa dang mtshungs so/ / de la gcig ni 'khor ba'i klung chen po las rgal 'dod pa las/ dge ba'i rtsa ba bcad pa'i phyir nub par gyur kyang / dge ba'i bshes gnyen la brten pas na byung ba zhes bya ste/ de bzhin gshegs pa ni thams cad mkhyen pa yin/ rtag par mi 'gyur ba ste/ sems can gyi phyir bla na med pa'i chos ston to// sems can thams cad la sangs rgyas kyi rang bzhin yod do/ / de bzhin gshegs pa la chos dang dge 'dun 'gog pa ma yin no zhes yid ches shing dang de/ log phred can ni chos de dag

  164. 83a

    bcad na rnams kyang bla na med pa yang dag par rdzogs pa'i byang chub mi thob ste/ rnam par spangs na gdod thob bo snyam yid ches shing dang pa'i sems gtsang ba sgom mo/ tshul khrims gtsang ba bsgoms nas mdo sde sde bcu gnyis gzungs su 'dzin cing klog pa dang / 'don pa dang / yi ger bris shing rnam par 'byed de/ sems can thams cad la rgyas par ston to/ / sbyin pa la dga' zhing shes rab sgom par byed do// de ltar dbang po rno bas dad pa dang shes rab brtan par gyur nas/ phyir ldog pa'i sems med pa de ni krung gi mi gsum pa dang mtshungs so/ / de la gcig ni 'khor ba'i klung chen po rgal 'dod pa las/ dge ba'i rtsa ba bcad pa'i phyir der nub par gyur kyang / dge ba'i bshes gnyen / radang bsten pas dang pa'i sems dang ldan pa ni 'byung ba zhes bya ste/ dad pa'i sems dang ldan pa'i phyir mdo sde sde bcu gnyis gzungs su 'dzin cing klog pa dang / 'don pa dang / yi ker bris shing rnam par byed de/ sems can thams cad la rgyas par ston to// sbyin pa la dga' zhing shes rab sgom par byed do// de ltar dbang po rno ba'i phyir dad pa dang shes rab la brtan par gyur te/ phyir ldog pa'i sems med pas phyogs bzhir blta'o// de la phyogs bzhir blta ba zhes bya ba ni dge slong gi 'bras bu rnam pa bzhi ste/ ji ltar klung gi rmi

  165. 83b

    bzhi pa dang mtshungs so/ / de la gcig ni 'khor ba'i klung chen po de rgal 'dod pa las dge ba'i rtsa ba bcad pas phyir der nub par gyur kyang / dge ba'i bshes gnyen dang bsnyen pa'i phyir dge ba'i sems dang ldan pas na de ni 'byung ba zhes bya'o/ / de ltar dad pa'i sems dang ldan pa'i phyir mdo sde sde bcu gnyis gzungs su 'dzin cing klog pa dang / 'don pa dang yi ger bris shing rnam par 'byed de/ sems can thams cad la rgyas par ston to// sbyin pa la dga' zhing shes rab sgom par byed do// de ltar dbang po rno bar gyur pa'i dad pa dang shes rab la brtan par gyur nas/ phyir ldog pa'i phyir sems med par gyur to// de ltar phyir ldog pa med pas gong nas gong du 'phar ro// de la gong nas gong du 'phar ba ni rang sangs rgyas te/ de ltar bdag grol mod kyi/ sems can thams cad la ma yin pas de ni song ba zhes bya ste/ ji ltar klung gi mi lnga pa dang mtshungs so// / de la gcig ni 'khor ba'i klung chen po rgal 'dod pa las dge ba'i rtsa ba bcad pas der nub kyang / dge ba'i bshes gnyen dang bsten pa'i sems dang ldan par gyur to// dad pa'i sems dang ldan pas 'byung ba zhes bya'o/ / de ltar dad pa'i sems dang ldan pa'i phyir mdo sde sde bcu gnyis gzungs su 'dzin cing klog pa dang / 'don pa dang / yi ger rdzi

  166. 84a

    shing rnam par phye ste/ sems can thams cad la rgyas par smon to// sbyin pa la dga' zhing shes rab sgom par byed do// de ltar dbang po rnon por gyur ba'i phyir dad pa dang shes rgyu nas phyir ldog pa'i sems med do/ / de ltar phyir ldog pa med pas gong nas gong du 'phar te gting tshugs par gyur to// gting tshugs par phyin nas der sdong de mi 'gro'o/ / der sdod cing mi 'gro zhes bya ba ni 'di lta ste/ byang chub sems dpa' sems can rnams sgrol ba'i phyir nyon mongs pa la rtog pa'o// de ni ji ltar klung gi mi drug pa dang mtshungs so/ / de la gcig ni 'khor ba'i klung chen po rgal 'dod pa las dge ba'i rtsa ba bcad de nub par gyur kyang / dge ba'i bshes gnyen dang bsten pas na dad pa'i sems dang ldan par gyur to/ / dad pa'i sems dang ldan pas na byung ba zhes bya ste/ dad pa'i sems kyis mdo sde sde bcu gnyis gzungs su 'dzin cing klog pa dang / 'don pa dang / yi ger bris shing rnam par 'byed de/ sems can thams cad la rgyas par ston to// sbyin pa la dga' zhing shes rab sgom par byed do// de ltar dbang po rnon por gyur pa'i phyir dad pa dang shes rab brtan par gyur nas/ phyir ldog pa'i sems med par gyur to// phyir ldog pa med pas gong nas gong du 'phar ro// gong nas gong du 'phar bas/ pha rol gyi 'gram du phyin te ri mthon

  167. 84b

    bopor 'dzegs/ 'jigs pa'i dgra rnams spangs te bde ba mang po myong bar gyur to// rigs kyi bu pha rol gyi 'gram du phyin pa mes bya ba ni de bzhin gshegs pa'o// bde ba myong ba zhes bya ba ni sangs rgyas rtag pa'o/ / ri mthon por gnas pa zhes bya ba ni yongs su mya ngan las 'das pa chen po'i dpe'o// rigs kyi bu krung gi mi de dag kun la rkang lag dang ldan mod kyi/ rgal mi nus pa ltar sems can thams cad kyang de dang 'dra ste/ yang dag par sangs rgyas dkon mchog dang / chos dkon mchog dang / dge 'dun dkon mchog yod la/ de bzhin gshegs pas kyang chos rnams kyi mdo 'phags pa'i lam gyi yan lag brgyad dang / yongs su mya ngan las 'das pa chen po bstan mod kyi/ sems can rnams kyis thob par mi nus te/ 'di ni ngas kyang mnyes la/ 'phags pa'i lam gyis kyang mnyes te/ sems can rnams kyi skyon dang / nyon mongs pa rnams nyes par gyur par rig par bya'o// don de lta bas na sems can thams cad kyis mya ngan las 'das pa ma thob bo/ / rigs kyi bu dper na sman pa mkhas pas nad kyi dngos por rig nas sman ston te/ nad pas ma 'thungs na sman pas nyes pa ma yin no// rigs kyi bu gal te sbyin bdag gcig gis nor ci bdog pa thams cad mi thams cad la byin pa las kha cig gis ma blangs na/ sbyin bdag gis nyes pa ma yin no// rigs kyi bu dper na nyi ma

  168. 85a

    shar ba na grag grog zab mo thams cad kyang snang bar 'gyur la/ dmus long gis lam mi mthong ba ni nyi mas mnyes so// rigs kyi bu dper na klung gi chus skom pa ngoms par nus te/ skom pa dag ma 'thungs na chus mnyes so// rigs kyi bu dper na sa chen pos ni 'bras bu thams cad mnyam par bskyed de/ gnyis su med pas na zhing pas ma rmos pa ni sas mnyes so/ / rigs kyi bu de bzhin gshegs pas sems can thams cad la khyad par mdo sde sde bcu gnyis rgyas par 'byod cing bstan te/ sems can gyis ma bzung na de bzhin gshegs pas ma nyes so// rigs kyi bu gang la la lam bsgom pa ni bla na med pa yang dag par rdzogs pa'i byang chub thob bo// rigs kyi bu khyod kyis sems can kun la sangs rgyas kyi rang bzhin yod pas bla na med pa dgra bcom pa yang dag par rdzogs pa'i byang chub thob ste/ ji ltar rdo khab long bzhin no zhes bya ba ni legs so legs so// sangs rgyas kyi rang bzhin yod pa'i rgyu'i stobs kyis bla na med pa yang dag par rdzogs pa'i byang chub thob kyi/ 'phags pa'i lam bsgom mi dgos so zhes bya ba de ni don de lta ma yin no// rigs kyi bu dper na mi la la zhig dbye dgon par song ba las skom pas gdungs te khron pa zhig dang phrad do/ / khron pa de shin tu zab ste chu mi mthong mod kyi nges par yod par shes so// mi des thams cad kyis zo ba dang thag pa btsal nas bcus nas

  169. 85b

    gzod mthong ba ltar/ sangs rgyas kyi rang bzhin yang de dang 'dra ste/ sems can thams cad la yod mod kyi/ zag pa med pa'i 'phags pa'i lam bsgom pas gdod mthong bar 'gyur ro/ nga rigs kyi bu ji ltar til yod na mar yang mthong bar 'gyur ro// thabs rnams spangs na mi mthong ba bzhin du bu ram gyi shing yang de dang 'dra'o// rigs kyi bu dper na sum cu rtsa gsum gnam gyi lha dang / byang gi sgra mi snyan yod pa'i chos yin mod kyi/ dge ba'i las sam rdzu 'phrul gyi mthu med na mi mthong ngo // sa'i 'og na rtswa'i rtsa ba dang sa'i 'og gi chu ni sas khebs pa na mi mthong ba ltar/ sems can gyi sangs rgyas kyi rang bzhin yang de dang 'dra ste/ 'phags pa'i lam ma bsgoms na mthong bar mi 'gyur ro// rigs kyi bu khyod kyis ji ltar 'jig rten na nad pas gal te nad g.yog dang / sman bzang po dang / sman pa mkhra ba dang phrad de/ nad pa ji lta ba bzhin du sman btang ngam/ gal te ma phrad kyang rung ste 'tsho'o zhes bya ba ni/ rigs kyi bu ngas byang chub sems dpa' sa drug pa rnams la don de dag bstan to// rigs kyi bu dper na nam mkha' ni sems can gyi nang yang ma yin/ phyi rol yang ma yin phyi nang gnyis ka yang ma yin pa'i phyir thogs pa med de/ sems can gyi sangs rgyas kyis rang bzhin yang de dang 'dra'o// rigs kyi bu dper na mi zhig nor gnas gzhan zhig na yod na/ drung na

  170. 86a

    med mod kyi/ yid bzhin du spyod la dbang ngo // gal te la la zhig gis dris na yang dag dbang ngo zhes zer ro// de ci'i phyir zhe na/ nges par dbang ba'i phyir te sems can gyi sangs rgyas kyi rang bzhin yang de dang 'dra bar 'di yang ma yin/ pha rol yang ma yin te/ nges par thob pa'i phyir thams cad la yod ces smras so// rigs kyi bu dper na sems can gyis las dge ba dang mi dge ba byas pa yang nang na ma yin/ phyi rol na yang ma yin te/ de ltar las kyi rang bzhin de yod pa yang ma yin/ med pa yang ma yin thog ma med pa da ltar yod pa yang ma yin/ / rgyu med pa las byung ba yang ma yin// 'dis byas pas 'dis myong ba ma yin/ 'dis byas pas gzhan myong ba ma yin// gzhan byas pas gzhan myong bar ma yin no// byas pa yang med/ myong ba yang med pa ma yin gyis/ dus dang rkyen 'dus pas 'bras bu rnam par smin par 'gyur ba ltar/ sems can gyi sangs rgyas kyi rang bzhin yang de dang 'dra bar thog ma med la/ da ltar yang yod pa ma yin/ nang nu ma yin/ phyi rol nA ma yin/ yod pa ma yin/ med pa ma yin/ 'di na ma yin/ pha rol na ma yin/ gzhan nas 'ong ba ma yin/ rgyu med pa yang ma yin/ sems can thams cad kyis mi mthong ba yang ma yin te/ byang chub sems dpa' rnams dus dang rkyen 'dus pa mthong bar 'gyur ro//

  171. 86b

    de la dus shes bya ba ni 'di lta ste/ byang chub sems dpa' sems dpa' chen po sa bcu pa 'phags pa'i lam brgyad sgom zhing / sems can thams cad la mnyam pa'i sems thob pa de'i tshen mthong ste/ de ni byas pa zhes mi bya'o// rigs kyi bu khyod kyis rdo khab long dang 'dra'o zhes bya ba'i don ni de lta ma yin no// de ci'i phyir zhe na/ rdos lcags 'dzin pa ma yin no// de yang ci'i phyir zhe na/ sems can dang las med pa'i phyir ro// rigs kyi bu chos tha dad pa yod pas chos tha dad pa 'byung ngo // chos tha dad pa med pas chos tha dad pa 'gog ste/ byed pa yang med// 'jigs pa yang med do// rigs kyi bu dper na me mur gyis shing tshig par mi nus mod kyi me byung nas shing 'jigs byas tshig pa zhes bya'o// rigs kyi bu dper na ldum pa ni nyi ma ji tsam ltar 'gyur te/ lcam pa de la 'dud pa'i sems kyang med/ rnam par shes pa yang med la/ las kyang med mod kyi/ chos tha dad pa'i mtshan nyid kyis rang 'khor zhing 'gyur ro// rigs kyi bu dper na chu shing gi sdong po ni 'brug gi sgra grags na skye ste/ sdong po de la rna ba med/ sems med/ yid kyi rnam par shes pa med kyang / chos tha dad pa yod pas chos tha dad pa skyes so/ / chos tha dad pa med na chos tha dad pa 'gog go// rigs kyi bu dper na shing a sho ka la bud med kyis reg na me tog 'byung ste/ shing de la sems kyang med

  172. 87a

    reg pa'i tshor ba med kyang chos tha dad pa yod pas chos tha dad pa 'byung ngo / / chos tha dad pa med na chos pa dad pa 'gog go// rigs kyi bu dper na gyur rtsi'i shing ni ro dang 'phags na shing thog legs shing mang bar 'gyur te/ skyur rdzi'i shing de la sems kyang med/ reg bya med mod kyi/ chos tha dad pa yod pas chos tha dad pa 'byung ngo // chos tha dad pa med na chos tha dad pa 'gog go// rigs kyi bu dper na bal po se'u'i shing 'dzugs pa so lpags dang / rus pa dang / lus kyi smed byas na 'bras bu legs par 'gyur te bal po se'u'i shing de la sems dang reg pa med mod kyi/ chos tha dad pa yod pas chos tha dad pa 'byung ngo // chos tha dad pa med na chos tha dad pa 'gog pa ste/ rigs kyi bu rdo khab long gis lcags len pa yang de dang 'dra bar/ chos tha dad pa yod pas chos tha dad pa 'byung ngo // chos tha dad pa med na chos tha dad pa 'gog ste/ sems can gyi sangs rgyas kyi rang bzhin yang de dang 'dra bar/ bla na med pa yang dag par rdzogs pa'i byang chub len mi nus so// rigs kyi bu ma rig pa yang 'du byed rnams len mi nus shing / 'du byed kyis kyang rnam par shes pa'i ma dru zod kyi/ ma rig pa'i chen gyi 'du byed/ 'du byed ba chen gyis rnam par shes pa sa kyi/ sangs rgyas tsugs par rung mi 'thugs kyang rung

  173. 87b

    dbyings ni rtag tu gnas so/ / rigs kyi bu gal te sangs rgyas kyi rang bzhin sems can gyi nang na gnas shes bya ba ni/ rigs kyi bu rtag pa'i chos ni gnas med de/ gal te gnas yod nami rtag par 'gyur ro/ / rigs kyi bu rten cing 'brel te 'byung ba bcu gnyis ni nges par gnas pa'i gnas med do// gal te gnas pa'i gnas yod na rten cing 'brel te byung ba bcu gnyis rtag pa zhes mi bya'o/ / de bzhin gshegs pa'i chos kyi sku yang gnas pa'i gnas med/ chos kyi khams dang / chos kyi skye mched dang / chos kyi phung po dang / nam mkha' yang gnas pa'i gnas med de/ sangs rgyas kyi rang bzhin yang de dang 'dra bar gnas pa'i gnas med do// rigs kyi bu dper na chen po bzhi ni stobs mnyam ste/ kun la sra ba dang dro ba dang / gsher ba dang / g.yo ba dang / yang ba dang / lci ba dang / dmar po dang / dkar po dang / ser po dang / nag po'i mtshan nyid 'dra bar yod mod kyi/ chen po bzhi la las med de/ chos tha dad pa'i dbyings kyis so sor mi mtshungs pa ltar/ sangs rgyas kyi rang bzhin yang de dang 'dra ba ste/ chos tha dad pa'i phyir dbyings kyi dus dang zad na gdod mthong ngo/ nga rigs kyi bu sems can thams cad sangs rgyas kyi rang bzhin las phyir mi ldog pa'i phyir yod pa zhes bya'o// de ltar phyir mi ldog pa'i phyir/ yod par 'gyur ba'i phyir/ nges par

  174. 88a

    thob pa'i phyir/ nges par mthong bar 'gyur ba'i phyir/ sems can thams cad la sangs rgyas kyi rang bzhin yod ces bya'o// rigs kyi bu dper na rgyal po zhig gis blon po chen po gcig la khyod kyis bal glang gcig khrid la dmus long la ston cig ces bka' stsal pa dang / de nas blon po chen pos rgyal po'i bka' bzhin du dmus long rnams bsdus te/ bal glang bstan pa dang dmus long de dag so sos lag pas mnams so// de nas blon pos slar rgyal po la bdag gis bstan pa lags so zhes gsol nas/ de nas rgyal pos dmus loyong rnams bkug ste/ so sor khyed cag gis bral glang mthong ngam zhes smras pa dang / dmus long rnams kyis so so nas bdag cag gis mthong ngo zhes gsol to// rgyal pos smras pa bal glang ji lta bur 'dug/ de la dmus long gang mche ba la reg pas ni bal glang yungs ma dang 'dra'o zhes zer ro// rna ba la reg pas ni bal glang zhib ma dang 'dra'o zhes zer ro// mgo la reg pas ni bal glang rdo dang 'dra'o zhes zer ro// sna la reg pas ni gnya' shing dang 'dra'o zhes zer ro// rkang pa la reg pas ni bal glang gi gzugs gtun dang 'dra'o zhes zer ro// rgyab la reg pas ni bal glang khri dang 'dra'o zhes zer ro// lto la reg pas ni rdza ma dang 'dra'o zhes zer ro// mjug ma la reg pas ni bal glang gi gzugs thag pa dang 'dra'o zhes zer ro//

  175. 88b

    rigs kyi bu dmus long de dag bal glang gi dngos po nyid mi smra mod kyi/ mi smra ba yang ma yin no// gal te dngos po de dag bal glang ma yin na/ de dag spangs pa'i pha rol na bal glang gzhan med do/ / rigs kyi bu rgyal po de ni de bzhin gshegs pa'i thams cad mkhyen pa'i dpe'o// blon po ni shin tu rgyas pa yongs su mya ngan las 'das pa chen po'i dpe'o// bal glang ni sangs rgyas kyi rang bzhin gyi dpe'o/ / dmus long ni sems can ma rig pa rnams kyi dpe'o// sems can de dag sangs rgyas kyis gsungs pa thos nas/ kha cig ni 'di skad du gzugs ni sangs rgyas kyi rang bzhin yin no/ / de ci'i phyir zhe na/ gzugs de 'gog mod kyi/ gcig gis gcig bsabs shing rgyun mi 'chad pas/ de bzhin gshegs pas bla na med pa'i mtshan/ sum cu rtsa gnyis dang / de bzhin gshegs pa'i gzugs rtag pa thob pa'i phyir te/ de bzhin gshegs pa'i gzugs la rtag pa mi chad pa'i phyir/ de bas na gzugs ni sangs rgyas kyi rang bzhin no zhes zer te/ dper na gser yang dag pa ji ltar bsgyur kyang kha dog rtag cing mi 'gyur te/ gdu bu byas sam/ sbrul du byas sam/ gzhod par byas kyang rung ste/ ma dog ser po thog ma nas ma gyur to// sems can gyi sangs rgyas kyi rang bzhin yang de dang 'dra bar dbyibs mi rtag mod kyi/ gzugs ni rtag pa ste/ de'i phyir gzugs ni sangs rgyas

  176. 89a

    kyi rang bzhin no zhes smra'o/ / kha cig ni 'di skad du tshor ba ni sangs rgyas kyi rang bzhin no zhes zer ro// de ci'i phyir zhe na/ tshor ba'i rgyu dang rkyen de bzhin gshegs ba'i yang dag pa'i bde ba thob ste/ de bzhin gshegs pa'i tshor ba ni mthar tshor ba don dam pa'i tshor ba ste/ sems can gyi tshor ba'i rang bzhin mi rtag mod kyi/ 'on kyang gcig gis gcig bsabs te/ rgyun mi 'chad pas de bzhin gshegs pa'i tshor ba rtag pa thob ste/ dper na mi'i rus ko'u shi ka zhes bya ba mi nyid mi rtag mod kyi/ rus rtag pa yin te/ rabs stong phrag brgyad yang mi 'gyur ba ltar/ sems can gyi sangs rgyas kyi rang bzhin yang de dang 'dra ste/ de bas na tshor ba ni sangs rgyas kyi rang bzhin no zhes smra'o// de la kha cig ni 'di skad du 'du shes ni sangs rgyas kyi rang bzhin no zhes zer ro/ / de ci'i phyir zhe na/ 'du shes kyi rgyu dang rkyen gyis de bzhin gshegs pa'i 'du shes yang dag pa thob bo// de la de bzhin gshegs pa'i 'du shes ni 'du shes med pa'i 'du shes so/ / 'du shes med pa'i 'du shes ni sems can du 'du shes pa ma yin// bud med dang skyes par 'du shes pa ma yin/ gzugs dang tshor ba dang / 'du shes dang / 'du byed dang / rnam par shes par 'du shes ni 'du shes med pa'i 'du shes pa ma yin/ 'du shes chad pa'o// sems can gyi 'du shes

  177. 89b

    / 'dug pa rim ma pa ga pa gadzum / dz+nyA m+mAn+nad+hA d+h+ya sa du shegs pa 'dugs par shA // ts an mi sbyin cing 'brel te 'byung ba brgya gnyis dang mchu sa/ / sems can ni 'grog sod kyi/ rten cing 'brel te 'byung ba bcwa banyis ni ngag d+hA/ sems can gyi sangs rgya rang bzhin yang de dang 'ja'o/ dbas na 'du shes ni sangs rgyas kyi rang bzhin no zhes smra'o// de lal cig ni 'di skang du 'du byed ni sangs rgyas kyi rang bzhin mo zhes raro// rdo rje'i phyi zhe nA/ 'du byed ni 'tsho ba'i thog ces bya ste/ srog gi rgyu dang rkyen gyis de bzhin gshegs pa'i sku tshe rtag tu gnas pa thob par 'gyur ro// sems can srog mi rtag sod kyi 'tsho ba'i thog gis rim gyim gcig la gcig pasams shing rgyun mi 'chad pas/ de bzhin gshegs pa'i yang dag pa'i bu tshe nag pathob pa ste/ rigs kyi bu dper na mdo rje rje gnyis la mnyan pa dang / 'chang pa dang / gnyis ka mi rtag mod kyi/ mdo sde nyid rtag tu gnas shing mi 'gyur ba ltar sems can gyi sangs rgyas kyi rang bzhin yang de dang 'dra bas na/ de'i phyir 'du byed ni sangs rgyas kyi rang bzhin no zhes smra'o// de la kha cig ni 'di skad du rnam par shes pa ni sangs rgyas kyi rang bzhin no zhes zer ro// de ci'i phyir zhe na

  178. 90a

    rnam par shes pa'i rgyu dang rkyen gyis de bzhin gshegs pa'i thugs mnyam pa thob ste/ sems can gyi yid kyi rnam par shes pa mi rtag mod kyi rnam par shes pa de gcig gis gcig bsabs shing rgyun mi 'chad pas/ de bzhin gshegs pa'i yang dag pa'i thugs rtag pa thob par 'gyur ro// dper na mes tshos par byed pa dang 'dra ste/ me mi rtag pa yin yang / tshos pa na mi rtag pa ma yin pa ltar/ sems can gyi sangs rgyas rang bzhin yang de dang 'dra ba ste/ don de lta bas na rnam par shes pa ni sangs rgyas kyi rang bzhin no zhes smra'o// de la kha cig ni 'di skad du phung po ma gtogs par bdag ces bya ba yod de/ bdag ces bya ba ni sangs rgyas kyi rang bzhin no zhes zer ro// de ci'i phyir zhe na/ bdag ces bya ba ni rgyu dang rkyen gyis de bzhin gshegs pa'i dbang sgyur ba brgyad thob par 'gyur ro/ / mu stegs can dag kha cig ni song ba dang / 'ong ba dang / mthong ba dang / zos pa dang / mya ngan dang dga' ba dang / smra ba la bdag go zhes zer te/ bdag ces bya ba'i mtshan nyid de dag mi rtag mod kyi/ de bzhin gshegs pa'i bdag ni rtag pa'o// rigs kyi bu dper na phung po dang skye mched dang / khams mi rtag mod kyi/ ming du btags pa rtag pa yin pa ltar/ sems can gyi sangs rgyas kyi rang bzhin yang de dang 'dra'o// rigs kyi bu ji ltar dmus long de

  179. 90b

    dag so so nas bal grang gi gzugs smra ba dag thog tu bab par ma sbas mod kyi/ bal glang las gzhan zla ba ma yin pa ltar/ sangs rgyas kyi rang bzhin smra ba yang de dang 'dra ste/ chos drug po ma yin mod kyi/ chos drug po las gzhan pa yang ma yin no// rigs kyi bu de bas na sems can gyi sangs rgyas kyi rang bzhin ni gzugs ma yin/ gzugs las gzhan pa yang ma yin pa nas bdag ma yin/ bdag las gzhan pa'i bar du yang ma yin no zhes gsungs so// rigs kyi bu mu stegs can dag ni bdag yod ces smra mod kyi/ yang dag par bdag ces bya ba med do/ / sems can gyi bdag ces bya ba ni phung po lnga nyid la byaste/ phung po'i pha rol na bdag ces bya ba logs shig na med do// rigs kyi bu dper na lcug ma dang / lo ma dang ge sar dang / sdong bu 'dus pa las pad+mor gyur te/ de dag spangs pa'i pha rol na pad+mo mes bya ba gzhan med pa ltar/ sems can gyi bdag kyang de dang 'dra'o// rigs kyi bu dper na rtsig pa dang / rnga dang / shing 'dus pa las khang pa zhes byaste/ de dag spangs pa'i pha rol na 'ang ba zhes bya ba gzhan med do// dper na shing seng ldeng dang shing pa ma na dang / shing n+ya grong dang / shing u dum par la sogs pa 'dus pa la tshal zhes byaste/ de dag spangs pa'i pha rol na tshul zhes bya ba gzhan med do// dper na shing rda'i

  180. 91a

    tshogs dang / bal byung gi tshogs dang / rnga'i tshigs dang / rkang yang ga tshogs 'dus pa la dmagaces // de dag sbyangs pa'i pha ros na na ces bya ba gzhan med do/ / dper ma khache dar gyi tshon rnam pa lnga 'dus pa las babug ces bya ste/ de dag spangs pa'i pha rol na ba bug ces bya ba gzhan med do// dper na rigs rnam bzhi 'dus pa las tshogs chen po zhes bya ste/ de dag spangs pa'i pha rol na tshogs chen po zhes bya ba gzhan med pa ltar/ sems can gyi bdag ces bya ba yang de dang 'dra ste/ phung po lnga spangs pa'i pha rol na bdag ces bya ba gzhan med do/ / rigs kyi bu de bzhin gshegs pa ni rtag tu gnas pas bdag ces bya'o// de bzhin gshegs pa'i chos kyi sku ni mtha' yas thogs pa med/ / mi skye mi 'gog cing dbang brgyad thob pas bdag ces bya ste/ sems can la ni yang dag par de lta bu'i bdag dang bdag gi ba med de/ mthar gdon mi za bar don dam pa'i stong pa thob par 'gyur ba'i phyir sangs rgyas kyi rang bzhin zhes bya'o/ / rigs kyi bu byams pa chen po dang / snying rje chen po ni sangs rgyas kyi rang bzhin zhes bya'o// de ci'i phyir zhe na/ byams pa chen po dang / snying rje chen po ni rtag tu grib ma bzhin du byang chub sems dpa' la 'khor te/ sems can thams cad kyang gdon mi za bar byams pa chen po

  181. 91b

    dang snying rje chen po thob par 'gyur ba'i phyir/ sems can thams cad la sangs rgyas kyi rang bzhin yod do zhes gsungs so// byams pa chen po dang / snying rje chen po ni sangs rgyas kyi rang bzhin zhes bya ste/ sangs rgyas kyi rang bzhin ni de bzhin gshegs pa zhes bya'o// de la dga' ba chen po dang / btang snyoms chen po ni sangs rgyas kyi rang bzhin zhes bya'o/ / de ci'i phyir zhe na/ byang chub sems dpa' sems dpa' chen pos srid pa nyi shu rtsa lnga ma spangs na/ bla na med pa yang dag par rdzogs pa'i byang chub thob par mi nus te/ sems can thams cad mthar thob par 'gyur ba'i phyir/ sems can thams cad la sangs rgyas kyi rang bzhin yod ces gsungs so// de la dga' ba chen po dang / btAng snyoms chen po ni sangs rgyas kyi rang bzhin zhes bya ste/ sangs rgyas kyi rang bzhin nyid de bzhin gshegs pa zhes bya'o// yang sangs rgyas kyi rang bzhin ni dang pa'i sems rten po zhes bya'o/ / de ci'i phyir zhe na/ dad pa'i sems kyis byang chub sems dpa' sems dpa' chen po rnams phyin pa'i pha rol tu phyin pa nas/ shes rab kyi pha rol tu phyin pa'i bar du yongs su rdzogs par 'gyur ro/ / sems can thams cad kyang mthar gdon mi za bar dad pa'i sems chen po thob pa'i phyir sems can thams cad la ma

  182. 92a

    rgyas kyi rang bzhin yod ces gsungs so/ / de la dad pa'i sems ni sangs rgyas kyi rang bzhin te/ sangs rgyas kyi rang bzhin nyid de bzhin gshegs pa'o/ / yang sangs rgyas kyi rang bzhin ni bu gcig pa'i sa zhes bya'o// de ci'i phyir zhe na/ bu gcig pa'i sa'i rgyu dang rkyen gyis byang chub sems dpa' sems can thams cad la mnyam pa'i sems thob ste/ sems can thams cad kyang mthar gdon mi za bar bu gcig pa'i sa thob par 'gyur bas na/ sems can thams cad la sangs rgyas kyi rang bzhin yod do/ / bu gcig pa'i sa ni sangs rgyas kyi rang bzhin no// sangs rgyas kyi rang bzhin ni de bzhin gshegs pa'o zhes gsungs so// yang sangs rgyas kyi rang bzhin ni/ sa bzhi pa'i stobs shes bya'o// de ci'i phyir zhe na/ sa bzhi pa'i stobs kyi rgyu dang rkyen gyis byang chub sems dpa' sems can thams cad kyi don byed par 'gyur te/ sems can thams cad kyang mthar gdon mi za bar sa bzhi pa zhi ba'i stobs thob par 'gyur bas na/ de'i phyir sems can thams cad la sangs rgyas kyi rang bzhin yod de/ sa bzhi pa'i slobapa ni sangs rgyas kyi rang bzhin no/ / sangs rgyas kyi rang bzhin ni de bzhin gshegs pa'o zhes gsungs so// yang sangs rgyas kyi rang bzhin ni rten cing 'brel te 'byung ba bcwa

  183. 92b

    gnyis so/ / de ci'i phyir zhe na/ rten cing 'brel te 'byung ba bcu gnyis kyi phyir/ de bzhin gshegs pa rtag tu gnas te/ sems can thams cad kyang gdon mi zla bar rten cing 'brel te 'byung ba bcu gnyis de dag thob par 'gyur ba'i phyir/ sems can thams cad la sangs rgyas kyi rang bzhin yod do// rten cing 'brel te 'byung ba bcu gnyis ni sangs rgyas kyi rang bzhin no/ / sangs rgyas kyi rang bzhin nyid ni de bzhin gshegs pa'o zhes gsungs so// yang sangs rgyas kyi rang bzhin ni so so yang dag par shes pa rnam pa bzhi'o// de ci'i phyir zhe na/ so so yang dag par shes pa bzhi'i rgyu dang rkyen gyis tshig dang don bshad pa la thogs pa med do// tshig dang don la thogs pa med pa'i phyir/ sems can gyi don byed par 'gyur ro/ / de bas na so so yang dag par shes pa bzhi ni sangs rgyas kyi rang bzhin no// sangs rgyas kyi rang bzhin nyid ni de bzhin gshegs pa'o zhes gsungs so// yang sangs rgyas kyi rang bzhin ni spyi bo'i ting nge 'dzin ces bya'o/ / de ci'i phyir zhe na/ ting nge 'dzin de bsgoms nas sangs rgyas kyi chos thams cad sdud par 'gyur te/ de lta bas na spyi bo'i ting nge 'dzin ni sangs rgyas kyi rang bzhin no/ / byang chub sems dpa' sa bcu pas ting nge 'dzin de bsgoms kyang / yongs su rdzogs par ma gyur te/ sangs rgyas kyi rang bzhin

  184. 93a

    mthong mod kyi gsal bar ma gyur to/ / sems can thams cad kyang mthar gdon mi za bar thob par 'gyur ba'i phyir/ sems can thams cad la sangs rgyas kyi rang bzhin yod ces gsungs so/ / rigs kyi bu ji ltar gong du smos pa'i chos rnam pa sna tshogs kyang / sems can thams cad kyis gdon mi za bar thob par 'gyur bas na/ sems can thams cad la sangs rgyas kyi rang bzhin yod do zhes gsungs so/ / rigs kyi bu gal te ngas gzugs la sangs rgyas kyi rang bzhin no zhes bshad na/ sems can gyis thos ma thag tu phyin ci log par bskyed do/ / phyin ci log pa'i phyir tshe'i dus byas nas mtshams med pa'i sems can dmyal bar lhung ngo // de bzhin gshegs pas chos bstan pa ni sems can dmyal ba gcad pa'i phyir te/ de bas na gzugs ni sangs rgyas kyi rang bzhin no zhes ma gsungs pas na/ rnam par shes pa'i bar du ma gsungs so// rigs kyi bu gal te sems can gyis sangs rgyas kyi rang bzhin gsal ba rdzogs na lam bsgom mi dgos so/ / byang chub sems dpa' sa bcu pas 'phags pa'i lam bsgoms pa yang sangs rgyas kyi rang bzhin cung zad cig mthong na/ ma bsgoms pas mthong bar 'gyur ba lta ci smos rigs kyi bu byang chub sems dpa' 'jam dpal la sogs pas bskal pa tshad med pa'i bar du 'phags pa'i lam bsgoms

  185. 93b

    pas gdod sangs rgyas kyi rang bzhin mthong na/ nyan thos dang rang sangs rgyas dag gis lha ga la mthong / gal te sems can dag sangs rgyas kyi rang bzhin gsal bar mthong bar 'dod na/ sems rtse gcig tu yongs su mya ngan las 'das pa'i mdo gzungs su 'dzin cing klog pa dang / 'don pa dang / yi ger bris shing dgrol zhing bshad pa dang / mchod pa dang / rim gro dang / bkur sti bya'o// gzhan gyis gzungs su 'dzin pa nas/ bkur sti la sogs pa'i bar du byed pa mthong na/ gnas khang bzang po dang gos dang / mal cha dang / nad kyi rkyen sman gyi mchod cing bsngags pa dang / phyag 'tshal ba dang / gsong por smra ba yang bya'o// rigs kyi bu gang gis 'das pa'i dus na/ sangs rgyas tshad med mtha' yas pa snyed la bsnyen bkur dang mchod pa byas te/ dge ba'i rtsa ba rab tu bskrun pas gdod mdo sde 'di'i ming tsam thos par 'gyur ro// rigs kyi bu sangs rgyas kyi rang bzhin bsam gyis mi khyab ste/ sangs rgyas dang / chos dang / dge 'dun dkon mchog kyang bsam gyis mi khyab/ sems can thams cad la sangs rgyas kyi rang bzhin yod la/ shes par mi nus pa yang bsam gyis mi khyab/ de bzhin gshegs pa'i rtag pa dang / bde ba dang / bdag dang / yongs su dag pa'i chos kyang bsam gyis mi

  186. 94a

    khyab sems can thams cad yongs su mya ngan las 'das pa'i mdo sde 'di la dad pa yang bsam gyis mi khyab bo/ / byang chub sems dpa' seng ge'i sgras gsol pa/ bcom ldan 'das ji ltar bcom ldan 'das kyis gsungs pa ltar/ sems can thams cad yongs su mya ngan las 'das pa'i mdo sde 'di la dad pa ni bsam gyis mi khyab bo/ zhes gsungs na/ bcom ldan 'das 'khor gyi dkyil 'khor 'di'i nang na/ sems can bye ba phrag brgyad khri lnga stong snyed mdo sde 'di la dad pa'i sems mi skye bas/ mdo sde 'di la dang pa ni bsam gyis mi khyab pa zhes bgyi 'am/ bcom ldan 'das kyis bka' stsal pa/ rigs kyi bu sems can de dag kyang ma 'ongs pa'i dus na mdo sde 'di la yid ches par 'gyur zhing / sangs rgyas kyi rang bzhin mthong ste/ tha na med pa yang dag par rdzogs pa'i byang chub thob par 'gyur ro// // 'phags pa yongs su mya ngan las 'das pa chen po'i mdo bas po sum cu rtsa gsum pa/ / seng ke'i sbas gsol pa/ bcom ldan 'das phyir mi ldog pa'i byang chub sems dpa' dag ji ltar na bdag la gdon mi zla bar phyir mi ldog pa'i sems dang ldan par rtogs par 'gyur/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po dag dka' thur sbyang ba'i sems kyis

  187. 94b

    bdag la bdag brtags na rtogs par 'gyur ro/ / 'di lta ste/ nyin re bzhin til 'bru re la mi za bar de bzhin du zhag bdun gyi bar du 'bras nas/ sran ma 'am/ gso ma'am/ rje 'aH/ sran ma dkar po'i bar du de dang 'ja byar zhag bdun bdun gyi bar du 'ab+hA re las mi bA n+te/ nyin re ming 'bru re ba brnya n+ya 'di snyam du dkar ba smo pa 'di ni ban+da pa'i don du brgya ba med de/ ngan pa'i don du mi 'gyur yang de ltar myong na pan de'i don du 'gyur ba mi byed pa ga ci skyes snyam sems te/ ban pa'i don du mi 'gyur ba sa thams su len cing bzod pa zung ngo / / phyir mi ldog par mi 'gyur bas na/ gdon mi ba bar bla na med pa yang dag par rdzogs pa'i byang rgyu ba zlon par 'gyur ro// de ltar zhag de skyed kyi bar dka' baspod ba nalus kyi sha dang lpags pa nyams shing ring ba ni kub brgyas mthag nyi ma la bzhag pa dang mtshungs s+ho/ / mig kong ba ni khron pa'i skur ma dang mtshungs so// sha kun ri rtsa rang chuba'ang sa mig snang ba ni rba khyim zhig pa dang mtshungs so/ / gal tshigs mngon par snang ba ni mgu mdud pa bor ba dang mtshungs so// 'dug 'dug pa'i gan swa ni u0f7f sa mdzidzini ga ga ba ma meng pa'i grug pa khyo byang rgya ma

  188. 95a

    phyir ldog par mi byed do/ / rigs kyi bu byang chub sems dpa' sems dpa' chen po sdug bsngal gcom zhing bde ba sbyin pa'i phyir/ byi nang gi zang zing thams cad/ gtong ba nas/ lus dang srog gi bar du rtswa dang 'dra bar yongs su gtong bar byed do// gang de ltar lus dang srog la mi 'phangs pa'i byang chub sems dpa' de ni bdag la bdag phyir mi ldog pa'i sems gdon mi za bar yod pa dang / nges par bla na med pa yang dag par rdzogs pa'i byang chub thob par rtogs so// gzhan yang byang chub sems dpas chos 'dod pa'i rkyen gyis lus kyis snang ba'i mar mer 'dzugs pa ni/ lus la ras kyis dkris nas mar gyis byugs te me gtong bar byed do// byang chub sems dpas de'i tshe de ltar sdug bsngal chen po myong bar na bdag gi sems la smad pa'i phyir 'di skad ces smras so/ / sdug bsngal 'di ni sems can dmyal ba'i sdug bsngal gyi brgya stong gi char yang mi phod na/ khyod kyis bskal pa tshad med pa'i brgya stong gis bar du phan pa'i don med pa'i sdug bsngal chen po la yang bzod la/ sdug bsngal chung ngu 'di tsam la ni mi bzod na/ sems can dmyal bar sdug bsngal ba'i sems can bsgral ba'i phyir ji ltar 'gro bar bya zhes smra'o/ / byang chub sems dpa' sems dpa' chen pos de ltar yid la byed pa na lus kyis kyang sdug bsngal ba mi tshor la/ sems kyang phyir mi ldog

  189. 95b

    cing mig so mi 'gyur ro/ / byang chub sems dpas de'i chan bdag ni gnon mi bar bla na med pa yang dag par rdzogs pa'i byang chub thob par rtogs par 'gyur ro// rigs kyi bu bya chub sems dpa' de'i tshe na nyon mongs pa dang bcas te/ yongs sum bcas kyang chos 'dod pa'i rkyen gyis lus kyi yan lag mgo bo dang / lag pa dang / rkang pa dang / mig dang rkang dang / sha dang / khrag gis sems can la sbyin pa byed do// lcags kyi gzer bus lus la gzugs brag la mchod pa dang / me la mchod bar yang byed do/ / byang chub sems dpas de'i tshe na de lta bu'i sdug bsngal tshad med pa myong yang / gal te sems phyir mi g.yo mi 'gyur na/ byang chub sems dpa' de ni gdon mi za bar phyir mi ldog pa'i sems dang ldan zhing / nges par bla na med pa yang dag par rdzogs pa'i byang chub thob par bdag nyid kyis rtogs par 'gyur ro// rigs kyi bu byang chub sems dpa' sems dpa' chen pos sems can thams cad kyi sdug bsngal gzhom pa'i phyir/ shin tu che ba'i byol song gi lus su skye ba'i smon lam 'debs te/ lus kyi sha dang khrag gis sems can la sbyin par byed la/ sems can dag gis len pa'i tshe na de dag byams shing snying rje ba'i sems bskyed pa'i phyir/ byang chub sems dpa' de'i tshe na dbugs kyang rgyu bar mi byed de/

  190. 96a

    shi ba lngar byas nas gang sha len pa de dag bsad par mthur tam snam the tshom za ba'i sems kyang med par byed do// byang chub sems dpas de ltar byol song ba bla gnas su skyes kyang / byol song gi skye gnas kyi las nam du yang mi byed do// de ci'i phyir zhe na/ rigs kyi bu byang chub sems dpas phyir mi ldog pa'i sems thob pas nam du yang ngar song gsum gyi las mi byed do/ / byang chub sems dpa' sems dpa' chen pos ma 'ongs pa'i dus na/ gnas ngan len gyis 'bras bu rdul phra mo tsam myong bar 'gyur ba ma yin pa sngon lam chen po'i shugs kyis sems can gyi phyir de dag myong bar byed do/ / 'di lta ste/ dper na nad pa zhig yi dgas kyis brlams nas mngon par ltar mi snang yang / rig sngags kyi mthus mngon par snang ste/ bar 'ga' ni spa/ bar 'ga' ni dga' bar 'ga' ni khro/ bar 'ga' ni gshe/ bar 'ga' ni brdeg/ bar 'ga' ni du/ bar 'ga' ni rgod pa ltar/ byang chub sems dpa' sems dpa' chen po'i ma 'ongs pa'i dus kyi ngan song gsum gyis las kyang de dang 'dra'o// byang chub sems dpa' sems dpa' chen po rbed po'i lus su gyur po na/ rtag tu sems can rnams la dam pa'i chos ston to// bar 'ga' byaka phyi sha la'i lus su gyur te/ sems can rnams la dam pa'i chos ston no//

  191. 96b

    sems can rnams la dam pa'i chos ston pa'i phyir ku ta la'i lus dang / sha ba dang / ri bong dang / bal glang dang / lug dang / spre'u dang / phug ron dkar po dang bya nam mkha' lding dang / klu dang / sbrul du yang gyur te/ de ltar byol song gi lus mang po myong bas na/ nam du yang byol song gi skye gnas kyi las ma byas kyi/ rtag tu byol song gi skyes gnas su gyur pa gzhan la chos ston to/ / de dag byol song gi lus las myur du thar par bya ba'i phyir chos thob par byed do// byang chub sems dpas de'i tshe de ltar byol song gi lus myong yang gnas ngan len gyi las mi byed pas/ de bas na gdon mi za bar phyir mi ldog pa'i sems dang ldan par rtogs so// byang chub sems dpa' sems dpa' chen po mu ge byung ba'i tshe/ sems can dag zas kyis nyen pa mthong nas rus sbal dang nya'i lus che khyed dpag tshad grangs med pa'i lus su skye ste 'di skad ces smon lam 'debs so// sems can thams cad kyis bdag gi lus kyi sha gcod cing za ba dang / bcad pa'i 'phro nas phyir yang skye ba dang / bdag gi sha zos pa'i rkyen gyis bkres pa dang skom pa'i sdug bsngal dang bral te/ thams cad kyis bla na med pa yang dag par rdzogs pa'i byang chub tu sems bskyed par gyur cig ces smon lam 'debs so// gzhan yang byang chub sems

  192. 97a

    rabs 'di skad du/ gang bdag gi sha zos pa'i rkyen gyis bkres shing nom pa dang bral bar 'gyur ba de dag thams cad pa 'ongs pa'i dus su srid pani shu rtsa sngar bkres pa dang / skom pa'i skyon tham sa cad dang thur du thal bar gyur cig ces smon lam 'debs so// byang chub sems dpa' sems dpa' chen po ba de ltar sdug bsngal sbyong ba ni sems phyir mi ldog pa ni gdon mi za bar bla na med pa yang dag par rdzogs pa'i byang chub thob par rig par bya'o/ / gsan yang byang chub sems dpas nad kyi bskal babyung ba'i tshe nad kyis gzir ba mthong na 'di snyam du sems so/ / ji ltar sman gyi sdong po'i rgyal po la nad pa gang rtsa ba 'am/ sdong bu'am/ yal ka 'am/ lo ma 'am/ me tog gas 'bras bu 'am/ shun pa'am/ kang blangs kyang rung nad 'tsho bar 'gyur ba ltar/ bdag gi lus de dang 'dra bar gyur te/ nad pa gang gis skad zos sam/ lus la reg gam/ sha dang khrag zos pa nas/ rkang dang klad pa'i bar du zos pa thams cad kyi nad byang bar gyur cig/ sems can gyis bdag gi sha zos nas ngan sems ma skyed par bu'i sha la za ba dang 'dra bar sems shing / bdag gis nad sos par byas nas chos bstan par gyur pa dang / de dag gis thos pa nas dad cing gzungs su bzung ste/ gzhan yang ston par

  193. 97b

    gyur cig ces smon lam 'debs so/ / rigs kyi bu de ltar byang chub sems dpa' nyon mongs pa dang bcas te/ lus kyis sdug bsngal myong yang sems phyir mi ldog cing mi 'gyur mi g.yo ba ni nges par ni phyir mi ldog pa'i sems dang ldan zhing / bla na med pa yang dag par rdzogs pa'i byang chub thob par rig par bya'o// gzhan yang rigs kyi bu gal te sems can dag yi dgas kyis brlams te/ byang chub sems dpas mthong ma thag tu 'di skad ces smon lam 'debs so// bdag kyang yi dgas kyi lus su gyur te/ lus che ba dang / byin yod pa'i lus dang / 'khor mang po'i lus su gyur te/ de dag gis thos ma thag tu nad 'tsho bar gyur cig ces smon lam 'debs so// byang chub sems dpa' sems dpa' chen po sems can gyi phyir dka' thub spyod pa na nyon mongs pa dang bcas mod kyi/ sems la mi 'gro'o// rigs kyi bu gzhan yang byang chub sems dpa' sems dpa' chen po pha rol tu phyin pa drug spyod mod kyi/ pha rol tu phyin pa drug gi 'bras bu la mi re'o// bla na med pa pha rol tu phyin pa drug la nan tan byed pa na 'di skad ces smon lam 'debs so// bdag gis pha rol tu phyin pa drug gis sems can re re la sbyin par bya'o/ / sems can de re res kyang bdag gis sbyin pa grangs nas thams cad bla na med pa yang dag par rdzogs pa'i byang chub thob par gyur cig/ bdag nyid kyang pha rol tu

  194. 98a

    phyin pa drug tu gyur te/ dka' ba spyod cing sdug bsngal mang po myong ba dang / sdug bsngal mang po myong ba'i tshe yang byang chub kyi sems las phyir ldog par ma gyur cig/ rigs kyi bu byang chub sems dpa' sems dpa' chen po mtshan nyid de lta bur gyur pa na/ byang chub las phyir mi ldog pa'i mtshan nyid ces bya'o// rigs kyi bu gzhan yang byang chub sems dpa' sems dpa' chen po ni bsam gyis mi khyab pa zhes bya'o/ / de ci'i phyir zhe na/ byang chub sems dpa' sems dpa' chen pos 'khor ba la nyes pa'i skyon shin tu mang ba dang / yongs su mya ngan las 'das pa chen po la ni yon tan chen po yod par shes mod kyi/ sems can gyi phyir 'khor ba la gnas te/ sdug bsngal rnam pa sna tshogs myong ba la sems phyir mi ldog pas na/ byang chub sems dpa' ni bsam gyis mi khyab pa zhes bya'o// rigs kyi bu byang chub sems dpa' sems dpa' chen po ni rgyu dang rkyen gyis bskul nas snying rje dang byams pa'i sems bskyed pa ma yin/ bya ba'i drin 'dod pa yang ma yin te/ rtag tu gzhan la bya ba'i drin dran par byed do// de ltar bya ba'i drin byin yang lan re ba'i sems med pas na bsam gyis mi khyab pa zhes bya'o/ / rigs kyi bu sems can dag ni bdag la phan pa'i don du dka' ba spyod do// byang chub sems dpa' sems dpa' chen po ni gzhan la phan pa'i don du dka' ba

  195. 98b

    spyod de/ de nas bdag la phan pa yang yin la bsam gyis mi khyab pa zhes bya'o// gsan yang byang chub sems dpa' nyon mongs pa dang bcas te/ nga dgra dang gnyen ya'i sems gzhig pa'i phyir sdug bsngal mang po myong yang mnyam pa'i sems la nan tan byed pas/ de bas na bsam gyis mi khyab pa zhes bya'o// gzhan yang byang chub sems dpas gal te sdig pa mi dge ba'i sems can dag mthong na spyo ba 'am/ tshig 'jam po sba ba 'am/ skrod pa 'am/ yang na btang snyoms su 'jog ste/ gang rang bzhin gyis khro ba la ni tshig 'jam po smra ba yang ston to/ / gang nga rgyal can la ni nga rgyal chen po yang mngon par ston mod kyi/ yang dag par na sems la nga rgyal med de/ de ni byang chub sems dpa'i thabs mkhas pa bsam gyis mi khyab pa zhes bya'o/ / gzhan yang byang chub sems dpa' nyon mongs pa dang bcas pa zang zing dang longs spyod med pa na/ slong ba mang yang zhen pa'i sems med pa ni byang chub sems dpa'i bsam gyis mi khyab pa zhes bya'o/ / gzhan yang byang chub sems dpa' sangs rgyas 'jig rten du byung ba na/ sangs rgyas kyi yon tan shes pas sems can gyi phyir gang sangs rgyas med pa'i gnas su mtha' 'khob tu skye ba'i lus len pa ni dmus long ngam/ 'on pa 'am/ lkugs pa 'am/ pha bo lta bu'i lus myong bar byed de/ de ni byang chub

  196. 99a

    sems dpa'i bsam gyis mi khyab pa zhes bya'o/ / gzhan yang byang chub sems dpa' sems can gyis nyes pa'i byon ci dang ci yod pa shin du rtogs pas rnam par bsngal ba'i phyir de dag dang 'thun par spyod de/ de ltar yid 'thun par spyod kyang nyes pa'i dri mas mi gos te/ de ni byang chub sems dpa'i bsam gyis mi khyab pa zhes bya'o// gzhan yang byang chub sems dpa' sems can gyis mtshan nyid kyang med/ nyon mongs pa'i 'gro ba yang med/ lam la nan tan byed pa yang med/ nyon mongs pa spong ba yang med/ byang chub la nan tan byed mod kyi/ byang chub kyi spyod pa'ang med/ byang chub kyi spyod pa la lhun gyis grub pa yang med/ sdug bsngal myong ba yang med/ sdug bsngal bcom pa yang med par shes shing rtogs mod kyi/ 'on kyang sems can gyi phyir sdug bsngal yang bcom/ byang chub kyi spyod pa yang spyod de/ de ni bsam gyis mi khyab pa zhes bya'o// gzhan yang rigs kyi bu byang chub sems dpas lus nang gi tha ma dga' ldan gnas su skyes pa bsam gyis mi khyab pa zhes bya'o/ / de ci'i phyir zhe na/ dga' ldan gnam ni 'dod pa'i khams kyi gnas mchog yin no/ / gnam gyi rim pa 'og ma'i lha ni bag med par spyod do// gnam gyi rim pa gong ma'i lha rnams ni dbang po brtul bas na/ dga' ldan gnas

  197. 99b

    gyi lha ni mchog ces bya'o/ / sbyin pa dang tshul khrims sbyor pas ni/ gnam gong ma dang 'og mar skye bar 'gyur ro// sbyin pa dang tshul khrims kyi ting nge 'dzin bsgoms pas ni/ gnas gyi lhar skye bar 'gyur ro/ / byang chub sems dpa' thams cad ni srid pa la yongs su sdod do// srid pa bcom nas dga' ldan gnam gyi lha'i las mi byed/ dga' ldan gnam gyi lngar skye'o/ / de ci'i phyir zhe na/ byang chub sems dpas gal te srid pa gzhan du skyes kyang sems can gyi don byed par 'gyur te/ yang dag par 'dod pa'i khams su skye ba'i sems med kyang 'dod pa'i khams su skyes te/ de bas na bsam gyis mi khyab pa zhes bya'o// byang chub sems dpa' sems dpa' chen po dga' ldan gnam gyi lhar skye ba pa ni dngos po 'di gsum gyis mchog tu 'gyur ro/ / gang zhe na/ 'tsho ba'i tshe dang / gzugs byad dang / grags pa'o// byang chub sems dpa' sems dpa' chen po yang dag pa'i 'tsho ba'i dang gzugs byang dang / grags pa la re ba med kyang gzhan pas mchog tu 'gyur ro// byang chub sems dpa' sems dpa' chen pos yongs su mya ngan las 'das pa la mos pas de'i rgyu de'i rkyen gyis kyang mchog tu 'gyur te/ de bas na bsam gyis mi khyab pa zhes bya'o// byang chub sems dpa' sems dpa' chen pos de ltar dngos po gsum gyis lha rnams

  198. 100a

    las mchog tu gyur kyang lnga'i sras po rnams byang chub sems dpa' de la zhe sdang bri sems dang / phrag dog gi sems dang / nga rgyal gyi sems mi bre'i/ rtag tu dga' sems sbed do// byang chub sems dpa' yang lha rnams la ngo rgyal gyi byed pas/ bsam gyis mi khyab pa zhes bya'o// byang chub sems dpa' sems dpa' chen por 'tsho ba'i tshe'i lus ma byas kyang / lha de dag gi nang na tshe'i tshad mthar phyin pas 'tsho ba'i tshe mchog tu gyur pa zhes bya'o// gzugs byad kyi las ma byas kyang gzugs byar dam pa'i lus su gyur te/ 'od zer kun tu gsal bas gzugs mchog tu gyur pa zhes bya'o// byang chub sems dpa' sems dpa' chen po lha'i pho brang na gnas kyang 'dod pa lnga la ma chags te chos kyi bya ba 'ba' zhig byed pas grags pa phyogs bcur grags te/ de bas na grags pa mchog tu gyur pa zhes bya ste/ bsam gyis mi khyab pa zhes bya'o// byang chub sems dpa' sems dpa' chen po dga' ldan gnam nas babs pa na/ sa chen po rnam pa drug tu g.yos pas bsam gyis mi khyab pa zhes bya'o// de ci'i phyir zhe na/ byang chub sems dpas gnam nas babs pas na/ 'dod pa'i khams dang gzugs yod pa'i khams kyi lha thams cad kyis bsnyen bkur byas te bskyal nas skad chen por byung ste/ byang chub sems dpa' la

  199. 100b

    shin tu bstod pas de dag gi kha'i dbugs kyi shugs kyis sa yang g.yos par gyur to/ / gzhan yang byang chub sems dpa' ni mi'i nang na khyu mchog gi rgyal po lta bu'o// mi'i nang na khyu mchog gi rgyal po klu'i rgyal po zhes bya'o/ / klu'i rgyal po thog ma mngal du 'jug pa na klu'i rgyal po kha cig sa'i 'og na gnas pa/ la la ni 'jigs/ la la ni dga' bas sa chen po rnam pa drug tu g.yos par gyur te/ de bas na bsam gyis mi khyab pa zhes bya'o// byang chub sems dpa' sems dpa' chen po mngal du 'jug pa'i dus dang / gnas pa'i dus dang / 'byung ba'i dus kyang shes pa dang / ma yongs su gtsang zhing cis kyang ma gos par shes pa ni brgya byin lha'i dbang phyug gi sku 'am/ nor bu rin po che sngon po lta bur shes te/ de bas na bsam gyis mi khyab pa zhes bya'o/ / rigs kyi bu yongs su mya ngan las 'das pa chen po'i mdo sde yang de dang 'dra ste bsam gyis mi khyab bo// rigs kyi bu dper na rgya mtsho chen po la ni bsam gyis mi khyab pa brgyad yod do// brgyad gang zhe na/ rim gyis gzhol ba dang / zab cing gting ring ba dang / gcig tu lan tshwa'i ro bro ba dang / dbres kyi mtshams las mi 'da' ba dang / rin po che mang ba dang / sems can chen po'i gnas su gyur pa dang / ro zhag tu mi gnas pa dang / 'bab chu thams cad dang sprin chen po'i char yongs su 'dzin cing mi 'phel mi 'bri ba dang brgyad do// rigs kyi bu rim gyis gzhol ba la

  200. 101a

    dngos po rnam pa gsum ste/ gsum gang zhe na/ sems can thams cad kyi bsod nams kyi shugs dang / rlung phyogs su 'gro ba dang / chu klung 'bab pa'i phyir ro// 'phel mi 'bri ba'i bar la yang rnam pa gsum gsum yod do// de bzhin du yongs su mya ngan las 'das pa chen po'i mdo sde la yang bsam gyis mi khyab pa rnam pa brgyad yod do// gang zhe na/ rim gyis gzhol ba ste/ tshul khrims lnga dang / tshul khrims bcu dang / tshul khrims nyis brgya lnga bcu dang / byang chub sems dpa'i tshul khrims dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi ldog pa'i 'bras bu dang / dgra bcom pa'i 'bras bu dang / rang sangs rgyas kyi 'bras bu dang / byang chub sems dpa'i 'bras bu dang // bla na med pa yang dag par rdzogs pa'i byang chub kyi 'bras bu'i bar du yongs su mya ngan las 'das pa'i mdo sde 'di las bstan cing gsungs pas/ chos 'di dag ni rim gyis gzhol ba zhes bya ste/ de bas na mdo sde 'di ni rim gyis gzhol ba zhes bya ba yin/ zab cing gting ring ba ni/ sangs rgyas bcom ldan 'das ni na skyes pa/ mi 'gog pa/ bla na med pa yang dag par rdzogs pa'i byang chub brnyes pa yang med/ chos kyi 'khor lo bskor ba yang med/ bsod snyoms pazhes pa yang med/ sbyin pa byas pa yang med de/ de bas na rtag pa dang / bde ba dang / bdag dang /

  201. 101b

    yongs su dag pa ste/ sems can thams cad la sangs rgyas kyi rang bzhin yod pa zhes bya'o// sangs rgyas kyi rang bzhin ni gzugs ma yin/ gzugs las gzhan pa ma yin/ tshor ba dang / 'du shes dang / 'du byed dang / rnam par shes pa ma yin pa nas/ rnam par shes pa'i bar du gzhan pa ma yin te/ rtag par bltar rung ba bsal ba'i rgyu byas pa'i rgyu ma yin pa/ rgyun tu zhugs pa nas/ rang sangs rgyas kyi bar du bla na med pa yang dag par rdzogs pa'i byang chub thob pa yang nyon mongs pa yang med/ gnas kyang med de/ nyon mongs pa med kyang rtag pa zhes mi bya ste/ de bas nas zab pa zhes bya'o// gzhan yang shin tu zab pa ni mdo sde 'di las bar bar ni bdag yod ces 'chad/ bar bar ni bdag med ces kyang 'chad/ bar bar ni rtag ces 'chad/ bar bar ni mi rtag ces kyang 'chad/ bar bar ni yongs su dag pa'o zhes 'chad/ bar bar ni yongs su dag pa ma yin no zhes kyang 'chad/ bar bar ni bde'o zhes 'chang/ bar bar ni sdug bsdu zhes 'chang pa'o// bar bar ni stong pa'o zhes 'chad/ bar bar ni stong pa ma yin no zhes 'chad/ bar bar ni thams cad med do zhes kyang 'chad/ bar bar ni theg pa gsum du 'chad/ bar bar ni theg pa gcig tu 'chad/ bar bar ni phung po lnga nyid sangs rgyas kyi rang bzhin yin te/ rdo rje lta bu'i ting nge 'dzin dang / lam dbu ma dang / dpa' bar 'gro ba'i ting nge 'dzin dang // rten cing 'brel te 'byung

  202. 102a

    ba bcu gnyis dang / don dam pa'i stong pa dang / byams pa dang / snying rje dang / dga' ba dang / btang snyoms dang / sems can thams cad la spyi ngo ye shes dang / dad pa'i sems dang / dbang po dang / stobs shes pa dang / chos thams cad thogs pa med pa'i ye shes la bya ste/ sangs rgyas kyi rang bzhin yod mod kyi nges par ma gsungs pas na zab pa zhes bya ba yin/ thams cad ro gcig pa zhes bya ba dang / sems can thams cad la 'thun par sangs rgyas kyi rang bzhin yod de/ theg pa gcig par 'thun pa dang / rnam par grol ba gcig par 'thun pa dang / rgyu gcig pa dang / 'bras bu gcig pa dang / zil dngar gcig par 'thun pa ste/ thams cad kyis rtag pa dang bde ba dang / bdag dang / yongs su dag pa thob par 'gyur bas na/ ro gcig pa zhes bya ba yin/ dbres kyi mtshams las mi 'da' ba ni mdo sde 'di las/ dge slong dag ma brtags pa'i dngos po brgyad 'chang du mi gnang bar khrims bcas pa las/ nga'i nye gnas su gyur pa gang zhig 'phags pa yongs su mya ngan las 'das pa chen po'i mdo sde 'di 'chang ngam 'dzin tam/ klog gam/ 'don tam/ yi ger bris sam/ dgrol zhing bshad na lus dang srog gi bar du yal yang tshul khrims nyams par mi byed de/ de ni

  203. 102b

    dkris kyi mtshams las mi 'da' zhes bya ba yin/ rin po che rnam pa mang po ni mdo sde 'di nyid rin po che tshad med pa'i gter yin no// gter zhes bya ba ni dran panye bar gzhag pa ba dang yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad dang / bus pa chung ngu'i spyod pa dang / 'phags pa'i spyod pa dang / tshangs pa'i spyod pa dang / lha'i spyod pa dang / dge ba mang po thabs dang / sems can gyi sangs rgyas kyi rang bzhin dang / byang chub sems dpa'i yon tan dang / de bzhin gshegs pa'i yon tan dang / nyan thos kyi yon tan dang / rang sangs rgyas kyi yon tan dang pha rol tu phyin pa drug dang / ting nge 'dzin tshad med pa dang / ye shes dang shes rab tshad med pa ni rin po che'i gter zhes bya ba yin/ sems can chen po'i gnas shes bya ba/ sems can chen po ni sangs rgyas dang / byang chub sems dpa' ste/ ye shes dang / shes rab che ba'i phyir sems can chen po zhes bya'o// lus che ba'i phyir sems che ba yin te sems che ba'i phyir/ bkod pa che ba'i phyir/ 'dul ba che ba'i phyir/ thabs mkhas pa che ba'i phyir/ chos brjod pa che ba'i phyir/ mthu stobs che ba'i phyir/ 'khor gyi dkyil

  204. 103a

    'khor che ba'i phyir/ rdzu 'phrul che ba'i phyir/ byams pa dang snying rje chen po'i phyir/ rtag tu mi 'gyur ba'i phyir/ sems can thams cad la thogs pa med pa'i phyir sems can thams cad shong ba'i phyir/ de bas na sems can chen po'i gnas shes bya ba yin/ ro dang mi gnas shes bya ba/ ro ni log sred can dang / phas pha ma bzhi nyams pa dang / mtshams med pa lnga'i kha na ma tho ba byas pa dang / shin tu rgyas pa'i mdo sde la skur pa dang / chos ma yin pa las chos su bshad pa dang / chos la chos ma yin par bshad pa dang // ma brtags pa'i dngos po brgyad 'chang ba dang / sangs rgyas kyi dkor dang / dge 'dun gyi nor la yid bzhin thugs thub tu spyod pa dang / dge slong dang dge slong ma la chos ma yin pa spyod pa ni shi ba'i ro zhes bya ba yin te/ yongs su mya ngan las 'das pa'i mdo sde 'di yang de lta bu dngos po mang po dang yongs su bral bas/ shi ba'i ro dang mi 'grogs shes bya ba yin/ mi 'phel mi 'bri zhes bya ba ni mtha' yas pa'i phyir/ thog ma dang tha ma med pa'i phyir/ gzugs ma yin pa'i phyir/ bya ba ma yin pa'i phyir/ rtag tu gnas pa'i phyir/ mi skye mi 'gog pa'i phyir/ sems can thams cad la mnyam snyoms pa'i phyir/ thams cad kyi mtshan nyid gcig tu 'thun pa'i phyir/ mi 'phel mi 'bri ba zhes bya ba yin te/ de bas na mdo sde 'di ni rgya mtsho chen po ltar bsam

  205. 103b

    gyis mi khyab pa brgyad dang ldan no/ / seng ge'i sgras gsol pa/ bcom ldan 'das gal te de bzhin gshegs pa la mi skye mi 'gog pa'i phyir zab pa zhes bgyin/ so so'i skye bo thams cad la skye ba rnam pa bzhi ste/ sgo nga las skyes pa dang / drod gsher las skyes pa dang / mngal nas skyes pa dang / rdzus te skyes pa'o// skye ba rnam bzhi ni mi'i nang na yongs su rdzogs par mchis so/ / dper na dge slong shing sA la dang / u pa shi pa la dang / khyim bdag ni ka la'i ma dang / khyim bdag ni ku ta'i ma dang / khyim bdag pa na shi la'i ma la sogs pa de dag la so so nas bu lnga brgya lnga brgya mchis te/ thams cad sgo nga gcig gi nang nas skyes te/ de bas na mi la yang sgo nga las skyes pa mchis so// drod gsher las skyes pa ni/ ji ltar bcom ldan 'das kyis gsungs pa ltar/ sngon byang chub sems dpa' mdzad pa na/ rgyal po spyi bo skyes shes bgyi bar gyur pa dang / rgyal po lag na skyes shes bgyi bar gyur pa dang da ltar gsungs pa bu mo a 'bra'i shing dang / bu mo ka byi ta'i shing zhes bgyi ba mchis pas na/ mi'i nang na drod gsher las skyes pa yang mchis so// thog ma bskal pa chags pa na sems can thams cad rdzus te skyes na/ sangs rgyas bcom ldan 'das ni dbang du gyur pa brgyad dang ldan pa lags na/ ci'i rmad du rdzus te ma skyes/ bcom ldan 'das

  206. 104a

    @#kyis bka' stsal pa/ rigs kyi bu sems can thams cad ni skye ba rnam pa bzhis skyes te/ 'phags pa'i chos thob nas sngon ltar rgo nga las skye ba dang / rbod gsher las skye bar mi 'gyur ro/ / rigs kyi bu bskal pa thog ma chags pa na sems can thams cad rdzus te skyes kyang / de'i tshe na sangs rgyas 'jig rten du ma gshegs so// rigs kyi bu gal te sems can dag nad kyis btab na sman pa dang sman dgos so/ / bskal pa thog ma chags pa na sems can thams cad rdzus te skyes pas nyon mongs pa dang bcas mod kyi// nyon mongs pa'i nad ma langs pas/ de bzhin gshegs pa 'jig rten du ma gshegs so// rigs kyi bu bskal pa thog ma chags pa'i sems can ni lus dang sems snod du ma gyur pas/ de bzhin gshegs pa 'jig rten du ma gshegs so/ / rigs kyi bu sangs rgyas bcom ldan 'das kyi gdung rigs dang / 'khor dang / pha ma ni mchog tu gyur pas chos gsungs pa la thams cad kyis yid ches te/ de bas na de bzhin gshegs pa ni rdzus te mi skye'o// rigs kyi bu sems can thams cad ni bu'i las kyang pas byed la/ pha'i las kyang bus byed de/ sangs rgyas bcom ldan 'das gal te rdzus te skyes na pha ma med par 'gyur ro/ / gal te pha ma med na so so'i skye bo thams cad kyi dge ba'i las mang po yang ji ltar mdzad par 'gyur/ de bas na de bzhin gshegs pa ni

  207. 104b

    rdzus te mi kye'o/ / rigs kyi bu sangs rgyas kyis bstan pa'i dam pa'i chos la srung ba rnam pa gnyis te/ nang dang / phyi rol lo// nang gi srung ba ni tshul khrims so// phyi rol gyi srung ba ni gnyen bshes dang 'khor ro/ / gal te sangs rgyas bcom ldan 'das rdzus te skyes na/ phyi rol gyi srung ba med par 'gyur te/ de bas na de bzhin gshegs pa ni rdzus te skye ba'i sku mi 'dod do// rigs kyi bu skye bo kha cig ni cho rigs bsnyems pas nga rgyal skye'o// de bzhin gshegs pas de dag gi nga rgyal gzhom pa'i phyir/ cho rigs btsun par skyes kyi/ rdzus te skye ba'i sku mi 'dod do// rigs kyi bu sangs rgyas bcom ldan 'das la yang dag par pha dang ma yod do// pa ni zas gtsang ma zhes bya/ ma ni lha mdzes shes bya ste/ 'on kyang sems can dag ni rgyu ma yin no// zhes brjod na/ ji ltar rdzus te skye ba'i sku 'dod par bya// gal te rdzus te skye ba'i sku blangs na ring bsrel mang po ci las 'byung bar 'gyur/ de bzhin gshegs pa ni sems can la phan pa'i don du ring bsrel phra mor bsres nas thams cad kyis mchod par 'gyur bar byed do/ / de bas na de bzhin gshegs pas rdzus te skye ba'i sku mi 'dod do// sangs rgyas thams cad kyang rdzus te skye ba'i sku mi 'dod na/ ci'i phyir nga 'ba' zhig rdzus te skye ba'i sku blang bar bya/ de nas byang chub sems dpa' seng ge'i sbas thal mo sbyar te pus mo g.yas pa'i lga nga sa la

  208. 105a

    btsugs nas/ tshigs su bcad pa 'di dag gis bcom ldan 'das la mngon par bstod do// de bzhin gshegs ni yon tan tshad med phung po ste// bdag gis de dag rgyas par brjod pas mi nus kyang / / so so'i skye bo'i slad du phyogs tsam brjod par bgyi// thugs brtse slad du bdag gis brjod pa gsan du gsol// so so'i skye bo ma rig mun par 'gro ba dag/ sdug bsngal mtha' yas rnam pa mang po myong bar gyur// bcom ldan 'das kyis de dang bral bar mdzad pas na// 'jig rten kun tu thugs rje chen po zhes kyang grags// so so'i skye bo'i 'khor ba'i rgyun la 'khor bas na// bag med yongs su bslad pas bde ba med par gyur// de bzhin gshegs pas bde ba yongs su byin pas na// 'khor bar 'khor ba'i rgyun ni yongs su bcad par gyur/ / de bzhin gshegs ni bde ba kun la byin pas na// bdag gi bde ba gang la'ang ma chags mi mos so// so so'i skye bo'i slad du dka' ba kun spyad de/ / de bas 'jig rten bcas pa kun gyis mchod par gyur// pha rol sdug bsngal myong ba gzigs na sku 'dar te// sems can dmyal bar zhugs kyang sdug bsngal tshor ba med// sems can slad du sdug bsngal chen po myong mdzad de// de bas kun las rgyal te dpag pa'i tshad ma mchis// de bzhin gshegs pas sems can rmad du dka' ba mdzad// pha rol

  209. 105b

    phyin pa drug kyang yongs su rdzogs par gyur/ / thugs ni log pa'i rlung la gnas kyang mi g.yo ste// de bas shin tu rgyal ba'i 'jig rten skyes bu'o// so so'i skye bo dag ni bde ba kun 'dod kyang / / bde bar 'gyur ba'i rgyu ni gang lags mi shes te// de bzhin gshegs pas bstan nas bsgom par gyur pas na// ji ltar bu gcig pa la pha mas byams pa bzhin// bcom ldan 'das kyis sems can nyon mongs nad gzigs nas// sdug bsngal ba ni na ba'i bu la ma bzhin te// rtag tu nyon mongs nad spong ba yi thabs dgongs pas// de bas lus 'di bzhin gyi dbang du gyur pa yin/ / sems can thams cad sdug bsngal mang po kun spyod kyang // phyin ci log gi sems kyis de la bde bar 'dzin// de bzhin gshegs pas bde dang sdug bsngal bden gsungs te/ / de bas kun tu thugs rje chen po zhes grags so// 'jig rten thams cad ma rig sgo nga la gnas kyang // rtol zhing gzhom par 'gyur ba'i ye shes chu med pas/ / de bzhin gshegs pa'i ye shes chu yis kun bcom ste// de bas mchog tu 'gyur ba'i sras kyi thu bo'o// 'jig rten gsum gyis yongs su ma bzung ma bsdus pas/ ming yang med de bla dgas btags pa'i tha snyad med// yongs su mya ngan 'das pa'i don mdzad rtogs pas na// bcom ldan 'das ni blo gros chen po zhes grags so// srid

  210. 106a

    pa'i rlung gis sems can g.yengs te nub gyur kyang / / ma rig yongs su mdongs pas 'byung ba'i lam mi shes// de bzhin gshegs ni bdag kyang grol bas gzhan sgrol te/ / de bas de bzhin gshegs ni gru mkhan zhes grags so// rgyu dang 'bras bur 'gyur ba thams cad mkhyen pas na// de bzhin zad dang 'gog pa'i las kyang shin tu rtogs// sems can gyis sdug bsngal ba yis sman gtong bas// 'jig rten kun tu sman pa'i rgyal po zhes grags so// mu stegs ngan par lta ba'i dka' thub spyod pa yang // de yi rkyen gyis bla med bde ba thob ces smra/ / de bzhin gshegs kyis yang dag bde ba gsungs pa ni// sems can thams cad nges par bde ba myong bar 'gyur// de bzhin gshegs ni log par 'gro ba'i lam bcom nas/ / sems can kun la yang dag bden pa'i lam rab ston// lam rab de la spyod pa de dag bde bar 'gyur// de bas bcom ldan 'das ni ded dpon zhes grags so/ / bdag gis byas pa ma yin gzhan gyis byas ma yin// thun mong byas pa ma yin rgyu rkyen byas ma yin// de bzhin gshegs kyis sdug bsngal myong ba gsungs pa ni/ mu stegs can gyis smra ba kun las mchog tu gyur// tshul khrims ting 'dzin shes rab yongs su rdzogs pas na// chos de nyid kyis so so'i skye bo kun la ston// chos kyi sbyin pa mdzad pa'i

  211. 106b

    dus na ser sna med/ / de bas bcom ldan 'das ni mi dmigs byams pa'o// byams pa med de rgyu dang rkyen yang med pas na// rgyu rkyen 'bras bu med pa'i rnam par smin pa thog/ de bas/ mkhas pa shes rab ldan pa thams cad kyis// de bas de bzhin gshegs ni re ba med ces brjod// rtag tu 'jig rten bag med spyod dang 'grogs gyur kyang // sku la bag med pas ni yongs su 'go mi 'gyur/ / de bas bsam gyis mi khyab pa'o zhes bya ste// 'jig rten chos brgyad kyis kyang rnam par 'go mi 'gyur// sangs rgyas bcom ldan 'das la byams dang sdang med de/ / de bas de yi thugs ni rtag tu mnyam snyoms pa'o// seng ge'i sgra zhes bgyi bas thugs rje che la bstod// tshad med pa yi seng ge'i sgra'i srog gyur cig/ 'phags pa yongs su mya ngan las 'das pa chen po'i mdo las/ byang chub sems dpa' seng ge'i sgra zhes bya bas yongs su dris pa'i le'u ste bcu gcig pa'o// / de nas byang chub sems dpa' 'od srungs kyis/ bcom ldan 'das la 'di skad ces gsol to// de bzhin gshegs pa ni sems can thams cad la thugs brtse ba lags te/ ma dul ba ni dul bar mdzad/ ma dag pa ni dag par mdzad/ mgon skyabs mchis pa la ni mgon skyabs mdzad de/ rnam par ma grol ba la yang rnam par grol bar mdzad nas dbang du

  212. 107a

    'gyur ba brgyad dang ldan te/ sman pa chen po sman gyi rgyal po lta bu lags na/ dge slong legs pa'i thar ma zhes bgyis/ bcom ldan 'das byang chub sems dpa' mdzad pa'i dus kyi sras lags te/ rab tu byung nas mdo sde sde bcu gnyis 'chang ba dang / 'dzin pa dang / klog pa dang / 'don pa dang / rnam par phye ste dkrol zhing bshad pa yang bgyid/ 'dod pa'i khams kyi kun nas nyon mongs pa yang bcom bsam gtan bzhi yang thob nas/ ci'i slad du de bzhin gshegs pas dge slong legs pa'i skar ma la ni log med can yin te/ kun gyi mthar gyur pa 'di bskal pa'i bar du sems can dmyal bar gnas kyang gsor ma rung ngo zhes lung bstan/ ci'i slad du de bzhin gshegs pas sngar dam pa'i chos brtan te/ phyis byang chub sems dpar 'gyur bar mi mdzad/ gal te sangs rgyas bcom ldan 'das kyis legs pa'i skar ma'i mgon dang skyabs mdzad par mi 'gyur na/ thugs rje chen po dang ldan zhing thabs mkhas pa chen po zhes ci la gdags/ bcom ldan 'das kyis bka' stsal pa/ rigs kyi bu dper na pha ma la bu gsum zhig yod de/ bu rab ni pha ma la sri zhu dang bkur sti yang byed/ dbang po rno bas 'jig rten gyi bya ba thams cad skabs na myur du ldob bo// bu 'bring po ni pha ma'i yid dang 'thun par yang mi byed/ sri zhu dang bkur sti'i

  213. 107b

    sems kyang med/ dbang po rno bas 'jig rten gyi bya ba bslabs na myur du rdzob bo// bu tha chung ni pha ma'i yid dang 'gal bar byed de/ sri zhu dang bkur sti'i sems kyang med/ dbang po yang rdul te shes pa med do/ / gal te pha mas sbyang zhing bslab par bya na/ sngar gang slob tu gzhug cing gang la sdug cing byams par byed/ byang chub sems dpa' 'od srungs kyis gsol pa/ bcom ldan 'das sngar gang pha ma'i yid dang mi 'gal bar byed cing / sri zhu dang bkur sti byed pa dang / 'jig rten gyi bya ba bslabs na myur du ldob pa de bslabs nas/ de'i 'og tu bu 'bring po dang tha chung yang slob bo/ / bu 'og ma gnyis la sri zhu dang bkur sti'i bya ba'i sems med mod kyi/ 'on kyang byams pas slob pa'i grwar slob tu bcug go// rigs kyi bu de bzhin gshegs pa yang de dang 'dra ste/ bu gsum zhes bya ba ni bu'i nang na rab ni byang chub sems dpa' la bya ba'i dpe'o// 'bring po ni nyan thos la bya ba'i dpe'o// bu tha chung ni log sred can la bya ba'i dpe'o/ / mdo sde bcu gnyis las don shin tu phra ba zab mo ni ngas sngar byang chub sems dpa' rnams la gsungs so// don mi zab pa ni nyan thos kyi rnams la gsungs so/ / 'jig rten gyi don ni log sred can dang mtshams med pa'i kha na ma tho ba byed pa la gsungs so// da ltar gyi dus su 'phral gyi phan pa'i don du mi 'gyur yang byams brtse

  214. 108a

    ba'i phyir/ 'jig rten phyi ma'i dge ba'i 'bras bur 'gyur bar bya ba'i phyir gsungs so// rigs kyi bu 'di lta ste/ zhing la rnam pa gsum mo/ zhing chus bde zhing rdo dang / gseg ma dang / rtse mo dang / shing gel ba med na brgya 'gyur skye ba dang / bye ma dang / gseg ma dang / rdo ba dang / gyo mo dang / shing gel ba med kyang chu skra mi bde ste/ chu ma bcus na 'bras bu phyed 'bri ba dang / chu skra yang mi bde la rdo dang / gseg ma dang / shing gel ba mang ba ni rtswa mang du skye bas gcig rmos na gcig las mi skye'o// rigs kyi bu zhing pa dag dbyar rmo ba'i dus la bab na sngar zhing gang rmo bar byed/ gsol pa/ bcom ldan 'das sngar zhing gshin pa rmos nas de'i 'og tu rnam pa gnyis kyang mthar gyis rmed do// de la thog ma ni byang chub sems dpa' la bya ba'i dpe'o// bar ma ni nyan thos la bya ba'i dpe'o// tha ma ni log sred can la bya ba'i dpe'o// rigs kyi bu 'di lta ste/ dper na mi zhig la snod ma chags pa dang / zag pa dang bcas pa dang / chag pa dang gsum yod de/ snod kyi nang du 'o ma'am/ zho 'am/ chu 'am/ mar blugs par bya na/ sngar gang gi nang du blugs pa'i rigs/ gsol pa/ bcom ldan 'das sngar snod ma chag pa'i nang du blugs so// de nas zag pa'i nang du blugs so// de nas chag pa'i nang du yang blugs so// snod ma chag la

  215. 108b

    dag pa ni byang chub sems dpa'i dge 'dun gyi dpe'o/ / zag pa ni nyan thos kyi dge 'dun gyi dpe'o// chag pa ni log sred can gyi dpe'o// rigs kyi bu 'di lta ste/ dper na nad pa gsum zhig sman pa'i drung du lhags na gcig ni gso sla'o/ / gcig ni gso dka' 'o// gcig ni gsor mi rung na/ rigs kyi bu de ltar nad pa gsum la sman pas thog ma gang gso bar byed/ gsol pa/ bcom ldan 'das sngar gso sla ba gsos nas/ de'i 'og tu gnyis po yang gso bar bgyid do// de ci'i phyir zhe na/ mdza' zhing gnyen pa dag gi phyir ro// gso sla ba ni byang chub sems dpa'i dge 'dun gyi dpe'o/ / gso dka' ba ni nyan thos kyi dge 'dun gyi dpe'o// gsor mi rung ba ni log sred can gyi dpe'o// da ltar gyi dus su 'phral du dge ba'i 'bras bur mi 'gyur yang / byams shing brtse ba'i phyir 'jig rten phyi ma'i dge ba'i 'bras bu bskyed pa'i phyir ro// rigs kyi bu 'di lta ste/ dper na rgyal po chen po la rta gsum zhig yod na gcig ni shin tu dul ba stobs kyang che'o/ / gcig ni ma dul te stobs che'o// gcig ni dul yang ma dul rid cing rgan te stobs kyang med na/ rgyal pos zhon par bsams na sngar gang zhon par byed/ gsol pa/ bcom ldan 'das sngar dul zhing stobs che ba la zhon te/ de'i 'og tu gnyis kyang zhon par byed do// dul zhing stobs che ba ni byang chub sems

  216. 109a

    dpa'i dge 'dun gyi dpe'o/ / ma dul ba ni nyan thos kyis dge 'dun gyi dpe'o// ma dul ba la rgas shing ring ba ni log sreng can gyi dpe ste/ da ltar gyi tshe 'di nyid la phan pa'i don du mi 'gyur yang / byams shing brtse bas 'jig rten phyi ma'i dge ba'i sa bon skyed par byed do// rigs kyi bu 'di lta ste/ dper na sbyin bdag chen po zhig gis gang zag rnam pa gsum la sbyin pa byin par bsams pa las/ gcig ni rigs btsun zhing dbang po yang rno bas tshul khrims dang ldan no// gcig ni tshe rigs 'bring la dbang po rdul te tshul khrims dang ldan no/ / gcig ni cho rigs tha ma ste/ dbang po rdul la tshul khrims dang mi ldan na/ rigs kyi bu sbyin bdag chen po des sngar gang la sbyin pa byin par byed/ gsol pa/ bcom ldan 'das sngar cho rigs btsun pa dbang po rno zhing tshul khrims dang ldan pa la sbyin pa byin nas/ de'i 'og tu gnyis la yang sbyin pa bgyid do// thog ma de ni byang chub sems dpa'i dge 'dun gyi dpe'o/ / de'i 'og ma ni nyan thos kyi dge 'dun gyi dpe'o// de'i 'og ma ni log sred can gyi dpe'o// rigs kyi bu dper na seng ge'i rgyal po ni spos kyi bal glang gsod pa na mthu rtsal ci yod pa gtugs te gsod pa bzhin du/ ri bong gsod pa na yang de dang 'dra ste/ dbugs kyi shugs cung zad tsam gyis ma yin no// sangs rgyas bcom ldan 'das kyang de

  217. 109b

    dang 'dra ste/ byang chub sems dpa' rnams dang / log sreng can la chos ston cing gsungs pa na mdzad pa la gnyis su med do// rigs kyi bu sngon 'das pa'i dus gcig na/ rgyal po'i khab na bzhugs pa'i tshe dge slong legs pa'i skar ma ni nga'i g.yog byed do/ / nga de'i tshe na nam gyi cha stod la brgya byin lha'i dbang phyug la dam pa'i chos ston to// nye gnas kyi chos kyis slong dpon bsnyal dgos pas/ de'i tshe na nga ring du thogs par gyur nas/ dge slong legs pa'i skar mas nga la ngan sems bskyed do// de'i tshe rgyal po'i khab de na khye'u dang bu mo chung ngu ma dag du sde/ kha rog tu mi btub na/ de'i pha mas bu la bsdigs pa'i phyir/ ngu ba ma btang na yi dgas ba ku la'i drung du bkri'o zhes bsdigs pas ngus pa zhi bar 'gyur ro// de'i tshen dge slong legs pa'i skar ma yang nga la 'di skad du myur du gnas khang gshegs su gsol/ yi dgas pa ku la 'ong ngo zhes nga la bsdigs so// ngas de la shin tu glen pa ci sangs rgyas bcom ldan 'das la 'jigs pa med do zhes ma thos sa pa zhes bka' stsal nas/ de'i tshe brgya byin lha'i dbang phyug gis 'di skad ces gsol to// bcom ldan 'das ci gang zag 'di lta bu sangs rgyas kyi chos kyi nang du rung ngam zhes gsol nas/ ngas de la ko'u shi ka gang zag 'di yang sangs rgyas kyi chos kyi nang du chud de/ sangs rgyas kyi rang bzhin yod pas bla na med pa yang dag par rdzogs pa'i

  218. 110a

    byang chub thob par 'gyur ro zhes bka' stsal to/ / ngas dge slong legs pa'i skar ma la dam pa'i chos bstan kyang yid ches shing gzungs su 'dzin pa'i sems med do/ / rigs kyi bu ngas sngon dus gcig na yul ka shi zhes bya bar grong khyer shi pa pu la zhes bya ba na bzhugs pa'i tshe/ dge slong legs pa'i skar ma yang nga'i g.yog byed do// de'i tshe na nga grong khyer de'i nang du bsod snyoms kyi phyir gshegs par dgongs pa las/ de na gnas pa'i sems can tshad med pa snyed nga'i rjes mthong bar mos te/ skom pas gdungs pa ltar dad pa las/ dge slong legs pa'i skar mas nga'i phyi bzhin rjes phyags nas mi snang bar bsams te/ mi snang bar ma nus nas sems can mang du mi dge ba'i sems bskyed par gyur to// nga de'i tshe grong khyer du gshegs nas chang ba zhig gi khyim sgo na gcer bu pa gcig cig lus dgu bor byas nas spang ma za ba gzigs so// dge slong legs pa'i skar mas kyang mthong nas/ nga la 'di skad ces gsol to/ / bcom ldan 'das 'jig rten na gal te dgra bcom pa mchis na/ mi 'di'i mchog tu 'gyur ba lags so// de ci'i slad du zhe na/ mi 'di yang rgyu med la 'bras bu med do zhes sba'o/ / ngas de la glen pa khyod dgra bcom pa ni chang mi 'thung la mi'ang mi tshe/ pha rol la bslu bar mi byed/ ma byin par mi len/ mi g.yem mo zhes ma thos

  219. 110b

    sam mi de ni pha ma yang bsad de spang ma za na dgra bcom pa zhes bya na rung ngam/ mi 'di ni lus dang bral ma thag tu gdan ma za bar mtsham med mas can dmyal bar ltung / dgra bcom pa ni ngan song gsum yongs su bcad pa yin na/ ci'i phyir 'di la dgra bcom pa yin no zhes smra// legs pa'i skar mas yang gsol pa/ chen po bzhi'i rang bzhin ni 'gyur yang srid kyi/ mi 'di mtshams med pa'i sems can dmyal bar ltung ngo zhes bgyi ba'i gnas ma mchis so// ngas de la glen pa khyod ci ma thos sam/ bcom ldan 'das bdag ni gnyis su med par bden par gsungs pa yin no zhes bka' stsal to/ / ngas de ltar legs pa'i skar ma de la dam pa'i chos bstan kyang dad cing gzungs su 'dzin pa'i sems 'di tsam yang med do/ / rigs kyi bu nga yang dus gcig na dge slong legs pa'i skar ma dang rgyal po'i khab na bzhugs so// de'i tshe rgyal po'i khab de na gcer bu pa sdug bsngal 'gyur zhes bya ba zhig yod de/ rtag tu 'di skad ces smra'o// sems can gyi nyon mongs pa ni rgyu yang med/ rkyen yang med/ sems can gyi rnam par grol ba yang rgyu dang rkyen med do zhes smra'o/ / de'i tshe dge slong legs pa'i skar ma de yang nga la 'di skad ces gsol to// bcom ldan 'das 'jig rten na gal te dgra bcom pa mchis na/ gcer bu pa thug bsngal

  220. 111a

    'gyur zhes bgyi ba ni mchog tu 'gyur ro/ / ngas de la 'di skad du glen pa gcer bu pa sdug bsngal 'gyur ba ni yang dag par dgra bcom pa ma yin te/ dgra bcom pa'i byang chub kyi rnam par grol ba ma yin no zhes bka' stsal to/ / de nas legs pa'i skar mas yang nga la 'di skad ces gsol to// ci'i rmang du dgra bcom pas dgra bcom pa la phrag dog mdzad/ ngas de la glen pa nga ni dgra bcom pa la phrag dog mi byed kyi/ khyod nyid kyis sdig par 'gyur ba'i ngan par lta ba bskyed do// gcer bu pa dgra bcom pa yin no zhes smra ba la ltos/ da ste zhag bdun na kha zas ma zhu ba'i nad kyis btab nas lto na ste shi bar 'gyur ro/ / shi nas kyang skyugs pa za ba'i yi dgas su skye'o// ro ni slob pa gcig pa rnams kyis yengs por khyer nas dur khrod du skyel bar 'gyur ro/ / de'i tshe legs pa'i skar ma de gcer bu pa sdug bsngal bar 'gyur gang na ba der song nas 'di skad ces smras so// tshe dang ldan pa khyod shes sam/ dge sbyong go'u ta mas ni khyod la da b+he zhag bdun na kha zas mi zhu ba'i nad kyis btab nas ljon ste 'chi'o/ / shi nas kyang skyugs pa za ba'i yi dgas su skye ste/ slob pa gcig pa dang / slob dpon gcig pa rnams kyis khyod kyi ro yang rengs por bteg ste/ dur khrod du skyel bar 'gyur ro zhes lung bstan gyis/ tshe dang ldan pa thabs rnam pa sna tshogs kyis bag bya ba shin tu bsams te/

  221. 111b

    ci nas kyang dge sbyong ko'u ta ma de brdzun du smra bar 'gyur bar bya'o// de'i tshe sdug bsngal bar 'gyur gyis de skad ces sba ba thos nas/ kha zas mi za bar byas te/ thos ma thag tu gcig nas zhag drug gi bar du ci yang ma zos so/ / zhag bdun tshang nas bu ram zos so// bu ram zos nas chu zang mo 'thungs so// chu grang mo 'thungs ma thag tu lto na ste shi bar gyur to// shi nas slob pa gcig pa rnams kyis yeng por bteg nas dur khrod du bskyal te/ skyugs pa za ba'i yi dgas su gyur nas ro'i drung ngu sdod do// dge slong legs pa'i skar mas de lta bur gyur pa thos nas dur khrod du ro gang na ba der song ngo / / der phyin pa dang sdug bsngal 'gyur gyi lus de yi dgas skyugs pa za ba'i lus su gyur nas/ ro'i drung du dgu bor 'dug pa mthong ngo // legs pa'i skar mas sbas pa/ ci khyod shi 'am/ sdug bsngal 'gyur gyis smras pa/ bdag shi'o// khyod ji ltar shi// smras pa/ bdag ni lto na ste shi'o// 'o na khyod kyi ro 'dir sus brgyal/ smras pa/ slob pa gcig pa rnams kyis so// 'o na gnas gar bskyal/ smras pa/ glen pa khyod dur khrod yin par mi shes sam/ 'o na khyod lus ji lta bu zhig tu thob/ smras pa/ bdag ni byugs pa za ba'i lus su gyur to// legs pa'i skar ma khyod legs par nyon cig/ de bzhin gshegs pa ni dge bar gsung ba

  222. 112a

    yang dag par gsung ba/ dus la bab par gsung ba/ don yod par gsung ba/ chos su gsung ba'o// legs pa'i skar ma de bzhin gshegs pa'i zhal nas de ltar bden pa gsung ba la khyod kyis de'i tshe ci'i phyir yid mi ches sems can gang de bzhin gshegs pas bden par gsungs pa la yid mi ches na/ de yang kho bo'i lus 'di dang 'dra ba myong bar 'gyur ro/ / de'i tshe legs pa'i skar ma de nga gang na ba der 'ongs nas/ nga la 'di skad ces gsol to// bcom ldan 'das gcer bu pa sdug bsngal 'gyur tshe 'phos nas sum cu rtsa gsum gnam gyi lhar skyes so/ / ngas de la glen pa dgra bcom pa ni skye ba'i gnas med na/ ci'i phyir sdug bsngal 'gyur sum cu rtsa gsum gnam gyi lhar skye zhes smra/ gsol pa/ bcom ldan 'das gsung ba bzhin te/ bcer bu pa sdug bsngal 'gyur yang dag par sum cu rtsa gsum gnam gyi lhar ma skyes kyi/ skyugs pa za ba'i yi dgas su gyur to/ / ngas de la glen pa sangs rgyas bcom ldan 'das kyis gsung ngo cog ni gnyis su med de/ de bzhin gshegs pas gsungs pa la gnyis su yod do zhes bya ba'i gnas med do zhes bka' stsal to/ / legs pa'i skar mas gsol pa/ de bzhin gshegs pas de'i tshe na de skad ces gsungs mod kyi/ bdag ni de la yid ches pa ma mchis so zhes smras so//

  223. 112b

    rigs kyi bu nga ni rtag tu dge slong legs pa'i skar ma la dam pa'i chos bstan na/ yid ches shing gzungs su 'dzin pa'i sems 'di tsam yang ma skyes so// rigs kyi bu dge slong legs pa'i skar ma ni mdo sde sde bcu gnyis klog ci 'don te/ bsam gtan bzhi thob mod kyi/ chung ngu na tshigs su bcad pa gcig tsam mam/ tshig gcig gam/ 'bru gcig tsam gyi don yang mi shes so/ / sdig pa mi dge ba'i bshes gnyen la bsten pas bsam gtan bzhi yang nyams par gyur to// bsam gtan nyams pas ngan par lta ba bskyed de/ 'di skad du sangs rgyas kyang med/ chos kyang med/ mya ngan las 'das pa yang med mod kyi/ dge sbyong go'u ta ma ni mtshan lta ba'i cho ga la shin tu mkhas pas gzhan gyi sems shes par gyur to// zhes smra'o// nga de'i tshe na legs pa'i skar ma la 'di skad ces bka' stsal to// ngas chos bstan cing gsungs pa ni thog mar yang dge/ bar du yang dge/ tha mar yang dge/ don bzang ba/ tshig bzang ba/ ma 'dres pa/ phun sum tshogs pa/ tshangs par spyod pa/ rnam par dag pa'o zhes bstan kyang / dge slong legs pa'i skar ma de nga la 'di skad du/ de bzhin gshegs pas bdag la chos bstan mod kyi/ bdag ni yang dag par ni rgyu dang 'bras bu med do zhes zer ro// rigs kyi bu khyod kyis 'di ltar dngos po 'di la yid mi ches na dge

  224. 113a

    srong legs pa'i skar ma nyid da skar chu bo dga' bskyed kyi 'gram na 'dug gis der 'jir 'dong ngo / / de'i tshe na de bzhin gshegs pa 'od srum dang bcas te/ legs pa'i skar ma gang na bar gshegs so/ / dge slong legs pa'i skar mas/ bcom ldan 'das rgyang nas gshegs pa mthong nas/ sdig pa mi dge ba'i sems bskyed do// mi dge ba'i sems bskyed pas de nyid du mtshams med pa'i sems can dmyal bar mngon par nub par gyur to/ / rigs kyi bu dge slong legs pa'i skar ma sangs rgyas kyi bstan pa la zhugs te/ rin po che'i phung po tshad med par phyin mod kyi/ ci yang ma tho ba ste bag med pa'i phyir/ mi dge ba'i bshes gnyen la bsten pa'i phyir/ chung ngu na chos gcig tsam gyi phan pa'i don yang ma thob bo// 'di lta ste/ dper na mi zhig rgya mtshor zhugs te/ rin po che'i phung po mang po mthong mod kyi/ le lo'i dbang gis lag tu ma thob pa dang 'dra'o// gzhan yang rgya mtshor zhugs nas rin po che'i phung po mthong mod kyi/ shi ba 'am srin po ma rungs pas bsad pa ltar/ dge slong legs pa'i skar ma yang de dang 'dra ste/ sangs rgyas kyi bstan pa la zhugs mod kyi/ mi dge ba'i bshes gnyen srin po ma rungs pa dang 'dra bas bsad par gyur to// rigs kyi bu de bas na de bzhin gshegs pas thugs brtse ba'i rmad du/ dge slong legs pa'i skar ma ni bag

  225. 113b

    med pa yin no zhes gsungs so/ / rigs kyi bu gang sngon yang dbul 'phongs pa de la snying brtse ba'i sems yod mod kyi snying brtse ba'i bar du mi chud do// gang sngon longs spyod dang ldan pa zhig phyis longs spyod med de/ dbul 'phongs par gyur na de la ni rab tu yang snying brtse ba ltar/ dge slong legs pa'i skar ma yang de dang 'dra ste/ mdo sde bcu gnyis 'chang zhing 'dzin pa dang / 'don pa dang / klog pa yang byas/ bsam gtan bzhi thob pa las nyams pa ni shin tu yang thugs brtse bar rung bas/ dge slong legs pa'i skar ma ni shin tu yang bag med par ngas gsungs so/ / bag med pa'i phyir dge ba'i rtsa ba rnams yongs su bcad pas nga'i nye gnas su gyur pa mthong ngam thos pa gang yang rung / de la ni shin tu snying brtse ba'i sems ma bskyed pa med de/ ji ltar sngon longs spyod dang ldan pa las phyis longs spyod med par mthong ba la snying brtse ba dang 'dra'o// nga ni lo du ma'i bar du legs pa'i skar ma dang 'grogs te/ des nga la rtag tu mi dge ba'i sems bskyed do/ / mi dge ba'i sems bskyed nas ngan par lta ba'i sems ma btang ngo // rigs kyi bu ngas thog ma nas/ legs pa'i skar ma de la dge ba'i rtsa ba ba spu'i nyag ma tsam yod par ma gzigs na/ de la dge ba'i rtsa ba yongs su bcad pa'i log sred can yin te/ sems can dmyal bar bskal pa'i bar du gnas par 'gyur ro zhes lung mi ston na/ des rgyu

  226. 114a

    med pa dang / 'bras bu med pa dang / byas pa'i las kyang med par smra bas/ de ni dge ba'i rtsa ba yongs su bcad pa'i log sred can yin te/ bskal pa'i bar du sems can dmyal bar gnas so zhes lung bstan to/ / rigs kyi bu 'di lta ste/ dper na mi zhig ngan skyugs kyi dong du lhung ba las bshes gnyen gcig gis dbyung bar bsams nas lag pas brlabs te/ skra las zin na phyir 'byin to// gal te sgra las ma zin te ci yang mi snang na dbyung ba'i sems kyang zhi bar 'gyur ba ltar/ nga yang de dang 'dra ste/ legs pa'i skar ma'i dge ba'i rtsa ba cung zad tsam ci yod pa 'tshal te yongs su bsgral bar byas na/ dus thams cad du dge ba'i rtsa ba ba spu'i nyag ma tsam yang med pas/ sems can dmyal ba las bsgral bar ma gyur to/ / byang chub sems dpa' 'od srungs kyis 'di skad ces gsol to// bcom ldan 'das de bzhin gshegs pas ci'i slad du legs pa'i skar ma mtshams med pa'i sems can dmyal bar lhung ngo zhes lung bstan/ rigs kyi bu dge slong legs pa'i skar ma la bshes gnyen dang 'khor mang du yod de/ de dag thams cad kyang legs pa'i skar ma ni dgra bcom pa yin te/ byang chub kyi 'bras bu thob par 'dzin pas/ de dag gi ngan par lta ba'i sems gzhig pa'i phyir legs pa'i skar ma ni bag med pas sems can dmyal bar ltung ngo zhes lung bstan

  227. 114b

    to/ rigs kyi bu khyod kyis de bzhin gshegs pas gsung ba la yang dag par gnyis su med par shes par gyis shig/ de ci'i phyir zhe na/ gal te de bzhin gshegs pas sems can dmyal bar lhung bar lung bstan pa las/ sems can dmyal bar mi ltung ba'i gnas med do// nyan thos dang rang sangs rgyas kyis lung bstan pa la gnyis su yod de/ kha cig ni bden/ kha cig ni brdzun no// dper na mo'u 'gal ya na yul dbus 'gyur na 'dug pa'i tshe/ yul mi thams cad la da ste zhag bdun na char pa 'bab bo zhes lung bstan pa las/ phyis char pa ma bab bo/ / phyis ba sbrum zhing be'u dkar ru 'byung ngo zhes lung bstan pa las/ be'u khra bo zhig 'byung ngo // bu khye'u 'byung ngo zhes lung bstan pa las/ phyis bu mo zhig 'byung ngo // rigs kyi bu dge slong legs pa'i skar ma ni rtag tu sems can tshad med pa snyed la thams cad kyi thams cad du dge ba dang / sdig pa'i 'bras bu med do zhes smras te/ de'i tshe dge ba'i rtsa ba thams cad yongs su bcad pas ba spu'i nyag ma tsam yang ma lus so/ / rigs kyi bu ngas sngon dge slong legs pa'i skar ma la dge ba'i rtsa ba med par mkhyen mod kyi/ 'on kyang lo nyi shu tshang bar lhan cig tu gnas te thun mong du spyad par gyur to/ / gal te ngas yongs su spangs te/ g.yas g.yon ma bsnyen na legs pa'i skar ma des sems can tshad med pa snyed sdig pa mi dge ba'i las

