Text

ff. 1b–332a · 662 folio sides

  1. 1b

    'phags pa / yongs su mya ngan las 'das bla chen po'i mdo/ / bam po// bco lnga po// rigs k yi bu de la ji ltar na byang chubasems dpa' sems dpa'

  2. 2a

    chen po tshangs par spyod pa zhe na/ rigs kyi bu byang chub sems dpa' sen dpa' chen po/ / theg pa chen po yongs su mya ngan las 'das pa la gnas pa dag rlos rnam papa 'di bdun gyis na/ / tshangs par spyod pa dang ldan par 'gyur ro// bdun gang zhe na/ 'di lta ste/ chos shes pa dang / don shes pa dang / dus shes pa dang / chog shes

  3. 2b

    pa dang / bdag shes pa dang / 'khor shes pa dang / bla ma dang 'og ma shes pa'o// rigs kyi bu de la ji ltar na byang chub sems dpa' sems dpa' chen po chos shes pa zhe na/ rigs kyi bu byang chub sems dpa' sems dpa' chen pos mdo sde bcu gnyis shes pa yin te/ mdo'i sde dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa dang / de lta bu byung ba dang / skyes pa rabs kyi sde dang / shin tu rgyas pa dang rmad du byung ba'i chos dang / gtan la bab par bstan pa shes pa'o// rigs kyi bu mdo'i sde zhes bya ba ni/ 'di skad

  4. 3a

    bdag gis thos pa zhes smos pa nas/ dga' nas rjes su yi rang ngo // zhes bya ba'i bar du mdo'i sde zhes pa'o// dbyangs kyis bsnyad pa zhes bya ba ni/ gang bcom ldan 'das kyis/ dge slong rnams la bka' stsal pa/ bdag cag kyang shin tu glan te shes pa med pas/ 'phag pa'i bden pa bzhi yang dag pa ji lta ba bzhin du mi shes te/ de bas na 'khor bar yongs su 'khor zhing / sdug bsngal gyi rgya mtsho chen por nub par gyur/ to/ bden pa bzhi yang gang zhe na/ sdug bsngal dang / kun 'byung ba dang / 'gog pa dang / lam mo// sngon bcom ldan 'das kyis/ dge slong rnams la mdo sde'i sde gsungs nas/ de'i tshe ni skye bo dbang po rnon po dag de'i 'og tu chos nyan pa'i phyir sangs rgyas kyi spyan sngar lhags te/ gzhan dag la 'di skad du/ bcom ldan 'das kyis sngar 'dir ci zhig mdzad ces dris pa dang / bcom ldan 'das mkhyen bzhin du mdo sde sngar gsungs pa las/ yang

  5. 3b

    tshigs su bcad pa 'di skad du gsungs pa yin no/ / nga sngon khyed dang 'dra bar ni// bden pa bzhi po ma mthong ste// de bas 'khor bar yongs su 'khor// sdug bsngal chen po'i rgya mtshor lhung // gang gis bden pa bzhi rtogs na/ / 'khor ba yongs su gcod par 'gyur// skye ba srid pa kun zad na// srid pa thams cad len mi srid// ce bya ba ni dbyangs kyis bsnyad pa'i sde zhes bya'o// lung bstan pa'i sde zhes bya ba ni// mdo sde'am 'dul ba las de bzhin gshegs pas dus kha cig tu/ lha dang mi rnams la sangs rgyas su lung ston pa ste/ ma pham khyod ma 'ongs pa'i dus su rgyal po dung zhes bya ba 'byung ste/ de'i tshe de'i dus na mngon par 'tshang rgya ste/ mtshan yang byams pa zhes bya bar 'gyur ro// zhes smos pa dag ni lung du bstan pa'i sde zhes bya'o// tshigs su bcad pa'i sde zhes bya ba ni/ / mdo sde dang 'dul ba gang las lhag par tshigs su bcad pa tshig bzhi pa 'di dag smos pa ste/ sdig pa thams cad yongs su spangs// dge'o cog ni rdzogs par bya/ bdag gi sems kyang shin tu dul// de ni sangs rgyas bstan pa'o// zhes smos pa de dag ni tshigs su bcad pa'i sde zhes bya'o// ched du brjod pa zhes bya ba ni/ bcom ldan 'das phyi dro'i dus su ting nge 'dzin du zhugs nas/ lha rnams la rgya cher chos bstan te/ de'i tshe na dge slong dag so so nas 'di snyam du/ de bzhin gshegs pa da ltar ci zhig mdzad snyam bsams

  6. 4a

    nas/ de'i nang par de bzhin gshegs pa ting nge 'dzin las bzhengs te/ sus kyang ma zhus par gzhan gyi bsam pa mkhyen pa'i ye shes kyis 'di skad ces gsungs so// kye dge slong dag 'di ltar shes par bya'o/ / lhar skyes pa thams cad ni shin tu yang tshe ring ngo // dge slong khyed pha rol po gzhan gyi phyir rnyed pa mi tshol ba legs so// 'dod pa nyung ba legs so// chog shes pa yang legs so/ / dur khrod na gnas pa yang legs so// zhes sus kyang ma zhus par chad du gsungs pa de dag ni ched du brjod pa'i sde zhes bya'o// gleng gzhi zhes bya ba ni/ mdo sde las tshogs bcad 'byung ba glang gzhi nas 'byed cing bstan pa ste/ de yang yul mnyan du yod pa na skyes bu gcig gis bya rgyas bya ba zung nas tsel por bcug ste/ chu dang 'bras bsnyod nas phyir btang ngo / / bcom ldan 'das kyis de'i sngon gyi rgyu dang rkyen mkhyen pas/ de las glengs te tshigs su bcad pa 'di gsungs so// sdig pa phra mo chung ngu la// mi gnod snyam du bsnyas mi bya/ / chu yi thogs pa zad pa yang // snod chen yongs su gang bar 'gyur// zhes gsungs pa de dag ni gleng gzhi'i sde zhes bya'o// rtogs pa brjod pa zhes bya ba ni/ / 'dul ba las dpe bstan pa rnams te/ de dag ni rtogs pa brjod pa'i sde zhes bya'o// de lta bu byung ba zhes bya ba ni/ bcom ldan 'das kyis gsungs pa las/

  7. 4b

    dge slong dag 'di ltar rigs par bya'o// nga 'jig rten du gshegs te gsungs pa rnams ni khams kyi mdo sde zhes bya ba dang / bcom ldan 'das bsod skyabs 'jig rten du gshegs te/ gsungs pa ni bdud rtsi rnga zhes bya ba dang / sangs rgyas rnam par gzigs 'jig rten du gshegs te gsungs pa ni chos kyi me long zhes bya ba dang / bcom ldan 'das 'od srungs 'jig rten du gshegs te gsungs pa ni stong pa rnam par 'byed pa zhes bya ba smos pa de dag ni de lta bu byung ba'i sde zhes bya'o/ / skyes pa'i rabs shes bya ba ni/ bcom ldan 'das sngon byang chub sems dpa'i spyad pa spyod cing dka' ba mdzad pa 'di dag yin te/ dge slong rnams shes par gyis shig/ ngas sngon sha ba'i lus byas pa dang / dred mo'i lus dang / sha bkra'i lus dang / ri bong gi lus dang / rgyal po'i lus dang / 'khor los sgyur ba'i rgyal po'i lus dang / klu dang nam mkha' lding gi lus la sogs pa/ byang chub sems dpa'i spyad pa spyod pa ni myong bar gyur to/ / zhes smos pa ni skyes pa'i rabs shes bya'o// shin tu rgyas pa zhes bya ba ni/ theg pa chen po shin tu rgyas pa'i mdo sde'i don shin tu rgya la yangs pa ni nam mkha' dang 'dra zhes gsungs pa ni shin tu rgyas pa'i mdo sde zhes bya'o/ / rmad du byung ba zhes bya ba ni/ byang chub sems dpa' thog ma btsas ma

  8. 5a

    bag tu sus kyang ma brten par gos pa bdun song ba dang / 'od zer chen po bkye ba dang / phyogs bcur bltas pa dang / spre'us sbrang rtsi'i snod pogs de bzhin gshegs pa la bul ba dang / khyi gong kar sangs rgyas la chos nyan pa dang / bdud sdig to can ba lang sngon por sprul nas/ jo mo'i lhung bzed mang po bzhag pa'i rang du song ste/ gcig la gcig reg cing 'khol yang ma chag pa dang / sangs rgyas thog ma btsas nas lha'i rten du zhugs pa na/ lha rnams langs te phyag 'tshal ba la sogs pa de dag ni rmad du byung ba'i sde zhes bya'o/ / gtan la phab par bstan pa zhes bya ba ni/ sangs rgyas bcom ldan 'das kyis mdo sde gsungs pa las/ ji tsam du don gtan la phab par bye brag phye ste mtshan nyid bstan pa ni gtan la phab par bstan pa'i sde zhes bya'o/ / byang chub sems dpa' de ltar mdo sde bcu gnyis rtogs shing shes na chos shes pa zhes bya'o// de la ji ltar na byang chub sems dpa' sems dpa' chen pos don shes pa zhe na/ byang chub sems dpa' sems dpa' chen pos yi ge dang tshig tu smra ba thams cad kyi don rgyas par shes pa ni don shes pa zhes bya'o/ / de la ji ltar na byang chub sems dpa' sems dpa' chen pos dus shes pa zhe na/ rigs kyi bu byang chub sems dpa' sems dpa' chen pos dus gang

  9. 5b

    du drar khrod na gnas pa dang / gang gi dus su brtson 'grus shin tu rtsom pa/ gang gi dus su btang snyoms dang ting nge 'dzin bsgom pa dang / gang gi dus su sangs rgyas la mchod pa bya ba dang / gang gi dus su slob dpon la bsnyen bkur bya ba dang / gang gi dus su sbyin pa dang / tshul khrims dang / zod pa dang / brtson 'grus dang / bsam gtan dang / shes rab la nan tan bya ba'i dus shes pa ni dus shes pa zhes bya'o/ / de la ji ltar na byang chub sems dpa' sems dpa' chen pos chog shes pa zhe na/ rigs kyi bu byang chub sems dpa' sems dpa' chen po chog shes pa ni/ 'di lta ste/ zas dang / skom dang / chos gos dang / sman dang / 'gro ba dang / sdod pa dang / 'dug pa dang / nyal ba dang / gnyid las sad pa dang / cang mi smra ba dag ni chog shes pa zhes bya'o/ / rigs kyi bu de la ji ltar na byang chub sems dpa' sems dpa' chen pos bdag shes pa zhe na/ byang chub sems dpa' de bdag la bdag 'di ltar shes bdag la dad pa ni 'di lta bu zhig yod/ tshul khrims ni 'di lta bu/ mang du thos pa ni 'di lta bu/ btang snyoms ni 'di lta bu/ shes rab ni 'di lta bu/ 'ong ba dang 'gro ba ni 'di lta yang dag par dran pa ni 'di lta bu/ dge ba spyod pa ni 'di lta bu/ dris pa ni 'di lta bu/ lan btab pa ni 'di lta bu'o zhes bya ba shes pa ni bdag shes pa zhes bya ba'o//

  10. 6a

    de la ji ltar na byang chub sems dpa' sems dpa' chen pos 'khor shes pa zhe na/ rigs kyi bu byang chub sems dpas 'di ltar 'di ni rgyal rigs kyi 'khor/ 'di ni bram ze'i 'khor/ 'di ni khyim bdag gi 'khor/ 'di ni dge sbyong gi 'khor te/ 'khor de dag tu 'di ltar 'gro bar bya/ 'di ltar 'dug par bya// 'di ltar chos smra bar bya/ 'di ltar 'dri zhing lan blan par bya ba shes pa ni 'khor shes pa zhes bya'o/ / rigs kyi bu de la ji ltar na byang chub sems dpa' sems dpa' chen pos bla ma dang 'og ma shes pa zhe na/ rigs kyi bu de la yang rnam pa gnyis te/ dad pa dang / ma dad pa'o// byang chub sems dpas dad pa ni dge ba/ ma dad pa ni mi dge bar rig par bya'o// dad pa la yang rnam pa gnyis te/ dge 'dun gyi gnas su gnas pa dang / mi gnas pa'o// de yang byang chub sems dpas gang dge 'dun gyi gnas khang na gnas pa ni dge ba'o// mi gnas pa ni mi dge ba'o// gnas pa la yang rnam pa gnyis te/ phyag 'tshal ba dang / phyag mi 'tshal ba'o// de yang byang chub sems dpas gang phyag 'tshal ba ni dge ba/ phyag mi 'tshal ba ni mi dge bar rig par bya'o// phyag 'tshal ba la yang rnam pa gnyis te/ chos nyan pa dang / chos mi nyen pa'o// de yang byang chub sems dpas gang chos nyan pa ni dge ba/ chos mi nyan pa ni mi dge bar rig par

  11. 6b

    bya'o/ / chos nyan pa la yang rnam pa gnyis te/ sems rtse gcig tu nyan pa dang / sems rtse gcig tu mi nyan pa'o// de yang chub sems dpas sems rtsa gcig tu nyan pa ni dge ba/ rtse gcig tu mi nyan pa ni mi dge par rig par bya'o// sems rtse gcig tu nyan pa la yang rnam pa gnyis te/ don yid la byed pa dang / don yid la mi byed pa'o// de yang byang chub sems dpas gang don yid la byed pa ni dge ba/ don yid la mi byed pa ni mi dge bar rig par bya'o// don yid la byed pa la yang rnam pa gnyis te/ smras pa bzhin du spyod pa dang / smras pa bzhin du mi spyod pa'o/ / de yang smras pa bzhin du spyod pa ni dge ba/ smras pa bzhin du mi spyod pa ni mo dge bar rig par bya'o// smras pa bzhin du spyod pa la yang rnam pa gnyis te/ nyan thos kyi theg pa'i sgo nas tshol zhing / sdug bsngal ba'i sems can thams cad la phan pa dang bde ba'i don du mi spyod pa dang / bla na med pa'i byang chub tu bsngos te/ 'gro ba mang po la phan pa dang bde ba'i don du sbyor ba ni byang chub sems dpa' ste/ gang 'gro ba mang po la phan pa dang bde ba'i don byed pa ni mchog dam pa'o// rigs kyi bu dper na rin po che'i nang na ni yid bzhin gyi nor bu rin po che mchog go/ ri bro ba'i nang na ni bdud rtsi mchog go/ de bzhin du byang chub sems dpa' yang lha dang mi'i nang na mchog tu byung / phul du gyur te/ dper

  12. 7a

    byar med do/ / rigs kyi bu 'di dag ni byang chub sems dpa' sems dpa' chen po theg pa chen po yongs su mya ngan las 'das pa'i mdo la gnas pa na/ dge ba'i chos bdun la gnas pa zhes bya ste/ byang chub sems dpas chos rnam pa 'di bdun dang ldan na tshangs par spyod pa zhes bya'o// rigs kyi bu gzhan yang tshangs par spyod pa zhes bya ba ni/ 'di lta ste/ byams pa dang / snying rje dang / dga' ba dang / btang snyoms so// byang chub sems dpa' 'od srungs kyis/ yang bcom ldan 'das la 'di skad ces gsol to/ / bcom ldan 'das byams pa mang du bsgoms pas zhe sdang ma mchis par gyur te/ snying rje'i sems kyis kyang zhe sdang gcod par 'gyur pas na/ ci'i slad du tshad med pa bzhi zhes smos/ don dang sbyar na gsum du bas so// bcom ldan 'das byams pa la dmigs pa rnam pa gsum te/ sems can la dmigs pa dang / chos la dmigs pa dang / mi dmis ba'o/ / snying rje dang / dga' ba dang / btang snyoms kyang de dang 'dra ste/ don dang sbyar na gsum du bas te/ bzhir ni ma mchis so// sems can la dmigs pa ni phung po lnga la dmigs nas bde bar 'dod pa ste/ de ni sems can la dmigs pa zhes bgyi'o// chos la dmigs pa ni sems can la dmigs nas ci dgos pa sbyin pa ste/ de ni chos la dmigs pa zhes bgyi'o//

  13. 7b

    mi dmigs pa ni de bzhin gshegs pa la dmigs pa ste/ mi dmigs pa zhes bgyi'o// byams pa zhes bgyi ba ni dbul 'phungs pa'i sems can la dmigs pas so// de bzhin gshegs pa ston pa chen po ni/ dbul 'phongs pa dang yongs su bral te rab tu bde ba lagaso// ci ste sems can la dmigs na/ sangs rgyas la dmigs pa ma lags te/ chos kyang de dang 'dra'o/ / de bas na de bzhin gshegs pa la dmigs pa ni mi dmigs pa zhes bgyi'o// bcom ldan 'das byams pas dmigs pa ni sems can thams cad de/ dper na pha ma 'am/ chung ma 'am/ bu 'am/ gnyen bshes la dmigs pa dang 'dra ste/ de bas na sems can la dmigs pa zhes bgyi'o// chos la dmigs pa ni pha ma dang / chung ma dang / bu dang / gnyen bshes su mi lta zhing / chos thams cad la rten cing 'brel te byung bar lta ba ni chos la dmigs pa zhes bgyi'o// mi dmigs pa ni chos la mtshan mar mi gnas/ sems can la mtshan mar mi gnas pa ni mo dmigs pa zhes bgyi ste/ snying rje dang / dga' ba dang / btang snyoms kyang de dang 'dra'o// de bas na gsum du bas kyi/ bzhir ni ma mchis so// bcom ldan 'das gang zag la rnam gnyis gnyis te/ mthong bas spyod pa dang / dga' bas spyod pa'o// ma nges pas spyod pa ni byams pa dang snying rje'i shas cher bsgom mo// dga' bas spyod pa ni dga' ba dang btang snyoms kyi

  14. 8a

    shas cher bsgom ste/ de bas na gsum du bas kyi/ bzhir ni ma mchis so// bcom ldan 'das tshad med pa zhes bgyi ba ni mtha' yas la/ mtha' dpag tu ma mchis pa'i slad du tshad ma mchis pa zhes bgyi ste/ tshad ma mchis na gcig tu bas kyi/ bzhir ni ma mchis so// ci ste bzhir mchis na/ tshad ma mchis pa zhes bgyir mi rung ste/ de bas na gcig tu bas kyi/ bzhir ni ma mchis so// bcom ldan 'das kyis/ 'od srungs la bka' stsal pa/ rigs kyi bu sangs rgyas bcom ldan 'das ni so so'i skye bo mang po'i phyir chos gsungs pa yang shin tu dgongs te gsungs pa yin pas rig cing shes par dka' 'o/ / sems can kha cig la ni rten cing 'brel te byung ba gcig pu gsungs te/ rten cing 'brel te byung ba gcig gang zhe na/ 'di lta ste/ 'dus byas kyi chos thams cad do// rigs kyi bu kha cig tu ni rnam pa gnyis su gsungs te/ rgyu dang / 'bras bu'o// kha cig tu ni rnam pa gsum du gsungs te/ nyon mongs pa dang / lus dang / sdug bsngal lo// kha cig tu ni rnam pa bzhir gsungs te/ ma rig pa dang / 'du byed dang / skye ba dang / rga shi'o// kha cig tu ni rnam pa lngar gsungs te/ tshor ba dang / sred pa len pa dang / srid pa dang / skye ba'o// kha cig tu ni rnam pa drug tu gsungs te/ dus gsum gyi rgyu dang 'bras bu'o// skabs kha cig tu ni rnam pa bdun du gsungs te/ rnam par shes pa

  15. 8b

    dang / ming dang / gzugs dang / drug gi skye mched dang / reg bya dang / tshor ba dang / sred pa dang / len pa'o// kha cig tu ni rnam pa brgyad du gsungs te/ ma rig pa dang / 'du byed dang / skye ba dang / rga shi ma gtogs pa lhag ma brgyad pa'o// kha cig tu ni rnam pa dgur gsungs te/ mdo sde grong khyer zhes bya ba'i nang nas bshad pa dang 'dra bar ma rig pa dang / 'du byed dang rnam par shes pa ma gtogs pa'i lhag ma dgu'o/ / kha cig tu ni rnam pa bcu gcig tu gsungs te/ de yang gcer bu pa kun tu smra ba zhes bya ba'i phyir/ skye ba'i chos gcig ma gtogs par/ lhag ma rnam pa bcu gcig go/ skabs kha cig tu rten cing 'brel te byung ba bcu gnyis rdzogs par gsungs te/ de yang rgyal po'i khab tu 'od srungs la sogs pa la ma rig pa nas/ skye ba dang rga shi'i bar du bcu gnyis rdzogs par gsungs pa'o/ / rigs kyi bu rten cing 'brel te 'byung ba gcig la so so'i skye bo'i phyir rnam pa tha dad du gsungs te/ tshad med pa'i sems kyang de dang 'dra'o/ / rigs kyi du de bas na de bzhin gshegs pas dgongs te gsungs pa'i spyod yul la the tshom mi skyed do// rigs kyi bu sangs rgyas bcom ldan 'das ni shin tu thabs mkhas pa dang ldan pas/ mi rtag pa la rtag par gsungs/ rtag pa la mi rtag par gsungs/ bde ba la sdug bsngal bar yang gsungs/ sdug bsngal ba la bde bar gsungs/ yongs

  16. 9a

    su ma dag pa la yongs su dag par gsungs/ yongs su dag pa ni yongs su ma dag par gsungs/ bdag la bdag med par gsungs/ bdag med pa la bdag tu gsungs/ / sems can ma yin pa la sems can du gsungs// sems can la ni sems can ma yin par gsungs/ dngos po ma yin pa la dngos por gsungs/ dngos po la ni dngos po ma yin par gsungs/ mi bden pa la ni bden par gsungs/ bden pa la ni mi bden par gsungs/ yul ma yin pa la ni yul du gsungs// yul la ni yul ma yin par gsungs/ skye ba ma yin pa la ni skye bar gsungs/ skye ba ni skye ba ma yin par gsungs pa nas/ ma rig pa la ni rig par gsungs/ rig pa ni ma rig par gsungs/ gzugs ni gzugs ma yin par gsungs/ / gzugs ma yin pa la'ang gzugs su gsungs/ lam ma yin pa la ni lam du gsungs/ lam la ni lam ma yin pa'i bar du gsungs so// rigs kyi bu de bzhin gshegs pas ni tshad med pa'i thabs mkhas pas/ sems can gdul ba'i phyir brdzun pa'i bag ga la zhig gsungs/ rigs kyi bu sems can la la zhig longs spyod la chags na ngas de la 'khor los sgyur ba'i rgyal por sprul nas/ lo tshad med pa'i bar du ci dang ci 'dod pa rnam pa sna tshogs byin te/ de'i 'og tu gdod bla na med pa yang dag par rdzogs pa'i

  17. 9b

    byang chub la bkod do/ / sems can ci ste 'dod pa lnga la chags na/ lo tshad med pa'i bar du 'dod pa rnam pa lnga'i mchog dam pa la longs spyod du bcug nas/ de'i 'og tu gdod bla na med pa yang dag par rdzogs pa'i byang chub la bkod do/ / gal te sems can la la rigs snyems shing nga rgyal can du gyur na/ ngas mi de'i g.yog lo tshad med pa'i bar du byas te/ shin tu bsnyen bkur gyis de'i sems mgu bar byas nas/ de'i 'og tu gdod bla na med pa yang dag par rdzogs pa'i byang chub la bkod do// sems can gang zhig rang bzhin gyis nga rgyal can du gyur te/ gzhan gyis gros gdab cing bcos dgos na/ lo brgya stong gi bar du de la bstan cing bcos nas sems dul bar bya ste/ gdod bla na med pa yang dag par rdzogs pa'i byang chub la bkod do// rigs kyi bu de bzhin gshegs pa ni lo tshad med pa'i bar du/ thabs rnam pa sna tshogs kyis 'gro ba mang po bla na med pa yang dag par rdzogs pa'i byang chub la bkod pa yang brdzun pa yin nam sangs rgyas bcom ldan 'das ni mi dge ba la gnas kyang / pad+mo ltar nyes pa'i 'dam rdzab kyis mi gos so// rigs kyi bu tshad med pa bzhi'i don yang de ltar shes par bya'o// rigs kyi bu tshad med pa'i sems ni rang bzhin gyis rnam pa bzhi ste/ gang zhig gis nan tan byas na tshangs pa chen po'i gnas sa skye bar 'gyur ro// rigs kyi bu de ltar na tshad med pa rnams la grogs su

  18. 10a

    'gyur ba rnam pa bzhi yod de/ de bas na bzhi zhes bya'o// gang byams pa'i sems ldanan tan byed pa ni/ 'dod chags yongs su chod par 'gyur ro// snying rje'i sems la nan tan byed pa ni/ zhe sdang yongs su spong bar 'gyur ro// dga' ba'i sems la nan tan byed pa ni/ mi bde ba yongs su spong bar 'gyur ro// btang snyoms kyi sems la nan tan byed pa ni/ 'dod chags pa dang zhe sdang ba'i sems yongs su spong bar 'gyur ro// rigs kyi bu don de lta bas na rnam pa bzhi ste/ gcig gam/ gnyis sam/ gsum du ni ma yin no/ / rigs kyi bu khyod smra ba ltar byams pa'i sems kyis zhe sdang spong ba ltar/ snying rje'i sems kyang de dang 'dra bas gsum du 'os so zhes de skad ma zer cig/ de ci'i phyir zhe na/ rigs kyi bu zhe sdang la yang rnam pa gnyis te/ srog dang bral ba'i zhe sdang dang / brdeg 'tshog byed pa'i zhe sdang ngo // byams pa bsgoms pas ni/ srog dang bral ba'i zha sdang spong bar 'gyur ro/ / snying rje bsgoms pas ni/ brdeg 'tshog byed pa'i zhe sdang spong bar 'gyur ro// rigs kyi bu don de lta bas na// tshad med pa ni bzhir 'os pa ma yin nam/ gzhan yang zhe sdang la rnam pa gnyis te/ sems can la zhe sdang ba dang / sems can ma yin pa la zhe sdang ba'o// byams pa bsgoms pas ni/ sems can la zhe sdang ba spong bar

  19. 10b

    'gyur ro/ / snying rje bsgoms pas ni/ sems can ma yin pa la zhe sdang ba spong bar 'gyur ro// gzhan yang zhe sdang la rnam pa gnyis te/ rgyu rkyen dang ldan pa dang / rgyu rkyen dang mi ldan pa'o/ / byams pa sgoms pas ni/ rgyu rkyen dang ldan pa spong bar 'gyur ro// snying rje bsgoms pas ni/ rgyu rkyen dang mi ldan pa spong bar 'gyur ro// gzhan yang zhe sdang la rnam pa gnyis te// sngon 'das pa nas goms pa dang / da ltar gyi dus na goms pa'o// byams pa bsgoms pas ni/ sngon 'das pa'i dus kyi goms pa spong bar 'gyur ro// snying rje bsgoms pas ni/ da ltar gyi dus su goms pa spong bar 'gyur ro// gzhan yang zhe sdang la rnam pa gnyis te/ 'phags pa la zhe sdang ba dang / byis pa ma rabs la zhe sdang ba'o// byams pa bsgoms pa sa ni/ 'phags pa la zhe sdang ba spong bar 'gyur ro// snying rje'i sems bsgoms pas ni/ bus pa ma rabs la zhe sdang ba spong bar 'gyur ro// gzhan yang zhe sdang la rnam pa gnyis te/ zhe sdang ra ba dang / zhe sdang 'bring ngo // byams pa bsgoms pas ni/ zhe sdang rab spong bar 'gyur ro// snying rje bsgoms pas ni// zhe sdang 'bring spong bar 'gyur ro// rigs kyi bu don de lta bas na/ / rnam pa bzhir 'os na gsum du zad kyi/ bzhir med do zhes brgal ba'i mi rigs so// de bas na 'od srungs tshad med pa'i sems la grogs dang gnyen por

  20. 11a

    'gyur ba ni rnam pa bzhir phye ste bstan pa yin no/ / gzhan yang snod kyi phyir na rnam pa bzhir 'os te/ gal te snod gang la byams pa dang ldan na/ de la snying rje dang / dga' ba dang / btang snyoms yod pa ma yin te/ don de lta bas na rnam pa bzhi la dbrir med do// rigs kyi bu spyod pa las bye brag tu yang rnam pa bzhi re 'os so// gal te byams pa spyod pa'i dus na/ snying rje dang / dga' ba dang / btang snyoms med pas de bas na rnam pa bzhir mngon no// rigs kyi bu tshad med pa'i phyir yang rnam pa bzhir 'os so/ / gzhan yang tshad med pa ni rnam pa bzhi yod do// tshad med pa'i sems ni kha cig dmigs pa yod pas na/ dbang du gyur pa ma yin pa dang / byams pa'i sems kha cig dbang du 'gyur la/ dmigs pa ma yin pa dang / byams pa'i sems kha cig ni dmigs pa yang yod la/ dbang du yang 'gyur pa dang / byams pa'i sems kha cig ni dmigs pa yang ma yin/ dbang du 'gyur ba yang ma yin pa'o// de la tshad med pa'i sems gang ni dmigs pa yod la/ dbang du 'gyur ba ma yin pa zhe na/ kha cig sems can tshad med mtha' yas pa la dmigs kyang / ting nge 'dzin gyi dbang po ma thob bam/ ci ste thob kyang ma nges pa'am/ thob kyang phyir nyams pa'o// tshad med pa gang

  21. 11b

    zhig dbang du 'gyur yang dmigs pa ma yin pa zhe na/ 'di lta ste/ dper na pha ma dang / phu nu dang / gnyen ba shes la bde bar bya bar dmigs pa ste/ tshad med par dmigs pa ni ma yin no/ / tshad med pa gang zhig dmigs kyang dmigs la dbang du yang 'gyur ba zhe na/ de ni sangs rgyas dang byang chub sems dpa' rnams so// tshad med pa gang zhig dmigs pa yang ma yin/ / dbang du 'gyur ba yang ma yin pa zhe na/ nyan thos dang rang sangs rgyas lta bu ni sems can tshad med pa la rgya cher dmigs kyang mi nus la/ dbang du 'gyur ba yang ma yin no// rigs kyi bu don de lta bas na/ tshad med pa ni rnam pa bzhi ste/ nyan thos dang rang sang rgyas rnams kyis shes par nus pa ma yin gyi/ sangs rgyas bcom ldan 'das kyi spyod yul lo// rigs kyi bu de ltar dngos po rnam pa bzhi po 'di ni nyan thos dang rang sangs rgyas la yang tshad med pa zhes bya mod kyi/ smos su mi cog go// sangs rgyas bcom ldan 'das rnams ni tshad med mtha' yas pa zhes bya'o/ / byang chub sems dpa' 'od srungs kyis/ yang bcom ldan 'das la gsol pa/ bcom ldan 'das de de bzhin no// de de bzhin no// bcom ldan 'das kyis gsungs pa bzhin te/ sangs rgyas bcom ldan 'das kyis spyod yul lags kyi/ nyan thos dang rang sangs rgyas rnams kyis bzod pa ma lags so// bcom

  22. 12a

    ldan 'das byang chub sems dpa' gang theg pa chen po yongs su mya ngan las 'das pa la gnas nas/ byams pa dang snying rje'i sems su 'gyur ba las byams pa chen po dang snying rje chen po'i sems ma lags so zhes bgyi bar 'gyur ba mchis sam/ bcom ldan 'das kyis bka' stsal pa/ yod do// rigs kyi bu/ byang chub sems dpa' gang zhig gal te sems can rnams la gnyen pa dang / dgra sdang ba dang / bar ma rnam pa gsum du phye ste/ gnyen las kyang rab dang / 'bring dang tha ma rnam pa gsum du phye la/ dgra sdang ba la yang de bzhin du rnam par phye nas/ byang chub sems dpa' sems dpa' chen pos/ gnyen du 'gyur ba'i mchog la ni bde ba'i mchog byin/ gnyen gyi 'bring dang tha ma la ni snyoms par bde ba'i mchog tsam byin/ dgra sdang ba'i mchog la ni bde ba'i shas cung zad byin/ dgra sdang ba'i 'bring la ni bde ba yang 'bring tsam byin/ dgra sdang ba tha ma la ni bde ba'i mchog byin te/ byang chub sems dpas de bzhin du gong nas gong du dgra sdang ba'i mchog la ni bde ba 'bring tsam byin/ dgra sdang ba 'bring dang tha ma la ni mnyam par bde ba'i mchog sbyin pa la nan tan byang dam/ gong nas gong du rab dang / 'bring dang / tha ma la yang bde ba'i mchog mnyam par sbyin pa la nan tan

  23. 12b

    byed dam/ gal te dgra sdang ba'i mchog la bde ba sbyin par nan tan byed na/ de ni byams pa'i sems dang ldan pa zhes bya'o// byang chub sems dpa' de'i tshe pha ma dang dgra sdang ba'i mchog la yang bye brag med cing sems mnyam par gyur kyang / rigs kyi bu de la byams pa zhes bya'i/ byams pa chen po ni ma yin no// gsol pa/ bcom ldan 'das ci'i slad du/ byang chub sems dpa' de lta bu'i byams pa dang ldan yang byams pa chen po zhes mi bgyi/ bka' stsal pa/ rigs kyi bu shin tu ldan par dka' bas na/ byams pa chen po zhes mi bya'o/ / de ci'i phyir zhe na/ yun ring po nas bskal pa tshad med pa'i bar du nyon mongs pa mang du bsags la/ dge ba'i chos ma bsgoms pas/ de bas na nyin gcig gam/ zhag gcig tsam gyis sems dul bar mi 'gyur ro// rigs kyi bu 'di lta ste/ dper na sran ma skam po la ni khab kyis btsugs kyang mi zug pa dang 'dra bar nyon mongs pa shin tu sra ba yang de dang 'dra sde/ nyin zhag gcig tsam zhig sems rtse gcig tu gyur te/ ma yangs kyang shin tu gdul dka'o// gzhan yang dper na khyini mis mi 'jigs kyi/ ri dgas sha ba la sogs pa la ni mis 'jigs te/ mthong ma thag tu 'bros so// zhe sdang shin tu spang dka' ba yang khyim srung ba'i khyi dang 'dra'o// byams

  24. 13a

    pa'i sems shin tu nyams sla ba ni ri dgas sha ba dang 'dra'o/ / de bas na sems shin tu gdul dka' bas/ byams pa chen po zhes mi bya'o// rigs kyi bu gzhan yang dper na rdo la ri mo bris na rtag tu yod do/ / chu la ri mo bris na de ma thag tu med par 'gyur te mi gnas so// zhe sdang ni rdo la ri mo bris pa dang 'dra'o// dge ba'i rtsa ba ni chu la ri mo bris pa dang 'dra ste/ de bas na sems 'di ni shin tu gdul dka' ba'o// gzhan yang dper na me'i phung po chen po'i 'od ni yun ring du yod do// glog gi 'od ni skad cig ma ste mi gnas so/ / zhe sdang ni me'i phung po dang 'dra'o// byams pa ni glog gi 'od dang 'dra ste/ de bas na sems 'di ni shin tu gdul dka' ba ste/ don de lta bas na byams pa chen po zhes mi bya'o/ / rigs kyi bu byang chub sems dpa' sems dpa' chen po/ sa dang po la gnas pa ni byams pa chen po zhes bya'o// de ci'i phyir zhe na/ rigs kyi bu sdig to can gyi mchog ni log sred can zhes bya ste/ sa dang po la gnas pa'i byang chub sems dpas byams pa chen po bsgom pa ni/ log sred can la yang bye brag gi sems med la/ nyes pa mi mthong bas zhe sdang mi skyed de/ don de lta bas na byams pa chen po zhes bya'o// rigs kyi bu sems can thams cad kyi phan pa dang bde bar mi 'gyur ba yongs

  25. 13b

    su sel ba ni byams pa chen po zhes bya'o/ / sems can mang po la phan pa dang bde ba tshad med pa byin pa ni snying rje chen po zhes bya'o// sems can thams cad dga' ba'i sems bskyed pa ni dga' ba chen po zhes bya'o/ / skyo ba med pa ni btang snyoms chen po zhes bya'o// bdag dang / chos dang / mtshan nyid dang / bdag gi lus su mi mthong zhing / chos thams cad mnyam pa nyid du lta ba ni btang snyoms chen po zhes bya'o// bdag gi bde ba btang nas gzhan la byin pa ni btang snyoms chen po zhes bya'o// rigs kyi bu tshad med pa bzhi tsam gyis byams pa dag pha rol tu phyin pa drug skye zhing rdzogs par 'gyur gyi/ spyod pa gzhan gyis ma yin no// rigs kyi bu byang chub sems dpa' sems dpa' chen po ni/ sngar 'jig rten gyi tshad med pa bzhi'i sems thob nas/ gdod bla na med pa yang dag par rdzogs pa'i byang chub tu sems bskyed par 'gyur te/ rim gyis 'jig rten las 'das pa yang thob par 'gyur ro/ / rigs kyi bu 'jig rten gyi tshad med pa'i rgyu las 'jig rten las 'das pa'i tshad med pa thob par 'gyur te// de bas na tshad med pa chen po zhes bya'o/ / byang chub sems dpa' 'od srangs kyis/ bcom ldan 'das la gsol pa/ bcom ldan 'das phan pa dang bde bar mi 'gyur ba yongs su sel cing / phan

  26. 14a

    dang bde bar bya ba bsams pa ni bsams pa tsam du bas kyi/ yang dag par phan pa 'am bde bar mi 'gyur ro// bcom ldan 'das dper na dge slong mi gtsang ba la rtogs pa ni lus la gyon pa'i gos kyang pags par mthong mod kyi/ yang dag par pags pa ma lags so// zas rnams kyang srin bur 'du shes mod kyi/ yang dag par srin bu ma lags so/ / sran tshod 'thung ba yang mi gtsang ba'i khu bar 'du shes mod kyi/ yang dag par mi gtsang ba'i khu ba ma lags so// zho la rkang ngam klad pa lta bur 'du shes mod kyi/ yang dag par klad pa ma lags so/ / phye la rus phyir 'du shes mod kyi/ yang dag par rus phye ma lags so// tshad med pa bzhi'i sems kyang de dang 'dra ste/ yang dag par sems can la phan pa dang bde bar 'gyur ba ni ma lags kyi/ kha tsam zhig sems can la bde ba sbyin no zhes smras kyang yang dag par bde bar mi 'gyur na/ de lta bur sems pa de brdzun pa ma lags sam/ bcom ldan 'das ci ste brdzun pa ma lags la/ yang dag par bden par 'gyur ba zhig na/ ci'i slad du sems can thams cad la sangs rgyas dang byang chub sems dpa' rnams kyi byin gyi rlabs kyis thams cad bde bar myong bar mi mdzad/ / ci ste yang dag par bde bar mi 'gyur na/ bcom ldan

  27. 14b

    'das kyis gsungs pa las/ ngas mngon du dran pa sngon byams pa'i sems 'ba' zhig la nan tan b+ha ba tsam gyis/ bskal pas 'jig rten gyi khams 'di lan bdun bkrus kyi bar du 'jig rten gyi khams 'dir ma skyes te/ 'jig rten chags pa'i dus na ni tshangs pa'i lhar skyes/ 'jig rten 'jig pa'i dus na ni 'og min gnam gyi lhar skyes so// tshang pa'i lhar skyes pa na dbang dang mthur ldan te gzhan gyis zil gyis mi non la/ tshangs pa stong gi nang na mchog tu gyur/ phul du gyur te/ tshangs pa chen po'i rgyal por skyes nas/ sems can thams cad kyis bdag la gtso bor 'du shes skyes so// lan sum cu rtsa drug gi bar du sum cu rtsa gsum gnam gyi sgra'i dbang po brgya byin lha'i dbang phyug tu skyes so// skye ba tshad med pa brgya stong gi bar du 'khor los sgyur ba'i rgyal por skyes so zhes gsungs te/ byams pa'i sems 'ba' zhig bsgoms pas/ lha dang mi'i longs spyod phun sum tshogs pa thob pas na/ ci ste mi bden na 'di skad du gsungs pa dang yang cis ldan par 'gyur/ bcom ldan 'das kyis bka' stsal pa/ legs so legs so// rigs kyi bu khyod ni shin tu dpa' bas mi 'jigs pa dang ldan no/ / de nas 'od srungs la tshigs su bcad de bka' stsal pa/ gang zhig sems can gcig tsam la/ zhe sdang sems

  28. 15a

    nam skyed cing / / des ba par 'dod pani// shin tutham smra zhes 'o// gang zhig sems can thams cad pa// ti rjes ma sems pa de ni 'phags pa'i rigs shes bya/ / bsod nams tshad med thob par 'gyur// tsi ste mngon shes lnga ldan pa'i// drang srongs chen gang bar gyur// dbang dang ldan pa'i zhig/ bde ba thams cad byin pa ni// rnga dang bgrang nor sna tshogs// de yi bsod nams thob pa ni// byams pa bsgoms pa'i bsod nams kyi// bcu drug tsam maphod/ / rigs kyi bu byams pa bsgoms pa ni brdzun ma yin te/ yang dag par bden pa'o// nyan thos dang rang sangs rjes kyi byams pa ni brdzun pa zhes bya'o// sangs rgyas dang byang chub sems dpa'i byams pa ni yang dag pa ste// mi brdzun par ci mngon zhe na/ rigs kyi bu byang chub sems dpa' sems dpa' chen po/ 'di ltar yongs su mya ngan las 'das pa chen po la gnas pa ni sal yang gser du mthong / gser la yang sar mthong ste/ sa la ni chur mthong / tshul yang sar mthong / chub na mer mthong / me la yang chur mthong / sa la ni rlung du mthong / rlung la yang sar mthong ste/ yid bzhin du grub pas brdzun pa med do// sems can yang dag pa la ni sem

  29. 15b

    can ma yin par yang mthong / sems can ma yin pa la ni yang dgu par sems can du mthong ste/ yid bzhin du grub pas brdzun pa med do// rigs kyi bu de bas na byang chub sems dpa'i tshad med pa bzhi'i sems kyis bsam pa ni yang dag pa'o/ / gzhan yang rigs kyi bu de la ji ltar na yang dag pa'i bsam pa zhe na/ nyon mongs pa thams cad yongs su sal ba'i phyir ro/ / rigs kyi bu byams pa bsgoms pas ni 'dod chags yongs su spong bar 'gyur ro// snying rje'i sems bsgoms pas ni zhe sdang yongs su spong bar 'gyur/ dga' ba'i sems bsgoms pas ni mi bde ba yongs su spong bar 'gyur/ btang snyoms kyi sems bsgomasapas ni 'dod chags dang / zhe sdang dang / sems can du 'du shes pa yongs su spong bar 'gyur te/ de bas na yang dag pa'i bsam pa zhes bya'o// gzhan yang rigs kyi bu rgyung chub sems dpa' sems dpa' chen po'i tshad med pa bzhi'i sems ni dge ba'i rtsa ba thams cad kyi gzhir 'gyur ro/ / rigs kyi bu byang chub sems dpa' sems dpa' chen po ci ste sems can dbul 'phongs pa dag mi mthong na/ byams pa skye ba'i rgyu med de/ gal te byams pa ma skyes na sbyin pa byin pa'i sems mi 'byung ngo // sbyin pa byin pa'i rkyen gyis sems can mang po bde bar 'gyur ba 'di lta ste/ zas dang /

  30. 16a

    skom dang / theg pa dang / gos dang / bdug pa dang / me tog dang / gding ba'i khri stan dang / khang khyim dang / snang ba'i me mar la sogs pa sbyin pa ste de ltar sbyin pa byin pa na/ de sems ma bcings te chags pa mi skye ba dang / gdon mi za bar bla na med pa yang dag par rdzogs pa'i byang chub tu bsngos pa'o// de'i tshe na sems ci la yang mi chags shing 'du shes gcod pa dang / rnyed pa dang / grags pas mi 'jigs pa dang / lha dang mi'i bde ba mi tshol ba dang / nga rgyal mi skye ba dang / lan mi re ba dang / pha rol po la bslu ba'i phyir sbyin pa ma yin pa dang / longs spyod 'dod pa'i phyir ma yin pa dang / sbyin pa byin na len par mi lta/ tshul khrims srung ba dang / tshul khrims ngan pa can dang / bsod nams kyi zhing dang / bsod nams kyi zhing ma yin pa dang / bshes gnyen dang / bshes gnyen ma yin par mi lnga/ sbyin pa byin pa na snod dang snod ma yin par mi lta/ nyi dang / dus dang / gnas dang / gnas ma yin par mi lta/ mu ge dang shin tu skyid pa'i dus kyang mi lta// rgyu dang 'bras bur yang mi lta/ sems can dang / sems can ma yin pa dang / bsod nams dang / bsod nams ma yin par mi lta ste/ de ltar sbyin pa dang / len pa dang / nor gyi dngos por mi lta ba nas/ bar du gcod pa dang 'bras bu smin pa'i bar du

  31. 16b

    milha mod kyi/ sbyin pa rtab tu spyod de mi gcod do// rigs kyi bu byang chub sems dpa' gal te tshul khrin srung ba dang / tshul khrims ngan pa can dang / 'bras bu rnam par spyan pa'i bar du lta na sbyin pa byin par mi 'gyur ro/ / gal te sbyin pa ma byin na sbyin pa'i pha rol tu phyin pa yongs su rdzogs par mi 'gyur ro// gal te sbyin pa'i pha rol tu phyin pa yongs su ma rdzogs na bla na med pa yang dag par rdzogs pa'i byang chub mi 'grub bo/ / rigs kyi bu 'di lta ste/ dper na mi zhig dug mdas phog pa las/ mi de'i gnyen ba shes dag de'i dug bsal cing bde bar bya ba'i phyir/ sman pa mkhas pa gnyer nas dub mda' dbyung ba las mi de 'di skad zer ro// re zhig kho bo'i lus la ma reg par sdod cig/ bdag gi dug mda' 'di gang phyogs nas 'ongs/ sus 'phangs/ rgyal rigs sam/ bram ze 'am/ rigs ngan gyis 'phangs sam/ ga las 'ongs pa brtags te bya'o// yang mda' nyid shing ngam/ smyig ma 'am/ 'on te lung ma 'am/ mde'u nyid kyang su sa brdungs/ rno lpags sam/ gnyen lcags sam/ mda' sgo nyid kyang bya ci zhig gi sgo bya rgod dam/ byan lag gi sgo 'am/ drag nyid kyang ga las byang / sus byas pa zhig/ 'o ni te rang byang ba zhig gas/ 'on te mis byas pa'i dug gam/ 'on te sbal gdug pa'i dus

  32. 17a

    yin nam/ de ltar glen pas brtags kyang rtogs par ma gyur te/ de ma thag tu tshe 'phos so// rigs kyi bu byang chub sems dpa' yang de dang 'dra ste/ sbyin pa byin pa na bye brag tu rnam par 'byed de/ 'di ni sbyin pa len pa'o// 'di ni tshul khrims srung ba/ 'di ni tshul khrims ngan pa can no zhes bya ba nas/ 'bras bu rnam par smin pa'i bar du bye brag tu 'byed pas nam du yang sbyin pa byin par mi 'gyur ro/ / gal te sbyin pa ma byin na sbyin pa'i pha rol tu phyin pa yongs su rdzogs par mi 'gyur ro// gal te sbyin pa'i pha rol tu phyin pa yongs su ma rdzogs na/ bla na med pa yang dag par rdzogs pa'i byang chub tu mi 'grub bo// rigs kyi bu byang chub sems dpa' sems dpa' chen po sbyin pa spyod pa na/ sems can thams cad la byams pa'i sems mnyam pa ni bu gcig dang 'dra bar 'du shes so// gzhan yang sbyin pa byin pa na sems can thams cad la snying rje'i sems bskyed pa ni/ ji ltar pha mas bu gcig pa rna ba'i nad g.yog byed pa dang 'dra'o// sbyin pa spyod pa na sems rab tu dga' ba ni/ ji ltar pha mas bu'i nad sos pa mthong ba dang 'dra'o// sbyin pa byin nas sems btang snyoms su gyur pa ni/ dper na pha mas bu gcig pa skyed rdzogs te shed byed nas rang sos pa mthong ba dang 'dra'o// de ltar byang chub sems dpa' sems dpa' chen po

  33. 17b

    byams pa'i sems kyis kha zas kyi bka sbyin pa byin pa na 'di ltar smon lam 'debs te/ bdag gi sbyin pa byin pa 'di sems can thams cad dang thun mong du gyur cig/ de'i rgyu de'i rkyen gyis sems can thams cad kyis ye shes chen po'i zas thob cing / bla na med pa'i theg pa chen por bsngo ba la brtson par gyur cig/ sems can thams cad kyis dge ba'i ye shes kyi zas thob cing / nyan thos dang rang sangs rgyas kyi zas tshol par ma gyur cig/ sems can thams cad kyis chos kyi dga' ba'i zas thob cing / 'dod pa'i zas tshol bar ma gyur cig sems can thams cad kyis shes rab kyi pha rol tu phyin pa'i zas thob cing / thams cad yongs su rdzogs par 'gyur ba dang / thogs pa med pa'i mchog gi dge ba'i rtsa ba sdud par gyur cig/ sems can thams cad kyis stong pa nyid kyis mtshan nyid rtogs shing / thog pa med pa'i lus thob nas nam mkha' lta bur gyur cig/ sems can thams cad rtag tu sbyin pa len par 'gyur zhing / thams cad la byams brtse ba dang kun gyi bsod nams kyi zhing du gyur cig ces smon lam 'debs so// rigs kyi bu byang chub sems dpa' sems dpa' chen po byams pa'i sems kyis zas kyi sbyin pa byin pa na/ smon lam de dag bskyed pa la shin tu brtan par bya'o// rigs kyi bu gzhan yang byang chub sems dpa' sems

  34. 18a

    dpa' chen po byams pa'i sems kyis btung ba'i skom sbyin pa byin pa na/ 'di ltar smon lam 'debs te/ bdag gi sbyin pa byin pa 'di sems can dang thun mong du gyur cig/ de'i rgyu de'i rkyen gyis sems can thams can theg pa chen po'i chu bor 'jug pa dang / ro rnam pa brgyad dang ldan pa'i chu 'thung zhing / myur du bla na med pa'i byang chub kyi lam la bgrod pa dang / nyan thos dang rang sangs rgyas kyi skom pas gdung ba spong ba dang / bla na med pa'i sangs rgyas kyi theg pas mi ngoms pa dang / nyon mongs pas gdung ba yongs su spong zhing chos kyi ros mi ngoms pa dang / 'khor ba'i 'dod pa spong zhing theg pa chen po yongs su mya ngan las 'das pa la mos pa dang / chos kyi sku yongs su rdzogs pa dang / ting nge 'dzin rnams thob pa dang / shin tu zab pa'i ye shes kyi rgya mtshor zhugs par gyur cig/ sems can thams cad kyis bdud rtsi'i ro myong zhing / byang chub sems dpa' 'jig rten du byung ba'i 'dod pa spangs nas rab tu dben pa'i ro myong bar gyur cig/ sems can thams cad kyis tshad med pa brgya stong rnyed pa dang ldan par 'gyur zhing / chos kyi ro dang ldan par gyur nas sangs rgyas kyi rang bzhin mthong bar gyur cig/ sangs rgyas kyi rang bzhin mthong nas chos kyi char rab tu 'bebs par gyur cig/ chos kyi char rab

  35. 18b

    tu phab nas nam mkha' ltar sangs rgyas kyi rang bzhin gyis kun khebs shing / tshad med pa'i sems cad thams cad kyis nyan thos dang rang sangs rgyas kyi ro ma yin/ theg pa chen po'i chos kyi ro gcig pa thob par gyur cig/ sems can thams cad kyis rnam pa drag tu gyur pa'i ro ma yin pa dang ra pa'i ro gcig pa thob par gyur cig/ sems car thams cad kyis chos kyi ro 'ba' zhig tshol zhing / thogs pa med pa'i sangs rgyas kyi chos spyod pa'i ro las ro gzhan tshos par ma gyur cig/ rigs kyi bu byang chub sems dpa' sems dpa' chen po byams pa'i sems kyis btung ba'i skom sbyin pa byin/ smon lam 'di dag la shin tu brtan par bya'o// rigs kyi bu gzhan yang byang chub sems dpa' sems dpa' chen po byams pa'i sems kyis theg pa sbyin pa byin pa na/ 'di ltar smon lam 'debs so// dadag gis sbyin pa byin pa 'di sems can thams cad dang thun mong du gyur ci / de'i rgyu de'i rkyen gyis sems can thams cad theg pa chen po rdzogs pa dang / theg pa chen po la gnas pa dang / bIr mi ldob pa'i zab pa dang / mi g.yo ba'i theg pa dang / rdo rje gdan gyi pa dang / can thos dang rang sangs rgyas mi tshol ba'i theg pa dang / sangs rgyas kyi theg pa la 'ba' pa dang / mi 'phrogs pa'i then pa dang / mi zhan pa'i theg pa dang / phyir mi nar ba'i theg par

  36. 19a

    bla na med pa'i theg pa dang / stobs bcu'i theg pa dang / yon tan chen po'i theg pa dang / rmad du byung ba'i theg pa dang / ngo mtshar che ba'i theg pa dang / shin tu rnyed da ba'i theg pa dang / mtha' yas pa'i theg pa dang / thams cad mkhyen pa'i theg pas bteg par gyur cig/ rigs kyi bu byang chub sems dpa' sems dpa' chen po byams pa'i sems kyis theg pa sbyin pa byin pa na/ rtag tu smon lam de dag bskyed pa la brtan par bya'o// rigs kyi bu gzhan yang byang chub sems dpa' sems dpa' chen po bgo ba'i gos sbyin pa byin pa na/ 'di ltar smon lam 'debs so// bdag gi sbyin pa byin pa 'di sems can thams cad dang thun mong du gyur cig/ de'i rgyu de'i rkyen gyis sems can thams cad 'dzem po dang ngo tsha ba'i gos dang ldan zhing / chos kyi dbyings kyis lus khebs nas/ lta ba mang pos glags pa'i gos dra ba dang / gros kyis lus la khru gang gis ni ma reg pa dang / gser gyi mdog can kyi lus thob pa dang / reg bya rnams shin tu 'jam pa dang / 'od gsal zhing thogs pa med pa dang / mdog 'tsher zhing pags pa 'jam la 'od rtag tu tshad med pa dang / gzugs med cing gzugs dang bral bar gyur cig/ sems can thams cad kyis gzugs med pa'i lus thob cing / gzugs thams cad las 'das pa dang / gzugs med pa'i yongs su mya ngan las

  37. 19b

    'das pa chen po la zhugs par gyur cig ces smon lam 'debs so/ / rigs kyi bu byang chub sems dpa' sems dpa' chen pos gos kyi sbyin pa byin pa na/ de ltar smon lam bskyed pa la brtan/ par bya'o// rigs kyi bu gzhan yang byang chub sems dpa' sems dpa' chen po byams pa bsgom pa na me tog dang / byug spos dang / spos phye ma dang / bsung can sbyin pa byin pa'i tshe/ 'di ltar smon lam 'debs so// bdag gis sbyin pa byin pa 'di sems can thams cad dang thun mong du gyur cig/ de'i rgyu de'i rkyen gyis sems can thams cad kyis sangs rgyas ku su ma'i ting nge 'dzin thob cing / byang chub kyi yan lag bdun gyi cod pan mgo la thogs par shog cig/ sems can thams cad gzugs zla ba nya ba dang 'dra bar 'gyur zhing / mthong ba'i gzugs thams cad kyang phul du gyur par shog cig/ sems can thams cad kyis mtshan nyid gcig pa'i bsod nams brgyas yongs su brgyan par shog cig/ sems can thams cad kyis yid bzhin du 'ong ba'i gzugs mthong bar shog cig/ / sems can thams cad kyis rtag tu dge ba'i bshes gnyen dang phrad cing thogs pa med pa'i gsung thob nas/ mi gtsang ba'i rnams dang 'bral bar shog cig/ sems can thams cad kyis dge ba'i rtsa ba bla na med par rin po che lta bu dang ldan par shog cig/ sems can thams cad kyis gcig la gcig mthong ba tsam gyis dga' zhing mdza'

  38. 20a

    pa dang / sdug bsngal bar 'gyur ba'i mya ngan med pa dang / so sor dge ba dang ldan zhing gcig la gcig mi gnod par shog cig/ sems can thams cad tshul khrim kyi bsung dang ldan par shog cig/ sems can thams cad thogs pa med pa'i tshul khrims srung zhing / de'i dri bsung gis phyogs bcur yongs su mdzad par shog cig/ sems can thams cad shin tu brtan pa'i tshul khrims dang / 'gyod pa med pa'i tshul khrims dang / thams cad mkhyen pa'i ye shes kyi tshul khrims dang / tshul khrims ngan pa yongs su spong ba'i tshul khrims dang / thams cad med pa'i tshul khrims dang / sngon ma byung ba'i tshul khrims dang / mkhan po med pa'i tshul khrims dang / bya ba med pa'i tshul khrims dang / gdung ba med pa'i tshul khrim dang / nyon mongs pa med pa'i tshul khrims dang / mthar phyin pa'i tshul khrims dang / mnyam pa'i tshul khrims dang ldan zhing / spos kyi lde gus lus la byugs pa dang / mtshon gyis 'debs shing 'dzugs pa la mnyam par byams sdang med par shog cig/ sems can thams cad bla na med pa'i tshul khrims thob pa dang / theg pa rlung ngu'i tshul khrims ma yin pa theg pa chen po'i tshul khrims dang ldan par shog cig/ sems can thams cad tshul khrims kyi pha rol tu phyin pa dang ldan te/ sangs rgyas bcom ldan 'das kyi lhun gyis grub pa'i tshul khrims

  39. 20b

    dang ldan par shog cig/ sems can thams cad sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la goms par shog cig/ sems can thams cad yongs su mya ngan las 'das pa chen po'i pad+mo dam pa dang ldan zhing / pad+mo'i dri bsung gis phyogs bcur yongs su mngad par shog cig/ sems can thams cad theg pa chen po yongs su mya ngan las 'das pa bla na med pa'i zas bsung can dang ldan zhing / ji ltar bung ba dag me tog gi kha dog dang bsung la mi gnod pa ltar shog cig/ sems can thams cad yon tan tshad med pa las grub pa'i lus dang ldan par shog cig ces smon lam 'debs so// rigs kyi bu byang chub sems dpa' sems dpa' chen pos byams pa'i sems kyis me tog dang spos kyi sbyin pa byin pa na/ / rtag tu smon lam 'di dag gdab pa la brtan par bya'o// rigs kyi bu gzhan yang byang chub sems dpa' sems dpa' chen po byams pa'i sems kyis khri stan dang gding ba sbyin pa byin pa na/ 'di ltar smon lam 'debs so// bdag gis sbyin pa byin pa 'di sems can thams cad dang thun mong du gyur cig/ de'i rgyu de'i rkyen gyis sems can thams cad lha'i lha nyal ba'i khri dang ldan par gyur cig/ shes rab chen po dang ldan zhing bsam gtan bzhi'i gnas la

  40. 21a

    'dug pa dang / byang chub sems napas nyal ba'i khri stan la nyal ba dang / nyan thos dang rang sangs rgyas kyi khri stan la minyal ba dang / ngan pas nyal ba'i khri kan yongs su spong bar shog cig/ sems can thams cad shin tu bde bar nyal zhing / 'khor ba'i khri stan yongs su spangs te/ yongs su mya ngan las 'das pa seng ge'i khri stan dang ldan par shog cig/ sems can thams cad khri stan de la 'dug nas kyang / de ma yin pa'i sems can tshad med pa gzhan la yang mngon par shes pa seng ge rnam par rol pa mngon du ston par shog cig/ sems can thams cad theg pa chen po'i gzhal med khang chen po 'di la gnas nas/ sems can thams cad la yang sangs rgyas kyi rang bzhin ston par shog cig/ sems can thams cad bla na med pa'i khri stan la 'dug nas/ 'jig rten gyi chos kyis mi 'phrog par shog cig/ sems can thams cad bzod pa'i khri stan thob nas/ 'khor ba'i bkres grang gi mu ge las bral bar shog cig/ sems can thams cad 'jigs pa med pa'i khri stan thob nas/ nyon mongs pa'i dgra thams cad spong bar shog cig/ sems can thams cad rnam par dag pa'i khri snyan thob nas/ bla na med pa yang dag par rdzogs pa'i byang chub 'ba' zhig la brtson par shog cig/ sems can thams cad dge ba la gnas pa'i khri stan thob nas/

  41. 21b

    rtag tu dge ba'i bshes gnyen gyis skyob par shog cig/ sems can thams cad glo g.yas pas nyal ba'i khri stan thob nas/ sangs rgyas rnams kyis mdzad pa'i chos la gnas par shog cig/ ces smon lam 'debs so// rigs kyi bu byang chub sems dpa' sems dpa' chen po de ltar byams pa'i sems kyis khri stan dang gding ba sbyin pa byin pa na/ de ltar smon lam gdab pa la brtan par bya'o/ / rigs kyi bu gzhan yang byang chub sems dpa' sems dpa' chen po byams pa'i sems kyis khang khyim gyi sbyin pa byin pa na/ 'di ltar smon lam 'debs te/ bdag gis sbyin pa byin pa 'di sems can thams cad dang thun mong du gyur cig/ de'i rgyu de'i rkyen gyis sems can thams cad theg pa chen po'i khang par gnas shing dge ba'i bshes gnyen dag spyod pa la nan tan du spyod pa dang / snying rje chen po la nan tan byed pa dang / pha rol tu phyin pa drug la nan tan du spyod pa dang / yang dag par rdzogs pa'i sangs rgyas kyis mdzad pa la spyod pa dang / byang chub sems dpa' thams cad kyis spyod pa'i lam la spyod pa dang / ram mkha' mtha' yas shing rgya che la spyod par shog cig/ sems can thams cad yang dag pa'i dran pa dang ldan zhing / ngan par rtog pa yongs su spong bar shog cig/ sems can thams cad rtag pa dang / bde ba dang / bdag dang / yongs su dag pa la

  42. 22a

    bde bar gnas shing / byin ci log pa ni yongs su thongs par shog cig/ sems can thams cad 'jig rten las 'das pa'i yi ge dang 'bru 'dzin par shog sems can thams cad bla na med pa thams cad mkhyen pa'i ye shes kyi snod du nges par shog cig/ sems can thams cad bdud rtsi'i khang par 'jug par shog cig/ sems can thams cad rdzog ma dang / bar ma dang / tha ma'i sems kun gyis rtag tu yongs su mya ngan las 'das pa'i khang par zhugs par shog cig/ sems can thams cad ma 'ongs pa'i dus su byang chub sems dpa'i gzhal med khang du rtag tu gnas par shog cig ces smon lam 'debs so/ / rigs kyi bu byang chub sems dpa' sems dpa' chen pos byams pa'i sems kyis gnas khyis sbyin pa byin pa na/ rtag tu smon lam 'di dag bskyed pa la brtan par bya'o// rigs kyi bu gzhan yang byang chub sems dpa' sems dpa' chen po byams pa'i sems kyis mar me'i snang ba'i sbyin pa byin pa na/ 'di ltar smon lam 'debs so// bdag gis sbyin pa byin pa 'di sems can thams cad dang thun mong du gyur cig/ de'i rgyu de'i rkyen gyis sems can thams cad tshad med pa'i 'od dang ldan zhing / sangs rgyas kyi chos la bde bar gnas par shog cig/ sems can thams cad rtag tu snang bas kun tu gsal bar shog cig/ sems can thams cad mdog dam pa dang ldan te/ yul du gyur pa'i

  43. 22b

    mdog 'tsher ba dang ldan par shog cig/ sems can thams cad shin tu rnam par dag pa'i mig dang ldan te/ mdongs pa'i rab rib kyis mchod par shog cig/ sems can thams cad thams cad mkhyen pa'i ye shes kyi sgron ma dang ldan te/ bdag med pa dang / sems can med pa dang / gang zag med pa dang / srog med pa la shin tu mkhas par shog cig/ sems can thams cad sangs rgyas kyi rang bzhin yongs su dag pa la/ nam mkha' lta bur mthong bar shog cig/ sems can thams cad shin tu rnam par dag pa'i mig dang ldan te/ phyogs bcu'i 'jig rten gyi khams klung gang+gA'i bye ma snyed kyang gsal bar mthong bar shog cig/ sems can thams cad sangs rgyas kyi 'od dang ldan te/ phyogs bcur snang bar shog cig/ sems can tham cad thogs pa med pa'i mig dang ldan te/ thams cad kyis sangs rgyas kyi rang bzhin yongs su dag pa mthong bar shog cig/ sems can thams cad ye shes chen po'i snang ba thob cing / mun pa thams cad dang log sred thams cad bcom par shog cig/ sems can thams cad tshad med pa'i 'od dang ldan zhing / tshad med pa'i sangs rgyas kyi zhing kun snang bar shog cig/ sems can thams cad theg pa chen po'i sgron ma 'dzugs shing / theg pa chung ngu gnyis kyi sgron ma spong bar shog cig/ sems can thams cad snang ba'i 'od dang ldan zhing / ma rig pa'i mun pa bsal nas/ nyi ma stong pas kyang lhag

  44. 23a

    pa'i kun tu snang ba'i yon tan dang ldan par shog cig/ sems can thams cad me'i 'od kyi nor bu zhes bya ba'i snang ba thob nas/ stong gsum gyi stong chen po'i 'jig rten gyi / khams kyi mun nag thams cad bsal bar shog cig/ sems can thams cad spyan lnga dang ldan te/ chos rnams kyi mtshan nyid rtogs pa dang ston pa mi dgos par rang gis rig par shog cig/ sems can thams cad ma rig pa la mi lta bar shog cig/ sems can thams cad theg pa chen po yongs su mya ngan las 'das pa'i 'od zer gyis/ sems can thams cad la sangs rgyas kyi rang bzhin yang dag par ston par shog cig/ ces smon lam 'debs so// rigs kyi bu byang chub sems dpa' sems dpa' chen po byams pa'i sems kyis mar me'i snang ba sbyin pa sbyin pa na/ rtag tu smon lam 'di dag brten pa la brtan par bya'o/ / rigs kyi bu nyan thos dang / rang sangs rgyas dang / byang chub sems dpa' dang / sangs rgyas bcom ldan 'das rnams kyis dge ba'i rtsa bar 'gyur ba'i gzhi ni byams pa yin no/ / rigs kyi bu byang chub sems dpa' sems dpa' chen po byams pa'i sems la nan tan byed pa na/ tshad med pa'i dge ba'i rtsa ba 'di dag bskyed par 'gyur ro// 'di lta ste/ mi sdug pa la rtog pa dang / dbugs phyi nang du rgyu ba bgrang ba dang / mi rtag pa dang / skye ba dang / 'gog pa dang / zan pa nye bar gzhag pa bzhi dang / thabs mkhas pa bdun dang / rtog pa'i

  45. 23b

    gnas gsum dang / rten cing 'brel te byung ba bcu gnyis dang / bdag med pa la sogs pa rtag pa dang / drod dang / spyi bo dang / bzod pa dang / 'jig rten mchog gi chos dang / mthong ba'i lam dang / sgom pa'i lam dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi phyogs kyi yan lag bdun dang / 'phags pa'i lam gyi yan lag brgyad dang / bsam gtan bzhi dang / tshadan med pa bzhi dang / rnam par thar pa brgyad dang / mchog gi gnas brgyad dang / thams cad 'jug pa bcu dang / stong pa nyid dang / mtshan ma med pa dang / smon pa med pa dang / rtsod pa med pa'i ting nge 'dzin dang / pha rol po'i sems shes pa'i ye shes dang / mngon par shes pa rnams dang / thog ma'i mtha' shes pa'i ye shes dang / nyan thos kyi ye shes dang / rang sangs rgyas kyi ye shes dang / byang chub sems dpa'i ye shes dang / sangs rgyas kyi ye shes la sogs pa chos de dag thams cad kyi gzhir 'gyur ba ni byams pa yin no// rigs kyi bu de bas na byams pa ni yang dag pa'i bden pa ste/ brdzun pa ma yin no// rigs kyi bu ci ste gcig gis dge ba'i rtsa ba thams cad kyi gzhir 'gyur ba gang zhes 'dri na/ byams pa yin no zhes gyis shig/ de bas na yang dag pa sde brdzun ma yin no// rigs kyi bu dge bar 'gyur ba ni yang dag par sems pa'o// yang dag par sems pa ni byam pa'o// byams pa ni de bzhin

  46. 24a

    gshegs pa'o/ / thams pa ni theg pa chen po'o// theg sa chen po ni byams pa'o// byams pa ni de bzhin gshegs pa'o// rigs kyi bu byams pa ni byang chub kyi lam / byang chub kyi lam ni de bzhin gshegs pa'o// de bzhin gshegs pa ni byams pa'o// rigs kyi bu byams pa ni tshangs pa chen po'o// tshangs pa chen po ni byams pa'o// byams pa ni de bzhin gsheg ba'o/ / rigs kyi bu byams pa ni sems can thams cad kyi pha ma lta bu yin no// pha ma ni byams pa'o// byams pa ni de bzhin gshegs pa'o// rigs kyi bu byams pa ni bsam gyis mi khyab pa'o// bsam gyis mi khyab pa ni sangs rgyas kyi spyod yul lo// sangs rgyas rnams kyi spyod yul ni byams pa'o// de bas na byams pa ni de bzhin gshegs pa yin pa rig par bya'o// rigs kyi bu byams pa ni sems can gyi sangs rgyas kyi rang bzhin no/ / de ltar sangs rgyas kyi rang bzhin de yang yun ring po nas/ nyon mongs pas zil gyis mnan te bsgribs pas/ sems can rnams kyis ma mthong ngo // de ltar sangs rgyas kyis rang bzhin byams pa'o/ / byams pa ni de bzhin gshegs pa'o// rigs kyi bu byams pa ni stong pa chen po'o// stong pa chen po ni byams pa'o// byams pa ni de bzhin gshegs pa'o// ri kyi bu byams pa ni nam mkha' 'o/ / nam mkha' ni byams pa'o// byams pa ni de bzhin gshegs pa'o// rigs kyi bu byams pa ni rtag pa'o// rtag pa ni chos so// chos ni dge 'dun no// dge 'dunan

  47. 24b

    byas pa'o/ / byam pa ni de bzhin ga shes pa'o// rigs kyi bu byams pa ni bde ba'o// bde ba ni chos so// chos ni dge 'dun no// dge 'dun ni byams pa'o// byams pa ni bzhin gshegs pa'o// rigs kyi bu byams pa ni yongs su dag pa'o/ / yongs su dag pa ni chos so// chos ni dge 'dun no// dge 'dun ni byams pa'o// byams pa ni de bzhin gshegs pa'o// rigs kyi bu byams pa ni bdag ces bya'o/ / bdag ni chos so// chos ni dge 'dun no// dge 'dun ni byams pa'o// byams pa ni de bzhin gshegs pa'o// rigs kyi bu byams pa ni bdud rtsi'o// bdud rtsi ni byams pa'o// byams pa ni sangs rgyas kyi rang bzhin no// sangs rgyas kyi rang bzhin ni chos so// chos ni dge 'dun no// dge 'dun ni byams pa'o// byams pa ni de bzhin gshegs pa'o// rigs kyi bu byams pa ni byang chub sems dpa' thams cad kyi bla na med pa'i byang chub bo/ / byang chub ni byams pa'o// byams pa ni de bzhin gshegs pa'o// rigs kyi bu rnams pa ni sangs rgyas bcom ldan 'das thams cad kyi tshad med ba'i spyod yul lo/ / tshad med pa'i spyod yul ni byams pa'o// de bas na byams pa de ni de bzhin gshegs pa yin par rig par bya'o// rigs kyi bu byams pa ni mi rtag pa'o// mi rtag pa ni byams pa'o/ / byams pa ni nyan thos kyi byams pa yin par rig par bya'o// rigs kyi bu byams pa de sdug bsngal yin no// sdug bsngal ni byams pa yin no// de bas na byams pa de ni nyan thos kyi byams pa

  48. 25a

    yin par rig par bya'o/ / rigs kyi bu byams pa yongs su ma dag pa yin na/ yongs su ma dag pa ni byams pa'o// de bas na byams pa de ni nyan thos kyi byams pa yin par rig par bya'o/ / rigs kyi bu byams pa ni bdag med pa yin no// de bas na byams pa de ni nyan thos kyi byams pa'o// rigs kyi bu byams pa ni mi bden pa'o// mi bden pa ni byams pa'o// gams pa/ ni nyan thos kyi byams pa'o// rigs kyi bu byams pa sbyin pa'i pha rol tu phyin pa ma yin na/ sbyin pa'i byams pa ma yin te/ byams pa de ni nyan thos kyi byams pa'o// shes rab kyi pha rol tu phyin pa'i bar du yang de ba du rgyas par rig par bya'o/ / rigs kyi bu byams pa gang zhig sems can la phan mi thogs na/ byams pa de ni nyan thos kyi byams pa'o// rigs kyi bu byams pa gang zhig mtshan nyid gcig pa'i lam la ma zhugs na/ byams pa de ni nyan thos kyi byams pa'o// rigs kyi bu byams pa gang zhig chos thams cad mngon par ma rtogs na/ byams pa de ni nyan thos kyi byams par rig par bya'o// rigs kyi bu byams pa ka' khyig bzhin gshegs pa'i snying po mi mthong na/ byams pa de ni nyan thos kyi byams pa'o// rigs kyi bu byams pa gang zhig chos thams cad yod pa'i mtshan nyid du mi mthong na/ byam pa de ni nyan thos kyi byams pa rigs kyi bu ci ste byams pa zag pa dang bcas na/ zag pa dang bcas pa'i byams pa de ni nyan thos kyi byams pa'o// rigs kyi bu ci ste byams pa 'dus byas dang bcas na/ 'dus byas dang bca

  49. 25b

    pa'i ni can thos kyi byams pa'o/ / rigs kyi du rgyu ste sems pa sa dang po la mi gnA sman/ sa dang po'i byams pa n+ti// de ni ldan thos rnams par rig par bya'o// rigs kyi bu ci s+yai sems pas rgyas kyi stobs bcu dang / mi 'jigs pa bzhi thob par mi nus na/ byams pa de ni nyan thos kyi byams pa yin par rig par bya'o// rigs kyi bu byams pa gang gis dge slong gi 'bras bu 'thob par 'gyur ba'i byams pa de ni/ nyan thos kyi byams pa yin par rig par bya'o// rigs kyi bu byams pa gang zhig yod pa dang / med pa dang / yod pa yang ma yin/ med pa yang ma yin pa dang bcas pa de ni nyan thos dang rang sangs rgyas la sogs pa thams cad kyis dpag nus pa ma yin no/ / rigs kyi bu ci ste byams pa bsam gyis mi khyab na/ chos kyang bsam gyis mi khyab bo// sangs rgyas kyi rang bzhin yang bsam gyis mi khyab bo/ / de bzhin gshegs pa yang bsam gyis mi khyab bo// rigs kyi bu byang chub sems dpa' sems dpa' chen po theg pa chen po yongs su mya ngan las 'das pa la gnas pa ni/ byams pa de lta bu dag la nan tan byed do// gnyid kyi bde ba la gnas kyang rtag tu brtson 'grus rtsom pas gnyid kyis mi non no// rtag tu sad mod kyi/ gnyid med pa'i phyir sad pa yang med do/ / gnyid kyi nang na lha rnams yongs su bsrung mod kyi/ sdig pa mi spyod pas na bsrung yang med do// gnyid dang yongs su bral bas rmi lam ngan pa 'am/ mi dge bar

  50. 26a

    'gyur ba gang tshangs pa'i lhar skyes mod kyi/ dbang du gyur pas na skyes pa yang med do// rigs kyi bu gang byams pa la nan tan byed pa de ni/ de lta bu'i yon tan tshad med ba bsam gyis mi khyab pa dang ldan par 'gyur ro/ / rigs kyi bu yongs su mya ngan las 'das pa'i mdo sde dam pa 'di yang de lta bu'i yon tan tshad med bsam gyis mi khyab pa dang ldan no// sangs rgyas bcom ldan 'das kyang de lta bu'i yon tan tshad med pa mtha' yas pa dang ldan no/ / byang chub sems dpa' 'od srungs kyis/ bcom ldan 'das la gsol pa/ bcom ldan 'das ci ste byang chub sems dpa' sems dpa' chen po dag ji tsam yid la bgyid pa de dag thams cad yang dag par bden pa lags la/ nyan thos dang rang sangs rgyas kyi bden pa yang dag pa ma lags na/ ci'i slad du byang chub sems dpa' mthu stobs kyis sems can thams cad mtshungs par bde ba myong bar mi mdzad/ de ltar sems can tham cad yang dag par bde ba mi myong bas na/ byang chub sems dpa' byams pa'i sems la nan tan bgyid pa ni phan pa ma mchis so/ / bcom ldan 'das kyis bka' stsal pa/ rigs kyi bu byang chub sems dpa'i byams pa ni phan par mi 'gyur ba ma yin te/ rigs kyi bu sems can kha cig ni nges par sdug bsngal myong ba yang yod/ / kha cig ni mi myong ba yang yod do// sems can gang nges par sdug bsngal myong bar 'gyur ba log sred can dag la ni/ byang chub sems dpa

  51. 26b

    byams pas phan par ni 'gyur ro/ / gang sdug bsngal myong ba ma nges pa dag ni byang chub sems dpa'i byams pas phan par 'gyur// sems can de dag rab tu bde ba'ang spong bar byed do// rigs kyi bu 'di lta ste/ dper na mi zhig rgyang ring po na seng ge dang / stag dang / sbyang ki dang / srin po dang / yi dgas la sogs pa mthong na/ rang bzhin gyis 'jigs skrag pa bye'o// ci ste mtshan mo g.yang sa mthong na yang de bzhin du 'jigs pa skye'o/ / rigs kyi bu mi de rang bzhin gyis 'jigs pa skye ba dang 'dra bar/ sems can gang byams pa la nan tan byed pa mthong na/ rang bzhin gyis bde ba myong bar 'gyur ro/ / rigs kyi bu don de lta bas na byang chub sems dpa' byams pa la nan tan byed pa ni yang dag par yid la byed pa ste/ phan par mi 'gyur ba yang ma yin no// rigs kyi bu ngas ni byams pade la rnam pa tshad med pa shad do/ / 'di lta ste/ mngon par shes pa dag go// rigs kyi bu dper na lha sbyin gyis rgyal po ma skyes dgra la de bzhin gshegs pa gsad par bstan te/ de'i tshe nga rgyal po'i khab tu bsod snyoms mthar gyis len par zhugs na/ rgyal po ma skyes dgras nor srung ba'i bal glang byos pa gtang nas/ nga dang slob mar bcas pa gsod du bcug go// de'i tshe bal glang de dag gis sems can tshad med pa brgya stong brdzis te bsad pas/ sems can shi ba de dag gi khrag gis phog pas/ lhag par smos par yang gyur la/ nga'i slob ma ngur smrig gon pa yang khrag snyam du mthong nas/ bal glang de

  52. 27a

    dga'ador te byung ngo / / nga'i slob ma'i nang na 'dod pa dang ma bral ba thams cad ni phyogs bzhir thos te/ tshe dang ldan pa dga' bo 'ba' zhig ma gtogs so// de'i tshe de'i du rgyal po'i khab na gnas pa'i mi thams can skad 'thun par dus te lhags nas 'di skad ces smras so/ / kyi hud de bzhin gshegs pa ni med par gyur to// de ci'i slad du de bzhin gshegs pa 'di ltar na gcig tu zhig par gyur ces smras so/ / de'i tshen lnga sbyin ngo mtshar dga' ba skyes nas/ dge sbyong go'u ta ma med par gyur pa ni legs so// deng phan chad ni yang dag par med par gyur te/ zos legs pas smon lam bzhin grub par gyur to zhes smras so/ / rigs kyi bu de'i tshe na ngas nor srung ba'i bal glang gdul ba'i phyir/ byams pa zhes bya ba'i ting nge 'dzin la snyoms par zhugs nas/ phyag brkyang ste bstan pas sor mo lnga la seng ge lnga snang bar gyur to// bal glang gis de mthong nas shin tu sbags pas bshang gci yang stor te/ lus sa la brtabs nas nga'i zhabs la gus par pya byas so/ / rigs kyi bu de'i tshe na sor mo lnga la yang dag par seng ge med kyang / byams pa bsgoms pa'i dge ba'i rtsa ba'i mthus de dag thul bar gyur to// / 'phags pa yongs su mya ngan las 'das pa chen po'i mdo bam po bcu drug pa/ / / rigs kyi bu gzhan yang nga yongs su mya ngan las 'das kar rtswa mchog gi grong khyer du gshegs pa8/

  53. 27b

    brgya tsam zhig lam kha na lam 'chos shing phyag bdar dang chag chag byed do// lam kha na pha bong zhig yod pa la gyad rnams log ste/ mthu stobs ci yod pas bteg kyang dor ma nus so// de'i tshe gyad rnams la thugs brtse ba'i phyir byams pa'i thugs bskyed nas/ zhabs kyi mthe bos pha bong de gnam 'phang du bor nas phyag gis gzung ste/ phyag mthil g.yas par bzhag go// bus pa tsam gyis zhib mor yang gyur la/ phyir yang bsdus te bsgongs par gyad rnams kyis mthong bar byas so// gyang de dag gi nga rgyal dang dregs pa'i sems kyang zhi bar byas nas/ chos rnam pa sna tshogs kyang bstan te/ bla na med pa yang dag par rdzogs pa'i byang chub tu sems bskyed du bcug go// rigs kyi bu de'i tshe na de bzhin gshegs pas yang dag par na zhabs kyis mthe bos pha bong de gnam 'phang du bor ba 'am/ phyag mthil g.yas par bzhag pa 'am/ zhib mor byas pa 'am/ phyir gong bur bsgongs pa yang med mod kyi/ rigs kyi bu de yang byams pa'i dge ba'i rtsa ba'i mthu las na/ gyad rnams kyis dngos po de lta bu dag mthong bar rig par bya'o/ / / rigs kyi bu gzhan yang lho phyogs be tA la'i yul na grong khyer chen po shu ba la zhes bya ba na/ khyim bdag 'dod pa zhes bya ba sngon 'das pa'i dus na/ sangs rgyas tshad med pabasnyed la dge ba'i rtsa ba bskyed pa 'gro ba mang po'i gtso bor gyur pa zhig yod do/ / rigs kyi bu grong khyer chen po de na gnas pa'i mi thams cad mu stegs can la phyogs te gcer bu pa dag gi g.yeg byed do//

  54. 28a

    de'i tshe de'i dus na khyim bdag de gdul ba'i phyir rgyal po'i khab nas grong khyer der gshegs par chas so// de'i bar ni dpag tshad drug cu rtsa lnga zhig yod do// de na gnas pa'i sem can dag gdul ba'i phyir/ bcom ldan 'das 'khor dang bcas te gom pas dal gyis gshegs so// de'i tshe na grong khyer shu ba la zhes bya ba na gnas pa'i gcer bu pa rnams nga 'ong ngo zhes thos nas/ dag sems kyis 'di snyam du bsams par 'gyur te/ shal te dge sbyong go'u ta ma 'dir 'ongs na/ 'di na gnas pa thams cad bdag kyang spong zhing yo byad kyang mi ster te/ dbul 'phongs par 'gyur na/ bdag cag cis 'tsho bar 'gyur snyam bsams nas/ gcer bu pa rnams so sor kha bkram ste/ grong khyer de na gnas pa'i mi rnams la 'di skad ces bsgo'o// dge sbyong go'u ta ma zhes bya ba re sa dir 'ong zhes grag gis/ dge sbyong de ni pha dang ma yang spangs nas gar yang rgyu zhing 'gro ste/ gang nas gang du phyin pa'i gnas de dang de dag tu lo nyes pa dang mu ge 'byung bar byed/ nad mang ba dang 'chi ba mang bar byed de/ de las thar pa'ang med do// dge sbyong go ru ta ma ma rungs pa de ni 'khor yang srin po yi dgas ma rungs pa sha stag khrid cing 'ong ngo // de la na pa yang med/ ma yang med de dbul 'phongs pas ched du 'khor 'dod pa'i phyir 'ong ngo / / des ston cing 'chad pa'ang brdzun 'ba' zhig tu zad de/ gang du phyin kyang thog ma nas bde ba dang srid pa med do zhes bsgrags pas/ de dag gis de skang thos

  55. 28b

    nas shin tu 'jigs blag te/ gcer bu pa'i nang pa la spyi bos phyag 'tshal nas phyir 'di skad ces smras so// son pa chen po bdag cag kyis thabs ci byas na dge sbyong ko rus ma 'dir mi 'ong bar 'gyur/ gcer bu pas smras pa/ dge sbyong go ru ta ma ni rang bzhin gyis nags tshal dang / chu mig dang / 'bab tshu la dga' ba'i rigs kyis/ grong phyin ci yod pa thams cad de med par bya dgos kyis/ khyed rnams so so nas grong khyer gyi phyi rol tu deng la/ skyed shing gcig kyang ma lus par chod cig/ chu mig dang / khron pa dang / 'bab chu kun tu yang mi gtsang ba dang ngan skyugs kyis khong zhig phyir log nas grong khyer gyi sgo nam du gcad la/ dgra cha bshams te grong khyer bsrungs la ci nas kyang mi chud par bya'o// gal te gnas 'dir ma chud na khyed kyang gdod bde bar 'gyur ro// bdag cag kyang ci nus kyis dge sbyong go'u ta ma phyir bzlog pa'i cho ga bya'o zhes smras nas/ de dag kyang bsgo ba bzhin du mnyan te/ shing thams cad kyang bcad/ chu yang bskams nas/ dgra che bshams te grong khyer srung ngo / / rigs kyi bu de'i tsheng grong khyer der phyin pa na/ nags tshal dang skyed shing gcig kyang mi snang gi/ mi mang po mtshon cha thogs te sdod pa mthong ngo // de lta bu dag mthong ba dang shin tu thug brtse nas/ byams pa'i thugs bskyed pas nags tshal dang skyed shing thams cad kyang phyir skyes te/ de ma yin pa gzhan yang dpag tu med pa'i shing rnams skyes la/ chu mig dang / rdzing bu dang /

  56. 29a

    khron pa dang / 'bab chu thams cad kyang shin tu gsal zhing dang ba ni bai DUr+ya sngon po lta bur gyur nas kun tu gang zhing lud de/ me tog rnam pa sna tshogs kyis kyang yos su khebs par gyur to/ / grong khyer de'i ngos kyi ra ba yang bai DUr+ya mthon mthing lta bur gyur te/ grong khyer de na gnas pa thams cad kyis thal byung du nga 'khor dang bcas pa yang gsal bar mthong ngo // grong khyer gyi sgra yang rang bye nas thogs par ma gyur/ mtshon cha rnams kyang me tog sna tshogs su gyur te/ khyim bdag 'dod pas gtso byas nas mi thams cad 'khor dang bcas te/ bcom ldan 'das kyi spyan sngar lhags so/ / ngas de dag la chos rnam pa sna tshogs bshad nas/ de dag thams cad bla na med pa yang dag par rdzogs pa'i byang chub tu sems bskyed par gyur to// rigs kyi bu de'i tshe nangs de ltar yang dag par nags tshal dang skyed shing bskyed pa 'am/ chu gtsang mas chu mig dang rdzing bu kun gang bar byas pa 'am/ grong khyer gyi rab bai DUR+Yar bsgyur ba 'am/ zhe na gnas pa'i me de dag gis thal byung du mthong bar byas pa 'am/ grong khyer gyi sgo rang bye ba 'am/ mtshon cha rnams me tog tu bsgyur ba med mod kyi/ rigs kyi bu de yang byams pa'i dge ba'i rtsa ba'i mthu las mi de dag gis dngos po de dag mtha bar gyur to/ / rigs kyi bu gzhan yang mnyan du yod pa na/ bram ze'i bu mo ba sa ti zhes bya ba la bu gcig pu zhig yod de/ dpe med par shin tu byams shing sdug pa las nad kyis btab nas shi bar gyur to/

  57. 29b

    bu med kyang na rten pos gdungs pas myos te/ blon mor ban drug kyang ngo ma ste/ lam rgya bzhin no gtu ngus nas/ mug bu gar song zhes 'bod cing thong cer na tu r+g+ha shing 'tho sang pas med no/ / rigs kyi bu bu med de sngon 'das pa'i dus kyi sangs rgyas la dge ba'i rtsa ba bsgreng bzhig yin pas/ dus dun med de la byams pa'i thugs bsnyed pas/ de'i tsheni bud med des pa nas/ ngal bur 'du shes bskyed de/ de ma thag tu sems sor chud nas dpang du blangs te ngal 'o byas so// de'i tshe de'i dus na ngas dga' bo la chos gos 'di bud med de la byin cig ces bka' stsal to/ / de la chos gos byin nas chos rnam pa sna tshogs bshad de/ bud med des chos thos nas rab tu dga' mgu rangs nas/ bla na med pa yang dag par rdzogs pa'i byang chub tu sems bskyed pabar gyur to/ / rigs kyi bu de'i tshe na yang dag par de'i bu yang nga ma yin la/ nga'i ma yang ma yin te/ phang du blangs pa 'am 'o byas pa yang med mod kyi/ rigs kyi bu de yang byams pa'i dge ba'i rtsa ba'i mthu las bud med des dngos po de lta bu dag mthong bar rig par bya'o/ / rigs kyi bu gzhan yang grong khyer ser sna na/ dge bsnyen ma ma hA sin dar u0f7fzhes bya ba sngon 'das pa'i d us na/ sangs rgyas tshad med pa snyed la dge ba'i rtsa ba rab tu bskyed pa zhig zla ba gsum gyi bar du dge 'dun spyan drangs nas/ nad kyi rkyen sman yang 'bul lo// de'i tshe dge 'dun de dag gi nang na dge

  58. 30a

    slong gcig cig nad tshabs po ches btab nas sman pa gnyer te dpyad byas nas/ nad 'di ni sha zhig gis sman bya dgos te/ sha med na srog kyang ring po mi thub po zhes bsko'o// de'i tshe dge bsnyen ma des tshig de skad ces smras pa thos nas/ gser thogs te tshong dus su 'di skad ces smras so// kye khyed la sha 'tshong ba ci yod/ rin du sha dang mnyam pa'i gser sbyin no zhes tshong dus thog thag tu btsal kyang sha ma rnyed do/ / de nas dge bsnyen ma des gri blangs nas bdag nyid kyi brla sha gcad de gtubs nas sha chog tu byas/ spod rnam pa sna tshogs kyis btab ste dge slong nad pa la byin no// dge slong des sha de zos nas nad kyang sos par gyur to// de'i tshe dge bsnyen ma de sha bcad pa'i rma red nas shin tu mi bzad pa'i sdug bsngal chen po myong bas 'di skad du/ sangs rgyas la phyag 'tshal lo// sangs rgyas la phyag 'tshal lo zhes bos so// de'i tshe de'i dus na nga mnyan du yod pa na bzhugs te/ de skad ces bos pa thos nas/ bud med de la shin tu thugs rje chen po skyes pas/ bud med des de ma thag tu nga mthong bar gyur to/ / de nas de'i rma la sman gyis bskus ma thag tu snga ma kho na bzhin du sor chud par gyur to// de nas de la chos rnam pa sna tshogs bstan cing bshad nas rab tu dga' mgu rangs bla na med pa yang dag par rdzogs pa'i byang chub tu sems bskyed par gyur to/ / rigs kyi bu nga ni de'i tshe na yang dag par grong khyer ser skyar yang ma gshegs la/ dge bsnyen ma'i rma la klan

  59. 30b

    bskus pa'ang med mod kyi/ rigs kyi bu de yang byams pa'i dge ba'i rtsa ba'i shugs kyis dge bsnyen ma des de lta bu'i dngos po dag mthong bar gyur to// rigs kyi bu gzhan yang lha sbyin ma rungs pa chog mi shes te/ bras kyi tshod ma zin nas mar mang du 'thungs pas klad pa na zhing spos par gyur nas/ shin tu mi bzad pa'i sdug bsngal chen po myong ste 'di skad du/ sangs rgyas la phyag 'tshal lo/ / sangs rgyas la phyag 'tshal lo zhes bos so// de'i tshe na nga grong khyer u da ni na bzhugs pa las de skad ces 'bod pa'i sgra thos nas/ shin tu byams pa'i sems bskyed pas de'i tshe na lha sbyin gyis nga mthong bar gyur to/ / de'i tshe nga yang der gshegs nas phyag gis mgo dang lto ba la byugs te sga'i khu ba blud nas/ 'thungs ma thag tu sos par gyur to// rigs kyi bu de'i tshe na yang dag par lha sbyin gyi drung du gshegs pa yang med la/ phyag gis mgo dang lto ba la byugs pa 'am/ skra'i khu ba blud pa yang med mod kyi/ rigs kyi bu de yang byams pa'i dge ba'i rtsa ba'i shugs kyis/ lha sbyin gyis dngos po de dag mthong bar rig par bya'o// rigs kyi bu gzhan yang yul ko sa lar mi rgod ma rungs pa lnga brgya tsam zhig bsdongs shing chom shod byed de shin tu gnod par gyur nas/ rgyal po rab tu sde 'pham byed kyis dpag gis btab ste/ thams cad gzung nas mig phyung ste nags tshal stug por bzhag go// de'i tshe na mi rgod ma rungs pa de dag sngon

  60. 31a

    sangs rgyas rnams la dge ba'i rtsa ba bskyed pa sha stag de/ de ltar mig phyung bas shin tu sdug bsngal chen po myong bar gyur pas 'di skad du/ sangs rgyas la phyag 'tshal lo// sangs rgyas la phyag 'tshal lo zhes bos so// bdag cag la mgon dang skyabs bgyid pa ma mchis te/ dpung gnyen ma mchis so zhes cho nges btab ste ngus so// de'i tshe na nga rgyal bu 'dze ta'i tshal na bzhugs pa las/ de skad ces 'bod pa'i sgra thos nas/ shin tu byams pa'i thugs skyes te/ de'i tshe na shin tu bsil ba'i rlung gis ri bsung can las sman bdud rtsi lta bu rnam pa sna tshogs kyis mig tu bkang nas phyir so bzhin du mthong bar gyur to/ / mi rgod ma rungs pa de dag de ltar mig phye ma thag tu de bzhin gshegs pa mthong bar gyur to// de nas mi rgod ma rungs pa de dag la dam pa'i chos bstan nas/ bla na med pa yang dag par rdzogs pa'i byang chub tu sems bskyed du bcug go// rigs kyi bu de'i tshe na yang dag par rlung du sprul pa yang med la/ ri bsung can nas spos blangs pa 'am/ de dag gi mdun du chos bstan pa yang med mod kyi/ rigs kyi bu de yang byams pa'i dge ba'i rtsa ba'i shugs kyis/ mi rgod ma rungs pa de dag gis de lta bu'i dngos po dag mthong bar gyur to/ / rigs kyi bu gzhan yang rgyal tshab bai DUR+Ya zhes bya ba glen zhing gti mug pas rgyal po'i thabs phrogs te/ bdag nyid rgyal sar zhugs nas sngon gyi khon ma btang bas/

  61. 31b

    rigs kyi bu mo stong phrag bcu gnyis snyed rna ba dang sna gcad de/ rkang lag gtubs nas 'obs kyi nang du bor ro// de'i tshe bud med de rnams shin tu sdug bsngal bar gyur nas/ sangs rgyas la phyag 'tshal lo// sangs rgyas la phyag 'tshal lo// bdag cag la mgon skyabs bgyid pa ma mchis so// zhes smras nas skad chen po phyung ste ngus so// bud med de rnams ston sangs rgyas mang po la dge ba'i rtsa ba bskyed pa sha stag ste/ nga de'i tshe na 'od ma'i tshal na bzhugs pa las/ de skad ces bos pa'i sgra thos nas shin tu thugs rje skyes pas/ de'i tshe bu mo de dag gis nga grong khyer ser skyar gshegs te/ rma yang chu gtsang mas bkrus nas sman gyis bskus par mthong ste/ sdug bsngal yang de ma thag tu zhi bar gyur to// rna ba dang / sna dang / rkang lag bcad pa yang phyir skyes te sor chud par mthong bar gyur to/ / de'i tshe na ngas dam pa'i chos kyang bstan nas thams cad bla na med pa yang dag par rdzogs pa'i byang chub tu sems bskyed de/ thams cad dge slong ma skye dgu'i bdag mo chen mo'i drung du rab tu byung nas bsnyen par rdzogs par gyur to/ / rigs kyi bu de bzhin gshegs pas ni de'i tshe na yang dag par grong khyer ser skyar gshegs pa yang med la/ rma bkrus pa 'am/ spyan bskus pa 'am/ sdug bsngal zhi bar byas pa'ang med mod kyi/ rigs kyi bu de dag thams cad kyang byams pa'i dge ba'i rtsa ba'i shugs kyis/ bud med de dag gis dngos po de lta bu dag mthong bar rig par bya'o//

  62. 32a

    snying rje dang dka' ba'i sems kyang de dang 'dra'o// rigs kyi bu de bas na byang chub sems dpa' sems dpa' chen po'i byams pa'i sems yid la byed pa ni yang dag pa he rba pa ma yin no/ / rigs kyi bu tshad med pa yang bsam gyis mi khyab la/ byang chub sems dpa'i spyod pa yang bsam gyis mi khyab/ sangs rgyas rnams kyi mdzad pa yang bsam gyis mi khyab/ theg pa chen po yongs su mya ngan las 'das pa'i mdo sde 'di yang bsam gyis mi khyab bo/ / rigs kyi bu gzhan yang byang chub sems dpa' sems dpa' chen po byams pa dang / snying rje dang / dga' ba la na tan byas nas/ bu gcig pa dang 'dra ba'i sa rab tu dga' ba la gnas par 'gyur ro// rigs kyi bu de la ci'i phyir nas de la rab tu dga' ba zhes kyang bya la/ bu gcig pa dang 'dra ba zhes kyang bya zhe nanarigs kyi bu 'di lta ste/ dper na pha mas bu bde zhing skyid par mthong na sems rab tu dga' bar 'gyur ro// byang chub sems dpa' sems dpa' chen po sa de la gnas pa yang de dang 'dra ste/ sems can thams cad la bu gcig pa dang 'dra bar lta bas/ dge ba la nan tan byed pa mthong na rab tu dga' ba'i sems skyes te/ de bas na sa de ni rab tu dga' ba zhes bya'o// rigs kyi bu 'di lta ste/ dper na pha mas bu na pa mthong na shin tu sdug bsngal ba'i sems skyes te/ snying brtse bas mya ngan gyi sems cung zad kyang mi 'bral lo// byang chub sems dpa' sems dpa' chen po sa de la

  63. 32b

    gnas pa yang de dang 'dra ste/ so so'i skye bo dag nyon mongs pa'i nad kyis yongs su gzir ba mthong nas bu dang 'dra bar snying brtse bas mya ngan byed de/ lus kyi ba spu'i bu ga nas khrag kyang zag go// de bas na sa 'di ni bu gcig pa lta bu zhes kyang bya'o// rigs kyi bu dper na byis pa chung ngu shed ma bye ba ni bong ba dang / gseg ma dang / rus gong dang / shing bu dang / brtseg pa'i bag kyang lag tu blangs nas khar 'dzud do/ / de'i pha mas de lta bu dag mthong nas gnod par 'gyur du dogs te/ lag pa g.yon pas ni 'gram pa 'chir/ lag pa g.yas pas phyir 'byin to// byang chub sems dpa' sems dpa' chen po sa de la gnas pa yang de dang 'dra ste/ sems can dag chos kyi sku'i shed ma rdzogs pas lus dang / ngag dang / yid kyi sgo nas sdig pa mi dge ba'i chos spyod par byang chub sems dpas mthong na/ ye shes kyi lag gis de nas 'byin te/ de dag 'khor ba na 'khor zhing sdug bsngal mang po myong bar mi 'dod pas/ sa 'di ni bu gcig pa dang 'dra ba zhes bya'o// rigs kyi bu 'di lta ste/ dper na pha ma zhig la shin tu byams pa'i bu gcig pu yod pa las gal te shi bar gyur na/ de'i pha ma yang lhan cig tu shi bar 'dod do// byang chub sems dpa' yang de dang 'dra ste/ gal te log sred can dag sems can dmyal bar ltung na/ de dang lhan cig tu sems can dmyal bar 'gro bar 'dod do// de ci'i phyir zhe na/ log sred can de sdug bsngal myong ba'i tshe/ gal te skad cig tsam zhig 'gyod pa'i

  64. 33a

    sems skye na/ ngas de la chos rnam pa sna tshogs bstan cing bshad de/ skad cig thang cig tsam gyis dge ba'i rtsa ba skyed par byed pas na/ sa 'di ni bu gcig pa dang 'dra ba zhes bya'o/ / rigs kyi bu 'di lta ste/ dper na pha ma la bu gcig pu zhig yod na/ bu de gnyid log gam sad kyang rung ste/ 'gro 'am/ sdod dam/ nyal na yang rtag tu sems la dran no// gal te nyes pa zhig byas na yang chog 'jam pos ston cing 'chos kyi/ ngan pas ni ma yin no// byang chub sems dpa' sems dpa' chen po yang de dang 'dra ste/ gal te so so'i skye bo dag sems can dmyal ba 'am/ byol song gi skye gnas sam/ gshin rje'i 'jig rten du skyes kyang rung / lha dang mir skyes kyang rung ste/ dge ba 'am sdig pa ci byed snyam du rtag tu sems de mi gtong ngo // gal te sdig pa mi dge ba'i las shig byed na yang de la zhe sdang gi sems mi skye ste/ de bas na sa 'di ni bu gcig pa dang 'dra ba zhes bya'o// de nas byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das kyis gsungs pa ltar na/ shin tu zab pas bdag cag gis 'tshal ba ni shin tu rgya chung na/ 'di lta bur 'tshal bar bgyid gal te byang chub sems dpa' dag bu gcig pa lta bu'i sa la gnas pas/ de lta bur 'gyur na lta ci'i slad du de bzhin gshegs pa sngon rgyal po mdzad pa'i tshe/ byang chub sems dpa'i spad pa spyod pa

  65. 33b

    na bram ze de snyed kyi srog bcad par gyur/ gal te sa 'di thob na ni skyob cing dpung gnyen du 'gyur ba'i rigs/ gal te ma thob na ci'i slad du sems can dmyal bar ma lhung / gal te sems can thams cad la sras sgra gcan 'dzin dang 'dra bar dgongs na/ ci'i slad du lha sbyin la 'di skad du glen pa ngo tsha ba med pa/ mi'i ngar snabs za ba zhes bka' stsal pas/ lho sbyin gyis thos nas kho na du bzung ste mi dge ba'o sems bskyed nas/ sangs rgyas kyi sku la khrag phyung bar gyur/ lha sprin gyis de lta bu'i sdig pa byas nas kyang / de bzhin gshegs pas sems can dmyal bar lhung zhing / bskal pa gcig gi bar du sdug bsngal myong bar 'gyur ro zhes lung bstan/ bcom ldan 'das kyis de skad ces gsungs pa de don dang 'gal bar 'gyur ba ma lags sam/ bcom ldan 'das btsun pa rab 'byor lta bu stong pa nyid kyi sa la gnas pa yang grong du 'jug cing bsod snyoms len pa na/ sngar pha rol po la yongs su rtog go// gal te pha rol pos brnyas sam smod pa'i sems su gyur na/ ci ste shin tu bkres par gyur kyang de dag las bsod snyoms mi len to// de ci'i slad du zhe na/ btsun pa rab 'byor ni rtag tu 'di snyam du sems te/ 'di lta bu dag mngon par dran no// sngon gyi bsod nams kyi zhing du 'gyur ba zhig la mi dge ba'i rtog pa gcig tsam bskyed pas/ de'i rgyu de'i rkyen gyis sems can dmyal ba chen por lhung ste/ sdug bsngal chen po myong bar 'gyur ro// bdag

  66. 34a

    ci ste ltogs par gyur te gzha' gsang ma zos kyang bla'i/ gzhan dag bdag la brnyas shing smad pas/ sems can dmyal bar ltung zhing sdug bsngal myong bar mi bya'o ma bsams nas/ yang 'di snyams sems so// ji snyam sems can gang zhig bdag 'greng ba la 'phya bar gyur na/ bdag gzha' gsang du 'dug pa las mi ldang ngo // gal te sems can gang zhig bdag 'dug 'dug pa la dpya bar gyur na/ bdag gzha' gsang du 'greng ba la gnas mi bskyod de 'gro ba dang nyal ba yang de dang 'dra'o// de ltar btsun pa rab 'byor yang sems can gyi yid bsrung ba'i phyir de lta bur sems bskyed na/ byang chub sems dpa' sems dpa' chen po lta smos kyang ci 'tshal/ gal te bu gcig pa dang 'dra ba'i sa thob na/ ci'i slad du de bzhin gshegs pas de lta bu'i gsung ma klas pa gsungs pas/ sems can mang po shin tu mi dge ba'i sems bskyed par gyur// bcom ldan 'das kyis bka' stsal pa/ rigs kyi bu 'di skad du sangs rgyas bcom ldan 'das la so so'i skye bo nyon mongs par 'gyur ba'i rgyu mdzad do zhes ma rgol cig/ rigs kyi bu gal te sbrang bu'i mchus rgya mtsho gting la thug par zad par byed kyang srid kyi/ de bzhin gshegs pas ni sems can gyi nyon mongs pa'i rgyur 'gyur ba mi mdzad do/ / rigs kyi bu gal te sa chen po 'di gzugs ma yin par 'gyur yang srid/ chu ni skam pa'i mtshan nyid du 'gyur yang srid/ me ni grang ba'i mtshan nyid du

  67. 34b

    'gyur yang srid/ rlung ni gnas pa'i mtshan nyid du 'gyur yang srid/ dkon mchog gsum dang / sangs rgyas kyi rang bzhin dang / nam mkha' ni mi rtag pa'i mtshan nyid du 'gyur yang srid kyi/ de bzhin gshegs pa ni sems can rnams kyi nyon mongs pa'i rgyur 'gyur bar mi mdzad do/ / rigs kyi bu gal te tshul khrims kyi rtsa ba bzhi nyams pa dang / log sred can dang / dam pa'i chos la skur ba dag lus 'di nyid kyis stobs bcu dang / mi 'jigs pa dang / mtshan sum cu rtsa gnyis dang / dpe byad bzang po brgyad cu 'thob kyang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ / rigs kyi bu gal te nyan thos dang rang sangs rgyas la sogs pa ni rtag tu gnas shing mi 'gyur yang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ / rigs kyi bu gal te sa bcu la gnas pa'i byang chub sems dpa' dag tshul khrims kyi rtsa ba bzhi nyams shing log sred can du gyur nas/ rnam pa'i chos la bkur kyang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do// rigs kyi bu gal te sems can med pa thams cad sangs rgyas kyi rang bzhin med par 'gyur yang srid/ de bzhin gshegs pa yang mthar yongs su mya ngan las 'da' bar 'gyur yang srid kyi/ de bzhin gshegs pa ni sems can rnams kyi nyon mongs pa'i rgyur

  68. 35a

    'gyur ba mi mdzad do/ / rigs kyi bu gal te zhags pas rlung zin pa 'am/ sos ljags chod pa 'am/ sen mos ri rab 'jig nus kyang srid kyi/ de bzhin gshegs pa ni sems can rnams kyi nyon mongs pa'i rgyur 'gyur ba mi mdzad do/ / sbrul gdug pa dang lhan cig gnas sam/ seng ge ltogs pa'i khar lag pa bcug gam/ kha da la'i thal bas lus bkrus par gyur kyang bla'i/ 'di skad du sangs rgyas bcom ldan 'das ni sems can rnams kyi nyon mongs pa'i rgyur 'gyur ba mi mdzad do zhes smra bar mi bya'o// rigs kyi bu de bzhin gshegs pa ni yang dag par sems can rnams kyi nyon mongs pa yongs su gcod kyi/ nam du yang nyon mongs pa'i rgyur 'gyur ba mi mdzad do// rigs kyi bu khyod smra ba ltar de bzhin gshegs pas sngon bram ze bsad do/ zhes bya ba ni/ rigs kyi bu byang chub sems dpa' sems dpa' chen po chung ngu na grog sbur tsam yang ched du mi gsod na/ bram ze gsod pa lta smos kyang ci dgos te/ byang chub sems dpa' ni rtag tu thabs mkhas pa rnam pa sna tshog kyis sems can rnams la tshad med pa'i 'tsho ba'i srog sbyin par byed do/ / rigs kyi bu kha zas byin pa ni srog byin pa zhes bya ba ste/ byang chub sems dpa' sems dpa' chen po sbyin pa'i pha rol tu phyin pa spyad pa spyod pa na/ rtag tu sems can dag tshad med pa'i 'tsho ba sbyin par byed do// rigs kyi bu srog gcod pa yongs su spangs pa'i tshul khrims bsrungs pas tshe ring bar

  69. 35b

    gyur ro/ / byang chub sems dpa' sems dpa' chen po tshul khrims kyi pha rol tu phyin pa spyad pa spyod pa na/ sems can thams cad la 'tsho ba'i srog tshad med pa sbyin pa yin no// rigs kyi bu dag gi sgo nas nyes pa'i skyon med pas na tshe ring bar 'gyur ro/ / byang chub sems dpa' sems dpa' chen po bzod pa'i pha rol tu phyin pa spyad pa spyod pa na/ sems can la khon du 'gyur ba mi ston te/ legs pa ni gzhan la bdang/ nyes pa ni bdag khas len pas rtsod pa med de tshe ring bar 'gyur ro// de bas na byang chub sems dpa' bzod pa'i pha rol tu phyin pa spyad pa spyod pa na/ sems can la tshad med pa'i 'tshe ba'i srog sbyin pa zhes bya'o/ / rigs kyi bu dge ba la brtson 'grus byas pas tshe ring bar 'gyur ro// byang chub sems dpa' sems dpa' chen po brtson 'grus kyi pha rol tu phyin pa spyad pa spyod pa na/ rtag tu sems can dag dge ba'i chos la nan tan byed par bskul nas/ so so'i skye bo dag de bzhin du byas pas tshe tshad med pa thob par byas te/ de bas na byang chub sems dpa' brtson 'grus kyi pha rol tu phyin pa spyad pa spyod pa na/ sems can la tshad med pa'i 'tsho ba sbyin pa yin no// rigs kyi bu sems sdud pa la nan tan byed pa ni tshe ring bar 'gyur te/ byang chub sems dpa' sems dpa' chen po bsam gtan gyi pha rol tu phyin pa spad pa spyod pa na/ sems can dag mnyam par 'jog pa'i sems la nan tan byed par bskul nas/ sems can dag de bzhin du spyad pas tshe ring bar 'gyur ro// de bas na byang

  70. 36a

    chub sems dpa' bsam gtan gyi pha rol tu phyin pa spyad pa spyod pa na/ sems can la tshad med pa'i 'tsho ba sbyin pa zhes bya'o// rigs kyi bu ji tsam du dge bar 'gyur ba'i phyog la bag yod par spyod pa ni tshe ring bar 'gyur ro/ / byang chub sems dpa' sems dpa' chen po shes rab kyi pha rol tu phyin pa spyad pa spyod pa na/ sems can rnams dge ba'i chos la bag yod par spyod du bcug nas/ so so'i skye bo dag de bzhin du spyad pas de'i rgyu de'i rkyen gyis tshe ring bar 'gyur te/ de bas na byang chub sems dpa' dag shes rab kyi pha rol tu phyin pa spyad pa spyod pa na/ sems can la 'tsho ba tshad med pa sbyin pa zhes bya'o/ / rigs kyi bu don de lta bas na byang chub sems dpa' chen po sems can thams cad la srog 'phrog pa'i chos med do// rigs kyi bu khyod kyis 'di skad du nga la 'bram ze bsad pa'i tshes 'di thob bam zhes dris pa ni/ rigs kyi bu ngas de'i tshe sa de thob pas de dag la sdug par dgongs pa'i phyir/ de dag gi srog gi dbang po bcad pa yin gyi/ ngan sems kyis ni ma yin no// rigs kyi bu 'di lta ste/ dper na bu gcig pa'i pha ma ni bu de la shin tu sdug par bsams pas/ gal te nyes pa chen po zhig byas te gyod la thogs par gyur na/ de'i pha ma 'jigs skrag pas smod pa 'am gsod par yang byed de/ de ltar gal te skrod dam gsod kyang ngan sems med do/ / byang chub sems dpa' chen po dam pa'i chos srung zhing skyob pa yang de dang 'dra ste/ gal te sems can gang zhig theg pa chen po'i chos la skur pa 'debs na/

  71. 36b

    de la gzhu ba dang / 'tshog pa dang / gnod par bya ba dang / gal te na srog gi dbang po'i bar du yang gcod de/ ma 'ongs pa'i dus su dge ba'i chos la nan tan byed par 'dod do// byang chub sems dpa' sems dpa' chen po rtag tu 'di snyam du sems te/ rgyu gang dang rkyen gang gis sems can rnams dad pa'i sems skye bar 'gyur snyam sems te/ thabs ji bzhin du de'i las byed de/ bram ze mang po de dag tshe 'phos nas mtshams med pa'i sems can dmyal bar skyes te/ rnam pa gsum po 'di dag sems so// bdag gnas gang nas 'dir skyes snyam sems te/ sngon mi'i rgyus las skye bar shes pa dang / bdag skye bar gnas 'di ci yin snyam bsams nas/ mtshams med pa'i sems can dmyal ba yin par shes pa dang / las gang dang rkyen gang gis skyes par gyur snyam bsams nas/ 'di ni theg pa chen po shin tu rgyas pa'i mdo sde la 'phya zhing skur pa dang / ma dad pa'i rgyu dang rkyen gyis rgyal pos bsad nas gnas 'dir skyes par gyur to snyam sems so// de ltar bsams nas theg pa chen po shin tu rgyas pa'i mdo sde la shin tu dad pa dang gus pa'i sems skyes te/ de nas tshe 'phos nas de bzhin gshegs pa zil dang ra rnga zhes bya ba'i 'jig rten du skyes te/ tshe yang bskal pa bcu snyed tshang bar gyur to/ / rigs kyi bu don de lta bas na ngas sngon mi de dag la bskal pa bcu snyed thub par gyur pa'i 'tsho ba byin pa yin na/ de la ga sod pa zhes byar rung ngam/ rigs kyi

  72. 37a

    bu gang sa rko ba dang / rtswa rnga ba dang / shing gcod pa dang / rol mtshon gyis 'debs pa dang / rgya ba dang / 'tshog pa dang / gzhu ba'i las byas na/ de'i rgyu de'i rkyen gyis sems can dmyal bar ltung bar 'gyur ram/ byang chub sems dpa' 'od srungs kyis/ bcom ldan 'das la gsol pa/ bcom ldan 'das kyis gsungs pa'i don bdag gis 'tshal ba ltar na/ sems can dmyal bar ltung bar 'gyur ro// de ci'i slad du zhe na/ sngon bcom ldan 'das kyis nyan thos la chos bstan pa na/ kye dge slong dag mgal du ma la yang ngan sems ma skyed cig/ de ci'i phyir zhe na/ sems can thams cad ni ngan sems bskyed pa'i rgyus/ sems can dmyal bar ltung bar 'gyur ro zhes gsungs so// de nas bcom ldan 'das kyis/ byang chub sems dpa' 'od srungs la legs so/ / shin tu legs so zhes bya ba byin nas/ khyod kyis smras pa bzhin du legs par yid la zung zhig ces bka' stsal to// rigs kyi bu ngan sems kyis sems can dmyal bar ltung zhes bya ba ni/ byang chub sems dpa' la ngan sems zhes bya ba med do// de ci'i phyir zhe na/ byang chub sems dpa' sems dpa' chen po ni sems can thams cad la chung ngu na grog sbur gyi bar du byams shing brtse ba dang / phan pa dang / bde ba'i sems bskyed do// de yang ci'i phyir zhe na/ rgyu dang rkyen du 'gyur ba dang / thabs la mkhas pa'i phyir ro// thabs mkhas pa'i

  73. 37b

    shugs kyis sems can dge ba bskyed par 'gyur ro/ / rigs kyi bu don de lta bas na nga de'i tshe na shin tu thabs mkhas pas de dag gi srog phrogs kyang ngan sems kyis ni ma yin no// rigs kyi bu bram ze'i chos kyis gal te grog skur shing rta bcu gang ba bsad kyang sdig par mi 'gyur/ sbrang ma dang / mchu sbrang dang / byi la dang / seng ge dang / stag dang / dom dang / dred dang / gcan gzan sdig pa sems can la gnod par 'gyur ba dag shing rta bcu tshang bar bsad dam/ yi dgas dang / srin po dang / grul bum dang / ka ta pu ta na dang / brjed byed dang / smyo byed dang / skem byed la sogs pa yid dgas sems can la gnod par 'gyur ba dag gi srog bcad kyang rnam par smin pa'i sdig med do// gal te mi'i nang na ngan pa zhig bsad na yang rnam par smin pa'i sdig yod de/ / bsad ma thag tu ma mthol na yi dgas kyi khams su ltung bar 'gyur ro// gal te zhag gsum zan mi za bar 'thol zhing bshags na sdig pa'ang lhag ma ma lus par 'byang bar 'gyur ro/ / gal te slob dpon bsad dam/ pha ma dang bud med bsad nam/ bal glang bsad na lo grangs med pa stong gi bar du sems can dmyal bar ltung bar 'gyur ro zhes smra'o/ / rigs kyi bu sangs rgyas dang byang chub sems dpa' ni shes bzhin du bsad pa la rnam pa gsum ste/ rab dang / 'bring dang / tha ma'o// tha ma ni grog sbur la sogs

  74. 38a

    pa byol song gi skye gnas thams cad do/ / de la ma gtogs pa ni byang chub sems dpa' dag byol song gi lus su skye bar ston pa'o// rigs kyi bu byang chub sems dpa' sems dpa' chen po smon lam gyi dbang gis byol song gi skye gnas su skye ba ston pa yang yod de/ de ni gsod pa tha ma zhes bya'o// gsod pa tha ma'i rgyu dang rkyen gyis kyang sems can dmyal ba dang / byol song gi skye gnas dang / yi dgas kyi khams su ltung ste/ sdug bsngal tha ma myong bar 'gyur ro// de ci'i phyir zhe na/ byol song la yang dge ba'i rtsa ba cung zad yod de/ de dag bsad na kha na ma tho ba'i rnam par smin pa myong bar 'gyur te/ de ni gsod pa tha ma zhes bya'o// gsod pa 'bring zhes bya ba ni so so'i skye bo ma rabs nas/ rgyun du zhug pa'i bar du ni 'bring zhes bya ste/ las de'i rgyu de'i rkyen gyis kyang sems can dmyal ba dang / byol song gi skye gnas dang / i dgas kyi khams su ltung ste/ sdug bsngal 'bring myong bar 'gyur bas/ 'di ni gsod pa 'bring zhes bya'o/ / gsod pa rab ces bya ba ni pha ma bsad pa nas/ dgra bcom pa dang / rang sangs rgyas dang / byang chub dpar nges pa'i bar du gsang na rab ces bya'o// de'i rgyu de'i rkyen gyis mtshams med pa'i sems can dmyal ba chen por ltung zhing / sdug bsngal rab myong bar 'gyur te/ de ni gsod pa rab ces bya'o// rigs kyi bu gang zhig gis log sred can gsad

  75. 38b

    na gsad pa rnam gsum gang du yang mi bsdu'o/ / rigs kyi bu bram ze de dag ni thams cad kyang log sred can zhes bya'o// dper na sa rko ba dang / rtswa rnga ba dang / shing gcod pa dang / rol mtshon/ gyis btab pa dang / rgya ba dang / btsog brdegs kyang kha na ma tho ba'i rnam par smin par mi 'gyur la/ log sred can bsad pa yang de dang 'dra ste/ kha na ma tho ba'i rnam par smin pa med do// de ci'i phyir zhe na/ bram ze de dag la yang dad pa la sogs te/ dbang po lnga'i bar du med pas na/ de dag bsad kyang sems can dmyal bar mi ltung ngo // rigs kyi bu khyod kyis 'di skad du de bzhin gshegs pa la khyod ci'i phyir lha sbyin la glen pa mchil ma za'o zhes spyos te ci bya zhes zer ba'i mi rigs so/ / de ci'i phyir zhe na/ sangs rgyas bcom ldan 'das ni ji tsam du gsung ngo cog bsam gyis mi khyab pa yin no/ / rigs kyi bu yang dag par smra ba la ni 'jig rten pa thams cad 'dod do// dus ma yin pa dang / chos ma yin pa dang / phan pa dang / bde bar mi 'gyur ba'i tshig ni nam du yang mi gsung ngo // rigs kyi bu tshig kha cig ni shin tu brlang zhing rtsub la brdzun yang yin te/ dus ma yin pa dang / chos ma yin pa dang / gang gis thos kyang mi 'dod pa dang / phan pa dang / bde bar mi 'gyur ba ni ngas nam du yang ma gsungs so/ / rigs kyi bu tshig tu gsung ba kha cig ni brlang zhing rtsub kyang yang dag par mi rdzun pa ste/ dus dang ldan pa/ chos dang ldan pa/ sems can thams cad la phan pa dang bde ba ste/ thos

  76. 39a

    pas mi dga' bar 'gyur yang nges par gsung ngo / / de ci'i phyir zhe na/ sangs rgyas bcom ldan 'das ni mkhyen pa dang ldan pa ste/ shin tu thabs mkhas pa dang ldan pa'i phyir ro// rigs kyi bu ngas sngon dus gcig na 'phrog dgon pa dang / grong dang / grong khyer dang / nags tshal du rgyu zhing gshegs pa na/ nags tshal gyi drung na yi dgas 'brog dgon pa zhes bya ba zhig yod de/ zas su sha za khrag 'thung bas sems can mang po la gnod par yang gyur la/ grong khyer de'i mi rnams la nyin re zhing re re za'o// rigs kyi bu ngas de'i tshe na yi dgas de la chos rgyas par bstan cing bshad kyang / khro zhing gtum la glen te shes pa med pas ngas bstan pa mi nyan to// de'i tshe na ngas yi dgas mthu chen po dang ldan pa zhig tu sprul nas/ de'i gnas kyang bskul te mi bde bar byas so// de'i tshe na yi dgas de de ma thag tu 'khor dang bcas te gnas nas byung nas nga la rgol du chas so/ / de'i tshe yi dgas des nga mthong ma thag tu dran pa stor te/ myos nas shin tu 'jigs skrag pas sa la 'gyel te brgyal bar gyur nas mi ro ltar dbugs kyang chad par gyur to/ / de la ngas byam pa brtse ba'i thugs bskyed nas/ lag pas de'i mgo bo la byugs pas/ de ma thag tu phyir sangs nas 'di skad ces smras so// bdag ni deng lus srog kyang phyir 'thob ste/ lha'i rgyal po chen po 'di ni shin tu mthu che ba dang gzi brjid che ba ste/ byams pa brtse ba'i thugs dang ldan pas bdag gi nyes pa'i skyabs kyang byas shes smras so//

  77. 39b

    de'i tshe na yi dag sa de nga la dad pa'i sems bskyed pas/ ngas de'i tshe phyir yang de bzhin gshegs pa'i skur sprul nas/ gzhan yang chos rnam pa sna tshogs bstan cing bshad nas/ yi dgas de srog mi gcod pa'i khrims srung du bcu go/ de'i tshe na 'brog dgon pa'i grong khyer de na khyim bdag gcig cig bza' ba'i res la bab nas/ grong gi mi rnams kyis kyang yi dgas de'i drung du bskyal to// de'i tshe yi dgas des khyim bdag blangs nas nga la phul lo// ngas kyang blangs nas khyim bdag de'i ming yang lag pa zhes btags so// de'i tshe na yi dgas des/ bcom ldan 'das la 'di skad ces gsol to/ / bcom ldan 'das bdag cag 'khor dang bcas pa ni sha dang khrag 'tshal ba lags na/ da srog mi gcad pa'i khrims blangs na bdag cag cis 'tsho bar bgyid/ de la ngas 'di skad ces bka' stsal to/ / deng phyin chad nga'i nye gnas nyan thos kyi rnams gang na sangs rgyas kyi chos la nan tan byed pa'i gnas thams cad du/ kun gyis khyod la zas sbyin par bka' stsal to// rigs kyi bu de'i rgyu de'i rkyen gyis dge slong rnams kyis 'brog dgon pa'i yi dgas la rtag tu gtor ma byin cig ces khrims bcas pa yin no// gal te gnas gang dag tu gtor ma ma byin par gyur na/ de dag mi nga'i nye gnas ma yin te/ lha'i bdud kyi dpung dang 'khor yin par rig par bya'o// rigs kyi bu de bzhin gshegs pa ni sems can gdul ba'i phyir de lta bu'i thabs rnam pa sna tshogs ston

  78. 40a

    to/ / ched du de dag 'jigs par byed pa ni ma yin no// rigs kyi bu ngas sngon dbyig pa thogs te yi rags chos srung ba zhes bya ba brdegs so// yang dus gcig na yi dgas lug mgo zhes bya ba ri ka nas phul te rbab tu btang ngo / / gzhan yang shing ka nas yi dgas spre'u zhes bya ba g.yang du btang ba dang / bal glang nor srung zhes bya ba seng ge lnga mthong bar byas pa dang / rdo rje'i lus su sprul nas mu stegs can kun tu smra ba 'jigs par byas pa dang / seng ldeng gi phur bus yi dgas spu can la btsugs pa dang / de la sogs pa byas kyang / yi dgas de dag la gnod par ma gyur te/ de dag dam pa'i chos la gnas par bya ba'i phyir thabs rnam pa sna tshogs ston to// rigs kyi bu ngas de'i tshe na yang dag par lha sbyin la spros pa yang med la/ lha sbyin nyid kyang glen pa yang ma yin/ mi'i mchil ma za ba yang ma yin/ ngan song du skye bar yang mi 'gyur/ mtshams med pa'i sems can dmyal bar bskal pa gcig gi bar du sdug bsngal myong ba ma yin/ dge 'dun gyi dbyen byas pa 'am/ sangs rgyas kyi sku la khrag phyung ba yang ma yin/ rtsa ba bzhi nyams pa yang ma yin/ dam pa'i chos la skur pa dang / theg pa chen po'i mdo sde la skur pa yang ma yin/ log sred can yang ma yin/ nyan thos dang rang sangs rgyas kyang ma yin no// rigs kyi bu lha sprin zhes bya ba ni yang dag par na nyan thos dang rang sangs rgyas kyi spyod yul ma yin gyi/ sangs rgyas nyag gcig

  79. 40b

    gis mkhyen cing gzigs par zad do/ / rigs kyi bu de bas na khyod kyis 'di skad du de bzhin gshegs pas ci'i phyir lha sbyin la smod pa dang / gshe ba dang / spyo ba mdzad ces ma 'dri zhig/ khyod kyis na sangs rgyas rnams kyi spyod yul lam/ de ltar the tsom bskyed pa'i mi rigs so// byang chub sems dpa' 'od srungs kyis/ yang bcom ldan 'das la gsol pa/ dper na bu ram gyi shing ni yang dang yang bskol na ro rnam pa sna tshogs 'byung ba dang 'dra bar/ bdag kyang bcom ldan 'das las yang dang yang thos pas chos kyi ro rnam pa mang du thos pa ni/ 'di lta ste/ 'byung ba'i ro dang / 'dod pa spong ba'i ro dang / zhi ba'i ro dang / byang chub kyi ro rnams so// yang bcom ldan 'das dper na gser yang dag pa na yang dang yang bzhus te brdungs na gser bco mar 'gyur te/ shin tu gsal ba dang / mnyen pa dang / shin tu 'od gsal ba dang / ra ni tang skye bar 'gyur te/ lha dang mi'i rin po cher 'gyur ro// bcom ldan 'das de bzhin gshegs pa yang de dang 'dra ste/ yang dang yang zhu zhing dris nas shin tu zab mo'i don thos pa dang mthong bar 'gyur bas/ zab mo la rnal 'byor pa'i rnams gzungs su 'dzin cing nan tan byed pa dang / skye bo tshad med pa dag bla na med pa yang dag par rdzogs pa'i byang chub tu sems bskyed par 'gyur ba dang / de'i 'og tu lha dang mi la sogs pas bsti stang dang bkur stir mchod par 'gyur ro// de nas bcom ldan 'das kyis/ byang chub

  80. 41a

    sems dpa' 'od srungs la legs so legs so zhes bya ba byin te/ 'od srungs byang chub sems dpa' sems dpa' chen pos sems can la phan pa dang bde bar 'dod pa'i phyir shin tu zab mo'i don 'di dris pa legs so/ / rigs kyi bu don de lta bas na ngas kyang khyod kyis bsams pa bzhin du theg pa chen po shin tu rgyas pa zab mo'i don bstan pa ni/ 'di lta ste/ rab tu dga' ba bu gcig pa dang 'dra ba'i sa bstan pa'o/ / byang chub sems dpa' 'od srungs kyis/ yang bcom ldan 'das la gsol pa/ gal te byang chub sems dpa' dag byams pa dang // snying rje dang / dga' ba dang / nan tan byas pas bu gcig pa dang 'dra ba'i sa thob par gyur na/ btang snyoms kyi sems la nan tan bgyid pa nas gang dag 'thob par 'gyur/ bcom ldan 'das kyis bka' stsal pa/ legs so shin tu legs so// rigs kyi bu khyod ni shin tu dus la mkhas pas/ ngas kyang bshad par dgongs pa las khyod kyis zhus pa legs so// byang chub sems dpa' sems dpa' chen po btang snyoms kyi sems la nan tan byed pa na/ rab 'byor ltar stong pa nyid kyi mnyam pa'i sa la gnas par 'gyur ro// rigs kyi bu byang chub sems dpa' sems dpa' chen po stong pa nyid kyi mnyam pa'i sa la gnas pa na pha ma dang / phu nu dang / sring mo dang / bu dang / gnyen bshes dang / byams skang du mi dmigs pa nas/ phung po dang / khams dang / skye mched dang / sems can dang / 'tshe

  81. 41b

    ba'i bar du mi dmigs so/ / rigs kyi bu de ltar na mkha' la pha ma dang / phu nu dang / chung ma dang / bu med pa nas/ sems can dang 'tsho ba'i bar du med pa dang 'dra bar/ chos thams cad kyang pab ma nas/ 'tsho ba'i bar du med do// rigs kyi bu byang chub sems dpa' sems dpa' chen po yang chos thams cad sems mnyam par lta ba ni ji ltar nam mkha' dang 'dra'o// de ci'i phyir zhe na/ stong pa nyid ni chos la nan tan byed pa la shin tu mkhas pa'i phyir ro// byang chub sems dpa' 'od srungs kyis/ yang bcom ldan 'das la gsol pa/ de la stong pa nyid ces bgyi ba gang lags/ bka' stsal pa/ rigs kyi bu stong pa zhes bya ba ni/ 'di lta ste/ nang stong pa nyid dang / phyi stong pa nyid dang / phyi nang stong pa nyid dang / 'dus byas stong pa nyid dang / 'dus ma byas stong pa nyid dang / thog ma dang tha ma med pa stong pa nyid dang / rang bzhin stong pa nyid dang / dmigs su med pa stong pa nyid dang / don dam pa stong pa nyid dang / stong pa nyid kyi stong pa nyid dang / stong pa nyid chen po'o// byang chub sems dpa' sems dpa' chen po ji lta bur nang gyi stong pa la yongs su rtog ce na/ byang chub sems dpa' sems dpa' chen po nang gi chos stong pa nyid du rtog go// nang gi chos stong pa nyid ni/ 'di lta ste/ pha ma dang / byams sdang dang / sems can dang / 'tsho ba dang / rtag pa dang / bde ba dang / bdag dang / yongs su dag pa yang med/ de bzhin gshegs pa dang / chos dang / dge 'dun dang / rdzas kyi

  82. 42a

    dngos po yang med do/ / de ltar nang gi chos la sangs rgyas kyi rang bzhin yod mod kyi/ sangs rgyas kyi rang bzhin de ni nang na yang ma yin/ phyi rol na yang ma yin no// de ji lta zhe na/ sangs rgyas kyi rang bzhin ni rtag pa mi 'gyur/ mi 'pho ba'i phyir ro// de dag ni byang chub sems dpa' sems dpa' chen po nang stong pa nyid la yongs su rtog pa zhes bya ba'o// phyi rol gyi stong pa nyid kyang de dang 'dra ste/ nang gi chos cung zad kyang med pa'o// phyi nang gi stong pa yang de dang 'dra'o// rigs kyi bu de bzhin gshegs pa dang / sangs rgyas dang / chos dang / dge 'dun dang / sangs rgyas kyi rang bzhin ni stong pa gnyis po 'di la mi gnas so/ / de ci'i phyir zhe na/ de ltar rtag pa dang / bde ba dang / bdag dang / yongs su dag pa dang / chos rnam pa bzhi po 'di dag ni stong pa nyid ces mi bya ste/ phyi nang gnyis ka stong pa zhes bya'o// rigs kyi bu 'dus byas pa stong pa nyid ni ji tsam du 'dus byas kyi chos thams cad stong pa nyid do// 'di lta ste/ nang stong pa nyid dang / phyi stong pa nyid dang / phyi nang stong pa nyid dang / rtag pa dang / bde ba dang / bdag dang / yongs su dag pa stong pa nyid dang / sems can dang / 'tsho ba dang / de bzhin gshegs pa dang / chos dang / dge 'dun dang / don dam pa stong pa ste/ de la sangs rgyas kyi rang bzhin 'dus byas kyi chos ma yin te/ de bas na sangs rgyas kyi rang bzhin ni 'dus byas kyi chos kyi stong pa nyid ma yin pas 'dus byas kyi stong pa

  83. 42b

    zhes bya'o/ / rigs kyi bu de la ji ltar na byang chub sems dpa' sems dpa' chen po 'dus ma byas pa'i stong pa la yongs su rtog pa zhe na/ 'dus ma byas kyi chos de ni thams cad stong pa nyid do/ / 'di lta ste/ mi rtag pa dang / sdug bsngal ba dang / yongs su ma dag pa dang / bdag med pa dang / phung po dang / khams dang / skye mched dang / sems can dang / 'tsho ba'i mtshan nyid dang / 'dus byas dang / zag pa dang bcas pa dang / nang gi chos dang / phyi rol gyi chos so// 'dus ma byas pa'i chos las sangs rgyas la sogs te/ chos rnam pa bzhi po ni 'dus byas kyang ma yin la/ 'dus ma byas pa'i mtshan nyid kyang ma yin te/ dge ba'i phyir na 'dus ma byas pa nyid ma yin no// rtag pa gnas pa'i phyir 'dus byas pa ma yin te/ 'di dag ni byang chub sems dpa' 'dus ma byas pa'i stong pa la yongs su rtog pa zhes bya'o/ / de la ji ltar na byang chub sems dpa' thog ma med pa'i stong pa nyid la yongs su rtog pa zhe na/ byang chub sems dpa' sems dpa' chen pos 'khor ba la mtha' med par mthong bas thams cad stong pa nyid dang rab tu zhi ba'o/ / 'di lta ste/ stong pa nyid ces bya ba ni rtag pa dang / bde ba dang / bdag dang / yongs su dag pa ste/ thams cad stong pa nyid kyis zhi bar 'gyur ba dang 'pho ba med pa/ sems can dang / 'tsho ba dang / dkon mchog gsum dang / sangs rgyas kyi rang bzhin dang / 'dus ma byas pa'i chos kyang med pa ni/ byang chub sems dpa' thog ma med

  84. 43a

    pa'i stong pa nyid la yongs su rtog pa zhes bya'o/ / de la ji ltar na byang chub sems dpa' sems dpa' chen po dmigs su med pa'i stong pa nyid la yongs su rtog pa zhe na/ dper na mi zhig bu med pas khyim stong ngo zhes mthar byams pa dang / snang ba med par rtog pa dang / glen pa gti mug can dag phyogs tsam stong ngo zhes smra ba dang / dbul po ngan pa dag thams cad stong pa'o zhes kha cig ni stong pa nyid du smra/ kha cig ni stong pa ma yin no zhes smra ba lta bu ma yin te/ byang chub sems dpa' de ltar yongs su rtog pa na mi dbul po dang 'dra bar thams cad stong pa nyid du rtog ste/ de ltar na byang chub sems dpa' sems dpa' chen po dmigs su med pa'i stong pa nyid la yongs su rtog pa zhes bya'o/ / de la ji ltar na byang chub sems dpa' sems dpa' chen po don dam pa'i stong pa nyid la rtog pa zhe na/ rigs kyi bu byang chub sems dpa' sems dpa' chen pos don dam pa stong pa nyid la yongs su rtog pa'i tshe/ mig gi dbang po skye ba na gang nas kyang ma 'ongs pa la/ tha ma 'gag pa'i dus na yang song ba med de/ theg ma nas med pa la yod pa dang / yod nas kyang phyir med par 'gyur te/ de ltar yang dag pa nyid kyi rjes bcad na mig kyang med/ bdag po yang med de/ ji ltar mig la rang bzhin med pa dang 'dra bar/ chos thams cad kyang de dang 'dra'o// chos gang la sogs pa la don dam pa'i stong pa zhes bya zhe na/ las kyang yod pa rnam par smin pa yod bzhin du byed pa yod par mi

