Text

ff. 1a–399a · 797 folio sides

  1. 1a

    rnam par snang mdzad mngon par rtogs pa'i byang chub pa'i rgyud kyi tshig 'grel bzhugs/

  2. 1b

    na ma(rgyud 'grel): swa sti rA dzA ya/ sid+d+hi sid+d+hi/ bcom ldan 'das kyis thog ma thams cad mkhyen pa'i ye shes brnyes nas/ thams cad mkhyen pa'i ye shes des gdul ba'i 'gro ba rnam pa gnyis su gzigs te/ dmigs pa dang bcas pa la mos pa gtso bor gyur pa dang/ zab cing rgya che ba la mos pa gtso bor gyur pa'o/ /'dul ba'i 'gro ba de rnams la yang spyod pa rnam pa gnyis te/ pha rol tu phyin pa'i sgo nas 'jug cing spyod pa dang/ sngags kyi sgo nas 'jug cing spyod pa'o/ /de la pha rol tu

  3. 2a

    phyin pa'i sgo nas 'jug cing spyod pa la yang rnam pa gnyis te/ dmigs pa dang bcas pa la mos pa gtso bor gyur pa dang/ zab cing rgya che ba la mos pa gtso bor gyur pa ste/ de la pha rol tu phyin pa'i sgo nas 'jug cing spyod pa'i gdul ba'i 'gro ba dmigs pa dang bcas pa la mos pa gtso bor gyur pa rnams kyi don du 'dul ba dang mdo sde dang/ mngon pa'i chos rnams dang/ de bzhin du gzhan yang theg pa chen po'i mdo sde khyim bdag dpa' bo la sogs pa bstan to/ /de bzhin du zab cing rgya che ba la mos

  4. 2b

    pa'i 'dul ba'i 'gro ba rnams kyi don du/ zab cing rgya che ba'i mdo sde sdong po bkod pa dang/ sa bcu pa dang/ ting nge 'dzin gyi rgyal po la sogs pa rnams bstan to/ /de bzhin du sngags kyi sgo nas 'jug cing spyod pa'i gdul ba'i 'gro ba rnams la yang rnam pa gnyis te/ dmigs pa dang bcas pa la mos pa gtso bor gyur pa dang/ zab cing rgya che ba la mos pa gtso bor gyur pa ste/ de la dmigs pa dang bcas pa la mos pa gtso bor gyur pa rnams kyi don du/ 'phags pa legs par grub pa'i rgyud dang/ rig 'dzin gyi sde snod la sogs pa bya ba'i rgyud rnams bstan to/ /de bzhin du zab cing rgya che bas 'dul ba'i 'gro ba rnams kyi don du 'phags pa de kho na nyid bsdus pa'i rgyud la sogs pa bstan te/ dmigs pa dang bcas pa la gtso bor gyur pa zhes pa yang/ zab cing rgya che ba la ma mos shing mi spyod pa ma

  5. 3a

    yin mod kyi/ dmigs pa dang bcas pa la spyod par mos pa'i shas che ba la bya'o/ /zab cing rgya che ba la mos pa gtso bor gyur pa rnams la yang dmigs pa dang bcas pa'i spyod pa med pa ma yin mod kyi/ zab cing rgya che ba la spyod pa'i shas che ba ste/ de lta bu yin par ni gsal por 'phags pa de nyid bsdus pa la sogs pa nang gi rnal 'byor gtso bor gyur pa yin mod kyi/ phyi'i spyod pa rnams kyang med pa ma yin no/ /de bzhin du bya ba'i rgyud rnams kyang phyi'i spyod pa gtso bor gyur pa yin mod kyi/ nang gi spyod pa yang med pa ma yin te/ rig 'dzin gyi sde snod la sogs par rnam par thar pa'i sgo rnam pa gsum la gzhol ba la sogs pa gsungs pa dang/ de bzhin du pha rol tu phyin pa'i sgo nas 'jug cing spyod pa rnams la yang ji ltar rigs par sbyar bar shes par bya'o/ /de bzhin du

  6. 3b

    rnam par snang mdzad mngon par rdzogs par byang chub pa rnam par sprul pa byin gyis rlob pa'i rgyud 'di yang thabs dang shes rab gtso bor gyur pa rnal 'byor gyi rgyud yin mod kyi/ bya ba la mos pa'i gdul bya'i 'gro ba rnams gzung ba'i phyir bya ba'i rgyud kyi rjes su mthun pa'i spyod pa dag kyang bstan pas bya ba'i rgyud dam/ gnyis ka'i rgyud lta bur so sor brtags shing grags so/ /de la bcom ldan 'das kyis rgyud 'di yang gdul ba'i 'gro ba rab dang/ 'bring dang tha ma ste rnam pa gsum gyi don du bstan te/ mgo smos pas go ba dang don rnam par phye bas go ba dang chig lhur len pa'i gdul ba'i 'gro ba rnams so/ /de la mgo smos pas go ba ni shes rab mchog tu rnam zhing thos pa mang ba dang ldan pas rgyud 'di'i mtshan don dang rjes su mthun pa rnam par snang mdzad mngon par rdzogs par byang chub pa rnam par sprul pa byin gyis rlob pa zhes bya ba'i mtshan tsam thos pas rgyud 'di'i don thams cad go bar 'gyur te/ rnam par snang mdzad ces bya ba'i tshig gis bcom ldan 'das rnam par snang mdzad longs spyod rdzogs pa'i sku bsod nams dang ye shes kyi tshogs yongs su rdzogs pa/ thams cad mkhyen pa'i rang bzhin du shes so/ /mngon par rdzogs par byang chub pa zhes pa la/ mngon par

  7. 4a

    byang chub pa ni rang gi sems yang dag pa ji lta ba bzhin du shes pa ste/ de yang chos thams cad stong pa nyid nam mkha' lta bu'i mtshan nyid du thugs su chud pa'o/ /rnam par sprul pa zhes bya ba'i tshig gis kyang de ltar mngon par rdzogs par byang chub pa nyid kyi tshe na/ sngon gyi smon lam gyi shugs kyis chos nyid kyis thob pa lhun gyis grub pa nyid du sku mi zad pa'i rgyan gyis sus kyang zil gyis mi non pa nyid du khams gsum thams cad du khyab pa longs spyod rdzogs pa dang/ sprul pa'i sku la sogs pa ji ltar snod du gyur pa'i sems can la gang gis 'dul ba'i skus don mdzad pa ste/ sangs rgyas kyi skus 'dul ba'i sems can rnams la sangs rgyas kyi skur ston pa nas/ nyan thos dang/ rang sangs rgyas dang/ brgya byin dang tshangs pa la sogs pa'i gzugs kyis 'dul ba'i sems can rnams la de rnams kyi tshul bstan cing don mdzad pa dang/ de bzhin du gsung mi zad pa'i rgyan gyis kyang khams gsum thams cad du sangs rgyas kyi gsung dam pas khyab par chos ston pa dang/ de bzhin du thugs mi zad pa'i rgyan gyis kyang rnam pa dang bcas pa'i yid las byung pa'i dbang chen dang chu'i dkyil 'khor la sogs pa'i rnam par bstan par go pa'o/ /de bzhin du byin gyis rlob pa zhes pa'i tshig gis kyang de ltar rnam par sprul pa sku gsung thugs mi zad pa'i rgyan gyis khams gsum thams cad du

  8. 4b

    khyad par bstan pa de ni kun tu bzang po la sogs pa'i byang chub sems dpa' yongs su dag pa rnams kyi spyod yul du gyur gyi/ gdul ba'i 'gro ba 'og ma rnams kyi spyod yul du ma gyur pas/ sku la sogs pa mi zad pa'i rgyan de nyid gdul ba'i 'gro ba de rnams kyi don du'o/ /rgyud 'dir dkyil 'khor dang/ sngags dang phyag rgya'i sgo nas lus ngag yid kyi mtshan mar gyur pa bstan pa ste/ byin gyis rlob pa zhes pa ni dkyil 'khor dang/ sngags dang phyag rgya'i sgo nas lus ngag yid gsum gyi cha lugs dang/ rang bzhin du lhag par bzhag ces pa'i don to/ /de ltar rnam par snang mdzad mngon par rdzogs par byang chub pa rnam par sprul pa byin gyi rlob pa zhes pa don dang rjes su mthun pa'i mtshan tsam gyis mgo smos pas go ba'i gdul ba rnams kyis don 'di lta bur go ste/ de dag gi don du rgyud 'di'i mtshan nas smos par shes par bya'o/ /de ltar shes pa 'ba' zhig ma yin gyi /gzhan yang rgyud 'di'i 'brel pa dang/ brjod par bya ba bstan pa dang/ dgos pa yang bstan par shes par bya ste /rgyud 'di ni bcom ldan 'das rnam par snang mdzad kyi rang bzhin gyi dkyil 'khor sku mi zad pa la sogs pa'i rgyud dang 'brel par blta ste/ rang bzhin gyi dkyil 'khor 'di ni rgyud 'di'i rgyu yin la/ rgyud 'di ni de'i 'bras bur shes par bya ste/ de ni 'brel pa'o/ /de bzhin du rgyud 'dir dkyil 'khor dang/ sngags dang phyag rgya'i sgo nas lus dang ngag dang yis ji lta ba bzhin du bstan pas rang bzhin gyi dkyil 'khor gyi tshul ji lta bu yin pa rgyud 'dis mtshon par shes par bya ste/ de bas na rgyud 'di ni brjod par byed pa dang/ bcom ldan 'das kyi rang bzhin gyi dkyil 'khor ni brjod par bya ba'o/ /de la dogs pa ni rgyud 'dir ji skad du bshad pa'i rigs kyis sgrub pa'i spyod pas rang gi lhag pa'i lha mnyes par byas nas lha dang mi'i longs spyod dang ral gri dang/ rig 'dzin la sogs pa

  9. 5a

    mngon par mtho ba'i mtshan nyid thob pa ni dngos dang/ brgyud nas bcom ldan 'das rnam par snang mdzad kyi mkhyen rab dam pas/ bla na med pa'i thams cad mkhyen par gyur pa thob pa ni dgos pa de'i yang dgos par shes par bya'o/ /don rnam par phye bas go ba'i gdul ba rnams kyis ni/ don dang rjes su mthun pa'i mtshan tsam smos pas rgyud kyi don kun shes par mi nus te/ de bas na de dag gi don du rgyud kyi don rnams rnam par phye ste bshad pa ni/ rnam par snang mdzad kyi rgyu dang rang bzhin dang/ 'bras bu dang/ de'i mngon par byang chub pa'i rgyu dang/ rang bzhin dang/ 'bras bu la sogs pa bshad pa ste/ de la rnam par snang mdzad kyi rgyu bshad pa ni/ 'jig rten pa'i sems kyi rim pa brgyad la sogs pa dang/ mos pa spyod pa la sogs pa 'jig rten las 'das pa'i sa'i rim pas kun tu sangs rgyas pa'i sa'i bar du ni rnam par snang mdzad kyi rgyu bshad pa'o/ /rang bzhin bshad pa yang bcom ldan 'das rnam par snang mdzad kyi sku rnam pa bzhi'i mtshan nyid ni/ bcom ldan 'das rnam par snang mdzad kyi rang bzhin bshad pa ste/ gang gi phyir rgyud 'dir sprul pa'i sku rnam pa gnyis su brtags nas sku bzhir bshad pa yin no/ / lus dang ngag dang yid mi zad pa'i rgyan rnam par sprul pas khams gsum thams cad khyab pa/ sems can dang sems can ma yin pa'i lus la sogs par snod du gyur pa ji ltar snang ba der ni de'i 'bras bu bshad pa'o// myong par byang chub pa'i rgyu yang rgyu ni byang chub kyi sems so/ /rtsa ba ni snying rje chen po'o/ /mthar thug pa ni thabs so zhes pa la sogs pa'o/ /rang bzhin yang/ de la byang chub gnag zhe na/ gang rang gi sems yang dag pa ji lta ba bzhin

  10. 5b

    du yongs su shes pa ste/ zhes pa la sogs pa ji skad du gsungs pa'o/ /de bzhin du de'i rnam par sprul pa dang/ byin gyis rlob pa dag kyang bshad par bya ste/ zhib tu ni bsdus pa'i don nyid du bshad pas 'dir ma smos so/ /tshig lhur len pa'i gdul ba'i 'gro ba rnams kyis ni de ltar rgyu dang rang bzhin dang 'bras bu la sogs pa rnam par phyi ste bshad kyang tshig dang don rnams zhib tu mi go ste/ de bas na de dag gi don du tshig re res nas spros shing rgyas par bshad pa'i phyir/ bcom ldan 'das de bzhin gshegs pa byin gyis rlob pa zhes pa la sogs pa rgyud 'di'i thog ma nas mjug gi bar du spros te bshad pa yin no/ /de la bcom ldan 'das de bzhin gshegs pa byin gyis rlob pa rdo rje chen po rgya che ba la sogs pa rgyud 'di thams cad kyis bcom ldan 'das rnam par snang mdzad kyi phun sum tshogs pa rnam pa bcu gcig bstan pa 'di lta ste/ spong ba phun sum tshogs pa dang/ gnas phun sum tshogs pa dang/ 'khor phun sum tshogs pa dang/ ston pa phun sum tshogs pa dang/ mthu phun sum tshogs pa dang/ gzhan gyi don gyi thabs phun sum tshogs pa dang/ bcom ldan 'das rnam par snang mdzad kyi rgyu phun sum tshogs pa dang/ rang bzhin phun sum tshogs pa dang/ byang chub kyi rgyu phun sum tshogs pa dang/ rang bzhin phun sum tshogs pa dang/ byang chub kyi rnam par sprul pa byin gyis rlob pa phun sum tshogs pa'o/ /de la bcom ldan 'das zhes pa'i tshig gis spong ba phun sum tshogs pa ste/ nyon mongs pa dang shes bya'i sgrib pa thams cad spangs pa'i mtshan nyid do/ /gnas phun sum tshogs pa ni yon tan rnam pa brgyad dang ldan pa ste/ de la 'dir gnas phun sum tshogs pa brgyad ni 'di lta ste/ de bzhin gshegs pa thams cad lhag par gnas pa phun sum tshogs pa dang/ sra zhing rgya che ba phun sum tshogs pa dang/

  11. 6a

    byang chub chen po thugs su chud pa'i gnas phun sum tshogs pa dang/ rdo rje 'dzin pa'i byang chub sems dpa' chen po rnams mngon par 'du ba phun sum tshogs pa dang/ snga khang gi rtse mo rgya che ba phun sum tshogs pa dang/ kha dog phun sum tshogs pa dang/ dbyibs phun sum tshogs pa dang/ gdan phun sum tshogs pa rnams so/ /de la de bzhin gshegs pa'i byin gyis rlob pa zhes pa'i tshig gis de bzhin gshegs pa thams cad lhag pa gnas pa phun sum tshogs pa bstan pa'o/ /rdo rje chen po rgya che ba zhes pa'i tshig gis sra zhing rgya che ba phun sum tshogs pa'o/ /chos kyi dbyings kyi pho brang zhes pas ni byang chub chen po thugs su chud pa'i gnas phun sum tshogs pa'o/ /rdo rje 'dzin thams cad 'du ba zhes pas ni rdo rje 'dzin pa'i byang chub sems dpa' rnams mngon par 'du ba phun sum tshogs pa'o/ /de bzhin gshegs pa'i mos pas rnam par rol pa mdza' dang dpung med cing rtse mo mtho ba zhes pas ni snga khang gi rtse mo rgya che ba phun sum tshogs pa'o// rin po che'i rgyal pos shin tu legs par brgyan pa 'byung ba zhes pas ni kha dog phun sum tshogs pa'o/ /khang bzang chen po rin po che'i rgyal po'i zhes pas ni dbyibs phun sum tshogs pa'o/ /byang chub sems dpa' i lus kyi seng ge'i khri la bzhugs zhes pas ni gdan phun sum tshogs pa ste/ de dag ni phun sum tshogs pa rnam pa brgyad dang ldan pa ste gnyis pa'o/ /'khor phun sum tshogs pa ni rdo rje 'dzin nam mkha' dri ma med pa zhes pa nas kun tu bzang po dang/ byams pa dang/ 'jam dpal dang/ sgrib pa thams cad rnam par sel ba zhes pa la sogs pas rigs par bya te/ de dag gis bskor cing mdun du byas pa'o/ /ston pa phun sum tshogs pa ni lung dang rtogs pa'i chos ston pa ste/ de yang/ de bzhin gshegs pa'i nyi ma dus gsum las 'das

  12. 6b

    bar byin gyis brlobs nas/ sku dang gsung dang thugs mnyam pa nyid kyi gzhi zhes bya ba'i chos kyi sgo'i chos kyi sgo'i chos ston to/ /zhes pa'i tshig gis so/ /mthu phun sum tshogs pa ni 'jig rten dang 'jig rten las 'das pa'i rnal 'byor pa'i gtso bo rnams kyi ma thob pa'i rnal 'byor gyi sprul pa thob pa ste/ skabs der/ /de nas byang chub sems dpa' kun tu bzang po la sogs pa de dag dang/ gsang ba'i bdag po la sogs pa rdo rje 'dzin de dag bcom ldan 'das rnam par snang mdzad kyis byin gyis brlabs kyis sku mnyam pa nyid bkod pa mi thad pa'i mdzod rnam par bskyings pa la zhugs so/ /de bzhin gsung dang thugs mnyam pa nyid bkod pa mi zad pa'i mdzod rnam par bsgyings pa la zhugs te/ zhes bya bas gsungs so/ /gzhan gyi don gyi thabs phun sum tshogs pa ni/ skabs der thams cad du yang bcom ldan 'das rnam par snang mdzad kyi sku'i phrin las thams cad dang/ gsung gi phrin las thams cad dang/ thugs kyi phrin las thams cad sems can gyi khams thams cad la kun tu gsang sngags kyi tshul gyi tshig dag gis chos ston par mthong ba zhes pa ste/ de bzhin du thams cad mkhyen pa'i ye shes kyang lha dang bcas pa'i 'jig rten rab tu sim par bgyid pa lags na zhes bya ba'i bar gyis gsungs so/ /gzhan yang rgyud 'dir bshad pa thams cad kyis ji ltar rigs par bcom ldan 'das rnam par snang mdzad kyi rgyu phun sum tshogs pa dang/ rang bzhin phun sum tshogs pa dang/ de'i byang chub kyi rgyu phun sum tshogs pa dang/ rang bzhin phun sum tshogs pa dang/ byang chub kyi rnam par sprul pa byin gyis rlob pa'i rang bzhin phun sum tshogs pa ste/ sngar bshad zin pas 'dir ma bshad do/ /de lta bas na bcom ldan 'das rnam par snang mdzad kyi phun sum tshogs pa rnam pa bcu gcig gis ni rgyud 'di thams cad bsdus par lta'o/ /mdo sde dang rgyud gzhan dag tu 'di skad bdag gi thos pa 'byung pa/ rgyud

  13. 7a

    'dir ma smos pa ni ston pa dang/ dus dang/ gnas nges pa dang/ nyan pa dang/ sdud par mdzad pa'i byang chub sems dpa' kun tu bzang po dang/ phyag na rdo rje la sogs pa rtogs pa gtso bor gyur pa'i phyir 'di skad bdag gis thos pa ma smos te/ rgyud 'di bshad pa yang/ bcom ldan 'das rnam par snang mdzad longs spyod rdzogs pa'i sku mngon par byang chub pa'i sku'i byin gyis brlabs kyis byang chub kyi snying po na rtag tu bzhugs pas bshad de/ dus dang gnas de nyid de nges par bzhugs pas dus gcig gi tshe zhes pa ma smos so/ /nyan pa po yang kun tu bzang po la sogs pa de rnams thos pa snying por gyur pa ma yin gyi/ rtogs pa gtso bor gyur pas 'di skad bdag gis thos zhes ma smos so/ /mdo sde dang gzhung gzhan dag tu smos pa ni bcom ldan 'das longs spyod rdzogs pa'i sku dus dang gnas ma nges pa na yang bzhugs te/ bar bar ni 'og min gyi gnas na bzhugs shing chos 'chad/ res 'ga' ni ri rab kyi rtse mo na bzhugs shing chos 'chad pa dang/ de bzhin du sprul pa'i yang res 'ga' ni rgyal po'i khab na bzhugs/ res 'ga' ni mnyan du yod pa la sogs pa'i gnas na bzhugs shing chos 'chad pa de de ltar gnas dang dus ma nges pas dus gcig gi tshe na zhes smos la/ nyan pa po yang 'phags pa nyan thos la sogs pa thos pa snying por gyur pa ste/ rtogs pa gtso bor gyur pa ma yin pas na 'di skad bdag gis thos pa zhes smos so/ /bcom ldan 'das rnam par snang mdzad kyi phun sum tshogs pa rnam pa bcu gcig kyang rnam pa bzhir bsdus te/ bzhi gang zhe na/ skyes bu dang/ gnas dang 'khor dang dgos pa'o/ /de la bcom ldan 'das zhes pa ni nyon mongs pa dang shes bya'i sgrib pa bag chags yan chad dbyibs phyin par shes rab kyis gshig ste med par byas pa ni bcom pa'o/ /gnyis su na bdud rnams bcom pa

  14. 7b

    la yang bya ste/ mdor na nyon mongs pa dang shes bya'i sgrib pa spangs pa yang mngon par byang chub pa'i sku la bya ste/ des ni skyes bu'i che ba'i bdag nyid bstan pa ste/ skyes bu'i che ba bstan pa de yang chos nyan pa'i sems can chos kyi rjes su 'brang ba dang/ dad pa'i rjes su 'brang ba rnam pa gnyis las/ chos kyi rjes su 'brang ba ni 'chad pa'i skyes bu la mi rtog par chos bzang ngan la rtog pas der zad la/ dad pa'i rjes su 'brang ba ni 'chad pa'i skyes bu btsan pas de 'di la yid ches pa'i phyir dgos pa'i dgos par gyur pa'i skyes bu btsan pa de bstan to/ /gnas phun sum tshogs pa yang dad pa'i rjes su 'brang ba'i 'gro ba gzung ba'i phyir te/ gnas de lta bu na bzhugs pas bcom ldan 'das gyi che ba 'am btsun pa bstan pas so/ /'khor phun sum tshogs pa yang gcig pur mi bzhugs kyi 'khor de lta bus bskor cing bzhugs so zhes pas bcom ldan 'das kyi che ba'am btsun par bstan pa yin no/ /de'i skyes bu btsan par bstan pa na/ dad pas rjes su 'brang ba'i 'gro ba dogs pa med par skyes bu de lta bu la nyan par spro bas dad pa'i rjes su 'brang pa'i sems can gzud pa'i phyir bstan to/ /gnas bshad pa yang rnam pa gsum gyi phyir te/ skyes bu btsan pa dang/ gnas de lta bu'i yon tan sgrub pa pos rjes su dran par byas na 'grub pa'i phyir dang/ sangs rgyas dang byang chub sems dpas bcags pa'i gnas de mchod rten du 'gyur ba'i phyir ro/ /skyes bu btsan pa ni gong du bshad zin to/ /'khor phun sum tshogs pa yang rnam pa gsum ste/ /skyes bu btsan pa dang/ de lta bu'i byang chub sems dpa' dang rdo rje 'dzin nam mkha' dri ma med pa la sogs pa chos nyan pa dang 'dzin pa'i mchog tu bstan pa dang/ nyan pa'i mchog de dag bzhugs pas sdud par mdzad pa'i byang chub sems dpa' dbang du gyur par bstan pa'o/ /skyes bu ni sngar bshad zin to/ /dgos pa ni rgyud 'dir rnam par snang mdzad mngon par byang chub pa'i rgyud dang/

  15. 8a

    rang bzhin dbang chen dang tshul sogs pa'i dkyil 'khor sdud pa dang/ las bshad pa'i rim pa bzhin du sgrubs na mngon par mtho ba dang nges par legs pa'i bde ba thob par dgongs pa'i phyir ro/ /de ltar phun sum tshogs pa rnam pa bcu gcig po bzhi po 'dir bsdus so/ /de la bcom ldan 'das de bzhin gshegs pa byin gyis rlob pa zhes pa ni 'das pa dang ma 'ongs pa dang da ltar gyi de bzhin gshegs pa thams cad byang chub kyi snying po na gnas pa la bya ste/ byin gyis rlob pa zhes pa'i tshig ni gnas pa'i don to/ /skabs 'dir byang chub kyi snying po na 'das pa dang ma 'ongs pa dang da ltar gyi sangs rgyas thams cad gnas pas sangs rgyas mang po gnas par 'gyur ba'i dogs pa bsal ba la sogs pa ni bsdus pa'i don nyid du zhib tu bshad pas 'dir ma smos so/ /rdo rje chen po ni rdo rje de nyid phal pa ma yin gyi mchog gam dam pa la chen po zhes bya'o/ /rgya che ba ni rdo rje dang ldan pa'i khang pa de ni yangs shing rgya che ba 'am rdo rje dag nyid grangs mang ba la bya'o/ /chos kyi dbyings kyi pho brang zhes bya ba ni de la chos ni phung po dang khams dang skye mched do/ /dbyings ni rang bzhin te/ phung po la sogs pa'i chos kun rdzob pa'i mtshan nyid rigs pas brtag mi bzod pa ste/ stong pa nyid ni de dag gi rang bzhin te/ stong pa'i rang bzhin khong du chud pa ni pho brang ngam/ 'byung ba zhes bya'o/ /rdo rje 'dzin thams cad 'du ba zhes pa de la rdo rje ni yang dag pa ma yin pa'i lta ba 'joms pa'i shes rab ste/ shes rab de dang ldan pa'i byang chub sems dpa' ni rdo rje 'dzin pa'o/ /'du ba'i tshig ni gnas phun sum tshogs pa'i skabs su bshad zin to/ /rdo rje 'dzin ma yin pa'i byang chub sems dpa' yang der mi 'du ba ni ma yin mod kyi/ 'dir sngags bshad pa'i skabs yin pas rdo rje 'dzin pa

  16. 8b

    gtso bor smos so/ /rdo rje 'dzin pa yang rnam pa gsum gyi phyir 'dzin te/ so so'i rnam par thar pa'i sgo ston pa dang/ rig pa'i brtul zhugs dang/ mchod pa'i yan lag tu 'gyur ba'i phyir 'dzin pa'o/ /pha rol tu phyin pa las byung ba'i byang chub sems dpa' rnams kyi phyag rgya su ? la dang/ padmo la sogs pa 'dzin pa yang so so'i rnam par thar pa'i sgo ston par rig par bya'o/ /de bzhin gshegs pa'i mos pas rnam par rol pa zhes pa byang chub sems dpa' i spyad pa spyod pa na de lta bu'i gnas la sogs par mos shing smon pa las ji ltar smon pa bzhin du thob nas spyod pa ni rol pa'o/ /mdza' dang dpung med cing rtse mo mtho ba zhes pa ni mdza' gnyis dmigs su med pas na dbus kyang dmigs su med pa'o/ /rtse mo mtho ba ni de bzhin gshegs pa'i dbu'i gtsug tor dang 'dra ba ste/ rtse mo ltar mi snang ba la bya'o// rin po che'i rgyal pos shin tu legs par brgyan pa 'byung ba zhes pa ni kha dog phun sum tshogs pa ste/ snga khang de nyid rin po ches spras pa la bya'o/ /khang bzangs chen po rin po che'i rgyal po'i nang na zhes pa ni dbyibs bshad pa'o/ /byang chub sems dpa' i lus kyi seng ge'i khri la bzhugs zhes pa ni sngon gyi smon lam gyis seng ge'i lus su gyur cing seng ge'i khri byed pa 'am/ byang chub sems dpa' i lus nyid kyis bcom ldan 'das kyi gdan du/ byed de seng ge'i bya ba byed pa la bya'o/ /bcom ldan 'das gnas de lta bu na bzhugs ba yang 'khor byang chub sems dpa' rdo rje 'dzin nam mkha' dri ma med pa la sogs pa 'di rnams dang bzhugs te/ byang chub sems dpa' de rnams kyang don dang rjes su mthun pa'i mtshan can sha stag gzhung las 'byung bas bskor cing mdun gyis bltas pa la chos 'chad do/ /'di lta ste/ de bzhin gshegs pa'i nyi ma dus gsum las 'das par byin gyis brlabs nas/ sku dang gsung dang thugs mnyam pa nyid kyi gzhi zhes bya ba'i chos kyi sgo'i chos ston to/ /zhes pa chos kyang rnam pa gnyis te/ rtogs pa'i chos dang/

  17. 9a

    lung gi chos so/ /de la rtogs pa'i chos kyang rnam pa gnyis te/ don dam pa dang kun rdzob pa'o/ /don dam pa ni de bzhin nyid kyi mtshan nyid stong pa'i rang bzhin no/ /kun rdzob kyi chos ni de bzhin gshegs pa'i sku dang gsung dang thugs mi zad pa'i rgyan gyis khams gsum khyab par ston pa'o/ /lung gi chos ni mdo sde dang tshigs su bcad pa la sogs pa gsung rab yan lag bcu gnyis so/ /de rnams las gang bshad ce na/ skabs 'dir lung gi chos rgyud 'di nyid bshad pa ste/ de yang gang zhe na/ sku dang gsung dang thugs mnyam pa nyid kyi gzhi zhes bya ba'i chos kyi sgo'i chos ston to/ /zhes gsungs te/ de la sku dang gsung dang thugs mnyam pa nyid ces pa/ mnyam pa gsum gyis rig par bya ste/ bcom ldan 'das kyi sku dang gsung dang thugs kyi 'khor los sems can gyi lus dang ngag dang yid ji snyed pa de snyed du khyab pas mnyam pa nyid do/ /gnyis su na bcom ldan 'das kyi sku dang gsung dang thugs kyi 'khor lo sems can gyi don du sbyor ba na/ de bzhin gshegs pa'i sku'i 'khor los gsung dang thugs kyi bya ba yang byed/ /gsung gi 'khor los kyang sku dang thugs kyi bya ba yang byed/ thugs kyi 'khor los kyang sku dang gsung gi bya ba yang byed de/ de ltar mtshungs par byed pas na mnyam pa nyid do/ /gsum du na ni bzhin gshegs pa'i sku la sogs pa dang/ sems can gyi lus dang ngag dang yid stong pa nyid kyi rang bzhin du dbyer med cing ro gcig pas na mnyam pa nyid do/ /chos kyi sgo zhes pa ni de lta bu'i sku dang gsung dang thugs mnyam pa nyid kyi gzhi de bshad pas rtogs pa'i chos la 'jug par gyur pa'i sgo yin pas sgo zhes gsungs so/ /de bzhin du lung gi chos gzhan rnams kyang rtogs pa'i chos la 'jug pa'i sgo lta bur rig par bya'o/ /de la chos 'chad pa yang sku bzhi gang gis 'chad ce na/ chos kyi sku dang byang chub kyi snying po na bzhugs ba'i sku

  18. 9b

    ni ma g.yo ba nyid tshig tu brjod pa las 'das pas na tshig gis chos mi 'chad de/ de'i byin brlabs kyis longs spyod rdzogs pa dang/ sprul pa'i skus 'chad do/ de la skabs 'dir yang/ bcom ldan 'das rnam par snang mdzad longs spyod rdzogs pa'i skus/ sku dang gsung dang thugs mnyam pa nyid kyi gzhi zhes bya ba'i chos kyi sgo 'chad de/ de yang 'di lta ste/ de bzhin gshegs pa'i nyi ma dus gsum las 'das par byin gyis brlabs nas 'chad de/ chos kyi sku de nyi ma lta bur snang ba'i rang bzhin yin pas na/ de bzhin gshegs pa'i nyi ma zhes bya ba la/ chos kyi sku nyi ma dang zla ba la sogs pa'i dus las 'das te/ de bas na dus gsum las 'das pa zhes gsungs pa yin no/ /dus gsum las 'das pa ni/ /'das pa'i dus dang/ da ltar gyi dus dang/ ma 'ongs pa'i dus las 'das pa'i/ /de dag gis ni ston pa phun sum tshogs pa bshad pa yin no/ /mthu phun sum tshogs pa bshad pa ni/ gzhung las de nas byang chub sems dpa' kun tu bzang po la sogs pa de dag dang/ gsang ba pa'i bdag po la sogs pa rdo rje 'dzin de dag ces pa nas/ /gsang sngags kyi tshul gyi tshig rnam par dag pa'i tshig dag gis chos ston pa dag kyang mthong ngo zhes pa'i bar du 'byung ba ste/ de la bcom ldan 'das rnam par snang mdzad kyi byin gyis brlabs kyis sku mnyam pa nyid bkod pa mi zad pa'i mdzod rnam par bsgyings pa la bzhugs so zhes pa de la/ kun tu bzang po la sogs pa'i byang chub sems dpa' rnams sa bcu la sogs pa rab tu thob pa ni rang gi ting nge 'dzin dang/ rnam par thar pa'i sgo nas mthu dang/ rdzu 'phrul 'byin pa dang sangs rgyas kyi zhing rnam par brgyan pa la sogs pa byas pas mgu zhing de las gzhan pa'i bya ba med mnyam pa'i blo skye ba la/ /bcom ldan 'das rnam par snang mdzad kyi dpal be'u'i 'od mchog bkye bas byang chub sems dpa' de rnams kyi gtsug tu phog ste/ de'i byin gyis brlabs gyis kun tu bzang po la sogs pa

  19. 10a

    byang chub sems dpa' de rnams/ bcom ldan 'das rnam par snang mdzad kyi sku mnyam pa nyid bkod pa mi zad pa'i mdzod rnam par bsgyings pa la zhugs so/ /de bzhin du/ gsung dang thugs mnyam pa nyid bkod pa mi zad pa'i mdzod rnam par bsgyings pa la zhugs te/ de la mnyam pa nyid ni gong du bshad pa rnam pa gsum mo/ /bkod pa ni skabs 'dir rnam pa sna tshogs su blta'o/ /mi zad pa ni chos kyi sku'i byin gyis brlabs kyis sku la sogs pa de dag na ma 'khor ba yod kyi bar du gnas pa'o/ / mdzod ni bcom ldan 'das rnam par snang mdzad kyi sku 'di la bya ste/ sku de las ji ltar 'dul ba dang rjes su mthun pa'i sku la sogs pa'i 'khor lo zad mi shes pa 'byung ba'i phyir la/ sku la sogs pa'i 'khor lo de dag nyid sus kyang zil gyis mi non par rang gi bya ba la 'jug pas ni rnam par bsgyings pa'o/ /'on kyang bcom ldan 'das rnam par snang mdzad kyi sku 'am/ gsung ngam/ thugs la ni 'jug pa 'am ldog pa yang mi dmigs so zhes pa la 'ga' zhig rtog pa skye ste/ gdul bya'i 'gro ba ni rnam pa bzhi ste/ shes bya dang nyon mongs pa'i sgrib pa spangs pa'i rnam par rtog pa dar la tsam gyi sgrib pa'i lhag ma lus pa'i byang chub sems dpa' rnams dang/ mos pa rnam par dag pa spyod pa'i sa mngon du byas pa rnams dang/ nyan thos dang rang sangs rgyas nyon mongs pa'i sgrib pa spangs la/ shes bya'i sgrib pa ma spangs pa phyogs gcig pa rnams dang/ nyon mongs pa dang shes bya'i sgrib pa ma spangs pa'i 'gro ba sna tshogs pa rnams so/ /de bas na/ bcom ldan 'das kyi sku la 'jug pa dang log pa mi dmigs te/ rnam par mi rtog na yongs su dag pa'i byang chub sems dpa' rnams kyi spyod yul du 'gyur gyi 'og ma rnams spyod yul du 'gyur ram mi 'gyur snyam du dogs pa skye na/ de'i lan ni bcom ldan 'das mngon par byang chub pa nyid kyi tshe na rnam par mi rtog par sngon gyi smon lam gyi shugs dang/ chos nyid kyis lhun gyis

  20. 10b

    grub pa nyid du longs spyod rdzogs pa'i sku dang/ sprul pa'i skus ji ltar snod du gyur pa'i sems can gyi don thams cad du mdzad de/ de bas na gzhung las/ thams cad du yang bcom ldan 'das rnam par snang mdzad kyi sku'i 'phrin las thams cad dang/ gsung gi 'phrin las thams cad dang/ thugs kyi 'phrin las thams cad sems can gyi khams thams cad la kun tu gsang sngags kyi tshul gyi tshig dag gis chos ston par mthong zhes gsungs pa yin te/ de la mthong ba ni byang chub sems dpa' kun tu bzang po la sogs pa'i spyod yul du gyur pa ste/ de yang rnam pa thams cad du mthong ba ni ma yin mod kyi/ rang gi mthu dang spyod yul shas che chung gis bcom ldan 'das kyi sku la sogs pa'i 'khor lo mthong ba 'am rtogs pa la bya ste/ rnam pa thams cad du rtogs shing mthong na de bzhin gshegs pa dang bye brag med par 'gyur ba'i phyir ro/ /des na 'phags pa kun tu bzang po la sogs pa de rnams nyid bshad pa'i chos la 'jug pa'i zhar la/ sngags rgyud dang rtog pa la sogs pa'i chos kyi bdag nyid rnams la zhugs nas bshad pa'i chos kyi rim pa bsdud par mdzad pas ji ltar rjes su rtogs pa de bstan par yang gsungs pa yin te/ thams cad du yang bcom ldan 'das rnam par snang mdzad kyi sku'i 'phrin las thams cad dang/ gsung gi 'phrin las thams cad dang/ thugs kyi 'phrin las thams cad sems can gyi khams thams cad la/ kun tu gsang sngags bshad par bya ba ste/ thams cad du zhes pa la/ dus zhes khong nas dbyung ngo/ /de nas tshig gi don ni 'di lta ste/ sa dang pha rol tu phyin pa rdzogs pa'i dus dang byang chub thob pa'i dus su zhes pa'o/ /de ci 'dra ba zhig gis zhe na/ bcom ldan 'das rnam par snang mdzad kyi sku'i 'phrin las thams cad dang/ gsung gi 'phrin las thams cad dang/ thugs kyi 'phrin las thams cad ces

  21. 11a

    gsungs pa yin te/ de la 'dir/ sku'i 'phrin las la sogs pa'i tshig gis bcom ldan 'das kyis dang pha rol tu phyin pa rdzogs par byed pa dang/ de bzhin du byang chub thob pa'i rgyur gyur pa sku dang gsung dang thugs kyi bya ba ste nan tan no/ /des bcom ldan 'das kyi ye shes la mthu'i khyad par bsags pa gang yin pa de la 'phrin las zhes brjod do/ /de lta bu'i mthu'i mtshan nyid kyi las kyang dkyil 'khor gyi lha'i gzugs su gyur pa'i spyod pa ste/ sems can gyi khams thams cad la kun tu gsang sngags kyi tshul gyi tshig dag gis chos ston par mthong zhes gsungs pa yin no/ /de la sems can gyi khams thams cad la zhes pa ni/ 'jig rten gyi khams rab 'byams na 'gro ba rigs drug tu gtogs pa'i sems can las dang nyon mongs pa'i dbang gis che thob pa rnams la zhes dgongs so/ /kun tu zhes pa ni 'jig rten gyi khams rab 'byams thams cad du shes par bya'o/ /gsang sngags kyi tshul gyi tshig dag gis chos ston pa zhes pa/ de la shes pa dang skyab par ldan pa'i phyir sangs rgyas dang byang chub sems dpa' rnams ni sngags su gsungs la/ de dag gi rnam par thar pa'i sgo la sogs pa'i tshig rnams dang/ der byin gyis brlabs pa'i yi ge dang/ tshig rnams kyang sngags kyi tshig tu gsungs so/ /sngags de rnams kyi rgyud dang rang bzhin dang 'bras bu thob pa'i thabs lam ni tshul te/ de go zhing rtogs par byed pa'i chos kyi tshig go /de nyid la sngags kyi tshig ces kyang gsungs so/ /bcom ldan 'das kyi phrin las sngags la sogs pa'i lhar snang bar gyur pa de rnams kyis gsang sngags kyi tshul gyi mtshan nyid bshad pa'i chos ston par kun tu bzang po la sogs pa'i byang chub sems dpa' de rnams kyis mthong ngo zhes pa'o/ /'dis ni don rnam pa gsum gsungs pa yin te/ de bzhin gshegs pa'i sku la sogs pa'i 'phrin

  22. 11b

    las rnams kyi las kyi dkyil 'khor gyi lha'i gzugs su gyur pa dang/ de yang ji ltar snod du gyur pa'i gdul bya'i 'gro ba 'dul nus pas rjes su mthun pa dang de ston pa'i chos sngags kyi tshig tu'o/ /don 'di yang/ bcom ldan 'das kyis rgyud 'dir gzhung 'dis gsal bar bstan te de gsungs pa/ bcom ldan 'das kyi rang gi sku la sogs pa las kyi lha'i gzugs su gyur pa'i phyir de bzhin gshegs pa'i thogs pa med pa'i stobs bcu'i mos pa las du ma'i kha dog dang dbyibs su bkod pa'i bdag gi ngo bo bskal pa bye ba khrag khrig brgya stong dpag tu med par sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa'i bsod nams las grub pa'i lus 'byung ngo zhes pa la sogs pa'o/ /de yang bcom ldan 'das kyi sku la sogs pa'i las rnams lha la sogs pa'i gzugs su gyur pa de ni ci yang rung ba ma yin gyi/ sems can 'dul nus par snang ba'i rang bzhin kho na ste/ gang gsungs pa/ bcom ldan 'das snyoms par zhugs ma thag tu/ de nas de nyid kyi tshe/ sems can gyi khams ma lus pa nges par 'byung bar byed pa'i sgo /spu'i bu ga thams cad nas bsam pa ji lta ba bzhin las dang/ tshe dang rnam par smin pa'i 'bras bu za ba dang/ zar 'jug pa'i gzugs dang/ kha dog dang dbyibs dang/ nga ro dang/ 'gro ba dang/ spyod pa dang/ nges pa'i tshig brjod pa sems can thams cad so so so sor yang dag par mgu bar byed pa chos kyi dbyings kyis rnam par bskyed pa'i sku rnams byung bar gyur to/ /byung nas kyang nam mkha' dang mnyam pa'i 'jig rten gyi khams rab 'byams rnams su/ sgra dbyangs gcig gis chos kyi dbyings khyab par rnam par rig par byed pa/ de bzhin gshegs pa 'byung bar 'gyur ba'i tshigs su bcad pa 'di sgrig par gyur to zhes pa la sogs pa dang/ de bzhin du de dag

  23. 12a

    gis bshad pa'i tshig sngags la sogs par bya ba'i phyir dang/ de byin gyis brlab pa'i phyir gsungs pa/ ji ltar na de bzhin gshegs pa rnams gsang sngags kyi tshul yig 'bru dag tu byin gyis brlab ce na/ gsang ba pa'i bdag po de la de bzhin gshegs pa rnams kyis bskal pa bye ba khrag khrig brgya stong du mar yang dag par bsgrub pa'i bden pa'i tshig gang yin pa dang/ 'phags pa'i bden pa bzhi dang/ dran pa nye bar gzhag pa bzhi dang/ rdzu 'phrul gyi rkang pa bzhi dang/ de bzhin gshegs pa'i stobs bcu dang/ /pha rol tu phyin pa drug dang/ byang chub kyi yan lag rin po che bdun dang/ tshangs pa'i gnas pa bzhi dang/ sangs rgyas kyi chos ma 'dres pa bco brgyad gang dag yin ba dang/ gsang ba pa'i bdag po mdor na de bzhin gshegs pa rnams kyi thams cad mkhyen pa'i ye shes gang yin pa de thams cad de bzhin gshegs pa rnams nyid kyi bsod nams dang/ ye shes kyi stobs dang/ sngon gyi smon lam mkhyen pa'i stobs dang/ chos kyi dbyings kyi byin gyis brlabs kyi stobs kyis byin gyis brlabs nas sems can rnams la skal ba ji lta ba bzhin du gsang sngags kyi cho ga yang dag par rab tu ston to zhes pa la sogs pa'o/ /de la chos kyi sku rtog pa thams cad rab tu med par gnas pa las ji ltar na de bzhin gshegs pa de lta bu'i sngags kyi lha la sogs par 'byung bar 'gyur zhes 'ga' zhig smra na/ de'i phyir bcom ldan 'das kyis 'di gsungs te/ lus kyi bye brag ji snyed ba/ /brjod pa las ni mang du 'gyur/ /de bzhin sngags kyi mgon po yi/ /bye brag dag kyang grangs med gsungs/ /ji ltar yid bzhin nor bu ni/ /dpal ldan 'dod pa'i don bsgrub pa/ /de bzhin 'jig rten sgron ma yi/ /sku yang don rnams

  24. 12b

    thams cad sgrub /gsang ba pa'i bdag po chos kyi dbyings rnam par mi rtog pa ji ltar dgos pa thams cad mngon par sgrub ce na/ gsang ba pa'i bdag po 'di lta ste/ dper na nam mkha' i khams ni sems can yang ma yin/ srog kyang ma yin/ shed las skyes pa yang ma yin/ byed pa po yang ma yin/ tshor ba po yang ma yin/ gzung ba yang ma yin/ 'dzin pa yang ma yin zhing/ rtog pa dang rnam par rtog pa thams cad dang bral mod kyi/ 'on kyang sems can gyi khams ma lus pa rnam par 'gro ba dang 'ong ba la sogs pa thams cad byed de/ 'di la ni dog pa med do/ /de bzhin rnam par mi rtog pa'i/ /thams cad mkhyen pa gnas med 'di/ /'gro ba rnams kyi phyi dang nang/ /thams cad des pa nyid du sgrub/ /ces so gsung 'di la yang bcom ldan 'das kyi dgongs pa 'di lta bu yin par khong du chud de/ de bzhin gshegs pa chos kyi sku la rnam par gnas pa la rnam par rtog pa med kyang sngon gyi smon lam gyi shugs kyis lnga'i lus la sogs pa thams cad du rab tu snang na/ de la rnam par rtog pa'i go skab pa gal yod ces so/ /sems can las kyi tshe rnam par bskyed pa rnams zhes pa nas/ rnam par dag pa'i tshig dag gis chos ston pa dag kyang mthong ngo zhes pa'i bar bshad par bya ste/ de la rdo rje 'dzin pa dang/ kun tu bzang po dang/ phyag na padmo'i lus dang 'dra ba zhes pa ni/ bcom ldan 'das rnam par snang mdzad mngon par rdzogs par byang chub pa'i byin gyis brlabs kyis sems can las kyi tshe bskyed pa rnams dang/ las kyi tshe bkag pa rnams yang srid pa'i myu gu mngon par bskyed pa'i phyir chos 'chad do/ /de la las kyi tshe rnam par bskyed pa ni mos pas spyod pa'i sa na ga nas pa na sems gsum spyod ba dang sa bcu la sogs pa'i yon tan ji lta bu yin pa de nges par shes shing de la mos pas nyon mongs pa kun nas mi ldang bar rnam par mnan te/ sems sbyang ba la sogs pa'i dge ba'i las kyi dbang gis

  25. 13a

    ji ltar smon pa bzhin du brgya byin dang tshangs pa la sogs pa gang 'dod par skye ba ni/ las kyi tshe rnam par bskyed pa yin la/ de yang sems dang po bskyed pa nas sa bcu pa'i bar du'o/ /de la sems dang po bskyed pa ni sa dang po rab tu dga' ba la bya'o/ /las kyi tshe bkag pa ni 'phags pa nyan thos nyon mongs pa'i sgrib pa spangs pa rnams phung po lhag ma med pa'i mya ngan las 'das pa'i tshe padmo dam pa'i snying po la bskal pa brgyad cur gnas nas tshe de 'gog par byed pa de la byang chub sems dpa' de rnams kyi tshe 'gog pa de las bzlog ste yang srid pa'i myu gu bskyed nas sa bcu la 'jug pa dang/ rdzogs par bya ba'i phyir chos 'chad do/ /'di nyid la yongs su rdzogs par bya ba zhes pa ni/ sngags kyi tshig rnam par dag pa 'di nyid kyis shes par bya bar dgongs te/ sngags kyi tshig rnam par dag pa zhes pa ni phyag na padmo dang/ phyag na rdo rje la sogs pa'i sras su gyur pa'i sems can rnams dang/ las kyi tshe bkag pa'i sems can rnams ni sems can phal ba bzhin du nyon mongs pa'i dbang du mi 'gro la/ de rnams la chos bshad pa yang sa dang po nas brtsams nas sa bcu rdzogs par bya ba'i phyir rnam par dkar ba'i chos sha stag yin pas sngags kyi tshig rnam par dag pa'o/ /gzhung las/ de nas yang bcom ldan 'das gsang ba pa'i bdag po phyag na rdo rje 'khor 'dus pa de nyid na 'dug pas/ bcom ldan 'das la 'di skad ces gsol to zhes pa nas/ bcom ldan 'das ye shes 'di'i rgyu ni gang/ rtsa ba ni gang/ mthar thug pa ni gang lags zhes pa'i bar du 'byung ba la/ bcom ldan 'das kyi sku dang gsung dang thugs kyi 'phrin las las byung ba thams cad mkhyen pa'i ye shes de sems can rnams la rnam par phye ste tshul sna tshogs dang/ thabs sna tshogs kyis bshad pa de dag ji ltar mthong ba bcom ldan 'das la slar bzlas nas

  26. 13b

    thams cad mkhyen pa'i ye shes de'i rgyu dang rtsa ba dang mthar thug pa dris pa yin gyi/ ji ltar zhes pa dang 'og nas 'byung ba'i tshig rnams ni dri ba ma yin te/ de rnams bdag gis ji ltar rtogs pa rnams gsol nas/ thams cad mkhyen pa'i ye shes kyi rgyu dang/ rtsa ba dang mthar thug pa 'dri ba'i tshig spyir smos pa'o/ /de la bcom ldan 'das dang/ de bzhin gshegs pa ni gong du bshad la/ dgra bcom pa ni nyon mongs pa'i dgra bcom pa 'am/ mchod par 'os pa'o/ /yang dag par rdzogs pa'i sangs rgyas rnams kyis thams cad mkhyen pa'i ye shes brnyes nas zhes pa ni snying po byang chub na yang dag par bzhugs pa'o/ /rnam pa thams cad mkhyen pa'i ye shes ni kun rdzob dang don dam pa rnam pa gnyis te/ kun rdzob ni stobs bcu dang/ mi 'jigs pa bzhi dang/ sangs rgyas kyi chos ma 'dres pa bco brgyad la sogs pa rnam pa thams cad du mkhyen pa'o/ /don dam pa ni stong pa nyid du mkhyen pa'o/ /rnam par phye ste zhes pa ni so sor gshegs pa'i don te thams cad mkhyen par ro gcig tu gyur cing/ rdzogs pa'i mtshan nyid ni 'og nas 'chad do/ /mi dang lhar skye ba la sogs pa 'jig rten pa'i dpal bcu grub pa dang/ nyan thos la sogs pa thams cad kyang thams cad mkhyen pa'i cha'o/ /ji ltar zhe na/ 'jig rten pa'i bsod nams kyang thams cad mkhyen par 'gyur ba'i brgyud pa'i rgyu ste/ thams cad mkhyen pa'i cha shas yod pas na rgyur 'gyur la/ gzhan yang dngos dang brgyud pa nas brgyud pa'i rang bzhin yin par rig par bya'o/ /byang chub sems dpa' i spyad ba spyod pa na dge ba'i tshogs rnams thams cad mkhyen pa'i ye shes la bsags pa de lhun gyis sgrub pa nyid du sems can rnams la rnam par phye ba ni tshul la sogs pa sna tshogs su bstan pa ste/ de la tshul sna tshogs zhes pa ni kha cig la ni nyan thos kyi theg pa'i tshul zhes pa nas mngon par shes pa lnga'i tshul gyi bar te/ de rnams so so'i rnam par grol ba'i lam la bya'o//

  27. 14a

    bsam pa sna tshogs zhes pa ni kha cig la ni lhar skye bar bya ba zhes pa nas mi 'am ci'i bar du skye bar bya ba'i phyir chos ston zhes pa'i bar te/ de rnams su skye bar 'dod pa'i bsam pa dang rjes su mthun par chos 'chad pa la bya'o/ /thabs sna tshogs kyi tshul gyis chos ston zhes pa ni/ de la sems can la la sangs rgyas kyis gdul bar bya ba dag gis ni sangs rgyas kyi gzugs su mthong zhes pa nas spyod lam rnam pa sna tshogs su bzhugs par mthong la zhes pa'i bar te/ tshul sna tshogs dang bsam pa sna tshogs 'chad pa yang thabs yin mod kyi/ de dag nyid sangs rgyas la sogs pa'i skus sems can de dag gi rang rang gi skad kyi tshul du smra zhing/ so so'i spyod lam du rnam par gnas par ston pas na thabs kyi yang thabs su blta'o/ /spyod lam rnam pa sna tshogs su zhes pa ni sangs rgyas dang nyan thos la sogs pas 'dul ba'i sems can de dag gi spyod lam dang rjes su mthun pa'i gzugs su 'gyur zhing ston pa la bya'o/ /thams cad mkhyen pa'i ye shes de yang 'di ltar/ de bzhin gshegs pa'i rnam par grol ba'i ror ro gcig pa lags so zhes pa ni de ltar tshul sna tshogs dang/ bsam pa dang thabs sna tshogs kyi sgo nas rnam pa tha dad pa du mar spros pa yang/ thun mong du de bzhin gshegs pa'i rnam par grol ba/ nyon mongs pa dang shes bya'i sgrib pa spangs pa/ rtog pa'i bag chags kyi gnas las shin tu 'das pa'i mtshan nyid du ro gcig tu 'gyur ba ni/ dper na bu ram shing rnam pa mang po'i khu ba las bu ram du byas na bu ram shing de rnams kyis so'i ro dbyer med de/ ro gcig pa dang 'dra'o/ /bcom ldan 'das 'di lta ste/ dper bgyi na/ nam mkha' i khams ni rtog pa dang rnam par rtog pa thams cad dang bral ba ste zhes pa nas/ lha dang bcas pa'i 'jig rten rab tu sim par bgyid pa lags shes pa'i bar gyis ni thams cad

  28. 14b

    mkhyen pa'i ye shes de'i rang bzhin phun sum tshogs pa dang/ mngon par mtho ba'i gzhan gyi don phun sum tshogs pa dang/ spong ba phun sum tshogs pa dang/ nges par legs pa thob pa'i gzhan gyi don phun sum tshogs pa thob par dpe dag gis bstan te/ dpe dag gis thams cad mkhyen pa'i ye shes de sngon gyi smon lam gyi shugs kyis lhun gyis grub pa nyid du rnam par mi rtog mi dpyod par tshul sna tshogs la sogs pa'i sgo nas sems can gyi don bya ba byed par yang bstan to/ /de la nam mkha' i dpes ni rang bzhin phun sum tshogs pa bstan te/ nam mkha' ji ltar rtog pa dang dpyod pa'i bag chags kyi gnas med pa de bzhin du thams cad mkhyen pa'i ye shes de la rtog pa dang rnam par rtog pa med de/ rnam par rtog pa dang rnam par dpyod pa med ces pa'i don to/ /de la de ltar thams cad mkhyen pa'i ye shes rnam par mi rtog cing sems pa med pa yin na/ sems pa med par ji ltar lus la sogs pa'i rgyun 'byung zhing sems can gyi don byed snyam du dogs pa la/ sa'i dpes rnam par mi rtog bzhin du mngon par mtho ba'i gzhan gyi don phun sum tshogs pa byed par bstan te/ de las ni rtog pa dang rnam par rtog pa med bzhin du rtsa ba dang/ 'bras bu dang ma rtog la sogs pas sems can thams cad kyi gsos su 'byung bar byed do/ /de bzhin du thams cad mkhyen pa'i ye shes de yang rtog pa dang rnam par rtog pa med bzhin du sngags kyi lha la sogs pa'i sgor ston te/ sems can rnams kyis kyang sngags kyi lha la sogs pa bsnyen cing bzlas pa la sogs pa'i sgo nas mnyes par byas pas/ mngon par mtho ba'i mtshan nyid mi dang lha'i longs spyod la sogs pa thob par 'gyur ro/ /me'i dpes ni spong ba phun sum tshogs pa bstan te/ ji ltar mes rtsi shing la sogs pa thams cad bsregs kyang bsreg par 'gyur ba'i mthu mi zad do/ /de bzhin du thams cad mkhyen pa'i ye shes de yang mi shes pa'i bud shing thams cad bsreg ste/ rgyu'i tshe byang chub sems dpa' i spyod pas dang pha rol tu phyin pa la sogs pa'i rim gyis mi shes pa la sogs pa nyon mongs pa mi mthun pa'i

  29. 15a

    phyogs rnams sel zhing med par byed pa ni bud shing bsreg pa'o/ /gnyis su na 'bras bu'i tshe thams cad mkhyen pa nyid ni mi shes pa med pa'i mtshan nyid yin pas na/ mi shes pa'i bud shing bsreg pa'i rang bzhin no/ /des gong ma'i spong ba phun sum tshogs pa de nyid kyang des bag chags thams cad ma lus par spong ngo zhes rlung gi dpe 'og mas bstan te/ de bas na rlung gi khams ni rdul thams cad sel bar bgyid pa lags so zhes gsungs so/ /de la rdul ni phra ba'i mtshan nyid de/ de bzhin du thams cad mkhyen pa'i ye shes kyis mi shes pa'i bag chags phra mo'i mthar thug pa spangs pa la bya'o/ /chu'i dpes ni nges par legs pa'i gzhan gyi mthu phun sum tshogs pa bstan te/ ji ltar chu nges che ba la sogs pas gdungs pa'i sems can gyi lus sim par byed pa de bzhin du thams cad mkhyen pa'i ye shes de yang sems can thams cad kyi sdug bsngal dang/ 'dod chags la sogs pa'i nyon mongs pa rnams kyis gdungs pa zhi bar byed pa nges par legs pa'i mtshan nyid mya ngan las 'das pa la sbyor zhing rdzogs par byed pas na/ lha dang bcas pa'i 'jig rten rab tu sim par bgyid pa lags zhes pa'o/ /de dag ni thams cad mkhyen pa'i tshul sngan chad bcom ldan 'das kyis bka' stsal pa las/ phyag na rdo rje bdag nyid kyis 'di ltar rtogs so zhes gsol ba ste/ bdag nyid kyis rtogs par bstan pa yang chos gsung ba po spro ba bskyed pa'i phyir yin no/ /de dag gi rang bzhin de ltar rtogs mod kyi de dag gi rgyu gtso bo'i rgyu dang/ rgyu'i rgyu dang/ mthar phyin par byed pa'i rgyu gang lags? zhes dri ma pa ni/ 'di'i rgyu ni gang/ rtsa ba ni gang/ mthar thug pa ni gang lags zhes bya ba yin no/ /de la 'phags pa phyag na rdo rjes tshul sna tshogs la sogs pa dang/ de bzhin gshegs pa'i rnam par grol ba'i ror ro gcig par rtogs pa de ci rtogs pa'i shes rab gyis sam/ thos pa'i shes pa

  30. 15b

    kyis shes/ gal te rtogs pa'i shes rab kyis shes na ni de bzhin gshegs pa dang khyad par med la/ thos pa'i shes rab kyis shes na yang sems can tha mal pa dang 'dra bar 'gyur ro snyam du dogs na/ lan ni shes rab de gnyi gas shes pa la nyes pa med de/ bcom ldan 'das kyi sku mi zad pa'i rgyan la sogs pa la 'jug pa na rang gi mthu dang mtsham pa'i spyod yul shes kyi/ bcom ldan 'das ltar rnam pa thams cad du shes pa ni ma yin pas khyad par med par mi 'gyur la/ thos pa yang rtogs pa gtso bor gyur pa yin gyi/ sems can tha mal pa ltar thos pa tsam gtso bor gyur pa ma yin pas sems can tha mal pa dang khyad par med par mi 'gyur ro/ /gnyis su na rtogs pa'i shes rab kyis rnam pa thams cad du shes na yang nyes pa med de/ bcom ldan 'das kyi byin gyis brlabs kyis pha rol gyi sems shes pa bzhin du thams cad mkhyen pa'i ye shes kyi spyod yul rnam pa thams cad du shes par 'gyur ro/ /de la bcom ldan 'das la phyag na rdo rjes thams cad mkhyen pa'i ye shes de'i rgyu dang rtsa ba dang mthar thug pa dris pa la legs so zhes bya ba'i tshig lan gsungs pa las snga ma ni don bzang po dris bas mnyes te bstod pa'i tshig yin la/ gnyis pa ni dri ba'i tshig de nyid legs pa la bya zhing/ tha ma gcig ni phyag na rdo rje la bya ste/ de lta bu'i don bzang po dri zhing sems can la phan gdags pa'i phyir dris pa legs so zhes gsungs pa'o/ /shin tu legs par nyon la yid la zung zhig ces bya bas ni snod bzhi las bzlog par gsungs te/ nyon cig ces pa ni snod la spung pa las bzlog pa'o/ /legs? pa rags? pa ni snod glo rdol can las bzlog pa'o/ /shin tu zhes pa ni snod mi gtsang ba las bzlog pa'o/ /yid la zung zhig ces pa ni snod zhabs rdol las bzlog pa'o/ /rgyu ni byang chub kyi sems so/ /rtsa ba ni snying rje chen po'o/ /mthar thug pa ni thabs so zhes pa de la byang chub kyi sems la yang

  31. 16a

    rnam pa gnyis te/ byang chub kyi phyir sems dpa' dang/ byang chub kyi rang bzhin gyi sems so/ /byang chub kyi phyir sems pa ni smon pa dang 'jug pa'i sems dag kyang yin mod kyi skabs 'dir sa dang po'i byang chub kyi sems la bya ste/ sa dang po'i sems de mngon par byang chub pa'i snying por sbyor ba'i phyir ro/ /byang chub kyi rang bzhin gyi sems kyang 'di lta ste/ sa dang po'i byang chub kyi sems de ni chos thams cad mnyam pa nyid du rtogs pa'i rang bzhin yin pas mngon par byang chub pa'i sems dang rang bzhin gcig pa'i phyir ro/ /de lta bu'i byang chub kyi sems ni thams cad mkhyen pa'i ye shes kyi rgyu'i gtso bor rig par bya'o/ /snying rje ni rtsa ba ste/ sems can sdug bsngal bas gdungs pa las bral ba'i phyir snying rje'i sgo nas smon lam la sogs pa'i byang chub kyi sems skye ste/ de bas na snying rje de byang chub kyi sems kyi rtsa bar gyur pas na rgyu'i yang rgyur blta'o/ /gnyis su na thams cad mkhyen pa'i ye shes brtan par gnas par byed pa'i phyir rtsa ba zhes bya ste/ thugs rje'i gzungs kyis lhag mam lus pa'i mya ngan las mi 'da' bar dus thams cad du mi gnas pa'i mya ngan las 'das par gnas shing kun rdzob dang don dam pa'i ye shes brtan pa ste/ sdong po'i rtsa ba ltar brtan par byed pas na thams cad mkhyen pa'i ye shes kyi rtsa ba'o/ /mthar thug pa ni thabs so zhes pa la/ thabs ni sbyin pa'i pha rol tu phyin pa la sogs pa ste/ thams cad mkhyen pa'i ye shes rdzogs par sbyor ba'i mthar thug par de dag gis rton pas na mthar thug par blta'o/ /de la thams cad mkhyen pa'i rgyu byang chub kyi sems

  32. 16b

    so zhes bya na/ byang chub nyid gang yin mi shes pas bstan pa'i phyir/ gsang ba pa'i bdag po de la byang chub gang zhe na/ zhes bya ba nas 'di lta ste nam mkha' i mtshan nyid do zhes bya ba'i bar du gsungs pa yin no/ /gong du byang chub kyi sems thams cad mkhyen pa'i ye shes kyi rgyur bshad pa de'i byang chub kyi rang bzhin bshad pa la bya'o/ /gsang ba pa'i bdag po de la byang chub gang zhe na/ gang gi rang gi sems yang dag pa ji lta ba bzhin du yongs su shes pa ste/ zhes pa la/ gang zhe na zhes pa ni nyan thos dang rang sangs rgyas dang theg pa chen po'i byang chub rnams las gang yin zhes pa la mi bya'i byang chub de ci 'dra ba zhig yin zhes pa la bya'o/ /rang gi sems yang dag pa ji lta ba bzhin du yongs su shes pa ni sbyor ba'i sems kyis bum pa la sogs pa'i rnam par mthong ba de sems kyi skad cig ma phyi mas bum pa la sogs pa'i rnam pa de yang dag pa ma yin par sun phyung nas de ltar gzung ba'i cha sun phyung ste med na 'dzin pa'i cha yang yod pa ma yin te/ de ltar gzung ba dang 'dzin pa'i rang bzhin dang bral ba yongs su dag pa rnam pa med pa rang bzhin gyis dag par shes pa ni rang gi sems yang dag pa ji lta ba bzhin du yongs su shes pa'o/ /de bzhin du gzhung gzhan las kyang/ ye shes bzhi las mnyam pa nyid kyi ye shes ni byang chub tu bshad/ me long lta bu'i ye shes dang/ so sor rtog pa dang bya ba nan tan gyi ye shes ni thams cad mkhyen pa'i ye shes su bshad par rig par bya'o/ /de yang bla na med pa yang dag par rdzogs pa'i byang chub po zhes pa la/ bla na med pa ni byang chub de'i gong na de las lhag pa'i byang chub gzhan med pa'o/ /yang dag par byang chub pa ni phyin ci log par byang chub pa la bya ste/ nyan thos dang rang sangs rgyas

  33. 17a

    dag ni nyon mongs pa'i sgrib pa spangs kyang shes bya'i sgrib pa ma spangs pas phyogs gcig phyin ci log pa ni ma yin gyi/ nyon mongs pa dang shes bya'i sgrib pa gnyis ka spangs pas yang dag par byang chub pa'o// rdzogs par byang chub pa ni kun tu byang chub pa zhes bya ste/ shes bya dang nyon mongs pa'i sgrib pa'i bag chags kyi mthar thug pa ma lus par spangs pas na kun tu byang chub pa zhes bya'o/ /gnyis su na rang gi sems yang dag pa ji lta ba bzhin du yongs su shes pa ni kun rdzob dang don dam pa'i chos rnams rnam pa thams cad du spong bar shes pa la bya'o/ /gsang ba pa'i bdag po de la chos ni rdul tsam yang med cing mi dmigs so/ /zhes pa ni byang chub de la phung po dang khams dang skye mched dang gzung ba dang 'dzin pa'i chos kyi rang bzhin bag tsam yang med pas byang chub de nyid 'dzin pa'i rang bzhin du med cing dmigs su med do zhes pa ni dmigs pa'i yul ma yin pas gzung ba'i rang bzhin yang med do/ /de ci'i phyir zhe na/ byang chub de ni nam mkha' i mtshan nyid de zhes pa ni de la nam mkha' i mtshan nyid ni dag pa dang mi 'gyur ba dang stong pa la sogs pa'i mtshan nyid kyang yin mod kyi/ skabs 'dir gzung ba dang 'dzin pa rang bzhin med pa la bya ste/ de bas na de bstan pa'i phyir de la byang chub par byed pa yang med la/ byang chub bar bya ba 'ga' yang med do zhes gsungs te/ byang chub par byed pa ni 'dzin pa'o/ /byang chub par bya ba ni gzung ba ste/ byang chub de la gzung ba dang 'dzin pa gang yang med pa'i phyir ro/ /de ci'i phyir zhe na/ byang chub la mtshan nyid med pa'i phyir zhes pa ni byang chub de la sngon po dang ser po la sogs pa'i kha dog dang dbyibs

  34. 17b

    la sogs pa'i rnam pa'i mtshan ma med pa'i phyir ro/ /chos thams cad kyang mtshan nyid med ces pa la sogs pa la sems yang dag pa ji lta ba bzhin du yongs su shes pa de byang chub po zhes bshad na/ sems las gzhan pa'i chos de dag yang dag pa ji lta ba bzhin du shes pa ma yin nam zhe na/ ji ltar sems yang dag pa ji lta ba bzhin du yongs su shes shing mtshan nyid med pa la sogs par bshad pa bzhin du chos thams cad kyang mtshan nyid med de nam mkha' bzhin zhes pa'o/ /yang na chos thams cad mtshan nyid med pa nam mkha' i mtshan nyid de nyid byang chub mtshan nyid med pa'o zhes bshad do/ /de la chos ni sems las gzhan pa'i phung po la sogs pa'o/ /'di lta ste nam mkha' i mtshan nyid do zhes pa ni nam mkha' la mtshan nyid med pa'i phyir ro/ /de nas bcom ldan 'das la phyag na rdo rjes 'di skad ces gsol to/ /bcom ldan 'das thams cad mkhyen pa nyid ni gang nas yongs su btsal bar bgyi/ gang gis ni byang chub mngon par rdzogs par sangs rgya par bgyi lags zhes pa nas/ gsang ba pa'i bdag po 'di ni byang chub sems dpa' i byang chub kyi sems rnam par dag pa'i sgo zhes bya ba'i chos snang ba'i sgo chos snang ba'i tshul dang po ste zhes pa'i bar du thams cad mkhyen pa'i ye shes dang/ byang chub mngon par rdzogs par bya ba'i phyir 'jug pa'i thabs dris pa dang/ de gnyis rang gi sems las btsal pa'i thabs bstan pa la bya'o/ /de la thams cad mkhyen pa gang nas btsal ba dang/ gang gis byang chub mngon par rdzogs par 'tshang rgya zhes pa ni de la ji ltar 'jug ces dris pa'o/ /byang chub dang thams cad mkhyen pa nyid ni rang gi sems las yongs su btsal bar bya'o zhes pa ni nam rang gi sems nyid gzung ba dang 'dzin pa'i rang bzhin gyi rnam par rtog pa 'phro ba'i bag chags/

  35. 18a

    spangs te rnam par dag pa na/ rang bzhin gyis 'od gsal ba so so rang gi rig pa mi g.yo ba ye shes kyi snang ba'i mtshan nyid byang chub dang thams cad mkhyen pa'i rang bzhin du 'gyur zhes pa'i don to/ /sems la ji ltar brtags pas don de shes par 'gyur zhe na/ de la rtog pa'i gang zag kyang rnam pa gnyis te/ dbang po las 'das pa'i ye shes dang ldan pa sangs rgyas dang byang chub sems dpa' dang/ 'og ma'i lta ba can 'gro ba tha dad pa rnams so/ /de la 'gro ba tha dad pas brtag pa ni de ni nang na yang med cing phyi rol na yang med/ gnyi ga'i bar na yang mi dmigs so zhes gsungs te/ phyi ni gzung ba/ nang ni 'dzin pa/ bar ni de gnyis ka'i bar de na yang sems mi dmigs so zhes pa'o/ /dbang po las 'das pa'i ye shes dang ldan pa rnams kyis kyang sems kha dog dang/ dbyibs dang/ khams dang/ rgyud dang/ gnas pa ste rnam pa lnga'i dngos por ma dmigs te de bas na sngon por ma yin zhes pa nas lus la ma yin yid la mi gnas so zhes pa'i bar du gsungs te/ ma gzigs zhes pa ni 'das ba dang/ mi dmigs zhes pa ni da ltar gyi dus na yang ma gzigs pa'o/ /gzigs par mi 'gyur zhes pa ni ma 'ongs pa'i dus na yang gzigs par mi 'gyur ba'o/ /sngon por ma yin zhes pa nas shel gyi kha dog tu ma yin zhes pa'i bar du ni sems de kha dog gi rnam par mthong ba'i yul ma yin pa la bya'o/ /thung ngur ma yin zhes pa nas/ skyes par ma yin ma ning du ma yin no zhes pa'i bar du dbyibs kyi rnam par mthong ba ma yin pa la bya'o/ /'dod pa'i khams kyi rang bzhin ma yin/ gzugs kyi khams kyi rang bzhin ma yin/ gzugs med pa'i khams kyi rang bzhin ma yin zhes pa ni khams kyi rnam par mthong ba med pa la bya'o/ /lha dang klu dang gnod sbyin dang zhes pa nas/ sems can ris mthun pa'i rang bzhin yang ma yin no zhes pa'i bar du rgyud kyi rnam par mthong ba med pa la bya'o/ /sems

  36. 18b

    de ni mig la mi gnas zhes pa nas/ yid la mi gnas so zhes pa'i bar du dbang po drug la sems gnas par mthong ba med pa la bya'o/ /kha dog dang dbyibs la sogs pa de rnams kyi rnam par snang ba la sems de gzung ba dang 'dzin pa'i rang bzhin dang ma bral bas dri ma dang bcas pa yin te/ de ltar dri ma dang bcas pas na thams cad mkhyen pa'i ye shes ma yin no/ /de bas na dri ma de dag thams cad yongs su dag pa'i sems de ni thams cad mkhyen pa ste/ de'i phyir de/ ci'i phyir zhe na/ sems de ni nam mkha' i mtshan nyid de zhes gsungs te/ nam mkha' i mtshan nyid ni rtog pa dang rnam par rtog pa spangs pa ste nam mkha' i mtshan nyid de dang 'dra bas na/ de'i phyir rtog pa dang rnam par rtog pa thams cad dang bral ba'o zhes gsungs pa yin te/ rnam par rtog pa dang rnam par dpyod pa spangs pa zhes pa'i don to/ /de ltar na sems ni nam mkha' i mtshan nyid dang 'dra ba'i phyir byang chub kyang de nyid yin te/ nam mkha' i rang bzhin gang yin pa de ni sems kyi rang bzhin no/ /sems kyi rang bzhin gang yin pa de ni byang chub kyi rang bzhin te/ zhes gsungs pa yin no/ /de ltar sems dang byang chub rnams gzung dang 'dzin pa'i rang bzhin gnyis su med de/ gsang ba pa'i bdag po de ltar na sems dang nam mkha' i dbyings dang byang chub 'di ni gnyis su med de gnyis su byar med de zhes gsungs pa yin no/ /de yang snying rje'i rtsa ba can thabs kyi pha rol tu phyin pas yongs su gzung ba ste zhes pa ni de lta bu'i sems kyi rang bzhin gzung ba dang 'dzin pa'i bag chags kyang med pa byang chub dang thams cad mkhyen pa'i mtshan nyid de'i rtsa ba ni snying rje ste bstan par byed pa'o/ /de la sbyor bar byed pa'i thabs ni pha rol tu phyin pa ste/ yongs su gzung ba ni thams cad mkhyen pa'i ye shes de sbyong ba'i rgyur shes par bya'o/ /gsang ba pa'i bdag po de bas na rnam grangs 'dis kyang zhes pa nas/ rig par bya'o zhes pa'i bar ni gong ma byang chub gang zhe na/ gang rang gi sems yang dag pa

  37. 19a

    ji lta ba bzhin du yongs su shes pa'o zhes pa dang/ byang chub dang thams cad mkhyen pa nyid ni rang gi sems las yongs su btsal bar bya'o zhes gsungs pa dang/ sems de ni rang bzhin gyis yongs su dag pa yin te zhes pa la sogs pa gsungs pa de rnam grangs gcig ste/ gnyis ka yang byang chub dang thams cad mkhyen pa'i rgyu ston pa'i tshig gi rnam grangs su rig par bya'o/ /sangs rgyas bcom ldan 'das kyis rtogs pa'i chos dang lung gi chos byang chub sems dpa' i 'khor la gang dang gang bshad pa rnams ni tshig la sogs pa'i sgo tha dad kyang byang chub kyi sems rnam par dag pa dang/ rang gi sems yongs su shes par bya ba'i don rnam pa gnyis kyi phyir te/ gzhan gyi phyir du ni ma yin no/ /de bas na byang chub sems dpa' i 'khor gyi nang du chos gang dang gang ston pa de thams cad ni byang chub kyi sems yongs su dag par bya ba dang/ sems yongs su shes par bya ba'i phyir yin par rig par bya'o zhes gsungs pa yin no/ /de la byang chub kyi sems rnam par dag pa ni byang chub sems dpa' i sa dang por thob pa'i byang chub kyi sems de gzung ba dang 'dzin pa las rnam par grol ba'i phyir dag pa'o/ /sems yongs su shes pa ni gang sems kyi ngo bo shes pa de'i rgyus sa dang po thob par byed pa mos pas spyod pa'i dus kyi sems bskyed pa de la bya ste/ de dag gi phyir chos bshad ces pa'i don to/ byang chub kyi sems nyid la sbyor bar byed pa'o/ /de ltar sems yongs su gzung bar bya ba yang kha dog la sogs pa'i rnam par shes par bya ba ma yin gyi/ rnam pa'i rang bzhin thams cad las 'das pa'i rang bzhin du ste/ byang chub ni gzung ba dang 'dzin pa'i cha dang bral ba rnam par dag pa tsam gyi rang bzhin du yang ma yin te/ ji tsam du mtshan mar gyur pa de dag thams cad du rang gi sems de shes par mi bya zhing rtsal du mi rnyed par/ 'di lta ste/ rnam par ram/ kha dog tu 'am zhes pa nas/ rnam pa

  38. 19b

    thams cad kyi bar du yongs su btsal kyang mi dmigs pa yin te zhes pa'i bar gyis gsungs te/ kha dog dang dbyibs la sogs pa'i rnam pa dag re re nas smos pa yang gang dang gang la chags pa'i gnas rnams la rigs pa'i gzhung gis brtags na dngos po yod pa ma yin te/ kha dog dang gzugs la sogs pa de dag brtag pa yang kha dog dang gzugs la sogs pa de dag sems las tha mi dang de/ sems kyi snang ba yin na ni sems nyid kyang gzugs can du 'gyur la/ ji tsam du gzugs dang ldan pa de dag thams cad ni rdul phran gyi chas gzhigs na yod par mi 'gyur ro/ /kha dog la sogs pa de dag sems pas tha dad na yang de dag rdul phran gyi chas gzhigs na yod par ma grub pas gzugs med na gzugs kyi rnam par skye ba'i rnam par shes pa mi skye ste yod pa ma yin no/ /de bzhin du tshor ba la sogs pa gzhan yang phyi rol gyi yul sun phyung ste dmigs su med pas na/ yul med par sems dang sems las byung ba mi srid pas mi dmigs so/ /gsang ba pa'i bdag po 'di ni byang chub sems dpa' i byang chub kyi sems rnam par dag pa'i sgo zhes bya ba'i chos snang ba'i tshul dang po ste zhes pa ni mos pas spyod pa'i sa na sems de lta bu'i tshul du yongs su shes pa de ni sa dang po'i byang chub kyi sems dang/ mngon par byang chub pa dang/ thams cad mkhyen pa ste rnam pa gsum gyi rgyur bshad pa yin no/ /de las dang po'i byang chub kyi sems rnam par dag pa'i mtshan nyid la 'jug pa'i sgo yin pas byang chub kyi sems rnam par dag pa'i sgo zhes gsungs so/ /chos snang ba'i sgo zhes bya ba chos ni mya ngan las 'das pa gzung ba dang 'dzin pa dang bral ba ste/ snang ba ni mkhyen zhes pa'i don te snying po byang chub nyid yin la/ de 'thob pa'i rgyu 'am sgo yang sems yin zhes pa'o/ /chos snang ba'i tshul zhes pa la chos ni mya ngan las 'das pa ste

  39. 20a

    skad cig ma dang po la mnyam pa nyid kyi ye shes kyi mtshan nyid mngon par byang chub nas skad cig ma gnyis pa la me long lta bu dang/ so sor rtog pa dang/ bya ba nan tan gyi ye shes thams cad mkhyen pa'i mtshan nyid thob ste kun rdzob dang don dam pa'i tshul du thams cad mkhyen pa'o/ /dang po zhes pa ni skad cig ma dang po la byang chub thob pa la bya'o/ /gang la gnas na byang chub sems dpa' rnams tshigs chung ngus sgom pa thams cad spong ba'i ting nge 'dzin 'thob cing zhes pa la sogs pas ni de lta bur rang gi sems yang dag pa ji lta ba bzhin du yongs su shes pa la gnas pa'i rjes su bsngags pa gsungs pa yin te/ gang la gnas na byang chub sems dpa' rnams zhes pa ni rang gi sems gzung ba dang 'dzin pa la sogs pa'i rnam par mi mthong bas gnas pa la bya ste/ de ltar gzung ba dang 'dzin pa'i rang bzhin du ma mthong ba'i sems ni rnam par dag pa ste/ de ltar sems rnam par dag na lhun gyis grub pa nyid du nyon mongs pa'i sgrib pa dang las kyi sgrib pa dang/ skye ba'i sgrib pa la sogs pa thams cad spong ba'i gnyen por 'gyur ba'i ting nge 'dzin rab tu 'thob par 'gyur te/ de bas na tshegs chung ngus sgrib pa thams cad spong pa'i ting nge 'dzin 'thob cing zhes gsungs pa yin no/ /de lta bu'i sems rnam par dag pa la rab tu gnas par gyur na sgrib pa thams cad bsal bas sangs rgyas thams cad la mngon sum du chos nyan zhing bsnyen bkur byed pa dang mngon par shes pa lnga thob pa ste lha'i mig gis lam ring po na 'dug pa'i gzugs kyang ri dang rtsig pa la sogs pa la thogs pa med par mthong la/ lha'i rna bas lam ring po na 'dug pa'i sgra yang ri dang rtsig pa la sogs pas mi sgrib par thos shing/ gzhan gyi sems 'dod chags dang bcas pa 'am/ 'dod chags dang bral ba la sogs pa shes pa dang/ tshe rabs snga ma la yang ci byed pa dang gnas

  40. 20b

    gang na gnas pa rjes su dran/ rdzu 'phrul gyi rkang pa la sogs pa thob pa'o/ /mdza' yas pa'i mi dang lha la sogs pa'i tshig shes pa'i gzungs kyis mdza' yas pa'i bya ba la sogs pa'i dbyangs kyi nga ro las don ston pa'i gzungs dang/ 'brug gi sgra dang/ sems can ma yin pa'i sgra sa g.yo ba dang chu la sogs pa mdza' yas pa'i sgra las sgra de dag gis don ci ston pa rtogs pa'i gzungs thob ste/ sems can gyi bsam pa/ rjes su shes par 'gyur ro/ /de bzhin gshegs pa thams cad kyis byin gyis brlabs pas khams gsum du 'khor ba na yang thob pa'i chos las nyams par mi 'gyur ba dang/ ma thob pa yang thob par 'gyur zhing 'khor ba ji srid par sems can gyi don bya ba dag la yongs su skyo bar mi 'gyur ro/ /de'i phyir sangs rgyas thams cad dang lhan cig 'grogs pa 'thob par 'gyur/ mngon par shes pa lnga dag kyang 'thob par 'gyur/ skad dang sgra dang dbyangs mdza' yas pa'i gzungs kyang 'thob par 'gyur/ sems can gyi bsam pa rjes su shes pa dang/ de bzhin gshegs pa thams cad kyis byin gyis brlabs pas 'khor ba na yongs su mi nyams pa'i chos can du 'gyur/ sems can gyi don bya ba dag la yongs su skyo bar mi 'gyur ro zhes gsungs pa yin no/ /'dus ma byas pa'i tshul khrims la rab tu gnas pa zhes pa ni/ stong pa nyid rab tu rtogs pa la gnas pas stong pa nyid kyi dang tshul du gyur pa yin gyi/ sems can don byed kyi tshul khrims dang/ dge ba'i tshul khrims dang/ sdom pa la sogs pa kun rdzob kyi tshul khrims ni mi bya'o/ /log par lta ba rnam par spangs pa ni mu stegs pa'i lta ba rnams dang bral ba la bya'o/ /yang dag par ltar rtogs pa khong du chud pa ni de ltar log pa'i lta ba spangs pas yang dag pa'i lta ba rtogs pa zhes bya'o/ /gsang ba pa'i bdag po gzhan yang sgrib pa thams cad spong ba'i ting nge 'dzin 'di la gnas pa'i byang chub sems dpa' zhes pa ni de lta bu'i ting nge 'dzin sngar thob nas thod

  41. 21a

    pa tsam du ma zad kyi ting nge 'dzin nyid dang ldan par gnas pa la bya'o/ /mos pa'i stobs bskyed pas tshogs chung dus sangs rgyas kyi chos thams cad yongs su rdzogs par byed de zhes pa ni/ gzung ba dang 'dzin pa rab tu spangs pa rang bzhin gyis 'od gsal ba'i sems byang chub kyi mtshan nyid de lta bu la lhag par mos pa'i mthu bsags pas sangs rgyas kyi chos rtogs pa dang lung gi mtshan nyid dang/ pha rol tu phyin pa la sogs pa dang/ sku'i 'khor lo la sogs pa'i chos rnams ma bsgrubs kyang thob par 'gyur ba'o/ /gsang ba pa'i bdag po mdor na rigs kyi buAm/ rigs kyi bu mo de ni yon tan dpag tu med pa dang ldan par 'gyur ro zhes pa ni de lta bu'i ting nge 'dzin dang ldan pa'i rigs kyi bu 'am rigs kyi bu mo de dag gi yon tan so so nas brjod na bskal par yang mi rdzogs te/ brjod kyis mi lang bas tshad 'di tsam mo zhes gzung du med de/ mdor na yon tan dpag tu med pa dang ldan no zhes gsungs pa yin no/ /de nas yang bcom ldan 'das la phyag na rdo rjes 'di skad ces zhus pa zhes pa nas/ thug pa chen pos bstan du gsol zhes pa'i bar gyis ni/ gong du thams cad mkhyen pa'i ye shes kyi rgyu dang/ byang chub kyi sems kyi mtshan nyid zhib tu bshad de/ byang chub kyi sems de lta rtsal gnas pa'i ting nge 'dzin thob pa'i yon tan gyi tshad kyang yon tan dpag tu med pa dang ldan pa zhes gsungs nas/ de lta bu'i byang chub kyi sems ji ltar skye bar 'gyur ba dang/ byang chub kyi sems de'i mtshan nyid ci 'dra bar shes par bya ba la sogs pa dris pa sde/ de yang ji lta bu snyam na/ bcom ldan 'das ji ltar byang chub tu sems skyes pa zhes bgyi ba lags zhes pa la sogs pa ste spyid na skyes pa dang skye ba zhes bya ba gnyis te/ de la skye ba zhes bya ba ni ming tsam ste/ bu med la du

  42. 21b

    zhugs pa lta bu'o/ /skyes zhes bya ba ni skyes par btags pa'i don te dper na bu btsas pa dngos lta bu'o/ /de bas na byang chub kyi sems skye ba tsam dris pa ma yin gyi/ sa dang po'i sems byang chub kyi mtshan nyid du yongs su rdzogs par skyes pa dris pa la bya'o/ /byang chub tu zhes pa ni bla na med pa'i byang chub kyi phyir skye ba la bya ste/ de yang sa dang po'i sems kyi mtshan nyid bla na med pa'i byang chub dang rang bzhin gcig pa'o/ /sa gong ma la sogs pas rim gyis rdzogs par byed pa yang rang bzhin de las tha dad pa ma yin gyi/ rang bzhin de nyid la mi mthun pa dang/ gnyen po la sogs pa ldog pa'i sgo nas ming gzhan du btags pa tsam du zad de/ dper na gser nyid las rgyan la sogs par byas na rang bzhin gcig kyang ming gi rnam grangs mang por thogs pa dang 'dra'o/ /de bas na byang chub kyi rang bzhin sa dang po'i byang chub kyi sems de la bya ba yin gyi/ smon pa dang 'jug pa'i sems kyang byang chub kyi phyir sems pa yin mod kyi/ sa dang po'i byang chub kyi sems ltar bla na med pa'i byang chub dang rang bzhin mi gcig pas de dag la ni mi bya'o/ /yang rnam pa gcig tu na lan bka' stsal pa na/ sa dang po'i mtshan nyid kyi byang chub gsungs pas na gzhan ma yin par mngon no/ /byang chub 'byung ba'i sems skyes pa'i/ /mtshan nyid ji ltar 'tshal bar bgyi/ /zhes pa ni sa dang po'i byang chub kyi sems de las bla na med pas byang chub 'byung bas de ni byang chub 'byung ba zhes bya ste/ byang chub 'byung ba'i sems de skye ba'i mtshan nyid bsod nams chen po'i snying po nam mkha' bzhin du tshad med pa la sogs pa dris pa pa bya'o// sems mkhyen pa ni rnams kyi mchog /dpa' chen ye shes las 'byung ba/ /zhes pa ni bcom ldan 'das la yon tan gyi sgo nas bstod pa ste/ bcom ldan 'das ni 'jig rten dang/ nyan thos dang rang sangs rgyas rnams kyi sems mkhyen pa'i mchog yin

  43. 22a

    pa'i phyir dang/ longs spyod rdzogs pa'i sku de thams cad mkhyen pa'i ye shes las byung bas na ye shes las byung ba zhes gsungs so/ /ji snyed cig las 'das nas ni/ /skye bar 'gyur ba bstan du gsol/ /zhes pa ni 'jig rten pa'i sems grangs du zhig 'das nas byang chub kyi sems de skye zhes dris pa ste/ sems brgya drug po las 'das nas skye ba la bya ste/ sems skyes shes pa ma yin gyi skyes pa tsam la bya'o/ /mgon pos sems kyi mtshan nyid dang/ /dus kyang rgya cher bshad du gsol/ /zhes pa ni sems brgya drug cu po de dag gi mtshan nyid 'dod chags kyi sems dang/ zhe sdang gi sems dang zhes pa la sogs pa dang/ sems brgya drug cu po de dag las 'das nas skal ba la sogs pa ji srid cig na byang chub kyi sems de skye bar 'gyur zhes dus dris pa'o/ /de dag bsod nams ci 'dra dang/ /spyod pa ci 'drar 'gyur ba dang/ /zhes pa ni de lta bu'i byang chub kyi sems skyes pa de'i bsod nams ji lta bu dang/ spyod pa ci 'dra ba zhig spyad pas na byang chub kyi sems de thob ces pa'o/ /sems la sems kyi khyad par yang/ /thub pa chen pos bstan du gsol/ /zhes pa ni sems can dbang po rnon po chos la bdag med par rtogs nas 'jug pa dang/ 'bags pa nyan thos la sogs pa dbang po brtul po rgyun tu zhugs pa la sogs pa'i sa brgyad bsgoms nas 'jug pa'i khyad par dris pa la bya'o/ /de la sems zhes bya ba ni byang chub kyi sems spyi la bya'o/ /bcom ldan rnam snang mdzad chen gyi/ /zhes pa nas/ byang chub phyir ni dang por 'dod/ /ces pa'i bar gyis gong du phyag na rdo rjes dris pa'i lan bka' stsal pa ste/ bu zhes pa ni phyag na rdo rje chos kyi dbyings las skyes pa na bcom ldan 'das kyi bras so/ /char 'byung zhes pa ni sems rgyud kyi mtshan nyid/ sems kyi rgyud de las byang chub dang thams cad mkhyen pa'i ye shes chen po 'byung ba'i phyir ro/ legs

  44. 22b

    so zhes pa ni de lta bu'i don bzang po dris pa nyid legs pa dang/ phyag na rdo rje dga' ba bskyed pa'i phyir gsungs so/ /theg pa chen po'i go 'phang mchog/ ces pa ni sems kyi rgyud de theg pa gsum gyi nang na mchog ste dam pa'o/ /sems gyi rgyun gyi mtshan nyid ni/ /zhes pa ni yon tan gyi khyad par de lta bu dang ldan pa'i sems kyi mtshan nyid bshad kyis nyon cig ces sbyar ro/ /rdzogs sangs rgyas kyi gsang ba'i mchog/ ces pa ni de lta bu'i sems rnam par dag pa thams cad mkhyen pa dang mngon par byang chub pa'i rang bzhin de sems can phal cher gyi spyod yul ma yin pa dang/ snod ma yin pa la mi bstan pa'i phyir gsang ba zhes pa'o/ /rtog ge kun gyi mi shes pa/ /zhes pa ni stong pa'i mtshan nyid kyi sems de mngon sum dang rjes su dpag pa'i rigs pa'i sgo nas ji lta ba bzhin du mi rtogs pa'o/ /yid gcig bsdus la nyan par gyis/ /zhes pa ni ma yengs par nyon cig pa'o/ /sems ni brgya rtsa drug cu las/ 'das nas skye bar 'gyur zhes sbyar te/ 'jig rten pa'i sems brgya drug cu las 'das nas chos la bdag med par rtogs te mos pas spyod pa'i sa la sems gsum rnam par bsgom pa dang/ pha rol tu phyin pa rnams rnam par spyad pa dang/ bsdu ba'i dngos po rnam pa bzhi byas nas mos pas spyod pa'i sa las 'phar te/ sa rab tu dga' ba'i sems ye shes kyis la bzhugs pa la bya ste/ ji snyed cig las 'das nas ni skye bar 'gyur zhes dris pa'i lan no/ /bsod nams tshes zhes pa ni pha rol tu phyin pa la sogs pa'i bsod nams chen po'i rgyu las skyes pa'o/ /snying po ni phyin ci ma log par yongs su sgrub pa ste/ dper na tsan dan dang ser ldeng gi snying po ltar mchog dam pa la bya'o/ /byang chub nyid kyi phyir/ byang chub 'byung ba zhes sbyar te/ /bla na med pa'i byang chub thob pa'i phyir na byang chub kyi sems de las sems 'byung ba la bya'o/ /nam mkha' lta bur dpag med cing/ zhes pa ni byang chub kyi sems de'i yon tan

  45. 23a

    sogs pa tshad gzung zhing dpag tu med pa'am rnam pa med pas 'di tsam mo zhes tshad gzung du med de nam mkha' dang 'dra ba la bya'o/ /gos ba med pa ji bzhin gnas/ /zhes pa ni de lta bu'i sems nam mkha' i mtshan nyid la blo bur gyi nyon mongs pa'i bag chags kyis ma gos pa ste/ de ltar blo bur gyi nyon mongs pa'i mtshan ma'i dbang du ma gyur pas shin tu rnam par dag pa'i rang bzhin du gnas pa la bya'o/ /chos kun gyis ni mi bskul te/ /dpag med ye shes kyis bsgrubs pa/ /zhes pa ni byang chub kyi sems de tshad med pa'i ye shes las byung ba la bya'o/ /yang dag rdzogs sangs rgyas ston pa/ /zhes pa ni sangs rgyas dang byang chub sems dpa' la mchod pa byas pa dang/ sa dang pha rol tu phyin pa la sogs pa spyad pa las byung ste/ de'i spyod pa ci 'phrar gyur pa dang zhes dris pa'i lan no/ /byang chub phyir ni dang por 'dod/ /ce pa ni sa dang po'i byang chub kyi sems la bya ste/ de rnams ni byang chub kyi sems kyi rgyu dang rang bzhin bshad pa'o/ /gsang ba pa'i bdag po de la 'khor ba thog ma med pa nas/ byis pa so so'i skye bo rnams zhes pa nas/ 'jig pas stong nyid shes par bya zhes pa'i bar gyis bcom ldan 'das rnam par snang mdzad kyi rgyu bshad pa yin te/ rgyud yang rnam pa gnyis so/ /de la 'jig rten pa'i sems brgya drug cu la sogs pa ni rnam par snang mdzad kyi nye bar len pa'i rgyu'o/ /gzhan sa dang pha rol tu phyin pa ni lhan cig byed pa'i rgyu'o/ /de lta bas na so so'i skye bo la yang rnam pa gnyis te/ 'jig rten pa'i gzhung lugs shes pa dang mi shes pa'o/ /de la byis pa ni ngan par smra ba dang/ ngan par byed pa dang don par sems pa ste/ de dag ni rang gi gzhung lugs kyang mi shes pa'o/ /de las gzhan pa ni rang rang gi gzhung lugs shes pa 'phags pa'i lam thob pa la byas te/ de dag 'khor ba na sdug bsngal gsum gyis gdungs nas /

  46. 23b

    gdungs pa de las thar pa'i phyir bdag dang bdag gir brtags pa de dag la brten nas sbyin pa la sogs pa byas te thar par de ba'o/ /bdag dang bdag gi ba la mngon par chags nas bdag tu 'dzin pa grangs med pa la rtog pa de dag kyang bdag ces pa'i rang bzhin ci 'dra ba ma dpyad bar chags pa skye ba ni rang rang gi gzhung lugs mi shes pa'i byis pa rnams so/ /rang rang gi gzhung lugs shes pa de rnams kyang so so'i bdag tu brtags pa de la brten pa ni gzhan dag ni dus las byung ba dang zhes pa nas/ brjod par bya ba dang brjod par bya ba ma yin par rtog ste zhes pa'i bar du'o/ /de dag ni 'jig rten pa rnams kyi so so'i bdag tu brtags pa ste ji skad du mos pa'i bdag dang bdag gi ngo bo de dag gis bdag cag 'gro ba rnams bskyed de/ de dag nyid kyis 'jag par yang byed par rtog go /gsang ba pa'i bdag po bdag gi khyad par de lta bu la sogs pa zhes pa ni gong du smos pa'i bdag gi dngos po rnams la bya'o/ /thar pa 'dod pas zhes pa ni de lta bur bdag tu brtags pa nyid la brten nas thar pa re ba'o/ /rnal 'byor 'dod pa'i rnal 'byor pa dag gis zhes pa ni 'jig rten pa'i tshul du lus ngag yid gsum yul la 'jug pa las 'gog pa dang/ dngos po gang la dmigs pa de la sems rtse gcig tu dmigs pa 'am 'jog pa ni rnal 'byor te/ lus ngag yid gsum yul la mi 'jug par 'gog pa'i rnal 'byor 'dod pa rnams kyis de lta bu'i bdag rnams rab tu rtog pa la bya'o/ /byis pa so so'i skye bo phyugs dang mtshungs pa rnams zhes pa ni rang gi gzhung lugs mi shes pa la bya ste/ phyugs dang mtshungs pa zhes pa ni ngan par smra ba dang/ ngan par sems pa dang/ dran par byed pa'i dpe ste/ phyugs ni za ba dang/ g.yam pa dang 'jigs pa las bsam pa gzhan med de/ byis pa rnams kyang de lta bu'i mtshan nyid dang ldan pas phyugs dang mtshungs zhes pa'o/ /brgya lam na res 'ga' zhig la zhes pa de lta bu'i byis pa

  47. 24a

    phyugs dang mtshungs pa 'khor ba na 'khyams pa na chos kyi 'du shes 'byung ba ni dkon pa'i mchog ste/ chos kyi 'du shes skye ba yang smyang bar gnas nas bsod nams su 'gyur ba la bya ste/ smyang bar gnas pa de tsam gyis sems mgu ste sbyang bar gnas pa de de nyid la yang dang yang dus dus su sgom par byed de/ de bas na smyung bar gnas pa la gnas par bya'o/ /zhes de tsam zhig sems la byas nas mgu ba bskyed cing phyi phyir de nyid la goms par byed de zhes gsungs pa yin no/ /gsang ba pa'i bdag po de ni dge ba'i las skye ba'i sa bon lta bu ste/ sems dang po'o zhes pa ni sems bdun pa'i tshe tshul khrims bsrung ba'i dge ba 'byung ba'i sa bon du gyur pa la bya'o/ /de la 'ga' zhig smyung bar gnas pa ni rtul zhugs kyi mtshan nyid de nyon mongs pa'i phyogs gcig yin na ji ltar dge ba'i sa bon du 'gyur snyam du dogs pa skye ba la/ dogs pa bsal ba ni smyung bar byas pa'i 'og tu mchod pa dang sbyin pa'i sems 'byung ste/ smyung ba de ni sbyin pa la sogs pa'i dge ba'i de ma thag pa'i rkyen byed pas nyes pa med do/ /sbyin pa la sogs pa de dag kyang zag pa dang bcas pa'i dge ba la bya'o/ /de'i rgyu nyid kyis sbyin pa sbyin par byed de zhes sbyar te/ mtshan ma dang bcas pa'i nyi ma zhes pa ni smyung bar byed pa de nyid la goms par byed pa'i rgyus zla ba dang skar ma dang nyi ma la sogs pa bzang po'i nyin par pha ma la sogs pa'i gnyen rnams la sbyin par byed pa ni tshul khrims bsrung ba'i dge ba'i las 'byung ba'i myu gur blta'o/ /de nas gzhan yang sbyin pa de nyid mi shes bdag la yang sbyin par byed ces pa ni sbyin pa snga ma la goms pa'i mthus gnyen ma yin pa gzhan la yang sbyin pa ste/ de yang dge ba bcu'i las 'byung ba'i sdong bu lta bur blta'o/ /de nas gzhan yang sbyin pa de nyid snod du rung ba yongs su 'tshol zhing sbyin par byed de zhes pa ni pha dang ma dang mkhan po dang slob dpon dang bram ze rig

  48. 24b

    byed bzhi po rdzogs par shes pa la sbyin na de dag ni sbyin gnas te/ bsod nams mdza' med par 'gyur bas sbyin pa'i snod do snyam nas sbyin par byed pa de yang dge ba'i las 'byung ba'i rgyu ste lo ma lta bur blta'o/ /de nas gzhan yang sbyin pa de nyid bla ma 'am rol mo mkhan dag la dga' bzhin du sbyin par byed de zhes pa de ni sbyin pa de ni snga ma las rgya che ste/ snod la yang mi rtog par bla ma dang rol mo mkhan la sogs pa la la sems dga' bar sbyin pas dngos po la ma chags par sbyin pa ste/ de yang dge ba'i las 'byung ba'i rgyu ste me tog lta bur blta'o/ /de nas gzhan yang sbyin pa de nyid yid dga' bdag la sbyin par byed de zhes pa ni zas 'dod pa la zas/ gos 'dod pa la gos la sogs pa ci 'dod pa rnams sbyin pa bya ste/ de yang dge ba'i las 'byung ba'i 'bras bu lta bur blta'o/ /de nas gsang ba pa'i bdag po gzhan yang mtho ris su skye bar bya ba'i phyir tshul khrims bsrung ste zhes pa ni de lta bu'i sbyin pa rnams byas nas lus kyi las gsum dang/ dag gi las bzhi dang/ yid kyi las gsum gyi sgo nas mi dge ba 'byung ba spong ba'i mtshan nyid kyi tshul khrims bsrungs nas de'i 'bras bu mngon par mtho ba'i mtshan nyid lha la sogs pa'i longs spyod mtho ris su skye ba'i phyir te longs spyod de nyid gsos su 'gyur ba la bya'o/ /de nas yang gsang ba pa'i bdag po/ /gzhan yang sems de lta bu nyid kyis 'khor bar rgyu ba na/ dge ba'i bshes gnyen la la zhig las tshig 'di skad thos te zhes pa de lta bur sbyin pa byed cing tshul khrims bsrung ba la mkhan po'i 'jig rten pa'i gzhung lugs shes pa 'ga' zhig gis dge ba'i bshes gnyen byas te/ rang gi ston pa'i lha la rten du bcug pa ste/ dge ba'i bshes gnyen des kyang lha rnams kyi rang bzhin bstan pa ni/ lha 'di dag ni lha chen te/ /thams cad la ni bde ba ster/ /de la khyed kyis gus mchod dang/ /thams cad grub pa nyid du 'gyur zhes pa nas/ de bzhin lha dang drang srong mchog /rig byed rig byed skyes bu yin/ /zhes pa'i

  49. 25a

    par du'o/ /mkhas pa'i mchod pa gyis shig ces/ /zhes pa ni de ltar gong du ming gis smos pa'i lha de rnams gang la dad pa la ston pa dang mchod pa'i gnas su byas na lha de rnams kyis bde ba ster ba dang bsam pa thams cad 'grub par byed do zhes bstan pa'o/ /de las de 'dra'i tshig thos nas/ yid ni yang dag mgu gyur te/ /de tshe rab tu gus ldan pas/ /de dag la ni nan tan byed/ /ces pa ni de ltar dge ba'i bshes gnyen gyis lha rnams bstan pa thos nas byis pa de la yid mgu ba skyes te/ de nas lha de dag la rten pa dang mchod pa'i nan tan byed cing lha de rnams la rab tu dad pa dang ldan par 'gyur ba'o/ /gsang ba pa'i bdag po 'di ni byis pa so so'i skye bo 'khor ba na kun tu 'khyam pa rnams kyi dbugs phyin pa'i mchog yin te/ 'di ni stobs su gyur pa ste/ sems brgyad par rgyal ba rnams kyis bshad do/ /zhes pa ni de lta bu'i byis pa so so'i skye bo ma dad pa rnams 'khor ba na skyabs dang mgon med par 'khyams pa las dge ba'i bshes gnyen rnams kyis skyabs dang mgon de dag bstan pas byis pa de rnams kyis skyabs dang mgon rnyed de dbugs phyin pa ni brtan por gyur pas dge ba'i stobs su gyur pa'o zhes pa'o/ /de nas gsang ba pa'i bdag po/ /gzhan yang khyad par rtogs pa ji skad du yongs su bsgrags pa'i khyad par de dang de dag la khyad par du gnas pa rnams la 'ba' zhig pa nyid kyi don du blo skye zhing de yang yod yod do zhes stong pa nyid kho na la dngos por sems te/ sngar bdag gi ngo bo smos pa rnams dang/ ston pa'i lha rnams kyi rang bzhin ji skad smos pa bzhin du shes nas bdag tu brtags pa dang lha de rnams la brten te/ lha de rnams kyis bstan pa'i gzhung gis las dang nyon mongs pa spangs nas dang/ pa'i bdag tu rtog pa yin te/ dag pa de yang stong pa nyid mya ngan las 'das pa yin no snyam pa'i blo skye ba ste/ stong pa nyid la bde ba dang sdug bsngal myong bar byed pa'i rang bzhin gyi bdag ces pa'i dngos po nyungs 'bru tsam mam/ spu'i nyag ma la sogs pa tsam du yod par

  50. 25b

    rtog ste/ de dag ni byis pa so so'i skye bo rnams kyi bdag dang lha rnams la brten nas rang gi rnam par grol ba 'tshol ba'i ste/ rnam par grol ba'i tshol ba'i bde ba de yang bcom ldan 'das rnam par snang mdzad kyi brgyud pa'i rgyur blta'o/ /dbang phyug chen po dang tshangs pa la sogs pa'i lha de rnams kyang spyir sems can rnam pa gnyis te/ las las skyes pa dang/ ye shes kyi sems can no/ /de la skabs 'dir ni lha de rnams kyang byis pa so so'i skye bo 'khyams pa rnams la/ so so'i mya ngan las 'das pa'i lam ston pa bo ste/ lan ston pa yang bcom ldan 'das rnam par snang mdzad kyis mkhyen nas thob pa'i rgyur sbyor ba yin pas dbang po dang brgya byin la sogs pa'i lha de rnams bcom ldan 'das rnam par snang mdzad kyi sku las sprul pa'i ye shes kyi sems can du blta'o/ /gsang ba pa'i bdag po de dag gis ni stong pa nyid rab tu mi shes so zhes pa ni stong pa nyid la 'ba' zhig pa zhes bya ba'i bdag gi ngo bor brtags pas stong bar mi 'gyur te/ ji tsam du dngos por brtags pa de tsam du yod pa'i mdza' 'dzin pas stong pa nyid shes par mi 'gyur ro zhes pa'o/ /de bas na/ stong pa nyid ni dngos po yang ma yin/ dngos po med pa yang ma yin/ yod pa yang ma yin med pa yang ma yin gnyis ga yang ma yin te/ de la rtog pa 'am mi rtog pa yang med na/ de la ji ltar stong pa zhes brtag par bya zhes stong pa'i mtshan nyid phyin ci ma log par gsungs pa yin no/ /de yang dngos po yang ma yin zhes pa ni byis pa rnams kyis ji ltar bdag tu brtags pa'i dngos po ma yin pa'o/ /dngos po med pa yang ma yin zhes pa ni de lta bu yod pa'i dngos po spangs pa'i gzhan zhig kyang ma yin pa'o/ /yod pa yang ma yin zhes pa ni stong pa nyid la de lta bu'i dngos po med pa'o/ /med pa yang ma yin zhes pa ni stong pa nyid kyi rang bzhin du med pa ma yin pa'o/ /gnyis ka yang ma yin zhes pa ni yod med gnyis las gzhan na yang med pa'o/ /de la rtog pa

  51. 26a

    'am mi rtog pa yang med na/ de la ji ltar stong pa zhes brtags par bya zhes pa ni de ltar yod pa dang med pa ma yin pas stong pa nyid la dngos por brtag tu med ces pa'o/ /don 'di nyid tshigs su bcad pas gsungs pa/ gang dag stong nyid mi shes pa/ / de dag mya ngan 'das mi shes/ /de phyir dngos dang dngos med pa/ /'jig pas stong nyid shes par bya/ /zhes pa ste/ gang dag stong nyid mi shes pa zhes pa ni stong pa nyid la dngos por brtags par stong pa nyid kyi rang bzhin phyin ci ma log par mi shes pa ste/ de dag gis ni chos kyi dbyings zhib mya ngan las 'das pa rnams kyang shes par mi nus pa la bya'o/ /stong pa nyid ji ltar shes par bya zhe na/ dngos po dang dngos po med pas bsdus pa'i dngos po dang bral bas shes par nus te/ de bas na dngos dang dngos med pa/ /'jig pas zhes gsungs pa yin no/ /de nas yang bcom ldan 'das la phyag na rdo rjes gsol ba btab pa/ bcom ldan 'das sems kyi khyad par de dag bshad du gsol zhes pa ni lngar sems kyi khyad par brgya drug cu las 'das nas byang chub kyi sems skye'o zhes gsungs na/ sems kyi khyad par de rnams kyi mtshan nyid ji lta bu yin pa bshad du gsol zhes pa la bya'o/ /de skad ces gsol ba zhes pa nas/ nyon cig ces pa'i bar tdu gsol ba'i lan bshad par gnang ba'o/ /de dag bshad pa yang/ gsang ba pa'i bdag po/ /de la sems ni 'dod chags kyi sems dang/ 'dod chags dang bral ba'i sems dang zhes pa nas phug lta bu'i sems dang skye bar gyur pa'i sems so zhes pa'i bar ro/ /sems de rnams bshad pa yang ming dang/ mtshan nyid dang spong ba dang lam gyi sgo nas bshad par shes par bya la/ sems de rnams kyi rang bzhin yang rnam pa bzhi ste/ nyon mongs pa can dang/ dge ba dang mi dge ba dang/ lung du ma bstan pa'o/ /de la/ sems de rnams las 'da' bar bya ba yang/ spyir na sngags kyi sgo nas spyod pa la rnam pa gnyis te/ grub pa dang dam tshig can no/ /de la grub pa ni mos pas

  52. 26b

    spyod pa'i sa nas yid kyi rang bzhin gyi lus kyi gang du 'dod par 'phar bas rim pa dang bskal pa'i tshigs kyang med do/ /dam tshig can la yang rnam pa gnyis te/ dbang po brtul po dang/ rnon po'o/ /de la dbang po brtul po ni thog mar 'jig rten pa'i lam stong pa nyid la 'ba' zhig par blo skyes pa las 'phar nas gang zag la bdag med par rtogs te/ sems 'di rnams kyang sdug bsngal ba nyid dang/ mi rtag pa nyid dang/ stong pa nyid dang/ bdag med par rtogs te/ spong ba goms par byed na 'jig rten pa'i lam nas brtsams te bskal ba gsum gyi bar du gang zag la bdag med par bsgoms te/ de nas phung po la yong ngo snyam pa'i blo skye ba de yang sun phyung nas phung po la sogs pa sgyu ma dang smig rgyu lta bur chos la bdag med par rtogs te/ sems gsum sgom pa dang pha rol tu phyin pa la sogs pa rnam par spyod pa'i mtshan nyid mos pas spyod pa'i sa la 'jug go /dbang po rnon po ni thog ma nyid nas gang zag dang chos gnyi ga la bdag med par rtogs pas sems de rnams kyang sgyu ma dang smig rgyu'i tshul gyis spong zhing sems gsum po sgom pa dang/ pha rol tu phyin pa rnams rnam par spyod pa'i rim gyis mos pas spyod pa'i sa de bskal pa gcig gis rdzogs nas bskal pa de'i bzhi cha gcig gis ye shes kyis la 'jug go /mos pas spyod pa'i sa la zhugs nas ni dbang po rno rtul gnyis ka yang mos pas spyod pa'i sa de bskal pa gcig gis rdzogs par byed pa dang/ ye shes kyi sa la bzhi cha gcig gis 'jug par 'dra'o/ /sems kyi dngos po drug cu rnams las brgya drug cur 'phel ba yang sgrib pa'i cha phra rags gsum du phye ste gsum po de rnams re re zhing yang gsum gsum du phye bas rnam pa dgur blta'o/ / de la sgrib pa chen po'i chen po la sems gcig spong la chen po'i 'bring po la ni gnyis spong/ chen po'i chung ngu la ni gsum spong/ 'bring gi chen po la ni bzhi spong/ 'bring gi 'bring la ni lnga spong/ 'bring gi chung ngu la ni drug spong/ chung ngu'i chen po la bdun spong/ chung ngu'i 'bring la