  228. 115a

    gzud par 'gyur te/ 'di ni de bzhin gshegs pa'i mkhyen pa'i stobs lnga zhes bya'o// gsol pa/ bcom ldan 'das log phred can la ci'i rmang du dge ba'i chos ma mchis shes bgyi/ bcom ldan 'das kyis bka' stsal pa/ rigs kyi bu log sred can ni dge ba'i rtsa ba yongs su bcad pa'i phyir ro// sems can thams cad la dad pa la sogs dbang po lnga yod na/ log sred can ni yongs su bcad de/ don de lta bas na grog sbur tsam bsad na yang kha na ma tho ba thob par 'gyur gyi/ log sred can ni bsad kyang kha na ma tho ba'i sdig med do// gsol pa bcom ldan 'das logs sred can dge ba'i chos ma yin pa'i slad du log sred can zhes bgyi'am/ bcom ldan 'das kyis bka' stsal pa/ de de bzhin te/ de de bzhin no// gsol pa/ bcom ldan 'das sems can thams cad kyi dge ba la rnam pa gsum ste/ 'das pa dang / ma 'ongs pa dang / da ltar gyi mchis pas/ log sred can gyis ma 'ongs pa'i dge ba'i chos ma bcad na/ ci'i slad du dge ba'i chos bcad de log sred can zhes bgyi/ bcom ldan 'das kyis bka' stsal pa/ rigs kyi mu bcad pa rnam pa gnyis te/ da ltar 'gags pa dang da ltar gyi bsgrib pas ma 'ongs pa bsgribs pa'o/ / log sred can dag bcad pa rnam pa gnyis dang ldan pa'i phyir dge ba'i rtsa ba yongs su bcad pa'o zhes ngas gsungs so// rigs kyi bu 'di lta /

  229. 115b

    dper na mi zhig ngan thugs kyi drung du lhung nas sna nyag ma gcig tsam las mi snang ngo // swa nyag ma gcig tsam ma nub mod kyi/ skra nyag ma gcig tsam gyis lus mi theg go// log sreng can dag kyang de dang 'dra ste/ ma 'ongs pa'i dus na dge ba'i rtsa ba yod mod kyi/ sems can dmyal ba'i sdug bsngal las thar par mi 'gyur te/ ma 'ongs pa'i dus na sgrol bar 'gyur yang / da ltar gyi dus su ci byar yang med pas bsngal du mi rung ba zhes bya'o/ / sangs rgyas kyi rang bzhin gyi rgyu dang rkyen gyis sgrol bar yang 'gyur ro// sangs rgyas kyi rang bzhin zhes bya ba ni 'das pa ma yin/ ma 'ongs pa ma yin/ da ltar gyi ma yin te/ de bas na sangs rgyas kyi rang bzhin ni bcad du med do// dper na sa bon rul pa las myu gu mi skye ba ltar/ log sred can yang de dang 'dra'o// gsol pa/ bcom ldan 'das log sred can dag sangs rgyas kyi rang bzhin ma bcad de/ sangs rgyas kyi rang bzhin dge ba lags na/ ci'i slad du dge ba thams cad bcad do zhes gsungs// bcom ldan 'das kyis bka' stsal pa/ rigs kyi bu sems can gang da ltar gyi dus su sangs rgyas kyi rang bzhin dang ldan na// de la log sred can zhes mi bya ste/ ji ltar 'jig rten na sems can la bdag ces bya ba yod pa dang 'dra'o/ / sangs rgyas kyi rang bzhin de rtag pa yin na ni/ dus gsum la gtogs so// ci ste dus gsum la ma gtogs na mi rtag pa zhes bya'o// sangs

  230. 116a

    rgyas kyi rang bzhin ni ma 'ongs pa'i dus su mthong bar 'gyur bas/ sems can thams cad la sangs rgyas kyi rang bzhin yod do zhes gsungs te/ de bas nas bcu pa'i byang chub sems dpa' bkod pa phun sum tshogs pa dang ldan pas cung zad cig mthong bar gyur to/ / byang chub sems dpa' 'od srungs kyis gsol pa/ bcom ldan 'das sangs rgyas kyi rang bzhin ni rtag pa lags te nam mkha' dang 'dran/ ci'i slad du de bzhin gshegs pas ma 'ongs pa'o zhes gsungs/ de bzhin gshegs pas gal te log sred can la dge ba'i chos ma mchis zhes gsung ba ni/ log sred can gyis slob pa gcig pa dang / slob dpon gcig pa dang / pha dang / ma dang / gnyen bshes dang / chung ma dang / bu la byams pa dang / sdug pa'i sems mi skye 'am/ ci ste skye na de nyid dge ba ma lags sam/ bcom ldan 'das kyis bka' stsal pa/ legs so legs so// rigs kyi bu shin tu legs par dris so// sangs rgyas kyi rang bzhin zhes bya ba ni nam mkha' dang 'dra ste/ 'das pa yang ma yin/ ma 'ongs pa yang ma yin/ da ltar yang ma yin no// sems can thams cad la'ang lus rnam pa gsum ste/ 'das pa dang / ma 'ongs pa dang / da ltar gyi'o// sems can gyis ma 'ongs pa'i dus su bkod pa phun sum tshogs pa rnam par smin pa'i las kyi sangs rgyas kyi rang bzhin

  231. 116b

    mthong bar 'gyur bas na/ sangs rgyas kyi rang bzhin ma 'ongs pa zhes ngas gsungs so// rigs kyi bu ngas ni so so'i phyir/ dus kha cig tu ni rgyu dang 'bras bu yin no zhes kyang gsungs/ dus kha cig tu ni 'bras bu rgyu yin no zhes gsungs te/ de bas na mdo sde las kha zas ni 'tsho ba yin pa dang / gzugs mthong ba la reg pa yin no zhes gsungs pa dang 'dra bar/ ma 'ongs pa'i dus na lus yongs su dag par 'gyur bas sangs rgyas kyi rang bzhin zhes gsungs so/ / gsol pa/ bcom ldan 'das bcom ldan 'das kyis gsungs pa ltar don de lta bu lags na/ ci'i slad du sems can thams cad la sangs rgyas kyi rang bzhin mchis so zhes gsungs/ bcom ldan 'das kyis bka' stsal pa/ rigs kyi bu sems can gyi sangs rgyas kyi rang bzhin ni da ltar gyi dus na med kyang med ces byar mi rung ngo / / dper na nam mkha' yang da ltar med mod kyi/ med ces byar mi rung ngo // sems can thams cad ni mi rtag pa yin mod kyi/ sangs rgyas kyi rang bzhin ni rtag pa mi 'gyur mi 'pho ba yin te/ de bas na ngas mdo sde 'di las sems can gyi sangs rgyas kyi rang bzhin ni nang na ma yin phyi rol na ma yin te/ nam mkha' ltar na nang na ma yin phyi rol na ma yin no/ / gal te nam mkha' la nang dang phyi rol yod na nam mkha' la gcig pa 'am rtag pa zhes byar mi rung ste/ gnas thams cad na yod do zhes byar mi rung ngo // nam mkha'

  232. 117a

    ni nang nas yin phyi rol na ma yin mod kyi 'on kyang sems can thams cad la yod de/ sems can gyi sangs rgyas kyi rang bzhin yang de dang 'dra'o// khyod sgru ba ltar log sred can la dge ba'i chos yod do zhes bya ba don de ltar ma yin no/ / de ci'i phyir zhe na/ log zed can la lus kyi las dang / ngag gi las dang / yid kyi las dang / len pa'i las dang / sbyin pa'i las dang / tshor ba'i las dang / shes pa'i las la sogs pa las thams cad kyang log pa'i las so// de ci'i phyir zhe na/ rgyu dang 'bras bu la mi re ba'i phyir ro// rigs kyi bu 'di lta ste/ dper na a ru ra ni myu gu dang / lo ma dang / sdong bu dang / yal ba dang / me tog dang / 'bras bu'i bar du kha ba ltar/ log sred can gyi mi dge ba'i las kyang de dang 'dra'o/ / // 'phags pa yongs su mya ngan las 'das pa chen po'i mdo bam po sum cu rtsa bzhi pa// / rigs kyi bu de bzhin gshegs pa ni dbang po rnams mkhyen pa'i stobs dang ldan te/ de bas na sems can thams cad kyi dbang po rab dang / 'bring dang / tha ma shin tu rtogs so// sems can gang ni dbang po 'bring las tha mar gyur pa/ sems can gang ni 'bring las rab tu gyur pa dang / sems can gang ni rab las 'bring du gyur pa dang / sems can gang ni 'bring las tha mar gyur pa shin tu rtogs te/ de bas na sems can gyi dbang

  233. 117b

    po la nges pa med do/ / nges pa med pas kha cig dge ba'i rtsa ba bcad kyang bcad nas phyir skye bar 'gyur ro// gal te sems can gyi dbang po nges na/ thog ma nas kyang bcang ba med la/ bcad nas kyang phyir rtse bar mi 'gyur te/ log sred can dag bskal pa gcig gi bar du sems can dmyal bar ltung ngo zhes gsung ba'i mi rigs so// rigs kyi bu de bas na de bzhin gshegs pas ni chos thams cad la nges pa'i mtshan nyid med do zhes gsungs so/ / byang chub sems dpa' 'od srungs kyis gsol pa/ bcom ldan 'das de bzhin gshegs pa ni dbang po rnams la mkhyen pa'i stobs dang ldan te/ dge slong legs pa'i skar mas dge ba'i rtsa ba yongs su bcad par mkhyen na/ ci'i slad du rab tu byung bar gnang / bcom ldan 'das kyis bka' stsal pa/ rigs kyi bung sngon rab tu byung ba na/ nga'i nu bo dga' bo dang / bsnyen dga' bo dang / lha sbyin dang / sras sgra gcan 'dzin la sogs pa thabs cad nga'i rjes su rab tu byung zhing lam la nan tan byed par gnang ngo / / gal te ngas legs pa'i skar ma rab tu ma phyung na rgyal po'i thabs thob par gyur te/ mthu dang dbang du ldan pas/ sangs rgyas kyi chos yongs su 'jig par 'gyur te de'i rgyu de'i rkyen gyis ngas rab tu phyung nas lam la nan tan byed par gnang ngo / / rigs kyi bu dge slong legs pa'i skar ma gal te rab tu ma byung na yang dge ba'i rtsa ba gcod par 'gyur te/

  234. 118a

    skye ba tshad med pa'i bar du phan pa dang bde ba'i don du mi 'gyur ro// da rab tu byung bas dge ba'i rtsa ba bcad mod kyi/ tshul khrims srung zhing rgan rabs dang / bla ma dang yon tan can la bsnyen bkur byed cing bsam gtan dang po bsgom pa nas/ bsam gtan bzhi'i bar du sgom par gyur te/ de yang dge ba'i rtsa ba zhes bya'o// de ltar dge ba'i rgyu de yang dge ba'i chos skye bar 'gyur ro/ / dge ba'i chos skyes pa na byang chub la nan tan byed par 'gyur ro// byang chub la nan tan byas na bla na med pa yang dag par rdzogs pa'i byang chub thob par 'gyur te/ de bas na dge slong legs pa'i skar ma rab tu 'byung bar gnang ngo // rigs kyi bu gal te ngas dge slong legs pa'i skar ma rab tu byung zhing tshul khrims srung du ma gnang na/ de bzhin gshegs pa stobs bcu dang ldan no zhes bya bar yang mi 'gyur ro/ / rigs kyi bu sems can gang dge ba'i rtsa ba dang ldan nam/ mi dge ba'i chos dang ldan na/ gang zag de chos gnyis po dang ldan yang ring por mi thogs par dge ba'i rtsa ba yongs su bcad de/ mi dge ba'i rtsa ba dang ldan par ngas rtogs so// de ci'i phyir zhe na/ sems can de ni dge ba'i bshes gnyen la mi sten/ dam pa'i chos nyan par mi byed/ mi dge ba yid la byed cing tshul bzhin du mi byed pas/ de'i rgyu de'i rkyen gyis dge ba'i rtsa ba gcod cing mi dge ba'i rtsa ba dang ldan par gyur to// rigs kyi bu

  235. 118b

    gzhan yang de bzhin gshegs pas gang zag de da ltar gyi dus sam/ ma 'ongs pa'i dus na/ gal te gzhon nu 'am/ lang tsho ba dang / rgas pa'i tshe dge ba'i bshes gnyen la bsten dam pa'i chos sdug bsngal dang / kun 'byung dang / 'gog pa dang / lam nyan cing 'dzin na/ de'i tshe dge ba'i rtsa ba phyir yang skye bar 'gyur ro// rigs kyi bu 'di lta ste/ dper na grong khyer dang mi ring ba na chu mig zhim po yon tan brgyad dang ldan pa yod na/ gang skom zhing tsha bas gdungs pa dag chu mig dngor 'gro bar gzas na/ de la mkhas pa shes rab can gyis ni sgom pas gdungs pa de nges par chu mig gi dngor phyin par the tsom med/ de ci'i phyir zhe na/ lam gzhan med pa'i phyir ro// sangs rgyas bcom ldan 'das kyis so so'i skye bo la gzigs pa yang @dedang 'dra ste/ de bas na de bzhin gshegs pa ni dbang po rnams mkhyen pa'i stobs dang ldan pa zhes bya'o// de'i tshe bcom ldan 'das kyis sa las sa nyung zhig blangs nas phyag sder gyi rdzing du bzhag ste/ 'od srungs la phyogs bcu'i 'jig rten gyi khams kyis mang ngam/ phyag sder gyi steng du bzhag pa'i sa mang zhes bka' stsal to// byang chub sems dpa' 'od srungs kyis gsol bcom ldan 'das phyag sder gyi steng nas ni phyogs bcu'i 'jig rten gyis dang bskrun du mi rung ngo / / rigs kyi bu mi'i lus las mi'i lus thob pa dang / ngan song gsum gyi lus ba'ang nas

  236. 119a

    mi'i lus thob cing dbang po tshang ba dang / yul gyi dbus su skye ba dang / yang dag pa'i dad pas byang chub la nan tan byed pa dang / byang chub la nan tan byas nas yang dag pa'i lam la nan tan byed pa dang / yang dag pa'i lam la nan tan byas nas/ rnam par grol ba thob pa dang / rnam par grol ba thob nas/ mya ngan las 'da' ba ni phyag sder gyi steng du bzhag pa'i sa dang 'dra'o/ / mi'i lus las ngan song gsum du lhung ba dang / ngan song gsum lam ngan song gsum gyi lus su 'gyur ba dang / dbang po ma tshang ba dang / mtha' 'khorab tu skye ba dang / phyin ci log tu ngan par lta ba la yid ches pa dang / ngan par lta ba'i lam la nan tan byed de/ rnam par grol ba dang / rtag pa dang / bde ba'i mya ngan las mya ngan las 'da' ba mi thob pa ni phyogs bcu'i 'jig rten gyi khams kyi sa dang mtshungs so/ / rigs kyi bu tshul khrims yongs su srung zhing brtson 'grus su le lo med pa dang / rtsa ba bzhi mi nyams pa dang / mtshams med pa lnga mi byed pa dang / dge 'dun gyi nor la mi spyod pa dang / log sred can gyi las mi byed pa dang / dge ba'i rtsa ba mi gcod pa dang / mya ngan las 'das pa'i mdo sde la sogs pa la yid ches pa ni phyag sder gyi steng gi sa dang 'dra'o/ / tshul khrims nyams shing le lo byed pa dang / rtsa ba bzhi nyams pa dang / mtshams med pa lnga'i kha na

  237. 119b

    ma tho ba byed pa dang / dge 'dun gyi nor la thugs thub tu spyod pa dang / log sred can gyi las byed pa dang / dge ba'i rtsa ba gcod pa dang / mdo sde 'di la yid mi ches pa ni phyogs bcu'i 'jig rten gyi khams kyis dang 'dra'o/ / rigs kyi bu de bzhin gshegs pa ni sems can thams cad kyi dbang po rab dang / 'bring dang / tha ma la shin tu mkhas te/ de bas na de bzhin gshegs pa ni dbang po la mkhas pa'i stobs dang ldan pa zhes bya'o/ / byang chub sems dpa' 'od srungs kyis/ yang bcom ldan 'das la 'di skad ces gsol to// bcom ldan 'das bcom ldan 'das ni dbang po la mkhas pa'i stobs dang ldan pas/ sems can thams cad kyi dbang po rab dang / 'bring dang / tha ma dang / rno rdul gyi khyad par kun mkhyen na/ da ltar gyi dus kyi sems can rnams kyi dbang po dang / ma 'ongs pa'i dus kyi sems can gyi dbang po rnams kyang mkhyen to// sems can de dag ni bcom ldan 'das yongs su mya ngan las 'das pa'i 'og tu 'di skad du 'chad do/ / la la ni de bzhin gshegs pa mtha' yun du yongs su mya ngan las 'das so zhes 'chad/ la la ni yun du mya ngan las ma 'das so zhes 'chad// la la ni bdag mchis so zhes 'chang/ la la ni bdag ma mchis so zhes 'chad/ la la ni lnga mang bar ma mchis par 'chang la la ni lnga phung bar ma ma mchis par 'chang/ la la ni

  238. 120a

    s lar ldog pa mchis par 'chad la la ni rmar ldog pa ma mchis par 'chad la la ni de bzhin gshegs pa'i sku 'dus byas lags par 'chad la la ni de bzhin gshegs pa'i sku 'dus ma byas so zhes 'chad/ la la ni rten cing 'brel te byung ba bcu gnyis la 'dus byas kyi chos so zhes 'chad/ la la ni rten cing 'brel te byung ba bcu gnyis 'dus ma byas par 'chad/ la la ni sems rtag go zhes 'chad/ la la ni sems mi rtag go zhes 'chad/ la la ni 'dod pa lnga'i bde bas 'phags pa'i lam bsgribs par 'gyur ro zhes 'chad/ la la ni mi sgrib bo zhes 'chad/ la la ni 'jig rten mchog gi chos ni 'dod pa'i khams 'ba' zhig go zhes 'chad/ la la ni khams gsum mo zhes 'chad/ la la ni sbyin pa ni yid kyi las 'ba' zhig go zhes 'chad/ la la ni lnga phung nyid do zhes 'chad/ la la ni 'dus ma byas pa gsum mchis par 'chad/ la la ni 'dus ma byas pa gsum ma mchis par 'chad/ yang la la 'di skad du gzugs ni byas pa'o zhes 'chad/ la la ni gzugs byas pa ma mchis par 'chad/ la la ni byas pa med pa'i gzugs mchis par 'chad/ la la ni byas pa med pa'i gzugs ma mchis par 'chad/ la la ni sems las byung ba'i chos mchis par 'chad/ la la ni sems las byung ba'i chos ma mchis par 'chad/ la la ni srid pa lnga mchis

  239. 120b

    par 'chad la la ni srid pa drug mchis par 'chad/ la las ni khrims brgyad dge bsnyen gyis yongs su rdzogs par nod du rung bar 'chad la las ni yongs su ma rdzogs kyang nor du rung bar 'chad/ la las ni dge slong gis rtsa ba bzhi pa shig kyang dge slong gi khrims mchis so zhes 'chad/ la la ni ma mchis so zhes 'chad/ la la ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pas kyang mngon par byang chub bo zhes 'chad/ la las ni mngon par byang mi chub bo zhes 'chad/ la las ni sangs rgyas kyi rang bzhin sems la mchis par 'chad/ la las ni sangs rgyas kyi rang bzhin sems can las gzhan par 'chad/ la las ni rtsa ba bzhi bshig pa dang / mtshams med pa lnga'i kha na ma tho ba bgyis pa dang / log sred can la sogs pa kun kyang sangs rgyas kyi rang bzhin mchis so zhes 'chang/ la las ni ma mchis so zhes 'chad/ la las ni phyogs bcu'i sangs rgyas mchis so zhes 'chad/ la la ni phyogs bcu'i sangs rgyas ma mchis so zhes 'chad na/ gal te de bzhin gshegs pa dbang po rnams mkhyen pa'i stobs dang lngar na/ ci'i slad du dnges par ma gsungs/ / de nas bcom ldan 'das kyis/ byang chub sems dpa' 'od srungs la bka' stsal pa/ rigs kyi bu don 'di ni mig gi rnam par

  240. 121a

    shes pas shes pa ma yin pa nas/ yid kyi rnam par shes pa'i bar du shes pa ma yin te/ de ni shes rab kyis shes par nus so// gang mkhas pa shes rab can la ni ngas kyang gnyis su ma gsungs/ des kyang ngas gnyis su ma gsungs par shes so// gang shes rab med pa la ni ma nges par gsungs te/ shes rab med pa des kyang ngas ma nges par gsungs par shes so/ / rigs kyi bu de bzhin gshegs pa'i dge ba'i chos thams cad ni sems can rnams 'dul ba'i phyir gsungs te/ dper na sman pa mkhas pa la sman dpyad yod do/ cog ni kun kyang nad kyis gdungs pa thams cad gso bar byed do// rigs kyi bu sangs rgyas bcom ldan 'das ni zhing gi phyir/ dus kyi phyir/ gzhan la smra ba'i phyir/ pha rol po la ston pa'i phyir/ dbang po rnams kyi phyir/ chos rnam pa gcig las rnam pa gnyis su 'chad/ chos kyi ming gcig las ming grangs med par 'chad/ don gcig las ming grangs med bar 'chad/ don grangs med pa las ming tshad med pa snyed 'chad do// de la ji ltar na ming gcig las ming grangs med pa 'chad pa zhe na/ ji ltar yongs su mya ngan las 'das pa la/ mya ngan las 'dab pa zhes kyang bya/ skye ba med pa zhes kyang bya/ 'byung ba med pa zhes kyang bya/ byed pa med pa zhes kyang bya/ 'dus ma byas pa zhes kyang bya/ skyabs su 'gro

  241. 121b

    ba zhes kyang bya/ gnas dang rten zhes kyang bya/ rnam par grol ba zhes kyang bya/ 'od snang ba zhes kyang bya/ sgron ma zhes kyang bya/ mthar phyin pa zhes kyang bya/ 'jigs pa med pa zhes kyang bya/ ldog pa med pa zhes kyang bya/ bde ba'i gnas zhes kyang bya/ zhi ba zhes kyang bya/ mtshan nyid med pa zhes kyang bya/ gnyis su med pa zhes kyang bya/ spyod pa gcig pa zhes kyang bya/ yongs su bsil ba zhes kyang bya/ mun pa med pa zhes kyang bya/ thogs pa med pa zhes kyang bya/ rtsod pa med pa zhes kyang bya/ yangs pa chen po zhes kyang bya/ zil mngar zhes kyang bya/ bkra shis shes kyang bya ste/ de ni ming gcig las ming grangs med par 'byed pa'o// de la ji ltar na don gcig las ming grangs med par 'chad pa zhe na/ dper na brgya byin ni brgya byin zhes kyang bya/ ko'u shi ka zhes kyang bya/ ba tsa pa zhes kyang bya/ bu ran da ra zhes kyang bya/ ma kab pa zhes kyang bya/ in dra zhes kyang bya/ spyan stong pa zhes kyang byayid 'phrog gi khyo zhes kyang bya/ rdo rje zhes kyang bya/ rin po che gtsug ces kyang bya/ rin po che'i rgyal mtshan ces kyang bya ste/ de ni don gcig las ming grangs med pa zhes bya'o// de la ji ltar na don grangs med pa la ming grangs med par 'chad pa zhe na/ dper na sangs rgyas bcom ldan 'das dang mtshungs te/ de bzhin gshegs pa zhes kyang bya la/ don tha dad cing ming tha dad

  242. 122a

    pa dang / dgra bcom pa zhes kyang bya/ don tha dad cing ming yang tha dad pa dang / yang dag par rdzogs pa'i sangs rgyas shes kyang bya ste/ don tha dad cing ming yang tha dad pa dang / gru mkhan zhes kyang bya/ ded dpon zhes kyang bya/ sangs rgyas zhes kyang bya/ mkhyen pa dang zhabs su ldan pa zhes kyang bya/ seng ge'i rgyal po zhes kyang bya/ dge sbyong zhes kyang bya/ bram ze zhes kyang bya/ zhi ba zhes kyang bya/ sbyin bdag ces kyang bya/ pha rol tu phyin pa zhes kyang bya/ sman pa'i rgyal po chen po zhes kyang bya/ ba glang gi/ rgyal po chen po zhes kyang bya/ klu'i rgyal po zhes kyang bya/ mig sbyin pa zhes kyang bya/ stobs po che zhes kyang bya/ mi 'jigs pa chen po zhes kyang bya/ rin po che'i tshogs shes kyang bya tshong dpon zhes kyang bya/ rnam par grol ba thob pa zhes kyang bya/ skyes bu chen po zhes kyang bya/ lha dang mi'i ston pa zhes kyang bya/ pun da ri ka chen po zhes kyang bya/ gcig tu grogs med pa zhes kyang bya/ bsod nams kyi zhing chen po zhes kyang bya/ shes rab rgya mtsho zhes kyang bya/ mtshan nyid med pa zhes kyang bya/ ye shes brgyad dang ldan pa zhes kyang bya/ de dag thams cad kyang don tha dad cing ming tha dad do/ / rigs kyi bu 'di ni don grangs med pa las ming grangs med par 'chad pa zhes bya'o// gzhan yang don rnam pa gcig gis ming grangs med pa 'chad pa yod de/

  243. 122b

    gang zhe na/ dper na phung po la phung po zhes kyang bya/ phyin ci log pa zhes kyang bya/ bden pa zhes kyang bya/ dran pa nye bar gzhag pa bzhi zhes kyang bya/ zag pa rnam pa bzhi zhes kyang bya/ rnam par shes pa bzhi'i gnas shes kyang bya/ 'dus byas shes kyang bya/ lam zhes kyang bya/ dus shes kyang bya/ sems can zhes kyang bya/ kun rdzob ces kyang bya/ don dam pa zhes kyang bya/ lus dang / tshul khrims dang / sems bsgom pa zhes kyang bya/ rgyu dang 'bras bu zhes kyang bya/ nyon mongs pa zhes kyang bya/ rnam par grol ba zhes kyang bya/ rten cing 'brel te byung ba bcu gnyis shes kyang bya/ nyan thos dang rang sangs rgyas zhes kyang bya/ sems can dmyal ba dang / yi dgas dang / byol song dang / mi dang / lha zhes kyang bya 'das pa dang / ma 'ongs pa dang / da ltar zhes kyang bya ste/ de ni don gcig las ming grangs tha dad par 'chad pa'o// rigs kyi bu sangs rgyas bcom ldan 'das kyis sems can gyis phyir rgyas pa las mdor bsdus te bshad/ mdor bsdus pa las rgyas par 'chad/ don dam pa ni kun rdzob tu 'chad kun rdzob kyi chos ni don dam par 'chad do// de la ji ltar na rgyas pa las mdor bsdus te bshad pa zhen/ dper dge slong dag langs rten cing 'brel te byung ba bcu gnyis bshad pa bzhin te/ rten cing 'brel te byung ba bcu gnyis gang zhe na/ 'di lta ste// rgyu dang /

  244. 123a

    'bras bu'o zhes gsungs pa'o// de la ji ltar na mdor bsdus pa las rgyas par 'chad pa zhe na/ dper dge slong dag la ngas deng sdug bsngal dang / kun 'byung dang / 'gog pa dang / lam bshad pa bzhin te/ de la sdug bsngal ni 'di lta ste/ sdug bsngal tshad med pa rnams so// kun 'byung ni 'di lta ste/ nyon mongs pa tshad med pa rnams so// 'gog pa ni 'di lta ste/ rnam par grol ba tshad med pa rnams so// lam ni 'di lta ste/ thabs mkhas pa tshad med pa'o// de la ji ltar na don dam pa la kun rdzob tu 'chad pa zhe na/ dper dge slong dag la nga'i sku 'di rgas pa dang / na ba dang / 'chi ba yod do zhes bka' stsal to// de la ji ltar na kun rdzob la don dam par bshad pa zhe na/ dper ko'u di n+ya la khyod chos kyi don thob pas/ ko'u di n+ya zhes gdags so zhes bya ba dang mtshungs te/ gang zag ji lta ba dang / yid ji lta ba shes pa'i phyir/ dus ji lta ba shes pa'i phyir/ de bzhin gshegs pa ni dbang po rnams mkhyen pa'i stobs dang ldan pa zhes bya'o/ / rigs kyi bu gal te ngas de lta bu'i don de dag la nges par bshad na/ nga la de bzhin gshegs pa dbang po rnams mkhyen pa'i stobs dang ldan par bya bar mi 'gyur ro/ / rigs kyi bu mkhas pa dag ni spos kyi bal grang dag gi lal ni bong bus theg pa ma yin par shes so// sems can thams cad kyi spyod pa grangs med de/ de bas na de

  245. 123b

    bzhin gshegs pas chos grangs med pa rnam pa sna tshogs bstan to/ / de ci'i phyir zhe na/ sems can la nyon mongs pa rnam pa mang po yod pa'i phyir ro// gal te de bzhin gshegs pas spyod pa gcig tu bshad na/ de bzhin gshegs pa dbang po rnams mkhyen pa'i stobs dang ldan pa zhes mi bya'o// de bas na ngas mdo sde gzhan dag las sems can rnam pa lnga la chos rnam pa lnga ston bar mi rung ngo zhes bshad de/ de la ma dad pa la ni yang dag pa'i dad pa mi bsngags/ tshul khrims ngan pa can la ni tshul khrims sdom pa mi bsngags/ ser sna can la ni sbyin pa mi bsngags/ le lo can la ni mang du thos par mi bsngags/ gti mug can la ni shes rab mi bsngags so// de ci'i phyir zhe na/ mkhas pa dag gis gal te gang zag rnam pa de lnga la dngos po de lnga bshad na bshad pa de nyid dbang po rnams shes pa'i stobs dang ldan pa zhes kyang mi bya la/ sems can la snying brtse ba zhes kyang mi bya'o// de ci'i phyir zhe na/ gang zag de lngas dngos po de lnga thos nas ma dad pa'i sems dang / ngan sems dang / khro sems skyed de/ de'i rgyu de'i rkyen gyis tshe rabs tshad med pa'i bar du sdug bsngal gyi 'bras bu rnam par smin par 'gyur te/ de bas na sems can la snying brtse ba dang / dbang po rnams shes pa'i stobs dang ldan pa zhes mi bya ste/ de'i phyir ngas sngar mdo sde gzhan las shA ri'i bu la 'di skad du/ khyod dbang po rnon po

  246. 124a

    la ni chos rgyas par mi 'chad cing / dbang po rdul po la ni chos mdor bsdus te mi 'chad ces bka' stsal nas/ shA ri'i bus gsol pa/ bcom ldan 'das bdag ni snying brtse ba'i phyir bshad par bas kyi/ dbang po shes pa'i stobs dang ldan pas bshad pa ni ma lags so zhes bya ba yin no// rigs kyi bu chos rgyas pa dang mdor brdzus te bshad pa ni sangs rgyas kyi spyod yul yin gyi/ nyan thos dang rang sangs rgyas rnams kyis shes pa ni ma yin no// rigs kyi bu khyod kyis smras pa ltar/ de bzhin gshegs pa yongs su mya ngan las 'das pa'i 'og tu nye gnas rnams so so nas tha dad par 'chad do zhes bya ba de dag ni phyin ci log gi rgyus yang dag pa'i lta ba ma thob ste/ de bas na bdag dang gzhan la phan par mi nus so// rigs kyi bu sems can de dag ni rang bzhin gcig pa 'am/ spyod pa gcig pa 'am/ dbang po gcig pa'am/ yul gcig pa 'am/ dge ba'i bshes gnyen gcig pa ma yin te/ de bas na de bzhin gshegs pas de dag la chos kyi rnam grangs rnam pa sna tshogs bstan pa yin te/ de'i rgyu de'i rkyen gyis phyogs bcu dus gsum gyi sangs rgyas bcom ldan 'das kyang sems can gyi phyir/ mdo sde sde bcu gnyis 'byed cing bstan pa yin no// rigs kyi bu de bzhin gshegs pas mdo sde sde bcu gnyis gsungs pa 'di bdag la phan pa ni ma yin gyi/ gzhan la phan pa'i phyir te

  247. 124b

    de bas na de bzhin gshegs pa'i stobs lnga pa ni mkhyen pa'i stobs shes bya'o/ / stobs rnam pa de gnyis kyi phyir de bzhin gshegs pas 'di ni tshe 'di la dge ba'i rtsa ba gcod pa dang / 'di ni tshe phyi ma la dge ba'i rtsa ba gcod pa dang / 'di ni tshe 'di la rnam par grol ba thob pa dang / 'di ni tshe phyi ma la rnam par grol ba thob par 'gyur bar rab tu rtogs te/ de bas na de bzhin gshegs pa ni bla na med pa'i stobs po che zhes bya'o/ / rigs kyi ru gang gis 'di skad du de bzhin gshegs pa ni mtha' yun du mya ngan las 'das pa dang / mtha' yun du mya ngan las mi 'da' 'o zhes smra ba de ni/ de bzhin gshegs pas dgongs pa mi shes pa'i phyir de skad ces smra'o// rigs kyi bu ri spos kyi ngad can la drang song lnga khri sum stong rnams 'khod de/ de dag kun kyang 'das pa'i dus na sangs rgyas 'od srungs las dge ba'i rtsa ba bskyed pas yang dag pa'i lam dang / sangs rgyas rnams bsnyen bkur dang / dam pa'i chos mnyan par ma gyur te/ de bzhin gshegs pas drang srong de dag gi phyir dga' bo la dza da ste zla ba gsum 'das nas yongs su mya ngan las 'da' 'o// zhes bka' stsal to// lha rnams kyis de skad ces bka' stsal pa thos nas/ de skad du gcig nas gcig tu grags te/ ri spos kyi ngang can du grags par gyur to// drang srong rnams kyis thos nas rab tu 'gyod pa'i sems skyes te 'di skad ces

  248. 125a

    smras so/ / ci'i phyir bdag cag mir skyes la/ sangs rgyas la bsnyen bkur mi bya/ sangs rgyas bcom ldan 'das rnams 'jig rten du 'byung bar rab tu dka' ba ni/ ji ltar u dum ba ra'i me tog bzhin no// bdag deng bcom ldan 'das kyi spyan sngar 'dong la dam pa'i chos mnyan par bya'o zhes smras par gyur to// rigs kyi bu de'i tshe drang srong lnga khri sum stong rnams nga'i spyan sngar lhags te/ ngas de'i tshe de dag la ji lta ji lta ba de lta de ltar chos bstan to// kye skyes bu chen po dag gzugs 'di mi rtag pa'o// de ci'i phyir zhe na/ gzugs kyi rgyu dang rkyen mi rtag pa'i phyir ro/ / mi rtag pa'i gzugs skyes nas gzugs la rtag pa zhes byar rung ngam/ de bzhin du rnam par shes pa'i bar du yang rgyas par rig par bya'o// de nas drang srong de dag chos de thos nas mod la dgra bcom pa'i 'bras bu thob par gyur to/ / rigs kyi bu grong khyer rtswa mchog na gang stobs po che stong phrag sum cu snyed yod pa gzhan gyi dbang du ma gyur te/ gzugs dang / stobs dang / tshe dang / nor snyems shing dregs pa rab tu myos so// rigs kyi bu nga stobs po che de dag gdul bar bya ba'i phyir/ mo'u 'gal gyi bu la khyod stobs po che de dag thul cig ces bka' stsal to/ / de nas mo'u 'gal gyi bus nga'i bka' bzhin du lo lnga'i bar du thabs rnam pa sna tshogs kyis btul na/ stobs po che gcig kyang chos nyan

  249. 125b

    pa 'am thul bar ma gyur to/ / de nas ngas stobs po che de dag gi phyir dga' bo la nga da ste zla ba gsum na yongs su mya ngan las 'da' 'o zhes bka' stsal to// rigs kyi bu stobs po che de dag de skad ces bka' stsal pa thos nas 'dus te lam 'chos so/ / zla ba gsum 'das nas nga de'i tshe yul yangs pa can nas grong khyer rtswa mchog tu gshegs te/ lam phyed tsam du phyin pa dang // rgyang nas stobs po che rnams mthong nas/ dge slong gi gzugs zhig tu sprul te/ stobs po che rnams kyi gam du song nas 'di skad ces smras so// bus pa dag khyed cag ci zhig byed stobs po che rnams kyis de skad ces smras pa thos nas/ thams cad khros te 'di skad du/ dge slong khyod ci ste nged la bus pa zhes zer/ ngas smras pa/ khyed bus pa yin mod stong phrag sum cu snyed 'dus te stobs ci yod pa gtugs kyang rdo chung ngu ma 'di tsam zhig bskyod mi nus na/ bus pa zhes mi byar rung ngam/ stobs po che rnams kyis smras pa/ khyod kyis ngeded la bus pa zhes zer na/ khyod ni mi chen mo yin par shes so// rigs kyi bu ngas de'i tshe zhabs kyi sor mo gnyis kyis rdo de phyung ngo // stobs po che de dag de lta bu'i dngos po mthong nas/ bdag nyid kyi lus la zhan pa dma' ba khong du chud pa'i 'du shes bskyed nas yang 'di skad ces smras so// dge slong khyod rdo 'di lam gyi g.yas g.yon du 'dor nus sam/

  250. 126a

    ngas smras pa/ bub pa dag ci'i phyir khyed rnams lam 'di 'chos/ stobs po che rnams kyis smras pa/ dge slong khyod mi shes sam/ de bzhin gshegs pa shAkya thub pa zhes bya ba lam 'dir byung ste/ sA la'i tshal du yongs su mya ngan las 'da' bar gshegs pas/ de'i rgyu de'i rkyen gyis ngeng lam 'chos so// de nas ngas legs so legs so// zhes bstod nas/ bus pa khyod de ltar dge ba'i sems bskyed na/ ngas khyed kyi phyir rdo 'di med par bya'o zhes smras nas/ lag pas blangs te srid pa'i rtse mo la thug par 'phangs so// de nas stobs po che dag rdo ba nam mkha' la thug pa mthong nas/ thams cad 'jigs skrag ste/ phyogs bzhir 'bros pa las/ ngas 'di skad du stobs po che dag khyed 'jigs shing skrag pa'i sems ma bskyed par so sor ma 'bros shig ces smras so/ / stobs po che rnams kyis smras pa/ dge slong gal te bdag cag gi skyabs bya na bdag cag bde bar mchis so// de nas ngas lag pas se log tu blangs nas lag pa g.yas par bzhag go/ / stobs po che rnams kyis mthong nas dga' ba'i sems skyes te/ yang 'di skad ces smras so// dge slong rdo 'di rtag pa 'am mi rtag pa lags/ ngas de nas kha'i dbugs kyis bus pa tsam gyis rdo ba de rdul bzhin du byas so/ / stobs po che rnams kyis de lta bu dag mthong nas/ dge slong de la rdo 'di ni mi rtag pa'o zhes smras nas/ ngo tsha zhing rab tu

  251. 126b

    'gyod pa'i sems skyes nas/ ci'i phyir bdag cag gzugs dang / stobs dang / tshe dang / nor bsnyems te/ rgyags shing dregs pa'i sems bskyed ces gnod par gyur to// ngas de dag gi sems shes nas lus sprul pa btang ste/ gzugs tha mal par byas nas chos bstan to// stobs po che rnams mthong nas thams cad kyang byang chub tu sems skyes so// rigs kyi bu rtswa mchog gi grong khyer na lag bzo tsun da zhes bya ba zhig sngon sangs rgyas 'od srungs la yi dam chen po bcas te/ de bzhin gshegs pa shAkya thub pa yongs su mya ngan las 'da' ba na/ bdag nang gi tha mar mchod pa dbul lo zhes smon lam btab ste/ de bas na ngas grong khyer yangs pa can na dge slong ut+pa man bos te/ rigs kyi bu zla ba gsum 'das nas grong khyer rtswa mchog sgra la'i shing drung du yongs su mya ngan las 'da' bar gshegs kyis/ khyod tsun da sgron la shes par gyis shig/ rigs kyi bu rgyal po'i khab na drang srong lnga mngon par shes pa su b+ha dra zhes bya ba lo brgya nyi shu lon pa zhig/ rtag tu bdag ni thams cad mkhyen pa'o zhes sgrogs shing nga rgyal chen po bskyed do// de 'das pa'i dus na sangs rgyas tshad med pa la dge ba'i rtsa ba rnams bskrun pa zhig yin te/ ngas de gdul ba'i phyir dga' bo ngazla ba gsum 'das nas yongs su mya ngan las 'da' 'o zhes bka' stsal to// su b+ha dras thos nas nga ga na bar 'ongs te

  252. 127a

    dad pa dang bkur sti'i sems bskyed do/ / ngas de la chos rnam pa sna tshogs bstan na/ de thos pa dang zag pa med pa thob par gyur to// rigs kyi bu rgyal po gzugs can snying po'i bu rgyal bu ma skyes dgra las ngan pa'i rkyen gyis ngan sems skyes te/ rgyal po yab gsad par byas pa las skabs ma snyed do// lha sbyin ma rungs pa de yang sngon gyi las kyi rkyen gyis nga la mi dge ba'i sems bskyed nas/ nga la gnod par bya ba'i phyir mngon par shes pa lnga bsgoms te/ ring por ma thogs par thob nas/ rgyal bu ma skyes dgra dang grogs po mdza' bor 'thams nas/ rgyal bu'i phyir rdzu 'phrul rnam pa sna tshogs ston te/ 'di ltar sgo ma yin pa nas byung ste sgo nas 'ongs pa dang / sgo nas byung ste sgo ma yin pa nas 'ongs pa dang / res 'ga' ni bal glang dang / rta dang / ba glang dang / lug dang / skyes pa dang / bud med kyi gzugs su ston to// rgyal bu ma skyes dgras de dag mthong nas mos pa dang / dga' ba dang / rab tu dad pa'i sems skyes so// dngos po de lta bu'i phyir mchod pa'i yo byad rnam pa sna tshogs kyis mchod de/ yang 'di skad du slob dpon 'phags pa bdag gis me tog man da ra ba blta 'tshal lo zhes gsol pa dang / de nas lha sbyin gyis sum cu rtsa gsum gnam gyi steng du song nas/ lha de dag la me tog spangs so// lha sbyin bsod nams zad pas sus kyang ma byin no//

  253. 127b

    de ltar me tog ma thob nas 'di snyam du man da ra ba'i sdong po ni bdag dang bdag gi ba med kyi bdag gis blangs na nyes pa ci yod snyam bsams nas bsnyen te blang bar gzas pa las mod la rdzu 'phrul gtor bar gyur pas/ bdag gi lus phyir rgyal po'i khab na 'dug par mthong nas ngo tsha ba dang 'dzem pa'i sems skyes te/ rgyal bu ma skyes dgra dang phrad ma nus so// yang 'di snyam du bdag de bzhin gshegs pa gang na bar song la 'khor mang po la spang ngo / / gal te sangs rgyas kyis gnang na shA ri'i bu la sogs pa la yid bzhin du chos bstan cing gda' 'o snyam bsams nas de nas lha sbyin nga gang na bar 'ongs te 'di skad du/ de bzhin gshegs pa 'khor mang po 'di dag bdag la gtod cig/ bdag gis rnam pa sna tshogs kyis chos bstan cing dul bar bgyi'o zhes gsol to/ / ngas bka' stsal pa/ kye glen pa sha ri'i bu la sogs pa dbang po rno zhing shes rab chen po dang ldan te 'jig rten kun gyis mos kyang / ngas 'khor mang po rnams ma btang na gti mug can ngar snabs za ba khyod la gtad pa lta ci smos/ de ni lha sbyin gyis nga la rje bas kyang rje dran sems bskyed nas 'di skad du/ go'u ta ma khyod da ltar 'khor mang po dul mod kyi chos nyid kyis ring por mi thogs par med par 'gyur ba mthong ngo zhes smras so/ / de skad du smras nas sa chen po rnam pa drug tu g.yos te/ lha sbyin gyi drung du sags nas rlung drag po byung sde rdul la

  254. 128a

    sogs pa bus nas rdul gyis gos par gyur te/ lha sbyin gyis ltas ngan de lta bu mthong nas yang 'di skad du gal te nga'i lus 'di da lta'i tshe 'di la gdon mi za bar mtshams med pa'i sems can dmyal bar lhung na/ nga'i dgra chen po de lan bla na dgos so zhes smras nas/ rgyal bu ma skyes dgra gang na ba der song ngo // ma skyes dgras mthong ma thag tu 'phags pa khyod ci ste mdog ngan cing mdangs mi dga' bar gyur ces 'dris pa dang / lha sbyin gyis smras pa/ bdag rtag tu de 'dran khyod mi shes sam/ ma skyes dgras smras pa/ khyod ci sems pa de'i rgyu dang de'i rkyen gyis bdag la spros shig/ lha sbyin gyis smras pa/ bdag khyod dang shin tu mdza' ba yin te/ yul mi dag khyod la mi snyan pa zer bas bdag gis mi rigs par bzung ste/ bdag gis thos na dga' ba'i rtol ka la yod/ rgyal bu ma skyes dgras smras pa/ yul mi dag ji skad du bdag la mi snyan par smra/ lha sbyin gyis smras pa/ yul mi dag khyod la ma skyes dgra zhes mi snyan pa zer ro/ / ma skyes dgras sbas pa/ pi/ Shanam sdes dam ming de sus btags/ lha sbyin gyis smras pa/ khyod ma btsas pa nas mtshan mkhan thams cad kyis 'di skad bu 'di btsas nas rgyal po yab gsang bar 'gyur ro zhes zer ro/ / de bas na yul mi thams cad khyod las skyes dgra zhes btags so// mang gi sras thams cad ni khyod kyi sems bsrung ba'i rtsa

  255. 128b

    dag mthong zhes 'bod do/ / btsun mo lus 'phags mas de skad ces thos nas khyod btsas ma thag tu yang thog mthon po nas bor te/ khyod kyi sor mo gcig chag par gyur to// de'i rgyu de'i rkyen gyis mi rnams kyis yang ba ra ru rtse zhes btags so/ / bdag de skad du smra ba thos nas mi dga' ba'i sems skyes kyang khyod la sbra ma nus so// de nas lha sbyin gyis de lta bu'i mi dge ba'i dngos po rnam pa sna tshogs kyis yab rgyal po sod cig ces bstan to/ / gal te khyod kyi yab rgyal po shi na/ ngas kyang dge sbyong go'u ta ma bsad do zhes zer ro// rgyal bu ma skyes dgras blon po chen po gnyis su 'gro ba zhes bya ba la/ rgyal po chen po ci ste bdag gi ming ma skyes dgrar btags shes dris so// de nas blon po chen pos sngun ji ltar btags pa'i gtan tshigs smra ba yang lha sbyin gyis smras pa dang tha mi dad do/ / rgyal bu ma skyes dgras thos nas blon po chen po de dang 'grogs te/ yab rgyal po bzung nas grong khyer gyi phyi rol du dmag rnams bzhis bskor te gtses so// btsun mo lus 'phags mas thos nas/ rgyal po gang na bar song ba las srungs ma rnams kyis bkag nas phrad du ma ster to// de nas btsun mo khro sems skyes nas srungs ma rnams la spyos so// de nas srungs ma rnams rgyal po'i btsun mo yab rgyal po la blta 'tshal zhes mchi na gnang ngam mi gnang zhes rgyal bul zhus so/ / rgyal bus thos nas de bas kyang khros te ma gang na 'dug par song nas/ ma'i thor

  256. 129a

    ho las bzung ste ral gri phyung nas btab pa las/ 'tsho byed kyis gsol pa/ rgyal po chen po sa byung ngo yul dong tshun chad nongs pa ji ltar che yang bud med la chad pas mi 'gum pa lags na/ rgyal po nyid kyi yum lta ci smos/ rgyal bu ma skyes dgras de skad du smras pa thos nas/ 'tsho byed kyi phyir ma ma phyir btang nas/ rgyal po yab kyi ko sa dang mal cha dang / zas dang / nad kyi rkyen sman la sogs pa bcad de/ zhag bdun lon nas yab rgyal po che'i dus byas par gyur to// rgyal po ma skyes dgras yab rgyal po tshe 'das pa mthong nas 'gyod pa'i sems skyed pa na/ blon po chen po gnyis su 'gro bas yang chos log pa mi dge ba rnam pa sna tshogs smras te/ 'di skad du rgyal po chen po las thams cad ni kha na ma tho bar 'gyur bar ma mchis na/ ci ste 'gyod pa'i sems skyed ces gsol to// 'tsho byed kyis yang smras pa/ rgyal po chen po 'di ltar mkhyen par mdzod cig/ 'di lta bu las 'di ni kha na ma tho ba'i sdig pa rnam pa gnyis te/ yab rgyal po bsad pa dang / rgyun du zhugs pa bsad pa ste/ de lta bu'i sdig ni bcom ldan 'das las gzhan su yang las 'di skyong nus pa ma mchis so/ / rgyal po ma skyes dgras smras pa/ de bzhin gshegs pa ni rnam par dag la rnyog pa ma mchis pa lags te/ bdag ni sdig pa can lags na ji ltar mthong bar 'gyur

  257. 129b

    nas smras so/ / rigs kyi bu ngas dngos po de mkhyen nas dga' bo la bka' stsas pa/ nga zla ba gsum 'das nas yongs su mya ngan las 'da' 'o zhes bka' stsal to// ma skyes dgras thos nas nga gang na bar 'ongs te/ ngas chos bstan nas kha na ma tho ba lci ba yang srab par gyur/ rtsa ba med pa'i dad pa yang thob par gyur do// rigs kyi bu nga'i nye gnas rnams de skad du smras pa thos nas/ nga'i dgongs pa mi shes pas 'di skad du/ de bzhin gshegs pa ni yun du mya ngan las 'das so zhes smra'o// rigs kyi bu byang chub sems dpa' la rnam pa gnyis te/ yang dag par don dang ldan pa dang / ming tsam du bla dgas su btags pa'o// de la ming tsam du bla dgas su btags pa'i byang chub sems dpa' ni nga zla ba gsum na yongs su mya ngan las 'da' 'o zhes thos nas/ thams cad phyir ldog pa'i sems bskyed de 'di skad du/ ci ste de bzhin gshegs pa mi rtag la mi gnas na/ bdag cag lta ci zhig bya/ ci'i phyir dngos po de lta bu'i phyir tshe rabs tshad med pa'i nyon mongs pa'i sdug bsngal chen po myong bar bya/ sangs rgyas bcom ldan 'das bsod nams tshad med pa dang ldan par yang 'chi bdag gi bdud bcom ma nus na/ bdag cag lta zhig ka la nus shes zer ro// rigs kyi bu de'i phyir ngas byang chub sems dpa' de dag la de bzhin gshegs pa

  258. 130a

    ni rtag tu gnas pa ste/ mi 'gyur mi 'pho ba'o zhes gsungs so// rigs kyi bu pa'i nye gnas rnams de skad du gsungs bzos nas/ nga'i dgongs pa mi shes pas nges par de bzhin gshegs pa ni mthar yongs su mya ngan las mi 'da' 'o zhes zer ro/ / rigs kyi bu sems can kha cig chad par lta ba bskyed nas 'di skad du/ sems can thams cad lus med pa'i 'og tu dge ba dang mi dge ba'i las myong ba ci yang med do zhes smras te/ ngas de dag gi phyir dge ba dang mi dge ba'i 'bras bu rnam par smin pa ni yang dag par myong ba yod do zhes gsungs so/ / yod par ji ltar mngon zhe na/ rigs kyi bu sngon 'das pa'i dus na grong rtswa mchog ces bya ba na/ rgyal po rab mthong zhes bya ba zhig yod de/ lo brgyad khri bzhi stong gi bar du gzhon nu byas/ lo brgyad khri bzhi stong gi bar du rgyal tshab byas/ lo brgyad khri bzhi stong gi bar du rgyal po byas te dben par 'dug pa na 'di snyam du sems par gyur to// sems can bsod nams chung pas tshe rab tu thung ste/ rtag tu dgra phyi bzhin 'brang yang mi shes mi tshor te/ 'on kyang bag med par spyod do// de bas na bdag rab tu phyung ste/ byang chub kyi lam bsgom zhing skye ba dang / rga ba dang / na ba dang / 'chi ba'i dgra bzhi po yongs su bcad do snyam bsams nas/ blon po dag la grong khyer gyi phyi rol du rin po che sna bdun gyi

  259. 130b

    gzhal med khang zhig gyis shig ces bka' stsal to/ / gzhal med khang byas nas/ blon po dang / nang gi sgras rnams dang / rgyal bu rnams dang / gnyen rnams la bka' stsal pa/ khyed shes par gyis shig/ da ni rab tu byung snyam sems na/ khyed kyis gnang ngam zhes smras so// de nas blon po chen po dang gnyen la sogs pa kun kyang dge'o// rgyal po chen po deng dus la bab bo zhes gsol to// de nas rgyal po rab mthong gis zham 'bring ba mi gcig pa dang / gzhal med khang du lo brgyad khri ba'i stong gi bar du gnas te byams pa'i sems bsgoms so/ / de'i rkyen gyis lo brgyad khri bzhi stong gi bar du rim gyis 'khor los sgyur ba'i rgyal po byas so// de nas yang tshe rabs sum cu'i bar du brgya byin lha'i dbang phyug rgyas so/ / tshe rabs tshad med pa'i bar du rgyal phran byas so// rigs kyi bu de'i tshe de'i dus na/ rab mthong zhes bya ba de gzhan zhig yin par ma sems shig/ de ni da ltar nga yin no/ / rigs kyi bu nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pa ni nges par bdag dang bdag gi ba yod par gsungs so zhes zer ro/ / yang dus gcig na nga sems can rnams la bdag ces bya ba ni rang bzhin yin no// 'di lta ste/ nang dang phyi rol gyi rgyu dang

  260. 131a

    rkyen dang / rten cing 'brel te 'byung ba bcu gnyis dang / sems can gyi lnga phung dang / sems dang / khams dang / 'jig rten gyi bsod nams dang las kyi dbang dang / lha dbang sgyur gyi 'jig rten ni bdag yin no zhes gsungs so// nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas nges par bdag yod par gsungs so zhes zer ro/ / rigs kyi bu yang dus gzhan zhig na dge slong gcig cig gang na bar 'ongs nas 'di skad du/ bcom ldan 'das bdag ces bgyi ba ji lta bu/ bdag ces bgyi ba ni su ci'i rkyen gyis bdag ces bgyi zhes so// de nas ngas dge slong de la 'di skad ces bka' stsal to// dge slong bdag dang bdag gi ba med do// mi zhes bya ba de thog ma nas med la da ltar yod do/ / yod pa las kyang phyir med par 'gyur te/ thog ma skye ba'i tshe'ang gang nas kyang ma 'ongs la/ phyis 'gog pa na yang gang du song ba yang med de/ las kyi 'bras bu yod mod kyi/ sus kyang ma byas so// phung po btang ba yang med la/ phung po len pa'ang med de/ ji ltar khyod kyis bdag ces bya ba ji lta bu zhes zhus pa de bdag ni de kho na yin no// bdag su zhes zhus pa de ni las yin no// ci'i rkyen gyis bdag ces bya ba ni srid pa yin no// dge slong dper na lag pa gnyis brdab pas de'i bar na sgra dbyung ba ltar/ bdag kyang de dang 'dra ste/

  261. 131b

    sems can dang / las dang / sred pa gsum gyi rgyu dang 'brel bas bdag ces bya'o// dge slong sems can thams cad kyi gzugs bdag ma yin no// bdag gi nang na gzugs med la gzugs kyi nang na yang bdag med pa nas/ rnam par shes pa'i bar du yang de bzhin no// dge slong mu stegs can la la sogs pas bdag yod par smra ba yang phung po las gzhan pa ma yin te/ phung po spangs pa'i pha rol na bdag yod do zhes bya ba de lta bu'i gnas med do// sems can thams cad kyi 'du byed ni sgyu mas sprul pa dang / smig rgyu med pa dang / dge slong phung po lnga ni mi rtag pa/ bde ba med pa/ bdag med pa/ yongs su ma dag pa'o// rigs kyi bu de'i tshe na dge slong mang po tshad med pa snyed kyis lnga phung 'di la bdag med/ bdag gi ba med par rtogs pas dgra bcom pa'i 'bras bu thob par gyur to/ / rigs kyi bu nga'i nye gnas rnams de skad ces gsungs pa thos nas/ nga'i dgongs pa mi shes pas 'di skad du/ de bzhin gshegs pas nges par bdag med par gsungs so zhes zer ro/ / rigs kyi bu ngas mdo sde las yang 'di skad du/ dngos po gsum 'dus pa las lus 'di blangs par gyur to zhes gsungs so/ dade ni pha dang / ma dang / phung po bar ma 'dus pa las lus len par gyur to// yang ngas lan cig phyir mi ldog pa'i gang zag ni sngon du mya ngan las 'das pa dang

  262. 132a

    gal te na lnga phung bar mas mya ngan las 'da' 'o zhes gsungs pa yang 'di skad du/ lnga phung bar ma'i dbang po tshang bar ldan zhing gsal ba ni sngon gyi las yin te/ ji ltar mar gyi snying po dang sa ma dang mtshungs so zhes gsungs so/ / rigs kyi bu ngas dus gcig na sems can sdig pa can gyi lnga phung bar ma ni ji ltar 'jig rten na ra da tsum mo dang mtshungs so// sems can dge ba 'ba' zhig pa'i lnga phung bar ma ni yul ser skya'i ras dkar po dang mtshungs so zhes gsungs te/ nga'i nye gnas rnams de skad gsungs pa thos nas/ nga'i dgongs pa mi shes pas 'di skad du/ de bzhin gshegs pas lnga phung bar ma yod par gsungs so zhes zer ro// rigs kyi bu ngas yang mtshams med pa'i kha na ma tho ba byas pa'i sems can rnams la 'di skad du/ mtshams med pa lnga byas na mtshams med pa'i sems can dmyal bar lhung ngo zhes gsungs so// yang ngas dge slong ku ma ru tshe zhes bya ba lus 'di dang bral ma thag tu thogs ba med par mtshams med pa'i sems can dmyal bar ltung ngo zhes gsungs so/ / yang ngas kun tu rgyu be'u zhes bya ba la 'di skad du/ kun tu rgyu gal te lnga phung bar ma yod na srid pa drug kyang yod do zhes gsungs so/ / yang 'di skad du gzugs med pa'i sems can lnga phung bar ma med do zhes gsungs so// rigs kyi bu nga'i nye gnas rnams de skad gsungs pa thos nas

  263. 132b

    nga'i dgongs pa mi shes pas 'di skad du/ de bzhin gshegs pas nges par lnga phung bar ma med par gsungs so zhes zer ro// rigs kyi bu ngas mdo sde las phyir ldog par yod par gsungs so/ / ci'i phyir zhe na/ le lo dang snyoms las byed pa'i dge slong tshad med pa rnams byang chub la nan tan mi byed pas/ de dag la phyir ldog pa rnam pa 'di lnga la gsungs so// bya ba mang po la dga' ba dang / 'jig rten gyi smrang la mos pa dang / gnyid la mos pa dang / khyim pa la brten par mos pa dang / kun tu 'gro bar dga' ba dang / de'i rgyu de'i rkyen gyis dge slong dag phyir log par 'gyur ro/ / phyir ldog pa'i rkyen la yang rnam pa gnyis te/ nang dang / phyi rol lo// dgra bcom pa'i gang zag ni nang gi rkyen spangs mod kyi/ phyi rol gyi rkyen ma spangs pas phyi rol gyi rkyen gyi nyon mongs pa skye'o/ / nyon mongs pa skye bas phyir ldog cing nyams par 'gyur ro zhes gsungs so// yang dge slong ku te zhes bya bas lan drug gi bar du phyir ldog par gyur te/ log nas kyang khrel ba dang 'dzem pa'i sems la nan tan byed de/ lan bdun gyi tha ma la thob par gyur to// thob nas nyams kyis dogs pas mtshan phyung nas bdag gis bdag bsad do/ / ngas yang 'di skad du skabs kha cig tu rnam par grol ba'i dus dang / skabs kha cig tu dgra bcom pa rnam pa drug la sogs pa gsungs te/ nga'i nye gnas rnams de

  264. 133a

    skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas nges par ldog pa yod par gsungs so zhes zer ro// rigs kyi bu yang mdo sde las 'di skad ces gsungs te/ dper na tshig pa'i sol ba ni phyir shing du mi 'gyur ba dang / bum pa chag na bum par spyang du med pa ltar/ nyon mongs pa yang de dang mtshungs te/ dgra bcom pas yongs su bcad nas phyir mi skye'o zhes kyang gsungs so// sems can gyi nyon mongs pa skye ba'i rgyu yang rnam pa gsum yod par gsungs te/ nyon mongs pa ma bcad pa dang / nyon mongs pa'i rgyu dang rkyen ma bcad pa dang / mi dge ba yid la byed pa'o// dgra bcom pa ni rgyu dang rkyen yang med la nyon mongs pa bcad pa'i phyir/ mi dge ba yid la byed pa yang med do/ / rigs kyi bu nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas nges par phyir ldog pa med par gsungs so zhes zer ro/ / rigs kyi bu ngas mdo sde las de bzhin gshegs pa'i sku las rnam pa gnyis yod par gsungs te/ skye ba'i sku dang / chos kyi sku'o// de la skye ba'i sku ni thabs kyis kun tu sprul pa'i sku ste/ sku de la ni skye ba dang / rgas pa dang / na ba dang / 'chi ba dang / ring ba dang / zung ba dang / gnag pa dang / dkar ba dang / 'di dang /

  265. 133b

    pha bi dang / slob pa dang / slob pa med pa'o zhes byar rung ste/ nga'i nye gnas rnams de skad du smras pa thos nas/ nga'i dgongs pa mi shes pas 'di skad du/ de bzhin gshegs pas nges par sangs rgyas kyi sku ni 'dus byas kyi chos can du gsungs so zhes zer ro/ / chos kyi sku ni rtag pa dang / bde ba dang / bdag dang / yongs su dag pa ste/ skye ba dang rga ba dang / na ba dang / 'chi ba thams cad med do// dkar po ma yin/ nag po ma yin/ ring po ma yin/ thung ngu ma yin/ 'di ma yin/ pha bi ma yin slob pa dang mi slob pa ma yin te/ sangs rgyas 'jig rten du byung yang rung / ma byung yang rung ste/ rtag tu gnas la mi 'gyur mi 'pho ba'o zhes gsungs pas/ rigs kyi bu nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas nges par sangs rgyas kyi sku ni 'dus ma byas kyi chos su gsungs so zhes zer ro/ / rigs kyi bu ngas mdo sde las rten cing 'brel te byung ba bcu gnyis gsungs pa ni/ ma rig pa las 'du byed skye/ 'du byed las rnam par shes pa skye/ rnam par shes pa las ming dang gzugs skye/ ming dang gzugs las drug gi skye mched skya/ drug gi skye mched las reg bya skye/ reg bya las tshor ba skyetshor ba las sred pa skye/ sred pa las

  266. 134a

    len pa ste/ len pa las srid pa ste/ srid pa las skye ba rtse/ skye ba las rga shi dang smos pa'i mya ngan kye'o zhes gsungs so// rigs kyi bu nga'i gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas rten cing 'brel te byung ba bcu gnyis nges par 'dus byas yin par gsungs so zhes zer ro/ / ngas yang dus gcig na dge slong dag la 'di skad ces bka' stsal to// rten cing 'brel te byung ba bcu gnyis ni/ sangs rgyas rnams byung yang rung / sangs rgyas rnams ma byung yang rung ste/ rang bzhin dang mtshan nyid ni rtag tu gnas so// rigs kyi bu rten cing 'brel te byung ba bcu gnyis rkyen las skye ba ma yin pa yang yod/ rkyen las skyes la rten cing 'brel te byung ba bcu gnyis ma yin pa yang yod/ / rkyen las skyes pa'ang ma yin la rten cing 'brel te byung ba bcu gnyis yin pa yod do// rkyen las skyes pa'ang ma yin la rten cing 'brel te byung ba bcu gnyis ma yin pa yang yod do/ / de la rten cing 'brel te byung ba bcu gnyis rkyen las skyes pa ma yin pa ni 'di lta ste/ ma 'ongs pa'i dus kyi rten cing 'brel te bya ba bcu gnyis so/ / rkyen las skyes la rten cing 'brel te byung ba bcu gnyis ma yin pa ni 'di lta ste/ dgra bcom pa'i lnga phung ngo // rkyen las skyes la rjen cing 'brel

  267. 134b

    te byung ba bcu gnyis kyang yin pa ni 'di lta ste/ bus pa ma rabs so so'i skye bo'i lnga phung dang bcas pa'i rten cing 'brel te byung ba bcu gnyis so// rkyen las skyes pa yang ma yin la rten cing 'brel te byung ba bcu gnyis kyang ma yin pa ni 'di lta ste/ nam mkha' dang mya ngan las 'das pa'o zhes gsungs te/ rigs kyi bu ba'i nye gnas rnams de skad du gsungs pa thos nas nga'i dgongs pa mi shes pas rten cing 'brel te byung ba bcu gnyis la nges par 'dus ma byas pa yin par gsungs so zhes zer ro/ / rigs kyi bu ngas mdo sde las sems can thams cad dge ba dang mi dge ba'i las byas pa lus 'di spangs nas chen po bzhi de kho nar zhig ste gyes so/ / dge ba 'ba' zhig byas pa ni sems kyi 'du byed mchog tu 'gyur ro// mi dge ba'i las 'ba' zhig byas pa ni sems kyi 'du byed tha mar 'gyur ro zhes gsungs so/ / rigs kyi bu nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas sems ni nges par rtag go bar gsungs so zhes zer ro/ / rigs kyi bu ngas dus gcig na/ rgyal po gzugs can snying po la 'di skad du bka' stsal to// rgyal po chen po 'di ltar rig par gyis shig/ gzugs ni mi rtag pa yin no// de ci'i phyir zhe na/ mi rtag pa'i rgyu las skye bar 'gyur ba'i phyir ro// de ltar gzugs de mi rtag 'di

  268. 135a

    rgyu las skyes na/ mkhas pa shes rab can gyis ci'i phyir rtag par sla/ gal te gzugs rtag pa yin na/ 'jig cing 'gog par mi 'gyur te/ sdug bsal rnams kyang skye ba'i mi rigs so/ / da gzugs 'di gyes pa dang / 'gog pa dang / 'chag cing zhig par mthong ste/ de bas na gzugs 'di mi rtag par rig ste/ de bzhin du rnam par shes pa'i bar du yang de dang 'dra'o/ / rigs kyi bu nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas sems la nges par chad par gsungs so zhes zer ro/ / rigs kyi bu ngas mdo sde las nga'i nye gnas rnams kyis spos dang / me tog dang / gser dang / dngul dang nor bu rin po che dang / chung ma dang / bu dang / bran po dang / zan mo la sogs pa ma brtags pa'i rdzas brgyad la sogs pa bcangs kyang bden pa'i lam thob bo// bden pa'i lam thob nas kyang mi spang ngo zhes gsungs te/ nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas nges par 'dod pa lnga la spyod na/ 'phags pa'i lam gyi bar chad du mi 'gyur bar gsungs so zhes zer ro// gzhan yang dus gcig na ngas 'di skad du/ khyim na gnas

  269. 135b

    pas bden pa'i lam thob pa'i gnas med do zhes gsungs so/ / rigs kyi bu nga'i nye gnas rnams kyis de skad du gsungs pa thos nas/ nga'i dgongs pa mi shes pas 'di skad du de bzhin gshegs pas 'dod pa lnga la spyod na/ nges par bden pa'i lam gyi bar chad du gsungs so zhes zer ro// rigs kyi bu ngas mdo sde las nyon mongs pa spangs te rnam par grol ba ma thob pa ni/ 'dod pa'i khams na 'jig rten gyi mchog gyi chos spyod pa dang mtshungs so zhes gsungs te/ rigs kyi bu nga'i nye gnas rnams de skad du gsungs pa thos nas nga'i dgongs pa mi shes pas 'di skad du/ de bzhin gshegs pas 'jig rten mchog gi chos ni 'dod pa'i khams 'ba' zhig na yod par gsungs so zhes zer ro// ngas 'di skad du drod dang / spyi bo dang / bzod pa dang / 'jig rten mchog gi chos ni bsam gtan bzhi pa'i bar la yod do zhes gsungs te/ rigs kyi bu nga'i nye gnas rnam de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas chos de dag gzugs kyi khams na yod par gsungs so zhes zer ro// yang ngas 'di skad du mu stegs can rnams sngar bsam gtan bzhi'i nyon mongs pa yongs su bcad nas/ drod dang / spyi bo dang / bzod pa dang / 'jig rten mchog gi chos

  270. 136a

    bsgoms te/ bden pa bzhi rtogs nas phyir mi ldog pa'i 'bras bu thob bo zhes gsungs te/ nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ de bzhin gshegs pas 'jig rten mchog gi chos ni gzugs med pa'i khams na yod par gsungs so zhes zer ro// rigs kyi bu ngas mdo sde las 'di kar du gsungs te/ sbyin pa rnam pa bzhi las gsum ni rnam par dag ste/ de la sbyin bdag ni rgyu dang / 'bras bu dang / sbyin pa la yid ches la len pas rgya dang 'bras bu dang / sbyin pa la yid mi ches pa dang / len pa ni rgyu dang / 'bras bu dang / sbyin pa la yid ches la/ sbyin bdag ni rgyu dang / 'bras bu dang / sbyin pa la yid mi ches pa dang / sbyin pa dang len pa gnyis ka yid ches pa dang / sbyin pa dang len pa gnyis ka yid mi ches pa ste/ sbyin pa rnam pa de bzhi la dang po gsum ni rnam par dag go zhes gsungs te/ nga'i nye gnas rnams de skad du gsungs pa thos nas/ nga'i dgongs pa mi shes pas 'di skad du/ sbyin pa ni yid 'ba' zhig yin par de bzhin gshegs pas gsungs so zhes zer ro/ / rigs kyi bu yang ngas dus gcig na 'di skar du/ byin bdag gis sbyin pa byin na dngos po rnam pa lngas sbyin pa bya'o// lnga gang zhe na/ mdog sbyin pa dang

  271. 136b

    stobs sbyin pa dang / bde ba sbyin pa dang / thog sbyin pa pa dang / stobs pa sbyin pa de/ de'i rgyus sbyin bdag gis 'bras bu rnam par smin pa rnam pa lnga yang thob par 'gyur zhes gsungs te/ nga'i nye gnas rnams kyis de skad du gsungs pa thos nas/ nga'i dgongs pa mi shes pas 'di skad du/ sbyin pa nyid phung po lnga yin par sangs rgyas kyis gsungs so zhes zer ro/ / rigs kyi bu ngas dus gcig na 'di skad du/ mya ngan las 'das pa ni nyon mongs pa mtha' yun du zad cing lhag ma ma lus par 'gags pa ste/ ji ltar me mar shi nas phyir skye ba'i chos med pa ltar/ mya ngan las 'das pa yang de bzhin no// nam mkha' stong pa zhes bya ba nyid ni ci yang med pa'o// dper 'jig rten na ci yang med pa ni nam mkha' stong pa zhes bya ste/ ye shes kyi rkyen gyis 'gog pa ma yin pas ci yang med pa yin no// ci ste yod pa zhig na rgyu dang rkyen yang yod pa'i rigs so// rgyu dang rkyen yod na zad pa dang 'gog pa yod pa'i rigs te/ de ltar med pas na zad pa dang 'gog pa med do zhes gsungs te/ nga'i nye gnas rnams kyis de skad du gsungs pa thos nas/ nga'i dgongs pa mi shes pas 'di skad du/ bcom ldan 'das kyis 'dus ma byas rnam pa gsum med par gsungs so zhes zer ro// rigs kyi bu ngas dus gcig na mo'u 'gal gyi bu la 'di skad ces

  272. 137a

    bka' stsal to/ / mo'u 'gal mya ngan las 'das pa zhes bya ba ni tshig gi tha snyad // rkang pa'i rjes so// mthar phyin pa'i gnas so// 'jigs pa med pa'o/ / ston pa chen po'o// 'bras bu chen po'o// mthar phyin pa'i ye shes so// bzod pa chen po'o// thogs pa med pa'i ting nge 'dzin to// chos kyi dbyings chen po'o/ / zil dngar gyi ro'o// mthong dka' ba yin no// mo'u 'gal ji snyed mya ngan las 'das pa med do zhes gsungs na/ ci'i phyir skur pa de dag sa/ can dmyal bar lhung sa gsungs so/ / nga'i nye gnas rnams kyis de skad du gsungs pa thos nas/ nga'i dgongs pa mi shes pas 'di skad du/ mya ngan las 'das pa yod par ba bzhin gshegs pas gsungs so zhes zer ro/ / yang dus gcig na mo'u 'gal la 'di skad ces bka' stsal to// mo'u 'gal mig la snying po med pa nas/ lus kyi bar du thams cad la snying po med do// de ltar snying po med pas stong pa zhes bya ste/ kha zas la sogs pa 'gyur zhing 'ju ba dang / sgra thams cad kyang stong pa'o zhes bya'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ nam mkha' stong pa dang 'dus ma byas ni nges par yod par sangs rgyas kyis gsungs so zhes zer ro// yang

  273. 137b

    dus gcig na mo'u 'gal la 'di skad ces bka' stsal to/ / mo'u 'gal gang la la zhig gis rgyun du zhugs pa'i 'bras bu ma thob par bzod pa la gnas pa'i tshengan song gsum gyi par smin pa tshad med pa snyed bcad pa ni ye shes kyi rkyen gyis 'gog pa ma yin par rig par gyis shig ces gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ ye shes kyi rkyen gyis 'gog pa ma yin par sangs rgyas kyis gsungs so zhes zer ro// rigs kyi bu ngas yang dus gcig na dge slong bar pa zhes bya ba la bar pa bshad de/ gal te dge slong gang gzugs la 'das pa 'am/ ma 'ongs pa 'am/ da ltar ram/ nye ba 'am/ ring ba 'am/ sbom po 'am/ phra mor rtog na/ de lta bu la sogs pa'i gzugs ni bdag dang bdag gi ba ma yin no// gal te dge slong gang de ltar rtogs na/ gzugs kyi sred pa gcod nus so// dge slong pas gsol pa/ ji ltar na gzugs dang ming zhes bgyi/ bka' stsal pa/ chen po bzhi ni gzugs so// phung po bzhi ni ming zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ gzugs ni nges par chen po bzhi yin par de bzhin gshegs pas gsungs so zhes zer ro//

  274. 138a

    rigs kyi bu ngas 'di skad du dper na me long gi rkyen gyis gzugs brnyan snang bar gyur pa ltar/ gzugs kyang de dang 'dra ste/ chen po na na gyis sbom po dang / phra mo dang / rtsub po dang 'jam pa dang / ser po dang / dmar po dang / dkar po dang / ring po dang / thung ngu dang / gru bzhi dang zlum po dang / snrel zhi dang / yang ba dang / lci ba dang / grang ba dang / tsha ba dang / bkres pa dang / skom pa dang / dud pa dang / sprin da 'ug rna'ang yod de/ de ni byis pa'i gzugs yin pas/ ji ltar brag cha dang mtshungs so zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ chen po bzhi ni byas pa'i gzugs kyang yin la/ chen po bzhi kha cig ni byas pa'i gzugs med par de bzhin gshegs pas gsungs so// zhes zer ro/ rigs kyi bu sngun dus gcig na byang chub kyi shing gi rgyal po'i bus 'di skad du/ gal te dge slong gang tshul khrims sdom pa/ gal te mi dge ba'i sems bskyed na/ de'i dus na dge slong tshul khrims nyams par gyur pa lags so zhes zer ro/ / ngas de'i tshe byang chub kyi shing gi rgyal po'i bu la bka' stsal pa/ tshul khrims la rnam pa bdun yod de/ lus dang

  275. 138b

    ngag las rnam par rig byed ma yin pa'i gzugs yod do/ / rnam par rig byed ma yin pa'i gzugs kyi rkyen gyis/ sems mi dge ba'i lung du mi ston pa la gnas kyang / tshul khrim nyams pa zhes mi bya ste/ tshul khrims srung ba'o// ci'i rgyu ci'i rkyen gyis rnam par rig byed ma yin pa'i gzugs shes na/ gzugs tha dad pa'i rkyen gyis/ gzugs tha dad pa'i rgyu dang 'bras bur 'gyur ba ma yin pa'o zhes gsungs te/ rigs kyi bu ba'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ ma par ga byed ma yin pa'i gzugs yod par sangs rgyas kyis gsungs so zhes zer ro/ / rigs kyi bu ngas mdo sde gzhan dag las 'di skad du/ tshul khrims shes bya ba ni mi dge ba bkag pa yin te/ gal te mi dge ba mi byed na tshul khrims srung ba'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi pas 'di skad du/ rnam par rig byed ma yin pa'i gzugs nges par med par de bzhin gshegs pas gsungs so zhes zer ro// rigs kyi bu ngas mdo sde las 'di skad du 'phags pa'i gzugs kyi phung po nas/ rnam par shes pa'i phung po'i bar du ma rig pa'i rgyu dang rkyen las byung ba yin te/ bus pa ma rabs thams cad kyang de dang dra

  276. 139a

    ma rig pa sred pa skyes te/ sred pa de nyid ma rig pa yin par rig par bya'o// sred pa las len pa skye bas na/ len pa de nyid ma rig pa dang sred pa yin par rig par bya'o/ / len pa las srid pa skye bas na/ srid pa de nyid ma rig pa dang / srid pa dang / len pa yin par rig par bya'o// srid pa las tshor ba skye bas na/ tshor ba de nyid 'du byed dang / srid pa yin par rig par bya'o// tshor ba'i rgyu las ming dang gzugs dang / ma rig pa dang / sred pa dang / len pa dang srid pa dang / 'du byed dang / tshor ba dang / reg bya dang / rnam par shes pa dang / drug gi skye mched la sogs pa skye bas na/ de'i phyir tshor ba ni rten cing 'brel te byung ba bcu gnyis yin no zhes gsungs te/ nga'i nye gnas rnams kyis de skad du gsungs pa thos nas/ nga'i dgongs pa mi shes pas 'di skad du/ sems las byung ba med par de bzhin gshegs pas gsungs so zhes zer ro/ / rigs kyi bu ngas mdo sde las 'di skad ces gsungs te/ mig dang / gzugs dang / rna ba dang / 'dod pa ngan pa las mig gi rnam par shes pa 'byung ngo / / 'dod pa ngan pa zhes bya ba ni ma rag pa ste/ 'dod pa'i rang bzhin gyis tshor ba'i tshe ni sred pa zhes bya'o// zed pa'i rkyen gyis

  277. 139b

    len pa ste/ len pa ni las zhes bya'o// las kyi rkyen gyis rnam par shes pa ste/ rnam par shes pa'i rkyen gyis ming dang gzugs/ ming dang gzugs kyi rkyen gyis drug gi skye mched/ drug gi skye mched kyi rkyen gyis reg bya/ reg bya'i rkyen gyis 'du shes dang / tshor ba dang / mos pa dang / dad pa dang / brtson 'grus dang bsam gtan dang / shes rab ste/ de lta bu'i chos de dag ni tshor ba'i rkyen gyis skyes mod kyi/ tshor ba ni ma yin no// rigs kyi bu nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ sems las byung ba yod par de bzhin gshegs pas gsungs so zhes zer ro// rigs kyi bu ngas skangs kha cig tu ni srid pa gcig 'ba' zhig yod par gsungs/ skabs kha cig tu ni srid pa gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu nas/ nyi shu rtsa lnga'i bar du gsungs te/ nga'i nye gnas rnams kyis de skad du gsungs pa zos nas nga'i dgongs pa mi shes pa 'di skad du/ srid pa lnga dang srid pa drug yod par de bzhin gshegs pas gsungs so zhes zer ro// rigs kyi bu sngun dus gcig na yul ser sbyar shing n+ya zo d+ha

  278. 140a

    tshal na bzhugs pa'i tshe shAkya ming chen zhes bya bar gang na bar 'ongs nas 'di skad du/ ji ltar na dge bsnyen zhes bgyi zhes gsol to// ngas bka' stsal pa/ gal te rigs kyi bu 'am/ rigs kyi bu mo gang dbang po rnams dang ldan la/ dkon mchog gsum la skyabs su song ba de ni dge bsnyen zhes bya'o// shAkya ming chen gyis gsol pa/ bcom ldan 'das ji ltar na phyogs gcig pa'i dge bsnyen zhes bgyi/ ngas bka' stsal pa/ shAkya ming chen gang skyabs su 'gro ba gsum dang / khrims gcig mnos pa ni phyogs gcig pa'i dge bsnyen zhes bya'o// nga'i nye gnas rnams kyis de skad du gsungs pa thos nas/ nga'i dgongs pa mi shes pas 'di skad du/ dge bsnyen khrims ni thams cad dang ma ldan yang rung bar sangs rgyas kyis gsungs so zhes zer ro// rigs kyi bu ngas dus gcig na chu bo gAr+b+ha'i 'gram na bzhugs te/ de'i tshe ka t+ya ya nA nga gang na bar 'ongs nas 'di skad du/ bcom ldan 'das bdag gis sems can la bslab pa'i yan lag gi chos gdugs gcig gam zhag gcig gam/ dus gcig gam/ yud tsam thang cig gis nor du stsal na/ de dag gi slob pa'i yan lag tu 'gyur ram/ bka' stsal pa/

  279. 140b

    dge slong de ni dge ba thob mod kyi/ bslab pa'i yan lag thob pa zhes mi bya'o// nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ bslab pa'i yan lag brgyad dang ldan/ tshul khrims brgyad mnos pa yin par de bzhin gshegs pas gsungs so zhes zer ro// rigs kyi bu ngas mdo sde las 'di skad ces gsungs so/ / gal te dge slong gang rtsa ba bzhi nyams na dge slong zhes mi bya ste/ dge slong zhig pa/ dge slong stor cing nyams pa zhes bya/ dge ba'i 'bras bu'i myu gu mi skye ba ste/ dper sa bon tshig pa la 'bras bu mi skye ba dang / shing rta la'i mgo bcad na shing thog mi skye ba dang 'dra bar/ rtsa ba bzhi nyams pa'i dge slong yang de dang 'dra ba'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ dge slong rnams kyi rtsa ba bzhi nyams na/ dge slong gi tshul khrims nyams pa yin par de bzhin gshegs pas gsungs so zhes zer ro// rigs kyi bu ngas mdo sde'i nang nas btsun pa la dge grong rnam bzhi yod do zhes gsungs te/ gang zhen/ byang chub mthar phyin pa dang byang chub ston pa dang / byang chub len pa dang / byang chub che bar byang ba'o//

  280. 141a

    del rtsa ba bzhi nyams pa ni byang chub che bar byed pa'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ dge slong rnams kyis rtsa ba bzhi nyams kyang tshul khrims nyid ma nyams par de bzhin gshegs pas gsungs so zhes zer ro// rigs kyi bu ngas mdo sde las dge slong rnams la theg pa gcig pa dang / lam gcig pa dang / spyod pa gcig pa dang / dmigs pa gcig pa gsungs te/ de lta bu'i theg pa gcig pa nas/ dmigs pa gcig pa'i bar du de dag gis/ sems can gyi zhi ba chen po byed cing bcings pa thams cad dang / mya ngan dang / sdug bsngal dang / sdug bsngal gyi rgyu yongs su gcod de/ sems can thams cad srid pa gcig tu phyin par byed pa'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ rgyun du zhugs pa nas/ dgra bcom pa'i bar du de dag thams cad kyi mngon par byang chub par de bzhin gshegs pas gsungs so zhes zer ro// rigs kyi bu ngas mdo sde las rgyun du zhugs pa lha dang mi'i nang du yan man lan bdun skyes nas yongs su mya ngan las 'da' 'o/ / lan cig phyir ldog pas ni lnga dang mir lan cig skyes nas yongs su mya ngan las 'da' 'o// phyir mi ldog pa la rnam pa lnga ste/

  281. 141b

    la las ni bar du yongs su mya ngan las 'da' ba na/ tha ma la thug gi bar du yongs su mya ngan las 'da' 'o// dgra bcom pa la rnam pa gnyis te/ da ltar dang / ma 'ongs pa'o// da ltar gyi nyon mongs pa'i lnga phung bcad do// ma 'ongs pa yang nyon mongs pa'i lnga phung gcod ngo zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ rgyun du zhugs pa nas/ dgra bcom pa'i 'bras bu de dag mngon par byang chub mi thob par/ de bzhin gshegs pas gsungs so zhes zer ro// rigs kyi bu ngas mdo sde 'di las sangs rgyas kyi rang bzhin ni dngos po drug dang ldan te/ rtag pa dang / yang dag pa dang / bden pa dang / dge ba dang / rnam par dag pa dang mthong ba'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ sems can gyi sangs rgyas kyis rang bzhin ni sems can las gzhan pa na yod par de bzhin gshegs pas gsungs so zhes zer ro/ / rigs kyi bu ngas yang 'di skad du/ sems can gyi sangs rgyas kyi rang bzhin nam mkha' dang 'dra ste/ nam mkha' ni 'das pa ma yin/ ma 'ongs pa ma yin/ da ltar ma yin/ nang ma yin/ phyi rol ma yin/ gzugs sgra dri ro reg byas bsdus pa ltar/ sangs rgyas kyi

  282. 142a

    rang bzhin yang de dang 'dra'o zhes gsungs so/ / nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du sems can gyi sangs rgyas kyi rang bzhin ni sems can las gzhan pa na yod par de bzhin gshegs pas gsungs so zhes zer ro/ / rigs kyi bu ngas yang 'di skad du/ sems can gyi sangs rgyas kyi rang bzhin ni/ dper bud med dbul mo'i khyim gyi rin po che'i gter dang / stobs po che'i dpral ba'i rin po che'i nor bu rdo rje rang / 'khor los sgyur ba'i rgyal po'i zil dngar gyi chu mig dang mtshungs so zhes gsungs so/ / nga'i nye gnas rnams kyis de skad ces gsungs pa thos nas/ nga'i dgongs pa mi shes pas 'di skad du/ sems can gyis sangs rgyas kyi rang bzhin ni sems can las gzhan pa na yod par de bzhin gshegs pas gsungs so zhes zer ro/ / rigs kyi bu ngas yang 'di skad du/ rtsa ba bzhi nyams pa dang log sred can dang / shin du rgyas pa'i mdo la skur pa dang / mtshams med pa lnga'i sdig pa byas pa la yang sangs rgyas kyi rang bzhin yod de/ sems can de dag la dge ba'i chos yod mod kyi/ sangs rgyas kyi rang bzhin ni dge ba'o zhes gsungs te/ nga'i nye gnas rnams kyis de skad ces gsungs pa thos nas/ nga'i dgongs pa mi

  283. 142b

    shes pas 'di skad du/ sems can gyi sangs rgyas kyi rang bzhin ni sems can las gzhan pa na yod par de bzhin gshegs pas gsungs so zhes zer ro// rigs kyi bu ngas yang 'di skad du/ sems can nyid sangs rgyas kyi rang bzhin no// de ci'i phyir zhe na/ sems can las gzhan pa'i pha rol na/ bla na med pa yang dag par rdzogs pa'i byang chub thob pa med de/ de bas na ngas rgyal po sde rab tu 'pham byed la bal glang gi dpe bshad pa dang / ji ltar dmus long gis bal glang gi mtshan nyid smra ba dag bal glang kho nar mi 'jebs mod kyi/ bal glang las gzhan pa ma yin pa ltar/ sems can gyi gzugs dang / rnam par shes pa'i bar du sangs rgyas kyi rang bzhin yin par smra ba yang de dang mtshungs te/ sangs rgyas kyi rang bzhin ma yin mod kyi/ sangs rgyas kyi rang bzhin ma yin pa'ang ma yin no// ji ltar ngas rgyal po la rku ba rgyud mangs kyi dpe gsungs pa ltar/ sangs rgyas kyi rang bzhin yang de dang 'dra'o zhes gsungs so// rigs kyi bu nga'i nye gnas rnams kyis de skad du gsungs pa thos nas/ nga'i dgongs pa mi shes pas rnam pa sna tshogs su 'chad do// ji ltar dmus long gis 'o ma 'dri ba ltar/ sangs rgyas kyi rang bzhin yang de dang 'dra ste/ de'i rgyu de'i rkyen

  284. 143a

    gyis la la ni rtsa ba bzhi nyams pa dang / shin tu rgyas pa'i mdo la skur pa dang / mtshams med pa lnga'i sdig byas pa dang / log sred can la sogs pa kun kyang / sangs rgyas kyi rang bzhin yod do zhes 'chad do// la las ni de dag la med do zhes 'chad do// rigs kyi bu ngas mdo sde kun las 'di skad du gsungs so// mi gcig 'jig rten na byung na mi mang po la phan par 'gyur ba dang / yul gcig na 'khor los sgyur ba'i rgyal po gnyis 'byung ba dang / 'jig rten gyi khams gcig na sangs rgyas gnyis byung ba ni de lta bu'i gnas med do/ / gling bzhi pa gcig na mgon po brgyad yod pa nas/ gzhan 'phrul dbang byed kyi bar du gnyis yod do zhes bya ba de lta bu'i gnas med do// ngas 'dzam bu'i gling na mtshams med pa'i sems can dmyal ba nas/ yar srid pa'i rtse mo la thug par gsungs te/ nga'i nye gnas rnams kyi de skad ces gsungs pa thos nas/ nga'i dgongs pa mi shes pas 'di skad du/ phyogs bcu'i sangs rgyas med par de bzhin gshegs pas gsungs te/ theg pa chen po'i mdo sde las phyogs bcu'i sangs rgyas yod par gsungs te/ rigs kyi bu de lta bu'i rtsod pa ni bcom ldan 'das kyi spyod yul yin te/ nyan thos dang rang sangs rgyas rnams kyis shes pa ma yin no// gal te gang gis de la de ltar the tsom gyis sems

  285. 143b

    skyes na/ 'on kyang ri rab tsam gyi nyon mongs pa tshad med pa snyed gzhig nus so// de la gdon mi za bar nges par skyed na de ni chags pa zhen pa zhes bya'o// 'phags pa yongs su mya ngan las 'das pa chen po'i mdo bam po sum cu rtsa lnga pa// byang chub sems dpa' 'od srungs kyis/ bcom ldan 'das la 'di skad ces gsol to/ bcom ldan 'das ji ltar na chags shing zhen pa zhes bgyi/ bcom ldan 'das kyis bka' stsal pa/ rigs kyi bu gang zag su zhig gal te gzhan las thos sam/ bdag gis mdo sde bltas te mthong ngam/ gzhan gyis bstan pa'i rjes su zhugs te/ chags pa'i dngos po rnams la gtong mi nus pa ni chags shing zhen pa zhes bya'o// 'od srungs kyis gsol pa/ bcom ldan 'das de ltar chags shing zhen pa de dge ba lags sam dge ba pa lags/ bka' stsal pa/ rigs kyi bu de ltar chags shing zhen pa de ni dge ba zhes mi bya'o/ / de ci'i phyir zhe na/ the tsom gyi dra ba gcod mi nus pa'i phyir ro// 'od srungs kyis gsol pa/ bcom ldan 'das gang zag de ni thog ma nas the tsom ma mchis na ci'i slang du the tsom gyi dra ba gcod mi nus pa zhes bgyi bka' stsal pa/ gang the tsom med pa de ni the tsom shes bya'o// gsol pa/ bcom ldan 'das gal te gang zhig rgyun du

  286. 144a

    zhugs pas ngan song gsum du mi ltung ngo zhes mchis pa de yang chags pa dang the tsom za ba zhes bgyi 'am/ rigs kyi bu de ni nges pa zhes bya ste/ the tsom zhes byar mi rung ngo / / de ci'i phyir zhe na/ rigs kyi bu dper na mi zhig sngar mi dang shing zhig mthong ste/ phyis mtshan mo song ba las/ shing du ma zhig rgyang nas mthong na/ de mi 'am shing yin snyam the tsom skye'o/ / rigs kyi bu ji ltar sngar dge slong dang kun tu rgyu ba mthong ba las/ phyis dus gcig na lam rgyang nas dge slong zhig mthong na/ dge slong ngam kun tu rgyu yin snyam the tsom skye'o/ / rigs kyi bu la la zhig sbar ba lang dang chu glang zhig mthong nas/ phyis rgyang nas ba lang zhig mthong na/ de ba lang ngam chu glang yin snyam the tsom skye'o/ / rigs kyi bu sems can thams cad ni sngar dngos po rnam gnyis mthong na phyis the tsom skyed do// de ci'i phyir zhe na/ sems kyis ma rtogs pa'i phyir ro// ngas ni rgyun du zhugs pa ngan song gsum du lhung ba dang / ngan song gsum du mi ltung ba ma bshad na/ des ci'i phyir the tsom gyi sems skye bar 'gyur/ 'od srungs kyis gsol pa/ bcom ldan 'das ji ltar bcom ldan 'das kyis gsungs pa ltar sngar mthong bas phyis the tsom du 'gyur ro/ / zhes bgyi ba kha cig ni dngos po rnam pa gnyis ma mthong bar the tsom du 'gyur ba yang ma

  287. 144b

    mchis so/ / gang zhe na/ 'di lta ste/ mya ngan las 'das pa'o// bcom ldan 'das dper na mi zhig shul du chab rnyog pa can zhig dang mjal na/ sngon ma mthong bas chu ni/ zab bam mi zab snyam the tsom 'tshal te/ des sngon ma mthong na ci'i slad du the tsom skye/ bka' stsal pa/ rigs kyi bu mya ngan las 'das pa zhes bya ba ni sdug bsngal gcod pa'o// mya ngan las 'das pa ma yin pa ni sdug bsngal lo// sems can thams cad kyis mthong ba la rnam pa gnyis te/ sdug bsngal dang / sdug bsngal ma yin par mthong ba'o// sdug bsngal dang / sdug bsngal ma yin pa zhes bya ba ni bkres pa dang / skom pa dang / grang ba dang / tsha ba dang / khro ba dang / dga' ba dang / na ba dang / bde ba dang / rgas pa dang / dar ba dang / skye ba dang / shi ba dang / bcings pa dang / dgrol ba dang / mdza' sdug pa dang bral ba dang / dgra sdang ba dang 'phrad pa ste/ sems can gyis mthong nas nam zhig de lta bu'i sdug bsngal gyis gdungs pa'i dngos po dang bral bar 'gyur snyam the tsom skyed de/ de bas na sems can gyis mya ngan las 'das pa la the tsom skye'o// khyod kyi yid la mi rig tu rtogs can thar pa mthong bar ci'i phyir the com pa zhes bya ba'i don ni nges ma yin no// de ci'i phyir chen/ mi ris spyan gnas gsam rig na mthong bar

  288. 145a

    phyir sngon ma mthong yang de la the tsom skye'o/ / gsol pa/ bcom ldan 'das mi de sngon zab pa dang mi zab pa'i gnas mthong ba'i tshe'ang the tsom ma skyes na ci'i slad du the tsom skye bar 'gyur/ bcom ldan 'das kyis bka' stsal pa/ rigs kyi bu sngon ma byiphyin pa'i phyir the tsom skye bar 'gyur te/ de bas na ma rtogs pa la the tsom skye'o zhes ngas gsungs so/ / byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das ji ltar bcom ldan 'das kyis gsungs pa ltar/ the tsom nyid chags pa lags na/ chags pa nyid the tsom lags na de gang la bgyi/ bcom ldan 'das kyis bka' stsal pa/ rigs kyi bu dge ba'i rtsa ba bcad pa la bya'o/ / 'od srungs kyis gsol pa/ bcom ldan 'das gang dag gis dge ba'i rtsa ba gcod par 'gyur/ bka' stsal pa/ rigs kyi bu gang shes rab gsal zhing dbang po rno ba bye brag la mkhas pa'i dge ba'i bshes gnyen spong zhing dam pa'i chos mi nyan/ bsam pa mi dge zhing tshul bzhin mi gnas pa de dag ni dge ba'i rtsa ba gcod par 'gyur dngos po bzhi spangs nas rang gi yid la sbyin pa dang / zang zing yang med do snyam sems so// de ci'i phyir zhe na/ sbyin pa ni nor gtong ba ste/ gal te sbyin pa

  289. 145b

    la 'bras bu rnam par smin pa yod na lha sbyin bdag de rtag tu dbul bar 'gyur ba'i rigs so/ / de ci'i phyir zhe na/ sa bon dang 'bras bu 'dra ba'i phyir te/ de bas na rgyu dang 'bras bu med par smra'o/ / de ltar rgyu dang 'bras bu med par smra ba ni/ dge ba'i rtsa ba bcad pa zhes bya'o// yang 'di snyam du sbyin pa dang / len pa dang / zang zing gsum ni mi rtag pa dang / mi sdod mi gnas so// de ltar mi sdod mi gnas na/ ci ste 'di ni sbyin pa// 'di ni len pa/ 'di ni zang zing yin no zhes smra/ de ltar len pa yang med na 'bras bu ji ltar smin par 'gyur/ don de lta bas na rgyu dang 'bras bu med do zhes smra'o// de ltar rgyu dang 'bras bu med par smra ba de ni/ dge ba'i rtsa ba gcod pa yin par rig par bya'o/ / yang 'di snyam du sbyin pa byin pa na/ dngos po rnam pa lnga yod de/ len pa des blangs nas dge ba byed dam/ mi dge ba byed na yang sbyin bdag de la dge ba dang mi dge ba'i 'bras bu rnam par smin par mi 'gyur te/ ji ltar 'jig rten gyi chos kyang sa bon las 'bras bu skyes te/ 'bras bu yang phyis sa bon du 'gyur ro// rgyu ni sbyin bdag go/ / 'bras bu ni len pa'o// de ltar len pa des dge ba dang mi dge ba'i chos kyi sbyin bdag thob par byed mi nus te/ don de lta bas na rgyu dang 'bras bu med snyam sems so//

  290. 146a

    gang de ltar rgyu dang 'bras bu med par smra ba ni/ dge ba'i rtsa ba gcod pa yin par rig par bya'o// yang 'di snyam du sbyin pa'i rdzas de ni med pa'o// de ci'i phyir zhe na/ sbyin pa'i rdzas ni lung du mi ston pa ste/ de ltar lung du mi ston pa yin na/ dge ba'i 'bras bu ji ltar rnam par smin par 'gyur/ gang dge ba dang mi dge ba'i 'bras bu med pa ni sang du ma thon pa yin no/ / de ltar rdzag lung du mi ston pa yin pas na/ dge ba dang mi dge ba'i 'bras bu rnam par smin pa med par rig go// de bas na sbyin pa yang med/ dang 'bras bu yang med do snyam sems so// gang de ltar bsam nas rgyu dang 'bras bu med par smra ba ni/ dge ba'i rtsa ba gcod pa yin par rig par bya'o// yang 'di snyam du sbyin pa ni yid yin te/ gal te yid yin na mi mthong zhing zla med pas gzugs kyi chos ma yin no// gal te gzugs kyi chos ma yin na sbyin pa byar ci zhig yod/ de bas na sbyin pa yang med rgyu yang med/ 'bras bu yang med do// gang de ltar rgyu yang med/ 'bras bu yang med par smra na/ de ni dge ba'i rtsa ba gcod pa yin par rig par bya'o// yang 'di snyam du sbyin bdag gis gal te sangs rgyas kyi gzugs sam/ lha'i gzugs sam/ tshe'i tshad dam/ pha ma 'das pa'i phyir sbyin pa med na len pa med do// gal te len pa med na 'bras bu rnam

  291. 146b

    par smin pa'ang med pa'i rigs so/ / gal te 'bras bu rnam par rdzun pa med na rgyu med par 'gyur ro// gal te rgyu med na 'bras bu med par 'gyur ro snyam sems / glang de ltar bsams nas rgyu dang 'bras bu med par smra ba ni dge ba'i rtsa ba gcod pa yin par rig par bya'o/ / yang 'di snyam du pha med ma yang med do// ci ste pha ma ni sems can gyi rgyu yin la/ sems can skyes so zhes smran/ tshul gyi rgyun mi 'chad par rtag tu skye ba'i rigs so// de ci'i phyir zhe na/ rgyu ni rtag tu yod pa'i phyir ro// de ltar rtag tu mi skye ste/ de bas na pa ma ni med pa yin par rig go snyam sems so/ / yang 'di snyam du pa yang med ma yang med do// de ci'i phyir zhe na/ gal te sems can gyi lus pa ma'i rkyen gyis yod pa zhig yin nami gcig la yang pho mo gnyis ka'i mtshan yod pa'i rigs so/ / de ltar gnyis ka med pas na/ sems can ni pha ma rkyen gyis byung ba ma yin par rig go// yang 'di snyam du pha pa'i rkyen gyis sems can skye ba ma yin te/ de ci'i phyir zhe na/ sems can dag pa ma dang mi 'dra ba yod par mthong ba ni/ 'di ltar lus dang / gzugs dang sems dang / spyod lam dang / 'gro ba dang / sdod pa ste/ de bas na pha ma ni sems can gyi rgyu ma yin no snyam sems so// yang 'di snyam du 'jig rten thams cad na med pa

  292. 147a

    rnam bzhi'o/ / 'di ltar ma skyes pa na med pa ste/ ji ltar 'jim pa gong gong po'i tshe/ rdza ma la sogs pa med pa dang / 'gags nas med pa ste/ ji ltar rdza ma chag nas med pa dang / gcig la gcig med pa ste/ ji ltar ba lang la rta med pa dang / rda la ba lang med pa dang / mthar med pa ste/ ri bong gi rA dang / rus sbal gyi spu'o/ / sems can gyi pha ma yang de dang 'dra bar med pa 'di bzhi dang mtshungs so// gal te sems can gyi rgyu ba ma yin zhes smra na/ pha ma shi ba'i tshe yang bu 'chi bar 'gyur ba ma yin te/ de bas na sems can gyi rgyu ni pha ma ma yin no snyam sems so// yang 'di snyam du gal te pha ma ni sems can gyi rgyu yin no zhes smra na/ pha ma'i rgyu las rtag tu sems can skye ba'i rigs te/ de ltar ma yin par rdzus te skye ba dang / drod gsher las skye ba yang yod do// de bas na pha ma'i rgyu las sems can skye ba ma yin par rig go snyam sems so// yang 'di snyam du rang bzhin gyi sems can yod de pha ma'i rgyu las bye ba ma yin no// dper na rma bya ni 'brug gi sgra thos nas mngal yod par 'gyur ba dang / yang ji ltar bye'u sngon po bya bo'i mchi ma 'thungs pas mngal yod par 'gyur ba dang / bya 'tsho byed kyang bya pho gar byed pa mthong nas mngal yod par 'gyur ba dang mtshungs so snyam sems te/ de ltar sems pa na dge

  293. 147b

    ba'i bshes gnyen dang ma phrad na/ de ni dge ba'i rtsa ba gcod pa yin par rig par bya'o// yang 'di snyam du 'jig rten thams cad na dge ba dang mi dge ba'i 'bras bu med do snyam sems so/ ngade ci'i phyir zhe na/ sems can dag las dge ba bcu dang ldan zhing sbyin pa byed par dga' ste/ bsod nams la brtson pa yang nad la sogs pa lus la gdung zhing gzhon dar la bab ste/ / 'chi ba dang nor la sogs pa stor te/ mya ngan dang sdug bsngal mang pos gdungs par gyur pa yod do// kha cig ni mi dge ba bcu spyod de/ 'dod chags dang / phrag dog dang / le lo dang / snyoms las byed de/ dge ba rnams mi spyod kyang lus bde zhing nad med la tshe ring ba dang / nor dang / rin po che mang ste/ mya ngan dang sdug bsngal gyis gdungs pa med pa yang yod de/ de bas na dge ba dang mi dge ba'i 'bras bu med par rig go snyam sems so// yang 'di snyam du bdag gis sngun 'phags pa rnams las 'di skad du bshad pa thos te/ mi kha cig ni dge ba spyod kyang tshe'i dus byas nas ngan song gsum du ltung ba yang mang/ kha cig ni mi dge ba spyod kyang tshe'i dus byas nas mtho ris kyi lha dang mir skye ba yang yod do zhes thos te/ de bas na dge ba dang mi dge ba'i 'bras bu med par rig go// yang 'di snyam du 'phags pa thams cad ni gnyis su smra ste/ kha cig ni srog bcad