  85. 43b

    mthong ste/ stong pa'i chos 'di dag ni don dam pa'i stong pa zhes bya ste/ de ltar na byang chub sems dpa' sems dpa' chen po don dam pa'i stong pa nyid la rtog pa zhes bya'o// de la ji ltar na byang chub sems dpa' sems dpa' chen po stong pa nyid kyi stong pa la rtog pa zhe na/ stong pa nyid kyi stong pa zhes bya ba ni nyan thos dang rang sangs rgyas la sogs pa myos par 'gyur ba'i gnas yin te/ rigs kyi bu yod pa yang yin la/ med pa yang yin pa ni stong pa nyid kyi stong pa zhes bya'o// yin yang yin la/ ma yin yang ma yin pa ni stong pa nyid kyi stong pa zhes bya'o// rigs kyi bu sa bcu la gnas pa'i byang chub sems dpa' yang de la phyogs cung zad rdul gyi cha shas tsam rtogs par 'gyur ba yin na/ gzhan lta zhig smos kyang ci dgos/ rigs kyi bu de ltar stong pa nyid kyi stong pa ni nyan thos kyi stong pa nyid kyi stong pa'i ting nge 'dzin dang thun mong du 'gyur ba ma yin te/ de ni byang chub sems dpa' stong pa nyid kyi stong pa la yongs su rtog pa zhes bya'o// rigs kyi bu de la ji ltar na byang chub sems dpa' sems dpa' chen po stong pa chen po la yongs su rtog pa zhe na/ rigs kyi bu stong pa chen po zhes bya ba ni/ 'di lta ste/ shes rab kyi pha rol tu phyin pa ste/ stong pa chen po zhes bya'o// rigs kyi bu byang chub sems dpa' sems dpa' chen po 'di la gnas pa ni stong pa nyid kyi sgo thob pas/ nam mkha' lta bur mnyam pa'i sa la gnas par 'gyur ro// rigs kyi bu ngas 'khor gyi dkyil 'khor chen po 'dir 'di lta bu la

  86. 44a

    sogs pa stong pa nyid kyi don bstan pa na/ byang chub sems dpa' sems dpa' chen po klung gang+gA'i bye ma bcu snyed nam mkha' ltar mnyam pa'i sa la gnas par gyur to// rigs kyi du byang chub sems dpa' sems dpa' chen po dag sa de la gnas nas/ chos thams cad la thogs pa med de/ gzung ba yang med/ mos par 'gyur ba yang med de/ don de lta bas na nam mkha' ltar mnyam pa'i sa zhes bya'o/ / rigs kyi bu 'di lta ste/ dper na nam mkha' ni gzugs yid du 'ong ba la chags par yang mi byed/ yid du mi 'ong ba'i gzugs la zhe sdang ba yang mi skyed do// byang chub sems dpa' sems dpa' chen pos 'di la gnas pa yang de dang 'dra ste/ gzugs bzang po dang ngan pa la 'dod pa 'am zhe sdang ba'i sems med do// rigs kyi bu 'di lta ste/ dper na nam mkha' ni rgya che la yangs pas zla med de/ chos thams cad shong ba dang 'dra bar/ byang chub sems dpa' sems dpa' chen po yang sa de la gnas na/ de dang 'dra bar shin tu rgya che ba dang / zla med pa dang / chos thams cad shong ba yin no// don de lta bas na nam mkha' ltar mnyam pa'i sa zhes bya'o// rigs kyi bu byang chub sems dpa' sems dpa' chen pos sa 'di la gnas na/ chos thams cad mthong ba dang rtogs par 'gyur te/ gal te spyod dam/ dmigs sam/ de'i rang bzhin dang / mtshan nyid dang / rgyu dang / rkyen dang / sems can gyi sems dang / dbang po dang / bsam gtan dang / theg pa dang / dge ba'i bshes gnyen dang /

  87. 44b

    tshul khrims srung ba dang / sbyin pa spyod pa la sogs pa chos thams cad rtogs shing mthong bar 'gyur ro// rigs kyi bu gzhan yang byang chub sems dpa' sems dpa' chen pos de la gnas na shes bzhin du ma mthong ngo / / gang dag shes she na/ 'di lta ste/ bdag sgyur bar byed pa'i chos dang / chur mchong ba dang / mer mchong ba dang / brag las mchong ba dang / rkang pa ya gcig gis 'greng ba dang / tsha ba lngas bsregs pa dang / thal khung dang / sa dang / tsher phung dang / lo ma dang / rtswa dang / lci ba'i steng na nyal ba dang / gos rtsub po gso ras gyon pa dang / dur khrod dang phyag dar khrod du bor ba'i bar bur gyon pa dang / lam pa la gyon pa dang / sha ba'i pags pa gyon pa dang / shing shun dang rtswa gyon pa dang / rtswa dang 'bras bu za ba dang / pad+mo'i rtsa ba dang / snam gyi zhag dang / ba lang gi lci ba dang / rtsa ba dang 'bras bu za ba dang / gal te slong zhing za na yang khyim gcig las lhag par mi slong ste/ ci ste med ces byas na yang thal byung du 'gro ste/ phyir bos kyang 'ong du mi btub pa dang / lan tshwa dang / sha dang / ba'i 'o ma las 'gyur ba'i ro rnam pa lnga myong bar mi byed pa dang / rtag tu phub ma za zhing chu tshan 'thung ba dang / ba lang gi dka' thub dang / khyi dang / bya dang / phag gi dka' thub len pa dang / lus la thal ba skus pa dang sa sred pa mang 'dzin pa dang lag gis lnga rjed cing de'i 'og tu gsod pa ba'i mi nge pa dang / zhag bdu

  88. 45a

    rlung za ba dang / me tog rnam pa brgya stong gis lha rnams la mchod de/ de'i rkyen gyis 'dod pa thams cad 'grub bo zhes zer ba dang / de la sogs pa chos 'di ni de dag bla na med pa rnam par thar pa'i rgyur 'gyur ba'i gnas med de/ de dag ni shes par bya ba zhes bya'o// de la mi mthong ba ni byang chub sems dpa' sems dpa' chen pos gang zag gcig tsam yang chos de dag byas pas yang dag par rnam par thar pa ma mthong bas na mi mthong ba zhes bya'o/ / rigs kyi bu gzhan yang byang chub sems dpa' sems dpa' chen po shes bzhin du mthong ba'ang yod de/ de la mthong ba gang zhe na/ sems can dag log par 'gro ba'i chos de dag byas na/ gdon mi za bar sems can dmyal bar ltung ba mthong ste/ de ni mthong ba zhes bya'o// de la shes pa gang zhe na/ sems can de dag sems can dmyal ba de las thar nas mir skyes te/ sbyin pa'i pha rol tu phyin pa spyod pa nas/ pha rol tu phyin pa gzhan gyi bar du rdzogs par spyad na/ de dag gdon mi za bar yang dag pa'i rnam par grol ba thob par shes te/ de ni shes pa zhes bya'o// rigs kyi bu gzhan yang byang chub sems dpa' sems dpa' chen po mthong ba dang shes pa yod de/ de la mthong ba gang zhes na/ rtag pa dang / mi rtag pa dang / sdug bsngal ba dang / bde ba dang / yongs su dag pa dang / yongs su ma dag pa dang / bdag dang / bdag med pa mthong ba ni mthong ba zhes bya'o// de la shes pa gang zhe na/ de bzhin gshegs pa

  89. 45b

    rnams ni mthar mya ngan las 'das par gshegs pa ma yin par shes pa dang / de bzhin gshegs pa rnams kyi sku ni rdo rje ste mi 'jig pa/ nyon mongs pa las grub pa ma yin pa/ btsog pa dang / mnam pa dang / rul ba dang / myags pa'i sku ma yin par shes so// gzhan yang sems can thams cad la sangs rgyas kyi rang bzhin yod par shes pa ste/ de ni shes pa zhes bya'o// rigs kyi bu gzhan yang byang chub sems dpa' sems dpa' chen pos shes pa dang mthong ba yod do/ / de la shes pa ni sems can yang dag dang ba'i sems dang ldan pa shes so// sems can gang ni theg pa chen po tshol bar byed pa/ gang zag gang ni 'khor ba'i rjes su 'bab par byed/ gang zag gang ni 'khor ba las zlog par byed/ gang zag gang ni yang dag pa la gnas par byed/ sems can gang ni pha rol tu phyin pa'ang rab tu shes so// 'khor ba ni byis pa ma rabs so// 'khor ba las zlog pa ni rgyun du zhugs pa nas/ rang sangs rgyas kyi bar du thob bo// yang dag pa la gnas pa ni byang chub sems dpa' rnams so// pha rol tu phyin pa ni yang dag par rdzogs pa'i sangs rgyas yin te/ de dag ni shes pa zhes bya'o// de la mthong ba ni byang chub sems dpa' sems dpa' chen po theg pa chen po yongs su mya ngan las 'das pa mdo sde la gnas nas/ tshangs par spyod pa'i sems dang shin tu rnam par dag pa'i 'phrul gyi mig gis so so'i skye bo dag lus dang / ngag dang / yid kyi sgo nas mi dge ba gsum gyi las byas pas sems can dmyal ba dang /

  90. 46a

    byol song gi skye gnas dang / yi dgas kyi khams su skye ba mthong ba dang / so so'i skye bo dge ba'i las nan tan byed pa dag ni tshe 'phos nas mtho ris kyi lha dang mir skye ba mthong ba nang / de la sems can kha cig ni mun pa nas mun par 'gro ba dang / sems can kha cig ni mun pa nas snang bar 'gro ba dang / sems can kha cig ni snang ba nas mun par 'gro ba dang / sems can kha cig ni snang ba nas snang bar 'gro ba'ang mthong ste/ de ni mthong ba zhes bya'o// rigs kyi bu gzhan yang byang chub sems dpa' sems dpa' chen pos mthong ba dang shes pa yod do// byang chub sems dpa' sems dpa' chen pos so so'i skye bo kha cig lus la nan tan byas/ tshul khrims la nan tan byas/ sems la nan tan byas/ shes rab la nan tan byas kyang / gang zag de tshe 'di nyid la sdig pa'i las kyi rnam par smin par 'gyur ba dang / 'dod chags dang / zhe sdang dang / gti mug gi rkyen gyis gdon mi za bar sems can dmyal ba'i las rnam par smin par 'gyur ba dang / gang zag dag lus la nan tan byas/ tshul khrims dang / sems dang / shes rab la nan tan byas pas/ tshe 'di la yang ba tsam myong nas/ sems can dmyal bar mi ltung ba'ang shes so// de la las gang dag ni 'phral du rnam par smin par 'gyur zhe na/ sdig pa mi dge ba'i las ci yod pa mthol zhing bshags la/ bshags pa'i 'og tu byis mi byed pa dang / 'dzem pa dang / ngo tsha bar

  91. 46b

    ldan pa'i phyir/ dkon mchog gsum la mchod pa byed pa'i phyir/ bdag gis bdag la gnod bkur ba'i phyir/ gang zag de ni dge ba'i las de'i rgyu de'i rkyen gyis sems can dmyal bar mi ltung ste/ tshe 'di la myong ba ni/ 'di lta ste/ klad pa na ba dang / mig na ba dang / lton pa dang / rgyab na ba dang / mi snyan pa dang / 'chi bar 'gyur ba dang / gshe ba dang / smyo ba dang brgyad pa dang / skyeng ba dang / gzhu ba dang / brdeg pa dang / bzung ba dang / bkres pa dang / skom pas sdug bsngal te/ de dag la sogs pa tshe 'di la yang ba myong bar shes pa ni shes pa zhes bya'o/ / de la mthong ba ni byang chub sems dpa' sems dpa' chen pos gang zag kha cig lus la nan tan mi byed/ tshul khrims dang / sems dang / shes rab la nan tan mi byed kyang / sdig pa'i las chung ngu byed na de'i las ni tshe 'di la 'phral du myong bar mthong ngo / / gang zag des sdig pa chung ngu byas la 'chags shing 'thol bar yang mi byed/ bdag gis bdag la gnod bkur bar yang mi byed/ 'dzem pa dang ngo tsha bar yang mi byed/ 'jigs pa dang skrag par yang mi byed na/ de las 'phel zhing skye bar 'gyur te/ sems can dmyal ba myong bar mthong ste/ de nas mthong ba shes pa zhes bya'o/ / gzhan yang shes la mi mthong ba yod do// de la shes pa ni sems can thams cad la sangs rgyas kyi rang bzhin yod par ni shes na/ nyon mongs pas zil gyis non te bsgribs nas mi mthong

  92. 47a

    pas na/ de ni shes la mi mthong ba zhes bya'o// gzhan yang shes la cung zad mthong ba yod do// sa bcu la gnas pa'i byang chub sems dpa' dag ni sems can thams cad la sangs rgyas kyi rang bzhin yod par shes kyang / gsal bar mi mthong ba ni zla ba nyin mo mi gsal ba dang 'dra'o// gzhan yang mthong yang mthong la/ shes kyang shes pa ni sangs rgyas bcom ldan 'das so/ / da ni gzigs pa dang mkhyen pa zhes bya'o// gzhan yang mthong ba dang / shes pa dang / mi mthong ba dang / mi shes pa yod do// de la mthong ba dang shes pa ni/ 'di lta ste/ 'jig rten gyi yi ge dang / skad dang / po dang / mo dang / theg pa dang / bum pa dang / khang pa dang / grong khyer dang / gos dang / zas dang / ri dang / chu dang / ra ba dang / sems can kyi tshe'i tshad ni mthong ba dang shes pa zhes bya'o/ / de la mi mthong ba dang mi shes pa ni 'phags pa rnams kyis dgongs te gsungs pa'i tshig dang / pho mo med pa nas/ ra ba'i bar du med pa ni mthong ba dang mi shes pa zhes bya'o// gzhan yang shes la mi mthong ba yod de/ shes pa ni sbyin pa'i gnas dang mchod pa'i gnas shes pa dang / len pa'i gnas shes pa dang / rgyu dang 'bras bu shes pa ste/ de ni shes pa zhes bya'o// de la mi mthong ba ni sbyin pa'i gnas dang / mchod pa'i gnas dang / len pa'i gnas mi mthong / rgyu dang 'bras bu rnam par

  93. 47b

    sbyin pa mi mthong ba ste/ de ni mi mthong ba zhes bya'o// byang chub sems dpa' sems dpa' chen pos rnam pa brgyan po shes pa ni/ de bzhin gshegs pa'i spyan rnam pa lnga shes pa zhes bya'o/ / // 'phags pa yongasu mya ngan las 'das pa chen po'i mdo bam po bcu bdun pa'o// // byang chub sems dpa' 'od srungs kyis/ yang bcom ldan 'das la 'di skad ces gsol to/ / bcom ldan 'das byang chub sems dpa' sems dpa' chen pos de ltar rtogs shing 'tshal bar gyur na/ phan pa ji lta bu dag thob par 'gyur/ bcom ldan 'das kyis bka' stsal pa/ byang chub sems dpa' sems dpa' chen pos de ltar rtogs shing shes na/ so sor yang dag par shes pa bzhi thob par 'gyur ro// 'di lta ste/ chos so sor yang dag par shes pa dang / don so sor yang dag par shes pa dang / tshig so sor yang dag par shes pa dang / spobs pa so sor yang dag par shes pa'o// de la chos so sor yang dag par shes pa ni/ chos thams cad dang / chos kyi mtshan nyid shes pa'o// don so sor yang dag par shes pa ni chos thams cad kyi don du btags pa thams cad shes pa ste/ chos kyi rjes su ming dang tshig tu gdags pa las don du 'gyur pa thams cad do// tshig so sor yang dag par shes pa ni/ yi ge'i gtsug lag dang / sgra skad kyi gtsug lag dang / rnam par rig

  94. 48a

    byed kyi gtsug lag dang / 'jig rten pa'i gtsug lag rnams so// spobs pa so sor yang dag par shes pa ni/ 'di lta ste/ byang chub sems dpa' sems dpa' chen pos ji tsam du smra ba la thogs pa 'am/ bar chad byed med cing phyir mi bzlog pa 'jigs pa med cing zil gyis mi non pa'o// rigs kyi bu 'di dag ni byang chub sems dpa' sa de ltar mthong zhing shes pa tsam gyis/ so sor yang dag par shes pa bzhi 'thob par 'gyur ba zhes bya'o// rigs kyi bu gzhan yang chos so sor yang dag par shes pa ni/ byang chub sems dpa' sems dpa' chen pos nyan thos dang / rang sangs rgyas dang / byang chub sems dpa' dang / sangs rgyas kyi chos rnams yongs su shes pa'o// don so sor yang dag par shes pa ni/ theg pa la rnam pa gsum yod mod kyi/ gcig tu 'du bar shes la so sor tha dad pa'i mtshan nyid med pa'o// tshig so sor yang dag par shes pa ni/ byang chub sems dpa' sems dpa' chen pos chos gcig la'ang ming rnam pa sna tshogs su btags nas/ bskal pa tshad med pa'i bar du bshad kyang mi rdzogs kyi/ nyan thos dang rang sangs rgyas kyis ni de ltar bshad nus pa'i gnas med do// spobs pa so sor yang dag par shes pa ni/ byang chub sems dpa' sems dpa' chen pos bskal pa tshad med pa'i bar du sems can thams cad la/ chos rnams ston pa ni ming dang don rnam

  95. 48b

    pa sna tshogs bshad kyang zad pa'i mtha' med do/ / rigs kyi bu gzhan yang chos so sor yang dag par shes pa ni/ byang chub sems dpa' sems dpa' chen pos de ltar chos kun shes kyang de la chags pa med pa'o/ / don so sor yang dag par shes pa ni/ don rnams kyang de la mi chags so// tshig so sor yang dag par shes pa ni/ byang chub sems dpa' sems dpa' chen po sa ming dang tshig rnams shes kyang de la chags pa med pa'o/ / spobs pa so sor yang dag par shes pa ni/ byang chub sems dpa' sems dpa' chen pos de ltar bstan cing bshad pa ni mchog yin par shes kyang de la mi chags pa'o/ / de ci'i phyir zhe na/ rigs kyi bu gal te chags par gyur na/ byang chub sems dpa' zhes mi bya'o// byang chub sems dpa' 'od srungs kyis/ bcom ldan 'das la yang gsol pa/ bcom ldan 'das gal te ma chags na chos 'tshal bar mi 'gyur/ gang chos 'tshal ba ni chags pa ste/ gang mi chags par 'tshal ba ni ci'ang 'tshal ba ma mchis pa lags na/ ci'i slad du de bzhin gshegs pas chos 'tshal ba la ma chags pa'o zhes gsungs/ bcom ldan 'das kyis bka' stsal pa/ rigs kyi bu ji tsam du chags pa ni thogs pa med pa ma yin gyi/ chags pa med pa la thogs pa med pa zhes bya'o// rigs kyi bu de bas na byang chub sems dpa' thams cad 'dra ste/ chags pa yod na thogs pa med pa ma yin no//

  96. 49a

    gal te thogs pa med pa ma yin na/ byang chub sems dpa' zhes mi bya ste/ de ni byis pa ma rabs yin par rig par bya'o// ci'i phyir chags pa de la byis pa ma rabs shes bya zhe na/ byis pa ma rabs thams cad ni gzugs la chags pa nas/ rnam par shes pa'i bar du chags so// gzugs la chags pas 'dod chags pa'i sems skye'o// 'dod chags kyi sems bskyed bas gzugs kyis rnam par bcings nas/ rnam par shes pa'i bar du rnam par bcings so// de ltar bcings pas na skye ba dang / rga ba dang / na ba dang / 'chi ba dang / slob pa'i mya ngan dang / smre sngags 'don pa'i sdug bsngal chen po dang / nyon mongs pa thams cad las thar par ma gyur to// de bas na gang chags pa ni byis pa ma rabs shes bya ste/ don de lta bas na byis pa ma rabs thams cad la ni so sor yang dag par shes pa bzhi med do/ / rigs kyi bu byang chub sems dpa' sems dpa' chen po ni bskal pa tshad med grangs med pa'i bar du chos rnams shes shing mthong bar gyur to/ / de ltar shes shing mthong bas na don yang shes par gyur to// de ltar chos kyi mtshan nyid shes shing don shes pa na gzugs rnams la chags pa mi skyed pa nas/ rnam par shes pa'i bar du'ang de dang 'dra'o/ / de ltar ma chags pas na byang chub sems dpa'i gzugs la'ang chags pa'i sems mi skyed pa nas/ rnam par shes pa'i bar du chags pa'i sems mi skyed do// de ltar

  97. 49b

    chags pa med pas na gzugs kyis rnam par ma gcings pa nas/ rnam par shes pa'i bar du ma bcings so// de ltar ma bcings pas na skye ba dang / rga ba dang / na ba dang / 'chi ba dang / smre sngags 'don pa dang / sdug bsngal chen po dang / nyon mongs pa thams cad las rnam par thar par gyur to// don de lta bas na byang chub sems dpa' thams cad ni so sor yang dag par shes pa bzhi 'thob bo/ / rigs kyi bu de'i rgyu de'i rkyen gyis nga'i nye gnas rnams la mdo sde bcu gnyis las kyang chags pas bcings pas ni bdud kyis bcings pa zhes bya'o// gang ma chags pa de ni bdud kyis bcings pa las rnam par thar pa zhes bya'o/ / 'di lta ste/ dper na 'jig rten na gang nyes pa byed pa ni rgyal pos rnam par 'ching bar 'gyur ro// gang nyes pa med pa de ni rgyal pos kyang mi 'ching ngo / / byang chub sems dpa' sems dpa' chen po'ang de dang 'dra ste/ gang chags pas bcings pa ni bdud kyis bcings pa zhes bya'o// gang chags pas ma bcings pa de ni bdud kyis ma bcings pa zhes bya'o/ / de bas na byang chub sems dpa' sems dpa' chen po la ni chags pa med do// rigs kyi bu gzhan yang chos so sor yang dag par shes pa ni/ byang chub sems dpa' sems dpa' chen po yi ge'i gzungs la shin tu mkhas pas brjed par mi 'gyur te/ gzungs shes bya ba ni/ 'di lta ste/ sa dang ri lta bu 'am/ mig dang sprin lta bu

  98. 50a

    'am/ mi dang ma lta bu ste/ chos thams cad kyang de dang 'dra'o// don so sor yang dag par shes pa ni/ byang chub sems dpas chos thams cad kyi ming dang tshig shes kyang don mi shes so/ / don so sor yang dag par shes pa thob pa ni/ don rnams kyang shes so// ji ltar na don shes pa zhe na/ de ni sa lta bur 'dzin pa ste/ dper na sas ni sems can dang sems can ma yin pa thams cad 'dzin te/ de bas na sa lta bur 'dzin pa zhes bya'o// rigs kyi bu ri lta bur 'dzin pa ni/ byang chub sems dpa' sems dpa' chen po 'di snyam du sems te/ ci'i phyir ri la 'dzin pa zhes bya zhe na/ ris ni sa gzung ste mi g.yo bar byed pas 'dzin pa zhes bya'o// ci'i phyir mig la 'dzin pa zhes bya zhe na/ mig gis snang ba 'dzin pa'i phyir na 'dzin pa zhes bya'o// ci'i phyir sprin la 'dzin pa zhes bya zhe na/ sprin ni klu'i dbugs yin te/ klu'i dbugs kyis chu 'dzin pas na/ sprin yang 'dzin pa zhes bya'o// ci'i phyir mi la 'dzin pa zhes bya zhe na/ mis chos dang chos ma yin pa 'dzin nus pa'i phyir mi yang 'dzin pa zhes bya'o/ / ci'i phyir ma la 'dzin pa zhes bya zhe na/ mas bu 'dzin pa'i phyir ma'ang 'dzin pa zhes bya'o// byang chub sems dpa' sems dpa' chen pos chos thams cad kyi ming dang / tshig dang / don shes pa'ang de dang 'dra'o// tshig so sor yang dag par shes pa ni/ byang chub sems dpa' sems dpa' chen pos tshig rnam pa sna tshogs

  99. 50b

    kyis don gcig bstan cing bshad pa'ang don med pa'o/ / dper na skyes pa dang / bud med dang / khang khyim dang / theg pa dang / sems can la sogs pa'i ming rnams so// ci'i phyir don med ce na/ rigs kyi bu don ces bya ba ni byang chub sems dpa' dang rang sangs rgyas rnams kyi spyod yul lo// tshig ces bya ba ni/ byis pa ma rabs rnams kyi spyod yul lo// don shes pa'i phyir na tshig so sor yang dag par shes pa thob par 'gyur ro/ / spobs pa so sor yang dag par shes pa ni/ byang chub sems dpa' sems dpa' chen pos tshig shes shing don shes pas bskal pa tshad med grangs med pa'i bar du tshig dang don bshad pa zad mi shes pa'i phyir/ spobs pa so sor yang dag par shes pa zhes bya'o// rigs kyi bu byang chub sems dpa' sems dpa' chen pos bskal pa tshad med/ mtha' yas grangs med pa'i bar du kun rdzob kyi bden pa la shin tu nan tan byas so/ / de ltar shin tu nan tan byas pas na/ chos so sor yang dag par shes pa rtogs par gyur to// gzhan yang bskal pa tshad med pa'i bar du don dam pa'i bden pa la nan tan byas pas na/ don so sor yang dag par shes pa thob par gyur to// gzhan yang bskal pa tshad med pa/ mtha' yas pa'i bar du gtsug lag bya kar la shin tu nan tan byas pas/ tshig so sor yang dag par shes pa thob par gyur to// gzhan yang bskal pa tshad med grangs med pa'i bar du 'jig rten gyi gtsug lag bsgrubs pas/ spobs

  100. 51a

    pa so sor yang dag par shes pa thob par gyur to/ / rigs kyi bu nyan thos dang rang sangs rgyas kyis ni so sor yang dag par shes pa bzhi po 'di dag thob pa'i gnas med do// rigs kyi bu ngas mdo sde dgu po las/ nyan thos dang rang sangs rgyas kyis so sor yang dag par shes pa bzhi 'thob bo zhes ma gsungs te/ nyan thos dang rang sangs rgyas kyis ni yang dag par 'thob pa med do/ / de ci'i phyir zhe na/ byang chub sems dpa' sems dpa' chen po ni sems can gyi don byed pas/ so sor yang dag par shes pa bzhi la nan tan byed do// rang sangs rgyas la sogs pa ni zhi ba phyogs gcig pa spyod pa de/ gcig pu gnas pa la dga' bas/ gal te sems can gyi don byed na'ang mngon par shes pa 'ba' zhig ston gyi/ rtag tu cang mi smra bar 'dug pas ston cing bshad pa med na/ so sor yang dag par shes pa bzhi lta ga la yod/ ci'i phyir cang mi smra la bstan pa med ce na/ rang sangs rgyas kyis ni chos bshad pas sems can gyi don byed pa 'am/ pha rol pos drod dang / spyi bo dang / 'jig rten mchog gi chos 'thob par 'gyur bar ram/ rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa 'thob par ram/ rang sangs rgyas 'thob par ram/ byang chub sems dpa' sems dpa' chen po 'thob par byed kyang nus la/ pha rol pos bla na med pa yang dag par rdzogs pa'i byang chub tu sems skyed par byed kyang mi nus so//

  101. 51b

    de ci'i phyir zhe na/ rigs kyi bu rang sangs rgyas la ni 'jig rten dang 'jig rten las 'das pa'i mdo sde dgu po med de/ de bas na rang sangs rgyas ni tshig so sor yang dag par shes pa dang / spobs pa so / sor yang dag par shes pa med do// rigs kyi bu rang sangs rgyas ni chos kun shes mod kyi/ chos so sor yang dag par shes pa ni med do// de ci'i phyir zhe na/ chos so sor yang dag par shes pa ni yi ge/ shes pa zhes bya ste/ rang sangs rgyas kyis kyang yi ge shes mod kyi/ yi ge so sor yang dag par shes pa zhes bya ba med do// de'ang ci'i phyir zhe na/ rtag pa gnas pa zhes bya ba'i yi ge gnyis po mi shes pas na/ rang sangs rgyas ni tshig so sor yang dag par shes pa 'thob pa ma yin no// don shes kyang don so sor yang dag par shes pa ma yin no// yang dag par don shes pa ni sems can thams cad la sangs rgyas kyi rang bzhin yod par shes pa'o/ / sangs rgyas kyi rang bzhin gyi don ni bla na med pa yang dag par rdzogs pa'i byang chub ces bya'o// de lta bas na rang sangs rgyas ni don so sor yang dag par shes pa thob pa ma yin te/ de bas na rang sangs rgyas ni thams cad kyi thams cad du so sor yang dag par shes pa bzhi med do// ci'i phyir nyan thos la so sor yang dag par shes pa bzhi med cen/ nyan thos ni thabs mkhas pa rnam pa gsum po med pa'i phyir ro// gsum po gang zhe na/ nges pa'i tshig 'jam po smra zhing chos sbyin pa dang / nges pa'i tshig rtsub por sla zhing chos sbyin pa dang / 'jam

  102. 52a

    po'ang ma yin/ rtsub po'ang ma yin pas chos sbyin pa ste/ nyan thos la rnam pa gsum po 'di dag med pas na/ so sor yang dag par shes pa bzhi med do// gzhan yang nyan thos dang rang sangs rgyas ni tshig dang don shes pa'i mthar yang ma phyin la/ spyod yul shes pa'i dbang du 'gyur ba'i ye sa kyang med/ stobs bcu dang mi 'jigs pa bzhi'ang med/ rten cing 'brel te byung ba bcu gnyis kyi mthar phyin pa'ang ma yin/ sems can rnams kyi dbang po rno rtul gyi khyad par rtogs par yang ma gyur/ bden pa gnyis la the tsom za ba'i sems kyang yongs su chad pa ma yin/ sems can gyi sems yul ci la dmigs pa'ang mkhas par ma gyur/ don dam pa'i stong pa nyid stong pa la shin tu mkhas par yang ma gyur te/ de bas na theg pa chung ngu gnyis kyis ni so sor yang dag par shes pa bzhi 'thob pa ma yin no// de nas byang chub sems dpa' 'od srungs kyis/ yang bcom ldan 'das la gsol pa/ bcom ldan 'das de ltar nyan thos dang rang sangs rgyas la thams cad kyi thams cad du so sor yang dag par shes pa bzhi ma mchis na/ ci'i slad du de bzhin gshegs pas 'di skad du/ tshe dang ldan pa shA ri'i bu ni shes rab kyi mchog go// mo'u 'gal yan chen po ni mngon par shes pa'i mchog go// ko sti la chen po ni so sor yang dag par shes pa bzhi'i mchog ces gsungs la/ ci ste ma mchis na de bzhin gshegs pa ci'i slad du de skad ces bka' stsal/ de nas bcom ldan 'das kyis/ byang chub sems dpa'

  103. 52b

    'od srungs la legs so/ / shin tu legs so zhes bya ba byin no// rigs kyi bu 'di lta ste/ dper na klung gang+gA'i chu'ang tshad med/ klung sin d+hA zhes bya ba'i chu'ang tshad med/ klung pak+Shu'i chu'ang tshad med/ kruklung sI ta'i chu'ang tshad med/ mtsho ma dros pa'i chu'ang tshad med/ rgya mtsho chen po'i chu'ang tshad med de/ de ltar chu mang po de dag tshad med par 'dra mod kyi/ yang dag par na mang nyung ni mi mnyam mo// nyan thos dang / rang sangs rgyas dang / byang chub sems dpa' rnams kyi so sor yang dag par shes pa bzhi'ang de dang 'dra'o// rigs kyi bu de la mnyam mo zhes bya ba ni gnas med do// rigs kyi bu ngas byis pa ma rabs la khyad par du/ ko sti la chen po ni so sor yang dag par shes pa bzhi'i mchog go// zhes gsungs te khyod kyis dris pa'i don ni 'dri'o// rigs kyi bu nyan thos kyi theg pa pa dag la las ni gcig tsam 'thob/ la las ni gnyis tsam 'thob ste/ bzhi char rdzogs par 'thob pa ni gnas med do// byang chub sems dpa' 'od srungs kyis/ yang bcom ldan 'das la gsol pa/ bcom ldan 'das kyis gsungs pa ltar sngar tshangs par spyad pa'i le'u gsungs pa las/ byang chub sems dpa' shes pa dang mthong ba las so sor yang dag par shes pa bzhi 'thob pa ni/ byang chub sems dpas shes pa dang mthong ba la 'thob pa'ang ma mchis la/ sems kyang ma mchis pas/ 'thob pa med do zhes gsungs te/ bcom ldan 'das byang chub sems dpa' sems

  104. 53a

    dpa' chen po ni/ yang dag par na 'thob pa ma mchis so// ci ste byang chub sems dpa' la 'thob pa'i sems mchis na/ byang chub sems dpa' ma lags te/ bus pa ma rabs so zhes gsungs na/ de ci'i slad du de bzhin gshegs pas byang chub sems dpa' 'thob pa mchis so zhes gsungs/ bcom ldan 'das kyis bka' stsal pa/ rigs kyi bu legs so/ / ngas kyang bshad par dgongs pa las/ khyod kyis zhus pa shin tu legs so// rigs kyi bu byang chub sems dpa' sems dpa' chen po ni yang dag par na ci'ang 'thob pa med de/ ci'ang 'thob pa med pa ni so sor yang dag par shes pa bzhi zhes bya'o/ / rigs kyi bu don ci zhig gi phyir ci'ang 'thob pa med pa loso sor yang dag par shes pa zhes bya zhe na/ gal te 'thob pa yod na thogs pa dang bcas pa zhes bya ste/ ji tsam du thogs pa dang bcas pa de ni phyin ci log bzhi zhes bya'o// rigs kyi bu byang chub sems dpa' sems dpa' chen po la phyin ci log bzhi med pa'i phyir/ so sor yang dag par shes pa 'thob ste/ de bas na byang chub sems dpa' ni ci'ang 'thob pa med pa zhes bya'o// rigs kyi bu gzhan yang ci'ang 'thob pa med pa ni shes rab ces bya'o// byang chub sems dpa' sems dpa' chen pos shes rab de 'thob pas na ci'ang 'thob pa med pa zhes bya'o/ / 'thob pa dang bcas pa ni ma rig pa zhes bya ste/ byang chu sems dpas ni ma rig pa'i mun pa

  105. 53b

    yongs su bcad pas na 'thob pa med pa zhes bya ste/ de bas na byang chub sems dpa' ni 'thob pa med pa zhes bya'o// rigs kyi bu gzhan yang 'thob pa med pa ni mya ngan las 'das pa chen po zhes bya'o/ / byang chub sems dpa' sems dpa' chen po ni de ltar mya ngan las 'das pa chen po la bde bar gnas pas chos kyi mtshan nyid mi mthong bas/ byang chub sems dpa' ni 'thob pa med pa zhes bya'o/ / ji tsam du 'thob pa dang bcas pa de ni srid pa nyi shu lnga zhes bya'o// byang chub sems dpa' ni srid pa nyi shu lnga po yongs su bcad nas/ mya ngan las 'das pa chen po 'thob pas na/ byang chub sems dpa' ni ci'ang 'thob pa med pa zhes bya'o// rigs kyi bu gzhan yang 'thob pa med pa ni theg pa chen po zhes bya'o// byang chub sems dpa' sems dpa' chen pos chos thams cad la mi gnas pas na/ theg pa chen po 'thob par 'gyur te/ de bas na byang chub sems dpa' ni ci'ang 'thob pa med pa zhes bya'o// ji tsam du 'thob pa yod pa ni nyan thos dang rang sangs rgyas kyi byang chub ces bya'o/ / byang chub sems dpa' ni theg pa chung ngu gnyis kyi byang chub yongs su bcad de/ sangs rgyas kyi byang chub 'thob pas na/ byang chub sems dpa' ni 'thob pa med pa zhes bya'o/ / rigs kyi bu gzhan yang 'thob pa med pa ni shin tu rgyas pa'i mdo sde zhes bya'o// byang chub sems dpas mdo sde 'di klog cing 'don pas na/ mya ngan

  106. 54a

    las 'das pa chen po 'thob pa zhes bya ste/ de bas na byang chub sems dpa' ni cirang 'thob pa med pa zhes bya'o// 'thob pa yod pa ni mdo sde bcu gcig po ste/ byang chub sems dpas theg pa chen po'i mdo sde shin tu rgyas pa 'ba' zhig ston cing 'chad de/ de bas na byang chub sems dpas ni ci rang 'thob pa med pa zhes bya'o// rig ran yang 'thob pa med pa ni nam mkha' zhes bya'o/ / 'jig rten na dngos po ci'ang med pa ni nam mkha' zhes bya ste/ byang chub sems dpas nam mkha' lta bu'i ting nge 'dzin 'thob pas ci'ang mi mthe/ de bas na byang chub sems dpa' ni ci'ang 'thob pa med pa zhes bya'o/ / 'thob pa dang bcas pa ni 'khor bar 'khor ba'i 'khor lo ste/ byis pa ma rabs thams cad ni 'khor bar 'khor ba nas 'thob pa yod do// byang chub sems dpas ni 'khor ba thams cad yongs su bcad de/ de bas na byang chub sems dpa' ni ci'ang 'thob pa med pa zhes bya'o// rigs kyi bu gzhan yang byang chub sems dpa' sems dpa' chen pos ci'ang 'thob pa med pa ni rtag pa dang / bde ba dang / bdag dang / yongs su dag pa zhes bya'o// byang chub sems dpa' sems dpa' chen pos sangs rgyas kyi rang bzhin mthong bas na/ rtag pa dang / bde ba dang / bdag dang / yongs su dag pa zhes bya ba thob ste/ de bas na byang chub sems dpa' sems dpa' chen

  107. 54b

    zhes bya'o/ / 'thob pa dang bcas pa ni mi rtag pa/ mi bde ba/ bdag med pa/ yongs su ma dag pa ste/ byang chub sems dpa' sems dpa' chen pos de ltar mi rtag pa dang / mi bde ba/ dang / bdag med pa dang / yongs su ma dag pa yongs su bcad pas na/ byang chub sems dpa' chen po ni ci'ang 'thob pa med pa zhes bya'o// rigs kyi bu gzhan yang ci'ang 'thob pa med pa ni don dam pa'i stong pa nyid ces bya ste/ byang chub sems dpa' sems dpa' chen pos don dam pa'i stong pa nyid la rnam par bltas na ci'ang mi mthong bas/ byang chub sems dpa' ni ci'ang 'thob pa med pa zhes bya'o/ / 'thob pa dang bcas pa ni lta ba lnga zhes bya ste/ byang chub sems dpa' ni lta ba lnga yongs su bcad de/ don dam pa'i stong pa nyid 'thob pas na/ byang chub sems dpa' ni ci'ang 'thob pa med pa zhes bya'o/ / rigs kyi bu gzhan yang ci'ang 'thob pa med pa ni/ bla na med pa yang dag par rdzogs pa'i byang chub ces bya ste/ byang chub sems dpa' sems dpa' chen pos bla na med pa yang dag par rdzogs pa'i byang chub 'thob pa ni ci'ang ma 'thob pa med pas/ byang chub sems dpa' ni ci'ang 'thob pa med pa zhes bya'o// 'thob pa dang bcas pa ni nyan thos dang rang rgyal ba'i byang chub ste/ byang chub sems dpa' ni theg pa chung ngu gnyis kyi byang chub yongs su bcad pas/ byang chub sems dpa' ni ci'ang 'thob pa med pa zhes bya'o//

  108. 55a

    rigs kyi bu khyod kyis dris pa'ang 'thob pa med la/ ngas bshad pa'ang 'thob pa med do// ji tsam du 'thob pa yod pa de ni bdud kyi ris yin te/ nga'i nye gnas ma yin no// byang chub sems dpa' 'od srungs kyis/ yang bcom ldan 'das la 'di skad ces gsol to// bcom ldan 'das kyis byang chub sems dpa'i thob pa ma mchis pa bdag la bstan pa na/ sems can tshad med pa rnams mtshan ma dang bcas pa'i sems yongs su spang bar gyur te/ bde bas na bdag gis thob pa ma mchis pa'i don zhus pa tshad med pa'i sems can de dag bdud kyi 'khor du 'gyur ba spangs nas sangs rgyas kyi nye gnas su gyur to/ / byang chub sems dpa' 'od srungs kyis/ yang bcom ldan 'das la 'di skad gsol to// bcom ldan 'das sngar shing sA la'i drung na bzhugs pa na/ tsun da la tshigs su bcad de bka' stsal pa/ sngun ni yod la da ni med/ sngun ni med la da ni yod// dus gsum srid pa'i chos thams cad// de lta bu'i gnas mi srid ces// bcom ldan 'das kyis gsungs pa'i don ji lta bu lags/ bcom ldan 'das kyis bka' stsal pa/ rigs kyi bungs sems can mang po gdul ba'i phyir yang de skad ces gsungs pa yin/ gzhan la'ang nyan thos dang rang sangs rgyas kyi phyir yang 'di skad ces gsungs pa yin/ gzhan yang 'jam dpal gzhon nu'i phyir de skad gsungs pa yin gyi/ tsun da gcig gi phyir de skad ces tshigs su bcad de gsungs

  109. 55b

    pa yin/ de'i tshe 'jam dpal gyis/ nga la de skad du zhu bar gzas pa las/ ngas de'i sems pa mkhyen nas de la bshad do// ngas de ltar bshad nas 'jam dpal gzhon nus ni don yang mngon par rtogs par gyur to/ / byang chub sems dpa' 'od srungs kyis yang gsol ma/ bcom ldan 'das 'jam dpal ltar don mngon par rtogs pa du mchis/ de bzhin gshegs pas 'khor gyi dkyil 'khor la rgya cher bstan du gsol/ bcom ldan kyis bka' stsal pa/ shin tu brtags par nyon cig dang / khyed la yang bshad par bya'o// thog ma nas yod ces bya ba ni// nga la sngun nyon mongs pa tshad med pa snyed de/ nyon mongs pa'i dbang gis da ltar gyi mya ngan las 'das pa chen po med do// thog ma nas med ces bya ba ni/ thog ma nas shes rab kyi pha rol tu phyin pa med de/ shes rab kyi pha rol tu phyin pa med pas/ da ltar gyi kun nas nyon mongs pa yod do// gal te dge sbyong ngam/ bram ze 'am/ lnga 'am/ bdud dam/ tshangs pa 'am mi 'am/ gang yang rung ste/ de bzhin gshegs pa la 'das pa dang / ma 'ongs pa dang / da ltar gyi dus na nyon mongs pa yod ces smra na/ de ni gnas ma yin no// rigs bu gzhan yang thog ma nas yod ces bya ba ni/ nga la thog ma nas pa ma gnyis 'dus pa las byung ba'i lus yod de/ de bas na da ltar gyi rdo rje lta bu'i chos kyi skur ni med do// thog ma nas med ces

  110. 56a

    bya ba ni/ nga'i skul thogs nas mtshan sum cu rtsa gnyis dang / dpe byad bzang po brgyad cu med de/ thog ma nas mtshan sum cu rtsa gnyis dang / dpe byad bzang po brgyad cu med pas/ da ltar gyi nad bzhi brgya rtsa bzhi tshang bar yod do// de la gal te dge sbyong ngam/ bram ze 'am/ lha 'am/ bdud dam/ tshangs pa 'am/ mir bcas pa gang yang rung ste/ bzhin gshegs pa la 'das pa dang / ma 'ongs pa dang / da ltar gyi dus na nad kyis sdug bsngal yod ces smra na/ de ni gnas ma yin no// rigs kyi bu gzhan yang thog ma nas yod ces bya ba ni/ nga la thog ma nas mi rtag pa dang / bdag me pa dang / bde ba med pa dang / yongs su dag pa med pa yod de/ de ltar mi rtag pa dang / bdag med pa dang / bde ba med pa dang / yongs su dag pa med pa yod pas/ da ltar gyi bla na med pa yang dag par rdzogs pa'i byang chub ni med do// thog ma nas med ces bya ba ni/ thog ma nas sangs rgyas kyi rang bzhin ma mthong ste/ de ltar ma mthong bas na/ rtag pa dang / bde ba dang / bdag dang / yongs su dag pa med do// de la gal te dge sbyong ngam/ bram ze 'am/ lha 'am/ bdud dam/ tshangs pa 'am/ mir bcas pa gang zhig gis/ de bzhin gshegs pa la 'das pa dang / ma 'ongs pa dang / da ltar gyi dus na mi rtag ci 'am/ bde ba dang / bdag dang / yongs su dag pa med ces

  111. 56b

    zer ba ni gnas ma yin no/ / rigs kyi bu gzhan yang thog ma nas yod ces bya ba ni/ thog ma nas bus pa ma rabs las dka' thub spyad pa'i sems kyis bla na med pa yang dag pa rdzogs pa'i byang chub thob snyam ste/ dngos po de lta bu'i phyir da ltar gyi dus na bdud rnam bzhi tshoms pa yang ma yin no// thog ma nas med ces bya ba ni thog ma nas pha rol tu phyin pa drug med do// pha rol tu phyin pa drug med pas na/ bus pa ma rabs kyi dka' thub spyod pa'i sems kyis bla na med pa yang dag par rdzogs pa'i byang chub thob po snyam sems so// de la gal te dge sbyong ngam/ bram ze 'am/ lha 'am/ bdud dam/ tshangs pa 'am/ mir bcas pa gang zhig gis/ de bzhin gshegs pa la 'das pa dang / ma 'ongs pa dang / da ltar gyi dus na dka' thub spyod pa yod do/ zhes smra na/ de ni gnas ma yin no// rigs kyi bu gzhan yang thog ma nas yod ces bya ba ni/ nga la thog ma nas zas dang 'dres pa'i lus yod do// zas kyi lus yod pas/ da ltar gyi mtha' yas pa'i sku med do// thog ma nas med ces bya ba ni/ thog ma nas byang chub kyi phyogs sum cu rtsa bdun med do// de ltar byang chub kyi phyogs sum cu rtsa bdun med pas/ da ltar gyi zas dang 'dres pa'i lus yod do/ / de la gal te dge sbyong ngam/ bram ze 'am/ lnga 'am/ bdud dam/ tshangs pa 'am/ mir bcas pa gang zhig gis/ de bzhin gshegs pa la

  112. 57a

    'das pa dang / ma 'ongs pa dang / da ltar gyi dus na zas dang 'dres pa'i lus yod ces zer na/ de ni gnas ma yin no// rigs kyi bu gzhan yang thog ma nas yod ces bya ba ni/ ngas sngun thog ma nas chos thams cad la blangs pa dang chags pa'i sems yod de/ de bas na da ltar gyi mthar phyin pa'i stong pa nyid kyi ting nge 'dzin med do// thog ma nas med ces bya ba thog ma nas dbu ma'i don bden pa med do/ / de ltar dbu ma'i don bden pa med pas/ chos thams cad la ma chags pa'i sems med do// gal te dge sbyong ngam/ bram ze 'am/ lha 'am/ bdud dam/ tshangs pa 'am/ mir bcas pa gang zhig gis/ de bzhin gshegs pa la 'das pa dang / ma 'ongs pa dang / da ltar gyi dus na chos thams cad la mtshan ma yod do zhes smras na/ de ni gnas ma yin no// rigs kyi bu gzhan yang thog ma nas yod ces bya ba ni/ ngas sngon bla na med pa yang dag par rdzogs pa'i byang chub thob pa na/ dbang po rtul ba po nyan thos kyi nye gnas su gyur pa yod pas na/ theg pa gcig pu'i bden pa yod do// thog ma nas med ces bya ba ni/ thog ma nas dbang po rnon po mi'i nang na bal glang gi rgyal po lta bu byang chub sems dpa' 'od srungs la sogs pa med do/ / dbang po rnon po 'od srungs lta bu med pas na/ ci rigs su thabs mkhas pas theg pa gsum du phye ste bstan to// de la gal te dge sbyong ngam/ bram ze 'am/ lha 'am/ bdud

  113. 57b

    dam/ tshangs pa 'am/ mir bcas pa gang gis kyang / de bzhin gshegs pa la 'das pa dang / ma 'ongs pa dang / da ltar gyi dus na theg pa gsum mthar phyin pa yin no zhes smra na/ de ni gan ma yin no/ / rig sna bu gzhan yang thog ma nas yod ces bya ba ni/ ngas sngon 'di skad du da ste zla ba gsum na shing sA la drung gnyis kyi bar na yongs su mya ngan las 'da' 'o de bas na da ltar shin tu rgyas po yongs su mya ngan las 'das pa theg pa chen po'i mdo 'chad par mi 'gyur ro/ / thog ma nas med ces bya ba ni/ thog ma nas 'jam dpal la sogs pa byang chub sems dpa' sems dpa' chen po rnams med do/ / de ltar med pa s+thA na da ltar de bzhin gshegs pa mi rtag go zhes gsungs so// de la gal te dge sbyong ngam/ bram ze 'am/ lha 'am/ bdud dam/ tshangs pa 'am/ mi'ang rung / gang zhig gis de gshegs pa la 'das pa dang / ma 'ongs pa dang / da ltar gyi dus su mi rtag go zhes zer na/ de ni gnas ma yin no// kyi bu de bzhin gshegs pa ni sems can thams cad kyi phyir/ chos thams cad mkhyen kyang mi mkhyen ces gsungs so// chos thams cad gzigs kyang gzigs pa med do zhes gsung / mtshan ma dang bcas pa'i chos la mtshan ma med do zhes gsung / mtshan ma med pa'i chos kyang mtshan ma dang bcas pa'o zhes gsung / yang dag par mi rtag pa'ang rtag go zhes gsung / yang dag par rtag

  114. 58a

    pa'ang mi rtag go zhes gsung ste/ bdag dang / bde ba dang / yongs su dag pa'ang de bzhin du rgyas par rig par bya'o// theg pa gsum gyi chos kyang theg pa gcig tu gsung theg pa gcig kyang ci rigs par gsum du gsung ngo / / mdo sde'i mtshan nyid ni rgyas pa'i mtshan nyid du gsung / rgyas pa'i mtshan nyid kyang mdor gsung / phas pham pa bzhi ni nyes pa sbom por yang gsung / nyes pa sbom po ni phas pham bzhir yang gsung / kha na ma tho ba ni kha na ma tho ba ma yin par gsung / kha na ma tho ba ma yin pa ni kha na ma tho ba dang bcas pa yin no zhes gsung / nyes pa yang ba ni lci bar gsung / lci ba ni yang bar gsung ngo // de ci'i phyir zhe na/ de bzhin gshegs pas ni sems can so so'i dbang po gsal bar gzigs pa'i phyir ro/ / rigs kyi bu de bzhin gshegs pa ni de skad gsung yang brdzun ma yin no// de ci'i phyir zhe na/ brdzun du smra ba ni skyon dang bcas pa yin te/ de bzhin gshegs pa ni nyes pa'i skyon thams cad dang yongs su bral ba yin na/ brdzun du smra ba ga la zhig yod/ rigs kyi bu de bzhin gshegs pa la brdzun du gsung ba med mod kyi/ ci ste sems can dag la brdzun du smra ba'i rkyen gyi chos kyis phan pa'i don du 'gyur na/ ci rigs pa'i thabs kyis de la ston cing gsung ngo // rigs kyi bu kun rdzob kyi bden pa thams cad ni de bzhin gshegs pa'i

  115. 58b

    don dam pa'i bden pa'o/ / de ci'i phyir zhe na/ sangs rgyas pacom ldan 'das ni don dam pa'i bden pa las kun rdzob kyi bden pa gsungs te/ gzhan du na so so'i skye ba dang / rin dam pa thob par bya ba'i phyir ro/ / ci ste so so'i skye bo dag don dam pa'i bden pa mi 'thob na/ sangs rgyas bcom ldan 'das kyis kun rdzob kyi bden pa nam du'ang mi gsung ngo // rigs kyi bu gshegs pa ni bar 'ga'i dus su kun rdzob kyi bden pa gsung ba na/ sems can gyis ni de bzhin gshegs pa don dam pa'i bden pa gsung ngo snyam sems so// skabs kha cig tu ni don bden pa gsungs pa na/ sems can gyis de bzhin gshegs pa ni kun rdzob kyi bden pa gsung ngo snyam sems te/ de ni sangs rgyas bcom ldan 'das rnams kyi spyod yul zab mo yin gyi dang rang sangs rgyas rnams kyis shes pa ni ma yin no/ / rigs kyi bu de bas na khyod kyis byang chub sems dpa' sems dpa' chen po la ci'ang 'thob pa med do zhes brgal ba'i mi rigs so// byang chub sems dpa' ni rtag tu don dam pa'i bden pa dang ldan pa yin na/ ci'i phyir ci'ang 'thob pa med do zhes brgal/ 'od srungs kyis yang gsol pa/ bcom ldan 'das don dam pa'i ba pa ni lam zhes kyang bgyi/ byang chub ces kyang bgyi/ mya ngan las 'das pa zhes kyang bgyi na/ ci ste byang chub sems dpa' lam dang / byang chub dang / mya ngan las 'das pa thob ma de ni mi

  116. 59a

    rtag pa lags so/ / de ci'i slad du zhe na/ ci ste rtag pa lags ra 'thob par yang mi rung ngo // dper na nam mkha' ni sus kyang 'thob par mi rung ngo // bcom ldan 'das dper na 'jig rten gyi dngos po dag thog ma nas med la/ da yod pa ni mi rtag pa zhes bgyi na/ byang chub kyang de dang 'dra ste/ ci ste byang chub 'thob pa zhig lags na/ mi rtag pa zhes bgyi'o// ci ste chos rtag pa zhig lags na/ 'thob pa'ang ma mchis la/ skye ba'ang ma mchis te/ dper na sangs rgyas kyi rang bzhin yang 'thob pa'ang ma mchis la/ skye ba'ang ma mchis so// bcom ldan 'das lam ni gzugs kyang ma lags/ gzugs ma lags pa'ang ma lags/ ring po'ang ma lags/ thung ngu'ang ma lags/ mtho ba'ang ma lags/ dma' ba'ang ma lags/ skye ba'angam lags/ 'gag pa'ang ma lags/ dmar po'ang ma lags/ dkar po'ang ma lags/ sngon po'ang ma lags/ ser po'ang ma lags/ yod pa'ang ma lags/ med pa'ang ma lags na/ ci'i slad du de bzhin gshegs pas 'thob par rung zhes gsungs/ byang chub dang mya ngan las 'das pa'ang de dang mtshungs so// bcom ldan 'das kyis bka' stsal pa/ de de bzhin no// de de bzhin no// / / rigs kyi bu lam la rnam pa gnyis te/ rtag pa dang / mi rtag pa'o// byang chub la'ang rnam pa gnyis te/ rtag pa dang / mi rtag pa'o// mya ngan las 'da' ba'ang de dang 'dra ste/ phyi rol pa mu

  117. 59b

    stegs can gyi lam ni mi rtag pa zhes bya'o/ / nang gi lam ni rtag pa zhes bya'o// nyan thos dang rang sangs rgyas kyi byang chub ni mi rtag pa zhes bya'o// byang chub sems dpa' dang sangs rgyas rnams kyi byang chub ni rtag pa zhes bya'o/ / phyi rol gyi rnam par grol ba ni mi rtag pa zhes bya'o// nang gi rnam par grol ba ni rtag pa zhes bya'o// rigs kyi bu'am dang / byang chub dang / mya ngan las 'da' ba ni kun kyang rtag pa zhes bya'o/ / sems can thams cad ni rtag tu nyon mongs pa grangs med pas yongs su khebs te/ shes rab kyi mig med pas mthong bar ma gyur to// so so'i skye bo dag mthong bar 'dod pas tshul khrims dang / ting nge 'dzin dang / shes rab la nan tan du spyod do// de ltar nan tan du spyod pas na lam dang / byang chub dang / mya ngan las 'da' ba mthong bar 'gyur te/ de ni byang chub sems dpas lam dang / byang chub dang / mya ngan las 'da' ba thob pa zhes bya'o// lam gyi mtshan nyid ni yang dag par na skye ba 'am/ 'gog pa ma yin te/ de bas na gzung du med do// rigs kyi bu lam zhes bya ba ni gzugs dang dbyibs kyang med/ bltar rung ba 'am/ dpag tu rung ba 'am/ shes par rung ba ma yin mod kyi/ yang dag par na dgos pa yod do// rigs kyi bu dper na sems can gyi sems kyang gzugs ma yin/ ring po ma yin/ zung ngu ma yin/ sbom po ma yi/ phra mo ma yin/ bcings pa ma yin/ grol ba ma yin/ mthong ba'i chos ma yin mod kyi/ med pa ni ma yin no// de bas na ngas khyim/

  118. 60a

    bdag skyabs med zas sbyin la sems ni grong khyer gyi bdag po dang 'dra'o// khyim bdag gal te sems ma srungs na/ lus dang ngag kyang bsrungs par mi 'gyur gyi/ sems bsrungs na/ lus dang ngag kyang bsrungs par 'gyur ro// lus dang ngag legs par ma bsrungs na/ sems can dag ngan song gsum du ltung bar byed do// lus dang ngag bsrungs na/ sems can rnams lha dang mi'i mya ngan las 'das pa thob par 'gyur ro/ / de ltar thob pa ni yang dag pa zhes bya'o// ma thob pa ni yang dag pa zhes mi bya'o// rigs kyi bu lam dang / byang chub dang / mya ngan las 'da' ba'ang de dang 'dra ste/ yod pa'ang ma yin/ rtag pa'ang ma yin no// ci ste med pa zhig yin na/ nyon mongs pa thams cad cis gcod par 'gyur/ de ltar yod pas na byang chub sems dpa' thams cad kyis kyang mngon sum du gsal bar mthong zhing shes so/ / rigs kyi bu mthong ba la rnam pa gnyis te/ mtshan mas mthong ba dang / mngon sum du gsal bar mthong ba'o// de la ji ltar na mtshan mas mthong ba zhe na/ dper na rgyang ma nas rung pa mthong na me mthong ba zhes bya ste/ yang dag par me ma mthong ste/ me ma mthong mod kyi/ brdzun yang ma yin no// chu bya mthong na chu mthong zhes bya ste/ chu ma mthong mod kyi/ brdzun ma yin no// dper na me tog dang lo ma mthong na rtsa ba mthong zhes bya'o// rtsa ba ma mthong mod kyi/ de'ang brdzun ma yin no// dper na mo zhig ra ba'i rgyab na rwa mthong

  119. 60b

    na ba lang mthong ba zhes bya ste/ ba lang cing ma mthong yang brdzun ni ma yin no// dper na bud med snang mthong na/ skyes pa dang nyal bar mthong ngo zhes byas kyang / nyal ba nyid ma mthong mod kyi/ brdzun ni ma yin no/ / dper na bskyed nang gi lo ma mtho bas mu mthong 'o zhes byas kyang / chu 'od brdzun ni ma yin no// dper na sprin mthong bas ra ba mthong ngo zhes byas kyang / ma mthong mod kyi/ brdzun ni ma yin no// dper na lus kyi las dang / ngag gi las yin pas/ yid kyi las mthong ngo zhes byas kyang / yid kyi las ma mthong mod kyi/ brdzun du smra ba ni ma yin de ni mtshan mas mthong ba zhes bya'o/ / de la ji ltar na mngon sum du gsal bar mthong ba zhe na/ per na mig gis gzugs mthong ba lta bu ste/ rigs kyi bu dper na gang zag mig gi dbang po ma nyams shing yongs su dag pas las mthil du a 'bra'i 'bras bu bzhag pa dang 'dra bar byang chub sems dpa' sems dpa' chen pos lam dang byang chub dang / mya ngan las 'da' mngon sum du gsal bar mthong ba'ang de dang 'dra'o/ / de ltar mthong mod kyi/ thog ma nas mthong ba'i mtshan nyid med do// rigs kyi bu de'i rgyu de'i rkyen phyis/ ngas sngon shA ri'i bu la 'di skad ces bka' stsal to/ / shA ri'i bu 'jig rten du bcas pa dge sbyong dang / bram ze dang / lA dang / bdud dang / tshangs pa dang / mi la sogs pa thams cad kyis mi shes pa dang /

  120. 61a

    mthong ba dang / mi rtags pa thams cad de bzhin gshegs pas thams cad mkhyen cing gzigs te rtogs so// byang chub sems dpa' rnams kyang de bzhin no// shA ri'i bu 'jig rten du bcas pa rnams kyis shes pa dang / mthong ba dang / rtogs pa ni nga dang byang chub sems dpa' rnams kyis mkhyen cing gzigs te rtogs so// 'jig rten du bcas pa thams cad kyis mi shes pa dang / mi mthong ba dang / mi rtogs pa ni 'di ltar bdag gis mi shes/ mi mthong / ma rtogs par ni mi shes kyi/ 'jig rten gyi sems can 'di dag ni shes pa dang / mthong ba dang / rtogs pa la bdag gis 'di ltar shes so// mthong ngo // rtogs so zhes zer ro// shA ri'i bu de bzhin gshegs pa ni thams cad mkhyen cing gzigs kyang / 'di ltar ngas mkhyen cing gzigs so zhes mi gsung ste/ byang chub sems dpa' thams cad kyang de bzhin no// de ci'i phyir zhe na/ gal te de bzhin gshegs pas mkhyen cing gzigs pa 'am/ rtogs par dgongs na/ de ni sangs rgyas bcom ldan 'das sam/ byang chub sems dpa' zhes mi bya ste/ byis pa ma rabs yin no// byang chub sems dpa' 'od srungs kyis/ yang bcom ldan 'das la 'di skad ces gsol to/ / bcom ldan 'das kyis shA ri'i bu la 'di skad du/ 'jig rten gyis shes pa ni ngas mkhyen la/ 'jig rten gyis mi shes pa'ang ngas kun mkhyen no zhes gsungs pa'i don ji lta bu lags

  121. 61b

    bcom ldan 'das kyis bka' stsal pa/ rigs kyi bu 'jig rten du bcas pa thams cad kyis ni sangs rgyas kyi rang bzhin mi shes/ mi mthong / mi rtogs te/ gal te shes sam/ mthong ngam/ rtogs na 'jig rten pa zhes mi bya'o// byang chub sems dpa' yin no// 'jig rten pas ni mdo sde bcu gnyis dang / rten cing 'brel te 'byung ba bcu gnyis dang / phyin ci log bzhi dang / bden pa bzhi dang da byang chub kyi phyogs sum cu rtsa bdun dang / bla na med pa yang dag par rdzogs pa'i byang chub dang / yongs su mya ngan las 'das pa chen po'ang mi shes/ mi mthong / mi rtogs so// ci ste shes sam/ mthong ngam/ rtogs na 'jig rten pa zhes mi bya'o// byang chub sems dpa' zhes bya'o// rigs kyi bu 'di dag ni 'jig rten pas mi shes/ mi mthong / mi rtogs pa zhes bya'o// de la ji ltar na 'jig rten pas shes shing mthong ba dang rtogs pa zhes na/ 'di lta ste/ tshangs pa'i lha dang / dbang sgyur dang / lag brgyad pa dang / rang bzhin dang / dus dang / rdul dang / chos dang / chos ma yin pa dang / byas pa'i bdag po dang / 'jig rten gyi thog ma dang / mtha' dang / rtag pa dang / chad par lta ba gnyis dang / bsam gtan dang po nas/ 'dus shes med min skye mched stengs ni mya ngan las 'da' ba'o zhes smras te/ rigs kyi bu de ni 'jig rten pa'i shes pa dang / mthong ba dang / rtogs pa zhes bya'o// byang chub sems dpa' sems dpa' chen pos kyang dngos po de dag de ltar shes shing

  122. 62a

    mthong ste/ byang chub sems dpa' de ltar shes shing mthong la rtogs kyang / ci ste mi shes/ mi mthong / ma rtogs shes smras na rdzun du 'gyur te/ ji tsam du rdzun du smra ba ni kha na ma tho bar 'gyur te/ kha na ma tho ba'i dbang gis sems can dmyal bar ltung ngo // rigs kyi bu gal te skyes pa 'am/ bud med dam/ dge sbyong ngam/ bram ze 'am/ gang yang rung / lam dang / byang chub dang / mya ngan las 'da' ba med do zhes smra na/ de ni log sred can yin te/ bdud kyi ris su gtogs pa chos la skur pa zhes bya'o// de ltar chos la skur pa de ni sangs rgyas rnams la skur pa zhes bya ste/ gang zag de ni 'jig rten pa zhes kyang mi bya/ 'jig rten ma yin zhes kyang mi bya'o// de'i tshe 'od srungs kyis de skad ces gsung ba thos nas/ tshigs su bcad pa 'di dag gis sangs rgyas la mngon par bstod do/ / sems can kun la thugs brtse ba// bdag ni de la skyabs su mchi// gdug pa'i zug rngu 'byin pas na// de bas sman pa'i rgyal por grags// 'jig rten sman pas gso ba ni/ / skad cig sos te slar yang ldang // de bzhin gshegs pas gso ba ni// de las nam du'ang mi ldang ngo // bcom ldan 'das kyis bdud rtsi'i sman// sems can rnams la yongs btang ba// sems can rnams kyis de 'tshal nas// 'chi ba med la skye ba med// de bzhin gshegs pas bdag slad du// yongs su mya ngan 'das pa bstan// sems can gsang ba thob pa rnams// skye 'gag

  123. 62b

    med par thob par 'gyur/ / byang chub sems dpa' 'od srungs kyis tshigs su bcad pa de smras nas/ yang bcom ldan 'das pa 'di skad ces gsol to// bcom ldan 'das kyis gsungs pa ltar 'jig rten pa thams cad kyis mi shes/ mi mthong / mi rtogs pa dag byang chub sems dpas thams cad shes shing mthong la rtogs so zhes bgyi ba/ ci ste byang chub sems dpa' yang 'jig rten pa lags na ni/ 'jig rten pas mi shes mi mthong ngo // mi rtogs pa dag byang chub sems dpas shes so// mthong ngo // rtogs so zhes bgyi ba'ang mi rung / ci ste 'jig rten pa ma lags na/ tha dad pa'ang ci zhig mchis/ bcom ldan 'das kyis bka' stsal pa/ rigs kyi bu byang chub sems dpa' zhes bya ba ni 'jig rten pa'ang yin la/ 'jig rten pa'ang ma yin no// gang mi shes/ mi mthong / mi rtogs pa ni 'jig rten pa zhes bya'o// shes shing mthong la rtogs pa ni 'jig rten pa zhes mi bya'o// khyod kyis tha dad pa ci yod ces dris pa'ang ngas bshad par bya'o// rigs kyi bu ci ste/ skyes pa 'am bud med gang yang rung / yongs su mya ngan las 'das pa'i mdo sde thos ma thag tu dad pa skyes nas bla na med pa yang dag par rdzogs pa'i byang chub tu sems bskyed pa ni/ 'jig rten pa'i byang chub sems dpa' zhes bya ste/ 'jig rten pa thams cad kyis mi shes/ mi mthong / mi rtogs pa ltar/ byang chub sems dpa' yang 'jig rten pa dang 'thun par mi shes/ mi mthong / mi rtogs so//

  124. 63a

    byang chub sems dpas yongs su mya ngan las 'das pa'i mdo sde thos nas 'jig rten pas mi shes/ mi mthong / mi rtogs pa dag byang chub sems dpas shes shing mthong la rtogs so/ / de ltar dngos po de dag shes nas bdag 'di snyam du sems so// bdag gis ji ltar na thabs gang gis nan tan gang byas pa shes pa dang / mthong ba dang / rtogs par 'gyur snyam sems so// yang 'di snyam du de ni shin tu dang ba'i sems kyis tshul khrims yongs su dag par bsrungs pa las thob par 'gyur ro snyam sems so// rigs kyi bu de'i tshe na byang chub sems dpas de'i rgyu de'i rkyen gyis ma 'ongs pa'i dus su/ gang nas gang du skye ba de dang de dag tu tshul khrims yongs su dag par srung ngo // rigs kyi bu de ltar byang chub sems dpa' sems dpa' chen po tshul khrims yongs su dag pas na// gang na gang du skyes kyang rtag tu nga rgyal dang / ngan par lta ba dang / the tsom gyis glags pa med de/ nam du'ang de bzhin gshegs pa mthar yongs su mya ngan las 'das par zhugs so zhes mi zer te/ de dag ni byang chub sems dpas tshul khrims yongs su dag par bsrung ba zhes bya'o// de ltar tshul khrims yongs su dag pas na/ ting nge 'dzin la nan tan byed do// ting nge 'dzin la nan tan byed pas na/ gang nas gang du skye ba de dang de dag tu yang dag pa'i dran pa mi nyams so// 'di lta ste/ sems can thams cad la sangs rgyas kyi rang bzhin yod pa dang / mdo sde bcu gnyis dang /

  125. 63b

    sangs rgyas bcom ldan 'das rnams kyi rtag pa dang / bde ba dang / bdag dang / yongs su dag pa dang / byang chub sems dpa' thams cad shin tu rgyas pa yongs su mya ngan las 'das pa chen po'i mdo la gnas pa thams cad kyis sangs rgyas kyi rang bzhin ma thob pa la sogs te/ dngos po de dag mi brjod do// ting nge 'dzin la nan tan byas pas/ stong pa bcu gcig kyang 'thob par 'gyur te/ de ni byang chub sems dpa' ting nge 'dzin yongs su dag pa la nan tan byed pa zhes bya'o// de ltar tshul khrims dang ting nge 'dzin du ldan par gyur pas/ yongs su dag pa'i shes rab la nan tan byed do/ / shes rab la nan tan byas pas na/ thog ma nas lus kyi nang na bdag yod par ram/ bdag gi nang na lus yod pa mi 'dzin te/ lus dang bdag lus ma yin/ bdag ma yin pa mi 'dzin te/ de ni byang chub sems dpas shes rab yongs su dag par nan tan byed pa'o// shes rab la nan tan byas pas/ tshul khrims bzung ba rnams kyang shin tu brtan par gyur to// rigs kyi bu 'di lta ste/ dper na ri rab lhun po ni rlung rnam pa bzhis bskyod mi nus so// byang chub sems dpa' sems dpa' chen po'ang de dang 'dra ste/ phyin ci log bzhis bskyod mi nus so// rigs kyi bu byang chub sems dpa' de'i tshe na/ bdag gis tshul khrims bsrungs pa'i rnams ces kyang bskyor mi nus so// mthong ngo // rtogs so// de ni byang chub sems dpas shes pa dang /

  126. 64a

    mthong ba dang / rtogs pa zhes bya ste/ 'jig rten pas ni ma yin no// rigs kyi bu byang chub sems dpa' sems dpa' chen pos/ de ltar tshul khrims bsrungs pa'i rnams shin tu brtan zhing mi g.yo bar mthong bas 'gyod pa'i sems med do/ / 'gyod pa med pas sems rab tu dga' bar 'gyur/ rab tu dga' bar gyur pas sems shin tu tshim par 'gyur/ shin tu tshim par gyur pas sems rab tu bde bar 'gyur/ sems rab tu bde bar gyur pas mi g.yo ba'i ting nge 'dzin thob bo// mi g.yo ba'i ting nge 'dzin thob pas shes pa dang lnga ba yang dag par 'gyur ro/ / shes pa dang lta ba yang dag par gyur pas 'khor ba las yongs su skye'o// 'khor ba las skyobs na rnam par grol bar 'gyur ro// rnam par grol bar gyur pas na sangs rgyas kyi rang bzhin gsal bar mthong ste/ de ni byang chub sems dpas shes pa dang / mthong ba dang / rtogs pa yin gyi/ 'jig rten pas shes pa ni ma yin no// rigs kyi bu 'di dag ni 'jig rten pas mi shes/ mi mthong / mi rtogs pa yin gyi/ byang chub sems dpa' ni shes so// mthong ngo // rtogs so// 'od srungs kyis yang gsol pa/ ltar byang chub sems dpa' tshul khrims yongs su dag par nan tan bgyis pas 'gyod pa'i sems ma mchis pa nas/ sangs rgyas kyi rang bzhin gyi bar du gsal bar mthong ba lags

  127. 64b

    bcom ldan 'das kyis bka' stsal pa/ rigs kyi bu 'jig rten gyi tshul khrims ni yongs su dag pa zhes mi bya'o// de ci'i phyir zhe na/ 'jig rten gyi tshul khrims ni srid pa dang bcas pa rang bzhin gyis ma nges pa/ mthar phyin pa ma yin te/ sems can thams cad kyi don du rgyas par 'gyur ba ma yin pa'i phyir yongs su dag pa zhes mi bya'o// yongs su dag pa ma yin pas na 'gyod pa'i sems dang bcas so/ / 'gyod pa'i sems dang bcas pas na dga' ba'i sems med do// dga' ba'i sems med pas tshim pa med/ tshim pa med pas bde ba med do// bde ba med pas mi g.yo ba'i ting nge 'dzin med do/ / mi g.yo ba'i ting nge 'dzin med pas shes pa dang lta ba yang dag pa med do// shes pa dang lta ba yang dag pa med pas 'khor ba la skyo ba med/ 'khor ba la skyo ba med pas rnam par grol bar mi 'gyur/ rnam par ma grol bas na sangs rgyas kyi rang bzhin mi mthong ngo // sangs rgyas kyi rang bzhin mi mthong bas yongs su mya ngan las 'das pa chen po mi 'thob ste/ de ni 'jig rten gyi tshul khrims shes bya'i// yongs su dag pa ma yin no// rigs kyi bu byang chub sems dpa' sems dpa' chen po'i yongs su dag pa'i tshul khrims ni/ tshul khrims nyid kyang tshul khrims ma yin pa/ srid pa dang bcas pa ma yin pa/ nges pa mthar phyin pas sems can gyi don du 'gyur ba ste/ de ni byang chub sems dpa'i tshul khrims yongs su dag pa zhes

  128. 65a

    bya'o/ / rigs kyi bu byang chub sems dpa' sems dpa' chen pos yongs su dag pa tshul khrims la 'gyod pa med pa'i sems ched du ma bskyed kyang / 'gyod pa med pa'i sems rang skye'o/ / rigs kyi bu dper na mi zhig me long thogs na/ bzhin ched du snang bar ma byas kyang bzhin rang 'byung ngo // dper na zhing pas zhing gshen pa la sa bon btab na/ myu gu ched du ma bskyed kyang myu gu rang skye'o/ / dper na me mar btsugs na/ mun pa ched du med par ma byas kyang mun pa rang med par 'gyur ro// rigs kyi bu byang chub sems dpa' sems dpa' chen po tshul khrims yongs su dag par bsrungs pas/ 'gyod pa med pa'i sems rang skye ba'ang de dang 'dra'o// tshul khrims yongs su dag pas/ rab tu dga' ba'i sems 'thob par 'gyur ro// rigs kyi bu dper na skyes bu ngo bzhin bzang po dang ldan pa zhig bdag gi bzhin mthong na rab tu dga' ba'i sems skye'o/ / tshul khrims yongs su dag pa'ang de dang 'dra'o// rigs kyi bu tshul khrims ngan pa can ni tshul khrims yongs su ma dag pas na/ dga' ba'i sems mi skye'o// dper na bzhin mi sdug pa zhig bdag gi bzhin mthong na dga' ba'i sems mi skye ba ltar/ tshul khrims ngan pa can yang de dang 'dra'o// rigs kyi bu dper na bud med rdzi'u gnyis shig gcig ni zho'i bum pa thogs la/ gcig ni dar ba'i bum pa thogs te/ gnyis ka 'grogs nas tshong dus su 'tshong du chas pa las/ lam du brdeg 'chos

  129. 65b

    te bum pa gnyis ka chag na gcig ni dga'/ gcig ni mi dga' 'o// tshul khrims bsrungs pa dang / tshul khrims nyams pa'ang de dang 'dra'o// tshul khrims yongs su dag pa ni sems rab tu dgar bar 'gyur ro/ / sems rab tu dga' bas na de 'di snyam du sems so// sangs rgyas bcom ldan 'das kyis yongs su mya ngan las 'das pa las/ gang gis tshul khrims yongs su dag par bsrungs na/ mya ngan las 'da' bar 'gyur ro zhes gsungs te/ bdag gis kyang tshul khrims yongs su dag par nan tan byas na 'thob par 'gyur ro snyam sems te/ de'i rgyu de'i rkyen gyis na sems rab tu dga' bar 'gyur ro/ / byang chub sems dpa' 'od srungs kyis yang gsol pa/ bcom ldan 'das dga' ba dang bde zhes bgyi ba la khyad par ci mchis/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen pos kha na ma tho bar 'gyur ba'i sdig pa mi byed pas na sems dga' ba zhes bya'o// yongs su dga' ba'i sems kyis tshul khrims srung ba ni bde ba zhes bya'o/ / rigs kyi bu byang chub sems dpa' sems dpa' chen pos 'khor ba shin tu rtogs pas dga' ba zhes bya'o// yongs su mya ngan las 'das pa chen po mthong bas bde ba zhes bya'o// tha ma ni dka' ba zhes bya'o// mchog ni bde ba zhes bya'o// 'jig rten dang 'dres pa'i chos yongs su spangs pa ni dga' ba zhes bya'o// ma 'dres pa'i chos thob pa ni bde ba zhes bya'o// tshul

  130. 66a

    khrims yongs su dag pas na/ lus las su rung ba dang / ngag rtsub po'i skyon med de/ byang chub sems dpa' de'i tshe lta ba dang / nyan pa dang / snom pa dang / ro myong bar byed pa dang / reg bya dang / shes par byed pa thams cad la kha na ma tho bar 'gyur ba med do// kha na ma tho bar 'gyur ba med pas/ sems rab tu bde bar 'gyur ro// sems rab tu bde bar 'gyur bas na/ zhi ba'i ting nge 'dzin thob bo// zhi ba'i ting nge 'dzin thob pas na/ shes pa dang lta ba yang dag par 'gyur ro// shes pa dang lta ba yang dag par gyur pas/ 'khor ba las yongs su skyo'o/ / 'khor ba las yongs su skye bas na/ rnam par grol bar 'gyur/ rnam par grol bas na/ sangs rgyas kyi rang bzhin mthong ngo // sangs rgyas kyi rang bzhin mthong bas na/ yongs su mya ngan las 'das pa chen po 'thob bo/ / de dag ni byang chub sems dpa'i tshul khrims yongs su dag pa yin gyi/ 'jig rten gyi tshul khrims ni ma yin no// de ci'i phyir zhe na/ rigs kyi bu byang chub sems dpa' sems dpa' chen pos tshul khrims yongs su dag par bsrungs na/ chos rnam pa 'di lnga grogs su 'gyur ro// lnga gang zhe na/ dad pa dang ldan pa yin/ khrel dang ldan pa yin// 'dzem pa dang ldan pa yin/ dge ba'i bshes gnyen dang ldan pa yin/ tshul khrims la gus par byed pa yin no// sgrib pa lnga yongs su spangs pas/ lta ba rnam par dag par 'gyur ba dang /

  131. 66b

    lta ba lnga yongs su spangs pas/ the tsom gyi sems med par 'gyur ro// gzhan yang the tsom lnga yongs su spong bar 'gyur te/ lnga gang zhe na/ sangs rgyas la the tsom za ba dang / chos la the tsom za ba dang / dge 'dun la the tsom za ba dang / tshul khrims la the tsom za ba dang / bag byed pa la the tsom za ba'o// byang chub sems dpa' de'i tshe dbang po lnga'ang 'thob par 'gyur te/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o// dbang po lnga thob pas/ mya ngan las 'da' ba rnam pa lnga'ang 'thob par 'gyur ro/ / lnga gang zhe na/ gzugs rnam par grol ba nas/ rnam par shes pa rnam par grol ba'i bar du ste/ de ni byang chub sems dpa'i tshul khrims yongs su dag pa zhes bya'o/ / 'jig rten gyi ma yin no// rigs kyi bu de dag ni 'jig rten pas mi shes pa dang / mi mthong ba dang / mi rtogs pa ste/ byang chub sems dpas shes pa dang / mthong ba dang / rtogs pa zhes bya'o// rigs kyi bu ci ste nga'i nye gnas las/ theg pa chen po yongs su mya ngan las 'das pa'i mdo sde 'chang ngam/ 'dzin tam/ klog gam/ 'don tam/ glegs bam du 'dri 'am/ ston cing 'chad pa gang zhig tshul khrims nyams na gzhan gyis brnyas shing smod de/ de dag 'di skad du gal te sangs rgyas kyis dgongs pa'i snying po yongs su mya ngan las

  132. 67a

    'das pa chen po'i mdo mthu dang ldan pa zhig yin na/ ci'i phyir tshul khrims mnos pa nyams par 'gyur zhes zer ro// ci ste gang zhig mya ngan las 'das pa'i mdo 'chang ngam 'dzin pa las tshul khrims nyams na/ de ni mdo sde mthu med par rig par bya ste/ gal te mthu med na klog gam 'don kyang phan pa'i don du ma 'gyur te/ de ltar mya ngan las 'das pa'i mdo sde la brnyas smad pas/ sems can tshad med mtha' yas pa snyed sems can dmyal bar ltung bar byed do// ci ste mdo sde 'di nyid 'chang ngam/ 'dzin pa de tshul khrims nyams par byed na/ de ni sems can gyi sdig pa'i bshes gnyen yin te/ nga'i nye gnas ma yin gyi/ bdud kyi 'khor yin no// gang zag de ni mdo sde 'di nyid 'chang ngam/ 'dzin tam/ nyan du'ang ma gnang gi/ gnyis na ma bcangs/ ma bzung / ma bsgoms kyang bla'i/ tshul khrims nyams pas 'chang ngam/ 'dzin tam/ sgrub par byed pa ma yin no// rigs kyi bu nga'i nye gnas las yongs su mya ngan las 'das pa'i mdo sde 'chang ngam/ 'dzin tam/ klog gam/ 'don tam/ glegs bam ru 'dri 'am/ ston cing 'chad 'dod na/ yang dag pa'i lus dang sems kyis bsgrub par bya'i/ nyam rangs dang / 'phyar ba dang / 'gran tor gyis ni ma yin no// de la lus las byung ba ni nyam rangs zhes bya/ sems las byung ba ni 'phyar ba zhes bya'o// tshol ba dang bcas pa'i sems ni 'phyar ba zhes bya/

  133. 67b

    lus kyis las byas pa ni nyam rangs zhes bya'o// ci ste nga'i nye gnas tshol ba dang bcas/ byed pa'i las dang bcas na/ theg pa chen po yongs su mya ngan las 'das pa'i mdo sde 'di 'chang ngam/ gzung bar mi bya'o// ci ste de lta bu dang bcas pas mdo sde 'di 'chang ngam/ 'dzin par byed na/ gzhan gyis brnyas smod par 'gyur te/ de la 'di skad du ci ste sangs rgyas kyi dgongs pa'i snying po yongs su mya ngan las 'das pa'i mdo sde mthu dang ldan pa zhig yin na/ ci'i phyir khyed la tshol ba dang bcas pa/ byed pa dang bcas par 'gyur zhes zer ro// ci mdo sde 'di nyid 'chang bar byed pa de tshol ba dang bcas/ byed pa dang bcas na/ de ni mdo sde 'di nyid la mthu med do zhes zer bar 'gyur ro// gal te mthu med na 'chang ngam/ 'dzin par byed kyang phan pa'i don du mi 'gyur la/ de ltar mya ngan las 'das pa'i mdo sde la brnyas smad pas/ sems can tshad med pa snyed sems can dmyal bar ltung bar byed do// mdo sde 'chang ngam/ 'dzin par byed pa de tshol ba dang bcas/ byed pa dang bcas na/ de ni sems can gyi mi dge ba'i bshes gnyen yin te/ nga'i nye gnas ma yin gyi/ bdud kyi ris yin no/ / gzhan yang rigs kyi bu nga'i nye gnas las yongs su mya ngan las 'das pa'i mdo sde 'chang ba dang / 'dzin pa dang / klog pa dang / 'don pa dang /

  134. 68a

    glegs bam du 'dri ba dang / ston par byed pa dag dus ma yin par bstan par mi bya/ brda mi phrad pa la bstan par mi bya/ gsol ba ma btab par bstan par mi bya/ brnyas pa'i sems dang bcas pas bstan par mi bya/ dus thams cad kyis thams cad du bshad par mi bya/ bdag bstod pa'i phyir bstan par mi bya/ gzhan smad pa'i phyir bshad par mi bya/ sangs rgyas kyi chos nub par 'gyur bas bshad par mi bya/ 'jig rten gyi chos dar bar 'gyur ba'i phyir bshad par mi bya'o// rigs kyi bu nga'i nye gnas las mdo sde 'di 'chang ba dang / 'dzin pa dag dus ma yin par ston pa nas/ 'jig rten gyi chos dar bar byed pa'i bar du ston na/ gzhan gyis dpyas shing smod par 'gyur te/ 'di skad ces zer ro// sangs rgyas kyis dgongs te gsungs pa'i snying po yongs su mya ngan las 'das pa'i mdo sde 'di mthu dang ldan pa zhig yin na/ ci'i phyir dus ma yin par ston pa nas/ 'jig rten gyi chos dar bar byed pa'i bar du ston par 'gyur zhes zer ro/ / gal te mdo sde 'dzin pa dag de lta bu'i tshul du ston na/ mdo sde 'di la mthu med par 'dzin to// ci ste mthu med na bcangs sam/ 'dzin kyang phan pa dang bde ba'i don du mi 'gyur te/ de ltar mya ngan las 'das pa'i mdo sde la brnyas smad pas/ sems can tshad med pa'i rnams sems can dmyal bar ltung bar 'gyur ro// mdo sde 'di 'chang zhing 'dzin pa dag dus ma yin par

  135. 68b

    ston pa nas/ 'jig rten gyi chos dar bar bya ba'i bar du ston na/ de ni sems can gyi dge ba'i bshes gnyen yin gyi/ nga'i nye gnas ma yin te/ bdud kyi rigs su gtogs pa yin no// rigs kyi bu de la gang zhig yongs su mya ngan las 'das pa'i mdo ste 'chang ngam/ 'dzin tam/ ston tam/ sangs rgyas kyi rang bzhin ston cing 'chad pa dang / de bzhin gshegs pas dgongs te gsungs pa'i snying po 'chad pa dang / theg pa chen po ston pa dang / shin tu rgyas pa'i mdo sde ston pa dang / nyan thos kyi theg pa ston pa dang / rang sangs rgyas kyi theg pa ston pa dang / rnam par grol ba ston pa dang / sangs rgyas kyi rang bzhin mthong ba dag/ thog ma kho nar lus yongs su dag par sbyang bar bya'o// lus yongs su dag pas na brnyas smod pa med do// brnyas smod pa med pas sems can tshad med pa'i rnams yongs su mya ngan las 'das pa'i mdo sde la yongs su dag pa'i dad pa skye'o/ / dad pa'i sems bskyed pas mdo sde 'di la rim gro dang bkur sti byed de/ gal te tshig bzhi pa'i tshogs su bcad pa gcig gam/ rkang pa gcig gam/ yi ge 'bru gcig tsam thos par byed de/ chos bstan pa de'ang bla na med pa yang dag par rdzogs pa'i byang chub tu sems skyed par byed na/ gang zag de ni sems can gyi dge ba'i bshes nyen yang dag pa yin gyi/ mi dge ba'i bshes gnyen ma yin/ nga'i nye gnas yin gyi/ bdud kyi ris ma yin/ de ni byang chub sems dpa' zhes bya'o// 'jig rten pa yin no// rigs

  136. 69a

    kyi bu 'di dag ni 'jig rten pas mi shes pa dang / mi mthong ba dang / mi rtogs pa ste/ byang chub sems dpas ni shes pa/ mthong ba/ rtogs pa zhes bya'o// / / rigs kyi bu gzhan yang ji ltar na 'jig rten thams cad kyis mi shes/ mi mthong / mi rtogs la/ byang chub sems dpas shes pa dang / mthong ba dang / rtogs pa zhe na/ 'di lta ste/ dran par bya ba'i gnas drug go// drug gang zhe na/ sangs rgyas dran par bya ba dang / chos dran par bya ba dang / dge 'dun dran par bya ba dang / bslab tshig dran par bya ba dang / sbyin pa dran par bya ba dang / lha dran par bya ba'o// rigs kyi bu de la ji ltar na sangs rgyas dran par bya ba zhe na/ de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing khaM lo sgyur ba/ lha dang mi rnams kyi ston pa sangs rgyas bcom ldan 'das ni rtag pa/ mi 'gyur bami 'pho ba/ stobs bcu dang mi 'jigs pa bzhi dang ldan pa/ seng ge chen po'i sgra sgrog pa/ dge sbyong chen po/ bram ze chen po/ tshangs pa chen po/ mthar phyin pa/ pha rol tu phyin pa/ gzhan gyis mi thub pa/ spyi gtsug bltar mi snang ba/ bsnyengs pa med pa/ bag tsha ba med pa/ g.yo ba med pa/ gcig pu grogs med pa/ ma bstan par rang gis rig pa//

  137. 69b

    myur ba'i ye shes/ ye shes chen po/ rno ba'i ye shes/ zab pa'i ye shes/ rnam par grol ba'i ye shes/ mthun pa med pa'i ye shes/ kun tu rgyas pa'i ye shes/ mthar phyin pa'i ye shes/ rin po che'i ye shes dang ldan pa/ mi'i nang na khyu mchog gi rgyal po lta bu/ mi'i nang na glang po che'i rgyal po lta bu/ mi'i nang na klu'i rgyal po lta bu/ mi'i nang na skyes bu/ mi'i nang na me tog pad+mo lta bu/ pun da ri ka lta bu/ kha los sgyur ba'i mi'i ston pa/ sbyin bdag chen po/ chos chen po ston pa/ chos mkhyen pa'i phyirare chos chen po ston pa/ don mkhyen pa'i phyir chos chen po ston pa/ dus mkhyen pa'i phyir chos chen po ston pa/ cho ga shes pa'i phyir chos chen po ston pa/ bdag shes pa'i phyir chos chen po ston pa/ 'khor chen po shes pa'i phyir chos chen po ston pa/ sems can gyi rang bzhin rnam pa tha dad pa mkhyen pa'i phyir chos chen po ston pa/ dbang po rnon po dang / rtul po dang / rab mkhyen pa'i phyir chos chen po ston pa/ 5 dbu ma ston pa'i phyir chos chen po ston pa zhes bya'o/ / de la ji ltar na de bzhin gshegs pa zhes bya zhe na/ sngon 'das pa'i sangs rgyas rnams kyis gsungs pa las mi 'gyur ba'i phyir de bzhin gshegs pa zhes bya'o/ / ji lta bur mi 'gyur zhe na/ sngon 'das pa'i sangs rgyas rnams kyang / sems can bsgral ba'i phyir mdo sde bcu gnyis gsungs so// de bzhin

  138. 70a

    gshegs pa'ang de dang 'dra bas na/ de bzhin gshegs pa zhes bya'o// sangs rgyas bcom ldan 'das rnams ni pha rol tu phyin pa drug dang / byang chub kyi phyogs sum cu rtsa bdun dang / stong pa bcu gcig las gshegs pas na/ yongs su mya ngan las 'das pa chen por phyin te/ de bzhin gshegs pa'ang de dang 'dra bas/ sangs rgyas la de bzhin gshegs pa zhes bya'o/ / sangs rgyas bcom ldan 'das ni sems can gyi phyir/ thabs de nyid kyis theg pa gsum du bstan te/ sku tshe'i tshad kyang tshad med dpag tu med pas/ de bzhin gshegs pa'ang de dang 'dra ste/ de bas na sangs rgyas la de bzhin gshegs pa zhes bya'o// de la ji ltar na dgra bcom pa zhe na/ 'jig rten gyi chos thams cad ni dgra zhes bya ste/ sangs rgyas rnam pa de dag choms pas na/ dgra bcom pa zhes bya'o// bdud rnam pa bzhi ni byang chub sems dpa'i dgra zhes bya ba ste/ sangs rgyas bcom ldan 'das kyang byang chub sems dpa' mdzad pa na/ thams cad mkhyen pa'i ye shes kyis bdud rnam bzhi bcom pas na/ dgra bcom pa zhes bya'o// gzhan yang dgra bcom pa ni yongs su spangs pa zhes bya ste/ byang chub sems dpa'i tshe na nyon mongs pa tshad med pa'i rnams yongs su spangs pas na/ dgra bcom pa zhes bya'o// gzhan yang dgra bcom pa ni 'das pa'i sangs rgyas rnams kyi bde ba zhes bya'o// sngon byang

  139. 70b

    chub sems dpa' mdzad pa na/ bskal pa tshad med grangs med pa'i bar ru/ sems can gyi phyir sdug bsngal rnam pa sna tshogs myong yang mi bde ba med de rtag tu bde'o// de bzhin gshes pa'ang de dang 'dra bas na/ dgra bcom pa zhes bya'o// gzhan yang dgra bcom pa zhes bya ba ni 'jig rten du bcas pa/ lha dang mi thams cad kyis lha rdzas kyi me tog dang / 'phreng ba dang / rgyal mtshan dang / ba dan dang / rol mo rnam pa sna tshogs kyis mchod pas na/ dgra bcom pa zhes bya'o// de la ji ltar na yang dag par rdzogs pa zhe na/ yang dag pa zhes bya ba ni phyin ci ma log pa'o/ / rdzogs pa zhes bya ba ni phyin ci log bzhi mngon par rtogs pa med pa'o// gzhan yang dag pa zhes bya ba ni dka' thub spyod pa'o// rdzogs pa zhes bya ba ni sdug bsngal spyod pa'i rkyen gyis/ nges par sdug bsngal gyi 'bras bu myong bar shes pa'o// gzhan yang yang dag pa zhes bya ba ni 'jig rten gyi dbu ma'o// rdzogs pa zhes bya ba ni mthar lam dbu ma la nan tan byas na/ nges par bla na med pa yang dag par rdzogs par shes pa'o// gzhan yang yang dag pa ni bgrang du yod pa/ tshad gzung du yod pa/ dpag tu yod pa'o// rdzogs pa zhes bya ba ni bgrang du med/ tshad gzung du med/ dpag tu med pa ste/ de bas na sangs rgyas la yang yang dag par rdzogs pa zhes bya'o// rigs kyi bu nyan thos dang rang sangs rgyas la

  140. 71a

    yang dag par rdzogs pa zhes bya ba yod de/ de ni yang dag par rdzogs pa ma yin no// de ci'i phyir zhe na/ yang dag par rdzogs pa ni phung po lnga dang / skye mched bcu gnyis dang / khams bco brgyad shes pa ste/ nyan thos dang rang sangs rgyas kyis kyang shes pas/ yang dag par rdzogs pa zhes bya'o// ci'i phyir yang dag par rdzogs pa ma yin zhe na/ rigs kyi bu ci ste theg pa chung ngu gnyis kyis bskal pa tshad med pa'i bar du/ gzugs kyi phung po gcig pu la rtog kyang rdzogs par mi shes pas/ de'i phyir nyan thos dang rang sangs rgyas ni yang dag par rdzogs pa zhes mi bya'o/ / de la ji ltar na mkhyen pa dang zhabs su ldan pa zhe na/ mkhyen pa ni dge ba'i 'bras bu tshad med pa thob pa'o// zhabs dang ldan pa ni zhabs nyid do/ / de la dge ba'i 'bras bu ni bla na med pa yang dag par rdzogs pa'i byang chub bo// zhabs zhes bya ba ni tshul khrims dang shes rab ste/ tshul khrims dang shes rab kyi rkang pas bla na med pa yang dag par rdzogs pa'i byang chub tu phyin pas na/ mkhyen pa dang zhabs su ldan pa zhes bya'o// gzhan yang mkhyen pa ni rig pa'o// ldan pa ni bkra shis so// zhabs ni 'bras bu'o/ / rigs kyi bu de dag ni 'jig rten gyi don zhes bya'o// rig pa ni rnam par grol ba'o// bkra shis ni bla na med pa yang dag par rdzogs pa'i byang chub bo// 'bras bu ni yongs su

  141. 71b

    mya ngan las 'das pa chen po ni/ de bas na mkhyen pa dang zhabs su ldan pa zhes bya'o// gzhan yang mkhyen pa ni snang ba zhes bya'o// ldan pa ni las zhes bya'o// zhabs ni 'bras bu zhes byas rigs kyi bu de ni 'jig rten gyi don to/ / snang ba zhes bya ba ni bag yod pa'o// las ni pha rol tu phyin pa drug go// 'bras bu ni bla na med pa yang dag par rdzogs pa'i byang chub bo// gzhan yang mkhyen pa ni rig pa gsum ste/ byang chub kyi rig pa dang / sangs rgyas kyi rig pa dang / ma rig pa'i rig pa'o// de la byang chub sems dpa'i rig pa ni shes rab kyi pha rol tu phyin pa'o// sangs rgyas kyi rig pa ni sangs rgyas kyi rig pa nyid do/ / ma rig pa'i rig pa ni stong pa nyid kyi mthar phyin pa'o// ldan pa zhes bya ba ni bskal pa grangs med pa'i bar du/ sems can gyi phyir dge ba'i lam mang po bsgoms pa'o/ / zhabs shes bya ba ni sangs rgyas kyi rang bzhin gsal bar mthong ba ste/ de bas na mkhyen pa dang zhabs su ldan pa zhes bya'o// de la ji ltar na bde bar gshegs pa zhe na/ bde ba ni mtho ba'o// gshegs pa ni mi mtho ba ste/ rigs kyi bu de ni 'jig rten gyi don to// mtho ba ni bla na med pa yang dag par rdzogs pa'i byang chub bo// mi mtho ba ni de bzhin gshegs pa'i thugs so/ / rigs kyi bu ci ste thugs mtho na de bzhin gshegs pa zhes mi bya ste/ de bas na de bzhin gshegs pa la bde bar gshegs pa zhes bya'o// gzhan yang

  142. 72a

    bde ba ni dge ba'i bshes gnyen no/ / gshegs pa ni bge ba'i bshes gnyen gyi 'bras bu ste/ rigs kyi bu de ni 'jig rten gyi don to// dge ba'i bshes gnyen ni sems dang po bskyed pa'o/ / 'bras bu ni yongs su mya ngan las 'das pa chen po ste/ de bzhin gshegs pa ni thog ma sems bskyed pa ma btang bas yongs su mya ngan las 'das pa chen po thob pas/ de'i phyir bde bar gshegs pa zhes bya'o// gzhan yang bde ba ni bzang po'o// gsheg pa ni yod pa ste/ rigs kyi bu de ni 'jig rten gyi don to// de la bzang po ni sangs rgyas kyi rang bzhin mthong ba'o/ / yod pa ni mya ngan las 'das pa chen po'o// rigs kyi bu mya ngan las 'das pa'i rang bzhin ni yang dag par yod pa ma yin mod kyi/ sangs rgyas bcom ldan 'das kyis 'jig rten gyi dbang du byas te yod ces gsungs so/ / rigs kyi bu dper na 'jig rten gyi bu med pa la bu yod do zhes bya ba dang / lam med par lam yod do zhes smra ba dang 'dra ste/ yongs su mya ngan las 'das sa lang 'jig rten gyi dbang du byas nas yod do zhes gsung so/ / sangs rgyas bcom ldan 'das rnams ni yongs su mya ngan las 'das pa chen po lhun gyis grub pa'i phyir bde bar gshes pa zhes bya'o/ / // 'phags pa yongs su mya ngan las 'das pa chen po'i mdo bam po bco brgyad pa// / rigs kyi bu de la ji ltar na 'jig rten rig pa

  143. 72b

    zhe na/ rigs kyi bu 'jig rten zhes bya ba ni phung po lnga'o// rig pa ni shes pa'o// sangs rgyas bcom ldan 'das ni phung po lnga la shin tu mkhas pas 'jig rten rig pa zhes bya'o// gzhan yang 'jig rten zhes bya ba ni 'dod pa lnga'o/ / rig pa zhes bya ba ma chags pa'o// 'dod pa lnga la yongs su ma chags pa'i phyir yang 'jig rten rig pa zhes bya'o// gzhan yang 'jig rten zhes bya ba ni shar phyogs kyi 'jig rten gyi khams tshad med grangs med de/ nyan thos dang rang sangs rgyas thams cad kyis mi shes/ mi mthong / mi rtogs pa dag/ sangs rgyas bcom ldan 'das kyis ni mkhyen cing gzigs te rtogs so/ / de bzhin du lho dang / nub dang / byang dang / phyogs mtshams bzhi dang / steng dang / 'og gi 'jig rten gyi khams kyang de bzhin du rig pas na/ sangs rgyas bcom ldan 'das ni 'jig rten rig pa'o/ / gzhan yang 'jig rten zhes bya ba ni skye bo ma rabs thams cad do// rig pa zhes bya ba ni skye bo ma rabs rnams kyi dge ba dang sdig pa'i rgyu dang 'bras bu shes pa ste/ nyan thos dang rang sangs rgyas kyis shes pa ma yin gyi/ sangs rgyas nyag gcig gis mkhyen pas na/ sangs rgyas bcom ldan 'das ni 'jig rten rig pa'o// gzhan yang 'jig rten zhes bya ba ni pad+mo zhes bya'o/ / rig pa ni mi gos pa ste/ rigs kyi bu de ni 'jig rten gyi don to// pad+mo zhes bya ba ni de bzhin gshegs pa'o// mi gos pa ni de bzhin gshegs pa la

  144. 73a

    'jig rten gyi chos brgyad kyis mi gos pa'i phyir/ sangs rgyas bcom ldan 'das ni 'jig rten rig pa zhes bya'o// gzhan yang 'jig rten rig pa sangs rgyas dang byang chub sems dpa' la 'jig rten rig pa zhe bya'o/ / de ci'i phyir zhe na/ sangs rgyas dang byang chub sems dpa' ni 'jig rten gzigs pa'i phyir/ 'jig rten rig pa zhes bya'o// rigs kyi bu dper na zas kyi rkyen gyis 'tsho bar 'gyur bas/ zas la 'tsho ba zhes bya ba dang 'dra bar/ sangs rgyas dang byang chub sems dpa' yang 'jig rten gzigs pas/ 'jig rten rig pa zhes bya'o/ / de la ji ltar na bla na med pa zhe na/ bla na med pa ni gcod pa'i don te gcad du med pa'i phyir bla na med pa'o// sangs rgyas bcom ldan 'das la nyon mongs pa mi mnga' ba'i phyir gcad du med de/ de bas na sangs rgyas bcom ldan 'das ni bla na med pa zhes bya'o// gzhan yang bla na yod pa zhes bya ba ni rtsod pa dang bcas pa'o// bla na med pa ni rtsod pa med pa ste/ de bzhin gshegs pa la rtsod pa med pas/ sangs rgyas bcom ldan 'das ni bla na med pa'o// gzhan yang bla na yod pa zhes bya ba ni tshig sun dbyung du rung ba'o// bla na med pa ni tshig gis sun dbyung du mi rung ba ste/ de bzhin gshegs pas gsungs pa la sems can thams cad kyis sun dbyung du mi rung bas na/ sangs rgyas bcom ldan 'das ni bla na med pa'o// gzhan yang bla na

  145. 73b

    yod pa zhes bya ba ni bla na yod pa'o/ / bla na med pa zhes bya ba ni bla na med pa ste/ dus gsum gyi sangs rgyas rnams la 'das pa med pa'i phyir/ sangs rgyas bcom ldan 'das ni bla na med pa'o// gzhan yang bla na yod pa zhes bya ba ni gsar dang rnying ngo // sangs rgyas bcom ldan 'das ni yongs su mya ngan las 'das pa'i ngo bo nyid du gyur pas/ gsar dang rnying zhes bya ba med de/ sangs rgyas bcom ldan 'das ni bla na med pa zhes bya'o/ / rigs kyi bu de la ji ltar na skyes bu 'dul zhing kha lo sgyur ba zhe na/ bdag nyid du skyes bu yin pas/ skyes bu gzhan yang 'dul lo// rigs kyi bu de bzhin gshegs pa zhes bya ba ni yang dag par na skyes bu ma yin/ skyes bu ma yin pa'ang ma yin te/ skyes bu 'dul ba'i phyir de bzhin gshegs pa ni skyes bu zhes bya'o// rigs kyi bu skyes pa dang bud med gang yang rung / chos rnam pa 'di bzhi dang ldan na skyes bu zhes bya'o// bzhi gang zhe na/ dge ba'i ba shes gnyen tshol ba dang / chos nyan pa dang / don sems pa dang / smra ba bzhin du spyod pa'o// rigs kyi bu chos rnam pa bzhi po 'di dang ldan pa'i skyes pa'ang rung / bud med kyang rung / de ni skyes bu zhes bya'o// rigs kyi bu gal te skyes pa yin yang / chos rnam pa 'di bzhi dang mi ldan na skyes bu zhes mi bya'o/ / de ci'i phyir zhe na/ skyes pa'i lus yin mod kyi/ sprod pa byol song dang 'dra ste/ de bzhin gshegs pa ni pho mo gnyis ka 'dul bas//

  146. 74a

    skyes bu 'dul zhing kha lo sgyur ba zhes bya'o// gzhan yang rigs kyi bu dper na ta'i kha lo sgyur ba ni rnam pa bzhi ste/ sbru la reg pa dang / pags pa reg pa dang / shA la reg pa dang / rus pa la reg pa ste/ ci la reg pa bzhin du kha lo sgyur ba'i yid bzhin du 'gro'o// de bzhin gshes pa'ang de dang 'dra ste/ chos rnam pa bzhis sems can rnams 'dul lo// bzhi gang zhe na/ skye ba bshad pas sangs rgyas kyi bka' bzhin du byed pa ni/ dper na spu la reg pa tsam gyis kha lo sgyur ba'i yid bzhin du 'gro ba dang 'dra ste gcig go// skye ba dang rga ba'i chos bstan pas sangs rgyas kyi bka' bzhin du byed pa ni/ dper na spu dang pags pa la reg pa tsam gyis kha lo sgyur ba'i yid bzhin du 'gro ba dang 'dra ste gnyis so// skye ba dang / rga ba dang / na ba bstan pas sangs rgyas kyi bka' bzhin du byed pa ni/ dper na spu dang / pags pa dang / sha la reg pas kha lo sgyur ba'i yid bzhin du 'gro ba dang 'dra ste gsum mo// skye ba dang / rga ba dang / na ba dang / she ba bstan pas sangs rgyas kyi bka' bzhin du byed pa ni/ dper na spu dang / rags pa dang / sha dang / rus pa la reg pas kha lo sgyur ba'i yid bzhin du 'gror btub pa dang 'dra sde bzhi'o/ / rigs kyi bu ta'i kha lo sgyur ba ni nges pa ma yin gyi/ sangs rgyas bcom ldan 'das kyis sems can 'dul ba ni nges pa ste mi brdzun pas na/ sangs rgyas bcom ldan 'das ni skye

  147. 74b

    bu 'dul zhing la lo sbyar ba zhes bya'o/ / de la dzi ga na lha 'ang mi rnams kyi ston pa zhen/ ston pa zhes bya ba la rnam pa gnyis/ dge bston pa dang / sdig pa ston pa'o// sangs rgyas dang byang chub sems dpa' ni rtag tu dge ba'i chos rnams sems can la ston to// dge ba'i chos gang dag can lus dang / ngag dang / yid kyi sgo nas dge ba'o// sangs rgyas dang byang chub sems dpa' ni sems can rnams la 'di skad ces ston to/ / kye rigs kyi bu dag lus mi dge ba'i las yongasu spang bar bya'o// de ci'i phyir zhe na/ lus mi dge las yongs su spangs na rnam par grol bar 'gyur ro/ / de bas na chos 'di dag ni khyod la ston gyi/ mi dge ba'i las yongs su ma spangs pas/ rnam par grol bar 'gyur ro zhes khyed la mi ston to// ci ste sems can rnams sdig pa'i las yongs su spangs na ngan song gsum du ltung bar 'gyur ro zhes bya ba'i gnas med do/ / yongs su spangs na bla na med pa yang dag par rdzogs pa'i byang chub thob cing / mya ngan las 'das pa chen po thob par 'gyur ba ni gnas yod do/ / de bas na sangs rgyas dang byang chub sems dpa' ni rtag tu chos 'di nyid sems can rnams la ston te/ ngag dang yid kyang de bzhin du rig par bya'o// de bas na sangs rgyas bcom ldan 'das ni bla na med pa ston pa'o// gzhan yang sngon ma thob pa thob par gyur la/ thob pa'i rnams kyang sems can la ston pa dang / thog ma nas tshangs par ma spyad pa

  148. 75a

    tshangs par spyod de/ spyod pa'i rnams kyang sems can la ston pa dang / bdag nyid ma rig pa bcom pas/ sems can gyi ma rig pa 'joms pa dang / bdag nyid yongs su dag pa'i mig thob pas/ sems can gyi mdongs pa'i rab rib bsal nas/ yongs su dag pa'i mig thob par byed pa dang / bdag nyid bden pa gnyis shes pas/ sems can rnams la'ang bden pa gnyis ston pa dang / bdag nyid rnam par grol bas/ sems can rnams la rnam par grol ba'i chos ston pa dang / bdag nyid mtha' med pa'i 'khor ba'i klung las rgal bas/ sems can thams cad kyang de las sgrol ba dang / bdag nyid 'jigs pa med par gyur pas/ sems can rnams la 'jigs pa med pa ston pa dang / bdag nyid yongs su mya ngan las 'das pas/ sems can rnams la mya ngan las 'da' ba chen po ston pa ste/ de'i phyir na sangs rgyas bcom ldan 'das ni bla na med pa ston pa zhes bya'o// lha zhes bya ba ni nyon mo zhes bya ba ste/ lha rnams la nyin ring mtshan thung bas ni lha zhes bya'o// gzhan yang lha zhes bya ba ni mya ngan med pa ste/ rtag tu bde ba'i phyir lha zhes bya'o// gzhan yang lha zhes bya ba ni snang ba'i sgron ma zhes bya'o// mun pa bcom nas snang ba chen por gyur pa'i phyir lha zhes bya'o/ / gzhan yang sdig pa'i las nag po bcom nas/ dge ba'i las dkar po thob ste/ lhar skye ba'i phyir na lA zhes bya'o// lha ni bkra shis pa ste/ bkra shis pa'i phyir lha zhes bya'o// gzhan

  149. 75b

    yang wA zhes bya ba ni nyi ma ste/ nyi ma la 'od yod pa'i phyir nyi ma la lha zhes bya'o// don de lta bas na lha'o// mi zhes bya ba ni don la mang du sems pa'o// gzhan yang mi zhes bya ba ni lus dang nga 'jam zhing nges pa'o/ / gzhan yang mi zhes bya ba ni nga rgyal dang bcas pa'o// mi zhes bya ba ni nga rgyal bcom pa'o// rigs kyi bu sangs rgyas bcom ldan 'das ni/ sems can thams cad kyi bla na med ba'i ston pa yin mod kyi/ gsung rab las lha dang mi'i ston pa zhes 'byung ngo // de ci'i phyir zhe na/ sems can thams cad kyi nang na lha dang mi 'ba' zhig gis bla na med pa yang dag par rdzogs pa'i byang chub tu sems bskyed nus shing / dge ba bcu'i las byed nus pas/ rgyun du zhugs pa'i 'bras bu dang / lan cig phyir ldog pa'i 'bras bu dang / phyir mi ldog pa'i 'bras bu dang / dgra bcom pa dang / rang sangs rgyas kyi 'bras bu dang / bla na med pa yang dag par rdzogs pa'i byang chub thob par 'gyur bas/ de'i phyir na sangs rgyas bcom ldan 'das ni lha dang mi'i ston pa zhes bya'o// de la ji ltar na sangs rgyas shes bya zhe na/ sangs rgyas shes bya ba ni tshor ba'i don te/ bdag kyang tshor ba la/ gzhan yang tshor bar byed do// rigs kyi bu dper na mi zhig gi khyim du rkun po 'ong bar tsher na/ rkun pos mi tshugs so// byang chub sems dpa' sems dpa' chen po'ang tshad pa'i nyon mongs pa thams cad tshor te/ de ltar tshor bas na nyon mongs pa thams cad kyis mi tshugs so// de bas

  150. 76a

    na sangs rgyas zhes bya'o/ / de ltar tshor bas na mi skye/ mirga/ min/ mi 'chi ste/ de'i phyir na sangs rgyas zhes bya'o// de la ji ltar na bcom ldan 'das she na/ bcom pa zhes bya ba ni bcom pa'o// ldan zhes bya ba ni nyon mongs pa'o// nyon mongs pa thams cad bcom pa'i phyir na/ bcom ldan 'das zhes bya'o// gzhan yang dge ba'i chos thams cad dang ldan pa'i phyir/ chos rnams kyi don la shin tu mkhas pa'i phyir/ yon tan chen po dang ldan pas gzhan gyis mi thub pa'i phyir/ grags pa chen po phyogs bcur grags pa'i phyir/ sbyin pa rnam pa sna tshogs byin pa'i phyir/ bskal pa tshad med grangs med pa'i bar du/ bud med kyi dbang po skyugs pa lta bur bor ba'i phyir ro// rigs kyi bu gal te skyes pa 'am/ bud med gang zhig de ltar sangs rgyas rjes su dran pa bsgoms na 'gro ba 'am/ sngod dam/ 'dug gam/ nyal lam/ snang ngam/ mun par gyur kyang nyin mtshan rtag tu sangs rgyas mthong ba dang mi 'bral lo/ / rigs kyi bu ci'i phyir/ de bzhin gshegs pa dgra bcom pa yang dag par rdzogs pa nas/ bcom ldan 'das kyi bar du de lta bu'i yon tan tshad med pa dang grags pa chen po dang ldan zhe na/ rigs kyi bu byang chub sems dpa' sems dpa' chen po ni/ sngun bskal pa tshad med grangs med pa'i bar du pha ma dang / mkhan po dang / slob dpon dang / bla ma dang

  151. 76b

    gong ma rnams la rim gro dang bkur sti byas/ bskal pa tshad med pa'i bar du sems can gyi phyir sbyin pa byin pa dang / tshul khrims bsrungs pa dang / bzod pa bsgoms par byas pa dang / brtson 'grus brtsams pa dang / bsam gtan la mnyam par bzhag pa dang / shes rab la nan tan byas pa dang / byams pa chen po dang / snying rje chen po dang / dga' ba chen po dang / btang snyoms chen po la nan tan byas pas/ de'i phyir mtshan sum cu rtsa gnyis dang / dpe byad bzang po brgyad cu dang / rdo rje lta bu'i sku thob par gyur to// gzhan yang byang chub sems dpa' sngon bskal pa tshad med grangs med pa'i bar du dad pa dang / brtson 'grus dang / dran pa dang / ting nge 'dzin dang / shes rab kyi dbang po la nan tan byas te/ slob dpon dang bla ma la rim gro dang bkur sti byas nas/ de'ang chos 'dod pa'i phyir gyi/ zas dang rnyed pa 'dod pa'i phyir ma yin no// byang chub sems dpas gal te mdo sde bcu gnyis bzung nas/ gal te klog gam/ 'don kyang rtag tu sems can thams cad rnam par grol bar bya ba dang rab tu bde bar bya ba'i phyir gyi/ bdag nyid kyi phyir ni ma yin no// de ci'i phyir zhe na/ byang chub sems dpa' ni rtag tu 'jig rten las 'das pa'i sems dang / rab tu byung ba'i sems dang / 'dus ma byas pa'i sems dang / rtsod pa med pa'i sems dang / dri ma med pa'i sems dang / bcings pa med pa'i sems

  152. 77a

    dang / chags pa med pa'i sems dang / sgrib pa med pa'i sems dang / lung du mi ston pa med pa'i sems dang / 'khor ba med pa'i sems dang / the tsom gyi dra ba med pa'i sems dang / 'dod chags med pa'i sems dang / zhe sdang med pa'i sems dang / gti mug med pa'i sems dang / nga rgyal med pa'i sems dang / rnyog pa med pa'i sems dang / nyon mongs pa med pa'i sems dang / sdug bsngal med pa'i sems dang / tshad med pa'i sems dang / rgya che ba'i sems dang / nam mkha' lta bu'i sems dang / med pa'i sems dang / med pa ma yin// pa'i sems dang / dul ba'i sems dang / mi skyob pa'i sems dang / mi 'chab pa'i sems dang / 'jig rten ma yin pa'i sems dang / rtag tu ting nge 'dzin gyi sems dang / rtag tu nan tan byed pa'i sems dang / rtag tu rnam par grol ba'i sems dang / re ba med pa'i sems dang / smon pa med pa'i sems dang / shin tu smon pa med pa'i sems dang / smra ba med pa'i sems dang / mnyan des pa'i sems dang / mi gnas pa'i sems dang / dbang sgyur ba'i sems dang / zag pa med pa'i sems dang / don dam pa'i sems dang / mi ldog pa'i sems dang / mi rtag pa'i sems dang / yang dag pa'i sems dang / g.yo sgyu med pa'i sems dang / dge ba'i sems dang / lhag chad med pa'i sems dang / bar chad med pa'i sems dang / bus pa lta bu ma yin pa'i sems dang /

  153. 77b

    nyan thos lta bu ma yin pa'i sems dang / rang sangs rgyas lta bu ma yin pa'i sems dang / shin tu shes pa'i sems dang / khams shes pa'i sems dang / khams skye ba shes pa'i sems dang / khams la gnas pa shes pa'i sems dang / khams la dbang sgyur ba shes pa'i sems kyis nan tan byas pas na/ stobs bcu dang / mi 'jigs pa bzhi dang / snying rje chen po'i ting nge 'dzin dang / rtag pa dang / bde ba dang / bdag dang / yongs su dag pa thob par gyur to// de bas na de bzhin gshegs pa nas/ bcom ldan 'das kyi bar du btags te/ de ltar na byang chub sems dpa' sems dpa' chen pos sangs rgyas rjes su dran pa zhes bya'o/ / de la ji ltar na sems dpa' sems dpa' chen pos chos rjes su dran pa zhe na/ rigs kyi bu byang chub sems dpa' sems dpa' chen pos/ sangs rgya bcom ldan 'das rnams kyis gsungs pa'i chos la 'di ltar yid la byed do// bcom ldan 'das kyis gsungs pa'i chos ni mchog tu gyur pa/ phul du gyur pa ste/ chos kyis rgyu byas pas na so so'i skye bo dag kyang 'bras bu mngon sum du thob par gyur to// dam pa'i chos 'di 'ba' zhig ni rus dang tshor med de chos kyi mig gis mthong ba yin gyi/ sha'i mig gis mthong ba ma yin/ dpe dang zlas kyang dper bya ba ma yin te/ ma skyes pa/ ma byung ba/ mi gnas/ mi 'gog pa/ thog ma med pa

  154. 78a

    tha ma med pa/ 'dus ma byas pa/ bgrang du med pa/ gnas med pa rnams kyi gnas su gyur pa/ brten med pa'i brten/ snang ba med pa'i snang ba/ pha rol tu phyin pa rnams pha rol tu sgrol ba/ dri bsung med pa'i dri ba sung / thogs pa med pa/ bltar mi rung bar mthong ba/ mi g.yo ba/ mi 'gyur ba/ mi ring ba/ mi thung ba/ bde ba yongs su bcad kyang rab tu bde ba'i mthar phyin pa/ gzugs ma yin/ gzugs chad pa/ gzugs kyang ma yin pa nas/ rnam par shes pa ma yin pa/ rnam par shes pa chad pa/ rnam par shes par bar du'ang ma yin pa/ las ma yin pa/ las chad pa/ nyon mongs pa ma yin/ nyon mongs pa bcad pa/ dngos po ma yin/ dngos po bcad pa/ dngos po'ang ma yin pa/ khams ma yin/ khams bcad pa/ khams kyang ma yin pa/ srid pa ma yin/ srid pa bcad pa/ srid pa'ang ma yin pa/ skye mched ma yin/ skye mched bcad pa/ skye mched kyang ma yin pa/ rgyu ma yin// rgyu bcad pa/ rgyu'ang ma yin pa/ 'bras bu ma yin/ 'bras bu bcad pa/ 'bras bu'ang ma yin pa/ rdzun pa ma yin/ bden pa ma yin/ bden pa'ang yin/ bden pa'ang ma yin pa/ skye ba ma yin/ 'gog pa ma yin/ skye ba dang 'gog pa yongs su chad pa/ 'gog pa'ang yin pa/ mtshan ma ma yin/ mtshan ma ma yin pa'ang ma yin/ mtshan

  155. 78b

    ma thams cad bcad pa/ mtshan ma'ang yin pa/ ston pa ma yin/ mi ston pa'ang ma yin/ ston pa thams cad bcad pa/ ston pa'ang yin pa/ 'jigs pa ma yin/ bde ba ma yin/ 'jigs pa thams cad bcad pa/ bde ba'ang yin/ bzod pa ma yin/ mi bzod pa ma yin/ mi bzod pa thams cad bcad pa/ bzod pa'ang yin pa/ zhi ga na sa ma yin/ zhi gnas ma yin pa'ang ma yin/ zhi gnas thams cad bcad pa/ zhi gnas kyang yin pas/ chos thams cad kyi spyi bor phyin pa/ nyon mongs pa thams cad yongs su bcad pa/ yongs su dag pa/ mtshan ma med pa/ mtshan ma las yongasu grol ba/ sems can tshad med pa'i thar phyin pa/ gnas yongs su gyur pa/ 'khor ba'i me 'bar ba thams cad zhi bar byed pa/ sangs rgyas rnams kyi rol pa'i gnas rtag pa mi 'gyur bar yid la byed pa ste/ de ni byang chub sems dpas chos rjes su dran pa zhes bya'o// de la ji ltar na dge 'dun rjes su dran pa zhe na/ sangs rgyas rnams kyi 'phags pa'i dge 'dun ni chos bzhin du gnas pa/ yang dag pa'i chos 'dzin pa/ rjes su rnal 'byor du spyod pa/ bltar mi rung ba/ gzung med pa gzhig tu med pa/ gnod pa byar mi rung ba/ bsam gyis mi khyab pa/ sems can thams cad kyi bsod nams kyi zhing du gyur pa/ bsod nams kyi zhing du gyur kyang len pa med pa dang yongs su

  156. 79a

    dag pa/ rnyog pa med pa/ zag pa med pa/ 'dus ma byas pa/ yangs pa/ mtha' yas pa/ sems shin tu dul ba/ mnyam snyoms pa/ gnyis su med pa/ mya ngan med pa/ rtag pa mi 'gyur ba ste/ de ni dge 'dun rjes su dran pa zhes bya'o// de la ji ltar na bslab tshig rjes su dran pa zhe na/ byang chub sems dpas tshul khrims yod pa yid la byas pas/ mi 'jig pa/ mi zag pa/ mi nyams pa/ ma 'dres pa/ gzugs med du zin kyang shin tu srung ba/ reg pa'i dngos po med kyang shin tu thabs mkhas pas bsnyen par rdzogs par byed pa/ nyes pa'i skyon med pa/ sangs rgyas dang byang chub sems dpa' rnams kyang bsngags shing bstod pa/ shin tu rgyas pa/ yongs su mya ngan las 'das pa chen po'i rgyur gyur pa/ rigs kyi bu 'di lta ste/ dper na sa chen po dang / gru dang / se mo do dang / rigs chen po dang / rgya mtsho dang / thal ba'i khu ba dang / khang khyim dang / ral gri dang / zam pa dang / sman pa mkhas pa dang / sbran pa bzang po dang / byug pa'i sman dang / yid bzhin gyi nor bu rin po che dang / rkang lag dang / mig dang / pha ma dang / grib ma ni cis kyang mi 'phog ste/ gnod pa byar med/ mes bsreg tu med/ chus g.yeng du med/ ri mthon po la 'dzeg pa'i them skas lta bu ste/ sangs rgyas dang byang chub sems dpa' rnams kyi rin po

  157. 79b

    che dam pa'i rgyal mtshan lta bu'o/ / tshul khrims de la gnas na/ rgyun du zhugs pa'i 'bras bu thob pa'i skal ba nga la'ang yod mod kyi/ nga mi 'dod do// de ci'i phyir zhe na/ gal te rgyun tu zhugs pa'i 'bras bu thob par gyur na/ rgya cher sems can thams cad kyi don byed mi nus so// gal te tshul khrims la gnas pas/ bla na med pa yang dag par rdzogs pa'i byang chub thob par 'gyur ba'i skal ba'ang nga la yod de/ de ni nga 'dod do// de ci'i phyir zhe na/ gal te bla na med pa yang dag par rdzogs pa'i byang chub thob na/ sems can thams cad la dam pa'i chos rgya cher ston par 'gyur te/ mgon skyabs su 'gyur bas/ de ni byang chub sems dpa' sems dpa' chen po tshul khrims rjes su dran pa zhes bya'o// de la ji ltar na sbyin pa rjes su dran pa zhe na/ byang chub sems dpa' sems dpa' chen pos shin tu brtags na/ sbyin pa de ni bla na med pa yang dag par rdzogs pa'i byang chub kyi rgyu yin pas/ sangs rgyas dang byang chub sems dpa' rnams sbyin pa de la shin tu bsnyen te nan tan byed pas/ bdag kyang de la bsnyen te nan tan bya'o// gal te sbyin pa ma byas na 'khor rnam pa bzhi'i rgyan du mi 'gyur ro// sbyin pa byas pas kun nas nyon mongs pa yongs su ma chod kyang / da ltar gyi nyon mongs pa 'joms par 'gyur ro// sbyin pa byas pa de'i rgyu dang de'i rkyen gyis/ rtag tu phyogs bcu'i 'jig rten gyi khams

  158. 80a

    tshad med mtha' yas pa'i klung kang+gA'i bye ma snyed kyi sems can thams cad kyis bsngags shing bstod par 'gyur ro/ / byang chub sems dpa' sems dpa' chen pos sems can la zas sbyin pa ni 'tsho ba byin pa ste/ de'i 'bras bus mngon par sangs rgyas pa na rtag pa mi 'pho ba'i gnas su 'gyur ro// bde ba byin pas ni mngon par sangs rgyas pa na shin tu bde bar 'gyur ro/ / byang chub sems dpa' sbyin pa byin pa na chos bzhin du rnyed pa yin gyi/ gzhan la gnod pa ma yin pas/ mngon par sangs rgyas pa na yongs su dag pa'i mya ngan las 'da' ba thob par 'gyur ro/ / byang chub sems dpas sbyin pa byin pa na sems can gyi rnams ched du ma ba spangs par thob pas/ mngon par sangs rgyas pa na dbang sgyur ba'i bdag ces bya ba thob par 'gyur ro/ / sbyin pa byin pa'i rkyen gyis pha rol po mthu dang ldan par gyur pas/ mngon par sangs rgyas pa na stobs bcu thob par 'gyur ro// sbyin pa byin pa'i rkyen gyis pha rol po smra ba'i spobs pa dang ldan par 'gyur bas/ mngon sangs rgyas pa na yang dag par so sor shes pa bzhi thob par 'gyur ro// sangs rgyas dang byang chub sems dpa' rnams kyis sbyin pa byas pas/ yongs su mya ngan las 'das pa'i rgyur 'gyur te/ de bas na bdag kyang byin pa la nan tan byas te/ mya ngan las 'das pa'i rgyur 'gyur bar bya'o// rgyas par na me tog sna tshogs shes bya ba'i

  159. 80b

    nang nas 'chad do/ / de la ji ltar na lha rjes su dran pa zhe na/ rgyal chen ris bzhi'i gnas nas/ 'du shes med 'du shes med min skye mched stengs kyi gnas yod de/ gang zhig rgyal chen ris bzhi'i lha la dad pa de la'ang skal ba yod de/ gang zhig mang du thob pa dang / sbyin pa dang / shes rab kyis rgyal chen ris bzhi'i lha nas/ 'du shes med 'du shes med min skye mched stengs kyi bar du bdag la'ang skal ba yod mod kyi/ bdag 'dod pa ma yin no// de ci'i phyir zhe na/ rgyal chen ris bzhi'i lha nas/ 'du shes mer 'du shes med min skye mched stengs kyi bar du thams cad kyang mi rtag pa'o/ / mi rtag pa yin pas na skye ba dang / rga ba dang / na ba dang / 'chi ba ste/ de bas na bdag 'dod pa ma yin no// 'di lta ste/ dper na sgyu ma ni skye bo glen pa dag slu ba yin te/ mkhas pa shes rab can ni chags pa 'am/ slu bar mi 'gyur ro// sgyu ma ni rgyal chen ris bzhi'i gnas nas/ 'du shes med 'du shes med min skye mched stengs lta bu'o/ / glen pa ni byis pa ma rabs thams cad lta bu ste/ bdag ni so so'i skye bo glen pa dang mi 'dra'o// bdag gis sngon thos na don dam pa'i lba sangs rgyas dang byang chub sems dpa' ni rtag pa/ mi 'gyur ba/ mi skye ba/ min/ min pa/ mi 'chi ba yin te/ bdag ni sems can thams cad kyi phyir don dam pa'i lha tshol

  160. 81a

    lo/ / de ci'i phyir zhe na/ don dam pa'i lhas ni sems can dag gi nyon mongs pa yongs su gcod de/ dper na yid bzhin gyi shing lta bu'o// ci ste bdag la dad pa nas/ shes rab kyi bar du yod na don dam pa'i lha thob par 'gyur te/ sems can thams cad la'ang don dam pa'i lha rgyas par ston cing 'chad par 'gyur ro// de dag ni byang chub sems dpa' sems dpa' chen po lha rjes su zan pa zhes bya'o/ / rigs kyi bu de ltar na byang chub sems dpa' sems dpa' chen po 'jig rten ma yin gyi/ 'jig rten pas mi shes/ mi mthong / mi rtogs pa ste/ byang chub sems dpas shes pa/ mthong ba/ rtogs pa zhes bya'o// rigs kyi bu gal te nga'i nye gnas las mdo sde bcu gnyis klog pa dang / 'don pa dang / 'chang ba dang / 'dzin pa dang / glegs bam du 'bri ba dang / gzhan dag la'ang rgyas par ston cing 'chad pa dang / yongs su mya ngan las 'das pa chen po'i mdo 'don pa dang / klog pa dang / 'chang ba dang / 'dzin pa dang / glegs bam du 'dri ba dang / gzhan la rgyas par ston cing 'chad pa 'dra'o zhes bya ba mi rung ngo / / de ci'i phyir zhe na/ rigs kyi bu nga'i yongs su mya ngan las 'das pa chen po'i mdo ni/ sangs rgyas bcom ldan 'das thams cad kyi dgongs pa'i don zab mo'o//

  161. 81b

    sangs rgyas bcom ldan 'das rnams kyi dgongs pa'i don zab mo yin pas na mchog tu gyur pa yin no// rigs kyi bu de bas na yongs su mya ngan las 'das pa chen po'i mdo 'di ni ngo mtshar rmad du che ba ste/ bsam gyis mi khyab pa'o// // de nas byang chub sems dpa' 'od srungs kyis/ bcom ldan 'das la 'di skad ces gsol to// ba dag kyang yongs su mya ngan las 'das pa chen po'i mdo 'di ni ngo mtshar rmad du che ste/ bsam gyis mi khyab bo snyam du bgyid do// sangs rgyas dang / chos dang / dge 'dun yang bsam gyi mi khyab/ byang chub sems dpa'i byang chub dang yongs su mya ngan las 'das pa chen po'i mdo'ang bsam gyis mi khyab po snyam bgyid do/ / bcom ldan 'das don ci zhig gi slad du/ byang chub sems dpa' yang bsam gyis mi khyab bo zhes gsungs/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po ni sus kyang ma bstan par rang byang chub tu sems bskyed do/ / de ltar sems bskyed nas shin tu brtson 'grus rtsom pas/ gal te me chen pos lus dang mgo tshig kyang chos rjes su dran pa gtang ste me gsod par mi byed do// de ci'i phyir zhe na/ byang chub sems dpa' sems dpa' chen po rtag tu 'di snyam du sems te/ bdag bskal pa grangs med tshad med pa'i bar du/ sems can dmyal ba dang / yi dgas

  162. 82a

    dang / byol song gi skye gnas dang / lha dang / mir 'khor te kun nas nyon mongs pa'i mes tshig par gyur kyang / gdon mi za bar nges pa'i chos gcig tsam yang ma thob bo/ / nges pa'i chos zhes bya ba ni bla na med pa yang dag par rdzogs pa'i byang chub bo// bdag ni bla na med pa yang dag par rdzogs pa'i byang chub kyi phyir/ lus dang srog la cung zad kyang 'phangs par mi byed do/ / bdag ni bla na med pa yang dag par rdzogs pa'i byang chub kyi phyir/ lus 'di rdul du zhib mor btags kyang brtson 'grus rtsom pa ma gtang ngo // de ci'i phyir zhe na/ brtson 'grus kyi sems ni bla na med pa yang dag par rdzogs pa'i byang chub kyi rgyur 'gyur ro/ / rigs kyi bu de ltar byang chub sems dpas bla na med pa yang dag par rdzogs pa'i byang chub ma mthong bar yang lus dang srog kyang mi 'phangs na/ mthong ba lta ci smos te/ de bas na byang chub sems dpa' ni bsam gyis mi khyab pa'o// gzhan yang bsam gyis mi khyab ces bya ba ni/ byang chub sems dpa' sems dpa' chen pos 'khor ba'i skyon tshad med pa mthong ba ni/ nyan thos dang rang sangs rgyas kyis rtogs pa ma yin te/ de ltar 'khor ba'i skyon tshad med pa mthong yang sems can gyi phyir/ sdug bsngal yongs su myong ba la skyo bar mi byed de/ de bas na bsam gyis mi khyab pa zhes bya'o// byang chub sems dpa' sems dpa' chen pos sems can gyi phyir/ sems can dmyal ba na sdug

  163. 82b

    bsngal mang po myong yang / bsam gtan gsum pa'i bde ba dang 'dra ste/ de bas na bsam gyis mi khyab bo// rigs kyi bu 'di lta ste/ dper na khyim bdag gcig khyim du me shor na// khyim de nas phyi rol tu 'byung ngo // ci ste khyim bdag de'i bu rnams khyim gyi nang du lus te me las ma thar na/ khyim bdag de de'i tshe na gdon mi za bar mes tshig par 'gyur bar shes kyang / bu rnams gdon pa'i phyir khyim de'i nang du 'jug go/ byang chub sems dpa' sems dpa' chen po'ang de dang 'dra ste/ 'khor ba na nyes pa'i skyon mang po yod par shes kyang / sems can gyi phyir 'khor ba na gnas pa la mi skyo ste/ de bas na bsam gyis mi khyab bo// rigs kyi bu sems can tshad med pa rnams byang chub tu sems bskyed nas kyang / 'khor ba'i skyon mang po mthong bas sems de las phyir ldog ste/ la la ni nyan thos su 'gyur/ la la ni rang sangs rgyas su 'gyur ro// gal te byang chub sems dpas mdo sde 'di thos na/ byang chub kyi sems las phyir mi ldog ste/ nyan thos sam/ rang sangs rgyas su 'gyur mi srid do// de ltar byang chub sems dpa' des mi g.yo ba'i sa dang po ma thob kyang / sems shin tu brtan par gyur te/ phyir mi ldog pas na bsam gyis mi khyab pa zhes bya'o// rigs kyi bu gal te mi zhig 'di skad du/ bdag ni rgya mtsho chen po 'di la rgyal te nal nus so zhes s+thA na/ tshig de bsam gyis mi

  164. 83a

    khyab pa yin nam/ bcom ldan 'das de skad ces smra ba'i tshig de ni/ bsam gyis mi khyab pa'ang lags la/ bsam gyis khyab pa'ang lags so// ci slad du zhe na/ gal te mi zhig gis rgyal te pha rol tu phyin pa de ni bsam gyis mi khyab bo// gal te lha ma yin zhig rgyal te pha rol tu phyin na bsam gyis mi khyab pa lags so// rigs kyi bu skabs 'dir ni mi 'ba' zhig la bya'o/ / lha ma yin ni ma yin no// bcom ldan 'das mi'i nang na'ang bsam gyis mi khyab pa dang / bsam gyis khyab pa mchis so// bcom ldan 'das mi la'ang rnam pa gnyis te/ 'phags pa dang / bus pa ma rabs so// bus pa ma rabs la bgyi na ni bsam gyis mi khyab pa lags so// 'phags pa la bgyi na ni bsam gyis khyab bo// rigs kyi bu skabs 'dir ni ngas bus pa ma rabs la bya'o// 'phags pa la ni ma yin no// bcom ldan 'das ci ste bus pa ma rabs la bgyi na bsam gyis mi khyab pa lags so// rigs kyi bu bus pa ma rabs kyis ni yang dag par na rgya mtsho chen po la rgyal te pha rol tu ma phyin no/ / byang chub sems dpa' sems dpa' chen pos ni yang dag par 'khor ba'i rgya mtsho'i pha rol tu phyin te/ debs na bsam gyis mi khyab pa zhes bya'o// rigs kyi bu ci ste la la zhig gis pad+mo'i rtsa ba'i nyag mas ri rab lhun po bteg ste nam mkha' la sbyangs na/ de bsam gyis mi khyab pa yin nam

  165. 83b

    gsol ba/ ma lags so// bcom ldan 'das kyis bka' stsal pa/ rigs kyi bu byang chub sems dpa' sems dpa' chen pos skad cig thang cig tsam gyis 'khor ba thams cad mjal dpog pa ni bsam gyis mi khyab pa zhes bya'o/ / rigs kyi bu byang chub sems dpa' sems dpa' chen pos bskal pa tshad med grangs med pa'i bar du 'khor ba la mi rtag pa dang / bdag med pa dang / bde ba med pa dang / yongs su ma dag par rtogs pas/ sems can rnams la rtag pa dang / bde ba dang / bdag yod pa dang / yongs su dag pa rgyas par 'chad cing ston te/ de ltar ston cing 'chad kyang ngan par lta ba ma yin pas na/ bsam gyis mi khyab pa zhes bya'o// rigs kyi bu dper na la la zhig chur mchongs kyang chus mi 'khyer la/ me chen por mchongs kyang mes mi 'tshig na/ de ni bsam gyis mi khyab pa zhes bya ste/ byang chub sems dpa' sems dpa' chen po'ang de dang 'dra bar/ 'khor ba'i nang du gnas kyang 'khor bas gnod par mi 'gyur bas na/ bsam gyis mi khyab pa zhes bya'o// rigs kyi bu 'di lta ste/ dper na mi la rnam pa gsum ste/ rab dang / 'bring dang / tha ma'o// de la mi'i nang na tha ma ni mngal na 'dug pa'i tshe 'di snyam du 'dag ni phyis khung ngam/ mi gtsang ba'i gnas sam/ mi'i ro'i nang ngam/ tsher phung gi steng ngam/ mun pa'i nang gnas so snyam sems