  53. 27a

    brgyad spong/ 'og nas 'byung ba'i tshul gyis de ltar sems brgya drug cu mos pas spyod pa'i sa nas sbyong zhing mos pas spyod pa'i sa de rdzogs par byed do/ /de la dgu po rnams kyi tha ma chung ngu'i yang chung ngu ni mos pas spyod pa'i sa nas 'phar nas spong ste/ ye shes kyi sa la 'jug par shes par bya'o/ /de la 'dod chags kyi sems gang zhe na/ chags pa can chos kun tu bsten pa'o zhes pa ni 'dod chags dang ldan pa'i sems la bya ste/ de yang dge ba dang mi dge ba dang/ nyon mongs pa can dang/ lung du ma bstan pa'i chos rnam pa bzhi las ji ltar rigs par chags nas bsnyen pa la shes par bya ste/ lha la sogs pa la dad cing mchod par bya ba la zhen nas mchod pa la sogs pa'i las de dag byed pa ni chags pa can chos kun tu bsten pa zhes bya ste dge ba'o/ /de bzhin du bud med la sogs pa la zhon nas de'i bya ba byed pa ni chags pa can chos brtan pa ste nyon mongs pa can gyi sems so/ /ma byin bar len pa dang brdzun du smra ba la chos su zhen nas de dag gi bya ba byed pa ni chags pa can chos bsten pa ste mi dge ba'i sems so/ /bzo la sogs pa'i chos la zhen nas de dag gi bya ba byed pa ni chags pa can chos bsten pa ste lung du ma bstan pa'o/ /de ltar tshul 'dis sems gzhan rnams la yang ji ltar rigs par dge ba dang mi dge ba dang/ nyon mongs pa can dang lung du ma bstan par sbyar bar bya'o/ /'dod chags dang bral ba'i sems gang zhe na/ 'dod chags dang bral ba'i chos kun tu bsten pa'o zhes pa ni gong du smos pa'i chos rnam pa bzhi la ma chags pa 'am/ ma mos kyang chos nyid kyi spyod pa 'am/ gzhan gyi dbang du mi spyod bzhin du de dag gi bya ba byed pa ni 'dod chags dang bral ba'i chos kun tu bsten pa'o/ /zhe sdang gi sems gang zhe na/ sdang bas chos kun tu bsten pa'o zhes pa ni zhe sdang ldan pa'i sems te gong du smos pa'i tshul gyis dge ba dang mi dge ba la sogs par rig

  54. 27b

    par bya'o/ /byams pa'i sems gang zhe na/ byams pa dang ldan pa'i chos kun tu bsten pa'o zhes pa ni/ byams pa dang ldan pa'i sems te dge ba dang mi dge ba la sogs pa ni snga ma bzhin no/ /gti mug gi sems gang zhe na/ gang mi dpyod par chos bsten pa'o zhes pa ni gti mug dang ldan pa'i sems so/ /shes rab kyi sems gang zhe na/ khyad par las khyad par gzhan rtogs par bya ste chos bsten pa'o zhes pa ni shes rab dang ldan pa'i sems te/ khyad par las zhes pa ni shes rab thob pa las shes rab thob pa la bya'o/ /khyad par gzhan zhes pa ni shes rab de thob pa las shes rab mchog khyad par du rtogs pa la bya'o/ /gtan la phab pa'i sems gang zhe na/ bka' dang bla ma'i tshig bzhin byed pa nyid do zhes pa ni rgyal po la sogs pa'i bka' dang/ blon po la sogs pa'i lung mi byar mi rung ste/ nges par bya ba'i chos de byed pa'o/ /the tshom gyi sems gang zhe na/ ji ltar yongs su gzung ba nges pa dag la som nyi bsten pa dag go zhes pa ni the tshom dang ldan pa'i sems te sngar phyin ci ma log par zin pa la phyis bdag nyid kyis the tshom bslang ste/ dogs pa skye bar byed pa ni de'i chos la bsten pa'o zhes bya'o/ /mun par 'gyur ba'i sems gang zhe na/ som nyi med pa la som nyir shes pa'o zhes pa ni mun pa lta bu'i sems te ji ltar mun pa'i nang na bum pa la sogs pa yod kyang gsal bar mi snang bas yod dam med the tshom za ba ste/ de bzhin du dngos po phyin ci ma log pa la ma rig pa'i mun pas bsgribs pas the tshom skye ba'i sems ni mun pa dang 'dra'o/ /snang bar gyur pa'i sems gang zhe na/ som nyi med pa la som nyi med par bsten pa'o zhes pa ni snang ba'i rang bzhin du gyur ba'i sems te/ ji ltar nam mkha' snang ba la rdzas kyi dngos po gsal bar snang ba bzhin du snang ba'i rang bzhin gyi gzugs de yang sems des shes par bya ba'i dngos po the tshom med bzhin du spyod pa ni som nyi med par chos bsten pa'o/ /sdud pa'i sems gang zhe na/ du ma gcig tu byed pa'o zhes pa ni sdud pa'i rang bzhin gyi sems te phung po dang khams dang skye mched la sogs pa rang gi mtshan

  55. 28a

    nyid so so ba las stong pa dang bdag med pa la sogs pa spyi'i mtshan nyid du gcig tu sdud pa'o/ /'thab pa'i sems gang zhe na/ phan tshun rtsod pa nyid do zhes pa ni 'thab mo can gyi sems te/ mi mthun pa'i mu re re gzung zhing rtsod pa'i chos re re bsten pa'o/ rtsod pa'i sems gang zhe na/ gang bdag nyid dang bdag nyid du rtsod pa'o zhes pa ni rtsod pa'i rang bzhin gyi sems te/ gzhan dang phan tshun mi mthun pa'i phyogs gzung zhing mi rtsod par bdag rang gi sems la sun 'byin pa 'am dpyod pa lta bu'o/ /mi rtsod pa'i sems gang zhe na/ mnyam pas mtshungs par lta ba'o zhes pa ni rtsod pa med pa'i rang bzhin gyi sems te dngos po gang yang rung ba la gzhan dang lta ba mthun pas mtshungs pa spyod de rtsod pa med pa'i chos sten par byed pa'o/ /lha'i sems gang zhe na/ yid kyis bdag nyid la rlom sems su bye ba'o zhes pa ni lha lta bu'i sems sam/ lha'i phyir sems pa ste/ lha lta bur sems pa ni ji ltar lha rnams bdag ni lha yin no snyam du sems pa bzhin du sems de yang bdag nyid gang yin pa de yin no snyam du sems pa'o/ /lha'i phyir sems pa ni bdag gis lhad 'gyur bar bya'o snyam du sems pa'o/ /lha ma yin gyi sems gang zhe na/ gang 'khor ba nyid la smod pa'o/ /zhes pa ni lha ma yin lta bu'i sems te/ de ltar lha ma yin de la sogs pa'i dngos po thams cad la smod par byed pa de bzhin du sems de yang 'khor ba la smod par byed pa'i chos bstan pa'o/ / klu'i sems gar zhe na/ gang longs spyod chen po nyid du bya ba'i phyir sems pa'o zhes pa ni klu lta bu'i sems te/ ji ltar klu phyug po la mgo mang po yod de/ /mgo mang po de longs spyod che bar shes pa de bzhin du sems de yang longs spyod chen po la spyod pa'i chos bsten pa'o// de la klu'i mgo mang po longs spyod kyi dper ji ltar 'gyur zhe na/ rgya gar skad du longs spyod la b+ho ga /klu'i mgo la yang b+ho ga zhes bya ste/ skad kyang mthun la don du yang klu mgo mang po de phyug pas longs spyod chen po la spyod do/ /de bzhin du sems de yang longs spyod chen

  56. 28b

    po'i chos la bsnyen par byed pas klu lta bu'i sems zhes bya'o/ /mi'i sems gang yin zhe na/ de nyid kyi don du sems pa'o zhes pa ni mi'i longs spyod 'dod pa'i yon tan gyi chos la rten par byed pa'o/ /bud med kyi sems gang zhe na/ 'dod pa kho na'i phyir chos bstan pa'o zhes pa ni bud med lta bu'i sems te/ bud med ni 'dod chags kyi yul du gyur ba'i chos rnams 'thob par bya ba'i phyir chos de dag gi bya ba byed do/ /de bzhin du sems de yang 'dod pa'i yul rnams thob par bya ba'i phyir chos de dag la rton par byed do/ /dbang phyug gi sems gang zhe na/ gang bdag gis thams cad bsams so snyam du rlom sems su byed pa'o zhes pa ni dbang phyug lta bu'i sems te/ dbang phyug ni 'jig rten thams cad kyi skye ba dang 'jig pa ni bdag gis byas so bar sems so/ /de bzhin sems de yang bdag gis ma byas pa rnams kyang bdag gis byas so ba'i chos bsnyen par byed pa'o/ /dbang phyug ni lha chen po la bya'o/ /tshong pa'i sems gang zhe na/ gang bsdu ba byas te rnam par spel nas phyis bsten pa'o zhes pa ni tshong pa lta bu'i sems te/ tshong pa ni 'tshong zhing nyo ba'i chos rnams rin chung ba'i dus na ?ban bsdus nas nam rin che ba na de dag thams cad slar spel zhing 'tshong bar byed do/ /de bzhin du sems de yang sngar phung po dang khams dang skye mched kyi chos rnams mi rtag pa dang/ sdug bsngal la sogs pa'i chos kyis de rnams nyid ji ltar rigs par spong ba'i chos sten par byed pa'o/ /zhing ba'i sems gang zhe na/ gang thos pa rnam pa du ma tshol zhing phyis brten pa'o zhes pa ni zhing pa lta bu'i sems te/ sngar zhing thog rnams bsdus nas phyis zhing thog de rnams nyid la bza' ba dang btung ba la sogs pa'i bya ba byed do/ /de bzhin du sems de yang sngar chos rnams mang du thos par byas te bsags nas phyis ji ltar thos pa'i chos de rnams sems pa dang/ bsgom pa la sogs pa'i chos bsnyen par byed pa'o/ /chu bo'i sems gang zhe na/ gang mdza' gnyis la mi bltos shing bsten pa'o zhes pa ni chu bo lta bu'i sems ste/ chu bo ni mdza' gnyis

  57. 29a

    mi mtho bar dbus kyi gzhung bzhin las 'bab pa'o/ /de bzhin du sems de yang rtag pa dang/ chad pa'i mdza' gnyis spong bar byed pa'i chos bsnyen pa'o/ /yang na chu bo mdza' gnyis la bltos shing dbab pa de bzhin du/ sems de yang rtag pa dang chad pa'i mdza' gzung zhing de'i chos sten par byed pa la yang bya'o/ /lteng ka'i sems gang zhe na/ gang sred pas bsten pa'o zhes pa ni lteng ka lta bu'i sems te/ lteng ka de ni gzhan las 'bab pa'i chu rnams gsog la bdag las gar yang mi 'jig ste/ de bzhin du sems de yang gzhan gyi thams cad ni sdud la/ bdag las gang ci yang mi gtong ba'i chos bsten pa'o/ /khron pa'i sems gang zhe na/ gang mi zab pa la zab par sems pa'o/ /zhes pa ni khron pa lta bu'i sems te/ khron pa chus gang ba ni mi zab kyang gting dpag tu ni/ mngon pas zab pa dang 'dra ste/ de bzhin du sems de yang zab mo'i blo ma yin pa la zab snyam du sems pa'i chos bsten pa'o/ /kun tu bsrung ba'i sems gang zhe na/ 'di nyid bden gyi gzhan ni gti mug go snyam du sems pa'o zhes pa ni bsrung bar 'gyur ba'i sems te/ bdag gis ji ltar thos shing zin pa de nyid ma nor ba'o snyam nas brtan par gzung ste/ gzhan gyis zin cing rtogs pa de ma yin pa snyam du chos bsten pa'o/ /ser sna'i sems gang zhe na/ bdag nyid bsten cing gzhan la mi ster ba'o zhes pa ni ser sna can gyi sems la bya ste/ ji ltar glags pa'o/ /byi la'i sems gang zhe na/ gang mchod pa la bltos te bsten pa'o zhes pa ni byi ba la lta bu'i sems te/ byi ba la sogs pa 'dzin pa na mchod zhing mchod zhing 'dzin te/ de bzhin du sems de yang 'phags pa'i lam la sogs pa thob par byed pa na 'jug pa'i dus las 'phang ba ste/ rim pa nges 'phar ba'o/ /khyi'i sems gang zhe na/ gang chung ngus kyang mgu bar 'gyur ba'o zhes pa ni khyi lta bu'i sems te/ khyi ni chung dus kyang mgu ba'o/ /de bzhin du sems de yang gang yang rung ba'i dngos po chung ngu'i mgu bar byed pa'i chos sten

  58. 29b

    par byed pa'o/ /nam mkha' lding gi sems gang zhe na/ gang phyogs 'dzin pas chos na la brten pa'o zhes pa ni nam mkha' lding lta bu'i sems te/ nam mkha' lding ni klu la sogs pa 'dzin pa na 'dab mas rdob cing 'dzin te/ de bzhin du sems de yang gang bdag gi yin pa de'i phyogs 'dzin pa'i chos bsnyen par byed do/ /nam mkha' lding gis 'dra ba mas rdob cing sprul 'dzin pa de ji ltar phyogs 'dzin pa'i dper 'gyur zhe na/ rgya gar skad du 'dab ma la pak+Sha zhes bya/ phyogs la yang pak+Sha zhes bya ste/ de ltar skad cig la don du yang nam mkha' lding gis klu de bdag gir byed pa'i phyir 'dzin la/ phyogs su gyur pa yang bdag gir bya ba'i dngos po'i don la phyogs 'dzin pas mthun no/ /byi ba'i sems gang zhe na/ bcing ba thams cad bcad pa'i phyir sems pa'o zhes pa ni byi ba lta bu'i sems te/ byi ba ni bcings pa thams cad gcod cing grol bar byed pa'o/ /de bzhin du sems de yang 'dod chags dang zhe sdang dang gti mug gi chings ma dgrol ba'i chos bsnyen par byed pa'o/ /klu'i sems gang zhe na/ bdag gi dbyangs sgra sna tshogs kyi glus sems can rnams gzung bar bya'o snyam pa'o zhes pa ni glu lta bu'i sems te/ ji ltar glu des sems can rnams dga' zhing 'du ba de bzhin du sems de yang bdag gis gang dang rjes su mthun pa'i sgra skad kyi dbyangs mang pos sems can rnams gang la dang pa la gzung do snyam pa'i chos bsnyen par byed pa'o/ /gar gyi sems gang zhe na/ bdag gis rdzu 'phrul sna tshogs kyis gzhan dag yang dag par 'dzin du gzhug go snyam du sems pa'o zhes pa ni gang bya ba'i sems te/ gar zhes bya ba'i tshig ni lus g.yo ba'i don yin la/ gang gcig pur ma zad nam mkha' la 'gro ba la sogs pa'i lus kyi rdzu 'phrul thams cad kyang lus g.yo ba yin te/ de lta bas na lus kyi rdzu 'phrul de dag gis sems can rnams rdzu 'phrul sna tshogs la spyod par byed pa'i chos bsnyen pa'o/ /sil snyan gyi sems gang zhe na/ bdag gi chos kyi rnga brdung ngo snyam pa'o zhes pa ni sil snyan gyi phyir sems pa ste/ chos kyi rnga

  59. 30a

    bsgrags shing 'chad par bya ba'i chos bsnyen par byed pa'i sems so/ /khyim gyi sems gang zhe na/ bdag gis lus kun tu bsrung ba'i phyir bsten pa'o zhes pa ni khyim lta bu'i sems te/ khyim ni rdzas la sogs pa chung mi za bar bsdud? zhing skyong bar byed de/ de bzhin du sems de yang bdag gi lus bsrung ba'i chos bsten par byed pa'o/ /seng ge'i sems gang zhe na/ gang thams cad zil gyis gnon pas bsnyen pa'o zhes pa ni seng ge lta bu'i sems te/ seng ge ni bdag gi sgyu rtsal gyis byol song thams cad zil gyis gnon pa de bzhin du sems de yang bdag gis gang shes shing grags pa'i phyogs kyis gzhan rnams zil gyis gnon pa'i chos bsnyen pa'o/ /bya rog gi sems gang zhe na/ gang thams cad du skrag pas sems pa'o zhes pa ni bya rog lta bu'i sems te/ bya rog ni kun gyis 'jigs shing brtabs bzhin du rang gi bya ba byed de/ de bzhin du sems de yang gang gis dngos po dpyad pa thams cad la bag tsha zhing btabs pa'i chos sten par byed pa'o/ /srin po'i sems gang zhe na/ gang dge bas mi dge ba rnams sgrub pa'o zhes pa ni srin po lta bu'i sems te/ srin po ni sngon dge ba la sogs pa spyad pa'i rgyas bdag mthu dang ldan par gyur la/ mthu des gsod pa la sogs pa mi dge ba'i chos rnams spyod de/ sems de yang de lta bu'i chos bsnyen par byed pa'o/ /tsher ma'i sems gang zhe na/ gang thams cad du 'gyod pa sems pa'o/ zhes pa ni tsher ma lta bu'i sems te/ tsher ma ni 'dzugs shing gnod par byed pa'o/ de bzhin du sems de yang byas pa'i dngos po la 'gyod pa skye ste/ 'gyod pa de nyid yang dang yang du yid la byed cing

  60. 30b

    thug rdur gyur pa'i chos bsten pa'o/ /sa 'og gi sems gang zhen/ sa 'og gi don du sems pa'o zhes pa ni sa 'og gi phyir sems pa ste/ sa 'og tu song nas de'i bya ba byed pa'i chos bsnyen pa'o/ /rlung gi sems gang zhe na/ gang thams cad du thams cad sgrub pa'o zhes pa ni rlung lta bu'i sems te rlung ni res 'ga' me'i nang du zhugs/ res 'ga' chu la sogs pa'i nang du zhugs pa de bzhin du sems de yang res 'ga' dge ba'i nang du zhugs nas dkrugs te mi dge bar byed/ res 'ga' ni mi dge ba'i nang du zhugs te dge par byed de/ mdor na kun gyi nang du 'jug la kun la yang mi gnas par byed pa'i chos sten par byed pa'o/ /chu'i sems gang zhe na/ gang mi dge ba'i sems thams cad bkru ba'i phyir bsten pa'o/ /me'i sems gang zhe na/ gang dga' thub nyid kyis gdung bar byed pa'o zhes pa ni me lta bu'i sems te/ me ni rang gi tshe bas gdung bar byed de de bzhin du sems de yang rang gi dka' thub kyi lus dang sems gdungs shig smra 'bab par byed pa'i chos bsnyen pa'o/ /me dka' thub kyi dper ji ltar 'gyur zhe na/ rgya gar skad du/ che ba la ta ba zhes bya/ dka' thub la yang ta ba zhes bya ste skad mthun pas dper bya'o/ /'dam gyi sems gang zhe na/ gang bdag gi nyes pas gzhan la skur pa'o zhes pa ni 'dam lta bu'i sems te/ 'das ni bdag gi ngo bo ngan pa de gzhan la bsgom nas chags par byed do/ /de bzhin du sems de yang rang gi nyes pa gzhan la gos par byed pa'i chos bsnyen par byed pa'o/ /rnyog pa'i sems gang zhe na/ gang pha rol gyi nyes pa 'dzin pas sems la rnyog pa skyed pa'o zhes pa ni rnyog pa lta bu'i sems te/ gzhan du nyes pas bdag gi sems 'khrug par byed pa'o/ /tshon rtsi'i sems gang zhe na/ gang de la chags pa nyid du bsten pa'o zhes pa ni tshon rtsi lta bu'i sems te/ tshon dkar po 'am dmar po la sogs pa'i kha dog ni gang la bskus pa de tshen de nyid kyi rang bzhin du 'gyur te/ de bzhin du sems de

  61. 31a

    yang dngos po gang bsam pa de la zhen nas ji ltar bsam pa de'i rang bzhin du 'gyur ba'i chos bsnyen pa'o/ /shing leb kyi sems gang zhe na/ gang dge ba gzhan spong bas bsten pa'o zhes pa ni shing leb lta bu'i sems te/ shing leb ni mtshon la sogs pa gzhan rnams kyis mi bigs par skyob pa'i bya ba byed do/ /de bzhin du sems de yang dge ba gcig spyad pas dge ba gzhan sgrib par byed pa'i chos bsnyen par byed pa'o/ /nor ba'i sems gang zhe na/ gzhan gzung zhing gzhan kho nar sems pa'o zhes pa ni nad pa'i rang bzhin gyi sems te/ gang gi dngos po zin te nod nas gzhan yin snyam du sems pa'o/ /dug gi sems gang zhe na/ gang shin tu dngos po med pa nyid sems pa'o zhes pa ni dug lta bu'i sems te/ dug ni gang gis zin na shi ste med par 'gyur ba'o/ /de bzhin du sems de yang gang lta ba la sogs pa'i nyon mongs rnams spangs nas slar mi skye bas med par byed pa'o/ /zhags pa'i sems gang zhe na/ gang thams cad du bdag nyid bcings shing 'dug pa'o zhes pa ni zhags pa lta bu'i sems te/ zhags pa ni 'ching ba'i bya ba byed do/ /de bzhin du sems de yang bdag nyid 'ching bar byed pa'i chos sten par byed pa'o/ /lcags sgrog gi sems gang zhe na/ gang rkang pa gnyis pa 'dug ste sems pa'o zhes pa ni lcags sgrog lta bu'i sems te/ lcags sgrog ni rkang pa gnyis 'dzin par byed de/ de bzhin du sems de yang yod pa dang med pa'i tshig gi mdza' gnyis 'dzin pa'i chos bsnyen pa'o/ /de la lcags sgrog gi rkang pa gnyis 'dzin pa sems kyis mdza' gnyis su 'dzin pa'i dper ji ltar 'gyur zhe na/ rgya gar skad du/ rkang pa la yang pa'ang zhes bya/ tshig la yang pa'ang zhes bya ste mthun no/ /sprin gyi sems gang zhe na/ gang chu dag la sems pa'o zhes pa ni sprin lta bu'i sems te/ sprin ni chu 'du zhing chu'i bya ba byed de de bzhin du sems de yang chu'i bya ba byed pa'i chos

  62. 31b

    bsnyen pa'o/ zhing gi sems gang zhe na/ rang gi lus nyid yongs su spyod par byed pa'o zhes pa ni zhing lta bu'i sems te/ zhing ni 'bru la sogs pa skye bar bya ba'i phyir rmos la sogs pa'i byi dor gyi las byed do/ /de bzhin du sems de yang bdag gi lus bzang nges? bya ba'i phyir khrus dang byug pa dang/ rgyan la sogs pas bdag gi lus rgyan par byed pa'i chos bsten pa'o/ /lan tshwa li sems gang zhe na/ gang zhig gang gis sems par byed pa de la yang sems par byed pa'o zhes pa ni lan tshwa lta bu'i sems te/ bum pa la sogs pa'i snod kyi nang du lan tshwa bzhag na snod de yang lan tshwas zos nas bya ste rdol ba dang lan tshwa'i ror 'gyur ro/ /de bzhin du sems des kyang gang gi dngos po la dmigs shing rtog la/ rtog pa'i sems de nyid kyis skad cig mi phyi ma'i cha la rtog pa de sun phyung nas med par byed pa'i chos bsnyen par byed pa'o/ /spu gri'i? sems gang zhe na/ gang rab tu byung ba tsam la bsten pa'o zhes pa ni spu gri lta bu'i sems te/ spu gri ni rab tu byung ba'i skra 'dreg pa tsam gyi bya ba byed de/ rab tu byung ba las gzhan nan tan ni mi byed do/ /de bzhin du sems de yang rab tu byung ste skra brigs nas rab tu byung ba tsam la gnas kyi/ rab tu byung ba'i bslab pa'i nan tan tshul khrims bsrung ba la sogs pa mi phyed pa'o/ /ri rab lta bu'i sems gang zhe na/ gang mtho bar gyur nas sems pa'o zhes pa ni ri rab lta bu'i sems te/ ri rab ni dpag tshad stong phrag brgyad cur gyen du mtho zhing 'phags te/ de bzhin du sems de yang bdag gi yon tan gyis kun nas 'phags so snyam nas 'gying zhing che bar byed pa'i chos bsnyen par byed do/ /rgya mtsho lta bu'i sems gang zhe na/ gang rang gi lus nyid la mchog tu 'dzin cing 'dug pa'o zhes pa ni rgya mtsho lta bu'i sems te/ rgya mtsho ni rang gi rlabs kyis bdag nyid la rlob cing reg par byed pa'o/ /de bzhin du sems de yang bdag nyid kyi lus la mi rtag pa dang stong pa la sogs pa rtog go /phug lta bu'i sems gang zhe na gang sngar nges par gyur pa la phyis de nyid kyis 'gyur bar ston pa'o zhes pa ni phug lta bu'i

  63. 32a

    sems te/ phug ni sgo nas chu bur nges pa las phug gi nang ni sgo las rnam pa du mar che bar 'gyur ro/ /de bzhin du sems de yang sngar bdag nyid tshul khrims dang/ yon tan dang ldan par nges par gnas pa las tshul khrims dang yon tan de nyid kyis dregs nas de'i gzhis nga rgyal byed cing 'gyur ba'o/ /de la skye ba gyur pa'i sems gang zhe na/ gang gi sems gang kho na dang skyes pa de kho na dang lhan cig 'gro ba'o zhes pa ni skye ba gyur pa'i rang bzhin gyi sems te/ sngon dge ba dang mi dge ba gang yang rung ba la spyad pa'i bag chags yod pas gang du skyes na yang bag chags de nyid dang lhan cig tu skye'o/ yang na sngon gyi dge ba dang mi dge ba'i las gang yang rung ba'i rnam par smin pa'i 'bras bu mi 'dra ba'i skye ba rnyed nas de lta bu dang lhan cig tu skye ba ste/ dper na tshe rab snga ma la srog gcod pa goms shing mang du byas pas tshe phyi ma la nad mang zhing tshe thung bar 'gyur ba ste/ de bzhin du dge ba la yang ji ltar rigs par sbyar bar bya'o// //'jig rten pa'i sems brgya drug cu bskal pa gsum gyi 'das nas 'jig rten las 'das pa'i sems skye ste zhes pa la/ 'jig rten las 'das pa'i sems kyang rnam pa gnyis te/ gang zag la bdag med par rtogs pa'i sems zag pa mod pa rnam pa dang bcas pa'i sems dang/ chos la bdag med pa rtogs pa'i sems zag pa med brtsam pa med pa rang bzhin gyis 'od gsal ba ste/ de la skabs 'dir 'jig rten las 'das pa'i shes pa ni gang zag rnams kyis shes par nus sam zhe na/ de ni rtog ge ba de dag gis ni mi nus te/ de bas na/ rtog ge kun gyis shes par dka' zhes gsungs pa yin no/ / sangs rgyas rnams kyis sngon bstan pa'o zhes pa ni de ltar rtog ge pa rnams kyis kyang shes par mi nus na sus shes par nus she na/ rtog ge ba rnams kyi spyod yul ma yin gyi sangs rgyas bcom ldan 'das rnams kyis mkhyen te gsungs pa'o zhes pa'o/ /

  64. 32b

    sangs rgyas rnams kyis sngon zhes pa ni da ltar 'ba' zhig gis bshad pa ma yin gyi/ sngon gyi sangs rgyas rnams kyis kyang tshul 'di ltar mkhyen nas bshad pa'o zhes pa ste sangs rgyas bcom ldan 'das rnams mkhyen pa gcig par bstan pa'o/ /de ci'i phyir zhe na/ bsod nams dang ye shes kyi tshogs dang/ chos kyi sku dang 'gro ba'i don mdzad par gcig pas mnyam pa nyid kyi phyir ro/ /nyes pa thams cad rnam spangs pa zhes pa ni de ltar zab cing zhi ba'i gang zag la bdag med par rtogs pa de nyon mongs pa dang nye ba'i nyon mongs pa dang bral ba'o zhes pa'o/ /gsang ba pa'i bdag po des 'jig rten las 'das pa'i sems la gnas pa rnams la yang phung po la yod snyam pa'i blo nye bar skye'o zhes pa ni de ltar gang zag la bdag med pa rnam pa dang bcas pa zab cing zhi ba 'jig rten las 'das pa'i sems la gnas pa na gong du smos pa'i tshul gyis phung? po tsam zhig yod par rtog gi /gang zag la ni bdag med par rtogs te de ni bskal ba gsum gyis rdzogs par 'gyur ro/ /phung po dag la 'dod chags dang bral ba bskyed pa zhes pa nas rnal 'byor pa dang?/ bskal pa gcig gis 'da' bar byed do zhes pa'i bar ni de ltar phung po la spyid brtags te/ brtags pa na de la dngos po yod do snyam du blo skyes pa de phung po so sor phye ste sun byung ba na gzugs kyi phung po ni dbu brdos pa 'dra ste/ ji ltar dbu ba la so sor gzhigs na dbu ba la snying po med pa bzhin du phung po de yang bshig ste so sor brtags na kha dog dang dbyibs la sogs pa chos so so ba rnams kyi rang gi mtshan nyid tsam du zad kyi phung po zhes bya ba'i dngos po gang yang med par shes so// de bzhin du tshor ba ni chu'i chu bur dang 'dra ste/ phyung ma thag tu zhig cing med par 'gyur ba mi rtag pas 'dug pa'i gnas med pa la phung por brtags pa'i dngos po gang yang med par shes so/ /de bzhin du rnam par shes pa'i phung po yang so sor bshig na rnam

  65. 33a

    par shes pa ni sgyu ma dang 'dra ste/ ji ltar sgyu ma'i bal glang la sogs te de dag la bal glang yod pa ma yin gyi/ de dag gi rang bzhin ni sman dang shing bu la sogs par zad do/ /rnam par shes pa'i phung po yang de dang 'dra ste/ phung por brtags pa'i dngos po yod pa ma yin gyi/ de ni rnam par shes pa'i rang bzhin tsam du zad do/ /'du shes kyi phung po yang so sor gzhigs na smig rgyu dang 'dra ste/ ji ltar sgom pas gdungs pa'i skyes bus smig rgyu la chung mthong mod kyi/ de la chu'i dngos po yod pa ma yin te/ smig rgyu'i rang bzhin tsam du zad do/ /'du shes kyi phung po yang de dang 'dra ste/ 'du shes kyi phung por brtags pa'i dngos po yod pa ma yin gyi/ de ni mtshan mar 'dzin pa'i rang bzhin tsam du zad do/ /de bzhin du 'du byed kyi phung po yang chu shing gi snying po dang 'dra ste/ kun tu grags pas 'dir ma smos so/ /de ltar phung po de yang dbu pa la sogs pa'i dpes sun phyung nas phung por brtags pa'i dngos po yod par mi 'gyur te/ so so'i mtshan nyid du zad do/ /de ltar phung por yod par ma grub na khams dang skye mched rnams kyang phung po las gzhan ma yin pas khams dang skye mched du brtags pa'i dngos po yod pa ma yin gyi/ de rnams chos so so'i rang bzhin tsam du zad do/ /gzung ba dang 'dzin pa yang ste/ gzugs kyi phung po ni gzung ba'i dngos por brtags/ ?? la sogs pa phung po bzhi ni 'dzin par brtags pa'i dngos po yang yod pa ma yin te/ chos so so ba'i rang bzhin tsam du zad do/ /de ltar phung po la 'dod chags dang bral ba'i sems bskyed nas dbu ba la sogs pa'i rang bzhin du bshig cing bsgoms pas phung po la yod do snyam pa'i phung por 'dzin pa'i blo skyes pa de las kyang grol bar 'gyur te/ de bas na/ nam phung po dag la 'dod chags dang bral ba bskyed pa de'i tshe dbu ba dang/ chu'i chu bur dang/ sgyu ma dang smig rgyu dang mtshungs par bsgom pas rnam par

  66. 33b

    grol bar 'gyur te zhes gsungs pa yin no/ /de ltar phung po las rnam par grol nas phung po la sogs par brtags pa'i mtshan nyid chos rnams kyi ngo bo'i rang bzhin tsam 'ba' zhig yod par rtog pa gzhung las gsungs pa/ 'di lta ste phung po dang khams dang skye mched dang/ gzung ba dang 'dzin pa rnam par spangs pa chos nyid kyi rang gi ngo bo zhi ba'i dbyings rtogs par 'gyur ro zhes pa ste/ de la phung po dang khams dang skye mched dang gzung ba dang 'dzin pa rnam par spangs pa zhes pa ni gong du phung po la sogs par brtags pa'i dngos po sun phyung ba'i tshul gyis chos nyid kyi rang gi ngo bo sngon po la sogs pa'i rnam pa la brtags pa'i dngos por yod pa ma yin pas rnam par spangs pa'o/ /de bas na gzung ba dang 'dzin pa rnam par spangs pa zhes pa yang gzugs kyi phung po la gzung bar brtags pa dang/ tshor ba la sogs pa'i phung po bzhi la 'dzin pa'i dngos por rnam par brtags pa'i rnam par spangs pa la bya'i/ chos la bdag med par rtogs pa'i mtshan nyid gzung ba dang 'dzin pa rnam par spangs pa la ni mi bya'o/ /chos nyid kyi rang gi ngo bo zhes pa de la chos ni phung po la sogs pa'o/ /de rnams kyi ngo bo chos nyid kyi rang gi ngo bo ste/ de yang sngon po dang dmar po la sogs pa'i rang bzhin rnams so/ /de ltar sngon po dang dmar po la sogs pa'i rang bzhin tsam 'ba' zhig yod kyi phung po la sogs pa'i dngos por brtags pa'i dngos po med par rtogs pa ni zhi ba'i dbyings rtogs pa zhes bya ste/ zhi ba zhes pa ni sems kyi rgyud de la phung po la sogs par brtags pa'i 'khrul pa med pas zhi ba'o/ /dbyings ni rang bzhin no/ /? pa ni de lta bu'i tshul du khong du chud pa'o/ /gsang ba pa'i bdag po/ /'jig rten las 'das pa'i sems phyin ci log dang/ phyin ci ma log pa'i sems kyis khyad par brgyad dang 'brel pa/ las dang nyon mongs pa'i dra ba dang bral ba 'di ni rnal 'byor pa dag bskal pa gcig gis 'da' bar byed do zhes pa ni phung por brtags pa'i dngos po yod par

  67. 34a

    'dzin pa las grol nas chos rnams kyi so so'i rang bzhin tsam 'ba' zhig yod par rtogs pa'i sems zhi ba de/ phung po la dngos po med pa nas brtsams te/ chos rnams kyi so so'i rang bzhin sngon po la sogs pa 'ba' zhig tu zad par rtogs pa la zhugs nas bskal pa gcig gis sems de nyid las 'das te chos la bdag med par rtogs pa mos pas spyod pa'i sa la 'jug par 'gyur ro/ /de la 'jig rten las 'das pa'i sems phyin ci log dang phyin ci ma log pa'i khyad par brgyad dang zhes pa ni rgyun tu zhugs pa la zhugs pa nas dgra bcom pa'i bar gyi sems brgyad la bya ste/ sems de dag phyin ci log dang phyin ci ma log pa yang phung po la sogs par brtags pa'i dngos po yod par 'dzin pas phyin ci log pa'o/ /nyon mongs spangs pas phyin ci ma log pa'o/ /nyon mongs pa'i bag chags dang bcas pas na log pa'o/ /'brel pa zhes pa ni phung po la bdag med par rtogs pa'i sems zhi ba de phung po la yod par 'dzin pa'i sems kyi rim pa brgyad po des bskyed pa la bya ste/ de lta bas na/ 'jig rten las 'das pa'i sems de phyin ci log dang phyin ci ma log pa'i sems kyi khyad par brgyad dang 'brel pa zhes gsungs so/ /de dag ni sngags kyi spyad pa spyod pa'i byang chub sems dpa' dbang po rtul po rnams gang zag la bdag med par rtogs pa'i rim gyis sems brgya drug cu la sogs pa'i nyon mongs pa rnams spong ba'i rim pa'o// //da ni sngags kyi sgor spyad pa spyod pa'i byang chub sems dpa' theg pa chen pos bgrod pa gzhan gyi dring mi 'jog pa shes rab rnon po rnams chos dang gang zag gnyis ga la bdag med par bsgom zhing mos pas spyod pa'i sa la 'jug pa'i rim pa bshad de/ de yang/ gsang ba pa'i bdag po/ /theg pa chen pos bgrod pa/ gzhan gyi dring mi 'jog pa rnams la chos la bdag med pa'i sems skye'o zhes pa ni byang chub sems dpa' theg pa chen po la zhugs pa

  68. 34b

    thos pa rab tu mang zhing shes rab mchog tu rno ba gzhan gyi dring mi 'jog par rang gi blos chos rnams sgyu ma dang smig rgyu la sogs pa'i mtshan nyid du shes nas chos la bdag med par rtogs par 'gyur ba la bya'o/ /de la gang zag la bdag med par rtogs pa'i rim pa bskal pa gsum gyis 'da' bar byas dang/ gang zag la bdag med kyang phung po tsam yod par 'du shes pa yang bskal pa gcig gis spang bar bya dgos na/ de dag gi bya ba ma byas par ji ltar chos la bdag med pa rtogs par 'gyur zhe na/ lan ni/ de ci'i phyir zhe na/ 'di ltar de dag sngon spyad pa spyod cing phung po'i gnas rnam par 'jig pa na ngo bo nyid yongs su shes pa'i phyir sgyu ma dang smig rgyu dang gzugs brnyan dang/ brag cha dang/ mgal me'i 'khor lo dang/ dri za'i grong khyer lta bu'i 'du shes skyes so/ /zhes pa ni sngon spyad pa spyod cing phung po'i gnas rnam par bshig nas sgyu ma dang smig rgyu zhes pa ni dang por dad pas rtsol zhing 'jug pa'i spyod pa spyad pa na phung po'i rang bzhin sgyu ma la sogs pa lta bur shes shing goms par byas pas gang zag la bdag med par rtogs pa'i rim pa ma spyad kyang/ chos la bdag med par rtogs par 'gyur ro zhes pa'o/ /de la sgyu ma zhes pa ni chos rnams la sgyu ma lta bur 'du shes skyes te/ sgyu ma'i ba lang dang rta la sogs pa rdo dang shing la sogs pa la byas kyang rdo shing rnams su mi mngon par ba lang dang rta la sogs pa'i gzugs su snang med kyi yang dag par na ba lang dang rta la sogs pa'i dngos po yod pa ma yin te/ rdo shing la sogs pa tsam du zad do/ /de bzhin du phung po la sogs pa'i chos rnams snang yang rnam par shes par 'khrul pa'i dbang gis snang ste/ yang dag par na chos kyi ngo bo sgyu ma'i ba lang dang 'dra ste snang du zin kyang yod pa ma yin no/ /rnam par shes pa de ni rdo dang shing la sogs pa dang 'dra ste mi mngon yang gzugs la sogs par snang ba'i chos rnams ni yod pa ma yin gyi rnam par shes pa 'khrul pa'i rnam pa tsam du zad do/ /de bzhin du smig rgyu yang 'brog dgon pa na skyes bu

  69. 35a

    skom gyis gdungs pas smig rgyu la chung mthong ste chu'i dngos po yod pa ma yin gyi smig rgyu tsam du zad do/ /de bzhin du phung po la sogs pa'i chos rnams snang yang yod pa ma yin gyi/ rnam par shes pa 'khrul ba'i rnam pa tsam du zad do/ /de bzhin du gzugs brnyan dang brag cha dang/ mgal me bskor ba dang/ dri za'i grong khyer rnams kyang gong du sgyu ma la sogs pa bshad pa'i tshul du rig par bya ste/ mdor na phung po la sogs pa'i chos rnams snang ba ni rnam par shes pa 'khrul pa'i snang ba tsam du zad do/ /rmi lam na gzugs la sogs pa'i yul med na yang gzugs la sogs par mthong zhing de dag gi bya ba byed mod kyi/ rmi lam gyi chen gzugs la sogs pa med par gsal bar mngon te/ de dag thams cad rnam par shes pa'i dbang gis gyur pa tsam du zad do snyam nas de ltar mos pas spyod pa'i sa la zhugs nas phung po la sogs pa'i chos rnams la bdag med par rtogs pa ni sgyu ma la sogs pa nas dri za'i grong khyer la sogs pa lta bu'i 'du shes skyes te/ chos rnams ni yang dag par yod pa ma yin mod kyi rnam par shes pa tsam yod par 'dzin te/ de lta bur chos la bdag med par rtogs pa mos pas spyod pa'i sa de la yang de lta bur chos rnams sgyu ma dang smig rgyu la sogs pa'i tshul du 'jig cing 'jug pa'i sems dang/ chos rnams de lta bur bshigs nas de'i ting nge 'dzin rnam par mi rtog pa la gnas pa'i sems dang/ de nas snying rje'i dbang gis pha rol tu phyin pa la sogs pa rnam par spyod cings bcu la sogs pa'i yon tan thos pa dang bsam pa dang bsgom pa'i shes rab kyis shes nas de dag la rab tu mos pa byed cing 'jug pa dang gnas pa dang ldang ba'i sems re gsum rnam par bsgoms pas sa dang pha rol tu phyin pa'i yon tan la sogs pa rnams yongs su mi shes pa ni yongs su shes shing mngon du ma byas pa mnyan pa dang bsam pa dang bsgoms pa'i shes ? kyis chos

  70. 35b

    pa bdag med par rtogs shing rnam par shes pa tsam yod par 'dzin pa de rnams pas sbyor ba'i sa'i mtshan nyid de/ mos pas spyod pa'i sa de bskal pa gcig gis rdzogs par 'gyur ro/ /de nas bskal pa'i bzhi cha gcig gis chos pas spyod pa'i sa de nas 'bar te ye shes kyis de la 'jug pa'i rim pa gsungs pa/ gsang ba pa'i bdag po de'i phyir/ de dag gi sems kyi dbang du byas pas chos la bdag med pa nyid kyang spang bar bya ba ste/ rang gi sems ni bzod ma nas ma skyes pa'o/ /de ci'i phyir zhe na/ gsang ba pa'i bdag po ? nyid yongs su shes pa'i phyir sems la sngon gyi mdza' dang phyi ma'i mdza' mi dmigs te/ rnal 'byor par dag 'di yang bskal pa gnyis kyis 'da' bar byed do zhes pa'o/ /de la de dag gi sems kyi dbang du byas pas chos la bdag med pa nyid kyang spang bar bya ba ste/ rang gi sems ni gzod ma nas ma skyes pa'o zhes pa ni sngar chos la bdag med par rtogs te/ rnam par shes pa dang? zhig gzung ba dang 'dzin pa'i rnam par yod par sems pa de dang rang gi dbang du gyur pas rnam par shes pa de gzod ma nas ma skyes par rtogs pas rnam par shes pa tsam du yod par 'du shes pa de yang spangs pas chos la bdag med pa nyid kyang spangs so/ /ci'i phyir rnam par shes pa tsam du 'du shes pa de spangs pas chos la bdag med pa spangs zhes bya zhe na/ phung po la sogs pa rnams bdag med par rtogs pa'i rgyus rnam par shes pa tsam du yod par 'du shes skyes te/ de bas na rnam par shes pa tsam yod par 'du shes pa de spangs na chos la bdag med pa nyid spangs pa yin te/ 'bras bu la rgyus btags pa'o/ /rnam par shes pa tsam yod par 'du shes pa de yang ji ltar spong zhe na/ de ci'i phyir zhe na/ gsang ba pa'i bdag po /ngo bo nyid yongs su shes pa'i phyir sems la sngon gyi mdza' dang phyi ma'i mdza' mi dmigs te zhes gsungs pa yin te/ de ltar rang gi sems de thog ma gang nas skyes pa'i mthar btsal na mdza' da? mi

  71. 36a

    rnyed la/ de ltar thog ma'i mdza' med pas tha ma 'gegs pa'i mdza' yang rnyed par mi 'gyur te thog ma dang tha ma'i mdza' mi rnyed do/ /de ltar thog ma'i mdza' med pas sems de ma skyes par mngon te/ de ltar thag ma nas ma skyes na gzung ba dang 'dzin pa'i rnam par snang ba'i shes pa de gang? na ci zhig yod snyam nas rnam par shes pa tsam yod par 'du shes pa de spangs pas chos la bdag med pa yang spangs zhes bya'o/ /de lta bu'i tshul du bsgom zhing chos la bdag med pa spong ba yang bskal pa gnyis kyis yongs su rdzogs par 'gyur ro/ /da ni rab tu dga' ba'i sa byang chub kyi sems skye ba'i rim pa bshad par bya ste/ de yang/ gsang ba pa'i bdag po/ gzhan yang byang chub sems dpa' gsang sngags kyi sgo nas byang chub sems dpa' i spyad pa spyod pa bskal pa bye ba khrag khrig brgya stong dpag tu med par bsod nams dang ye shes kyi tshogs dpag tu med pa ba sogs pa zhes pa nas shin tu ngo bo nyid med pa'i sems skye ste/ gsang ba pa'i bdag po'i de ni byang chub kyi sems dang po'o zhes rgyal ba rnams kyis gsungs so zhes pa'i par gyis sa dang po'i byang chub kyi sems de'i rgyu phun sum tshogs pa dang/ rang bzhin phun sum tshogs pa dang/ mtshan nyid phun sum tshogs pa dang/ mtshan nyid de'i sgrub pa phun sum tshogs pa rnams bshad par rig par bya ste/ de la rgyu phun sum tshogs pa ni bskal pa bye ba khrag khrig brgya stong dpag tu med par bsod nams dang ye shes kyi tshogs dpag tu med pa bsags pa zhes bya'o/ /rang bzhin phun sum tshogs pa ni shes rab dang thabs dpag tu med pas yongs su gzung ba zhes pa nas dbang po dang nye ba'i dbang po la sogs pas phyag byas pa zhes pa'i bar te/ rang bzhin phun sum tshogs pa des spong ba phun sum tshogs pa dang mthu phun sum tshogs pa yang bsdus te/ spong ba phun sum tshogs pa ni shes rab dang thabs dpag tu med pas yongs su gzung ba zhes dang/

  72. 36b

    nyan thos dang rang sangs rgyas thams cad kyis las yang dag par 'das pa zhes pa'o/ /mthu phun sum tshogs pa ni lha dang lha ma yin du bcas pa'i 'jig rten gyis phyag byas pa zhes dang/ brgya byin dang tshangs pa dang dbang po dang nye ba'i dbang po la sogs pas phyag byas pa zhes pa'o/ /mtshan nyid phun sum tshogs pa ni shin tu ngo bo nyid med pa'i sems skye zhes pa'o/ /mtshan nyid de'i sgrub pa phun sum tshogs pa ni 'di lta ste/ stong pa nyid kyi ngo bo rdzas med pa zhes pa nas mig dang rna ba dang sna dang lce dang lus dang yid dang bral ba zhes pa'i bar ro/ /de la bskal pa bye ba khrag khrig brgya stong dpag tu med par bsod nams dang ye shes kyi tshogs dpag tu med pa bsags pa zhes pa la/ bskal pa bye ba ni 'bum phrag brgya la bya'o/ /brgya stong ni bskal pa bye ba khri phrag 'bum la bya ste/ dpag tu med ces pa ni bskal pa bye ba phrag 'bum de yang tshad kyis gzhal du med/ grangs kyis bgrang du med par sems dang po bskyed pa 'am/ gang zag la bdag med par bsgoms pa nas brtsams te/ bsod nams dang ye shes kyi tshogs bsags pa'i rgyus sa dang po rab tu dga' ba'i sems shin tu ngo bo nyid med pa'i mtshan nyid yongs su rdzogs par 'gyur ro/ /shes rab dang thabs dpag tu med pas yongs su gzung ba zhes pa/ shes rab ni chos thams cad kyi rang bzhin kun chub par byed pa yin la/ thabs ni snying rje chen po'i dbang gis sems can rnams yongs su smin pa rang grol bar byed pa ste/ dpag tu med pa ni shes rab dang thabs de dag nyid 'di tsam zhes dpag tu med do/ /de ltar shes rab kyis chos thams cad rang bzhin med par rtog pas nyon mongs pa la sogs pa spangs pa dang thabs kyis sems can smin cing grol bar byas pas ngan song la sogs pa spangs pa'i yon tan dang ldan pas de'i spong ba phun sum tshogs pa'o/ /yongs su gzung ba zhes pa ni byang chub kyi sems te

  73. 37a

    de lta bu'i shes rab dang thabs dpag tu med pa spangs pa phun sum tshogs pa des yongs su gzung ba la bya'o/ /nyan thos dang rang sangs rgyas thams cad kyi sa las shin tu 'das pa dang zhes pa yang de lta bu'i shes rab dang thabs dpag tu med pa dang ldan pas nyan thos dang rang sangs rgyas kyi lta ba las 'das te 'phags pa 'am de dag gi spyod yul ma yin pa la bya ste/ de yang spong ba phun sum tshogs pa'o/ /lha dang lha ma yin du bcas pa'i 'jig rten gyis phyag byas pa/ brgya byin dang tshangs pa dang dbang po dang nye ba'i dbang po la sogs pas phyag byas pa zhes pa ni de lta bu'i 'jig rten gyi dbang po la sogs pa sems can mthu can rnams kyis mchod cing phyag byas pa'i mthu dang ldan pas mthu phun sum tshogs pa'o/ /byang chub kyi sems de la gzugs med na ji ltar de dag gis phyag bya zhe na/ gzugs med kyang de'i yon tan dang rdzu 'phrul chen po dag thos nas 'dud cing phyag 'tshal bar 'gyur ro/ /yang na de lta bu'i sems dang ldan pa'i byang chub sems dpa' la phyag 'tshal ba la yang bya'o/ /'di lta ste stong pa nyid kyi ngo bo nyid ces pa ni byang chub kyi sems de gzung ba dang 'dzin pa'i rang bzhin med de/ nam mkha' dang 'dra bas stong pa'i rang bzhin no/ /rdzas med pa zhes pa ni de ltar stong pa'i rang bzhin yin pas rdul phra mo la sogs pa'i rdzas kyi rang bzhin ma yin pa'o/ /mtshan nyid med pa zhes pa ni mu stegs can la sogs pas brtags pa'i bdag la sogs pa khams gsum thams cad skye ba dang 'jig pa'i rgyur gyur pa'i mtshan nyid ma yin pa'o/ /mtshan ma med pa zhes pa ni byang chub kyi sems de la sngon po dang ser po la sogs pa'i rnam pa'i mtshan ma med pa'o/ /spros pa thams cad las 'das pa zhes pa'i spros pa ni rnam par rtog pa la bya ste rnam par rtog pa med pa'o/ /nam mkha' ltar dpag tu med pa zhes pa ni de ltar rnam par rtog pa med pas nam mkha'

  74. 37b

    dang 'dra ste/ nam mkha' ni tshad 'di tsam zhes dpag tu med do/ /de bzhin du byang chub kyi sems de'i yon tan yang tshad gzung du med do/ /chos thams cad kyi go skabs su rgyur pa zhes pa la chos thams cad ni 'dus byas kyi chos la bya ste/ 'du byas kyi chos de rnams rdul phran gyi phyogs cha la sogs par bshig gam/ sgyu ma dang smig rgyu la sogs pa'i tshul du bshig na stong pa nyid kyi rang bzhin du 'gyur te/ de dang byang chub kyi sems ro gcig pas chos de dag thams cad kyi go skabs su gyur pa'o/ /gnyis su chos thams cad ces bya ba ni stobs bcu dang/ mi 'jigs pa bzhi dang/ ma 'dres pa bco brgyad la sogs pa sangs rgyas bcom ldan 'das kyi yon tan gyi chos rnams byang chub kyi sems de la gnas pas na/ chos thams cad kyi go skabs su gyur pa'o/ /'dus byas dang 'dus ma byas kyi khams dang bral ba zhes pa la/ 'dus byas dang bral ba ni sa dang po'i sems thob pa'i mi mthun pa'i gnyen por gyur pas de rnams dang bral ba'o/ /'dus ma byas dang bral ba ni nyon mongs pa dang shes bya'i sgrib pa'i bag chags ma spangs pas mya ngan las 'das pa'i khams la mi gnas pa'o/ /mig dang rna ba dang sna dang lce dang lus dang yid dang bral ba zhes pa ni mig la sogs pa'i rnam par shes pa ltar mig la sogs pas rgyu byas nas bskyed pa ma yin pas de rnams dang bral ba'o/ /shin tu ngo bo nyid med pa'i sems zhes pa ni de ltar gong du smos pa'i chos rnams gang dang yang mi ldan pas de rnams kyi rnam pa 'am rang bzhin med pa ste/ de bas na shin tu ngo bo nyid med pa'i sems so/ /skye ste zhes pa ni de ltar ngo bo nyid med pa'i sems kyi mtshan nyid de gong du smos pa'i bskal pa snyed du bsod nams dang ye shes kyi tshogs bsags pa'i rgyu sa dang po'i yon tan rnams rdzogs nas bla na med pa'i byang chub kyi phyir sems de skye par rig par bya'o/ /de dag nyon mongs las las grol/ /las dang nyon mongs ldan pa'ang yin/ /de dag 'jig rten sbyin gnas te/ /de dag rtag mchod ri mo bya zhes pa la/ nyon mongs las

  75. 38a

    las grol zhes pa ni ngan song la sogs pa'i las dang/ sa dang po'i mi mthun pa'i phyogs dang bral ba'o/ /las dang nyon mongs ldan pa'ang yin zhes pa sa gang ma rnams thob par byed pa'i las dang/ de dag la sgrib ba'i nyon mongs pa dang ldan pa'o/ /de dag 'jig rten sbyin gnas te zhes pa ni de lta bu'i sems dang ldan pa'i byang chub sems dpa' nor dang 'bru dang rin po che la sogs pa yon dbul ba'i snod du gyur pa'o/ /mchod ces pa ni dri dang me tog la sogs pas mchod pa'i gnas so// ri mor bya zhes pa ni phyag bya zhing thal mo sbyar ba dang bsu zhing bskyal ba la sogs pa'i bkur ste'i gnas so/ /de la rtag tu ni de lta bu'i byang chub sems dpa' la 'jig rten pa rnams kyis rtag tu mchod pa dang bkur sti la sogs pa bya'o/ /da ni mos pas spyod pa'i sa'i mtshan nyid dang yon tan yang bshad de/ gsang ba pa'i bdag po/ gzhan yang/ mos pa yis ni spyod pa'i sa zhes pa nas/ blo ldan bskal pa gcig gis ni/ /sa las yang dag 'da' bar 'gyur zhes pa'i bar ro/ /de la mos pa yis ni zhes pa mnyan pa dang bsam pa dang bsgom pa'i shes rab kyis sa dang pha rol tu phyin pa la sogs pa sangs rgyas kyi yon tan rnams shes nas de nyid yin gyi gzhan ni ma yin no snyam du de la shin tu mos pa skye ba'o/ /de la/ sems gsum rnam par sgom pa ste zhes pa ni 'jug pa dang ldan pa'i sems te de dag rnam par sgom pa'i thabs ni sngar chos la bdag med pa'i skabs su bshad zin to/ /mos pas spyod pa zhes pa ni chos de la mos pa tsam ma yin gyi/ de rnams kyi yon tan goms par bya ba la nan tan byed pa ste/ de bas na/ pha rol/ phyin rnams spyod pa dang/ /bsdu ba dag ni bzhi po yis/ /zhes gsungs pa yin no/ /de la/ pha rol phyin rnams spyod pa dang/ /zhes pa ni sa dang po nas brtsams te bcu pa'i bar du sa re re la sbyin ba la sogs pa'i pha rol tu phyin ba re re spyod de/ bdag

  76. 38b

    ji ltar pha rol tu phyin pa la spyod pa de bzhin du/ sems can gzhan rnams kyang bsdu ba rnam pa bzhi'i sgo nas bsdus te spyod du 'jug go/ de la rab tu dga' ba'i yon tan sems dga' bzhin du chos dang zang zing gis sbyin pa'i pha rol tu phyin pa spyod pa de mos pas spyod pa'i sa la gnas pa na bdag kyang spyod la /sems can gzhan rnams kyang bsdu ba rnam pa bzhi'i sgo nas bsdus te spyod du 'jug go /sa gnyis pa dri ma med pa la tshul khrims kyi pha rol tu phyin pa dri ma med pa la spyod pa yang mos pas spyod pa'i tshe bdag kyang spyod/ gzhan rnams kyang spyod du 'jug go /sa gsum pa 'od byed pa la mi skye ba'i chos la bzod de/ bzod pa'i pha rol tu phyin pa spyod pa yang mos pas spyod pa'i tshe bdag kyang spyod la gzhan yang spyod du 'jug go /sa bzhi pa 'od 'phro ba can la ye shes kyi 'od 'phro bas brtson 'grus kyi pha rol tu phyin pa spyod pa dang/ sa lnga pa spyang dka' ba la bdud la sogs pas shin tu rgyal bar dka' ba'i bsam gtan gyi pha rol tu phyin pa spyod pa dang/ sa drug pa mngon du gyur pa shes rab mngon du gyur pas shes rab kyi pha rol tu phyin pa spyod pa dang/ sa bdun pa ring du song ba la sems can rnams smin pa dang grol bar byed pa'i thabs kyi pha rol tu phyin pa spyod pa dang/ sa brgyad pa mi g.yo ba la smon lam gyi dbang thob nas gong ma rnams thob pa'i phyir smon lam gyi smon lam gyi pha rol tu phyin pa spyod pa dang/ sa dgu pa legs pa'i blo gros la stobs kyi pha rol tu phyin pa spyod pa dang/ sa bcu pa chos kyi sprin la phyogs bcu'i de bzhin gshegs pa rnams la mngon sum du ye shes kyi chos 'dri zhing spyod yul du gyur pa'i ye shes kyi pha rol tu phyin pa spyod pa rnams mos pas spyod pa'i tshe nyid na bdag kyang spyod pa la goms par byed la sems can rnams kyang bsdu ba rnam pa bzhi'i sgo nas bsdus de spyod du 'jug pa'o/ /bsdu ba rnam pa bzhi zhes pa ni/ sbyin pa dang/ snyan par smra ba dang/ don spyod pa dang/ don mthun pa'i sgo nas pha rol tu phyin pa rnams la

  77. 39a

    spyod du 'jug pa'o/ /sa de rnams kyi mtshan nyid dang yon tan rgya cher ni sa bcu pa'i mdo sde la sogs par shes par bya'o/ /mos pa'i sa ni mtshungs pa med ces pa ni mos pas spyod pa'i sa de 'jig rten phal ba rnams dang mi mnyam pa'o/ /dpag tu med cing shes pa de'i yon tan gyi spyi grangs kyis gzhal ba las 'das pa'o/ /bsam mi khyab ces pa ni sems kyis bsams shing dpag pa las 'das pa'o/ /dpag med ye shes 'byung ba ni zhes pa ni mos pas spyod pa'i sa de la bya ste/ dpag med ni thams cad mkhyen pa'i ye shes so/ /sems bcu dag gis thob par 'gyur zhes pa ni pha rol tu phyin pa bcu po spyod pa'i sems kyi rim pas so/ /ngas gang cung zad brjod pa ni/ thams cad 'di yis thob par 'gyur zhes pa ni/ stobs bcu dang mi 'jigs pa bzhi dang ma 'dres pa bco brgyad la sogs pa'i chos gang cung zad bcom ldan 'das kyis gsungs pa de thams cad ni mos pas spyod ba des thob par 'gyur ba'o/ /de phyir thams cad mkhyen pa'i sa/ /mos pa zhes ni bya bar bshad/ /ces pa ni de ltar de bzhin gshegs pa'i chos thams cad mos pas 'thob pas na mos pas spyod pa'i sa de thams cad mkhyen pa'i sa de'i rgyu ste de bas na rgyu la 'bras bur btags te/ mos pa zhes ni bya bar bshad ces gsungs pa yin no/ /blo ldan bskal ba gcig gi ni/ /sa las yang dag 'da' bar 'gyur zhes pa ni shes rab can gyis mos pas spyod pa'i sa de bskal pa gcig gis yongs su rdzogs par 'gyur zhes pa'o/ /'di yi yang ni bzhi cha yis/ /mos ba'i sa las 'da' bar 'gyur zhes pa ni bskal pa de'i bzhi cha gcig gis mos pas spyod pa'i sa chos bdag med par chud pa'i sa de las 'bar te/ ye shes kyis la 'jug pa'i stegs su gyur pa'i chos la bdag med pa yang spangs nas rang gi sems gzod ma nas ma skyes shing ma byung bar sgom pa la zhugs pa la bya'o/ /mos pas spyod pa'i sa'i rim r

  78. 39b

    pa dang yon tan de dag sngar mos pas spyod pa'i sa bdag med pa la 'jug pa'i skabs su mi bshad par rab tu dga' ba'i sa bshad pa'i 'og tu ci'i phyir bshad ce na/ rab tu dga' ba'i sa ni mos pas spyod pa'i sa'i 'bras bu ste/ de ltar 'bras bu de ci 'dra ba shes nas de'i rgyu gang yin pa de gdong brtag par bya ste/ de bas na mos pas spyod pa'i sa de'i rjes su bshad do/ /de dag gis ni rnam par snang mdzad kyi rgyu sbyin pa la sogs pa sems brgyad po bshad pa dang/ so so'i bdag tu brtags pa la brten nas 'ba' zhig pa'i blo skye ba bshad pa dang/ de nas 'jig rten las 'das pa'i sems skyes te/ bdag tu brtags pa rnams med par rtogs nas phung po tsam du 'dzin pa gang zag la bdag med par rtogs pa bshad pa dang/ phung po tsam po de la yang dbu ba dang chu'i chu bur la sogs pa'i tshul du bshig nas chos rnams so so'i rang bzhin sngon po la sogs pa tsam du zad par rtogs pa b? pa dang/ chos la bdag med par rtogs nas rang gi sems gzod ma nas ma skyes pa stong pa nyid du rtogs par bshad pa dang/ sa dang po'i sems kyi rang bzhin stong pa nyid kyi rang bzhin de yang ngo bo nyid med par mnyam pa nyid du rtogs pa rnams rgya cher bshad do/ /da ni 'dir de rnams nyid dbugs dbyung ba'i sgo nas mdor bsdus te phyag na rdo rjes gsol pa dang bcom ldan 'das rnam par snang mdzad kyis kyang mdor bsdus te gsungs pa de bshad par bya ste/ de rnams lan gnyis su bzlas te bshad ci dgos zhe na/ sngar bshad pas gsal bar mgo na phyis bzlas te bshad pas gsal zhing brtan par 'gyur ba'i phyir te/ de bas na phal cher yang sngar rgya cher bshad pa de mgon phyis mdor bsdus te bshad pas go ba yang yod la/ sngar tshig rkyang pas bshad pa de mgo ba la/ phyis tshigs su bcad de go ba yang srid pa'i phyir ro/ /mdo sde la sogs pa gzhan dag nas kyang sngar spros te bshad pa'i don de nyid tshigs su bcad pas bsdus te bshad pa de dag srid de/ de bas na 'dir yang sngar? rgyas par

  79. 40a

    bshad pa'i don de nyid phyis bsdus te bshad do/ /de yang de nas bcom ldan 'das la phyag na rdo rjes 'di skad ces gsol to zhes pa nas/ mchog skyes de dag dbugs phyin 'gyur zhes ba'i bar du phyag na rdo rjes gsol ba'i tshig ste/ mgon po khyab bdag khyod kyis ni/ sems kyi mtshan nyid bstan lags na/ /zhes pa ni sngar sems kyi mtshan nyid bshad pa de dbugs dbyung ba rnam pa dus thob par 'gyur zhes zhus pa'o/ /dbugs 'byin rnam pa du thob nas zhes pa la phyi nas dbugs dbyung ba zhes pa ni ji ltar 'jig rten na grags pa lam 'phrang gi 'jigs pa'i sa nas rkun po la sogs pa'i 'tshe ba las thar na dbugs dbyung ba zhes bya ba de bzhin du /'dir yang 'khor ba'i dgon pa na rnam par 'khyams pa'i sems can las dang nyon mongs pa'i rkun pos 'tshe ba'i 'jigs pa las thar ba na dbugs dbyung ba zhes bya'o/ /de las thar na bzhan dbugs dbyung bar bya ba'i si? med de dbugs dbyung ba gcig tu zad na/ ci'i phyir dbugs dbyung ba dus thob ces mang po'i tshig tu smos she na/ ji ltar 'jig rten pa rnams 'jigs pa gcig mthar nas 'jigs pa de las dbugs phyung mos kyi/ de las gzhan pa'i 'jigs pa rnams las mthar na dbugs ma phyung ba'o/ /de bzhin du 'dir yang mi dge ba gang mi mthun pa gegs su gyur pa de las thar te dbugs phyung yang de las gzhan pa'i bgegs su gyur pa rnams las ma thar na de la dbugs ma phyung ba zhes bya ste/ de bas na dbugs dbyung rnam pa dus zhes smos so/ /mchog skyes ni sras rnams te/ mchog ni chos kyi dbyings te de bzhin nyid yin la de las skyes pa ni byang chub sems dpa' ste/ de dag dbugs phyin par gyur pa'o/ /de skad gsol nas bcom ldan 'das rnam par snang mdzad? chen po yis/ /de tshe phyag na rdo rje la/ /yid bsdus don nyon zhes gsungs/ zhes pa nas stong pa nyid kyi ngo bo nyid med do zhes stong pa'i ye shes skyes pa de'i tshe chos thams cad kyi ngo bo nyid mnyam pa nyid kyis dbugs phyin pa yin no zhes pa'i bar du

  80. 40b

    phyag na rdo rjes gsol pa rnams kyi lan bcom ldan 'das rnam par snang mdzad kyis bka' stsal pa yin no/ yid bsdus de ni nyon zhes pa ni snod rnam pa bzhi'i gnyen por gsungs pa ste/ sngar bshad do/ /nam byis pa so so'i skye bo de dag mi dge ba'i las spangs te dge ba'i las byed pa de'i tshe dge bas dbugs phyin pa yin no zhes pa ni byis pa phyugs dang 'dra ba rnams 'khor ba na 'khyams pa las 'khor ba las skye ste/ bsod nams kyi 'du shes skyes na smyung bar 'dug cing sbyin pa la sos pa byed pa ni dge pas dbugs phyin pa zhes bya la/ / de la dge ba zhes pa ni dbugs dbyung ba gzhan yang dge ba yin na/ ci'i phyir 'di 'ba' zhig la dge ba zhes bya zhe na/ gzhan yang dge ba yin mod kyi /'on kyang gzhan rnams la so so'i ming yod pas 'di la dge ba zhes bya'o/ /nam bdag gi de kho na nyid yang dag pa ji lta ba bzhin rab tu shes pa'i tshe bdag la brten nas dbugs phyin pa yin no zhes pa ni sbyin pa la sogs pa'i sems brgyad spyod pa na dge ba'i bshes gnyen dang phrad de 'jig rten pa rnams kyis bdag tu brtags pa'i dngos po ji lta bu nyid du shes nas/ bdag la rten cing 'jig rten pa'i las rnams goms par byed pa ni bdag la brten nas dbugs phyin pa zhes bya'o/ /bdag gi de kho na nyid yang dag pa ji lta ba bzhin du rab tu shes pa zhes pa ni/ stong pa nyid kyi rang bzhin du shes rab kyis ji lta ba bzhin shes pa la ni mi bya'i 'jig rten pa'i gzhung zhen du bdag gi ngo bor brtags pa de phyin ci ma log par shes pa la bya'o/ /nam phung po yongs su gzung ba byas te/ rang gi ngo bo la rnam par dpyad nas bdag la brten pa yongs su gtong ba de'i tshe bdag med pas dbugs phyin pa yin no zhes pa ni gang zag gi bdag med par rtogs la phung por brtags pa yod par 'dzin pa de ni bdag med pas dbugs byin pa zhes bya'o/ /nam phung po rnams spangs nas chos kyi dmigs pa la gnas pa de'i tshe chos kyis dbugs phyin pa yin no zhes pa ni phung phor brtags pa

  81. 41a

    yod par 'dzin pa de ni dbu ba dang chu bur la sogs pa'i tshul du bshig na phung por brtags pa'i dngos po yod pa ma yin gyi chos rnams so so'i mtshan nyid tsam 'ba' zhig yod par rtogs pa ni chos kyi dbugs phyin pa zhes bya'o/ /nam chos rnams spangs nas mi skye ba la gnas pa de'i tshe chos la bdag med pas dbugs phyin pa yin no zhes pa ni phung po la sogs pa'i chos rnams sgyu ma dang smig rgyu'i tshul du bshig na yod pa ma yin te/ rnam par shes pa tsam du zad par rtogs la rnam par shes pa de nyid kyang thog ma dang tha ma'i mdza' mi rnyed de/ rang bzhin med pa gzod ma nas ma skyes par rtogs pa de ni chos la bdag med pas dbugs phyin pa zhes bya'o/ /nam phung po dang khams dang skye mched thams cad dang/ gzung ba dang 'dzin pa dang bdag dang srog la sogs pa dang chos dang mi skye ba dag kyang stong pa nyid kyi ngo bo nyid du yang ngo bo nyid med do zhes stong pa'i ye shes skyes pa de'i tshe chos thams cad kyi ngo bo nyid mnyam pa nyid kyis dbugs phyin pa yin no/ /zhes pa ni phung po la sogs pa'i chos rnams bdag med par rtogs te rnam par shes pa tsam du zad par shes pa dang/ rnam par shes pa de yang gzod ma nas ma skyes par rtogs te stong pa nyid kyi rang bzhin du shes pa'i stong pa'i rang bzhin de yang ngo bo nyid med par rtogs pa ni stong pas dang po'i sems kyi mtshan nyid stong pa'i yang stong pa ste/ mnyam pa nyid kyis dbugs phyin pa zhes bya'o/ /de rnams ni bcom ldan 'das rnam par snang mdzad kyi rgyu phun tshogs pa bshad pa la bya ste/ rgyu phun sum tshogs pa bshad pa yang de 'ba' zhig tu ma zad kyi gzhan yang rgyu'i gnas skabs nas 'byung ba/ byang chub nam mkha' i mtshan nyid do/ /rtogs pa thams cad spangs pa yin/ /gang zhig de rtogs 'dod pa de/ byang chub sems dpa' zhes bya'o zhes pa ste/ bla na med pa'i byang chub de rtogs par 'dod pa de ni sa dang po man chad rnams 'ba' zhig la mi bya'i/ sa bcu dang kun tu bzang po'i sa la gnas pa'i byang chub

  82. 41b

    sems dpa' yang bla na med pa'i byang chub rtogs par 'dod pa ste/ de bas na byang chub sems dpa' de rnams kyi spyod pa yang bcom ldan 'das rnam par snang mdzad kyi rgyur rig par bya'o/ /da ni 'di dpyad par bya ste/ sngags rnams kyi spyi'i mtshan nyid ni byang chub kyi sems so zhes gzhung las gsungs na/ byang chub kyi sems ni phung po dang khams dang skye mched dang gzung ba dang 'dzin pa dang las dang bya ba'i rnam pa dang bral ba stong pa nyid kyi rang bzhin du yang ngo bo nyid med pa yin la sngags ni sangs rgyas dang byang chub sems dpa' rnams dang/ de ston par byed pa'i sgra dang yig 'bru rnams te/ de rnams kyang mchog dang 'bring dang tha ma'i grub pa dang/ zhi ba dang rgyas pa dang mngon spyod la sogs pa'i las rnams kyi bya ba byed de/ de ltar mi mthun na de rnams ji ltar rig par bya zhe na/ de'i phyir de ni/ gsang ba pa'i bdag po/ de'i tshe byang chub sems dpa' gsang sngags kyi sgo nas byang chub sems dpa' i spyad pa spyod pa bzhi bcus rten cing 'brel par 'byung ba rnams bsgoms te gsang sngags kyi tshul rtogs par khong du chud par 'gyur ro zhes gsungs pa ste/ yongs yang kun rdzob kyi chos rnams ni rigs pas brtag mi bzod de/ don dam par na stong pa'i rang bzhin yin mod kyi 'on kyang kun rdzob tu so so'i rgyu dang 'bras bu nges pa'i bya ba rnams kyang byed par 'gyur te med ces byar mi rung ngo/ /de ltar stong pa'i rang bzhin las kun rdzob tu yod par snang ba ni sgyu ma la sogs pa dang 'dra'o/ /de bzhin du sngags kyi rang bzhin byang chub kyi sems de yang don dam par stong pa yin mod kyi chos kyi dbyings kyi byin gyis brlabs dang/ sgrub pa po'i sbyor ba'i mthus grub pa'i 'bras bu rnam pa sna tshogs kun rdzob tu snang zhing myong bar 'gyur te/ de rnams kyang sgyu ma la sogs pa'i dpes bshad pa ni 'di lta ste/ sgyu ma dang smig rgyu dang rmi lam dang zhes pa la sogs pa nas/ gsang ba pa'i bdag po gzhan yang/ /ji ltar 'ga' zhig bdag nyid kyi/ lag na mgal me thogs nas ni/ /

  83. 42a

    bskor na 'khor lo ltar snang ba/ de bzhin stong pa dag las 'byung zhes pa'i bar du'o/ /de la sgyu ma gang zhe na/ 'di lta ste sman dang sngags kyi sbyor ba byed pa dag gi sbyor ba las dngos po rnam pa tha dad pa sna tshogs mig dang yid 'phrog ba sngon ma mthong ba dag kyang ston te/ de dag ni phan tshun phyogs bcur 'gro ba dang 'ong ba med do/ /de ci'i phyir zhe na/ sgyu ma ni rang bzhin gyis stong pa'i phyir te/ de bzhin du gsang sngags sbyor ba byed pa dag gi sbyor ba las thams cad 'byung ngo/ /zhes pa ni ji ltar sgyu ma mkhan gyi gsang sngags dang sman gyi sbyor ba las bal glang dang rta la sogs pa'i dngos po rnam pa mang pos yid dang mig chags par byed pa snang ste/ de rnams kyang bal glang dang rta la sogs pa'i rang bzhin du yod pa ma yin pas na phyogs bcur 'gro ba dang 'ong ba med de/ 'on kyang de dag bal glang la sogs pa'i bya ba yang byed do/ /de bzhin du sngags kyi rang bzhin byang chub kyi sems de stong pa nyid yin kyang sbyor ba las sngags kyi dngos grub kyi sbyor ba sbyar na rab dang 'bring la sogs pa'i grub pa'i 'bras bu'i rig 'dzin dang/ nam mkha' la 'gro ba dang mi snang bar 'gro ba la sogs pa rnam pa sna tshogs su snang zhing myong bar byed do/ /gsang ba pa'i bdag po gzhan yang smig rgyu ni rang bzhin gyis stong pa ste/ de yang 'du shes kyi tha snyad tsam du 'dogs shing tha snyad sgrub par byed do/ /de bzhin du 'du shes 'di yang gsang sngags so zhes tha snyad du 'dogs shing tha snyad kyang sgrub par byed do zhes pa ni de ltar sngags kyi 'bras bu sgyu ma dang 'dra na sngags kyi dngos po ci zhig ce na/ smig rgyu lta bu ste/ ji ltar 'brog dgon par smig rgyu la mi 'am/ ri dags rnams kyis chur 'du shes te/ de na chu yod pa ma yin yang smig rgyu de'i rnam pa'i rnam par shes pa bskyed cing sgom pa yang chus ngoms pa'i bya ba byed de/ de bzhin du sngags de yang dngos po yod pa ma yin pas 'du shes tsam du zad mod kyi/ 'on kyang sngags kyi dngos grub kyi 'bras bu bskrun pa'i bya ba byed do/ /de bzhin du

  84. 42b

    yang/ gsang ba pa'i bdag po gzhan yang/ rmi lam na bdag nyid nyin gcig dang thang cig dang skad cig dang yud tsam dang lo la sogs par 'dug cing bde ba dang sdug bsngal rnam pa mang po myong bar mthong la/ sad na ci yang mi mthong ba de bzhin du gsang sngags kyi tshul 'di yang rmi lam lta bur khong du chud par bya'o zhes pa ni sngar sngags bsgrubs pa'i 'bras bu'i dpe sgyu ma las blangs pa de sgyu ma ni yun ring du 'dug pa ma yin gyi skad cig yud tsam dag tu zad la sngags kyi 'bras bu ni bskal pa la sogs par yun ring du 'dug na ji ltar dper rung zhe na/ rmi lam gyi dpes yun ring du gnas par bstan pa ste/ ji ltar rmi lam na yul gyi dngos po med par skad cig dang/ nyi ma dang/ zhag dang/ lo la sogs par yul rnams spyod cing bde ba dang sdug bsngal rnam pa mang po myong zhing rig par mthong ste/ de las sang na dngos po gang yang med do/ /de ltar yang cis mngon zhe na/ ting nge 'dzin gyi rgyal po'i mdo las kyang gsungs pa/ ji ltar bu mo gzhon nu'i rmi lam na/ /bu po byung zhing shi ba de mthong nas/ /byung na dga' zhing shi na mi dga' ltar zhes pa ste/ de ltar na rmi lam na yun ring por srid do/ /de bzhin du sngags pa bsgrubs pa'i 'bras bu yang rang bzhin med pa las rnal 'byor pas bsgrubs na grub pa'i 'bras bu rnam pa sna tshogs tshe rabs dang bskal pa la sogs par gnas par 'gyur ro/ /gsang ba pa'i bdag po gzhan yang gsang sngags kyi dngos grub 'byung ba ni/ gzugs brnyan lta bur 'gyur bar rig par bya ste zhes pa ni de ltar sngags grub pa de rnams dngos po med par yang rten cing 'brel par 'byung ba las byung na sgrub pa po thams cad kyis grub pa ci'i phyir mi 'thob ce na/ ji ltar gzugs brnyan de rdo dang shing gzhan la mi 'byung gi /me long gi dkyil 'khor dag pa las 'byung bar 'gyur ro/ /de bzhin du sngags kyi grub pa de yang sgrub pa po thams cad la mi 'byung gi /gang byang chub kyi sems bsgoms shing rgyud dag par gyur pa de la 'byung bar bstan ba'o/ /gsang ba pa'i bdag

  85. 43a

    po gzhan yang grub pa'i grub gnas ni dri za'i grong khyer lta bur blta'o zhes pa ni ji ltar dri za rnams kyi grong khyer dri za de rnams kyis gang du bsams pa der grong thal byung du 'byung bar 'gyur te/ de bzhin du gsang sngags grub pa de yang bdag nyid kyi lus? rig 'dzin la sogs par grub pa'i phyir bsgrubs kyi gzhan gyi phyir ma bsgrubs kyang nam rig 'dzin la sogs pa grub na lha'i gzhal med khang dang dpag bsam gyi shing dang/ grib ma dang/ shel gyi brag la bdud rtsi'i chu 'bab pa dang/ rin po che'i gsing ma la sogs pa'i gnas rnams bsams pa tsam gyis 'grub par 'gyur ba bstan pa'o/ /gsang ba pa'i bdag po gzhan yang gsang sngags kyi sgra ni brag cha lta bur rig par bya ste/ dper na sgra la brten nas brag cha 'byung ba ltar gsang sngags kyi tshul 'di yang de dang 'dra bar rig par bya'o/ /zhes pa ni ji ltar sgra'i rkyen gyis brag cha 'byung bas dngos po yod pa ma yin yang sgrar 'byung ba de bzhin du gsang sngags kyi sgra yang sngags kyi rang bzhin gyis stong mod kyi/ sgrub pa'i rkyen gyis sgra de 'byung ba ni dper na brag cha dang 'dra bar bstan pa'o/ /gsang ba pa'i bdag po gzhan yang zla ba shar na chu'i nang du gzugs brnyan mthong nas chu zla zhes brjod pa de bzhin du/ sngags pa de nyid kyang chu zla bzhin du rig sngags 'char zhes brjod do zhes pa ni zla ba shar ba'i gzugs brnyan chu'i nang du 'byung ba de ni zla ba'i rang bzhin de las mi gzhan no/ /de bzhin du sngags grub pa'i rig 'dzin de yang rig 'dzin gyi lus bzang po la sogs pa ni sgrub pa'i gzugs de las gzhan ma yin te/ gzugs de nyid las 'gyur mod kyi/ 'on kyang rig 'dzin zhes brjod do zhes pa'o/ /gsang ba pa'i bdag po gzhan yang ji ltar char pa bab pa na/ /chu yi chu bur rnams 'byung ba/ /de bzhin gsang sngags grub pa yi/ /sprul pa rnam pa sna tshogs 'dod/ /ces pa ni sngags gcig pu las grub pa'i 'bras bu rnam pa mang por ji ltar 'gyur zhe na/ chu'i chu bur gyi dpes sngags de gcig pu

  86. 43b

    yin yang grub pa'i 'bras bu rnam pa mang po 'byung bar bstan pa ste/ ji ltar char pa bab pa na chu gcig pu de las chu'i chu bur che phra la sogs pa rnam pa mang po 'byung ba de bzhin du sngags gcig pu las kyang grub pa'i 'bras bu rnam pa du ma 'byung ngo/ /gsang ba pa'i bdag po gzhan yang/ sems can med cing srog dang ni/ /byed pa po yang med pa ste/ /dngos po thams cad stong nyid la/ /'khrul pa kho na snang bar zad/ /ces pa ni de ltar sngags kyi rang bzhin stong pa nyid de sems can nams/ srog gam/ byed pa'i mkhan po med de/ stong pa nyid yin kyang grub pa'i 'bras bu la sogs pa kun tu snang ba ni 'khrul pa snang bar bstan pa'o/ /gsang ba pa'i bdag po gzhan yang/ ji ltar 'ga' zhig bdag nyid kyi/ /lag na mgal me thogs nas ni/ /bskor na 'khor lo ltar snang ba/ /de bzhin stong bdag las 'byung/ / zhes pa ni 'khrul pa la snang ba'i dpe'o/ /gsang ba pa'i bdag po 'di ni theg pa chen po'i gzhi zhes pa nas/ ye shes sna tshogs cher 'byung ba/ /chos kyi dbyings 'di shes nas ni/ /kun gyi sems kyi bye brag kyang/ /ji bzhin yang dag rab tu shes/ /zhes pa'i bar du sa dang po'i byang chub kyi sems mnyam pa nyid rtogs pa de'i rjes su sngags pa bshad pa ste/ theg pa chen po'i gzhi zhes pa ni byang chub kyi sems de ji lta ba bzhin du shes pa ste theg pa chen po ni byang chub sems dpa' i lam 'bras bu dang bcas pa'o/ /byang chub kyi sems de shes na 'jig rten pa'i sems brgyad nas rab tu dga' ba'i bar gyi rim pa de rnams rab tu shes pas na de'i gnas so zhes pa'o/ /mi mnyam pa dang mnyam pa'i gzhi zhes pa la mi mnyam pa ni nam mkha' ste/ nam mkha' la mdza' med pas gang dang yang mi mnyam la/ de dang mnyam pa ni chos kyi dbyings stong pa nyid de/ stong pa nyid kyi rang bzhin de shes pa ni mi mnyam pa dang mnyam pa'i gnas so/ /nges pa'i gzhi zhes pa ni chos rnams stong pa nyid kyi rang bzhin du phyin ci ma log par nges par shes pa'o/ /yang dag par rdzogs pa'i sangs

  87. 44a

    rgyas kyi gzhi zhes pa ni sa dang po'i byang chub kyi sems chos thams cad mnyam pa nyid du rtogs pa de bla na med pa'i byang chub dang tha mi dad do/ /ro gcig pas na yang dag par rdzogs pa'i sangs rgyas so zhes pa'o/ /mthar gyis theg pa chen po la 'jog pa'i gzhi ste zhes pa ni bcom ldan 'das rnam par snang mdzad kyi rgyu 'jig rten pa dang 'jig rten las 'das pa'i sems 'og ma rnams kyang sa dang po'i byang chub kyi sems 'di'i nang du 'dus la/ sa dang po nas kun tu bzang po'i sa man chad kyi sems kyang 'di las tha mi dad pa'i phyir de rnams kyis gnas su gyur pas na mthar gyis theg pa chen po la 'jog pa'i gzhi zhes pa'o/ /ye shes sna tshogs cher 'byung ba/ /nor gyi dbyig ni shes na ni/ /kun gyi sems kyi bye brag kyang/ /ji bzhin yang dag rab tu shes/ /zhes pa ni sa dang po'i byang chub kyi sems de thams cad mkhyen pa'i ye shes 'byung ba'i gtso bo yin pas ye shes sna tshogs cher 'byung ba yin la/ da legs par shes na rnam par snang mdzad kyi rgyu 'jig rten dang 'jig rten las 'das pa'i sems kyi khyad par thams cad rab tu shes par gyur pa bstan pa'o/ /bcom ldan 'das rnam par snang mdzad chen po mngon par rdzogs par byang chub pa rnam par sprul pa byin gyis rlob pa las sems kyi khyad par rim par phye ba ste dang po'o// //da ni bcom ldan 'das rnam par snang mdzad kyis thams cad mkhyen pa'i ye shes brnyes nas thams cad mkhyen pa'i ye shes des mdza' yas pa'i sems can gyi khams rnams tshul sna tshogs dang bsam pa sna tshogs dang thabs sna tshogs kyis bla na med par bsgral ba'i phyir sngon gyi smon lam gyi shugs kyis lhun gyis grub ba nyid du sku mnyam pa nyid mi zad pa'i rgyan gyi 'khor los khams gsum thams cad du khyab par mdzad pa/ bcom ldan 'das kyi rang bzhin gyi dkyil 'khor de byang chub sems dpa' sems dpa' chen po 'phags pa kun tu bzang po dang/ phyag na rdo rje la

  88. 44b

    sogs pa yongs su dag pa rnams kyis mngon sum du mthong zhing spyod yul du 'gyur na/ 'gro ba 'og ma rnams kyis bcom ldan 'das kyi sku la sogs pa'i 'khor lo de spyod yul du ma gyur te/ sems can de rnams kyi don du sku la sogs pa'i 'khor lo de rnams dkyil 'khor dang sngags dang phyag rgya la sogs par byin gyis brlab par bcom ldan 'das phyag na rdo rjes gsol ba 'chad de/ gsol ba de yang/ de nas yang bcom ldan 'das la gsang ba pa'i bdag po phyag na rdo rjes 'di skad ces gsol to zhes pa nas/ bcom ldan 'das yang gsang sngags spyod ba'i tshul snying rje chen po 'byung ba'i dkyil 'khor gyi rgyal po chen po yongs su rdzogs par bgyi ba'i slad du bshad du gsol/ de ni ma 'ongs pa'i dus na sems can mang po dag gi don dang phan pa dang bde bar 'gyur lags so zhes pa'i bar du ste/ bcom ldan 'das nyid kyis mngon par rdzogs par sangs rgyas nas chos kyi dbyings bsam gyis mi khyab pa sems kyis las 'das pa de thugs su chud nas sems can rnams so so'i dad pa dang rjes su mthun la/ so so'i bsam pa yongs su rdzogs par byed pa'i sku la sogs pa'i 'khor las sems can gyi khams thams cad du khyab par rnam par sprul pa phyag na rdo rje ji ltar mthong zhing rtogs pa de bcom ldan 'das la slar bzlas te gsol ba yin no/ /de ltar slar gsol ba yang ston pas ni bshad pa rnams nyan pa pos khong du chud pa'i tshul gyis slar mnyan na ston pa po spro ba dang skabs 'og ma dang mtshams sbyar ba la yang bde ba'i phyir ro/ /ngo mtshar lags so zhes pa ni de ltar stong pa nyid brjod pa dang rtog pa las 'das pa thugs su chud kyang sku la sogs pa'i rgyan gyis tshul sna tshogs dang bsam pa sna tshogs dang thabs sna tshogs kyis sprul pa de ngo mtshar che ba'o/ /bcom ldan 'das nyid kyis mngon par rdzogs par sangs rgyas pa'i zhes pa ni chos kyi dbyings bsam gyis mi khyab pa de gzhan las mnyan nas thugs su chud pa ma yin gyi bcom ldan 'das

  89. 45a

    nyid kyi thugs su chud pa la bya'o/ /bcom ldan 'das yang/ gsang sngags kyi spyod pa'i tshul snying rje chen po'i snying po 'byung ba'i dkyil 'khor gyi rgyal po chen po yongs su rdzogs par bgyi ba'i slad du bshad du gsol/ /de ni ma 'ongs pa'i dus na sems can mang po dag gi don dang phan pa dang bde bar 'gyur lags so zhes pa ni rang bzhin gyi dkyil 'khor sku la sogs pa'i 'khor lo de bdag cag gis rtogs shing spyod yul du gyur na yang ma 'ongs pa'i 'gro ba rnams kyi don du sku la sogs pa'i 'khor lo de rnams dkyil 'khor dang sngags dang phyag rgya'i sgo nas 'gro ba de rnams kyi spyod yul du 'gyur bar byin gyis rlob tu gsol ba'o/ /snying rje chen po 'byung ba zhes pa ni dkyil 'khor de snying rje chen po las 'byung ba la bya'o/ /dkyil 'khor zhes pa ni 'og nas gzhung nyid las 'chad do/ /rgyal po zhes pa ni de las gzhan pa'i byang chub sems dpa' la sogs pa'i dkyil 'khor kun kyang dkyil 'khor chen po 'di'i nang du 'dus pas na rgyal po zhes bya'o/ /yongs su rdzogs par bgyi ba'i slad du zhes pa ni dkyil 'khor gyi sgo nas sgrub cing lha mnyes par bya'i spyod pa rnam pa bcu drug gis lha mnyes par bya ba yang sgrub pa'i sgo nas bzlas pa'i yan lag gzhi dang rang gi sems yongs su spyad pa la sogs pa'i spyod pas lha mnyes par byas te/ rig 'dzin la sogs pa'i grub pa thob nas rim gyis sangs rgyas su 'grub pa dang/ rang gi sems yongs su spyangs pas mngon par shes pa dang pha rol tu phyin pa la sogs pa'i spyod pa rdzogs nas thams cad mkhyen pa'i ye shes rnyed par gyur pa ni dkyil 'khor yongs su rdzogs pa'o/ /ma 'ongs pa'i dus na sems can mang po dag gi don dang phan pa dang bde bar 'gyur ba'i phyir gsang sngags spyod pa'i tshul de bshad du gsol zhes sbyar te ma 'ongs pa'i sems can de rnams kyis dkyil 'khor yongs su rdzogs pa'i mtshan nyid can thams cad mkhyen pa'i ye shes de thob par bya ba'i

  90. 45b

    phyir dkyil 'khor de bshad du gsol zhes pa ste/ don dang zhes pa ni thams cad mkhyen pa'i ye shes thob pa'i don gyi phyir ro/ /phan pa dang zhes pa ni tshe phyi ma la phan pa'i phyir ro/ /bde bar 'gyur zhes pa ni tshe 'di la bde ba'i phyir ro/ /yang na don dang zhes pa ni phan pa dang bde ba'i don la bya'o/ /gsang sngags spyod pa'i tshul zhes pa la gsang sngags kyi spyod pa ni dkyil 'khor dang sgrub pa la sogs pa'o/ /de dag nyid tshul n+ya? ya zhes pa la na ni nges pa las thob pa 'am 'gro ba'o te tshul zhes pa ni rgya gar gyi gzhung dang sbyar na 'gro pa 'am thob pa la bya ste gsang sngags kyi spyod pa des bla na med pa'i sangs rgyas su 'gro ba 'am thob pa de bshad du gsol zhes pa'o/ /de nas bcom ldan 'das rnam par snang mdzad kyis thams cad dang ldan pa'i 'khor gyi dkyil 'khor la gzigs nas zhes pa ni byang chub sems dpa' i 'khor de dag gi nang na g.yeng ba yod dam med pa dang/ nyan pa po snod du ma gyur ba yod dam med brtags pa'i phyir gzigs pa la bya'o/ /bcom ldan 'das rnam par snang mdzad kyi byang chub sems dpa' i 'khor ni yongs su dag pa sha stag yin na ci'i phyir g.yeng ba dang snod du ma gyur ba srid ce na/ de'i dgongs pa ni 'di yin te/ bcom ldan 'das kyi 'khor byang chub sems dpa' de rnams la g.yeng ba dang snod du ma gyur ba med mod kyi/ ma 'ongs pa'i dus na chos nyan pa rnams la de lta bu srid pas de dag la brtag pa'i tshul bstan pa'i phyir ro/ /lag na rdo rje dkyil 'khor spyad pa'i tshul bstan pa'i chos kyi rnam grangs thams cad mkhyen pa'i ye shes yongs su rdzogs par byed pa nyon cig ces pa ni dkyil 'khor gyi sgo nas lha mnyes par bya ba'i spyod pa rnam pa bcu drug bshad pa dang/ de bzhin du rim gyis sgrub pa'i sgo nas lha mnyes par bya ba'i spyod pa bzlas pa yan lag bzhi dang rang gi sems yongs su spyad par byas pas lha mnyes par 'gyur te/ rig 'dzin la sogs pa'i grub pa mngon du thob nas rim gyis thams

  91. 46a

    cad mkhyen pa'i ye shes yongs su rdzogs par 'gyur bas na thams cad mkhyen pa'i ye shes yongs su rdzogs pa'i dkyil 'khor zhes bya'o/ /dkyil 'khor spyad pa zhes pa ni dkyil 'khor bri ba la sogs pa'i spyod pa rnam pa bcu drug la sogs pa'o/ /tshul ni sngar bshad do/ /chos kyi rnam grangs zhes pa ni don gyi dngos po gcig la tshig mang po'i sgo nas don gyi dmigs bstan pa la bya ste thams cad mkhyen pa'i ye shes thob par bya ba ni pha rol tu phyin pa la sogs pa'i sgo nas kyang 'gyur/ sngags spyod pa'i sgo nas kyang 'gyur te/ de yang skabs 'dir sngags kyis te de bas nad? kyang spyad pa'i tshul bstan pa'i chos kyi rnam grangs zhes bya'o/ /de nas bcom ldan 'das rnam par snang mdzad chos kyi dbyings kyi dgos pa ma rdzogs shing sems can gyi khams ma lus pa bsgral bar dam bca' ba mdzad pas zhes pa nas byung nas kyang phyogs bcu kun tu bskor te slar log nas bcom ldan 'das kyi sku'i nang rang gi gnas rnams su zhugs so zhes pa'i bar du ma 'ongs pa'i 'gro ba rnams kyi don du snying rje chen po 'byung ba'i dkyil 'khor bri ba'i phyir rang bzhin gyi dkyil 'khor 'byung ba'i ting nge 'dzin bstan pa la bya ste/ ting nge 'dzin bstan pa yang snying rje chen po 'byung ba'i dkyil 'khor bri ba'i slob dpon gyis ting nge 'dzin 'di lta bu mngon du byas te/ de nas tshon gyis sku'i cha lugs la sogs pa'i dkyil 'khor dri ba'i tshul bstan pa'o/ /de la bcom ldan 'das rnam par snang mdzad chos kyi dbyings kyi dgongs pa ma rdzogs zhes pa chos kyi dbyings kyi stong pa nyid dang de bzhin nyid dang yang dag pa'i mdza' ste/ de'i dogs pa ni sku la sogs pa mi zad pa'i rgyan gyi sems can gyi khams thams cad kun tu khyab par bstan nas sems can de rnams bla na med pa'i byang chub tu bsgral ba la bya ste/ sems can de rnams kyang da dung ma lus par bsgral bas dgos pa ma rdzogs zhes bya'o/ /sems can gyi khams ma lus pa bsgral bar dam bca' ba mdzad pas zhes pa ni de ltar chos

  92. 46b

    kyi dgos pa de ma rdzogs pa yang rdzogs shing zad pa ma yin gyi bcom ldan 'das sngon byang chub sems dpa' i spyad pa spyod pa na thugs kyi yi dam mdzad pa ni bdag gis byang chub thob nas sems can ma lus pa yang bsgral bar bya'o zhes pa'o/ /de bas na sems can gyi sems ma lus par sgral bar dam bca' ba mdzad ces so/ /de bzhin gshegs pa thams cad dang thabs gcig yang dag par mol nas zhes pa ni 'das pa dang ma 'ongs pa dang da ltar zhugs pa'i sangs rgyas thams cad chogs dang chos kyi sku dang 'gro ba'i don mdzad pas mnyam pa nyid de/ de bas na sangs rgyas thams cad gsung gcig tu 'chad par bstan pa'o/ /gnyis su na de bzhin gshegs pa thams cad dang thabs gcig yang dge bar mol nas zhes pa ni chos kyi dbyings de bzhin nyid mngon du byas nas zhes pa'o/ /yang na de bzhin gshegs thams cad dang thabs gcig mol nas zhes pa ni ma 'ongs pa'i 'gro ba nga rgyal can rnams nga rgyal bcag pa dang zhu gtug mi byed pa rnams bla ma dang grogs po la dri zhing zhu gtug byed pa la brtson pa bskyed pa'i phyir ro/ /de bzhin gshegs pa thams cad mkhyen pa yang gzhan dang bka' gros mdzad cing chos ston na/ bdag cag tshod lta ci zhig snyam nas gzhan la 'dri ba la brtson par 'gyur ro/ /snying rje chen po'i snying po 'byung ba zhes bya ba'i ting nge 'dzin la snyoms par zhugs so zhes pa ni ting nge 'dzin de las snying rje chen po'i snying po 'byung ba 'am/ snying rje chen po las ting nge 'dzin 'byung ba la bya'o/ /bcom ldan 'das snyoms par zhugs ma thag tu sku'i yan lag thams cad nas de bzhin gshegs pa'i sku sems dang po bskyed pa nas gzung ste/ sa bcu'i bar du sems can la phan pa'i don mdzad pa rnams 'byung ngo/ /byung nas kyang phyogs bcu kun tu bskor te sla log nas bcom ldan 'das kyi sku'i nang rang ge gnas rnams su zhugs so zhes pa ni bcom ldan 'das ting nge 'dzin du zhugs pa de'i tshe ba spu'i bu ga re re nas kyang de bzhin gshegs pa'i sku 'dag? rnam par

  93. 47a

    sprul pa byung ste sems can gyi don byed pa ni sa dang po nas btsams nas sa bcu yongs su rdzogs par 'gyur ba'i phyir ro/ /de dag slar bcom ldan 'das kyi sku la so so'i gnas su zhugs pa yang ting nge 'dzin brtan pa'i mthus ba spu bug gang nas byung ba de nyid du slar ma 'khrul bar zhags pa'o/ /de nas yang bcom ldan 'das kyis byang chub sems dpa' phyag na rdo rje la 'di skad ces bka' stsal to/ /lag na rdo rje dkyil 'khor rnam par dgod pa nyon cig ces pa ni ting nge 'dzin de las bzhengs nas phyag na rdo rje la dkyil 'khor bshad pa la bya ste/ dkyil 'khor bri ba bshad pa de yar rgyu dang rang bzhin dang 'bras bu rnam pa gsum du blta ste/ de la rgyu ni slob dpon ni/ /rang bzhin ni dkyil 'khor sa bcad cing bri ba la sogs pa'o/ /'bras bu ni slob ma 'jug cing dbang bskur ba la sogs pa'o// de la dkyil 'khor bri ba'i rgyu'i gtso bo ni slob dpon yin te/ de bas na slob dpon gyi mtshan nyid thog mar bshad de/ /slob dpon gyi mtshan nyid bshad pa yang slob dpon? du 'jug pa'i yon tan gyi mtshan nyid dang/ slob dpon du grub pa'i yon tan gyi mtshan nyid dang/ de'i rab tu dbye ba'i mtshan nyid do/ /de la slob dpon du 'jug pa'i mtshan nyid ni yid byang chub kyi sems la zhugs pa la sogs pa'o/ /slob dpon du grub pa'i mtshan nyid ni dkyil 'khor bri ba'i las byed par gnas shing dbang bskur ba zhes bya'o/ /rab tu dbye ba'i mtshan nyid ni/ byang chub sems la rnam par gnas zhes pa'o/ /de dag kyang lus kyi yon tan dang/ ngag gi yon tan dang yid kyi yon tan gsum ste/ ji ltar rigs par sbyar bar bya'o/ /yid byang chub kyi sems la zhugs pa zhes pa ni phung po dag khams dang skye mched la sogs pa'i chos rnams stong par 'jig pa dang 'jug pa dang ldan pa'o/ /shes rab dang ldan pa zhes pa la shes rab rnam pa gnyis te/ rang bzhin gyi shes rab rno ba dang/ thos pa dang bsam pa la sogs pa'i shes rab ste de dag gang yang rung ba dang ldan pa'o/ /snying rje can zhes pa snying

  94. 47b

    rje ni sems can sdug bsngal las 'don par 'dod pa ste/ de yang rang bzhin gyi snying rje can dang mngon par 'dus byas pa'i snying rje ste/ de dag dang ldan pa'o/ /sgyu rtsal dag la mkhas pa zhes pa ni spyir 'jig rten gyi sgra thabs la sogs pa rnam pa mang mod kyi/ skabs 'dir ni dkyil 'khor bri ba dang mchod pa'i yan lag rnams la mkhas pa la bya'o/ /shes rab kyi pha rol tu phyin pa'i tshul la rtag tu mkhas pa zhes pa ni don dam pa dang/ kun rdzob rnam pa gnyis kyi tshul gyis mkhas pa ste/ don dam par ni shes rab kyi pha rol tu phyin pa'i tshul chos thams cad gzod ma nas ma byung ma skyes pa stong pa nyid kyi rang bzhin du bsgom pa la mkhas pa'o/ /kun rdzob tu ni de ltar stong pa nyid bsgom pa las langs nas sbyin pa la sogs pa'i pha rol tu phyin pa rnams spyad nas de la yang mi chags par 'khor gsum yongs su dag pa'i tshul du sbyar ba la mkhas pa'o/ /theg pa gsum gyi khyad par shes pa zhes pa ni nyan thos kyi theg pa gang zag la bdag med par rtogs nas phung po dang khams la sogs pa la mi rtag pa dang sdug bsngal ba dang bdag med par rtogs pa dang/ rang sangs rgyas kyi theg pa phung po la sogs pa de rnams kyang rten cing 'brel bar 'byung ba'i rang bzhin du rtogs pa dang/ theg pa chen po chos thams cad gzod ma nas ma byung ma skyes par rtogs pa rnams kyi mtshan nyid bye brag tu 'byed mkhas pa la bya'o/ /de la spyir theg pa gcig la gsum du dbyer ci yod ce na/ theg pa nyid gsum du dbye ba la ni mi bya'i/ nyan thos dang rang sangs rgyas rnams kyi so so'i ji ltar rtogs pa'i mtshan nyid 'byed mkhas pa la bya'o/ /gsang sngags kyi de kho na nyid kyi don la mkhas pa zhes pa ni sngags rnams kyi spyi'i de kho na nyid kyi mtshan nyid ni byang chub kyi sems te/ de la mkhas pa dang sngags dang/ yi ge sa bon dang/ ting nge 'dzin rnams la mkhas pa ste/ sngags la mkhas pa ni sngags kyi tshig rnams bskul ba dang phyag rgya'i rang bzhin 'byed mkhas pa'o/ /yi ge sa bon

  95. 48a

    la mkhas pa ni lha rnams so so'i sa bon snying po gang yin pa dang/ de rnams kyi ting nge 'dzin gyi sgo dang/ las gang yin pa la mkhas pa'o/ /ting nge 'dzin la mkhas pa ni ting nge 'dzin du zhugs pa las dbang chen dang tshul sogs pa'i dkyil 'khor bkod cing de rnams kyi las sgrub pa la mkhas pa'o/ bsam pa shes pa ni slob ma rnams kyi bsam pa shes pa ste/ de yang gzhan gyi sems shes pa'i tshul gyis shes pa la ni mi bya'i/ sngags kyi cha brtag pa'i tshul gyis slob ma rnams kyi spyod pa dang tshul la brtags nas lha zhi ba dang khro bo rnams la bsnyen par 'os pa dang/ grub pa rab 'bring gsum las gang bsgrub par 'os pa la sogs pa'i tshul la mkhas pa'o/ /sangs rgyas dang byang chub sems dpa' rnams la dad pa zhes pa ni de rnams kyi yon tan bshad pa la yid ches pa'o// dkyil 'khor bri ba'i las byed par gnang zhing dbang bskur ba zhes pa dbang bskur ba ni dbang bskur ba'i dkyil 'khor du dri dang me tog dang sman dang rin po che la sogs pas brgyan pa'i bum par chu blugs te dbang bskur ba la bya'o/ /gnang ba ni de ltar dbang bskur nas khyod kyis dkyil 'khor bri ba dang/ sgrub pa la spyod par gyis shig ces tshig gis gnang ba'o/ /de la gnang zhing dbang bskur ba zhes pa dbang ma bskur ba ni gnang ba mi 'thob ste/ gnang ba smos pas dbang bskur ba ma smos kyang zhang? la go bar 'gyur na/ gnyis ka ci'i phyir smos she na/ gdon sel ba la sogs pa'i las phran tshogs la dbang ma bskur kyang byos shig pa'i gnang ba thob pa srid de/ de bas na gnang ba thob cing dbang bskur ba zhes smos so/ /brtan pa ni shes pa dang longs spyod la sogs pa dang ldan pa yang de dag gis dregs par mi 'gyur la de dag dang mi ldan na yang zhum par mi 'gyur ba'o/ /sbyor ba la mkhas zhes pa ni thub pa dang zhi ba la sogs pa'i las sbyor ba la mkhas pa'o/ /byang chub sems la rnam par gnas zhes pa ni stong pa nyid rnam par mi tog pa'i

  96. 48b

    ting nge 'dzin la gnas nus pa'o/ /gsang ba pa'i bdag po slob dpon de lta bu ni rgyal ba'i sras yin te/ sangs rgyas dang byang chub sems dpa' rnams kyis rab tu bsngags so zhes pa la slob dpon de lta bu ni gong du smos pa'i yon tan rnams dang ldan pa'o/ /rgyal ba'i sras zhes pa ni rgyal ba'i bdag nyid las skyes pa ste/ rgyal ba ni sangs rgyas bcom ldan 'das yin la/ de'i bdag nyid ni chos kyi dbyings te/ chos kyi dbyings stong pa nyid la mos pa las byung ba ni rgyal 'bi? bdag nyid la skyes pa zhes bya'o/ /sangs rgyas dang byang chub sems dpa' rnams kyis rab tu bsngags so zhes pa ni de lta bu'i yon tan dang ldan pa'i slob dpon de ni sangs rgyas dang byang chub sems dpa' rnams kyis rab tu bsngags so/ /de lta bu'i slob dpon de sangs rgyas dang byang chub sems dpa' rnams kyis rab tu bsngags na/ mi bsngags pa'i slob dpon yang yod dam zhe na/ yod de sangs rgyas dang byang chub sems dpa' rnams kyis rab tu bsngags so zhes pa'i tshig gi slob dpon rnam gnyis su shes par bya ste/ zab cing rgya che ba la mos pa dang/ dmigs pa can no/ /de la skabs 'dir slob dpon yon tan de lta bu dang ldan pas sangs rgyas dang byang chub sems dpa' rnams kyis bsngags pa ni zab cing rgya che ba'i slob dpon la bya'o/ /dmigs pa can gyi slob dpon gyi mtshan nyid ni 'og nas slob dpon gnyi ga'i mtshan nyid bshad pa'i skabs su shes par bya'o/ /da ni slob dpon de lta bus dkyil 'khor du gzung ba'i slob ma rnams brtag par bya ste/ slob ma de rnams brtag pa yang rang bzhin gyi yon tan dang/ mngon par 'dus byas pa'i yon tan gyi sgo nas so/ /de lta bas na gsang ba pa'i bdag por la slob dpon la gzhan gyis gsol ba btab kyang rung zhes pa ni 'og nas 'byung ba'i mtshan nyid dang ldan pa'i slob ma rnams kyis gsol ba btab kyang rung zhes pa'o/ /yang na bdag gis sems can dag /snod du rang zhing nyes bral ba/ /

  97. 49a

    de mthong nas ni bdag nyid kyis/ /ma gsol bar ni de bos te/ /zhes sbyar te snod du rung zhing zhes pa ni sngags bshad pa'i snod du 'gyur ba'o/ /nyes bral zhes pa ni sdig pa med pa ste/ de la sdig pa ni sems rgyur la yod na ji ltar slob dpon des mthong bar 'gyur zhe na/ sems kyi rgyud la gnas pa'i sdig pa med par mthong ba la ni mi bya'i/ sdig pa'i rgyu mi dge ba bcu'i las kyi lam ni spyod par mthong ba ni sdig pa med par mthong ba'o/ /de lta bu'i slob ma mthong na phas ma gsol kyang slob ma de snod du 'gyur ba yin pas 'og nas 'byung pa'i tshigs su bcad pas chos bshad cing sngags kyi tshul la bzhag par bya'o/ /mos mang zhes pa ni sa dang pha rol tu phyin pa la sogs pa sangs rgyas bcom ldan 'das kyi yon tan gyi chos rnams rtogs shad mngon du ma byas kyang thos pa dang bsam pa dang sgom pa'i sgo nas 'di nyid yin gyi gzhan ni ma yin no zhes pa ni mos pa mang ba'o/ /brtan zhes pa ni gong du slob dpon gyi brtan pa nyid bshad pa dang mthun no/ /ngang pa zhes pa ni dkon mchog gsum la yid ches pa'i rnam pa dang sngags kyi tshul la yid ches pa'i dang pa'o/ / gzhan la phan dga' zhes pa ni snying rje chen po dang ldan pa ste/ gzhan sdug bsngal dang bral bar dga' ba'o/ /slob ma de lta bu dang ldan par shes shing mthong nas bdag nyid kyis ma gsol bar ni de bos te zhes gong du smos pa'i yon tan gyi mtshan nyid dang ldan par mthong nas zhes pa'o/ /'di skad bya zhes pa ni gal te slob ma de bdag cag sngags grub pa'i 'bras bu rig 'dzin la sogs pa 'dod pa ma yin gyi bla na med pa'i byang chub thob par 'dod do snyam du sems pa la/ sngags kyi sgo nas bla na med pa'i byang chub thob pa'i mtshan nyid kyis chos shong cig ces pa'o/ /khyod ni tshul chen snod yin gyi/ /bu tshur theg pa chen po yi/ /gsang sngags spyod tshul cho ga ni/ /khyod la yang dag bstan par bya/ /zhes pa ni sngags sbyang pa'i tshul 'di theg pa chen po yin la/ de yang slob ma snod? du gyur pa'i

  98. 49b

    phyir bshad pas na yang dag par bshad pa yin gyi/ kha dang bkur sti'i phyir bshad pa ni ma yin no/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i mgon po rnams/ /'gro la phan phyir bzhugs pa dang/ /ces pa ni 'das pa dang da ltar dang ma byon pa'i yang dag par rdzogs pa'i sangs rgyas rnams kyang gsang sngags kyi spyod pa'i cho ga mchog 'di las byang chub kyi shing drung du bdud rnam pa bzhi bcom nas thams cad mkhyen pa'i ye shes brnyes te/ de bas na slob ma khyed rnams kyis kyang cho ga mchog 'di las thams cad mkhyen pa'i ye shes thob par 'gyur ro zhes bstar pa ste/ de bas na de dag kun gyi gsang sngags kyi/ /cho ga mchog bzang 'di mkhyen nas/ /dpa' bos byang chub shing drung du/ /thams cad mkhyen pa tshad med brnyes/ /gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu 'di blo gros 'di gyis shig ces gsungs pa yin no/ /de dag kun gyis shas pa ni 'das pa dang da ltar dang mkhyon pa'i sangs rgyas kun gyis shes pa'o/ /byang chub shing drung du/ thams cad mkhyen pa tshad med brnyes zhes pa ni byang chub kyi shing gi drung du thams cad mkhyen pa mchen ma med pa thob pa'o/ /sngags kyi sbyor ba mnyam med de zhes pa ni gang dang yang mi mnyam pa'i sngags kyi spyod pa des thams cad mkhyen pa thob par shes par bya'o/ /de bas kun mkhyen thob bya'i phyir/ /bu yis blo gros 'di gyis shig /ces pa ni de ltar shAkya seng ges kyang sngags kyi spyod pa'i sgo nas thams cad mkhyen pa brnyes pas na khyod kyis kyang 'di'i sgo nas thams cad mkhyen pa thob par gyis shig ces bshad pa'o/ /de ltar thams cad mkhyen pa thob pa yang bcom ldan 'das kyis 'og min gyi gnas la sogs pa mngon par byang chub pa'i rim pa gzhan yang yod mod kyi/ skabs 'dir mi rnams la bshad pa'i phyir sprul pa'i skus byang chub kyi shing drung du

  99. 50a

    mngon par byang chub pa'i rim pa bstan to/ /de ltar lan mang bzed bstong de zhes pa ni gong du smos pa'i tshul gyis slob ma de mang du spro ba bskyed cig ces pa'o/ /snying rjer gyur pa'i yid kyis ni/ /zhes pa khe dang bkur sti'i phyir ma yin gyi slob ma de dag la snying rje ba'i phyir ro/ /slob ma de brtan shes nas ni/ /zhes pa ni slob ma de rnams de ltar gong du smos pa'i tshul gyis yid ches te gzhan du mi 'gyur bar gyur na slob ma de dag gi ched du dkyil 'khor bri ba'i sa rnams brtag par bya ste/ de yangs nyid kyi yon tan gyis dga' ba dang/ 'phags pa rnams kyis bcags pas dga' ba dang/ lha dang mi rnams kyis bsnyen pas dga' ba dang/ sngags mkhan nyid gang du dad pas dga' ba'o/ /de las nyid kyi yon tan gyis dga' pa'i gnas na/ /me tog 'bras bu ldan pa'i ras gcang zhing yid 'ong chu'i gnas/ /zhes pa nas/ gdan 'bab chu mang po dag /dang pa bzhad kyis brgyan yod pa/ /der ni sngags pa blo can gyis/ /snying rje 'byung ba'i dkyil 'khor bri zhes pa'i bar du'o/ /sangs rgyas rnams dang rang mgan dang/ /de bzhin rgyal ba'i nyan thos kyi sa phyogs gang dag bsten pa ni/ /de dag thub pas rtag tu bsngags/ /zhes pa'i bar gyis ni 'phags pa rnams kyis zhabs kyis lbcags bas dga' ba'o/ /phyogs gzhan rnam pa sna tshogs pa/ /lha khang kun dga' bzang po dang/ /khyim dang yang tog nyams dga' dang zhes pa nas lha yi gnas rnams thams cad dag /de bzhin khang ba stong par yang/ /slob ma dag la phan 'dod phyir/ /nan tan du ni dkyil 'khor bri zhes pa'i bar gyis ni lha dang mi rnams kyis bsnyen pas dga' ba'o/ /yang na yid du 'ong ba'i sa/ /gang yang rung bar bri bar bya zhes pa ni gong du smos pa rnam pa gsum las gzhan sngags pa nyid gang du dad pa'i sa der dkyil 'khor bri ba gsungs pa yin no/ /de las gzhi yongs su sbyang bar bya ba ni zhes pa spyad pa rnam ba gnyis te/ phyi dang nang gi'o/ /de bas na slob dpon yang rnam pa