  294. 148a

    na dge ba'i 'bras bu rnam par smin ces smra/ kha cig ni srog bcad na mi dge ba'i 'bras bu rnam par smin par 'gyur ro zhes rnam pa gnyis su smra bas te/ de bas na 'phags pa rnams kyis smras pa ni gcig tu ma nges par rig go/ / de ltar 'phags pa rnams kyang nges par ma smras na/ bdag ci'i phyir nges par smra/ de bas na dge ba dang mi dge ba'i 'bras bu med par rig go snyam sems so/ / yang 'di snyam du 'jig rten thams cad 'phags pa med do// de ci'i phyir zhe na/ gal te 'phags pa rnams kyis yang dag pa'i lam thob par gyur nas/ sems can thams cad nyon mongs pa dang bcas pa'i tshe/ yang dag pa'i lam bsgom pa des yang dag pa'i lam dang nyon mongs pa dus gcig na cig car yod pa'i rigs so/ / gal te dus gcig tu yod pa zhig yin na/ yang dag pa'i lam gyis kun nas nyon mongs pa gzhig mi nus par 'gyur ro// gal te nyon mongs pa med par yang dag pa'i lam skom na/ yang dag pa'i lam de yang dgos pa med par 'gyur te/ de bas na nyon mongs pa dang bcas pa la lam gyis gzhom mi nus la/ nyon mongs pa med na ni lamA cir yang mi dgos te/ de bas na 'jig rten thams cad na 'phags pa med par rig go snyam sems so// yang 'di snyam du ma rig pa'i rkyen gyis 'du byed nas/ bye ba'i rkyen gyis rga shi'i

  295. 148b

    bar du rten cing 'brel te byung ba bcu gnyis po de ni sems can thams cad la mtshungs 'dra bar yod do/ / 'phags pa'i lam brgyad kyang rang bzhin mnyam pas na de dang 'dra ba'i rigs te/ mi gcig gis thob pa na thams cad kyis kyang thob pa'i rigs/ mi gcig gis bsgom pa na thams cad kyi sdug bsngal 'gog pa'i rigs so// de ci'i phyir zhe na/ nyon mongs pa'i mtshungs snyam yang da ltar mi thob pa la bltas na bden pa'i las med do snyam du sems so/ / yang 'di snyam du 'phags pa la yang bus pa ma rabs dang 'thun pa'i chos yod do// 'di lta ste/ zab pa dang bcas pa dang / 'gro ba dang / sdod pa dang / 'dug pa dang / nyal ba dang / gnyid dang / dga' ba dang / dgod pa dang / bkres pa dang pa dang / grang ba dang / tsha ba dang / mya ngan dang / 'jigs pa'o// gal te bus pa ma rabs dang dngos po de dag yod par mtshungs na 'phags pa'i lam thob pa ma yin no// gal te 'phags pa'i lam thob na dngos po de lta bu dag gtan bcad pa'i rigs so// ci ste dngos po de dag ma bcad na lam med par rig go snyam sems so// yang 'di snyam du 'phags pa la lus yod de/ 'dod pa lnga'i bde ba la longs spyod cing spro ba dang / bskyeng ba dang / 'tshog brdeg kyang byed/ gzhan la phrag dog dang nga rgyal yang byed de/ sdug bsngal

  296. 149a

    dang bde ba yang myong zhing dge ba dang mi dge ba'i las kyang byed do/ / de'i rgyu de'i rkyen gyis 'phags pa med par rig go// gal te lam yod pa zhig yin na dngos po de dag spangs pa'i rigs te/ dngos po de dag ma spangs pas na lam med par rig go snyam sems so// yang 'di snyam du snying brtse ba dang ldan pa ni 'phags pa zhes bya'o// ci'i rgyu ci'i rkyen gyis 'phags pa zhes bya zhe na/ lam gyi rkyen gyis 'phags pa zhes bya ste/ gal te lam gyi rang bzhin brtse ba yin na/ de nyid kyis sems can thams cad la snying brtse bar 'gyur te/ bsgom pa las ltos pa'i mi rigs so// gal te brtse ba med na/ ci'i phyir 'phags pas 'phags pa'i lam thob pa'i rkyen gyis snying brtse bar 'gyur/ de lta bas na 'jig rten na 'phags pa'i lam med par rig go snyam sems so// yang 'di snyam du chen po bzhi'o cog ni rkyen las skye ba ma yin te/ sems can la mtshungs par yod do/ / nga chen po bzhi'i rang bzhin de ni sems can 'di la 'gro'i pha bi la mi 'gro'o snyam mi rtog go// gal te 'phags pa'i lam yod pa zhig yin la/ rang bzhin gyis de lta bu yin na yang da ltar de lta bur ma gyur pas na/ 'jig rten na 'phags pa med par rig go snyam du sems so// yang 'di snyam du gal te 'phags pa thams cad la mya ngan las

  297. 149b

    'das pa gcig pu zhig yod na 'phags pa med par rig go/ / de ci'i phyir zhe na/ dmigs su med pa'i phyir te/ rtag tu gnas pa'i chos ni chos nyid kyis dmigs su med la blang dor med pa'o/ / gal te 'phags pa rnams la mya ngan las 'das pa mang na mi rtag par 'gyur ro// de ci'i phyir zhe na/ dmigs su rung ba'i phyir ro// mya ngan las 'das pa'i gcig tu zad na/ mi gcig thob pa'i tshe thams cad kyis thob pa'i rigs so// gal te mya ngan las 'das pa mang ba zhig yin na mtha' dang bcas par 'gyur ro// ci ste mtha' dang bcas pa zhig yin na rtag pa'o zhes ci ste gdags/ gal te la las 'di skad du mya ngan las 'das pa'i ngo bo nyid ni gcig ste/ rnam par grol ba ni mang ngo // dper na gdugs gcig la khye'u so mang ba dang 'dra'o zhes smra na/ don de yang de lta ma yin no// de ci'i phyir zhe na/ so so nas thob kyi/ thams cad kyis thob pa ma yin pas mtha' dang bcas pa'i phyir yang mi rtag go/ / gal te mi rtag na ci ste mya ngan las 'das pa zhes bya// gal te mya ngan las 'das pa med na/ su zhig 'phags par 'gyur te/ de lta bas na 'phags pa med par de rig go snyam sems so// yang 'di snyam du 'phags pa'i lam ni rten cing 'brel te byung ba las thob pa ma yin no// ci ste 'phags pa'i lam

  298. 150a

    rten cing 'brel te byung ba bas thob pa yin na/ ci'i phyir thams cad 'phags par ma gyur/ gal te thams cad 'phags pa ma yin na/ 'phags pa dang 'phags pa'i lam med par rig go snyam sems so/ / yang 'di snyam du 'phags pa'i lam gyi yang dag pa'i lta ba la rgyu rkyen gnyis yod do// gang zhe na/ gzhan las chos thos pa dang rang gi nang yid la byed pa'o/ / gal te rgyu rkyen de gnyis rkyen las skyes na rkyen las skye ba de gnyis kyang rkyen las skye bar 'gyur te/ de ltar gcig gis gcig bskyed pas mthar thug pa med pa'i skyon du 'gyur ro/ / gal te dngos po de gnyis rkyen las ma skyes na/ sems can thams cad kyis ci ste ma thob snyam sems te/ gang de ltar rtogs pa de'i tshe na dge ba'i rtsa ba gcod par 'gyur ro/ / rigs kyi bu gal te sems can gang zhig gis de ltar rgyu dang 'bras bu med par shin tu lta na/ gang zag des ni dad pa la sogs pa'i rtsa ba lnga gcod par 'gyur/ ro// rigs kyi bu dge ba'i rtsa ba gcod pa ni/ dpa' bzhan pa dbang po rtul zhing rmongs pas ma yin/ lha dang ngan song gsum du skyes pas gcod pa ma yin te/ dge 'dun gyi dbyen byed pa yang de dang 'dra'o/ / byang chub sems dpa' 'od srungs kyis gsol pa/ bcom ldan 'das gang zag de nam zhig gi dus na dge ba'i rtsa ba slar skye bar 'gyur

  299. 150b

    bcom ldan 'das kyis bka' stsal pa/ rigs kyi bu gang zag des dus gnyis kyi tshe dge ba'i rtsa ba skye bar 'gyur te/ thog ma sems can dmyal bar lhung ba dang / sems can dmyal ba las byung ba'i tshe'o/ / rigs kyi bu dge ba la rnam pa gsum ste/ 'das pa dang / da ltar dang / ma 'ongs pa'o// de la 'das pa ni rang bzhin gyis 'gags pas rgyu 'gags te zad mod kyi/ 'bras bu rnam par smin pa yin te/ de bas na 'das pa'i 'bras bu bcad pa zhes mi bya'o// dus gsum gyi rgyu bcad pa ni bcad pa zhes bya'o// byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das gal te dus gsum gyi rgyu bcad pa la dge ba'i rtsa ba bcad pa zhes bgyi na/ dge ba'i rtsa ba bcad pa de nyid la sangs rgyas kyi rang bzhin mchis na/ sangs rgyas kyi rang bzhin de 'das pa lags sam/ da ltar lags sam/ ma 'ongs pa lags sam/ 'on te dus gsum kun tu khyab pa lags/ gal te 'das pa lags na ji ltar rtag pa zhes bgyi/ sangs rgyas kyi rang bzhin ni rtag par 'gyur te/ de bas na 'das pa ma lags sam/ 'on te ma 'ongs pa lags/ ji lta rtag par 'gyur/ ci ste bcom ldan 'das kyis sems can thams cad kyis gdon mi za bar 'thob bo zhes gsungs so// gal te gdon mi za bar

  300. 151a

    thob na/ ci'i slad du bcad pa zhes bgyi 'on te da ltar gyi lags na yang ji ltar rtag pa zhes bgyi/ yang ci'i slad du gdon mi za bar 'gyur ro zhes gsungs/ de bzhin gshegs pas sangs rgyas kyi rang bzhin la yang rnam pa drug mchis par gsungs te/ rtag pa dang / yang dag pa dang / bden pa dang / dge ba dang / rnam par dag pa dang / bltar rung ba dang / gal te dge ba'i rtsa ba bcad pa la sangs rgyas kyi rang bzhin mchis na/ dge ba'i rtsa ba bcad pa zhes byar mi rung ngo // gal te sangs rgyas kyi rang bzhin ma mchis na/ ci'i slad du sems can thams cad la sangs rgyas kyi rang bzhin mchis shes gsungs/ gal te sangs rgyas kyi rang bzhin mchis pa yang lags la/ bcad du yang rung na/ ci'i slad du bcom ldan 'das kyis rtag go zhes gsungs/ bcom ldan 'das kyis bka' stsal pa/ rigs kyi bu sangs rgyas bcom ldan 'das ni/ sems can gyi phyir 'dri ba'i lan btab pa la rnam pa bzhi'o/ / gang zhe na/ nges par lan btab pa dang / rnam par phye ste lan btab pa dang / ji ltar dris pa de ltar ldan btab pa dang bzhag nas lan mi 'debs pa'o/ / rigs kyi bu de la ji ltar na nges par lan btab pa zhe na/ gal de las ngan pa byed pas dge ba'i 'bras bu thob bam/ mi dge ba'i 'bras bu thob

  301. 151b

    ces 'drin/ de la ni nges par mi dge ba'i 'bras bu thob pa zhes lan 'debs te/ dge ba yang de bzhin no// gal te de bzhin gshegs pa la thams cad mkhyen pa'i ye shes mnga' ba in+da nam ma yin zhes 'dzin/ de la ni nges par thams cad mkhyen pa yin no zhes lan 'debs so// gal te gang gis sangs rgyas kyi chos rnam par dag pa yin nam zhes 'dri na/ de la ni nges par rnam par dag pa yin no zhes lan 'debs so/ / gal te gang gis sangs rgyas kyi nye gnas rnams chos bzhin du gnas pa yin nam zhes 'dri na/ de la ni nges par chos bzhin du gnas pa yin no zhes lan 'debs pa de ni nges par lan btab pa zhes bya'o/ / rnam par phye nas lan btab pa gang zhe na/ ji ltar ngas bden pa bzhi gsungs pa ste/ bzhi gang zhe na sdug bsngal dang / kun 'byung dang / 'gog pa dang / lam mo// de la sdug bsngal gyi bden pa gang zhe na/ sdug bsngal rnam pa brgyad yod pa'i phyir/ sdug bsngal gyi bden pa zhes bya'o/ / kun 'byung gi bden pa gang zhe na/ lnga phung gi rgyu yod pa'i phyir/ kun 'byung gi bden pa zhes bya'o// 'gog pa'i bden pa gang zhe na/ 'dod chags dang zhe sdang dang / gti mug mthar ma lus par 'gags pa ni 'gog pa'i bden pa zhes bya'o// lam gyi bden pa gang zhe na/ byang chub kyi phyogs sum cu rtsa bdun ni lam gyi bden pa'o/

  302. 152a

    zhes bya ba ni rnam par phye nas lan btab pa zhes bya'o// de la ji ltar na ji ltar dris pa de ltar lan btab pa zhe na/ ji ltar ngas chos thams cad mi rtag go zhes bshad pa bzhin te/ yang la las 'di skad du sangs rgyas bcom ldan 'das kyis chos gang gi phyir mi rtag pa gsungs shes dris na/ de la ni de bzhin gshegs pas 'dus byas kyi chos kyi phyir mi rtag go zhes bshad de/ bdag med pa yang de bzhin no// ji ltar ngas chos thams cad ni tshig pa'o zhes gsungs pa las/ gzhan zhig gis de bzhin gshegs pas chos gang gi phyir/ chos thams cad tshig par gsungs shes dris na/ de la ni de bzhin gshegs pas 'dod chags dang / zhe sdang dang / gti mug gi phyir thams cad tshig par gsungs so zhes lan 'debs so/ / rigs kyi bu de bzhin gshegs pa'i stobs bcu dang / mi 'jigs pa bzhi dang / byams pa chen po dang / thugs rje chen po dang / dran pa nye bar gzhag pa gsum dang / dpa' bar 'gro ba la sogs pa ting nge 'dzin gyi rnam grangs bye ba phrag brgyad khri rnams dang / mtshan sum cu rtsa gnyis dang / dpe byad bzang po brgyad cu dang / ye shes kyi phyag rgya lnga la sogs pa ting nge 'dzin gyi rnam grangs sum khri lnga stong rnams dang / rdo rje lta bu'i ting nge 'dzin la sogs pa ting nge 'dzin gyi rnam grangs

  303. 152b

    bzhi stong lnga brgya rnams dang / thabs kyi ting nge 'dzin tshad med pa mtha' yas pa snyed dang / de lta bu la sogs pa'i chos ni de bzhin gshegs pa'i sangs rgyas kyi rang bzhin no// de ltar sangs rgyas kyi rang bzhin de ni dngos po rnam pa bdun dang ldan te/ rtag pa dang / bdag dang / bde ba dang / yongs su dag pa dang / yang dag pa dang / bden pa dang / dge ba ste/ de ni rnam par phye nas lan btab pa zhes bya'o// rigs kyi bu byang chub sems dpa' tshe gcig gis thogs pa'i sangs rgyas kyi rang bzhin ni rnam pa drug dang ldan te/ rtag pa dang / yongs su dag pa dang / yang dag pa dang / bden pa dang / dge ba dang / cung zad mthong ba ste/ de ni rnam par phye nas lan btab pa zhes bya'o// ji ltar khyod kyis sngar dge ba'i rtsa ba bcad pa de la sangs rgyas kyi rang bzhin yod dam zhes dris pa ni/ de la de bzhin gshegs pa'i sangs rgyas kyi rang bzhin yang yod/ byang chub sems dpa' skye ba gcig gis thogs pa'i sangs rgyas kyi rang bzhin yang yod de/ sangs rgyas kyi rang bzhin de gnyis kyis ma 'ongs pa la sgrib pa'i phyir med pa zhes bya'o// mthar gdon mi za bar thob pa'i yod pa zhes byaste/ de ni rnam par phye nas lan btab pa zhes bya'o// de bzhin gshegs pa'i sangs rgyas kyi rang bzhin ni 'das pa ma yin/ de skar ma yin/ ma 'ongs pa ma yin/

  304. 153a

    skye ba gcig gis thogs pa'i sangs rgyas kyi rang bzhin ni/ da ltar dang ma 'ongs pa'i dus na cung zad mthong ba'i phyir da ltar zhes bya'o// rdzogs par ma mthong ba'i phyir ma 'ongs pa zhes bya'o/ / de bzhin gshegs pas bla na med pa yang dag par rdzogs pa'i byang chub ma thob pa na/ sangs rgyas kyi rang bzhin ni 'das pa dang / da ltar dang / ma 'ongs pa zhes kyang bya ste/ 'bras bu ni de lta ma yin te/ dus gsum yin pa yang yod/ dus gsum ma yin pa yang yod do// skye ba gcig gis thogs pa'i byang chub sems dpa' sangs rgyas kyi rang bzhin gyi rgyu ni 'das pa dang / da ltar dang / ma 'ongs pa yin te/ 'bras bu yang de dang 'dra'o// de ni rnam par phye ste lan btab pa zhes bya'o// byang chub sems dpa' sa dku'i sangs rgyas kyi rang bzhin ni rnam pa drug ste/ rtag pa dang / dge ba dang / yang dag pa dang / bden pa dang / yongs su dag pa dang / bltar yod pa'o// de ltar sangs rgyas kyi rang bzhin gyi rgyu ni 'das pa dang / da ltar dang / ma 'ongs pa yang yin la/ 'bras bu yang de bzhin te/ de ni rnam par phye nas lan btab pa zhes bya'o// byang chub sems dpa' sa brgyad pa nas/ sa drug pa'i bar gyi sangs rgyas kyi rang bzhin ni rnam pa lnga ste/ yang dag pa dang / bden pa dang / yongs su dag pa dang / dge ba

  305. 153b

    dang bltar rung ba ste/ de yang sangs rgyas kyi rang bzhin rgyur gyur pas 'das pa dang / da ltar dang / ma 'ongs pa yang yin la/ 'bras bu yang de dang 'dra ste/ de ni rnam par phye nas lan btab pa zhes bya'o// byang chub sems dpa' sa lnga pa nas/ sa dang po yan chad kyi sangs rgyas kyi rang bzhin ni rnam pa lnga ste/ yang dag pa dang / bden pa dang / yongs su dag pa dang / bltar rung ba dang / dge ba dang / mi dge ba'o// rigs kyi bu sangs rgyas kyi rang bzhin lnga pa de dang / sangs rgyas kyi rang bzhin drug pa dang / sangs rgyas kyi rang bzhin bdun pa de ni dge ba'i rtsa ba bcad pas gdon mi za bar thob pa'i phyir yod pa zhes bya ste/ de ni rnam par phye nas lan btab pa zhes bya'o// de la gang gis 'di skad du dge ba'i rtsa ba bcad pa la nges par sangs rgyas kyi rang bzhin yod dam/ nges par sangs rgyas kyi rang bzhin med ces dri ba la ni bzhag ste lan mi btab bo// byang chub sems dpa' 'od srungs kyis gsol pa/ bcom ldan 'das bdag gis thos pa lan mi 'debs pa la ni bzhag ste lan mi 'debs pa zhes bgyi na/ deng de bzhin gshegs pas tsa'i rgyu ci'i rkyen gyis lan btab pa la bzhag ste lan ma btab pa'o zhes gsungs/ bcom ldan 'das kyis bka' stsal pa/ rigs kyi ru ngas bzhag ste lan ma btab pa la

  306. 154a

    bzhag ste san ma btam pa'o zhes ma gsungs so/ / rigs kyi bu bzhag ste lan btab bde la rnam pa gnyis te/ bzlog padang / chag sa pa te/ don de/ bas na gzhag ste lan btab pa zhes bya'o// byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das ji ltar bcom ldan 'das kyis gsungs pa ltar/ ji ltar na rgyu la 'das pa dang / da ltar dang / ma 'ongs pa zhes kyang bgyil/ 'bras bu yang 'das pa dang / da ltar dang / ma 'ongs pa yang lags la/ 'das pa dang / da ltar dang / ma 'ongs pa yang ma lags so zhes bgyi/ bcom ldan 'das kyis bka' stsal pa/ rigs kyi bu phung po lnga la rnam pa gnyis te/ rgyu dang / 'bras bu'o// rgyu'i phung po lnga ni 'das pa dang / da ltar dang / ma 'ongs pa yang yin no// 'bras bu'i phung po lnga ni 'das pa dang / da ltar dang / ma 'ongs pa yang yin la/ 'das pa dang / da ltar dang / ma 'ongs pa yang ma yin no// rigs kyi bu ma rig pa'i kun nas nyon mongs pa thams cad ni sangs rgyas kyi rang bzhin yin no/ / de ci'i phyir zhe na/ sangs rgyas kyi rang bzhin gyi rgyur 'gyur ba'i phyir te/ ma rig pa dang 'du byed la sogs pa nyon mongs pa rnams las dge ba'i phung po lnga thob pas

  307. 154b

    sangs rgyas kyi rang bzhin zhes bya'o/ / dge ba'i phung po lnga las bla na med pa yang dag par rdzogs pa'i byang chub kyi bar du thob par 'gyur bas/ de bas na ngas mdo sde las sngar sems can gyi sangs rgyas kyi rang bzhin ni khrag dang 'o mar 'dres pa dang 'dra'o zhes gsungs so/ / khrag ces bya ba ni ma rig pa dang 'du byed la sogs pa nyon mongs pa rnams so// 'o ma zhes bya ba ni dge ba'i phung po lnga ste/ de bas na ngas nyon mongs pa rnams dang dge ba'i phung po lnga las/ bla na med pa yang dag par rdzogs pa'i byang chub thob par 'gyur te/ ji ltar sems can gyi lus ni khu ba dang khrag las gyur pa ltar/ sangs rgyas kyi rang bzhin yang de dang 'dra'o// rgyun du zhugs pa dang lan cig phyir ldog pas nyon mongs pa cung zad chod pa'i phyir/ sangs rgyas kyi rang bzhin 'o ma dang mtshungs so// phyir mi ldog pa'i sangs rgyas kyi rang bzhin ni zho dang mtshungs so// dgra bcom pa'i sangs rgyas kyi rang bzhin ni mar dang mtshungs so/ / rang sangs rgyas nas/ byang chub sems dpa' sa bcu pa'i bar gyi sangs rgyas kyi rang bzhin ni zhun mar dang mtshungs so// de bzhin gshegs pa'i sangs rgyas kyi rang bzhin mar gyi snying khu dang mtshungs te/ rigs kyi bu da ltar gyi nyon mongs pas bsgribs pa'i phyir mi mthong ngo // dper na ri spos kyi ngad can la rtswa bzod pa zhes

  308. 155a

    bya ba yod pa de la ba glang thams cad kyis mi zos pa ltar/ sangs rgyas kyi rang bzhin yang de dang 'dra ste/ de ni rnam par phye nas lan btab pa zhes bya'o/ / dbyang chub sems dpa' 'od srungs kyis gsol pa/ bcom ldan 'das sangs rgyas kyi rang bzhin rnam pa lnga dang / drug dang / bdun te/ gal te ma 'ongs pa la mchis pa zhig lags na/ dge ba'i rtsa ba bcad pa'i mi la sangs rgyas kyi rang bzhin mchis shes bgyir rung ngam/ bcom ldan 'das kyis bka' stsal pa/ rigs kyi bu ji ltar sems can rnams la sngon gyi las yod pas/ las de'i rgyus na da ltar tshe 'di la 'bras bu rnam par smin par 'gyur ro// ma 'ongs pa'i las yod pa ma skyes pa'i phyir 'bras bu mi skye'o/ / da ltar gyi nyon mongs pa yod de/ gal te nyon mongs pa med na sems can thams cad kyis sangs rgyas kyi rang bzhin da ltar mngon par mthong ba'i rigs te/ de bas na dge ba'i rtsa ba bcad pa'o mi ni da ltar gyi dus kyi nyon mongs pa'i rkyen gyis dge ba'i rtsa ba bcad kyang / ma 'ongs pa'i sangs rgyas kyi rang bzhin gyi mthus dge ba'i rtsa ba phyir yang rtse bar 'gyur ro// 'od srungs kyis gsol pa/ bcom ldan 'das ma 'ongs pas ji ltar dge ba'i rtsa ba bskyed par 'gyur/ rigs kyi bu dper na sgron me dang nyi ma byung yang mun pa bsal bar nus te

  309. 155b

    ma 'ongs pa'i sangs rgyas kyi rang bzhin gyis sems can gyi ma 'ongs pa'i sangs rgyas kyi rang bzhin skye bar byed pa yang de dang 'dra ste/ de ni rnam par phye nas lan btab pa zhes bya'o// byang chub sems dpa' 'od srungs kyis gsol pa/ bcom ldan 'das gal te phung po lnga sangs rgyas kyi rang bzhin lags na/ ci'i slad du sems can gyi sangs rgyas kyi rang bzhin ni nang na ma yin/ phyi rol na ma yin zhes gsungs/ bcom ldan 'das kyis bka' stsal pa/ rigs kyi bu khyod ci'i phyir de ltar yid dgol bar gyur/ ngas sngar sems can gyi sangs rgyas kyi/ rang bzhin ni lam dbu ma yin no zhes ma gsungs sam/ 'od srungs kyis gsol pa/ bcom ldan 'das bdag gis ni yid ma gol mod kyi sems can dag lam dbu ma 'di la shes par mi nus pas/ de'i slad du 'di ltar zhus pa lags so// rigs kyi bu gang sems can gyis mi shes pa de ni lam dbu ma yin te/ de la shes pa yang yod la/ mi shes pa yang yod do/ / rigs kyi bungs sems can mi shes pas shes par bya ba'i phyir/ sangs rgyas kyi rang bzhin nang na ma yin/ phyi rol na ma yin zhes gsungs so// de ci'i phyir zhe na/ sems can ma rabs so so'i skye bor gyur pa dag gis la la ni sangs rgyas kyi rang bzhin phung po lnga'i nang na gnas te/ ji ltar snod kyi nang na shing thog yod pa dang

  310. 156a

    mtshungs so zhes zer/ la la ni 'di skad du phung po las gzhan pa na yod de/ dper na nam mkha' stong pa dang mtshungs so zhes zer te/ de bas na de bzhin gshegs pas lam dbu ma gsungs so/ / sems can gyi sangs rgyas kyi rang bzhin ni nang gi skye mched drug ma yin/ phyi rol gyi skye mched drug ma yin te/ phyi nang 'dus pa las lam dbu ma zhes bya ste/ de'i phyir de bzhin gshegs pas sangs rgyas kyi rang bzhin nyid lam dbu ma'o zhes gsungs so// nang na ma yin/ phyi rol na ma yin pa de ni dbu ma zhes bya ste/ de ni rnam par phye nas lan btab pa zhes bya'o// gzhan yang rigs kyi bu ji ltar na nang na ma yin/ phyi rol na ma yin zhe na/ rigs kyi bu kha cig ni 'di skad du sangs rgyas kyi rang bzhin nyid ni mu stegs can zhes bya'o/ / de ci'i phyir zhe na/ byang chub sems dpa' sems dpa' chen pos bskal pa tshad med pa'i bar du mu stegs can gyi chos kyis nyon mongs pa rnams gcod cing sems rab tu btul te sems can gyi don byas nas/ gdod bla na med pa yang dag par rdzogs pa'i byang chub thob par 'gyur te/ de bas na sangs rgyas kyi rang bzhin ni mu stegs can yin no zhes smra'o/ / kha cig ni 'di skad du sangs rgyas kyi rang bzhin ni nang gi slob pa la zhugs pa ste/ de ci'i phyir zhe na/ byang chub sems

  311. 156b

    dpa' bskal pa tshad med pa'i bar du mu stegs can gyi chos bsgom du zin kyang / gal te nang gi chos spangs nas bla na med pa yang dag par rdzogs pa'i byang chub thob par mi 'gyur te/ de bas na sangs rgyas kyi rang bzhin nyid nang gi slob pa la zhugs pa yin no zhes smra'o/ / de bas na de bzhin gshegs pas mtha' gnyis las bzlog pa'i phyir/ sangs rgyas kyi rang bzhin ni nang na ma yin/ / phyi rol na ma yin la/ phyi dang nang yin no zhes kyang gsungs te/ de la lam dbu ma zhes bya'o// gzhan yang rigs kyi bu kha cig ni 'di skad du/ sangs rgyas kyi rang bzhin nyid de bzhin gshegs pa'i rdo rje lta bu'i sku mtshan sum cu rtsa gnyis dang / dpe byad bzang po brgyad cu yin no zhes smras te/ de ci'i phyir zhe na/ mi slu ba'i phyir ro/ / yang 'di skad du sangs rgyas kyi rang bzhin ni stobs bcu dang / mi 'jigs pa bzhi dang / byams pa chen po dang / snying rje chen po dang / dran pa nye bar bzhag ba gsum dang / dpa' bar 'gro ba'i ting nge 'dzin la sogs pa ting nge 'dzin thams cad yin no// de ci'i phyir zhe na/ ting nge 'dzin de dag las rdo rje lta bu'i sku mtshan sum cu gnyis dang / dpe byad bzang po brgyad cus brgyan pa skye bar 'gyur ro zhes smras te/ de bas na de bzhin gshegs pas mtha' gnyis las bzlog pa'i phyir/ sangs rgyas kyi rang

  312. 157a

    bzhin ni nang na ma yin/ phyi rol na ma yin la/ nang dang pha rol yang yin no zhes gsungs te/ de ni lam dbu ma zhes bya'o// gzhan yang rigs kyi kha cika ni 'di skad du/ sangs rgyas kyi rang bzhin ni nang na shin tu yid la byed pa yin no// de ci'i phyir zhe na/ nang nA shin tu yid la byed pa spangs pa'i pha rol na/ bla na med pa yang dag par rdzogs pa'i byang chub thob par mi nus te/ de bas na sangs rgyas kyi rang bzhin ni nang na shin tu yid la byed pa yin no zhes smra'o// kha cig ni 'di skad du/ sangs rgyas kyi rang bzhin ni gzhan las chos thos pa yin no/ / de ci'i phyir zhe na/ gzhan las chos thos pas nang na shin tu yang yid la byed par 'gyur te/ gal te chos ma thos na yid la byed par mi 'gyur te/ de lta bas na sangs rgyas kyi rang bzhin ni gzhan las chos thos pa yin no zhes smra'o// de bas na de bzhin gshegs pas mtha' gnyis las bzlog pa'i phyir/ sangs rgyas kyi rang bzhin ni nang ma yin/ phyi rol ma yin la/ nang dang phyi rol zhes kyang gsungs te/ de ni lam dbu ma zhes bya'o// gzhan yang rigs kyi bu kha cig ni 'di skad du/ sangs rgyas kyi rang bzhin ni phyi rol yin te/ sbyin pa'i pha rol tu phyin pa yin no// sbyin pa'i pha rol tu phyin pa las/ bla na med pa yang dag par rdzogs pa'i

  313. 157b

    byang chub thob par 'gyur/ de lta bas na sbyin pa'i pha rol tu phyin pa ni sangs rgyas kyi rang bzhin no zhes smra'o// kha cig ni 'di skad du/ sangs rgyas kyi rang bzhin ni nang yin te/ de yang pha rol tu phyin pa lhag ma yin no zhes smra'o// de ci'i phyir zhe na/ dngos po de lnga spangs pa'i pha rol na/ sangs rgyas kyi rang bzhin gyi rgyu dang 'bras bu zhes bya ba med par shes te/ de lta bas na pha rol tu phyin pa lnga ni sangs rgyas kyi rang bzhin no zhes smra'o// de bas na de bzhin gshegs pas mtha' gnyis las bzlog pa'i phyir/ sangs rgyas kyi rang bzhin ni nang ma yin/ phyi rol ma yin la/ nang dang phyi rol yang yin no zhes gsungs pa la ni lam dbu ma zhes bya'o// gzhan yang rigs kyi bu kha cig ni 'di skad du/ sangs rgyas kyi rang bzhin ni nang na gnas te/ dper na stobs po che'i dpral ba'i nor bu rin po che dang mtshungs so// de ci'i phyir zhe na/ rtag pa dang bde ba dang / bdag dang / yongs su dag pa ni nor bu dang mtshungs te/ de bas na sangs rgyas kyi rang bzhin ni nang na yod do zhes smra'o// kha cig ni 'di skad du/ sangs rgyas kyi rang bzhin ni phyi rol na yod de/ dper na dbul po'i rin po che'i gter yod pa dang mtshungs so// de ci'i phyir zhe na/ thabs kyis mthong bar 'gyur ba'i phyir te/

  314. 158a

    sangs rgyas kyi rang bzhin yang de dang 'dra bar sems can gyi pha rol na yod de/ thabs kyis mthong bar 'gyur ro zhes smra'o// de bas na de bzhin gshegs pas mtha' gnyis las bzlog pa'i phyir/ sangs rgyas kyi rang bzhin ni nang na ma yin/ phyi rol na ma yin la/ nang dang phyi rol kyang yod do zhes gsungs te/ de ni dbu ma'i lam zhes bya'o/ / rigs kyi bu sems can gyi sangs rgyas kyi rang bzhin ni yod pa ma yin/ med pa yang ma yin no// de ci'i phyir zhe na/ sangs rgyas kyi rang bzhin yod mod kyi/ nam mkha' dang 'dra ba ni ma yin no// de ci'i phyir zhe na/ 'jig rten nam mkha' stong pa ni thabs mkhas pa tshad med pa byas kyang dmigs su med de/ sangs rgyas kyi rang bzhin ni dmigs su yod pas/ de'i phyir yod mod kyi/ nam mkha' stong pa dang mtshungs pa ni ma yin no// sangs rgyas kyi rang bzhin med mod kyi/ ri bong gi rwa dang mtshungs pa ma yin te/ de ci'i phyir zhe na/ rus sbal gyi spu dang / ri bong gi rwa ni thabs tshad med pa rnam pa sna tshogs kyis kyang skye bar mi nus te/ sangs rgyas kyi rang bzhin ni skye bar nus pas/ de'i phyir med mod kyi/ ri bong gi rwa dang mi mtshungs so// de bas na sangs rgyas kyi rang bzhin ni yod pa ma yin// med pa ma yin la/ yod pa dang med pa

  315. 158b

    yang yin no/ / ji ltar na yod pa zhe na/ thams cad la yod pa'i phyir sems can rnams kyis gcod pa 'am/ dgag par mi nus te/ me mar gyi me lce dang 'dra bar bla na med pa yang dag par rdzogs pa'i bar du thob par 'gyur te/ de bas na yod pa zhes bya'o// ji ltar na med ce na/ sems can thams cad la da ltar sangs rgyas kyi chos thams cad kyi rtag pa dang / bde ba dang / bdag dang / yongs su dag pa da ltar gyi dus na med pa'i phyir med pa zhes bya'o// yod pa dang med pa 'dus pa la ni dbu ma zhes bya'o// de bas na sems can gyi sangs rgyas kyi rang bzhin ni yod pa ma yin/ med pa ma yin no zhes bcom ldan 'das kyis gsungs so// rigs kyi bu mi la las 'di skad du/ sa bon gyi nang na 'bras bu yod dam med ces 'drin/ nges par yod ces kyang bya la/ med ces kyang lan gdab bo// de ci'i phyir zhe na/ sa bon spangs pa'i pha rol na 'bras bu skye bar mi 'gyur te/ de bas na yod ces bya'o// sa bon la ni myu gu ma byung bas med ces byaste/ de lta bas na yod pa zhes kyang bya la/ med pa zhes kyang bya'o// de ci'i phyir zhe na/ dus kyi tha dad mod kyi/ ngo bo nyid ni gcig ste/ de bzhin du sangs rgyas kyi rang bzhin yang de dang 'dra ste/ gal te sems can las gzhan pa na/ sangs

  316. 159a

    rgyas kyi rang bzhin yod do zhes bya ba de ni de ltar mi rung ngo / / de ci'i phyir zhe na/ sems can nyid sangs rgyas kyi rang bzhin la/ sangs rgyas kyi rang bzhin nyid sems can yin te/ dus tha dad pa'i phyir rnam par dag pa dang ma dag pa yod du zad do// rigs kyi bu gal te la la zhig gis 'di skad du/ sa bon gyis 'bras bu skye bar nus sam/ 'bras bus skye bar nus shes 'dri na/ de la ni 'di skad du skye ba yang yin na/ mi skye ba yang yin no zhes lan btab bo// gsol pa/ bcom ldan 'das dper na 'jig rten pas 'o ma'i nang na zho mchis so zhes bgyi ba'i don ji lta bu lags/ bka' stsal pa/ rigs kyi bu gal te gang gis 'o ma'i nang na zho yod do zhes zer ba ni zhen pa'o// gang zho med do// zhes smra ba ni rdzun du smra ba'o// dngos po de gnyis ma gtogs par yod ces kyang bya la/ med ces kyang bya'o zhes nges par smra'o// de ci'i phyir zhe na/ 'o ma la zho 'byung ste/ rgyu ni 'o ma/ 'bras bu ni zho ste/ de bas na yod ces bya'o// ji ltar na med ce na/ dbyibs dang ro tha dad de/ bzung ba dang spyod pa mi mtshungs so// tsha ba'i nad la ni 'o ma gtong / 'khru ba'i nang la ni zho gtong ngo // 'o ma ni grang nad skye bar byed/ zho ni tsha ba'i nad slong bar byed do// rigs kyi bug pa ni skad du/ 'o ma'i nang na no'i rang bzhin

  317. 159b

    yod do zhes sman/ 'o ma nyid no yin la/ no nyid 'o sate/ rang bzhin gcig tu 'gyur na/ ci'i rtswa ci'i rkyen gyis 'o masngar 'byung la/ zho sngar mi 'byung gal te rgyu dang rkyen yod na/ ci'i phyir 'jig rten pa thams cad kyis sngar ma smras/ gal te rgyu dang rkyen med na ci'i phyir zho sdar ma byung / de ltar no sngar ma byung bas na/ 'o ma dang / zho dang mapar dang / zhun mar dang / mar gyi snying po zhes go rims sus byas/ de bas na zho ni thog ma med pa la da yod pa yin par rig par bya'o// gal te thog ma med la da yod pa zhig na mi rtag pa'i chos su 'gyur ro/ / rigs kyi bu gang zhig 'di skad du/ 'o ma la zho'i rang bzhin yod pas zho 'byung bar 'gyur gyi/ chu dang rtswa la zho'i rang bzhin med pas zho mi 'byung ngo zhes smra na/ de yang de ltar ma yin no// de ci'i phyir zhe na/ chu dang rtswa la 'o ma dang yang zho'i rang bzhin yod do// gang zhe na/ chu dang rtswa las 'o ma dang zho 'byung ste/ gang gis 'di skad du/ 'o ma'i nang na ni nges par zho'i rang bzhin yod la/ chu dang rtswa la med do zhes smran/ de ni brdzun du smra ba yin no// de ci'i phyir zhe na/ sems mi mnyam pa'i phyir brdzun du smra ba zhes bya'o/ / rigs kyi bu gal te la la zhig gis 'o ma'i nang na ni nges par zho yod do zhes smra na/ zho'i nang na yang nges par 'o ma 'byung ba'i rigs na

  318. 160a

    'i rnaMm can gyi ma lanan 'phrunganamapan rlom sa 'gyukA d+he rgyu dang sbyin medan/ na dgas medus so pa smye/ debs na mkhas pa dag ni 'di skad du/ 'o ma'i nang na zho'i rlung bzhin yod pa yang ma yin/ maud pa sa ma yin no zhes smra'o// rigs kyi dri de bzhin gshegs pas mdo 'di las nga mang/ sems can la nges par sangs rgyas kyi rang bzhin yong du zhes gyur/ de ni zhen pa zhes du'o// med do zhes smran/ de ni rdzun du lA ba zhes rgya/ mkhas pa shes can dag gis ni sangs rgyas kyi rang bzhin yod pa yang ma yin/ med pa yang ma yin no zhes smra bar bya'o// rigs kyi bu dngos po bzhi 'dus pa las mig gi rnam par shes pa rtse na bani gang zhe na/ mig dang / gzugs dang / sdang ba dang / chags paste/ srog gi rnam par shes pa'i rang bzhin de ni ma yin/ gzugs pa yin/ snga sbyin+da/ rtags pa ma yin yang 'dus pa la m+b+ha k+She bar 'gyur te/ de sbyar sdig gi rnam par shes pa ni thog ma med lang yod par gyur no// sod nas kyang byir med par 'gyu sa don phyir thos ma'i rang bzhin zhes bya ba med par rig / de bzhin du'i ma'i nang duba'i rang bzhin yod pa yang de dang 'dra'o// gangasasapa 'di nang du rgya man

  319. 160b

    me na pa 'byung / / 'o ma nang na nges par po'i rang badzin yod de skyes zer na/ deyang de ltar minang ngo // deci phyir narim rtsenu chas rnam sam byung sa na/ / / skyer nga // sa sa san nga na pa / / nga du du / / na na na ma mcho sa

  320. 161a

    bar gyur tam/ gang yang 'di skad du/ lan tshwa mi bro ba thams cad lan tshwa'i rang bzhin yod de/ shas chung bas mi shes kyis/ shas cung zad yod pa'i rang bzhin des na/ lan tshwas lan tshwa bro bar byed do// gal te thog ma nas rang bzhin med na/ lan tshwa yod du zin kyang lan tshwa bro bar mi 'gyur te/ dper na sa bon nyid la chen po bzhi yod pas/ phyi rol gyi chen po bzhi'i rkyen gyis myu gu dang / sdong bu dang / yal ga dang / lo ma skye bar 'gyur ba ltar/ lan tshwa'i rang bzhin yang de dang 'dra'o/ zhes smra na/ de yang de ltar mi rung ngo // de ci'i phyir zhe na/ lan tshwa mi bro ba la thog ma nasA lan tshwa'i rang bzhin yod na/ lan tshwa la yang lan tshwa mi bro ba'i shas yod pa'i rigs so/ / gal te lan tshwa de la de ltar rang bzhin gnyis yod na/ ci'i phyir lan tshwa mi bro ba'i dgos par spyod par gyur/ de bas na lan tshwa la thog ma nas rang bzhin gnyis med par shes te/ ji ltar lan tshwa dang 'dra bar lan tshwa mi bro ba thams cad kyang de dang 'dra'o// gal te phyi rol gyi chen po bzhi'i mthus nang gi chen po bzhi skye bar 'gyur ro zhes bya ba de yang de ltar mi rung ngo / / de ci'i phyir zhe na/ thabs mkhas pa ma yin gyi/ rim gyis bshad pa'i phyir ro// 'o ma las zho 'byung ba nas/ mar gyi bar du chos thams cad

  321. 161b

    kyang thabs med par 'grub pa med pa ltar/ chen po bzhi yang de dang 'dra'o// de ltar phyi rol gyi chen po bzhi las nang gi chen po bzhi skyes na/ ci'i phyir nang gi chen po bzhi la phyi'i chen po bzhi skye bar mi mthong / dper na shing thog shi ri sha zhes bya ba dang mtshungs te/ dbyibs med snying po med mod kyi/ skar ma pa wa sangs mthong ba na 'bras bu sor lnga skye bar 'gyur te/ de ltar 'bras bu de dang yang dag par phyi rol gyi chen po bzhi las skyed pa ma yin no// rigs kyi bu ji ltar ngas mdo sde bcu gnyis gsungs pa yang / la la ni bdag gi yid dang sbyar te bshad/ / la la ni gzhan gyi yid dang sbyar te bshad/ la la ni bdag dang gzhan gyi yid dang sbyar de bshad do// de la ji ltar na bdag gi yid dang sbyar te bshad pa zhe na/ ji ltar dge slong lnga brgyas shA ri'i bu la 'di skad dris pa dang 'dra ste/ btsun pa bcom ldan 'das kyi lus kyi rgyur gsungs pa ji lta bu lags/ shA ri'i bus smras pa/ btsun pa khyed so so nas yang dag pa'i rnam par grol ba thob pas shes pa'i rigs/ ci'i rkyen gyis de skad ces 'dri/ de la dge slong kha cig ni 'di skad du/ btsun pa bdag yang dag pa'i rnam par grol ba mthob pa na 'di snyam du/ ma rig pa ni lus kyi cu'o snyam bsams te/ de ltar yid la byed pa na dgra bcom pa'i 'bras bu thob par gyur to// de la kha cig ni 'di

  322. 162a

    skad du/ btsun pa bdag yang dag pa'i rnam par grol ba ma thob na/ sred pa dang ma rig pa ni lus kyi rgyu'o snyam bsams te/ de ltar yid la byed pa na dgra bcom pa'i 'bras bu thob par gyur to/ / de la kha cig ni 'di skad du/ 'du byed dang / rnam par shes pa dang / ming dang gzugs dang / drug gi skye mched dang / reg bya dang / tshor ba dang / sred pa dang / len pa dang / srid pa dang / skye ba dang / bza' ba dang bca' ba dang / 'dod pa lnga ni lus kyi rgyu yin no snyam sems so// de nas dge slong lnga brgya po so so nas bdag bdag gi shes pa smras nas/ bcom ldan 'das gang na bar dong ste/ bcom ldan 'das kyi zhabs la phyag 'tshal nas g.yas su lan gsum bskor te/ phyag byas zin nas phyogs gcig tu 'khod de/ so so nas ji ltar bdag bdag gis rig pa'i don/ bcom ldan 'das la gsol ba dang / de nas shA ri'i bus/ bcom ldan 'das la gsol pa/ bcom ldan 'das dge slong de dag las gang ni yang dag par smra ba lags/ gang ni yang dag par mi smra ba lags/ bcom ldan 'das kyis bka' sprul pa shA ri'i bu legs so legs so/ / dge slong dag ni yang dag par ma spras pa gcig kyang med do// shA ri'i bus gsol pa/ bcom ldan 'das bcom ldan 'das kyis thugs la rtsa

  323. 162b

    dgongs/ bcom ldan 'das kyis bka' stsal pa/ shA ri'i bu ngas 'dod pa'i khams kyi sems can rnams kyi phyir/ pha ma ni lus kyi rgyu yin no zhes gsungs te/ de ltar mdo/ sde gsungs pa de ni bdag gi yid dang sbyar te bshad pa zhes bya'o// de la ji ltar na gzhan gyi yid dang sbyar te bshad pa zhe na/ dper khyim bdag pa tA la zhes bya ba/ nga gang na bar 'ongs nas 'di skad du/ kye go'u ta ma khyod sgyu ma shes sam/ gal te sgyu ma shes na/ sgyu ma chen po yin no// gal te zlu ma mi shes na/ thams cad mkhyen pa'i ye shes can ma yin no zhes smras so/ / ngas smra ba/ khyim bdag sgyu ma shes pa'i mi la sgyu ma zhes bya ba 'am/ khyim bdag gis smras pa/ legs so/ legs so// gang sgyu ma shes pa de ni sgyu ma zhes bya'o// bcom ldan 'das kyis bka' stsal pa/ khyim bdag mnyan du yod pa'i rgyal po rab tu sde 'pham byed ces bya ba la rigs ngan dbugs 'phrog ces bya ba yod par khyod shes sam/ khyim bdag gis smras pa/ go'u ta ma bdag snga nas shes so// bcom ldan 'das kyis bka' stsal pa khyod snga nas shes na/ khyod la rigs ngan zhes byar rung ngam/ khyim bdag gis smras pa/ go'u ta ma bdag gis rigs ngan yin par ni shes mod kyi/ 'on kyang

  324. 163a

    bdag gi lus 'di ni rigs ngan ma yin no/ / bcom ldan 'das kyis bka' stsal pa/ khyim bdag khyod kyis rigs ngan shes kyang / rigs ngan ma yin par rtogs na/ nga ci'i phyir rgyu ma shes na sgyu ma yin pa 'gyur/ khyim bdag nga ni yang dag par sgyu ma yang shes la/ sgyu ma'i mi'ang shes la/ sgyu ma'i rnam par smin pa'ang shes/ sgyu ma'i rgyu rtsal gang shes/ nga ni gsod pa yang shes/ gsod pa'i mi'ang shes/ gsod pa'i 'bras bu rnam par smin pa'ang shes/ gsod pa'i rnam par grol ba nas/ ngan par lta ba'i bar du'ang shes/ ngan par lta ba'i mi'ang shes/ ngan par lta ba'i 'bras bu rnam par smin pa'ang shes/ ngan par lta ba'i grol ba'ang shes so// khyim bdag gal te sgyu ma'i mi ma yin pa la sgyu ma yin no zhes smras sam/ ngan par lta ba ma yin na pa la ngan par lta ba'o zhes smras na/ kha na ma tho ba'i sdig tshad med pa snyed thob par 'gyur ro// khyim bdag gis smras pa/ go'u ta ma de ltar khyod kyis smras pa ltar na/ bdag nyes pa chen po thob par gyur kyis/ bdag la da ltar bdog pa thams cad dbul gyis/ bdag de skad ces smras pa de/ rab tu sde 'pham byed kyis thos par ma byed cig/ bcom ldan 'das kyis bka' stsal pa/ khyim bdag nyes pa de'i rkyen gyis nor stor ba ma yin te/ de'i rkyen gyis ngan song gsum du lhung bar 'gyur ro// de nas khyim bdag de ngan song

  325. 163b

    gsum gyi ming thos nas sngangs sreg pa'i sems skyes te/ bcom ldan 'das la 'di skad ces gsol to// 'phags pa bdag deng sems stor bas sdig pa chen po thob par gyur na 'phags pa ni thams cad mkhyen pa lags te/ rnam par grol ba ji ltar thob pa'ang shin tu mkhyen pa'i rigs na/ bdag gis ji ltar na sems can dmyal ba dang / yi dgas dang byol song gi skye gnas las thar par gyur/ de nas de'i tshe de la bden pa bzhi'i chos bstan to// khyim bdag gis thos nas rgyun du zhugs pa'i 'bras bu thob par gyur nas/ khrel ba dang 'dzem pa'i sems skyes te/ bdag mongs pa'i phyir/ bcom ldan 'das sgyu ma ma lags pa la sgyu ma'o zhes bgyis te/ bdag deng bcom ldan 'das la 'gyod tshangs gsol zhing dkon mchog gsum la skyabs su mchi'o zhes gsol to/ / bcom ldan 'das kyis legs so legs so zhes bka' stsal te/ de ni gzhan gyi yid dang sbyar te bshad pa zhes bya'o// / de la ji ltar na bdag dang gzhan gyi yid dang sbyar te bshad pa zhe na/ ji ltar ngas gsungs pa las 'jig rten thams cad kyis mkhas pa shes rab can dag yod par 'chad na/ ngas kyang yod par bshad/ 'jig rten gyi mkhas pa shes rab can gyis 'dod pa lnga'i bde ba ni mi rtag pa dang / sdug bsngal ba dang / bdag med pa sde gcad par bya'o zhes bshad

  326. 164a

    na yang yod par bshad/ 'jig rten gyi mkhas pa shes rab can gyi 'dod pa lnga'i bde ba la rtag pa dang / bde ba dang / bdag dang / yongs su dag pa yod pa'i gnas med do zhes bshad na/ nga yang de ltar bu'i gnas med do zhes bshad de/ de ni bdag dang gzhan gyi yid dang sbyar te bshad pa zhes bya'o// rigs kyi bu ji ltar ngas byang chub sems dpa' sa bcu pas sangs rgyas kyi rang bzhin cung zad cig mthong ngo zhes gsungs pa ni/ gzhan gyi yid dang sbyar te bshad pa zhes bya'o// ci'i phyir cung zad cig mthong ba zhe na/ byang chub sems dpa' sa bcu pas dpa' bar 'gro ba'i ting nge 'dzin la sogs pa chos kyi rnam grang sum stong thob pa'i phyir/ bdag bla na med pa yang dag par rdzogs pa'i byang chub mngon par thob par shes kyi/ sems can thams cad bla na med pa yang dag par rdzogs pa'i byang chub gdon mi za ba thob par mi mthong ste/ de bas na byang chub sems dpa' sa bcu pas sangs rgyas kyi rang bzhin phyogs cung zad cig mthong ngo zhes gsungs so/ / rigs kyi bu ngas rtag tu sems can kun la sangs rgyas kyi rang bzhin yod do zhes gsungs pa ni/ bdag gi yid dang sbyar te bshad pa'o// sems can thams cad ni chad pa ma yin/ 'gog pa ma yin te/ bla na med pa yang dag par

  327. 164b

    rdzogs pa'i byang chub thob par 'gyur ro zhes bya ba ni/ bdag gi sems dang sbyar te bshad pa'o// sems can thams cad la sangs rgyas kyi rang bzhin yod de/ nyon mongs pas yongs su khebs pas mi mthong ngo zhes ngas kyang de skad gsungs/ khyod kyang de skad 'chad de/ de ni bdag dang gzhan gyi sems dang sbyar te bshad pa zhes bya'o// rigs kyi bu de bzhin gshegs pas skabs kha cig tu chos rnam pa gcig gis chos rnam pa grangs med pa gsungs te/ ji ltar mdo sde las tshangs par spyod pa thams cad kyi rgyu ni dge ba'i bshes gnyen yin no zhes gsungs pa dang 'dra ste/ tshangs par spyod pa thams cad kyi rgyu grangs med mod kyi/ dge ba'i bshes gnyen bshad pa'i nang du thams cad 'dus so// ji ltar ngas 'di skad du/ mi dge ba thams cad kyi rgyu ni ngan par lta ba'o zhes gsungs pa dang mtshungs te/ mi dge ba'i spyod pa thams cad kyi rgyu grangs med mod kyi/ ngan par lta ba bshad pa'i nang du thams cad 'dus so/ / yang 'di skad du bla na med pa yang dag par rdzogs pa'i byang chub kyi rgyu ni dad pa'i sems so zhes gsungs te/ byang chub kyi rgyur 'gyur ba grangs med mod kyi/ thams cad dad pa'i sems bshad pa'i nang du 'dus so// rigs kyi bu de bzhin gshegs pas chos grangs med pa bshad pa la sangs rgyas

  328. 165a

    kyi rang bzhin yin par gsungs mod kyi/ de yang phung po dang / khams dang / skye mched las gzhan pa ma yin no// rigs kyi bu de bzhin gshegs pas sems can gyi chos gsungs pa la tshig rnam pa bdun du gsungs te/ rgyu'i tshig dang / 'bras bu'i tshig dang / chu dang 'bras bu'i tshig dang / dpe'i tshig dang / smra ba'i mi rigs pa'i tshig dang / 'jig rten kun spel ba'i tshig dang / yid bzhin gyi tshig go// de la ji ltar na rgyu'i tshig ce na/ da ltar gyi rgyu las ma 'ongs pa'i 'bras bu bshad pa ste/ ngas 'di skad du rigs kyi bu khyod mthong ngam/ sems can gang gsod pa la dga' ba nas/ ngan par lta ba'i bar du dga' ba de ni sems can dmyal ba pa yin par rig go// rigs kyi bu sems can gang gsod pa nas/ ngan par lta ba'i bar du mi dga' ba de ni lha dang mi yin par rig go zhes gsungs te de ni rgyu'i tshig go// ji ltar na 'bras bu'i tshig ce na/ da ltar gyi 'bras bu las 'das pa'i rgyu bshad pa ste/ ji ltar mdo sde las rigs kyi bu khyod kyis ji ltar mthong ba ltar/ sems can dbul 'phongs pa/ bzhin mdog mi sdug cing mdangs med pa de ni gdon mi za bar tshul khrims bshig pa'i dri ma'i sems dang / zhe sdang gi sems dang / khrel ba dang 'dzem pa med pa'i sems dang bcas pa yin par rig go// gal

  329. 165b

    te sems can gang nor mang la rab tu phyug cing dbang po dang ldan ste/ gzi brjid dang rang dbang yod pa de ni gdon mi za bar tshul khrims dang / sbyin pa dang / brtson 'grus dang // khrel ba dang / 'dzem pa yod de/ phrag dog dang zhe sdang med pa yin par rig ste/ de ni 'bras bu'i tshig go// ji ltar na rgyu dang 'bras bu'i tshig ce na/ ji ltar mdo sde las bshad pa dang mtshungs te/ rigs kyi bu sems can gyi da ltar gyi skye mched drug dang / reg bya'i rgyu ni 'das pa'i las kyi 'bras bu yin la/ de bzhin gshegs pa yang las so zhes gsungs te/ las de'i rgyu de'i rkyen gyis ma 'ongs pa'i 'bras bu thob pa de ni rgyu dang 'bras bu'i tshig go// ji ltar dpe'i tshig ce na/ ji ltar seng ge'i rgyal po la nga'i sku'i dper len pa ltar/ bal glang gi rgyal po chen po dang / klu'i rgyal po chen po dang / shing pa ri tsi tra dang / rin po che sna bdun gyi phung po dang / rgya mtsho dang / ri rab dang sa chen po dang / char chen po dang / gru mkhan dang / ded dpon dang / skyes bu 'dul ba dang / stobs po che dang / khyu mchog dang / bram ze dang / dge sbyong dang / grong khyer chen po dang / shing ta la dang / dpe'i mdo de lta bu dag ni dpe'i tshig go// ji ltar na smra ba'i mi rigs pa'i tshig ce na/ ngas mdo sde las gnams gnyis 'byar bar

  330. 166a

    'gyur ba dang / rgyal po rje rab tu 'pham byed la phyogs bzhi'i ri 'ong ngo zhes bshad pa dang / ji ltar dge bsnyen mkhri sdus la'i ma la gal te shing sa la 'di/ khrims brgyad srung nus na/ lha dang mi'i bde ba yang myong bar 'gyur zhes bshad pa dang / byang chub sems dpa' sa bcu pa la phyir ldog pa'i sems yod do zhes bshad kyang bla'i de bzhin gshegs pa la tshig rnam pa gnyis yod do zhes smra ba dang / rgyun du zhugs pa ngan song gsum du lhungango zhes smra yang bla'i/ sa bcu pa la phyir ldog pa'i sems yod do zhes smra ba de ni smra ba'i mi rigs pa'i tshig go/ / ji ltar na 'jig rten spel ba'i tshig ce na/ ji ltar bcom ldan 'das kyis gsungs pa las/ skyes pa dang bud med dang / chen po dang / chung ngu dang / song ba dang / 'ong ba dang / 'dug pa dang / nyal ba dang / shing rta dang / theg pa dang / gnas khang dang / khang pa dang / bum pa dang / gos dang / sems can dang / rtag pa dang / bde ba dang / bdag dang / yongs su dag pa dang / dmag gi tshogs dang / nags tshal dang / grong dang / grong khyer dang / dge 'dun dang / sgyu ma dang / 'dus pa dang / gyes pa de dag ni 'jig rten spel ba'i tshig go/

  331. 166b

    ji ltar na yid bzhin gyi tshig ce na/ ji ltar ngas sdom pa nyams pa la spyos nas bdag 'gyod de/ tshul khrims sdom par gyur pa dang / ngas rgyun du zhugs pa la bstod pas bus pa ma rabs ngag dge ba'i sems bskyed par gyur pa dang / byang chub sems dpa' la bstod pas sems can rnams byang chub tu sems bskyed pa dang / dge ba'i chos rnams bsgom par bya ba'i phyir/ ngan song gsum gyi sdug bsngal bshad pa dang / 'dus byas kyi chos rnams kyi phyir/ thams cad tshig pa zhes bshad pa dang / bdag med pa yang de dang 'dra bar thams cad bdag med pa dang le lo med par bya ba'i phyir/ sems can thams cad la sangs rgyas kyi rang bzhin yod do zhes bshad pa de dag ni yid bzhin gyi tshig ces bya'o// // 'phags pa yongs su mya ngan las 'das pa chen po'i mdo bam po sum cu rtsa drug pa/ / // rigs kyi bu gzhan yang de bzhin gshegs pa la bdag gi yid dang sbyar te bshad pa'i gsung yod do/ / de bzhin gshegs pa'i sangs rgyas kyi rang bzhin ni rnam pa gnyis te/ yod pa dang / med pa'o// de la yod pa ni 'di lta ste/ tshan sum cu rtsa gnyis dang dpe byad bzang po brgyad cu dang / stobs bcu dang / mi 'jigs pa bzhi dang / dran pa nye bar gzhag pa gsum dang / byams pa chen po dang / snying rje

  332. 167a

    chen po dang / dpa' bar 'gro ba'i ting nge 'dzin la sogs pa'i ting nge 'dzin tshad med pa snyed dang / rdo rje lta bu'i ting nge 'dzin la sogs pa tshad med pa snyed dang thabs mkhas pa la sogs pa'i ting te 'dzin tshad med pa snyed dang / ye shes lnga la sogs pa'i ting nge 'dzin tshad med pa snyed ni yod pa zhes bya'o// de la med pa ni 'di lta stede bzhin gshegs pa'i 'das pa'i dge ba rnams dang / mi dge ba dang / lung du mi ston pa dang / las dang / rgyu dang / 'bras bu dang / rnam par smin pa dang / nyon mongs pa dang / phung po lnga dang / rten cing 'brel te 'byung ba bcu gnyis ni med pa zhes bya'o// rigs kyi bu ji ltar yod pa dang / med pa dang 'dra ba dge ba dang / mi dge ba dang / zag pa dang bcas pa dang / zag pa med pa dang / 'jig rten dang / 'jig rten ma yin pa dang / 'phags pa dang / 'phags pa ma yin pa dang / 'dus byas dang / 'dus ma byas dang / yang dag pa dang / yang dag pa ma yin pa dang / zhi ba dang / ma zhi ba dang / rtsod pa dang / rtsod pa ma yin pa dang / khams dang / khams ma yin pa dang / nyon mongs pa dang / nyon mongs pa ma yin pa dang / len pa dang / len pa ma yin pa dang / lung

  333. 167b

    du ston pa dang / lung du ston pa ma yin pa dang / yod pa dang / yod pa ma yin pa dang / dus gsum dang / dus gsum ma yin pa dang / dus dang / dus ma yin pa dang / rtag pa dang / mi rtag pa dang / bdag dang / bdag med pa dang / bde ba dang / bde ba med pa dang / yongs su dag pa dang / yongs su ma dag pa dang gzugs dang / tshor ba dang / 'du shes dang / 'du byed dang / rnam par shes pa dang / gzugs dang / tshor ba dang / 'du shes dang / 'du byed dang / rnam par shes pa ma yin pa dang / nang gi skye mched dang / nang gi skye mched ma yin pa dang / phyi'i skye mched dang / phyi'i bye mched ma yin pa dang / rten cing 'brel te 'byung ba bcu gnyis dang / rten cing 'brel te 'byung ba bcu gnyis ma yin pa ni/ de bzhin gshegs pa'i sangs rgyas kyi rang bzhin yod pa dang med pa zhes bya ste/ log sred can gyi sangs rgyas kyi rang bzhin yod pa dang med pa'i bar du de dang 'dra'o/ / rigs kyi bu ngas sems can thams cad la sangs rgyas kyi rang bzhin yod do zhes gsungs mod kyi sems can rnams kyis de bzhin gshegs pas bdag gi yid dang sbyar te bshad pa'i gsung yin par mi shes so/ / rigs kyi bu tshig de dag ni skye ba gcig gis thogs pa'i byang chub sems dpa'

  334. 168a

    kyang shes par mi nus na/ theg pa gnyis pa dang / byang chub sems dpa' gzhan dag gis shes pa lta ci smos/ rigs kyi bu nga sngon dus gces ma bya rgod spungs pa'i ri la bzhugs te/ byang chub sems dpa' byams pa dang kun rdzob kyi bden pa'i gtam byas pa na/ shA ri'i bu la sogs pa nyan thos lnga brgyas dngos po de dag shes par ram rig par ma gyur na/ 'jig rten las 'das pa'i don med pa'i bden pa lta ci smos/ rigs kyi bu sangs rgyas kyi rang bzhin la la ni log sred can la yod de/ dge ba'i rtsa pa can la med do/ / sangs rgyas kyi rang bzhin la la ni dge ba'i rtsa ba can la yod de/ log sred can la med do// sangs rgyas kyi rang bzhin la la ni gnyis ka la yod sangs rgyas kyi rang bzhin la la ni gnyis ka la med do/ / rigs kyi bu nga'i nye gnas rnams las gang gis tshig rnam pa bzhi po de dag gi don shes pa ni log sred can las nges par sangs rgyas kyi rang bzhin yod dam/ nges par sangs rgyas kyi rang bzhin med ces dri bar mi bya'o// gang sems can thams cad la sangs rgyas kyi rang bzhin yod ces bya ba ni de bzhin gshegs pas bdag gi yid dang sbyar te gsungs pa'i tshig ces bya ste/ de ltar de bzhin gshegs pas kyang bdag gi yid dang sbyar te gsungs na/ ci'i phyir sems

  335. 168b

    can gyis phyogs gcig tu lta bar byed/ rigs kyi bu dper na gang+gA'i klung gi nang gi sems can rnam pa bdun po ni rtag tu nub pa dang / skad cig byung nas phyir nub pa dang byung nas gnas par gyur pa dang / byung nas phyogs bzhir kun tu lta ba dang / kun du bltas nas song ba dang / song nas sdod pa dang / chu dang skams gnyis kar 'gro ba'o/ / de la rtag tu nub pa zhes bya ba ni 'di lta ste/ nya chen po mi dge ba'i las chen po rnam par smin te lus lci bas chu'i gting na gnas te/ de'i phyir rtag tu nub pa'o// skad cig byung nas phyir yang nub pa ni nya chen po dag mi dge ba'i las rnam par smin te lus lci bas mi zab par gnas te/ skad cig tsam snang ba'i 'od mthong bar gyur to// snang ba'i rkyen gyis skad cig tsam byung yang lus lci bas phyir yang nub bo/ / byung nas gnas pa ni nya ti mi zhes bya ba chu mi zab pa la gnas shing snang ba'i 'od mthong bar dga' ba'o// byung nas phyogs kun tu lta ba ni nya tsam 'gu zhes bya ba zas tshol ba'i phyir phyogs bzhi kun tu lta ba'o/ / bltas nas song ba ni nya tsag 'gu zhes bya ba rgyang nas zas ci mthong yang zas yin snyam ste byur bar 'gro ba ni bltas nas song ba'o/ / song nas sdod pa ni nya de der phyin nas bzar rung ba zhig rnyed na sdod pa ni song nas sdod pa'o// chu dang skams gnyis kar 'gro

  336. 169a

    ba ni rus sbal lo/ / rigs kyi bu yongs su mya ngan las 'das pa chen po'i chu klung dam pa'i nang na yang sems can rnam pa bdun yod de/ rtag tu nub pa nas/ bdun pa la thug gi bar du bar 'ga' ni nub/ bar 'ga' ni phyir byung ngo // de la rtag tu nub pa zhes bya ba ni gang la la zhig gis yongs su mya ngan las 'das pa chen po'i mdo 'di las de bzhin gshegs pa ni rtag tu gnas pa 'gyur zhing 'pho ba med pa ste/ rtag pa dang / bde ba dang / bdag dang / yongs su dag pa/ mthar yongs su mya ngan las mi 'da' ba'o/ / sems can thams cad la sangs rgyas kyi rang bzhin yod de/ log sred can dang / shin tu rgyas pa'i mdo la skur pa dang / mtshams med pa lnga'i kha na ma tho ba byas pa dang / rtsa ba bzhi nyams pa yang gdon mi za bar byang chub tu mngon par 'tshang rgya'o// rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa dang / rang sangs rgyas dag kyang gdon mi za bar bla na med pa yang dag par rdzogs pa'i byang chub tu 'gyur ro zhes gsungs pa thos nas dad pa'i sems mi skye ba ste/ de snyam du bsams nas 'di skad ces smra'o// yongs su mya ngan las 'das pa'i mdo 'di ni mu stegs can gyi yi ge ste/ sangs rgyas kyis

  337. 169b

    gsungs pa pa yinan de'i rgya dge ba gshes gnyen dang zas te dam par bya / namatshan mdus byed ma / yid la byed na yang dge ba yid la mi byed do// dge ba yid la mi byed pas mi dge ba'i chos la gnas par 'gyur ro// mi dge ba'i chos la gnas pa la rnam pa drug ste/ 'di ltar mi dge ba dang / dge ba med pa dang / chos sde bar byed pa dang / srid pa bskyed pa dang / nyon mongs pas gdungs pa dang / mi dge ba'i 'bras bu myong ba ste/ de ni nub pa zhes bya'o/ / de la ji ltar na nub pa zhe na/ dge ba'i sems med pa dang / rtag tu mi dge ba spyod pa dang / gnyen po la nan tan mi byed pa ni nub pa zhes bya'o// de la mi dge ba zhes bya ba ni/ 'phags pa rnams kyis smod pa dang / 'jigs pa'i sems skye ba dang / dge bo'i bshes gnyen gyis spong ba dang / sems can la phan pa'i don du mi 'gyur ba'i phyir mi dge ba zhes bya'o/ / dge ba med pa zhes bya ba ni/ mi dge ba'i 'bras bu tshad med pa snyed skye bar byed pa dang / ma rig pas rtag tu glags pa dang / mi ngan pa la sten cing mdza' bar byed pa dang / dge ba la nan tan byed pa'i thabs med pa dang / sems phyin ci log tu gyur te/ rtag tu nor ba'i phyir dge ba med pa zhes bya'o// de la chos

  338. 170a

    sme bar byed pa zhes bya ba ni/ lus dang ngag rtag tu sme bar byed pa dang / sems can rnam par dag pa sme bar byed pa dang / mi dge ba'i las skyed pa dang / dge ba'i chos spong ba'i phyir chos sme bar byed pa zhes bya'o// de la srid pa bskyed pa zhes bya ba ni/ ji ltar gong ma gsum po ltar byas na/ sems can dmyal ba dang / byol song gi skye gnas dang / yi dgas su skye bar 'gyur te/ rnam par grol ba'i chos la nan tan mi byed cing / lus dang / ngag dang / yid kyi las srid pa rnams la mi skyo ba ni srid pa bskyed pa zhes bya'o/ / nyon mongs pas gdungs pa zhes bya ba ni/ ji ltar gong ma bzhi po ltar rdzogs par byas pas/ lus dang sems nyon mongs par gyur te/ zhi ba spong ba'i phyir gdung ba zhes bya/ / sems can dmyal ba'i rnam par smin pa myong ba'i phyir gdung ba zhes bya// sems can rnams tshig pa'i phyir ni gdung ba zhes bya'o// dge ba'i chos tshig pa'i phyir gdung ba zhes bya'o/ / rigs kyi bu dad pa'i sems ni bsil zhing tshim pa ste/ de dang mi ldan pa'i phyir gdung ba zhes bya'o// mi dge ba'i 'bras bu myong ba zhes bya ba ni/ ji ltar gong ma lnga po ltar rdzogs par byas pas shi nas sems can dmyal ba dang / byol song gi skye gnas dang / yi dgas kyi khams su ltung ba'o// rigs kyi bu gzhan yang mi dge ba'i dngos po rnam pa gsum

  339. 170b

    gyi mi dge ba'i 'bras bu myong ba zhes bya'o/ / gsum gang zhe na/ nyon mongs pa mi dge ba dang / las mi dge ba dang / rnam par smin pa mi dge ba ste/ de ni mi dge ba'i 'bras bu rnam par smin pa myong ba zhes bya'o/ / rigs kyi bu gang zag la la gong ma'i dngos po rnam pa drug dang ldan pa dge ba'i rtsa ba gcod par 'gyur te/ mtshams med pa lnga'i kha na ma tho ba byed pa dang / rtsa ba bzhi'i sdom pa 'jig pa dang / dkon mchog gsum la skur pa 'debs pa dang / dge 'dun gyi nor la thugs thub tu spyod pa dang / chos ma yin pa'i dngos po rnam pa sna tshogs byed par 'gyur te/ de'i rgyu de'i rkyen gyis mtshams med pa'i sems can dmyal bar nub ste/ lus myong ba yang chu zheng dpag tshad brgyad khri bzhi stong snyed do// de'i lus dang / ngag dang yid kyi las rab du lci bas 'byung bar mi nus so/ / de ci'i phyir zhe na/ sems la dge ba'i chos bskyed mi nus pa'i phyir ro// de bzhin gshegs pa grangs med pa rnams 'jig rten du 'byung yang mi mthong mi thos te/ de bas na krung gang+gA'i nya chen po dang mtshungs te nub pa zhes bya'o// rigs kyi bu ngas log sred can dag ni rtag tu nub pa yin no zhes gsungs mod kyi/ rtag tu nub pa yin la log sred can ma yin pa yang yod do/ / de gang zhe na/ gang zhig srid pa'i phyir sbyin pa dang tshul khrims srung ba'i dge ba spyod pa ni rtag tu nub pa zhes bya'o// rigs kyi bu dge ba rnam

  340. 171a

    pa 'di bzhi ni mi dge ba'i 'bras bu thob par 'gyur ro/ / bzhi gang zhe na/ gzhan pas 'phags par 'dod pa'i phyir mdo sde dang yi ge klog cing 'don pa dang / rnyed pa dang / grags pa'i phyir tshul khrims sdom pa dang / gzhan gyi dbang byed par 'dod pa'i phyir sbyin pa byed pa dang / 'du shes med 'du shes med min gyi skye mched kyi phyir rtse gcig tu yid la byed pa ste/ dge ba'i dngos po de bzhis na mi dge ba'i 'bras bu rnam par smin par 'gyur ro// gang de lta bu'i dngos po bzhi ltar spyod pa ni nub nas phyir byung la/ byung nas phyir nub pa zhes bya'o// ci'i phyir nub pa zhe na/ srid pa gsum la mos pa'i phyir ro// ci'i phyir byung zhe na/ snang ba'i 'od mthong ba'i phyir ro// de la snang ba'i 'od ni thos pa dang / tshul khrims dang / sbyin pa dang ting nge 'dzin to/ / ci'i phyir nub pa zhe na/ ngan par lta ba dang / nga rgyal bskyed pa'i phyir te/ de bas na ngas mdo sde las tshigs su bcad pa 'di dag gsungs so// sems can gang gis srid pa la mos te/ / srid pas dge dang mi dge'i las byed na// de ni mya ngan lam las bslad pa ste// skad cig byung nas phyir yang nub pa'o// 'khor ba'i rgya mtsho mun par 'gro ba dag rnam par grol yang nyon mongs bcas pa yin/ / de ni mi dge 'bras bu phyir len te// skad cig byung nas phyir yang nub par 'gyur// rigs kyi bu nya chen po ni snang ba'i 'od mthong ba'i phyir/ skad

  341. 171b

    cig phyir byung yang lus lci bas phyir nub pa dang 'dra bar/ gong ma'i gang zag rnam pa de gnyis kyang de dang 'dra'o// rigs kyi bu gal te gang zhig srid pa gsum la chags pa ni nub pa zhes bya'o// yongs su mya ngan las 'das pa'i mdo sde 'di thos nas dad pa'i sems bskyed pa ni byung ba zhes bya'o// ci'i rgyu ci'i rkyen gyis byung ba zhes bya zhe na/ mdo sde 'di thos nas mi dge ba'i chos thams cad spangs te/ dge ba'i chos sgom pa ni byung ba zhes bya ste/ dad pa yod mod kyi/ ldan pa zhes mi bya'o// ci'i rgyu ci'i rkyen gyis dad pa dang mi ldan pa zhes bya zhe na/ gang zag de yongs su mya ngan las 'das pa chen po rtag pa dang / bde ba dang / bdag dang / yongs su dag pa yin par dad mod kyi/ de bzhin gshegs pa'i sku ni mi rtag pa dang / bde ba med pa dang / bdag med pa dang yongs su dag pa med pa zhes zer te/ de bzhin gshegs pa mya ngan las 'das pa la rnam pa gnyis te/ 'dus byas dang / 'dus ma byas pa'o// 'dus byas kyi mya ngan las 'das pa la ni rtag pa dang / bde ba dang / bdag dang / yongs su dag pa med do// 'dus ma byas kyi mya ngan las 'das pa la ni rtag pa dang / bde ba dang / bdag dang / yongs su dag pa yod do zhes zer/ sems can la sangs rgyas kyi rang bzhin yod par yid ches mod kyi/ nges par thams cad yod par yid mi ches te/ de bas na dad pa dang mi ldan pa zhes bya'o//

  342. 172a

    rigs kyi bu dad pa la rnam pa gnyis te/ dad pa dang / tshol ba'o// gang zag de la dad pa yod mod kyi/ tshol zhing rtsol mi nus te/ de bas na dad pa dang mi ldan pa zhes bya'o/ / yang rnam pa gnyis te/ thos pa las skye ba dang / bsams pa las skye ba'o// de'i dad pa thos pa las skyes te/ bsams pa las ma skyes pas na dad pa dang mi ldan pa zhes bya'o/ / yang rnam pa gnyis te/ byang chub yod par dad pa dang / thob pa yod par dad pa'o// de'i dad pa'i sems ni byang chub yod par dad kyi/ thob pa yod par yid mi ches pa ni dad pa dang mi ldan pa zhes bya'o/ / yang rnam pa gnyis te/ yang dag par dad pa dang / log pa la dad pa'o// gang rgyu dang 'bras bu yang yod/ sangs rgyas dang / chos dang dge 'dun yang yod do zhes smra ba ni yang dag pa la dad pa'o/ / gang rgyu dang 'bras bu yang med/ dkon mchog gsum gyi mtshan nyid kyang tha dad do zhes smras te/ 'od srungs rdzogs byed la sogs pa'i ngan par lta ba la yid ches pa ni log pa la dad pa zhes bya'o/ / gang zag des sangs rgyas dang / chos dang / dge 'dun la dad mod kyi/ dkon mchog gsum gyi mtshan nyid gcig par yid mi ches pa dang / rgyu dang 'bras bu yod par dad mod kyi/ thob par yid mi ches pa ni dad pa dang mi ldan pa zhes bya ste/ gang dad pa dang mi ldan pa ni tshul

  343. 172b

    khrims ma nos pa yang ldan pa ma yin no/ / ci'i rgyu ci'i rkyen gyis mi ldan pa zhes bya zhe na/ rgyu dang mi ldan pa'i phyir tshul khrims kyang ldan pa ma yin no// yang ci'i phyir mi ldan pa zhes bya// zhe na/ tshul khrims la rnam pa gnyis te/ cho ga'i tshul khrims dang / tshul khrims kyi tshul khrims so// gang cho ga'i tshul khrims 'ba' zhig dang ldan te/ tshul khrims kyi tshul khrims dang mi ldan pa zhes bya'o/ / yang rnam pa gnyis te/ byed pa'i tshul khrims dang / mi byed pa'i tshul khrims so// gang byed pa'i tshul khrims 'ba' zhig dang ldan la/ mi byed pa'i tshul khrims dang mi ldan pa ni tshul khrims dang mi ldan pa zhes bya'o// yang rnam pa gnyis te/ lus dang ngag gis yang dag pa'i 'tsho ba thob pa dang / lus dang ngag gis yang dag pa'i 'tsho ba ma thob pa'o/ / gang lus dang ngag gis yang dag pa'i 'tsho ba ma thob pa ni tshul khrims dang mi ldan pa zhes bya'o// yang rnam pa gnyis te/ tshol ba'i tshul khrims dang / btang ba'i tshul khrims so// srid pa tshol ba'i tshul khrims 'ba' zhig dang ldan te/ btang ba'i tshul khrims dang mi ldan pa ni tshul khrims dang mi ldan pa zhes bya'o// yang rnam pa gnyis te/ srid pa la gzhol ba'i tshul khrims dang / byang chub la gzhol ba'i tshul khrims so// gang srid pa 'ba' zhig la gzhol ba'i tshul khrims dang ldan cing /

  344. 173a

    byang chub la gzhol ba'i tshul khrims dang mi ldan pa ni tshul khrims dang mi ldan pa zhes bya'o// tshul khrims la yang rnam pa gnyis te/ dge ba'i tshul khrims dang mi dge ba'i tshul khrims so/ / de la lus dang / ngagra dang / yid dge ba ni dge ba'i tshul khrims so// ba glang gi brtul zhugs dang / khyi'i brtul zhugs ni mi dge ba'i tshul khrims te/ gang zhig tshul khrims de gnyis ka la dge ba'i 'bras bu yod par yid ches pa ni tshul khrims dang mi ldan pa zhes bya ste/ de ltar dad pa dang // tshul khrims kyi dngos po de gnyis dang mi ldan pa ni mang du thos pa la nan tan byed pa dang ldan par mi 'gyur ro/ / de la ji ltar na thos pa dang mi ldan pa zhe na/ gang de bzhin gshegs pas gsungs pa'i mdo sde bcu gnyis la sde drug la dad de/ sde drug la ma dad pa ni thos pa dang mi ldan pa zhes bya'o// de ltar mdo sde sde drug 'dzin kyang klog pa dang / 'don pa dang gzhan la ston mi nus te/ phan pa'i don byed mi nus pa ni thos pa dang mi ldan pa zhes bya'o// de ltar yang mdo sde sde drug 'dzin pa yang rtsod pa'i phyir ram/ gzhan las rgyal ba 'am rnyed pa dang grags pa'i phyir ram/ srid pa rnams kyi phyir 'dzin tam/ klog gam/ 'don tam/ 'chad pa ni thos pa dang mi ldan pa zhes bya'o//

  345. 173b

    rigs kyi bu ngas mdo sde las thos pa dang ldan pa bshad de/ ldan pa gang zhe na/ gal te dge slong gang lus dang / ngag dang / yid dge la mkhan po dang / slob dpon rnams dang / yon tan can dag la sngar mchod pa bya'o// de ltar mchod pa byas na slob dpon de dag gis de la byams pa'i sems skye bar 'gyur te/ de'i rkyen gyis mdo sde dang chos ston par 'gyur ro/ / des kyang sems rtse gcig tu 'dzin cing 'don pa dang / goms par byed do// 'dzin cing 'don pa dang / goms par byed pas shes rab thob par 'gyur ro/ / de ltar shes rab thob nas shin tu yid la byed cing chos bzhin du gnas par 'gyur ro// shin tu yid la byas te gnas nas yang dag pa'i don thob par 'gyur ro// yang dag pa'i don thob pas lus dang sems dben par 'gyur ro// lus dang sems dben par gyur nas dga' ba'i sems skye bar 'gyur ro// de ltar sems dga' ba'i rkyen gyis ting nge 'dzin gyi sems thob par 'gyur ro/ / ting nge 'dzin gyi sems thob pa'i phyir yang dag pa'i shes pa dang mthong ba thob par 'gyur ro// yang dag pa'i shes pa dang mthong ba thob nas srid pa rnams la skyo ba'i sems skye bar 'gyur ro/ / srid pa rnams la skyo ba'i phyir rnam par grol ba thob par 'gyur te/ gang de lta bu'i dngos po dag med pa ni thos pa

  346. 174a

    dang mi ldan pa zhes bya'o/ / gang dngos po rnam pa gsum po de dang mi ldan pa ni/ sbyin pa yang mi ldan par 'gyur ro// de la sbyin pa la rnam pa gnyis te zang zing gi sbyin pa dang / chos kyi sbyin pa'o// des zang zing gi sbyin pa byed mod kyi/ srid pa tshol lo// chos kyi sbyin pa byed mod kyi/ ldan par yang mi 'gyur te/ de ci'i phyir zhe na/ bdag pas lhag par 'gyur gyis dogs te/ bcabs nas thams cad mi ston pa ni sbyin pa dang mi ldan pa zhes bya'o// zang zing dang chos kyi sbyin pa rnam pa gnyis ka la rnam pa gnyis gnyis yod do/ / 'phags pa dang / 'phags pa ma yin pa'o// de la 'phags pa ni sbyin pa byas nas 'bras bu rnam par smin pa la mi re'o// 'phags pa ma yin pa ni sbyin pa byas nas 'bras bu rnam par smin pa la re'o/ / 'phags pa ni chos 'phel bar bya ba'i phyir chos kyi sbyin pa byed do// 'phags pa ma yin pa ni srid pa rnams 'phel bar bya ba'i phyir chos kyi sbyin pa byed do/ / de ltar zang zing 'phel bar bya ba'i phyir zang zing gi sbyin pa byed pa dang / srid pa 'phel bar bya ba'i phyir chos kyi sbyin pa byed pa ni sbyin pa dang mi ldan pa zhes bya'o// gzhan yang skye bo de mdo sde sde drug 'dzin te/ gang chos 'dzin pa la ni dgos pa rnams sbyin par byed/ chos mi 'dzin pa la ni dgos pa sbyin par mi byed de/ de bas na sbyin pa dang mi

  347. 174b

    ldan pa zhes bya'o/ / de ltar gang zag des gong ma'i dngos po bzhi po dang mi ldan pa ni shes rab la nan tan byas pa yang ldan par mi 'gyur ro// shes rab kyi mtshan nyid ni rang bzhin gyis rnam par 'byed pa ste/ gang zag des de bzhin gshegs pa rtag pa yin nam mi rtag pa yin pa bye brag mi phyed la/ de bzhin gshegs pas yongs su mya ngan las 'das pa'i mdo 'di las de bzhin gshegs pa ni rnam par grol ba'o/ / rnam par grol ba ni de bzhin gshegs pa'o// de bzhin gshegs pa nyid mya ngan las 'das pa'o// mya ngan las 'das pa nyid rnam par grol ba'o zhes gsungs te/ don de dag gi bye brag mi phyed pa dang rtogs par mi nus/ tshangs par spyod pa nyid de bzhin gshegs pa'o// de bzhin gshegs pa nyid ni byams pa dang / snying rje dang / btang snyoms dang / dga' ba'o// byams pa dang / snying rje dang / btang snyoms dang / dga' ba nyid rnam par grol ba'o// rnam par grol ba nyid yongs su mya ngan las 'das pa'o// yongs su mya ngan las 'das pa nyid tshad med pa bzhi'o zhes gsungs te/ don de dag kyang bye brag mi phyed pa ni shes rab dang mi ldan pa zhes bya'o/ / gzhan yang rnam par 'byed mi nus pa ni sangs rgyas kyi rang bzhin nyid de bzhin gshegs pa'o// de bzhin gshegs pa nyid ma 'dres pa'i chos thams cad do// ma 'dres

  348. 175a

    pa'i chos nyid rnam par grol ba'o/ / rnam par grol ba nyid yongs su mya ngan las 'das pa'o// yongs su mya ngan las 'das pa nyid ma 'dres pa'i chos so zhes gsungs tede don de dag kyang bye brag mi phyed pa ni shes rab dang mi ldan pa zhes bya'o/ / gzhan yang rnam par mi phyed pa ni bden pa bzhi ste/ sdug bsngal dang / kun 'byung dang 'gog pa dang / lan mo// de kar bden pa na'i bya zug mi phrad pa ni phyir 'phags pan chud pa mi zhes pa// 'phags can sdud pa mi shes pas de bzhin gshegs pa mi gas / de bzhin gshegs pa mi shes pas rnam par grol ba mi shes so// rnam par grol ba mi shes pas mya ngan las 'das pa mi shes te/ de bas na shes rab dang mi ldan pa zhes bya'o// so so'i skye bo dag gong pa'i dngos po rnam pa lnga dang ldan pa ni rnam pa gnyis kyi phyir te/ dge ba'i chos bskyed pa dang / mi dge ba'i chos bskyed pa'o// de la ji ltar mi dge ba'i chos bskyed pa zhe na/ gang zag de bdag mi ldan pa mi mthong ba'i bdag ni ldan pa can no zhes zhen pa'i sems bskyed nas/ bslab pa mtshungs pa'i nang na bdag ni mchog yin no snyam sems te de'i phyir bdag dang 'dra ba'i mi dge ba'i grogs dang spen to/ / de ltar spen pas gzhar yang mi ldan pa'i chos thob par 'gyur ro// thob nas sems dga' zhing zhen par 'gyur

  349. 175b

    rgyags pa dang dregs pa skyes nas bag med pa mang du byed do/ / bag med pa'i rkyen gyis khyim pa dang sten cing khyim pa'i las bya ba dag smra ba thob pa la mos te/ rab tu byung ba'i chos rnam par dag pa spong bar 'gyur/ de'i rgyu de'i rkyen gyis mi dge ba'i chos bskyed par 'gyur ro// mi dge ba'i chos bskyed pa'i phyir/ lus dang / ngag dang / yid kyi sgo nas rnam par ma dag pa'i las bskyed do/ / las gsum yongs su ma dag pas/ sems can dmyal ba dang / byol song gi skye gnas dang / yi dgas kyi khams bskyed par 'gyur te/ de ni skad cig byung nas phyir nub pa zhes bya'o// de la skad cig byung nas phyir nub ces bya ba nga'i chos la gang dag yin zhe na/ 'di lta ste/ lha sbyin dang/ dge slong ko ka li dang dge slong An shu dang / dge slong legs pa'i skar ma dang / dge slong de sha dang / dge slong skar ma rgyas dang / dge slong ma byams ma'i sa dang / dge slong ma dgon ma dang dge slong ma phyogs dang / dge slong ma dregs ma dang / khyim bdag rab gtsang dang / dge bsnyen srid pa tshol dang / shAka rigs sha li dang khyim bdag bal glang dang / dge bsnyen ma grags ma dang / dge bsnyen ma 'od snang dang / dge bsnyen ma dga' mo dang / dge bsnyen ma tshogs sde dang / dge bsnyen ma dril bu zhes bya ba de dag la sogs pa

  350. 176a

    na skad cig byung nas phyir nub pa zhes bya ste/ ji ltar nya chen po snang ba'i 'od mthong ba'i phyir byung la/ lus lci ba'i phyir phyir nub pa dang 'dra'o// skyes bu de'i 'og mas ni bdag gi mthong ba dang spyod pa mi ldan par rtogs nas/ de ltar mi ldan par rtogs pa'i phyir dge ba'i bshes gnyen tshol zhing bsten to// dge ba'i bshes gnyen la bsten pa'i phyir ma thos pa'i rnams 'dri bar mos so/ / thos nas 'dzin par mos so// bzung nas rab tu yid la byed par dga' 'o// rab tu yid la byas nas chos bzhin du gnas par 'gyur ro// chos bzhin gnas nas dge ba'i chos 'phel bar byed do// dge ba'i chos 'phel ba'i phyir nam du yang nub par mi 'gyur te/ de ni gnas pa zhes bya'o// sangs rgyas kyi chos la gnas pa'i rnams gang dag yin zhe na/ 'di lta ste/ shA ri'i bu dang / mo'u 'gal gyi bu chen po dang / kun shes ko'u di n+ya la sogs pa lnga dang / dge slong ya sha la sogs pa lnga dang / ma 'gags pa dang / 'od srungs gzhon nu dang / 'od srungs chen po dang / 'od srungs stobs bcu dang / dge slong ma skye dgu'i bdag mo dang / dge slong ma pa la'i me tog dang dge slong ma dam pa dang / dge slong ma yang dag don dam dang / dge slong ma blo gros ma dang / dge slong ma ba ta dang / dge slong ma gtsang ma dang / dge slong ma phyir ma ldog dang /

  351. 176b

    rgyal po gzugs can snying po dang / khyim bdag drag po dang / khyim bdag mgon med zas sbyin dang / shAkya ming chen dang / sbubs med zas sbyin dbul po dang / khyim bdag sre mo'i bu dang / khyim bdag grags pa dang / khyim bdag phun sum tshogs pa dang / blon po seng ge dang / khyim bdag u ba li dang / khyim bdag ral gri dang dge bsnyen ma 'jigs med dang / dge bsnyen ma dge gnas dang / dge bsnyen ma chos mos dang / dge bsnyen ma dpa' ba dang / dge bsnyen ma lha sbyin dang / dge bsnyen ma legs par skyes dang / dge bsnyen ma gzugs ldan dang / dge bsnyen ma khyu mchog thob dang / dge bsnyen ma dben ma dang / dge bsnyen ma ma ha sin la sogs pa dge slong dang dge slong ma dang / dge bsnyen dang / dge bsnyen ma de dag ni gnas pa zhes bya'o// ci'i phyir gnas pa zhes bya zhe na/ rtag tu dge ba'i 'od snang ba mthong bar mos pa ste/ de'i rgyu de'i rkyen gyis gal te sangs rgyas 'jig rten du byung yang rung / ma byung yang rung ste/ skyes bu de dag ni nams kyang sdig pa mi byed pas de ni gnas pa zhes bya ste/ ji ltar nya ti byi zhes bya ba snang ba'i 'od mthong bar dga' bas mi 'bying mi nub pa ltar/ de dag kyang de dang 'dra ste/ de bas na ngas mdo sde las tshigs su bcad pa 'di dag gsungs so// gang gis don la rnam

  352. 177a

    par 'byed mkhas shing / / rtse gcig dge sbyong 'bras bu rab tshol te// srid pa thams cad yongs su smod pa ni// de ni chos bzhin gnas pa zhes bya'o// gang gis bcom ldan tshad med pa mchod na/ / skye ba grangs med rab tu lam sgom 'gyur// 'jig rten bde ba myong la bag byed na// de ni chos bzhin gnas pa zhes bya'o// dge ba'i shes la brten cing dam chos mnyan/ / yid la byed de chos bzhin gnas pa ni// 'od zer mthong bar mos shing lam sgom ste// rnam par grol ba'i bde gnas thob par 'gyur// rigs kyi bu shes rab dang mi ldan pa la dngos po rnam pa lnga ste/ skyes bu des de ltar shes nas dge ba'i bshes gnyen tshol lo// dge ba'i bshes gnyen des kyang 'dod chags dang / zhe sdang dang / gti mug dang / rnam par rtog pa'i shas gang che ba brtags te/ gal te 'dod chags kyi shas chen mi gtsang ba rtog pa'i chos ston to// zhe sdang gi shas chen byams pa'i chos ston to/ / gti mug gi shas chen rten cing 'brel te byung ba ston to// rnam par rtog pa'i shas chen dbugs bgra' ba ston to// bdag tu lta ba shas chen khams bcwa brgyad la sogs pa ston to/ / de nas des thos nas sems rtse gcig tu gzungs su 'dzin to// gzung nas chos bzhin du nan tan byed par 'gyur ro// chos bzhin du nan tan byas pas

  353. 177b

    rim gyis dran pa nye bar gzhag pa bzhi thob par gyur nas/ lus dang / tshor ba dang / sems dang / chos la rjes su rtogs par 'gyur ro// de ltar rjes su rtogs nas rim gyis rten cing 'brel te byung ba bcu gnyis la rtogs par 'gyur ro/ / de ltar rtogs nas drod kyi chos thob par 'gyur ro// byang chub sems dpa' 'od srungs kyis/ bcom ldan 'das la 'di skad ces gsol to/ / bcom ldan 'das sems can thams cad la drod kyi chos mchis so// de ci'i slad du zhe na/ ji ltar bcom ldan 'das kyis chos rnam pa gsum 'dus pa la 'di lta ste/ 'tsho ba dang / drod dang / rnam par shes pa 'dus pa la sems can zhes bya'o zhes gsungs te/ de lta bas na sems can thams cad la thog ma nas drod ces bgyi ba mchis na/ ci'i slad du de bzhin gshegs pas drod kyi chos ni dge ba'i bshes gnyen gyi rkyen gyis skye'o zhes gsungs/ bcom ldan 'das kyis bka' stsal pa rigs kyi bu khyod kyis ji ltar drod kyi chos yod do zhes bya ba ni sems can thams cad dang log sred can gyi bar du kun la yod do/ / ji ltar ngas drod kyi chos gsungs pa ni thabs mkhas pa'i rkyen gyis gdod thob par 'gyur ro zhes gsungs te/ thog ma med la da yod par 'gyur ro// de bas na sems can thams cad la thog ma nas yod pa ma yin gyis/ khyod kyis

  354. 178a

    sems can thams cad la drod kyi chos yod do zhes smra ba'i mi rigs so/ / rigs kyi bu de ltar drod kyi chos de gzugs kyi khams kyi chos yin te/ 'dod pa'i khams na yod pa ma yin no/ / gal te sems can thams cad la yod ces byar ni/ 'dod pa'i khams kyi sems can la yang yod pa'i rigs te/ 'dod pa'i khams na med pa la bltas na thams cad la yod pa ma yin par rig par bya'o/ / rigs kyi bu gzugs kyi khams na yod mod kyi thams cad la yod pa ma yin no// de ci'i phyir zhe na/ nga'i nye gnas la ni yod kyi mu stegs can la ni med de/ de lta bas na sems can thams cad la yod pa ma yin no// rigs kyi bu mu stegs can thams cad ni spyod pa rnam pa drug 'ba' zhig la rtog go// nga'i nye gnas rnams ni spyod pa bcu drug dang ldan te/ spyod pa bcu drug po de ni sems can kun la yod pa ma yin no// byang chub sems dpa' 'od srungs kyis gsol pa/ bcom ldan 'das kyis drod kyi chos shes gsungs pa de ji ltar na drod ces bgyi/ rang bzhin gyis dro 'am/ rang bzhin gyis dbang gis dro bar 'gyur/ bcom ldan 'das kyis bka' stsam pa rigs kyi bu de ltar drod kyi chos de ni rang bzhin gyis dro ba yin te/ gzhan gyi dbang gis dro ba ma yin no// byang chub sems dpa' 'od srungs kyis gsol pa/ bcom ldan 'das

  355. 178b

    kyis sngar rta thul dang / skar ma rgyal gnyis la drod kyi chos ma mchis so zhes gsungs so// de ci'i rmad du zhe na/ dkon mchog gsum la dad pa'i sems ma mchis pa'i slad du drod ces bgyi ba ma mchis te/ de bas na dad pa'i sems nyid drod kyi chos lags par tshal to// bka' stsal pa/ rigs kyi bu dad pa ni drod kyi chos ma yin no// de ci'i phyir zhe na dad pa'i sems kyi rkyen gyis phyis drod thob pa'i phyir ro/ / rigs kyi bu drod kyi chos shes bya ba ni shes rab yin no// de ci'i phyir zhe na/ bden pa bzhi rtogs pa'i phyir/ de bas na spyod pa bcu drug ces bya ste/ spyod pa nyid shes rab bo// rigs kyi bu ji ltar khyod kyis/ ci'i rgyu ci'i rkyen gyis drod ces bya ba ni/ rigs kyi bu drod ces bya ba ni 'phags pa'i lam gyi yan lag brgyad kyi me'i mtshad nyid yin pas drod ces bya'o/ / rigs kyi bu dper na me gtsubs pas ni thog ma drod 'byung ste/ de nas me 'byung la/ phyir gdod dud pa 'byung ba ltar zag pa med pa'i lam yang de dang 'dra ste/ de la drod ces bya ba ni spyod pa bcu drug go// me zhes bya ba ni rgyun du zhugs pa'i 'bras bu lta bu'o// dud pa ni lam bsgoms pas kun nas nyon mongs pa bcad pa lta bu'o/ / byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das de ltar drod kyi chos de ni

  356. 179a

    srid pa'i chos kyang lags la/ 'dus byas kyi chos kyang lags so// chos de'i rnam par smin pa ni gzugs kyi khams kyi rkyen gyi phung po lnga thob par 'gyur ba de'i phyir srid pa zhes bgyi ste/ de'i rgyu de'i rkyen gyis 'dus byas shes kyang bgyi'o// gal te 'dus byas lags na/ zag pa ma mchis pa'i lam gyi mtshan nyid du ji ltar 'gyur/ bcom bcom ldan 'das kyis bka' stsal pa/ rigs kyi bu de de bzhin no// de de bzhin te/ khyod kyis ji ltar smras pa bzhin te/ rigs kyi bu de ltar drod kyi chos de ni 'dus byas dang srid pa'i chos yin mod kyi/ 'dus byas dang srid pa'i chos kyang 'jig par nus te/ de bas na zag pa med pa'i lam gyi mtshan nyid du 'gyur ro// rigs kyi bu ji ltar mi rta la zhon pa byams la gzhu bar yang byed pa ltar/ drod kyi sems kyang de dang 'dra ste/ srid pa'i phyir skye ba len la/ skye ba'i phyir 'du byed rtogs te/ de bas na srid pa'i chos kyang 'dus byas yin mod kyi/ yang dag pa'i lam gyi mtshan nyid du yang 'gyur ro// drod kyi chos thob pa'i gang zag ni rnam pa bdun cu rtsa gsum mo// de la 'dod pa'i khams na rnam pa bcu ste gang zag nyon mongs pa thams cad dang ldan pa de cha gcig gcod pa nas/ cha dgu'i bar du gcod de/ 'dod pa'i khams ji lta ba bzhin du bsam gtan dang po nas/ cung zad

  357. 179b

    med pa'i bar du yang de dang 'dra'o/ / de ni rnam pa bdun cu rtsa gsum zhes bya ste/ gang zag de dag ni drod kyi chos thob pas dge ba'i rtsa ba gcod pa dang / mtshams med pa'i kha na ma tho ba byed pa dang / tshul khrims kyi rtsa ba bzhi nyams par mi 'gyur ro// de yang rnam pa gnyis te/ dge ba'i bshes gnyen dang phrad pa dang / mi dge ba'i bshes gnyen dang phrad pa'o// de la mi dge ba'i bshes gnyen dang phrad pa ni skad cig byung nas phyir yang nub bo// dge ba'i bshes gnyen dang phrad pa ni phyogs bzhi kun tu lta'o// de la phyogs bzhir lta ba ni spyi bo'i chos shes bya ste/ spyi bo'i chos kyi rang bzhin nyid lnga phung ma yin mod kyi/ de yang bden pa bzhi la dmigs pas/ de bas na phyogs bzhi kun tu lta ba zhes bya ste/ de ltar spyi bo'i chos thob nas rim gyis bzod pa thob bo/ / bzod pa de yang de dang 'dra bar rang bzhin nyid lnga phung ma yin yang bden pa bzhi la dmigs te/ des rim gyis 'jig rten mchog gi chos thob bo// chos de'i rang bzhin yang lnga phung ma yin mod kyi/ bden pa la dmigs te/ des rim gyis sdug bsngal la bzod pa'i chos thob bo// bzod pa'i rang bzhin ni shes rab ste/ bden pa gcig la dmigs so// de ltar bzod pa'i chos kyis bden pa gcig la dmigs nas mthong ste/ spong ba'i nyon mongs pa chos de/ rgyun du zhugs pa'i 'bras bu thob pa de ni

  358. 180a

    phyogs bzhi kun tu lta ba zhes bya'o/ / de la phyogs bzhi zhes bya ba ni 'den pa bzhi la bya'o// byang chub sems dpa' 'od zungs kyis gsol pa/ bcom ldan 'das ji ltar bcom ldan 'das kyis sngar gsungs pa las/ rgyun du zhugs pa nyon mongs pa yongs su bcad pa ni dper chu zheng gab par li bzhi bcur gang ba'i chu dang 'dra'o// lhag ma ni spu'i nyag ma gcig gi thigs pa dang 'dra'o zhes gsungs na ci'i slad du bdag tu lta ba dang / rgyu ma yin pa la rgyur lta ba dang / the tsom gyi kun nas nyon mongs pa dang 'di gsum bcad na rgyun du zhugs pa'o zhes gsungs bcom ldan 'das ci'i rgyu ci'i rkyen gyis rgyun du zhugs pas phyogs bzhi kun tu lta bar 'gyur/ yang ci'i rgyu ci'i rkyen gyis rgyun du zhugs pa zhes bgyi/ yang ci'i rgyu ci'i rkyen gyis rgyun du zhugs pa ni/ dper nya tsag la gu zhes bgyi ba dang 'dra'o zhes gsungs/ bcom ldan 'das kyis bka' stsal pa/ rigs kyi bu rgyun du zhugs pas nyon mongs pa tshad med pa snyed bcad mod kyi/ rnam pa 'di gsum lci bas/ rgyun du zhugs pa thams cad kyis nyon mongs pa bcad pa thams cad rnam pa 'di gsum gyi nang du 'dus so/ / rigs kyi bu dper na rgyal po chen po 'chag cing 'gro ba na/ dmag gi tshogs rnam pa bzhi dang bcas mod kyi/ 'jig rten pas rgyal po 'ongs