  166. 84a

    mngal nas byung ba'i tshe'ang da ni bdag phyi sa khung ngam/ mi gtsang ba'i gnas sam/ mun nag chen po'i gnas las byung ngo snyam sems so// de la mi'i nang na 'bring mngal na 'dug pa'i tshe/ 'di snyam du bdag ni bskyed shing gi tshal lam/ chu gtsang ma'i nang ngam/ khang khyim bzang po'i nang du 'dug go snyam sems te/ byung ba'i tshe'ang de snyam du sems so// de la mi'i nang na rab ni mngal na 'dug pa'i tshe/ 'di snyam du bdag ni yang tog bzang po 'am/ skyed mos tshal lam/ rta 'am/ bal gyi glang po che la zhon te/ ri mthon po la 'dzeg go snyam ste/ byung ba'i tshe'ang de snyam du sems so/ / byang chub sems dpa' sems dpa' chen po ni thog ma mngal du 'jug pa na'ang 'jug par shes/ mngal na gnas pa'i tshe'ang gnas par shes/ phyir byung ba'i tshe'ang byung bar shes te/ 'dod chags dang zhe sdang gi sems nam du'ang mi 'byung mod kyi/ sa la gnas pa ma yin pas na/ bsam gyis mi khyab pa zhes mi bya'o// rigs kyi bu bla na med pa yang dag par rdzogs pa'i byang chub ni dper byar med do/ / rigs kyi bu sems kyang phyogs dang dpes bskrun cing brjod bsla ba ma yin no// byang chub sems dpa' sems dpa' chen po ni ston pa'i slob dpon dang / slob ma'i gnas med bzhin du bla na med pa yang dag par rdzogs pa'i byang chub thob par gyur to// de ltar chos de dag thob nas 'jungs pa med pa'i sems kyis rtag tu sems can la ston cing 'chad

  167. 84b

    pas na/ de'i phyir yang bsam gyis mi khyab pa zhes bya'o// rigs kyi bu byang chub sems dpa' sems dpa' chen po ni lus kyis yongs su spong la ngag gis ma yin pa'ang yod/ ngag gis yong su spong la lus kyis ma yin pa'ang yod/ lus dang ngag ma yin pa yongs su spong ba'ang yod do// lus kyis yongs su spong ba zhes bya ba ni srog gcod pa dang / ma byin par len pa dang / mi tshangs par spyod pa ste/ ngag gis ma yin/ ngag gis yongs su spong ba ni brdzun du smra ba dang / phra ma dang / ngag rtsub po smra ba dang / tshig thun tshags smra ba ste/ ngag gis yongs su spong ba yin gyi/ lus kyis ma yin/ lus dang ngag ma yin pas yongs su spong ba ni 'dod chags dang / zhe sdang dang / ngan par blta ba'o// rigs kyi bu de ni lus kyang ma yin/ ngag kyang ma yin pa yongs su spong ba zhes bya'o// rigs kyi bu byang chub sems dpa' sems dpa' chen po ni chos gcig tsam la'ang lus kyis sam/ las kyis ma/ bdag pos yongs su spong bar mi lta ste/ yongs su spong ba'ang yod pas/ de'i phyir yang bsam gyis mi khyab ces bya ste/ ngag kyang de bzhin du rig par bya'o// rigs kyi bu lus la lus kyis spong ba dang / ngag la ngag gis spong ba ste/ shes rab kyis yongs su spong ba ni lus kyis ma yin/ ngag gis ma yin no/ / rigs kyi bu yang dag par na shes rab 'di dag ni byang chub sems dpas spong bar mi 'gyur ro// de ci'i phyir zhe na/ rigs kyi bu chos gcig tsam yang 'jig pa 'am byas pa med de/ 'dus

  168. 85a

    byas pa'i chos nyid ni tha dad pas skye la/ tha dad pas 'gog ste/ de'i phyir shes rab 'di ni yongs su spong bar mi 'gyur ro// rigs kyi bu shes rab kyang 'jig par mi nus mes 'chag par mi nus/ chos 'drul bar mi nus/ rlung gis 'khyer bar mi nus/ sas 'dzin par mi nus/ skye bas bskyed par mi nus/ rnabs rgas par mi nus/ gnas pas gnas par mi nus/ 'jig pas 'jigs par mi nus/ 'dod pas 'dod par mi nus/ zhe sdang bas zhe sdang bar mi nus/ gti mug pas rmugs par mi nus te/ 'dus byas kyi rang bzhin gyis tha dad pas skye shi tha dad pas 'gog go/ / byang chub sems dpa' sems dpa' chen pos 'di snyam du/ bdag gis shes rab 'dis nyon mongs pa thams cad bcom mo snyam mi sems te/ bdag gis nyon mongs pa thams cad bcom mo zhes smra'o/ / ci ste de skad ces smras kyang brdzun du smra ba ma yin te/ de bas na bsam gyis mi khyab pa zhes bya'o// de nas 'od srungs kyis/ yang bcom ldan 'das la 'di skad ces gsol to/ / bcom ldan 'das bdag gis deng gdod byang chub sems dpa' sems dpa' chen po bsam gyis mi khyab pa dang / sangs rgyas dang / chos dang / dge 'dun dang / yongs su mya ngan las 'das pa chen po'i mdo dang / de gzungs su 'dzin pa dang / byang chub dang / mya ngan las 'das pa bsam gyis mi khyab pa 'tshal to// bcom ldan 'das

  169. 85b

    bla na med pa'i sangs rgyas kyi chos ji tsam gyi bar du gnas/ ji tsam du nub par 'gyur/ rigs kyi bu yongs su mya ngan las 'das pa chen po'i mdo la spyod pa rnam pa lnga yod do// 'di lta ste/ 'phags pa'i spyod pa dang / tshangs pa'i spyod pa dang / lha'i spyod pa dang / na ba'i spyod pa dang / bus pa'i spyod pa'o// gal te nga'i nye gnas rnams las gang gzungs su 'dzin cing klog pa dang / 'don pa dang / yi ger bris pa dang / don dgrol bar byed cing / sems can rnams bsti stang dang / bkur sti dang / rim gro dang / bsngags pa dang / mchod pa rnam pa sna tshogs kyis mchod par nus na/ de'i tshe sangs rgyas kyi chos nub pa ma yin par rig par bya'o// rigs kyi bu gal te mya ngan las 'das pa'i mdo sde 'di rgyas par spel la/ de'i dus na nga'i nye gnas rnams tshul khrims sdom pa bshig pa mang la mi dge ba mang du byed de/ mdo sde 'di la dad par mi byed/ de ltar ma dad pa'i phyir 'dzin pa dang / klog pa dang / 'don pa dang / yi ger bris pa dang / don dgrol bar mi byed de/ skye bo mang po bkur sti dang mchod pa'i bar du byed par mi 'gyur la/ gzungs su 'dzin pa mthong na smod cing / khyod ni ston pa drug gi bstan pa la 'jug pa yin gyi/ sangs rgyas kyi nye gnas ma yin no zhes skur pa de'i tshe na/ sangs rgyas kyi chos ring po ma thogs par nub par 'gyur bar rig par bya'o// yang byang chub sems dpa' 'od srungs kyis/ bcom ldan 'das la 'di

  170. 86a

    skad ces gsol to/ / bcom ldan 'das bdag gis bcom ldan 'das las mngon sum du/ sangs rgyas 'od srungs kyi chos 'jig rten du zhag bdun gnas nas nub bo zhes gsungs pa thos so/ / bcom ldan 'das de bzhin gshegs pa 'od srungs la mdo sde 'di mnga' 'am mi mnga'/ de ste mnga' ba zhig na ci'i slad du nub ces gsungs/ ci ste mi mnga' na ci'i slad du yongs su mya ngan las 'das pa chen po'i mdo ni/ de bzhin gshegs pa thams cad kyi gsang ba'i snying po zhes gsung / bcom ldan 'das kyis bka' stsal pa/ rigs kyi bu ngas sngar yang don 'di ni 'jam dpal gzhon nu 'ba' zhig gis shes so zhes gsungs te/ da yang bzlas te bshad kyis/ shin tu yid la byas te brtag par nyon cig/ rigs kyi bu sangs rgyas bcom ldan 'das rnams la chos / rnam pa gnyis mnga' ste/ kun rdzob dang / don dam pa'o// kun rdzob kyi chos ni 'gog go// don dam pa'i chos ni mi 'gog mi 'jig go// de yang rnam pa gnyis te/ mi rtag pa/ bdag med pa/ bde ba med pa dang / yongs su dag pa med pa dang / rtag pa/ bde ba/ bdag yongs su dag pa'o// de la mi rtag pa dang / bdag med pa dang / bde ba med pa dang / yongs su dag pa med pa ni 'jig pa dang 'gog pa yod do/ / rtag pa dang / bde ba dang / bdag dang / yongs su dag pa ni 'jig pa dang 'gog pa med do// yang rnam pa gnyis te/ theg pa gnyis kyis 'dzin pa dang / byang

  171. 86b

    chub sems dpas 'dzin pa'o/ / de la theg pa gnyis kyis 'dzin pa ni 'jig pa dang 'gog pa yod do// byang chub sems dpas 'dzin pa dang 'gog pa med do// yang rnam pa gnyis te/ nang dang / phyi rol lo// de la phyi rol gyi chos ni 'jig pa dang 'gog pa yod do// nang gi chos ni 'jig pa dang 'gog pa med do// yang rnam pa gnyis te/ 'dus byas dang / 'dus ma byas pa'o// de la 'dus byas kyi chos ni 'jig pa dang 'gog pa'o/ / 'dus ma byas kyi chos ni 'jig pa dang 'gog pa med pa'o// yang rnam pa gnyis te/ dmigs su yod pa dang / dmigs su med pa'o// de la dmigs su yod pa'i chos ni 'jig pa dang 'gog pa'o/ / dmigs su med pa'i chos ni 'jig pa dang 'gog pa med do// yang rnam pa gnyis te/ 'dres pa'i chos dang / ma 'dres pa'i chos so// de la 'dres pa'i chos ni 'jig pa dang 'gog pa'o// ma 'dres pa'i chos ni 'jig pa dang 'gog pa med pa'o// yang rnam pa gnyis te/ lha dang / mi'o// de la mi ni 'jig pa dang 'gog pa'o// lha ni 'jig pa dang 'gog pa med pa'o// yang rnam pa gnyis te/ mdo sde bcu gcig dang / shin tu rgyas pa'i mdo sde'o// de la mdo sde bcu gcig ni 'jig pa dang 'gog pa'o// shin tu rgyas pa'i mdo sde ni 'jig pa dang 'gog pa med pa ste/ rigs kyi bu gal te nga'i nye gnas gang shin tu rgyas pa'i mdo sde gzungs su 'dzin cing klog gam/ 'don tam/ yi ger 'dri 'am/ 'grol

  172. 87a

    zhing bshad dam/ bkur sti dang / rim gro dang / mchod pa byed na/ de'i tshe sangs rgyas kyi chos nub pa ma yin par rig par bya'o// rigs kyi bu khyod kyis gong du de bzhin gshegs pa 'od srungs la mdo sde 'di yod dam zhes 'dri ba ni/ rigs kyi bu yongs su mya ngan las 'das pa chen po'i mdo ni/ de bzhin gshegs pa thams cad kyis dgongs te gsungs pa'i snying po'o// de ci'i phyir zhe na/ de bzhin gshegs pa rnams la mdo sde bcu gcig mnga' mod kyi/ de dag la sangs rgyas kyi rang bzhin dang / de bzhin gshegs pa'i rtag pa dang / bde ba dang / bdag dang / yong su dag pa mi 'chad/ sangs rgyas bcom ldan 'das rnams mtha' yun du mya ngan las mi 'da' bas/ de'i phyir mdo sde 'di ni de bzhin gshegs pa'i dgongs te gsungs pa'i snying po zhes bya'o// mdo sde bcu gcig las mi 'chad pas snying po zhes bya ste/ ji ltar rin po che sna bdun bdog pa phyi rol du mi spyod pa'i phyir gter zhes bya ste/ rigs kyi bu mi des gter du bsags shing sbas pa de'ang ma 'ongs pa na dgos kyi phyir te/ de la ma 'ongs pa na dgos pa ni/ 'di lta ste/ khre 'bras dkon pa dang / bdag gi yul du dgra 'ong ba dang / rgyal po ngan pa dang phrad pa'i tshe srog slu ba dang / 'gron du song ba las nyam nga ba dang phrad pa dang / nor dkon pa'i tshe gdod phyung zhing spyod do// rigs kyi bu de bzhin gshegs pa rnams kyis dgongs te gsungs pa'i snying po'ang de dang 'dra ste/ ma 'ongs

  173. 87b

    pa'i dus kyi dge slong ngan pa ma brtags pa'i rdzas 'chang bas/ 'khor rnam bzhi la de bzhin gshegs pa ni mtha' yun du mya ngan las 'das so zhes ston pa/ 'jig rten gyi gtsug lag klog cing 'don gyi/ sangs rgyas kyi gzhung la mi bkur ba de lta bu la sogs pa'i ngan pa'i 'jig rten du byung ba na/ de bzhin gshegs pas ngan pa de dag med par mdzad cing log pa'i 'tsho ba dang / rnyed pa dang / grags pa spong bar mdzad pa'i phyir mdo sde 'di gsungs so// gal te mdo sde dgongs te gsungs pa'i snying po 'di nub cing mi snang bar gyur pa na/ sangs rgyas kyi chos kyang nub par 'gyur bar rig par bya'o/ / rigs kyi bu yongs su mya ngan las 'das pa chen po'i mdo ni rtag pa/ mi 'gyur/ mi 'pho ba yin na/ ri ste 'di skad du bcom ldan 'das 'od srungs la mdo sde 'di yod dam zhes 'dri/ rigs kyi bu bcom ldan 'das 'od srungs kyi tshe'i sems can ni/ 'dod chags srab cing shes rab dang ldan te/ byang chub sems dpa' chen po sha stag la zhi ba/ dul ba/ gdul sla ba gzi brjid chen po dang ldan te/ gzungs mi brjed pa/ bal glang gi khyu mchog dang mtshungs pa/ 'jig rten gyi khams yongs su dag pa/ sems can thams cad kyis de bzhin gshegs pa ni mtha' yun du yongs su mya ngan las mi 'da' zhing rtag tu gnas pa/ mi 'gyur/ mi 'pho bar shes pas/ mdo sde 'di yod du zin gyis kyang ston cing shad mi dgos so// rigs kyi bu da ltar gyi dus kyi sems can ni/

  174. 88a

    nyon mongs pa mang zhing ga mu chems/ brje ngas la she 'ab me cing / ma na mang bdad pa'i chub mi nugs te/ 'dzag khams pa dgapa pa sems thams cad kyang 'di skad du/ de bzhin gshegs pa ni mi rtag par 'gyur zhing 'pho ba ste/ mtha' spyan du yongs su mya ngan las 'das pa'o zhes zer te/ de bas na de bzhin gshegs pas mdo sa 'di gsungs so/ / rigs kyi bu sangs rgyas 'od srungs kyi chos ni yang dag par nub pa ma yin no// de ci'i phyir zhe na/ rtag pa mi 'gyur mi 'pho ba'i phyir ro// rigs kyi bu gal te sems can gang bdag mo/ pa la bdag med par lta ba dang / bdag med pa la bdag yod par lta ba dang / rtag pa la mi rtag par lta ba dang / mi rtag pa la rtag par lta ba dang / bde ba la mi bde bar lta ba dang / mi bde ba la bde bar lta ba dang / yongs su dag pa la yongs su ma dag par lta ba dang / yongs su ma dag pa la yongs su dag par lta ba dang / mi 'gog pa la 'gog par lta ba dang / 'gog pa la mi 'gog par lta ba dang / sdig pa la mi sdig par lta ba dang / mi sdig pa la sdig par lta ba dang / sdig pa yang ba la lci bar lta ba dang / sdig pa lci ba ni yang bar lta ba dang / theg pa la theg pa ma yin par lta ba dang / theg pa ma / yin pa la theg par lta ba dang / lam la lam ma yin par lta ba dang / lam ma yin pa la lam du lta ba dang / byang chub yang dag pa la ni byang chub ma yin par lta ba dang / byang chub ma yin pa la byang chub

  175. 88b

    tulta ba dang / sdug bsngal la sdug bsngal ma yin par lta ba dang / sdug bsngal ma yin pa la sdug bsngal du lta ba dang / kun 'byung la kun 'byung ma yin par lta ba dang / 'gog pa la 'gog pa ma yin par lta ba dang / bden pa la bden pa ma yin par lta ba dang / kun rdzob la don rnam par lta ba dang / don dam pa la kun rdzob tu lta ba dang / skyabs su 'gro ba la skyabs su 'gro ba ma yin par lta ba dang / skyabs su 'gro ba ma yin pa la skyabs su 'gro bar lta ba dang / sangs rgyas kyi bka' yang dag pa la ni bdud kyi tshig ces zer ba dang / bdud kyi tshig yang dag pa la ni sangs rgyas kyi bka' zhes zer ba de lta bu'i dus na/ de bzhin gshegs pa rnams kyis gdod yongs su mya ngan las 'das pa'i mdo 'di gsung ngo // rigs kyi bu sbrang bu mchu smyung gi mchus rgya mtsho'i gting du ma lus par thug ces zer ba bla'i/ de bzhin gshegs pa'i chos nub bo zhes mi bya'o// rlung drag po la zhags pas bcing du rung ngo zhes zer yang bla'i/ de bzhin gshegs pa'i chos nub bo zhes mi bya'o// ri rab ri'i rgyal po la kha'i dbugs kyis bus te zhig cing 'gyel shes zer yang bla'i/ de bzhin gshes pa'i chos nub bo zhes mi bya'o// me khab ta la zhes bya ba'i nang na pad+mo skye'o zhes zer yang bla'i de bzhin gshegs pa'i chos nub bo zhes mi bya'o/ / sman a ga ta dug tu 'gyur ro zhes zer yang bla'i de bzhin gshegs pa'i chos nub bo zhes mi bya'o// zla ba ni tshal nyi ma ni bsil

  176. 89a

    zhes zer yang bla'i/ de bzhin gshegs pa'i chos nub bo zhes mi bya'o// chen po bzhi so so'i rang bzhin spong zhes zer yang zla'i/ de bzhin gshegs pa'i chos nub bo zhes mi bya'o/ / rigs kyi bu gal te de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas med par/ sangs rgyas bcom ldan 'das yongs su mya ngan las 'das na/ chos de 'jig rten na ring po mi gnas par rig par bya'o// gzhan yang rigs kyi bu de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas rnams yod na/ de bzhin gshegs pa yongs su mya ngan las 'das su zin kyang / chos 'jig rten na yun du gnas par 'gyur bar rig par bya'o// gzhan yang rigs kyi bu de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas yod du zin kyang / khyim pa dang pas sangs rgyas kyi chos la bkur ba'i dge bsnyen med par/ de bzhin gshegs pa yongs su mya ngan las 'das par gyur na/ chos 'jig rten du ring por mi gnas par rig par bya'o// gzhan yang rigs kyi bu gal te sangs rgyas

  177. 89b

    thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas kyang yod/ khyim pa dad pa sangs rgyas kyi chos la bkur ba'i dge bsnyen yang yod na/ de bzhin gshegs pa mya ngan las 'das su zin kyang / chos yun du 'jig rten na gnas par 'gyur ro// gzhan yang rigs kyi bu de bzhin gshegs pa thog ma byung nas/ bla na med pa yang dag par rdzogs pa'i byang chub thob ma thag tu/ don zab mo shes pa'i nye gnas kyang yod do// khyim pa dad pa che ba sangs rgyas kyi chos la bkur ba'i dge bsnyen yod du zin gyis kyang / nye gnas rnams kyis mya ngan las 'das pa'i phyir ni ma yin gyi/ rnyed pa dang grags pa'i phyir mdo sde zab mo ston la/ de bzhin gshegs pa yongs su mya ngan las 'das par gyur na/ chos de 'jig rten na ring por mi gnas par rig par bya'o// gzhan yang rigs kyi bu de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas kyang yod/ khyim pa shin tu dad pa sangs rgyas kyi chos la bkur ba'i dge bsnyen yang yod la/ nye gnas rnams kyis ston cing bshad pa yang rnyed pa dang grags pa'i phyir ni ma yin gyi/ mya ngan las 'das pa tshol ba'i phyir ston na/ de bzhin gshegs pa mya ngan las

  178. 90a

    'das su zin kyang / de'i chos 'jig rten na yun du gnas par 'gyur bar rig par bya'o// gzhan yang rigs kyi bu de bzhin gshegs pa thog ma byung nas bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas kyang yod/ khyim pa shin tu dad pa sangs rgyas kyi chos la bkur ba'i dge bsnyen yod du zin kyang / nye gnas rnams gcig gis gcig smad cing rtsod pa mang la/ de bzhin gshegs pa yang mya ngan las 'das par gyur na/ chos de 'jig rten na ring por mi gnas par rig par bya'o/ / gzhan yang rigs kyi bu de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas ni yod/ khyim pa shin tu dad pa sangs rgyas kyi chos la bkur ba'i dge bsnyen yang yod la/ nye gnas de dag kyang 'dum pa'i chos spyod cing / gcig la gcig mi smod par gcig gis gcig bkur na/ de bzhin gshogs pa yongs su mya ngan las 'das su zin kyang / de'i chos yun ring du 'jig rten na gnas par 'gyur bar rig par bya'o// gzhan yang rigs kyi bu gal te de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nyen gnas kyang yod/ khyim pa shin tu dad pa sangs rgyas kyi chos la

  179. 90b

    bkur ba'i dge bsnyen yang yod la/ nye gnas de dag mya ngan las 'das pa chen po'i phyir chos ston cing / gcig la gcig bkur sti byud do// rtsod par mi byed mod ci/ ma btags pa'i rdzas rnams 'chang la/ yang bdag gis 'di skad du bdag ni rgyun du zhugs pa'i 'bras bu nas/ dgra bcom pa'i 'bras bu'i bar du thob par gyur to zhes bsngags la/ de bzhin gshegs pa'ang mya ngan las 'das par gyur na/ de'i chos 'jig rten na ring por mi gnas par rig par bya'o// gzhan yang rigs kyi bu de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ don zab mo shes pa'i nye gnas kyang yod/ khyim bdag dad pa sangs rgyas kyi chos la bkur ba'i dge bsnyen yang yod la/ nye gnas de dag yongs su mya ngan las 'das pa chen po'i phyir mdo sde la sogs pa ston te/ 'dus pa'i chos spyod cing gcig la gcig bkur zhing bsti stang byed/ ma brtags pa'i rdzas thams cad kyang mi 'chang la/ bdag nyid kyis rgyun du zhugs pa'i 'bras bu thob bo zhes bya ba nas/ dgra bcom pa'i 'bras bu'i bar du'ang thob bo zhes mi zer na/ sangs rgyas bcom ldan 'das yongs su mya ngan las 'das su zin kyang / de'i chos 'jig rten na yun ring du gnas par rig par bya'o/ / gzhan yang rigs kyi bu de bzhin gshegs pa thog ma byung nas/ bla na med pa dgra bcom pa yang dag par rdzogs pa'i byang chub thob ma thag tu/ nye gnas

  180. 91a

    rnams don zab mo shes pa nas/ dgra bcom pa thob bo zhes bya ba'i bar mi zer yang / so so nas lta ba re re 'dzin te/ 'di skad du tha dad pa rnam pa sna tshogs 'chad do// tshe dang ldan pa'i rnams bcom ldan 'das kyis lci ba bzhi nas/ rtsod pa zhi ba'i chos bdun po'i bar du bcas pa de dag kyang / sems can rnams kyi phyir sdom pa dang skabs dbye ba'ang yod de/ mdo sde bcu gnyis kyang de dang 'dra'o/ / de ci'i phyir zhe na/ bcom ldan 'das kyis yul dang dus tha dad cing / sems can gyi dbang po rno rtul khyad par du gyur pa mkhyen te/ de bas na de bzhin gshegs pas kha cig tu ni bsdams/ kha cig tu ni skabs phye ste lci ba dang yang ba gsungs so// rigs kyi bu dper na sman pa mkhas pas nad pa la 'o ma gtong ba dang / nad pa la 'o ma bkag pa bzhin te/ mkhris pa'i nad la 'o ma gtong / bad kan gyi nad la ni lo ma bkag go// de bzhin du de bzhin gshegs pa'ang sems can rnams kyi nyon mongs pa'i rtsa ba la gzigs te phye ba'ang yod/ bkag pa'ang yod do// tshe dang ldan pa'i rnams bdag gis 'di bzhin du bcom ldan 'das las don 'di thos te/ bdag 'ba' zhig don shes kyi/ khyed mi shes so// bdag 'ba' zhig 'dul ba shes kyi/ khyed mi shes so// bdag mdo sde rnams shes kyi/ khyed mi shes so zhes zer la/ sangs rgyas bcom ldan 'das re'ang yongs su mya ngan las 'das na/ de'i chos 'jig rten na ring por mi gnas par rig

  181. 91b

    par bya'o/ / gzhan yang rigs kyi bu de bzhin gshegs pa thog ma byung nas/ blan med pa dgra bcom pa yang dag par rdzogs pa'i byang chub thob ma thag tu/ nye gnas rnams kyis r+b+ba du zhugs pa thob bo zhes bya ba nas/ dgra bcom pa'i bar du thob bo zhes kyang mi zer la/ sangs rgyas bcom ldan 'das rnams kyis sems can gyi phyir bkag pa dang / skabs phye ba gnang ngo zhes kyang mi zer la/ tshe dang ldan pa bdag gis bcom ldan 'das las don 'di dang / chos 'di dang / 'dul ba 'di bzhin du thos kyis/ tshe dang ldan pa dag de bzhin gshegs pa'i mdo sde bcu gnyis ltar gyis shig/ don 'di gal te yin na bdag gis gzung bar bya// gal te ma yin na bdag gis spang bar bya'o zhes zer na/ sangs rgyas bcom ldan 'das de yongs su mya ngan las 'das kyang / chos ni 'jig rten na yun ring por gnas par rig par bya'o// rigs kyi bu nga'i chos yongs su nub pa'i tshe/ nyan thos kyi nye gnas dag res 'ga' ni rnam par shes pa yod par 'chad/ res 'ga' ni rnam par shes pa stong par 'chad/ res 'ga' ni lnga phung bar ma yod par 'chad/ res 'ga' ni lnga phung bar ma med par 'chad/ res 'ga' ni dus gsum yod par 'chad/ res 'ga' ni rus gsum med par 'chad/ res 'ga' ni theg pa gsum yod par 'chad/ res 'ga' ni theg pa gsum med par 'chad/ res 'ga' ni thams cad yod par 'chas/

  182. 92a

    nges 'ga' ni thams cad med par 'jud/ res 'phrul ni sems can thog mdag ma sod par 'chad/ res 'ga' ni sems can thog sa dang na ma med par 'cha/ sa 'ga' ni rten cing 'brel te 'byung ba bcu gnyis 'dus byas kyi chos yin no zhes 'chad/ res 'ga' ni rten cing 'brel te byung ba bcu gnyis 'dus ma byas kyi chos yin no zhes 'chad/ res 'ga' ni de bzhin gshegs pa la bsnyun gyi sdug bsngal mnga' 'o zhes 'chad/ res 'ga' ni de bzhin gshegs pa la bsnyun gyi sdug bsngal mi mnga' bar 'chad/ res 'ga' ni de bzhin gshes pas dge slong rnams la sha rnam pa bcu zar mi gnang bar 'chad de/ bcu gang zhe na/ mi dang / sbrul dang / ba la glad dang / rta dang / bong bu dang / khyi dang / seng ge dang / phag dang wa dang / spre'u'i sha ste/ gzhan kun gnang ngo zhes 'chad/ res 'ga' ni thams cad mi gnang ngo zhes 'chad/ res 'ga' ni dge slong dngos po lta byed du mi gnang bar 'chad de/ lnga gang zhe na/ mi dang / mi mtshon dang / chang dang / zho dang / 'bru mar 'tshong du mi gnang ste/ de ma yin pa gzhan kun kanang bar 'chad/ res 'ga' ni rnam pa lngar 'gror mi gnang lnga gang zhe na/ shan pa dang / sbrul 'tshong ma dang / chang 'tshong ba dang / rgyal po'i pho brang dang / rigs ngan gyi khyim ste/ gzhan du 'gror gnang bar 'chad/ ras 'ga'

  183. 92b

    ni gos ko'u sha yab bgor mi gnang ste/ gzhan thams cad gnang bar 'chad/ res 'ga' ni de bzhin gshegs pas dge slong rnams la gos dang / zas dang / mal cha'i zong gse srang khri phrag bcur ri ba 'chang du gnang bar 'chad/ res 'ga' ni mi gnang bar 'chad/ res 'ga' ni mya ngan las 'das pa rtags pa dang / bde ba dang / bdag dang / yongs su dag par 'chad/ res 'ga' ni mya ngan las 'das pa kun nas nyon mongs pa zad pa yin gyi/ chos gzhan gang yang mya ngan las 'das pa zhes bya ba med do// dper na skud pas btags pa ni gos shes bya'o/ / gos zhig nas gos med pa zhes bya ste/ chos gzhan la gos med do zhes bya ba med de/ mya ngan las 'das pa'i mtshan nyid kyang de dang 'dra'o zhes 'chad do// rigs kyi bu de'i tshe de'i dus na nga'i nye gnas rnams bden par bshad pa ni nyung / log par bshad pa ni mang / bden pa'i chos 'dzin pa ni nyung / log pa'i chos 'dzin pa ni mang / sangs rgyas kyi bka' 'dzin pa ninyung / bdud kyi tshig 'dzin pa ni mang ngo // rigs kyi bu de'i tshe na yul ko am bi na nye gnas gnyis yod de/ gcig ni dgra bcom pa'o// gcig ni tshul khrims bshig pa'o// de la tshul khrim bshig pa'i 'khor ni lnga brgya yod/ dgra bcom pa'i 'khor ni brgya yod de/ tshul khrims bshig pas ni de bzhin gshegs pa mthar yongs su mya ngan las 'da' 'o// bdag gis 'di bzhin du

  184. 93a

    bcom ldan 'das la don 'di thos te/ de bzhin gshegs pa rtsa ba bzhi bcas pa sdom na'ang rung / gal te bshig na'ang nyes pa med do// bdag kyang nga ltar dgra bcom pa'i 'bras bu dang thogs pa med pa'i ye shes bzhi thob pa yin te/ dgra bcom pa'ang rtsa ba bzhi po de dag bshig go// rtsa ba bzhi po'i chos de yang dag par sdig pa zhig na dgra bcom pas mi 'dral ba'i mi rigs so/ / de bzhin gshegs pa 'jig rten na bzhugs pa'i tshe ni shin tu sdoms shig ces bka' stsal pa/ mthar yongs su mya ngan las 'das pa'i tshe ni thams cad btang ngo zhes zer ba de la/ dgra bcom pa la sogs pa'i dge slong rnams kyis smras pa/ tshe dang ldan pa dag de bzhin gshegs pa mthar yongs su mya ngan las 'das so// zhes bya ba'i mi rigs so// de bzhin gshegs pa ni rtag pa/ mi 'gyur/ mi 'pho bar bdag cag shes te/ de bzhin gshegs pa 'jig rten na bzhugs pa dang yongs su mya ngan las 'das pa'i 'og tu/ rtsa ba bzhi bshig pa'i sdig ni khyad par med do// de ltar dgra bcom pa'ang sgom pa'i rtsa ba bzhi pashig go zhes bya ba de ni mi rung ngo // de ci'i phyir zhe na/ rgyun du zhugs pa'ang sdom pa mi 'jig na/ dgra bcom pa lta smos kyang ci dgos/ gal te tshe dang ldan pa khyed bdag dgra bcom pa'i 'bras bu thob ces zer na/ dgra bcom pa ni bdag dgra bcom

  185. 93b

    pa yin no zhes bya ba'i 'du shes mi skyed do/ / dgra bcom pa ni dge ba 'ba' zhig 'chad de/ mi dge ba mi 'cha na/ tshe dang ldan pas bshad do cog ni chos ma yin pa sha sag ste/ gal te gang mdo sde bcu gnyis mthong bas ni/ tshe dang ldan pa dag nges par dgra bcom pa ma yin par rig go// rigs kyi bu de'i tshe na tshul khrims 'dral ba'i 'khor rnams kyis/ dgra bcom pa de'i srog gi 'tsho ba gcad do/ / rigs kyi bu de'i tshe na bdud sdig can gyis/ dge 'dun sde gnyis khros 'khrugs pa'i sems su gyur pa'i skabs su/ dge slong drug brgya po de dag la rab tu gnod par gtses so/ / de nas skye bo ma rabs rnams kyis so so nas 'di skad du ngo mtshar to// sangs rgyas kyi chos ni nub bo// zad do zhes zer te/ yang dag par na nga'i dam pa'i chos ni ma nub ste/ de'i tshe na yul de na byang chub sems dpa' sems dpa' chen po khri phrag bcu gnyis nga'i chos shin tu 'dzin na/ ci ste nga'i chos nub ces bya/ de'i tshe de'i dus na 'dzam bu'i gling du nga'i nye gnas su gyur pa'i dge slong gcig kyang med nas/ de nas bdud sdig to can gyis me bo che bus nas mdo sde thams cad bsregs so// de la cung zad lus pa dag ni bram ze rnams kyis mdo mdor brkus nas/ kho bo dag gi gzhung du bstan te/ de lta bas na sangs rgyas ma byung ba'i sngon logs su byang chub sems dpa' phra mo rnams gcig gis gcig drangs te/ bram ze'i tshig la mos

  186. 94a

    shing 'dzin to/ / bram ze rnams 'di skad du bdag la dus khrims yod do zhes zer mod kyi/ yang dag par na mu stegs can la yod pa ma yin no// mu stegs ca rnams bdag dang / bde ba dang / yongs su dag pa yod do zhes smra mod kyi/ yang dag par na bdag dang / bde ba dang / yongs su dag pa'i don mi shes te/ sangs rgyas kyi chos las yi ge 'brum bu gcig dang / gnyis dang / tshig gcig dang / gnyis bzung ste bshad nas/ nga'i gzhung la don 'di lta bu yod do zhes zer ro// de nas de'i tshe grong khyer rtswa mchog sA la'i shing drung na 'khor mang po tshad med mtha' yas snyed kyis de skad du smras pa thos nas/ thams cad 'di skad du 'jig rten stongs so// 'jig rten stongs so zhes smras so// byang chub sems dpa' 'od srungs kyis/ 'khor mang po rnams la smras pa/ khyed re zhig dud mo dang mi dgar ma byed cig/ 'jig rten mi stong gis/ de bzhin gshegs pa ni mi 'gyur/ mi 'pho bar rtag tu gnas te/ chos dang dge 'dun yang de bzhin no// de nas 'khor mang po de dag de skad ces smras pa thos nas/ drang mo btang ste bla na med pa yang dag par rdzogs pa'i byang chub tu sems bskyed par gyur to/ / // 'phags pa yongs su mya ngan las 'das pa chen po'i mdo bam po bcu dgu pa// // de'i tshe rgyal po'i khab na rgyal po ma skyes dgra zhes

  187. 94b

    bya ba rang bzhin gyis khro la gtum pa/ sems can gyi srog gcod pa la dga' ba/ ngag mi bde ba'i las bzhi po rdzogs par byed pa/ 'dod chags dang / zhe sdang dang / gti mug gi sems shin tu mched pa/ da ltar gyi 'ba' zhig la lta'i/ phyi ma ma 'ongs pa'i dus mi mthong ba/ 'khor shin tu ngan pa la brten pa/ da ltar gyi 'dod pa lnga la chags pas/ rgyal po yab kyang nyes pa med par bsad do/ / de ltar pha bsad pas 'gyod pa'i sems skyes nas/ mya ngan gyis gdungs pas lus kyi rgyan rnams dang rol mo'ang btang ngo // 'gyod pa'i sems kyis gdungs pas lus la khyab par 'brum bu mang po byung ngo / / 'brum bu'ang bsnyen mi bzod pa tsam du mnam pas de 'di snyam du bsams so// bdag gis las ni 'phral du'ang rnam par smin la/ sems can dmyal ba'i rnam par smin pa'ang ring por mi thogs so snyam sems par gyur to// de nas rgyal po ma skyes dgra'i ma lus 'phags mas sman rnam pa sna tshogs kyis bskus kyang / 'brum bu phyi phyir mched kyi/ phan par ma gyur to// rgyal pos/ ma la smras pa/ 'brum bu 'di ni bdag gis bsam pa'i sems las byung gi/ chen po bzhi las byung ba ma yin/ 'di la 'gro ba gang yang gso ba'i gnas su 'gyur ba med do// de'i tshe blon po chen po nyi zla grags pa zhes bya ba zhig/ rgyal po gang na bar 'ongs nas/ phyogs

  188. 95a

    gcig tu 'greng bzhin du 'di skad ces smras so/ / rgyal po chen po lus mi bde 'am/ sems mi bde bar gyur na/ ci'i phyir 'di ltar ngom zung gnas cing mya ngan byed pa bdag la smros shig/ rgyal pos smras pa/ bdag gi lus dang sems bde ba'i gtol ga la zhig yod/ bdag gis pa nyes pa med par bsad de/ bdag gis sngon mkhas pa dag las thos nas/ 'jig rten na mtshams med pa lnga byas pa dag ni sems can dmyal ba las thar pa'i dus med do zhes thos la/ bdag gis kha na ma tho ba mtha' yas dpag tu med pa grangs med pa byas pas/ bdag gi lus dang sems na ba gso ba'i sman pa mkhas pa'ang med na/ lus dang sems mi na ba'i gtol ga la yod/ blon po chen pos mya ngan cher ma byed cig ces tshigs su bcad de smras pa/ rtag tu mya ngan gang byed pa// mya ngan phyir zhing skye bar 'gyur// ji ltar gnyid la dga' ba yang // phyir zhing de bzhin gnyid cher 'gyur/ / de bzhin 'dod chags sred pa dang // chang dang che ba'ang rig par bya// rgyal po gsung ba ltar 'jig rten na mtshams med pa lnga byas pa'i gang zag de ni sems can dmyal ba las thar pa'i dus med do zhes byas pa de su zhig gis myong zhing mthong na/ rgyal po la gtam du smras/ sems can dmyal ba zhes bya ba ni 'jig rten shes pa mang

  189. 95b

    ba gcig gis rang bzor gtam du smras par zad do/ / rgyal po gsung ba ltar 'jig rten na lus dang sems gso ba'i sman pa mkhas pa med do zhes byar mi rung ste/ da ltar sman pa chen po 'od srungs rdzogs byed ces bya ba thams cad mkhyen pa/ thams cad gzigs pa/ dbang du gyur pa'i ting nge 'dzin thob pa/ tshangs par spyod pa/ yongs su dag pa'i mthar phyin pa/ sems can tshad med mtha' yas pa la bla na med pa'i mya ngan las 'da' ba'i lam ston pa'ang / nye gnas rnams la 'di skad ces chos ston to// las nag po'ang med la/ las nag po'i rnam par smin pa'ang med/ las rnam par dkar ba'ang med la/ las rnam par dkar ba'i rnam par smin pa'ang med/ las dkar po dang nag po'ang med la/ las dkar po dang nag po'i rnam par smin pa'ang med/ las rab ces bya ba dang / las tha ma zhes bya ba'ang med do zhes 'chad/ de skad ces ston pa'i slob dpon de da ltar rgyal po'i khab na bzhugs/ rgyal po chen po der gshegs su gsol/ slob dpon des ni 'brum bu dang / lus dang / sems kyang gso bar 'gyur ro// rgyal pos smras pa/ ci ste khyod zer ba'i tshig bden la/ de ltar bdag gi kha na ma tho ba med par byed nus na lta de la skyabs su 'gro bar bya'o// gzhan yang blon po snying po thob ces

  190. 96a

    bya ba zhig/ rgyal po gang na bar 'ongs nas 'di skad ces gsol to// rgyal po ci'i phyir ngom zung nag la kha'ang bskyams nas ji ltar mi sngar mi dag dgra dang brad na/ skad phra la 'dar ba lta bur gyur cing mdangs kyang med na cis mi bde bar gyur/ 'on te lus na 'am/ 'on te sems na bar 'gyur/ rgyal pos smras pa/ bdag gi lus dang sems mi na ba'i gtol ga la zhig yod/ bdag ni ma rig pas mdongs te shes rab kyi mig med pas/ mi dge ba'i bshes gnyen la bsten nas/ lha sbyin lta bu sdig pa'i rjes su zhugs te sdig pa can gyi tshig mnyan nas/ yang dag pa'i chos kyis 'tsho ba'i rgyal po nyes pa med par bsad de/ bdag gis sngon mkhas pa shes rab can las tshigs su bcad pa 'di skad ces thos so// gang zhig pa dang ma dag dang // sangs rgyas rnams dang nye gnas la// mi dge ba yi sems bskyed de// sdig par 'gyur ba'i las byas na/ de yi rnam par smin pa ni// mtshams med dmyal bar skye zhe'o/ / de bas na bdag shin tu 'jigs skrag ste/ sdug bsngal chen pos gdungs kyang gso bar 'gyur ba'i sman pa mkhas pa med do// blon po des yang gsol pa/ rgyal po chen po re zhig mya ngan ma byed cig/ chos la rnam pa gnyis te/ rab tu byung ba dang / rgyal po'i chos so// rgyal po'i chos shes bya ba ni pha bsad pas

  191. 96b

    rgyal po'i yul 'dir mtshams med pa'i las zhes bya mod kyi/ kha na ma tho ba'i sdig par mi 'gyur ro// dper na srin bu ka ka la lta bu ma'i gsus pa brtol nas gdod skyes te/ chos nyid kyis de ltar skye bas na/ de ltar ma'i lus ma rung bar byas mod kyi/ sdig par mi 'gyur te/ dre'u la sogs pa bu 'byung ba'ang de dang 'dra'o// rgyal po'i srid kyi chos kyang chos nyid kyis de lta bu yin pas/ de ltar rgyal po pha bsad kyang sdig mi 'gyur ro// rab tu byung ba'i chos ni chung ngu na grog sbur tsam bsad na'ang sdig par 'gyur ba'ang 'dra na/ rgyal po chen po re zhig mya ngan ma byed cig/ de ci'i phyir zhe na/ rtag tu mya ngan gang byed pa// mya ngan phyir zhing skye bar 'gyur// ji ltar gnyid la dga' ba yang // phyir zhing de bzhin gnyid cher 'gyur// de bzhin 'dod chags sred pa dang // / rmang dad che ba'ang rig par bya// rgyal po gsung ba ltar lus dang sems gso ba'i sman pa mkhas pa med do zhes byar mi rung ste/ da ltar ston pa chen po phyugs lhas kyi bu ma ka ri zhes bya ba thams cad mkhyen pa/ thams cad gzigs pa/ sems can thams cad la bu gcig pa dang 'dra bar byams pa/ nyon mongs pa yongs su spangs pa/ sems can thams cad kyi gdug pa gsum gyi zug rngu 'byin pa/ sems can thams cad kyis mi shes/ mi mthong / ma rtogs pa'i chos thams cad ston pa chen po de gcig pus mkhyen cing gzigs te/ rtogs pas/

  192. 97a

    nye gnas rnams la rtag tu chos 'di skad ces son to// sems can thams cad kyi lus ni phyogs cha rnam pa bdun te/ bdun gang zhe na/ sa dang / chu dang / me dang / rlung dang / sdug bsngal dang / bde ba dang / 'tsho ba'i srog go// da ltar chos bdun po de ni sprul pa 'am/ byas pa ma yin te/ 'jig tu mi rung ngo // dper na rtswa i shi ka ni rtag tu gnas te mi g.yo'o/ / ri rab ri'i rgyal po ni btang ba'ang med la/ byed pa'ang med do// dper na 'o ma dang zho'ang sdug bsngal zhe 'am/ bde zhe 'am/ dge zhe 'am/ mi dge zhes rtsod pa med pa la/ mtshon rnon pos kyang gnod par mi 'gyur ro// de ci'i phyir zhe na/ rnam pa bdun po stong pa yin pas thogs pa med pa'i phyir ro// srog kyang bsad du med de/ de ci'i phyir zhe na/ gsod pa'ang med la/ 'chi ba'ang med/ byas pa'ang med/ myong ba'ang med/ bshad pa'ang med/ nyan pa'ang med/ rtogs pa'ang med/ ston pa'ang med do zhes rtag tu chos de dag 'chad de/ sems can mang po'i kha na ma tho ba'i sdig pa thams cad zhi bar byed pa'i slob dpon chen po da ltar rgyal po'i khab na bzhugs kyis/ rgyal po chen po slob dpon chen po gang na ba der gshegs su gsol/ mthong ba tsam gyis sdig pa thams cad 'byang bar 'gyur ro// rgyal pos smras pa/ de ltar nges par bdag gi sdig pa med par byed nus na lta de la skyabs su

  193. 97b

    'gro bar bya'o/ / gzhan yang blon po bden pa thob ces bya ba zhig/ rgyal po gang na bar 'ongs nas tshigs su bcad nas 'di skad ces gsol to// rgyal po rnon po ci yi phyog lus kyi rgyun yang thams cad dkrol/ / dbu yi sgra yang 'dzings pa 'di// ci yi slad du de ltar gyur// ci'i phyir da ltar rgyal po'i lus// mi bde 'gul zhing 'dar ba ni// me tog chags pa'i shing rnams la/ / shin tu rlung gis btab pa bzhin// rgyal po 'di ltar shin tu ngom zung gnag pa ji ltar zhing pa dag sa bon btab nas char pa ma bab na mya ngan byed pa bzhin du/ mya ngan byed pa 'di 'on te lus na 'am/ sems na bar gyur/ rgyal pos smras pa/ bdag gi lus dang sems mi na ba'i gtol ga la zhig yod/ rgyal po yab bdag la shin tu byams shing brtse bas nyes pa'i skyon med de/ thog ma mtshan mkhan la bstan pa na mtshan mkhan gyis kyang khyod kyi bu 'di skyes nas/ pha gsod par 'gyur ro zhes smras te/ de skad ces thos mod kyi/ 'on kyang gsos so/ / mkhas pa shes rab can las sngon 'di skad ces thos te/ gang zhig ma la mi tshangs par spyod dam/ dge slong ma la mi tshangs par spyod dam/ dge 'dun gyi nor rkus sam/ bla na med pa'i byang chub tu sems bskyed pa bsad dam/ pha bsad na gang zag de ni gdon mi za bar mtshams med pa'i sems can dmyal bar ltung ngo zhes thos nas/ bdag da lus

  194. 98a

    dang sems mi na ba'i gtol ga la yod/ blon po chen po des smras pa/ rgyal po chen po re zhig mya ngan ma byed cig/ rgyal po yab rnam par grol ba'i lam ldanan tan byed pa zhig yin pa las bsad na sdig par 'gyur ro/ / gal te rgyal po'i srid kyi phyir bsar na sdig par mi 'gyur ro// rgyal po chen po chos ma yin pa ni chos ma yin pa zhes bya'o// chos med pa la'ang chos med pa zhes bya ste/ dper na bu med pa la bu med do zhes bya ba dang 'dra bar/ bu ngan pa yod pa la bu med pa zhes bya ste/ de ltar bu med pa'o zhes bya mod kyi/ yang dag par na bu med pa ma yin no/ / dper na zas kyi nang na lan tshwa med na lan tshwa med ces bya ba dang 'dra bar/ lan tshwa mi bro na'ang lan tshwa med do zhes bya ba dang / dper na chu med pa la rla med do zhes bya ba dang 'dra bar chu cung zad yod pa la'ang chu med do zhes bya ba dang / dper na skad cig skad cig tsam gyis 'gag pa la mi rtag ces bya ba dang / gal te bskal pa'i bar du gnas na'ang mi rtag go zhes bya ba dang / dper na mi zhig sdug bsngal myong na bde ba med do zhes bya ba dang 'dra bar/ dga' ba cung zad tsam myong yang de la ni bde ba med pa zhes bya ba dang / dper na dbang du ma gyur pa la ni nga rgyal med do zhes bya ba dang 'dra bar/ dbang cung zad tsam yod kyang nga rgyal med pa'o zhes bya ba dang / dper na nam sros na nyi ma med do zhes bya ba dang 'dra bar/ nyi ma sprin gyis chod na'ang nyi ma med do zhes bya ste/

  195. 98b

    rgyal po chen po chos cung zad tsam yod pa la'ang chos med pa zhes bya ste/ yang dag par na chos med pa ma yin no// rgyal po chen po bdag gis gsol ba'i tshig 'di nyon cig/ sems can thams cad la las lhag ma zhes bya ba yod de/ las kyi dbang gis yang dang yang du 'khor bar 'khor bar gyur to// gal te rgyal po ab la'ang las lhag ma zhes bya ba yod na/ nga rgyal pos bsad kyang sdig par mi 'gyur ro/ / rgyal po chen po re zhig mya ngan bsang du gsol/ de ci'i phyir zhe na/ rtag tu mya ngan gang byed pa// mya ngan phyir zhing skye bar 'gyur// ji ltar gnyid la dga' ba yang // phyir zhing de bzhin gnyid cher 'gyur// de bzhin 'dod chags sred pa dang // chang dang che ba'ang rig par bya// rgyal po gsung ba ltar 'jig rten na lus dang sems kyi nad gso ba'i sman pa mkhas pa med ces bya ba mi rung ste/ de ltar ston pa chen po b+hai ra ta'i bu kun rgyal zhes bya ba thams cad mkhyen pa/ thams cad gzigs pa/ shes rab rgya mtsho ltar shin tu zab cing yangs pa/ gzi brjid chen po dang ldan pa/ mngon par shes pa chen po dang ldan zhing / sems can thams cad the tsom gyi dra ba las yongs su 'don pa/ sems can gyis mi shes/ mi mthong / ma rtogs pa'i chos thams cad ston pa chen po de gcig pus mkhyen cing gzigs pas/ da ltar rgyal po'i khab na gnas shing nye gnas mang po la 'di skad du chos ston to// 'khor mang po'i nang du gal te rgyal po

  196. 99a

    dbang du gyur pa dag yid bzhin du dge ba dang sdig pa'i las byed de/ sdig pa mang po byas kyang kha na ma tho ba'i sdig par mi 'gyur ro// dper na me chen pos tshig na gtsang ba 'am/ mi gtsang ba zhes bya ba med do// rgyal po chen po'ang me dang 'dra'o// dper na sa chen po ni gtsang ba dang mi gtsang ba thams cad kyi gnas su 'gyur te/ de lta bu'i las byed kyang zhe sdang ba dang dga' ba med do/ / rgyal po chen po'ang sa chen po dang 'dra ste/ zhe sdang ba dang dga' ba zhes bya ba med do// dper na chu dang ba ni gtsang ba dang mi gtsang ba thams cad bkrus kyang dga' ba dang mi dga' ba med de/ rgyal po chen po'ang chu dang 'dra'o// dper na rlung ni gtsang ba dang mi gtsang ba thams cad 'phyag go// de ltar de lta bu'i las byed kyang de la ni dga' ba dang mi dga' ba med de/ rgyal po chen po'ang rlung dang 'dra'o// dper na ston shing bcad na dbyar phyir skye'o// de ltar shing bcad kyang yang dag par sdig par mi 'gyur ba dang 'dra bar/ sem can thams cad kyang de dang 'dra ste/ 'di nas tshe 'phos na phyir yang 'dir skye'o// de ltar phyir yang 'dir skye bas na sdig par mi 'gyur ro// sems can thams cad kyi sdug bsngal dang bde ba'i 'bras bu rnam par smin pa bdag la dbang med de/ da ltar gyi dus na las rnam par smin pa'ang sngon 'das pa'i dus kyi rgyu la rag lus te/ da ltar gyi dus rnam par smin pa ni da ltar gyi

  197. 99b

    dus na rgyu med de/ ma 'ongs pa'i dus na'ang 'bras bu rnam par smin pa med do// da ltar gyi 'bras bu nyid rnam par smin pas/ so so'i skye bo dag tshul khrims srung ba dang / brtson 'grus rtsom pa'ang da ltar gyi dus kyi sdig par 'gyur ba'i 'bras bu bzlog pa'i phyir ro/ / tshul khrims bsrungs pas zag pa med par 'gyur ro// zag pa med pas zag pa dang bcas pa'i las med par 'gyur ro/ / de ltar las zad pas na sdug bsngal mang po'ang zad par 'gyur ro// sdug bsngal mang po zad pas na rnam par grol bar 'gyur ro zhes ston pa de'i gan du myur du bzhud cig dang / lus dang sems sdug bsngal bar 'gyur ba'i nad kyang 'tsho la/ de dang phrad ma sdig pa'ang yongs su 'byung bar 'gyur ro// rgyal po chen pos smras pa/ de ltar bdag gi sdig pa nges par 'byang bar 'gyur na lta de la skyabs su 'gro bar bya'o zhes smras so/ / de nas yang blon po don thams cad shes pa zhes bya ba zhig rgyal po'i drung du 'ongs nas 'di skad ces gsol to/ / rgyal po chen po ci'i phyir 'di ltar ngom zung gnag cing mdog med pa ni ji ltar rgyal po srid stor ba 'am/ chu mig bskams pa 'am/ me tog pad+mo med pa'i rdzing ngam/ / me tog dang lo ma med pa'i shing ngam/ dge slong tshul khrims nyams pa dang 'dra bar gzi brjid med par gyur pa 'di/ 'on te lus sdug bsngal bar gyur tam

  198. 100a

    'on te sems sdug bsngal bar gyur/ rgyal pos smras pa/ nga'i lus dang sems da ltar sdug bsngal med pa'i gtol lta ga la yod/ bdag gi yab rgyal po bdag la byams brtse bas/ rtag tu rab tu bde ba thams cad kyis bdag la bde bar byed pa las/ bdag gis byams pa'i zin ma dran nas/ rgyal po yab nyes pa med par bdag gis bsad do/ / bdag gis sngon mkhas pa shes rab can dag las thos na/ gal te pha ma bsad par gyur na gdon mi za bar bskal pa grangs med pa'i bar du sdug bsngal chen po myong par 'gyur ro zhes thos nas/ bdag ni ring por mi thogs par mtshams med pa'i sems can dmyal bar ltung du nges te/ bdag gi sdig pa 'di gso ba'i skyabs su 'gyur ba med do// blon po des smras pa/ rgyal po chen po re zhig mya ngan ma byed cig/ ci rgyal pos ma thos sam/ sngon rgyal po lam pa zhes bya bas pha bsar de rgyal po'i srid bzung ngo // rgyal po bte zhes bya ba dang / rgyal po bye lo tsa na dang / rgyal po na ho sha dang / rgyal po ka te ka dang / rgyal po byi sha ka dang / rgyal po zla 'od dang / rgyal po nyi 'od dang / rgyal 'dod ldan dang / rgyal po 'gro ba mang po 'dzin la sogs pa/ rgyal po de dag kyang pha bsad nas rgyal srid bzung yang / rgyal po de dag las gcig tsam yang sems can dmyal bar ltung ba med do// da ltar gyi rgyal po

  199. 100b

    bai DUR+Ya dang / rgyal po o ta na dang / rgyal po gtum pa dang / rgyal po byi ba dang / rgyal po pad+mo la sogs pa/ rgyal po de dag kyang pha bsad nas rgyal po'i srid bzung ste gcig kyang mya ngan byed pa med do/ / sems can dmyal ba dang / yi dag sa dang / lhar skyes zhes bya ba sus mthong / rgyal po chen po srid pa gnyis su zad pa ni mi dang byol song ngo // de ltar srid pa gnyis po'ang rgyu dang rkyen gyis skye ba'ang ma yin la/ rgyu dang rkyen gyis 'chi ba'ang ma yin no// de ltar rgyu dang rkyen med pas na dge ba dang sdig pa ga la zhig yod/ rgyal po chen po mya ngan ma byed cig/ de ci'i phyir zhe na/ rtag tu mya ngan gang byed pa// mya ngan phyir zhing skye bar 'gyur// ji ltar gnyid la dga' ba yang / phyir zhing de bzhin gnyid cher 'gyur// de bzhin 'dod chags sred pa dang / chang dang che ba'ang rig par bya// rgyal po gsung ba ltar 'jig rten na lus dang sems kyi nad gso ba'i sman pa mkhas pa med ces bya ba mi rung ste/ da ltar ston pa chen po ka ta'i bu nog can zhes bya ba thams cad mkhyen pa/ thams cad gzigs pa/ sa chen po dang 'dra ba/ gser dang sa la bye brag mi 'byed pa/ rtsib logs g.yas pa na tsan dan gyi lde gu skus pa dang / rtsib logs g.yon pa na rdo dbyig dang mtshon cha thogs te 'chog kyang de gnyis khyad par med pa/ byams pa dang sdang ba la sems mnyam pa ston pa yang dag pa

  200. 101a

    'jig rten gyi spyan pa mkhas par gyur pa/ gal te 'gro 'am/ 'dug gam/ snod dam/ 1la yang rtag tu ting nge 'dzin la sems mnyam par 'jog ste/ ma la khrub pa'i ston pa chen po de da ltar nye gnas mang po la 'di skad ces chos ston to/ / gal te bdag gis byas sam/ gzhan byed du bcug gam/ gal te bdag gis bsad dam/ gzhan gsod du bcug gam/ gal te bdag gis bsregs sam/ gzhan sreg tu bcug gam/ gal te bdag gis gtses sam/ gzhan gtser bcug gam/ gal te bdag gis brkus sam/ gzhan brkur bcug gam/ gal te bdag gis mi tshangs par spyad dam/ gzhan mi tshangs par spyod du bcug gam/ gal te bdag gis brdzun du smras sam/ gzhan brdzun zer bcug gam/ gal te bdag gis chang 'thungs sam/ gzhan chang 'thung du bcug gam/ gal te bdag gis grong khyer gcig gam/ grong rdal gcig gam/ yul gcig gi mi bsad dam/ gal te ral gri'i 'khor los sems can thams cad bsad dam/ gal te klung gang+gA'i lho phyogs kyi sems can thams cad la sbyin pa byin pa dang / klung gang+gA'i byang phyogs kyi sems can thams cad bsad kyang / de gnyis la sdig pa dang bsod nams su 'gyur ba med de/ sbyin pa dang / tshul khrims dang / ting nge 'dzin med do zhes ston pa de da ltar rgyal po'i khab na bzhugs kyis

  201. 101b

    rgyal po chen po myur du ston pa chen de'i gan du bzhud cig/ gal te de dang phrad na sdig pa yongs su 'byang bar 'gyur ro// rgyal pos smras pa/ gal te yang dag par de ltar bdag gi sdig pa 'byang bar 'gyur na lta re la skyabs su 'gro bar bya'o/ / de nas yang blon po bkra shis shes bya bas/ rgyal po chen po la 'di skad ces gsol to// rgyal po chen po ci'i phyir 'di ltar ngom zung gnag cing mdog kyang med pa ni/ ji ltar nyi ma la mar me gzhag pa'am/ nyin bar gyi zla ba'am/ srid stor ba'i rgyal po 'am/ sa tshig pa dang 'dra bar 'gyur/ rgyal po chen po la ni da ltar phyogs bzhi nas phas rgol ba'i dgra'ang med na/ ci'i phyir 'di ltar mya ngan byed cing sdug bsngal gyis non par gyur/ rgyal po chen po 'on te lus sdug bsngal bar gyur tam/ 'on te sems sdug bsngal bar gyur/ rgyal bu dag rtag tu 'di snyam du sems te/ bdag nam zhig gi dus na dbang du gyur pa'i rgyal por 'gyur zhing thams cad la dbang sgyur snyam sems so// rgyal po chen po ni da ltar bsams pa bzhin du grub ste/ da ltar yul dbus 'gyur 'chang gi rgyal por yang gyur la/ rin po che'i gter mdzod mang po la'ang dbang bar gyur te/ yid bzhin du bde ba la longs spyod na/ 'di ltar mya ngan gyis non cing sdug bsngal bar ma byed cig/ rgyal pos smras pa/ bdag gis mya ngan mi bya ba'i gtol ga la zhig yod/ blon po

  202. 102a

    chen po dper na mi glen pa mi shes pa ni zas la chags pa'i phyir mtshon rnon po'ang mi mthong ngo / / zas kyi nang dug blugs kyang dug yod par mi shes pa dang 'dra bar/ bdag kyang de dang 'dra'o// dper na sha ba rtswa mthong na rlubs mi mthong ngo // dper na byi ba zas la chags na byi la mi mthong ba dang 'dra bar/ bdag kyang de dang 'dra ste/ da ltar gyi bde ba 'ba' zhig mthong nas/ ma 'ongs pa'i mi dge ba'i 'bras bu rnam par smin pa ni ma mthong ngo // sngon mkhas pa shes rab can las 'di skad ces thos te/ nyin gcig cing lus la mtshon shag ti sum brgyas btsugs kyang bla'i/ pha dang ma la skad cig tsam yang ngan sems mi skyed do// bdag ni sems can dmyal ba'i me shin tu 'bar ba dang rab tu nye bar gyur na mya ngan mi byed pa'i gtol ga la zhig yod/ blon po des yang gsol pa/ sems can dmyal ba yod do zhes/ rgyal po la su zhig gis 'di skad ces brdzun du smras/ dper na tsher ma rang bzhin gyis rno bar sus bzhogs/ bya'i 'dab ma ser por 'dug pa sus byas/ chu rang bzhin gyis gsher ba dang / rdo rang bzhin gyis sra ba dang / rlung rang zhin gyis g.yo ba dang / me rang bzhin gyis tshab dang 'dra ste/ dngos po 'di dag thams cad kyang rang skye la/ rang 'chi ste/ su zhig gis byas/ sems can dmyal ba zhes bya ba'ang mkhas pa shes rab can tshig la mkhas pa dag gis rang bzor byas so//

  203. 102b

    dmyal ba zhes bya ba la don ci zhig yod/ blon mo khyod kyis ngal spros shig/ dmyal zhes bya ba ni dmyal ba'o// ba zhes bya ba ni bcom pa'o// dmyal ba bcom nas sdig pa'i rnam par smin pa med pas/ na sems can dmyal ba zhes bya'o// gzhan yang dmyal zhes bya ba ni mi'o// ba zhes bya ba ni lha'o// pha bsad de lha dang mir skye bar byed pas/ de bas na drang srong ba su zhes bya ba'ang 'di skad ces ston te/ lug bsrogs na lha dang mi'i bde ba thob pas dmyal ba zhes bya'o// gzhan yang dmyal zhes bya ba ni tshe'o// ba zhes bya ba ni ring ba'o// de ltar srog bcad na tshe ring bar 'gyur bas dmyal ba zhes bya'o/ / de bas rgyal po chen po yang dag par na sems can dmyal ba zhes bya ba med do// rgyal po chen po dper na nas kyi sa bon btab na nas skye'o// 'bras kyi sa bon btab na 'bras skye ste/ dmyal ba bsad na phyir yang dmyal ba thob la/ mi bsad na phyir yang mir 'gyur du nges so// rgyal po chen po bdag smra ba'i tshig 'di nyon cig/ yang dag par na bsad pa zhes bya ba med do// gal te bdag ces bya ba yod pa zhig yin na ni bsad par yang mi 'gyur ro// gal te bdag ces bya ba med na bsad pa'ang med do// de ci'i phyir zhe na/ ci ste bdag ces bya ba yod na rtag par mi 'gyur mi 'pho ba yin no/ / de ltar rtag cing mi 'gyur mi pho ba yin pas bsad du'ang med la/ mi 'jig/ mi 'chag pa/ mi bcings pa/ zhe sdang ba med pa/ dga' ba med pa ste/

  204. 103a

    nam mkha' lta bu yin pa la bsad pa'i sdig tu 'gyur ba ga la zhig yod/ ci ste bdag ces bya ba med pa zhig yin na/ chos thams cad kyang mi rtag pa yin te/ ltar mi rtag pa yin pas skad cig skad cig gis 'jig cing 'gag go// de ltar skad cig skad cig 'gog pas/ gsod pa dang shi ba'ang skad cig skad cig gis 'gog go// de ltar skad cig skad cig gis 'gog na/ sdig pa de su zhig gis myong bar 'gyur/ rgyal po chen po dper na mes shing bsregs na me la sdig pa med do// sta res shing bcad na sta re la sdig pa med do// zor ba sa rtswa brngas na zor ba la sdig pa med do/ / ral gris mi bsad na ral gri mi ma yin te/ ral gri la mi sdig na ci'i phyir mi la sdig par 'gyur/ rug gis mi bsad na dug kyang mi ma yin la/ dug la mi sdig na mi la ci'i phyir sdig ste/ dngos po thams cad de dang 'dra ba yin pas na/ yang dag par bsad pa med na ci'i phyir sdig par 'gyur/ rgyal po chen po mya ngan ma byed cig/ de ci'i phyir zhe na/ rtag tu mya ngan gang byed pa// mya ngan phyir zhing skye bar 'gyur// ji ltar gnyid la dga' ba yang // phyir zhing de bzhin gnyid cher 'gyur// de bzhin 'dod chags sred pa dang / chang dang che ba'ang rig par bya// rgyal po gsung ba ltar 'jig rten na nga'i kha na mtho ba'i las sbyong ba'i sman pa mkhas pa med do zhes bya ba'i mi rig da ltar ston pa chen po mi 'pham sla

  205. 103b

    la ba zhes bya ba thams cad mkhyen pa/ thams cad gzigs pa/ 'jig rten gsum rig pa/ skad cig yud tsam thang cig gis 'jig rten gyi khams mtha' yas grangs med pa mthong ba thos pa'ang de dang 'dra ste/ sems can thams cad kyi kha na ma tho ba'i nyes pa thams cad yongs su spong bar byed pa ni/ gang+gA'i klung dang 'dra bar phyi nang gnyis kar nyes pa'i skyon med cing yongs su dag pa dang 'dra ba'i ston pa chen po'ang sems can thams cad kyi phyi nang gi kha na ma tho ba'i skyon thams cad sel ba/ da ltar nye gnas rnams la 'di skad ces chos ston to// de la gang zhig sems can thams cad bsad kyang khrel ba dang 'dzem pa'i sems med na/ de ni nam du'ang sems can dmyal bar mi ltung ste/ ji ltar nam mkha' la rdul dang chus kyang mi chags pa bzhin no// gang khrel zhing 'dzem pa dang ldan pa ni sems can dmyal bar ltung bar 'gyur te/ dper na chu chen pos sa thams cad rlan par byed pa dang 'dra bar/ sems can thams cad kyang lha dbang sgyur zhes bya ba des byas te/ lha dbang sgyur dga' na sems can thams cad kyang bde bar 'gyur ro// gal te lha dbang sgyur mi dga' na sems can thams cad kyang sdug bsngal bar 'gyur ro// sems can thams cad kyi kha na ma tho ba'i las dang bsod nams kyang lha dbang sgyur zhes bya bas byas pa yin na/ de la ci'i phyir kha na ma tho ba dang bsod nams su 'gyur ba yod ces smra/ dper na shing gi 'khrul 'khor

  206. 104a

    gyis mi byas pa 'gro ba dang / sdod pa dang / 'dug pa dang / nyal ba'i las byed kyang smra ba ni ma yin te/ sems can thams cad kyang de dang 'dra bar lnga dbang sgyur zhes bya bas byas te/ lha dbang sgyur zhes bya ba de ni shing mkhan lta bu'o// 'khrul 'khor gyi mi zhes bya ba de ni sems can thams cad kyi lus lta bu yin te/ de la kha na ma tho ba'i las su 'gyur bar/ la zhig yod ces ston pa'i ston pa chen po de da ltar rgyal po'i khab na bzhugs so// rgyal po chen po de'i gan du myur du bzhud cig dang / de dang phrad na sdig pa yongs su 'byung bar 'gyur ro// rgyal pos smras pa/ de ltar yang dag par bdag gi kha na ma tho ba'i las 'byang bar 'gyur na lta de la skyabs su 'gro bar bya'o// de nas yang blon po 'jigs pa med pa zhes bya ba rgyal po gang na bar 'ongs nas 'di skad ces gsol to/ / rgyal po chen po 'jig rten na glen pa gti mug can dag ni nyin gcig la lan brgya ni dga'/ lan brgya ni khro/ lan brgya ni nyal/ lan brgya ni sad/ lan brgya ni spangs/ lan brgya ni ngu'o// mkhas pa shes rab can la ni de lta bu'i bag med na/ rgyal po chen po ci'i phyir 'di ltar shin tu mya ngan byed de/ dper na 'gron po grogs stor ba 'am/ 'dam du nub pa las skyabs med pa lta bu'am/ skom pas gdungs pa las skom med pa lta bu'am/ 'brog bslad pa las lam stor ba lta bu

  207. 104b

    'am/ nad pa tshabs po che la gso ba'i sman pa mkhas pa med pa lta bu 'am/ rgya mtshor zhugs pa las gru zhig pa la skyabs med pa lta bur gyur pa 'di/ rgyal po chen po da ltar lus mi bde 'am/ sems mi bde/ rgyal pos smras pa/ lus dang sems bde ba'i gtol ga la zhig yod/ bdag sdig pa'i bshes gnyen la bsten nas ngag gi nyes pa ma brtags pas/ rgyal po yab kyang bdag gis bsad pas na/ bdag ni gdon mi za bar sems can dmyal bar ltung yang bdag la mgon pa dang skyabs med do// blon po des smras pa/ rgyal po chen po de ltar mya ngan ma byed cig/ rgyal rigs shes bya ba ni rgyal po'i rigs yin te/ rgyal po'i srid kyi phyir ram/ dge sbyong dang bram ze'i phyir ram/ 'gro ba mang po la bde bar bya ba'i phyir gsod pa'i las kyang kha na ma tho ba'i sdig pa med do/ / rgyal po yab ni dge spong la bsnyen bkur byed kyang / bram ze rnams la brnyan bkur mi byed pas sems ma snyoms te/ de ltar sems ma snyoms pas na/ de na rgyal rigs ma yin no// rgyal po chen po ni bram ze rnams la bsnyen bkur byed pa'i phyir/ rgyal po snga ma bsad kyang kha nA mtsho ba'i las med do/ / rgyal po chen po bsad pa zhes bya ba ni yang dag par na med pa yin no// bsad pa zhes bya ba ni 'tsho ba'i srog gcad pa yin te/ de la 'tsho ba'i srog ces bya ba ni

  208. 105a

    dbugs shes bya ba yin no/ / dbugs shes bya ba la ni bcad cing gsad du med na/ ci'i phyir 'tsho ba bsad pa la kha na ma tho ba'i las su 'gyur/ rgyal po chen po mya ngan ma byed cig/ de ci'i phyir zhe na/ rtag tu mya ngan gang byed pa// mya ngan phyir zhing skye bar 'gyur// ji ltar gnyid la dga' ba yang // phyir zhing de bzhin gnyid cher 'gyur// de bzhin 'dod chags sred pa dang / chang dang che ba'ang rig par bya// rgyal po gsung ba ltar 'jig rten na sman pa mkhas pa med do zhes byar mi rung ngo // da ltar ston pa chen po gcer bu pa gnyen gyi bu thams cad mkhyen pa/ thams cad gzigs pa/ sems can thams cad la byams brtse ba/ sems can thams cad kyi dbang po rno rtul la mkhas pa/ ci dang ci rigs pa'i thabs shin tu rtogs pa/ 'jig rten gyi chos brgyad kyis ma gos pa/ tshangs par smod pa/ shin tu rnam par dag pa/ rab tu zhi ba dang ldan pa/ da ltar nye gnas rnams la 'di skad ces chos ston to// sbyin pa'ang med/ dge ba'ang med/ pha'ang med/ ma'ang med/ da lta'ang med/ 'das pa'ang med/ dgra bcom pa'ang med/ bsgom pa'ang med/ lam yang med de/ sems can thams cad bskal pa brgyad khri 'das nas/ skye shi'i 'khor lo las rang rnam par grol bar 'gyur te/ sdig pa dang bcas pa dang / sdig pa med pa'ang thams

  209. 105b

    cad de dang 'dra'o/ / dper na klung chen po bzhi pa/ sin d+hA dang / d+hA dang / pany+tsa drang / sI ta zhes bya ba bzhi char yang rgya mtsho chen por 'bab ste khyad par med do// sems can thams cad kyang de dang 'dra ste/ rnam par rtsol ba'i dus na thams cad khyad par med do// zhes ston pa chen po de da ltar rgyal po'i khab na bzhugs kyis/ rgyal po chen po ra'i gan du myur du bcung cig dang / de dang phrad na kha na ma tho ba'i las 'byang bar 'gyur ro// rgyal pos smras pa/ de ltar bdag gi kha na ma tho ba yang dag par 'byung na lta de la skyabs su 'gro bar bya'o// de'i tshe na sman pa chen po 'tsho byed ces bya ba rgyal po'i drung du 'ongs nas/ rgyal po la 'di skad ces smras so// rgyal po chen po bde bar nyal lam zhes smras so// de la rgyal pos tshigs su bcad pa 'di dag smras so/ / kun nas nyon mongs pa thams cad// gang gis yongs su gcod nus la// 'jig rten gsum la ma chags na// de dag bde bar nyal bar 'gyur// gang gis mya ngan 'da' ba yi// shin tu zab mo'i don ston pa// bram ze yang dag pa de ni// shin tu bde bar nyal bar 'gyur// lus kyi nyes pa gang yang med// ngag gi nyes pa bzhi yang spangs/ / sems la the tsom gang med pa// de dag bde bar nyal bar 'gyur// lus dang sems ni ma gdungs shing // rab tu zhi la bde gnas na// bla med bde ba thob 'gyur zhing //

  210. 106a

    shin tu bde bar nyal bar 'gyur// sems ni ci la'ang ma chags shing // 'khon du 'gyur ba yongs spangs nas// rtag tu 'dum la mi rtsod pa// de ni ra bar nyal bar 'gyur/ / gang zhig sdig par mi byed la// khrel zhing 'dzem pa'i sems ldan te// rnam par smin la yid ches na// de ni bde bar nyal bar 'gyur// pha dang ma la bkur sti byed/ / sems can gcig gi srog mi gcod// gzhan gyi nor la rku sems med// de dag bde bar nyal bar 'gyur// dbang po rnams ni shin tu dul// dge ba'i bshes gnyen la rten cing / / rnam bzhi bdud kyang rab bcom na// de dag bde bar nyal bar 'gyur// bkra shis bkra shis ma yin dang // ngade dang sdug bsngal mi mthong zhing // so so'i skye bo mang po'i phyir// 'khor ba'i 'khor bar 'khor ba la// gang zhig mi skyo ba de ni// shin tu bde bar nyal bar 'gyur// bde bar nyal ba su zhe na// sangs rgyas bcom ldan 'das yin te// stong pa'i ting 'dzin rab rtogs nas/ / lus dang sems ni mi g.yo ba'o// su zhig bde bar nyal zhe na// byams dang snying rjer ldan pa yi// bag byed pa la rab brtson zhing // kun la bu bzhin lta ba'o// sems can ma rig mdongs pa rnams// nyon mongs 'bras bu mi mthong ste// rtag tu sdig pa'i las byed pas// de ni bde bar nyal mi 'gyur// gal te bdag gi lus kyis sam// pha rol

  211. 106b

    gzhan gyi lus dag gis/ / mi dge bcu yi las byas na// de ni bde bar nyal mi 'gyur// gang zhig bde ba 'dod pa'i phyir// pha bsad nyes pa med ces te// sdig pa'i bshes gnyen la phyogs na/ / de ni bde bar nyal mi 'gyur// zas kyi tshod ni ma zin nam// grang mo 'thungs pa'i tshad 'das na// nad kyi sdug bsngal skye 'gyur te// de ni bde bar nyal mi 'gyur// gal te rgyal po la 'alus sam/ / gzhan gyi bud med la nyal lam// dgon pa'i 'brog tu 'gro ba dag/ de ni bde bar nyal mi 'gyur// tshul khrims bsrungs pa'i myu gu ma thob dang // rgyal tshab rgyal po'i thabs ni ma tho dang / / rku ba po dag nor zas ma thob pa// de ni rtag tu bde bar nyal mi 'gyur// sman pa 'tsho byed bdag ni nad kyis gzir te// rgyal po chos bzhin du srid 'tsho ba la bdag 'khus te bsad pas sman pa mkhas pa thams cad kyis sman dpyad dang sngags la sogs pa byas kyang bdag gi nad 'tsho bar ma gyur to/ / de ci'i phyir zhe na/ bdag gi yab rgyal po chos bzhin du srid 'tsho ba las/ / nyes pa'i skyon med par bdag gis bdag 'khus te/ pha bsad pas nya skam sar phyung na dga' ba ga la zhig yod/ ri dgas rI la thogs na dga' ba'i sems med pa 'am/ ji ltar gang zag gis ring por mi thogs par shi bar shes pa 'am/ rgyal po srid stor ba yul gzhan du bros pa 'am/ nang

  212. 107a

    tshabs po ches btab pa las gsor mi rung ngo zhes thos pa 'am/ khrims pashig pa kha na mtho ba'i las yod par thos pa dang 'dra'o// bdag gis sngon mkhas pa shes rab can dag las thos na/ lus dang / ngag dang / yid kyi las yongs su ma dag na gang zag de nig don mi za bar sems can dmyal bar ltung ngo zhes thos pas/ bdag kyang gdon mi za bar sems can dmyal bar lhung na bde bar nyal ba'i gtol ga la yod/ da drag la bla na med pa'i sman pa chen po chos kyi sman gtong ba bdag gi nad kyi sdug bsngal gso ba'ang med do// 'tsho byed kyis smras pa/ rgyal po chen po legs so// shin tu legs so// rgyal pos 'di ltar kha na ma tho ba'i las byas kyang shin tu 'gyod pa'i sems skyes te/ khrel ba dang 'dzem pa'i sems dang ldan pa legs so// rgyal po chen po sangs rgyas bcom ldan 'das ni rtag tu 'di skad ces gsung ngo // rnam par dkar ba'i chos 'di gnyis kyis sems can gyi mgon dang skyabs su 'gyur ro/ / gnyis gang zhe na/ 'dzem pa dang khrel ba'o// 'dzem pas ni bdag kha na ma tho ba'i las mi byed do// khrel bas ni gzhan byed du mi 'dzud do/ / 'dzem pa ni bdag ngo tsha bar byed pa'o// khrel ba ni pha rol la 'gyod cing 'thol ba'o// 'dzem pa ni mi la ngo tsha ba'o// khrel ba ni lha la ngo tsha ba ste/

  213. 107b

    de ni 'dzem pa dang khrel ba zhes bya'o// 'dzem pa dang khrel ba med pa ni mi zhes mi bya ste/ byol song zhes bya'o// 'dzem pa dang khrel bar ldan pa'i phyir/ pha ma dang slob dpon la bkur sti byed do/ / 'dzem pa dang khrel bar ldan pa'i phyir/ pha ma dang / phu nu dang / ming sring yod par smra'o// rgyal po chen po 'dzem pa dang khrel bar ldan pa legs so// rgyal po chen po re zhig bdag gis sangs rgyas bcom ldan 'das las thos pa gson cig/ shes rab dang ldan pa ni rnam pa gnyis te/ sdig pa mi byed pa dang / byas nas 'gyod cing 'thol ba'o/ / glen pa gti mug can la'ang rnam pa gnyis te/ sdig pa byed pa dang / byas kyang 'arlab pa'o// de ltar sngar sdig pa byas kyang phyis 'gyod cing 'thol 'thol nas kyang khrel ba dang 'dzem pas phyis mi byed par dam bcas na/ dper na chu rnyog ma can gyi nang du nor bu rin po che bcug na chu dang bar 'gyur ba 'am/ sprin dang na bun gyis chod na/ zla ba yongs su mi gsal ba dang 'dra bar sdig pa byas na 'gyod pa'ang de dang 'dra'o// gal te rgyal pos kyang 'gyod cing 'thol la 'dzem pa dang khrel bar ldan na kha na ma tho ba'i nyes pa'ang 'byang zhing yongs su dag par 'gyur ro/ / rgyal po chen po drug pa la rnam pa gnyis te/ ba lang dang / rta dang / rkang 'gros rnam pa sna chos

  214. 108a

    kyis byug pa dang / gser dang / dngum dang / nor dbyig gis byug par+b+he/ ta dang bzang mang yang nor bu rin po chagacig tsam kyi zlar mi chog go/ po chen po sems can yang de dang 'dra ste/ sdig pas sdug pa dang / dge bas phyug pa ste/ sdig pa mang du byas kyang dge ba gcig tsam gyi zlar mi phod do// bdag gis sangs rgyas bcom ldan 'das kyis gsungs pa las thos na/ dge ba gcig la nan tan byas pa'i sems kyis sdig pa mang po bcom par 'gyur ro// rgyal po chen po dper na rdo rje chung ngu ma gcig gis ri rab kyang phigs pa 'am/ me rlung ngu mas thams cad 'tshig pa 'am/ dug chung ngu mas thams cad 'chi bar 'gyur ba dang 'dra bar/ dge ba cung zad tsam gyis kyang sdig pa chen 'joms par 'gyur te/ dge ba de la chung ngu zhes bya mod kyi/ yang dag par na chen po yin no// de ci'i phyir zhe na/ sdig pa chen po rloms pa'i phyir ro// rgyal po chen po bcom ldan 'das kyis gsung paltar na/ chab pa ni zag pa dang bcas pa'o// mi 'chab pa ni zag pa med pa'o// de bas na gang 'gyod cing 'thol ba de ni zag pa med pa'o// de bas na kha na ma tho ba'i las byas pa dag sdig pa mi 'chab par bya'o/ / sdig pa mi 'chab pas kha na ma tho ba'i las srab par 'gyur ro// 'dzem pa dang khrel bas bshags na kha na ma tho ba'i las yongs sa 'bang bar 'gyur ro// rgyal

  215. 108b

    po chen po chu'i thigs pa nyung ba ltar byed kyang snod chen po gang bar 'gyur te/ de bzhin du dge ba'i sems kyang kha na ma tho ba'i las chen po bcom par 'gyur ro// gal te kha na ma tho ba'i las bcabs na/ kha na ma tho ba'i las phyir zhing skye'o// gal te 'dzem pa dang khrel bas 'gyod cing mthol na/ kha na ma tho ba'i las yongs su 'byang bar 'gyur ro// de bas na sangs rgyas bcom ldan 'das kyis gsungs pa las/ mkhas pa shes rab can dag ni kha na ma tho ba'i las mi 'chab po zhes gsungs so// rgyal po chen po rgyu la yid ches pa dang / 'bras bu la yid ches pa dang / las kyi rnam par smin pa la yid ches pa shin tu legs so/ / rgyal po chen po mya ngan ma byed cig/ gal te sems can gang zhig kha na ma tho ba'i las byas shing bcabs te mi 'thol ba dang / 'dzem pa dang / khrel ba'i sems med pa dang / rgyu dang / 'bras bu dang / las kyi rnam par smin pa mi mthong ba dang / mkhas pa shes rab can la gsol ba mi 'debs shing / dge ba'i bshes gnyen la mi sten pa de ni sman pa mkhas pa thams cad gang gis kyang gso mi nus te/ dper na nad gam pa la zhes bya bas btab na/ 'jig rten gyi sman pa gang gis kyang gso bar mi byed do/ / kha na ma tho ba'i las 'chab pa'ang de dang 'dra ste/ kha na ma tho ba'i las 'chab pa gang zhe na/ log sred can yin no// log sred can zhes bya ba ni rgyu dang 'bras bu la yid mi

  216. 109a

    ches pa/ 'dzem pa dang khrel ba med pa/ las kyi rnam par smin pa la yid mi ches pa/ da ltar dang ma 'ongs pa'i las mi mthong ba/ dge ba'i bshes gnyen la mi sten pa/ sangs rgyas bcom ldan 'das kyis bstan pa la mi 'jug pa'i gang zag de ni log sred can zhes bya ste/ sangs rgyas bcom ldan 'das kyis kyang gso mi nus so// de ci'i phyir zhe na/ dper na 'jig rten na mi ro la ni sman pa mkhas pa gang gis kyang gso mi nus pa dang 'dra bar/ log sred can yang de dang 'dra ste/ sangs rgyas bcom ldan 'das kyis kyang gso mi nus so// rgyal po chen po log sred can ma yin pas/ nga'i nad gso nus pa med do zhes bya ba mi rung ngo // rgyal po gsung ba ltar nga'i nad gso mi nus so zhes bgyi ba/ rgyal po chen po 'di lta rig par gyis shig yul ser skya'i rgyal po zas gtsang ma'i sras go'u ta ma'i rigs mtshan don grub ces bya ba sus kyang ma bstan par rang gis rig nas/ bla na med pa yang dag par rdzogs pa'i byang chub tu mngon par rdzogs par sangs rgyas te/ mtshan sum cu rtsa gnyis dang dpe byad bzang po brgyad cus lus yongs su brgyan pa/ stobs bcu dang mi 'jigs pa bzhi dang ldan te/ thams cad mkhyen pa/ thams cad gzigs pa/ byams pa dang snying rje che ba/ thams cad la sras sgra gcan 'dzin dang 'dra bar thugs brtse ba/ dge ba dang ldan pa'i sems can gyi rjes su be'u dang ba mo mi gtong ba dang 'dra ba/

  217. 109b

    dus mkhyen pas gsung ba/ dus ma yin par mi smra ba/ yang dag par smra ba/ yongs su dag par smra ba/ yongs su dkar bar sgrub/ don dang ldan par smra ba/ chos dang ldan par smra ba/ gcig tu chad par smra ba/ sems can mang po'i nyon mongs pa yongs su spong bar byed pa/ so so'i skye bo'i dbang po dang bsam pa'i mtshan nyid la shin tu mkhas pa/ ci dang cir rigs pa'i thabs la shin tu mkhas pa/ ye shes mtho zhing gzar ba ni ri rab lhun po dang 'dra ba/ yangs shing zab pa ni rgya mtsho dang 'dra ba/ sangs rgyas bcom ldan 'das de la rdo rje lta bu'i ye shes mnga' bas so so'i skye bo'i kha na ma tho ba'i las thams cad 'joms pa/ des mi choms zhes bya ba'i gnas med do// de da ltar 'di nas dpag tshad bcu gnyis kyi pha rol grong khyer rtswa mchog ces bya bar shing sA la drang gnyis kyi bar na bzhugs te/ da ltar tshad med grangs med pa'i byang chub sems dpa'i dge 'dun la chos rnam pa sna tshogs ston pa ni/ 'di lta ste/ yod pa dang / med pa dang / 'dus byas dang / 'dus ma byas dang / zag pa dang bcas pa dang / zag pa med pa dang / nyon mongs pa'i 'bras bu dang / rnam par dkar ba'i chos dang / gzugs kyi chos dang / gzugs ma yin pa'i chos dang / gzugs kyang ma yin/ gzugs ma yin pa'ang ma yin pa'i chos dang / bdag dang / bdag ma yin pa'i chos dang / bdag kyang ma yin bdag ma yin pa'ang ma

  218. 110a

    yin pa dang / rtag pa dang / rtag pa ma yin pa dang / rtag pa'ang ma yin rtag pa ma yin pa'ang ma yin pa dang / bde ba dang / bde ba ma yin pa dang / bde bzhang ma yin bde ba ma yin pa'ang ma yin pa dang / mtshan ma dang / mtshan ma ma yin pa dang / mtshan ma'ang ma yin mtshan ma ma yin pa'ang ma yin pa dang / chad pa dang / chad pa ma yin pa dang / chad pa'ang ma yin chad pa ma yin pa'ang ma yin pa dang / 'jig rten dang / 'jig rten las 'das pa dang / 'jig rten yang ma yin 'jig rten las 'das pa'ang ma yin pa dang / theg pa dang / theg pa'ang ma yin theg pa ma yin pa'ang ma yin pa dang / bdag gis byas pas bdag myong ba dang / bdag gis byas pas gzhan myong ba dang / byas pa med pas myong ba med pa dag ston/ to// rgyal po chen po gang zhig gis sangs rgyas la byas pa med pa dang myong ba med pa thos na/ kha na ma tho ba'i las thams cad yongs su 'byung bar 'gyur ro// rgyal po chen po re zhig gson cig/ brgya byin lha'i dbang phyug tshe'i dus byed du nye ba na ltas rnam pa lnga sngar byung ste/ gang zhe na/ go sa la dri ma chags pa dang / mgo'i me tog rnyis pa dang / lus la dri mi zhim pa dang / mchan khung nas rdul 'byung ba dang / gnas mi 'dod pa'o// de'i tshe brgya byin lha'i dbang phyug gis gnas dben par/ gal te dge sbyong ngam/ bram ze dag mthong na de'i drung du bsnyen te/ sangs rgyas su

  219. 110b

    'du shes bskyed do/ / de'i tshe dge sbyong ngam/ bram ze des brgya byin lnga'i dbang phyug mthong bas sman btab nas 'di skad ces smras so// lha'i bdag po bdag cag ni khyod la skyabs su mchis so// brgya byin gyis de skad ces thos nas sangs rgyas ma yin par shes te 'di snyam du sems so// 'di ni sangs rgyas ma yin pas na/ bdag gi ltas ngan pa lnga po 'di dag med par byed mi nus so snyam sems so/ / de'i tshe na blon po pan tsa shi zhes bya bas/ brgya byin la 'di skad ces smras so// lha'i bdag po dri za'i rgyal po ka pu lo zhes bya ba la/ bu mo su ba ra ta zhes bya ba yod de/ bu mo de bdag la stsal na/ rgyal po'i ltas ngan zhi bar byed pa'i gnas bdag gis bstan par bya'o// brgya byin gyis smras pa/ lha ma yin gyi rgyal po thag zangs ris kyi bu mo yid du 'ong ba zhes bya ba kho bo'i chung ma byed de/ gal te/ khyod kyis nga'i ltas ngan zhi bar byed pa'i gnas ston nus na lta de'ang khyod la sbyin par bya na/ su ba ra ta lta smos kyang ci dgos/ lha'i bdag po sangs rgyas bcom ldan 'das shAkya thub pa zhes bya ba ra ltar rgyal po'i khab na bzhugs kyis/ de gang na bar song ste sngon ma thos par gyur pa tshe'i dus byed pa'i ltas ngan pa gdon mi za bar zhi bar 'gyur ro// rigs kyi bu gal te sangs rgyas bcom ldan 'das kyis zhi bar nus na lta de gang na bar 'gro bar bya'o zhes smras nas/ zhon pa'i theg pa sbyar te/ rgyal po'i khab bya rgod spungs pa'i ri la/ sangs rgyas bcom ldan 'das gang na bar phyin pa dang /

  220. 111a

    mgo bos sangs rgyas kyi zhabs la phyag 'tshal nas phyogs gcig tu 'khod de/ bcom ldan 'das la 'di skad ces gsol to// bcom ldan 'das lha dang mi'i nang na 'ching bas bcings pa gang lags/ bcom ldan 'das kyis bka' stsal pa/ ko ru shi ka ser sna dang / 'dod chags dang / phrag dog go// yang gsol pa/ ser sna dang / 'dod chags dang / phrag dog ci las skye/ bka' stsal pa/ ma rig pa las skye'o// yang gsol pa/ ma rig pa ci las ste/ bka' stsal pa/ bag med pa las skye'o// yang gsol pa/ bag med pa ci las skye/ bka' stsal pa/ phyin ci log las skye'o// yang gsol pa/ phyin ci log ci las skye/ bka' stsal pa/ the tshom gyi sems las skye'o// bcom ldan 'das phyin ci log gi chos the tsom las skyes pa 'phags pa'i bka' bzhin no/ / de ci'i slad du zhe na/ bdag la the tsom gyi sems mchis pas phyin ci log skyes te/ sangs rgyas bcom ldan 'das ma yin pa la sangs rgyas bcom ldan 'das su 'du shes bskyed de/ da sangs rgyas bcom ldan 'das mthong bas na the tsom gyi sems byang bar gyur to// the tshom yongs su byang bas phyin ci log zad par gyur to// phyin ci log zad pas na ser sna'i sems med pa nas/ phrag dog gi sems kyi bar du med do// bcom ldan 'das kyis bka' stsal pa/ ser sna dang phrag dog gi sems med do zhes bya ba/

  221. 111b

    khyod de ltar lan cig phyir ldog pa'i 'bras bu thob pas/ lan cig phyir ldog pa'i 'bras bu thob pa ni 'dod pa'i sems med do// gal te 'dod pa'i sems med na/ ci ste srog gi phyir nga'i drung du 'ong lan cig phyir ldog pa ni srog la re ba med do/ / bcom ldan 'das phyin ci log pa ni srog la re ba mchis so// phyin ci log ma mchis pa ni srog la mi re'o// bdag kyang yang dag par na srog la re ba ma mchis kyi/ sangs rgyas bcom ldan 'das kyi chos kyi sku dang / sangs rgyas kyi ye shes la re'o// ko'u shi ka sangs rgyas kyi chos kyi sku dang / sangs rgyas ye shes tshol ba ni phyi ma ma 'ongs pa'i dus su gdon mi za bar thob par 'gyur ro/ / de'i tshe brgya byin lha'i dbang phyug gis bcom ldan 'das las de skad ces thos nas/ tshe'i dus byed pa'i ltas ngan pa de nyid du byang bar gyur nas/ 'dug pa las langs te spyi bos phyag 'tshal nas/ lan gsum bskor te bsti stang dang bcas pas thal mo sbyar te/ bcom ldan 'das la 'di skad gsol to// bdag ni shi ba las sos so// srog stor ba las srog phyir rnyed do/ / yang sangs rgyas bcom ldan 'das las/ bdag bla na med pa yang dag par rdzogs pa'i byang chub tu 'tshang rgya'o zhes lung bstan pa thos pas/ de ni sos pa dang srog thob pa zhes bgyi'o/ / bcom ldan 'das lha dang mi dag ji ltar na 'phel zhing skye bar 'gyur/ ji ltar na 'grib shing god par 'gyur/ bka' stsal pa/ ko'u shi ka 'thab cing rtsod pa'i rkyen gyis lha dang mi 'grib shing

  222. 112a

    god par 'gyur ro/ / shin tu dum pa'i rkyen gyis kye zhing 'phel bar 'gyur ro// bcom ldan 'das gal te 'thab cing rtsod pas 'grib shing gong par 'gyur na/ bdag deng spyan chang ma yin dang mi 'thab par bgyi'o/ / bcom ldan 'das kyis bka' stsal pa/ legs so legs so// ko'u shi ka sangs rgyas bcom ldan 'das ni bzod pa la/ bla na med pa yang dag par rdzogs pa'i rgyu yin no zhes gsungs so/ / de'i tshe brgya byin lha'i dbang phyug sangs rgyas kyi zhabs la spyi bos phyag 'tshal nas phyir gnas su dong ngo // rgyal po chen po de bzhin gshegs pa de ltar mi dge ba'i ltas ngan pa thams cad zhi bar byed pas na/ sangs rgyas la bsam gyis mi khyab bo zhes brjod do// de bas na gal te rgyal po'ang de'i gan du phyin na kha na ma tho ba'i las thams cad yongs su 'byung ngo / / rgyal po chen po yang gson cig/ bram ze'i bu mi 'tshe ba zhes bya ba sems can grangs med pa bsad pas/ sor mos brgyan ces btags te/ ma gsod du chas nas sdig pa'i sems bskyed pa na lus kyang 'dar zhing g.yo'o/ / lus dang sems g.yo ba ni mtshams med pa byas pa'i rkyen gyis gdon mi za bar sems can dmyal bar ltung ba las/ sangs rgyas dang phrad pa na'ang lus dang sems g.yo ste/ de la'ang gsod pa'i sems skyes so// lus dang sems g.yo ba ni mtshams med pa lnga byed pa'i rkyen gyis g.yos te/ mtshams med pa lnga byas na gdon mi za bar sems can dmyal

  223. 112b

    par ltung ngo / / mi des de bzhin gshegs pa ston pa chen po dang phrad ma thag tu sems can dmyal bar ltung ba'i rgyu yongs su byang nas/ bla na med pa yang dag par rdzogs pa'i byang chub tu sems bskyed de/ de bas na sangs rgyas bcom ldan 'das ni bla na med pa'i sman pa zhes bya ste/ ston pa drug lta bu ni ma yin no// rgyal po chen po gzhan yang rgyal bu si phyi la zhes bya ba la pha rgyal po khros nas rkang lag bcad de dong du bor ro// / rgyal bu'i ma snying brtse bas dong nas phyung ste/ sangs rgyas gang na bar khrid nas sangs rgyas dang phrad ma thag tu rkang lag kyang phyir skyes te/ bla na med pa yang dag par rdzogs pa'i byang chub tu sems bskyed do// / rgyal po chen po de ltar sangs rgyas dang phrad pas 'bras bu mngon sum du thob ste/ de bas na sangs rgyas bcom ldan 'das ni bla na med pa'i sman pa zhes bya ste/ ston pa drug lta bu ni ma yin no// rgyal po chen po klung gad+hA'i 'gram na yi dgas lnga brgya yod do/ / lo grangs med pa'i bar du chu'ang mi mthong ngo // ci ste 'gram du phyin na'ang me'i phung po chen por mthong ste/ skom pa dang 'akres pas nyen nas skad chen po byung ste ngu'o/ / de'i tshe de bzhin gshegs pa klung de dang nye ba'i phyogs u dum wa ra'i tshal shing drung na bzhugs pa las/ de'i tshe yi dgas mang po sangs rgyas gang na par lpags nas/ sangs rgyas la 'di skad ces gsol to// bdag cag ni bkras pa dang skom pas nyen te 'tsho ba'i srog kyang ring por mi thub bo// bcom ldan 'das kyis bka' stsal pa/ khyed krung gang+gA'i

  224. 113a

    chu 'bab pa la ci'i phyir mi 'thung / yi dgas rnams kyis gsol pa/ de bzhin gshegs pas ni chab tu gzigs kyang / bdag cag gis ni me 'ba' zhig tu mthong ngo // bcom ldan 'das kyis bka' stsal pa/ gang+gA'i klung gi chu ni shin tu'ang sngo la dang bas yang dag par na me med de/ sdig pa'i las kyis sems phyin ci log pas mi yin snyam du sems so// khyed kyi phyin ci log gi sems bsal te chur mthong bar bya'o zhes bka' stsal nas/ de'i tshe bcom ldan 'das kyis yi dgas mang po de dag la ser sna dang 'dod chags kyi skyon mang po bstan to// yi dgas mang pos 'di skad ces gsol to/ / bdag cag ni bkres pa dang skom pas nyen to// chos kyi gsung mang po thos kyang gzung ba'i sems ma mchis so// bcom ldan 'das kyis bka' stsal pa/ khyed rnams klung gang+gA'i nang du zhugs la de'i chu la yid bzhin du 'thungs shig/ yi dag sa de rnams sangs rgyas kyi byin gyis chu 'thungs par gyur to// de ltar chu 'thungs nas de bzhin gshegs pas de dag la chos rnam pa sna tshogs bstan to/ / de dag gis chos thos nas bla na med pa yang dag par rdzogs pa'i byang chub tu sems bskyed de/ yi dgas kyi lus yongs su spangs nas lha'i lus thob par gyur to/ / rgyal po chen po de bas na sangs rgyas bcom ldan 'das ni bla na med pa'i sman pa zhes bya ste/ ston pa drug lta bu ni ma yin no// rgyal po chen po

  225. 113b

    yul mnyan du yod pa na mi rgod lnga brgya zhig/ rgyal po sde rab tu 'pham byed kyis mig phyung nas mdongs par gyur te/ de dag sangs rgyas gang na bar phyin pa'i dus med do// sangs rgyas bcom ldan 'das de dag la thugs brtse ba'i phyir/ mi rgod mig phyung ba rnams kyi drung du gshegs nas spro ba bskyed de/ rigs kyi bu dag lus dang ngag shin tu snyoms la phyin chad sdig pa ma byed cig/ mi rgod mang po de dag sangs rgyas las de bzhin gshegs pa'i gsung shin tu gsal ba thos ma thag tu mig kyang phyir mthong bar gyur nas/ sangs rgyas kyi spyan sngar thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das bdag cag gis ni/ sangs rgyas bcom ldan 'das kyi byams pa'i thugs sems can thams cad la khyab kyi/ lha dang mi 'ba' zhig la ma lags par rtogs so/ / de'i tshe bcom ldan 'das kyis de dag la chos bstan te/ de dag gis chos thos nas bla na med pa yang dag par rdzogs pa'i byang chub tu sems bskyed par gyur to// de bas na de bzhin gshegs pa ni 'jig rten gyi bla na med pa'i snyan pa yang dag pa ste/ ston pa drug lta bu ni ma yin no// rgyal po chen po yul mnyan du yod pa na/ rigs ngan dbugs 'phrog ces bya ba zhig yod de/ mi grangs med pa zhig bsad do// sangs rgyas kyi nye gnas mo'u 'gal gyi bu mthong nas/ de ma thag tu sems can dmyal bar ltung ba'i rgyu bcom nas/ sum cu rtsa gsum gnam gyi lhar skyes

  226. 114a

    de ltar 'phags pa'i nye gnas yod pas/ de bzhin gshegs pa ni bla na med pa'i ston pa zhes bya ste/ ston pa drug lta bu ni ma yin no// rgyal po chen po phreng khyer ser skya zhes bya ba na/ tshong dpon gyi bu ma pham pa zhes bya ba ma la mi tshangs par spyod de/ de'i rgyu de'i rkyen gyis pa'ang bsad par gyur to// phyis de'i ma mi gzhan dang 'khrig pa tshor nas ma'ang bsad do// de dgra bcom pa zhig dang shes te/ dgra bcom pa la ngo tsha ba'i phyir dgra bcom pa'ang bsad do// de ltar dgra bcom pa bsad nas gtsug lag khang du song ste/ dge slong gi dge 'dun dag las khyim nas khyim ma yin par rab tu 'byung bar gsol to/ / dge slong gi dge 'dun gyi rnams kyis mtshams med pa gsum gyi las byas par shes pas rab tu 'byung du ma gnang ngo // de ltar rab tu 'byung du ma gnang bas shin tu khros nas/ de'i nub mo me thogs te dge 'dun gyi gnas khang la me btang ngo // de'i 'og tu rgyal po'i khab tu song nas/ de bzhin gshegs pa gang na bar phyin pa dang / de bzhin gshegs pa las rab tu 'byung bar gsol nas/ de bzhin gshegs pas rab tu phyung ste/ de la chos bstan pas bags kyis kha na ma tho ba'i sdig lci ba'ang byang nas/ bla na med pa yang dag par rdzogs pa'i byang chub tu sems bskyed do/ / de bas na sangs rgyas bcom ldan 'das ni bla na med pa'i ston pa zhes bya ste/ ston pa drug lta bu ni ma yin no// rgyal po chen po ni rang bzhin

  227. 114b

    kyis khro zhing gtum la sdig pa'i bshes gnyen la yid ches pas/ de'i tshe rtsa sbyin gyis bal glang rmis pa btang nas/ sangs rgyas kyi thog tu mchongs pa las/ bal glang nas sangs rgyas mapong sa thas dul te/ de la sangs rgyas bcom ldan 'das kyis phyag brgyang nas/ ngal glang gi spyi bo la byugs te chos bstan pas/ de dag bla na med pa yang dag par rdzogs pa'i byang chub tu sems bskyed do// rgyal po chen po byol song gi skye gnas su gyur pa'ang / sangs rgyas dang phrad ma thag tu byol song gi skye gnas su gyur pa'i rnam par smin pa'ang yongs su bcom na/ mi'i rgyud du skyes pa lta ci smos te/ rgyal po chen po 'di ltar rig par gyis shig/ gal te sangs rgyas dang phrad na kha nA ma tho ba'i sdig yongs su 'byung bar 'gyur ro// rgyal po rnon po sangs rgyas bcom ldan 'das ston sa na med pa yang dag par rdzogs pa'i byang chub tu mngon par sangs rgyas pa na/ bdud kyi ris tshad med grangs med pa byang chub sems dpa'i drung du lpags so// de'i tshe byang chub sems dpas bzod pa'i stobs kyis bdud sdig to can gyi sems btul te/ bdud rnams la chos bstan nas bla na med pa yang dag par rdzogs pa'i byang chub tu sems bskyed do// sangs rgyas bcom ldan 'das la de lta bu'i yon tan chen po'i mthu mnga' 'o/ / rgyal po chen po 'brog dgon pa'i yi dgas sems can mang po gsod pa dag yod do// de'i tshe de bzhin gshegs pas/ tshong dpon nor bzangs kyi khrir 'phrog dgon pa'i yi dgas gang

  228. 115a

    na bar gshegs te de dag la chos bstan to/ / 'brog dgon pa'i yi dgas de dag chos gsungs pa thos nas rab tu dga' mgur rangs te/ tshong dpon gyi bu nor bzangs sangs rgyas la phul te/ bla na med pa yang dag par rdzogs pa'i byang chub tu sems bskyed par gyur to// rgyal po chen po yul ser skya na shan pa phral ba yangs shes bya ba zhig nyin gcig kyang lug grangs med par gsod de/ shA ri'i bu mthong nas nyin zhag gcig gi khrims brgyad mnos so// de'i rgyu de'i rkyen gyis tshe 'phos nas/ byang phyogs kyi mgon po ngal bso bo'i bur skyes so// de bzhin gshegs pa'i nye gnas la'ang de lta bu'i yon tan chen po yod na/ sangs rgyas bcom ldan 'das lta smos kyang ci dgos/ rgyal po chen po yul byang phyogs na grong khyer gseg ma zhes bya ba'i rgyal po klu'i phyag rgya zhes bya ba rgyal po'i srid 'dod pa'i phyir pha bsad do/ / de ltar pha bsad nas shin tu 'gyod pa'i sems skyes te/ yul gyi srid btang nas de bzhin gshegs pa gang na bar lhags te rab tu 'byung bar gsol to// / bcom ldan 'das kyis de la legs so zhes bka' stsal nas/ dge slong du gyur te kha na ma tho ba'i sdig kyang yongs su byang nas/ bla na med pa yang dag par rdzogs pa'i byang chub tu sems bskyed par gyur to/ / rgyal po chen po de bas na de bzhin gshegs pa la yon tan chen po grangs med tshad med pa mnga' bar rig par bya'o// rgyal po chen po de bzhin gshegs pa la gcung lha sbyin zhes bya ba yod de/ dge 'dun gyi

  229. 115b

    dbyen byas nas/ sangs rgyas kyi sku la ngan sems kyis khrag phyung ste/ dge slong ma pad+mo zhes bya ba'ang bsad pas mtshams med pa gsum gyi las byas so// de la'ang de bzhin gshegs pas chos rnam pa sna tshogs bstan nas/ kha na ma tho ba'i sdig kyang khad kyis byang bar gyur to// de bas na de bzhin gshegs pa ni sman pa chen po zhes bya ste/ ston pa drug lta bu ni ma yin no// rgyal po chen po gal te bdag smra ba'i tshig la thugs ches na/ sangs rgyas bcom ldan 'das gang na bzhugs par myur du bzhud cig/ ci ste thugs mi ches na'ang legs par dgongs shig/ rgyal po chen po sangs rgyas bcom ldan 'das kyi thugs rje chen po ni thams cad la khyab pas dam pa'i chos gcig tsam mam/ 'ga' tsam la ston pa ni ma yin no// mnyen pa dang sdang ba la thugs mnyam pas na/ gang zag gcig tsam bla na med pa yang dag par rdzogs pa'i byang chub la bkod de/ gzhan mi dgod pa ma yin no// de bzhin gshegs pa 'khor rnam bzhi po 'ba' zhig gi ston pa ma yin gyi/ 'jig rten du bcas/ pa lha dang / mi dang / klu dang / i dgas dang / byol song dang / sems can dmyal ba la sogs te/ thams cad kyi ston pa yin pas/ de bas na sems can thams cad kyis kyang / sangs rgyas bcom ldan 'das la pha ma dang 'dra bar 'du shes bskyed pa'i rigs so// rgyal po chen po de bzhin gshegs pa ni rigs mtho zhing btsun pa rgyal po ba te ka 'ba' zhig la chos ston pa ma

  230. 116a

    lags kyi/ rigs dma' zhing ngan pa ud pa li la sogs pa la'ang chos ston to// u bar ta dang an ya te 'ba' zhig gis phul ba'i zhal zas bzhes par ma zad kyi/ dngul po su dar ti'i zhal zas kyang bzhes so// dbang po rnon po shA ri'i bu la sogs pa 'ba' zhig la chos ston pa ma lags kyi/ dbang po rtul po che'u li ban la sogs pa la'ang chos ston to// 'dod chags med pa'i rang bzhin can 'od srungs chen po la sogs pa la rab tu 'byung bar gnang ba ma lags kyi/ 'dod chags can gnyen dga' bo la sogs pa'ang rab tu 'byung bar gnang ngo // nyon mongs pa srab pa lteng rgyas 'od srungs la sogs pa rab tu 'byung bar gnang ba ma lags kyi/ kha na ma tho ba'i las byas pa rgyal po rab tu sde pham byed kyi nu bo su ta a'ang rab tu 'byung bar gnang ngo // 'jag ma zhes bya ba bsti stang dang bcas pas bsnyen bkur byas te zhe sdang rtsa ba nas bton pa ma lags kyi/ sor mos brgyan ngan sems kyis gnod pa byed pa'ang ma bkol te skyabs mdzad do// shes rab dang ldan pa skyes pa 'ba' zhig la chos ston pa ma lags kyi/ shin tu glen pa bud med g.yem pa g.yem pa'i chos mkhas pa la'ang chos ston to// rab tu 'byung ba'i 'khor bzhi po 'ba' zhig gis byang chub kyi 'bras bu thob pa ma lags kyi/ khyim na gnas pas kyang 'bras bu gsum thob par mdzad do// pu tan la sogs pa 'du 'dzi yongs su spangs nas/ bas mthar sems rtse gcig 'ba' zhig la chos kyi don

  231. 116b

    ston pa ma lags kyi/ rgyal po gzugs can snying po la sogs pa yul gyi srid byed pa la'ang chos kyi don ston to// chang yongs su bcad pa 'ba' zhig la ma lags kyi/ khyim bdag drag po chang gis shin tu myos pa la'ang chos ston to/ / ting nge 'dzin la mnyam par gzhag pa li pa ta la sogs pa 'ba' zhig la ma lags kyi/ bu shi nas sems 'khrugs pa bram ze mo ba si ta la'ang chos ston to// bdag giH gnas 'ba' zhig la ma yin gyi/ mu stegs can gcer bu pa la'ang chos ston to// shin tu lang tsho la bab pa nyi shu lnga lon pa 'ba' zhig la ma lags kyi/ rgas 'khogs pa lo brgyad cu lon pa la'ang chos ston to/ / dbang po yongs su smin pa'i gang zag 'ba' zhig la chos ston pa ma lags kyi/ dge ba'i rtsa ba ma smin pa la'ang chos ston to// btsun mo 'phreng ldan ma 'ba' zhig la chos ston pa ma lags kyisbrul 'tshong ma pad+mo la'ang chos ston to/ / rgyal po sde rab tu 'pham byed kyis phul ba'i zhal zas ro mchog dang ldan pa 'ba' zhig bzhes pa ma lags kyi/ khyim bdag shi ri kub tas zhal zas dug dang bsres te phul ba'ang bzhes so/ / rgyal po chen po 'di ltar rig par gyis shig/ shi ri kub ta zhes bya ba ni sngon 'das pa'i dus na'ang mtshams med pa byas pa'i las kyi rgyu yod de/ sangs rgyas dang phrad nas chos thos pas bla na med pa yang dag par rdzogs pa'i byang chub tu sems bskyed par gyur to// rgyal po chen po gal te zla ba gcig gi bar du sems can thams cad la zas dang gos kyi sbyin

  232. 117a

    pa byin pa bas/ gang zag gcig gis skad cig tsam sangs rgyas rjes su dran na bsod nams 'di'i bcu drug cha gcig tsam yang mi yod do// rgyal po chen po gal te gser la mi byas nas shing rta brgya snyed sbyin pa byin pa bas/ gang zag gang zhig sems bskyed de sangs rgyas kyi phyogs su gom pa gcig tsam bor ba'i bsod nams su mi phod do// rgyal po chen po gal te g.yul chen po gcig gi rin po che rnam pa sna tshogs bal glang gis drangs pa shing rta brgya snyed dang / bud med do shal dang 'phreng bas yongs su brgyan pa'ang brgya snyed kyi sbyin pa byin pa bas/ sems bskyed de sangs rgyas bzhugs pa'i phyogs su gom pa gcig bor ba bsod nams che ste/ de'ang re zhig zhog la gal te mchod pa'i yo byad rnam pa bzhis/ stong gsum gyi stong chen po'i 'jig rten gyi khams kyi sems can thams cad la sbyin pa byin pa bas// sems bskyed de sangs rgyas kyi phyogs su gom pa gcig bor na bsod nams che'o// de'ang re zhig zhog la gal te rgyal pos gang+gA'i klung gi bye ma snyed kyi sems can grangs med pa la sbyin pa byin pa ni/ shing sA la drung gnyis kyi bar de bzhin gshegs pa'i spyan sngar sems zag pa nas chos nyan du 'gro ba tsam mi phod do/ / de nas rgyal po chen pos/ 'tsho byed la 'di skad ces smras so// sangs rgyas bcom ldan 'das zhes bya ba ni rang bzhin gyis shin tu dul bas na 'khor rnams kyang shin tu dul te/ ji ltar shing tsan dan gyi tshal la tsan dan 'ba' zhig gis bskor ba bzhin no// de bzhin gshegs pa rnam

  233. 117b

    par dag pas 'khor rnams kyang rnam par dag pa ste/ ji ltar klu chen po klu'i 'khor gyis yongs bskor ba bzhin no// de bzhin gshegs pa ni rab tu zhi bas 'khor rnams kyang rab tu zhi ba'o// de bzhin gshegs pa ni 'dod chags med pas 'khor rnams kyang 'dod chags med pa'o/ / sangs rgyas la nyon mongs pa med pas 'khor rnams kyang nyon mongs pa med pa yin na/ kho bo lta bu shin tu sdig pa can kha na ma tho ba'i las kyis kun tu glags pa/ shin tu mnam zhing brtsog pa/ sems can dmyal ba'i khams su gtogs pa 'di ji lta bur de bzhin gshegs pa'i spyan sngar 'gro bar bya/ ci ste phyin na'ang kho bo la mi gzigs shing bka' stsal par yang mi gnang du dogs te/ khyod kyis kho bo la sangs rgyas kyi spyan sngar 'gro bar bskul kyang / bdag ni shin tu brtsog pas 'gro ba'i sems 'di tsam yang med do// de'i tshe steng gi nam mkha' las kyang 'di skad ces grags par gyur to// bla na med pa'i sangs rgyas kyi chos kyang nub tu nye/ chos shin tu zab pa'i chu klung yang skam la khang/ chos kyi sgron ma chen po'ang ring por mi thogs la/ chos kyi ri bo'ang 'gyel du nye/ chos kyi gru'ang zhig la khang/ chos kyi zam pa'ang 'jig tu nye/ chos kyi gzhal med khang yang rdib tu nye/ chos kyi rgyal mtshan yang 'gyel du nye/ chos kyi sdong po'ang chag la kha da/ dge ba'i bshes gnyen yang 'gro la khad/ 'jigs pa chen po ni 'ong du nye/ chos kyis ltogs pa'i sems can ni ring po mi

  234. 118a

    thogs par 'byung / nyon mongs pa'i rims nad ni 'byung la khad// mun nag chen pos ni non pa'i dus la bas// chos kyis 'phongs pa'i dus ni bab tu nyel/ bdud kyi rgyal po ni shin tu dga' nas go cha'ang bor/ sangs rgyas kyi nyi ma ni mya ngan las 'das pa chen po'i ri rtser nub la khad do// rgyal po chen po gal te sangs rgyas gshegs par gyur na/ rgyal po chen po'i kha na ma tho ba'i las 'di ni gzhan sus kyang gso mi nus so/ / rgyal po chen po khyod ni mtshams med pa'i sems can dmyal ba'i kha na ma tho ba'i las byas pas/ las de'i rkyen gyis the tshom med par lhung du nges so/ / rgyal po chen po a zhes bya ba ni med pa'o// bi zhes bya ba ni mtshams so// bde ba'i mtshams cung zad kyang med pas/ mtshams med pa zhes bya'o// rgyal po chen po gal te mi gcig pu zhig dmyal ba der lhung na'ang de'i lus dpag tshad brgyad khri'i nang yongs su gang ste/ bar mtshams kyis stong pa med par de'i lus la kho ra khor yug tu chub par sdug bsngal rnam pa sna tshogs myong ngo // ci ste mi mang zhig lhung na'ang lus kyis yongs su gang ste/ gcig la gcig gzer zhing dog pa med do// rgyal po chen po zang ba'i sems can dmyal bar ni tsha ba'i rlung cung zad tsam dang phrad pas de yang bde ba zhes bya ba'o// tsha ba'i sems can dmyal ba'ang grang ba'i rlung cung zad tsam dang phrad pas de yang bde ba zhes bya'o// 'tsho ba'i sems can dmyal ba yang shi nas/ sos shes bya ba'i sgra thos pas de ma thag du 'tsho'o//

  235. 118b

    mtshams med pa'i sems can dmyal ba la ni de lta bu'i bag med do// rgyal po chen po mtshams med pa'i sems can dmyal ba la phyog bzhin sgo re re yod do// sgo de re re'i phyi rol na me chen po yod de/ lho byang shar nub thal byung du 'bar ro// dpag tshad brgyad khri kho ra khor yug tu lcags kyi ris bskor te/ steng yang lcags kyi dra bas bla res bres nas/ sa gzhi'ang lugs las byas so// steng gi me'ang 'og tu thal/ 'og gi me'ang steng du thal byung 'bar ro// rgyal po chen po sla nga'i steng duHgzhag na tshig pa dang 'dra bar/ de na gnas pa'i mi'ang de dang 'dra'o// rgyal po chen po mtshams med pa gcig byas na/ mtshams med pa gcig myong / mtshams med pa gnyis byas na/ gnyis 'gyur myong ngo // mtshams med pa lnga byas na/ lnga 'gyur myong bar 'gyur ro// rgyal po chen po bdag gis ni rgyal po'i kha na ma tho ba'i las 'dis gdon mi za bar mi thar par shes kyis/ rgyal po chen po de bzhin gshegs pa gang na bzhugs par myur du bzhud cig/ sangs rgyas bcom ldan 'das ma gtogs pa/ gzhan sras kyang skyabs su 'gyur ba med de/ kho bo ni khyod la snying brtse ba'i phyir 'di skad ces bskul ba yin no// de'i tshe rgyal po chen pos de skad ces grags pa'i tshig thos nas shin tu 'jigs sngangs te spyi bung zhes byed nas/ lus kyi yan lag lnga 'ang chu shing lta bur g.yos nas yar bltas te/ 'di skad du smra ba gzugs ni ma mthong gi/ skad 'ba' zhig grag pa 'di

  236. 119a

    su yin zhes smras so/ / rgyal po chen po kho bo ni khyod kyi la gzugs can snying po yin gyis/ khyod 'tsho byed kyi tshig nyon cig/ ngan par lta ba blon po drug gi tshig ni ma yin no// rgyal pos de skad ces grags pa'i tshig thos ma thag tu brgyal nas sa la 'gyel te/ lus kyi 'brum bu yod skyes nas snga ma pas lhag par mnam zhing brtsog par gyur te/ bsil sman gyis bskus kyang 'brum bu lhag par tsha bar gyur gyi/ 'tsho ba ni med do// // 'phags pa yongs su mya ngan las 'das pa chen po'i mdo bam po nyi shu pa// / de'i tshe na bcom ldan 'das ston pa thugs rje chen po rgyal po ma skyes dgra'i phyir zla ba lta bu'i ting nge 'dzin la zhugs so/ / ting nge 'dzin la zhugs nas 'od zer chen po gtang ngo // 'od shin tu sim pa des rgyal po'i lus la reg nas lus kyi 'brum bu sos te tsha bas gdungs pa'ang ye zhi bar gyur to/ / rgyal pos 'brum bu sos shing lus kyi yan lag bsil bar tshor nas/ 'tsho byed la 'di skad ces smras so// sngun mkhas pa dag 'di skad ces zer ro// bskal pa zad du nye ba na zla ba gsum cig car 'byung ste/ de'i tshe na sems can thams cad kyi na ba dang sdug bsngal kun zhi bar 'gyur ro// de'i dus la dadungangam bab par 'od 'di ga las byung na/ nga'i lus la reg nas 'brum bu'i sdug bsngal byang zhing lus bde bar gyur/ 'tsho byed kyis smras pa/ 'di ni bskal pa zad du nye ba'i tshe zla ba gsum

  237. 119b

    cig car byung ba'ang ma yin/ me dang / nyi ma dang / skar ma dang / sman dang / nor bu rin po che dang / lha'i 'od kyang ma yin no// rgyal pos yang smras pa/ zla ba gsum dang nor bu rin po che la sogs pa'i 'od ma yin na/ 'o na 'di su'i 'od/ smras pa/ rgyal po 'di ni lha'i lhas btang ba'i 'od yin par rig par bya'o// 'od 'di ni rtsa ba med/ mthar thug pa ma yin/ tsha ba ma yin/ grang ba ma yin/ rtag pa ma yin/ 'gogs pa ma yin/ gzugs ma yin// gzugs med pa ma yin/ mtshan nyid ma yin/ mtshan nyid med pa ma yin// sngon po ma yin/ ser po ma yin/ dmar po ma yin/ dkar po ma yin te/ sems can sgrog pa'i phyir mthong ba dang / mtshan nyid brjod du yod pa dang / rtsa ba yod pa dang / mtha' yod pa dang / tsha ba yod pa dang / grang ba yod pa dang / sngon po dang / ser po dang / dmar po dang / dkar po'ang yod do// rgyal po chen po de lta mod kyi/ 'od de ni yang dag par na brjod du med/ mthong ba ma yin pa nas/ sngon po dang / ser po dang / dmar po dang / dkar po'i bar du med do/ / rgyal pos/ 'tsho byed la smras pa/ lha'i lha de ci'i rgyu ci'i rkyen gyis 'od 'di btang bar gyur/ smras pa/ rgyal po chen po deng gi ltas 'di ni rgyal po la dgongs pa'i phyir btang ba 'dra'o/ / rgyal pos 'di skad 'jig rten na sman pa mkhas pa lus dang sems kyi nad gso nus pa med do// de'i phyir 'od 'di btang nas sngar rgyal po'i lus gsos te/ de nas sems kyang gso bar

  238. 120a

    mdzad do/ / rgyal pos/ yang 'tsho byed la smras pa/ bcom ldan 'das de bzhin gshegs pa bdag la dgongs sam// 'tsho byed kyis smras pa/ dper na mi zhig la bu bdun yod de/ bdun las gcig nad kyis btab na pha mas bu de dag mi snyoms pa ma yin te/ 'on kyang bun pa de la cher sems so// rgyal po chen po de bzhin gsheg pa'ang de dang 'dra ste/ sems can thams cad la thugs mi snyoms pa ma lags mod kyi/ sdig pa can la lhag par dgongs so// le lo can la ni sangs rgyas thugs brtse bas dgongs so// le lo med pa la ni thugs btang snyoms su 'jog go// de la le lo med pa gang zhe na/ 'di lta ste/ byang chub sems dpa' sa drug la gnas pa dag go// rgyal po chen po sangs rgyas bcom ldan 'das ni sems can gyi rigs dang / rgan pa dang / zhon nu dang / dar la bab pa dang / dbul po dang / phyug po dang / dus dang / nyi ma dang / zla ba dang / skar ma dang / bzo dang / rigs ngan dang / bran po dang / bran mor mi rtog ste/ ses can gang dge ba'i sems yod pa 'ba' zhig la rtog pas/ dge ba'i sems yod na byams pa'i thugs kyis dgodra so// rgyal po chen po 'od kyi ltas 'di ni de bzhin gshegs pa zla ba lta bu'i ting nge 'dzin la snyoms par zhugs nas btang ba'i 'od yin par rig par bya'o/ / rgyal pos dris pa/ zla ba lta bu'i ting nge 'dzin ces bya ba ji lta bu yin/ 'tsho byed kyis gsol pa/ dper na zla ba'i

  239. 120b

    'od ni ut+pa la'i me tog thams cad kha 'bus shing gsal bar byed/ de bzhin du zla ba lta bu'i ting nge 'dzin gyis kyang sems can thams cad kyi dge ba'i sems kha dbye zhing / 'bu bar mdzad do// de bas na zla ba lta bu'i ting nge 'dzin ces bya'o/ / rgyal po chen po dper na zla ba'i 'od ni 'gron po thams cad dga' bar byed do// de bzhin du zla ba lta bu'i ting nge 'dzin kyang de dang 'dra ste/ mya ngan las 'das pa'i lam bgrod pa dag dka' ba'i sems skye bar byed de/ de bas na zla ba lta bu'i ting nge 'dzin ces bya'o// rgyal po chen po dper na zla ba'i 'od ni thog ma tshes gcig nas/ bco lnga'i bar du dbyibs dang 'od kyang pags kyis rgyas shing rdzogs par 'gyur ro/ / de bzhin du zla ba lta bu'i ting nge 'dzin kyang sems dang po bskyed pa'i dge ba'i rtsa ba rnams bags kyis skye zhing rgyas par byed pa nas/ yongs su mu ngan las 'das pa chen po'i bar du yongs su rdzogs par byed do/ / de bas na zla ba lta bu'i ting nge 'dzin ces bya'o// rgyal po chen po dper na zla ba'i 'od tshes bcu drug nas/ sum cu la thug na/ dbyibs dang / kha dog dang / 'od dang / snang ba bags kyis 'bri zhing chung bar 'gyur ro// de bzhin du zla ba lta bu'i ting nge 'dzin gyi 'od kyis gar snang ba'i gnas der nyon mongs pa thams cad bkas kyis 'bri zhing chung bar 'gyur te/ de bas na zla ba lta bu'i ting nge 'dzin ces bya'o// rgyal po chen po dper na rab tu tsha ba'i dus na/ sems can thams cad rtag tu zla ba'i 'od sems so// zla ba'i 'od kyis phog nas tsha ba med par 'gyur ro//

  240. 121a

    de bzhin du zla ba lta bu'i ting nge 'dzin kyang sems can gyi 'dod pa'i nyon mongs pas gdungs pa thams cad med par byed do// rgyal po chen po dper na zla ba nya ni ska ma mang po'i rgyal po lta bu ste/ bdud rtsi'i ro lta bur sems can thams cad dga' zhing mos so// de bzhin du zla ba lta bu'i ting nge 'dzin kyang de dang 'dra ste/ dge ba thams cad kyi rgyal po bdud rtsi'i ro lta bu ste/ sems can thams cad dga' zhing mos te/ de bas na zla ba lta bu'i ting nge 'dzin ces bya'o// rgyal pos smras pa/ kho bos 'di skad ces thos te/ de bzhin gshegs pa ni mi sdig pa can dang lhan cig mi gnas/ mi 'gogs gtam mi zer te/ ji ltar rgya mtshor mi ro zhag du mi gnas pa dang / bya ngur pa snam phyi sar mi gnas pa dang / brgya byin lha'i dbang phyug yi dgas dang lhan cig mi gnas pa dang / bya ku shi la shing skam po'i steng du nyal ba dang 'dra bar thos te/ de bzhin gshegs pa'ang de dang 'dran/ bdag gis ji lta bur mthong bar bya/ gal te mthong bar gyur na kho bo'i lus sa'i nang du mi nub bam/ kho bos bltas na de bzhin gshegs pa ni bal glang rmis pa dang / seng ge dang / stag dang / spyang ki dang / me mur dang nye'ang bla'i/ mi sdig can dang nam du'ang mi sten pa 'dra'o snyam sems/ bdag gis ji lta bu'i sems dang chas te de bzhin gshegs pa'i spyan sngar 'gro bar bya/ 'tsho byed kyis spras pa/ rgyal po chen po dper na skom gyis gdungs pa sbyar du chu mig gtsang

  241. 121b

    gan du 'gro'o/ / bkres pa zas 'dod pa dang / 'jigs pa skyabs 'dod pa dang / nad pa sman pa 'dod pa dang / tsha ba grib ma 'dod pa dang / grang ba me 'dod pa dang 'dra bar/ da ltar rgyal po sangs rgyas 'dod ba'ang de dang 'dra bar bya ba'i rigs so/ / rgyal po chen po de bzhin gshegs pa ni log sred can la'ang dam pa'i chos ston na/ rgyal po chen po log sred can ma lags pa la thugs rjer dgongs shing skyabs mdzad pa lta ci smos/ rgyal pos smras pa/ 'tsho byed kho bos sngon 'di skad ces zer ba thos te/ log sred ces bya ba ni ma dad pa/ mnyan pa/ don yid la mi byed pa/ don yang mi rtogs pa yin no zhes zer na/ de bzhin gshegs pa ci ste chos ston par 'gyur/ 'tshe byed kyis smras pa/ rgyal po chen po dper na mi la la zhig nad tshabs po che chen pos btab na/ rmi lam na ka ba gcig cig pa'i khang par 'dug gam/ mar dang snum la sogs pa za zhing lus la'ang skus dam/ thal ba'i nang du nyal te thal ba'am/ shing skam po rul pa la 'dzeg gam/ bar bar spre'u dang 'grogs shing nyal 'dug gam dug gam chur bying ngam/ 'jim rdzab tu nub bam/ yang thog gam/ khang pa 'am/ ri mthon po'am/ shing gi kha 'am/ bal glang ngam/ rta 'am/ ba lang ngam/ lug gi thog nas lhung ba'am/ lus la gos sngon po 'am/ ser po 'am/ dmar po 'am/ nag po gyon te glu gar dang rtsed mo byed pa'am/ bya rog gam srin bya'am

  242. 122a

    wa la sogs pa mthong ba 'am/ so dang sgra lhung ba 'am/ gcer bur khyil sngas bcas te lud phung gi steng du nyal ba'am/ sngon shi ba'i mi dang lhan cig 'grogs shing 'dug gam/ lag pa sbrel zhing 'gro 'am/ sbrul gdug pas gang ba'i steng du 'grogs te 'gro 'am/ yang na bud med sgra bshig pa lag gis 'khyud cing lhan cig nyal ba rmis pa 'am/ shing ta la'i lo mas gos byed pa 'am/ bong bus 'dren pa'i shing rta zhig pa la zhon te lho phyogs su 'gro ba 'am/ de lta bu dag rmis nas shin tu mi dga' ba sems par gyur to// de ltar mi dga' bas gdungs pa'i phyir nad kyang phyir na bar gyur to/ / nad na bas gnyen rnams kyis sman pa gnyer du btang ngo // gal te sman pa'i steng du mngags pa'i mi de lus thung ngam/ lus kyi yan lag ma tshang zhing dbang po dang mi ldan pa'am/ mgo la rdul chags pa'am/ gos ral po gyon pa 'am/ shing rta zhig pa khrid de sman pa la 'di skad du myur du shing rta la 'dzegs shes zer na/ de'i tshe sman pa mkhas pa des de lta bu'i sun ma ltas bkra mi shis pa mthong nas/ nad pa de ni shin tu gso dka' 'o snyam sems so// yang 'di snyam du de ltar sun ma bkra shis pa ma yin mod kyi// yang gsor rung ngam mi rung snyam nyi ma la blta'o// de la gal te tshes bzhi dang / drug dang / brgyad dang / bcu gnyis dang / bcu bzhi'i nyi ma la nad kyis btab na gso dka' 'o snyam sems

  243. 122b

    so/ / yang 'di snyam sems te/ nyi ma ngan mod kyi/ yang gsor rung ngam mi rung snyam skar ma la blta'o// de la skar ma me dang / gsar dang / snar ma dang / gshin rje dang / gsher dang / gang dang / skar ma de dag la nad kyis btab na gso dka' 'o// yang 'di snyam du skar ma ngan yang dus la blta'o snyam ste/ de la ston dang / dgun dang / nyi ma nub pa'i dus dang / nam phyed dang / zla ba nub pa'i dus su nad kyis btab na gso dka' 'o// yang 'di snyam du de ltar ltas mang po de dag ngan mod kyi/ rtogs kyang srid/ ma rtogs kyang srid do// nad pa nyid bltas te/ gal te bsod nams yod pa zhig na gsor rung ngo / / bsod nams med na ltas bzang yang ci la phan snyam sems so// de snyam du bsams nas sun ma dang 'grogs te lam du zhugs pa dang / yang 'di snyam du gal te nad pa de tshe ring ba'i ltas yod na gsor rung ngo / / tshe thung ba'i ltas dang phrad na gsor mi rung snyam bsams nas/ lam du bus pa chung ngu gnyi gcig lag gi drangs te 'thab la/ thor to nas bzung nas sgra 'ba' zhing gyo mo dang / rdo dang / mtshon dang / dbyig pa 'phen zhing gcig la gcig brdeg pa dang / me thogs pa me rang shi ba mthong ngam/ shing gcod pa mthong ngam/ mi'i lag pa na ko ba nyid cing lam du 'gro ba 'am/ lam na rdzas lus pa mthong ngam/ mi snod stong thogs pa mthong ngam/ dge sbyong gcig pu grogs med par 'gro ba mthong ngam/ stag gam/ sbyang

  244. 123a

    ki 'am/ bya rog gam/ srin bya 'am/ wa la sogs pa dngos po de lta bu dag mthong nas/ yang 'di snyam du mngags pa'i sun ma nas/ lam du 'gro ba'i bar du mthong ngo / cog kyang bkra mi shis na/ nad pa de gdon mi za bar gso dka' 'o snyam sems so// yang 'di snyam du bdag gal te ma song na sman pa mkhas pa zhes mi grags la/ ci ste song na gsor mi rung ngo snyam sems te/ yang 'di snyam du bsams so// de lta bu'i ltas mang po dang bkra mi shis mod kyi/ 'on kyang nad pa'i thad du tshe gcig 'gro'o snyam bsams nas/ lam du 'gro ba las sgra 'di dag thos na mi rung ste/ gang zhe na/ shaM ba dang / stor ba dang / byung ba dang / chag pa dang / zhig pa dang / grugs pa dang / shus pa dang / lhung ba dang / grol ba dang / khur khyer pa dang / tshig pa dang / ma 'ongs shes zer pa de dag thos na gso dka' ste/ mgon skyabs mi nus so// yang lho phyogs nas bya'i skad thos pa la/ 'di lta ste/ bya rog dang / srin bya dang / skeg ka'i skad dang / khyi 'am/ byi ba 'am/ wa 'am/ ri bong ngam/ phag ste/ de dag gi skad thos nas yang 'di snyam du nad pa de ni shin tu gso dka' 'o snyam sems so// de nas nad pa'i khyim du zhugs pa dang / nad pal bltas na/ de res 'ga' ni grang / res 'ga' ni tsha zhing lha tshogs thams cad lhang lhung bor na ste/ mig dmar la mchi ma zag pa dang / rna ba'i nang sgra grag pa dang / lkog ma

  245. 123b

    'gags te na ba dang / lcogs pa dang / mdog rab tu gnag pa dang / mgo mi theg pa dang / lus skem zhing rdul med pa dang / bshang gci 'gag pa dang / lus glo bur du tshe rab tu/ gyur te/ shin tu dkar ba dang / dmar ba dang / tshig gi sgra shas mi mnyam zhing / res 'ga' ni sbom/ res 'ga' ni phra ba dang / lus thams cad khra bor gyur cing / ngo mtshar gyi kha dog sngon po dang / ser po byung ba dang / khong pa gang zhing skrangs nas smra ba'i tshog mi gsal te/ de lta bur gyur pa mthong nas nad g.yog de la nad pa 'di sngon gyi tshul las gyur pa ci yod ces dris so// nad g.yog des smras pa/ sman pa chen po mi 'di sngon dkon mchog gsum dang lha rnams la dad cing bkur sti byed pa las/ da ni 'gyur te dad pa'i sems med par gyur to// sngon ni sbyin pa la dga' ba las/ da ni 'jungs par gyur to/ / sngon lto chung ba las/ da ni lto che bar gyur to// sngon khro zhing zhe sdang che ba las/ da ni 'jam zhing nges par gyur to// sngon srid zhu che zhing pha ma la ngo mtshar bkur sti byed pa las/ da ni pha ma la bkur sti byed pa'i sems med par gyur to// sman pas de skad ces zer ba zos nas/ drung ngu bsnyen te bsnams so// de la ut+pa la'i dri bro ba dang / a ka ru dang / spos sna tshetshogs dang / spos phyid ga ta dang / ta ka ra dang / ta ma la dang / gur kum dang / tsan dan gyi dri bro ba dang / sreg shi'i dro bro ba dang / rgun chang bro ba dang / rgyus pa dang rus pa bsregs pa'i dri ltar