  100. 50b

    gnyis te/ zab cing rgya che ba la mos pa dang/ dmigs pa can no/ /de la zab cing rgya che ba la mos pa'i slob dpon gyis ni byang chub kyi sems bsgoms pas phyi'i nyes pa rnams kyi dngos po gzod ma nas ma byung ma skyes par rtogs te nang gi sems sbyangs pas dag par 'gyur ba'i phyir phyi'i zug rngu bsal ba la sogs pa mi dgos mod kyi slob ma rnams kyi yid dang sbyar ba'i phyir phyi'i sa rnams bstag par yang de rnams la ma zhen par bya ste/ de bas na slob dpon zab cing rgya che ba la mos pas ni phyi nang gnyis ka'i sa sbyar bar bya'o/ /dmigs pa can gyi slob dpon gyis ni byang chub kyi sems goms par ma byas pas phyi'i sa rnams sbyang bar bya'o/ /de la nang gi sa sbyang ba ni/ byang chub kyi sems goms par byed pa'o/ /phyi'i sa sbyang ba ni rdo dang por ba dang gyo mo dang gseg ma med cing zhes pa nas nyes pa thams cad spangs pa'i gnas ni lha rnams la rab tu shis so zhes pa'i bar du'o/ /de la chos grangs dang zhes pa nas snga dro'i dus kyi che ltas bzang pos mtshon pa la zhes pa'i bar du ni dkyil 'khor bri ba'i sa brtag pa tshar nas/ yongs su gzung ba rtsom pa'i chos grangs dang skar ma brtag pa la bya ste/ rgyu skar shis pa ni skar ma 'ba' zhig shis pa la mi bya'i nyi ma dang tshes grangs kun kyang ste/ shis pa zhes pa so so la sbyar bar bya'o/ /snga dro'i dus kyi tshe ltas bzang pos mtshon pa la zhes pa ltas bzang po brtags pa ra ba 'bring rnam pa gsum ste/ lha'i dang bar snang gi dang/ sa las byung ba'o/ /de la lha'i ni nam mkha' las sgra snyan pa la sogs pa 'byung ba ste mchog go /bar snang gi ni bkra shis ba'i tshig dang bram ze rig byed la sogs pa thos pa ste 'bring ngo/ /sa las byung ba ni sa la dud la sogs pa 'dug par mthong ba ste tha ma'o/ /de ltar thog mar rtsom pa'i snga dro'i dus na ltas de rnams las gang yang rung ba zhig byung na bzang ste/ sa yongs su gzung ba la sogs pa'i las rnams brtsam par bya'o/ /sa'i lha mo spran pa'i tshigs su bcad pa

  101. 51a

    gnyis bsgrag par bya'o zhes pa ni snga dro'i dus na ltas bzang po dang ldan na dkyil 'khor gang du bri bar bya ba'i sa gzhi der sa'i lha mo la khyod kyi steng du dkyil 'khor bri'o zhes gsol ba btab ste/ bstod pa'i tshigs su bcad pa'i sgo nas so/ / sangs rgyas skyob pa thams cad kyis/ /sbyong pa'i tshul gyis khyad par ni zhes pa la sogs pa ste/ sangs rgyas bcom ldan 'das kyis byang chub sems dpa' i spyad pa spyod pa nas dang pha rol tu phyin pa rnams kyi tshul khyad par du spyad pa dang/ de ltar spyad nas byang chub kyi shing drung du bdud rnam pa bzhi bcom ste mngon par sangs rgyas pa yang sa khyod kyi steng du yin pas na lha mo khyod kyis ji lta ba bzhin du shes te dpang du gyur to zhes pa ste/ de bas na/ spyod pa'i tshul gyis khyad par ni/ /sa dang pha rol tu phyin dag la/ /zhes dang/ shAkya seng ge skyong pa yis/ /ji ltar bdud kyi sde bcom pa/ /zhes gsungs pa yin no/ /de bzhin bdag gis bdud las ni/ /rgyal bar byas te dkyil 'khor bri/ /zhes pa ni ji ltar bcom ldan 'das shAkya thub pas sa dang pha rol tu phyin pa rnams spyad de/ byang chub kyi shing drung du bdud rnam pa bzhi btul nas mngon par byang chub par byas pa de bzhin du bdag kyang ma lus pa'i sems can gyi khams rnams bsgral ba'i phyir sa khyod kyi steng du dkyil 'khor bri ste/ rims kyis bla na med pa'i byang chub tu mngon par 'tshang rgya bar bgyi'o zhes pa'o// sa la yag pa reg byas shing/ /de ltar lan mang spran nas ni/ /pus mo gnyis ni der ba tsugs nas/ /me tog spos kyis mchod par bya/ /mchod nas sngags bas de nas ni/ /de bzhin gshegs la phyag 'tshal te/ /zhes pa sa'i lha mo la chags su bcad pas bskul te gsol ba gtab pa la yang sngar de bzhin gshegs pa rnams dang lha mo de la mchod cing phyag byas la lag pa sa la bzhag nas/ gdod gong du smos pa'i tshigs su bcad pas bskul te gsol ba gdab bo/ /de nas cho ga 'di dag gis/ /mkhas pas sa

  102. 51b

    gzhi sbyang bar bya/ /zhes pa ni 'og nas 'byung ba'i tshul gyis sa sbyang bar bya'o/ /de nas phyag na rdo rjes bcom ldan 'das kyi zhabs la gtugs te bcom ldan 'das la 'di skad ces gsol to zhes pa nas/ 'di lta'i tshul ni mi shes pas/ /yul dang dus dang bya ba las// dge dang mi dge'i mtshan ma yis/ /rmongs pa 'bras bu 'dod byed de/ /sems dpa' chen po de dag phyir/ /cho ga 'di ni brjod pa yin zhes pa'i bar ni gong du nyi ma dang tshes grangs dang/ skar ma la sogs pa'i lngas rnams ni bshad na/ sngags rnams kyi rang bzhin ni don dam par byang chub kyi sems yin te/ mtshan ma med pa de dag las 'das pa'o/ /kun rdzob tu yang dkyil 'khor dang sgrub pa dang sngags sbyang ba'i yan lag rnams mtshan ma can yin mod kyi/ don gyi bya ba byed pa skar ma dang tshes grangs la sogs pa'i mtshan ma 'di rnams ni don dam pa dang yang 'gal la kun rdzob tu yang don gyi bya ba byed pa ma yin na/ ci'i phyir bcom ldan 'das kyis mtshan ma de dag bshad ces gsol pa dang/ bcom ldan 'das kyis kyang don dam pa'i mtshan nyid bstan nas don dam pa'i mtshan nyid de lta bu yin mod kyi ma 'ongs pa'i 'gro ba rnams kyi don dam pa'i tshul de mi shes pas 'gro ba de rnams drang pa'i phyir mtshan ma rnams bshad pa'i rigs pa bstan pa ste/ 'gro ba de rnams kyang rnam pa gnyis te/ dngos po la chags pa dang dngos po med pa la chags pa'o/ /dngos po la chags pa rnams la yang tshes grangs dang dus dang yul la sogs pa dngos po dang rjes su mthun par bshad cing drang ba dang dngos po med pa la chags pa rnams kyang de las bzlog ste/ dngos po'i sgo nas drang ba'i phyir ro/ /sangs rgyas mtshan mi mnga' ste/ /zhes pa mi gzung ba dang 'dzin pa'i mtshan ma mi mnga' ba'o/ /chos kyi sku la rnam par bzhugs zhes pa ni de ltar gzung ba dang 'dzin pa'i mtshan ma mi mnga' bas dmigs su med pa ste/ dmigs su med pa'i sku'o/ /de ltar sangs rgyas bcom ldan 'das chos kyi sku'i rang bzhin du

  103. 52a

    gyur pa ni chos sku la rnam bar bzhugs zhes bya'o/ /gsang ba pa'i bdag po/ /de la ji skad bstan pa'i gnas gang yang rung bar sa gzhi rab tu 'thas par bcags te zhes pa nas/ bdag nyid la ni 'di skad du/ sems can chen po bu khyod legs/ /dkyil 'khor myur du bris shig ces/ /spro ba bskyed pa mthong yang rung zhes pa'i bar du zhag bdun gyi sngon rol du snang ba dang/ mi snang ba la dkyil 'khor bri ba'i sa slang ste de la snang ba ni rgyal po la sogs pa'i mi rnams so/ /mi snang ba ni 'jig rten pa'i lha dang gnod sbyin dang sha za la sogs pa ste/ lha la sogs pa ma bslab bar bgyi bar? bris na dkyil 'khor gyi lha khro bo la sogs pa'i zer gyis 'jig rten pa'i lha de rnams la gnod par 'gyur te/ de ltar gnod bar gyur na lha de dag sgrub pa la bgegs kyis skabs 'tshol bar 'gyur ro/ / gnyis su na de dag la gnod bzhin du dkyil 'khor bris na sgrub pa po snying rje med par 'gyur te/ de bas na de dag gis sbyin pa'i ched du sngar la sogs pa rnams spran gyis bslangs na lha la sogs pa de rnams kyang dag byed cing de nas gzhan du 'dod ste nyes pa med par 'gyur la/ rgyal po la sogs pa mi rnams la yang sngar sa bslangs na phyis brtsad par mi 'gyur ba'i phyir ro/ /der sngar bslangs nas phyis dkyil 'khor bri ba las zhag gsum gyi sngon rol tu ji skad du spros pa'i sa der ji ltar rigs par brtags nas sa yongs su gzung ba'i rim pa 'di ltar bya'o/ /thog mar pa'i lci ba sa la ma lhung ba dang ba'i gcin du bsres pas dkyil 'khor bya'o/ /de nas sa de sngags kyis bsrung bar bya'o/ /de nas phyogs mtshams kun tu bgegs bsal bar bya'o/ /de'i 'og tu dri'i dkyil 'khor song bcu gnyis pa gru bzhi pa rnams bya'o/ /de nas sngags pa 'greng ste dkyil 'khor de'i dbus kyi nam mkha' la sangs rgyas rnams bsam par bya ste/ de yang rang bzhin gyi dkyil 'khor rnams sdud par gyur pa dam tshig gsum gyi phyag rgya bcings

  104. 52b

    nas bsam mo/ /sngags pa 'greng ste bsam pa ni sangs rgyas lnga po rnams nam mkha' la bsam pa ni mi gnas pa'i ston pa yin pa'i phyir ro/ /de nas der dri dang me tog la sogs pas mchod de sangs rgyas rnams kyi spyan sngar 'phags pa mi g.yo ba 'am/ khams gsum rnam par rgyal ba 'am/ gang yang rung ba'i sngags kyis sa de yongs su gzung bar bya'o/ /de nas sangs rgyas sras dang bcas pa slob ma rnams dkyil 'khor du gzung ba'i nub mo gshegs su gsol lo/ /de nas sngags pa de nub phyogs kyi ngos su nyal la byang chub kyi sems dang snying rje dang ldan par bya ste/ rmi lam blta bar bya'o/ /de yang rab 'bring gsum du shes par bya ste/ de la byang chub sems dpa' rnams mthong na rmi lam tha ma'o/ /sangs rgyas rnams mthong na 'bring ngo/ /sangs rgyas de rnams shin tu dgyes shing sngags pa la bu khyod legs so dkyil 'khor myur du dris shig ces bskul ma 'debs par mthong na rmi lam rab tu shes par bya'o/ /'di rnams kyang rgyud nyid kyi nang nas zhib tu 'byung ste/ rgyud kyi nang na ltag 'og 'khrugs par 'byung bas 'dir las su bya ba'i rim pa bzhin du bkod do/ / de nas de'i phyi rol? nyi ma zhes pa nas gcig gnyis bzhi las lhag kyang rung/ /dpyad mi dgos par gzung bar bya/ /zhes pa'i bar du slob ma rnams brtag pa ste/ de yang bye brag gi mtshan nyid dang/ rab tu dbye ba'i mtshan nyid dang/ phal pa'i mtshan nyid do/ /de yang 'dir slob ma dang cir rigs ? pa zhes pa la sogs pa'i mtshan nyid ji skad du bshad pa rnams ni bye brag gi mtshan nyid do/ /rab tu dbye ba'i mtshan nyid ni 'og nas 'chad la/ phal pa'i mtshan nyid ni sngar ji skad du bshad pa dang grangs su bcad pa las gzhan pa ste/ 'og nas 'on kyang slob dpon snying rje chen po dang ldan pas sems can gyi khams ma lus pa bsgral bar yid dam bca' ba kho nar bya ste/ des byang chub kyi sems kyi rgyur 'gyur bar bya ba'i phyir sems can tshad med pa rnams yongs su gzung bar

  105. 53a

    bya'o zhes 'byung ba yin no/ /slob ma de rnams las kyang rgyud la sogs pa la mkhas shing byang chub kyi sems goms pa ni dkyil 'khor du bcug pa de nyid kyi tshe na slob dpon nam sgrub par dbang bskur bar bya'o/ /rgyud la sogs pa rnams la ni mkhas kyang byang chub kyi sems ma bsgoms na byang chub kyi sems sgom du bcug ste/ phyis dbang bskur bar bya'o/ /de las gzhan snga nas kyang rgyud mi shes byang chub kyi sems kyang ma bsgoms/ phyis kyang rgyud shes par mi 'gyur ba byang chub kyi sems kyang sgom par mi 'gyur ba ni phal pa ste/ dus gnyis kar yang dbang mi bskur gyi/ byang chub kyi sa bon du 'gyur ba'i phyir dkyil 'khor du gzung de/ de la/ slob ma dad cing rigs btsun pa/ /zhes pa la sogs pa'i mtshan nyid ni gong du slob ma'i mtshan nyid brjod pa na bshad zin pas 'dir ma bshad do/ /bcu 'am brgyad dam bdun nam lnga/ /gcig gnyis bzhi las lhag kyang rung/ /zhes pa ni ji skad du bshad pa'i mtshan nyid dang ldan pa'i slob ma ni shin tu dkon pas grangs nyung du gsungs pa yin la/ lhag kyang rung zhes pa ni mtshan nyid de lta bu dang ldan pa yang dkon pa ste /rgya la de lta bu'i mtshan nyid dang ldan na de las lhag ste/ grangs med pa yod na yang nyes pa med do/ /de nas yang bcom ldan 'das la phyag na rdo rjes zhus pa zhes pa nas/ byang chub kyi sems kyi rgyur gyur par bya ba'i phyir sems can tshad med pa rnams yongs su gzung bar bya'o zhes pa'i bar ni gong du slob ma'i grangs nges par gsungs na ci las yin zhes bcom ldan 'das la phyag na rdo rjes gsol pa dang/ de'i lan bcom ldan 'das kyis gsungs pa yin te/ slob ma rnams kyi grangs nges par gsungs pa ci las yin zhes dri dgos pa la/ dkyil 'khor 'di'i ming ci lags ci'i slad du dkyil 'khor zhes bgyi zhes bya ba dris she na/ de'i dgongs pa ni 'di lta ste/ de skad dris na dkyil 'khor

  106. 53b

    gyi nges pa'i tshig dang dmigs su bab pa bstan par bya ba dang/ slob ma'i grangs nges pa gsum char dris par 'gyur te/ de la dkyil 'khor 'di'i ming ci lags zhes pa ni dmigs su bab cing bstan par bya ba'i dkyil 'khor dris pa'o/ /ci'i slad du dkyil 'khor zhes pa ni nges pa'i tshig dris pa'o/ /dkyil 'khor 'di ni sangs rgyas 'byung ba ste zhes pa ni dkyil 'khor 'di sangs rgyas 'byung ba dang 'dra ba'i phyir te/ sangs rgyas byung na sangs rgyas kyi yon tan gyi chos rnams kyang 'byung la/ sems can gyi don mdzad pa yang yod de de bzhin du dkyil 'khor 'di las kyang sangs rgyas kyi chos rnams 'byung zhing sems can gyi don bya ba yang yod de/ 'phral du byang chub kyi sems bskyed pa dang rim gyis mchog la sogs pa'i grub pa dang zhi ba la sogs pa'i las rnams byed pa yod cing/ mthar sangs rgyas su 'gyur bar byed pa'i phyir ro/ /dkyil ni snying po zhes bya'o/ /'khor ni rdzogs pa ste zhes pa ni mar gyi snying po 'am/ tsan dan snying po dang 'dra ste mchog gam dam pa la bya'o/ /mar dang tsan dan gyi snying po de la ni mi chog pa dang ma rdzogs pa yang srid na de dag dang 'dra ba yin nam zhe na/ snying po 'dra mod kyang de las khyad par du khyab pa zhes gsungs te/ khyab pa ni chog pa dang yongs su rdzogs pa'i don to/ /dkyil 'khor 'di'i snying po ni ji ltar chog pa dang rdzogs pa yin zhe na/ sangs rgyas bcom ldan 'das bskal pa grangs med par bsod nams dang ye shes kyi tshogs bsags nas stobs dang mi 'jigs pa la sogs pa sangs rgyas kyi yon tan rnams yongs su rdzogs te bla na med pa'i byang chub tu mngon par sangs rgyas pa ni snying por gyur pa mchog dang dam pa ste /mchog ni de las gzhan pa btsal mi dgos par des chog pas mi 'gyur bar yongs su grub pa'o/ /gang bla na med pa'i byang chub tu mngon par sangs rgyas pa mi 'gyur bar yongs su grub pa de nyid sngon gyi smon lam gyi shugs kyis sku la sogs

  107. 54a

    pa mi zad pa'i rgyan gyi 'khor lor gyur pa ni dkyil 'khor 'dir byin gyis brlabs pas na dkyil 'khor 'di'i snying pos chog pa zhes bya'o/ /gsang ba pa'i bdag po/ /'on kyang dkyil 'khor rgyas pa 'di ni sems can gyi khams ma nges pa yongs su bsgrub pa'i phyir snying rje chen po'i 'byung ba zhes bya ste zhes pa la/ sems can gyi khams ma nges pa yongs su bsgrub pa'i phyir zhes pa ni snying rje chen po'i dbang gis tshad med pa'i sems can gyi khams rnams dkyil 'khor 'dir btsud pa bla na med pa'i byang chub kyi rgyur 'gyur bas yongs su bskyab pa'i phyir zhes gsungs so/ /snying rje chen po'i snying po 'byung ba zhes pa ni dkyil 'khor 'di snying rje chen po las 'byung ba ste/ bcom ldan 'das thams cad mkhyen pa'i ye shes brnyes nas snying rje chen po'i dbang gis sku la sogs pa mi zad pa'i rgyan gyi dkyil 'khor 'di 'byung bas na snying rje chen po las 'byung ba zhes bya'o/ /snying po zhes pa ni 'byung khungs te snying rje chen po de dkyil 'khor 'di 'byung ba'i gnas so/ /yang na dkyil 'khor 'di las snying rje chen po 'byung ba la yang bya ste/ dkyil 'khor 'di'i sgo nas de bzhin gshegs pa'i yon tan gyi chos snying rje chen po la sogs pa 'byung ste /thams cad mkhyen pa'i ye shes thob par 'gyur ba'i phyir ro/ /dkyil 'khor rgyas pa zhes pa ni dkyil 'khor 'dir btsud pa'i sems can rnams bsod nams rgyas pa'i phyir ro/ /gnyis su na dkyil 'khor nyid kyi snam bu la sogs pa'i rim pa 'phel ba 'am/ rgyas pa la yang bya'o/ /'on kyang zhes pa ni sangs rgyas 'byung bas dkyil 'khor zhes bya mod kyi/ 'di rnams dang ldan pa'i phyir ming yang 'di skad ces bya'o/ /der ni de bzhin gshegs pa rnams kyis bskal pa grangs med par bla na med pa yang dag par rdzogs pa'i byang chub yang dag par bsgrubs pa byin gyis brlabs so zhes pa

  108. 54b

    ni dkyil 'khor 'di ni gzhan ma yin gyi gang de bzhin gshegs pas bskal pa grangs med par bsod nams dang ye shes kyi tshogs bsags nas bla na med pa'i byang chub thob pa de nyid sngags kyi lha dang phyag rgya dang sngags kyi yi ge rnams su lhag par bkod de byin gyis brlabs so zhes bstan pa'o/ /gsang ba pa'i bdag po de lta bas na/ rnam grangs 'dis kyang khyod kyis 'di ltar rig par bya ste zhes sbyar te/ de bzhin gshegs pa rnams bskal pa grangs med par bsod nams dang ye shes kyi tshogs bsags pas thams cad mkhyen pa brnyes nas sngon gyi smon lam gyi shugs kyi sku la sogs pa mi zad pa'i rgyan sems can gyi khams ma lus pa'i phyir byin gyis rlob ste/ sems can gyi khams gcig gam gnyis kyi phyir ma yin te rnam grangs nges na de bzhin gshegs pa de gang du 'tshang rgya ba ni sems can gcig gam/ gnyis kyi phyir ma yin te/ mdza' yas pa'i sems can gyi don gyi phyir mngon par 'tshang rgya bar rig par bya ste/ de bas na/ de bzhin gshegs pa rnams ni sems can gcig gi phyir byang chub mngon par rdzogs par 'tshang rgya ba ma yin/ gnyis kyi phyir ma yin/ gsum gyi phyir ma yin gyi /'on kyang thugs rje chen po'i dbang du gyur pa dag sems can gyi khams ma lus pa yongs su bskyab pa'i phyir byang chub mngon par rdzogs par 'tshang rgya ste zhes gsungs pa yin no/ /bsam pa ji lta ba bzhin du sems can rnams la chos 'chad ces pa ni de bzhin gshegs pa ma lus pa'i sems can rnams kyi don du mngon par sangs rgyas mod kyi /ma lus pa'i sems can thams cad de bzhin gshegs pas chos bshad pa'i snod du mi 'gyur te/ so so'i dad pa dang rjes su mthun par de bzhin gshegs pas chos 'chad pa ni bsam pa ji lta ba bzhin du chos 'chad pa'o zhes so/ /gsang ba pa'i

  109. 55a

    bdag po theg pa chen po la sngon goms par ma byas pa rnams ni gsang sngags spyad pa'i tshul mthong ngam/ thos na sems can la dga' ba 'am cung zad kyang yang dag par mi skye'i/ gsang ba pa'i bdag po/ gang dag gi sngon theg pa chen po'i gsang sngags spyod pa'i tshul sgo mdza' yas pa sgrub pa la goms par byas pa zhes pa la byang chub sems dpa' la rnam pa gnyis te/ pha rol tu phyin pa'i spyad pa spyod pa dang/ sngags kyi sgor spyad pa spyod pa'o/ /de la pha rol tu phyin pa'i spyad pa spyod pa'i byang chub sems dpa' yang sngags kyi spyad pa spyod/ sngags kyi sgor spyod pa'i byang chub sems dpa' yang pha rol tu phyin pa la spyod de/ de la yang khyad par ni gcig ni sngags gtso bor sgrub cing pha rol tu phyin pa zhar la spyod la/ gcig ni pha rol tu phyin pa gtso bor sgrub cing sngags zhar la spyod de/ de ltar spyod pa gnyis ka yang theg pa chen po'i mtshan nyid du gcig ste/ sems can gang de lta bu'i theg pa chen po la tshe rabs sgyu ma rnams su thos pa dang bsam ba dang sgom pa'i sgo nas ma zhugs shing nan tan du ma byas pas ni gsang sngags sbyar ba'i tshul gyi chos rnams thos sam/ dkyil 'khor la sogs pa mthong na yang dang ba dang dga' ba mi skye'o/ /sngags kyi spyod pa dang pha rol tu phyin pa'i spyod ba dag sngon goms par byas pa ni gnyi ga la yang dang ba skye ste sngags spyod par goms par byas pas kyang pha rol tu phyin pa mthong ngam thos na dga' zhing dang ba skye la/ pha rol tu phyin pa'i spyod pa la goms pas kyang sngags kyi spyod pa mthong ngam thos na dga' zhing dang ba skye'o/ /de bas na/ gang dag gis sngon theg pa chen po'i gsang sngags spyod pa'i tshul sgo mdza' yas bsgrub pa la goms par byas pa zhes gsungs pa yin te/ de bas na/ theg pa chen po gsang sngags spyod pa'i

  110. 55b

    tshul 'di lta bu la goms par byas pa ni gsang sngags spyod pa'i tshul 'di la dad cing smod du 'gyur gyi gzhan rnams ni ma yin no zhes pa'o/ /sgo mdza' yas pa sgrub pa zhes pa ni theg pa chen po de nyid kyi yon tan te/ stobs dang mi 'jigs pa la sogs pa sangs rgyas kyi yon tan gyi chos rnams sgrub pa dang/ rig pa'i rgyal po dang/ khro bo dang/ pho nya la sogs pa'i sgo rnam pa mang po sgrub pa'i phyir ro/ /de dag ni rdo rje sems dpa' yin te zhes pa ni de lta bu'i theg pa chen po la goms par byas pa'i sems can de dag gi sems shin tu brtan te/ mu stegs dang bdud la sogs pas mi bzlog pas de dag gi sems rdo rje dang 'dra ba'i phyir rdo rje sems dpa' zhes pa'o/ /de rnams kyi don gyi phyir grangs kyi tshad 'di byas so zhes pa ni de lta bu'i sems can shin tu dkon pas na grangs kyi tshad mdzad pa yin no/ /'on kyang slob dpon snying rje chen po dang ldan pas sems can gyi khams ma lus pa bsgrub bar yi dam bca' ba kho nar bya ste/ des byang chub kyi sems kyi rgyur 'gyur bar bya ba'i phyir sems can tshad med pa rnams yongs su gzung bar bya'o zhes pa ni gong du grangs su bcad pa ni sgrub pa 'am slob dpon du smin par bya ba'i slob ma ste/ de las gzhan pa'i sems can rnams la yang snying rje chen po bskyed de/ dkyil 'khor der btsud na slob dpon nas sgrub pa por mi 'gyur yang dkyil 'khor du btsud cing byang chub tu sems bskyed na byang chub kyi sems kyi rgyu sa bon du 'gyur ba'i phyir tshad dang grangs chad pa med par gsung ngo/ /de nas de dag thos la dkon mchog gsum la skyabs su btang bar yang bya'o/ /sdig pa mi bya ba rnams kyang bsgo bar bya'o zhes pa nas/ bden pa gnyis la gnas pa yi/ /theg pa rab kyi mchog 'di ni/ /tshul la gnas na thob par 'gyur/ /zhes pa'i bar du dkyil 'khor bri ba'i snga de nub slob ma

  111. 56a

    rnams yongs su gzung ba'i rim pa bshad pa ste de yang rnam pa dgu'o/ /dgu gang zhe na/ sdig pa bshags pa dang/ skyab pa btang ba dang/ dus gsum gyi sgrib pa med pa'i ye shes kyi sdom pa 'dzin du gzhug pa dang/ dri dang me tog sbyin pa dang/ so shing 'char gzhug pa dang/ skud pas dpung pa bcings te bsrung ba dang/ sgro ba skyed pa dang/ rmi lam ltar gzhug pa dang/ chos bshad pa rnams so/ /de rnams kyang rgyud las ni kha cig ltag 'og tu 'byung mod kyi/ las su bya ba'i rim pa ni 'di lta bur blta'o/ /de las gsum la skyabs su 'gro ba sbyin pa ston te/ gsum ni sangs rgyas dang chos dang 'phags pa phyir mi ldog pa'i byang chub sems dpa' rnams so/ /brgya la sngon so so thar pa la sogs pa'i sdom pa'i sgo nas skyabs su song zin pa yang slar yang 'dir skyabs su btang bar bya'o/ /sngon song ba na dge 'dun 'phags pa'i gang zag brgyad la skyabs su song gi /'dir sangs rgyas dang chos la skyabs su song ba snga ma dang mthun du zin kyang dge 'dun la mi mthun te/ 'phags pa phyir mi ldog pa'i byang chub sems dpa' rnams la bye brag tu skyabs su song ba'i phyir dang/ de las gzhan pa sngon skyabs su ma song ba rnams ni gdod skyabs su btang bar bya ba'i phyir ro/ /de ste 'dir sngon skyabs su song zin pa yang brtan par bya ba'i phyir slar yang 'dir skyabs su btang bar bya'o/ /sdig pa mi bya ba rnams kyang bsgo bar bya'o zhes pa ni sngon chad byas pa'i sdig pa slar bshags pa dang da ltar mi byed cing phyis mi bya bar khas blang ba'i phyir ro/ /de la da ltar mi byed cing phyis mi bya bar khas blang ba ni rigs na sngon byas zin pa slar bshags pa la don ci yod ce na/ sdig pa sngon byas pa la yon tan du mi lta zhing/ 'chags na 'chi 'pho ba'i tshe sdig pa byas pa'i dngos po de sngon du mi 'gyur bar bya ba'i phyir ro/ /de la sdig pa bshags pa yang gsum

  112. 56b

    la skyabs su 'gro ba'i sngon rol du bya ste/ ci'i phyir zhe na/ sdig pa bshags shing gtsang mar byas pa'i lus can de skyabs su btang ba'i 'os yin pa'i phyir ro/ /de nas de dag la spos dang me tog la sogs pa sbyin no zhes pa ni dus gsum du sgrib pa med pa'i ye shes kyi sdom pa gzung zin pa'i 'og tu bya ste/ ci'i phyir zhe na/ de la sdig pa bshags shing skyabs su song la sdom pa gzung bas slob ma de snod du gyur cing sbyin pa'i gnas yin pas dri dang me tog sbyin no/ /de dag dus gsum du sgrib pa med pa'i ye shes kyi sdom pa yang 'dzin du gzhug go zhes pa la dus gsum du sgrib pa med pa'i ye shes ni thams cad mkhyen pa'i ye shes te/ thams cad mkhyen pa'i ye shes de ni shes bya dang nyon mongs pa'i sgrib pa spangs pa'i mtshan nyid yin pas 'das pa dang da ltar dang ma 'ongs pa'i dus thams cad du yang dag pa nyid kyi dngos po sgrib pa med cing thogs pa med par mthong ba nas dus gsum du sgrib pa med pa'i ye shes so/ /ye shes de thob par bya ba'i phyir mi dge ba'i las kyi lam bcu spong ba'i sdom pa ni dus gsum du sgrib pa med pa'i ye shes kyi sdom pa zhes bya la/ sdom pa de yang kun rdzob dang don dam pa'i bye brag gis zhib tu 'og nas 'chad do/ /'dzin du bcug nas sngags pa yis/ /de nas so shing dag kyang sbyin/ /rtse gcig mnyam par bzhag pa dag /shar ram byang du kha bstan te/ /u dum+ba ra a shot+tha/ /shin tu bzang po bsrung byas shing/ /me tog dri la sogs bskus pa'i/ /so shing dag ni 'char gzhug go /sems can snod rung snod mi rung/ /bo ra ba nyid las brtag par bya/ /zhes pa ni gtsang zhing dag par bya ba'i phyir dang/ 'jig rten pa'i tshul du yang sang lta bu nas smyung bar 'dug par bya na/ do nub so shing bca' bar srid de/ /de dag dang mthun par bya zhing gzung ba'i phyir dang/ so shing de bor nas kha gang du

  113. 57a

    bltas pa las slob ma rnams grub pa la sogs pa gang gi snod du gyur pa'i ltas blta ba'i phyir ro/ /rtse gcig mnyam par bzhag pa dag /shar ram byang du kha bstan de zhes bya ba dang/ so shing dag ni 'char gzhug go /sems can snod rung snod mi rung/ /bor ba nyid las brtag par bya/ /zhes pa ni kha phyogs su bltas pa las so shing gi kha bdag la bltas par gyur na 'grub pa mchog myur du 'thob pa'i snod du yang 'gyur zhing so shing gi kha nub phyogs su bltas pa'i zhar gyis dbang du byas pa'i las kyang 'grub par 'gyur ro/ so shing gi rtse mo shar phyogs su bltas na grub pa mchog dang rgyas pa'i las kyi snod du 'gyur ro/ /so shing gi kha lho phyogs su bltas na mngon par spyod pa'i las 'grub pa'i snod du 'gyur ro/ /bdag nyid kha byang phyogs su bltas la so shing kha bdag la bltas na grub pa 'bring po myur du 'thob pa'i snod du 'gyur ro/ /so shing gi kha byang phyogs su bltas na zhi ba'i las 'grub par 'gyur la/ byang shar gyi mtshams su bltas na zhi ba dang rgyas pa gnyis ka grub par 'gyur shing shar lho'i mtshams su bltas na mngon par spyod pa 'grub la/ lho nub kyi mtshams su bltas na bskrad pa dang skam pa la sogs pa'i las 'grub cing/ nub byang gi mtshams su bltas na gnod sbyin la sogs pa 'grub bo/ /so shing 'og gzhi la zug ste rtse mo bar snang la bltas na bar snang la 'gro ba 'grub par gyur la/ gyen du bltas na rig pa 'dzin pa la sogs pa 'grub cing kha thur du bltas na sa 'og tu 'gro ba 'grub pa'i snod du 'gyur te/ zhib tu ni gsang ba spyi'i rgyud la sogs par blta'o/ /so shing gi bltas blta ba yang bshad pa'i mtshan nyid dang ldan pa'i slob ma rnams la blta bar bya ba yin gyi/ slob ma phal pa rnams la ni so shing gi ltas de dag dang ldan du zin kyang grub

  114. 57b

    pa la sogs pa la de lta bu'i nan tan mi byed pas ltas de rnams ci nas kyang brtag dgos pa ma yin no/ /de nas lag pa g.yon pa la/ /skud pa mdud pa gsum ldan pa/ /bdag nyid mnyam par bzhag pa yis/ /legs pa ru ni bcing bar bya/ /zhes pa ni 'phags pa mi g.yo ba 'am/ khams gsum rnam par rgyal pa gang yang rung ba'i sngags kyis mdud pa re re zhing lan re gdab ste/ slob ma de rnams bsrung ba'i phyir dpung pa g.yon pa la slob dpon nyid kyis bcing ngo/ /de ltar yongs su gzung ldan pa'i/ / slob ma nyes pa med rnams la/ /bsam pa brtan par bya ba'i phyir/ /'di ltar spro ba bskyed par bya/ /zhes pa ni 'og nas 'byung ba'i tshigs su bcad pas gzer bstod na slob ma rnams dga' zhing spro bas sems brtan par 'gyur ro/ /bdag nyid chen po byed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su gzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /zhes pa ste/ da ltar khyed kyis sdig pa bshags shing skyabs su 'gro ba dang sdom pa gzung bas mnyam pa med pa'i rnyed pa bla na med pa'i byang chub de yang rnyed do zhes pa ste/ ci'i phyir zhe na/ rgyal ba sras dang bcas pas bstan pa 'di la khyed rnams yongs su gzung ba'i phyir ro/ /de bas na khyed de ring ni theg pa chen po la skye bzhin pa yin la/ sang ni theg pa chen po la skye bar 'gyur ro zhes pa'o/ /de la rnyed pa mnyam med ces pa ni sngags kyi tshul la spyod pa dag nyan thos dang rang sangs rgyas thams cad kyi theg ba dang theg pa chen po pha rol tu phyin pa la sogs pa dang yang mi mnyam pa yin nam zhe na/ pha rol tu phyin pa dag la sogs pa la spyod par 'dra yang 'dir sngags kyi bzlas pa la sogs pa la khyad par du lhag par spyod pas rnyed pa mnyam pa med pa ste/ rnyed ces pa ni de

  115. 58a

    lta bu thob ces pa'o/ /bdag nyid chen po khyed rnams kyis/ /zhes pa ni slob ma rnams la bstod pa'i tshig ste/ de lta bu'i mthu chen po la zhugs pas btsun pa zhes pa'i don to/ /rgyal ba sras bcas pa zhes pa ni sangs rgyas bcom ldan 'das byang chub sems dpa' i sras dang bcas pa ste/ gang phyir rgyal ba kun gyis khyed rnams zhes sprel lo/ /bstan pa 'di la kun yongs su gzung zhes kyang sbyar te/ rgyal ba sras dang bcas pas sngags spyad pa'i bstan pa 'dir yongs su gzung bas na khyed rnams kyis mnyam pa med pa'i rnyed pa thob bo zhes par 'brel lo/ /skye bzhin pa ni theg pa chen po la skye bzhin pa ste/ de bas na/ de ring khyed rnams theg chen la/ /sang ni rab tu skye bar 'gyur/ /zhes pa ste sang lta bu dkyil 'khor du 'jug pa'i tshe theg pa chen po'i byang chub tu sems bskyed pa skyes zin zhes pa'i don to/ /gal te rmi lam dag tu ni/ /gtsug lag khang dang kun dga' bzang/ /zhes pa nas/ brtul zhugs bzang po khyed rnams kyis/ /nang par thams cad nga la bzlos/ /slob ma de dag rnams la ni/ /de skad sgo nas chos kyang bshad/ /ces pa'i bar dag gis ni de ltar spro ba bskyed pa la sogs pa byas nas slob ma rnams la rmi lam gyi ltas 'di rnams bstan te/ 'di rnams las gang mthong ba de slob dpon la bzlos su gzhug pa ste/ rmi lam gyi ltas de rnams kyang sa las byung ba dang bar snang gi dang 'phags pa'i dad rnam pa gsum ste/ rab dang 'bring dang tha mar lta'o/ /gsum po de re re la yang/ rab dang 'bring dang tha ma ste gsum du dbye bar bya'o/ /de la gtsug lag khang zhes pa nas bram ze dang zhes pa'i bar ni sa las 'byung ba'o/ /sangs rgyas dang ni rang sangs rgyas dang/ /de bzhin rgyal ba'i nyan thos dang/ /byang chub sems dpa' bdag nyid che/ /zhes pa ni 'phags pa'i'o/ /gal te 'bras bu thob pa dang zhes pa nas/ /bkra shis yid du 'ong ba'i tshig/

  116. 58b

    'dod pa'i 'bras bu 'byung ba grag /ces pa'i bar ni bar snang las byung ba'i ltas so/ /de la gtsug lag khang nas yang thog ces pa'i bar du tha ma'o/ /ral gri dang yid bzhin nor bu ni sa las byung ba'i rab bo/ /gdugs dang me tog sna tshogs dang/ /bud med bzang mo gos dkar can/ /sdug pa'i gnyen dang bshes dag dang/ /glegs bam de bzhin bram ze dang/ /zhes pa ni sa las byung ba'i ltas 'bring ngo/ /sangs rgyas ni 'phags pa'i ltas rab bo/ /byang chub sems dpa' bdag nyid che dang rang sangs rgyas ni 'phags pa'i 'bring ngo/ /nyan thos ni 'phags pa'i tha ma'o/ /'bras bu thob pa ni bar snang gi tha ma'o/ /mtsho dang rgya mtsho la brkyal zhing brgal ba ni bar snang gi 'bring ngo/ /de bzhin du bkra shis yid du 'ong ba'i tshig 'dod pa'i 'bras bu 'byung ba gang las thos na bar snang gi rmi lam gyi ltas rab tu shes par bya ste rmi lam de rnams blta pa yang khyad par gyi slob ma rnams gang du dkyil 'khor bri ba'i sa de'i nye 'khor du nyal bar rigs so/ /theg pa chen po cher 'byung ba'i/ /lam mchog 'di ni dpal dang ldan/ /zhes pa nas/ theg pa rab kyi mchog 'di ni/ /tshul la gnas na thob par 'gyur/ /zhes pa'i bar gyis ni slob ma de rnams spro bar bya ba'i phyir theg pa chen po la skye bar 'gyur ro zhes bshad pa'i theg pa chen po nyid rgyu dang 'bras bu'i yon tan gyis yang 'dir bshad de / de lta bu'i theg pa khyed kyis thob pa yin no zhes bstan to/ /lam mchog 'di ni dpal dang ldan/ /zhes pa ni bla na med pa'i byang chub tu 'gro ba'i lam ste de yang sngags kyi tshul la spyod pa'i lam mo/ /lam mchog ces pa ni nyan thos dang rang sangs rgyas kyi theg pa dang pha rol tu phyin pa la spyod pa'i byang chub sems dpa' rnams kyi lam las 'phags pa'i phyir ro/ /pha rol tu phyin pa la spyod pa'i byang chub sems dpa' i lam las ci'i phyir 'phags she na/ pha rol tu phyin pa la sogs pa la spyod

  117. 59a

    par 'dra yang lha rnams mnyes par bya ba'i phyir yan lag bzhi la sogs pa'i sngags bzlas pa dang mchod pa dang sbyin sreg la sogs pa'i sgo nas sbyin pa la sogs pa'i pha rol tu phyin pa rgyun mi 'chad par spyod pas 'bras bu myur du thob par 'gyur ba'i phyir mchog go /dpal dang ldan zhes pa ni mngon par mtho ba'i mtshan nyid lha dang mi'i longs spyod kyi bde ba dang rig 'dzin la sogs pa'i grub pa thob pa dang/ nges par legs pa'i mtshan nyid mi gnas pa'i mya ngan las 'das pa rim gyis thob par 'gyur bas na dpal dang ldan pa'o/ /theg pa chen po cher 'byung ba'i zhes pa ni sngags spyod ba'i tshul gyi theg pa chen po ni bla na med pa'i byang chub 'byung ba'i rgyu'i gtso bo yin pas na cher 'byung ba zhes bya'o/ /gang gi phyir /khyed rnams der ni dong bas na /de bzhin gshegs pa rnams su 'gyur bar 'os so zhes pa ste /de ltar theg pa chen po la zhugs na de'i 'bras bu thams cad mkhyen pa'i ye shes kyi rang bzhin chos kyi sku thob par 'gyur ro zhes pa'o/ /de nas bcom ldan 'das la rdo rje 'dzin spros pa med par gnas pas 'di skad ces gsol to zhes pa nas de ci'i phyir zhe na/ byang chub sems dpa' rnams ni lus dang ngag dang yid yongs su ma btang bar bslab pa 'dzin par mi byed do zhes pa'i bar gyis ni sngar dus gsum du sgrib pa med pa'i ye shes kyi sdom pa gsungs pa de nyid zhib tu bshad pa ste/ bcom ldan 'das dus gsum du sgrib pa ma mchis pa'i ye shes kyi sdom pa gang la byang chub sems dpa' rnams gnas na sangs rgyas dang byang chub sems dpa' rnams mnyes par 'gyur ba bshad du bsol/ zhes pa ni dus gsum du sgrib pa med pa'i ye shes kyi sdom pa de la gnas na sangs rgyas dang byang chub sems

  118. 59b

    dpa' rnams mnyes te mngon par mtho ba dang nges par legs pa thob par 'gyur ba de lta bur bshad du gsol zhes pa'o/ /dus gsum du sgrib pa med pa'i ye shes kyi sdom pa ni bshad zin to/ /lus dang ngag dang yid gcig tu 'jug cing zhes pa ni lus dang ngag dang yid gsum dus gcig tu stong pa nyid la 'jug pa ste/ de ltar lus dang ngag dang yid gsum stong pa nyid kyi rang bzhin du gyur cing dmigs su med pas chags par bya ba dang/ chags pa nyid dang/ chags par byed pa la sogs pa yang dmigs su med de/ de ltar dmigs su med pa na lus dang ngag dang yid rnams sdig pa la sogs pa mi byed pa de ni sdom pa'o/ /chos thams cad la rtsom pa med ces pa ni phung po dang khams dang skye mched la sogs pa'i chos thams cad skye bar byed pa'i rgyu lus dang ngag dang yid gsum gyis mi byed pa ste/ de ltar de dag skyed pa'i rgyu ma byas pas na sdom pa yin te/ de dag gis ni don dam pa'i sdom pa bstan pa'o/ /de yang gang zhe na/ sangs rgyas dang byang chub sems dpa' rnams la bdag gi lus yongs su gtong ba gang yin pa'o/ /zhes pa ni dus gsum du sgrib pa med pa'i sdom pa de gzhan ma yin gyi bdag gi lus sangs rgyas dang byang chub sems dpa' rnams la phul bas lus de sangs rgyas dang byang chub sems dpa' rnams dbang ba yin gyi bdag la dbang med do/ /de ltar bdag la dbang med de/ sangs rgyas dang byang chub sems dpa' rnams dbang na sangs rgyas dang byang chub sems dpa' rnams kyi chos ni mi dge ba bcu'i las kyi lam mi spyod do/ /de bas na gang gis lus phul ba des kyang chos bzhin du bya dgos te/ lus ngag yid gsum gyi sgo nas mi dge ba'i las kyi lam bcu mi spyod pas na sdom pa zhes bya'o/ /de bas na/ de ci'i phyir zhe na/ gang gis bdag gi lus yongs su btang ba des ni dngos po gsum yongs su btang ba yin

  119. 60a

    te/ dngos po gsum yongs su btang ba de yang gang zhe na /'di lta ste/ lus dang ngag dang yid do/ /rigs kyi bu de lta bas na byang chub sems dpas lus dang ngag dang yid gsum gyi sdom pas bsdam par bya'o zhes gsungs pa yin no/ /de ci'i phyir zhe na/ byang chub sems dpa' rnams ni lus dang ngag dang yid yongs su ma btang bar bslab pa 'dzin par mi byed do zhes pa ni sangs rgyas dang byang chub sems dpa' rnams la lus phul bas lus dang ngag dang yid gsum char phul bar 'gyur te/ lus dang ngag dang yid gsum la bdag mi dbang na/ lus dang ngag dang yid gsum gyi sgo nas mi dge ba'i las kyi lam bcu mi spyod pas de nyid sdom pa ste/ lus dang ngag dang yid gsum las lhag pa'i sdom pa gzhan yod pa ma yin no zhes pa'i don to/ mdor na gang gis sangs rgyas dang byang chub sems dpa' rnams la bdag gi lus phul ba des lus dang ngag dang yid gsum char phul bas na gsum po de dag gi sgo nas mi dge ba bcu'i las kyi lam mi sbyor ba ste de dag thams cad mkhyen pa'i ye shes sgrib pa med pa thob par byed pa'i rgyur gyur par bstan pa yin no/ /de nas phyi de nyin par bcom ldan 'das rnam par snang mdzad la phyag byas te bdag nyid rdo rje sems dpar byin gyis brlabs la zhes pa nas/ de nas sems sbyar ba'i phyir spos chu gtsang ma blung ngo/ /zhes pa'i bar gyis nang bar dkyil 'khor dri ba slob dpon gyi las su bya ba rnams bshad pa ste/ nang par nyi ma 'char kar brtags na lho byang dang shar nub la sogs pa gsal bar mngon te/ de bas na nang par 'khrus la sogs pa byas nas dkyil 'khor bri ba'i sa de'i dbus su zhugs te bcom ldan 'das rnam par snang mdzad yid la byas nas phyag byas la dam tshig gsum gyi phyag rgya bcings

  120. 60b

    te/ chos kyi dbyings kyi phyag rgyas bdag nyid stong par byin gyis brlabs la/ chos kyi 'khor lo'i phyag rgya bcings nas rdo rje sems dpar byin gyis brlab po/ /de nas rdo rje go cha'i phyag bcings nas go cha pa bo/ /de ni rdo rje sems dpa' byin gyis brlab pa ste/ rdo rje sems dpa' zhes bya ba ni sems shin tu brtan pa rdo rje dang 'dra ba la bya ste/ de yang gang zhes na phyin ci ma log par yongs su grub pa'i mtshan nyid byang chub kyi snying po'i sems te/ de nyid dpal rdo rje sems dpa' byang chub sems dpa' i skur byin gyis brlabs pa'o/ /de ltar slob dpon de rdo rje sems dpa' i skur byin gyis brlabs la/ dkyil 'khor gyi sa'i lho byang dang shar nub la sogs pa brtags te gtan la dbab pa dang/ lha rnams gang gang du 'god ba'i gnas kyang yid kyis gtan la dbab par bya'o// yang na bum pa spos chus bkang ba la 'jig rten gsum las rnam par rgyal bas mngon par bsngags te sgo dang por bzhag la mkhas pas skye bo kun la des bsang gtor bya'o zhes pa ni gzhung las 'byung ba'i mtshan nyid dang ldan pa'i bum pa spos chus bkang ba la rin po che dang/ sman dang/ 'bru lnga rnams blugs te dkyil 'khor gyi khang pa'i sgor bzhag ste slob ma rnams nang du 'ong ba'i tshe bgeg bsal ba'i phyir gtor ro/ /khams gsum rnam par rgyal ba'i sngags kyis bum pa de la gdab par yang snying po'i sngags kyis gdab na brgya rtsa brgyad du gdab la/ rtsa ba'i sngags kyis gdab na bdun nam nyi shu rtsa gcig gdab bo/ /de nas sems sbyang ba'i phyir spos chu gtsang ma blud pa ni slob ma rnams kyi sngags spyod pa dang 'gal ba'i kha zas zos pa'i rnam par rtog pa med na yang spos kyi chu gtsang ma de blung ngo/ /gtsang ma zhes pa ni srog chags kyi yan lag la sogs pa med pa'o/ /sngags dang 'gal ba'i kha zas zos pa'i rnam par rtog pa med na yang spos kyi chu gtsang ma 'thungs pas bdag gi rgyud gtsang mar gyur to snyam pa'i

  121. 61a

    'du shes skye ste mi gtsang ba la sogs pa'i dogs pa med par 'gyur ba'i phyir spos chu blung ngo/ /de nas bcom ldan 'das la phyag na rdo rjes 'di skad ces gsol to zhes pa nas rtag tu mtshan mo bri bar bya/ /zhes pa'i bar gyis ni dus ji tsam na dkyil 'khor bri ba zhus shing bshad pa yin te/ dus dang chod ces pa ni dkyil 'khor 'dri ba'i dus nam nyid kyi tshe na yin pa de bshad du gsol zhes pa'o/ /kun mkhyen pa ni bcom ldan 'das thams cad mkhyen pa'o/ /smra ba'i mchog gis bka' stsol cig /ces pa ni smra ba thams cad kyi mchog ni sangs rgyas bcom ldan 'das so/ /dkyil 'khor gyi ni slob dpon dag /gsang sngags sgrub la 'bad pas ma gang dus su dkyil 'khor du/ / sems dpa' chen po byin brlob pa'i/ /zhes pa ni dkyil 'khor gyi slob dpon dam tshig gi dkyil 'khor 'dri ba dang/ sgrub pa'i dkyil 'khor 'dri ba na byang chub sems dpa' rnams der gshegs nas byin gyis rlob par 'gyur pa'i dus gang lags zhes zhus pa ste/ sems dpa' chen po zhes pa ni sangs rgyas bcom ldan 'das la mi bya'i/ pha rol tu phyin pa'i spyad pa spyod pa'i byang chub sems dpa' rnams la bya'o/ /de ci'i phyir zhe na/ sangs rgyas bcom ldan 'das ni dus thams cad du byin gyis rlob pas zhu mi dgos la/ byang chub sems dpa' rnams ni ting nge 'dzin las bzhengs nas sems can thams cad kyi don la rtog pa sngon du btang ste gshegs pas dus thams cad du byin gyis mi rlob bo/ / de bas na dkyil 'khor 'dri ba la byang chub sems dpa' rnams gshegs par 'gyur ba'i dus gang yin zhes zhus pa'o/ /gnyis su na sangs rgyas bcom ldan 'das la sems dpa' chen po zhes nam yang mi brjod de/ byang chub sems

  122. 61b

    dpa' rnams sems dpa' chen po zhes brjod par grags so/ /de bas na sems dpa' chen po zhes pa ni byang chub sems dpa' chen po rnams la bya'o/ /dkyil 'khor don du gnyer ba la/ /rtag tu mtshan mo bri bar bya/ /zhes pa ni dkyil 'khor 'dri bar 'dod pa rnams kyi phyir dus thams cad du dkyil 'khor thams cad mtshan mo bri zhes bka' stsal pa ste/ byang chub sems dpa' de rnams kyang mtshan mo'i dus der gshegs par 'gyur ro zhes gsungs pa yin no/ /de bas na 'dis ni dam tshig gi dkyil 'khor dang sgrub pa'i dkyil 'khor gnyi ga yang dus thams cad du mtshan mo bri bar shes par bya'o/ /de la gsang ba'i rgyud la sogs par sgrub pa'i dkyil 'khor ma gtogs pa gzhan thams cad mtshan mo bri'o/ /zhes 'byung ste de bas na bsgrub pa'i dkyil 'khor ni nyin par bri bar gsungs so/ /de ci'i phyir zhe na/ sgrub pa ni nam sros nas nam nangs kyi bar mtshan rangs par sgrub dgos te/ de bas na sgrub pa'i dkyil 'khor mtshan mo bri ba'i skabs med de nyin par bri bar gsungs so/ /'dir ni gnyis ka yang mtshan mo bri bar gsungs pas dam tshig gi dkyil 'khor ni de nyid kyi mtshan mo bri bar bya la/ sgrub pa'i dkyil 'khor ni rgyud 'di las mtshan mo bri bar gsungs pas gsang ba'i rgyud las 'byung ba ltar nyin par bring med la sgrub pa nyid kyi mtshan mo yang bri ba'i skabs med de nub de nyid la bris na mtshan mo'i mel tshe thun 'ga' dkyil 'khor bri ba la zad pas sgrub pa mtshan rangs par mi 'gyur ro/ /de bas na snga de nub mo dkyil 'khor bris la phyis de nub mo sgrub par shes par bya'o/ /dkyil 'khor chen po dag nub gcig gis mi rdzogs pa yang gzhung de ltar shes par bya'o/ /da ni dkyil 'khor bri ba'i don du srad bu bre ba la sogs pa bshad par bya ste/

  123. 62a

    dkyil 'khor bri ba de yang don rnam pa drug gis yongs su rdzogs par 'gyur ro/ /drug gang zhe na/ dkyil 'khor gyi srad bu bre ba'i ting nge 'dzin bshad pa dang/ srad bu bre ba bshad pa dang/ dkyil 'khor gyi tshad bshad pa dang/ snam bu'i rim pa dbye ba dang/ sgo khyud dang rta babs rnams rnam par dbye ba dang/ lha rnams kyi gnas kyi nges pa bshad pa'o/ /de la slob dpon gyis sangs rgyas thams cad la phyag byas la tshon sna lnga'i srad bu thogs te/ bdag nyid bcom ldan 'das rnam par snang mdzad du byin gyis brlabs la zhes pa ni srad bu bre ba'i ting nge 'dzin bshad pa ste/ sangs rgyas thams cad la phyag byas la zhes pa ni ting nge 'dzin la 'jug par byed pa na thog mar sangs rgyas rjes su dran zhing phyag bya bar rigs so/ /tshon sna lnga'i srad bu zhes pa ni ye shes lnga'i rang bzhin du bsam pa ste/ bdag rnam par snang mdzad kyi sku ye shes lnga po de dag dang ldan par byin gyis brlab bo/ /bdag nyid bcom ldan 'das rnam par snang mdzad du byin gyis brlabs pa zhes pa ni dkyil 'khor rnam pa gsum la ting nge 'dzin du gnas pa yang bye brag rnam pa gsum ste/ snying rje chen po'i dkyil 'khor la slob dpon rnam par snang mdzad kyi skur byin gyis brlabs nas srad bu bre ba la sogs pa dkyil 'khor gyi las rnams bya'o/ /yi ge 'khor lo bskor ba'i dkyil 'khor la chos kyi skur byin gyis brlabs nas dkyil 'khor gyi las rnams bya'o/ /gsang ba'i dkyil 'khor la dbang chen la sogs pa'i dkyil 'khor lnga dang ldan pa'i skur byin gyis brlabs nas dkyil 'khor gyi las rnams bya ste/ de dag kyang zhib tu ni bsdus pa'i don las bshad cing rgyud nyid las kyang so so'i skabs su 'chad do/ /tshon sna lnga'i skud pa

  124. 62b

    rnams ye shes lngar bsam pa ni 'og nas rdul tshon sna lnga la sangs rgyas lngar bsam pa dang sbyor ro/ /shar du sred bu bre ba ni/ lte ba'i thad kar gzung nas su/ bar snang la ni gzung bar bya/ /de nas lho phyogs song nas su/ /byang phyogs su ni bre bar bya/ /zhes pa ni thog mar slob dpon de dkyil 'khor gyi nub phyogs su gnas nas kha shar phyogs su bltas te 'greng la nam mkha' la rang bzhin gyi dkyil 'khor dmigs pa'i tshul bcom ldan 'das rnam par snang mdzad kyi sku la sogs pa mi zad pa'i rgyan gyi 'khor lo dang bcas pa mngon du bsams te srad bu'i thog ma grogs kyis 'dzin du bcug la shar phyogs su brkyang ngo/ /de bzhin du lho phyogs nas byang phyogs su brgyad ste de ni nam mkha' la rang bzhin gyi dkyil 'khor bsam pa'o/ /de ltar nam mkha' la rang bzhin gyi dkyil 'khor sems kyis bsams nas phyis sa la dkyil 'khor bri ba na rang bzhin gyi dkyil 'khor de'i gzugs brnyan lta bur shes par bya'o/ /de ltar nam mkha' la dkyil 'khor sems kyis bsams pa la srad bu bre ci dgos shes na/ nam mkha' la rang bzhin gyi dkyil 'khor bsam pa'i mtshan mar brtag pa'i phyir ro/ /de nas srad bu gnyis pa ni/ rang gis blangs nas zhes pa ni/ /srad bu dang po de dkyil 'khor snga ma'i dman ma yin pas brer mi rung ba'i phyir tshon sna lnga'i skud pa gzhan zhig blangs nas dkyil 'khor phyi ma bri ba'i don to/ /de nyid du/ de bzhin gshegs pa rjes dran zhing/ /shar phyogs bltas te bre bar bya/ /zhes pa ni dkyil 'khor mi 'khrul bar gtan la dbab pa'i phyir dbus nas rgya gram du thig btab ste dkyil 'khor gyi dbus su bab par

  125. 63a

    phur bu btsugs la de nas srad bu de bltab ste dbus kyi phur bu la btod la gla bzhi gtan la dbab par bya'o/ /de ltar gtan la bab nas grwa bzhi'i mtshan mar yang phur bu bzhi gzugs srad bu yang mdud pa mi bor bar skud pa la sogs pa'i mtshan ma gdags par bya'o/ /de bzhin gshegs pa rjes dran zhing/ /zhes pa ni de bzhin gshegs pa rnams yid la byas nas zhes pa'o/ /de nas lho phyogs song nas ni/ /byang phyogs su ni bri bar bya/ / zhes pa yang rgya gram nyid gdab pa la bya'o/ /blo can de nas slar log nas/ /bden bral phyogs su gnas nas ni/ /byang phyogs su ni bre bar bya/ zhes pa ni slob dpon de lho nub kyi mtshams su 'dug nas kha byang phyogs su bltas te nub kyi ngos su thig gdab par bya'o/ /de nas g.yas su bsgyur bar bya/ /bsgyur te de ru 'dug nas ni/ /lho phyogs su ni bre bar bya/ /zhes pa ni slob dpon lho nub kyi mtshams de nyid du 'dug cing kha byang phyogs su bltas pa las kha shar phyogs su bsgyur te srad bu 'dzin pa'i grogs po dkyil 'khor nas shar lho'i mtshams su song ste lho phyogs kyi ngos thig gdab par bya'o/ /de nas gnas te btang nas su/ /me ya phyogs su gnas nas ni/ /sngags pa gsang sngags cho gar gnas/ /shar du srad bu bre bar bya/ /slob dpon des lho nub kyi mtshams ngo bor nas shar lho mtshams su 'dug ste/ shar phyogs kyi ngos thig gdab par bya'o/ /sngags pa gsang sngags cho gar gnas/ /zhes pa ni/ rnam par snang mdzad kyi ting nge 'dzin la gnas zhes pa'i don to/ /de nas de bzhin dbang ldan phyogs/ /song nas nub tu kha bltas te/ /rlung gi phyogs kyi bar du ni/ /byang gi phyogs su bre bar bya/ /zhes pa ni slob dpon byang shar

  126. 63b

    gyi mtshams su 'dug nas byang phyogs kyi ngos thig gdab par bya'o/ /sngags pa yi ni de lta bur/ /kun nas gru bzhi lham par bya/ /zhes pa ni de ltar gong du smos pa'i mtshan nyid kyis dkyil 'khor de kun nas gru bzhir bya'o zhes pa'o/ /de ltar dkyil 'khor gyi thig gdab pa na thog mar nub phyogs dang de nas lho phyogs dang/ de'i 'og tu shar phyogs dang de nas byang phyogs su bya ba ci las yin zhe na/ nub phyogs kyi ngos ni so sor rtog pa'i ye shes su brtags la/ lho phyogs ni mnyam pa nyid kyi ye shes su brtags shing shar phyogs ni me long lta bu'i ye shes su brtags la/ byang phyogs ni bya ba sgrub pa'i ye shes su brtags te de bas na thog mar so sor rtog pa'i ye shes su 'gyur las/ de rdzogs pa las mnyam pa nyid kyi ye shes rdzogs par 'gyur zhing/ mnyam nyid kyi ye shes las me long lta bu'i ye shes rdzogs par 'gyur la/ me long lta bu'i ye shes las lus dang longs spyod dang gnas kyi mtshan nyid bya ba bsgrub pa'i ye shes 'byung ste/ de bas na rim pa de ltar smos so/ /ye shes bzhi'i dmigs pa'i yul yang chos kyi dbyings rnam par dag pa ste/ de bas na srad bu rgya gram du bres pa'i ri mo ngos bzhi nas re re byung ba ni chos kyi dbyings la 'du ba'o/ /rgya gram gyi gcig tu 'dus pa ni chos kyi dbyings kyi mtshan nyid do/ /de ltar thig btab ste sa bcad nas tshon sna gcig pa'i skud pa thig cha la la bsgres te ngos kyi ri mo ma byi par gsal bar bya ba'i phyir gdab bo/ /de nas dbus su zhugs nas su/ /de la cha ni gsum du brtag /ces pa ni slob dpon dkyil 'khor de'i nang du zhugs nas snam bu gsum du bcad de/ snam bu gsum pa de las cha bzhir bgos te cha re re yang ngos re rer sbyar ba'o/ /de bzhin du snam bu gnyis la yang shes par bya'o/ /

  127. 64a

    snam bu gsum du bya ba ni/ /sa rnams thams cad kun tu yang/ /cha gsum dag tu brtags nas ni/ /zhes pas de ltar dkyil 'khor de khor khor yug tu rim pa gsum du bya'o zhes pa'o/ /cha rnams kyang ni re re la/ /cha gsum du ni rab tu brtag /ces pa ni snam bu gsum po re re la yang cha gsum du bgos pa la cha gcig ni bskor ba'i snam bur bzhag /cha gnyis ni lha rnams kyi gnas su bya ste/ de bas na/ cha gcig cig ni bskor ba yi/ /'khor sar byas te lhag pa yi/ /cha gnyis po ni lha nyid kyi/ /gnas su nges par bya ba yin/ /zhes gsungs pa yin te/ de dag ni snam bu dbye ba'o/ /blo dang ldan pas phyogs bzhi ru/ /so so'i phyogs char sgo khyud ni/ /sdom brtson can gyis nan tan du/ /lha rnams gtso bo'i gnas su bya/ /zhes pa ni sgo khyud rnams rnam par dbye ba ste sgo khyud de rnams kyi tshad kyang dkyil 'khor snam bu'i dgu cha gcig tu brtag go /nang gi snying po'i dkyil 'khor gyi sgo khyud rnams las shar phyogs kyi sgo khyud kyi nang du chos kyi sku'i phyag rgya gzhag par bya'o/ /byang phyogs kyi nang du spyan ras gzigs kyi dbang po gzhag la/ lho phyogs kyi nang du phyag na rdo rje bzhag go /de'i phyi rim gyi sgo khyud rnams las shar phyogs kyi sgo khyud kyi nang du shAkya thub pa sprul pa'i sku bzhag cing/ lho phyogs kyi nang du ni gshin rje bzhag la/ byang phyogs kyi nang du dbang po bzhag ste/ gshin rje dang dbang po la sogs pa de rnams kyang dkyil 'khor bar ma'i snam bu la sgo khyud kyi nang du 'dug pa yang bcom ldan 'das kyi sprul pa'i sku nyid du rig par bya ste/ gshin rje la sogs pas 'dul ba'i sems can rnams 'dul ba'i phyir yi dags kyi rgyal po gshin rje'i gzugs gtso bor byas nas sgo khyud na gnas

  128. 64b

    so/ /dbang po yang lha rnams kyi rgyal po ste gtso bor bya zhing sgo khyud na gnas so/ /bcom ldan 'das shAkya thub pa yang mi rnams kyi gtso bor gyur cing sgo khyud na bzhugs so/ /snying po'i dkyil 'khor na bzhugs pa'i gtso bo rnams ni ye shes bzhi'i rang bzhin du shes par bya ste bcom ldan 'das rnam par snang mdzad mngon par byang chub pa'i mtshan nyid dbus na bzhugs pa ni mnyam pa nyid kyi ye shes kyi rang bzhin no/ /chos kyi sku'i phyag rgya shar na gnas pa ni me long lta bu'i ye shes kyi rang bzhin no/ /spyan ras gzigs kyi dbang po byang phyogs na gnas pa ni so sor kun tu rtog pa'i ye shes kyi rang bzhin no/ /phyag na rdo rje lho phyogs na gnas pa ni bya ba sgrub pa'i ye shes kyi rang bzhin du rig par bya'o/ /dkyil 'khor gyi snam bu gsum pa la shar phyogs kyi sgo khyud kyi nang na 'phags pa 'jam dbyangs gtso bo'i gzugs su bzhugs so/ /lho phyogs kyi sgo khyud kyi nang na byang chub sems dpa' sgrib pa thams cad rnam par sel ba bzhugs te/ de bzhin du nub dang byang na yang nam mkha' i snying po dang sa'i snying po dag gtso bo'i gzugs kyi sgo khyud na bzhugs par shes par bya'o/ /de ltar rim par legs phyed/ /'di dag thams cad byas nas ni/ /zhes pa gong du smos pa ltar dkyil 'khor gyi snam bu bgo ba dang/ sgo khyud rnams rnam par dbye ba dang/ sgo khyud rnams su lha gtso bo rnams shin tu bye brag phyed pas dgod ces pa'o/ /dbus su pad+ma dkar po mchog /da ni snying po zhes su bsgrags/ /dkyil 'khor snying rje 'byung ba kun/ / des ni snying po can du gnas/ /zhes pa ni dbus kyi pad+ma dkar po ni bcom ldan 'das rnam par snang mdzad kyi rgyu bsod nams kyi tshogs la bya ste/ dkar ba ni tshogs de nyid rnam par dag pa'o/ /snying po ni 'byung ba'i gnas te bsod nams kyi

  129. 65a

    tshogs te bcom ldan 'das kyi snying rje chen po'i bdag nyid 'byung ba'i gnas yin la/ snying rje chen po de las dkyil 'khor 'di 'byung ste/ des ni snying po can du byas zhes pa'o/ /de yi tshad kyang sor bcu drug /yan chad du ni bshad pa yin/ /zhes pa ni dbus kyi pad+ma'i tshad sor bcu drug ste/ yan chad du zhes pa ni de las lhag par byas kyang rung zhes pa'o/ /de'i dgongs pa yang 'di lta ste/ bcu drug ni sa bcu dang pha rol tu phyin pa drug dang ldan pa yin la/ yan chad du ni zhes pa de dag las lhag par kun tu bzang po'i sa la sogs pa dang ldan pa zhes pa ste/ mdor na pad+ma de bcom ldan 'das kyi rgyu bsod nams dang ye shes kyi tshogs kyi rang bzhin gyi mtshon par byed pa lta bur blta bar bya'o/ /'dab ma brgyad pa legs par rdzogs/ /zhes pa ni bsod nams kyi tshogs de ye shes brgyad dang ldan pas 'dab ma brgyad du gsungs so/ /de la ye shes brgyad ni me long lta bu'i ye shes dang mnyam pa nyid kyi ye shes dang/ so sor rtog pa'i ye shes dang/ bya ba sgrub pa'i ye shes ni sgo lnga'i rnam par shes pa lnga gyur pas rnam pa lngar bye ste ye shes rnam pa de brgyad dang ldan pas 'dab ma brgyad du gyes pa'o/ /ye shes rnams kyang chos thams cad dmigs su med pa'i rang bzhin du rtogs pa ste/ de ltar thams cad dmigs su med par rtogs pas sbyin par bya ba dang/ sbyin pa'i dngos po dang/ sbyin par byed pa gsum char yang dmigs su med par rtogs so/ /de bas na sbyin pa la sogs pa'i bsod nams kyi tshogs ni ye shes de lta bu dang ldan pas 'khor gsum yongs su dag pa'i rang bzhin du shes par bya'o/ /ze bar ldan la shin tu bzang/ /zhes pa ze ba rnams ni sangs rgyas bcom ldan 'das kyi rgyu yi yon tan

  130. 65b

    ting nge 'dzin dang/ gzungs dang rnam par thar pa dang stobs dang mi 'jigs pa la sogs pa'i mtshan mar brtags pa yin la /bsod nams kyi tshogs de yon tan de rnams dang ldan pa'o/ /'dab ma'i bar ni thams cad du/ / kun nas rdo rje bri bar bya/ /zhes pa ni rdo rje ni ye shes kyi mtshan ma ste gong du bshad pa'i ye shes brgyad po de dang ldan pa zhes bya'o/ /de yi snying po'i dbus su ni/ /rgyal mchog gtso bo zhes ba bcom ldan 'das mngon par byang chub pa'i rang bzhin pad+ma'i snying po'i steng du bri ba'o/ /rgyal mchog gtso bo zhes pa ni bdud rnams las rgyal ba ste de rnams kyi nang na yang mchog ces bya'o/ /gser gyi mdog 'bar bcas thor tshugs dbu rgyan can/ /'od zer dag gis kun nas bskor/ /mgon po nad dang bral ba ni/ /ting nge 'dzin du gnas par bri/ /zhes pa la 'bar bcas ni 'bar zhing sreg pa'i rang bzhin te/ nyon mongs pa dang shes bya'i sgrib pa sreg pa'i rang bzhin gyi ye shes dang ldan pa'o/ /gser gyi mdog ni rgyas pa'i rang bzhin no/ /thor tshugs ni 'og min gyi gnas na bzhugs pas yin te 'og min gyi lha rnams ni thor tshugs dang bcas pa yin la/ de dag dang mthun par bya ba'i phyir thor tshugs dang ldan pa'o/ /dbu rgyan can zhes pa ni chos kyi rgyal po 'am/ dbang por dbang bskur bas rin po che'i cod ban gsol ba'o/ /'od zer dag gis kun nas bskor/ zhes pa ni yongs su dag pa'i ye shes kyi rang bzhin gyi 'od dang 'od kyi dkyil 'khor las 'gro ba rnams bskor zhes pa'o/ /nang dang bral ba zhes pa ni nyon mongs pa dang shes bya'i sgrib pa'i gdon dang bral ba'o/ /ting nge 'dzin du gnas pa zhes pa ni so sor rang gi rig pa'i ye shes las mi g.yo zhing

  131. 66a

    rtse gcig tu gnas la gzugs kyang ting nge 'dzin gyi tshul du gnas pa'o/ /de yi shar du blo ldan gyis/ /sangs rgyas rnams kyi phyag rgya ni/ /gru gsum thams cad dkar po nyid/ /pad+ma'i steng gnas khor yug tu/ / 'od zer dkar pos yongs bskor ba/ /rab tu bsgrims te pri bar bya/ /zhes pa ni bcom ldan 'das rnam par snang mdzad kyi shar phyogs su sngon mngon par sangs rgyas pa 'das pa'i de bzhin gshegs pa rnams phyag rgya gru gsum pa'i mtshan nyid du bri ste shar phyogs su bzhag pa ni rgya gar gyi skad du shar la purba zhes bya la/ 'das pa la yang purba zhes bya ste de bas na sngon 'das pa'o zhes gleng ba'i phyir shar phyogs su bzhag go /pad+ma'i steng du gru gsum khri ba ni stong pa nyid dang mtshan ma med pa dang smon pa med pa ste rnam par thar pa'i sgo gsum yongs su rdzogs pa'i mtshan nyid do/ /phyag rgya nga'i dbus su rdo rje rtse lnga pa dgod pa dang gra gnyis nas 'od gnyis 'byung ba bya'o zhes gsang ba'i dkyil 'khor nas 'byung ba la rdo rje rtse lnga pa dgod pa ni ye shes lnga'i mtshan ma'o/ /'od gnyis 'byung ba bya ba ni phyag rgya de chos sku'i mtshan nyid de/ chos kyi sku las longs spyod rdzogs pa'i sku dang sprul pa'i sku gnyis 'byung ba'o/ /pad+ma ni sngar bshad la/ dkar po ni nyon mongs pa dang shes bya'i sgrib pa dag pa ste padmo ting la bya'o/ /'od gzer gyis bskor ba ni ye shes kyi 'od 'phro bas bskor ba'o/ /thams cad dkar po nyid ces pa ni phyag rgya de nyid dkar por bya ste yongs su dag pa'i phyir ro/ /de'i byang du mkhas rnams kyis/ /skyob pa dag ni kun gyi yum/ /gser gyi mdog can 'bar dang bcas/ /na bza' dag ni dkar po mnabs/ /kun tu rnam par snang mdzad pa/ /ting nge

  132. 66b

    'dzin du gnas par bri/ /zhes pa ni phyag rgya gru gsum pa'i byang phyogs su bcom ldan 'das nam mkha' i spyan bri ba ste/ shes rab kyi pha rol tu phyin pa'i rang bzhin mngon par byang chub pa dang ldan pa'i shes rab bo/ /skyob pa ni sangs rgyas bcom ldan 'das rnams te shes rab de las byung bas na de skyob pa rnams kyi yum mo/ /'bar dang bcas ni shes bya dang nyon mongs pa'i sgrib bsreg pa'i rang bzhin gyi 'bar ba dang bcas pa'o/ /gser gyi mdog can ni rgyal ba'i rang bzhin no/ /na bza' dkar po mnabs pa ni na bza' ni g.yog par byed pa ste g.yog pa de nyid dag pas dkar po'o/ /de bas na shes bya dang nyon mongs pa'i sgrib pa'i g.yogs ma dag pa'i mtshan ma ni na bza' dkar po'o/ / kun tu rnam par snang na rjed pa ni shin tu dag cing rang bzhin gyis 'od gsal ba'i ye shes kyi rang bzhin gyis khyab pa'o/ /ting nge 'dzin du gnas zhes pa ni g.yo ba med pa'i gzugs su gnas pa'o/ /mgon po yi ni byang phyogs su// spyan ras gzigs dbang dpa' bo ni/ /pad+ma dkar po'i stan la 'jug /du ba dang kunda zla ba 'dra/ /dbu la 'od dpag med bzhugs pa/ /bzhin ni bag tsam 'dzum par bri/ /zhes pa ni bcom ldan 'das rnam par snang mdzad kyi g.yas rol byang phyogs kyi ngos su pad+ma'i rigs kyi bdag po spyan ras gzigs kyi dbang po bri ba ste spyan ras gzigs shes pa ni so sor kun tu rtog pa'i ye shes kyi rang bzhin gyis sems can rnams yongs su smin pa dang grol bar bya ba'i phyir gzigs pa dang chos kyi dbyings rnam par dag pa la gzigs pa'o/ /dpa' bo ni shes bya dang nyon mongs pa'i sgrib pa'i chos rkun 'joms pa la dpa' ba' o/ /pad+ma dkar po'i stan la 'dug pa ni bsod nams dang ye shes kyi

  133. 67a

    tshogs su yongs su dag pa'i rang bzhin no/ /rnal 'byor gyi rgyud las pad+ma dmar por gsungs la/ /'dir dkar por gsungs pa de yang rnal 'byor gyi rgyud ni thabs gtso bor gyur pa ste/ thabs kyis sems can rnams yongs su smin pa dang grol bar bya ba'i don la zhen par bstan pa'i phyir dmar por bstan pa'o/ /rgyud 'di ni shes rab gtso bor gyur pa'i sgo nas shes rab kyis chos thams cad shin tu dag par rtogs pa'i mtshon byed du dkar por bstan to/ /dud dang kunda zla ba 'dra/ /zhes pa ni sku'i kha dog dung dang me tog kunda dang zla ba ltar dkar bar shes par bya'o/ /dbu la 'od dpag med bzhugs pa/ zhes pa ni snang ba mdza' yas ni so sor rtog pa'i ye shes kyi rang bzhin yin pas de'i mtshan mar bstan pa'o/ /gnyis su na rnal 'byor gyi rgyud las rigs so so la dbang bskur ba so so ste/ pad+ma'i rigs la snang ba mdza' yas kyis dbang bskur ba'i phyir ro/ /bzhin ni bag tsam 'dzum pa zhes pa ni ting nge 'dzin la mi gnas par sems can gyi don chos bshad pa la sogs phyir du 'dzum zhing zhal ma btsums pa'i don to/ /de'i g.yas su lha mo ni/ /sgrol ma grags pa chen mo de/ /dge zhing 'jigs pa sel ba ste/ /sngo sangs ma la sna tshogs gzugs/ /bud me ra der la bab pa'i tshad/ /thal sbyar me tog utpal thogs/ /'od gzer dag gis kun bskor cing/ /gos ni dkar po gyon par bri/ /zhes pa ni spyan ras gzigs kyi dbang pos sems can gyi khams la gzigs nas bdag gi bsod nams dang ye shes kyi tshogs la sogs pa thams cad mdza' yas pa'i sems can thams cad kyi don du bsngos te bsgral kyang sems can

  134. 67b

    de dag ma lus par 'khor pa las brgal bar ma gyur pa gzigs nas thugs rje chen po'i shugs kyis byung ba'i spyan chab las sgrol ma'i lha mo mang mo byung nas sems can thams cad sgrol bar byed pa'i gzugs su gyur pa ste/ de bas na lha mo sgrol ma'o/ /gzhan rnam pa du ma yang rgyud gzhan las shes par bya'o/ /grags chen ni yon tan gyi tshig go /dge zhing 'jigs pa sel ba zhes pa ni zhi zhing rgyal po dang tshom rkun la sogs pa'i 'jigs pa brgyad sel bar byed pa'o/ /sngo ba sangs ni kha dog dkar po dang sngon po dang ser po la sogs pa bsdus pa las ljang gur 'gyur te/ kha dog dkar po dang ser po dang sngon po la sogs pa ni zhi pa dang rgyas pa dang mngon spyod kyi las kyi mtshan ma ste de dag gcig tu bsdus pa ni las thams cad byed pa'o/ /sna tshogs gzugs zhes pa ni sems can rnam pa mang po'i don du res 'ga' ni pho'i gzugs dang res 'ga' ni mo'i gzugs la sogs pa rnam pa du mar 'gyur ba'i phyir ro/ /bud med bar la bab pa'i tshad ces pa ni gzhon te yon tan ma rdzogs pa yang ma yin/ yon tan rnams las 'das pa'i byang chub mya ngan las 'das par 'gyur ba'i tshul gyi rgas pa yang ma yin te/ bsod nams dang ye shes kyi tshogs rgyas pa'i mtshan nyid kyi tshang la bab pa'o/ /thal sbyar me tog utpa la thogs/ /zhes pa ni rnam par thar pa'i sna tshogs 'dzin te/ de bas na utpa la'i 'dab ma ral gri lta bu ni shes rab kyi rnam par thar pa'i sgo lta bur shes par bya'o/ /'od zer dag gis kun bskor zhing zhes pa ni ye shes kyi 'od 'phro bas bskor ba'o/ /gos ni dkar po gyon pa ni ngo tsha dang ldan pa'i mtshan ma ste/ ji ltar gos kyis g.yog cing mi snang bar bya ba bzhin du

  135. 68a

    ngo tsha ba yang 'chab cing snga? pa'i mtshan ma ste ngo tsha de dang ldan ba'o/ /dkar po ni ngo tsha nyid rnam par dag pa'i mtshan ma'o/ /ci'i phyir ngo tsha dang ldan zhe na/ ngo tsha ni byang chub sems dpa' i yon tan de ltar ni 'og nas 'chad do/ /g.yon du lha mo khro gnyer can/ /sngags de'i phreng ba lag na sbyangs/ /mig gsum pa la thor tshugs can/ /kha dog mdog ni dkar mo la/ /'od zer dkar po ser po dang/ dmar po rnams kyis bskor bar bri/ / zhes pa ni spyan ras gzigs kyi g.yon du khro gnyer ma bri ba ste/ khro gnyer ma zhes pa ni rgyu'i ming gis 'bras bu la btags pa'i mtshan te/ spyan ras gzigs kyi dbang po'i smin mtshams kyi nang nas lha mo de phyung ste khro gnyer gyi rgyu las byung bas na khro gnyer ma zhes bya'o/ /lha mo khro ba'i bdag nyid 'ba' zhig ma yin gyi/ pha rol tu phyin pa la sogs pa dang ldan par bstan pa ste/ sngags kyi nor bu ni pha rol tu phyin pa'i mtshan ma'o/ /mig gsum pa ni khro bo'i bdag nyid do/ /thor tshugs can ni 'og min gyi lha rnams dang rigs mthun pa'o/ /kha dog mdog ni dkar mo zhes pa ni yongs su dag pa'i mtshan nyid do/ /'od zer dkar po ser po dang/ dmar po rnams kyis bskor ba zhes pa ni ye shes kyi 'od 'phro ba dang ldan pa ste 'od nyid dkar po dang ser po dang dmar po'i kha dog de rnams dang ldan pa zhi ba dang rgyas pa la sogs pa'i las thams cad byed pa'i mtshan ma'o/ /khro gnyer can dang nye bar ni/ /mthu chen lag na pad+ma thogs/ /brtse ba chen po gos dkar gyon/ /'od zer dag gis bsgor ba yis/ /dbang po yang dag bri bya ste/ /de yi pad+ma kha ma bye/ /zhes pa ni khro gnyer ma dang nye bar 'phags pa mthu chen thob bri ba ste/ khro gnyer ma dang nye bar

  136. 68b

    bri ba ni mthu chen de dpung du bya ba'i phyir ro/ /lag na pad+ma thogs zhes dang/ de yi pad+ma kha ma bye/ /zhes pa ni de'i phyag rgya pad+ma'o/ /brtse ba chen po ni snying rje chen po dang ldan pa'o/ /pad+ma kha ma bye ba ni spyan ras gzigs kyi dbang po dang khyad par bstan pa'o/ /gos dkar gyon pa ni yongs su dag pa'i mtshan nyid do/ /'od zer dag gis bskor ba yi/ /zhes pa ni ye shes kyi 'od 'phro ba dang ldan pa'o/ /dpa' bo ni sus kyang zil gyi mi non pa'o/ /de yi drung du blo can gyi/ /rig sngags lha mo grags ldan ma/ /gser gyi kha dog lta bu can/ /rgyan rnams kun gyis brgyan pa ste/ /lag pa g.yon pas bri yang ku'i/ /snye ma yid 'ong 'dzin par bri/ /zhes pa ni mthu chen thob kyi drung du lha mo grags 'dzin zhes bya ba bri ba ste/ de la grags 'dzin zhes pa ni sangs rgyas bcom ldan 'das kyi yon tan gyi grags pa rnams 'dzin pa'o/ /de'i gser gyi kha dog lta bu'i mtshan nyid do/ /lag pa g.yon pas bri yang sku'i snye ma yid 'ong 'dzin pa zhes pa ni lha mo de'i phyag rgya'o/ /sgrol ba yi ni nye 'khor du/ /blo dang ldan pas gos dkar mo/ /zhes bya ba ni gos dkar mo 'am/ /dkar bar gnas pa zhes bya ba'i lha mo der bri ba ste dkar bar gnas pa ni chos kyi dbyings rnam par dag pa la gnas pa'o/ /sgrol ma'i nye 'khor du bri ba'i lha mo sgrol ma de sems can rnams sgrol zhing las thams cad byed pa 'ba' zhig ma yin gyi/ chos kyi dbyings rnam par dag pa la bsnyen par byed par bstan pa'i phyir ro/ /thor tshugs can la gos dkar gyon/ /lag na pad+ma thogs par bri/ /zhes pa ni gos dkar po ni yongs su dag pa'i mtshan ma'o/ /lag na pad+ma ni phyag rgya pad+ma thogs pa'o/ /thor tshugs ni sngar bshad pa bzhin no/ /blo dang ldan pas zhes

  137. 69a

    pa ni sngags pa blo dang ldan pas de ltar bri zhes pa'o/ /de yi 'og tu sngags pa yis/ /rig sngags rgyal po stobs po che/ /kha dog nyi ma 'char ka bzhin/ /pad+ma dkar pos rnam par brgyan/ /'bar ba'i phreng can mi bzad cing/ /spu dag seng ge ltar 'dug pa/ /spyan ras gzigs dbang blo ldan gyi/ /rta mgrin can zhes grags pa bri/ /zhes pa ni lha mo gos dkar mo'i 'og logs su 'phags pa rta mgrin bri bar bya ste/ rig sngags rgyal po ni pad+ma'i rigs pa'i rgyal po'o/ /stobs po che ni mthu che ba'i yon tan can no/ /kha dog nyi ma 'char ka bzhin/ /zhes pa ni sku mdog dmar bor bstan pa'o/ /pad+ma dkar pos rnam par brgyan/ /zhes pa ni bsod nams dang ye shes kyi tshogs rnam par dkar bas brgyan pa'o/ /'bar ba'i phreng can ni shes bya dang nyon mongs pa'i sgrib pa sreg par byed pa'i ye shes can te/ de bsregs na chos kyi dbyings rnam par dag pa tho par 'gyur ba ste/ de bas na chos kyi dbyings rnam par dag pa'i rang bzhin lha mo gos dkar mo'i 'og ma zad du bri ba ni de'i bar chad med pa'i lam gyi rang bzhin du shes par bya'o/ /mi bzad pa zhes pa ni khro bas 'jigs pa'i gzugs so/ /spu dag seng ge ltar 'dug pa zhes pa ni seng ge lta sus kyang zil gyis mi non pa'i mtshan ma'o/ /rta mgrin can zhes grags pa ni/ /chos la 'bigs pa'i ye shes myur zhing mgyogs pa rta dang 'dra ba dang/ sems can gyi don bya ba la mgyogs pa rta dang 'dra ba'i phyir rta mgrin zhes bya'o/ /spyan ras gzigs dbang blo ldan gyi/ zhes pa ni de dag spyan ras gzigs kyi dkyil 'khor bar shes par bya ste de dag ni pad+ma'i rigs kyi rang bzhin gyi dkyil 'khor gyi gzugs brnyan du bris pa

  138. 69b

    ste/ rang bzhin gyi dkyil 'khor thams cad ni mdza' yas te zir yang mi lang bas dkyil 'khor 'di dag thams cad ni rang bzhin gyi dkyil 'khor sdud pa'i sgor gyur par shes par bya'o/ /sangs rgyas rnams kyi lho phyogs su/ /byang chub sems dpa' skyobs rnams kyi/ /phyag rgya yid bzhin nor bu zhes/ /grags pa skal ba chen po can/ /re ba thams cad rdzogs byed pa/ /pad+ma dkar la dug par bri/ /zhes pa ni 'das pa'i sangs rgyas rnams kyi phyag rgya gru gsum pa'i lho phyogs su byang chub sems dpa' rnams kyi phyag rgya yid bzhin nor bu 'dra ba bri ste/ byang chub sems dpa' rnams bris na grangs med mdza' med pas de rnams sdud pa'i sgor gyur pa'i phyag rgya bris pas thams cad bris par shes par bya'o/ /skal ba chen po ni bsod nams dang ye shes kyi tshogs dang ldan pa la bya'o/ /gnyis su na bsnyen pa chen po zhes kyang bya ste sems can mang pos bsnyen pa'i phyir ro/ /re ba thams cad rdzogs byed pa/ /zhes pa ni sems can thams cad kyi bsam pa ji lta ba bzhin du don byed pas re ba thams cad yongs su rdzogs par byed pa'i yid bzhin gyi nor bu dang 'dra ba'i phyir yid bzhin nor bur zhes grags so/ /yang na phyag rgya nyid yid bzhin gyi nor bu lta bur bri zhes pa'o/ /pad+ma dkar la 'dug pa ni bsod nams dang ye shes kyi tshogs rnam par dag pa las byung ba'o/ /mgon po rnam snang mdzad chen gyi/ /lho yi phyogs su rdo rje 'dzin/ /re ba thams cad skong byed pa/ /mdog ni bri yang ku lta bur/ /ljang ser ram ni mang gang ltar/ /sngo bsangs mgon po dbu rgyan can/ /sems dpa' chen po rgyan kun gyis/ /rnam par brgyan zhing mdza' yas par/ /'jug pa rgya chen rdo rje bcas/ /'od gzer dag gi bskor bar bri/ /zhes pa ni phyag rgya khyab pa ste/ /bcom

  139. 70a

    ldan 'das rnam par snang mdzad kyi lho phyogs su bri ste de yang bya ba sgrub pa'i ye shes kyi mtshan nyid do/ /bcom ldan 'das kyi g.yon phyogs su bri ba ni rgyan san tshogs kyis brgyan la 'gyid ba'i tshul du gnas pas bcom ldan 'das zhi ba dang rjes su mthun pa'i phyir g.yon du bri ba yin no/ /re ba thams cad skong byed pa/ /zhes pa ni sems can gyi don byed pa la nan tan byed pas na sems can thams cad kyi sam pa yongs su rdzogs par byed pa'o/ / mdza' yas par 'jug pa rgya cher zhes pa ni sems can gyi don du mdza' yas par rgyu ba ste/ de yang rgya che ba'i rgyu'o/ /rdo rjer bcas zhes pa ni ye shes lnga'i rang bzhin gyi rdo rje 'char ba'o/ /'od gzer dag gis bskor ba ni ye shes kyi 'od 'phro bas bskor ba'o/ /de yi g.yas su lha mo'i ming/ /mA ma kI zhes bya ba de/ /rdo rje'i rgyan gyis brgyan pa ste/ /lag na rdo rje thogs par bri/ /zhes pa ni phyag na rdo rje'i yum bya ba sgrub ba'i ye shes dang ldan pa'i shes rab kyi pha rol tu phyin pa'i rang bzhin no/ /mA ma kI zhes pa la mA ma kI ni phyag na rdo rje'o/ /mA ma kI mo yin pas mA ma kI zhes bya'o/ /phyag na rdo rje ji ltar mA ma ki yin zhe na/ gdug pa dang ma rungs pa rnams gdug pa'i bya ba byed pa na ma phyed ma byed ces 'gog pa ma byed pa zhes bya'o/ /ma byed pa de'i yum yin pas na ma byed ma zhes bya'o/ /rdo rje'i rgyan gyis brgyan zhes pa ni rgyan rnams la rdo rje'i mtshan mas btab pa ste rdo rje rigs kyi mtshan ma'o/ /rdo rje thogs pa ni ye shes kyi rang bzhin gyi phyag rgya rdo rje rtse gsum pa 'chang ba'o/ /de yi 'og tu lha mo ni/ /rdo rje rtse mo stobs chen de/ /pho nya rnams kyi yong bskor zhing/ /bzhin ni bag tsam 'dzum pa bri/ /zhes pa ni yum shes rab kyi pha rol tu phyin pa de'i bar chad med pa'i lam gyi rang bzhin yin pas

  140. 70b

    de'i 'og tu bri ba ste/ rdo rje rtse mo zhes pa ni chos nyid la 'bigs par byed pa'i ngang tshul can no/ /stobs chen zhes pa ni de'i yon tan no/ /pho nya rnams kyi yongs bskor zhing/ /zhes pa ni bar chad med pa'i lam gyi yan lag rnams dang ldan pa'o/ /yang na rgyal po'i 'khor yin pas na mngag gzhug la sogs pa srid pa'i phyir ro/ /bzhin bag tsam 'dzum pa ni ting nge 'dzin la ma zhugs par sems can gyi don mdzad pa'i phyir ro/ /g.yon rol du ni sngags ba yis/ /rdo rje lug gu rgyud ces bya/ /lag na rdo rje lu gu rgyud/ rang gi pho nya rnams kyis bskor/ /bri yang ku ltar ljang ser mchog /rdo rje'i mas legs mtshan bri/ /zhes pa ni phyag na rdo rje'i g.yon du rdo rje lu gu rgyud ces pa bri ba ste/ lu gu rgyud ma ni 'phags pa'i lam gyi rang bzhin yin la/ sems can rnams lam der 'dren cing 'dzud par byed pa'i mtshan ma can no/ /yang na rgyal po'i 'khor gyi phul yin pas gdug pa dang ma rungs pa rnams gzung zhing 'dogs pa'i mtshan nyid do/ / rang gi pho nya rnams kyis bskor/ /zhes pa ni rdo rje lu gu rgyud ma de nyid kyi 'khor mngag gzhug ma la sogs pa rnams kyis bskor ba'o/ /rdo rje'i mtshan mas legs mtshan bri/ /zhes pa ni rgyan rnams la rdo rje'i mtshan mas btab pa'o/ /lag na rdo rje'i 'og logs su zhes pa nas/ khro bo chen po 'di 'dra ba/ /pad+ma'i steng du 'dug pa bri/ /zhes pa'i bar gyis ni bya ba sgrub pa'i ye shes phyag na rdo rje'i bar chad med pa'i lam gyi mtshan nyid du gyur pa khro bo zla gtso zhes bya ba'i khyad par te/ 'og logs su bri ba ni bya ba sgrub pa'i ye shes kyi sbyor bar chad med pa'i lam gyi rang bzhin yin pas bya ba sgrub pa'i ye shes kyi sarma phyin pa'i phyir 'og tu bri'o/ /de ni zla ba thig le 'am zla gtso zhes bya ste zla ba ltar yongs su

  141. 71a

    dag cing sems can thams cad kyi rgyud tshim par byed pa'i rang bzhin no/ /thig le ni thig le'i mtshan ma dang ldan pa'o/ /yang na rgya gar skad du ti la ka zhes pa gtso bo'i rnam pa la bya'o/ /bgegs chen dgra ni zhi byed ba/ /zhes pa ni lha dang/ gnod sbyin las gyur pa'i bgegs rnams dang mi la sogs pa'i dgra sel bar byed pa'o/ /khro bo 'jig rten gsum du grags/ /zhes pa ni yon tan gyis 'jig rten gsum du grags pa'o/ /mig gsum pa ni ye shes kyi spyan lhag par mnga' pa 'am khro bo'i mtshan ma'o/ /mche ba bzhi pa ni ston pa nyid dang mtshan ma med pa dang smon pa med pa dang rang bzhin gyis 'od gsal ba'i rnam par thar pa'i sgo dang ldan pa'o/ /kha dog dbyar gyi char sprin 'dra/ /zhes pa ni dbyar gyi sor la rlung dang char bar bcas pa'i bag gnas pas de dang 'dra bar 'dra bar las thams cad byed pa'i mtshan ma'o/ /rab tu rgod pa'i sgra yang 'byin/ zhes pa ni gad mo'i sgras thams cad 'gengs shing gnod par 'gyur ba'i sgra 'byin pa'o/ /rdo rje'i rgyan gyis rnam par brgyan/ /zhes pa ni rgyan rnams la rdo rje'i mtshan mas btab pa'o/ /'khor ni mdza' yas khro bo yi/ /dbang phyug rnams kyis yongs bskor ba/ /zhes pa ni 'khor phal pa dang khro bo grangs med pas bskor ba'o/ /lag pa stong phrag brgyad dag ni/ /zhes pa lam gyi yan lag brgya stong du mas sems can rnams 'phags pa'i lam la 'dzud pa 'am/ yan lag de rnams kyis lam gyi sgrib pa ma ? sel ba'i mtshan ma'o/ /mtshan pa sna tshogs thogs shing gdengs/ /zhes pa ni lam gyi yan lag gi yon tan de rnams rdo rje la sog pa'i mtshon char gyur pa'o/ /khro bo chen po 'di 'dra ba/ /pad+ma'i steng du 'jug par bri/ /zhes pa ni gong du

  142. 71b

    smos pa'i tshul du bri ba ste/ /'khor dang yan lag mang po rnams ni yid kyi bsam par bya ste/ /cung zad ci 'os shig pri bar bya'o/ /de yi nub tu song nas ni/ /rdo rje 'dzin pa mang po dag /lag na mtshon ma sna tshogs thogs/ /kha dog sna tshogs stobs po che/ /'od zer dag gis yongs bskor ba/ /sems can kun don byed pa bri/ /zhes pa ni phyag na rdo rje'i 'khor rdo rje 'dzin pa rnams bri ba ste ming dang cha lugs dag ni gsang ba'i dkyil 'khor las 'byung ba dang sbyar ba'o/ /gsang sngags mgon po'i 'og logs su/ /bden bral gyi ni phyogs kyi char/ /mi g.yo zhes bya lag na ni/ /ral gri zhags pa legs par thogs/ /zur phung spyi bo'i g.yon du 'chang/ /rab tu brgyan cing mig gcig yo/ /rang gi 'od kyi dang na gnas/ /khro dang bcas pa brag la 'dug /bzhi ni khro gnyer rab tu gnyer/ /byis pa'i gzugs can mkhrang bag bri/ /zhes pa'i bar gyis bcom ldan 'das rnam par snang mdzad mnyam pa nyid kyi ye shes kyi bar chad med pa'i lam du gyur par bcom ldan 'das kyi 'og ma zad du 'phags pa mi g.yo mgon bri ba'i bye brag gsungs pa ste/ lag na ral gri thogs pa ni shes bya dang nyon mongs pa'i sgrib pa gcor pa'i shes rab kyi mtshan nyid do/ /zhags pa ni lam gyi mtshan nyid de/ lam der sems can thams cad 'bren cing 'dzud pa'o/ /mig gcig g.yo ba ni bar chad med pa'i lam gyi rang bzhin yin pas chos kyi dbyings rnam pa thams cad ma rtogs shing mnyam pa nyid kyi ye shes yongs su ma rdzogs pa'i mtshan ma'o/ /rang gi 'od gyi nang na gnas zhes pa ni sgrib pa sel ba'i ye shes dang ldan pa'o/ /mkhrad bag ni phyin ci ma log par yongs su grub pa'i lam gyi rang bzhin yin pas brtan zhing mi 'gyur ba'o/ /gzhon nu'i gzugs

  143. 72a

    ni bar chad med pa'i lam la dang por zhugs pas lam ma rgyas pa'i mtshan ma ste /de bas na bar chad med pa'i lam rgyas pa'i mtshan nyid khams gsum rnam par rgyal ba rlung gi phyogs su bzhag go /bris nas blo ldan rlung phyogs su/ zhes pa nas /zad pa'i dus dang 'drar gnas pa/ /nan tan du ni bri bar bya/ /zhes pa'i bar gyis ni bcom ldan 'das rnam par snang mdzad mnyam pa nyid kyi ye shes kyi bar chad med pa'i lam rdzogs pa'i rang bzhin khams gsum rnam par rgyal ba bri ba'i bye brag gsungs pa ste/ zad pa'i dus dang 'drar gnas pa zhes pa ni zad pa'i tshe nyi ma dang zla ba med pas de mun nag tu gyur te khro bo de'i kha dog mun pa dang 'dra ba nag por gri zhes pa'i don to/ /de ltar nang du bri ba ni/ /rgyas dang bcas par bshad pa yin/ /zhes pa ni snying po'i dkyil 'khor du sku mi zad pa la sogs pa'i rgyan rang bzhin gyi dkyil 'khor rnams sdud par byed pa ye shes lnga'i mtshan ma rnams 'khor ba bcas par bshad ces pa'o/ /da ni dkyil 'khor gnyis pa'i snam bu la sku mi zad pa'i rgyan sdud par byed pa sprul pa'i sku shAkya thub pa dang/ dbang po dang gshin rje la sogs pa'i tshul du bstan pa rnams 'khor dang bcas par bri ba bshad par bya ste/ de nas sngags pa phyir byung nas/ /nges par gnyis pa'i cha dag la/ /shar gyi phyogs kyi nang du ni/ /cha ni gnyis su phye ba la/ /sgo khyud kyi ni nang rol du/ /sngags pas rgyal ba shAkya thub/ /gser gyi kha dog 'bar dang bcas/ /mtshan mchog sum su rtsa gnyis ldan/ /mgon po na bza' ngur smrig mnabs/ /khyab bdag bstan pa'i don mdzad pa/ /pad+ma dkar po'i gdan la bzhugs/ /chos 'char chul du bzhugs par bri/ /zhes pa ni dkyil 'khor rim pa gnyis pa'i

  144. 72b

    shar gyi ngos cha gnyis su bgos pa'i dbus su bab pa'i sgo khyud kyi nang du bcom ldan 'das shAkya thub pa bri ste/ shAkya thub pa zhes pa ni shAkya'i rigs las byung zhing lus dang ngag dang yid gsum thub pa'i ngang tshul can no/ /shar phyogs su grib ni bcom ldan 'das rnam par snang mdzad pas sngar byang chub kyi shing drung du mngon par byang chub pa bstan pa'o/ /gser gyi kha dog ni rgyas pa'i mtshan ma ste bsod nams dang ye shes kyi tshogs rgyas pa'i rang bzhin gyi phyir ro/ /'bar dang bcas pa ni kun tu sangs rgyas bas sgrib pa sreg pa'i rang bzhin gyi ye shes dang ldan pa'o/ /mtshan mchog sum cu rtsa gnyis ldan/ /zhes pa ni spyi gtsug ltar ma mngon pa la sogs pa skyes bu chen po'i mtshan gzhung las grags pa dag go / na bza' ngur smrig mnabs pa ni 'khor ba la ma chags pa dang/ snying rje'i dbang gis sems can la chags par bstan pa ste chos gos tshon can gyis ni snying rjes sems can la chags par bstan pa yin la/ dam pa po 'ba' zhig par mi gsal bar ngur smrig tu gyur pa ni 'khor ba la ma chags par bstan pa'o/ /khyab bdag bstan pa'i don mdzad pa/ /zhes pa ni 'khor rnams la slob cing ston pa'i don byed pa'o/ /pad+ma dkar po'i gdan ni bsod nams kyi tshogs yongs su dag pa'i mtshan ma ste snga ma bzhin no/ /chos 'chang tshul du bzhugs pa ni gzhung las grags pa'o/ /de yi g.yas su lha mo ni/ /sangs rgyas spyan zhes bya ba ste/ /lha mo cung zad 'dzum pa'i zhal/ /'od kyi dkyil 'khor 'dom gang ba/ /mtshungs med sku ni rab tu dang/ /de ni shAkya thub pa'i yum/ /zhes pa ni sangs rgyas kyis shes rab yum gyi gzugs su gyur pa ni shAkya thub pa'i g.yas rol gyi byang phyogs logs su bri ste /sangs rgyas shAkya thub pa shes rab de las

  145. 73a

    byung ba'i phyir sangs rgyas kyi yum zhes bya'o/ /sangs rgyas spyan zhes pa ni gcig pa'i rang bzhin yin pas shes rab la bya'o/ /cung zad 'dzum pa'i zhal zhes ba cung zad ni shes bya dang nyon mongs pa'i sgrib pa dag pa'o/ /cung zad 'dzum pa ni chos ston pa'i mtshan ma'o/ /'od kyi dkyil 'khor 'dom gang ba ni kun tu sangs rgyas pa la shes bya dang nyon mongs pa srog pa'i ye shes dang ldan pa'o/ /mtshungs med ni rnam pa med pa'i ye shes kyi rang bzhin yin pas tshad 'di tsam mo zhes gzung zhing gzhal du med pa'o/ /de yi g.yas su lha mo ni/ /rig sngags mdzod spu zhes grags pa/ /pad+ma'i steng na 'dug pa ste/ /dung zla kun ?da lta bu'i mdog /lag na yid bzhin nor bu thogs// re ba kun rdzogs byed pa bri/ /zhes pa ni sangs rgyas spyan gyi g.yas rol byang phyogs su mdzod spu zhes bya ba'i rig ma 'dri ba ste/ sangs rgyas kyi smin mtshams na skyes bu chen po'i mtshan thig le 'dra ba de ting nge 'dzin gyi gzugs su gyur pa'i lha mo ni mdzod pu zhes bya'o/ /de nas sngags pas g.yon rol du/ /shAkya seng ge skyob pa yis/ /zhes pa nas/ /gnas ni lnga rnams nyid du ni/ /rab tu bsgrims te bri bar bya/ /zhes pa'i bar gyis ni bcom ldan 'das kyi g.yon rol lho phyogs su gtsug tor lnga bri ba ste/ gtsug tor zhes pa ni bcom ldan 'das kyi gtsug tor nas byung bas rgyus 'bras bu la btags pa'o/ /'di rnams kyi phyag rgya la sogs pa ni gsang ba'i dkyil 'khor las zhib tu smos pas 'dir ma bshad do/ /de'i byang du sod nas su/ /zhes pa nas/ de dag thams cad legs par bri/ /zhes pa'i bar gyis ni gtsug tor lnga'i g.yon rol lha phyogs su gzugs khams kyi lha rnams la sku mi zad pa'i rgyan gyis khyad par mdzad

  146. 73b

    pa'i sgor gyur pa gnas gtsang ma'i ris kyi lha rnams bri ba ste/ gzhung las byang phyogs su smos na ci'i phyir lho phyogs su bri zhe na/ gtsug tor lnga'i byang phyogs na shAkya thub pa la sogs pa bzhugs pas bri ba'i skabs med de/ lho phyogs su bri bar mngon no/ /gnyis sun ut+tar ni byang dang g.yon la 'jug pa skad kyi gzhung dang yang mthun no/ /mdzod spu yi ni g.yas logs su/ /gtsug tor chen po cher 'byung ba/ /de bzhin gyen du 'byung nyid dang/ /sgra dbyangs mdza' yas pa yang ste/ /gtsug tor gsum po kho na ni/ /bsgrims te yang dag bri bar bya/ /zhes pa ni mdzod spu'i g.yon rol byang phyogs su gtsug tor gsum rnams bri'o/ /dkar po ser por skya ser bya/ /zhes pa ni gtsug tor gsum po de dag nyid kyi kha dog ste/ ser skya ni yungs kar gyi kha dog lta bu'o/ /ser po ni gser gyi kha dog lta bu'o/ /mthu chen gtsug tor lnga po yi/ /gsum po las gzhan bya ba ni/ /dkar po dmar po ser po'o/ /zhes pa ni gtsug tor gsum po las gzhan pa gtsug tor lnga po sngar bshad pa rnams kha dog gsum du bya la /kha dog gsum yang dkar po dang dmar po dang ser po'o/ /gtsug tor lnga las gtsug tor gsum ni kha dog gsum dang sbyar la gtsug tor gnyis ni kha dog de gnyis las dkar po dang dmar po gnyis dang sbyar ro/ /de dag smon lam stobs can te/ zhes pa ni de dag kun kyang bcom ldan 'das shAkya thub pa'i smon lam gyi stobs kyis byung ba'o zhes pa'o/ /de nas sngags pas me logs su/ /me ni drang srong che rnams dang/ zhes pa nas/ bgrang phreng kun d+he thogs par bri/ /zhes pa'i bar gyis ni shar lho'i mtshams su me'i drang srong 'khor me'i drang srong rnams dang bcas par bri ba'i bye brag ste/ de rnams kyang sku mi zad pa'i rgyan nyid ma'i drang srong la

  147. 74a

    sogs pa gdul ba'i phyir/ me'i gzugs su gyur pa'o/ /de nas lho yi phyogs kyi char/ /gshin rje gtso bo lag pa na/ /dbyug pa thogs shing ma he zhon/ /kha dog dbyar gyi char sprin 'dra/ /ma mo rnams dang dus mtshan dang/ /'chi bdag rnams kyis bskor ba bri/ /zhes pa ni sku mi zad pa'i rgyan de nyid gshin rje la sogs pa gdul ba'i phyir yi dags kyi rgyal po gshin rje'i gzugs su gyur pa ste/ de yang lho phyogs kyi sgo khyud kyi nang du dri'o/ / ma he zhon pa ni de'i theg pa ste/ 'jig rten pa'i theg pa yin pas na ma he ltar dkar po ma yin pa'o/ /dbyug pa thogs pa ni shes rab kyi mtshan ma ste dbyug pa zlum po bcas pa'i rang bzhin ma yin pa ni 'khor ba'i rgyud kyi las legs nyes kyi 'bras bu la sogs pa ston zhing 'chang pas 'khor ba'i rgyud gcod pa ma yin pa'o/ /bden bral phyogs su bden bral ni/ /lag na ral gri thogs par bri/ /zhes pa ni lho nub kyi mtshams su srin po rnams gdul ba'i phyir sku yi zad pa'i rgyan de nyid srin po'i rgyal po bden bral gyi gzugs su gyur pa'o/ /de nas kyang ni blo ldan pa/ /myur du byed gi phyogs song ste/ /lha yi rgyal po ri rab la/ /'dug cing lha rnams kyis bskor ba/ /lag na rdo rje cod pan can/ /rgyan kun gyis ni brgyan par bri/ /zhes pa ni 'dod pa'i lha rnams gdul ba'i phyir sku mi zad pa'i rgyan de nyid lha rnams kyi rgyal po dbang po'i gzugs su gyur pa ste de yang byang phyogs kyi ngos sgo khyud gyi nang du bri'o/ /de yang ri rab kyi rtse mo la gnas shing 'khor lha rnams kyis bskor bar bri ste/ cod pan ni rgyal po'i tshul 'dzin pas so/ /rdo rje ni de'i ye shes kyis mtshan ma ste/ gnyis su na lag cha'o/ /de nas de yang shar du ni/ /chu lha lag na zhags thogs bri/ /zhes pa ni shar phyogs su

  148. 74b

    chu'i dbang po bri ba ste zhags pa ni de nyid kyi lam gyi rang bzhin no/ /shar phyogs su bri ba ni purba zhes pa sngon gyi tshig ste bskal pa 'byung ba'i 'og su chu'i dkyil 'khor gyis thog mar gzhi btsugs pa'i phyir ro/ /nyi ma shing rta'i steng 'dug bri/ zhes pa ni chu'i rgyal po'i shar phyogs su nyi ma bri ste shing rta ni nyi ma'i bzhon pa'o/ /shar phyogs su bri ba ni sngon gyi tshig ste bskal pa 'byung ba'i 'og tu 'jig rten pa rnams kyi nang na nyi ma dang zla ba dang por byung ba'i phyir ro/ /de'i g.yas dang g.yon du ni/ /rgyal dang rnam par rgyal ba bri/ zhes pa ni nyi ma'i chung ma gnyis so/ /de'i g.yas su tshangs pa ni/ /gdong bzhi pa la thor tshugs can/ /oM zhes bya ba lhur len pa/ /dang pa pad+ma'i stan 'dug bri/ zhes pa ni dbang po'i g.yas logs nub kyi phyogs su tshangs pa bri ba ste/ gdong bzhi pa ni rig byed bzhi so so nas 'byung ba'o/ /dang pa pad+ma'i stan 'dug 'bri/ zhes pa ni tshangs pa'i bzhon pa dang ba ste/ dad pa'i steng du padmo bzhag pa la 'dug par bri'o/ /oM gyi sgra 'byin pa'i tshul dang phyag rgya ni gsang ba'i dkyil 'khor du bshad pa dang sbyar ro/ /de'i nub du bri ba ni/ /sa yi lha dang dbyangs can dang/ /khyab 'jug skems byed de bzhin rlung/ /bde byed de bzhin zla ba ste/ /nub kyi phyogs su gnas nas ni/ /rab tu nan tan byas te bri/ zhes pa ni nub phyogs kyi ngos su khyab 'jug la sogs pa'i lha de dag lho phyogs nas brtsams te rim pa ji lta ba bzhin du bri'o/ /nub phyogs su bri ba ni sgo nub tu gtod pas sgo gar bri ba ste dbang po dang khyab 'jug la sogs pa'i lha de rnams 'jig rten las 'das pa'i lam du 'jug pa'i sgor gyur pa'i phyir ro/ /de rnams kyang sku mi zad pa'i rgyan de nyid de lha de dag gdul ba'i phyir de dag nyid kyi gzugs su gyur pa'o/ /

  149. 75a

    sku mi zad rgyan de dbang po la sogs pa de dag gi gzugs su gyur pa yang cha lugs de dag dang 'dra mod kyi de dag gdul ba'i phyir mthu dang rdzu 'phrul la sogs pa ni de dag las lhag par shes par bya'o/ /de bzhin du gshin rje la sogs pa gzhan la yang sbyar ro/ /bris nas sngags pas de nas ni/ /yid la 'khrul pa med pa ru/ /gsang sngags mgon po'i 'og logs su/ /khro chen gzhan gyis mi thub ces/ /bya ba nyid dang lha mo ni/ /gzhan gyis mi thub ma dang ni/ /sa bdag lag na bum pa thogs/ /gus par yang dag gnas par bri/ zhes pa la khro bo gzhan gyis mi thub pa ni bcom ldan 'das shAkya thub pa'i bar chad med pa'i lam gyi rang bzhin no/ /lha mo gzhan gyis mi thub ma ni bcom ldan 'das shAkya thub pa'i mthu bstan par gyur pa'o/ /sa'i lha mo lag na bum pa thogs pa ni bcom ldan 'das kyi dbang du gyur pa ste de dag kyang bcom ldan 'das shAkya thub pa'i spyan sngar 'og ma zad du bri'o/ /klu? chen dga' po bsten dga' dang/ /shAkya seng ge skyob ba yi/ /sgo drung gnyis su mngon phyogs bar/ /rab tu bsgrims te bri bar bya/ /zhes pa ni sgor pha rol tshu rol nas phan tshun gdong phyogs par bri ste cha bsgo bar shes par bya'o/ /gzhan yang shAkya thub pa yi/ /rgyud rnams kun las dkyil 'khor du/ /sngags dang phyag rgya gang bshad pa/ /de dag kyang ni mkhas pas bri/ zhes pa ni bcom ldan 'das shAkya thub pa'i phyag rgya lhung bzed dang? 'khar sil la sogs pa rgyud las 'byung ba rnams ji ltar rigs par bya'o zhes pa'o/ /da ni 'phags pa 'jam pa'i dbyangs la sogs pa byang chub sems dpa' chen po rnams chos nyan pa'i tshul du bzhugs par bri ba bshad do/ /de la chos nyan pa ni lung gi chos