  359. 180b

    / song ngo zhes zer ro// ci'i phyir rte na/ 'jig rten na btsun par bya ba'i phyir te/ nyon mongs pa num pa gsum po de yang de dang 'dra'o// de ci'i phyir lnga ba zhes bya zhen/ sems can thams cad kyis rtag tu bskyed pa'i phyir/ phra zhing shes par dka' ba'i phyir lci ba zhes bya'o// nyon mongs pa de gsum shin du gcod dka' ba ni nyon mongs pa thams cad kyi rgyur 'gyur ba dang / tshul khrims dang / ting nge 'dzin dang / shes rab kyi gnyen po'i dgrar 'gyur ba'i phyir ro// rigs kyi bu sems can kha cig ni rgyun du zhugs pas nyon mongs pa tshad med pa snyed yongs su bcad ngo zhes thos nas/ phyir mi ldog pa'i sems skyes te 'di skad du/ sems can gyis ji ltar nyon mongs pa tshad med pa snyed gcod nus shes zer te de bas na de bzhin gshegs pas thabs kyi rnam pa gsum gsungs so/ / ji ltar khyod kyis ci'i rgyu ci'i rkyen gyis rgyun du zhugs pa la phyogs bzhir lta ba yin zhes bya ba ni/ rigs kyi bu rgyun du zhugs pas bden pa bzhi brtags nas dngos po rnam pa bzhi thob bo/ / gang zhe na/ rab tu brtan pa'i lam la gnas pa dang / kun tu rtogs pa dang / yang dag pa ji lta ba bzhin mthong ba dang / dgra chen po gzhom nus pa'o// de la brtan pa'i lam ni rgyun du zhugs pa'o// dbang po lnga sus kyang bskyod mi nus pa'i phyir brtan pa'i lam la gnas pa

  360. 181a

    zhes bya'o/ / kun tu rtog pa zhes bya ba ni nang dang phyi rol gyi nyon mongs pa thams cad spong pa'o// yang dag pa ji lta ba bzhin du mthong ba ni bzod pa'i ye shes so// dgra chen po gzhom pa ni 'di lta ste/ phyin ci log bzhi'o// ji ltar khyod kyis ci'i rgyu ci'i rkyen gyis rgyun du zhugs pa zhes bya ba ni/ rigs kyi bu rgyun du zhes bya ba ni zag pa med pa'o// / zhugs pa zhes bya ba ni sgom pa ste/ zag pa med pa bsgom pa'i phyir rgyun du zhugs pa zhes bya'o// rigs kyi bu yang rgyun du zhes bya ba ni 'bab pa'o// 'bab pa la rnam pa gnyis te/ zur du 'bab pa dang / gyen du 'bab pa ste/ de ltar gyen du 'bab pa'i phyir rgyun du zhugs pa zhes bya'o// byang chub sems dpa' 'od srungs kyis gsol pa/ bcom ldan 'das gal te don de lta na/ ci'i slad du lan cig phyir ldog pa dang / phyir mi ldog pa dang / dgra bcom pa la yang rgyun du zhugs pa zhes mi bgyi/ bka' stsal pa/ rigs kyi bu rgyun du zhugs pa nas/ sangs rgyas kyi bar du rgyun du zhugs zhes kyang bya'o// gal te lan cig phyir ldog pa nas/ sangs rgyas kyi bar du rgyun du zhugs pa med na/ ji ltar lan cig phyir ldog pa nas/ sangs rgyas kyi bar du gdags par 'gyur/ sems can thams cad la ming rnam pa gnyis te/ rnying pa dang / bla dgas su btags pa'o// bus pa ma rabs kyi tshen

  361. 181b

    'jig rten gyi ming yod do/ / lam thob nas bla dgas su ming 'dogs pas rgyun du zhugs pa zhes bya ste/ sngar thob pa'i phyir rgyun du zhugs pa zhes bya/ phyis thob pa'i phyir lan cig phyir ldog pa zhes bya ste/ de nyid rgyun du zhugs pa zhes kyang byal/ lan cig phyir ldog pa zhes bya ba nas/ sangs rgyas shes bya ba'i bar du gdags so// rigs kyi bu rgyun la rnam pa gnyis te rnam par grol ba dang / mya ngan las 'das pa'o// 'phags pa thams cad la rnam pa de gnyis yod pa'i phyir/ rgyun du zhugs pa dang / lan cig phyir ldog pa zhes bya ba nas sangs rgyas kyi bar du de dang 'dra'o/ / rigs kyi bu byang chub sems dpa' la yang rgyun du zhugs pa zhes bya'o// de ci'i phyir zhe na/ byang chub sems dpa' ni zad pa'i ye shes dang / mi skye ba'i ye shes yin te/ rgyun du zhugs pa yang ye shes rnam pa de gnyis tshol bas na/ rgyun du zhugs pa la yang byang chub sems dpa' zhes bdags su rung ngo // rgyun du zhugs pa la sangs rgyas shes byar rung ste/ de ci'i phyir zhe na/ yang dag par lam mthong zhing nyon mongs pa yongs su gcod pa dang / yang dag par rdzogs pa'i rgyu dang 'bras bur 'gyur ba dang / yang dag par rdzogs pa'i lam 'dres pa dang / ma 'dres pa dang 'thun pa'i phyir te/ lan cig phyir ldog pa nas/ dgra bcom pa'i bar du

  362. 182a

    yang de dang 'dra'o/ / rigs kyi bu rgyun du zhugs pa la mdor rnam pa gnyis te/ dbang po rno ba dang / dbang po rdul ba'o// de la dbang po rtul bas ni lha dang mir yan man lan bdun 'gro'o/ / dbang po rtul ba la yang rnam pa lnga ste/ la las ni yan man drug dang / lnga dang / bzhi dang / gsum dang / gnyis so// dbang po rnon pos ni da ltar gyi dus su rgyun du zhugs pa'i 'bras bu nas/ dgra bcom pa'i bar du thob par 'gyur ro// rigs kyi bu khyod kyis ci'i phyir rgyun du zhugs pa'i dpe nya tsag 'gu zhes bya ba la len ces bya ba ni/ rigs kyi bu nya de la dngos po rnam pa bzhi yod pa'i phyir ro// gang zhe na/ rus pa phra ba'i phyir yang ba dang / 'dab ma yod pa'i phyir yang ba dang / snang ba'i 'od mthong bar dga' ba dang / dam por 'dzin pa'o// rgyun du zhugs pa la yang dngos po rnam pa bzhi ste/ de la rus pa phra ba zhes bya ba ni nyon mongs pa'i shas phra ba'i dpe'o// 'dab ma yod pa zhes bya ba ni lhag mthong dang zhi gnas lta bu'i dpe'o/ / snang ba'i 'od la mthong ba dga' ba ni lam mthong ba lta bu'i dpe'o// dam por 'dzin pa zhes bya ba ni de bzhin gshegs pas mi rtag pa dang / sdug bsngal ba dang / bdag med pa dang / yongs su ma dag pa bshad pa zos nas/ brtan par 'dzin cing mi spong ba lta bu ste/ dper na bdud kyi rgyal pos

  363. 182b

    sangs rgyas kyi gzugs lta bur sprul pa las khyim bdag shu la zhes bya bas mthong nas sngangs te/ bdud kyis khyim bdag gi sems g.yos pa mthong nas/ khyim bdag la 'di skad ces smras so/ / ngas sngun bden pa bzhi bshad pa ni de yang yang dag pa ma yin te/ da khyod la gdod bden pa lnga dang / phung po drug dang / skye mched bcu gsum dang khams bcu dgu bstan par bya'o zhes smras kyang / khyim bdag gis de thos nas chos kyi mtshan nyid kun la bltas na/ de lta bu'i don med par 'gyur te/ de'i phyir sems mi g.yo bar rab tu 'dzin pa dang 'dra'o/ / byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das rgyun du zhugs pa de sngar lam thob pa'i phyir/ rgyun du zhugs pa zhes bgyi 'am/ 'bras bu thob ma thob pa la rgyun du zhugs pa zhes bgyi/ ci ste sngar lam thob pas rgyun du zhugs pa zhes bgyi na sdug bsngal la bzod pa'i chos thob pa na ci'i slad du rgyun du zhugs pa zhes mi bgyi bar phyogs pa zhes 'gyi/ gal te 'bras bu thog ma thob pa la rgyun du zhugs pa zhes bgyi na/ mu stegs can gyis sngar nyon mongs pa bcad do// cung zad med min skye mched du phyin nas zag pa med pa'i lam bsgoms te/ phyir mi ldog pa'i 'bras bu thob pa na/ ci'i slad du rgyun du zhugs pa zhes mi bgyi/ bka' stsal pa/ rigs

  364. 183a

    kyi bu 'bras bu thog ma thob pa la rgyun du zhugs pa shes bya ste/ ji sgyur khyod kyis su stegs can sngar nyon mongs pa bcad de/ cung zad med pa'i skye mched du phyin nas zag pa med pa'i lam bsgoms te/ phyir mi ldog pa'i 'bras bu thob pa la/ ci'i phyir rgyun du zhugs pa zhes mi bya zhes dris pa ni/ rigs kyi bu de ltar 'bras bu thog ma thob pa la rgyun du zhugs pa zhes bya ste/ des de'i tshe ye shes brgyad dang spyod pa bcu drug dang ldan no// 'od bsrungs kyis gsol pa/ bcom ldan 'das phyir mi ldog pa thob pa de yang de dang 'dra bar ye shes brgyad dang spyod pa bcu drug dang ldan na/ ci'i slad du rgyun du zhugs pa zhes mi bgyi/ rigs kyi bu zag pa dang bcas pa'i spyod pa rnam pa bcu drug la rnam pa gnyis te/ 'dres pa dang / ma 'dres pa'o// zag pa med pa'i spyod pa bcu drug la yang rnam pa gnyis te/ 'bras bu la phyogs pa dang / 'bras bu thob pa'o// ye shes brgyad la yang rnam pa gnyis te/ 'bras bu la phyogs pa dang 'bras bu thob pa'o// rgyun du zhugs pa ni 'dres pa'i spyod pa bcu drug spangs te/ ma 'dres pa'i spyod pa bcu drug thob bo// 'bras bu la phyogs pa'i ye shes brgyad spangs te/ ye shes kyi 'bras bu brgyad thob bo// phyir mi ldog pa ni de lta bu ma yin te/ de bas na 'bras bu thog ma thob pa la rgyun du zhugs pa

  365. 183b

    zhes bya'o/ / rigs kyi bu rgyun du zhugs pa ni bden pa bzhi la dmigs so// lan cig phyir ldog pa ni bden pa gcig 'ba' zhig la dmigs te/ de bas na 'bras bu thog ma thob pa la rgyun du zhugs pa zhes bya'o/ / de'i rgyu de'i rkyen gyis nya tsag 'gu lta bur gsungs so// kun tu bltas na 'gro ba zhes bya ba ni lan cig phyir ldog pa'o// rtse gcig tu lam la nan tan byed pa ni 'dod chags dang / zhe sdang dang / gti mug dang / nga rgyal gcod pa'i phyir te/ ji ltar nya tsag 'gu phyogs kun du bltas nas zas kyi phyir 'gro ba dang 'dra'o// 'gro bas sdod pa ni phyir mi ldog pas zas rnyed nas sdod pa lta bu'o/ / phyir mi ldog pa de la yang mdor rnam pa gnyis te/ da ltar gyi dus su phyir mi ldog pa'i 'bras bu thob nas/ de bas kyang brtson 'grus su nan tan byas pas dgra bcom pa'i 'bras bu thob pa dang / gzugs kyi khams dang / gzugs med pa'i khams kyi zhi ba'i ting nge 'dzin la chags nas/ 'dod pa'i khams su phung po mi len pa'i phyir/ phyir mi ldog pa zhes bya'o// yang phyir mi ldog pa la rnam pa lnga ste/ bar du yongs su mya ngan las 'da' ba dang / lus blangs nas yongs su mya ngan las 'da' ba dang / spyod pas mya ngan las 'da' ba dang / spyod pa med pas mya ngan las 'da' ba dang / rgyun rab kyis mya ngan las 'da' ba'o// yang rnam pa drug

  366. 184a

    ste da ltar mya ngan las 'da' ba dang lnga ni gong ma dang 'dra'o/ / yang rnam pa bdun te/ gzugs med pa'i khams su mya ngan las 'da' ba dang drug ni gong ma dang 'dra'o/ / spyod pa'i yong+ga su mya ngan las 'das pa la rnam pa gnyis te/ skye ba gnyis len pa dang / skye ba ba'i len pa'o// de la gang skye ba gnyis len pa ni dbang po rno ba'o// gang skye ba bzhi len pa ni dbang po rtul ba'o// yang rnam pa gnyis te/ rtson 'grus che zhing dbang gi ting nge 'dzin med pa dang / le lo can dag dbang gi ting nge 'dzin yod pa'o// yang rnam pa gnyis te/ brtson 'grus kyi ting nge 'dzin dang ldan pa dang / de gnyis ka dang mi ldan pa'o// rigs kyi bu 'dod pa'i khams dang / gzugs kyi khams kyi sems can rnams la las rnam pa gnyis yod de/ byed pa'i las dang / skye ba len pa'i las so// bar du mya ngan las 'da' ba la ni byed pa'i las 'ba' zhig yod de/ skye ba len pa'i las med do// de bas na bar du yongs su mya ngan las 'das pa zhes bu ste/ 'dod pa'i khams kyi phung po ni bor/ dbang po rno ba'i phyir gzugs kyi khams su ma phyin par mya ngan las 'das par gyur te/ de ni bar du mya ngan las 'das pa'o/ / phyir mi ldog pa la bsam pa rnam pa bzhi yod de/ slob pa ma yin/ slob pa med pa ma yin pa dang / thob pa med pa dang / thob pa med pa slob pa

  367. 184b

    yin par mya ngan las 'das pa'o/ / yang ji ltar na bar du mya ngan las 'das pa zhe na/ rigs kyi bu phyir mi ldog pa'i sems rnam pa bzhi las gnyis ni mya ngan las 'das pa'o// gnyis ni mya ngan las 'das pa ma yin te/ de bas na bar du yongs su mya ngan las 'das pa zhes bya'o// phung po blangs nas mya ngan las 'das pa la yang rnam pa gnyis te/ byed pa'i las dang / skye ba'i las so// des 'dod pa'i khams kyi phung po bor nas gzugs kyi khams kyi phung po len te/ lam la brtson 'grus su nan tan byed pas tshe'i dus byas nas mya ngan las 'das pa'o/ / byang chub sems dpa' 'od srungs kyis gsol pa/ bcom ldan 'das gal te tshe'i dus bgyis pa la mya ngan las 'das pa zhes bgyi na/ ci'i slad du phung po blangs nas mya ngan las 'da' 'o zhes gsungs/ bcom ldan 'das kyis bka' stsal pa/ rigs kyi bu des phung po blangs nas gdod khams gsum gyi nyon mongs pa gcod do// de bas na phung po blangs nas mya ngan las 'da' 'o zhes bya'o// rigs kyi bu spyod pas yongs su mya ngan las 'das pa ni rtag tu lam la nan tan byed de/ 'dus byas kyi ting nge 'dzin gyi shugs kyis nyon mongs pa yongs su bcad nas/ mya ngan las 'das pa spyod pas mya ngan las 'das pa zhes bya'o// spyod pa tshad med pas yongs su mya ngan las 'das pa ni des nges

  368. 185a

    par mya ngan las 'das par 'gyur bar shes nas de'i phyir le lo byed do/ / des kyang 'dus byas kyi ting nge 'dzin gyi shugs kyis tshe'i drus byas nas mya ngan las 'dar bar 'gyur te/ de bas na spyod pa med pas yongs su mya ngan las 'das pa zhes bya'o// rgyun rab kyis yongs su mya ngan las 'das pa zhes bya ba ni gang zhig bsam gtan bzhi pa thob nas/ bsam gtan dang po la dga' ba'i sems skyes te/ de'i rgyus bsam gtan dang por skye'o// rgyun la rnam pa gnyis te/ nyon mongs pa'i rgyun dang / lam gyi rgyun no// des lam gyi thun gyis tshe'i dus byas nas bsam gtan gnyis pa la dga' ba skyes te/ dga' ba'i rkyen gyis bsam gtan gnyis par skye'o// de bzhin du bsam gtan bkri'i bar du yang de dang 'dra'o/ / bsam gtan bzhi pa de la rnam pa gnyis te/ gzugs med pa'i khams su 'gro ba drang gnas gtsang ma'i ris lngar 'gro ba'o// de ltar de/ gnyis kyang gcig ni ting nge 'dzin la dga'/ gcig ni shes rab la dga' 'o// de la shes rab la dga' ba ni gnas gtsang ma'i ris lngar 'gro'o// ting nge 'dzin la dga' ba ni gzugs med pa'i khams su 'gro'o/ / de ltar de gnyis kyang gcig ni bsam gtan bzhi pa la khyad par rnam pa lngar sgom mo// gcig ni mi bsgom mo// lnga gang zhe na/ za ma dang /

  369. 185b

    'bring dang / rab dang / rab kyi 'bring dang / rab kyi yang rab po// de la rab gyi yang rab bsgom pa ni 'og min gnam du ga so// rab kyi 'bring bzhos pa ni ma rlom ma na na so/ / rab ba bshAn shin tu mthong brgyum dus su'o// 'bring bas+ho// pan gang gan mnas s+ho// pas banas pa ni mim/ ma du // des kyang gcig ni smra ba la dga'/ gcig ni zhi ba la dga' 'o// de la zhi ba la dga' ba ni gzugs med pa'i khams su 'gro'o// ba la dga' ba ni gnas gtsang ma'i ris lngar gnas so// rnam bas te/ badres pa'i bsam gtan bsgom pa dang / 'dris pa mi bsgos pa'o// de la 'jis pa'i bsam gtan pa sgos pa ni gnas gtsang ba'i rig sngar 'gro'o// 'jib pa 'gro sa pa ni gzugs med pa'i kham sa skyes te/ tshe'i dus byas nas yos su m+b+ha ngan las 'das te/ de ni d+han rab kyis mya ngan las 'dus pa zhes bya'o// kA gzugs med pa'i khams su 'gro bar 'dod pa ni bsam gtan bzhi dang khyad par lnga sgom mi nus so/ / gang bsam gtan bzhi dang khyad par lnga bsgos pa ni gzugs med pa'i bsam gtan la spod do/ / byang chub sems dpa' 'od srungs kyis gsol pa/ bcom ldan 'das bar du mya ngan las 'das pa de dbang po rnon po lags sam/ mam /

  370. 186a

    dbang po rnon po lags na/ ci'i slad du da ltar gyi dus su mya ngan las mi 'da'/ ci'i slad du 'dod pa'i khams na bar gyi mya ngan las 'das pa mchis la/ gzugs kyi khams na ma mchis/ bcom ldan 'das kyis bka' stsal pa/ rigs kyi bu de ni da ltar gyis dus na chen po bzhi zhen pas lam sgom mi nus te/ dge slong dag chen po bzhi de yang gnas khang dang / bsod snyoms dang / gos dang / mal cha dang / nad kyi rkyen sman la sogs pa yo byad rnams dang mi ldan na/ da ltar gyi dus su mya ngan las 'da' bar mi 'gyur ro// rigs kyi bu nga rdzun dus gcig na yul mnyan du yod par gzhal med khang an gyi gter bzhugs pa las/ dge slong gcig gangan par 'ongs nas 'di skad ces gsol to// bcom ldan 'das bdag rtag tu lam sgoms na/ rgyun du zhugs pa nas/ dgra bcom pa'i 'bras bu'i bar du thob par ma gyur to// ngas de'i tshe dka' bo la khyod kyis dge slong 'di'i dgos pa thams cad sbyor cig ces bka' stsal to/ / de nas dga' bos dge slong de khrid de skyabs med zas sbyin gyi kun dga' ra bar song nas gnas khang bzang po byin no// de nas dge slong des dga' bo la smras pa/ btsun pa bdag gi phyir gnas khang yongs su dag par byas te/ rin po che sna bdun gyis brgyan cing / dar gyi cod pan dang / ba dan dang / gdugs la sogs pas rgyan du gsol/

  371. 186b

    dga' bos smras pa/ 'jig rten na dbul ba ni dge slong zhes bya ste/ bdag gis de dag ga la 'byor/ dge slong des smras pa/ btsun pa gal te bdag gi phyir de dag sbyar na legs so// gal te mi 'byor na bdag slar bcom ldan 'das gang na bar mchi'o// de nas dga' bos bcom ldan 'das gang na bar song nas 'di skad ces gsol to// bcom ldan 'das dge slong de bdag la rin po che sna bdun gyi rgyan dang / cod pan dang / ba dan dang / gdugs la sogs pa rnam pa sna tshogs 'tshal lo zhes mchi na/ bdag gis ji lta bur bgyi zhes gsol to/ / ngas de'i tshe dga' bo la khyod song la dge slong de'i yid bzhin du dgos pa'i yo byad thams cad sbyor cig ces bka' stsal to// de nas dga' bo phyir song nas/ dge slong de'i phyir yo byad thams cad tshogs par sbyar to/ / dge slong des thob nas rtse gcig tu bsgoms nas/ ring po ma thogs par rdzun du zhugs pa'i 'bras bu nas/ dgra bcom pa'i 'bras bu'i bar du thob par gyur to/ / rigs kyi bu sems can tshad med pa snyed yongs su mya ngan las 'das pa thob pa'i rigs pa las/ 'phongs brel bas sems 'khrugs pa'i phyir thob par ma gyur to/ / rigs kyi bu gzhan yang sems can dag phan pa'i don mang po byed pa la dga' bas brel te ting nge 'dzin thob par ma gyur pas/ da ltar mya ngan las 'das par ma gyur to//

  372. 187a

    rigs kyi bu ji ltar khyod kyis 'di skad du/ ci'i rgyu ci'i rkyen gyis 'dod pa'i khams kyi phung po spangs na/ bar du mya ngan las 'das pa yod la/ gzugs kyi khams na med ces bya ba ni/ rigs kyi bu gang zag des 'dod pa'i khams kyi nyon mongs pa rtogs pa'i rgyu dang rkyen rnam pa gnyis te/ nang dang phyi rol lo// de la gzugs kyi khams na phyi rol gyi rgyu dang rkyen med do/ / 'dod pa'i khams na sred pa'i sems rnam pa gnyis te/ 'dod pa la sred pa dang / gzugs la sred pa'o// sred pa de gnyis rtogs nas sems rtse gcig tu smod par 'gyur te/ de ltar smad nas yongs su mya ngan las 'da' bar 'gyur ro// 'dod pa'i khams na nyon mongs pa sbom po rnams smod par byed pa ni 'di lta ste/ 'dod chags dang / zhe sdang dang / khrel ba med pa dang / 'dzem pa med pa ste/ de'i rgyu de'i rkyen gyis mya ngan las 'da' ba thob par 'gyur ro// yang 'dod pa'i khams kyi lam gyi rang bzhin ni dpa' ba ste/ de ci'i phyir zhe na/ 'bras bu bzhi thob pa'i phyir ro// de bas na 'dod pa'i khams na bar du mya ngan las 'das pa yod la gzugs kyi khams na med do/ / rigs kyi bu bar du mya ngan las 'das pa la mdor rnam pa gsum ste/ rab dang / 'bring dang / tha ma'o// de la rab ni phung po spangs nas 'dod

  373. 187b

    pa'i khams dang ma bral bar yongs su mya ngan las 'da' ba'o/ / 'bring ni 'dod pa'i khams dang bral ma thag la/ gzugs kyi khams su ma phyin par yongs su mya ngan las 'da' ba'o// tha ma ni 'dod pa'i khams dang bral nas gzugs kyi khams la bsnyen nas gdod mya ngan las 'da' ba ste/ dper nya tsag 'gu zas the ba nas sdod pa ltar/ gang zag de yang de dang 'dra'o// ji ltar na sdod pa zhe na/ gzugs kyi khams dang / gzugs med pa'i khams su phung po blangs nas gnas pa'i phyir sdod pa zhes bya// 'dod pa'i khams kyi lha dang / mi dang / sems can dmyal ba dang / byol song gi skye gnas dang / yi dgas kyi lus mi len pa'i phyir sdod pa zhes bya/ kun nas nyon mongs pa tshad med pa snyed yongs su bcad nas lhag ma cung zad lus pa'i phyir sdod pa zhes bya'o/ / gzhan yang ci'i rgyu ci'i rkyen gyis spong pa zhes bya zhe na/ bus pa ma rabs dang 'thun pa'i las mi byed pa'i phyir sdod pa zhes bya bdag 'jigs pa med pas gzhan yang 'jigs par mi byed pa'i phyir sdod pa zhes bya/ / 'dod chags dang zhe sdang gnyis kyi sred pa spong ba'i phyir sdod pa zhes bya'o// rigs kyi bu pha rol gyi 'gram du phyin pa ni dgra bcom pa dang / rang sangs rgyas dang / byang chub sems dpa' dang / sangs rgyas kyi dpe ste/ ji ltar rus sbal chu dang skams gnyis kar 'gro nus

  374. 188a

    pa lta bu'o/ / de yang ci'i rgyu ci'i rkyen gyis rus sbal las dpe len zhe na/ des yan lag lnga shin tu sbed nus pa'i phyir te/ dgra bcom pa nas/ sangs rgyas rnams kyi bar du yang de dang 'dra bar/ dbang po lnga rab tu sder nus pa'i phyir/ rus sbal las dpe blangs pa yin no// chu dang skams zhes bya ba chu ni 'jig rten gyi dpe'o// skams ni/ 'jig rten las 'das pa lta bu ste/ 'phags pa de dag kyang de dang 'dra bar/ sdig pa mi dge ba'i nyon mongs pa thams cad shin tu rtogs nas pha rol tu phyin pa'i phyir/ chu dang skams gnyis ka la 'gro nus pa las dpe blangs so/ / rigs kyi bu ji ltar klung gang+gA'i nang na sems can rnam pa bdun yod de/ nya dang rus sbal zhes ming so sor btags pa yod mod kyi chu las gzhan ma yin te/ de bzhin du yongs su mya ngan las 'das pa dam pa chen po'i nang na yang log sred can nas/ sangs rgyas rnams kyi bar du ming so sor btags pa yod mod sangs rgyas kyi rang bzhin gyi chu las gzhan pa ma yin no/ / rigs kyi bu sems can rnam pa bdun po de dag gi dge ba 'am/ mi dge ba 'am/ thabs kyi lam mamra rnam par grol ba'i lam mam/ rim gyis 'jug pa'i lam mam/ rgyu 'am/ 'bras bu 'am/ thams cad kyang sangs rgyas kyi rang bzhin yin te/ de ni de bzhin gshegs

  375. 188b

    pas bdag gi yid dang sbyar te gsungs pa'i tshig go/ / byang chub sems dpa' 'od srungs kyis gsol pa/ bcom ldan 'das ji tsam du rgyu mchis na 'bras bu yang mchis par 'gyur te gal te rgyu ma mchis na 'bras bu yang ma mchis so/ / mya ngan las 'das pa ni 'bras bu zhes bgyi ste/ rtag pa'i rmad du rgyu ma mchis so// gal te ma mchis na ji ltar 'bras bu zhes bgyi mya ngan las 'das pa de nyid dge sbyong zhes kyang bgyi na/ dge sbyong zhes bgyi ba ni ji lta bu/ dge sbyong gi 'bras bu ni gang lags/ bka' stsal pa/ rigs kyi bu 'jig rten thams cad na 'bras bu rnam pa bdun yod do/ / gang zhe na/ thabs kyi 'bras bu dang / drin la lan blan pa'i 'bras bu dang / bsnyen bkur byed pa'i 'bras bu dang / lhag ma'i 'bras bu dang / mnyam pa'i 'bras bu dang / rnam par smin pa'i 'bras bu dang / spong ba'i 'bras bu'o// de la thabs kyi 'bras bu ni/ ji ltar 'jig rten pas ston khre 'bras mang du brdzus pas gcig la gcig thams cad kyi 'bras bu rnyed par gyur to zhes smras te/ thabs kyi 'bras bu zhes bya ba nyid las byas pa'i 'bras bu zhes bya'o// 'bras bu de la rgyu rnam pa gnyis te/ nye ba'i rgyu dang / ring ba'i rgyu'o// de la nye ba'i rgyu ni 'di lta ste/ sa bon no// ring ba'i rgyu ni chu dang / smed dang / mis las su bya

  376. 189a

    ste de ni thabs kyi 'bras bu zhes bya'o/ / de la drin la lan blon pa'i 'bras bu ni/ ji ltar 'jig rten pa dag pha ma la mchod pa byas pas/ pha mas 'di skad du bdag gis gsos pa'i rngon thob par gyur to zhes smras te/ bus drin la lan blan pa'i phyir 'bras bu zhes bya'o// 'bras bu de yang rgyu rnam pa gnyis te/ nye ba'i rgyu dang / ring ba'i rgyu'o/ / de la nye ba'i rgyu ni pha ma'i sngon gyi dge ba'i las 'ba' zhig byas pa'o// ring ba'i chu ni bu sri zhu can skyes te/ 'di ni drin la lan blan pa'i 'bras bu zhes bya'o// bsnyen bkur byas pa'i 'bras bu zhes bya ba ni/ dper na la la zhig dge ba'i bshes gnyen la bsnyen bkur byas na/ rgyun du zhugs pa'i 'bras bu nas/ dgra bcom pa'i 'bras bu'i bar du thob par 'gyur bas/ de 'di skad du bdag gis bsnyen bkur byas pa'i 'bras bu thob par gyur to zhes smra ba ste/ 'bras bu de yang rgyu rnam pa gnyis te/ nye ba'i rgyu dang / ring ba'i rgyu'o/ / de la nye ba'i rgyu ni dad pa'i sems so// ring ba'i rgyu ni dge ba'i bshes gnyen te/ de ni bsnyen bkur byas pa'i 'bras bu zhes bya'o// de la lcug ma'i 'bras bu zhes bya ba ni/ ji ltar srog mi gcod pa'i rgyus skye ba gsum pa la tshe ring bar gyur pa bzhin te/ de ni lhag ma'i 'bras bu'o// 'bras bu de la yang rgyu rnam pa gnyis te/ nye ba'i rgyu dang /

  377. 189b

    ring ba'i rgyu'o// de la nye ba'i rgyu ni lus dang / ngag dang / yid dag pa'o// ring ba'i rgyu ni tshe'i tshad ring ba ste/ de ni lhag ma'i 'bras bu zhes bya'o// de la mnyam pa'i 'bras bu zhes bya ba ni/ snod kyi 'jig rten la bya// 'bras bu de yang rgyu rnam pa gnyis te/ nye ba'i rgyu dang / ring ba'i rgyu'o// de la nye ba'i rgyu ni 'di ltar sems can rnams dge ba bcu'i las spyod pa'o/ / ring ba'i rgyu ni bskal pa gsum pa ste/ de ni mnyam pa'i 'bras bu zhes bya'o// de la 'bras bu rnam par smin pa'i 'bras bu zhes bya ba ni/ gang zag gis rnam par dag pa'i lus thob na/ lus dang / ngag dang / yid rnam par dag pa'i las byed de/ de 'di skad du bdag rnam par smin pa'i 'bras bu thob par gyur to zhes smra ba dang mtshungs te/ 'bras bu de yang rgya rnam pa gnyis te/ nye ba'i rgyu dang / ring ba'i rgyu'o// de la nye ba'i rgyu ni da ltar gyi lus dang / ngag dang / yid yongs su dag pa'o// ring ba'i rgyu ni sngon 'das pa'i lus dang / ngag dang / yid rnam par dag pa ste/ de ni 'bras bu rnam par smin pa'i 'bras bu zhes bya'o// spong ba'i 'bras bu zhes bya ba ni/ yongs su mya ngan las 'das pas nyon mongs pa rnams spangs pa ste/ dge ba'i las thams cad ni mya ngan las 'das pa'i rgyu'o// de la yang rnam pa gnyis te/ nye ba'i rgyu dang / ring ba'i rgyu'o// de la nye ba'i rgyu ni rna

  378. 190a

    par grol ba'i sgo gsum mo/ / ring ba'i rgyu ni rtse bzangs med pa'i bar du dge ba'i chos bsgoms pa'o// rigs kyi bu ji ltar 'jig rten gyi chos la skye ba'i rgyul yod la/ gsal ba'i rgyu yang yod par 'chad pa ltar/ 'jig rten las 'das pa'i chos kyang de dang 'dra bar skye ba'i rgyu yang yod la/ gsal ba'i rgyu yang yod par 'chad do// rigs kyi bu rnam par grol ba'i sgo gsum dang / byang chub kyi phyogs sum cu rtsa bdun ni/ nyon mongs pa thams cad kyi skye ba'i rgyur yang 'gyur la/ mya ngan las 'das pa'i gsal ba'i rgyu yang byed par 'gyur ro/ / rigs kyi bu nyon mongs pa spangs na gdod mya ngan las 'das pa gsal bar mthong bar 'gyur te/ de bas na mya ngan las 'das pa gsal ba'i rgyu 'ba' zhig yod kyi/ skye ba'i rgyu ni med do// rigs kyi bu khyod kyis ji ltar na dge sbyong zhes bya/ ji ltar na dge sbyong gi 'bras bu yin zhes bya ba ni/ rigs kyi bu dge sbyong zhes bya ba ni yang dag pa'i lam brgyad do/ / dge sbyong gi 'bras bu zhes bya ba ni 'phags pa'i lam gyis 'dod chags dang zhe sdang dang / gti mug yongs su bcad pa ste/ de ni dge sbyong drang dge sbyong gi 'bras bu zhes bya'o/ / byang chub sems dpa' 'od srungs kyis gsol pa/ bcom ldan 'das ci'i rgyu ci'i rkyen gyis yang dag pa'i lam brgyad la dge sbyong gi las shes

  379. 190b

    bgyi bka' stsal pa/ rigs kyi bu 'jig rten pas dge ba la mi chog pa zhes bya/ sbyong ba la ni lam zhes bya ste/ de ltar lam des mi chog pa thams cad dang / lam thams cad gcod par byed de/ de lta bas na 'phags pa'i lam gyi yan lag brgyad ni dge sbyong zhes bya'o// lam de las 'bras bu thob pa'i phyir dge sbyong gi 'bras bu zhes bya'o// rigs kyi bu yang dge sbyong zhes bya ba ni/ ji ltar 'jig rten pa dben par dga' ba la yang dge sbyong zhes bya ste/ lam de dang 'dra bar rnal 'byor pa dag lus dang / ngag dang / yid kyi mi dge ba'i log par 'tsho ba la sogs pa spangs te/ zhi ba'i dben pa la dga' ba thob pa'i phyir dge sbyong zhes bya'o// rigs kyi bu ji ltar na 'jig rten na mi'i nang na tha ma dag mi'i rab tu 'gyur bar byed pas dge sbyong zhes bya'o/ / lam de yang de dang 'dra ba'i mi'i nang na tha ma dag mi'i rab tu 'gyur bar byed pas dge sbyong zhes bya'o// rigs kyi bu dgra bcom pa yang lam de bsgoms na dge sbyong gi 'bras bu thob par 'gyur te/ de bas na pha rol tu phyin pa zhes bya'o// dgra bcom pa'i 'bras bu zhes bya ba ni slob pa med pa ste/ tshul khrims dang / ting nge 'dzin dang / shes rab dang / rnam par grol ba dang / rnam par grol ba sa khyen cing gzigs pa ste/ chos kyi klu'i yan lag lnga'o// yan lag lnga po de'i rkyen gyis pha rol tu phyin par 'gyur te

  380. 191a

    de bas na pha rol tu phyin pa zhes bya'o/ / de ltar pha rol tu phyin pa'i phyir/ 'di skad du bdag ni skye ba zad do// tshangs par spyod pa rdzogs so// bya ba byas so// srid pa phyi ma mi len no zhes smra'o// rigs kyi bu dgra bcom pa des dus gsum gyi skye ba'i rgyu yongs su bcad pa'i phyir/ 'di skad du bdag skye ba zad do zhes smra'o// khams gsum gyi lnga phung gi lus bcad pa'i phyir bdag skye ba zad do zhes smra'o/ / tshangs par spyad pa'i mthang thug pa'i phyir tshangs par spyod pa rdzogs so zhes zer ro// bslab pa'i lam spong ba'i phyir yang tshangs par spyad pa rdzogs so zhes smra'o/ / ji ltar thog ma tshol ba'i rnams da thob pa'i phyir bya ba byas so zhes smra'o// lam bsgoms nas 'bras bu thob pa'i phyir yang bya ba byas so zhes smra'o// zad la mi skye ba'i ye shes thob pa'i phyir bdag gis srid pa'i kun nas nyon mongs pa thams cad ma lus par byas so zhes smra'o// de bas na dgra bcom pa bdag pha rol tu phyin pa zhes bya'o// dgra bcom pa ji lta ba de ltar rang sangs rgyas kyang de bzhin no// byang chub sems dpa' dang sangs rgyas bcom ldan 'das ni pha rol tu phyin pa drug yongs su rdzogs pas/ pha rol tu phyin pa zhes bya ste/ sangs rgyas dang byang chub sems dpa' bla na med pa yang dag par rdzogs pa'i byang chub thob pas/ pha rol tu phyin pa drug yongs su rdzogs pa zhes bya'o// de ci'i phyir

  381. 191b

    zhe na/ pha rol tu phyin pa drug gi 'bras bu thob pa'i phyir te/ de ltar 'bras bu thob pa'i phyir rdzogs pa zhes bya'o// rigs kyi bu sems can rnam pa bdun po des lus mi sgom/ tshul khrims mi sgom/ sems mi sgom/ shes rab mi sgom/ de ltar dngos po rnam pa des ni bsgom mi nus pa'i phyir/ mtshams med pa lnga'i kha na ma tho bas dge ba'i rtsa ba gcod pa dang rtsa ba bzhi nyams pa dang / sangs rgyas dang / chos dang / dge 'dun la skur pa 'debs par 'gyur te/ de bas na rtag tu nub pa zhes bya'o// rigs kyi bu sems can rnam pa de bdun las gang dge ba'i bshes gnyen dang sten par byed pa des/ sems rtse gcig tu de bzhin gshegs pa'i dam pa'i chos mnyan cing bzung nas nang du shin tu yid la bya ste/ chos bzhin du gnas shing / lus dang / tshul khrims dang / sems dang / shes rab bsgom pa la rab tu brtson pa ni/ 'khor ba'i klung las rgal te pha rol gyi 'gram du phyin pa zhes bya'o/ / gal te gang glo log sred can dag bla na med pa yang dag par rdzogs pa'i byang chub thob bo zhes smra ba ni chags shing zhen pa'o// gang gis mi thob bo zhes smra ba ni yang dag pa ma yin pa'o/ / nga rigs kyi bu gang zag rnam pa bdun po de ni kha cig bdun char dang ldan pa yang yod la/ kha cig ni re re dang ldan pa yang yod do// rigs kyi bu gal te gang sems

  382. 192a

    dang ngag tha dad la smra ba yang tha dad par 'di skad du/ log sred can dag bla na med pa yang dag par rdzogs pa'i byang chub thob par 'gyur ro zhes sman sangs rgyas dang / chos dang / dge 'dun la skur pa yin par rig par bya'o// gang sems dang ngag tha dad la smra ba yang tha dad par 'di skad du/ log sred can dag bla na med pa yang dag par rdzogs pa'i byang chub thob par mi 'gyur ro zhes smra na/ de yang sangs rgyas dang / chos dang / dge 'dun la skur pa'o// rigs kyi bu gal te 'phags pa'i lam gyi yan lag brgyad ni skye bo ma rabs kyis thob par 'gyur ro zhes smra na/ de yang sangs rgyas dang / chos dang / dge 'dun la skur pa'o// rigs kyi bu gal te gang zhig sems can thams cad la nges par sangs rgyas kyi rang bzhin yod do zhes 'am/ nges par sangs rgyas kyi rang bzhin med do zhes smra na/ de yang sangs rgyas dang / chos dang / dge 'dun la skur pa'o// rigs kyi bu de'i phyir ngas mdo sde las mi rnam gnyis kyi sangs rgyas dang / chos dang / dge 'dun la skur par 'gyur ro zhes gsungs te/ de la gnyis ni mi dad pas zhe sdang gi sems dang bcas pa dang / dad kyang don mi shes pa'o// rigs kyi bu gal te gang dang pa'i sems yod kyang shes rab med na/ des ma rig pa skye bar byed do// gal te shes rab yod la

  383. 192b

    dad pa'i sems med na/ des ngan par lta ba skye bar byed do// rigs kyi bu mi dad pa ni zhe sdang gi sems kyis/ sangs rgyas dang / chos dang / dge 'dun dkon mchog med do zhes smra'o/ / dad la shes rab med pa ni don log par go bas chos thos pa'i rnams sangs rgyas dang / chos dang / dge 'dun la skur par byed do// rigs kyi bu de'i phyir ma dad pa 'i sdang can dang / dad pa shes rab med pa ni sangs rgyas dang / chos dang / dge 'dun dkon mchog la skur par 'gyur ro zhes dra gsungs so// rigs kyi bu gal te gang 'di skad du log sred can dag dge ba'i chos ma bskyed par bla na med pa yang dag par rdzogs pa'i byang chub thob bo zhes smra na/ de yang sangs rgyas dang / chos dang / dge 'dun la skur pa'o// / yang 'di skad du log sred can gyis log sred can spangs nas/ phung po gzhan gyis bla na med pa yang dag par rdzogs pa'i byang chub thob bo zhes smra na/ de yang sangs rgyas dang / chos dang // dge 'dun la skur pa'o// yang kha cig 'di skad du/ log sred can gyis dge ba'i rtsa ba bskyed nus te/ dge ba'i rtsa ba bskyed nas gcig gis gcig bsabs te/ rgyun mi 'chad pas bla na med pa yang dag par rdzogs pa'i byang chub thob pa'i phyir/ log sred can gyis bla na med pa yang dag par rdzogs pa'i byang chub thob bo zhes smra na/ de ni dkon mchog gsum la skur

  384. 193a

    pa ma yin par rig par bya'o/ / rigs kyi bu gal te kha cig 'di skad du/ sems can thams cad la nges par sangs rgyas kyi rang bzhin yod la/ rtag pa dang / bde ba dang / bdag dang / yongs su dag pa yod de/ ma byas na mi skye'o zhes smras te/ nyon mongs pa'i rkyen gyis mi mthong ngo zhes smra na/ de yang sangs rgyas dang chos dang / dge 'dun la skur pa'o// gang 'di skad du sems can thams cad la sangs rgyas kyi rang bzhin med de/ ri bong gi rwa bzhin no// thabs las skyes pa'i phyir thog ma med la da yod de/ yod nas phyir med par 'gyur ro zhes smra na/ de yang sangs rgyas dang / chos dang / dge 'dun la skur pa'o// gang 'di skad du sems can gyi sangs rgyas kyi rang bzhin yod pa yin te/ nam mkha' dang 'dra'o// med pa yin te/ ri bong gi rA dang 'dra'o// de ci'i phyir zhe na/ nam mkha'i ni rtag pa'i phyir/ ri bong gi rA ni med pa'i phyir tAM/ de bas na yod pa zhes kyang bya la/ med pa zhes kyang bya'o// yod pa'i phyir ni ri bong gi rwa lta bu ma yin/ med pa'i phyir na nam mkha' lta bu ma yin no zhes de ltar bshad pa de ni dkon mchog gsum la skur ba ma yin no/ / rigs kyi bu sangs rgyas kyi rang bzhin zhes bya ba ni chos gcig pa ma yin/ chos gnyis pa ma yin/ chos bcu ma yin/

  385. 193b

    chos brgya ma yin/ chos stong ma yin/ chos khri ma yin te/ bla na med pa yang dag par rdzogs pa'i byang chub ma thob pa'i tshe ni dge ba dang / mi dag pa dang / lung du mi ston pa thams cad kyang sangs rgyas kyi rang bzhin zhes bya ste/ de bzhin gshegs pas kha cig gi dus su ni rgyu las 'bras bur gsungs 'bras bu las rgyur gsungs te/ de ni de bzhin gshegs pas bdag gi yid dang sbyar te gsungs pa'i tshig go/ / bdag gi yid dang sbyar ba'i tshig gsung ba'i phyir de bzhin gshegs pa'o// de bzhin gshegs pas yid dang sbyar ba'i tshig gsungs pa na dgra bcom pa'o/ / yid dang sbyar ba'i tshig gsung bas na yang dag par rdzogs pa'i sangs rgyas shes bya'o// // 'phags pa yongs su mya ngan las 'das pa chen po'i mdo bam po sum cu rtsa bdun pa/ / / de nas byang chub sems dpa' 'od bsrungs kyis gsol pa/ bcom ldan 'das ji ltar bcom ldan 'das kyis gsungs pa ltar/ sems can gyi sangs rgyas kyi rang bzhin ni nam mkha' dang mtshungs so zhes bgyi ba/ ji ltar na nam mkha' dang mtshungs pa lags/ bka' stsal pa/ rigs kyi ba nam mkha'i rang bzhin ni 'das pa ma yin/ pa 'ongs pa pa yan/ da ltar ma yin te/ sangs rgyas kyi rang bzhin yang de dang 'anga'o// rigs kyi bu nam mkha' ri 'das

  386. 194a

    pa ma yin no/ / de ci'i phyir zhe na/ da ltar med pa'i phyir te/ chos rnams ni gal te da ltar yod na/ 'das pa yang brjod du rung ngo // da ltar med pa'i phyir 'das pa yang med do/ / de ci'i phyir zhe na/ ma 'ongs pa med pa'i phyir ro// gal te chos la ma 'ongs pa yod na/ da ltar yang brjod du rung ngo // de ltar ma 'ongs pa med pa'i phyir dkur med pa'o/ / ma 'ongs pa'ang med do// de ci'i phyir zhe na/ da ltar dang 'das pa med pa'i phyir ro// gal te da ltar dang 'das pa yod na/ ma 'ongs pa'ang yod par 'gyur te/ de ltar 'das pa dang da ltar med pa'i phyir ma 'ongs pa med do/ / de lta bas na nam mkha'i rang bzhin ni dus gsum du gtogs pa ma yin no// rigs kyi bu nam mkha' med pa'i phyir dus gsum med kyi/ yod pa'i phyir dus gsum med pa ni ma yin no// dper na nam mkha'i me tog dang 'dra'o// yod pa ma yin pa'i phyir dus gsum med pa ltar/ nam mkha' yang de 'dra bar yod pa ma yin pa'i phyir dus gsum med do/ / rigs kyi bu ci yang med pa ni nam mkha' zhes bya ste/ sangs rgyas kyi rang bzhin yang de dang 'dra'o// rigs kyi bu nam mkha' ni med pa'i phyir dus gsum du gtogs pa ma yin la/ sangs rgyas kyi rang bzhin yang rtag pa'i phyir/ dus gsum du gtogs pa ma yin no// rigs kyi bu de bzhin gshegs pas bla na med pa yang dag par

  387. 194b

    rdzogs pa'i byang chub thob pas/ sangs rgyas kyi rang bzhin dang / sangs rgyas kyi chos thams cad ni rtag ste/ mi 'gyur mi 'pho ba'o// de lta bas na nam mkha' dang 'dra bar dus gsum med pa'o/ / rigs kyi bu nam mkha' med pa'i phyir nang ma yin/ phyi rol ma yin no// sangs rgyas kyi rang bzhin yang rtag pa'i phyir nang ma yin/ phyi rol ma yin te/ de bas na sangs rgyas kyi rang bzhin ni nam mkha' dang mtshungs so/ / zhes gsungs so// rigs kyi bu ji ltar 'jig rten na thogs pa med pa'i gnas ni nam mkha'i 'o zhes gdags pa ltar/ de bzhin gshegs pa yang bla na med pa yang dag par rdzogs pa'i byang chub thob nas/ sangs rgyas thams cad kyi chos la thogs pa med pa'i phyir/ sangs rgyas kyi rang bzhin ni nam mkha' dang mtshungs so zhes bya ste/ de'i rgyu de'i rkyen gyis sangs rgyas kyi rang bzhin ni nam mkha' dang 'dra'o zhes ngas gsungs so// yang byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das sangs rgyas kyi rang bzhin dang / mya ngan las 'das pa ni dus gsum la gtogs pa ma lags kyang mchis pa zhes bgyin/ nam mkha' yang dus gsum la gtogs pa ma lags ci'i rmad du mchis pa zhes mi bgyi/ bcom ldan 'das kyis bka' stsal pa/ rigs kyi bu mya ngan las 'das pa ma yin pa'i phyir mya ngan las 'das pa zhes bya/ de bzhin gshes

  388. 195a

    pa ma yin pas de bzhin gshegs pa zhes bya/ sangs rgyas kyi rang bzhin ma yin pas sangs rgyas kyi rang bzhin zhes bya'o// de la ji ltar na mya ngan las 'das pa/ ma yin zhe na/ 'di lta ste/ nyon mongs pa thams cad dang / 'dus byas kyi chos thams cad yin te/ 'dus byas kyi nyon mongs pa de dag bcom pa'i phyir mya ngan las 'das pa zhes bya'o/ / de bzhin gshegs pa ma yin pa ni 'di lta ste/ log sred can nas/ rang sangs rgyas kyi bar du ste/ log sred can dang rang sangs rgyas kyi bar du bcom pa'i phyir de bzhin gshegs pa zhes bya'o/ / sangs rgyas kyi rang bzhin ma yin pa ni 'di lta ste/ kyang dang / rtsig pa dang / gyo mo dang / gseg ma dang / rnam par shes pa med pa'i rdzas thams cad de/ de ltar rnam par shes pa med pa'i rdzas de dag spong ba ni sangs rgyas kyi rang bzhin zhes bya'o// rigs kyi bu 'jig rten thams cad na nam mkha' ma yin par nam mkha'i/ zlar 'gyur ba med do// byang chub sems dpa' 'od srungs kyis gsol pa/ bcom ldan 'das 'jig rten na chen po bzhi ma lags par chen po bzhi'i zlar 'gyur ba ma mchis kyang chen po bzhi ni mchis shes 'gyir rung na/ nam mkha' yang zla ma mchis na/ ci'i slad du mchis pa zhes mi bgyi/ bcom ldan 'das kyis bka' stsal pa/ rigs kyi bu mya

  389. 195b

    ngan las 'das pa dus gsum du gtogs pa ma yin pas/ nam mkha' yang de dang 'dra'o zhes bya ba de ni de lta ma yin no// de ci'i phyir zhe na/ mya ngan las 'das pa ni yod pa yin te/ bltar rung / rtogs par rung / gzugs kyi rjen shul yin/ brjod pa'i tshig yin/ yod pa yin/ mtshan nyid yin/ dmigs pa yin/ skyabs su 'gro ba'i gnas yin/ zhi ba/ 'od snang ba/ bde ba'i 'bras bu yin te/ de bas na dus gsum du gtogs pa ma yin no// nam mkha'i rang bzhin la ni de lta bu med de/ de bas na med pa zhes bya'o/ / nga 'di dag la sogs pa ma gtogs par/ pha rol na chos gzhan yod na de ni dus gsum du gtogs par 'gyur ro// gal te nam mkha' yang yod pa'i chos de dang 'dra na/ dus gsum du gtogs pa ma yin no zhes byar mi rung ngo / / rigs kyi bu ji ltar 'jig rten pas smra ba ltar na/ nam mkha' ni gzugs med pa/ gnyen po med pa/ bltar med pa'o zhes brjod do/ / gal te gzugs dang gnyen po med la/ bltar med na sems las byung ba'i chos su 'gyur ro// gal te nam mkha' de sems las byung ba'i chos dang mthun na/ dus gsum du gtogs pa ma yin no zhes byar mi rung ngo / / de ltar dus gsum du gtogs pa yin na/ phung po bzhi yin par 'gyur te/ de bas na phung po bzhi las gzhan pa'i pha rol na nam mkha' zhes

  390. 196a

    bya ba med do/ / gzhan yang rigs kyi bu ru stegs can rnams na'ang skad du/ nam mkha' zhes bya ba ni snang ba yin no zhes zer ro// gal te snang ba yin na gzugs/ kyi chos su 'gyur te/ nam mkha' de ltar gzugs kyi chos yin na mi rtag par 'gyur/ de ltar mi rtag pa'i phyir dus gsum du gtogs par gyur na/ ci'i phyir mu stegs can gyis dus gsum du gtogs pa ma yin no zhes smra/ gal te dus gsum du gtogs na nam mkha' ma yin te/ nam mkha' rtag pa yin no zhes byar yang rung ngo // rigs kyi bu yang kha cig 'di skad du/ nam mkha' ni 'dug pa'i gnas yin no zhes zer ro// ji tsam du 'dug pa'i gnas yod pa ni de tsam du gzugs kyi chos su 'gyur te/ chos thams cad kyi gnas ni kun kyang mi rtog pa ste/ dus gsum du gtogs so/ / nam mkha' ni rtag pa ste/ dus gsum du gtogs pa ma yin no// gal te gnas yod par sman/ nam mkha' ni med par rig par bya'o// yang kha cig 'di skad du/ nam mkha' ni rim pa yin no zhes zer ro// gal te rim pa yin na bgrang ba'i chos su 'gyur te/ ji tsam du bgrang du rung ba ni/ dus gsum du gtogs par 'gyur ro// de ltar dus gsum du gtogs na/ ci'i phyir rtag pa zhes bya/ rigs kyi bu gal te yang kha cig 'di skad du/ nam mkha' zhes bya ba ni stong pa dang / mi stong pa dang / stong pa dang

  391. 196b

    masnang ba ste/ 'di gsum dang mi 'bral lo zhes zer ro// gal te thong pa yin no zhes stan/ nam mkha' ni mi rtag pa'i chos yin par rig go// de ci'i phyir zhe na/ mi TI blan med pa'i phyir ro/ / gal te mi stong pa yin no zhes stan/ nam mkha' yang mi rtag pa yin par rig go// de ci'i phyir zhe na/ stong pa'i dus na med pa'i phyir ro// ga2 stong pa dang mi stong pa yin no zhes smran/ nam mkha' yang mi rtag pa yin par rig go// de ci'i phyir zhe na/ gnyis ka'i gnas na med pa'i phyir te/ de bas na nam mkha' ni med pa zhes bya'o/ / rigs kyi bu yang 'di skad du/ nam mkha' ni byar rung ba ste/ ji ltar shing dang khang pa med par byas na nam mkha' byas pa yin no zhes 'am/ snyam na nam mngar 'gyur zhe'am/ nam mkha' 'gebs pa dang / nam mkha' lnga 'dzegs pa dang nam mkha'i khadog rgya mtsho'i chu dang 'dra bar ri thor 'dzi bste/ de bas na nam mkhazhin byar rung ba'i chos so zhes smra na/ ji tsam du byas pa'i chos thams cad ni mi rtag pa ste/ rdza ma dang mtshungs so// gal te nam mkha' yang de dang 'dran mi rtag pa yin par 'gyur ro// rigs kyi bu 'jig rten pa dag gang thams cad la thogs pa med pa'i chos ni nam mkha' yin no zhes sman thogs pa med do// chos gcig la thams cad rdzogs par yod dam/ phyogs tsam

  392. 197a

    zhig yod/ gal te rdzogs par yod pa zhig yin na/ gnas gzhan nam mkha' med par rig go// gal te phyogs tsam zhig yod na/ 'di dang pa bi zhes bgrang / pa'i chos su 'gyur ro// ci ste bgrang ba yin na mi rtog par rig go// rigs kyi bu yang kha cig 'di skad du/ nam mkha' ni thogs pa med de/ yod pa dang 'brel bar 'gyur ro// yang kha cig nam mkha' ni rdzas kyi nang na yod de/ de ltar sdod kyi nang du 'bras bu bzhag pa dang brda'o zhes zer te/ de gnyis ka yang bden pa ma yin no// de ci'i phyir zhe na/ gal te 'brel ba yin no zhes byar ni rnam pa gsum du 'gyur te/ las tha dad pas 'brel ba ste/ ji ltar bya dag shing la 'dus pa 'dra'o// las thun mong bas 'brel pa ste/ lus gnyis gcig la gcig reg pa dang 'dra'o/ / 'brel bas thun mong bar 'brel ba ste/ sor mo gnyis lhan cig tu bsdams pa dang 'dra'o// gal te las tha dad pa thun mong dang 'brel lo zhes byar ni tha dad pa la rnam pa gnyis te/ rdzas kyi las dang / nam mkha'i las so// gal te nam mkha'i las rdzas dang 'brel bar 'gyur na/ nam mkha' rtsirba rtag par 'gyur ro/ / gal te rdzas kyi las nam mkha' dang 'brel bar gyur na/ rdzas kun tu khyab par mi 'gyur ro// gal te kun tu khyab na de'ang mi rtag pa'o// gal ta nam

  393. 197b

    mkha' ni rtag pa yin te/ rang bzhin gyis mi g.yo ba yin yang g.yo ba'i rdzas dang 'brel bar 'gyur ro zhes smran/ de yang de ltar ma yin no// de ci'i phyir zhe na/ n am mkha' rtag na rdzas kyang rtag pa'i rigs so/ / gal te rdzas mi rtag na nam mkha' yang mi rtag go// gal te nam mkha' ni rtag pa yin la mi rtag pa yang yin no zhes smran de ni gnas med do/ / gal te thun mong ba'i las dang 'brel lo zhes smra na/ de yang de lta ma yin no// de ci'i phyir zhe na/ nam mkha' ni kun tu khyab pa ste/ gal te las dang 'bral ba zhig yin na/ las kyang kun tu khyab pa'i rigs so// gal te kun tu khyab pa yin na/ thams cad du khyab par 'gyur ro// thams cad du khyab par gyur na/ thams cad dang 'brel bar rigs kyi 'brel bar dang mi 'brel ba yod ces byar ni mi rung ngo / / 'brel bas thun mong dang 'brel bar 'gyur te/ mdzub mo gnyis lhan cig bsdams pa dang 'drar zhes bya ba de yang de lta ma yin no/ / de ci'i phyir zhe na/ thog ma nas 'brel ba med par phyis 'brel bar 'gyur ba'i phyir te/ de ltar thog ma med la phyis yod pa zhig yin na/ de yang pi rtag pa'i chos su 'gyur te/ de bas na 'jig rten pa'i chos ltar thog ma med la phyis yod de/ nam mkha' ni 'brel bas thun mong dang 'brel lo zhes byar mi rung ngo // rdzas mi rtag pa

  394. 198a

    wAr nam mkha' yang de dang 'dun/ de yang mI rtag par 'gyur ro// gzhan yud na du mkha' ni rdzas kyi nang na yod de/ ji ltar snod kyi nang du 'bras bzhag pa dang 'dra'o zhes smra na/ de yang de ltar ma yin no// de ci'i phyir zhe na/ de ltar nam mkha' de snod med pa'i snga rol na gang du kanas/ gal te gnas yod na nam mkha' yang rnam pa mang por 'gyur ro/ / de ltar mang ba yin na/ ci'i phyir rtag pa dang / gcig pa dang / khyab pa zhes bya/ gal te nam mkha' de stong pa spangs pa'i pha rol na gnas yod pa zhig yin na/ srid pa'i rdzas kyang nam mkha' spangs pa'i pha rol na gnas pa'i rigs te/ de bas na nam mkha' med par rig go// rigs kyi bu gang mdzub mo bsgreng ba'i gnas la nam mkha' yin zhes byar ni nam mkha' mi rtag pa'i chos yin par 'gyur ro/ / ci'i phyir zhe na/ mdzub mo la phyogs ba ni yod do// gal te phyogs bzhi yod na/ nam mkha' yang phyogs bzhi yod pa'i rigs so/ / rtag pa'i chos thams cad ni phyogs med de/ de ltar phyogs cha yod pa'i phyir na nam mkha' mi rtag pa'o// de ltar mi rtag pa yin na thang po lnga mi thazang po lnga spangs pa'i pha rolan srid pa med panis rgya yin pa 'gyur ro/ / rigs kyi khrigs ni sring pa chos chen cing 'brel ba la gnas na/ ma

  395. 198b

    mi rtag pa yin par rigs par bya'o/ / rigs kyi bu dper na sems can thams cad dang / shing dang / nags tshal thams cad la rten cing gnas te/ sa nyid mi rtag pa'i phyir sa la rten pa'i rdzas kyang rim gyis mi rtag go/ / rigs kyi bu sa ni chu la rten te/ chu mi rtag pa'i phyir sa yang mi rtug go// chu ni rlung la rten te/ rlung mi rtag pa'i phyir chu yang mi rtag go/ rlung ni nam mkha' la rten te/ nam mkha' mi rtag pa'i phyir rlung yang mi rtag go// de ltar mi rtag na ci'i phyir nam mkha' ni rtag pa yin te/ thams cad du khyab pa'o zhes smra/ nam mkha' ni med pa'i phyir 'das pa dang / ma 'ongs pa dang / da ltar ma yin no// ri bong gi rwa dang yang 'dra bar med pa'i rdzas yin pas/ 'das pa dang / ma 'ongs pa dang da ltar ma yin te/ de bas na sangs rgyas kyi rang bzhin ni rtag pa'i phyir dus gsum du gtogs pa ma yin no// nam mkha' ni med pa'i phyir dus gsum du gtogs pa ma yin no zhes gsungs so/ / rigs kyi bu nga ni 'jig rten dang mi rtsod do// de ci'i phyir zhe na/ mkhas pa shes rab can gyis yod par smra na/ nga yang yod par gsungs so// mkhas pa shes rab can gyis med par smran/ nga yang med par gsung ngo // byang chub sems dpa' 'od srungs kyis gsol pa/ bcom ldan 'das byang chub sems dpa' sems dpa' chen po

  396. 199a

    chos du dang ldan na/ 'jig rten dang mi rtsod cing 'jig rten gyi chos kyis mi gos par 'gyur/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po chos bcu dang ldan na/ 'jig rten dang mi rtsod cing 'jig rten gyi chos kyis mi gos par 'gyur ro// bcu gang zhe na/ 'di ltar dad pa dang / tshul khrims rang dge ba'i bshes gnyen la sten pa dang / nang du yid la byed pa dang / brtson 'grus dang ldan pa dang / yang dag pa'i dran pa dang ldan pa dang / shes rab dang ldan pa dang yang dag pa'i ngag dang ldan pa dang / dam pa'i chos la mos pa dang / sems can la snying brtse ba'o// rigs kyi bu byang chub sems dpa' chos bcu po de dang ldan na/ 'jig rten pa dang mi rtsod de/ u dum ba ra'i me tog ltar/ 'jig rten gyi chos kyis mi gos so// byang chub sems dpa' 'od srungs kyis gsol pa/ bcom ldan 'das kyis ji ltar bcom ldan 'das kyis gsungs pa ltar/ 'jig rten gyi mkhas pa shes rab can gyis yod par smra na nga yang yod par gsung ngo // 'jig rten gyi mkhas pa shes rab can gyis med par smra na nga yang med par gsungs pa de ji ltar na 'jig rten gyi mkhas pa shes rab can gyis yod pa dang med par smra ba lags/ bcom ldan 'das kyis bka' stsal pa/ rigs kyi bu ji ltar 'jig rten gyi mkhas pa shes rab can gyis

  397. 199b

    gzugs la mi rtag pa dang / sdug bsngal ba dang / stong pa dang / bdag med pa yin no zhes smra ba nas/ rnam par shes pa'i bar du yang de bzhin du sman/ rigs bu de ni 'jig rten gyi mkhas pa shes rab can gyis yod par smra ba yin te/ nga yang yod par gsung ngo // rigs kyi bu 'jig rten gyi mkhas pa shes rab can gyis gzugs la rtag pa med pa dang / bde ba med pa dang / bdag med pa dang / yongs su dag pa med pa'o zhes smra ba nas/ tshor ba dang / 'du shes dang / 'du byed dang / rnam par shes pa'i bar du yang de dang 'dra bar smran rigs kyi bu de ni 'jig rten gyi mkhas pa shes rab can gyis med par smra ba yin te/ ra yang med par gsung ngo // byang chub sems dpa' 'od srungs kyis gsol pa/ bcom ldan 'das 'jig rten gyi mkhas pa shes rab can ni sangs rgyas dang / byang chub sems dpa' dang / 'phags pa thams cad lags so// gal te 'phags pa rnams kyi gzugs mi rtag pa dang sdug bsngal ba dang / stong pa dang / bdag med pa lags na/ ci'i slad du bcom ldan 'das kyis sangs rgyas kyi gzugs kyi sku ni rtag pa ther zug mi 'gyur ba'o zhes gsungs 'jig rten gyi mkhas pa shes rab can chos thams cad med pa'o zhes 'chang na/ ci'i rmang du bcom ldan 'das kyis yod par gsungs de ltar sangs rgyas bcom ldan 'das kyis de ska

  398. 200a

    ces gsungs na/ ji ltar 'jig rten dang mi rtsod cing 'jig rten gyi chos kyis mi gos pa zhes bgyi bcom ldan 'das kyis ni 'di ltar 'du shes log pa dang / sems log pa dang / lta ba log pa dang / 'di gsum yongs su spangs pas sangs rgyas kyi gzugs ni yang dag par mi rtag pa yin no zhes gsungs la/ nga yang 'di ltar rtag pa'o zhes gsungs na/ ji ltar phyin ci log spangs shing 'jig rten dang mi rtsod pa zhes bgyi/ bcom ldan 'das kyis bka' stsal pa/ rigs kyi bu bus pa ma rabs kyi gzugs ni nyon mongs pa las skye bas/ de'i phyir mkhas pa shes rab can gyis gzugs ni mi rtag pa dang / sdug bsngal ba dang / stong pa dang / bdag med pa'o zhes bshad do// de bzhin gshegs pa'i gzugs ni nyon mongs pa dang yongs su bral bas/ de'i phyir rtag pa dang / zer zug mi 'gyur mi 'pho ba'o zhes gsungs so// byang chub sems dpa' 'od srungs kyis gsol pa/ bcom ldan 'das ji ltar gzugs nyon mongs pa las skye bar 'gyur ba lags bcom ldan 'das kyis bka' stsal pa rigs kyi bu nyon mongs pa la rnam pa gsum ste/ 'di ltar 'dod pa'i zag pa dang / srid pa'i zag pa dang / ma rig pa'i zag pa'o// mkhas pa shes rab can gyis zag pa gsum gyi skyon rnams shin

  399. 200b

    chu rtogs par bya'o/ / de ci'i phyir zhe na/ nyes pa'i snron shes na spong bar 'gyur ba'i phyir ro// dper na sman pas sngar nad pa'i rtsa lA thA/ nad gi rgyas shes nas gdod spyan gdong / ba dang 'dra'o// rigs kyi bu dper na dmus long zhig khrid de/ tsher ma g.yon can gyi tshal gyi nang du bor nas phyir log na/ dmus long de 'byung bar shin tu dkar 'o// ci ste 'byung bar gyur na yang lus thams cad bral bar 'gyur ba dang 'dra bar 'jig rten gyi bus pa ma rabs kyang de dang mtshungs so/ / zag pa gsum gyi nyes pa'i skyon mi mthong mi shes pas phyi bzhin 'brang ngo / / gang mthong ba ni spong bar byed de/ nyes pa'i skyon shes nas 'bras bu rnam par smin pa yang yang zhing chung bar 'gyur ro// rigs kyi bu gang zag la rnam pa bzhi ste gcig ni las byed pa'i tshe lci la/ rnam par smin pa myong ba'i tshe yang ba'o// gcig ni las byed pa'i tshe yang la/ rnam par smin pa myong ba'i tshe lci ba'o// yang gcig ni las byed pa'i tshe yang lci la/ rnam par smin pa len pa'i tshe'ang lci ba'o// yang gcig ni las byed pa'i tshe yang yang la/ rnam par smin pa len pa'i tshe yang yang ba'o// rigs kyi bu gang nyon mongs pa'i skyon rtogs pa ni las byas pa dang / 'bras bu smin pa gnyis ka yang ngo // rigs kyi bu mkhas pa shes rab can dag gis 'di snyam du/ bdag gis 'di lta bu'i zag pa de

  400. 201a

    dag spang ngo / / sdig pa mi dge ba'i dngos po de dag kyang mi bu'o rgyam sems so// de ci'i phyir zhe na/ bdag darung sems can stsal ba dang / rgyal song gi gnas pa dang / yi dwags dang / lga dang / mi'i rnam par smin pa las mthar te/ gal te bdag gis spyad pa la nan tan byas na/ de'i mthus sdug bsngal thams cad yongs su bcom par 'gyur ro zhes des de ltar brtag nas/ 'dod chags dang / zhe sdang dang / gti mug nyam dma' bar 'gyur ro// 'dod chags dang / zhe sdang dang / gti mug nyam dma' bar gyur pa mthong nas/ sems rab tu dga' bar gyur te/ yang 'di snyam du deng bdag 'di ltar gyur pa yang nan tan du spyod pa'i mthus bdag mi dge ba'i chos dang bral te/ dge ba'i chos dang bsnyen par gyur to// de bas na yang dag pa'i lam mngon sum du mthong bar gyur kyis/ brtson 'grus bskyed de bsgom mo snyam sems so// des der brtson par bsgoms pa'i mthus mi dge ba'i nyon mongs pa tshad med pa snyed dang / sems can dmyal ba dang / byol song gi skye gnas dang / yi dgas dang / mi dang / lha'i 'bras bu rnam bar smin pa spong bar 'gyur te/ de bas na ngas mdo sde las srid pa'i zag pa nyon mongs pa dang / srid pa'i zag pa'i rgyu la brtag par bya'o zhes gsungs so// de ci'i phyir zhe na/

  401. 201b

    mkhas pa shes rab can dag gis gal te zag pa la rtog cing / zag pa'i rgyu ma brtags na nyon mongs pa thams cad chod par mi 'gyur ro// de ci'i phyir zhe na/ mkhas pa shes rab can gyis zag pa ni rgyu de las skye bar gyur to snyam rtogs nas/ bdag gis da rgyu de yongs su bcad na zag pa mi skye bar 'gyur ro snyam rtog go// rigs kyi bu de yang ji ltar sman pas nad kyi rgyu yongs su bcad na nang skye bar mi 'gyur ba ltar/ mkhas pa shes rab can dag gi sngar nyon mongs pa'i rgyu bcad pa yang de dang 'dra ste/ mkhas pa shes rab can ni sngar rgyu rtog ste/ de'i 'og tu 'bras bu rtog go/ / dge ba'i rgyu las dge ba'i 'bras bu skye ba dang / mi dge ba'i rgyu las mi dge ba'i 'bras bu skye bar shin tu rtogs so// 'bras bu rtogs nas mi dge ba'i rgyu spong bar byed do// de ltar 'bras bu brtags nas/ rim gyis nyon mongs pa srab pa dang sdug pa rtog go// srab pa dang sdug pa brtags nas sngar stug po spong ngo // de ltar stug po spangs nas srab mo rang med par 'gyur ro/ / rigs kyi bu mkhas pa shes rab can dag gis de ltar nyon mongs pa dang / nyon mongs pa'i rgyu dang / nyon mongs pa'i 'bras bu dang / nyon mongs pa srad pa dang stug po shes nas/ de nas de'i tshe nyon mongs pa de dag dag pa'i phyir/ byang chub kyi lam la mi sdong mi 'gyod par rab tu brtson zhing dge ba'i bshes gnyen la bsten te/ sems rtse gcig

  402. 202a

    tu chos nyan to/ / rigs kyi bu dper ni nad pa zhig bdag gi nad yang zhing gdon mi za bar 'tsho bar shes nas/ sman khab rnyed kyang 'gyod pa med par 'thung ba ltar/ mkhas pa shes rab can dag de dang 'dra ste/ 'phags pa'i lam la rab tu brtson par mos shing mya ngan mi byed rgyun mi 'chad de 'gyod par mi byed do// rigs kyi bu gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srub mo dang stug po shes nus/ nyon mongs pa de dag bsal ba'i phyir/ 'phags pa'i lam bsgom pa la rab tu brtson te/ de ni nyon mongs pa la gzugs skye ba ma yin pa nas/ tshor ba dang / 'du shes dang / 'du byed dang / rnam par shes pa'i bar du yang de dang 'dra'o/ / gal te gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srab mo dang stug po mi shes shing / 'phags ba'i lam la mi brtson pa de ni/ nyon mongs pa las gzugs skye ba ma yin pa nas/ tshor ba dang / 'du shes dang / 'du byed dang / rnam par shes pa'i bar du yang de dang 'dra'o/ / rigs kyi bu gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srab mo dang thug po shes shing

  403. 202b

    nyon mongs pa gcod pa'i phyir/ byang chub la nan tan byed pa ni de bzhin gshegs pa yin te/ de bas na de bzhin gshegs pa'i gzugs ni rtag pa ste/ rnam par shes pa'i bar du yang rtag pa'o/ / rigs kyi bu gang nyon mongs pa dang / nyon mongs pa'i rgyu dang / nyon mongs pa'i 'bras bu rnam par smin pa dang / nyon mongs pa srab mo dang thug po shes shing / byang chub la nan tan mi byed pa ni/ bus pa ma rabs so so'i skye bo ste/ de bas na bus pa ma rabs so so'i skye bo'i gzugs mi rtag pa nas/ tshor ba dang / 'du shes dang / 'du byed dang / rnam par shes pa'i bar du yang mi rtag go// rigs kyi bu 'jig rten gyi mkhas pa shes rab can dang / 'phags pa dang / byang chub sems dba' dang / sangs rgyas thams cad kyis kyang don de ltar gnyis su bshad de/ nga yang de ltar gnyis su gsung ngo // de bas na ngas bshad pa ni 'jig rten gyi mtha dang byed de/ 'jig rten chochos kyis ma // byang chub sems dpa' 'od srungs kyis/ bcom ldan 'das la 'di skad ces // bcom 'das ji kar bcom ldan 'das srid pa 'ag pa rnam pa gsum gsungs pa la/ ji ltar na 'dod pa'i rig pa dang / brid pa'i theg pa dang / ma rig pa'i zag pa lags

  404. 203a

    bcom ldan 'das kyis bka' stsal pa/ rigs kyi bu 'dod pa'i zag pa zhes bya ba ni/ nang gi mi dge bar rnam par rtog pa dang / phyi rol gyi rkyen gyis brtsod pas 'dod pa'i zag pa skye bar 'gyur te/ de bas na ngas sngun grong khyer rgyal po'i khab na/ dga' bo la 'di skad ces bka' stsal to// dga' bo khyod bu mo 'dis smras pa'i tshig su bcad pa zung zhig/ tshigs su bcad pa 'di ni spun 'das pa'i de bzhin gshegs pa rnams kyis gsungs pa yin no// de bas na nang gi mi dge bar rnam par rtog pa dang / phyi rol gyi rkyen rnams ni 'dod pa zhes bya ste/ de ni 'dod pa'i zag pa'o// de la srid pa'i zag pa ni gzugs dang gzugs med pa'i khams kyi nang gi mi dge ba'i chos rnams dang / phyi rol gyi rgyu rkyen rnams te/ 'dod pa'i khams kyi phyi rol gyi rkyen rnams dang / nang gi mi dge bar rnam par rtog pa ni ma gtogs par/ de dag ni zid pa'i zag pa'o// ma rig pa'i zag pa ni bdag dang bdag gi ba mi shes shing / nang dang phyi rol gyi bye brag mi byed pa ni ma rig pa'i zag pa'o// rigs kyi bu ma rig pa ni zag pa thams cad kyi rtsa ba'o// de ci'i phyir zhe na/ sems can thams cad ni ma rig pa'i rgyu dang rkyen gyis phung po dang / skye mched dang / khams las 'du shes shing / 'du shes 'jog pas sems can

  405. 203b

    zhes bya ste/ de ni 'du shes log pa dang / bsam pa log pa dang / lta ba log pa ste/ de'i rgyu de'i rkyen gyis zag pa thams cad bskyed do// de bas na ngas mdo sde bcu gnyis las ma rig pa ni 'dod chags dang / zhe sdang dang / gti mug gi rgyu yin no zhes gsungs so// byang chub sems dpa' 'od srungs kyis gsol pa/ bcom ldan 'das de bzhin gshegs pas sngun mdo sde bcu gnyis las mi dge ba rnam par rtog pa'i rgyu dang rkyen gyis 'dod chags dang / zhe sdang dang / kati mug skye'o zhes gsungs na/ de'i rgyu de'i rkyen gyis ma rig pa las skyes so zhes gsungs/ bka' stsal pa/ rigs kyi bu 'di ltar chos de gnyis ni/ gcig gi rgyu gcig yin la/ gcig gi 'bras bu gcig ste/ gcig gis gcig bskyed do/ / mi dge bar rnam par rtog pas ma rig pa bskyed do// ma rig pa'i rkyen gyis mi dge ba'i rtog pa skye'o// rigs kyi bu gang nyon mongs pa rnams bskyed pa ni kun nas nyon mongs pa'i rgyur 'gyur te/ de ltar nyon mongs pa'i rgyu dang nye ba ni ma rig pa dang mi dge ba'i rtog pa zhes bya ste/ ji ltar 'bras bu las myu gu skye ba bzhin du 'bras bu ni nye ba'i rgyu'o// chen po bzhi ni ring ba'i rgyur 'gyur ba ltar/ nyon mongs pa yang de dang 'dra'o// byang chub sems dpa' 'od srungs kyis/ yang bcom ldan 'das la 'di skad ces gsol to// bcom ldan 'das

  406. 204a

    ji ltar bcom ldan 'das kyis gsungs pa lhur na/ ma rig pa nyid zag pa'o zhes gsungs na/ ci'i slad du ma rig pa'i rkyen gyis zag pa rnams skye'o zhes gsungs/ bcom ldan 'das kyis bka' stsal pa/ rigs kyi bu ji ltar ngas ma rig pa nyid zag par gsungs pa ni nang gi ma rig pa'o// ma rig pa'i rgyu las zag pa rnams skye ni nang dang phyi rol gyi rgyu'o/ / gang ma rig pa nyid zag par 'chad pa ni nang gi phyin ci log pa zhes bya ste/ mi rtag pa dang / sdug bsngal ba dang / stong pa dang / 'dug med pa mi shes pa'o/ / gang nyon mongs pa thams cad kyi rgyur 'chad pa ni phyi rol gyi bdag dang bdag gi ba mi shes pa'o// gang ma rig pa nyid zag par 'chad pa ni thog ma dang tha ma med par 'gyur/ ro// ji lta zhe na/ ma rig pa las phung po dang / skye mched dang / khams la sogs pa skye ba'i phyir ro// byang chub sems dpa' 'od srungs kyis/ yang bcom ldan 'das la 'di skad ces gsol to/ / bcom ldan 'das ji ltar bcom ldan 'das kyis gsungs pa ltar/ mkhas pa shes rab can gyis zag pa'i rgyu shes so zhes bgyi ba ji ltar na mas ba'i rgyu shes pa lags/ bcom ldan 'das kyis bka' stsal pa/ rigs kyi bu mkhas pa shes rab can ni 'di ltar rtog go// ci'i rgyu ci'i rkyen las nyon mongs pa 'di skye bar

  407. 204b

    'gyur/ las ci zhig byas pa las nyon mongs pa 'di skye bar 'gyur/ gang gi tshe na nyon mongs pa 'di skye bar 'gyur/ su dang lhan cig tu gnas pa'i tshe na nyon mongs pa 'di skye bar 'gyur/ gang na gnas pa na nyon mongs pa 'di skye bar 'gyur/ dngos po ci la brtags pas nyon mongs pa 'di skye bar 'gyur/ su'i gnas khang dang / mal cha dang bsod snyoms dang / gos dang / nad kyi rkyen sman la sogs pa blangs pas nyon mongs pa 'di skye bar 'gyur/ ci'i rgyu ci'i rkyen gyis tha ma las 'bring du 'gyur/ 'bring las rab tu 'gyur/ las tha ma las 'bring du 'gyur/ las tha ma las 'bring rab tu 'gyur snyam yongs su rtog go// byang chub sems dpa' sems dpa' chen po de ltar rtog na/ ba'i chu dang rkyen yongs su spong bar 'gyur ro// de ltar rtog pa na nyon mongs pa ma skyes pa ni bkag nas skye bar mi byed/ nyon mongs pa skyes pa ni thabs kyis 'gags par byed de de bas na zag pa'i ngas mdo sde las mkhas pa shes rab can gyis nyon mongs pa rtse ba'i rgyu ba rtag par bya'o zhes gsungs so/ / byang chub sems dpa' 'od grangs kyis/ yang bcom ldan 'das sa 'di skad ces gsol to/ / bcom ldan 'das ji ltar sems can gyi lus gcig las nyon mongs pa rnam pa sna tshogs skye bar 'gyur/ bcom ldan 'das kyis bka' stsal pa

  408. 205a

    rigs kyi bu dper na snod gcig gi nang na sa bon sna tshogs yod na/ chu 'am char pa dang phrad na so sor skye ba ltar/ sems can yang de dang 'dra ste snod gcig/ mod kyi/ srid pa'i rgyu dang rkyen gyis nyon mongs pa sna tshogs skye bar 'gyur ro// byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das mkhas pa shes rab can gyis ji ltar 'bras bu rnam par smin pa la rtog/ bka' stsal pa/ rigs kyi bu mkhas pa shes rab can ni/ 'di ltar zag pa rnams kyi rgyu dang rkyen gyis sems can dmyal ba dang / byol song gi skye gnas dang / yi dgas su skye bar 'gyur ba la/ zag pa med pa'i rgyu dang rkyen gyis lha dang me'i lus thob ste/ de dag kyang mi rtag pa dang / sdug bsngal ba dang / stong pa dang / bdag med pa yin no// lus kyi snod 'di las sdug bsngal rnam pa gsum dang / mi rtag pa rnam pa gsum thob ste/ zag pa 'di'i rgyu dang rkyen gyis sems can rnams mtshams med pa lnga'i kha na ma tho ba byed cing / ngan song gi 'bras bu rnam par smin pa myong ba dang / dge ba'i rtsa ba gcod cing rtsa ba bzhi 'jig pa dang / dkon mchog gsum la skur bar 'gyur ro zhes yongs su rtog go// mkhas pa shes rab can ni 'di ltar bdag gi lus thob pa 'dis nyon mongs pa bskyed de/ ngan song

  409. 205b

    kaM 'bras bu rnams len pa'i mi rigs so snyam yongs su rtog go/ / byang chub sems dpa' 'od srungs kyis yang gsol pa/ bcom ldan 'das zag pa med pa'i 'bras bu yang mchis shes kyang gsungs la/ mkhas pa shes rab can gyis 'bras bu rnam par smin pa rnams yongs su gcod do zhes kyang gsungs na/ zag pa med pa'i 'bras bu yongs su gcod pa la/ gtogs sam/ byang chub thod pa rnams la zag pa med pa'i 'bras bu mchis pas/ mkhas pa shes rab can gyis zag pa med pa'i 'bras bu tshol na/ ci'i slad du bcom ldan 'das kyis mkhas pa shes rab can rnams kyis rnam par smin pa'i 'bras bu yongs su gcad par bya'o zhes gsungs/ de ltar gcad pa zhig lags na/ da ltar gyi 'phags pa rnams mchis shes bgyir rung ngam/ bka' stsal pa/ rigs kyi bu de bzhin gshegs pas ched 'ga' ni rgyu la 'bras bur gsungs/ ched 'ga' ni 'bras bu la rgyur gsungs te/ ji ltar 'jig rten pas 'jim pa nyid ni rdza ma'o/ / skud pa nyid gos so zhes zer ba dang mtshungs te/ de ni rgyu la 'bras bu bshad pa'o// 'bras bu la rgyur bshad pa ni ba lang nyid chu dang rtswa ste/ mi yang zas yin no/ zhes bshad pa lta bu'o// ngas kyang de ltar rgyu la 'bras bur bshad de/ ngas mdo sde las 'di skad du ngas lus dang sems kyis tshangs pa'i gnas su 'gro'o zhes bya ba ni rgyu la 'bras bur

  410. 206a

    bshad pa'o/ / 'bras bu la chur bshad pa ni skye mched drug po 'di nyid spun gyi lam yin no zhes bya ba ni 'bras bu la rgyur bshad pa'o// rigs kyi bu 'phags pa thams cad la/ yang dag par na zag pa med pa'i 'bras bu med de/ 'phags pa thams cad kyis yongs su bsgoms pa'i 'bras bu zag pa mi skye ste/ de bas na zag pa med pa'i 'bras bu zhes bya'o// rigs kyi bu mkhas pa shes rab can gyis de ltar rtogs pa na/ nyon mongs pa'i 'bras bu rnam par smin pa yongs su zad par 'gyur ro// rigs kyi bu mkhas pa shes rab can gyis de ltar nyon mongs pa'i 'bras bu gcad pa'i phyir/ 'phags pa'i lam bsgom mo// de la 'phags pa'i lam ni stong pa nyid dang / mtshan ma med pa dang / smon pa med pa'o// 'phags pa'i lam de dag bsgoms na/ nyon mongs pa'i 'bras bu thams cad yongs su zad par 'gyur ro// byang chub sems dpa' 'od srungs kyis/ yang bcom ldan 'das la 'di skad ces gsol to/ / bcom ldan 'das sems can thams cad ni nyon mongs pa las 'bras bu rnam par smin par 'gyur te/ nyon mongs pa ni mi dge ba'o// mi dge ba'i nyon mongs pa las nyon mongs pa skye ba yang mi dge ba zhes bya ste/ de ltar nyon mongs pa de la rgyu dang 'bras bu ste/ rnam pa gnyis yod do// rgyu mi dge ba'i phyir 'bras bu mi dge ste/ 'bras bu mi dge ba'i phyir

  411. 206b

    sa bon mi dge ste/ ji ltar nim pa zhes bya ba 'bras bu kha ba'i phyir sa bon dang / me tog dang / sdong bu dang / so ma la sogs pa thams cad kha la/ ji ltar dug gi sdong po sa don gdug pas/ 'bras bu yang gdug pa bzhin du/ rgyu yang sems can lags la/ 'bras bu yang sems can lags te/ rgyu yang nyon mongs pa lags la/ 'bras bu yang nyon mongs pa lags te/ nyon mongs pa'i rgyu dang 'bras bu nyid sems can lags la/ sems can nyid kyang nyon mongs pa'i rgyu dang 'bras bu lags te/ de lta bu lags na ci'i slad du de bzhin gshegs pas ri kha ba can la rtswa gdug pa dang / sman gyi rgyal po dam pa yang mchis so zhes gsungs/ gal te nyon mongs pa nyid sems can lags la/ sems can nyid nyon mongs pa lags na/ ci'i slad du sems can gyi lus la sman gyi rgyal po dam pa mchis so zhes gsungs/ bcom ldan 'das kyis bka' stsal pa/ legs so legs so// rigs kyi bu sems can tshad med pa snyed kyang de ltar the tsom za ste/ khyod kyis the tsom bsal bar gsol na/ ngas kyang gcod nus kyis shin tu yid la byas te brtags par nyon cig dang / rab tu phye ste dgrol bar bya'o/ / rigs kyi bu ri kha ba can zhes bya ba ni sems can lta bu'o// rtsa gdug pa zhes bya ba ni nyon mongs pa lta bu'o// sman gyi rgyal po dam pa zhes bya ba ni tshangs par

  412. 207a

    sbyang ba lta bu re/ rigs kyi bu sems can gang de ltar tshangs par spyad pa ni lus kyi sman gyi rgyal po dam pa yod pa zhes bya'o// byang chub sems dpa' 'od srungs kyis yang gsol pa/ bcom ldan 'das sems can la tshangs par spyod pa mchis shes bgyi ba ji lta bu lags/ bka' stsal pa/ rigs kyi bu ji ltar 'jig rten nas bon las 'bras bu skye'o/ / 'bras bu de la kha cig ni sa bon gyi rgyur 'gyur ba yang yod la/ mi 'gyur ba yang yod de/ gang sa bon gyi rgyur 'gyur ba ni 'bras bu dang sa bon zhes bya'o// gang mi 'gyur ba ni 'bras bu zhes bya ste/ sa bon zhes mi bya ba ltar/ sems can thams cad kyang de dang 'dra bar rgyu rnam pa gnyis te/ gang zhe na/ nyon mongs pa'i 'bras bu kha cig nyon mongs pa'i rgyur 'gyur ba dang nyon mongs pa'i 'bras bu kha cig nyon mongs pa'i rgyur mi 'gyur ba ste/ gang nyon mongs pa'i 'bras bu yin la/ nyon mongs pa'i rgyur mi 'gyur ba de ni tshangs par spyod pa zhes bya'o// rigs kyi bu sems can rnams kyis tshor ba ni zag pa thams cad kyi nye ba'i rgyu yin par rtogs shing shes so// 'di lta ste/ nang dang phyi rol gyi zag pa'o// tshor ba'i rkyen gyis zag pa thams cad gcod mi nus te/ khams gsum gyi btson ra las kyang thar par mi nus so// sems can rnams ni tshor ba'i rkyen gyis bdag dang bdag gi ba la chags pas/ sems phyin cig log pa dang

  413. 207b

    'du shes phyin ci log pa dang / lta ba phyin ci log pa skye bar 'gyur te/ de bas na sems can rnams kyis sngar tshor ba brtag go// de ltar tshor ba de ni sred pa thams cad kyi nye ba'i rgyur 'gyur te/ de bas na mkhas pa shes rab can gyis sred pa gcod par 'dod na sngar tshor ba brtag go// rigs kyi bu sems can thams cad rten cing 'brel te byung ba bcu gnyis kyis dge ba dang mi dge ba byed pa cad ni tshor ba'o/ / dus la byas te de bas na ngas dga' bo la 'di skad ces bka' stsal to// dga' bo sems can thams cad kyis dge ba dang mi dge ba byed pa ni kun kyang tshor ba'i dus la byas te/ ra na mkhas pa shes rab can gyis thog ma tshor ba brtag go/ / tshor ba rtogs nas gzhan yang tshor ba 'di ci'i rgyu ci'i rkyen las brtag go// gal te rgyu dang rkyen las skyes na/ rgyu dang skyen de nyid kyang ci las skyes gal te skye ba'i rgyu med na rgyu med pa las ci'i phyir tshor ba med pa ma skyes/ gzhan yang tshor ba 'di ni dbang phyug gi rgyu las ma skyes skyes bu las ma skyes// rdul phra rab las ma skyes/ dus kyis skye ba ma yin/ 'du shes las ma skyes/ rang bzhin las ma skyes/ bdag las ma skyes/ gzhan las ma skyes/ bdag dang gzhan las ma skyes pa yin/ rgyu med pa las skye ba ma yin te/ tshor ba de ni rkyen tshogs pa las skyes par 'gyur te/ rgyu rkyen de ni sred pa'o// rkyen tshogs pa de la tshor ba yod pa ma yin med pa ma yin par rtogs te/ de bas na ngas rkyen tshogs pa

  414. 208a

    bcad do/ / rkyen tshogs pa bcad pa'i phyir tshogs pa mi b+he n+do snyam chog go// rigs kyi bu mkhas pa shes rab can gyis chu rtogs nas/ 'bras bu rnam par smin pas/ rtog ste/ sems can rnams ni tshor ba'i rkyen gyis sems can dmyal ba dang / byol song gi skye gnas dang / yi dgas kyi lus myong ste/ khams gsum na sdug bsngal tshad meng ba khyer len to/ / tshor ba'i rkyen gyis mi rtag pa'i bde ba len to// tshor ba'i rkyen gyis dge ba'i rtsa ba gcod do// tshor ba'i rkyen gyis rnam par grol ba thob par 'gyur te/ de ltar rtog pa na tshor ba'i rkyen mi byed do// ji ltar na tshor ba'i rkyen mi byed ce na/ 'di lta ste/ tshor ba gang dag ni sred pa byed par 'gyur/ sred pa gang dag ni tshor ba byed par 'gyur ba rnam par 'byed pa'o// rigs kyi bu sems can gang de ltar sred pa'i rgyu dang / tshor ba'i rgyu rab tu rtogs nas/ bdag dang bdag gi ba yongs su gcod par 'gyur ro// rigs kyi bu gang gis de ltar rab tu rtogs pa ni/ sred pa dang tshor ba gnyis gang nas gang du 'gog par rab tu rdzogs te/ tshor ba dang sred pa cung zad 'gog pa'i gnas mthong bas/ mthar 'gog pa yang yod par rig nas/ de'i tshe yod pa dang 'dra'o// gzhan yang rigs kyi bu mkhas pa shes rab can gyis las dang nyon mongs pa rtogs nas rim gyis 'bras bu rnam par smin pa gnyis la brdag go/ / de ltar de gnyis kyi 'bras bu rnam par smin pa ni sdug

  415. 208b

    bsngal yin te/ de ltar sdug bsngal bar shes nas/ skye ba dang len pa thams cad yongs su spong ngo // mkhas pa shes rab can ni gzhan yang nyon mongs pa'i rgyu las nyon mongs pa skye ba dang las kyi rgyu las nyon mongs pa'i rgyu las las kyang skye ba dang / las kyi rgyu las sdug bsngal skye la/ sdug bsngal gyi rgyu las nyon mongs pa skye'o// nyon mongs pa'i rgyu las srid pa skye ste/ srid pa'i rgyu las sdug bsngal skye'o/ / srid pa'i rgyu las srid pa skye ste/ srid pa'i rgyu las las skye'o// las kyi rgyu las nyon mongs pa skye la/ nyon mongs pa'i chu las sdug bsngal skye ste/ snus bsngal gyi rgyu las kyang sdug bsngal skye bar rtogs so/ / rigs kyi bu mkhas pa shes rab can gyis de ltar rtog pa ni las kyi sdug bsngal rtogs pa yin par rig par bya'o// de ci'i phyir zhe na ji ltar gong ma dang 'dra bar rtog pa de dag ni 'khor ba'i rgyu rkyen bcu gnyis te/ gal te gang gis 'khor ba'i rgyu rkyen bcu gnyis de la de ltar rtogs na/ de ni las gsar mi byed cing / las d+hang bcom pa yin par rig par bya'o/ / rigs kyi bu mkhas pa shes rab can gyis sems can dmyal ba gcig nas/ sems can dmyal ba brgya sum cu rtsa drug gi bar gyi sems can dmyal ba re re'i sngag bsngal rnam pa sna tshogs ji snyed yod pa brtags na/ kun kyang nyon mongs pa'i las kyis bskyed pa yin par rtogs so// de ltar sems can dmyal ba'i sdug bsngal rtogs nas/ rim gyis

  416. 209a

    dgas dang byol song la sogs pa'i sdug bsngal rtog go/ / de ltar rtog nas yang mi rang lha'i sdug bsngal ji snyed yod pa rnams rtogs te/ de ltar thug bsngal mang po de dag kyang nyon mongs pa'i las las skye ba yin par rtogs so/ / rigs kyi bu mtho ris kyi lha la sdug bsngal chen pos gzir ba'i dngos po med de/ lus mnyen zhing 'jam yang ltas lnga mngon du byung ba'i tshe/ sdug bsngal rnam par grol ba la dad pa skye'o// dad pa'i sems skyes nas rnam par grol ba'i gnas ci'i rgyu las thob par 'gyur snyam rdzogs te/ de ni 'phags pa'i lam brgyad kyis thob par rig nas/ de ni rab tu sgom par byed/ ji ltar na 'phags pa'i lam brgyad ce na/ lam des tshor ba la rtog pa na mtshan nyid rnam pa gsum ste/ sdug bsngal dang / bde ba dang / sdug bsngal ma yin pa bde ba ma yin pa ste/ rnam pa de gsum char yang lus dang sems skyed par nus so// ci'i rgyu ci'i rkyen gyis bskyed par 'gyur zhe na/ reg bya'i rkyen las so// / reg bya de la yang rnam pa gsum mo// ma rig pa'i reg bya dang / rig pa'i reg bya dang / rig pa ma yin pa'i reg bya'o// de la rig pa'i reg bya zhes bya ba ni 'phags pa'i lam brgyad do// / reg bya lhag ma gnyis ni lus dang / sems dang / tshor ba rnam pa gsum bskyed pa ste/ de bas na ngas reg bya'i rgyu rnam pa gnyis gcad par bya'o// reg bya ba cad na tshor ba rnam pa

  417. 209b

    gsum yang mi b+he'o/ / rigs kyi bu de ltar tshor ba de ni n+ya zhes kyang byal/ 'bras cu zhes gang byA ste/ mkhas pa shes rab can zis kyang rgyu dang 'bras chu rtog go// de la ji ltar d+ha zhen tshor ba'i rgyu las srid pa skye ba ni rgyu zhes bya'o/ / ji ltar 'bras bu zhe na/ reg bya la skye ba'i phyir 'bras bu zhes bya/ de bas na tshor ba 'di ni rgyu yang yin la 'bras cu yang yin no// mkhas pa shes rab can gyis tshor ba de la de ltar brtags nas rim gyis sred pa la rtog ste/ tshor ba'i 'bras bu rnam par smin pa ni sred pa zhes bya'o// mkhas pa shes rab can gyis sred pa rtog pa la rnam pa gnyis te/ zas sna tshogs dang / zas med pa'o// de la zas sna tshogs kyi sred pa ni skye ba dang / rga ba dang / na ba dang / 'chi ba dang / sred pa thams cad kyi rgyud 'gyur ro// zas med pa'i sred pa ni skye ba dang / rga ba dang / na ba dang / 'chi ba dang / sred pa thams cad gcod par 'gyur te/ zag pa med pa'i lam la sred cing chags so// mkhas pa shes rab can gyis kyang 'di snyam du/ gal te bdag gis zas sna tshogs kyi sred pa skyed na/ skye ba dang / rga ba dang / na ba dang / 'chi ba gcod par mi nus te/ bdag gis zag pa meng pa'i lam la chags kyang tshor ba'i chum bcad na/ zag pa med pa'i lam gyi 'bras bu thob par mi 'gyur te/ de rta bas na sngar reg bya ga cad par bya'o snyam sem

  418. 210a

    reg bya bcang nas tshor ba yang rang 'gog go/ / tshor nga 'gags nus srid pa yang rjes su 'gag go snyam sems te/ de ni 'phags pa'i lam brgyad ces bya'o// rigs kyi bu gal te sems can gang de ltar rtogs na lus gdug pa dang bcas mod kyi/ de la sman gyi rgyal po dam pa yang yod de/ ji ltar ri kha ba can la rtswa gdug pa yod mod kyi/ sman dam pa yang yod pa bzhin no/ / rigs kyi bu de ltar sems can dag kyang / nyon mongs pa las 'bras bu rnam par smin pa thob mod kyi 'bras bu rnam par smin pa de phyir nyon mongs pa'i rgyur mi 'gyur bar byed de/ de tshangs par spyod pa zhes bya'o// gzhan yang rigs kyi bu mkhas pa shes rab can gyis tshor ba dang srid pa gnyis ci'i rgyu las skye snyam brtags nas 'du shes kyi rgyu las skye bar shes so/ / de ci'i phyir zhe na/ sems can gyi gzugs mthong na yang 'dod pa mi skye/ tshor ba rtog pa'i tshe yang 'dod pa mi skye la/ gal te gzugs la phyin ci log tu 'du shes bskyed de/ gzugs la ni rtag pa dang / bde ba dang / bdag dang / yongs su dag par lta/ tshor ba la rtag pa mi 'gyur mi 'pho bar lta ba'o// de ltar 'du shes log pa'i phyir 'dod chags dang / zhe sdang dang / kati mug skye bar 'gyur te/ de bas na mkhas pa shes rab can gyis 'du shes brtag par bya'o// de la 'du shes ji ltar brtag ce na/ 'di

  419. 210b

    snyam du sems can thams cad 'phags pa'i lam ma thob pas/ kun la 'du shes log pa yod do snyam du sems so// ji ltar na 'du shes log pas na/ rtag pa ma yin pa la rtag pa'i 'du byas bskyed pa dang / bde ba med pa la bde ba'i 'du shes bskyed pa dang / ma dag pa la dag pa'i 'du shes bskyed pa dang / stong pa'i chos la bdag tra ba nga shes bskyed pa dang / skyes pa dang / bud med dang chen po dang / chung ngu dang / nyin mtshan dang / lo dang / zla ba dang / gos dang / gnas khang dang / mal cha ma yin pa la/ skyes pa dang bud med dang / mal cha'i bar du 'du shes bskyed pa'o/ / 'du shes de yang rnam pa gsum ste/ chung ngu dang / chen po dang / mtha' med pa'o// de la 'i rdzas na 'jams du du bskyed/ che ba'i rgyus ni 'du shes chen por babyed/ mtha' yas pa'i rgyus ni 'du shes mtha' yas par bskyed do// yang 'du shes chung ngu yod de ltar ting nge 'dzin dum zhugs pa/ 'du shes chen po ni ting nge 'dzin du blugs pa'o/ / yang mtha' yas pa'i 'du shes ni kun tu 'grob bcu'o// yang 'du shes chung ngu 'di lta ste/ 'dod pa'i khams kyi 'du shes la po pa'o// yang 'du shes chen po ni gzugs kyi khams kyi 'du shes la sogs pa'o/ / yang mtha' yas pa'i 'du shes ni gzugs med pa'i khams kyi 'du shes pa sogs pa ste/ bes rnam pa sa @

  420. 211a

    tshor ba yang rang 'gag go/ / 'du shes dang tshor ba 'gags pas rnam par grol ba zhes bgyi'o// byang chub sems dpa' 'od srungs kyis/ yang bcom ldan 'das la 'di skad ces gsol to/ / bcom ldan 'das chos thams cad 'gags pas rnam par grol ba zhes bgyi na/ de bzhin gshegs pas ci'i slad du/ 'du shes dang tshor ba 'gags na rnam par grol ba zhes gsungs/ bcom ldan 'das kyis bka' stsal pa/ rigs kyi bu de bzhin gshegs pas bar bar ni sems can gyi rkyen gyis chos bstan te/ gang thos pas chos shes so// bar bar ni chos kyi rkyen gyis sems can bstan te/ gang thos pas sems can bshad par shes so// de la ji ltar sems can gyi rkyen gyis bstan te/ gang thos par chos shes pa zhe na/ ji ltar ngas sngun 'od srungs chen po la bshad pa bzhin te/ 'od srungs sems can 'gags pa na/ dge ba'i chos kyang 'gag go zhes bya ba ni/ sems can gyi rkyen gyis bstan pas gang thos pas chos shes pa zhes bya'o/ / ji ltar na chos kyi rkyen gyis sems can bstan te/ gang thos pas sems can bstan par shes pa zhe na/ ji ltar ngas sngun dga' bo la 'di skad du/ chos thams cad la bsnyen par yang ma bshad/ chos gang bsnyen pas dge ba'i chos ni rgud par 'gyur la/ mi dge ba ni dar bar 'gyur na/ de lta bu'i chos la ni bsnyen par mi bya'o// chos gang bsnyen pas mi dge ba

  421. 211b

    ni rgud cing med par 'gyur la/ dge ba'i chos ni dge zhing 'phel bar 'gyur na/ de lta bu'i chos la ni bsnyen par bya'o zhes gsungs te/ de ni chos kyi rkyen gyis sems can bstan pa ste/ gang thos pas sems can bshad par shes pa'o/ / rigs kyi bu de bzhin gshegs pas 'du shes dang tshor ba gnyis 'gag go zhes gsungs mod kyi/ de la thams cad kyang 'gag par bya'o zhes gsungs so/ / mkhas pa shes rab can gyis 'du shes de la de ltar brtags nas/ rim gyis 'du shes kyi rgyu ni 'du shes mtha' yas pa yin par rtogs so// ci las skye bar gyur ces brtags na/ reg bya'i rgyu las skye bar rig go/ reg bya de yang rnam pa gnyis te/ nyon mongs pa'i rgyus reg bya dang / rnam par grol ba'i rgyus reg bya'o// de la ma rig pa'i rgyu las skye ba ni nyon mongs pa'i reg bya zhes bya/ rig pa'i rgyu las skye ba ni rnam par grol ba'i reg bya zhes byaste// nyon mongs pa'i rgyu las reg pa ni 'du shes log pa skye'o// rnam par grol ba'i rgyu las reg pa ni ma log pa'i 'du shes skye'o/ / de ltar 'du shes kyi rgyu rtogs nas/ rim gyis 'bras bu rnam par smin pa rtog go// / 'phags pa yongs su mya ngan las 'das pa chen po'i mdobam po sum cu rtsa brgyad pa/ / de nas byang chub sems dpa' 'od srungs kyis/ yang bcom ldan 'das la 'di skad ces rol to// bcom ldan