  246. 124a

    mnam pa dang / nya bro ba dang / ngan skyugs bro ba ste/ de ltar dri zhim po dang mnam po gang bro ba rig nas/ lus la bsnams te lus dar ram/ me tog ka pa sha ltar mnyen zhing 'jam pa'am/ 'on te rdo bzhin sra 'am/ chab bro bzhin du grang ngam/ me bzhin du tsha 'am/ bye ma bzhin du rtsub par gyur na/ de nas sman pa mkhas pa des/ de lta bu'i ltas rnam pa snga tshogs mthong nas/ nad pa de gdon mi za bar 'chi bar shes mod kyi/ 'on kyang mi 'di 'chi'o zhes pa'i tshig chad pa mi smra ste/ nad g.yog la 'di skad du bdag deng bral ba zhig yod kyis sang 'ong ngo / / ci dang ci 'dod pa ma 'gag par byin cig ces smras nas phyir khyim du song ngo // de nas yang 'bod du 'ongs na sun ma la 'di skad du/ bdag gi las da dung ma zin pa'i steng du sman kyang ma sbyar ro zhes zer/ mkhas pa shes rab can gyis ni nad pa de gdon mi za bar 'chi bar rig go/ rgyal po chen po bcom ldan 'das kyang de dang 'dra ste/ log sred can dag gi dbang po dang rang bzhin ji lta ba rab tu mkhyen pas/ de la'ang chos ston to// de ci'i phyir zhe na/ gal te de dag la chos ma bstan na bus pa ma rabs thams cad 'di skad du// de bzhin gshegs pa ni byams pa dang snying rje chen po mi mnga' 'o/ / byams pa dang snying rje mnga' ba ni thams cad mkhyen pa zhes bya ste/ byams pa dang snying rje med na// ji ltar na thams cad mkhyen pa zhes smra ba de dag gi phyir/

  247. 124b

    de bzhin gshegs pa log sred can dag la chos ston to// rgyal po chen po sangs rgyas bcom ldan 'das ni na ba rnams gzigs na// rtag tu chos kyi sman byin te/ nad pas sman mi 'thung gi/ de bzhin gshegs pas mnyis so/ / rgyal po chen po log sred can dag rnam par phye na rnam pa gnyis te/ da ltar gyi dus na dge ba'i rtsa ba thob pa dang / phyi ma'i dus su dge ba'i rtsa ba thob pa'o// de bzhin gsheg pas log sred can gang da ltar gyi dus su dge ba'i rtsa ba 'thob pa mkhyen pas de la chos ston to/ / phyi ma'i dus su 'thob par 'gyur ba la chos ston to// da ltar gyi dus su phan par mi 'gyur yang / phyi ma'i dus kyi rgyur 'gyur ba'i phyir/ de bzhin gshegs pas log srad can la chos kyi gzhung ston to// log srad can zhes bya ba la'ang rnam pa gnyis te/ dbang po rnon po dang / dbang po 'bring po'o/ / dbang po rnon pos ni da ltar gyi dus na dge ba'i rtsa ba thob bo// dbang po 'bring pos ni phyi ma'i dus na 'thob par 'gyur te/ sangs rgyas bcom ldan 'das ni don med par chos mi ston to// rgyal po chen po dper na mi gtsang ma zhig snam phyi sar lhung nas/ grogs po zla bo zhig gis mthong ba dang skra la bzung ste phyir byung ngo // de bzhin du sangs rgyas bcom ldan 'das kyang / sems can dag ngan song gsum du lhung ba gzigs na thabs kyis bskyab cing 'byung bar mdzad do/ / de bas na de bzhin gshegs pa log sred can thams can la chos ston to// rgyal pos/ 'tshe byed la smras pa/ gal te de bzhin

  248. 125a

    gshegs pa yang dag pa de lta bu yin pa bden na lta sang nyi ma bzang po skar ma bzang po bltas te gzod 'dong ngo / / 'tsho byed kyis gsol pa/ rgyal po chen po de bzhin gshegs pa'i chos la nyi ma dang skar ma bzang ngan ces bya ba med do/ / rgyal po chen po dper na nad tshabs po che la'ang nyi ma dang / skar ma dang / dus bzang ngan ces bya ba lta ba med do// sman pa mkhas pa don du gnyer ro/ / rgyal po'ang nad tshabs po ches btab pa dang 'dra ste/ sman pa de bzhin gshegs pa gnyer la/ nyi ma dang dus bzang ngan blta ba'i mi rigs so// rgyal po chen po dper na tsan dan gyi ma dang a ra na da'i me gnyis ka tshig pa'i mtshan nyid du 'dra ste tha dad pa med do/ / nyi ma bzang po dang ngan pa'ang de dang 'dra ste/ gal te sangs rgyas kyi spyan sngar phyin na sdig pa kun 'byang bar 'gyur gyis// rgyal po chen po de ring nyid myur du gshegs par smon to// de nas rgyal po chen pos blon po bkra shis bya ba bkug nas 'di skad ces bka' stsal to// 'di ltar rigs par byos shig/ bdag deng sangs rgyas bcom ldan 'das kyi spyan sngar 'gros/ myur du mchod pa'i yo byad dang gos so cog sbyor cig/ blon pos gsol pa/ rgyal po chen po legs so legs so// yo byad ci bzhed 'tshal thams cad mchis so/ / de nas rgyal po ma skyes dgra btsun mo dang bcas te shing rta rab tu brgyan pa khri nyis stong dang / bal glang bzang zhing rab tu che ba lnga khri dang chas so// bal

  249. 125b

    blaglang de re re'i steng yang mi gsum gsum zhon te/ gdugs dang / ba dan dang / me tog dang / spos dang / rol mo'i cha byad thogs te mchod pa'i yo byad sna tshogs ma 'byor pa med do// rtarta'i tshogs khri phrag bco brgyad dang / yul dbus 'gyur 'chang na gnas pa'i mo khri phrag lnga bcu rtsa brgyad snyed kyang rgyal po'i zhabs 'bring du chas so// de'i tshe grong khyer rtswa mchog na 'khor mang po dpag tshad bcu gnyis kyi bar gang ba kun gyis rgyang ma nas/ rgyal po ma skyes dgra 'khor dang bcas te 'ongs pa mthong ngo // de nas bcom ldan 'das kyis/ 'khor mang po rnams la bka' stsal pa/ sems can thams cad kyi tha na med pa dgra bcom pa yang dag par rdzogs pa'i byang chub deng nye ba'i rgyur 'gyur ba ni/ dge ba'i bshes gnyen las 'da' ba med do// de ci'i phyir zhe na/ rgyal po ma skyes dgras gal te 'tshe byed kyi ngag ma mnyan na zla ba phyi mtshes zhag bdun na gdon mi za bar tshe'i dus byas nas mtshams med pa'i sems can dmyal bar ltung ngo // de bas na nye ba'i rgyur 'gyur ba ni dge ba'i bshes gnyen las 'da' ba med do/ / rgyal po ma skyes dgra lam du zhugs pa na'ang 'di skad ces thos so// yul mnyan du yod pa'i rgyal po bai DUR+Ya zhes bya ba grur zhugs te/ rgya mtshor zhugs pa'ang mes tshig go/ dge slong ku ka ri ga son por sar nub ste mtshams med pa'i sems can dmyal bar ltung ngo // su na cha ta zhes bya ba mi dge ba rnam pa sna tshogs byas nas/ sangs

  250. 126a

    rgyas kyi spyan sngar phyin pa dang sdig pa thams cad byang bar gyur to zhes de skad du smras pa thos nas/ 'tsho byed la smras pa/ bdag dang de lta bu'i tshig rnam pa gnyis thos mod kyi/ 'on kyang bden nam mi bde na yid mi ches kyis/ 'tsho byed khyod tshur shog/ kho bo dang bal glang gcig la zhon par dga' 'o// gal te kho bo mtshams med pa'i sems can dmyal bar ltung na/ khyod kyis lo bo ltung bar mi 'gyur bar zung zhig/ de ci'i phyir zhe na/ bdag sngon 'di skad du lam thob pa'i mi ni sems can dmyal bar mi 'gro'o zhes thos so// de nas bcom ldan 'das kyis/ 'khor mang po rnams la bka' stsal pa/ rgyal po chen po ma skyes dgra da dung du the tsom gyi sems dang bcas kyis/ de'i sems gdon mi za bar bya'o zhes gsungs so// de nas 'khor gyi dkyil 'khor de'i nang na byang chub sems dpa' thams cad 'dzin pa zhes bya bas/ bcom ldan 'das la 'di skad ces gsol to// bcom ldan 'das ji ltar bcom ldan 'das kyis gsungs pa ltar chos thams cad ma nges pa'i mtshan nyid do/ / 'di lta ste/ gzugs ma nges pa'i mtshan nyid nas/ mya ngan las 'das pa'i bar du'ang ma nges pa'i mtshan nyid do zhes gsung na/ de bzhin gshegs pas de ci'i slad du/ rgyal po ma skyes dgra'i sems nges par mdzad do zhes gsungs/ bcom ldan 'das kyis bka' stsal pa/ legs so legs so// ngas deng nges par rgyal po ma skyes dgra'i sems nges par

  251. 126b

    mdzad do/ / de ci'i phyir zhe na/ gang rgyal po'i the tshom gyi sems gzhig tu rung ba zhig yin na/ chos thams cad kyang nges pa'i mtshan nyid med par rig par bya ste/ de'i phyir rgyal po ma skyes dgra'i sems nges par mdzad pa'i sems de nyid nges pa med pa yin par rig par bya'o/ / rigs kyi bu gal te rgyal po de'i sems nges pa zhig yin na/ rgyal po de'i mtshams med pa'i kha na ma tho ba 'jig tu mi rung ngo / / nges pa med pas na kha na ma tho ba de 'jig tu rung ngo // de bas na ngas rgyal po ma skyes dgra'i sems nges par mdzad do// de nas rgyal po chen po sA la'i shing drung sangs rgyas kyi spyan sngar phyin te de bzhin gshegs pa'i mtshan sum cu rtsa gnyis dang / dpe byad bzang po brgyad cu la bltas na/ gser g.ya' dag gi ri bo dang 'dra bar mthong ngo // de nas bcom ldan 'das kyis dbyangs rnam pa brgyad phyung ste/ rgyal po chen po zhes bos pa dang / de'i tshe ma skyes dgras phan tshun du bltas te/ 'khor mang po 'di'i nang na rgyal po chen po zhes bya ba su yin/ bdag ni sdig lci ba'i steng du yon tan med pa yin te/ de bzhin gshegs pas rgyal po chen po zhes gsung ba'i mo rigs so snyam sems so// de nas de bzhin gshegs pas rgyal po chen po ma skyes dgra zhes bos so// de nas rgyal pos thos nas rab tu dga' ba'i sems skyes te/ 'di snyam du de bzhin gshegs pas deng bdag pos te gsung bas na/ de bzhin gshegs pa ni sems can thams cad la thugs brtse ba'i thugs rje chen po thams

  252. 127a

    cad la ma khyab pa med par mnyam mo snyam nas/ bcom ldan 'das la 'di skad ces gsol to// bcom ldan 'das bdag la the tsom gyi sems lhag ma tsam yang ma lus par de bzhin gshegs pa ni sems can thams cad kyi ston pa/ bla na med pa yang dag pa lags par shin tu rtogs so// de nas byang chub sems dpa' 'od srungs kyis/ byang chub sems dpa thams cad 'dzin pa la smras pa/ de bzhin gshegs pas rgyal po ma skyes dgra'i sems nges par mdzad do// de nas rgyal po ma skyes dgras/ bcom ldam 'das la 'di skad ces gsol to// bcom ldan 'das gal te deng bdag tshangs pa 'am/ brgya byin lha'i dbang phyug dang lhan cig mchis shing 'tshal ma lhan cig 'tshal bar gyur kyang dga' ba ma lags te/ de bzhin gshegs pa dang mjal nas gsung cig gis rmas pas rab tu dga' bar gyur to/ / de nas rgyal po ma skyes dgras snga nas bshams pa'i gdugs dang / ba dan dang / me tog dang / spos dang / rol mo la sogs pas mchod nas/ bcom ldan 'das kyi zhabs la phyag 'tshal te/ g.yas phyogs su lan gsum bskor bas gcig tu 'khod do// de nas bcom ldan 'das kyis/ rgyal po ma skyes dgra la bka' stsal pa/ rgyal po chen po khyod la dam pa'i chos kyi gzhung bstan gyis/ shin tu yid la bya zhing brtag par nyon cig/ bus par rabs rtag tu sems rtse gcig tu lus la brtags pa'i dngos po rnam pa nyi shu yod do// de 'di

  253. 127b

    lta ste/ bdag gi lus 'di ni gsob gsog lta bu ste zag pa med pa ma yin pa dang / dge ba'i rtsa ba rnams med pa dang / bdag gi 'khor bar 'khor ba 'di ma dul ba dang / shin tu g.yang sar lhung ste kun nas 'jigs pa med pa dang / thabs ji lta bu zhig gis sangs rgyas kyi rang bzhin mthong ba dang / ji ltar ting nge 'dzin bsgoms na sangs rgyas kyi rang bzhin mthong ba dang / 'khor ba ni rtag tu sdug bsngal ba ste rtag pa dang / bde ba dang / bdag dang / yongs su dag pa med pa dang / mi khom pa brgyad shin tu spang dka' ba dang / khon du 'dzin pa'i dgras shin tu gtse ba dang / srid pa las zlog pa'i chos gcig tsam yang med pa dang / ngan song gsum las grol bar ma gyur pa dang / mi dge ba ngan par lta ba rnam pa sna tshogs dang ldan pa dang / mtshams med pa lnga las rgal ba'i tshogs ma bsags pa dang / 'khor ba ni mthar thug pa med de mthar ma phyin no zhes bya ba dang / las rnams ma byas na 'bras bu mi 'thob pa dang / bag byas pas 'bras bu gzhan gyis myong bar mi 'gyur ba dang / bde ba'i rdzu sa bya bde ba'i 'bras bu med pa dang / las byas kyang 'bras bu rnams mi stor ba dang / ma rig pa'i rgyu las skyes te ma rig pa'i rgyus 'chi ba dang / 'das pa dang / ma 'ongs pa dang / da ltar rtag le lo sad pa dang nyi shu'o// rgyal po chen po bus pa ma rabs so so'i skye bos rtag tu lus 'di la rtog pa rnam pa nyi shu de dag gis brtag go/ de ltar brtags nas 'khor ba la mi dga' bar

  254. 128a

    'gyur/ 'khor ba'i mi dga' bas lhag mthong dang zhig nas 'thob par 'gyur ro// de nas rim gyis sems dang / skye ba'i mtshan nyid dang / gnas pa'i mtshan nyid dang / 'gog pa'i mtshan nyid brtag go/ rim gyis sems dang / skye ba dang / gnas pa dang / 'gog pa'i mtshan nyid rtog pa ltar/ ting nge 'dzin dang / shes rab dang / brtson 'grus dang / tshul khrims kyang de bzhin no/ / skye ba dang / gnas pa dang / 'gog pa rtogs nas/ sems kyi mtshan nyid dam/ tshul khrims kyi mtshan nyid kyi bar rab tu shes na rnams kyang mi dge bar mi byed do// 'chi ba'i 'jigs pa dang / ngan song gsum gyi 'jigs pa med do// gal te sems rtse gcig tu dngos po rnam pa nyi shu de dag la ma brtags na/ le lo dang dregs pa'i sems skyes te mi dge pa thams cad byed par 'gyur ro/ / rgyal po ma skyes dgras gsol pa/ ji ltar bcom ldan 'das kyis gsungs pa'i don bdag gis 'tshal ba ltar na/ bdag sngon dngos po rnam pa nyi shu po de dag ma brtags pas mi dge ba mang po bgyis so/ / mi dag pa mang po bgyis pas 'chi ba'i 'jigs pa dang / ngan song gsum gyi 'jigs pa mchis par gyur to// bcom ldan 'das bdag gis bdag la 'khus te sdig lci ba 'di lta bu bgyis so/ / yab rgyal pos nongs pa ma mchis par bkum mo// dngos po nyi shu po de dag rtogs kyang rung / ma rtogs kyang rung ste/ gdon mi 'tshal bar mtshams med

  255. 128b

    pa'i sems can dmyal bar ltung bar 'gyur ro/ / com ldan 'das kyis bka' stsal pa/ rgyal po chen po chos thams cad kyi rang bzhin dang mtshan nyid ni mi rtag pa dang / ma nges pa yin na/ ci ste rgyal po khyod gdon mi za bar sems can dmyal bar ltung zhes smra/ rgyal po ma skyes dgras/ bcom ldan 'das la 'di skad ces gsol to// bcom ldan 'das gal te chos thams cad ma nges pa'i mtshan nyid lags na/ bdag gis bsad pa'i kha na ma tho ba'ang ma nges pa lags sam/ gal te bsad pa nges pa zhig lags na/ chos thams cad kyang ma nges pa ma lags par 'gyur ro// bcom ldan 'das kyis bka' stsal pa/ rgyal po chen po lags so legs so// sangs rgyas bcom ldan 'das kyis kyang chos thams cad ma nges pa'i mtshan nyid do zhes gsungs la/ rgyal po nyid kyang bsad pa ni ma nges par shes te/ des na bsad pa ni ma nges pa'i mtshan nyid yin par rig par bya'o// rgyal po chen po ji ltar khyod kyis smras pa ltar/ yab rgyal po nyes pa med par bsad do zhes bya ba de la/ de la pha zhes bya ba gang yin/ sems can gyi phung po lnga la pha'o zhes 'du shes bskyed do// tha snyad du btags pa tsam du zad na/ skye mched bcu gnyis dang khams bco brgyad la pha zhes bya ba gang yin/ gal te gzugs pa yin na phung po bzhi ma gtogs so// gal te phung po bzhi pa yin na gzugs kyang ma gtogs so// gal te gzugs dang gzugs ma

  256. 129a

    yin pa 'dus pa las par gyur pa de ni gnas ma yin no/ / de ci'i phyir zhe na/ gzugs dang gzugs ma yin pa rang bzhin gyis bsdur mi rung ba'i phyir ro// rgyal po chen po sems can ma rabs ni gzugs kyi phung po la log par pa'i 'du shes bskyed de/ de ltar gzugs kyi phung po de'ang bsad du rung ba ma yin no// de ci'i phyir zhe na/ gzugs rnam pa bcu ste/ rnam pa bcu po de dag la gzugs gcig pu ni bltar rung / gzung du rung / btsal du rung / dpag tu rung / khrid du rung / bcing du rung ste/ de ltar blta ba dang bcing du rung yang rang bzhin gyis mi gnas so/ / de ltar mi gnas pas bltar med/ gzung du med/ gzhal du med/ bkrir med/ bcing du med do// gzugs kyi mtshan nyid de lta bas na ji ltar gsad du rung gal te gzugs pa yin te gsad du rung / gdon pa byar rung ste/ sdig pa smin par 'gyur na/ lhag ma dgu ma gtogs par 'gyur ro// ci ste dgu ma rtogs na/ kha na ma tho ba'i sdig kyang med do/ / rgyal po chen po gzugs la rnam pa gsum ste/ 'das pa dang / ma 'ongs pa dang / da ltar gyi'o// 'das pa dang / da ltar gyi ni gsad du mi rung ngo // de ci'i phyir zhe na/ 'das pa ni sngar 'das pa'i phyir ro// da ltar gyi ni skad cig skad cig mar 'gog pa'i phyir ro// ma 'ongs pa dgag pa'i phyir gsod pa zhes bya ste/ de ltar gzugs rnam pa gcig las//

  257. 129b

    la la ni gsad du rung / la la ni gsad du med do// gsad du yod pa dang / gsad du med pas na/ gzugs la nges pa med do// de ltar gzugs la nges pa med pas gsod pa'ang nges pa med do/ / gsod pa la nges pa med pas rnam par smin pa la'ang nges pa med na/ ci ste gdon mi za bar sems can dmyal bar ltung zhes smra/ rgyal po chen po sems can thams cad sdig pa'i las byed do cog la rnam pa gnyis te/ yang ba dang / lci ba'o// de la yid dang ngag gis byas pa ni yang ba'o// lus dang / ngag dang / sems dang / yid kyis byas pa ni lci ba'o// rgyal po chen po sems kyis bsams/ ngag gis brjod de/ lus kyis ma byas na/ byas so cog gi rnam par smin pa yang ba'o// rgyal po chen pos sngon sod cig ces ma bsgo'o/ rkang pa chod cig ces bsgol/ rgyal po chen pos gal te 'greng ste/ blon po la rgyal po'i mgo chod cig ces bsgo ba las 'dug pa'i tshe gdod gcad na/ 'on kyang sdig par mi 'gyur na/ rgyal pos ma sgo bar sdig par 'gyur babalta ci smos/ gal te rgyal pos sdig 'thob na/ sangs rgyas bcom ldan 'das kyang sdig 'thob bo// de ci'i phyir zhe na/ khyod kyi nga rgyal po gzugs can snying po rtag tu sangs rgyas la dang / ba'i rtsa ba bskrun te/ de'i phyir rgyal po'i thabs thob bo// gal te sangs rgyas bcom ldan 'das kyis mchod pa ma bzhes na rgyal por mi 'gyur ro// gal te rgyal por ma gyur na/ khyod kyis

  258. 130a

    yul srid kyi phyir rgyal po gsad du med do/ / ci sta khyod kyis pa bsad pas ldab par 'gyur ba zhig yin na/ nga la sogs pa sangs rgyas bcom ldan 'das rnams kyang sdig 'thob pa'i rigs so/ / gal te sangs rgyas bcom ldan 'das rnams la sdig par mi 'gyur na/ khyod gcig pu ci ste sdig pa 'thob par 'gyur/ rgyal po chen po rgyal po gzugs can snying po sngon phyi po la'i ri la rgyu zhing ri dag sa gshor du chas pa las/ dbye dgon pa kun tu byugs na ci'ang ma rnyed de/ drang srong mngon par shes pa lnga dang ldan pa gcig cig mthong ngo // mthong nas zha sdang gi sems skyes te/ / der ri dgas gshor ba las tsa'ang ma rnyed pa ni mo 'di'i phyir ro snyam nas/ ri las dang de g.yog rnams sod cig ces bsgo'o// drang srong de tshe'i dus byed pan khre ba'i sems skyes pas rdzu 'phrul stor te/ yid ma 'di skad dung nyes pa med par khyod kyis yid dang ngag gis nan gyis bsad pa ltar/ ma 'ongs pa'i dus na ngas kyang 'di ltar yid dang ngag gis khyod bsad do zhes dam bcas so/ / de'i tshe rgyal pos thos nas 'gyod pa'i sems skyes te ro la mchod pa byas so// rgyal po de de ltar byas pas nyes pa'ang yang bar gyur te sems can dmyal bar ma lhung na/ rgyal pos de ltar ma byas par sems can dmyal ba'i 'bras bu smin pa lta ci smos/ sngon rgyal po gzugs can snying po bdag gis byas pas bdag myong ba yin na/

  259. 130b

    ci ste rgyal pos gsod pa'i sdig 'thob par 'gyur/ ji ltar rgyal pos pa rgyal po nyes pa med do zhes bya ba de ji ltar nyes pa med ces byar rung / gang sdig pa dang bcas pa ni sdig pa'i 'bras bu rnam par smin no/ / gang mi dge ba'i las byed pa ni sdig pa'i las rnam par smin pa'ang med do// khyod kyi pha rgyal po gal te sdig pa med pa zhig na/ ci ste las rnam par smin par 'gyur/ gzugs can snying po da ltar gyi dus su dag pa'i 'bras bu thob la/ mi dge ba'i 'bras bu'ang thob ste/ de'i phyir rgyal po snga ma ni ma nges pa'o// de ltar ma nges pas na bsad pa'ang ma nges so// bsad pa ma nges pa yin na ci ste nges par sems can dmyal bar ltung ngo zhes smra/ sems can rnams ni myos pa dang / bsad pa la rnam pa bzhi ste/ 'dod pas myos pa dang / sman gyis myos pa dang / sngags kyis myos pa dang / sngon gyi las kyi rkyen gyis myos pa'o// rgyal po chen po nga'i nye gnas kyi nang na'ang myos pa bzhi po dang bcas pa yod do// mi dge ba mang du byas kyang tshul khrims bshig pa yin no zhes lung mo ston to/ / de dag gis ci byas kyang ngan song gsum du mi 'gro la/ gal te phyir dran par gyur na tshul khrims nyams pa zhes mi bya'o// rgyal po'ang srid dang yul 'dod pa'i phyir/ rgyal po pha bsad pa ni 'dod pas myos pa'i sems kyis byas pa yin na/ ci ste sdig par 'gyur/ rgyal po chen po dper na mi zhig chang gis myos nas ma bsad do// sangs par gyur pa dang rab tu 'gyod pa'i sems skyes na/ las de ni

  260. 131a

    rnam par smin pa ma yin par rig par bya'o/ / rgyal po'ang 'dod pas myos pa'i phyir byas kyi/ dran bzhin du byas pa ni ma yin no// de bzhin du dran bzhin du byas pa ma yin na/ ste kha na ma tho ba'i sdig 'thob par 'gyur/ rgyal po chen po dper na sgyu ma mkhan gyis lam gyi bzhi mdor sgyu ma'i skyes pa dang / bud med dang / bal glang dang / rta dang / se mo do dang / gos la sogs pa rnam pa sna tshogs byas pa la bus pa glen pa gto mug can gyis yang dag pa bden pa yin par 'dzin to/ / mkhas pa shes rab can gyis ni yang dag par bden pa ma yin par rig ste/ de bzhin du gsod pa'ang de dang 'dra ste/ bus pa ma rabs so so'i skye bo dag ni yang dag par yod par 'dzin/ sangs rgyas bcom ldan 'das ni yang dag par ma yin par rig go// rgyal po chen po dper na brag cha gti mug can gyis sgra yang dag par 'dzin to/ / mkhas pa shes rab can gyis ni yang dag pa ma yin par rig ste/ gsod pa'ang de dang 'dra bar/ bus pa ma rabs so so'i skye bo dag yang dag par 'dzin/ sangs rgyas bcom ldan 'das kyis ni yang dag par ma yin par rig go/ rgyal po chen po dper na dgra zhig sgras nye bar 'ong ba la gti mug can gyis yang dag par nye bar 'dzin to// mkhas pa shes rab can gyis ni sgyu ma yin par shes so/ / gsod pa'ang de dang 'dra ste/ bus pa ma rabs so so'i skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par

  261. 131b

    rig go/ / rgyal po chen po ji ltar me long las bdag gi ngo snang ba la gti mug can gyis yang dag par ngo yin par 'dzin no// mkhas pa shes rab can gyis ni rab tu rtogs pas yang dag pa ma yin par rig go/ gsod pa'ang de dang 'dra ste/ bres pa ma rabs so so'i skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par rig go/ rgyal po chen po dper na smig rgyu la gti mug can gyis ni chu yin par 'dzin to/ / mkhas pa shes rab can gyis ni rab tu rtogs pas chu ma yin par shes so// gsod pa'ang de dang 'dra ste/ bus pa ma rabs so so'i skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par rig go/ rgyal po chen po dper na dri za'i grong khyer la glen pa gti mug can gyis yang dag par 'dzin no/ / mkhas pa shes rab can gyis ni rab tu rtogs te yang dag pa ma yin par shes so// gsod pa'ang de dang 'dra ste/ bus pa ma rabs so so'i skye bos ni yang dag par 'dzin/ sangs rgyas bcom ldan 'das kyis ni yang dag pa ma yin par rig go/ / rgyal po chen po dper na rmi lam gyi nang na 'dod pa lnga'i dga' ba myong ba la gti mug can gyis ni yang dag par 'dzin no// mkhas pa shes rab can gyis ni rab tu rtogs te yang dag pa ma yin par shes so/ / gsod pa'ang de dang 'dra ste/ bus pa ma rabs ni yang dag par 'dzin// sangs rgyas bcom ldan 'das kyis ni yang dag pa ma

  262. 132a

    yin par rig go/ / rgyal po chen po gsod pa'i chos dang / gsod pa'i las dang / gsod pa dang / gsod pa'i 'bras bu dang / rnam par grol ba'i bar dub na ma tho' las med par ngas gsal bar rtogs so/ / rgyal po chen po gsod pa shes pa tsam gyis ci'i phyir sdig par 'gyur/ rgyal po chen po dper na mi zhig chang bdag byed pa de ci ste ma 'thungs na myos par mi 'gyur ro/ / de bzhin du me la dbang ba'ang tshig par mi 'gyur ba ltar/ rgyal po'ang de dang 'dra ste/ gsod par shes pa tsam gyis na ci'i phyir sdig par 'gyur/ rgyal po chen po sems can kha cig ma shar ba na kha na ma tho ba'i sdig pa rnam pa sna tshogs byed pa dang / zla ba shar ba na chom po dang kun shong byed do// nyi ma dang zla ba ma shar na sdig pa mi byed de/ de ltar nyi ma dang zla ba'i rkyen gyis sdig bar byed kyang / zla ba dang nyi ma de la yang dag par na sdig pa med do// gsod pa'ang de dang 'dra ste/ rgyal po'i rkyen gyis de ltar gyur kyang / rgyal po la ni yang dag par sdig pa med do// rgyal po chen po ji ltar mi dang byol song la rim pa'i khyad par yod kyang / srog la chags pa dang 'phangs pa la ni gnyis ka tha dad pa med na/ ci ste lug la ni sems bag yangs su 'jigs pa med la/ phargyal po la ni rab tu mi dga' ba'i mya ngan skyed/ rgyal po chen po 'jig rten pa ni 'dod pa'i khol por gyur te dbang med par gyur to// 'dod pas bkol ba'i phyir gsod pa'i las byed do// gal te de lta 'bras

  263. 132b

    bu rnam par smin pa yod na 'dod pa la sdig par 'gyur te/ rgyal po la dbang med pas ci'i phyir nyes par 'gyur/ rgyal po chen po dper na yongs su mya ngan las 'das pa ni yod pa'ang ma yin/ med pa'ang ma yin no/ / gsod pa'ang de 'dra ste/ yod pa'ang ma yin/ med pa'ang ma yin mod kyi/ yod par yang 'gyur ro// khrel ba dang 'dzem pa yod pa la ni yod pa ma yin/ khrel ba dang 'dzem pa med pa la ni med pa'ang ma yin no/ / 'bras bu rnam par smin pa myong ba ni yod pa zhes bya'o// stong par lta ba la ni yod pa ma yin/ yod par lta ba la ni med pa ma yin/ yod par lta ba la yod pa zhes bya'o/ / de ci'i phyir zhe na/ yod par lta ba dang bcas pa ni 'bras bu rnam par smin pa'ang yod do// med par lta ba la ni 'bras bu rnam par smin pa med do// rtag par lta ba la ni yod pa ma yin/ mi rtag par lta ba la ni med pa ma yin/ rtag pa rtag par lta ba la ni med pa ma yin no// de ci'i phyir zhe na/ rtag pa rtag par lta ba ni mi dge ba'i las kyi 'bras bu yod do/ / de'i phyir rtag pa rtag par lta ba la med pa zhes byar mi rung ngo // de bas na yod pa'ang ma yin/ med pa'ang ma yin mod kyi/ yod pa'ang yin no// rgyal po chen po sems can zhes bya ba ni phyi nang gi dbugs rgya ba'o/ / dbugs rgyu ba gcod pa ni gsod pa zhes bya'o// de bzhin gshegs pa rnams kyang 'jig rten pa'i rjes su gsod pa zhes kyang gsungs so// rgyal po chen

  264. 133a

    po gzugs ni mi rtag pa ste/ gzugs kyi rten cing 'brel te 'byung ba'ang mi rtag go/ mi rtag pa'i rgyu las skyes na/ gzugs ci ste rtag/ rnam par shes pa mi rtags pas na/ rnam par shes pa'i rten cing 'brel te byung ba'i bar du'ang mi rtag pa ste/ de ltar mi rtag pa'i rgyu las skyes na/ rnam par shes pa ci ste rtag/ de ltar mi rtag pa'i phyir sdug bsngal lo// sdug bsngal ba'i phyir stong pa'o/ / stong pa'i phyir bdag med pa'o// gal te mi rtag pa dang / sdug bsngal ba dang / stong pa dang / bdag med pa yin na/ ci zhig gis ci gsod par 'gyur/ mi rtag pa bsad na rtag pa'i mya ngan las 'das pa thob la/ sdug bsngal bsad na bde ba thob/ stong pa bsad na bden pa thob/ bdag med pa bas na yang dag pa'i bdag 'thob bo// rgyal po chen po gang mi rtag pa dang / sdug bsngal ba dang / stong pa dang / bdag med pa gsod pa ning dang 'dra'o// nga'ang mi rtag pa dang / sdug bsngal ba dang / stong pa dang / bdag med pa bsad de sems can dmyal bar mi song ba ci ste 'gro/ / de nas rgyal po ma skyes dgras/ ji ltar bcom ldan 'das kyis gsungs pa ltar/ gzugs brtags pa nas/ rnam par shes pa'i bar du brtags te/ de ltar rtogs nas/ bcom ldan 'das la 'di skad ces gsol to// bcom ldan 'das bdag gis gzod gzugs mi rtag pa nas/ rnam par shes pa'i bar du mi rtag par lags par 'tshal to// bdag gis

  265. 133b

    gal te sngar de ltar 'tshal na/ kha na ma tho ba'i sdig mi bgyid do// bcom ldan 'das bdag sngon 'di skad ces/ sangs rgyas bcom ldan 'das rnams ni rtag tu sems can gyi pha ma mdzad do zhes thos te/ de skad thos kyang nges par ma rtogs te/ deng gzod nges par rtogs so// bcom ldan 'das bdag gis yang 'di skad ces thos te/ ri rab ri'i rgyal po ni rin po che sna bzhi las byas te/ 'di ltar gser dang / dngul dang / bai DUR+Ya dang / shel lo// gal te phyogs gang du bya mang po 'dus pa de dag kha dog de dang 'dra bar 'gyur ro// zhes thos kyang nges par ma rtogs te/ bdag dang de bzhin gshegs pa'i ri rab kyi drung du phyin nas kha dog mtshungs par gyur to// de la kha dog mtshungs pa zhes bya ba ni chos thams cad mi rtag pa/ sdug bsngal ba/ stong pa bdag med par shes par mtshungs so/ / bcom ldan 'das bdag gis ni 'jig rten na e ran da'i 'bras bu las e ran da'i sdong po skye bar mthong gi/ a ran da'i 'bras bu las tsan dan gyi sdong po skye bar ma mthong ste/ bdag gis deng gzod e ran da'i 'bras bu las tsan dan gyi sdong po skyes pa mthong ngo // de ni e ran da'i 'bras bu ni bdag gi lus so// tsan dan gyi sdong po ni bdag gi sems dad pa'i rtsa ba ma mchis pa'o/ / rtsa ba ma mchis pa zhes bgyi ba ni/ bdag sngon de bzhin gshegs pa la bkur sti bgyi bar mi 'tshal/ chos dang dge 'dun la ma dad de/ de ni rtsa ba ma mchis

  266. 134a

    pa zhes bgyi'o/ / bcom ldan 'das bdag gal te sangs rgyas bcom ldan 'das dang ma phrad na/ bskal pa tshad med grangs med pa'i bar du sems can dmyal ba chen por sdug bsngal tshad med pa snyed du myong bar 'gyur ro/ / bdag gis deng sangs rgyas mthong bar gyur te/ sangs rgyas mthong ba'i bsod nams ji snyed thob pa des sems can nyon mongs pa mi dge ba'i sems thams cad choms par gyur cig/ bcom ldan 'das kyis bka' stsal pa/ rgyal po chen po legs so legs so// ngas deng khyod gdon mi za bar sems can gyi mi dge ba'i sems tshems par mkhyen to/ / gsol pa/ bcom ldan 'das gal te bdag de ltar brtags par sems can gyi mi dge ba'i sems rnams choms par 'gyur na lta/ gal te bdag rtag tu sems can dmyal bar mchi ste/ sems can rnams kyi phyir bskal pa tshad med pa'i bar du sdug bsngal chen po len kyang sdug bsngal bar mi 'dzin no// de nas de'i tshe yul dbus 'gyur 'chang gi mi tshad med pa snyed bla na med pa yang dag par rdzogs pa'i byang chub tu sems bskyed par gyur to/ / de ltar tshad med pa de dag sems rab tu bskyed pa'i phyir/ rgyal po ma skyes dgra'i sdig lji ba yang bar gyur nas/ rgyal po dang / btsun mo dang / sras la sogs pa kun gyis cig car bla na med pa yang dag par rdzogs pa'i byang chub tu sems bskyed do// de nas rgyal po

  267. 134b

    ma skyes dmas/ 'tsho byed la sbas pa/ 'tsho byed bdag ma shi bar lha'i lus thob ste tshe thung ba spangs nas tshe rang bar gyur/ mi rtag pa'i lus spangs nas rtag pa'i lus thob bo// de ni sems can rnams bla na med pa yang dag par rdzogs pa'i byang chub kyi sems bskyed par byas pa ste/ da ni lha'i lus tshe ring ba rtag pa yin/ sangs rgyas thams cad kyi nye gnas yin no// de skad ces smras nas/ rin po che rnam pa sna tshogs kyi rgyal mtshan dang / ba dan dang / gdugs dang / spos dang / me tog dang / 'phreng ba dang / rol mo dam pas bcom ldan 'das la mchod nas/ yang tshogs su bcad pa 'di dag gis bstod do// tshig bden shin tu dam pa ste// tshig dang don la rab mkhas pa// zab mo gsang ba'i snying po yang // mang po kun la gsal bar ston/ / rgya che 'byam klas tshig rnams kyang // bsdus te 'khor la mdo tsam ston// de lta bu yi tshig dang ldan// sems can nad gso ba la mkhas// gal te sems can rnams gang gis/ / tshig de thos par gyur pa de// dad pa rnams dang ma dad pa// sangs rgyas gsungs pa yin par rtogs// sangs rgyas gsung ni 'jam pa de// 'khor la rtsub pa'i tshig kyang gsung / / 'jam dang rtsub por gang gsungs pa// gnyis ka don dam lags pas na// de phyir bdag kyang de ring 'dir// bcom ldan 'das la skyabs su mchi// bcom ldan gsung

  268. 135a

    gi ro gcig ste/ / ji ltar rgya mtsho'i chu dang mtshungs// bden pa dam pa zhes bya ste// don med pa yi tshig ma mchis// de ring de bzhin gshegs pa yis// tshad med chos rnams rab bstan pa/ / skyes pa bud med thos pa dag/ 'thun pa don dam thob par 'gyur// rgyu med 'bras bu yang med do// skye ba med cing 'gog pa med// de ni mya ngan 'das pa ste// thos pa rnam smin 'joms par 'gyur/ / de bzhin gshegs ni thams cad kyi// shin tu byams pa'i pha ma mdzad// sems can so so'i skye bo dag/ de bzhin gshegs pa'i sras su rig/ bcom ldan byams pa'i thugs rje yis/ / mang po'i phyir ni dga' ba mdzad// ji ltar gdon gyis brlams pa ltar// myos nas rnam pa mang po byed// bdag gis bcom ldan deng mthong ba'i// dge bar gyur pa'i las gsum po'i/ / bsod nams ji snyed thob pa 'di'o// tha med byang chub la bsngo'o// bdag gis deng 'dir sangs rgyas dang // chos dang dge 'dun la mchod pa'i// bsod nams ji snyed skyes pa nges/ / sangs rgyas chos dang dge 'dun gsum// rtag tu 'jig rten gnas par shog/ bdag gis deng 'dir 'di nyid du// bsod nams ji snyed thob gyur pa// bsod nams de yis sems can gyi/ / bdud bzhi rab tu zhig par shog/ dge ba'i bshes dang bdag phrad pas// dus gsum sdig pa gang bgyis pa// deng 'dir spyan sngar kun kyang bshags// sman

  269. 135b

    chad sdig par mi bgyid do/ / sems can so so'i skye bo dag/ byang chub mchog gi sems bskyed nas// phyogs bcu'i rgyal ba thams cad la// rtse gcig sems kyis dran par shog/ gzhan yang sems can thams cad kyis/ / nyon mongs mang po yongs bcom nas// ji ltar 'jam dpal dang 'dra bas// sangs rgyas rang bzhin mthong bar shog/ de nas bcom ldan 'das kyis rgyal po ma skyes dgra la legs so legs so zhes bya ba byin no/ / gal te gang zhig byang chub tu sems bskyed pa de ni/ sangs rgyas kyi dkyil 'khor yongs su brgyan pa zhes bya'o// rgyal po chen po khyod sngon sangs rgyas rnam par gzigs las byang chub tu sems bskyed de/ / de nas nga 'jig rten du byung ba'i bar du sems can dmyal bar ltung ba'i sdug bsngal myong bar ma gyur to// rgyal po chen po 'di ltar rig par bya ste/ byang chub kyi sems ni de lta bu'i 'bras bu tshad med pa snyed yod do// rgyal po chen po dang phyin chad kyang rtag tu sems la brtson par bya'o// de ci'i phyir zhe na/ de'i rgyu de'i rkyen gyis kha na ma tho ba'i las tshad med pa snyed 'byung ba'i phyir ro// de nas rgyal po ma skyes dgras yul dbus 'gyur 'chang gi mi dang bcas su 'dug pa las langs nas/ bcom ldan 'das la lan gsum bskor te phyir pho brang du dong ngo / / las spyod pa'i le'u ni me tog sna tshogs kyi mdo las bshad pa bzhin no// 'phags pa yongs su mya ngan las 'das pa chen po'i mdo las/ tshangs

  270. 136a

    par spyod pa zhes bya ba'i le'u ste bdun pa'o/ / // rigs kyi bu ji ltar byis pa chung ngu'i spyod pa zhe na/ rigs kyi bu ldang ba dang / 'dug pa dang / 'ong ba dang / song ba dang / smra mi nus pa ni byis pa chung ngu zhes bya ste/ de bzhin gshegs pa'ang de dang 'dra'o// ldang mi nus pa ni de bzhin gshegs pa'ang chos thams cad kyi mtshan nyid las mi ldang ngo // 'dug mi nus pa ni de bzhin gshegs pa'ang chos thams cad la ma chags pa'o// 'ong mi nus pa ni de bzhin gshegs pa'i sku spyod pa mi g.yo ba'o// 'gro mi nus pa ni de bzhin gshegs pa yongs su mya ngan las 'das pa chen po'i mthar phyin pa'o/ / smra mi nus pa ni de bzhin gshegs pa sems can thams cad la chos rnams ston kyang / yang dag par na ston pa med pa'o// de ci'i phyir zhe na/ ji skad du ston pa yod pa ni 'dus byas kyi chos shes bya ste/ sangs rgyas bcom ldan 'das ni 'dus byas ma yin pas de'i phyir bshad pa med do// yang mi smra ba ni ji ltar byis pa chung ngu'i tshig gsal bar mi shes pa smra ba yod du zin kyang / yang dag par na smra ba med do// de bzhin gshegs pa'ang de dang 'dra ste/ smra ba mi gsal zhes bya ba ni de bzhin gshegs pa rnams kyis dgongs te gsung pa'o/ / gsungs pa yod du zin kyang sems can mi shes pas mi smra ba zhes bya'o// yang bus pa zhes bya ba ni chog yang dag pa mi shes pa'i phyir rdzas la ming gcig tu ma chad do// chog yang dag pa

  271. 136b

    mi shes pas rdzas la ming gcig tu ma chad kyang rgyu de ma yin pa'i logs shig na/ rdzas shes pa 'gyur ba med do// de bzhin gshegs pa'ang de dang 'dra ste/ sems can thams cad kyi rigs rnam pa sna tshogs tha dad pas tshig mi mthun te/ de bzhin gshegs pas thabs kyis ji lta ba de ltar ston pas/ de'i rgyus thams cad shes par yang mdzad do// yang bus pa zhes bya ba ni yi ge chen po 'ba' zhig ston nus te/ de bzhin gshegs pa'ang de dang 'dra bar yi ge chen po ston to// 'di lta ste/ pa ha zhes bya'o// de la ha zhes bya ba ni 'dus byas so// pa zhes bya ba ni 'dus ma byas te/ de ni bus pa zhes bya'o/ / hA zhes bya ba ni nga mi rtag pa'o// pa zhes bya ba ni rtag pa'o// de bzhin gshegs pa'ang rtag pa 'chad de/ sems can thos nas nga chos rtag pa 'dod pa'i phyir mi rtag pa gcod de/ de ni bus pa'i spyod pa'o/ / yang bus pas ni sdug bsngal dang // bde ba dang / nyin par dang / mtshan mo dang / pha ma mi shes pa'o// byang chub sems dpa' sems dpa' chen po'ang de dang 'dra ste/ sems can gyi phyir/ sdug bsngal dang bde ba mi mthong / nyin dang mtshan mo zhes bya ba med/ sems can thams cad la sems mnyam pa'i phyir pa dang / ma dang / gnyen la sogs pa'i mtshan nyid med do/ / yang bus pa ni las chen po dang chung ngu rnams byed mi nus so// byang chub sems dpa' sems dpa' chen po'ang de dang 'dra ste/ byang chub sems dpas 'khor ba'i las

  272. 137a

    mi byed pas/ mi byed pa zhes bya'o// dngos po chen po zhes bya ba ni/ mtshams med pa lnga ste/ byang chub sems dpa' sems dpa' chen pos ni// nams kyang mtshams med pa lnga'i sdig pa lci ba mi byed do/ / dngos po chung ngu zhes bya ba ni/ theg pa gnyis pa'i sems te/ byang chub sems dpa' nams kyang byang chub kyi sems las log ste/ nyan thos dang rang sangs rgyas kyi theg par mi ltung ngo / / yang bus pa'i spyod pa ni/ ji ltar bus pa de ngu ba na/ pha mas lhung ma ser po'i lo ma byin te/ 'di skad du bu ma du zhig ma ngu zhig/ ngas khyod la gser sbyin zhes byas nas/ bus pas de mthong ba dang gser yang dag pa'i 'du shes bskyed nas mi ngu bar 'gyur te/ lhung ma'i lo ma de ni yang dag par gser ma yin no// gal te shing las byas pa'i glang dang / rta dang / skyes pa dang / bud med la bus pas mthong nas/ skyes pa dang bud med la sogs pa yin pa'i 'du shes bskyed de mi ngu'o// de bud med dang skyes pa ma yin par/ skyes pa dang bud med kyi 'du shes 'jog pa'i phyir bus pa zhes bya'o// de bzhin gshegs pa'ang de dang 'dra ste/ gal te sems can dag mi dge ba mang po byed na/ de bzhin gshegs pas sum cu rtsa gsum gnam gyi rtag pa dang / bde ba dang / bdag dang / yongs su dag pa dang / byad bzang ba dang / longs spyod dang / gzhal med khang bzang po'i nang

  273. 137b

    na 'dod pa lnga spyod pa dang / dbang po drug gi gnyen po thams cad bde ba dang dga' ba sha stag yin par bstan te/ sems can gyis de lta bu'i bde ba yod pa thos nas/ bde ba la chags pa'i sems/ skyes te/ mi dge ba btang nas sum cu rtsa gsum gnam gyi las dge ba la brtson no// de ni yang dag par 'khor ba yin te/ mi rtag pa dang / bde ba med pa dang / bdag med pa dang / yongs su ma dag pa yin yang sems can sgrol ba'i phyir thabs kyis rtag pa dang / bde ba dang / bdag dang / yongs su dag pa'o zhes gsungs so// yang bus pa zhes bya ba ni gal te sems can gang 'khor bal rab tu skyo ba na/ / de bzhin gshegs pas theg pa gnyis ston te/ de la yang dag par theg pa gnyis pa'i bden pa med kyang // theg pa gnyis kyi phyir 'khor ba'i skyon shes shing / mya ngan las 'das pa'i bde ba mthong ngo / / de ltar mthong ba'i phyir rang gcod pa dang / mi gcod pa dang / bden pa dang / mi bden pa dang / spyod pa dang / mi spyod pa dang / thob pa dang / mi thob pa'i dngos po rig par 'gyur ro/ / rigs kyi bu ji ltar bus pa de gser ma yin pa la gser gyi 'du shes bskyed pa ltar/ de bzhin gshegs pa'ang de dang 'dra bar/ yongs su ma dag pa la yongs su dag pa'o zhes 'chad de/ de bzhin gshegs pas don dam pa thob pa'i phyir yang dag pa ma yin pa med do// ji ltar bus pa de ba lang dang rta ma yin pa la/ ba lang dang rtar 'du shes pa ltar/

  274. 138a

    gal te sems can gang lam yin pa la lam yang dag par 'du shes 'jog na/ de bzhin gshegs pas kyang lam yin pa la lam du 'chad do// lam ma yin pa la yang dag par lam med mod kyi/ lam gyi rgyu cung zad bskyed nus pa'i phyir/ lam ma yin pa lam du chad do// ji ltar bus pa de shing ki khye'u dang bu mo la/ khye'u dang bu mor 'du shes pa ltar/ de bzhin gshegs pa'ang de dang 'dra bar/ sems can ma yin par mkhyen bzhin du sems can gyi mtshan nyid 'chad de/ yang dag par na sems can gyi mtshan nyid med do// gal te sangs rgyas bcom ldan 'das kyis sems can med par 'chad na/ sems can thams cad ngan par lta bar ltung ste/ de bas na de bzhin gshegs pas sems can yod par gsungs so// sems can las sems can du 'du shes 'jog pa ni sems can gyi mtshan nyid 'jig mi nus so/ / gang sems can las sems can gyi mtshan nyid 'jig pa ni yongs su mya ngan las 'das pa chen po thob par 'gyur ro/ / de ltar mya ngan las 'das pa chen po thob pa'i phyir mi ngu bar gyur te/ da ni bus pa'i spyod pa zhes bya'o// rigs kyi bu gal te skyes pa 'am/ bud med gang spyod pa lnga po 'di gzungs su 'dzin cing 'chang ngam/ klog gam/ yi ger bris sam/ dgrol zhing 'chad na/ gang zag des gdon mi za bar spyod pa lnga po de dag thob par rig par bya'o// de nas byang chub sems

  275. 138b

    dpa' 'od srungs kyis/ bcom ldan 'das la 'di skad ces gsol to// bcom ldan 'das bdag gis bcom ldan 'das kyis gsungs pa'i don 'tshal ba ltar na/ bdag kyang gdon mi 'tshal bar/ spyod pa lnga po de thob par gyur to// bcom ldan 'das kyis bka' stsal pa/ rigs kyi bu khyod 'ba' zhig gis spyod pa lnga po thob pa ma yin gyi/ da ltar 'khor 'di'i nang na mi khri phrag dgu bcu rtsa gsum yang khyod dang 'dra bar/ spyod pa lnga po de dag thob par gyur to// 'phags pa yongs su mya ngan las 'das pa chen po'i mdo las/ bus pa chung ngu spyod pa zhes bya ba'i le'u ste brgyad do// / / 'phags pa yongs su mya ngan las 'das pa chen po'i mdo bam po nyi shu gcig pa// // de nas bcom ldan 'das kyis/ byang chub sems dpa' sems dpa' chen po kun tu snang ba mtho btsun dpal gyi rgyal po la 'di skad ces bka' stsal to/ / rigs kyi bu gal te byang chub sems dpa' sems dpa' chen po gang mya ngan las 'das pa chen po'i mdo 'di la rnal 'byor spyod na/ yon tan rnam pa bcu 'thob par 'gyur te/ nyan thos dang rang sangs rgyas thun mong ma yin zhing bsam gyis mi khyab ste/ thos pa tsam gyis ngo mtshar rmad du 'dzin la/ nang ma yin/ / phyi rol ma yin/ dka' ba ma yin/ sla ba ma yin/ mtshan nyid ma yin/ mtshan nyid ma yin pa ma yin/ 'jig rten gyi chos ma yin te/ mtshan ma dang dbyibs med pa/ 'jig

  276. 139a

    rten na mi srid pa'o/ / rnam pa bcu gang zhe na/ gcig la 'darnam pa lnga ste/ lnga gang zhen/ ma thos pa thos par 'gyur ba dang / thos nas phan pa'i don du 'gyur ba dang / the tsom dang nem nur gyi sems chod par 'gyur ba dang / shes rab la g.yo sgyu med pa dang / de bzhin gshegs pas dgongs te gsungs pa'i don zab mo shes pa dang lnga'o// de la ma thos pa thos par 'gyur ba zhes bya ba gang zhe na/ 'di lta ste/ dgongs te gsungs pa'i don shin tu zab mo sems can thams cad la sangs rgyas kyi rang bzhin yod pa dang / sangs rgyas dang / chos dang / dge 'dun la khyad par med pa/ dkon mchog gsum gyi rang bzhin dang / mtshan nyid rtag pa dang / bde ba dang / bdag dang / yongs su dag pa dang / sangs rgyas bcom ldan 'das thams cad mtha' yun du mya ngan las 'das pa med de/ rtag pa/ gnas pa/ mi 'gyur/ mi 'pho ba dang / de bzhin gshegs pa'i mya ngan las 'das pa ni yod pa ma yin pa ma yin/ 'dus byas ma yin/ 'dus ma byas ma yin/ zag pa dang bcas pa ma yin/ zag pa med pa ma yin/ gzugs ma yin/ gzugs ma yin pa ma yin/ ming ma yin// ming ma yin pa ma yin/ mtshan nyid ma yin/ mtshan nyid ma yin pa ma yin/ yod pa ma yin/ med pa ma yin/ dngos po ma yin/ dngos po ma yin pa ma yin/ rgyu ma yin/

  277. 139b

    'bras bu ma yin/ bltos pa ma yin/ mi bltos pa ma yin/ snang ba ma yin/ mun pa ma yin/ byung ba ma yin/ ma byung ba ma yin/ rtag pa ma yin/ mi rtag pa ma yin/ chad pa ma yin/ ma chad pa ma yin/ thog ma ma yin/ tha ma ma yin/ 'das pa ma yin/ ma 'ongs pa ma yin/ da ltar ma yin/ phung po ma yin/ phung po ma yin pa ma yin/ skye mched ma yin/ skye mched ma yin pa ma yin/ khams ma yin/ khams ma yin pa'ang ma yin/ rten cing 'brel te byung ba bcu gnyis ma yin/ rten cing 'brel te 'byung ba bcu gnyis ma yin pa ma yin te/ de dag la sogs pa'i chos dgongs te gsungs pa'i don shin tu zab mo sngon ma thos pa thos par 'gyur ba dang / gzhan yang ma thos pa ni/ 'di lta ste/ mu stegs can thams cad kyi gtsug lag rig pa bzhi/ byA ka ra Na'i gtsug lag dang / rgyal ba'i gtsug lag dang / bgrang ba dang brtsi ba'i gtsug lag la sogs pa dang / rig sngags dang / sman dpyad dang / sgyu rtsa la dang / nyi zla sbyang kis zin pa dang / skar ma 'pho zhing bsgyur ba dang / ri mo dang / yi ge dang / lung ston pa'i gtsug lag la sogs pa'i yi ge dang / gtsug lag de'i gsang ba'i don sngon ma zhes ba de mdo sde 'di khas shes par 'gyur ba dang / gzhan yang shin tu rgyas pa'i mdo 'di ma gtogs pa/ mdo sde bcu gcig las dgongs te gsungs pa'i don shin tu zab mo med pa'ang deng mdo sde

  278. 140a

    'di'i rkyen gyis shes par gyur to/ / rigs kyi bu de ni ma thos pa thos par 'gyur zhes bya'o// zos nas phan par 'gyur zhes bya ba ni/ gal te mya ngan las 'das pa chen po'i mdo 'di yongs su 'dzin na/ shin tu rgyas pa'i theg pa chen po'i mdo'i don gyi ro shin tu zab mo thams cad rdzogs par kun shes par nus so// dper na khye'u 'am/ bu mo dag me long gsal ba'i nang nas/ gzugs dang cha lugs gsal bar snang ba bzhin du/ mya ngan las 'das pa chen po'i me long yang de dang 'dra ste/ byang chub sems dpas thos na theg pa chen po'i mdo sde'i don shin tu zab mo gsal bar mthong ngo / / gzhan yang la la zhig mun khang gi nang du sgron ma chen po phyung na rdzas thams cad mthong ba bzhin du/ mya ngan las 'das pa chen po'i sgron ma'ang de dang 'dra ste/ byang chub sems dpas 'dzin na theg pa chen po'i don zab mo dka' ba mthong bar 'gyur ro/ / gzhan yang ji ltar nyi ma shar ba na 'od snang ba stong yod pa des/ ri rnams kyi sul zab mo mun pa can kun snang bar byed de/ skye bo thams cad kyis rgyang ring po nas rdzas thams cad mthong ba bzhin du/ mya ngan las 'das pa chen po'i yongs su dag pa'i shes rab kyi nyi ma'ang de dang 'dra ste/ theg pa chen po shin tu zab mo'i gnas snang bar byed de/ nyan thos dang rang sangs rgyas kyi theg pa pas rgyang ring po nas sangs rgyas kyi byang chub mthong bar byed do// de ci'i phyir zhe na/ mya ngan las 'das pa chen po'i mdo sde dam pa mnyan cing

  279. 140b

    'dzin pa'i phyir ro/ / rigs kyi bu byang chub sems dpa' sems dpa' chen po gang de ltar mya ngan las 'das pa chen po'i mdo mnyan tam 'dzin na/ chos thams cad kyi rnam grangs rtogs par 'gyur ro/ / gal te yi ger zis sam/ klog gam/ 'don tam/ khong du chud par byed dam/ gzhan la rgyas par ston tam/ don yid la byed na/ chos thams cad kyi don tshul bzhin du rtogs par 'gyur ro/ / rigs kyi bu gang nyan cing 'dzin pa des ni rnam grangs 'ba' zhig shes kyi/ don 'di nyid mi rtogs so// gang yi ger bris sam/ gzungs su 'dzin tam/ klog gam// 'don tam/ gzhan la rgyas par ston tam/ don yid la byed na/ don nyid rtogs par 'gyur ro// gzhan yang rigs kyi bu mdo sde 'di mnyan pas na/ sangs rgyas kyi rang bzhin yod par thos kyimathong bar ni mi nus so/ / yi ger bris shing klog gam/ 'don tam/ gzhan la rgyas par ston tam/ don yid la byed na/ des ni mthong bar 'gyur ro// mdo sde 'di mnyan pa tsam gyis sbyin pa zos par 'gyur gyi/ sbyin pa'i pha rol tu phyin pa mthong bar ni ma yin no// mdo sde 'di yi ger bris shing 'don tam/ klog gam/ gzhan la rgyas par ston tam/ yid la byed na/ sbyin pa'i pha rol tu phyin pa nas/ shes rab kyi pha rol tu phyin pa'i bar du mthong bar 'gyur ro// rigs kyi bu byang chub sems dpa' sems dpa' chen pos/ mya ngan las 'das pa chen

  280. 141a

    po'i mdo mnyan na/ / chos shes pa dang don shes par 'gyur ro// so so yang dag par shes pa de gnyis dang ldan na/ dge sbyong ngam/ bram ze 'am/ lha 'am/ bdud dam/ tshangs pa 'am/ 'jig rten du bcas pa thams cad kyis mi 'jigs pa dang / mdo sde bcu gnyis rnam par 'byed cing ston pa la 'gal ba med pa dang / gzhan las ma mnyan par rang gis rig pa dang / bla na med pa yang dag par rdzogs pa'i byang chub la nye bar 'gyur ro// rigs kyi bu de ni thos nas phan par 'gyur ba zhes bya'o// the tsom gyi sems chod pa zhes bya ba ni rnam pa gnyis te/ tshig la the tsom za ba dang / don la the tsom za ba'o// mdo sde 'di mnyan pas tshig la the tsom za ba'i sems chod par 'gyur ro// don yid la byed pas ni don la the tsom za ba'i sems chod par 'gyur ro/ / gzhan yang rigs kyi bu the tsom la rnam pa lnga ste/ sangs rgyas nges par mya ngan las 'da' 'am snyam the tsom za ba dang / sangs rgyas rtag tu gnas pa yin nam snyam the tsom za ba dang / sangs rgyas yang dag par bden pa yin nam snyam the tsom za ba dang / sangs rgyas yang dag par yongs su dag pa yin nam snyam the tsom za ba dang / sangs rgyas yang dag par bdag yin nam snyam the tsom za ba ste/ mdo sde 'di mnyan pas ni sangs rgyas mya ngan las 'das pa the tsom za ba yongs su chod par 'gyur ro// yi ger bris shing klog gam/ 'don tam/ gzhan la rgyas par ston

  281. 141b

    ta ma/ don yid la byed pas ni the tsom lhag ma bzhi yongs su chod par 'gyur ro// rigs kyi bu gzhan yang the tsom la rnam pa gsum ste/ nyan thos yod pa yin nam med pa yin snyam the tsom zab dang / rang sangs rgyas yod pa yin nam med pa yin snyam the tsom za ba dang / sangs rgyas yod pa yin nam med pa yin snyam the tsom za ba ste/ mdo sde mnyan pa tsam gyis the tsom rnam gsum ma lus par med par 'gyur ro/ / yi ger bris shing klog gam/ 'don tam/ gzhan la rgyas par ston tam/ don yid la byed pas ni sems can thams cad la sangs rgyas kyi rang bzhin yon par rtogs par 'gyur ro// rigs kyi bu gal te sems can gang mya ngan las 'das pa chen po'i mdo sde 'di ma thos na the tsom gyi sems mang ba ni/ 'di lta ste/ rtag pa'am/ mi rtag pa'am/ bde ba'am/ mi bde ba 'am yongs su dag pa'am/ yongs su ma dag pa 'am/ bdag gam/ bdag med pa 'am/ srog gam/ srog ma yin nam/ sems can nam/ sems can ma yin nam/ mthar thug gam/ mthar ma thug gam/ ma 'ongs pa'i dus sam/ 'das pa'i dus sam/ yod pa 'am/ med pa 'am/ sdug bsngal lam/ sdug bsngal ma yin nam/ kun 'byung ngam/ kun 'byung ma yin nam/ lam mam/ lam ma yin nam/ 'gog pa 'am/ 'gog pa ma yin nam/ chos sam/ chos ma yin nam dge ba 'am/ dge ba ma yin nam

  282. 142a

    stong pa 'am/ stong pa ma yin nam snyam du the tsom za ba ste/ mdo sde 'di mnyan na de lta bu'i the tsom thams cad yongs su chod par 'gyur ro// gzhan yang rigs kyi bu gal gang mdo sde 'di ma thos na/ gzhan yang the tsom rnam pa mang po yod par 'gyur ro// 'di lta ste/ gzugs bdag yin nam/ tshor ba dang / 'du shes dang / 'du byed dang / rnam par shes pa bdag yin nam/ 'on te mig gis mthong ba 'am/ bdag gis mthong ba nas/ de bzhin du rnam par shes pa'i bar du shes par nus sam/ bdag gis shes par nus sam/ gzugs kyis rnam par smin pa myong ngam/ bdag gis rnam par smin pa myong ba nas/ de bzhin du rnam par shes pa'i bar du rnam par smin pa myong ngam/ bdag gis rnam par smin pa myong ngam/ gzugs pa rol gyi 'jig rten du 'gro ba 'am/ 'on te bdag pha rol gyi 'jig rten du 'gro 'am/ de bzhin du rnam par shes pa'ang de dang 'dra ste/ 'khor ba thog ma dang tha ma yod dam/ 'on te thog ma dang tham med pa yin nam snyam the tsom za ba ste/ mdo sde 'di mnyan na de lta bu'i the tsom la sogs pa'ang yongs su chod par 'gyur ro// yang la la zhig gis log sred can dang / rtsa ba bzhi nyams pa dang / mtshams med pa lnga'i kha na ma tho ba byas pa dang / mdo sde shin tu rgyas pa la skur ba de dag la sangs rgyas kyi rang bzhin yod dam/ sangs rgyas kyi rang bzhin med snyam the tsom za ba dag kyang / mdo sde

  283. 142b

    'di mnyan na the tsom de dag thams cad yongs su chod par 'gyur ro/ / yang la la zhig gis 'jig rten mtha' yod dam/ 'jig rten mtha' med dum/ phyogs bcu'i 'jig rten yod dam/ phyogs bcu'i 'jig rten med snyam the tsom za ba dag kyang / mdo sde 'di mnyan na de lta bu'i the tsom dag kyang yongs su chod par 'gyur te/ de ni the tsom dang nem nur gyi sems chod par 'gyur ba zhes bya'o/ / shes rab la g.yo sgyu med pa zhes bya ba ni/ 'di lta ste/ gal te sems la the tsom yod na/ lta ba thams cad yang dag pa ma yin par 'gyur ro// so so'i skye bo dag gal te mya ngan las 'das pa chen po'i mdo sde dam pa 'di ma thos nas lta ba thams cad log par 'gyur ro/ / de bzhin du nyan thos dang rang sangs rgyas kyi bar du'ang lta ba thams cad log pa yin no/ / ji ltar na byis pa so so'i skye bo dag lta ba log pa zhes bya zhe na/ zag pa dang bcas pa la rtag pa dang / bde ba dang / bdag dang / yongs su dag par lta/ de bzhin gsheg pa la ni mi rtag pa dang / sdug bsngal ba dang / yongs su ma dag pa dang / bdag med par lta la/ sems can dang / 'tsho ba dang / srog dang / mthong ba dang / shes pa yod par lta/ 'du shes med 'du shes med min skye mched stengs la mya ngan las 'das pa yin par 'dzin pa dang / lha dbang sgyur la 'phags pa'i lam brgyad yod par lta ba dang / rtag par lta ba dang / chad par

  284. 143a

    lta ba ste/ lta ba de dag thams cad ni log pa zhes bya'o// byang chub sems dpa' sems dpa' chen pos/ gal te mya ngan las 'das pa chen po'i mdo sde 'di thos shing 'phags pa'i spyad pa spyod pa na/ log par lta ba de dag med par 'gyur ro// ji ltar nyan thos dang rang sangs rgyas kyang log par lta ba zhe na/ byang chub sems dpa' dga' ldan gyi gnas nas babs pa na/ bal glang la bcibs te yum gyi lhums su gshegs pa dang / yab ni zas gtsang ma/ yum ni lha mdzes shes bya ba dang / grong khyer ser skyar yum gyi lhums su zla ba bcu tshang nas bltam pa dang bltam pa'i tshe sa la ma reg par brgya byin gyis bzung ste/ klu'i rgyal po dga' bo dang bsnyen dga' bo gnyis kyis chu phab nas sku bsil ba dang / gnod sbyin gyi rgyal po chen po ma ni brta zhes bya bas rin po che'i gdugs thogs pa dang / sa'i lhas pad+mo sprul te zhabs brten pa dang / phyogs bzhi kun tu gom pa bdun bdun bor ba dang / lha'i rten du gshegs nas lha thams cad langs te bsus pa dang / drang srong a si tas pang du blangs te mtshan bltas pa dang / mtshan bltas nas bdag ni tshe'i dus byed par 'gyur te/ sangs rgyas mngon du gshegs pa mi mthong snyam du sdug bsngal chen po skyes te yid la rab tu gcags pa dang / slob dpon la yig rtsis dang / 'phong dang / kha lo sgyur dang / rol mo dang / lung ston pa dang / sgyu rtsal slob pa dang / pho brang gi/

  285. 143b

    nang du bu mo dang / rdzas drug khri dang lhan cig tu rtse zhing longs spyod pa dang / khab nas byung ste 'chag tu gshegs pa las/ grong khyer ser skya'i sgor mi rgas 'khogs pa mthong ba nas/ de bzhin/ du dge sbyong chos gos gyon zhing 'gro ba'i bar mthong nas/ phyir pho brang du phyin te bu mo dang slas rnams kyi lus dang gzugs la keng rus dang 'dra bar mthong ba dang / pho brang yang dur khrod dang tha mi dad par mthong nas khyim la skyo bar gyur te/ nam gyi gung la khab nas byung ste/ drang srong u ta ka dang a ra la la sogs pa'i gan du phyin nas/ de dag las rnam shes mtha' yas skye mched stengs dang / 'du shes med 'du shes med min skye mched dag bshad pa thos so// thos nas skye mched la yongs su brtags na mi rtag pa dang / sdug bsngal ba dang / yongs su ma dag pa dang / bdag med pa yin par rtogs nas/ de spangs te shing drung na lo drug gi bar du dka' ba spyod pa dang / de ltar dka' ba spyod kyang bla na med pa yang dag par dag rdzogs pa'i byang chub tu mngon par 'tshang ma rgyas de nas yang chu bo dga' skyed ces bya ba'i nang du khrus byas nas/ gnag rdzi mos 'o ma'i 'jam phul ba bzhes pa dang / bzhes nas byang chub kyi shing drung du gshegs te bdud sdig tog can btul bla na med pa yang dag par rdzogs pa'i byang chub tu mngon par sangs rgyas nas/ wA ra NA sir dge slong sde snga la chos kyi 'khor lo bskor ba nas/ grong khyer rtswa mchog 'dir yongs su mya ngan las

  286. 144a

    'das pa'i bar du de lta bur lta ba ni/ nyan thos dang rang sangs rgyas dag log par lta ba zhes bya'o// rigs kyi bu byang chub sems dpa' sems dpa' chen pos mya ngan las 'das pa chen po'i mdo sde 'di mnyan cing gzungs su gzung na/ lta ba gong ma de dag kun sel bar 'gyur ro// gal te yi ger bris shing klog gam/ 'don tam/ khong du chud par byed dam/ gzhan la rgyas par ston tam/ don yid la byed na/ shes rab yang dag pa 'thob par 'gyur te/ log par lta ba med par 'gyur ro// rigs kyi bu byang chub sems dpa' sems dpa' chen po mya ngan las 'das pa chen po'i mdo 'di la nan tan byas nas/ byang chub sems dpa' bskal pa tshad med pa'i bar du dga' ldan gyi gnas nas babs shing / yum gyi lhums nas bltam pa nas/ grong khyer rtswa mchog tu yongs su mya ngan 'das pa'i bar du rtogs pa'i byang chub sems dpa' sems dpa' chen po yang dag pa lta ba zhes bya'o// de bzhin gshegs pas dgongs te gsungs pa'i don zab mo shes bya ba ni/ 'di lta ste/ yongs su mya ngan las 'das pa chen po 'di las sems can thams cad la sangs rgyas kyi rang bzhin yod pas/ phas pham pa bzhi nyams pa 'thol bar byed pa dang / dam pa'i chos la skur ba'i sems bsal ba dang / mtshams med pa lnga'i kha na ma tho ba ma lus par byed pa dang / log sred can gyi sems med par byas

  287. 144b

    nas/ de'i 'og tu bla na med pa yang dag par rdzogs pa'i byang chub tu mngon par 'tshang rgya ba ni dgongs te gsungs pa'i don zab mo zhes bya'o// rigs kyi bu gzhan yang ji ltar na don shin tu zab mo na/ na/ sems can la yang dag par bdag med par shes kyang ma 'ongs pa'i las kyi 'bras bu rnam par smin pa med par mi 'gyur bar yid ches pa dang / phung po lnga 'di nyid du ma lus par 'gog par shes mod kyi/ dge ba dang sdig pa'i las rnams kyang med par mi 'gyur bar shes pa dang / las rnam pa mang po yod mod kyi/ byed pa po dmigs su med pa dang / phyin pa'i gnas yod mod kyi/ 'gro ba med pa dang / 'ching ba yod mod kyi/ bcings pa med pa dang / mya ngan las 'das pa yod mod kyi/ 'gog pa med par shes pa ste/ de ni dgongs te gsungs pa'i don zab mo zhes bya'o/ / de nas byang chub sems dpa' sems dpa' chen po kun tu snang ba mtho btsun dpal gyi rgyal pos/ bcom ldan 'das la 'di skad ces gsol to// bcom ldan 'das bdag gis 'tshal ba ltar na/ bcom ldan 'das kyis ma thos pa thos par 'gyur ba zhes bya ba'i don de lta ma lagaso// de ci'i slad du zhe na/ gal te mchis pa zhig lags na ni nges par mchis pa'i chos can no/ / gal te ma mchis na'ang nges par ma mchis pa'i chos can lags na/ ma mchis pa ni skye ba'i yang mi rigs/ mchis pa ni 'gog pa'i yang mi rigs te/ ji ltar

  288. 145a

    thos pa de'ang thos pa zhes bgyil/ gang ma thos pa'ang ma thos pa lags na/ ci'i slad du ma thos pa thos par 'gyur ro zhes gsungs/ bcom ldan 'das gang ming thos pa nino thos pa'i yang mi rigs/ gang sngar thos pa ni gdod thos par mi 'gyur ro// de ci'i slad du zhe na/ sngar thos lags pa'i phyir ro// de bas na ci'o slad du ma thos pa thos par 'gyur ro zhes gsungs/ dper na gro ba ni phyin lags na mi 'gro'o// 'gro na phyin pa ma lags so// gzhan yang dper na skyes na mi skye ste/ mi skye ba na skye bar mi 'gyur/ thob nas mi thob ste/ mi thob pa ni thob par mi 'gyur/ thos nas mi thos te/ mi thos par mi 'gyur pa'ang de bzhin no// bcom ldan 'das gal te mi thos par 'gyur na/ sems can thams cad byang chub ma mchis pa'ang mchis par 'gyur ba'i rigs/ mya ngan las 'das pa ma thob pa'ang thob pa'i rigs/ sangs rgyas kyi rang bzhin ma mthong ba'ang sangs rgyas kyi rang bzhin mthong ba'i rigs na/ ci'i slad du'ang 'di skad ces byang chub sems dpa' sa bcu la gnas pa ni/ sangs rgyas kyi rang bzhin mthong mod kyi/ mngon du gsal bar ma gyur ces gsungs/ bcom ldan 'das gal te thos pa thos par gyur na/ de bzhin gshegs pas sngon du lags na/ gal te gsan pa zhig lags na/ ci'i slad du de bzhin gshegs pas lung las ston pa med do zhes gsungs/ gal te ma thos pa ma thos pas de bzhin gshegs pa bla na med pa yang dag par

  289. 145b

    rdzogs pa'i byang chub thob par gyur pa lags na/ sems can thams cad kyang ma thos pa thos pas/ de dag kyang bla na med pa yang dag par rdzogs pa'i byang chub thob pa'i rigs so// de bzhin gshegs pas gal te mya ngan las 'das pa chen po'i mdo 'di ma thos par sangs rgyas kyi rang bzhin mthong bar gyur na/ sems can thams cad kyang mdo sde 'di ma thos pa lags te/ sangs rgyas kyi rang bzhin mthong ba'i rigs so/ / bcom ldan 'das gzugs kha cig ni mthong / kha cig ni mi mthong / sgra'ang de bzhin te/ kha cig ni thos/ kha cig ni mi thos te/ mya ngan las 'das pa chen po ni gzugs ma lags/ sgra ma lags na/ ci'i slad du mthong ngo // thos so zhes gsungs// bcom ldan 'das pa ni 'gags lags pas mi thos/ ma 'ongs pa ni ma phyin pas mi thos/ da ltar mnyan pa'i tshe na thos pa zhes mi bgyi ste/ thos nas sgra 'gags pas na thos par mi 'gyur te/ mya ngan las 'das pa chen po 'di'ang 'das pa dang / ma 'ongs pa dang / da ltar ma lags la/ gal te dus gsum ma lags na brjod du ma mchis/ gal te brjod du ma mchis na thos par yang mi 'gyur na/ ci'i slad du byang chub sems dpa' mya ngan las 'das pa chen po'i mdo 'di la nan tan bgyis na/ ma thos pa thos par 'gyur ro zhes gsungs// de nas bcom ldan 'das kyis/ byang chub sems dpa' sems dpa' chen po kun tu snang ba mtho

  290. 146a

    btsun dpal gyi rgyal po la bka' stsal pa/ legs so legs so// rigs kyi bu khyod kyis chos thams cad sgyu ma lta bu dang / sdig rgyu lta bu dang / dri za'i zong khyer lta bu dang / chu la ri mo bris pa dang / gzhan yang chu'i chu bur dang / dbu ba dang / chu shing lta bur gsob/ gsog/ snying po med pa dang / 'tsho ba ma yin/ bdag ma yin/ sdug bsngal dang / bde ba med par rtogs pa ni/ ji ltar byang chub sems dpa' sa bcu la gnas pa dag gis shes pa dang mthong ba ltar shin tu rtogs pa legs so// de nas 'khor gyi dkyil 'khor de nyid du skad cig yud tsam gyis 'od snang ba chen po sngon po ma yin par sngon por mthong ba/ ser po ma yin par ser por mthong ba/ dmar po ma yin par dmar por mthong ba/ dkar po ma yin par dkar por mthong ba dang / kha dog ma yin par kha dog tu mthong ba/ snang ba ma yin par snang bar mthong ba/ mthong ba ma yin par mthong bar gyur pa la mthong ba zhes bya'o/ / de'i tshe 'khor mang po dag la 'od des re ga nas/ lus dang sems rab tu bde ba ni/ ji ltar dge sbyong dag seng ge'i rgyal po'i ting nge 'dzin la zhugs pa bzhin du gyur to/ / de nas byang chub sems dpa' sems dpa' chen po 'jam dpal gyis/ bcom ldan 'das la 'od zer 'di dag gang las byung zhes gsol to// de'i tshe

  291. 146b

    bzhin gshegs pa cang mi gsung ste ma bshad do/ / byang chub sems dpa' 'od srungs kyis/ yang 'jam dpal ci'i rgyu ci'i rkyen gyis 'od 'dis 'khor mang po snang bar gyur ces dris pa dang / 'jam dpal yang cang mi smra ste lan btab bo// de nas byang chub sems dpa' lus dpag tu med pas/ yang byang chub sems dpa' 'od srungs la 'di su'i 'od ces dris so/ / byang chub sems dpa' 'od srungs kyang cang mi smra ste lan ma btab bo// byang chub sems dpa' rnam dag gnas pa'i rgyal bus/ byang chub sems dpa' lus dpag tu med pa la ci'i rgyu ci'i rkyen gyis 'khor mang po'i nang na 'od 'di yod par gyur ces dris pa dang / byang chub sems dpa' lus dpag tu med pas kyang cang mi smra ste lan ma btab bo// de bzhin du byang chub sems dpa' lnga brgya rnams gcig la gcig de ltar dris mod kyi/ gang gis kyang lan btab pa med do// de nas bcom ldan 'das kyis/ 'jam dpal la bka' stsal pa/ 'jam dpal ci'i rgyu ci'i rkyen gyis 'khor mang po 'di dag gi nang na 'od 'di snang bar gyur ces bka' stsal pa/ 'jam dpal gyis gsol pa/ bcom ldan 'das 'od 'di ye shes lags te/ ye shes shes bgyi ba ni rtag tu gnas pa'i chos can no/ / rtag tu gnas pa'i chos la ni rgyu dang rkyen ma mchis na/ ci'i slad du bcom ldan 'das kyis ci'i rgyu ci'i rkyen gyis 'od 'di byung bar gyur ces bka' stsal/ 'od 'di

  292. 147a

    ni mya ngan las 'das pa chen po zhes bgyi ste/ mya ngan las 'das pa chen po zhes bgyi ba ni/ rtag tu gnas pa'i tshe can lags te/ rtag tu gnas pa'i chos ni rgyu dang rkyen las ma byung na/ ci'i slad du bcom ldan 'das kyis 'od 'di yod par gyur ces bka' stsal/ 'od 'di ni de bzhin gshegs pa zhes bgyi ste/ de bzhin gshegs pa zhes bgyi ba ni rtag tu gnas pa'i chos can lags te/ rtag tu gnas pa'i chos ni rgyu dang rkyen las ma byung na/ ci ste de bzhin gshegs pas rgyu dang rkyen ces bka' stsal/ 'od 'di ni byams pa da snying rje chen po zhes bgyi ste/ byams pa dang snying rje chen po zhes bgyi ba ni rtag tu gnas pa'i chos can lags te/ rtag tu gnas pa'i chos ni rgyu dang rkyen las ma byung na/ ci'i slad du de bzhin gshegs pas 'od kyi rgyu rkyen bka' stsal/ 'od 'di ni sangs rgyas rjes su dran pa zhes bgyi ste/ sangs rgyas rjes su dran pa zhes bgyi ba ni rtag tu gnas pa'i chos can lags te/ rtag tu gnas pa'i chos ni rgyu dang rkyen las ma byung na/ ci'i slad du de bzhin gshegs pas rgyu dang rkyen ces bka' stsal/ 'od 'di ni nyan thos dang rang sangs rgyas thams cad dang thun mongs pa ma lags pa'i lam zhes bgyi ste/ nyan thos dang rang sangs rgyas dang thun mong ba ma lags pa'i lam ni rtag tu gnas pa'i chos can lags te/ rtag tu gnas pa'i chos ni rgyu dang rkyen las

  293. 147b

    mabyung na/ ci'o slad du de bzhin gshegs pas rgyu dang rkyen ces bka' stsal/ bcom ldan 'das rgyu dang rkyen ces bgyi ba'ang ma mchis so// ma rig pa 'gag pa'i rkyen gyis bla na med pa yang dag par rdzogs pa'i byang chub kyi sgron ma rab tu 'bar bar 'gyur ro/ / bcom ldan 'das kyis bka' stsal pa/ 'jam dpal khyod chos thams cad kyi shin tu zab mo'i don dam pa la ma 'jug par kun rdzob tu brjod cing smros shig/ 'jam dpal gyis gsol pa/ bcom ldan 'das 'di nas shar phyogs su 'jig rten gyi khams gang+gA klung nyi gu'i byed ma snyed 'das pa'i pha rol na sangs rgyas kyi zhing mi g.yo ba bzhes bgyi ba mchis te/ sangs rgyas de bzhugs pa'i gnas chu zheng grub par dpag tshad khri nyis stong ste/ de'i sa gzhi ni rin po che sna bdun sha stag ste/ sa dang gsag ma med do// shin tu mnyam la 'jam ste/ sa la sul dang shang shong med do// shing rnams ni ser dang / dngul dang / bai DUR+Ya dang / shel dang / rin po che sna bzhi las byas te/ dus thams cad du me tog dang 'bras bus rab tu rgyas so// gal te sems can gang me tog gi bsung gis phog na/ lus dang sems rab tu bde ba ni ji ltar dge slong dag bsam gtan gsum pa la zhugs pa bzhin no// de'i kho ra khor yug tu klung chen po sum stong yod de/ de'i chu shin tu bzung la yon

  294. 148a

    tan brgyad dang ldan no/ / gal te sems can gang de'i nang du khrus byas na/ dga' ba dang bde ba thob pa ni ji ltar dge slong dag bsam gtan gnyis pa la zhugs pa dang 'dra'o/ / krung de la me tog ut+pa la dang / pad+ma dang / ku mu da dang / pun da ri ka dang / me tog bsung ldan dang / bsung chen dang / me tog bsung dam pa dang / rtag par sems can thams cad kyi dbang mi bgyid pa zhes bgyi ba'i me tog mang po rnam pa sna tshogs mchis so/ / krung de'i 'gram na'ang me tog rnam pa mang po mchis pa ni/ 'di lta ste/ me tog a di mug ta ka dang / me tog tsam pa ka dang / me tog pa ta la dang / me tog pa shi la dang / me tog ma ri ka dang / me tog ma ri ka chen po dang / me tog si ma ri ka dang / me tog su man dang / me tog yu te ka dang / me tog dan du ka ri dang / me tog rtag pa dang / sems can thams cad dbang bgyid pa zhes bgyi ba'i me tog la sogs pa'o// klung de'i gting ni gser gyi bye mas brdal te/ gsar dang / dngul dang / bai DUR+Ya dang / shel kha dog rnam pa sna tshogs thang ma skas bzhi mchis te/ bya mang po rnam pa sna tshogs de'i steng du 'du zhing / gzhan yang stag dang / sbyang ki dang / seng ge la sogs pa bya dang gcan gzan ma rungs pa tshad med pa snyed mchis te/ gcig la gcig pu bzhin du lta'o// sangs rgyas kyi zhing de na rtsa ba nyams pa dang / dam pa'i chos la skur

  295. 148b

    pa dang / log sred can dang / mtshams med pa lnga la sogs pa'i kha na ma tho ba bgyid pa ma mchis so// zhing de na grang dro ran te/ bkres pa dang skom pa'i sdug bsngal gyis gdungs pa'ang ma mchis/ 'dod chags dang / zhe sdang dang / bag med pa dang / phrag dog kyang ma mchis so// nyi zla dang / nyin mtshan dang / dus ma mchis te/ ji ltar sum cu rtsa gsum gnam dang mtshungs te/ de'i mi rnams kyang 'od dang ldan no// so so na rgyags pa dang dregs pa'i sems ma mchis te/ thams cad kyang byang chub sems dpa' skyes bu chen po mngon par shes pa thob pa/ yon tan chen po dang ldan pa/ dam pa'i chos la rim gro dang bsti stang gi sems 'jog pa/ theg pa chen pos bteg pa/ theg pa chen po la dad pa/ theg pachen po la mos pa/ theg pa chen po srung ba/ shes rab chen po dang ldan pa// gzungs chen po thob pa/ sems can thams cad la rtag par snying rtse ba sha stag go/ bcom ldan 'das de'i mtshan ni zla ba rgyas pa'i 'od ces bgyi ba de bzhin gshegs pa dgra bcom pa yang dag par rdzogs pa/ mkhyen pa/ zhabs su ldan pa/ bde bar gshegs pa/ 'jig rten rig pa/ bla na med pa// skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das bzhugs te/ gang nas gang du chos ston kyang zhing de'i sems can dag mi thos pa

  296. 149a

    gcig kyang ma mchis so/ / sangs rgyas de byang chub sems dpa' sems dpa' chen po bai DUR+Ya'i 'od ces bgyi ba la 'di ltar mya ngan las 'das pa chen po'i mdo 'di ston to/ / bcom ldan 'das des bka' stsal pa/ rigs kyi bu byang chub sems dpa' sems dpa' chen po gang mya ngan las 'das pa chen po'i mdo la nan tan byas na/ sngon ma thos pa kun thos par 'gyur ro zhes ston to/ / byang chub sems dpa' sems dpa' chen po bai DUR+Ya'i 'od ces bgyi ba des/ sangs rgyas zla ba rgyas pa'i 'od la zhu ba'ang / ji ltar 'di nyid na byang chub sems dpa' sems dpa' chen po kun tu snang ba mtho btsun dpal gyi rgyal pos zhus pa dang 'dra ste tha dad pa ma mchis so/ / sangs rgyas zla ba rgyas pa'i 'od des/ byang chub sems dpa' bai DUrma'i 'od la bka' stsal pa/ rigs kyi bu 'di nas nub phyogs su sangs rgyas kyi zhing gang+gA'i klung nyi shu'i bye ma snyed 'das pa na 'jig rten gyi khams mi mjed ces bya ba yod do// 'jig rten gyi khams de na ri dang / brag dang / gcong rong dang / khrad khrod dang / gsog ma dang / tsher ma ma rungs pas kun tu yongs su gang ste/ rtag tu bkres pa dang / skom pa dang / grang ba dang / tsha ba'i sdug bsngal gyis rnam par gzir to/ / zhing de'i mi dag dge sbyong dang / bram ze dang / pha ma dang / slob dpon dang / tha mal bkur sti mi bgyid de/ chos ma yin pa la zhen pa dang /

  297. 149b

    chos ma yin pa la 'dod chags pa dang / log pa'i chos spyod pa dang / dam pa'i chos la yid mi ches pa dang / tshe'i tshad rab tu thung ba dang / nyes pa byed pa dag yod na rgyal pos chad pas gcod pa dang / rgyal po dag yul dang srid yod bzhin du chog cing ngoms mi shes te/ gzhan gyi bdog pa la 'dod skyes nas dmag gi btab pas glo bur du shi ba mang ngo // rgyal pos de ltar chos ma yin pa spyod pas/ rgyal chen bzhi'i lha dge ba dag mi dga' nas than chen byung ba dang / nas 'bras mi skye ba dang / mi nad mang ba dang / sdug bsngal tshad med pa mang pos gdungs pa de na/ bcom ldan 'das shAkya thub pa zhes bya ba de bzhin gshegs pa dgra bcom pa yang dag par rdzogs pa/ mkhyen pa/ zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das thugs rje chen po lhag par che bas/ sems can la thugs brtse ba'i phyir grong khyer rtswa mchog tu sa la'i shing drung na 'khor mang po rnams la/ mya ngan las 'das pa chen po'i mdo sde 'di ston te/ de na byang chub sems dpa' kun tu snang ba mtho btsun dpal gyi rgyal po zhes bya ba'ang 'di nyid brtsams nas zhu ste/ khyod dang tha dad pa med do// bcom ldan 'das des kyang 'di bzhin du bka' stsal gyis/ khyed myur du song zhig dang

  298. 150a

    thos par 'gyur ro zhes gsung ngo / / bcom ldan 'das byang chub sems dpa' bai DUR+Ya'i 'od kyis dngos po de lta bu dag zos nas/ byang chub sems dpa' sems dpa' chen po brgyad khri bzhi stong dang bcas te 'dir mchis pas sngar ltas 'di byung ste/ de'i rgyu de'i rkyen gyis 'od 'di mchis par gyur to// de ni rgyu dang rkyen zhes kyang bgyi ste/ rgyu dang rkyen yang ma lags so/ / de nas byang chub sems dpa' bai DUR+Ya'i 'od kyis byang chub sems dpa' brgyad khri bzhi stong dang bcas te/ ba dan dang / gdugs dang / me tog dang / spos dang // 'phreng ba dang / rol mo'i rnam pa snga ma bas phul du byung ba mang po rnam pa sna tshogs bshams te/ thams cad grong khyer rtswa mchog tu sA la'i shing drung 'dir lhags nas/ so so nas mchod pa'i yo byad kyis bcom ldan 'das la mchod pa byas te/ bcom ldan 'das kyis zhabs la spyi bos phyag byas nas/ thal mo sbyar te bsti stang dang bcas pas lan gsum bskor nas mchod pa byas te phyogs gcig tu 'khod do/ / de nas bcom ldan 'das kyis/ byang chub sems dpa' de dag la bka' stsal pa/ rigs kyi bu khyed 'dir phyin pa yin nam ma phyin pa yin byang chub sems dpa' bai DUR+Ya'i 'od kyis gsol pa/ bcom ldan 'das phyin pa'ang 'ongs pa ma mchis la/ ma phyin pa'ang 'ongs pa ma mchis te/ bdag gis don de rtogs pas ci'ang 'ongs

  299. 150b

    pa ma mchis so/ / bcom ldan 'das 'du byed thams cad gal te rtag na'ang 'ong ba ma mchis la/ mi rtag pa lags na 'ong ba ma mchis la ma mchis te/ so so'i skye bo dag gang sems can gyi rang bzhin mchis par lta ba ni 'ong ba dang mi 'ong ba ma mchis so/ / bdag gis ni sems can gyi rang bzhin du nges pa ma mthong na// ci'i slad du 'ongs sam ma 'ongs shes bka' stsal/ gang nga rgyal can dag ni song ba dang 'ongs pa mchis par mthong gi/ nga rgyal ma mchis pa la ni song ba dang 'ong ba ma mchis so// gang len pa dang bcas pa ni song ba dang 'ong ba ma mchis par mthong gi/ len pa ma mchis pa la ni song ba dang 'ong ba ma mchis so// gang de bzhin gshegs pa mtha' yun du mya ngan las 'das par mthong ba ni/ song ba dang 'ong ba mchis par mthong gi/ de bzhin gshegs pa mtha' yun du mya ngan las 'da' bar mi lta ba la ni song ba dang 'ong ba ma mchis so// gang sangs rgyas kyi rang bzhin ma mthong ba la ni 'ong ba dang song ba mchis par mthong gi/ sangs rgyas kyi rang bzhin mthong ba ni 'ong ba dang song ba ma mchis so// gang nyan thos dang rang sangs rgyas mya ngan las 'da' ba mchis par mthong ba ni song ba dang 'ong ba mchis kyi/ nyan thos dang rang sangs rgyas mya ngan las 'da' bar mi mthong ba ni song ba dang 'ong ba ma mchis so// gang nyan thos dang rang sangs rgyas la rtag pa dang / bde ba dang /

  300. 151a

    bdag dang / yongs su dag pa mchis par lta ba la ni song ba dang 'ong ba mchis kyi/ de ltar mi lta ba ni song ba dang 'ong ba ma mchis so// gang de bzhin gshegs pa la rtag pa dang // bde ba dang / bdag dang / yongs su dag pa ma mchis par lta ba la ni song ba dang 'ong ba mchis kyi/ gang de bzhin gshegs pa la rtag pa dang / bde ba dang / bdag dang / yongs su dag pa mchis par lta ba la ni song ba dang / 'ong ba ma mchis so// bcom ldan 'das 'di'ang re zhig bzhag ste/ phyogs gcig cig zhu na/ thugs brtse ba'i slad du go skab dbye bar gsol// bcom ldan 'das kyis bka' stsal pa/ rigs kyi bu da dus la bab kyi/ ci dang ci 'dod pa dris shig dang / de dang de'i lung ngas rnam par phye ste bstan par bya'o// de ci'i phyir zhe na/ sangs rgyas bcom ldan 'das rnams// / ni shin tu phrad dka' ste/ ji ltar me tog u du ma wa ra bzhin no// chos kyang de ltar thos par dka' 'o// mdo sde bcu gnyis kyi nang na shin tu rgyas pa thos pa'ang shin tu dka' bas na/ sems rtse gcig tu mnyan par bya'o/ / de nas byang chub sems dpa' sems dpa' chen po bai DUR+Ya'i 'od kyis skabs dbye zhing gnang ba dang / bkas ston par 'gyur bar shes nas/ bcom ldan 'das la 'di skad ces gsol to/ / bcom ldan 'das ji ltar na byang chub sems dpa' sems dpa' chen po gang mya ngan las 'das pa chen po'i mdo sde bsgoms na ma thos pa thos par 'gyur/ de nas bcom ldan 'das kyis

  301. 151b

    legs so legs so zhes bya ba byin no/ / rigs kyi bu khyod deng 'di ltar theg pa chen po mya ngan las 'das pa'i rgya mtsho ma lus par bya'o snyam bsam pa dang / ngas shin tu bstan cing ston pa mkhas pa dang yang phrad kyis/ deng khyod kyi the tsom gyi dra ba dang zug rngu ci dang ci yod pa de thams cad sman pa chen por gyur pa ngas legs par dbyung ngo // khyod ni sangs rgyas kyi rang bzhin la gsal bar ma gyur te/ nga'i shes rab kyi sgron mas snang bar bya'o// khyod 'khor ba'i klung chen po la rgal bar 'dod na khyod kyi ded dpon du 'gyur par bya'o// nga la khyod pha ma'i 'du shes skyed cig dang / ngas kyang khyod la bu dang 'dra bar dgongs so/ / khyod dam pa'i chos kyi rin po che'i 'dod pa dang / nga la mang du yod pa dang phrad pas khyod la sbyin gyis/ rab tu yid la byas te brtags par nyon cig dang / ngas rnam par phye ste bstan par bya'o/ / rigs kyi bu chos nyan par 'dod na da ltar dus la bab po// gal te chos thos na dad pa skyed de sems rtse gcig tu nyon la/ bsti stang dang rim gro gyis shig/ dam pa'i chos la skyon mtshol cig/ 'dod chags dang / zhe sdang dang / gti mug la ma sems shig/ chos smra ba'i rigs bzang ngan la ma rtog cig/ chos thos nas nga rgyal ma skyed cig/ bkur sti dang / snyed pa dang / sgrags pa'i phyir ma byed par 'jig rten las 'das pa'i chos kyi zil dngar gyi khe tshol cig/ yang 'di snyam du bdag chos thos nas sngar bdag gi lus bsgral te/ gzod

  302. 152a

    gzhan sgrol lo snyam ma sems shig/ sngar bdag gi lus sgrol te/ gzod gzhan grol lo snyam ma sems shig/ sngar bdag gi lus bde bar byas te/ gzod gzhan la bde bar bya'o snyam ma sems shig/ sngar bdag mya ngan las 'das nas/ gzod gzhan yang mya ngan las bzla'o snyam ma sems par/ sangs rgyas dang / chos dang / dge 'dun la mtshan nyid mnyam par 'du shes skyed cig/ 'khor ba la sdug bsngal chen po'i mtshan nyid du 'du shes skyed cig/ mya ngan las 'das pa chen po la rtag pa dang / bde ba dang // bdag dang / yongs su dag par 'du shes skyed de/ sngar gzhan gyi don byas la/ gzod bdag gi don bya'o// theg pa chen po'i phyir theg pa gnyis kyi phyir ma yin no// chos thams cad gnas pa med pa la chos thams cad kyi mtshan nyid du ma 'dzin cig/ chos thams cad la 'dod pa'i mtshan nyid ma skyed par rtag tu chos shes pa dang mthong ba'i mtshan nyid bskyed par bya'o/ / rigs kyi bu khyod de ltar sems rtse gcig tu chos mnyan na/ de ni ma thos pa thos par 'gyur ba zhes bya'o// rigs kyi bu ma thos pa thos pa yod do// thos pa mi thos pa yod do// thos pa dang ma thos pa yod do// zos pa thos pa'ang yod do// rigs kyi bu ji ltar mi skye ba skye ba dang / ma skye ba mi skye ba dang / skye ba dang mi skye ba dang / skye ba skyes pa bzhin no// ji ltar ma

  303. 152b

    phyin pa phyin pa dang / ma phyin pa mi phyin pa dang / phyin pa dang mi phyin pa dang / phyin pa phyin pa bzhin no// bcom ldan 'das ji ltar na mi skye ba skye ba zhe na/ rigs kyi bu kun rdzob la gnas pa thog ma mngal nas byung ba'i tshe ni mi skye ba skye ba zhes bya'o/ / ji ltar ma skyes pa mi skye ba zhe na/ rigs kyi bu mya ngan las 'das pa chen po ni skye ba'i mtshan nyid med de/ ma skyes pa mi skye ba zhes bya'o// ji ltar na skye ba dang mi skye ba zhe na/ rigs kyi bu kun rdzob ltar shi ba'i tshe na/ skye ba dang mi skye ba zhes bya'o// ji ltar na skye ba skyes pa zhe na/ rigs kyi bu so so'i skye bo thams cad ni skye ba skyes pa zhes bya'o/ / de ci'i phyir zhe na/ skye ba skyes pa rgyun mi 'chad pa'i phyir/ zag pa dang bcas pa thams cad skad cig skad cig gis skye ba'i phyir skye ba skyes pa zhes bya'o// byang chub sems dpa' sa bzhi pa ni skye ba zhes bya'o/ / de ci'i phyir zhe na/ skye ba la dbang thob pa'i phyir skye ba mi skye ba zhes bya'o// rigs kyi bu 'di dag ni nang gi chos so// ji ltar phyi rol gyi chos mi skye ba skye ba dang / ma skyes pa mi skye ba dang / skye ba dang mi skye ba dang / skye ba skyes pa zhe na/ rigs kyi bu dper na sa bon ni myu gum skyes pa'i tshe/ chen po bzhi 'dus shing tshogs pa dang / las su byas pas gzod skye bar 'gyur te/ de ni mi skye ba skye ba zhes bya'o// ji ltar ma skyes pa mi skye ba zhe na/ dper na sa bon rul pa 'am/ rkyen dang ma phrad pa de lta bu la sogs pa ni ma skyes pa mi

  304. 153a

    k+She ba zhes bya'o/ / ji sar skyebs skyes pazhen/ dper na m+ba gu skyes nas chad du byin par ma gyes pa na skyebs skyes pa zhes bya'o// jilta ste bskyes pa zhe na/ rma gra lus tshad du phyin par skyes pa bzhin te/ gang skye ba ma skyes pa la ni tshad du phyin par skye ba med de/ de ltar zag pa dang bcas pa thams cad ni phyi rol gyi chos skye ba skyes pa zhes bya'o// de nas byang chub sems dpa' sems dpa' chen po bai DUR+Ya'i 'od kyis/ bcom ldan 'das la 'di skad ces gsol to// bcom ldan 'das gal te zag pa dang bcas pa'i chos la skye ba mchis na/ rtag pa lags sam/ mi rtag pa lags/ skye ba de rtag pa lags na/ zag pa dang bcas pa'i chos la skye ba ma mchis so// gal te skye ba de mi rtag na/ zag pa dang bcas pa de mi rtag par 'gyur ro/ / bcom ldan 'das skye ba nyid kyi skye ba bskyed do zhes bgyir ni skye ba la mtshan nyid ma mchis so// gal te gzhan gyis skye bar nus na/ ci'i rgyu ci'i rkyen gyis zag pa med pa mi skye bcom ldan 'das gal te ma skyes pa'i tshe skye ba mchis na/ ci ste gzod skye ba zhes gdags/ ma skyes pa'i tshe skye ba ma mchis na/ ci'i slad du nam mkha' la skye ba'o zhes ma gsungs/ bcom ldan 'das kyis bka' stsal pa/ / legs so legs so// rigs kyi bu mi skye ba skye ba'ang brjod du med/ skye ba skyes pa'ang brjod du med/ skye ba ma skyes pa'ang brjod du med/ ma skyes pa mi skye

  305. 153b

    ba'ang brjod du med/ skyes pa'ang brjod du med/ ma skyes pa'ang brjod du med de/ 'on kyang rgyu dang rkyen gyis brjod du'ang rung ngo // ji ltar na mi skye ba skye ba brjod du med pa zhe na// ma skyes pa la skye ba zhes bya na// ji skad du brjod de/ ci'i phyir zhe na/ de'ang skye ba'i phyir ro// ji ltar skye ba skyes pa brjod du med pa zhe na/ skye ba skyes pa'i phyir skyes la/ skye ba skyes pa'i phyir ma skye pas na brjod du med do/ / ji ltar skye ba ma skyes pa brjod du med pa zhe na/ skye ba nyid la skyes pa zhes bya ste/ skye ba nyid skye ba ma yin pa'i phyir brjod du med do// ji ltar na ma skyes pa mi skye ba'ang brjod du med pa zhe na/ ma skyes pa de ni mya ngan las 'das pa zhes bya ste/ mya ngan las 'das pa ni skye ba med pa'i phyir brjod du med do// de ci'i phyir zhe na/ lam bsgoms pas thob pa'i phyir ro/ / skyes pa'ang brjod du med de/ skye ba de nyid skye ba med pa'i phyir ro// ji ltar ma skyes pa brjod du med pa zhe na/ thob pa yod pa'i phyir ro// ji ltar rgyu dang rkyen gyis brjod du'ang rung ba zhe na/ rten cing 'brel te byung ba'i chos bcu gnyis ni skye bas rgyur 'gyur te/ don de bas na brjod du'ang rung ngo // rigs kyi bu khyod stong pa'i ting nge 'dzin shin tu zab mor ma 'jug cig/ de ci'i phyir zhe na/ 'khor mang po dag dbang po rtul ba'i phyir ro// rigs kyi bu 'dus byas kyi chos ni skye ba'ang rtag pa yin no// mi rtag pa la gnas pa

  306. 154a

    tsam na skye ba'ang mi rtag pa yin no/ / gnas pa'ang rtag pa yin te/ skye ba skye ba'i phyir gnas pa'ang mi rtag pa'o// tha dad pa'ang rtag pa yin te/ chos la rtag pa med pas/ tha dad pa'ang mi rtag pa'o// 'jig pa'ang rtag pa yin te/ thog ma nas med la/ da yod pa'i phyir 'jig pa'ang mi rtag go// rigs kyi bu rang bzhin gyi phyir ni skye ba dang / gnas pa dang / tha dad pa dang / 'jig pa dang / rtag pa yin te/ skad cig skad cig mar 'gog pa'i phyir rtag pa zhes brjod du'ang rung ngo // mya ngan las 'das pa chen po ni chad pa dang 'gog pa yin pas mi rtag pa zhes bya'o/ / rigs kyi bu zag pa dang bcas pa'i chos ni ma skyes pa na skye ba'i rang bzhin yod pa'i phyir bskyed pas skye bar 'gyur ro// zag pa med pa'i chos ni thog ma nas skye ba'i rang bzhin med pa'i phyir skyes pas skye bar mi nus so/ / ji ltar me'i rang bzhin yod pas rkyen dang phrad pa dang / mig la mthong ba'i rang bzhin yod pas gzugs dang / snang ba dang / rnam par shes pa'i rkyen gyis mthong ba ltar/ sems can gyi skye ba'i chos kyang de dang 'dra ste/ thog ma nas rang bzhin yod pas las kyi rgyu rkyen dang pha ma 'dus pa las skye ba yod par gyur to/ / de nas byang chub sems dpa' sems dpa' chen po bai DUR+Ya'i 'od dang / byang chub sems dpa' sems dpa' chen po brgyad khri bzhi stong

  307. 154b

    snyed kyis chos de dag thos nas/ steng gi nam mkha' la shing ta la bdun srid du 'phags te bsti stang du thal mo sbyar nas/ bcom ldan 'das la 'di skad ces gsol to// bcom ldan 'das de bzhin gshegs pas bdag cag la yang nas yang bstan cing mya ngan las 'das pa chen po 'di'i rkyen gyis/ sngon chad ma thos pa dang rtogs par gyur te/ byang chub sems dpa' brgyad khri bzhi stong yang chos thams cad kyi mi skye ba'i skye ba la sogs shin tu rtogs par gyur to/ / bcom ldan 'das bdag ni thams cad rtogs te/ the tsom gyi dra ba gcod kyang / 'khor gyi dkyil 'khor 'di'i nang na/ byang chub sems dpa' 'jigs pa med pa zhes bya ba zhig gsol zhing zhu bar 'tshal na/ bcom ldan 'das kyis gnang zhing skabs dbye bar gsol// de nas bcom ldan 'das kyis/ byang chub sems dpa' 'jigs pa med pa la bka' stsal pa/ rigs kyi bu ci dang ci 'dod pa dris shig dang / ngas de dang de'i lung bstan cing bshad par bya'o// de nas byang chub sems dpa' 'jigs pa med pa 'khor byang chub sems dpa' drug khri bzhi stong rnams dang cig car 'dug pa'i stan las langs/ / gos tshags bcos te pus mo sa la btsugs nas thal mo sbyar te/ bcom ldan 'das la 'di skad ces gsol to// bcom ldan 'das zhing 'di'i sems can dag las ci zhig bgyis na/ mi g.yos pa'i 'jig rten gyi

  308. 155a

    khams su skye bar 'gyur/ zhing de'i byang chub sems dpa' ni ci'i slad du shes rab dang ldan zhing / mi'i nang na bal glang gi rgyal po lta bur gzi brjid che ba dang rnal 'byor du spyod pa dang ldan zhing / shes rab rno zhing myur te thos ma thag tu rtogs par gyur// de nas bcom ldan 'das kyis tshigs su bcad de bka' stsal pa sems can srog dag mi gcod cing / / tshul khrims sdom pa rab bsdams te// sangs rgyas dam pa'i bka' spyod na// mi yo zhing der skye bar gyur// gzhan gyi nor dag mi 'phrog cing / / rtag tu kun la sbyin byed de// dge 'dun 'gron pa'i gnas 'cha' na// mi g.yo zhing der skye bar 'gyur// gzhan gyi bud med mi tshol zhing // bdag gi chung mas chog shes la/ / mal cha tshul khrims srung byin na// mi g.yo zhing der skye bar 'gyur// bdag dang gzhan gyi khe tshol phyir// sdigs mos skrag par mi byed cing // ngag sdom brdzun du mi smra na/ / mi g.yo zhing der skye bar 'gyur// dge ba'i bshes dang mi 'bral zhing // sdig pa'i grogs po rab spangs te// rtag tu 'dum pa'i tshig smra na// mi g.yo zhing der skye bar 'gyur/ / ji ltar byang chub sems dpa' ltar// rtag tu tshig rtsub spangs pas na// smras pa thos par dga' ba ni// mi g.yo zhing der skye bar 'gyur// bzhad gad rtsed mo bar du yang //

  309. 155b

    dus ma yin pa'i tshig mi smra// dus la bab par smra ba ni// mi g.yo zhing der skye bar 'gyur// gzhan gyis khe dag rnyed mthong na// rtag tu dga' ba'i sems bskyed de// phrag dog ma dud par mi 'dzin na/ / mi g.yo zhing der skye bar 'gyur// sems can dag la mi 'tshe zhing // rtag tu byams pa'i sems bskyed de// thabs kyis sdig pa mi skyed na// mi g.yo zhing der skye bar 'gyur// sbyin dang pha ma med pa dang // 'das dang ma 'ongs med ces bya'i// ngan par lta ba mi skyed na// mi g.yo zhing der skye bar 'gyur// lam dgon khron pa chu byin cing // bza' shing mang po dag bskyed de// slong ba dag la zas byin na// mi g.yo zhing der skye bar 'gyur// sangs rgyas chos dang dge 'dun la// spos sam ma mar gcig tsam mam// me tog gcig tsam mchod byas na// mi g.yo zhing der skye bar 'gyur/ / 'jigs pa dang ni kha bkur dang // bsod nams yon tan tshol ba'i phyir// mdo 'di'i tshogs bcad gcig bris na// mi g.yo zhing der skye bar 'gyur// gang zhig mang po'i bsod nams dang // phan pa'i don du nyin gcig tsam// mdo sde dam pa 'di bklags na// mi g.yo zhing der skye bar 'gyur// bla na med pa'i lam gyi phyir// nyin zhag gcig tsam gyi bar du/ / tshul khrims sdom pa brgyad mnos na// mi g.yo zhing der skye bar 'gyur// tshul khrims rtsa ba bshig pa dang // rgyas pa'i mdo sde skur pa dang // lhan cig gcig tu mo

  310. 156a

    gnas na/ / mi g.yo zhing der skye bar 'gyur// gal te nad kyis gdungs pa la// shing thog 'bru gcig sbyin byed cing // dga' ba'i sems kyis g.yog byas na/ / mi g.yo zhing der skye bar 'gyur// dge 'dun nor la mi spyod cing // sangs rgyas dkor dag rab bsrungs te// sangs rgyas dge 'dun gnas phyags na// mi g.yo zhing der skye bar 'gyur// rtag tu dga' ba'i sems bskyed de// sangs rgyas gzugs sam rten yang rung // mthe bong tsam zhig gang byas pa// mi g.yo zhing der skye bar 'gyur// gal te mdo sde 'di yi phyir// bdag gi lus dang rin chen dbyig/ chos smra ba la sbyin byed na// mi g.yo zhing der skye bar 'gyur// bcom ldan gsang ba'i snying po la// mnyan tam yi ge bris nas su// 'dzin cing klog gam 'don pa ni/ / mi g.yo zhing der skye bar 'gyur// de nas byang chub sems dpa' sems dpa' chen po 'jigs pa med pas// bcom ldan 'das la 'di skad ces gsol to// bcom ldan 'das bdag gis deng las ci dang ci byas pa'i rkyen gyis mi g.yo ba'i zhing der skye bar 'gyur ba rtogs par gyur to// byang chub sems dpa' sems dpa' chen po kun tu snang ba mtho btsun dpal gyi rgyal pos 'gro ba mang po la snying brtse ba'i slad du zhus te/ de bzhin gshegs pas rnam par phye zhing bstan pas/ lha dang / mi dang / lha ma yin dang / dri za dang /

  311. 156b

    nam mkha' lding dang / mi 'am ci dang / lto 'phye chen po la sogs pa thams cad la'ang phan pa'i don du gyur to// de nas bcom ldan 'das kyis/ byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ legs so legs so// rigs kyi bu khyod shin tu yid la byas te legs par nyon cig dang / ngas khyod la rgyu dang rkyen gang gis mi phyin par ma phyin pa dang / rgyu dang rkyen gang gis mi phyin par phyin pa dang / rgyu dang rkyen gang gis phyin par mi phyin pa dang / rgyu dang rkyen gang gis phyin par phyin pa dag rnam par dgrol zhing bshad par bya'o/ / ci'i rgyu ci'i rkyen gyis ma phyin par phyin pa zhe na/ rigs kyi bu mi phyin pa zhes bya ba ni mya ngan las 'das pa chen po ste/ so so'i skye bo dag ma phyin pa ni 'dod chags dang / zhe sdang dang / gti mug dang bcas pas/ lus kyi las dang ngag gi las yongs su ma dag ste/ ma brtags pa'i dngos po thams cad 'chang zhing rtsa ba bzhi nyams pa dang / shin tu rgyas pa'i mdo sde la skur pa dang / log sred can gyi las byed pa dang / mtshams med pa lnga'i kha na ma tho ba med pa'i phyir ma phyin par mi phyin pa zhes bya'o// rigs kyi bu ci'i rgyu ci'i rkyen gyis mi phyin par phyin par bya/ zhe na/ mi phyin pa zhes bya ba ni mya ngan las 'das pa chen po ste/ don ji lta bu zhig gis phyin ce na/ 'dod chags dang / zhe sdang dang / gti mug dang / lus dang / ngag gi las ngan pa spyod pa

  312. 157a

    yongs su spangs te/ ma brtags pa'i dngos po mi 'chang ba dang / rtsa ba bzhi mi nyams pa dang / shin tu rgyas pa'i mdo sde la mi skur pa dang / log sred can gyi las mi byed pa dang / mtshams med pa lnga'i kha na ma tho ba'i las mi byed pa ste/ don de lta bas na mi phyin par phyin pa zhe bya'o// rgyun du zhugs pa ni bskal pa brgyad khris phyin no// lan cig phyir ldog pa ni bskal pa drug khris phyin no/ / phyir mi ldog pa ni bskal pa bzhi khris phyin no// dgra bcom pa ni bskal pa nyi khris phyin no// rang sangs rgyas ni bskal pa stong phrag bcus phyin no// don de'i phyir mi phyin par phyin pa zhes bya'o/ / rigs kyi bu ci'i rgyu ci'i rkyen gyis phyin pa mi phyin zhes na/ phyin pa zhes bya ba ni srid pa nyi shu rtsa lnga ste/ sems can thams cad rtag tu nyon mongs tshad med pa snyed kyis bcings te/ kun nas glags pas yang nas yang du 'khor ba ni ji ltar 'khor lo 'khor ba bzhin du spong mi nus te/ de ni phyin pa zhes mi bya'o// nyan thos dang rang sangs rgyas dang / byang chub sems dpa' rnams ni yongs su spangs pas mi phyin pa zhes bya'o// sems can 'dul ba'i phyir 'di dag tu snang ba ston pas na phyin pa zhes kyang bya'o/ / rigs kyi bu ci'i rgyu ci'i rkyen gyis phyin par phyin pa zhe na/ phyin pa zhes bya ba ni srid pa nyi shu rtsa lnga ste/ bus pa ma rabs so so'i skye bo thams cad dang // rgyun du zhugs pa dang / 2

  313. 157b

    cig phyir mo ldog pa'i bar du nyon mongs pa'i rkyen gyis phyin par phyin pa zhes bya'o/ / rigs kyi bu ma thos pa zhes pa'ang de bzhin te/ mdzes pa thos pa yod do// ma thos pam thos pa yod do/ / thos pa ma thos pa yod do// thos pazos pa yod do// de la ji ltar na ma thos pa thos pa zhe na/ rigs kyi bram thos pa zhes bya ba ni mya ngan las 'das pa chen po ste/ ci'i phyir ma thos pa zhe na/ 'dus byas ma yin/ sgra ma yin/ brjod du med pa'i phyir ro// ji ltar thos pa zhe na/ ming thos par 'gyur ba 'di lta ste/ rtag pa dang / bde ba dang / bdag dang / yongs su dag pa dag ma thos pa thos pa zhes bya'o// de nas byang chub sems dpa' sems dpa' chen po kun tu snang ba mtho btsun dpal gyi rgyal pos/ bcom ldan 'das la 'di skad ces gsol to// bcom ldan 'das ji ltar bcom ldan 'das kyis gsungs pa ltar/ mya ngan las 'das pa chen po ni thos par mi rung na/ ci'i slad du rtag pa dang / bde ba dang / bdag dang / yongs su dag pa dag thos par rung zhes gsungs/ bcom ldan 'das de'ang ci'i slad du zhe na/ nyon mongs pa cad pa ni mya ngan las 'das pa zhes bgyi ste/ gal te mchod pa la mya las 'das pa zhes mi bgyi na/ don de'i phyir mya ngan las 'das pa'i rang bzhin thog ma nas ma mchis te/ da ltar mchis pa

  314. 158a

    lags so/ / 'jig rten gyi chos ltar thog ma mchis la/ da ltar mchis par gyur na mi rtag pa'i chos can du 'gyur ro// dper na rdza ma la sogs pa ni thog ma ma mchis la/ da ltar mchis par gyur te/ mchis nas slar yang ma mchis par 'gyur bas na/ mi rtag pa zhes bgyi ste/ mya ngan las 'das pa'ang de lta bu lags na/ ci'i slad du rtag pa dang / bde ba dang / bdag dang / yongs su dag pa'o zhes gsungs/ gzhan yang bcom ldan 'das ji tsam du bkod pa'i rgyus 'grub pa ni kun kyang mi rtag pa zhes bgyi ste/ mya ngan las pa'ang de lta bu lags na/ mi rtag pa lags pa'i rigs so// ci'i rgyu ci'i rkyen gyis mi rtag ce na/ 'di lta ste/ byang chub kyi phyogs sum cu rtsa bdun dang / pha rol tu phyin pa drug dang / tshad med pa bzhi dang / keng rus la rtog pa dang / dbugs bgrang ba dang / dran pa nye bar gzhag pa drug dang / chen po drug 'jigs pa la sogs pa thams cad mya ngan las 'das pa bsgrub pa'i rgyu dang rkyen du 'gyur bas mi rtag pa zhes bya'o/ / gzhan yang bcom ldan 'das srid pa ni mi rtag pa zhes bgyi ste/ gal te mya ngan las 'das pa srid pa lags na/ mi rtag par yang 'gyur bar rigs so// ji ltar bcom ldan 'das kyis sngon lung las/ nyan thos dang / rang sangs rgyas dang / sangs rgyas bcom ldan

  315. 158b

    'das kun la mya ngan las 'das pa srid do zhes gsungs te/ don de lta bas na mi rtag pa zhes bgyi bar 'gyur ro// gzhan yang bcom ldan 'das bltar rung ba'i chos ni kun kyang mi rtag pa lags te/ bcom ldan 'das kyis sngon mya ngan las 'das pa mthong ba ni/ nyon mongs pa thams cad chod par 'gyur ro zhes gsungs so// gzhan yang bcom ldan 'das/ dper na rnam mkha' stong pa ni sems can thams cad la mnyam par thogs pa dang / bsgribs pa ma mchis pa'i slad du rtag pa zhes bgyi'o// gal te mya ngan las 'das pa'ang rtag pa mnyam ma lags na/ ci'i slad du sems can dag ma thob pa dang ma mchis par 'gyur/ mya ngan las 'das pa'ang de lta bu lag te/ sems can thams cad la mi mnyam na lta rtag pa zhes bgyir mi rung ngo // bcom ldan 'das dper na mi mang po brgya la dgra gcig mchis la/ gal te dgra de gsad na mi mang po kun bde bar 'gyur ro// ci ste mya ngan las 'das pa'ang mnyam pa'i chos lags na ni mi gcig gis thob na mi mang po gyis thob pa'i rigs/ mi gcig gi kun nas nyon mongs pa chod na mi mang po kun gyis kyang chod pa'i rigs/ gal te de lta bu ma lags na/ ci'i slad du rtag pa zhes bgyi/ dper na la la zhig gis rgyal po dang / rgyal bu dang / pha ma dang / slob dpon dang / bla ma la bkur sti dang / mchod pa dang / rim gro dang / bsti stang byed na b

  316. 159a

    a thob par gyur to/ / de ni rtag pa zhes mi bgyi'o// mya ngan las 'das pa'ang de lta bu lags na ni rtag pa zhes mi bgyi'o// de ci'i slad du zhe na/ ji ltar bcom ldan 'das kyis sngon lung las dga' bo la 'di skad du/ gal te la la zhig gis mya ngan las 'das pa la bsti stang du byas na kun nas nyon mongs pa chod do// dge ba tshad med pa thob par 'gyur zhes gsungs te/ don de lta bas na rtag pa zhes mi bgyi'o// bcom ldan 'das gal te mya ngan las 'das pa la rtag pa dang / bde ba dang / bdag dang / yongs su dag pa'i ming mchis na rtag pa zhes mi bgyi'o/ / de ste ma mchis na ji ltar bshad par rung // de nas bcom ldan 'das kyis/ byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ mya ngan las 'das pa nyid ni thog ma med la da ltar yod pa ma yin no// gal te mya ngan las 'das pa nyid thog ma med la da ltar yod na/ zag pa med pa rtag tu gnas pa'i chos ma yin par 'gyur ro// sangs rgyas rnams ni byung yang rung / sangs rgyas ma byung yang rung // rang bzhin dang mtshan nyid rtag tu gnas te sems can dag nyon mongs pas baspobs pas/ / mya ngan las 'das pa mi mthong ba'i phyir med do snyam sems so// byang chub sems dpa' sems dpa' chen po tshul khrims dang / ting nge 'dzin dang / shes

  317. 159b

    rab la goms pa dag ni nyon mongs pa bcad nas mthong bar 'gyur te/ de bas na mya ngan las 'das pa ni rtag tu gnas pa'i chos can te/ sngon med pa la da yod pa ma yin par rigs pas de bas na rtag pa zhes bya'o/ / rigs kyi bu dper na mun khang gi nang khron pa zhig na/ rin po che sna bdun rnam pa sna tshogs yod pa mi dag gis yod par shes kyang / mun pa gnag pas mi mthong ngo / / shas rab can thabs mkhas pas sgron ma chen po thogs te bltas pa dang kun snang bar gyur te/ de 'di snyam du chu dang rin po che sna bdun thog ma med pa la da ltar yod par gyur to snyam mi sems so/ / mya ngan las 'das pa'ang de dang 'dra ste/ thog ma nas yod pa yin gyi/ da ltar gzod yod pa ma yin no// nyon mongs pa'i mun pas sems can dag bsgribs pa'i phyir mi mthong gi/ thams cad mkhyen pa'i ye shes mnga' ba'i de bzhin gshegs pas shin tu mkhas pa'i thabs kyis shes rab kyi sgron ma btsugs te/ byang chub sems dpa' dag mya ngan las 'das pa'i rtag pa dang / bde ba dang / bdag dang / yongs su dag pa mthong bar byas so// de bas na shes rab can gyis mya ngan las 'das pa 'di la thog ma med pa da ltar yod par gyur to zhes brjod par mi bya'o/ / rigs kyi bu khyod kyis bkod pa'i rgyus mya ngan las 'das pa 'grub pa mi rtag go zhes bya ba de mi rung ngo // de ci'i phyir zhe na/ rigs kyi bu mya ngan las

  318. 160a

    'das pa'i ngo bo nyid ni skye ba ma yin/ byung ba ma yin/ bden pa ma yin// brdzun pa ma yin/ las su byas nas skyes pa ma yin/ zag pa dang 'dus bya kyi chos ma yin// zothos pa ma yin/ mthong ba ma yin/ ltung ba ma yin/ 'chi ba yin/ mtshan nyid tha dad pa ma yin/ mtshan nyid gcig pa ma yin/ 'gro ba ma yin// ldog pa ma yin/ 'das pa ma yin/ ma 'ongs pa dang da ltar ma yin/ gcig pu ma yin/ mang po ma yin/ ring po ma yin/ zung ngu ma yin/ zlum po ma yin/ gru bzhi ma yin/ spyang sprang po ma yin/ snrel zhi ma yin/ mtshan nyid ma yin/ 'du shes ma yin/ ming ma yin/ gzugs ma yin// sgra ma yin/ 'bras bu ma yin/ bdag ma yin/ bdag gi ma yin// de lta bas na mya las 'das pa rtag pa mi 'gyur mi pho ba yin te/ de bas na bskal pa tshad med grangs med pa'i bar du dge ba'i chos bsgrub cing bsgoms pas yongs su brgyan na/ gdod mthong bar 'gyur ro// rigs kyi bu dper na sa'i 'og na chu yon tan brgyad dang ldan pa yod kyang sems can thams cad kyis thob par mi rung ngo / / shes rab can la la zhig las su byas te brkos na gzod thob par 'gyur ba ltar/ mya ngan las 'das pa'ang de dang 'dra'o/ / dper na dmus long dag nyi ma dang zla ba mi mthong ste/ sman pa mkhas pas sman byas na snang zhing mthong bar 'gyur te/ nyi ma dang zla ba de'ang sngon med pa

  319. 160b

    la da ltar yod pa ma yin no/ / mya ngan las 'das pa'ang de dang 'dra ste/ thog ma nas yod pa yin gyi/ da ltar gzod yod pa ma yin no// rigs kyi bu ji ltar nyes pa byas pa dag bcings/ khri mon gyi nang du bcug pa ni ring po zhig na gdod thar te byung nas/ slar khyim du pha ma dang / phyu nu dang / bu dang / chung ma dang / gnyen bshes mthong bzhin du/ mya ngan las 'das pa'ang nga dang 'dra'o/ / rigs kyi bu khyod 'di skad du rten cing 'brel pa'i phyir mya ngan las 'das pa'i chos kyang mi rtag go zhes bya ba de'ang de lta ma yin no// de ci'i phyir zhe na/ rigs kyi bu rgyu la rnam pa lnga lnga gang zhe na/ skye ba'i rgyu dang / 'dus pa'i rgyu dang / gnas pa'i rgyu dang / skye zhing 'phel ba'i rgyu dang / ring ba'i rgyu'o// de la ji ltar na skye ba'i rgyu zhe na/ skye ba'i rgyu zhes bya ba ni/ las dang nyon mongs pa la sogs pa dang / phyi rol gyi rtsi shing rnams kyi sa bon ni skye ba'i rgyu zhes bya'o// ji ltar 'dus pa'i rgyu zhe na/ ji ltar dge ba dang / dgra ba'i sems 'dus pa dang / mi dge ba dang / mi dge ba'i sems 'dus pa dang / lung du mi ston pa dang / lung du mi sten pa'i sems 'dus pa ni 'dus pa'i rgyu zhes bya'o// ji ltar gnas pa'i rgyu zhe na/ 'og na ka ba yod pa'i phyir khang pa mi ltung ba dang / ri dang / chu dang / shing dang / nags tshal thams cad sa chen po'i phyir gnas par gyur pa dang / nang

  320. 161a

    gi chen po bzhi dang / nyon mongs pa tshad med pa snyed yod pa'i phyir sems can gnas par gyur pa ni gnas pa'i rgyu zhes bya'o// ji ltar skye zhing 'phel ba'i rgyu zhe na/ gos dang zas la sogs pa la brten pa'i rkyen gyi sems can skye zhing 'phel ba dang / ji ltar phyi rol gyi sa bon mes ma tshig cing byas ma zos par skye zhing 'phel bar gyur pa dang / ji ltar dge sbyong dang / bram ze la sogs pa slob dpon dang / dge ba'i bshes gnyen dag la brten pas skye zhing 'phel ba dang / ji ltar pha ma'i rgyus bu skye zhing 'phel bar gyur pa ni skye zhing 'phel ba'i rgyu zhes bya'o/ / ji ltar ring ba'i rgyu zhe na/ dper na sngags kyi rgyus gdon gyis 'chi bar mi nus shing dug gis gnod par mi nus pa dang / rgyal po la brtan na rkun pos mi tshugs pa dang / ji ltar myu gu dang / chu dang / ma dang / rlung la sogs pa la brten pa dang / ji ltar chu dang / srub shing dang / mi las mar gyi ring ba'i rgyur gyur pa dang / snang ba dang gzugs la sogs pa ni rnam par shes pa'i ring ba'i rgyur gyur pa dang / pha ma'i khu ba dkar nag ni sems can gyi ring ba'i rgyur gyur pa dang / ji ltar dus la sogs pa kun kyang ring ba'i rgyu zhes bya'o// rigs kyi bu mya ngan las 'das pa'i rang bzhin ni/ de lta bu'i rgyu lngas grub pa ma yin na/ ci'i phyir mi rtag pa'i rgyur 'gyur ba zhes bya// rigs kyi bu gzhan yang rgyu rnam pa gnyis yod de//

  321. 161b

    byas pa'i rgyu dang / gsal ba'i rgyu'o// ji ltar rdza ma mkhan gyi 'khor lo ni byas pa'i rgyu zhes bya'o// ji ltar me smon la sogs pas mun pa'i rdzas snang bar byed pa ni gsal ba 'iri rgyu zhes bya'o// rigs kyi bu mya ngan las 'das pa chen po ni/ byas pa'i rgyu las grub pa ma yin te/ gsal ba'i rgyu 'ba' zhig go// gsal ba'i rgyu zhe bya ba ni/ 'di lta ste/ byang chub kyi phyogs kyi chos sum cu rtsa bdun dang / pha rol tu phyin pa drug ni gsal ba'i rgyu zhes bya'o// rigs kyi bu sbyin pa ni mya ngan las 'das pa'i rgyu yin te/ mya ngan las 'das pa chen po'i rgyuni ma yin no// sbyin pa'i pha rol tu phyin pa ni mya ngan las 'das pa chen po'i rgyu zhes bya'o/ / byang chub kyi phyogs kyi chos sum cu rtsa bdun ni mya ngan las 'das pa'i rgyu yin te/ byang chub kyi yan lag gi chos tshad med grangs med pa snyed ni mya ngan las 'das pa chen po'i rgyu zhes bya'o/ / // 'phags pa yongs su mya ngan las 'das pa chen po'i mdo bam po nyi shu gnyis pa/ / // de nas byang chub sems dpa' sems dpa' chen po kun tu snang ba mtho btsun dpal gyi rgyal pos/ bcom ldan 'das la 'di skad ces gsol to// bcom ldan 'das ji ltar sbyin pa byin na sbyin pa'i pha rol tu phyin pa zhes mi gdags ji ltar sbyin pa byin na sbyin pa'i pha rol tu phyin pa zhes gdags pa nas/ shes rab kyi bar du/ ji ltar

  322. 162a

    na shes rab kyi pha rol tu phyin pa zhes mi gdags pa dang / ji ltar na shes rab kyi pha rol tu phyin pa zhes gdags pas 'dogs par 'gyur ba dang / ji ltar na mya ngan las 'das pa zhes gdags/ ji ltar na mya ngan las 'das pa chen po zhes bgyi/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen pos shin tu rgyas pa'i yongs su mya ngan las 'das pa chen po la rab tu nan tan byed pa na/ sbyin pa mi thos/ sbyin pa mi mthong / sbyin pa'i pha rol tu phyin pa mi thos/ sbyin pa'i pha rol tu phyin pa mi mthong ba nas/ shes rab kyi bar du mi thos shes rab mi mthong / shes rab kyi pha rol tu phyin pa mi thos/ shes rab kyi pha rol tu phyin pa mi mthong / mya ngan las 'das pa mi thos/ mya ngan las 'das pa mi mthong / mya ngan las 'das pa chen po mi thos/ mya ngan las 'das pa chen po mi mthong ste/ byang chub sems dpa' sems dpa' chen po mya ngan las 'das pa chen po la nan tan byed pa ni/ chos kyi dbyings su rtogs shing mthong ste/ yang dag pa'i mtshan nyid stong pa ci'ang med pa/ 'dus pa med pa/ tshor ba dang rtogs pa med pa'i mtshan nyid ji lta ba rtogs shing / zag pa med pa'i mtshad nyid dang / bya ba med pa'i mtshan nyid dang / sgyu ma lta bu dang sprul pa lta bu'i mtshan nyid dang /

  323. 162b

    smig rgyu lta bu dang / dri za'i grong khyer lta bu dang / nam mkha' lta bu'i mtshan nyid rab tu thob bo// byang chub sems dpa' de'i tshe mtshan nyid de lta bu thob nas/ 'dod chags dang / zhe sdang dang / gti mug med pas mi thos mi mthong ste/ de ni byang chub sems dpa' sems dpa' chen po'i yang dag pa ji lta ba'i mtshan nyid do// yang dag pa'i mtshan nyid la gnas pa'i byang chub sems dpa' sems dpa' chen po dag sbyin pa ni 'di/ sbyin pa'i pha rol tu phyin pa ni 'di'o zhes rtogs pa nas/ shes rab ni 'di/ shes rab kyi pha rol tu phyin pa'i bar du ni 'di/ mya ngan las 'das pa ni 'di/ mya ngan las 'das pa chen po ni 'di'o zhes rab tu rtogs so// rigs kyi bu ji ltar sbyin pa ni yin la/ pha rol tu phyin pa ma yin zhe na gang slong ba mthong nas gzod sbyin pa ni sbyin pa zhes bya ste/ pha rol tu phyin pa ma yin no// gang slong ba med bzhin du rang sbyin pa byin pa ni sbyin pa'i pha rol tu phyin pa zhes bya'o// gang dus dus su sbyin pa ni sbyin pa zhes bya ste/ pha rol tu phyin pa zhes mi bya'o// gang rtag tu phyin pa byin pa ni sbyin pa'i pha rol tu phyin pa zhes bya'o// gang pha rol la smyon pa byin nas/ phyi yang 'gyod pa'i sems skye ba ni smon pa zhes bya ste/ pha rol tu phyin pa zhes mi bya'o// gang sbyin pa byin nas mi 'gyod pa ni sbyin pa'i pha rol tu phyin pa zhes bya'o// byang chub sems

  324. 163a

    dpa' sems dpa' chen pos/ nor zang zing la rgyal po dang / chom po dang / chu dang / me lta bu 'jigs pa bzhi bskyed de/ rab tu dga' bas sbyin pa byin pa ni sbyin pa'i pha rol tu phyin pa zhes bya'o/ / gang lan re bas sbyin pa byin pa ni sbyin pa zhes bya ste/ pha rol tu phyin pa zhes mi bya'o// sbyin pa sbyin pa'i lan mi re ba ni sbyin pa'i pha rol tu phyin pa zhes bya'o/ / gang 'jigs pa dang / rnyed pa dang / grags pa dang / khyim gyi se chis dang / rigs 'tshob pa dang / lhar skye ba dang / 'dod pa lnga dang nga rgyal dang / che ba'i nga rgyal dang / bshes gnyen tshol ba dang / lan re ba'i phyir sbyin pa byin pa de ji ltar tshong spogs byed pa lta bu 'am/ rigs kyi bu mis shing bskyed pa dag bsil grib dang / me tog dang / 'bras bu dang / khang shing la sogs pa re ba dang 'dra bar/ gang gis de ltar sbyin na de ni sbyin pa zhes bya ste/ pha rol tu phyin pa ma yin no// byang chub sems dpa' sems dpa' chen po 'di ltar mya ngan las 'das pa chen po la nan tan byed pa ni/ sbyin pa dang / len pa dang / nor gyi dngos por mi mthong ngo // dus kyang mi mthong / bsod nams dang bsod nams ma yin pa'ang mi mthong / rgyu mi mthong / rkyen mi mthong / 'bras bu smin pa mi mthong / byed pa mi mthong / len pa mi mthong

  325. 163b

    mang po mi mthong / nyung ngu mi mthong / gtsang ba mi mthong / mi gtsang ba mi mthong / len pa dang / bdag dang / zang zing la mi spong/ mthong ba'ang mi mthong / mi mtho ba'ang mi mthong / bdag dang / gzhan du mi 'dzin te/ shin tu rgyas pa mya ngan las 'das pa chen po rtag tu gnas pa'i chos kyi phyir sbyin pa byin pa dang / sems can thams cad la phan pa dang bde ba'i phyir sbyin pa byin pa dang / sems cad thams cad kyi nyon mongs pa yongs su gcad pa'i phyir sbyin pa byin pa dang / sems can thams cad kyis sbyin pa dang len pa dang / nor gyi dngos por mi mthong bar bya ba'i phyir sbyin pa byin pa la nan tan byed do// rigs kyi bu dper na mi zhig rgya mtshor lhung ba las mi ro la 'jus na rgya mtshor las zar par 'gyur ro/ / byang chub sems dpa' sems dpa' chen po mya ngan las 'das pa chen po la nan tan byed pa na/ sbyin pa spyod pa'ang de dang 'dra'o// rigs kyi bu dper na khri mon zab mo dam zhag shin tu che ba zhig tu mi zhig bcug na/ gzhan nas thar pa'i sa med la/ bshang gci'i khung bu gcig cig yod de/ de nas phyir byung na thogs pa med pa'i gnas su phyin par 'gyur ro/ / byang chub sems dpa' sems dpa' chen po mya ngan las 'das pa chen po la nan tan byed na/ sbyin pa byin pa'ang de dang 'dra'o// rigs kyis bu

  326. 164a

    dper na cho rigs btsun pa zhig 'jigs skrag nas mgon skyabs med na/ rigs ngan gdol pa la brten cing skyabs su 'gro'o// byang chub sems dpa' sems dpa' chen po mya ngan las 'das pa chen po la nan tan byed pa na/ sbyin pa byin pa'ang de dang 'dra'o// rigs kyi bu dper na nad pa zhig nad kyi sdug bsngal bsal zhing ba de ba thob par bya ba'i phyir mi gtsang ba za ba bzhin du/ byang chub sems dpa' sems dpa' chen po mya ngan las 'das pa chen po la nan tan byed pa na/ sbyin pa byin pa'ang de dang 'dra'o/ / rigs kyi bu dper na zam ze zhig srog gi phyir nas 'bras shin tu dkon pa na/ khyi sha za ba bzhin du byang chub sems dpa' sems dpa' chen po ma ngan las 'das pa chen po la nan tan byed pa na/ sbyin pa byin pa'ang de dang 'dra'o// rigs kyi bu mya ngan sa 'das pa chen po'i nang na de lta bu 'dangs po skal pa tshad med pa'i bar du ma thas pa thos pa dang / tshul khrims dang / tshul khrims kyi pha rol tu phyin pa nas/ shes rab dang / pha rol tu phyin pa'i bar du ston pa ni/ ji ltar sangs rgyas me tog sna tshogs kyi mdo las rgyas par 'chad pa bzhin no/ / rigs kyi bu ji ltar byang chub sems dpa' sems dpa' chen po mya ngan las 'das pa chen po la nan tan byed pa na ma thos pa thos par 'gyur zhe na/