  150. 75b

    dang rtogs pa'i chos te/ lung gi chos ni zhal nas gsungs pa rnams so/ /rtogs pa'i chos ni sku mi zad pa'i rgyan dkyil 'khor nang ma gnyis kyi nang na sku bzhi po 'khor dang bcas pa ste de bas na de dag rtogs par bya ba 'byor byang chub sems dpa' de rnams kyis yongs su bskor zhing mdun du byas pa'i tshul du bri bar bstan te/ byang chub sems dpa' de rnams kyang pha rol tu phyin pa las skyes pa sha stag tu shes par bya'o/ /sngags pa de nas phyir byung nas/ /cha gsum pa ni nges pa la/ /rdo rje dam pa sbyin pa ni zhes pa nas/ /'od gzer mtshan nyid bzang po yis/ /kun tu 'khor bar sngags pas bri/ /zhes pa'i bar gyis ni shar phyogs kyi ngos kyi sgo khyud kyi nang du 'phags pa 'jam pa'i dbyangs bri bar bya ste/ de yang sgra'i rjes su 'gro ba'i shes rab kyi rang bzhin gyis chos thams cad kyi spyi dang rang gi mtshan nyid blos brtags shing dbyang nas rtogs par byed pa'o/ /de bas na de ltar rtogs nas sgrib pa thams cad spong bar byed pa'i byang chub sems dpa' phyi nas lho phyogs su bri'o/ /de ltar sgrib pa spangs nas bzod pa dang dga' bar ldan pa'i rang bzhin sa'i snying po byang phyogs su bri'o/ /de ltar bzod pa dang dga' ba dang ldan pa thob nas chos thams cad stong pa nyid nam mkha' lta bur rtogs pa'i rang bzhin nam mkha' i snying po nub phyogs su bri'o/ /rnam par thar pa'i rim pa de lta bas na dang po nyid du shar phyogs su shes rab kyi rang bzhin 'phags pa 'jam dpal bri'o/ /rdo rje dam pa sbyin pa ni 'phags pa ? la phyag na rdo rjes dam pa sbyin pa ni phyag na rdo rjes sngags kyi rgyud 'chang bar dbang bskur te/ de ltar na rdo rjes dam pa sbyin pas rdo rje dam pa sbyin zhes pa'o/ /zur phud lnga dang ldan zhes pa ni ye shes lnga'i rang bzhin no/ /byis pa gzhon nu'i gzugs

  151. 76a

    can ni gzhon nu'i sa la gnas pa ste chos kyi rgyal po'i sras kyi gzugs su bzhugs pa'o/ /utpa la sngon po rdo rje can/ /lag pa g.yon na thogs pa ste/ zhes pa ni ye shes lnga'i mtshan ma'i rdo rje utpa la'i steng du bzhag pa lag pa g.yon na thogs pa ste/ rdo rje ni mchog sbyin pa'o/ /u pal ni shes rab kyi ral gri'i mtshan ma'o/ /rab tu 'dzum pa'i bzhin du gnas/ zhes pa ni shes rab kyi chos ston pa'i mtshan ma'o/ /'od zer mtshan nyid bzang po yis/ /zhes pa ni ser bo dang dkar po la sogs pa dang ldan pa'i 'od 'phro ba ste/ nag po la sogs pa'i 'od med pa'o/ /de'i byang du gzhon nu ni/ /dra pa'i 'od can lag pa na/ /rin che na dra ba thogs pa ste/ sna tshogs pa yis rgyan gyis brgyan/ /pad+ma dkar po'i stan la 'dug /rgyal pa'i sras la lta bar bri/ zhes pa ni 'phags pa 'jam dpal gyi 'khor dra ba'i 'od ces bya ba de dag g.yas rol byang phyogs su bri ste/ dra ba'i 'od ces pa ni 'ong rnams rgyun mi 'chad par phan tshun du 'brel par gyur pas dra ba'i 'od ces bya'o/ /lag pa na rin po che'i dra ba thogs pa ni phyag dra ba 'dra ba la rin po ches spras pa thogs pa'o/ /pad+ma dmar po'i stan la 'dug pa ni bla ma dang bye brag yod par bya ba'i phyir ro/ /rgyal ba'i sras la blta bar bri/ /zhes pa ni 'phags pa 'jam dpal nyid la blta bar bri'o/ /rdo rje dam pa sbyin pa yi/ /g.yon du pho nya ma lnga bri/ /skra can dang ni nye skra can/ /sna tshogs ma dang nor can ma/ /de bzhin du 'gugs ma zhes bya ba/ /'di dag blo ldan pho nya mo'o/ /zhes pa ni 'phags pa 'jam dpal gyi 'khor mngag gzhug ma ming smos pa lnga po rnams g.yon rol du bri bar bya'o/ /de dag gi ni 'og zad du/ /phyag

  152. 76b

    brnyan ma ni lnga rnams dang/ /gzhon nu dra ba'i 'od can gyi/ /'khor gnyis po yang bri bar bya/ /zhes pa ni mngag gzhug ma de lnga'i g.yog ci bgyi ma lnga yang mdag gzhug ma rnams kyi 'og ma zad du bri bar bya/ /dra ba'i 'od can gyi drung du yang de'i g.yog gnyis po bri bar bya'o/ de rnams ni 'phags pa 'jam dpal gyi 'khor de kha dog dang phyag rgya la sogs pa ni gsang ba'i dkyil 'khor du blta bar bya'o/ /de nas sngags pas lho phyogs su/ /byang chub sems dpa' grags chen po/ /sgrib pa thams cad rnam sel gtso/ /yid bzhin nor bu thogs par bri/ /zhes pa ni lho phyogs kyi sgo khyud kyi nang du sgrib pa thams cad rnam par sel ba bri ste sgrib pa thams cad rnam par sel zhes pa ni shes bya dang nyon mongs pa'i sgrib pa thams cad spangs zhes pa'i don to/ /gnyis su na rgyu'i tshe 'dod pa la 'dun pa dang gnod sems la sogs pa'i sgrib pa lnga bsal te de rnams mi spyod pa las byung pas na rgyus 'bras bu la btags pa'o// de yi cha gnyis por nas ni/ /zhes pa nas/ de bzhin blo gros bsam yas te/ /mkhas pas brgyad po bri par bya/ zhes pa'i bar gyis ni gtso po de'i 'khor brgyad po rnams g.yas su bzhi dang g.yon du bzhi rim pa bzhin du bri ste/ tsha gnyis por ba ni dbang g.yog gi mtshams kyi bral ba'i phyir ro/ /byang chub sems dpa' de rnams kyi ming ni don dang rjes su mthun par shes par bya'o/ /byang gi phyogs su song nas na/ zhes pa nas/ de'i steng na 'dug par bri/ zhes pa'i bar gyis ni byang chub sems dpa' sa'i snying po byang phyogs kyi ngos kyi sgo khyud kyi nang du bri ba ste/ bzod pa dang nges pa phun sum tshogs/ zhes pa la bzod pa rnam pa gsum dang ldan pa ste/ chos zab mo la

  153. 77a

    bzod pa dang/ sdug bsngal la bzod pa dang/ /pha rol gyis gnod pa byas pa la bzod pa'o/ /des pa phun sum tshogs pa ni rang gi rnam par thar ba'i sgos rang shing dga' ba'o/ /sa'i snying po zhes pa ni de ltar bzod pa dang ldan pas/ sa dang 'dra ba'i phyir ro/ /'bar ba ni sngar bshad pa bzhin no/ /de'i stan ni mkhas pa yis/ /'byung kud kun dang ldan pa'i sa/ /rin chen kun gyi nyer brgyan pa zhes pa ni byang chub sems dpa' de'i khyad par ste/ sa de yang dkar dmar la sogs pa'i kha dog dang ldan pa rin po ches bris shing brgyan par bri'o/ /de'i steng na rin chen bzhi'i/ /pad+ma yang dag gnas pa ni/ /yid du 'ong ba bsam bya ste/ /byang chub sems dpa' grags chen po/ /de yi steng na 'dug par bri/ /zhes pa ni sa'i steng du padmo rin po che bzhi'i rang bzhin bri te/ rin po che bzhi ni gong du byang chub sems dpa' i yon tan bzod pa rnam pa gsum dang/ des na de nyid rin po che'i mtshams mar gyur pas padmo de brgyan pa ste/ de'i steng du byang chub sems dpa' de bzhugs par bri'o/ /de yi 'khor ni yon tan gtso/ /mdza' yas shing ni grangs med do/ zhes pa nas/ grags chen 'di dag dri bar bya/ zhes pa'i bar gyis ni byang chub sems dpa' de'i 'khor yon tan mdza' yas pa dang ldan pa grangs med pa rnams yod de/ da dag las don dang rjes su mthun pa'i ming dang ldan pa'i byang chub sems dpa' kha cig ste/ 'di rnams rim pa bzhin du bri bar bya'o/ /de bzhin sngags pas nub phyogs su/ /dpa' bo nam mkha' i snying po ni/ /gzi brjid chen po gos dkar gyon/ /lag na ral gri thogs bsam ste/ /rgyal sras pad+ma'i stan steng na/ /legs par 'dug par

  154. 77b

    bri bar bya/ zhes pa ni byang chub sems dpa' nam mkha' i snying po zhes pa ni byang chub sems dpa' de chos thams cad stong pa nyid nam mkha' lta bur gyur pa las byung bas na nam mkha' i snying po zhes bya'o/ /gos dkar gyon pa ni mdom pa dang ngo tsha ba dang ldan pa'i mtshan ma ste sngar bshad pa lta bu'o/ /ral gri ni de'i rnam par thar pa'i shes rab kyi mtshan ma'o/ /bdag nyid chen po de 'khor du/ zhes pa nas/ de dag rab tu bsgrims bri zhing/ zhes pa'i bar gyis ni nam mkha' i snying po'i 'khor byang chub sems dpa' don dang rjes su mthun pa'i ming can 'di rnams go rims bzhin du g.yas dang g.yon du bri bar bya'o/ /rtag tu dpa' bo 'di rnams dang/ /lhan cig go rims bzhin du bsam/ zhes pa ni bcom ldan 'das kyi sku mi zad pa'i rgyan de dag chos nyan pa'i byang chub sems dpa' chen po 'di rnams kyis yongs su bskor zhing mdun du byas pa dag rtag par lhan cig tu soms shig ces pa'o/ /byang chub sems dpa' de rnams kyi sku mdog dang phyag rgya la sogs pa 'dir gsal bar me smos pa rnams gsang ba'i dkyil 'khor du blta bar bya'o/ /de nas gsang ba pa'i bdag po phyag na rdo rjes thams cad dang ldan pa'i 'khor rnams la bltas nas zhes pa nas/ de dag gis na ngan 'gro'i rgyun/ /sdug bsngal kun 'byung rab tu bcad/ /zhes pa'i bar gyi ni phyag na rdo rje gong du dkyil 'khor bshad pa dang lha rnams so sor dgod pa la sogs pa khong du chud nas de dag gi tshul dang yon tan la sogs pa rnams la sems shin tu dad par gyur te/ dang ba de'i shugs kyi sngags kyis tshul dkon zhing mthu che bar bstan pa dang/ dkyil 'khor mthong ba mthu che bar bstan pa dang/ sngags bzlos pa yang mthu che bar bstan pa dang/ sngags nyan zhing sems

  155. 78a

    pa'i sgo nas dang pa mthu che bar bstan pa'i tshigs su bcad pa rnams smras pa ste de la sems dang ba rnam pa gsum ste/ pags par song ba dang/ rus par song ba dang/ rkang du song ba'o/ /de la bags par song ba ni ba spu langs pa la sogs pa'o/ /rus pa song ba ni 'chi ma 'byung ba la sogs pa'o/ /rkang du song ba ni tshig tu smra ba la sogs pa ste/ de bas na phyag na rdo rje sems shin tu dang ba rkang du song ba dang ldan pas tshig tu smras so/ /de nas gsang ba pa'i bdag po phyag na rdo rjes thams cad dang ldan pa'i 'khor rnams la bltas nas zhes pa ni 'khor de na byang chub sems dpa' chen po kun tu bzang po la sogs pa yongs su dag pa sha stag bzhugs pas g.yengs ma g.yengs dang snod du gyur ma gyur brtag pa la ni mi bya'i/ dad pa'i shugs nyid kyis 'khor de rnams la bltas pa'o/ /bcom ldan 'das rnam par snang mdzad la ring zhig tu mig mi 'dzums par bltas te zhes pa yang dang pa'i shugs kyis bcom ldan 'das la snying tshim tshim du ring du bltas pa'o/ /ched du gleng ba 'di ched du gleng zhing tshig tu smras pa ni gzhan gyis ma dris par bdag nyid kyis sems dang ba'i shugs kyis tshig tu bton te smras pa'o/ /'jig rten du ni kun mkhyen rnams/ /u dum+ba ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo/ /gsang sngags spyod pa'i tshul 'byung ba/ /de bas kyang ni dkon pa ste/ zhes pa ni/ sngags kyi spyod pa shin tu dkon par bstan pa ste/ de bzhin gshegs pa 'jig rten du 'byung ba yang u dum+ba ring me tog dang 'dra bar dkon la/ /brgya lam de bzhin gshegs pa 'jig rten du byung nas yang/ sngags kyi tshul gsungs pa ni sngags spyod pa'i snod du gyur pa'i 'dul ba gzigs nas bzod

  156. 78b

    sngags kyi tshul ston pas na/ brgya lam brgya lam na sngags spyod pa'i tshul 'byung bas na dkon no zhes pa ste/ tshig de skad du smras pa yang phyag na rdo rje nyid de ltar thugs su chud nas sems dang pa'i shugs kyis smras pa dang ma 'ongs pa'i 'gro ba rnams la sngags kyi tshul de ltar dkon zhing mthu che bar bstan pa'i phyir ro/ /thams cad mkhyen pa'i 'jig rten du skye zhing 'byung ba'i dus nges pa ni bcom ldan 'das shAkya thub pa la sogs pa byang chub kyi shing drung du mngon par sangs rgyas te 'jig rten du byung nas kyang bskal pa dang lo grangs la sogs pa ji tsam lon pa dang 'phags pa byams pa 'jig rten du gdod 'byung ba yang dus 'di tsam na 'byung ngo zhes nges par bshad na/ ci'i phyir brgya lam brgya lam na zhes pa nges par brjod ce na/ de bzhin gshegs pa 'jig rten du 'byung ba'i dus des kyang de bzhin gshegs pa 'jig rten du 'byung ba'i tshe sems can rnams bskal pa dang mi ldan pas de bzhin gshegs pa mngon par 'byung ba ni brgya lam brgya lam na ste dus nges pa med do/ /de bas na de bzhin gshegs pa 'jig rten du mngon par 'tshang rgya ba 'ba' zhig la 'jig rten du 'byung zhes mi bya'i/ sems can rnams kyi spyod yul du gyur cing mthong ba la yang bya bas na brgya lam na zhes smos so/ /bskal pa bye ba du ma ru/ /sdig pa bgyis par gyur pa gang/ /de kun dkyil 'khor 'di 'dra ba/ /mthong bas 'byang bar 'gyur lags na/ /zhes pa ni dkyil 'khor mthong ba shin tu mthu che bar bstan pa ste/ de bzhin gshegs pa'i sku mi zad pa'i brgyan pa sogs pa'i byin gyis brlabs kyi dkyil 'khor 'di mthong bas bskal pa du mar mi dge ba bcu la spyad pa'i sdig pa bsags pa de thams cad 'byang bar 'gyur zhes pa ste/ de 'byang bar 'gyur ba yang dkyil 'khor mthong ba tsam 'ba' zhig gis 'byang bar 'gyur ba ni ma yin gyi/ sbyor ba dang dngos gzhi dang rjes

  157. 79a

    gsum dang ldan na 'byang bar 'gyur ba yin no/ /de la sbyor ba ni dkyil 'khor du 'jug pa'i phyir sdig pa bshags pa dang/ gsum la skyabs su 'gro da dang/ dus gsum du sgrib pa med pa'i ye shes kyi sdom pa 'dzin pa'o/ /dngos gzhi ni dkyil 'khor du 'jug pa nyid kyi tshe na byang chub tu sems bskyed pa rang dkyil 'khor du zhugs pa na sangs rgyas dang byang chub sems dpa' la sogs pa'i sku gzugs dang phyag rgya la sogs pa dang/ dkyil 'khor gyi rgyan dang lnga ldi la sogs pa na ? nas sems dang bskyes pa'o/ /rje ni dkyil 'khor du zhugs pa'i log tu dam pa'i chos dang byang chub kyi sems yongs su mi gtang ba la sogs pa'i dam tshig mnos pa'o/ /rnam pa de dag dang ldan par dkyil 'khor mthong na bskal pa du mar? sogs pa'i sdig pa yang 'byung bar 'gyur ba ni dpe nol du mar 'dug pa'i mun nag sgron ma lan cig 'byung bas med pa dang 'dra'o/ /grags pa mdza' yas sngags spyad pa'i/ /tshul la gnas na smos ci 'tshal/ /skyob? ba'i gsang sngags bzlas na ni/ /go 'phang bla na med par 'gyur/ /zhes pa ni sngags bzlos pa mthu che bar bstan par ste/ dkyil 'khor mthong ba tsam gyis kyang bskal pa du mar bsags pa'i sdig pa 'byang bar 'gyur na sangs rgyas dang byang chub sems dpa' i sngags yon tan mdza' yas par grags pa ji skad du gsungs pa'i cho ga dang ldan par bzlas shing gom par byas na bla na med pa'i gnas thob pa lta smos kyang ci dgos zhes pa'o/ /yang dag spyad pa mchog 'di la/ blo gros shin mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu bcad/ /ces pa ni sngags spyad pa'i tshul nyan zhing sems pa'i sgo nas dad pa mthu che bar bstan pa ste/ sngags spyad pa'i tshul mchog 'di la nyan pa dang bsam pas

  158. 79b

    'di nyid yin gyi gzhan ma yin no snyam nas blo gzhan du mi g.yo bar mes na sdug bsngal can gyi ngan song du skye bar mi 'gyur ro zhes pa'o/ /sngags spyad pa dang sngags spyad pa'i tshul zhes pa dang/ mchog ces pa la sogs pa'i tshig rnams ni sngar lan mi nyung bar bshad zin pas na 'dir ma bshad do/ /tshigs su bcad pa 'di rnams kyang phyag na rdo rje nyid kyis don 'di lta bur thugs su chud pas sems dang ba'i shugs kyis smras la/ zhar la ma 'ongs pa'i sems can rnams spro ba skyed pa'i phyir smras so/ /de'i tshe thams cad dang ldan pa 'khor de dag dang rdo rje 'dzin de dag gi mgrin gcig tu mthun par tshig smras pa zhes pa nas/ sngags spyad 'bras bu la gnas pa/ /bdag cag thams cad dbang du gyur/ zhes pa'i bar gyis phyag na rdo rjes bcom ldan 'das la tshigs su bcad pa 'di skad gsol ba dang byang chub sems dpa' kun tu bzang po la sogs pa'i 'khor de rnams dang rdo rje 'dzin pa de rnams kyis phyag na rdo rje'i dgongs pa 'di ltar rig ste/ dkyil 'khor bshad pa'i skabs su bag pa la dkyil 'khor gyi thig bri ba dang lha rnams so sor dgod pa la sogs pa ni bshad zin na mtshon byin gyis rlob pa'i ting nge 'dzin dang tshon so so la sangs rgyas kyi sku bsam zhing byin gyis rlob pa dang/ tshon gang yin pa dang/ tshon 'gyed pa'i thabs dang/ tshon gang sngon du btang ba dang/ rta babs dang sgo khyud kyi tshad la sogs pa ma bshad pas de dag dri ba'i phyir phyag na rdo rjes tshigs su bcad pa 'di dag smra'o snyam du rig nas tshig 'di skad smras pa'o/ /de'i tshe thams cad dang ldan pa'i 'khor de dag dang rdo rje 'dzin de dag gis mgrin gcig tu mthun par tshig smras pa zhes pa ni pha rol tu phyin pa la spyod pa las byung ba'i byang chub sems dpa' o kun tu bzang po dang 'jam dpal lo sogs pa dang sngags kyi spyod pa las

  159. 80a

    byung ba'i byang chub sems dpa' rdo rje 'dzin pa de dag dgongs pa mthun pas tshig dang don mthun par tshig dang don mthun par smras pa'o/ /legs so legs zhes pa ni phyag na rdo rje don de lta bur sems shing bcom ldan 'das la 'dri bas phyag na rdo rje de nyid legs so zhes pa'o/ /legs zhes pa gnyis pa ni dri bar bya ba'i don bzang bas legs zhes pa'o/ /gsang sngags spyad pa'i dbang gyur pa/ /dpa' ba chen po legs so legs/ zhes pa ni phyag na rdo rje'i yon tan brjod pa'o/ /khyod kyi yid la gang bsam pa/ /mnyam med thams cad mkhyen la zhus/ /zhes pa ni dri bar bya ba'i dngos po ste legs so legs zhes pa dang sbyar ro/ /tshig tu ma smras na phyag na rdo rje'i yid la bsams par byang chub sems dpa' de dag gis ji ltar rig ce na/ kun tu bzang po la sogs pa'i byang chub sems dpa' rnams ni mthu chen po sha stag pas pha rol gyi sems rig pa dang 'dra bar phyag na rdo rjes ci bsams pa rnams shes so/ /gnyis su na de lta bur dri ba'i skabs yin pas phyag na rdo rjes tshigs su bcad pa la gzhan glengs kyang dri bar bya ba'i dngos po 'di dag yin par shes so/ /de ltar phyag na rdo rje'i dgongs pa shes pa na bdag cag thams cad dbang du gyur pa zhes pa ste/ dbang du gyur pa'i don ni khyod kyi ci bsam pa de deng kyis shas te/ deng kyang de bzhin du sems so zhes pa'o/ /sngags spyad 'bras bu la gnas pa/ /zhes pa ni byang chub sems dpa' de dag nyid ba can par bstan pa ste deng kyang ngan don ma yin gyi sngags spyad pa'i 'bras bu thob pa dag go zhes pa'o/ /sngags rgyud rtogs par shes pa yi/ /byang chub sems dpa' gzhan rnam dang/ /zhes pa ni byang chub sems dpa' de rnams 'ba' zhig ma

  160. 80b

    yin gyi/ pha rol tu phyin pa las byung ba'i byang chub sems dpa' gzhan rnams kyis kyang de bzhin du mkhyen to/ /de nas bcom ldan 'das la phyag na rdo rjes 'di skad ces gsol to zhes pa nas/ gsang sngags mtshan nyid ci 'dra lags/ ting nge 'dzin du bzhed pa gang/ zhes pa'i bar gyis ni gong du zhu bar bsams pa'i dngos po rnams zhus pa ste tshon byin gyis brlabs pa la sogs pa 'dir zhus kyang bshad pa'i nang du ma gyur pa rnams ni gsang ba'i dkyil 'khor gyi skabs su blta bar bya'o/ /de skad gsol na? bcom ldan 'das/ /chos kun dbang phyug thub pa yis/ /rdo rje 'dzin pa 'di skad gsungs/ /zhes pa nas/ de bas rnam pa thams cad du/ /stong nyid rtag tu dran par bya'o zhes pa'i bar ni phyag na rdo rjes zhus pa rnams kyi lan bcom ldan 'das kyis bka' stsal pa ste/ sems can khams ni zhen byed cing/ /'di ni chos dbyings ro yin par/ /sangs rgyas rnams kyis sngon gsungs te/ /de phyir 'di ni tshon zhes bya/ /zhes pa ni/ ci slad 'dir ni tshon zhes bgyi/ zhes zhus pa'i lan te/ sems can khams ni zhen byed cing/ zhes pa ni tshon zhes bya ba'i tshig gi don te tshon ni zhen par byed pa'i rang bzhin yin la/ de bzhin du 'dir yang sangs rgyas dang byang chub sems dpa' rnams kyi kha dog dang cha lugs dang/ dkyil 'khor gyi ri mor snang bas sems can rnams dang pa skyes te/ mgu zhing zhen par byed pas na tshon zhes bya'o/ /'di ni chos dbyings ro yin par/ /zhes pa ni tshon 'di rnams la chos kyi dbyings dang ldan pa'i sangs rgyas kyi sku'i rang bzhin yi ge rnams kyis byin gyis brlabs pas/ tshon 'dis chos kyi dbyings mtshon par 'gyur te/ ro gcig pas na chos kyi dbyings kyi ro gcig bya'o/ /de ltar yi ge rnams kyis byin gyis brlab pa yang yi ge 'khor lo bskor ba'i

  161. 81a

    dkyil 'khor gyi skabs su blta bar bya'o/ /tshon ni nang nas dgye bar bya/ /phyi rol nas ni tshon mi dgye/ zhes pa ni/ tshon ni ji ltar dgye bar bgyi/ /zhes zhus pa'i lan te sngags pa dkyil 'khor gyi nang du zhugs nas nang du bsnur zhing tshon rnams dgye'o zhes pa'o/ /dkar po thog ma btang bar bya/ /de yi 'og tu dmar po ste/ /de nas ser po btang bar bya/ /de yi 'og tu ljang gu btang/ /kun gyi nang rol nag po ste/ /tshon gyi cho ga de ltar bshad/ ces pa ni gang zhig thog mar btang bar gyi/ zhes bya ba dang/ tshon zhes bgyi ba de gang lags/ zhes dang por zhus pa'i lan gnyis ka cig tu bka' stsal pa ste/ tshon rnams de ltar dgye ba'i dgongs pa yang 'di lta ste/ tshon dkar po ni chos kyi dbyings kyi rang bzhin no/ /de ltar chos kyi dbyings su gyur pa'i 'og tu thabs kyi sgo nas sems can gyi don byed pa'i snying rjes sems can la zhen pa'i rang bzhin dmar po btang ngo/ /de'i 'og tu sems can gyi don de nyid rgyas par 'gyur te/ rgyas pa'i mtshan nyid ser po btang ngo// de ltar rgyas pa'i 'og tu thams cad byed nus par 'gyur te/ de bas na de'i 'og tu tshon ljang gu kha dog thams cad pa btang ngo/ /de ltar las thams cad nus na gdug pa dang ma rungs pa rnams 'dul ba mngon sbyod kyi mtshan nyid kha dog nag po btang ston thams cad kyi nang rol du btang ba ni gsang ba'i phyir ro/ /gzhan yang de bzhin gshegs pa'i skur byin gyis brlab pa la sogs pa'i rim pa yi ge 'khor lo bskor ba'i dkyil 'khor du blta bar bya'o/ /rta babs rnams kyi tshad kyang ni// zhes ba nas/ 'jigs med dag gis rim gyi ni/ /bskyed de de las lhag shes bya/ /zhes pa'i bar ni/ rta babs rnams dang de bzhin du/ /sgo khyud rnams kyi chad dang ni/ /sgo yi chad kyang ci 'drar bgyi/ /mgon po yis ni bshad du gsol/ zhes zhus

  162. 81b

    pa'i lan te/ rta babs rnams kyi tshad kyang ni/ dkyil 'khor dbu ma dang mnyam mo/ /zhes pa ni rta babs kyi zheng gi tshad ni snying po'i dkyil 'khor gyi ngos dang mnyam par bya zhes pa'o/ /sgo khyung dag kyang de dang mnyam/ /pad+ma sor bcu drug tu bshad/ /ces pa ni sgo khyung kyang rta babs kyi ched de dang mnyam par bya'o/ /dang po'i sgo ni snying po yi/ /dkyil 'khor dang ni mnyam shes bya/ /'jigs med dag gis rim gyis ni/ /bskyed de de las lhag shes bya/ /zhes pa ni nang gi dkyil 'khor gyi sgo ni snying po'i 'dra sor bcu drug pa dang mnyam par bya la/ de'i phyi ma de las sor bzhi bskyed de/ de yi yang phyi ma sor bzhi bskyed de de ltar rim pas che bar bya zhes pa'o/ /sgo rnams kyi ni bar bar du/ /sgo srungs rnams ni bzhag par bya/ zhes pa ni dkyil 'khor gyi sgo'i phan tshun gyi 'gram du 'og nas smos pa'i sgo bsrungs rnams bzhag ste/ shAkya thub pa'i sgo srungs ni sngar gsal bar gsungs zin pas 'og nas 'byung ba la mi bsnyag la/ bcom ldan 'das rnam par snang mdzad kyi sgo srungs kyang gdul dka' dang mngon phyogs zhes pa gnyis gsal bar gsungs pas 'og nas 'byung ba rnams las 'dir ming gis smos pa med pa gnyis re bzhag par bya'o/ /ting nge 'dzin ni mdor na sems/ /yang dag mgu ba yin par bshad/ ces pa ni/ ting nge 'dzin du bzhed pa gang/ zhes zhus pa'i lan te/ de la ting nge 'dzin zhes bya ba ni sems rtse gcig pa'i mtshan nyid do/ de yang kun rdzob dang don dam pa la rtse gcig pa'o/ /kun rdzob la rtse gcig pa ni chu dang dbang chen gyi dkyil 'khor la sogs pa la sems rtse gcig par gnas pa'o/ /don dam pa ni gzung ba dang 'dzin pa spangs pa stong pa'i rang bzhin la sems rtse gcig pa ste gnyis po gang yang rung ba la sems rtse gcig tu gyur pas sems gung du mi 'gyur bar zhen cing tshim par byed pa ni sems

  163. 82a

    mgu ba zhes bya ste de ni ting nge 'dzin spyi'i mtshan nyid do/ /sems dpa' chen po khyad par ni/ /yid gcig bsdus la mnyan par gyis/ zhes pa nas/ de bas rnam pa thams cad du/ /stong nyid rtag tu dran par bya'o/ /zhes pa'i bar gyis ni don dam pa'i ting nge 'dzin gyi khyad par bshad pa yin te de yang sangs rgyas kyi ting nge 'dzin dang/ /kun tu sangs rgyas pa'i ting nge 'dzin no/ /de la sangs rgyas kyi ting nge 'dzin ni/ /sangs rgyas kun gyi ting 'dzin ni/ /stong pa nyid ces rgyal bas gsungs/ zhes pa ste/ de la stong pa nyid ces pa ni phung po dang khams dang skye mched la sogs pa'i chos gdong ma nas ma skyes ma byung ba'i tshul gyis bshig gam/ rdul phra mo la sogs pa'i tshul gyis bshig na yod pa ma yin la/ /de rnams kyi rnam par snang ba yang yod pa ma yin te/ de ltar gzung ba dang 'dzin pa'i mtshan nyid med par rtogs pa ni stong pa nyid do/ /de ltar chos rnams rang rang gi mtshan nyid stong pa nyid kyi rang bzhin du rtogs te stong pa'i rang bzhin de las sems gzhan du mi 'gyur zhing de nyid la rtse gcig par gyur pa ni sa bcu rdzogs pa'i byang chub sems dpa' rnams kyi ting nge 'dzin de thob ste de'i tshe sangs rgyas shes bya'o/ /de ltar gzung ba dang 'dzin pa'i cha yongs su spangs pa'i stong pa nyid ni sa rab tu dga' ba'i tshe na yang ma thob pa ni ma yin med kyi/ sa rab tu dga' ba nas sa brgyad pa'i bar du log pa'i gnyen po yongs su ma spangs pas lhan gyis grub pa nyid du mi 'jug pa'i phyir de dag la mi bya la/ sa brgyad pa yan char long? pa'i gnyen po rnams spangs te lhun gyis grub par 'jug pas nas brgyad pa dang/ sa dgu pa dang/ sa bcu pa rnams dang 'brel lo/ /sa bcu yongs su rdzogs pa'i che ting nge 'dzin 'di rab tu thob par 'gyur te/ ting nge 'dzin de rab tu thob pa yang gzhan

  164. 82b

    gyis thob pa ma yin gyi/ rang gi sems yongs su shes pa las thob pa yin no/ /de bas ni/ de ni sems yongs su shes pa las/ thob par 'gyur gyi gzhan las min/ zhes gsungs pa yin no/ /de la sems yongs su shes pa yang gsang ba pa'i bdag po sems ni de bzhin gshegs pa yang dgra bcom pa yang dag par rdzogs pa'i sangs rgyas rnams kyis ma gzigs gzigs par mi 'gyur te/ sngon por ma yin/ ser por ma yin zhes pa nas rnam pa thams cad kyi bar du yongs su btsal kyang mi dmigs pa yin te/ zhes pa'i bar sngar byang chub kyi sems bshad pa'i skabs su bshad zin to/ /de gnyis yongs su spangs pa ni/ /rdzogs sangs rgyas kyi yin par 'dod/ /stong pa chen po zhes bya ste/ /kun mkhyen ye shes rdzogs byed pa'o/ /zhes pa ni kun tu sangs rgyas pa'i ting nge 'dzin te/ de gnyis yongs su spangs pa zhes pa ni gzung ba dang 'dzin pa spangs pa dang stong pa'i rang bzhin du 'du shes pa gnyis po spangs pa ste/ sa bcu gcig pa kun tu bzang po'i sa la gnas pa'i tshe chos thams cad stong pa'i rang bzhin no snyam nas stong par 'du shes pa de yang spangs te stong pa'i rang bzhin du yang yod pa ma yin no snyam pa'i 'du shes tsam la gnas so/ /de bas na stong par 'du shes pa yang spangs pas stong pa chen po zhes bya'o/ /kun mkhyen ye shes rdzogs byed pa'o/ /zhes pa ni kun tu sangs rgyas pa'i de ma thag tu 'du shes tsam po yang spangs pa'i mtshan nyid thams cad mkhyen pa'i ye shes thob par 'gyur te/ kun tu sangs rgyas pa de thams cad mkhyen pa'i ye shes la sbyor bar byed pas na/ kun mkhyen ye shes rdzogs byed pa'o/ /zhes so/ /de bas rnam pa thams cad du/ /stong nyid rtag tu dran par bya'o/ /zhes pa ni de ltar stong pa nyid kyi ting nge 'dzin des thams cad mkhyen pa rdzogs par byed pas na yan lag bzhi'i bzlas brjod dang/ bdag gi

  165. 83a

    ltar sbyor ba dang/ dbang chen dang chu'i dkyil 'khor gyi ting nge 'dzin la sogs pa thams cad la 'di lta bu'i stong pa nyid rtag tu goms par bya'o zhes pa'o/ /da ni byang chub sems dpa' dang/ nyan thos dang/ rang sangs rgyas rnams kyi so so'i ting nge 'dzin rnams bstan pa'i phyir/ bcom ldan 'das ting nge 'dzin la snyoms par zhugs pa dang/ ting nge 'dzin de las bzhengs nas byang chub sems dpa' la sogs pa'i ting nge 'dzin de rnams bstan pa'i skabs bshad de/ de nas bcom ldan 'das rnam par snang mdzad sangs rgyas thams cad dang thabs gcig yang dag par mol nas zhes pa nas/ sems can rnams la snying brtse'i phyir/ /ngas ni thams cad rab tu bshad/ /ces pa'i bar gyis byang chub sems dpa' i ting nge 'dzin kun tu sangs rgyas pa'i mtshan nyid dpa' bo chen po'i ting nge 'dzin la gnas nas bdud bzhi bcom pa'i rang bzhin 'chad de/ sangs rgyas thams cad dang thabs gcig yang dag par mol nas zhes pa ni sangs rgyas thams cad dgongs pa mthun pas bya ba cig tu bstan pa ste bsod nams dang ye shes kyi tshogs dang/ chos kyi sku dang sems can gyi don byed par mnyam pa nyid kyi phyir ro/ /sangs rgyas thams cad dang rgyud gcig pa'i stobs kyi shugs zhes bya ba'i ting nge 'dzin la snyoms pa zhugs so// zhes pa ni ting nge 'dzin de'i ming ste sangs rgyas thams cad dang rgyud gcig pa ni sems can gyi don du spyod pa sna tshogs 'byung yang sangs rgyas thams cad rgyud gcig pa las 'byung zhing chos kyi skur ro gcig pa las 'byung ba yin te/ dper na mar me mang po 'od 'dres par gyur na gcig ste dbyer med pa dang 'dra'o/ /stobs zhes pa ni thogs pa med pa'i mthu'o/ /shugs zhes pa ni mthu de sems can gyi don la myur ba'o/ /byang chub snying por 'dug nas su/ /bdud ni rnam pa bzhi bcom bas/ /zhes pa nas/

  166. 83b

    sems can rnams la snying brtse'i phyir/ /ngas ni thams cad rab tu bshad/ ces pa'i bar gyis kun tu sangs rgyas pa'i ting nge 'dzin gong du bshad pa de nyid dpa' bo'i ting nge 'dzin la gnas nas stong pa nyid kyi ting nge 'dzin des bdud bzhi bcom par bstan pa ste/ de la/ bdud ni rnam pa bzhi bcom pas/ zhes pa ni phung po'i bdud dang/ nyon mongs pa'i bdud dang/ 'chi bdag gi bdud dang lha'i bu'i bdud rnams bcom pa ste/ de yang kun rdzob dang don dam pa gnyis su rig par bya'o/ /de la kun rdzob tu bdud bcom pa ni byang chub chen por lha'i bu'i bdud dang nyon mongs pa'i bdud gnyis bcom la/ /phung po'i bdud dang 'chi bdag gis bdud gnyis ni de'i zhar la bcom pa ste theg pa chung ngu'i lugs las grags pa'o/ /skabs 'dir chos thams cad ma byung ma skyes par rtogs nas bdud rnam pa bzhi char yang dmigs su med pa'i tshul gyis bcom ste/ skye ba med par ngas rtogs pa/ zhes pa la sogs pa'i tshigs su bcad pa dang sbyar ro/ /de nas dpa' bo chen po zhes/ zhes pa nas dpa' bo chen po zhes su grags/ zhes pa'i bar gyis de ltar bdud rnam pa bzhi bcom nas tshangs pa la sogs pa'i 'jig rten pa'i lha rnams bcom ldan 'das la khyod ni dpa' bo chen po 'jigs pa dang bral ba'o/ zhes dga' bzhin du tshig tu 'don pas na nga ni dpa' bo chen po yin no zhes bcom ldan 'das kyis gsungs pa'o/ /skye ba med par ngas rtogs pa/ zhes pa ni de ltar bdud rnam pa bzhi bcom pa de dmigs pa dang bcas pas bcom pa ma yin gyi chos thams cad ma skyes ma byung bar ngas thugs su chud nas dmigs su med pa'i tshul gyis bcom mo zhes 'brel to/ /skye ba med par ngas rtogs pa/ zhes pa ni dngos su na chos thams cad gdod ma nas ma skyes par rtogs pas phung po yang dmigs su med pa'i phyir

  167. 84a

    phung po'i bdud bcom pa'o/ /tshig gi spyod yul rnam spangs shing/ /zhes pa ni rnam par rtog pa dang bral zhes pa ste rtog pa'i spyod yul las 'das pas dngos su lha'i bu'i bdud bcom pa'o/ /nyes pa thams cad mang pa ste/ zhes ba ni nyon mongs pa las rnam par sol bas na dngos su nyon mongs pa'i bdud bcom pa'o/ /rgyu dang rkyen dang bral ba yin zhes pa ni rgyu dang rkyan med pas na ma skyes pa ste/ ma skyes pas na 'chi ba med de dngos su 'chi bdag gi bdud bcom pa'o/ /stong pa'i ye shes mkha' 'dra ba/ /zhes pa ni de ltar rnam pa bzhi char las grol bas na rnam pa med pa'i ye shes rang bzhin gyis 'od gsal ba stong pa'i mtshan nyid nam mkha' dang 'dra bar ma skyes pa shes pa'o/ /ji ltar byung ba nga la byung/ zhes pa ni/ ji ltar gyur pa nga la byung/ zhes bton te/ stong pa nyid kyi ye shes de ltar bur phyin ci ma log pa nyid du ngas thob ces pa'o/ /shin tu dri med ces pa ni ye shes de shes bya dang nyon mongs pa'i sgrib pa yongs su spangs pa zhes pa'o/ /de kho na zhes pa ni phyin ci ma logs par yongs su grub pa'i mtshan nyid yin pas rigs pa dang lung gis sun dbyung bar mi nus pas na stong pa nyid kyi ye shes la de kho na zhes bya'o/ /kun mkhyen tsam gyi tshul du gnas/ /kun mkhyen sangs rgyas mtshan nyid do/ zhes pa ni kun tu sangs rgyas pa zhes bya ba de stong pa'i rang bzhin du 'du shes pa yang spangs nas stong pa nyid kyi rang bzhin du yang yong pa ma yin par shes pa'i 'du shes de tsam la gnas zhes pa'o/ /nga yi de nyid dam pa 'di/ /'jig rten snang bar byed pa ste/ /byin gyi brlab kyi stobs kyis ni/ /yig 'bru rnams su bstan nas su/ /sems can rnams la snying brtse'i phyir/ /ngas ni thams cad rab tu bshad/ /ces pa ni de ltar ngas thams cad gdod ma nas ma skyes ma byung bar rtogs kyang sems

  168. 84b

    can rnams la snying brtse ba'i phyir yang dag pa nyid kyi chos de tshig tu brjod pa'i phyir yi ge'i 'bru rnams su byin gyis brlabs te/ yi ge'i 'bru rnams kyang dpa' bo chen po'i ting nge 'dzin gyi skabs su blta bar bya'o/ /'di rnams kyi rim pa yang bsdus pa'i don gyi nang du bshad pas shin tu ma bshad do/ /de nas dpal ldan rdo rje 'dzin/ /ngo mtshar gyur nas mig gdangs te/ /thams cad mkhyen la mgo bo yis/ /phyag 'tshal nas ni tshig 'di smras/ zhes pa ni gong du sangs rgyas dang kun tu sangs rgyas pa'i ting nge 'dzin stong pa nyid spros pa med pa'i chos sangs rgyas rnams kyis thugs su chud nas yig 'bru la sogs pa'i sgo nas spros pa dang bcas pa'i chos rnams bstan zhing bshad pa de ngo mtshar che bar gyur pa yin no/ /de bas na/ sangs rgyas kun gyi thabs dang ni/ /shes rab bsam yas ngo mtshar che/ /zhes pa nas/ 'jig rten gyi ni mchod gnas 'gyur zhes pa'i bar du gsungs pa yin te/ de la sangs rgyas kun gyi ngo mtshar che zhes sbyar te sangs rgyas dang kun tu sangs rgyas dang yang dag par rdzogs pa'i sangs rgyas kun kyang spros pa med pa'i chos thugs su chud nas spros pa dang bcas pa'i chos 'chad pa ni ngo mtshar che'o/ /thabs dang shes rab bsam yas zhes pa la shes rab ni chos thams cad stong pa nyid du rtogs pa dang thabs ni stong pa nyid kyi chos de yi ge'i 'bru la sogs par bstan nas grub pa rab 'bring tha ma la sogs pa dang zhi ba la sogs pa'i las rnams byed pa'i sgo nas sems can rnams 'dzud par byed pa de ni thabs dang shes rab bsam gyis mi khyab pa'o/ /spros ba kun dang bral ba yi/ /chos rtogs nas ni rang byung rnams/ zhes pa ni de ltar sangs rgyas rnams kyis spros pa med pa'i chos thugs su chud nas sangs rgyas pa ste rtogs pa'i don to/ /de ltar/ spros pa med pa'i don rtogs nas/ 'jig rten kun gyi re ba kun/ /yongs su rdzogs par byed pa

  169. 85a

    ston/ /pa ni ngo mtshar che'o zhes sbyar ro/ /rang byung rnams zhes pa ni sa brgyad pa yan chad kyi byang chub sems dpa' rnams te gzhan gyis mi dkri pa'i phyir rang byung zhes bya'o/ /sngags kyi mtshan nyid de lta bu/ zhes ni spros pa med pa'i chos rtogs nas spros pa dang bcas pa'i chos 'chad pa de lta bu ni sngags kyi mtshan nyid de/ sngags kyi mtshan nyid 'di yang kun rdzob dang don dam pa'i bden pa gnyis ka la legs par gnas pa ste/ don dam pa'i bden pa ni stong pa nyid kyi rang bzhin dang kun rdzob kyi bden pa ni grub pa mchog la sogs pa dang zhi ba la sogs pa'i las rnams byed pa'o/ /sems can kun gyis shes na ni/ /'jig rten gyi ni mchod gnas 'gyur/ /zhes pa ni grub pa la sogs par ma gyur kyang sngags kyi tshul de lta bu sems can rnams kyis thos pa dang bsam pa'i sgo nas shes pa tsam gyis kyang 'jig rten pa rnams kyi mchod pa'i gnas su 'gyur ro zhes pa'o/ /gsang ba pa'i bdag po/ gzhan yang byang chub sems dpa' skye ba gcig gis thogs par zhes pa nas/ dgos pa'i sa la gnas de rnams/ /sangs rgyas sa la gnas pa yin zhes pa'i bar gyis ni sa bcu yongs su rdzogs pa'i byang chub sems dpa' sangs rgyas kyi sa la gnas pa de chos rnams ma skyes shing ma byung ba stong pa nyid kyi rang bzhin du rtogs nas sems can gyis don du thabs kyis 'khor los 'bras bu yod pa'i sa la gnas pa'i ting nge 'dzin bshad pa ste skye ba gcig gis thogs pa zhes pa ni sa bcu pa'i byang chub sems dpa' rnams de bzhin gshegs pa'i sa la skye ba gcig gis thog pa ste chos kyi rgyal tshab po/ /gnyis su na sa bcu pa'i byang chub sems dpa' rnams sa bcu pa nyid du ris mthun par gyur pas na sa bcu pa rnams rigs gcig pa zhes pa'o/ /dgos pa

  170. 85b

    dang ni bral ba ru/ /'jig rten mtshan nyid shes nas ni/ /dgos pa'i sa la gnas de rnams/ /sangs rgyas sa la gnas pa yin/ zhes pa ni 'jig rten rnams ni gang gi yang 'bras bu ma yin la/ rgyu gang las kyang ma byung bas gdong ma nas skye ba med par rtogs kyang 'bras bu'i sa la gnas te sems can gyi don du sbyor zhing sangs rgyas kyi zhing rnams sna tshogs kyis brgyan pa la sogs pa mdzad pas na sangs rgyas kyi sa la gnas pa'i byang chub sems dpa' de rnams 'bras bu'i sa la gnas pa ste/ de ni byang chub sems dpa' sa bcu pa sangs rgyas kyi sa la gnas pa rnams kyi ting nge 'dzin gyi tshul lo/ /gsang ba pa'i bdag po/ gzhan yang byang chub sems dpa' sa brgyad pa'i zhes pa nas/ 'jig rten sgyu ma ltar shes nas/ /'jig rten 'jig rten dbang du gdod/ /ces pa'i bar gyis ni sa brgyad pa'i byang chub sems dpa' rnams kyi ting nge 'dzin bshad pa ste/ de la/ chos rnams thams cad ma dmigs shing/ zhes pa ni chos thams cad rang bzhin gyis dngos po med cing dmigs su med par rtogs pa'o/ /chos rnams dngos po med pa de sngon yod pa las zhig cing med par gyur te dngos po med pa 'am/ 'on te gdod ma nas ma byung ma skyes pas dngos po med pa yin zhe na/ de'i phyir/ srid dang skye ba rnams spangs pa'i/ zhes bya ba gsungs te gdod ma nas ma skyes pas slar 'byung bar yang mi 'gyur te gdong ma nas ma byung ma skyes pas dngos po med par shes pa yin no/ /'jig rten sgyu ma ltar shes nas/ zhes pa ni chos rnams de ltar dngos po med par rtogs pas 'jig rten gyi chos rnams kun rdzob tu snang bar 'gyur ba yang dngos po med pa las snang ba ste/ ji ltar sgyu ma dngos po med pa las snang ba ltar shes so zhes pa'o/ /'jig rten 'jig rten dbang du 'dod/ ces pa ni de ltar chos thams cad sgyu ma lta bur shes pas byang chub sems dpa' de

  171. 86a

    'jig rten pa'i nang na gtso bor dam par 'gyur ba zhes pa'o/ /gsang ba pa'i bdag po/ gzhan yang nyan thos zhes pa nas/ shin tu dngos po med pa'i ye shes mi spyod de 'di ni nyan thos rnams kyi ting nge 'dzin gyi tshul lo zhes pa'i bar gyis ni 'phags pa nyan thos rnams kyi ting nge 'dzin bshad pa ste/ 'phags pa nyan thos rnams ni phung po la sogs pa'i chos rnams rgyu dang 'bras bu'i ngo bo skye ba dang 'jig par blta ste dmigs pa dang bcas pa rnams so/ /de ltar skye ba dang 'jig pa yod pas rtag pa dang chad pa'i mdza' gnyis bshig ste/ skye ba yod par mthong bas mi chad pa'i mdza' bshig la/ 'jig pa yod par mthong bas rtag pa'i mdza' bshig go/ de ltar skye ba dang 'jig pa yod par mthong bas chos rnams shin tu dngos po med par mthong ba'i ye shes mi skye ste shin tu dngos po med na ye shes skye ba'i rgyu mi dmigs pa'i phyir ro/ /gsang ba pa'i bdag po/ /rang sangs rgyas zhes pa nas/ 'di ni rang sangs rgyas rnams kyi/ ting nge 'dzin gyi tshul lo zhes pa'i bar gyis ni 'phags pa rang sangs rgyas rnams kyi ting nge 'dzin gyi tshul bshad pa ste/ rgyu dang 'bras bu rnam par bshig nas zhes pa ni rgyu dang 'bras bu sun 'byin pa'i tshul gyis rnam par bshig ces pa ste chos rnams kyi rgyu dang rkyen rnams kyi ngo bo skad cig ma'i cha mi rtag pa gnas pa ni khab kyi rtsal yungs kar gyi 'bras bu mi chags pa dang 'dra ste/ rtag mi bzod pas rgyu dang 'bras bu'i dngos po med par rtogs so/ /brjod du med pa'i chos kyi tshul la gnas pa rnams ni chos thams cad brjod du med do snyam pa'i ye shes 'jug ste zhes pa ni de ltar chos rnams yod pa ma yin pas tshig gis brjod du med par mthong ba'i ye shes skyes nas tshig tu brjod pa yang 'gog par byed de/ de bas na/ chos thams cad du brjod du med do/ /snyam pa'i ye shes 'jug ste ngag shin tu 'gog

  172. 86b

    ba'i ting nge 'dzin la yang dag par rag par byed ces gsungs pa yin no/ /mdor na 'phags pa rang sangs rgyas rnams rgyu dang 'bras bu'i dngos po bshig nas rang bzhin med par mthong bas chos la bdag med par rtogs kyang ngag dgags pa tsam la gnas pas byang chub sems dpa' ltar rnam pa med pa'i ye shes kyi snang ba la mi gnas la/ nyan thos ltar gang zag la bdag med par rtogs pa tsam yang ma yin no/ /gsang ba pa'i bdag po/ /gzhan yang 'jig rten pa rnams rgyu las 'bras bu dang las 'byung ba 'am/ ldog par rtog cing gzhan gyi dbang gis stong pa nyid kyi ting nge 'dzin kun tu skye bar 'gyur te 'di ni 'jig rten pa rnams kyi ting nge 'dzin gyi tshul lo zhes pa ni 'jig rten pa rnams kyi ting nge 'dzin gyi tshul te 'jig rten pa rnams ni las dang 'bras bu la sogs pa rgyu las skyes kyang nged kyi bdag ces bya ba dbang po dang tshangs pa la sogs pas bskyed par rtogs la/ chos rnams dngos po med de stong pa nyid du mthong ba de yang rang bzhin gyis stong pa ma yin gyi/ dbang po la sogs pas stong par byas so snyam nas stong pa nyid kyi ting nge 'dzin la gnas par byed do/ /gsang ba pa'i bdag po/ 'di ni ting nge 'dzin gyi tshul yin te zhes pa nas/ 'jig rten pa'i lha gang yin/ gsang sngags spyad pa'i cho ga'i tshul/ /sems can rnams la phan 'dod pas/ /dpa' bo de tshe? 'chang par byed// ces pa'i bar gyis ni sngar bshad pa rnams bsdus nas bshad pa yin te de dag gis so sor ting nge 'dzin stong pa nyid kyi tshul du rtogs pa'i stong pa de la gnas te stong pa'i chos de nyid tshig dang yig 'bru la sogs pas sems can rnams kyi don du ston cing 'chad do zhes pa'o/ /de nas yang bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ gsang sngags rnams kyi gsang sngags kyi mtshan nyid nyon cig ces pa nas/ rang sangs rgyas kyi 'ang de bzhin

  173. 87a

    te/ /khyad par dag ni bshad bya na/ /ting nge 'dzin gyi khyad par las/ /las tshe rnam par spyod shes bya/ zhes pa'i bar gyis de bzhin gshegs pa dang/ kun tu sangs rgyas pa dang/ sangs rgyas dang byang chub sems dpa' dang/ nyan thos dang rang sangs rgyas rnams kyi so so'i sngags kyi mtshan nyid bshad pa ste/ sngags kyi mtshan nyid de yang rnam pa gsum du rig par bya ste/ sngags kyi lha dang/ sngags kyi don dang/ sngags kyi rang bzhin no/ /de la sngags kyi lha ni snying rje chen po 'byung ba'i dkyil 'khor du bshad zin te/ de yang de bzhin gshegs pa dang/ kun tu sangs rgyas pa dang/ sangs rgyas dang byang chub sems dpa' dang/ nyan thos dang/ rang sangs rgyas la sogs pa rnams nyid de/ snying po'i dkyil 'khor du rigs gsum bkod pa rnams ni de bzhin gshegs pa'o/ /dkyil 'khor bar man shAkya thub pa 'khor dang bcas pa bzhugs pa ni kun tu sangs rgyas so/ /dkyil 'khor tha ma na 'phags pa 'jam dpal la sogs pa sa bcu yongs su rdzogs pa'i byang chub sems dpa' gtso bo dag bzhugs pa rnams ni sangs rgyas rnams so/ /de las gzhan pa'i byang chub sems dpa' phyag na rin chen la sogs pa ni byang chub sems dpa' o/ /nyan thos dang rang sangs rgyas ni dngos su ma smos kyang sprul pa'i skus gdul ba'i nang du bdogs pas na dkyil 'khor bar ma'i nang du 'dus par rig par bya'o/ /'jig rten pa rnams kyang dkyil 'khor bar ma de nyid kyi nang na dngos su 'khod pa'o/ /sngags kyi don ni kun tu sangs rgyas pa nas 'jig rten pa'i lha rnams kyi bar gyi ting nge 'dzin sngar bshad pa dag /de yang kun rdzob dang don dam pa gnyis su shes par bya'o/ /don dam pa ni rnam par thar pa'i sgo stong pa'i rang bzhin no/ /kun rdzob ni/ dgos pa'i sa la gnas de rnams/ zhes pa la sogs pa sems can gyi don du chos 'chad pa dang/ bcom ldan 'das

  174. 87b

    kyi yon tan stobs dang mi 'jigs pa la sogs pa'i chos rnams so/ /sngags kyi rang bzhin rnam pa bzhir shes par bya ste tshig dang 'bru dang dbyangs dang yul gyi skad rnams so/ /de la tshig ni yi ge'i 'bru mang po 'dus pa las tshig tu longs par smra ba'o/ /'bru ni yi ge /la sogs pa sngags kyi yi ge 'bru re re'o/ /dbyangs ni a dang i la sogs pa gug bskyed kyi rigs su gtogs pa'o/ /yul gyi skad ni yul so so na skad gang gis spyod pa de nyid dang mthun par gsungs pa'o/ /sngags rnams kyi gsang sngags kyi mtshan nyid nyon cig ces pa ni sngar/ gsang sngags mtshan nyid ji 'dra lags/ zhes bcom ldan 'das la gsol ba deng ngas bshad kyis nyon cig pa ste/ sngags rnams kyi mtshan nyid ces mi smos par sngags rnams kyi gsang sngags kyi mtshan nyid ces smos pa ni sngags rnams kyi mtshan nyid sngags kyi lha dang sngags kyi don gong du bshad pas nad? 'dir sngags rnams kyi mtshan nyid gsang bar smra ba'i rang bzhin gyi tshig rnams nyon cig ces pa'o/ /rdzogs sangs rgyas kyi gsang sngags ni/ /tshig dang ming dang brda yis mtshams? zhes pa ni dzin dzi ka ces pa la sogs pa'i tshig smos pas 'di ni sangs rgyas kyi ming gi mtshan ma ste sangs rgyas kyi sngags su byed par shes pa'o/ /tshig de dbang du gyur pas na/ gsang sngags don rnams thams cad sgrub/ /ces pa ni kun tu sangs rgyas pa'i sngags kyi tshig smos pa yang dbang chen gyi ting nge 'dzin gyi mtshan ma ste rgyas pa'i don thams cad 'grub par 'gyur zhes pa'o/ /kha cig bskul ba'i tshig dang ldan/ /kha cig rang ming thog mar smos/ /zhes pa ni sngags kyi tshig las sngags kyi lha'i mthu dang yon tan smos pa dang/ shAn+tiM ku ru zhes pa la sogs pa'i las rnams la bskul ba smos pa dang dzin dzi ka ces pa la sogs pa lha'i mtshan smos pas lha gang gi sngags yin par rig par 'gyur ba'o/ /hUM phaT ces pa la sogs pa dang ldan pa'i

  175. 88a

    tshig rnams ni gong du gtsug tor brgyad smos pa la sogs pa'i sngags su shes par bya ste/ gtsug tor gyi sngags rnams gzhung gzhan las hUM dang phaT med pa yang 'byung/ gtsug tor ma yin pa'i lha rnams kyi sngags hUM dang bcas pa yang 'byung bas na hUM dang phaT du bcas pa'i gtsug tor gyi sngags 'di rnams ni rgyud 'di nyid du smos pa'i gtsug tor gyi sngags su shes par bya'o/ /zung zo choms shig ces pa dang/ /snun song drol cig ces pa ni/ /phyag brnyan rnams dang khro bo yi/ /gsang sngags yin par 'dren pas gsungs/ zhes pa ni tshig de lta bu drag shul can dang ldan pa'i sngags ni khro bo rnams dang ci bgyi rnams kyi sngags su shes par bya'o/ /na ma(rgyud 'grel): swAhA la sogs ldan/ zhes pa nas/ byang chub sems dpa' skyob pa'i yin/ zhes pa'i bar ni sa bcu pa la gnas pa'i byang chub sems dpa' sangs rgyas zhes bya ba dang/ de las gzhan pa'i byang chub sems dpa' rnams kyi sngags te/ mgon phyag 'tshal ba dang ldan zhing tshig gi mjug na swAhA dang bcas pa dang/ byang chub sems dpa' so so'i ting nge 'dzin gyi rang bzhin gyi tshig rnams smos pa dang/ zung zhig choms shig la sogs pa'i tshig drag shul can rnams med cing zhi ba'i tshig rnam par dag pa'i mtshan nyid kyi tshig dang ldan pa'i sngags ni sangs rgyas dang byang chub sems dpa' rnams kyi yin par shes par bya'o/ /nyan thos rnams kyi gsang sngags ni/ /gcig pu gzhi ni gcig la gnas/ zhes pa ni 'phags pa nyan thos kyi gsang sngags rnams ni spyi bo dang spyi gtsug la sogs pa yan lag gi sngags rnams med pas na gcig pu'o/ /byang chub sems dpa' ltar gzugs sna tshogs su mi 'gyur gyi/ dge slong gi tshul gcig pu 'dzin pa'am gang zag la bdag med pa gcig pu rtogs pas na gcig la gnas zhes pa'o/ /rang sangs rgyas kyi 'ang de bzhin te/ /khyad par dag ni

  176. 88b

    bshad bya na/ /ting nge 'dzin gyi khyad par las/ /las tshe rnam par sbyong shes bya/ zhes pa ni rang sangs rgyas kyi sngags rnams kyang mtshan nyid gzhan ni nyan thos dang mthun la/ khyad par ni rgyu dang 'bras bu bshig nas chos rnams stong par rtogs pa'i ting nge 'dzin dang ldan par shes par bya'o/ /de la 'dir kun tu sangs rgyas pa la sogs pa'i gsang sngags kyi mtshan nyid ni bshad na/ de bzhin gshegs pa'i gsang sngags kyi mtshan nyid ci'i phyir dngos su ma smos shes na/ kun tu sangs rgyas pa'i sngags de nyid de bzhin gshegs pa'i yin te/ ci'i phyir zhe na kun tu sangs rgyas pa la sogs pa de rnams pha rol tu phyin pa spyod pa las 'byung ba yin na yang de bzhin gshegs pa'i rgyu yin pas de bzhin gshegs pa dang tha mi dad la/ 'on te ye shes kyi sems can yin na yang de nyid de bzhin gshegs pa'i 'bras bu yin pas tha mi dad pa'i phyir de dag de bzhin gshegs pa'i sngags so/ /don dam par byang chub sems dpa' yang de bzhin gshegs pa'i sngags kyi yi ge 'bru re re pa rnams kyis ting nge 'dzin gyi sgo stong pa nyid kyi rang bzhin du ston par gcig pas na tha mi dad do/ /yang na 'og nas bshad pa'i yi ge a rnam pa bzhi po rnams de bzhin gshegs pa'i sngags so/ /gsang ba pa'i bdag po/ gzhan yang gsang sngags rnams kyi mtshan nyid ni sangs rgyas thams cad kyis ma byas byed du ma bcug /rjes su yi rang ba ma yin no/ /zhes pa nas gsang sngags kyi tshul 'chad do zhes pa'i bar ni gsang sngags rnams kyi rang bzhin bshad pa ste/ tshig dang ming dang brda yis mtshan pa'i mtshan nyid kyi gsang sngags bskul ba la sogs pa dang ldan pa'i tshig gis don gang bskul ba de 'grub par byed pa'i mthu'i rang bzhin rnams mthu 'dis don 'di 'grub par bya'o zhes de bzhin gshegs pas sngags kyi rang bzhin de byas sam/ de bzhin du gzhan byed du bcug gam/ gzhan byed pa la

  177. 89a

    rjes su yi rang na yang de bzhin gshegs pa nyid mtshan ma dang bral bas byas pa'am/ byed du bcug pa 'am/ rjes su yi rang ba ma yin no/ /ci'i phyir zhe na/ sngags kyi rang bzhin de bzhin gshegs pas mdzad par gyur na ni de bzhin gshegs pa ni sems can thams cad kyi don mdzad pas na sgrub par brtsams pa thams cad kyis nges par 'grub par 'gyur te/ de ltar sgrub po thams cad kyis 'grub pa ma yin pas de bzhin gshegs pas mdzad pa ma yin no/ /de ste sngags kyi mthu'i don dang mthu gnyis rtag tu phan tshun 'brel ba yin na tshig brjod pa tsam gyis don de nyid 'grub par 'gyur te/ dper na me zhes tshig tu brjod pas na me'i rang bzhin sreg par byed pa yin yang tshig tu brjod pas kha tshig par mi 'gyur pa dang 'dra'o// de bas na sngags kyi mthu ni de bzhin gshegs pas mdzad pa yang ma yin/ gzhan byed du bcug pa'am/ gzhan byed pa la rjes su yi rang ba ma yin zhes pa'o/ /de ci'i phyir zhe na/ 'di ni chos rnams kyi chos nyid de/ 'di ltar de bzhin gshegs pa rnams byung yang rung ma byung yang rung chos nyid de ni ye nas gnas pa ste/ de yang 'di ltar gsang sngags rnams kyi gsang sngags kyi chos nyid do/ /zhes pa ni ming dang tshig dang brda yis mtshan pa'i sngags de bskul ba la sogs pa'i tshig dang don du ldan na gang bskul ba'i don de nyid sus kyang byas pa ma yin te/ rgyu gzhan la mi bltos par chos de de ltar ye nas gnas pa yin te/ dper na bu ram gyi ro mngar ba dang lan tsha'i ? bro ba'i rang bzhin rnams rgyu gang gis kyang 'dus ma byas par mngar ba'i bzhin du ye nas gnas pa bzhin no/ /de sde de bzhin gshegs pas byas pa yin na de bzhin gshegs pa 'byung ba na sngags kyi rang bzhin de yang yod la/ /ma byung na ni med par 'gyur te de ltar yang ma yin pas na de bzhin gshegs pa rnams byung yang rung ma byung yang

  178. 89b

    rung chos rnams kyi chos nyid de ni ye na gnas ba ste/ de yang 'di ltar gsang sngags rnams kyi gsang sngags kyi chos nyid do zhes pa'o/ /gsang ba pa'i bdag po/ de la gang gi tshe yang dag par rdzogs pa'i sangs rgyas thams cad mkhyen pa thams cad gzigs pa 'jig rten du 'byung ba de'i tshe zhes pa nas/ dbyangs sna tshogs su go ba rnams su byin gyis brlabs te de ltar gsang sngags kyi tshul 'chad do/ /zhes pa'i bar gyis ni gsang sngags kyi chos nyid ye nas de ltar gnas pa la tshig dang yig 'bru dang dbyangs rnams su ji ltar rigs par rnam par dgod pa tsam zhig de bzhin gshegs pas mdzad par bstan pa ste/ yang dag par rdzogs pa'i sangs rgyas zhes pa ni mnyam pa nyid kyi ye shes kyis phyin ci ma log pa nyid du mngon par byang chub pa'o/ /thams cad mkhyen pa zhes pa ni so sor rtog pa'i ye shes kyis kun rdzob dang don dam pa'i tshul du thams cad mkhyen pa'o/ /thams cad gzigs pa zhes pa ni me long lta bu'i ye shes dang bya ba sgrub pa'i ye shes kyi yul du gzigs pa'o/ /de lta bu'i thams cad mkhyen pa 'jig rten du byung ba na tshul sna tshogs dang/ zhes pa ni sangs rgyas dang byang chub sems dpa' dang nyan thos dang rang sangs rgyas dang 'jig rten pa la sogs pa'i tshul rnam pa mang po dang rjes su mthun par gsang sngags kyi chos nyid ye nas gnas pa de yig 'bru rnams su 'chad pa ni tshig dang yig 'bru rnams dang dbyangs rnam pa sna tshogs su ston pa'o/ /gnyis su na de bzhin gshegs pa'i rigs dang/ pad+ma'i rigs dang/ rdo rje'i rigs la sogs pa'i tshul sna tshogs pa'o/ /dgongs pa sna tshogs zhes pa ni sngags kyi tshig de rnams kyang la la ni sgra ji bzhin par 'chang/ /la la ni ldem po rag tu ston pa zhes pa'o/ /sems can bsam pa sna tshogs pa rnams la zhes pa ni sems can la la zhi bar 'dod la/ la la rgyas par 'dod la/ la la grub pa mchog 'dod/ /la la 'bring

  179. 90a

    'dod pa la sogs pa'i sems can rnams kyi ji ltar 'dod ba dang rjes su mthun par ston pa'o/ /tshig sna tshogs dang yig 'bru sna tshogs dang yul gyi nges pa'i tshig tu brjod pa sna tshogs zhes pa ni gsang sngags kyi chos nyid de dzi na dzi ka la sogs pa'i tshig rnam pa du ma dang/ dri ma med pa la sogs pa'i skad du smra ba rnam pa du ma'i mtshan mar bkod de ston zhes pa'o/ /dbyangs sna tshogs su go ba rnams su byin gyis brlabs te zhes pa ni a i la sogs pa'i gug kyed kyi tshul rnam pa du ma 'am/ sa 'dzin la sogs pa'i dbyangs sna tshogs su ston zhes pa'o/ /ji ltar na de bzhin gshegs pa rnams gsang sngags kyi tshul yig 'bru dag tu byin gyis rlob ce na zhes pa nas skal ba ji lta ba bzhin du gsang sngags kyi cho ga yang dag par rab tu ston te/ /zhes pa'i bar gyis ni gsang sngags kyi chos nyid yig 'bru la sogs par byin gyis brlabs te ston pa yang de bzhin gshegs pa'i yon tan stobs dang mi 'jigs pa la sogs pa de dag sngags kyi yig 'brur byin gyis brlabs nas ston par bshad de/ tshig dang yig 'bru rnams su byin gyi rlob pa yang kun rdzob dang don dam pa gnyis su rig par bya ste/ de la kun rdzob ston pa ni stobs dang mi 'jigs pa la sogs pa rnams tshig dang yig 'bru la sogs par byin gyis brlabs te ston pa'o/ /don dam pa ston pa ni chos thams cad gdod ma nas ma skyes ma byung ba stong pa nyid kyi rang bzhin yi ge la sogs pa'i 'brur ston pa ste/ de bas na bskal pa bye ba khrag khrig brgya stong du mar yang dag par bsgrubs pa'i bden pa'i tshig gang yin pa dang 'phags pa'i bden pa bzhi dang zhes bya ba la sogs pa gsungs pa yin no/ /bskal ba bye ba khrag khrig brgya stong du ma zhes pa ni mang po'o mtshon byed de 'phags pa'i bden pa la sogs pa thams cad la sbyar bar bya'o/ /de bzhin gshegs pas bskal pa du mar bden pa'i tshig bsags pa de sngags

  180. 90b

    kyi yig 'brur byin gyis brlabs pas na su bsgrub par 'dod pa des kyang bden pa'i tshig rjes su bsrung bar shes par bya ste/ brdzun du smra ba sngags rnams mi 'grub po zhes rgyud gzhan las kyang 'byung ngo/ /'phags pa'i bden pa bzhi dang dran pa nye bar gzhag pa bzhi dang/ rdzu 'phrul gyi rkang pa bzhi dang/ de bzhin gshegs pa'i stobs bcu dang/ pha rol tu phyin pa drug dang/ byang chub kyi yan lag rin po che bdun dang/ tshangs pa'i gnas pa bzhi dang/ sangs rgyas kyi chos ma 'dres pa bco brgyad gang dag yin pa rnams ni gzhung gzhan las grags pa nyid do/ /gsang ba pa'i bdag po mdor na de bzhin gshegs pa rnams kyi thams cad mkhyen pa'i ye shes gang yin pa de thams cad de bzhin gshegs pa rnams nyid kyi bsod nams dang ye shes kyi stobs dang sngon gyi smon lam mkhyen pa'i stobs dang chos kyi dbyings kyi byin gyis brlabs kyi stobs kyis byin gyis brlabs nas sems can rnams la skal pa ji lta ba bzhin du gsang sngags kyi cho ga yang dag par rab tu ston to/ /zhes pa ni de bzhin gshegs pa'i yon tan gyi mthu rnams byin gyis brlabs nas yig 'bru rnams su ston pa ste/ nyid kyi bsod nams dang ye shes stobs zhes pa ni bsod nams kyi stobs ni sbyin pa dang tshul khrims dang bzod pa'i pha rol tu phyin pa spyod pa'o/ /ye shes kyi stobs ni shes rab dang bsam gtan gyi pha rol tu phyin pa spyod pa ste/ stobs ni de dag gi mthu thags pa med pa'o/ /sngon gyi smon lam mkhyen pa'i stobs dang shes pa sngon gyi smon lam gyi shugs kyis gsang sngags rnams kyi rang bzhin ji lta ba bzhin du rtogs pa'o/ /chos kyi dbyings kyi byin gyis brlabs zhes pa ni chos kyi dbyings la gnas nas zhes pa ste/ chos kyi dbyings la gnas pa'i mthu des sems can rnams kyi bsam pa ji lta ba bzhin du gsang sngags chos nyid yi ge'i 'bru la sogs par ston to zhes pa'o/ /skal ba ji lta ba bzhin du zhes pa ni ji ltar snod du gyur pa'i sems can rnams la'o/ /gsang sngags

  181. 91a

    kyi cho ga de yang gang zhe na/ gzod ma nas ma skyes pa'i phyir a ni chos thams cad kyi sgo'o/ /zhes pa nas gsang ba'i bdag por dang nya dang Na dang na ni ting nge 'dzin thams cad la dbang sgyur ba ste/ mthu thams cad dang ldan pa/ rab tu myur ba'i dgos pa'i don thams cad rab tu sgrub par byed pa yin no/ /zhes pa'i bar gyis gsang sngags rnams kyi mtshan nyid tshig dang ming dang brda yis mtshan/ zhes bshad pa de dag nyid yi ge'i 'bru dang tshig rnams su bcom ldan 'das kyis bshad pa de rnams ting nge 'dzin gyi sgor gyur par 'chad de/ tshig dang yi ge 'bru re las ting nge 'dzin gyi sgor gyur pa de yang don rnam pa gnyis ston te kun rdzob dang don dam pa'o/ /de la kun rdzob ston pa ni yig 'bru dang tshig rnams las sangs rgyas bcom ldan 'das kyi yon tan stobs dang mi 'jigs pa la sogs pa ston pa'o/ /don dam pa ston pa ni yi ge de nyid kyi sgo nas chos thams cad gdod ma nas ma skyes pa stong pa nyid du ston pa ste/ de bas na yig 'bru dang tshig gi sgo nas kun rdzob dang don dam pa'i don bstan pa'i phyir bcom ldan 'das kyis gsang sngags kyi mtshan nyid phyag rgya la sogs pa'i sgo nas tshig dang ming dang brda yis mtshan par bstan to/ /yig 'bru dang tshig rnams su byin gyis brlabs te bstan to/ /de bas na nga 'dir yi ge a la sogs pa'i yig 'bru rnams kyi sgo nas chos thams cad stong pa nyid kyi rang bzhin du bstan par bshad de/ de yang yi ge ka la sogs pa sum cu rtsa gnyis ba rnams stong pa nyid kyi ting nge 'dzin gyi sgor gyur pa ste/ de rnams las kyang kha cig ni chos thams cad stong pa nyid du ston/ kha cig ni phyogs gcig stong pa nyid du ston/ kha cig ni stong par 'jug pa'i sgo nas stong pa nyid kyi ting nge 'dzin gyi sgor gyur par ji ltar rigs par blta'o/ /de la yi ge a la sogs pa gang yang rung bzhig gis thams cad

  182. 91b

    stong pa nyid du ston pa las lhag par yi ge gzhan rnams kyis stong pa nyid du ston pa med de/ gang yi ge a la sogs pas bstan pa de nyid yi ge gzhan rnams kyis kyang ston pas stong pa nyid du ston par gcig ste/ yi ge a'i sgo nas chos thams cad stong pa nyid du rtogs na yi ge gzhan ci dgos she na/ stong par ston pa ni yi ge gcig gis kyang chog mod kyi/ yig 'bru dang tshig rnams las sngags su bstan te sngags de'i sgo nas chos thams cad stong pa nyid du ston par dgongs pa'i phyir yi ge thams cad smos so/ /de bas na sngags thams cad kyi rang bzhin ni byang chub kyi sems so zhes rgyud gzhan las gsungs so/ /gdod ma nas ma skyes pa'i phyir a ni chos thams cad kyi sgo'o/ /zhes pa ni chos thams cad gzod ma nas ma skyes pas stong pa nyid du rtogs pa ni de bzhin gshegs pa ste/ de bas na yi ge a de stong pa nyid rtogs pa'i ting nge 'dzin gyi sgor gyur par byin gyis brlabs shing bzhag pa'o/ /de bas na yi ge a'i sgo nas chos thams cad gzod ma nas ma skyes shing ma byung bar bstan to/ /dgos pa dang bral ba'i phyir ka ni chos thams cad kyi sgo'o/ /zhes pa ni rgya gar skad du dgon pa la karya zhes bya la/ yi ge ka de chos thams cad stong pa'i ting nge 'dzin gyi sgor gyur pas yi ge ka'i sgo nas chos thams cad dgos pa med par shes par bya'o/ /dgos pa zhes pa ni 'bras bu ste/ skyed par byed pa ma yin na/ rgyu nyid 'thad par mi 'gyur ro/ /rgyu nyid 'thad pa yod min na/ /'bras bu gang gi yin par 'gyur/ /zhes 'byung bas 'bras bu rgyus ma skyed pas med kyi/ rgyu de 'bras bu skyed pa'i rang bzhin du yod mod ce na rgyu nyid 'bras bu las gyur pa ste/ de bas na chos thams cad ma byung ma skyes pa'i don du rig par bya'o/ /nam mkha' dang 'dra bar dmigs su med pa'i phyir kha ni chos thams cad kyi sgo'o/ /zhes pa ni nam mkha' dang 'dra bas rgya gar skad du kha sa ma zhes bya ste/ yi ge la de chos thams cad stong par ston pa'i ting nge

  183. 92a

    'dzin gyi sgo ste /thams cad nam mkha' lta bu'i rang bzhin yin pas yod pa ma yin pa'o/ /'gro ba thams cad dmigs su med pa'i phyir ga ni chos thams cad kyi sgo'o zhes pa ni gti zhes pa 'gro ba la yang bya/ rgyud la yang bya/ rtogs pa la yang bya ste/ yi ge ga ni chos thams cad stong ba nyid du ston pa'i ting nge 'dzin gyi sgor gyur pa yin pas 'gro bar drang na ni shar dang nub la sogs par 'gro bar bya ba dang 'gro bar byed pa dmigs su med pa'o/ /rgyud du drang na ni mi dang lha la sogs pa'i rgyud drug dmigs su med pa'o/ /rtogs par drang na ni chos thams cad gzod ma nas ma skyes par rtogs par bya ba'i dngos po dang rtogs par byed pa dmigs su med pa'o/ /gcig tu 'phungs pa dmigs su med pa'i phyir g+ha ni chos thams cad kyi sgo'o/ /zhes pa ni gcig tu 'phungs pa la rgya gar skad du g+ha na zhes bya la/ yi ge g+ha ni chos thams cad stong pa nyid du stong pa'i ting nge 'dzin gyi sgo ste rdul phra mo rnams gcig tu 'phungs pa'i dngos po dmigs su med ces pa'o/ /'chi 'pho thams cad dang bral ba'i phyir ci ni chos thams cad kyi sgo'o/ /zhes pa ni 'chi 'pho la rgya gar skad du tsyu? ti zhes bya ste/ yi ge tsa ni chos thams cad stong par ston pa'i ting nge 'dzin gyi sgo yin pas chos thams cad ma skyes pa'i phyir 'chi 'pho yang dmigs su med ces pa'o/ /gring ma dang mtshungs pa'i phyir tsha ni chos thams cad kyi sgo'o/ /zhes pa ni grib ma la tsha ya zhes bya ste/ tsha de chos thams cad stong par ston pa'i ting nge 'dzin gyi sgo ste/ de la grib ma de lus las gzhan yin na ni lus med kyang grib ma 'byung bar rigs la/ lus las gzhan ma yin na grib ma logs shig tu 'byung ba yang mi rigs pa las de lta bu 'byung bas na yang dag pa ma yin te 'khrul pa 'am sgyu ma lta bu'o/ /'khrul pa 'am sgyu ma ni dngos po yod pa ma yin te chos thams cad kyang grib ma de dang 'dra bas stong pa nyid do zhes pa'o/ /skye

  184. 92b

    ba dmigs su med pa'i phyir dza ni chos thams cad kyi sgo'o/ /zhes pa ni skye ba la dzA ti zhes bya ste/ skye bar bya ba 'am skye bzhin pa'i dngos po med pas skye ba dmigs su med pa'o zhes pa'o/ /dri ma dmigs su med pa'i phyir dzha ni chos thams cad kyi sgo'o/ /zhes pa ni dri ma la dzha ma ra zhes bya ste/ dri mar gyur pa'i chos rnams dmigs su med pa'o/ /nga rgyal dmigs su med pa'i phyir Ta ni chos thams cad kyi sgo'o zhes pa ni nga rgyal la Ta kA ra zhes bya ste/ chos thams cad stong pa nyid pas nga rgyal gyi dngos po med ces pa'o/ /bskyed pa dmigs su med pa'i phyir tha ni chos thams cad kyi sgo'o zhes pa ni bskyed pa la biThA pa na zhes bya ste/ chos thams cad stong pa nyid pas bskyed pa'i dngos po dmigs su med pa'o/ /'khrug pa dmigs su med pa'i phyir Da ni chos thams cad kyi sgo'o zhes pa ni 'khrug pa la Da ma ra zhes bya ste/ 'khrug par bya ba'i dngos po rnams med pas 'khrug par byed pa'i dngos po yang dmigs su med pa'o zhes pa'o/ /slu ba dmigs su med pa'i phyir b+ha ni chos thams cad kyi sgo'o zhes pa ni slu ba la b+haM ga zhes bya te/ chos rnams stong pa nyid yin pas slu ba'i dngos po med ces pa'o/ /de bzhin nyid dmigs su med pa'i phyir ta ni chos thams cad kyi sgo'o zhes pa ni de bzhin nyid la ta thA tA zhes bya ste de bzhin nyid dang/ yang dag pa'i mdza' dang/ stong pa nyid ces pa ni gcig gi rnam grangs te/ de bzhin nyid kyi rang bzhin du dmigs su med ces pa'o/ /gnas dmigs su med pa'i phyir tha ni chos thams cad kyi sgo'o zhes pa ni gnas la s+thA na zhes bya ste/ snod kyi 'jig rten gyi rang bzhin gyi gnas sam/ chos rnams skad cig pa'i mtshan nyid yin pas mi gnas pa'i phyir gnas dmigs su med ces pa'o/ /'dul ba de dmigs su med pa'i phyir da ni chos thams cad kyi sgo'o/ /zhes pa ni 'dul ba la da ma na zhes bya ste/ 'dul ba'i dngos po 'am/ 'dul bar bya ba dmigs su med ces pa'o/ /khams dmigs su med pa'i phyir d+ha ni chos

  185. 93a

    thams cad kyi sgo'o/ /zhes pa ni khams la d+ha tu zhes bya ste/ 'dod pa'i khams dang gzugs kyi khams dang gzugs med pa'i khams la sogs pa dmigs su med ces pa'o/ /don dam pa'i bden pa dmigs su med pa'i phyir ba ni chos thams cad kyi sgo'o zhes pa ni don dam pa la ra mA hA? zhes bya ste/ yi ge pa ni don dam pa'i rang bzhin du yang dmigs su med par bstan pa'o/ /dbu ba dang 'dra bar snying po med pa'i phyir pa ni chos thams cad kyi sgo'o/ /zhes pa ni dbu ba la zhe na zhes bya ste/ phung po la sogs pa'i chos rnams dbu ba dang 'dra bar snying po med pa rang shig pa de yang snying po med par yi ge pa'i sgo nas bstan to/ /dag gi lam dang bral ba'i phyir ba ni chos thams cad kyi sgo'o zhes pa ni dag gi lam la bAkpa tha zhes bya ste/ rnam par ma brtags ma dpyad par tshig tu mi smra'i/ brtag par bya ba dang rtog par byed pas tshig tu smra ba yang dmigs su med par yi ge pa'i sgo nas bstan pa'o/ /srid pa thams cad dmigs su med pa'i phyir b+ha ni chos thams cad kyi sgo'o zhes pa ni srid pa la b+ha ba zhes bya ste/ de yang 'dod pa'i khams dang gzugs kyi khams dang gzugs med pa'i khams su 'byung bas na srid pa zhes bya ste/ phung po lnga nyid la bya'o/ /phung po lnga po de dag dmigs su med par yi ge b+ha'i sgo nas ston to/ /'chi ba dmigs su med pa'i phyir ma ni chos thams cad kyi sgo'o zhes pa ni 'chi ba lam raN zhes bya ste/ chos rnams ma skyes par 'chi ba yang dmigs su med par yi ge ma'i sgo nas bstan to/ /theg pa thams cad dmigs su med pa'i phyir ya ni chos thams cad kyi sgo'o zhes pa ni theg pa la yA na zhes bya ste/ chos rnams kyi don shes na chos kyang gzings dang 'dra bar bor bas na chos rnams stong par rtogs pas na theg pa gang la zhugs te rtogs pa'i theg pa de nyid kyang dmigs su med par yi ge ya'i sgo nas bstan te/ /rdul thams cad dang bral ba'i phyir ni chos

  186. 93b

    thams cad kyi sgo'o zhes pa ni rdul la ra dza zhes bya ste/ rdul zhes bya ba rdul phra mo rnams la yang bya la/ nyon mongs pa rnams la bya ste de gnyis gang yang rung ba dmigs su med par yi ge ra'i sgo nas bstan pa'o/ /mtshan nyid dmigs su med pa'i phyir la ni chos thams cad kyi sgo'o zhes pa ni mtshan nyid la lak+Sha tsa zhes bya ste/ 'dus byas dang 'dus ma byas kyi mtshan nyid la sogs pa dmigs su med par yi ge la'i sgo nas bstan to/ /rang bzhin gyis zhi ba'i phyir sha ni chos thams cad kyi sgo'o/ /zhes pa ni rang bzhin gyis zhi ba la pra kri ti shAn+ti tan zhes bya ste/ chos thams cad stong pa nyid dang rang bzhin gyi sa zhi bar yi ge sha'i sgo nas bstan to/ /rang bzhin gyis bems po'i phyir Sha ni chos thams cad kyi sgo'o zhes pa ni bems po la dza Da zhes bya ste/ mig dang rna ba la sogs pa'i dbang pos zin pa'i chos rnams ni yang dag par na zin pa ma yin te mig la sogs pa'i dbang po rnams blun bas tshad ma ma yin pa'i phyir de dag gis zin pa'i chos rnams yod pa ma yin par Sha'i sgo nas ston pa'o/ /Sha Da'i gor btang pa ni Da dang Sha gnyis gnas gcig nas byung ba dang Da'i las byed pa'i phyir ro/ /bden pa thams cad dmigs su med pa'i phyir sa ni chos thams cad kyi sgo'o zhes pa ni bden pa las tya zhes bya ste/ kun rdzob dang don dam pa'i bden pa dmigs su med par yi ge sa'i sgo nas bstan to/ /rgyu dmigs su med pa'i phyir ha ni chos thams cad kyi sgo'o zhes pa ni rgyal he ru zhes bya ste/ chos thams cad kyi rgyu dmigs su med par yi ge ta'i sgo nas bstan pa ste mdo na yi ge de rnams kyi stong pa nyid kyi nyid de 'dzin rnams kyi sgo ston par rig par bya'o/ /gsang ba pa'i bdag po dbang? dang nya dang Na dang na ni ting nge 'dzin thams cad la dbang sgyur ba ste zhes pa ni yi ge de rnams la klad kor gyi 'khor btags pas stong pa nyid kyi mtshan ma yin pa'i phyir de ni ka la sogs pa'i 'khor kun dbang ngo/ /nya ni tsal sogs pa'i 'khor kun tu gtogs so/ /Na ni Ta

  187. 94a

    la sogs pa'i 'khor kun tu gtogs so/ /na ni ta la sogs pa'i 'khor kun tu gtogs so/ /de bzhin du yi ge de rnams ya ra la sogs pa'i stong par gtogs te/ stong pa thams cad kyi mtshan nyid yin pas mthu thams cad dang ldan la/ kun rdzob tu sgrub pa'i dgos pa rnams kyang myur du 'grub par 'gyur ro/ /de bas na mthu thams cad dang ldan par rab tu myur bar dgos pa'i don thams cad rab tu sgrub par byed pa yin no zhes gsungs pa yin no/ /gsang ba pa'i bdag po gsang sngags kyi tshul ting nge 'dzin gyi sgo 'di ni zhes pa nas/ sngags pas yid la sems na ni/ 'chi 'pho med pa'i gnas 'thob bo/ /zhes pa'i bar gyis sngags kyi tshul ka la sogs pa'i yig 'bru de bzhin nyid la dmigs pa'i ting nge 'dzin gyi sgor gyur par bshad pa rnams kyi rjes su bsngags pa dang rang bzhin bstan pa ste/ de yang 'jug pa'i yon tan dang gnas pa'i yon tan dang/ ldang ba'i rang bzhin du shes par bya'o/ /de la re ba thams cad yongs su rdzogs par byed pa de bzhin gshegs pa thams cad kyi rnam par smin pa'i 'bras bu bsam gyis mi khyab pa zhes pa ni de bzhin gshegs pa'i rgyu'i yon tan dang stobs dang mi 'jigs pa la sogs pa las gyur pa'o zhes pa'o/ /rnam pa thams cad kyi mchog dang ldan pa gsang sngags kyi de kho na nyid kyi don nges pa zhes pa ni 'jug pa'i rang bzhin te/ rnam pa thams cad kyi mchog dang ldan pa zhes pa ni yi ge a dang ka la sogs pa de bzhin nyid la dmigs nas 'jug pa'i ting nge 'dzin gyi sgor gyur pa mchog rnams dang ldan pa zhes pa'o/ /gsang sngags kyi de kho na nyid kyi don nges pa zhes pa ni phyin ci ma log pas rig pa dang lung gis sun mi 'byin pa'o/ /dus gsum las shin tu 'das pa nam mkha' ltar dri ma med pa ste/ bsam yas sems kyi sa la gnas/ /zhes pa ni gnas pa'i rang bzhin te dus gsum las shin tu

  188. 94b

    'das pa ni 'das pa dang da ltar dang ma 'ongs pa'i dus te de yang phung po lnga la bya bas na phung po lnga las shin tu 'das zhes pa'o/ /nam mkha' ltar dri ma med pa ste zhes pa ni shes bya dang nyon mongs pa'i sgrib pa'i dri ma rnams dang bral ba zhes pa'o/ /bsam yas sems kyis la gnas zhes pa ni bsam pa med pa las sems kyis la gnas pa ste/ so so rang gis rig pa'i rang bzhin zhes pa'o/ /las dang bya ba dag las byung/ /spyang pa'i sa ni rjes thob nas/ /bsam yas 'bras bu sbyin par byad/ /ces pa ni langs pa'i rang bzhin te/ las dang bya ba dag las byung/ zhes pa ni stong pa nyid las langs nas sems can rnams la phan pa'i phyir/ kun rdzob tu bzlas pa'i yan lag bzhi la sogs pa lus dang ngag gi las rnams kyang ston zhes pa'o/ /spyad pa'i sa ni rjes thob nas/ /bsam yas 'bras bu sbyin par byed/ ces pa ni sbyin pa la sogs pa'i pha rol tu phyin pa'i spyad pa rnams bags kyis spyad na mngon par mtho ba dang nges par legs pa bsam gyis mi khyab pas sbyin par byed de zhes pa'o/ /'di ni de nyid dam pa ste/ sangs rgyas rnams kyis rab tu bstan zhes pa ni gong du bshad pa rnams sdud pa'i tshig ste/ sangs rgyas rnams kyis rab tu bstan/ zhes pa'o/ /gsang sngags cho ga 'di shes na/ sngags pa dngos grub thob par 'gyur/ /zhes pa ni sngags kyi rang bzhin stong pa nyid byang chub kyi sems sgom pa zhes pa dang sngags kyi yi ge las lha'i gzugs su sbyar zhing yan lag bzhi pa'i bzlas pa la sogs pa'i cho ga shes na grub pa thob par 'gyur zhes pa'o/ /sgra zhes bya ba de nyid mchog /gsang sngags rnams kyi gsang sngags mtshan/ /sngags pas yid la sems na ni/ /'chi 'pho med pa'i gnas thob po/ /zhes pa ni sngags kyi yi ge'i sgra'i sgo nas bstan pa'i don de bzlas pa la sogs pa la mi bltos par bskoms pas mya ngan las 'das pa 'chi 'pho med pa'i gnas 'thob ces pa'i

  189. 95a

    de nas yang bcom ldan 'das la gsang ba pa'i bdag po phyag na rdo rjes 'di skad ces gsol to zhes pa nas/ thun mong ma lags pa'i yon tan dang ldan par 'gyur ro zhes pa'i bar gyis gong du bshad pa'i don rnams phyag na rdo rjes go bar bstan pa dang/ ma 'ongs pa'i 'gro ba rnams spro ba skyed pa dang/ dkyil 'khor gyi yo byad bshad pa'i lhag ma rnams bshad par gsol ba'o/ /bcom ldan 'das kyis gsang sngags kyi mtshan nyid kyi tshul bsam gyis mi khyab pa'i chos kyi rnam grangs bstan pa bcom ldan 'das ngo mtshar lags so/ /zhes pa ni yi ge ka la sogs pa stong pa nyid kyi ting nge 'dzin de dag gi don bsam du med pa de bdag gis go ste ngo mtshar che'o zhes pa'o/ /de ni nyan thos dang rang sangs rgyas thams cad dang thun mong ma lags pa ste zhes pa ni nyan thos gang zag la bdag med par rtogs pa tsam dang rang sangs rgyas rgyu dang 'bras bu bshig nas dag dgags pa tsam yin pas de bzhin nyid la dmigs pa'i ting nge 'dzin gyi spyod yul can ma yin zhes pa'o/ /gang dag gsang sngags kyi tshul 'di la dad pa'i sems can de dag kyang thun mong ma lags pa'i yon tan dang ldan par 'gyur ro zhes pa rnams ni ma 'ongs pa'i 'gro ba rnams spro ba skyed pa'o/ /bcom ldan 'das gzhan yang dkyil 'khor gyi yo byad kyi chog bshad du gsol zhes pa ni dkyil 'khor bris zin nas mchod pa la sogs pa bya bar rigs te/ de bas na mchod pa'i ting nge 'dzin dang yid kyi mchod pa dang thal mo sbyar ba'i mchod pa dang/ byams pa dang snying rje'i mchod pa dang/ 'jig rten gyi dri dang me tog la sogs pa'i mchod pa ste/ mchod pa rnam pa bzhi po de dang/ dkyil 'khor bsrung ba dang/ dkyil 'khor gyi lha rnams bzhugs su gsol ba rnams bshad du gsol zhes pa'o/ /de rnams las kyang la la ni snying rje chen po la 'byung ba'i dkyil 'khor gyi skabs las 'byung/

  190. 95b

    la la ni yi ge 'khor lo bskor ba'i dkyil 'khor gyi skabs nas 'byung/ la la ni gsang ba'i dkyil 'khor las 'byung ste/ 'di nas mi 'byung ba 'og ma gnyis kyi skabs nas 'byung ba de yang skabs 'dir sbyar bar bya la/ 'di nas 'byung la 'og ma gnyis kyi nang nas mi 'byung bde yang de bzhin du sbyar bar bya'o/ /de dag gi rim pa yang lha rnams dkyil 'khor du byin gyis brlab pa la spyan drang mi dgos pa'i rigs pa la sogs pa bsdus pa'i don gyi nang du zhib tu bshad pas 'dir ma smos so/ /de nas sngags pa de yis su/ /zhes pa nas/ sems dpa' chen po phal rnams la/ /ya re dbul bar rab tu bsgrags/ /zhes pa'i bar gyis ni dri la sogs pa phyi'i mchod pa rnams bshad pa ste/ phyi'i mchod pa de rnams kyang sngags pa dmigs pa can gyis tshul bzhin ma byas na/ 'phags pa'i lha rnams 'khrug par mi 'gyur na yang/ de'i 'khor phal pa rnams 'khrug par 'gyur te 'bral du gnod pa mi byed kyang ji ltar bsam pa'i don rnams 'grub par mi byed cing phan 'dogs par mi 'gyur ro zhes rgyud gzhan las 'byung bas mchod pa de rnams nan tan du bya'o/ /slob dpon zab cing rgya che ba la mos pas kyang gtso bor yid kyi mchod pa bya ste/ slob ma dmigs pa can rnams kyi yid dang sbyar ba'i phyir phyi'i mchod pa 'di rnams kyang mchag bzhin du bya'o/ /mchod pa'i ting nge 'dzin dang yid kyi mchod pa de dag ni yi ge 'khor lo bskor ba'i dkyil 'khor dang gsang ba'i dkyil 'khor dag tu blta'o/ /me tog ser po dkar po dmar/ /yid du 'ong bas nan tan du/ /lha rnams la ni mchod par bya zhes pa nas/ /yid du 'ong zhing blta na sdug/ bkra shis pa la sngags pa yis/ /mkhas pas nan tan mchod par bya/ /zhes pa'i bar gyis me tog gi mchod pa rnams bshad de/ me tog ser po dkar po dmar/ zhes pa ni me tog gi rigs spyir smos pa yin la/ pad+ma 'am yang na utpal/ zhes pa la sogs pa

  191. 96a

    ni sbyir smos pa de dag nyid las so so'i ming smos pa'o/ /yid du 'ong zhing ni dri zhim pa'o/ /blta na sdug ces pa ni kha dog dang dbyibs mdzes pa'o/ /bkra shis pa ni lha rnams mchod pa dang mi 'gal ba ste 'dir ni mdo tsam du smos kyi/ ming gis smos pa las gzhan pa yang yid du 'ong zhing bkra shis pas mchod par bya'o/ /tsan dan ta kar zhes pa nas/ sna tshogs yid du 'ong ba dbul zhes pa'i bar gyis dri chab kyi mchod pa rnams te/ yid 'ong zhes pa ni 'dir ming gi smos pa las gzhan yang yid du 'ong ba dri zhim pa'i dri'i rigs rnams gang yang rung ba dbul lo zhes pa ste/ de rnams las kyang la la ni gcig tu spyad/ la la ni bsdus te sbyar bar shes par bya'o/ /dri'i mchod pa dbul ba'i sngon du yang me tog gi mchod pa rnams dbul bar bya'o/ /a ka ru 'am sgron shing ngam zhes pa nas/ gzhan yang bdug spos sna tshogs pa/ /bkra shis 'jig rten rnam par grags/ /yid 'ong sngags pas cho ga bzhin/ /lha rnams la ni dbul bar bya/ /zhes pa'i bar gyis bdug pa'i mchod pa rnams bshad de de rnams kyang la la ni gcig tu sbyar/ /la la ni bsdus te sbyar bar shes par bya'o/ /gzhan yang bdug spos sna tshogs pa/ /bkra shis 'jig rten rnam par grags/ /yid 'ong sngags pas cho ga bzhin/ /lha rnams la ni dbul bar bya/ /zhes pa ni 'dir ming gis smos pa las gzhan yang 'jig rten du grags pa'i bdug pa sna tshogs pa lha rnams mchod pa dang mi 'gal zhing rung ba yang dbul bar bya zhes pa'o/ /de nas gzhan yang sems dpa' che/ /lha bshos las kyi cho ga nyon zhes pas/ zho dang 'o ma rgyas par dbul zhes pa'i bar gyis lta bshos kyi mched pa rnams bshad pa ste/ de rnams kyang zas dang bza' ba dang bca' ba dang btung ba'i dngos por shes par bya ste/ de la zas ni 'o thug dang 'bras chan la sogs pa'o/ /bza' ba ni la tu la sogs pa'o/ /bca' ba ni shing

  192. 96b

    thog la sogs pa'o/ /btung ba ni zho dang 'o ma la sogs pa'o/ /rgyas par zhes pa ni de rnams bzang zhing mang du dbul ba'o/ /mar me rnam pa sna tshogs pa zhes pa nas/ rab tu bkang ste dngul bar bya zhes pa'i bar gyis mar me'i mchod pa bshad pa ste/ gtsang zhing zhes pa ni nya tshal ba sogs pa mi gtsang ba med pa dang/ ras kyi sdong bu dri ma med pa zhes pa'o/ /phyogs su gdugs dang ba dan rnams/ /kha dog sna tshogs rab tu bsgrags/ /zhes pa ni dkyil 'khor gyi phyi'i sgo khar gdugs dkar po gcig bzhag go /ngos bzhi dang grwa bzhi'i phyogs so sor kha dog dang mthun pa'i ba dan rnams bsgreng bar bya'o zhes pa'o/ /rta babs bzang po rnams kyang ni/ /dril bu dang bcas rab tu dbul/ /zhes pa ni phyi'i sgo khan ni shing la sogs pa las byas pa'i rta babs bzang po dril bu dag gis brgyan pa zhes pa'o/ /de nas bum pa brgyad dam ni/ zhes pa nas/ mgrin pa ras kyis bcings pa rnams/ /mkhas pas rnam par dgod par bya/ /zhes pa'i bar gyis bum pa rnams dbul ba ste/ nag po la sogs pa'i skyon med cing gzhung las byung ba'i mtshan nyid dang ldan pa rnams dbul lo/ /de rnams gsang ba spyi'i rgyud las 'byung ba bzhin du lha rnams so so la bsngo bar mi bya bar spyir dgod pa ni byang chub sems dpa' i sngags kyis btab ste slob ma rnams dbang bskur ba'i tshe blugs par bya ba'i phyir ro/ /lha yi gtso bo rnams la ni/ /ras ni zung re zung re dbul/ /zhes pa ni dkyil 'khor rim pa sum char gyi sgo khyung rnams kyi nang na bzhugs pa'i gtso bo rnams dang dbus na bzhugs pa'i bcom ldan 'das rnam par snang mdzad la ras zung re re dbul lo zhes pa'o/ /thams cad la zung re mi 'byor na spyir zung gcig dbul bar shes par bya'o/ /sems dpa' chen po phal rnams la/ /ya re dbul bar rab tu bsgrags/ /zhes pa ni dkyil 'khor gyi lha phal rnams la ya re re dbul zhes pa ste/ thams cad la ya re ma 'byor na spyir ya gcig dbul bar shes par bya'o/ /de rnams kyang bum pa'i mgrin

  193. 97a

    pa dkri ba ma gtogs pa'i gzhan yin par shes par bya'o/ /slob ma dkyil 'khor drung ba dug ste/ sngags pas chu'i bsang gtor byas/ /zhes pa nas/ slob ma sdig dang bral ba kun/ /de ltar legs par btsud nas ni zhes pa'i bar gyis slob ma rnams dkyil 'khor du gzung ba'i cho ga bshad de/ de yang sngar mchod pa'i tshe slob dpon las kyi rdo rje sems dpar bsgyur ba las slob ma dkyil 'khor du 'dzud pa'i tshe 'og nas 'byung ba'i slob dpon gyi ting nge 'dzin du bsgyur te/ thog ma nyid du dkyil 'khor gyi phyi ra'i sgor slob ma rnams kyi bgegs bsal ba'i phyir khams gsum rnam par rgyal bas bsngags pa'i bum pa'i chus gtor te/ slob ma rnams kyi gdod g.yogs kyi ras la dam tshig gsum gyi phyag rgya bcings nas dam tshig gsum gyi sngags lan gsum bzlas pas slob ma'i gdod g.yog par bya'o/ /de nas slob ma'i lag par dri dang me tog byin la/ byang chub kyi sems bskyed de/ de nas chos kyi dbyings kyi phyag rgya dang sngags kyis chos kyi dbyings su byin gyis rlob bo/ /de nas chos kyi 'khor lo'i phyag rgya dang sngags dang rdo rje go cha'i sngags kyis slob ma de rdo rje sems dpar byin gyis brlabs la/ spyi bor chos kyi dbyings kyi yi ge raM kha dog dkar po klad kor dang bcas pa 'bar ba can bsams te/ de nas dam tshig gsum gyi phyag rgya bcings nas de'i sngags blos? su bcug la me tog 'dor du gzhug go /de nas me tog gang du bab pa'i lha de sngags pas slob ma de la byin te/ de nas dkyil 'khor lan gsum du bskor du gzhug go /de rnams ni dkyil 'khor du gzung? pa'i cho ga'i rim pa mdor bshad pa'o// yan lag so sor bshad pa ni/ /byang chub sems kyang 'dzin du gzhug /ces pa smon pa byang chub kyi sems 'dzin du gzhug pa'o/ /de bzhin gshegs pa dran byas nas/ /zhes pa ni sangs rgyas dang byang chub sems dpa' rnams bdag la dgongs su gsol/

  194. 97b

    zhes smra bar bya'o/ /smon pa byang chub tu sems bskyed pa yang sangs rgyas dang byang chub sems dpa' thams cad bdag la dgongs su gsol/ /bdag ming 'di zhes bgyi bas dus 'di nas gzung ste/ nam byang chub kyi snying po la mchis kyi bar du ji ltar sangs rgyas bcom ldan 'das rnams dang byang chub sems dpa' rnams kyi phung po dang khams dang skye mched dang gzung ba dang 'dzin pa rnam par spangs pa rang gi sems gdod ma nas ma skyes pa stong pa nyid kyi rang bzhin gyi byang chub tu sems bskyed pa de bzhin du bdag gis kyang byang chub tu sems bskyed par bgyi'o zhes pa'o/ /des na rgyal ba'i rigs de la/ /thams cad rab tu skyes par 'gyur/ /zhes pa ni de ltar smon pa byang chub kyi sems bskyed pas sa bon btab pa'i sgo nas rgyal ba'i rigs dge bar skyes par 'gyur ro/ /rgyal ba'i rigs shes pa ni thabs dang shes rab dang ldan pa ste/ de la shes rab ni chos thams cad stong pa nyid kyi rang bzhin gyi yum shes rab kyi pha rol tu phyin pa'o/ /thabs ni sbyin pa la sogs pa'i pha rol tu phyin pa rnams te/ de bzhin gshegs pa rnams kyang de las byung bas na de ni rgyal ba'i rigs zhes bya'o/ /chos kyi dbyings las byung ba ni/ /phyag rgya de dag rnams la bcing/ /zhes pa ni 'jug pa'i byang chub kyi sems dang gnas pa'i byang chub kyi sems bskyed pa ste/ chos kyi dbyings stong pa nyid kyi sngags dang phyag rgya des slob ma de stong pa nyid du byin gyis rlob bo/ /chos kyi 'khor lo'ang bcings nas ni/ /rdo rje sems dpar byin gyis brlab/ /ces pa ni de ltar stong pa nyid kyi rang bzhin du rtogs nas slar kun rdzob kyi sgo nas sems can rnams la chos kyi 'khor lo bskor ba'i phyir/ chos kyi 'khor lo'i sngags dang phyag rgyas rdo rje sems dpa' i skur bsgyur ro/ /rdo rje sems dpa' zhes pa ni gang gi sems rdo rje dang 'dra bar brtan pa cis kyang zil gyis mnon pa ste/ de yang zla ba'i dkyil 'khor

  195. 98a

    gyi nang na bzhugs? pa zla ba'i dkyil 'khor yang 'od kyi dkyil 'khor dang ldan pa dbu brgyan dang ldan zhing brgyan sna tshogs kyis brgyan pa'i sku'o/ /de'i snying gar yang zla ba'i dkyil 'khor la gnas pa'i rdo rje rtse lnga pa ye shes lnga'i rang bzhin can bsam par bya'o/ /de nas sangs rgyas kun gyi ni/ /dam tshig sdom brtson can gyi bcing/ /de nas sngags kyi cho ga bzhin/ /ras la lan gsum gdab par bya/ /zhes pa ni slob dpon gyis gdong dag pa pa'i ras la dam tshig gsum gyi phyag rgya dang sngags kyis btab ste/ de yang skabs 'dir bshad mod kyi/ /las 'di rnams kyi dang por shes par bya'o/ /de dag gi ni gdong yang dag pa/ /ces pa ni dam tshig gis btab pa'i ras des slob ma de rnams kyi gdong dgab par bya ste/ gdong dgab pa'i yang de dag sngar tha mal gyi mig tu 'dug pa las dam tshig gi sngags dang phyag rgyas byin gyis brlabs pas bkag nas ye shes kyi mig tu bsgyur bar 'gyur te/ ye shes kyi mig de phye nas bcom ldan 'das kyi sku mi zad pa'i rdo rje'i rgyan gyi dkyil 'khor de bstan pa'i phyir ro/ /snying rjer gyur pa'i yid kyis su/ /zhes pa ni snying rje dang ldan pas bya ba yin gyi/ de khe dang bkur sti'i phyir ni ma yin no zhes pa'o/ /dam tshig lan gsum bzlas nas ni/ /zhes pa ni me tog 'dor tu gzhug ces pa dang ? te/ dam tshig gsum gyi phyag rgya bcings la sngags kyang lan gsum bzlas te me tog 'dor du gzhug go /dam tshig gsum zhes pa ni bcom ldan 'das kyi sku mi zad pa dang gsung mi zad pa dang thugs mi zad pa'i rdo rje'i rgyan gyi dkyil 'khor de de'i byin gyis brlab su gyur pa ni dam tshig gi sngags dang phyag rgya ste/ phyag rgya bcings shing de'i sngags lan gsum bzlas na sku la sogs pa mi zad pa'i rdo rje'i rgyan de mthong bar 'gyur ro/ /de bas na sngags pa rtag tu zlos pa la sogs pa byed pa'i tshe yang dam

  196. 98b

    tshig gsum gyi phyag rgya bcings pa ni de'i phyir du yin la/ /dam tshig gsum gyi phyag rgya bcings te sngags lan gsum du bzlas na dam tshig nyams pa la sogs pa slar 'tsho bar 'gyur ro/ /spyi bor yi ger zhes la/ /klad kyi 'khor bcas brjod dang ldan// 'bar ba'i phreng ba rnam par 'phro/ /zla ba 'char ka lta bu yi/ /kha dog dkar po bzhag par bya/ /zhes pa ni slob ma'i spyi bor yi ger chos kyi dbyings kyi ye shes bsam ste/ ra ni shes bya dang nyon mongs pa'i sgrib pa dang bral ba'i rang bzhin no/ /klad kor bzhag pa ni stong pa nyid kyi rang bzhin no/ /'bar ba'i phreng ba dang bcas pa ni rgyu'i ye shes kyi rang bzhin no/ /zla ba 'char ka lta bu ni zla ba 'char ba'i tshe rang bzhin dkar ba la cung zad rtsa dmar bar bstan pa ste/ dkar ba ni rang bzhin gyis dag pa'o/ /rtsa dmar ba ni sems can gyi don la chags pa'o/ /skyob pa kun gyi spyan sngar ni/ /de nas me tog 'dor du gzhug /me tog gang la bab pa de/ /sngags pas de la sbyin par bya/ /zhes pa ni sngon dkyil 'khor du ma zhugs shing lha ma mnos pa 'am/ dkyil 'khor du zhugs shing lha ma mnos pa 'am/ lha ma nos te btang ba rnams gdod lha mnos par bya na me tog gdong de ltar dor bar bya la/ de ltar lha mnos zin te gdod nod mi dgos na gdod g.yogs bkrol la me tog de bdag gi lha 'am bcom ldan 'das rnam par snang mdzad la/ dbul bar bya ste/ de dag kyang zhib tu ni bsdus pa'i don du bshad zin to/ /me tog dor nas lha gang la babs pa de'i cha brtag pa yang gsang ba spyi'i rgyud kyi nang du blta bar bya'o/ /dkyil 'khor dang po'i sgo yi drung/ /sgo khyud kyi ni dbus kyi cha/ /dkyil 'khor gyi ni sgo gnyis kyi bar du slob ma gzung bar bya/ der gnas pa la cho ga kun/ /rim pa bzhin du legs par bya/ /zhes pa ni dkyil 'khor gsum pa'i sgo khyud kyi dbus su slob ma der gzung ste der gnas nas gong du smos pa'i las thams cad bya

  197. 99a

    ste/ sgo gar slob ma la chu gdab pa 'ba' zhig ma gtogs so/ /dkyil 'khor gyi nang du ma zhugs par sgo gnas las de rnams bya ba yang lha rnams la me tog 'dor ba na yang sgo gnas bor ba na nang du 'bab par 'gyur gyi/ nang du zhugs te bor na lha kha cig rgyab tu las bar 'gyur la/ bdag dbus su zhugs te bor na me tog phyi rol tu 'bab par 'gyur ba'i phyir ro/ /gnyis su na gong du skyob pa kun gyi spyan sngar ni/ zhes kyang 'byung bas bdag nang du zhugs na kha cig gi spyan sngar yang mi 'gyur la/ byang chub sems dpa' sems dpa' chen po de rnams kha cig la rgyab kyis lta ba mi rigs pa'i phyir ro/ /gsum du na 'di ni chos kyi rgyal po'i 'khor yin pas thog ma nas nang du zhugs na ko long du 'gyur te/ rgya la chos dang 'gal ba'i phyir ro/ /slob ma sdig dang bral ba kun/ /de ltar legs par btsud nas ni/ /de dag zhi bar bya ba'i phyir/ zhes pa nas/ sbyin sreg rjes la sngags pa yis/ /zhes pa'i bar gyis dkyil 'khor du btsud pa'i slob ma de dag zhi bar bya pa'i phyir zhi ba'i sbyin sreg bya ste/ slob ma rnams dkyil 'khor du zhugs pas sdig pa rnams byang zhing rgyud dag pa des bcom ldan 'das kyi sku mi zad pa'i rdo rje'i rgyan la sogs pa la sbyin sreg gi sgo nas yon phul na bsod nams 'phel te sdig pa 'byung bas zhi bar 'gyur ro/ /de'i rim pa yang thogs mar snying po'i dkyil 'khor gyi mdun rol/ dkyil 'khor bar ma'i sgo'i phyi rim gsum pa'i nang rol du mi thab khru gdab bya'o/ /de ste dkyil 'khor chung nas nang du mi shod na dkyil 'khor gyi phyi rim gyi so? gar bya'o/ /khang thog la sogs par brkor mi rung na tshon dmar pos thob bri par bya la/ de nas thab de'i tha mar lho phyogs nas brtsams te ku sha g.yas bskor du dag ma zhing gcig gis gcig gi rtse mo non par byas te bskor ro/ /de nas khams