  422. 212a

    @#'das gal te nyon mongs pa'i 'du shes kyi rkyen gyis 'du shes log pa bye bar 'gyur na/ 'phags pa thams cad la log pa'i 'du shes ni mchis la/ nyon mongs pa ma mchis nA/ de'i don ji lta bu lags/ bcom ldan 'das kyis bka' stsal pa/ rigs kyi bu ji ltar na 'phags pa rnams la log pa'i 'du shes yod pa zhes bya/ byang chub sems dpa' 'od srungs kyis gsol pa/ bcom ldan 'das 'phags pa thams cad ni ba lang la ba lang du 'du shes paskyed de ba lang ngo zhes smra la/ rta la yang rtar 'du shes bskyed de rta'o zhes smra ba nas/ skyes pa dang / bud med dang / chen po dang / chung ngu dang / khang pa dang / shing rta dang / theg pa dang / song ba dang / 'ong ba'i bar du yang de bzhin te/ de ni log pa'i 'du shes zhes bgyi'o// rigs kyi bu bus pa ma rabs so so'i skye bo thams cad la 'du shes gnyis yod de/ 'jig rten na grags pa'i 'du shes dang / chags pa'i 'du shes so// 'phags pa thams cad la ni 'jig rten na grags pa'i 'du shes 'ba' zhig yod kyi/ chags pa'i 'du shes med do// bus pa ma rabs so so'i skye bo thams cad la ni mi dge ba'i rtog pa yod pa'i phyir/ 'jig rten na grags pa la chags pa'i 'du shes bskyed do// 'phags pa rnams ni dge ba rtog pa'i phyir/ 'jig rten na grags pa la chags pa'i 'du shes mi skye ste/ de bas na bus

  423. 212b

    pa ma rabs ni log pa'i 'du shes can zhes bya'o/ / 'phags pa rnams ni shes su zin kyang log pa'i 'du shes zhes mi bya'o// mkhas pa shes rab can gyis de ltar 'du shes kyi rgyu rtogs nas/ rim gyis 'bras bu rnam par smin pa la rtog go// mi dge ba'i 'du shes kyi 'bras bu ni/ sems can dmyal ba dang / yi dgas dang / byol song gi skye gnas dang // mi dang / lhar myong bar 'gyur te/ ji ltar ngas mi dge bar rtogs pa'i rgyu bcad pas ma rig pa'i reg bya chod de/ de bas na 'du shes chad par gyur to// 'du shes chad pa'i phyir 'bras bu rnam par smin pa yang yongs su chad do/ / mkhas pa shes rab can gyis 'du shes kyi rgyu de dag gcad pa'i phyir 'phags pa'i lam gyi yan lag brgyad bsgom mo// rigs kyi bu gang de ltar rtogs pa ni tshangs par spyod pa yongs su dag pa zhes bya'o// rigs kyi bu de ni sems can gyi gdug pa'i lus kyi nang na sman gyi rgyal po dam pa yod pa zhes bya ste/ ji ltar ri khab can la rtsa gdug pa yod du zin kyang / sman dam pa yang yod pa bzhin no// gzhan yang rigs kyi bu mkhas pa shes rab can gyis 'dod pa la brtags na/ 'dod pa ni gzugs dang / bla dang / tri dang ro dang / reg bya yin par rig ste/ rigs kyi bu de ni de bzhin gshegs pas rgyu las 'bras bu gsungs pa'o// dngos po lnga po de las 'dod pa rtse

  424. 213a

    / yang dag par na 'dod pa ma yin no// rigs kyi bu gti mug can ni tshor ba la chags pas/ gzugs la log pa'i 'du shes bskyed pa nas/ reg bya'i bar du log pa'i 'du shes bskyed do/ / log pa'i 'du shes kyi rkyen gyis tshor ba skye bar byed de/ de bas na 'jig rten gyi 'du shes rnam pa bcu skye'o zhes 'chad do// 'dod pa'i rgyu rkyen gyis 'jig rten du 'bras bu ngan pa myong bar 'gyur te/ pha ma dang / dge sbyong dang / bram ze dag la ngan du byed de/ byed pa'i mi rigs pa lus dang srog mi 'phangs par ched du byed do// de bas na mkhas pa shes rab can gyis mi dge ba'i 'du shes kyi rgyu dang rkyen gyis 'dod pa'i sems skye bar gyur pa rtog go/ / mkhas pa shes rab can gyis de ltar 'dod pa'i rgyu rtogs nas/ rim gyis 'bras bu rnam par smin pa rtog go/ / 'dod pa de la mi dge ba'i 'bras bur smin pa ni sems can dmyal ba dang / byol song gi skye gnas dang / yi dgas dang / mi dang lha la sogs par 'gyur te/ de ni 'bras bu rnam par smin pa la rtog pa zhes bya'o/ / gal te mi dge ba'i 'du shes 'gog par gyur na/ nam du yang 'dod pa'i sems de kye bar mi 'gyur ro// 'dod pa'i sems med pa'i phyir mi dge ba'i 'bras bu mi myong ngo / / mi dge ba'i 'bras bu mi myong ba'i phyir mi dge ba'i 'bras bu med par 'gyur te/ de bas na bdag gis sngar mi dge ba'i 'du shes gcad par bya'o// mi dge ba'i 'du

  425. 213b

    shes chod na/ chos de dag kyang rang 'gog par 'gyur ro// de bas na mkhas pa shes rab can gyis mi dge ba'i 'du shes dgag pa'i phyir/ 'phags pa'i lam gyi yan lag brgyad bsgom ste/ de ni tshangs par spyod pa rnam par dag pa zhes kyang bya/ de ni ji ltar ri la ba can na rtsa gdug pa yod du zin kyang / sman dam pa yod pa ltar/ sems can gyi lus gdug pa la sman gyi rgyal po dam pa yod pa zhes bya'o/ / gzhan yang rigs kyi bu mkhas pa shes rab can gyis de ltar 'dod pa rtogs nas rim gyis sa la rtog go// de ci'i phyir zhe na/ mkhas pa shes rab can gyis 'di snyam du tshor ba dang / 'du shes dang / reg bya dang / 'dod pa ni nyon mongs pa ste/ nyon mongs pa de ni skye ba'i las byed kyi/ myong ba'i las mi byed do// nyon mongs pa de ni las dang lhan cig tu 'gro ba na/ skye ba'i las dang / myong ba'i las te/ rnam pa gnyis su 'gyur ro snyam sems so// de bas na mkhas pa shes rab can gyis las la yongs su brtag go/ / las de yang rnam pa gsum ste/ lus dang / ngag dang / yid do// rigs kyi bu lus dang ngag gi las gnyis ni las shes kyang bya la/ las kyi 'bras bu zhes kyang bya'o/ / yid 'ba' zhig ni las shes bya'o// 'bras bu zhes kyang mi bya'o// de ltar las kyi rkyen gyis las shes bya'o// rigs kyi bu lus dang ngag gi las

  426. 214a

    gnyis ni phyi rol gyi las shes kyang bya'o/ / yid ni nang gi las shes kyang bya ste/ las rnam pa de gsum nyon mongs pa dang 'grogs pa'i phyir/ skye ba'i las dang myong ba'i las gnyis su 'gyur ro/ / rigs kyi bu las yang dag pa ni yid kyi las so// dus kyi las ni lus dang ngag gi las so// de la sngar byung ba ni yid kyi las so// yid kyi las las byung ba ni lus dang ngag gi las so/ / de bas na yid kyi las ni las yang dag pa zhes bya'o// mkhas pa shes rab can gyis las yongs su rtogs nas/ rim gyis las kyi rgyu brtag go// de la las kyi rgyu ni ma rig pa dang reg bya'o// ma rig pa dang reg bya'i rkyen gyis sems can rnams srid pa tshol lo// srid pa tshol ba'i rkyen ni sred pa yin no// sred pa'i rkyen gyis lus dang / ngag dang / yid kyi las rnam pa gsum byed do// rigs kyi bu mkhas pa shes rab can gyis de ltar las kyi rgyu rtogs nas/ rim gyis 'bras bu rnam par smin pa la brtag go// 'bras bu rnam par smin pa la rnam pa bzhi te/ nag po'i yang nag po'i 'bras bu rnam par smin pa dang / dkar po'i yang dkar po'i 'bras bu rnam par smin pa dang / 'dres pa'i yang 'dres pa'i 'bras bu rnam par smin pa dang / mi dkar mi gnag pa'i yang mi dkar mi gnag pa'i 'bras bu rnam par smin pa'o// de la nag po'i yang nag po'i 'bras bu rnam par smin pa ni las byed pa na yang ji

  427. 214b

    ma dang bcas la 'bras bu smin pa yang dri ma dang bcas pa'o/ / dkar po'i yang dkar po'i 'bras bu rnam par smin pa ni las byed pa na yang rnam par dag pa la 'bras bu rnam par smin pa yang rnam par dag pa'o/ / 'dres pa yang 'dres pa'i 'bras bu rnam par smin pa ni las byed pa na yang 'dres pa'i 'bras bu rnam par smin pa yang 'dres pa'o// mi dkar mi gnag mi dkar mi gnag pa'i 'bras bu rnam par smin pa ni zag pa med pa'i las shes bya'o/ / byang chub sems dpa' 'od srungs kyis/ yang bcom ldan 'das la 'di skad ces gsol to// bcom ldan 'das sngar ni zag pa ma mchis pa la 'bras bu rnam par smin pa yang ma mchis shes gsungs na/ de ci'i slad du mi dkar mi gnag pa'i 'bras bu rnam par smin pa mchis shes gsungs/ bcom ldan 'das kyis bka' stsal pa/ rigs kyi bu don de la rnam pa gnyis te/ 'bras bu yin la/ rnam par smin pa yang yin pa dang / 'bras bu 'ba' zhig ste/ rnam par smin pa ma yin pa'o/ / nag po'i yang nag po 'bras bu rnam par smin pa ni 'bras bu zhes kyang bya la/ rnam par smin pa zhes kyang bya'o// de la nag po'i rgyu skye ba'i phyir 'bras bu zhes kyang bya// rgyur 'gyur bar byed pas rnam par smin pa zhes kyang bya ste/ 'dres pa dang rnam par dag pa yang de bzhin no// zag pa med pa'i 'bras bu ni zag pa dang bcas pa'i rgyu las skye ba'i phyir 'bras bu

  428. 215a

    zhes bya de/ gzhan gyi rgyur mi 'gyur bas rnam par sbyin pa zhes mi bya'o// de bas na 'bras bu zhes bya'i/ rnam par smin pa zhes mi bya'o// byang chub sems dpa' 'od srungs kyis yang bcom ldan 'das la 'di skad ces gsol to/ / bcom ldan 'das zag pa ma mchis pa'i las de chos nag po ma lags na/ ci'i slad du dkar po zhes mi bgyi/ bka' stsal pa/ rigs kyi bu rnam par smin pa med pa'i phyir dkar po zhes mi bya'i/ nag po'i gnyen po yin pas dkar po zhes bya'o// ngas skabs 'dir ni 'bras bu rnam par smin pa myong ba la nag po dang dkar po zhes gsungs so/ / zag pa med pa'i las ni rnam par smin pa mi myong ba dkar po zhes mi bya'i/ zhi ba zhes bya'o// de ltar las de ni nges par rnam par smin pa myong ba'i gnas yod de/ dper na mi dge ba bcu byas na nges par sems can dmyal ba dang / byol song gi skye gnas dang / yi dgas su skye la/ dge ba bcu byas na nges par lha dang mir skye'o/ / mi dge ba bcu'i las la rab dang / 'bring dang / tha ma yod de/ rab byas pa ni sems can dmyal ba'i lus myong ngo // 'bring byas pa ni byol song gi lus myong ngo / / tha ma byas pa ni yi dgas kyi lus myong ngo // las kyi nang na dge ba bcu la yang rnam pa bzhi ste/ rab dang / 'bring dang / za ma dang rab kyi yang rab bo// del

  429. 215b

    pa ma ni byang gi sgra mi snyan du bye'o/ / 'bring ni shar gyi lus 'phags gling du skye'o// rab ni nub kyi ba glang spyod du skye'o// rab kyi yang rab ni 'dzam bu gling du skye ste/ mkham par shes/ rab can gyis de ltar rtogs nas/ 'di snyam du bdag gis 'bras bu rnam par smin pa de ji ltar gcad par bya snyam bsams nas/ yang 'di snyam du las de'i rgyu dang rkyen ni ma rig pa dang reg bya ste gal te bdag gis ma rig pa dang reg bya yongs su bcad na/ las kyi 'bras bu de dag 'gog cing mi skye bar 'gyur ro snyam sems so// de bas na mkhas pa shes rab can gyis ma rig pa dang reg bya yongs su gcad pa'i phyir/ 'phags pa'i lam gyi yan lag brgyad bsgom ste/ de ni tshangs par spyod pa yongs su dag pa zhes bya'o// rigs kyi bu de ltar na sems can gyi gdug pa'i lus la sman gyi rgyal po dam pa yod pa ni/ ji ltar ri kha ba can la rtsa gdug pa yod du zin kyang sman dam pa chen po myong ba ni/ sems can dmyal ba'i sdug bsngal dang 'dra khyad par med do/ / rigs kyi bu mkhas pa shes rab can gyis ni/ khams gsum gyi sdug bsngal thams cad nyon mongs pa'i las kyi rgyu dang rkyen las skye bar shin tu rtogs so// rigs kyi bu dper na rdza so ma gtang ba ni shin tu yang chag sla'o/ / sems can gyis lus blangs pa yang de dang 'dra ste/ lus de ni sdug bsngal mang po'i snod yin no// 'di lta ste/ dper na ma

  430. 216a

    tog dang 'bras bu'i shing shin du rgyas pa ni bya mang pos ma rung bar byed do/ / dper na rtswa skam po mang du spungs kyang me chung ngus tshig par 'gyur ba dang 'dra bar sems can gyis lus myong ba yang sdug bsngal gyis 'jig par 'gyur ro/ / rigs kyi bu mkhas pa shes rab can gyis sdug bsngal rnam pa brgyad 'phags pa'i spyod pa ltar rtogs na/ gang zag nges ni sdug bsngal yongs su chod par rig par bya'o/ / rigs kyi bu mkhas pa shes rab can gyis sdug bsngal brgyad shin tu rtogs nas/ rim gyis sdug bsngal gyi rgyu la rtog go// sdug bsngal gyi rgyu zhes bya ba ni/ sred pa dang ma rig pa'o// sred pa dang ma rig pa la rnam pa gnyis te/ lus tshol ba dang / zang zing tshol ba'o// lus dang zang zing tshol ba gnyis ka yang sdug bsngal ba ste/ de bas na sred pa dang ma rig pa ni sdug bsngal gyi rgyur 'gyur bar rig par bya'o// rigs kyi bu sred pa dang ma rig pa la gzhan yang rnam pa gnyis te/ nang dang / phyi rol lo// de la nang ni/ lus su 'gyur bar byed do// phyi rol gyis ni skye zhing 'phel bar byed do// gzhan yang nAng ni lus su 'gyur bar byed de/ phyi rol ni las kyi 'bras bur 'gyur bar byed pas/ nang gi sred pa gcad na las chod par 'gyur gyi/ phyi rol gyi sred pa bcad pas 'bras bu mchod par mi 'gyur ro// de la nang gi sred pa ni ma 'ongs pa'i dus kyi sdug bsngal skye bar byed la/ phyi rol

  431. 216b

    kyi sred pas ni da ltar gyi du kyi sdug bsngal skye bar byed de/ de bas na mkhas pa shes rab can gyis sred pa ni sdug bsngal gyi rgyur 'gyur bar rtogs so// de ltar sdug bsngal gyi rgyu rtogs nas rim gyis sdug bsngal gyi 'bras bu rnam par smin pa la rtog go/ / sdug bsngal gyi 'bras bu zhes bya ba ni len pa yin no// sred pa'i 'bras bu la len pa zhes bya ste/ len pa'i chu dang rkyen gyis phyi nang la sred par 'gyur te/ sred pa de'i sdug bsngal myong bar 'gyur ro// rigs kyi bu mkhas pa shes rab can gyis ni sred pa'i rkyen gyis len pa/ len pa'i rkyen gyis srid pa yin par rtogs so/ / gang gis sred pa dang len pa'i dngos po gnyis bcad na las kyang mi byed de/ sdug bsngal mang po myong bar mi 'gyur ro// de bas na mkhas pa shes rab can gyis ni sred pa'i sdug bsngal bcad pa'i phyir/ 'phags pa'i lam yan lag brgyad la nan tan byed do// rigs kyi bu gang zhig de ltar shin tu rtogs na/ de ni ngas tshangs par spyad pa rnam par dag pa zhes bya ste/ de ni sems can gyi gdug pa'i lus la sman dam pa'i rgyal po yod pa zhes bya ste/ ji ltar ri la ba can la dug yod du zin kyang / sman dam pa yang yod pa bzhin no// byang chub sems dpa' 'od srungs kyis yang gsol pa/ bcom ldan 'das ji ltar na yongs su dag pa'i tshangs par spyod pa zhes bgyi/ bcom ldan 'das kyis bka' stsal pa/ rigs kyi bu chos thams cad

  432. 217a

    ces bya ba yin no/ / byang chub sems dpa' 'od srungs kyis yang gsol ma ldan 'das rlos thams cad ces bkyi 'i don ni ma nges pa lags so// de ba'i dang sen/ de bzhin gshegs pas bar bar ni dge ba dang mi dge ba lags shes gsungs/ bar bar ni dran pa nye bar gzhag pa bzhi la rjes su rdzogs pa lags so zhes gsungs/ bar bar ni skye mched bcu lags so zhes gsungs/ bar bar ni dge ba'i bshes gnyen lags so zhes gsungs/ bar bar ni rten cing 'brel te byung ba bcu gnyis lags so zhes gsungs/ bar bar ni sems can lags so zhes gsungs/ bar bar ni yang dag par lta ba dang ngan par lta ba lags pa zhes gsungs/ bar bar ni mdo sde sna bcu gnyis lags so zhes gsungs/ bar bar ni bden pa gnyis lags so zhes gsungs/ nga yang 'dir yongs su dag pa'i tshangs par spyod pa ni cho thams cad do zhes gsungs na/ gang dag la sogs pa la chos thams cad ces bgyi/ bcom ldan 'das kyis bka' stsal pa/ legs so// shin tu legs so// rigs kyi mu yongs su mya ngan las 'das pa chen po'i mdo sde dam pa 'di na chos thams cad kyi rin po che'i gter zhes bya'o// dper na rgya mtsho ni rin po che thams cad kyi 'byung gnas yin pa dang 'dra bar yongs su mya ngan las 'das pa'i mdo 'di yang de dang 'dra ste/ tshig gi don thams cad kyi dgongs te gsungs pa'i snying po'o//

  433. 217b

    rigs kyi bu dper na ri rab ri'i rgyal po ni sman mang po thams cad kyi 'byung gnas yin pa dang 'dra bar/ mdo sde 'di yang de dang 'dra ste/ byang chub sems dpa'i tshul khrims kyi 'byung gnas yin no// rigs kyi bu dper na nam mkha' ni dngos po thams cad kyi gnas yin pa ltar/ mdo sde 'di yang de dang 'dra ste/ dge ba'i chos thams cad kyi gnas yin no// rigs kyi bu dper na rlung drag po ni sus kyang bcing mi nus pa ltar/ byang chub sems dpa' mdo sde 'di la nan tan byed pa thams cad kyang de dang 'dra ste/ nyon mongs pa'i mi dge ba'i chos thams cad kyis 'ching mi nus so// rigs kyi bu dper na rdo rje la cis kyang mi chog pa ltar/ mdo sde 'di yang de dang 'dra bar/ mu stegs can ngan par lta ba mang du yod kyang rnam par gzhig mi nus so// rigs kyi bu dper na gang+gA'i klung gi bye ma ni sus kyang bgrang mi nus pa ltar/ mdo sde 'di'i don yang de dang 'dra ste/ sus kyang bgrang mi nus so// rigs kyi bu mdo sde 'di ni byang chub sems dpa' rnams kyi chos kyi rgyal mtshan du 'gyur te/ brgya byin lha'i dbang phyug gis rgyal mtshan dang 'dra'o/ / rigs kyi bu mdo sde 'di ni yongs su mya ngan las 'das pa chen po'i grong khyer du 'gro ba'i tshong dpon lha bu ste/ ji ltar ded dpon chen pos tshong dpon mang po ded de rgya mtsho chen por 'jug pa dang 'dra'o/ / rigs kyi bu mdo sde 'di ni byang chub sems dpa' rnams kyi chos kyis snang ba'i 'ong du 'gyur te/ ji ltar 'jig rten na nyi ma dang zla bas mun pa sel bar

  434. 218a

    byed pa dang 'dra'o/ / rigs kyi bu mdo sde 'di ni nad kyis gzir ba'i sems can gyi sman bzang por 'gyur te/ ji ltar ring srung can pa ldan gyi rgyal po 'byung ba nad kyi rdzu bsngal za bar byang pa dang 'dra'o/ / rigs kyi bu mdo sde 'di ni log sred can thams cad kyi 'khar bar 'gyur te/ dper na mi nyam chung ba thams cad de'i rkyen gyis langs pa dang 'dra'o// rigs kyi bu mdo sde 'di ni sdig pa ma rungs pa thams cad kyi zam par 'gyur te/ ji ltar 'jig rten na zam pas thams cad sgrol ba dang 'dra'o// rigs kyi bu mdo sde 'di ni srid pa nyi shu rtsa lngar nyon mongs pas gdungs pa'i bsil grib tu 'gyur te/ 'jig rten pa'i gdugs sam bla gab kyis shin tu tsha ba'i nyi ma sgrib pa dang 'dra'o// rigs kyi bu mdo sde 'di ni 'jigs pa med pa'i rgyal po chen po ste/ nyon mongs pa'i bdud ma rungs pa thams cad 'joms par 'gyur pa ni/ ji ltar seng ge'i rgyal pos ri dgas thams cad thul ba dang 'dra'o// rigs kyi bu mdo sde 'di ni rig pa'i sngags chen po sde/ nyon mongs pa'i gdon ma rungs pa thams cad 'jig par 'gyur ba ni/ 'jig rten na sngags mkhan gyis gdon med par byed pa dang 'dra'o// rigs kyi bu mdo sde 'di ni bla na med pa' ba mo 'am ser ba lta bu ste/ 'khor ba'i 'bras bu thams cad bcom pa ni/ ji ltar 'jig rten na ba mo 'am ser bas 'bras bu thams cad bcom pa dang 'dra'o// rigs kyi bu mdo sde 'di ni tshul khrims kyi mig nyams pa'i

  435. 218b

    sman bzang po lta bur 'gyur te/ 'jig rten na sman an dza na zhes bya ba mig na ba thams cad la phan par byed pa dang 'dra'o// rigs kyi bu mdo sde 'di ni dge ba'i chos thams cad kyi gnas su 'gyur te/ 'jig rten gyi mig ltar dngos po thams cad kyi gnas su 'gyur ba dang 'dra'o// rigs kyi bu mdo sde 'di ni tshul khrims nyams pa'i sems can gyi me long gsal bar 'gyur te/ ji ltar 'jig rten gyi me long gsal bas gzugs thams cad snang ba dang 'dra'o/ / rigs kyi bu mdo sde 'di ni khrel ba dang 'dzem pa med pa'i gos su 'gyur te/ ji ltar 'jig rten na gos kyis lus sgrib cing g.yogs pa dang 'dra'o/ / rigs kyi bu mdo sde 'di ni dge ba'i chos kyis dbul ba rnams kyi nor rin po cher 'gyur te/ ji ltar lha bkra shis mas dbul ba thams cad la phan par 'gyur ba dang 'dra'o// rigs kyi bu mdo sde 'di ni chos kyis skom pa'i sems can thams cad kyi bdud rtsi'i chur 'gyur te/ ji ltar yon tan brgyad dang ldan pa'i chus skom pa thams cad ngom par byed pa dang 'dra'o// rigs kyi bu mdo sde 'di ni nyon mongs pa thams cad kyi chos kyi khrir 'gyur te/ ji ltar 'jig rten na gang zag dag bde ba'i khri dang phrad pa dang 'dra'o// rigs kyi bu mdo sde 'di ni byang chub sems dpa' sa dang po nas/ sa bcu pa'i byang chub sems dpa'i bar gyi rgyan dang / gdug pa dang / me tog dang / byug pa dang / byug spos dang / spos phye ma dang / bdug spos rnam par dag pa'i rigs phun

  436. 219a

    sum tshogs pa'i theg pas/ pha rol tu phyin pa drug las 'das par byed do// rab tu ba ba rkyong bar byed du ni/ di s+yAr sum cu rtsa gsum gnas kyi shing ba ri dang 'dra'o/ / rigs kyi bu mdo sde 'di ni ye shes kyi mtshon dar can la bu ste/ nyon mongs pa'i shing thams cad gcod par 'gyur ro// 'di ni mtshon rnon po lta bu ste/ bag chag pa thams cad gcod par 'gyur ro/ / 'di ni dpa' zhing shin tu rdul 'od pa lta bu ste/ bas rgol ba'i bdud thams cad bcom pa'o// 'di ni ye shes kyi me lta bu ste/ nyon mongs pa thams cad sreg pa'o// 'di ni rten cing 'brel te byung ba'i snying po lta bu ste/ rang sangs rgyas thams cad kyi 'byung gnas so// 'di ni thos pa'i gter lta bu ste/ nyan thos kyi skye gnas yin no// 'di ni lha thams cad kyi mig lta bu'o/ / 'di ni mi thams cad kyi yang dag pa'i lam yin no// 'di ni byol song gi skye gnas thams cad kyi gnas yin no// 'di ni yi dgas thams cad kyi rnam par 'grol ba'i gnas yin no/ / 'di ni sems can dmyal ba'i bla na med pa'i mchog yin no// 'di ni phyogs bcu'i sems can thams cad kyi bla na med pa'i snod yin no// 'di ni phyogs bcu'i 'jig rten gyi 'das pa dang / ma byon pa dang / da ltar bzhugs pa'i sangs rgyas thams cad kyi yab dang yum yin no// rigs kyi bu de bas na mdo sde 'dis ni chos thams cad bsdus so// ngas sngar

  437. 219b

    gsungs pa ltar mdo sde 'dis chos thams cad bsdus par gsungs mod kyi/ ngas byang chub kyi phyogs sumacu rtsa bdun la tshangs par spyod pa yin no zhes gsungs so// / 'phags pa yongs su mya ngan las 'das pa chen po'i mdobam po sum cu rtsa dgu pa/ / / rigs kyi bu byang chub kyi phyogs kyi chos sum cu rtsa bdun ma gtogs par/ gsan gyis nyan thos kyi 'bras bu yang dag pa nas/ bla na med pa yang dag par rdzogs pa'i byang chub kyi 'bras bu'i bar du thob par mi 'gyur la/ sangs rgyas kyi rang bzhin dang / sangs rgyas kyi rang bzhin gyi 'bras bu yang mi mthong ngo / / de'i rgyu de'i rkyen gyis tshangs par spyod pa ni byang chub kyi phyogs sum cu rtsa bdun no// de ci'i phyir zhe na/ byang chub kyi phyogs sum cu rtsa bdun phyin ci log gi rang bzhin ma yin pas/ phyin ci log rnam par 'jig par byed do// ngan par lta ba'i rang bzhin ma yin pas/ ngan par lta ba 'jig par byed do// 'jig pa'i rang bzhin ma yin pas/ 'jig pa yongs su 'jig par byed do/ / rang bzhin gyis yongs su dag par spyod pa yin pas/ sems can dag mtha' yongs su dag pa'i tshangs par spyad pa spyod par byed do// byang chub sems dpa' 'ong srungs kyis gsol pa/ bcom ldan 'das zag pa dang bcas pa'i chos ni zag pa med pa'i chos kyi rgyur yang 'gyur na/ de bzhin gshegs pas ci'i slad du zag pa dang bcas pa la yongs su dag pa'i tshangs

  438. 220a

    par spyod ces ma gsungs/ bcom ldan 'das kyis bka' stsal pa/ rigs kyi bu zag pa dang bcas pa thams cad ni phyin ci log pa yin te/ de bas na zag pa dang ba pa la yongs su dag pa'i tshangs par spyod pa zhes mi bya'o/ / byang chub sems dpa' 'od srungs kyis gsol pa/ bcom ldan 'das 'jig rten mchog gi chos shes dgyi ba zag pa dang bcas pa lags sar zag pa ma mchis pa lags/ bcom ldan 'das kyis bka' stsal pa/ rigs kyi bu zag pa dang bcas pa yin no// gsol pa/ bcom ldan 'das zag pa dang bcas pa lags mod kyi/ rang bzhin gyis phyin ci log pa ma lags na/ ci'i slad du yongs su dag pa'i tshangs par spyod pa zhes mi bgyi/ bcom ldan 'das kyis bka' stsal pa/ rigs kyi bu 'jig rten mchog gi chos ni zag pa med pa'i rgyur 'gyur bas zag pa med pa dang 'dra'o/ / zag pa med pa la phyogs pas phyin ci log pa zhes mi bya'o// rigs kyi bu yongs su dag pa'i tshangs par spyod pa'i sems bskyed pa rgyun ma chad pa nas/ mthar 'jig rten mchog gi chos kyi bar du sems rtse gcig tu zad de/ de bas na yongs su dag pa'i tshangs par spyod pa zhes mi bya'o// byang chub sems dpa' 'od srungs kyis gsol pa/ bcom ldan 'das sems can gyi rnam par shes pa lnga ni zag pa dang bcas pa'ang lags te/ phyin ci log ma lags la/ sems rtse gcig pa'ang ma lags na/ ci'i rmang

  439. 220b

    slad du yongs su dag pa'i tshangs par spyod pa zhes mi bgyi/ bcom ldan 'das kyis bka' stsal pa/ rigs kyi bu sems can gyi rnam par shes pa lnga ni sems rtse gcig pa ma yin yang zag pa dang bcas pa yin la/ phyin ci log kyang yin te/ zag pa rnams bskyed pa'i phyir zag pa dang bcas pa zhes bya'o// ngo bo nyid kyis yang dag pa ma yin te/ 'du shes la chags pas phyin ci log pa zhes bya'o/ / de la ji ltar na ngo bo nyid kyis yang dag pa ma yin te/ 'du shes la chags pas phyin ci log ces bya zhe na/ pho dang mo ma yin pa la po dang mor 'du shes bskyed pa nas khang pa dang / theg pa dang / bum pa dang / gos kyi bar du de bzhin du rgyas par rig par bya ste/ de dag phyin ci log ces bya'o// rigs kyi bu byang chub kyi phyogs sum cu rtsa bdun ni rang bzhin gyis phyin ci log pa ma yin te/ de bas na yongs su dag pa'i tshangs par spyod pa zhes bya'o// rigs kyi bu byang chub sems dpa' gang byang chub kyi phyogs sum cu rtsa bdun las rtsa ba yang shes/ rgyu yang shes/ bsdu ba yang shes/ bskyed pa yang shes/ bdag po yang shes/ ded dpon yang shes/ rgyal ba yang shes yang dag pa yang shes/ mthar phyin pa'ang shes na/ byang chub sems dpa' de ni yongs su dag pa'i tshangs par spyod pa zhes bya'o// byang chub sems dpa' 'od srungs kyis gsol pa/ bcom ldan 'das de la rje

  440. 221a

    ltar na rtsa ba shes pa nas/ mthar phyin pa'i bar du shes pa zhes bgyi/ bcom ldan 'das kyis bka' stsal pa/ rigs kyi bu legs so legs so// byang chub sems dpa' zhu ba la dngos po rnam pa gnyis te/ gang zhe na/ bdag shes par bya ba dang / gzhan shes par byed pa'o// khyod kyis rtogs shing shes kyang / sems can tshad med pa snyed ma rtogs mi shes pa dag gi phyir/ dngos po 'di dag zhus pa legs so legs so zhes bstod do// rigs kyi bu byang chub kyi phyogs sum cu rtsa bdun gyi rtsa ba ni mos pa yin te/ rgyu ni gsal bar reg pa zhes bya/ bsdu ba ni tshor ba zhes bya/ bskyed pa ni legs par yid la byed pa zhes bya/ bdag po ni dran pa zhes bya/ ded dpon ni ting nge 'dzin ces bya/ rgyal ba ni shes rab can zhes bya/ yang dag pa ni rnam par grol ba zhes bya// mthar phyin pa ni yongs su mya ngan las 'das pa chen po zhes bya/ rigs kyi bu shin tu mos pa ni thog ma sems bskyed pa nas/ bla na med pa yang dag par rdzogs pa'i byang chub kyi bar gyi rtsa ba yin te/ de bas na mos pa ni rtsa ba zhes gsungs so// rigs kyi bu dper na 'jig rten na sdug bsngal thams cad kyi rtsa ba ni sred pa yin no zhes bya ba dang / nad thams cad kyi rtsa ba ni kha zas ma zhu ba yin no zhes bya ba dang / zhal che thams cad kyi rtsa ba ni rtsod pa yin no zhes bya ba dang / mi dge pa thams cad

  441. 221b

    kyi kha ni brdzun yin no zhes bya ba dang 'dra'o/ / byang chub sems dpa' 'od srungs kyis yang gsol pa/ bcom ldan 'das de bzhin gshegs pas sngar mdo sde 'di'i nang nas dge ba thams cad// kyi rtsa ba ni bag byas pa lags so zhes gsungs la/ da ni mos pa lags so zhes gsungs pa'i don ni ji lta bu lags/ bcom ldan 'das kyis bka' stsal pa/ rigs kyi bu gal te skye ba'i rgyu la bya na shin tu mos pa yin no/ / gal te gsal ba'i rgyu la bya ba ni bag byed pa yin no// dper na 'jig rten pa dag 'bras bu thams cad kyi rgyu ni sa bon yin zhes bya ba dang / gzhan yang sa bon ni skye ba'i rgyu yin no zhes bya ba dang / sa ni gsal ba'i rgyu yin no zhes bya ba'i don yang de dang 'dra'o// byang chub sems dpa' 'od srungs kyis gsol pa/ bcom ldan 'das de bzhin gshegs pa mdo sde gzhan las byang chub kyi phyogs sum cu rtsa bdun gyi rtsa ba ni sangs rgyas lags so zhes bgyi ba'i don ji lta bu lags/ bcom ldan 'das kyis bka' stsal pa/ de bzhin gshegs pas sems can gang byang chub kyi phyogs sum cu rtsa bdun thog ma shes pa la ni sangs rgyas kyi rtsa ba yin no zhes gsungs so/ / gang rang gis rig pa la ni shin tu mos pa rtsa ba yin no zhes gsungs so/ / gsol pa/ bcom ldan 'das de la ji ltar gsal bar reg pa la rgyu zhes bgyi ba lags/ bcom ldan 'das kyis bka' stsal pa rigs kyi bu

  442. 222a

    de bzhin gshegs pas bar bar ni gsal ba la shes rab ces kyang gsungs/ bar bar ni dad pa'o zhes kyang gsungs so// rigs kyi cu dad pa'i rgyu nga rkyen gyis dge ba'i bshes gnyen la bsnyen par 'gyur te/ de bas na reg pa zhes bya'o// dge ba'i bshes gnyen la bsnyen pa'i rgyu dang rkyen gyis dam pa'i chos thob par 'gyur te/ de yang reg pa zhes bya'o// dam pa'i chos thob pa'i rkyen gyis lus dang / ngag dang / yid kyi las yongs su dag par 'gyur te/ de yang reg pa zhes bya'o// lus dang / ngag dang / yid yongs su dag pa'i rkyen gyis yang dag pa'i 'tsho ba 'thob par 'gyur te/ de yang reg pa zhes bya'o// yang dag pa'i 'tsho ba'i rkyen gyis yongs su dag pa'i tshul khrims thob par 'gyur ro// yongs su dag pa'i tshul khrims kyi rkyen gyis bas mtha' dgon pa la dga' bar 'gyur ro/ / bas mtha' dgon pa la dga' ba'i rkyen gyis shin tu yid la byed par 'gyur ro// shin du yid la byas pas chos bzhin du gnas par 'gyur ro/ / chos bzhin du gnas pa'i rkyen gyis byang chub kyi phyogs sum cu rtsa bdu thob ste/ kun nas nyon mongs pa tshad med pa snyed choms par 'gyur te/ de ni reg pa zhes bya'o// rigs kyi bu tshor ba la sdud pa zhes bya'o// sems can gyis tshor ba myong ba na/ dge ba dang sdig pa byed par 'gyur te/ de bas na tshor ba la sdud pa zhes bya'o//

  443. 222b

    rigs kyi bu tshor ba'i rkyen gyis kun nas nyon mongs pa mang po skye'o// byang chub kyi phyogs sum cu rtsa bdun gyis kun nas nyon mongs pa choms par 'gyur te/ de bas na tshor ba la sdud pa zhes bya'o/ / shin tu legs par yid la byed pa'i rkyen gyis kun nas nyon mongs pa choms par 'gyur te/ de bas na bskyed pa zhes bya'o// de ci'i phyir zhe na/ brtson 'grus la nan tan byas na byang chub kyi phyogs sum cu rtsa bdun thob par 'gyur ro/ / gang gis de ltar kun nas nyon mongs pa gzhom par bsams na dran pa la rag lus te/ de bas na dran pa ni bdag po zhes bya'o// dper na 'jig rten na tshogs rnam pa bzhi ni dmag dpon gyi yid bzhin du 'gro ba ltar/ byang chub kyi phyogs sum cu rtsa bdun yang de dang 'dra ste/ bdag po dran pa'i rjes su 'gro'o// rigs kyi bu ting 'dzin du zhugs pas byang chub kyi phyogs sum cu rtsa bdun gyis chos kyi mtshan nyid thams cad rtogs par 'gyur te/ de bas na ting nge 'dzin ni ded dpon zhes bya'o// byang chub kyi phyogs sum cu rtsa bdun gyis chos kyi mtshan nyid rtogs pa yang shes rab mchog tu 'gyur te/ de bas na shes rab ni rgyal ba zhes bya'o// de ltar shes rab kyis nyon mongs pa rdzogs nas/ shes rab kyi stobs kyis nyon mongs pa mi bar 'gyur te/ ji ltar 'jig rten na tshogs rnam bzhis dgra pham pa yang dpa' bo gcig gam gnyis tsam la rag lus pa ltar/ byang chub kyi phyog pa sum cu rtsa bdun

  444. 223a

    yang de dang 'draste/ shes rab kyi mthus nyon mongs pa choms pas shes rab ni rgyal ba zhes bya'o// rigs kyi bu byang chub kyi phyogs sum cu rtsa bdun la nan tan byas pas bsam gtan bzhi dang / mngon par shes pa dang / bde 'thob mod kyi/ yang dag pa zhes mi bya'o// gang nyon mongs pa bcom nas rnam par grol ba thob pa'i tshe/ don yang dag pa zhes bya'o/ / byang chub kyi phyogs sum cu rtsa bdun la sems bskyed de nan tan byas pas/ 'jig rten gyi bde ba dang / 'jig rten las 'das pa'i bde ba dang / dge sbyong gi 'ja / bu bzhi dang / rnam par grol ba thob mod kyi/ mthar phyin pa zhes bya'o// gang zhig gis byang chub kyi phyogs sum cu rtsa bdun spyod pa'i dngos po yongs su bcad na/ de ni mya ngan las 'das pa zhes bya ste/ de bas na mthar phyin pa la yongs su mya ngan las 'das pa chen po zhes ngas gsungs so// rigs kyi bu gzhan yang shin tu 'dod pa'i sems ni mos pa zhes bya'o// shin tu 'dod pas dge pa'i bshes gnyen bsten par 'gyur te/ de ni ragA pa zhes kyang bya'o// rgyu zhes kyang bu'o// dge ba'i bshes gnyenas bsnyen pas tshor ba zhes kyang bya// de ni sdu pa zhes kyang bya'o/ / dge ba'i bshes gnyen la brdzun pas shin tu yid la byed par 'gyur te/ bskyed pa zhes bya'o// chos rnam pa 'di bzhi'i rkyen gyis byang chub skye ba ni thos pa dang / dran pa

  445. 223b

    dang nga ting nge 'dzin dang / shes rab yin te/ 'di ni bdag po dang / ded dpon dang / rgyal ba zhes bya'o// chos rnam pa 'di gsum gyi rkyen gyi rnam par grol ba gnyis thob par 'gyur ro/ / 'dod pa yongs su bcad pas ni sems rnam par grol la/ ma rig pa yongs su bcad pas shes rab rnam par grol te/ de ni yang dag pa zhes bya'o// de ltar chos rnam pa 'di brgyad kyi 'bras bu thob par 'gyur bas mya ngan las 'das pa zhes bya ste/ mthar phyin pa zhes kyang bya'o// rigs kyi bu gzhan yang mos pa ni sems bskyed nas rab tu byung ba'o// rig pa ni gsol ba dang bzhi'i las byas pa ste/ de ni rgyu zhes bya'o// gzung ba ni tshul khrims rnam pa gnyis nod pa ste/ so so thar pa dang rtsa ba yongs su dag pa'i tshul khrims te/ de ni tshor ba dang yongs su gzung ba zhes bya'o/ / bskyed pa ni bsam gtan bzhi la nan tan byed pa'o// bdag po ni rgyun du zhugs pa'i 'bras bu dang / lan cig phyir 'ong ba'i 'bras bu'o// ded dpon ni lan cig phyir mi 'ong ba'i 'bras bu'o/ / rgyal ba ni dgra bcom pa'i 'bras bu'o// yang dag pa ni rang sangs rgyas kyi 'bras bu'o// mthar phyin pa ni bla na med pa yang dag par rdzogs pa'i byang chub kyi 'bras bu'o/ / rigs kyi bu gzhan yang mos pa ni rnam par shes pa'o// reg pa ni skye mched drug go// bsdu ba ni tshor ba'o// bskyed pa ni ma rig

  446. 224a

    pa'o/ / bdag po ni ming dang gzugs so// ded dpon ni 'dod pa'o// rgyal ba ni len pa'o// yang dag pa ni srid pa'o// mthar phyin pa ni skye ba dang / rga ba dang / na ba dang / 'chi ba'o// byang chub sems dpa' 'od srungs kyis gsol pa/ bcom ldan 'das rtsa ba dang / rgyu dang / bskyed pa dang / gsum la tha dad pa yang ci mchis/ bcom ldan 'das kyis bka' stsal pa/ rtsa ba zhes bya ba ni thog ma sems bskyed pa la bya'o// rgyu zhes bya ba ni 'dra ba rgyun mi 'chad pa'o// bskyed pa ni 'dra ba 'gags na 'dra ba babyed pa'o/ / rigs kyi bu gzhan yang rtsa ba zhes bya ba ni byed pa'o// rgyu zhes bya ba ni 'bras bu'o// bskyed pa zhes bya ba ni dgos pa'o// rigs kyi bu ma 'ongs pa'i dus na rnam par smin pa'i 'bras bu yod kyang ma myong ba'i phyir rgyu zhes bya'o/ / nam myong bar gyur pa'i tshe na bskyed pa zhes bya'o// rigs kyi bu gzhan yang rtsa ba zhes bya ba ni tshor ba'o// thob pa nirgyu'o/ / dgos pa ni bskyed pa'o// rigs kyi bu mdo sde 'di las rtsa ba zhes bya ba ni mthong ba'i lam mo// rgyu zhes bya ba ni bsgom pa'i lam mo// bskyed pa zhes bya ba ni mi rlob pa'i lam mo/ / rigs kyi bu gzhan yang rtsa ba zhes bya ba ni yang dag pa'i rgyu'o// rgyu zhes bya ba ni thabs yin te/ thabs mkhas pa las 'bras bu thob par gyur to//

  447. 224b

    'bras bu thob pas bskyed pa zhes bya'o// byang chub sems dpa' 'od srungs kyis yang gsol pa/ bcom ldan 'das kyis gsungs pa ltar/ mthar phyin pa la mya ngan las 'das pa zhes bgyi na/ mya ngan las 'das pa de thob par rung ngam/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po 'am/ dge slong ngam dge slong ma 'am/ dge bsnyen nam/ dge bsnyen ma gang zhig 'du shes bcu la nan tan byas na/ des mya ngan las 'da' ba thob par rig par bya'o// bcu gang zhe na/ 'di lta ste/ mi rtag par 'du shes pa dang / sdug bsngal bar 'du shes pa dang / bdag med par 'du shes pa dang / kha zas spong bar 'du shes pa dang / 'jig rten thams cad la mi chags par 'du shes pa dang / shi bar 'du shes pa dang / nyes pa'i skyon mang bar 'du shes pa dang / spong bar 'du shes pa dang / 'gog par 'du shes pa dang / sred pa med par 'du shes pa'o// rigs kyi bu byang chub sems dpa' sems dpa' chen po 'am/ dge slong ngam/ dge slong ma 'am/ dge bsnyen nam/ dge bsnyen ma gang gis 'du shes rnam pa bcu po 'di la nan tan byas na mthar nges par mya ngan las 'das pa thob par 'gyur ro/ / des na gzhan gyi dring la mi 'jog par dge ba dang mi dge ba la sogs pa rtogs par 'gyur te/ de ni yang dag pa'i dge slong yin pa

  448. 225a

    sa dge nga/ nas nga dag par du na/ byang mam pa 'a sa / smra sa kyang chu lams dang 'du/ dge na pa bar du minag par 'du shes pas na ldan sbyin pa bcom ldan rangs kyis pa 'a sprul pa/ ris kyisacad du shAs rna / thog rnam pa byud pa nga nga sa bye pa'o// tre+e par 'dugs pa sa na tu ba ga / tham / / na ma/ yi sa 'di ga / / 'anga' nga/ na na / das 'ame la ma ma du ma dog

  449. 225b

    tu mi ldan/ mthu dang stobs med pas dbang du ma gyur to// kha cig ni shin tu longs spyod dang ldan te bang mdzod kyang yongs su gang ngo // kha cig ni dbul 'phongs pas ci yang mi bdog go/ / kha cig ni yon tan phun sum tshogs par ldan pa mthong ngo // kha cig ni sdig pa mi dge ba'i chos dang ldan par mthong bas/ de bas na nges par nang gi chos ni mi rtag par rig go/ / gzhan yang phyi rol gyi chos rnams ni sa bon dang / myu gu dang / sdong bu dang / lo ma dang / me tog dang / 'bras bu'i tshe so sor tha dad de/ de ltar phyi rol gyi chos kyang kha cig ni phun sum tshogs pa dang ldan/ kha cig ni phun sum tshogs pa dang mi ldan te/ de bas na phyi rol gyi chos thams cad kyang mi rtag par rig go snyam sems so// de ltar chos thams cad mi rtag par rtogs nas/ thos pa'i sgo nas chos thams cad la 'di ltar rtog go// bdag gis thos na mtho ris kyi lha rnams kyang shin tu bde ba'i longs spyod phun sum tshogs pa dang ldan te/ mngon par shes pa dang dbang du ldan yang ltas lnga mngon par byung bas/ de bas ni mi rtag par rig go// gzhan yang bskal pa thog ma'i tshe/ sems can thams cad kyang so so nas yon tan mchog dam pa dang ldan te/ so so'i lus kyi 'od kyis snang bar byed kyi/ nyi zla'i 'od la rag ma lus so zhes thos te/ mi rtag pa'i mthus 'od kyang nyams nas yon tan yang med par 'gyur to//

  450. 226a

    gzhan yang 'khor los sgyur ba'i rgyal po lta bu gling bzhi la dbang ste/ rin po che sna bdun dang ldan pa'i dbang chen po thob kyang mi rtag pa bcom ma nus so zhes thos so// gzhan yang sa chen po 'di la spun ni sems can tshad med pa snyed bde bar gnas te/ shing rta'i 'phang lo tsam gyis stongs med par sman dam pa sna tshogs dang / nags tshal dang / bza' shing gi rab dang / 'bras bu la sogs pa shin tu rgyas pa las/ da ni sems can bsod nams rlung bas sa chen po'i mthu stobs med par gyur te/ sa la skye ba'i rnams kyang ro med cing ya ma brlar gyur te/ de bas na phyi nang gi chos thams cad ni mi rtag pa yin te/ de ni mi rtag pa sbom po zhes bya'o// de ltar sbom po rtogs nas mthar gyis phra mo la rtog go/ de la phra mo zhes bya ba gang zhe na/ byang chub sems dpa' sems dpa' chen pos phyi nang gi chos thams cad nas/ rdal phra rab kyi bar du ma 'ongs pa'i dus nas mi rtag par rtogs so// de ci'i phyir zhe na/ mtshan ma yongs su bcom pa dang ldan pa'i phyir ro/ / gal te ma 'ongs pa'i gzugs de mi rtag pa ma yin na/ gzugs la khyad par gyi dus rnam pa 'di bcu yod do zhes smra ba mi rung ngo // bcu gang zhe na// 'di lta ste/ nur nur po'i dus dang / mer mer po'i dus dang / mkhregs pa'i dus dang / sha gong gong por gyur pa'i dus dang / yan lag skyes pa'i dus dang / bus pa chung ngu'i dus dang

  451. 226b

    gzhon nu'i dus dang / lang tsho ba'i dus dang / dar la bab pa'i dus dang / rgas pa'i dus so// byang chub sems dpas nur nur po'i tshe na/ mi rtag pa ma yin par rtog na/ mer mer nas/ lang tsho ba'i bar du yang mi 'gyur la/ mi rtag pa pa yin par rtog na/ rgas par yang mi 'gyur ro// de ltar dus mang po skad cig skad cig gis 'gog pa ma yin na/ bags kyis skye ba'i mi rigs te/ dus gcig tu tshad du phyin par skye ba'i rigs so// de ltar dus gcig tu tshad du phyin par skye ba'i gnas med de/ de bas na nges par skad cig skad cig gis 'gog pa mi rtag pa phra mo yod par rig go/ gzhan yang gang zag kho cig ni sngun dbang po dang mdog tu ldan/ phyis rgud cing nyams pa yang mthong bas na/ gang zag de ni skad cig skad cig gis nges par mi rtag par mngon no/ / gzhan yang chen po bzhi dang / spyod lam bzhi la rtog go/ gzhan yang phyi nang rnam pa gnyis la sdug bsngal gyi rgyu rnam pa gnyis gnyis yod do// bkres pa dang / skom pa dang / grang ba dang / tsha ba yang rtog go// gzhan yang de ltar rnam pa bzhi po de skad cig skad cig gis mi rtag pa phra mo ma yin na/ sdug bsngal rnam pa bzhi po yang gsung ba'i mi rigs so snyam sems so/ / byang chub sems dpa' gang gis de ltar rtog na/ de ni byang chub sems dpa'i mi rtag pa phra mo la rtog pa zhes bya'o// phyi nang gi gzugs la ji lta ba

  452. 227a

    / bzhin du sems kyi chos kyang de bzhin du rlag par byaro// de na'i myir zhe nu/ b+h+remA N+ye drug la smyung ba'i rgyu skye mched drugs spyod pa na par ba ni dka' sems skye/ bar bar ni zhe sdang kyi sems skye/ bar bar ni 'dod pa'i sems skye bar bar ni dran pa'i sems sbyi/ de ltar tha dad pa'i sems smyo / gcig tu ma chad pas gzugs kyi chos dang / gzugs ma yin pa'i chos thams cad mi rtag par rig go/ rigs kyi bu byang chub sems dpa' gang zhig skad cig pa gcig la chos thams cad skye ba dang / 'gog pa dang / mi rtag par mthong ba ni/ byang chub sems dpa' mi rtag pa'i 'du shes dang ldan pa zhes bya'o// rigs kyi bu mkhas pa shes rab can ni de ltar mi rtag pa'i 'du shes la nan tan byas na rtag pa'i nga rgyal dang / rtag pa'i phyin ci log dang / phyin ci log gi 'du shes yongs su spong ste/ sdug bsngal gyi 'du shes la nan tan byed do// ci'i rgyu ci'i rkyen gyis 'di ltar sdug bsngal myong bar 'gyur snyam bsams na/ sdug bsngal de ni mi rtag pa'i rgyu las byung bar shes so// mi rtag pa'i rkyen gyis skye ba dang / rga ba dang / na ba dang / shi ba myo bar gyur to/ / skye ba dang / rga ba dang / na ba dang / shi ba'i rkyen gyis mi rtag pa zhes bya'o// mi rtag pa'i rkyen gyis phyi nang gi sdug bsngal mang po myong ba ni/ bkres pa dang

  453. 227b

    skom pa dang / grang ba dang / cha ba dang / brdeg pa dang / 'chog pa dang / spyob dang / gshe ba'i sdug bsngal myong ngo // de ltar sdug bsngal mang po myong ba yang mi rtag pa'i rkyen gyis rlong bar gyur to/ / gzhan yang mkhas pa shes rab can ni lus 'di la mi rtag pa'i snod yin par rtog go/ snod sdug bsngal ba yin te/ de ltar snod sdug bsngal ba yin pas bcud kyang de dang 'dra bar sdug bsngal ba'i chos yin par rtog go/ / gzhan yang mkhas pa shes rab can ni skye ba nyid kyang sdug bsngal bar rtog la/ 'gog pa la sdug bsngal bar rtog ste/ sdug bsngal gyis skye zhing 'gog pas na mi rtag pa yin te/ bdag dang bdag gi ba ma yin par mi rtag pa'i 'du shes la nan tan byed do// gzhan yang mkhas pa shes rab can ni sdug bsngal nyid ma rtag pa yin la/ mi rtag pa nyid kyang sdug bsngal ba yin te/ de ltar sdug bsngal ba nyid mi rtag pa yin pas na/ mkhas pa shes rab can gyis ci'i phyir bdag yod ces smra/ de ltar bdag ma yin pas na/ / mi rtag pa yang de bzhin du rig par bya'o// de bzhin du phung po lnga yang sdug bsngal ba yang yin la/ mi rtag pa yang yin na/ sems can gyis ci'i phyir bdag yod ces smra gzhan yang chos thams cad ni tha dad pa 'dus pa las skyes kyi/ gcig pu zhig 'dus pa las chos thams cad skyes pa yang yin la/ chos gcig kyang thams cad 'dus pa'i 'bras bu ma yin/

  454. 228a

    par rdzogs te/ 'dus pa thams cad kyang bdag gi rang bzhin yang med/ gcig pa'i 'bras bu yang med// tha dad pa'i rang bzhin yang med// dngos po'i rang bzhin yang med/ / dbang du gyur pa'i rang bzhin yang med do// chos thams cad la gal te rang bzhin gyi mtshan nyid de dag yod na/ mkhas pa shes rab can gyis ci'i phyir bdag yod par sla/ gzhan yang 'di snyam du chos thams cad la chos gcig tsam yang byed pa med do/ / de ltar chos gcig tsam yang byed pa po med de/ chos thams cad 'dus pa las byed pa po yang med do// chos thams cad rang bzhin gyis rang skye 'am/ rang 'gog par mi 'gyur te/ 'dus pa las 'gog cing 'dus pa las skye ste/ de ltar chos skyes nas sems can gyis phyin ci log pa'i 'du shes bskyed de/ 'dus pa las skye'o zhes smra'o// sems can gyis phyin ci log tu 'du shes pas yang dag pa'i badren pa med na/ ci'i phyir yang dag pa'i bdag yod do zhes smra/ de bas na mkhas pa shes rab can ni bdag med par rtog go/ gzhan yang ci'i rgyu dang ci'i rkyen gyis sems can gyis bdag tu 'dzin pa snyam rtog ste/ bdag de yod pa zhig yin na bdag de gcig tu zad dam/ mang du yod snyam rtog go// gal te bdag de gcig tu bad na/ ci'i phyir rgyal rigs dang / bram ze dang / rje'u rigs dang / gdol rigs dang

  455. 228b

    lha dang / mi dang / sems can dmyal ba dang / yi dgas dang / byol song gi skye gnas dang / chen po dang / chung ngu dang / lang tsho ba dang / rgas pa yod par gyur/ de bus na bdag ces bya ba ni gcig ma yin par rig go/ / bdag ces bya ba de gal te mang na/ ci'i phyir sems can thams cad kyi bdag ces bya ba gcig ste/ thams cad du khyab la mtha' med do zhes smra/ de bas na gcig dang mang po gnyis ka la bdag med do// mkhas pa shes rab can gyis de ltar bdag med par rtogs nas/ rim gyis kha zas yongs su skyo bar byed pa'i 'du shes la rtog ste/ 'di snyam du gal te chos thams cad mi rtag pa yang yin la/ sdug bsngal ba dang bdag med pa yin na/ ci'i phyir kha zas kyi phyir lus dang / ngag dang / yid kyi las mi dge ba bskyed par gyur/ sems can gyis kha bsal chags pa'i phyir lus dang / ngag dang / yid kyis las mi dge ba byas te/ zang zing thob pa'i rnams gzhan dang dran mong du gyur kyang / sdug bsngal gyi rnam par smin pa myong ba na thun mong du len pa med do// rigs kyi bu mkhas pa shes rab can ni gzhan yang 'di ltar rtog ste/ sems can thams cad ni khazas kyi phyir lus dang sems sdug bsngal bar gyur to/ / de ltar sdug bsngal mang po'i rkyen gyis kha bas thob par gyur na/ bdag gis ci'i phyir kha zas de la chags pa'i sems bskyed

  456. 229a

    snyam du bsams nas/ / kha las la chags pa'i sems skye bar mi byed do// gzhan yang mkhas pa shes rab can gyis lus kyi rgyu gang yin pa brtags nas/ de ni kha kyi rkyen gyis lus skye zhing 'phel bar rtogs so/ / de bdag gis khyim nas khyim ma yin par rab tu byung ste/ tshul khrims mnos pa yang lus 'di yongs su gtong bar byed de/ da kha zas la chags na lus 'di ji ltar gtang bar bya snyam rtogs te/ de ltar brtags nas kha zas len mod kyi/ 'brog dgon pa'i yi dgas kyis bu'i sha la za ba tsam gyi 'du shes bskyed do// yongs su skyo ba'i sems bskyed nas de la chags par mi byed do/ / de ltar kha zas la skyon mang po yod par rtogs nas/ mthar gyis rags pa'i kha zas la 'di ltar rtog go/ dper na ba'i ko ba bshus na srin du tshad med pa snyed kyis yongs su za ba ltar rtog go/ gzhan yang mthar gyis bsams pa'i zas la 'di ltar rtog ste/ dper na me'i phung po chen po dang 'dra bar rtog go/ rnam par shes pa'i kha zas ni mtshon shag ti sum ngargyas btsugs pa dang 'dra bar rtog go/ / rigs kyi bu mkhas pa shes rab can ni de ltar zas rnam pa bzhi rtogs nas/ nam du yang kha zas la chags ba dang 'dod pa'i sems mi skye'o/ / gal te skyes na yang mi gtsang ba la yongs su rtog go/ de ci'i phyir zhe na/ kha zas la chags pa yongs su spong ba'i phyir ro// kha zas thams cad la

  457. 229b

    mi gtsang bar shin tu rtog ste/ ji ltar mi gtsang ba dang 'dra bar shin tu rtogs nas/ gal te kha zas bzang por rnyed dam ngan pa rnyed na yang / len pa'i tshe rma'am shu ba ma rungs pa la sman gyis bskus pa dang 'dra bar/ sems kyis chags pa dang 'dod pa'i sems nam du yang mi skye'o// rigs kyi bu mkhas pa shes rab can gang zhig gis de lta bur rtogs na/ de ni kha zas kyi 'du shes yongs su spong ba dang ldan pa zhes bya'o/ / byang chub sems dpa' 'od srungs kyis/ bcom ldan 'das la gsol pa/ bcom ldan 'das mkhas pa shes rab can gyis de ltar kha zas la mi gtsang bar rtog pa na/ 'on te yang dag par rtog gam sgyu ma tsam du rtog/ gal te yang dag par rtog na/ rtog pa'i kha zas de ni mi gtsang ba lags so// gal te sgyu ma tsam du bas na chos de dge bar 'du shes pa lags sam/ bcom ldan 'das kyis bka' stsal pa/ rigs kyi bu de ltar 'du shes pa de ni yang dag pa yin la/ sgyu ma yang yin no// kha zas la chags pa yongs su spong bar 'gyur bas na yang dag pa zhes bya'o/ / srin bu ma yin pa la srin bu mthong bas na sgyu ma zhes bya'o// rigs kyi bu zag pa dang bcas pa thams cad ni sgyu ma yin mod kyi/ yang dag par yang 'gyur ro// rigs kyi bu gal te dge slong gang zhig bsod snyoms la 'gro bar gabs na thog ma nas 'di snyam du sems so// bdag gis deng kha zas bzang

  458. 230a

    po 'thob cing ngan pa thob par mi 'gyur ba dang / sang du rnyed cing nyung ngur mi 'gyur ba dang / myur du thob cing thogs par mi 'gyur bar smon lam 'debs na/ dge slong de kha zas la yongs su spong ba'i 'du shes thob pa ma yin te/ dge ba'i chos spyod pa yang nyin mtshan du 'grib shing / mi dge ba'i chos ni skye zhing 'phel bar 'gyur ro// rigs kyi bu dge slong gang zhig bsod snyoms la 'gro bar gzas pa na/ thog ma 'di snyam du gang bdago la bsod snyoms sbyin pa de dag kha zas kyis chog par gyur cig ces smon lam 'debs pa dang / gang babadag la bsod snyoms sbyin pa de bsod nams tshad med pa de thob par gyur cig/ bdag gi bsod snyoms 'di yang gdug pa dang bcas pa'i lus 'di gso zhing / dge ba'i chos la nan tan byed par 'gyur ba dang / sbyin bdag gi phan pa dang bde ba'i don du 'gyur bar sems pa de ni dge ba'i spyod pa yang nyin mtshan du skye zhing 'phel la/ mi dge ba'i chos kyang khad kyis 'byung bar 'gyur ro/ / rigs kyi bu dge slong gang zhig de lta bur nun tan byed/ gang zag de ni yul gcig gi sbyin pa len pa ma yin par rig par bya'o// rigs kyi bu mkhas pa shes rab can ni de ltar 'du shes rnam pa bzhi dang ldan pas/ 'jig rten lam chags pa'i 'du shes la nan tan byed par gyur te/ yang 'di snyam du 'jig rten thams cad na skye ba dang / rga ba dang

  459. 230b

    na pa dang / shi ba'i gnas ma yin pa med de/ bdag gi lus 'di ni gang du yang ma skyes pa'i gnas med de// gal te 'jig rten na gnas gcig tsam yang skye bu dang / rga ba dang / nabang / shi ba ma yin pa'i gnas med na/ bdag gi ci'i phyir 'jig rten la chags par bya/ 'jig rten pa thams cad ni gong nas gong du 'phar ba yang med la/ phyir mi ldog pa yang med de/ de bas na 'jig rten ni nges par mi rtag pa'o// de ltar mi rtag pa yin na ci'i phyir mkhas pa shes rab can gyis 'jig rten la chags par byed/ sems can re res kyang 'jig rten thams cad du sdug bsngal ma myong ba'i gnas med de/ mtho ris kyi rlangs pa'i lhar skyes pa nas/ 'du shes med 'du shes med min skye mched stengs kyi lha'i bar du skyes kyang / tshe 'phos ma thag tu ngan song gsum du ltung ngo / / rgyal chen bzhi'i lha'i rgyal por skyes pa nas/ gzhan 'phrul dbang byed rnams kyi lha'i bar du skyes kyang / tshe 'phos ma thag tu byol song gi skye gnas su skyes nas/ seng ge dang / stag dang / spyang ki dang / ngal glang dang / rta dang / ba lang dang / bong bu la sogs par skye'o// 'khor los sgyur ba'i rgyal po gling bzhi la dbang bcwo longs spyod dang dbang du ldan pa yang / bsod nams zad nas dbul 'phongs pa 'gyur te/ kha zas kyis mi 'tsho ba la yang shin tu rtog go// mkhas pa shes rab can gyis de

  460. 231a

    sbyar shin tu rtogs nas/ 'jig rten la mi chags pa'i 'du shes skye'o// mkhas pa shes rab can gyis gzhan yang 'di ltar rtog ste/ 'jig rten gyi chos kyis khang khyim dang / bgo ba'i gos dang / kha zas dang / mal cha dang / nad kyi rkyen sman dang / me tog dang / spos dang / 'phreng ba dang / rol mo rnam pa sna tshogs dang / zang zing dang / rin po che la sogs pa ni sdug bsngal ba dang bral ba yin yang / dngos po de dag ni rang bzhin gyis sdug bsngal ba yin na/ ci'i phyir sdug bsngal gyis sdug bsngal yongs su spong bar 'gyur/ rigs kyi bu mkhas pa shes rab can gyis de ltar rtogs nas/ 'jig rten gyi dngos po thams cad la chags pa 'am bde ba'i 'du shes mi skye'o// rigs kyi bu 'di lta ste/ dper na gang zag gcig nad tshabs chen pos btab na/ rol mo rnam pa sna tshogs dang / me tog dang / spos dang / 'phreng ba rnam pa mang po yod kyang // de la 'dod pa 'am chags pa'i sems mi skye'o/ / mkhas pa shes rab can gyis rtogs pa yang de dang 'dra'o// rigs kyi bu mkhas pa shes rab can gyis 'jig rten thams cad la skyabs su 'gyur ba ma yin pa dang / rnam pararo grol ba'i gnas ma yin pa dang / rab tu zhi ba'i gnas ma yin pa dang / yid du 'ong ba'i gnas ma yin pa dang / pha rol tu phyin

  461. 231b

    pa'i gnas ma yin pa dang / rtag pa dang / bde ba dang / bdag dang / yongs su dag pa'i chos ma yin par shin tu brtag go/ kal te bdag gis de ltar 'jig rten la chags par/ gyur na/ bdag gis ji lta bur chos de dag rjes su spong bar 'gyur/ dper na mi zhig mun pa mi 'dod de/ snang ba tshol ba las phyir mun pa'i nang du 'gro ba dang 'dra'o// mun pa zhes bya ba ni 'jig rten no/ / snang ba zhes bya ba ni 'jig rten las 'das pa'o// gal te bdag gis 'jig rten la chags te mun pa bskyed na/ 'od snang ba dang yongs su phral bar 'gyur ro/ / mun pa ni ma rig pa'o// snang ba ni shes rab bo// shes rab dang snang ba'i rgyu ni 'jig rten la ma chags pa'i 'du shes yin te/ 'dod pa ni kun nas bcings pa yin med kyi/ 'on kyang bdag ni shes rab kyi snang ba 'dod kyi/ 'jig rten gyi tshogs pa ni mi 'dod do// mkhas pa shes rab can gyis shin tu brtags te// de ltar rtogs nas 'jig rten la mi chags pa'i 'du shes dang ldan par bya'o/ / rigs kyi bu mkhas pa shes rab can ni 'jig rten la ma chags pa'i 'du shes la nan tan byas nas/ rim gyis ba'i 'du shes la nan tan byed do/ / 'tsho ba'i srog 'di la brtags na rtag tu dgra sdang ba tshad med pa snyed kyis yongs su bskor te/ skad cig skad cig nyams par byed kyi/ skye zhing

  462. 232a

    'phel bar mi byed do/ / dper na chu bzar po lngar mi gnas pa 'am/ rtswa'i kha na zil pa ltar ring du mi gnas pa 'am/ gsod du khrid pa dag shi ba la nye ba 'am/ ba lang ngam/ lug gshed ma'i drung du khrid pa dang 'dra'o// byang chub sems dpa' 'od srungs kyis gsol pa/ bcom ldan 'das ji ltar na mkhas pa shes rab can gyis skad cig skad cig gis 'gog par rtog pa lags/ bcom ldan 'das kyis bka' stsal pa/ rigs kyi bu 'di lta ste/ dper na 'phang skyen pa'i mi bzhi zhig lhan cig tu 'dus nas/ so so nas 'di skad ces bgros so// bdag cag bzhis mda' re re zhig phyogs re rer 'phangs te/ cig car 'phangs la cig car sa la ltung bar bya'o// de la gang zag cig gis 'di snyam du bdag gis skyes bu bzhis 'phangs pa'i mda' sa la ma lhung bar dus gcig tu bdag gi lag gis gzung ngo zhes smra na/ rigs kyi bu gang zag de shin tu myur ba ma yin nam/ byang chub sems dpa' 'od srungs kyis gsol pa/ bcom ldan 'das de bzhin no// bcom ldan 'das kyis bka' stsal pa/ rigs kyi bu sa la 'gro ba'i yi dgas ni de bas kyang myur ro/ / nam mkha' la 'gro ba'i yi dgas ni sa la 'gro bA pi dgas pas myur ro// nam mkha' la 'gro ba'i yi dgas pas kyang rgyal chen ris bzhi pa'i rgyal

  463. 232b

    bopo myur ro/ / rgyal chen ris bzhi'i rgyal po bas kyang nyi zla'i lha myur ro// nyi zla'i lhabs kyang shin tu myur ba'i lha myur ro// shin tu myur ba'i ltabs kyang sems can gyi tshe myur ro// rigs kyi bu dbugs phyi nang du rgyu bar thang cig la sems can gyi 'tsho ba'i tshe skye ba dang / 'gog pa bzhi brgya yod do// gang gis tshe la de ltar rtogs nas de skad cig skad cig gis 'gro pa rtogs pa zhes bya'o/ / rigs kyi bu mkhas pa shes rab can dag ni 'tsho ba'i srog 'di shi ba'i rgyal pos dbang bar brtag go// gal te bdag gis shi ba'i rgyal po yongs su spangs nas/ mi rtag pa'i tshe srog yongs su spong bar 'gyur ro// gzhan yang mkhas pa shes rab can ni tshe dang srog la chu 'gram g.yang sa'i shing chen po dang 'dra bar rtog go/ gzhan yang mi zhig nyes pa chen po byas pa gsod du khrid pa las mgon med pa 'am/ ri dwags kyi rgyal po seng ge shin tu lhogs pa'am/ sbrul gdug pa 'am/ rlung chen po rngub pa 'am/ rta shin tu skom pa chu la rlags pa 'am/ yi dgas ma rungs pa shin tu khro ba dang 'dra bar/ sems can gyi 'chi bdag gi rgyal po yang de dang 'dra bar rtog go/ rigs kyi bu mkhas pa shes rab can gang zhig gis de lta bu'i tshul du shin tu rtogs na/ de ni shi ba'i 'du shes la nan tan byed pa zhes bya'o// rigs kyi bu mkhas pa shes rab can ni gzhan yang 'di snyam du sems so//

  464. 233a

    bdag da rab tu byung nas tshe dang srog zhag bdun las mi thub kyang / bdag gis shin tu brtson 'grus bskyed de tshul khrims srung ba dang / sems can la phan pa dang bde ba'i don du chos ston pa ni/ mkhas pa shes rab can gyis shi ba'i dus la nan tan byed pa zhes bya'o// nyin zhag bdun lta smos kyang ci dgos te/ gal te zhag drug gam/ lnga 'am/ bzhi 'am/ gsum mam/ gnyis sam/ gcig gam/ dus gcig nas dbugs phyi nang nas rgyu ba nas/ skad cig thang cig gi bar du bdag gi byang chub la brtson 'grus la nan tan byas te/ tshul khrims yongs su srung ba dang / sems can la phan pa dang bde ba'i don du chos ston pa ni/ mkhas pa shes rab can ni shi ba'i 'du shes la nan tan byed pa zhes bya'o// mkhas pa shes rab can gyis gong du smos pa'i 'du shes rnam pa drug dang ldan pas/ 'du shes kyi rgyu rnam pa 'di bdun la nan tan byed do// bdun gang zhe na/ 'di lta ste/ rtag pa/ la nan tan byed pa'i 'du shes dang / bde ba la nan tan byed pa'i 'du shes dang / zhe sdang med pa'i 'du shes dang / phrag dog med pa'i 'du shes dang / dge ba'i 'du shes dang smon lam gyi 'du shes dang / nga rgyal med pa'i 'du shes dang / ting nge 'dzin gyi dbang du gyur pa'i 'du shes dang / rigs kyi bu dge slong gang zhig 'du shes rnam pa 'di bdun dang ldan na//

  465. 233b

    de ni dge sbyong zhes kyang bya/ bram ze zhes kyang bya// rab tu zhi ba zhes kyang bya/ yongs su dag pa zhes kyang bya/ rnam par grol ba zhes kyang bya/ mkhas pa shes rab can zhes kyang bya/ yang dag par lta ba zhes kyang bya/ pha rol tu phyin pa zhes kyang bya/ sman pa'i rgyal po zhes kyang bya/ ded dpon zhes kyang bya ste/ de ni de bzhin gshegs pas dgongs te gsungs pa la shin tu mkhas pa dang / de bzhin gshegs pa rnams kyis gsungs pa'i gsung rnam pa bdun rtogs pa dang / yang dag par shes pa dang / mthong ba dang / gsung ba rnam pa bdun la the tsom du gyur pa yongs su gcod par 'gyur ro/ / rigs kyi bu gang zag su zhig 'du shes rnam pa drug dang ldan na/ gang zag de ni 'jig rten gsum la yongs su smod cing 'jig rten gsum yongs su spong ba dang / 'jig rten gsum zhi bar byed pa dang / 'jig rten gsum la ma chags pa ste/ de ni mkhas pa shes rab can 'du shes rnam pa bcu dang ldan pa zhes bya'o/ / dge slong gang zhig rnam pa 'di bcu dang ldan na/ dge sbyong gi mtshan ma dang ldan pa zhes bya'o// de nas byang chub sems dpa' 'od srungs kyis/ bcom ldan 'das kyi spyan sngar sangs rgyas la tshigs su bcad pa 'di dag gis mngon par bstod do// 'jig rten bcas la thugs brtse sman pa'i rgyal po ni// sku dang

  466. 234a

    shes rab gnyis ka rnam par zhi ba ste/ / bdag med pa yi chos la nges par bdag yod pas// de bas bla med rgyal la gus par phyag 'tshal lo// thog ma'i sems dang mthar phyin gnyis ka rnam brtags na/ / mthar phyin sems pas thog ma'i sems ni rab dga' 'o// bdag kyang rnam par ma grol ba ni gzhan grol te// de bas bdag ni thog/ ma'i sems la phyag 'tshal lo// thog ma'i sems ni lha dang mi yi ston par 'gyur// nyan thos pa dang rang rgyal rnams las shin tu 'phags// sems bskyed de ni 'jig rten gsum las shin tu 'das/ / de bas mchog tu rgyal ba'i bla na med ces bya// 'jig rten mgon na bsgrub pas thob par 'gyur ba ste// de bzhin gshegs ni gsol ba med par mgon du gshegs/ / sangs rgyas 'jig rten gshegs pa ba dang be'u bzhin te// de bas thugs rje chen po'i khyu mchog ces bya'o// de bzhin gshegs kyi yon tan phyogs su kun tu khyab/ / ma rabs shes pa med pas bstod par mi nus te// bdag gi thugs rje chen po'i stobs la bstod pa ni// lus dang ngag gi las kyi drin rnams bsab pa'i phyir// 'jig rten rnams ni bdag la phan pa'i don byed de// de bzhin gshegs ni 'phrin las de dag mi mdzad do// skye bo mang po'i rnam par smin pa yongs gcod de// de bas bdag dang

  467. 234b

    gzhan don byed la bdag phyag 'tshal/ / 'jigs bcas pa ni gnyen la phan pa'i don chen byed// de bzhin gshegs kyis don mdzad pa la byams sdang med// de bzhin gshegs la 'jig rten lta bu'i mtshan nyid med/ / de bas thugs ni gnyis su med par kun la snyoms// 'jig rten bcas ni byed pa gzhan la smra ba gzhan// de bzhin gshegs ni gsung ba mdzad dang tha dad med/ / mdzad pa de dag thams cad 'du byed kun chod de// de bas de bzhin gshegs pa zhes ni grags par gyur// kun nas nyon mongs pa yi skyon rnams kun rtogs nas/ / sems can don gyi slad du bzhugs pa'ang mngon par bstan// 'jig rten 'di ni rnam par grol ba'i yun ring yang thugs brtse slad du 'khor ba bzhugs pa dga' bar 'gyur/ / lha yi lus dang mi yi lus su mngon bstod kyang // thugs rje chen pos rjes su gshegs pa be'u bzhin no// de bzhin gshegs ni sems can kun gyi yum lags pas/ / thugs rje chen po'i thugs de nyid ni be'u lta bu// sems can rnams la dgongs phyir sdug bsngal myong bar mdzad// thugs rjes dgongs pa'i dus na 'gyod pa'i thugs mi mnga'/ / thugs rje sems dang ldan pas sdug bsngal mtshor te// de bas sdug bsngal yongs su sgrol la bdag phyag 'tshal// de bzhin gshegs pas bsod nams tshad med kun

  468. 235a

    mdzad kyang / / lus dang ngag dang yid kyi las ni rnam par dag/ sems can slad du don mdzad bdag phyir ma yin te// de bas rnam par dag pa'i las la bdag phyag 'tshal/ / sangs rgyas sdug bsngal myong yang sdug bsngal mi tshor te// sdug bsngal myong ba mthong na bdag gis myong ba bzhin// sems can slad du sems can dmyal bar bzhugs kyur kyang / / sdug bsngal ba dang 'gyod pa'i thugs ni mi skye'o// so so'i skye bo'i sdug bsngal mang po myong ba yang // de bzhin gshegs pa'i sku gcig gis ni thams cad len// de dag myong nas thugs ni shin tu brtan par gyur/ / de bas bla med byang chub rnams la shin tu brtson// de bzhin gshegs ni ro gcig thugs rje chen po yis// so so'i skye bo kun la sras gcig 'dra ba dgongs/ / bcom ldan skyabs su 'gyur bar sems can mi shes pas// sangs rgyas chos dang dge 'dun rnams la skur pa 'debs// 'jig rten rnams ni kun nas nyon mongs pa dang bcas/ / de bzhin tshad medo nyes pa'i skyon rnams dang yang bcas// kun nas nyon mongs nyes pa'i skyon rnams ci mchis pa// thog ma thugs bskyed pa yi tshe na thams cad bcom// de bzhin gshegs pa'i de bzhin gshegs pa bstod gyur te/ / de bzhin gshegs pa ma gdogs gzhan gyis bstod mi nus// bdag gis deng 'dir chos gcig tsam gyis mngon bstod pa//

  469. 235b

    thugs rje chen po'i thugs kyis 'jig rten gshegs pa'o// de bzhin gshegs kyi chos kyi phung po byams pa ste// byams pa'i thugs kyis sems can yongs su sgrol bar 'gyur// de ni blan med pa rnam par grol ba ste/ / rnam par grol ba de ni mya ngan las 'das pa'o// 'phags pa yongs su mya ngan las 'das pa chen po'i mdo las/ 'od srungs kyis yongs su dris pa zhes bya ba'i le'u ste bcu gnyis pa'o/ / // de'i tshe bcom ldan 'das kyis/ tshe dang ldan pa kun shes ko'u di n+ya la 'di skad ces bka' stsal to// gzugs ni mi rtag pa ste/ gzugs 'gags pa'i rkyen gyis rnam par grol ba'i rtag tu gnas pa'i gzugs su 'gyur ro// tshor ba dang / 'du shes dang / 'du byed dang / rnam par shes pa yang mi rtag pa rnam par shes pa 'gags pa'i rkyen gyis rnam par grol ba'i rtag tu gnas pa'i rnam par shes pa thob par 'gyur ro/ / ko'u di n+ya gzugs ni sdug bsngal ba ste/ gzugs 'gags rkyen gyis rnam par grol ba'i gzugs bde ba thob par 'gyur ro/ / tshor ba dang / 'du shes dang / 'du byed dang / rnam par shes pa yang de bzhin du rgyas par rig par bya'o// kodaM n+ya gzugs ni stong pa'o// stong pa'i gzugs 'gags pa'i rkyen gyis stong pa ma yin pa'i gzugs kyi rnam par grol ba thob par 'gyur te/ tshor ba dang / 'du shes dang / 'du bya

  470. 236a

    dang / rnam par shes pa'i bar du yang de bzhin du rgyas par rig par bya'o// ko'u 'i n+ya gzugs ni bdag med pa'o// gzugs 'gags pa'i rkyen gyis rnam par gros ba'i gzugs yang dag pa'i bdag thob par 'gyur te/ tshor ba dang / 'du shes dang / 'du byed dang / rnam par shes pa yang de bzhin du rgyas par rig par bya'o// ko'u dri n+ya gzugs yongs su ma dag pa'o/ / gzugs 'gags pa'i rkyen gyis rnam par grol ba'i gzugs yongs su dag pa thob par 'gyur te/ tshor ba dang / 'du shes dang / 'du byed dang rnam par shes pa yang de bzhin du rgyas par rig par bya'o/ / ko'u di n+ya gzugs ni skye ba dang / rga ba dang / nab dang / 'chi ba'o// gzugs 'gags pa'i rkyen gyis rnam par grol ba'i gzugs skye ba dang / rga ba dang / nang dang / 'chi ba ma yin pa thob par 'gyur te/ tshor ba dang / 'du shes dang / 'du byed dang / rnam par shes pa yang de bzhin du rgyas par rig par bya'o/ / ko'u di n+ya gzugs ni skye ba ma rig pa'o// gzugs 'gags pa'i rkyen gyi rnam par grol ba'i gzugs ma rig pa ma yin pa thob par 'gyur te/ tshor ba dang / 'du shes dang / 'du byed dang / rnam par shes pa yang de bzhin du rgyas par rig par bya'o// ko'u de n+ya gzugs ni skye ba'i rgyur 'gyur ro// gzugs 'gags pa'i rkyen gyis rnam par

  471. 236b

    grol ba'i gzugs skye ba ma yin pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du yang de bzhin du rgyas par rig par bya'o// ko'u di n+yargya phyin ci log bzhi rgyur 'gyur ro/ / gzugs 'gags pa'i rkyen gyis rnam par grol ba'i gzugs phyin ci log gi rgyu ma yin pa thob par 'gyur te/ tshor ba dang / 'du shes dang / 'du byed dang rnam par shes pa'i bar du yang de bzhin du rgyas par rig par bya'o/ / ko'u di n+ya gzugs ni mi dge ba'i chos tshad med pa'i rgyun yin no// 'di lta ste/ pho dang mo la sogs pa'i lus dang / zas 'dod pa dang / 'dod chags la chags pa dang // zhe sdang dang / gti mug dang / ser sna dang / phrag dog dang / mi dge ba'i sems dang / 'jungs pa'i sems dang / bcangs pa'i zas dang / rnam par shes pa'i zas dang / bsam pa'i zas dang / reg pa'i zas dang / sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa dang / 'dod pa lnga dang / sgrib pa lnga la sogs pa'i chos ni gzugs las gyur to// gzugs 'gogs pa'i rkyen gyis rnam par grol ba'i gzugs nyes pa'i skyon tshad med pa de snyed med pa'i lus thob par 'gyur te/ tshor ba dang / 'du shes dang / 'du byed dang / rnam par shes pa'i bar du yang de bzhin du rgyas par

  472. 237a

    rig par bya'o/ / ko'u di n+ya gzugs ni bcing bas rnam par bcings pas rnam par bcings pa'o// bcing ba'i gzugs 'gags pa'i rkyen gyis rnam par grol ba'i gzugs bcings pa med pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du yang de bzhin du rgyas par rig par bya'o// ko'u di n+ya gzugs ni rgyun mi 'chad pa'i rgyun yin no/ / rgyun gyi gzugs 'gags pa'i rkyen gyis rnam par grol ba'i gzugs rgyun ma yin pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du yang de bzhin du rgyas par rig par bya'o// ko'u di n+ya gzugs ni skyabs su 'gro ba'i rgyu ma yin no// gzugs 'gags pa'i rkyen gyis rnam par grol ba'i gzugs skyabs su 'gro ba thob par 'gyur te/ tshor ba dang / 'du shes dang / 'du byed dang / rnam par shes pa'i bar du yang de bzhin du rgyas par rig par bya'o// ko'u di rgyu gzugs ni rma lta bu'o/ / gzugs 'gags pa'i rkyen gyis rnam par grol ba'i gzugs rma med pa thob par 'gyur te/ tshor ba dang / 'du shes dang / 'du byed dang / rnam par shes pa'i bar du yang de bzhin du rgyas par rig par bya'o/ / ko'u di n+ya gzugs ni rab tu zhi ba ma yin no// gzugs 'gags pa'i rkyen gyis yongs su mya ngan las 'das pa'i gzugs rab

  473. 237b

    tu zhi ba thod par gyur te/ tshor ba dang / 'du shes dang / 'du byed dang / rnam par shes pa'i bar du yang de bzhin du rgyas par rig pa bya'o// ko'u di n+ya gang zag su zhig de lta bu'i tshul du shes na/ de ni dge sbyong zhes bya/ bram ze zhes kyang bya/ de ni dge sbyong dang / de ni dge sbyong gi chos dang / bram ze'i chos dang ldan pa zhes kyang bya'o// ke'u do n+ya sangs rgyas kyi chos ma gdog par logs shig na dge sbyong med/ bram ze med de/ dge sbyong dong bram ze'i chos kyang med de/ mu stegs thams cad ni brdzun du smra bar zad kyi/ yang dag pa'i spyod pa med do/ / rnam pa de gnyis ltar tshul 'chos mod kyi/ rnam pa de gnyis kyi gnas med do// de ci'i phyir zhe na/ dge sbyong dang bram ze'i chos med par/ ci'i phyir dge skyong dang bram ze yod do zhes smra/ ngas kyang rtag tu 'khor gyi dkyil 'khor 'dir seng ge'i sgra bsgrags kyis/ khyod kyang rtag tu 'khor gyi dkyil 'khor chen por seng ge'i sgra sgrogs shi de'i tshe mu stegs can tshad med pa snyed de skad ces gsungs pa thos nas zhe sdang gi sems bskyed de/ dge sbyong go'u ta mas bdag cag la dge sbyong dang bram ze yang med dge sbyong dang bram ze'i chos kyang med do zhes gsungs na/ bdag cag gi thabs ji ltar bya zhes 'di skad ces smras so// dge sbyong go'u ta ma bdag cag gi 'khor la yang dge sbyong gi chos kyang yod/ bram

  474. 238a

    ze dang bram ze'i chos kyang yod do/ / de'i tshe na 'khor gyi dkyil 'khor de na/ kun tu rgyu gcig gis 'di skad ces smras so// kye grogs po dag dge sbyong go'u ta ma'i tshig ni smyon pa dang 'dra ste/ za mi dang na yid ches su yang ci yod/ 'jig rten na mi smyon pa dag kyang bar 'ga' ni glu len/ bar 'ga' ni gar byed/ bar 'ga' ni du/ bar 'ga' ni rgod/ bar 'ag ni go / bar 'ga' ni bstod/ gnyen dang dgra'i bye brag kyang mi phyed pa ltar/ dge sbyong go'u ta ma yang de dang 'dra ste/ bar 'ga' ni nga rgyal po zas gtsang ma'i khab tu skyes zhes smra/ bar 'ga' ni ma skyes shes smra/ bar 'ga' ni skyes nas gom pa bdun der zhes smra/ ngar 'ga' ni kar yang ma song zhes smra/ 2 'ga' ni 'jig rten gyi dngos po dag chung ngu'i tshen bslabs so zhes smra/ bar 'ga' ni thams cad mkhyen pa zhes sgra/ bar 'da' ni rgyal po'i khab na bde ba'i gnas na longs spyod cing bu yang btsas so zhes smra/ bar 'ga' ni de dag thams cad la smad de mi 'dod do zhes kyang sgra/ bar 'ga' ni dkar ba la lo drug gi bar du spyad do zhes su/ bar 'ga' ni mu stogs can gyi dka' ba spyod pa la yongs su spyod/ bar 'anga'an u dum par dang a la la sogs pa sbyin ma thos pa'i chos so zhes sba/ bar 'garo ni byang chub kyi shing drung du bla na med pa yang dag par rdzogs pa'i byang chub thong bo zhes sla/ bar 'ga' ni

  475. 238b

    nga byang chub kyi shing drung du yang ma byin ci yang thob pa med do zhes smra/ bar 'ga' ni nga'i lus 'di nyid mya ngan las 'das pa yin no zhes sba/ bar 'ga' ni nga'i lus 'di 'gags mya ngan las 'das pa yin no zhes smra ste/ dge sbyong go'u ta ma smra'o cog ni smyon pa dang 'dra na/ de la yid ches shing mi dga' yang ci zhig yod/ bram ze rnams kyis/ de la 'di skad ces smras so// skyes bu chen po de bdag cag gis mya ngan mi bya'i gtol ga la yod/ dge sbyong go'u ta ma sngon rab tu byung nas mi rtag pa dang / sdug bsngal ba dang / stong pa dang / bdag med pa la sogs pa bsta papos/ bdag cag gi nye gnas rnams kyis thos nas shin tu 'jigs pa skyes te/ ji ltar na sems can dag mi rtag pa dang / sdug bsngal ba dang / stong pa dang / bdag med pa yongs su ma dag pa yin no zhes de'i tshig la yid ma ches so/ / de dge sbyong go'u ta maso shing sA la tshal de 'dir 'khor gyi dkyil 'khor mang po la rtag pa dang / bde ba dang / bdag dang / yongs su dag pa'i chos yod do zhes bstan pas/ bdag cag gi nye gnas rnams kyis de skad ces thos nas/ bdag cag yongs su spangs te/ dge sbyong go'u ta ma'i tshig la yid ches pas gyur pas/ de'i rgyu de'i rkyen gyis mya ngan chen po skyes par gyur to// de'i tshe na gzhan yang bram ze gcig cig/ de dag la 'di skad ces smras so// kye skyes bu dag legs pa 'on cig/ legs par rten

  476. 239a

    cig/ dge sbyong ko'u ta ma thugs rje dang ldan no zhes bya ba'i tshig brdzun te yang dag pa ma yin no// gal te thugs rje dang ldan na/ ci'i phyir bdag cag gi slob ma dag ga chos kyis snying rje'i 'bras bu thob pa yang pha rol gyi rjes su 'gro bar gyur te/ bdag gis bsam pa dang 'gal bar mdzad pas thugs rje dang ldan zhes byar yang mi rung ngo // de la gang zhig dge sbyong go'u ta ma la 'jig rten gyi chos brgyad kyis ma gos so zhes smra na/ de yang brdzun du smra ba yin no// gal te dge sbyong go'u ta ma ni 'dod pa nyung zhing chog shes pa'o zhes smra na/ ci'i phyir bdag/ cag gi rnyed pa la sogs pa 'phrog par 'gyur/ gal te dge sbyong go'u ta ma'i tshe rigs rtse ba yin no zhes sman yang brdzun du smra ba yin no// de ci'i phyir zhe na/ gna' nas ri dgas kyi rgyal po seng ge ni byi ba chung ngu ma gsod do zhes ma thos ma mthong ngo / / gal te dge sbyong go'u ta ma 'di tshe rigs che ba yin no// ci'i phyir bdag cag la sogs pa la yongs su 'tshe bar byed/ gal te dge sbyong go'u ta ma la mthu chen po dang ldan no zhes smra na/ de yang brdzun du smra ba yin no// de ci'i phyir zhe na/ gna' nas nam mkha' lding gi rgyal po ni bya khwa skegs dang 'thab bo zhes ma thos ma mthong ngo / / gal te mthu che ba yin na ci'i phyir bdag cag dang rtsod par gyur/ gal te dge sbyong go'u ta ma ni pha rol gyi sems shes pa'i thugs dang ldan no zhes sman/ de yang brdzun du sgra

  477. 239b

    ba yin no/ / de ci'i phyir zhe na/ gal te ye shes de dang ldan na/ ci'i phyir bdag cag gis bsam pa'i sems mi shes// kye skyes bu dag bdag gis sngon rgan rabs mkhas pa las 'di skad ces thos so/ / da lce le brgya 'das nas sgyu ma sgyu can zhig 'byung ba ni dge sbyong go'u ta ma la bya ste/ sgyu ma sgyu ma can 'di ni ring po mi thogs par shing sA la'i tshal 'dir med par 'gyur gyis/ khyed la sogs pa mya ngan ma byed cig/ de'i tshe na gzhan yang gcer bu pa zhig de la 'di skad ces smras so// kye skyes bu bdag cag mya ngan byed pa ni bdag gi lus kyi phyir ram/ 1 gnas dang / rnyed pa dang / grags pa'i phyir ma lags kyi/ 'jig rten pa gti mug gi mun pas khebs par gyur te/ bsod nams kyi zhing dang bsod nams ma yin pa mi shes nas sngon gyi rgan rabs shes pa dang ldan pa'i bram ze ni yongs su spangs nas shin tu na gzhon zhing shes pa med pa la mchod par gyur pas bdag cag mya ngan byed do/ / dge sbyong go'u ta ma ni rig sngags la mkhas te/ rig sngags la mkhas pa'i rkyen gyis lus gcig las lus tshad med pa snyed du sprul cing / lus tshad med pa las kyang lus gcig tu sprul to// lus de nyid kyis skyes pa dang / budang med dang / ba lang dang / lug dang / bal glang dang / rta'i gzugs su sprul te/ de yang bdag gi mthus de'i rig sngags kyi mthu med par byed nus so// dge sbyong go'u ta

  478. 240a

    ma'i rig sngags kyi mthu med par gyur na/ bdag cag la sogs pa rnyed pa dang grags pa thob cing shin tu bde ba myong bar 'gyur ro// de'i tshe nagazhan yang bram ze zhig gis 'di skad ces smras so/ / kye skyes du dag dge sbyong go'u ta ma ni yon tan phun sum tshogs pa tshad med pa dang ldan te/ de bas na khyed la sogs pa deng rtsod par mabyed cig/ mu stegs can gyi 'khor rnams kyis/ de la 'di skad ces smras so// glen pa gti mug can khyod ci'i phyir dge sbyong go'u ta ma la yon tan tshad med pa dang ldan pa yin no zhes smra bcas nas zhag bdun lon nas ma yang shi bar gyur na/ de la bsod nams dang yon tan dang ldan no zhes byar rung ngam/ bram ze des smras pa/ pha rol pos gshe yang phyir mi gshe la/ pha rol pos brdegs kyang phyir mi brdeg pas/ de ni yon tan chen po dang ldan pa'i mtshan nyid de/ skul mtshan sum cu rtsa gnyis dang / dpe byang bzang po brgyad cu dang / rdzu 'phrul tshad med pa dang ldan te/ de bas bsod nams dang yon tan tshad med pa dang ldan par rig go/ nga rgyal gyi sems med pas sngar gsong por smra'o// gsung ba'i tshig 'jam zhing nges pos ngag rtsub po medang / / lang tsho ba'i dus la bab kyang khro ba dang gtum pa med do// rgyal po'i yul na nor rdzas shin tu mang yang chags pa med par yongs su bta' nas rab tu byung ste/ ngar sna ba dang 'dra bar

  479. 240b

    spangs pas/ bdag gis ni dge sbyong go'u ta ma 'di yon tan phun sum tshogs pa tshad med pa dang ldan par smra'o// de nas 'khor rnams kyis 'di skad ces smras so// shin tu legs so/ / skyes bu chen po dge sbyong go'u ta ma ni yang dag par khyod smra ba lhur/ yon tan tshad med pa dang mngon par shes pa'i rdzu 'phrul tshad med pa dang ldan pas/ bdag cag ni de dang 'gran mi phod do/ / dge sbyong go'u ta ma ni rang bzhin gyis mnyen zhing zhi des te/ dka' ba ni ma spyad kyis/ rgyal po'i khab tu btsas pas slob pa gang la yang ma zhugs te/ tshig 'jam por smra ba ni rung gyi sgyu rtsal dang / yi ge dang / gtsug lag la sogs pa ni mi shes so// dam pa'i chos mdo tsam zhig bgros te/ dge sbyong go'u ta ma bdag cag las rgyal na/ bdag cag gos de'i g.yog bya'o// bdag cag gis de las rgyal na/ bdag cag gi g.yog bya dgos so zhes smras nas/ de'i tshe mu stegs can tshad med pa snyed lhan cig 'dus te/ yul dbus 'gyur rol du rgyal po ma skyes dgra'i drung du lhags so// rgyal pos de dag mthong nas 'di skad ces smras so// kye skyes bu dag khyed kar 'gro/ khyed rnams ni so so nas 'phags pa'i lam la nan tan byed pa yin te/ khyim nas khyim ma yin pa rab tu byung nas khyim gyi dngos po dang longs spyod thams cad yongs su spangs te/ yul ma

  480. 241a

    thams cad kyis bsti stang dang bcas pas mchod de/ bsti stang dang rim gro byed pa la yid dang 'gal bar mi byed na/ ci'i phyir thams cad 'dus te 'dir lhags par gyur/ kye skyes bu dag khyed rnams ni so so'i chos 'dzin cing / so so'i tshul khrims kyis rab tu 'byung ste 'thun pa yang ma yin/ so so'i tshul khrims kyis rab tu byung ste/ lam la na tan byed pa ma yin na/ ci'i rgyu ci'i rkyen deng 'dir bsams pa gcig tu thams cad 'dus pa ni/ dper na lo ma lhags pa la rlung drag pos btab na gcig tu 'dus pa ltar/ thams cad 'dir lhags par gyur/ / kho bo rtag tu rab tu byung ba'i mgon dang skyabs byed de/ chung ngu na lus dang srog la 'phangs par mi byed do// de'i tshe na mu stegs can thams cad kyis 'di skad ces gsol to/ / rgyal po chen po legs par gson cig/ rgyal po chen po ni chos kyi zam pa chen po lta bu'o// chos chen po'i bdar lta bu'o// chos chen po'i srang lta bu yin te/ yon tan thams cad kyi snod yin no// yon tan thams cad kyi yang dag pa'i ngo bo nyid yin no// dam pa'i chos kyi lam lta bu'o// sa bon thams cad kyi zhing gshin pa lta bu'o/ / yul sa thams cad kyi gzhi lta bu yin no// yul khams thams cad kyi me long snang ba lta bu yin no// lha thams cad kyi gzugs lta bu yin no// yul mi

  481. 241b

    thams cad kyi pha ma lta bu yin no/ / rgyal po chen po 'jig rten gyi khams thams cad kyi yon tan gyi rin po che'i gter ni rgyal po'i lus yin no// de ci'i phyir yon tan gyi mdzod ces bya zhen rgyal pos zhal lce gcod pa na gnyen dang dgrar bye brag mi phyed de/ mnyam snyoms pa ni sa 'am/ chu'am/ me 'am/ rlung dang 'dra ste/ de bas na rgyal po yon tan gyi gter zhes bya'o/ / rgyal po chen po da ltar gyi sems can dag tshe'i tshad phung mod kyi rgyal po'i yon tan ni sngun gyi rgyal po'i tshe ring ba rab tu bde ba'i dus dang 'dra'o// gzhan yang rgyal po spyi bo skyes sam/ gya nom snang ngam/ bzod pa can nam/ na ho zhe 'am/ yA yA de 'am/ sha phyi 'am/ i pa cha gu la sogs pa dge ba'i chos phun sum tshogs pa dang ldan pa dang 'odra bor/ rgyal po chen po yang de dang 'dra'o// rgyal po chen po rgyal po'i rkyen gyis yul mi thams cad bde skyid par gyur te/ de bas na bdag cag rab tu byung ba thams cad yul 'di na gnas par mos te/ tshul khrims srung zhing yang dag pa'i lam la nan tan bgyid do// rgyal po chen po bdog cag gi gzhung las rab tu byung ba'i gang zag gang nas gang du gnas pa'i yul de ni/ tshul khrims srung zhing yang dag pa'i lam la nan tan byed de/ rgyal po la yang dge ba spyod pa'i skal ba mchis so// rgyal po chen po 'jig rten kun shod byed pa thams cad

  482. 242a

    rgyal pos ma mchis par bgyis te/ rab tu byung ba thams cad 'jigs pa ma mchis na// ma rungs pa chen po dge sbyong go'u ta ma 'ba' zhig ma mchis par ma bgyis pas/ bdag cag ni de la rab tu 'jigs so// dge sbyong go'u ta ma ni tshe rigs skems te lus kyi mdog dang ldan la/ spun sbyin pa byin pa'i rkyen gyis rnyed pa mang du rnyed de/ dngos pa de dag la bsnyems pas nga rgyal chen po skyes la/ gzhan yang rig sngags la mkhas pa'i rkyen gyis nga rgyal byed de/ de'i rgyu de'i rkyen gyis dka' ba spyod pa mi nus kyi/ gos dang mal cha la sogs pa shin tu 'jam pa la sogs te/ de bas na 'jig rten na gang ma rungs pa thams cad ni rnyed pa dang grags pa 'dod pa'i phyir/ de'i 'khor du zhing de'i drung na 'dus nas dka' ba ni spyod mi nus so// rig sngags kyi mthus 'od srungs dang / shA ri'i bu dang / mo'u 'gal ya na la sogs pa btul nas/ da yang bdag cag gi gnas shing sA la'i tshal 'dir bdag cag gi nye gnas 'khor du bsdu ba'i phyir rtag pa dang / bde ba dang / bdag dang / yongs su dag pa'i lus yod do zhes smra'o// rgyal po chen po dge sbyong go'u ta ma ni sngun mi rtag pa dang / bde ba med pa dang / bdag med pa dang / yongs su dag pa med pa ston pa'i tshe ni/ bdag cag gis bzod kyi/ 'di skad du rtag pa dang / bde ba dang / bdag dang / yongs su dag pa yod do zhes smra ba

  483. 242b

    la ni da mi bzod do/ / rgyal po chen po legs par gsan du gsol/ bdag cag dang dge sbyong go'u ta mar gzhung 'dzugs shing rtsod du ci gnang rgyal pos bka' stsal pa kye skyes bu dag khyed rnams la su zhig gis bslus na/ khyed kyi sems shin tu myos shing 'khrugs te/ chu'i dba' rlabs sam/ me mgal bskor ba 'am/ spre'u shing kha ra phyin pa dang 'dra bar gyur pa 'di bdag gis kyang khrel la/ / mkhas pa shes rab can gyis thos nas shin tu snying brtse ba dang / glen pa gti mug can gyis thos nas 'phya zhing smod par 'gyur ro/ / khyed rnams kyis smra ba ni rab tu byung ba'i tshig ma yin gyi/ gal te khyed rnams la rlung dang / mkhris pa dang / bad kan gyi nad kyis btab na// kho bo la sman bzang po yod de/ khyed rnams 'tsho bar bya'o// gal te yi dgas kyis brlams na sman pa 'tsho byed sngags la mkhas pas 'tsho bar byed do// khyed rnams ni de ltar lag pa'i sen mos ri rab lhun po 'jig pa'am/ rdo rje la so 'deb par 'dod pa dang 'dra'o// skyes bu chen po dag dper na glen pa gti mug can gyis/ seng ge'i rgyal po bkres pa nyal zhing 'dug pa las bslang ba 'am/ sbrul gdug pa'i khar lag pa bcug pa 'am/ thal bas khebs pa'i me mdag la lag pas reg pa 'dod pa dang 'dra bar/ khyed rnams

  484. 243a

    kyang da ltar de dang 'dra'o/ / rigs kyi bu 'di lta ste/ dper na wa sa seng ge'i sgra sgrog pa 'am/ sbrang bu chung ngu bya nam mkha'i lding dang mgyogs bul 'gran pa 'am/ ri bong gis rgya mtsho'i gting dpag pa dang 'dra bar/ khyed rnams kyang da ltar de dang 'dra'o// gal te khyed kyis dge sbyong go'u ta ma las rgyal bar rmi lam gyis mthong na yang / rmi lam de ni rdzun te yid ches su mi rung ngo // kye skyes bu dag khyed rnams 'di lta bu'i sems skyes pa ni/ dper na phye ma leb me'i phung por song ba dang 'dra bas// kho bos smras pa bzhin du yang ma smra zhig/ khyed kyis kho bo la srang dang 'dra bar mnyam mo zhes bstod pa'i tshig kyang gzhan gyis thos par ma byed cig/ de'i tshe mu stegs can gyis/ rgyal po la yang 'di skad ces gsol to/ / rgyal po chen po dge sbyong go'u tra ma'i rig sngags kyis btab bam/ ci na rgyal po chen po 'phags pas smras pa'i tshig la yid mi ches shing the tsom za bar gyur/ rgyal po chen po skyes bu chen po 'di dag la brnyes par ma byed cig/ rgyal po chen po zla ba 'di 'grib pa dang / skye ba dang / rgya mtsho chen po lan tshwa'i ro bro ba dang ma la ya la sogs pa sus byas/ bdag cag bram ze la sogs pas byas pa ma lags sam/ rgyal po chen pos ma gsan tam/ drang srong a ga tas lo bcu gnyis kyi bar du