  327. 164b

    rdo rje sde bcu gnyis kyi don shin tu zab mo sngon mthos pa mdo sa 'da'i rkyen gyis ma thos pa thos par thar do// sbron cung zad ma thos pa'ang ming na ma thos te/ dmya ngan lasa'angs pa chen po'i mdo 'di las gdod don thos par gyur to/ / nyan thos dang rang sangs rgyas ni mdo sde sde bcu gnyis kyi mang 'ba' zhig thos kyi/ don mi thos so// da mdo sde 'di las yongs su rdzogs par thos par gyur pas ma thos pa thos pa zhes bya'o/ / rigs kyi bu nyan thos dang rang sangs rgyas thams cad kyis mdo sde las sangs rgyas rtag pa dang / bde ba dang bdag dang / yongs su dag pa dang / mthar 'gog pa ma yin pa dang / dkon mchog gsum dang / sangs rgyas kyi rang bzhin khyad par gyi mtshan nyid med pa dang / rtsa ba bani nyams pa dang / shin tu rgyas pa'i mdo sde la skur pa dang / mtshams med pa lnga'i kha na ma tho ba byas pa dang / log sred can thams cad la'ang sangs rgyas kyi rab bzhin yod do zhes dang mdo sde 'di las thos par gyur pas ma thos pa thos pa zhes bya'o/ / de nas byang chub sems dpa' sems dpa' chen po kun tu snang ba mtho btsun dpa' gyi rgyal pos/ bcom ldan 'das la 'di skad ces gsol to// bcom ldan 'das rtsa ba bzhi nyams pa dang / shin tu rgyas pa'i mdo la skur pa dang / mtshams med

  328. 165a

    pa lnga'i kha na ma tho ba bgyis pa'i log sred can la sogs pa la sangs rgyas kyi rang bzhin mchis na/ de dag ci ste yang sems can dmyal bar lhung bar 'gyur bcom ldan 'das gal te de dag la sangs rgyas kyi rang bzhin mchis na'ang / ci'i slad du rtag pa dang / bde ba dang / bdag dang / yongs su dag pa ma mchis shes gsungs bcom ldan 'das gang dge ba'i rtsa ba yongs su bcad pa de la log sred can zhes bgyi na/ dge ba'i rtsa ba bcad pa'i tshe/ sangs rgyas kyi rang bzhin ci'i slad du ma bcad/ sangs rgyas kyi rang bzhin ci ste bcad na/ ci'i slad du rtag pa dang / bde ba dang / bdag dang / yongs su dag pa'o zhes gsungs/ de ste ma gcad pa zhig lags na/ ci'i slad du log sred can zhes gdags/ bcom ldan 'das rtsa ba bzhi nyams pa ni ma nges pa zhes bgyi'o// shin tu rgyas pa'i mdo sde la skur pa dang / mtshams med pa lnga'i kha na mtho ba 'gyis pa dang / log sred can yang ma nges so// gal te de dag nges pa zhig lags na/ ji ltar bla na med pa yang dag par rdzogs pa'i byang chub mngon par 'tshang rgya bar 'gyur/ rgyun du zhugs pa nas/ rang sangs rgyas kyi bar du'ang ma nges pa'o// gal te rgyun du zhugs pa nas/ rang sangs rgyas kyi bar du nges pa lags na/ bla na med pa yang dag

  329. 165b

    par rdzogs pa'i byang chub mngon par sangs rgyas pa'i yang mi rigs so/ / bcom ldan 'das gal te rtsa bzhi nyams pa ma nges pa lags na/ rgyun du zhugs pa nas/ rang sangs rgyas kyi bar du'ang ma nges so/ / de ltar de dag ma nges na/ sangs rgyas bcom ldan 'das kyang ma nges so// gal te sangs rgyas bcom ldan 'das ma nges na/ mya ngan las 'das pa'i ngo bo nyid kyang ma nges te/ chos thams cad kyi bar du'ang ma nges so// ji ltar ma nges she na/ gal te log sred can dag log sred can gyi las spangs pas mngon par 'tshang rgyan lta/ sangs rgyas bcom ldan 'das rnams kyang de ltar yongs su mya ngan las 'das pa slar yang byung ste/ yongs su mya ngan las 'das par mi 'jug pa'i rigs so// gal te de lta bu lags na/ mya ngan las 'das pa'i rang bzhin yang ma nges par 'gyur ro// de ltar ma nges pas na/ rtag pa dang / bde ba dang / bdag dang / yongs su dag pa ma mchis par rigs na/ ci'i slad du log sred can dag la sogs pa mya ngan las 'das pa 'thob par 'gyur zhes gsungs// de nas bcom ldan 'das kyis/ byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ legs so legs so// rigs kyi bu khyod kyis sems can tshad med pa snyed la

  330. 166a

    phan pa dang bde ba'i don gyi phyir/ 'jig rten la byams shing snying brtse ba dang byang chub tu sems bskyed pa'i phyir/ byang chub sems dpa' dag gong nas gong du 'phar bar bya ba'i phyir de lta bu dag dris pa legs so/ / rigs kyi bu khyod ni sngon 'das pa'i sangs rgyas bcom ldan 'das tshad med pa rnams la bsnyen bkur byas shing / sangs rgyas de dag la dge ba'i rtsa ba rnams bskrun pa'o/ / yun ring po nas byang chub kyi yon tan sgrub cing bdud kyi 'khor bcom nas rnam par bshig pa'o// sems can tshad med mtha' yas pa snyed kyi don byas nas/ thams cad bla na med pa yang dag par rdzogs pa'i byang chub la bkod pa'o// yun ring po nas de bzhin gshegs pa rnams kyis dgongs te gsungs pa'i snying po shin tu zab mo rtogs pa'o/ / 'das pa'i sangs rgyas bcom ldan 'das gang+gA'i klung gi bye ma tshad med mtha' yas pa snyed la shin tu zab mo'i don dam pa 'di dag zhus te/ ngas 'jig rten thams cad na lha 'am/ mi 'am/ dge sbyong ngam/ bram ze 'am/ bdud dam/ tshangs pa la sogs pa gang gis kyang de bzhin gshegs pa la don 'di dag zhu ba gcig kyang ma mthong ngo / / da khyod kyis rab tu yid la byas te shin tu brtag par nyon cig dang / ngas rnam par phye ste bstan par bya'o// rigs kyi bu log sred can ni nges pa ma yin no//

  331. 166b

    gal te nges pa zhig yin na/ log sred can de nams kyang bla na med pa yang dag par rdzogs pa'i byang chub 'thob par mi 'gyur ro// ma nges pa'i phyir thob pa yin te/ de bas na sangs rgyas kyi rang bzhin ma bcad na/ ci'i phyir log sred can zhes bya/ dge ba'i rtsa ba bcad pa ni/ rigs kyi bu dge ba'i rtsa ba rnam pa gnyis te/ nang dang / phyi rol lo// sangs rgyas kyi rang bzhin ni nang ma yin/ phyi rol ma yin te/ de bas na sangs rgyas kyi rang bzhin ni ma gcad pa'o// yang rnam pa gnyis te/ zag pa dang bcas pa dang / zag pa med pa'o/ / sangs rgyas kyi rang bzhin ni zag pa dang bcas pa ma yin/ zag pa med pa ma yin te/ de bas nam gcad pa'o// yang rnam pa gnyis te/ rtag pa dang / mi rtag pa'o// sangs rgyas kyi rang bzhin ni rtag pa ma yin/ mi rtag pa ma yin te/ de bas na ma gcad pa'o// gal te bcad pa yin na/ phyir yang thob pa'i rigs so// phyir mi thob na ma bcad pa zhes bya ste/ gang bcad na 'thob pa ni log sred can zhes bya'o// rtsa ba bzhi nyams pa'ang ma nges pa'o// gal te nges pa zhig yin na/ rtsa ba nyams pa dag nams kyang bla na med pa yang dag par rdzogs pa'i byang chub thob par mi 'gyur ro/ / shin tu rgyas pa'i mdo sde la skur pa'ang ma nges pa'o// gal te nges pa zhig yin na/ dam pa'i

  332. 167a

    chos la skur pa dag rnams kyang bla na med pa yang dag par rdzogs pa'i byang chub 'thob par mi 'gyur ro/ / mtshams med pa lnga'i kha na ma tho ba byas pa'ang ma nges pa'o/ / gal te nges pa ma yin na mtshams med pa lnga byas pa dag nams kyang bla na med pa yang dag par rdzogs pa'i byang chub 'thob par mi 'gyur ro// gzugs dang gzugs kyi mtshan nyid gnyis ka ma nges so/ / dri dang / ro bro ba dang / reg bya'i mtshan nyid dang / skye ba'i mtshan nyid nas/ ma rig pa'i mtshan nyid kyi bar dang / phung po dang / khams dang / skye mched kyi mtshan nyid dang / srid pa nyi shu rtsa lnga dang / skye ba bzhi dang / chos thams cad kyi bar du thams cad ma nges pa'o// rigs kyi bu da per na sgyu ma mkhan gyis 'khor mang po'i nang du tshogs rnam bzhi ste/ shing rta'i tshogs dang / rkang thang dang / bal glang dang / rta'i tshogs dang / se mo do dang / lus rgyan pa'i yo byad rnams dang / grong dang / grong khyer dang / grong rdal dang / ri dang / nags tshal dang / shing dang / chu mig dang / mtshe'u dang / 'bab chu dang / khron pa dag sprul pa las/ 'khor de dag gi nang na bus pa shes rab med pa dag de mthong nas kun bden par 'dzin to/ / mkhas pa shes rab can dag gis ni bden pa ma yin te/ sgyu ma'i mthus mi'i mig slu bar shes so//

  333. 167b

    rigs kyi bu so so'i skye bo nas/ nyan thos dang rang sangs rgyas kyi bar du chos thams cad la nges pa'i mtshan nyid du mthong ba'ang de dang 'ja'o// sangs rgyas dang byang chub sems dpa' rnams ni chos thams cad la nges pa'i mtshan nyid du mi mthong ngo / / rigs kyi bu dper na bus pa dag dbyar gyi smig rgyu ba mthong nas/ chu yin no snyam sems so// mkhas pa shes rab can dag gis ni srog rgyu ba de la yang dag par chu yin par mi 'dzin to/ / yang dag pa ma yin pa'i smig rgyu ba mi'i mig slu ba yin te/ yang dag par chu ma yin par shes so// so so'i skye bo thams cad dang / nyan thos dang / rang sangs rgyas dag gis chos thams cad mthong ba'ang de dang 'dra ste/ thams cad yang dag pa yin par 'dzin te/ sangs rgyas dang byang chub sems dpa' ni chos thams cad la nges pa'i mtshan nyid du mi lta'o/ / rigs kyi bu 'di lta ste/ dper na zag gi drung du skad phyung bas zag cha byung na// byis pa ma rabs dag gis thos nas sgra yang dag pa yin par 'dzin to/ / mkhas pa shes rab can gyis ni nges pa yang dag pa ma yin par shes te/ sgra'i mtshan nyid tsam gyis rna ba'i rnam par shes pa slu bar shes so/ / rigs kyi bu so so'i skye bo dang / nyan thos dang / rang sangs rgyas thams cad ni chos thams cad la de ltar nges pa'i mtshan nyid yod par lta'o// byang chub sems dpa'

  334. 168a

    dag ni chos thams cad la nges pa'i mtshan nyid med par rab tu rtogs pas/ mi rtag pa'i mtshan nyid dang / stong pa zhi ba la sogs pa'i mtshan nyid dang skye ba dang 'gog pa med pa'i mtshan nyid du mthong ste/ de bas na byang chub sems dpa' sems dpa' chen po dag ni chos thams cad mi rtag pa'i mtshan nyid du mthong ngo // rigs kyi bu nges pa'i mtshan nyid kyang yod do/ / nges pa gang zhe na/ rtag pa dang / bde ba dang / bdag dang / yongs su dag pa'o// ci la gnas shes na/ mya ngan las 'das pa'o/ / rigs kyi bu rgyun du zhugs pa'i 'bras bu'ang ma nges pa'o// de ltar ma nges pa'i phyir bskal pa brgyad khris bla na med pa yang dag par rdzogs pa'i byang chub kyi sems 'thob bo// / lan cig phyir ldog pa'i 'bras bu'ang ma nges pa'o// de ltar ma nges pa'i phyir bskal pa drug khris bla na med pa yang dag par rdzogs pa'i byang chub kyi sems 'thob bo// phyir mi ldog pa'i 'bras bu'ang ma nges pa'o/ / de ltar ma dre ba'i phyir bskal pa bzhi khris bla na med pa yang dag par rdzogs pa'i byang chub kyi sems 'thob bo// dgra bcom pa'i 'bras bu'ang ma nges pa'o/ / de ltar ma nges pa'i phyir bskal pa nyi khris bla na med pa yang dag par rdzogs pa'i byang chub kyi sems 'thob bo// rang sangs rgyas kyi byang chub kyang ma nges pa ste/ de ltar ma nges pa'i

  335. 168b

    phyir bskal pa stong phrag bcus bla na med pa yang dag par rdzogs pa'i byang chub kyi sems 'thob bo/ / rigs kyi bu deng de bzhin gshegs pa grong khyer rtswa mchog 'dir/ sA la'i shing drung gi bar du seng ge'i gdan la skyes shing gzims te mya ngan las 'da' bar 'jug tu nye ba na/ dgra bcom pa'i 'bras bu ma thob pa'i nye gnas mang po dang / gyad stobs po che la sogs pas mya ngan chen po skyed pa dang / lha dang / mi dang / lha ma yin dang / dri za dang / nam mkha' lding dang / mi 'am ci dang / lto 'phye chen po la sogs pas mchod pa chen pos rab tu mchod pa dang / skye bo mang pos ras yugs stong gis sku dkris nas/ rin po che sna bdun gyi sgrom byas te/ mar bsung can gyis yongs su bkang nas/ shing bsung can rnams brtsig te zhugs la bzhen pa na/ rnam pa gnyis tshig par mi 'gyur ro// gang zhe na/ sku nyid la reg pa dang / nang gi phyi rim mo// sems can thams cad la ring bsrel cha brgyad du bgo bar bstan pa la/ nyan thos kyi nye gnas thams cad kyis de bzhin gshegs pa yongs su mya ngan las 'das so zhes smras te/ de bzhin gshegs pa ni nges par yongs su mya ngan lam 'das par rig par bya'o/ / de ci'i phyir zhe na/ de bzhin gshegs pa ni rtag tu gnas pa mi 'gyur mi 'pho'o// de lta bas na de bzhin gshegs pa mya ngan las 'das pa'

  336. 169a

    ma nges pa'o/ / rigs kyi bu de bzhin gshegs pa ni ma nges par rig par bya ste/ 'di ltar de bzhin gshegs pa ni lha ma yin no// de ci'i phyir zhe na/ lha la rnam pa bzhi ste/ 'jig rten gyi lha dang / skye ba'i lha dang / rnam par dag pa'i lha dang / don gyi lha'o// 'jig rten gyi lha zhes bya ba ni/ rgyal po rnams lta bu'o// skye ba'i lha zhes bya ba ni/ rgyal chen bzhi'i lha nas/ 'du shes med 'du shes med min gyi lha'i bar du skyes pa'o// rnam par dag pa'i lha zhes bya ba ni/ rgyun du zhugs pa nas/ rang sangs rgyas kyi bar de dag go/ / don gyi lha zhes bya ba ni/ sa bcu pa'i byang chub sems dpa' sems dpa' chen po dag go// ci'i phyir byang chub sems dpa' sa bcu pa de la don gyi lha zhes bya zhe na/ chos thams cad kyi don la shin tu mkhas pa'i phyir ro// don zhes bya ba ci zhe na/ chos thams cad stong pa nyid kyi don du mthong ba'o// rigs kyi bu de bzhin gshegs pa ni rgyal po ma yin/ rgyal chen bzhi nas/ 'du shes med 'du shes med min gyi bar du ma yin/ rgyun du zhugs pa nas/ rang sangs rgyas dang byang chub sems dpa' sa bcu pa'i bar du ma yin te/ de bas nas de bzhin gshegs pa ni lha ma yin no// 'on kyang sems can rnams kyis sangs rgyas la lha'i lha'o zhes brjod de/ de bas na de bzhin

  337. 169b

    gshegs pa ni lha ma yin/ lha ma yin pa ma yin/ mi ma yin/ mi ma yin pa ma yin/ srin po ma yin/ srin po ma yin pa ma yin/ sems can dmyal ba dang byol song dang / yi dgas ma yin/ sems can dmyal ba dang / byol song dang / yi dgas ma yin pa ma yin// sems can ma yin/ sems can ma yin pa ma yin chos ma yin/ chos ma yin pa ma yin/ gzugs ma yin/ gzugs ma yin pa ma yin/ ring po ma yin/ ring po ma yin pa ma yin/ zung du ma yin/ zung du ma yin pa ma yin/ mtshan nyid ma yin/ mtshan nyid ma yin pa ma yin/ sems ma yin// sems ma yin pa ma yin// zag pa dang bcas pa ma yin/ zag pa med pa ma yin/ 'dus byas ma yin/ 'dus ma byas ma yin/ rtag pa ma yin// mi rtag pa ma yin/ sgyu ma ma yin/ sgyu ma ma yin pa ma yin/ ming ma yin// ming ma yin pa ma yin/ nges pa ma yin/ nges pa ma yin pa ma yin/ yod pa ma yin/ yod pa ma yin pa ma yin/ med pa ma yin/ med pa ma yin pa ma yin/ brjod pa ma yin/ mi brjod pa ma yin/ de bzhin gshegs pa ma yin/ de bzhin gshegs pa ma yin pa ma yin te/ de lta bas na de bzhin gshegs pa ni ma nges pa'o// rigs kyi bu ci'i phyir de bzhin gshegs/

  338. 170a

    pa 'jig rten gyi lha zhes mi gdags she na/ 'jig rten gyi lha ni rgyal po rnams te/ de bzhin gshegs pa ni yun ring po nas/ bskal pa tshad med pa'i bar du rgyal po'i thabs btang bas/ de bas na rgyal po ma yin no// rgyal po ma yin pa ma yin zhes bya ba ni/ de bzhin gshegs pa grong khyer ser skyar rgyal po zas gtsang ma'i khab tu skyes pas// de bas na rgyal po ma yin pa ma yin no// skye ba'i lha ma yin zhes bya ba ni/ de bzhin gshegs pa yun ring po nas srid pa rnams dang bral bas/ de bas na skye ba'i lha ma yin// skye ba'i lha ma yin pa'ang ma yin zhes bya ba ni/ dga' ldan gnas nas 'dzam bu gling du babs pas/ de bas na de bzhin gshegs pa ni skye ba'i lha ma yin pa'ang ma yin no// rnam par dag pa'i lha ma yin pa zhes bya ba ni/ de bzhin gshegs pa rgyun du zhugs pa nas/ rang sangs rgyas kyi bar du ma yin te/ de bas na de bzhin gshegs pa rnam par dag pa'i lha ma yin no/ / rnam par dag pa'i lha ma yin zhes bya ba ni/ 'jig rten gyi chos brgyad kyis mi gos te/ ji ltar pad+mo la chu dang rdul gyis mi gos pa dang 'dra bas/ de bas na de bzhin gshegs pa ni rnam par dag pa'i lha ma yin pa ma yin no/ / don gyi lha ma yin zhes bya ba ni/ de bzhin gshegs pa byang chub sems dpa' sa bcu pa ma yin te/ de bas na de bzhin

  339. 170b

    gshegs pa ni don gyi lha ma yin no/ / don gyi lha ma yin pa ma yin zhes bya ba ni// de bzhin gshegs pa rtag tu stong pa rnam pa bco brgyad la nan tan mdzad pas/ de bas na de bzhin gshegs pa ni don gyi lha ma yin pa ma yin no/ / de bzhin gshegs pa mi ma yin zhes bya ba ni/ de bzhin gshegs pa yun ring po nas/ bskal pa tshad med pa'i bar du mi'i srid pa yodang su spangs pas/ de bas na mi ma yin no// mi ma yin pa'ang ma yin zhes bya ba ni/ grong khyer ser skyar skyes pas/ de bas na mi ma yin pa'ang ma yin no// de bzhin gshegs pa srin po ma yin zhes bya ba ni/ sems can thams cad la mi 'tshe ba'i phyir/ de bas na srin po ma yin no// srin po ma yin pa'ang ma yin zhes bya ba ni/ srin po'i gzugs lta bu'ang sprul cing sems can dag 'dul te/ de bas na srin po ma yin pa'ang ma yin no// ji ltar na de bzhin gshegs pa sems can dmyal ba dang / byol song dang / yi dgas ma yin zhe na/ de bzhin gshegs pa ni yun ring po nas las ngan pa rnams spangs pas/ de bas na sems can dmyal ba dang / byol song dang / yi dgas ma yin no// sems can dmyal ba dang / byol song dang / yi dgas ma yin pa'ang ma yin zhes bya ba ni/ de bzhin gshegs pas sems can gdul ba'i phyir/ ngan song gsum du'ang mngon du gshegs te//

  340. 171a

    de bas na sems can dmyal ba dang / byol song dang / yi dgas ma yin pa'ang ma yin no// sems can ma yin zhes bya ba ni/ yun ring po nas sems can gyi rang bzhin spangs pas/ de bas na de bzhin gshegs pa ni sems can ma yin no// sems can ma yin pa'ang ma yin zhes bya ba ni/ chad 'ga' chad 'ga'i dus na sems can gyi mtshan nyid kyang gsungs pas/ de bas na de bzhin gshegs pa ni sems can ma yin pa'ang ma yin no// de bzhin gshegs pa chos ma yin zhes bya ba ni/ chos thams cad ni so/ so nas tha dad pa'i mtshan nyid yod la/ de bzhin gshegs pa ni de lta bu ma yin te/ mtshan nyid gcig tu zad pas de bas na chos ma yin no// chos ma yin pa'ang ma yin zhes bya ba ni/ de bzhin gshegs pa chos kyi dbyings yin te/ de bas na chos ma yin pa ma yin no// de bzhin gshegs pa gzugs ma yin zhes bya ba ni// gzugs kyi skye mched rnam pa bcu la ma gtogs te/ de bas na gzugs ma yin no// gzugs ma yin pa ma yin zhes bya ba ni/ sku la mtshan sum cu rtsa gnyis dang / dpe byad bzang po brgyad cu mnga' bas/ de bas na gzugs ma yin pa ma yin no/ / de bzhin gshegs pa ring po ma yin zhes bya ba ni/ gzugs thams cad yongs su bcad pas/ de bas na ring po ma yin no// ring po ma yin pa ma

  341. 171b

    yin zhes bya ba ni/ 'jig rten thams cad kyis spyi gtsug gi mtshan mi mthong bas/ de bas na ring po ma yin pa ma yin no// de bzhin gshegs pa thung du ma yin zhes bya ba ni yun ring po nas nga rgyal dang dregs pa'i kun nas nyon mongs pa spangs pas/ de bas na zung ngu ma yin no// thung ngu ma yin pa'ang ma yin zhes bya ba ni// khyim bdag ku shi la zhes bya ba la sku mtho gsum pa bstan pas/ de bas na zung ngu ma yin pa ma yin no// de bzhin gshegs pa mtshan nyid ma yin zhes bya ba ni// yun ring po nas mtshan nyid kyi mtshan nyid rnams dang bral bas/ de bas na mtshan nyid ma yin no// mtshan nyid ma yin pa ma yin zhes bya ba ni/ mtshan nyid thams cad la mkhas shing rtogs pa'i phyir/ de bas na mtshan nyid ma yin pa'ang ma yin no/ / de bzhin gshegs pa sems ma yin zhes bya ba ni/ nam mkha'i mtshan nyid yin pas/ da bas na sems ma yin no// sems ma yin pa'ang ma yin zhes bya ba ni/ stobs bcu'i chos kyi sems mnga' ba dang / gzhan gyi sems kyang mkhyen pas/ de bas na sems ma yin pa'ang ma yin no// de bzhin gshegs pa 'dus byas ma yin zhes bya ba ni/ rtag pa dang / bde ba dang / bdag dang / yongs su dag pas/ de bas na 'dus byas ma yin no// 'dus ma byas ma yin zhes bya ba ni/ 'ong ba dang / song ba dang /

  342. 172a

    'dug pa dang / nyal ba yod de/ yongs su mya ngan las 'du' ba'ang bstan pas/ de bas na 'dus ma byas ma yin no// de bzhin gshegs pa rtag pa ma yin pa zhes bya ba ni/ klu yan lag dang bcas pa'i phyir/ de bsan rtag pa ma yin zhes bya ba ni/ shes pa dang bcas pa'i phyir ro// rtag pa'i chos ni shes pa med pa ste/ ji ltar nam mkha' dang 'dra'o// bzhin gshegs pa ni shes pa dang bcas pas/ de bas na rtag pa ma yin no// ji ltar rtag pa ma yin zhe na/ tshig tu smra ba yod pa'i phyir te/ rtag pa'i chos ni tshig tu smra ba med pas/ nam mkha' dang 'dra'o/ / de bzhin gshegs pa ni chog tu smra ba dang bcas pas/ de bas na mi rtag pa yin no// rus dang rigs yod pa'i phyir mi rtag pa zhes bya'o// rus dang rigs med pa ni rtag pa zhes bya ste/ nam mkha' ni rtag pa yin pas rus med do// de bzhin gshegs pa ni rus dang rigs su bcas te/ go'u ta mo'i rigs yin pas na mi rtag go/ pha ma dang bcas pa'i phyir mi rtag pa zhes bya'o/ / pha ma med pa ni rtag pa zhes gdags te/ nam mkha'i ni rtag pa'i phyir pha dang ma med do// de bzhin gshegs pa la ni pha dang ma yod pas/ de bas na mi rtag pa'o// spyod lam bzhi dang bcas pas mi rtag pa zhes bya'o// spyod lam bzhi med pa ni rtag pa zhes bya ste/ nam mkha' ni rtag pa yin pas spyod lam bzhi med do// de bzhin gshegs pa ni spyod lam

  343. 172b

    bzhi dang bcas pas/ de bas na mi rtag go/ rtag tu gnas pa'i chos ni gnas dang phyogs med do// nam mkha' ni rtag pa yin pas/ gnas dang phyogs med de/ de bzhin gshegs pa ni yul shar phyogs su byung ste/ yul mnyan du yod pa rgyal po'i khab na gnas pas/ de bas na mi rtag go/ don de lta bas na de bzhin gshegs pa ni rtag pa ma yin no// mi rtag pa ma yin zhes bya ba ni/ skye ba dang yongs su gcad pa'i phyir ro// gang skye ba dang bcas pa'i chos ni mi rtag pa zhes bya ste/ gang skye ba med pa'i chos ni rtag pa'o// de bzhin gshegs pa'ang skye ba med pas rtag pa'o/ / rtag pa'i chos ni rigs med pa ste/ gang rigs dang bcas pa'i chos ni mi rtag pa zhes bya'o// de bzhin gshegs pa ni skye ba med pa ste/ skye ba dang rigs med pas na rtag pa'o// rtag pa'i chos ni thams cad kun tu khyab ste/ ji ltar nam mkha' gnas kun tu khyab pa bzhin no// de bzhin gshegs pa'ang de dang 'dra bar kun tu khyab pas rtag pa'o/ / mi rtag pa'i chos ni gnas 'di na yod la gzhan na med do zhes bya ba ste/ de bzhin gshegs pa ni de lta ma yin te/ gnas 'di na yod la gzhan na med ces brjod du med de/ de bas na rtag pa'o// mi rtag pa'i chos ni res 'ga' ni yod par 'gyur/ res 'ga' ni med par 'gyur te// de bzhin gshes

  344. 173a

    pa ni de lta ma yin te/ res 'ga' yod la res 'ga' med pa ma yin te/ de bas na rtag pa'o// rtag tu gnas pa'i chos ni ming dang gzugs med de nam mkha' ni rtag pa yin pas ming dang gzugs med do/ / de bzhin gshegs pa'ang de dang 'dra bar ming dang gzugs med pas de bas na rtag pa'o// rtag pa'i chos ni rgyu dang 'bras bu med de/ nam mkha' ni rtag pa yin pas rgyu dang 'bras bu med do// de bzhin gshegs pa'ang de dang 'dra bar rgyu dang 'bras bu med de/ de bas na rtag pa'o// rtag tu gnas pa'i chos ni dus gsum la ma gtogs te/ de bzhin gshegs pa'ang de dang 'dra bar dus gsum la ma gtogs pas/ de bas na rtag pa'o// de bzhin gshegs pa ni sgyu ma ma yin zhes bya ba ni/ mi bden pa'i sems can thams cad yongs su bcad pas/ de bas na sgyu ma ma yin no// sgyu ma ma yin pa'ang ma yin pa zhes bya ba ni/ de bzhin gshegs pa res 'ga' ni sku gcig pu 'di las sku tshad med par sprul pa dang / sku tshad med pa'ang sku gcig pu mdzad pa dang / ri dang brag la thogs pa med par 'gro ba dang / chu las bzhin du 'gro ba dang / sa la chu ltar nub pa dang / nam mkha' la sa bzhin du 'gro ba dang / sku la me'i phung po chen po bzhin du dud pa 'thul zhing me 'bar ba dang / sprin dang 'brug sgra bsgrags te/ sgra

  345. 173b

    'jigs su rung ba mdzad pa dang / res 'ga' ni grong dang / grong khyer dang / grong rdal dang / khang pa dang / ri dang / ljongs dang / shing la sogs par 'gyur ba dang / res 'ga' ni sku chung ngur mdzad pa dang / res 'ga' ni pho'i gzugs dang / mo'i gzugs dang / khye'u dang bu mo'i gzugs ston te/ de bas na de bzhin gshegs pa ni sgyu ma ma yin pa'ang ma yin no// de bzhin gshegs pa nges pa ma yin zhes bya ba ni/ de bzhin gshegs pas grong khyer rtswa mchog tu sA la'i shing drung na yongs su mya ngan las 'da' bar ston pas/ de bas na nges pa ma yin no// nges pa ma yin pa'ang ma yin zhes bya ba ni/ rtag pa dang / bde ba dang / bdag dang / yongs su dag pas na/ de bzhin gshegs pa ni nges pa ma yin pa'ang ma yin no// de bzhin gshegs pa zag pa dang bcas pa ma yin pa ni zag pa rnam gsum bcad pas/ zag pa dang bcas pa ma yin no// zag pa gsum zhes bya ba ni/ 'dod pa'i khams kyi nyon mongs pa thams cad las ma rig pa ma gtogs pa'i 'dod pa'i zag pa'o/ / gzugs med pa'i khams kyi nyon mongs pa thams cad las ma rig pa ma gtogs pa ni/ srid pa'i zag pa'o// khams gsum gyi ma rig pa ni/ ma rig pa'i zag pa ste/ de bzhin gshegs pas de dag yongs su bcad pas na zag pa ma yin no/ / gzhan yang bus pa ma rabs so so'i skye bo thams cad ni srid pa'i zag pa mi mthong ngo // ji ltar bus pa ma rabs so so'i skye ngos srid pa'i zag pa

  346. 174a

    mi mthong zhe na/ bus pa ma rabs so so'i skye bo thams cad ma 'odra ba'i dus kyi the tsom gyi sems 'di lta bu dang bcas pa'o// 'di ltar ma 'ongs pa'i dus na lus thob par 'gyur ram/ thob par mi 'gyur ram/ 'das pa'i dus na lus 'di thog ma nas yod pa zhig gam// thog ma nas med pa zhig gam/ da ltar gyi dus na lus 'di yod pa yin nam/ med pa yin nam/ bdag ces bya ba yod na/ gzugs yin nam/ gzugs ma yin nam/ gzugs kyang yin la/ gzugs kyang ma yin nam/ gzugs kyang ma yin la/ gzugs ma yin pa'ang ma yin nam/ 'du shes sam/ 'du shes ma yin nam/ 'du shes kyang yin la/ 'du shes kyang ma yin/ 'du shes kyang ma yin la/ 'du shes ma yin pa'ang ma yin nam// lus 'di gzhan 'di gzhan dbang ngam/ gzhan mi dbang ngam/ gzhan yang dbang la/ gzhan pa'ang ma yin nam/ gzhan mi dbang la/ mi dbang ba'ang ma yin nam/ srog ni yod la/ lus med pa zhig gam/ lus ni yod la/ srog med pa zhig gam/ lus kyang yod la/ srog kyang yod pa zhig gam/ lus kyang med la/ srog kyang med pa zhig gam/ lus dang srog rtag pa yin nam/ mi rtag pa yin nam/ rtag pa'ang yin la/ mi rtag pa yin nam/ rtag pa'ang ma yin la/ rtag pa ma yin pa'ang ma yin nam/ lus dang srog 'di dbang sgyur gyis byas sam/ dus kyis byas

  347. 174b

    sam/ rgyu med pas byas sam/ 'jig rten gyi rang bzhin gyis byas sam/ rdul phran gyis byas sam/ chos dang chos ma yin pas byas sam/ skyes bus byas sam/ nyon mongs pas byas sam pha mas byas sam/ bdag sems la gnas sam/ mig la gnas sam/ lus la khyab par 'dug gam/ gzhan zhig nas 'ongs sam/ gang du 'gro 'am/ skye ba ni su/ 'chi ba ni su/ bdag ces bya ba 'das pa'i dus na bram ze'i rigs sam/ rgyal rigs sam/ rje'u rigs sam/ rigs ngan gyi rigs sam/ ma 'ongs pa'i dus na rigs ji lta bu zhig 'thob par 'gyur/ bdag gi lus 'di sngon 'das pa na skyes pa yin nam/ bud med yin nam/ byol song yin nam/ gal te bdag gis srog bcad na/ kha na ma tho ba'i sdig pa yod par 'gyur ram/ kha na ma tho ba'i sdig pa med pa nas/ smyo ba'i khu ba 'thung ba'i bar du sdig par 'gyur ram/ sdig pa med par 'gyur ram/ bdag nyid kyis byas sam/ gzhan gyis byas sam// bdag gis 'bras bu rnam par smin pa myong ngam/ las kyi 'bras bu rnam par smin pa myong bar mi 'gyur snyam pa'i the tsom du lta ba'i nyon mongs pa tshad med pas sems can gyi sems bsgribs pa'o// the tsom du lta ba'i rkyen gyis sems rnam pa 'di drug skye'o/ / gang zhe na/ nges par bdag yod dam/ nges par bdag med pa dang / bdag tu lta ba 'am/ bdag dang bdag gir lta ba dang / bdag med pa 'am/ bdag med par lta ba dang

  348. 175a

    bdag gam bdag gis byas pa dang / bdag gis myong ba dang / bdag gis shes pa ste/ de dag ni ngan par lta ba zhes bya'o// de bzhin gshegs pas de ltar lta ba dang bcas pa'i zag pa tshad med pa snyed rtsa ba nas bton pas/ de bas na zag pa ma yin no// rigs kyi bu byang chub sems dpa' sems dpa' chen po mya ngan las 'das pa chen po las 'phags pa'i spyad pa spyod pa'ang de lta bu'i zag pa rnams yongs su chod par 'gyur ro/ / sangs rgyas bcom ldan 'das ni rtag tu 'phags pa'i spyad pa spyod pas/ de bas na zag pa med pa'o// rigs kyi bu bus pa ma rabs ni dbang po lnga legs par mi sdud pas/ zag pa gsum yod par 'gyur te/ mi dge bas khrid nas mi dge ba'i gnas su 'gro'o// rigs kyi bu dper na rta rgod kha lo mo bde ba la zhon na nyam nga ba dang g.yang sar 'gro'o/ / dbang po lnga legs par sdud mi nus pa'ang de dang 'dra ste/ mya ngan las 'das pa'i dge ba'i lam dang yongs su bral zhing mi dge ba'i gnas su phyin par 'gro'o// dper na bal glang ma rungs pa ma thul ba la/ la la zhig gis zhon na bsam pa bzhin du 'gror mi btub ste/ grong khyer dang bral nas gnas dgon par 'gro'o// dbang po lnga sdud mi nus pa'ang de dang 'dra ste/ mya ngan las 'das pa'i grong khyer dang bral nas/ 'khor ba'i dbye chen por khrid do// rigs kyi bu dper na blon po sgyu ma can ni rgyal po la ngan dgu ston to// dbang po lnga sgyu can yang de dang 'dra ste/ rtag tu sems can la

  349. 175b

    ngan pa mi dge ba tshad med pa snyed ston to/ / rigs kyi bu dper na bus pa ma rungs pa ni slob dpon dang / bla ma dang / pha mas ston pa'i ngag mi nyan te/ mi dge ba thams cad byed do// dbang po lnga ma dul ba'ang de dang 'dra ste/ slob dpon dang bla ma legs par ston pa'i tshog mi nyan te/ sdig pa rdzogs par byed do// rigs kyi bu bus pa ma rabs ni dbang po lnga sdud mi nus pas/ rtag tu sems can dmyal ba dang / byol song dang / yi dgas kyis 'tshe'o// gzhan yang mi rgod dag dge ba'i mi la 'tshe ba bzhin te/ rigs kyi bu bus pa ma rabs dbang po lnga sdud mi nus pa'ang yul lnga la 'phyar zhing g.yeng ngo // dper na rdzi'u dag phyugs legs par mi skyong ste/ zhing la 'jug pa dang 'dra bar/ bus pa ma rabs dbang po lnga mi sdud pa'ang rtag tu srid pa rnams la gnas te/ sdug bsngal shin tu mang ngo // rigs kyi bu byang chub sems dpa' sems dpa' chen po mya ngan las 'das pa chen po la nan tan byed cing 'phags pa'i spyad pa spyod pa na/ dge ba'i chos thams cad thob par bya ba'i phyir/ rtag tu dbang po lnga 'dul zhing 'dod pa dang / zhe sdang dang / gti mug dang / nga rgyal dang / dregs pa dang / phrag dog la shin tu 'jigs par byed do// rigs kyi bu gang dbang po lnga shin tu srung ba na sems rab tu sdud par 'gyur ro// gang sems sdud pa de ni dbang po lnga sdud par 'gyur te/ dper na la la zhig gos rgyal po la srung ba ni yul srung ba zhes bya'o// gang yul srung ba ni rgyal po la srung ba zhes bya ste/ byang chub sems dpa' sems dpa' chen po'ang

  350. 176a

    de dang 'dra bar/ gal te mya ngan las 'das pa chen po'i mdo sde 'di thos na shes rab thob par 'gyur ro// shes rab thob pa'i phyir dbang po lnga la rtse gcig par 'gyur te/ gal te dran pa mi 'phro na yang dag pa'i dran par 'gyur ro// de ci'i phyir zhe na/ dran pa'i shes rab kyi phyir ro// rigs kyi bu rdzi'u skyong ba mkhas pa ni/ phyugs zhing la shor na phyir klon te zhing za bar mi byed do/ / byang chub sems dpa' sems dpa' chen po'ang de dang 'dra ste/ dran pa'i shes rab kyis dbang po lnga srung zhing sdud pa'i rkyen gyis kun tu 'phro bar mi byed do// byang chub sems dpa' sems dpa' chen po gang dran pa'i shes rab yod pa ni bdag gi mtshan nyid mi mthong / bdag dang bdag gi mtshan nyid mi mthong / sems can du mi mthong // spyod pa'i dngos por mi mthong ste/ chos thams cad chos nyid kyi mtshan nyid dang mthun par mthong bas/ sa dang / gseg ma dang / gyo mo lta bu'i mtshan nyid skye'o// ji ltar khang pa ni rkyen mang po las skye ste/ gcig tu bcad pa'i rang bzhin med pa dang 'dra bar/ sems can rnams kyang chen po bzhi dang phung po lnga las byung bas/ brtags na nges pa'i mtshan nyid med do// nges pa'i mtshan nyid med pas byang chub sems dpa' de dag tu chags shing zhen pa mi skye'o/ / bus pa ma rabs so so'i skye bo thams cad ni sems can yod par mthong bas/ nyon mongs pa skye bar gyur to// byang chub sems dpa' sems dpa' chen po mya ngan las 'das pa chen

  351. 176b

    bo la nan tan byed pa ni/ dran pa'i shes rab yod pas/ sems can rnams la chags shing zhen pa mi skyed do// gzhan yang byang chub sems dpa' sems dpa' chen po mya ngan las 'das pa chen po'i mdo sde la nan tan byed pa ni/ sems can gyi mtshan nyid la mi chags te/ chos rnam pa sna tshogs kyi mtshan nyid byed do// rigs kyi bu dper na ri mo mkhan gyis tshon sna tshogs las khye'u dang / bu mo 'am/ @ layang ngam/ rta'i gzugs rnam pa mang po bris na/ bus pa ma rabs blo med pa dag gis mthong nas/ khye'u dang bu mo la sogs pa'i mtshan nyid skyed do// ri mo mkhan gyis ni khye'u dang bu mo la sog pa med par rab tu rtogs so/ / byang chub sems dpa' sems dpa' chen po'ang de dang 'dra ste/ chos tha dad pa'i mtshan nyid la mtshan nyid gcig gis rtogs pas/ sems can gyi mtshan nyid mi skyed do// de ci'i phyir zhe na/ dran pa'i shes rab yod pa'i phyir ro// byang chub sems dpa' sems dpa' chen po dag mya ngan las 'das pa chen po la nan tan byed pa ni/ gal te bud med sdug gu mthong na/ nam du'ang 'dod cing chags pa'i sems mi skyed do/ / de ci'i phyir zhe na/ mtshan nyid shin tu rtogs pa'i phyir ro// rigs kyi bu byang chub sems dpa' sems dpa' chen pos 'dod pa lnga la dga' ba dang / bde ba med pa dang / skad cig mi gnas pa dang / ji ltar khyis keng rus 'cha' ba dang / me sgron thogs te rlung phyogs su 'gro ba dang / sbrul gdug pa'i snod lta bu dang / rmi lam na rnyed pa lta bu

  352. 177a

    lam kha'i bza' shing ltar kun gyis 'thog pa dang / god la bya thams cad lhod pa lta bu dang / chu'i chu bur dang / chu la ri mo bris pa dang / thags 'thag pa'i rgyu zad pa dang / btson gsod du khrid pa dang / ji ltar brnyan po dag ring du mi thogs pa dang 'dra bar 'dod pa la de lta bu'i skyon shin tu mang bar rtogs so// gzhan yang byang chub sems dpa' sems dpa' chen pos sems can rnams la brtags na/ gzugs dang / sgra dang / dri dang / ro dang / reg bya'i rgyu dang rkyen gyis bskal pa tshad med pa grangs med pa nas rtag tu sdug bsngal myong ste/ sems can re re'ang bskal pa gcig la lus kyi rus pa brtsigs na/ / rgyal po'i khab kyi ri byi bo la bas che'o// nu zho 'thungs pa'ang rgya mtsho bzhi'i chubs mang ngo // lus kyi khrag zag pa'ang rgya mtsho bzhi'i chu bas mang ngo / / tshe'i dus byas pa na pha ma dang / phu nu dang / chung ma dang / bu dang / gnyen bshes kyis ngus pa'i mtsha ma'ang rgya mtsho bzhi bas mang ngo // sa chen po 'di'i rtsa dang shing thams cad sor bzhi pa'i shod byas te/ pha ma brtsis na'ang grangs shes par mi nus so// bskal pa tshad med pa'i bar du sems can dmyal ba dang / byol song gi skye gnas dang / yi dgas su gyur te/ sdug bsngal mang po myong ba ni brjod cing bgrang du med do// sa chen po 'di thams cad rgya shug gi 'brum bu tsam du dril te zad pa dang mthar thug pa ni byar sla'i 'khor ba ni mthar

  353. 177b

    thug par mi nus so/ / byang chub sems dpa' sems dpa' chen pos de ltar sems can thams cad la rab tu brtags na/ 'dod pa'i rgyu dang rkyen gyis sdug bsngal tshad med pa myong bar rtogs so/ / byang chub sems dpas 'khor ba'i 'du byed kyi sdug bsngal de dag gi phyir dran pa'i shes rab nyams par mi byed do// rigs kyi bu dper na 'jig rten na sa'i khyon 'dom nyi shu rtsa lnga'i nang mi mang pos yongs su gang ba la/ rgyal pos blon po gcig la til mar phor gang bskur te/ mi mang po de dag gi nang bskor cing thigs gcig kyang ma da bo zhig/ gal te thigs pa gcig po na khyod gsad do zhes bka' stsal te/ mi gcig ral gri bskur nas phyi bzhin ded du bcug go/ blon pos rgyal po'i lung mnos nas/ sems thag pa nas shin tu bsgrims shing khyer te/ 'khor mang po de dag gi nang kun tu rgyu zhing song ba de yid du 'ong ba'i 'dod pa lnga mthong yang / sems la rtag tu 'di snyam du sems so// gal te bdag gis le lo byas te/ 'dod pa de la chags par gyur na thigs pa 'di 'bo bar 'gyur te/ bdag gi srog kyang mi gson par 'gyur ro snyam nas/ de de lta bu'i 'jigs pa'i rgyu dang rkyen gyis mar thigs pa gcig kyang ma po'o// byang chub sems dpa' sems dpa' chen po'ang de dang 'dra ste/ 'khor ba'i nang na dran pa'i shes rab ma stor te/ ma stor ba'i phyir 'dod pa lnga mthong yang chags pa'i sems mi skyed do// gal te gzugs bzang po mthong yang gzugs kyi mtshan nyid

  354. 178a

    mi skyed do/ / sdug bsngal ba'i mtshan nyid dang rnam par shes pa'i mtshan nyid kyi bar du rtogs pa'ang de dang 'dra ste/ skye ba'i mtshan nyid du mi byed do// 'gog pa'i mtshan nyid du mi byed/ rgyu'i mtshan nyid du mi byed de/ 'dus te byung ba'i mtshan nyid du rtog go// byang chub sems dpa' de'i tshe na dbang po lnga yongs su dag go/ dbang po yongs su dag pa'i phyir tshul khrims kyi rtsa ba srung ba dang ldan no/ / bus pa ma rabs thams cad ni dbang po lnga ma dag pas shin tu srung mi nus te/ dbang po zag pa zhes bya'o// byang chub sems dpa' ni yongs su bcad pas zag pa med do/ / de bzhin gshegs pa ni rtsa nas bton pa yin pas na zag pa ma yin no// rigs kyi bu gzhan yang zag pa yongs su spong ba yod do// byang chub sems dpa' sems dpa' chen pos bla na med pa'i bdud rtsi sangs rgyas kyi zhing 'dod pa'i phyir/ zag pa ngan pa yongs su spong ngo // spong ba gang zhe na/ gang mya ngan las 'das pa chen po'i mdo sde la nan tan byed cing yi ger bris sam/ 'dzin tam/ klog gam/ 'don tam/ bkrol zhing 'chad dam/ don yid la byed na/ de ni spong ba zhes bya'o// de ci'i phyir zhe na/ rigs kyi bu ngas mdo sde bcu gnyis las zag pa ngan pa spong ba shin tu rgyas pa mya ngan las 'das pa chen po'i mdo sde 'di dang 'dra ba yod par ma mthong ngo / / rigs kyi bu dper na slob dpon mkhas pa zhig gis slob ma rnams la slob pa las/

  355. 178b

    slob pa gang ngag nyan pa ni nyes pa mi byed do// byang chub sems dpa' sems dpa' chen po mya ngan las 'das pa chen po mchog dam pa'i mdo sde 'di bsgom pa'ang de dang 'dra ste nyes pa mi byed do// rigs kyi bu dper na 'jig rten na rigs sngags dam pa zhig yod de/ gal te gang gis de thos na lo bdun gyi bar du dug thams cad kyis mi tshugs/ sbrul gyis zin par mi 'gyur ro// gal te gang zhig gang gis brjod na nam 'tsho'i bar du ngan pa rnam pa mang po med par 'gyur ro/ / rigs kyi bu mya ngan las 'das pa chen po'i mdo sde'ang de dang 'dra ste gal te sems can gang rna lam du lan cig tsam thos pa tsam gyis phyi ma'i bskal pa bdun gyi bar du ngan song du mi ltung ngo / / gal te gang gis yi ger bris sam/ klog gam/ 'don tam/ dgrol zhing 'chang dam/ don yid la byed na/ gdon mi za bar bla na med pa yang dag par rdzogs pa'i byang chub thob cing / sangs rgyas kyi rang bzhin rnam par dag pa mthong ste/ ji ltar 'phrul gyi rgyal pos zil dang ra gyi ro thob pa bzhin no/ / rigs kyi bu mya ngan las 'das pa chen po 'di la de lta bu'i yon tan tshad med pa yod do// rigs kyi bu gal te gang la la zhig gis mdo sde 'di yi ger bris shing / klog gam/ 'don tam/ dgrol zhing 'chad dam/ gzhan la'ang spel zhing 'chang dam/ don yid la byed na/ de ni nga'i nye gnas yang dag pa yin te/ nga'i lung rab tu nyan pa'o//

  356. 179a

    ngas gzigs shing ngas dgongs pa yin par rig par bya ste/ de rtag par mya ngan las mi 'da' bar shes so// de gang dang gang du gnas pa grong ngam/ grong khyer ram/ grong rdal lam/ ri 'am/ shing drung ngam/ dgon pa 'am/ gnas khang ngam/ khang pa 'am/ yang thog gam/ gzhal med khang na 'dug na// nga yang des las gang du'ang mi 'gro bar gnas so/ / ngas de rtag tu de'i sbyin pa len te/ dge slong ngam/ dge slong ma 'am/ dge bsnyen nam/ dge bsnyen ma 'am/ bram ze'am/ kun tu rgyu 'am/ dbul ba'am/ 'phongs pa'am/ spang por sprul te de'i sbyin pa len to/ / ji ltar na de'i sbyin pa de bzhin gshegs pas len par 'gyur zhe na/ rigs kyi bu des gal te nub mo nyal ba'i rmi lam na/ sangs rgyas kyi gzugs sam/ lha'i gzugs sam/ dge sbyong gi gzugs sam/ rgyal po 'am/ khor los sgyur ba'i rgyal po 'am/ seng ge'i rgyal po'i gzugs sam/ pad+mo 'am/ me tog u du ma wa ra 'am/ ri chen po 'am/ rgya mtsho 'am/ nyi ma 'am/ zla ba 'am/ bal glang ngam/ rta dkar po 'am/ pha ma'i gzugs la sogs pa mthong ngam/ me tog gam/ 'bras bu'am/ gser ram/ dngul lam/ shel lam/ bai DUR+Ya la sogs pa rin po che rnyed dam/ ba'i 'o ma ro rnam pa lnga rnyed par rmis na/ de'i tshe de'i dus na de bzhin gshegs pas de'i sbyin pa bzhes par rig par bya'o//

  357. 179b

    sad nas rab tu dga' zhing bde bar 'gyur te/ 'dod pa'i rdzas rnam pa sna tshogs thob cing ngan sems med de/ dge ba'i chos spyod pa la mos par 'gyur ro// rigs kyi bu mya ngan las 'das pa chen po 'di de lta bu'i bsod nams tshad med grangs med bsam gyis mi khyab pa kun sgrub nus so/ / rigs kyi bu khyod kyis nga'i gsung 'di la yid ches par gyis shig/ gal te rigs kyi bu 'am/ rigs kyi bu mo gang nga mthong bar 'dod dam// nga la bkur sti byed par 'dod dam/ nga la chos nyid dang 'thun par mthong bar 'dod dam/ stong pa'i ting nge 'dzin thob par 'dod dam/ yang dag pa'i mtshan nyid mthong bar 'dod dam/ dpa' bar 'gro ba'i ting nge 'dzin dang / seng ge'i rgyal po'i ting nge 'dzin bsgom par 'dod dam/ bdud rnam pa brgyad 'joms par 'dod dam/ bdud rnam pa brgyad ces bya ba ni/ 'di lta ste/ bdud rnam pa bzhi dang / mi rtag pa dang / bde ba med pa dang / bdag med pa dang / yongs su dag pa med pa'o// mir skye bar 'dod dam/ lha'i bde bar 'dod na/ mya ngan las 'das pa chen po'i mdo gzungs su 'dzin cing yi ger bris sam/ klog gam/ 'don tam/ dgrol zhing 'chad dam/ don yid la byed pa mthong na/ de'i gan du bsnyen cing nye bar 'gro ste/ gnas 'cha' zhing gsol ba dang zhung byas te/ mchod pa dang / rim gro dang / bsti stang byas la/ rkang pa bkru ba dang

  358. 180a

    khri stan gding zhing yo byad rnam pa bzhis mchod de brel bar mi bya'o/ / gal te lam ring po nas 'ongs na/ dpag tshad bcu'i bar du bsu bar bya'o// mdo sde 'dir phyir/ rin che bar bya ba'i nor kun gyis mchod pa'o// gal te med na bdag gi lus kyang btsong bar bya'o// de ci'i phyir zhe na/ mdo sde 'di ni me tog u dum war 'dra bas phrad dka' ba'i phyir ro// rigs kyi bu ngas sngon bskal pa tshad med pa mtha' yas pa khra khrig 'das pa de'i tshe de'i dus na/ 'jig rten gyi khams mi mjed ces bya ba 'dir/ sangs rgyas bcom ldan 'das shAkya thub pa zhes bya ba de bzhin gshegs pa dgra bcom pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul ba kha lo sgyur ba/ lha dang mi'i ston pa sangs rgyas bcom ldan 'das byung ste/ 'khor mang po rnams la mya ngan las 'das pa chen po'i mdo 'di ston to// nga de'i tshe na dge ba'i bshes gnyen las sangs rgyas te/ 'khor mang po rnams la mya ngan las 'das pa chen po ston to zhes thos so// ngas de thos nas rab tu dga' bar gyur te/ mchod pa zhig 'bul bar bsams pa la dbul te ci'ang mi bdog go/ lus btsong bar byas pa las kyang bsod nams chung bas ma dum mo// phyis khyim du song ba las lam du mi gcig dang phrad nas/ ngas 'di skad du bdag lus 'di

  359. 180b

    btsong na mi nyo'am zhes smras so/ / des smras pa/ bdag la las shig yod de sus kyang byed mi nus so// khyod gal te de ltar nus na bdag gis nyo bar bya'o// ngas dris pa/ las ji lta ba zhig na sus kyang byed mi nus/ des smras pa/ bdag la nad ma rungs pa zhig yod de/ sman pa mkhas pa dag gis dpyad byas na/ nyin re zhing mi'i sha srang gsum zos na phan zhes zer ro// gal te lus kyi sha nyin re zhing srang gsum gcod cing kho bo la sbyin phod na/ khyod la gser gyi dong tshe lnga sbyin no// ngas de'i tshe de skad du smras pa thos nas sems rab tu dga' ste/ ngas yang 'di skad du khyod kyis nga la dong tshe byin te zhag bdun shol cig dang / nga'i bya ba byas nas khyod kyi 'dod pa bzhin du bya'o zhes smras so// des smras pa/ zhag bdun mi rung gi/ yang dag par de ltar rung na zhag gcig cig gnang bar bya'o/ / rigs kyi bu nga de'i tshe dong tshe blangs nas phyir sangs rgyas gang na ba der song ste/ mgo bos zhabs la phyag 'tshal nas ci bdog pa ma lus par mchod cing phul te/ gzod sems thag pa nas mdo sde 'di mnyan to// nga de'i tshe dbang po rtul bas mdo sde 'di thos par gyur kyang tshig bzhi pa'i le'u gcig 'ba' zhig zin par 'gyur ro// gang zhe na/ de bzhin gshegs pas mya ngan las 'da' ba/ 'khor ba thams cad yongs su bcad pa ste// gang gis rtse gcig sems kyis mnyan na// tshad med bde ba rtag tu thob par 'gyur//

  360. 181a

    tshogs su bcad pa 'di bzung nas/ phyir nad pa de'i khyim du 'ongs so// rigs kyi bu ngas de'i tshe nyin re zhing sha srang gsum gsum sad kyang tshigs su bcad pa 'di yid la bya ba'i rgyu dang rkyen gyis na bar ma gyur te/ nyin gcig kyang bar chad ma byung bar zla ba gcig gi bar du de ltar byin no// rigs kyi bu de'i rgyu de'i rkyen gyis nad ni sos/ nga'i lus kyang sngon bzhin du rma med par gyur te/ ngas de'i tshe bdag gi lus ma god par mthong nas/ bla na med pa yang dag par rdzogs pa'i byang chub tu sems bskyed do// tshigs su bcad pa gcig gi mthus kyang de ltar nus na/ yongs su rdzogs par 'dzin tam/ klog gam/ 'don pa lta ci smos/ ngas mdo sde 'di la de lta bu'i khe phan yod par mthong nas/ sngon pas kyang sems lhag par skyed de/ bdag ma 'ongs pa'i dus na sangs rgyas kyi byang chub thob cing mtshan yang shAkya thub pa zhes bya bar gyur cig ces smon lam btab bo// rigs kyi bu tshigs su bcad pa de gcig gi mthu'i rgyu dang rkyen gyis deng ngas 'khor mang po'i nang na lha dang mi rnams la yongs su rdzogs par bstan par gyur to/ / rigs kyi bu de bas na mya ngan las 'das pa chen po 'di ni bsam gyis mi khyab ste/ yon tan tshad med mtha' yas pa dang ldan no// 'di ni sangs rgyas bcom ldan 'das rnams kyis dgongs te gsungs pa'i snying po yin no// de lta bas na gang 'dzin pa des zag pa ngan pa spong zhing

  361. 181b

    chod par 'gyur ro/ / ngan pa zhes bya ba pa ni bal glang ngan pa dang / rta ngan pa dang / ba lang ngan pa dang / khyi dang / sbrul gdug pa'i ngan pa gnas pa'i gnas dang / tsher ma ngan pa'i sa dang / gad pa dang // g.yang sa dang / nyam nga ba dang / shA dang / dba' glong dang / mi ngan dang / yul ngan pa dang / grong khyer ngan pa dang / khyim ngan pa dang / bshes gnyen ngan pa la sogs pa ste/ de lta bu de dag gis gal te zag pa'i rgyu byed na/ byang chub sems dpa' de spong ngo // gal te mi byed na mi spong ngo // gal te zag pa skyed na spong bar byed de/ gal te mi skyed na mi spong ngo // gal te chos sdig pa byed na yongs su spong ngo // gal te dge pa byed na mi spong ngo // ji ltar spong bar byed ce na/ mtshon cha mi thogs par rtag tu dben pa'i blo'i thams cad kyis spong bar byed de/ de bas na bden pa'i blos spong ba zhes bya'o// dge ba skye bar bya ba'i phyir sdig pa'i chos spong ngo // byang chub sems dpa' sems dpa' chen po bdag gi lus la nad lta bu dang / rma lta bu dang / skrangs pa lta bu dang / dgra lta bu dang / lus la mdas gzer ba lta bur rtogs te/ sdug bsngal gyi phung po chen po 'di ni dge ba dang / sdig pa thams cad kyi rtsa ba yin par rtog go/ lus 'di ni 'di ltar mi gtsang ba yin mod kyi/ 'on kyang byang chub sems dpa' g.yo zhing rim gro byed do// de ci'i phyir zhe na/ lus la chags pa ma yin te/ dge ba'i

  362. 182a

    chos kyi phyir ro/ / mya ngan las 'das pa'i phyir gyi/ 'khor ba'i phyir ma yin no// rtag pa dang / bde ba dang / bdag dang / yongs su dag pa'i phyir gyi/ mi rtag pa dang / mi bde ba dang / bdag med pa dang / yongs su dag pa med pa'i phyir ma yin no// byang chub kyi lam gyi phyir gyi/ srid pa'i lam gyi phyir ni ma yin no// theg pa gcig gi phyir gyi/ theg pa gsum gyi phyir ma yin no// mtshan sum cu rtsa gnyis dang / dpe byad bzang po brgyad cu'i sku dam pa'i phyir gyi/ 'du shes med 'du shes med min gyi lus kyi bar ni ma yin no/ / chos kyi 'khor lo sgyur ba'i rgyal po'i phyir gyi/ 'khor lo sgyur ba'i rgyal po'i phyir ni ma yin no// rigs kyi bu byang chub sems dpa' sems dpa' chen pos lus rtag tu bsrung bar bya'o/ / de ci'i phyir zhe na/ gal te lus ma bsrungs na srog 'tsho bar mi 'gyur ro// gal te srog mi 'tshon/ mdo sde 'di yi ger bri zhing 'dzin pa 'am/ glog pa'am/ 'don pa 'am/ gzhan la rgyas par ston pa'am/ don yid la byed mi nus to// de bas na byang chub sems dpas lus shin tu bsrung bar bya'o// don de lta bu'i phyir byang chub sems dpa' zag pa ngan pa thams cad spong bar gyur to/ / rigs kyi bud per na chu rgal ba ni gru dang gzings shin tu srung ngo // 'gron po lam du zhugs pa ni rta bzang po la sogs pa shin tu skyong ngo // zhing pa

  363. 182b

    ni lud la sogs pa shin tu srung ngo / / dug la phan par 'dod pa ni sbrul gdug pa shin tu srung ngo // rdzas mang po bdog pas rigs ngan gdol pa srung ngo // dgra la rgol ba ni rtsal yod pa srung ngo // ji ltar grang bas med srung ngo // ji ltar mdze can dag sman gdug pa tshol ba bzhin te/ byang chub sems dpa' sems dpa' chen po'ang de dang 'dra bar lus 'di la mi gtsang ba tshad med pa dang ldan zhing yongs su gang bar mthong yang / mya ngan las 'das pa chen po'i mdo gzungs su 'dzin par bya ba'i phyir/ 'on kyang srung zhing rim gro byed de/ brel cing 'phongs par mi byed do// byang chub sems dpa' sems dpa' chen po bal glang ma rungs pa dang / bshes gnyen ma rungs pa la sogs pa brtags na gnyis su med do// de ci'i phyir zhe na/ kun kyang lus 'jig pa'i phyir ro/ / byang chub sems dpa' sems dpa' chen pos bal glang ma rungs pa la sogs pa la ni 'jigs skrag pa'i sems med do// sdig pa'i grogs la shin tu 'jigs skrag pa'i sems bskyed do/ / de ci'i phyir zhe na/ bal glang ma rungs pa la sogs pa ni lus 'ba' zhig 'jig nus te/ sems 'jig mi nus so// grogs po ngan pas ni gnyis ka 'jig nus pa'i phyir ro/ / bal glang ngan pa la sogs pa ni lus gcig pu 'jig nus kyi/ grogs po ngan pas ni dge ba'i lus tshad med pa dang / dge ba'i sems tshad med pa'ang 'jig go// bal glang ngan pa la

  364. 183a

    sogs pa ni mi gtsang ba'i lus 'ba' zhig 'jig nus kyi/ grogs po ngan pas ni rnam par dag pa'i lus dang / rnam par dag pa'i sems 'jig nus so// bal glang ngan pa la sogs pa ni sha'i lus 'ba' zhig 'jig nus kyi/ grogs po ngan pas ni chos kyi lus 'jig nus so// bal glang ma rungs pas gsad na ngan song gsum du mi 'gro ste grogs po ngan pas gsadad na gdon mi za bar ngan song gsum du 'gro'o/ / bal glang ngan pa la sogs pa ni lus kyi khon du gyur te/ grogs po ngan pas ni dge ba'i chos kyi khon du 'gyur ro// de bas na byang chub sems dpas grogs po ngan pa dag ring du spang bar bya'o// de lta bu la sogs pa'i zag pa ni bus pa ma rabs dag mi spong bas zag pa skye'o// byang chub sems dpa' ni spong bas zag pa mi skye'o/ / byang chub sems dpa' la'ang de ltar zag pa med na/ de bzhin gshegs pa la lta ci smos te/ de bas na zag pa ma yin no// zag pa dang nye ba gang zhe na/ bus pa ma rabs thams cad ni lus dang sems bde bar 'dod pa'i phyir gos dang / zas dang / mal cha dang / nad kyi rkyen sman la sogs pa len to// de lta bu'i rdzas tshol zhing sdig pa rnam pa sna tshogs byas kyang nye bar mi shes pas ngan song gsum du 'khor te/ de bas na zag pa zhes bya'o// byang chub sems dpa' sems dpa' chen pos de lta bu'i nyes pa mthong

  365. 183b

    par spong bar byed do/ / gal te gos 'dod na'ang len mod kyi/ lus kyi phyir ni ma yin te/ chos 'ba' zhig gi phyir te/ nga rgyal dang dregs pa mi skyed par rtag tu dma' ba'i sems dang / rgyan dang bzang po 'dod pa'i phyir ni ma yin gyi/ ngo tsha ba dang / tsha ba dang / grang ba dang / rlung dang / char drag po dang / mchu smyung dang / sbrang bu dang / gdug pa dag gis zos kyis dogs pa'i bskyabs bya ba'i phyir ro/ / bca' ba dang bza' ba len kyang chags pa'i sems med la/ lus kyi phyir ma yin gyi/ rtag tu dam pa'i chos kyi phyir ro// nyam tshig gi phyir ni ma yin gyi/ sems can gyi phyir ro// nga rgyal dang dregs pa'i phyir ni ma yin gyi/ lus dang stobs kyi phyir ro// kho na dang dgra'i phyir ni ma yin gyi/ bkres pa'i rme gso ba'i phyir ro/ / ro dam pa rnyed kyang de la chags pa'i sems med do// gnas khang dag len pa'ang de dang 'dra ste/ chags pa dang dregs pas kun nas nyon mongs pa gnas par mi byed kyi// byang chub kyi kun nas nyon mongs pa'i dgra gcod pa dang / rlung dang char drag po'i gnas khang len to// nad kyi rkyen sman tshol ba yang chags pa'i sems med de/ dam pa'i chos kyi phyir srog 'tshe ba'i phyir ni ma yin gyi/ 'tshe ba rtag par bya ba'i phyir ro// rigs kyi bu dper na shu ba'i nad kyis btab pa phye dang mar gyis bskus te/ gos kyis dkris shing rnag dang khrag

  366. 184a

    byung ba la shu ba sos par 'dod pa'i sman gyis byugs te/ rlung btsa' ba'i phyir khang pa zab mor 'dug pa dang 'dra bar/ byang chub sems dpa' sems dpa' chen po'ang de dang 'dra bar lus la rma lta bur rtog cing / gos kyis g.yogs pa dang / bu ga dgu nas rnag zag pa'i phyir zas 'tshol ba dang / rlung dang char drag pa'i skyabs kyi phyir gnas khang len pa dang dug rnam pa bzhi'i phyir sman tshol ba ste/ byang chub sems dpa' yo byad rnam pa bzhi len pa'ang byang chub kyi lam gyi phyir te/ 'tsho ba'i phyir ni ma yin no// de ci'i phyir zhe na/ byang chu sems dpa' sem dpa' chen pos 'di snyam du/ gal te bdag gis yo byad rnam bzhi 'di ma blangs na/ lus med cing mi brtan par 'gyur ro// gal te mi brtan par gyur na/ sdug bsngal mi bzod par 'gyur ro/ / gal te sdug bsngal mi bzod par gyur na/ dge ba'i chos thams cad yongs su spyod par mi 'gyur ro// gal te sdug bsngal bzod na/ dge ba'i chos tshad med pa bsgoms par 'gyur ro/ / gal te bdag sdug bsngal la bzod mi nus na/ sdug bsngal myong ba la zhe sdang gi sems skye bar 'gyur ro// bde ba myong ba la chags pa'i sems skye bar 'gyur te/ gal te bad ba tshal las ma rnyed na/ ma rig pa skye bar 'gyur te/ de bas na bus pa ma rabs so so'i skye bo ni yo byad rnam pa bzhi las zag pa skye bar gyur to// byang chub sems dpa' sems dpa' chen

  367. 184b

    po ni rab tu rtog cing rtogs pas zag pa mi skyed de/ de bas na byang chub sems dpa' la'ang zag pa med pa zhes bya na/ ji ltar de bzhin gshegs pa la zag pa mnga' 'o zhes bya/ de bas na de bzhin gshegs pa la ni zag pa mi mnga' ba zhes bya'o/ / // bam po nyi shu gsum pa// // gzhan yang rigs kyi bu bus pa ma rabs thams cad ni lus dang sems shin tu srung yang mi dge ba'i rtog pa rnam pa gsum skye'o/ / de'i rgyu de'i rkyen gyis nyon mongs pa yongs su bcad de/ 'du shes med 'du shes med min gyi gnas su skyes kyang phyir ngan song gsum du ltung ngo / / rigs kyi bu dper na mi zhig rgya mtsho rgal ba pha rol gyi 'gram du phyin du nye ba las chur nub ste shi'o// bus pa ma rabs so so'i skye bo'ang de dang 'dra ste/ srid pa gsum zad du nye ba las phyir yang ngan song gsum du ltung ngo // ci'i phyir zhe na/ dge ba'i rtog pa med pa'i phyir ro// dge ba'i rtog pa zhes bya ba gang zhe na/ 'di lta ste/ dran pa nye bar gzhag pa drug go/ bus pa ma rabs dge ba'i sems ni zhan gyi/ mi dge ba ni rab tu 'bar ro// dge ba'i sems zhan pa'i phyir shes rab kyi sems srab par gyur to// shes rab kyi sems srab pas/ / zag pa thams cad skye zhing 'phel bar gyur to// byang chub sems dpa' sems dpa' chen po ni shes rab kyi mig yongs su dag pas/ rtog pa gsum gyi skyon mthong ngo // rtog pa

  368. 185a

    gsum po 'di ni skyon rnam pa sna tshogs bcas pas/ rtag tu sems can gyi theg pa gsum gyi dgra yin par rtogs so// rtog pa gsum po 'di'i rgyu 'di'i rkyen gyis sems can ma rabs tshad med pa snyed sangs rgyas kyi rang bzhin mi mthong bar byed cing / bskal pa tshad med pa'i bar du log pa'i sems bskyed pa ni/ 'di lta ste/ sangs rgyas rlom ldan 'das ni/ rtag pa dang / bde ba dang / bdag ces bya ba ni med kyi/ yongs su dag pa 'ba' zhig yod do// de bzhin gshegs pa gtan yongs su mya ngan las 'das te/ sems can thams cad lta la rtag pa'ang med/ bde ba'ang med/ bdag kyang med/ yongs su dag pa'ang med de/ phyin ci log gi sems kyis rtag pa dang / bde ba dang / bdag dang / yongs su dag pa yod do zhes smra'o// / yang dag par na theg pa gsum yang med de/ phyin ci log gi sems kyis theg pa gsum yod do zhes smra'o// bden pa'i lam gcig pu ni yang dag par bden pa ste/ phyin ci log pa'i sems kyis bden pa gcig kyang med par smra ba'i mi dge ba'i rtog pa rnam pa gsum la ni/ rtag tu sangs rgyas dang byang chub sems dpa' rnams kyis yongs su smad pa yin no// mi dge ba'i rtog pa gsum po 'di ni rtag tu bdag dang gzhan la'ang rab tu 'tsho'o/ / rtog pa gsum po 'di yod pas/ mi dge ba thams cad rtag tu phyi bzhin tu 'brang bar gyur to// rtog pa gsum po 'di nyid ni kun nas nyon mongs

  369. 185b

    pa gsum du 'gyur te/ sems can gyi 'khor ba mtha' yas pa snyed kyi mtshams sbyor ro// byang chub sems dpa' sems dpa' chen po ni 'di ltar rtog pa gsum la rtag tu yongs su rtog go/ byang chub sems dpas gal te rgyu dang rkyen zhig gis 'dod pa'i rtog pa skyes na cang mi smra bar mi len to// dper na mi rab tu bzang zhing gtsang sbra che ba ni lud dang mi gtsang ba thams cad mi len to// / me mar rab tu 'bar ba la ni su'ang lag gis mi len to// bram ze ni rang bzhin gyis ba lang gi sha dang mi 'bags so// ji ltar 'grangs pa dag ni zas ngan pa mi chud do// ji ltar 'khor los sgyur ba'i rgyal po ni/ gdol pa'i rigs ngan thams cad dang stan gcig la mi 'dug pa dang 'dra bar/ byang chub sems dpa' sems dpa' chen po rtog pa gsum mi len cing myong bar mi byed pa'ang de dang 'dra'o/ / de ci'i phyir zhe na/ byang chub sems dpa' 'di snyam du sems te/ sems can thams cad kyis bdag la bsod nams kyi zhing yin par shes na/ bdag gis ji ltar mi dge ba'i chos 'di dag spyad par bya/ gal te mi dge ba'i rtog pa de dag spyod na/ sems can gyi bsod nams kyi zhing du mi rung ngo // bdag la bdag gis bsod nams kyi zhing du mi rung ngo / / bdag la bdag gis bsod nams kyi zhing yin no zhes byas kyang / sems can gyi tshul la bltas nas bdag la bsod nams kyi zhing yin no zhes zer ro// bdag gis bdag

  370. 186a

    gal te mi dge ba'i rtog pa de lta bu bskyed na/ sems can thams cad la slu bar 'gyur ro// bdag sngon yang bslus pas bskal pa tshad med pa'i bar du 'khor bar gyur te/ ngan song gsum du ltung bar gyur to// bdag gis gal te mi dge ba'i sems kyis sbyin bdag dad pas byin pa blangs na/ lha dang / mi dang / drang srong mngon par shes pa lnga dang ldan pa thams cad kyis dbang byas shing smad par 'gyur ro/ / bdag gis gal te mi dge ba'i rtog pas sbyin bdag dad pas byin pa blangs sam/ gal te sbyin bdag gi 'bras bu chung bar gyur tam/ 'bras bu'i don med par gyur tam/ bdag gis gal te mi dge ba'i sems kyis sbyin bdag gis byin pa blangs na/ sbyin bdag dad pa'i dgrar 'gyur ro// sbyin bdag thams cad kyis bdag lus gcig pa bzhin du 'du shes skyed na/ bdag gis ci'i phyir de dag la slu zhing dgrar 'du shes skyed/ de ci'i phyir zhe na/ sbyin dag gi 'bras bu ma thob bam 'bras bu chung bar gyur na/ rtag tu bdag ni rab tu 'byung ba zhes brjod par mi rung ngo // rab tu byung ba ni mi dge ba skyed pa mi rogs so// gal te mi dge ba skyed na rab tu 'byung ba zhes mi bya'o/ / rab tu byung ba ni lus dang ngag tu ldan pa'o// gal te mi ldan na rab tu byung ba zhes mi bya'o// bdag pha ma dang / phu nu dang / chung ma dang / bu dang / gnyen

  371. 186b

    bshes thams cad gtang ste rab tu byung nas lam bsgom pa 'di dge ba'i rtog pa rnams yongs su bsgom pa'i dus la ba gyi/ mi dge ba'i rtog pa bsgom pa'i dus ni ma yin no// dper na mo la la zhog rgya mtshor zhugs te/ rin po che tshol ba las rin po che yang dag par ni mi len par chu shel len pa dang mtshungs so// gzhan yang la la zhig rol mo dam pa spangs shing lud dang mo gtsang ba'i gnas su rtsa ba dang / ji ltar rin po che'i bu mo bor te zan mo dang nyal ba dang / ji ltar gser gyi snod spangs te kham phor spyod pa dang / ji ltar bdud rtsi spong zhing dug 'thung ba dang / ji ltar mdza' zhing nye ba'i sman pa mkhas pa spangs te/ dgra dang khon du gyur pa'i sman pa ma rungs pa las smran len cing 'thungs pa dang mtshungs te/ bdag kyang de dang 'dra bar ston pa chen po dang / sangs rgyas bcom ldan 'das kyi chos kyi ro bdud rtsi dang 'dra ba spangs shing / bdud kyi mi dge ba'i rtog pa rnam pa sna tshogs 'thung ba dang 'dra'o// mi'o lus shin tu rnyed dka' ba me tog u dum wa ra dang 'dra ba ni bdag gis da thob par gyur/ de bzhin gshegs pa dang phrad dka' ba me tog u du ma wa ra dang 'dra ba ni bdag gis da phrad par gyur/ rnam par dag pa'i chos dkon mchog mthong ba dang thos par dka' ba ji ltar rus sbal long bganya' shing gi bu ga dang phrad pa dang 'dra ba ni bdag gis da thob par gyur te/ mi'i tshe mi

  372. 187a

    sdod pa ni rig zar po'i shwa bas mgyogs te/ deng yod kyang sang yod par mi mngon na/ ci'i phyir sems phyal bar mi dge ba'i chos la gnas/ lang tsho ba'ang mi sdod pa ni rta rgyug pa bas kyang mgyogs na/ / ci ste de la bsnyems shing nga rgyal dang dregs pa skyed/ ji ltar yi dgas ma rungs pa mi la skabs tshol ba ltar chen po bzhi'i ri dgas kyang de dang 'dra ste/ rtag tu bdag la nyes pa'i skabs tshol na/ ci ste mi dge ba'i rtog pa bskyed par bya/ dper na khang pa rul brdib tu nye ba dang 'dra bar bdag gi tshe'ang de 'dran/ ci'i phyir mi dge ba skyed/ bdag ni dge sbyong zhes bya ste/ dge sbyong zhes bya ba ni dge ba'i rtog pa la rtog pa zhes bya ste/ bdag gis da mi dge ba'i rtog pa skyed na dge sbyong zhes ji skad gdags bdag ni rab tu byung ba zhes bya ste/ rab tu byung ba ni dge ba'i lam bsgom pa zhes bya ste/ bdag gis da mi dge ba spyod na ji ltar rab tu byung ba zhes bya/ bdag ni bram ze zhes bya ste/ bram ze zhes bya ba ni tshangs par spyod pa'o// bdag gis mi tshangs pa mi dge ba'i rtog pa spyod na ji ltar bram ze zhes bya/ bdag ni rgyal rigs chen po zhes kyang bya ste/ rgyal rigs zhes bya ba ni dgra thub pa yin na/ bdag da mi dge ba'i dgra mi thul na ji ltar rgyal rigs shes bya/ bdag ni dge slong zhes kyang bya ste/ dge slong zhes bya ba ni nyon mongs pa 'joms pa zhes

  373. 187b

    bya na/ bdag dang mi dge ba'i rtog pa nyon mongs pa mchoms na/ ji ltar dge slong zhes gdags/ 'jig rten rnam pa 'di drug ni shin tu phrad par dka' ste/ bdag gis da phrad par gyur na/ ci'i phyir mi dge ba'i rtog pa sems la gnas par bya/ rnam pa drug gang zhe na/ 'di lta ste/ sangs rgyas 'jig rten du byung bar phrad par dka' ba dang / dam pa'i chos thos par dka' ba dang / 'jigs pa'i sems skye bar dka' ba dang / yul gyi dbus su skye bar dka' ba dang / mi'i lus thob par dka' ba dang / dbang po rnams ldan par dka' ba'o// de lta bu'i dngos po rnam pa drug thob par dka' ba ni thob par gyur te/ de bas na mi dge ba'i rtog pa bskyed pa'i mi rigs so snyam sems so// byang chub sems dpa' de'i tshe 'di ltar mya ngan las 'das pa chen po'i mdo la nan tan byed pa ni rtag tu mi dge ba'i sems la brtson 'grus su rab tu rtog go/ bus pa ma rabs thams cad ni de lta bu'i mi dge ba'i sems kyi skyon mi mthong bas/ rtog pa gsum len te/ de bas na zag pa dang bcas pa zhes bya'o// byang chub sems dpas mthong nas mi len mi chags yongs su gtong zhing mi bsrun la/ 'phags pa'i lam brgyad la brten te/ skrod pa dang yongs su gcod par byed de/ de bas na byang chub sems dpa' yang zag pa mi len na/ ci'i phyir de bzhin gshegs pa zag pa yod ces smra/ don de lta

  374. 188a

    bas na de bzhin gshegs pa ni zag pa dang bcas pa ma yin no/ / rigs kyi bu bus pa ma rabs ni gal te lus dang sems la sdug bsngal gyis gdungs na mi dge ba rnam pa sna tshogs skye'o/ / gal te lus na 'am/ sems na na lus dang / ngag dang / yid kyis mi dge ba'i las rnam pa sna tshogs byed do// mi dge ba byas pas ngan song gsum du 'khor zhing sdug bsngal rdzogs par myong bar gyur to/ / de ci'i phyir zhes na/ bus pa ma rabs ni dran pa dang shes rab med pa'i phyir zag pa rnam pa sna tshogs skye ste/ de ni dran pa'i zag pa zhes bya'o/ / byang chub sems dpa' sems dpa' chen po ni rtag tu 'di snyam du bdag sngon bskal pa grangs med pa'i bar du lus dang sems 'di'i dbang gis mi dge ba rnam pa sna tshogs byas so/ / de ltar byas pa'i rgyu dang rkyen gyis 'khor bar rab tu 'khor te/ ngan song gsum du sdug bsngal mang po rdzogs par myong zhing / bdag theg pa gsum gyi lam las thag ring bar byas so snyam bsams nas/ byang chub sems dpa' de'i rgyu de'i rkyen gyis bdag gis lus dang sems la rab tu 'jigs pa chen po bskyed de/ mi dge ba mang po yongs su spong zhing dge ba'i lam la rab tu 'jug go/ rigs kyi bu 'di lta ste/ dper na rgyal po zhig gis sbrul gdug pa bzhi snod gcig gi nang du bcug nas mi zhig srung zhing snyod pa dang / bskal pa dang / bslang

  375. 188b

    ba dang / bkru ba la sogs pa'i las byed du bcug go// gal te sbrul de las gcig khros par gyur na ngas khrims bzhin du mi mang po 'dus pa'i nang du gsad do zhes bsgo'o// de nas mi de rgyal pos bsgo ba thos nas shin tu skrag pa'i sems skyes te/ sbrul gyi snod bor nas zos so// de nas rgyal pos rigs ngan gdol pa ral gri thogs pa lnga phyi bzhin du snyegs su bkye'o/ / mi des phyir bltas pa dang / phyir na mi lnga 'ong ba mthong nas de bas kyang myur bar song ngo // de nas mi lngas log pa'i thibs kyis thogs pa'i ral gri sbas nas/ mo gcig nye zhing mdza' ba ltar sgyus nye bar bstan te/ de la 'di skad du khyod phyir shog cig ces smras so// mi des yid ma ches nas gang du 'gro ba'i phyir grong khyer zhig tu song ngo // grong khyer du zhugs nas khang pa thams cad du bltas na mi gcig kyang mi snang la/ rdza ma dang snod dag gi nang du bltas na/ thams cad stong ste ci'ang med pa mthong ngo // des ma'ang ma mthong rdzas kyang ma rnyed nas sa la 'dug pa dang / nam mkha' stong pa las/ kye rigs kyi bu grong khyer stong pa 'di na mi gcig kyang mi gnas la/ do nub dgra ma rungs pa drug 'ong ngo // gal te khyod de dang phrad na srog gson por mi 'gyur na/ khyod ci ste le lo byed ces pa'i sgra grags so// de nas mo de de bas kyang 'jigs skrag nas/ yang de nas byung ste song ba las lam du chu chen

  376. 189a

    po zhig dang phrad do/ / chu de shin tu drag ste gru dang gzings med mod kyis/ 'jigs skrag pa'i phyir rtswa dang shing mang po bsdus nas gzings bcas so// yang 'di snyam du bdag gal te 'dir 'dug na sbrul gdug pa dang / rigs ngan gdol pa lnga dang / sgyus nye ba gcig dang / dgra ma rungs pa drug gi gnod pas 'tsho bar 'gyur ro// chu 'di la rgal na'ang gzings brtan du mi rung ste chur nub cing shi bar 'gyur ro/ / chur nub ste shi'ang bla'i/ sbrul dang dgras 'tshe bar mi bya'o snyam bsams nas/ de nas rtswa'i gzings phul te/ chu'i nang du bcug nas de'i steng du lus 'dug ste/ lag pas ni brus/ rkang pas ni 'phras nas chu'ang chod de/ pha rol gyi 'gram du bde bar phyin pa nas sems dang yid bde bar 'gyur te/ 'jigs pa dang skrag pa med par gyur to// byang chub sems dpa' sems dpa' chen po yongs su mya ngan las 'das pa chen po'i mdo 'di thos nas/ gzugs su 'dzin pa'ang lus la ni snod dang 'dra bar rtog/ sa dang / chu dang / me dang / rlung la ni sbrul gdug pa bzhi lta bur rtog ste/ lta ba'i gdug pa dang / reg pa'i gdug pa dang / dbugs kyi gdug pa dang / zos pa'i gdug pa lta bur rtog go// sems can thams cad kyang gdug pa de bzhi dang phrad na tshe'i dus byas par 'gyur ro// sems can gyi chen po bzhi'ang de

  377. 189b

    dang 'dra ste/ mthong bas mi dge ba byed pa dang / reg pas mi dge ba byed pa dang / 'bris pas mi dge ba byed pa dang / zos pas mi dge ba byed de/ de'i rgyu de'i rkyen gyis dge ba thams cad spong bar 'gyur ro/ / gzhan yang rigs kyi bu byang chub sems dpa' sems dpa' chen pos sbrul gdug pa bzhi rtog pa las rigs bzhi yod do// 'di lta ste/ rgyal rigs dang / bram ze dang / rje'u rigs dang / gdol rigs so// chen po bzhi sbrul yang de dang 'dra ste/ rang bzhin rnam pa bzhi yod do// 'di lta ste/ sra ba'i rang bzhin dang / gsher ba'i rang bzhin dang / dro ba'i rang bzhin dang // g.yo ba'i rang bzhin no// de bas na byang chub sems dpa' ni chen po bzhi dang / sbrul gdug pa bzhi rang bzhin gyis 'dra bar rtog go/ / gzhan yang rigs kyi bu byang chub sems dpa' sems dpa' chen po bzhi la sbrul gdug pa bzhi lta bur rtog go/ ji ltar rtog ce na/ sbrul gdug pa bzhi ni rtag tu mi la skabs tshol te/ ji ltar nam zhig mthong bar 'gyur/ nam zhig reg par 'gyur// nam zhig dbugs kyis rngub par 'gyur/ nam zhig bza' bar 'gyur snyam sems so// chen po bzhi'i sbrul gdug pa'ang de dang 'dra ste/ rtag tu sems can gyi nyes pa'i skyon tshol lo// gal te sbrul gdug pa bzhi gsad na nam du'ang ngan song gsum du mi 'gro'o// gal te chen po

  378. 190a

    bzhis bsad par gyur na/ gdon mi za bar ngan song gsum du 'gro bar nges te the tshom med do// sbrul gdug pa bzhi ni legs par gsos kyang phyir mi la gsod par sems so/ / chen po bzhi'ang de dang 'dra ste/ rtag tu gso zhing rim gro byas kyang rtag tu mi dge ba thams cad byed du bcug go/ sbrul gdug pa bzhi las gal te gcig khros na mi la gsod nus so/ / chen po bzhi'i rang bzhin yang de dang 'dra ste/ gal te chen po gcig gi shas ma mnyam na'ang mi la gsod par nus so// sbrul gdug pa bzhi ni lhan cig tu gnas kyang bzhi po'i sems so so'o/ / chen po bzhi'i sbrul gdug pa'ang de dang 'dra ste/ lhan cig gnas kyang rang bzhin so so'o// sbrul gdug pa de bzhi la bkur sti byas kyang nye bar bsten dka' 'o// chen po bzhi'i sbrul gdug pa'ang de dang 'dra ste/ bkur sti byas kyang nye bar bstan dka' 'o// gal te sbrul gdug pa bzhis zin na dge sbyong ngam zam ze la sogs pas rig sngags dang sman gyis gso nus so/ / chen po bzhis gsad na/ dge sbyong dang / bram ze la sogs pa dag gis rig sngags dang sman bzang pos gsos kyang mi sos so// sbrul la gtse ba dag kyang sbrul gdug pa bzhi'i dri mnam pas phog na rab tu spong bar 'gyur ro/ / sangs rgyas dang byang chub sems dpa' yang de dang 'dra ste/ chen po bzhi'i mnam pa tshor na rab tu spong ngo // de'i

  379. 190b

    byang chub sems dpa' yang 'di snyam du chen po bzhi'i sbrul gdug pa la rab tu 'jigs pa bskyed de/ rgyab kyis phyogs nas myur bar zos te/ 'phags pa'i lam brgyad la bsgom par bya'o snyam sems so/ / rigs ngan lnga zhes bya ba ni phung po lnga'i dpe'o// ji ltar na byang chub sems dpa' phung po lnga la rigs ngan lta bur rtog ce na/ rigs ngan zhes bya ba ni rtag tu mdza' zhing sdug pa dang so sor phral te/ dgra sdang ba dang lhan cig sprod do// phung po lnga'ang de dang 'dra ste/ 'gro ba mang po mi dge ba'i chos la chags shing nye bar byed do// phyogs gcig tu dge ba'i chos thams cad dang bral bar byed do/ / gzhan yang rigs kyi bu/ dper na rigs ngan ni ral gri dang / phu ba dang / mda' gzhu dang / go cha dang / mdung dang / mtshon cha rnam pa sna tshogs bdag la brgyan cing gzhan la gnod par byed do/ / phung po lnga'ang de dang 'dra ste/ nyon mongs pa rnams kyis shin tu brtan par brgyan nas gti mug can la 'tshe zhing srid pa rnams su ltung bar byed do/ / rigs kyi bu rigs ngan ni 'gro ba nyes byung ba yod na gsod do// phung po lnga'ang de dang 'dra ste/ kun nas nyon mongs pa'i nyes pa dang bcas pas rtag tu gsod do// de bas na byang chub sems dpas phung po la rigs ngan lta bur rab tu rtogs so// gzhan yang byang chub sems dpas phung po lnga rigs ngan lta bur rtog ste/ rigs ngan ni byams pa dang

  380. 191a

    brtse ba'i sems med de/ dgra dang gnyen gnyis ka gsod do// phung po lnga'ang de dang 'dra ste/ byams pa dang brtse ba'i sems med pas dge ba dang mi dge ba gnyis ka gsod do/ / rigs ngan ni mo thams cad la 'tshe'o// phung po lnga'ang de dang 'dra ste/ nyon mongs pa rnams kyis rtag tu 'khor ba'i sems can rnams la 'tshe'o// de bas na byang chub sems dpas phung po lnga la rigs ngan lta bur rtog go/ / rigs ngan ni rtag tu 'tshe ba'i sems dang bcas so// phung po lnga'ang de dang 'dra bar rtag tu kun nas nyon mongs pa dang bcas pas 'tshe ba'i sems dang bcas so/ / ji ltar mi rkang pa med pa la ral gri dang / mtshon cha dang / g.yog med na gdon mi za bar rigs ngan gyis gsod par 'gyur ro// sems can yang de dang 'dra ste/ rkang pa med cing mtshon cha med de g.yog med na phung po lngas gsod par 'gyur ro// rkang pa zhes bya ba ni tshul khrims so// ral gri zhes bya ba ni shes rab bo// g.yog ces bya ba ni dge ba'i bshes gnyen te/ de gsum med na phung po lnga'i dgras 'tshe bar 'gyur ro// de bas na byang chub sems dpas phung po lnga la rigs ngan lta bur rtog go/ gzhan yang rigs kyi bu byang chub sems dpa' sems dpa' chen pos phung po lnga la rigs ngan pas kyang lhag par rtog go/ de ci'i phyir zhe na/ gal te sems can gang rigs ngan gyis gsad na/

  381. 191b

    sems can dmyal bar mi ltung ngo // phung po lngas gsad na sems can dmyal bar ltung ste/ don de lta bas na byang chub sems dpas phung po lnga la rigs ngan pas lhag par rtog go/ de ltar rtogs nas 'di skad ces dam bca' 'o// bdag tshe gcig gi bar du rigs ngan dang lhan cig gnas kyang tha'o// skad cig tsam yang phung po lnga dang nye bar mi 'dod do// rigs ngan ni 'dod pa'i khams kyi glen pa 'ba' zhig 'tshe bar nus kyi/ phung po lnga'i dgras ni khams gsum gyi bus pa ma rabs glen pa kun la 'tshe'o// rigs ngan ni nyes pa yod pa'i mi 'ba' zhig gsod kyi/ phung po lnga'i dgra ni sems can nyes pa yod kyang rung med kyang rung ste/ kun la gnod pa byed cing rab tu 'tshe'o// rigs ngan ni zhan pa rgas pa dang / bud med dang / bu chung ngu rnams la mi 'tshe'o// phung po lnga'i dgra ni sems can rgan yang rung / gzhon yang rung / bud med kyang rung ste/ thams cad kun la 'tshe'o// de ni byang chub sems dpas phung po 'di la rigs ngan pas lhag par rtog pa zhes bya ste/ de bas na tshe gcig gi bar du rigs ngan dang lhan cig gnas kyang bla'i/ skad cig tsam yang phung po lnga dang nye ba dang bsten par mi bya'o zhes yi dam 'cha' 'o/ / gzhan yang rigs kyi bu rigs ngan ni pha rol po 'ba' zhig la 'tshe'i/ bdag la mi 'tshe'o// phung po lnga'i dgra ni bdag dang

  382. 192a

    gzhan dang / rigs ngan la'ang 'tshe'o// rigs ngan la ni tshog 'jam po dang nor rin po che byin pas thar par rung gi/ phung po lnga ni de lta ma yin gyi/ tshig 'jam pos brid cing nor rin po che la sogs pa phul yang thar par mi 'gyur ro/ / rigs ngan ni dus bzhi thams cad du rtag tu gsod pa ma yin no// phung po lnga ni de lta ma yin te/ skad cig tsam gyis kyang rtag tu sems can rnams gsod do/ / rigs ngan ni gnas gcig tu zad pas byol zhing 'bros su yod do// phung po lnga ni de lta ma yin te/ gnas thams cad kun tu khyab par 'byol zhing 'bros pa'i sa med do/ / rigs ngan ni mi la sod mod kyi/ bsad nas rjes su mi 'brang ngo // phung po lnga ni de lta ma yin te/ sems can bsad nas kyang rjes su 'brang zhing mi 'bral lo/ / de bas na byang chub sems dpa' nam 'tsho'i bar du rigs ngan dang lhan cig gnas kyang bla'i/ skad cig tsam yang phung po lnga dang nye bar mi 'gro'o// shes rab can dag ni thabs mkhas pas phung po lnga las thar par 'gyur ro/ / thabs mkhas pa zhes bya ba ni 'phags pa'i lam brgyad dang / pha rol tu phyin pa drug dang / tshad med pa bzhi ste/ de lta bu'i thabs kyis rnam par grol bar 'gyur te/ lus dang sems la phung po lngas mi 'tshe bar 'gyur ro// de ci'i phyir zhe na/ lus ni rdo rje lta bu/ sems ni nam mkha' lta bu ste/ de'i phyir lus dang

  383. 192b

    sems gzhig par rab tu dka' 'o/ / don de lta bas na byang chub sems dpas phung po lnga ni mo dge ba'i chos rnam pa sna tshogs dang ldan par rtogs nas/ rab tu 'jigs pa chen po skyes te/ 'phags pa'i lam brgyad la nan tan byed pa ni/ ji ltar mi des sbrul gadrug pa bzhi dang / rigs ngan lnga la 'jigs nas thogs pa med par lam du zhugs te song ba dang 'dra'o// smras mdza' ba lhur byed pa ni 'dod chags pa'o/ / byang chub sems dpa' sems dpa' chen pos 'dod pa kun nas nyon mongs pa la dgra sgyus mdza' bar byed pa lta bur rab tu rtog ste// gang gis de ltar shes pa la ni ces kyang mi tshugs so// gang mi shes pa la ni gdon mi za bar 'tshe bar 'gyur te/ 'dod chags pa'ang de dang 'dra'o// gang de'i mtshan nyid shes pa'i 'gro ba dag ni 'khor bar 'khor ba'i sdug bsngal myong bar mi 'gyur ro/ / gal te mi shes na rgyud drug tu 'khor zhing sdug bsngal mang po ma lus par myong bar 'gyur ro// de ci'i phyir zhe na/ 'dod chags las nad du 'gyur ba ni shin tu spong dka' ba'i phyir ro// de yang ji ltar dgra sgyus mdza' ba ltar byed pa spong dka' ba bzhin no// dgra sgyus mdza' ba ltar byed pa ni rtag tu skabs tshol te/ 'dza' zhing sdug pa dang phral nas dgra sdang ba dang sprod par byed do// 'dod chags kyang de dang 'dra ste/ skye bo dag dge ba'i chos thams cad

  384. 193a

    dang ring du 'gyur zhing / mi dge ba'i chos thams cad dang nye bar byed do// don de lta bas na byang chub sems dpa' sems dpa' chen po ni 'dod chags la ji ltar dgra sgras mdza' bar byed pa dang 'dra bar rtog ste/ mi mthong ba mthong ba dang / ma thos pa thos pa'i phyir ro// byis pa so so'i skye bo ni 'khor ba'i skyon mthong ste/ shes rab yod mod kyi/ gti mug gis khebs pas phyis kyang mi mthong bar 'gyur ro// nyan thos dang rang sangs rgyas kyang de dang 'dra ste mthong mod kyi/ mi mthong ba dang 'dra'o// thos mod kyi/ mi thos pa dang 'dra'o// de ci'i phyir zhe na/ 'dod pa'i sems dang bcad pa'i phyir ro// de'ang ji lta zhe na/ 'khor ba'i skyon mthong yang myur du bla na med pa yang dag par rdzogs pa'i byang chub tu 'gro mi nus so/ / don de lta bas na byang chub sems dpa' sems dpa' chen po ni 'dod chags kyis kun nas nyon mongs pa 'di la dgra sgyus mdza' bltar byed pa dang 'dra bar rab tu rtogs so/ / dgra sgyus mdza' bltar byed pa'i mtshan ma ji lta bu zhe na/ dper na dgra mi bden par sgyus bden pa'i mtshan ma ston pa dang / nye zhing mdzar mi rung bar smras nye ba'i mtshan ma ston pa dang / yang dag par dge ba ma yin par smras dge ba'i mtshan ma ston pa dang / yang dag par sdug pa ma yin par sdug pa'i mtshan ma ston to// de ci

  385. 193b

    phyir zhe na/ rtag tu skabs tshol te 'tshe bar 'dod pa'i phyir/ 'dod pa'ang de dang 'dra bar rtag tu sems can rnams la mi bden par smras bden pa dang / mi nye bar sgyus nye ba dang / dge bar sgyus dge ba dang / mi sdug par smras sdug pa ltar byed de/ rtag tu thams cad la slu zhing 'khor bar 'khor bar byed do// don de lta bas na byang chub sems dpa' ni 'dod chags la dgra sgyus nye bar byed pa lta bur rtog go/ / dgra sgyus nye bar byed pa ni lus dang ngag gi lam mthong gi/ sems ni mi mthong ste/ de bas na slu bar 'gyur ro// 'dod pa'ang de dang 'dra ste/ yang dag pa ma yin pa'i bslu ba 'ba' zhig ste bde ba med do/ / de bas na sems can thams cad kyang bslus so// dgra sgyus nye ba ltar byed pa ni thog ma dang tha ma yod de spong bar sla'o// 'dod chags ni de lta bu ma yin te/ thog ma dang tha ma med pas spong bar rab tu dka' 'o// da ma smras nye ba ltar byed pa ni thag ring na shes par dka'i// nyen shes par sla'o// 'dod pa ni de lta ma yin te/ nye na'ang shes dka' na ring ba lta ci smos te/ don de bas na byang chub sems dpa' ni 'dod chags la sgyus nye bar byed pa bas kyang lhag par rtogs so// sems can thams cad ni 'dod chags kyi kun nas nyon mongs pas mya ngan las 'das pa chen po dang thag ring zhing / 'khor ba dang dus nye bar gyur to// rtag pa dang / bde ba dang / bdag dang

  386. 194a

    yongs su dag pa dang bag rnying zhing / mi rtag pa dang / thug bsngal ba dang / bdug med pa dang / yongs su ma dag pa dang nye bar gyur to// de bas na ngas ma sde kun las dri ma rnam pa gsum bshad de/ ma rig pa'i phyir da ltar gyi dngos po la nyes pa'i skyon ma mthong ste spong mi nus so// 'dod chags kyi dgras smras nye ba ltar byed pa ni nams kyang mkhas pa shes rab can la gnod pa byed mi nus so/ / de bas na byang chub sems dpa' ni 'dod pa 'di rab tu rtogs shing 'jigs pa chen po skyes nas/ 'phags pa'i lam brgyad la nan tan byed pa ni/ ji ltar mi de sbrul gdug pa bzhi dang / rigs ngan lnga dang / sgyus nye ba gcig la 'jigs pas lam du zhugs nas/ phyir mi ldog pa bzhin no// grong khyer stong pa zhes bya ba ni skye mched drug go/ byang chub sems dpa' sems dpa' chen po nang gi skye mched drug la stong pa ci'ang med pa grong khyer stong pa dang 'dra bar rtog go/ ji ltar 'jigs pa'i mi de grong khyer stong par zhugs nas/ mi gcig kyang mi mthong zhing rdza ma dang snod kun tu bltas kyang rdzas gcig kyang ma rnyed pa bzhin te/ byang chub sems dpa' yang de dang 'dra bar skye mched drug la yang dag par brtags stong pa ci'ang med pa sems can gyi rdzas gcig kyang bden pa ma mthong ngo / / de bas na byang chub sems dpa' nang gi skye mched drug la stong pa ci'ang med pa zong khyer stong pa de dang 'dra bar rdzog

  387. 194b

    go/ / rigs kyi tha grong khyer stong pa de la dgra dang rkun po rnams kyis rkyang nas bltas na/ stong pa'i 'du shes yong mi skye'o// brus pa ma rabs so so'i skye bo'ang de dang 'dra ste/ skye mched drug gi grong khyer la stong pa'i 'du shes mi skye'o/ / stong pa'i 'du shes ma bskyed pa'i phyir/ 'khor bar 'khor te sdug bsngal tshad med pa snyed myong bar gyur to// rigs kyi bu dgra dang rkun po rnams der phyin nas gdod stong pa'i 'du shes bskyed pa dang 'dra bar/ byang chub sems dpa' yang de dang 'dra ste/ skye mched drug po 'di la brtags na/ rtag tu stong pa'i 'du shes skye'o/ / stong pa'i 'du shes bskyed pas 'khor bar mi 'khor zhing sdug bsngal mi myong bar gyur to// byang chub sems dpa' sems dpa' chen po ni skye mched drug po 'di la phyin ci log to ma gyur to/ / phyin ci log tu ma gyur pa'i phyir 'khor bar 'khor bar ma gyur to// gzhan yang rigs kyi bu rkun po rnams ni grong khyer stong par zhugs na bde ba 'thob par 'gyur ro// nyon mongs pa'i rkun po rnams kyang de dang 'dra ste/ skye mched drug po de la zhugs na bde ba 'thob par 'gyur ro// de ltar rkun po rnams grong khyer stong par gnas na/ 'jigs pa'i sems med pa ltar nyon mongs pa'i dgra rnams kyang de dang 'dra ste/ skye mched drug po de la gnas na 'jigs pa med do// ji ltar grong khyer stong pa de ni seng ge dang / stag dang / spyang ki dang /

  388. 195a

    gcan gzan ma rungs pa thams cad kyi gnas dang 'dra ba ltar/ nang gi skye mched drug po de'ang de dang 'dra ste/ nyon mongs pa'i gcan gzan ma rungs pa mang po thams cad kyi gnas so/ / de bas na byang chub sems dpas skye mched drug ni stong pa ci'ang med pa/ mi dge ba thams cad kyi gnas yin par rab tu rtog go/ gzhan yang rigs kyi bu byang chub sems dpa' sems dpa' chen po nang gi skye mched drug la stong pa ci'ang med pa grong khyer stong pa de dang 'dra bar rtog go/ / de ci'i phyir zhe na/ yang dag pa ma yin pas bslu ba'i phyir// stong pa ci'ang med pa la yod par 'du shes pa dang / yang dag pa bde ba med par bde bar 'du shes pa dang / yang dag par mi med par mir 'du shes so// nang gi skye mched drug kyang dedang 'dra ste/ stong pa ci'ang med pa las/ yod par 'du shes pa dang / yang dag par bde ba med par bde bar 'du shes pa dang / yang dag par mi med par mir 'du shes te/ mkhas pa shes rab can 'ba' zhig gis yang dag pa ji lta ba bzhin du rig par nus so// gzhan yang rigs kyi bu grong khyer stong pa ni res 'ga' mo yod/ res 'ga' mi med/ skye mched drug ni de lta ma yin te/ phyogs gcig tu mi byed do// de ci'i phyir zhe na/ ngo bo nyid kyis stong pa'i phyir/ mkhas pa shes rab can gyi shes pa ni mig gis mthong ba ma yin no// dengs

  389. 195b

    na byang chub sems dpa' nang gi skye mched drug la dgra dang tsher ma mang bar rtogs nas/ mi spyod mi dal bar 'phags pa'i lam brgyad la nan tan byed pa ni// ji ltar mi des sbrul gdug pa bzhi dang / rigs ngan lnga dang / mdza' zhing nye ba ltar sgyus 'chos pa gcig dang / rkun po drug la 'jigs nas dben pa'i lam du zhugs pa bzhin no// dgra chen po drug ces bya ba ni phyi rol gyi yul drug ste/ byang chub sems dpa' sems dpa' chen pos yul drug la dgra chen po drug dang 'dra bar rtog go// de ci'i phyir zhe na/ dge ba'i chos thams cad 'phrog pa'i phyir ro/ / ji ltar dgra drug pos mi kun gyi nor rdzas dang rin po che 'phrog nus pa ltar/ yul drug gi dgra'ang de dang 'dra ste/ sems can thams cad kyi dge ba'i nor kun 'phrog nus so// / ji ltar dgra chen drug gal te mi'i khyim du zhugs na/ rdzas bzang ngan mi 'dam par ci yod pa kun 'phrog nus te/ rab tu phyug po'ang dbul bar byed do// yul drug gi dgra'ang de dang 'dra ste/ gal te mi'i dbang por zhugs na/ dge ba'i chos thams cad 'phrog par gyur te/ dge ba'i chos zad pas dbul 'phongs nas log sred can gyi las kyang byed do// de bas na byang chub sems dpa' yul drug la dgra chen po drug dang 'dra bar yang dag par rab tu rtog go// gzhan yang rigs kyi bu dag drug po 'phrog par bshams na nang byan dgos so//

  390. 196a

    gal te nang byan med na de nyid du phyir ldog go// yul drug gi dgra'ang de dang 'dra ste/ dge ba'i chos 'phrog par bshams na/ nang gi sems can du shes shing mthong ba dang / rtag pa dang / bde ba dang / bdag dang / yongs su dag pa dang / stong pa ma yin pa la sogs pa'i mtshan mar mthong ba dang shes pa dgos so// gal te nang na de lta bu la sogs pa'i mtshan mar 'dzin pa med na/ yul drug gi dgra ma rungs pas dge ba'i chos thams cad 'phrog mi nus so// mkhas pa shes rab can ni ngan de lta bu'i mtshan ma med do/ / bus pa ma rabs la ni de lta bu yod do// de bas na yul drug gis rtag tu dge ba'i chos kyi nor 'phrog tu 'ongs te/ legs par ma bsrungs pas 'phrog par gyur to/ / srung ba ni shes rab ste/ shes rab can dag gi legs par bsrungs pas 'phrog par ma gyur to// de bas na byang chub sems dpas yul drug la dgra chen po drug dang 'dra bar khyad par med par rtogs so/ / gzhan yang rigs kyi bu dgra chen po drug ni gzhan dag gi lus dang sems sdug bsngal gyis gdungs par byed nus so// yul drug gi dgra'ang de dang 'dra ste/ rtag tu sems can gyi lus dang sems sdug bsngal gyis gdungs par byed do// dgra chen po drug ni de ltar gyi nor 'ba' zhig 'phrog nus kyi/ yul drug gi degra de ni rtag

  391. 196b

    tu sems can gyi dus gsum gyi dge ba'i nor kun 'phrog go/ dgra chen po drug ni rom nub ra dga' 'o// yul drug gi dgra ma rungs pa'ang de dang 'ja ste/ ma rig pa'i mun pa la gnas na dag bar 'gyur ro/ / dgra chen po drug po de ni rgyal po rnams kyis dbab nus so// yul drug gi dgra ma rungs pa'ang de dang 'dra ste/ sangs rgyas dang byang chub sems dpa' rnams kyis dab ba nus so/ / dgra chen po drug des 'phrog par bsams na/ bzang po dang / cho rigs bzang po dang / dbang po rno ba dang / mang du thos pa dang / rgyas par slob pa dang / lang tshe ba dang / btsun pa dang / dbul ba dang / dma' ba mi 'dam mo// yul drug gi dgra'ang de dang 'dra ste/ dge ba'i chos 'phrog par bsams na bzang po nas/ dbul zhing dma' ba'i bar du mi 'dam mo/ / dgra chen po drug po la rgyal po dag gis rkang lag gcad kyang de'i sems ni zhi bar byed mi nus so// yul drug gi dgra ma rungs pa'ang de dang 'dra ste/ rgyun du zhugs pa dang / lan cig phyir log pa dang / lan cig phyir mi log pa dag gis rkang lag gtubs kyang dge ba'i chos mi 'phrog par byed mi nus so// skyes bu dpa' bo dag gis ni dgra chen po drug gdul zhing dbab rus so/ / sangs rgyas dang byang chub sems dpa' rnams de dang 'dra ste/ yul drug gi dgra chen po btul zhing dab banus so// dper

  392. 197a

    nu pa tshan che zhing rags pa la ni dgra drug pos 'phrog par mi 'gyur ro/ / sems can yang de dang 'dra ste/ dge ba'i bshes gnyen yod na yul drug gi dgra ma rungs pas 'phrog par mi 'gyur ro/ / dgra chen po drug po des gal te mi'i nor mthong na/ gzod du'am 'phrog nus so// yul drug ni de lta ma yin te mthong ngam/ shes sam/ thos sam/ dri bro 'am/ reg gam/ tshor ba tsam gyis kyang 'phrog nus so// dgra chen po drug ni 'dod pa'i khams kyi mi rnams kyi nor rdzas 'ba' zhig 'phrog nus kyi/ gzugs dang gzugs med pa'i khams kyi 'phrog mi nus so/ / yul drug gi dgra ma rungs pa ni de lta ma yin te/ khams gsum gyi dge ba'i nor rin po che thams cad 'phrog nus so// de bas na byang chub sems dpas yul drug la dgra drug po bas lhag par yang dag par rab tu rtog go/ / de ltar rtogs nas 'phags pa'i brgyad nan tan byed pa la phyin phyin du mi ldog par ni/ ji ltar 'jigs pa de sbrul gdug pa bzhi dang / rigs ngan lnga dang / nye ba ltar sgyus 'chos pa gcig dang / dgra chen po drug dang / grong khyer stong pas 'jigs shing lam du zhugs te song ba dang 'dra'o/ / lam du chu chen po dang zad pa zhes bya ba ni nyon mongs pa yin te/ ji ltar byang chub sems dpas nyon mongs pa de la chu chen po dang 'dra bar rtog cen// chu drag pos spos

  393. 197b

    kyibal glang yang khyer gyis g.yeng nus pa ltar/ nyon mongs pa'i chu drag po'ang de dang 'dra ste/ rang sangs rgyas kyang g.yeng nus so// de bas na byang chub sems dpas nyon mongs pa la chu drag po dang 'dra bar rab tu rtog go/ / de la zab cing gting dpag dka' bas na chu'i klung zhes bya'o// mthar thug pa med pas che zhes bya ba ste/ de ni nang na reg bya ma rungs pa la sogs pa rnam pa sna tshogs yod do/ / nyon mongs pa'i klung chen po'ang de dang 'dra ste/ sangs rgyas dang byang chub sems dpa' 'ba' zhig gis gting la thug pa'i phyir shin tu zab pa zhes bya'o// sangs rgyas dang byang chub sems dpa' 'ba' zhig gis mthar gtugs pa'i phyir yangs shing che ba zhes bya'o// rtag tu sems can thams cad la 'tshe ba'i phyir reg bya ma rungs pa zhes bya ste/ de bas na byang chub sems dpas nyon mongs pa de la chu chen po dang 'dra bar rtog go/ klung chen po'i chu ni rtswa dang / shi de dang / chu dang / nags tshal thams cad skyed nus so/ / nyon mongs pa'i klung chen po'i chu'ang de dang 'dra ste/ sems can gyi srid pa nyi shu rtsa lnga skyed nus so// de bas na byang chub sems dpas nyon mongs pa la klung chen po dang 'dra bar rtog go/ / dper na mi zhig chu chen por lhung na khrel ba dang mdzem pa med do// sems can dag kyang de dang 'dra ste/ nyon mongs pa'i chur lhung na khrel pa dang 'dzem pa med do// chu chen

  394. 198a

    por lhung na gting dum byin par tshe'i dus byas par 'gyur ro/ / nyon mongs pa'i chur lhung ba'ang de dang 'dra ste/ gting la mthug par srid pa'i shu ma lnga'i rna du 'khor zhing 'khor bar 'gyur ro/ / gting zhes bya ba ni stong pa'i mtshan nyid do// gang stong pa'i mtshan nyid la nan tan ma byas na/ de ni srid pa nyi shu rtsa lnga las ring du gyur pa ma yin par rig par bya'o/ / sems can thams cad ni stong pa dang mtshan ma med pa la nan tan ma byas pas/ rtag tu nyon mongs pa'i chu drag pos khyer ro// chu chen po ni lus 'ba' zhig g.yeng zhing gzhig nus kyi/ dge ba'i chos thams cad la g.yang mi nus so// nyon mongs pa'i chu chen po ni de lta bu ma yin te/ lus dang sems kyi dge ba'i chos thams cad gzhig nus so/ / chu drag po chen po chen po ni 'dod pa'i khams kyi mi 'ba' zhig g.yeng zhing khyer nus kyi/ nyon mongs pa'i chu chen po ni khams gsum gyi lha dang mi thams cad g.yeng zhing khyer nus so/ / 'jig rten gyi chu chen po ni lag pas sprul zhing rkang pas 'bras na pha rol gyi 'gram du phyin par 'gyur ro// nyon mongs pa'i chu chen po la ni byang chub sems dpa' 'ba' zhig pa rol tu phyin pa drug gi rgyus pha rol tu phyin par 'gyur ro/ / ji ltar chu chen po ni shin tu rgal dka' ste/ nyon mongs pa'i chu chen po'ang nga dang 'dra bar shin tu rgal dka' 'o// de la ji ltar

  395. 198b

    na shin tu rgal dka' ba zhes bya zhe na/ 'di ltar sa bcu pa'i byang chub sems dpa' rnams kyi bar du yang mthar brgal bar ma gyur te/ sangs rgyas 'ba' zhig mthar brgal bar gyur pas/ de bas na shin tu rgal dka' ba zhes bya'o// dper na mi la la zhig chu chen pos g.yengs na dge ba'i chos spu'i nyug tsam yang spyod mi nus so// sems can yang dang 'dra ste nyon mongs pa'i chus g.yengs na dge ba'i chos spyod mi nus so/ / ji ltar mi dag chur lhung zhing g.yengs par gyur na mthu yod pa dag gis dbyung nus so// nyon mongs pa'i chutshur lhung ba'i log sred can ni nyan thos dang / rang sangs rgyas dang / de bzhin gshegs pa'i bar du'ang dbyung mi nus so// 'jig rten na chu chen po ni bskal pa byung ba'i tshe nyi ma bdun gyis gdungs na bskams par nus so/ / nyon mongs pa'i chu klung chen po ni de lta ma yin te/ nyan thos dang rang sangs rgyas kyis byang chub kyi yan lag bdun bsgoms kyang bskams par mi nus so/ / de bas na byang chub sems dpas nyon mongs pa rnams la chu drag po dang 'dra bar rtog ste/ ji ltar mo des sbrul gdug pa bzhi dang / rigs ngan lnga dang / nye bar smras 'chos pa gcig dang / dgra chen po drug gis 'jigs te/ grong khyer stong pa btang nas lam du zhugs te song ba las/ chu chen po dang phrad nas rtsa bsdus te gzings bcas pa dang

  396. 199a

    mtshungs so/ / byang chub sems dpa' yang de dang 'dra ste/ chen po bzhi'i sbrul gdug pa dang / phung po lnga'i rigs ngan dang / 'dod chags kyi nye ba ltar sgyus 'chos pa dang / skye mched drug gi grong khyer stong pa dang / yul drug gi dgra ma rungs pas 'jigs nas/ nyon mongs pa'i chu 'gram du phyin pa dang / tshul khrims dang / ting 'dzin dang / rnam par grol ba dang / rnam par grol ba mkhyen cing gzigs pa dang / pha rol tu phyin pa drug dang / byang chub kyi phyogs kyi chos sum cu rtsa bdun bsgoms pas gru dang gzings byas te/ gzings de la brten nas nyon mongs pa'i chu las brgal te/ pha rol gyi 'gram du rtag pa dang bde ba'i mya ngan las 'das pa'i mthar phyin to// byang chub sems dpa' mya ngan las 'das pa chen po bsgoms pas 'di snyam du sems so/ / bdag gal te lus kyi sdug bsngal dang / sems kyi sdug bsngal de lta bu bzod mi nus na/ sems can thams cad nyon mongs pa'i chu las sgrol mi nus so snyam sems so// de ltar bsams pas lus dang sems las de lta bu'i sdug bsngal gyis gdungs pa yod kyang rog par bzod pa nyams su len no/ / bzod pa nyams su blangs pas zag pa skye bar mi 'gyur ro// de lta bu'i byang chub sems dpa' la'ang zag pa rnams med na/ sangs rgyas

  397. 199b

    bcom ldan 'das la zag pa mi mnga' blta ci smos te/ de bas na de bzhin gshegs pa ni zag pa dang bcas shes mi bya'o// ji ltar na de bzhin gshegs pa ni zag pa med pa'ang ma yin pa zhe na/ de bzhin gshegs pa rtag tu zag pa dang bcas pa'i nang du gshegs pa ste/ zag pa dang bcas pa ni srid pa nyi shu lnga yin pas/ de bas na nyan thos dang bus pa ma rabs so so'i skye bo dag gis/ bcom ldan 'das la zag pa yod do zhes zer te/ yang dag par na sangs rgyas bcom ldan 'das rnams ni zag pa med pa'o// rigs kyi bu de'i rgyu de'i rkyen gyi sangs rgyas bcom ldan 'das rnams ni nges pa'i mtshan nyid med do/ / rigs kyi bu de bas na tshul khrims kyi rtsa ba bzhi bshig pa dang / shin tu rgyas pa'i mdo la skur pa dang / log sred can yang ma nges pa'o/ / de nas byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ de de bzhin no// de de bzhin te/ ji ltar bcom ldan 'das kyis gsungs pa bzhin te/ chos thams cad kyang ma nges pa'o// de ltar ma nges pas na de bzhin gshegs pa mthar yongs su mya ngan las 'das par ma zhugs par rig go/ / ji ltar bcom ldan 'das kyis sngar gsungs pa las/ byang chub sems dpa' sems dpa' chen po mya ngan las 'das pa chen po bsgoms pas/ ma thos

  398. 200a

    padzes pa'i nang nas mya ngan las 'das pa dang / mya ngan las 'das pa chen po mchis zhes gsungs te/ de la mya ngan las 'das pa ni gang lags ngan las 'das pa chen po zhes bgyi ba ni gang lags/ / de nas bcom ldan 'das kyis/ byang chub sems dpa' sems dpa' chen po kun tu snang ba mtho btsun dpal gyi rgyal po la legs so legs so zhes bya ba byin no/ / rigs kyi bu gal te byang chub sems dpa' gang dran pa'i gzungs thob pa de ni gzod khyod dang 'dra bar 'dri nus so// rigs kyi bu 'jig rten pa dag ni mtsho dang mtsho chen por gdags pa dang / klung dang krung chen po dang / ri dang ri chen po dang / sa dang sa chen po dang / grong khyer dang grong khyer chen po dang / sems can dang sems can chen po dang / rgyal po dang rgyal po chen po dang / mi dang mi chen po dang / lha dang lha'i nang na lha dang / lam dang lam chen po yod do zhes gdags pa ltar mya ngan las 'das pa'ang de dang 'dra ste/ mya ngan las 'das pa dang mya ngan las 'das pa chen po'ang yod do// ji ltar na mya ngan las 'das pa gang zhe na/ rigs kyi bu ji ltar bkres pa zas cung zad rnyed na bde zhes bya ste/ de ltar bde ba de'ang mya ngan las 'das pa zhes bya'o// nad pa nad sos pa ni bde zhes bya ste/ de ltar bde ba de'ang mya ngan las 'das pa

  399. 200b

    zhes bya'o/ / ji ltar 'jigs pas skyabs dang rten rnyed pa ni bde ba thob pa zhes bya ste/ de ltar bde ba de'ang mya ngan las 'das pa zhes bya'o// ji ltar dbul pos rin po che sna bdun rnyed na bde ba thob pa zhes bya ste/ de ltar bde ba de'ang mya ngan las 'das pa zhes bya'o// ji ltar keng rus la rtog pa 'dod chags mi skye bar gyur pa ni bde ba thob pa zhes bya ste/ de ltar bde ba de'ang mya ngan las 'das pa zhes bya'o/ / de ltar mya ngan las 'das pa de dag ni mya ngan las 'das pa chen po zhes mi bya'o// de ci'i phyir zhe na/ bkres shing skom pa dang / na ba dung 'jigs pa dang / 'dod chags pa'i phyir mya ngan las 'das pa zhes bya ste/ mya ngan las 'das pa chen po ni ma yin no// rigs kyi bu gal te bus pa ma rabs dang nyan thos la sogs pa 'on te kun rdzob la bam/ 'on te 'phags pa'i lam gyi rkyen gyis 'dod pa'i khams kyi kun nas nyon mongs pa chod pa na bde ba thob pa zhes bya ste/ de ltar bde ba thob pa de'ang mya ngan las 'das pa zhes bya mod kyi/ mya ngan las 'das pa chen po zhes mi bya'o// bsam gtan dang po'i kun nas nyon mongs pa chod pa nas/ 'du shes med 'du shes med min skye mched stengs kyi bar gyi kun nas nyon mongs pa chod pa'ang bde ba thob par 'gyur te/ de ltar bde ba thob pa de'ang mya ngan las 'das pa zhes bya ste/ mya ngan las

  400. 201a

    'das pa chen po zhes mi bya'o/ / de ci'i phyir zhe na/ nyon mongs pa skye zhing srid pa'i bag chags kyi phyir yang skye ba'i phyir ro// ji ltar nyon mongs pa'i ngag chags zhes bya zhe na/ nyan thos dang rang sangs rgyas la nyon mongs pa'i bag chags yod do// 'di lta ste/ bdag gi lus/ bdag gi gos/ bdag 'gro/ bdag 'ong / bdag gis bshad/ bdag gis mnyan/ sangs rgyas bcom ldan 'das rnams ni yongs su mya ngan las 'das te/ mya ngan las 'das pa'i rang bzhin ni bdag med/ bde ba med de/ rtag pa dang / yongs su dag pa 'ba' zhig yod do zhes smra ba de ni nyon mongs pa'i bag chags shes bya'o// sangs rgyas dang / chos dang / dge 'dun la khyad par mtshan nyid yod de/ de bzhin gshegs pa mtha' yun du mya ngan las 'das pas nyan thos dang / rang sangs rgyas dang / sangs rgyas bcom ldan 'das rnams kyis mya ngan las 'das pa 'thob pa ni mnyam ste/ khyad par med do zhes smras te/ don de lta bas na theg pa gnyis kyis thob pa ni mya ngan las 'das pa chen po ma yin no// de ci'i phyir zhe na/ rtag pa dang / bde ba dang / bdag dang / yongs su dag pa med pa'i phyir te/ rtag pa dang / bde ba dang / bdag dang / yongs su dag pa ni mya ngan las 'das pa

  401. 201b

    chen po zhes bya'o/ / rigs kyi bu dper na chu mang po shong ba'i gnas ni rgya mtsho zhes bya ste/ nyan thos dang / rang sangs rgyas dang / byang chub sems dpa' dang / sangs rgyas bcom ldan 'das 'jug pa'i gnas ni mya ngan las 'das pa chen po zhes bya'o/ / bsam gtan bzhi dang / ting nge 'dzin gsum dang / skyes bu ya brgyad dang / gnas dam pa brgyad dang / kun tu 'gro ba bcus dge ba'i chos tshad med pa de rnams sdud pa ni mya ngan las 'das pa chen po zhes bya'o// rigs kyi bu dper na klung gang spos kyi bal glang mchog gis rkang pa mi tshugs pa ni klung chen po zhes bya ste/ nyan thos dang rang sangs rgyas nas/ sa bcu pa'i byang chub sems dpas sangs rgyas kyi rang bzhin mi mthong ba ni mya ngan las 'das pa zhes bya'i/ mya ngan las 'dres pa chen po ma yin no// gang sangs rgyas kyi rang bzhin gsal bar mthong ba ni mya ngan las 'das pa chen po zhes bya'o// mya ngan las 'das pa chen po 'di la khyu mchog 'ba' zhig gis gting la zug go/ / khyu mchog ces bya ba ni/ 'di lta ste/ bcom ldan 'das so// rigs kyi bu gyad ma hA na ga dang / par gan 'da' la sogs pas yun ring du bsal te gzegs kyang mi gzegs pa na ro chen po zhes bya'o/ / nyan thos dang / rang sangs rgyas dang / byang chub sems dpa' rnams dang /

  402. 202a

    gyad ma hA na ga la sogs mi mthong ba de ni mya ngan las 'das pa chen po zhes bya'o// gzhan yang rigs kyi bu gang nas gang du rgyal po chung ngu 'dug pa'i gnas ni grong khyer chung ngu zhes bya'o/ / 'khor los sgyur ba'i rgyal po gnas pa'i gnas ni grong khyer chen po zhes bya'o// nyan thos dang rang sangs rgyas brgyad khri 'am/ drug khri'am/ bzhi khri 'am nyi khri 'am/ khri gnas pa'i gnas ni mya ngan las 'das pa zhes bya/ bla na med pa'i chos kyi mnga' bdag 'khor los sgyur ba'i rgyal po gnas pa'i gnas ni yongs su mya ngan las 'das pa chen po zhes bya ste/ de bas na yongs su mya ngan las 'das pa chen po zhes bya'o// rigs kyi bu dper na mi la la zhig dmag rnam bzhi mthong yang 'jigs pa mi skye ba ni sems can chen po zhes bya'o/ / gal te sems can gang ngan song gsum gyi lam du nyon mongs pa'i lam ngan pa las 'jigs pa mi skye ste/ de dag tu sems can rgyas par grol ba ni mya ngan las 'das pa chen po thob pa yin par rig par bya'o/ / gal te gang pha ma la sri zhu byed cing dge sbyong dang bram ze la bkur sti byed de/ dge ba'i chos la nan tan byed cing smras socog bden la brdzun dang bslu ba med de/ ngan pa rnams bzod pa dang dbul po 'phongs pa la gtong zhing sbyin pa byin nus pa ni skye tha chen po zhes bya'o// byang chub sems dpa'

  403. 202b

    yang de dang 'dra ste/ byams pa dang snying rjes chen po thams cad la brtse ba/ sems can rnams kyi pham lta bur gyur pa/ sems can mang po 'khor ba'i klung las sgrol pa sems can kun la bden pa gcig pa'i lam ston pa ste/ da ni yongs su mya ngan las 'das pa chen po zhes bya'o// rigs kyi bu chen po zhes bya ba ni bsam gyis mi khyab pa ste/ gang bsam gyis mi khyab pa de la sems can thams cad yid ches par mi nus te/ de ni yongs su mya ngan las 'das pa chen po zhes bya'o// sangs rgyas dang byang chub sems dpa' 'ba' zhig mthong bas mya ngan las 'das pa chen po zhes bya'o/ / yang ci'i rgyu ci'i rkyen gyis chen po zhes bya zhe na/ rgyu dang rkyen tshad med pas gdod chen po zhes bya bar 'gyur ro// rigs kyi bu dper na 'jig rten pas rgyu rkyen mang pos byas pa ni chen po zhes bya'o/ / mya ngan las 'das pa'ang de dang 'dra ste/ rgyu rkyen mang pos thob par gyur pas de'i phyir chen po zhes bya'o// yang ji ltar na chen po zhes bya zhe na/ mya ngan las 'das pa la bdag chen po yod pa'i phyir mya ngan las 'das pa chen po zhes bya'o// de la mya ngan las 'das pa bdag med cing dbang chen po thob pa'i phyir bdag chen po zhes bya'o/ / ji ltar na dbang chen po thob pa zhe na/ dbang brgyad thob pa'i phyir bdag ces bya'o// brgyad gang zhe na/ lus gcig la lus

  404. 203a

    mang por ston cing / lus kyi zangs dang che rlung rdul phrar ba snyed kyis phyogs bcu'i 'jig rten gyi khams tshad med pa snyed du 'gengs pa ste/ de bzhin gshegs pa'i sku ni yang dag par na rdul phra mo ma yin yang dbang thob pa'i phyir rdul phra mo snyed kyi sku ston te/ de lta bu'i dbang ni bdag chen po zhes bya ba yin/ rdul gcig tsam gyi skus stong gsum gyi stong chen po'i 'jig rten gyi khams su bkang ba ste/ yang dag par na de bzhin gshegs pa'i sku ni stong gsum gyi stong chen po'i 'jig rten gyi khams gang yang mtha' med cing dbang dang ldan pa'i phyir/ stong gsum gyi stong chen po'i 'jig rten gyi khams su gang ste/ de lta bu'i dbang ni bdag chen po zhes bya ba yin// stong gsum gyi stong chen po'i 'jig rten gyi khams 'di yongs su gang ba'i skus nam mkha' stong pa la 'phur cing / sangs rgyas kyi zhing gang+gA'i klung bcu gnyis kyi bye ma snyed kyi pha rol tu 'gro'ang thogs pa med pa ste/ de bzhin gshegs pa'i sku ni yang dag par na lci ba dang yang ba med de/ dbang gi phyir lci ba dang yang ba mdzad do// de lta bu'i dbang ni bdag chen po zhes bya ba yin/ dbang sgyur ba'i phyir dbang thob par gyur te/ ji ltar dbang zhes bya zhe na/ de bzhin gshegs pa rtse gcig tu gnas te mi g.yo'ang / gzugs dang cha byad tshad med pa snyed ston cing / 'dul ba'i rigs pa la so so

  405. 203b

    nas thugs re res khyab par mdzad do/ / de bzhin gshegs pas res 'ga' dngos po gcig mdzad pa las sems can so so'i bya ba'i don grub par mdzad do// de bzhin gshegs pa'i sku rtag tu zhing gcig na gnas kyang zhing pha rol po thams cad kyis mthong ba mdzad do/ / de lta bu'i dbang ni bdag chen po zhes bya ba yin/ dbang pos dbang thob pa'i phyir te/ ji ltar dbang pos dbang thob pa zhe na/ de bzhin gshegs pa'i dbang po gcig gis gzugs mthong / smra thos/ dri tshor/ ro myong / reg bya tshor zhing / chos nas kyang / de bzhin gshegs pa'i dbang po drug gis gzugs mi mthong / sgra mi thos/ dri mo tshor/ ro mi myong / reg bya mi tshor chos mi shes te/ dbang gi phyir dbang pos dbang mdzad de/ de lta bu'i dbang ni bdag chen po zhes bya ba yin/ dbang gi phyir chos thams cad thob par 'gyur te/ de bzhin gshegs pa'i thugs la thob pa'i 'du shes med do/ / de ci'i phyir zhe na/ thob pa med pa'i phyir ro// gal te yod pa zhig na thob pa zhes kyang bya na/ yang dag par ci'ang med par ci thob pa zhes gdags gal te de bzhin gshegs pa la thob pa'i 'du shes mnga' na/ de bzhin gshegs pa mya ngan las 'das par ma gyur te/ thob pa med pa'i phyir mya ngan las 'das par gyur pa

  406. 204a

    zhes bya'o/ / dbang gi phyir chos thams cad thob ste/ chos thams cad 'thob pa'i phyir bdag chen po zhes bya ba yin/ bshad pa'i dbang thob pas/ de bzhin gshegs pas tshigs su bcad pa gcig gi don bskul pa tshad med pa'i bar du bshad kyang don mi zad do/ / 'di lta ste/ tshul khrims sam/ ting nge 'dzin nam/ sbyin pa 'am/ shes rab ste/ de bzhin gshegs pas de'i tshe ngas ni bshad/ pha rol pos ni mnyan to snyam mi dgongs te/ tshogs su bcad pa gcig gi 'du shes kyang mi skyed do// 'jig rten pas ni chog bcad bzhi la tshigs su bcad pa gcig ces bya ste/ 'jig rten pa'i rjes su bcad pa gcig ces bshad do// chos kyi ngo bo nyid ni bshad pa'ang med de/ dbang gi phyir de bzhin gshegs pas bshad de/ bshad pa'i phyir bdag chen po zhes bya ba yin/ de bzhin gshegs pas ni gnas thams cad du khyab ste// nam mkha' stong pa dang 'dra'o/ / nam mkha'i ngo bo nyid ni bsgyur med pa ste/ de bzhin gshegs pa'ang de dang 'dra bar yang dag par na bstar med kyang dbang gi phyir thams cad mthong bar byed de/ de lta bu'i dbang ni bdag chen po zhes bya ba yin no/ / de lta bu'i bdag chen po ni mya ngan las 'das pa chen po zhes bya'o// don de lta bas na mya ngan las 'das pa chen po zhes bya'o// gzhan yang rigs d

  407. 204b

    per na rin po che'i gter ni nor dbyig mang zhing rnam pa sna tshogs dang ldan pas na gter chen po zhes bya'o/ / de bzhin gshegs pa'i gter shin tu zab mo'ang de dang 'dra ste/ ngo mtshar rmad dang ldan zhing nyams pa med pas mya ngan las 'das pa chen po zhes bya'o/ / gzhan yang rigs kyi bu nor rdzas mtha' med pa ni bde ba chen po zhes bya ste/ mya ngan las 'das pa'ang mtha' med pas chen po zhes gdags so/ / gzhan yang rigs kyi bu bde ba chen po yod pas mya ngan las 'das pa chen po zhes bya ste/ mya ngan las 'das pa ni bde ba med do// bde ba rnam pa bzhi'i phyir mya ngan las 'das pa chen po zhes bya'o/ / bzhi gang zhe na/ bde ba rnams cad pa'i phyir te/ bde ba ma gcad pa ni sdug bsngal zhes bya'o// gang sdug bsngal yod pa ni bde ba chen po zhes mi bya'o/ / bde ba bcad pa'i phyir sdug bsngal med do// sdug bsngal dang bde ba med pa ni bde ba chen po zhes bya'o// mya ngan las 'das pa'i rang bzhin ni sdug bsngal dang de ba med de/ de bas na mya ngan las 'das pa ni bde ba chen po zhes bya ste/ don de lta bas na mya ngan las 'das pa chen po zhes bya'o// gzhan yang rigs kyi bu bde ba la rnam pa gnyis bus pa ma rabs dang / sangs rgyas so// bus pa ma rabs kyi bde ba ni mi rtag pa 'jig pa yin pas bde ba med de/ de bzhin gshegs pa'i rtag pa dang bde ba ni 'gyur ba

  408. 205a

    'am 'pho ba med pas/ mya ngan las 'das pa chen po zhes bya'o// rigs kyi bu gzhan yang tshor ba la rnam pa gsum ste/ gang zhe na/ bde bar tshor pa dang / sdug bsngal bar tshor ba dang / bde ba'ang ma yin sdug bsngal ba'ang ma yin par tshor ba ste/ bde ba'ang ma yin sdug bsngal ba'ang ma yin pa tshor ba'ang sdug bsngal du 'gyur te/ mya ngan las 'das pa'ang sdug bsngal ba'ang ma yin pa bde ba'ang ma yin pa dang 'dra mod kyi/ de la ni bde ba chen po zhes bya'o// bde ba chen po'i phyir mya ngan las 'das pa chen po zhes bya'o/ / rab tu zhi ba'i phyir mya ngan las 'das pa chen po zhes bya ste/ mya ngan las 'dres pa'i rang bzhin ni rab tu zhi ba'o// de ci'i phyir zhe na/ 'du 'dzi'i chos thams cad dang bral bas rab tu zhi ba'i phyir mya ngan las 'das pa chen po zhes bya'o/ / thams cad shes pa'i phyir bde ba chen po zhes bya'o// thams cad mi shes pa ni bde ba zhes mi bya'o// sangs rgyas bcom ldan 'das ni thams cad mkhyen pas bde ba chen po zhes bya'o/ / bde ba chen po'i phyir mya ngan las 'das pa chen po zhes bya'o// lus mi 'jig pa'i phyir bde ba chen po zhes bya'o// lus 'jig par gyur pan bde ba zhes mi bya'o/ / de bzhin gshegs pa'i sku ni rdo rje ltar mi 'jig pa ste/ nyon mongs pa'i lus ma yin/ mi rtag pa'i lus ma yin pas bde ba chen po zhes bya'o// bde ba chen po yin

  409. 205b

    pas mya ngan las 'das pa chen po zhes bya'o/ / rigs kyi bu 'jig rten na ming du btags pa kha cig ni rtswa dang rjen yod do// kha cig ni rgyu dang rkyen med do// rgyu dang rkyen yod pa ni/ dper na sh+tsa ri'i bu lta bu ma'i ming shA ri zhes bya ba'i rgyan gyis ming btags pa'i phyir shA ri'i bu zhes btags so/ / dge slong ma tu la zhes bya ba yul ma tu lar skyes te/ yul gyi ming las ma tu la zhes btags so/ / mo'u 'gal ya na zhes bya ba ni rus yin te/ rus las ming brtags pa'i phyir mo'u 'gal zhes btags so// dper na nga ni go'u ta ma'i rigs las skyes te/ de'i phyir go'u ta ma zhes btags so/ / dge slong bi sha ka zhes bya ba ni skar ma'i ming ste/ skar ma'i ming las ming thob pas bi sha ka zhes btags so// ji ltar sor mo drug po sor mo drug gi rkyen gyis sor mo drug pa zhes ming du btags so/ / sangs rgyas sbyin dang lha sbyin zhes bya ba'ang / sangs rgyas dang lha'i rkyen gyis sangs rgyas sbyin dang lha sbyin zhes btags so// drod gsher las skyes pa'i rkyen gyis gsher skyes zhes btags so// dper na sgra'i sgras ka ka la zhes bya ba dang / ku'u ku'u la zhes bya ba dang / tsu tsul zhes bya bar ming du btags te/ de lta zul sogs pa'i ming ni d+hu dang rkyen las btags pa'i ming zhes bya'o// rgya rkyen med pa ni/ ji ltar pad+mo dang / sa dang / chu dang / me dang / rlung dang / nam mkha' lta bu dang / mnad