  198. 99b

    gsum rnam par rgyal ba'i sngags kyis btab pa'i dri'i chu gtor la/ de nas theb der 'jig rten pa'i mi mri ta zhes bya ba las thams cad byed pa mgrin pa ring la spu can kha dog kham par 'dug pa me tog gcig thab der bor la me de byin gyis brlab par bya'o de nas me lha de la zhal bsil dang gang ba'i sbyin sreg gzhung las 'byung ba bzhin du byin nas de nyid du 'bar ba'i rang bzhin du bzhag la/ de nas thab der me tog gcig par nas 'jig rten las 'das pa'i zhi ba'i me byin gyis brlabs te/ zhal bsil dang gang pa'i sbyin sreg la sogs pa snga ma bzhin du byas nas slob ma re re'i phyir yang sbyin sreg lan nyi shu rtsa gcig re slob ma'i lag pa g.yas pa'i mthe bong nas slob dpon gyi lag pa g.yon pas bzung ste bya'o/ /'di ni bsdus pa'i don to/ /yan lag gi don bshad par bya ste/ sdig dang bral ba kun zhes pa ni slob ma de rnams dkyil 'khor du gzhug par brtson pa na/ gsum la skyabs su 'gro ba la sogs pa dang/ dkyil 'khor du 'jug pa na byang chub tu sems bskyed pa dang/ zhugs nas kyang phyis sngags kyi spyad pa spyod pa na sbyor ba dang/ dngos gzhi dang/ rjes gsum ga dge ste sdig pa dang bral ba'o/ /sbyin sreg cho ga bzhin du bya/ /zhes pa ni sbyin sreg gi cho ga gzhung las ji skad gsungs pa bzhin du bya ba ste/ 'og nas 'byung bar blta'o/ /snying po'i dkyil 'khor gyi ni mdun/ /dkyil 'khor gnyis pa'i rgyab rol gyi/ /dkyil 'khor gyi ni dbus kyi char/ /ma? yengs pa yi sems kyis bya/ /mo thab khru gang tsam gyi ni/ /tshad du rab tu bsgrags pa yin/ /zhes pa ni gong du bshad zin to/ /'dir khru gang ba 'ba' zhig gsungs kyi zlum po 'am gru bzhir bya ba ma smos kyang zhi ba dang rgyas pa'i thab ji ltar grags pa la bya ste/ skabs 'dir ni zhi ba'i las yin pas zlum por 'os so/ /yang na zhi ba dang rgyas pa gnyis ka'i gzhi mthun na grub zhi yang nyes pa med do/ /kha ran sor bzhi'i tshad du byas zhes bya/

  199. 100a

    ni thab gru bzhi ni kha ran yang gru bzhir bya la/ thab zlum po kha ran yang zlum por bya'o/ /dbus su rdo rje rab tu brtag /ces pa ni ye shes lnga'i phyag rgyar gyur pa rdo rje rtse lnga pa bri'o/ /de nas sngags pa'i g.yas logs su/ /sbyin sreg gi ni yo byang bzhag /g.yon gyi phyogs su slob ma rnams/ /zhes pa ni bsreg par bya ba'i rdzas rnams sngags pa'i g.yas su bzhag go /g.yon du slob ma bkod pa na slob dpon slob ma'i g.yas su 'bab ste/ slob dpon de slob ma la phan 'dogs pa dang rjes su mthun par bstan pa'o/ /tsog tsog por ni 'khor du gzhug /ces pa ni cho ga'i las rnams ma zin gyi bar du phab ste mi 'dug pa 'am/ gus pa bstan pa'o/ /sdom brtson bdag nyid sa steng du/ /ku sha bting ba'i stan la 'dug /ces pa ni slob dpon nyid rtswa ku sha bting ba'i steng du 'dug pa'o/ /yang tshon rtsi dmar po mchog /ces pa nas/ nyi shu rtsa gcig sbyin sreg bya zhes pa'i bar ni go rims bzhin du gong du bshad zin la/ /yid ni mnyam par bzhag nas su/ zhes pa ni zhi ba'i las la byams pa'i ngang tshul du bya'o/ /sbyin sreg rjes la sngags pa yis/ slob ma rnams la yon bslang ba/ /zhes pa nas/ sangs rgyas bsngags pa'i dge 'dun la/ /ci nus par ni mchod ston bya/ /zhes pa'i bar ni sdig pa dang bral ba'i slob ma de dag slob dpon gyis bsod nams kyi zhing dam pa la sbyin pa byed du gzhug ste/ mchog tu phan 'dogs pa'i slob dpon de la slob ma rnams kyis gus par yon phul na bsod nams mchog tu 'gyur ba'i phyir/ gser dang dngul dang rin po che la sogs pa dbul bar bya'o zhes bskul ma btab bo/ /de ltar slob dpon la yon phul nas kyang 'phags pa'i dge 'dun ni sbyin pa'i gnas dam pa yin pas 'phags pa'i dge 'dun la yon dbul ba dang mchod ston gsol bar bya ba yang 'di ni bsod nams zhing yin zhes/ sems can kun gyi

  200. 100b

    don gyi phyir/ skyob pa rnams ni kun gyis gsungs/ zhes bya ba la sogs pas bstan pa yin no/ /de nas bcom ldan 'das rnam par snang mdzad kyis byang chub sems dpa' sems dpa' chen po phyag na rdo rje la bka' stsal pa/ sems dpa' chen po dbang bskur ba// ston gyi sangs rgyas kyis bshad pa/ /rgyas pa ru ni bshad pa byas/ /yid gcig bsdus te legs par nyon/ /zhes pa nas/ rdo rje 'dzin pa de kun yang/ /khyod la rnam pa kun tu bsrung/ /zhes pa'i bar gyis slob ma rnams dbang bskur ba'i skabs 'chad de/ de la mngon par dbang bskur ba zhes pa ni bcom ldan 'das kyi sku dang gsung dang thugs mnyam pa nyid mi zad pa'i rgyan rang bzhin gyi dkyil 'khor gyi byin gyis brlabs par gyur pa'i spyan sngar rin po che la sogs pa'i bum pas chu blugs pa ste mngon par blugs zhes pa'i tshig gi don te/ de yang rnam pa gsum du brtag par bya ste dbang bskur ba'i ming ji lta bu yin pa dang/ su la dbang bskur ba dang/ ci'i phyir dbang bskur ba'o/ /de la dbang bskur ba'i ming ji lta bu yin pa ni sbyir dbang bskur ba'i rnam pa mang ste/ sngags pa nyid du bya ba'i phyir rig pa sbyin pa dang/ las kyi dbang bskur ba ni zhi ba dang? rgyas pa dang mngon spyod kyi las bya ba'i phyir dang/ gdon bsal ba la sogs pa bya ba'i phyir dbang bskur ba'o/ /de dag las skabs 'dir ni slob dpon du dbang bskur ba zhes bya ste de ni ming ngo/ /su la dbang bskur ba ni slob ma phal ba thams cad la dbang bskur bar bya ba ma yin gyi/ dam tshig can lnga'i skabs nas/ dkyil 'khor dang ni phyag rgya mthong/ /las dang bya ba la yang sbyar/ /zhes sngags kyi rgyud rnams thos shing dkyil 'khor la sogs pa 'dri bar nus pa khyad par chen gyi slob ma dang/ yongs su grub pa'i slob ma rnams la dbang bskur te/ su la dbang bskur ba zhes pa ni de rnams la dbang bskur ba'o/ /ci'i phyir dbang bskur zhes pa ni chos kyi mig mi 'tshub par bya ba'i phyir te/ 'jig

  201. 101a

    rten na yang 'jig rten gyi gtsug lag lung bstan pa dang/ rtog pa dang/ sman la sogs pa rnams kyang slob mas rdzogs par longs nas slob dpon gyis dbang bskur ba'i chog 'jig rten pa rnams la ji ltar srid pa bzhin du byas na bshad pa la sogs pa bya bar slob ma la lung ston pa srid do/ /de dag kyang so so'i gtsug lag rdzogs par mi shes shing dbang ma bskur bar bshad pa la sogs pa byas na gtsug lag de dag ji lta ba bzhin du bshad mi nus pas de dag gi mig 'tshub par 'gyur pa'i phyir ro/ /de bzhin du 'dir yang slob ma rnams rgyud la sogs pa rdzogs par shes par bya ste/ de dag nyid slob dpon gyi mngon sum du bzlas nas rgyud bshad pa dang dkyil 'khor bri ba la sogs pa ji lta ba bzhin du shes par slob dpon nyid yid ches te/ sems can gyi don byed nus par gyur pa rnams la dbang bskur na chos kyi mig mi 'tshub par 'gyur ba'i phyir ro/ /gnyis su na de ltar mngon par 'dus byas pa'i slob ma de slob dpon du 'gyur na 'jig rten pa rnams kyang khungs de lta bu las byung ba'i slob dpon de la yid ches shing btsun par byed do/ /rim pa 'di lta bur dbang ma bskur la/ /rgyud la sogs pa mi shes par btsan thabs su sngags kyi rgyud la sogs pa 'chad cing dkyil 'khor 'dri na ji lta nyid du mi shes te/ don log par gyur pas sngags kyi lha la sogs pas kyang byin gyis mi rlob pa'i phyir ci bsams pa'i don mi 'grub la/ gdul ba'i 'gro ba rnams yid mi ches shing mi phyogs pas chos kyi mig 'tshub par 'gyur ro/ /ci'i phyir dbang bskur ba zhes pa ni de'i phyir ro/ /de la dbang bskur ba ji ltar 'jig rten gyi rgyal po dge ba bcu'i las kyi lam gyi bka' khrims ston pa/ mngon par mtho ba'i 'bras bu sbyin par byed pa de ji ltar rgyal thabs su bskur bar bya ba de bzhin du bya ste/ 'dir yang mngon par mtho ba

  202. 101b

    dang nges par legs pa'i 'bras bu sbyin par byed pa'i chos kyi rgyal por dbang bskur ba'i phyir te/ de yang rim pa 'di ltar bya'o/ /thog mar rtsa ba'i dkyil 'khor gyi mdun du bar khru ngos bcang de der dbang bskur ba'i dkyil 'khor rim pa gcig pa sgo gcig pa bris la/ de'i nang du pad+ma 'dab ma brgyad pa bris te/ dkyil 'khor gyi gra bzhir rdo rje 'dzin pa bzhi bri zhing pad+ma'i 'dab ma brgyad po la yang byang chub sems dpa' bzhi dang phyag brnyan bzhi ste brgyad 'bri'o/ /pad+ma'i dbus su chos kyi dbyings kyi yi ge raM bris la der slob ma zhag ste/ dri dang me tog la sogs pa'i mchod pa dang/ bkra shis pa'i tshigs su bcad pa dang/ gleng gzhi rgya chen po snyan pa rnams bskrags shing/ kun tu bzang po la sogs pa'i byang chub sems dpa' rnams kyis byin gyis brlabs pa'i rin po che bzhi'i bum pa dkyil 'khor chen po lan re bskor nas slob ma de'i spyi bo nas blugs so/ /de'i 'og tu 'dir dngos su ma smos kyang de bzhin gshegs pa'i gtsug tor dang/ spyan dang/ ljags dang/ go cha rnams kyi phyag rgya dang/ sngags kyis kyang slob ma de la pad+ma'i steng na 'dus pa nyid na rim pa bzhin du byin gyis brlab par bya'o/ /de nas gnas de nas bslang ste/ dkyil 'khor de'i nyen 'khor du khri bzang po gcig bzhag ste/ gos gsar pa brjes nas gos sar pa phrugs gcig gon nas khri'i steng du bzhag ste/ dri dang me tog la sogs pas mchod nas slob dpon nyid mig dbye ba'i thur ma thogs nas mdun du 'dug ste/ de bzhin gshegs pa rnams kyis bu khyod kyi mi shes pa'i rab rib rnams bsal to zhes pa la sogs pa'i tshig brjod do/ /de nas me long thogs la chos rnams gzugs brnyan dang 'dra pa rang bzhin med pa'i stong pa nyid kyi tshul du bsgoms shig ces pa'i tshig brjod do/ /de nas de ltar bdag gi don yongs su rdzogs nas gzhan gyi don phun sum tshogs par bya ba'i phyir rkang pa'i 'og tu gser gyi 'khor lo bzhag ste/ chos

  203. 102a

    kyi 'khor lo bskor cig ces bsgrag go/ de nas chos kyi 'khor lo bskor ba de yang sangs rgyas kyi gsung mchog 'jig rten gyi khams thams cad du khyab par grags pas bskor bar bya ste/ gsung mchog de'i phyag rgyar gyur pa dung bzang po zhig lag pa g.yas par sbyin la/ khyod kyis chos kyi dung bus shig ces brjod do/ /de ltar sems can gyi don byas nas sangs rgyas rnams la byas pa gzo ba la sogs pa'i tshig de'i 'og tu brjod par bya ste/ de rnams ni las su bya ba'i rim pa bsdus te bshad pa'o/ /yan lag gi don bshad par bya ste/ sems dpa' chen po dbang bskur ba/ /rgyas pa ru ni bshad par byas/ /yid gcig bsdus te legs par nyon/ /zhes pa la dbang bskur ba'i tshig gi don gong du bshad zin la rgyas pa ru ni bshad par byas/ zhes pa ni dbang bskur ba'i cho ga 'og nas 'byung ba rnams dang ldan par 'chad pas zhes pa'o/ /sngon gyi sangs rgyas kyis bshad pa/ zhes pa ni sangs rgyas thams cad mnyam pa nyid pas bya ba gcig tu bstan pa'o/ /gsang ba pa'i bdag po slob dpon gyi rtsa ba'i dkyil 'khor gyi mdun du bar khru ngo bor nas phyi rol gyi sa la dkyil 'khor gnyis pa gru bzhi la sgo gcig pa bri bar bya'o/ /zhes pa la don gzhan ni sngar bshad zin te/ 'dir don dngos su ma smos kyang spyi'i mtshan nyid ltar byas na nang gi dkyil 'khor gyis shar phyogs su gzhol na dbang bskur ba'i dkyil 'khor byang phyogs su bri bar bya/ nang gi dkyil 'khor byang phyogs su gzhol na dbang bskur ba'i dkyil 'khor nub phyogs su bri bar bya ste/ 'dir ni nang gi dkyil 'khor gyi mdun du dbang bskur ba'i dkyil 'khor bri bar mdza' gcig tu gsungs pas nang gi dkyil 'khor la dbang bskur ba'i chu mi 'byung bar bya ba'i phyir nang gi dkyil 'khor gyi byang phyogs su gzhol bar bya'o/ /'on te

  204. 102b

    shar phyogs su gzhol na yang bar sa brgal gyis bcad par bya'o/ /grwa bzhir rdo rje 'dzin sngar bzhin dgod de zhes pa ni rdo rje 'dzin pa de rnams dang 'og nas byang chub sems dpa' bzhi dang phyag brnyan bzhi 'byung ba rnams kyang de bzhin gshegs pa'i yon tan las gyur pa ste rnam par rtog pa med pa'i phyir spros pa med par gnas pa zhes pa'o/ /nam mkha' dri ma med pa ni stong pa nyid kyi spyod yul nam mkha' dang 'dra ba ste/ shes bya dang nyon mongs pa'i dri ma spangs pa'o/ /dri ma med pa'i mig ni gzung ba dang 'dzin pa 'am/ shes bya dang nyon mongs pa'i sgrib pa spangs pa'i shes rab can zhes pa'o/ /gos sna tshogs gyon pa ni ngo tsha bas sgrib par byed pas gos te/ gang zhig ngo tsha ba yod na mi bya ba rnams mi byed pa dang/ bya ba'i rigs pa rnams byed pa dang/ dam pa rnams kyis bsngags pa ste de lta bu'i ngo tsha dang ldan pa zhes pa'o/ /dbus su pad+ma chen po 'dab ma brgyad pa ze ba dang bcas pa bzhag ste zhes pa ni ye shes brgyad kyi phyag rgyar gyur pa'o/ /ze ba ni yon tan rnams so/ /'dab ma bzhi la byang chub sems dpa' grogs su gyur pa sngon gyi smon lam gyi mthu can du gyur pa bzhi gyi bar bya ste zhes pa ni byang chub sems dpa' de rnams de bzhin nyid kyi yon tan las gyur pa ste gnyis ni rang gi don phun sum tshogs pa/ gnyis ni gzhan gyi don phun sum tshogs pa'i rang bzhin te smon lam gyi dbang gis chos kyi rgyal po dbang bskur ba de'i pad+ma'i gdan gyi gnas su gyur pa'o/ /de la gzungs kyi dbang phyug rgyal po zhes pa la gzungs ni shes rab ste de'i rgyal por gyur pa'o/ /dran pa dang shes bzhin can ni shes rab de nyid mi gnas pa'i mya ngan las 'das pa'i rang bzhin sems can rnams la rgyun mi 'chad do/ /phan pa'i lhag pa'i bsam pa can ni sems can rnams la phan par sems pa'o/ /snying rje can ni snying rje'i dbang gis sems can rnams la phan par sems pa ste/ de gnyis ni gzhan gyi don phun sum tshogs pa'i rang bzhin

  205. 103a

    yin la/ snga ma gnyis ni rang gi don phun sum tshogs pa'i rang bzhin no/ /'dab ma gzhan rnams la ni phyag brnyan bzhi bri ste zhes pa yang de bzhin nyid kyi yon tan du shes par bya ste/ smon lam gyi dbang gis gyur pa ni gong ma bzhin no/ /sems can gyi khyad par la spyod pa ni gzhan gyi sems shes pa'i rang bzhin no/ /'dod pa yongs su rdzogs par byed pa ni sems can rnams kyi re ba yongs su rdzogs par byed pa zhes pa'o/ /ma chags pa dang rnam par grol ba zhes pa ni 'bras bu'i yon tan te stong pa nyid kyi rang bzhin ni chags pa med pa yin la/ chags pa med pas na rnam par grol ba'o/ /gong ma gnyis ni rgyu'i rang bzhin no/ /dbus su ni chos kyi dbyings bsam gyis mi khyab pa'i gzugs bzhag go zhes pa ni chos kyi dbyings kyi yi ge ra kha dog dkar po pad+ma'i snying po la bzhag go/ rin po che'i bum pa bzhi zhes pa ni gser dang dngul dang pad+ma rA ga dang/ ma ra ka ta'i bum pa gser dang dngul la sogs pa de dag gis brgyan pa'i bum pa bya'o/ /de ltar yang ma 'byor na de rnams kyi kha dog dang mthun pa'i sa'i bum pa bya ste/ de dag la sogs pa'i yo byad rnams 'byor bzhin du ji skad du 'byung ba bzhin ma sbyar na 'jungs pa'i sems dang ldan de sems ma dag pas lha rnams kyang byin gyis mi rlob ces gzhung las 'byung ngo/ /snying nas med kyang mi 'byor du mi rung snyam nas mi spobs te mi byed dam/ 'tsho ba'i yo byad dang nad kyi rkyen sman gyi zod yang mi 'jog par byed na yang dgongs pa 'am chog mi shes pa yin la/ 'tsho ba'i yo byad dang nad kyi rkyen sman gyi zong du snyad btags nas lhag par yod pa gtong mi phod na gong du spos pa dang 'dra ste/ mdor na sems la sgyu med pa'i gtsang sbra shes par bya'o/ /kun tu bzang po la sogs pa byang chub sems dpa' rnams kyis byin gyis brlabs pa yang slob ma de ngan song spang bar

  206. 103b

    bstan pa'i phyir thog ma nyid du ngan song thams cad spong ba'i byang chub sems dpa' i sngags kyis btab pa'i bum pas bkru'o/ /ngan song spangs nas zhes bya ba dang nyon mongs pa'i sgrib pa dang bral bar gyur cig pa'i don du/ de nas sgrib pa thams cad rnam par sel ba'i sngags kyis btab la bkru'o/ /de nas kun tu bzang po'i sa thob par gyur cig pa'i don du kun tu bzang po'i sngags kyis btab pas bum pa'i chus bkru'o/ /de nas chos kyi rgyal tshab du gyur cig pa'i don du byams pa'i sngags kyis btab pa'i bum pas bkru'o/ /pad+ma dam pa de la ni/ /sngags pa bdag gis de bzhag nas/ /zhes pa nas/ spos dang me tog bzang po yis/ /de la yang ni mchod par bya/ /zhes pa'i bar du don gzhan ni gong du bshad zin la/ /slob ma de dbang bskur bar bya ba'i tshe/ 'dir dngos su ma gsungs kyang dkyil 'khor du 'jug pa'i tshe na rdo rje sems dpa' i skur bsgyur te/ de las gzhan pa'i skur sgyur bar ma gsungs pas rdo rje sems dpa' i skur bsgyur te dbang bskur bar bya'o/ /dbang bskur ba'i tshe pad+ma'i gdan la bzhag pa yang 'khor los sgyur ba'i rgyal po'i 'dug thabs su bzhag ste/ rkang pa g.yon pa khri'i steng du bzhag la g.yas pa sa la bzhag cing/ lag pa g.yon pa khri la brten la g.yas pas pus mo la bzhag ste/ gdong yang mi mtho mi dma' bar drang por blta bar bya'o/ /de nas gser gyi thur ma ni zhes pa nas ling tog rgyal ba rnams kyi bsal zhes pa'i bar du rim pa gzhan ni gong du bshad la/ bu khyod kyi ni mi shes pa'i/ /ling tog rgyal ba rnams kyis bsal zhes pa ni sngon thos pa dang bsams pa'i shes rab kyi rgyud la sogs pa mi shes pa rgyal ba'i lung slob dpon gyis bshad pas mi shes pa bsal to zhes pa'o/ /'jig rten ling tog bsal ba bzhin zhes pa ni dpe ste/ de ltar mig gi sman pa'i rgyal pos 'jig rten pa rnams kyi mig gi rab rib bsal te gzugs la sogs pa'i rang dngos

  207. 104a

    po ji lta ba nyid du 'dug pa mi mthong ba las mthong bar byas pa bzhin du rgyal ba rnams kyis kyang bu khyod kyi ma rig pas chos rnams kyi mtshan nyid ji lta ba bzhin du 'dug pa mi shes pa las shes par bya'o zhes pa'o/ /de nas me long blangs nas su/ /chos kyi mtshan nyid bshad par bya/ /chos rnams gzugs brnyan lta bu ste/ zhes pa ni phung po dang khams dang skye mched la sogs pa'i chos rnams gzugs brnyan dang 'dra ste/ bltar yang snang la yang dag par brtags na dngos po yod pa ma yin pa'o/ /dang zhing zhes pa ni 'di ltar phung po la sogs pa'i chos rnams phung po'i rang bzhin du dmigs su med pas dang ba zhes pa'o/ /dag pa zhes pa ni shes bya dang nyon mongs pa'i sgrib pa dang bral ba'o/ /rnyog pa med pa'i sgrib pa dang de dag gi bag chags kyang med ces pa'o/ /gzung du med cing brjod du med/ /ces pa ni de lta bu'i stong pa'i rang bzhin la rnam par shes pa drug gis gzung du med cing tshig gis brjod pa las 'das pa'o/ /rgyu dang las las byung ba ste/ zhes pa ni phung po la sogs pa'i chos rnams rang bzhin gyis yod pa'i rang bzhin ma yin gyi/ rgyu dang las las byung bas na gzugs brnyan dang 'dra ste/ yod pa ma yin pas brjod du med pa la sogs pa'i tshig gong ma de rnams dang sbyar ro/ /ngo bo nyid med gnas med pa/ /de ltar chos 'di shes nas su/ /zhes pa ni gzugs brnyan dang 'dra bas rang bzhin med pa'o/ /rgyu dang rkyen las byung bas skad cig ma'i char mi gnas par shes pa ste/ chos rnams kyi mtshan nyid de ltar shes nas de lta bu'i tshul du sgom pa'i shes rab kyis bsgoms shig ces pa'o/ /sems can don ni mnyam med byos zhes pa nas/ chos kyi dung ni bla na med pa zhes pa'i bar ni de ltar bdag gi don phun sum tshogs nas gzhan gyi don phun sum tshogs par byos shig ces pa ste gong du bshad zin to/ /sangs rgyas

  208. 104b

    sras su skye ces pa ni khyod de bzhin gshegs pa'i ye shes las skyes so zhes pa'o/ /som nyi yid gnyis mi bya zhing/ /dogs pa med pa'i sems kyis khyod/ /ces pa ni chos kyi 'khor lo bskor zhing sems can gyi don bya ba de ltar yin nam ma yin snyam pa'i the tshom dang mi bya'o snyam pa'i yid gnyis mi skye ba dang/ 'khor rnams la bag cha ba med par 'jig rten pa rnams la gsang sngags sbyar ba'i tshul gyi chos rab tu sgrogs shig ces pa'o/ /de ltar byas na sangs rgyas la/ /phan thogs byas pa gzo zhes bya// zhes pa ni de ltar sems can gyi don byas na sangs rgyas rnams kyi bya ba byas pas byas pa dran zhing sangs rgyas la lan sngon par bshad do zhes pa'o/ /rdo rje 'dzin pa de kun yang/ /khyod la rnam pa kun tu srung/ /zhes pa ni dbang bskur ba'i dkyil 'khor grwa bzhir rdo rje 'dzin pa bzhi bkod pa dang/ pad+ma'i 'dab ma la bzhugs pa'i byang chub sems dpa' de rnams kyang las byas pa don yod do snyam nas srung bar byed do zhes pa'o/ /de nas slob ma de bslang la/ /sngags pa snying rjer gyur pa yi zhes pa nas/ shin tu nges pa'i yid kyi ni/ /de dag thams cad khas blang ngo/ /zhes pa'i bar gyis slob ma la dam tshig bstan pa ste/ de yang sngon dam tshig mnos pa dang ma mnos pa gnyis ka la bstan na/ /de la slob dpon dam tshig bzhi dang lnga dag tu ldan la/ las dang bya ba dag la sbyar brgyud la sogs pa dang dam tshig shes shing mnos zin pa la bstan ci dgos she na/ 'jig rten na rgyal po rnams kyang rgyal chos su bya ba rnams snga nas kyang shes shing srung mod kyi/ nam rgyal por dbang bskur ba'i tshe na yang slob dpon la sogs pas bstan cing gos bar byed do/ /de bzhin du 'dir yang snga nas kyang dam tshig 'di rnams srung mod kyi/ /chos kyi gyal por dbang bskur ba'i chos kyis bstan par bya'o/ /gnyis su na yang dang yang du bstan na brten par 'gyur pa'i phyir ro/ /de nas slob ma de bslang la//

  209. 105a

    sngags pa snying rjer gyur pa yi/ /yid kyis nang du bcug nas ni/ /de la dam tshig bstan par bya/ /zhes pa ni me long dang 'khor lo la sogs pa bstan pa'i gnas de nas slob ma de bslang ste slob dpon gyi slob ma'i gdugs bzung nas dkyil 'khor dang po'i sgo khyud kyi nang du khrid de sgo khyud kyi nang der bzhag nas 'og nas 'byung ba'i dam tshig rnams bstan par bya zhes pa'o/ /de ring phan chad bu khyod kyis/ /dam pa'i chos dang byang chub sems/ /srog gi phyir yang ? phyin chad/ /yongs su btang par mi bya'o zhes pa ni dam pa'i chos btang ba yang rnam pa gsum gyis 'gyur te/ theg pa chen po la log par bltas pa dang/ chos smra ba la mngon du dbang za zhing skur pa 'debs pa dang/ nyin re zhing dam pa'i chos nyan pa dang sems pa dang/ sgom pa dang/ 'bri ba dang/ klog pa dang/ mchod pa la sogs pa'i bya ba las gang yang rung bzhig ma byas na dam pa'i chos btang ba zhes bya ste/ de rnams khyod kyis srog gi phyir yang mi btang ngo zhes pa'o/ /de nas gzhan yang byang chub kyi sems btang bar mi bya'o zhes sbyar te/ byang chub kyi sems rnam pa bzhi las sems can rnams la phan pa'i phyir bdag sangs rgyas su gyur cig ces pa'i smon lam gyi sems dang chos thams cad stong pa nyid du rtag tu bsgom par bya'o zhes pa'i 'jug pa'i sems mi btang ba la bya'o/ /khyod kyi ser sna dang mi bya'o zhes sbyar te chos dang nor bdag la bdog cing gzhan la byin par rigs pa las mi sbyin par mi bya'o/ gang sems can la gnod par mi bya'o zhes te/ lus dang ngag dang yid gsum gyi sgo nas sems can rnams la 'phral gyi gnod pa dang yun gyi gnod pa mi bya zhes pa'o/ /slob mas bla ma'i dad pa la/ /dad cing gus par phyag byas nas/ shin tu nges pa'i yid kyis ni/ de dag thams cad khas blang ngo/ /zhes pa ni gong du slob dpon gyis dam tshig bsgo pa de rnams lus dang ngag dang yid gsum gyi sgo nas sgyu med par khas

  210. 105b

    blang ngo/ /zhes pa ste/ lus kyis slob mas bla ma'i rkang pa la/ /dad cing gus par phyag byas nas/ zhes pa'o/ /dag gis/ de dag thams cad khas blang ngo/ /zhes pa ste bka' stsal pa bzhin du bgyi'o zhes smra bar bya'o/ /sems kyis/ shin tu nges par yid kyis ni/ zhes pa ste/ slob dpon gyi ngo tsam du khas blang ba ma yin gyi/ sems thag pa nas so zhes pa'o/ /de yan chad kyi snying rje chen po 'byung ba'i dkyil 'khor gyi cho ga rnams rdzogs so// //da ni snying rje chen po 'byung ba'i dkyil 'khor der zhugs pa rnams kyi rjes su bsngags pa bshad de/ de yang/ de nas yang bcom ldan 'das la gsang ba pa'i bdag po phyag na rdo rjes 'di skad ces gsol to zhes pa nas/ bcom ldan 'das de ci'i slad du zhe na/ rigs kyi bu dang rigs kyi bu mo de dag nyid sangs rgyas bcom ldan 'das rnams su blta bar bgyi ba lags so zhes pa'i bar te/ bcom ldan 'das rigs kyi buAm rigs kyi bu mo gang snying rje chen po'i snying po 'byung ba'i dkyil 'khor gyi rgyal po chen po'i 'di'i dam tshig la zhugs par gyur pa de'i bsod nams ji tsam zhig mngon par 'dus bgyis par rig par bgyi zhes pa ni dkyil 'khor du zhugs shing dam tshig ma nos pa tsam 'ba' zhig la mi bya'i/ de bzhin gshegs pa'i sku la sogs pa mnyam pa nyid mi zad pa'i rdo rje'i rgyan de dag gi byin gyis brlabs par gyur pa snying rje chen po'i dkyil 'khor dang/ yi ge 'khor lo bskor ba'i dkyil 'khor dang/ gsang ba'i dkyil 'khor rnams de bzhin gshegs pa'i sku gsung thugs kyi mtshan mar gyur pa ste/ de dag nyid la dam tshig gsum zhes bya'o/ /dam tshig la zhugs pa zhes pa ni de'i rgyu dang rang bzhin dang 'bras bu la sbyor bar shes pa zhes pa ste/ de dag zhes pa yang rgyu shes pa ni sku mi zad pa la sogs pa'i rdo rje'i rgyan gyi rgyu byang chub kyi snying po yin par shes pa'o/ /rang bzhin shes pa ni sku mi zad pa la sogs pa nyid shes pa'o/ /'bras bu la sbyor ba ni gsang sngags kyi spyad pa

  211. 106a

    rnams kyis bla na med pa'i byang chub tu 'gyur ba 'am/ ji ltar bsams pa 'grub pa la sogs pa 'thob par shes nas de la sbyor ba ste/ de lta bur zhugs par gyur pa de'i bsod nams ji tsam zhig mngon par 'dus byas pa zhes zhus pa'o/ /sems dang po bskyed pa nas nye bar gzung ste de bzhin gshegs pa las byung pa'i bsod nams mngon par 'dus byas pa ji tsam pa rigs kyi bu 'am rigs kyi bu mo de dag gi bsod nams mngon par 'dus byas pa yang de tsam du rig par bya'o zhes pa ni sa dang po'i sems bskyed pa nas sa bcu gcig tu 'gyur ba'i bsod nams mngon par 'dus byas pa dang mnyam mo zhes pa ste ci'i phyir zhe na/ dam tshig de lta bu la zhugs pa ni mos pas spyod pa nas zhugs na mdza' de bzhin gshegs pa'i bar 'gyur ba'i phyir ro/ rigs kyi bu dang rigs kyi bu mo de dag ni de bzhin gshegs pa'i zhal dang thugs las skyes pa'i sras yin par rig par bya'o/ /zhes pa la zhal nas skyes pa ni 'jug pa'i sgo nas skyes pa ste/ zhal ni mos pas spyod pa'i sa la sogs pa ste/ de dag mos pas spyod pa'i sa la zhugs pa'i phyir ro/ /skyes pa ni de bzhin gshegs par 'jug pa'o/ /thugs las skyes pa'i sras zhes pa ni de bzhin gshegs pa'i spyod pa dang mthun par spyod pa'i phyir ro/ /rigs kyi bu 'am rigs kyi bu mo de dang phyogs gang na gnas pa der de bzhin gshegs pas chen po dgongs mi dgos par 'gyur ro zhes pa ni de dag gang na 'khod pa na sems can gyi don spyad pa ste/ sa phyogs der de bzhin gshegs pas sems can gyi don spyad pa chen po mi dgos so zhes pa'o/ / mgrin gcig tu zhes pa ni dus gcig tu smras pa dang/ smra ba'i tshig gcig pa dang/ smra ba'i bya ba'i don gcig pa dang/ sgra gcig tu 'byin pa'o/ /da ni dkyil 'khor la sogs pa bsrung ba la sogs pa rnams 'chad de/ sngags de rnams kyang de bzhin

  212. 106b

    gshegs pa'i gsung gi 'khor los khams gsum du khyab pa'i byin gyis brlabs su gyur pa ste/ de nas yang bcom ldan 'das rnam par snang mdzad kyis thams cad dang ldan pa'i 'khor de dag la gzigs nas zhes pa nas dus gsum du chags pa med pa'i stobs dang ldan pa'i gsang sngags kyi tshig dag yod do zhes bya ba'i bar ni khyad par de lta bu dang ldan pa'i gsang sngags kyi tshig yod kyis bshad de zhes pa'i tshig khong nas dbyung bar rig par bya'o/ /mdza' yas par 'jug pa rgya chen po las 'byung ba zhes pa ni sems can gyi khams thams cad du khyab par 'jug pa zhes pa'o/ /sna tshogs kyi gzugs kyi nor bu dang 'dra ba zhes pa ni yid bzhin gyi nor bu de gzugs sna tshogs su yang snang la/ sems can gyi ci 'dod pa thob pa'i bya ba sna tshogs byed de/ de bzhin du rig pa'i rgyal mo 'di yang sems can rnams kyi don du gzugs sna tshogs ston cing bya ba sna tshogs byed ces pa'o/ /bsod nams kyi tshogs dpag tu med pa bsags pa zhes pa ni de bzhin gshegs pa'i gsung de tshad med pa'i bsod nams kyi tshogs bsags pa las byung ba'i phyir ro/ /thogs pa med pa'i rtogs pa la gnas pa zhes pa ni sems can gyi khams thams cad ye shes kyi sgrib pa med par mkhyen zhes pa ste/ de bas na dus gsum chags pa med pa'i stobs dang ldan pa'i gsang sngags kyi tshig ces gsungs so /de nas bcom ldan 'das kyis de'i tshe sngags kyi dbang po 'dod pa thams cad yongs su rdzogs par zhes pa nas ting nge 'dzin la snyoms par zhugs so zhes pa'i bar gyis rig pa'i rgyal mo de yongs su sgrags pa'i phyir ting nge 'dzin la zhugs pa ste/ de ltar ting nge 'dzin du zhugs? pa yang bcom ldan 'das ting 'dzin de lta bu zhig la zhugs kyis/ ngo mtshar ba zhig 'byung ngo snyam nas sems can rnams lta ba dang nyan pa la gzud par bya ba'i phyir ro/ /ljags kyi dbang po 'dod pa thams cad yongs su

  213. 107a

    rdzogs par rnam par sprul pas thams cad dang ldan pa'i sangs rgyas kyi zhing kun tu g.yogs nas zhes pa ni ting nge 'dzin der 'jug pa'i phyir de bzhin gshegs pas bskal pa du mar bden pa'i tshogs bsags ba las byung ba de bzhin gshegs pa'i skyes bu chen po'i mtshan ljags rgya che bsrab pa kha dog zangs 'dra ba des khyab par byas zhes pa'o/ /rgya chen po zhes pa ni ting nge 'dzin de'i khyad par te/ khams gsum thams cad du khyab par byed pa'i phyir ro/ /yongs su dag pa zhes pa ni shes bya dang nyon mongs pa'i sgrib pa med pa'o/ /chos kyi rgyal mtshan zhes pa ni rgyal mtshan ltar gzhan las 'chags pa'i chos ston par brjod pa'o/ /tog ces pa ni ting nge 'dzin de nyid sngags kyi tshig ston pa'i mtshan nyid do/ /rtse mo la lta ba zhes pa ni khams gsum thams cad gzigs pas na rtse mo ltar mtho ba ste/ de dag ni ting nge 'dzin gyi khyad par ro/ /de bzhin gshegs pa thams cad kyi chos kyi dbyings khyab pa zhes pa ni khams gsum thams cad khyab pa zhes pa'o/ de bas na sems can gyi khams ma lus pa rnams yongs su skyab pa zhes bya ste/ bcom ldan 'das de lta bu'i sgra 'byin ba rig sngags kyi rgyal mo gsungs so zhes sbyar ro/ /sangs rgyas mkhas pa thams cad kyis/ /rig sngags 'di gsungs mod la ni zhes pa nas/ srin po 'jigs pa'i gzugs can ni/ /de dag thams cad 'jig par 'gyur/ /zhes pa'i bar gyis rig pa'i rgyal mo de'i mthu rjes su bsngags pa ste/ sems can thams cad bsrung ba dang/ /skyab cings pa ba'i phyir gsungs te/ /zhes pa ni/ bsrung ba ni gnod pa chung ngu las bsrung ba'o/ /sba ba ni gnod pa 'bring po las sba ba'o/ /skyab pa ni gnod ba chen po las sems can rnams skyob par byed ba'o/ /gang gi snying la bsrung gnas pa/ de dag la ni 'jigs pa med/ /ces pa ni sems can gang

  214. 107b

    rig pa'i rgyal mo 'di snying la dran na de la 'jigs pa med do zhes pa'o/ /de nas yang bcom ldan 'das kyis chos kyi dbyings rgya chen por byin gyis brlabs nas zhes pa nas de bzhin gshegs pa'i ljags kyi'o zhes pa'i bar gyis dkyil 'khor du dgos pa'i sngags rnams bshad pa ste/ de nas yang bcom ldan 'das kyis chos kyi dbyings rgya chen por byin gyis brlabs nas zhes pa la/ chos kyi dbyings la yang rnams pa gnyis te/ zab ba dang rgya che ba'o/ /de la zab ba ni byang chub kyi snying po'i rang bzhin no/ rgya che ba ni sku la sogs pa mi zad pa'i rdo rje'i rgyan gyi 'khor lo ste/ sku la sogs pa mi zad 'di 'khor lo de nyid byin gyis brlabs nas zhes pa'o/ /de'i tshe chos kyi mdzod kyi snying po can zhes bya ba'i ting nge 'dzin la snyoms par zhugs so/ /zhes pa ni ting nge 'dzin de'i bye brag ste/ chos kyi mdzod ces pa ni dam tshig gi sngags la sogs pa de las 'byung ba'i phyir ro/ /snying po zhes pa ni 'byung ba'i gnas te sngags de rnams 'byung ba'i gnas de yin no zhes pa'o/ /dam tshig la 'jug pa'i rig sngags 'byung ngo zhes pa la dam tshig ces pa ni kun tu 'gro ba 'am rtogs pa ste de yang sku la sogs pa mi zad pa'i rdo rje'i rgyan te de rtogs pa la 'jug pa ni rig pa 'di ste/ 'jug pa yang ma thob par 'jug pa dang/ thob nas zhig ste 'jug pa'o/ /de la ma thob par 'jug pa ni dkyil 'khor ma mthong ba dang por rig pa 'di blangs te 'jug pa'o/ /byang chub sems dpa' kun tu bzang po la sogs pa rnams kyang rig pa de brjod pa tsam gyis rang bzhin gyi dkyil 'khor de mthong bar 'gyur ro/ /thob nas zhig ste 'jug pa ni dkyil 'khor du zhugs zin pa bar gzhan gyis chod nas dam tshig gi sngags 'don pa'o/ /sngags de 'don pa yang de bzhin gshegs pa'i sku dang gsung dang thugs gsum gyi 'khor lo'i yon tan brjod pa de thos pa'o/ /de nas de ma thag tu sangs rgyas kyi zhing thams cad dang byang chub sems dpa' i

  215. 108a

    'khor gyi dkyil 'khor thams cad du dam tshig la 'jug pa'i rig sngags kyi sgra zhes pa la/ sangs rgyas kyi zhing thams cad ces pa ni 'dul ba'i 'gro ba phal rnams la'o/ /byang chub sems dpa' i 'khor gyi dkyil 'khor thams cad du zhes pa kun tu bzang po la sogs pa'i 'khor rnams la'o/ /gang zhig thos nas mkhas pa rnams chos thams cad las 'da' bar mi 'gyur zhes pa la dam tshig mi mkhas pa rnams kyis thos nas lung gi chos dang rtogs pa'i chos gnyis las mi 'da' ba ste/ lung gi chos las mi 'da' ba ni dam pa'i chos yongs su mi btang ba la sogs pa'i dam tshig rnams mi 'bral ba'o/ /rtogs pa'i chos las mi 'da' ba ni rang bzhin gyi dkyil 'khor de yid la byed pa mi gtong ba'o/ /chos kyi dbyings kun tu 'byung ba'i gsang sngags ni 'jug pa ste slob ma 'am/ bdag kyang rung ste stong pa nyid du bsgyur ba'o/ /rdo rje sems dpar byin gyis brlab pa'i sngags ni gnas pa ste/ ye shes lnga'i rang bzhin nam/ rdo rje sems dpa' nyid kyi skur gnas pa'o/ /rdo rje go cha'i sngags ni ldang ba ste/ sems can thams cad bde ba dang ldan pa'i byams pa chen po'i go cha bgos pa'o/ /de bzhin gshegs pa'i spyan gyi sngags ni slob ma mig g.yogs bkrol te dkyil 'khor ba ltar gzhug pa'o/ /byug spos kyi sngags ni de bzhin gshegs pa'i tshul khrims rnam par dag pa'i yon tan las gyur pa'o/ /me tog gi sngags ni byams pa chen po'i yon tan las gyur pa'o/ /bdug spos kyi sngags ni chos kyi dbyings dag? rjes? mthun pa'i ye shes kyi nyon mongs pa la sogs pa bsreg pa'i yon tan las gyur ba'o/ /mar me'i sngags ni de bzhin gshegs pa'i ye shes kyi 'di 'bar ba nam mkha' bzhin du rtsa ba snang ba las gyur pa'o/ /mchod yon gyi sngags ni chos kyi dbyings rnam par dag pa nam mkha' dang mnyam zhing mi mnyam pa las byung pa'o/ /gtsug tor gyi sngags ni de bzhin gshegs pa'i spyi gtsug bltar mi snang ba nam mkha' ltar mdza' med

  216. 108b

    pa las byung ba'o/ /de bzhin gshegs pa'i go cha'i sngags ni de bzhin nyid thob par byed pa'i lam gyi ye shes 'bar ba des shes bya dang nyon mongs pa'i sgrib pa dag sreg par byed pa las byung ba'o/ /kun tu 'bar ba'i sngags ni 'od kyi dkyil 'khor te/ de yang lam gyi 'bar bas shes bya dang nyon mongs pa'i sgrib pa bsregs par byed pa las byung ba'o/ /de bzhin gshegs pa'i ljags kyi sngags ni bden pa'i tshig gi chos la gnas pa las byung ba ste/ de bzhin gshegs pa'i spyan dang gtsug tor la sogs pa'i sngags de rnams 'og nas 'byung ba'i phyag rgya dang ldan par bya ste/ slob dpon nyid de bzhin gshegs pa'i skur ba sbyar na yang sngags de rnams kyis bsgyur bar bya'o/ /nam snying po 'bru gcig pa las bsgyur na ni 'di rnams kyang mi dgos so/ /slob ma dbang bskur ba na yang bum pa'i chus bkrus pa'i 'og tu sngags de rnams phyag rgya dang ldan par sbyar ro/ /bcom ldan 'das ji ltar na dkyil 'khor dri ba'i tshe na ni/ /bgegs rnams zhi bar 'gyur ba lags/ zhes pa ni thog ma dkyil 'khor 'dri ba ste/ sbyor ba'i tshe dang bris nas slob ma la sogs pa gzung pa'i las byed pa'i tsha dang/ slob pa la sogs pa btsun zen pa'i tshe bgegs byung na ji ltar bgyi zhes zhus pa'o/ /gsang sngags sgrub pa'i tshe na yang log 'dren rnams ni ma mchis 'gyur zhes pa ni dkyil 'khor ma bris kyang rung ste/ spyir sngags pa sgrub pa la bgegs byung na ji ltar zhi bar bgyi zhes pa'o/ /gsang sngags rnams kyang ji ltar bsgrug ces pa ni gsang sngags kyi sgrub pa'i bzlas pa'i yan lag bzhi la sogs pa ji ltar bgyi zhes pa'o/ /de'i 'bras bu ci 'drar 'gyur zhes pa ni gsang sngags bsgrub na de'i 'bras bu ci 'dra bar 'gyur zhes pa'o/ /bgegs ni rang gi sems las byung zhes pa nas/ tshangs pa'am 'on te brgya byin yang/ de yi mod la myur du 'tshig/ ces pa'i bar gyi bgegs zhi bar bya ba bshad pa ste/ de yang mtshan ma med pa dang/ mtshan ma dang bcas pa'o/ /mtshan ma med pa ni byang chub kyi sems bsgom pa'o/ /mtshan ma dang bcas pa ni 'phags pa mi g.yo ba'i gzugs su sgyur cing sngags dang phyag rgya dang dkyil 'khor du ldan par sbyar ba'o/ /sngon tshad ser sna bsten pa'i phyir/ bgegs ni rang gi

  217. 109a

    sems las byung/ /de yi rgyu ni gzhig pa'i phyir/ /zhes pa nas byang chub sems zhes bshad pa yin/ zhes pa'i bar ni bgegs ni chos dang zang zing gzhan la mi gtong bar 'jungs pa la brten pa'i bag chags rang gi sems la bsags pa las gyur te bgegs de'i rgyu ni ser sna yin no/ /de gzhig pa'i phyir byang chub kyi sems bsgom pa ni byang chub kyi snying po'i rang bzhin goms par bya ba ste/ stong pa nyid goms pas byas na ser sna'i dngos po 'am/ bgegs kyi dngos po dag dmigs su med pa'i sgo nas zhi bar 'gyur ro/ /gang du sems dang sems byung ba'i/ /zhes pa nas/ spros pa thams cad 'gag 'gyur pa/ /zhes pa'i bar ni byang chub kyi sems de nyid kyi khyad par te/ byang chub kyi sems de ni rnam par rtog pa la sogs pa spong zhing 'gog pa'i rang bzhin no zhes pa'o/ /sngags pas byang chub sems dran zhing/ /mi g.yo ba ni yid la bzlas/ /de yi phyag rgya bcings nas ni/ /bgegs rnams thams cad 'jig par 'gyur/ /zhes pa ni bgegs bsal ba'i thabs gnyis pa ste/ sngags pas byang chub kyi sems dran par byas nas 'phags pa mi g.yo ba'i sngags yid la bzlas par bya ste/ de'i snying gar rlung gi dkyil 'khor gyi nang na yi ge haM 'dug par bsams te yi ge haM gi sgras chos thams cad rgyu dang 'bras bur mi dmigs pa ni byang chub kyi sems dran pa'o/ /sngags bzlas pa ni yid la mi g.yo ba bzlos pa ste/ de ltar sngags de phyag rgya dang ldan par bzlas nas bsdigs na bgegs de 'byer bar 'gyur ro/ /gsang ba ba'i bdag po de la rlung bcing ba nyon cig /ces pa nas/ sngon gyi rgyal ba rnams kyis bshad/ ces pa'i bar ni rlung bcing ba'i cho ga ste/ bdag yi ge a las rnam par snang mdzad du bsgyur nas yid la 'phags pa mi g.yo ba'i snying po hi bsam zhing rlung gi phyogs su dri'i thig le bdun bya ba ni rlung gi rgyal po 'khor dang bcas pa ste/ 'khor

  218. 109b

    drug gi mdza' bskor nas rgyal po nyid dbus su bzhag la kun kyang ri dags la zhon pa kha dog sngon por bsams te/ de'i steng du khaM phor gyis bkab la/ /khaM phor de ri rab tu bsams te de'i steng du yi ge aM bsam zhing aM las dbang chen gyi dkyil 'khor gser gyi kha dog 'dra ba shin tu khro bar bsam mo/ /sems dpa' chen po chu yi yang zhes ba nas/ phyogs kun nas ni langs pa'i sprin/ de ma thag tu 'jig par 'gyur zhes pa'i bar gyis ni chu'i bgegs bsal ba ste/ bdag nyid yi ge raM las 'phags pa mi g.yo ba mdog dmar po 'bar bar bsams la sprin gyi gzugs sa la bris te de ral gri'i phyag rgyas btubs na 'jig par 'gyur ro/ /yang na sngags pa mi g.yeng bas/ /de dag phur bus gdab byas te/ /mkhas pa rdo rjer gyur nas su/ /thams cad rdo rje'i phur bus gdab/ /yang na bgegs rnams thams cad ni/ /zhi bar bya ba yang bshad de/ /zhes pa ni chu'i bgegs de nyid bsal ba'i phyir gzhan gsungs pa ste/ bdag nyid phyag na rdo rjer bsgyur la/ rdo rje rtse lnga pa'i phyag rgya bcings nas phyag rgya'i rtse sprin gyi gzugs la phur bus gdab pa'i thabs su btsugs na zhi bar 'gyur ro// yang na bgegs su gyur pa kun zhi bar 'gyur bar bya bar yang bshad do/ /sngags pa dkyil 'khor dbus gnas nas/ /zhes pa nas/ dogs pa med par 'chi bar 'gyur zhes pa'i bar gyis bgegs zhi bar byed pa'i thabs gzhan gsungs pa ste/ sngags pa 'phags pa mi g.yo ba'i gzugs su bsgyur nas de'i spags bzlas bar bya ste/ 'phags pa mi g.yo bar bsgyur ba'i snying gar rlung gi dkyil 'khor bsams te de la sngags gnas par bsam zhing sngags pa nyid dkyil 'khor chen po'i sgo khyung kyi nang du 'dug la der bgegs kyi gzugs bris te de'i spyi bor rkang pa g.yon pas btsir na bgegs zhi bar 'gyur ro/ /de'i gzugs brnyan byas nas su/ /zhes pa nas de'i mod la myur du 'tshig/ ces pa'i bar gyis kyang dgegs bsal ba'i thabs gzhan bshad pa ste/ bgegs kyi

  219. 110a

    gzugs byas la dug dang ske tsha bsres pas bskus te me la bskams na bgegs zhi bar 'gyur ro/ /de nas yang bcom ldan 'das la/ phyag na rdo rjes 'di skad ces gsol to/ zhes pa nas/ byang chub sems dpa' gsang sngags kyi sgo nas byang chub sems? pa'i spyad ba spyod pa rnam kyis kyang rang rang gi gnas dngos thams cad bsgrub bar bgyi/ zhes pa'i bar ni sngar bgegs bsal ba bshad pa'i skabs su 'phags pa mi g.yo ba rlung gi kha dog tu gnas te bskrad pa dang me'i kha dog tu bsgyur te bgegs bskrad pa dang/ kham phor la dbang chen gyi dkyil 'khor bsams nas rlung bcing bar bshad pa'i don phyag na rdo rjes mjal ba ni zhi ba dang rgyas pa'i las bya ba rnams la lha rnams rang rang gi dkyil 'khor la gnas nas zhi ba la sogs pa'i las rnams byed par 'jal te/ de ci'i slad du zhe na/ dam tshig gi tshul gyis de lta bu yin te lha rnams rang rang gi dkyil 'khor lo gnas par sbyar na gang du bsams pa de byin gyis kyang rlobs?/ las gang bya ba rnams kyang de bzhin gshegs pas ji skad gsungs pa bzhin du byed par 'gyur te/ de bas na sngags pa rnams kyang lha'i kha dog ci 'dra bar der bsgyur te las rnams bya bar 'jal? to zhes pa'o/ /bcom ldan 'das kyis bka' stsal ba/ gsang ba pa'i bdag po de de bzhin te/ ji skad smas pa de de bzhin no zhes pa ni phyag na rdo rjes mjal ba'i byin ci ma log par ma zas? to zhes pa'o/ /gang gi kha dog gang gsungs pa/ de nyid de'i dkyil 'khor te/ zhes pa ni lha rnams kyi kha dog ci 'dra ba de'i dkyil 'khor yang de 'dra bar bya'o zhes pa ste/ lha'i kha dog ser po ni dbang chen gyi dkyil 'khor la sbyar bar bya la/ /lha'i kha dog dkar po ni chu yi dkyil 'khor la sbyar bar bya zhing/ lha'i kha dog dmar po ni me'i dkyil 'khor la sbyar bar bya'o/ /lha'i kha dog sngon po dang nag po ni rlung gi dkyil 'khor la sbyar bar bya ste/ de rnams ni so so'i dkyil 'khor mdza' gcig tu'o/ /de las mchod pa'i yo byad

  220. 110b

    la sogs pas gzhan du sgyur? na rgyas pa'i lha yang zhi bar gyur/ zhi ba? yang khro bo la sogs par dgos pa'i dbang gis sgyur du rung bar shes par bya'o/ /lha la la ni kha dog thams cad dang lnga na pa ste/ dper na 'phags ni? ? sogs la gdegs ltung? grub? pas kha dog thams cad dang ldan pa ste/ dkyil 'khor kun dang las thams cad byed par shes par bya'o/ /de bzhin du dgos pa'i dbang gis mchod pa'i yo byad la sogs pas sbyar na rang bzhin so sor nges pa las kyang las thams cad dbyings zhes par bya'o/ /de la gsang ba po'i bdag po ma 'ongs pa'i dus na sems can blo zhan pa zhes pa nas nges sems can rnams la phan par bzheng nas 'di dag thams cad bshad do zhes bya bar ni mi shes so/ /zhes pa'i bar gyis ni lha rnams kyi kha dog gang yin pa dkyil 'khor yang de yin par gsungs pa na/ dbang chen dang me'i dkyil 'khor la sogs pa ni 'jig rten pa'i rgyud la yod kyi 'jig rten las 'das pa'i rgyud bya ba'i rgyud dang rnal 'byor gyi rgyud kun las mi 'byung bas na 'di ni sangs rgyas kyis gsungs pa la yin no zhes zer gang 'jig rten gyi rgyud rnams kyang sangs rgyas bcom ldan 'das thams cad mkhyen pas sems can rnams so so'i dad pa dang rjes su mthun par bshad do zhes mi shes pa'i phyir ro/ /zhes pa ste/ de ci'i phyir de ltar mi shes zhe na/ blo zhan cad dad pa chung ba la sogs pa'i nyes pas bskal pa'i phyir ro/ /chos rnam kyi ni chos kyi mtshan/ /blun po des ni nga mi shes/ /chos rnams kun gyi mtshan nyid ni/ /stong pa nyid du yang dag gsungs/ /shes pa ni de dag ni bdag nyid kyang ma rung la gzhan yang phung par byed pa yin no zhes bya ba dang sbyar ro/ /sngags pa rtag tu der gnas nas/ /rab tu nges bar las bya'o/ /zhes pa ni sngags pas stong pa nyid la gnas nas zhi ba la sogs pa'i las bya'o zhes pa ste/ stong pa nyid la gnas nas las bya ba yang gcig ni

  221. 111a

    mtshan ma med pa'i ting nge 'dzin la gnas nas de nyid kyis grub pa thob par 'gyur pa'o/ /gcig ni stong pa nyid kyi ting nge 'dzin mngon du byas nas de las langs te bzlas pa la sogs pa byas nas grub pa thob pa'o/ /de dag ni bgegs zhi bar bya ba'i skabs so/ /nga ni kun tu bzang po la sogs pa byang chub sems dpa' de rnams thog ma mos pas spyod pa'i sa la bugs pa'i tshe rang rang gi rnam par grol ba'i sgo gsang sngags kyi tshig bstan pa de nyid la goms par byas pas sa bcu dang sa bcu gcig la sogs pa yongs su rdzogs pa'i rang rang gi rnam par thar pa'i sgo ji ltar rtogs pa'i gsang sngags rnams snying rje chen po 'byung ba'i dkyil 'khor du dgod pa'i phyir smra bar 'dod nas bcom ldan 'das la gsol ba ste de nas phyag na rdo rje la sogs pa rdo rje 'dzin pa de dag dang zhes pa la sogs pas so/ /de nas bcom ldan 'das rnam par snang mdzad kyis byang chub sems dpa' de dag dang rdo rje 'dzin de dag la mi nyams pa'i chos nyid du byin gyis brlabs zhes pa ni byang chub sems dpa' de rnams mi 'gong ba 'am/ spobs pa skye bar byin gyis brlabs zhes pa'o/ /sangs rgyas kyi rgyan zhes pa ni byang chub sems dpa' kun tu bzang po ting nge 'dzin du zhugs nas spu'i khung du re re nas sangs rgyas re re 'byung ste/ de ltar lus las sangs rgyas grangs med par 'byung bar 'gyur ba de nyid la rgyan zhes bya'o/ /de bzhin du ting nge 'dzin rnams byang chub sems dpa' so so'i yon tan dang rjes su mthun par shes par bya ste/ de bzhin du gsang sngags rnams kyang de bzhin gshegs pa'i yon tan las byung zhing byang chub sems dpa' de rnams kyi so so'i rnam par grol ba'i sgo ste/ de dag nyid kyi tshig tu byin gyis brlabs par shes par bya'o/ de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas zhes pa nas/ rnam

  222. 111b

    rtog rnam par spangs te spyad par gyis/ zhes pa'i bar du sngar yi ge a rnam pa bzhi byang chub dang spyod pa dang kun tu sangs rgyas pa dang mya ngan las 'das pa'i ting nge 'dzin gyi sgo bshad pa ste/ de nyid kyi don byang chub dang spyod pa dang kun tu sangs rgyas pa dang mya ngan las 'das pa'i rang bzhin yang bstan pa ste/ de bstan pa 'dul ba'i 'gro ba rnams la la ni yi ge a la sogs pa'i yig 'bru'i sgo nas goms par byed la/ la la ni de'i don gyi sgo nas goms par byed de/ de bas na don 'di bstan pas byang chub la sogs pa'i rang bzhin khong du chud par bya bar don gyi sgo nas bstan to/ /re ba thams cad yongs su rdzogs par byed pa dus gsum mdza' yas pa'i sgo nges pa'i ye shes yongs su rdzogs par byed pa'i chos kyi tshig rnams gsungs so/ /zhes pa la re ba thams cad yongs su rdzogs par byed pa dus gsum mdza' yas pa'i sgo nges pa'i ye shes ni de bzhin nyid kyi ye shes la bya ste/ re ba thams cad yongs su rdzogs par byed pa zhes pa ni ye shes rnam par mi rtog kyang sngon gyi smon lam gyi shugs kyis sku mi zad pa'i rdo rje'i rgyan la sogs pas khams gsum thams cad du khyab par sems can thams cad la rjes su mthun par don byed do zhes pa'o/ /dus gsum mdza' yas pa'i sgo nges pa'i ye shes yongs su rdzogs par byed pa zhes pa ni nyan thos dang rang sangs rgyas dang byang chub sems dpa' la sogs pa'i ting nge 'dzin rnam pa mang po'i sgo nas stong pa nyid du 'jug cing ye shes nges par byed pa'o/ /yongs su rdzogs par byed pa'i chos kyi tshig rnams gsungs so/ /zhes pa ni ye shes de nyid yongs su rdzogs par byed pa'i tshig ste/ de yang mkha' ltar dri med ngo bo nyid med pa/ /zhes pa la sogs pa'i tshigs su bcad pa rnams te/ de rnams kyi don khong du chud na ye shes de yongs su rdzogs par 'gyur pa'i phyir ro/ /de la mkha' ltar dri med ngo bo nyid med pa/ /zhes pa ni byang chub kyi rang bzhin te/ ji ltar nam mkha' la rdul la sogs

  223. 112a

    pa'i sgrib pa'i dri ma med cing sngon po la sogs pa'i ngo bo nyid du gzung du med pa de bzhin du byang chub kyi rang bzhin la yang nyon mongs pa la sogs pa'i sgrib pa'i dri ma med cing de'i rnam pa ye shes kyis gzung du med pa'o zhes pa'o/ /rnam mang ye shes sna tshogs sbyin par byed/ /ces pa mi spyod pa'i rang bzhin te/ mngon par byang chub ba nyid kyi tshe na sngon gyi smon lam gyi shugs kyis sku mi zad pa la sogs pa'i rdo rje'i rgyan rnams sems can rnam pa mang po la ji ltar rjes su mthun par lung gi chos dang rtogs pa'i chos bdag ston te/ chos de dag bstan na sems can rnam pa sna tshogs pa de rnams kyis ye shes thob par 'gyur ba'i phyir ro/ /gnyis su na rgyu'i tshe'i spyod pa la yang bya ste/ rnam par dag pa'i chos de nyid la 'jug pa'i cho kun rdzob dang don dam pa'i ye shes thob par byed pa'i phyir ro/ /ngo bo nyid kyis rtag tu stong pa nyid/ /ces pa ni kun tu sangs rgyas pa'i rang bzhin la bya ste/ phyi gzung bar bya ba'i chos rnams kyang rang bzhin med na/ 'dzin par byed pa'i ye shes kyang med de/ de ltar gzung ba dang 'dzin pa'i cha gnyis ka spangs pa'i rang bzhin phyin ci ma log par yongs su grub pa'i mtshan nyid la bya'o/ /rkyen la rag las zab cing blta bar dga' / /zhes pa ni mya ngan las 'das pa'i rang bzhin la bya ste/ rkyen la rag las zhes pa ni gzhan gyi dbang gi mtshan nyid ye shes mar me'i rgyun dang 'dra ba skad cig ma'i rgyun mi 'chad par rten cing 'brel par 'byung ba'i rang bzhin shes pa'o/ /zab cing blta bar dka' zhes pa ni zab pa ni gzung ba dang 'dzin pa'i cha gnyis spangs pa stong pa nyid kyi rang bzhin no/ /de bas na stong pa nyid kyi rang bzhin de la sngon po la sogs pa'i rnam pa med pas blta bar dka' zhes pa'o/ /khyad par 'gro ba rnams la rtag par zhes pa nas/ de las go 'phang rnyed dka' gzhan med do zhes pa'i bar ni byang chub kyi rang bzhin rnam par dag pa'i chos nyid de la 'jug cing goms

  224. 112b

    par byed ba na de'i 'bras bu thob pa'i rim pa bshad pa ste/ khyad par 'gro ba rnams la rtag pa ru/ /rnam par bsams pa'i 'bras bu mchog sbyin byed/ /ces pa ni rnam par dag pa'i chos nyid de la nyan pa dang bsams pa dang goms par byas na 'jig rten gyi rgyal po dang longs spyod la sogs pa bde ba'i mchog thob par 'gyur ro zhes pa'o/ /ji ltar nam mkha' chags med spyod yul can/ /'gro ba kun gyi gnas su gyur pa ltar/ /de bzhin rnam par dag pa'i chos nyid 'di/ /srid gsum ma lus 'byor pa 'byung bar byed/ /ces pa ni rnam par dag pa'i chos nyid de la mos pas spyod pa'i sa la gnas nas goms par byas na khams gsum gyi dbang po mngon par mtho ba'i mtshan nyid thob par 'gyur ro zhes pa ste/ rnam par dag pa'i chos de rnam par mi rtog kyang de lta bu'i 'bras bu 'byung ste dag pa ni dper na mkha' rnam par mi rtog kyang 'gro ba thams cad kyi gnas byed ba bzhin du rnam par dag pa'i chos nyid de yang rnam par mi rtog bzhin du khams gsum gyi 'byor ba 'byung bar byed de/ de bas na/ ji ltar nam mkha' chags med spyod yul can/ /'gro ba kun gyi gnas su 'gyur ba ltar/ /de bzhin rnam bar dag pa'i chos nyid 'di srid gsum ma lus 'byor par 'byung bar byed/ /ces gsungs pa yin no/ /mchog skyes mkhas pa gang zhig 'dir spyod na/ /rgyal ba kun dang spyod yul gcig par 'gyur/ /zhes ba ni sa rab tu dga' ba la gnas pa rnams kyis goms par byas na de'i 'bras bu sangs rgyas rnams dang spyod yul gcig par 'gyur ro/ /rgyal bas ji skad gsungs pa'i chos nyid ni/ /shin tu rnam dag thams cad snang byed pa/ /de las go 'phang rnyed dka' gzhan med do/ /zhes pa ni sangs rgyas thob pa ni 'bras bu ste/ sangs rgyas pa la rnying par dka' ba gzhan mar cing/ 'jig rten gyi khams thams cad du thams cad mkhyen pa'i ye shes kyis khyab par snang bar mdzad pa'i phyir ro/ /rgyal bas ji skad gsungs pa'i

  225. 113a

    chos nyid ni/ /shin tu rnam dag ces pa ni de lta bu'i chos nyid rnam par dag pa bcom ldan 'das rnam par snang mdzad kyis gsungs so zhes pa ni sdud pa po'i tshig go /yangs pa'i chos ni zab la 'grib med cing/ /mnyam med 'jig rten phan byed de la ni/ /rnam rtog rnam par spangs te spyad par gyis/ /shes pa la de lta bu'i rang bzhin gyi chos de la rnam par rtog pa spangs te spyad par gyis shig ces pa'o/ /yangs pa'i chos ni zab la 'grib med cing zhes pa ni chos nyid rnam par dag pa de rgya che zhing mi 'gyur bar yongs su grub pa'i mtshan nyid yin pas 'grib pa 'am 'gog pa med ces pa ste/ chos nyid de'i rang bzhin spyir bstan pa'o/ /gsang ba pa'i bdag po de la 'dod pa'i khams kyi dbang phyug la myos par byed pa zhes bya ba'i rig sngags yod de zhes pa nas/ 'di lta ste dper na gsang sngags kyis ni me'i tsha ba med par byas nas grang bar byed par 'gyur ro/ /rigs kyi bu dag dpe'i tshig 'di rnams kyis gsang sngags kyi mthu la mngon par dad par bya'o/ /zhes pa'i bar gyis sngags kyi rgyu dang rang bzhin dang mthu dang 'bras bu rnams bshad la/ rgyu dang rang bzhin ni gong du yi ge la sogs pa'i nang du bshad do/ /skabs 'dir ni sngags kyi mthu bstan par bshad de/ de yang sgrub pa po yid gnyis dang the tshom can gang dag sgrub pa la the tshom du gyur pa dang/ grub pa thob pa ma mi thob snyam du the tshom za ba 'og nas 'byung ba'i sngags kyi mthu rnams bstan pas bsal te/ de la rab ni 'dod pa'i khams kyi dbang phyug chen po'i rig sngags kyis lha'i bu thams cad spyod par 'gyur ba dang/ gzugs khams kyi dbang phyug chen po la yi mgyogs zhes bya ba'i rig sngags las byung ba'i mthu ste gnyis bshad do/ /mig 'phrul mkhan gyi sngags kyis spyod pa dang lha ma yin gyi sngags kyis sgyu ma la sogs rnams mthu 'bring du bshad do/ /dug

  226. 113b

    dang rims la sogs pa med par byed pa dang ma mo rnams kyi sngags kyis 'chi bar byed pa dang/ me'i tsha ba med par byas nas kyang grang mor byed pa rnams mthu tha mar bshad do/ /gsang ba pa'i bdag po de la 'dod pa'i khams kyi dbang phyug la myos par byed pa zhes bya ba'i rig sngags yod de zhes pa ni 'dod pa ni gzugs dang sgra dang/ /dri dang ro dang reg bya rnams la sbyor ba'o/ /khams kyi dbang phyug la zhes pa ni 'dod pa'i khams kyi lha'i gnas rim pa drug gi dbang phyug la myos par byed pa zhes bya ba'i rig sngags yod de/ khams der skyes pa rnams rang bzhin gyis rig sngags dang ldan pas rig sngags de bsam pa 'am/ brjod pa tsam gyis 'dod pa lnga'i longs spyod dang ldan par 'gyur ro/ /des 'dod pa na spyod pa'i lha'i bu thams cad myos pas brgyal bar byed cing zhes bya ba myos pa zhes pa ni mi dran zhing dbang po? mi gsal bar gyur pa ni ma yin gyi/ rig sngags de'i mthus lha'i bu rnams 'dod pa lnga'i longs spyod la chags shing zhen phan 'gyur/ 'dod pa'i dbang du gyur pas na 'dod pas myos pa zhes bya'o/ /me tog mang po sna tshogs dang ldan pa'i/ sa phyogs nyams dga' ba rnams kyang ston zhes pa ni de la me tog sna tshogs ni ldum ra dang me tog gi tshal dang yid du 'ong ba'i skyed mos tshal dang/ me tog dang tshal de dag kyang dri zhim zhing kha dog shin tu mdzes pas brgyan pa'o/ /sa phyogs nyams dga' ba ni kun dga' i ra ba dang/ rin po che sna tshogs kyis brgyan pa'i lding khang la sogs pa sngon pa'o/ /yongs su spyar ba dang nye bar spyad pa rnam par dad pa sna tshogs rnams kyang mngon par sprul nas zhes pa ni 'dod pa rnam pa lnga'i longs spyod dang nye bar spyad pa ste/ bza' nga'i kha zas dang lha'i gos rab tu bzang zhing 'jam pa la sogs pa rnams so/ /mngon par sprul pa ni gnas de na lha'i bu rnams rang rang gi rig sngags kyi mthus 'dod pa rnam pa lnga'i longs spyod 'byung ba la bya'o/ /gzhan 'phrul dbang byed kyi lha rnams la

  227. 114a

    yang sbyin la bdag nyid kyang yongs su spyod do zhes pa de la gzhan 'phrul dbang byed ces pa ni rang gi mthu las 'dod pa rnam pa lnga'i longs spyod 'byung ba rnams lha'i bu mo rnams la sbyin la de dag kyang yongs su spyod do/ /de bzhin du byang chub sems dpa' yang de bzhin gshegs pa la mchad pa la sogs pa yid bzhin du spyod kyang bdag nyid de lam chags par spyod do/ /'di lta ste/ lha'i bu dbang phyug chen po la yid mgyogs zhes bya ba'i rig sngags yod de zhes bya ba ni rig sngags de bsams pa tsam gyis sems can gyi don bya ba dang/ ji ltar 'dod pa'i gnas de dag tu skad cig yud tsam gyi phyin par 'gyur ba na yid mgyogs shes bya'o/ /des stong gsum gyi stong chen po'i 'jig rten gyi khams su sems can gyi dgos pa byed cing zhes pa de la stong gsum gyi stong chen po ni steng 'og kun la bya ba 'am/ de ma yin par gzugs kyi khams stong gsum gyi stong chen po'i 'jig rten gyi khams la bya la/ stong gsum ni gzhung las grags pa'o/ /sems can gyi dgos pa ni gzugs kyi sems can rnams la rig sngags de'i mthus 'og nas 'byung ba'i longs spyod la sogs pa sems can rnams kyi don byed pa'o/ /nye bar spyad pa dang yongs su sbyad pa thams cad kyang mngon par sprul nas zhes pa ni de la kha zas kham gyi za ba dang dri la sogs pa khyad par du mi spyod la/ longs spyod gzhan ni lhag ma dang 'dra'o/ /gnas gtsang ma'i rigs kyi lha'i bu rnams la la yang sbyin la bdag nyid kyang kun tu spyod do/ /zhes pa gzugs kyi khams de na gnas gtsang ma'i rigs kyi lha rnams la yang sbyin la/ bdag nyid kyang rig sngags kyi mthu las byung ba'i longs spyod la spyod pa'o/ /'di yan chad ni rig sngags kyi mthu rab tu bstan pa yin no/ /'di lta ste dper na mig 'phrul mkhan ni gsang sngags rnams kyis kun dga' i ra ba dang mtsho dang 'bab chu dang

  228. 114b

    mi la sogs pa rnam pa tha dad pa sna tshogs ston to/ /zhes pa ni mig 'phrul gyi sngags kyi mthu bshad de/ de yang gang zhe na/ mig 'phrul mkhan ni gsang sngags rnams kyis zhes pa ni dbang po la sogs pa'i lha rnams dang lha ma yin 'thab pa'i tshe na sngags kyis grangs med pa'i lha'i dbang po rnams su sprul nas lha ma yin rnams kyi mig bslu ba dang/ gang la brgal ba'i gtol med par mig 'phrul gyi mthus byed pa'o/ /mig 'phrul gyi sngags kyi mthu las kun dga' i ra ba bzang po dang/ mtsho dang 'bab chu dang mi la sogs pa sngags kyi mthus mngon par spyod cing ston to/ /'di lta ste dper na lha ma yin rnams ni gsang sngags kyis sgyu ma rnams ston to/ /zhes pa ni lha ma yin gyi sngags kyi mthu bshad de/ de yang gang zhe na/ lha ma yin dang dbang po la sogs pa'i lha rnams 'thab pa'i tshen lha ma yin gyi sngags kyi mthus lha ma yin grangs med par sprul pa dang/ sgra gcan gyi gzugs lha ma yin gyi gnas nas ri'i rgyal po ri rab las 'phags pa'i lus su gyur nas lha rnams skrag pa dang/ mthus byin gyis brlabs pa'i sgyu ma rnams ston pa'o/ /gang du dbang po la sogs pa'i mig 'phrul gyi sngags kyi mthu bshad pa dang/ lha ma yin gyi sngags kyi mthu bshad pa gnyis ni mthu 'bring po bshad pa yin no/ /'di lta ste dper na gsang sngags dag gis ni dug dang rims la sogs pa med par 'gyur ro/ /zhes pa ni mi rnams kyi sngags kyi mthu bshad de/ de yang gang zhe na/ de sngags de nyid kyi mthus dug thams cad dang rims la sogs pa'i nad thams cad med par byed pa la bya'o/ /'di lta ste dper na ma mo zhes bya ba'i lha mo rnams ni gsang sngags kyis sems can rnams la nang 'gro ba gtong ngo zhes pa ni ma mo bdun po rnams kyi gsang sngags kyi mthu bshad de/ de yang gang zhe na/ dbang po la sogs pa'i lha rnams dang lha ma yin rnams 'thab pa'i tshe lha rnams kyis lha ma yin thub par ma byung na dbang po

  229. 115a

    dang tshangs pa la sogs pa so so las ma mo zhes bya ba'i lha mo bdun sprul te/ lha mo bdun po de rnams kyis mtshon gyis btab pa'i khrags la ma lhung par 'thungs pa dang/ gdong lha ma yin rnams zhi bar 'gyur ba la yar bya la/ bdun po'i gsang sngags des gnod pa'i las rnams byed pa'i tshe ma mo rnams kyi sngags kyi tshig bzhin byas na sems can 'chi bar byed pa dang lha dang lha ma yin du 'thab pa'i tshe 'jig rten na sems can rnams dge ba spyod pa mang zhing bsod nams che na lha rnams rgyal bar 'gyur la/ dge ba spyod pa nyung zhing mthu chung na lha ma yin rnams rgyal bar 'gyur te/ de la lha rnams rgyal bar gyur na gang zla ba dang nyi ma gzas? zin pa'i dngos grub rnams kyang 'thob/ lha ma yin rnams rgyal na sems can gyi khams su sngags kyi mthus sems can rnams 'chi bar byed pa'i rims nang rnams 'byung bar byed pa'o/ /'di lta ste dper na gsang sngags kyis ni me'i tsha ba med par byas nas grang par byed par 'gyur ro/ /zhes pa ni sngags kyi mthus me 'bar ba'i nang du zhugs kyang tshig pa dang gdung ba la sogs pa med cing chu'i nang du 'gro ba dang 'dra ste gang bar 'gyur ro/ /rigs kyi bu dag dpe'i tshig 'di rnams kyis gsang sngags kyi mthu la/ mngon par dang par bya'o zhes pa ni gong du mthu rab 'bring rnam pa gsum bstan pa la gang ma dang pa rnams dang par 'gyur ba dang/ the tshom dang yid gnyis za ba rnams kyi the tshom bsal nas gsang sngags kyi mthu la mngon par bya'o zhes bskul ba'o/ /gsang sngags kyi mthu de yang gsang sngags rnams las byung ba yang ma yin zhes pa nas/ rtag tu rgyun mi 'chad par gsang sngags kyi tshul gyi rjes su 'jug par bya'o zhes pa'i bar gyis sngags kyi rang bzhin bshad de/ de yang gang zhe na/ gsang sngags kyi mthu de yang gsang sngags rnams las byung ba yang ma yin zhes

  230. 115b

    pa ni gsang sngags kyi mthu de gsang sngags kyi yig 'bru las byung ba yang ma yin te/ gal te gsang sngags kyi yig 'bru la yod na ni gsang sngags kyi glegs bam la sogs pa rkun pos kyang mi thob mes kyang tshig par mi 'gyur te/ de bas na sngags kyi yig 'bru las mthu 'byung ba yang ma yin no/ /rdzas la 'jug pa yang ma yin zhes pa ni ral gri dang 'khor lo dang ril bu la sogs pa'i rdzas rnams la ste/ rdzas de rnams la gsang sngags kyi mthu zhugs nas grub pa 'byung ba yang ma yin zhes pa'o/ /sbyor ba po las dmigs pa yang ma yin zhes pa ni sgrub pa la 'jug pa'i sbyor ba de nyid las gsang sngags kyi mthu 'byung ba yang ma yin te/ gal te sgrub pa la 'jug pa las byung ba yin na ni grub zin pa yin pas sgrub mi dgos so zhes pa'o/ /rigs kyi bu dag 'on kyang gsang sngags kyi byin gyis brlabs kyi chos nyid 'byung ba las 'da' bar yang mi 'gyur te/ dus gsum las 'das pa'i phyir dang rten cing 'brel bar 'byung ba zab mo bsam gyis mi khyab pa las mngon par grub pa'i phyir ro/ /zhes pa ni de bzhin gshegs pa rnams 'jig rten du byung yang rung ma byung yang rung ste gsang sngags kyi chos nyid ni thams cad du gnas pa'o/ /zhes bshad de/ rigs kyi bu dag 'on kyang gsang sngags kyi byin gyis brlabs kyis chos 'byung ba las 'da' bar yang mi 'gyur te dus gsum pas? 'das pa'i phyir zhes pa ni dus gsum ste snga ma 'das pa'i dus na grub pa'i rang bzhin yin na ni ma 'ongs pa dang da ltar gyi dus na grub par mi 'gyur la/ gal te ma 'ongs pa'i dus dang bltar gyi dus na grub pa'i rang bzhin yod na ni snga ma 'das pa'o dus na yang grub par mi 'gyur te/ de bas na sngags grub pa'i rang bzhin ni dus gsum gang la yang gnas pa ma yin pa'i phyir dus gsum las 'das pa'o/ /rten cing 'brel par 'byung ba zab mo bsam gyis mi khyab pa

  231. 116a

    las mngon par grub pa'i phyir ro/ /zhes pa ni dper na me tog sna tshogs dang 'dra ste sa bon dang myu gu dang lo ma'i tshe kha dog sngon po la sogs pa gzhan la/ me tog tu gyur pa'i tshe kha dog gzhan du gyur ba lta bu dang ba lta bus rtsa rtsub mo dang sngon po la sogs pa zos kyang 'o ma 'jam zhing dkar ba'i rang bzhin du gyur pa lta bu ste/ de lta bas na sngags kyi dngos grub ni gang la yang mi gnas mod kyi zab mo bsam gyis mi khyab pa'i chos nyid dang rgyu dang rkyen gcig tu tshogs pa sngags kyi chos nyid kyis byin gyis brlabs las grub pa rab 'bring rnam pa gsum la sogs pa thob par 'gyur ro/ /sngags kyi byin gyis brlabs pa'i chos nyid las 'byung ba las 'da' bar yang mi 'gyur te zhes pa ni byin gyi rlob pa yang mi 'gyur bar bshad de/ byin gyis brlabs zhes pa gang grub pa nyid la chos nyid kyis byin gyis rlob cing grub pa thob pa de yang brtan zhing mi 'gyur ba'o/ /rigs kyi bu dag de lta bas na chos bsam gyis mi khyab pa'i ngo bo nyid rtogs par khong du chud pas rtag tu rgyun mi 'chad par gsang sngags kyi tshul gyi rjes su 'jug par bya'o zhes gsungs pa yin no/ /de nas yang bcom ldan 'das dus gsum du chags pa med pa'i stobs kyi gzhi byin gyis rlob pa zhes pa nas yang dag par rdzogs pa'i sangs rgyas kyi snying po'i tshig gis mtshan pa rnam par rig pa'i dbyangs kyi sgra gcig nas gcig tu mngon par grag go zhes pa'i bar gyis byang chub kyi rang bzhin yan lag bzhi dang ldan pa'i rten ston pa'i yi ge a rnam pa bzhi bcom ldan 'das kyis gsungs pa/ a rnam pa bzhi sngar yang bshad na/ ci'i phyir 'dir yang bzlas te gsungs she na/ sngar bshad pa ni don dam pa'i ting nge 'dzin gyi sgor gyur pa'i yig 'bru re re ba spyir bshad pa ste/ 'dir yang bzlas te gsungs pa ni gsang sngags sgrub pas de'i don bsgom zhing bzlas par bya ba'i phyir

  232. 116b

    khyad par du gsungs pa yin no/ /de la dus gsum du chags pa med pa'i stobs kyi gzhi byin gyis rlob pa de bzhin gshegs pa'i gnas bsam gyis mi khyab pa'i rgyan rnam par dag pa'i snying po can zhes bya ba'i ting nge 'dzin la snyoms par zhugs so zhes pa ni a rnam pa bzhi po de gsung ba'i phyir bcom ldan 'das ting nge 'dzin du zhugs pa ste/ de rnams kyis kyang don dam pa dang kun rdzob kyi don dam pa gnyis ston te/ de la don dam pa ston pa ni yi ge a de'i sgo nas de bzhin nyid ston pa'o/ /kun rdzob tu ston pa ni yi ge a de las skyes bu chen po'i mtshan sum cu rtsa gnyis 'byung bar bstan pa ste/ gang gi phyir yi ge brgya pa'i le'u las a 'di rnams las ka la sogs pa sum cu rtsa gnyis spros par bshad pa de yi ge sum cu rtsa gnyis po de rnams kyang skyes bu chen po'i mtshan sum cu rtsa gnyis su blta'o/ /zhes 'byung ba'i phyir ro/ /ting nge 'dzin 'di las don rnam pa gnyis su ston pa'o/ /de la dus gsum du chags pa med pa'i stobs kyi gzhi zhes pa ni don dam pa ni de bzhin nyid de yi ge a rnam kyi rten du bstan par bya ste/ dus gsum du chags pa med pa'i stobs zhes pa ni de bzhin nyid kyi rang bzhin mi 'gyur bar yongs su grub pa'i mtshan nyid yin pas nam mkha' dang 'dra ba ste/ dus gsum du thogs pa med pa'i mthu dang ldan pa zhes pa'o/ /gzhi zhes pa ni de bzhin nyid kyi rang bzhin te/ yi ge a'i 'brur byin gyis rlab pa ste/ 'khor ba'i mdza' ji srid kyi bar du yi ge a rnams su lhag par gnas zhes pa'i don te de ni don dam pa bstan pa'o/ /de bzhin gshegs pa'i gnas bsam gyis ma khyab pa'i rgyan rnam par dag pa zhes pa ni kun rdzob tu yi ge a las skyes bu chen po'i mtshan sum cu rtsa gnyis rnams 'byung bar bstan pa ste/ de bzhin gshegs pa'i gnas bsam gyis mi khyab pa zhes pa ni de bzhin gshegs pa'i skus bsam gyis mi khyab pa ste/ de

  233. 117a

    bzhin gshegs pa'i sku las rdzu 'phrul sna tshogs bsam gyis mi khyab pa 'byung ba'i phyir ro/ /rgyan zhes pa ni skyes bu chen po'i mtshan sum cu rtsa gnyis rnams te mtshan de rnams kyang a bzhi po 'di las byung bas na rgyan zhes pa a 'di rnams nyid la bya'o/ /rnam par dag pa zhes pa ni mtshan sum cu rtsa gnyis po de rnams yul na gnas pa dad gsal ba dang kun tu rdzogs pas na rnam par dag pa zhes bya'o/ /snying po can zhes pa ni 'byung ba'i gnas zhes pa'i don? te de lta bu'i don dam pa dang kun rdzob kyi don ston cing byung ba'i yi ge a rnam pa bzhi po ting nge 'dzin 'di las byung bas na ting nge 'dzin de dus gsum du chags pa med pa'i stobs kyi gzhi byin gyis rlob pa de bzhin gshegs pa'i gnas bsam gyis mi khyab pa'i rgyan rnam par dag pa'i snying po can zhes bya'o/ /chos kyi dbyings ma lus pa ji snyed yod pa rnam par rig par byed pa'i sgra rnams las chos kyi dbyings kyi gnas kyi stobs/ mi mnyam pa dang mnyam pa'i stobs/ /yang dag par rdzogs pa'i sangs rgyas kyi mos pa las byung ba gnas skabs bzhi dbyangs gcig las byung bas chos kyi dbyings thams cad khyab par byas te nam mkha' dang mnyam par gyur nas byung ba zhes pa la/ chos kyi dbyings ma lus pa ji snyed yod pa rnam par rig par byed pa'i sgra zhes pa ni gnas skabs bzhi dbyangs gcig las byung ba zhes pa dang 'brel te/ a bzhi po 'di ma skyes pa'i sgra 'byung ba las rnam par rig pas na bum pa la sogs pa'i chos rnams kyi tshig thams cad kyang ma skyes pa'i tshig tu 'du bar 'gyur ba'i a bzhi po chos kyi dbyings kyi gnas kyi stobs zhes bya ba la sogs pas bye brag tu gsungs te/ a de rnams chos kyi dbyings kyi tshig tu gyur pas na chos kyi dbyings kyi gnas zhes bya'o/ /stobs zhes pa ni chos kyi dbyings kyi tshig las gzhan du mi 'gyur bas mthu dang ldan pa'i phyir ro/ /mi mnyam pa

  234. 117b

    dang mnyam pa'i stobs zhes pa ni de dag mthu phun sum tshogs par bstan pa'o/ /yang dag par rdzogs pa'i sangs rgyas kyi mos pa las byung ba zhes pa ni de bzhin gshegs pas rgyu'i tshe na yang dag par rdzogs pa'i sangs rgyas kyi yon tan rnams la mos pa ji lta ba bzhin du mngon par byang chub pa'i tshe na yongs su rdzogs par gyur ba de las yi ge a bzhi po 'di 'byung ba'i phyir ro/ /dbyangs gcig las byung bas zhes pa ni bum pa la sogs pa'i so so'i tshig rnams ma skyes pa'i sgra gcig du las byung ba'i phyir ro/ /chos kyi dbyings thams cad khyab par byas te nam mkha' dang mnyam par gyur nas zhes pa ni ma skyes pa'i sgras chos kyi dbyings thams cad nam mkhas khyab pa dang 'dra bar byas nas zhes pa 'am/ chos kyi dbyings nam mkha' i mdza' dang mnyam par khyab par byas nas zhes pa ste/ chos kyi dbyings zhes pa 'di yang 'jig rten gyi khams rnams su rig par bya'o/ /yi ge a ni byang chub kyi rang bzhin te rnam pa bzhi ni byang chub de yan lag bzhi dang ldan pa ste byang chub dang/ spyod pa dang/ kun tu sangs rgyas pa dang/ mya ngan las 'das pa rnams su rim pa bzhin du blta bar bya'o/ /de dag byung ma thag tu de nas yang chos kyi dbyings thams cad des par sgrogs pa'i sgo dag nas yang dag par rdzogs pa'i sangs rgyas kyi snying po'i tshig gis mtshan pa rnam par rig pa'i dbyangs kyi sgra gcig nas gcig tu mngon par gag go /zhes pa ni snying po de rnams gsungs pa dang 'jig rten gyi chos rnams kyi sgra las de bzhin gshegs pa'i tshig gis mtshan pa ma byung ma skyes pa'i sgra sgrog pa byung ngo/ /byang chub sems dpas de thos nas/ zhes pa nas/ nang gi bdag nyid rnam dag pas rtag tu mngon pa dang? brtson par bya zhes pa'i bar gyis de ltar ma skyes pa'i sgra 'jig rten gyi bams thams cad du khyab pa byang chub sems dpa' rnams kyis thos nas ngo mtshar du gyur te de'i rjes su bsngags pa bcom ldan 'das la slar gsol ba'o/ /de nas

  235. 118a

    yang dag par rdzogs pa'i sangs rgyas kyi snying po rnams sgrub pa 'byung ste/ zhes pa nas nam mtshan ma byung gi bar ji srid du 'dug par bya'o/ /zhes pa'i bar gyis sgrub pa'i sngon rol du byang chub kyi sems bsgom par bya ba ?/ de yang skyed mos tshal lam gtsug lag khang la sogs pa'i gnas ming smos pa 'am/ de las gzhan pa'i gnas bdag nyid sems gang du dga' bar 'dug ste bsgom mo/ /de la skyed mos tshal dang phug ni lus dben par bya ba'i gnas so/ /gtsug lag khang ni sems dben na lus mi dben kyang bla ste sems dben pa'i gnas so/ /yid gang du dben pa der zhes pa ni gnas de dag las gzhan pa yang rung ste/ sems gang du dben pa de gtso bas der 'dug ste/ mtshan ma byung gi bar de srid du 'dug par bya'o zhes 'brel to/ /mtshan ma yang skabs 'dir ni sngags bzlas pa las nad med pa dang bru ba mi tsha ba la sogs pa 'byung ba la ni mi bya'i/ bsam gtan la sems brtan zhing mi 'gyur bar gyur pa la bya'o/ /de nas snying po de dag las gang yang rung ba zhig gzung ste/ zhes pa nas nam mkha' ltar gzod ma nas zhi ba ste/ de la sgra gnas par bsam zhing mnyam par bzhag pas bzlas brjod bya'o zhes pa'i bar gyis gong du smos pa'i tshul gyis byang chub kyi sems goms par bya ste/ mtshan ma byung nas rang gi lha'i gzugs su sbyar ba goms par bya ba dang de'i snying gar me long gi dkyil 'khor la sangs rgyas kyi sku bsam pa dang/ sangs rgyas kyi sku'i snying gar yang zla ba'i dkyil 'khor dang bzlas pa'i sngags bsam ste/ de'i rim pa yang 'di'o/ /a rnam pa bzhi las gang yang rung ba cig snying gar zla ba'i dkyil 'khor la bsam la/ a de'i sgra chos thams cad gzod ma nas ma skyes pa'o zhes pa la dmigs shing rang gi phung po lnga gzod ma nas ma byung ma skyes pa'i sbyor pa 'am/ rdul phran du gzhig pa la sogs pa'i sbyor

  236. 118b

    bas stong pa nyid du gzhig ste/ zla ba'i dkyil 'khor la a gnas pa tsam 'ba' zhig yod par bsams te/ de nas zla ba'i dkyil 'khor dang a nyid kyang gong ma'i tshul gyis dmigs su med par gshig ste ji tsam 'dod kyi bar du stong pa nyid kyi ting nge 'dzin mngon du bya'o/ /de nas snying rje'i dbang gis ting nge 'dzin de las langs te sgyu ma lta bur mos pa'i tshul gyis a de snying ga'i phyogs su bsams nas a de las 'od spro zhing bsdu ba'i sbyor bas rang gi lha'i gzugs su bsgyur bar bya ste/ de yang the tshom med par rang gi lha'i gzugs su snang bar gyur gyi bar du'o/ /de la spyir lha'i gzugs su sgyur ba la yang rnam pa gsum ste/ gcig ni phyag rgya dang sngags sbyar bas lha'i gzugs de bdag go snyam par mos pa tsam mo/ /gnyis pa ni rtag tu goms pa'i dbang gis rang gi lha'i gzugs su the tshom med par gsal bar snang ba'o/ /gsum pa ni sbyor ba'i mthus rang gi lus brjes te lha'i lus su gyur pa'o/ /de la skabs 'dir ni rtag tu goms pa'i dbang gis rang gi lus lha'i gzugs su gsal bar snang ba la bya'o/ /de ltar rang gi lus lha'i gzugs su bsgyur nas de'i snying po a zhig bsams te/ a de las byang chub kyi sems kyi phyag rgya zla ba'i dkyil 'khor me long 'dra bar bsams te de yang shin tu gsal bar dri ma med par bsam mo/ /de'i dbus su yi ge a las bcom ldan 'das rnam par snang mdzad kyi skur gyur par bsam ste/ de bas na gzhi gnyis pa ni yang dag par rdzogs pa'i sangs rgyas me long gi dkyil 'khor de nyid kyi nang na pad+ma'i rgyal po chen po la bzhugs pa lta bu ting nge 'dzin la snyoms par zhugs pa zhes pa la sogs pa gsungs pa yin te/ phug gi nang na bzhugs pa lta bu zhes pa ni me long gi dkyil 'khor gyi nang na bzhin gyi gzugs brnyan snang ba ltar de nyid kyi nang na nye bar 'dug par bsams te zhes pa'o/ /de nas de bzhin gshegs pa'i snying gar zla ba'i dkyil

  237. 119a

    'khor bsams te de'i dbus su bzlas par bya ba'i sngags bsams nas de zlos shing sngon du bsnyen pa 'bum bya ste/ de bas na/ de nas sngon du bsnyen pa ni/ /'bum phrag gcig tu bya bar bshad/ /ces gsungs pa yin no/ /de nas zla ba gnyis pa la/ /me tog dri la sogs pa dbul/ /zhes pa ni sngar 'bum phrag gcig gi grangs su bzlas la/ de nas zla ba gnyis kyi dang po la snga dro dang phyi dro la mel tshe thun re re/ nyi ma gung la mel tshe thun phyed bzlas pa'i sbyor bas dus chad pa ste/ sngar tshig 'bum gyi grangs su bzlos pa dang/ zla ba gnyis su bzlos pa las zla ba phyi ma gcig la ni dri dang me tog la sogs pa'i mchod pa mi bya bar bzlas te dang po sems ma goms pa la phyi'i mchod pa la sogs pas sems yongs su dogs pa'i phyir ro/ /zla ba phyi ma gnyis pa la ni goms shing brtan par gyur pas phyi'i mchod pa la sogs pas yengs par mi 'gyur ba'i phyir ro/ /sems can rnams la rnam mang po'i/ /phan pa nye bar sgrub byed cing/ /zhes pa ni/ da ni dpa' bo chen po'i snying po 'bru rnam pa lnga rnams sgrub pa dang sa rnams bshad de/ de la sbyir de bzhin gshegs pa'i rgyu dang 'bras bu'i yon tan mos pas spyod pa'i sa nas brtsams te kun tu sangs rgyas par gyur gyi bar du ci bsags pa rnams sdud pa'i sgor gyur pa ni phung po'i lhag ma dang bcas pa'i mya ngan las 'das pa dang/ phung po'i lhag ma med pa'i mya ngan las 'das pa'o/ /de la phung po'i lhag ma med pa'i mya ngan las 'das pa ni de bzhin nyid stong pa'i mtshan nyid du shes pa phra mo yang spangs pa 'og min gyi ga nas su mngon par byang chub pa'o/ /phung po'i lhag ma dang bcas pa'i mya ngan las 'das pa ni kun tu sangs rgyas pa'i mtshan nyid chos rnams su sgyu ma'i rang bzhin du yang mad pas chos rnams stong pa'o snyam pa'i 'du shes tsam gyi bag chags phra mo lhag

  238. 119b

    ma ma lus par 'dod pa'i khams su byang chub kyi shing drung du mngon par byang chub nas bdud rnam pa bzhi btul ba'o/ /de la phung po'i lhag ma med pa'i mya ngan las 'das pa'i snying po ni a rnam pa bzhi ste/ de rnams kyi sgrub pa la sogs pa ni bshad zin to/ / 'dir ni phung po'i lhag ma dang bcas pa'i mya ngan las 'das pa'i snying po bdud bzhi 'joms pa'i ting nge 'dzin gyi sgo rnams kyi sgrub pa dang las rnams 'chad de/ de yang/ de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas gsang ba pa'i bdag po phyag na rdo rje la bka' stsal pa/ lag na rdo rje de bzhin gshegs pa rnams kyi thugs las byung ba zhes bya ba la sogs pas so/ /de la yi ge a la sogs pa'i ting nge 'dzin gyi sgo nas bdud bzhi bcom pa dang/ ting nge 'dzin de rnams nyid dbang chen la sogs pa'i dkyil 'khor byin gyis brlabs pa'i rim pa yang 'di lta ste/ yi ge a ni chos thams cad gzod ma nas ma skyes par rtogs pa'i ting nge 'dzin gyi sgo ston pa ste/ de'i sgo nas phung po dang khams dang skye mched la sogs pa'i chos rnams ma skyes par rtogs te dmigs su med pas phung po'i bdud bcom pa'o/ /yi ge ba ni chos thams cad dag gi lam dang bral bar ston pa'i ting nge 'dzin gyi sgo ste/ dag gi 'am ni rnam par rtog pa ste rnam par rtog pa med par rtogs te rtog pa med pas lha'i bu'i bdud bcom pa'o/ /de ltar phung po la sogs pa'i chos rnams dang/ /de la dmigs pa'i rnam par rtog pa med na de dag la chags par 'gyur ba 'dod chags la sogs pa'i nyon mongs pa rnams med par yi ge ra'i sgo nas mtshon te/ chos thams cad rdul dang bral bar rtogs so/ /rdul zhes bya ba ni nyon mongs pa la bya ste/ des nyon mongs pa'i bdud bcom pa'o/ /yi ge ha ni chos thams cad rgyu dang bral bar rtogs pa'i ting nge 'dzin gyi sgo ste/ nyon mongs pa las las

  239. 120a

    dang skye ba 'byung la/ nyon mongs pa med na las dang skye ba yang mi 'byung/ skye ba ma byung na 'chi bar yang mi 'gyur te/ de ltar rtogs pas 'chi ba'i bdud bcom pa'o/ /de ltar chos rnams gzod ma nas ma skyes pa la sogs pa'i tshul gyis stong pa nyid kyi rang bzhin du rtogs pa'i sgo ni yi ge kha ste chos thams cad nam mkha' dang 'dra'o zhes bstan pa'o/ /de ltar ting nge 'dzin de rnams la kun rdzob tu yang yi ge a la sogs pa re re las dbang chen la sogs pa'i dkyil 'khor du yang sbyar te/ yi ge a'i sgo nas zhugs pa'i ting nge 'dzin gyis phung po'i bdud bcom ste/ phung po ni sra zhing khur khyer nus pa'o/ /de bzhin du de dang rjes su mthun par yi ge a de las sa'i dkyil 'khor du gyur te/ sa yang sra zhing khur khyer bzod pa'o/ /yi ge ba las rnam par rtog pa dang bral ba'i ting nge 'dzin gyi sgor gyur te/ de ni rtog pa la sogs pa'i dri ma dag par byed pa'o/ /de bzhin du yi ge ba las chu'i dkyil 'khor du gyur pa yang de dang rjes su mthun par dri ma dag par byed pa'o/ /yi ge ra las chos thams cad rdul dang bral ba'i ting nge 'dzin du 'gyur te/ de ni 'dod chags la sogs pa'i nyon mongs pa sreg par byed pa'o/ /de bzhin du de dang rjes su mthun par yi ge ra las me'i dkyil 'khor du 'gyur te/ me ni thams cad sreg cing med par byed pa'o/ /de bzhin du yi ge ha las chos thams cad rgyu dang bral ba'i ting nge 'dzin gyi sgor gyur te/ de ni nyon mongs pa'i rgyu las byung ba'i las la sogs pa 'thor par byed pa'o/ /de bzhin du yi ge ha las rlung gi dkyil 'khor du gyur pa yang de dang rjes su mthun te/ rlung ni thams cad 'thor ba 'am/ 'jig par byed pa'i rang bzhin no/ /yi ge ha las chos thams cad stong pa nam mkha' i rang bzhin du rtogs pa'i ting nge 'dzin gyi sgor gyur te/ de bzhin du yi ge kha las nam mkha' i

  240. 120b

    dkyil 'khor du gyur pa yang nam mkha' i rang bzhin du mthun te de dag ni spyi'i don to/ /de bzhin gshegs pa rnams kyi thugs kha nas byung ba zhes bya ba ni de bzhin nyid kyi ye shes byung ba zhes pa ste a la sogs pa'i stong pa nyid de dag nyid la bya'o/ /las dang bya bas rnam par rol pa zhes bya ba ni grub pa rab la sogs pa dang/ zhi ba la sogs pa'i las rnams byed pa'o/ /spyod pa'i rol mo zhes pa ni rol mo mkhan dang 'dra ba ste/ rol mo mkhan ni gar la sogs pa'i rol mo sna tshogs pa ston pa de bzhin du snying po 'di rnams kyang grub pa dang las sna tshogs ston pa'i phyir ro/ /khams bzhi yang dag par bsdu bas bsdus pa zhes pa ni snying po 'di rnams las sa dang chu dang me dang rlung gi khams kyi dkyil 'khor rnams byung ba'i phyir ro/ /nam mkha' ltar kun tu khyab pa zhes pa ni 'di ltar nam mkha' thams cad du khyab pa de bzhin du snying po de rnams kyis kyang thams cad du khyab pa ste/ de dag ni snying po de rnams kyi rang bzhin bstan pa'o/ /mthong ba dang ma mthong ba'i 'bras bu mang ba zhes pa ni mthu bstan pa ste/ mthong ba ni rig 'dzin la sogs par dngos su gyur pa'o/ /ma mthong ba ni sangs rgyas la sogs pa'i 'bras bu nyid nas thob pa ste de lta bu'i 'bras bu mchog sbyin par byed pa zhes pa'o/ /nyan thos dang rang sangs rgyas dang byang chub sems dpa' thams cad kyi mngon sum pa zhes pa ni de dag gi spyod yul du gyur pa zhes pa ste nyan thos rnams kyang zad par sa dang zad par chu la sogs pa'i ting nge 'dzin mngon du byed de/ de yang dkyil 'khor 'di dag gi rang bzhin yin pa'i phyir la/ byang chub sems dpa' yang sa gzhi thams cad rin po che la sogs pas bkang ste/ de bzhin gshegs pa la mchod pa byed pa la sogs pa yang dkyil 'khor 'di dag gi rang bzhin yin pa'i phyir ro/ /gsang sngags kyi sgo nas byang chub sems dpa' i spyad pa spyod pa

  241. 121a

    rnams kyi re ba thams cad yongs su rdzogs par byed pa zhes pa ni bstan pa 'di la zhugs pa rnams grub pa la sogs pa 'thob pa'i sgo nas re ba yongs su rdzogs par byed pa'i phyir ro/ /las sna tshogs dang ldan pa ni gdon dang dug la sogs pa sel ba'i las sna tshogs dang ldan pa'o/ /sems can thams cad la phan 'dogs pa zhes pa ni bstan pa 'dir zhugs pa dang ma zhugs pa gnyis ka'i sems can la phan 'dogs pa'o/ /lag na rdo rje la spyod pa'i rol mo las dang bya ba sngon par 'grub pa'i 'bras bu phal che ba lus can kun gyi mngon sum pa gang zhe na/ zhes pa ni gong du smos pa de dag nyid dngos su bstan pa'i phyir gang zhe na zhes gsungs pa'o/ /cho ga shes pas thog mar ni/ /bdag gi de nyid rim bzhin bya/ / zhes pa nas/ 'di dag nyid ni rgyal mchog tu/ /bsgyur na smos kyang ci zhig dang/ /zhes pa'i bar gyis sngags pas bdag gi de kho na nyid la sbyar ba dang/ de'i rjes su bsngags pa 'chad de/ sngags pas bdag gi de kho na nyid kyi rnal 'byor sngon du byas nas de nas sngags kyi yi ge rnams lus la sno'i gnas su bkod de dbang chen gyi dkyil 'khor la sogs par bsgyur nas de dag gi sgrub pa dang las la sogs pa la 'jug go /rim pa de lta bur 'jug pa yang sngon sangs rgyas bcom ldan 'das chos rnams gdod ma nas skyes pa stong pa'i rang bzhin du mngon par byang chub nas de'i 'og tu sngon gyi smon lam gyi shugs kyis sku mi zad pa la sogs pa'i rgyan rnams kun rdzob kyi tshul du 'jig rten thams cad du khyab par ston te/ de bas na sngags pas kyang thog mar bdag gi de kho na nyid stong par dmigs pa byas nas phyi ma yi ge dgod ba dang bzlas pa la sogs pa bya'o/ /de la/ cho ga shes pas thog mar ni/ /bdag gi de nyid rim bzhin bya/ /zhes pa nas/ 'di ni sangs rgyas thams cad kyi/ /bdag

  242. 121b

    gi de nyid yin par gsungs/ /zhes pa'i bar ni bdag gi de kho na nyid kyi rnal 'byor te/ bdag gi de kho na nyid ces pa ni sngags mkhan rang gi lus kyang yi ge a'i sgo nas gdod ma nas ma byung ma skyes par stong par bshig ste/ de nas a las dbang chen gyi dkyil 'khor kha dog shin tu ser zhing lci ba bsams te/ de'i steng na sangs rgyas bcom ldan 'das bzhugs pa de lta bur bdag nyid kyi lus la bsams te/ de bas na/ cho ga shes pas thog mar ni/ /bdag gi de nyid rim bzhin bya/ zhes bya ba la sogs pa gsungs pa yin te/ bdag gi da nyid rim bzhin bya/ /zhes pa ni byang chub sems kyi sems bsgoms pa byas shing lha'i zugs su sgrub pa la sogs pa rim pa bzhin du bya'o zhes pa'o/ /sngags pa snga ma bzhin 'dug la/ /zhes pa ni gong du de bzhin gshegs pa'i snying po bshad pa'i rim pa bzhin du 'dug nas shes pa'o/ /de bzhin gshegs pa dran byas te/ /zhes pa ni bzlas pa la sogs pa'i las rnams bya ba na de bzhin gshegs pa mdun du bsams nas bya ste/ sngags dang rig pa la sogs pa dmigs pa'i yul yin pa'i phyir ro/ /gnyis su na de bzhin gshegs pa mdun du bsams na bgegs med pa'i phyir ro/ /bdag nyid a zhes bya ba ni/ klad kor dang bcas rgyas byas la/ /zhes pa ni bdag nyid yi ge a las stong pa nyid kyi rang bzhin du bsams te/ klad kor gyis ni 'dzin par byed pa'i ye shes kyi stong pa nyid du ston pa ste/ gzung ba dang 'dzin pa med par stong pa'i rang bzhin du bsgyur bar bya'o zhes pa'o/ /thams cad ser zhing shin tu bzang/ /gru bzhis rdo rjes mtshan byas te/ zhes pa ni stong pa'i rang bzhin du gyur pa de las dbang chen gyi dkyil 'khor gru bzhi pa kha dog shin tu ser ba rdo rje'i mtshan mas mtshan ma bsam mo zhes pa'o/ /sngags pas der gnas rdzogs pa yi/ /sangs rgyas kun gyi gtso bo

  243. 122a

    bsam/ /zhes pa ni dkyil 'khor de'i steng na bcom ldan 'das rnam par snang mdzad kyi skur bsams te/ de yang bdag gi lus nyid de ltar bsam par shes par bya'o/ /nam zhig bsngags pa bdag gis ni/ /de nyid dogs pa med gyur pa zhes pa ni bdag gi de kho na nyid stong par dmigs pa dang lha'i gzugs su gsal bar snang ba the tshom med par gyur pa zhes pa ste/ stong pa nyid du the tshom med par gyur pa yang ting nge 'dzin dag pa dang/ rnam pa dang bral ba dang rnam par rtog pa thams cad spong ba na yang dag pa nyid du the tshom med pa'o/ /lha'i gzugs su gsal bar snang ba the tshom med pa yang ting nge 'dzin dag pa dang lha'i gzugs su kun tu gsal ba dang rnam par rtog pa spong ba na yang dag par the tshom med pa'o/ /nam zhig sngags pa rab tu mos pa'i sems kyis the tshom med par gyur na 'og nas 'byung ba'i rjes su bsngags pa rnams thob ste/ de'i tshe 'jig rten thams cad la phan pa byed pa nyid du 'gyur zhes pa ni grub pa la sogs pa thob pa'i sgo nas sems can rnams la phan gdags nus te/ de ni gzhan gyi don phun sum tshogs pa'o/ /ngo mtshar sna tshogs dag dang ldan/ /mig 'phrul can gyi gnas la 'dug /ces pa ni rig 'dzin la sogs pa'i grub pa thob nas mig 'phrul mkhan dang 'dra bar rdzu 'phrul ngo mtshar sna tshogs pa rnams byed nus par 'gyur zhes pa ste mthu phun sum tshogs pa'o/ /sngags pa nam zhig mnyam gzhag na/ /srid pa rab tu dag pa na/ /thog med dus nas mi shes pas/ /bsags pa'i las de kun zang 'gyur/ /zhes pa ni rnal 'byor de lta bu la mnyam par gzhag na thog ma med pa'i dus nas ma rig pa'i dbang gis 'khor ba dog pa rnams su mi dag ba dang nyon mongs pa'i las bsags pa de dag thams cad byang bar 'gyur ro zhes pa ste/ de ni

  244. 122b

    spong ba phun sum tshogs pa'o/ /bla na med pa'i byang chub sems/ /sems de nam zhig sgom byed pa/ /de tshe 'ang sngags pa rnal 'byor pa/ /chu yis pad+ma lta bur ni/ /dge dang mi dge'i 'bras 'byung ba'i/ /las kyis rtag par mi dgos na/ /zhes ba ni byang chub kyi sems de stong pa'i mtshan nyid yin pas dge pa dang mi dge ba'i las kyi 'bras bus mi gos te dge ba la sogs pa'i 'bras bu'i dngos po rnams kyi gnyen mo yin pa'i phyir ro/ /de la mi dge ba'i 'bras bus mi gos pa ni rigs na/ dge ba'i 'bras bus mi gos na tshul khrims bsrungs pa la sogs pa'i 'bras bu yang med dam zhe na byang chub kyi sems ni stong pa'i rang bzhin yin pas dge ba dag dmigs su med par 'gyur mod kyi/ de las langs nas phyis rnal 'byor pa bdag nyid 'tshang rgya ba'i rgyur gyur pa'i lus dang longs spyod la sogs pa dang ldan par shog cig ces smon lam btab pas dge ba'i las kyi 'bras bu'i bag chags slar brtan bar 'gyur ro/ /'di dag nyid ni rgyal mchog tu/ /bsgyur na smos kyang ci dgos/ /zhes pa ni byang chub sems dpa' zhig bsgoms pas kyang de ltar 'gyur na byang chub kyi sems bsgoms pa'i rnal 'byor pa de bdag nyid sangs rgyas kyi skur bsgyur pa na mi dge ba la sogs pa'i las kyis mi gos par 'gyur ba lta ci smos zhes pa'o/ /de nas bcom ldan 'das rnam par snang mdzad bdud bzhi las rgyal ba rdo rje rnam par rol pa zhes bya ba'i ting nge 'dzin la snyoms par zhugs nas zhes pa ni bcom ldan 'das ting nge 'dzin de la zhugs nas bdud bzhi las rgyal bar byed pa dang/ rdo rje rnam par rol pa'i sngags rnams 'byung bas na ting nge 'dzin de la bdud bzhi las rgyal ba rdo rje rnam par rol ba zhes bya'o/ /de la bdud bzhi las rgyal ba zhes bya ba

  245. 123a

    ni spong ba phun sum tshogs pa'o/ /rdo rje rnam par rol pa zhes pa ni rdo rje dang 'dra bar cis kyang mi tshugs par rnam par sprul pa ste mthu phun sum tshogs pa'o/ /de bas na rdo rje yi ge'i tshig ces bya ba la sogs pa gsungs te/ rdo rje yi ge'i tshig 'di rnams gsungs so zhes sprel te/ bdud bzhi las rgyal bar byed pa zhes pa ni snga ma bzhin no/ /rgyud drug las rnam par grol par byed pa zhes pa yi ge rnams kyi sgo nas stong pa nyid kyi ting nge 'dzin la zhugs na rgyud drug la sogs pa thams cad dmigs su med par rtogs pas rgyud drug las rnam par grol bar byed pa'o/ /gnyis su na yi ge de rnams kyi sgo nas bang chen la sogs pa'i dkyil 'khor du sbyar zhing rig 'dzin la sogs pa'i grub pa thob nas rim gyis sa gong ma la 'bar bas na rgyud drug las rnam grol bar byed pa'o zhes pa ni sngags de rnams kyi gzhan gyi don phun sum tshogs pa bstan pa'o/ /thams cad mkhyen pa'i ye shes yongs su rdzogs par byed pa zhes pa ni ye shes phun sum tshogs pa ste/ gong ma'i rim gyis zhugs na thams cad mkhyen pa'i ye shes yongs su rdzogs par 'gyur ba'i phyir ro/ /sngags kyi yi ge 'bru rnams las bdud bzhi 'joms pa'i ting nge 'dzin dang dbang chen la sogs pa'i dkyil 'khor du bsgyur ba'i rim pa ni gong du bshad zin to/ /de nas yang gsang ba'i bdag po phyag na rdo rje dang rdo rje 'dzin de dag zhes pa nas/ des ni gsang sngags spyod pa yis/ /theg chen bla na med pa la/ /sems can rnams ni dga' bzhin du// mthong ba'i chos la gnas par 'gyur zhes pa'i bar gyis bcom ldan 'das kyis sngags gsungs pa na phyag na rdo rje la sog pa'i byang chub sems dpa' de rnams kyis sngags de rnams kyi mthu dang yon tan rnams khong du chud nas ngo mtshar du