  485. 243b

    kang+gA'i klung gi chu rna bar blugs pa ma kasan tAm/ gzhan yang drang srong ko'u ta ma rdzu 'phrul chen po dang ldan pas/ lo bcu gnyis kyi bar du yang brgya byin gyi lus su 'asgyur te brgya byin gyi lus ni mo mtshan stong dang ldan pa'i lus su bsgyur ba ma gsan tam/ rgyal po chen po drang srong gi ltos nyi ma gcig gis rgya mtsho chen po bzhi'i chu cig car 'thungs te chen po yang bskams par gyur pa ma gsan tam/ rgyal po chen po drang srong ba smas lha'i rgyal po dbang skyur gyi mig gsum byas pa ma gsan tan// rgyal po chen po drang srong a la las grong khyer a la la lta bu rdul du byas pa ma bsan tam/ rgyal po chen po bram ze'i nang na de lta bu'i mthu chen po dang ldan pa'i drang srong rnams mchis te mngon sum du mchis na/ rgyal pos ci'i slad du bdag cag la shin tu brnyas par byed/ rgyal pos smras pa/ skyes bu dag gal te bdag gis smra ba la yid mi ches te 'grin 'dod na yang / de bzhin gshegs pa yang dag par rdzogs pa'i sangs rgyas da ltar shing sA la'i drung na bzhugs kyis/ khyekhyod la sogs pa der song la yid bzhin du dris shig/ de bzhin gsheg pas rnam par phye ste/ khyed kyi yid bzhin du lan gsung bar 'gyur ro/ / / 'phags pa yongs su mya ngan las 'das pa chen po'i mdo bam po bzhi bcu pa/ de'i tshe

  486. 244a

    rgyal po ma skyes dgra mu stegs can gyi 'khor rnams dang bcas te/ sangs rgyas gang na bar lhags nas spyi bos phyag 'tshal te/ g.yas phyogs nus lan gsum bskor nas/ / sti stang dang bcas pas phyogs gcig tu 'khod de/ bcom ldan 'das la 'di skad ces gsol to// bcom ldan 'das mu stegs can 'di dag ni ci dang ci sems pa 'dri zhing rgol lo zhes mchin/ de bzhin gshegs pas de dang de'i lan bka' stsal du gsol/ bcom ldan 'das kyis bka' stsal pa/ rgyal po chen po de bzhin gshegs pa dus mkhyen gyis/ re zhig sdod cig/ de nas 'khor de'i nang nas bram ze shad tha shu na zhes bya bas 'di skad ces gsol to// dge sbyong go'u ta ma mya ngan las 'das pa zhes bgyi ba rtag pa'i chos lags sam/ bram ze chen po de de bzhin no// de de bzhin no// bram zes yang gsol pa/ go'u ta ma mya ngan las 'das pa la rtag ces bde mi rung ngo / / de ci'i slad du zhe na/ 'jig rten gyi chos la sa bon la 'bras bu skye ste rgyun mi 'chad do// dper na 'jim pa las rdza mar 'gyur ba dang / skud pa las gos su gyur ba dang 'dra ste/ ko'u ta mas rtag tu mi rtag pa la nan tan byas na mya ngan las 'das pa thob bo zhes gsungs na/ rgyu rtag pa ma lags na 'bras bu rtag ces 'byor ga la rung / go'u

  487. 244b

    ta ma 'dod chags las rnam par grol na/ mya ngan las 'da' ba lags so// gzugs su 'dod chags pa dang / gzugs med par 'dod chags pa las rnam par grol na/ mya ngan las 'da' ba lags so/ / ma rig pa la sogs pa nyon mongs pa thams cad 'gags na/ mya ngan las 'da' ba lags so zhes gsungs na/ 'dod chags nas/ ma rig pa'i nyon mongs pa'i bar du thams cad kyang mi rtag pa lags pas/ rgyu mi rtag pa lags na/ mya ngan las 'da' ba thob pa yang mi rtag pa lags pa'i rigs so// go'u ta ma rtag tu rgyu'i dbang gis lhar skye la/ rgyu'i dbang gis sems can dmyal bar ltung ste/ rgyu las rnam par grol lo zhes gsungs pas/ de bas na chos thams cad ni rgyu las skyes so// gal te rgyu'i dbang gis rnam par grol bar 'gyur na/ rtag ces bgyir rung ngam/ go'u ta mas gzugs ni rkyen las skyes pas mi rtag go zhes gsungs la/ tshor ba dang / 'du shes dang / 'du byed dang / rnam par shes pa yang de dang 'dra'o zhes gsungs na/ de ltar rnam par grol ba de gal te gzugs lags na ni mi rtag pa lags te/ tshor ba dang 'du shes dang / 'du byed dang / rnam par shes pa yang de bzhin du mi rtag pa lags so// gal te phung po lnga'i pha rol na rnam par grol ba zhig mchis na// rnam par grol ba de

  488. 245a

    ni nam mkha' lags par 'gyur ro/ / gal te nam mkha' lags na rgyu dang rkyen las skyes shes bgyir yang mi rung ngo // de ci'i slad du zhe na/ rtag pa dang gcig ces bgyi ba gnas thams cad du khyab pa'i phyir ro/ / go'u ta ma gzhan yang rgyu las skyes pa ni sdug bsngal yin no zhes gsungs na/ gal te sdug bsngal lags na/ ci'i slad du rnam par grol ba ni bde'o zhes gsungs/ go'u ta ma gzhan yang mi rtag pa ni sdug bsngal ba ste/ sdug bsngal ba ni bdag med pa'o zhes gsungs na/ gal te mi rtag cing sdug bsngal ba dang / bdag med pa lags na ni yongs su ma dag pa lags te/ rgyu las skyes pa'i chos thams cad mi rtag pa dang / sdug bsngal ba dang / bdag med pa dang yongs su ma dag pa lags na/ ci'i slad du ma ngan las 'da' ba la rtag pa dang / bde ba dang / bdag dang / yongs su dag pa lags so zhes gsungs// go'u ta ma gal te rtag pa dang / mi rtag pa yang lags/ sdug bsngal ba dang / bde ba yang lags/ bdag dang / bdag ma mchis pa yang lags/ yongs su dag pa dang / yengs su ma dag pa zhes kyang gsung bar 'gyur na/ gnyis su gsung bar mi 'gyur ram/ bdag gi sngun rgan rabs mkhas pa blo can dag las gtam du zos na/ gal te sangs rgyas 'jig

  489. 245b

    rten du gshegs pa na/ rnam pa gnyis su gsung mi srid do zhe na/ da ni go'u ta mas rnam pa gnyis su gsungs so// gzhan yang sangs rgyas shes bgyi ba nga yin no zhes gsungs pa'i den/ ji lta bu lags/ bcom ldan 'das kyis/ bram ze la bka' stsal pa/ khyod kyis smras pa ltar/ nga yang khyod la dri ba dris na de dang de'i lan yang smra bar bya'o// bram zes legs so/ / go'u ta ma zhes gsol to// bcom ldan 'das kyis bka' stsal pa/ khyod kyi rang bzhin zhes bya ba de rtag pa yin nam mi rtag pa yin// bram zes gsol da// bdag gi rang bzhin zhes bgyi ba ni rtag pa lags so// bram ze rang bzhin des phyi nang gi chos thams cad kyi rgyur 'gyur ram/ gsol pa// de bzhin no// bcom ldan 'das kyis bka' stsal pa/ bram ze ji lta bur rgyur 'gyur/ gsol pa/ go'u ta ma rang bzhin las chen po skye'o// chen po las nga rgyal skye'o// nga rgyal las chos bcu drug po skye'o// 'di lta ste/ sa dang / chu dang / me dang / rlung dang / nam mkha' dang / shes pa'i dbang po lnga staM/ mig dang / rna ba dang / sna dang / lce dang / reg bya dang / lus kyi dbang po lnga ste/ lag pa dang / rkang pa dang / kha dang / sgra dang / pho dang mo'i dbang po dang / sems mnyam pa'i dbang po'o// chos rnam pa bcu drug po 'di ni gzugs dang / sgra

  490. 246a

    dang / dri dang / ro dang / reg bya'i chos lnga po las skyes so// chos nyi shu rtsa gcig po 'di'i rtsa ba ni rnam pa gsum ste/ zhen pa dang / rdul dang / nag po'o// zhen pa zhes bgyi ba ni 'dod pa'o// rdul zhes bgyi ba ni zhe sdang ngo // nag po zhes bgyi ba ni ma rig pa'o// go'u ta ma chos nyi shu rtsa lnga po ni thams cad kyang rang bzhin las skyes so// bka' stsal pa/ bram ze chen po la sogs pa'i chos 'di dag ni rtag pa yin nam mi rtag pa yin/ gsol pa/ ge'u ta ma bdag gi chos kyi rang bzhin ni rtag pa lags kyi/ chen po la sogs pa'i chos ni thams cad mi rtag pa'o/ / dram po khyod smra ba ltar na/ khyod kyi chos la rgyu ni rtag la/ 'bras bu ni mi rtag go// nga'i chos ni rgyu mi rtag mod kyi 'bras bu ni rtag na de la skyon ci zhig yod/ bram ze khyod kyi chos la rgyu rnam pa gnyis yod dam/ gsol pa/ mchis so// bcom ldan 'das kyis bka' stsal pa/ ji lta bur yod/ dram sa gsol pa/ skye ba'i rgyu dang / gsal ba'i rgyu ste gnyis mchis so// bcom ldan 'das kyis bka' stsal pa/ skye ba'i rgyu ni gang / gsal ba'i rgyu ni gang / bram zes gsol pa/ skye ba'i rgyu zhes bgyi ba ni 'jim pa las rdza ma 'byung ba lta bu'o// gsal ba'i rgyu zhes bgyi bo ni ma mar gyos snang bar byed pa lta bu'o// bcom ldan 'das kyis ma

  491. 246b

    sprul pa/ rgyu rnam pa gnyis kyi rang bzhin ni gcig go// gal te gcig yin no// skye ba'i rgyu yang gsal ba'i rgyur 'gyur la/ gsal bu'i rgyu yang skye ba'i rgyur 'gyur ram/ gsol ma lags so/ / bcom ldan 'das kyis bka' stsal pa/ gal te skye ba'i rgyu gsal ba'i rgyur mi 'gyur la/ gsal ba'i rgyu yang skye ba'i rgyur ma gyur na lha gcig gi rgyur gcig 'gyur zhes byar rung ngam/ bram zes gsol pa/ gcig gi rgyur gcig mi 'gyur mod kyi/ gcig la gcig rgyur 'gyur ba ni mchis so// bram ze gsal ba'i rgyus gsal bar byed pa de gsal ba dang 'thun pa yin nam/ gsol pa/ ma lags so// bcom ldan 'das kyis bka' stsal pa/ nga'i chos kyang mi rtag pa las mya ngan las las 'da' ba thob mod kyi mi rtag pa ni ma yin no/ / bram ze gsal ba'i rgyu las thob pas na/ rtag pa dang / bde ba dang / bdag dang / yongs su dag pa yin no// skye ba'i rgyu las thob pas na mi rtag pa dang / bde ba med pa dang / bdag med pa dang / yongs su dag pa ma yin no// de bas na de bzhin gshegs pas gsungs pa yang rnam pa gnyis yod de ltar rnam pa gnyis su gsung yang rnam pa gnyis su med do/ / de bas na de bzhin gshegs pa ni rnam pa gnyis su gsung ba med pa zhes bya'o// khyod smra ba ltar/ sngun chan rabs

  492. 247a

    mkhas pa las sangs rgyas 'jig rten du gshegs pa ni gnyis su med pa gsungs zhes thos pa shin tu legs so/ / da ltar phyogs bcu na dus gsum du rnam par bzhugs pa'i sangs rgyas thams cad kyis gsungs pa la tha dad pa med de/ de bas na sangs rgyas bcom ldan 'das ni gnyis su med pa gsung ba zhes bya'o// ji ltar na tha dad pa gang zhe na/ gang yod par smra ba de la yod par yang gsung ngo // gang med par smra ba de la med par gsung bas don gcig pa zhes bya'o// bram ze sangs rgyas bcom ldan 'das ni rnam pa gnyis su gsung bas/ gcig tu gsungs pa'i tshig gsal bar byed do// ji ltar na gnyis su gsungs pas gcig tu gsungs pa gsal bar byed pa zhe na/ dper na mig dang gzugs shes tshig gnyis las rnam par shes pa zhes bya ba'i tshig gcig byung ba dang / yid dang chos kyi bar du de bzhin du rgyas par rig par bya'o// bram zes gsol pa gon tam smra ba'i tshig gis don legs par gsungs so/ / bdug cag ni gnyis su gsung ba las gcig tu gsung ba gsal bar mdzad pa ma rtogs so// de nas bcom ldan 'das kyis dri dag la 'phags pa'i bden pa bzhi gsung ba brjod do/ / 'di lta ste/ sdug bsngal gyi 'don pa ni gnyis kyang yin la gcig kyang gcig go// de bzhin du lam gyi bden pa'i bar du gnyis

  493. 247b

    gnyis gcig kyang gcig go/ bram zes gsol pa/ bcom ldan 'das bdag cag gis rtogs so// bcom ldan 'das kyis bka' stsal pa/ rigs kyi bu khyod kyis ji lta bu rtogs bram zes gsol pa/ bcom ldan 'das sdug bsngal gyi bden pa zhes bgyi ba bus pa ma rabs thams cad la ni gnyis te/ 'phags pa rnams la ni gcig go/ de bzhin du lam bya den pa'i bar du rtogs so/ / bcom ldan 'das kyis bka' stsal pa/ khyed kyis legs par rtogs so// bram zes gsol pa/ bcom ldan 'das gis chos thos nas yang dag pa'i lta ba thob par 'gyur bas/ da ni sangs rgyas dang / chos dang / dge 'dun la skyabs su mchin/ thugs rje chen pos bdag cag rab tu 'byung bar gsol lo// de nas bcom ldan 'das kyis/ tshe dang ldan pa kun shes ko'u di n+ya la bka' stsal pa/ khyod kyis shed de shu na sgra dang kha spu bregs la/ khyim nas khyim ma yin par rab tu phyung zhig/ de'i tshe tshe dang ldan pa kun shes ko'u di n+yas/ bcom ldan 'das kyi pa bka' bzhin du sgra dang kha spu 'breg pa na rnam pa gnyis ltung bar gyur to// gang zhe na/ sgra dang kha spu dang / nyon mongs pa ste/ gnas de nyid du dgra bcom pa'i 'bras bu thob par gyur ro// de'i tshe gzhan yang kun tu rgyu ba si ta zhes bya bas 'di skad ces gsol to// go'u ta mas gsungs pa'i mya ngan las

  494. 248a

    'da' ba de ci rtag gam/ de bzhin no// kun tu chub si tas gsol pa/ go'u ta ma ci nyon mongs pa ma mchis pa la mya ngan las 'da' ba zhes bgyi'am/ bzhin no// kun du chub si tas gsol pa/ go ru ta ma 'jig rten ma mchis pa rnam pa bzhi ste/ bzhi gang zhe na/ ma byung ba la ma mchis shes bgyi ste/ dper na 'ji ba las mi bgyi ba'i snga rol na rdza ma mchis pa dang / 'gags te ma mchis pa la yang ma mchis pa zhes bgyi ba ste/ dper na rdza ma zhig nas ma mchis pa dang / gcig la gcig ma mchis pas ma mchis pa zhes bgyi ba ste/ dper na ba lang la rta ma mchis la/ rtal ba lang ma mchis pa lta bu dang / gtan ma mchis pa la ma mchis pa zhes bgyi ba ste/ dper na rus sbal gyi spu dang / ri bong gi rwa lta bu'o// go'u ta ma ci ste nyon mongs pa ma mchis pas mya ngan las 'da' ba zhes bgyi na/ mya ngan las 'da' ba ni ma mchis pa'o// ci ste ma mchis pa lags na/ ci'i slad du rtag pa dang / bde ba dang / bdag dang / yongs su dag pa mchis par gsungs/ bcom ldan 'das kyis bka' stsal pa/ rigs kyi bu 'di ltar mya ngan las 'da' ba ni snga nas med pa ste/ 'ji ba'i tshe rdzas med pa lta bu ma yin no/ / 'gags te med pa ste/ rdza ma zhig nas med pa lta bu yang ma yin/ gtan med pa ste/ rus sbal gyi spu dang / ri bong gi rwa lta bu yang ma

  495. 248b

    yin te/ gcig la gcig med pa dang ni 'thun no// rigs kyi bu khyod smra ba ltar/ ba lang la rta med mod kyi/ ba lang yang med ces byar mi rung ngo // rtul ba lang med mod kyi/ rta yang med ces byar mi rung ste/ mya ngan las 'da' ba yang de dang 'dra ste/ nyon mongs pa la mya ngan las 'da' ba med/ mya ngan las 'da' ba la nyon mongs pa med de/ de bas na gcig la gcig med pa zhes bya'o/ / ba si tas gsol pa/ go'u ta ma sa gal te gcig la gcig ma mchis pa la mya ngan las 'da' ba zhes bgyi na ni/ gcig pa gcig ma mchis pa la rtag pa dang / bde ba dang / bdag dang / yongs su dag pa ma mchis na/ go'u ta mas ci'i slad du mya ngan las 'da' ba la rtag pa dang / bde ba dang / bdag dang / yongs su dag pa mchis shes gsung / bcom ldan 'das kyis bka' stsal pa/ khyod smra ba lngar gcig la gcig med pa ni med pa rnam pa gsum ste/ ba lang dang rta ni snga na med la/ phyis yod pas sngun med pa zhes bya'o/ / yod nas kyang med par 'gyur bas na zhig pas med pa zhes bya'o// gcig la gcig med pa ni khyod smras pa bzhin te/ rigs kyi bu med pa rnam pa gsum po ni mya ngan las 'da' ba med do/ / de bas na mya ngan las 'da' ba ni rtag pa dang / bde ba dang / bdag dang / yongs su dag pa'o// dper na 'jig rten gyi nang ni gsum ste/ mkhris pa dang / rlung

  496. 249a

    / dang / bad kan no// nad rnam pa gsum la yang sman rnam pa gsum gyis 'tsho ste/ mkhris pa'i nang la ni mar gyis 'tshe'o// rlung la ni 'bru mar phan no// bad kan la ni sbrang rtsi phan no/ / de ltar sman rnam pa gsum yang nad rnam pa gsum la phan no// rigs kyi bu rlung gi nang na 'bru mar med la/ 'bru mar gyi nang na rlung med pa nas/ sbrang rtsi'i nang na bad kan med la/ bad kan gyi nang na sbrang rtsi med de/ 'on kyang 'tshe bar 'gyur ro// sems can thams cad la yang nang rnam pa gsum ste/ gang zhe na/ 'dod chags dang / zhe sdang dang / gti mug go// de ltar nang rnam pa gsum po la yang sman rnam pa gsum ste/ 'dod chags kyi nad la ni mi sdug pa yang dag par bsgom par bya// zhe sdang gi nad la ni byams pa yang dag par bsgom par bya/ / gti mug gi nad la ni rten cing 'brel te 'byung ba yang dag par bsgom par bya'o// rigs kyi bu 'dod chags bsal ba'i phyir/ 'dod chags ma yin pa yang dag par bsgom par bya/ zhe sdang bsal ba'i phyir/ zhe sdang ma yin pa yang dag par bsgom par bya/ gti mug bsal ba'i phyir/ gti mug ma yin pa yang dag par bsgom bar bya ste/ nad rnam pa gsum gyi nang na sman rnam pa gsum med la/ sman rnam pa gsum gyi nang na yang nad rnam pa gsum med do// rigs kyi bu nad rnam pa gsum gyi nang na sman

  497. 249b

    rnam pa gsum med pas/ mi rtag pa dang / bde ba med pa dang / bdag med pa dang / yongs su dag pa med pa yin no// sman rnam pa gsum gyi nang na nad rnam pa gsum med pas na/ rtag pa dang / bde ba dang / bdag dang / yongs su dag pa yin no// ba sI tas gsol pa/ bcom ldan 'das de bzhin gshegs pas mi dag la rtag pa dang mi rtag pa bstan du gsol/ de la rtag pa ni gang / mi rtag pa ni gang / bcom ldan 'das kyis bka' stsal pa/ rigs kyi bu gzugs ni mi rtag pa'o// rnam par grol ba'i gzugs ni rtag pa nas/ rnam par shes pa'i bar du rtag pa'o// rnam par grol ba'i rnam par shes pa ni rtag pa'o// rigs kyi bu de la rigs kyi bu 'am/ rigs kyi bu mo gang zhig gzugs nas/ rnam par shes pa'i bar du mi rtag par bsgom na/ des ni rtag pa'i chos thob par rig par bya'o// ba sI tas gsol pa/ bcom ldan 'das rtag pa dang mi rtag pa'i chos ni bdag gis rtogs so/ / bcom ldan 'das kyis bka' stsal pa/ rigs kyi bu khyod kyis rtag pa dang mi rtag pa'i chos ji lta bur rtogs/ ba sI ta sa gsol pa/ bcom ldan 'das bdag gis ni bdag gi gzugs 'di mi rtag pa nas/ rnam par shes pa'i bar du mi rtag pa ste/ rnam par grol ba ni rtag par rtogs so// bcom ldan 'das kyis bka'

  498. 250a

    skal ba/ rigs kyi bu khyod ni lus 'di'i drin legs par than to// tshe dang ldan pa kun shes ko'u din+ya la bka' stsal pa/ bswA tA 'di dgra bcom pa thob kyis khyod kyis chos gos gsum dang lhung bzed byin cig/ tshe dang ldan pa ko'u di rgyas bcom ldan 'das kyi bka' bzhin du chos gos dang lhung bzed byin no// de nas pa sI tas chos gos dang lhung bzed blangs nas kun shes ko'u di n+ya la 'di skad ces smras so/ / bdag ni lus ngan pa 'dis dge ba'i 'bras bu thob kyis/ btsun pa tshogs mi gzigs par bdag gi slad du/ bcom ldan 'das kyi thad du gshegs te 'di skad ces gsungs shig/ bdag lta bu sdig pa can gyis de bzhin gshegs pa'i gdung rus smos shing ngam khyod smras pa/ 'thol tshangs 'chal lo/ / gdug pa can gyi lus 'di dang ring du gnas par mi 'tshal te/ mya ngan las 'da' 'o zhes gsungs shig/ de nas tshe dang ldan pa ko'u di n+yas sangs rgyas gang na ba der song nas phyin pa dang bcom ldan 'das la 'di skad ces gsol to/ / dge slong ba sI ta shin tu ngo tsha shing 'dzem pa'i sems skyes te/ bdag ni shin tu glen pas de bzhin gshegs pa'i gdung smos nas/ ngam khyod smras pas nongs te/ bdag las 'gyod tshangs gsol lo// sbrul gdug pa 'dra ba'i lus 'di dang ring du 'grogs par mi 'tshal te/ mya ngan las 'da' 'o zhes mchi'o// bcom ldan

  499. 250b

    'das kyis/ tshe dang ldan pa ko'u di n+yal bka' stsal pa/ dge slong ba sI ta ni spun sangs rgyas tshad med pa snyed la dge ba'i rtsa ba bskyed pas/ da 'dir bstan pa'i lung bzhin gnas par gyur to/ / de ltar lung bzhin du gnas pas yang dag pa'i 'bras bu thob par gyur te/ de bas na khyed kyis de'i lus la mchod pa gyis shig/ de nas ke'u di n+yas bcom ldan 'das las 'di skad ces thos nas/ phyir de'i lus gang na ba der song ste mchod pa byas so// de'i tshe ba sI ta lus sreg pa na/ rdzu 'phrul rnam pa sna tshogs mngon par bstan te/ mu stegs can rnams kyis de lta bur gyur pa mthong nas/ skad chen pos 'di skad ces smras so// ba sI ta ni dge sbyong go'u ta ma'i sngags dang sgyu rtsal gyis ring por mi thogs par dge sbyong go'u ta ma bas lhag tu nges so/ / de'i tshe 'khor gyi dkyil 'khor de'i nang na kun tu rgyus ni zhes bya bas yang 'di skad ces gsol to// go'u ta ma bdag ces bgyi ba mchis sam/ de bzhin gshegs pa cang mi gsung ngo / / go'u ta ma 'o na ma mchis pa lags sam/ de bzhin gshegs pa yang thang mi gsung ngo // de bzhin lan gnyis lan gsum gyi bar du zhus kyang / de bzhin gshegs pa cang mi gsung ngo / / sa nis yang gsol pa/ go'u ta ma gal te sems can thams cad la bdag ces bgyi ba mchis te/ thams cad du khyab la gcig gam byas pa lags na/

  500. 251a

    @goT ta ma ci'i slad du cang mi gsung bar bzhugs/ bcom ldan 'das kyis sa ni la bka' stsal pa/ khyod smra ba'i bdag ces bya ba thams cad la khyab pa yin nam/ sa nis gsol pa// go'u ta ma bdag 'ba' zhig de skad du smra ba ma lags kyis/ mkhas pa shes rab can thams cad kyang de skad du smra'o// bcom ldan 'das kyis bka' stsal pa/ rigs kyi bu ji snyed bdag ces bya ba de thams cad du khyab pa zhig yin na ni/ rgyud lngar skye ba dag kyang dus gcig tu rnam par smin pa myong ba'i rigs so// ci ste rgyud lngar skyes pa dus gcig tu rnam par smin pa myong ba zhig yin na/ kun tu rgyu khyed la sogs pa ci'i phyir sdig pa mi dge ba'i las mi byed par sems can dmyal ba las bzlog pa'i phyir/ dge ba'i chos byed cing lhar skye ba'i lus myong bar 'dod/ sa ni sa gsol pa/ go'u ta ma bdag gi chos la bdag ces bgyi ba ni rnam pa gnyis te/ byas pa'i lus kyi bdag dang / rtag pa'i lus kyi bdag go// de la byas pa'i lus kyi bdag gi phyir ni sdig pa mi dge ba'i chos spong ste/ sems can dmyal bar mi 'chi ba dang / dge ba'i chos la nan tan bgyid pas mtho ris kyi lhar skye ba 'tshal lo// bcom ldan 'das kyis bka' stsal pa/ rigs kyi bu khyod smra ba'i bdag ces bya ba de thams cad du khyab la/ bdag ces bya ba de byas pa'i lus la yod na ni mi rtag pa yin no// gal te byas pa'i lus la med//

  501. 251b

    na thams cad la khyab ces byar rung ngam/ sa nis gsol pa/ ko'u ta ma bdag gis rnam par gzhag pa'i bdag ces bgyi ba de ni byas pa'i nang na yang mchis la/ rtag pa'i chos kyang lags so/ / koT ta ma dper na khang pa la me shor na/ khang pa tshig kyang khyim bdag ni phyir 'byung ste/ khang khyim tshig pa'i phyir khyim bdag kyang tshig go zhes bgyir mi rung ngo // bdag gi chos kyang de dang 'dra ste/ byas pa'i lus 'di mi rtag pa lags mod/ mi rtag pa'i dus na bdag ces bgyi ba phyir 'byung ngo // de bas na bdag gis bdag ces bgyi ba ni khyab pa yang lags la/ rtag pa yang lags so// bcom ldan 'das kyis bka' stsal pa/ rigs kyi bu khyod smra ba ltar/ bdag ces bya ba khyab pa yang yin la/ rtag pa yin zhes bya bar mi rung ngo / / ci'i phyir zhe na/ khyab pa la rnam pa gnyis te/ rtag pa dang / mi rtag pa'o// gzhan yang gnyis te/ gzugs dang / gzugs med pa'o// de bas na ci ste khyod smra ba ltar thams cad la yod pa zhig yin na ni/ rtag pa yang yin/ mi rtag pa yang yin/ gzugs kyang yin/ gzugs med pa yang yin no// khyod smra ba ltar khang pa tshig kyang khyim bdag phyir 'byung bas mi rtag pa yin no/ / zhes bya ba de yang mi rung ngo // de ci'i phyir zhe na/ khang pa yang khyim bdag ma yin la/ khyim bdag kyang

  502. 252a

    khang pa ma yin te/ tshig pa yang gzhan la/ byung ba yang gzhan pas na/ bdag ces bya ba ni de ma yin no// de ci'i phyir zhe na// bdag ni gzugs so// gzugs ni bdag go/ / bdag ni gzugs med pa'o// gzugs med pa ni bdag go// bdag ni gzugs med pa yin na/ ci'i phyir gzugs mi rtag pa'i dus na bdag phyir 'byung ngo zhes smras// rigs kyi bu ni khyod kyi yid la gal te sems can thams cad la bdag ces bya ba de gcig ste 'thun par sems na/ de ni 'jig rten dang 'jig rten las 'das pa'i chos gnyis dang 'gal lo// de ci'i phyir zhe na/ 'jig rten gyi chos kyis pha dang / ma dang / bu pho dang / bu mo zhes bya ba yod do// ci ste bdag ces bya ba gcig yin na/ pha yang bu yin la/ bu yang pha yin/ ma yang bu mo yin la/ bu mo yang ma yin/ dgra yang gnyen yin la/ gnyen yang dgra yin// pha rol yang tshu rol yin la/ tshu rol yang pha rol yin te/ de bas na sems can thams cad kyi bdag ces bya ba gcig ste 'thun no zhes bya ba ni/ 'jig rten dang 'jig rten las 'das pa'i chos gnyis ka dang 'gal lo// sa ni sa gsol pa/ sems can thams cad la bdag ces bgyi ba gcig ste 'thun no zhes bdag mi smra'i/ so sor mi re re la bdag re re yod do zhes smra'o// bcom ldan 'das kyis bka' stsal ba/ gal te mi re re la bdag re re yod

  503. 252b

    ces smra na/ bdag ces bya ba mang por gyur te/ de yang mi rung ngo // de ci'i phyir zhe na/ khyod sngar smra ba ltar/ bdag ces bya ba thams cad la khyab bo zhes bya ba de/ gal te thams cad la khyab pa zhig yin na ni/ sems can gyi las kyi 'bras bu yang 'thun pa'i rigs te/ lha sbyin mthong ba'i dus na sangs rgyas sbyin yang mthong la/ lha sbyin byas pa'i dus na sangs rgyas sbyin yang byas pa dang / lha sbyin thos pa'i dus na sangs rgyas sbyin yang thos te/ chos thams cad kyang de lta bur 'gyur pas/ lha sbyin gyis mthong ba'i dus na sangs rgyas sbyin gyis mthong ba ma yin te/ de bas na bdag ces bya ba de thams cad la khyab bo zhes smra ba'i mi rigs so// ci ste ma khyab na de mi rtag par 'gyur ro// sa ni sa gsol pa/ go'u ta ma bdag ces bgyi ba ni sems can thams cad la khyab pa lags so/ / chos dang chos ma lags pa ni thams cad la khyab pa lags te/ de bas na sangs rgyas byin gyis byas pa yang gzhan la/ lha sbyin gyis byas pa yang gzhan no/ / de bas na go'u ta ma sangs rgyas sbyin gyis mthong ba'i dus na lha sbyin gyis kyang mthong ba'i rigs so zhe 'am/ sangs rgyas byin gyis thos pa'i dus na lha sbyin gyis kyang thos pa'i rigs so zhes gsungs pa mi rigs so/ / bcom ldan 'das kyis bka' stsal pa/ rigs kyi bu chos dang chos ma yin pa las kyis byas pa yin nam/ sa nis gsol

  504. 253a

    go'u ta ma las kyis bgyis pa lags so/ / bcom ldan 'das kyis bka' stsal pa/ rigs kyi bu gal te chos dang chos ma yin pa las kyis byas pa yin na de nyid 'thun pa'i rlom yin na de la tha dad ces byar rungangs/ de ci'i phyir ke nA/ sangs rgyas sbyin gyis byas pa'i lus kyi nangan/ lnga sbyin gyi bdag ces bya ba yod pa'i rigs la/ A khyi gyis byas pa'i las kyi nang na yang sangs rgyas sbyin gyi bdag ces bya yang yod pa'i rigs so/ / de bas na sangs rgyas byin gyis byas pa'i dus na sgra sbyin gyis kyang byas par 'gyur te/ chos dang chos ma yin pa yang de dang 'dra bar 'gyur ro/ / rigs kyi bu de ltar sems can thams cad kyi chos dang chos ma yin pa de de lta bu zhig yin na ni/ las kyi 'bras bu nas par smin pa yang thad ba'i mi rigs so/ / rigs kyi bu sa bon las 'bras bur 'gyur te/ sa bon ni nam du yang bdag ni bram zer 'gyur ba'i 'bras bu 'ba' zhig bya'i/ rgyal rigs dang / rnge'u rigs dang dmangs rtags kyi 'bras bu mi 'dod de snyam bye brag mi 'byed do/ / dem+b+hi'i phyir zhe nA/ sa bon las 'bras bur 'gyur ba ni/ rigs pa'i pa'i bar du gcod par mi 'gyur la/ chos dang ma ma yin pa yang rang 'du / bdag ces bya ba sangs rgyas sbyin gyis byas pa'i 'bras bur 'gyur bani bya'i/ sbyin gyis byas pa'i 'bras bur 'gyur bar mi bya'o ba'am/ hrI

  505. 253b

    kyi 'bras bur 'gyur bar bya'i/ sangs rgyas sbyin gyi 'bras bur 'gyur bar mi bya'o snyam bye brag mi 'byed do// de ci'i phyir zhe na/ las mnyam pa'i phyir ro// sa nis gsol pa/ go'u ma dper na khang pa gcig gi nang du me mar kha brgya stong bus na me mar gyi snying po tha dad mod kyi/ snang ba la khyab par ma mchis so// me mar gyi snying po tha dad pa ni chos dang chos ma yin pa'i dpe'o// snang bar bgyid pa la khyad par ma mchis pa ni sems can thams cad kyi dpe'o// bcom ldan 'das kyis bka' stsal ba/ rigs kyi bu khyod smra ba ltar/ mar me'i snang ba bdag ces bya ba'i dpe yin no zhes bya ba de mi rung ngo / / de ci'i phyir zhe na/ khang pa yang gzhan la me mar yang gzhan te/ mar me'i snang ba mar me'i snying po la yang yod pa khang pa la yang yod par 'gyur ro/ / khyod smra ba ltar bdag ces bya ba de de lta bu zhig yin na ni/ chos dang chos ma yin pa gnyis ka la yang bdag ces bya ba yod pa'i rigs la/ bdag ces bya ba'i nang na yang chos dang chos ma yin pa yod pa'i rigs so/ / ci ste chos dang chos ma yin pa la bdag ces bya ba med na ni thams cad la yang khyab ces bya bar yang mi rung ngo // ci ste gnyis ka la yod pa zhig yin na ni/ me mar gyi snying po dang snang ba gnyis la dper byar rung ngam/ rigs kyi bu ci khyod kyi yid la me mar gyi snying po dang snang ba yang dag par so so bar sems na

  506. 254a

    ci'i phyir me mar gyi snying po bzang ba'i dus na snang ba yang gsal la/ me mar gyi snying po zad pa'i dus na snang ba med par 'gyur// de bas na chos dang chos ma yin pa'i dpe me mar gyi snying po las blangs pa dang / bdag ces bya ba'i dpe snang ba la khyab par med pa blangs pa mi rung ngo // de ci'i phyir zhe na/ chos dang chos ma yin pa dang / bdag ces bya ba dngos po gsum gcig tu 'gyur ba'i phyir ro/ / sa ni sa gsol pa// go'u ta ma khyod kyis me mar las dpe blangs pa de bkra shis pa ma lags so// de ci'i slad du zhe na/ me mar las dpe blangs pa bkra shis pa lags na/ bdag gis sngar gsol pa lags so// bkra mi shis na ci'i slad du de skad ces gsung bcom ldan 'das kyis bka' stsal pa/ rigs kyi bu ngas dper brjod pa ni bkra shis pa 'am/ bkra shis pa ma yin no zhes mi gsung gi/ khyod kyi yid dang sbyar te me mar gyi snying po'i pha rol na snang ba yod dam/ snying po nyid sdang ba yin zhes dpe brjod de khyod sems ma snyoms pas/ chos dang chos ma yin pa'i dpe mar me'i snying po las blangs pa dang / bdag ces bya ba'i dpe snang ba las blangs pas/ de'i phyir snying po las snang ba dang / snying po'i pha rol na snang ba yod pa dang / chos la bdag yod pa dang / bdag la chos yod pa dang / chos ma yin pa bdag ces byas pa dang / bdag kyang chos

  507. 254b

    / ma yin zhes smra ba dang / khyod kyis mtha' gcig ni 'dod la/ mtha' gcig ni mi 'dod pa mi rung ste/ de bas na dpe de ni khyod la bkra shis pa ma yin no// de bas na ngas khyod la phyir bstan pas/ rigs kyi bu dpa de ni dper mi rung ngo // dper mi rung bas na nga la ni bkra shis pa yin gyi/ khyod la ni bkra mi shis so// rigs kyi bu khyod smra ba ltar na bdag la bkra mi shis pas na khyod la yang bkra mi shis so snyam du sems pa de ni mi rung ngo / / de ci'i phyir zhe na/ 'jig rten gyi 'gro ba dag bdag gi mtshon bdag la gnod pa dang / bdag gis byas pa pha rol pos spyod pa yod de/ khyod dpe smras pa yang de dang 'dra ste/ nga la ni bkra shis pa yin gyi/ khyod la ni bkra shis pa ma yin no// sa ni sa gsol pa/ go'u ta mas sngar bdag la khyod ni ma snyoms so zhes gsung na/ da ni khyod gsungs pa yang ma snyoms so// de ci'i slad du zhe na/ go'u ta mas bkra shis pa ni bdag gir mdzad/ bkra mi shis pa ni lo bo la bdar bas/ gzhung des na yang dag par ma snyoms so// bcom ldan 'das kyis bka' stsal pa/ rigs kyi bu nga'i ma sdoms pas khyod kyis ma snyoms pa bcom ste/ khyod ni snyoms kyi nga ni ma snyoms pas bkra shis pa yin no// nga'i ma snyoms pas khyod kyi ma snyoms pa bcom nas/ khyod snyoms par gyur pa de nyid nga yang snyoms pa'o//

  508. 255a

    de ci'i phyir zhe na/ 'phags pa rnams dang 'thun par snyoms pa'i phyir ro// sa nis gsol ba/ goru tra ma bdag rtag tu snyoms na/ ci'i slad du khyod kyi ma snyoms pa bcom mo zhes gsung / sems can thams cad la bdag ces bgyi ba snyoms par mchis na/ ci'i slad du bdag la ma snyoms so zhes gsung/ rigs kyi bu khyod kyang sems can dmyal bar ltung ba dang / yi dgas dang / byol song gi skye gnas su ltung ba dang / mi dang ltar 'gyur ro zhes smra'o// ci ste bdag ces bya ba rgyud lngar khyab pa zhig yin na ci'i phyir rgyud lnga myong bar 'gyur ro zhes smra/ / khyod kyang pha ma gnyis phrad pa las bur 'gyur ro zhes smra'o// ci ste bu snga nas yod pa zhig yin na/ ci'i phyir 'dus shing phrad pa las bur 'gyur ro zhes smra/ de bas na mi gcig pu la rgyud lnga char gyi lus yod do// ci ste rgyud lngar snga na lus yod pa zhig yin na/ ci'i phyir lus kyi phyir las byed dgos par 'gyur/ de bas na ma snyoms pa yin no// rigs kyi bu khyod kyi yid la bdag ces bya ba byed pa po yin no zhes bya ba de yang mi rung ngo // de ci'i phyir zhe na/ ci ste bdag ces bya ba byed pa po yin nu ci'i phyir sdug bsngal bar 'gyur ba bdag gis byed cing so so'i skye bo dag yang dag par sdug bsngal myong bar byed/ de bas na bdag ces bya ba ni byed pa po ma yin par rig par bya'o// ci ste

  509. 255b

    sdug bsngal ba bdag gis byas pa ma yin la/ rgyu las ma skyes so zhes so zhes smra na/ chos thams cad kyang de dang 'dra ste/ rgyu las ma skyes pa yin nu/ ci'i phyir bdag la byed pa po yin na zhes smra/ / rigs kyi bu sems can rnams kyi sdug bsngal ba dang bde ba ni yang dag par rgyu dang rkyen las gyur to// de ltar sdug bsngal dang bde ba ni mya ngan dang dga' ba byed par 'gyur bas na/ mya ngan gyi dus na dga' ba med la/ dga' ba'i dus na mya ngan med de/ bar 'ga' ni dga'/ bar 'ga' ni mya ngan byed pa yin na/ mkhas pa shes rab can gyis ci'i phyir rtag pa yin no zhes kyang smra/ rigs kyi bu khyod smra ba'i bdag ces bya ba rtag pa yin no zhe na/ ci ste rtag pa zhig yin na/ ci'i phyir dus rnam pa bcur mi 'dra zhing tha dad par 'gyur/ rtag pa'i chos ni thog mar nur nur po'i dus nas/ rgas pa'i dus kyi bar du yod pa'i mi rigs so// nam mkha' ni rtag pa'i chos yin te/ de la dus gcig kyang med na/ dus bcu yod pa lnga spos kyang ci dgos/ rigs kyi bu bdag ces bya ba nur nur po'i dus ma yin pa nas/ rgas pa'i dus kyi bar du ma yin na// ci'i phyir dus rnam pa bcur mi 'thun te thadrad pa yin no zhes smra/ / rigs kyi bu ci ste bdag ces bya ba byed pa po yin na ni/ bdag ces bya ba la dar ba'i dus dang rgud pa'i dus yod do// sems can la yang dar ba'i dus dang rgung pa'i dus yod do// ci ste bdag ces bya ba de de

  510. 256a

    bu zhis yin na/ ci'i brir rtag pa zhes bya/ rigs kyi bu bdag ces pa babye pa po zhin/ ci'i byor rdzi 'jab la dbang po rnon po dang bang po rtul ba yod par nur rigs kyi bu ci sde bdag ces bya ba byed pa po yin na/ bdag ces bya bas lus kyi las dang ngag gi las kyang byed bar 'gyur ro// ci ste dag gi las kyang bdag ces bya bas byas pa ma yin no/ ci'i phyir dag gis bdag med do zhes smra zhing / ci'i phyir yod dam med ces the tsom du gyur/ rigs kyi bu khyod kyi yid la mig gi pha rol na mthong ba yod do snyam na yang mi rung ngo // de ci'i phyir zhe na/ gal te mig gi pha rol na mthong ba gzhan zhig yod na/ mig 'di yang dgos pa med par 'gyur te/ lus kyi dbang po'i bar du de dang 'dra bar 'gyur ro// ci khyod kyi yid la bdag ces bya bas mthong ba yang / mig gi rkyen gyis mthong ngo zhes bya ba der yang mi rung ngo // de ci'i phyir zhe na/ dper na mi zhig me tog sum nas grong khyer chen po tshig go/ ji ltar tshig ce na/ me'i rkyen gyis tshig go zhes smra ba ltar/ khyed kyis bdag ces bya ba mthong ngo zhes smra ba yang de dang 'dra'o// sa ni sa gsol pa/ go'u ta ma dper na zor ba thogs te rtswa rnga ba dang 'dra ste/ bdag kyang dbang po lnga'i rkyen gyis mthong ba dang / thos pa dang / reg pa'i bar du'o// rigs kyi bu zor ba dang mi so so bas

  511. 256b

    de'i phyir zor ba thogs nas byed pa yod do/ / dbang po'i pha rol na bdag ces bya ba gzhan med na/ ci'i phyir bdag ces bya ba dbang po'i rkyen gyis bya ba yod do zhes smra/ rigs kyi buH khyod kyi yid la zor ba thogs nas rnga bar 'gyur te/ bdag ces bya ba yang de dang 'dra'o zhe na/ bdag ces bya ba la lag pa yod dam/ 'on te lag pa med pa yin/ ci ste lag pa yod na/ ci'i phyir zor ba bdag gis mi thogs/ ci ste lag pa med na/ ci'i phyir bdag ces bya ba byed pa yin no zhes smra/ rigs kyi bu rtswa rnga ba ni zer ba yin te/ bdag ma yin mi ma yin no/ / ci ste bdag dang mi ma yin na zor ba yang mi dgos par 'gyur ro// rigs kyi bu mi la las rnam pa gnyis te/ rtswa thogs pa dang / zor ba thogs pa'o/ / zor ba ni gcod pa'i las 'ba' zhig byed de/ sems can gyis chos mthong ba yang de dang 'dra ste/ mig gis gzugs mthong ba yang 'dus shing tshogs pa las byung ngo // ci ste rgyu dang rkyen 'dus pa las mthong na/ mkhas pa shes rab can gyis bdag yang ces ci'i phyir smra/ rigs kyi bu ci khyod kyis yid la lus kyi byas nas/ bdag ces bya bas myong bar 'gyur ro snyam sems na de yang mi rung ngo / / de ci'i phyir zhe na/ 'jig rten na lha sbyin gyis las byas la/ sangs rgyas sbyin gyis rnam par smin pa spong bar ma mthong ngo // ci

  512. 257a

    lus kyi byas pa ma yin la/ bdag ces bya ba'i rkyen gyi dbang gyis myong ba ma yin no zhes smran/ khyed la sogs pa ci'i phyir rgyu dang rkyen las rnam par grol ba chol khyod kyi lus snga nas yod la/ rgyu dang rkyen las byung ba ma yin na/ rnam par grol nas kyang rgyu dang rkyen mi dgos par lus kyang skye bar 'gyur ro// lus ji lta ba bzhin du nyon mongs pa thams cad kyang de dang 'dra'o/ / sa ni sa gsol pa/ go'u ta ma bdag ces bgyi ba la rnam pa gnyis te/ shes pa dang bcas pa dang / shes pa med pa'o// shes pa med pa'i bdag gis ni lus thob par bgyid do/ / shes pa dang bcas pa'i bdag gis ni lus spong bar bgyid do// dper na rdza so ma gtang ba bsregs na/ kha dog rnying pa ma mchis par 'gyur te/ de slar skye mi srid de// mkhas pa shes rab can gyi nyon mongs pa yang de dang 'dra ste/ ma mchis par bgyis pa'i 'og tu nam du yang slar skye mi srid do// bcom ldan 'das kyis bka' stsal pa/ rigs kyi bu shes pa zhes bya ba ye shes kyis shes sam/ bdag ces bya bas shes/ ci ste ye shes kyis shes pa zhig yin na/ ci'i phyir bdag gis shes so zhes sba/ ci ste bdag gis shes pa zhig yin na/ ci'i phyir thabs mkhas pas ye shes tshol dgos par 'gyur/ ci khyod kyi yid la bdag ces bya ba ye shes kyi dbang gis shes so

  513. 257b

    zhes smra na yang / me tog gi dpe mi rung ba dang 'dra'o// rigs kyi bu dper na shing tsher ma can yang rang bzhin gyis 'dzugs pa yin gyi/ shing gis tsher ma thogs te 'dzugs so zhes byar mi rung ngo / / ye shes kyang de dang 'dra ste/ ye shes nyid kyis shes pa yin na/ ci'i phyir bdag gis ye shes thogs te shes par byed do zhes smra/ rigs kyi bu khyod nyid kyi chos las bdag ces bya ba rnam par grol lo zhe na/ shes pa med pa'i bdag gis thob pas/ shes pa dang bcas pa'i bdag gis thob/ ci ste shes pa med pas thob na/ da dung nyon mongs pa dang bcas par rig par bya'o/ / ci ste shes pa dang bcas pas thob na/ da dung yang dbang po lnga dang bcas par rig par bya'o// de ci'i phyir zhe na/ dbang po lnga las shes pa gzhan med de/ ci ste dbang po rnams dang bcas na/ ci'i phyir rnam par grol ba zhes bya/ ci ste bdag ces bya ba de rang bzhin gyis rnam par dag la dbang po lnga dang bral lo zhe na/ yang ci'i phyir lam rgyud lngar yang khyab bo zhes smra zhing / ci'i phyir rnam par grol ba 'dod pa'i phyir dge ba'i chos rnams la nan tan bya'o zhes smra/ rigs kyi bu dper na mi zhig nam mkha' la tsher ma 'byin pa dang 'dre ste/ dag ces bya ba rnam par dag pa yin na/ ci'i phyir nyon mongs pa thams cad gcad par bya'o zhes pa/ ci khyod

  514. 258a

    thas pa dbye pa na pa las rnam par ma panang rgyal so thams ca chu marnas par mtshol/ gzhis so pa/ s a dzubamam dran par spyod ba smra yemapas das kyis bka' la / pa ces pan ya ba sa sa smra ba ba ma kyi me ldanan shing ma dran pa pa na bsnyin/ gnas gas pa kyi ma mam na b a ma ldan 'das kyis pa nasal pa rigs kyi ban gi dbang badrun dang thas kyi ma / da blang ba las rnams rnam pa shes pargya pa ni/ cing brjes pa las ming du gags so// bu de pa jig busang shing kyi dbang ci mas med kyi me dang / gas sas sa pa'i sa sa gzugs dang / dang ba dang bad pa'i bang ga miga'i rnam pa rigs pa zhes bya'o// kyi phre bar miba'i rnam pa mas pa ni mi yim med pas

  515. 258b

    pa'i bar du med de/ rkyen bzhi phrad pa las rnam par shes pa skye na/ yid kyi rnam par shes pa'i bar du yang de bzhin du rig par bya'o// de ltar rten cing 'brel par 'byung ba 'dus pa las skye bas na/ mkhas pa shes rab can ni mthong ba las bdag ces mo smra ba nas reg bya'i bar du yang bdag ces mi smra'o// rigs kyi bu de bas na ngas ni mig gi rnam par shes pa nas yid kyi rnam par shes pa'i bar du chos thams cad sgyu ma lta bu'o zhes gsungs so/ / ji ltar sgyu ma dang 'dra zhe na/ sngon med pa las da yod de/ yod nas kyang med par 'gyur ro// rigs kyi bu 'di lta ste/ dper na mar dang / bag phye dang / sbrang rtsi dang / bca' sga dang / pi pi ling dang / na le sham dang / rgun 'brum dang / bal po se'u dang / 'u su'i 'bras bu la sogs pa bsdus na la thu zhes bya'o/ / bsdus pa de dag ma gtogs par la thu zhes bya ba gud na med do// phyi nang gi skye mched drug la sems can dang / bdag dang / gang zag dang skyes bu zhes bya'o/ / phyi nang gi skye mched ma gtogs par logs shig na/ sems can dang / bdag dang / gang zag dang / skyes bu zhes bya ba med do// sa nis gsol ba/ go'u ta ma bdag ces bgyi ba ma mchis na ci'i skad du bdag mthong / bdag thos/ bdag sdug bsngal/ bdag bde/ bdag dga'/ bdag mya ngan byed ces

  516. 259a

    brjod/ bcom ldan 'das kyis bka' stsal ba/ rigs kyi bu ci ste bdag gis mthong / bdag gis thos pa la bdag ces bya na// ci'i phyir 'jig rten na khyod kyis nyes pa byas pa bdag gis ma mthong ma thos shes brjod/ rigs kyi bu 'di lnga ste/ dper na tshogs bzhi 'dus na dmag ces bya ste/ de ltar tshogs bzhi po yang gcig ces byar mi rung ste/ 'on kyang nga'i dmag de dpa' bo// nga'i dmag pha rol pas rgyal lo zhes brjod do// phyi nang gi skye mched 'dus nas byed pa yang de dang 'dra ste gcig ma yin mod kyi/ bdag gis byas so/ / bdag gis myong ngo // bdag gis mthong / bdag gis thos/ bdag sdug bsngal/ bdag bde'o zhes brjod do// sa ni sa gsol pa go'u ta ma khyod gsungs pa ltar/ phyi nang 'dus so zhes bgyi ba bdag gis byas// bdag gis myong ngo zhes brjod cing smra ba su lags/ bcom ldan 'das kyis bka' stsal pa sred pa dang ma rig pa'i rkyen gyis las skyes so/ / las las sred pa skyes so// sred pa las tshad med pa'i sems las byung ba skyes so// sems kyis rnam par rtog pa skyed do// rnam par rtog pas rlung skyed do// rlung sems la reg nas/ dkan dang / lce dang / so dang / mchu dang / sems can gyi 'du shes phyin ci log las spa byung bas/ bdag

  517. 259b

    gis byas/ bdag gis myong bdag gis mthong / bdag gis thos so zhes smras so// rigs kyi bu dper na rgyal mtshan gyi rtse mo la dril bu btags na/ rlung gi dbang gis sgra 'byung ngo / / rlung chen sgra yang che/ rlung chung na sgra yang rlung ste/ byed pa nI med do// rigs kyi bu 'di ste ste/ dper na lcags sregs pa nA'i nang du bcug na/ sgrarnam pa tshegs 'byung ngo / / de la yang dag par na byed pa zhes bya ba med do// rigs kyi bu byis pa ma rabs kyis ni dngos po 'di lta bu dag rnam par rtog kyang bye brag mi phyed pas/ bdag dang / bdag gi ba dang / bdag gis byas pa dang / bdag gis myong ba yod do zhes smra'o// sa nis gsol pa/ go'u ta ma bdag dang bdag gi ba ma mchis na// ci'i slad du rtag pa dang / bde ba dang / bdag dang / yongs su dag pa mchis so zhes gsungs/ bcom ldan 'das kyis bka' stsal pa/ rigs kyi bu ngas ni phyi nang gi skye mched drug dang / rnam par shes pa drug la rtag pa dang / bde ba dang / bdag dang / yongs su dag pa'o zhes ma gsungs kyi ngas ni phyi nang gi skye mched drug dang / rnam par shes pa drug 'gag pa la rtag pa ces bya'o/ / de ltar rtag pas na bdag ces bya'o// rtag pa dang bdag yin pa'i phyir bde ba zhes bya'o// rtag pa dang / bdag dang / bde ba'i phyir yongs su dag

  518. 260a

    pa zhes bya'o/ / rigs kyi bu so so'i skye bo dag ni sdug bsngal gyi rgyur 'gyur ba yongs su bcad nas/ spong ba'i dbang du gyur pas bdag ces bya'o// de bas na ngas ni rtag pa dang / bde ba dang / bdag dang / yongs su dag pa zhes gsungs so// sa nis gsol pa/ bcom ldan 'das thugs rje chen pos bdag la bstan du gsol bdag gis ji lta bur rtag pa dang / bde ba dang / bdag dang / yongs su dag pa thob par 'gyur/ bcom ldan 'das kyis bka' stsal pa/ rigs kyi bu 'jig rten du bcas pa thams cad ni/ thog ma med pa nas nga rgyal chen po dang bcas te/ nga rgyal chen po bskyed pa'i phyir/ nga rgyal gyi rgyur 'gyur ba dang / nga rgyal gyis las su 'gyur ba byed do// de bas na nga rgyal gyi 'bras bu mngon par smin te/ nyon mongs pa thams cad yongs su ma spangs pa/ rtag pa dang / bde ba dang / bdag dang / yongs su dag pa ma thob bo// gal te so so'i skye bo dag nyon mongs pa thams cad yongs su spong bar 'dod na/ nga rgyal yongs su spang bar bya'o// sa nis gsol pa/ bcom ldan 'das de de bzhin no// de de bzhin no// 'phags pa'i bka' bzhin te/ bdag la nga rgyal mchis pas/ nga rgyal gyi dbang gis de bzhin gshegs pa zhes ma smos te/ go'u ta ma zhes smras nas/ nga ma khyod kyang smras so// da ni bdag gis nga rgyal chen po yongs su spangs te/ de bas na yang dag pa'i

  519. 260b

    sems kyis chos tshol na/ ji ltar na rtag pa dang / bde ba dang / bdag dang / yongs su dag pa thob par 'gyur/ bcom ldan 'das kyis bka' stsal pa/ rigs kyi bu shin tu brtags bar nyon la yid la byos shig dang / khyod la rnam par bkrol te bshad par bya'o// rigs kyi bu gal te bdag kyang ma yin/ gzhan yang ma yin/ sems can yang ma yin na/ chos de dag yongs su spong bar 'gyur ro/ / sa nas gsol pa/ bcom ldan 'das bdag gis ni rtogs te/ yang dag pa'i chos kyi mig kyang thob bo// bcom ldan 'das kyis bka' stsal pa rigs kyi bu khyod kyis ji lta bu shes shing rtogs na/ yang dag pa'i chos kyi mig thob bo zhes smra/ gsol pa/ bcom ldan 'das gzugs shes bgyi ba gzhan ma lags/ bdag ma lags sems can ma lags pa nas/ rnam par shes pa'i bar du de ltar rtogs pas yang dag pa'i chos kyi mig thob bo// bcom ldan 'das bdag ni rab tu byung zhing lam la nan tan bgyid par mos na gnang bar mdzad du gsol/ bcom ldan 'das kyis legs par 'ongs so zhes bka' stsal pas dge slong du gyur te/ de nyid du yongs su dag pa'i tshangs par spyod pa dang ldan zhing dgra bcom pa'i 'bras bu thob par gyur / de'i tshe mu stegs can de dag gi nang na kun tu rgyu 'od srungs kyi rigs can zhig 'di skad ces gsol to// go'u ta ma lus nyid srog lags sam/ lus dang srog gnyis tha dad pa lags/

  520. 261a

    de bzhin gshegs pa cang mi gsung bar bzhugs so// de bzhin du lan gnyis lan gsum gyi bar du gsol kyang cang mi gsung ngo // kun tu rgyus yang gsol pa/ go'u ta ma mi zhig tshe 'phos nas lus phyi ma ma blangs pa'i bar du lus kyang tha dad la/ srog kyang tha dad ces mi bgyi 'am/ ci ste tha dad pa zhig lags na/ go'u ta ma ci'i slad du cang mi gsung bar bzhugs/ bcom ldan 'das kyis bka' stsal pa/ rigs kyi bu ngas ni lus dang srog gnyis ka rten cing 'brel te byung ba las skyes te/ rten cing 'brel te byung ba ma yin pa las ma yin te/ lus dang srog ji lta ba bzhin du chos thams cad kyang de dang 'dra bar rig par bya'o/ / kun tu rgyus yang gsol pa/ go'u ta ma bdag gis ni 'jig rten na chos kha cig rten cing 'brel te byung ba ma lags par mthong ngo // bcom ldan 'das kyis bka' stsal pa/ khyod kyis 'jig rten gyi chos gang dag rten cing 'brel te byung ba ma yin par mthong / kun tu rgyus gsol pa/ 'di lta ste/ zhugs chen po shor ba na/ me lce rlung gis btab nas/ gnas gzhan dag kyang tshig par 'gyur ba de/ rten cing 'brel te byung ba ma lags pa zhes bgyi'o// bcom ldan 'das kyis bka' stsal pa/ rigs kyi bu ngas ni me de yang rten cing 'brel te byung ba las skyes te/ rten cing 'brel te byung ba ma yin pa las ma yin no// kun tu rgyus gsol pa/ go'u ta ma me lce chad de tshig pa na/ shing ngam mdag ma las byung ba ma lags na

  521. 261b

    ci'i slad du rten cing 'brel te byung ba lanas shes gsungs/ bcom ldan 'das kyis bka' stsal pa/ rigs kyi bu shing dang mdag ma med mod kyi/ 'on kyang rlung gi dbang gis me lde chad do// rlung na rgyu dang rkyen gyis me lce med par ma gyur to/ / kun tu rgyus gsol pa/ go'u ta ma mi zhig tshe 'phos nas/ lus phyi ma ma blangs pa'i bar du tshe len pa'i rgyu dang rkyen du 'gyur ba gang lags/ bcom ldan 'das kyis bka' stsal pa/ kun tu rgyu ma rig pa dang sred pa ni de'i rgyu de'i rkyen du 'gyur te/ ma rig pa dang srid pa gnyis kyi rgyu dang rkyen gyi dbang gis 'tshe ba gnas par 'gyur ro// rigs kyi bu rgyu dang rkyen gyi phyir lus nyid srog yin la/ srog nyid kyang lus yin no// rgyu dang rkyen gyi phyir lus kyang gzhan la srog kyang gzhan te/ mkhas pa shes rab can ni phyogs gcig tu lus kyang tha dad la/ srog kyang tha dad do zhes mi smra'o// kun tu rgyus gsol pa/ bcom ldan 'das bdag la rnam par dgrol zhing bstan te/ rgyu dang 'bras bu mngon du rtogs par mdzad du gsol/ bcom ldan 'das kyis bka' stsal pa/ kun tu rgyu rgyu yang phung po lnga yin te/ 'bras bu yang phung po lnga yin no// rigs kyi bu gal te sems can dag me ma bus na dud pa med do// kun tu rgyus gsol pa bcom ldan 'das bdag gis ni 'tshal to/ / rtogs so// bcom ldan 'das kyis bka' stsal pa/ rigs kyi bu khyod kyis ji lta bur shes shing rtogs gsol pa/ bcom ldan 'das

  522. 262a

    zhugs shes bkyi ba ni nyon mongs pa ste/ sems can dmyal ba dang / yi dgas dang / byom song gi skye gnas dang / lha dang / mi'i gnas su shin tu 'bar ba'o// dud pa zhes 'gyi ba ni nyon mongs pa'i 'bras bu smin pa ste/ mi rtag pa dang / mi gtsang ba dang / shin tu bcog pas na dud pa zhes bgyi ste/ sems can gang nyon mongs pa ma byas na de la nyon mongs pa'i rnam par smin pa'i 'bras bu ma mchis te/ de bas na de bzhin gshegs pas me ma bus na dud pa med do zhes gsungs so// bcom ldan 'das bdag ni yang dag par lta ba lags na/ thugs brtse ba'i slad dubatu byung ba ci gnang zhes gsol to// de nas bcom ldan 'das kyis/ tshe dang ldan pa kun shes ko'u di n+yal 'di skad ces bka' stsal to// kun tu rgyu 'di rab tu phyung la bsnyen par rdzogs par gyis shig/ de nas ko'u di n+yas sangs rgyas kyis bka' stsal pa bzhin du/ dge slong gi dge 'dun la dad pa gsol nas rab tu phyung ste/ bsnyen par rdzogs nas zhag lnga lon pa dang / dgra bcom pa'i 'bras bu thob par gyur to// mu stegs can gyi 'khor gyi nang na/ gzhan yang kun tu rgyu bu na zhes bya bas 'di skad ces gsol to// go'u ta ma khyod kyis 'jig rten na rtag pa'i chos gzigs pas rtag ces gsung ngam/ de skad ces gsungs pa bden nam/ brdzun nam/ rtag gam/ mi rtag gam/ rtag pa dang mi rtag pa lags sam/ rtag

  523. 262b

    pa yang ma yin/ mi rtag pa yang ma yin pa lags sam/ mtha' mchis pa dang mtha' ma mchis pa lags sam/ mtha' mchis kyang mchis la/ mtha' ma mchis kyang ma mchis pa lags sam/ mtha' mchis pa yang ma lags/ mtha' ma mchis pa yang ma lags sam/ lus kyang lags/ srog kyang lags/ lus dang srog tha dad pa lags sam/ de bzhin gshegs pa yongs su mya ngan las 'das pa 'gro ba lta bu 'am/ 'gro ba lta bu ma lags sam/ 'gro ba lta bu lags kyang lags la/ 'gro ba lta bu ma lags kyang ma lags sam/ 'gro ba lta bu yang ma lags/ 'gro ba lta bu ma lags pa yang ma lags sam/ bcom ldan 'das kyis bka' stsal pa/ pu na ngas ni 'jig rten na rtag pa 'am/ bde ba 'am/ rdzun pa 'am/ mi rtag pa'am/ rtag pa 'am/ rtag pa yang ma yin/ mi rtag pa yang ma yin pa 'am/ mtha' yod dam/ mtha' med dam/ mtha' yod pa yang yin la mtha' med pa yin pa 'am/ mtha' yod pa yang ma yin/ mtha' med pa yang ma yin pa 'as/ lus yin pa'am/ srog yin pa 'am/ lus dang srog tha dad pa 'am/ de bzhin gshegs pa mya ngan las 'das pa 'gro ba lta bu 'am/ mi 'gro ba lta bu 'am/ 'gro ba lta bu yang ma yin la/ mi 'gro ba lta bu yang ma yin pa 'am/ 'gro ba lta bu yang yin/ 'gro ba la/

  524. 263a

    bu ma yin pa yang ma yin par ma gsungs so// pu nas gsol pa/ go'u ta ma skyon ci zhig gzigs na de skad ces mi gsung / bcom ldan 'das kyis bka' stsal pa/ de la gang zhig 'jig rten ni rtag ste/ 'di ni bden gyi/ gzhan ni brdzun no zhes smra ba de ni lta ba'o// lta bas lta ba'i gnas ni 'du byed du lta bas lta ba/ chags par lta ba/ bcings par lta ba sdug bsngal du lta ba/ len par lta ba/ 'jigs par lta ba/ gdung bar lta ba 'am/ kun nas dkris par lta ba zhes bya'o// pu na byis pa so so'i skye bo ni lta bas kun nas dkris pas na/ skye ba dang / rga ba dang / na ba dang / 'chi ba dang ma bral te/ rgyud drug tu 'khor nas sdug bsngal tshad med pa myong ste/ 'gro ba lta bu ma yin pa dang / mi 'gro ba lta bu ma yin pa'i bar du de bzhin du rig par bya'o/ / pu na lta ba de la de lta bu'i skyon yod par mthong ba/ de bas na ma chags te gzhan la yang mi ston to// pu nas gsol pa/ go'u ta ma de lta bu'i skyon gzigs te/ ma chags mi ston te/ go'u ta ma da ltar ci la chags/ ci zhig ston/ bcom ldan 'das kyis bka' stsal pa/ rigs kyi bu chags par lta ba ni 'khor ba'i chos shes bya'o// de bzhin gshegs pas ni 'khor ba'i chos dang bral bas ma chags so zhes bya'o/ / rigs kyi bu de bzhin gshegs pas ni mthong ba dang ston pa zhes bya'i/ chags pa zhes mi bya'o// bu nas gsol pa/

  525. 263b

    go'u ta ma ji lta bur gzigs ji lta bur ston/ bcom ldan 'das kyis bka' stsal pa/ rigs kyi bu ngas ni sdug bsngal dang / kun 'byung dang / 'gog pa dang / lam gsal bar gzigs te/ de bas na 'phags pa'i bden pa bzhi rnam par phye ste ston to// ngas de lta bu dag gzigs pa'i lta ba thams cad dang / sreg pa thams cad dang / 'bab pa thams cad dang nga rgyal thams cad yongs su spong ste/ de bas na bdag ni yongs su dag pa'i tshangs par spyod pa dang ldan zhing / bla na med pa'i bar du zhi bas rtag pa'i sku thob par gyur to// rtag pa'i sku 'di ni shar phyogs dang / nub phyogs dang / lho phyogs dang / byang phyogs ma yin no// pu nas gsol pa/ ci'i rgyu ci'i rkyen gyis 'di rtag pa'i sku shar phyogs dang / lho phyogs dang / nub phyogs dang / byang phyogs ma lags/ bcom ldan 'das kyis bka' stsal pa/ rigs kyi bu ngas khyod la ci dang ci dris pa de dang de'i lan yid bzhin du smros shig/ rigs kyi bu khyod kyi yid la ji snyam/ khyod kyi mdun du me chen po zhig bus na/ me 'bar ba'i tshe khyod kyis 'bar bar shes mod/ de bzhin no// go'u ta ma me shi ba'i dus na khyod kyang shi bar shes mod/ de bzhin no// pu na gal te mi zhig gis khyod la me'i phung po 'di 'bar ba na ga las 'ongs/ gar song zhes 'dri na/ de la khyod ji skad ces bya/ pu nas gsol pa/

  526. 264a

    koT ta ma gal te de skad ces 'dri bzhig gachis na/ de la bdag gis 'di skad ces bgyi'o// me 'bar ba ni rkyen mang po la bltos so// rten rnying pa ni zad/ rkyen gas / gyis ma bstan pa na me zad pa zhes 'gyi'o// gal te gzhan yang me shi nas gang phyogs su song zhes 'dzin de la ji skad ces rba/ gsol pa/ goT ta ma de la bdag gis rkyen zad nas me shas phyogs su song ba ma mchis so zhes bgyi'o/ / rigs kyi bu de bzhin gshegs pa yang de dang 'dra ste/ gal te mi rtag pa'i gzugs yod pa nas/ mi rtag pa'i rnam par shes pa'i bar du yod na/ sred pa'i rkyen gyis 'bar ro// 'bar ba zhes bya ba ni srid pa nyi shu rtsa lnga po myong ba'o// de bas na 'bar ba'i dus na me 'di shar phyogs sam/ nub phyogs sam/ lho phyogs sam byang phyogs zhes brjod du rung ngo / / da ltar gyi sred pa 'gags te/ srid pa nyi shu rtsa lnga po'i rnam par smin pa'i 'bras bu me 'bar na/ de la ni shar phyogs sam/ lho dang / nub dang / byang phyogs shes brjod du med do// rigs kyi bu de bzhin gshegs pa ni mi rtag pa'i gzugs med pa nas/ mi rtag pa'i rnam par shes pa'i bar du med de/ de bas na su ni rtag pa yin no// gal te sku rtag pa yin na/ shar phyogs sam/ lho 'am/ nub bam/ byang phyogs shes brjod du med do// pu nas gsol pa/ bdag gis dpe zhig gsol bar 'tshal na/ de bzhin

  527. 264b

    gshegs pas gsan par ci ga nang / bcom ldan 'das kyis bka' stsal pa/ legs so legs so// bsams pa bzhin du spros shig/ bcom ldan 'das dper na grong khyer chen po zhig gi phyi rol na shing sA la'i tshal gyi nang na shing gcig cig sngar skyes te lo brgya lon no/ / de'i tshe na tshal gyi bdag po de dus du su chu 'chu zhing las bgyid do// shing de'i shun pa rul na/ shun pa dang / lo ma dang / yal ga kun sa la ltung ste/ nang gi snying po 'ba' zhig lus so// de bzhin gshegs pa yang de dang 'dra ste/ ji tsam du rul bar gyur pa thams cad zad nas/ yang dag pa'i chos 'ba' zhig lus so/ / bcom ldan 'das bdag rab tu 'byung bar gsol lo// bcom ldan 'das kyis legs par 'ongs so zhes bka' stsal nas/ de ma thag tu dge slong du gyur to// zag pa zad nas dgra bcom pa'i 'bras bu thob par gyur to/ / gzhan yang kun tu rgyu rnam par dag pa zhes bya bas 'di skad ces gsol to// go'u ta ma so so'i skye bo dag chos gang ma rtogs na 'jig rten rtag pa dang / mi rtag pa dang / rtag pa yang lags la/ mi rtag pa yang lags pa dang / rtag pa yang ma lags la/ mi rtag pa yang ma lags pa nas/ 'gro ba lta bu dang ma lags/ mi 'gro ba lta tha yang ma lags pa'i bar du lta bar gyur/ bcom ldan 'das kyis bka' stsal pa/ rigs kyi bu gzugs mi shes pa nas/ rnam par shes pa'i bar du mi shes pa nas/ 'jig rten rtag pa

  528. 265a

    nas/ 'azob stu bram yin/ mi 'grob la bu yang sa lags pa'i bar du lta bar gyur/ bcom ldan 'das kyis bka' stsal pa/ rigs kyi phra gzugs mi shes nas/ rnam par shes pa'i bar du mi shes pa nas/ 'jig rten rtag pa nas/ 'gro ba lta rdza ma yin/ mi 'gro ba lta bu yang ma yin pa'i bar du lta bar gyur to// kun tu rgyas ga / go'u ta ma sems can gyis chos gang dag rtogs na/ 'jig rten rtag pa nas/ 'gro ba lta bu ma yin/ mi 'gro ba lta bu yang ma yin pa'i bar du mi lta bar 'gyur/ bcom ldan 'das kyis bka' stsal pa/ rigs kyi bu gzugs shes pa nas/ rnam par shes pa'i bar du shes na/ 'jig rten rtag pa nas/ 'gro ba lta bu yang ma yin/ mi 'gro ba lta du ma yin pa'i bar du mi lta bar 'gyur ro/ / kun tu rgyus gsol pa/ bcom ldan 'das 'jig rten rtag pa dang mi rtag pa bdag la rgyas par phye ste bshad du gsol/ bcom ldan 'das kyis bka' stsal pa/ rigs kyi bu gang zhig gis rnying pa ni spangs nas/ bcom ldan 'das gang zag des ni rtag pa dang mi rtag pa rtogs par 'gyur ro// kun tu rgyus gsol pa/ bcom ldan 'das bdag gis ni rtogs so/ / bcom ldan 'das kyis bka' stsal pa/ rigs kyi bu khyod kyis ji lta bur mthong / ji lta bur rtogs gsol pa/ bcom ldan 'das rnying pa

  529. 265b

    ni ma rig pa dang sred pa'o/ / gsad pa ni len pa dang srid pa ste/ de la gang zhig gis ma rig pa dang sred pa yongs su spangs te/ len pa dang srid pa mi bgyid na/ gang zag de ni rtag pa dang mi rtag pa/ yang dag par rtogs te/ bdag gis ni yang dag pa'i chos la chos kyi mig rnam par dag par gyur nas/ dkon mchog gsum la skyabs su mchi'o// de bzhin gshegs bas bdag rab tu 'byung bar gnang bar mdzad du gsol/ bcom ldan 'das kyis/ tshe dang ldan pa kun shes ko'u di n+yal bka' stsal pa/ kun tu rgyu 'di rab tu phyung la bsnyen par rdzogs par gyis shig/ de nas ko'u di n+yas bcom ldan 'das kyi bka' bzhin du dge 'dun la gsol ba dang zhu ba'i las byas nas rab tu phyung ngo // de nas zhag bco lnga lon pa dang zag pa kun zad de/ dgra bcom pa'i 'bras bu thob par gyur to// gzhan yang kun tu rgyu be'u zhes bya bas 'di skad ces gsol to// go'u ta ma zhu ba zhun cig nang ngam/ de bzhin gshegs pa cang mi gsung ste/ de bzhin lan gnyis lan gsum gyi bar du'o// be'us yang gsol pa/ go'u ta ma bdag ni khyod dang mdza' bo yin te/ bdag cag gnyis kyi don yang gnyis su med na/ bdag gis dris pa ci'i phyir cang mi gsung bar bzhugs/ de nas bcom ldan 'das thugs la 'di snyam du dgongs so// kun tu rgyu 'di rang bzhin gyis mnyen des la/ shin

  530. 266a

    tu drang bas nga dang bshes te/ dri ba 'dri ba yang klan ka tshol ba'i phyir ma yin na/ tsi dang ci dris pa de dang de'i lan gda' bo snyam du dgongs nas/ 'di skad ces bka' stsal to/ / kye be'u legs so legs so// ci dang ci 'dod pa dris shig dang / de dang de'i lan gdab par bya'o// des gsol pa/ go'u ta ma 'jig rten na dge ba mchis sam de bzhin no/ / go'u ta ma mi dge ba mchis sam/ de bzhin no// kun tu rgyu ba'us gsol pa/ gosu ma bdag la bstan cing bshad de/ dge ba dang mi dge ba'i chos bdag gis rtogs par mdzad du gsol/ bcom ldan 'das kyis bka' stsal pa/ rigs kyi bu ngas ni don de dag bstan pa la shin tu rgyas par mkhyen mod kyi/ da khyod la phyogs tsam zhig bshad par bya'o// rigs kyi bu 'dod pa ni mi dge ba ste/ rnam par grol ba la 'dod pa de ni dge ba'o// zhe sdang dang gti mug kyang de bzhin du shes par bya'o// srog gcod pa ni mi dge ba'o// srog gcod pa yongs su spangs pa ni dge ba nas/ ngan par lta ba'i bar du rgyas par rig par bya'o// rigs kyi bu ngas ni khyod la dge ba dang mi dge ba'i chos rnam pa gsum dang / dge ba dang mi dge ba'i chos rnam pa bcu yang bstan cing bshad pa yin no/ / gal te nga'i nye gnas su gyur pa gang zhig dge ba dang mi dge ba rnam pa gsum nas/ dge ba dang mi dge ba'i chos rnam pa bcu'i bar du bye brag phyed de nan tan du byed na/

  531. 266b

    gang zag des ni 'dod chags dang / zhe sdang dang / gti mug med par 'gyur ba dang / zag pa thams cad zad pa dang / srid pa thams cad yongs su gcod par 'gyur ro// kun tu rgyus gsol pa/ go'u ta ma bcom ldan 'das kyi bstan pa la dge slong 'ga' tsam 'dod chags dang / zhe sdang dang / gti mug dang / zag pa thams cad zad pa dang / srid pa thams cad yongs su bcad pa mchis sam/ bcom ldan 'das kyis bka' stsal pa/ rigs kyi bu sangs rgyas kyi bstan pa la 'dod chags dang / zhe sdang dang / gti mug dang / zag pa thams cad dang / srid pa thams cad zad pa gcig gam/ gnyis sam/ gsum mam/ lnga 'am/ brgyar ma zad kyi/ de lta bu'i dge slong ni grangs med do// go'u ta ma dge slong lta zhog la/ sangs rgyas kyi bstan pa la dge slong ma 'ga' tsam 'dod chags dang / zhe sdang dang / gti mug dang / zag pa thams cad dang / srid pa thams cad zad pa mchis sam/ bcom ldan 'das kyis bka' stsal pa/ rigs kyi bu sangs rgyas kyi bstan pa la dge slong ma gcig gam/ gnyis sam/ gsum mam/ lnga 'am/ brgyar ma zad kyi/ 'dod chags dang / zhe sdang dang / gti mug dang / zag pa thams cad dang / srid pa thams cad zad pa'i dge slong ma ni grangs med do// be'us gsol pa/ go'u ta ma dge slong ba dang / dge slong ma yang zhog la/ sangs rgyas kyi bstan pa la dge bsnyen

  532. 267a

    'ga' tsas yang tshul khrims srung ba la brtson zhing / tshangs par spyod pa yongs su dag pa dang / the com kyi pha rol tu phyin pa ste/ the tsom kyi rba ba yongs su chod pa mchis sam// bcom ldan 'das kyis bka' stsal pa/ rigs kyi bu sangs rgyas kyi bstan pa la de lta bu'i dge bsnyen gcig gam/ gnyis sam/ gsum mam/ lnga 'am/ brgyur ma zad kyi tshul khrims srung ba la brtson zhing / tshangs par spyod pa yongs su dag nas/ kun nas nyon mongs pa tha ma lnga po bcad de/ lan cig phyir mi ldog pa thob nas/ the tsom gyi pha rol tu byin te/ the tsom gyi dra ba yongs su bcad pa'i dge bsnyen ni grangs med do// be'us yang gsol pa/ go'u tam dge slong dang dge slong ma dang / dge bsnyen pa yang zhog la/ sangs kyi bstan pa la dge bsnyen ma 'ga' tsam tshul khrims srung ba la brtson zhing / tshangs par spyod pa yongs su dag pa dang / the tsom gyi pha rol tu phyin te/ the tsom gyi dra ba chod pa mchis sam bcom ldan 'das kyis bka' stsal pa/ rigs kyi bu ngas bstan pa la dge bsnyen pa de lta bu gcig gam/ gnyis sam/ gsum mam/ lnga 'am/ brgyar ma zad kyi/ tshul khrims srung ba la brtson zhing / tshangs par spyod pa yongs su dag pa dang / kun nas nyon mongs pa tha ma lnga po chod nas/ lan cig phyir mi ldog pa thob nas/ the tsom gyi pha rol tu phyin te/ the tsom gyi

  533. 267b

    dra ba chod pa'i dge bsnyen ma ni grangs med do/ / be'u gsol pa/ sangs rgyas kyi bstan pa la tshul khrims srung ba la brtson zhing / tshangs par spyod pa yongs su dag pa dang / the tsom gyi dra ba yongs su bcad pa'i dge slong dang / dge slong ma dang / dge bsnyen dang / dge bsnyen ma lta zhog la/ sangs rgyas kyi bstan pa la dge bsnyen 'ga' tsam yang 'dod pa lnga la longs mi spyod cing / the tsom gyi dra ba chod pa mchis sam/ bcom ldan 'das kyis bka' stsal pa/ rigs kyi bu sangs rgyas kyi bstan pa la dge bsnyen de lta bu ni gcig gam/ gnyis sam/ gsum mam/ lnga 'am/ brgyar ma zad kyi kun nas nyon mongs pa gsum bcad nas rgyun du zhugs pa thob nas/ 'dod chags dang / zhe sdang dang / gti mug bsrabs te/ lan cig phyir ldog pa'i dge bsnyen yang zangs med do/ / dge bsnyen ji lta ba bzhin du/ dge bsnyen ma yang rgyas par rig par bya'o// be'us gsol pa/ bcom ldan 'das bdag dpe zhig gsol bar dad do/ / bcom ldan 'das kyis bka' stsal pa/ shin tu legs kyis ci dga' bar spos shig/ bcom ldan 'das dper na klu'i rgyal po dga' bo dang bsnyen dga' bos kun tu khyab bar char chen po 'bebs pa dang 'dra bar de bzhin gshegs pa'i chos kyi char yang de dang 'dra ste/ dge bsnyen dang dge bsnyen ma la mnyam par phab bo// rjes gsol pa/ bcom ldan

  534. 268a

    'das gal te mu stegs can dag rab tu 'byung bar gsol na/ de bzhin gshegs pa zla ba du'i 'du ba rtag 'tshal/ bcom ldan 'das kyis bka' stsal pa/ rigs kyi tha zla ba bzhi'i bar du brtag dgos te/ gcig tu nges pa ni ma yin no// bcom ldan 'das gal te gci// ma nges na/ thugs rje chen pos bdag rab tu byung bar gnang bar mdzad du gsol bcom ldan 'das kyis tshe dang ldan pa ko'u di n+ya la bka' stsal pa/ kun tu rgyu be'u 'di rab tu phyung la bsnyen par rdzogs par gyis/ de nas ko'u di n+yas sangs rgyas kyi bka' bzhin dge slong gi dge 'dun la gsol ba dang zhu ba'i las byas nas rab tu phyung ngo / / de nas zhag bco lnga lon pa dang / rgyun du zhugs pa'i 'bras bu thob par gyur to// 'bras bu thob nas yang 'di snyam du bsams so/ / gang shes rab kyis slob pa'i sgo nas thob par 'gyur ba ni bdag gis da thob pas/ sangs rgyas mthong bar bzod do snyam nas/ sangs rgyas gang na ba der song ste phyin pa dang / bcom ldan 'das la mgo bos phyag 'tshal te/ bsti stang byas nas phyogs gcig tu 'dug ste/ bcom ldan 'dasas 'di skad ces gsol to// shes rab gang bslab pa la thob par 'gyur ba ni bdag gis thob lags na/ bdag bslab pa ma mchis pa'i shes rab thob par 'gyur ba bstan du gsol/ bcom ldan 'das kyis bka' stsal pa/ rigs kyi bu chos gnyis te/ zhi ga nas

  535. 268b

    lhag mthong la brtson 'grus su nan tan bya'o/ / rigs kyi bu dge slong gang zhig rgyun du zhugs pa'i 'bras bu thob par 'dod na/ chos rnam pa gnyis po la brtson 'grus su nan tan bya'o// gang zhig gis lan cig phyir ldog pa dang / lan cig phyir mi ldog pa dang / dgra bcom pa'i 'bras bu thob par 'dod na yang / chos rnam pa gnyis po la nan tan bya'o// rigs kyi bu dge slong gang zhig bsam gtan bzhi dang / tshad med pa bzhi dang / mngon par shes pa drug dang / skyes bu brgyad dang / mchog gi gnas brgyad dang / rtsod pa med pa'i ye shes dang / spyi bo'i ye shes dang / mthar phyin pa'i ye shes dang / so so yang dag par rig pa bzhi dang / rdo rje lta bu'i ting nge 'dzin dang / zad pa'i ye shes dang / mi skye ba'i ye shes thob pabar 'dod pa yang chos gnyis po de la nan tan bya'o/ / rigs kyi bu gang zhig gis sa bcu dang / ma skyes pa'i chos kyi bzod pa dang / mtshan ma med pa'i chos kyi bzod pa dang / bsam gyis mi khyab pa'i chos kyi bzod pa dang / 'phags pa'i spyod pa dang / tshangs par spyod pa dang / lhas spyod pa dang / byang chub sems dpas spyod pa dang / nam mkha' lta bu'i ting nge 'dzin dang / ye shes kyi phyag rgya'i ting nge 'dzin dang / stong pa nyid dang / mtshan ma med pa dang / smon pa med pa'i ting nge 'dzin dang / sa'i ting nge 'dzin dang /

  536. 269a

    phyir mi ldog pa'i ting nge 'dzin dang / dpa' bar 'gro ba'i ting nge 'dzin dang / rdo rje lta bu'i ting nge 'dzin dang / bla na med pa yang dag par rdzogs pa'i byang chub dang / sangs rgyas kyi spyod pa 'dod pa yang chos rnam pa gnyis po la nan tan bya'o// be'us de skad ces thos nas/ bcom ldan 'das la phyag 'tshal te/ phyir byung nas shing sba la'i tshal du chos gnyis po la nan tan byas pas ring po ma thogs par dgra bcom pa'i 'bras bu thob pa 'gyur to/ / de'i tshe na dge slong grangs med pa zhig sangs rgyas gang na bar 'dong ba las/ be'us mthong nas/ btsun pa gar 'dong zhes smras so/ / dge slong rnams kyis spras pa/ bdag cag ni sangs rgyas kyi spyan sngar mchi'o// be'us yang smras pa/ btsun pa dag sangs rgyas kyi der gshegs na/ be'u'i mchid nas chos rnam pa gnyis la nan tan bgyis nas/ bslab pa ma mchis pa'i shes rab thob ste/ bcom ldan 'das kyi bka' drin dran pa'i slad du mya ngan las bda' 'o zhes gsol cig/ de'i tshe dge slong de rnams sangs rgyas gang na bar phyin nas bcom ldan 'das la 'di skad ces gsol to/ / dge slong be'u mchid nas bdag ni bslab pa ma mchis pa'i shes rab thob nas/ bcom ldan 'das kyi bka' drin gzo ba'i slad du mya ngan las 'da' 'o zhes mchi'o/ / bcom ldan 'das kyis bka' stsal pa/ dge slong be'u dgra bcom pa'i 'bras bu thob kyis/ de'i lus la

  537. 269b

    khyed mchod pa gyis shig/ de'i tshe dge slong rnams sangs rgyas kyi bka' bzhin du rus bu gang na bar song nas mchod pa chen po byas so// // 'phags pa yongs su mya ngan las 'das pa chen po'i mdo bam po bzhi bcu rtsa gcig pa/ / / de'i tshe kun tu rgyu tshem bu can gyis yang 'di skad ces gsol to// go'u ta ma gsung ba ltar skye bgrangs med pa'i bar du dge ba dang mi dge ba bgyis pa'am/ phyi ma ma 'ongs pa'i dus su yang dge ba dang mi dge ba'i lus thob par 'gyur ro zhes bgyi ba mi rung ngo // de ci'i slad du zhe na/ go'u ta ma gsung ba ltar nyon mongs pa'i rgyu las lus thob par gyur to/ / zhes 'gyi ba ci ste nyon mongs pa'i rgyu las lus thob par gyur na/ lus snga 'am/ nyon mongs pa snga/ ci ste nyon mongs pa sngan ci la gnas/ gang du gnas/ tsi ste lus snga na nyon mongs pa'i rgyu las thob ces 'gyir rung ngam/ de bas na nyon mongs pa snga zhes bgyir yang mi rung la/ lus snga zhes 'gyi pa 'i rlung ngo // dus gcig go zhes bgyir yang mi rung snga phyi dus gcig ces bgyir yang chos ma mchis so/ / de bas na bdag ni chos thams cad rang bzhin du 'ad/ rgyu dang rkyen las ni ma yin no zhes smra'o// gzhan yang go'u ta ma sra ba ni sa'i rang bzhin gsher ba ni chu'i rang bzhin tsha ba ni me'i rang bzhin g.yo ba ni rlung gi rang bzhin/ thogs pa med pa ni nam mkha'i rang bzhin te/ chen

  538. 270a

    po lnga'i rang bzhin ni rgyu dang rkyen gyis yod pa ma lags so/ / ci ste 'jig rten na chos gcig tsam gyis rang bzhin rgyu dang rkyen gyis mchis pa ma lags na/ chos thams cad kyi rang bzhin yang de dang 'dra ste/ rgyu dang rkyen gyis mchis pa ma lags so// ci ste chos gcig tsam yang rgyu dang rkyen gyis mchis pa lags na/ ci'i slad du chen po lnga'i rang bzhin rgyu dang rkyen las ma gyur/ go'u ta ma sems can gyi dge ba'i lus dang / mi dge ba'i lus kyis rnam par grol ba thob pa yang rang bzhin lags kyi rgyu dang rkyen las ni ma lags so// de bas na chos thams cad rang bzhin gyis yod kyi rgyu dang rkyen las ni ma yin par bdag smra'o/ / gzhan yang go'u tam 'jig rten gyi chos ni dgongs pa'i gnas gcig tu chad pa'o// dper na shing mkhan na re/ shing rta dang phyogs su 'os so// shing 'di ni sbom dang khri dang / khri'ur rung ngo zhes smra ba dang / dper na gser mgar gyis rdungs su byas te/ dpral ba la btags pa ni 'phreng ba zhes u0f7f/ gul du btags pa ni mgul do zhes bya/ dpung pa la btags pa ni dpung rgyan zhes bya/ sor mo la btags pa ni gsor gdub ces gya dgos pa'i gnas nges pas na/ rang bzhin nges pa zhes bya'o// go'u ta ma sems can thams cad kyang de dang 'dra ste/ rgyud lnga'i rang bzhin yod pas/ sems can dmyal ba dang / yi dgas

  539. 270b

    dang / byol song dang / lha dang / mi'o// ci ste de lta bu lags na/ rgyu dang rkyen las gyur ces bgyir rung ngam/ do'u ta ma gzhan yang sems can thams cad rang bzhinam ma ste/ de bas na thams cad rang bzhin zhes bgyi'o// dper na rus sbal thang las skyes kyang chur 'gro ba dang / be'u 'brangs ma thag tu nu ba dang / nya mchil pa'i mid pa dang / sbrul gdug pa byung ma thag tu sa za ba dang / de dag la sog pa sus bstan/ dper na tsher ma rang bzhin gyis rno ba dang / bya'i 'dab ma rang bzhin gyis kha dog tha dad pa ltar/ 'jig rten gyi sem can yang de dang 'dra ste/ dbang po rno ba dang / rtul ba dang / phyug pa dang / dbul ba dang / bzang ba dang / ngan pa dang / rnam par grol ba thob pa dang / srid pa tha ma thob par 'gyur te/ de bas na chos thams cad rang bzhin so so bar rig par bya'o// gzhan yang go'u ta ma gsung ba ltar/ 'dod chags dang / zhe sdang dang / gti mug gi rgyu dang rkyen las skyes te/ gdug pa gsum gyi rgyu dang rkyen ni yul lnga yin no zhes bgyi ba de yang mi rung ngo // de ci'i slad du zhe na/ dper na sems can gnyid log pa'i tshe/ yul lnga mngon du mi spyod kyang 'dod chags dang / zhe sdang / gti mug skyes te mngal na 'dug pa dang / mngal nas byung ma thag pa yang yul lnga'i bzang po dang ngan pa bye brag mi phyed kyang / 'dod chags dang /

  540. 271a

    zhe sdang dang / gti mug skye'o// drang srong 'phags pa rnams dkon par gnas pa yang yul lnga mngon du mi spyod kyang / 'dod chags dang / zhe sdang dang / gti mug skye'o/ / kha cig ni yul drug gis dbang gis 'dod mi chags pa dang / zhe mi sdang ba dang / gti mi mug pa yang yod de/ de bas na rgyu dang rkyen las chos thams cad skye'o zhes nges pa med kyi rang bzhin du zad do/ / go'u ta ma gzhan yang 'jig rten na kha cig ni dbang po lnga dang ma ldan na yang longs spyod chen po dang ldan zhing dbang du gyur pa yang yod do// kha cig ni dbang po lnga/ dang ldan na yang ngan cing dbul la dbang med de/ gzhan gyi bran byed pa yang yod na/ ci ste rgyu dang rkyen las gyur na/ ci'i slad du de lta bur gyur/ de bas na chos thams cad rang bzhin so so ste/ rgyu dang rkyen las ma yin no// go'u ta ma gzhan yang 'jig rten na bus pa shed ma bye ba yang yul lnga bye brag mi phyed mod kyi/ bar 'ga' ni dgod/ bar 'ga' ni ngu'o// dgod pa'i tshe ni dga' bar shes kyi/ du ba'i tshe ni mi dga' bar shes so// de bas na chos thams cad so so'i rang bzhin yod do// go'u ta ma gzhan yang 'jig rten gyi chos la rnam pa gnyis te/ yod pa dang / med pa'o// yod pa ni nam mkha'o// med pa ni ri bong gi rwa'o// de ltar chos gnyis po yang yod pa yang rgyu dang rkyen ma yin/ med pa yang rgyu dang

  541. 271b

    rkyen ma yin te/ de bas chos thams cad rang bzhin du zad kyi/ rgyu dang rkyen las ma yin no// bcom ldan 'das kyis bka' stsal pa/ rigs kyi bu khyod smra ba ltar chen po lnga'i rang bzhin dang 'dra bar/ chos thams cad kyang de dang 'dra'o zhes byar mi rung ngo // de ci'i phyir zhe na/ rigs kyi bu khyod kyis chos la chen po lnga rtag pa yin na/ ci'i phyir chos thams cad rtag pa ma yin no zhes smra/ ci ste 'jig rten gyi dngos po mi rtag pa zhig yin na/ chen po lnga'i rang bzhin ci'i phyir mi rtag pa ma yin/ ci ste chen po lnga rtag pa zhig yin na/ 'jig rten gyi dngos po yang rtag pa yin pa'i rigs te/ de bas na khyod kyis chen po lnga'i rang bzhin yod pas rgyu dang rkyen las ma yin te/ chos thams cad kyang chen po lnga dang 'dra'o zhes bya ba mi rung ngo / / rigs kyi bu khyod smra ba ltar dgos pa'i gnas nges pas na/ rang bzhin yod do zhes bya bar yang mi rung ngo // ci'i phyir zhe na/ rgyu dang rkyen las ming khyer thob pa'i phyir ro// ciste rgyu las ming khyer thob na don yang ming khyer thob bo// ji ltar na rgyu las ming khyer thob pa zhe na/ dper na dpral ba la btags pa ni 'phreng ba zhes bya ba dang / mgul du btags na mgul do zhes bya ba dang / laka pa la btags na sor gdub ces bya ba dang / shing rta la btags na 'khor lo zhes bya ba dang / shing dang rtswa las bar na shing dang rtswa'i zhes bya ba dang / rigs kyi

  542. 272a

    bu shing thog ma skyes pa na mda' dang mdung gi rang bzhin med mod kyi/ rgyu dang rkyen gyis bzos mda' dang mdung du byed do// de bas na chos thams cad la rang bzhin yod ces bya bar mi rigs so/ / rigs kyi bu khrod sba ba ltar rus sbal thang las skyes kyang rang bzhin gyis chur 'gro ba dang / be'u 'brangs mthig tu rang bzhin gyis nu'o zhes bya ba de yang mi rung ngo // de ci phyir zhe na/ chur 'gro ba rgyu dang rkyen ma yin la/ gnyis ka rgyu dang rkyen ma yin par 'dra na/ ci'i phyir me'i nang du mi 'gro// be'u 'brangs ma thag tu rang bzhin gyis nub rgyu dang rkyen ma yin par 'dra bas/ ci'i phyir rA la mi nu/ rigs kyi bu ci ste chos thams cad la rang bzhin yod de/ bstan cing bslabs kyang skyed dpogs med do zhes smra na yang mi rung ngo // de ci'i phyir zhe na/ da ltar bstan cing bslabs pa las skyed dpogs yod par snang ste/ de bas na rang bzhin zhes bya ba med par rig par bya'o// rigs kyi bu ci ste chos thams cad la rang bzhin/ zhes bya ba yod na/ bram ze thams cad lus kyi las yang dag par bya ba'i phyir lus bsad de lha rjed pa'i mi rigs so// ci ste rjed pas dag par 'gyur na/ rang bzhin yang med par rig par bya'o/ / rigs kyi bu 'jig rten gyi smra ba'i chos la rnam pa gsum ste/ bya ba dang / byed pa dang / byas pa'o// ci ste chos thams cad la rang bzhin yod na/ ci'i phyir 'jin

  543. 272b

    rten na rnam pa gsum du btags par gyur/ rnam pa gsum du btags pa las na/ thams cad la rang bzhin med par mngon no// rigs kyi bu ci ste chos thams cad la rang bzhin yod na/ chos thams cad la so sor nges pa'i rang bzhin yod par 'gyur ro// ci ste gcig tu chad pa'i nges pa'i rang bzhin yod na/ bu ram gyi shing las ci'i phyir skom dang / sha ka ra dang / bu ram dang / chang dang / kha ba'i chang du 'gyur/ ci ste rang bzhin gcig na/ ci'i phyir dngos po de dag byung bar gyur/ ci ste dngos po gcig pu las de lta bu dag byung na/ chos thams cad la rang bzhin gcig tu nges te/ so so'i rang bzhin gcig tu mi rung bar rig par bya'o// rigs kyi bu ci ste chos thams cad byazhin gcig tu nges na/ ci'i phyir 'phags pa dag bu ram gyi shing gi skom dang / sha kha ra dang / bu ram gyi tshe btung du rung la/ chang gi tshe btung du mi rung zhing / phyir yang kha ba'i chang du gyur pa na btung du rung / de bla na nges pa'i rang bzhin med par rig par bya'o/ / ci ste nges pa'i rang bzhin med na/ rgyu dang rkyen las ma gyur ces byar ga la rung / rigs kyi bu khyod kyis chos thams cad la rang bzhin yod do zhes bya ba ji lta bur dpe bstan du rung / ci ste dpe brjod du yod na chos thams cad las rang bzhin med par rig par bya'o// ci ste rang bzhin yod na ni dpe byar med par rig par bya'o// 'jig

  544. 273a

    rten nas pas pa shes can ni dbartson te/ debasan rnam thams pad rang bzhin med pa dang / rang bzhin gcig tu nges pamed par mi par byag// rigs kyi khrod d+hA/ bskar lus rdza'am/ nyon mongs pa lnga zhes bya ba de yang mi rungango // de ci'i phyir zhe nA/ tsi ste ngas lus lnga'o zhes brjod na ni/ khyod kyisang dang 'thun mon 'am/ lus mi smra'on brgal du yang rung na/ rigs kyi bu sems can thams cad kyi lus dang nyon mongs pa ni gnyis ka snga phyi med de/ dus gcig tu yod do// de ltar dus gcig tu yod mod kyi/ 'on kyang nyon mongs pa'i rgyu las lus yod par 'gyur gyis/ lus kyi rgyu las nyon mongs par 'gyur ba ni ma yin no// ci khyod kyi yid la dper na mi'i mig gnyis kyang dus gcig tu thob ste/ gcig la gcig mi bltos pa ni/ g.yas pa g.yon pa la mi bltos la/ g.yon pa yang g.yas pa la mi bltos pa dang 'dra bar nyon mongs pa dang lus kyang de dang 'dra bar sems na de yang mi rung ngo / / de ci'i phyir zhe na/ rigs kyi bu 'jig rten na mig gis bltar snang ba/ me mar gyi snying po dang snang ba gnyis dus gcig tu yod mod kyi/ snying po'i rgyus snang bar gyur snying po med pa las snang ba ni ma yin no/ / rigs kyi bu ci khyod kyi yid la lus mi snga bas rgya med par sems na/ de yang mi rung ngo // de ci'i phyir zhe na/ ci ste lus snga bas

  545. 273b

    d+hu dang rkyen med pa'i phyir med pa zhes bya na wA/ khyodan kyang chos thams cad lar+g+ha dang rkyen med do zhes sba ba'i mi rigs so// ci ste ltar mi snang ba'i phyir de skad ces mi spun yang/ da ltar / ma la sogs pa rgyu dang rkyen las byung bar mngon sum du ltar snang na/ ci'i phyir de skad ces mi smra ji ltar rdza ma dang 'dra bar/ lus snga ba'i rgyu dang rkyen yang de bzhin du rig par bya'o// rigs kyi du snang yang rung / mi snang yang rung / chos thams cad rgyu dang rkyen las byung gi/ rang bzhin med do// rigs kyi bu ci ste chos thams cad la rang bzhin yod do// rgyu dang rkyen med do zhes smra na/ khyod ci'i phyir chen po lnga yod do zhes smra/ chen po lnga'i rang bzhin nyid ni rgyu dang rkyen yin no// rigs kyi bu chen po lnga'i rgyu dang rkyen ni de lta bu yin mod kyi/ chos thams cad kyang chen po lnga'i rgyu dang rkyen du mthun no zhes smra ba'i mi rigs so// dper na 'jig rten gyi gtam du rab tu byung ba thams cad ni/ tshul khrims bsrung ba la brtson pa yin pas/ gdol pa la sogs pa yang de bzhin du tshul khrims bsrung ba la brtson pa yin no zhes brjod pa dang 'dra bar 'gyur ro// rigs kyi bu khyod smra ba ltar chen po lnga la nges pa'i rang bzhin yod do zhes smra ba ni/ ngas bltas na rang bzhin de ni 'gyur ba ste/ nges pa ma yin no// rigs kyi bu khyod kyi chos la mar dang / spra tshol dang /

  546. 274a

    rtsi las zhes bya ste/ khyod kyis sa zhes btags pa de ni ma nges te/ bar bar ni chu lta bur yang btub/ bar bar ni sa lta bur yang btub ste/ de bas na rang bzhin/ gyis sra ba'o zhes byar mi rung ngo // rigs kyi bu khyod kyi chos la tshon mo steng dang / zha nye dang / zangs dang / lcags dang / gser dang / dngul la me'o zhes bya ba de la rang bzhin bzhi yod de/ 'bab pa'i tshe ni chu zhes bya/ g.yo ba'i tshe ni rlung zhes bya/ tsha ba'i tshe nr-i me zhes bya/ sra ba'i tshe ni sa zhes bya/ ci'i phyir de la nges par me'i rang bzhin no zhes gdags/ rigs kyi bu chu'i rang bzhin 'bab pa ste/ gal te chu 'khyags kyang de la sa zhes mi bya'i/ 'on kyang chu zhes bya'o// de ci'i phyir zhe na/ dba' rlabs g.yo ba'i tshe rlung / mi bya'o// de ltar g.yo ba la rlung zhes mi bya na/ 'khyags kyang chu ma yin zhes byar mi rung ngo // de ltar dngos po gnyis po yang rgyu dang rkyen las gyur na/ ci'i phyir chos thams cad rgyu dang rkyen las ma gyur ces smra/ rigs kyi bu ci ste dbang po lnga rang bzhin gyis mthong ba dang / thos pa dang / tshor ba dang / shes pa dang / reg bya yang rang bzhin yin te/ rgyu dang rkyen las ma gyur to zhes bya ba mi rung ngo // de ci'i phyir zhe na/ rigs kyi bu rang bzhin nyid kyi rang bzhin mi 'gyur ba zhig yin na/ mig gi rang bzhin mthong ba yang rtag tu mthong ba'i/

  547. 274b

    rigs te/ mthong ba dang mi mthong ba'i dus kyang med pa'i rigs so// de bas na rgyu dang rkyen gyis mthong gi/ rgyu dang rkyen med pa la ma yin par rig par bya'o// rigs kyi bu khyod sba ba ltar 'dod chags skye ba dang / rnam par grol ba ni yul lnga'i rgyu las ma yin no zhes bya ba de yang mi rung ngo // de ci'i phyir zhe na/ rigs kyi bu 'dod chags skye ba dang / rnam par grol ba yul lnga po'i rgyu las ma gyur mod kyi/ mi dge ba rnam par rtog pa'i phyir 'dod chags skye'o// dge bar rnam par rtog pa'i phyir rnam par grol bar 'gyur ro// rigs kyi bu nang gi rgyu dang rkyen gyis 'dod chags skye ba dang / rnam par grol bar 'gyur ro// phyi rol gyi rgyu dang rkyen gyis skye zhing rgyas par 'gyur ro// de bas na khyod chos thams cad la so so'i rang bzhin yod de/ 'dod chags skye ba dang / rnam par grol ba yang yul lnga rgyu las ma yin no zhes bya ba de mi rung ngo // rigs kyi bu khyod smra ba ltar dbang po rnams dang ldan pa rnams ni dbul 'phongs la dbang yang med/ dbang po dang mi ldan zhing nyams pa ni longs spyod che zhing dbang dang ldan te/ de las bltas na yang rang bzhin yod de/ rgyu dang rkyen las ma yin no zhes bya ba de mi rung ngo // de ci'i phyir zhe na/ sems can ni las las 'bras bu rnam par min te/ de ltar 'bras bu rnam par smin pa yang rnam pa gsum te/ mngon sum du smin pa dang / skyes nas smin pa dang / bris smin