  410. 206a

    rab ni gzhal med khang skom 'thung zhes rgya ste/ gzhal med khang skom mi 'brang yang man dAr ba zhes bya ba dang / sarba NatA zhes b+hA ba ni sbrul gyi thag ba ces !/ yang dag par sprul gyi thag pa ma yin yang / de'i rgyu med par nan gyis ming du btags pa'o// ji ltar ji lta ba yi zhes bya ba ni mar 'thung ba zhes bya ste/ yang dag par mar mi 'azung bar mar 'thung ba zhes btags te/ de'i rgyu med par nan gyis ming du btags pa'o// rigs kyi bu mya ngan las 'das pa chen po 'di'ang de dang 'dra ste/ rgyu dang rkyen med par nan gyis ming btags so/ / rigs kyi bu dper na nam mkha' ni nam mkha' cung zad kyis chen po zhes mi bya'o// mya ngan las 'das pa'ang de dang 'dra ste/ mtshan nyid cung zad kyis mya ngan las 'das pa zhes mi bya'o/ / rigs kyi bu dper na chos gzhal du med pa bsam gyis mi khyab pa ni chen po zhes bya'o// mya ngan las 'das pa'ang de dang 'dra ste/ gzhal du med bsam gyis mi khyab pas yongs su mya ngan las 'das pa chen po zhes bya'o/ / yongs su dag pa 'da' zhig pas mya ngan las 'das pa chen po zhes bya'o// ji ltar na yongs su dag pa 'ba' zhig ces bya zhe na/ yongs su dag pa la rnam pa bzhi ste/ de la srid pa nyi shu rtsa lnga po ni ma dag pa zhes bya'o// de dag rab tu chod pas yongs su dag pa zhes bya'o// dag pa 'di nyid mya ngan

  411. 206b

    las 'das pa zhes bya ste/ mya ngan las 'das pa de la srid pa zhes bya'ang / mya ngan las 'das pa 'di nyid ni yang dag par na srid pa ma yin te/ sangs rgyas bcom ldan 'das kyis 'jig rten pa'i rjes su mya ngan las 'das pa'ang srid par bshad do/ / dper na 'jig rten pas pha ma ma yin par pha ma zhes zer te/ yang dag par pha ma ma yin par pha ma zhes zer ro// mya ngan las 'das pa'ang de dang 'dra ste/ 'jig rten pa'i rjes su de bzhin gshegs pa la mya ngan las 'das pa chen po mnga' 'o zhes gsungs pa yin/ las rnam par dag pa ste/ bus pa ma rabs thams cad la las rnam par ma dag pa'i phyir mya ngan las 'das pa med do/ / sangs rgyas bcom ldan 'das la ni 'phrin las yongs su dag pa'i phyir yongs su dag pa chen po zhes bya ste/ yongs su dag pa chen po yin pas na mya ngan las 'das pa chen po zhes bya ba yin/ lus yongs su dag pa ste/ gal te lus mi rtag pa ma dag pa yin/ de bzhin gshegs pa'i sku ni mi rtag pa ma yin pas/ yongs su dag pa chen po zhes bya ste/ yongs su dag pa chen po'i phyir mya ngan las 'das pa chen po zhes bya ba yin/ sems yongs su dag pa ste/ gal te zag pa dang bcas na ma dag pa zhes bya'o/ / de bzhin gshegs pa ni zag pa ni mnga' bas yongs su dag pa chen po zhes bya ste/ yongs su dag pa chen po'i phyir mya ngan las 'das pa chen po

  412. 207a

    zhes bya ba yin te bzhi'o/ / rigs kyi bu deni rigs kyi bu 'am/ rigs kyi bu mos mya ngan las 'das pa chen po'i mdo 'di bsgoms pa'i yon tan dang ldan pa gcig ces bya'o/ / // 'phags pa yongs su mya ngan las 'das pa chen po'i mdo dam po'i shu bzhi pa// / gzhan yang rigs kyi bu de la ji ltar na byang chub sems dpa' sems dpa' chen pos yongs su mya ngan las 'das pa chen po'i mdo sde las nan tan byed pa'i bsod nams gnyis pa dang ldan pa zhe na/ rigs kyi bu byang chub sems dpa' sems dpa' chen pos yongs su mya ngan las 'das pa chen po'i mdo sde la nan tan byed pa na sngon ma thob pa thob par 'gyur/ sngon ma mthong ba mthong bar 'gyur/ sngon ma thos pa thos par 'gyur/ sngon ma phyin pa phyin par 'gyur/ sngon mi shes pa shes par 'gyur ro// de la ji ltar na sngon ma thob pa thob par 'gyur ba zhe na/ 'di lta ste/ rdzu 'phrul sngon ma thob pa du thob par 'gyur ba'o/ / rdzu 'phrul rnam pa gnyis te/ nang dang / phyi rol lo// phyi rol ces bya ba ni mu stegs can dang thun mong ba'o// nang zhes bya ba la'ang rnam pa gnyis te/ theg pa gnyis dang byang chub sems dpa'a'o// byang chub sems dpa' yongs su mya ngan las 'das pa chen po'i mdo sde la nan tan byed pa'i rdzu 'phrul thob pa ni/ nyan thos

  413. 207b

    dang rang sangs rgyas dang bran mong ma yin pa'o/ / de la ji ltar na nyan pos dang rang sangs rgyas dang thun mong ma yin pa zhe na/ 'di lta ste/ theg pa gnyis kyis rdzu 'phrul dang cho 'phrul sbrusprul te cog ni bsam pa gcig dang bya ba gcig ste mang por mi 'gyur ro/ / byang chub sems dpa' ni de lta ma yin te/ bsam pa gcig gis lam rgyud lngar yongs su rdzogs par sngon nus so/ / de ci'i phyir zhe na/ yongs su mya ngan las 'das pa chen po'i mdo 'di'i byin gyi rlabs kyi mthu thob pa'i phyir sngon ma thob pa thob pa zhes bya'o// yang ji ltar na sngon ma thob pa thob pa zhe 'di lta ste/ lus kyi dbang po thob pa dang / sems kyi dbang po thob pa'o// de'ang gang zhe na/ bus pa ma rabs thams cad ni lus dang sems kyi dbang ma thob pa ched 'ga' ni lus kyi phyi bzhin sems 'brang / ched 'ga' ni sems kyi phyi bzhin du lus 'brang ngo // de la ji ltar na lus kyi phyi bzhin sems 'brang bzhin/ dper na chang gis myos pa dgra lus kyi nang na chang yod pas/ de'i tshe lus 'gul na sems kyang rjes su 'gul lo// gzhan yang lus ngal na sems kyang ngal bar 'gyur te/ de ni lus kyi phyi bzhin sems 'brang ba zhes bya'o/ / gzhan yang bus pa lus chung ba ni sems kyang chung ngo // mo chen mo'i lus tsha bas sems kyang de bzhin du che'o// gzhan yang la la zhig lus rtsub pas na sems la rtag

  414. 208a

    tu sdum pa dang / 'jam pa dang / mnyen par 'dod de/ de ni lus kyi phyi bzhin sems 'brang zhes bya'o// de la ji ltar na sems kyi phyi bzhin lus 'thang bzhin/ 'di lta ste/ song ba dang / 'ong ba dang / 'dus pa dang / nyal ba dang / sbyin pa dang / tshul khrims dang / bzod pa dang / brtson 'grus byed pa ste gang mya ngan che ba ni da rod kyang ngan no/ / dga' ba ni lus 'tsho zhing mdangs dkar ro// gang 'jigs pa ni lus 'dar ro// rtse gcig tu chos nyan pa ni lus rab tu dga' 'o// cho rdung zhing ngu ba ni mchi ma dang snabs zag ste/ de ni semam gyi phyi bzhin lus 'brang ba zhes bya'o// byang chub sems dpa' ni de lta ma yin te/ lus dang sems gnyis ka'i dbang thob pas sngon ma thob pa da thob pa zhes bya'o/ / gzhan yang rigs kyi bu byang chub sems dpa' sems dpa' chen pos lus kyi dbang po rdul phra rab lta bur ston te/ rdul tsam gyi lus des sangs rgyas kyi zhing gang+gA'i klung gi bye ma tshad med mtha' yas pa snyed kun tu thogs pa med par 'gro'ang sems rtag tu 'dug ste/ sngon gyi gnas nas mi g.yo ba de ni lus kyi phyi bzhin sems mi 'brang ba dang / sngon ma phyin par phyin pa zhes kyang bya'o// yang ji ltar na sngon ma phyin par phyin pa zhe na/ nyan thos dang rang sangs rgyas thams cad ni phyin par mi nus te/ byang chub

  415. 208b

    sems dpas phyin pas/ de'i phyir sngon ma phyin par daphyin pa zhes bya'o// nyan thos dang rang sangs rgyas thams cad ni rdzu 'phrul yod mod kyi/ lus rdul phra rab lta bur sprul te/ sangs rgyas kyi zhing gang+gA'i klung gi bye ma tshad med pa kun tu 'gro mi nus so/ / nyan thos dang rang sangs rgyas ni lus 'gul ba'i tshe sems kyang rjes su 'gul lo// byang chub sems dpa' ni de lta ma yin te/ sems mi 'gul mod kyi/ lus phyin pa'i gnas med de/ de ni byang chub sems dpa' lus kyi rjes su sems mi 'brang ba zhes bya'o// gzhan yang rigs kyi bu byang chub sems dpas lus 'di stong gsum gyi stong chen po'i 'jig rten gyi khams dang 'dra bar sprul te/ lus chen po des rdul phra ra pa gcig gi nang du zhugs kyang / sems de'i tshe de ltar chung bar mi 'gyur ro/ / nyan thos dang rang sangs rgyas ni lus stong gsum gyi stong chen po'i 'jig rten gyi khams tsam sprul nus kyang / lus chen po des rdul phra rab kyi nang du 'dug mi nus te/ dngos po de lta bu dag kyang byed mi nus na/ sems mi g.yo bar bya ba lta ci smos te/ de ni byang chub sems dpa' lus kyi rjes su sems mi 'gro ba zhes bya'o// gzhan yang rigs kyi bu byang chub sems dpa' sems dpa' chen pos sgra dbyangs gcig gis/ stong gsum gyi stong chen po'i 'jig rten gyi khams kyi sems can thams cad kyi rna lam du thos par gyur kyang / 'di snyam

  416. 209a

    du nga'i sgra 'dis 'jig rten gyi khams kun tu sems can rnams sngon ma thos pa thos par bya'o snyam mi sems so/ / byang chub sems dpas thog ma nas kyang bdag gis sems can rnams la sngon ma thos pa thos par bya'o zhes ma smras so/ / byang chub sems dpa' gal te bdag gis chos bshad pa'i rkyen gyis sems can rnam ma ba thos par bya'o zhes smran/ de rnams kyang bla na med pa yang dag par rdzogs pa'i byang chub tu mi 'gyur bar rig par bya'o/ / de ci'i phyir zhe na/ sems can gyis mi thos pa las bdag gis bshad do// zhes smras pa'i sems de ni 'khor ba'i sems te/ byang chub sems dpa' thams cad ni sems de yongs su zad do// don de lta bas na byang chub sems dpa' sems dpa' chen po'i lus dang sems lhan cig mi 'grogs so/ / rigs kyi bu bus pa ma rabs thams cad ni lus dang sems lhan gcig tu 'grogs so// byang chub sems dpa' ni de lta ma yin te/ sems can gyi don bya ba'i phyir lus chung ngur ston mod kyi/ sems mi chung ngo // de ci'i phyir zhe na/ byang chub sems dpa' rnams kyi sems kyi rang bzhin ni rtag tu rgya chen po'i phyir te/ lus chen po ston kyang sems ni che bar mi 'gyur ro/ / ji ltar lus chen po zhe na/ lus stong gsum gyi stong chen po'i 'jig rten gyi khams dang 'dra ba'o// ji ltar sems chung ngu zhe na/ byis pa chung ngu'i spyad pa spyod pa'o//

  417. 209b

    don de lta bas na lus kyi rjes su sems mi 'thung ngo // byang chub sems dpa' sems dpa' chen pos bskal pa khrag khrig tshad med pa'i bar du chang spangs te/ ma 'thungs kyang sems 'gul lo/ / sems la sdug bsngal dang yid blong ba med kyang lus la mchi ma zag go// yang dag par 'jigs pa med kyang lus rab tu 'dar ro// don de lta bas na byang chub sems dpa' ni lus dang sems kyi dbang thob pas lhan cig mi 'grogs par rig par bya'o/ / byang chub sems dpa' sems dpa' chen pos lus gcig bstan pa las/ sems can rnams kyis so so nas tha dad pa mthong ngo / / gzhan yang rigs kyi bu byang chub sems dpa' sems dpa' chen po mya ngan las 'das pa chen po'i mdo sde la nan tan byas pas sngon ma thos pa zos par 'gyur ba gang zhe na/ byang chub sems dpa' sems dpa' chen pos sngar sgra'i mtshan nyid la 'jug pa ni/ 'di lta ste/ bal glang gi sgra dang / rta'i sgra dang / shing rta'i sgra dang / mi'i sgra dang dung gi sgra dang / rnga'i sgra dang / mchu spang gi sgra dang / gling bu la sogs pa'i sgra dang / klu'i sgra dang / dra ba'i sgra ste/ de dag yongs su bsgom mo// goms par bsgoms pa'i phyir/ stong gsum gyi stong chen po'i 'jig rten gyi khams tshad med pa snyed kyi sems can dmyal ba'i sgra kun thos par 'gyur ro// yang nas yang du bsgoms pas rna ba'i dbang po tha dad pa thong ste/

  418. 210a

    nyan thos dang rang sangs rgyas kyi 'phrul gyi rna ba dang tha dad par 'gyur ro// de ci'i phyir zhe na/ theg pa gnyis pas yongs su dag pa'i rna ba'i mngon par shes pa thob pa na|bsam gtan dang po'i chen po bzhi dam pa la brtan na/ bsam gtan dang po 'ba' zhig thos te/ bsam gtan gnyis pa nas bsam gtan bzhi pa'i bar du'ang de bzhin no// dus gcig tu stong gsum gyi stong chen po'i 'jig rten gyi khams kyi sgra ci yod pa thams cad cig car thos kyang / 'jig rten gyi khams gang+gA'i klung gi bye ma tshad med mtha' yas pa snyed kyi sgra zos par mi nus so/ / don de lta bas na byang chub sems dpas thos pa ni/ nyan thos dang rang sangs rgyas kyi rna ba'i dbang po dang tha dad do// de ltar tha dad pas sngon ma thos pa thos par 'gyur te/ sgra thos kyang sems la thog ma nas sgra thos pa'i mtshan nyid med de/ yod pa'i mtshan nyid dang / rtag pa'i mtshan nyid dang / bde ba'i mtshan nyid dang / bdag gi mtshan nyid dang / yongs su dag pa'i mtshan nyid dang / bdag po'i mtshan nyid dang / brten pa'i mtshan nyid dang / byed pa'i mtshan nyid dang / rgyu'i mtshan nyid dang / nges pa'i mtshan nyid dang / 'bras bu'i mtshan nyid med do// de lta bas na byang chub sems dpa' dag gis sngon ma thos pa thos par gyur to// de nas byang chub sems dpa' sems dpa' chen po

  419. 210b

    kun tu snang ba mtho btsun dpal gyi rgyal pos gsol pa/ bcom ldan 'das kyis gsungs pa las nges pa'i mtshan nyid dang 'bras bu'i sa tshan nyid mi mdzad do zhes gsungs pa'i don de snyam lags so/ / ci'i phyir du zhe na/ bcom ldan 'das kyis sngar gsungs pa las gang la la zhig gis yongs su mya ngan las 'das pa chen po'i mdo 'di tshigs su bcad pa gcig gam/ yi ge'i 'bru gcig tsam thos na/ gdon mi za bar bla na med pa yang dag par rdzogs pa'i byang chub thob par 'gyur ro zhes gsungs la/ da ni de bzhin gshegs pas ci'i slad du nges pa dang / 'bras bu ma mchis so zhes gsungs/ bla na med pa yang dag par rdzogs pa'i byang chub thob pa de nyid nges pa'i mtshan nyid dang / 'bras bu'i mtshan nyid lags na/ ci'i slad du nges pa dang / 'bras bu ma mchis shes gsungs/ sgra mi nyan pa thos na ngan sems skyes te/ ngan sems skyes nas ngan song gsum du lhung ngo // gang ngan song gsum du lhung ba de nyid nges pa'i 'bras bu lags na/ ci'i slad du nges pa dang / 'bras bu ma mchis shes gsungs/ bcom ldan 'das kyis bka' stsal pa/ legs so legs so// rigs kyi bu khyod kyis de ltar dri bar slob pa legs so/ / gal te bcom ldan 'das kyis sgra rnams la nges pa dang / 'bras bu'i mtshan nyid yod par gsungs na/ de sangs rgyas bcom

  420. 211a

    ldan 'das kyi mtshan nyid ma yin te/ bdud kyi rgyal po'i mtshan nyid yin/ 'khor ba'i mtshan nyid yin/ mya ngan las 'das pa dang zag ring ba'i mtshan nyid yin no/ / ci'i phyir zhe na/ sangs rgyas bcom ldan 'das kyis gsungs so sog ni nges pa dang 'bras bu'i mtshan nyid med do// rigs kyi bu dper na ral gro'i nang na mi'i ngo snang ba bsgreng na ni chu ring por mthong / 'phreng du bltas na zheng che bar mthong ste/ de gal te nges pa'i mtshan nyid yin na/ ci'i phyir bsgreng na ni chu ring por mthong la/ 'phred du ni zhing che bar mthong don de lta bas na sangs rgyas bcom ldan 'das kyis gsungs pa ni nges pa dang 'bras bu'i mtshan nyid med do/ / rigs kyi bu mya ngan las 'da' ba zhes bya ba ni sgra'i 'bras bu ma yin no// gal te mya ngan las 'das pa sgra'i 'bras bu yin na/ mya ngan las 'da' ba de rtag pa'i chos ma yin par rig par bya'o// rigs kyi bu dper na 'jig rten na rten cing 'brel te 'byung ba'i chos ni rgyu yod pas 'bras bu'ang yod do/ / rgyu med na 'bras bu'ang med de/ rgyu mi rtag na 'bras bu'ang mi rtag go// de ci'i phyir zhe na/ rgyu las kyang 'bras bur 'gyur/ 'bras bu las kyang rgyur 'gyur ro// don de lta bas na chos thams cad ni nges pa'i mtshan nyid med do// ci ste mya ngan las 'da' ba rgyu las skyes na/ rgyu nyid mi rtag pas 'bras bu'ang mi

  421. 211b

    tag ste/ de bas na mya ngan las 'da' ba ni rgyu las ma skyes la/ ngo bo nyid 'bras bu ma yin te/ de bas na rtag pa'o// rigs kyi bu don de lta bas na mya ngan las 'da' ba'i ngo bo nyid ni nges pa med 'bras bu med de/ rigs kyi bu mya ngan las 'da' ba zhes bya ba ni nges pa zhes byar yang rung la/ 'bras bu zhes byar yang rung ngo // ji ltar nges pa'o zhes bya zhe na/ sangs rgyas thams cad kyi mya ngan las 'da' ba ni rtag pa dang / bde ba dang / bdag dang / yongs su dag pa'i phyir nges pa'o// skye ba dang / rga ba dang / 'jig pa med pa'i phyir nges pa'o// log sred can dang / phas pham pa bzhi nyams pa dang / shin tu rgyas pa'i mdo sde la skur pa dang / mtshams med pa lnga'i kha na ma tho ba byas pa dag sngon gyi sems spangs na gdon mi za bar thob pa'i phyir de bas na nges pa'o/ / rigs kyi bu ji ltar khyod kyis 'di skad du/ gal te la la zhig ngas mya ngan las 'das pa chen po'i mdo sde tshogs su bcad pa gcig gam/ yi ge gcig tsam bshad pa thos na/ bla na med pa yang dag par rdzogs pa'i byang chub thob bo zhes bya ba'i don ded dung khyod kyis gsal bar ma rigs gis/ shin tu brtags par nyon cig/ ngas rab tu bye ste bstan par bya'o/ / rigs kyi bu gal te rigs kyi bu 'am/ rigs kyi bu mo gang yongs su mya ngan las 'das pa chen po las yi ge 'bru gcig gam/ tshigs su bcad

  422. 212a

    gcig tsam yang rung ste/ thos nas yi ge'i mtshan nyid du mi 'dzin/ tshogs su bcad pa'i mtshan nyid du mi 'dzin/ zos pa'i mtshan nyid du mi 'dzin/ sangs rgyas kyi mtshan nyid du mi 'dzin/ bshad pa'i mtshan nyid du mi 'dzin na/ de'i mtshan nyid med pa'i mtshan nyid ces bya'o// mtshan nyid med pa'i mtshan nyid pas na bla na med pa yang dag par rdzogs pa'i byang chub thob bo/ / rigs kyi bu khyod kyis ji skad du sgra yid du mi 'ong ba thos pa'i phyir ngan song gsum du 'gro zhes bya ba'i don de'ang ma yin no// de ci'i phyir zhe na/ sgra yid du mi 'ong bas ngan song gsum du 'gro ba ma yin gyi/ de'i 'bras bu ni ngan sems yin no// de ci'i phyir zhe na/ rigs kyi bu 'am/ rigs kyi bu mo gang sgra yid du mi 'ong ba thos kyang ngan sems ma bskyed na sgra yid du mi 'ong ba'i rkyen gyis ngan song gsum du 'gro ba ma yin te/ sems can rnams kun nas nyon mongs pa'i ngan sems mched cing mang du gyur pas ngan song gsum du skyes kyi/ sgra yid du mi 'ong ba'i rkyen gyis ma yin no// gal te sgra la nges pa'i mtshan nyid yod na thos pa kun gyis ngan sems skye ba'i rigs so// de la la lani skye ba/ la la ni mi mo skye ste/ de de bas na sgra la ni nges pa'i mtshan nyid med par rig par bya'o// nges pa'i mtshan nyid med pas na des rkyen byas kyang ngan sems mi skye'o// gsol pa/

  423. 212b

    bcom ldan 'das gal te sbra ma nges na ci'i slad du/ byang chub sems dpa' sngon ma thos pa thos par 'gyur/ rigs kyi bu sgra la nges pa'i mtshan nyid med pas sngon ma thos pa byang chub sems dpa' rnams kyis de thos par 'gyur ro/ / de bas na ngas sngon ma thos pa de thos pa zhes gsungs so// rigs kyi bu de la ji ltar sngon ma mthong ba de mthong ba zhen/ rigs kyi bu byang chub sems dpa' sems dpa' chen pos yongs su mya ngan las 'da' ba chen po'i mdo sde la nan tan byed pa ni sngar snang ba'i mtshan nyid las 'jug pa ni/ / 'di lta ste/ nyi ma dang / zla ba dang skar ma dang / me'i phung po dang / sgron ma dang / nor bu dang / me'i snang ba dang / sman la sogs pa'i 'od goms par bsgoms pa'i phyir mig gi dbang po tha dad pa thob ste/ nyan thos dang rang sangs rgyas thob pa dang tha dad do// ji ltar tha dad ce na/ theg pa gnyis las 'phrul gyi mig rnam par dag pa thob pa/ gal te 'dod pa'i khams chen po bzhi'i mig gi dbang po la blarten na/ bsam gtan dang po mi mthong ngo // gal te bsam gtan dang po la ma brten na/ gong ma mi mthong ba nas/ bdag gi mig gi bar du'ang mthong bar mi nus so/ / gal te mang du mthong na'ang stong gsum gyi stong chen po'i 'jig rten gyi khams las mi mthong ngo // byang chub sems dpa' sems dpa' chen pos 'phrul gyi mig ma bsgoms

  424. 213a

    kyang / gzugs dam pa'i lus thams cad keng rus kyi mtshan nyid du mthong ngo // 'jig rten gyi khams gzhan gang+gA'i klung gi bye ma snyed kyi gzugs kyi mtshan nyid mthong yang gzugs kyi mtshan ma 'dzin/ rtag pa'i mtshan nyid du mi 'dzin// yod pa'i mtshan nyid dang / rdzas kyi mtshan nyid dang / ming dang / yi ge dang / rgyu rkyen dang / mthong ba'i mtshan nyid du mi 'dzin/ mig la dam pa rnam par dag pa'i mtshan nyid do zhes kyang mi zer te/ rten cing 'brel te 'byung ba dang / rten cing 'brel te 'byung ba ma yin pa mtshan nyid du mthong ngo // ji ltar na rten cing 'brel te 'byung ba zhe na/ gzugs ni mig gi rkyen yin no// gal te gzugs rten cing 'brel pa ma yin na/ bus pa ma rabs thams cad kyis gzugs su mthong ba'i 'du shes mi skye ba'i rigs so/ / de bas na gzugs ni rten cing 'brel pa zhes bya'o// rten cing 'brel te 'byung ba ma yin zhes bya ba ni/ byang chub sems dpa' sems dpa' chen po thong du zin kyang / gzugs kyi mtshan nyid mi skyed de/ de bas na rten cing 'brel te 'byung ba ma yin no// don de lta bas na byang chub sems dpas 'phrul gyi mig rnam par dag pa thob pa ni/ nyan thos dang rang sangs rgyas kyis thob pa dang tha dad do/ / de ltar tha dad pa'i phyir dus gcig tu phyogs bcu'i 'jig rten gyi khams na/ da ltar bzhugs pa'i sangs rgyas rnams kun mthong ste/ de ni

  425. 213b

    byang chub sems dpa' sngon ma mthong ba mthong ba zhes bya'o/ / de ltar tha dad pa'i phyir rdul phra rab snyed mthong / nyan thos dang rang sangs rgyas ni mi mthong ngo // de ltar tha dad pa'i phyir bdag gi mig mthong mod kyi/ thog ma nas mthong ba'i mtshan nyid med de/ mi rtag pa'i mtshan nyid du mthong zhing / gang zag pa'i lus la rtswa sum cu rtsa drug mi gtsang bas yongs su gang babalag mthil du skyu ru ra'i 'bru bzhag pa bzhin du mthong ngo / / don de lta bas na sngon ma mthong ba de mthong ba zhes bya ste/ gal te sems can gyi gzugs dang cha lugs ji snyed pa mthong ma thag tu de nyid theg pa chen po'am/ theg pa chung ngu'i dbang po gang yin pa rig go// gos la thang cig reg pa tsam gyis kyang de'i dge ba dang mi dge ba'i dbang po'i khyad par gyi mtshan nyid shes so/ / don de lta bas na sngon mi shes pa de shes par 'gyur te/ zang cig mthong ba tsam gyis sngon mi shes pa de shes par 'gyur ro// de ltar shes pa'i phyir sngon ma mthong ba de mthong bar gyur to/ / gzhan yang rigs kyi bu ji ltar na byang chub sems dpa' sngon mi shes pa shes pa zhe na/ byang chub sems dpa' sems dpa' chen po bus pa ma rabs kyi 'dod chags dang / zhe sda dang / gti mug gi sems shes kyang / thog ma nas sems sam sems las byung ba'i mtshan nyid du mi 'dzin te/ don dam pa mthar stong pa'i mtshan nyid la nan tan byed do// de ci'i phyir zhe na/

  426. 214a

    byang chub sems dpa' thams cad ni rtag tu stong pa'i mtshan nyid la nan tan byed pa'i phyir ro// spyong pa la nan tan byed pas sngon mi shes pa de shes so// ltar shes she na/ bdag med pa dang bdag gi med pa shes pa dang / sems can thams cad la sangs rgyas kyi rang bzhin yod par shes te/ sangs rgyas kyi rang bzhin yod pa'i phyir/ yog srad can sngon gyi sems spangs na thams cad kyang bla na med pa yang dag par rdzogs pa'i byang chub tu mngon par 'tshang rgya bar 'gyur ro// de dag ni nyan thos dang rang sangs rgyas kyis shes par mi nus kyis/ / byang chub sems dpas shes par nus pas/ de bas na sngon mi shes pa shes pa zhes bya'o// gzhan yang rigs kyi bu ji ltar sngon mi shes pa shes pa zhe na/ byang chub sems dpa' sems dpa' chen po yongs su mya ngan las 'das pa chen po'i mdo sde dam pa la nan tan byed pa ni/ sngon 'das pa'i dus kyi sems can thams cad kyi skye ba'i gnas dang / rigs dang / pha ma dang / phu nu dang / chung ma dang / bu dang / gnyen dang / bshes dang / dgra rnams dran pas yud tsam thang cig gi khyad par gyi ye shes thob ste/ nyan thos dang rang sangs rgyas kyi ye shes las khyad par du gyur pa'o// ji ltar khyad par gyur pa zhe na/ nyan thos dang rang sangs rgyas kyi shes rab ni 'das pa'i dus kyi sems

  427. 214b

    can rnams kyi rigs dang / pha ma dang / gnyen pa nas/ dgra'i bar du dran te/ rigs dang / gnyen dang / dgra'i tshan nyid skyed do// byang chub sems dpa' ni de ltam yin te/ sngon gyi rigs dang / pha ma dang / gnyen pa nas/ dgra'i bar du dran yang / rigs dang / pha ma dang / gnyen pa dang / dgra la sogs pa'i mtshan nyid mi skyed de/ de rtag tu chos kyi mtshan nyid dang / stong pa zhi ba'i mtshan nyid du 'jug go/ de ni byang chub sems dpa'i sngon mi shes pa shes pa zhes bya'o// rigs kyi bu gzhan yang ji ltar na sngon mi shes pa shes pa zhe na/ byang chub sems dpa' sems dpa' chen po yongs su mya ngan las 'das pa chen po'i mdo sde la nan tan byas pas/ gzhan gyi sems shes pa'i ye shes thob pa ni nyan thos dang / rang sangs rgyas kyis thob pa dang tha dad do// ji ltar tha dad ce na/ nyan thos dang rang sangs rgyas ni yud tsam thang cig gis mi'i sems shes pa'i dus sems can dmyal ba dang / byol song dang / yi dgas dang / lha'i sems mi shes so// byang chub sems dpa' ni de lta ma yin te/ yud tsam thang cig gis rgyud drug gi sems can gyi sems kun shes pas/ de ni byang chub sems dpa'i sngon mi shes pa shes pa zhes bya'o// rigs kyi bu gzhan yang shes pa tha dad pa yod do// byang chub sems

  428. 215a

    dpa' sems dpa' chen pos bsam pa gcig gis rgyun du zhugs pa'i sems dang po nas/ rim gyis sems bcu drug gi bar du shes so// don de lta bas na sngon mi shes pa shes pa zhes bya ste/ 'di dag ni byang chub sems dpa' mya ngan las 'das pa chen po la nan tan byas pas yon tan gnyis pa dang ldan pa zhes bya'o// gzhan yang rigs kyi bu ji ltar na byang chub sems dpa' sems dpa' chen pos yongs su mya ngan las 'das pa chen po la nan tan byas pa yon tan gsum pa dang ldan pa zhe na/ rigs kyi bu byang chub sems dpa' sems dpa' chen po mya ngan las 'das pa chen po la nan byed pa ni/ byams pa btang yang byams pa thob par 'gyur ro// byams pa thob pa'ang rten cing 'bral ba ma yin no/ / de la ji ltar na byams pa btang yang byams pa thob pa zhe na/ rigs kyi bu byams pa zhes bya ba ni kun rdzob kyi bden pa ste/ byang chub sems dpa' sems dpa' chen pos kun rdzob kyi byams pa btang nas/ don dam pa'i byams pa thob pa'o// don dam pa'i byams pa ni rkyen gyis thob pa ma yin no// gzhan yang ji ltar na byams pa btang yang byams pa thob pa zhe na/ gal te byams pa de btang du rung ba zhig yin na bus pa ma rabs kyi byams pa zhes bya'o// gang byams pa thob par rung ba de ni byang chub sems dpa'i dmigs su med pa'i byams pa

  429. 215b

    zhes bya'o/ / log sred can gyi byams pa dang / rtsa ba bzhi nyams pa'i byams pa dang / shin tu rgyas pa la skur ba'i byams pa dang / mtshams med pa lnga byas pa'i byams pa btang na// brtse ba'i byams pa dang / de bzhin gshegs pa'i byams pa dang / bcom ldan 'das kyi byams pa dang / rgyu rkyen med pa'i byams pa 'thob bo// gzhan yang ji ltar na byams pa btang yang byams pa thob pa zhe na/ nyung rum dang / ma nong dang / mtshan med pa dang / mtshan gnyis dang / bud med kyi byams pa dang / rigs ngan dang / shan pa dang / rngon pa dang // bya dang / phag pa la sogs pa gsod pa la sogs pa'i byams pa btang ba dang / nyan thos dang rang sangs rgyas kyi byams pa btang nas/ byang chub sems dpa' rnams kyi dmigs pa med pa'i byams pa dang / bdag tu mi lta ba'i byams pa dang / gzhan du mi lta ba'i byams pa dang / tshul khrims can du mi lta/ tshul khrims ngan pa can du mi lta/ bdag la snying rje yod par mthong yang sems can du mi lta ba dang / sdug bsngal du tshor ba yod kyang myong ba mi mthong ba thob bo// de ci'i phyir zhe na/ yang dag pa ji lta ba'i don dam pa bsgoms pa'i phyir te/ de ni byang chub sems dpa'i yongs su mya ngan las 'da' ba chen po la nan tan byas pa'i yon tan gsum dang ldan pa zhes bya'o/ / // gzhan yang rigs kyi bu de la ji ltar na byang chub

  430. 216a

    sems dpa' sems dpa' chen pos yongs su mya ngan las 'das pa chen po la nan tan byas pa'i yon tan bzhi pa dang ldan pa zhe na/ rigs kyi bu byang chub sems dpa' sems dpa' chen pos yongs su mya ngan las 'das pa chen po la nan tan byed pa ni yon tan bzhi dang ldan pa la dngos po rnam pa bcu yod do/ / bcu gang zhe na/ 'di lta ste/ rtsa ba brtan pas bskul zhing dbyung dka' ba dang / bdag la gdon mi za bar 'du shes bskyed pa dang / bsod nams dang bsod nams ma yin pa mi rtog pa dang / sangs rgyas kyi zhing yongs su dag par sbyong ba dang / lhag ma bsal ba dang / lus kyi rgyu bcad pa dang / rnam par dag pa'i lus bsgom pa dang / rkyen rnams rab tu rig pa dang / dgra rnams spong ba dang / mtha' gnyid chod pa'o/ / de la ji ltar na rtsa ba brtan pas bskul zhing dbyung dka' ba zhe na/ de la rtsa ba zhes bya ba ni bag byed pa'o// bag byed pa'i rtsa ba gang zhe na/ 'di lta ste/ bla na med pa yang dag par rdzogs pa'i byang chub kyi rtsa ba'o// rigs kyi bu sangs rgyas thams cad kyi dge ba'i rtsa ba rnams ni bag byed pa'o// bag byed pa'i phyir dge ba'i rtsa ba gzhan rnams kyang gong nas gong du 'phar zhing skye bar 'gyur ro/ / dge ba'i rtsa ba bskye zhing 'phel bas dge ba thams cad kyi nang na mchog dang khyad par du 'gyur ro// rigs kyi bu ji ltar rjes rnams kyi nang na ba la

  431. 216b

    glang gi rjes mchog tu gyur pa ltar/ bag byed pa'i chos kyang de dang 'dra ste/ dge ba'i chos rnams kyi nang na mchog dam pa'i khyad par du 'gyur ro// rigs kyi bu'i ltar snang ba'i nang na ni nyi ma'i 'o mchog tu gyur pa ltar/ bag byed pa'i chos kyang de dang 'dra ste/ dge ba'i chos rnams kyi nang na mchog dam pa'i khyad par du 'gyur ro// rigs kyi bu ji ltar rgyal po'i nang na 'khor lo sgyur ba'i rgyal po mchog dang gtso bor gyur pa dang 'dra bar/ bag byed pa'i chos kyang de dang 'dra ste/ mchog dang gtso bor 'gyur ro// rigs kyi bu ji ltar 'bab chu rnams kyi nang na klung bzhi po mchog tu gyur pa ltar/ bag byed pa'i chos kyang de dang 'dra ste/ dge ba'i chos kyi nang na mchog tu 'gyur ro// rigs kyi bu ji ltar ri rnams kyi nang na ri rab ri'i rgyal po mchog tu gyur pa ltar// bag byed pa'i chos kyang de dang 'dra ste/ dge ba'i chos rnams kyi nang na dam par 'gyur ro// rigs kyi bu ji ltar chu las skyes pa'i pad+ma'i nang na pad+mo sngon po dam par gyur pa ltar/ bag byed ba'i chos kyang de dang 'dra ste/ dge ba'i chos rnams kyi nang na mchog tu 'gyur ro// rigs kyi bu ji ltar skam las skyes pa'i me tog gi nang na me tog pa ri sha ka mchog tu gyur pa ltar/ bag byed pa'i chos kyang de dang 'dra ste/ dge ba'i chos thams cad kyi nang na mchog tu 'gyur ro// rigs kyi bu ji ltar gcan gzan gyi nang na seng ge mchog tu gyur pa ltar/ bag byed

  432. 217a

    pa'i chos kyang de dang 'dra ste/ dge ba'i chos rnams kyi nang na mchog dang gtso bor 'gyur ro// rigs kyi bu ji ltar bya'i nang na nam mkha' lding gi rgyal po mchog tu gyur pa ltar/ bag byed pa'i chos kyang de dang 'dra ste/ dge ba'i chos rnams kyi nang na mchog dam pa'o// rigs kyi bu lus chen po'i nang na lha ma yin gyi rgyal po sgra gcan 'dzin ces bya/ ba mchog tu gyur pa ltar/ bag byed pa'i chos kyang de dang 'dra ste/ dge ba'i chos rnams kyi nang na mchog dam pa yin no// rigs kyi bu ji ltar sems can rkang gnyis sam/ rkang bzhi'am// rkang mangs sam/ rkang med thams cad kyi nang na de bzhin gshegs pa mchog tu gyur pa ltar/ bag byed pa'i chos kyang de dang 'dra ste/ dge ba'i chos rnams kyi nang na mchog go// rigs kyi bu dper na mang po rnams kyi nang na sangs rgyas kyi dge 'dun mchog tu gyur pa ltar/ bag byed pa'i chos kyang de dang 'dra ste/ dge ba'i chos rnams kyi nang na mchog yin no// rigs kyi bu ji ltar sangs rgyas kyi chos kyi nang na mya ngan las 'das pa chen po'i chos ni mchog dam par gyur pa ltar/ bag byed pa'i chos kyang de dang 'dra ste/ dge ba'i chos rnams kyi nang na mchog dam pa yin no/ / rigs kyi bu de lta bas na bag byed pa'i rtsa ba ni zab cing brtan te shin tu dbyung dka' 'o// ji ltar na bag byed pas gong nas gong du 'phar zhing skye bzhin/

  433. 217b

    'di lta ste/ dad pa'i rtsa ba dang / tshul khrims kyi rtsa ba dang / sbyin pa'i rtsa ba dang / shes rab kyi rtsa ba dang / bzod pa'i rtsa ba dang / thos pa'i rtsa ba dang / brtson 'grus kyi rtsa ba dang / dran pa'i rtsa ba dang / ting nge 'dzin gyi rtsa ba dang / dge ba'i bshes gnyen gyi rtsa ba dang / de dag la sogs pa'i rtsa ba rnams bag byed pa'i phyir gong nas gong du 'phar zhing skye'o// de ltar 'phel zhing skye bas shin tu zab cing brtan te rab tu dbyung dka' 'o// don de lta bas na byang chub sems dpa' sems dpa' chen pos mya ngan las 'das pa chen po la nan tan byas pas rtsa ba zab ste dbyung dka' ba zhes bya'o/ / de la ji ltar na lus la gdon mi za ba'i mtshan nyid du 'jug pa zhe na/ bdag gi lus la gdon mi za ba'i sems bskyed de/ 'di ltar bdag gi lus 'dis ma 'ongs pa'i dus na gdon mi za bar bla na med pa yang dag par rdzogs pa'i byang chub kyi snod du gyur la/ sems kyang de bzhin du chung zhing zhan pa ma yin/ 'gyur zhing 'pho ba ma yin/ nyan thos dang rang sangs rgyas kyi sems ma yin/ bdud kyi sems ma yin/ bdag bde ba'i sems dang 'khor ba la mos pa'i sems ma yin te/ rtag tu sems can gyi phyir byams pa dang snying rje'i sems tshol ba ni/ byang chub sems dpas bdag nyid kyi lus 'dis gdon mi za bar ma 'ongs pa'i dus na bla na med pa yang dag par rdzogs pa'i

  434. 218a

    byang chub kyi snod du 'gyur ro zhes pa'i sems bskyed do/ / de lta bas n+ya byang chub sems dpa' sems dpa' chen po sgyu lakra 'ang pa chen po sanan tan byas pas/ bdag nyid kyi lus la gdon mi za ba'i 'du shes bskyed pa zhes bya'o// de la ji ltar na byang chub sems dpa' bsod nams kyi zhing dang bsod nams kyi zhing ma yin pa la mi rtog pa zhe na/ de la bsod nams zhes bya ba ni mu stegs can gyi dka' thu ba la zhugs pa nas/ sangs rgyas la thug gi bar du ni bsod nams kyi zhing zhes bya'o// gal te 'dri snyam du de dag ni yang dag pa'i bsod nams kyi zhing yin no snyam du sems na/ de'i sems ni zhan cing chung ba yin par rig par bya'o// byang chub sems dpa' sems dpa' chen po ni sems can tshad med pa thams cad la'ang bsod nams kyi zhing ma yin par mi lta'o/ / de ci'i phyir zhe na/ dran pa tha dad pas shin tu bsgoms pa'i phyir te/ gang dran pa tha dad pa yod cing shin tu bsgoms ba ni sems can thams cad tshul khrims srung ba'ang med/ tshul khrims bshig par yang med par lta ste/ rtag tu sangs rgyas bcom ldan 'das kyis gsungs pa'i sbyin pa bzhi char la rnam par dag pa'i 'bras bu thob par lta'o/ / bzhi gang zhe na/ 'di lta ste/ sbyin pa dag rnam par dag la len pa ma dag pa dang / sbyin bdag ma dag la len pa rnam par dag pa dang / sbyin

  435. 218b

    bdag dang len pa gnyis ka rnam par dag pa dang / sbyin bdag dang len pa gnyis ka ma dag pa'o// ji ltar na sbyin bdag rnam par dag la len pa ma dag pa zhe na/ 'di lta ste sbyin bdag tshul khrims dang / mang du zos pa dang / shes rab dang ldan zhing sbyin pa dang 'bras bu smin pa yod par shes la/ len pa'i tshul khrims nyams shing ngan par lta ba la zhan te/ sbyin pa med cing 'bras bu med par lta ba ni/ sbyin bdag rnam par dag la len pa ma dag pa zhes bya'o// ji ltar na len pa rnam par dag la sbyin bdag ma dag pa zhe na/ de la sbyin bdag ni tshul khrims nyams shing log par lta ba la zhen te/ sbyin pa dang 'bras bu smin pa'ang med par lta la len pa ni tshul khrims sdom zhing mang du thos pa dang shes rab dang ldan te// sbyin pa dang sbyin pa'i 'bras bu smin pa yod par shes pa de ni/ sbyin bdag ma dag la len pa rnam par dag pa zhes bya'o// de la ji ltar na sbyin bdag dang len pa gnyis ka rnam par dag pa zhe na/ de la sbyin bdag dang len pa gnyis ka tshul khrims sdom zhing mang du thos pa dang shes rab dang ldan te/ sbyin pa dang sbyin pa'i 'bras bu smin pa yod par shes pa ste/ de ni sbyin bdag dang len pa gnyis ka rnam par dag pa zhes bya'o/ / ji ltar na gnyis ka ma dag pa zhe na/ sbyin pa dang len pa gnyis tshul khrims nyams shing ngan par lta ba dang / sbyin pa dang sbyin

  436. 219a

    pa'i 'bras bu smin pa med par lta pa'o/ / gal te de lta dra zhig na ci'i phyir de la rnam par dag pa'i 'bras bu thob pa zhes bya zhe na/ de la sbyin pa'ang med/ 'azlas bu'ang med pas na/ rnam par dag pa zhes bya'o// rigs kyi bu gang sbyin pa dang sbyin pa'i 'bras bu mi mthong ba na tshul khrims nyams pa dang / ngan par lta ba la zhan pa ma yin par rig par bya'o/ / gal te nyan thos lta bur sbyin pa dang sbyin pa'i 'bras bur mi mthong ba ni tshul khrims nyams pa dang ngan par lta ba la zhen pa zhes bya'o// gang 'di ltar mya ngan las 'das pa chen bo'i mdo sde lta bur sbyin pa dang sbyin pa'i 'bras bu mi mthong ba ni tshul khrims srung ba dang yang dag par lta ba zhes bya'o/ / byang chub sems dpa' sems dpa' chen po dran pa tha dad pa yod cing rab tu bsgoms pas sems can tshul khrims sdom pa dang / bshig pa dang / sbyin pa dang / len pa dang / sbyin pa'i 'bras bu mi mthong ngo // de bas na tshul khrims sdom pa yang dag par lta ba zhes gdags so/ / don de lta bas na byang chub sems dpa' sems dpa' chen pos bsod nams kyi zhing dang bsod nams kyi zhing ma yin par mi rtog go// de la ji ltar na sangs rgyas kyi zhing yongs su dag par sbyong ba zhe na/ byang chub sems dpa' sems dpa' chen po mya ngan las 'das pa'i mdo sde dam pa la nan tan byas pas bla na med pa yang dag par

  437. 219b

    rdzogs pa'i byang chub kyi phyir sems can sgrol ba na srog gcod pa'i sems yongs su spong ngo / / dge ba'i rtsa ba de'ang sems can thams cad dang thun mong bar gyur te/ sems can thams cad che ring ba dang / stobs dang / byin che ba dang / rdzu 'phrul chen po 'thob par gyur cig ces smon lam 'debs so// smon lam de'i shugs kyis ma 'ongs pa'i dus su mngon par sangs rgyas pa na/ zhing de'i sems can ji snyed pa yod pa de dag thams cad tshe ring zhing mthu stobs dang ldan te/ rdzu 'phrul chen po 'thob par 'gyur ro// gzhan y ang rigs kyi bu byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na ma byin par len pa'i sems yongs su spong ngo / / dge ba'i rtsa ba de'ang sems can thams cad dang thun mong bar gyur te/ sangs rgyas kyi zhing gi sa gzhi ji snyed yod pa de dag thams cad rin po che sna bdun 'ba' zhig tu gyur te/ sems can dag rang nyam du spyod la phyug cing chog par shog cig ces smon lam 'debs so// smon lam de'i shugs kyis ma 'ongs pa'i dus su mngon par sangs rgyas pa na zhing kun rin po che sna bdun 'ba' zhig ste/ sems can rang nyam du spyod cing phyug pa dang chog par longs spyod do// gzhan yang

  438. 220a

    r igs kyi bu byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na 'dod pas log par g.yem pa'i sems yongs su spong ngo / / de dge ba'i rtsa ba de'ang sems can thams cad dang thun mong du gyur te/ sangs rgyas kyi zhing na sems can ji snyed yod pa kun 'dod chags dang / zhe sdang dang / gti mug gi sems med cing / bkres pa dang skom pas gdungs pa'i sdug bsngal med par gyur cig ces smon lam 'debs so/ / smon lam de'i shugs kyis ma 'ongs pa'i dus su mngon par sangs rgyas pa na/ zhing de'i sems can thams cad 'dod chags dang / zhe sdang dang / gti mug gi sems dang bral te/ bkres pa dang skom pas gdungs pa'i sdug bsngal thams cad med par 'gyur ro// gzhan yang rigs kyi bu byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na 'ardzun du smra ba'i sems yongs su spong ngo / / dge ba'i rtsa ba de'ang sems can thams cad dang bran mong du gyur te/ sangs rgyas kyi zhing na rtag tu me tog gi shing dang / 'bras bu'i shing dang / spos kyi shing yod par gyur cing / sems can ji snyed yod pa de dag thams cad

  439. 220b

    skad snyan pa thob par gyur cig ces smon lam 'debs so/ / smon lam de'i shugs kyis ma 'ongs pa'i dus su mngon par sangs rgyas pa na/ zhing de na me tog gi shing dang / 'bras bu'i shing dang / spos kyi shing yod par gyur te/ de'i sems can kun bla na med pa'i sgra dbyangs snyan pa yongs su gsal bar thob par 'gyur ro// gzhan yang rigs kyi bu byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na phra ma yongs su spong ngo / / dge ba'i rtsa ba de'ang sems can thams cad dang thun mong bar gyur te/ sangs rgyas kyi zhing na sems can ji snyed yod pa de dag thams cad 'dum zhing dam pa'i chos gcig la gcig ston bar sho gcig ces smon lam 'debs so/ / de ltar smon lam de'i shugs kyis mngon par sangs rgyas pa na/ zhing de'i sems can ji snyed yod pa de dag thams cad 'dum zhing chos kyi gtam smra bar 'gyur ro/ / gzhan yang rigs kyi bu byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na tshig thun tshags yongs su spong ngo / / dge ba'i rtsa ba de'ang sems can thams cad dang thun mong par gyur te/ sangs rgyas kyi zhing ni gzhi kun lag mthil bzhin du mnyam la

  440. 221a

    gseg ma dang / gyo mo la sogs pa dang / tsher ma med de/ sems can kun sems mnyam par gyur cig ces smon lam 'debs so// smon lam de'i shugs kyis ma 'ong ba'i dus su mngon par sangs rgyas pa na/ zhing gis gzhi lag mthil bzhin du mnyam la/ gseg ma dang / gyo mo dang / tsher ma la sogs pa med de/ sems can ji snyed yod pa de dag thams cad sems mnyam par 'gyur ro/ / gzhan yang rigs kyi bu byang chub sems dpa' sems dpa' chen pos mya ngan las 'das pa chen po la nan tan byed pa de dag bla na med pa yang dag par rdzog pa'i byang chub kyi phyir sems can sgrol ba na don med par smra ba yongs su spong ngo / / dge ba'i rtsa ba de'ang sems can thams cad dang thun mong bar gyur te/ sangs rgyas kyi zhing na sems can ji snyed yod pa de dag cad nyon mongs pa'i sdug bsngal med par gyur cig ces smon lam 'debs so/ / smon lam de'i shugs kyis ma 'ongs pa dus su mngon par sangs rgyas pa na/ zhing de na gnas pa'i sems can ji snyed yod pa kun nyon mongs pa'i sdug bsngal med par 'gyur ro/ / gzhan yang rigs kyi bu byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na 'dod pas phrag dog gi sems yongs su spong ngo / / dge ba'i rtsa ba de'ang sems can thams cad dang thun mong bar gyur te/ sangs

  441. 221b

    rgyas kyi zhing na sems can thams cad 'dod pas phrag dog gi nyon mongs pas 'tshe ba dang ngan par lta ba med par gyur cig ces smon lam 'debs so/ / smon lam de'i shugs kyis ma 'ongs pa'i dus su mngon par sangs rgyas pa na/ zhing de'i sems can thams cad 'dod pas phrag dog gi sems kyis 'tshe ba dang log par lta ba med par 'gyur ro// gzhan yang rigs kyi bu byang chub sems d pa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na rnam par 'tshe ba thams cad yongs su spong ngodo/ / dge ba'i rtsa ba de'ang sems can thams cad dang thun mong bar gyur te/ sangs rgyas kyi zhing na sems can ji snyed yod pa de dag thams cad byams pa dang snying+ge chen po sgom zhing / bu gcig pa'i sa thob par gyur cig ces smon lam 'debs so/ / smon lam de'i shugs kyis ma 'ongs pa'i dus su mngon par sangs rgyas pa na/ zhing gi sems can ji snyed yod pa de dag thams cad byams pa dang snying rje chen po sgoms zhing / bu gcig pa'i sa thob par 'gyur ro// gzhan yang rigs kyi bu byang chub sems dpa' sems dpa' chen pos mya ngan las 'das pa chen po la nan tan byed pa dag bla na med pa yang dag par rdzogs pa'i byang chub kyi phyir sems can sgrol ba na ngan par lta ba yongs su spong ngo / / dge ba'i rtsa ba de'ang sems can thams cad dang thun mong

  442. 222a

    bar gyur te/ sangs rgyas kyi zhing na sems can ji snyed yod pa de dag thams cad shes rab kyi pha rol tu phyin pa thob par gyur cig ces smon lam 'debs so// smon lamra de'i shugs kyis ma 'ongs pa'i dus su mngon par sangs rgyas pa na/ 'jig rten gyi khams de na sems can ji snyed yod pa de dag thams cad shes rab kyi pha rol tu phyin pa gzungs su 'dzin par gyur te/ de ni byang chub sems dpas sangs rgyas kyi zhing yongs su dag par sbyong ba zhes bya'o// de la ji ltar na byang chub sems dpa' sems dpa' chen pos lhag ma yongs su bsal ba zhe na/ lhag ma la rnam pa gsum ste/ nyon mongs pa'i 'bras bu lhag ma dang / las lhag ma dang / srid pa'i lhag ma'o// rigs kyi bu de la ji ltar na nyon mongs pa'i 'bras bu lhag ma zhe na/ sems can gang 'dod rlugs kyi bag chags dang bsnyen na/ 'bras bu de smismin pa'i phyir sems can dmyal bar ldang ngo // brgya la sems can dmyal ba las thar na byol song gi skye gnas su 'gyur/ skye ba ni 'di lta ste/ phug ron dang / mchil pa dang / ngur pa dang / ne tso dang / 'tsho byed dang / shA ri ka dang / bye'u sngo'u dang / nya dang / rus sbal dang / spre'u dang / sha ba'i lus su skye'o// gal te mi'i lus thob na'ang nyung rus dang / ma ning dang / bud med dang / mtshan

  443. 222b

    gnyis pa dang / mtshan med pa dang / sprul 'tshong mar 'gyur ro// gal te rab tu byung na'ang tshul khrims kyi rtsa ba dang po zhig par 'gyur te/ de ni 'bras bu lhag ma zhes bya'o// gzhan yang rigs kyi bu gal te sems can gang zhen pa'i sems kyis zhe sdang gi bag chags la zhen na/ de'i 'bru bu smin pas sems can dmyal bar ltung ngo // brgya la sems can dmyal ba las thar na'ang 'di lta ste/ sbrul gdug pa mthong bas gdug pa dang / reg pas gdug pa dang / zos pas gdug pa dang / dbugs kyis gdug pa dang / gdug pa rnam pa bzhi dang ldan pa'i sbrul dang / seng ge dang / stag dang / spyang ki dang / dom dang / dred dang / byi la dang / khra la sogs pa'i lus su skye'o// gal te mi'i lus su thob na'ang tshul ngan pa rnam pa bcu gnyis dang ldan no/ / gal te rab tu byung na'ang tshul khrims kyi rtsa ba gnyis pa nyams par byed de/ de ni rnam par smin pa'i lhag ma zhes bya'o/ / gzhan yang rigs kyi bu gang gti mug gi las byed pa de ni 'bras bu smin nas sems can dmyal bar ltung ngo // brgya la sems can dmyal ba las thar na'ang byol song gi skye gnas su skye ste/ gang zhe na/ bal glang dang / phag dang / ba lang dang / lug dang / ma he dang / 'ju ba dang / shig dang / sbrang ma dang / grog ma la sogs

  444. 223a

    pa'i lus su 'gyur ro/ / gal te mi'i lus thob na'ang 'on pa dang / dmus long dang / lkugs pa dang / rgyab dgu pa dang / dbang po rnams mi tshang zhing chos mi zin to/ / gal te rab tu byung na'ang dbang po rnams rmongs shing rtul te/ tshul khrims kyi rtsa ba gzhig pa nas/ rnam pa lnga'i bar du de dag zhig par 'gyur te/ de ni rnam par smin pa'i lhag ma zhes bya'o/ / gzhan yang rigs kyi bu gang nga rgyal dang dregs pa'i las byed pa de'i rnam par smin pas sems can dmyal bar ltung ngo // brgya la sems can dmyal ba las thar na'ang byol song gi skye gnas su skyes ste/ gang zhe na/ lus kyi nang gi srin bu dang / rnga mo dang / bong bu dang / khyi dang / rta'i lus su 'gyur ro// gal te mir skyes na'ang bran pho dang bran mo dang / dbul po dang / 'phongs pa dang / sprang po'i lus su 'gyur ro// gal te rab tu byung na'ang sems can kun gyis rnam par bsdus par 'gyur zhing / tshul khrims kyi rtsa ba bzhi pa nyams par byed de/ de ni rnam par smin pa lhag ma zhes bya ste/ de dag ni nyon mongs pa'i rnam par smin pa lhag ma zhes bya'o// de ltar rnam par smin pa'i lhag ma de'ang byang chub sems dpa' sems dpa' chen pos mya ngan las 'das pa chen po la nan tan byas pas thams cad med par bsal bar bya/ de la ji ltar na las kyi lhag ma zhe na/ 'di lta ste/ bus pa

  445. 223b

    ma rabs thams cad kyi las dang / nyan thos thams cad kyi las dang / rgyun du zhugs pas srid pa bdun len pa'i las dang / lan cig phyir ldog pas srid pa gnyis len pa'i las dang / phyir mi ldog pas gzugs kyi sred pa len pa'i las te/ de dag ni las kyi lhag ma zhes bya'o// las kyi lhag ma de'ang byang chub sems dpa' sems dpa' chen pos mya ngan las 'das pa chen po la nan tan byas pas thams cad bsal bar 'gyur ro/ / de la ji ltar na srid pa'i lhag ma zhe na/ dgra bcom pas ni dgra bcom pa'i 'bras bu thob pa dang / rang sangs rgyas kyis ni rang sangs rgyas kyi 'bras bu thob pa dang / las kyang med nyon mongs pa'ang med par 'bras bu rnam pa gnyis su 'gyur ba ni srid pa'i lhag ma zhes bya'o// de ltar l hag ma yod pa'i chos rnam pa gsum ni byang chub sems dpa' sems dpa' chen po theg pa chen po'i mya ngan las 'das pa chen po'i mdo sde la nan tan byas pas yongs su bsal bar 'gyur de ni byang chub sems dpa' sems dpa' chen pos srid pa'i lhag ma bsal ba zhes bya'o/ / de la ji ltar na byang chub sems dpas rnam par dag pa'i lus sgom pa zhe na/ byang chub sems dpa' sems dpa' chen po srog mi gcod pa'i tshul khrims srung ba la sems rnam pa lnga yod de/ gang zhe na/ tha ma dang / 'bring dang / rab dang

  446. 224a

    rab kyi yang rab dang / 'bring gi rab ste/ yang dag par lta ba'i bar du'ang de bzhin du rgyas par rig par bya ste/ sems rnam pa lnga bcu po de ni sems dang po bskyed pa zhes bya ste/ gdon mi za ba'i sems lnga bcu dang ldan par 'gyur ro// de ltar sems brgya yongs su rdzogs pa ni bsod nams brgya dang ldan pa zhes bya ste/ bsod nams brgya dang ldan pa ni mtshan gcig tu 'gyur ro/ / de ltar mthar gyis mtshan sum cu rtsa gnyis dang ldan par 'gyur ba ni rnam par dag pa'i lus shes bya ste/ de bas na yang dpe byad bzang po brgyad cu sgrub bo/ / 'jig rten na sems can dag ni lha brgyad cu snyed rjed de/ brgyad cu po gang zhe na/ nyi ma'i lha bcu gnyis dang / lha chen po cu gnyis dang / skar ma chen po lnga dang sme ba bdun dang / rta zhes bya ba'i lha dang / lam bgrod pa'i lha dang / ba ra dA tsa zhes bya ba'i lha dang / bsod nams kyi lha dang / rgyu skar nyi shu rtsa brgyad dang / sa'i lha dang / rlung gi lha dang / chu'i lha dang / me'i lha dang / tshangs pa dang / ru tra zhes bya ba'i lha dang / in tra zhes bya ba'i lha dang / ku mar zhes bya ba'i lha dang / lag brgyad pa dang / dbang sgyur chen po'i lha dang / pa sha la zhes bya ba'i lha dang / bu mang mo'i lha dang / mgon po bzhi'i lha dang / yi ge byed pa'i lha dang / ba su zhes bya ba'i lha

  447. 224b

    dang brgyad cu'o/ / sems can de dag gi phyir dpe byad bzang po brgyad cubasgrubs nas yongs su brgyan te/ de ni byang chub sems dpa'i lus rnam par dag pa zhes bya'o// de ci'i phyir zhe na/ lha brgyad cu po de dag la sems can thams cad kyis dad cing rjes su 'gro ste/ de bas na byang chub sems dpa' dpe byang bzang po brgyad cu bsgrubs na/ lus mi g.yo bar sems can de dag ci la dad pa'i rjes su so so nas de lta bu mthong bar byed do/ / mthong nas kyang lhag par bkur sti bskyed de/ so so nas bla na med pa yang dag par rdzogs pa'i byang chub tu sems skye'o/ / don de lta bas na byang chub sems dpa' sems dpa' chen pos lus yongs su sbyong ngo // rigs kyi bu dper na mi la la zhig rgyal po spyan 'dren na/ khang khyim tham cad rab tu brgyan cing / shin tu brgyan cing shin tu gtsang bar bya ste/ zas bzang po rnam pa sna tshogs sbyar na gzod rgyal po gshegs su gnang ngo // byang chub sems dpa' sems dpa' chen po'ang de dang 'dra ste/ bla na med pa yang dag par rdzogs pa'i byang chub kyi chos kyi 'khor los sgyur ba'i rgyal po spyan 'dren na/ sngar bdag gi lus shin tu dag par sbyangs na bla na med pa'i chos kyi rgyal po gnas par 'gyur te/ don de lnga bas na byang chub sems dpa' sems dpa' chen pos rnam par dag pa'i lus bsgrub dgos so// rigs kyi bu dper na mi la

  448. 225a

    la bdud rtsi 'thung na sngar lus dag par byed do/ / de bzhin du byang chub sems dpa' sems dpa' chen po'ang bla na med pa'i chos kyi bdud rtsi shes rab kyi pha rol tu phyin pa 'thung na sngar dpe byad bzang po brgyad cus lus dag par bya dgos so/ / rigs kyi bu dper na gser ram dngul gyi snod shin tu bzang po'i nang du chu gtsang ma blugs na/ phyi nang gnyis ka gsal bar gtsang ngo / / de bzhin du byang chub sems dpa' sems dpa' chen po'i lus yongs su gtsang ba'ang de dang 'dra ste/ bla na med pa yang dag par rdzogs pa'i byang chub kyi na blugs na phyi nang gnyis ka gtsang ngo / / rigs kyi bu dper na wa rA Na si'i ras shin tu dkar po ni btsos na kha dog 'gyur sla'o// de ci'i phyir zhe na/ rang bzhin gyis gtsang zhing dkar ba'i phyir ro/ / de bzhin du byang chub sems dpa' sems dpa' chen po'ang lus gtsang ba'i phyir/ bla na med pa yang dag par rdzogs pa'i byang chub myur du 'thob bo// de lta bas na byang chub sems dpa' sems dpa' chen pos yongs su dag pa'i lus bsgrub bo/ / de la ji ltar na byang chub sems dpa' rgyu rnams la shin tu mkhas pa zhe na/ byang chub sems dpa' sems dpa' chen pos gzugs kyi mtshan nyid mi mthong gzugs kyi rgyu mi mthong / gzugs kyi rang bzhin mi mthong / gzugs 'byung ba mi mthong / gzugs 'gos

  449. 225b

    pa mi mthong / mtshan nyid gcig pa mi mthong / mtshan nyid tha dad pa mi mthong / mthong ba mi mthong / gzugs dang rma byad mi mthong / len pa mi mthong ngo // de ci'i phyir zhe na/ rgyu dang rkyen rab tu rig pa'i phyir te/ gzugs ji lta ba bzhin du chos thams cad kyang de dang 'dra'o// de ni byang chub sems dpa' rgyu rnams la mkhas pa zhes bya'o// de la ji ltar na byang chub sems dpa' dgra rnams spong ba zhe na/ 'di ltar nyon mongs pa thams cad ni byang chub sems dpa'i dgra ste/ byang chub sems dpa' sems dpa' chen pos rtag tu spong ba'i phyir te/ byang chub sems dpa' dgra bcom pa zhes bya'o// byang chub sems dpa' sa lnga pa ni nyon mongs pa rnams la dgrar mi blta'o// de ci'i phyir zhe na/ nyon mongs pa'i rkyen gyis byang chub sems dpa' skye ba yod/ skye ba yod pa'i phyir gcig nas gcig tu sems can gyi don byed par 'gyur te/ de lta bas na dgra zhes mi bya'o/ / de dgra zhes bya ba gang zhe na/ 'di lta ste/ shin tu rgyas pa'i mdo sde la skur pa'o// byang chub sems dpa' ni skye ba'i rjes su 'jug kyang sems can dmyal ba dang / byol song gi skye gnas dang / yi dgas kyis mi 'jigs te/ shin tu rgyas pa'i mdo sde la skur pa de 'ba' zhig la 'jigs so// byang chub sems dpa' thams cad la bdud rnam

  450. 226a

    pa brgyad yod de/ de ni dgrar 'gyur ro// bdud rnam pa brgyad po de dag spangs na/ dgra spangs pa zhes bya ste/ de ni byang chub sems dpa' dgra rnams spongs ba zhes bya'o/ / de la ji ltar na byang chub sems dpa' mtha' gnyis spong ba zhe na/ de na mtha' gnyis shes bya ba ni/ 'di ltar srid pa nyi shu rtsa lnga dang / srid pa'i nyon mongs pa'o/ / byang chub sems dpa' rtag tu srid pa nyi shu rtsa lnga dang / srid pa'i nyon mongs pa spong ste/ de ni byang chub sems dpa' mtha' gnyis spong ba zhes bya'o// de dag ni byang chub sems dpa' sems dpa' chen po yongs su mya ngan las 'das pa chen po la nan tan byas pa'i yon tan bzhi dang ldan pa'o/ / de nas byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ bcom ldan 'das ji ltar bcom ldan 'das kyis gsungs pa ltar/ gal te byang chub sems dpa' yongs su mya ngan las 'das pa chen po la nan tan byas pa dag yon tan gyi dngos po rnam pa bcu po 'di dag dgos so zhes gsungs so/ / de ci'i slad du zhe na/ de bzhin gshegs pas dgu 'ba' zhig mdzad do// / sangs rgyas kyi zhing yongs su dag par mdzad pa ma bsgoms/ bcom ldan 'das kyis bka' stsal pa/ rigs kyi bungs kyang sngon dngos po bcu po de dag bsgoms so// byang chub sems

  451. 226b

    dpa' thams cad dang / de bzhin gshegs pa gzhan rnams kyang dngos po rnam pa bcu po ma bsgoms pa med do// gal te 'jig rten na mi gtsang bas yongs su gang na/ sangs rgyas bcom ldan 'das rnams der 'byung ba de lta bu'i gnas med do/ / rigs kyi bu khyod kyis de bzhin gshegs pa rnams mi gtsang ba'i 'jig rten du 'byung bar ma 'dzin cig/ de lta bu'i sems ni shin tu zhan cing chung ba yin no/ / khyod kyis pa 'di ltar rig par bya ste/ nga ni yang dag par 'dzam bu'i gling du byung ba ma yin par zung zhig/ dper na mi la la zhig 'di skad du/ 'jig rten 'di 'ba' zhig na nyi ma dang zla ba yod kyi/ 'jig rten gzhan na nyi ma dang zla ba med do zhes smra na tshig de ni don dang rigs pa med pa'o// gal te byang chub sems dpa' gang 'di skad du sangs rgyas kyi zhing 'di ni btsog pa/ ngan pa/ mi gtsang ba ste/ sangs rgyas kyi zhing gzhan ni yongs su dag cing shin tu dkon pa'o zhes smra ba'ang de dang 'dra'o// rigs kyi bu mi mjed kyi 'jig rten gyi khams 'di nas nub phyogs su sangs rgyas kyi zhing gang+gA'i klung sum cu rtsa gnyis kyi bye ma snyed 'das pa na/ 'jig rten gyi khams mi 'pham pa zhes bya ba yod do// zhing de ci'i phyir mi 'pham pa zhes bya zhe na/ zhing de na bkod pa'i dngos po ji snyed pa thams cad kun kyang mnyam zhing khyad par med do// ji ltar nub phyogs kyi 'jig rten gyi khams bde ba can

  452. 227a

    dang / shar phyogs kyi 'jig rten gyi khams zla gang zhes bya ba dang 'dra'o// nga ni 'jig rten gyi khams der mngon du byung ste/ sems can gyi don TI phyir 'dzam bu'i gling gi 'jig rten gyi khams 'dir chos kyi 'khor lo bskor ba bstan to/ / nga 'ba' zhig gis 'jig rten gyi khams 'dir chos kyi 'khor lo bskor bar bstan pa ma yin gyi/ de bzhin gshegs pa thams cad kyang 'jig rten gyi khams 'dir chos kyi 'khor lo skor to/ / de bas na sangs rgyas bcom ldan 'das thams cad kyang dngos po bcu po de dag ma bsgoms pa med do// rigs kyi bu byang chub sems dpa' byams pa ni smon lam gyi shugs kyis ma 'ongs pa'i dus na/ 'jig rten gyi khams yongs su dag par brgyan par 'gyur ro// don de lta bas na sangs rgyas thams cad kyi zhing yongs su ma dag pa med do/ / gzhan yang rigs kyi bu de la ji ltar na byang chub sems dpa' sems dpa' chen pos yongs su mya ngan las 'das pa chen po'i mdo sde la nan tan byas pas yon tan lnga po dang ldan par 'gyur zhe na/ ribs kyi bu byang chub sems dpa' sems dpa' chen po yongs su mya ngan las 'das pa chen po'i mdo sde la nan tan byed pa dag yon tan lnga dang ldan pa ni dngos po rnam pa lnga yod do/ / lnga gang zhe na/ dbang po rnams dang ldan pa dang / mtha' 'khob tu mi skye ba dang / lha rnams kyis dgongs pa dang / rtag tu lha dang bdud dang /

  453. 227b

    dge sbyong dang / rgyal rigs dang / bram ze la sogs pas bkur sti byed pa dang / sngon gyi gnas dran pa'o// byang chub sems dpa' mya ngan las 'das pa chen po'i mdo sde'i dradang rkyen gyi shugs kyi yon tan gyi dngos po 'di lnga dang ldan par 'gyur ro/ / byang chub sems dpa' sems dpa' chen po kun tu snang ba mtho bcu dpal gyi rgyal pos gsol pa ji ltar bcom ldan 'das kyis gsungs pa ltar na/ gal te rigs kyi bu'am/ rigs kyi bu mo gang sbyin pa byin na yon tan gyi dngos po lnga dang ldano zhes gsungs na/ de ci'i slad du mya ngan las 'das pa chen po'i rkyen gyis dngos po lnga 'thob ces gsungs/ bcom ldan 'das kyis bka' stsal pa/ legs so legs so// rigs kyi bu dngos po ni don tha dad pas na deng rnam par phye zhing khyod la bstan par bya'o/ / sbyin pa byin nas dngos po lnga 'thob pa ni ma nges pa/ mi rtag pa/ ma dag pa/ dam pa ma yin pa/ tha dad pa ma yin pa/ zag pa med pa ma yin pa/ sems can thams cad bde ba la bkod cing phan pa dang brtse ba'i don du 'gyur ro// gang yongs su mya ngan 'das pa chen po'i mdo 'di la brten te/ dngos po lnga thob pa ni nges pa yin/ rtag pa yin/ yongs su dag pa yin/ dam pa yin/ tha dad pa yin/ zag pa med pa yin/ sems can thams cad bde ba la bkod cing phan pa dang bde

  454. 228a

    ba'i don du 'gyur ro/ / rigs kyi bu sbyin pa byas pa ni bkres pa dang sgom pa spong bar 'gyur ro// yongs su mya ngan las 'das pa chen po'i mdo sde 'dis ni sems can srid pa nyi shu rtsa lngas yongs su gdungs pa'i nad dang bral bar byed do/ / sbyin pa'i rgyus ni 'khor ba rgyun mi 'chad par byed do// yongs su mya ngan las 'das pa chen po'i mdos ni 'khor ba gcod de rgyun chud par byed do/ / sbyin pa'i rgyus bus pa ma rabyas so so'i skye bo'i chos byed par 'gyur ro// mya ngan las 'das pa chen po'i rgyus ni byang chub sems dpar 'gyur ro/ / sbyin pa'i rgyus ni dbul ba dang 'phongs pa'i sdug bsngal gyis gdungs pa thams cad gcod par 'gyur ro// yongs su mya ngan las 'das pa chen po'i mdos ni dge ba'i chos kyis 'phongs pa thams cad gcod nus so/ / sbyin pa byas pa'i rgyus ni phyogs cha yod pa'i 'bras bu yod pa'o// yongs su mya ngan las 'das pa chen po'i rgyus bla na med pa yang dag par rdzogs pa'i byang chub thob pa ni phyogs cha med pa 'bras bu med pa ste/ de ni byang chub sems dpa' sems dpa' chen po yongs su mya ngan las 'das pa chen po'i mdo sde la nan tan byas pas yon tan lnga po dang ldan pa zhes bya'o/ / rigs kyi bu de la ji ltar na byang chub sems dpas yongs su mya ngan las 'das pa chen po'i mdo sde la nan tan byas pas yon tan drug

  455. 228b

    dang ldan pa zhe na/ de ni byang chub sems dpa' sems dpa' chen pos yongs su mya ngan las 'das pa chen po la nan tan byas na rdo rje lta bu'i ting nge 'dzin thob par 'gyur ro// de la gnas na chos thams cad rnam par 'jig par 'gyur/ chos thams cad mi rtag pa dang / g.yo ba'i mtshan ma can dang / 'jigs pa dang skrag pa'i rgyu yin pa dang / na ba'i sdug bsngal gyis 'phrog pa dang / skad cig skad cig gis 'gog pa dang / 'jig pa ste yang dag pa'i dben pa med pa dang / thams cad kyang bdud kyi spyod yul yin pa dang / dmigs su med pa yin par mthong ngo / / byang chub sems dpa' sems dpa' chen pos ting nge 'dzin de la gnas nas sems can la sbyin pa byed mod kyi/ sems can gcig gi bar du'ang yang dag par mi mthong ste/ sems can gyi phyir tshul khrims kyi pha rol tu phyin pa nas/ shes rab kyi pha rol tu phyin pa'i bar du brtson pa'ang de bzhin du rgyas par rig par bya'o// byang chub sems dpas gala'i sems can gcig tsam yod par dmigs na rnams kyang sbyin pa'i pha rol tu phyin pa nas/ shes rab kyi pha rol tu phyin pa'i bar du yongs su rdzogs par mi 'gyur ro// rigs kyi bu dper na rdo rjes par gzas pa'i gnas de mi chags pa'am/ mi 'jig pa med de/ rdo rje nyid ni chag pa 'am/ 'jig par 'gyur mi srid do// de bzhin du rdo rje lta bu'i ting nge

  456. 229a

    'dzin yang chos gang la gzas pa de mi 'jig phra med do/ / ting nge 'dzin de nyid ni 'jig par 'gyur mi srid do// rigs kyi bu dper na nor bu rin po che thams cad kyi nang na rdo rje mchog ste/ de bzhin du byang chub sems dpas rdo rje lta bu'i ting nge 'dzin thob pa'ang de dang 'dra ste/ ting nge 'dzin thams cad kyi gtso bor 'gyur ro// de ci'i phyir zhe na/ byang chub sems dpa' sems dpa' chen pos ting nge 'dzin de bsgoms na/ ting 'dzin gzhan thams cad der 'dus par 'gyur ro// rigs kyi bu dper na rgyal phran thams cad la ni 'khor los sgyur ba'i rgyal pos dbang byed do/ / de bzhin du ting nge 'dzin thams cad la rdo rje lta bu'i ting nge 'dzin gyis dbang sgyur ro// rigs kyi bu dper na mi zhig yul khams gcig gi dgrar gyur na kun gyis sdang ngo / / gal te la la zhig gis bsad na 'jig rten pa thams cad de'i yon tan mi rjod pa med do// de bzhin du rdo rje lta bu'i ting nge 'dzin kyang de dang 'dra ste/ byang chub sems dpas bsgoms na sems can thams cad kyi dgra gzhon nus so/ / de bas na ting nge 'dzin thams cad kyi phyi mor 'gyur ro// rigs kyi bu dper na mi zhig shin tu stobs che ste thub pa med pa las/ gzhan zhig stobs kyis thub na de la mi bsngags pa med do/ / de bzhin du rdo rje lta bu'i ting nge 'dzin gyi stobs kyis kyang thub dka' ba'i chos gdul nus so// don de lta bas na ting nge 'dzin thams cad kun kyang der

  457. 229b

    'dus so/ / rigs kyi bu dper na mi zhig rgya mtshor khrus byas nA mi de 'bab chu dang / chu mig dang / mtshe'u chu thams cad kyis khrus byas par rig go// byang chub sems dpa' sems dpa' chen po rdo rje lta bu'i ting nge 'dzin sgom pa'ang de dang 'dra ste/ ting nge 'dzin gzhan thams cad kun sgom pa yin par rig par bya'o// rigs kyi bu dper na ri spos kyi ngad can la chu mig ma dros pa zhes bya ba zhig yod de/ chu mig de'i chu ni yon tan brgyad dang ldan no// gal te la la zhig gis 'thungs na nad kyi sdug bsngal thams cad med par 'gyur ro// de bzhin du rdo rje lta bu'i ting nge 'dzin kyang 'phags pa'i lam yan lag brgyad dang ldan te/ byang chub sems dpas bsgoms na nyon mongs pa rnams kyi rma dang nad lci ba gcod par 'gyur ro// rigs kyi bu dper na la la zhig dbang sgyur chen po la mchod na/ des lha thams cad la mchod pa yin par rig par bya'o// de bzhin du rdo rje lta bu'i ting nge 'dzin bsgoms pa'ang ting nge 'dzin thams cad bsgoms pa yin par rig par bya'o/ / rigs kyi bugal te byang chub sems dpa' yang rdo rje lta bu'i ting nge 'dzin la rab tu gnas na/ chos thams cad la thogs pamed par mthong ste/ ji ltar lag mthil du s+phu ru'i 'bras bu bzhag pa bzhin no// byang chub sems dpas de lta bur mthong bar gyur kyang / chos thams cad mthong ba'i 'du

  458. 230a

    shes mi skyed do/ / rigs kyi bu dper nami la la zhig lam gyi bzhini mdor 'dug na sems can 'ong ba dang / song ba dang / 'dug pa dang / 1la ba rnams mthong ngo / / de bzhin du rdo rje lta bu'i ting nge 'dzin kyang chos thams cad skye ba dang / 'gog pa dang / 'byung ba dang / nub pa mthong ngo // rigs kyi dper na ri mthon po la mi la la zhig 'dzegs te phyogs kun tu bltas na thams cad gsal bar mthong ngo / / de bzhin du rdo rje lta bu'i ting nge 'dzin gyi ri'ang de dang 'dra ste/ byang chub sems dpas 'dzegs te chos thams cad la bltas na mi gsal ba med do/ / rigs kyi bu dper na dbyar gyi rlar pa thig pa phra zhing sdug pa bar mtshams stong pa'i gnas med de/ mi'i mig rnon pos bltas na kun gsal bar mthong ngo / / byang chub sems dpa' yang de dang 'dra ste/ rdo rje lta bu'i ting nge 'dzin gyi mig dag pa mthong na/ shar phyogs kyi 'jig rten gyi khams ji snyed thams cad lnga 'jigs pa 'am thub pa kun thogs pa med par gsal bar mthong ste/ de bzhin du phyogs bcu'ang de dang 'dra'o// rigs kyi bu dper ni ri yu ka nA da la nyi ma bdun cig car du shar na ri de'i shing dang nags tshal thams cad tshig go/ de bzhin du byang chub sems dpa' rdo rje lta bu'i ting nge 'dzin sgom pa'ang nyon mongs pa'i 'thibs po thams cad zhi bar 'gyur ro// rigs kyi bu dper na rdo rjes

  459. 230b

    ni srid pa'i rdzas thams cad gzhom nus kyang / 'di snyam du ngas bcom mo snyam pa'i 'du shes mi skyed do// rdo rje lta bu'i ting nge 'dzin kyang de dang 'dra ste/ byang chub sems dpas bsgoms nas nyon mongs pa thams cad bcom yang / 'di snyam du ngas kun nas nyon mongs pa bcom mo snyam pa'i 'du shes mi skyed do// rigs kyi bu dper na sa chen pos ni srid pa'i rdzas tham cad 'dzin kyang 'di snyam du bdag gi stobs kyis bzung ngo snyam pa'i 'du shes mi skye'o/ / me'ang ngas bsregs so snyam pa'i 'du shes mi skyed/ chu'ang ngas brlan par byas so snyam pa'i 'du shes mi skyed/ rlung yang ngas g.yo ba'i las byas so snyam pa'i 'du shes mi skyed/ nam mkha' yang ngas shong ba'i las byas so snyam pa'i 'du shes mi skyed/ mya ngan las 'das pa'ang ngas sems can mya ngan las 'das so snyam pa'i 'du shes mi skyed do/ / rdo rje lta bu'i ting nge 'dzin yang de dang 'dra ste/ nyon mongs pa thams cad med par byed kyang thog ma nas ngas med par byas so snyam pa'i sems med do/ / gal te byang chub sems dpa' gang rdo rje lta bu'i ting nge 'dzin la gnas na yud tsam thang cig gis de bzhin gshegs pa dang 'dra ba'i spu grang med tshad med pa sprul te/ phyogs bcu'i sangs rgyas kyi zhing gang+gA'i klung gi bye ma snyed kun tu gang bar byed do// byang chub sems dpa' de de lta bu'i mngon par sprul pa byed kyang nga rgyal dang dregs pa'i sems med do// de ci'o

  460. 231a

    phyir zhe na/ byang chub sems dpa' rtag tu 'di snyam du ting nge 'dzin gang gis kyang cho 'phrul 'di lta bu skyon mi nus kyi/ byang chub sems dpa' rdo rje lta bu'i ting 'dzin la gnas pa 'ba' zhig gis sngon nus so snyam sems so/ / byang chub sems dpa' sems dpa' chen pos rdo rje lta bu'i ting nge 'dzin de la gnas nas yud tsam thang cig gis phyogs bcur sangs rgyas kyi zhing gang+gA'i klung gi bye ma snyed kun tu phyin pa dang / phyir gnas su 'ong ba'i mthu yod kyang ngas de lta bu nus so snyam pa'i 'du shes med do// de ci'i phyir zhe na/ ting nge 'dzin de'i rgyu dang de'i rkyen gyi phyir ro/ / byang chub sems dpa' sems dpa' chen pos rdo rje lta bu'i ting nge 'dzin de la gnas na/ yud tsam thang cig gis phyogs bcu'i 'jig rten khams gang+gA'i klung gi bye ma snyed kyi sems can gyi nyon mongs pa thams cad gcod nus kyang / ngas sems can rnams kyi nyon mongs pa bcad do snyam pa'i 'du shes med do// de ci'i phyir zhe na/ ting nge 'dzin de'i rgyu dang rkyen gyi stob kyi phyir ro/ / byang chub sems dpa' rdo rje lta bu'i ting nge 'dzin de la gnas na/ sgra skad gcig pas sems can thams cad so so nas dngos po ji lta ba de ltar shes pa dang / gzugs gcig bstan pas sems can thams cad so so nas gzugs rnam pa sna tshogs kyi mtshan ma mthong ba dang / gnas gcig na gnas te lus mi bskyod par sems can phyogs gang na gnas pa so so'i phyogs su mthong

  461. 231b

    ba dang / khams sam skye mched gang yang rung / chos gcig bshad pas sems can thams cad so so nas sngon shes pa lnga thos so// byang chub sems dpas de lta bu'i ting nge 'dzin la gnas nA/ sems can mthong yang thog ma nas sems can du mtshan mar 'dzin pa'i sems med do// skyes pa dang bud med du mthong yang skyes pa dang bud med du 'dzin pa'i sems med do// gzugs kyi chos mthong / yang gzugs kyi mtshan ma med do// de bzhin du rnam par shes pa'i bar du mthong yang rnam par shes pa'i mtshan ma med do// nyin dang mtshan du mthong yang nyin dang mtshan mo'i mtshan ma med do/ / thams cad mthong yang thams cad kyi mtshan ma med do// kun nas sbyor ba'i nyon mongs pa thams cad mthong yang nyon mongs pa thams cad kyi mtshan ma med do// 'phags/ pa'i lam brgyad mthong yang 'phags pa'i lam brgyad kyi mtshan ma med do// byang chub mthong yang byang chub kyi mtshan ma med do// mya ngan las 'das pa mthong yang mya ngan las 'das pa'i mtshan ma med do/ / de ci'i phyir zhe na/ rigs kyi bu chos thams cad ni thog ma nas mtshan ma med pa'i phyir te/ byang chub sems dpa' ting nge 'dzin de'i stobs kyi chos thams cad thog ma nas mtshan ma med pa ji lta ba bzhin du mthong ngo / / ci'i phyir rdo rje lta bu'i ting nge 'dzin ces bya zhe na/ rigs kyi bu dper na rdo rje ni nyi ma la gzhag na kha dog gcig tu mchad de

  462. 232a

    de bzhin du rdo rje lta bu'i ting nge 'dzin yang phal mang po'i nang du gzhag na kha dog gcig tu mchad do/ / de bas na rdo rje lta bu'i ting nge 'dzin ces bya'o// rigs kyi bu dper na rdo rje ni 'jig rten pa thams cad kyis rin thang mi chod do/ / de bzhin du rdo rje lta bu'i ting nge 'dzin gyi yon tan ci yod pa'ang lha dang mi thams cad kyis dpag cing gzhal mi nus te/ de bas na rdo rje lta bu'i ting nge 'dzin ces bya'o/ / rigs kyi bu dper na mi dbul pos rin po che rdo rje rnyed na dbul 'phongs pa'i sdug bsngal dang / bdud dang / ngan par lta ba dang / gdug pa thams cad dang bral bar 'gyur ro/ / de bzhin du byang chub sems dpa' sems dpa' chen po'ang ting nge 'dzin de thob na nyon mongs pa'i sdug bsngal rnams dang / bdud dang / rnam par lta ba'i gdug pa thams cad dang bral bar 'gyur te/ de bas na rdo rje lta bu'i ting nge 'dzin ces bya'o// de ni byang chub sems dpa' yongs su mya ngan las 'das pa chen po la nan tan byas pas yon tan drug pa dang ldan pa zhes bya'o/ / // 'phags pa yongs su mya ngan las 'das pa chen po'i mdo bam po nyi shu lnga pa// / gzhan yang rigs kyi bu de la ji ltar na byang chub sems dpa' sems dpa' chen pos yongs su mya ngan las 'das pa chen po'i mdo sde dam pa la nan tan byas pas yon tan bdun pa dang ldan pa zhe na/ rigs

  463. 232b

    kyi bu byang chub sems dpa' sems dpa' chen po yongs su mya ngan las 'das pa chen po'i mdo sde la nan tan byed pa na/ 'di snyam du chos gang dag yongs su mya ngan las 'das pa chen po che pa'i rgyur 'gyur snyam bsams nas/ byang chub sems dpas chos rnam pa 'di bzhis mya ngan las 'da' ba chen po'i nye ba'i rgyur 'gyur bar rtogs kyi// gang dka' thub thams cad spyod pas mya ngan las 'das pa chen po'i nye ba'i rgyur 'gyur ro zhes bya ba de ma yin no/ / de ci'i phyir zhe na/ chos rnam pa 'di bzhi'i pha rol na mya ngan las 'das pa'i rgyur 'gyur ba'i gnas med do// bzhi gang zhe na/ 'di lta ste/ dge ba'i bshes gnyen la bsnyen bkur byed pa dang / sems rtse gcig tu chos nyan pa dang / thos nas nan tan du yid la byed pa dang / yang dag par ji lta ba bzhin du nan tan byed pa'o/ / rigs kyi bu dper na la la zhig mkhris pa dang / bad kan dang / nad mang pos gzir tam/ yi dgas kyis brlams na nad pa de sman pa mkhas pa'i gam du song nas/ sman pas nad ji lta ba bzhin du sman dpyad bstan na/ nad pa des sems rtse gcig tu mnyan nas dpyad bzhin du sman sbyar te/ sman legs par gtang na nang byang zhing lus bde bar 'gyur ro/ / de la nad pa ni byang chub sems dpa' lta bu'o// sman pa mkhas pa ni dge ba'i bshes gnyen lta bu'o// sman pas dpyad bstan pa na

  464. 233a

    shin tu rgyas pa'i mdo sde lta bu'o/ / sman pas dpyad bstan pa legs pa mnyan cing 'dzin pa ni/ shin tu rgyas pa'i mdo'i don nan tan du yid la byed pa'o// dbyad bzhin du sman sbyor ba ni byang chub kyi phyogs kyi chos sum cu rtsa bdun yang dag pa ji lta ba bzhin du spyod pa lta bu'o// nad byung ba ni nyon mongs pa 'gas pa lta bu'o// bde ba thob pa ni mya ngan las 'das pa'i rtag pa dang / bde ba dang / bdag dang / yongs su dag pa thob pa lta bu'o// rigs kyi bu dper na rgyal po zhig chos bzhin du srid gzung zhing 'bangs bde bar bya snyam bsams nas/ blon po blo can dag la ji ltar byas na legs shes dris so// de nas blon po rnams kyis kyang sngon gyi rgyal pos yul gyi srid gzung ba'i chos smras so/ / rgyal pos de thos nas sems rtse gcig tu yid ches te/ chos bzhin du yul gyi srid gzung bas dgra rnams med par 'gyur te/ de bas na 'bangs bde bar gyur cing / 'chub med par 'gyur ro/ / rigs kyi bu rgyal po zhes bya ba ni byang chub sems dpa' lta bu'o// blon po blo can zhes bya ba ni dge ba'i bshes gnyen lta bu'o// blon po blo can gyis rgyal po la srid bzung ba'i chos smra ba ni mdo sde bcu gnyis lta bu'o/ / rgyal pos thos nas sems rtse gcig tu yid ches shing spyod pa ni/ byang chub sems dpa' rnams sems rtse gcig tu mdo sde

  465. 233b

    bcu gnyis kyi don zab mo la sems shin tu nan tan byed pa lta bu'o/ / chos bzhin du yul gyi srid gzung ba ni/ byang chub sems dpa' rnams pha rol du phyin pa drug gi chos yang dag pa ji lta ba bzhin du nan tan byed pa lta bu ste/ pha rol tu phyin pa drug la nan tan byed pa'i phyir ro// dgra rnams med par gyur pa ni byang chub sems dpas kun nas nyon mongs pa'i dgra rnams yongs su spangs pa lta bu'o/ / bde ba thob pa zhes bya ba ni ji ltar byang chub sems dpas yongs su mya ngan las 'das pa'i rtag pa dang / bde ba dang / bdag dang / yongs su dag pa thob pa lta bu'o/ / rigs kyi bu dper na mi zhig mdze ma rungs pas btab pa las/ grogs po mdza' bo zhig 'di skad du khyod gal te ri rab kyi drung du phyin na nad kun 'byang bar 'gyur ro// de ci'i zhe na/ de na sman bzang po ro bdud rtsi dang 'dra ba zhig yod de/ gal te 'thungs na nad mi 'tsho ba med do// de nas mi de yid ches nas ri de'i drung du song ste/ sman bdud rtsi dang 'dra ba brngas nas zos pas nad sos te lus bde bar gyur to/ / mdzem rungs pa ni bus pa mA rabs lta bu'o// thogs po mdza' bo zhes bya ba ni byang chub sems dpa' sems dpa' chen po rnams lta bu'o// sems thag pa nas yid ches pa ni tshad med pa bzhi'i sems lta bu'o// ri rab ni 'phags pa'i lam brgyad lta bu'o// bdud rtsi'i ro zhes bya ba ni sangs rgyas kyi rang bzhin lta bu'o// mdze

  466. 234a

    sos pa zhes bya ba ni nyon mongs pa dang bral ba lta bu'o/ / bde ba thob pa zhes bya ba ni mya ngan las 'das pa'i rtag pa dang / bde ba dang / bdag dang / yongs su dag pa thob pa lta bu'o/ / rigs kyi bu dper na slob dpon zhig la slob ma dbang po rno ba dag cig yod na/ slob dpon de nyin mtshan du rtag tu ston kyang mi skyo'o// de bzhin du byang chub sems dpa' rnams kyang sems can thams cad dad kyang rung / ma dad kyang rung / rtag tu ston te skyo ba med do// rigs kyi bu dge ba'i bshes gnyen zhes bya ba ni 'di ltar sangs rgyas dang / byang chub sems dpa' dang / rang sangs rgyas dang / nyan thos kyi nang na shin tu rgyas pa la yid ches pa'o// de'i phyir dge ba'i bshes gnyen zhes bya zhe na/ dge ba'i bshes gnyen zhes bya/ ba ni sems can dag mi dge ba bcu spong bar byed cing dge ba bcu spyod par byed de/ don de lta bas na dge ba'i bshes gnyen zhes bya'o// yang dge ba'i bshes gnyen zhes bya ba ni chos jilta ba bzhin ston cing / ji ltar bstan pa bzhin du spyod pa'o// ji ltar na chos bzhin du ston cing bstan pa bzhin du spyod pa zhe na/ 'di ltar bdag srog mi gcod pas gzhan la srog mi gcod pa ston pa nas/ bdag yang dag par lta ba la nan tan byed pas gzhan yang dag par lta ba'i bar du nan tan byed du gzhug ste/ gang de ltar byed pa de ni dge ba'i

  467. 234b

    bshes gnyen yang dag pa zhes bya'o/ / bdag byang chub la nan tan byed pas/ gzhan yang byang chub la nan tan byed du gzhug pa ste/ de bas na dge ba'i bshes gnyen zhes bya'o// bdag dad pa dang / tshul khrims dang / sbyin pa dang / mang du thos pa dang / shes rab bsgoms pas/ gzhan yang dad pa dang / tshul khrims dang / sbyin pa dang / mang du thos pa dang / shes rab sgom du gzhug pa ste/ de bas na dge ba'i bshe gnyen zhes bya'o// dge ba'i bshes gnyen zhes bya ba ni dge ba'i chos yod pa'i phyir ro// dge ba'i chos dag gang zhe na/ 'di ltar ci byed do cog bdag la bde bar mi sbyor gyi/ rtag tu sems can dag bde bar sbyor ba dang / gzhan gyi nyes pa mthong yang skyon mi smra ba ste/ rtag tu dge ba'i chos 'ba' zhig smra'o/ / don de lta bas na dge ba'i bshes gnyen ces bya'o// rigs kyi bu dper na zla ba ni tshes zhag gcig nas/ bco lnga'i bar du khad kyis skye bar 'gyur te/ de bzhin du dge ba'i bshes gnyen yang de dang 'dra bar/ slob pa rnams kyis mi dge ba'i chos dang ring du 'gyur zhing dge ba'i chos skye bar byed do// rigs kyi bu gal te gang gis dge ba'i bshes gnyen la snyen na tshul khrims dang / ting nge 'dzin dang / shes rab dang / rnam par grol ba dang / rnam par grol ba'i mkhyen

  468. 235a

    cing gzigs pa dag sngon med pa'ang yod par 'gyur ro/ / yongs su ma rdzogs pa'ang skye zhing rgyas par 'gyur ro// de ci'i phyir zhe na/ dge ba'i bshes gnyen la bsnyen pa'i phyir ro/ / de ltar bsnyen pa'i rkyen gyis mdo sde bcu gnyis kyi don shin tu zab mo'ang rtogs par 'gyur ro// gang mdo sde bcu gnyis kyi don shin tu zab mo nyan pa ni/ chos nyan pa zhes bya'o// chos nyan pa de nyid theg pa chen po'i shin tu rgyas pa'i mdo sde zhes bya ste/ shin tu rgyas pa'i mdo nyan pa ni yang dag par chos nyan pa zhes bya'o// yang dag pa'i chos mnyan pa ni yongs su mya ngan las 'das pa'i mdo sde mnyan pa ste/ / mya ngan las 'das pa chen po'i nang nas sangs rgyas kyi rang bzhin yod pa dang / de bzhin gshegs pa ni mthar yongs su mya ngan las mi 'da' 'o zhes thos pa yin te/ de bas na rtse gcig tu chos nyan pa zhes bya'o// rtse gcig tu chos nyan pa ni 'phags pa'i lam brgyad ces bya ste/ 'phags pa'i lam brgyad kyis 'dod chags dang / zhe sdang dang / gti mug bcod par 'gyur te/ de bas na chos nyan pa zhes bya'o// chos ni stong pa bcu gcig ces bya ste/ stong pa de dag gis chos thams cad la mtshan mar mi blta'o/ / chos nyan pa ni sems thog ma bskyed pa zhes bya ste/ thog ma sems bskyed pa'i rgyu las bla na med pa dgra bcom pa yang dag par rdzogs pa'i byang chub kyi sems 'thob pa nas/ yongs

  469. 235b

    su mya ngan las 'das pa chen po'i bar du thob par 'gyur ro/ / de'ang thos pas mya ngan las 'das pa chen po thob pa ma yin gyi/ yongs su bsgoms pas mya ngan las 'das pa chen po thob bo// / rigs kyi bu dper na mi nad pa sman pa'i sman dpyad dang / sman gyi ming thos pa tsam gyis nad 'tsho bar mi 'gyur gyi/ gang gis 'thungs pas nad sos par 'gyur ro// de bzhin du rten cing 'brel te 'byung ba'i chos zab mo bcu gnyis mnyan pa tsam gyis nyon mongs pa thams cad chod par mi 'gyur gyi/ sems rtse gcig tu gtad cing shin tu nan tan byas pas chos par 'gyur te/ de dag ni nan tan du yid la byed pa zhes bya'o/ / gzhan yang don ci'i phyir nan tan yid la byed pa zhe na/ 'di lta ste/ ting nge 'dzin rnam pa gsum ste/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin no// de la stong pa nyid ni srid pa nyi shu rtsa lnga la bden pa gcig tsam yang yod par ma mthong ba'o// smon pa med pa ni srid pa nyi shurba lnga la smon pa dang tshol bar mi byed pa'o/ / mtshan ma med pa ni mtshan ma bcu med pa ste/ gang zhe na/ gzugs kyi mtshan ma dang / sgra'i mtshan ma dang / dri'i mtshan ma dang ro'i mtshan ma dang / reg bya'i mtshan ma dang / skye ba'i mtshan ma dang / gnas pa'i mtshan ma dang / 'gog pa'i mtshan ma dang / pho'i mtshan sa dang / mo'i mtshan

  470. 236a

    ma ste/ de ltar ting nge 'dzin rnam pa gsum sgom pa ni byang chub sems dpa' nan tan du yid la byed pa zhes bya'o// de la ji ltar na chos ji lta ba bzhin du spyod pa zhe na/ de la chos bzhin du spyod pa nisbyin pa'i pha rol tu phyin pa spyod pa nas/ shes rab kyi pha rol tu phyin pa'i bar du spyod pa ste/ phung po lnga dang / skye mched dang / khams kyi yang dag pa'i mtshan nyid la mkhas pa dang / nyan thos dang / rang sangs rgyas dang / sangs rgyas bcom ldan 'das rnams kyang mthun par lam gcig tu yongs su mya ngan las 'das par shes pa'o/ / chos shes bya ba ni rtags pa dang / bde ba dang / bdag dang / yongs su dag pa dang / mi skye ba dang / mi rga ba dang / mi na ba/ mi 'chi ba mi bkres pa/ mi sgom pa/ sdug bsngal dang nyon mongs pa med pa/ mi nur ba/ mi nub pa'o// rigs kyi bu mya ngan las 'das pa chen po'i don shin tu zab mo shes pas ni sangs rgyas bcom ldan 'das mthar yongs su mya ngan las mi 'da' bar shes so/ / rigs kyi bu yang dag pa'i dge ba'i bshes gnyen dam pa ni/ 'di lta ste/ byang chub sems dpa' dang sangs rgyas bcom ldan 'das rnams so/ / de ci'i phyir zhe na/ rtag tu kha lo sbyar ba rnam pa gsum gyi phyir te/ gsum gang zhe na/ nam du'ang tshig 'jam pa

  471. 236b

    smra ba dang / nam du'ang spro ba dang / tshig 'jam po dang spyo ba 'dres pa'o// don de lta bas na byang chub sems dpa' dang sangs rgyas bcom ldan 'das rnams ni dge ba'i bshes gnyen yang dag pa yin no/ / gzhan yang rigs kyi bu sangs rgyas dang byang chub sems dpa' ni sman pa chen po yin pa'i phyir dge ba'i bshes gnyen zhes bya'o// ci'i phyir zhe na/ nad shes shing sman shes pa ste/ nad ji lta ba bzhin du sman byin pa'i phyir ro// dper na sman pa mkhas pa rig pa rnam pa brgyad la mkhas pas sngar nad kyi mtshan nyid rtog go// mtshan nyid la rnam pa gsum yod de/ rlung dang / mkhris pa dang / ban kan no// rlung nad yod pa la ni mar sbyin no// mkhris pa'i nad yod pa la ni sha kar sbyin no// bad kan la ni lha'i khu ba blud do/ / de ltar nad kyi mtshan nyid shes nas sman byin te sos par gyur pas/ sman pa mkhas pa zhes bya'o// de bzhin du sangs rgyas dang byang chub sems dpa' yang bus pa ma rabs so so'i skye bo rnams kyi nad rnam pa gsum yod par shes so/ / gsum gang zhe na/ 'dod chags dang / zhe sdang dang / gti mug ste/ 'dod chags kyi nad can la ni keng rus la rtog pa ston to// zhesdang gi nad can la ni byams pa dang snying rje la rtog pa ston to// gti mug gi nad can la ni rten cing 'brel te byung ba rnam pa bcu gnyis rtog pa ston to// don de lta bas na sangs rgyas dang byang chub

  472. 237a

    sems dpa' rnams ni dge ba'i bshes gnyen zhes bya'o/ / riT+Ta kyi bu ji ltar mnyan pa chen po ni 'gro ba dag bde bar sgrol ba'i phyir mnyan pa chen po zhes bya ste/ de bzhin du sangs rgyas dang byang chub sems dpa' rnams kyang sems can thams cad 'khor ba'i 'od pa chen po las sgrol te/ de bas na dge ba'i bshes gnyen zhes bya'o// gzhan yang rig kyi bu sangs rgyas dang byang chub sems dpa'i rkyen gyis sems can thams cad dge ba'i chos kyi rtsa ba spyod pa yongs su rdzogs par gyur to/ / rigs kyi bu dper na gangs kyi ri ni sman mchog dam pa rnam pa sna tshogs kyi gnas yin te/ de bzhin du sangs rgyas dang byang chub sems dpa' yang dge ba'i rtsa ba thams cad kyi gnas yin no// don de lta bas na dge ba'i bshes gnyen zhes bya'o// / rigs kyi bu gangs kyi ri la sman dam pa bsung can pa ha zhes bya ba yod de/ mi la la zhig de mthong na tshe tshad med par 'gyur te/ na ba'i sdug bsngal med do// gdug pa bzhis kyang mi tshugs so// gang zhig reg par gyur na tshe ring zhing lo brgya ni shu tshang bar 'gyur ro// gang gis de la rjes su dran par byed na sngon gyi tshe dran par 'gyur ro// de ci'i phyir zhe na/ sman gyi mthu stobs kyi phyir ro/ / de bzhin du sangs rgyas dang byang chub sems dpa' rnams la'ang gang zhig gis mthong na nyon mongs pa thams cad yongs su chod par 'gyur te/ bdud rnams bzhis

  473. 237b

    kyang dkrug mi nus so/ / gang la la zhig reg na glo bur dus mi byed de/ mi skye/ mi 'chi/ mi ldog/ mi nub bo// reg pa zhes bya ba ni sangs rgyas la dam pa'i chos mnyan pa'o// gang zhig rjes su dran par byed na bla na med pa yang dag par rdzogs pa'i byang chung tu 'gyur te/ don de lta bas na sangs rgyas dang byang chub sems dpa' rnams ni dge ba'i bshes gnyen zhes bya'o// rigs kyi bu dper na ri spos kyi ngad can la mtsho ma dros pa zhes bya ba zhig yod de/ mtsho de las chu klung chen po bzhi 'byung ngo // bzhi gang zhe na/ chu bo gad+hA dang / sin+d+hu dang / sIta dang / pak+Shu ste/ 'jig rten pa rnams 'di skad du gang zhig kha na ma tho ba'i las byas pa de chu klung chen po de bzhi'i nang du khrus byas na kha na ma tho ba'i sdig pa mang po byang bar 'gyur ro zhes smra'o/ / de ltar smra ba de ni yang dag pa ma yin par rig par bya ste/ de ma gtogs par bden pa gang dag yin zhe na/ 'di ltar sangs rgyas dang byang chub sems dpa' rnams ni yang dag pa yin no/ / de ci'i phyir zhe na/ gang zhig gis bsnyen bkur byas na kha na ma tho ba'i sdig mang po thams cad 'byang bar 'gyur te/ de lta bas na dge ba'i bshes gnyen zhes bya'o// gzhan yang rigs kyi bu dper nas chen po la 'di lta ste/ rtsi shing dang / nags tshal thams cad dang / khre 'bras dang / bu ram gyi shing dang / me tog dang / 'bras bu la sogs pa

  474. 238a

    skyes pa dag than pa byung nas tshig ste bskams su nye ba las/ klu'i rgyal po dga' bo dang bsnyen dga' bo gnyis sems can lnga snying brtse ba'i phyir rgya mtsho las byung nas/ bdud rtsi'i 'char phab na rtsi shing dang / nags tshal dang / khre 'brus dang / shing thams cad rlan cing phyir skye bar 'gyur ro// de bzhin du sems can thams cad kyi dge ba'i rtsa ba zad du nye ba na/ sangs rgyas dang byang chub sems dpa' rnams thugs rje chen po bskyed de/ shes rab kyi rgya mtsho nas bdud rtsi'i char phab nas sems can thams cad dge ba bcu'i chos dang ldan par mdzad do/ / de bas na sangs rgyas dang byang chub sems dpa' rnams ni dge ba'i bshes gnyen zhes bya'o// rigs kyi bu dper na sman pa mkhas pa rig pa rnam pa brgyad la mkhas pa nad pa rnams mthong na cho rigs dang / bzang ngan dang / nor bu rin po che la sogs pa la mi lta ste/ thams cad gso'o// de bas na 'jig rten du sman pa mkhas pa chen po zhes grags so/ / de bzhin du sangs rgyas dang byang chub sems dpa' rnams kyang sems can rnams kyi nyon mongs pa'i nang mthong na cho rigs dang / bzang ngan dang / nor dang / rin po che la sogs pa la mi lta ste/ byams shing brtse ba'i thugs bskyed de kun la chos ston te/ sems can rnams kyis thos nas nyon mongs pa'i nad 'byang bar 'gyur te/ de

  475. 238b

    bas na sangs rgyas dang byang chub sems dpa' rnams ni dge ba'i bshes gnyen zhes bya'o/ / de ltar dge ba'i bshes gnyen la bsnyen pa'i rkyen gyis yongs su mya ngan las 'das pa chen po la bsnyen par 'gyur ro/ / de la ji ltar na byang chub sems dpas chos mnyan pa'i rkyen gyis yongs su mya ngan wa 'dra ba chen po la bsnyen par 'gyur zhe na/ 'di ltar sems can thams cad chos mnyan pa'i phyir dad pa'i dbang po dang ldan par 'gyur ro/ / dad pa'i dbang po dang ldan par gyur nas/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab spyod pa la mos nas/ rgyun du zhugs pa'i 'bras bu nas/ sangs rgyas kyi 'bras bu'i bar du 'thob par 'gyur te/ de bas na dge ba'i chos 'thob par 'gyur ba ni chos mnyan pa'i rgyu'i stobs yin par rig par bya'o/ / rigs kyi bu dper na khyim bdag gcig la bu gcig pu zhig yod de/ bu de yul gzhan du dgos pa tshol ba'i phyir tshong la btang ste/ lam thar pa dang mi thar pa'i gnas bstan nas/ yang 'di skad du gal te sprul 'tshong ma dang phrad nas bsnyen pa dang chags par ma byed cig/ gal te bsnyen tam chags na lus dang srog kyang yal zhing / nor dang rin po che la sogs pa'ang stor bar 'gyur ro// mi ngan pa ma rungs pa'ang grogs su ma tshol cig ces gtams so/

  476. 239a

    bus pa'i gdams pa'i ngag mnyan nas lus dang sems bde zhing rin po che la sogs pa'ang mang du 'thob par gyur to// de bzhin du byang chub sems dpa' sem dpa' chen po sems can rnams la chos ston pa'ang / sems can rnams dang 'khor rnam bzhi la lam thar pa dang mi thar pa rnams ston to// 'khor rnams kyang chos thob pa'i phyir mi dge ba thams cad spong zhing dge ba'i chos thams cad dang ldan par 'gyur te/ de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro// rigs kyi bu dper na me longs gsal ba'i nang du mi gdong lta na mi snang ba med do/ / de bzhin du chos mnyan pa'i me long gsal ba la la la zhig lta na/ dge ba dang mi dge ba rab rib med par gsal bar mthong ngo / / de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro// rigs kyi bu dper na tshong dpon dag rin po che'i gling du 'gro ba las lam gyi rgyus mi shes te/ mi gcig gis lamu bstan nas de dag bstan pa bzhin du song ba dang / rin po che'i gling du phyin te rin po che grangs med pa 'thob par 'gyur ro// de bzhin du sem can thams cad kyang dge ba'i gnas su byang chub kyi rin po che len du 'gro ba la mthar pa mi thar pa'i gnas mi shes te/ byang chub sems dpas bstan nas sems can dag bstan pa'i

  477. 239b

    rjes su song bas dge ba'i gnas su phyin te/ bla na med pa mya ngan las 'das pa chen po'i rin po che thob par gyur to// de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro/ / rigs kyi bu dper na bal glang chang gis brnyis pa mang du gsod 'dod pa la/ bal glang 'dul ba'i mkhan pos ldugs skyo chen po klad du btsugs na de ma thag tu dul te/ mi basbyangs pa'i sems med par 'gyur ro// de bzhin du sems can thams cad kyang 'dod chags dang // zhe sdang dang / gti mug gis myos te mi dge ba mang du byed pa las/ byang chub sems dpa' rnams kyis chos thos pa'i lcags skyo btsugs nas sdod de mi dge ba rnams byed pa'i sems mi skye bar byed do// de lta bas na chos mnyan pa'i rkyen gyis yongs su mya ngan las 'das pa chen po la bsnyen par gyur te/ de bas na ngas mdo sde kun la nga'i nye gnas rnams rtse gcig tu mdo sde bcu gnyis nyan cing 'dzin na sgrib pa lnga dang bral zhing byang chub kyi yan lag bdun sgom par 'gyur te/ byang chub kyi yan lag bdun bsgoms pa'i phyir yongs su mya ngan las 'das pa chen po bsnyen par 'gyur/ ro// chos mnyan pa'i phyir rgyun du zhugs pa rnams 'jigs pa rnams dang bral bar 'gyur zhes gsungs so// de ci'i phyir zhe na/ khyim bdag skyabs med zas sbyin nad tshabs po ches

  478. 240a

    btab nas/ sems rab tu 'jigs shing mi dga' ba las/ shA ri'i bus rgyun du zhugs pa'i yon tar bzhi bskrun te/ spro ba rnam pa bcu bshad pa thos nas 'jigs pa med par gyur to/ / de lta bas na chos mnyan pa'i rkyen kyis yongs su mya ngan las 'das pa chen po la bsnyen par 'gyur ro// de ci'i phyir zhe na/ chos kyi mig bye ba'i phyir ro// 'jig rten na mi la rnam pa gsum ste/ gang zhe na/ mig med pa dang / mig ya gcig pa dang / mig gnyis pa'o// mig med pa zhes bya ba ni rtag tu chos mi thos pa'o// mig ya gcig pa ni skad cig tsam chos thos kyang sems de la mi gnas pa'o/ / mig gnyis pa ni sems rtse gcig tu nyan cing 'dzin pa ste/ ji ltar thos pa bzhin de ltar spyod do// de ltar chos mnyan pa'i phyir 'jig rten na mi rnam pa gsum yod par shes par 'gyur ro/ / de lta bas na chos mnyan pa'i rkyen gyis yongs su mya ngan las 'das pa chen po la bsnyon par 'gyur ro// rigs kyi bu nga sngon grong khyer rtswa mchog na bzhugs pa'i tshe/ shA ri'i bu nad kyis btab pa las/ ngas de'i tshe dge slong dga' bo bos nas rgyas par chos bshad do// de'i tshe shA ri'i bus de lta bu'i dngos po thos nas slob ma bzhi la nga'i khri 'di theg la sangs rgyas kyi spyan sngar 'dod chos mnyan 'dod do zhes smras so/ / de nas slob ma bzhis bteg nas gang na bzhugs par phyin te chos thos

  479. 240b

    bapar gyur to/ / chos thos pa'i shugs kyis sdug bsngal byang nas lus bde bar gyur te/ de lta bas na chos mnyan pa'i rkyen gyis yongs su mya ngan las 'das pa chen po la bsnyen par 'gyur ro/ / ji ltar na byang chub sems dpa' rjes su dran pa'i rkyen gyis yongs su mya ngan las 'das pa chen po la bsnyen par 'gyur zhe na/ 'di ltar bsam pa'i rkyen gyis sems rnam par grol lo/ / de ci'i phyir zhe na/ sems can thams cad rtag tu 'dod pa lngas bkres shing glags pa las bsams pa'i phyir rnam par grol bar 'gyur te/ de lta bas na bsams pa'i rkyen gyis yongs su mya ngan las 'das pa chen po la bsten par 'gyur ro/ / gzhan yang rigs kyi bu sems can thams cad ni rtag tu rtag pa dang / bde ba dang / bdag dang / yongasu dag pa la sog pa chos rnam pa bzhis bslad de/ bsams pa'i phyir chos thams cad mi rtag pa dang / mi bde ba dang / bdag dang / bdag med pa dang / yongs su dag par mthong ngo // de ltar mthong nas phyin ci log bzhi'ang chod de/ de lta bsnga na bsams pa'i rkyen gyis yongs su mya ngan las 'das pa chen po la bsnyen par 'gyur ro/ / gzhan yang rigs kyi bu chos thams cad la mtshan nyid rnam pa bzhi yod do// bzhi gang zhe na/ skye ba'i mtshan nyid dang / rga ba'i mtshan nyid dang / na ba'i

  480. 241a

    / mtshan nyid dang / 'grog pa'i mtshan nyid de/ mtshan nyid de bzhis bus pa ma rabs so so'i skye bo thams cad dang / rgyun du zhugs pa'i bar du rab tu nyon mongs par 'gyur te/ gang rtse gcig tu bsams na rnam pa de bzhi dang phrad kyang nyon mongs pa mi skye ste/ de lta bas na bsams pa'i rkyen gyis yongs su mya ngan las 'das pa chen po la bsnyen par 'gyur ro/ / gzhan yang rigs kyi bu dge ba'i chos thams cad ni ma bsams par gzhan gyis thob pa med do// de ci'i phyir zhe na/ gal te gang gis bskal pa tshad med grangs med mtha' yas pa'i bar du sems rtse gcig tu chos mnyan kyang / gal te ma bsams na nam kyang bla na med pa yang dag par rdzogs pa'i byang chub thob par mi 'gyur ro/ / de lta bas na yid la byas pa'i rkyen gyis yongs su mya ngan las 'das pa chen po la bsnyen par 'gyur ro// gzhan yang rigs kyi bu gal te sems can gang sangs rgyas dang / chos dang / dge 'dun la pho ba dang 'gyur ba med par yid ches shing bkur sti dang bsti stang byed na/ de'ang sems rtse gcig tu yid la byas pa'i rkyen gyis nyon mongs pa thams cad chos par rig par bya ste/ de lta bas na yid la byas pa'i rkyen gyis yongs su mya ngan las 'das pa chen po la bsnyen par 'gyur ro// ji ltar na byang chub sems dpa' chos bzhin du bsgoms pa zhe na/ rigs

  481. 241b

    kyi bu gang mi dge ba'i chos thams cad spong zhing dge ba'i chos la nan tan byed pa ni/ byang chub sems dpa' chos bzhin du bsgom pa zhes bya'o// yang ji ltar na chos bzhin du bsgom pa zhe na/ chos thams cad stong pa dmigs su med pa/ mi rtag pa/ mi bde ba/ bdag med pa/ yongs su ma dag par mthong ba ste/ de ltar mthong ba'i phyir lus dang srog yal yang tshul khrims sdom pa mi 'jig pa ni/ byang chub sems dpa' chos bzhin du bsgom pa zhes bya'o// gzhan yang ji ltar na chos bzhin du bsgom pa zhe na/ rnam pa gnyis te/ yang dag pa dang yang dag pa ma yin pa'o/ / de la yang dag pa ma yin pa ni mya ngan las 'das pa dang / sangs rgyas kyi rang bzhin dang / de bzhin gshegs pa dang / chos dang / dge 'dun dang / yang dag pa dang / nam mkha'i mtshan nyid mi shes pa ni yang dag pa ma yin pa zhes bya'o// de la yang dag pa zhes bya ba ni mya ngan las 'das pa dang / sangs rgyas kyi rang bzhin dang / de bzhin gshegs pa dang / chos dang / dge 'dun dang / yang dag pa'i mtshan nyid dang / nam mkha'i mtshan nyid shes pa ni yang dag pa zhes bya'o// de la ji ltar na mya ngan lnga 'das pa'i mtshan nyid shes pa zhe na/ mya ngan las 'das pa'i mtshan nyid la dngos po rnam pa brgyad yod do// brgyad gang zhe na/ zad pa dang / dge ba'i mtshan nyid dang / bden pa dang /

  482. 242a

    yang dag pa dang / rtag pa dang / bde ba dang / bdag dang / yongs su dag pa ste/ de ni mya ngan las 'das pa'o// gzhan yang dngos po rnam pa brgyad de/ brgyad gang zhe na/ rnam par grol ba dang / dge ba'i rang bzhin dang / yang dag pa ma yin pa dang / mi bden pa dang / mi rtag pa dang / mi bde ba dang / bdag med pa dang / yongs su ma dag pa'o// gzhan yang mtshan nyid rnam pa drug yod de/ gang zhe na/ rnam par grol ba dang / dge ba'i rang bzhin dang / mi bden pa dang // yang dag pa ma yin pa dang / bde ba dang / yongs su dag pa'o// gal te sems can gang kun rdzob kyi lam la brten te/ nyon mongs pa gcod pa'i mya ngan las 'das pa ni dngos po rnam pa brgyad yod de/ rnam par grol ba de ni mi bden pa'o// de ci'i phyir zhe na/ mi rtag pa'i phyir ro// de ltar mi rtag pa'i phyir bden pa med do// bden pa med pa'i phyir yang dag pa med de/ nyon mongs pa nod kyang phyir ldang ba'i phyir ro// mi rtag pa dang / bdag med pa dang / mi bde ba dang / yongs su ma dag pa ni mya ngan las 'das pa'i rnam par grol ba'i dngos po brgyad ces bya'o/ / ji ltar na mtshan nyid drug cen/ nyan thos dang rang sangs rgyas ni nyon mongs pa chod pa'i phyir rnam par grol ba zhes bya'o// yang bla na med pa yang dag par rdzogs

  483. 242b

    pa'i byang chub mi 'thob pa'i phyir mi bden pa zhes bya'o/ / de ltar mi bden pa'i phyir yang dag pa ma yin pa zhes bya'o// ma 'ongs pa'i dus na bla na med pa yang dag par rdzogs pa'i byang chub tutu 'gyur ba'i phyir mi rtag pa zhes bya'o/ / zag pa med pa'i phyir 'phags pa'i lam brgyad thob pas bde ba dang yongs su dag pa zhes bya'o// rigs kyi bu gang de ltar shes pa ni mya ngan las 'das pa shes pa zhes bya ste/ sangs rgyas kyi rang bzhin dang / de bzhin gshegs pa dang / chos dang / dge 'dun bden pa'i mtshan nyid dang / nam mkha'i mtshan nyid shes pa zhes bya'o/ / ji ltar na byang chub sems dpa' sangs rgyas kyi rang bzhin shes zhe na/ sangs rgyas kyi rang bzhin la rnam pa drug ste/ drug gang zhe na/ rtag pa dang / yongs su dag pa dang / bden pa dang / dge ba dang / mthong bar 'gyur ba dang / yang dag pa'o// gzhan yang dngos po rnam pa bdun yod de/ gang zhe na/ rig par 'gyur ba ste/ drug ni gong ma bzhin no// de ni byang chub sems dpa' sangs rgyas kyi rang bzhin shes pa zhes bya'o// ji ltar byang chub sems dpa' de bzhin gshegs pa'i mtshan nyid shes pa zhe na/ de la de bzhin gshegs pa zhes bya ba ni tshor ba'i mtshan nyid/ dge ba'i mtshan nyid/ rtag pa dang / bde ba dang / bdag dang / yongs su dag pa/ rnam par grol ba

  484. 243a

    bden pa/ yang dag pa/ lam ston pa ltar rung ba ste/ de ni byang chub sems dpa' de bzhin gshegs pa'i mtshan nyid shes pa'o// ji ltan byang chub sems dpa' chos kyi mtshan nyid shes pa zhe na/ de la rmos shes bya ba ni dge ba dang / mi dge ba dang / rtag pa dang / mi rtag pa dang / bde ba dang / mi bde ba dang bdag dang / bdag med pa dang / yongs su dag pa dang / yongs su ma dag pa dang / shes pa dang / mi shes pa dang / rig pa dang / ma rig pa dang / bden pa dang / mi bden pa dang / sgom pa dang / mi sgom pa dang / slob dpon dang / slob dpon ma yin pa dang / yang dag pa dang / yang dag pa ma yin pa ste/ de dag shes pa ni byang chub sems dpa' chos kyi mtshan nyid shes pa zhes bya'o/ / ji ltar na byang chub sems dpa' dge 'dun gyi mtshan nyid shes pa zhe na/ dge 'dun zhes bya ba ni rtag pa dang / bde ba dang / bdag dang / yongs su dag pa dang / slob ma'i mtshan nyid bltar rung ba'i mtshan nyid dge ba/ yang dag pa mi bden pa'o// de ci'i phyir zhe na/ nyan thos thams cad dang rang sangs rgyas kyi byang rlub thob pa'i phyir ro/ / bden pa gang zhe na/ chos kyi ngo bo nyid rig pa ste/ de ltar shes pa de ni byang chub sems dpa' dge 'dun gyi mtshan nyid shes pa zhes bya'o// ji ltar na byang

  485. 243b

    chub sems dpa' yang dag pa'i mtshan nyid shes pa zhe na/ de la yang dag pa'i mtshan nyid ces bya ba ni rtag pa dang / mi rtag pa dang / bde ba dang / mi bde ba dang / bdag dang / bdag med pa dang / yongs su pA dang / yongs su ma dag pa dang / dge ba dang / mi dge ba dang / yod pa dang / med pa dang / mya ngan las 'das pa dang / mya ngan las 'das pa ma yin pa dang / rnam par grol ba dang / rnam par grol ba ma yin pa dang / shes pa dang / mi shes pa dang / chad pa dang / ma chad pa dang / rig pa dang / ma rig pa dang / sgom pa dang / mi sgom pa dang / mthong ba dang / mi mthong ba ni yang dag pa'i mtshan nyid ces bya ste/ mya ngan las 'das pa dang / sangs rgyas kyi rang bzhin dang / de bzhin gshegs pa dang / chos dang / dge 'dun yang nam mkha' ni ma yin no// de ni byang chub sems dpa' de ltar mya ngan las 'das pa chen po sgom pa'i rkyen gyis mya ngan las 'das pa dang / sangs rgyas kyi rang bzhin dang / de bzhin gshegs pa dang / chos dang / dge 'dun gyi mtshan nyid dang / yang dag pa dang / nam mkha'i mtshan nyid la sogs pa'i khyad par rig par gyur to/ / rigs kyi bu byang chub sems dpa' sems dpa' chen po yongs su mya ngan las 'das pa chen po'i mdo sdedas

  486. 244a

    pa bsgoms pas ni nam mkha' mi mthong ngo / / de ci'i phyir zhe na/ sangs rgyas dang byang chub sems dpa' la spyan lnga yod kyang mi mthong ste/ shes rab kyi spya 'ba' zhig gis mthong ngo / / shes rab kyi spyan gyis mthong ba'ang chos gang yang mi mthong bas mthong ba zhes bya'o// dngos po ci'ang med pa nam mkha' zhes bya na nam mkha' de ni yang dag par 'gyur ro/ / de ltar yang dag par gyur na rtag tu med pa zhes bya ba ste/ rtag tu med pa'i phyir bde ba dang yongs su dag pa'ang med do// rigs kyi bu stong pa ni med pa'i chos so// med pa'i chos can pas stong pa zhes bya'o/ / dper na 'jig rten dngos po ci'ang med pa la stong pa zhes bya ste/ de bzhin du na nam mkha'i rang bzhin yang dngos po ci'ang med pa'i phyir nam mkha zhes bya'o/ / rigs kyi bu sems can gyis rang bzhin dang / nam mkha'i rang bzhin gnyis ka la yang dag pa'i rang bzhin med do// de ci'i phyir zhe na/ dper na mi dag la 'di skad du yod pa'i dngos po med par rig par bya'o/ / byas na stong par 'gyur zhes zer te/ nam mkha' ni yang dag par na byar rung ba ma yin no// de ci'i phyir zhe na/ ci'ang med pa'i phyir te/ ci'ang med pa yin pas na stong pa med par rig par bya'o/ / gal te nam mkha'i rang bzhin byar rung ba zhig yin na mi rtag par 'gyur te/ gang mi rtag pa de ni nam mkha' zhes mi bya'o// rigs

  487. 244b

    kyi bu dper na 'jig rten pa dag ni 'di skad du nam mkha' ni gzugs med pa/ thogs pa med pa/ rtags med pa/ mi 'gyur mi 'pho ba'o zhes zer te/ de bas na 'jig rten nam mkha' la chen po lnga pa zhes brjod do/ / rigs kyi bu gang yang dag par na nam mkha' de la rang bzhin med de/ snang ba'i phyir nam mkha' zhes btags te/ yang dag par na nam mkha' med do/ / dper na kun rdzob kyi bden pa la rang bzhin med de/ sems can gyi phyir kun rdzob kyi bden pa'ang ston to// rigs kyi bu mya ngan las 'das pa'i ngo bo nyid kyang de dang 'dra ste/ gnas med kyang de bzhin gsheg pa thams cad kyis nyon mongs pa gcod pa'i gnas yin pas na mya ngan las 'das pa zhes bya'o// mya ngan las 'das pa nyid ni rtag pa dang / bde ba dang / bdag dang / yongs su dag pa'o// mya ngan las 'das na bde ba yin yang bde ba myong ba ma yin te/ bla na med pa zhi ba dam pa'i bde ba'o// sangs rgyas bcom ldan 'das la bde ba rnam pa gnyis yod de/ rab tu zhi ba'i bde ba dang / rnam par rig pa'i bde ba'o// yang dag pa'i mtshan nyid kyi rang bzhin la bde ba rnam pa gsum yod de/ myong ba'i bde ba dang / rab tu zhi ba'i bde ba dang / rnam par rig pa'i bde ba'o// sangs rgyas kyi rang bzhin ni bde ba gcig ste/ bla na med pa yang dag par rdzogs pa'i byang chub 'thob

  488. 245a

    pa'i bde ba'o/ / de nas byang chub sems dpa' sems dpa' chen po kun tu snang bu mtho btsun dbul gyi rgyal pos/ bcom ldan 'das la 'di spyad ces gsol to/ / bcom ldan 'das nyon mongs pa chod pa'i gnas de la mya ngan las 'das pa lags so zhes bgyi ba de ni mi rung ngo // de ci'i slad du zhe na/ de bzhin gshegs pa sngon thog ma mngon par sangs rgyas nas chu bo dga' skyed kyi 'gram du gshegs te/ de'i tshe de'i dus na bdud kyi rgyal po 'khor dang bcas te bcom ldan 'das kyi spyan sngar lhags te 'di skad du/ bcom ldan 'das mya ngan las 'da' ba'i dus la bab na ci ste mya ngan las 'da' bar mi gshegs shes smras so/ / bcom ldan 'das kyis/ bdud kyi rgyal po la 'di skad ces bka' stsal to// nga da ltar mang du thos pa'i nye gnas tshul khrims sdom pa dbang po gsal zhing shes rab rno ba/ sems can gyi don byed nus pa med pas mya ngan las mi 'da' 'o zhes bka' stsal to// gal te nyon mongs pa chod pa'i gnas de nyid mya ngan las 'das pa lags na/ byang chub sems dpa' rnams bskal pa tshad med pa nas nyon mongs pa chod lags na/ ci'i slad du mya ngan las 'das pa zhes mi gdags/ de gnyis ka'ang chod pa'i gnas legs na/ ci'i slad du sangs rgyas bcom ldan 'das la ni mnga'i/ byang chub sems dpa' la ma mchis/ gal te nyon mongs

  489. 245b

    pa chod pa de mya ngan las 'das pa ma lags na/ ci'i slad du de bzhin gshegs pa sngon bram ze skye brags shes bgyi ba la 'di skad du/ nga'i sku 'di nyid mya ngan las 'das pa yin no zhes bka' stsal/ de bzhin gshegs pas mya ngan las mi 'da' 'o zhes gsungs te/ da ni de lta bu dag dang ldan pa'ang mchis na/ ci'i slad du mya ngan las mi 'da' zhes gsol to/ / de bzhin gshegs pas de'i tshe de'i bdud kyi rgyal po la 'di skad ces bka' stsal te/ khyod gzugs la thogs pa'i 'du shes ma skyed cig/ da ste zla ba gsum na nga yongs su mya ngan las 'da' 'o zhes gsungs so/ / bcom ldan 'das gal te sku tshe 'das pa de mya ngan las 'das pa ma lags na/ ci'i slad du de bzhin gshegs pas da ste zla ba gsum na yongs su mya ngan las 'da' 'o zhes gsungs/ bcom ldan 'das gal te nyon mongs pa bcom pa nyid mya ngan 'das pa lags na/ de bzhin gshegs pa thog ma byang chub kyi shing drung du snying por mngon par byang chub nas nyon mongs pa bcom pas de nyid mya ngan las 'das pa lags na/ ci'i slad du da ste zla ba gsum na yongs su mya ngan las 'da' 'o zhes gsungs bcom ldan 'das gal te de'i tshe mya ngan las 'das na/ ci'i slad du grong khyer rtswa mchog tu stobs po che dag la nam gyi bung la nga yongs su mya ngan las 'da' 'o zhes gsungs

  490. 246a

    bzhin gshegs pa ni bden pa gsung ba lags na/ ci ste mi bden pa'i tshig de dgra gsungs/ de nas bcom ldan 'das kyis/ byang chub sems dpa' sems dpa' chen po kun tu snang ba mtho btsun dpal gyi rgyal po la bka' stsal pa/ rigs kyi bu 'di skad du de bzhin gshegs pa ljags ring zhing yangs pa mnga' 'o zhes gsung bas na de bzhin gshegs pa bskal pa tshad med pa nas mi bden pa'i tshig dang bral ba yin par rig par bya'o/ / sangs rgyas dang byang chub sems dpa' thams cad ni ci smra'o cog rlig brtags pa yin te mi bden pa ma yin no/ / rigs kyi bu ji skad khyod smras pa ltar bdud sdig to can gyis sngon nga mya ngan las 'da' bar gsol ba btab pa bden te/ rigs kyi bu bdud kyi rgyal pos mya ngan las 'das pa'i nges pa'i mtshan nyid yang dag pa ji lta ba mi shes so/ / de ci'i phyir zhe na/ bdud sdig tog can gyi yid la sems can gyi don mi byed par cang mi smra bar 'dug na mya ngan las 'das pa yin no snyam sems so/ / rigs kyi bu dper na 'jig rten pas mi zhig mi smra zhing cang mi byed pa mthong na mi de shi ba dang tha mi dad do zhes zer ro// bzhin du bdud sdig to can gyi yid la'ang de bzhin gshegs pa sems can gyi don mi mdzad cing cang mi gsung ba de nyid de bzhin gshegs pa mya ngan las 'das pa yin no snyam sems

  491. 246b

    gshegs pas 'di ltar lhag ma dang bcas pa'i don gsungs so/ / gzhan yang bcom ldan 'das ni rgyu dang rkyen yod pa'i phyir 'di skad ces gsungs pa yin no// rgyal po'i khab 'dir bud med shin tu bzang mo zhes bya ba zhig pha ma'i khyim du 'gro ba'i lam yogs su nga gang na bar 'ongs nas/ sangs rgyas dang / chos dang / dge 'dun la skyabs su gsol nas/ 'di skad ces smras so// / bud med thams cad ni mthu med pa dbang med pa yin no// skyes pa thams cad ni dbang la thogs pa med pa yin no zhes smras pas/ de'i tshe na bud med de'i bsam pa thugs su chud nas/ de'i phyir tshigs su bcad pa 'di dag smras pa yin no/ / 'jam dpal legs so legs so// khyod kyi sems can thams cad kyi phyir/ de bzhin gshegs pa la de lta bu'i don bris pa legs so// / de nas 'jam dpal gyis tshigs su bcad de gsol pa/ sems can skye dgu thams cad ni// kun kyang zas dang skom la brten// mthu dang ldan pa thams cad ni// de yi sems la phrag dog med/ thams cad zas dang skom gyi rkyen// nad kyi sdug bsngal myong bar 'gyur// spyod pa rnam par dag pa ni// rab tu bde ba myong bar 'gyur// de bas na bcom ldan 'das/ tsun da'i bsod snyoms dang mchod pa bzhes pa 'di/ de bzhin gshegs pa la bsnyengs pa mi mnga' 'om/ de la bcom ldan 'das kyis tshigs su bcad de/ 'jam dpal la bka' stsal pa/ sems can skye dgu

  492. 247a

    lta bu ni sangs rgyas kyis 'chang du gnang ngo / / rdzas 'di lta rab ni sangs rgyas kyis 'chang du mi gnang ngo zhes zer ba las/ ngas kyang 'di skad du rdzas 'di lta bu dag ni ngas yang dag par ma gnang ngo zhes byas na'ang nga'i tshigs bzlog ste/ rdzas 'di lta bu dag ni yang dag par sangs rgyas kyis gnang ngo zhes zer te/ ma rungs pa de dag nga'i tshig la yid mi ches nas/ de dag gi phyir ngas bdud sdig to can la khyod thogs so snyam pa sems shig/ da ste zla ba gsum na yongs su mya ngan las 'da' 'o zhes byas so// rigs kyi bu dge slong ma rungs pa de dag gi phyir nyan thos kyi nye gnas bslab pa la zhugs pa rnams nga'i sku mi mthong zhing / nga'i chos mi thos pas de bzhin gshegs pa mya ngan las 'das so zhes zer ro/ / byang chub sems dpa' dag nga'i sku mthong zhing rtag tu nga la chos thos pas nga yongs su mya ngan las 'das so zhes mi zer ro// nyan thos kyi nye gnas de dag de bzhin gshegs pa mya ngan las 'das so zhes zer mod kyi/ nga ni yang dag par mya ngan las ma 'das so// rigs kyi bu gal te nga'i nyan thos kyi nye gnas dag las de bzhin gshegs pa mya ngan las 'das so zhes smra ba de ni nga'i nye gnas ma yin te/ bdud kyi grogs su gyur pa ngan par lta ba sdig pa can yang dag par lta ba ma yin par rig par bya'o// gang de bzhin gshegs pa

  493. 247b

    mya ngan las ma 'das so zhes pa ni de nyid nga'i nye gnas yang dag pa yin/ bdud kyi thogs ma yin/ yang dag par lta ba ngan par lta ba ma yin par rig par bya'o// rigs kyi bungs thog ma nas nga'i nye gnas las de bzhin gshegs pa sems can gyi don mi byed cang mi smra bar bzhugs te/ de ni yongs su mya ngan las 'das pa'o zhes zer ba ma mthong ngo // rigs kyi bu dper mkhyim bdag zhig la bu mang du yod de/ gal te khyim bdag de phyogs gzhan zhig tu song ba las phyir ma logs pa'i bar du bu rnams kyis pha shi'o snyam sems khyim bdag de ma shi bar bu rnams phyin ci log gis bslad pas shi ba'i 'du shes bskyed do/ / de bzhin du nga'i nyan thos kyi nye gnas kyang nga mi mthong bas/ 'di ltar de bzhin gshegs pa ni grong khyer rtswa mchog tu sA la'i shing bar na yongs su mya ngan las 'daso so snyam ste/ nga ni yang dag par yongs su mya ngan las ma 'das par nyan thos kyi nye gnas rnams mya ngan las 'das pa'i 'du shes bskyed do/ / rigs kyi bu dper na sgron ma gsal ba la gcig gis bkab na gzhan mi shes pa rnams sgron ma shi'o snyam sems te/ snang ba'i dpal de yang dag par ma shi bar mi shes pa'i phyir shi ba'i 'du shes bskyed do// de bzhin du nyan thos kyi nye gnas kyang de dang 'dra ste/ shes