  246. 123b

    gyur te sngags de rnams kyi rjes su bsngags brtogs nas gnas so sor dgod pa dang/ cho ga rnams bshad par gsol ba ste/ byang chub sems dpa' skyob rnams dang/ /sangs rgyas kun gyi nor gyi dbyig /ces pa ni snying po 'di rnams sangs rgyas dang byang chub sems dpa' rnams kyi nor gyi dbyig go zhes pa'o/ /'dis ni gang dag sangs rgyas dang/ /byang chub sems dpa' skyob rnams dang/ /rang sangs rgyas dang nyan thos pa/ /mkhas pa de dag 'jig rten 'dir/ /sangs rgyas yi shes bla med pa/ /dpe med ye shes thob nas su/ /rdzu 'phrul sna tshogs rnam 'phrul bas/ /sa steng kun tu rnam par spyod/ /ces pa ni snying po 'di rnams kyi mthus sangs rgyas dang byang chub sems dpa' rnams kyang rdzu 'phrul sna tshogs spyod/ /nyan thos dang rang sangs rgyas rnams kyang ting nge 'dzin gyis nam mkha' stod pa la sar bsams te de la spyod lam bzhis gnas pa dang/ smad nas chu 'byung zhing stod nas me 'bar ba dang/ rlung gi dkyil 'khor bsams nas ri la sogs pa yang 'jog par byed pa la sogs pa'i rdzu 'phrul sna sogs pa spyod do zhes pa'o/ /sangs rgyas ye shes bla med pa/ /dpe med ye shes thob nas su/ /zhes pa ni de ltar rdzu 'phrul sna tshogs pa spyad na kyang snying po 'di rnams kyi mthus rim gyis thams cad mkhyen pa'i ye shes thob par 'gyur ro zhes pa'o/ /de bas 'di dag so so yi// cho ga rgyas ba dag dang las/ /sna tshogs dgod pa thams cad kyang/ /bstan pa 'di la bshad du gsol/ zhes pa ni sngags de rnams las bang chen la sogs pa'i dkyil 'khor du bsgyur ba'i cho ga dang so sor dgod ba dang las kyi spyod pa rnams bstan pa 'dir bshad du gsol zhes pa'o/ /des ni gsang sngags spyod pa yi/ /theb chen bla na med pa la/ /sems can rnams ni dga' bzhin du/ /mthong ba'i chos la gnas par 'gyur zhes pa ni de dag bshad pa yang sems can rnams mthong ba'i chos la mngon

  247. 124a

    bar mtho ba'i bde ba thob par bya ba'i phyir de rnams bshad du gsol ba ste bshad pa'i dgos pa bstan pa'o/ /da ni gong du sngags bshad pa de rnams kyi so so'i las rnams bshad de/ las de rnams kyang sngags pa bdag nyid yi ge pa las sngar bshad pa bzhin du stong pa nyid du bsams te de nas bdag nyid bcom ldan 'das rnam par snang mdzad kyi sku dbang chen la bzhugs par bsam zhing lus kyi nang du yang dbang chen gyi dkyil 'khor bsams la der yi ge rnams rim pa bzhin du bsams te/ de bas na de'i chos gzhi rdo rje chen por byin gyis brlabs te nyid kyi sku las byang chub kyi snying po can nye bar bstan pa bzhin nas gsungs pa zhes bya ba la sogs pa gsungs pa yin te/ sa gzhi rdo rje chen por byin gyis brlabs te zhes pa ni sku dbang chen gyi dkyil 'khor du byin yis brlabs te zhes pa'o/ /nyid kyi sku las byang chub kyi snying po can nye bar bstan pa zhes pa ni de ltar dbang chen gyi dkyil 'khor du bsgyur ba la a la sogs pa'i yi ge rnams dgod par bstan pa ste/ yi ge de rnams nyid mngon par byang chub pa'i ting nge 'dzin gyi sgo yin pa byang chub kyi snying po can zhes bya ste/ de ltar bcom ldan 'das kyis dbang chen gyi dkyil 'khor du sngar byin gyis brlabs nas byis yi ge rnams dgod par bstan pa yang ma 'ongs pa'i 'gro ba rnams kyis kyang tshul 'di ltar bya'o zhes bstan pa'o/ /a ni mchog tu shes bya ba/ /dbang chen dkyil 'khor bstan pa ste/ /phyi rol dang ni nang du yang/ /rdo rje'i dkyil 'khor shes par bya/ /zhes pa ni gong du bshad pa'i rim pas bdag gi lus sangs rgyas kyi sku dbang chen gyi dkyil 'khor dang bcas par bsam mo zhes pa'o/ /rdo rje'i dkyil 'khor zhes pa ni dbang chen gyi dkyil 'khor te/ rdo rje'i mtshan mas mtshan pa'o/ /der 'dug nas ni thams cad

  248. 124b

    bsam/ /zhes pa ni de las yi ge a la sogs pa rnams rim pa bzhin du bsam mo zhes pa'o/ /rnal 'byor gnas zhes bshad pa yin zhes pa ni dbang chen gyi dkyil 'khor la gnas pa'i sku de rnal 'byor gyi gnas yin pas rnal 'byor gnas zhes pa'o// a ni srog gi dam pa ste/ 'gugs par byed pa'i mchog tu bshad/ /ces pa ni sngags pa dbang chen gyi dkyil 'khor la gnas nas yi ge a de kha dog gser bcom lta bu nang gi dkyil 'khor dbugs kyi rlung gis gyen du phul bar bsams la/ bdag gi sna'i bu ga nas byung ste/ pha rol po nad pa'i sna'i bu gar zhugs nas khong thams cad du khyab pa ni chu'i nang du ras bting ba 'am/ g.yag rnga bkram pa dang 'dra bar bsams te slar yid kyis a de dbugs dang bcas par drang bar bsams te ras sam g.yag rnga chu nang du bkram pa'i dpung nas bzung nas drang na zhum par 'gyur ba de ltar bsams nas des nad thams cad a'i rang bzhin la bsdus te slar yan gnad pa'i sna nas byung ste/ bdag gi khong du zhugs par bsam mo/ /de bzhin du lan mang du goms par byas na thams cad 'gugs par 'gyur ro/ /de bzhin du sems drang na yang a de snga ma bzhin du rlung dang bcas pa bdag gi lus las pha rol gyi lus la 'jug par bsams te/ khyad par du bdag gi dbugs dang pha rol gyi dbugs gnyis 'dres te gcig tu gyur par bsams nas a snga ma bzhin du slar drang na bang du 'gyur ro/ /de bzhin du a des bsgrub par bya ba'i mig la sogs dbang po'i rgyud la khyab par bsams te slar drang sna rkang pas 'ong bar 'gyur ro /yang snga ma bzhin du bsams te a des bsgrub par bya ba'i lus kyi nang thams cad du khyab par bsams te slar drangs na gong du 'gugs par 'gyur ro/ /nam zhig klad kor gyis mnan na/ /lus can kun gyi sel bar 'gyur/ /zhes pa ni bsdu ba'i sngags pa

  249. 125a

    nam zhig zla gcig tu/ /zhes pa nas lha dang lha min rnams kyis kyang/ /mi phyed shin tu brtan par 'gyur/ zhes pa'i bar gyis bzlas pa las byung ba'i grub pa bshad de/ bdag gi lus snga ma bzhin du bsgyur nas snga dro mel tshe thun gcig/ gung la mel tshe thun phyed du bzlas bzla ba gcig gi bar du byas na ma rig pa gsal bar 'gyur zhing lha dang lha ma yin la sogs pas kyang mi tshugs par 'gyur zhes pa'o/ /bdag gi rnyed pa grub bya'i phyir/ /rgyas pa'i las ni gang cung zad/ /de kun rtag tu sngags pa yis/ /dkyil 'khor gyi ni dbus su bya/ /zhes pa ni rgyas pa'i las dang bdag gi longs spyod sgrub pa la sogs pa yang dkyil 'khor la gnas te bsgrub po zhes pa'o/ /gser gyi kha dog 'bar dang bcas/ /thor tshugs dbu rgyan 'chang ba yi/ /rdzogs pa'i sangs rgyas ting 'dzin bzhugs/ /dbang chen gyi ni gzhi zhes bya/ /zhes pa ni dbang chen gyi dkyil 'khor la bcom ldan 'das kyi sku 'di lta bur bzhugs par bsam zhes pa'o/ /rdo rje pad+ma ral gri dang/ /zhes pa nas/ dbang chen du ni bsgoms te bsgrub ces bya ba'i bar gyis rdo rje la sogs pa'i rdzas de rnams sngags pa dbang chen gyi dkyil 'khor la gnas nas rgyud gzhan dag las 'byung ba'i rim gyis bsgrub po zhes pa'o/ /mnan pa dag kyang bshad par byas// 'di ni khyed kyis mnyam gzhag nyon/ /zhes pa nas de ni mi g.yo gnas par 'gyur/ zhes pa'i bar gyis pha rol gyi rgol ba la sogs pa mnan par bya ba ste/ sngags pas snga ma bzhin du dbang chen gyi dkyil 'khor la gnas par bsams nas mnan par bya ba'i spyi bor ri rab shin tu ser zhing lci ba rtse mo brgyad pa bsams te/ de'i steng du padmo bsam zhing padmo'i steng du rdo rje rgya gram bsams la de'i steng du a de la bcom ldan 'das kyi sku bsams te mnan par bya ba rnams kyi spyi bo non par

  250. 125b

    bsams na thams cad mi g.yo bar 'gyur ro zhes pa'o/ /sman la yang ni lan brgya ru/ /zhes pa nas/ sngon gyi las las byung ba yi/ /de yi nang rnams 'byang bar 'gyur/ /zhes pa'i bar ni bdag snga ma bzhin du bsams te sman la lan brgya bsngags nad pa la blung na nad 'tsho bar 'gyur ro zhes pa'o/ /de nas gzhan yang nges pa yis zhes bya ba nas/ klad kyi 'khor dang bcas byas na/ seng bar byed pa'i mchog tu 'gyur zhes pa'i bar gyis pa'i sgrub pa rnams bshad pa ste/ yi ge ba bsam pa yang dbang chen gyi dkyil 'khor du bsam pa ni snga ma bzhin te/ de las khyad par du nang gi dbang chen gyi dkyil 'khor lte ba'i thad kar bsam mo/ /gangs dang 'o ma dung 'dra ba/ /lte ba'i dbus nas byung ba ste/ /pad+ma dkar po dam pa ni/ /de yi dbus na rab tu gnas/ /mgon po dam pa rab tu zhi/ /zhes bya ba nas/ gdung ba thams cad zhi byed pa/ /smugs zil 'dus pa'i nang na gnas shes pa'i bar gyis ba'i las gcig bshad pa ste/ bdag nyid dbang chen gyi dkyil 'khor du bsgyur nas nang gi rdo rje'i dkyil 'khor lte ba'i thad kar bsam ste de'i steng du pad+ma dkar po kha ba dang 'o ma dang dung dang 'dra ba lte ba'i nang nas byung ba 'dug par bsams shing pad+ma'i steng du yi ge bston gyi zla ba'i kha dog 'dra bar bsams la ba la chu rgyun dgu 'byung bas bskor ba chu'i dkyil 'khor zla ba'i 'od 'dra ba de'i gzhir gyur pa yang bsams la/ yi ge ba de yang bum pa 'dra ba smugs pa'i zil pa dkar po 'dus pa 'dra ba'i nang na 'dug pa bsams te bdag gi lus kyi nang thams cad khyab par bsams na gdug pa dang che ba'i rims la sogs thams cad 'byang bar 'gyur ro/ /de bzhin du bdag gi lus dbang chen gyi dkyil 'khor la 'dug par bsams la gzhan gyi lus la yang de de bzhin bsams na gdug pa dang tsha ba'i rims la sogs pa 'byang bar 'gyur ro/ /'o ma

  251. 126a

    mu tig phreng dkar dang/ /zhes pa nas/ sngags pas yid la bsams na ni/ /gdung ba kun las thar bar 'gyur/ /zhes pa'i bar gyis pa'i las gzhan bshad de/ yi ge ba de snga ma bzhin du bsams nas smugs zil med par bde las chu rgyun dkar po byung ste/ chu rgyun des bde la bskor nas 'khyil bar 'dug par bsams la/ de bdag gi dbugs kyis bskyod nas rang gi lus thams cad du khyab par bsams na de gtung? ba la sogs pa'i nad rnams zhi par 'gyur ro/ /de bzhin du pha rol la bsams na yang gdung ba la sogs pa'i nad rnams de lta bur zhi bar 'gyur ro/ /mnyam par gzhag pa dngos 'di rnams/ /dkyil 'khor 'dir ni bsgrub par bya/ /zhes pa nas/ dkyil 'khor dpal dang ldan pa 'di/ /zhi bar byed par bshad pa yin/ /zhes pa'i bar gyis ba'i dkyil 'khor gyi rnal 'byor la gnas nas rdo rje la sogs pa dang rdzas ming gis smos pa de rnams bsgrubs na tshe ring ba la sogs pa'i grub pa rnams thob par 'gyur te/ rim pa bzhin du sbyar bar bya'o/ /klad kyi kor dang bcas byas na/ /sel bar byed pa'i mchog tu 'gyur/ /zhes pa ni nad pa'i lus la ba de klad kor dang bcas par bsams na ba ni gzung ba'i chos thams cad stong par byed la/ klad kor ni 'dzin pa thams cad stong par ston par byed la de ltar lus de gzung ba dang 'dzin pa gnyis ka dang bral te stong pas nad kyang stong pa'i rang bzhin du 'dus nas med par 'gyur pa'o/ /ra zhes bya ba yang dag mchog /ces pa nas me dang lhan cig 'dir sbyar na/ zhes pa'i bar gyis ra'i sgrub pa dang las rnams bshad de/ ra zhes bya ba yang dag mchog /ces pa ni chos thams cad rdul dang pral ba'i ting nge 'dzin stong pa'i rang bzhin mchog gi de bzhin nyid de ra'i yi ge des ston pas na mchog gi de bzhin nyid ces bya ste/ don dam pa'i mtshan nyid do/ /'od

  252. 126b

    can rnams kyi 'od ces bya ba/ zhes pa ni 'od can rnams ni nyi ma dang zla ba dang skar ma la sogs pa ste/ 'od can de rnams kyi nang na me'i 'od mchog yin la/ yi ge ra ni me'i sa bon yin pas 'od can rnams kyi mchog ces bya ste kun rdzob kyi rang bzhin bstan pa'o/ /des ni las rnams gang cung zad/ mtshams med lnga las byung ba yang/ /rnal 'byor shin tu mnyam gzhag nas/ /bsams na de kun zad par 'gyur zhes pa'i bar gyis ni de bsgoms pa'i 'bras bu bstan pa ste/ chos thams cad rdul dang bral ba stong pa nyid kyi rang bzhin du bsgoms na mi dge ba bcu la sogs pa'i las rnams dang mtshams med la sogs pa dmigs su med pas de dag gi 'bras bu zad cing 'byung bar mi 'gyur ro/ /yid 'ong thams cad rab tu dmar/ /gru gsum pa yi tshul du gnas/ /zhi ba 'bar ba'i phreng bas 'khrigs/ /sum mdo'i ris mtshan snying gar bzhag /ces pa ni me'i dkyil 'khor gyi mtshan nyid de snying gar nang gi rdo rje'i dkyil 'khor gyi steng du gru gsum shin tu dmar ba 'greng bur 'dug pa gru gsum gyi mtshan mas btab par bsam mo zhes pa'o/ / rnal 'byor pa ni der 'dug nas /ra ni klad kor bcas par bsam/ /zhes pa ni me'i dkyil 'khor gyi mtshan nyid kyi dbus na yi ge ra kha dog dmar po klad kor dang bcas pa 'greng bur 'dug par klad kor dang bcas pa ni kun tu sangs rgyas pa'i snying po gzung ba dang 'dzin pa gnyis dang bral bar ston pa yin la /de bzhin du yi ge ba yang klad kor med kyang kun tu sangs rgyas pa'i snying po yin pas ba'i bu gnyid klad kor lta bur 'dzin pa med par ston par blta'o/ /mi 'jigs pas ni ci rigs par/ / dngos po 'di dag der bsgrub po/ /zhes pa nas me dang lhan cig 'dir sbyar na/ /de dag thams cad byed par 'gyur/ /zhes pa'i bar gyis yi ge ra'i sgrub pa dang las rnams bshad de/ sngags pa ra'i dkyil 'khor la gnas nas sgrub pa ming gis smos pa

  253. 127a

    rnams rgyud dang rtog pa gzhan las 'byung ba'i cho ga rdzas kyi mtshan ma dang bcas pa 'am/ mtshan ma med par bsgrubs na nyi ma la sogs pa 'grub ste ci bsgo ba nyan to/ /ha zhes bya ba dam pa mchog /ces pa nas/ rgyu kun dmigs su med sgo nas/ /bdud las rnam par rgyal bar byed/ /ces pa'i bar bgyis yi ge ha'i sgrub pa dang yon tan dang dkyil 'khor la sogs pa bshad pa ste/ ha zhes bya ba dam pa mchog /ces pa ni chos thams cad rgyu dang bral bar ston pa'i rang bzhin yin pas de kho na nyid kyi mchog ces pa'o/ /rlung ni thams cad yang dag 'byung zhes pa ni rlung gi dkyil 'khor las 'byung ba 'am/ de las rlung gi dkyil 'khor 'byung bas so/ /rgyu dang las dang 'bras bu dang/ /gang gis sa bon rnams skye ba// 'di ni klad kor bcas sbyar na/ /de dag thams cad 'jig par byed/ /ces pa ni de'i rang bzhin bsgoms pa'i 'bras bu bstan pa ste/ ha zhes pa klad kor dang bcas bar bsams pas chos thams cad rgyu dang bral ba'i tshul gyis gzung ba dang 'dzin pa gnyis ka dmigs su med de/ rgyu zhes pa ni ma rig pa la sogs pa'i nyon mongs pa rnams so/ /las ni lus ngag yid gsum gyi sgo nas dge bas mi dge ba la sogs pa rnams so/ /'bras bu ni las de dag gi rnam par smin pa ngan song dang bde 'gro la sogs pa'i/ /gang gis sa bon rnams skye ba/ /zhes pa ni rgyu dang las de dag gis slar yang phung po rnams skyed pa ste/ de dag thams cad dmigs su med par ston pas na 'jig par byed do zhes pa'o/ /de'i gzugs kyang bshad pa ni/ /kha dog gnag la 'od po che/ /mi bzad 'bar ba'i phreng ba 'khrigs/ /kun tu yang ni rnam par 'phro/ /zhes pa ni yi ge ha nyid gdugs bstan pa ste/ de yang rlung gi dkyil 'khor gyi steng na gnas par bsam ste/ rlung gi dkyil 'khor yang/ mkhas pas smin ming? mtshams su

  254. 127b

    ni/ /dkyil 'khor la ni gnas par bsam/ zhes pa nas/ sngags pas der gnas bsam par bya/ /zhes pa'i bar gyis gsungs pa yin te/ g.yo ba ni rlung gi rang bzhin g.yo bas dkyil 'khor g.yo bar bsam mo/ /yi ge rab tu mi 'gyur ba/ /sngags pas der gnas bsam par bya/ /zhes pa la yi ge'i rang bzhin sngar bshad zin mod kyi/ yi ge'i sgra'i rjes la mi 'gyur ba zhes yang bzlas te gsungs pa ni rab tu goms pa'i mthus yi ge mi 'gyur bar bsam zhes pa'o/ /dkyil 'khor de'i dbus su ni/ gang gis mthong ba kho na la zhes pa nas/ sngags pas mnyam par gzhag pa yis/ /dkyil 'khor gnas na de kun byed/ /ces pa'i bar gyis ni sngags pa rlung gi dkyil 'khor la gnas nas ming gis smos pa'i dngos po de rnams rgyud gzhan las 'byung ba'i cho ga bzhin du bsgrub par bya'o zhes pa ste/ yi ge ci yin yang rung gzhi ni rtsis mgog cig ste/ dbang chen gyi dkyil 'khor gyi dbus su bsam zhing bdag nyid kun tu sangs rgyas pa'i skur bsgyur ba dang/ nang gi rdo rje'i dkyil 'khor la yi ge ba la sogs pa gang bsam pa'i gnas de nyid du spo zhing bsam pa dang las su bya ba rnams ma gtogs par sgrub pa rnams la phyag rgya rdo rje rtse lnga pa bcings te/ sngon du bsnyen pa zla ba gcig tu dus gsum du bya ba dang/ mtshan ma dang bcas pa dang mtshan ma med pa gnyi gas sgrub tu rung ba ni kun la so sor sbyar bar bya'o/ /'dis ni snying po byang chub 'dir/ /byang chub sems dpa' grags chen rnams/ /rgyu kun dmigs su med sgo nas/ /bdud las rnam par rgyal bar byed/ /ces pa ni yi ge'i mthu bstan pa ste/ byang chub sems dpa' rnams kyang yi ge 'di'i sgo nas chos thams cad rgyu dang bral bar rtogs pas bdud bzhi rnam par bcom ste/ mngon par byang chub pa thob po zhes pa'o /rgyu med pas na 'bras buAng med/ /ces pa nas go 'phang dam pa sgrub par byed/ /ces pa'i bar gyis yi ge

  255. 128a

    khaM gi rang bzhin dang sgrub pa bshad pa ste/ las kyang yod pa ma yin te/ dngos po de gsum med pas na/ stong pa'i ye shes 'thob par 'gyur/ /zhes pa ni rgyu ma rig pa la sogs pa'i nyon mongs pa dang dge ba dang mi dge ba la sogs pa'i las dang/ bde 'gro dang ngan 'gro la sogs pa'i 'bras bu rnams yi ge khaM gzung ba dang 'dzin pa stong par ston pa'i sgo nas dmigs su med ces pa'o/ /rdzogs pa'i sangs rgyas mthu chen gyis/ /de'i gzugs yang dag bshad pa ni/ /klad kor bcas dang ldan pa ste/ /khaM ni snyong? pa'i mchog ces bya/ /zhes bya ba ni yi ge de'i rang bzhin gsungs pa ste/ yi ge khaM de gzung ba dang 'dzin pa gnyis ka dang bral bar ston pas stong pa'i mchog ces bya'o/ /ral gri phyag rgya ldan pa yis/ /bsgrub par bya ba nges par bsgrub/ /ral gri zhags pa 'khor lo dang/ /lcags mnga' de bzhin tho ba ste/ /rdzas de rnams dang ldan na ni/ /go 'phang dam pa sgrub par byed/ /ces pa ni sngags pa rnams rnal 'byor gyi stan la gnas nas spyi bor yi ge khaM bsams te/ thams cad nam mkha' i rang bzhin du bsams nas/ yi ge khaM 'ba' zhig kha dog nam mkha' dang 'dra bar bsams la ral gri'i phyag rgya bcings te snga ma bzhin du bzlas na ming gis smos pa rnams 'grub par 'gyur ro/ /bdag nyid a zhes bya ba'i rang gi ? bsgyur nas phyi dang nang du bcas pa'i dngos po thams cad la mi lta bar gyur cing zhes pa nas/ de lta bu la sogs pa dag ni yid las byung ba yin no zhes pa'i bar ni sngags pas rnal 'byor gyi stan snga ma bzhin du bsgoms pa las khyad par du 'dod chags la sogs pa'i nyon mongs pa rnams kun nas mi ldang bar nus kyi bar du bdag gi de kho na stong par bsgom pa goms par byas nas/ a la sogs pa'i snying po rnams sgrub pa dang las rnams phyi rol gyi rdzas la mi bltos par

  256. 128b

    sgrub pa bshad pa ste/ bdag nyid a zhes bya ba'i rang gi ngo bor bsgyur nas phyi dang nang du bcas pa'i dngos po thams cad la mi lta bar gyur cing zhes pa ni a la sogs pa'i rang bzhin du bsgyur te/ phyi rol gyi gzugs la sogs pa'i dngos po rnams dang/ nang gi gzugs yod pa'i spro mi skye zhing dngos po rnams la ma chags par byas la a de bsgrubs na de'i 'bras bu bong ba dang rdo pa dang gser du yang mi 'byed de/ ji ltar rdo ba dang bor ba la chags pa mi skye ba de bzhin du gser la yang chags pa mi skye ste/ 'dod chags dang zhe sdang mngon du mi ldang ba dang mi dge ba bcu'i las byas pa'i sdig pa'i 'bras bu'i dbang du mi 'gyur ba ste/ de bas na/ de tshe de ni dag gyur pa/ /thub pa rdzogs pa'i sangs rgyas bzhin/ des ni las rnams thams cad nus/ /shes pa ni grub pa rab 'bring la sogs pa 'grub cing zhi ba sogs pa'i las rnams nus zhes pa'o/ /nyes ba thams cad rnam par spangs/ /zhes pa ni las de dag byed pa na ma tshang ba 'am 'khrul pa la sogs pa'i nyes pa med par byed nus par 'gyur zhes pa'o/ / de nas bzhan sngags rnal 'byor pa/ /zhes pa nas/ gang gis chu de 'thungs pa 'am/ /lag pas kyang ni reg kyang rung/ /de kun nges par byang chub tu/ /'gyur te 'di la dogs pa med/ /ces pa'i bar g+gyis ba yig gi rnal 'byor te/ bsngags pa rnal 'byor gyi stan la gnas nas yi ge pa las chu'i dkyil 'khor la sogs pa snga ma bzhin du bsams la/ /khyab par du na ba las chu'i rgyun 'byung dang/ chu'i dkyil 'khor gyis bdag gi lus spyi bo nas rting pa'i bar du rgyas par gang bar bsams te/ de ltar brtan par yid ches pa na chu de dag thams cad pa spu'i bu gnas phyir byung ste/ bdag gi lus kyi thon skor dang khang pa la sogs pa kun gang bar bsams la rim gyis gtsug lag khang dang yul la sogs pa thams cad du gang par bsams

  257. 129a

    na chu de la sems can skal ba dang ldan pa gang gis 'thungs sam/ reg pa na de ltar 'thungs pa dang reg pa'i spyod yul du gyur pa de ni sems can phal pa de dang mi 'dra bar skal ba dang ldan par mngon pas byang chub tu nges par 'gyur ro zhes pa'o/ /yan lag kun tu ra zhes pa/ /zhes pa nam? btang ra yis rnam sprul pas/ /sngags pa 'dod pa bzhin du byed/ /ces pa'i bar gyis ra'i rnal 'byor te/ yan lag kun tur shes pa/ /'bar ba'i 'phreng ba zhi bas 'khrigs/ /kun tu rnam par 'phro ba ni/ /shin tu mnyam par bzhag pas bsam/ /zhes pa ni sngags pa rnal 'byor gyi stan la snga ma bzhin du gnas nas snying gar yi ger me'i dkyil 'khor la gnas par bsam ste/ 'bar ba'i 'od 'phros pas lus kyi nang thams cad khyab par gal bsams nas de ltar brtan par gyur pa dang ba spu'i bu ga thams cad nas phyir byung ste rim gyis grong khyer dang yul la sogs pa thams cad me'i 'od 'phro ba'i snang bas gang bar bsams te/ de bas na/ de tshe rnal 'byor pa yi phyir/ /'bar ba kun tu snang byed de/ /btang na zhes gsungs pa yin no/ /ra yis rnam sprul pas/ /sngags pa 'dod pa bzhin du byed ces pa ni rnal 'byor de ltar byas na ra las me byung ba ngas sngags pa ji ltar 'dod pa bzhin du byed par 'gyur ro zhes pa'o/ /ra zhes bya ba sto stong du/ /ba zhes bya ba lte ba khrung/ /'bar ba dang ni chu 'bab pa/ /de tshe cig car ston par 'gyur zhes pa ni ra dang ba gnyis dus gcig tu sbyar ba ste/ sngags snga ma bzhin du rnal 'byor gyi stan la gnas nas snying gar yi ge ra me'i dkyil 'khor la gnas par bsams te lte ba'i khung du snga ma bzhin du yi ge ba chu'i dkyil 'khor la gnas par bsams na dus gcig tu ra las me 'byung ba dang pa las chu 'bab pa'i chu 'phrul

  258. 129b

    can du 'gyur ro/ /dmyal ba grang ba'i sdug bsngal rnams/ /ras ni shin tu zhi bar byed/ /ces pa ni ra 'ba' zhig snga ma bzhin du me'i dkyil 'khor la gnas nas bsgribs te bsgrubs na sdugs? ba'i sems can dmyal ba'i steng gi bar snang la gnas nas lus las me byung ste sems can dmyal ba thams cad khyab par byas grang bas sbrebs shing sdug bsngal ba'i sems can de rnams me des zhi bar nus zhes pa'o/ /sngags pa sngags kyi tshul gnas pas/ /bas kyang tsha la sogs ba zhi/ zhes pa ni sngags pa snga ma bzhin du rnal 'byor gyi stan la gnas nas yi ge ba snga ma bzhin du chu'i dkyil 'khor la gnas par bsams te/ ba las chu byung ba yang snga ma ltar bsams nas bdud? rtsi'i chu des tsha bas gdungs pa'i sems can dmyal ba de dag thams cad bsil bar 'gyur te/ zhi bar bya pa'i thabs ni me'i rnal 'byor dang mthun no/ ha zhes bya ba ba ngan bcas/ /ra zhes bya ba'i 'og tu bzhag /sdig dang ldan pa'i mi rnams kyang/ /de'i las rnams myur du bsgrub/ ces pa ni me de las la sbyar ba na me mi 'bar zhes las su? bar ma gyur na me'i dkyil 'khor de'i 'og tu yi ge he rlung gi dkyil 'khor la gnas pa bsams te rlung des bskyod par bsams na me de las gang la sbyar ba de nges bar byed do zhes pa'o/ /sdig dang ldan pa'i me rnams kyang/ /zhes pa ni sdig pa dang ldan pa'i mis sbya? yang 'grub na gzhan lta smos kyang ci dgos zhes pa ste nges par las byed pa'i tshig bstan pa yin la/ rnal 'byor pa ni phyi dang nang gi dngos po la mi lta zhing kun nas ldang ba dang bral bas sgom par bya ba yin pas sdig pa dang ldan par mi spyod do/ /sngags pa dbang chen la 'dug nas/ /chu yi las ni brtsam par bya/ /sel ba la sogs thams cad kyang/ /byed 'gyur 'di la the tshom med/ /ces pa ni dbang chen gyi dkyil 'khor la gnas nas chu'i las byar rung bar bshad pa ste/ sngags pa snga ma bzhin du rnal 'byor

  259. 130a

    kyi stan la gnas nas yi ge a dbang chen gyi dkyil 'khor la snga ma bzhin du bsams te/ yi ge bas sgrub par byed pa'i las rnams byed do zhes pa'o/ /de la pa'i las chus thams cad du gang bar bya ba ni ma gtogs te/ chus thams cad du gang bar byas na dbang chen gyi dkyil 'khor de nyid chu'i dkyil 'khor du gyur pas dbang chen gyi dkyil 'khor du mi 'gyur pa'i phyir ro/ /sel ba la sogs thams cad kyang/ /byed 'gyur zhes pa ni yi ge a de nang pa la sogs pa'i spyi bor bsams la/ de'i 'od ser po 'phro ba zhi ba'i rang bzhin gyis spyi bo nas rting pa'i bar du mthar phyi nang khyab par song bas bkrus par bsams na nad kyang de bzhin du 'dag par 'gyur zhes pa'o/ /de bzhin du nam yi ge ba'i sbyor ba byed pa na/ yang nad pa'i spyi bor ba de'i chu'i dkyil 'khor la sogs pa snga ma bzhin du bsams la bum pa kha spub pa'i kha nas bdud rtsi'i chu dkar po bab par bsams te/ chu nges spyi bo nas rting pa'i bar du mthar gyis phyi nang dang bcas par bkrus par bsams na nad thams cad 'byang bar 'gyur ro/ /sbyor ba de ni spyi'i cho ga ste/ gzhan dag tu yang sbyar bar bya'o/ /rlung ni kun tu 'gro bar gsungs/ /zhes pa nas/ lha'i rna ba thob par 'gyur/ /zhes pa'i bar gyis yi ge ha de dbang chen la sogs pa'i dkyil 'khor kun gyi las byed par bshad pa ste/ de la/ rlung ni kun tu 'gro bar gsungs/ /shes pa ni yi ge ha de rlung gi rang bzhin te/ de ni dbang chen la sogs pa'i dkyil 'khor kun tu gtogs zhes bya ste/ dbang chen gyi dkyil 'khor dbyibs bru bzhi dang chu'i dkyil 'khor zlum po la sogs pa'i dbyibs so sor 'byed pa yang rlung yin pa'i phyir te/ de bas na/ thams cad 'jig par byed pa'ang de/ /rnam pa sna tshogs tha dad pa'i/ /las rnams dbye ba las byung ba/ /gzugs kyi dkyil 'khor dbus su ni/ /zhes pa

  260. 130b

    dang 'brel te/ rnam pa tha dad pa ni dbang chen la sogs pa'i dkyil 'khor kha dog ser po dang/ dmar po dang/ dkar po la sogs pa'i rnam pa tha dad pa'o/ /sna tshogs las rnams zhes pa ni dkyil 'khor de rnams kyi so so'i las sna tshogs pa zhes pa'o/ /dbye ba las byung ba zhes pa ni dbang chen dang chu'i dkyil 'khor la sogs pa so so ba rnams zhes pa'o/ /cho ga 'di yis rab tu bya/ /zhes pa ni yi ge ha'i tshogs bya zhes pa'o/ /gzugs kyi dkyil 'khor dbus su ni/ /zhes pa sngags pa lha'i gzugs su bsgyur te dbang chen gyi dkyil 'khor rnal 'byor gyi stan la gnas zhes pa ste/ mdor na yi ge a dang sha la sogs pa so so'i dkyil 'khor du yi ge ha bsams te sbyor ba byas na a la sogs pa'i las rnams byed par 'gyur ro zhes pa'o/ /yid yongs su sbyong zhing bzlas brjod byas na yid rnam par dag par 'gyur ro/ /zhes pa yid ni rnam pa dang bcas pa'i sems te snying gar me long gi dkyil 'khor bsams la/ de'i dbus na yi ge ha de me long gi gzugs brnyan bzhin du bsams te bzlas na pha rol gyi sems shes par 'gyur ro/ /lus yang bar goms par byed cing 'chag bzhin du bzlas brjod byas na rdzu 'phrul gyi rkang pa 'thob par 'gyur ro/ /zhes pa ni sems la bdag gi lus shing bal lta bur yang ba 'am/ nam mkha' la 'phur te 'gro ba snyam du sems shing 'chag pa'i tshe yi ge ha bzlas na rdzu 'phrul gyi rkang pa thob cing nam mkha' la 'gro bar 'gyur ro/ /zhes pa'o/ tsog pur 'dug la a zhes bya ba rna bar bzhag ste zla ba gcig tu bzlas brjod byas na lha'i rna ba thob par 'gyur ro/ /zhes pa ni sngags btsog bur byas te yi ge a zhes bya ba rna ba bzhag la zla ba gcig tu bzlas na lha'i rna ba thob par 'gyur ro zhes pa'o/ /gsang ba pa'i bdag po dngos grub kyi go 'phang de lta bu la sogs pa dag ni yid las byung ba yin no/ /zhes pa ni gong du smos pa'i dngos grub de rnams

  261. 131a

    phyi rol dang nang du mi rtogs par gyur pas bsgoms pa'i yid las byung zhes pa'o/ /gsang ba pa'i bdag po rnam par bsams pa tsam kho nas dngos po gzugs can ma yin pa zhes pa nas/ de bas kun mkhyen dngos grub dang/ go 'phang mchog kyang bsgrub par bya/ /zhes pa'i bar gyis spyir sngags kyi dngos grub rnams sems kyis bsams pa dang/ tshig tu brjod pa dang de bzhin gshegs pa'i byin brlabs las byung bar bstan pa ste/ dngos po gzugs can ma yin pa rnams kyi 'du byed rnam pa tha dad pa sna tshogs rnam par bsams pa tsam kho nas 'byung ngo/ /zhes sbrel te/ dngos po gzugs can ma yin pa zhes pa ni sems dang sems las byung ba'i ngo bo gzugs med pa rnams las so/ /mdor na phyi rol gyi dngos po rnams med par sems kyis bsams pa tsam las dngos grub rnam pa mang po sna tshogs pa gzugs dang ldan pa rnams 'byung bar 'gyur ro zhes pa'o/ /las thams cad pa'i sa bon gyi bya ba tshig tu brjod pa tsam la 'byung zhes pa ni ha la sogs pa'i yi ge rnams kyi sgra brjod pa tsam las ha la sogs pa'i yi ge 'bru dbang chen la sogs pa'i dkyil 'khor gyi sa bon du 'gyur ba yang rab dang 'bring la sogs pa'i grub pa dang zhib la sogs pa'i las rnams byed par 'gyur ba 'byung ngo zhes pa'o/ /gsang ba pa'i bdag po gzhan yang de bzhin gshegs pa ni zhes pa nas/ gzugs brnyan lta bur bzhugs so/ /zhes pa'i bar gyis thams cad du de bzhin gshegs pas byin gyis brlabs par bshad pa ste/ de bzhin gshegs pa de byin gyis rlob pa yang sngon gyi smon lam gyi shugs kyis gdul ba'i 'gro ba so so'i ji ltar dang pa dang rjes su mthun pa thams cad kyi re ba yongs su rdzogs par 'gyur ba sems can re re'i mdun na yang gzugs brnyan lta bur bzhugs te zla ba nam mkha' la 'dug kyang gzugs

  262. 131b

    brnyan mtsho dang rdzing bu dang chu snod la sogs pa thams cad du snang bar 'gyur ba dang 'dra'o/ /de ltar sems kyis bsams pa tsam dang tshig tu brjod pa tsam dang/ de bzhin gshegs pa'i byin brlabs las grub pa rnam pa mang po sna tshogs pa rnams 'byung ba la bltos zhes pa'o/ /de bzhin gshegs pa de ni rnam par mi rtogs ces pa nas/ chos dang chos ma yin pa rnam par spangs kyang zhes pa'i bar ni de bzhin gshegs pa de ltar sems can rnams thams cad kyi mdun na gnas kyang rnam par rtog pa la sogs pa'i dngos po 'di rnams dang bral zhes pa ste/ de la rnam par mi rtog ces pa ni de bzhin gshegs pa de ngas sems can 'di rnams kyi don bya'o snyam pa'i rnam par rtog pa de mi 'dzin zhes pa'o/ /yid kyi spyod yul las yang dag par 'das pa zhes pa ni yid ni rnam pa dang bcas pa'i sems te de las 'das pa'o/ /bya ba dang las dang shes pa ni lus dang ngag dang yid gsum gyi sgo nas spyod pa'i bya ba dang las rnams dang bral lo zhes pa'o/ /chos dang chos ma yin pa rnams spangs zhes pa ni chos ni dge ba bcu'i las kyi lam dang/ chos ma yin pa ni mi dge ba bcu'i las kyi lam ste/ de dag gi dngos po rnams spangs so zhes pa'o/ /gsang sngags spyod pa las byung ba'i/ /thams cad mkhyen pa'i go 'phang stsol/ /zhes pa ni de ltar dngos po de rnams spangs kyang mngon par shes pa lnga la sogs pa'i dngos po rnams sngags kyi spyod pa'i sgro nas thob par byed do zhes pa'o/ /de bas kun mkhyen dngos grub dang/ /go 'phang mchog kyang bsgrub par bya zhes pa ni de lta bas na mngon par shes pa lnga dang sangs rgyas bcom ldan 'das kyi go 'phang mchog kyang bsgrub par bya'o zhes pa'o/ /de nas dpal ldan rdo rje 'dzin zhes pa nas/ sngags pa gsang sngags gnas 'dug pa/ /yid ni de ltar shes nas su/ /zhes pa'i bar gyis sngar phyi dang nang gi bzlas pa'i yan lag bzhi dang/ nang gi bzlas

  263. 132a

    pa'i yan lag bzhi dpa' bo chen po'i snying po lnga'i bzlas pa'i yan lag gsum sngar bshad pa rnams kyang de bzhin gshegs pa'i snying gar zla ba'i dkyil 'khor la bzlas par bya ba'i sngags dgod pa dang/ dbang chen la sogs pa'i dkyil 'khor rnams la bzlas par bya ba'i sngags rnams bkod de bzlas par bya'o zhes mdo tsam du gsungs la/ zla ba'i dkyil 'khor dang bzlas pa'i sngags rnams bzlos pa nyid kyi tshe na gsal bar snang bar bsam pa'i thabs zhib tu ma gsungs kyang de dag gsal bar snang ba'i yongs su spyad pa'i sgo bshad pa dang nang gi bzlas pa'i yan lag bzhi'i sbyor ba la bdag gi snying gar de bzhin gshegs pa'i sku me long gi dkyil 'khor gyi nang na bzhugs par bsam pa yang mdo tsam du gsungs kyi gsal ba nyid du ma bshad pas de yang sngags bzlos pa'i tshe na sems la gsal bar bya ba bshad pa ste/ de la/ de nas dpal ldan rdo rje 'dzin/ /ngo mtshar gyur nas mig dgrad de/ /zhes pa ni gong du dpa' bo chen po'i snying po rnams bshad pa thos shing rtogs nas ngo mtshar du gyur pa'o/ /de tshe rdo rje 'od zer ni/ /me stag 'phro ba 'dra gsor? zhing/ /sangs rgyas zhing ni 'di thams cad/ /kun tu snang bar byas nas su/ /zhes pa ni de ltar ngo mtshar du gyur te dga' ba'i shugs kyis rdo rje gsor zhing rdo rje'i 'od zer me stag 'phro ba dang 'dra bas sangs rgyas kyi zhing thams cad khyab ste snang bar 'gyur ba'o/ /gnyis su na de ltar rdo rje gsor ba yang ma 'ongs pa'i 'gro ba rnams sngags kyi spyod pa la dad pa spyod? pa ste sngags kyi phyag rgya rdo rje gsor bas sangs rgyas kyi zhing thams cad 'od kyis khyab pa mthong na dad pa skye ba'i phyir ro/ /sngags kyi 'jug pa bshad lags na/ 'jug pa de yang ma rtogs na/ /gsang sngags gang nas 'ong ba dang/ /gang du

  264. 132b

    'gro ba gtso khyod kyis/ /de kun bdag la bshad du gsol/ /zhes pa ni sngar bzlas pa'i yan lag bzhi la sogs pa gsungs pa na zla ba'i dkyil 'khor la sngags dgod par bya pa bshad pa rnams bzlos pa nyid kyi chen bdag gi snying gnas de bzhin gshegs pa'i snying gar 'gro ba dang de bzhin gshegs pa'i snying ga nas dbugs slar sdud par bsam zhing bdag gi snying gar dmigs pa na gnas 'ong ba'i gnas bdag gis gsal bar ma dmigs na gnas de dang de dag ji ltar dmigs par bgyi ba bshad du gsol zhes pa'o/ /go 'phang dam pa khyod las med/ /khyod ni ji ltar chu rnams kyi/ /rgya mtsho bzhin chos kun gyi gnas/ /zhes pa na bcom ldan 'das la bstod pa'i tshig ste/ chos kun gyi gnas zhes pa ni khyod kyi lung gi chos dang rtogs pa'i chos kyi gnas so zhes pa'o/ /chu rnams kyi ni rgya mtsho bzhin zhes pa ni de'i dpe ste/ chu thams cad kyi gnas kyang rgya mtsho yin pa dang 'dra'o/ /zhes pa'o/ /sems dpa' chen po dkyil 'khor gyi/ /gnas ni yid ces bshad pa yin/ /zhes pa ni gong du phyag na rdo rjes gsol ba'i don sngags rnams kyi gnas dkyil 'khor rnams yin par gsungs pa yang yid yin par bshad de/ yid ces pa mi rnam pa dang bcas pa'i sems te/ nam bdag gi sems zla ba'i dkyil 'khor la sogs pa'i rnam par snang bar gyur ba de nyid gnas zhes bshad do zhes pa ste/ mdor na sngags zlos par byed pa'i tshe rab tu goms pa'i mthus bdag gi sems nyid zla ba'i dkyil 'khor la sogs pa'i rnam par gsal bar snang bar bya'o/ /de bas na/ snying ni gsang sngags gnas yin par/ /shes na 'bras bu thob par 'gyur zhes gsungs pa yin te bdag gi sems nyid sngags rnams kyi gnas su shes na ting nge 'dzin grub cing sems sbyangs pa'i mtshan ma yin pas de nas ji ltar bsams pa'i grub pa la sogs pa 'thob par 'gyur ro zhes pa'o//

  265. 133a

    dkar po ser po dmar po gang/ /yid kyis sems par byed pa ste/ /de la yongs su spyod pa gang/ /de ni sems kyis byed pa yin/ zhes pa ni/ sems dpa' chen po dkyil 'khor gyi/ /gnas ni yid ces bshad pa yin zhes pa'i 'grel pa'i tshig ste yid ji ltar gnas yin pa dang dkyil 'khor yang gang rnams yin pa bstan pa ste/ dbang chen dang chu'i dkyil 'khor dkar po dang ser po dang dmar po la sogs pa rnams yid kyis bsams pa ste/ de rnams bye drag tu 'byed cing yongs su gcod par byed pa ni sems yin te/ sems kyi dkyil 'khor de rnams gang yang rung ba zhig bsams nas goms pa'i mthus bdag gi sems dkyil 'khor gyi rnam pa nyid du gyur na sems de la gnas zhes bya'o/ /sems ni mgu nas nges gyur pa/ /de ni snying zhes bshad pa yin/ /zhes pa ni/ snying ni gsang sngags gnas yin par/ shes na 'bras bu thob par 'gyur zhes gong du bshad pa'i 'brel pa ste bdag gi sems dkyil 'khor gyi rnam par zhen par 'gyur te/ de las mi 'gyur zhing rtse gcig par 'gyur na des na sems nges par mgu ba yin te de lta bu'i tshul du sems mgu bar gyur pa de ni sngags rnams kyi gnas snying yin par shes par bya'o/ /der gnas pa yi gsang sngags rnams/ /'bras bu rgya chen ster bar 'gyur zhes pa ni de ltar rang gi sems nyid zla ba'i dkyil 'khor la sogs pa'i rnam par gyur te sngags rnams kyang de la gnas par snang zhing sems tsam du shes nas sngags de rnams 'bras bu rgya chen ster ro zhes pa'o/ /de ru pad+ma bsam pa ni/ /'dab ma brgyad bze bar bcas/ /zhes pa nas/ sngags pa gsang sngags gnas 'dug pas/ /yid ni de ltar shes nas su/ /zhes pa'i bar gyis nang gi bzlas pa yan lag bzhi sngar bshad pa na bdag gi lus lhar bsgyur ba'i snying ga na de bzhin

  266. 133b

    gshegs pa'i sku me long gi dkyil 'khor gyi nang na gnas pa bsams pa de nyid zhib tu bshad pa ste/ de ru pad+ma bsam pa ni/ /'dab ma brgyad pa ze par bcas/ /a zhes bya ba 'bar 'phreng 'khrug /bzang po de ru gnas pa ni/ /zhes pa rang gi sems zla ba'i dkyil 'khor gyi rnam par gyur pa der padmo dang a bsam mo/ /zhes pa'i a de las bcom ldan 'das rnam par snang mdzad kyi skur bsam pa ni/ zhi ba kun tu rnam par g.yo/ /zhes pa srog dang bcas pa 'dra bar bsam mo zhes pa'o/ /gtso bo sna tshogs gzugs mnga' ba/ /zhes pa ni sku mi zad pa'i rgyan la sogs pa rnam pa du mar 'byung ba'i rang bzhin can zhes pa'o/ /snang ba kun tu ston pa ni/ /zhes pa sems can thams cad kyi mdun na gnas par ston pa'o/ /me long ? na gnas pa bzhin/ /zhes pa ni sngar bshad zin to/ /chu'i zla ba'i rnam pa bzhin/ /zhes pa ni dpe ste zla ba de chu'i nang na gzugs 'byung bar byed pa dang 'dra'o/ /yid ni de ltar shes nas su zhes pa ni sngags pas rang gi yid de bzhin gshegs pa'i sku de lta bu'i rnam par gyur pa shes par bya'o zhes pa'o/ /de ltar de bzhin gshegs pa'i sku'i bye brag bshad pa de rnams kyang rnal 'byor pas tshul de ltar bsgom par bya ba bstan pa'i zhar la de bzhin gshegs pa'i sku gsum char la bstong pa yang bstan te/ a zhes bya ba de ru gnas/ /zhes pa ni chos kyi sku'i rang bzhin du blta na ? bstod pa'o/ /'bar 'phreng 'khrug ces pa nas gtso bo sna tshogs gzugs mnga' pa zhes pa'i bar gyis longs spyod rdzogs pa'i sku'i rang bzhin du bstod pa'o/ /snang ba kun tu ston pa ni/ /chu'i zla ba'i rnam pa bzhin zhes pa ni sprus pa'i sku'i rang bzhin du bstod pa'o/ /de nas sngags pas stong du yang/ /zhes pa nas/ sangs rgyas ye shes mchog gyur pa/ /zhes pa'i bar ni rnal 'byor pa rnal 'byor gyi stan la gnas pa las glad pa'i nang du yang yi ge i shin tu dkar ba

  267. 134a

    bsams la mig gi nang du yi ger bsams te/ yi ge de'i 'od kyis snying ga na de bzhin gshegs pa'i sdu bsams de snang bar bsams pa dang/ de rnams bsams nas kyang yi ge ra'i gnas mig gnyis su yi ge la bsams te la'i sgra'i de kho na nyid chos thams cad mtshan nyid med par ston pa la dmigs nas thams cad stong pa'i rang bzhin du bsams pa dang slar yang a la sogs pa'i yi ge dag bsams pa las dngos grub tu 'gyur ba dang de'i rjes su bsngags pa rnams 'chad de/ yi ge de rnams de ltar bsam pa dang sems yongs su sbyang ba dang de rnams kyi rnal 'byor las grub pa 'thob pa'i phyir ro/ /de la sems yongs su spyod pa'i rim pa yang thog ma nyid du bdag gi lus yi ge a la sogs pa'i sgo nas ma skyes shing ma byung pa'i stong par bshig ste/ de nas slar yang yi ge a bsams te a de las sngar bshad pa'i rim pa bzhin du phyi dang nang gi dbang chen gyi rdo rje'i dkyil 'khor dang bcas pa'i lha'i gzugs su bdag gi lus bsgyur te nang gi dkyil 'khor gyi dbus na bcom ldan 'das rnam par snang mdzad sngar bshad pa'i tshul bzhin du bsams la/ de nas klad pa'i nang du yi ge a shin tu dkar ba bsam zhing mig gnyis su ra bsams te de yang chos kyi dbyings kyi yi ge shin tu dkar ba de'i 'od kyis slar snying ga na bcom ldan 'das kyi sku me long gi nang na bzhugs pa dang 'dra ba la gsal bar snang bar bya'o/ /de nas de'i 'od kyis slar yang stod du bsams nas yi ge a de shin tu gsal bar snang bar bya ste/ de ltar gsal bar brtan par gyur pa dang slar yang yi ge ra'i gnas mig gnyis su yi ge la klad kor dang bcas par bsams la/ de'i sgra'i de kho na nyid chos thams cad mtshan nyid dang bral ba la dmigs pas yi ge a la sogs pa sngar bsams pa thams cad stong par bsam mo/ /de ltar stong par

  268. 134b

    bsams pa yang brtan par gyur nas yang bdag gi sems dbang du gyur par bya ba'i phyir snga ma'i rim pa bzhin du rnal 'byor gyi stan dang bcom ldan 'das kyi sku snying gar bsams pa dang/ klad par a bsam pa rnams snga ma'i rim pa bzhin du bya'o/ /de bzhin du yang dang yang du yi ga la bsams nas stong par bya ba dang slar bcom ldan 'das kyi gzugs dpas la sogs pa bsams pa dang stong par bya ba'i phyir lan mang du goms par bya ste/ de bas na/ de nas sngags pas stong du yang/ /klad pa'i rgyas kyi dbus su ni/ / klad kor bcas pa'i mtshan ma can/ /aM zhes bya ba der bsams te/ /zhes bya ba dang de nyid kyi bye brag /shel dang zla ba gangs 'dra ba/ /dri med dag pa mthong ba ni/ /zhi ba chos kyi rang bzhin sku/ /thams cad kyi ni gzhi zhes bya/ /zhes gsungs pa yin te bsam pa'i thangs ni gong du bshad la/ yi ge'i don ni yi ge a shel dang zla ba lta bur dkar ba klad kor dang bcas pa bsam ste/ de ni chos kyi sku'i rang bzhin du shes par bya'o/ /de bas na thams cad kyi ni gzhi zhes bya/ /zhes pa ste chos kyi sku ni thams cad kyi gzhi ste chos kyi sku'i dbang gis thams cad 'byung ba'i phyir ro/ /gnyis su na a de thams cad kyi snying po yin pas na thams cad kyi gzhi zhes bya'o/ /de las gsang sngags dngos grub ni/ /sna tshogs gzugs can thob par 'gyur/ /de bzhin gshegs pa'i gnas mthong na/ /mtho ris dang ni byang grol 'thob/ /ces pa ni de ltar sems yongs su sbyangs nas a de klad pa'i nang du bsams te rig 'dzin la sogs pa'i grub pa thob par 'gyur ro zhes pa'o/ /rnam par snang mdzad mngon par rdzogs par byang chub pa rnam par spral pa byin gyis rlob pa las/ dngos grub sgrub pa'i de kho na nyid rim par phye ba rgyas pa'o/ /da ni lha'i rang bzhin gyi ting nge 'dzin bshad de/ de la lha'i rang bzhin yang 'og nas 'byung ba'i tshul gyis rnam pa drug tu rig par bya ste/ rnam pa drug po de dag kyang gzugs dang phyag rgya la sogs

  269. 135a

    pa yin la/ lha'i rang bzhin de rnams ni sngar bshad pa'i yan lag rnam pa bzhi la sogs pas bshad zin pa dag yin te/ de yang phyi rol du de bzhin gshegs pa'i sku la dmigs pa dang/ bdag nyid lha'i gzugs su bsgyur ba ni gzugs kyi lha'i rang bzhin no/ /zla ba'i dkyil 'khor ni byang chub kyi sems kyi phyag rgyar gyur pa'i lha'i rang bzhin no/ /zla ba'i dkyil 'khor la yig 'bru dgod pa ni sgra'i lha'i rang bzhin no/ /bdag lhar bsgyur ba na/ utpal la sogs pa rnam par grol ba'i phyag rgya ni gzugs dang bcas pa'i phyag rgya'i lha'i rang bzhin no/ /phyag rgya de nyid lag ba'i phyag rgyar bsgyur te/ lha'i skur byin gyis brlabs pa dang bsrung ba la sogs pa bya ba ni gzugs dang bcas pa ma yin pa'i phyag rgya'i lha'i rang bzhin no// drug pa ni yongs su dag pa'i lha'i rang bzhin mtshan ma med pa'i ting nge 'dzin la gnas pa ste/ lha'i rang bzhin de sngar ma bshad pas skabs 'dir bshad par bya ba dang/ lha'i rang bzhin lnga po sngar bshad pa rnams kyang bzlas pa'i yan lag tsam du shes kyi/ lha'i rang bzhin yin par ma shes te/ phyag rgya la sogs pa de rnams kyang lha'i rang bzhin yin par bstan pa'i phyir/ de nas yang bcom ldan 'das la gsang ba la'i bdag po phyag na rdo rjes 'di skad ces gsol to zhes pa la sogs pa nas/ lha'i gzugs byin gyis brlabs pa bshad du gsol zhes pa'i bar te/ 'og nas 'byung lha'i gzugs su byin gyis rlob par 'gyur ba de bshad du gsol zhes pa ste/ gzugs shes pa'i tshig ni lha'i rang bzhin zhes pa'i don to// lha'i rang bzhin de bshad par gsol ba de la dgos pa ci zhig yod ce na/ lha'i gzugs gang gis byang chub sems dpa' gsang sngags kyi sgo nas byang chub sems dpa' i spyad pa spyod pa rnams lha'i gzugs la dmigs nas bdag nyid rang gi lha'i

  270. 135b

    gzugs su bsgyur bas the tshom ma mchis par dngos grub 'thob par 'gyur ba zhes gsungs te/ de la lha'i gzugs la dmigs nas zhes pa ni phyi rol gyi de bzhin gshegs pa'i sku dang de la zla ba'i dkyil 'khor sngags dang bcas pa'i lha'i rang bzhin la dmigs nas zhes pa'o/ /bdag nyid rang gi lha'i gzugs su bsgyur bas zhes pa ni zhi ba dang rgyas pa dang/ rab dang 'bring la sogs pa'i grub pa dang las lha lha'i gzugs su bsgyur bas zhes pa'o/ /the tshom ma mchis par dngos grub 'thob par 'gyur zhes pa ni lha'i rang bzhin de rnams bshad pas de shes par gyur na the tshom med pas ji ltar bsams pa'i don 'grub par 'gyur ba'i phyir lha'i rang bzhin de rnams bshad du gsol zhes sbyar ro/ /gsang ba pa'i bdag po de la lha'i gzugs ni rnam pa gsum ste/ yi ge dang phyag rgya dang gzugs so/ /zhes pa la lha'i gzugs rnam pa gsum ni lha'i rang bzhin rnam pa gsum zhes pa'o/ /yi ge zhes pa rang bzhin mi 'gyur ba zhes pa'i tshig ste de yang gang zhe na/ de la yi ge la yang rnam pa gnyis te/ sgra dang byang chub kyi sems so zhes pa'o/ /de la sgra ni sngags kyi yig 'bru ste/ sgra des kun rdzob dang don dam pa'i lha rnams kyi rnam par grol ba ston pa las rang bzhin gzhan du mi 'gyur bas na mi 'gyur ba zhes bya ste/ 'di ltar de bzhin gshegs pa rnams byung yang rung ma byung yang rung chos rnams kyi chos nyid de ni ye nas gnas pa ste/ de yang 'di ltar/ gsang sngags rnams kyi gsang sngags kyi chos nyid do zhes ji skad du gsungs pa las so/ /byang chub kyi sems ni zla ba'i dkyil 'khor la bya ste/ de bzhin nyid kyi rang bzhin byang chub kyi sems de zla ba'i dkyil 'khor du byin gyis brlabs pa ste/ zla ba'i dkyil 'khor de byang chub kyi sems kyi phyag rgyas btab pa'i phyir ro/ /byang chub kyi sems de la mi 'gyur ba zhes bya ste/ phyin ci ma log par yongs su grub pas stong pa nyid kyi rang bzhin la gzung ba

  271. 136a

    dang 'dzin pa la sogs pa'i rnam pa med pas rnam par rtog pa can du mi 'gyur ba'i phyir ro/ /phyag rgya'i gzugs la yang rnam pa gnyis te/ gzugs dang bcas pa dang/ gzugs dang bcas pa ma yin pa'o/ /zhes pa la gzugs dang bcas pa ni lha rnams kyi so so'i rnam par grol ba'i phyag rgya padmo dang utpal la sogs pa'o/ /gzugs dang bcas pa ma yin pa ni padmo la sogs pa'i phyag rgya de dag nyid lag pa'i phyag rgyar bsgyur ba'o/ /lha'i gzugs kyang rnam pa gnyis te/ yongs su dag pa dang yongs su ma dag pa'o/ /zhes pa la lha'i gzugs ni lha'i rang bzhin shes pa ste/ de yang gang zhe na/ de la yongs su dag pa'i rtogs pa'i ngo bo ste mtshan ma thams cad dang bral ba'o zhes gsungs pa'o stong pa nyid kyi ting nge 'dzin kha dog dang dbyibs la sogs pa'i rnam pa'i mtshan ma thams cad spangs pa de bzhin nyid kyi ye shes kyi lha'i rang bzhin shes pa'o/ /yongs su ma dag pa ni mtshan ma dang bcas pa'i gzugs de kha dog dang dbyibs so zhes pa ni 'phags pa 'jam dpal dang spyan ras gzigs kyi dbang po la sogs pa'i cha lugs te kha dog dang dbyibs la sogs pa'i mtshan ma la dmigs pas ma dag pa zhes bya'i/ /don gyi bya ba byed pa'i sgo nas yongs su ma dag pa mi ma yin no/ /de la lha'i gzugs rnam pa gnyis kyis dgos pa rnam pa gnyis 'grub par 'gyur te zhes pa ni yongs su dag pa dang/ yongs su ma dag pa'i lha'i gzugs rnam pa de gnyis kyis dgos pa rnam pa gnyis 'grub par 'gyur ro zhes pa'o/ /de yang gang zhe na/ mtshan ma dang bcas pas ni mtshan ma dang bcas pa'o/ /zhes gsungs te kha dog dang dbyibs dang ldan pa'i mtshan ma dang lha'i gzugs su bsgyur ba'i ting nge 'dzin gyi ral gri dang rdo rje la sogs pa'i grub pa'i rdzas

  272. 136b

    mtshan ma dang bcas pa 'grub ces pa'o/ /mtshan ma med pas ni mtshan ma dang bcas pa'i dngos grub kyang 'byung bar 'gyur ro zhes pa ni stong pa nyid kyi lha'i rang bzhin mtshan ma med pa'i ting nge 'dzin gyis ni ral gri dang rdo rje la sogs pa'i rdzas kyi mtshan ma la mi bltos pa'i dngos grub mngon par shes pa lnga dang/ gzungs dang rnam par thar pa la sogs pa rnams 'thob bo zhes pa'o/ /skabs 'dir mtshan ma med pa zhes pa ni sgrub pa'i rdzas ral gri la sogs pa'i mtshan ma med la bya'i/ mngon par shes pa lnga la sogs pa dmigs pa dang bcas pa grub pas na mi dmigs pa'i mtshan ma med pa la ni mi bya'o/ /mtshan mar bcas pas mtshan bcas kyi/ /dngos grub rgyal ba dam pa bzhed/ /zhes bya ba la sogs pas ni yongs su dag pa dang yongs su ma dag pa'i ting nge 'dzin las mtshan ma dang bcas pa'i grub pa dang mtshan ma med pa'i grub pa so sor gyur pa las kyang mtshan ma dang bcas pa'i lha'i rang bzhin las grub pa yang mtshan ma dang bcas pa nyid 'byung gi/ mtshan ma med pa'i grub pa mi 'byung ba'i nges pa bshad pa yin no// rgyal ba dam pa bzhed ces pa ni de lta bu sngon gyi sangs rgyas bcom ldan 'das rnams kyis kyang dgongs pa 'am bzhed do zhes pa'o/ /mtshan ma med la gnas pas ni/ /mtshan ma can yang bsgrub tu rung/ /zhes pa ni mtshan ma med pa'i lha'i ting nge 'dzin las mngon par shes pa lnga la sogs pa rdzas la mi bltos pa mtshan ma med pa'i grub pa 'ba' zhig ma yin gyi/ ral gri la sogs pa'i rdzas kyi mtshan ma dang bcas pa yang 'grub bo zhes pa'o/ /de bas rnam pa thams cad du/ /mtshan ma med pa bsten par bya// zhes pa ni mtshan ma med pa'i ting nge 'dzin las mtshan ma dang bcas pa dang mtshan ma med pa gnyi ga 'grub pas rnam pa thams cad du mtshan ma med pa de bsten par bya'o/ /zhes pa'o/ /rnam par snang mdzad chen po mngon par rdzogs par byang chub rnam par sprul pa

  273. 137a

    byin gyis rlob pa las/ lha'i ting nge 'dzin gtan la dbab pa rim par phye ba'o/ /de nas yang bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba'i bdag po de la byang chub sems dpa' gsang sngags kyi sgo nas byang chub sems dpa' i spyad ba spyod pa mtshan ma med pa'i ting nge 'dzin sgrub bar 'dod pas 'di ltar bsam par bya'o/ /zhes pa la sogs pa ni gong du yongs su dag pa dang yongs su ma dag pa'i lha rnam pa gnyis kyi ting nge 'dzin sgom pa'i thabs bzlas pa'i yan lag bzhi la sogs pa skabs snga mar bshad cing bstan du zin kyang yongs su dag pa'i lha'i rang bzhin gyi ting nge 'dzin sgom pa'i rim pa ma bstan pas nga 'dir ni mtshan ma med pa'i ting nge 'dzin de sgom na sngar lus dang sems dang yid gsum gyi mtshan ma 'byung ba so sor bshig nas sun phyung ste mtshan ma 'byung ba med par bya ba'i thabs bstan te/ de la mtshan ma rnams gang nas byung/ ci bdag gi lus sam/ bdag gi sems sam/ bdag gi yid las byung zhes pa ni mtshan ma rnams gang las 'byung zhes dang por dris pa'o/ /lus sam zhes pa ni sems dang yid gnyis ma gtogs par 'byung ba chen po'i rang bzhin gyi lus de las sngon po dang ser po la sogs pa'i mtshan ma 'byung ngam zhes brtags pa'o/ / sems sam zhes pa ni yid kyi rnam par shes pa de las mtshan ma 'byung ngam zhes brtags pa'o/ /yid las shes pa ni sgo drug gi rnam par shes pa las mtshan ma de 'byung ngam zhes brtags pa ste/ yid ches pa ni rnam pa dang bcas pa'i bsam pa la bya ste/ gzugs la sogs pa'i rnam par snang ba'i sgo drug gi rnam par shes pa nyid la bya'o/ /de la thog mar lus las mtshan ma mi 'byung bar brtag pa ni/ de la lus ni las las skyes pa ste zhes pa nas gsang ba pa'i bdag po de ltar

  274. 137b

    lus la lus kyi rjes su song ba'i dran pa ngo bo nyid kyis stong par bsgom par bya'o zhes pa'i bar te mdor na las las skyes pa'i lus de ni rang bzhin gyis bems po ste rtswa dang shing dang bong ba lta bu'o/ /ji ltar rtswa dang shing dang bong ba de sngon po dang ser po la sogs pa'i mtshan ma 'byung ba'i bya ba mi byed pa bzhin du lus de yang mtshan ma rnam? 'byung ba'i bya ba mi byed do zhes pa'o/ /de nyid kyi dpe yang gsungs pa ni phyi rol gyi rnam pa lta bu la bzos byas pa'i gzugs lta bur brtag par bya'o zhes bya ba la sogs pa ste/ ji ltar bzo bos rdo dang ma la sogs pa la lha dang mi'i rnam pa'i gzugs byas pa de mi 'ga' zhig gis khros te me 'am/ dug gam/ mtshon nam/ chu 'am/ rdo rjes gshig gam/ bsregs sam/ bcad kyang mi dga' ba cung zad kyang med la/ de bzhin du skyes bu 'ga' zhig gis byams pa'i sems dang bcas pas bza' ba 'am btung ba la sogs pa'am/ /gos dang rgyan la sogs pa lha dang mi'i yo byad ji skad du smos pa rnams kyis mchod kyang gzugs de la drin du bzo ba dang byams pa'i sems mi skye ba de bzhin du/ bdag gis lus 'di yang rang bzhin gyis bems po ste mtshan ma la sogs pa skyed pa'i bya ba byed pa ma yin no zhes lus de ltar bshig nas mtshan ma med pa'i ting nge 'dzin du 'jug par bya'o zhes dgongs pa'o/ /gsang ba pa'i bdag po de gzhan yang ? ni ngo bo nyid med pa zhes pa nas ngo bo nyid kyis mtshan ma dang bral ba'o snyam du bsam par bya'o zhes pa'i bar gyis sems las byung ba'i mtshan mi 'byung bar bya ba'i sgom pa'i thabs bstan pa ste/ sems de ni don dam par gzung ba dang 'dzin pa'i rang bzhin med pa sngon po dang ser po la sogs pa'i mtshan ma thams cad dang bral ba rang bzhin gyis stong pa yin pa'i phyir dus gsum las yang dag par 'das pa ste/ gang dus gsum med cing rang bzhin gyis stong pa de ni de bzhin nyid kyi mtshan nyid rnam par mi rtog pa

  275. 138a

    yin pas mtshan ma 'byung ba ma yin par rig par byas la mtshan ma med pa'i ting nge 'dzin la gnas par bya'o zhes dgongs ba'o/ /gsang ba ba'i bdag po gzhan yang byis pa so so'i skye bo rnams yid mtshan ma dang bcas par rtog ste 'di ni yang dag pa ma yin pa'i kun tu rtog pa'i tshig bla dags so/ /yang dag ba ma yin ba gang yin pa de ni ma skyes pa'o zhes bya ba ni rab tu mi shes so zhes pa ni yid las mtshan ma me 'byung bar brtag pa bstan te/ ? la sogs pa'i sgo drug gi rnam par shes ba gzugs la sogs pa'i rnam bar snang bar 'byung ba ni byis pa rnams kyi 'khrul bar rtog pa ste/ byis pa de rnams kyis ni 'khrul pa yin par mi shes so zhes pa'o/ /yang dag pa ma yin pa gang yin pa de nad? ma skyes pa'o zhes bya ba ni gong du sgo drug gi rnam par shes pa de yang dag par yod pa ma yin pas yang don dam par mtshan ma 'byung ba'i rgyu ma yin no zhes pa'o/ gsang ba pa'i bdag po byang chub sems dpa' gsang sngags kyi sgo nas byang chub sems dpa' i spyad pa spyod bas da ltar bsams na mtshan ma med pa'i ting nge 'dzin thob bar 'gyur ro zhes pa ni ji ltar yongs su ma dag pa'i lhar bdag gi lus su bsgyur ba na lha de'i kha dog dang dbyibs ci 'dra bar bsgyur ba bzhin du mtshan ma med pa'i lha'i rang bzhin du bsgyur ba na yang mtshan ma med pa'i ting nge 'dzin du zhugs na yongs su dag pa'i lha'i rang bzhin du bsgyur ba yin te/ mtshan ma med pa'i ting nge 'dzin rab tu thob bo zhes pa ni yongs su dag pa'i lha'i rang bzhin du gnas par 'gyur ro zhes pa'o/ /gsang ba pa'i bdag po nam mtshan ma med pa'i ting nge 'dzin la gnas par gyur pa de'i tshe de la de bzhin gshegs pas gsungs pa'i gsang sngags rnams mngon du phyogs shing gzhol bar 'gyur ro/ /zhes pa ni nam yongs su dag pa'i lha'i rang bzhin du gnas na de bzhin gshegs

  276. 138b

    pas gsungs pa'i thabs kyi lha rnams 'grub par 'gyur ro/ /de la gzhol ba zhes pa ni lha de rnams sngags pa de la gzhol lo zhes ba'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ mtshan ma med pa'i ting nge 'dzin rim par phye ba'o/ /gsang ba pa'i bdag po gzhan yang bzlas brjod gsang ba bshad par bya'o/ /zhes pa la sogs pa ni bzlas brjod kyi de kho na nyid kyi le'u bshad pa ste/ bzlas pa de yang lha'i rnal 'byor rnam pa gnyis la gnas nas bzlas pa ni gong du yongs su dag pa dang yongs su ma dag pa'i lha'i rang bzhin bshad pa la gnas nas te/ de yang yongs su ma dag pa'i lha'i rang bzhin la gnas pa'i bzlas brjod yan lag bzhir ldan pa ni sngar yang bshad zin mod kyi/ 'dir bshad pa ni nang gi mtshan ma med pa'i bzlas brjod dang 'jig rten dang 'jig rten las 'das pa'i bye brag dbye ba'i phyir ro/ /de la gcig pus gcig gam zhes pa ni yongs su dag pa'i lha'i rnal 'byor gcig pu la gnas nas yid kyi bzlas brjod gcig pu bya'o zhes ba'o/ /gcig gis gcig ces pa ni yongs su ma dag pa'i lha'i rnal 'byor pas kyang yid kyis bzlas brjod bya'o zhes ba'o/ /yang na shub bur rnam gnyis pa zhes pa ni yongs su dag pa dang yongs su ma dag pa'i lha'i rnal 'byor pa gnyi gas yang na shub bu'i bzlas pa bya'o zhes pa ste/ de bas na/ rnam gnyis pa/ rnal 'byor mchog gi brtag par bya/ /zhes gsungs pa yin te/ yongs su dag pa dang yongs su ma dag pa'i lha'i rnal 'byor la rtag tu brtsom par bya'o/ /sngags pa yan lag nyams sbyar bar/ /bzlas brjod gzhan du mi bya'o/ /zhes pa ni phyi nang gi yan lag bzhi'i bzlas brjod dang nang gi don dam pa'i bzlas pa 'di gnyis las gzhan pa'i bzlas pa cho ga nyams pa dang yan lag ma tshang ba dag mi bya'o zhes pa'o/ /phyi dang nang gi sbyor ba yis/ /yan lag bzhi pa ngas bshad pa/ /zhes ma nas gshubs te

  277. 139a

    bzlas brjod byed pa'i mchog /ces pa'i bar gyis ni gong du don dam pa dang kun rdzob kyi rang bzhin mdor bstan pa de las kun rdzob kyi bzlas pa phyi'i yan lag gsum dang nang gi yan lag gcig ste bzhir ngas bshad pa de ni 'jig rten gyi bzlas pa ni yin la/ /de yang dmigs pa dang bcas pa'i bzlas pa'i nang na mchog go zhes pa'o/ /slar sdud pa yi tshig gis non/ /zhes pa ni snga ma bzhin no/ /lha'i rjes su song ba'i yid/ /ces pa ni 'di la sems rtse gcig tu dmigs par bya'o zhes pa'o/ /yid kyis 'jig rten 'das shes bya/ /zhes pa nas/ gzhan du bya ba ma yin no/ /zhes pa'i bar gyis mi gong du bshad pa'i don dam pa'i bzlas pa de zhib tu 'gral ba ste/ de la/ slar sdud la sogs rnam par spangs/ /shes pa 'jig rten las 'das pa'i bzlas pa de yongs su ma dag pa'i lha'i rang bzhin la dmigs pa ma yin pas phyi rol gyi bzlas pa'i yan lag las nang gi yan lag tu bsdu ba med do zhes pa'o/ /lha dang gcig tu byed pa dang/ zhes pa ni lha'i gzugs dang ?? gzugs gcig tu byed pa'o/ /tha dad ma yin 'dzin pa yin/ zhes pa ni lha dang bdag gnyis gcig tu bya ba yang gzugs tha dad pa gnas gcig tu 'jug pa yang srid pas de lta bu ma yin gyi/ /lha dang bdag gnyis tha mi dad par bya'o zhes pa'o/ /lha dang bdag gnyis tha mi dad pa yang gzugs kyi rang bzhin du tha mi dad pa srid pas de bsal ba'i phyir/ /yid kyi rang bzhin dbyer med bya/ /zhes gsungs pa yin te gzugs la sogs pa gcig tu bya ba ni ma yin gyi yid gnyis pa stong pa nyid kyi rang bzhin du dbyer med par bya'o zhes pa'o/ /gzhan du bya ba ma yin no zhes pa ni 'jig rten las 'das pa'i bzlas bde tshul 'di 'dra ba las gzhan du mi bya'o zhes pa ste mdor na rang gi snying po gang yin pa'i sgra'i de kho na nyid la dmigs nas bdag nyid kyi gzugs stong pa nyid du bshig ste shags nas kyang ji ltar?

  278. 139b

    gzugs stong pa nyid du phyi nang gi chos thams cad kyang stong pa'i rang bzhin du gcig par rtog par bya ste/ de ltar chos thams cad stong pa'i rang bzhin du dbyer med pas bdag dang lha'i rang bzhin kyang stong pa'i mtshan nyid du dbyer med par rtog par byas la/ stong pa'i ting nge 'dzin rtse gcig pa la gnas nas yid la bzlas par bya'o zhes pa'o/ /gsang sngags grangs ni sum 'bum du/ /phal cher ngas ni bshad pa dag /lus can sdig dang bral ba yi/ /sngags pa rnam par dag ba la/ /bzlas brjod grangs 'di bstan pa ste/ /gzhan du bya ba ma yin no zhes pa ni grangs sum 'bum gyi bsnyen pa sngon du byas nas bsgrub bo zhes ngas phal cher bshad pa de dag ni sngags pa sdig pa dang bral ba ste/ sdig pa dang bral ba la yang tshe rabs snga ma tshun tshad du bsod nams dang ye shes kyi tshogs bsags bsags pa 'am/ /tshe 'di la byang chub kyi sems sgom ba'i thabs sngar bshad pa'i rim pa bzhin du bsgoms nas mtshan ma byung ba la bya'o/ /rnam par snang mdzad chen po mngon par rdzogs par byang chub ba rnam par sprul ba byin gyi rlob pa las/ 'jig rten dang 'jig rten las 'das pa'i bzlas brjod kyi de kho na nyid rim par phye ba'o// //rnam par snang mdzad mngon par byang chub pa'i lus dang ngag dang yid kyi 'khor lo dkyil 'khor gsum byin gyis brlabs pa'i? sa lus kyi 'khor lo byin gyis brlabs pa snying rje chen po'i dkyil 'khor de bshad nas/ da ni dag gi 'khor lo byin gyis brlabs pa yi ge 'khor lo bskor ba 'dir bshad par bya ste/ 'dir lus dang ngag dang yid gsum ga'i 'khor lo 'dus mod kyi ngag gi 'khor lo gtso bo yin pas ngag gi 'khor lo byin gyis brlabs pa ste/ gzhan yang med pa ni ma yin no/ /de la dang po dkyil 'khor bri bar rtsom pa'i tshe dkyil 'khor gyi slob dpon gyis rang gi ting nge 'dzin gyi khyad par bshad ba gang

  279. 140a

    yang rung ba la dmigs te/ bdag dang 'khor thams cad bsrung pa'i phyir rig pa 'di lan gsum mam/ bdun nam/ nyi shu rtsa gcig bzlas par bya ba yin la/ bcom ldan 'das kyis rig pa de'i don rnam par thar pa'i ting nge 'dzin la dmigs nas sngags bshad par mdzad pa ni de nas yang bcom ldan 'das zhes pa nas rig sngags kyi rgyal mo byung ngo zhes ba'i bar gyis gsungs pa yin te/ de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas zhes pa de la thams cad dang ldan pa ni 'khor de dag nyid thams cad dang ldan pa zhes pa'i don to/ /rnam pa gcig tu na thams cad srung ba zhes pa ste byang chub sems dpa' i 'khor phyag na rdo rje de sems can thams cad srung zhing skyong ba'i phyir ro/ /gzigs ba ni 'khor sems bsdu bar bskur ba dang snod du gyur pa dang ma gyur pa brtag pa rnam pa gnyis kyi phyir 'khor la gzigs pa ni chos nyid kyis de lta bu yin te/ skabs 'di'i 'khor la de dag mi dgos kyang ma 'ongs pa la bstan pa'o/ /byams pa chen po dang snying rje chen po'i spyan gnyis kyis kyang sems can gyi khams thams cad la gzigs te zhes pa ni bcom ldan 'das mi gnas pa'i mya ngan las 'das pa rtog pa thams cad dang gtan du bral bas gzigs pa'i rtog pa mi 'byung mod kyi/ sngon gyi smon lam gyi shugs kyis thugs rje chen po'i yum dang byams pa chen po'i dbang gis sems can thams cad kyi khams la gzigs pa ni ma grol ba grol ba dang/ ma smin pa smin par bya ba'i phyir rig pa bshad par bzhed pa'o/ /bdud rtsi 'byung ba zhes bya ba'i ting nge 'dzin la snyoms par zhugs so zhes pa ni 'chi bar 'gyur ba med pa'i phyir bdud rtsi ste de yang/ chos kyi sku stong pa nyid do/ /de la dmigs nas ting nge 'dzin 'byung bas na bdud rtsi 'byung ba zhes bya'o/ /yang

  280. 140b

    na bdud rtsi de nyid ting nge 'dzin 'di las 'byung bas na bdud rtsi 'byung ba ste/ byang chub las chos kyi sku'i ye shes 'byung ba'i zhes pa'i don te/ ting nge 'dzin de la snyoms par zhugs nas rig pa gsungs pa'o/ /bcom ldan 'das snyoms par zhugs ma thag tu yan lag thams cad nas dus gsum du ma chags pa'i stobs can zhes bya ba'i rig sngags kyi rgyal mo byung ngo zhes pa de la bcom ldan 'das kyi yan lag thams cad ni longs spyod rdzogs pa'i sku dang sprul pa'i sku dang snying po byang chub kyi sku'i yan lag thams cad nas byung ba ste/ stong pa nyid rnam par mi rtog pa'i ting nge 'dzin la gnas pas zhal nas tshig tu 'byin pa mi rigs so zhes byas nas yan lag nas byung zhes pa'o/ /de la dus gsum du ma chags pa'i stobs can zhes pa ni sngar 'das pa dang ma 'ongs pa dang da ltar gyi dus la ma chags pa ni stong pa nyid de chos kyi dbyings yin la/ de la dmigs pa'i skye ba stobs dang ldan pa ni don dam pa'o/ /rig pa 'di'i mthus bdud dang rgol ba thams cad kyis bgegs byed bar mi tshugs pa ni kun rdzob tu'o/ rig pa ni shes pa'i don te/ skabs 'dir byang chub pa'i shes rab nyid la bya la/ rgyal mo ni shes rab thams cad kyi nang na byang chub pa'i shes rab mchog yin pa'i phyir rgyal mo zhes bya ste/ de bas na rig pa 'di yang byang chub nyid kyi ye shes kyi rang bzhin byin gyis brlabs pa'o/ /rig pa de'i rang bzhin dang gzugs bstan pa'i phyir rigs kyi bu rig sngags kyi rgyal mo 'di ni de bzhin gshegs pa thams cad kyi sku dang gnyis su med pa'i spyod yul can te zhes gsungs pa yin te de la de bzhin gshegs pa thams cad kyi sku ni chos kyi sku ste de dang rig pa 'di ni spyod yul gnyis su med de/ de bzhin nyid la dmigs par 'dra ba'i phyir ro/ /rig pa 'di'i mthu chen po bstan pa'i phyir/ 'di yis byin brlabs zhes pa nas/ chags med thob par 'gyur zhes bya ba'i bar gyis

  281. 141a

    gsungs te/ rig pa 'dis sangs rgyas dang byang chub sems dpa' thams cad kyi byin gyis brlabs pas na sangs rgyas dang byang chub sems dpa' de dag gis mi gnas pa'i mya ngan las 'das pa'i chos nyid chags pa med pa gang du sdug bsngal 'gag par 'gyur zhes pa'i don to/ /de la sangs rgyas dang zhes pa ni bla na med pa'i sangs rgyas la mi bya ste/ byang chub sems dpa' sa bcur phyin pa dbang bcu thob pa'i sangs rgyas de la bya la/ byang chub sems dpa' de ni las gzhan pa 'phags pa'i sa la gnas pa rnams la bya'o/ /chos nyid chags med ces pa ni mi gnas pa'i mya ngan las 'das pa'i rang bzhin te/ nyon mongs pa dang shes bya'i sgrib pa med pas na ma chags pa'o zhes bya'o/ /yang ci lta bu zhe na/ gang du sdug bsngal 'gag 'gyur ba'i/ /zhes pa ste mya ngan las 'das pa zhes bya ba'i chos de la phung po'i sdug bsngal rnams med ces pa'i don to/ /de nas bcom ldan 'das kyis yi ge 'khor lo'i dkyil 'khor spyad pa 'khor rnams la bshad par bya'o zhes bka' stsal pa/ de nas bcom ldan 'das rnam par snang mdzad ces ma nas rim par phye ba rgyas pa nyon cig ces pa'i bar du gsungs pa yin te/ de la de bzhin gshegs pa thams cad rjes su dgongs nas zhes pa ni sems can gzhan dang ma 'ongs pa'i sems can rnams ci tsam na yang dang por de bzhin gshegs pa rjes su dran par gyis shig ces lung bstan pa'o/ /bdag nyid dang phyag na rdo rje gnyis nga gzod ma nas ma skyes pa nyid du byin gyis brlabs te zhes pa ni dkyil 'khor gyi cho ga bstan pa ste/ 'chad pa po dang nyan pa po gnyis ting nge 'dzin la snyoms par zhugs nas 'chad cing nyan pa'i tshul te/ de bas na 'chad pa po bcom ldan 'das dang nyan pa po phyag na rdo rje gnyi ga ma skyes pa'i chos stong pa nyid kyi ting nge 'dzin la snyoms par zhugs par bstan te/ de yang ting nge 'dzin la ma zhugs pa'i spyod yul ma yin pa'i

  282. 141b

    phyir ro/ /de bas na dkyil 'khor gyi slob dpon gyis kyang dkyil 'khor dang por brtsom pa'i tshe bdag nyid kyang byin gyis brlabs/ grogs byed pa yang rdo rje dam pa byin gyis rlobs shig ces pa ste de pa yang dam slob dpon gyis stong pa nyid du byin gyis brlab bo/ /yi ge 'khor lo bskor ba zhes bya ba'i dkyil 'khor sbyar ba rim par phye ba rgyas pa zhes pa de la yi ge 'khor lo bskor ba zhes pa ni gcig tu na yi ge 'khor lo bzhin du bskor ba ste yi ge a dbus su bzhag la ka la sogs pas mdza' bskor ba'i phyir ro/ /gnyis su na 'khor lo'i dkyil 'khor du yi ger bsgyur bas na yi ge'i 'khor lo bskor ba ste/ dkyil 'khor der gzugs yi ge'i 'brur bsgyur te bkod pa'i phyir ro/ /spyad pa zhes pa ni dkyil 'khor gyi las su bya ba'i phyir rnams so/ /rim par phye ba zhes pa de nyid kyi gzhung gi le'u'o/ /rgyas pa zhes pa ni dkyil 'khor der slob ma'i bsod nams kyi tshogs shin tu 'phel ba'o/ /dkyil 'khor de yang ji lta bu zhe na/ rang bzhin bstan pa'i phyir byang chub sems dpa' gsang sngags kyi sgo nas byang chub sems dpa' i spyad pa spyod pa rnams la sangs rgyas kyi mdzad pas so sor nye bar gnas pa zhes gsungs te/ de la sangs rgyas kyi mdzad pa ni tshe 'di dang pha rol tu mngon par mtho ba dang nges par legs pa'i 'bras bu thob par mdzad pa yin la/ de bzhin du dkyil 'khor 'di'i sgo nas sngags spyod pa rnams tshe 'di? dang pha rol tu 'jig rten dang 'jig rten las 'das pa'i 'bras bu thob par byed pa'i phyir dkyil 'khor 'di ni sangs rgyas kyi mdzad pas nye bar gnas pa yin te de bshad kyis nyon cig ces pa'i don to/ /bcom ldan 'das kyis yi ge 'khor lo bskor ba'i dkyil 'khor spyad pa bshad par gnad bas des phyag na rdo rje shin tu mgu nas bcom ldan 'das la yon tan gyi sgo nas bstod pa yang bcom ldan 'das la gus pa bskyed pa'i phyir phyag 'tshal te rdo rje pad+ma'i stan de las rdo rje 'bab pa'i tshul du

  283. 142a

    babs zhes gsungs te/ rdo rje'i tshul du babs pa ni g.yeng ba dang 'drog pa med par brtan por babs pa'o/ /gcig tu na dkyil 'khor 'di'i nang nas bcom ldan 'das kyi rgyu dang 'bras bu'i yon tan 'byung ba rnams kyi sgo nas bstod pa'i phyir/ de nas phyag na rdo rjes bcom ldan 'das la mngon par bstod pa zhes sbyar ro/ /bcom ldan 'das zhes bya ba la sogs pas yon tan rnam pa lnga'i sgo nas bstod de/ byang chub kyi sems kyi sgo nas bstod pa dang/ rgyu dang 'bras bu'i spyod pa'i sgo nas bstod pa dang/ de bzhin gshegs pa'i de ma thag pa'i lam gyi sgo nas bstod pa dang/ kun tu sangs rgyas pa'i yon tan gyi sgo nas bstod pa dang/ mya ngan las 'das pa'i yon tan gyi sgo nas bstod pa ste/ yon tan gyi go rims kyang 'di ltar rigs mod kyi/ tshigs su bcad pas sbyar ba de ba'i phyir gor 'og bsnor te gsungs so/ /de la phyag 'tshal byang chub sems khyod la/ /zhes pa ni byang chub kyi sems dngos ni byang chub sems dpa' i sa dang po yan chad la bya mod kyi/ /sa dang po la sogs pa rnams dang pha rol tu phyin pa'i sgo nas bstod zin pas na de la mi bya bar skabs 'dir ni btags pa'i byang chub mos pas spyod pa'i sa la bya ste/ de yang de bzhin gshegs pa'i rgyu yin pas rgyu de la 'bras bu de bzhin gshegs pa'i ming gis btags so/ /phyag 'tshal byang chub 'byung khyod la/ /zhes pa ni de bzhin gshegs pa'i de ma thag pa'i lam gyi yon tan gyi sgo nas bstod pa ste/ byang chub sems dpa' i sa bcu las 'das nas snying po byang chub ma thob kyi bar du de ma thag pa'i lam ste/ de las byang chub 'byung bas na byang chub 'byung ba zhes bya'o/ /spyod gzugs shes pa la rgyu'i spyod pa dang 'bras bu'i spyod pa rnam pa gnyis las 'bras bu'i spyod pa ni/ lus dang ngag dang yid gsum gyi 'khor lo'i spyod pas 'jig rten gsum

  284. 142b

    du khyab par ston pa yin la/ rgyu'i spyod pa'i gzugs ni sa dang pha rol tu phyin pa rnams so/ /phyag 'tshal thog mar byed khyod la/ /zhes pa ni kun tu sangs rgyas ba'i yon tan gyi sgo nas bstod pa ste/ chos rnams thog ma nas yang dag par gzung ba dang 'dzin pa dang bral ba stong pa nyid yin pas de la phyag 'tshal ba'o/ /stong pa nyid la 'dud phyag 'tshal zhes pa ni mya ngan las 'das pa'i rang bzhin gyi sgo nas bstod pa ste chos thams cad ma byung ma skyes pa'i ngo bo nyid mi gnas pa'i mya ngan las 'das pa la phyag 'tshal lo zhes pa'o// de nas phyag na rdo rjes dkyil 'khor de bshad par gsol ba gdab pa'i phyir bcom ldan 'das la 'di skad ces gsol to zhes pa nas bshad du gsol zhes pa'i bar du gsungs so/ /de la gang dag dang ldan na bdag cag rnams zhes pa ni bcom ldan 'das kyis bshad pa'i dkyil 'khor gyi tshul de dag dang ngo/ /de la phyag na rdo rje ni rtogs pa'i chos dang ldan pa yin pas/ bcom ldan 'das kyis bshad pa'i lung gi chos de des thos nas sems can gyi don bya ba dang sngags kyi tshul rdzogs par bya'o zhes pa de mi rigs so/ / de ci'i phyir zhe na/ rtogs pa'i chos nyid la gnas pas lung gi chos mnyam nas sems can gyi don bya ba la sogs pa mi rigs pa'i phyir ro zhe na/ de ni de lta ma yin te/ gcig tu na bcom ldan 'das kyi chos bshad pa gces shing btsun par bstod pa'i phyir te/ bcom ldan 'das kyis chos de bshad pa na phyag na rdo rje lta bu rtogs pa dang ldan pas kyang thos nas yon tan gyi bye brag thob par 'gyur na gzhan lta ci smos snyam du 'jig rten gyis shes par bya ba'i phyir ro/ /yang gcig tu na phyag na rdo rje rtogs pa'i chos dang ldan pa yin mod kyi lung gi chos rnams kyang bcom ldan 'das las mnyan te sems can gyi don mdzad par gyur na yang nyes pa med do/ /de nas bcom ldan 'das mi gnas pa'i mya ngan las 'das pa la bzhugs pas rnam par rtog pa mi mnga' pa'i

  285. 143a

    phyir chos gsung ba'i tshig de 'byung bar mi rigs la/ yang na ni rnam par mi rtog pa'i tshig nyams par 'gyur ro snyam pa de 'dra ba'i klan kar mi 'gyur ba'i phyir/ bcom ldan 'das kyi longs spyod rdzogs pa dang/ sprul pa'i skus chos kyang bshad la rnam par mi rtog pa'i ting nge 'dzin las kyang nyams pa med par bstan pa'i phyir/ da ni 'jig rten dang po yi/ zhes pa nas/ las kyi rnam par smin pa bzhin du mthong bar 'gyur ba de lta bu'i byin gyis brlab pa mdzad do/ zhes pa'i bar du gsungs pa yin te/ de la 'jig rten dang po yi/ /zhes pa dang/ chos bshad do zhes pas ni mi rtog pa'i ngang las chos bshad pa mi 'byung ba ma yin par bstan to/ /de la 'jig rten dang po ni rnam pa gnyis te/ dag pa dang ma dag pa'o/ /de la dag pa ni sa dang po yan chad kyi byang chub sems dpa' rnams te/ de rnams sngar byung nas phyis mngon par chos bshad pa mi 'byung ba ma yin par bstan te/ de rnams dang po'i 'jig rten sangs rgyas pa yin pa'i phyir 'jig rten dang po zhes bya'o/ /de la ma dag pa'i 'jig rten pa ni bskal pa chen po zhig pa'i 'og tu dang po 'jig rten 'chags pa'i tshe tshangs pa dang brgya byin la sogs pa dang po nyid du 'byung bas na 'jig rten dang po zhes bya'o/ /de dag la bcom ldan 'das kyis chos rnam pa gsum bshad pas na de dag gis bcom ldan 'das la 'jig rten gyi mgon po zhes bsgrags so/ /de la chos bshad pa rnam pa gsum po de yang gang zhe na/ mnyam pa med pa'i chos dang gzod ma nas zhi ba dang/ bla na med pa'i chos so/ /de rnams kyang 'jug pa dang sbyor ba dang/ 'bras bu'i bye brag tu blta ste/ de la mnyam pa med ces pa ni bla na med par 'jug pa'i chos de dge ba bcu dang sbyin pa la sogs pa'i dge ba'i chos rnams so/ /de yang 'jig rten la phyi rol mu stegs kyi chos dang mi mtshungs pas na mnyam

  286. 143b

    pa med pa'o/ /gzod ma nas zhi ba zhes pa ni sangs rgyas par sbyor ba'i rim pa ste/ chos thams cad rgyu dang rkyen gyis mi bskyed pa'i phyir na gzod ma nas zhi ba'o zhes bstan to/ /de la bla na med pa zhes pa ni 'jug pa dang sbyor ba'i 'bras bu ste mi gnas pa'i mya ngan las 'das pa'i bstan pa'o/ /de ltar chos bstan cing 'chad mod kyi rnam par mi rtog pa las nyams pa med par bstan pa'i phyir de lta bu'i byin gyis brlab pa mdzad do zhes gsungs te/ de la de lta bu'i byin gyis brlab pa zhes pa ni byang chub sems dpa' kun tu bzang po la sogs pa bsam pa yongs su dag pa rnams ji ltar bcom ldan 'das kyi byin gyis brlabs pa 'od la sogs pas bskul ba de lta bus byin gyis brlabs nas snying po byang chub na bzhugs pa'i sku mthong bar bstan to/ /de dag gis snying po byang chub kyi sku mthong ba de ji lta bur mthong zhe na/ nam mkha' bzhin du spros pa med pa la sogs par te nam mkha' bzhin zhes pa ni rang bzhin gyis 'od gsal zhing dri ma med pa stong pa nyid kyi rang bzhin no/ /spros pa med pa zhes pa ni nang gi yid kyi rnam par shes pa'i rnam par rtog pa thams cad spangs shes pa'i don to/ /spyod pa la gnyis su med pa'i rnal 'byor zhes pa ni lus dang ngag dang yid gsum gyi 'khor los spyod pa dang snying po byang chub kyi sku gnyis su med par sbyor ba ste/ de gnyis rang bzhin dbyer med pa'i phyir ro/ /las kyi rnam par smin pa bzhin zhes pa ni las kyi rnam par smin pa dang 'dra'o zhes pa ste/ rnam par smin pa nyid ma yin gyi de dang 'dra bar bstan pa'o/ /de ci'i phyir zhe na/ sems dad pa'i sems can ni las kyi rnam par smin pa la brten te de nyid zad par 'gyur gyi bcom ldan 'das ni bsod nams dang ye shes kyi tshogs chen po'i rgyu mthun pa'i 'bras bu de zad par mi 'gyur ba ste/ snying po byang chub kyi sku de ni bsod nams dang ye shes kyi tshogs chen po'i rgyu mthun pa'i

  287. 144a

    'bras bu yin pas na rnam par smin ba lta bu zhes bya'o/ de'i tshe bcom ldan 'das kyi yan lag dang/ de bzhin gshegs pa'i sku thams cad nas zhes pa nas/ snying po 'di la brtson par bya'o zhes pa'i bar gyis ni yi ge a yi ge 'khor lo bskor ba'i dkyil 'khor gyi bdag por bzhag nas a de'i yon tan brjod pa dang bcas par gsungs pa yin te/ de la bcom ldan 'das kyi yan lag dang de bzhin gshegs pa'i sku thams cad nas zhes pa ni yi ge a de de bzhin gshegs pa'i lus kyi 'khor lo sku thams cad nas byung ngo zhes pa'i don to/ /'jig rten pa dang 'jig rten las 'das pa zhes pa la sogs pa de dag ni yi ge a'i mthu chen po bstan pa ste/ de la 'jig rten pa zhes pa ni mu stegs kyi drang srong la sogs pa dang phyogs gcig stong par lta ba rnams so/ /'jig rten las 'das pa zhes pa ni byang chub sems dpa' rnams la bya ste/ nyan thos dag ni 'og nas 'byung bas na 'dir ma gtogs so/ /nyan thos dang rang sangs rgyas dag kyang rang gi rnam par grol ba phyogs gcig gi sgo stong pa la gnas pa ste/ de rnams kyang sngags sgrub pa'i 'jug pa dang/ bsam gtan gyi sgor 'jug pa rnam pa gnyis te de gnyi ga'i yang srog dang 'dra ba'o/ /de ci'i phyir zhe na/ de dag thams cad kyang don dam par yang la la ni phyin ci ma log par yongs su grub pa'i stong pa/ la la ni phyogs tsam stong par lta ba ste/ spyir na thams cad stong pa'i don la brtan pas na yi ge a'i don ma skyes pa'i chos nyid ni de dag thams cad kyi srog lta bu'o/ /kun rdzob tu yang gang yig 'bru la brten pa'i chos thams cad a las 'gyur bas na srog lta bu'o/ /de la bsam gtan zhes pa ni rnal 'byor te sems pa'o/ /bsam gtan du khyab zhes pa ni bsam pa de'i 'bras bu gang yin pa ste de ni bsam

  288. 144b

    gtan gyi sgo nas 'jug pa'o/ /dngos grub sgrub pa ni rab dang 'bring dang tha ma la sogs pa ste de dag sgrub pa'i phyir 'jug pa de ni sngags sgrub pa'i sgor zhugs pa'o/ /yi ge'i 'bru rnams kun rdzob dang don dam pa'i sgo nas srog la sogs par 'gyur ba ste/ de la yi ge thams cad kyi 'tsho bar gyur pa zhes pa ni byang chub kyi sgo nas yi ge rnams a la brten pa'i phyir 'tsho bar gyur pa ste/ a zhes pa'i don ni ma skyes pa yin la/ de bzhin du yi ge ka zhes bya ba'i don kyang dgos pa thams cad dang bral ba ste ma skyes pa'i don to/ /de bas na yi ge ka byang chub kyi sa bon gyi 'tsho ba yang a la rag lus pa'i phyir srog ces bya'o/ /de bzhin du yi ge lhag ma rnams kyang shes par bya'o/ /de la yi ge thams cad kyi srog tu gyur pa zhes pa ni spyod pa'i sgo nas yig 'bru rnams de la brten pas na de'i phyir srog ces bya'o/ /skyabs su gyur pa zhes pa ni kun tu sangs rgyas pa'i sgo nas yi ge rnams kyi rten yin pas na skyabs so 'byung ngo zhes pa ni mya ngan las 'das pa'i sgo nas yi ge rnams byung ba'i don to/ /rigs kyi bu dag 'di ni de bzhin gshegs pa thams cad kyis byin gyis brlabs pa zhes pa ni sangs rgyas kyi sku'i 'khor lo thams cad kyis byin gyis brlabs zhes pa'i don to/ /byang chub sems dpa' gsang sngags kyi sgo nas byang chub sems dpa' i spyad pa spyod pa rnams la/ sangs rgyas kyi mdzad pas so sor nye bar gnas pa yin te zhes pa ni yi ge a de'i mthu chen po bstan pa ste sangs rgyas 'jig rten du 'byung ba'i tshe chos rnam pa gnyis bstan pa ni sangs rgyas kyi mdzad pa ste/ rnam pa gnyis ni bsam pa dag pa rnams la rtogs pa'i chos bstan pa dang/ bsam pa ma dag pa rnams la lung gi chos bstan pa'o/ /de bzhin du yi ge a yang chos de gnyi ga ston pa'i rgyu yin te/ de bas na sangs rgyas kyi mdzad pas so sor nye bar gnas pa yin no/ /ji

  289. 145a

    ltar zhe na/ rtogs pa'i chos rnams kyang yi ge a de'i don ma skyes pa las byung la/ lung gi chos rnams kyang yi ge'i 'bru'i sgo nas bshad pa yin te/ tshig thams cad yi ge a las ma gyur pa med pa'i phyir ro/ /sangs rgyas kyi mdzad pa byed par ji ltar shes zhe na/ chos thams cad ni a zhes bya ba'i sgo nas 'jug go zhes gsungs te/ de yang ji ltar zhe na/ yi ge a zhes bya bas rgyu byas pa las rtogs pa'i chos dang lung gi chos thams cad 'byung ba'i phyir te/ de ltar yi ge a zhes bya ba de sangs rgyas kyi mdzad pa byed cing chos thams cad 'byung ba'i sgo yin pa de lta bas na sngags la spyod pa'i byang chub sems dpa' rnams kyi yi ge a de de bzhin gshegs par blta ba la sogs pa bya ste de la de bzhin gshegs pa rnams mthong bar 'dod pas de bzhin gshegs pa rnams kyi snying po 'di la brtson par bya'o zhes sbyar te/ yi ge a zhes bya ba'i don ni de bzhin gshegs pa'i rang bzhin las gzhan ma yin pa'i phyir snying po byang chub nyid kyi snying po ste de ni don dam pa'o/ /kun rdzob tu yang a zhes bya ba'i yi ge'i ? bsgoms na de'i mthus de bzhin gshegs pa grangs med pa 'char ba'i phyir ro/ /de bzhin gshegs pa mchod par 'dod pas kyang yi ge 'di bsgom par bya la mchod pa yang sgrub pa'i mchod pa dang/ zang zing gi mchod pa rnam pa gnyis su rig par bya'o/ /de la sgrub pa'i mchod pa ni yi ge a de nyid kyi don bsgoms pas 'gyur la/ zang zing gi mchod pa ni yi ge a de bsgoms pa'i mthu las nam mkha' gang ba'i mchod pa rgya chen po 'byung ba'i phyir ro/ /byang chub kyi sems mngon sum du bya ba 'dod pa zhes pa ci byang chub sems dpa' i sa dang po yan chad kyi sems la bya ste/ de mngon sum du bya bar 'dod pas yi ge a'i don mngon par bsgrub par byos shig ces pa'i don to/ /de ci'i phyir zhe na/ byang chub kyi sems kyang ma skyes pa

  290. 145b

    yin pas yi ge a'i don ma skyes pa dang mtshungs pa'i phyir ro/ /byang chub sems dpa' rnams dang 'grogs par 'dod pa zhes pa ni de ltar 'dod pas yi ge a'i sgo bsgoms shig ces pa'i don te/ byang chub sems dpa' rnams kyang ma skyes pa'i don la dmigs/ yi ge a yang ma skyes pa'i don yin pas na spyod yul mthun pas lhan cig tu skye bar 'gyur ro/ /de yan chad ni bsam gtan gyi sgo nas sgom pa dang/ a nyid sngags kyi sgo nas sgrub pa la zhugs pa gnyis ka'i thun mong gi yon tan bstan pa yin la dngos grub mngon par 'dod pa zhes pa ni sngags kyi sgo nas zhugs pa'i grub pa rab 'bring rnam pa gsum mo/ /de rnams ni yan lag gi chos yin la/ rnam pa thams cad du thams cad mkhyen pa nyid thob par 'dod pas 'di bsgoms shig ces bya ba ni bsdus pa'i don yin no/ /de nas dkyil 'khor bri? ba'i cho ga rnam pa gsum bstan pa'i phyir/ de nas bcom ldan 'das rnam par snang mdzad kyis snying rje chen po'i snying po 'byung ba'i dkyil 'khor gyi rgyal po 'di'o cho ga dgod pa dang/ lha'i gnas gtan la dbab pa dang zhes bya ba la sogs pa gsungs te/ de la snying rje chen po'i snying po 'byung ba zhes pa ni lus kyi 'khor los byin gyis brlabs pa'i dkyil 'khor 'di dang/ ngag gi dkyil 'khor la yang ming du gdags so/ /de ci'i phyir zhe na/ dkyil 'khor rnam pa gsum g.yang snying rje chen po'i nus pa dang rgyus dkyil 'khor 'byung ba'i phyir de skad ces bya'o/ /lha'i gnas gtan la dbab pa zhes pa ni dpung mdza' dang mchog tu bkod pa'i lha bzhugs pa'i gnas nges par bya pa'o/ /ting nge 'dzin rnam par sprul pa zhes bya ba ni gang ting nge 'dzin du zhugs nas srung ba'i rig pa dang sngags la sogs pa'o/ /gsang sngags spyad pa zhes pa ni dkyil 'khor du 'jug pa'i tshe las su spyad pa rnams so/ /bsam par bya ba ni dkyil 'khor du 'jug pa na slob mas byang

  291. 146a

    chub kyi sems bsam pa dang/ slob dpon rang gi ting nge 'dzin du gnas pa la sogs pa'i bye brag gsungs pa'o/ /de dag so sor bshad pa ni phyis 'chad par 'gyur ro/ /de la dkyil 'khor gyi rgyal po 'di'i cho ga dgod pa zhes bya ba'i don bshad pa'i phyir/ de la slob dpon gyis thams cad mkhyen pa nyid kyi sgo a zhes bya ba la gnas te zhes pa nas/ de bzhin gshegs pa'i gzugs snying po nyid kyi rang gi ngo bor byin gyis brlabs la zhes pa'i bar du gsungs te/ de la dkyil 'khor gyi thig bre pa'i tshe dkyil 'khor gyi snam bu re re la yang slob dpon gyi ting ne 'dzin re re gsungs te/ phyi rol gyi rim pa'i dkyil 'khor la byang chub sems dpa' 'jam dpal la sogs pa pha rol tu phyin pa las skyes pa rnams bzhugs pas na thig bre ba'i slob dpon gyi ting nge 'dzin kyang thams cad mkhyen pa'i rgyu'i gnas kyi snying po yi ge a la gnas te dkyil 'khor gyi srad bu bres shig ces gsungs pa yin no/ /de la dang po thig bre ba'i tshe dang por nam mkha' i thig bre par gsungs pa ni sangs rgyas thams cad la phyag 'tshal nas zhes pa nas/ byang phyogs su kha bltas nas srad bu bres te zhes pa'i bar gyis so/ /de nas sa'i dkyil 'khor gyi thig bre ba'i phyir/ nub phyogs su kha bltas la bsgyur te thig gdab bo zhes gsungs pa yin no/ /lhag ma rnams 'dir ma gsungs pa ni snying rje chen po'i dkyil 'khor du thig bre ba zhib tu bshad zin pas 'dir yang lhag ma rnams de dang 'dra bar shes par bya'o/ /de nas snying po'i dkyil 'khor gyi thig bre ba'i slob dpon gyi ting nge 'dzin bshad pa'i phyir/ de nas bdag nyid rdo rje sems dpa' lag na rdo rjed de'i phyag rgya 'am/ yi ge ba zhes bya bas byin gyis brlabs te nang du zhugs la snying po'i dkyil 'khor bri bar bya'o zhes gsungs te/ de'i slob dpon gyi ting nge 'dzin ni byang chub pa'i sa bon yi ge bskyed pa'i rdo rje sems dpa'

  292. 146b

    slob dpon bdag nyid byin gyis brlabs pa'o/ /rdo rje sems dpa' la yang las kyi rdo rje sems dpa' la sogs pa bzhin du 'dren pa yang yod do/ /skabs 'dir ni gzhan la mi bya'i rdo rje sems dpa' phyag na rdo rje la bya'o/ /de nas dkyil 'khor bar ma'i snam bu'i thig bre ba'i ting nge 'dzin bstan pa'i phyir/ de bzhin du dkyil 'khor gnyis pa la yang zhes pa nas/ snying po nyid kyi rang gi ngo bor byin gyis brlabs la zhes pa'i bar du gsungs te/ de la dkyil 'khor snam bu par ma'i nang na longs spyod rdzogs pa'i sku dang sprul pa'i sku gnyis bzhugs pas dkyil 'khor de'i thig bre ba'i cha 'ang/ sku de gnyis kyi rgyu'i ting nge 'dzin rnam pa bzhi slob dpon gyis byin gyis rlob ste/ slob dpon gyis ting nge 'dzin de rnams dmigs nas bya'o zhes pa'i don to/ /de la gzod ma nas zhi ba ni byang chub pa'o// gnyis su med pa'i rnal 'byor gyi gzugs ni spyod pa'o/ /de bzhin gshegs pa'i gzugs ni kun tu sangs rgyas pa'o/ /snying po nyid kyi rang gi ngo bo ni mya ngan las 'das pa'o/ /de nas de bzhin gshegs pa'i gnas pa mngon du byed cing zhes pa nas/ lha'i gnas bshad par bya'o zhes pa'i bar gyis de'i rgyud nas bshad pa gnas gtan la phab pa yin te/ phyis kyang 'chad de/ de la snam bu gcig las kyang gsum du bgos te/ sum char la 'khor sa bya zhing sum gnyis la lha'i gzugs bya'o/ /zhes pa'i don to/ /de bzhin gshegs pa'i gnas pa mngon du byed cing srad bu bres la zhes pas de ltar lha'i gnas dang 'khor sa bgod pa gya tshom du mi bya par thig btab ste bya bas de nyid kyi tshe na yang de bzhin gshegs pa'i spyod pa stong pa nyid la dmigs par bya'o zhes pa'i don to/ /de nas dkyil 'khor gyi tshon rtsi rnams byin gyis brlab pa'i cho ga bstan pa'i phyir/ de nas yang bdag nyid bcom ldan 'das rnam par snang mdzad du de'i phyag rgyas byin gyis brlabs la zhes pa nas/ bdud sde sdang ba thams cad la/ /rnam pa kun tu bsdigs

  293. 147a

    par byed/ /ces pa'i bar du gsungs pa yin te/ de la bdag nyid bcom ldan 'das rnam par snang mdzad du de'i phyag rgyas byin gyis brlabs la zhes pa ni tshon rnams byin gyis rlob pa'i tshe rdo rje'i phyag rgyas slob dpon nyid rnam par snang mdzad kyi skur byin gyis rlobs shig ces pa ste/ rdo rje ni ye shes kyi mtshan ma yin pas na ye shes lngas byin gyis brlab pa'i don to/ /tshon rnams byin gyis brlab pa yang kun rdzob dang don dam pa rnam pa gnyis te/ de la don dam par byin gyis brlab pa'i phyir/ chos kyi dbyings rgya chen por byin gyis brlabs te zhes gsungs pa yin te/ des ni tshon sna lnga po rnams chas kyi dbyings rgya chen po stong pa nyid du byin gyis brlab po zhes bstan to/ /thog mar tshon rtsi dkar po blangs la zhes pa la sogs pas ni kun rdzob kyi sgo nas tshon re re zhing yang lha re res byin gyis brlab par gsungs pa yin te/ de la tshon dkar po ni chos kyi dbyings kyis byin gyis brlab par gsungs pa la/ chos kyi dbyings de'i rang bzhin dang mthu bstan pa'i phyir/ 'di ni chos dbyings dag pa ste/ /sems can khams ni rnam spyod pa/ /'di ni bdag nyid de bzhin gshegs/ /nyas pa thams cad rnam par spangs/ /zhes gsungs pa yin no/ /chos kyi dbyings kyi don de lta bur bsams nas don de yi ger 'bar ba la sogs pa'i yon tan bshad pa de lta bus byin gyis brlab bo/ /de nas tshon dmar po byin gyis brlab pa'i phyir/ de nas tshon rtsi gnyis pa ni/ /zhes bya ba la sogs pa gsungs te/ yi ge a'i sa bon gyis bskyed pa'i sangs rgyas thub dkas byin gyis brlab par gsungs so/ /de nas tshon ser po la yi ge ka'i sa bon gyis bskyed pa'i/ /sangs rgyas gser thub kyis byin gyis brlab pa'i phyir de nas sngags pas tshon gsum pa zhes pa la sogs pa gsungs pa yin no/ /tshon ljang khu la snying po byang chub na bzhugs pa'i skus byin