  548. 275a

    pa'o/ / dbul 'phongs pa dang / drug skyid pa dang / dbang po dang ldan pa dang mi ldan pa yang so snga'i las yin no// rang bzhin yod na dbang po dang ldan pa ni mongs spyod ba'i rigs/ longs spyod che ba ni dbang po dang ldan pa'i rigs te/ da de ltar ma gyur pas/ de bas na nges par rang bzhin med de/ d+h+rU dang chen las thar to// rigs kyi mthod sru ba ltan / rten na byis pa shed ma bye ba yul lnga po bye brag ni mi phyed pas/ bar bar ni du bar bar ni dgod de/ de bas na thams cad la rang bzhin yod do zhes bya ba de yang mi rung ngo // de ci'i phyir zhe na/ ci ste rang bzhin yod na/ dgod pa yang rtag tu dgod/ ngu ba yang rtag tu ngu ba'i rigs te/ res 'ga' ni dgod/ res 'ga' ni ngu ba'i mi rigs so// de ltar res 'ga' ni dgod res 'ga' ni du ba las na thams cad rgyu dang rkyen las 'gyur bar rig par bya ste/ de bas na chos thams cad la rang bzhin yod de/ rgyu dang rkyen las ma yin no zhes bya ba mi rigs so// kun tu rgyus gsol pa/ bcom ldan 'das gal te chos thams cad rgyu dang rkyen las byung ba yin na/ lus 'di'i rgyu dang rkyen gang las byung / bcom ldan 'das kyis bka' stsal pa/ rigs kyi bu lus 'di'i rgyu dang rkyen ni nyon mongs pa dang las so/ / kun tu rgyus gsol pa/ bcom ldan 'das lus 'di nyon mongs pa dang las las gyur na/ nyon mongs pa dang las 'di

  549. 275b

    gcad du rung ngam/ bcom ldan 'das kyis bka' stsal pa/ de de bzhin no// de de bzhin no// kun tu rgyus yang gsol pa/ bcom ldan 'das bdag la rnam par phye ste bstan pas// bdag gis thos nas gnas 'di nyid las ma g.yos par yongs su chod par mdzad du gsol/ bcom ldan 'das kyis bka' stsal pa/ rigs kyi bu gal te mtha' gnyis shes la/ dbu ma la thogs pa med na/ gang zag des ni nyon mongs pa las yongs su chod par 'gyur ro// kun tu rgyus gsol pa/ bcom ldan 'das bdag gis ni shes shing rtogs te/ dam pa'i chos la / chos kyi mig rnam par dag go// bcom ldan 'das kyis bka' stsal pa/ ji lta bur shes shing rtogs/ gsol pa/ bcom ldan 'das mtha' gnyis ni gzugs dang gzugs kyi rnam par grol ba'o/ / dbu ma zhes brtsi ba ni 'phags pa'i lam brgyad do// tshor ba dang / 'du shes dang / 'du byed dang / rnam par shes pa yang de bzhin rgyas par ro// bcom ldan 'das kyis bka' stsal pa/ legs so legs so// rigs kyi bu mtha' gnyis shin tu rtogs te/ nyon mongs pa'i las yongs su chod do// gsol pa/ bcom ldan 'das bdag rab tu zung zhing bsnyen par rdzogs par gsol lo/ / bcom ldan 'das kyis legs par 'ongs so zhes bka' stsal nas dge slong du gyur to// de'i tshe khams gsum gyi nyon mongs pa kun tu chod nas

  550. 276a

    dam bcom pa'i 'bras bu thob par gyur to/ / gzhan yang bram ze shin tu rgyas pa zhes bya bas yang 'di skad ces gsol to// koT ta ma bdag ci sems pa mkhyen na// bcom ldan 'das kyis bka' stsal pa/ rigs kyi bu mya ngan las 'da' ba ni rtag pa'o// 'dus byas ni mi dag pa'o// yon po ni ngan par lta ba'o// drang po ni 'phags pa'i lam so// bram zes gsol ba/ go'u ta ma ci'i rgyu ci'i rkyen gyis de skad ces gsungs bka' stsal pa/ rigs kyi bu khyod kyi yid la bsod snyoms byed pa ni rtag pa/ mgron du bos pa ni mi rtag pa/ yon po ni thar ram/ drang po ni rgyal mtshan no snyam sems te/ de bas na mya ngan las 'das pa ni rtag pa'o// 'dus byas ni mi rtag pa/ yon pa ni ngan par lta ba/ drang po ni 'phags pa'i lam brgyad de/ khyod kyi sngon sems pa lta bu ni ma yin no// bram zes gsol pa/ go'u ta ma bdag gis bsamasas pa yang dag par mkhyen to// 'phags pa'i lam brgyad kyis sems can thams cad rnam par grol bar 'gyur ram/ de'i tshe bcom ldan 'das cang mi gsung ste lan ma btab bo// bram zes gsol pa/ go'u ta ma bdag gis bsams pa mkhyen na/ ci'i slad du bdag gis zhus pa'i lan ma gnang nas cang mi gsung bar bzhugs de nas tshe dang ldan pa kun shes ko'u di rgyas 'di skad ces smras so/ / bram ze chen po gal te 'jig rten na mtha' yod dam mtha' med ces

  551. 276b

    'dri na/ de bzhin gshegs pa chos nyid kyis cang mi gsung ste lan mi 'debs so// 'phags pa'i lam brgyad ni drang po'o// mya ngan las 'das pa ni rtag pa'o// gal te 'phags pa'i lam brgyad la nan tan byas na/ rnam par grol ba thob par 'gyur ro// ci ste nan tan ma byas na thob par mi 'gyur ro// bram ze chen po dper na mkhar chen po zhig ngos bzhin thar pa'i khung dang lam med de/ sgo gcig tu yod na de'i sgo srungs mkhas pa shes rab dang ldan na/ gang gtang ba'i rigs pa ni gtong ngo // gang gtang ba'i mi rigs pa ni mi gtong ste/ ji snyed rgyu ba grangs nyid mi shes kyang rgyu ba thams cad sgo de las rgyu bar nges par shes so/ / rigs kyi bu de bzhin gshegs pa'i yang de dang 'dra ste/ mkhar ni mya ngan las 'da' ba'i dpe'o// sgo ni 'phags pa'i lam brgyad kyi depe'o/ / sgo srungs ni de bzhin gshegs pa'i dpe'o// rigs kyi bu de bzhin gshegs pas zad pa dang mi zad pa'i lam ma gsungs mod kyi/ ji tsam du pad par 'gyur ba de ni 'phags pa'i lam brgyad nan tan byed pa las 'gyur ro/ / bram zes smras pa/ legs so legs so// btsun pa ko'u di n+ya de bzhin gshegs pa dam pa'i chos ston pa la shin tu mkhas so// bdag kyang mkhar dang lam shes shing sgo rlung lta bur 'dod do/ / go'u di nas smras pa/ legs so// zam be bla na med pa rgya che ba'i sems bskyed pa legs so// bcom ldan 'das kyis bka' stsas pa/ kun shes ko ru rnaM

  552. 277a

    kyad sangs zer gyi/ / rnam pa bad na pa dang de sar sems#da ldan 'das pa'i dusan pang sa rgyas bcom ldan 'das tsha me snyen 'das ma sangs rgyas bcom ldan 'das kun tu 'od ces bya ba/ de bzhin gshegs pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi'i ston pa sangs rgyas bcom ldan 'das 'jig rten du gshegs te/ sangs rgyas de la bla na med pa yang dag par rdzogs pa'i byang chub tu sems bskyed nas/ bskal pa bzang po 'dir mngon par sangs rgyas te/ chos kyi mtshan nyid khong du chud cing rtogs nas yun ring mod kyi/ sems can gyi phyir mu stegs can du ston te mi shes pa ltar byed do/ / de bas na ko'u di n+ya khyod bla na med pa'i sems bskyed pa legs so legs so zhes ma zer cig/ de'i tshe bcom ldan 'das mkhyen bzhin du tshe dang ldan pa ko'u di n+ya la/ dge slong dga' bo da ltar ga na 'dug ces bka' stsal to// tshe dang ldan pa ko'u di n+yas gsol pa/ bcom ldan 'das dge slong dga' bo ni de ltar shing sA la'i tshal 'di nas dpag tshad bcu gnyis kyi pha rol na bdud drug khri brgyad stong snyed kyis yongs su gtse zhing mchis so/ / bdud de rnams de bzhin gshegs pa'i gzugs su sprul nas/ la la ni chos thams cad

  553. 277b

    rten cing 'brel te byung ba yin no zhes smra/ la la ni chos thams cad rten cing 'brel te byung ba ma yin no zhes smra/ la la ni rten cing 'brel te chos thams cad rtag pa yin no zhes smra/ la la nirten cing 'brel te byung ba rtag pa ma yin no zhes smra/ la la ni phung po lnga bden pa yin no zhes smra/ la la ni rgyu ma yin no zhes smra ste/ de bzhin du skye mched dang / khams dang rgyas par ro/ / la la ni rten cing 'brel te byung ba yod do zhes smra/ la la ni rkyen bzhi 'ba' zhig yod do zhes smra/ lA la ni chos thams cad sgyu ma lta bu dang / sprul pa lta bu dang / sdig rgyu lta bu zhes sla/ la la ni thos pa'i rgyu las chos thob bo zhes smra/ la la ni bsams pa'i rgyu las chos thob bo zhes smra/ la la ni bsgoms pa'i rgyu las chos thob bo zhes smra la la ni mi sdug pa yang dag par rtog pa'i chos smra/ la la ni dbugs phyi nang rgyu ba'i chos su/ la la ni dran pa nye bar gzhag pa bzhi yang dag par rtog pa smra/ la la ni yang dag pa'i don gsum dang thabs mkhas pa bdun po smra/ la la ni drod dang / spyi bo dang / zod pa dang / 'jig rten mchog gi chos dang / slob pa dang / mi slob pa dang / byang chub sems dpa'i sa dang po nas/ sa bcu ba'i bar sla'o// la la ni stong pa nyid dang / mtshan ma med pa dang / smon pa med pa smra/ la la ni mdo'i sde dang / dbyangs kyis bsnyad pa'i sde dang

  554. 278a

    tshigs su bcad pa'i sde dang / lung bstan pa'i sde dang / ched du brjod pa'i sde dang / da ltar dang 'das pa'i sde dang / skyes pa'i rabs kyi sde dang / gleng gzhi'i sde dang rtogs pa brjod pa'i sde dang / rmad du byung ba'i sde dang shin tu rgyas pa'i sde dang / gtan la bab par bstan pa'i sde yang sba'o// la la ni dran pa nye bar gzhag pa bzhi dpa/ / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad sba'o// la la ni nang stong pa nyid dang / phyi stong pa nyid dang / phyi nang stong pa nyid dang / 'dus byas stong pa nyid dang / 'dus mabyas stong pa nyid dang / thog ma dang tha ma med pa stong nyid dang / rang bzhin stong pa nyid dang / dor ba med pa stong pa nyid dang / mi dmigs pa stong pa nyid dang / rang gi mtshan nyid stong pa nyid dang / mtshan ma med pa stong pa nyid dang phung po stong pa nyid dang / khams stong ba dang / skyes mched stong pa dang / dge ba sbyong pa dang / mi dge ba stong pa dang / lung du mi ston pa stong pa dang / byang chub song pa dang / lam rtsa nganams 'da' ba thong ba dang / spyod pagong pa dang / thob paspong bdang / don dam pa stong pa dang / stong pa nyid stong pa nyid dang / chen po

  555. 278b

    nyid kyang ston to/ / la la ni mngon par shes pa ston te/ lus las chu dang me 'byung ste/ lus kyi stod na chu 'bab na/ lus kyi slad na me 'bar/ lus kyi slad na chu 'bab na/ lus kyi stod na ma 'bar/ mtshan g.yas pa 'og tu phab na/ mtshan g.yon nas chu 'byung / mtshan g.yon pa 'og tu phab na/ mtshan g.yas nas chu 'byung / mchan khung gcig nas 'brug bsgrags na/ mchan khung gcig nas char 'bab pa ston to// la la ni sangs rgyas kyi zhing mang po yang ston to// la la ni byang chub sems dpa' thog ma lhums nas bltams nas gom pa bdun bdun gshegs pa dang / pho zang na 'dod pa lnga la longs spyod pa dang / thog ma rab tu byung nas dka' ba mdzad pa dang / byang chub kyi shing drung du gshegs te ting nge 'dzin du zhugs pa dang / bdud kyisde rnams phab nas chos kyi 'khor lo bskor ba dang / rdzu 'phrul chen po bstan nas yongs su mya ngan las 'da' ba yang ston to// bcom ldan 'das dge slong dga' bos de lta bu'i dngos po dag mthong nas de yid la 'di snyam du/ rdzu 'phrul spun ma mthong ba 'di dag sus byas/ bcom ldan 'das shAkya thub sa mdzad pa ma yin nam snyam sems te/ langs sam/ sba 'am gyi bgyi ba'i gtol ma mchis so/ / dge slong dga' bo ni bdud kyi zhags pas zin pas yang 'di snyam du/ sangs rgyas bcom ldan 'das rnams kyis gsungs pa nos sor mi mthun na/ bdag

  556. 279a

    gis dgang du gzung snyam sems so/ / bcom ldan 'das dge slong dga' bon de ltar sdug bsngal chen po myong ste/ de bzhin gshegs pa yid la dran yang dpung gnyen du 'gyur pa ma mchis pas/ 'khor gyi dkyil 'khor 'dir ma mchis pa lags so// de'i tshe byang chub sems dpa' sems dpa' chen po 'jam dpal gzhon nur gyur pas/ bcom ldan 'das la 'di skad ces gsol to/ / bcom ldan 'das 'khor gyi dkyil 'khor 'di na byang chub sems dpa' bla na med pa yang dag par rdzogs pa'i byang chub tu sems bskyed nas skye ba gcig lon pa dang / byang chub tu sems bskyed nas skye ba tshad med pa snyed lon te/ sangs rgyas tshad med pa snyed la mchod pas mchod pa sems shin tu brtan pas/ sbyin pa'i pha rol tu phyin pa spyod pa yongs su rdzogs pa nas/ shes rab kyi pha rol tu phyin pa'i bar du yongs su rdzogs te yon tan dang ldan pa/ yun ring po nas sangs rgyas tshad med pa snyed la bsnyen bkur bgyis nas tshangs par spyod pa yongs su dag pa dang / byang chub kyi sems las phyir mi ldog pa dang / phyir mi ldog pa'i bzod pa thob pa dang / phyir mi ldog pa'i gzungs thob pa dang / chos kyi bzod pa thob pa dang / dpa' bar 'gro ba'i ting nge 'dzin la sogs te/ ting nge 'dzin tshad med pa thob pa 'di dag gis/ theg pa chen po'i mdo sde la nam du yang the tsom mi 'byung zhing

  557. 279b

    dkon mchog gsum mtshan nyid gcig pa dang / rtag pa dang / gnas pa dang / mi 'gyur mi 'pho ba rnam par 'byed cing ston pa la yang shin tu mkhas te/ bsam gyis mi khyab pa ni/ chos thos na yang ngo mtshar rmad du mi 'dzin la/ stong pa nyid rnam pa mang po thos kyang sems mi zhum mi skrag pas/ chos thams cad kyi mtshan nyid kyang mngon du rtogs par bgyid/ mdo sde bcu gnyis kyang 'dzin cing don la yang shin tu mkhas te/ de ma lags pa sangs rgyas tshad med pa snyed kyi mdo sde gsung rab bcu gnyis kyang 'dzin nus pa mchis na/ ci'i slad du yongs su mya ngan las 'das pa'i chos kyi rnam grangs 'di 'dzin mi nus snyam dgongs nas/ ko'u di n+ya la dge slong dga' bo ga re zhes bka' stsal pa/ de nas bcom ldan 'das kyis/ 'jam dpal la 'di skad ces bka' stsal to/ / legs par nyon la shin tu yid la zung zhig/ rigs kyi bu mngon par sangs rgyas nas lo sum cu lhag lon te rgyal po'i khab na bzhugs pa na/ de'i tshe de'i dus na ngas dge slong rnams la 'di skad ces bka' stsal to/ / dge slong dag khyed la su zhig gis de bzhin gshegs pas gsungs pa'i mdo sde bcu gnyis 'dzin cing / nga'i g.yog kyang byed la bdag gi don yang byed nus shes bka' stsal pa dang / 'khor gyi nang nas tshe dang ldan pa kun shes ko'u di n+yas/ nga la 'di skad ces gsol to// bdag gis ni de bzhin gshegs pas gsungs

  558. 280a

    pa'i gsung rab bcu gnyis 'dzin cing / de bzhin gshegs pas mdzad pa'i g.yog dang / bdag gis don yang bgyid nus so zhes gsol to// de la ngas 'di skad ces kA' stsal to/ / kaT kyil khrod na ba nas 'cho rten pam sbyin sa na/ da kyis sa / d+hI/ denas shA ri'i bram gnas / bdug gis ni ga sa nas thams 'dzin cing mdzad pa thams cad kyis g.yog kyang bgyid la/ bdag gi don yang bgyid nus so zhes gsol to// de'i tshe shA ri'i bu la yang khyod nyid kyang rgas 'khogs te/ nga'i g.yog ji ltar bya zhes bka' stsal pa nas/ dgra bcom pa lnga brgya'i bar du gsol nas/ ngas sa gnang ba ni de bzhin du rgyas par rin par bya'o// de'i tshe mo'u 'gal yan 'khor de'i nang na 'dus paran+d+ha / de med la 'di snyam du ba sams so// de bzhin gshegs pas dge slong lnga brgya po gang yang g.yog tu ma gnang na/ bcom ldan 'das thugs gang la tad snyam pa sams te/ ting nge 'dzin maM rnams par zhug / de bzhin gshenas pa'i thugs dga' bo mad ces pa ni/ des nyis chogs shar na nu thams kyi cig rjem la snang ba dang 'dra bar sems kyis rtogs mas/ na / 'am da she na @

  559. 280b

    de rgyas dgra bcom pa lnga brgya dang bcas te dka' bo gan par song nas/ dga' bo la 'di skad ces smras so// dga' bo khyod de bzhin gshegs pa'i zhabs 'bring du bsgos kyi/ bzod pa long zhig/ dga' bos smras pa/ btsun pa bdag gis ni de bzhin gshegs pa'i zhabs 'bring bgyid pa'i rngo mo thog go// de ci'i phyir zhe na/ de bzhin gshegs pa ni seng ge'i rgyal po 'am/ klu 'am me lta bur byin che ba lags te/ bdag ni shin tu yang zhan pas zhabs 'bring bgyid pa'i rngo mi thog go// dge slong rnams kyis smras pa/ dga' bo khyod nged kyi bsgo ba bzhin du de bzhin gshegs pa'i zhabs 'bring gyis shig/ phan pa dang bde ba chen po thob par 'gyur ro// zhes lan gnyis lan gsum gyi bar du bsgo yang / dga' bos smras pa/ btsun pa bdag ni phan pa dang bde ba chen po yang mi 'tshal te/ de bzhin gshegs pa'i zhabs 'bring yang rngo mi thog go zhes smras so// de nas mo'u 'gal gyis/ dga' bo la smras pa/ khyod mi shes so// dga' bos smras pa/ btsun pa bdag la bstan du gsol/ mo'u 'gal gyis smras pa/ de bzhin gshegs pas sngar dge 'dun gyi nang na zhabs 'bring ba btus na/ dgra bcom pa lnga brgyas zhabs 'bring du gsol kyang / de bzhin gshegs pas ma gnang ste/ bdag gis ting nge 'dzin du zhugs te bltas na/ de bzhin gshegs pa'i thugs khyod la dgyes par rtogs na/ khyod ci'i phyir mi 'atub/

  560. 281a

    dga' bos de skad ces sbas pa thos nas/ thal mo sbyar te pus mo btsugs nas 'di skad ces smras so// btsun pa ci ste de lta bu zhig lags na/ de bzhin gshegs pas bdag gi gsol ba rnam pa gsum zhig gnang na/ bdag gis dge 'dun gyi bka' bzhin du/ de bzhin gshegs pa'i zhabs 'bring bgyi'o zhes smras so// mo'u 'gal gyis smras pa/ khyod ci dang ci 'dod/ dga' bos smras pa/ bdag gi 'dod pa gsum ni/ ci ste de bzhin gshegs pas na bza' rnying pa bdag la stsal na/ bdag mi 'tshal du gnang ba dang / ci ste de bzhin gshegs pa sbyin bdag gi der gshegs na/ bdag mi mchi ba dang / bdag dus ma mchis par gar yang mchir gnang na/ bdag gis dge 'dun gyi bka' bzhin du/ de bzhin gshegs pa'i g.yog bgyi'o/ / de nas ko'u di n+ya dang / dge slong lnga brgya po rnams phyir nga gang na bar lhags nas/ nga la 'di skad ces gsol to// bdag cag gis dge slong dga' zol bzhon/ smon pa rnam pa 'di gsum gnang na/ bdag gis dge 'dun gyi bka' bzhin du 'gyi'o zhes mchi'o// 'jam dpal ngas de'i tshe na dga' bo la shin tu legs so legs so zhes bya ba byin no/ / dge slong dga' bo ni shes rab dang ldan pas dpyas su 'gyur ba snga nas shes so// de ci'i phyir zhe na/ gang zag dag khyod ni gos nas zas kyi phyir de bzhin gshegs

  561. 281b

    ba'i g.yog byed zhes smra bar 'gyur te/ de bas na na bza' rnying pa mi 'dod cing mgron du mi 'gro'o zhes smras pa yin no// ko'u di n+ya dge slong dga' bo ni shes rab dang ldan pas ci ste 'gro ba la dus dang tshod bzung na/ 'khor bzhi po la phan pa dang bde ba'i don rgyas par byed mi nus te/ de bas na 'gro ba la dus med par gsol ba yin no// ko'u ni n+ya ngas ni dga' bos gsol pa gsum po yid bzhin du gnang ngo / / de nas mo'u 'gal phyir dge slong dga' bo'i gan du song ste/ dga' bo la 'di skad ces smras so// khyod kyis gsol ba rnam pa gsum po kho bos gsol nas/ de bzhin gshegs pa thugs rje chen pos thams cad gnang ngo // dga' bos smras pa/ btsun pa gal te bcom ldan 'das kyis gnang na bdag gis g.yog bgyi'o zhes spras so/ / 'jam dpal dga' bos nga'i g.yog lo nyi shu lhag cig byas te/ bsam gyis mi khyab pa'i rnam pa brgyad dang ldan no// brgyad gang zhe na/ 'di lta ste/ lo nyi shu lhag gi bar du nga'i g.yog byas kyang nga'i phyi bzhin mgron du mi 'gro ba yin/ nga'i g.yog byas nas da tsam gyi bar du na bza' rnying pa mi 'dod pa yin/ nga'i g.yog byas nas nga'i drung du 'ong ba na dus ma yin par mi 'ong ba yin/ nga'i g.yog byed de nyon mongs pa dang ldan yang nga'i zhabs 'bring du rgyal po'i pho brang dang / rigs chen po btsun pa'i gnas su phyin te bu mo bzang mo dang /

  562. 282a

    lha dang klu'i bu mo mthong yang 'dod pa'i sems mi skye ba yin/ nga'i g.yog byas nas ngas gsungs pa'i mdo sde bcu gnyis bzung nas/ lan cig thos nas phyir 'dri mi srid de ji ltar snod gcig gi nang na chu yod pa snod gcig tu byo ba dang 'dra ba yin te/ 'dri ba gcig ma gtogs pa ni/ rgyal tshab ro bro zhes bya bas shA ka rigs bsad nas grong khyer ser smra ba shi pa na/ dga' bo de'i tshe shin tu mi dga' nas skad chen pos ngus te/ du gang na bar 'ongs nas nga la 'di skad gsol to// de bzhin gshegs pa yang grong khyer 'dir bltams la/ bdag kyang 'dir btsas te shAka rigs su 'thun na/ ci'i slad du de bzhin gshegs pa ni mdangs yod pa'i 'od can du gyur la/ bdag ni mdangs ma mchis par gyur ces gsol nas ngas de la 'di skad ces bka' stsal to/ / dga' bo na ni stong pa'i ting nge 'dzin la nan tan mdzad pas khyod dang mi 'dra ba yin no// de nas lo gsum 'das nas phyir nga la 'di skad ces zhus so// bcom ldan 'das bdag sngon grong khyer ser sbyar de bzhin gshegs pa la stong pa'i ting nge 'dzin zhus pa bden nam rdzun zhes zhus nas/ ngas dga' bo la de de bzhin no// de de bzhin no// zhes bka' stsal pa yin/ nga'i g.yog byas nas pha rol gyi sems shes pa'i ye shes ma thob mod kyi/ de bzhin gshegs pa'i ting nge 'dzin gang las zhugs pa shes pa yin/ nga'i g.yog byas nas

  563. 282b

    rnon lam gyi ye shes ma thob mod kyi/ sems can gang de bzhin gshegs pa'i spyan sngar phyin na dge sbyong gi 'bras bu mngon sum du thob pa dang / phyis thob par 'gyur ba dang / lha dang mi'i lus gang gis thob pa mngon du rtogs pa yin/ nga'i g.yog byas nas de bzhin gshegs pas dgongs te gsungs pa thams cad khong du chud cing rtogs pa yin no// rigs kyi bu dge slong dga' bo ni de ltar bsam gyis mi khyab pa'i chos brgyad dang ldan te/ de bas na dge slong dga' bo ni mang du thos pa'i mdzod yin no zhes grags so// rigs kyi bu dge slong dga' bo ni chos rnam pa brgyad dang ldan pas de bzhin gshegs pas gsungs pa'i mdo sde bcu gnyis 'dzin par 'gyur ro/ / brgyad gang zhe na/ 'di lta ste/ dad pa'i dbang po shin tu brtan pa dang / shin tu drang ba dang / lus la nad med pa dang / brtson 'grus dang ldan pa dang / dran pa dang ldan pa dang / nga rgyal med pa dang / ting nge 'dzin dang shes rab tu ldan pa dang / thos pa la shes rab skye ba dang ldan pa yin te/ 'jam dpal sangs rgyas rnam par gzigs kyi nye gnas mya ngan med ces bya ba yang 'di bzhin du chos brgyad dang ldan no// de bzhin gshegs pa gtsug tor gyi nye gnas tsa ba ka dang / sangs rgyas thams cad skyob kyi nye gnas u pa shan ta dang / sangs rgyas log pa dang sel gyi nye gnas pad de zhes bya ba dang / sangs rgyas gser thub bsod skyabs kyi nye gnas so/

  564. 283a

    zhes bya ba dang / sangs rgyas 'od sru kyi/ gnas sa pa mi t+ta zhes b+ha ba dang / thams cad chos brgyad dang ldan te/ da ltar nga'i dga' bo yang chos brgyad dang ldan no/ / de bas na dge slong dga' bo ni mang du thos pa'i mdzod ces grags so// rigs kyi bu khyod smra ba ltar/ 'khor gyi dkyil 'khor 'di na byang chub sems dpa' tshad med mtha' yas pa zhig 'dus mod kyi/ byang chub sems dpa' de dag kyang byams pa chen po dang / snying rje chen pos byed dka' byed de/ de ltar byams pa dang / snying rje'i dbang gis so so na las yod la/ 'khor rnams 'dul ba dang / lus rgyan pa'i las byed de/ de bas na nga yongs su mya ngan las 'das na/ mdo sde bcu gnyis rgyas par sgrog mi nus so// ci ste byang chub sems dpa' bar bar sgrogs na yang gzhan dag yid mi ches so// 'jam dpal dge slong dga' bo ni de'i gcung yin te/ lo nyi shu lhag gi bar du nga'i g.yog byas nas/ ci thos pa thams cad yongasu 'dzin pa ni/ ji ltar snod gcig gi chu gcig gi nang du bya ba bzhin no// de bas na ngas dga' bo ga re zhes dris te/ yongs su mya ngan las 'da' ba'i mdo sde 'di 'dzin du bzhugs pa'i phyir bos so/ / dge slong dga' bos gang ma thos pa'i rnams kyang / byang chub sems dpa' rnams la shin tu rgyas par ston te/ dga' bos ci thos pa thams

  565. 283b

    cad khong du chud cing rtogs par 'gyur ro/ / 'jam dpal dge slong dga' bo ni da ltar 'di nas dpag tshad bcu gnyis kyi pha rol gnas gzhan zhig na/ bdud drug khri bzhi stong snyed kyis rnam pabapar gtse zhing 'dug gis/ khyod song la skad chen pos bdud rnams la legs par nyon cig/ legs par nyon cig/ de bzhin gshegs pas gsungs pa'i gzungs chen po ni 'di yin no zhes sgo zhig/ lha dang / klu dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / ri'i lha dang / shing gi lha dang / chu'i lha dang / rgya mtsho'i lha dang / khyim gyi lha la sogs te/ lha thams cad kyis gzungs kyi ming 'di thos pa tsam gyis bsti stang mi byed pa 'am/ gzungs mi 'dzin pa gang yang med do// gzungs 'di ni sangs rgyas gang+gA'i klung bcu'i bye ma snyed kyis gsungs te/ bud med kyi lus spong zhing sngon gyi gnas dran par 'gyur ro/ / gal te tshangs par spyod pa dang / sha mi za ba dang / chang mi 'thung ba dang / dku bag mi za ba dang / gnas dben pa la dga' ba dang / rnam pa 'di lnga ltar byas dad pa'i sems kyis gzungs 'di klog gam/ 'don tam/ glegs bam du 'drin/ gang zag des ni sdig pa mi dge ba'i las khrag khrig bdun cu rtsa bdun las 'das par

  566. 284a

    'gyur ro/ / de nas bcom ldan 'das kyis bka' stsal pa/ sngags la/ a ma le/ bi ma le/ nir ma le/ ma ga le/ ma la/ sa man ta badre/ sha baH/ dan ne/ ba ra maHsA d+ha ne/ ma na se/ a shud te/ bil gyi/ a ma ma le te/ ba la ma mi/ ba lam paswa re/ swa ne pu ne/ ma no la de'i/ de'i tshe 'jam dpal gzhon nur gyur pas/ bcom ldan 'das las gzungs de mnos nas/ dga' bo gang na bar song ste/ bdud rnams la 'di skad ces smras so// bdud kyi 'khor khyed legs par nyon cig/ ngas bcom ldan 'das las mnos pa'i gzungs brjod par bya'o zhes smras so// bdud kyi rgyal pos gzungs 'di thos ma thag tu bla na med pa yang dag par rdzogs pa'i byang chub tu sems bskyed de/ bdud kyi las yongs su spangs nas/ dga' bo yang btang ngo // 'jam dpal gzhon nu dga' bo dang bcas te phyir sangs rgyas gang na bar 'ongs nas phyin pa dang / dga' bos sangs rgyas la phyag 'tshal te phyogs gcig tu 'dug go/ de nas bcom ldan 'das kyis/ dga' bo la 'di skad ces bka' stsal to// shing sA la'i tshal gyi pha rol na kun tu rgyu shin tu bzang po zhes bya ba lo brgya nyi shu lon te/ rgas 'khogs te mngon par shes pa lnga thob kyang nga rgyal ma gtang ste/ 'du shes med 'du shes med min

  567. 284b

    skye mched stengs kyi ting nge 'dzin thob nas/ thams cad mkhyen pa'i ye shes su bzung ste/ mya ngan las 'da' bar 'du shes so// khyod song la shin tu bzang po la 'di skad ces bsgo zhi// de bzhin gshegs pa 'jig rten du byung ba ni me tog u dum bar dang 'dra ste/ do nub nam gyi gung la yongs su mya ngan las 'das/ bya ba yod na dus la bab kyis/ phyis 'gyod pa'i sems skyes sa re zhes gyis shig/ dga' bo khyod kyis bsgo na gdon mi za bar nyan par 'gyur ro// de ci'i phyir zhe na/ khyod sngun skye ba lnga brgya'i bar du shin tu bzang po'i bur skyes te/ dga' zhing 'dod pa'i bag chags da dung ma zad pas/ de bas na khyod kyis bsgo ba'i tshig nyan par 'gyur ro// de nas dga' bo sangs rgyas kyi bka' bzhin du/ shin tu bzang po gang na bar song nas 'di skad ces smras so/ / skyes bu 'di ltar rig par gyis shig/ de bzhin gshegs pa 'jig rten du 'byung ba ni me tog u dum ba ra dang 'dra ste/ dro nub nam gung la yongs su mya ngan las 'da' bar gshegs kyis/ bya ba ci yod pa dadus la bab kyi/ phyis 'gyod pa med par bya'o// shin tu bzang pos smras pa/ legs so// dga' bo bdag de bzhin gshegs pa gang na bar 'gro'o// de nas dga' bo shin tu bzang po dang 'thogs te/ sangs rgyas gang na bar 'ongs nas/ shin tu bzang pos sangs rgyas

  568. 285a

    la bsnyun gsol nas 'di skad ces gsol to/ / go'u ta ma bdag gis zhu ba zhus na 'dag gi bsams pa bzhin du bka' stsal du gsom/ bcom ldan 'das kyis/ bka' stsal pa/ shin tu bzang po dus la bab kyis/ ci dang ci 'dod pa dris shig dang / ngas de dang de'i lan smra bar bya'o// gsol pa/ go'u ta ma dge sbyong dang bram ze dag 'di skad smra ba mchis so/ / sems can thams cad sdug bsngal ba dang bde ba myong ba ni thams cad kyang sngun gyi las lags te/ de bas na gal te tshul khrims bsrung ba la brtson zhing las dang sdug bsngal bar gyur na/ sngon gyi las zad par 'gyur ro// sngon gyi las zad na sdug bsngal zad par 'gyur ro// sdug bsngal zad na mya ngan las 'da' 'o zhes mchi ba'i don ji lta bu lags/ bcom ldan 'das kyis bka' stsal pa/ rigs kyi bu gal te dge sbyong ngam bram ze dag de skad ces smra ba zhig yod na/ de la thugs brtse ba'i phyir yang dang yang de'i drung du gshegs nas/ de la khyod 'di skad ces smra ba bden nam zhes dris te/ gal te des bdag de skad ces smra ba bden no// de ci'i phyir zhe na/ go'u ta ma bdag gis mngon du mthong ste/ sems can kha cig sdig pa mi dge ba'i chos byed la/ longs spyod dang dbang du ldan pa yod do/ kha cig ni dge ba'i las byed kyang dbul 'phongs te dbang dang mi ldan no// kha cig ni

  569. 285b

    las mang du byas kyang nor mi thob la/ kha cig ni ma bsgrubs kyang rang thob bo// kha cig ni byams pa'i sems dang ldan te srog mi gcod kyang tshe thung la/ kha cig ni srog gcod pa la dga' yang / tshe mthar phyin pa yod do// kha cig ni tshangs par spyod pa yongs su dag cing / tshul khrims bsrung ba la brtson pa dag rnam par grol ba thob pa dang mi thob pa yang yod de/ de bas na bdag gis sems can thams cad sdug bsngal dang bde ba mang ba ni sngon gyi las kyi rgyu dang rkyen yin no zhes smra na/ shin tu bzang po de la ngas 'di skad ces 'dri'o// khyod kyis 'das pa'i las yang dag par mthong ngam/ gal te las yod pa zhig yin na/ mang ngam nyung / da ltar dka' thub spyod pas ji tsam zhig med par 'gyur/ las de zad par 'gyur ba zhig gam zad par mi 'gyur/ las de zad par 'gyur na/ thams cad zad dam zhes 'dri'o// ci ste des nga la mi shes so zhes smra na/ ngas de'i phyir dpe 'di bshad par bya'o// 'di lta ste/ dper na mi zhig la dus mangs phog na/ de'i gnyen bshes dag mda' 'byin pa'i sman pa btsal nas mda' phyung na/ de'i lus rab tu bde bar 'gyur te/ phyis lo bcu lon kyang sman pa des mda' phyung nas rma kha sman gyis bskus pas sos par gyur te/ rab tu 'de ba yin no snyam gsol bar dran no// khyod kyis sngon 'das pa'i las kyang mi shes na/ ji ltar da ltar dka' thub spyod pas 'das pa'i las med par byed nus par

  570. 286a

    shes zhes 'dzi'o/ / gal te des yang 'di skad du goSh+Ta ta ma khyod la yang 'das pa'i las yod na/ nga 'bru' zhig 'das pa'i lus la skad du ci zhin med// / tams gsungs pa'i mdo sde las kyang 'di skad ces gsungs te/ phyug cing longs spyod dang ldan la dbang che ba zhig mthong na/ 'di ni sngun sbyin pa byas pa yin no zhes bgyi ba de sngon gyi las yin nam zhes smra na yang / de la ngas 'di skad ces bya'o// de ni rjes su dpag par shes pa yin gyis/ yang dag par shes pa zhes mi bya'o// nga'i bstan pa la kha cig ni rgyu'i dbang gis 'bras bu shes la/ kha cig ni 'bras bu la rgyu shes pa yang yod do// sangs rgyas kyi bstan pa la ni 'das pa'i las kyang yod la/ da ltar gyi las kyi yod de/ khyod ni de lta ma yin gyi/ 'das pa'i las 'ba' zhig yod la/ da ltar gyi las med do// khyod kyi chos ni thabs dang sbyor bas las gcod pa ma yin te/ nga'i bstan pa ni de lta ma yin gyi/ thabs dang sbyor bas gcod do/ / khyod ni las zad na sdug bsngal zad ces zer te/ nga ni de lta ma yin gyi/ nyon mongs zad na las dang sdug bsngal zad par 'gyur te/ de bas na khyod kyi 'das pa'i las la nga sprod pa yin no/ / yang 'di skad du go'u ta ma bdag ni mi shes kyi/ slob dpon gyis 'di skad du bshad de/ bdag mnyes so zhes zer na yang / ngas de la khyod kyi

  571. 286b

    ston pa su yin zhes bya'o/ / des nga'i ston pa ni 'od srungs rdzogs byed yin no zhes zer la/ yang ngas de la khyod ston pa la 'das pa'i las shes sam zhes legs par 'drin ci nyes shes bya'o/ / ci ste khyod kyi ston pa mi shes zer na/ khyod de'i tshig ci'i phyir mnyan ci ste shes zhes smra na yang 'di skad du 'dri'o// sdug bsngal ba'i rgyu tha mas sdug bsngal rab dang 'bring myong bar 'gyur ram/ sdug bsngal gyi rgyu 'bring gis sdug bsngal tha ma dang rab myong bar 'gyur ram/ sdug bsngal gyi rgyu rab kyis sdug bsngal 'bring dang tha mar 'gyur ram zhes 'dri ste/ ci ste mi 'gyur ro zhes smra na/ 'di skad du ston pa khyod ci'i phyir/ sdug bsngal dang bde ba myong ba ni 'das pa'i las 'ba' zhig yin gyi/ da ltar gyi ma yin no zhes smra/ yang 'di skad du da ltar gyi sdug bsngal de 'das pa'i dus kyi las yin nam zhes dris shig/ ci ste 'das pa'i dus nas yod na 'das pa'i las ni thams cad zad pa yin no// tso ste thams cad zad pa zhig yin na/ ci'i phyir da ltar gyi lus 'di myong bar gyur/ ci ste 'das pa'i dus na med la/ da ltar gyi dus 'ba' zhig na yod pa zhig yin na/ ci'i phyir sems can rnams kyi sdug bsngal dang bde ba ni thams cad spun las yin no zhes sba/ khyod kyis gal te da lta dka' thub spyod pas 'das pa'i las med par 'gyur ro zhe na/ da ltar gyi dka' thub spyod

  572. 287a

    cis med par 'gyur/ med par mi 'gyur bzhig yin na/ sdug bsngal ni rtag par 'gyur ro// sdug bsngal rtag pa zhig na/ ci'i phyir sdug bsngal las rnam par grol lo zhes smra/ ci ste spyod pa gzhan zhig gis dka' thub spyod pa med par byed na/ 'das pa ni zad pa yin na/ ji ltar sdug bsngal yod par rung / skyes bu de ltar dka' thub spyod pa de bde ba'i las byas pas sdug bsngal gyi 'bras bu myong bar 'gyur ba yod dam/ sdug bsngal gyi las byas pas bde ba'i 'bras bu myong bar 'gyur ba yod dam/ sdug bsngal yang med// bde ba yang med pa'i las kyi 'bras bu mi myong ba yod dam/ da ltar gyi rnam par smin pa las skyes pa'i rnam par smin par 'gyur ba yod dam/ skye ba'i rnam par smin pa las da ltar gyi rnam par smin par 'gyur ba yod dam/ rnam par smin pa gnyis po las rnam par smin pa med par 'gyur ba yod dam/ nges par rnam par smin pa las rnam par smin pa med par 'gyur ba yod dam/ rnam par smin pa med pa las nges par rnam par smin pa yod dam zhes dris shig/ ci ste go'u ta ma med ces zer na/ ngas yang de la 'di skad ces bya'o// ci ste de ltar mi 'gyur na ci'i phyir dka' thub spyod/ de bas na nges par 'das pa'i chos kyang yod la/ da ltar gyi rgyu dang rkyen yang yod do// de bas na ngas nyon mongs pa'i rkyen gyis las skyes so// las kyi rkyen

  573. 287b

    gyis rnam par smin pa myong bar gyur to zhes gsungs so/ / de bas na sems can thams cad la snga ma 'das pa'i las dang / da ltar gyi rgyu dang rkyen yod par rig par bya ste/ sngun 'das pa'i tshe las yod mod kyi/ da ltar gyi dus kyi zas dang skom gyi rgyu dang rkyen dgos so// skyes bu khyod ci ste so so'i skye bo dag bde ba myong ba dang sdug bsngal myong ba ni/ sngun 'das pa'i las kyi rgyu dang rkyen yin no zhes smra na yang de mi rung ngo / / de ci'i phyir zhe na/ 'di lta ste/ dper na skyes bu zhig rgyal po la dgrar 'gyur ba bsad na/ de'i rgyu de'i rkyen gyis nor dang rin po che mang du thob bo/ / de ltar nor dang rin po che thob pas/ da ltar gyi dus na bde ba myong bar 'gyur te/ de ni da ltar gyi dus su bde bar 'gyur ba'i rgyu byas nas/ da ltar gyi dus su bde ba myong ba yin no/ / 'di lta ste/ dper na mi zhig rgyal po'i sras gang sdug pa zhig bsad na/ de'i rgyu de'i rkyen gyis lus dang srog yal bar 'gyur te/ de ni da ltar gyi dus su sdug bsngal du 'gyur ba'i rgyur byas pas/ da ltar gyi dus su sdug bsngal rnam par smin pa yin no// skyes bu sems can thams cad kyi da ltar gyi dus kyi rgyu ni chen po bzhi dang / dus dang / tshod dang sa dang me las gyur te/ sdug bsngal dang bde ba myong ngo // de bas na sems can thams cad kyi nges par sngun gyi las kyi sdug bsngal dang bde ba myong ba ma yin no// skyes bu ci ste las

  574. 288a

    bcad pa'i rgyu dang rkyen gyi mthu las rnam par grol bar 'thun na/ 'phags pa rnams cad rnam par grol ba ma yin no// deci'i phyir zhe na/ sems can thams ca lam mthog ma da ma ma med pa'i phyir ro/ / de bas na ngas ni baphags pa'i las bsgos pan/ lam gyi thog ma dang ba ma'i las rnam par bzlon par 'gyur ro// zhes gsus so// ci ste dka' thub spyad pas la mthob na/ byol song thams cad kyis kyang byang chub thob pa'i rigs so// de bas na sngar sems 'dul bar bya'i/ lus 'dul ba ma yin no// de bas nongs mdo sde las kyang gsungs te/ tshal gcod na shing ma gcod cig/ de ci'i phyir zhe na/ tshal las 'jigs pa skye'i shing las skye ba ma yin no// lus 'dul bar 'dod na sngar sems 'dul bar bya'o/ / sems ni tshul gyi dpe'o// lus ni shing gi dpe'o// shin tu bzang pos gsol pa/ bcom ldan 'das bdag gis ni sems sngar btul lags so// bcom ldan 'das kyis bka' stsal pa/ rigs kyi bu khyod kyis ji lta bur sems sngar btul/ shin tu bzang pos gsol pa/ bcom ldan 'das bdag gis ni 'dod pa la mi rtag pa dang / bde ba med pa dang / bdag med pa dang / yongs su ma dag par yid la bya ste/ gzugs la rtag pa dang / bde ba dang / bdag dang / yongs su dag par brtags so// de ltar

  575. 288b

    rtogs nas 'dod pa'i khams kyi nyon mongs pa chod de/ gzugs kyi skye mched thob bo// de bas na bdag gis ni sems sngar btul lo// de nas gzugs la brtags na/ gzugs ni mi rta/ pa ste/ rma 'am/ shu ba 'am/ zug rngu lta bur rtog go// gzugs med pa ni rtag pa dang / rnam par dag pa dang / rab tu zhi ba mthong ste/ de ltar rtogs nas gzugs kyi khams kyi nyon mongs pa zad pas/ gzugs med pa'i skye mched thob bo// de bas na bdag gi sems ni sngar btul lo// de nas yang 'du shes la brtags na/ mi rtag pa dang / rma dang / shu ba dang / gdug pa dang / zug rngu lta bur rtog ste/ de ltar rtogs nas 'du shes med 'du shes med min skye mched stengs kyi ting nge 'dzin thob bo// de ltar 'du shes med 'du shes med min skye mched spangs kyi thams cad mkhyen pa'i ye shes yin te/ rab tu zhi ba dang rnam par dag pa blang ba med pa rtag pa mi 'gyur ba ste/ de bas na bdag ni sems dul lo// bcom ldan 'das kyis bka' stsal pa/ rigs kyi bu khyod kyis ji ltar na sems btul/ khyod kyis thob pa ni 'du shes med 'du shes med min skye mched stengs kyi ting nge 'dzin te/ de yang 'du shes zhes bya'o/ / mya ngan las 'das pa ni 'du shes med pa yin na/ ci'i phyir zhe na/ mya ngan las 'das pa thob pa zhes bya/ rigs kyi bu khyod kyis sngar 'du shes sbom po la ni spod na/

  576. 289a

    ci'i phyir 'du shes phra mol chags te smad pa mi shes/ de ltar 'du shes med 'du shes med min skye mched stengs kyang 'du shes zhes bya ste/ ma wA Ta/ shub lta Ta// gdug pa lta bu/ zug rngu lta bu'o// rigs kyi bu khyod kyi ston pa u ra to lam pa dbang po rnol yid gzhungs pa yang / 'du shes med 'du shes med min skye mched mchod de las ngan pa myong bar 'gyur na/ gzhan lta smos kyang ci dgos/ shin tu bzang pos gsol pa/ bcom ldan 'das ji ltar na srid pa thams cad gcod par 'gyur/ bcom ldan 'das kyis bka' stsal pa/ rigs kyi bu gal te yang dag pa'i 'du shes spyod pa na/ gang zag des ni srid pa thams cad chod par 'gyur ro// shin tu bzang pos gsol pa/ bcom ldan 'das yang dag pa'i 'du shes zhes bgyi ba ji lta bu lags/ rigs kyi bu 'du shes med pa'i 'du shes ni yang dag pa'i 'du shes zhes bya'o// gsol pa/ bcom ldan 'das ji ltar na 'du / shes ma mchis pa'i 'du shes zhes 'gyi rigs kyi bu chos thams cad la bdag gi mtshan nyid med/ gzhan gyi mtshan nyid med/ bdag dang gzhan gyi mtshan nyid med de/ rgyu med pa'i mtshan nyid med/ byas pa'i mtshan nyid med/ song ba'i mtshan nyid med/ byed pa'i mtshan nyid med/ spong ba'i mtshan nyid med/ chos kyi mtshan nyid med/ chos ma yin pa'i

  577. 289b

    mtshan nyid med/ pho dang mo'i mtshan nyid med/ skyes bu'i mtshan nyid med/ rdul phra mo'i mtshan nyid med/ dus dang tshod kyi mtshan nyid med/ bdag tu byas pa'i mtshan nyid med gzhan du byas pa'i mtshan nyid med/ bdag dang gzhan du byas pa'i mtshan nyid med/ yod pa'i mtshan nyid med/ med pa'i mtshan nyid med/ skyes pa'i mtshan nyid med/ bskyed pa'i mtshan nyid med/ rgyu'i mtshan nyid med/ rgyu las rgyur 'gyur ba'i mtshan nyid med/ 'bras bu'i mtshan nyid med/ 'bras bu las 'bras bur 'gyur ba'i mtshan nyid med/ nyin dang mtshan gyi mtshan nyid med/ snang ba dang mun pa'i mtshan nyid med/ mthong ba'i mtshan nyid med/ mthong bar byed pa'i mtshan nyid med/ thos pa'i mtshan nyid med/ thos par byed pa'i mtshan nyid med/ tshor ba dang shes pa'i mtshan nyid med/ tshor ba dang shes par byed pa'i mtshan nyid med/ byang chub kyi mtshan nyid med/ byang chub thob par byed pa'i mtshan nyid med/ las kyi mtshan nyid med/ las kyi bdag po'i mtshan nyid med/ nyon mongs pa'i mtshan nyid med/ nyon mongs pa'i bdag po'i mtshan nyid med pa'o// rigs kyi bu mtsha// nyid gang du 'gog pa de ni yang dag pa'i mtshan nyid ces bya'o// rigs kyi tha chos thams cad ni mi bden pa ste/ gang du 'gog pa de na yang dag pa zhes bya/ yang dag pa'i 'du shes zhes bya

  578. 290a

    chos kyi dbyings shes bya/ mthar phyin pa'i ye shes zhes bya/ don dam pa zhes bya/ don dam pa'i stong pa nyid ces bya'o// rigs kyi bu mtshan nyid dang / chos kyi dbyings dang / mthar phyin pa'i ye shes dang / don dam pa'i bden pa dang / don dam pa'i stong pa nyid la shes rab thams yang dag par spyod na/ nyan thos kyi byang chub thob par 'gyur ro/ / shes rab 'bring gis yang dag par spyod na/ rang rgyal ba'i byang chub thob par 'gyur ro// shes rab mchog gis yang dag par spyod na/ bla na med pa'i byang chub thob par 'gyur ro// chos 'di bstan pa na byang chub sems dpa' brgya phrag stong gis tshe gcig gis thogs pa'i yang dag pa'i 'du shes thob bo// byang chub sems dpa' khri lnga stong snyed kyis tshe gnyis kyi chos kyi dbyings thob bo/ / byang chub sems dpa' nyi khri lnga stong gis mthar phyin pa'i ye shes thob par gyur to// byang chub sems dpa' sum khri lnga stong gis don dam pa'i bden pa thob bo// don dam pa'i bden pa de ni don dam pa'i stong pa nyid ces kyang bya/ dpa' bar 'gro ba'i ting nge 'dzin ces kyang bya'o// byang chub sems dpa' bzhi khri lnga stong snyed kyis ni nam mkha' lta bu'i ting nge 'dzin thob bo// nam mkha lA bu'i ting nge 'dzin ni rgya chen po'i ting nge 'dzin ces bya/ ye shes kyi phyag rgya'i ting nge 'dzin ces za'o// byang chub sems dpa' lnga zhi lnga stong gis ni phyir mi ldog pa'i bzod pa thob par gyur to//

  579. 290b

    phyir mi ldog pa'i bzod pa ni chos kyi bzod pa zhes kyang b+h+ya/ chos kyi dbyings lta bu zhes kyang bya'o// byang chub sems dpa' drug / khri lnga stong snyed kyis ni gzungs thob par gyur to// gzungs de ni draH pa chen po'i sems shes kyang bya/ thogs pa med pa'i sems shes kyang bya'o// byang chub sems dpa' bdun khri lnga stong snyed kyis ni seng ge'i sgra zhes bya ba'i ting nge 'dzin thob par gyur to// seng ge'i sgra'i ting nge 'dzin ni rdo rje lta bu'i ting nge 'dzin ces kyang bya/ ye shes phyag rgya'i ting nge 'dzin ces kyang bya'o// byang chub sems dpa' brgyad khri lnga stong snyed kyis mnyam pa'i ting nge 'dzin thob par gyur to/ / mnyam pa'i ting nge 'dzin de ni byams pa chen po dang snying rje chen po zhes kyang bya'o// sems can grangs med pa gang+gA'i klung gi bye ma snyed ni tha na med pa yang dag par rdzogs pa'i byang chub tu sems bskyed par gyur to/ / sems can grangs med pa gang+gA'i klung gi bye ma snyed ni rang sangs rgyas kyi sems bskyed do// sems can grangs med pa gang+gA'i klung gi bye ma snyed ni nyan thos su sems bskyed par gyur mi dang lha'i bu mo stong phrag nyi shu snyed ni mngon du bud med kyi lus las skyes pa'i lus su gyur to/ / shin tu bzang po ni dgra bcom pa'i 'bras bu thob par gyur to// / 'phags pa yongs su mya ngan las 'das pa chen po'i mdo bam po bzhi bcu gnyis pa// // de'i tshe shin tu bzang pos bcom ldan 'das las yongs su mya ngan las 'das pa

  580. 291a

    chen po'i chos shin tu zab mo thos nas chos kyi mig rnam par dag par gyur te/ yongs su dag pa'i chos mthong nas/ dam pa'i chos 'dod pas ngan par lta ba yongs su spangs te/ sangs rgyas kyi bstan pa la dad pa shin tu brtan par gyur nas/ de bzhin gshegs pa las rab tu 'byung bar gsol to// bcom 'das kyis bka' stsal pa/ legs so legs so/ / shin tu bzang po legs par 'ongs pa'i dge slong yin te/ 'phags pa rnams kyang dgyes pas/ sangs rgyas kyi byang chub la legs par zhugs so// shin tu bzang po rab tu dga' mgu rangs nas mos pa tshad med par gyur to/ / de'i tshe sgra dang kha spu rang byi nas dge slong du gyur to// chos nyid kyi ye shes kyi chu sems kyi dpe la bcus pas 'ching bas ma bcings te/ zag pa zad nas rnam par grol ba'i dgra bcom par gyur to/ / shin tu bzang po dgra bcom pa'i 'bras bu thob nas/ sangs rgyas la nye bar bsten te/ bcom ldan 'das kyi zhal du mig mi 'dzum par lta zhing / bcom ldan 'das kyi zhabs la mgo bos phyag 'tshal nas/ bla gos phyogs gcig tu byas/ pus mo g.yas pa'i lha ngas sa btsugs nas thal mo sbyar te/ mya ngan dang dga' ba dus gcig tu gyur nas sngun gyi nyes pa 'gyod de/ bcom ldan 'dag la 'di skad ces gsol to// bdag gi gdug pa'i lus 'dis yun ring po nas bdag bslus pas/ yun ring por ma rig pa ngan par

  581. 291b

    sba ba'i nang du nub nas khams gsum du 'khor zhing / mu stegs can gyi chos kyis klags par gyur to// kyi rgud kyi hud shin tu gnod pa chen por gyur pa las/ da ni de bzhin gshegs pa'i bka' drin gyis dam pa'i chos la zhugs par gyur to/ / bcom ldan 'das ye shes kyi rgya mtsho'i thugs rje chen po'i tshad ma mchis pa ni/ bskal pa'i bar du yang bka' drin la lan mi lon no snyam sems so/ / shin tu bzang pos de skad ces gsol nas mchi ma blags te/ yang bcom ldan 'das la 'di skad ces gsol to// bcom ldan 'das bdag ni rgas 'khogs te sdug bsngal las ni rnam par grol gyi/ 'du byed kyi sdug bsngal gyi ni rab tu gtse bar gyur na/ bcom ldan 'das thugs brtse ba'i slad du/ tshul khrims bstan te mgon dang skyabs mdzad cing / re zhig mya ngan las mi 'da' bar bzhugs su gsol/ de'i tshe bcom ldan 'das cang mi gsung nas mi gnang ngo // shin tu bzang pos gsol ba bzhin ma gnang nas/ mya ngan gyis yid rab tu gdungs te/ skad chen pos 'di skad ces smras so// kyi hud kyi hud 'jig rten stongs so// 'jig rten stongs so// da ni 'jigs pa chen pos bsnyen nas shin tu gdung ba mngon du gyur to/ / kyi hud kyi hud sems can gyi bsod nams zad par/ yang dag pa'i shes rab kyi mig mdod so zhes smras nas/ rab tu tsho rdung zhing skad kyang mi phyin pa tsam du ngus nas

  582. 292a

    bras la zagagis rgyas sa/ / skad me par byung ste ngas nas/ de bzhin gshegs pa'i spyan sngar lus sa la bdabs pas/ der brgyal nas ring zhig yon pa dang / sangs te ngu bzhin du bcom ldan 'das la yang 'di skad ces gsol to// bcom ldan 'das bdag ni de bzhin gshegs pa mya ngan las 'da' ba mthong mi bzod de/ sems rab tu gdungs nas shin tu gcags so/ / bdag kyang rdza so ma btang ba dang 'dra ba'i lus gdug pa can 'di dang 'grogs mi 'tshal te/ bdag sngar 'chis/ bcom ldan 'das ni slad kyis mya ngan las 'da' bar gshegs su gsol/ de'i tshe shin tu bzang pos 'di skad gsol nas/ cho de rdung zhing de nyid du mya ngan las 'da' bar zhugs so// de'i tshe brjod du med pa'i yang brjod du med pa grangs med pa'i klung gang+gA'i bye ma snyed kyi byang chub sems dpa' sems dpa' chen po dang / dge slong dang / dge slong ma dang / 'jig rten du bcas pa lha dang / mi dang / lha ma yin la sogs pa thams cad kyis skad 'thun par 'di skad ces smras so// kyi hud kyi hud yang dag par rdzogs pa'i sangs rgyas kyis nang gcig tu bor nas gnas ma mchis rten ma mchis/ skyabs ma mchis/ mgon ma mchis te/ shin tu gtsigs so zhes smras nas/ thams cad dus te gcig la gcig 'ju zhing zad du khu tshur gyis brdeg pas

  583. 292b

    brgyal nas phyogs kyang bslad de/ stong gsum gyi stong chen po'i 'jig rten gyi khams kyang g.yos so// de'i tshe bcom ldan 'das kyis gsung rnam pa brgyad dang ldan pas/ 'khor mang / po rnams la 'di skad ces bka' stsal to// khyed byis pa chung ngu ltar ma ngu bar so so nas du ba thong la/ sems ma 'khrugs par gyis shig/ khyed 'du byed kyi sdug bsngal 'khor ba'i rgya mtsho 'di bsam pa dag pa la nan tan bya zhing rjes su dran pa'i shes rab ma rjed cig/ yang dag pa'i ye shes kyis srid pa las 'byung ba la brtson par gyis shig/ khams gsum du lus myong ba ni sdug bsngal gyi 'khor lo mtha' med pa ste/ ma rig pa'i jo bo dang / 'dod pa'i bdud kyi rgyal pos lus dang sems bkol ba'i bran du mi 'gyur bar bya'o// spyod pa'i khams la dmigs pas 'khor ba'i las byed de/ 'dod chags dang / zhe sdang dang / gti mug gis skad cig skad cig tu rnam par gtses nas/ bskal pa tshad med pa'i bar du sdug bsngal myong bar 'gyur na/ mkhas pa shes rab can su zhig de la mi rtog/ khyed rnams 'di ltar rig par bya'o// nga ni bskal bzangs med pa nas zhi ba chen lo'i phung ba dang / khams dang / skye mched med pa la zhugs te/ srid pa yongs su bcad nas/ rin po che rdo rje'i gter lta bu rtag pa dang / bde ba dang / bdag dang

  584. 293a

    yongs su dag bzod kyang / ngas 'dir bsam gyis mi khyab pa'i thabs bstan pa'i phyir/ 'jig rten gyi chos dang 'thun par mya ngan las 'da' ba bsten te/ de yang so so'i skye bo dag lus glog lta bur shes par bya zhing / gcags pa'i sems bskyed pa'i phyir ro// 'khor ba'i 'od ba ni shin tu drag cing myur la/ 'du byed rnams ni 'khor bar 'khor ro/ / chos nyid kyi de bzhin te/ de bzhin gshegs pa mya ngan las 'da' ba ni shin tu zab la bsam gyis mi khyab pas/ de ni sangs rgyas dang byang chub sems dpa' rnams kyi spyod yul yin gyi/ nyan thos dang rang sangs rgyas kyis shes pa ma yin no// bcom ldan 'das kyis/ 'khor mang po rnams la yang 'di skad ces bka' stsal to// shin tu bzang po 'di sngun sangs rgyas klung gang+gA'i bye ma snyed la bsnyen bkur byas te/ sangs rgyas de dag las dge ba'i rtsa ba shin tu bskyed nas/ sngon gyi smon lam gyi shugs kyis rtag tu gcer bu pa mu stegs can gyi chos las rab tu phyung ste/ spyad pa spyod cing thabs mkhas pa'i shes rab kyis ngan par lta ba'i log par zhugs pa'i sems can rnams yang dag pa'i ye shes la dgod par byed do// shin tu bzang po 'di sngon gyi smon lam gyi shugs kyis nga mya ngan las 'das kar nga dang phrad nas dam pa'i chos thos par gyur te/ dam pa'i chos thos nas kyang dgra bcom pa'i 'bras bu thob bo//

  585. 293b

    dgra bcom pa'i 'bras bu thob nas kyang mya ngan las 'da' bar zhugs so// nga thog ma mngon par sangs rgyas nas/ tshe dang ldan pa cang shes ko'u di n+ya rab tu phyung ngo // tha ma mya ngan las 'das kar shin tu bzang po btul nas mdzad pa'i mthar phyin te/ mdzad pa med pas nga yun du bzhugs kyang de las mdzad pa gzhan med do// de'i tshe bcom ldan 'das de skad ces gsungs nas/ shugs nar ces mdzad de legs so legs so// shin tu bzang po sangs rgyas kyi drin legs par blan to// khyed kyis nga'i rus bu la mchod pa bya zhing mchod rten gyis shig/ de'i tshe 'khor mang po rnams shin tu mi dga' ste/ mchi ma blags nas sangs rgyas kyi bka' bzhin du spos kyi shing dang mar gyis de'i rus bu bsregs so// shin tu bzang po'i rus bu bsregs pa na/ me'i nang nas 'od chen po btang ste/ cho 'phrul rnam pa bco brgyad mngon du bstan to// lus kyi stod nas chu 'bab na/ lus kyi smad nas me 'bar/ mchan khung g.yas nas me 'bar na/ mtshan khung g.yon nas chu 'bab/ chung ngu las chen por gyur nas/ chen po las chung ngur gyur te/ nam mkha' yang yongs su gang bar byas so// de'i tshe 'khor tshad med pa rnams dang / mu stegs can ngan par lta ba'i sems can dag byang chub tu sems bskyed nas yang dag par lta ba la zhugs te/ shin tu bzang pos cho 'phrul mngon

  586. 294a

    par bstan nas/ phyir me'i nang du zhugs so// der bsregs nas 'khor mang po rnams ring bsrel bsdus te/ mchod rten byas nas mchod pa byed do// 'phags pa yongs su mya ngan las 'das pa chen po'i mdo las/ tshe dang ldan pa cang shes ko'u di n+ya'i le'u'o// // de'i tshe bcom ldan 'das kyis dga' bo dang 'khor mang po rnam la 'di skad ces bka' stsal to/ / nga mya ngan las 'das nas khyed 'khor rnam pa bzhi dag nga'i mya ngan las 'das pa chen po 'di 'dzin pa la brtson par gyis shig/ ngas ni bskal pa khrag khrig tshad med pa'i bar du shin tu thob dka' ba'i mya ngan las 'das pa'i chos kyi gzhung 'di bsgrubs nas da ltar bstan pa yin no/ / khyed rnams 'di ltar rig par gyis shig/ yongs su mya ngan las 'das pa chen po'i chos kyi gzhung 'di na/ phyogs bcu na dus gsum du bzhugs pa'i sangs rgyas thams cad kyi rin po che rdo rje'i gter rtag pa dang / bde ba dang / bdag dang / yongs su dag pa dang / yongs su rdzogs pa dgod pa ste/ sangs rgyas thams cad kyang mya ngan las 'da' ba des yongs su mya ngan las 'da' ste/ mthar phyin pa lhag ma ma lus pa sangs rgyas thams cad kyang sku tshe 'dir gtong bas mya ngan las 'das pa zhes bya'o/ / khyod kyis sangs rgyas kyi drin la yang dag par lan thon zhing / byang chub myur du thob par 'dod pa dang / sangs rgyas rnams kyis spyi bo nas dbang

  587. 294b

    bskur zhing gang nas gang du skyes kyang / yang dag par rjes su dran pa mi brjed par 'dod pa dang / phyogs bcu'i sangs rgyas mngon sum du gshegs te nyin mtshan du skyob par 'dod pa dang / sems can thams cad kyis 'jig rten las 'da' ba'i chos thob par 'dod pa dang / yongs su mya ngan las 'da' ba'i mdo sde 'di la brtson 'grus su nan tan bya'o// bcom ldan 'das kyis yang dga' bo la bka' stsal pa/ nga mngon par sangs rgyas pa na yang / mu stegs can u du lam bu'i bstan pa la zhugs te/ bsam gtan bzhi dang / ting nge 'dzin brgyad slob pa la zhugs nas/ de'i bstan pa bzhin du byas so// mngon par sangs rgyas nas de'i chos skad de/ mthar gyis shin tu bzang po yang btul nas/ sangs rgyas kyi bstan pa la bzhag go// de bzhin gshegs pa'i ye shes chen po'i mes ngan par lta ba'i rgyal mtshan bsregs pa ni/ ji ltar shing lo skam po me chen po'i nang du bcug pa dang 'dra'o// dga' bo nga'i gnyen du gyur pa shA ka gi rigs rnams la shin tu thugs brtse'o/ / nga mya ngan las 'das nas khyod kyis brtson 'grus su legs par ston cing chos shig/ nga'i nye gnas rnams la dam pa'i chos bstan te/ rtsed mo dang bkra med par spyod yul rnams la 'jug pa dang / ngan par lta ba'i chos la spyod par mi 'gyur ba dang / khams gsum gyi sdug bsngal las rnam par ma grol na myur du rnam par grol bar bya ba dang /

  588. 295a

    rnyog pa lnga'i 'dod pa la shin tu 'jigs pa bskyed de mgon med pa'i 'du shes bskyed par bya ba dang / mi'i lus lan cig stor nas thob par dka' ba dang / tshe gcig tu bag bya ba dang / mi rtag pa'i gdon chen po las rnam par thar par bya ba dang / sems can la snying rje ba bskyed de sems can gyi srog mi gcad pa dang / chung ngu na grog sbur gyi bar du mi 'jigs pa sbyin pa dang / lus kyi las yongs su dag pas 'jig rten gyi khams bzang por skye ba dang / ngag gi las yongs su dag pas nyes pa'i skyon thams cad dang bral bar 'gyur ba dang / sha mi za ba dang / chang mi 'thung ba dang / sems kyi sbrul gdul zhing byang chub kyi lam la dgod pa dang / dge ba dang sdig pa'i rnam par smin pa lus kyi grib ma bzhin du 'brang bar 'du byed kyi lam la shin tu brtag pa dang / dus gsum gyi 'bras bu yongs su 'khor ba med par mi 'gyur ba dang / skye ba 'di chud gsan nas phyis 'gyod kyang mi phan par ston cing chos shig/ nga mya ngan las 'da' ba'i dus la bab ste/ khyod la bstan pa ni 'di dag yin no// de'i tshe na dga' bos bcom ldan 'das kyis bka' stsal pa zos nas lus dang sems 'dar zhing g.yo ste/ shin tu 'khrugs nas mya ngan gyis gdungs te skad kyang ma phyin la/ brgyal ba tsam du 'khrugs nas/ de bzhin gshegs pa'i spyan sngar shi ba bzhin du gyur to//

  589. 295b

    de nas ma 'gags pas dga' bo la spro ba bskyed de/ mya ngan sangs nas 'di skad ces smras so// khyod de ltar mya ngan ma byed cig/ de bzhin gshegs pa mya ngan las 'da' nga'i dus la bab ste/ deng bzhugs kyang sang mi bzhugs so// khyod kyis ngas smras pa bzhin du zhu ba rnam pa bzhi po 'di zhus shig/ sangs rgyas mya ngan las 'das nas dge slong drug sde khyim sun 'byin pa dang / 'dod ldan sdig to can dang ji ltar lhan cig tu gnas shing bstan pa bzhin du bgyi ba dang / de bzhin gshegs pa 'jig rten na bzhugs na/ ston pa sangs rgyas mdzad na/ sangs rgyas mya ngan las 'das nas ston pa sus bgyi ba dang / de bzhin gshegs pa 'jig rten na bzhugs na/ de bzhin gshegs pa la gnas shing brten na/ mya ngan las 'das pa'i 'og tu su la gnas shing brten pa dang / de bzhin gshegs pa mya ngan las 'das nas chos kyi sde snod bsdu ba na/ mdo sde thams cad kyi mgo nan la ji skad bya ba zhus shig ces smras so/ / de'i tshe dga' bo'i rmi lam na ma 'gags pas smras pa lta bur zhu ba bzhi po zhus shig ces smras pa thos nas/ bags kyis song ste zhu ba bzhi po bcom ldan 'das la zhus so/ / bcom ldan 'das kyis/ dga' bo la bka' stsal pa/ khyod ci'i phyir 'di ltar mi dga' zhing shin tu mya ngan byed/ sangs rgyas kyi 'dul

  590. 296a

    bar mdzad pa kun mdzad de/ chos nyid kyis 'di ltar gshegs pa yin no// legs so leg so// dga' bo khyod kyi zhu ba 'di ni nang gi tha mar zhus pa ste/ 'ji rten du bcas pa thams cad la phan pa dang bde bar 'gyur ba yin no/ / de bas na legs par nyon la yid la zung zhig/ de bzhin no// bcom ldan 'das shes gsol nas/ bcom ldan 'das la slar nyan to/ / bcom ldan 'das kyis/ dga' bo la bka' stsal pa/ khyod 'dri ba ltar sangs rgyas mya ngan las 'das nas/ dge slong drug sde/ 'dod ldan sdig to can khyim sun 'byin pa dang ji lta bur lhan cig tu gnas shing bstan pa la gnas par 'gyur zhes dris pa ni/ dga' bo dge slong 'dod ldan rang bzhin gyis ma rungs pa/ nga mya ngan las 'das nas rang dul zhing des par 'gyur te/ sdig to'i sems kyang spong bar 'gyur ro// dga' bo nga'i nu bo kun dga' bo 'dod pa dang ldan te/ ma rungs pa yang de bzhin gshegs pas thabs mkhas pas bstan cing bcos nas/ de'i dbang po dang shes rab ci lcogs pas rten cing 'brel te byung ba bcu gnyis bstan to// 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa nas/ rga shi dang / smos pa mya ngan dang / smre sngags 'don pa'i bar du thams cad kyang ma rig pa 'dod pa'i thibs po'o// 'du byed kyi sdug bsngal 'du byed kyi sdug bsngal gyis

  591. 296b

    khams gsum du gang nas chung drug tu 'khor te/ sdug bsngal chen po'i rtsa ba ni ma rig pa yin no// de ltar shes rab kyi rang bzhin gyis bka' brtags nas/ srid pa'i skyon ma rig pa yongs su bcad do/ / rtsa ba 'gags pas ma rig pa 'gag go// ma rig pa 'gags pas 'du byed 'gag pa nas/ rga shi dang / smos pa'i mya ngan dang / smre sngags 'don pa'i bar du 'akra so/ / de ltar na yang dag par spyod pa na sems gnas par 'gyur te/ ting nge 'dzin du zhugs so// ting nge 'dzin gyi shugs kyis bsam gtan dang po thob bo// de nas mthar gyis bsam gtan bzhi yang thob nas dran pa yang dag pa'i sems kyis de ltar nan tan byas nas/ 'bras bu bla ma yang rang thob ste/ khams gsum gyi sdug bsngal yongs su spong bar 'gyur ro/ / dga' bo de'i tshe na dge slong kun dga' bos de ltar bsam pa shin tu dag pas ngas bstan pa bzhin du brtson 'grus su nan tan byed pas/ ring po mi thogs par dgra bcom pa'i 'bras bu thob par 'gyur ro/ / dga' bo nga mya ngan las 'das nas khyod kyis ngas bstan pa bzhin du drug sde dang / 'dod ldan la ston cig dang / dge slong de dag bsam pa dag pas rnam par dag pa'i dam pa'i chos 'di la brten te/ ring por mi thogs par 'bras bu mchog thob par 'gyur ro// dga' bo de bas na ma rig pa las khams gsum du 'khor ba'i shing chen po skyes te

  592. 297a

    'dod pa'i klung gis khyer nas yun ring por sdug bsngal gyis nyin mtshan du gdungs te/ mun pa nag pa'i 'khor ba'i dka' ba la 'khor zhing / rnam par shes pa drug gi yan lag dang / ngan par rtog pa'i rtsa ba dang / ma rig pa'i dba' rlabs dang / sems dang rnam par shes pa khol po lta bus yul drug la rgyu zhing / sdug bsngal gyi sa bon btab nas phyir zlog pa med de/ rgyal po dang 'dra bar dbang che bas na ma rig pa'i jo bo lta bur te/ skad cig skad cig tu gnod par byed par sems can gyis ma tshor bar 'khor ba na rgyun du 'khor bar gyur to// dga' bo sems can thams cad ni ma rig pa 'di'i dbang gis 'dod pa'i nyon mongs pa la zhugs te/ bdag tu lta bas zil gyis mnan nas/ nyon mongs pa rje bo lta bu brgyad khri bzhi stong gis lus bkol te/ lus zhig kyang dbang du mi 'gyur ro// dga' bo ma rig pa'i sdug bsngal 'gags te khams gsum zad na/ de'i phyir 'jig rten las 'da' ba zhes bya/ dga' bo gang gis rten cing 'brel te byung ba bcu gnyis mthar bdag med cing yongs su dag pa'i spyod yul la zhugs par rtogs na/ des ni khams gsum mi me chen po yongs su spong bar 'gyur ro// dga' bo bzhin gshegs pa ni yang dag par gsung ste/ yang dag pa'i gsung gis khyod la gtams pa 'di khyod kyis legs par nan tan gyis shig/ dga' bo khyod kyis zhu ba ltar sangs rgyas mya ngan las

  593. 297b

    'das te 'jig rten na mi bzhugs na/ ston pa sus bya ba ni/ dga' bo tshul khrims ni khyod kyi ston pa chen po yin gyi/ de la gnas te nan tan byas na/ 'jig rten las 'das pa'i ting nge 'dzin dang shes rab thob par 'gyur ro/ / dga' bo khyod zhu ba ltar sangs rgyas mya ngan las 'das nas/ ci la gnas shing brten zhes bya ba ni/ dga' bo dran pa nye bar gzhag pa bzhi la gnas te/ sems brgyan nas gnas par bya'o// lus la lus kyi rjes su brtags te/ nam mkha' dang 'dra bar rtogs na/ lus la lus kyi rjes su dran pa nye bar gzhag pa zhes bya'o// tshor ba la tshor ba'i rjes su dran pa byed te/ tshor ba phyi rol na yang mi gnas/ nang na yang mi gnas/ gnyis ka'i bar na yang mi gnas par rtogs na/ tshor ba la tshor ba'i rje su dran pa nye bar gzhag pa zhes bya'o/ / sems la sems kyis rjes su brtags te/ sems ni ming tsam du zad de/ ming dang yang bral bar rtogs na/ sems la sems kyi rjes su dran pa nye bar gzhag pa zhes bya'o/ / chos la brtags te/ dge ba'i chos su yang mi dmigs/ mi dge ba'i chos su yang mi dmigs na/ chos la chos kyi rjes su lta ba'i dran pa nye bar gzhan pa zhes bya'o/ / dga' bo khyod zhu ba ltar de bzhin gshegs pa mya ngan las 'das nas/ chos kyi mdzod bsdus pa na mdo sde thams cad kyi mgo nan la ji skad gdags shes bya ba ni/ dga' bo

  594. 298a

    de bzhin gshegs pa mya ngan las 'das nas/ chos kyi mdzod bsdus pa'i mdo sde thams cad mgonan la/ 'di skad bdag gis thos pa dus gcig na/ bcom ldan 'das che ge mo zhig na/ 'khor rnam pa bzhi dang thabs cig tu bzhugs te/ mdo sde 'di gsungs so zhes thogs shig/ de'i tshe dga' bos// yang bcom ldan 'das la 'di skad ces gsol to/ / gal te sangs rgyas 'jig rten na bzhugs kyang rung / mya ngan las 'das kyang rung / sbyin bdag dad pas de bzhin gshegs pa la gser dang / dngul dang / rin po che sna bdun dang / longs spyod kyi yo byad mang po phul na/ ji lta bu su la gzhag par bgyi/ bcom ldan 'das kyis/ dga' bo la bka' stsal pa/ gal te sangs rgyas mngon du bzhugs na/ sangs rgyas la ci phul ba thams cad dge 'dun la gtad par bya'o// gal te sangs rgyas mya ngan las 'das nas yon pa dag dad pas sangs rgyas la bsngos shing phul ba thams cad sangs rgyas kyi sku gzugs dang / sangs rgyas kyi na bza' dang / rin po che sna bdun gyi ba dan dang / gdugs bya zhing / mar bsung can dang rin po che'i me tog nyos te sangs rgyas la mchod pa bya'o/ / sangs rgyas la mchod pa bya ba ma gtogs par gzhan du spyad na mi rung ngo // gal te gzhan du spyad na sangs rgyas kyi dkor brkus pa yin no// dga' bos yang gsol pa/

  595. 298b

    bcom ldan 'das sangs rgyas bzhugs pa na gal te skyes bu zhig gis gser dang / dngul dang / rin po che sna bdun dang / gzhal med khang dang / bu dang / chung ma dang / zan khol dang gos dang / zas dang / bde ba'i yo byad thams cad phul nas/ bsti stang dang bcas pas phyag byas te mchod pa byas pa dang / de bzhin gshegs pa mya nga las 'das nas/ gal te skyes bu zhig gis gser dang / dngul dang / rin po che sna bdun dang / bu dang / chung ma dang / zan khol dang / gos dang / zas dang / bde yo byad thams cad kyis de bzhin gshegs pa'i sku gzugs la phul te/ dad pa'i sems kyis bsti stang da bcas pas phyag 'tshal te mchod pa byas na/ bcom ldan 'das de ltar skyes bu de gnyis kyi dad pa'i sems kyis mchod pa bgyis na/ bsod nams gang gis mang du thob/ bcom ldan 'das kyis/ dga' bo la bka' stsal pa/ skyes bu de gnyis kyis de ltar dad pa'i sems kyis mchod na bsod nams thob pa'i khyad par med do/ / de ci'i phyir zhe na/ sangs rgyas mya ngan las 'das kyang chos kyi sku ni rtag pa yin pas/ dad pa'i sems kyis mchod pa bsod nams 'dra ste khyad par med do/ / dga' bos yang gsol pa/ bcom ldan 'das sangs rgyas mngon du bzhugs pa la/ gal te skyes bu zhig dad pa'i sems kyis kong du smos pa dang 'dra bar bsti

  596. 299a

    stang dang bcas pas mchod pa 'gyis pa dang / sangs rgyas mya ngan las 'das nas/ gal te skyes bu zhig dad pa'i sems kyis gong du smos pa dang 'dra ba bsti stang dang bcas pas/ sangs rgyas kyi sku gdung ril po la mchod pa bgyis na/ bcom ldan 'das skyes bu de gnyis gang gis bsod nams mang du thob/ bcom ldan 'das kyis/ dga' bo la bka' stsal pa/ skyes bu de gnyis kyis bsod nams ni mnyam pas khyad par med de/ bsod nams tshad med dpag tu med par rgya che bas/ sdug bsngal gyi mthar phyin pa'i bar du bsod nams mi zad do/ / dga' bo sa yang gsol pa/ bcom ldan 'das sangs rgyas mngon du bzhugs pa la/ gal skyes bu zhig dad pa'i sems kyis gong du smos pa'i mchod pa'i yo byad thams cad kyis de bzhin gshegs pa la mchod pa dang / sangs rgyas mya ngan las 'das nas/ gal te skyes bu zhig dad pa'i sems kyis bsti stang dang bcas pas/ de bzhin gshegs pa'i sku gdung phyed la mchod pa bgyis na/ bcom ldan 'das skyes bu de gnyis gang gis bsod nams mang du thob/ bcom ldan 'das kyis dga' bo la bka' stsal pa/ skyes bu de gnyis kyis dad pa'i sems kyis mchod na bsod nams la khyad par med de/ bsod nams kyi phung po tshad med dpag tu med do// dga' bo gal te skyes bu zhig gis dad pa'i sems kyis/ de bzhin gshegs

  597. 299b

    pa'i sku gdung bzhi cha gcig gam brgyad cha gcig gam/ bcu drug cha gcig gam/ brgya'i cha gcig gam/ stong gi cha gcig gam/ khri'i cha gcig gas/ klung gang+gA'i bye ma'i chagacig tsam nas/ chung ngun yungs kar tsam zhig la dad pa'i sems kyis bsti stang dang bcas/ rim gro dang bcas/ mchod pa dang bstod pa byas pa dang / gal te sangs rgyas mngon du bzhugs pa la bsti stang da cas pas mchod pa byas na/ skyes bu de gnyis kyi bsod nams ni thams cad khyad par med par mnyam ste/ tshad med dpag tu med do// dga' bo sangs rgyas mngon du bzhugs sam/ mya ngan las 'das kyang rung / gang zhig dad pa'i sems kyis bsti stang dang bcas pas phyag 'tshal te bla mar byas bkur stir byas/ bstod pa byas na/ skyes bu de gnyis kyi bsod nams thob pa ni gnyis su dbyer med par rig par bya'o// bcom ldan 'das kyis/ dga' bo dang / 'khor mang po rnams la bka' stsal pa/ nga mya ngan las 'das nas ga nam gyi steng ngam/ mi'i 'jig rten na sems can gyis nga'i sku gdung lag tu thob ste/ mya ngan dang dga' dang sa pas bsti stang du phyag 'tshal te/ dad pa'i sems kyis mchod pa byas nas/ bsod nams tshad med dpag tu med pa thob par 'gyur ro// dga' bo gang gis de bzhin gshegs pa'i sku gdung mthong na/ des ni sangs rgyas mthong ngo // sangs rgyas

  598. 300a

    mthong ba des ni chos mthong ngo / / chos mthong ba des ni dge 'dun mthong ngo // dge 'dun mthong ba des ni mya ngan las 'das pa mthong ngo // dga' bo de bas na dkon mchog gsum ni rtag pa/ gnas pa/ mi 'gyur/ mi 'pho ba ste/ sems can thams cad kyi mgon dang skyabs kyi gnas su 'gyur bar rig par bya'o// dga' bos bcom ldan 'das la gsol pa/ bcom ldan 'das yongs su mya ngan las 'das nas/ bdag cag gis cho ga dang sbyar te/ de bzhin gshegs pa'i sku zhugs la zhen na/ sku kadu thob cing dad pas mchod par 'gyur/ bcom ldan 'das kyis/ dga' bo la bka' stsal pa/ mya ngan las 'das nas/ khyed kyis 'khor los sgyur ba'i thabs su sregs shig/ dga' bos yang gsol pa/ 'khor los sgyur ba'i rgyal po bsreg pa'i cho ga ji lta bu lags/ bcom ldan 'das kyis/ dga' bo la bka' stsal pa/ 'khor los sgyur ba'i rgyal po ni shi nas zhag bdun gyi bar du 'jog te/ gdod lcags kyi sgrom gyi nang du 'dzud do// sgrom du bcug nas 'bru mar bsung can sgrom gyi nang du bkang nas/ kha legs par bcad de yang zhag bdun du 'jog go/ / de nas sgrom nas phyung ste spos chus bkru'o// spos chus bkrus nas bdug spos kyis mchod cing bdugs la/ shing bal gyis lus kun dkri'o// shing bal

  599. 300b

    cis dkris pa'i steng du ras dkar po bzang po yugs stong gis mthar chags su dkri'o/ / de ltar dkris nas sgom gyi nang 'bru mar bsrung can gyis bkang ste/ rgyal po'i rus phu phyir sgom du 'a lasgrom gyi kha legs par bcad do/ / shing bsung can rin po che sna bdun gyi shing rta'i steng du drangs te/ shing rta'i ngos bzhi yang rgyan 'phyang daphyung zhing rin po che sna tshogs kyis kyang shing rta spuspra'o/ / grangs med pa'i me tog dang / ba dan dang / rin po che sna bdun gyi gdugs dang / rgyal mtshan dang / spos bzang po sna tshogs dang / lha'i rol mos bskor cing mchod pa bya'o/ de nas shing bsung can phyi nang ri mo dang ldan pa dang / mar bsung can gyis 'khor los sgyur ba'i rgyal po'i rus bu bsreg go// de ltar bsregs nas ring bsrel bsdus te/ grong khyer chen po'i bzhi mdor rin po che sna tshogs kyi mchod rten sgo bzhi btod pa byas te/ ring bsrel de'i nang du bzhag la/ 'jig rten du bcas pa thams cad kyi rjes su yi rab ba ltar gzhug go// dga' bo 'khor los sgyur ba'i rgyal po de bsod nams cung zad cig gis rgyal po'i thabs thob kyang / srid pa las rnam par ma grol/ 'dod pa lnga dang ldan te/ btsun mo dang pho brang gi slas su bcas/ ngan par lta ba dang gdug pa gsum du bcas/ nyon mongs pa dang kun nas nyon mongs pa ba spu'i nyag ma tsam yang ma spangs pa/ shi nas 'jig rten du bcas pas de lta bu'i cho ga byed cing mchod

  600. 301a

    rten brtsigs nas thams cad rjes su yi rang zhing lta na/ dga' bo de bzhin gshegs pa lta ci smos te/ bskal pa tshad med pa mtha' sra dpag tu med grangs med pa nas/ btsun mo dang / pho brang gi slas dang / 'dod pa lnga yongs su spangs te/ 'jig rten gyi chos la ba mo 'am ser ba lta bur rtogs nas rtsol ba stsal te/ shin tu spyod dka' ba spyad nas/ byang chub sems dpa' thams cad kyis 'jig rten las 'da' ba'i spyod dka' ba spyad de/ phyogs bcu na dus gsum du rnam par bzhugs pa'i sangs rgyas thams cad kyis mdzad pa yongs su dag pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes ston pa dang / pha rol tu phyin pa drug ma bsgrubs pa gang yang med la/ gzhan yang de bzhin gshegs pa'i stobs bcu dang / snying rje chen po dang / mi 'jigs pa bzhi dang / rnam par thar pa'i sgo gsum dang / stong pa bco brgyad dang / mngon par shes pa drug dang / spyan lnga dang / byang chub kyi phyogs sum cu rtsa bdun dang / ma 'dres pa'i chos bco brgyad dang / mtshan sum cu rtsa gnyis dag pe byad bzang po brgyad cu dang / sangs rgyas thams cad kyi sku tshe dang / sangs rgyas kyi zhing thams cad yongs su sbyang ba dang / sems can thams cad yongs su smin par bya ba dang / spyod dka' ba thams cad

  601. 301b

    dang dge ba bsdu ba'i tshul khrims dang / sems can gyi don byed pa'i tshul khrims dang / sdom pa'i tshul khrims dang / yon tan thams cad dang / ye shes thams cad dang / rgyan thams cad dang / smon lam chen po thams cad dang / thabs mkhas pa thams cad dang / de la sogs te bsam gyis mi khyab pa'i bsod nams dang / ye shes thams cad yongs su rdzogs par lhun gyis grub ste/ mi dge ba thams cad kyang yongs su bcad/ nyon mongs pa thams cad kyang yongs su bcad/ nyon mongs pa'i bag chags thams cad yongs su bcad de/ bden pa bzhi dang rten cing 'brel te byung ba bcu gnyis shin tu rtogs nas/ byang chub kyi shing drung du bdud rnam bzhi btul te/ thams cad mkhyen pa'i ye shes su gyur nas/ de lta bu'i dam pa'i chos thams cad la nan tan byas pas/ sangs rgyas thams cad kyis gsung mthun par legs so legs so zhes bka' stsal nas/ mthun par chos nyid kyi ye shes kyi chu chos kyi sku'i spyi bor dbang bskur gdod bla na med pa yang dag par rdzogs pa'i byang chub tu mngon par sangs rgyas so zhes bsgrags so/ / de bas na nga ni da ltar lha dang mi rnams kyi ston pa ste/ phyogs bcur rnam par sangs rgyas pamathar phyin pa/ bcom ldan 'das shes bya ste/ lha dang mi'i napan dpe zla med pa/ sems can thams cad la sgra gcan 'dzin dang 'dra bar gzigs pas/ de bzhin gshegs

  602. 302a

    yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ tha na med pa/ skyes bu 'dul zhing kha lo sgyur ba lha dang mi'i ston pa sangs rgyas bcom ldan 'das shes bya ste/ 'jig rten la thugs brtse ba'i mdzad pa kun mdzad nas/ sems kyi phyir mya ngan las 'das nas/ 'jig rten gyi chos bani du 'khor los sgyur ba'i rgyal po ltar/ sems can thams cad kyis mchod pa byed par 'gyur bar bya'o// dga' bo nga mya ngan las 'das nas 'khor los sgyur ba'i rgyal po ltar/ zhag bdun gyi bar du zhog la/ gdod lcags kyi sgrom du chug cig/ lcags kyi sgrosgom du bcug nas mar bsung can gyis khong la/ kha legs par chod cig/ sgrom yang rin po che sna bdun gyis rab tu sba zhing brgyan la/ sgrom 'khor bar rin po che'i rgyal mtshan dang / spos dang / me tog gi mchod pa gyis shig/ de lta bur zhag bdun du mchod nas/ sgom nas phyung la spos chus legs par khrus / de ltar spos chus de bzhin gshegs pa'i sgra legs par bkrus nas/ shing bal gyis sku khyab par dkris shig/ de'i steng du rin thang med pa'i ras dkar po lugs stong gis dkris shig/ de ltar dkris nas phyir lpags kyi sbom du bcug la mar bsu can gyis bkang ste/ kha legs par chod cig/ de nas 'go shir sha tsan dan dang / a ka ru dang / shing bsung can

  603. 302b

    thams cad dang bcas su rin po che sna bdun gyi shing rta'i steng du zhog la/ rin po che thams cad kyis brgyan te sreg pa'i gnas su drongs shig/ rin po che'i rgyal mtshan grangs med pa dang / rin pa gdugs grangs med pa dang / rin po che'i gos grangs med pa dang / grangs med pa'i rol mo dang / grangs med pa'i me tog dang / spos kyis nam mkha' yang gang ba tsam du mchod pa gyis la sdus shig/ lha dang / mi dang / 'khor thams cad kyis ni spos kyi shing tsan dan dang / a ka ru dang / mar bsung can gyis nga sregs la sdus shig/ de ltar bsregs nas lha dang / mi dang / 'khor rnam bzhis ring srel bsdus la/ rin po che sna bdun gyi bum par bcug ste/ grong khyer chen po'i lam gyi bzhi mdor rin po che sna bdun gyi mchod rten byas la ring bsrel mchod na/ sems can dag bsod nams chen po thob cing srid pa gsum gyi sdug bsngal spangs nas/ mya ngan las 'das pa'i bde ba 'thob par 'gyur ro// dga' bo 'khor rnam pa bzhi pos sangs rgyas kyi sku gdung gi rin po che sna bdun kyi shing rtar bzhugs pa dang / gzhan la yang mchod rten gsum pa'o// gang zhe na/ 'di lta ste/ rang sangs rgyas kyi mchod rten dang / dgra bcom pa'i mchod rten dang / 'khor los sgyur ba'i rgyul bo'i mchod rten te/ 'jig rten du bcas pas skabs su 'gro ba'i gnas shes par bya ba'i phyir ro// dga' bos gsol pa/ bcom ldan 'das de bzhin gshegs pa 'jig rten du gshegs pa ni sems

  604. 303a

    can la thugs brtse ba'i slad du/ stobs bcu dang / thugs rje chen po dang / mi bsnyengs pa bzhi dang / rten cing 'brel te byung ba bcu gnyis dang / bden pa bzhi dang / rnam par thar pa'i sgo gsum dang / tshangs pa'i dbyangs rnam pa brgyad kyis khams gsum du bsgrags pa dang / kha dog rnam pa lnga dang ldan pa'i byams pa'i 'od kyis lam rgyud drug snang bar mdzad nas/ sems can gyi bsam pa bzhin du la la ni 'bras bu bzhi dang theg pa gnyis la spyod par gyur/ la la ni zag pa med pa 'dus ma byas pa'i rang sangs rgyas kyi byang chub thob par gyur/ la la ni mi 'gog mi skye ba'i byang chub kyis non par gyur/ la la ni tshad med pa'i gzungs rnams thob par gyur/ la la ni spyan lnga dang mngon par shes pa drug thob par gyur// la la ni ngan song gsum las thar par gyur/ la la ni mi khom pa brgyad dang bral bar gyur/ la la ni lha dang mi'i 'jig rten gsum gyi sdug bsngal dang bral bar gyur te/ de bzhin gshegs pa'i byams pa'i shugs rnam par dag pa dang / de bzhin gshegs pa'i rnam par grol ba'i chos kyi gzhung bsam gyis mi khyab pas/ de bzhin gshegs pa'i bar du 'jig rten du bcas pa lha dang / mi dang / 'khor rnam bzhis rin po che sna bdun gyis mchod rten byas te/ ring bsrel la mchod na bsod nams chen po thob cing / so so'i skye bo dag khams gsum gyi sdug bsngal

  605. 303b

    las thar cing yang dag pa'i rnam par grol ba la 'jug par 'gyur te/ de bas na sangs rgyas mya ngan las 'das pa/ 'jig rten du bcas pa lha dang / mi dang / 'khor thams cad kyis sangs rgyas mdzad pa'i drin chen po dang / byams pa tshad ma mchis pa rjes su bzung ba'i slad du/ rin po che sna bdun gyi mchod rten bgyid cing / ring bsrel la mchod pa bgyid pa ni 'os la/ bcom ldan 'das rten rnam pa gsum pa bgyis pas/ sems can rnams la sman pa ci mchis na/ mchod rten bgyid cing mchod par bgyid/ bcom ldan 'das kyis/ dga' bo la bka' stsal pa/ rang sangs rgyas ni rten cing 'brel te byung ba'i chos shin tu zab mo rtogs nas srid pa thams cad las rnam par grol te/ nyes pa'i skyon thams cad dang bral nas/ lha dang ma'i bsod nams kyi zhing du 'gyur te/ de bas na mchod rten zhes bya ste/ mchod na bsod nams thob par 'gyur ro// de bzhin gshegs pa'i 'og tu 'gro ba mang po 'bras bu mchog thob par byed pa'i phyir ro/ / dga' bo dgra bcom pa ni skye ba'i phyogs zad de/ srid pa phyi ma mi len la/ tshangs par spyad pa yongs su rdzogs pas// 'adz+rI rten gyi bsod nams kyi zhing du gyur te/ de bas na mchod rten zhes bya ste/ mchod na bsod nams thob pa ni rang sangs rgyas kyi 'og tu de mang ste/ des kyang 'gro ba rnam par grol bar byed do//

  606. 304a

    dga' bo 'khor los sgyur ba'i rgyal po yang khams gsum gyi nyon mongs pa las rnam par ma grol mod kyi/ bsod nams kyi shugs kyis gling bzhi la dbang ste/ dge ba bcu'i las kyis sems can gyi srid byed pas/ sems can dag gi bkur sti'i gnas yin te/ de bas na 'khor rnam pa bzhis mchod rten byas te mchod na/ bsod nams tshad med pa thob par 'gyur// dga' bos yang gsol pa/ bcom ldan 'das sangs rgyas mya ngan las 'das nas/ bdag cag 'khor rnam bzhis gang du de bzhin gshegs pa'i sku zhugs la zhen na/ de bzhin gshegs pa'i ring bsrel thob par 'gyur ba/ bcom ldan 'das kyis bstan du gsol/ bcom ldan 'das kyis bka' stsal pa/ sangs rgyas mya ngan las 'das nas/ 'khor rnam bzhis gal te rtsa mchog gi grong khyer gyi nang du nga bsregs na/ grong khyer de'i mi dag rgyal po'i las kyi chad pa dang rtsod pa tshad med pa 'byung ste/ thams cad kyis bsod nams mnyam par mi thob bo// dga' bo gal te 'khor rnam bzhis grong khyer gyi phyi rol dung bsregs na/ 'jig rten dang bsod nams mnyam par thob bo// dga' bos gsol pa/ bcom ldan 'das sangs rgyas mya ngan las 'das nas zhugs la zhen pa'i 'og tu/ 'khor rnam pa bzhis ring bsrel bsdus te/ rin po che'i bum par sprul nas/ rin po che sna bdun gyi mchod rten gang du brtsigs na/ thams cad

  607. 304b

    dad pa'i sems skye zhing mchod par 'gyur ba/ bcom ldan 'das kyis bstan du gsol/ bcom ldan 'das kyis/ dga' bo la bka' stsal pa/ sangs rgyas mya ngan las 'das te bsregs nas 'khor rnam bzhis ring bsrel bsdus te/ rin po che sna bdun gyi bum par bcug la/ rtswa mchog gi grong khyer gyi nang lam bzhi mdor rin po che sna bdun gyi mchod rten bang rim bcu gsum dang ldan pa/ 'phang lo dang bcas pa/ rin po che thams cad kyis brgyan cing spras pa/ 'jig rten pa thams cad kyis mchog tu bya ba'i ba dan gyis shin tu brgyan pa/ ngos bzhi'i pu shu yang rin po che sna bdun las byas pa/ thams cad rgyan gyis rab tu spras pa/ mchod rten de rim pa gcig cing yang ngos bzhir sgo re re btod pa/ skar khung thad kar 'bab pa'i nang du rin po che'i bum pa bcug snga 'khor rnam bzhis mchod pa bya'o/ / dga' bo rang sangs rgyas kyi mchod rten ni rim pa bcu gnyis dang ldan pa'i rin po che rnam pa sna tshogs kyis spras par bya'o// dga' bo dgra bcom pa'i mchod rten ni rim pa bzhi dang ldan pa ste/ de yang rin po che sna tshogs kyis spra'o// dga' bo 'khor los sgyur ba'i rgyal po'i mchod rten yang rin po che sna bdun las byas te rim pa dang bcas pa ni ma yin no// de ci'i phyir na/ khams gsum gyi srid pa'i sdug bsngal las ma grol ba'i phyir ro// de'i tshe ma 'gags pas/ bcom ldan 'das la 'di skad ces gsol to// sangs rgyas mya ngan las 'das te zhugs la

  608. 305a

    zhen nas/ lha dang / mi dang / 'khor rnam bzhis de zhin gshegs pa'i ring bsrel ji ltar bgos na thams cad kyis mchod par 'gyur/ de'i tshe bcom ldan 'das kyis ma 'gags pa la 'di skad ces bka' stsal to/ / nga mya ngan las 'das nas lha dang mi la sogs pas sangs rgyas kyi ring bsrel bsdus te/ shin tu mnyam pa'i sems kyis khams gsum dang / rgyud drug pa thams cad la yang bgos te mchod pa byed par 'gyur bar bya'o// de'i tshe brgya byin lha'i dbang phyug gis/ bcom ldan 'das la 'di skad ces gsol to// bcom ldan 'das bdag ni de bzhin gshegs pa la/ de bzhin gshegs pa'i ring bsrel gyi phyed gsol lo// bcom ldan 'das kyis/ brgya byin lha'i dbang phyug la 'di skad ces bka' stsal to// de bzhin gshegs pa ni sems can thams cad la sras sgra gcan zin dang 'dra bar gzigs te/ de bas na khyed ring bsrel gyi phyed 'dod do zhes ma zer cig/ de ci'i phyir zhe na/ sems can thams cad la phan pa'i don snyoms par mdzad pa'i phyir ro/ / bcom ldan 'das kyis/ brgya byin lha'i dbang phyug la bka' stsal pa/ ngas khyod la 'gram pa g.yas pa'i tshems mche ba gcig sbyin gyis khyod kyi lha'i mchod rten byos la mchod cig dang khyod kyis bsod nams zad mi shes pa thob par 'gyur ro/ / de'i tshe na lnga dang mi thams cad cho nge 'debs shing dus so//

  609. 305b

    de nas bcom ldan 'das kyis/ 'khor rnam bzhi po la bka' stsal pa/ sangs rgyas mya ngan las 'da' ba la lha dang mi la sogs pa khyed mya ngan ma byed cig/ de ci'i phyir zhe na/ sangs rgyas yongs su mya ngan las 'das kyang ring bsrel rtag tu mchod du yod la/ gzhan yang bla na med pa'i chos kyi dkon mchog mdo sde dang / 'dul ba dang / chos mngon pa yod do/ / de bas na dkon mchog gsum dang / bden pa bzhi rtag tu 'jig rten na yod de/ sems can dag dad pas mchod pa'i gnas yod pa yin no// de ci'i phyir zhe na/ ring bsrel la mchod pa ni sangs rgyas dkon mchog yin no// sangs rgyas mthong ba des ni chos kyi sku mthong ngo // chos kyi sku mthong ba des ni 'phags pa mthong ngo // 'phags pa mthong ba des ni bden pa bzhi mthong ngo / / bden pa bzhi mthong bas ni mya ngan las 'das pa mthong ngo // de bas na dkon mchog gsum ni rtag pa/ gnas pa/ mi 'gyur/ mi 'pho ba ste/ 'jig rten gyi gnas dang rten du 'gyur bar rig par bya'o// bcom ldan 'das kyis/ 'khor mang po rnams la bka' stsal pa/ khyed sdug bsngal gyis gdungs par gyur pa'i mya ngan chen po ma byed cig/ nga ni mya ngan las 'das par gshegs su nye/ tshul khrims sam/ gnas sam/ rtag pa 'am/ mi rtag pa 'am/ dkon mchog

  610. 306a

    gsum maH/ bden pa bzhi'am/ pha rol tu phyin pa drug gas/ rten cing 'brel te byung ba bcu gnyis las thocom du gyur pa yod na myur du dris shig/ 'dri ba 'di ni tha mar 'dri ba ste/ sangs rgyas mya ngan las 'das nas 'gyod pa med par bya'o// zhes lan gsum gyi bar du bka' stsal to// de'i tshe 'khor rnam pa bzhi la sogs pa mya ngan gyis yid gdungs te/ skad pa rnangs nas yi chad pa tsam du yid la gcags te mya ngan gyis brgyal lo// sangs rgyas kyi byin gyi rlabs kyis mchi ma phyung nas cang mi smra ste zhu ba yang med do// de ci'i phyir zhe na/ 'khor bzhi po 'di dag ni tshul khrims dang / gnas dang / dkon mchog gsum dang / bden pa bzhi mngon sum du rtogs te the tsom med par gyur to// de'i tshe bcom ldan 'das kyis 'khor bzhi po la the tsom med par thugs kyis mkhyen nas/ legs so shin tu legs so// 'khor bzhi po khyed dkon mchog gsum dang / bden pa bzhi shin tu rtogs tethe tsom med pa ni ji ltar chu dang bas dri ma bkrus pa dang 'dra ste/ khyed kyang brtson 'grus kyis shig dang myur du 'byung ba'i lam thob par 'gyur gyis/ brgyal ba tsam du mya ngan ma byed cig/ de'i tshe bcom ldan 'das seng ge'i khri la bzhugs bzhin du gser lta bu'i phyag gis na bza' sbyar ma bzhag nas/ gser bco ma'i kha dog lta bu'i seng ge'i

  611. 306b

    thong kha dpal be'u phyung ste/ 'khor mang po rnams la bstan nas lha dang / mi dang / 'khor mang po rnams la nga'i sku mdog gser bcom lta phul ltos shig ces bka'/ stsal to// de'i tshe 'khor rnam bzhi dang thams cad kyis de bzhin gshegs pa'i sku gser btso ma'i kha dog lta bu la mig mi 'dzum par bltas pas rab tu bde ba ni/ ji ltar dge slong dag bsam gtan gsum la reg pa dang 'dra bar gyur to/ / de'i tshe bcom ldan 'das gser btso ma'i kha dog lta bu'i sku 'khor mang po la bstan nas/ mya ngan las 'das pa chen po'i 'od zer tshad med dpag tu med pa khrag khrig brgya stong snyed bkye nas/ phyogs bcu'i 'jig rten gyi khams thams cad snang bar byas pas/ nyi zla'i 'od kyang zil gyis non to// de ltar 'od bkye nas 'khor mang po rnams la 'di skad ces bka' stsal to// de bzhin gshegs pa ni khyed kyi phyir bskal pa grangs med pa'i bar du shin tu spyod dka' ba spyad de/ lus kyi yan lag lag pa dang rkang pa yang btubs nas/ shin tu spyod dka' ba thams cad spyad de/ snying rje chen po'i smon lam gyi dbang gis rnyog pa lnga'i 'jig rten gyi khams 'dir bla na med pa yang dag par rdzogs pa'i byang chub tu mngon par sangs rgyas te/ rdo rje lta bur mi 'jig pa'i gser btso ma'i kha dog gi sku mtshan sum cu rtsa gnyis dang / dpe