  494. 248a

    rab kyi mig yod kyang nyon mongs pas khebs pas sems phyin ci log tu gyur te/ yang dag pa'i sku mi mthong bas med pa dang 'das pa'i 'du shes bskyed de/ dA ni yang dag pAr na mya ngan las 'das pa mi len to// rigs kyi bu dper na dmus long ni ni zla mi mthong ngo // de ltar mi mthong ba'i phyir nyin mtshan dang / snang ba dang mun pa'i mtshan nyid mi shes so/ / de ltar mi shes pa'i phyir nyi ma dang zla ba yang dag par med do zhes zer te/ yang dag par nyi ma dang zla ba yod pa las dmus longs gis mi mthong ngo / / de ltar mi mthong ba'i phyir log pa'i 'du shes bskyed de nyi zla med do zhes zer ro// de bzhin du nyan thos kyi nye gnas kyang dmus long dang 'dra ste/ de bzhin gshegs pa mi mthong bas de bzhin gshegs pa mya ngan las 'das so snyam sems te/ de bzhin gshegs pa ni yang dag par mya ngan las ma 'das so// de dag log pa'i 'du shes de lta bu'i sems bskyed do/ / rigs kyi bu dper na sprin dang khrug rnas nyi zla ba sgribs na/ glen pa mi shes pa dag nyi zla med do zhes zer ro// nyi zla ni yang dag par na yod na yongs su khebs pa'i phyir sems can gyis mi mthong ngo / / de bzhin du nyan thos kyis nye gnas rnams kyang de dang 'dra ste/ nyon mongs pa mang pos shes rab kyi mig bsgribs te/ de bzhin

  495. 248b

    gshegs pa mi mthong bas de bzhin gshegs pa sgyu tshe 'das so zhes zer ro/ / rigs kyi bu de bzhin gshegs pas byis pa chung ngu'i spyod pa bstan par zad kyi/ sku tshe 'das pa ni ma yin no/ / rigs kyi bu dper na 'dzam bu'i gling du nyi ma nub pa na ri nag pos bsgribs pas sems can gyis mi mthong ste/ nyi ma'i rang bzhin ni yang dag par nub pa med do// sems can gyis mi mthong ba'i phyir nub pa'i 'du shes bskyed do// de bzhin du nyan thos kyi nye gnas rnams kyang de dang 'dra ste/ nyon mongs pa'i ri bos bsgrib pas nga'i sku mi mthong de ltar mi mthong ba'i phyir de bzhin gshegs pa mya ngan las 'das pa'i 'du shes bskyed do/ / da ni yang dag par mya ngan las ma 'das so// de bas na ngas yul ya pa can du bdud sdig to can la da ste d+hU ba gsum na yongs su mya ngan las 'da' 'o zhes bka' stsal to/ / rigs kyi bu de bzhin gshegs pas snga nas byang chub sems dpa' 'od srungs phyis zla ba gsum na dge ba'i rtsa ba smin par 'gyur ba dang / ri spos kyi ngad can na su ba dz+wa la tshul nas byung nas nga'i spyan sngar 'ong bar 'gyur ba gzigs te/ de bas na bdung sbyin to can la da sti zla ba gsum na yongs su mya ngan las 'da'a'o zhes bka' stsal to/ / rigs kyi bu gzhan yang spob so po che lnga brgya po zla ba gsum na bla na med pa yang da

  496. 249a

    par rdzogs pa'i byang chub tu sems bskyed par 'gyur te/ de bas na bdud sdin to can la da ste zla ba gsum na yongs su mya ngan las 'da' 'o zhes bka' stsal to// rigs kyi bu cu nad la sogs pa'i li tsa byi lnga brgya dang bu mo a 'bru yang zla ba gsum na bla na med pa'i byang chub tu sems bskyed de/ dge ba'i rtsa ba yongs su smin par 'gyur bas/ de dag gi phyir yang ngas bdud sdig to can la de ste zla ba gsum na yongs su mya ngan las 'da' 'o zhes bka' stsal to// rigs kyi bu sun char ta zhes bya ba mu stegs can gcer bu la sogs pa la bsnyen bkur byed de/ ngas lo bcu drug gi bar du chos bstan kyang ngal ma dang yid mi ches te/ de'ang zla ba gsum na dran par lta ba'i rtsa ba tshod par 'gyur bar ngas rigs pas/ de'i phyir bdud sdig to can la da ste zla ba gsum na yongs su mya ngan las 'da' 'o zhes bka' stsal to// rigs kyi bu ci'i phyir ci'i rkyen gyis nga sngon chu bo dga' skyes kyi 'gram du bdud sdig to can la da ltar mang du shes pa'i nye gnas med pas yongs su mya ngan las mi 'da' 'o zhes bka' stsal pa ni/ nga de'i tshe de'i dus na dge slong sde lnga la yul wA rA NA sir chos kyi 'khor lo bskor snyam dgongs pa'i phyir ro/ / yang 'di lta ste/ ya sha dang / pu na 'da' dang byi ma la sha dang / ke'u bam pa te dang / su ba he'u la sogs pa dge slong lnga'i

  497. 249b

    bam po bcu gcig pa/ / de nas byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das de bzhin gshegs pa ni nad kyis sdug bsngal ba'i skyon thams cad dang bral ba lags te bsnyengs pa mi mngar na/ bcom ldan 'das sems can thams cad ni gdug pa'i zug rngu rnam pa bzhis nas nad kyi rgyur 'gyur pa ni/ 'di lta ste/ 'dod chags dang / zhe sdang dang / gti mug dang / nga rgyal lo// gal te nad kyi rgyu mchis na/ nad mang po skye bar 'gyur ba ni/ 'di lta ste/ 'dod pas tsha ba dang / glo na pa dang / dbugs rkon ba dang / skyug bro ba dang / lus kun sbed pa dang / snying 'khrug cing mi dran pa dang / tshad par 'khru ba dang / zag gu dang / mig dang rna ba tsha zhing na ba dang / rgyab 'dzings pa dang / lto dbo ba dang / smyo ba dang / rid cing skam pa dang / yi dgas kyis brlams pa la sogs pa ste/ lus dang sems kyi nad rnam pa sna tshogs ni bcom ldan 'das la mi mnga' na/ deng ci'i slad du de bzhin gshegs pa sku tshe la gzigs te ngargyab na bar gyur gyis/ 'jam dpal khyod 'khor mang po la chos ston cig ces bka' stsal/ rgyu dang rkyen rnam pa gnyis kyis nad kyis sdug bsngal bar mi 'gyur ba 'di lnga ste/ sems can thams cad la byams shing stong brtse ba dang / nang pa la na ba'i rkyen sman sbyin zhing 'bul ba ste/ de bzhin gshegs pa ni sngon bskal pa tshad ma mchis pa'i bar du byang chub kyi lam la shiH

  498. 250a

    bde ba dang / yongs su dag pa zhes bya ste/ de bas na de ltar nyon mongs pa rjod pa ni yongs su mya ngan las 'das pa chen po zhes bya'o// rigs kyi bu mya ngan ces bya ba ni mi byed pa'o/ / 'das pa zhes bya ba ni thigs su 'thag pa'o// thags su mi 'thab pa'i don ni mya ngan las 'das pa zhes bya'o// yang 'das pa zhes bya ba ni khebs pa'o// de ltar mi khebs pa'i don ni mya ngan 'das pa zhes bya'o// yang 'das pa zhes bya ba ni 'gro ba dang 'ong ba ste/ mi 'gro mi 'ong ba'i don ni mya ngan las 'das pa zhes bya'o// yang 'das zhes bya ba ni len pa ste/ len pa med pa'i don ni mya ngan las 'das pa zhes bya'o// yang 'das pa zhes bya ba ni ma nges pa ste/ nges par ma nges pa med pa ni mya ngan las 'das pa zhes bya'o/ / yang 'das pa zhes bya ba ni gsar rnying zhes bya ste/ gser rnying med pa'i don ni mya ngan las 'das pa zhes bya'o// yang 'das pa zhes bya ba ni sgrib pa ste/ sgrib pa med pa'i don ni mya ngan las 'das pa zhes bya'o// rigs kyi bu u du ka ka byi la zhes bya ba'i slob ma dag 'di skad du 'das pa ni mtshan nyid ces zer te/ mtshan nyid med pa'i don ni mya ngan las 'das pa zhes bya'o/ / rigs kyi bu 'das pa zhes bya ba ni yod pa zhes bya ste/ yod pa med pa'i don ni mya ngan las 'das pa zhes bya'o// 'das pa zhes bya ba ni

  499. 250b

    thams cad mkhyen pa'i ye shes su bsngos te/ sems can thams cad kyi nyon mongs pa'i sgrib pa dang / las kyi sgrib pa dang / rnam par smin pa'i sgrib pa yongs su sel to// nyon mongs pa'i sgrib pa zhes bkyi 'ani 'dod chags dang / zhe sdang dang / gti mug dang / khong khro ba'i kun nas dkri ba'i nyon mongs pa dang / phrag dog dang / ser sna dang / g.yo dang / sgyu dang / mi 'dzem pa dang / khrel med pa dang / nga rgyal dang / rab kyi nga rgyal dang / nga rgyal las kyang nga rgyal dang / nga'o snyam pa'i nga rgyal dang / log pa'i nga rgyal dang / mngon pa'i nga rgyal dang / chung ba'i nga rgyal dang / bag med pa dang / zegs pa dang / khon du 'dzin pa dang / rtsod pa dang / log par 'tsho ba dang / g.yo sgyus tshul 'chos pa dang / rnyed pas rnyed pa tshol ba dang / chos ma yin pas tshol ba dang / mang du tshol ba dang / bsti stang med pa dang / bstan pa bzhin du mi byed pa dang / mi dge ba'i bshes gnyen la bsten pa dang / rnyed pa la chags pas mi skyo ba dang / 'ching ba'i rnam par bcings pas dgrol dka' ba dang / 'dod pa ngan pa la 'dod pa dang / chags ba ngan pa la chags pa dang / 'jig tshogs su lta ba dang / yod par lta ba dang / med par lta ba dang / rgyang zhing 'phres pa dang / dga' ba dang / kanyid dang / brlang ba dang / mi dga' ba dang bza' ba dang btung ba la chags pa dang / sems rmugs pa dang / sems gzhan la dmigs pa dang / mi dge ba yid la byed pa dang / lus dang ngag ngan par spyod pa dang / mang du smra ba la dga' ba dang /

  500. 251a

    su mya ngan las 'das pa chen po'i mdo sde dam pa la nan tan byas pas yon tan brgyad dang ldan pa zhe na/ rigs kyi bu de la byang chub sems dpa' sems dpa' chen po yongs su mya ngan las 'das pa chen po la nan tan byed pa ni dngos po lnga gcod pa dang / dngos po lnga spangs pa dang / dngos po drug dang ldan pa bya ba dang / dngos po lnga yongs su bsgom pa dang / dngos po gcig rab tu bsrung ba dang / dngos po bzhi la bsnyen pa dang / yang dag pa gcig la dad cing rjes su gzhol ba dang / sems shin tu rnam par grol ba dang / shes rab shin tu rnam par grol ba'o// rigs kyi bu de la ji ltar na byang chub sems dpa' dngos po lnga gcod pa zhe na/ 'di lta ste/ phung po lnga ste/ gzugs dang / tshor ba dang / 'du shes dang / 'du byed dang / rnam par shes pa'o// phung po zhes bya ba'i don ji lta bu zhe na/ 'di lta ste/ sems can 'khor ba la rgyun mi gcad par byed pa dang / khur lci ba dang mi 'bral ba dang / 'gyes pa dang 'dus par byed pa dang / dus gsum du gtogs pa ste/ ji ltar brtags kyang dmigs su med de 'di dag ni phung po zhes bya'o/ / byang chub sems dpa' sems dpa' chen pos gzugs kyi phung po mthong yang mtshan mar mi blta'o// de ci'i phyir zhe na/ gzugs rnam pa bcu

  501. 251b

    la rang bzhin brtags kyang dmigs su med de/ 'jig rten gyi phyir phung po zhes bshad do// tshor ba la brgya rtsa brgyad yod de/ tshor ba'i phung por mthong yang thog ma nas tshor ba'i mtshan nyid med do/ / de ci'i phyir zhe na/ tshor ba la brgya rtsa brgyad yod kyang bden pa dang nges pa'i don med do// de bas na byang chub sems dpas tshor ba'i phung por mi mthong ngo // de bzhin du 'du shes dang / 'du byed dang / rnam par shes pa'ang de dang 'dra ste/ byang chub sems dpa' sems dpa' chen pos phung po lnga ni nyon mongs pa skye bar byed pa'i rtsa ba yin par shin du rtogs te/ de bas na thabs kyis gcod do// de la ji ltar na byang chub sems dpa' dngos po lnga spangs pa zhe na/ 'di lta ste/ lta ba rnam pa lnga'o// gang zhe na/ 'jig tshogs su lta ba dang / mthar lta ba dang / ngan par lta ba dang / tshul khrims bsnyems pa dang / lta ba bsnyems pa'o// de ltar lta ba rnam pa lnga'i rkyen gyis lnga ba drug cu rtsa gnyis skyes te/ lta ba de dag gi rkyen gyis 'khor bar 'khor zhing rgyun mi 'chad de/ de bas na byang chub sems dpa' bag byed de bsnyen par mi byed do// de la ji ltar na byang chub sems dpa' dngos po drug dang ldan par bya zhe na/ 'di lta ste/ dran pa nye bar gzhag pa drug go// drug gang zhe na/ sangs rgyas rjes su dran pa dang / chos rjes su dran

  502. 252a

    pa dang / dge 'dun rjes su dran pa dang / lha rjes dran pa dang / sbyin pa rjes su dran pa dang / tshul khrims rjes su dran pa ste/ de ni byang chub sems dpa' dngos po drug dang ldan pa'o/ / de la ji ltar na byang chub sems dpa' dngos po lnga yongs su bsgom ldan/ 'di lta ste/ ting nge 'dzin rnam pa lnga'o// lnga gang zhe na// shes pa'i ting nge 'dzin dang / zhi ba'i ting nge 'dzin dang / lus dang sems rab tu 'ga' ba la reg pa'i ting nge 'dzin dang / dga' ba med pa'i ting nge 'dzin dang / dpa' bar 'gro ba'i ting nge 'dzin te/ ting nge 'dzin rnam pa lnga po de dag bsgoms na yongs su mya ngan las 'das pa chen po la bsnyen par 'gyur te/ de bas byang chub sems dpas brtson pa'i sems kyis yongs su sgom mo/ / de la ji ltar na byang chub sems dpa' dngos po gcig bsrung ba zhe na/ 'di ltar byang chub sems dpa'/ byang chub sems dpa' sems dpa' chen pos rtag tu brtson par byang chub kyi sems bsrung ngo / / ji ltar 'jig rten pa bu gcig pa bsrung ba 'am/ zhar ba mig ya gcig bsrung ba 'am/ dgon pa'i dbye chen por 'gro ba ded dpon bsrung ba bzhin du/ byang chub sems dpa' byang chub kyi sems bsrung ba'ang de dang 'dra'o// de ltar byang chub kyi sems bsrung ba'i rgyus bla na med pa yang dag par rdzogs pa'i byang chub thob bo// /

  503. 252b

    tha ma med pa yang dag par rdzogs pa'i byang chung thob pa'i rkyen gyis rtag pa dang / bde ba dang / bdag dang / yongs su dgra pa dang ldan// de nyid blan med pa'i yongs su mya nganams 'a pa chen po yin te/ de bas na byang chub sems dpa' dngos po gcig rab tu bsrung ngo // de la ji ltar na byang chub sems dpa' dngos po bzhi la bsnyen pa zhe na/ tshad med pa'i sems bzhi ste/ bzhi gang zhe na/ byams pa chen po dang / snying rje chen po dang / dga' ba chen po dang / btang snyoms chen po'o// sems bzhi po de'i rgyus sems can tshad med mtha' yas pa snyed byang chub kyi sems skyed par byed de/ de bas na byang chub sems dpa' sems rtse gcig tu bsnyen par byed do// de la ji ltar na byang chub sems dpa' yang dag pa gcig la dad cing rjes su gzhol ba zhe na/ de la byang chub sems dpas sems can thams cad lam gcig tu 'gro bar rig go// lam gcig ces bya ba ni/ 'di lta ste/ theg pa chen po'o// sangs rgyas dang byang chub sems dpa' rnams sems can gyi phyir rnam pa gsum du phye ste/ de bas na byang chub sems dpa' dad cing rjes su gzhol te/ 'gal ba mi byed do/ / de la ji ltar na byang chub sems dpa' sems shin tu rnam par grol ba zhe na/ 'dod chags dang / zhe sdang dang / gti mug gi sems yongs su 'gags pas byang

  504. 253a

    chub sems dpa' sems shin tu rnam par grol ba zhes bya'o/ / de la byang chub sems dpa' shes rab shin tu rnam par grol bgang zhe na/ byang chub sems dpa' sems dpa' chen pos chos thams cad la thogs pa med pas na/ byang chub sems dpa'i shes rab shin tu rnam par grol ba zhes bya ste/ shes rab rnam par grol ba'i rkyen gyis sngon ma thos pa ni thos/ sngon ma mthong ba ni mthong / sngon ma phyin par ni phyin par gyur to// de nas byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ bcom ldan 'das ji ltar bcom ldan 'das kyis gsungs pa ltar sems shin tu rnam par grol zhes bya ba de ni don de lta ma lags so/ / de ci'i slad du zhe nu/ sems ni thog ma nas bcings pa ma mchis so// ji lta zhe na/ sems kyi rang bzhin ni 'dod chags dang / zhe sdang dang / gti mug gi kun nas nyon mongs pas bcings par mi 'gyur ro/ / de ltar thog ma nas bcings pa ma mchis na/ ci'i slad du sems shin tu rnam par grol ba zhes gsungs/ bcom ldan 'das gal te sems kyi rang bzhin 'dod chags kyi kun nas nyon mongs pas ma bcings pa lags na/ ci'i rgyu ci'i rkyen gyis 'ching bar 'gyur/ dper na ra

  505. 253b

    la 'jo ba dang 'dra ste/ thog ma nas 'o ma'i mtshan nyid ma mchis pas las mang du bgyis kyang 'o ma 'byung mi srid do// num bzho pa ni de lta ma lags te/ las nyung ngu bgyis kyang 'o ma mang du 'byung ngo / / de bzhin du sems kyang de dang 'dra ste/ thog ma nas 'dod chags ma mchis na da ci ste mchis par 'gyur/ gal te thog ma nas 'dod cha ma mchis la/ phyis 'dod chags mchis par 'gyur ba zhig lags na/ sangs rgyas dang byang chub sems dpa' rnams 'dod chags kyi mtshan nyid thog ma ma mchis pa'abang mchis par 'gyur bar rigs so/ / bcom ldan 'das dper na mo gsha ma ni thog ma nas bu'i mtshan nyid ma mchis pas ji ltar mang du bgyis te/ rgyu rkyen tshad med pa bsags kyang bur 'gyur mi srid do/ / de bzhin du sems kyang de dang 'dra ste/ thog ma nas 'dod chags kyi mtshan nyid ma mchis na rkyen mang po rnams dang mjal kyang 'dod chags mi skyed do// bcom ldan 'das shing gsher ba ni ji ltar btsugs kyang me mi phyin pa ltar sems kyang de dang mtshungs te/ ji ltar btsugs kyang 'dod chags mi rnyed na/ ji ltar 'dod chags kyi kun nas nyon mongs pas sems 'ching bar nus bcom ldan 'das dper na bye ma ji ltar btsir yang mar mi 'byung ste/ de bzhin du sems kyang de dang 'dra ste/ ji ltar btsir kyang 'dod

  506. 254a

    chams mi skye'o/ / de bas na 'dod chags dang sems ni thadad pa lags pas/ nyon mongs pa mchis kyang sems la 'go bar ka la 'gyur/ bcom ldan 'das dper na nam mkha' la phur pa btsugs na chags pa'i gnas ma mchis so/ / de bzhin du sems la 'dod chags btsugs pa'ang de dang 'dra ste/ rgyu rkyen rnam pa sna tshogs bgyis kyang 'dod chags kyis sems 'ching mi nus so/ / bcom ldan 'das gal te sems la 'dod chags ma mchis pas/ sems rnam par grol ba zhes bgyi na/ ci'i slad du sangs rgyas dang byang chub sems dpa' rnams kyis nam mkha'i tsher ma mi 'byung / bcom ldan 'das 'das pa'i sems ni rnam par grol ba zhes mi bgyi/ ma 'ongs pa'i sems kyang rnam par ma grol/ da ltar gyi sems ni byang chub dang lhan cig dus gang gi sems la rnam par grol ba thob pa zhes bgyi/ bcom ldan 'das ji ltar 'das pa'i sgron ma mun pa bsal mi nus la/ ma 'ongs pa'i sgron ma'ang mun pa mi sel/ da ltar gyi sgron ma'ang mun pa mi sel to// de ci'i slad du zhe na/ snang ba dang mun pa ni dus gcig pa ma yin pa'i phyir ro// de bzhin du sems kyang de dang mtshungs na/ ci'i slad du sems rnam par grol ba zhes gsungs/ bcom ldan 'das 'dod chags ni mchis pa lags so// gal te 'dod chags ma mchis na bud med mthong ba'i tshe 'dod

  507. 254b

    rmugs skye ba'i mi rigs so/ / ci ste bud med mthong ba'i rkyen gyis skye bar 'gyur na 'dod chags ni yang dag par mchis par rig go// de ltar 'dod chags mchis pas na ngan song gsum gyirgyur du ltung ngo / / bcom ldan 'das dper na la la zhig ri mor bris pa'i bud med kyi gzugs mthong yang 'dod chags skyes te/ 'dod chags skyes pa'i phyir kha na ma tho ba rnam pa sna rlogs 'thob bo/ / ci ste thog ma nas 'dod chab ma mchis na/ ci'i slad du ri mo mthong ba tsam gyis 'dod chags skye bar 'gyur/ gal te sems la 'dod chags ma mchis na/ ci'i slad du de bzhin gshegs pas byang chub sems dpas rnam par grol ba thob ces gsungs/ gal te sems la 'dod chags ma mchis na/ ci ste mtshan mthong nas gdod skye la/ mtshan ma mthong na mi bdag gis da ltar rnam par smin pa ma mchis par mthong bas na 'dod chags mchis par 'tshal te/ zhe sdang gti mug mchis pa'ang de dang 'dra'o// bcom ldan 'das dper na sems can dag lus mchis kyang bdag ma mchis te/ bus pa ma rabs rnams kyis ni bdag tu 'du shes so// de ltar bdag tu 'dzin pa'i 'du shes mchis kyang ngan song gsum du mi ltung na/ ci'i slad du 'dod chags can bud med kyi mtshan ma mchis par bud med du 'du shes bskyed nas ngan song gsum du ltung bar gyur/ bcom ldan 'das dper na me ni gtsubs pas

  508. 255a

    byung ste/ de ltar me'i rang bzhin de rgyu kun gyi nang na ma mchis na/ ci'i rgyu ci'i rkyen gyis byung bar gyur/ bcom ldan 'das 'dod chags kyang de dang 'dra ste gzugs kyi nang na 'dod chags ma mchis/ dri dang / ro dang / reg bya dang / chos kyi nang na'ang 'dod chags ma mchis na/ ci'i slad du gzugs dang / dri dang / ro dang / reg bya dang / chos las 'dod rlags skyes par gyur/ gal te rgyu mang po'i nang na 'dod chags ma mchis na/ ci ste sems can 'ba' zhig 'dod chags skye la/ sangs rgyas dang byang chub sems dpa' rnams mi skye ste/ bcom ldan 'das sems kyang ma nges pa'o// gal te sems nges pa zhig lags na/ 'dod chags dang / zhe sdang dang / gti mug ma mchis so/ / gal te nges pa zhig na ci ste sems rnam par grol ba thob ces gsungs/ 'dod chags kyang ma nges pa ste/ gal te ma nges pa lags na ci ste de'i rkyen gyis ngan song gsum du skye bar 'gyur/ de lta bas na 'dod chags dang yul gnyis ma nges pa'o// de ci'i slad du zhe na/ gzugs rnam pa gcig la dmigs pa las ched dga' ni 'dod chag ched 'ga' ni zhe sdang skye/ ched 'ga' ni gti mug ste ste/ de bas na 'dod chags dang yul gnyis ka ma nges pa'o// gal te gnyis ka ma des na ci'i slad du de bzhin gshegs pas

  509. 255b

    byang chub sems dpa' rgyu ngan las 'das pa chen po la nan tan byas na/ sems rnam par grol bar 'gyur zhes bsrungs// 'phags pa yongs su m+b+ha las 'das pa chen po'i mdo bam po nyi shu drug pa/ / / de nas bcom ldan 'das kyis/ byang chub sems dpa' sems dpa' chen po kun tu snang ba mtho btsun dpal gyi rgya po la bka' stsal pa/ legs so legs so// rigs kyi bu sems ni 'dod chags pas kun nas nyon mongs pas bcings pa ma yin gyi/ ma bcings pas ma yin/ rnam par grol ba'ang ma yin/ rnam par ma grol ba'ang ma yin/ yod pa ma yin/ med pa ma yin/ da ltar ma yin/ 'das pa ma yin/ ma 'ongs pa ma yin/ ci'i phyir zhe na/ rigs kyi bu chos thams cad rang bzhin med pa'i phyir ro/ / rigs kyi bu mu stegs can kha cig 'di skad ces smras te/ rgyu dang rkyen 'dus pa las 'bras bu skye'o zhes smras so// gal te rkyen rnams la thog ma nas skye ba'i rang bzhin med par skye bar 'gyur ba zhig yin na/ nam mkha' yang ma skyes pas 'bras bu skye ba'i rigs so// nam mkha' mi skye ba'i rgyu ma yin pa'i phyir te/ rkyen rnams la thog ma nas 'bras bu'i rang bzhin yod pas/ de'i phyir 'dus pa las 'bras bu skye bar gyur to// de'ang ji lta zhe na/ dper na 'di lta ste/ lha sbyin ni rtsig pa rtsig na 'jim pa dang

  510. 256a

    sa sbyor gyi/ tshon rtsi mi sbyor ro// ri mo 'dzin na tshon gyi sbyor gyi/ rtsa dang shing mi sbyor ro// glos 'drub na skud pa sbyor gyi/ 'jim pa dang shing mi sbyor khang pa byed na 'jim pa dang shing sbyor gyi/ skud pa dang mi sbyor ro// de ltar sbyor bas na de dag gi nang na so so nas 'bros bu skye bar rig go// 'bras bu skyes pas rgyu'i nang na gdon mi za bar rang bzhin yod do/ / gal te rang bzhin med na/ dngos po gcig las dngos po thams cad skye zhing 'byung ba'i rigs so// de ltar sbyar du yod la byar rung dbyung du rung bas na/ de dag gi nang na gdon mi za bar thog ma nas 'bras bu yod do/ / gal te 'bras bu med na su'ang mi sbyor mi 'byed de mi 'byung ngo // nam mkha' ni mi sbyor mi 'byed pas da dngos po thams cad skye zhing 'byung bar nus so/ / de ltar rgyu yod pa'i phyir shing n+ya gro d+ha'i sa bon ni shing n+ya gro d+ha la gnas la/ 'o ma'i nang na mar gyi snying khu yod pa dang / skud pa las ras su gyur pa dang / 'ji ba'i nang na rdza ma yod pa bzhin/ rigs kyi bu bus pa ma rabs thams cad ni ma rig pas mdongs pas 'di ltar nges par 'chad do// tshon ni chags pa'i don te sems ni 'dod pa'i rang bzhin can no zhes smra'o/ / yang 'di skad du bus pa ma rabs kyi sems la 'dod chags kyi rang bzhin yang yod la/ rnam par grol ba'i rang bzhin yang yod de// 'dod chags pa'i rkyen dang

  511. 256b

    pas ma yo rnam pa'i sems skye'o/ / rnam par grol ba'i rkyen dang phrad na rnam par grol ba'i sems skye'o zhes smras te/ de ltar spu mod kyi/ don ma yin no// gzhan yang zhus pa ma rabs cig 'di skad ces smra ste/ rgyu thams cad kyi nang na 'bras bu med do// rgyul rnam pa gnyis te/ phra ba dang / sbom po'o// zla ba ni rtag pa'o// sbom po ni mi rtag pa'o// rba rgyu las sbom po ni rgyur 'gyur te/ sbom po'i rgyu de las 'bras bur 'gyur ro// sbom po mi rtag pa'i phyir 'bras bu'ang mi rtag ces 'chad do// rigs kyi bu gzhan yang bus pa ma rabs kha cig 'di skad du sems kyang rgyu med la/ 'dod chags pa'ang rgyu med de/ dus kyis 'dod chags kyi sems skye'o zhes smras te/ de dag la sogs pa ni sems kyi rgyu dang rkyen mi shes pas rgyud drug tu 'khor te skye shing yongs su rdzogs pa len to/ / rigs kyi bu dper na khyi zhig ltong la btags te ka ba la btags na/ rtag tu ka ba la 'khor te spong mi nus so/ / de bzhin du bus pa ma rabs so so'i skye bo thams cad kyang de dang 'dra ste/ ma rig pa'i ltong gis 'khor ba'i ka ba la bcings pas srid pa nyi shu rtsa lngar 'khor te spong mi nus so/ / rigs kyi bu dper na la la zhig mi gtsang ba'i dong du lhung ba las byung nas phyir yang nang du zhugs pa dang / ji ltar nad pa sos nas phyir nad kyi rgyur 'gyur ba byed pa dang

  512. 257a

    ji ltar la la zhig 'brog dkon par song ba 'khor ba las phyir song ba dang / ji ltar dag par bkrus nas phyir 'jim pa dang sas bskus pa ltar ma rab thams cad kyang de dang 'dra ste/ ci'ang med min skye mched las rnam par grol te/ 'du shes med 'du shes med min skye mched 'ba' zhig las ma grol ba las phyir yang ngan song gsum du 'ong ngo / / de ci'i phyir zhe na/ bus pa ma rabs thams cad ni 'bras bu 'ba' zhig rtog ste/ rten cing 'brel ba mi rtog go// ji ltar khyi ro la snyeg gi/ mi la mi snyeg pa lta bus pa ma rabs so so'i skye bo thams cad kyang de dang 'dra ste/ 'bras bu 'ba' zhig rtog gi/ rgyu dang rkyen la mi rtog go// de ltar mi rtog pa'i phyir 'du shes med pa nas log ste/ phyir yang ngan song gsum du lhung ngo // rigs kyi bu sangs rgyas dang byang chub sems dpa' rnams ni nges par rgyu'i nang na 'bras bu yod ce'am/ rgyu'i nang na 'bras bu med ce'am/ 'bras bu yod kyang yod la med kyang med ce'am/ 'bras bu yod pa'ang ma yin med pa'ang ma yin zhes gcig tu chad par mi ston to// yang 'di skad du rgyu'i nang na thob ma nas nges par 'bras bu yod ce 'am/ nges par 'bras bu med ce'am/ nges par 'bras bu yod kyang yod la med kyang ce 'am/ nges par yod pa'ang ma yin med

  513. 257b

    pa'ang ma yin pa'o/ / zhes smra ba de ni bdud kyi thobs su gyur pa/ bdud kyi ris su gtogs pas sred pa can yin par rig par bya ste/ de ltar sred pa can de'i 'khor bas bcings pa gcod mi nus te/ sems kyi mtshan nyid dang 'dod chags kyi mtshan nyid mi shes so// rigs kyi bu sangs rgyas dang byang chub sems dpa' rnams ni dbu ma'i lam ston to// de ci'i phyir zhe na/ chos thams cad yod pa'ang ma yin/ med pa'ang ma yin par ston kyang gcig tu nges pa ma yin no// de ji lta zhe na/ mig dang / gzugs dang / snang ba dang / sem dang / yid kyi rkyen gyis rnam par shes pa skyes par gyur to// rnam par shes pa de'ang nges par mig la mi gnas/ gzugs dang / snang ba dang / sems dang / yid kyi nang na mi gnas na/ gnas yod pa ma yin med pa ma yin te/ rten cing 'brel te 'byung ba las skyes pa'i phyir yod pa zhes bya'o// rang bzhin med pa'i phyir med pa zhes bya ste/ de'i phyir de bzhin gshegs pas chos thams cad yod pa'ang ma yin med pa'ang ma yin zhes 'chad do/ / rigs kyi bu sangs rgyas dang byang chub sems dpa' rnams ni nges par sems la rnam pa dag pa'i rang bzhin yod ce'am/ rnam par dag pa'i rang bzhin med ces mi 'chad do// rnam par dag pa dang rnam par ma dag pa'i sems mi gnas pa'i phyir ro// rkyen las 'dod

  514. 258a

    chags skye bas na med pa ma yin no/ / thog ma nas 'dod chags kyi rang bzhin med pa'i phyir yod pa ma yin zhes bshad do// rigs kyi bu rten cing 'brel te 'byung ba'i phyir 'dod chags kyi sems skye'o/ / rten cing 'brel te 'byung ba'i phyir sems rnam par grol lo// rigs kyi bu rten cing 'brel te 'byung ba la rnam pa gnyis te/ 'khor ba'i rjes su 'gro ba dang / mya ngan las 'das pa'i rjes su 'gro'o// rigs kyi bu rten cing 'brel te 'byung ba'i phyir sems 'dod chags dang lhan cig tu skye la/ 'dod chags dang lhan cig tu 'gog pa'ang yod/ 'dod chags dang lhan cig tu skye la/ 'dod chags dang lhan cig tu mi 'gog pa'ang yod/ 'dod chags dang lhan cig tu mi skye la/ 'dod chab dang lhan cig tu mi 'gog pa'ang yod/ 'dod chags dang lhan cig tu mi skye zhing / 'dod chags dang lhan cig tu mi 'gog pa'ang yod do// de la ji ltar na sems 'dod chags dang lhan cig tu skye la/ 'dod chags dang lhan cig tu 'gog pa zhe na/ rigs kyi bu gal te bus pa ma rabs gang 'dod chags kyi sems ma bcad par 'dod chags kyi sa la nan tan byed pa ni sems 'dod chags dang lhan cig tu skye zhing 'dod chags dang lhan cig tu 'gog pa zhes bya ste/ sems can thams cad ni 'dod chags kyi sems ma bcad pas sems 'dod

  515. 258b

    chags dang lhan cig tu skye la/ sems 'dod chags dang lhan cig tu 'gog go/ dper na 'dod pa'i khams kyi sems can thams cad la bsam gtan dang po pa'i bskal pa yod de/ ma kyang drang ma bsgom kyang rung dka tu ldan te/ rkyen dang nam phrad pa na thob par 'gyur ro// rkyen zhes bya ba ni/ 'di lta ste/ me'i bskal pa'o// de bzhin du bus pa ma rabs thams cad kyang de dang 'dra ste/ bsgoms kyang rung ma bsgoms kyang rung / sems 'dod chags dang lhan cig skye la 'dod chags dang lhan cig 'gog go// de ci'i phyir zhe na/ 'dod chags ma bcad pa'i phyir ro/ / de la ji ltar na sems 'dod chags dang lhan cig skye la/ 'dod chags dang lhan cig mi 'gog pa zhe na/ nye gnas nyan thos rnams ni rgyu rkyen gyis 'dod chags kyi sems skye'o/ / 'dod chags kyi sems la 'jigs pa'i phyir keng rus bsgoms te/ de ni sems 'dod chags dang lhan cig skyes la/ 'dod cha dang lhan cig mi 'gog pa zhes bya'o/ / gzhan yang sems 'dod chags dang ldan cig skyes la/ 'dod tshugs dang ldan cig mi 'gog pa'ang yod do// dper na nyan thos 'bras dra ba'i ma thob pa dag rgyu dang rkyen gyis 'dod chags kyi sems rtse'o/ / 'bras bu bzhi thob pa na 'dod chags kyi sems 'gog par 'gyur te/ de ni sems 'dod chags dang lhan ci

  516. 259a

    skye la/ 'dod chags dang lhan cig mi 'gog pa zhes bya'o// byang chub sems dpa' sems dpa' chen po mi g.yo ba'i sa thob pa na sems 'dod chags dang lhan cig mi skye la/ 'dod chags dang lhan cig 'gog go// de la ji ltar na 'dod chags dang lhan cig mi skye la/ 'dod chags dang lhan cig 'gog pa zhe na/ gal te byang chub sems dpa' sems dpa' chen pos 'dod chags kyi sems bcad kyang / sems can gyi phyir 'dod chags yod par ston te/ de ltar bstan pa'i phyir sems can tshad med mtha' yas pa dge ba'i chos la rtsol te yongs su rdzogs par 'gyur ro/ / de ni 'dod chags dang lhan cig mi skye ste/ 'dod chags dang lhan cig 'gog pa zhes bya'o// de la ji ltar na 'dod chags dang lhan cig mi skye la/ 'dod chags dang lhan cig mi 'gog pa zhe na/ de ltar dgra bcom pa dang / rang sangs rgyas dang / de bzhin gshegs pa dang / mi g.yo ba'i sa thob pa ma gtogs par/ byang chub sems dpa' gzhan rnams ni 'dod chags dang lhan cig mi skye la/ 'dod chags dang lhan cig mi 'gog go// de bas na sangs rgyas dang byang chub sems dpa' rnams kyis sems can gyi rang bzhin yong gis dag ce'am/ yong gis ma dag ces nges par mi 'chad do// rigs kyi bu sems ni 'dod chags

  517. 259b

    kyi kun nas nyon mongs pa dang 'brel ba ma yin/ zhe sdang dang gti mug dang 'brel pa ma yin no// rigs kyi bu dper na nyi zla la lug rlung dang / rdul dang / sprin dang nabun dang / s+tha gcan 'dzin la sogs pas bsgribs te/ de'i rkyen gyis sems can+da rnams kyis mi mthong bar gyur te/ da ltar mi mthong mod kyi/ nyi zla'i rang bzhin de sgrib pa lnga dang 'brel ba ma yin no/ / sems kyang de dang 'dra ste/ rgyu dang rkyen kha cig gi phyir 'dod chags kyi kun nas nyon mongs pa skye bas/ sems can gyis sems dang 'dod cham 'brel to zhes 'chad kyang / sems kyi rang bzhin ni yang dag par 'brel ba ma yin no// gang 'dod chags kyi sems de ni 'dod chags kyi rang bzhin no// gang 'dod mi chags pa ni 'dod mi chags pa'i rang bzhin te/ 'dod mi chags pa'i sems kyang 'dod chags par mi 'gyur la/ 'dod chags kyi kun nas nyon mongs pa'i sems kyang 'dod mi chags par mi 'gyur ro/ / rigs kyi bu de lta bas na 'dod chags kyi kun nas nyon mongs pa sems la 'go bar mi nus so// sangs rgyas dang byang chub sems dpa' rnams ni 'dod chags kyi kun nas nyon mongs pa yongs su bcom pas/ de'i phyir sems rnam par grol ba thob bo zhes 'chad do// sems can ma rabs thams cad ni rgyu dang rkyen gyis 'dod chags kun nas nyon

  518. 260a

    mongs pa skye la/ rgyu dang rkyen gyis sems rnam par grol bar 'gyur ro// rigs kyi bu dper na ri kha ba can rab tu gzar ba'i granas na mi dang spre'u gnyis ka 'jo mi nus so/ / gnas la lar ni spre'u 'gro'ang mi 'bri mi nus so// gnas la lar ni spre'u dang mi gnyis ka 'gro nus so// rigs kyi bu maM dang spre'u gnyis ka thar pa'i gnas na rngon pa dag gi leb la rnyong gis bskus nas spre'u 'dzin to/ / spre'u the tshom zabs lag pa brgyang ste myangs so// lag pa reg nas 'byar bar gyur to// lag pa shor bar 'dod pa'i phyir rkang pas brdzis pa dang / rkang pa'ang 'byar bar gyur to// rkang pa shor bar 'dod pa'i phyir sos gzung ba dang / kha'ang 'byar bar gyur te/ de ltar yan lag lnga kun tu ma shor bar gyur to// de/ nas rngon pas 'khar ba'i thog tu bzhag nas khur te phyir khyim du 'ong ngo // de bzhin du ri kha ba can gyi gzar ba'i gnas ni sangs rgyas dang byang chub sems dpa' rnams kyis yang dag pa'i lam thob pa lta bu'i dpe'o/ / spre'u ni bus pa ma rabs so so'i skye bo rnams kyi dpe'o// rngon pa ni bdud sdig to can gyi dpe'o// rnyong ni 'dod chags kyi kun nas nyon mongs pa'i dpe'o/ / mi dang spre'u gnyis ka mi thar pa ni bus pa ma rabs rnams dang / bdud sdig to can gnyis kas mi thar pa'i dpe'o// spre'u thar la mis mi thar pa ni mu stegs can shes rab

  519. 260b

    rang ldan pa rnams la bdud sdig to can la sogs pa'i 'dod pa lngas kyang bcing mi nus pa'i dpe'o/ / mi dang se'u gnyis ka b+hA ra pa ni bris pa ma rabs dang / bdud sdig tocan rtag 'khor ba la gnas te nan tan du spyod mi nus pa'i dpe'o/ / bus pa ma rabs ni 'dod pa lngas bcings pas bdud sdig to can gyis bde blag tu khyer ba ni/ rngon pa des spre'u zin nas khur du khyer te khyim du 'ongs pa'i dpe'o/ / rigs kyi bu dper na rgyal po bdag gi khyams kyi yul na gnas na lus dang sems gnyis bde'o// gal te gzhan gyi yul du song na sdug bsngal mang po skye bar 'gyur ro/ / de bzhin du sems can thams cad kyang de dang 'dra ste/ bdag gi spyod yul la gnas na rab tu bde'o// gal te gzhan gyi yul na gnas na bdud sdig to can dang phrad de sdug bsngal mang po myong bar 'gyur ro/ / bdag gi spyod yul zhes bya ba ni dran pa nye bar gzhag pa bzhi'o// gzhan gyi yul zhes bya ba ni 'dod pa lnga yin no// de la ji ltar na bdud kyi ris su gtogs pa zhe na/ sems can kha cig mi rtag pa la rtag par lta/ rtag pa la mi rtag par lta/ sdug bsngal la ni bde bar lta/ bde ba la ni sdug bsngal bar lta/ yongs su dag pa la yongs su ma dag par lta/ yongs su ma dag pa la yongs su dag par lta/ bdag med pa la bdag tu lta/ bdag la bdag med par lta/ yang dag par rnam par

  520. 261a

    grol ba ma yin pa la rnam par grol bar lta/ yang dag par rnam par grol ba ma yin par lta/ theg pa ma yin pa la theg par lta/ theg pa la ni theg pa ma yin par lta ste/ de dag ni bdud kyis bcings pa zhes bya'o// bdud kyis bcings pa ni sems ma byang ba'o// gzhan yang rigs kyi bu gang chos thams cad la yang dag par yod par lta zhing so so'i mtshan nyid nges par lta na/ des gzugs mthong ba'i tshe gzugs kyi mtshan nyid du 'dzin pa nas/ rnam par shes pa mthong ba'i bar du rnam par shes pa'i mtshan nyid du 'dzin te/ skyes pa la skyes pa'i mtshan nyid du lta/ bud med la bud med kyi mtshan nyid du lta/ nyi ma la nyi ma'i mtshan nyid du lta/ zla ba la zla ba'i mtshan nyid lta/ lo la lo'i mtshan nyid du lta/ phung po la phung po'i mtshan nyid du lta/ skye mched la skye mched kyi mtshan nyid du lta/ khams la khams kyi mtshan nyid du lta ste/ de lta bur lta ba ni bdud kyis bcings pa zhes bya ste/ bdud kyis bcings pa ni sems ma byang ba'o/ / gzhan yang rigs kyi bu gang bdag la gzugs su lta zhing / gzugs kyi nang na bdag yod la/ bdag gi nang na'ang gzugs yod de/ gzugs ni bdag la gtogs so zhes bya ba nas/ bdag la rnam par shes par lta zhing rnam par shes pa'i nang na bdag yod la/ bdag gi nang na'ang rnam par shes pa'ang yod de/ rnam par

  521. 261b

    shes pa ni bdag la gtogs pa'i bar du lta ba de ltar lta ba de ni bdud kyis bcings pa/ bdud kyi ris su gtogs pa ste/ nga'i nye gnas ma yin no// rigs kyi bu nga'i nyan thos kyi nye gnas dag de ltar mdo sde bcu gnyis spangs te/ mu stegs can gyi yi ge dang / gtsug lag rnam pa mang po slob par byed de/ rab tu byung ba'i zhi ba'i las mi sgom par 'jig rten la khyim pa'i bya ba 'ba' zhig sgrub po/ / ji ltar na khyim pa'i bya ba bsgrub pa zhe na/ ma brtags pa'i rdzas thams cad 'chang ba'o// 'di lta ste/ bran pho dang / bran mo dang // shing dang / khang pa dang / babal glang dang / rta dang / shing rta dang / rnga mo dang / bong bu dang / bya dang / khyi dang / spre'u dang / phag dang / lug dang / nas 'bras sna tshogs 'chang ste/ mkhan po dang dge 'dun spong zhing khyim pa skye bo la sten te/ 'phags pa'i chos dang 'gal bar byed cing / khyim pa skya bo dag la 'di skad ces smra'o// sangs rgyas kyi dge slong dag ma brtags pa'i rdzas rnam pa sna tshogs 'chang du nang ngo / / zhes smra ba de ni khyim pa'i bya bar sha stag byed pa'o// gzhan yang nye gnas kha cig ni mya ngan las 'das pa'i phyir ni ma yin gyi/ rnyed pa dang grags pa'i phyir mdo sde sde bcu gnyis mnyan kyang / dge 'dun gyi spyi'i nor dang / dge 'dun gyi 'phreng ba dang / rdzas spyod cing zab la bdag gi dang 'dra bar 'dzin te/ gzhan gyis rnyed pa dang grags pa la phrag

  522. 262a

    dog dang ser sna byed la/ rgyal po dang rgyal bu rnams la sten cing mo 'debs pa dang / lhas bzang ngan lta ba dang / mig mangs dang / ud shud dang / cho lo dang khras dang / rtsed mo rnam pa sna tshogs byed de/ dge slong ma dang / yugs sa mo la bsten pa dang / dge tshul gnyis 'chang ba dang / rtag tu shan pa dang / rngon pa dang / chang 'tshong ba'i khyim dang / rigs ngan gdol pa'i gnas rgyu zhing 'gro ba dang / cho 'phrul sna tshog byed pa dang / bdag gis lag bdar te kha zas byed pa dang / gzhan gyi yul du pho nyar 'gro zhing zan 'phrin skyel ba'i las byed pa de lta bu dag ni bdud kyi 'khor yin par rig par bya ste/ nga'i nye gnas ma yin no// de'i rgyu de'i rkyen gyis sems 'dod chags dang lhan cig skye la 'dod chags dang lhan cig 'gog pa nas/ gti mug gi bar du lhan cig skye zhing lhan cig 'gog go// rigs kyi bu de'i rgyu de'i rkyen gyis sems kyi rang bzhin ni dag pa'ang ma yin la/ ma dag pa'ang ma yin te/ de bas na ngas sems rnam par grol ba 'thob bo zhes bshad do// gang ma brtags pa'i rdzas thams cad mi len mi 'chang la/ mya ngan las 'das pa chen po'i phyir mdo sde sde bcu gnyis 'dzin cing 'chang ba dang / klog pa dang / 'don pa dang / yi ger bris te bkrol zhing bshad pa de dag ni/ nga'i nye gnas yang dag pa yin pas bdud

  523. 262b

    sdig tog can gyi spyod yul du mi 'gro ba ste/ de ni byang chub kyi phyogs kyi chos sum cu rtsa bdun bsgom pa yin par rig par bya'o// de ltar bsgoms pa de ni 'dod chags dang lhan cig mi skye/ 'dod chags dang lhan cig mi 'gog ste/ de ni byang chub sems dpa' yongs su mya ngan las 'das pa chen po'i mdo sde dam pa la nan tan byed pa'i yon tan brgyad dang ldan pa zhes bya'o/ / / gzhan yang rigs kyi bu de la ji ltar na byang chub sems dpa' sems dpa' chen po yongs su mya ngan las 'das pa chen po'i mdo sde dam pa la nan tan byed pas yon tan dgu dang ldan pa zhe na/ rigs kyi bu byang chub sems dpa' sems dpa' chen po yongs su mya ngan las 'das pa'i mdo sde dam pa la nan tan byed pas/ thog ma dngos po lnga bskyed na thams cad 'grub par 'gyur ro/ / lnga gang zhe na/ 'di lta ste/ dad pa dang / sems dben pa dang / tshul khrims dang / dge ba'i bshes gnyen la bsnyen pa dang / mang du thos pa'o// de la ji ltar na dad pa zhe na/ byang chub sems dpa' sems dpa' chen po dkon mchog gsum dang / sbyin pa'i 'bras bu yo par yid ches pa dang / bden pa gnyis la yid ches pa dang / theg pa gcig gi lam las lam gzhan med de/ sems can rnams myur du rnam par grol ba 'thob par bya ba'i

  524. 263a

    phyir/ sangs rgyas dang byang chub sems dpa' rnams kyis rnam pa gsum du bye bar yid ches pa dang / don dam pa'i bden pa la yid ches pa dang / thabs mkhas pa la yid ches pa ni dad pa zhes bya ste/ de ltar dad pa la ni dge sbyong dang / bram ze 'am/ lha 'am/ bdud dam/ tshangs pa 'am/ sems can thams cad kyis gzhig mi nus so/ / dad pa de'i rkyen gyis 'phags pa'i rang bzhin 'thob ste/ sbyin pa byas pa mang yang rung nyung yang rung thams cad yongs su mya ngan las 'das pa chen po la bar 'gyur te 'khor bar mi ltung ngo / / de bzhin du tshul khrims dang / mang du thos pa dang / shes rab kyang de dang 'dra ste/ de ni dad pa zhes bya'o// dad pa de lta bu yod kyang de ltar mi lta ba ni byang chub sems dpa' yongs su mya ngan las 'das pa chen po sgom pa'i dngos po dang ldan pa zhes bya'o/ / de la ji ltar na sems dben pa zhe na/ byang chub sems dpa' sems chen po sems can thams cad la drang ba'i sems 'jog go// sems can thams cad ni gal te rgyu rkyen phrad na g.yo dang sgyu skye ste/ byang chub sems dpa' ni de lta bu ma yin no/ / de ci'i phyir zhe na/ chos thams cad ni rten cing 'brel te byung bar shin tu mkhas pa'i phyir ro// byang chub sems dpa' sems

  525. 263b

    dpa' chen pos sems can gyi nyes pa'i skyon thams cad mthong yang mi brjod do/ / de ci'i phyir zhe na/ nyon mongs pa skye bar dogs pa'i phyir te/ gal te nyon mongs pa skyes na ngan song du ltung bar 'gyur ro/ / byang chub sems dpas gal te sems can gyi legs pa cung zad mi mthong na'ang bsngags shing bstod do// legs pa gang zhe na/ 'di lta ste/ sangs rgyas kyi rang bzhin no// sangs rgyas kyi rang bzhin la bsngags pas sems can thams cad bla na med pa yang dag par rdzogs pa'i byang chub tu sems skye bar 'gyur ba'i phyir ro// de nas byang chub sems dpa' sems dpa' chen po kun tu snang ba mtho btsun dpal gyi rgyal pos/ bcom ldan 'das la 'di skad ces gsol to// bcom ldan 'das ji ltar bcom ldan 'das kyis gsungs pa ltar/ byang chub sems dpa' sems dpa' chen pos sangs rgyas kyi rang bzhin bsngags pas/ sems can tshad ma mchis pa snyed bla na med pa yang dag par rdzogs pa'i byang chub tu sems skye'o/ / zhes bgyi ba'i don de lta ma lags so// de ci'i slad du zhe na/ de bzhin gshegs pas thog ma yongs su mya ngan las 'das pa'i mdo sde phye ba na rnam pa gsum zhig bzhugs te/ gang zhe na/ gal te nad pa gang sman pa mkhas pa dang / sman pa bzang po dang phrad cing / nad

  526. 264a

    g.yog yod pas nad myur du 'tshol/ gal te de dag med na nams kyang mi 'tsho ba dang / de dag dang phrad kyang rung / ma phrad kyang rung ste yongs su mi 'tsho ba dang de dag dang phrad kyang rung ma phrad kyang rung yong gis 'tsho bar 'gyur ba dang rnam pa gsum gsungs so/ / de bzhin du sems can thams cad kyang gal te dge ba'i bshes gnyen dang phrad de/ sangs rgyas dang byang chub sems dpa' las dam pa'i chos thos na bla na med pa yang dag par rdzogs pa'i byang chub tu sems skye'o// gal te ma phrad na mi skye ba ni/ 'di lta ste/ rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa dang / rang sangs rgyas rnams so// dge ba'i bshes gnyen dang phrad de/ sangs rgyas dang byang chub sems dpa' las dam pa'i chos thos kyang sems bskyed mi nus la/ gal te ma phrad na sems bskyed mi nus pa ni/ 'di lta ste/ log sred can no// phrad kyang rung ma phrad kyang rung / thams cad bla na med pa yang dag par rdzogs pa'i byang chub tu sems skye ba ni/ 'di lta ste/ byang chub sems dpa' 'o zhes gsungs te/ de ltar phrad kyang rung ma phrad kyang rung / thams cad bla na med pa yang dag par rdzogs pa'i byang chub tu sems skye ba zhig lags na/ de ci'i slad du/ de bzhin gshegs pas sangs rgyas kyi rang

  527. 264b

    bzhin bsngags pa'i rkyen gyis sems can rnams bla na med pa yang dag par rdzogs pa'i byang chub tu sems skye'o zhes gsungs/ bcom ldan 'das dge ba'i bshes gnyen dang phrad kyang rung ma phrad kyang rung / sangs rgyas dang byang chub sems dpa' las chos thos kyang rung ma thos kyang rung ste/ bla na med pa yang dag par rdzogs pa'i byang chub tu sems skye bar mi 'gyur ro/ / zhes bgyi ba'i don de'ang de lta ma lags par 'tshal to// ci'i slad du zhe na/ de dag kyang bla na med pa yang dag par rdzogs pa'i byang chub tu 'gyur ba'i slad du'o// log sred can yang sangs rgyas kyi rang bzhin gyi phyir thos kyang rung ma thos kyang rung / thams cad bla na med pa yang dag par rdzogs pa'i byang chub tu 'gyur ro// bcom ldan 'das ji ltar bcom ldan 'das kyis gsungs pa ltar log sred can ces bgyi ba ni dge ba'i rtsa ba bcad pa'o zhes bgyi de'ang de lta ma lags so/ / de ci'i slad du zhe na/ sangs rgyas kyi rang bzhin ma gcad pa'i slad du'o/ / de ltar sangs rgyas kyi rang bzhin ni gcad du mi rung ba'i chos can lags na/ ci'i slad du bcom ldan 'das kyis dge ba'i rtsa ba bcad pa'o zhes gsungs/ ji ltar sngon bcom ldan 'das kyis mdo sde sde bcu gnyis gsungs pa las/ dge ba zhes bgyi ba la rnam pa gnyis te/ rtag pa dang / mi rtag pa'o// rtag pa ni

  528. 265a

    gcad du ma mchis/ mi rtag pa ni gcad du mchis so// mi rtag pa gcad du mchis pas sems can dmyal bar lhung na/ rtag pa gcad du ma mchis pa'ang ci'i slad du ma bzlog/ sangs rgyas kyi rang bzhin gcad du ma mchis pas log sred can ma lags na/ de bzhin gshegs pas ci'i slad du log sred can zhes gsungs/ bcom ldan 'das gal te sangs rgyas kyi rang bzhin gyi rkyen gyis bla na med pa yang dag par rdzogs pa'i byang chub kyi sems skye na/ ci'i slad du de bzhin gshegs pas sems can rnams la mdo sde sde bcu gnyis rgyas par bstan/ bcom ldan 'das dper na klung chen po bzhi rmar mtsho ma dros pa nas byung bas/ gal te mi 'am/ lha 'am/ sangs rgyas bcom ldan 'das kyis klung chen po rgya mtshor mi 'bab kyi/ slar thog ma byung ba'i gnas su 'bab ces bgyi ba de lta bu'i gnas ma mchis so// byang chub kyi sems kyang de dang 'dra ste/ sangs rgyas kyi rang bzhin ma mchis pas/ thos kyang rung ma thos kyang rung / tshul khrims 'dzin kyang rung mi 'dzin kyang rung / sbyin pa bgyis kyang rung ma bgyis kyang rung / spyod kyang rung mi spyod kyang rung / ye shes kyang rung ye shes ma lags pa'ang rung ste/ thams cad bla na med pa yang dag par rdzogs pa'i byang chub thob par 'gyur ro// bcom ldan 'das dper na ri

  529. 265b

    u ta ya na zhes bgyi ba las nyi ma shar te nyi ma gung du phyin pa nas/ nyi ma de 'di snyam du nub phyogs su mi 'gro'i/ slar shar phyogs su 'gro snyam du bsam pa'i gnas ma mchis so// sangs rgyas kyi rang bzhin yang de dang 'dra ste/ thos pa ma mchis/ tshul khrims mi 'dzin/ sbyin pa mi bgyid/ spyad pa mi spyod/ ye shes ma mchis kyang / bla na med pa yang dag par rdzogs pa'i byang chub mi 'thob pa'i gnas ma mchis so/ / bcom ldan 'das ji ltar sangs rgyas bcos ldan 'das kyis rgyu dang 'bras bu'i rang bzhin la yod pa'ang ma lags med pa'ang ma lags so/ / zhes gsungs pa'i don dran yang de lta ma lags so// de ci'i slad du zhe na/ ji ltar 'o ma'i nang na zho'i rang bzhin ma mchis na/ zho'ang ma mchis so// n+ya gro d+ha'i sa bon la 'dom lngar skye ba'i rang bzhin ma mchis na/ shing 'dom lnga par skye bar mi 'gyur ro// de bzhin du sangs rgyas kyi rang bzhin gyi nang na bla na med pa yang dag par rdzogs pa'i byang chub kyi shing ma mchis nA/ ji ltar bla na med pa yang dag par rdzogs pa'i byang chub kyi shing skye bar 'gyur/ de lta bas na rgyu dang 'bras bu la yod pa'ang ma lags/ med pa'ang ma lags shes gsungs pa de ji ltar don dang ldan par 'gyur/ de nas bcom ldan 'das kyis legs so legs so zhes ston to// rigs kyi bu 'jig rten na skyes bu rnam pa gnyis

  530. 266a

    yod de/ ji ltar u dum wa ra'i me tog ltar shin tu dkon no// de gang zhe na/ mi dge ba'i chos mi byed pa dang / kha na mtho ba'i sdig byas pa 'gyod pa stede lta bu ni shin tu dkon no/ / yang skyes bu rnam pa gnyis yod de/ drin med pa dang / drin dran pa'o// yang skyes bu rnam pa gnyis yod de/ chos ma thos pa nyan pa dang / thos pa mi brjed par byed pa'o// yang skyes bu rnam pa gnyis yod de/ gsar byed pa dang / rnying 'chos pa'o// yang skyes bu rnam pa gnyis yod de/ chos thos par dga' ba dang / chos ston par dga' ba'o// yang skyes bu rnam pa gnyis yod de/ 'dri ba la mkhas pa dang / lan 'debs pa la mkhas pa'o// 'dri ba la mkhas pa ni khyod yin no// lan 'debs pa la mkhas pa ni de bzhin gshegs pa'o// rigs kyi bu 'dri mkhas pa'i rkyen gyis bla na med pa'i chos kyi 'khor lo bskor bar gyur te// de bas na rten cing 'brel te byung ba bcu gnyis kyi sdong po skems pa dang / 'khor ba mtha' yas pa'i klung chen po las sgrol ba dang / bdud kyi rgyal po sdig to can gyi dmag la brgal ba dang / sdig to can gyis bsgreng ba'i rgyal mtshan bsgyel bar gyur to/ / rigs kyi bu ji ltar ngas gong du nad pa rnam pa gsum bshad pa las sman pa mkhas pa dang / nad g.yog dang / sman bzang po dang phrad dam ma phran

  531. 266b

    kyang rung 'tsho bar 'gyur ro zhes bya ba de'i don ji lta bu zhe na/ ldan yang rung ba ni/ 'di sa ste/ tshe'i tshad nges pa'o// gang zhe na/ gang zag tshe rabs tshad med pa'i bar du dge ba rnam pa/ gsum spyad pa'o// 'di sa ste/ rab dang / 'bring dang / tha ma'o// de ltar dge ba rnam pa gsum spyod pa'i phyir tshe'i tshang nges par gyur te/ de ltar byang kyi snga mi snyan gyi gling du skyes pa'i mi dag tshe lo stong thub pa'i mi dag nad kyis btab na/ gal te sman pa mkhas pa dang / sman bzang po dang / nad g.yog la sogs pa dang phrad kyang rung ma phrad kyang rung ste 'tsho pabar 'gyur ro/ / de ci'i phyir zhe na/ tshe'i tshad nges pa thob pa'i phyir ro// rigs kyi bu ji ltar ngas nad pa sman pa mkhas pa dang / sman bzang po dang / nad g.yog dang phrad na nang 'tsho bar 'gyur gyi/ gal te de dag dang ma phrad na mi 'tsho zhes pa'i don de ji lta bu zhe na/ rigs kyi bu gang zag de ni tshe'i tshad ma nges pa ste/ tshe ma zad kyang rgyu rkyen rnam pa dgus glo bur du tshe'i dus byed par 'gyur ro/ / dgu gang zhe na/ zas mi bde bar 'gyur bar shes bzhin du zos pa dang / mang du za ba dang / zas snga ma ma zhu bar yang za ba dang / bshang gci dus bzhin du mi 'dor ba dang / na ba'i tshe sman pa'i ngag mi nyan pa dang / nad g.yog gi ngag bzhin du mi byed pa dang / sgyug sman btang nas nan gyis brnags te mi skyug pa nub mo 'phyan pa las

  532. 267a

    gdon drag pos btab pa dang / mi tshangs pa bag med par spyod pa ste/ de lta bu'i rkyen gyis na bar gyur pa dag gal te sman pa dang sman dang phrad na 'tshol/ gal te/ ma phrad na mi 'tsho'o zhes bshad do// rigs kyi bu ji ltar ngas gong du gsungs pa ltar/ sman la sogs pa dang phrad kyang rung ma phrad kyang rung ste/ mi 'tsho'o zhes bya ba de'i don ji lta bu zhe na/ gal te mi zhig tshe zad na sman pa la sogs pa dang phrad kyang rung ma phrad kyang rung ste mi 'tsho'o// de ci'i phyir zhe na/ tshe zad pa'i phyir te/ de lta bas na ngas nad pa des ni sman dang sman pa la sogs pa dang phrad kyang rung ma phrad kyang rung ste mi 'tsho'o zhes bshad do/ / sem can dag kyang de dang 'dra ste/ gang byang chub tu sems bskyed pa ni dge ba'i bshes gnyen sangs rgyas dang byang chub sems dpa' rnams dang phrad de chos zab mo 'di 'dri zhing mnyan tam/ de dang ma phrad kyang rung ste thams cad grub par 'gyur ro// de ci'i phyir zhe na byang chub tu sems bskyed pa'i phyir te/ ji ltar byang gi sgra mi snyan gyi mi'i tshe'i tshad nges pa bzhin no// ji ltar ngas gsungs pa ltar rgyun du zhugs pa nas/ rang sangs rgyas kyi bar du gal te dge ba'i bshes gnyen sangs rgyas dang byang chub sems dpa' rnams la chos zab mo thos na/ bla na med pa yang dag par rdzogs pa'i byang chub tu sems skye'o//

  533. 267b

    te sangs rgyas dang byang chub sems dpa' rnams dang ma phrad de chos zab mo ma thos na/ bla na med pa yang dag par rdzogs pa'i byang chub kyi sems mi skye ste/ de ltar tshe ma nges pa rgyu rkyen dgus glo bur du tshe'i dus byed par gyur pa'i nad pa de sman pa dang phrad na nad 'tsho'o/ / gal te ma phrad na nad mi 'tsho ba bzhin te/ de bas na sangs rgyas dang byang chub sems dpa' rnams dang phrad de chos zab mo thos na sems skye la/ gal te ma phrad na sems mi skye'o zhes ngas bshad do// ji ltar ngas gong du gsungs pa ltar dge ba'i bshes gnyen sangs rgyas dang byang chub sems dpa' rnams dang phrad de chos zab mo thos sam/ gal te ma thos kyang rung ste sems skye bar mi 'gyur zhes bya ba de'i don ji lta bu zhe na/ rigs kyi bu log sred can dag ni gal te dge ba'i ba shes gnyen sangs rgyas dang byang chub sems dpa' rnams dang phrad de/ chos zab mo thos kyang rung ma thos ma phrad kyang rung ste/ log sred can gyi sems mi spong ngo // de ci'i phyir zhe na/ dge ba'i chos bcad pa'i phyir ro// log sred can ni bla na med pa yang dag par rdzogs pa'i byang chub mi 'thob bo// de ci'i phyir zhe na/ gal te byang chub tu sems bskyed na log sred can zhes mi bya'o/ / rigs kyi bu rgyu dang rkyen kha cig gis log sred can bla na med pa yang dag par rdzogs pa'i byang chub 'thob bo zhes gsungs te/ log sred can ni yang dag par bla na med

  534. 268a

    pa yang dag par rdzogs pa'i byang chub mi 'thob ste/ ji ltar tshe zad pa sman dang / sman pa mkhas pa dang / nad g.yog dang phrad kyang mi 'tsho ba bzhin no// de ci'i phyir zhe na/ tshe zad pa'i phyir ro// rigs kyi bu log ces bya ba ni dad pa'o// sred ces bya ba ni mi ldan pa'o// dad pa dang mi ldan pa'i phyir log sred can zhes bya'o// sangs rgyas kyi rang bzhin ni dad pa ma yin la/ sems can gyi ldan pa ma yin te/ de ltar mi ldan na ji ltar gcod par 'gyur/ log ces pa ni thabs mkhas pa'o// sred ces bya ba ni mi ldan pa'o/ / thabs mkhas pa dang mi ldan pa'i phyir log sred can zhes bya'o// sangs rgyas kyi rang bzhin ni thabs mkhas pa sgom pa ma yin la/ sems kyis ldan pa ma yin te/ de ltar mi ldan na ji ltar gcod par 'gyur/ log ces bya ba ni brtson 'grus so// sred ces bya ba ni mi ldan pa ste// brtson 'grus dang mi ldan pa'i phyir log sred can zhes bya'o/ / sangs rgyas kyi rang bzhin ni brtson 'grus ma yin la/ sems can gyis ldan pa yin te/ de ltar mi ldan pas na ji ltar gcod par 'gyur/ log ces bya ba ni dran ba'o/ / sred ces bya ba ni mi ldan pa ste/ dran pa dang mi ldan pa'i phyir log sred can zhes bya'o// sangs rgyas kyi rang bzhin ni dran pa ma yin la/ sems can gyis ldan

  535. 268b

    pa ma yin te/ de ltar mi ldan pa'i phyir ji ltar gcod par 'gyur/ log ces bya ba ni ting nge 'dzin to// sred ces bya ba ni mi ldan pa ste// ting nge 'dzin dang mi ldan pa'i phyir log sred can zhes bya'o/ / sangs rgyas kyi rang bzhin ni ting nge 'dzin ma yin la/ sems can gyis ldan pa ma yin te/ de ltar mi ldan pa'i phyir ji ltar gcod par 'gyur/ log ces bya ba ni shes rab bo// sred ces bya ba ni mi ldan pa ste/ shes rab dang mi ldan pa'i phyir log sred can zhes bya'o// sangs rgyas kyi rang bzhin shes rab ma yin la/ sems can gyis ldan pa ma yin te/ de ltar mi ldan na ji ltar gcod par 'gyur/ log ces bya ba ni mi rtag pa'i dge ba'o// sred ces bya ba ni mi ldan pa'o// mi rtag pa'i dge ba dang mi ldan pa'i phyir log sred can zhes bya'o/ / sangs rgyas kyi rang bzhin ni mi rtag pa ma yin/ dge ba ma yin/ mi dge ba ma yin no// de ci'i phyir zhe na/ dge ba'i chos ni thabs mkhas pas thob pa yin te/ sangs rgyas kyi rang bzhin ni thabs mkhas pas thob pa ma yin te/ de'i phyir dge ba ma yin no// ji ltar na mi dge ba ma yin zhe na/ dge ba'i 'bras bu thob pa'i phyir ro// dge ba'i 'bras bu ni bla na med pa yang dag par rdzogs pa'i byang chub bo// yang dge ba'i chos shes bya ba ni skyes nas thob

  536. 269a

    pa'o/ / sangs rgyas kyi rang bzhin ni skyes nas thob pa ma yin te/ de'i phyir dge ba ma yin no// ji skad bshad pa'i dge ba'i chos rnams gcad pas na los sred can zhes bya'o/ / rigs kyi bu khyod kyis smras pa ltar gal te log sred can la sangs rgyas kyi rang bzhin yod na/ ci'i phyir sems can dmyal ba'i kha na ma tho ba las ma bzlog ces bya ba ni/ rigs kyi bu log sred can la sangs rgyas kyi rang bzhin yong med do// rigs kyi bu dper na rgyal po zhig dgu po rgyud mangs kyi sgra snyan cing yid du 'ong ba thos nas sems la chags te/ shin tu dga' bas gtong ba'i sems med de/ de nas blon po chen po zhig la 'di lta bu'i sgra snyan pa ga las byung zhes dris so// blon po chen pos lan btab pa/ 'di ltar sgra snyan pa ni dgu po rgyud mangs las byung ngo / / rgyal pos sgra de khyer te shog ces smras so// de nas blon po chen pos dgu po rgyud mangs blangs nas rgyal po'i mdun du gzhag go// rgyal po chen po 'di ltar rig par bya ste/ sgra de ni 'di las byung ngo zhes gsol to// rgyal pos dgu po rgyud madral sgra bung sgra byung zhes byas kyang / dgu po rgyud mangs de la sba ma byung ngo // de nas rgyal pos rgyud gcad kyang snga ma byung / shun pa dang shing so sor gshegs te sba btsal kyang ma rnyed de/ de nas rgyal pos blon po de la khros te de ltar brdzun byas te ci bya

  537. 269b

    zhes smras so/ / blon po chen pos/ rgyal po de la gsol pa/ spa 'dod pa ni chos de lta bu ma lags te/ rgyu dang rkyen mang po dang thabs mkhas pas gdod sgra 'byung ngo // sem can gyi sangs rgyas kyi rang bzhin yang de dang 'dra bar gnas med do/ / thabs mkhas pas gdod mthong bar 'gyur ro// de ltar mthong ba'i phyir bla na med pa yang dag par rdzogs pa'i byang chub thob bo/ / log sred can dag ni sangs rgyas kyi rang bzhin mi mthong na/ ngan song gsum gyi kha na ma tho ba las ji ltar bzlog/ rigs kyi bu gal te log sred can gyis sangs rgyas kyi rang bzhin yod par yid ches na/ de ni ngan song gsum du mi 'gro ste/ log sred can yang ma yin par rig par bya'o// de ltar sangs rgyas kyi rang bzhin yod par yid mi ches pa'i phyir ngan song gsum du lhung ngo / / ngan song gsum du lhung ba'i phyir log sred can zhes bya'o// rigs kyi bu ji ltar khyod kyis smras pa ltar gal te 'o ma la zho'i rang bzhin med na/ zho 'byung ba'i mi rigs la/ n+ya gro d+ha'i sa bon la 'dom lnga'i rang bzhin med na/ shing 'dom lnga pa skye ba'i mi rigs so zhes bya ba glen pa dag ni de skad chad de/ mkhas pa shes rab can la ni nams kyang de lta bu'i tshig mi 'byung ngo / / de ci'i phyir zhe na/ rang bzhin med pa'i phyir ro// rigs kyi bu gal te 'o ma'i nang na zho'i rang bzhin yod pa zhig na/ rgyu rkyen mang po'i mthu la mi ltos

  538. 270a

    pa'i rigs so/ / rigs kyi bu ci ste chu dang 'o ma bsres te mnanan/ zla ba gcig gzhag kyang kor mi 'gyur ro// gal te shing ba ke'u zhes bya ba'i thigs pa gcig gis dri ma byas na gdod zhor 'gyur ro/ / gal te thog ma nas zho'i rang bzhin yod na/ ci ste rgyu rkyen mang po la bltos/ de bzhin du sems can gyi sangs rgyas kyi rang bzhin yang rgyu rkyen mang pos gdod mthong bar 'gyur te/ rgyu rkyen mang pos bla na med pa yang dag par rdzogs pa'i byang chub tu 'gyur ro// gang rgyu rkyen mang po la bltos te 'grub pa ni rang bzhin med pa'o/ / de ltar rang bzhin med pa'i phyir bla na med pa yang dag par rdzogs pa'i byang chub tu 'gyur ro// rigs kyi bu de lta bas na byang chub sems dpa' chen pos rtag tu gzhan gyi legs pa bsngags shing nyes pa mi brjod do/ / de ni drang po'i sems shes bya'o// gzhan yang rigs kyi bu ji ltar byang chub sems dpa' sems drang po zhe na/ byang chub sems dpa' sems dpa' chen po rtag tu nyes pa mi byed do// gal te nyes pa zhig byung na de'i mod la mkhan po 'am/ slob pa gcig pa la 'thol zhing bshags te mi 'chab bo/ / khrel ba dang 'dzem pas bdag la bdag gshe zhing phyin chad mi byed par yi dam 'cha'a'o// sdig pa yang la rab tu lci ba'i 'du shes bskyed do// gal te mi zhig gis dris

  539. 270b

    na yang dag pas nyes so zhes lan 'debs so/ / sdig pa de bzang ngan ces dris nA ngan ces lan 'debs so// yang sdig pa de dge 'am mi dge zhes dris na mi dge ba'o zhes lan 'debs so/ / yang sdig pa de dge ba'i 'bras bu 'am mi dge ba'i 'bras bu zhes dris na/ sdig pa de ni yang dag par dge ba'i 'bras bu ma yin no zhes lan 'debs so// yang sdig pa 'di sus byas/ sangs rgyas dang / chos dang / dge 'dun gyis byas pa yin nam zhes dris na/ sangs rgyas dang / chos dang / dge 'dun gyis ma yin te// bdag gis byas so// de'ang nyon mongs pa 'dus pas byas par gyur to zhes lan 'debs so// de ltar sems drang ba'i phyir sangs rgyas kyi rang bzhin yod par yid ches so// sangs rgyas kyi rang bzhin yod par yid ches pa'i phyir log sred can zhes mi bya'o// de ltar sems drang ba'i phyir sangs rgyas kyi nye gnas shes bya ste/ sems can gyis phul ba'i gos dang / bza' ba dang / bca' ba dang / mal cha dang / nad kyi rkyen sman de dag las sna gcig kyang khri phrag bcu snyed blangs kyang mang ngo zhes mi bya ste/ de ni byang chub sems dpa'i sems drang po zhes bya'o/ / de la ji ltar na byang chub sems dpa' tshul khrims 'dzin pa zhe na/ byang chub sems dpa' sems dpa' chen pos tshul khrims sdom pa ni lhar skye ba'i

  540. 271a

    phyir ma yin/ 'jigs pa'i phyir ma yin pa nas/ khyi'i sdom pa dang / bya'i sdom pa dang / bzang gi sdom pa dang / rgya bya'i sdom pa'i bar du mnos pa ma yin/ tshul khrims zhig par mi byed/ tshul khrims nyams par mi byed/ tshul khrims la 'phan yod par mi byed/ tshul khrims sna tshogs par mi byed/ nyan thos kyi tshul khrims mi byed de// byang chub sems dpa' sems dpa' chen po'i tshul khrims dang / tshul khrims kyi pha rol tu phyin pa'i tshul khrims mnos cing 'dzin te/ bsnyen par rdzogs kyang rgyags shing dregs pa mi skye ba ni/ byang chub sems dpa' yongs su mya mya ngan las 'das pa chen po sdom pa'i tshul khrims gsum dang ldan pa zhes bya'o// de la ji ltar na byang chub sems dpa' dge ba'i bshes gnyen la bsnyen pa zhe na/ byang chub sems dpa' sems dpa' chen pos rtag tu sems can la dge ba'i lam ston cing mi dge ba'i lam mi ston te/ mi dge ba'i lam ni dge ba'i 'bras bu ma yin no zhes ston to/ / rigs kyi bu nga ni sems can thams cad kyi dge ba'i bshes gnyen yang dag pa yin te/ bram ze pu ka la'i ngan par lta ba thams cad gcod nus so// rigs kyi bu gal te sems can gang ngal bsnyen kur byed na/ sems can dmyal bar ltung ba'i rgyu rkyen yod kyang lhar skye bar 'gyur te/ ji ltar su 'da' cha ta la sogs pa sems can dmyal

  541. 271b

    bar ltung ba'i rigs pa las/ nga mthong ba'i phyir sems can dmyal bar ltung ba'i rigs pa las/ nga mthong ba'i phyir sems can dmyal bar ltung ba'i rgyu rkyen byang nas gzugs yod pa'i lhar skyes so/ / shA ri'i bu dang mo'u 'gal la sogs pa lta bu yod du zin kyang / sems can gyi dge ba'i bshes gnyen yang dag pa zhes mi bya'o// de ci'i phyir zhe na/ log sred can gyi sems kyi rgyu bskyed pa'i phyir ro/ / rigs kyi bu nga sngon yul ser skya na bzhugs pa na shA ri'i bu la nye gnas gnyis yod de/ gcig ni keng rus la rtog tu gzhug/ gcig ni dbugs bgrang du bcug ste lo grangs mang du lon kyang gnyis ka ting nge 'dzin ma thob bo/ / de ltar ma thob pa'i rkyen gyis mya ngan las 'das pa'ang med/ zag pa med pa'i chos kyang med med do// zhes log par lta ba skyes so// gal te yod pa zhig yin na bdag cag gis thob pa'i rigs so// de ci'i phyir zhe na/ bdag cag bstan pa'i lung shin tu sdom zhing 'dzin pa'i phyir ro/ zhes zer te/ nga de'i tshe dge slong de gnyis ngan par lta ba'i sems skyes pa mthong nas/ shA ri'i bu bos te 'di skad spyos so// khyod legs par mi ston te/ de ci'i phyir slob ma de gnyis la go bsnor te chos log par bstan/ khyod kyi slob ma gnyis ni rigs so so ste/ gcig ni gos 'khru ba'o// gcig ni gser mgar ro// gser mgar la ni dbugs bgrangs pa

  542. 272a

    bstan pa'i rigs/ kos 'khru ba la ni keng rus rtog pa bstan pa'i rigs te/ khyod kyis bstan pa nor ba'i phyir mi de gnyis log pa mi dge ba skyes te/ ngas de'i tshe de gnyis la ji lta ba bzhin du de ltar chos bstan pas de gnyis kyis thob nas/ dgra bcom pa'i 'bras bu thob par gyur te/ de bas na nga ni sems can thams cad kyi dge ba'i bshes gnyen yang dag pa yin gyi/ shA ri'i bu dang mo'u gyi bu la sogs pa ni ma yin no// gal te sems can gang kun nas nyon mongs pa rab tu lci ba yod pa de dag kyang / nga dang phrad na ngas thabs kyis de dag gcod do/ / dper na nga'i nu bo bsnyen dga' bo 'dod chags rab tu lci ba dang bcas te/ ngas thabs shin tu mkhas pa rnam pa sna tshogs kyis yongs su bcad do// / sor mo'i 'phreng ba zhe sdang rab tu lci ba dang bcas te/ nga mthong bas zhe sdang zhi bar gyur to// rgyal po ma skyes dgra gti mug shin tu lci ba dang bcas te/ nga mthong bas gti mug gi sems med par gyur to/ / khyim bdag pa yi ka bskal pa grangs med pa'i bar du nyon mongs pa'i tshogs rab tu bsags te/ nga mthong bas mod la de dag zad cing zhi bar gyur to// gal te mi ma rabs ngan pa dag nga la bsnyen cing nga'i nye gnas byed na/ de'i rgyu de'i rkyen gyis lha dang mi thams cad kyis bkur zhing bsti stang byed par 'gyur ro// shi ri kub ta ngan par

  543. 272b

    lnga ba shin tu mched pa'ang / nga mthong bas ngan par lta ba med par gyur te/ nga mthong ba'i rkyen gyis sems can dmyal ba'i rgyu 'gags nas lhar skye ba'i rgyur gyur to// ji ltar rigs ngan dbugs 'phrog ces bya ba tshe'i dus byed du nye ba na/ nga mthong bas phyir tshe ring bar gyur to// dper na ko'u shi ka sems bslad cing 'khrug par gyur te/ nga mthong ba'i rkyen gyis sems sngon bzhin du gyur to/ / rigs ngan ko'u ta mi'i bu dge zhes bya ba rtag tu mi dge ba'i las byed de/ nga mthong bas las de dag spangs par gyur to// dge slong can de dang dge slong rtsa mdun gnyis kyang / nga mthong ba'i rkyen gyis lus dang srog gi bar du yal yang tshul khrims sdom pa ma nyams so// don de lta bas na dge slong dga' bos tshangs par spyod pa phyed ston par dge ba'i bshes gnyen du gyur to zhes 'chad de/ nga ni de skad du mi ston to// tshangs par spyod pa yongs su rdzogs pa ni dge ba'i bshes gnyen du 'gyur zhes gsungs so/ / de bas na byang chub sems dpa' yongs su mya ngan las 'das pa chen po sgom pas dge ba'i bshes gnyen la bsnyen pa zhes bya'o// de la ji ltar na byang chub sems dpa' mang du thos pa dang ldan pa zhe na/ byang chub sems dpa' sems dpa' chen pos yongs su mya ngan las 'das pa chen po'i phyir mdo sde sde bcu gnyis mi

  544. 273a

    brer bris shing klog gam/ 'don tam/ rnam par 'byed cing ston pa ni/ byang chub sems dpa' mang du thos pa dang ldan pa zhes bya'o// mdo sde sde bcu gcig bzhag ste/ shin tu rgyas pa 'ba' zhig gzungs su 'dzin cing klog gam/ 'don tam/ yi ger bris sam/ 'byed cing ston pa'am/ byang chub sems dpa' mang du thos pa dang ldan pa zhes bya'o/ / mdo sde sde bcu gnyis bzhag ste/ yongs su mya ngan las 'das pa chen po mdo sde dam pa 'di gzungs su 'dzin cing yi ger bris sam/ 'don tam/ klog gam/ 'byed cing ston pa'ang / byang chub sems dpa' mang du thos pa dang ldan pa zhes bya'o// mdo sde 'di'ang bzhag ste chog bzhi'i tshogs su bdud de gcig gzungs su 'dzin tam/ tshogs su bcad pa de'ang bzhag ste/ de bzhin gshegs pa rtag tu gnas pa'i rang bzhin mi 'gyur mi 'pho ba gzungs su 'dzin na/ byang chub sems dpa' de'ang mang du thos pa dang ldan pa zhes bya'o/ / de dag kyang bzhag ste de bzhin gshegs pa rtag tu chos mi gsung bar shes na/ de'ang byang chub sems dpa' mang du thos pa dang ldan pa zhes bya'o/ / de ci'i phyir zhes na/ chos 'di rang bzhin med pa'i phyir te/ de bzhin gshegs pas chos thams cad bshad kyang rtag tu ci'ang gsung

  545. 273b

    ba med de/ de ni byang chub sems dpa' yongs su mya ngan las 'das pa chen po sgom pas mang du thos pa dang ldan pa zhes bya'o// // rigs kyi bu gal te rigs kyi bu'am rigs kyi bu mo gang yongs su mya ngan las 'das pa chen po'i phyir dngos po de lnga dang lnga dang ldan na byed dka' ba byed par 'gyur/ bzod dka' ba bzod par 'gyur/ gtong dka' ba gtong bar 'gyur ro/ / de la ji ltar na byang chub sems dpa' byed dka' ba byed par 'gyur zhe na/ gal te la la zhig 'di skad du til 'bru gcig za na bla na med pa yang dag par rdzogs pa'i byang chub thob par 'gyur ro/ / zhes thos nas tshig de la yid ches pa'i phyir bskal pa grangs med tshad med pa'i bar du rtag par til 'bru gcig za'o// 'di skad du me'i nang du mchongs na bla na med pa yang dag rdzogs pa'i byang chub thob bo zhes thos na/ bskal pa grangs med pa'i bar du mtshams med pa'i sems can dmyal bar shin tu 'bar ba'i me'i phung por 'jug ste/ de ni byang chub sems dpa' byed dka' bye byed pa zhes bya'o// ji ltar na byang chub sems dpa' bzod dka' ba bzod pa zhe na/ kal telag pa dang / dbyig pa dang / ral gri dang / rdos brdeg cing gtub pa de lta bu'i sdug bsngal nyams su len pa'i rgyu dang rkyen gyis yongs su mya ngan las 'das pa chen po thob

  546. 274a

    par 'gyur ro zhes zer ba thos nas/ bskal pa grangs med tshad med pa'i bar du de dag nyams su len kyang sdug bsngal bar mi 'dzin pa de ni/ byang chub sems dpa' bzod dka' ba la bzod pa zhes bya'o/ / ji ltar na byang chub sems dpa' gtong dka' ba gtong ba zhe na/ de la gal te yul dang / grong khyer dang / chung ma dang / bu dang / mgo dang / mig dang / rkang pa dang / klad pa gzhan la sbyin pa byas na bla na med pa yang dag par rdzogs pa'i byang chub thob bo zhes zer ba thos na/ bskal pa grangs med tshad med pa'i bar du yul dang / grong khyer dang / chung ma dang / bu dang / mgo dang / mig dang / rkang pa dang / klad pa la sogs pa bdog pa thams cad gtong ba ni/ byang chub sems dpa' gtong dka' ba gtong ba zhes bya ste/ byang chub sems dpa' byed dka' ba byed cing / bzod dka' ba la bzod de/ gtong dka' ba la gtong yang 'di ltar byas so snyam pa'i 'du shes mi 'jug go// rigs kyi bu dper na pha ma bu gcig bdog pa shin tu byams te gos bzang po dang zas zhim pos dus su gso zhing bstod de cis kyang mi brel bar byed do/ / bu des gal te pha ma la brnyas pa'i sems skyes te/ kha ngan pas spyos kyang pha mas byams pa'i phyir khro zhing

  547. 274b

    mi dka' ba mi skye ste/ 'di ltar ngas gos dang zas mi byin no snyam mi sems so// byang chub sems dpa' sems dpa' chen po'ang de dang 'dra ste/ sems can thams cad la bu gcig pa ltar blta'o/ / gal te bu na na pha ma'ang na ste/ sman dang sman pa tshol zhing rab tu brtson pas nad gso'o// nad sos nas 'di snyam du ngas bu'i nad sos so snyam mi sems so/ / byang chub sems dpa' yang de dang 'dra ste/ sems can rnams nyon mongs pa'i nad kyis gdungs pa mthong nas byams pa'i sems kyis chos ston to// chos thos pa'i phyir nyon mongs pa yongs su gcod do// nyon mongs pa bcad nas 'di snyam du ngas sems can gyi nyon mongs pa bcad do snyam mi sems so// gal te de ltar sems na nams kyang bla na med pa yang dag par rdzogs pa'i byang chub mi 'thob ste/ 'di ltar sems can gcig kyang bdag gis chos bstan te nyon mongs pa bcad do snyam sems pa med do/ / byang chub sems dpa' sems dpa' chen po sems can rnams la mi sdang mi byams so// de ci'i phyir zhe na/ stong pa nyid kyi ting nge 'dzin rab tu bsgom pa'i phyir te/ byang chub sems dpa' stong pa nyid kyi ting nge 'dzin bsgom pa su la sngangasu la byams pa bskyed/ rigs kyi bu dper na nags tshal la mes tshig gam/ mis bcad dam/ chus g.yeng

  548. 275a

    na'ang / tshal gyi shing de sul ka shes zhing su la dga' ba bskyed/ byang chub sems dpa' sems chen po'ang de dang 'dra ste/ sems can thams cad la gshe ba'ang med dga' ba'ang med do/ / de ci'i phyir zhe na/ stong pa nyid kyi ting nge 'dzin bsgom pa'i phyir ro// de nas byang chub sems dpa' sems dpa' chen po kun tu snang ba mtho btsun dpal gyi rgyal pos/ bcom ldan 'das la 'di skad ces gsol to// bcom ldan 'das chos thams cad rang bzhin gyis stong pa 'am/ stong pa stong pas stong / gang de rang bzhin gyis na/ stong pa bsgoms pas gzod stong pa mthong ba'i mi rigs na/ ci ste bcom ldan 'das kyis stong pa bsgoms pas stong pa mthong zhes gsungs/ gal te rang bzhin gyis mi stong na/ ji ltar bsgoms kyang stong par mi 'gyur ro// bka' stsal pa/ rigs kyi bu chos thams cad ni rang bzhin gyis stong pa'o/ / de ci'i phyir zhe na/ chos thams cad rang bzhin gyis dmigs su med pa'i phyir ro// rigs kyi bu gzugs kyi rang bzhin dmigs su med do// ji ltar gzugs kyi rang bzhin zhe na/ gzugs shes bya ba ni sa dang / chu dang / me dang / rlung las gzhan pa'ang ma yin/ sngon po dang / ser po dang / dmar po dang

  549. 275b

    dkar po las gzhan pa'ang ma yin/ yod pa'ang ma yin/ med pa'ang ma yin na/ ci'i phyir gzugs la'ang rang bzhin yod ces smra/ rang bzhin dmigs su med pa'i phyir stong pa zhes bshad do/ / chos thams cad kyang de dang 'dra ste/ mtshan nyid 'dra ba rgyun mi 'chad pa'i phyir bus pa ma rabs glen pa mthong nas/ chos thams cad kyi rang bzhin stong pa zhi ba ma yin no zhes 'chad do/ / byang chub sems dpa' sems dpa' chen po dngos po lnga dang ldan pa'i phyir/ chos kyi rang bzhin thog ma nas stong pa zhi bar mthong ngo / / rigs kyi bu gal te dge sbyong ngam bram ze gang chos thams cad kyi rang bzhin stong pa ma yin par mthong na/ de ni dge sbyong ma yin/ bram ze ma yin/ shes rab kyi pha rol tu phyin pa mi thob/ yongs su mya ngan las mi 'da' sangs rgyas dang byang chub sems dpa' rnams mngon sum du mi mthong ste/ bdud kyi 'khor yin par rig par bya'o// rigs kyi bu chos thams cad ni rang bzhin gyis stong pa ste/ byang chub sems dpas stong pa bsgoms pas chos thams cad stong par mthong ngo // rigs kyi bu chos thams cad rang bzhin gyis mi rtag pas na bgags pas bgags par 'gyur ro/ / gal te mi rtag pa ma yin bgags pas 'gog par mi 'gyur ro// 'dus byas kyi chos ni skye ba'i mtshan nyid yod

  550. 276a

    pas na bskyed pas skye bar 'gyur la/ bgags pa'i mtshan nyid yod pas na bgags pas 'gog par gyur ro// chos thams cad la sdug bsngal mtshan nyid yod pas sdug bsngal gyis sdug bsngal bar 'gyur ro/ / rigs kyi bu dper na lan tshwa bro ba'i mtshan nyid yin pas gzhan la bro bar byed do// sha ka ra'i mtshan nyid mngar bas gzhan mngar bar byed/ rang gi mtshan nyid sbyar bas gzhan sbyar bar byed/ skra'i mtshan nyid tshabs gzhan tsha bar byed/ a ru ra'i mtshan nyid khabs gzhan kha bar byed a 'bra'i mtshan nyid bsngal bas gzhan bsngal bar byed/ dug gi mtshan nyid 'chi bar byed pas gzhan 'chi bar byed/ zil dngar gyi mtshan nyid mi lci bar byed de/ gzhan dang bsres na'ang mi 'chi bar nus so/ / byang chub sems dpa' stong pa bsgom pa'ang de dang 'dra ste/ stong pa bsgoms pa'i phyir chos thams cad rang bzhin gyis stong pa zhi bar mthong ngo / / de nas yang byang chub sems dpa' sems dpa' chen po kun tu snang ba mtho btsun dpal gyi rgyal pos gsol pa/ bcom ldan 'das gal te lan tshwas ro mi bro ba bro bar bgyid pa ltar stong pa'i ting nge 'dzin bsgom pa'ang de lta bu zhig lags na/ ting nge 'dzin de ni dge ba ma lags/ dam pa ma lags te/ rang bzhin byin

  551. 276b

    ci log pa'o/ / gal te stong pa'i ting nge 'dzin gyis stong pa 'ba' zhig mthong na/ stong pa ni ma mchis pa'i chos lags na/ ji ltar ci zhig mthong bar 'gyur/ bka' stsal pa/ rigs kyi bu stong pa'i ting nge 'dzin de stong pa ma yin pa'i chos mthong na/ stong par rab tu zhi ba ma yin pas phyin ci log ma yin no// ji ltar lan tshwas tshwa bro pabapar byed pa ltar stong pa'i ting nge 'dzin yang de dang 'dra ste/ stong pa ma yin pa stong par byed do// rigs kyi bu 'dod chags kyi mtshan nyid yod pa ste/ stong pa'i mtshan nyid ma yin no/ / gal te 'dod chags stong pa nyid yin na/ sems can rnams 'dod pa'i rkyen gyis sems can dmyal bar ltung ba'i mi rigs so// gal te sems can dmyal bar ltung na 'dod chags kyi rang bzhin ji ltar stong pa yin par 'gyur/ rig kyi bu gzugs kyi rang bzhin yod pa'o// rang bzhin zhes bya ba gang zhe na/ 'di lta ste/ phyin ci log go// phyin ci log pas 'dod chags bskyed do// gal te gzugs kyi mtshan nyid phyin ci log ma yin na/ sems can gyi 'dod chags ji ltar bskyed par 'gyur ji ltar 'dod chags skye bas na gzugs kyi rang bzhin de skye ba ma yin te/ de lta bas na stong pa'i ting nge 'dzin sgom pa ni phyin ci log ma yin no// rigs kyi bu bus pa

  552. 277a

    rabs thams cad ni bud med thong nabud med kyi mtshan nyid skye'o/ / byang chub sems dpa' ni de lta ma yin te/ bud med mthong yang bud med kyi mtshan nyid mi skye'o/ / de ltar skye ba'i mtshan nyid med pas 'dod chags mi skye'o// 'dod chags mi skye bas phyin ci log ma yin te/ 'jig rten pas bud med du mthong ba'i phyir/ byang chub sems dpa' yang de'i rjes su bud med du 'chad do// gal te skyes pa mthong ste bud med do zhes zer na/ de ni phyin ci log yin te/ de'i phyir ngas sha de zhes bya ba la 'di skad ces bka' stsal to/ / bram ze khyod gal te nyin mo la mtshan mo zhes zer na phyin ci log pa'o// mtshan mo la nyin par zhes zer na'ang phyin ci log go// nyin la nyin gyi mtshan nyid du 'dzin/ mtshan la mtshan gyi mtshan nyid du 'dzin na phyin ci log ces mi bya'o// rig snas bu byang chub sems dpa' sa dgu la gnas pa thams cad ni chos kyi rang bzhin yod/ par mthong ngo // de ltar mthong ba'i phyir sangs rgyas kyi rang bzhin mi mthong ngo // gal te sangs rgyas kyi rang bzhin mthong na phyir chos thams cad kyi rang bzhin mi mthong ste/ de ltar stong pa'i ting nge 'dzin bsgom na/ chos kyi rang bzhin mi mthong ngo // de ltar mi mthong bas sangs rgyas kyi rang bzhin mthong ngo // sangs rgyas dang byang chub sems dpa' rnams kyis

  553. 277b

    rnam pa gnyis su bshad de/ rang bzhin yod pa dang / rang bzhin med pa'o// sems can la ni chos kyi rang bzhin yod par bshad/ 'phags pa rnams la ni chos kyi rang bzhin med par bshad do/ / stong pa ma yin pa stong pa'i chos mthong bar bya ba'i phyir stong pa'i ting nge 'dzin bsgobs yas stong pa mthong bar byed la/ chos kyi rang bzhin med pa dag kyang stong pa bsgoms pas stong par 'gyur te/ de lta bas na stong pa bsgoms pas stong pa mthong ngo // rigs kyi bu khyod 'di skad du stong par mthong ba de stong pa ni med pa'i chos yin na/ ji ltar ci zhig mthong zhes bya ba ni rigs kyi bu de de bzhin te/ byang chub sems dpa' sems dpa' chen pos ni yang dag par ci'ang mi mthong ngo // ci'ang mi mthong ba ni ci'ang med pa yin no// ci'ang med pa ni chos thams cad do// byang chub sems dpa' sems dpa' chen po yongs su mya ngan las 'gas pa chen po sgom pa ni chos thams cad la ci'ang mi mthong ngo // gang mthong ba yod pa ni sangs rgyas kyi rang bzhin mi mthong / shes rab kyi pha rol tu phyin pa yongs su sgom mi nus/ yongs su mya ngan las 'das pa chen po mi mthong ste/ de'i phyir byang chub sems dpas chos thams cad la rang bzhin med par mthong ngo / / rigs kyi bu byang chub sems dpa' ting nge 'dzin mthong ba'i rkyen gyis stong pa mthong ba ma yin gyi shes rab kyi

  554. 278a

    pha rol tu phyin pa'ang stong / bsam gtan gyi pha rol tu phyin pa'ang stong / brtson 'grus kyi pha rol tu phyin pa'ang stong / bzod pa'i pha rol tu phyin pa'ang stong tshul khrims kyi pha rol tu phyin pa'ang stong / sbyin pa'i pha rol tu phyin pa'ang stong / gzugs kyang stong / mig kyang stong / rnam par shes pa'ang stong / de bzhin gshegs pa'ang stong / yongs su mya ngan las 'das pa 'ong stong ste/ de bas na byang chub sems dpas ni tsan dan bzang pos shing ngan par brje ba dang / gser gyis ra gan brje ba dang / dngul gyis zha nye brje ba dang / dar gyis bal snam brje ba dang / zil dngar gyis dug brje ba dang mtshungs so// ji ltar na tsan dan gyis shing ngan pa brje ba zhe na/ nga'i nye gnas pa dang grags pa'i phyir khyim pa skya bo la mdo sde dang chos 'chad de/ khyim pa rgyags pas nyan mi 'dod nas khyim pa gong du gzhag ste/ dge slong 'og tu 'dug cing bza' ba dang bca' bab bzang po rnam pa sna tshogs sbyar te/ byin yang nyan du mi btub pa de ni tsan dan gyis shing ngan pa dang brje ba zhes bya'o// ji ltar na gser gyis ra ga na brje ba zhe na/ 8 gan ni gzugs dang / sgra dang / dri dang / ro dang / reg bya'i dpe'o// gser ni tshul khrims kyi dpe ste/ nga'i nye gnas rnams gzugs kyi rkyen gyis tshul khrims mnos pa

  555. 278b

    bshig pa de ni gser gyis rag na brje ba zhes bya'o/ / ji ltar na dngus gyis zhanye brje ba zhe na/ dngul ni dge ba bcu'i dpe'o// zhenye ni mi dge ba bcu'i dpe ste/ nyeganas rnams dge ba bcu btang nas/ mi dge ba bcu spyod pa de ni dngul gyis zha nye brje ba zhes bya'o// ji ltar na dar gyis snam bu brje ba zhe na/ snam bu zhes bya ba ni khrel ba dang 'dzem pa med pa'i dpe'o/ / dar ni khrel ba dang 'dzem pa yod pa'i dpe ste/ nga'i nye gnas rnams khrel ba dang 'dzem pa btang ste/ khrel ba dang 'dzem pa med par byed pa de ni dar gyis snam bu brje ba zhes bya'o/ / ji ltar na bdud rtsi dug dang brje ba zhe na/ dug ni rnyed pa dang grags pa rnam pa sna tshogs kyi dpe'o// bdud rtsi ni zag pa med pa'i chos rnams kyi dpe ste/ nga'i nye gnas rnams rnyed pa dang grags pa'i phyir khyim pa rnams la bdag rab tu bstod cing / bdag ni zag pa med pa thob bo zhes zer ba de ni bdud rtsis dug brdzes pa zhes bya'o/ / de lta bu la sogs pa dge slong ngan pa'i phyir yongs su mya ngan las 'das pa'i mdo sde dam pa 'di 'dzam bu'i gling du shin tu rgyas par spel to// de'i tshe de'i dus na nye gnas kha cig mdo sde 'di yi ger bris shing gzungs su 'dzin te klog gam/ 'don cing 'chad dam/ rgyas par byed na dge slong ma rungs pa de dag gis gsod par 'gyur ro//

  556. 279a

    nas dge slong ma rungs pa de dag lhan cig 'dus nas khrims dam po 'di dag 'cha'o// gal te gang yongs su mya ngan las 'das pa chen po'i mdo yi ker bris shing 'dzin tama?/ klog kam/ 'don tam/ 'byed cing ston na/ thams cad kyis lhan cig mi gnas/ lhan cig mi 'dug/ gtam mi bya'o// de ci'i phyir zhe na/ mya ngan las 'das pa'i mdo 'di ni sangs rgyas kyis gsungs pa ma yin te/ ngan par lta bas byas pa'o// ngan par lta ba ni ston pa drug po ste/ 'di ni ston pa drug gi mdo sde yin gyi/ chos thams cad kun stong par mthong ngo / / de'i phyir grong khyer ser spyan bzhugs pa na/ dga' bo la khyod mya ngan dang / yi blong ba dang / smre sngags ma 'don cig ces bka' stsal pa dang / dka' bos gsol pa/ bcom ldan 'das bdag gi 'khor dang gnyen thams cad shi na ji ltar mya ngan mi bya/ de bzhin gshegs pa'ang bdag dang bcas te grong khyer 'dir skyes la/ shAkya'i rigs gcig pa thams cad gnyen nye ba yin na/ ci ste de bzhin gshegs nyag gcig mya ngan mi mdzad cing mdangs sngon pas kyang gsal bar gyur ces gsol pa dang / rigs kyi bu ngas de la 'di skad ces bka' stsal to/ / dga' bo khyod kyis grong khyer ser skya yang dag par yod par mthong yang / ngas ni stong pa zhi ba ci'ang med par mthong ngo // khyod kyis

  557. 279b

    shAkya'i rigs kun nye ba yin par mthong yang / ngas ni stong pa bsgoms pas ci'ang med par mthong ngo // de'i rgyu de'i rkyen gyis khyod mya ngan dang sdug bsngal skyes la/ nga ni sngon pas mdog gsal bar gyur to/ / sangs rgyas dang byang chub sems dpa' rnams de ltar stong pa'i ting nge 'dzin bsgoms pa'i phyir mya ngan mi skye ste/ de ni byang chub sems dpa' yongs su mya ngan las 'das pa chen po'i mdo la nan tan byas pa'i yon tan dgu pa dang ldan pa zhes bya'o/ / rigs kyi bu ji ltar byang chub sems dpa' yongs su mya ngan las 'das pa chen po'i mdo sde dam pa la nan tan byed pa na/ nang gi tha ma'i yon tan bcu pa dang ldan pa zhe na/ rigs kyi bu byang chub sems dpa' byang chub kyi phyogs sum cu rtsa bdun bsgom zhing / yongs su mya ngan las 'das pa chen po rtag pa dang / bde ba dang / bdag dang / yongs su dag pa la bzhugs te/ sems can thams cad la mya ngan las 'das pa chen po mdo rnam par 'byed cing ston te/ sangs rgyas kyi rang bzhin mngon par ston to// gal te rgyun du zhugs pa 'am/ lan cig phyir ldog pa 'am/ phyir mi ldog pa 'am/ dgra com pa 'am/ rang sangs rgyas sam/ byang chub sems dpa' de dag tshig de la yid ches na/ thams cad kyis yongs su mya ngan las 'das pa chen por 'jug

  558. 280a

    par 'gyur ro/ / gang yid mi ches pa ni 'khor bar 'khor bar 'gyur ro// de nas byang chub sems dpa' sems dpa' chen po kun snang ba mtho btsun dpal gyi rgyal pos/ bcom ldan 'das la 'di skad ces gsol to// bcom ldan 'das sems can gang dag mdo sde 'di la bkur sti mi bgyid/ bka' stsal pa/ rigs kyi bu nga mya ngan las 'das pa'i 'og tu nyan thos kyi nye gnas gti mug can/ tshul khrims bshig pa// rtsod par dga' ba/ mdo sde sde bcu gnyis spong zhing / mu stegs can gyi gtsug lag rnam pa sna tshogs dang / 'jig rten pa'i yi ge dang / tshogs bcad gdon klog ste/ ma rtas thams cad 'chang nas/ sangs rgyas kyis gnang ngo zhes smras pa de dag sangs rgyas kyi mdo sde ma yin no/ / de ci'i phyir zhe na/ sangs rgyas rnams kyis ni chos thams cad mi rtag pa/ bdag med pa/ bde ba med pa/ yongs su dag pa med pa'o zhes gsungs la/ gal te chos rnams rtag pa dang / bde ba dang / bdag dang / yongs su dag pa'o zhes smran/ de la ci'i phyir sangs rgyas kyi gsungs pa'i mdo yin no zhes bya sangs rgyas dang byang chub sems dpa' rnams ni dge slong rnams rdzas rnams sna tshogs 'chang du gnang la/ ston pa drug gis bshad pa la ni nye gnas la rdzas thams cad 'chang du

  559. 280b

    gnas ste/ de bas na ci'i phyir 'di la sangs rgyas kyis gsungs pa yin no zhes bya/ sangs rgyas dang byang chub sems dpa' rnams ni nye gnas la ba'i 'o ma las gyur pa'i ro dam pa lnga dang / sha la sogs pa bzar mi rungs ngo zhes ma bcas so// ston pa drug ni lan tshwa rnam pa lnga dang / ba'i 'o ma ro rnam pa lnga dang / snum pa dang / khrag la sogs pa bzar mi gnang ste/ de dag bzar mi gnang ba lags na/ de ni sangs rgyas kyi chos dam pa yin no zhes byar mi rung ngo // sangs rgyas dang byang chub sems dpa' rnams ni theg pa gsum bshad de/ mdo sde 'di la theg pa gcig pu 'ba' zhig ste/ mya ngan las 'das pa chen po zhes 'chad na/ ci'i phyir 'di la sangs rgyas kyi chos dam pa'o zhes bya/ sangs rgyas ni mthar yongs su mya ngan las 'das so zhes gsungs la/ mdo sde 'di la sangs rgyas ni rtag pa bde ba bdag dang yongs su dag pa ste/ yongs su mya ngan las mi 'da' 'o zhes 'chad de/ mdo sde 'di ni mdo sde sde bcu gnyis kyi grangs su ma gtogs te/ bdud kyis bshad pa yin/ sangs rgyas kyis bshad pa ma yin no zhes zer ro// rigs kyi bu de dag ni nga'i nye gnas yin/ mod kyi/ yongs su mya ngan las 'das pa'o mdo 'di la dad cing rjes su gzhol mi nus so// rigs kyi bu gal te de'i tshe na sems can gang mdo sde 'di la tshigs su bcad pa phyed tsam

  560. 281a

    la dad cing yid ches na/ de ni nga'i nye gnas yang dag pa yin par bya'o// de ltar dad pa'i rkyen gyis sangs rgyas kyi rang bzhin mthong ste/ yongs su mya ngan las 'da' 'o/ / de nas byang chub sems dpa' kun tu snang ba mtho btsun dpal gyi rgyal pos/ bcom ldan 'das la 'di skad ces gsol to// bcom ldan 'das legs so legs so/ / de bzhin gshegs pas de la yongs su mya ngan las 'das pa chen po'i mdo rab tu phye ste legs par bstan to// bcom ldan 'das kyis dngos po de'i rkyen gyis yongs su mya ngan las 'das pa chen po'i mdo sde 'di'i tshogs su bcad pa gcig nas/ tshigs su bcad pa phyed kyi bar du rtogs shing btsal bar gyur to// tshigs su bcad pa gcig nas/ tshogs su bcad pa phyed kyi bar du btsal ba'i phyir/ sangs rgyas kyi rang bzhin cung zad cig mthong ste/ ji ltar bcom ldan 'das kyis gsungs pa ltar/ bdag kyang yongs su mya ngan las 'das pa chen po thob par 'gyur ro/ / de ni byang chub sems dpa' yongs su mya ngan las 'das pa'i mdo sde dam pa la nan tan byas pa'i yon tan bcu dang ldan pa zhes bya'o// 'phags pa yongs su mya ngan las 'das pa chen po'i mdo las/ byang chub sems dpa' kun tu snang ba mtho btsun dpal gyi rgyal po zhes bya bas yongs su dris pa'i le'u ste bcu pa'o// /

  561. 281b

    'phags pa yongs su mya ngan las 'das pa chen po'i mdo bam po nyi shu bdun pa// / de nas yang bcom ldan 'das kyis/ 'khor mang po thams cad la bka' stsal pa/ rigs kyi bu dag gal te khyed las sangs rgyas yod dam/ sangs rgyas med dam/ chos yod dam/ chos med dam/ dge 'dun yod dam/ dge 'dun med dam/ sdug bsngal yod dam/ sdug bsngal med dam/ kun 'byung yod dam/ kun 'byung med dam/ 'gog pa yod dam/ 'gog pa med dam/ lam yod dam/ lam med dam/ bden pa yod dam/ bden pa med dam/ bdag yod dam/ bdag med dam/ sdug bsngal yod dam/ sdug bsngal med dam/ yongs su dag pa yod dam/ yongs su dag pa med dam/ rtag pa yod dam/ rtag pa med dam/ theg pa yod dam/ theg pa med dam/ rang bzhin yod dam/ rang bzhin med dam/ sems can yod dam/ sems can med dam/ srid pa yod dam/ srid pa med dam/ yang dag pa yod/ dam/ yang dag pa med dam/ rgyu yod dam/ rgyu med dam/ 'bras bu yod dam/ 'bras bu med dam/ byed pa yod dam/ byed pa med dam/ las yod dam/ las med dam/ rnam par smin pa yod dam/ rnam par smin pa med dam snyam the tshom du gyur pa yod na/ khyed kyis ci dang ci 'dod pa dris shig dang / ngas de dang de dag la rnam par phye ste khyed la bstan par

  562. 282a

    bya'o/ / rigs kyi sum+b+ha 'am/ mi 'am/ bdud dam/ tshang pa 'as/ dge slong sa/ bram ze la sogs pa gang gis bris kyang / ngas lan mi thebs pa me do/ / de nas 'khor gyi dkyil 'khor de'i nang na byang chub sems dpa' seng ge'i sgra zhes bya ba 'dug pa las langs te gos tshags bcos nas/ sangs rgyas kyi zhabs la spyi bos phyag 'tshal te/ pus mo'i lha nga sa la btsugs nas thal mo sbyar te/ bcom ldan 'das la 'di skad ces gsol to// bcom ldan 'das bdag kyang zhu snyam sems kyis bsam pa las/ de bzhin gshegs pas thugs rjes chen pos dril gnang ba'i go skabs phye ba legs so// de nas bcom ldan 'das kyis/ 'khor mang po rnams la bka' stsal pa/ rigs kyi bu rnams khyed byang chub sems dpa' 'di la lhag par kur sti dang / rim gro dang / bsti stang bskyed de/ spos dang / me tog dang / rol mo dang / 'phreng ba dang / gdugs dang / ba dan dang / gos dang / bza ba dang / btung ba dang / mal cha dang / nad kyi rkyen sman dang / gnas khang la sogs pa dbul ba dang bsu ba dang / bskyal bar bya'o// de ci'i phyir zhe na/ 'dis na 'das pa'i sangs rgyas rnams la dge ba'i rtsa ba rab tu bskrun te bsod nams dang ldan pas/ deng nga'i spyan sngar

  563. 282b

    seng ge'i sgra bsgrags snyam sems so/ / rigs kyi bu ji ltar seng ge'i rgyal po ni bdag gi stobs dang / mche ba dang / sder mo rno bar shes pas/ rkang lag bzhi sa la brten/ brag phug na gnas kyang mjug ma brdabs nas sgra sgrog go// gang de lta bu'i mtshan rnams dang ldan pa ni seng ge'i sgra sgrog nus par rig par bya'o// seng ge'i rgyal po yang dag pa ni nang par sngar phug nas phug nas phyung ste/ rnam par bsgyings nas glal te/ phyogs bzhir bltas nas dngos po rnam pa bcu gcig gi phyir sgra rab tu sgrog go// bcu gcig pa gang zhe na 'di lta ste/ yang dag par seng she ma yin par sgyus seng ge ltar chos pa rnam par gzhig pa dang / bdag gi mthu rtsal sad pa dang / gnas dag par bya ba dang / bu rnams gnas shes par bya ba dang / 'gro ba mang po 'jigs pa'i sems med par bya ba dang / gnyid log pa sad par bya ba dang / gcan gzan le lo can thams cad le lo med par bya ba dang ka can gzan rnams 'khor zhing rten du 'gyur bar bya ba dang / spos kyi bal glang chen po gdul ba dang / bu rnams slob pa dang / bdag gi 'khor thams cad yongs su brgyan pa dang bcu gcig go/ / gcan gzan thams cad kyis seng ge'i sgra thos na/ chu'i rigs las skyes pa ni chu zab mo'i gting du zha ba/ skam sa las 'gro ba ni khung du 'bros/ 'phur ba

  564. 283a

    rnams ni sa la ltung / spos kyi bal glang chen po rnams kyang mi gtsang bshor te 'bros so// rigs kyi bu dag ji ltar wa sa lo brgyar seng ge'i sgra sgrog mi nus so// gang seng ge'i phrug gu lo gsum lon pa dag ni seng ge'i rgyal po ltar sgra sgrog mi nus so// rigs kyi bu de bzhin gshegs pa yang dag par rdzogs pa'i sangs rgyas kyang shes rab kyi mche ba dang / sder mo dang / rdzu 'phrul gyi rkang pa bzhi dang / pha rol tu phyin pa drug dang / yongs su rdzogs pa'i sku dang / dpa' ba'i stobs bcu dang / snying rje chen po'i mjug ma dang / bsam gtan bzhi'i phug yongs su dag pa la gnas te/ sems can gyi phyir seng ge'i sgra sgrog ste/ bdud kyi dmag rab tu bcom nas 'khor mang po rnams la stobs bcu bstan te/ sangs rgyas kyi spyod yul rnam par phye nas/ ngan par lta ba rnams kyi mgon dang skyabs mdzad do// 'khor bas 'jigs pa rnams spro ba skyed de/ ma rig pa'i gnyid kyis non pa'i sems can rnams sad par mdzad cing / mi dge ba'i chos spyod pa rnams 'gyod pa'i sems skye bar mdzad do// ngan par lta ba'i sems can rnams la ston cing / ston pa drug gis bstan pa dag seng ge'i sgra ma yin pa shes par mdzad pa dang / 'od srungs rdzogs byed la sogs pa'i dregs pa'i sems gzhig pa dang / theg pa gnyis kyis 'gyo

  565. 283b

    pa'i sems skye bar mdzad pa dang / byang chub sems dpa' sa lnga pa la sogs pa stobs dang sems chen po skye bar mdzad pa dang / yang dag par lta ba'i 'khor bzhi pos ngan par lta ba'i sde bzhi la 'jigs pa med par mdzad pa'i phyir te/ 'phags pa'i spyod yul dang / tshangs pa'i spyod yul dang / lha'i spyod yul gyi phug nas byung ste/ rnam par bsgyings nas sems can thams cad kyi nga rgyal dang dreg pa la sogs pa gzhom pa'i phyir glal bar mdzad do/ / sems can thams cad kyi dge ba'i chos skye bar mdzad pa'i phyogs bzhir blta'o// sems can thams cad kyi so sor yang dag pa'i shes pa bzhi thob par mdzad pa'i phyir rkang lag bzhi sa la btsugs so/ / sems can thams cad tshul khrims kyi pha rol tu phyin pa la rnam pa dgod par bya ba'i phyir seng ge'i sgra sgrog go/ / seng ge'i sgra sgrog pa ni sems can thams cad la sangs rgyas kyi rang bzhin yod pa dang / de bzhin gshegs pa rtag tu gnas shing mi 'gyur mi 'pho bar nges par bshad pa'o/ / rigs kyi bu nyan thos dang rang sangs rgyas ni/ sangs rgyas bcom ldan 'das kyi zhabs 'bring du bskal pa grang med tshad med pa brgya stong gi bar 'gro'ang seng ge'i sgra sgrog mi nus so/ / byang chub sems dpa' sa bcu pas gal te spyod yul rnam pa gsum po la nan tan byed pa de ni/ seng ge'i sgra sgrog pa yin par rig par bya'o//

  566. 284a

    rigs kyi bu dag byang chub sems dpa' sems dpa' chen po seng ge'i sgra'ang da ltar seng ge'i sgra chen po spog par bsams kyis de bas na khyed kyis lhag ba'i sems kyis mchod pa dang / rim gro dang / bkur sti gyis shig/ de nas bcom ldan 'das kyis/ byang chub sems dpa' sems dpa' chen po seng ge'i sgra la bka' stsal pa/ rigs kyi bu khyod zhu ba yod na ci dang ci 'dod pa dris shig/ de nas byang chub sems dpa' sems dpa' chen po seng ge'i sgras/ bcom ldan 'das la 'di skad ces gsol to/ / bcom ldan 'das ji ltar na sangs rgyas kyi rang bzhin lags/ don ci la ni sangs rgyas kyi rang bzhin zhes bgyi yang / ji ltar rtag pa dang / bde ba dang bdag dang / yongs su dag pa zhes bgyi/ gal te sems can thams cad la sangs rgyas kyi rang bzhin mchis na/ ci'i slad du mi mthong / sems can thams cad kyi sangs rgyas kyi rang bzhin mchis pa sa bcu pa'i byang chub sems dpas chos ci la gnas na gsal bar mi mthong / sangs rgyas ni chos ji lta bu zhig la bzhugs nas gsal bar gzigs/ sa bcu pa'i byang chub sems dpa' ni mig ji lta bu zhig gis gsal bar mi mthong / sangs rgyas kyi spyan ji lta bu zhig gis gsal bar gzigs/ bcom ldan 'das kyis bka' stsal pa/

  567. 284b

    rigs kyi bu legs so legs so// gal te gang zhig chos kyi phyir zhu ba zhus pa ni/ tshogs rnam pa gnyis dang ldan par 'gyur ro// gnyis gang zhe na/ ye shes dang / bsod nams so/ / gal te byang chub sems dpa' gang tshogs rnam pa de gnyis dang ldan na sangs rgyas kyi rang bzhin shes so// ji ltar na sangs rgyas kyi rang bzhin zhes bya ba'ang shes pa nas/ byang chub sems dpa' sa bcu pa ji lta bu'i mig gis mthong ba dang / sangs rgyas bcom ldan 'das rnams ji lta bu'i spyan gyis gzigs pa'i bar du shes so// byang chub sems dpa' seng ge'i sgras gsol pa/ bcom ldan 'das ji ltar na ye shes kyi tshogs shes bgyi/ ji ltar na bsod nams kyi tshogs shes bgyi/ rigs kyi bu ye shes kyi tshogs shes bya ba ni/ 'di lta ste/ sa dang po nas/ sa bcu pa'i bar du ye shes kyi tshogs shes bya'o// bsod nams kyi tshogs shes bya ba ni/ 'di lta ste/ sbyin pa'i pha rol tu phyin pa nas/ shes rab kyi pha rol tu phyin pa ma yin pa'i bar du'o// gzhan yang rigs kyi bu ye shes kyi tshogs shes bya ba ni/ 'di lta ste/ sangs rgyas dang byang chub sems dpa' rnams so/ / bsod nams kyi tshogs shes bya ba ni/ 'di lta ste/ nyan thos dang / rang sangs rgyas dang / byang chub sems dpa' sa dgu pa'o// gzhan

  568. 285a

    yang rigs kyi bu bsod nams kyi tshogs ni 'dus byas pa/ zag pa dang bcas pa/ srid pa dang bcas pa/ 'bras bu yod pa dang thogs pa dang bcas pa rtag pa ma yin te/ bus pa ma rabs kyi chos so// ye shes kyi tshogs ni 'dus ma byas pa/ zag pa med pa/ srid pa med pa/ 'bras bu med pa/ thogs pa med pa rtag tu gnas pa'o/ / rigs kyi bu khyod ni tshogs rnam pa de gnyis dang ldan pas don shin tu zab mo 'di zhu ba la spobs par gyur to// ngas kyang tshogs rnam pa de gnyis dang ldan pas don de dri ba'i lan thebs so/ / byang chub sems dpa' sems dpa' chen po seng ge'i sgras gsol pa/ bcom ldan 'das gal te byang chub sems dpa' gang tshogs rnam pa de gnyis dang ldan na/ rnam pa gcig gam gnyis shes 'dri ba'i mi rigs na/ ci'i slad du bcom ldan 'das kyis rnam pa gcig dang gnyis kyi lan btab ces gsungs/ ci'i slad du zhe na/ chos thams cad ni rnam pa gcig dang gnyis ma mchis so// rnam pa gcig dang gnyis ni bus pa ma rabs kyi mtshan nyid lags so// bcom ldan 'das kyis bka' stsal pa/ rigs kyi bu byang chub sems dpa' tshogs rnam pa de gnyis med na/ rnam pa gcig dang gnyis pa mi shes so// byang chub sems dpa' gang tshogs de gnyis dang

  569. 285b

    ldan pa ni rnam pa gcig dang gnyis pa shes so/ / pang chos rnams la gcig gam gnyis shes bya ba med pa'i don de'ang de lta ma yin no// de ci'i phyir zhe na/ zhal te gcig gam gnyis med na/ chos thams cad mi gcig mi gnyis pa ji ltar bshad/ rigs kyi bu gang gcig pa dang gnyis pa ni bus pa ma rabs kyi mtshan nyid ces bya ba de byang chub sems dpa' sa bcu pa zhes bya ste/ bus pa ma rabs ma yin no// de ci'i phyir zhe na/ gcig ni mya ngan las 'das pa zhes bya'o// gnyis ni 'khor ba zhes bya'o// de ci'i phyir gcig ni mya ngan las 'das pa zhes bya ste/ rtag pa'i phyir ro// ci'i phyir gnyis ni 'khor ba zhes bya zhe na/ ma rig pa la sred pa'i phyir ro// rtag pa'i mya ngan las 'das pa'ang bus pa ma rabs kyi mtshan nyid ma yin la/ 'khor ba'ang bus pa ma rabs kyi mtshan nyid ma yin te/ don de lta bas na tshogs rnam pa gnyis dang ldan pa ni dri ba dang lan gdab par 'gyur ro/ / rigs kyi bu khyod kyis ji ltar sangs rgyas kyi rang bzhin zhes 'dri ba brtags par nyon cig dang / ngas rnam par grol zhing khyod la bshad do// rig+sa kyi bu sang rgyas kyi rang bzhin zhes bya ba ni don dam pa stong pa'o/ / don dam pa stong pa ni ye shes shes bya'o// de la stong pa zhes bya ba ni stong pa dang mi stong pa gnyis ka mi mthong ba'o// shes

  570. 286a

    rab can gyis ni stong pa dang / mi stong pa dang / rtag pa dang / mi rtag pa dang / sdug bsngal ba dang / bde ba dang / bdag dang / bdag med pa kun tu mthong ngo / / stong pa zhes bya ba ni 'khor ba thams cad do// mi stong pa zhes bya ba ni yongs su mya ngan las 'das pa'o// bdag med pa'i bar du ni 'khor ba'o// bdag ces bya ba ni yongs su mya ngan las 'das pa ste/ thams cad stong par mthong la/ stong pa ma yin pa mi mthong ba ni lam dbu ma zhes mi bya/ thams cad bdag med pa'i bar du mi mthong la/ bdag mi mthong ba ni lam dbu ma zhes mi bya'o// lam dbu ma zhes bya ba ni sangs rgyas kyi rang bzhin no// don de lta bas na sangs rgyas kyi rang bzhin ni rtag pa 'gyur zhing 'pho ba med pa ste/ ma rig pas khebs pas sems can gyis mi mthong bar gyur to// nyan thos dang rang sangs rgyas kyis thams cad stong par mthong ste/ mi stong par mi mthong ba nas/ thams cad bdag med pa'i bar du mthong ste/ bdag ni mi mthong ngo // de bas na don dam pa'i stong pa ma thob bo// don dam pa'i stong pa ma thob pa'i phyir lam dbu ma mi spyod/ lam dbu ma med pa'i phyir sangs rgyas kyi rang bzhin mi mthong ngo // rigs kyi bu lam dbu ma mthong ba la rnam pa gsum ste/ nges par bde ba spyod pa

  571. 286b

    dang / nges par sdug bsngal spyod pa dang / nges par sdug bsngal dang bde ba spyod pa'o// nges par bde ba spyod pa zhes bya ba ni/ 'di lta ste/ byang chub sems dpa' sem dpa' chen pos sems can thams cad la snying brtse ba'i phyir/ mtshams med pa'i sems can dmyal bar gnas kyang / ji ltar bsam gtan gsum pa'i bde ba la reg pa bzhin no/ / nges par sdug bsngal spyod pa zhes bya ni bus pa ma rabs rnams so// nges par sdug bsngal dang bde ba spyod pa zhes bya ba ni nyan thos dang rang sangs rgyas so// nyan thos dang rang sangs rgyas kyis sdug bsngal dang bde ba lam dbu ma'i 'du shes bskyed de/ don de lta bas na sangs rgyas kyi rang bzhin yod mod kyi mi mthong ngo // ji ltar khyod kyis don ji lta bu zhig la sangs rgyas kyi rang bzhin yin zhes dris pa ni/ rigs kyi bu sangs rgyas kyi rang bzhin zhes bya ba ni/ sangs rgyas thams cad kyi bla na med pa dgra bcom pa yang dag par rdzogs pa'i byang chub kyi lam dbu ma'i sa bon yin no/ / gzhan yang rigs kyi bu lam la rnam pa gsum ste/ rab dang / 'bring dang / tha ma'o// de la tha ma zhes bya ba ni tshangs pa dag rtag pa med pa la nor bar rtag par blta'o/ / rab ces bya ba ni 'khor ba mi rtag pa la nor bar rtag par mthong la/ dkon mchog gsum rtag pa yin pa la

  572. 287a

    nan tan gyis mi rtag par sgro btags pa'o/ / de la ci'i phyir rab ces bya zhe na/ bla na med pa yang dag par rdzogs pa'i byang chub mchog thob pa'i phyir ro// 'bring zhes bya ba ni don dam pa'i stong pa ste/ mi rtag pa ni rtag par mthong / rtag pa ni mi rtag par mthong ba'o// don dam pa'i stong pa ni mtha' ma zhes mi bya'o// de ci'i phyir zhe na/ bus pa ma rabs thams cad kyis mi mthong ba'i phyir ro// rab ces kyang mi bya'o// de ci'i phyir zhe na/ rab ma yin pa'i phyir ro// sangs rgyas dang byang chub sems dpa' thams cad kyi spyod pa'i lam ni rab ma yin/ tha ma ma yin te/ don de'i phyir lam dbu ma zhes bya'o// gzhan yang rigs kyi bu 'khor ba'i thog ma'i mtha' ni rnam pa gnyis te/ ma rig pa dang / sred pa'o// de gnyis kyi bar na skye ba dang / rga ba dang / na ba dang / shi ba'i sdug bsngal byung ste/ de ni lam dbu ma zhes bya'o// de ltar lam dbu ma des 'khor ba yongs su gzhig par 'gyur ba'i phyir dbu ma'o zhes bya'o// don de lta bas na lam dbu ma'i chos ni sangs rgyas kyi rang bzhin zhes bya ste/ de bas na sangs rgyas kyi rang bzhin ni rtag pa bde ba bdag dang yongs su dag pa'o/ / sems can rnams kyis mi mtho ba'i phyir mi rtag pa/ bde ba med pa/ bdag med pa/ yongs su ma

  573. 287b

    dag pa ste/ sangs rgyas kyi rang bzhin ni yang dag par na mi rtag pa dang / bde ba med pa dang / bdag med pa/ yongs su ma dag pa ma yin no// rigs kyi bu dper na mi dbu po zhig gi khyim na mi rin po che'i gter yod de/ des mi mthong na mi mthong ba'i dbang gis rtag pa med/ bde ba med/ bdag med/ yongs su dag pa med do// dge ba'i bshes gnyen gcig gis de la 'di skad du/ khyod kyi khyim na rin po che gser gyi gter yod na/ ci ste 'di ltar dbul 'phongs shing sdug bsngal ba dang / mi rtag pa dang / bde ba med pa dang / bdag med pa dang / yongs su dag pa med par gyur ces byas nas/ de nas thabs kyis de mthong bar byas so// mthong bar gyur pas mi de rtag pa dang / bde ba dang / bdag dang / yongs su dag par gyur to// sangs rgyas kyi rang bzhin yang de dang 'dra ste/ sems can gyis mi mthong ngo // de ltar mi mthong ba'i phyir rtag pa med/ bde ba med/ bdag med/ yongs su dag pa med do// dge ba'i bshes gnyen sangs rgyas dang byang chub sems dpa' rnams kyis thabs rnam pa sna tshogs kyis bstan te mthong bar mdzad do/ / de ltar mthong bar gyur nas sems can rnams rtag pa dang / bde ba dang / bdag dang / yongs su dag pa thob bo// gzhan yang rigs kyi bu sems

  574. 288a

    can rnams kyis lta ba bskyed pa la rnam pa gnyis/ rtag pa dang / chad pa'o// de ltar la pa de gnyis lam dbu ma zhes mi ny+tsa ste/ rtug pa med pa dang chad pa med pa ni lam dbu ma zhes bya'o/ / rtag pa dang chad pa med pa ni rten cing 'brel te byung ba bcu gnyis rtogs pa'i ye shes shes bya ste/ de ltar rtogs pa'i ye shes ni sangs rgyas kyi rang bzhin zhes bya'o/ / theg pa gnyis kyis rten cing 'brel te byung ba rtogs kyang / sangs rgyas kyi rang bzhin thob pa zhes mi bya'o// sangs rgyas kyi rang bzhin rtag mod kyi/ sems can rnams ma rig pas yongs su khebs pa'i phyir mi mthong ste/ ji ltar ri bong dang rtas rten cing 'brel te byung ba bcu gnyis kyi chu klung rga la mi nus pa bzhin no// de ci'i phyir zhe na/ sangs rgyas kyi rang bzhin mi mthong ba'i phyir ro// rigs kyi bu rten cing 'brel te byung ba bcu gnyis rtogs pa'i ye shes ni bla na med pa yang dag par rdzogs pa'i byang chub kyi sa bon yin te/ don de lta bas na rten cing 'brel te byung ba bcu gnyis ni sangs rgyas kyi rang bzhin zhes bya'o// rigs kyi bu dper na ga kon ni mkhris pa'i nang du 'gyur / de ci'i phyir zhe na/ mkhris pa'i nad kyi rgyu rkyen du 'gyur ba'i phyir te/ rten cing 'brel te byung ba bcu gnyis kyang de dang 'dra'o// rigs kyi bu sangs rgyas kyi rang

  575. 288b

    bzhin ni rgyu yod/ rgyu'i rgyu yod/ 'bras bu yod/ 'bras bu'i 'bras bu yod do// rgyu yod ces bya ba ni rten cing 'brel te byung ba bcu gnyis so// chu'i rgyu zhes bya ba ni shes rab bo/ / 'bras bu yod ces bya ba ni bla na med pa yang dag par rdzogs pa'i byang chub bo// 'bras bu'i 'bras bu zhes bya ba ni bla na med pa'i yongs su mya ngan las 'das pa chen po'o// rigs kyi bu dper na ma rigs pa'i rkyen gyis 'du byed rnams ni 'bras bu'o// 'du byed kyi rkyen gyis rnam par shes pa 'bras bur gyur te/ don de lta bas na ma rig pa'i ngo bo nyid ni rkyen kyang yin la/ rkyen gyi rkyen kyang yin no// rnam par shes pa'ang 'bras bu'ang yin la/ 'bras bu'i 'bras bu'ang yin no// sangs rgyas kyi rang bzhin yang de dang 'dra'o// rig kyi bu don de lnga bas na rten cing 'brel te byung ba bcu gnyis ni mi skye/ mi 'gog/ rtag pa ma yin/ chad pa ma yin/ gcig gam gnyis ma yin/ 'ongs pa ma yin/ song ba ma yin/ rgyu ma yin/ 'bras bu ma yin no// rigs kyi bu rgyu yin la 'bras bu ma yin pa ni sangs rgyas kyi rang bzhin lta bu'o// 'bras bu yin la rgyu ma yin pa ni yongs su mya ngan las 'das pa chen po lta bu'o/ / rgyu'ang yin la 'bras bu'ang yin pa ni rten cing 'brel te 'byung ba bcu gnyis las skye ba'i chos lta bu'o// rgyu'ang ma yin 'bras bu'ang ma

  576. 289a

    yin la/ sangs rgyas kyi rang bzhin ni rang bzhin zhes bya ste/ rgyu dang 'bras bu ma yin pa'i phyir rtag pa mi 'gyur mi 'pho ba'o// don de lta bas na ngas mdo sde las rten cing 'brel te byung ba bcu gnyis ni don shin tu zab ste/ shes pa med/ mthong ba med/ bsam du med pas sangs rgyas dang byang chub sems dpa' rnams kyi spyod yul yin gyi/ nyan thos dang rang sangs rgyas rnams kyis shes pa ma yin no zhes gsungs so// ci'i phyir don shin tu zab ce na/ shin tu zab pa ni sems can gyi las dang spyod pa rtag pa'ang ma yin/ chad pa'ang ma yin mod kyi/ 'bras bu rnam par smin par 'gyur ba dang / skad cig skad cig mar 'gog kyang stong pa med pa dang / byed pa med kyang byas pa'i las yod pa dang / myong ba med kyang 'bras bu rnam par smin pa yod pa dang / myong ba 'gog mod kyi/ 'bras bu mi 'jig mi stor ba dang / gang gis kyang sems can thams cad 'dus te byung bar bsam pas dpags te shes pa med pa dang / rten cing 'brel te byung ba bcu gnyis dang 'grogs kyang mi shes mi mthong ba dang / mi mthong mi shes pa'i phyir thog ma dang tha ma med pa dang / byang chub sems dpa' sa bcu pas thog ma 'ba' zhig mthong yang tha ma mi mthong ste/ sangs rgyas bcom ldan 'das ni thog ma dang tha ma gzigs

  577. 289b

    so/ / don de lta bas na de bzhin gshegs pa rnams ni sangs rgyas kyi rang bzhin gsal bar gzigs so// rigs kyi bu sems can thams cad ni rten cing 'brel te byung ba bcu gnyis mi mthong bas rab tu 'khor ro/ / rigs kyi bu ji ltar dar gyis srin bu dar gyi sgong byed pa rang skye zhing rang 'chi ba ltar/ sems can thams cad kyang de dang 'dra ste/ sangs chu gyi rang bzhin mi mthong ba'i phyir/ rang gis kun nas nyon mongs pa'i las byed de/ ji ltar pho longs brdabs pa ltar 'khor bar rab tu 'khor ro// rigs kyi bu de bas na ngas mdo sde kun las gal te gang rten cing 'brel te byung ba bcu gnyis mthong na chos mthong ngo / / chos mthong na sangs rgyas mthong ngo zhes gsungs so// sangs rgyas shes bya ba ni sangs rgyas kyi rang bzhin yin no/ / de ci'i phyir zhe na/ sangs rgyas thams cad kyi rang bzhin de yin pa'i phyir ro// rigs kyi bu rten cing 'brel te byung ba bcu gnyis rtog pa'i ye shes ni rnam pa bzhi ste/ tha ma dang / bar ma dang / rab dang / rab kyi yang rab bo// rtog pa'i ye shes thams ni sangs rgyas kyi rang bzhin mo mthong ste/ mi mthong ba'i phyir nyan thos kyi lam thob bo/ / rtog pa'i ye shes 'bring gis ni sangs rgyas kyi rang bzhin mi mthong ste/ mi mthong ba'i phyir rang sangs rgyas kyi lam thob bo// rtog pa'i ye shes rab kyis ni/