  294. 147b

    gyis brlab pa'i phyir/ de nas mar gang 'dra ba yi/ /zhes pa la sogs pa gsungs pa yin te/ /tshon ljang gu'i kha dog ni nor bu margad kyi kha dog lta bu'o/ /tshon nag po khams gsum rnam par rgyal bas byin gyis brlabs pa'i phyir/ de nas tshon rtsi nag po de/ zhes bya ba la sogs pa gsungs pa yin te/ de la yi ge has bskyed pa'i khro bo'i gzugs de yang ci 'dra zhe na/ 'bar ba'i phreng ba rnam par 'phro/ dus mdza' i me ltar mi bzad pa/ /zhes pa la sogs pa'o/ /de yang tshon sna lnga rnams ye shes lnga'i rang bzhin du blta ste/ dkar po ni chos kyi dbyings kyi rang bzhin no/ /dmar po ni sangs rgyas thub dka' i rang bzhin te me long lta bu'o/ /ser po ni mnyam pa nyid kyi ye shes so/ /ljang gu ni so sor kun tu rtog pa'i ye shes so/ /nag po ni bya ba sgrub pa'i ye shes so/ /de dag gi rim pa bshad pa ni dang por chos kyi dbyings nyid du 'jug la/ stong pa 'ba' zhig tu dmigs par yang mi rung ste snying rje chen po'i dbang gis sems can la dmigs shing chags pa bskyed pa'i phyir/ de'i 'og tu tshon dmar po dgyi'o/ /sems can gyi don la zhugs pas brgyas par 'gyur te/ de bas na de'i 'og tu tshon ser po bri'o/ /rgyas shing mthu dang ldan pas na las thams cad nus pa ste/ bdag dang gzhan gyi don nus pas na de'i 'og tu tshon ljang gu bri'o/ /'jam pos 'dul ba la yang 'jam por ston/ ma rungs pa rnams la yang khro bor ston te/ thabs gzhan gyis mthul ba ma rungs pa rnams la thabs gzhan med na mthar drag shul gyis gdul ba'i phyir tha mar nag po bzhag ste khro bo'i las byed do/ /ting nge 'dzin rnam par sprul pa zhes gong du smos pa de/ de nas bcom ldan 'das rnam par snang mdzad de'i tshe ting nge 'dzin de las bzhengs nas zhes bya ba la sogs pa 'di man chad kyis 'chad de/ ting nge 'dzin de las bzhengs zhes pa ni sngar ting nge 'dzin du zhugs pa las bzhengs nas rgyal ba'i ting nge 'dzin la 'jug pa'o/ /mdza' yas par

  295. 148a

    rnam par rgyal ba zhes pa ni grangs med pa'i rgol ba rnams kyis mi tshugs pas na grangs med pa las rgyal ba zhes pa'i don to/ /thams cad du thogs pa med pa'i stobs zhes bya ba'i rig sngags kyi rgyal mo de de bzhin gshegs pa thams cad kyi yul las 'byung ba 'di byung ngo zhes pa de la thams cad du thogs pa med pa'i stobs zhes pa ni kun rdzob dang don dam par te/ nyon mongs pa dang lha'i bu'i bdud la sogs pas mi tshugs zhes pa'i don to/ /yi ge'i 'khor lo'i rim par phye ba rgyas pa'o// //de ni phyag rgya'i le'u bshad par bya ste/ phyag rgya rnams bshad pa yang spyir gdul ba'i 'gro ba zab cing rgya che ba la mos pa dang dmigs pa can te rnam pa gnyis so/ /de la zab cing rgya che ba la mos pa'i gdul pa'i 'gro ba ni sngags kyi tshig rnams bshad pas sngags kyi tshig de dag gi sgra'i de kho na nyid la dmigs shing byang chub kyi sems sgom pa sngon du 'gro ba'i lha'i gzugs su sbyor te/ lha'i gzugs su sbyor ba de yang ting nge 'dzin dag pa dang/ rnam par rtog pa gzhan spangs pa dang/ lha'i gzugs su snang ba rdzogs par sbyor ro/ /dmigs pa can gyis gdul ba'i 'gro ba ni sngags kyi sgra'i de kho na nyid la dmigs pa la sogs pa de dag mi nus te phyag rgya tsam bcings nas lha'i gzugs su sbyor bar byed pas na dmigs pa can gyis gdul ba'i 'gro ba de dag gi phyir bcom ldan 'das kyi rgyu dang 'bras bu'i yon tan rnams phyag rgya'i gzugs su byin gyis brlabs so/ /de la ral gri dang/ rdo rje la sogs pa'i phyag rgya ni yis kyi yon tan no/ /dung gi phyag rgya la sogs pa'i phyag rgya ni gsung gi yon tan no/ /gtsug tor gyi phyag rgya la sogs pa'i phyag rgya ni/ sku'i rtog te/ ji ltar rigs par sbyor bar bya'o/ /phyag rgya'i le'u bshad pa de yang/ de nas bcom ldan 'das kyis thams cad dang ldan pa'i 'khor 'dus pa la gzigs nas/ byang chub sems dpa' gsang ba pa'i bdag po phyag na rdo rje la 'di skad ces bka' stsal

  296. 148b

    to/ /gsang ba pa'i bdag po de bzhin gshegs pa rnams la de bzhin gshegs pa'i rgyan du gyur pa chos kyi dbyings rtogs pa'i mtshan mar gyur pa'i phyag rgya rim par phye ba rgyas pa zhes bya ba la sogs pa ste/ de la de bzhin gshegs pa'i rgyan du gyur bzhin? pa'i gtsug tor dang/ spyan gyi phyag rgya la sogs pa sku'i rgyan du gyur pa'i phyir ro/ /chos kyi dbyings rtogs pa'i mtshan mar 'gyur ba zhes pa ni chos kyi dbyings ni de bzhin nyid kyi ye shes te/ de rtogs shing chung bar byed pa'i mtshan ma ni ral gri dang rdo rje la sogs pa'i phyag rgya'o/ /gang gis brgyam na byang chub sems dpa' rnams zhes pa nas/ de rnams kyang de dag gi dag nyan par 'gyur zhes pa'i bar gyis ni phyag rgya de rnams bstan pa'i dgos pa bshad pa ste/ byang chub sems dpa' gang dag phyag rgya de rnams dang ldan par de bzhin gshegs pa thams cad kyi byang chub chen po'i mtshan mas btab pas de dag la lha dang mi dang lha ma yin la sogs pa rnams kyis rdzi bar mi 'gyur zhing lha dang lha ma yin la sogs pa de rnams kyang byang chub sems dpa' de dag gi dag nyan par 'gyur te/ ji ltar 'jig rten na rgyal po'i phyag rgya 'chad pa'i skyes bu de la 'jig rten pa'i mi rnams kyang rdzi bar mi byed la/ 'jig rten pa rnams de'i dag kyang nyan par 'gyur ba dang 'dra ste/ mdor na phyag rgya 'di rnams bshad pas 'dul ba'i 'gro ba rnams la mthong ba'i chos dang/ tshe phyi ma la phan par 'gyur bar bstan pa'o/ /de nas bcom ldan 'das kyis de'i tshe stobs thogs pa med pa'i gnas byin gyis rlob pa zhes bya ba'i ting nge 'dzin la snyoms par zhugs so zhes pa ni 'og nas 'byung ba'i phyag rgya de dag nyid stobs thogs pa med pa'i gnas zhes bya ste/ bcom ldan 'das ting nge 'dzin de la snyoms par zhugs nas phyag rgya de dag 'chad pas na ting nge 'dzin de'i ming stobs thogs pa med pa'i gnas byin gyis rlob pa zhes bya'o/ /de la thogs pa med bzhes pa ni

  297. 149a

    bcom ldan 'das kyi sku mi zad pa la sogs pa'i rdo rje'i rgyan de dag ci la yang thogs pa med pa'o/ /stobs zhes pa ni de ltar thogs pa med pa nyid stobs su gyur ba'o/ /gnas zhes pa ni bcom ldan 'das kyi sku la bya la/ byin gyis rlob pa zhes pa ni bcom ldan 'das kyi sku mi zad pa la sogs pa rdo rje thogs pa med pa'i stobs su gyur pa de nyid phyag rgya'i ngo bor byin gyis brlabs pa'o/ /bcom ldan 'das ting nge 'dzin de la snyoms par zhugs ma thag tu rig sngags kyi rgyal mo thams cad du thogs pa med pa'i stobs can mi mnyam pa dang mnyam pa'i stobs can dam tshig la 'jug par byed pa stobs gsum dang ldan pa 'byung ngo zhes pa la thogs pa med pa'i stobs can zhes pa ni gong ma bzhin no/ /mi mnyam pa dang mnyam pa'i stobs zhes pa ni thogs pa med pa'i stobs de nyid gang dang yang mi mnyam pa'o/ /dam tshig la 'jug par byed pa zhes pa ni dam tshig gi don ni sngar bshad zin la/ dam tshig la 'jug pa ni sku mi zad pa la sogs pa'i rang bzhin gyi dkyil 'khor 'og ma'i 'gro ba rnams kyi lta ba'i spyod yul du mi 'gyur bas de'i byin gyis brlabs su gyur pa dam tshig gi phyag rgya dang sngags 'di bcings shing brjod pa na rang bzhin gyi dkyil 'khor de mthong ba dang 'dra bas na 'jug pa zhes bya'o/ /gnyis su na srung ba'i dam tshig rnams la snyams pas dam tshig gi phyag rgya dang sngags 'di byas na dkyil 'khor mthong ba dang 'dra ste/ de byas pa tsam gyis dam tshig las nyams pa de sos te slar dam tshig tu zhugs par 'gyur bas na dam tshig la 'jug bar byed pa zhes bya'o/ /gsum du na dkyil 'khor du 'jug pa'i tshe dam tshig gi phyag rgya dang sngags 'di byas te 'jug pas na dam tshig la 'jug pa zhes bya'o/ /gsang ba pa'i bdag po rig sngags kyi rgyal mo 'di ni de bzhin gshegs pa thams

  298. 149b

    cad kyis yang dag par ston bar byed pa zhes pa ni rig pa 'di brjod pas sangs rgyas thams cad kyi gnas rang bzhin gyi dkyil 'khor mthong ba dang 'dra bas na sangs rgyas thams cad kyis yang dag par ston bar byed pa zhes bya'o/ /gnyis su na gzugs brnyan gyi dkyil 'khor bris pa yang rig pa 'di brjod nas bstan pa 'am/ rig pa 'di brjod nas sangs rgyas thams cad kyi dkyil 'khor de mthong bar 'gyur bas na sangs rgyas thams cad kyis yang dag par ston par byed pa zhes bya'o/ /chos gsum gyi lam gyi mtshams las mi 'da' par byed pa zhes pa la chos gsum ni de bzhin gshegs pa'i sku dang gsung dang rdo rje'i yid mi zad pa'i rgyan nam sku gsum ste/ de'i lam ni dam tshig srung ba'i bya ba la sogs pa ste lam de las mi 'da' ba' o/ /sa dang pha rol tu phyin pa yongs su rdzogs par byed pa yin te zhes pa ni dam tshig der zhugs nas bcom ldan 'das la mchod pa la sogs pas sbyin pa'i pha rol tu phyin pa la sogs pa rim gyis rdzogs par byed pa dang/ de'i mthus pa la rim gyis 'phar bar 'gyur bas na sa dang pha rol tu phyin pa yongs su rdzogs par byed pa'o/ /sangs rgyas kun gyi dam tshig ni/ /phyag rgya 'di la rab tu gnas/ /zhes pa ni dam tshig gi don dam tshig srung ba las mi 'da' ba 'am/ skur mi zad pa la sogs pa rtogs par byed ba 'am/ sku de dag yongs su rdzogs par byed pa de dag phyag rgya 'di'i sgo nas mtshon cing rtogs par byed bas na/ phyag rgya 'di la rab tu gnas zhes bya'o/ /rgya ni phyag rgya chen po ste/ /chos dbyings rnam par sbyor ba'o zhes pa ni chos kyang dbyings stong pa nyid phyag rgya 'dis mtshon cing rtogs par 'gyur bas na chos kyi dbyings sbyong ba zhes bya'o/ /phyag rgya dpal dang ldan pa 'di/ /chos kyi 'khor lo zhes pa bsgrags/ /'jig rten mgon po skyob rnams kyis/ /'khor lo rab tu 'dis bskor ro zhes pa ni chos kyi

  299. 150a

    dbyings su byin gyis brlabs nas chos kyi 'khor lo bskor ba'i phyir rdo rje sems dpar byin gyis brlabs te dpal dang ldan pa zhes pa ni rdo rje sems dpa' nyid la bya bas dpal rdo rje sems dpa' de lung gi chos dang rtogs pa'i chos rnams kyi 'khor lo bskor ba yin la/ /phyag rgya de rdo rje sems dpar bsgyur na byang chub sems dpa' 'jig rten gyi mgon po rnams kyang chos kyi 'khor lo bskor bar byed do zhes pa'o/ /sangs rgyas skyob pa thams cad kyi/ /phyag rgya chen po ral gri'i rgya/ /'dis ni lhan cig skyes pa yis/ /'jig tshogs lta ba gcod par byed/ /ces pa ni ral gri'i phyag rgya ni chos dang gang zag la bdag med par rtogs pa'i ye shes kyi mtshan mar gyur pa ste/ ye shes 'dis ni lhan cig skyes pa'i bdag tu lta ba rnams gcod do zhes pa'o/ /phyag rgya dpal dang ldan pa 'di/ /chos kyi dung zhes rnam par bsgrags/ /'dis ni 'jig rten 'di dag na/ /sangs rgyas byang chub sems dpa' rnams/ /zhi ba mya ngan 'das 'gro ba/ /rdul dang bral ba'i chos 'chad do/ /zhes pa ni dung gi phyag rgya de sangs rgyas kyi gsung gi mtshan mar gyur pa ste/ sangs rgyas dang byang chub sems dpa' rnams sangs rgyas kyi gsung 'dis rdul dang bral ba'i chos mya ngan las 'das pa zhi ba thob par byed pa 'chad do zhes pa'o/ /pad+ma dam pa dpal ldan 'di/ /sangs rgyas skyob pa thams cad kyi/ /mi shigs rdo rje'i gdan yin te/ /der ni 'dren pa 'tshang rgya zhing/ /rgyal ba sras rnams thams cad ni/ /'di las skye dang byang chub 'gyur/ /zhes pa ni pad+ma'i phyag rgya de sangs rgyas rnams kyi gdan yin te/ mgon po sangs rgyas rnams gang du/ /byang chub pa yang gdan 'di la bzhugs te byang chub la/ sangs rgyas kyi sras byang chub sems dpa' rnams kyang padmo'i 'di las skyes zhes bya'o/ /phyag rgya chen po rdo rje

  300. 150b

    rgyad mi shes grong khyer 'jig pa ste/ /sangs rgyas rnams kyi ye shes 'di/ /nyid kyis byin du brlabs te bstan/ /zhes pa ni bcom ldan 'das kyi de ma thag pa'i lam gyi ye shes de rdo rje'i phyag rgyar byin gyis brlabs pa ste/ mi shes pa'i grong khyer 'jig pa ni ye shes des sems las byung ba'i 'khor dang bcas pa'i ma rig pa rnams 'joms zhes pa'o/ /gtsug tor phyag rgya chen po ste/ gtsug tor zhes ni bsgrags pa yin/ /'di ni bcings pa tsam gyis kyang/ /rgyal ba mchog tu 'gyur ba yin/ / zhes pa ni bcom ldan 'das kyi skyes bu chen chen po'i mtshan gtsug tor de phyag rgyar byin gyis brlabs pa ste/ 'di ni bcings pa tsam gyis kyang/ /rgyal ba mchog tu 'gyur ba yin/ /zhes pa ni phyag rgya la la ni mang po bsdus pa las lha'i gzugs su 'gyur la/ /gcig pus lha'i gzugs lus 'gyur ba ni gtsug tor gyi phyag rgya ste/ 'di gcig pu bcings pas kyang sangs rgyas kyi skur bsgyur du rung zhes pa'o/ /rgyal ba dam pas phyag rgya 'di/ /mdzod spu zhes ni rab tu bsgrags/ /'di bcings pa tsam gyis su/ /rgyal ba mchog tu 'gyur ba yin/ /zhes pa bcom ldan 'das kyi skyes bu chen po'i mtshan smin mtshams mdzod spu zhes bya ba spu'i nyag ma gcig gis brkyang na ni khams gsum thams cad du yang khyab par 'gyur la bskyil na de nyid du zab pa de phyag rgya 'dir byin gyis brlabs pa ste/ 'di 'ba' zhig bcings pas kyang sangs rgyas kyi skur bsgyur du rung zhes pa'o/ /lhung bzed kyi phyag rgya ni tshigs su bcad pa nyid kyis gsal bar gsungs so/ /sems can kun la mi 'jigs pa/ /de yis rab tu sbyin par 'gyur/ /gang gis rgya chen de bcings na/ /mi 'jigs phyag rgya zhes bsgrags so/ /zhes pa ni mi 'jigs pa sbyin pa'i phyag rgya ste/ bdag gam sems can rnams bgegs la sogs pas skrag cing 'jigs par gyur na phyag rgya bcings

  301. 151a

    te bstan pas de las thar bar 'gyur zhes pa'o/ /'di ni dam pa sbyin rgya zhes/ /'jig rten mgon po rnams kyis bsgrags/ /'di ni bcings pa tsam gyis su/ /rgyal mchog dam pa stsol bar byed/ ces pa ni bcom ldan 'das kyis sems can rnams la mchog sbyin pa'i phyag rgya ste/ /nam grub pa la sogs pa'i mchog nod na mchog sbyin pa'i phyag rgya 'di bcings nas mnod do/ /phyag rgya chen po rgya chen 'di/ /sangs rgyas skyob pa thams cad kyis/ /bdud ni rnam par bsdigs shes bya/ /phung byed thams cad 'jig par byed/ /'di ni bcings pa tsam gyis su /bdud sde shin tu mi bzad dang/ /bgegs dang log 'dren gzhan dag kyang/ /the tshom med par rab tu 'byed/ /zhes pa ni bgegs rnam par bskyed pa'i phyag rgya ste/ phyag rgya de bcings pa tsam gyis bgegs la sogs pa thams cad rnam par bskrad nas so sor 'byed bar 'gyur te /de ltar bgegs rnams so sor byer na bgegs med pas ji ltar bsams pa'i don grub par 'gyur bas na ro pa thams cad yongs su rdzogs par byed pa'o/ /'di ni sangs rgyas mgon rnams kyi/ /thugs rje las byung spyan yin te/ /mig gi steng du mkhas pa bzhag /de la sangs rgyas spyan du 'gyur/ /zhes pa sangs rgyas bcom ldan 'das kyi snying rje chen po'i dbang gis shes rab kyi spyan sems can thams cad la gzigs pa ni snying rje las byung ba'i spyan zhes bya ste/ spyan de phyag rgya 'dir byin brlabs pas na phyag rgya 'di bcing ste mig tu bzhag na bdag sangs rgyas kyi skur bsgyur ba'i tshe sangs rgyas kyi sbyar du 'gyur ro/ / 'di ni zhags pa mchog ces bsngags/ /sdang ba thams cad 'jig par byed /sngags pas 'di bcings de yi tshe/ /rtag tu sdang ba bcings par 'gyur/ /zhes pa ni 'phags pa'i lam gyi yan lag brgyad kyi rang bzhin gyi ye shes sems can

  302. 151b

    thams cad 'don par byed pa zhags pa'i phyag rgyar byin gyis brlabs pa ste/ zhags pa'i phyag rgya 'di bcings pas bgegs la sogs pa'i gnod pa rnams 'ching ba'i las byed do zhes pa'o/ /sangs rgyas skyob pa thams cad kyi/ /lcags kyu zhes ni 'di bshad de/ /byang chub sems dpa' bdag nyid che/ /sa bcu dag la gnas pa dang/ /sdang bar sems pa gzhan dag kyang/ /thams cad rab tu 'gugs par byed/ /ces pa ni de bzhin gshegs pa'i rgyu dang 'bras bu'i spyod pa rnams las rgyu'i tshe na bsdu ba rnam pa bzhis sems can rnams sdud cing 'dren pa dang/ 'bras bu'i tshe na sku mi zad pa la sogs pa'i rdo rje'i rgyan gyis sems can rnams sdud cing 'dren pa'i spyod pa de dag nyid lcags kyu'i phyag rgyar byin gyis brlabs pa ste /lcags kyus kyang bgegs la sogs pa gnod par byed pa rnams dang byang chub sems dpa' sa bcu la gnas pa yang ste thams cad 'dren par byed de byang chub sems dpa' sa bcu la gnas pa yang 'gugs na gzhan lta smos kyang ci dgos zhes pa'o// de bzhin gshegs pa'i lte ba'i phyag rgya la phyag rgya de nyid la zhes pa ni lcags kyu'i phyag rgya las bsnyeg ste/ lcags kyu'i phyag rgya las srin lag gnyis bsgreng bar shes par bya'o/ /de bzhin gshegs rdo rje'i phyag rgya ni mngon par byang chub pa dang sbyar ro/ /lcags kyu'i phyag rgya ni spyod pa dang sbyar ro/ /de bzhin gshegs pa'i thugs kyi phyag rgya dang stobs bcu'i phyag rgya ni kun tu sangs rgyas pa dang sbyar ro/ /chos thams cad mnyam pa nyid du rtogs par byed pa'i phyag rgya ni mya ngan las 'das pa dang sbyar ro/ /de la sngags kyang na ma(rgyud 'grel): sa man+ta bud d+hA ni zhes pa ni kun tu sangs rgyas pa dang sbyar ro/ /na ma(rgyud 'grel): sa man+ta badzrA nI zhes pa ni byang chub dang sbyar ro/ /na ma(rgyud 'grel): sarba ta thA ga ta te b+hya(rgyud 'grel): de bzhin gshegs par sbyar ro/ /de la sngags

  303. 152a

    dang phyag rgya rnams bstan pa yang spyir bstan pa dang so sor bstan pa ste/ de la so sor bstan pa yang rnam pa gnyis te dngos su bstan ba dang/ gzhan du bsnyegs pa'o/ /de la dngos su bstan pa ni gong du ming smos pa rnams so/ /gzhan du bsnyegs pa ni de lta bu la sogs pa ni zhes pa ste/ rgyud gzhan du bsnyegs pa'o/ /spyir bstan pa ni gsang ba pa'i bdag po 'on kyang ji tsam du yan lag bskyed pa de dag kun phyag rgya rgyas par rig par bya'o/ /ji tsam du lce bskyed pa de dag kun kyang gsang sngags bstan par rig par bya'o zhes pa ste de yang ji lta bur gnas she na/ byang chub kyi sems dang ldan pa'i yid kyis de bzhin gshegs pa'i sa la gnas te dkyil 'khor bri bar bya'o zhes pa ste/ nam sngags pa byang chub kyi sems dang ldan pa'i yid dang/ de bzhin gshegs pa'i sa la gnas par gyur na ji tsam du yan lag la sogs pa bskyod pa de tsam du phyag rgyar 'gyur/ ji tsam lce bskyod pa de tsam du sngags spyod par 'gyur ro zhes pa dang sbyar te/ byang chub kyi sems dang ldan pa'i yid ces pa ni stong pa nyid la dmigs pa'i sems dang ldan zhes pa'o/ /de bzhin gshegs pa'i sa la gnas zhes pa ni kun rdzob dang don dam pa rnam pa gnyis te/ kun rdzob tu de bzhin gshegs pa'i sa la gnas pa ni lha'i gzugs su sbyar ba'o/ /don dam par ni stong pa nyid kyi rang bzhin gyi lhar gyur pa ste/ da ltar yang byang chub kyi sems dang ldan zhing kun rdzob dang don dam pa'i mtshan nyid lha'i gzugs su sbyar ba ma yin par sngags dang phyag rgya bya ba 'am/ dkyil 'khor bris na sangs rgyas dang byang chub sems dpa' rnams kyis srung bar mi 'gyur ro zhes dngos su gsungs so/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ phyag

  304. 152b

    rgya rim par phye ba rgyas pa ste le'u bcu pa'o// //da ni sngags kyi le'u bshad pa la sogs pas sngags kyi tshig dang/ yi ge'i 'bru las ting nge 'dzin gyi sgor 'gyur ba la sogs pa dang yi ge ka la sogs pa sum cu rtsa gnyis rnams a la sogs pa bcu drug dang ldan par 'gyur ba bstan te/ de la yi ge ka la sogs pa sum cu rtsa gnyis po rnams ni yi ge a dang mi ldan par mi smra ste/ de thams cad kyang a dang ldan par shes par bya'o/ /de yang gsang ba pa'i bdag po thams cad du 'jug pa'i sgo chos kyi rnam grangs nyon cig ces pa la sogs pa ste/ thams cad du 'jug pa'i sgo zhes pa ni a dang ldan pa'i yi ge rnams sngags su sbyar ba dang/ ting nge 'dzin la sogs pa thams cad du khyab par 'jug pa'i sgo'o zhes pa'o/ /de bas na gsang ba pa'i bdag po de la byang chub sems dpa' a zhes bya ba la gnas te dgos pa thams cad bsgrub par bya'o zhes gsungs pa yin no/ dang po a dang sa dang ba ste gsum smos pa ni rigs gsum smos pa'o/ /de dang por yi ge a tha mal bar smos nas ka la sogs pa sum cu rtsa gnyis po smos pa ni ka la sogs pa rnam pa thams cad kyang tha mal pa'i rang bzhin du shes par bya ste/ de dag thams cad byang chub kyi rang bzhin du bstan pa'o/ /yi ge a 'dren pa thog mar smos nas ka la sogs pa thams cad kyang ring por smos pa rnams ni de dag thams cad spyod pa'i rang bzhin du shes par bya'o/ /yi ge aM thog mar smos nas kaM zhes pa la sogs pa sum cu rtsa gnyis smos pa thams cad kyang aM dang ldan pas kun tu sangs rgyas kyi rang bzhin du shes par bya'o/ /yi ge a tshegs gnyis dang ldan pa thog mar smos nas ka la sogs pa thams cad a tshegs gnyis dang ldan pa ni thams cad kyang mya ngan las 'das pa'i rang bzhin du shes par bya'o/ /ka ba sogs pa'i yi ge

  305. 153a

    sum cu rtsa gnyis po de rnams i la sogs pa dang ldan par yang ting nge 'dzin de dag nyid kyi sgo ston pa'i rang bzhin du shes par bya'o/ /de la ri rI dang li lI gnyis ma smos pa ni gong du yi ge ra dang i la sogs par ldan par ri rI zhes pa de'i khongs su 'dus/ la dang i la sogs pa li lI zhes pa de'i khongs su 'dus par shes par bya'o/ /gsang ba pa'i bdag po de ltar na 'di ni yi ge'i tshul la mkhas pa'i chos kyi rnam grangs te zhes pa nas/ gsang ba pa'i bdag po ngas ni sangs rgyas kyi zhing rab 'byams gang dag na de bzhin gshegs pa rnams thams cad du 'jug pa'i sgo chos kyi rnam grangs 'di mi 'chad pa ma mthong ngo/ /zhes pa'i bar ni bshad pa'i yi ge rnams kyi rjes su bsngags pa bshad pa ste/ rang bzhin phun sum tshogs pa dang/ lus phun sum tshogs pa dang/ byin gyis brlabs phun sum tshogs pa dang/ mthu phun sum tshogs pa bstan pa'o/ /de la rang bzhin phun sum tshogs pa ni yi ge'i rang bzhin rnams so sor bstan pa ste/ yi ge'i tshul la mkhas pa'i chos kyi rnam grangs te zhes pa'i tshig gis so/ /lus phun sum tshogs pa ni gsang sngags kyi tshul la mkhas pa'i cho ga zhes pa'i tshig gis so/ /byin gyis rlabs phun sum tshogs pa ni nam yi ge rnams sngags kyi sgrar brjod dam/ ting nge 'dzin sgom pa'am/ lha'i gzugs su sbyor ba na de bzhin gshegs pa rnams kyis byin gyis rlob pa dang/ de bzhin gshegs pa thams cad kyi byin gyi rlabs kyis byin du brlabs pa zhes pa la sogs pa'i tshig gis so/ /mthu phun sum tshogs pa ni 'das pa dang/ da ltar dang/ ma 'ongs pa'i sangs rgyas bcom ldan 'das rnams kyis kyang bshad ces pa nas/ chos kyi rnam grangs 'di mi 'chad pa ma mthong ngo zhes pa'i bar gyi tshig gis so/ /byin gyi rlabs phun sum tshogs pa la las rnam pa bzhi ste/ sngags rnams

  306. 153b

    su sbyor ba dang/ lha'i gzugs su sbyor ba dang/ ting nge 'dzin du sbyor ba dang/ spyod pa'o/ /de la sngags rnams su sbyor ba ni yi ge'i 'bru de rnams las sngags kyi tshig gi tshul du sbyar ba ste/ gsang sngags kyi tshul la mkhas pa'i cho ga zhes pa'i tshig snga ma nyid kyis so/ / lha'i gzugs su sbyor ba ni yi ge rnams gang rung ba las lha'i gzugs su sbyor ba ste/ lha yongs su gzung ba'i cho ga zhes pa'i tshig gis so/ /ting nge 'dzin du sbyor ba ni yi ge 'bru de rnams las stong pa nyid kyi rang bzhin chos kyi skur sbyor ba ste/ yang dag par rdzogs pa'i sangs rgyas kyi tshul la mkhas pa zhes pa'i tshig gis so/ /spyod pa ni zhi ba dang rgyas pa la sogs pa'i las dang rab 'bring la sogs pa'i dngos grub sgrub pa'i spyod pa ste byang chub sems dpa' i spyad pa spyod pa'i rol mo ste zhes pa'i tshig gis so/ /ka dang tsa dang Ta dang/ ta dang pa rnams thog ma dang tha ma dang dbus dang ldan na ting nge 'dzin gyi tshogs la 'jug pas byang chub dang spyod pa dang yang dag par rdzogs pa'i sangs rgyas dang mya ngan las 'das pa dang bcas par thob par byed do zhes pa ni yi ge ka la sogs pa sum cu rtsa gnyis po de rnams dang/ dang po'i a A zhes pa gnyis dang/ tha ma'i aM a(rgyud 'grel): zhes pa gnyis dang dbus kyi i la sogs pa rnams dang ldan par sbyar na byang chub dang spyod pa dang kun tu sangs rgyas pa dang mya ngan las 'das pa'i sgo ston pa'i rang bzhin yin pas de rnams dang ldan par ting nge 'dzin du sbyar na byang chub la sogs pa thob par 'gyur ro zhes pa'o/ /de bzhin du de bas na gsang sngags kyi cho ga dang po la sogs pa'i tha snyad dang ldan par gyur pa de dag nyid thog ma dang tha ma dang dbus dang lhan cig tu gyur par shes par bya ste zhes pa dang po la sogs pa'i zhes pa ni thog ma'i a A dang/ tha ma'i aM a(rgyud 'grel): dang dbus kyi i la sogs pa dang ldan par ka la sogs pa rnams brjod na byang chub la sogs pa 'thob pa 'ba'

  307. 154a

    zhig ma yin gyi/ sngags kyi tshig rnams su yang 'gyur ro zhes pa'o/ /gsang sngags kyi tshig re re la ji ltar 'dod par nges par sbyar bar bya'o/ /blo yis rnam par rtogs na ni/ /de dag bla med gnas mchog ster/ /zhes pa ni mkhas pas ji ltar 'dod pas sngags kyi gtso bor de'i tshig re re dang sbyor cig dang nges par 'tshang rgya zhing bla na med pa'i gnas mchog sbyin par byed do zhes 'don te/ gong du smos pa'i tshul la mkhas pas ting nge 'dzin gang 'dod pa 'am/ rang gi lha gang yin par sbyar ba la sogs pa la yi ge de rnams las gang yang rung ba ji ltar 'dod pa'i 'bru gcig la sbyar na yang ji ltar bsams pa'i don grub par byed do zhes pa'o/ /de ltar 'di ni 'khor lo gcig ste/ 'khor lo bzhin du yongs su 'khor ba ni yi ge'i 'khor lo'o/ /zhes pa ni yi ge a gcig pu las ka la sogs pa du ma'i ting nge 'dzin gyi rang bzhin 'khor lo lta bu 'khor ba'o zhes pa'o/ /sngags pas yi ge'i 'khor lo de shes na rtag tu ji ltar bcom ldan 'das rnam par snang mdzad 'khor lo/ / bskor ba bzhin du rnam par mdzes par 'gyur ro zhes pa ni sngags pas gong du smos pa'i yi ge 'khor lo de shes na bcom ldan 'das rnam par snang mdzad bzhin du las dang spyod pa thams cad spyod nus par 'gyur ro zhes pa ste/ mdzes pa zhes pa ni spyod pa'i tshig tu shes par bya'o/ /thams cad du 'jug pa'i sgo chos kyi yi ge'i tshul rim par phye ba'o/ /sangs rgyas bcom ldan 'das kyi sku mi zad pa dang/ gsung mi zad pa dang/ thugs mi zad pa'i rdo rje'i rgyan de rnams dkyil 'khor du byin gyis brlabs pa la/ sku mi zad pa byin gyis brlabs pa'i dkyil 'khor snying rje chen po'i snying po 'byung ba dang gsung mi zad pa'i byin gyis brlabs yi ge 'khor lo bskor ba'i dkyil 'khor dag ni gong du bshad zin to/ /da ni thugs mi zad pa'i dkyil 'khor chos kyi sku'i byin

  308. 154b

    brlabs su 'gyur ba de 'chad la/ de'i zhar la sngar dkyil 'khor gnyis bshad pa'i cho ga'i lhag ma slob dpon gyi mtshan nyid dang/ slob ma'i mtshan nyid la sogs pa dang/ dkyil 'khor gyi yo byad du bcas pa sngar rgyas par ma bshad cing ma rdzogs pa rnams dang/ sbyin sreg gi chog la sogs pa yang 'di nyid du rgyas par 'chad do/ /de la chos kyi sku ni mtshan mas bstan pa las 'das te/ dngos po med pas bstan du mi mngon yang yon tan dang rjes su mthun pa las bstan par bya ste/ chos kyi sku'i yon tan ni phyin ci ma log pa dang mi 'gyur bar yongs su grub pa'i rang bzhin rnam par rtog pa thams cad spangs pa dang nyon mongs thams cad las rnam par grol ba dang/ bya ba thams cad byed nus pa'i rang bzhin no/ /de dang rjes su mthun pa'i sgo nas de ston pa nas dang chu dang me dang rlung rnams kyi dkyil 'khor du byin gyis brlabs pas ston te/ sa ni brtan zhing mi 'gyur bar yongs su grub pa'i mtshan nyid rdo rje dang 'dra bas dbang chen rdo rje'i dkyil 'khor du byin gyis brlabs te bstan to/ /chu ni thams cad 'khru bas dag par byed pa'i rang bzhin yin pas rnam par rtog pa thams cad spangs pa'i rang bzhin ni chu'i? dkyil 'khor du byin gyis brlabs nas bstan to/ /me'i rang bzhin sreg par byed pa dang yi ger chos thams cad rdul dang dral bar ston pa'i phyir/ nyon mongs pa thams cad las rnam par grol ba'i mtshan nyid ni me'i dkyil 'khor du byin gyis brlabs te bstan to/ /rlung ni kun tu 'gro zhing thams cad byed par sngar bshad te/ bya ba thams cad byed nus pa'i rang bzhin ni rlung gi dkyil 'khor du byin gyis brlabs te bstan to// de ltar chos kyi sku'i byin gyis brlabs su gyur pa gsang ba'i dkyil 'khor de dang/ dkyil 'khor gsum cha ra gyi cho ga rdzogs par bshad pa'i phyir bcom ldan 'das ting nge 'dzin la snyoms par zhugs te/ de yang ci zhig byas nas zhugs zhe na/ de nas yang

  309. 155a

    bcom ldan 'das kyis de bzhin gshegs pa'i spyan gyis sems can gyi khams thams cad la gzigs nas zhes bya ba gsungs te/ de bzhin gshegs pa'i ye shes kyis gzigs nas shes pa'i don to/ /chos kyi dbyings kyi mdzod kyis ? brlabs de bzhin gshegs pa'i mnyam pa nyid bkod pa'i snying po can zhes bya ba'i ting nge 'dzin la snyoms par zhugs su zhes pa la chos kyi dbyings ni de bzhin nyid de/ de la sku mi zad pa la sogs pa'i rdo rje'i rgyan rnams kyi mtshan nyid 'byung ba ni de bzhin gshegs pa'i mnyam pa nyid bkod pa zhes bya ste/ de dag chos kyi dbyings de las 'byung bas na chos kyi dbyings de nyid mdzod ces bya'o/ /mthu brlabs ni rnam par 'phrul pa ste/ de las byung ba'i de bzhin gshegs pa rnams rnam pa sna tshogs su spyod pa zhes pa'o/ /mnyam pa nyid ces pa ni de bzhin gshegs pa'i sku 'byung ba de dag nyid tshogs dang/ /chos kyi sku dang/ sems can gyi don byed par mnyam pa nyid kyi phyir ro/ /bkod pa zhes bya ba ni mang po'i tshig go /snying po can zhes bya ba ni 'byung ba'i gnas ting nge 'dzin de nyid la bya ste/ ting nge 'dzin der zhugs na de lta bu dag 'byung pa'i phyir ro/ /ting nge 'dzin du zhugs nas kyang ji lta bu zhig ston zhe na/ chos kyi dbyings mi zad pa bkod pa bstan pa dang/ gsang sngags kyi spyad pa mngon par sgrub pa nyid kyis sems can gyi khams ma lus pa gdon par thugs dam bcas pa yongs su rdzogs par bya ba'i phyir zhes bya ba gsungs te/ chos kyi dbyings zhes pa ni skabs 'dir sems can gyi khams la bya ste/ de las mngon par 'byung ba bstan pa yang las dang/ tshe dang rnam par smin pa'i 'bras bu zhes pa la sogs pa 'og nas 'byung ba'i tshig rnams kyis 'chad do/ /sngags kyi spyad pa mngon par sgrub pa 'di nyid kyis sems can gyi khams ma lus pa gdon par thugs dam bcas pa yongs su

  310. 155b

    rdzogs par bya ba'i phyir zhes pa ni snying rje chen pos 'byung ba'i dkyil 'khor dang/ yi ge 'khor lo bskor ba'i dkyil 'khor bstan du zi na kyang gsang ba'i dkyil 'khor ma bstan na dam tshig lnga la sogs pa dang ldan par mi 'gyur la/ de'i zhar la snga ma'i cho ga lhag ma rnams kyang rdzogs par bshad par bya ba ma bstan na/ sngags pa rdzogs par mi 'gyur bas dam tshig ma rdzogs par 'gyur te/ de bas na de dag thams cad rdzogs par bstan na sems can gyi khams ma lus pa gdon par thugs dam bcas pa rdzogs par 'gyur ro/ /de nas de nyid kyis ? sems can gyi khams ma lus pa nges par 'byung bar byed pa'i sgo spu'i bu ga thams cad nas bsam pa ji lta ba bzhin las dang/ tshe dang/ rnam par smin pa'i 'bras bu za ba dang/ zar 'jug pa'i gzugs dang/ kha dog dang/ dbyibs dang/ nga ro? dang/ 'gro ba dang/ sdod pa dang/ nges pa'i tshig brjod pa sems can thams cad so sor yang dag par mgu bar byed pa/ chos kyi dbyings kyis rnam par bskyed pa'i sku rnams byung ba gyur to/ zhes pa ni de ltar bcom ldan 'das ting nge 'dzin la snyoms par zhugs ma thag tu bcom ldan 'das kyi sku'i ba spu'i bu ga thams cad nas de bzhin gshegs pa'i sku sems can thams cad dang rjes su mthun pa las dang tshe dang rnam par smin pa'i 'bras bu za ba dang zar 'jug pa la sogs pa ston pa 'byung zhes pa ste/ las kyi rnam par smin pa dang tshe'i 'bras bu za bar ston pa ni las legs nyes ci spyad pa'i 'bras bu bde ba dang sdug bsngal rnams la rang rang spyod par snang ba'o/ /zar 'jug pa ni rgyal po dang sems can dmyal ba'i srungs ma la sogs pa lta bu'o/ /de dag gis dbang byas nas gzhan dag bde ba dang sdug bsngal la spyod du 'jug pa'o/ /de dag nyid kyi bye brag gzugs dang kha dog dang zhes bya ba la sogs pas gsungs te/ sems can rnams kyi gzugs

  311. 156a

    dang kha dog dang bsam pa la sogs pa dang rjes su mthun par chos 'chad pa'i sku rnams 'byung ngo zhes sbyar te/ de bas na/ sems can thams cad so so so sor yang dag par mgu bar byed pa zhes gsungs pa yin no/ /sems can gyi khams ma lus pa nges par 'byung bar byed pa'i sgo zhes pa ni de bzhin gshegs pa'i sku'i ba spu'i khung bu de sems can gyi khams ma lus pa nges par 'byung par byed pa las dang tshe dang rnam par smin pa'i 'bras bu za ba dang zar 'jug par snang ba'i sku rnams 'byung ba'i sgo yin pa'i phyir ro/ /byung nas kyang nam mkha' dang mnyam pa'i 'jig rten gyi khams rab 'byam rnams su sgra dbyangs gcig gis chos kyi dbyings khyab par rnam par rig par byed pa de bzhin gshegs pa 'byung par 'gyur pa'i tshigs su bcad pa 'di sgrog par gyur to zhes pa ni 'og nas 'byung ba'i tshigs su bcad pa de sgrog pa ste/ de yang thams cad tshig tu sgra sgrog pas na sems can gyi khams thams cad du thos shing rtogs par byed pa ste/ chos kyi dbyings ni 'dir sems can gyi khams su shes par bya'o/ /de skad du bsgrags pa'i tshigs su bcad pa de chos kyi dbyings la dmigs nas ston pa'i tshig ste/ tshigs su bcad pa bstan pa de la rtogs shing goms par byas na de bzhin gshegs par 'gyur pas na/ de bzhin gshegs pa 'byung bar 'gyur ba'i tshigs su bcad pa zhes bya'o/ /gsungs pa'i tshigs su bcad pa ni/ chos kyi mtshan nyid gang las ni zhes pa nas/ lam 'di khyed kyis bsgom par gyis zhes pa'i bar 'di dag yin te/ chos rnams kyi mtshan nyid gang las 'byung ba ni sangs rgyas dang nyan thos la sogs pa ming gis smos pa rnams te/ mdor na chos rnams kyi chos nyid kyi mtshan nyid chos kyi dbyings de bzhin nyid las

  312. 156b

    sangs rgyas dang nyan thos dang byang chub sems dpa' dang kun tu sangs rgyas pa dang/ sems can gyi 'jig rten dang snod kyi 'jig rten dang/ chos rnams skye zhing gnas pa dag 'byung ste/ ji ltar 'byung? ba shes rab dang thabs su ldan pas lam 'di khyed kyis rtag tu bsgom par gyis shig ste/ de yang rdzogs pa'i sangs rgyas kyis bshad pa yin no zhes pa'o/ /btags pa'i rim pa shes pa ni kun rdzob tu shes pa ste/ 'dor na chos rnams kyi chos kyi dbyings kyi mtshan nyid ci 'dra ba dang/ de'i dbang gis de bzhin gshegs pa'i sku las sprul ba'i sku la sogs pa 'byung ba dang/ de la dmigs nas nyan thos dang rang sangs rgyas la sogs pa sangs rgyas la thug pa'i bar du ji ltar 'grub par 'gyur ba'i lam de khyod kyis shes bar gyis shig ces pa'o/ /de ltar bcom ldan 'das ting nge 'dzin der zhugs nas 'jig rten pa dang/ 'jig rten las 'das pa'i chos gnyis bstan te/ 'jig rten pa'i ni las dang/ tshe dang rnam par smin pa'i 'bras bu za ba dang zar 'jug pa la sogs pa'o// 'jig rten las 'das pa'i ni tshigs su bcad pa 'di nyid do/ /de nas de bzhin gshegs pa'i sku chos kyi dbyings las byung ba de dag gi chos kyi dbyings thams cad rang gi sku rnam par rig par byed pa sprul pa'i sprin gyis yongs su bkang nas bcom ldan 'das rnam par snang mdzad kyi thugs kyi dbang tsam gyi ba spu'i bu ga thams cad nas sangs rgyas 'byung ba gcig nas gcig tu brgyud pa byin gyis brlabs te/ rang rang gi chos kyi dbyings kyi gnas su zhugs par gyur te/ /zhes pa ni gong du bcom ldan 'das kyi ba spu'i bu ga thams cad nas chos kyi dbyings kyis bskyed pa'i sku byung ba de dag bcom ldan 'das rnam par snang mdzad kyi thugs kyi dbang tsam gyis sangs rgyas kyi sku mngon par byang chub ba dang/ chos kyi 'khor lo bskor ba la sogs pa sems can gyi khams

  313. 157a

    thams cad du rang gi sku rnam par rig par byed pa sprul pa'i sku mang pos khyab par byas nas thugs kyi dbang tsam gyis rang rang gi chos kyi dbyings kyi gnas su zhugs par bstan to zhes pa ste/ thugs kyi dbang tsam gyis zhes pa ni bcom ldan 'das rnam par snang mdzad ni sgrub pa po lta bur blta la/ sprul pa'i sku rnams 'byung ba ni bsgrubs pa'i lha rnams lta bur blta'o/ /chos kyi dbyings kyis bskyed pa'i de bzhin gshegs pa'i sku ni chos kyi dbyings kyi byin gyis brlabs kyis bcom ldan 'das rnam par snang mdzad kyi sprul pa'i sku rnams 'byung ngo zhes ba ste/ des kyang chos kyi dbyings kyi byin gyis brlabs dang sgrub ba po'i sems kyi dbang tsam gyis rang gi lha'i sku'i gzugs su snang bar 'gyur ro zhes ma 'ongs pa'i gdul ba'i 'gro ba rnams la bstan pa yin no/ /rang rang gi chos kyi dbyings kyi gnas su zhugs pa na/ /gyur to zhes pa ni slar ba spu'i bu ga de rnams su zhugs pa la ni mi bya'i/ gang du byung ba'i gnas de dag nyid du chos kyi dbyings stong pa nyid kyi rang bzhin du mi snang bar gyur pa la bya'o/ /de ltar bcom ldan 'das kyis rang gi sku las byung ba'i de bzhin gshegs pa'i sku rnams kyis sems can gyi khams thams cad du khyab par byas te slar mi snang bar bstan nas/ de nas yang bcom ldan 'das kyis byang chub sems dpa' phyag na rdo rje la bka' stsal pa zhes bya ba la sogs pas thugs mi zad pa'i rdo rje'i byin gyis brlabs gsang ba'i dkyil 'khor dang/ dkyil 'khor gsum gyi cho ga'i lhag ma rnams bshad bar gsungs pa yin te/ gsang ba zhes pa ni dkyil 'khor 'dis yid kyi rang bzhin chos kyi sku byin gyis brlabs pa yin pa'i phyir yid kyi rang bzhin chos kyi sku de dngos su bstan pa'i rang bzhin ma yin te phra bas na gsang ba zhes bya'o/ /gnyis

  314. 157b

    su na sku dang gsung gi rang bzhin yang phyag rgya'i rang bzhin du bsgyur bas sku dang gsung du mi mngon ba la'ang bya'o/ /lha rnams kyi gnas pa zhes pa ni dbang chen la sogs pa'i dkyil 'khor de dag lha rnams byin gyis rlob pa'i gnas yin pa'i phyir ro// sa bon dang bcas pas mtshan pa zhes pa ni dbang chen la sogs pa'i dkyil 'khor so so'i sa bon a dang ba la sogs pas mtshan pa zhes pa'o/ /dang por sngags pas dkyil 'khor de/ /rang gi lus la dgod byas zhes pa ni/ tshon dbye ba la sogs pa'i sngon rol du sngags ba sngar bshad pa'i rnal 'byor gyi stan la gnas nas snga ma bzhin du dbang chen la sogs pa'i dkyil 'khor lus la rim pa bzhin du bzhag go zhes ba ste/ de bas na/ rkang pa nas ni chu so la/ /thug gi bar du sa yi bsam/ /de nas 'og tu snying ga'i bar/ /sdom brtsom can gyis chu'i bsam/ /chu yi yan chad me'i ste/ /me yi yan chad rlung yin no/ /zhes gsungs te/ chu yi yan chad me yi ste/ /zhes pas snying ga yan chad mer bsam bar ni gsal na/ me yi yan chad rlung yin no/ /zhes pa la gang yan chad rlung du bsam pa'i mtshams gsal bar ma smos kyang snying po las smin mtshams su yi ge hUM bsam par gsungs pas na smin mtshams yan chad rlung gi dkyil 'khor du bsam par shes par bya'o/ /bsams nas de nas mkhas pa yis/ /sa la gzugs brnyan bzhag par bya'o/ /zhes pa ni sngags pas de lta bu'i ting nge 'dzin byas nas sa la gzugs brnyan gyi dkyil 'khor bri bar bya'o zhes pa'o/ /de nas phyag na rdo rje bcom ldan 'das rnam par snang mdzad kyi sku dang gsung dang thugs kyi sa la bzhugs nas zhes pa ni bcom ldan 'das kyi sku dang gsung dang thugs mi zad pa'i rdo rje'i rgyan la zhugs zhes pa'o/ /chos mnyam pa nyid la bltas te zhes pa ni don

  315. 158a

    dam par yang chos thams cad stong ba nyid kyi rang bzhin du mnyam la/ kun rdzob tu yang de bzhin gshegs pa'i sku la sogs pa sems can gyi khams ji snyed pa dang mnyam pa la bya'o/ /ma 'ongs pa'i skye bo rnams la brtags nas zhes pa ni ma 'ongs pa'i 'gro ba rnams kyi don du rig sngags kyi rgyal po the tshom thams cad gcod bar byed pa 'di smas so/ /zhes ba ni ma 'ongs pa'i dus na sngags bas dkyil 'khor bri ba'i sngon rol du sngags kyi rgyal po 'di bsnyan bar byas nas dkyil 'khor 'di 'dri ba'i phyir dang/ /sngags 'di'i don la 'jug pa dang 'dis bsrung bar bya ba'i phyir ro/ /gsang ba pa'i bdag po phyag na rdo rjes gsang sngags kyi rgyal po chen po 'dis smras pa thag tu zhes ba nas/ 'jig rten khams na bzhugs pa yi/ /rdzogs sangs rgyas rnams dbang du gyur zhes pa'i bar ni phyag na rdo rjes gsang sngags kyi rgyal po 'di smas pa'i rjes su bsngags pa gsungs pa yin no/ /de nas dpal ldan rdo rje 'dzin zhes ba nas/ mtshan nyid 'di dag rtogs bar 'gyur/ zhes ba'i bar gyis sngar bcom ldan 'das kyis/ yid gnyis som nyi dang bral ba/ /rdzogs sangs rgyas kyis rab bshad ba'i/ /lam 'di khyed kyis bsgom bar gyis zhes gdam ba de nyid kyi don phyag na rdo rjes ji ltar rtogs pa bzhin du bcom ldan 'das la gsol ba ste/ rtogs pa de yang bcom ldan 'das kyi byin gyis brlabs pas rtogs par bstan pa'i phyir/ de nas dpal ldan rdo rje 'dzin/ /bsam pa mchog rab mgu gyur ba/ /zhes pa la sogs pa yin te/ bdag gis sangs rgyas bcom ldan 'das rnams kyi dgongs ba zhes pa ni phyogs bcu'i sangs rgyas thams cad kyis phyag g.yas pa brkyang ste spyi bor bzhag nas byin gyis

  316. 158b

    brlabs pas zhes pa yin no zhes pa'o/ /chos 'di rnams ni mtshan nyid med/ ces pa ni phung po dang khams dang skye mched la sogs pa'i chos rnams rang bzhin gyis stong pas na mtshan ma dang bral ba'o/ /ngo bo nyid med ces pa ni bdag dang bdag gi ba'i rang bzhin du yod pa ma yin zhes pa'o/ /gnas med pa ni pha rol po rnams kyis cha shas can la sogs pa kun gyi gnas su brtags pa de yod pa ma yin pas pa'o/ /las dang tshe las rnam par grol/ /zhes pa ni chos rnams kyi rgyu dang 'bras bu'i rang bzhin med ces pa ste/ de ltar rgyu dang 'bras bu'i rang bzhin med pas na mtshan nyid med pa la sogs pa'i tshig gong ma rnams dang sbyar ro/ /rdzogs pa'i sangs rgyas 'dra bar 'dod/ /ces pa ni chos thams cad gang du yang dngos po yod pa ma yin te/ 'du shes tsam du zad do zhes pa'o/ /thugs rjes mnga' ni mdzad pa yi/ /mgon po rnams kyi thabs kyis ni/ /rnam bar bskul nas chos rnams kyi/ /mtshan nyid 'di dag rtogs par 'gyur/ /zhes pa ni chos rnams kyi mtshan nyid 'di 'dra ba de bcom ldan 'das kyis thugs rje chen po'i thabs kyi sgo nas byin gyis brlabs pas bdag gis rtogs so zhes pa'o/ de nas gsang ba pa'i bdag po phyag na rdo rjes ched du brjod pa'i tshigs su bcad ba de smras nas zhes pa nas/ sngags pa rnams ni nam zhig na/ /las dang tshe las rnam grol 'gyur/ /zhes pa'i bar gyis gsang ba'i dkyil 'khor bri ba dang/ dkyil 'khor gsum char gyi cho ga'i lhag ma rnams bris pa ste/ slob dpon gyi ting nge 'dzin dang dbang bskur ba'i cho ga rnams ma gtegs par dkyil 'khor gsum char cho ga gzhan thams cad mthun par shes par bya'o/ /snying rje chen po'i snying po 'byung ba'i dkyil 'khor chen po 'di'i the tshom bcad pa'i phyir zhes pa ni dkyil 'khor gsum char yang snying rje chen po'am 'byung

  317. 159a

    bas na gsang ba'i dkyil 'khor la snying rje chen po'i snying po 'byung ba zhes bya'o/ /the tshom bcad pa ni 'og nas 'byung ba'i don rnams ma bshad na cho ga rnams ma rdzogs pas ma 'ongs pa'i 'gro ba rnams the tshom can du 'gyur te/ de bas na de dag gi the tshom bcad pa'i phyir zhes bya ba ni ma 'ongs pa'i skye bo rnams la brtags nas zhes pa la sogs pas dngos su gsungs so/ /dri ba 'di rnams kyi don ni 'og nas lan zhib tu 'byung bas na de dang sbyar te bya'o/ /de'i 'og tu bcom ldan 'das kyis phyag na rdo rje la bshad pa'i skabs la babs pas dri ba bzhi bcu'i lan/ de nas kun mkhyen rdzogs sangs rgyas/ /zhes pa la sogs pa gsungs pa yin no/ /phyag na rdo rjes dris pa rnams kyang bcom ldan 'das kyis spyir rnam pa gsum du sdu ba mdzad nas/ snying rje chen po'i rtsa las byung/ /gsang ba'i dkyil 'khor rnam dgod pa/ /lha rnams kyi ni gnas nges pa/ /theg pa chen po'i go 'phang mchog /rdzogs sangs rgyas kyi rab gsang ba/ /dpa' bo cher 'byung khyod kyis gang// yongs su dris pa de legs so/ /lag na rdo rje stobs po che/ /mdor ni bsdus nas bshad par bya/ zhes gsungs pa yin te/ de la/ lha rnams kyis ni gnas nges pa/ /zhes bya bas ni 'jig rten dang 'jig rten las 'das lha'i bye brag dang lha de rnams kyi kha dog la sogs pa dris pa dang/ lha de rnams kyi gnas dbang chen la sogs pa'i dkyil 'khor du brtags pa de dag mdor bsdus te gsungs pa'o/ /theg pa chen po'i go 'phang mchog/ ces pa ni sngags dang byang chub sems dpa' dang/ thams cad mkhyen par ji ltar 'gyur/ /ji ltar bden pa mthong par 'gyur/ zhes dris pa de dag bsdus te gsungs pa yin te/ gnas de dag ni byang chub tu gzhol ba'i go 'phang yin pas/ /theg pa chen po'i go 'phang mchog /ces bya'o/ /gzhan

  318. 159b

    rnams kyang theg pa chen po'i gnas yin mod kyi/ /gzhan las 'di nye zhing gtso bo yin pa'i phyir ro/ /de gnyis las gzhan pa slob dpon gyi mtshan nyid dang tshon 'gyed pa la sogs pa ji srid dris pa de dag thams cad ni/ gsang ba'i dkyil 'khor rnams dgod pa zhes pa'i nang du bsdus bar rig par bya'o/ /de la skabs 'dir gsang ba'i dkyil 'khor zhes pa ni dkyil 'khor gsum char gyi cho ga spyir dris pa'i don de dag nyid dam tshig can ma yin pa la mi bstan pas gsang ba zhes bya'o/ /gzhan ni gong du smos pa bzhin no/ /cher 'byung zhes ba ni gong du dris ba de dag thams cad bla na med pa'i byang chub kyi rgyu sha stag yin pas dris pa'i don de dag nyid la chen po 'byung ba'i rgyu zhes bya'o/ /snying rje chen po'i rtsa las byung zhes pa ni mdkyil 'khor de dag snying rje chen po las byung bas de'i yo byad dris pa'i don de dag kyang/ snying rje chen po'i rtsa las byung zhes bya'o/ /rdzogs sangs rgyas kyi rab gsang ba/ /zhes pa ni theg pa chen po'i go 'phang mchog la sogs pa de dag snod ma yin pa'i sems can rnams la mi bshad pas rab tu gsang ba zhes bya'o/ /dkyil 'khor gyi ni sngon rol du zhes pa nas go rims bzhin du bzlas brjod bya/ /zhes pa'i bar ni dkyil 'khor bri ba'i sngon rol du slob dpon gyis bdag dang slob ma srung ba la sogs pa'i las bya ba'i sngags rnams la yun du bsnyen pa byas nas/ so so'i las la sbyar ro zhes gsang ba'i rgyud la sogs pa las byung ste/ de'i phyir/ dkyil 'khor bri ba'i sngon rol du/ /rig pa'i rgyal po'i bzlas ba bya ste/ mtshan ma byung gi bar du bzlas na de dag thams cad bsnyen pa byas par 'gyur ro/ /'di'i mtshan ma yang dkyil 'khor gyi lhag par gnas pa na sngags pa'i rmi lam du sangs rgyas dang byang chub sems dpa' rnams dkyil 'khor 'dri ba'i las la stsol bar mthong na zhes pa dang

  319. 160a

    sbyar ro/ /yan lag bcu gnyis tshig 'byung ba zhes pa ni yi ge'i 'bru yan lag bcu gnyis sngags kyi tshig tu gyur ba la yang bya la/ gnyis su na yig 'bru bcu gnyis las don dam pa'i mtshan nyid rtogs par 'gyur ba la yang bya ste/ yan lag zhes pa ni yi ge'i 'bru'o/ /pA da zhes pa ni rtogs pa la bya'o/ /rig sngags rgyal po stobs po che zhes pa ni don dam par stong pa nyid kyi rang bzhin ston par byed la/ kun rdzob tu yang sprul pa la sogs pa byed pas na mthu che ba'o// go rims bzhin du bzlas brjod bya/ /zhes pa ni rtsa ba dang snying po dang nye ba'i snying po rim pa bzhin du bzlas zhes pa'o/ /rang gi ting nge 'dzin la gnas te/ zhes pa ni slob dpon rang gi ting nge 'dzin rigs gsum gyi snying po gnas gsum du bzhag pa dang/ dpa' bo chen po'i snying po'i gnas lngar dgod pa dang/ yan lag thams cad du yi ge dgod pa gang yang rung ba'i ting nge 'dzin la gnas nas bzlas par bya'o zhes pa'o/ /so so'i las rnams 'dod pa yis/ /tshul shes pas na ci rigs par/ /zhes pa ni de lta bu'i rim pas sngon du bsnyan pa byas nas bdag dang gnas dang slob ma srung ba la sogs pa'i sngags rnams ji ltar rigs par sbyar ro zhes pa ste/ rig pa'i rgyal po 'di sngon du bsnyen ba bya ba yang dkyil 'khor gsum ga dang 'brel bar shes par bya'o/ /gsang sngags phyag rgya rtogs zhes pa'i/ /zhes pa nas/ rjes su gnang zhing dbang yang bskur/ /zhes pa'i bar gyi slob dpon gyi mtshan nyid dang bye brag bshad pa ste/ de yang spyi'i mtshan nyid dang bye brag bshad pa'o/ de la spyi'i mtshan nyid ni yid byang chub kyi sems la zhugs pa zhes pa dang theg pa gsum gyi khyad par shes pa la sogs pas sngar bshad zin to/ /'dir ni zab cing rgya che ba la mos pa dang/ dmigs pa can gyi bye brag bshad pa ste/ de bas na za

  320. 160b

    dang mi za ba bye brag las/ /de'i mtshan nyid shes bar bya/ zhes bya ba la sogs pa gsungs so/ /gsang sngags phyag rgya rtogs shes pa'i/ /zhes pa ni slob dpon gnyis kyi spyi'i mtshan nyid de/ phyag rgya dang sngags rnams gzhung las ji skad bshad pa bzhin shes pa'o/ /zab mo rgya cher shes par bya/ /zhes pa nas/ mthong ba'i chos ni rnam par spangs zhes pa'i bar gyi zab cing rgya che ba la mos pa'i slob dpon gyi bye brag ste/ zab mo ni stong pa nyid dmigs su med pa la mos pa de'i sems kyi brgyud sus kyang rig par mi nus te dpag par dka' zhes pa'o/ /rgya che ba ni don dam par chos thams cad stong pa nyid nam mkha' i rang bzhin lta bur rtogs la kun rdzob tu yang sgyu ma dang smig rgyu lta bur shes nas mchod ba la sogs pa rgya chen po la sbyor ba'o/ /lus can rnams ni yid mi rton/ zhes pa ni lus can rnams dang spyod lam mi mthun pas gcig la gcig yid mi rton pa'o/ /sangs rgyas rnams kyi sras mchog ste/ /zhes pa ni sangs rgyas kyi spyod pa dang rjes su mthun pa'i phyir te/ 'jig rten na yang ba'i spyod pa dang mi 'gal bar spyod pa ni be'u mchog ces bya'o/ /mthong ba'i chos ni rnam par spangs zhes pa ni 'jig rten kun rdzob kyi chos rnams la ma chags pa zhes pa'o/ /gnyis pa mthong ba'i chos rnams kyis/ /zhes pa nas/ rjes su gnang zhing dbang yang bskur/ / zhes pa'i bar ni slob dpon dmigs pa can gyi bye brag ste/ mthong ba'i chos rnams kyis/ /myos par 'gyur ba dmigs pa can/ zhes pa ni thos ba dang bsams pa'i shes rab kyis sngags kyi rgyud la sogs pa thos shing bsam pa'i shes rab kyis stong pa'i rang bzhin du mos su zin kyang/ sgom pa'i shes rab kyis goms par ma nus bas phyi rol gyi spyod pa rnams la mos par 'gyur te/ des 'jig rten pa'i dkyil 'khor chen la sogs pas bri bar bcom ldan 'das kyis dbang bskur zhing yang stsal? to

  321. 161a

    zhes pa'o/ /'jig rten pa'i dkyil 'khor ni tshon la sogs pas bris nas 'jig rten pa rnams kyi lta ba'i spyod yul du gyur pas 'jig rten pa'i dkyil 'khor zhes bya'i/ mu stegs pa la sogs pa'i dkyil 'khor la ni mi bya'o/ /de bas na slob dpon dmigs pa can gyis phyi rol gyi tshon la sogs pas dkyil 'khor bri bar dbang bskur gyi/ sems dbang du ma gyur pas yid kyi dkyil 'khor bri bar ni dbang mi bskur ro/ /zab cing rgya che ba la mos pa'i slob dpon de ni phyi'i dkyil 'khor dang nang gi dkyil 'khor gnyis ka bri bar dbang bskur te/ phyi rol gyi spyod pa rnams la ma chags shing sems dbang du gyur pas nang gi dkyil 'khor bri bar dbang bskur te/ slob ma rnams kyi yid dang sbyar pa'i phyir phyi rol gyi dkyil 'khor yang bri bar gsungs so/ /dus dang dus min bye brag las/ /zhes bya ba nas/ slob ma de ni rgyal ba'i mchog /ces bya ba'i bar gyis slob ma'i bye brag bshad de/ dus dang dus min bye brag las/ /zhes pa nas spyir slob ma rnam pa bzhi las slob ma kha cig sngags kyi rgyud la sogs pa thos shing shes la/ byang chub kyi sems kyang bsgoms pa ni dkyil 'khor du bcug pa nyid kyi tshe na rab sgrub par dbang bskur la slob dpon dmigs pa can gyi mtshan nyid dang ldan na byang chub kyi sems dang mi ldan yang de nyid kyi tshe na slob dpon du dbang bskur ba bya ste/ de dag ni/ gcig ni de yi mo de la sgrub/ ces pa'o/ gzhan ni sngags kyi rgyud la sogs pa thos shing shes kyang byang chub kyi sems ma bsgoms na sgrub par dbang bskur du mi rung ste dkyil 'khor der bcug nas byang chub kyi sems bsgom pa'i thabs bstan te/ byang chub kyi sems goms par gyur na phyis sgrub par dbang bskur bar bya ba ni dus gnyis par bsgrub pa'o/ /de bzhin du slob dpon du dbang bskur ba don du gnyer

  322. 161b

    na yang sngags kyi rgyud la sogs pa mi shes na der dbang mi bskur bar sngags kyi rgyud la sogs pa rdzogs par slob tu bcug ste slob dpon gyi mtshan nyid dang ldan pa na slob dpon du dbang bskur ba yang dus gnyis par bsgrub pa'o/ /de la kha cig snga nas kyang rgyud la sogs pa mi shes shing byang chub kyi sems kyang ma bsgoms phyis kyang mi slob la sgom par mi 'gyur ba ni dkyil 'khor du gzung ba tsam las dus gnyis par yang slob dpon dang sgrub par dbang mi bskur ba ni gnyi gar min zhes pa'o// mtshan nyid thams cad rdzogs pa yi/ /slob ma de ni rgyal ba'i mchog /ces pa ni rgyud la sogs pa yang rdzogs par shes/ byang chub kyi sems kyang tshul bzhin du bsgoms pa 'ga' zhig bsod nams spel ba'i phyir dkyil 'khor du zhugs pa de yang slob ma'i grangs su yang gtogs te/ da ni dbang la sogs pa bskur bas 'dir dbang la sogs pa gdong bskur mi dgos te/ de ni mtshan nyid thams cad rdzogs pa yi/ /zhes bya'o/ /sa ni dang por shes bya ba/ /zhes pa nas/ de bas rtog pa rnam spangs nas/ /sa kun rnam par sbyang bar bya/ /zhes pa'i bar gyis sa sbyang bar shad de/ phyi nang gi sa rnam pa gnyis la/ phyi'i sa sbyang ba ni sngar bshad zin to/ /'dir nang gi sa sbyang ba bshad de/ sems kyi sar ni bshad pa yin/ zhes pa'o/ /sbyang ba sngar ni bstan pa ste/ zhes pa ni sngar byang chub kyi sems ni rang gi sems yang dag pa ji lta ba bzhin du shes pa zhes dang rnam par ram/ kha dog tu 'am/ dbyibs su 'am/ zhes pa nas rnam pa thams cad kyi bar du yongs su btsal kyang mi dmigs pa yin te zhes pa la sogs pa'i bar du bshad pa de'i tshul du ting nge 'dzin dag pa dang/ rnam pa thams cad spangs pa dang/ /rnam par rtog pa dang bral bas na sems kyi dri ma dag pa ste/ /de ltar dag par byas nas phyi rol gyi dkyil 'khor ram/ nang

  323. 162a

    gi dkyil 'khor gang yang rung ba bri bar bya'o zhes pa'o/ /de yis de ni yongs su sbyang/ /zhes pa ni sngar byang chub kyi sems sbyang bar bshad pa des sems kyis sbyang bar bya'o zhes pa'o/ /nam zhig nyes pa dang bral na/ /sems kyis na mi 'jig pa/ /zhes pa ni ji ltar phyi rol gyi sa'i nyes pa rus pa dang rdo ba la sogs pa med pa bzhin du 'dir yang rnam par rtog pa la sogs pa dang/ 'dod chags la sogs pa'i nyon mongs pa rnams dang bral na bgegs la sogs pas skabs mi rnyed pas mi 'jigs zhes bya'o/ /de bas na de tshe de ni dag pa sde/ nyes pa thams cad rnam par spangs/ /mngon par byang chub mthong bas na/ /de ltar de ni brtan zhes bya/ /zhes gsungs pa yin no/ /de las gzhan du sa sbyong ba/ /zhes pa nas byang chub sems kyis sbyang bar bya/ zhes pa'i par gyis phyi rol gyis rnams spyad pa na yang byang chub kyi sems dang ma ldan par rtog pa la gnas te sbyangs na mi 'dag go /de las gzhan du zhes pa gang gis nang gi sbyang ba las gzhan pa ste phyi'i sa la bya'o/ /sngags pa rtog la gnas nas su/ /zhes pa ni phung po dang khams dang skye mched la sogs pa'i dngos po yod par rtog ste/ sbyang bar bya ba'i sa dang/ rus pa la sogs pa'i nyes pa yang dngos po yod par rtog cing sa de spyod na de byang chub kyi sems dang mi ldan pas de dag par 'gyur ba ma yin zhes pa ste/ de bas na/ de bas rtog pa rnam spangs nas/ /sa kun rnam par sbyang bar bya/ /nga yis dkyil 'khor rnams kyi ni/ /cho ga rgyas pa gang bstan pa/ /de dag thog mar bstan pa ni/ /zhes bya ba gsungs pa yin te byang chub kyi sems sngon du sgom pa yang slob dpon gyi mtshan nyid mos pa las shes rab kyi pha rol tu phyin pa'i tshul la rtag tu mkhas pa theg pa gsum gyi khyad par shes pa zhes bya ba la sogs pa

  324. 162b

    gsungs pa'i phyir/ shes rab kyi pha rol tu phyin pa'i tshul la mkhas pa ni stong pa nyid kyi rang bzhin la mkhas par mngon pas sngon du byang chub kyi sems bsgoms par rig par bya'o/ /theg pa gsum gyi khyad par shes pas kyang stong pa nyid la mkhas par mngon te/ gang zag dang chos la bdag med pa'i khyad par la mkhas pa'i phyir ro/ /dkyil 'khor gyi las 'di rnams thams cad kyang bya ba byas pa'i slob dpon slob dpon gyi mtshan nyid de lta bu dang ldan pas sa sbyang bar bya ba na rtog pa 'ba' zhig la mi gnas kyi byang chub kyi sems dang ldan pas 'jig rten pa rnams kyi sems dang sbyar ba'i phyir/ phyi rol gyi sa rnams sbyang bar rgya cher bshad pa'i bcom ldan 'das kyi dgongs pa de/ rmongs pa rnams kyis mi shes te/ gang gis de lta bu'i rtog pa ma spangs pa de ni sangs rgyas dang thams cad mkhyen pa'i rgyur mi 'gyur ro/ /de bas na/ 'jig rten 'di na sangs rgyas min/ /zhes bya ba la sogs pa gsungs la/ slob ma rnams la nan tan du/ /byang chub sems kyis sbyang bar bya/ /zhes pa ni slob ma sbyang ba ste/ de yang smon pa byang chub kyi sems dang/ 'jug pa byang chub kyi sems sbyang ba gnyis las 'jug pa byang chub kyi sems sngar bsgoms na/ de sbyangs pa yin pas phyis dkyil 'khor du 'jug kar smon pa byang chub kyi sems sbyin par bya ste/ gnyis po de dag sa sbyad pa'o/ / de ste sngar 'jug pa'i byang chub kyi sems goms par ma byas na dkyil 'khor du 'jug pa'i tshe smon pa byang chub kyi sems sbyin la/ phyis 'jug pa byang chub kyi sems sgom du 'jug ste/ de ni slob ma rnams byang chub kyi sems kyis sbyong ba'o/ /bsrung ba mi g.yo mgon po 'am/ /khams gsum rnam par rgyal bas bya/ /zhes pa ni slob ma rnams kyi bsrung ba gsungs pa ste/ slob ma rnams thog ma nang du 'ong ba'i tshe bsrung ba dang/ lhag par gnas pa'i tshe bsrung ba la sogs pa thams cad gnyis po 'di dag

  325. 163a

    gang yang rung bas bsrung ngo zhes pa'o/ /slob ma nam zhig dmigs pa yis/ /nam yang g.yos par mi 'gyur ba/ /de tshe dri med nam mkha' bzhin/ /yang dag par ni dag par 'gyur/ /zhes pas ni slob ma dag pa'i mtshan nyid gsungs te/ de yang nam slob ma de rnal 'byor la gnas pa'i tshe ting nge 'dzin dag pa dang/ rnam par rtog pa spangs pa dang/ rnam pa dang bral ba ste/ dge ba dang mi dge ba gnyis ka la dmigs pas mi g.yos pa dang/ rnal 'byor las langs nas kyang mchod pa la sogs pa'i dge ba ni spyod kyi 'dod chags la sogs pa'i yul gyi dmigs pas mi g.yo bar gyur na de dag pa'i mtshan nyid do zhes pa'o/ /de tshe dri med nam mkha' bzhin/ /zhes pa ni ji ltar nam mkha' gang gis kyang ma bsdus pas rang bzhin gyis dang ba dang/ blo bur gyi sprin la sogs pas mchod na yang nam mkha' de rang bzhin dag pa las nyams pa mi 'gyur ba bzhin du/ 'di yang ting nge 'dzin la gnas pa'i tshe dge ba dang mi dge ba la rtog pa'i dri ma gnyis med pa dang/ ting nge 'dzin las langs pa'i tshe mchod pa la sogs pa'i spyod pa byed kyang sgyu ma la sogs pa'i rang bzhin du shes bzhin du byed de/ dngos po yod par rtog pa'i dri mas mi gos pa'i phyir ro/ /sa byin brlab pa dang po ni/ /rdzogs sangs rgyas kyis bya bar bshad/ /gnyis pa sems kyi dbang gis te/ /'dir ni gzhan gyis mi bya'o/ /zhes pa ni sngar snying rje chen pos sa yongs su gzung ba'i dkyil 'khor gyi sa sbyangs pa der sangs rgyas lnga bsam pa la sogs pa gsungs pa de nyid 'dir? glengs nas rim pa bzhin du bshad pa ste/ dkyil 'khor gyis de dang por sangs rgyas bcom ldan 'das rnams rer bsams nas byin gyis brlab de'i 'og tu sems kyis bdag gi bar gzung/ de'i 'og tu sngags kyis bsrung ba

  326. 163b

    ste/ /de gsum gyis yongs su gzung gi de las gzhan du ma yin zhe pa'o/ /sred bu rnam pa bzhir bshad de/ /zhes pa nas/ lnga pa nam mkha' lta bur bshad/ /ces pa'i bar ni sngar tshon sna lnga'i srad bu zhes spyir bshad pa de tshon sna lnga gang yin pa'i ming smos nas gsal bar bshad pa'o/ /bar snang la ni gzung nas su/ /der ni dkyil 'khor brtag par bya zhes pa ni dkyil 'khor snga ma la lte ba'i thad kar srad bu gzung zhes spyir gsungs kyi/ der dkyil 'khor bri bar ma bshad pa de nyid par snang la srad bu gzung nas bar snang der dkyil 'khor bri'o zhes gsal bar bshad pa yin no/ /srad bu dag ni gnyis pa yis/ /sa la dkyil 'khor dgod par bya/ /zhes pa ni sngar srad bu gnyis pa blangs nas kha shar phyogs su blta zhes pa la sogs pa spyir smos kyi/ dkyil 'khor nyid gang du bri ba zhib tu ma bshad pa de nyid gsal bar gsungs pa yin te/ bar snang la bris pa'i 'og tu srad bu gnyis pa blangs pa des sa la dkyil 'khor bri'o zhes pa'o/ /sangs rgyas rnams ni thams cad dang/ /de'i sras blo can rnams kyi gdan/ /pad+ma yid las byung ba'i mchog /bkra shis 'jig rten rnams kyis bsngags/ /zhes pa ni gang na pad+ma dkar pos bya'o zhes pa ste/ yid las byung ba'i mchog /ces pa ni sngar bzlas pa'i yan lag bzhi bshad pa'i tshe snying gar pad+ma dkar po bsam par bshad la/ 'dir pad+ma dkar po zhes ma bshad pas yid las byung ba'i pad+ma smos pas ni yid kyis bsams pa'i pad+ma dkar po re dang 'dra ba'i gdan bya'o zhes pa'o/ /rang rgyal dang ni dgra bcom pa/ /phyogs gcig shes par gang grags pa/ /de dag stan du shes bya ba/ /pad+ma las byung 'dab ma'o/ /zhes pa ni nyan thos dang rang sangs rgyas ye shes phyogs gcig pa dang ldan pa rnams kyi stan pad+ma dkar po'i 'dab ma gcig steng du bya zhes pa'o/ /'jig rten gyi ni lha rnams gang/ /

  327. 164a

    zhes pa nas/ rgyal po rnams kyis rab bsngags pa'o/ /zhes pa'i bar du/ 'jig rten gyi lha tshangs? po la sogs pa rgyal po'i gzugs can de dag 'dod chags dang bcas pa yin pas stan gyi pad+ma dmar po bshad pa yin no/ /phal pa rnams kyi ci rigs par/ /sa yi bye brag dag las bsam/ /zhes pa ni 'jig rten pa'i 'khor phal pa rnams bla ma'i drung na bla mar 'dra bar pad+ma'i stan mi rigs pas de las dma' ba' i stan rnams gar rigs par bya'o zhes pa ste/ nyan thos dang rang sangs rgyas dang 'jig rten pa'i lha rnams kyi stan 'dir bshad pa yang 'di rnams dkyil 'khor 'dir ma smos pas zhar la bshad par shes par bya'o/ /dkyil 'khor bar ma la gshin rje la sogs pa 'jig rten gyi lha rnams smos pa yang de bzhin gshegs pa'i sku las sprul ba sha stag yin pas pad+ma'i gdan nyid du rig par bya'i 'jig rten pa phal ba rnams kyi ni ma yin no/ /mchod pa rnam bzhir shes bya ste/ zhes pa nas/ de las gzhan pa 'jig rten pa'i/ /lha rnams la ni go rims bzhin/ /zhes pa'i bar gyi mchod pa rnams bshad pa ste/ de la spyir mchod pa rnam pa bzhi ste/ thal mo sbyar ba dang/ byams pa dang/ snying rje dang/ me tog dang bdug pa la sogs pa dang yid kyi mchod pa'o/ /de la sngags pa zab cing rgya che ba la mos pa'i mchod pa ni mchod pa 'di bzhi char spyod de yid kyi mchod pa yang byed/ phyi rol gyi mchod pa yang byed do/ /dmigs pa can gyi sngags pas ni phyi rol gyi mchod pa rnams byed kyi/ ting nge 'dzin mi khugs pas yid kyi mchod pa med do/ /byams pa dang snying rje ni nan tan gyi mchod pa ste/ phyi dang nang gi mchod pa gang yang rung ba byas nas sems can rnams la byams pa dang snying rje bskyed nas mchod pa de dag nyid sems can rnams la bsngo par byed pa'o/ /de la phyi rol gyi mchod pa rnams

  328. 164b

    ni sngar bshad zin to/ /da ni 'dir yid kyi mchod pa bshad par bya ste/ de la me tog bdug spos 'jig rten pa'i/ /sor mo las byung me tog rnams/ /zhes pa la sogs pa ste/ sor mo las byung me tog rnams/ /zhes pa ni thal mo sbyar ba las me tog 'byung ba de skyob pa kun la dbul bar bya zhes pa'o/ de nyid dgrol ba'i phyir/ yan lag kun 'byung phyag rgya ni/ bcings nas byang chub sems bsgoms te/ zhes bya ba gsungs te/ yid kyi mchod pa bya ba yang thog mar bdag gi phyag rgya 'di bcings nas 'di ltar bsams pa bzhin du sangs rgyas dang byang chub sems dpa' rnams la mchod pa'i sprin 'byung bar shog cig ces smon lam btab nas stong pa nyid kyi ting nge 'dzin la gnas te/ byang chub kyi sems de mngon du bya'o/ de ltar ting nge 'dzin la gnas pa nyid na yang yid la nam mkha' mdzod kyi rig pa bzlas te/ de nas phyag rgya de las mchod brgya chen po 'og nas smos pa rnams char bzhin du 'bab par bsam mo/ /de ltar bsams pa chos kyi dbyings kyi byin gyis brlabs ting nge 'dzin gyi dbang dang sngags kyi mthus de'i tshe sangs rgyas kyi spyan sngar char bzhin du 'bab par 'gyur to/ de bas na/ 'di ni skyon med me tog ste zhes pa la sogs pa rjes su bsngags pa dang bcas par gsungs so/ /lha rnams phal ba gzhan la ni/ /zhes pa nas/ ji ltar rigs par rnam par bsam/ /zhes pa'i bar gyis ni gzugs brnyan gyi dkyil 'khor tshon gyis bris pa'i lha rnams la phyi'i mchod pa me tog la sogs pa dbul ba'i rim pa bstan pa ste so so'i sngags kyis btab nas thog mar bcom ldan 'das rnam par snang mdzad la sogs pa de bzhin gshegs pa'i rigs la mchod de/ de nas pad+ma'i rigs la sogs pa la mchod par bya ste/ de bas na/ ji ltar rigs par rnam par bsam/ /zhes gsungs pa yin no/ /mthe bo srin lag sbyar ba ni/ zhes pa nas de las gzhan pa 'jig rten pa'i/ /lha rnams la ni go rims bzhin

  329. 165a

    zhes pa'i bar gyi mchod pa rnams 'bul ba'i thabs bstan pa ste/ the bo srin lag sbyar ba ni/ /zhes pa la sogs pas me tog dbul ba gsungs la/ 'jig rten pa'i lha rnams la/ lte ba'i thad ka nas shes bya/ /zhes pa 'jig rten pa ni 'dir gzugs brnyan gyi dkyil 'khor gyi lha rnams la bya ste/ de'i lha rnams la lte ba'i thad ka nas me tog dbul bar bya la/ 'jig rten las 'das pa'i yid kyi dkyil 'khor rnams la ni snying ga nas dbul bar bshad pa'o/ /bdug spos rdo rje'i khu tshur ram/ /yang na pad+ma'i phreng ba yis/ /bar snang la ni gzung nas su/ /'jig rten mgon skyob rnams la dbul/ /zhes pa ni bdug spos gsol ba na rdo rje lta bu'i khu tshur ram pad+ma'i phyag rgya bcing pa ste/ pog pho ni rdo rje khu tshur gyis gzung la kham po ni pad+ma'i phyag rgyas gzung ste yid kyi dkyil 'khor gyi lha rnams la bar snang la bstod de gzung nas gsol zhes pa'o/ /gzugs brnyan gyi dkyil 'khor gyi lha rnams la ni ste ba'i thad ka nas rim pa bzhin du gsol lo zhes ba ste de bas na/ de las gzhan pa 'jig rten pa'i/ /lha rnams la ni go rims bzhin/ /zhes gsungs pa yin no/ /phyi dang nang gi bye brag gis/ /sbyin sreg rnam pa gnyis shes bya/ /zhes pa nas/ sngags kyi shes pa spangs pa ste/ zhes pa'i bar gyis phyi nang gi sbyin sreg gnyis bshad pa ste/ de la phyi'i sbyin sreg ni bsreg par byas pa ste/ sreg pa'i me la sogs pa phyi'i dngos po gzugs la sogs pa la bltos pa'o/ /nang gi sbyin sreg ni de rnams sems nyid kyis byas te phyi rol gyi gzugs la sogs pa la bltos pa ma yin te de bas na/ las dang che las rnam sar grol/ /zhes gsungs pa yin te/ phung po dang khams dang skye mched la sogs pa'i chos rnams 'jig par byed pa'i byang chub kyi sems kyis stong par bshig ste las dang tshe la sogs pa dmigs su med par spros pa

  330. 165b

    med pa'i shes rab kyis rtogs te yid la phung po la sogs pa dang sems dang sems las byung ba'i rgyu dang 'bras bu dag dmigs su med par gyur pa de la/ las dang che las rnam par grol/ /zhes bya'o/ /de la sreg par byed pa ni spros pa med pa'i shes rab yin la/ las dang tshe la sogs pa ni bsreg par bya ba yin zhing sreg pa'i me ni rnam pa dang bral ba'i yid la bya'o/ /slar yang sa bon 'byung ba ste/ zhes pa ni las dang tshe sreg pa'i mtshan nyid stong pa nyid kyi ting nge 'dzin de las langs nas snying rje'i dbang gis lha'i gzugs su bya ba la bya ste/ bdag gi lta gang yin pa'i sngags kyi sa bon las ltar bsgyur pa'i rim pa ji skad gsungs pa'i tshul gyi bdag nyid lha'i gzugs bsgyur ba la bya ste/ de la dang po phung po la sogs pa 'jig pa'i byang chub kyi sems ni 'jug pa'i byang chub kyi sems so/ /ji ltar 'jig cing rtog pa de yang spangs te spros pa med pa'i shes rab rnam par mi rtog pa las dang tshe sreg par byed pa so so rang gis rig pa'i mtshan nyid ni gnas pa byang chub kyi sems so/ /sngar rang gi sa bon las lha'i gzugs su bsgyur ba ni ldang ba'i byang chub kyi sems so/ /las 'dod pa yis sbyin sreg bya/ /zhes pa ni zhi ba dang rgyas pa la sogs pa'i las rnams grub par 'dod pas phyi dang nang gi sbyin sreg de bya'o zhes pa ste/ mtshan mar bcas pas mtshan bcas kyi/ /dngos grub rgyal ba dam pa bzhed/ /mtshan ma med la gnas pas ni/ /mtshan ma can yang bsgrub tu rung/ /zhes bya ba dang sbyar te/ nang gi sbyin sreg phyi rol gyi gzugs la sogs pa la mi ltos pa'i mtshan ma med pa des kyang shing la sogs pa mtshan ma dang bcas pa rnams 'grub par 'gyur ro zhes pa'o/ phyi rol gyi ni gsum ldan zhing/ /zhes pa ni phyi rol gyi sbyin sreg byed pa na gsum dang ldan par bya ba ni zhi ba dang rgyas pa dang mngon spyod kyi las gang yang rung ba'i kha dog dang tshul du ldan par bya ba dang

  331. 166a

    rdzas rnams kyang de'i kha dog dang ldan par bsam pa dang bdag nyid kyang de'i kha dog dang mtshungs par ldan pa'i lhar bsgyur ba ste/ de ltar me dang rdzas dang bdag gsum po zhi ba la sogs pa'i las gang yang rung ba'i kha dog dang tshul du ldan par bya ba ni gsum dang ldan pa'o/ /gnas gsum dang zhes pa ni zhi ba dang rgyas pa dang mngon spyod rnams kyi dkyil 'khor dbang chen dang chu rlung gi gnas gsum dang ldan pa'o/ gsum la gnas zhes pa ni zhi ba la sogs pa'i me thab zlum po dang gru bzhi dang gru gsum dang bsreg rdzas la sogs pa'i gnas yin no zhes pa'o/ /las gsum ni zhi ba dang rgyas pa dang mngon spyod rnams yin la/ lam grub pa ni de dag gi 'bras bu gsum grub pa'o/ /phyi dang nang gang yang rung ba'i sbyin sreg gi cho ga de las gzhan du byas na de dag gi 'bras bu thob par mi 'gyur te/ de bas na/ gang dag gzhan du byed pa ni/ zhes pa la sogs pa ni gnyi ga'i phyir gsungs pa yin no/ /de bzhin gshegs pas gsungs sngags dang/ zhes pa nas lha yi tshad kyang go rims bzhin/ /de tsam du ni shes par bya/ zhes pa'i bar gyis ni sngags kyi lha la sogs pa'i kha dog dang dbyibs dang chad rnams bshad de/ de bzhin gshegs pas gsungs sngags dang/ /de bzhin rdzogs sangs rgyas kyis gsungs/ /dkar dang ser du shes par bya/ /zhes pa ni de bzhin gshegs pa'i rigs ni chos thams cad rnam par dag pa'i mtshan nyid zhi ba'i rang bzhin yin pas na kha dog dkar por rig par bya'o/ /zhes pa'o/ /de bzhin rdzogs sangs rgyas kyis gsungs/ /zhes pa ni shAkya thub pa dang/ 'phags pa 'jam dpal la sogs pa byang chub sems dpa' kun tu sangs rgyas pa de dag ni sems can gyi don la sogs pa spyod pas na tshogs rdzogs par mdzad de rgyas pa'i mtshan nyid yin pas kha dog

  332. 166b

    ser por rig par bya'o/ /phyag na rdo rje'i thams cad pa zhes pa ni phyag na rdo rje yang bya ba bsgrub pa'i ye shes kyi rang bzhin sems can gyi don du spyod pa thams cad spyod pas kha dog thams cad par rig par bya'o/ /'jig rten dbang phyug gsang sngags ni// las kyi bye brag dag las dkar/ /zhes pa ni spyan ras gzigs kyi dbang po ni so sor kun tu rtog pa'i ye shes kyi rang bzhin chos thams cad 'khru bar byed pa'i bdag nyid pas kha dog dkar por shes par bya'o/ /kun tu gru bzhi lha ma phal/ /go rims bzhin du zlum po dang/ /gru gsum dang ni zla khams 'dra/ /dbyibs ni legs par bshad pa yin no/ /zhes pa ni lha de rnams kyi dkyil 'khor dbang chen la sogs pa'i dbyibs bshad pa ste/ rim pa bzhin du shes bar bya'o/ /gzugs ni gnyis su shes bya ba/ bud med dang ni skyes pa nyid/ /ces pa ni lha rnams kyi gzugs bshad pa ste/ de la lha rnams kyang rnam pa gsum ste rnam par smin pa'i gzugs dang gnas yongs su gyur pa dang/ sprul pa'o/ /de la rnam par smin pa'i gzugs ni rang gi las dang bsod nams las skyes pa'o/ /gnas yongs su gyur pa ni sgrub pos grub pa'i gzugs so/ /sprul pa ni ting nge 'dzin la sogs pa'i dbang gis gang yang rung ba gcig yid la bsams par gyur pa ste de dag las la la ni skyes par snang/ la la ni bud med du snang ba'o// yang na kun tu thams cad kyi/ /kha dog dbyibs dang gzugs rnams te/ /zhes pa ni yang na gong du kha dog dkar po la sogs pa smos pa dang/ dbyibs gru bzhi pa la sogs pa smos pa dang/ gzugs bud med dang skyes par smos pa de dag nges pa ni ma yin te/ de dag kun bya ba kha dog thams cad dbyibs thams cad dang gzugs thams cad du shes par bya'o/ /ci'i phyir zhe na/ bsam yas ye shes las byung ba/ /de bas de rnams bsam yas te/ /zhes gsungs te de thams cad kyang de bzhin nyid kyi ye shes bsam

  333. 167a

    du med pa las byung ba sha stag yin pas kha dog dang dbyibs la sogs pa chad pa med pas bsam gyis mi khyab pa'o/ /de yang ci'i phyir zhe na/ ye shes mkhyen gyi ye shes ni/ /sems can don phyir tha dad gyur/ /zhes pa ste/ /de dag gi kha dog dang dbyibs la sogs pa chad pa med pa yang sems can gyi don sna tshogs la mkhas pa'i ye shes des gdul ba'i 'gro ba dang rjes su mthun pa'i gzugs la sogs pa ston pa'i phyir ro/ /yid kyi rgya ni ji tsam pa// stan dang phyag rgya dag dang ni/ /lha'i tshad kyang go rims bzhin/ /de tsam du ni shes par bya/ /zhes pa ni lha la sogs pa'i tshad bshad pa ste/ nang du yid la bsam pa 'am/ phyi rol tu bri ba la sogs pa kun kyang yid la ji tsam du 'dod pa de tsam du bsam pa 'am bri bar bya zhes pa'o/ /lha yi tshad kyang go rims bzhin/ /zhes pa ni dkyil 'khor du bri ba'i lha rnams kyang snying po'i dkyil 'khor du bri ba rnams ni dkyil 'khor gyi sa'i zheng che bas lha'i gzugs kyang che bar bya/ de'i go rims kyis de bzhin du zheng chung ba rnams su rim gyis chung bar bya zhes pa'o/ /sangs rgyas gang nas byung ba nas/ /phyag rgya rnams kyang de nas byung/ /zhes bya ba ni phyag rgya gang nas byung ba'i khungs bshad pa ste/ sangs rgyas rnams kyi chos kyi dbyings las gyur pa'i phyag rgya des bdag dang slob ma la sogs pa lha'i lus su byin gyis brlab pa dang phyag rgya des slob ma la sogs pa srung ba ste/ de srungs na chos kyi dbyings kyi mtshan mas btab pas cis kyang mi tshugs par 'gyur ba ni 'jig rten na rgyal po'i rgya dang ldan pa'i skyes bu la sus kyang gtso bar mi 'gyur ba dang 'dra'o zhes sngar zhib tu bshad do/ /de bas mdor na chos kyi dbyings/ /mtshan ma phyag rgya yin par bshad/ /ces pa ni mdor na phyag rgya rnams chos kyi dbyings kyi mtshan ma yin

  334. 167b

    par shes par bya'o/ /zhes pa'o/ /dbang bskur gsum du shes bya ste/ zhes pa nas/ rdzogs pa'i sangs rgyas rnams kyis bsgrags/ /zhes pa'i bar gyis ni dbang bskur ba rnam pa gsum bshad de/ /phyag rgyas gang zhig dbang bskur ba/ /las dang bya ba spangs pa ste/ zhes pa ni snying rje chen po 'byung ba dang yi ge 'khor lo bskor pa'i dkyil 'khor du nam slob dpon dang slob ma zab mi rgya che ba la mos pa dag phyag rgyas dbang bskur ba bya bar bshad pa ste/ dkyil 'khor de gnyis gang yang rung ba'i mdun du dbang bskur pa'i dkyil 'khor dang bum pa la sogs pa la mi ltos par kun tu bzang po la sogs pa byang chub sems dpa' i phyag rgya dang 'og nas 'byung ba'i phyag rgyas dbang bskur ba'o/ /las dang bya ba spangs pa ste/ zhes pa ni dbang bskur ba'i bum pa dang dkyil 'khor dang dung dang 'khor lo la sogs pa'i cho ga rnams dang bral ba zhes pa'o/ /gnyis pa las dang bya ba yis/ /kun nas bslang bar yang dag bshad/ /ces pa ni snying rje chen po 'byung ba dang yi ge 'khor lo bskor ba'i dkyil 'khor gyi mdun du dbang bskur ba'i dkyil 'khor bris nas sngar ji skad bshad pa'i cho ga bzhin du dbang bskur bar gsungs pa'o/ /gsum pa yid kyi shes bya ste/ yul dang dus ni spangs pa'o/ /zhes pa ni gsang ba'i dkyil 'khor du yid kyis dbang bskur ba ste 'og nas dngos su 'byung ngo/ /bla ma legs par mgu? byas nas/ /phan par byed pas gang smras pa'i/ /dbang bskur 'di ni mchog yin par/ /rdzogs pa'i sangs rgyas rnams kyis bsgrags/ /zhes pa ni dkyil 'khor gong ma gnyis su phyag rgyas dbang bskur nas rjes su gnad ba'i tshig smras pa la bya ste/ phyag rgyas dbang bskur ba'i 'og tu slob dpon slob ma'i rim gro dang nan tan la sogs pas mgu nas khyod kyis deng phyin chad chos kyi 'khor lo bskor cig ces pa la sogs pa'i tshig tu shes

  335. 168a

    par bya'o/ /phyag rgyas dbang bskur ba dang po dang/ dbang bskur ba gnyis pa ni snying rje chen po 'byu rab dag yi ge 'khor lo bskor ba'i dkyil 'khor du bya'o/ /gsang ba'i dkyil 'khor du ni yid kyis dbang bskur ba dngos su gsungs pas gong ma gnyis mi bya bar shes par bya'o/ /'di rnams kyang 'dir tshig tsam bshad kyi don ni bsdus pa'i don nyid du gtan la phab ste bshad zin to/ /sangs rgyas rnams kyis mdor na ni/ dam tshig can rnam lngar bshad de/ zhes pa nas/ dam tshig can zhes gzhan mi bya/ /zhes pa'i bar gyis ni dam tshig can gyi rim pa bshad pa yin te/ de la spyir slob pa rnams dkyil 'khor du 'jug pa yang kha cig ni dam tshig can du 'dod pa'i phyir 'jug /kha cig ni bsgrub par 'dod pa'i phyir 'jug /kha cig ni slob dpon du 'dod pa'i phyir 'jug pa ni dkyil 'khor 'di gsum las gang yang rung bar zhugs te dam tshig can du gyur na dkyil 'khor lhag ma gnyis la mi bltos la/ bsgrub pa dang slob dpon du 'dod pa ni dkyil 'khor gsum char la bltos par shes par bya'o/ /dkyil 'khor 'di ni mthong ba las/ dam tshig shes pa gcig ces bya/ /zhes pa ni dam tshig gi don ni 'dir tshul las mi 'gal ba'i don te dkyil 'khor gsum las gang yang rung ba zhig mthong na dam tshig can gcig ces bya ste/ des sngar byang chub kyi sems bsgoms na ni de la phyag rgya dang sngags sbyin par bya la/ sngar byang chub kyi sems ma bsgoms na de la phyag rgya dang sngags sbyin tu mi rung ste/ de bas na/ de la phyag rgya mi bstan zhing/ /sngags kyang sbyin par mi bya'o/ /zhes gsungs pa yin no/ /de ltar dkyil 'khor der zhugs nas phyag rgya dang sngags mi sbyin par byang chub kyi sems sgom du bcug ste/ goms par gyur na/ byang chub sems kyi bye brag las/ /sngags

  336. 168b

    dang phyag rgya yongs su gzung/ zhes bya bas gdong phyag rgya dang sngags sbyin par gsungs so/ /dkyil 'khor mthong zhes bya ba 'di/ /dam tshig can gnyis shes par bya/ /zhes pa ni de ltar byang chub kyi sems goms nas yang dkyil 'khor du bcug ste/ phyag rgya dang sngags byin pa de ni dam tshig can gnyis par shes par bya'o/ /dkyil 'khor dang ni phyag rgya mthong/ /las dang bya ba la yang sbyar/ /bla mas lung ni ma byin pa/ /de yang dam tshig shes par bshad/ /ces pa ni dkyil 'khor kyang mdor? la rgyud dang rtog pa la sogs pa nyan du bcug cing slob dpon du lung ma bstan pa de ni dam tshig shes pa gsum pa zhes bya'o/ /phyag rgya dkyil 'khor bri ba rnams/ /de tshe cho ga bzhin du bstan/ /gsang ba'i ye shes byung ba yi/ /dbang bskur med pa'i sngags pa'ang yin/ /zhes pa ni snying rje chen po 'byung ba'i dkyil 'khor dang/ yi ge 'khor lo bskor ba'i dkyil 'khor gnyis kar dbang bskur ba 'am/ gang yang rung ba gcig tu dbang bskur te phyag rgya dang dkyil 'khor la sogs pa bri ba dang bshad pa de dag cho ga bzhin du nges gzhan la yang bstan par gsungs pa las gsang ba'i dkyil 'khor 'ba' zhig tu dbang ma bskur ba de ni dam tshig shes pa bzhi pa zhes bya'o/ /gsang ba'i dkyil 'khor dbus su ni/ /sngags pa cho gas dbang bskur ba dam tshig shes pa sngar shes bya/ /dam tshig can zhes gzhan mi bya/ /zhes pa ni dkyil 'khor gong ma gnyis su yang dbang bskur la/ gsang ba'i dkyil 'khor du dbang bskur ba de ni dam tshig shes pa lnga pa zhes bya'o/ /dam tshig can zhes gzhan mi bya/ /zhes pa ni de ltar gong du smos pa las gzhan du cho ga las 'gal bar byas na dam tshig can zhes mi bya'o zhes pa'o/ /brtul zhugs bzang po byang chub phyir/ /zhes pa nas gnas pa de ni bden pa mthong/ zhes pa sngags sbyad pa la brtson pa yi/ /sngags pa byang chub sems dpa' dang/

  337. 169a

    thams cad mkhyen par ji ltar 'gyur/ ji ltar bden pa mthong bar 'gyur/ /zhes dris pa de dag bshad pa ste/ brtul zhugs bzang po byang chub phyir/ /gang zhig sems ni sgom pa na/ /sngags pa'i gnas gsum mi dmigs pa/ /de ni byang chub sems dpa' yin/ /zhes pa ni gang zhig byang chub kyi sems brtag tu bsgoms te/ lus dang ngag dang yid kyi gnas gsum mam/ 'dod pa'i khams dang gzugs kyi khams dang gzugs med pa'i khams kyi gnas gsum 'jug pa'i byang chub kyi sems kyis bshig ste dmigs su med par byed pa de ni byang chub sems dpa' zhes bya'o/ /thabs kyi snying stobs bskyed nas su/ /sems can don la sbyor ba ni/ /dmigs su med pa'i spyod thob pa/ /rgyal ba'i mchog tu shes par bya/ /zhes pa ni dmigs su med pa'i spyod pa thob nas de las langs te chos rnams sgyu ma lta bur shes bzhin du thabs kyis sems can gyi don du spyod pa de ni thams cad mkhyen pa zhes bya ste/ dmigs su med pa'i spyod thob pa/ /zhes pa ni mos pas spyod pa'i tshe na 'jug pa'i byang chub kyi sems kyis chos rnams bshig nas gnas pa'i byang chub sems kyi mtshan nyid stong pa nyid la gnas pa don dam par yang chos rnams dmigs su med la/ kun rdzob tu yang chos rnams 'khrul pa'am sgyu ma lta bur rtogs pas na dmigs su med pa'i spyod pa thob pa zhes pa'o/ /rgyal ba'i mchog ces pa ni de ltar kun rdzob dang don dam par chos rnams dmigs su med par rtogs pa de ni bdud bzhi dngos su ma bcom yang bdud bzhi las rgyal ba'i ngang tshul can yin pas rgyal ba'i mchog ces bya'o/ /thog ma nas ni zhi ba'i chos/ /ngo bo nyid ni med pa la/ /gang gi sems ni ri rab bzhin/ /gnas pa de ni bden pa mthong/ /zhes pa ni bden pa mthong ba bshad pa ste/ de nas chos rnams thog ma nas zhi zhing gang gis ngo bo nyid med par rtogs te de nyid la sems ri rab bzhin du mi g.yo

  338. 169b

    bar gyur na de ni bden pa mthong ba zhes bya'o/ /de dag kyang mdor na thog ma ni 'jug pa'i byang chub kyi sems dang ldan pa'o/ /bden pa mthong ba zhes pa ni gnas pa'i byang chub kyi sems bshad pa'o/ /rgyal ba'i mchog ces pa ni ldang ba'i byang chub kyi sems bstan pa ste/ de dag kyang mos pas spyod pa'i sa nyid la gnas pa'i yon tan du shes par bya'o/ /'di bden 'di ni yang dag ba/ /zhes pa nas/ sangs rgyas nyid dang gang gzhan no/ /zhes pa'i bar gyis grub pa'i rigs rnams bshad pa ste/ 'di bden 'di ni yang dag pa/ /de bzhin du ni mi bslu ba/ /ji ltar sangs rgyas bden gzigs pa/ /de bzhin sngon ni ngas mthong ba'o/ /zhes pa ni/ de ni byang chub sems thob pa/ /zhes pa de nyid kyi rjes su bsngags pa'i khyad par te/ /gang yang byang chub kyi sems thob pa de ni bden zhing yang dag pa mi bslu ba ste/ ji ltar sngon gyi sangs rgyas dang/ /ngas kyang yang dag pa mi bslu ba yin par mthong ngo zhes pa'o/ /gang gis byang chub kyi sems thob pa yang bsgrubs nas/ de srid du byang chub sems dpa' kun tu bzang po 'am/ 'phags pa 'jam dpal lam/ rdo rje 'dzin chen po gang yang rung ba zhig 'ongs te mgo la nyug gam/ legs so zhes zer gyi bar du bzlas brjod bya'o/ /de nas phyag byas te mchod yon phul na byang chub kyi sems mi brjed pa'i ting nge 'dzin 'thob par 'gyur ro/ /zhes gong du bshad pa de lta bu'i grub pa thob pa ni byang chub kyi sems thob pa zhes bya ste/ de lta bu grub na de nyid dngos grub yin gyi/ gzhan ci zhig dgos te byang chub kyi sems de grub pa gzhan gyi rgyu yin pa'i phyir ro/ /de las gzhan du 'ang dngos grub ni/ /rnam pa dag ni lngar 'dod de/ /zhes pa ni byang chub kyi sems grub pa de las gzhan pa ming gis smos pa lnga po la bya ste/ de dag kyang spyod pa'i rjes su 'jug pa la sogs pa rnams so/ /de la spyod pa'i rjes su 'jug pa ni mos pas spyod pa'i sa las 'bar te/ ye shes kyi sa la 'jug pa'i

  339. 170a

    skabs su snang ba thob pa dang snang ba mched pa zhes bya ba la sogs pa'i ting nge 'dzin gyi khyad par grub pa'o/ /de bzhin sa ni gnon pa dang/ zhes pa ni sa rab tu dga' ba thob pas grub pa'o/ /'jig rten mngon shes lngar 'dod dang/ zhes pa ni 'jig rten gyi mngon par shes pa lnga grub pa'o/ /sangs rgyas nyid dang zhes pa ni sangs rgyas kyi gzugs su gyur pa'i rig 'dzin grub pa'o/ /gang gzhan zhes pa ni rig 'dzin phal rnams grub pa ste/ de nyid ni gzungs kyi grub pa'o/ /gong ma gsum ni sems kyi grub par shes par bya'o/ /rgyud las brgyud du gyur pa yi/ /zhes pa nas/ yid las yang dag 'byung ba 'thob/ /ces pa'i bar gyis grub pa'i dus bshad de/ de la grub pa'i dus kyang tshe 'di la grub pa dang tshe phyi ma la grub pa rnam pa gnyis so/ /rgyud las brgyud du gyur pa yi/ /las ni ji srid ma nyams shing/ /rnam smin rnam par ma smin de/ /dngos grub dag gi dus su 'dod/ /ces pa ni tshe 'di la grub pa ste/ rgyud las brgyud du gyur pa'i las rnams ma zad de tshe snga ma'i rgyud sgo drug la sogs pa nas las bsags pa tshe 'di'i rgyud la ma nyams shing bdag gi phung po gson na zhes pa'o/ /rnam smin rnam par smin pa de/ /zhes bton la tshe dang bsod nams la sogs pa'i rgyu bsags pa'i 'bras bu yang 'dir smin par gyur cing/ snga ma'i las rnams ma zad pas bdag tshe ring ba'i rnam smin rnam par smin pas bdag gi bsod nams kyi rgyu mthu brtas par gyur te/ sgrub pa'i tshe de ltar tshe dang bsod nams gnyi gas bsrungs na de tshe 'di nyid la 'grub par bshad do/ /mdor na gang tshe dus gcig tu/ /las dang skye ba 'phangs gyur pa/ /de tshe'ang sngags pas dngos grub ni/ /yid las yang dag 'byung ba 'thob/ /ces pa ni dngos grub sgrub pa na las dang tshes ma bstengs te dus gcig tu las dang tshe zad par gyur na sgrub pa'i 'bras bu sngags pa des tshe phyi ma la sgrub mi

  340. 170b

    dgos par rdo rje la sogs pa'i rigs su skye ba dang rig 'dzin la sogs par skye ba thob par 'gyur ro zhes pa'o/ /yid las yang dag 'byung ba zhes pa ni rdzas la sogs pas sgrub mi dgos par tshe 'phos ma thag tu yid nyid kyis grub pa de dag thob par 'gyur ro/ /grub nas mkha' la 'gro ba ni zhes pa nas/ rdzogs sangs rgyas dang lhan cig dga' / /zhes pa'i bar gyis ni grub pa'i 'bras bu rnams dris pa'i lan bshad pa ste/ grub nas mkha' la 'gro ba ni/ /ji ltar sgyu ma 'jigs med bzhin/ /sngags kyi dra bas rmongs byed pa/ ji ltar mig 'phrul chen po bzhin/ /zhes pa ni nam mkha' la 'gro ba'i grub pa bshad pa ste/ ji ltar mig 'phrul mkhan nam mkha' la 'gro ba dang/ rdzu 'phrul sna tshogs byed pa bzhin du sngags pa de yang rig 'dzin la sogs pa grub nas nam mkha' la 'gro ba dang sngags kyi mthus rnam pa sna tshogs pa'i sprul pa la sogs pa ston par byed do zhes pa'o/ /gang la lus dang ngag med pa/ /dri za'i grong khyer ji bzhin te/ /de bzhin mi snang 'gyur zhes bya/ /don? de na gnas pa yin/ /zhes pa ni rig 'dzin la sogs pa grub nas mi snang bar gyur pa'i dpe dri za'i grong khyer las blangs nas bshad pa ste/ ji ltar dri za'i grong khyer lus la sogs pa dngos su mi snang zhing bar snang la gnas par byed pa de bzhin du sngags pa de yang grub nas lus kyang mi snang la tshig tu brjod pa yang mi thos par nam mkha' la mi sang par gyur cing bar snang la gnas par byed do zhes bshad do/ /ji ltar phal pa'i rmi lam na/ /sum cu rtsa gsum gnas su phyin/ /lus kyang spangs pa ma yin pa/ /de nyid kyis kyang de ma song/ /de bzhin rnal 'byor nyid kyis kyang/ /sngags pa sngags la gnas pa dang bsod nams byas pa'i las rnams kyis/ /'ja' dang 'dra ba'i lus kyang 'thob/ /ces pa ni sngags pa rig 'dzin la sogs pa grub nas lus 'di yang mi 'dor bar nam mkha' la sogs pa la 'gro ba'i dpe rmi lam blangs nas bshad pa ste/ ji ltar skyes bu nyal ba'i rmi lam

  341. 171a

    na sum cu rtsa gsum la sogs pa'i gnas mthong bar yang 'gyur ba de bzhin bu/ /sngags pa de yang rnal 'byor gyi dbang gis lus 'di nyid ma bor bar nam mkha' la sogs par 'gro ba yang rang gis mthong ngo/ /gzugs rnam pa sna tshogs kyang ston nus par 'gyur zhes pa'o/ /'ja' dang 'dra ba'i lus kyang 'thob/ /ces pa ni gzugs sna tshogs ston pa'o/ /lus dang ngag yid las byung ba'i/ /gsang sngags yid bzhin nor bu 'dra/ /de las rnam par bsams pa'i don/ /ma brtags par yang 'byung bar 'gyur/ /zhes pa ni sngags kyi grub pa yid bzhin nor bu las dpe blangs nas bshad pa ste/ ji ltar yid bzhin gyi nor bu gang bsams pa'i don rnams brtag mi dgos par lhun gyis grub pa nyid du 'byor bar 'gyur ba de bzhin du sngags grub pa'i 'bras bu yang gang 'dod pa rnams brtag mi dgos par lhun gyis grub pa nyid du 'byor par 'gyur zhes pa'o/ /ji ltar nam mkha' phyogs rnams su/ /'dus byas spyod yul thams cad kyis/ /mi dgos de bzhin sngags pa yang/ /rtogs pa'i grub pa thob pa de yang gza' dang skar ma dang ltas ngan la sogs pas mi tshugs par bshad pa ste/ ji ltar nam mkha' la 'dus byas la sogs pa'i dri mas mi gos pa de bzhin du grub pa'i sngags pa de yang gza' dang skar ma la sogs pa bzang ngan la mi bltos te/ de dag ltas ngan la sogs pas kyang mi tshug pa zhes pa'o/ /'di kun 'du shes tsam du ni/ /nam zhig de ltar bsgoms gyur cing/ /rnam par bsgoms na sngags pa de/ /rdzogs sangs rgyas dang lhan cig dga' / /zhes pa ni sngags pa grub pa thob nas sangs rgyas dang lhan cig tu 'grogs pa thob par bshad pa ste/ 'di kun 'du shes tsam du ni/ /zhes pa 'dus byas la sogs pa'i chos 'di dag thams cad dngos su yod pa ma yin gyi/ 'du shes tsam du byang chub kyi sems bsgom pa'i tshe bsgoms pas kun tu sangs rgyas pa dang lhan cig tu 'grogs shing de la chos

  342. 171b

    nyan pa la sogs pas dga' bar 'gyur zhes pa'o/ /sangs rgyas rkang gnyis gtso bo yis/ /sbyin sreg gnyis su bshad pa ni/ /phyi rol gyi dang nang gi ste/ /de yang tshim par bya dang bcas/ /zhes pa ni sbyin sreg las dang me dag dang/ zhes sngar bris pa la rnam pa gnyis ni sngar bshad zin la/ 'dir ni sbyin sreg rnam pa gnyis phyi'i me dang nang gi rnam pa gnyis su bshad de/ /de yang tshim par bya dang bcas/ /zhes gsungs pa de la nang gi sems kyi me tshim par bya ba ni rang gi sa bon las slar lha'i gzugs su bsgyur bar sngar bshad do/ /phyi rol gyi me ni mnyes par bya ba'i bsreg pa'i rdzas kyis tshim par bya'o/ /lha rnams kyang ni so so yi/ /zhes pa nas/ yang dag rdzogs pa'i sangs rgyas kyi/ /gsang sngags 'bras bu bskal pa 'das/ /zhes pa'i bar gyis lha rnams kyi rang bzhin dang grub tshad rnams bshad pa ste/ lha rnams kyang ni so so yi/ /rang bzhin yongs su mkhyen nas su/ /zhes pa ni lha rnams kyi rang bzhin shes par byas na de dag gi grub pa'i 'bras bu yang shes par 'gyur zhes pa ste/ de la 'jig rten las 'das pa'i lha rnams kyi rang bzhin ni sngar bshad zin to/ /'dir ni 'jig rten gyi lha rnams kyi rang bzhin bshad nas de'i mthu las 'bras bu'i tshad shes par bya ste/ de bas na/ 'jig rten pa yi sngags rnams kyi/ /tshad dag legs par gsungs pa ni zhes bya ba la sogs pa gsungs pa yin no/ /dbang phyug la sogs pa'i lha mthu chen po de dag gis smras pa'i sngags dang phyag rgya rnams ni 'bras bu 'phral du ster ba ni de dag gi chad du bstan pa yin no/ /tshad ces pa ni de dag gi mthu la bya'o/ /'on kyang skye dang 'jig pa yi/ /chos can de dag gnas pa med/ /ces pa ni de dag gi khyad par gsungs pa ste/ 'jig rten pa'i lha rnams 'bras bu tshe 'di la 'phral du ster mod kyi/ de rnams skye zhing 'jig pa'i chos can yin pas mi rtag pa'o/ /'jig rten 'das pa'i sngags rnams ni/ /zhes pa nas/ gsang sngags chad ni sngon bshad pa/ /zhes pa'i bar gyis 'jig rten