  612. 307a

    byad bzang po brgyad cu dang ldan pa/ tshad med pa'i 'od zer gyis thams cad du snang bar byas pa thob ste/ 'od zer gyis reg gam sku mthong ba tsam gyis kyang rnam par ma grol ba med do/ / bcom ldan 'das kyis/ yang 'khor mang po rnams la 'di skad ces bka' stsal to// sangs rgyas 'jig rten du gshegs pa shin tu dka' ba ni/ me tog u dum pa ra dang 'dra ste shin tu mthong dka' 'o// khyed kyis nang gi tha mar nga'i sku mthong bar 'gyur ba 'di la don med par mi bya'o// sngon gyi smon lam gyi mthus rnyog pa'i 'jig rten gyi khams 'dir gshegs te/ da ni gdul ba'i mdzad pa mdzad nas nga mya ngan las 'da' bar nye'o// khyed la sogs pa sems rtse gcig tu nga'i sku gser btso ma'i kha dog lta bu la shin tu ltos shig/ khyed kyang yongs su dag pa'i lam la nan tan byas na 'bras bu thob par 'gyur ro// de'i tshe bcom ldan 'das de bzhin du yang dang yang lan gsum gyi bar du bka' stsal nas gser bcom lta bu'i sku 'khor mang po rnams la mngon du ston to/ / de nas rin po che sna bdun gyi seng ge'i khri las bzhengs te/ steng gi nam mkha' la shing ta la bdun srid du 'a phags nas yang 'di skad ces bka' stsal to/ / nga yongs su mya ngan las 'dar nye/ khyed la sogs pa 'khor mang po rnams nga'i sku gser btso ma'i khajo

  613. 307b

    has la ltos shi/ / de bzhin du mgyur rdzas shing tu la gcig glid du 'phags nas/ nga ni mU dran las 'dur te/ khyed la sogs pa 'khor sang po rnams bsas pashin tu dag pas/ nga'i su gser bco ma'i kha dog lta bu la ltos shig ces lan 'dun du bka' stsal to// de nas nas mkha' las phabs te/ seng ge'i khri la bzhugs nas yang 'khor mang po rnams la nga yongs su mya ngan las 'dar nye/ khyed la sogs pa bsam pa shin tu dag pas/ nga'i sku gser btso ma'i kha dog lta bu la ltos shig ces bka' stsal to/ / de nas yang bcom ldan 'das seng ke'i khri las bzhengs nas steng gi nam mkha' la shing ta la gcig gi srid du 'phags nas/ lan bdun gyi bar du ni yongasu mya ngan las 'drar khyed la sogs pa 'khor mang po rnams nga'i sku gser btso ma'i kha dog lta bu la ltos shig ces bka' stsal to/ / de nas nam mkha' las phyir babs nas/ seng ge'i khri la bzhugs te 'khor mang po rnams la 'di skad ces bka' stsal to/ / nga yongs su mya ngan las 'dar nye/ khyed la sogs pa bsam pa dag pas/ nga'i sku gser btso ma'i kha dog lta bu la ltos shig/ de nas bcom ldan 'das yang seng ge'i khri las bzhengs nas steng gi nam mkha' la shing ta la gcig gi srid du 'phags nas/ 'khor mang po rnams la /

  614. 308a

    bka' stsal pa/ nga yongs su mya ngan las 'daranya/ khyed la sogs pa bsam pa dag pas nga'i sku gser bco ma'i kha dog lta rdul ltos shig ces de bzhin du yang dang yang shing ta la bdun srid du 'phags/ lan bdun gyi bar du yongs su mya ngan las 'dar nye/ khyed la sogs pa bsam pa dag pas/ nga'i sku gser btso ma'i kha dog lta bu la ltos shig/ ces lan bdun gyi bar du bka' stsal to// de nas yang nam mkha' las babs nas/ seng ge'i khri la bzhugs te yang 'khor mang po rnams la 'di skad ces bka' stsal to/ / nga yongs su mya ngan las 'dar nye/ khyed la sogs pa bsam pa dag pas/ nga'i sku gser btso ma'i kha dog lta bu la ltos shig/ de'i tshe bcom ldan 'das de bzhin gshegs pa'i sku gser btso ma'i kha dog lta bu mngon par bstan te/ 'khor mang po rnams la mngon sum du bstan pa'i phyir/ de ltar lan gsum gyi bar du steng gi nam mkha' la shing ta la bdun srid du 'phags/ lan gsum gyi bar du nam mkha' las phyir babs nas seng ge'i khri la bzhugs te/ de bzhin du yang dang yang lan nyi shu rtsa bzhi'i bar du 'khor mang popo rnams la 'di skad ces bka' stsal to/ / nga yongs su mya ngan las 'dar nye/ nga'i sku rdo rje lta bur brtan pa/ mi 'jig pa/ gser bco ma'i kha dog lta bu 'jig pa med pa la

  615. 308b

    ltos shig/ me tog u dum bar ltar shin tu mthong dka' ba yin gyis/ khyed la sogs pa shes par gyis shig/ nga yongs su mya ngan las 'dar nye/ khyed la sogs pa sems rtse gcig tu nga'i sku gser btso ma'i kha dog lta bu la shin tu ltos shig/ dper na mi zhig tsha bas gdungs te shin tu skom pa chu grang mo 'thungs na ngoms par 'gyur ba las/ gzhan mi sems pa dang 'dra bar/ khyed la sogs pa yang de dang 'dra ste/ nga yongs su mya ngan las 'dar nye/ khyed la sogs pa bsam pa dag pas shin tu ltos shig/ 'di ni nang gi tha mar mthong ba ste/ mthong ba 'di las phyin chad mthong ba'i dus med kyis/ khyed la sogs pa 'khor mang po rnams phyin chad 'gyod pa med par lta bas ngoms par gyis shig/ de nas bcom ldan 'das kyis/ 'khor mang po rnams la yang 'di skad ces bka' stsal to/ / nga mya ngan las 'das nas khyed la sogs pa 'khor mang po rnams srid pa gsum las myur du 'da' ba'i phyir/ rgyas par nan tan du spyod pa la le lo med par bag yod par gyis shig/ de'i tshe 'jig rten gyi khams thams cad na lha dang / mi dang / 'khor rnam bzhi la sogs pa mya ngan las 'da' ba'i 'od kyis reg nas/ sangs rgyas la lta ba thams cad kyis ngan song gsum dang / mi khom pa brgyad dang / 'jig rten gyi lha dang mi'i nyon mongs pa dang / rtsa ba bzhi dang / mtshams med pa lnga'i kha na ma tho ba'i sdig pa thams cad lhag ma ma

  616. 309a

    lus par yongs su byang ste/ rnam par grol ba thob par gyur to// de'i tshe bcom ldan 'das gser btso ma'i kha dog lta bu'i sku phyung ste/ yang dang yang ltos shig ces 'khor mang po rnams la bka' stsal nas/ thar chos gos sbyar ma skul gsol to// 'phags pa yongs su mya ngan las 'das pa chen po'i mdo las/ bstan pa bzhag pa'i li'u'o// / bcom ldan 'das kyis/ yang 'khor mang po rnams la 'di skad ces bka' stsal to// da ni da dus la bab ste/ sku kun tu rtse zhing na'o zhes bka' stsal nas/ bsam gtan dang po la 'jug cing mya ngan las 'da' ba'i 'od kyis 'jig rten gyi khams kun brtags te/ zhi zhing 'gog pa'i ting nge 'dzin la 'jug go// de'i tshe bcom ldan 'das de skad ces gsungs ma thag tu bsam gtan dang po la zhugs so/ / bsam gtan dang po las byung nas/ bsam gtam gnyis pa la zhugs so// bsam gtan gnyis pa las byung nas/ bsam gtan gsum pa la zhugs so/ / bsam gtan gsum pa las byung nas/ bsam gtan bzhi pa la zhugs so// bsam gtan bzhi pa las byung nas/ nam mkha'i mtha' yas skye mched stengs la zhugs so/ / nam mkha' mtha' yas skye mched stengs las byung nas/ rnam shes mtha' yas skye mched stengs la zhugs so// rnam shes mtha' yas skye mched stengs

  617. 309b

    las byung nas/ cung zad med min skye mched stengs la zhugs so// cung zad med mi skye mched stengs las byung nas/ 'du shes med 'du shes med min skye mched sbyangs la zhugs so// 'du shes med 'du shes med min mched stengs las byung nas/ 'gog pa zad pa'i ting nge 'dzin la zhugs so// 'gog pa zad pa'i ting nge 'dzin las byung nas/ phyir yang 'du shes med 'du shes med min skye mched stengs la zhugs so/ / 'du shes med 'du shes med min skye mched stengs las byung nas/ phyir yang cung zad med min skye mched stengs la zhugs so// cung zad med min skye mched stengs las byung nas/ rnam shes mtha' yas skye mched stengs la zhugs so// rnam shes mtha' yas skye mched stengs las byung nas/ nam mkha' mtha' yas skye mched stengs la zhugs so/ / nam mkha' mtha' yas skye mched stengs las byung nas bsam gtan bzhi pa la zhugs so// bsam gtan bzhi pa las byung nas/ bsam ga ta gsum pa la zhugs so/ / bsam gtan gsum pa las byung nas/ bsam gtan gnyis pa la zhugs so// bsam gtan gnyis pa las byung nas/ bsam gtan dang po la zhugs so/ / de'i tshe bcom ldan 'das de ltar yan man du bsam gtan du zhugs nas/ 'khor seng po rnams la 'di skad ces bka' stsal to// ngas shin tu lab pa'i shes rab kyis khams

  618. 310a

    gsus kyi byung drug gi sems canathams cad dang / ri dang / rgya mtsho dang / sa chen po la gnas pa'i srog chags thams cad la btags na/ khams gsum 'di dag na rang bzhin dang bral ba/ rab tu zhi ba/ nam mkha'i mtshan nyid dang 'dra bas gdags su med/ rnam par shes pa med/ srid pa thams cad yongs su bcad pa/ thog ma nas mnyam pa/ mtho dman gyi 'du shes med/ mthong ba med/ thos pa med/ tshor ba med/ shes pa med pa/ bcings pa med pa/ rnam par grol ba med pa/ sems can med pa/ srog med pa/ ma skyes pa/ ma byung ba/ mi zad pa/ mi 'gog pa/ 'jig rten ma yin/ 'jig rten ma yin pa yang ma yin te/ mya ngan las 'da' ba dang 'khor ba dmigs su med pa/ gnyis ka'i mtha' mnyam pa ni chos thams cad mnyam pa'i phyir ro// bas mthar gnas pa ci yang mi byed pa/ mthar rnam par gzhag pa/ nges par dmigs su med pa/ mi gnas pa'i chos la chos kyi mtshan nyid kyi bya ba med pa/ mtshan ma thams cad yod mu bcad nas ci yang med pa ste/ chos kyi mtshan nyid ni de dag yin no// gang gis de ltar shes na 'jig rten las bzla ba zhes bya'o/ / gang gis de ltar mi shes pa de ni 'khor ba'i thog ma'i mtha' zhes bya'o// de bas na khyed la sogs pa ma rig pa yongs su bcad de/

  619. 310b

    'khor ba'i thog ma'i mtha' dag go// de'i tshe bcom ldan 'das kyis de skad ces bka' stsal nas/ yang 'bar ba'i bsam gtan la zhugs so// bsam gtan dang po las byung nas/ bsam gtan gsum pa la zhugs so// bsam gtan gsum pa las byung nas/ nam mkha' mtha' yas skye mched stengs la zhugs so// nam mkha' mtha' yas skye mched stengs las byung nas/ cung zad med min skye mched stengs la zhugs so// cung zad med min skye mched stengs las byung nas/ 'gog pa zad pa'i 'du shes kyi ting nge 'dzin la zhugs so// 'gog pa zad pa'i ting nge 'dzin las byung nas/ phyir yang 'du shes med 'du shes med min skye mched stengs la zhugs so// 'du shes med 'du shes med min skye mched stengs las byung nas/ rnam shes mtha' yas skye mched stengs la zhugs so/ / rnam shes mtha' yas skye mched stengs las byung nas/ bsam gtan bzhi pa la zhugs so// bsam gtan bzhi pa las byung nas/ bsam gtan gnyis pa la zhugs so// bsam gtan gaN+DI las byung nas/ bsam gtan dang po la zhugs so// de ltar yan man du 'phar ba'i bsam gtan la zhugs nas yang 'khor mang po rnams la 'di skad ces bka' stsal to/ / ngas shes rab chen pos khams gsum na gnas pa ji tsam srog yod pa dang / srog med pa dang / gang zag dang

  620. 311a

    thams cad la brtags na/ thams cad mthar phyin pa ste/ rnam par bcings pa med pa/ rnam par grol ba med pa/ bdag po med pa/ gnas pa med pa/ gzung du med pa/ khams gsum las 'das pa yang ma yin/ srid pa kun tu 'jug pa yang ma yin te/ thog ma nas rnam par dag pa/ dri ma med pa/ nyon mongs pa med pa/ nam mkha' dang mnyam pa/ mnyam pa med pa/ mi mnyam pa yang ma yin pa/ rtog pa dang rnam par rtog pa zad na/ rtog pa thams cad zhi ba ste/ de ltar chos kyi mtshan nyid de ni mya ngan las 'das pa chen po zhes bya ste/ chos 'di la yang dag pa ji lta ba bzhin mthong na/ rnam par grol ba zhes bya ste/ bus pa ma rabs kyis mi mthong bas ni ma rig pa zhes bya'o// de skad ces bka' stsal nas/ phyir yang 'phar ba'i bsam gtan la zhugs te/ bsam gtan dang po las byung ba nas/ 'gog pa zad pa'i ting nge 'dzin gyi bar dang / 'gog pa zad pa'i ting nge 'dzin las byung ba nas/ bsam gtan dang po la 'jug pa'i bar du/ de bzhin du yan man du 'bar ba'i bsam gtan la zhugs nas/ yang 'khor mang po rnams la 'di skad ces bka' stsal to// ngas sangs rgyas kyi spyan gyis khams gsum gyi chos thams cad la brtags na/ ma rig pa'i thog ma'i mtha'as ni rang bzhin gyis rnam par grol ba ste/ phyogs bcur btsal kyang

  621. 311b

    dmigs su med pa ni rang bzhin med pa'i phyir ro/ / de'i rgyur 'gyur ba yal ga dang lo ma yang rnam par grol ba ste/ ma rig pa rnam par grol bas/ rga shi'i bar du rnam par grol lo// de bas na nga ni rtag tu rab tu zhi ba'i snang ba la gnas pas/ mya ngan las 'das pa chen po zhes bya'o// de'i tshe dga' bo mya ngan gyis shin tu yid gdungs te/ myos 'khrugs nas/ mi dran pa ni ji ltar chang gis myos pa dang 'dra ste/ 'khor rnam pa bzhi yang mi mthong mi shes la/ de bzhin gshegs pa mya ngan las 'das sam/ mya ngan las ma 'das pa mi shes mi rtogs so/ / de'i tshe bcom ldan 'das de ltar lan gsum gyi bar du 'phar ba'i bsam gtan la zhugs te/ chos kyi dbyings la thug gi bar du brtags nas/ 'khor mang po rnams la lan gsum du chos bstan to/ / de bzhin gshegs pas de bzhin du yang dang yang lan nyi shu rtsa bdun gyi bar du bsam gtan du zhugs so// dga' bos mi shes pas sangs rgyas lan cig bsam gtan du zhugs pa lan cig 'dri ste/ de bzhin du lan nyi shu rtsa bdun gyi bar du sangs rgyas mya ngan las 'das sam/ mya ngan las ma 'das ma shes/ ma 'gags pas dris so// de bzhin du ma 'gags pas kyang de bzhin gshegs pa bsam gtan du zhugs te/ mya ngan las ma 'das so zhes lan nyi shu rtsa bdun gyi bar du sbas so// de'i tshe 'khor de dag thams cad 'khrug cing myos pas

  622. 312a

    de bzhin gshegs pa mya ngan las 'das sam/ mya ngan las ma 'das mi shes mi rtogs so// de'i tshe bcom ldan 'das lan gsum gyi bar du bsam gtan du zhugs nas lan gsum gyi bar du 'khor rnams la chos bstan te/ rin po che sna bdun gyi khri la glo g.yas pas phab nas gzims te/ dbu ni byang phyogs su bstan/ zhabs ni lho phyogs su bstan/ nal ni nub phyogs su gzigs te/ rgyab ni shar phyogs su bstan nas gzims so// rin po che sna bdun gyi khri yang 'phreng ba rnam pa sna tshogs kyis yongs su brgyan to// sA la'i shing zung bzhi ya brgyad yod de/ nub phyogs kyi zung gcig ni de bzhin gshegs pa'i mdun/ shar phyogs kyi zung gcig ni de bzhin gshegs pa'i rgyab/ byang phyogs kyi zung gcig ni de bzhin gshegs pa'i dbu rol/ lho phyogs kyi zung gcig ni de bzhin gshegs pa'i zhabs rol lo// de'i tshe bcom ldan 'das shing sla la'i drung na rin po che'i khri la gzims nas/ bsam gtan bzhi pa la zhugs te/ cang mi gsung zhing nam gyi gung la yongs su mya ngan las 'das so/ / sangs rgyas bcom ldan 'das mya ngan las 'das nas sku la'i shing shar dang nub kyi shing zung gnyis kyang gcig tu gyur/ lho dang byang gi shing zung gnyis kyang gcig tu gyur te/ rin po che'i khri la gdugs lta bur gyur nas/ de'i tshe shing de gnyis kyang ngang pa'i gshog pa ltar skya bor gyur te/ yal ka dang / lo ma dang / me

  623. 312b

    tog dang / 'bras bu yang lhags/ shun pa yang gogs/ shing nyid kyang gnas/ mthar gyis bskams te/ lhag ma ma lus par chag go// de'i tshe phyogs bcu'i 'jig rten gyi khams grangs med pa bye ba khrag khrig kang+gA'i bye ma snyed kyi sa chen po shin tu g.yos nas/ skang chen po rnam pa sna tshogs byung ba las/ kyi hud 'jig rten stongs so zhes mi rtag pa dang / sdug bsngal ba dang / smre sngags 'dod pa'i skra byung ngo / / de'i tshe phyogs cu'i 'jig rten gyi khams thams cad kyi ri btang zung dang / ri btang zung chen po dang / ri kho ra khor yug dang / ri kho ra khor yug chen po dang / ri rab lhun po dang / ri bsung can dang / rin po che'i ri dang / ri nag po dang / sa chen po la gnas pa'i ri thams cad dus gcig tu spa byung nas thams cad rdib ste/ skad chen po 'jig rten du grags pa las/ kyi hud kyi hud nang gcig tu 'jig rten makon med par gyur te/ shes rab kyi nyi ma nub nas mya ngan las 'da' ba chen po'i ri 'gyel to// sems can thams cad kyi byams pa'i yab yang dag par 'das te/ mchod pa bya ba'i lha yang mi mthong bar gyur to zhes grags so// de'i tshe phyogs bcu'i 'jig rten gyi khams thams cad kyi rgya mtsho chen po yang 'khrug cing 'khol te rnyog par gyur nas/ dba' rlabs drag po las skad rnam pa sna tshogs grags pa ni/ kyi hud kyi hud yang dag par rdzogs pa'i sangs rgyas 'das nas/ sems can gyi

  624. 313a

    kha na ma tho ba'i sdig pa dang sdug bsngal ni srid pa'i gangs chen mtshor 'khol zhing 'bab par 'gyur te/ yang dag pa'i lam sbyor na/ nam zhig rnam par grol bar 'gyur zhes grags par gyur to/ / de'i tshe gtsang po dang / chu bo dang / 'bab chu dang / lung pa dang / lung phran gyi chu dang / chu mig dang / rdzing bu dang / lteng ka dang / khron pa thams cad kyang 'bo zhing chu bskams par gyur to/ / de'i tshe phyogs bcu'i 'jig rten gyi khams kyi sa chen po dang / nam mkha'i khams kyang mun pa chen por gyur te/ nyi zla'i 'od kyang mi snang zhing 'jig rten gyi khams thams cad mun par gyur to/ / de ma thag tu rlung nag po g.yos nas skad chen po phyung ste/ rdul dang bye mas 'chub par gyur to// de'i tshe sa chen po las skyes pa'i shing gel ba dang / nags tshal dang / rtsi shing la sogs pa'i me tog dang / 'bras bu dang / lo ma dang / yal ga thams cad kyang chag nas sa la lhags te/ lhag ma tsam yang ma lus par gyur to/ / de nas de ma thag tu phyogs bcu'i 'jig rten gyi khams kyi lha thams cad kyang steng gi nam mkha' la shin tu mi dga' bas ngus te/ stong gsum gyi stong chen po'i 'jig rten kyi khams kyang rab tu g.yos nas/ rnam pa sna tshogs kyi lha'i me tog dang / lha'i spos brgya stong grangs med pa char bzhin du phab nas/ stong gsum gyi stong chen po'i 'jig rten gyi khan

  625. 313b

    su ri rab lhun po tsam spungs te/ de bzhin gshegs pa la mchod pa byas te/ steng gI nam mkha' la gzhan yang grangs med pa'i lha'i rgyal mtshan dang / lha'i ba dan dang / lha'i 'phreng ba dang / lha'i gdugs dang / lha'i nor bu rin po che char bzhin du phab pa ni/ nam mkha'i khams yongs su gang ste/ rin po che'i khang bu brtsegs mar gyur nas/ ngos bzhi rin po che sna 'dun gyi 'phreng bas shin tu brgyan nas/ me tog gi 'od dang ldan pas/ de bzhin gshegs pa la mchod pa byas so// steng gi nam mkha' la gzhan yang lha'i rol mo rnga dang / gar dang / glu rnam pa mang po las/ kyi hud kyi hud sangs rgyas mya ngan las 'das pas 'jig rten stongs so// sems can gyi mig mdongs pas/ nyon mongs pa'i srin mo dar te/ sdug bsngal gyi 'du byed rgyun mi 'chad pas/ na ba'i 'khor lo rgyun du 'khor zhes grags so// de'i tshe dga' bo sems khrugs te myos brgyal nas/ de bzhin gshegs pa mya ngan las 'das sam/ mya ngan las ma 'das pa mi rtogs mi shes kyi/ 'jig rten gyi khams sngun lang gyur pa 'ba' zhig mthong nas/ sangs rgyas mya ngan las 'das sam zhes ma 'gags pa la dris so// ma 'gas pas smras pa/ sangs rgyas bcom ldan 'das yongs su mya ngan las 'das so// de'i tshe dga' bos de skad ces smras pa thos nas/ sa la brgyal te ro bzhin du gyur nas dbugs kyang mi rgyu ste/

  626. 314a

    ci yang mi tshor ro// de nas ma 'gags pas dga' bo'i gdong la chu zang mos btab nas bslang ngo // de nas thabs mkhas pa'i tshig gis spro ba bskyed pa'i phyir dga' bo la 'di skad ces smras so/ / kyi hud kyi hud sdug go// mya ngan chen po ma byed cig/ de bzhin gshegs pa ni 'dul ba'i mdzad pa kun mdzad nas/ lha dang mi la sogs pa thams cad kyis bzhugs su gsol kyang ma gnang gis/ mya ngan chen pos sems 'khrug par ma byed cig/ kyi hud kyi hud du ji ltar bya/ nang gcig tu lha dang mi'i ston pa mdzad pa'i mthar phyin nas bzhugs su ma gnang ngo / / da bdag cag re zhig mya ngan bsad ngo zhes spro ba bskyed nas/ dga' bo la 'di skad ces smras so// sangs rgyas mya ngan las 'das mod kyi/ 'on kyang ring bsrel dang / bla na med pa'i chos kyi dkon mchog 'jig rten na rtag tu bzhugs te/ sems can gyi gnas dang rten du gyur pa yod de/ de bas na bdag cag gis brtson 'grus su sangs rgyas kyi chos dkon mchog sems can la byin te/ sdug bsngal las rnam par bsgral bas sangs rgyas kyi drin la lan blan par bya'o zhes smras so// de'i tshe dga' bos spro ba bskyed pa thob nas/ bags kyis bsangs te/ skad brnangs pa tsam du mchi ma thags mya ngan gyis non to// de'i tshe rtsa mchog gi grong khyer shi sA la'i tshal kho ra khor yug dpag tshad bcu gnyis kyi nang lha dang

  627. 314b

    mis yongs su gang ba nis kyi rtse mo la yang sems can tshad med pa snyed yod pa de bar stongs med kyang / gcig la gcig mi bde zhing phan tshun gnod par 'gyur ba med do// de'i tshe byang chub sems dpa' khrag khrig grangs med pa dang / 'khor mang po thams cad mi dran te brgyal nas/ de bzhin gshegs pa mya ngan las 'das sam/ mya ngan las ma 'das pa ni mi rtog mi shes kyi/ spun dang mi 'dra bar ldeg cing g.yo ba 'ba' zhig mthong nas/ thams cad kyis ma 'gags pa la sangs rgyas mya ngan las 'das sam zhes dris so// de nas ma 'gags pas/ 'khor ma po rnams dang / 'jig rten du bcas pa lha dang / mi thams cad la sangs rgyas bcom ldan 'das ni yongs su mya ngan las 'das so zhes smras so// de nas 'khor grangs med pa thams cad kyis de skad ces smras pa thos nas/ thams cad brgyal te sa la 'gyel nas/ sdug bsngal gyis shin tu gdungs pas skad kyang mi phyin te/ la la ni sangs rgyas kyi zhabs 'bring du thal byung shi'o/ / la la ni sems stor bar gyur to// la la ni lus dang sems shin tu 'bar bar gyur to// la la ni gcig gi lag pa la gcig 'jus te/ skad brnangs pa tsam du mchis thags nas ngus so/ / la la ni thang la khu tshur gyis rdeg cing skad chen pos 'bod do// la la ni mgo la thal mos rdegs shing rang gi sgra 'bal lo// la la ni 'di skad du kyi hud kyi hud sdug bsngal

  628. 315a

    kyis gdungs so zhes smra'o/ / la la ni de bzhin gshegs pa mya ngan las 'das pa ha cang b+hU ches so zhes rtswa'o// la la ni bdag ni lha stor to zhes smra'o// la la nI rten stongs te sems can gyis mig mdongs so zhes smra'o/ / la la ni nyon mongs pa'i srin mo mngon du byung ngo zhes smra'o// la la ni sems can gyi dge ba'i myu gu dang sa bon 'gags so// zhes sprong/ la la ni bdud kyi sde rnams dga' ste go cha phud do zhes smra'o// la la ni bdag gi lus 'di mi rtag go zhes smod do// la la ni yang dag par spyod pas rnam par grol bar gyur to// la la ni mgon dang skyabs med par gyur to/ / la la ni lus la khrag mngon du zag cing 'bab par gyur to// de'i rnam pa tha dad pa'i sgra skad chen pos 'jig rten gyi khams kun g.yos par gyur to// de'i tshe mi mjed 'jig rten gyi khams kyi bdag po tshangs pa'i rgyal po chen po yang sangs rgyas mya ngan las 'das par shes nas/ lha'i 'khor dang bcas te bsam gtan dang po nas babs nas skad chen por ngus te/ de bzhin gshegs pa'i spyan sngar brgyal nas sa la 'gyel to// ring zhig lon nas phyir sangs rgyas kyi spyan sngar tshigs su bcad pas 'di skad ces dus so// com ldan 'das ni spun gyi blon las gyis// 'dag cag phyir du mi mjed 'jig rten gshegs// tshad med dbang du 'gyur ba'i mthus bcas na so// longs pa chos 'dod 'gro ba rnams kyang bajas/

  629. 315b

    mkhas pa'i thabs kyis ci rigs chos bstan nas/ sems can mi bde gyur pa gang yang med// srid pa gsum gyi sdug bsngal las bton te// mthar phyin mya ngan 'da' ba'i lam la bkod// bcom ldan sems can rnams la byams pa'i yum// sems can kun la snying rje zho drung ba// ci ste thams cad nang gcig rab spangs nas// lha mi 'phongs pa'i mgon ma mchis pa mdzad/ kyi hud 'gro ba'i mi dge byu gu yang // skye ba'i char ni 'bab pa'i dus ma mchis// dge ba'i myu gu khad kyis 'gags nas su// sdig pa'i las kyis bsus nas ngan song 'gro// 'jig rten spongs so da ni ji ltar bgyi/ / sems can yang dag shes rab mig mdongs so// ma rig mun par 'thom zhing 'gro bas na// srid pa gsum du lhung zhing 'khor bar gyur// sems can sdig pa mgon med ji ltar bgyi/ / ring bsrel dag las rten nas grol bar shog/ de bzhin gshegs la gsol ba'i snying rje mthus// sdug bsngal las ni grol ba'i skyabs su shog/ kyi hud ci'i phyir 'jig rten ngan pa 'dir/ / bcom ldan bdag cag spangs nas mya ngan 'da' de'i tshe brgya byin lha'i dbang phyug 'khor dang bcas te/ steng gi nam mkha' las babs nas kyi hud kyi hud ces skad chen pos phyung ste/ ngus nas mchi ma blags te/ de bzhin gshegs pa'i spyan sngar brgyal nas sa la 'gyel to// de nas ring zhig lon pa dang / gdod

  630. 316a

    ti mya ngan gyis yid gdungs nas sangs rgyas kyi spyan sngar tshigs su bcad pa 'dis dus so/ / bcom ldan bskal par dka' ba mdzad pa ni// bdag dang 'gro ba rnams kyi rmang du ste/ bla na med pa'i byang chub rab brnyes nas// 'gro ba kun la bu gcig bzhin du gso// chos sbyin sman ni sman gyi nang na mchog/ nad gso ldan pa'i nang na sman pa gtso thugs rje chen po'i sprin gyis kun bskyabs nas/ / bdud rtsi shes rab char ni kun la phab// shes rab nyi ma 'od kyis ma rig mun pa bsal// ma rig sems can 'phags pa'i lam yang mthong / 'phags pa'i byams pa'i 'od kyis rgyud drug snang mdzad nas// srid pa rnam gsum 'od kyis reg nas rnam par grol// ci yi slad du byams pa chen po'i thugs btang nas// mya ngan 'das so mi mthong ji ltar bgyi/ / sngun gyi thugs rje chen po yi dam ga re na// mchil ma bzhin du sems can yongs su spangs// bdag la sogs te sems can thams cad ni// ji ltar be'u dag mas bor nges par 'chi ba bzhin/ / 'khor bzhi gcig gi lag la gcig 'jus nas// zang rdung bus pa'i skad kyis 'jig rten gsum yang g.yos// kyi hud kyi hud srid par 'khor ba 'ang thams cad/ / thams cad nang gcig tu ni bskyabs ma mchis par gyur// re sdug bdag cag bsod nams zad pa rnams// dge ba'i myu gu tshig pa rlan pa'i dus ma mchis// dam chos

  631. 316b

    dkon mchog ring bsrel 'od zer gyis/ / snang bar mdzad cing srid pa gsum las grol bar shog/ kyi hud shin tu sdug go bdag cag rnams// nam zhig slar yang de bzhin gshegs pa mthong bar 'gyur/ / de'i tshe ma 'gags pa yang mya ngan gyis yid gdungs te/ ngus nas lus kyang 'dar bar gyur te/ sangs rgyas kyi spyan sngar pus mo bcugs nas tshigs su bcad pa 'di skad ces bstod do/ / sangs rgyas chos kyi rgyal pos bdag cag rab tu gsos// bdag cag chos kyi skom blud chos kyi sku yang bskyed// sems can sku yang mngon par ma grub cing // shes rab/ 'tsho ba'i tshogs kyang yod ma bsags// rnam pa brgyad dang ldan pa'i dbyangs kyis rab bstan cing // 'khor rnams thos nas byang chub rtogs par mdzad pa'i rigs// rtag tu byams chen kha dog lnga yi 'od bkye zhing / / 'khor rnam 'od kyis reg nas grol bar mdzod// ci'i slad du yongs su mya ngan 'das gshegs nas// sdug bsngal spyod pa'i sems can ci la 'jug par bgyi/ / kyi hud bcom ldan 'das ni byams pa chen po spangs// bdag cag mgon ma mchis par nges par mchi// bcom ldan 'das kyis thabs su bstan mod kyi// bdag cag mya ngan mi bgyid pa yi gdol ma mchis/ / 'khor bzhi myos shing 'khrugs te brgyal nas sems kyang stor// ngu ba'i skad kyis gnams 'jig rten gsum yang 'gul// bcom ldan nyag gcig bde ba la bzhugs

  632. 317a

    @na/ / 'gro ba mang po'i sdug bsngal chen po ji ltar bgyi// bcom ldan 'das pa'i dus na bdag cag rnams kyi phyir// bskal pa mang por dbu dang phyag dang zhabs kyang btam bla na med pa'i byang chub mngon par sangs rgyas nas/ / ring por mi bzhugs mya ngan las ni 'da' bar gshegs// bdag cag 'khor ba ni ma rig 'thibs por gnas pas na// bdud kyi rgyal po dga' zhing spobs go cha'ang bor/ / kyi hud bcom ldan 'das ni thugs rje chen po yis// ring bsrel byams pa'i 'od kyis bdag cag skyabs par shog/ 'khor bzhi po la bcom ldan thugs brtse'i phyir/ / chos kyi dkon mchog phan pa zad mi shes par shog/ bdag cag rnams ni 'phral du 'chi bar ma gyur te// 'tsho ba'i lhag ma 'di tsam gyis ni ci zhig nus// kyi hud shin tu sdug bsngal bzod par dka'/ / da ni slan chad bcom ldan mthong ba'i dus ma mchis// de'i tshe dga' bo bags kyis sangs nas/ thal mo mgo la rdebs shing brang la khu tshur gyis rdegs nas/ rkang brnangs shing sdug bsngal lus kyis mi bzod pa tsam du ngus nas/ sangs rgyas kyi spyan sngar pus mo btsugs te ngu ba'i tshigs su bcang 'di skad ces gsol to// bdag sngun bcom ldan 'das dang smon lam mthu gcig pas/ mthun par gcig tu shA ka gi rigs su skye bar gyur// de bzhin gshegs pa mngon par byang chub sangs rgyas nas// bdag gis

  633. 317b

    lo ni nyi shu lhag cig g.yog kyang bgyi/ / dad pa'i sems kyis bsnyen bkur bgyi ba ma ngoms bzhin// nang gcig bor nas yongs su mya ngan 'da' bar gshegs// kyi hud kyi hud sdug bsngal chen pos gdungs par gyur/ yun du sdug bsngal gyis ni sems kyang rab tu gzir// bdag gi lus kyang srid pa'i dra ba las ma grol// ma rig pa yi sgo nga las kyang phyir ma byung / bcom ldan 'das kyis ma rig sgo 'am bcad par// ci yi slad du yongs su mya ngan 'da' bar gshegs// bdag ni gsar du btsas pa'i bu dang mtshungs pa la// ma yis bor na gdon mi za bar 'chi bar 'gyur/ / ci yi slad du bcom ldan 'das kyis yongs spangs nas// nyag gcig khams gsum las ni 'das nas bde bar bzhugs// bcom ldan 'das la bdag gis 'gyod cing 'thol ba ni/ / dgu lo nyi shu bar du zhabs 'bring 'tshal ba na// smon lam bzhi po le lo'i dbang du gyur pas na// 'phags pa'i thugs dang 'gal zhing mnyes par ma bgyis pa/ nga yang dag rdzogs pa'i sangs rgyas thugs rje chen po yis// bdag la bdud rtsi sprul cing bde bar mdzad par shog/ bdag gis phyi ma'i bskal pa'i mtha' yi bar du yang // rtag tu bcom ldan 'das kyi sabs 'bring byed par shog/ bcom ldan 'das ni thugs rje chen po'i 'od zer gyis// thams cad 'jig rten khams su bdag ni skyob par shog/ kyi hud rtsa

  634. 318a

    drun tshig gis rjod n+tes/ / 'basdus pa'i dzin ng+gA ga pa ma sbyin no/ de'i rgyu zla ng+gA zungs med pa'i rtsig steng gyi byung rgya mas dpa 'jog chen du bcas pa sa rang mi thams cad gcig gi lag pa la gcig 'dus nas shin tu nga zhing tsho 'don pa las/ sa so nas spro ba ba skyed de ni nus kyis mangs med pan na'i chos dang ma tog san d+ha ra ba dang / man dar ba chen po dang / kAn dz+ra shwaka dang / spyan dz+ra sha ka chen po dang / mangs med pa'i sgra dang sri 'jig rten gyi rtsa yo rdzogs kyi tsun dan dang / a kan+d+ha / pa brgyad stong snyed kyi spos sbyar ma dang / byangs med pa'i myug thos dang / thos n+ya dang / rin po che'i gdugs dang / rin po che'i rgyal mtshan dang / rin po che'i ba dan dang / mu tig gang shAl nam mkha'i khams yongs su gang ba bcom ldan 'das kyi spyan sngar phab nas mchod pa byas so/ / de'i tshe rtswa mchog gi grong khyer gyi skyes pa dang / bud med dang / khye'u dang / bu mo thams cad kyang shin tu ngus nas/ so so nas grangs med pa'i me tog dang / spos dang / rgyal mtshan dang / bdug sa la sogs pa sdam pas shin tu lhag pa gyur na/ de btson gshegs pa'i spyan sngar phab nas mchod pa byas so/ / de'i tshe phyogs ba mi'i mgon po bzhi lha'i 'khor dang bcas te shin tu ngus nas/ so so nas grangs med pa'i me tog dang / spos la sogs pa mchod pa'i yo byad snga ma pas

  635. 318b

    sum 'gyur gyis lhag pa pashams nas/ dus bzhin du de bzhin gshegs pa'i spyan thar lhags te mchod pa byas so// gnas rim pa lnga'i lhas kyang de bzhin du rdzam pas shin tu lhag par bshams gzugs kyi khams dang / gzugs med pa'i khams kyi lha rnams kyang mchod pa'i yo byad snga ma pas shin tu lhag pa bshams nas mchod pa byas so// / 'phags pa yongs su mya ngan las 'das pa chen pa'i mdo bam po bzhi bcu rtsa gsum pa/ de'i tshe rtswa mchog gi grong khyer na gnas pa'i skyes pa dang bud med mchis blags te ngus nas/ mdad ji ltar gtong ba mi shes nas/ dga' bo la 'di skad ces smras so// de bzhin gshegs pa yongs su mya ngan las 'das na/ ji lta bu'i tshul du ma dang gtang bar bgyi de nas brgya byin lha'i dbang phyug gis/ gong du bcom ldan 'das kyis gsung pa bzhin du/ 'khor los sgyur ba'i rgyal po'i mdad gtang ba bzhin du bya'o zhes smras so// de'i tshe rtswa mchog gi grong khyer gyi mi thams cad ngus te/ grong khyer du zhugs nas lcags kyi sbom byas te/ rin po che sna bdun gyis brgyan nas/ rin thang sbed pa'i ras dkar po bzung po lugs stong dang / grangs med ba'i shing bal shin tu 'jam pa yang bshams so/ / gzhan yang grangs med pa'i tsan dan dang / a ka ru dang / gzhan yang khri phrag brgya stong nyid kyi spos sbyar ma dang / thos kyi lde gu

  636. 319a

    dang spos chu drang / gdugs dang / ba dan dang / me tog la sogs pa sprin ltar nam mkha' yongs su gang ba mtho khyad ri rab lhun po tsam bshams so// de lnga bu dag bshams nas mchi ma blags te/ de bzhin gshegs pa'i spyan sngar phab nas/ mya ngan gyis yid gdungs bzhin du mchod pa byas so// de'i tshe rtsa mchog gi grong khyer gyi mi thams cad dang 'khor mang po thams cad yang mchi ma blags te ngus nas/ gzhan yang tshad med pa snyed kyi spos dang / me tog dang / rgyal mtshan dang / gdugs la sogs te/ mchod pa'i yo byad sprin lta bur nam mkha' la yongs su gang ba bshams nas/ gcig gi lag pa gcig la 'jus te brang la khu tshur gyis rdeg cing / cho nga'i sgras stong chen po yang g.yos te/ de bzhin gshegs pa'i spyan sngar phab nas/ mchod pa'i yo byad kyis mchod pa byas so// de'i tshe 'khor mang po rnams skad brnangs pa tsam gyis ngus nas bkur stir bya ba'i phyir/ so so nas ras dkar po'i thab mos de bzhin gshegs pa'i sku bdeg ste/ lcags kyi sbom gyi nang du bcug nas mar bsung can gang bar blugs te blom gyi kha bcad do// de'i tshe rtswa mchog grong khyer gyi pho mo thams cad kyang bsod nams 'dod pa'i phyir/ de bzhin gshegs pa'i yon tan 'dod pa'i phyir/ lha dang / mi dang / 'khor mang pos de bzhin gshegs pa'i dpur sbom 'dag tu ma bcug gi/ kun gyis

  637. 319b

    bgros nas zla med pa gyang stobs po che bzhis gdeg par byas so/ / kyad bzhi pos gos dang rgyan bkrol te/ de bzhin gshegs pa'i dpur sgrom 'deg pa'i phyir/ grong khyer gyi nang du 'obs te mchod pa byas nas/ mthu ci yod pas bteg kyang mtheg go// de nas grong khyer de'i gyad stobs po che brgyad kyis dpur sgrom bteg par byas te/ so so'i gos dang rgyan bkrol nas mchod pa byas te/ mthu ci yod pas brtsal kyang ma theg go// de nas grong khyer de'i gyad stobs po che bcu drug gis gdeg par byas te/ gos dang rgyan bkrol nas sangs rgyas kyi sgom bteg par brtsal kyang theg par ma gyur to/ / de'i tshe ma 'gags pas/ stobs po che rnams la 'di skad ces smras so// ci ste grong khyer 'di'i nang gi skyes pa dang / bud med dang khye'u dang / bu mo thams cad kyis de bzhin gshegs pa'i dpur sbom grong khyer gyi nang du bkur bar rtsol yang mi theg na/ khyed 'ba' zhig theg pa lta ci smos te/ khyed rnams kyis 'khor mang po dang / lha rnams kyi stobs kyi btang bar gsol to// sbom gdeg na grong khyer du bkur nus so zhes ma 'gags pas spras ma thag tu/ de'i tshe brgya byin lnga'i dbang phyug rin po che sna 'dun gyi gdugs dam pa dang / grangs med pa'i me tog dang / spos dang / rgyal mtshan dang / ba dan dang / lha'i rol mo bshams nas/ lha'i 'khor dang bcas te shin tu rngus

  638. 320a

    nas nam mkha' la 'phags te/ 'phags pa'i dpur sgrom la mchod pa byed do// kanam rim pa drug gi lha dang / gzugs kyi khams kyi lha rnams kyang brgya byin lha'i dbang phyug dang 'dra bar dpur sgom la mchod pa byas so/ / de'i tshe bcom ldan 'das kun la thugs rjes khyab par mdzad cing / 'jig rten du bcas pa thams cad kyis mnyam par bsod nams khyad par med par mdzad pa'i phyir/ shing sA la'i tshal nas dpur sgom shing ta la gcig gi srid du/ steng gi nam mkha' las 'phags nas gshegs par gyur kyi/ rtswa mchog grong khyer gyi mi thams cad dang / 'jig rten du bcas pa lha dang / mi dang / 'khor thams cad kyis kyang / sangs rgyas kyi sgom bteg par ma gyur to// de'i tshe brgya byin lha'i dbang phyug 'khor rnams dang bcas te/ rin po che sna bdun gyi gdugs chen po// rin po che'i ka ba bzhi dang ldan pa/ rin po che sna bdun gyi do shal ngos bzhi brgyan pa/ steng gi nam mkha' las de bzhin gshegs pa'i sgom khebs par byas nas/ grangs med pa'i spos dang / me tog dang / rgyal mtshan dang / ba dan dang / do shal dang / lha'i rol mo dang dar gyi lnga lnga sna tshogs kyis nam mkha' la mchod pa byas so/ / kanam rim pa drug gi bar gyi lha dang / gzugs kyi khams kyi lha rnams kyang mchod pa'i yo byad brgya byin pas lhag pa bshams nas

  639. 320b

    de bzhin gshegs pa'i dpur sgrom la mchod pa byas so/ / de'i tshe rtswa mchog gi grong khyer gyi mi thams cad kyis/ de bzhin gshegs pa'i dpur sgom steng gi nam mkha' la 'phags pa mthong nas brang brdungs te skad chen po phyung nas ngus so/ / de'i tshe lha dang mi thams cad kyis de bzhin gshegs pa'i dpur sgom la mchod pa bya ba'i phyir/ rin po che sna bdun dang / mu tig dang / me tog dang / spos dang / do shal dang / dar gyi lda ldi rnam pa mang po sbyin bzhin du nam mkha'i khams yongs su gang bar byas te shin tu ngus nas/ de bzhin gshegs pa'i rin po che sna bdun gyi dpur sgom la mchod de/ thams cad 'thun par kyi hud kyi hud bdag cag la bsod nams ma mchis pas/ de bzhin gshegs pa'i dpur sgom ma theg ste/ bdag cag la mgon dang skyabs ma mchis/ dge ba'i rtsa ba dang skal ba ma mchis so zhes smras so// de'i tshe bcom ldan 'das kyi gser gyi dpur sgom shing sA la'i tshal gyi nam mkha' las ral gyis gshegs rtswa mchog grong khyer gyi nub sgor zhugs so/ / de'i tshe rtswa mchog grong khyer na gnas pa'i dge bsnyen ma thams cad dang / byang chub sems dpa' dang / nyan thos grangs med pa dang / lha dang / mi dang / 'khor mang pos steng gi nam mkha' dang / sa la yongs su gang bar de bzhin gshegs pa'i dpur sbom gyi phyi bzhin dong nas/ gcig gi lag pa la gcig gis

  640. 321a

    'ju zhing skad chen por phyung ste ngus nas/ brang la khu tshur gyis rdeg sde/ so so nas grangs med pa'i me tog dang / spos dang / rin po che'i rgyal mtshan dang / ba dan dang / gdugs kyis sa'i steng dang / nam mkha' la yang yongs su kang ba bshams te/ de bzhin gshegs pa'i dpur sbom la mchod pa byed do// rtsa mchog gi grong khyer ni ngos gcig kyang dpag tshad bzhi bcu rtsa brgyad yod do/ / de'i tshe de bzhin gshegs pa'i rin po che sna bdun gyi gser gyi dpur sgrom steng gi nam mkha' la dal gyis gshegs te/ rtswa mchog grong khyer gyi shar sgo nas byung nas g.yas phyogs nas 'khor te/ grong khyer gyi lho skor zhugs so// de nas bags kyis nam mkha' las gshegs te/ byang sgo nas byung nas g.yas phyogs nas 'khor te nub sgor zhugs so/ / de bzhin du lan gsum gyi bar du bskor nas/ steng gi nam mkha' la dal gyis gshegs te/ phyir yang nub sgor zhugs nas shar sgor byung ste/ g.yas nas bskor nas byang sgor zhugs so/ / de nas nam mkha' la ral gyis gshegs te/ lho sgor byung nas g.yas nas bskor te/ byang sgor zhugs nas lan bzhi bskor to// de bzhin du g.yas g.yon nas grong khyer rtswa mchog lan bdun gyi bar du bskor to/ / de'i tshe rin po che sna bdun gyi dpur sbom grong khyer gyi nang du zhugs pa na/ 'khor mang po thams cad mchi ma blags te dus nas

  641. 321b

    so so nas grangs med pa'i spos kyi shing tsan dan dang / rin po che'i spos kyi shing ri mo dang bsung du ldan pa/ 'jig rten gyi khams kun bro bar byed pa thogs shing / gzhan yang rin po che'i rgyal mtshan dang / ba dan dang / gdugs dang / spos dang / me tog dang / do shal grangs med pa bshams te/ de bzhin gshegs pa'i mdad mdzad pa'i gnas su mchod pa byas so// de'i tshe phyogs bzhi'i mgon po chen po dang / lha'i 'khor dang bcas te ngus nas/ lha rdzas kyi tsan dan dang / a ka ru phyi nang kun bsung dang ldan pa/ bsung gi mngad pa/ sdoms shing rta'i 'khor lo tsam lnga brgya dang / de ma yin pa rin po che'i spos dang / rin po che'i rgyal mtshan dang / rin po che'i gdugs dam pa dang / me tog gi 'phreng la sogs pa bshams te mchod pa bya ba'i phyir ma dang mdzad pa'i gnas su lhags so/ / gnam rim pa gnyis kyi lhas ni shing nyis stong bshams so// rim pa gsum gyi lhas ni shing nyis stong bshams so// rim pa bzhi'i lhas ni shing sum stong bshams so/ / rim pa lnga'i lhas ni shing bzhi stong ba shams so// rim pa drug gi lhas ni shing lnga stong snyed bshams so// so so nas ba ngan dang me tog la sogs pa thogs te ngus nas/ mchod pa'i phyir ma dang mdzad pa'i gnas su lhags so// de'i tshe gzugs yod pa'i khams dang / gzugs med pa'i khams kyi lha rnams ni/ spos

  642. 322a

    dang me tog 'ba' zhig thogs te/ mdang mdzad pa'i gan su mchod pa byed do// de nas 'jig rten du bcas pa'i 'khor mang po rnams kyang so so nas spos tsan dran gyi shing dang a ka ru dang / me tog dang / spos dang / ba dan dang / gdugs la sogs pa thogs te dus nas/ mchod pa'i phyir mdad kyi gnas su lhags so// de'i tshe ma 'gags pa mig mchi mas gang ste drag tu ngus nas/ lha dang mi rnams la shing tsan dan dang / a ka ru drug stong snyed ri mo dang bsung dang ldan pa/ kun tu shin tu mngad pa bslangs nas mdad kyi gnas su bzhag go/ / mtsho ma dros pa ngos bzhi chu zheng gab par dpag tshad nyis brgya yod de gtsang po chen po bzhi 'bab bo// bcom ldan 'das thog ma mngon par sangs rgyas pa na/ gtsang po gang+gA'i byang phyogs kyi 'gram na/ tsan dan gyi shing drung gcig skyes te/ sbom khyad shing rta'i 'khor lo tsam la/ gnas 'phang du shing rta la bdun srid de/ bsung shin tu mngad pas de bzhin gshegs pa mchod do/ / shing de'i lha yang shing de dang cig car skyes te/ rtag tu spos de sangs rgyas kun la mchod pa byed do// sangs rgyas mya ngan las 'das pa na/ tsan dan gyi shing de yang lo ma dang shun pa lhags nas bskams te/ shing gi lha yang der shi'o// des lha gzhan rnams kyis shing de blangs nas ma dad kyi gnas su bskyal te mchod pa byas so// sa gzhi

  643. 322b

    de ni dus gsum gyi sangs rgyas thams cad kyi mdad kyi gnas te/ sangs rgyas bcom ldan 'das sngon gyi smon lam gyi mthus gnas de nyid du mdang mdzad do// gnas de na sngon gyi sangs rgyas rnams kyi rin po che'i mchod rten yang grangs med pa zhig yod do/ / gnas de ni rdo rje ltar mi 'jig cing shin tu brtan pa'o// de'i tshe de bzhin gshegs pa'i dpur sgom nam mkha' la dal gyis gshegs te/ ma dad kyi gnas su phyin pa dang / bags kyis je dma' je dma' nas/ rin po che sna bdun gyi khri dar gyi lda ldi dang do shal gyis yongs su brgyan pa la gshegs de/ de nas de'i bar du zhag bdun 'das so// de'i tshe rtswa mchog grong khyer gyi skyes pa dang / bud med thams cad dang / zangs med pa'i byang chub sems dpa' dang / nyan thos dang / sum cu rtsa gsum gnam gyi lha thams cad mya ngan gyis yid gdungs te rab tu ngus nas/ ba dan dang / gdugs dang / rin po che'i rgyal mtshan dang / spos dang / me tog la sogs pa thogs te/ sangs rgyas kyi dpur sgom gyi phyi bzhin zhag bdun du 'brang yang / sangs rgyas kyi byin gyi rlabs kyis// lha dang mi thams cad la skom pa dang bkres pa'i 'du shes med de// zas mi sems kyi/ de bzhin gshegs pa dran pa'i phyir ngu ba 'ba' zhig byed do// de bzhin gshegs pa'i dpur sgom de ltar zhag bdun lon nas/ sgrom gyi nang nas phrer byung ba na/ rtswa mchog grong

  644. 323a

    khyer gyi skyes pa dang / bud med dang / 'khor grangs med pa thams cad kyi ngus pa'i sgras 'jig rten gyi khams kyang g.yos nas/ gzhan yang me tog dang / spos dang / dz+ha'i rgyal mtshan dang / gdugs dang / grangs med pa'i lha'i rol mo mang pos sangs rgyas kyi dpur la ngus te mchod pa byas so// de'i tshe 'khor mang po rnams mchi ma blags nas/ ras dkar po 'jam pos lag pa dkris te/ bsti stang dang bcas pa'i sems kyis rin po che'i sgom nas de bzhin gshegs pa'i sku gser bco ma'i kha dog dang ldan pa/ mtshan sum cu rtsa gnyis dang dpe byad bzang po brgyad cur ldan pa/ rdo rje ltar mi 'jig pa'i chos can dal gyis phyung ste/ rin po che sna bdun gyi khri la bzhag go// de'i tshe 'khor mang po rnams shin tu ngus nas/ phyogs bcu'i 'jig rten gyi khams kun g.yos par gyur to/ / gzhan yang me tog dang // spos dang / gdugs dang // rol mo la sogs pas mchod pa byas nas dus so// de nas 'khor ma po rnams ngus shing mchi ma blags nas/ so so nas spos chu dang / byug spos zangs med pa snyed kyis/ de bzhin gshegs pa'i mtshan sum cu rtsa gnyis dang dpe byad ba dang po brgyad cur ldan pabasod nams dang ye shes kyi tshogs tshad med pa dang ldan pa/ rdo rje ltar bur mi 'jig pa/ gser btso ma'i kha dog lta bu dbu dang zhabs kyi bar du bkrus so// de nas rin po che'i

  645. 323b

    sbom yang yongs su dag par bkrus so/ / de'i tshe 'khor mang po rnams shin tu ngus te mchi ma lpags nas/ lha'i spos dang rin po che sna bdun me tog gis gtor nas grangs med pa'i rin po rje'i rgyal mtshan dang / gdugs dang / ba dan nam mkha'i khams yongs su gang ba'i mchod pa byas nas dus so// de nas 'khor mang po rnams dus bzhin du grangs med pa'i shing bal thogs nas/ de bzhin gshegs pa'i sku gser btso ma lta bu dkris so// de ltar shing bal gyis dkris pa'i steng du/ rin thang med pa'i ras dka po yugs stong gis de bzhin gshegs pa'i sku dkris so/ / de ltar dkris nas 'khor mang po rnams brgyal ba tsam du shin tu ngus nas/ gzhan yang rin po che'i me tog dang / spos dang / rin po che'i rgyal mtshan dang / rin po che'i gdugs dang / lha'i rol mo la sogs pas mchod pa byas te dus so// de nas 'khor mang po rnams dus bzhin du// so so nas ras dkar po'i sleb mos de bzhin gshegs pa'i skubate ga nas/ rin po che'i sbom gyi nang bcug ste/ mar bsung can gyis bkang nas sbom gyi kha bcad do// de nas 'khor mang po rnams shin tu ngus pa'i sgra 'jig rten gyi khams kun tu grags par gyur te/ gzhan yang me tog dang / spos dang / ba dan dang / gdugs dang / rol mo la sogs pas rin po che'i sgom la mchod nas ngus so//

  646. 324a

    de nas 'khor mang po thams cad kyis bsogs pa'i spos kyi shing dri bsung shin tu mngad pa'i ri rab lhun po tsam brtsigs te bcer ba spos kyi khang pa brtsegs ma lta bur gyur nas/ ngos bzhi rin po che sna bdun gyis brgyan cing / gdugs dang / rgyal mtshan dang / ba dan dang / spos dang / me tog dang / do shal dang / dar gyi lnga ldi sprin lta bur nam mkha'i khams yongs su gang ba tsam gyis brgyan nas/ lha'i rol mos mchod pa byas so// de nas lha dang / mi dang / 'khor rnams kyis dpur sgom bteg ste/ spos kyi khang pabartsegs ma'i steng du bzhag pa na shin tu skad chen po phyung ste/ brang brdungs nas ngus pa'i sgra chen pos stong chen po'i 'jig rten gyi khams su grags shing g.yos par gyur to// gzhan dang rin po che'i rgyal mtshan dang / gdugs dang / spos dang / me tog dang / lha'i rol mos mchod nas ngus so// de nas yang bsti stang bya ba'i phyir so so nas ras dkar po'i sleb mos bzhin gshegs pa'i dpur sgom bteg ste/ shin tu brgyan pa'i spos kyi shing gi steng du bzhag nas cho nges 'don cing brgyal lo// de nas phyir sangs nas 'di skad du// kyi hud kyi hud 'jig rten mgon dang skyabs med par gyur to zhes smras nas mchi ma blags te/ me tog dang / spos dang / rin po che'i rgyal mtshan dang / ba dan dang / gdugs dang / lha'i rol mos mchod

  647. 324b

    papa byas so/ / de nas de bzhin gshegs pa'i dpur sgom spos kyi shing gi steng du bzhag ste me gtong ba na/ 'khor mang po thams cad shin tu ngus te/ stong chen po'i 'jig rten gyi khams su grags par gyur te ngus nas/ de bzhin gshegs pa'i dpur sgrom de la mchod pa byas so// de nas 'khor mang po rnams dus nas/ rin po che sna bdun gyi spos kyi sgron ma shing rta'i 'khor lo tsam 'jig rten gyi khams snang bar byas nas/ thams cad dus gcig tu skad chen po phyung ste ngus pas/ stong chen po'i 'jig rten gyi khams thams cad g.yos nas/ me tog dang spos kyis yongs su mchod pa byas so/ / de'i rin po che'i sgron ma spos kyi shing brtsegs pa'i drung du byin ma thag tu rang shi'o// de nas lha thams cad kyis yang bla na med pa'i rin po che sna bdun gyi me chen po thogs te/ me'i 'od kyis kun tu snang bar byas nas/ dus bzhin du spos kyi shing brtsig pa'i drung du phyin ma thag tu me yang rang shi'o// de nas rgya mtsho'i lha thams cad kyang rgya mtsho'i nang gi me rin po bdun gyi sgron ma 'od zer zangs med pa dang ldan pa thogs te/ spos kyi shing brtsegs pa la bsregs na me de yang rang shi'o// de'i tshe 'khor mang po rnams shin tu ngus nas mtsho pa thams cad kyis mchod de/ de bzhin gshegs pa'i mdzad pa ci'i phyir mthar ma phyin na/ spos kyi shing la me mched du ma btub pa ma rtogs so// de'i tshe bcom ldan 'das kyis thugs rje

  648. 325a

    chen po kun la khyab pa 'od srungs kyi 'khor gzhes te/ gdod zhugs kyis bzhin to// de'i 'od srungs chen po 'khor lnga brgya dang bya rgod phung po'i ri la 'khod do// de rtswa mchog gi grong khyer nas dpag tshad lnga bcu yod de/ de na lus dang sems rab tu zhi ba'i ting nge 'dzin la zhugs pa las/ sngangs nas lus kyang 'dar zhing g.yos so// de nas ting nge 'dzin las byung ste bltas na/ sa dang ri kun rab tu g.yos pa mthong nas/ de bzhin gshegs pa mya ngan las 'da' bar shes te/ 'khor rnams la 'di skad ces smras so// nga'i ston pa chen po yongs su mya ngan las 'das nas zhag bdun lon te sgrom gyi nang du yang bcug go/ / kyi hud kyi hud myur du de bzhin gshegs pa gang na bar 'dong ngo // gal te zhugs la bzhen par gyur na/ bzhin gshegs pa'i sku mtshan sum cu rtsa gnyis dang / dpe byad bzang po brgyad cur ldan pa yongs su dag pa mthong bar mi 'gyur ro zhes smras nas/ 'od srungs kyis bcom ldan 'das la bsti stang bya ba'i phyir/ rdzu 'phrul gyis nam mkha' la ma song gi/ 'khor dang bcas te lam du zhugs nas/ de bzhin gshegs pa gang na bar myur du dus bzhin du song nas// zhag bdun gyis rdza mchog gi grong khyer du phyin to/ / grong khyer gyi shar sgor bram ze zhig lha'i me tog cig thogs nas 'ongs pa dang phrad nas/ 'od srungs kyis de la kye ga las 'ongs shes so// des smras pa

  649. 325b

    bdag sangs rgyas mya ngan las 'das pa zhugs la bzhen pa'i gnas nas 'ongs so zhes smras so/ / 'od srungs kyis me tog 'di dag ga las rnyed ces dris na/ zhugs la bzhen pa'i gnas su lha'i me tog 'di rnyed do zhes smras so/ / 'od srungs kyis me tog 'di kho bos bslang ngo zhes smras na mi rung ngo // bdag 'di gnyen pa rnams la bstan cing khyim du mchod pa byar 'gro'o nas sprasmras so/ / 'od srungs kyis cung blta'o zhes smras nas// lag gi blangs te spyi bo la bzhag ma thag tu der brgyal te sa la 'gyel lo// ring zhig lon pa dang // phyir sangs nas ngus te/ de bzhin gshegs pa'i sku dpe byad bzang po brgyad cu dang ldan pa/ gser btso ma'i kha dog lta bu da phyin chad mi mthong ngo zhes smras nas/ 'khor dang bcas te grong khyer rtswa mchog gi brang sgor zhugs so// grong khyer gyi nang du phyin nas/ dge slong gi gnas dge slong dag cig 'dus shing 'khod pa dag mthong ngo // dge slong de dag gis/ 'od srungs la khyod lam ring po nas 'ongs na// nyon mongs shing mi bde bar ma gyur tam/ bde bar 'dug la bsod snyoms sdod cig ces smras so// 'od srungs kyis sbas pa/ kho bo'i ston pa chen po mya ngan las 'das na/ bdag thod pa ci zhig yod de/ 'dir bde bar 'dug cing bsod snyoms bsdad du rung rung ngam/ dge slong rnams kyis smras pa/ khyod kyi ston pa su yin/ 'od srungs kyis smras pa/ ci khyod mi shes sam/

  650. 326a

    nyung bdag gi ston pa ni sangs rgyas bcom ldan 'das yin te/ da yongs su mya ngan las 'das so// dge slong rnams de skad ces thos nas/ so so nas 'di skad ces smras so/ / legs so legs so// de bzhin gshegs pa 'jig rten na bzhugs na/ tshul khrims dam pas bdag cag mi bzod do// bdag cag de bzhin du spod mi nus pa las da mu/ ngan las 'das nas/ tshul khrims bsdams pa yang de lhod par 'gyur gyis// re zhig ma rings par bsod snyoms sdod ces smras so// sangs rgyas kyi byin gyi rlabs kyi lha rnams dang / 'od srungs kyi 'khor rnams kyi rna ba 'gags par byas pas/ dge slong sdig can rnams kyis smras pa'i tshig thos par ma gyur kyis/ 'od srungs 'ba' zhig gis thos so// de nas 'od srungs kyis 'khor rnams dang bcas te shin tu ngus nas/ sangs rgyas gang na bar myur bar song ngo // de'i tshe 'od srungs 'khor dang bcas te 'di snyam du bsams so// bdag cag gis ji lta bur mchod pa'i yo byad rnyed cing / sangs rgyas la mchod par 'gyur snyam bsams nas/ 'od srungs kyis 'di skad ces smras so// bdag kyang grong khyer 'di skyes te/ mchod pa'i yod byed blangs na rnyed par 'gyur yang dag snyam nas/ 'khor rnams dang bcas te grong khyer der mthar gyis blangs so// mthar gyis bslangs nas/ 2

  651. 326b

    dkar po bzang po lugs stong yang rnyed de/ de ma yin pa gzhan yang shing bal grangs med pa dang / tshad med pa'i me tog rin po che dang / drug spos dang / spos chu dang / spos kyi mar dang / rin po che'i rgyal mtshan dang / rin po che'i gdugs dang / ba dan dang / rol mo dang / do shal rnam pa sna tshogs dang / dar gyi lda ldi la sogs pa rnyed do// de nas 'od srungs 'khor dang bcas te/ mchod pa'i yo byad ci rnyed pa thogs nas/ myur bar grong khyer gyi nub sgor byung nas/ 'od srungs kyis zhugs la bzhen pa'i gnas na/ 'khor mang po thams cad shin tu ngus shing cho nges 'debs pa'i sgra yang thos/ kun gyis brgya byin da'ang phyug la da mchod pa ni byas na/ bzhen pa'i me ga las rnyed ces 'dri ba dang / brgya byin 'khor mang po rnams la re zhig 'od srungs bsdad dgos so zhes pa yang thos te/ brgya byin gyis de skad ces 'khor mang po rnams la de skad ces smras ma thag tu/ 'od srungs chen po 'khor dang bcas te dus bzhin du der lhags so/ / 'khor gyi dkyis cwo rnams sgo phye nas/ 'od srungs kyis rgyang nas sangs rgyas kyi dpur sgrom mthong ba dang / 'khor dang bcas te phyag 'tshal nas/ shin tu ngus te cho nges btab nas brgyal lo// de nas ring zhig lon nas phyir sangs te/ bags kyis drung du bsnyen nas// 'khor mang po rnams la 'di skad

  652. 327a

    ces smras so/ / bdag gis ji lta bur 'phags pa'i dpur sgom dbye bar bgyi/ 'khor rnams kyis smras pa/ bcom ldan 'das yongs su mya ngar las 'das nas de ring du zhag bdun gsum lon te/ de tsam zhig pa snyam na/ ji ltar sgrom dbye bar bya/ 'od srungs kyis smras pa/ de bzhin gshegs pa'i sku ni rdo rje ltar sra ba/ brtan pa rtag pa/ bde ba/ yongs su dag pa mi 'jig ste/ yon tan gyi bsung shi tu mngad pa/ tsan dan gyi ri lta bu yin no zhes smras nas/ shin tu ngus te de bzhin gshegs pa'i dpur sgom gyi drung du bsnyen to/ / de'i tshe de bzhin gshegs pa'i thugs rje chen po kun la snyoms pas 'od srungs kyi phyir dmur sgom kha rang bye nas/ ras dkar po stong gis dkris pa dang / shing bal gyis dkris pa yang rang grol te/ mtshan sum cu rtsa gnyis dang / dpe byad bzang po brgyad cus brgyan pa/ gser ba tso ma'i kha dog lta bu sra zhing brtan pa'i sku 'od srungs la mngon par bstan to/ / 'od srungs 'khor dang bcas pa de lta bu dag mthong nas shin tu ngus te brgyal nas 'gyel to// des ring zhig lon pa rang / phyir sangs nas mig mchi mas gang bzhin du 'khor rnams dang bcas te/ spos kyi shing brtsig pa la 'dzegs nas/ dpur sgom la shin tu bsnyen te tshe nge btab nas/ me tog dang

  653. 327b

    spos dang / rgyal mtshan dang / gdugs dang / ba dan dang / do shal dang / rol mo la sogs pas mchod de/ byug spos dang / spos chus de bzhin gshegs pa'i sku gser btso ma'i kha dog lta bu bkrus nas/ spos kyis bdugs nas me tog gis gtor te ngus nas mchod pa byas so// de ltar bkrus nas 'od srungs 'khor dang bcas te/ ci rnyed pa'i shing bal gyis de bzhin gshegs pa'i sku dkris so/ / de'i steng du shing bal rnying gis kyang dkris so// de'i steng du bslangs pa'i ras dkar po yugs stong gis dkris/ de'i steng du ras rnying pa stong gis kyang dkris so/ / de ltar rim pa du mar de bzhin gshegs pa'i sku dkris nas dpur sgrom gyi kha yang bcad de/ rin po che sna bdun gyis shin tu brgyan to// de'i tshe'o srungs shin tu dus nas/ 'khor dang bcas te g.yas phyogs nas lan bdun bskor te/ mig mchi mas gang bzhin du thal mo sbyar te/ pus mo g.yas pa'i lha nga sa la btsugs nas/ tshigs su bcad pa 'di skad ces smras so/ / kyi hud kyi hud 'phags pa bcom ldan 'das// bdag ni sdug bsngal shin tu gdungs par gyur// thugs rje chen pos bdag la mi gnyis pa// ci yi slad du mya ngan myur bar 'das/ / bya rgod srungs pa'i ri la snyoms par zhugs pa na// kun tu bltas kyang de bzhin gshegs pa ma mthong ngo // bltas nas bcom ldan mya ngan 'das mthong nas/

  654. 328a

    shin tu 'ad te sems kyang spangs par gyur// 'jig rten khams kyang mun par gyur nas su// ri dang sa chen dag kyang rab tu g.yos// bcom ldan mya ngan 'das pa der rtogs te/ / myur du mchis kyang bcom ldan 'das ma mthong ngo // bcom ldan thugs rjes bdag la ma khyab pas// bdag gis sangs rgyas mya ngan 'das ma mthong // bdag la bstan pa bsung gcig tsam yang ma bzhag pas/ / bdag la mgon ma mchis ni ci la gnas// bcom ldan bdag ni sdug bsngal shin tu gdungs// sems kyang myos nas shin tu bslad par gyur/ bdag gis bcom ldan dbu la phyag 'tshal lam// 'on te bcom ldan dpal be'u la phyag 'tshal// 'on te 'phags pa'i phyag la phyag 'tshal lam// 'on te bcom ldan rked pa la phyag 'tshal/ / de bzhin gshegs pa'i zhabs la phyag 'tshal lam// 'on te bcom ldan lte ba la phyag 'tshal// kyi hud bcom ldan mya ngan 'das ma mthong // bdag la phyag 'tshal gnas ni bstan du gsol/ / bcom ldan bzhugs na 'khor rnams kun la bde// mya ngan 'das ni thams cad sdug bsngal non// kyi hud kyi hud sdug bsngal shin tu gdungs// thugs rje chen po phyag gnas bstan du gsol/ / de'i tshe 'od srungs ngus nas tshig su bcad pa de skad ces smras ma thag tu/ bcom ldan 'das thugs rje chen pos zhabs gnyis 'khor lo rtsibs na stong

  655. 328b

    dang ldan pa'i mtshan sgom gyi phyi rol tu mngon par bstan te/ 'khor lo rtsibs stong dang ldan pa las 'od zer stong bkye nas/ phyogs bcu'i 'jig rten gyi khams kun snang bar byas so// de'i tshe 'od srungs 'khor rnams dang bcas te/ bcom ldan 'das kyi zhabs mthong nas/ thams cad kyis phyag 'tshal te ngus nas brgyal to// de nas ring zhig lon nas phyir sangs te/ 'khor rnams dang bcas pa shin tu ngus te/ g.yas nas lan bdun bskor nas/ sangs rgyas la phyag 'tshal te/ du ba'i sgras 'jig rten gyi khams kyang g.yos nas/ sangs rgyas kyi zhabs la tshigs su bcad pas 'di skad ces smras so/ / bde bar gshegs mthar phyin pa thugs rje chen po ni// snyoms par byams pa'i 'od ni gnyis su med// sems can rnam par smin na gar yang gtong / / zhabs gnyis 'khor lo'i rtsibs ma stong dang ldan pa mthong // bdag gis dang ba'i sems kyis gus phyag 'tshal// 'khor lo'i mtshan dang ldan pa'i zhabs gnyis la'o/ / 'khor lo'i mtshan las 'od stong rab bkye nas/ phyogs bcu'i sangs rgyas zhing kun snang bar mdzad// bdag gis spyi bos gus par drug 'tshal 'khor lo'i mtshan dang ldan pa'i 'od zer la'o/ / skye bo 'od kyis phog gnas rnam par grol// ngan song gsum dang bgegs brgyad sdug bsngal spangs// bdag gis spyi bos

  656. 329a

    gus par phyag 'tshal ba/ / 'khor lo'i 'od kyis ngan song sgor ba la'o// bcom ldan sngun ni bskal pa grangs med par// bdag cag slad du shin tu dka' ba mdzad/ / de dbang rdo rje lta bu'i sku brnyes nas// zhabs kyi 'og nas 'od zer stong yang bkye// skyabs gsol spyi bos gus par phyag 'tshal ba// sems can bde bar mdzad pa'i 'khor lo la'o/ / thams cad phyir du bsod nams kun bsags nas/ byang chub shing drung rnam bzhi bdud kyang btul// bdud bzhi btul nAs mu stegs can yang phab// de bas sems can yang dag lta bar gyur/ / bdag gis spyi bos gus par phyag 'tshal ba// sems can yang dag lta ba'i 'od zer zhabs// sangs rgyas kun gyis byams pa'i pha dang mtshungs// zhabs kyi 'od kyang mnyam par sems can sgo'o/ / bdag gis skyabs gsol gus par phyag 'tshal ba// sdug bsngal spong ba'i zhabs kyi 'khor lo'i 'od// bdag gis zhabs kyi 'khor lo'i 'od mthong nas/ / dga' dang mi dga'i sems kyong shin tu gdungs// bdag gis smre sngags 'don cing phyag 'tshal ba// rtsibs stong ldan pa'i 'kho lo'i mtshan la'o// skyabs gsol phyag 'tshal zhabs kyi 'khor lo'i 'od/ / mthar phyin theg pas 'jig rten gsum les 'da'// gus par phyag 'tshal lha mi skabs mchi bas// 'khor lo'i 'od kyis

  657. 329b

    srid gsum sdug bsngal snang mdzad pa/ / skye bo sdug bsngal sgo las ma grol rnams// thams cad zhabs kyi 'khor lo'i 'od la skyabs kyang gsol// bdag cag 'khor ba las ni yongs su ma grol ba/ / zhabs kyi 'khor los yongs su grol bar mdzod// kyi hud re sdug so so'i skye bo rnams// yun ring zhabs kyi 'khor lo'i 'od mi mthong // mthol lo bcom ldan thugs rje chen po yis/ / rtsibs stong ldan pa 'khor lo'i zhabs kyi 'od// kyi hud deng 'dir 'khor lo'i mtshan mthong ba// de ni slan chad mthong ba'i dus ma mchis// de'i tshe 'od srungs 'khor dang bcas te tshigs su bcad pa de skad ces smras nas/ yang nga rgyal nas sa la 'gyel to// de nas ring zhig lon nas phyir sangs te mya ngan sangs so// bcom ldan 'das kyis rtsibs ma stong dang ldan pa'i 'khor lo'i mtshan gyi zhabs gnyis kyang phyir sgrom gyi nang du nub nas mi snang bar gyur to/ / de'i tshe grong khyer de'i skyes pa dang / bud med dang / lha mi mang po thams cad kyis 'od srungs chen po de ltar gyur pa mthong nas/ yang brang brdungs te dud mo chen mo'i skad phyung ste dus nas/ dud mo'i sgra stong chen po'i 'jig rten gyi khams tshad med par grags te/ so so nas mchod pa'i yo byad kyikyang mchod do// de'i tshe na rtswa mchog gi grong khyer na gnas pa'i gyad stobs po che bzhi zhig lus yongs su brgyan te/ rin po che

  658. 330a

    sna bdun gyi me shing rta'i 'khor lo tsam thogs nas/ spos kyi shing bcer pa bsregs nas me rang shi'o// de la 'od srungs kyis 'di skad ces smras so// 'phags pa chen po'i rin po che'i dpur sgrom ni/ khams gsum gyi mes tshig par mi nus na/ byad kyi mes tshig pa lta ci smos/ grong khyer de na gzhan yang kyang stobs po che brgyad kyis rin po che sna bdun gyi ma chen po thogs te/ dpur sgrom gyi drung du bzhag na me de yang rang shi'o// gzhan yang gyang stobs po che bcu drug gis rin po che sna bdun gyi me chen po thegs te/ spos kyi shing bsregs nam de yang rang shi'o/ / gzhan yang gyad sum cu rtsa drag snyed kyis rin po che sna bdun gyi ma chen po thogs te bsregs na me yang rang shi'o// de'i tshe 'od srungs chen pos gyad rnams dang / 'khor mang po rnams la 'di skad ces smras so// khyed 'di ltar rig par gyis shig/ gal te lha dang mi la sogs pa'i me thams cad kyis/ de bzhin gshegs pa'i dpur sgrom tshig par mi 'gyur gyis/ mi nus bzhin du las lto bar 'gyur bar ma byed cig/ de'i tshe na grong khyer de'i skyes pa dang / bud med dang / lha dang / mi la sogs pa'i 'khor mang po thams cad kyis shin tu ngus nas/ mchod pa'i yo byad thams cad kyis kyang mchod de/ dus gcig tu phyag 'tshal nas/ lan bdun bskor te ngus pa'i dung

  659. 330b

    mo'i sgras/ stong gsum gyi 'jig rten gyi khams su grags par gyur to// de'i tshe de bzhin gshegs pas thugs rje chen po'i shugs kyis thugs ka nas me mched de/ sgrom gyi rol tu 'bar nas/ bags kyis spos kyi shing brtsig pa la mched de/ zhag bdun lon nas me shi bar gyur to// de'i tshe na grong khyer de'i skyes pa dang / bud med dang / lha dang mi la sogs pa 'khor mang po rnams zhag bdun gyi bar du rgyun mi 'chad par du zhing mchod pa yang rgyun du byed do/ / de'i tshe na phyogs bzhi'i mgon po bzhi'i yid la 'di snyam du bsams so/ / bdag cag gis spos kyi chus me bsad de/ sku gdung myur du blangs la/ lha'i mchod rten du mchod par bya'o snyam bsams nas/ so so nas rin po che sna bdun gyis spras pa'i gser gyi bum pa spos chus yongs su bkang ba thogs te/ gzhan yang ri rab lhun po'i ngos bzhin/ bdud rtsi'i 'o ma zag pa'i shing sbom khyad 'dom stong gis 'khor ba/ mtho khyad dpag tshad brgyar phyin pa yang / dus gcig tu mgon po bzhi dang bcas te zhugs la bzhin pa'i gnas su phyin// shing gi 'o ma dang / spos chu cig car du me'i steng du blugs na/ me sbar bas cher mched de ma shi'o// de'i tshe na rgya mtsho'i lha klu'i rgyal po rgya mtsho mching rnams dang / gtsang po'i lha dang / chu klung gi lha rnams kyis// de ltar

  660. 331a

    me ma shi ba mthong nas/ de dag kyang so so nas 'di snyam du bsams so// bdag cag gis spos chu thogs la me bsad de/ sku gdung myur du bsdus te/ bdag cag gi gnas su mchod pa bya'o snyam bsams nas/ so so nas rin po che'i bum pa spos chu tshad med pas bkang ba thogs nas/ dus gcig tu zhugs la bzhin po'i gnas su lhags te/ chus blugs kyang me shi bar ma gyur gyi/ phyir mched par gyur to// de'i tshe ma 'gags pas/ rgyal po chen po bzhi dang / rgya mtsho lha la sogs pa la 'di skad ces smras so// khyed spos chu thogs te me gsod pa 'di sku gdung 'dod pa'i phyi'i ma yin nam/ de dag gis de bzhin no zhes smras so// ma 'gags pas rgyal po chen po bzhi la smras pa/ khyed ni shin tu yang 'dod pa che'o/ / khyed gnam gyi steng du lha'i khams su gnas te/ sku gdung kun khyed 'dod pa ltar/ lha'i khams su bskur na/ sa la gnas pa'i mi rnams kyis der mchod pa byed du 'gror rung ngam/ rgya mtsho'i lha rnams la 'di skad ces smras so// khyed ni rgya mtsho'i nang dang gtsang po'i nang na gnas te/ de bzhin gshegs pa'i sku gdung ril gyis khyed la bskur na/ sa la gnas pa mi rnams kyis ji ltar te dag tu mchod par bya bar 'gyur zhes smras so/ / de'i tshe phyogs bzhi'i mgon po bzhi nyes pa bshags nas/ phyir lha'i gnas su dong ngo // de'i tshe rgya mtsho'i lha dang gtsang po'i

  661. 331b

    lha rnams kyang nyes pa bshags nas/ 'phags pa khyod gsung ba bzhin no zhes smras nas phyir gnas su dong ngo // de'i tshe brgya byin lha'i dbang po rin po che sna bdun gyi bum pa dang / mchod pa'i yo byad thogs te zhugs la bzhin pa'i gnas su lhags ma thag tu me yang rang zhi bar gyur te/ de nas brgya byin gyis rin po che'i skur sgrom dbye zhing / de bzhin gshegs pa'i tshems mche ba blang bar brtsal ba las/ ma 'gags pas brgya byin la khyod ci byed ces smras so/ / brgya byin gyis smras pa/ bdag de bzhin gshegs pa'i tshems mche ba lha'i 'jig rten du mchod pa bya'o zhes smras so// ma 'gags pas smras pa/ de ltar khyod gcig pus sngar blang du mi rung gi/ 'khor rnams tshogs te gdod bgo bar bya'o zhes smras so// brgya byin gyis smras pa/ bcom ldan 'das kyis sngar ring bsrel mche ba gcig gnang bas na/ bdag mchis ma thag tu me yang rang zhi bar gyur to zhes smras nas/ rin po che'i dpur sgrom phye ste/ sangs rgyas kyi 'gram pa g.yas pa'i tshems mche ba gong ma gcig lha'i 'jig rten du spyan drangs nas mchod rten byas te mchod do/ / de'i tshe srin po shin tu myur ba dang ldan pa gnyis shig lus mi snang bar sbas nas/ brgya byin gyi phyi bzhin du sangs rgyas kyi tshems mche ba gnyis brkus na/ 'khor mang po kun gyis mchor ro/ / de'i tshe na grong khyer de'i skyes pa dang / bud med dang / 'khor mang po thams cad kyis ring bsrel la bstod du tsha ba las/ ma 'gags pas 'di skad ces smras so// khyod rnams re zhig sdod ce

  662. 332a

    de bzhin gshegs pas gsungs pa'i lu bzhin du legs par bgos te mchod pa bya'o/ / de'i tshe na grong khyer de'i skyes pa dang / shud med dang / 'khor mang pos/ 'gags pas smras pa ma thos pa rnams so so nas mtshon shag ti dang / mda' gzhu dang / ral gri dang / zhags pa la sogs te/ mtshon cha mang po thogs nas ring bsrel ltong du chas so// de nas grong khyer de'i mi rnams kyis de bzhin gshegs pa'i dpur sgrom phye na/ shing bal dang ras dkar po yang cang ma tshig par 'khor rnams kyis mthong nas/ lhag par mya ngan gyis yid gdungs te/ mchi ma blags nas dus so// de nas dus bzhin du mchod de phyag 'tshal nas/ pus mo'i lhang sa la btsugs te tshigs su bcad pa 'di skad ces smras so// de bzhin gshegs pa'i dbang sgyur chen po'i shugs/ / 'jig rten thams cad kun la dbang sgyur mdzad// thugs rje chen po sngon gyi smon lam gyis// srid pa'i rgya mtshor sems can yongs su sgrol// tshad med ye shes mngon par shes pa'i mthu/ / thogs pa med par srid pa'i 'khor bar 'jug/ sku gcig las ni sku mang rnam par ston// sku mang sku gcig de bzhin tshad kyang med// 'dul bar 'gyur ba byin gyis brlabs kyis mthong / / rgyu med pa la yongs su mya ngan las 'da' ston// bdag cag bsod nams zas de rgyu med pas// de bzhin gshegs pas yongs su btang bar gyur// de bzhin

  663. 332b

    gshegs pa'i rin chen dpur sgrom ni/ / kyang kun bzlog ste btegs kyang bskyod ma nus// thugs rje chen po'i shugs kyis 'phag pa ni// steng gi mkha' la ta la gcig gi srid// mkha' sa rtswa mchog grong khyer bskor cing gshegs/ / zhag bdun gyis ni grong khyer lan bdun bskor// de ltar bskor na zhugs la bzhen pa'i gnas su gshegs// ma 'dres pa yi rdzu 'phral mdzad pa na/ lha mi bcas pa thams cad dpog mi nus// bcom ldan yongs su mya ngan 'das pa ni// rdo rje lta bur mi 'jig dbang sgyur mthu// thams cad mas ni bzhin par ma gyur to// thugs ka nus ni byams pa'i ma byung nas/ / zhag bdun bar du bzhin par gyur pa bstan// lha mi bcas pas bsod par ma gyur gyis// bcom ldan thugs rje chen po'i shugs bstan nas// brgya byin lhags ma thag tu ma yang shi/ / shing bal bzang pos sangs rgyas sku dkris pa// me chen nang du bsregs kyang tshig par ma gyur to// ras dkar rin chen dpur sgrom nang du bcug pa yang // me yi nang na tshig par ma gyur pas/ de bzhin gshegs pa'i dbang sgyur mthu rtogs so// chos kyi dbang sgyur chos kyi rgyal po la// phyag 'tshal thugs rje 'jig rten gsum la'o// 'phags pa'i nang na brnyengs med phyag kyang 'tshal/ phyag 'tshal kun tu thugs rje chen po'i stobs// phyag 'tshal byin gyis brlabs pa dbang sgyur ba// bdag cag slan chad bcom ldan 'das dang bral// sdug bsngal nang du nub kyang mgon skyabs

  664. 333a

    med/ kyi hud kyi hud 'phags pa bcom ldan 'das// sun du bral nas mthong ba'i dus ma mchis// de'i tshe na 'khor mang po tshigs su bcad pa de dag smras nas// shin tu dus te so so nas mchod pa'i yo byad ci thogs pas mchod pa byas so/ / de'i tshe na ma 'gags pas 'jig rten du bcas pa lha dang / mi dang / 'khor mang po dang / grong khyer de'i mi thams cad kyi phyir dpur sgrom gyi drung du bsnyen te/ ras dang shing bal gyis dkris pa bltas na/ 'od srungs kyis dkris pa'i ras dkar po yug stong dang / grong khyer gyi mi rnams kyis phul ba'i ras dkar po yug stong la/ tha ma gnyis dang shing bal ni tshig gi/ gzhan thams cad ni mes ma tshig go/ de nas ma 'gags pas ras dkar po rnams dang / shing bal gyi rnams dum bur gshegs te/ 'khor mang po rnams la bgos nas/ rin po che'i mchod rten byas te mchod do// ma 'gags pas ras tshig pa'i gzhob kyang so sor bgos nas/ rin po che'i mchod rten byas te mchod do// thal ba gzhan ni bgor yang mi khom par so sor blangs nas mchod rten byas te mchod do/ / grong khyer de'i mi rnams kyis snga nas mgar ba la gser gyi sgrom seng ge'i khris bdeg pa/ rin po che sna bdun gyis yongs su pa brgyad byas so/ / rin po che'i sgrom brgyad po de dag re re yang khal phyed phyed shong ba ste/ rin po che sna bdun gyi seng ge'i khri'i steng du bzhag go/ rin po che sna bdun gyi seng ge'i khri brgyad pa re re zhing yang

  665. 333b

    kyang sum cu rtsa gnyis snyed rin po che sna bdun gyi rgyan gyis yongs su brgyan pa/ lus la dar sna tshogs kyis dkris pa dag gis/ rin po che sna bdun gyi seng ke ri khri ba teg go// seng ge'i khri re re'i steng yang rin po che'i rgyan gyis yongs su brgyan pa'i bu mo brgyad brgyad kyis rin po che sna bdun gyi sgrom 'dzin to/ / khri re re'i steng yang rin po che sna bdun gyis yongs su brgyan pa'i bu mo brgyad cad kyis rin po che sna bdun gyi gdugs thogs te/ gser gyi sgrom yang yongs su bkab bo// khri de re re ri steng na gzhan yang lus yongs su brgyan pa'i bu mo brgyad brgyad kyis/ so so nas bya bur thogs te sgrom gyi ngos bzhir 'greng ngo / / khri re re la yang mi tshad med pa snyed kyis so so nas lha'i rol mo dang / rgyal mtshan dang / ba dan dang / rin po che'i gdugs dang / spos dang / me tog dang / do shal thogs te 'khor bar bskor nas mchod pa byed do/ / khri de re re la gzhan yang mi tshad med pa snyed so so nas mda' gzhu dang / mtshon shag ti dang / zhags pa dang / lcags kyu dang / dgra cha tshang bar thogs te yongs su bskor nas/ rtswa mchog gi grong khyer nas byung ste/ zhugs la bzhin pa'i gnas gang na bar dong ngo // rin po che sna bdun gyi seng ge'i khri brgyad po song ba'i rjes bzhin du/ grong khyer de'i mi dag gis so so nas grangs med pa'i spos kyi lde ku dang spos chu thogs te/ gyang rnams song ba'i rjes bzhin du spos kyi 'da' gus byugs te/ grong khyer nas zhugs la bzhen pa'i bar du spos kyi lam yongs su dag cing shin tu yangs par byas so// lam de gasra

  666. 334a

    g.yon na grangs med pa'i rin po che'i rgyal mtshan dang / bdan dang / gdugs dang / spos dang / me tog dang / mu tig dang / do shal dang / dUr gyi lnga lI dang / rol mo dang / grugar la sogs pa thams cad kyis lam g.yas g.yon brgyan te/ bcom ldan 'das kyi ring bsrel slar gshegs pa spyod do// de nas gyad rnams kyis rin po che sna bdun gyi seng ge'i khri brgyad po bteg ste zhug la bzhen pa'i gnas su phyin nas/ thams cad kyis skad kyis brnangs pa tsam du shin tu ngus nas/ dud mo'i sgra stong chen po'i 'jig rten gyi khams su grags par gyur te/ so so nas dad pa'i sems kyis mchod pa byas so/ / de'i tshe bcom ldan 'das thugs rje chen po'i shugs kyis rdo rje lta bu'i sku ring bsrel phra mor gsil te/ tshems mche ba bzhi ni so bzhin du bzhag go/ de nas 'khor mang po rnams kyis de lta bur sku gdung phra mor gyur pa mthong nas/ lhag par mya ngan gyis yid gdungs te ngus nas mchod pa byas so// de nas ma 'gags pa dang / grong khyer gyi mi rnams kyi mig mchi mas gang bzhin du ring bsrel rnams bsdus nas/ seng ge'i khri'i steng gi rin po che sna bdun gyi sgrom du blugs te/ sgrom brgyad po gang nas sku gdung yang zad par gyur to// de'i tshe 'jig rten du bcas pa lha dang mi thams cad kyis bcom ldan 'das kyi sku gdung gser gyi sgrom gyi nang du gshegs pa mthong nas/ lhag par mya ngan gyis yid gdungs de dus nas mchod pa byas so// de'i tshe grong khyer de na gnas pa'i stobs po che rnams

  667. 334b

    dang / skyes pa dang bud med rnams bcom ldan 'das kyi ring bsrel gyi sgrom rtsa mchog gi grong khyer du gshegs pa na/ 'khor mang po rnams lhag par shin tu ngus nas mchi ma blags te mchod pa byas so// de nas stobs po che rnams 'khor dang bcas su shin tu ngus nas/ rin po che sna bdun gyi seng ge'i khri brgyad po bteg ste/ spos kyi 'da' gus bskus pa'i lam thog thag tu rtswa mchog gi grong khyer du gshegs so/ / de nas lha dang / mi dang / 'khor mang po rnams shin tu dus nas/ dud mo'i sgra 'jig rten gyi khams kun tu grags par gyur te/ so so nas ci thogs pa mchod pa'i yo byad kyis/ de bzhin gshegs pa'i sku gdung mchod nas/ grong khyer gyi nang du lam gyi bzhi mdor bzhag go// de'i tshe grong khyer rtswa mchog na gnas pa'i mi rnams kyis/ dmag grangs med pa rnam bzhir bshams nas/ go cha dang mtshon sna tshang bar thogs te/ grong khyer rtswa mchog gi ngos bzhir 'khor bar rim pa grangs med par bskor nas 'dod pa yang ring bsrel gzhan gyis phrogs kyis dog nas bsrung ba tsam gyi phyir dmag bshams kyis/ 'thab sems ni med do// gzhan yang sngags mkhan chen po lnga brgya snyed kyis bgegs mi 'byung bar bya ba'i phyir grong khyer gyi sgo bzhi bsrungs so// gzhan yang rin po che'i rgyal mtshan dang / ba dan dang / gdugs dang / rgyan rnam pa sna tshogs dang / bya bur la sogs pa grong khyer gyi grwa bzhir mchod pa'i rgyal mtshan du btsugs so//

  668. 335a

    de nas grong khyer de'i skyes pa dang / bud med dang / lha dang / mi la sogs pa 'khor mang po thams cad skad chen por rgyun mi 'chad par ngus te/ mchod pa'i yo byad 'byor pas dad pa'i sems kyis mchod pa byas so/ / rin po che sna bdun gyi seng ge'i khri de re re la yang / sngags mkhan lnga brgyas/ lha dang / klu dang / gnod sbyin dang / srin po la sogs pas phrogs kyi dogs nas bsrungs so/ / de ltar zhag gcig lon nas/ de bzhin gshegs pa'i sngun bltams pa'i yul ser skya'i rgyal po 'khor sh+lo ka rig la sogs pa/ bcom ldan 'das kyi byin rlabs kyis/ sangs rgyas yongs su mya ngan las 'das pa ma tshor te/ sangs rgyas mya ngan las 'das nas zhag bdun gsum lon pa dang gdong tshor ba dang / yul ser skya'i rgyal po shAka rigs dang bcas te rab tu dus nas/ myur bar grong khyer rtswa mchog gang gang na bar lhags te/ dmag grangs med pa rnams kyis bskor ba dang / grong khyer gyi grwa bzhi re rin po che'i rgyal mtshan dang ba dan btsugs pa yang mthong / grong khyer gyi sgo bzhir sngags mkhan mang po 'dug pa yang mthong nas/ rgyal po dang shAka rigs rnams kyis/ sangs rgyas mya ngan las 'das sam zhes smras so/ / sngags mkhan gyis smras pa/ sangs rgyas mya ngan las 'das nas zhag bdun pa ni lon te/ zhugs la bzhen nas da ltar ring bsrel bgod do// rgyal pos smras pa/ bdag cag

  669. 335b

    ni bcom ldan 'das kyi gnyen lags te/ bcom ldan 'das kyi byin gyi rlabs kyis/ bdag cag gis de bzhin gshegs pa mya ngan las 'das pa ni ma tshor na/ bdag cag gis de bzhin gshegs pa'i sku gdung bltar 'gro na/ khyed kyis ma 'gags lam dang sgo phye zhig/ sngags mkhan dang dmag mi rnams kyis de skad ces smras pa thos nas/ rgyal po dang shAka rigs rnams nang du btang ngo / / de dag gis bcom ldan 'das kyi sku gdung mthong nas/ skad brnangs pa tsam du ngud mos btab ste/ g.yas phyogs nas lan bdun bskor nas/ mchi ma phyis te 'di skad ces smras so/ / de bzhin gshegs pa'i ring bsrel cha gcig tsam bdag cag gi mchod pa'i gnas su byin cig ces smras so// 'khor mang po rnams kyis smras pa/ khyed shAka rigs kyang yin la/ gnyen du yang shes na/ sangs rgyas bcom ldan 'das kyis ni khyed la ma byin te/ ring bsrel 'di dag kyang so so nas bdag po yod pas/ khyed kyis mi thob kyis/ phyir deng zhig ces smras so// de'i tshe na rgyal po dang shAka rigs rnams kyis/ ring bsrel gyi skal ba ma thob pas/ mya ngan gyis gdungs te ngus nas sa la brgyal to// de nas ring zhig lon pa dang / phyir sangs nas ma dga' bzhin du/ 'khor mang po la 'di skad ces smras so// sangs rgyas bcom ldan 'das ni bdag cag gi rigs yin te/ khyed la thugs brtse ba'i phyir te/ 'dir mya ngan las 'das na// ci'i phyir

  670. 336a

    bdag cag la ring bsrel gyi shas tsam yang mi sbyin no zhes smras nas/ ring bsrel la phyag 'tshal te/ lan bdun bskor nas dus bzhin du khros te phyir dong ngo // de'i tshe yul dbus 'gyur 'chang gi rgyal po ma skyes dgra pha bsad pas shin tu 'gyod de/ lus la 'brum bu ma rungs pa byung nas/ bcom ldan 'das kyis 'od zer zla ba zhes bya ba lus la reg nas// 'brum bu yang bags kyis sos te/ bcom ldan 'das gang na bar lhags te 'thol tshangs byas so// bcom ldan 'das kyis thugs rje chen pos bdud rtsi'i chos kyi sman gyis lus bkrus te/ kha na ma tho ba'i sdig sbyangs nas phyir pho brang du dong nas/ de bzhin gshegs pa yongs su mya ngan las 'da' ba'ang mtshor ro// bcom ldan 'das mya ngan las 'das pa'i nub mo rmi lam 'di dag rmis so// zla ba sa la ltung nas/ sa la nyi ma shar te/ skar ma sprin las char bzhin du bab pa dang / dud pa sa la byung nas/ skar ma'i gza' bdun po gnam la mngon du snang ba dang / gnam la me'i phung po / chen po 'bar te/ nam mkha' la mngon du 'bar nas dus gcig tu sa la lhung ba snyam rmis na/ de ma thag tu sad de shin tu sngangs nas/ blon po rnams bsdus te/ 'di lta bu zhig rmis na ci la lta zhes bka' stsal to/ / blon po rnams kyis gsol pa// 'di ni sangs rgyas yongs su mya ngan las 'das pa'i ltas lags te/ sangs rgyas mya ngan las 'das nas/ khams gsum na lam rgyud

  671. 336b

    drug gi sems can la/ nyon mongs pa'i kun nas ldang bas me chen po gnam las lhung ba lags so// sangs rgyas yongs su mya ngan las 'das nas/ zla ba lta bu'i thugs rje'i 'od dang / kun la snyom par 'gyur ba'i shes rab mun par 'gyur bas/ zla ba sa la ltung ba lags so// skar ma sa la ltung ba ni/ sangs rgyas mya ngan las 'das nas/ spyod lam brgyad khri dang / tshul khrims thams cad las skye bo thams cad 'gal bar byed do/ / sangs rgyas kyi bka' bzhin du mi byed de/ log pa'i chos spyod pas sems can dmyal bar ltung ngo // nyi ma sa la ltung ba ni sangs rgyas mya ngan las 'das nas/ ngan song gsum gyi sdug bsngal gyi phung po nyi ma lta bur 'jig rten du shar bas/ mi lam 'di dag rmis pa lags so// rgyal pos de skad ces thos nas/ nam gyi gung tshigs na blon po'i 'khor dang bcas te/ grong khyer rtswa mchog dang nye ba zhig tu lhags nas/ dmag gi tshogs grangs med pa rnam pa bzhis rtswa mchog gi grong khyer gyi rim pa grangs med par bskor ba dang / sgo bzhin bgegs bsrung ba'i sngags mkhan la sogs pa yang mthong nas/ sngags mkhan la 'di skad ces smras so// ci sangs rgyas yongs su mya ngan las 'das sam/ sngags mkhan gyis smras pa/ sangs rgyas yongs su mya ngan las 'das nas/ deng du zhag bdun bzhi lon te/ 'khor mang po rnams de ltar sku gdung bgod do// rgyal pos smras pa/ bdag gis

  672. 337a

    sangs rgyas mya ngan las 'das pa ma thos te/ rmi lam du ltas ngan mthong nas/ blon po rnams kyis de bzhin gshegs pa mya ngan 'da' ba'i ltas yin no zhes smras nas/ bdag cag 'dir lhags na de bzhin gshegs pa rdo rje lta bu'i sku gdung la phyag 'tshal du 'gro ba'i lam phye zhig ces smras so// sngags mkhan rnams kyis rgyal po grong khyer gyi nang du btang ngo // lam gyi bzhi mdor seng ge'i khri'i steng na/ gser gyi sgrom du ring bsrel bzhag nas/ 'khor mang po thams cad kyis dus bzhin du mchod pa byed pa mthong nas/ rgyal po 'khor dang bcas te phyag 'tshal te/ g.yas phyogs nas lan bdun bskor nas mchod pa byas so// de nas 'khor mang po rnams la de bzhin gshegs pa'i ring bsrel shas kyi ci gnang zhes gsol nas/ khor rnams kyis smras pa/ rgyal po chen po phyis so// de bzhin gshegs pa'i sku gdung bgo ba yang su lu gnang ba sngar bka' stsal pas/ rgyal po'i skal ba med kyis slar deng zhig/ rgyal po ma skyes dgras de skad ces smras pa thos nas/ gsol pa bzhin du ma rangs par gyur pas/ mi dga' bzhin du ring bsrel la phyag 'tshal te phyir dong ngo // de'i tshe yul yangs pa can gyi rgyal po yang sangs rgyas mya ngan las 'das nas zhag bdun gsum lon nas gdod rtogs te/ 'khor dang bcas su rtsa mchog gi grong khyer du lhags te/ rtsa mchog gi grong khyer la dmag gi tshogs grangs med

  673. 337b

    pas rim pa grangs med par bskor ba mthong ngo / / de'i tshe yul a ga ka legs kyi rgyal po// sangs rgyas mya ngan las 'das nas zhag bdun gsum lon pa dang gdod tshor te/ myur bar rtswa mchon gi grong khyer du lhags nas/ grong khyer rtswa mchog la dmag gi tshogs grangs med pas rim pa grangs med pas skor ba mthong ngo // de'i tshe yul byi nu ta'i rgyal po mi 'jigs pa zhes bya ba yang gsangs rgyas yongs su mya ngan las 'das nas zhag bdun gsum lon nas gdod tsher ro/ / de'i tshe yul tsal ka'i rgyal po yang / sangs rgyas mya ngan las 'das nas zhag bdun gsum lon nas gdod tshor ro// de'i tshe rgyal po shi ka na zhes bya ba yang / sangs rgyas mya ngan las 'das nas zhag bdun gsum lon pa dang gdong tshor ro// de'i tshe ba sha la mu stegs can gyi rgyal po yang / sangs rgyas mya ngan las 'das nas zhag bdun gsum lon nas gdod tsher te/ blon po'i 'khor dang bcas nas grong khyer rtsa mchog tu lhags te/ grong khyer rtswa mchog la dmag gi chog grangs med pas bskor bsrungs pa dang / sgo bzhir yang sngags mkhan gyis sgo bsrung ba mthong nas/ sngags mkhan la 'di skad ces smras so// ci sangs rgyas yongs su mya ngan las 'das sam/ sngags mkhan gyis spras pa/ sangs rgyas mya ngan las 'das nas zhag bdun gsum lon te/ da ltar 'khor mang po sku gdung 'go ba'i las byed do// bdag cag gis sangs rgyas yongs su mya ngan las

  674. 338a

    @##/ / 'das pa yang mtshor te/ de bzhin gshegs pa'i ring bsrel la phyag 'tshal du 'gro na/ khyed lam phye zhig ces smras so// sngags mkhan gyis rgyal po grong khyer gyi nang du btang nas/ lam gyi bzhi mdo'i seng ge'i khri steng nas/ rin po che sna bdun gyis brgyan pa'i gser gyi sgrom du ring bsrel bzhugs pa mthong nas/ thams cad kyis dus gcig tu phyag 'tshal te/ drus nas g.yas phyogs nas lan bdun bskor te/ mchod pa ci 'byor pas mchod pa byas so// rgyal pos smras pa/ bdag gis ni sangs rgyas mya ngan las 'das pa yang sngar mtshor na/ de bzhin gshegs pa'i sku gdung shas kyis mchod pa'i rten du ci gnang zhes gsol to// 'khor rnams kyis smras pa/ sku gdung bgo ba'i cho ga sngar bka' stsal to// rgyal po'i skal ba med kyis slar deng zhig/ rgyal po'i 'khor dang bcas te/ sku gdung ma thob pas mya ngan gyis yid gdungs te/ sku gdung la phyag 'tshal nas ngu bzhin du phyir dong ngo / / 'phags pa yongs su mya ngan las 'das pa chen po'i mdo las bam po bzhi bcu rtsa gsum ste rdzogs so// / rgya'i mkhan po wang pham zhum dang