  578. 290a

    gsal bar mi mthong ste/ mi gsal ba'i phyir sa bcu la gnas so// ye shes rab kyi yang rab ni gsal bar mthong bas bla na med pa yang dag par rdzogs pa'i byang chub kyi lam thob bo/ / don de lta bas na rten cing 'brel te 'byung ba bcu gnyis ni sangs rgyas kyi rang bzhin zhes bya'o// sangs rgyas kyi rang bzhin ni don dam pa'i stong pa'o// don dam pa'i stong pa ni lam dbu ma'o// lam dbu ma ni sangs rgyas so// sangs rgyas ni mya ngan las 'das pa zhes bya'o// de nas byang chub sems dpa' sems dpa' chen po seng ge'i sgras/ bcom ldan 'das la 'di skad ces gsol to// bcom ldan 'das gal te sangs rgyas dang sangs rgyas kyi rang bzhin khyad par ma mchis na/ sems can thams cad lam la nan tan bgyid kyang ci 'tshal/ bcom ldan 'das kyis bka' stsal pa/ rigs kyi bu khyod kyis don de dris pa ni de lta ma yin no// sangs rgyas dang sangs rgyas kyi rang bzhin khyad par med mod kyi/ sems can rnams de dang mi ldan te/ rigs kyi bu dper na mi zhig ngan sems kyis ma gsad de/ bsad nas 'gyod pa skyes pas las gsum dge mod kyi/ sems can dmyal ba pa zhes bya'o// de ci'i phyir zhe na/ mi de gdon mi za bar sem can dmyal bar ltung ba'i phyir ro// mi de la sems can dmyal ba'i phung po dang /

  579. 290b

    khams dang / skye mched med mod kyi/ 'on kyang sems can dmyal ba pa zhes bya'o// rigs kyi bu de bas na ngas mdo sde kun las gang dge ba'i chos spyod pa mthong ba ni lha mthong ba zhes bya/ mi dge ba spyod pa mthong ba ni sems can dmyal ba mthong ba'o zhes gsungs so// de ci'i phyir zhe na/ nges par rnam par smin par myong bar 'gyur ba'i phyir ro// rig kyi bu sems can thams cad kyang gdon mi za bar bla na med pa yang dag par rdzogs pa'i byang chub tu 'gyur ba'i phyir/ sems can thams cad la sangs rgyas kyi rang bzhin yod do zhes gsungs sems can thams cad la yang dag par mtshan sum cu rtsa gnyis dang / dpe byad bzang po brgyad cu med pas/ don de'i phyir ngas mdo sde 'di las tshigs su bcad pa 'di gsungs so/ / thog mar yod la da ltar med// thog ma med la da ltar yod// dus gsum srid pa'i chos thams cad// de lta bu yi gnas med do// rigs kyi bu srid pa zhes bya ba la rnam pa gsum ste/ ma 'ongs pa'i srid pa dang / da ltar gyi srid pa dang / 'das pa'i srid pa'o// de la sems can thams cad ma 'ongs pa'i dus na med pa yang dag par rdzogs pa'i byang chub yod pa'i phyir sangs rgyas kyi rang bzhin zhes bya'o/ / sems can thams cad la da ltar kun nas nyon mongs pa rnams yod pas de'i phyir da ltar mtshan sum cu rtsa gnyis dang dpe

  580. 291a

    byad bzang po brgyad cu med do/ / sems can gang 'das pa'i dus na nyon mongs bcad pa yod pa'i phyir da ltar sangs rgyas kyi rang bzhin mthong ste/ don des bas na ngas rtag tu sems can thams cad la sangs rgyas kyi rang bzhin yod pa nas/ log sred can gyi bar du'ang sangs rgyas kyi rang bzhin yod do zhes gsungs so// log sred can la sogs pa dge ba'i chos med kyang / sangs rgyas kyi rang bzhin nyid dge ba ste/ ma 'ongs pa'i dus na yod par 'gyur ba'i phyir/ log sred can la sogs pa la'ang sangs rgyas kyi rang bzhin yod do/ / de ci'i phyir zhe na/ log sred can dag gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ ba'i phyir ro// rigs kyi bu dper na mi zhig gi khyim na 'o ma dang zho yod pa las/ yang mi cig gis khyod la mar yod dam zhes 'dri na/ des smras pa/ bdag la yod do zhes smras kyang 'di ltar zho ni yang dag par mar ma yin mod kyi/ thabs mkhas pas gdon mi za bar 'thob par 'gyur ba'i phyir mar yod do zhes smras so// sems can dag kyang de dang 'dra ste/ kun la sems yod do// gang sems yod pa ni gdon mi za bar bla na med pa yang dag par rdzogs pa'i byang chub 'thob par 'gyur ro// don de lta bas na ngas rtag

  581. 291b

    tu sems can thams cad la sangs rgyas kyi rang bzhin yod do zhes gsungs so/ / rigs kyi bu mthar phyin pa la rnam pa gnyis te/ bkod pa'i mthar phyin pa dang / mthar phyin pa'i mthar phyin pa'o/ / gzhan yang 'jig rten gyi mthar phyin pa dang / 'jig rten las 'das pa'i mthar phyin pa'o// de la bkod pa'i mthar phyin pa ni pha rol du phyin pa drug ko/ mthar phyin pa'i mthar phyin pa ni sems can thams cad ni thams cad theg pa gcig pa 'thob pa'o// de la theg pa gcig pa ni sangs rgyas kyi rang bzhin zhes bya ste/ don de lta bas na ngas sems can thams cad la sangs rgyas kyi rang bzhin yod de/ sems can thams cad la theg pa gcig pa yod kyang / ma rig pas khebs pas mthong bar ma gyur to/ zhes gsungs so// rigs kyi bu dper na byang gi sgra mi snyan dang / sum cu rtsa gsum gnas kyi 'bras bu rnam par smin pa myong ba las sgrib pa dang bcas pa'i sems can 'di dag gis mthong bar mi nus so/ / sangs rgyas kyi rang bzhin yang de dang 'dra ste/ kun nas nyon mongs pas bsgribs pa'i phyir sems can gyis mi mthong ngo // gzhan yang rigs kyi bu sangs rgyas kyi rang bzhin zhes bya ba de ni dpa' bar 'gro ba'i ting nge 'dzin te/ rang bzhin mar gyi snying khu dang 'dra bas sangs rgyas thams cad kyi yum mo// dpa' bar 'gro

  582. 292a

    ba'i ting nge 'dzin gyi mthus de bzhin gshegs pa rnams rtag pa dang / bde ba dang / bdag dang / yongs su dag par gyur to// sems can thams cad la'ang dpa' bar 'gro ba'i ting nge 'dzin yod mod kyi/ ma bsgoms pa'i phyir mi mthong ste/ de'i phyir bla na med pa yang dag par rdzogs pa'i byang chub tu ma gyur to// rigs kyi bu dpa' bar 'gro ba'i ting nge 'dzin ni ming rnam pa lnga yod de/ dpa' bar 'gro ba'i ting nge 'dzin ces kyang bya/ shes rab kyi pha rol tu phyin pa zhes kyang bya/ rdo rje lta bu'i ting nge 'dzin ces kyang bya/ seng ge'i sgra sgrog pa'i ting nge 'dzin ces kyang bya/ sangs rgyas kyi rang bzhin zhes kyang bya ste/ ci dang cir ldan par de dang de'i skabs su ming 'dogs so/ / rigs kyi bu ji ltar ting nge 'dzin gcig gis ming rnam pa sna tshogs thob pa ni/ 'di ltar bsam gtan gyi skabs su bsam gtan bzhi zhes bya ba dang / dbang po'i skabs su ting nge 'dzin gyi dbang po zhes bya ba dang / stobs kyi skabs su ting nge 'dzin gyi stobs shes bya ba dang / byang chub kyi yan lag gi skabs su ting nge 'dzin gyi byang chub kyi yan lag ces bya ba dang / 'phags pa'i lam gyi skabs su yang dag pa'i ting nge 'dzin ces bya ba dang / skyes bu rtog pa brgyad kyi skabs su ting nge 'dzin gyi rtog pa zhes bya ba dang 'dra bar/

  583. 292b

    dpa' bar 'gro ba'i ting nge 'dzin kyang de dang 'dra'o// rigs kyi bu sems can thams cad kyi ting nge 'dzin rnam pa gsum dang ldan te/ gsum gang zhe na/ rab dang / 'bring dang / tha ma'o// de la rab ni sangs rgyas kyi rang bzhin te/ de'i phyir sems can la sangs rgyas rang bzhin yod do zhes bya ba'o// 'bring zhes bya ba ni sems can thams cad bsam gtan dang po dang ldan te/ rkyen dang phrad na yongs su sgom par 'gyur gyi/ gal te rkyen dang ma phrad na yongs su sgom par mi 'gyur ro// rgyu rkyen la rnam pa gnyis te/ me'i bskal pa dang / 'dod pa'i khams kyi kun nas nyon mongs pa yongs su bcom pa ste/ de'i phyir sems can thams cad ting nge 'dzin 'bring dang ldan pa zhes bya'o// ting nge 'dzin thams cad ni sa chen po bcu las sems las byung ba'i ting nge 'dzin te/ de'i phyir sems can thams cad ting nge 'dzin tha ma dang ldan pa zhes bya'o// sems can thams cad la sangs rgyas kyi rang bzhin yod de/ nyon mongs pas yongs su khebs pa'i phyir mthong bar mi nus so// byang chub sems dpa' sa bcu pas theg pa gcig pa mthong mod kyi// de bzhin gshegs pa rtag tu gnas pa'i chos can du mi shes te/ de'i phyir byang chub sems dpa' sa bcu pas sangs rgyas kyi rang bzhin mthong mod kyi/ gsal bar ma gyur to// /

  584. 293a

    rigs kyi bu dpa' ba zhes bya ba ni thams cad kyis mthar phyin pa'o// 'gro ba zhes bya ba ni brtan pa'o// thams cad mthar brtan pa'i phyir dpa' bar 'gro ba zhes bya'o/ / de'i phyir dpa' bar 'gro ba'i ting nge 'dzin ni sangs rgyas kyi rang bzhin zhes bya'o// rigs kyi bu ngas dus gcig na chu bo dga' skyes kyi 'gram na bzhugs te/ dga' bo la bka' stsal pa/ nga deng khrus mdzad kyi/ nga'i gos long la sran phye'ang long zhig/ de nas chur zhugs pa dang / nam mkha' la 'phur ba dang / chu dang sa la 'gro ba thams cad 'ongs nas nga la blta'o// de'i tshe kun tu rgyu lnga brgya snyed chu bo'i 'gram du lhags nas nga'i drung du phyin pa dang / gcig la gcig 'di skad du ji ltar rdo rje lta bur lus thob par gyur/ gal te go'u ta ma 'di chad par lta ba mi ston na/ bdag cag deng lung dang tshul khrims nod do zhes smras so// rigs kyi bu nga de'i tshe gzhan gyi sems shes pa'i ye shes kun tu rgyu de dag gi bsam pa mkhyen nas/ kun tu rgyu de dag la 'di skad ces bka' stsal to// ci'i phyir nga la chad par lta ba ston pa yin no snyam du sems/ kun tu rgyu de dag gis gsol pa/ go'u ta ma khyod kyi mdo sde kun las sems can thams cad la bdag med do zhes bshad do// de ltar bdag med do zhes bshad na/

  585. 293b

    ci'i phyir chad par lta ba ma yin/ gal te bdag med na gang gis tshul khrims sdom zhing gang gis tshul khrims bshig par 'gyur/ bcom ldan 'das kyis bka' stsal pa ngas ni sems can thams cad la bdag med do zhes ma bshad do/ / ngas ni rtag tu sems can thams cad la sangs rgyas kyi rang bzhin yod do zhes bshad na/ sangs rgyas kyi rang bzhi de nyid bdag ma yin nam/ don de lta bas nang chad par lta ba mi ston te/ sems can thams cad kyis sangs rgyas kyi rang bzhin ma mthong bas rtag pa med pa dang bdag med pa dang / bde ba med pa dang / yongs su dag pa med de/ gang de skad du smras pa de ni chad par lta ba ston pa zhes bya'o// de'i tshe kun tu rgyu de dag sangs rgyas kyi rang bzhin nyid bdag yin no zhes bshad pa thos nas/ thams cad bla na med pa yang dag par rdzogs pa'i byang chub tu sems bskyed de/ de'i mod la rab tu byung nas byang chub kyi lam la nan tan byed par gyur to/ / nam mkha' dang / mu dang / skam sar 'gro ba thams cad kyang bla na med pa'i byang chub tu sems bskyed do// de ltar sems bskyed nas mod la lus de nyid btang bar gyur to/ / rigs kyi bu sangs rgyas kyi rang bzhin de yang dag par na bdag ma yin te/ sems can gyi phyir bdag ces bshad do//

  586. 294a

    rigs kyis rgya dang rkyen yod pa'i phyir de bzhin// shegs pas bdag med pa la bdag tu bshad mod kyi/ yang dag par na bdag med do// de ltar ba shA mod kyi/ brdzun pa ma yin no// rigs kyi bu yang rgyu dang rkyen yod pas bdag la bdag med par 'chad de/ yang dag par na bdag yod kyang / 'jig rten gyi phyir/ bdag med par bshad mod kyi/ yang brdzun pa min no// sangs rgyas kyi rang bzhin ni bdag med de/ de bzhin gshegs pas bdag ces bshad pa ni rtag pa yin pa'i phyir ro/ / de bzhin gshegs pa ni bdag yin te/ bdag med par bshad pa ni dbang thob pa'i phyir ro// de nas byang chub sems dpa' sems dpa' chen po seng ge'i sgras gsol ba/ bcom ldan 'das gal te sems can thams cad la sangs rgyas kyi rang bzhin rdo rje mthu bo che lta bu mchis na/ de ci'i slad du sems can thams cad kyis mi mthong / bcom ldan 'das kyis bka' stsal pa/ rigs kyi bu dper na gzugs ni sngon po dang / ser po dang / dmar po dang / dkar po dang ring po dang / thung ngur tha dad de/ thogs pa yod kyang dmus long gis mi mthong ngo // de ltar mi mthong mod kyi/ sngon po dang / ser po dang / dmar po dang

  587. 294b

    dkar por tha dad pa dang / dbyibs ring thung med ces byar mi rung ngo // de ci'i phyir zhe na/ dmus long gis mi mthong yang / mig can gyis mi mthong ba ma yin no// sangs rgyas kyi rang bzhin yang de dang 'dra ste/ sems can thams cad kyis mi mthong mod kyis/ byang chub sems dpa' sa bcu pas phyogs tsam zhig mthong la// de bzhin gshegs pas ni ma lus par gzigs so/ / byang chub sems dpa' sa bcu pas sangs rgyas kyi rang bzhin la mtshan mo'i gzugs ltar mthong ngo // de bzhin gshegs pas ni nyin par gyi gzugs lta bur gzigs so/ / rigs kyi bu dper na zhar bas ni gzugs gsal bar mi mthong ste/ de la sman pa mkhas pas mig bcos na sman de'i stobs kyis gsal bar mthong bar 'gyur ro/ / byang chub sems dpa' sa bcu pa'ang de dang 'dra ste/ sangs rgyas kyi rang bzhin mthong mod kyi/ mi gsal lo// de la dpa' bar 'gro ba'i ting nge 'dzin gyi stobs kyis rab tu gsal bar mthong bar 'gyur ro// rigs kyi bu gang la la zhig gis chos thams cad la rtag pa// bdag med pa/ bde ba med pa/ yongs su dag pa med par mthong ba dang / chos ma yin pa thams cad la rtag pa med pa/ bdag med pa/ bde ba med pa/ yongs su dag pa med par

  588. 295a

    mthong ba de ni sangs rgyas kyi rang bzhin mi mthong ngo / / de la thams cad ces bya ba ni 'khor ba'o// thams cad ma yin pa ni dkon mchog gsum ste/ nyan thos dang rang sangs rgyas kyis chos thams cad mi rtag pa/ bdag med pa/ bde ba med pa/ yongs su ma dag par mthong ngo // chos ma yin pa thams cad la'ang mi rtag pa/ bdag med pa/ bde ba med pa/ yongs su ma dag par mthong ste/ don de lta bas na sangs rgyas kyi rang bzhin mi mthong ngo // byang chub sems dpa' sa bcu pas ni chos thams cad la mi rtag pa/ bdag med pa/ bde ba med pa/ yongs su dag pa med par mthong la/ chos ma yin pa thams cad la ni rtag pa dang / bdag dang / bde ba dang / yongs su dag par phyogs tsam zhig mthong ste/ don de lta bas na bcu cha gcig tsam mthong ngo // sangs rgyas bcom ldan 'das ni chos thams cang mi rtag pa dang / bdag med pa/ bde ba med pa/ yongs su dag pa med par gzigs la/ chos ma yin pa thams cad la rtag pa dang / bdag dang / bde ba dang / yongs su dag par gzigs te/ de lnga bas na sangs rgyas kyi rang bzhin lag mthil tu skA ru ra'i 'bras bu gzhag pa lngar gzigs so// don de lta bas me pa'

  589. 295b

    bar 'gro ba'i ting nge 'dzin ni mthar thug pa zhes bya'o/ / rigs kyi bu dper na zla ba tshes pa ni mi mthong mod kyi/ med ces byar mi rung ngo // sangs rgyas kyi rang bzhin yang de dang 'dra ste/ bus pa ma rabs thams cad kyis mi mthong mod kyi/ de la sangs rgyas kyi rang bzhin med ces byar mi rung ngo // rigs kyi bu sangs rgyas kyi rang bzhin ni/ 'di lta ste/ stobs bcu dang / mi 'jigs pa bzhi dang / snying rje chen po dang / dran pa nye bar gzhag pa gsum ste/ sems can thams cad la rnam pa gsum po yod pa'ang nyon mongs pa yongs su bcom na gdod mthong bar 'gyur ro/ / log sred can dag ni log sred yongs su bcom na/ gdod stobs bcu dang / mi 'jigs pa bzhi dang / snying rje chen po dang / dran pa nye bar gzhag pa gsum thob par 'gyur ro// don de lta bas na ngas rtag tu sems can thams cad la sangs rgyas kyi rang bzhin yod do zhes gsungs so/ / rigs kyi bu rten cing 'brel te byung ba bcu gnyis po 'di dag sems can thams cad la mnyan par yod de phyi nang gnyis so// bcu gnyis pa gang zhe na/ 'das pa'i nyon mongs pa ni ma rig pa'o// 'das pa'i las ni 'du byed do// da ltar gyi dus na thog ma mngal du 'jug pa ni rnam par shes pa'o// mang

  590. 296a

    du zhugs nas yan lag lnga dang dbang po bzhi ma tshang ba ni ming dang gzugs so/ / dbang po bzhi dang ldan te reg pa zhes bya ba ni skye mched drug ces bya'o// sdug bsngal dang bde ba bye brag mi phyed pa ni reg pa zhes bya'o// sred pa gcig la chags pa ni tshor ba zhes bya'o// 'dod pa lnga la chags pa ni sred pa'o// nang dang phyi rol la 'dod chags pa ni len pa'o/ / nang dang phyi rol gyi dngos pos lus dang / ngag dang / yid kyi las bskyed pa ni srid pa pa'o// da ltar gyi dus kyi rnam par shes pa ni ma 'ongs pa'i skye ba'o/ / da lA gyi ming dang gzugs dang / skye mched drug dang / reg pa dang / tshor ba ni ma 'ongs pa'i dus kyi rga ba dang / rna ba dang 'chi ba ste/ 'di dag ni rten cing 'brel te byung ba bcu gnyis shes bya'o// rigs kyi bu sems can thams cad la rten cing 'brel te byung ba bcu gnyis po 'di dag yod mod kyi/ yongs su ma rdzogs te/ nur nur por 'dug pa'i tshe shi ba la ni rten cing 'brel te byung ba bcu gnyis med do// thog ma skyes nas/ rga shi'i bar du ni bcu gnyis po dang ldan no/ / gzugs kyi khams kyi sems can la tshor ba rnam pa gsum dang / reg bya rnam pa gsum dang / sred pa rnams dang / rna ba dang shi ba med kyang / rnam

  591. 296b

    pa bcu gnyis po dang ldan pa zhes bya'o/ / gzugs med pa'i khams kyi sems can dag gzugs med pa nas/ rga shi'i bar du med kyang rnam pa bcu gnyis po dang ldan pa zhes bya ste/ de ni nges par thob par 'gyur ba'i phyir sems can kun la mnyam par rten cing 'brel te byung ba bcu gnyis dang ldan pa yod pa zhes bya'o// rigs kyi bu sangs rgyas kyi rang bzhin yang de dang 'dra ste/ sems can thams cad nges par bla na med pa yang dag par rdzogs pa'i byang chub tu 'gyur ba'i phyir/ de bas na ngas sems can kun la sangs rgyas kyi rang bzhin yod ces gsungs so/ / rigs kyi bu ri khab can la rtswa bzod pa zhes bya ba zhig yod de/ gal te bas zos na mar gyi snying po 'byung ngo // yang rtswa gzhan zhig yod de/ gal te bas zos na mar gyi snying po med do// de ltar mar gyi snying po med mod kyi/ ri kha ba can la rtswa bzod pa med ces bya bar mi rung ngo // de bzhin du sangs rgyas kyi rang bzhin yang de dang 'dra ste/ de bzhin gshegs pa ni ri kha ba can lta bu'o// yongs su mya ngan las 'das pa chen po ni rtsa bzod pa lta bu'o// mdo sde bcu gnyis kyis de ma yin pa gzhan lta bu ste/ sems can gang yongs su mya ngan las 'das pa 'di nyan tam/ 'dzin tam/ 'dri bar byed na/ sangs rgyas kyi rang bzhin mthong

  592. 297a

    / / mdo sde bcu gnyis las sangs rgyas kyi rang bzhin yod par ma thos mod kyi/ sangs rgyas kyi rang bzhin med ces byar mi rung ngo // rigs kyi bu sangs rgyas kyi rang bzhin ni gzugs kyang yin la/ gzugs kyang ma yin/ gzugs ma yin pa'ang ma yin no// mtshan yang yin la/ mtshan yang ma yin/ mtshan ma yin pa'ang ma yin no// gcig pa'ang yin la/ gcig pa'ang ma yin/ gcig pa ma yin/ gcig pa ma yin pa'ang ma yin no// rtag pa ma yin chad pa ma yin/ rtag pa ma yin pa'ang ma yin/ chad pa ma yin pa'ang ma yin no// yod pa'ang yin/ med pa'ang yin la/ yod pa ma yin/ med pa ma yin no/ / zad pa'ang yin la/ zad pa'ang ma yin/ zad pa ma yin pa'ang ma yin no// rgyu'ang yin la/ 'bras bu'ang yin/ rgyu ma yin/ 'bras bu'ang ma yin no// don yang yin la/ don yang ma yin/ don ma yin/ don ma yin pa'ang ma yin no// yi ge'ang yin la/ yi ge ma yin yi ge'ang ma yin/ yi ge ma yin pa'ang ma yin no// de la ji ltar gzugs shes bya zhe na/ rdo rje lta bu'i sku'o// gzugs ma yin pa gang zhe na/ gzugs ma

  593. 297b

    yin pa'i chos ma 'dres pa bco brgyad do/ / gzugs ma yin/ gzugs ma yin pa ma yin pa gang zhe na/ gzugs dang gzugs ma yin pa la nges pa'i mtshan nyid med pa'o/ / de la ji ltar na mtshan zhes bya zhe na/ mtshan sum cu rtsa gnyis so// mtshan ma yin pa gang zhe na/ sems can thams cad la mtshan mngon du mi snang ba'o/ / mtshan ma yin pa mtshan ma yin pa'ang ma yin pa gang zhe na/ mtshan dang mtshan ma yin pa nges pa ma yin no// de la ji ltar na gcig pa zhe na/ sems can thams can theg pa gcig pa'o// gcig pa ma yin pa gang zhe na/ theg pa gsum bshad pa'o// gcig pa'ang ma yin/ gcig pa ma yin pa'ang ma yin pa gang zhe na/ chos grangs med pa'o// rtag pa ma yin pa gang zhe na/ rkyen las mthong bar gyur pa'o// chad pa ma yin pa gang zhe na/ chad par lta ba dang bral ba'o/ / rtag pa ma yin pa'ang ma yin/ chad pa ma yin pa'ang ma yin pa gang zhe na/ thog ma dang tha ma'i mtha' med pa'o// yod pa gang zhe na/ sem can thams cad yod pa'o/ / med pa gang zhe na/ thabs mkhas pas mthong bar gyur pa'o// yod pa'ang ma yin/ med pa'ang ma yin pa gang zhe na/ nam

  594. 298a

    mkha'i mtshan nyid do/ / zad pa gang zhe na/ dpa' bar 'gro ba zhes bya ba'i ting nge 'dzin gyi mthu thob pa'o// zad pa ma yin pa gang zhe na/ rtag pa yin pa'o/ / zad pa'ang ma yin/ zad pa ma yin pa'ang min pa gang zhe na/ thams cad zad pa'i mtshan nyid du chad par 'gyur ba'o// rgyu gang zhe na/ rgyu rab tu rtog pa'o/ / 'bras bu gang zhe na/ 'bras bu gdon mi za bar gyur pa'o// rgyu ma yin 'bras bu ma yin pa gang zhe na/ rtag pa'o// don gang zhe na/ don thams cad sdud pa la thogs pa'o/ / don med pa gang zhe na/ bshad du med pa'o// don ma yin/ don ma yin pa'ang ma yin pa gang zhe na/ mthar stong par 'gyur ba'o// yi ge zhes bya ba gang zhe na/ ming du btags pa yod pa'o// yi ge ma yin pa gang zhe na/ ming du btags pa med pa'o// yi ge ma yin/ yi ge ma yin pa'ang ma yin pa gang zhe na/ yi ge thams cad bcad pa'o// sdug bsngal yang ma yin/ bde ba'ang ma yin pa gang zhe na/ tshor ba thams cad b.rud pa'o// bdag ma yin pa gang zhe nadabang brgyad dang ldan par ma gyur pa'o/ / bdag ma yin pa'ang ma yin pa gang zhe na/ rtag pa'o// bdag ma yin/ bdag ma yin pa'ang ma yin pa gang zhe na/

  595. 298b

    byas pa med myong ba med pa'o// stong pa zhes bya ba gang zhe na/ don dam pa stong pa'o// stong pa ma yin pa gang zhe na/ rtag pa'o// stong pa ma yin/ stong pa ma yin pa'ang ma yin pa gang zhe na/ dge ba'i chos kyi 'bras bur gyur pa'o// rigs kyi bu gal te gang zhig yongs su mya ngan las 'das pa chen po'i mdo'i don 'di dag yid la byas te rtogs na/ sangs rgyas kyi rang bzhin mthong ba yin par rig par bya'o// sangs rgyas kyi rang bzhin ni bsam gyis mi khyab pas sangs rgyas bcom ldan 'das rnams kyi spyod yul yin gyi/ nyan thos dang rang sangs rgyas rnams kyis shes pa ma yin no// rigs kyi bu sangs rgyas kyi rang bzhin ni phung po dang / khams dang / skye mched ma yin// thog ma med pa de yod pa ma yin/ yod par gyur nas phyir med par 'gyur ba ma yin// dge ba'i rgyu dang rkyen las sems can gyis mthong bar 'gyur ro// dper na lcags nag po mer bsregs na dmar por 'gyur la/ phyung ste grang na phyir yang nag por 'gyur te/ kha dog nag po de'ang nang na ma yin/ phyir rol na ma yin te/ rgyu rkyen las gyur to/ / sangs rgyas kyi rang bzhin yang de dang 'dra ste/ sems can thams cad kyi nyon mongs pa'i me med par gyur na/ mthong zhing thos par 'gyur ro// rigs kyi bu ji ltar

  596. 299a

    sa bon 'gags par gyur na myu gu skye bar 'gyur te/ myu gu'i mtshan nyid de nang na ma yin/ phyi rol na ma yin pa nas/ me tog dang 'bras bu'i bar du'ang de bzhin te/ rkyen las yod par gyur to// rigs kyi bu yongs su mya ngan las 'das pa chen po'i mdo sde dam pa ni yon tan tshad med pa dang ldan pa yin te/ sangs rgyas kyi rang bzhin yang de dang 'dra bar yon tan tshad med grangs med pa dang ldan pa'o/ / de nas byang chub sems dpa' sems dpa' chen po seng ge'i sgras gsol pa/ bcom ldan 'das byang chub sems dpa' chos du dang ldan na/ sangs rgyas kyi rang bzhin mthong la gsal bar ma gyur/ sangs rgyas bcom ldan 'das ni chos du dang ldan na/ mngon sum du gsal bar gzigs par gyur/ bka' stsal pa/ rigs kyi bu byang chub sems dpa' chos bcu dang ldan na/ sangs rgyas kyi rang bzhin mthong mod kyi/ mi gsal lo// bcu gang zhe na/ 'dod pa nyung ba dang / chog shes pa dang / rab tu zhi ba dang / brtson 'grus dang / yang dag pa'i dran pa dang yang dag pa'i ting nge 'dzin dang / yang dag pa'i shes rab dang / rnam par grol ba dang / rnam par grol ba la bsngags pa dang / yongs su mya ngan las 'das

  597. 299b

    pa chen pos sems can smin par byed pa'o/ / byang chub sems dpa' seng ge'i sgras gsol pa/ bcom ldan 'das 'dod pa nyung ba dang / chog shes pa la khyad par ci mchis bka' stsal pa/ rigs kyi bu 'dod pa nyung ba ni mi tshol mi len pa'o// rog shes pa ni nyung ngu rnyed kyang 'gyod cing zhe la gnon pa'i sems med do// 'dod pa nyung ba ni 'dod pa chung ba'o/ / chog shes pa ni chos kyi don gyi phyir mya ngan gyis gdungs pa'i sems med pa'o// rigs kyi bu 'dod pa la rnam pa gsum ste/ 'dod pa ngan pa dang / 'dod pa chen po dang / 'dod pas 'dod pa'o// de la 'dod pa ngan pa ni gal te dge slong zhig 'dod pa'i sems 'di lta bu dag skyed pa'o// bdag ji ltar na 'khor mang po thams cad kyi gtsor 'gyur zhing / dge slong gi dge 'dun thams cad bdag gi 'khor du 'gyur ba dang / 'khor rnam pa bzhis bdag la mchod pa dang / rim gro dang / bkur sti dang mchod cing bsngags par gyur pa dang / bdag gis sngar 'khor rnam pa bzhi la chos bshad pa thams cad kyis bdag gi tshig la yid ches shing 'dzin pa dang / rgyal po dang blon po dang / khyim bdag kun gyis kyang bdag la bkur sti byed par 'gyur ba dang / bdag gi rlos gos dang / bsod snyoms dang / mal cha dang / nad kyi rkyen sman dang

  598. 300a

    gnas khang dam pa la sogs pa mang du 'thob par 'gyur snyam du sems pa ni 'khor ba'i 'dod pa ste/ 'dod pa ngan pa zhes bya'o// 'dod pa chen po zhes bya ba gang zhe na/ gal te dge slong gang zhig rnyed pa dang grags pa'i phyir/ 'dod pa'i sems kyis ji ltar na 'khor rnam bzhis bdag sa dang po thob pa nas/ sa bcu pa'i bar dang // bla na med pa yang dag par rdzogs pa'i byang chub thob pa dang / dgra bcom pa'i 'bras bu thob pa nas/ rgyun du zhugs pa'i 'bras bu'i bar du thob pa dang / bsam gtan bzhi thob pa nas/ thogs pa med pa'i ye shes kyi bar du thob par shes par 'dod pa ni 'dod pa chen po zhes bya'o// 'dod pa'i 'dod pa zhes bya ba gang zhe na/ gal te dge slong gang rnyed pa dang grags pa'i phyir/ tshangs pa'i lhar skye bar 'dod pa dang / bdud kyi ris dang / dbang phyug chen po dang / 'khor los sgyur ba'i rgyal po dang / rgyal rigs dang / bram zer skyes shing dbang thob par 'dod pa ni 'dod pa'i 'dod pa zhes bya'o/ / gang 'dod pa ngan pa gsum po des mi 'tsho ba ni 'dod pa nyung ba zhes bya'o// 'dod pa zhes bya ba ni srid pa'i shu rtsa lnga ste/ srid pa nyi shu rtsa lnga po de dag med pa ni 'dod pa nyung ba zhes bya'o// ma 'ongs pa'i 'dod pa'i dngos po mi tshol ba ni 'dod pa nyung ba ste/ rnyed nas mi chags pa ni

  599. 300b

    chog shes pa zhes bya'o/ / rnyed pa dang grags pa mi tshol ba ni 'dod pa nyung ba'o// rnyed nas mi sogs pa ni chog shes pa'o// rigs kyi bu yang 'dod pa nyung ba dang chog shes pa zhes mi bya ba yod do/ / chog shes pa la 'dod pa nyung ba zhes mi bya ba yod do// 'dod pa'ang nyung la chog kyang shes pa yod do// chog kyang mi shes la 'dod pa'ang mang ba yod de/ de la 'dod pa nyung ba ni rgyun du zhugs pa'o// chog shes pa ni rang sangs rgyas so// 'dod pa nyung zhing chog shes pa ni dgra bcom pa'o// 'dod pa nyung ba'ang ma yin la chog kyang mi shes pa ni byang chub sems dpa' dag go/ / rigs kyi bu 'dod pa nyung zhing chog shes pa'ang rnam pa gnyis te/ dge ba dang / mi dge ba'o// de la mi dge bab ni bus pa so so'i skye bo rnams so/ / dge ba ni 'phags pa byang chub sems dpa' rnams so// 'phags pa thams cad ni lam dang 'bras bu thob kyang bdag 'thob bo zhes mi brjod do/ / de ltar mi brjod pa'i phyir sems mi 'khrug ste/ de ni chog shes pa zhes bya'o// rigs kyi bu de ltar na byang chub sems dpa' sems dpa' chen pos theg pa chen pos theg pa chen pos yongs su mya ngan las 'das pa'i mdo sgom zhing / sangs rgyas kyi rang bzhin mthong bar 'dod na 'dod pa nyung ba dang / chos shes pa la la nan tan bya'o//

  600. 301a

    de la rab tu'i bkang zhe na/ zhi ba la rnam pa gnyis te/ sems zhi ba dang / lus zhi ba'o// de la lus zhi ba ni rnams kyang lus kyis mi dge ba rnam pa gsum/ mi byed pa'o// sems zhi ba ni yid kyis mi dge ba rnam pa gsum mi byed pa ste/ de ni lus dang sems zhi ba zhes bya'o// yang lus zhi ba zhes bya ba ni 'khor rnam bzhi la mi sten te/ 'khor rnam bzhis byed pa'i las kyi dngos po la mi chags pa'o// sems zhi ba ni nam du'ang 'dod chags dang / zhe sdang dang / gti mug gis mi gos pa ste/ de ni lus dang sems zhi ba zhes bya'o/ / dge slong la la ni lus zhi'ang sems ma zhi/ la la ni sems zhi'ang lus ma zhi/ la la ni lus dang sems gnyis ka zhi/ la la ni lus dang sems gnyis ka ma zhi ba'ang yod do/ / de la lus zhi la sems ma zhi ba ni dge slong gang zhig pas mthar bsam gtan byed do// 'khor rnam bzhi spangs kyang sems ni rtag tu 'dod chags dang zhe sdang dang / gti mug la sems pa ni lus zhi la sems ma zhi ba zhes bya'o// de la lus ma zhi la sems zhi ba zhes bya ba ni dge slong gang zhig 'khor rnam bzhi dang / rgyal po dang / blon po la bsnyen cing bsten kyang 'dod chags dang / zhe sdang dang / gti mug yongs su bcad pa ni sems zhi la lus ma zhi zhes bya'o// de la lus dang sems gnyis ka zhi ba ni sangs

  601. 301b

    rgyas dang byang chub sems dpa' rnams so/ / lus dang sems gnyis ka ma zhi ba ni bus pa ma rabs so so'i skye bo rnams so// de ci'i phyir zhe na/ bus pa ma rabs so so'i skye bo ni lus// dang sems zhi'ang / mi rtag pa dang / bde ba med pa dang / bdag med pa dang / yongs su dag pa med pa la shin tu rtog mi nus te/ don de lta bas na bus pa ma rabs so so'i skye bo lus dang / ngag dang / yid kyi las sbyong mi nus so// log sred can dang / rtsa ba bzhi nyams pa dang / mtshams med pa lnga'i kha na ma tho ba byas pa de lta bu dag kyang lus dang sems zhi ba zhes mi bya'o/ / de la brtson 'grus shes bya ba gang zhe na/ dge slong gang zhig lus dang / ngag dang / yid kyi las yongs su dag par 'dod pas/ mi dge ba'i las thams cad spong zhing dge ba'i las thams cad skom pa ni brtson 'grus shes bya ste/ de ltar brtson 'grus de'ang dran pa nye bar gzhag pa drug la gnas so/ / drug gang zhe na/ 'di lta ste/ sangs rgyas dang / chos dang / dge 'dun dang / tshul khrims dang / sbyin pa dang / lnga dran pa ste/ de ni yang dag pa'i dran banye bar gzhag pa'o/ / yang dag pa'i dran pa nye bar gzhag pa dang ldan pa'i ting nge 'dzin thob pa ni yang dag pa'i ting nge 'dzin ces bya'o// yang dag pa'i ting nge 'dzin thob pa des chos

  602. 302a

    thams cad la nam mkha' bzhin du rtogs pa ni yang dag pa'i shes rab ces bya'o/ / yang dag pa'i shes rab dang ldan pas kun nus nyon mongs pa thams cad sang / pa ni rnam par grol ba zhes bya'o// rnam par grol ba thob pa des sems can thams cad la rnam par grol ba'i yon tan bsngags shing / rnam par grol ba ni rtag pa/ mi 'gyur pa mi 'pho ba'o zhes brjod pa ni rnam par grol ba'i yon tan bsngags pa zhes bya ste/ rnam par grol ba ni bla na med pa'i yongs su mya ngan las 'das pa chen po'o// yongs su mya ngan las 'das pa chen po ni kun nas nyon mongs pa'i me zhi bar byed pa'o/ / mya ngan las 'das pa ni rten dang gnas shes kyang bya'o// de ci'i phyir zhe na/ nyon mongs pa'i rlung drag po dang chud pa'i skyabs su 'gyur ba'i phyir ro/ / yang mya ngan las 'das pa ni mgon dang skyabs shes bya'o// de ci'i phyir zhe na/ 'jigs pa thams cad las 'da' bar byed pa'i phyir ro/ / yang mya ngan las 'das pa ni gling zhes bya'o// de ci'i phyir zhe na/ 'od pa chen po bzhis g.yeng mi nus pa'i phyir ro// 'od pa bzhi gang zhe na/ 'dod pa'i 'od pa dang / srid pa'i 'od pa dang / lta ba'i 'od pa dang / ma rigs pa'i 'od pa ste/ de'i phyir mya ngan las 'das pa la gling zhes bya'o// yang mya ngan las 'das

  603. 302b

    pa ni mthar skyabs su 'gro ba zhes bya'o/ / de ci'i phyir zhe na/ mthar bde ba thams cad thob pa'i phyir ro// byang chub sems dpa' sems dpa' chen po la chos rnam pa de bcu dang ldan yang sangs rgyas kyi rang bzhin gsal bar mi mthong ngo / / gzhan yang rigs kyi bu rab tu byung ba la rnam pa bzhi yod pas dge sbyong gi 'bras bu rnam pa bzhi mi 'thob bo// bzhi gang zhe na/ 'dod pa ngan pa bzhi ste/ gos kyi 'dod pa dang / zas kyi 'dod pa dang / mal cha'i 'dod pa dang / srid pa'i 'dod pa dang / de ni 'dod pa ngan pa bzhi ste/ rab tu byung ba'i nad do/ / de la sman bzang po rnam pa bzhis nad de gso nus so// gang zhe na/ gos phyag dar khrod pas ni dge slong gi gos kyi 'dod pa ngan pa gso bar byed do// bsod snyom kyis ni zas kyi 'dod pa ngan pa gso bar byed do/ / shing drung pas ni mal cha'i 'dod pa ngan pa gso bar byed do// lus dang sems zhi bas ni dge slong gi srid pa'i 'dod pa ngan pa gso bar byed do/ / sman rnam pa bzhis nad rnam pa de bzhi med par byas pas/ de ni 'phags pa'i spyod pa zhes bya'o// de ltar 'phags pa'i spyod pa ni 'dod pa nyung zhing chog shes pa zhes bya'o/ / zhi ba la bde ba rnam pa bzhi yod do// bzhi gang zhe na/ rab tu byung ba'i bde ba dang / zhi ba'i bde ba dang / 'gog pa'i bde ba dang / mthar phyin pa'i bde ba'o//

  604. 303a

    bde ba rnam pa 'di bani thob pa ni go ba zhes bya'o// brtson 'grus pa'i dang ldan pa'i phyir+ya brtson 'grus shes bya'o// d+hA bar kun tu pa ba dang ldan pa'i byur y ang dag pa'i dran pa nye bar gzhag pa zhes bya'o/ / bsam gtan bzhi dang ldan pa'i phyir yang dag pa'i ting nge 'dzin ces bya'o// 'phags pa'i bden pa bzhi mthong ba'i phyir yang dag pa'i shes rab ces bya'o/ / kun nas nyon mongs pa thams cad yongs su bcad pa'i phyir rnam par grol ba zhes bya'o// nyon mongs pa'i skyon thams cad spyod pa'i phyir rnam par grol ba bsdus pa zhes bya'o/ / rigs kyi bu byang chub sems dpa' sems dpa' chen po chos bcu po de dang ldan te/ de la gnas pas sangs rgyas kyi rang bzhin mthong mod kyi/ gsal bar ma gyur to// / gzhan yang rigs kyi bu byang chub sems dpa' sems dpa' chen po mdo sde 'di thos nas nye bar bsnyen cing nan tan byed de/ 'jig rten gyi dngos po thams cad spong ba ni 'dod pa nyung ba zhes bya'o/ / rab tu byung nas 'gyod pa'i sems mi skye ba ni chog shes pa zhes bya'o// chog shes nas dben par gnas te 'du 'dzi spong ba ni zhi ba zhes bya'o// chog mi shes pa ni dben pa la mi dga' 'o/ / chog shes pa ni rtag tu dben pa zhi ba la dga' ste/ dben pa zhi ba'i gnas su rtag tu 'di snyam du 'jig rten pa thams cad kyis bdag dge sbyong gi 'bras bu thob pa yin par

  605. 303b

    'dzin te/ bdag gis ni yang dag par mthob na bdag gis ci'i phyir gzhan la smra bar byed snyam sems so// de snyam du bsams nas brtson 'grus su dge sbyong gi lam gyi 'bras bu sgom pa ni brtson 'grus shes bya'o/ / mya ngan las 'das pa chen po la bsnyen cing bsgom pa ni yang dag pa'i dran pa nye bar gzhag po'o// lha'i spyod pa la gzhol ba ni yang dag pa'i ting nge 'dzin to// ting nge 'dzin de la gnas nas yang dag pa mthong zhing yang dag pa shes pa ni yang dag pa'i shes rab bo// yang dag pa mthong zhing shes pas kun nas nyon mongs pas bcings pa dang bral bar gyur pa ni/ rnam par grol ba'o// sa bcu'i byang chub sems dpas sems can gyi phyir mya ngan las 'das pa'i yon tan sgrog pa ni rnam par grol ba bsngags pa'o// rigs kyi bu byang chub sems dpa' sems dpa' chen po chos bcu po de la gnas pa de dang ldan te/ sangs rgyas kyi rang bzhin mthong mod kyi/ gsal bar ma gyur to// gzhan yang rigs kyi bu 'dod pa nyung ba ni gal te dge slong dben par gnas te/ tsog pur 'dug cing mi nyal ba 'am/ shing drung na gnas sam/ dur khrod na gnas sam/ bla gab med pa'i gnas su gnas sam/ gang na rtsa yod pa'i steng du 'dug cing bsod snyoms byed de/ ci rnyed pas chog par 'dzin tam/ stan gcig pa 'am/ zas gcig las mi 'da' ba 'am/ chos gos gsum mam/ phyag dar khrod pa 'ang

  606. 304a

    / zhig 'chang ba ni 'dod pa nyung ba'o// de ltar spyad pa spyod pa na 'gyod pa'i sems mi skye ba ni chog shes pa'o// dben par ting nge 'dzin sgom pa ni zhi ba'o// 'bras bu bzhi pa thob nas/ bla na med pa yang dag par rdzogs pa'i byang chub kyi sems ma btang ba ni brtson 'grus so// sems rtse gcig tu de bzhin gshegs pa rtag pa mi 'gyur mi 'pho ba yid la byed pa ni yang dag pa'i dran pa nye bar gzhug pa'o/ / rnam par grol ba brgyad bsgom pa ni yang dag pa'i ting nge 'dzin to// so so yang dag par shes pa bzhi thob pa ni sang dag pa'i shes rab bo/ / zag pa bdun dang bral ba ni rnam par grol ba'o// mya ngan las 'das pa la mtshan ma bcu med do// zhes yon tan bsngags pa ni rnam par grol ba bsngag pa'o/ / mtshan nyid bcu gang zhe na/ 'di lta ste/ skye ba dang / rga ba dang / na ba dang / 'armi ba dang / gzugs dang / sgra dang / dri dang / bro ba dang / reg bya dang / mi rtag pa ste/ mtshan nyid bcu po 'di dang bral ba ni mya ngan las 'das pa chen po zhes bya'o// rigs kyi bu byang chub sems dpa' sems dpa' chen po de ltar chos bcu po dang ldan pas sangs rgyas kyi rang bzhin mthong mod kyi/ gsal bar ma gyur to// gzhan yang rigs kyi bu rnyed pa dang grags pa mang du 'dod pas ni rgyal po dang / blon po dang / rgyal rigs dang /

  607. 304b

    bram ze dang / gdol rigs dang / rje'u rigs la bsnyen cing 'di skad du bdag rgyun du zhugs pa'i 'bras bu nas/ dgra bcom pa'i bar du thob bo zhes smra ba nas/ rnyed pa dang grags pa'i phyir spyod la bzhi dang bshang gtso che chung bar du gal te yon bdag mthong na bsti stang byed/ bsu ba dang gtam byed de 'dod pa ngan pa bcom pa ni 'dod pa nyung ba'o// kun nas nyon mongs pa rnams ma byang mod kyi/ de bzhin gshegs pa'i mdzad pa'i rjes su 'thun par byed pa ni chog shes pa'o// rigs kyi bu chos rnam pa de gnyis ni dran pa dang / ting nge 'dzin gyi rgyu dang rkyen yin no/ / de la mkhan po dang slob pa gcig pa rnams kyis rtan tu bsngags par 'gyur ro// ngas kyang rtag tu mdo sde kun las chos rnam pa gnyis kyi yon tan yongs su bsngags so/ / de la gang chos rnam pa de gnyis dang ldan pa ni mya ngan las 'das pa chen po'i sgo dang / bde ba rnam pa lnga dang nye bar gyur pa yin te/ de ni zhi ba'o// tshul khrims sdom pa ni brtson 'grus so// khrel ba dang 'dzem pa yod pa ni yang dag pa'i dran pa'o// sems kyi mtshan nyid mi mthong ba ni yang dag pa'i ting nge 'dzin to// chos rnams kyi rang bzhin dang mtshan nyid kyi rgya mi tshol ba ni yang dag pa'i shes rab bo/ / mtshan nyid med pas nyon mongs pa yongs su chod pa rnam par grol ba'o// yongs su mya ngan las 'das

  608. 305a

    pa'i mdo bsngags pa ni rnam par grol ba la bstod pa zhes bya'o/ / rigs kyi bu de ni byang chub sems dpa' sems dpa' chen po chos rnam pa bcu po de la gnas pas sangs rgyas kyi rang bzhin mthong mod kyi/ gsal bar ma gyur to// rigs kyi bu khyod kyis ji ltar dris pa ltar byang chub sems dpa' sa bcu pa ji lta bu'i mig gis sangs rgyas kyi rang bzhin mthong mod kyi/ gsal bar ma gyur la/ sangs rgyas bcom ldan 'das ni ji lta bu'i spyan gyis gsal bar gzigs par gyur ces bya ba ni/ rigs kyi bu shes rab kyi mig gis mthong ba ni mi gsal ba'o/ / sangs rgyas kyi spyan gyis gzigs pa ni gsal ba'o// byang chub kyi spyad pa spyod pa ni mi gsal ba'o// spyod pa med pa ni gsal ba'o// sa bcu la gnas pa'i phyir mthong mod kyi/ mi gsal lo// mi gnas mi 'gro ba'i phyir gsal bar gyur to// byang chub sems dpa' sems dpa' chen po shes rab kyi rkyen gyis mthong ba ni migasal lo// sangs rgyas bcom ldan 'das rgyu dang 'bras bu bcad pas gsal bar gzigs te/ thams cad mkhyen pa ni sangs rgyas kyi rang bzhin zhes bya'o// byang chub sems dpa' sa bcu pa ni thams cad mkhyen pa zhes mi bya bas mthong yang gsal bar ma gyur to/ / rigs kyi bu mthong ba la rnam pa gnyis te/ mig gis mthong ba dang / thos pas mthong ba'o// sangs rgyas

  609. 305b

    bcom ldan 'das ni sangs rgyas kyi rang bzhin spyan gyis gzigs te/ ji ltar lag mthis na a 'bra'i 'bras bu lta ba bzhin no// byang chub sems dpa' sa bcu pas sangs rgyas kyi rang bzhin thos pas mthong ba'i phyir gsal bar ma gyur te/ byang chub sems dpa' sa bcu pas bdag ni gdon mi za bar bla na med pa yang dag pa'i rdzogs pa'i byang chub 'thob par shes mod kyi/ sems can thams cad la sangs rgyas kyi rang bzhin yod par mi shes so// // 'phags pa yongs su mya ngan las 'das pa chen po'i mdo bam po nyi shu brgyad pa/ / // rigs kyi bu gzhan yang mig gis mthong ba ni sangs rgyas bcom ldan 'das dang / sa bcu'i byang chub sems dpa' rnams kyis sangs rgyas kyi rang bzhin mthong ba'o/ / gzhan yang thos pas mthong ba ni sems can thams cad dang / sa dgu pa man chad kyis sangs rgyas kyi rang bzhin mthong ba ste/ byang chub sems dpas bral te sems can thams cad la sangs rgyas kyi rang bzhin yod par thos nas dad pa'i sems mi skye na/ de ni thos pas mthong ba zhes mi bya'o// rigs kyi bu gal te rigs kyi bu 'am rigs kyi bu mo gang de bzhin gshegs pa mthong bar 'dod na/ mdo sde bcu gnyis 'chang ba dang / 'dzin pa dang / klog pa dang / 'don pa dang / bri ba dang / dgrol zhing

  610. 306a

    'chad pa dang / yongs su bsgom par bya'o// byang chub sems dpa' sems dpa' chen po seng ge'i sgras gsol pa/ bcom ldan 'das sems can thams cad kyis de bzhin gshegs pa'i sems kyi mtshan nyid mi 'tshal na/ ji ltar brtags pas 'tshal bar 'gyur/ bcom ldan 'das kyis bka' stsal pa/ rigs kyi bu sems can thams cad kyis yang dag par de bzhin gshegs pa'i sems kyi mtshan nyid mi shes pa/ gal te rtogs shing shes par 'dod na/ de la rgyu dang rkyen rnam pa gnyis kyis shes par 'gyur ro/ / gang zhe na/ mig gis mthong ba dang / thos pas mthong ba'o// de la de bzhin gshegs pa'i sku'i las ji snyed pa thams cad mthong ba ni de bzhin gshegs pa yin te/ mig gis mthong ba zhes bya'o// gal te de bzhin gshegs pa'i ngag gi rtogs pa ni de bzhin gshegs pa yin par rig par bya ste/ de ni thos pas mthong ba zhes bya'o// gang gzug dang dbyibs sems can thams cad dang mtshungs pa med par mthong ba ni de bzhin gshegs pa yin par rig par bya ste/ de ni mig gis mthong ba'o// gang gsung dbyangs dam pa mchog tu 'gyur ba sems can gyi sgra dbyang dang mi tshungs pa thos pa ni de bzhin gshegs pa yin par rig par bya ste/ de ni thos pas mthong ba'o// gang de bzhin gshegs pas rdzu 'phrul mdzad

  611. 306b

    pa'i rnams sems can gyi phyir ram/ rnyed pa dang thags pa'i phyir mdzad dam snyam brtags te/ de ni sems can gyi phyir mdzad kyi/ snyed pa dang grags pa'i phyir ma yin par mthong ba ni de bzhin gshegs pa yin par rig par bya ste/ de ni mig gis mthong ba'o// gang de bzhin gshegs pa'i gzhan gyi sems mkhyen pa'i ye shes kyis sems can la dgongs pa na/ rnyed pa dang grags pa'i phyir chos ston tam/ sems can gyi phyir chos ston tam snyam brtags te/ de ni sems kyi phyir gyi/ snyed pa dang grags pa'i phyir ma yin par mthong na de bzhin gshegs pa yin par rig par bya ste/ de ni thos pas mthong ba'o// gang de bzhin gshegs pas ji ltar sku ni mnga' bar gyur/ ci'i phyir sku 'di bzhes par gyur su'i phyir sku 'di ba zhes pa rtogs pa ni/ mig gis mthong ba'o// gang de bzhin gshegs pa ji ltar chos 'chad/ su la chos 'chad par rtogs pa ni/ thos pas mthong ba'o/ / lus kyi las mi dge bas rnam par gtses kyang mi khro ba ni de bzhin gshegs pa yin par rig par bya ste/ de ni mig gis mthong ba'o// ngag gi las mi dge bas rnam par btses kyang mi khro ba de bzhin gshegs par rig par bya ste/ de ni thos pas mthong ba'o// gang byang chub sems dpa' thog ma btsas nas phyogs bcar gom pa bdun bdun

  612. 307a

    bor te/ gnod sbyin gyi rgyal po ma ni bar tan dang / pur rna bar rta zhes bya bas gdugs dang ba dan thogs te mchod pa dang / 'jig rten gyi khams tshad med mtha' yas pa snyed bskul nas gser lta bu'i 'od lhang de lham mer nam mkha' stong par gang ba dang / klu'i rgyal po dga' bo dang bsnyen dga' bos rdzu 'phrul gyi stobs kyis byang chub sems dpa'i sku bsil ba dang / 'jig rten gyi lha'i gzugs rnams kyis bsus shing phyag byas pa dang / drang srong a si tas thal mo sbyar te bsti stang du byas pa dang / gzhan dar la bab par 'dod pa mchil ma bzhin du spangs pa dang / 'jig rten gyi dga' bas bslu bar ma gyur pa dang / khyim nas khyim med par rab tu byung nas bas mthar lam sgom pa la dga' ba dang / ngan par lta ba gzhig pa'i phyir lo drug dka' ba spyad pa dang / sems can thams cad la gnyis su med par mnyam snyoms pa dang / sems rtag tu ting nge 'dzin la gnas te/ thog ma nas 'khrugs pa dang g.yeng ba med pa dang / mtshan dang dpe byad bzang pos sku rab tu brgyan pa dang / gang dang gang du gshegs pa'i gnas na shang shong dang grag grog mnyam par gyur pa dang / skul na bza' sor bzhis ma reg kyang mi ltung ba dang / gshegs pa na thad kar gzigs te g.yas g.yon du mi gzigs pa dang / zhal du gsol ba rnams

  613. 307b

    rtsirdzing por mi med pa dang / bzhugs pa las bzhengs pa'i gnas kyi rtsa mi 'gul mi 'khrug pa dang / sems can gdul ba'i phyir chos ston du gshegs kyang dregs pa'i sems med par mthong ba ni/ mig gis mthong ba'o// gal te byang chub sems dpas gom pa bdun por nas 'di skad du/ bdag gi lus 'di ni nang gi phyi ma'o zhes smra ba dang / drang srong sa si tas thal mo sbyar te 'di skad du/ rgyal po chen po 'di ltar rig par gyis shig/ rgyal bu don grub ni gdon mi za bar bla na med pa yang dag par rdzogs pa'i byang chub tu 'gyur gyi// khyim na gnas shing 'khor lo sgyur ba'i rgyal po byed par mi 'gyur ro// de ci'i phyir zhe na/ mtshan gsal ba'i phyir te/ 'khor los sgyur ba'i mtshan ni gsal ba ma yin te rgyal bu don grub kyi mtshan ni shin tu gsal bas na/ gdon mi 'tshal bar bla na med pa yang dag par rdzogs pa'i byang chub tu 'gyur ro zhes smra ba dang / rgas pa dang / na ba dang 'chi ba mthong nas yang 'di skad du/ sems can thams cad ni shin tu brtse ba can te/ rtag tu skye ba dang / na ba dang / na ba dang / 'chi ba 'di lta bu dang 'grogs te ma rtogs pas rtag tu sdug bsngal la spyod do/ / ngas gcad par bya'o zhes bya ba dang / drang srong a la la zhes bya ba lnga mngon par shes pa las 'du shes med pa'i bsam

  614. 308a

    gtan bslabs te thub nas phyis skyon du mthong ngo / / de nas yang drang srong uta ka zhes bya ba las 'du shes med 'du shes med min gyi bsam gtan bsgrubs grub nas/ de'ang mya ngan las 'das pa ma yin gyi/ 'khor ba'i chos su rtogs nas lo drug gi bar dka' ba spyod kyang / ci'ang thob pa med pa 'di skad du dka' ba 'di spyad kyang don med de ci'ang thob pa med do/ / gal te yang dag pa zhig yin na bdag gis thob pa'i rigs na/ yang dag pa ma yin pas bdag gis ci'ang ma thob pa las bltas na/ 'di ni log par bstan pa yin gyi/ yang dag pa'i lam ni ma yin no zhes smras pa dang / mngon par byang chub nas tshangs pa'i rgyal pos 'di skad ces/ de bzhin gshegs pas sems can rnams la bla na med pa'i zil dngar gyi chos kyi sgo mo rgyas par dbye bar ri ga nang zhes gsol ba btab nas/ bcom ldan 'das kyis// tshangs pa'i rgyal po la 'di skad ces bka' stsal to// sems can thams cad ni nyon mongs pa'i sgrib pas rtag tu bsgribs pa'i phyir nga'i dam pa'i chos kyi tshig 'dzin mi nus so/ / tshangs pa'i rgyal pos yang gsol pa/ bcom ldan 'das sems can thams cad la rnam pa gsum ste/ dbang po rnon po dang / dbang po 'bring dang / dbang po rtul po/ dbang po rnon po rnams kyis rjes su 'dzin nus kyi/ bstan cing bshad

  615. 308b

    par smon to/ / bcom ldan 'das kyis bka' stsal pa/ rgyal po chen po shin tu yid la byas te brtags par nyon cig dang / ngas sems can thams cad la zil dngar gyi sgo bye bar bya'o zhes bka' stsal nas/ yul ser sbyar dam pa'i chos kyi 'khor lo yongs su bskor te/ dbu ma'i lam bstan to// gang zhe na/ sems can thams cad kun nas nyon mongs pa rnams ma bcom pa gzhom mi nus pa'ang ma yin/ bcom pa'ang ma yin/ ma bcom pa'ang ma yin pa ni lam dbu ma'o// sems can gang yang ma bsgral te mi sgrol ba'ang ma yin/ pa ni lam dbu ma'o// thams cad grub pa'ang ma yin la mi grub pa'ang ma yin pa ni lam dbu ma'o// ci dang ci ston kyang bdag nyid mkhan mi mchi na slob par mi 'dzin pa ni lam dbu ma'o/ / rnyed pa'i phyir ston pa la nga ma yin yang 'bras bu mi thob pa'ang ma yin pa ni lam dbu ma'o// yang dag pa'i tshig dang / bden pa'i tshig dang / dus la bab pa'i tshig dang // drang po'i tshig dang / smra ba thams cad don med par mi smra ba de lta bu'i chos mchog dam pa rtog pa ni/ thos pas mthong ba'o// rigs kyi bu de bzhin gshegs pa'i sems kyi mtshan nyid ni mthong ba ma yin no/ / gal te rigs kyi bu 'am/ rigs kyi bu mo gang zhig de bzhin gshegs pa mthong bar 'dod na rgyu dang rkyen rnam pa de gnyis la gnas par bya'o//

  616. 309a

    de nas byang chub sems dpa' sems dpa' chen po seng ge'i sgras/ bcom ldan 'das la 'di skad ces gsol to// bcom ldan 'das ji ltar gong du skyes bu rnam pa bzhi ni a 'bra'i 'bras bu'i dper gsungs pa de la/ gang zag la la ni spyod pa phra la sems bden pa ma lags/ la la ni sems phra la spyod pa bden pa ma lags/ la la ni sems phra la spyod pa'ang bden/ la la ni sems mi phra la spyod pa'ang bden pa ma lags/ de la dang po gnyis po ji ltar bsal bar bgyi/ bcom ldan 'das kyis gsungs pa ltar na rnam pa de gnyis la gnas kyang shes par mi 'gyur ro/ / bcom ldan 'das kyis bka' stsal pa/ legs so legs so// rigs kyi bu a 'bra'i 'bras bu'i dpe ltar gang zag rnam pa de gnyis ni yang dag par shes par dka' 'o/ / de ltar dka' ba'i phyir ngas mdo sde las lhan cig gnas par bya'o zhes bshad do// lhan cig gnas kyang mi shes na yun ring du 'grogs pa'o/ / yun ni ring du 'grogs kyang mi shes na shes rab kyis brtag go// shes rab kyis kyang mi rtogs na shin tu brtag go// shin tu brtags na tshul khrims 'dzin pa dang tshul khrims nyams pa shes par 'gyur ro/ / rigs kyi bu lhan cig gnas pa dang / yul ring du 'grogs pa dang / shes rab dang / rab tu brtags pa dang

  617. 309b

    rnam pa de bzhi dang ldan na tshul khrims 'dzin pa dang tshul khrims nyams pa shes par 'gyur ro/ / rigs kyi bu tshul khrims rnam pa gnyis te/ srung ba la'ang rnam pa gnyis so// gang zhe na/ mthar phyin pa'i tshul khrims dang / mthar phyin pa ma yin no// rgyu dang rkyen gyis tshul khrims 'dzin pa'ang yod pas na/ mkhas pa shes rab can gyi tshul khrims sdom pa de la rnyed pa dang grags pa'i phyir/ mthar phyin pa'i tshul khrims 'dzin pa brtag go// rigs kyi bu de bzhin gshegs pa'i tshul khrims ni rgyu dang rkyen med pa'i phyir mthar phyin pa'i tshul khrims shes bya'o/ / don de lta bas na byang chub sems dpa' la mi dge ba'i sems can rnams kyis 'tshe zhing gnod pa byed kyang zhe sdang gis thogs par 'gyur ba'i sems mi skye ste/ de bas na de bzhin gshegs pa ni mthar phyin pa'i tshul khrims 'dzin pa dang ldan pa zhe bya'o// rigs kyi bu nga sngon dus gcig na shA ri'i bu la sogs pa nye gnas lnga brgyad bcas te/ yul dbus gyur 'chang na zong khyer tsam pa zhes bya ba na bzhugs pa las/ khra zhig gis phug ron gcig bdas pa las phug ron de rab tu skrag nas/ shA ri'i bu'i phag tu grib ma la 'dug pa las 'on kyang rba shing ltar 'dar ro// nga'i grib mar phyin pa dang / lus dang sems bde bar gyur te 'jigs pa med par gyur

  618. 310a

    to/ / de bus na sangs rgyas bcom ldan 'das kyi grib ma la'ang de sbyar mthu yod pa las na/ mthar phyin pa'i tshul khrims 'dzin pa yin par rig par bya'o// rigs kyi bu mthar phyin pa ma yin pa'i tshul khrims kyis nyan thos dang rang sangs rgyas kyang mi thob na/ bla na med pa yang dag par rdzogs pa'i byang chub lta ci smos// gzhan yang rnam pa gnyis te/ rnyed pa'i phyir dang / dam pa'i chos kyi phyir ro// de la rnyed pa'i phyir tshul khrims de 'dzin pa ni tshul khrims des sangs rgyas kyi rang bzhin dang / de bzhin gshegs pa mi mthong bar rig par bya'o/ / des sangs rgyas kyi rang bzhin dang / de bzhin gshegs pa'i mtshan thos mod kyi/ thos pas mthong ba zhes mi bya'o// gang dam pa'i chos kyi phyir tshul khrims des sangs rgyas kyi rang bzhin dang / de bzhin gshegs pa mthong bar rig par bya ste/ de ni mig gis mthong ba zhes kyang bya/ thos pas mthong ba zhes kyang bya'o// yang rnam pa gnyis te/ rtsa ba zab pas gdon dka' ba dang / rtsa ba mi zab pas sbrul sla ba'o// gang gis stong pa nyid dang / mtshan ma med pa dang / smon pa med pas sgom pa ni rtsa ba zab pas gdon dka' ba zhes bya/ gang ting nge 'dzin rnam pa gsum po la nan tan mi byed na sgom zhing sprad du zin kyang srid pa nyi shu rtsa lngar gyur te rtsa ba skul sla ba zhes bya'o// gzhan yang rnam

  619. 310b

    pa gnyis te/ bdag gi phyir dang / sems can gyi phyir ro// de la sems can gyi phyir byed pa ni sangs rgyas kyi rang bzhin dang / de bzhin gshegs pa mthong ngo // tshul khrim sdom pa la'ang rnam pa gnyis te/ rang bzhin gyis sdom pa dang / gzhan gyi rkyen gyis sdom pa'o// de la gang tshul khrims mnos nas/ skye ba tshad med pa'i bar du nyams par ma gyur te/ 'di ltar yul 'khrugs sam/ mi dge ba'i bshes gnyen dang phrad dam/ dus ngan pa dang phrad de chos ngan pa logs pa thos sam/ ngan par lta ba dang lhan cig gnas kyang de'i tshe tshul khrims mnos pa'i cho ga med mod kyi/ / thog ma ji ltar mnos pa bzhin du sdom zhing nyams pa med pa ni rang bzhin gyis sdom pa zhes bya'o// gang mkhan po dang dge 'dun dang phrad nas/ gsol ba dang bzhi'i las byas te tshul khrims thob pa ni/ tshul khrims thob pa de'ang mkhan po dang / slob dpon dang / slob pa gcig pa dang / dge ba'i bshes gnyen gyis bcos shing bstan pa'i rkyen gyis bya ba dang mi bya ba shes te/ chos mnyan pa dang / 'chad pa dang / tshul khrims thams cad dang ldan pa shes pa ni gzhan gyi rkyen gyis tshul khrims sdom pa zhes bya'o/ / rigs kyi bu rang bzhin gyis sdom pa ni mig gis sangs rgyas kyi rang bzhin dang / de bzhin gshegs pa mthong ste/

  620. 311a

    thos pas mthong ba zhes kyang bya'o// tshul khrims la'ang rnam pa gnyis pa t+te/ nu thos kyi rdul khrims dang / byang chub sems dpa'i tshul so/ / de la thog ma sems bskyed pa nas/ bla na med pa yang dag par rdzogs pa'i byang chub kyi bar du ni byang chub sems dpa'i tshul khrims shes bya'o// gang keng rus la rngog pa nas/ dgra bcom pa'i 'bras bu'i bar du thob pa ni nyan thos kyi tshul khrim shes bya ste/ de la gang nyan thos kyi tshul khrims srung ba ni 'di ltar rig par bya ste/ sangs rgyas kyi rang bzhin dang / de bzhin gshegs pa mi mthong ngo // gang byang chub sems dpa'i tshul khrims srung ba ni bla na med pa yang dag par rdzogs pa'i byang chub thob pa dang / sangs rgyas kyi rang bzhin dang / de bzhin gshegs pa dang // mya ngan las 'das pa mthong bar rig par bya'o// byang chub sems dpa' seng ge'i sgras gsol pa// bcom ldan 'das ci'i rgyu ci'i rkyen gyis tshul khrims nod cing sdom par gyur/ bcom ldan 'das kyis bka' stsal pa/ rigs kyi bu sems la mi 'gyod par bya ba'i phyir ro// ci'i phyir mi 'gyod ce na/ bde ba myong ba'i phyir ro/ / ci'i phyir bde ba myong zhe na/ yongs su spangs pa'i phyir ro// ci'i phyir yongs su spangs shes na/ rab tu bde ba'i phyir ro// ci'i phyir rab tu bde zhe na/ bsam gtan la rnal

  621. 311b

    'byor pa'i phyir ro/ / ci'i phyir bsam gtan la rnal 'byor ce na/ yang dag par shes shing mthong ba'i phyir ro// ci'i phyir yang dag par shes shing mthong zhe na/ 'khor ba'i skyon rnams mthong ba'i phyir ro/ / ci'i phyir 'khor ba'i skyon rnams mthong zhe na/ sems ma chags pa'i phyir ro// ci'i phyir sems ma chags zhe na/ rnam par grol ba thob pa'i phyir ro// ci'o phyir rnam par grol zhe na/ bla na med pa'i mya ngan las 'das pa chen po thob pa'i phyir ro// ci'i phyir mya ngan las 'das pa chen po thob ce na/ rtag pa dang / bde ba dang / bdag dang / yongs su dag pa thob pa'i phyir ro// ci'i phyir rtag pa dang / bde ba dang / yongs su dag pa zhe na/ mi skye mi 'gog pa thob pa'i phyir ro// ci'i phyir mi skye mi 'gog cen/ sangs rgyas kyi rang bzhin mthong ba'i phyir te/ de bas na byang chub sems dpa' ni rang bzhin gyis tshul khrims rnam par dag pa mthar phyin pa srung ngo // rigs kyi bu tshul khrims sdom pa'i dge slong dag mi 'gyod pa'i sems ched du mi tshol mi smon mod kyi/ mi 'gyod pa'i sems rab tu 'thob bo// de ci'i phyir zhe na/ chos nyid kyis de lta bur 'gyur ba'i phyir ro/ / bde ba dang / yongs su spang ba dang / rab tu bde ba dang / yang dag par shes shing mthong ba dang // 'khor ba'i skyon mthong ba dang / sems ma chags pa dang / rnam

  622. 312a

    par grol ba dang / mya ngan las 'das pa dang / bde ba dang / bdag dang / yongs su dan pa dang / mi skye mi 'gog pa dang / sangs rgyas kyi rang bzhin/ mthong bar ched du mi tshol mod kyi/ rang thob par 'gyur ro// de ci'i phyir zhe na/ chos nyid kyis de lta bur 'gyur ba'i phyir ro// byang chub sems dpa' se sgras gsol pa/ bcom ldan 'das gal te tshul khrims sdom pa'i rgyu las mi 'gyod pa'i 'bras bu thob la/ rnam par grol ba'i rgyu las mya ngan las 'das pa'i 'bras bu 'thob pa lags na/ tshul khrims la'ang rgyu ma mchis la/ mya ngan las 'das pa la'ang 'bras bu ma mchis so// gang rgyu ma mchis pa ni rtag pa zhes bgyi ste// mya ngan las 'das pa la rgyu mchis na lha mi rtag go/ / gal te de lta bu lags na mya ngan las 'das pa ni thog ma ma mchis pa las gdod mchis par gyur to// gal te thog ma ma mchis pa las gdod mchis pa zhig lags na mi rtag par 'gyur te/ ji ltar me mar dang 'dra bar gyur to// ka la te mya ngan las 'das pa de lta bu lags na/ ci'i slad du bdag dang / bde ba dang / yongs su dag pa zhes gdags/ bcom ldan 'das kyis bka' stsal pa/ rigs kyi bu legs so legs so// khyod sngon tshad med pa'i sangs rgyas la dge ba'i rtsa ba bskrun pas

  623. 312b

    de bzhin gshegs pa la don zab mo 'di dag dri bar spobs so/ / rigs kyi bu sngon gyi dran pa ma sbyor bas 'di ltar dris par gyur to// ngas sngon du dran pa sngon bskal pa tshad med pa 'das pa na yul ser sbyar de bzhin gshegs pa legs pa thob ces bya ba 'jig rten du mngon par byung ste/ de'i tshe de bzhin gsheg pa des lo bye ba gsum gyi bar du mya ngan las 'das pa chen por mdo sde 'di bstan te/ nga dang khyod kyang 'khor der 'dus par gyur to// ngas dngos po des bcom ldan 'das de la zhus na/ de'i tshe bcom ldan 'das sems can gyi phyir ting nge 'dzin la snyoms par zhugs nas don de ma bshad do/ / legs so skyes bu chen po sngon gyi dngos po de lta bu dran pa legs kyis/ shin tu yid la byas te brtags par nyon cig dang / khyod la yongs su bstan par bya'o/ / tshul khrims la'ang rgyu yod de/ gang zhe na/ dam pa'i chos mnyan pa'o// dam pa'i chos mnyan pa la'ang rgyu yod de/ gang zhe na/ dge ba'i bshes gnyen la bsnyen pa'o/ / dge ba'i bshes gnyen la bsnyen pa la'ang rgyu yod de/ 'di ltar dad pa'i sems so// dad pa'i sems la'ang rgyu yod do// rgyu la rnam pa gnyis 'di ltar chos mnyan pa dang / don yid la byed pa'o// rigs kyi bu dad pa'i sems ni chos mnyan pa'i rgyu las byung ngo // chos mnyan pa'ang dad pa'i sems kyi rgyu las

  624. 313a

    byung ste/ zlos rnam pa de gnyis ni rgyur yang 'gyur la/ rgyu'i yang rgyur 'gyur ro// 'bras bur yang 'gyur la/ 'bras bu'i 'bras bur 'gyur ro// rigs kyi bu dper na gcer bu pas shing bu gsum gyi steng du bum pa bzhag pa ltar gcig gi rgyu'ang gcig yin la/ gcig gi 'bras bu'ang gcig ste/ so sor 'bral du mi rung ngo // rigs kyi bu ji ltar ma rig pa'i rkyen yang 'du byed yin la/ 'du byed kyi rkyen yang ma rig pa ste/ ma rig pa dang 'du byed ni rgyur yang 'gyur la/ rgyu'i yang rgyur 'gyur ro// 'bras bur yang 'gyur la/ 'bras bu'i 'bras bur yang 'gyur ba nas/ de bzhin du skye ba'i rkyen yang rga shi'i bar du yin la/ rga shi'i rkyen yang skye ba yin te/ skye ba dang rga shi ni rgyur yang 'gyur la/ rgyu'i rgyur yang 'gyur te/ 'bras bur yang 'gyur la/ 'bras bu'i 'bras bur yang 'gyur ro// rigs kyi bu skye ba dang bskyed pa'i chos ni rang skye mi nus te/ rang mi skye ba dang bskyed pa'i chos ni rang skye mi nus te/ rang mi skye bas na skye ba bskyed pas skye'o// bskyed pa'i dbang gis skye'o// de bas na skye ba gnyis kyang rgyur yang 'gyur la/ rgyu'i d+hurgyur yang 'gyur ro/ / 'bras bur yang 'gyur la/ 'bras bu'i 'bras bur yang 'gyur ro// rigs kyi bu dad pa'i sems dang / chos mnyan pa'ang de dang 'dra'o// rigs kyi bu 'bras bu

  625. 313b

    yin la/ rgyu'ang ma yin pa ni mya ngan las 'das pa chen po'o// ci'i phyir 'bras bu zhes bya zhe nA/ bla na med pa'i 'bras bu dang / dge sbyong dang bram ze'i 'bras pa yin pa'i phyir/ 'khor gcod pa'i phyir/ nyon mongs pa bcom pa'i phyir 'bras bu zhes bya'o// nyon mongs pa thams cad kyis yongs su smin pa'i phyir mya ngan las 'das pa ni 'bras bu zhes bya'o// nyon mongs pa ni skyon dang bcas pa zhes bya'o/ / rigs kyi bu mya ngan las 'da' ba la rgyu rkyen med de/ ngo bo nyid ni 'bras bu ma yin no// de ci'i phyir zhe na/ skye ba dang 'gog pa med pa/ byed pa med pa/ 'dus byas ma yin pa/ 'dus ma byas ma yin pa/ rtag pa/ mi 'gyur ba/ gnas med pa/ thog ma nas tha ma med pa'i phyir ro// rigs kyi bu gal te mya ngan las 'da' ba la rgyu yod na mya ngan las 'das pa zhes mi bya'o/ / yongs su zhes bya ba ni rgyu'o// mya ngan las 'das pa zhes bya ba ni rgyu med pa ste/ rgyu med pa'i phyir yongs su mya ngan las 'das pa zhes bya'o/ / byang chub sems dpa' seng ges spras gsol pa/ ji ltar bcom ldan 'das kyis gsungs pa ltar mya ngan las 'da' ba la rgyu ma mchis shes bka' stsal pa'i don de lta lags so/ / ma mchis shes bgyir ni don 'di drug dang 'byor par 'gyur ro// gang zhe na/ yong gis ma mchis pa'i phyir shes bgyi ste/ chos thams cad la bdag gi ba ma mchis

  626. 314a

    pa lta bu dang / bar 'ga' ma mchis pa'i phyir ma mchis shes bgyi ste/ 'jig rten pa dag mtsho'i nang na chu med ce na/ nyi zla med ces bgyi ba lta bu/ dang nyung ba'i phyir ma mchis shes bgyi ste/ 'jig rten dag kha zas tshwa mi bro bas tshwa med ce'am/ khu ba mngar ba mngar ba'i ro chung bas mngar ba med ces mchi ba lta bu dang / ma myong ba'i phyir ma mchis shes bgyi ste/ rigs ngan gyis bram ze'i chos mi myong bas bram ze'i chos med pa lta bu dang / chos ngan pa mi dge ba 'dzin pa'i phyir ma mchis shes bgyi ste/ 'jig rten pas sdig pa mi dge ba'i chos 'dzin pa la dge sbyong dang bram ze zhes mi bya ste/ dge sbyong dang bram ze ma mchis shes ma mchis pa lta bu dang / zla ma mchis pa'i phyir ma mchis shes bgyi ste/ dkar po ma mchis pa'i phyir nag po zhe'am/ snang ba ma mchis pa'i phyir snang ba ma mchis so zhes mchi ba lta bu ste/ bcom ldan 'das mya ngan las 'das pa'ang de dang mtshungs te/ bar 'ga' ni mchis la rgyu ma mchis pa'i phyir mya ngan las 'das pa zhes bgyi ba 'am/ bcom ldan 'das kyi bka' stsal pa/ rigs kyi khyod kyis rnam pa drug tu smras na/ mya ngan las 'das pa'i dpe yong gis med pa la mi blang bar 'ga' med pa la dpe len/ rigs kyi bu mya ngan las 'das

  627. 314b

    pa'i ngo bo nyid ni yong gis med de/ dper na bdag dang bdag gi ba med pa dang 'dra'o// rigs kyi bu 'jig rten pa'i chos ni mya ngan las 'da' ba dang / zlar mi rung ba'i de'i phyir dngos po drug gis dper byar mi rung ngo / / rigs kyi bu chos thams cad ni bdag med de/ mya ngan las 'da' ba 'di ni yang dag par bdag yod do// don de lta bas na mya ngan las 'da' ba la rgyu med kyang ngo bo nyid ni 'bras bu'o/ / rgyu yin la 'bras bu ma yin pa ni sangs rgyas kyi rang bzhin zhes bya ste/ rgyu las skyes pa ma yin pa'i phyir ro// rgyu yin la 'bras bu ma yin pa ni dge sbyong gi 'bras bu ma yin pa'i phyir/ 'bras bu ma yin pa zhes bya'o// rgyu zhes bya ba ni rgyu gsal bar byed pa'i phyir ro// rigs kyi bu rgyu la rnam pa gnyis te/ skye ba'i rgyu dang / gsal ba'i rgyu'o// de la chos skye bar byed pa ni skye ba'i rgyu'o// sgron mas rdzas snang bar byed pa'i phyir gsal ba'i rgyu zhes bya'o// kun nas nyon mongs pa ni skye ba'i rgyu'o/ / sems can gyi pha ma ni gsal ba'i rgyu'o// sa bon la sogs pa ni skye ba'i rgyu'o// sa bon la sogs pa ni skye ba'i rgyu'o// sa dang / chu dang / smed la sogs pa ni gsal ba'i rgyu'o/ / yang skye ba'i rgyu ni 'di ltar pha rol tu phyin pa drug gis bla na med pa yang dag par rdzogs pa'i byang chub thob pa'o// yang snang ba'i rgyu ni 'di ltar sangs rgyas kyi rang bzhin gyis bla

  628. 315a

    na med pa yang dag par rdzogs pa'i byang chub thob po'o/ / gzhan yang snang ba'i rgyu ni 'di ltar pha rol tu phyin pa drug dang / sangs rgyas kyi rang bzhin no// gzhan yang skye ba'i rgyu ni dpa' bar 'gro ba'i ting nge 'dzin gyis bla na med pa yang dag par rdzogs pa'i byang chub bo/ / snang ba'i rgyu ni 'di ltar 'phags pa'i lam brgyad kyis bla na med pa yang dag par rdzogs pa'i byang chub bo/ / yang skye ba'i rgyu ni 'di ltar dad pa'i sems kyi pha rol tu phyin pa drug go// byang chub sems dpa' seng ge'i sgras gsol pa/ bcom ldan 'das ji ltar bcom ldan 'das kyis gsungs pa ltar/ de bzhin gshegs pa mthong ba dang sangs rgyas kyi rang bzhin mthong ba zhes bgyi ba'i don ji lta bu lags/ bcom ldan 'das de bzhin gshegs pa'i sku ni mtshan dang dbyibs ma mchis la/ ring po ma lags/ thung ngu ma lags/ dkar po ma lags/ nag po ma lags/ phyogs mtshams ma mchis/ khams gsum ni ma ras 'dus byas kyi mtshan nyid ma lags/ mig mi rnam par shes pas shes pa ma lags te/ sangs rgyas kyi rang bzhin yang de dang mtshungs/ ji ltar mthong bar rung sangs rgyas kyis bka' stsal pa/ rigs kyi bu sangs rgyas kyi sku la'ang rnam pa gnyis te/ rtag pa dang / mi rtag pa'o// de la mi rtag pa ni sems can thams cad sgrol ba'i phyir

  629. 315b

    thabs kyis ston pa ni/ mig gis mthong ba'o// rtag pa ni de bzhin gshegs pa'i rnam par grol ba'i sku ste/ mig gis mthong ba zhes kyang bya/ thos pas mthong ba zhes kyang bya'o// sangs rgyas kyi rang bzhin yang rnam pa gnyis te/ mthong ba dang / mi mthong ba'o// de la mthong ba ni byang chub sems dpa' sa bcu pa dang / sangs rgyas bcom ldan 'das so// mi mthong ba ni sems can thams cad do// mig gis mthong ba ni byang chub sems dpa' sa bcu pa dang / sangs rgyas bcom ldan 'das kyi spyan gyis sems can gyi sangs rgyas kyi rang bzhin yod par gzigs na'o/ / thos pas mthong ba ni sems can thams cad dang / byang chub sems dpa' sa dgu pa rnams kyis sangs rgyas kyi rang bzhin te/ de bzhin gshegs pas gzugs dang thos pa'o/ / de la'ang rnam pa gnyis te/ gzugs dang / gzugs ma yin pa'o// de la gzugs ni de bzhin gshegs pa rnam par grol ba'o// gzugs ma yin pa ni de bzhin gshegs pas gzugs dang mtshan nyid thams cad yongs su bcad pa'o/ / sangs rgyas kyi rang bzhin la'ang rnam pa gnyis te/ gzugs dang / gzugs ma yin pa'o/ / de la gzugs ni bla na med pa yang dag par rdzogs pa'i byang chub bo// gzugs ma yin pa ni bus pa ma rabs so so'i skye bo nas/ byang chub sems dpa'i sa

  630. 316a

    bcu pa'i bar du ste/ byang chub sems dpa' sa bcu pas gsal bar mi mthong ba'i phyir gzugs ma yin pa zhes bya'o// rigs kyi bu yang sangs rgyas kyi rang bzhin la rnam pa gnyis te/ gzugs dang / gzugs ma yin pa'o// de la gzugs ni sangs rgyas dang byang chub sem dpa'o// gzugs ma yin pa ni sems can thams cad de migs gis mthong ba ni gzugs so/ / thos pas mthong ba ni gzugs ma yin pa'o// nang ma yin/ phyi rol ma yin pa ni sangs rgyas kyi rang bzhin no// nang dang phyi rol ma yin mod kyi/ 'jig pa dang stor ba ma yin pa'i phyir/ sems can thams cad la sangs rgyas kyi rang bzhin yod ces bya'o// byang chub sems dpa' seng ge'i sgras gsol pa bcom ldan 'das ji ltar bcom ldan 'das kyis gsungs pa ltar 'o ma'i nang na zho mchis pa dang 'dra bar/ sems can thams cad la sangs rgyas kyi rang bzhin rdo rje mthu bo che lta bu mchis te/ sangs rgyas kyi rang bzhin ni mar gyi snying po yongs su dag pa dang mtshungs so zhes bka' stsal na/ ci'i slad du bcom ldan 'das kyis sangs rgyas kyi rang bzhin ni phyi rol ma yin nang ma yin zhes bka' stsal/ bcom ldan 'das kyis bka' stsal pa/ rigs kyi bungs 'o ma'i nang na zho yod do zhes ma gsungs kyi/ 'o ma las zho 'byung ba'i phyir zho

  631. 316b

    yod ces byas s+ho/ / namol pa/ bcom ldan 'das skye ba'i chos thams cad sa so nas dus chis sa su/ bka' stsal pa/ rigs kyi sgra'om mtshan po mye/ mar rlu / 3 mar dang / snying khu'ang med de/ sems can thams cad kyang 'o mar 'dzin pas/ ngas 'o ma'i nang na zho med ces gsungs so// ci ste yod pa zhig na ci'i phyir rnam pa 'di gnyis la mkhas pa la gser dang lkugs mgar zhes bya ba bzhin du ming gnyis su ma btags/ de bas na zho'i tshe na 'o ma dang / mar dang / zhun mar dang / snying khung bar du med pas sems can gyis kyang zho ni 'o ma ma yin pa nas/ mar dang zhun mar gyi snying khu'i bar du med par 'dzin te/ mar gyi snying khu'i bar du de bzhin rgyas par rig par bya'o// rigs kyi bu rgyu la rnam pa gnyis te/ bden pa'i rgyu dang / rkyen gyi rgyu'o// de la bden pa'i rgyu ni ji ltar 'o ma la zho 'byung ba'o// rkyen gyi rgyu ni drod dang dri ma la sogs pa'i rkyen gyis 'o ma las zho 'byung ba'i phyir/ 'o ma la zho'i rang bzhin yod ces smra'o// byang chub sems dpa' seng ge'i sgras gsol pa/ bcom ldan 'das ci ste 'o ma la zho'i rang bzhin ma mchis na ra la'ang ma mchis par 'dra na/ ci'i slad du ra las zho mi 'byung / rigs kyi bu ra la'ang zho 'byung ngo // de ci'i phyir zhe na/ ngas rkyen gyi rgyu la rnam pa gnyis su gsungs te

  632. 317a

    dri ma dang drod do/ / rwa'i rang bzhin ni dro ba'i phyir zhor 'gyur bar byed do// seng ge'i sbas gsol pa/ bcom ldan 'das ce ster las zho 'byung nan tshol ba dag ci'i slad du'o ma ni 'dod lar mi 'dod/ bcom ldan 'das kyis bka' stsal pa/ rigs kyi bu de bas na ngas bden pa'i rgyu dang / rkyen gyi rgyu bshad pa yin no// seng ge'i sgras gsol pa/ gal te 'o ma'i nang na zho'i rang bzhin thog ma nas ma mchis pa zhig lags na/ 'o ma'i nang na thog ma nas a 'bra'i shing ma mchis pas gnyis ka ma mchis par mtshungs na/ ci'i slad du a 'bra'i 'bras bu mi 'byung / rigs kyi bu 'o ma las kyang a 'bra'i shing skye bar 'gyur ro// gal te 'o ma shing drung du blugs na nub gcig tu khru lnga skye bar 'gyur te/ don de lta bas nangs rgyu rnam pa gnyis bshad pa yin no// rigs kyi bu gal te chos thams cad rgyu gcig gis skye ba zhig yin na/ ci'i phyir 'o ma'i nang na a 'bra'i shing mi 'byung zhes brgal kyang rung ngo / / rigs kyi bu dper na chen po bzhi ni gzugs thams cad kyi rgyu dang rkyen du 'gyur yang gzub kyi mtshan nyid ni mi nges te tha dad do// don de lta bas na 'o ma las a 'bra'i shing mi skye'o/ / gsol pa/ bcom ldan 'das kyis gsungs pa ltar/ bden pa'i rgyu dang / rkyen gyi rgyu ste/ rgyu rnam pa gnyis la sems can gyi sangs rgyas kyi rang bzhin ni

  633. 317b

    rgyu gang lags/ rigs kyi bu sems can gyi sangs rgyas kyi rang bzhin yang rgyu rnam pa gnyis te/ bden pa'i rgyu dang / rkyen gyi rgyu'o// de la bden pa'i rgyu ni sems can rnams so// rkyen gyi rgyu ni pha rol tu phyin pa drug go// byang chub sems dpa' seng ge'i sgras gsol pa/ bcom ldan 'das bdag gis 'o ma'i nang na zho'i rang bzhin nges par mchis par 'tshal lo// de ci'i slad du zhe na/ bdag gis 'jig rten na zho tshol ba rnams 'o ma tshol te/ nams kyang rab mi tshol bar mthong bas/ de bas na 'o ma'i nang na zho'i rang bzhin mchis par 'tshal lo/ / bcom ldan 'das don de lta bas na 'o ma la zho'i rang bzhin mchis so// gal te ral gri'i nang na dngo'i gzugs brnyan ma mchis pa zhig lags na/ ci'i slad du ral gri la lhalta/ / bcom ldan 'das kyis bka' stsal pa/ rigs kyi bu gal te ral gri'i nang na nges par dngo'i gzugs brnyan yod pa ji snyed bsgreng na ni chu ring bar mthong la/ thad kar bltas na zheng che bar mthong / gal te bdag gi dngo yin na ci'i phyir ring por mthong / gal te gzhan gyi dngo yin na ci ste bdag gi dngo'i gzugs brnyan zhes brjod/ gal te bdag gi dngor rkyen gyis gzhan gyi dngo mthong bar 'gyur bzhig yin na/ ci ste rta 'am bong bu'i gzugs bstan mi mthong / seng ge'i sgras gsol pa/ bcom ldan 'das mig gi snang bder phyin

  634. 318a

    pa'i phyir dang chung ring bar mthong / bcom ldan 'das kyis bka' stsal pa/ rigs kyi bu mig gi sdang ba ni yang dag par na der zin pa ma yin no// de ci'i phyir zhe na/ nye ba dang ring ba dus gcig tu cig car mthong yang / de'i bar na dngos po ci'ang ma mthong ba'i phyir ro// rigs kyi bu gal te mig gi snang ba der phyin pas mthong bar 'gyur ba zhig yin na/ sems can gyis mi mthong ba na ci ste tshig par ma gyur/ ji ltar gcig gis rgyang ring po nas rdzas dkar po zhig mthong ba ring ba'am/ ba dan nam/ mi 'am/ shing zhes the tsom za ba'i mi rigs so// gal te mig gi snang ba der phyin pa zhig yin na/ ci'i phyir chu shel gyi nang gi dngos po dang / chu mig gi nang gi nya dang / rdo la sogs pa mthong bar 'gyur/ gal te ma phyin pas mthong ba zhig na/ ci'i phyir chu shel gyi nang gi dngos po ni mthong la/ rtsig pas ni phyir rol gyi gzugs mthong bar ma gyur/ de lta bas na mig gi snang ba der phyin pas ring por mthong zhes bya ba'i don de de lta ma yin no// rigs kyi bu ji ltar khyod kyis smras pa ltar 'o ma la zho yod na/ ci'i phyir 'o ma 'tshong ba dag 'o ma'i rin 'ba' zhig len te/ zho'i rin ni mi len/ rgod ma 'tshong ba des rgod ma'i rin 'ba' zhig len te// rte'u'i rin mi len/ rigs kyi bu 'jig rten pa dag bu

  635. 318b

    med pa'i phyir rlung ma len te/ gal te chung ma sgyum na bu mo zhes mi smra'o// gal te bu mo la bu'i rang bzhin yod pa'i phyir/ chung ma len no zhes bya ba de ni mi rung ngo // de ci'i phyir zhe na/ gal te bu'i rang bzhin yod na tsha bo'ang yod pa'i rigs so// gal te tsha bo yod na de spun du 'gyur ro// de ci'i phyir zhe na/ lho gcig nas 'byung ba'i phyir te/ de bas na ngas bu mo la bu'i rang bzhin med ces gsungs so/ / gal te 'o ma la zho'i rang bzhin yod na/ ci ste dus gcig tu ro rnam pa lnga dang ldan par ma gyur/ gal te shing gi sa bon la n+ya gro d+ha 'dom lngar skye ba'i mtshan nyid yod na/ ci ste dus gcig tu myu gu dang / sdong bu dang / yal ga dang / lo ma dang / me tog dang / 'bras bu la sogs pa dbyibs dang gzugs tha dad pa snang bar ma gyur/ rigs kyi bu 'o ma'i gzugs kyi tshe tha dad la/ ro tha dad 'bras bu tha dad pa nas/ mar gyi snying khu'i bar du'ang tha dad la/ ji ltar 'o ma la zho'i rang bzhin yod par bshad rigs kyi bu dper na mi zhib sang lta bur mar btung bar byas pa las/ deng nas mnam mo zhes zer ba dang 'dra bar/ gang 'o ma la nges par zho'i rang bzhin yod do zhes zer ba'ang de dang 'dra'o/ / rigs kyi bu dper na mi zhig spyi gu dang / shog shog dang / snag tsha sogs na yi ker 'gyur te/ shog shog las kyang thog ma nas yi ge med do// thog ma nas med pa'i

  636. 319a

    can la nam mkha' la nam mkha' stong pa yod pa bzhin no/ / thogs pa med pa'i phyir na sems can thams cad la nam mkha' stong pa yod kyang / so so nas bdag nyid kyis nam mkha'i stong pa mi mthong ngo / / gal te sems can la nam mkha' stong pa med na/ song ba dang / 'ong ba dang / 'gro ba dang / sdod pa dang / 'dug pa dang nyal ba med la/ mi skye mi 'phel lo// don de lta bas na ngas mdo sde las sems can thams cad la nam mkha'i dbying yod do zhes gsungs so// nam mkha'i dbyings de nyid nam mkha' stong pa zhes bya ste/ sems can gyi sangs rgyas kyi rang bzhin yang de dang 'dra bas/ ji ltar nor bu rin po che ltar byang chub sems dpa' sa bcu pas cung zad cig mthong ngo / / rigs kyi bu sems can gyi sangs rgyas kyi rang bzhin ni sangs rgyas rnams kyi spyod yul yin gyi/ nyan thos dang rang sangs rgyas rnams kyis shes pa ma yin no// sems can thams cad sangs rgyas kyi rang bzhin mi mthong ba'i phyir/ rtag tu nyon mongs pas kun tu glags nas 'khor bar 'gyur ro// sangs rgyas kyi rang bzhin mthong bas ni kun nas nyon mongs pas bcing bar mi 'gyur te/ 'khor ba las 'das pa chen po 'thob par gyur to// byang chub sems dpa' seng ge'i sgras gsol pa/ bcom ldan 'das sems can thams cad la sangs

  637. 319b

    phyir rkyen las rab lus grub par gyur to/ / gal te thog ma nas yod pa zhig yin na tu rkyen mang po'ang mi dgos par 'gyur ro// dper na tshon sngon po dang ser bor sbyar na/ tshon ljang khur 'gyur te/ gal te don de gnyis ka la'ang thog ma nas ljang khu'i rang bzhin med do// gal te thog ma nas yod pa zhig yin na sbyar yang ci dgos rigs kyi bu dper na sems can ni zas kyi rgyus 'tsho bar 'gyur te/ yang dag par na zas kyi nang na 'tsho ba med do// gal te 'tsho ba yong gis yod pa zhig yin na zas ma zos pa'i tshe zas nyid 'tsho ba yin pa'i rigs so/ / rigs kyi bu chos thams cad yong gis rang bzhin med pa'i phyir don de la gzigs nas tshigs su bcad pa 'di dag gsungs so// thog ma med pa da ltar yod/ thog ma yod la da ltar med/ dus gsum srid pa'i chos thams cad/ de 'dra ba yi gnas med do// rigs kyi bu chos thams cad rgyu dang rkyen gyis skye la// rgyu dang rkyen gyis 'gog go// rigs kyi bu gal te sems can gyi nang na sangs rgyas kyi rang bzhin yod na/ sems can thams cad da lnga rang dang 'dra bar sangs rgyas kyi sku yod pa'i rigs so/ / sems can gyis sangs rgyas kyi rang bzhin ni mi chag mi 'jig go// bkrir mi rung / gzung du mi rung / bcing du mi rung / gdags su mi rung ste/ ji ltar sems

  638. 320a

    rgyas kyi rang bzhin mchis pa ni/ ji ltar 'o ma'i nang na zho'i rang bzhin dang mtshungs so// gal te 'o ma la zho'i rang bzhin ma mchis na/ ci'i slad du bcom ldan 'das kyis rgyu rnam pa gnyis te/ bden pa'i rgyu dang / rkyen gyi rgyu gsungs/ rkyen gyi rgyu ni drod de/ nam mkha' stong pa ni rang bzhin ma mchis pas rkyen gyi rgyu ma mchis so// bcom ldan 'das kyi bka' stsal pa/ rigs kyi bu gal te 'o ma'i nang na nges par zho'i rang bzhin yod na rkyen gyi rgyu ci dgos/ byang chub sems dpa' seng ge'i sgras gsol pa/ bcom ldan 'das rang bzhin mchis pa'i slad du rkyen gyi rgyu 'tshal lo/ / ci'i slad du zhe na/ mngon par mthong bar bgyi ba'i slad du'o// rkyen gyi rgyu ni gsal ba'i rgyu lags so// bcom ldan 'das dper na mun pa'i nang na sngar rdzas dag mchis pas mthong bar 'dod pa'i phyir sgron mas gsal bar bgyid do/ / gal te thog ma nas ma mchis na sgron mas ci zhig snang bar bgyi/ ji ltar sa la rdza ma ma mchis pa'i phyir mi dang chab dang / 'khor lo dang / tha gu dang / dbyig gu la sogs pa ni gsal ba'i rgyu'o// shing n+ya gro d+ha'i 'bras bu'angs dang / chu dang / smed ni gsal ba'i rgyu'o// de bzhin du'o/ ma'ang drod dang dri ma ni gsal ba'i rgyur 'gyur ro// de bas na rang bzhin thog ma nas mchis pa la gsal ba'i rgyu la rag lus te des mthong bar 'gyur ro// don de lta bas na 'o ma'i nang

  639. 320b

    na thog ma nas zho mchis par mngon no/ / bka' stsal pa/ rigs kyi bu thal te 'o ma'i nang na nges par zho'i rang bzhin yod pa zhig yin na/ de nyid gsal ba'i rgyur 'gyur ro// gal te gsal ba'i rgyu yin na/ gdod gsal bar bya'ang 'i dgos/ rigs kyi bu gal te sal ba'i rgyu de rang bzhin gyis gsal ba yin na/ rtag tu bdag gis gsal bar byed pa'i rigs so/ / gal te bdag gsal bar mi byed na/ gzhan gsal bar byed kyang mi nus so// gal te gsal ba'i rgyu la rang bzhin rnam pa gnyis te/ bdag gsal bar byed pa dang / gzhan gsal bar byed pa'o zhes byar ni don de lta ma yin no// de ci'i phyir zhe na/ gsal ba'i rgyu gcig la ji ltar na gnyis su 'gyur/ gal te gnyis su gyur na'o ma'ang gnyis su 'gyur ro/ / gal te 'o ma la rang bzhin gnyis su med na/ ci'i phyir gsal ba'i rgyu 'ba' zhig gnyis su 'gyur/ seng ge'i sgras gsol pa/ bcom ldan 'das ji ltar 'jig rten pas bdag dang mi brgyad ces mchi ba bzhin du gsal ba'i rgyu'ang de dang 'dra ste/ bdag dang gzhan gsal bar bgyid do/ / bcom ldan 'das kyis bka' stsal pa/ gal te gsal ba'i rgyu de lta na gsal ba'i rgyu zhes mi bya'o// de ci'i phyir zhe na/ grangs ni bdag dang gzhan gyi gzugs bgrang nus pas brgyad ces

  640. 321a

    bya ste/ gzugs kyi ngo bo nyid bdag la gsal ba'i mtshan nyid med do// gsal ba'i mtshan nyid med pas na ye shes kyi rang bzhin gyi dbang gis bdag dang gzhan bgrang bar 'gyur bas na/ de'i phyir gsal ba'i rgyus bdag gsal bar mi nus te/ gzhan yang gsal bar mi nus so// sems can thams cad la sangs rgyas kyi rang bzhin yod na/ ci'i phyir bsod nams kyi tshogs tshad med pa bsgrub dgos par 'gyur/ gal te bsgrub pa de gsal ba'i rgyu yin na/ zho 'jig par 'gyur ba dang mthun no// gal te rgyu la nges par 'bras bu yod do zhes byar ni tshul khrims dang / ting nge 'dzin dang / shes rab skye zhing 'phel bar mi 'gyur ro// ngas ni 'jig rten pa dag snga na tshul khrims dang / ting nge 'dzin dang / shes rab med pa las mkhan po las mnos nas/ gdod khad kyis skye zhing 'phel bar gzigs so// gal te mkhan pos bstan pa gsal ba'i rgyu yin no/ / zhes byar ni mkhan pos bstan pa'i tshe mnos pa la sal tshul khrims dang / ting nge 'dzin dang / shes rab med do// gal te gsal ba zhig yin na med pa'i dus na gsal bar gyur/ byas pa'i 'og tu tshul khrims dang / ting nge 'dzin dang / shes rab skye zhing 'phel bar 'gyur/ seng ge'i sgras gsol pa/ bcom ldan 'das gal te gsal ba'i rgyu ma

  641. 321b

    mchis na/ ci'i slad du 'o ma dang zho zhes ming btags par 'gyur/ bcom ldan 'das kyis bka' stsal pa/ rigs kyi bu 'jig rten rgol ba'i lan btab pa la rnam pa gsum ste/ 'di ltar 'gyur ba'i lan btab pa ste/ ji ltar bshad pa las ji ltar na tshul khrims she na/ 'gyod pa med pa nas/ yongs su mya ngan las 'das pa chen po'i bar du thob par 'gyur ro zhes bya ba dang / cang mi smra ba'i lan btab pa te/ ji ltar kun tu rgyu zhig 'ongs nas nga la 'di skad du bdag ces bya ba rtag pa yin nam zhes dris pa las/ ngas de'i tshe cang mi smra ba dang the tshom gyi lan btab pa ste/ ji ltar mdo sde 'di las gal te gsal ba'i rgyu gnyis su gyur na/ ci'i phyir 'o ma la gnyis su med ces dris pa dang gsum mo// rigs kyi bu ngas de 'gyur ba'i lan bta ba ste/ ji ltar 'jig rten pas 'di skad du 'o ma yod na gdon mi za bar zho yod pas/ de'i phyir 'o ma dang zho yod do zhes btags te/ sangs rgyas kyi rang bzhin yang de dang 'dra bar sems can yod na sangs rgyas kyi rang bzhin yod de/ phyis mthong bar 'gyur ba'i phyir ro// seng ge'i sgras gsol pa/ bcom ldan 'das ji ltar bcom ldan 'das kyis gsungs pa'i don de de lta ma lags so/ / ci'i slad du zhe na/ 'das pa ni 'gags/ ma 'ongs pa ni ma phyin na/ mchis shes ji skad bgyi/ gal te ma 'ongs pa la mchis pa

  642. 322a

    zhes bgyi na/ don de'ang mi rung ste/ ji ltar 'jig rten pa dag bu med par mthong nas bu med do zhes mchi ba dang mtshungs te/ sems can thams cad la sangs rgyas kyi rang bzhin ma mchis par/ ci'i slad du sems can thams cad la sangs rgyas kyi rang bzhin mchis shes gsungs/ bcom ldan 'das kyis bka' stsal pa/ rigs kyi bu 'das pa ni yod pa zhes bya'o/ / dper na rgyur rtsi ba'i myu gu skyes nas 'bras bu 'gog ste/ myu gu'ang mngar ba nas/ 'bras bu skye ba'i bar du'ang de bzhin te/ srin nas sgyur bar 'gyur ro// rigs kyi bu ro sgyur ba ni sa bon dang / myu gu dang / 'bras bu skye ba'i bar du med de/ smin pa'i dbyibs dang / kha dog dang / gzugs las sbyar ba'i ro skye'o// de ltar sbyar ba'i ro de ni thog ma nas med/ da gdod yod par gyur to// de ltar thog ma nas med la da yod par 'gyur mod kyi/ thog ma'i rgyu yin pa ma yin no// de ltar thog ma'i sa bon 'das pa yin mod kyi/ yod pa zhes bya ste/ don de lta bas na 'das pa yod pa zhes bya'o// yang ji ltar na ma 'ongs pa la yod pa zhes bya zhe na/ dper na mi zhig ti la rmos pa las/ yang mi cig gis 'di rmos te cir dgos shes dris pa dang / des lan btab pa/ mar yod do zhes smras so// yang dag par mar med mod kyi/ til smin nas 'bru bsdus te

  643. 322b

    brdo zhing brdungs la btsir na gdod mar 'byung bar 'gyur ro/ / de bas na mi de brdzun zer ba ma yin par rig par bya'o// de lta bas na ma 'ongs pa'ang yod ces bya'o// gzhan yang ji ltar na 'das pa la yod pa zhes bya zhe na/ rigs kyi bu dper na mi cig gis lkog tu rgyal po la kha tshabs byas pa las lo mang zhig lon pa dang / rgyal pos thos par gyur te thos nas/ de la ci'i phyi rang la kha zer zhes dris pa dang / des lan btab pa/ rgyal po chen po bdag gis kha tshabs ma bgyis so// de ci'i slad du zhe na/ kha tshabs bgyis pa'ang 'gags lags so// rgyal pos smras pa/ nga dang kha byas pa gnyis ka 'dug bzhin du/ ci'i phyir 'gags shes smra/ de'i rgyu de'i rkyen gyis lus dang srog yal bar gyur to// rigs kyi bu de gnyis ni yang dag par med kyang 'bras bu med par ma gyur te/ de bas na 'das pa la yod ces bya'o// gzhan yang ji ltar ma 'ongs pa la yod pa zhes bya zhe na/ dper na mi zhig rdza ma mkhan gyi der song nas rdza ma yod dam zhes dris pa dang / rdza ma yod do zhes smras te/ rdza ma mkhan de la yang dag par da lta rdza ma med de/ 'jim pa yod pas rdza ma yod ces byas kyang / de ltar mi de brdzun zer ba ma yin par rig par bya'o/ / de bas na 'o ma'i nang na zho yod pa dang / sems can la sangs rgyas kyi rang bzhin yod pa'ang de dang 'dra'o// sangs rgyas kyi rang bzhin mthong bar 'dod

  644. 323a

    na dus dang / tshod dang / dbyibs dang / gzugs la shin tu brtag go// de'i phyir ngas sems can thams cad la sangs rgyas kyi rang bzhin yod do zhes gsungs pa'ang mi bden pa ma yin no/ / seng ge'i sgras gsol pa/ sems can thams cad la sangs rgyas kyi rang bzhin ma mchis na/ bla na med pa yang par rdzogs pa'i byang chub ji ltar 'thob par 'gyur/ bden pa'i rgyus sems can rnams bla na med pa yang dag par rdzogs pa'i byang chub 'thob par 'gyur na/ bden pa'i rgyu 'di lta ste/ sangs rgyas kyi rang bzhin no// bcom ldan 'das n+ya gro d+ha'i 'bras bu la n+ya gro d+ha'i shing ma mchis na/ ci'i slad du n+ya gro d+ha'i 'bras bu zhes btags la/ kha de ra'i 'bras bu zhes ma btags/ bcom ldan 'das dper na go'u ta ma'i rigs ni a te ya'i rigs shes gdags su mi rung la/ de bzhin du a te ya'i rus kyang go'u ta ma'i rigs shes gdags su mi rung / de bzhin du n+ya gro d+ha'i 'bras bu la'ang kha de ra'i 'bras bu zhes gdags su mi rung / kha de ra'i 'bras bu la'ang n+ya gro d+ha'i 'bras bu zhes bgyir mi rung ste/ ji ltar bcom ldan 'das ni go'u ta ma'i rigs las gzhan ma lags pa ltar/ sems can gyi sangs rgyas kyi rang bzhin yang de dang 'dra ste/ de lta bas na sems can kun la sangs rgyas kyi rang bzhin mchis

  645. 323b

    par 'tshal lo/ / bcom ldan 'das kyis bka' stsal pa/ rigs kyi bu gang 'bras bu la n+ya gro d+hA yod ces bya ba'i don de mi rung ngo // gal te yod pa zhig yin na ci'i phyir mi mthong / rigs kyi bu dper na 'jig rten gyi rdzas ni rgyu rkyen yod pa'i phyir balhur med do// rgyu rkyen gang zhe na/ 'di lta ste/ ring bas mi mthong ba ste/ nam mkha'i bya rjes dang / nye bas mi thong ba ste/ mig gi rdzi ma dang / zhig pas mi mthong ba ste/ rtsa ba rul ba dang / 'du shes 'khrugs pas mi mthong ba ste/ sems rtse gcig pa ma yin pa dang / phra bas mi mthong ba ste/ rdul phra mo dang / bsgribs pas mi mthong ba ste/ sprin gyis skar ma bsgribs pa dang / mang bas mi mthong ba ste/ 'bras kyi phung po'i nang na til yod pa dang 'dra ba dang / 'dres pas mi mthong ba ste/ sran ma'i phung por sran ma zhes bzhag pa dang 'dra ste/ n+ya gro d+ha'i shing ni de lta bu'i rgyu rkyen rnam pa brgyad po dang mi 'dran/ gal te yod pa zhig yin na/ ci'i phyir mi mthong / gal te phra ba dang sgrib pa'i phyir mi mthong zhes byar ni don de'ang de ltar mi rung ngo / / de ci'i phyir zhe na/ shing gi mtshan nyid sbom pa'i phyir ro// gal te rang bzhin gyis phran ji ltar skye bar 'gyur/ ci ste sgrib pa'i phyir mi

  646. 324a

    mthong ba zhig yin na/ rtag tu mi mthong ba'i rigs te/ sngon sbom pa'i rang bzhin med par da sbom par mthong bas na/ sdom pa de thog ma nas rang bzhin med do// sngon mthong ba'i rang bzhin med pa nas da mthong bar gyur na/ mthong ba de'ang thog ma'i rang bzhin med de/ 'bras bu'ang de dang 'dra bar thog ma nas shing med de/ da yod par gyur pa la nyes pa ci zhig yod/ seng ge'i sgras gsol pa/ bcom ldan 'das kyis gsungs pa ltar bden pa'i rgyu dang // gsal ba'i rgyu rnam pa gnyis su gsungs te/ de la sa dang / chu dang / smed ni n+ya gro d+ha'i 'bras bu'i gsal ba'i rgyur 'gyur pas phra mo la sbom por gyur to// bcom ldan 'das kyis bka' stsal pa/ rigs kyi bu gal te thog ma nas yod pa zhig yin na gsal ba'i rgyur ci dgos/ gal te thog ma nas rang bzhin med na gsal bas ci zhig gsal bar bya/ gal te n+ya gro d+ha la thog ma nas sbom pa'i rang bzhin med la gsal ba'i rgyus sbom por skye bar gyur na lta gnyis ka med par 'dra na/ ci'i phyir shing kha der mi skye/ rigs kyi bu gal te phra bas mi mthong na sbom por mthong ba'i rigs te/ dper na rdul gcig pu ni mi mthong yang rdul mang por 'dus nas mthong bar 'gyur ba bzhin du/ 'bras bu'i sbom po'ang mthong ba'i rigs so// de ci'i phyir zhe na/ de la rmya

  647. 324b

    gu dang sdong bu dang / me tog dang / 'bras bu'ang yod la/ 'bras bu re re'i nang na'ang sa bon tshad med pa yod de/ sa bon re re la'ang shing tshad med pa yod pas de bas na sbom po zhes bya ste/ de ltar sbom por gyur pas na mthong ba'i rigs so// rigs kyi bu gal te n+ya gro d+ha'i sa bon la n+ya gro d+ha'i rang bzhin yod pas/ shing skye ba zhig yin na/ mig gis sa bon de tshig par mthong ngo / / de ltar tshig pa'i rang bzhin yang thog ma nas yod pa'i rigs so// ci ste thog ma nas tshig pa yod pa yin na/ shing yang skye ba'i mi rigs so// gal te chos thams cad thog ma nas skye ba dang 'gog pa yod na/ ci'i phyir de sngar skyes la/ phyis 'gog ste dus gcig tu ma gyur/ don de lta bas na rang bzhin med par rig par bya'o// byang chub sems dpa' seng ge'i sgras gsol pa/ bcom ldan 'das gal te n+ya gro d+ha'i 'bras bu la thog ma nas shing gi rang bzhin ma mchis par/ shing skye bar 'gyur ba lags na/ gnyis ka ma mchis par 'dra na/ ci'i slad du 'bras bu de las mar mi 'byung / rigs kyi bu 'bras bu de las mar yang 'byung bar 'gyur te/ thog ma'i rang bzhin med mod kyi/ rgyu dang rkyen gyis yod par 'gyur ro// seng ge'i sgras gsol pa/ ci'i slad du til gyi mar zhes mi bgyi/ rigs kyi bu til ma yin pa'i phyir ro// rigs kyi bu dper na me'i rkyen gyis me 'byung la/ chu'i rkyen gyis chu 'byung ste/ gnyis ka rkyen

  648. 325a

    las skyes mod kyi/ gcig gis gcig yod par mi nus te/ n+ya kro d+ha'i 'bras bu dang til mar yang de dang 'dra ste/ gnyis ka rkyen la skyes med kyi/ gis gcig skyed pa ma yin no// n+ya gro d+ha'i 'bras bu'i rang bzhin ni bad kan gyi nad la phan par byed/ til mar gyi rang bzhin ni rlung la phan par byed do// rigs kyi bu dper napu ram shing gi rgyu dang rkyen gyis sha ka ra dang bu ram nag po 'byung ste/ de ltar rgyu gcig mod kyi kha dog dang dbang ba so so ste/ shA kar ni mkhris pa'i nad la phan par byed/ pU ram nag po ni ban kan gyi nad la phan par byed do// byang chub sems dpa' seng ge'i sgras gsol pa/ bcom ldan 'das ji ltar 'o ma la zho'i rang bzhin mchis la/ til la mar gyi rang bzhin yang ma mchis la/ n+ya gro d+ha'i 'bras bu la shing gi rang bzhin yang ma mchis/ 'jim pa la rdza ma'i rang bzhin yang ma mchis pa dang 'dra par/ sems can thams cad la sangs rgyas kyi rang bzhin ma mchis na/ sngar bcom ldan 'das kyis gsungs pa ltar sems can thams cad la sangs rgyas kyi rang bzhin mchis pas/ bla na med pa yang dag par rdzogs pa'i byang chub 'thob par 'gyur ro zhes bgyi bar mi rung ngo // de ci'i slad du zhe na/ lha dang mi la rang bzhin ma mchis te/ rang bzhin ma mchis pas na

  649. 325b

    mi'ang ltar 'gyur/ lha'ang mir 'gyur te/ de'ang las kyi rkyen gyis 'gyur gyi/ rang bzhin gyis 'gyur ba ma lags so// byang chub sems dpa' sems dpa' chen po'ang las kyi rkyen gyis bla na med pa yang dag par rdzogs pa'i byang chub 'thob bo/ / gal te sems can la sangs rgyas kyi rang bzhin mchis na/ ci'i rgyu ci'i rkyen gyis log sred can dag dge ba'i rtsa ba rnams bcad pas sems can dmyal bar ltung / gal te byang chub kyi sems sangs rgyas kyi rang bzhin lags na/ log sred can gyis gcod mi nus pa'i rigs so// gal te gcad du rung ba zhig lags na/ sangs rgyas kyi rang bzhin rtag ces bgyir mi rung ngo // gal te rtag pa ma lags na/ sangs rgyas kyi rang bzhin zhes mi bgyi'o// gal te sems can rnams la sangs rgyas kyi rang bzhin mchis na/ ci'i slad du thog ma sems bskyed pa dang / phyir ldog pa dang / phyir mi ldog pa zhes bgyi/ gang gi phyir log pa de ni sangs rgyas kyi rang bzhin ma mchis par 'tshal lo/ / bcom ldan 'das byang chub sems dpa' sems dpa' chen po rnams gcig tu bla na med pa yang dag par rdzogs pa'i byang chub la 'bab pa ni byams pa dang snying rje chen pos skye ba dang / rga ba dang / shi ba'i nyon mongs pa'i skyon mthong nas/ mya ngan las 'das pa chen po la skye ba dang

  650. 326a

    rga ba dang / shi ba'i nyon mongs pa rnams kyi skyon med par rtogs te/ dkon mchog gsum dang las kyi 'bras bu rnam par smin pa la yid ches pas tshul khrims sdom pa la sogs pa'i chos ni sangs rgyas kyi rang bzhin zhes bgyi'o/ / gal te chos 'di'i pha rol na sangs rgyas kyi rang bzhin mchis na chos des rgyu dang rkyen bgyis kyang ci 'tshal/ bcom ldan 'das 'o na ni rkyen mi dgos par zho dang mar du 'gyur ba'i chos ma mchis te/ rgyu dang rkyen la rag lus pa ni 'di ltar mis las su bya ba dang / chu dang / rdza ma dang / srub shing dang / tha gu'o// sems can gyi sangs rgyas kyi rang bzhin yang de dang 'dra ste/ rgyu dang rkyen spangs pa'i pha rol na bla na med pa yang dag par rdzogs pa'i byang chub 'thob pa'i rigs so/ / gal te nges par mchis na rnal 'byor can dag ci'i slad du skye ba dang / rga ba dang / na ba dang / 'chi ba la sogs pa ngan song gsum gyi sdug bsngal mthong nas phyir ldog pa'i sems bskyed/ gzhan yang pha rol tu phyin pa drug bsgom mi 'tshal bar bla na med pa yang dag par rdzogs pa'i byang chub 'thob pa'i rigs te/ 'o ma'ang rkyen ma mchis par zhor mi 'gyur la/ pha rol tu phyin pa drug gi rgyu ma lags par bla na med pa yang dag par rdzogs pa'i byang chub 'thob pa ma mchis so// don de lta bas na sems can rnams

  651. 326b

    la sangs rgyas kyi rang bzhin ma mchis so/ / ji ltar bcom ldan 'das kyis gsungs pa las dge 'dun dkon mchog ni rtag go// gal te rtag pa lags na mi rtag pa ma lags so// mi rtag pa ma lags na ji ltar bla na med pa yang dag par rdzogs par byang chub 'thob par 'gyur/ dge 'dun rtag pa lags na yang ci ste sems can thams cad la sangs rgyas kyi rang bzhin mchis shes gsungs/ bcom ldan 'das gal te sems can la thog ma nas byang chub kyi sems kyang ma mchis la/ bla na med pa yang dag par rdzogs pa'i byang chub kyi sems kyang ma mchis te/ phyis gdod mchis pa zhig lags na/ sems can gyi sangs rgyas kyi rang bzhin yang de dang 'dra ste/ thog ma ma mchis pa las phyis mchis par 'gyur ro// don de lta bas na sems can thams cad la sangs rgyas kyi rang bzhin ma marmis so/ / bcom ldan 'das kyis bka' stsal pa/ legs so legs so// rigs kyi bu khyod kyis sangs rgyas kyi rang bzhin gyi don shes nas ring po lon te/ da sems can gyi phyir de ltar dris pa legs so// sems can thams cad la yang dag par sangs rgyas kyi rang bzhin yod do// khyod kyis 'di skad du sems can la gal te sangs rgyas kyi ra bzhin yod na/ / thog ma sems bskyed pa yod pa'i rigs so zhes bya ba ni/ rigs kyi bu sems ni sangs rgyas kyi rang bzhin ma yin no// de ci'i phyir

  652. 327a

    zhe na/ sems ni rtag pa ma yin la/ sangs rgyas kyi rang bzhin ni rtag pa'i phyir ro// khyod kyis 'di skad du ci'i phyir/ phyir ldog pa'i sems yod ces bya ba ni yang dag par sems la ldog pa med do/ / gal te sem la sems phyir ldog pa yod na nams kyang bla na med pa yang dag par rdzogs pa'i byang chub 'thob par mi 'gyur te/ 'thob pa bul ba'i phyir phyir ldog pa zhes bya'o/ / byang chub kyi sems de ni yang dag par na sangs rgyas kyi rang bzhin ma yin no// de ci'i phyir zhe na/ log sred can dag dge ba'i rtsa ba bcad pas sems can myal bar ltung ba'i phyir ro/ / gal te byang chub sems sangs rgyas kyi rang bzhin yin na ni/ log sred can dag log sred can zhes bya bar mi 'gyur ro// byang chub kyi sems kyang mi rtag pa zhes bya bar mi rung ste/ de bas na nges par byang chub kyi sems ni yang dag par sangs rgyas kyi rang bzhin ma yin par shes par bya'o// rigs kyi bu khyod kyis 'di skad du gal te sangs rgyas kyi rang bzhin yod na/ ji ltar 'o ma la zhor 'gyur ba ltar rkyen la rag lus so zhes bya ba de'ang de lta ma yin no// de ci'i phyir zhe na/ rgyu rnam pa lngas mang du 'gyur ba ltar sangs rgyas kyi rang bzhin yang de dang 'dra ste/ dper na rdo la ni gser yang yod/ dngul yang yod/ zangs kyang yod/ lkugs kyang yod de/ de dag chen po bzhi las

  653. 327b

    gnas par 'dra'ang ming gcig la snying po gcig la byung ba so so ste/ rgyu dang rkyen mang po dgos so// de'ang sems can gyi bsod nams dang mi las su byas pa las gdod 'byung bar 'gyur te/ de bas na thog ma nas gser gyi rang bzhin med par rig par bya'o// sems can gyi sangs rgyas kyi rang bzhin ni sangs rgyas shes mi bya ste/ bsod nams mang po'i rgyu dang rkyen 'dus pas sangs rgyas kyi rang bzhin mthong bar gyur na/ gdod sangs rgyas mthong bar 'gyur ro// khyod kyis 'di skad du sems can la sangs rgyas kyi rang bzhin yod na ci'i phyir/ mi mthong zhes bya ba don de'ang de lta ma yin no// de ci'i phyir zhe na/ rgyu dang rkyen ma 'dus pa'i phyir ro// rigs kyi bu don de lta bas na ngas bden pa'i rgyu dang / rkyen gyi rgyu rnam pa gnyis su gsungs te/ de la bden pa'i rgyu ni sangs rgyas kyi rang bzhin no// rkyen gyi rgyu ni byang chub tu sems bskyed pa ste/ rgyu rkyen de gnyis kyis bla na med pa yang dag par rdzogs pa'i byang chub 'thob pa ni/ ji ltar rdol gser 'byung ba bzhin no// rigs kyi bu khyod kyis 'di skad du dge 'dun rtag pas/ sems can thams cad la sangs rgyas kyi rang bzhin med do zhes bya ba ni/ rim kyi bu dge 'dun zhes bya ba ni 'dus pa ste/ 'dum pa la rnam pa gnyis so// 'di ltar kun rdzob tu 'dum pa dang / don dam par 'dum pa'o// de

  654. 328a

    kun rdzob tu 'dum pa ni nyan thos kyi dge 'dun no/ / don dam par 'dun pa ni byang chub sems dpa'i dge 'dun no// kun rdzob kyi dge 'dun ni mi rtag ste/ sangs rgyas kyi rang bzhin ni rtag pa'o/ / ji ltar sangs rgyas kyi rang bzhin rtag pa ltar/ don dam pa'i dge 'dun yang de dang 'dra'o// gzhan yang dge 'dun la 'di lta ste/ chos dang 'dum pa'o// chos dang 'dum pa ni/ 'di lta ste/ mdo sde sde bcu gnyis so// mdo sde sde bcu gnyis rtag pas na/ de'i phyir chos dang dge 'dun ni brtag pa'o zhes gsungs so// rigs kyi bu dge 'dun ni 'dum pa zhes bya ste/ gang 'dum pa de ni rten cing 'brel te byung ba bcu gnyis so// rten cing 'brel te byung ba bcu gnyis la sangs rgyas kyi rang bzhin yod pas/ rten cing 'brel te byung ba bcu gnyis rtag pa ltar/ sangs rgyas kyi rang bzhin yang de dang 'dra ste/ de bas na ngas dge 'dun la sangs rgyas kyi rang bzhin yod ces gsungs so// yang dge 'dun zhes bya ba ni sangs rgyas thams cad 'dum pa ste/ de bas na ngas dge 'dun la sangs rgyas kyi rang bzhin yod ces gsungs so// rigs kyi bu khyod kyis 'di skad du sems can la gal te sangs rgyas kyi rang bzhin yod na/ ci ste phyir ldog pa yod ces dris pa shin tu yid la byas te brtags par nyon cig dang / ngas rnam par dgrol zhing bstan par bya'o// rigs kyi bu byang chub sems

  655. 328b

    dpa' sems dpa' chen po chos rnam pa bcu gsum gyis phyir ldog par 'gyur ro/ / bcu gsum po gang zhe na/ 'di lta ste/ ma dad pa'i sems dang / nan tan mi byed pa'i sems dang / the tshom gyi sems dang / lus dang zang zing la chags shing ser sna byed pa dang / mya ngan las 'das pa chen po la 'jigs pa chen po bskyed de/ ji ltar sems can dag yongasu mya ngan las bzla snyam pa dang / bzod pa'i sems med pa dang / ma dul ba'i sems dang / mya ngan gyis gdungs pa'i sems dang / mi bde ba dang / bag med pa dang / bdag gi lus la brnyas pa dang / nyon mongs pa gzhig mi nus par lta ba dang / byang chub kyi chos la 'jug par mi mos pa ste/ rigs kyi bu chos rnam pa bcu gsum po de dag gis byang chub sems dpa' rnams byang chub las phyir ldog par byed do// yang chos rnam pa drug po 'dis byang chub kyi sems 'jig par byed do/ / drug gang zhe na/ 'di lta ste/ chos la ser sna byed pa dang / sems can rnams la mi dge ba'i sems bskyed pa dang / mi dge ba'i bshes gnyen la bsten pa dang / brtson 'grus mi rtsom pa dang / bdag bstod cing nga rgyal byed pa dang / 'jig rten gyi las byed pa ste/ chos drug po de dag ni byang chub kyi sems 'jig par byed pa'o// rigs kyi bu la la zhig gis sangs rgyas bcom ldan 'das ni lha dang mi'i ston pa ste/ sems can thams cad kyi nang na gtso bor gyur pa/ bskrun du med pa/ nyan thos dang rang sangs rgyas las

  656. 329a

    'phags pa/ chos kyi spyan rab tu gsal bas chos la thogs pa med par gzigs pa/ sems can thams cad nyon mongs pa'i rgya mtsho las sgrol ba'o zhes thos nas/ smon lam dang yi dam chen po bskyed de/ de ltar 'jig rten na de lta bu'i skyes bu yod na/ bdag kyang 'thob par 'gyur ro snyam bsams te/ de'i rgyu de'i rkyen gyis bla na med pa yang dag par rdzogs pa'i byang chub tu sems bskyed pa dang / yang na gzhan gyis bstan pas byang chub tu sems bskyed pa dang / yang na byang chub sems dpa' bskal pa grangs med pa'i bar du dka' ba spyod pa nas/ gdod bla na med pa yang dag par rdzogs pa'i byang chub 'thob bo zhes te/ thos nas 'di snyam du bdag ni de ltar dka' ba spyod mi nus na/ ji ltar bla na med pa yang dag par rdzogs pa'i byang chub thob par 'gyur snyam ste/ de phyir phyir ldog par 'gyur ro// rigs kyi bu gzhan yang chos rnam pa 'di lngas byang chub kyi sems las phyir ldog par 'gyur ro// lnga gang zhe na/ 'di lta ste/ mu stegs can gyi chos la rab tu 'byung bar rab tu dga' ba dang / byams pa chen po'i sems mi sgom pa dang / chos smra ba la skyon tshol bar dga' ba dang / rtag tu 'khor ba la dka' ba dang / mdo sde sde bcu gnyis 'dzin pa dang / klog pa dang / 'don pa dang / yi ger 'dri ba dang / dgrol zhing 'chad par mi mos pa ste/ de ni byang chub kyi sems las phyir ldog

  657. 329b

    pa'i chos lnga'o/ / yang chos rnam pa gnyis kyis byang chub kyi sems las phyir ldog par byed do// gnyis gang zhe na/ 'di lta ste/ 'dod pa lnga la chags shing zhen pa dang / dkon mchog gsum la bsti stang dang / rig gro dang / bkur sti mi byed pa ste/ de lta bu la sogs pa'i rgyu rkyen mang pos byang chub kyi sems las phyir ldog par 'gyur ro// yang ji ltar na phyir mi ldog pa'i sems shes bya zhe na/ la la zhig de bzhin gshegs pas sems can rnams skye ba dang / rga ba dang / na ba dang / 'chi ba las sgrol bar mdzad de/ gzhan yang rag ma lus par nan tan byas pas/ bla na med pa yang dag par rdzogs pa'i byang chub 'thob bo zhes thos na/ gal te byang chub kyi lam thob pa zhig yin na/ bdag kyang shin tu nan tan byas te/ gdon mi za bar mthong bar bya'o snyam bsams na/ de'i rgyu de'i rkyen gyis byang chub tu sems bskyed de/ bsod nams mang du byas kyang rung nyung yang rung / thams cad bla bla na med pa yang dag par rdzogs pa'i byang chub tu bsngos nas/ yi dam 'di skad du bcas te bdag rtag tu sangs rgyas dang sangs rgyas kyi nye gnas la bsnyen bkur byed par gyur nas rtag tu chos zab mo thos shing dbang po lnga dang ldan par gyur te/ gal te sdug bsngal gyis rab tu gdungs kyang sems de ma stor bar shog cig ces smon lam 'debs pa dang / yang sangs

  658. 330a

    rgyas dang sangs rgyas kyi nye gnas rnams kyis rtag tu bdag la dgongs pa'i thugs bskyed de/ dge ba'i rtsa ba rnam pa lnga dang ldan par gyur nas/ gal te sems can dag bdag gi lus bcad dam/ rkang lag dang / mig dang / mgo dang / yan lag thams cad gtubs kyang / de dag la byams pa chen po'i sems bskyed cing bdag rab tu dga' ste/ skyes bu des ni bdag gi byang chub kyi rgyu skye zhing 'phel bar byas so/ / gal te de dag med na bdag ci'i rkyen gyis bla na med pa yang dag par rdzogs pa'i byang chub tu mngon par 'tshang rgya bar 'gyur snyam skye/ smon lam chen po 'debs pa dang / yang 'di skad du bdag mtshan med pa dang / mtshan gnyis pa dang / bud med kyi lus su ma gyur cig/ gzhan gyis dbang byed par ma gyur cig/ jo bo ngan pa dang ma phrad cig/ rgyal po ngan pas dbang bar ma gyur cig/ yul ngan par ma skye zhig/ gal te lus byad bzang po thob na'ang cho rags btsun pa dang / nor dang rin po che mang po bdog pa dang // bdog nas kyang dregs par ma gyur cig/ bdag gis rtag tu mdo sde sde bcu gnyis thos nas/ gzungs su 'dzin cing klog pa dang / 'don pa dang / yi ger 'di ba dang / dgrol zhing 'chad par gyur cig/ gal te sems can la dgrol zhing bshad na/ pha rol pos yid ches shing 'dzin pa dang / rab tu dad nas the tsom med par 'gyur te/ rtag tu bdag la ngan sems mi skye bar gyur

  659. 330b

    cig/ nyung ngu thos la mang du shes par gyur cig/ mang du thos la don mi shes par ma gyur cig/ sems can gyis ston par gyur te/ mi ston pa'i sems su ma gyur cig/ lus dang / ngag dang / yid kyi las sdig pa mi dge ba dang 'dres par ma gyur cig/ sems can thams cad la bde ba byin par gyur cig/ lus kyi tshul khrims dang sems kyi shes rab ri dang 'dra ba mi g.yo bar gyur cig/ bla na med pa'i dam pa'i chos yongs su 'dzin pa'i phyir lus dang / srog dang / zang zing la 'jungs par ma gyur cig/ ma brtags pa'i rdzas kyis bsod nams kyi las byed par ma gyur cig/ yang dag pa'i 'tsho bas bdag gso zhing g.yo sgyu'i sems med par gyur cig/ rtag tu drin dran zhing drin chung ngu'ang cher blon par gyur cig/ 'jig rten gyi tshal gyis dngos po la mkhas par gyur cig/ sems can gyi phyogs kun gyi skad la mkhas par gyur cig/ mdo sde sde bcu gnyis klog gam/ 'don 'atam/ yi ger bris na le lo dang snyoms las med par gyur cig/ gal te sems can gang thos par mi dga' na thabs kyis thos par dka' bar byed par gyur cig/ smra ba mnyen des shing mi dge ba'i ngag brjod par ma gyur cig/ mi 'dum pa'i sdums byed par gyur cig/ mya ngan dang 'jigs par gyur pa spong bar gyur cig/ mu ke byung ba'i dus su chog 'grangs par gyur cig/ nad

  660. 331a

    dang gor byung ba'i dus su sman pa'i rgyal por gyur te/ nad kyi rkyen sman dang / nor dang / rin po che ci dang ci dgos pa yid bzhin du sbyin par gyur te/ nad rnams bsal bar gyur cig/ mtshon gyi bskal pa'i tshe mthu stobs chen po yod par gyur te/ gnod pa dang 'tshe ba ma lus par chod par gyur cig/ sems can gyi 'jigs pa rnam pa sna tshogs gcod par gyur pa ni/ 'di lta ste/ 'chi ba'i 'ching ba 'am/ 'ardeg pa 'am/ chu'am/ me 'am/ rgyal po 'am/ rkun po 'am/ dbul ba 'am/ khrims 'jig pa 'am/ mi snyan pa 'am/ ngan song ngam/ de lta bu la sogs pa'i 'jigs pa kun yongs su gcod par gyur cig/ pha dang / ma dang / mkhan po dang / bla ma la shin tu bkur sti byed par gyur cig/ mkhan po dang sdang ba la byams pa chen po'i sems skye bar gyur cig/ rtag tu dran pa nye bar gzhag pa drug dang / stong pa'i ting nge 'dzin gyi rnam grangs dang / rten cing 'brel te byung ba bcu gnyis dang / skye zhing 'gog pa la sogs pa'i lhag mthong dang / dbugs phyi nang bgrang ba dang / lha'i spyod pa dang / tshangs pa'i spyod pa dang / 'phags pa'i spyod pa dang / rdo rje lta bu'i ting nge 'dzin dang / dpa' bar 'gro ba'i ting nge 'dzin la sogs pa bsgom par gyur cig/ dkon mchog gsum med pa'i gnas su bdag nyid

  661. 331b

    kyis rab tu zhi ba'i sem thob cing / gal te lus dang sems nyon mongs pa chen po myong ba na'ang bla na med pa'i byang chub kyi sems stor bar ma gyur cig/ nyan thos dang rang sangs rgyas kyi sems kyis chog par ma 'dzin cig/ dkon mchog gsum med pa'i gnas su rtag tu mu stegs can gyi chos la rab tu byung ste/ ngan par lta ba 'jig cing de'i chos la goms par mi byed par/ chos kyi dbang dadang sem gyi dbang thob par gyur cig/ 'dus byas kyi chos kyi skyon gsal bar mthong bar gyur cig/ ji ltar srog 'phangs pa lus gtong ba la 'jigs pa ltar/ bdag kyang theg pa gnyis kyi lam gyi 'bras bu la 'jigs par gyur cig/ ji ltar sems can rnams sum cu rtsa gsum gnam gyi bde ba la mos pa ltar/ sems can gyi phyir ngan song gsum la mos par gyur cig/ sems can gcig gi phyir yang bskal pa tshad med pa'i bar du sems can dmyal ba'i sdug bsngal myong yang 'gyod pa'i sems mi skye papar gyur cig/ gzhan gyi rnyed pa mthong na phrag dog mi skyed cing / ji ltar bdag bde ba thob pa ltar rtag tu dga' bar gyur cig/ gal te dkon mchog gsum dang phrad na na bza' dang / bshos dang // gzims cha dang / gnas khang dang / snyun gyi rkyen sman dang / mar me dang / me tog dang / spos dang / rol mo dang / gdugs dang / ba dan dang / rin po che sna bdun gyis yongs su mchod

  662. 332a

    par gyur cig/ gal te sangs rgyas kyi tshul khrims mnos na shin tu brtan par bsrungs te/ nams kyang 'jig rten pa'i mtshan nyid ma skyed cig/ gal te byang chub sems dpa'i dka' ba spyod pa thos na rab tu dga' mos te/ 'gyod pa'i sems ma skyed cig/ bdag gi sngon gyi gnas kyi dngos po dran zhing nams kyang 'dod chags dang / zhe sdang dang gti mug gi las byed par ma gyur cig/ 'bras bu smin pa re ba'i phyir rgyu rkyen tshogs par ma gyur cig/ da ltar gyi bde ba la chags shing zhen par ma gyur cig/ ces yi dU coM'o/ / rigs kyi su ma 'di ste 'i mo dam dus 'dun myong rgyu sems dpa' mas kyang byung chub kyi sems las mi thag mi ston shes/ byin pa'i po de bzhin gshegs pa dang / sangs rgyas kyi rang bzhin mngon par mthong ba/ sems can gdul mkhas pa/ 'khor ba las sgrol ba/ bla na med pa'i chos shin tu 'dzin cing srung ba/ / pha rol tu phyin pa drug dang ldan pa zhes bya'o// rigs kyi bu don de lta bas na phyi mi ldog pa'i sems ni sangs