  343. 172a

    las 'das pa'i sngags te/ byang chub sems dpa' dang nyan thos dang rang sangs rgyas la sogs pas gsungs pa'i sngags rnams thog ma'i byed pa med cing las dang skye ba bcad pa ste/ 'dod chags dang zhe sdang dang gti mug gi nyes pa gsum dang bral bas skye zhing 'jig pa la sogs pa med de ched rnams sngar bshad zin to zhes pa'o/ /dus gsum las ni shin tu 'das/ /rten cing 'brel pa las byung ba/ /mthong dang ma mthong 'bras bu can/ /ngag yid lus las byung ba'o/ /zhes pa ni de lta bas na 'jig rten las 'das pa'i sngags 'jig rten pa ltar mthong ba'i chos 'ba' zhig la 'bras bu 'phral du ster ba kho na ma yin gyi/ mthong ba'i chos dang ma mthong ba gnyi ga la 'bras bu ster ro zhes pa ste/ mthong ba ni lha dang mi la sogs pa 'grub pa'o/ /ma mthong ba ni mya ngan las 'das pa'o/ /'jig rten pa'i 'bras bu'i tshad/ /bskal pa gcig tu bshad pa yin/ /zhes gsungs pa ni 'jig rten pa'i lha rnams kyi grub pa'i 'bras bu ji srid thub pa gsungs pa ste/ 'jig rten gyi 'bras bu ni bskal pa gcig gi bar du thub ces pa'o/ /yang dag rdzogs pa'i sangs rgyas kyi/ /gsang sngags 'bras bu bskal ba 'das/ /zhes pa ni 'jig rten las 'das pa'i sngags rnams kyi 'bras bu bskal pa las 'das par thub ces pa'o/ /sangs rgyas drang srong chen po dang/ /rgyal sras rnams kyi ting 'dzin ni/ /mtshan ma med cing dag pa'o/ /'jig rten pa ni mtshan mar bcas/ /zhes pa ni sngags pa rnams kyi ting nge 'dzin bshad pa ste/ de la spyir ting nge 'dzin la yang rnam pa gnyis te/ don dam pa dang kun rdzob kyi'o/ /de la don dam pa ni a ya sogs pa yi ge bru re'i sgo nas bstan pa'o/ /kun rdzob kyi ni stobs dang mi 'jigs pa la sogs pa'i yon tan gyi tshig tu gyur pa de dag gi sngags kyi phreng ba'i tshig las ting nge 'dzin du gyur pa'i yi ge sngar bshad zin to/ /'dir ni ting nge 'dzin gyi

  344. 172b

    don rnams bshad pa ste/ sangs rgyas drang srong chen po ni/ /lus dang ngag dang yid gsum thub pa'i mtshan nyid can yin pas drang srong ste/ mi gnas pa'i mya ngan las 'das pa kun tu sangs rgyas pa la sogs pa la bya'o/ /rgyal sras rnams ni byang chub sems pa la gsogs pa'o/ /de dag gi ting nge 'dzin gyi don chos thams cad gzod ma nas ma skyes pa rnam par mi rtog pa'i mtshan nyid can yin pas mtshan ma med cing dag pa'o/ /'jig rten pa ni mtshan mar bcas/ zhes pa ni nam byang chub sems dpa' ting nge 'dzin las bzhes nas sangs rgyas kyi zhing rnam par brgyan pa la sogs pa rnam pa dang bcas pa'i spyong ba dang/ 'jug pa dang/ sangs rgyas shing mngon par byang chub nas sngon gyi smon lam gyi shugs kyis sku mi zad pa'i 'khor lo la sogs pa 'byung ba yang mtshan ma dang bcas pa'i spyod pa ste/ de dag la yang 'jig rten pa mtshan ma dang bcas zhes bya'o/ /gnyis su mu stegs byed kyi 'jig rten pa'i lha rnams kyi ting nge 'dzin ni dngos po yod par lta bas na mtshan ma dang bcas zhes bya'o/ /rnam par smin pa 'di nyid la/ /las kyi 'bras bu smin 'gyur ba/ /nam 'gi? dngos grub thob pa na/ /de tshe las kyang ldog par 'gyur/ /zhes pa ni sngon gyi las kyi rnam par smin pa'i phung po lnga po 'di la lha'i gzugs su smin par 'gyur ba'i las kyi 'bras bu smin par 'gyur te/ nam mkha' gi ting nge 'dzin la sogs pa grub pa thob pa na de'i tshe grub pa nges las kyi rnam par smin pa de zil gyis mnan nas 'bras bu mi smin par ldog par 'gyur ro zhes pa'o/ /sems ni ngo bo nyid med phyir/ /rgyu dang 'bras bu rnam spangs shing/ /las dang tshe las rnam grol na/ /nam mkha' lta bur 'gyur ba yin/ /zhes pa ni grub pa'i mthar sangs rgyas su 'gyur par bstan pa ste/ sgrub pa pos byang chub kyi sems dag par bsgoms pas sems kyi ngo bo nyid mang par rtogs te/ chos kyi rgyu dang 'bras bu dmigs su med pas rgyu las dang 'bras bu che ste/ las dang che dag las kyang rnam par grol bar 'gyur

  345. 173a

    te/ de ltar las dang che las rnam par grol na nam mkha' i lta bur gzung ba dang 'dzin pa spangs pa dag pa'i mtshan nyid du 'gyur ro zhes pa'o/ /gsang ba pa'i bdag po zhes pa nas/ snying rje chen po'i snying po 'byung ba zhes bya ba yod kyis de bri ba'i cho ga nyon cig ces pa'i bar gyis gsang ba'i dkyil 'khor gyi rang bzhin dang yon tan brjod nas nyon cig ces pa ste/ de la phyag rgya'i gzugs su dgod par rim pa phye ba zhes pa ni snying rje chen po 'byung ba'i dkyil 'khor dang yi ge 'khor lo bskor ba'i dkyil 'khor du lus dang tshig gi gzugs su bkod kyi/ 'dir ni sems kyi rang bzhin dngos su gzhag tu mi rung bas phyag rgya'i gzugs su bkod pa ste/ de'i rim par phye ba ni phyag rgya'i gzugs su bkod pa'i dkyil 'khor la bya'o/ /lha rnams gnas par byin gyis rlob pa zhes pa ni dkyil 'khor der lha rnams phyag rgya'i gzugs su bkod pas byin gyis brlob par 'gyur ba'o/ /ting nge 'dzin lnga rtogs pa zhes pa ni dbang chen la sogs pa'i dkyil 'khor lnga po de dag nyid ye shes kyi bye brag tu byin gyis brlabs pa ste/ dkyil 'khor lnga po de las ye shes kyi ting nge 'dzin gyi khyad par lnga rtogs par 'gyur ba'o/ /sngon gyi/ sangs rgyas rnams kyis mngon par rdzogs par sangs rgyas pa zhes pa ni sangs rgyas thams cad mdzad pa gcig tu bstan pa ste/ sngon gyi sangs rgyas rnams kyis kyang mkhyen nas bshad pa de nyon cig/ ces sbyar ro/ /byang chub sems dpa' gsang sngags kyi sgo nas zhes pa nas/ phan pa dang bde ba'i phyir zhes pa bar gyis ni dkyil 'khor de bshad pa yang phyag na rdo rjes mi mkhyen pa'i phyir bshad pa ni ma yin gyi/ mos pas spyod pa'i sa la gnas pa'i byang chub sems dpa' gsang sngags kyi sgo nas byang chub sems dpa' i spyad pa spyod pa rnams la phan pa dang bde ba'i phyir bshad do zhes pa ste/ chos kyi dbyings rtogs pa spyod yul du gyur pa zhes pa ni mos pas spyod pa'i sa la gnas pa rnams kyi shes rab kyi yon tan

  346. 173b

    bshad pa ste/ de dag gi shes rab ni nam mkha' dang 'dra ba'i chos kyi dbyings dmigs pa'i spyod yul du gyur zhes pa'o/ /chos kyi dbyings nam mkha' dang 'dra ba de dag spyod yul du gyur na sngags kyi tshul bshad ci dgos she na/ de dag gi de ltar stong pa nyid kyi spyod yul can du gyur kyang thabs kyis sems can bsgral bar byed do/ /de bas na sems can gyi khams ma lus pa bsgral bar yi dam bcas pa zhes gsungs pa yin no/ /de ltar thabs dang shes rab zung du 'brel ba'i sngags kyi sgo nas byang chub sems dpa' i spyad pa spyod pa rnams la phan pa dang bde ba'i phyir dkyil 'khor de nyon cig ces pa'o/ /de la don dang zhes pa ni byang chub sems dpa' rnams kyi don mya ngan las 'das pa 'am/ /nges par legs pa'i bde ba'i phyir ro/ /phan pa dang zhes pa ni tshe 'di dang phyi ma la phan pa'i phyir ro/ /bde ba'i phyir zhes pa ni tshe 'di la bde ba'i phyir zhes pa'o// gsang ba pa'i bdag po dang por yang dag par rdzogs pa'i sangs rgyas kyi dkyil 'khor dgod pa zhes pa ni dkyil 'khor snga ma dag dang 'dra bar dang po'i snying po'i dkyil 'khor du bcom ldan 'das rnam par snang mdzad dgod pa zhes pa ste/ bri ba'i cho ga nyon cig ces 'og nas 'byung ba dang sbyar ro/ /gsang ba las kyang ches gsang ba/ /zhes pa la gsang ba ni sems kyi rang bzhin phra zhing dmigs su med pas na gsang ba'o/ /de las kyang ches gsang ba ni dam tshig med pa'i sems can rnams la mi bstan pa'i phyir ro/ /snying rje chen po'i snying po 'byung ba zhes pa ni sngar bzhin no/ /gang las 'jig rten pa dang 'jig rten las 'das pa'i dkyil 'khor grangs med pa 'byung ba zhes pa la 'jig rten pa'i dkyil 'khor ni gzugs brnyan gyi dkyil 'khor te tshon gyis bri ba rnams so/ /'jig rten las 'das pa ni rang bzhin gyi dkyil 'khor te gzugs brnyan gyi dkyil 'khor rnams kyang 'di las 'phro ba dang rang bzhin gyi dkyil 'khor yang 'di mthong ba las shes par 'gyur bas na 'jig rten pa dang 'jig rten las 'das pa'i dkyil 'khor 'byung bzhes bya'o/ /yang na 'jigs

  347. 174a

    rten pa'i lha rnams kyi dkyil 'khor dang 'jig rten las 'das pa'i lha rnams kyi dkyil 'khor grangs med pa rnams kyang 'di las 'byung ba zhes pa ste/ de bri ba'i cho ga nyon cig ces pa'o/ /kun tu gru bzhi lham pa la/ /zhes pa nas/ dgod pa rnams kyang nges pa yin/ /'di las 'byung bar shes par bya/ /zhes pa'i bar gyis bcom ldan 'das rnam par snang mdzad bzhugs pa'i snying po'i dkyil 'khor bri ba ste/ dkyil 'khor gyi bcad ba dang/ snam bu'i rim pa dang/ tshon dgye ba la sogs pa'i cho ga rnams dkyil 'khor gong ma rnams su ji skad gsungs pa bzhin no/ /kun tu gru bzhi lham pa ni/ /tshad med ba bzhi dang ldan par ston pa'o/ /sgo gcig pa ni sgo mang po nas chos kyi dbyings kyi sgo gcig tu 'du par bstan pa'o/ /stegs bur bcas pa ni mdza' tshon gyis bris pa'i dbus tshon ser pos bkang ste bcom ldan 'das bzhugs pa'i gzhir bcas zhes pa'o/ /rdo rje rnams kyis mtshan pa ni de'i nang nub phyogs kyi logs su rdo rje rtse lnga pa bri ba'o/ /dbus su rdo rje rtse brgya pa zhes pa ni rgyu'i tshe rnam par grol ba'i gzungs ye shes brgya dang bcas par bstan pa ste/ rnam par grol ba'i sgor gyur pa ye shes brgyar yang yi ge 'khor lo bskor ba'i rim par phye ba las yi ge as mgo btsugs nas ka'i ris nas ya dang ra dang ba dang la yan chad kyi bar du yi ge nyi shu rtsa bzhi smos pa dang/ dang po'i yi ge a dang bcas pa nyi shu rtsa lnga'o/ /de bzhin du A dang bcas pa de yang nyi shu rtsa lnga aM dang bcas pa nyi shu rtsa lnga/ a(rgyud 'grel): dang bcas pa yang nyi shu rtsa lnga ste/ de ltar rnam par thar pa'i sgo brgya las ye shes brgyar sbyar ba'i rang bzhin rdo rje rtse brgya pa de'i dbus su bri'o zhes ba'o/ /sha dang Sha dang sa dang ha rnams ni cha gnyis pa'i nang du 'dus par shes par bya'o/ /de'i stengs pad+ma bri ba ni/ /sa bon dang bcas rgyas par byas/ /zhes pa ni rdo rje de'i steng du pad+ma 'dab ma bzhi pa rang gi sa bon dang bcas pa ni ??O/ /de steng du ? pad+ma che/ /phyag na rgya klad

  348. 174b

    kor gyis mdzes byas/ /'dab ma brgyad pa legs par rdzogs/ /ze bar bcas pa shin tu bzang/ /zhes pa ni padmo de'i steng du yang pad+ma chen po 'dab ma brgyad pa bris te/ phyag rgya klad kor gyis mdzes byas/ /zhes pa klas kor ni stong pa nyid ston pa'i tshig yin pas yan lag bcu gnyis pa'i rig pa'i rgyal po la bya ste/ yan lag bcu gnyis tshig dgod pa/ zhes pa dang sbyar ro/ /phyag rgya ni gsang ba'i phyag rgya brgyad pa ste/ dkyil 'khor brgyad kyi 'khor rnams kyis shes pa dang sbyar ro/ /pad+ma steng ma che ba dang 'dab ma brgyad kyis bye brag phye bas de'i 'og ma de bas chung par bya bar mngon te 'dab ma bzhi bar shes par bya'o/ /gnyis su na rgyu'i tshe'i pad+ma yin pas chung bar shes par bya'o/ /pad+ma chen po 'dab ma brgyad pa ni ye shes brgyad kyi rang bzhin du sngar bshad pa bzhin no/ /'dab ma rnams ni thams cad la/ /yan lag bcu gnyis tshig dgod pa/ /zhes pa ni yan lag bcu gnyis pa'i rig pa'i rgyal mo'i snying po dang nye ba'i snying por bcas pa'i yi ge zung brgyad po rnams 'dab ma brgyad la bri bar bya'o/ /de rnams dbus na mgon bzhugs pa/ /rdzogs pa'i sangs rgyas rkang gnyis gtso// dkyil 'khor brgyad kyi 'khor rnams kyis/ /khor khor yug yongs bskor ba/ /zhes ba ni pad+ma'i dbus kyi snying po la bcom ldan 'das bzhugs te/ phyag rgya brgyad po rnams kyang bcom ldan 'das kyis 'khor khor yug tu rang gi dkyil 'khor dang sa bon du bcas par pad+ma'i snying po de nyid la bri bar bya'o/ /snying rje las byung dkyil 'khor 'di/ /mchog tu shes par bya ba ste/ /zhes pa ni mchog ni ston pa'i mchog go /snying rje las 'byung zhes pa ni snga ma bzhin no/ /lung bzhin dkyil 'khor rnams dang ni/ /las dang lus dang dngos grub dang// dgod pa rnams kyang nges pa yis/ /'di las byung bar shes par bya/ /zhes pa ni zhi ba dang/ rgyas pa la sogs pa'i las rnams kyi dkyil 'khor lus gzugs su dgod la/ dkyil 'khor gyi sngags kyi lung gzhan dag las bshad pa rnams kyang dkyil 'khor

  349. 175a

    'di las byung bar shes par bya ste /de ni bcom ldan 'das rnam par snang mdzad kyi gnas dbang chen gyi dkyil 'khor du shes par bya'o/ /gsang ba pa'i bdag po gzhan yang de bzhin gshegs pa rnams kyi dkyil 'khor ni zhes pa nas/ de ni phyogs bcu rnams su song/ /zhes pa'i bar gyis bcom ldan 'das kyi shar phyogs su sngar 'das pa'i de bzhin gshegs pa thams cad kyi dkyil 'khor bri ste /zla ba'i dkyil 'khor 'dra zhing mdog /ces pa ni bcom ldan 'das kyis gdan pad+ma'i kha dog zla ba'i dkyil 'khor ltar dkar po zhes pa'o/ /du ba lta bu'i dbus na ni/ /zhes pa chu'i dkyil 'khor kha dog dung dang 'dra bar shes par bya'o/ /sangs rgyas kun gyi gru gsum po/ /pad+ma dkar po'i steng na gnas/ /zhes pa ni chu'i dkyil 'khor 'khor gyi steng na phyag rgya gru gsum pad+ma dkar po'i steng na gnas pa bri zhes pa'o/ /klad kor bcas pa'i mtshan gyis btab/ /ces pa ni der yi ge a klad kor dang bcas par bzhag ces pa'o/ /rdo rje'i mtshan mas mtshan pa ste/ /zhes pa ni der rdo rje rtse lnga pa bri zhes pa'o/ /dpyad mi dgos par kun nas ni/ /'od zer bdag ni gnyis bya ba/ /gsang sngags mgon las byung nas su/ /de ni phyogs bcu rnams su song/ /zhes pa ni phyag rgya gru gsum pa de'i grwa gnyis nas 'ong gnyis 'byung bar bri ste/ de yang chos kyi sku las longs spyod rdzogs pa dang/ sprul pa'i sku 'byung bar shes par bya'o// //gsang ba pa'i bdag po gzhan yang/ spyan ras gzigs dbang dkyil 'khor ni/ zhes pa nas/ /rig sngags rgyal dang bcas par ni/ /mkhas pas rnam par dgod par bya/ /zhes pa'i bar gyis spyan ras gzigs kyi dbang po'i dkyil 'khor bshad pa ste/ kun tu gru bzhi lham pa la/ /zhes pa dbang chen gyi dkyil 'khor du bri ba'o/ /dbus su dung 'dra bzhag par bya/ /zhes pa ni de'i dbus su chu'i dkyil 'khor bri ba'o/ /de yi steng du pad+ma ni sa

  350. 175b

    bon bcas byas rgyas par bri/ /zhes pa ni chu'i dkyil 'khor de'i steng du pad+ma dkar po sa bon a dang bcas par bri zhes pa'o/ /de'i steng duAng rdo rje che/ zhes pa ni padmo'i steng du rdo rje rtse lnga pa bzhag ces pa'o/ /rdo rjes las kyang pad+ma che/ /thams cad sa bon rnams kyis mtshan/ /rang gi sa bon legs par sbyar/ /zhes pa ni rdo rje de'i steng du pad+ma chen po 'dab ma brgyad pa bri ste/ rang gi sa bon dang bcas par bri zhes pa'o/ /sgrol ma dang ni khro gnyer can/ /zhes pa nas khyad par du ni bri bar bya/ zhes pa'i bar gyis sgrol ma la sogs pa'i 'khor rnams dkyil 'khor der phyag rgya'i gzugs su bri zhes pa'o/ /lta mgrin can gyi bya ba ni/ zhes pa nas/ mkhas pas rnam par dgod par bya/ zhes pa'i bar ni dkyil 'khor de'i nub phyogs kyi mdza' mar rta mgrin can gyi dkyil 'khor gru gsum pa bri ste/ dkyil 'khor mtshan ma bzang pos btab/ /ces pa ni gru gsum pa dkyil 'khor gyis mtshan pa zhes pa'o/ /nyi ma 'char ba'i kha dog 'dra/ zhes pa dkyil 'khor de'i kha dog nyi ma dang 'bral lo/ rig sngags rgyal dang bcas par ni/ /mkhas pas rnam par dgod par bya/ /zhes pa ni dkyil 'khor gru gsum po'i rig pa'i rgyal po rta mgrin dang bcas par bri ste/ de'i phyag rgya'i gzugs su bri bar shes par bya'o/ /gsang ba pa'i bdag po gzhan yang khyod nyid kyi dkyil 'khor mdor bshad par bya'o zhes pa nas brgyal ba'i gtso bo rnams kyis gsungs zhes pa'i bar gyis phyag na rdo rje'i dkyil 'khor bshad pa ste/ phyag na rdo rje ni bya ba sgrub pa'i rang bzhin las thams cad pa yin pas dkyil 'khor bzhi tshad dang ldan par shes par bya'o/ /kun tu gru bzhi lham ba la/ /rdo rje'i mtshan ma rnams kyis mtshan/ /thams cad ser po yid du 'ong/ /zhes pa ni dbang chen gyi dkyil 'khor dang por bri ba ste snga ma bzhin no/ /dbus na pad+ma rab tu gnas/ /de'i dbus

  351. 176a

    su bya ba ni/ /bum pa zla ba'i 'od 'dra ba/ /zhes pa ni dbang chen gyi dkyil 'khor gyi dbus su pad+ma bris te/ pad+ma'i steng du chu'i dkyil 'khor dri'o/ /bum pa ni chu'i dkyil 'khor du shes par bya'o/ /'di ni mtshan ma rnams kyis mtshan/ /klad kor gyis kyang rnam par brgyan/ /zhes pa ni dkyil 'khor de rang gi sa bon yi ge pa klad la kor dang bcas pa'i mtshan mas mtshan pa'o/ /de'i steng du yang rlung chen ni/ /dbyar gyi char sprin 'dra ba'i mdog /ba dan g.yo bar sngags pas bya/ /klad kor gyis kyang rnam par brgyan/ zhes pa ni chu'i dkyil 'khor de'i steng du rlung gi dkyil 'khor kha dog smug nag dbyar gyi char sprin dang 'dra ba g.yo bzhin pa'i ba dan dang bcas bri ste/ /klad kor gyis kyang rnam par brgyan/ /zhes pa ni rang gi sa bon yi ge ha klas kor dang bcas par shes par bya'o/ /de'i steng du yang gru gsum pa/ /rab tu 'jigs pa'i gzugs can te/ /'jig par byed pa'i me 'dra ba/ /sum ma ngo'i rig mtshan mtshan gyis btab/ ces pa ni rlung gi dkyil 'khor de'i steng du me'i dkyil 'khor gru gsum pa 'jig pa'i bskal pa'i me'i kha dog 'dra ba 'jigs 'jigs ltar 'dug pa zhes pa ste/ sum mdo'i ris mtshan mtshan gyis btab pa ni dkyil 'khor de'i mtshan ma gru gsum pas kyang btab pa'o/ /'bar phreng 'khrigs pa 'jigs 'jig lta/ /nyi ma 'char ba'i gzugs 'dra ba'o/ /zhes pa ni 'bar ba'i phreng ba kha dog nyi ma shar ba dang 'dra ba 'jigs pas 'khor bar bya zhes pa'o/ /de'i dbus su pad+ma che/ /zhes pa ni me'i dkyil 'khor de'i dbus su pad+ma kha dog dus mdza' i me 'od 'dra ba dmar po gnyis 'dri zhes pa'o/ /pad+ma'i steng du rdo rje ni/ /'bar ba'i 'phreng ba 'phro ba can/ /zhes pa ni pad+ma'i steng du rdo rje kha dog dmar smug tu bri ste 'bar ba ni me'i kha dog yin la/ 'phro ba ni rlung gi shes te/ me dang rlung gnyi ga'i shas yod pas rdo rje dmar

  352. 176b

    smug tu bya'o/ /hUM zhes bya ba'i sgra dang ldan/ /dam pa sa bon rnams kyis mtsham zhes pa ni de'i steng du phyag na rdo rje'i sa bon gyi yi ge hUM bzhag par bya'o zhes pa'o/ /dpa' bo khyod kyi dkyil 'khor 'di/ /rgyal ba'i gtso bo rnams kyis gsungs/ zhes pa ni sngon gyi rgyal ba rnams kyis kyang gsungs zhes pa ste/ dpa' bo zhes pa ni phyag na rdo rje la bod pa'o/ /mA ma kI dang lu gu rgyud/ ces pa nas/ de dag ji ltar rigs par bya/ zhes pa'i bar gyis mA ma kI la sogs pa'i 'khor rnams kyang dbang chen gyi dkyil 'khor gyi nang du bri bar bshad pa ste/ phyag rgya'i dkyil 'khor sa bon dang/ kha dog khyad par go rims bzhin/ /de dag ji ltar rigs par bya/ /zhes pa ni so sor phyag rgya dang sa bon rnams so so'i kha dog ci 'dra ba las dkyil 'khor kyang de bzhin du shes par bya ste/ /sngar bshad pa'i rim pa bzhin du bri zhes pa'o/ /de nas gzhan yang rdo rje 'dzin/ /zhes pa nas/ rnam par rgyal dang ldan pa'o/ zhes pa'i bar gyis phyag na rdo rje'i dkyil 'khor gyi 'og logs su nam mkha' dri ma med pa la sogs pa'i rdo rje 'dzin ming gis smos pa bcu gnyis po rnams bris te/ de rnams kyi dkyil 'khor yang dbang chen la sogs bzhi po bri ste/ de rnams dkyil 'khor bshad pa ni/ /dkar po ser po dmar po dang/ /nag po yin par yang dag bsgrags/ /zhes pa rdo rje 'dzin bcu gnyis po rnams la dkyil 'khor bzhi po 'di lan gsum du bsgres te rim pa bzhin du sbyar ro/ /de nas gzhan yang phyag rgya'i gzugs rtse gsum pa dang rtse gcig dang/ gzhan yang gnyis dang gnyis ma yin/ /phreng ba lta bu de gzhin gzhan/ /kha dog bye brag las shes bya/ /zhes pa de rnams kyi phyag mtshan rdo rje rtse gsum pa yang rnam pa gnyis te/ phyogs gcig rtse gsum pa dang/ phyogs gnyis ka rtse gsum pa'o/ /de bzhin du rtse gcig pa yang shes par bya ste/ de bas na/

  353. 177a

    gnyis ka ma yin pa ni rdo rje tho lum du shes par bya'o/ /phreng ba lta bu de bzhin gzhan/ /zhes pa ni rdo rje phreng pa'i phyag rgya ste/ phyag rgya drug po de dag lan gnyis su bsgres pas bcu gnyis po la khyab pa'o/ /kha dog bye brag las shes bya/ /zhes pa ni phyag rgya de rnams kyi kha dog dag kyang rdo rje 'dzin pa de dag nyid kyi kha dog ji lta ba bzhin du'o zhes pa'o/ /'di rnams kun kyang mthu chen te/ /rnam par rgyal dang ldan pa'o/ /zhes pa ni rdo rje 'dzin pa de dag gi rjes su bsngags pa ste/ gdul dka' pa rnams las rnam par rgyal ba dang ldan no zhes pa'o/ /mi g.yo mgon gyi dkyil 'khor ni/ /zhes pa nas/ blo ldan de yis bri bar bya/ /zhes pa'i bar gyis 'phags pa mi g.yo ba'i dkyil 'khor bshad pa ste/ rlung dang ma yi yin par 'dod/ /ces pa ni rlung gi dkyil 'khor gyi steng du me'i dkyil 'khor bris nas de'i steng du 'phags pa mi g.yo ba'i phyag rgya ral gri 'am zhags pa gang yang rung ba gcig rang gi sa bon dang bcas par bri'o zhes pa'o/ /'jig rten gsum las rnam par rgyal gyi 'ang/ /bye brag tu ni rlung gi dbus shes pa'ang zhes pa'i tshig gis 'phags pa mi g.yo ba'i dkyil 'khor ltar rlung gi dkyil 'khor gyi steng du me'i dkyil 'khor bri zhes pa'o/ /rlung gi dbus shes pa ni me'i dkyil 'khor gyi steng du rlung gi dkyil 'khor bris te/ de'i dbus su rdo rje'i phyag rgya rang gis mtshan ma dang bcas par bri zhes pa'o/ /gnas gsum dag la 'dug pa'o/ /zhes pa ni rlung gi dkyil 'khor gnyis dang me'i dkyil 'khor gcig ste/ gsum la 'dug ces pa'o/ /gsang ba ba'i bdag po gzhan yang zhes pa nas/ mdor na sa bon ldan par bya/ zhes pa'i bar gyis nam mkha' i spyan gyi dkyil 'khor bshad pa ste/ dbang chen gyi dkyil 'khor ni snga ma bzhin no/ /lha mo de'i kha dog kyang

  354. 177b

    ser por bya ste/ pad+ma'i steng du bzhugs pa'o/ /der yang gtsug tor bzhag pa ni/ /cha gsum la ni gnas par bya/ /zhes pa ni dbang chen gyi dkyil 'khor gyi steng du pad+ma bris te/ pad+ma'i steng du gtsug tor cha gsum dang ldan pa bri'o zhes pa'o/ /dbu ma'i cha ni bor nas ni/ /der yang spyan ni bri bar bya zhes pa ni gtsug tor gyi phyag rgya de'i smad sum gnyis por la stong gyi cha'i nang du spyan gyi phyag rgya bri'o/ /rang gi 'od 'bar dbus na gnas/ zhes pa ni gtsug tor gyi phyag rgya de 'od 'bar ba'i dbus na gnas par bya'o zhes pa'o/ /mdor na sa bon ldan par bya/ /zhes pa ni yum de'i sa bon gyi yi ge dang bcas par bya zhes pa'o/ /byang chub sems dpa' thams cad kyi zhes pa nas/ re ba thams cad rdzogs byed pa'o/ /zhes pa'i bar ni byang chub sems dpa' rnams kyi phyag rgya yid bzhin gyi nor bu ni chu'i dkyil 'khor gyi steng du bri zhes pa'o/ /de nas shAkya seng ge'i yang/ /zhes pa nas/ go rims bzhin du bzhag par bya/ /zhes pa'i bar ni dkyil 'khor gyi snam bu gnyis pa la shAkya thub pa dbang chen gyi dkyil 'khor la bzhugs pa bris te gzhan ni snga ma bzhin no/ dbang chen gyi dkyil 'khor gyi steng du pad+ma ser po bzhag ste pad+ma'i steng du ltung bzed dam/ /chos gos sam/ mkhar gsil gsum las gang yang rung ba zhig bzhag ste/ de yang 'bar ba dang bcas pa'i rdo rje'i mtshan mas mtshan par bya'o zhes pa'o/ /gtsug tor lnga po gang bsgrags pa/ zhes pa nas/ kha dog bye brag las shes bya/ zhes pa'i bar gyi gtsug tor lnga po rnams kyi phyag rgya bri ba bshad pa ste/ de dag gi dkyil 'khor ni so so'i kha dog ci 'dra ba dang sbyar bar bya ste/ kha dog kyang dkyil 'khor snga mar bshad zin to/ /mdzod spus yid bzhin nor bu bzhin/ zhes pa ni mdzod spu'i phyag rgya yid bzhin gyi nor bu bri zhes pa ste/ /dkyil 'khor yang de nyid kyi kha dog

  355. 178a

    ci 'dra ba dang sbyar ro/ /spyan gyi yang ni 'di nyon cig /gtsug tor thams cad ser po ste/ rdo rje'i mtshan mas mtshan par bya zhes pa ni sangs rgyas spyan gyi phyag rgya gtsug tor ser po bris te rdo rje'i mtshan ma dang bcas pa bri'o/ zhes pa'o de'i kha dog ser po yin pas dbang chen gyi dkyil 'khor du bri bar shes par bya'o/ /gzhan gyis mi thub ma yin/ /lag pa ngo mtshar pad+ma can/ zhes pa ni lha mo gzhan gyis mi thub pa'i phyag rgya lag pa khu tshur bcas pa 'dra ba padmo thogs par bri'o/ /gzhan gyis mi thub ces bya ba'o/ kha chen pad+ma gnag la gnas zhes pa ni gzhan gyis mi thub pa zhes bya ba'i rig pa'i rgyal mo'i phyag rgya pad+ma nag po'i steng na gnas pa bri bar bya'o/ /gtsang mar gnas pa gang grags pa/ zhes pa nas/ cho ga rgyas par bri bar bya/ /zhes pa'i bar gyis gnas gtsang ma rnams kyi phyag rgya bri ba bshad pa ste/ sems pa'i lag pa ni thal mo 'gram pa la brten pa ste/ dkyil 'khor du ? na 'gri ba ni bri bar thal mo 'ba' zhig gyen gshor du 'dug pa bri'o/ /dge ba'i lag ni mi 'jigs pa sbyin pa'i lag pa bri'o/ /'dzum pa'i lag pa ni kha 'gram nas 'dren pa lta bu bri'o/ /lag la me tog ni srin lag dang mthe bong gnyis sprad pa bri'o/ /nam mkha' i lag pa ni lag pa sgreng bar bri'o/ /sa'i lha mo'i bum pa ste/ chu'i dkyil 'khor rdo rjes mtshan/ zhes pa ni sa bdag gi phyag rgya bum pa chus gang ba rdo rjes brgyan par bri zhes pa'o/ /gnyer ba'i lag pa me'i ste/ drang srong rnams dang bcas par bri/ /zhes pa ni 'od srungs zhes pa la sogs pa'i drang srong ming gis smos pa rnams dang lhan cig tu bri zhes pa ste/ rig byed lag pa zhes pa ni smrang 'don pa'i lag pa ltar mthe bo sor mo'i tshigs su 'jog pa ni drang srong rnams kyi phyag rgya'o/ /gshin rje'i be con bri ba ni/ /rlung gi dkyil 'khor na ?

  356. 178b

    ces pa ni gshin rje'i phyag rgya be con rlung gi dkyil 'khor du 'dug pa bri zhes pa'o/ /'chi bdag gi ni dril bu yin/ /zhes pa nas/ ji ltar rigs par bri bar bya/ zhes pa'i bar gyis gshin rje'i 'khor 'chi bdag dang dus mtshan mo la sogs pa'i ming gis smos pa rnams kyi phyag rgya rlung gi dkyil 'khor gyi nang du tha ma bya rog dang bya rgod la sogs pas bskor bar bri'o/ /bden bral gyi ni ral grir bri/ zhes pa nas/ chu yi yin par shes par bya/ zhes pa'i bar du khyab 'jug la sogs pa ming gis smos pa rnams kyi phyag rgya yang ji skad smos pa bzhin du bri bar bshad do/ /de dag la sogs pa'i dkyil 'khor dngos su ma smos pa rnams kyang lha so so'i kha dog dang gzugs kyis dkyil 'khor yang sngar bshad pa dang sbyar bar bya'o/ /gzhan yang mchog sbyin rdo rje yi/ zhes pa nas/ utpal rnams kyis khebs par bya/ zhes pa'i bar gyis dkyil 'khor gyi snam bu gsum pa la 'phags pa 'jam dpal gyi dkyil 'khor bri par bshad pa ste/ kun tu gru bzhi lham pa la/ rdo rje'i mtshan mas mtshan pa ste/ zhes pa ni dbang chen gyi dkyil 'khor de snga ma bzhin no/ /de yi dbus su bya ba ni/ dkyil 'khor ma las byung ba'o/ /zhes pa ni dbang chen gyi dkyil 'khor de'i dbus su me'i dkyil 'khor bri'o/ /de'i dbus su phyag rgya gzhag pa ni/ /utpal zhes pa ni me'i dkyil 'khor gyis dbus su phyag rgya utpal mdzes pa utpa la'i kha dog nyid du bri'o/ /'jam dbyangs blo dang ldan pa yi/ /rang gi sngags kyi gzi bskyed pa'o/ /zhes pa ni utpal de'i steng du 'jam dbyangs nyid kyi sngags kyi sa bon bzhag ste/ gzed bstod par bya zhes pa'o/ /de yi gnas na cho ga bzhin/ /rang gi sa bon nyid kyis gtab ces pa ni dbang chen dang me'i dkyil 'khor la so so'i sa bon a dang ra cho ga bzhin du bzhag ces pa'o/ /mdza' mkhor khor yug tu/ /utpal rnams kyis khebs

  357. 179a

    par bya/ /zhes pa ni dkyil 'khor de'i mdza' utpa las bskor bar bya'o/ /de yis dbus su bri ba ni/ /zhes pa nas/ utpa la kha ma bye bar bya'o/ /zhes pa'i bar du dra ba can gyi 'od la sogs pa'i phyag rgya ji skad smos pa bzhin du bri zhes pa'o/ /'jam dbyangs blo dang ldan pa yi/ /mngag gzhug mang ni gang grags pa/ zhes pa nas/ de dag thams cad utpa la'i/ /mtshan ma dag gi mtshan par bya/ /zhes pa'i bar ni sgra can ma la sogs pa'i mngag gzhug ma rnams kyi phyag rgya ji skad du smos pa rnams la utpa la'i mtshan ma btang ste bri'o/ /ji skad gsungs pa'i phyag brnyan ma/ /de dag phyag rgya khang ga ri/ /zhes pa ni 'phags pa 'jam dpal gyi phyag brnyan ma sngar ji skad du bshad pa rnams kyi phyag rgya khaDga ri zhes bya ba gri gug 'dra ba rnams bri'o/ /lho yi phyogs su nan tan du/ /sgrib pa rnams la brtson 'grus che'i/ /zhes pa nas de dag thams cad kyang pad+ma la gnas shing dkyil 'khor gyi nang du chud par bya'o/ /zhes pa'i bar ni sgrib pa thams cad rnam par sel ba 'khor dang bcas pa'i phyag rgya ji skad du smos pa rnams bri bar gsungs pa ste/ lag pa snying gar bzhag pa ni lag pa 'ba' zhig snying gar bzhag pa 'dra bar bri bar bya'o/ /de dag thams cad kyang pad+ma la gnas shing dkyil 'khor gyi nang du chud par bya'o/ /zhes pa ni 'phags pa 'jam dpal gyi dra ba can gyi 'od man chad dkyil 'khor dngos su ma smos pa thams cad dkyil 'khor gong ma'i nang du padmo'i steng du bri'o zhes pa'o/ /byang phyogs su sa'i snying po'i phyag rgya ni zhes pa nas/ phyag rgya'i gzugs su 'da' i bshad do/ /zhes pa'i bar ni sa'i dkyil 'khor bshad pa ste/ dbang chen dkyil 'khor nang gnas pa/ /zhes pa ni dbang chen gyi dkyil 'khor snga ma bzhin la stan ni snga ma bzhin du bzhag ces pa ni dbang chen gyi dkyil

  358. 179b

    'khor de'i dbus su sa'i snying po'i stan snying rje chen po 'byung ba'i dkyil 'khor du bshad pa bzhin du bri zhes pa'o/ /de'i steng pad+ma chen po ste/ kha dog kun ldan 'bar bar bcas/ /zhes pa ni gdan de'i steng du pad+ma 'dab ma brgyad pa bris ste/ kha dog kun ldan ni dkar po ser po dmar po sngon po dang kha dog de rnams las gzhan du sbyar ba ljang khu la sogs pa gsum dang brgyad de pad+ma 'dab ma brgyad pa kha dog sna tshogs rnams su bya'o zhes pa'o/ /de'i steng ba dan chen po ste/ /rtsel rin chen chen po bzhag ces pa ni pad+ma'i steng du ba dan gyi rtse la rin po che bzhag pa bri zhes pa'o/ /de'i gzugs kyi mchog yin te/ phyag rgya'i gzugs su 'dir bshad do/ /zhes pa ni sa'i snying po de'i gzugs phyag rgya'i gzugs su bshad pa yin zhes pa'o/ /de yi 'khor ni grangs med pa// gtso bo yon tan mdza' yas te/ zhes pa nas phyag rgya thams cad kyang dkyil 'khor gyi nang du chud par bya'o/ /zhes pa'i bar ni sa'i snying po'i 'khor mdza' yas shing grangs med rnams kyi nang nas gtso bo rnams kyi phyag rgya bri bar bshad pa ste/ sa 'dzin gyi ni rdo rje kha gnyis pa rin po che'i steng na 'dug pa'o/ /zhes pa ni rdo rje'i ya thog ma thog gnyis ka rtse mo can zhes pa ste/ de ltar rdo rje de bye brag tu phye bas na rdo rje gong ma gnyis po phyogs re re na rtse gsum pa dang/ rtse gcig par shes par bya'o/ /phyag rgya thams cad kyang dkyil 'khor gyi nang du chud par bya'o zhes pa ni phyag rgya de dag thams cad dbang chen gyi dkyil 'khor gyi nang du chung bar bya'o zhes pa'o/ /nub phyogs su nam mkha' i snying po'i phyag rgya ni zhes pa nas rim par phye ba rdzogs pa'i bar ni nub phyogs su nam mkha' i snying po 'khor dang bcas pa'i phyag rgya ji skad smos pa'i rnam par bri bar bshad pa'o/ /de la dkyil 'khor 'dir lha rnams kyi kha dog dang dbyibs gsal bar ma gsungs pa rnams ni dkyil 'khor gong ma gnyis su bshad pa'i kha dog dang dbyibs su blta

  359. 180a

    bar bya'o/ /dkyil 'khor gong ma dag tu kha dog la sogs pa zhing tu ma bshad pa yang dkyil 'khor 'og ma 'dir lha so so'i dkyil 'khor ji skad du bshad pa las de rnams kyi kha dog kyang de bzhin du shes par bya'o/ /rnam par snang mdzad chen po mngon par rdzogs par byang chub ba rnam par sprul pa byin gyis rlob pa las/ gsang ba'i dkyil 'khor rim par phye ba'o// //de nas yang bcom ldan 'das kyis gsang ba'i dkyil 'khor du 'jug pa'i chog gsungs pa zhes pa nas dam tshig ces ni gzhan mi bya/ zhes pa'i bar gyis gsang ba'i dkyil 'khor du gcug nas dbang bskur pa'i cho ga bshad de/ dkyil 'khor du 'jug pa'i rig pa snga de nub mo lhag par gnas shing sdom pa gzung ba la sogs pa dang/ dkyil 'khor du 'jug pa'i tshe bsrung zhing chus bsang gtor bya ba dang byang chub tu sems bskyed pa la sogs pa dkyil 'khor snga mar bshad pa sbyin no/ /khyad par du ni dkyil 'khor gyi sgo khyud kyi nang du slob ma snga ma bzhin du bzhag ste slob dpon yang snga ma bzhin du rang gi ting nge 'dzin la gnas nas slob ma'i snying kar yi ge ra bsams te yi ge de'i sgra'i de kho na nyid chos thams cad rdul dang bral ba la dmigs nas slob ma de'i lus rdul phran la sogs par bshig ste rdul phran de dag kyang mi dmigs par byas pas yi ge ra'i sgra las slob ma'i lus don dam par stong par bya'o/ /de ltar bsam nas yi ge ra'i me nges slob ma'i lus bsregs te thal bar gyur par bsam mo/ /de ltar stong par gyur pa dang de'i gnas su slar yang yi ge a bsams te/ a las bcom ldan 'das kyi skur gyur par bsams mo zhes bya ba ni bsdus pa'i don to/ /yan lag gi don yang bshad par bya ste/ kun tu bslabs pa'i sngags pa ni/ zhes pa slob dpon

  360. 180b

    snying rje chen po 'byung ba dang yi ge 'khor lo bskor ba'i dkyil 'khor gyi dkyil 'khor gnyis po bri ba dang dbang bskur ba dang bzlas pa dang sgrub pa la sogs pa'i cho ga bslabs te lob par gyur pas mkhas pa zhes pa'o/ /gsang ba'i dkyil 'khor la mkhas pas/ zhes pa ni dkyil 'khor gong ma gnyis la mkhas pa 'ba' zhig ma yin gyi/ gsang ba'i dkyil 'khor la yang bri ba dang dbang bskur ba la sogs pa'i cho ga rnams la mkhas pas zhes pa ste/ mdor na dkyil 'khor gong ma gnyis su dbang bskur ba'i slob dpon gyis las 'di rnams bya'o zhes pa'o/ /de tshe slob ma'i sdig pa kun/ /cho ga bzhin du bsreg par bya/ /zhes pa ni dang po gleng ba'i tshig ste sdig pa kun zhes pa ni sems kyi rgyud la mi dge ba'i bag chags bsags pa mi 'dod pa'i rnam par smin pa rta bar byed pa la bya ste/ slob ma'i sdig pa de 'og nas 'byung ba'i cho gas bsreg ces pa'o/ /ci nas slar yang mi skye bar/ /de yi 'tsho ba'ang bsreg par bya/ /bsregs te thal bar gyur nas kyang/ /zhes pa ni gong du sdig pa bsreg par bya zhes smos pa de ji ltar sreg pa gsal bar gsungs pa ste/ de'i 'tsho ba zhes pa slob ma de'i phung po lnga la bya'o/ /ci nas slar yang mi skye bar/ /zhes pa ni phung po lnga po de ltar bsregs te stong par byas pa de nyid kyi tshe na slob ma de'i phung po lnga yod pa'i 'du shes mi skye bar bya zhes pa'o/ /bsregs te thal bar gyur nas kyang/ zhes pa ni bsreg par yang lhag ma dang bcas pa ma yin gyi shin tu tshig nas stong pa nyid du 'gyur bar bya'o zhes pa'o/ /de ni slar yang gso bar bya// zhes pa ni de ltar stong pa nyid du brtan par gyur nas 'og nas 'byung ba'i tshig gis slob ma de slar rnam par snang mdzad kyi gzugs su sbyar ro zhes pa'o/ /de ltar slob ma'i de'i tshe 'tsho ba bsreg go zhes spyir smos pa tsam du zad kyi/ gang gis sreg/ ji ltar

  361. 181a

    sreg snyam pa la/ yi ge yis ni mi 'gyur bsreg /ces bya ba gsungs te/ yi ge yis ni zhes pa ni yi ger des sngar smos pa bzhin du slob ma'i phung po lnga po de bsreg go zhes pa'o/ /ak+Sha ra ni mi 'gyur pa zhes pa ste/ phung po lnga po slar mi skyo bar stong par gyur pa las gzhan du mi 'gyur bar ting nge 'dzin gyis brtan par bya'o zhes pa'o/ /'tsho bas slar yang gso par bya/ /'tsho bas thams cad gsos nas ni/ zhes pa ni tshig snga ma de nyid 'grel ba yin te/ slob ma'i 'tsho ba phung po lnga po stong par gyur pa las yi ge a 'tsho bar gyur pa des slar yang sangs rgyas kyi skur gong du smos pa'i tshul du bsgyur zhes pa'o/ /kun tu dag pa ni dkar po yin la/ dri ma med pa ni gsal ba ste/ sangs rgyas kyi sku dkar zhing gsal bar bsgyur zhes pa'o/ /yan lag bcu gnyis tshig rnams ni/ /de yi snod la dgod par bya/ /zhes pa ni yan lag bcu gnyis kyi tshig rnams de'i gdan pad+ma la dgod par bya zhes pa'o/ /byang chub sems dpa' skyob rnams dang/ zhes pa nas/ 'jig rten rnams kyis bkur ba yin/ /zhes pa'i bar ni sangs rgyas dang byang chub sems dpa' dang/ nyan thos dang rang sangs rgyas dang 'jig rten pa rnams kyang dam tshig 'di la mos pa dang ldan par rigs so zhes pa'o/ /gsang ba'i dkyil 'khor dbus gnas pa'i/ /dam tshig 'di ni sus rig pa/ /rgyud rnams kun tu zhugs pa dang/ /dkyil 'khor kun la dbang ba yin/ /zhes pa ni gsang ba'i dkyil 'khor gyi dbus su 'di lta bu'i ting nge 'dzin gyi tshul la brtan pa ni rgyud thams cad kyi dkyil 'khor du zhugs pa dang 'dra ba ste/ thams cad kyi dam tshig can du 'gyur ba dang/ dkyil 'khor thams cad kyang dri ba la dbang ngo zhes pa'o/ /sngags 'chang de ni nga dang 'dra/ zhes pa ni gong du slar gsos nas dkar

  362. 181b

    zhing gsal bar bya zhes spyir smos pa tsam du zad la/ tshig 'dis ni bcom ldan 'das rnam par snang mdzad kyi gzugs nyid du bya zhes pa'o/ /dam tshig ces ni gzhan mi bya/ zhes pa ni ting nge 'dzin de lta bu ma byas te log par gzhan du byas pa/? dam tshig can du mi bya zhes pa'o/ /dam tshig ces pa ni skabs 'dir stong pa nyid kyi ting nge 'dzin rtogs pa la bya la ting nge 'dzin de yang dang po sreg pa ni 'jug pa'i sems so/ /bsregs nas stong pa'i rang bzhin du gnas te mi 'gyur ba ni gnas pa'i sems so/ /de nas gsos de bcom ldan 'das kyi skur bsgyur ba ni ldang ba'i sems su shes par bya'o/ /gsang ba'i dkyil 'khor du 'jug pa'i rim par phye ba'o// //da ni gsang ba'i phyag rgya brgyad po bshad par bya ste/ phyag rgya 'di rnams kyang sngags pa lha'i gzugs su bsgyur ba de brtan por bya ba'i phyir sbyar te/ lha'i gzugs su bsgyur ba yang rnam pa gnyis te/ de bzhin gshegs pa'i skur bsgyur ba dang byang chub sems dpa' i skur bsgyur ba'o/ /bcom ldan 'das kyi skur bsgyur pa'i tshe na yang gsang ba'i phyag rgya 'og nas 'byung ba rnams kyis gdan dang yan lag dang 'od la sogs pa 'og nas ji ltar 'byung ba'i rim pa bzhin du bya'o/ /byang chub sems dpa' la sogs pa gzhan gyis gzugs su bsgyur ba na yang phyag rgya de rnams kyis byin gyis brlabs na brtan par 'gyur ro/ /de bzhin gshegs pa'i skur bsgyur ba la phyag rgya 'di rnams kyis byin gyis brlabs na phyag rgya 'di rnams de bzhin gshegs pa'i phyag rgya yin pa'i phyir/ de bzhin gshegs pa nyid kyi rang bzhin du 'gyur ro/ /de la lha'i sku yongs su rdzogs par bya ba yang rnam pa gnyis te/ gnas rdzogs par bya ba dang lus rdzogs par bya ba'o/ /gnas rdzogs par bya ni rdo rje mi shigs pa'i phyag rgya dang pad+ma'i spubs kyi phyag rgya

  363. 182a

    gnyis so/ /lhag ma drug gis ni lus rdzogs par bya ba'o/ /de rnams ni rnam pa gsum du bye ste/ lus dang ngag dang yid rdzogs par byed pa'o/ /de la lus rdzogs par byed pa ni yan lag thams cad 'byung ba'i phyag rgya dang/ gzi brjid 'byung ba'i phyag rgya'o/ /gzungs kyi phyag rgya dang bcom ldan 'das kyi chos gnas pa'i phyag rgya gnyis ni sems rdzogs par byed pa'o/ /sangs rgyas kyi gsung gnyis ni sems rdzogs par byed pa'o/ /sangs rgyas kyi gsung rgya'o/ /bcom ldan 'das kyi rnal 'byor 'dzin pa'i phyag rgya ni ting nge 'dzin gyi rnal 'byor rdzogs par byed pa'o/ /de rnams sbyor bar bya ba'i rim pa yang thog mar rdo rje mi shigs pa'i phyag rgyas bdag gnas pa'i gzhi dang dbang chen gyi dkyil 'khor rdo rje gdan du byin gyis brlabs te/ de nas dam tshig gi phyag rgya bcings nas bdag dang gnas bsrung pa dang mchod pa bya ba dang rdo rje sems dpa' byin gyis brlab pa la sogs pa ji skad gsungs pa rnams rim pa bzhin du byas la/ de nas de'i 'og tu ji snyad 'bar ba'i rim gyis bdag nyid lta'i skur bsgyur te/ dang por pad+ma'i spubs kyi phyag rgyas pad+ma'i gdan byin gyis brlabs la/ yan lag thams cad 'byung ba'i phyag rgyas lha'i skur brtan par byin gyis brlabs nas/ de nas gzi brjid 'byung ba'i phyag rgyas 'od kyi dkyil 'khor byin gyis brlabs te/ de nas gzungs kyi phyag rgyas chos mi brjed pa'i dran pa brtan gyis brlab po/ /de nas sangs rgyas kyi gsung dbyangs bkod pa'i rgyan gyi phyag rgyas dag byin gyis brlabs nas/ de nas chos gnas pa'i phyag rgya de bzhin nyid kyi chos nyid brtan par byin gyis brlabs nas/ de'i 'og tu rnal 'byor 'dzin pa'i phyag rgyas ting nge 'dzin brtan pa'i byin gyis brlab bo/ /de dag ni bsdus pa'i don te/ yan lag gi don ni/ de nas bcom ldan 'das

  364. 182b

    rnam par snang mdzad kyis thams cad dang ldan pa'i 'khor gyi dkyil 'khor la gzigs nas zhes pa ni snga ma bzhin no/ /byang chub sems dpa' phyag na rdo rje la bka' stsal ba zhes phyag na rdo rje ?? bar bcom ldan 'das nyid 'chad pa ni phyag rgya de'i che ba'i bdag nyid bstan pa'i phyir te/ de rnams sangs rgyas bcom ldan 'das spyod yul yin gyi/ byang chub sems dpa' la sogs pa gzhan rnams kyi spyod yul du ma gyur pas phyag na rdo rjes kyang de bshad du gsol zhes ma gsol to/ / gsang ba'i phyag rgya zhes pa ni dam tshig med pa dang dbang ma bskur ba la sogs pa kun la mi bstan pa'i phyir ro/ gsang ba dang bcas pa zhes pa ni rdo rje'i gdan dang pad+ma dang 'od kyi dkyil 'khor la sogs pa lha rang gi gzugs su mi bstan par lag pa'i phyag rgyar bstan pa'i phyir ro/ /lha'i gnas byin gyis rlob bar gyur pa zhes pa la lha'i gnas ni rdo rje'i gdan dang pad+ma ste/ der lha rnams gnas par 'gyur bas na rdo rje mi shigs pa'i phyag rgya dang pad+ma'i phyag rgya gnyis la bya'o/ /gnyis su na phyag rgya brgyad cad la bya ste/ phyag rgya de rnams kyis byin gyis brlabs na rang gi lus la lha gnas par 'gyur ba'i phyir ro/ /rang gi gsang sngags kyis mtshan pa/ zhes pa ni phyag rgya de dag so so'i sngags 'og nas 'byung ba'i mtshan ma rnams kyis btab ste/ phyag rgya de bcing ba na sngags kyang der bsam me zhes pa'i don to/ /dkyil 'khor dang ldan pa zhes pa ni phyag rgya de dag so so'i dkyil 'khor dbang chen la sogs pa ji ltar 'og nas 'byung ba dang ldan pa zhes pa ste/ rang rang gi dkyil 'khor rnams phyag rgya nyid kyi nang du bsams la/ rdo rje dang pad+ma'i gdan dang/ 'od kyi dkyil 'khor la sogs pa ni so so'i gnas su yang ldan par bsam me zhes pa'i don to/ /rang gi lha'i tshul rnal 'byor du bya ba zhes pa ni zhi ba dang rgyas pa dang rab dang 'bring pa sogs

  365. 183a

    pa'i sgrub pa'i bya ba rnams la rang gi lha nyid kyi rnal 'byor du byas pa la phyag rgya 'di rnams dang ldan zhes pa'o/ /byang chub sems dpa' gsang sngags kyi sgo nas byang chub sems dpa' i spyad pa spyod pa rnams cho ga gang dag gis bdag nyid lha'i gzugs su bsgyur ba la phyag rgya 'di rnams kyis ji skad du bshad pa'i rim pa bzhin du so sor byin gyis brlabs na lha'i gzugs su brtan par 'gyur ro zhes pa'o/ /shes nas kyang rang gi lha'i tshul du gnas nas dngos grub thob par 'gyur ba zhes pa ni de'i skur bsgyur te phyag rgya de rnams kyis byin gyis brlabs nas brtan par byas pa tsam gyis cho ga ma yin gyi/ rang gi lha'i bya ba zhi ba dang rgyas pa dang rab dang 'bring la sogs pa'i grub pa dang las rnams bsgrubs na 'grub par 'gyur ro zhes pa ste/ de lta bu yod de zhes 'brel to/ /rdo rje mi shigs pa'i phyag rgya dang pad+ma'i spubs kyi phyag rgya dang/ sangs rgyas kyi gsung dbyangs bkod pa'i phyag rgya bcing ba na phyag rgya snga ma las zhes pa ni de dga' sum char yang gzi brjid 'byung ba'i phyag rgya la snyeg par shes par bya'o/ /de bzhin du gzungs kyi phyag rgya la sogs pa phyag rgya gsum po la phyag rgya snga ma las zhes pa ni yan lag thams cad 'byung ba'i phyag rgya las zhes rig par bya'o/ /gzungs kyi phyag rgya'i dkyil 'khor 'ja''dra ba mtshan ma thams cad ldan pa rdo rje'i ba dan 'phyar ba zhes pa la gzungs ni rdo rje'i gdan dang pad+ma dang 'od kyi dkyil 'khor la sogs pa'i dngos po ji ltar bsams pa rnams mi brjed par byas na mthu thams cad dang ldan par dgongs pas 'ja' dang 'dra bar dkyil 'khor bzhi char gyi kha dog dang ldan pa'o/ /mtshan ma thams cad dang ldan pa ni dkyil 'khor so so'i mtshan ma rdo rje dang pad+ma la sogs pa dang ldan pa'o/ /rdo rje ba dan 'phyar ba ni dkyil 'khor de'i dbyibs 'ja''dra bas

  366. 183b

    rlung gi dkyil 'khor te/ rlung gi dkyil 'khor gyi mtshan ma ba dan rab tu mi g.yo bar bya ba'i phyir rdo rje dang ldan pa'i ba dan no/ /chos gnas pa'i phyag rgya'i klad kor gnyis zhes pa ni stong pa dang stong pa'i yang stong pa'i mtshan ma'o/ /dkyil 'khor ni rnal 'byor 'dzin pa'i phyag rgya'i dkyil 'khor ro/ /nam mkha' ste nam mkha' i kha dog las khyad par du sngo bar bya ba ni ting nge 'dzin gyi mthu thams cad dang ldan pa'i phyir rlung gi dkyil 'khor gyi shas che bar bya bar dgongs pa'o/ /gsang ba pa'i bdag po 'di dag ni gsang ba'i phyag rgya ste/ de bzhin gshegs pa rnams kyis rab tu gsang ba yin gyis gzhan su la yang ma sbyin zhig ces sbyar ste/ dbang bskur ba la sogs pa 'og nas 'byung ba'i yon tan ming gis smos pa rnams dang mi ldan zhing dam tshig med pa su la yang mi sbyin gyi/ yon tan de rnams ldan pa la ni sbyin no zhes pa'o/ /dbang bskur ba zhes pa ni gsang ba'i dkyil 'khor du dbang bskur ba'o/ /cho rigs btsun pa zhes pa ni bram ze dang rgyal rigs rnams la sbyin gyi nya pa la sogs pa rigs ngan pa rnams la mi sbyin no zhes pa'o/ /gnyis su na rigs dang ldan zhes pa ste/ de bzhin gshegs pa'i rigs dang pad+ma'i rigs kyi lha rnams la rten cing de la gnas pa'o/ /gsum du na de bzhin gshegs pa'i rigs la sogs pa'i sngags pa'i spyod pa la brtson zhing 'phang pa rnams la zhes pa'o/ /spro ba can zhes pa ni sngags kyi spyod pa la brtson pa zhes pa'o/ /yi dam la brtan pa zhes pa ni ji ltar bsam pa'i don ma grub kyi bar du mi gtong ba'o/ /bla ma la gus pa zhes ni bla ma la dad pa'o/ / byas pa gzor zhes pa ni bla ma la dad cing gus pas ji ltar bstan pa bzhin du yang dag par sbyor zhing nan tan byed pa'i phyir ro/ /gtsang sbra che ba zhes pa ni lus gtsang na sems 'dul bar 'gyur pa'i phyir ro/ /bdag gi lus dang sreg la yang mi lta ba zhe pa

  367. 184a

    ni las dang sgrub pa la sogs pa'i sngags kyi spyod pa la lus dang srog kyang mi 'phangs te de lta bu la phyag rgya de rnams sbyin no zhes pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlobs pa las/ gsang ba'i phyag rgya brgyad rim par phye ba'o// //da ni nad yid kyi dkyil 'khor bri ba'i skabs 'chad de/ yid kyi dkyil 'khor bri ba yang spyir dkyil 'khor gnyis te/ rang bzhin gyi dkyil 'khor dang/ gzugs brnyan gyi dkyil 'khor ro/ /de la rang bzhin gyi dkyil 'khor ni rgya che zhing bsam gyis mi khyab ste/ mdor bsdus te bstan pa ni yid kyi dkyil 'khor du shes par bya'o/ /gzugs brnyan gyi dkyil 'khor yang ji skad gsungs pa bzhin du rdzogs par dka' ste/ de'i mdor bsdus pa bstan pa ni rgyud phyi ma las dkyil 'khor bshad pa'o/ /de bas na yid kyi dkyil 'khor 'di'i sgo nas sems kyi rang bzhin gyi gsang ba'i dkyil 'khor ji 'dra? ba'i tshul shes par 'gyur te/ 'di ni 'jug pa'i sgo lta bur blta'o/ /yid kyi dkyil 'khor de bri ba'i thabs bstan pa'i phyir/ bcom ldan 'das ting nge 'dzin du zhugs nas sangs rgyas kyi zhing 'di lag mthil bzhin du mnyam par gnas shing sgo khyud dang rta babs rin po che sna lngar rab tu rnams pa spras pas rgyan par bstan pa ste/ de dag thams cad kyang dngos po med pa las sems kyi dbang tsam gyis ji ltar bsams pa bzhin du 'byung bar bstan pa'o/ / de bas na yid kyi dkyil 'khor la sogs pa yid kyis bskyed pa thams cad rnal 'byor pas sems mnyam par bzhag pa la bkod pa'i mgon po ji lta bar gyur cig ces bsams shing smon lam btab la/ ting nge 'dzin du zhugs na ji ltar

  368. 184b

    smon pa de ltar 'gyur bar shes par bya'o/ /de ltar yid kyi dkyil 'khor bri ba'i thabs bstan pa yang/ de nas bcom ldan 'das rnam par snang mdzad chen po de'i tshe ma 'ongs pa'i 'gro ba rnams la gzigs nas thams cad kyi rjes su 'jug pa zhes bya ba'i ting nge 'dzin la snyoms par zhugs so/ /zhes bya ba la sogs pa yin te bcom ldan 'das sngon gyi smon lam gyi shugs kyis sems can gyi don mdzad pa la sogs pa lhun gyis grub pa nyid du 'byung bas ting nge 'dzin du 'jug mi dgos mod kyi/ 'on kyang dngos po gang bstan par bya ba'i ting nge 'dzin du zhugs nas/ byang chub sems dpa' kun tu bzang po la sogs pa 'dul ba'i 'gro ba rnams kyis bcom ldan 'das ci'i phyir ting nge 'dzin du zhugs pa dang/ zhugs nas ji ltar ston par 'gyur ba la sogs pa shes par 'gyur te/ de'i phyir bcom ldan 'das ting nge 'dzin du 'jug go/ thams cad rjes su 'jug pa zhes pa ni bcom ldan 'das ting nge 'dzin de la zhugs na don dam par chos kyi dbyings kyis kun tu khyab par rtogs pa dang kun rdzob tu yang sangs rgyas kyi zhing 'di lag mthil bzhin du mnyam par gnas pa la sogs pa gnas kyi khyad par bstan pa rnams khong du chud pa ste/ bcom ldan 'das ting nge 'dzin la zhugs na don dam pa dang kun rdzob rtogs pa de dag 'byung ba'i phyir ting nge 'dzin de'i ming thams cad kyi rjes su 'jug pa zhes bya'o/ /ma 'ongs pa'i 'gro ba rnams la gzigs nas zhes pa ni kun tu bzang po dang phyag na rdo rje la sogs pa yongs su dag pa'i byang chub sems dpa' rnams kyis ni de dag ji lta ba nyid du mkhyen ?/ ma 'ongs pa'i 'gro ba rnams kyi don du dngos po yod pa ma yin pa la sems kyi dbang tsam gyis rnam pa sna tshogs 'byung bar bstan pa yin zhes pa'o bcom ldan 'das snyoms par zhugs ma thag tu

  369. 185a

    de nas 'di ltar sangs rgyas kyi zhing 'di lag mthil bzhin du mnyam par gnas shing zhes pa ni dkyil 'khor bri ba nas sngar sa mthon dman la sogs pa bsnyams shing sbyang dgos te de'i tshul bstan pa'o/ /sangs rgyas kyi zhing 'di zhes pa ni mi mdzad kyi stong gsum gyi stong chen po'i khams so/ /lag mthil bzhin du mnyam par gnas shing zhes pa ni sangs rgyas kyi zhing de ri dang gcong rong la sogs med par mnyam par gyur zhes pa ste/ tshig des ma 'ongs pa'i dus kyi 'gro ba rnams nam dkyil 'khor 'bri ba dkyil 'khor gyis de'ang? mthil bzhin du mnyam par sbyang bar bya ba bstan pa'o/ /sgo khyud dang rta babs rin po che sna lngas rab tu rnam par spras pas brgyan pa zhes pa nas/ sil snyan gyi sgra yid du 'ong zhing snyan pa rnam pa du ma grag pa zhes pa'i bar gyis ni sangs rgyas kyi zhing de mnyam par gyur nas kyang rgyan de dag gi brgyan par bstan pa ste/ des ni dkyil 'khor gyis de dag bsnyams nas rta babs dang sgo khyud dang gdugs dang ba dan la sogs pas rgyan pa dang ri mo rnams kyis brgyan par bya ba'i thabs bstan pa'o/ /pad+ma'i mtshe'u chu dri zhim po yan lag brgyad dang ldan pas yongs su gang ba smos pa ni dkyil 'khor du rdzing bu la sogs pa bri bar bstan pa'o/ /yan lag brgyad ni bsil ba dang dad ba dang mngar ba la sogs pa'o/ /byang chub sems dpa' mang po'i bsod nams kyis bsags pa'i stan dang khang pa dang gzhal med khang yid las byung ba dang ldan bar gyur to/ /zhes pa ni sangs rgyas kyi zhing der pha rol tu phyin pa las byung ba'i byang chub sems dpa' rnams kyi so so'i bsod nams ji tsam las so so'i snyan dang khang pa dang lding khang la sogs pa dang ldan pa zhes pa ste/ des kyang dkyil 'khor gyis der byang chub sems dpa' la sogs pa lha so so'i gnas dang bcas par bya ba bstan pa'o/

  370. 185b

    pad+ma'i rgyal po chen po zhes pa nas bsod nams kyis rnam par bskyed pa dag byung bar gyur to zhes pa'i bar ni sangs rgyas kyi zhing de'i dbus na pad+ma rgyal po chen po la de bzhin gshegs pa bzhugs te/ de bzhin gshegs pa'i sku las ye shes kyi sems can chos kyi tshig ston pa sha stag byung ngo zhes pa ste/ de yang dkyil 'khor gyi dbus su bcom ldan 'das rnam par snang mdzad bzhugs pa la de bzhin gshegs pa'i sku las gyur pa'i lha rnams kyis bskyor te bzhugs pa bya bar bstan pa'o/ /de bzhin gshegs pa'i mos pa las byung ba chos kyi dbyings rtogs pa'i mtshan mas mtshan ba zhes pa ni pad+ma'i rgyal po de'i bye brag ste/ de bzhin gshegs pa'i mos pa las byung ba ni sngar bshad pa bzhin no/ /chos kyi dbyings rtogs pa zhes pa ni de bzhin nyid kyi ye shes dag pa la bya ste/ de'i mtshan pas mtshan pa ni ye shes dag pa de'i mtshan ma yin pas dkar por shes par bya ste/ mdor na de bzhin gshegs pa nyid kyi ye shes dag pa de pad+ma'i rgyal po chen por snang ba byin gyis brlabs so zhes pa'o de'i dbus na de bzhin gshegs pa'i sku bzhugs pa ni de bzhin nyid kyi ye shes chos kyi dbyings kyi mtshan nyid de las bcom ldan 'das rnam par snang mdzad kyi sku 'byung bar bstan pa'o/ /chos kyi dbyings la gzhol ba ni stong pa nyid kyi rang bzhin du gyur pa zhes pa'o/ /de ltar bcom ldan 'das stong pa nyid kyi rang bzhin du gyur kyang phung po lhag ma med pa'i mya ngan las 'das pa lta bu ni ma yin gyi/ sngon gyi smon lam gyi shugs kyis rnam par mi rtog bzhin du kun rdzob kyi bya ba thams cad 'byung bar bstan pa'i phyir sems can gyi bsam pa dang mos pa ji lta ba bzhin du mgu bar mdzad pa zhes gsungs pa yin no/ /cis kyang mi tshugs pa'i stobs dang ldan pa stobs bcu la mos pa las byung ba zhes pa ni bcom ldan 'das kyi sku las byung ba'i skud rnams

  371. 186a

    kyi mthu ni cis kyang mi tshugs pa sha stag ste/ de yang bcom ldan 'das nyid kyi rgyu'i tshe kun tu sangs rgyas pa'i mtshan nyid kyi stobs bcu la mos pa bskyed pas 'bras bu stobs bcu rdzogs par gyur pa la byung ba zhes pa'o/ /kha dog dang dbyibs rnam pa du mas bdag gi sku brgyan pa zhes pa ni sku mang po byung ba dag gi khyad par te/ de dag kha dog dang gzugs sna tshogs dang bcas pa zhes pa'o/ /sku mang po de rnams kyang bcom ldan 'das nyid byang chub sems dpa' i spyad ba sbyod pa'i cho ga skal pa grangs med par sbyin pa'i pha rol tu phyin pa la sogs pa'i bsod nams kyi tshogs bsags pa'i rgyu las byung bar bstan pa'i phyir/ bskal pa bye ba khrag khrig brgya stong du mar zhes pa la sogs pa gsungs pa yin no/ /de dag byung nas thams cad dang ldan pa'i 'jig rten gyi khams rnams su sgra mngon par go bar mdzad cing chad du gleng ba 'di glengs so/ /zhes pa ni de ltar gong du bcom ldan 'das kyis sangs rgyas kyi zhing lag mthil bzhin du mnyam pa la sogs par dngos su snang ba der rtogs pa'i chos rnams bstan pa de nyid rnam grangs kyis 'og nas 'byung ba'i tshigs su bcad pa rnams kyis bstan pa ste/ de yang/ e ma ho/ sangs rgyas thams cad kyi/ zhes pa nas/ gang brnyes rnyed pa thob pa 'gyur/ zhes pa'i bar gyis so/ /de la/ e ma ho zhes pa ni ngo mtshar du gyur pa'o/ /sangs rgyas thams cad kyi/ /shes rab thabs ni bsam mi khyab/ /ces sbyar te/ shes rab ni chos thams cad bdag med par rtogs pa'i rang bzhin yin la/ thabs ni de ltar chos thams cad stong par rtogs kyang sems can gyi don du dngos po rnam pa sna tshogs yod par ston pa ste/ de dag ngo mtshar che ste bsam gyis mi khyab bo zhes pa'o/ /tshig de dag nyid

  372. 186b

    dgrol ba'i phyir/ gnas med pa ni rtogs gyur nas/ /gnas dang bcas pa'i chos kyang 'chad/ ces pa la sogs pa gsungs te/ shes rab kyis chos thams cad gzung dang 'dzin pa'i gnas med pa stong pa nyid du shes nas zhes pa'o/ /gnas dang bcas pa'i chos kyang 'chad/ ces pa ni de ltar shes rab kyis chos thams cad dngos po med par rtogs kyang thabs kyis sems can rnams phan gdags pa'i phyir gzung ba dang 'dzin pa'i gnas la sogs pa'i chos rnams dngos po mod par snang ba dngos su ston zhes pa'o/ /gang dag gis ni chos rnams kyi/ /chos kyi mtshan nyid rnyed med pa/ /shes pa zhes pa ni phung po dang khams dang skyed mched la sogs pa'i chos rnams kyi mtshan nyid gang dag gis mi dmigs par shes pa zhes pa'o/ /des ni 'dren kun gyis/ yang brnyes rnyed pa thob par 'gyur/ /zhes pa ni de ltar chos thams cad dmigs su med par gang gis shes pa des 'dren pa sangs rgyas bcom ldan 'das kyi brnyes pa'i sangs rgyas kyi 'bras bu thob par 'gyur ro zhes pa ste/ mdor na chos rnams stong pa nyid du rtogs pa de sangs rgyas su 'gyur ro zhes bstan pa yin no/ /de dag gis ched du glang ba de ched du glengs nas de dag slar yang de bzhin gshegs pa'i chos kyi sku bsam gyis mi khyab pa la zhugs so/ /zhes pa ni de ltar chos kyi dbyings stong pa nyid kyi rang bzhin du mi snang bar gyur pa'o/ /de ltar gsang ba'i dkyil 'khor bri ba'i thabs bcom ldan 'das kyis rang bzhin gyi dkyil 'khor sngar bstan nas/ da ni gsang ba'i dkyil 'khor nyid bri ba'i thabs bshad de/ de yang/ de nas bcom ldan 'das kyis byang chub sems dpa' phyag na rdo rje la bka' stsal pa/ rigs kyi bu nang gi dkyil 'khor nyon cig ces pa la sogs pas so/ /'di yang slob ma lhag par gnas pa de nyid kyi nub mo bya bar shes par bya ste/ de'i rim pa yang de la thog

  373. 187a

    mar slob dpon gyis mchod pa'i yo byad 'di dag la sogs pa'i dngos po gzhung las 'byung ba bzhin du sta gon byas nas slob ma rnams kyang bsags te phyi rol tu bkod la/ de nas slob dpon de dkyil 'khor gyi khang pa'i nang du zhugs te/ sangs rgyas dang byang chub sems dpa' thams cad la phyag byas nas dam tshig gi phyag rgya bcings te snying rje chen po'i dkyil 'khor du bstan pa bzhin du mdun du rang bzhin gyi dkyil 'khor so so'i sngags 'bru re 'am/ spyi'i snying pos der bsams te/ de nas bdag nyid chos kyi dbyings kyi phyag rgya dang sngags kyis byin gyis brlab pa dang chos kyi 'khor lo bskor ba'i sngags dang phyag rgyas rdo rje sems dpar byin gyis brlab pa dang/ rdo rje go cha'i phyag rgya dang sngags kyis bsrung bar bya ste/ de nas las kyi rdo rjer bsgyur nas lha rnams la dam tshig gi phyag rgya bstan te mchod yon phul nas dri dang me tog la sogs pa'i mchod pa rnams kyang so so'i sngags kyis btab ste dbul ba dang yid kyi mchod pa yang bya'o// de ltar phyi nang gi mchod pa la sogs pa byas nas slob dpon de phyir byung la slob ma rnams la dri dang me tog byin te las thams cad pa'i sngags kyis bsrung ba dang/ las thams cad pa'i sngags kyis btab pa'i skud pa dpung par bcing ba dang so shing sbyin pa rnams byas nas/ de nas sdig pa bshags pa dang lus dbul ba dang sdom pa 'dzin du gzhug ste/ de dag ni lhag par gnas pa'i cho ga'o/ /dkyil 'khor du gzhug pa'i cho ga yang sgrub pa'i grogs po gzhan yod na des rim pa bzhin du bya la/ med na slob dpon nyid du slob ma dam tshig gi phyag rgya 'ching du gzhug pa dang chos kyi dbyings kyi phyag rgya dang sngags kyis byin gyis brlab pa dang/ chos kyi 'khor lo'i phyag rgya dang sngags kyis byin gyis brlab pa dang/ byang chub tu sems

  374. 187b

    bskyed pa la sogs pa rim pa bzhin du bya ste/ de nas slob dpon de slar mchod pa'i gnas su zhugs te/ sems mnyam par bzhag la snying gar zla ba'i dkyil 'khor gyi steng du yi ge ra kha dog dkar po yid tsam rtsa dmar ba bsams te yi ge de'i sgra'i de kho na nyid chos thams cad rdul dang bral ba sgom pa ni bdag gi lus nyid rdul phra rab la sogs pa'i rim pas bshig ste rdul phran de yang phyogs cha dang bral bas dmigs su med la/ de bzhin du rnam par shes pa la sogs pa yang dngos po med par bsgoms te/ zla ba'i dkyil 'khor dang yi ge ra yang stong par bsam zhing tha mar sgra'i de kho na nyid de yang dmigs su med par bsgoms te stong pa nyid la ji srid 'dod par gnas so/ /de'i 'og tu thog mar rlung gi dkyil 'khor dang de nas chu'i dkyil 'khor dang/ de nas gser gyi dkyil 'khor bsam zhing gser gyi dkyil 'khor de'i steng du bdag gi lus lte ba'i 'og man chad kyang gser gyi dkyil 'khor gru bzhi par bsams te de'i steng du pad+ma rtsa ba dang bcas pa snying ga'i bar du phyin par bsams la/ de'i dbus su bcom ldan 'das rnam par snang mdzad bzhugs te/ de'i shar phyogs kyi pad+ma'i 'dab ma la de bzhin gshegs pa rin po che'i tog go /lho phyogs kyi 'dab ma la de bzhin gshegs pa me tog kun tu rgyas pa'i rgyal po'i dbang po'o/ /byang phyogs kyi 'dab ma la de bzhin gshegs pa rnga dbyangs can no/ /nub phyogs kyi 'dab ma la de bzhin gshegs pa 'od dpag tu med pa'o/ /shar lho'i 'dab ma la byang chub sems dpa' kun tu bzang po'o/ /byang shar gyi 'dab ma la spyan ras gzigs kyi dbang po'o/ /lho nub kyi 'dab ma la 'jam dpal gzhon nur gyur pa'o/ /nub byang gi 'dab ma la byang chub sems dpa' byams pa bsam ste bcom ldan 'das rnam par snang mdzad la sogs pa dang byang chub sems dpa'

  375. 188a

    de rnams kyang me tog dor ba la bde ba'i phyir de rnams kun gyi sku bdag gi glad pa'i bar du phyin par bsam shing padmo'i ge sar kun la byang chub sems dpa' rnams kyi yum rnams dang sa bcu dang pha rol tu phyin pa drug dang/ ting nge 'dzin rnams lha mo'i gzugs su bsam ma/ /padmo'i rtsa ba la byang chub sems dpa' phyag na rdo rje bsam zhing de'i drung dangs? pas dang g.yon dag tu spyan ras gzigs kyi dbang po'i 'khor rnams dang phyag na rdo rje'i rigs pa dang khro bo rnams dang sgo skyong dang khro gnyer la sogs pa rim pa bzhin du bsam mo/ /de'i phyi rim du lha dang klu la sogs pa mang po rnams bsam te de ltar brtan par byas nas yid kyi mchod pa tshul bzhin du bya'o/ /de nas de dag thams cad zin pa dang se gol brdabs pas brda byas te slob ma rnams mgo bo la me tog 'dor du gzhug go /me tog de dag kyang yid la bsams pa'i lha gang gi steng du babs? pa de slob ma de la sbyin par bya ste/ de dag ni bsdus pa'i don to/ /tshig gi don ni gsang ba pa'i bdag po lus kyi sa gzhi gang yin pa de chos kyi dbyings kyi rang bzhin gyi sngags dang phyag rgya'i rang bzhin gyi byin gyis brlabs kyis byin gyis brlab par bya ste/ rang bzhin gyis rnam par dag pa'i phyir ro/ /zhes pa ni mchod pa la sogs pa sngar smos pa rnams rim pa bzhin du byas nas bdag gi lus chos kyi dbyings kyi phyag rgya dang sngags kyis byin gyis brlabs te/ stong pa nyid du byos shig ces pa'o/ /de nas bdag las kyi rdo rje sems dpar byin gyis brlabs te zhes pa ni snga ma'i rim pa bzhin du chos kyi 'khor lo'i phyag rgyas byin gyis brlabs nas las kyi rdo rje sems dpar bsgyur te mchod pa dang slob ma'i cho ga bya ba la sogs pa thams cad gong du smos pa'i

  376. 188b

    rim pa bzhin du bya'o/ /rdul thams cad dang bral ba zhes pa ni de nas slar bdag nyid nang du zhugs nas snying gar yi ge ra bsam te chos thams cad rdul dang bral bar sgom pa'i rim pa yang snga ma bzhin du bya'o/ /bdag dang sems can dang srog dang 'gro ba dang shed can dang shed las skyes pa dang/ byed pa po la sogs pa'i zug rngu'i skyon dang bral la zhes pa ni mu stegs can gzhan rnams kyi bdag po la sogs pa'i dngos po de rnams kyang dmigs su med par sgom zhes bya ba ste/ de dag ni ji ltar rdo shing la sogs pa'i zug rngu dang nyes pa bsal bas phyi rol gyis sbyang ba bzhin du nang gi sa sbyang ba yang thabs 'di lta bus sbyang ngo zhes bshad pa'o/ /gru bzhi la sgo bzhi dang ldan pa/ nub phyogs kyi sgo rtag tu phye ba ? byung dang stegs bus brgyan pa zhes pa ni de ltar stong pa nyid la sogs pa'i ting nge 'dzin byas la de nas rlung dang chu'i dkyil 'khor la sogs pa snga ma bzhin du bsams te/ de'i steng du dbang chen gyi dkyil 'khor de'i steng du bdag gi rked pa man chad gser gyi dkyil 'khor gru bzhi par gyur par bsams te/ stegs bu zhes pa ni dbus kyi gzhi'i gdan de nyid la bya la de yang gser gyi kha dog tu bsam mo/ /dbus na pad+ma'i rgyal po chen po yid las byung ba 'dab ma brgyad pa sdong po dang bcas pa ze ba rgyas shing shin tu mdzes bar byung ba zhes pa la yid las byung ba zhes pa ni padmo ste sngar bshad zin to/ /shin tu mdzes par byung ba zhes pa ni 'dab ma brgyad la sangs rgyas bzhi dang byang chub sems dpa' bzhi rnams kyi sku mdog ci 'dra ba dang mthun par kha dog sna tshogs su bya ba ste/ rin po che tog gi kha dog dkar po me tog kun tu rgyas pa'i rgyal po'i dbang po'i kha dog ser po/ /rnga dbyangs can gyi kha dog smug nag 'od dpag tu med pa'i kha dog dmar

  377. 189a

    bo/ /de bzhin du kun tu bzang po ni ser po/ /spyan ras kyi dbang po ni dkar po 'jam dpal gzhon nur gyur pa ni ser po/ /byams pa ni dmar por bya'o/ /yang na thams cad kyang kha dog thams cad do zhes pa dang sbyar te chad pa med par shes par bya'o/ /de'i dbus na sang de bzhin gshegs pa sku dang gsung dang thugs 'jig rten thams cad las 'das pa zhes pa ni bcom ldan 'das rnam par snang mdzad kyi sku pad+ma'i dbus su bsam pa de mchog tu bzang po 'jig rten thams cad las 'das pa zhes pa'o/ /sems kyi sa las yang dag par 'das pa zhes pa ni sems kyi yul du gyur pa'i gzung ba dang 'dzin pa'i cha spangs zhes pa'o/ /sems kyis rjes su thob pa zhes pa ni stong pa nyid kyi mtshan nyid de so so rang gis rig thob ces pa'o/ /de dag gis ni rang gi don phun sum tshogs pa bstan to/ /'dod pa'i 'bras bu khyad par can stsol ba zhes pas ni gzhan gyi don phun sum tshogs pa bstan te sems can rnams la mtho ris dang mya ngan las 'das pa'i 'bras bu rnams sbyin no zhes pa'o/ /de'i shar phyogs su zhes pa nas sdong bu la ni phyag na rdo rje'o zhes pa'i bar ni sangs rgyas dang byang chub sems dpa' rnams pad+ma'i 'dab ma dang ge sar dag la sngar smos pa'i rim pa bzhin du bsam par bya'o/ /lhag ma ni rgya mtsho chen po'o/ /zhes pa ni dkyil 'khor de'i 'og tu chu'i dkyil 'khor rgya mtsho bsam zhes pa'o/ /mar me me tog bdug spos dang/ bshos dang bdug pa yid las byung/ /lus can rnams kyi dam tshig phyir/ /thams cad sngags pas bsam par bya/ zhes pa ni dri dang me tog la sogs pa de dag thams cad sngags pas yid kyi bsam zhes pa'o/ /lus can rnams kyi dam tshig phyir/ zhes pa ni

  378. 189b

    dkyil 'khor te/ sems can rnams dam tshig la gzhug pa'i phyir gzugs brnyan gyi dkyil 'khor rnams rgyas par bri mi nus shing zab cing rgya che ba la mos pas dkyil 'khor 'di bya'o zhes pa'o/ /'og gi sa gzhi thams cad la/ /lha la sogs pa grangs med pa'ang/ /bdag nyid chen po'i dkyil 'khor 'dir/ /sngags pas nan tan bskyed de bri/ /zhes pa ni bcom ldan 'das bdag nyid chen po'i dkyil 'khor 'dir dbus kyi stegs bu'i 'og gi phyi rim gyi sa gzhi thams cad du lha dang klu la sogs pa grangs med pa bri zhes pa'o/ /rang gi lus ni bdag nyid kyis/ /ra zhes bya bas rnam sbyangs nas/ /sngags pa rnal 'byor stan la 'dug /de bzhin gshegs pa rjes dran zhing/ /zhes pa ni rnal 'byor pa de rnams kyi bya ba yang dag nyid yi ge ras stong pa nyid du sbyang ba la sogs pa gong du smos pa'i tshul bzhin du byas nas gdod las 'di rnams bya zhes pa'o/ /slob ma rnams kyi spyi bor ni/ /klad kor bcas pa'i a bzhag ste/ zhes pa ni slob ma dkyil 'khor du 'jug pa'i tshe chos kyi dbyings su byin gyis brlabs pa la sogs pa byas nas de dag bsten par bya ba'i phyir/ kun sangs rgyas pa'i snying po oM spyi bor bsam zhes pa'o/ /'jigs med pa'i bdag lus la/ zhes pa nas/ yang na de la rig sngags sbyin/ /zhes pa'i bar ni bdag gi lus la me tog dor nas gang la bab ba'i rig pa de slob ma rnams la sbyin pa'o/ /brtags nas de la brtan par bya/ zhes pa ni dkyil 'khor gyi tshul rnams slob ma la brtan pa'o/ /lus can rnams kyi dam tshig phyir/ zhes pa ni dkyil 'khor 'di'i dam tshig can du bya ba'i phyir ro/ /zhes sngar bshad pa bzhin no/ /'di ni dkyil 'khor gtso bor 'dod/ ces pa ni stong pa nyid kyi ting nge 'dzin bsgoms pa las byung zhing phyi rol gyi mtshan ma rnams su mi rtogs pas gtso bo zhes bya'o/ /gsang ba'i dkyil

  379. 190a

    'khor du gzung pa la 'jug pa zhes pa ni thog mar gong ma'i nang du bshad zin to/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ gsang ba'i dkyil 'khor du gzung pa la 'jug pa rim par phye ba'o// //da ni rig sngags kyi brtul zhugs kyi rim par phye ba 'chad de/ rig pa zhes bya ba ni yang dag pa'i don ji lta ba bzhin du rig bas na de bzhin nyid kyi ye shes dang de las byung ba'i sngags dang phyag rgya la yang bya la/ de'i dka' thub ni de dang rjes su mthun pa'i spyod pa ste ji ltar bcom ldan 'das shAkya thub pa dang rjes su mthun pa'i spyod pa skra dang kha spu bregs pa dang chos gos bgo ba la sogs pa dge slong gi gzugs su spyod pa dang/ 'jig rten pa rnams kyi yang lha chen po la sogs pa la dad pa'i spyod pa nang tshul 'jig rten na yod pa ji lta ba bzhin du rig pa'i brtul zhugs 'di yang bdag nyid kyi lha'i gzugs ci 'dra ba dang rjes su mthun par spyod pa dang/ stong pa nyid kyi rang bzhin gyi ting nge 'dzin dang rjes su mthun par spyod pa dang/ ting nge 'dzin las langs nas kyang chos thams cad sgyu ma lta bu'i rang bzhin du rtogs pa dang rjes su mthun par spyod pa dang/ de'i sngags bzlos par byed pa rnams te yan lag de bzhi dang ldan pa ni rig sngags kyi brtul zhugs shes bya'o/ /de la kha cig ni brtul zhugs 'di spyod cing sngon du bsnyen pa'i grangs su 'bum la sogs pa gzhung las ji skad 'byung ba bzhin du byas nas sgrub pa la 'jug par bya'o/ / de ste de bas kyang lhag par bstan par 'dod pas dbang chen la sogs pa'i dkyil 'khor la gnas shing zla ba drug tu rig pa'i brtul zhugs spyod par shes par bya ste/ de bas brtul zhugs 'di ni dbang chen la sogs pa la gnas pa'i

  380. 190b

    brtul bzhugs kyi rgyu lta bur blta bar bya la/ rig pa'i brtul zhugs 'di las byung ba'i dbang chen la sogs pa'i dkyil 'khor la gnas pa'i brtul zhugs gong ma 'di las byung bar lta ste/ de bas na brtul zhugs 'dis sngar sems yongs su sbyangs nas phyis brtul zhugs 'og ma la 'jug ste/ brtul zhugs 'og ma spyod pa ni yang lha'i gzugs su gnas pa dang stong pa nyid kyi ting nge 'dzin la gnas pa dang/ ting nge 'dzin las langs pa'i tshe'ang chos thams cad sgyu ma lta bur rtogs shing ma chags par spyod pa dang sngags bzlos par byed pa rnams rim pa bzhin du spyad par bya la/ lhag pa ni dbang chen la sogs pa'i dkyil 'khor la gnas shing de'i rang bzhin du bya ba dang dbang chen la sogs pa so so'i phyag rgya 'ching ba'o/ /rig sngags kyi brtul zhugs de dris pa yang/ de nas bcom ldan 'das rnam par snang mdzad la phyag na rdo rjes gsang sngags kyi sgo nas byang chub sems dpa' i spyad pa spyod pa rnams kyi don du tshigs su bcad pa'i dbyangs kyis rig sngags kyis brtul zhugs zhus pa zhes pa la sogs pa yin te/ phyag na rdo rjes rig sngags kyi brtul zhugs dris pa yang dbang chen la sogs pa'i dkyil 'khor la gnas shing rig sngags kyi brtul zhugs spyod pa de gtso bor dris par shes par bya'o/ /tshigs su bcad pa'i dbyangs kyis dris pa ni don dka' zhing gces pas don dang tshig 'bru rnams mi nyams par bya ba'i phyir ro/ /gsang sngags kyi sgo nas byang chub sems dpa' i spyad pa spyod pa rnams kyi don du zhes pa ni phyag na rdo rje rang nyid dmigs mi mkhyen nas dri ba ma yin gyi/ ma 'ongs pa'i 'gro ba gsang sngags kyi sgo nas byang chub sems dpa' i spyad pa spyod pa rnams la phan gdags pa'i phyir yin no zhes pa'o/ /ji ltar brtul zhugs spyad pa lags/ zhes

  381. 191a

    pa nas/ rgyal ba'i gtso bo dpang du bzhugs/ zhes pa'i bar ni phyag na rdo rjes dris pa'i tshig ste/ de la sangs rgyas rnams kyis sngon bstan pa/ zhes pa las 'di ltar sngon gyi sangs rgyas kyis bstan zin na 'dri ci dgos she na/ bdag nyid sngon gyi sangs rgyas kyis bshad pas de'i don 'tshal mod kyi ma 'ongs pa'i 'gro ba rnams kyi don du bcom ldan 'das kyis mngon sum du bstan cing bshad na de yang yid ches par 'gyur ba dang bcom ldan 'das nyid dpang du bgyis pa'i phyir zhes pa ste/ de pas na/ ma 'ongs 'gro ba'i don gyi phyir/ zhes dang/ rgyal ba'i gtso bo dpang du bzhugs/ zhes gsungs pa yin no/ /dris pa'i tshig gzhan rnams ni 'og nas lan ldon pa dang sbyar ro/ /rig pa'i brtul zhugs las byung ba'i/ /brtul zhugs sangs rgyas bzhin du gnas/ /zhes pa la/ rig pa'i brtul zhugs las byung ba'i zhes pa ni sems yongs su sbyong ba'i mtshan nyid yan lag bzhi dang ldan pa'i rig pa'i brtul zhugs de las byung ba dbang chen la sogs pa'i dkyil 'khor la gnas te spyod pa de bstan par bya'o zhes pa dang sbyar ro/ /brtul zhugs sangs rgyas bzhin du gnas/ zhes pa ni ji ltar sangs rgyas bcom ldan 'das kun tu sangs rgyas pa don dam pa'i ting nge 'dzin la zhugs pa'i tshe yang chos thams cad stong pa nyid kyi mtshan nyid du gcig par thugs su chud la/ kun rdzob la spyod pa'i che na yang chos rnams sgyu ma lta thur mkhyen pas ji ltar yang mi chags par spyod pa de bzhin du rig sngags kyi brtul zhugs la gnas pa de yang ting nge 'dzin la gnas pa'i tshe chos thams cad stong pa nyid kyi rang bzhin la gnas pa dang/ ting nge 'dzin las langs nas spyod pa'i tshe na yang chos rnams sgyu ma lta bur rtogs shing

  382. 191b

    gang la yang mi chags par spyod pas na kun tu sangs rgyas pa dang 'dra zhes pa'o/ /bdag gi de nyid bskyed nas ni/ zhes pa nas/ de tshe brtul zhugs spyad pa yin/ zhes pa'i bar ni/ ji ltar brtul zhugs spyad pa lags/ zhes zhus pa'i lan te/ bdag gi de nyid bskyed nas ni/ zhes pa bdag gi de kho na nyid ji skad bshad pa bzhin du byas nas zhes pa'o/ /rtag tu the tshom med pa'i yid/ ces pa ni de ltar bdag gi de kho na nyid bdag gi lha gang yin pa'i gzugs su bsgyur ba'i ting nge 'dzin grub pas lha'i rnam par snang ba rnam par rtog pa gzhan med par lha'i gzugs nyid yid la the tshom med par snang na/ de tshe brtul zhugs spyod pa yin/ zhes pa dang sbyar ro/ /de bas na/ gang tshe rtag tu mnyam gzhag pa/ zhes gsungs pa yin te/ mdor na rtag tu sems mnyam par gzhag par bya ste/ lha'i gzugs de nyid yid la brtan por snang bar ma byas na sngags dang phyag rgya sbyar ba tsam dang lha gang yin pa de bdag go snyam du bsams pa tsam gyis rig pa'i brtul zhugs su me chud ces pa ste/ de ni rig sngags dang mthun pa'i gzugs su spyod pa'o/ /byang chub sems dang chos rnams dang/ zhes pa nas/ tshul khrims ldan zhes gzhan mi bya/ zhes pa'i bar ni/ tshul khrims la gnas ji lta bu/ zhes zhus pa'i lan te 'jug pa'i byang chub kyi sems chos sun 'byin pa'i mtshan nyid rnam par rtog pa dang bcas pas phung po dang khams dang skye mched la sogs pa'i rnam pa dang dge ba bcu'i rang bzhin gyi bslab pa dang/ 'dus byas kyi las dang 'bras bu rnams stong pa nyid kyi mtshan nyid gcig tu ldan par rtogs na tshul khrims de las dang bya ba rnam par spangs pa'i zag pa med pa'i tshul khrims stong pa nyid kyi mtshan nyid kyi mtshan nyid de/ de bas na/ tshul khrims sangs rgyas bzhin shes bya/ zhes gsungs pa yin te/

  383. 192a

    ji ltar sangs rgyas bcom ldan 'das chos thams cad stong pa nyid kyi rang bzhin du mtshan nyid gcig par thugs su chud pa bzhin du zhes pa ste/ de ni rig sngags dang rjes su mthun pa'i stong ba nyid kyi ting nge 'dzin gyi spyod pa'o de yang sngar bdag gi lha'i gzugs su bsgyur nas de'i 'og tu rang gi sems yongs su sbyang ba'i phyir lha'i gzugs su bsgyur ba de la so sor mi bzhig par yid la mi bya ba'i tshul gyis stong pa nyid kyi ting nge 'dzin la gnas par bya'o/ /chos rnams kun la dbang thob cing/ zhes pa nas/ de ni myur du ma chags spyod ces pa'i bar ni/ gang na ji ltar gnas kyang rung/ /ma chags par ni ji ltar spyod/ /ces zhus pa'i lan te/ chos rnams kun la dbang thob cing/ zhes pa ni chos thams cad stong pa'i rang bzhin du rtogs te 'dod chags la sogs pa nyon mongs pa rnams kyi dbang du mi 'gro ba'o zhes pa'o/ /sems can don rtogs khong du chud/ /gser dang bong rdo mnyam gyur na/ /de ni myur du ma chags spyod/ /ces pa ni stong nyid kyi ting nge 'dzin las langs nas sems can gyi don du sbyin pa la sogs pa kun rdzob la spyod pa'i tshe na yang 'dus byas kyi chos rnams sgyu ma lta bur rtog cing de rnams la chags pa mi 'byung ba ni ji ltar rdo ba dang bong ba la chags pa'i sems mi skye ba bzhin du gser la yang chags pa'i sems mi skye na gnas kyang ma chags par spyod pa zhes bya ste/ de ni kun rdzob tu yang spyod pa na rig sngags dang rjes su mthun pa'i spyod pa'o/ /gsang sngags kyi ni grangs dag las// 'bum grangs ji snyed bstan gyur pa/ /dus ni de srid lon gyur na/ /brtul zhugs yongs su rdzogs par gyur/ /zhes pa ni/ dus ni ji srid lon gyur na/ brtul zhugs yongs su rdzogs par 'gyur/ zhes dris pa'i lan te/ sngags bzlas pa'i grangs

  384. 192b

    'bum la sogs pa ji snyed gzhung las bstan pa de srid kyi bar du gong du bshad pa'i tshul bzhin du brtul zhugs de spyad na yongs su rdzogs par 'gyur zhes pa ste/ de yang dbang chen la sogs pa'i dkyil 'khor la gnas pa'i brtul zhugs kyi sngon rol sems yongs su spyod pa'i mtshan nyid can yan lag bzhi dang ldan pa'i brtul zhugs de la bya'o/ /dbang chen gyi ni dngos po yis/ zhes pa nas/ zla ba gzhan la bzlas brjod bya/ /zhes pa'i bar ni/ gnas ni gang du bgyis pa lags/ zhes dris pa'i lan te/ dbang chen la sogs pa'i dkyil 'khor la gnas nas rig sngags kyi brtul zhugs spyad par bshad pa'i phyir/ dbang chen gyi ni dngos po yis/ zhes pa nas/ sngags pas zla ba gcig tu bzlas/ zhes pa'i bar du gsungs te/ de la dbang chen gyi dkyil 'khor la gnas nas bdag nyid rang gi lha'i gzugs su bsgyur te/ ji ltar sa'i rang bzhin sra zhing mkhrang ba ltar bdag gi lus kyang de lta bur sems kyis zhar la bsgom zhing bzlas pa la zla ba gcig tu gnas par bya ba bshad de/ dbang chen gyi ni dngos po yis/ /dbang chen dkyil 'khor la gnas te/ zhes pa ni dbang chen gyi snying po chos thams cad gzod ma nas ma skyes par ston pa'i a yig gi sgra'i de kho na nyid bsgoms nas yi ge de nyid las dbang chen gyi dkyil 'khor du gyur par snga ma bzhin du bsams te/ de'i steng du bdag rang gi lha'i lus su bsgyur nas rdo rje'i phyag rgya bcings te dbang chen gyi rang bzhin lta bur sra zhing brtan par bsgom par bya zhes pa'o/ /rdo rje can gyi rgya bcings la/ zhes pa ni sra zhing brtan bar rjes su mthun pa'i phyir rdo rje'i phyag rgya bcing ba'o/ /zas su rtag par 'o ma btung/ zhes pa ni zas kyang rjes su mthun pa ste 'o ma 'thungs na lus brtas shing mkhrang bar 'gyur pa'i phyir ro/ /'jig rten na yang sems dang kha zas gnyis kyis

  385. 193a

    lus 'dzin par 'gyur ba de bzhin du/ 'dir yang ste/ sems kyi mkhrang ba bsgom zhing mkhrang bar 'gyur ba'i kha zas zas na dbang chen gyi ting nge 'dzin dang mthun pa'i phyir ro/ /srog dang rtsol ba rab bsdams nas/ /sngags pas zla ba gcig tu bzlas/ zhes pa ni sngar bshad pa'i tshul bzhin du srog dang rtsol ba bsdams nas rang gi snying po zla ba gcig tu bzlas so zhes pa'o/ /de nas zla ba gnyis pa la/ zhes pa nas/ de tshe zas su chu btung ngo/ /zhes pa'i bar ni chu'i dkyil 'khor la gnas par bshad pa ste/ chu'i dkyil 'khor gyi sa bon gyi sgra'i de kho na nyid bsgom pa dang sa bon de las chu'i dkyil 'khor du bsgom pas rims dman ma bzhin du bya ste/ bdag gi lus kyang chu'i rang bzhin ltar sngo bar bsgom zhing pad+ma'i phyag rgya bcings la zla ba gcig tu bzlas te pad+ma'i phyag rgya bcing ba dang zas su chu btung ba yang de dang rjes su mthun par bya ba'i phyir ro/ /de nas zla ba gsum pa la/ zhes pa nas/ sdig pa thams cad bsreg par bya// zhes pa'i bar ni me'i dkyil 'khor la gnas par bshad pa ste/ ma bslangs pa yi zas bra zhing/ /zhes pa ni me dang rjes su mthun par bya ba'i phyir te/ ji ltar me ni skam gsher dang bzang ngan la sogs pa la mi rtog par sreg pa bzhin du zhim po la sogs pa'am/ 'dod pa'i dngos po rnams la mi rtog cing ma bslangs par bza' zhes pa'o/ /ral gri'i phyag rgya dang ldan pas/ zhes pa yang me dang rjes su mthun pa ste/ ji ltar me ni thams cad sreg cing gcod pa de bzhin du ral gri yang dngos po thams cad gcod cing med par byed pa'o/ /lus dang ngag yid las byung ba'i/ sdig pa thams cad bsreg par bya/ zhes pa ni sngags pa de lta bu'i ting nge 'dzin la gnas shing bzlas na lus dang ngag dang yid gsum

  386. 193b

    gyi sgo nas sdig pa byas pa'i las kyi bag chags sems la bsags pa de las 'byung bar 'gyur zhes pa'o/ /bzhi la rlung dang ldan byas te/ zhes pa nas/ mnyam par bzhag ste gsang sngags bzlas/ zhes pa'i bar ni zla ba zhi pa la rlung gi dkyil 'khor la gnas par bshad pa ste/ sngar bshad pa bzhin rlung gi dkyil 'khor gyi ting nge 'dzin du sbyar la khyad par du bdag gi lus rlung gi reg pa dang ldan par yid la bsgom mo/ /zas su rtag tu rlung bza' o/ /zhes pa kha zas kyang de dang rjes su mthun par sbyar ba ste/ nang du rgyu ba'i rlung lkog mar 'gog cing/ 'gags par bsams na dru ba tsha ba dang skam pa med par 'gyur te/ de la rlung za ba zhes bya'o/ /de nas 'khor lo'i rgya bcings la/ zhes pa ni 'khor lo ni 'khor ba zhing g.yo ba'i mtshan nyid can yin pas rlung dang rjes su mthun par bya ba'i phyir ro/ /mnyam par bzhag ste gsang sngags bzlas/ zhes pa ni srog dang rtsol ba bsdams pa la sogs pa sngar bshad pa'i rim pa bzhin du bzlas pa'o/ /dbang chen dang ni chu'i dngos la/ zhes pa nas/ rdzogs pa'i sangs rgyas bzhin du 'gyur zhes pa'i bar ni/ dbang chen gyi dkyil 'khor dang chu'i dkyil 'khor gnyis la gnas nas rig sngags kyi brtul zhugs spyad pa ste/ dbang chen dang ni chu'i dkyil 'khor so so'i snying po las snga ma bzhin du bsam pa ste/ ro smad ni dbang chen gyi rang bzhin du bsam zhing ro stod ni chu'i rang bzhin du bsams nas zas su yang 'o ma dang chu gnyis btung zhing zla ba gcig tu bzlas par bya'o/ /rnyed dang ma rnyed rnams spangs te/ /zhes pa ni rnyed na yang dga' ba med/ ma rnyed na yang mi dga' ba med pa'o/ /rlung dang mar ni ldan byas nas/ zhes pa nas/ zla ba gzhan la bzlas brjod bya/ /zhes pa'i bar ni rlung dang me gnyis ka'i dkyil 'khor la gnas nas rig sngags kyi brtul zhugs spyod pa ste/

  387. 194a

    rlung gi dkyil 'khor gyi steng du raM gyi sa bon las me'i dkyil 'khor bsams te bdag gi lus ro stong me 'bar ba'i rang bzhin du bsams shing ro smad kyang snga ma bzhin du rlung gi rang bzhin du bsams te zas su yang rlung gis zas kyi sbyor ba yang sngar spos pa bzhin du cung zad bya la/ me'i zas ma bslangs pa yang cung zad bya ste/ zla ba gcig tu bzlas par bya/ zhes pa'o/ /de dag thams cad kyang rang gi lha'i gzugs su sbyor ba na dkyil 'khor so so'i kha dog ci 'dra ba bzhin du lha'i gzugs kyi kha dog kyang de bzhin du shes par bya'o/ /dbang chen gyi dkyil 'khor gyi skabs su bshad pa'i rim pa bzhin du zla ba gcig tu srog dang brtsol ba bsdams te bzlas yang yang bshad par bya'o/ / brgya byin tshangs la sogs pa'i lha/ /zhes pa nas/ snying rje 'jig rten dbang po bzhin/ /zhes pa'i bar ni/ de'i mthu ci lags 'tshal bar bgyi/ zhes zhus pa'i lan te/ mthu bshad pa ni brgya byin dang tshangs pa la sogs pa'i lha rnams dang sha za dang lto 'phye la sogs pa rnams kyis rig sngags kyis brtul zhugs de lta bu dang ldan pa'i sngags ba mthong na rkyang ring po nas phyag 'tshal zhing sngags pa de la srung bar byed la sngags pa des ni ci bsgos pa rnams kyang byed par 'gyur zhing lha'i sman rnams kyang sngags pa de'i drung na 'khod cing bka' nyon te sman btsal gyis mi rnyed pa dag kyang de'i drung na 'dug par mthong ngo/ /bgegs dang ma mo bdun la sogs pa'i 'jigs par byed pa rnams kyang rgyang ring po nas phyag 'tshal bar byed pa dang sngags pa'i gnas kyang me 'bar ba ltar snang la/ sangs rgyas bcom ldan 'das ltar 'jig rten dang 'jig rten las 'das pa rnams la dbang thob par 'gyur ba dang mi mthun pa 'dun pa ni

  388. 194b

    phyag na rdo rje lta bu dang snying rje che ba ni spyan ras gzigs kyi dbang po lta bur 'gyur zhes pa'o/ /zla ba drug rnams 'das 'gyur nas/ /'dod pa'i dngos grub 'bras bu 'thob/ /bdag nyid dang ni gzhan la yang/ /rtag par rjes su phan par byed/ ces pa ni/ dus dang yul dang bya ba las/ /chos dang chos min rnams spangs par/ /de ni ji ltar myur du 'gyur/ /tshad kyang 'dren pas bka' stsol cig /ces zhus pa'i lan te/ dbang chen la sogs pa'i dkyil 'khor bsgom pa'i rim pas zla ba drug na dus la sogs pa la mi bltos shing bdag dang gzhan la phan pa'i grub pa thob par 'gyur te/ de lta bu thob pa'i tshad ni zla ba drug go zhes pa'o/ rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ rig sngags gyi brtul zhugs rim par phye ba rgyas pa'o// //de nas yang bcom ldan 'das la phyag na rdo rjes yang gsang sngags rnams dang dkyil 'khor rnams kyi snying po zhus pa/ zhes pa la sogs pa na slob dpon gyi de kho na nyid bshad pa ste/ slob dpon gyi de kho na nyid kyang sngags rnams dang dkyil 'khor gyi snying po gang yin pa la sogs pa yang dag pa nyid shes na slob dpon du 'gyur te/ de bas na/ sngags rnams 'byung ba'i gnas snying po de sngon du bshad nas slob dpon gyi de kho na nyid bstan te/ de bas na/ gsang sngags kun gyi snying po gang/ /ci zhig 'tshal nas slob dpon 'gyur/ zhes phyag na rdo rjes zhus pa yin no/ /de la/ gsang sngags kun gyi snying po gang/ zhes pa ni/ a ni gsang sngags thams cad kyi/ snying po yin par yang dag bshad/ /ces pa dang sbyar ro/ /slob dpon zhes pa ni/ snying gar snying po bzhag nas ni/ yan lag rnams la yan lag dgod/ ces pa dang sbyar ro/ /de rnams kyang bkod pa tsam kyis chog pa ma yin gyi/ de dag gi sgra'i de kho na nyid la sogs pa

  389. 195a

    shes na slob dpon zhes bya'o/ /ye shes gsang bas ches gsang zhing/ /zhes pa ni gsang sngags sbyang pa'i tshul rang bzhin gyis gsang ba'i steng du sngags kyi snying po yi ge a zhes pa thams cad gzod ma nas ma skyes par rtogs pa'i ye shes 'byung ba'i sgo ste shin tu zab pas snod ma yin zhing dam tshig med pa las bstan par bya ba ma yin pa'i phyir na gsang ba bas ches gsang ba zhes bya'o/ /gsang sngags ye shes cher 'byung ba/ zhes pa ni snying po'i sgo nas chos thams cad stong pa nyid du rtogs par 'gyur bas de nyid la ye shes zhes bya ba la ye shes de las bla na med pa'i 'bras bu rtogs pa chen po 'byung bas na cher 'byung ba zhes bya'o/ /pha rol tu phyin pa la sogs pa'i sgo nas ye shes 'byung ba yang 'bras bu chen po 'byung ba yin mod kyi/ de las khyad par du/ gsang sngags ye shes cher 'byung ba/ /zhes gsungs pa yin no/ de lta bu bris pa ni legs so'i tshig dang sbyar ro/ /a ni gsang sngags thams cad kyi/ snying po yin par yang dag bshad/ /'di las byung ba'i gsang sngags ni/ /grangs mang rnams kyang 'byung bar 'gyur/ /zhes pa ni/ gsang sngags kun gyi snying po gang/ zhes zhus pa'i lan te/ de la yi ge a zhes pa ni gsang sngags thams cad kyi snying po ste/ snying po zhes pa ni 'byung ba'i gnas so/ /de bas na kun rdzob dang don dam pa gnyis ka 'byung ba'i gnas te/ de la ka la sogs pa'i yig 'bru thams cad kyang a dang mi ldan na mi smra ste/ de bas na/ yi ge ka la sogs pa thams cad kyang a las byung bar shes par bya bas de ni kun rdzob tu 'byung ba'i gnas so/ /don dam pa ni yi ge a de las chos thams cad gzod ma nas ma byung zhing ma skyes par rtogs pa'i ye shes 'byung ste/ 'di ni don dam pa'i gnas 'di las

  390. 195b

    gsang sngags ni/ grangs med rnams kyang 'byung bar 'gyur/ zhes pa ni 'jig rten dang 'jig rten las 'das pa'i gsang sngags/ ji tsam gsungs pa de dag thams cad ni yig 'bru'i ngo bo ste/ 'bru de rnams kyang a las gyur pas gsang sngags grangs med pa de dag thams cad a de las byung zhes pa'o/ /des ni kun rdzob tu thams cad 'byung ba'i gnas su bstan to/ /spros pa thams cad zhi ba yi/ /ye shes mdza' dag skye bar 'gyur/ zhes pa ni a'i ting nge 'dzin gyi sgo nas chos thams cad gzod ma nas ma byung ba stong pa nyid kyi rang bzhin du rtogs pas gzung ba dang 'dzin pa la sogs pa'i rnam par rtog pa'i spros pa dang bral ba'i ye shes kyang a de las 'byung ngo zhes bstan pa ste/ /des ni don dam par 'byung pa'i gnas su bstan pa'o/ gsang ba ba'i bdag po zhes pa nas/ lus ni sna tshogs las byung ba'o/ /zhes pa'i bar ni gong ma'i tshigs su bcad pas ma dor bstan pa de nyid 'grel pa ste/ de la spyir rnam pa lnga sta a dang a dang a(rgyud 'grel): dang i dang u rnams so/ /de dag ni yi ge thams cad kyi spyi'i rang bzhin no/ /oM klad kor ni nga dang nya dang na dang Na dang ma rnams kyi rang bzhin te/ nga'i nang du ka'i 'khor rnams 'dus/ nya'i nang du tsa'i 'khor rnams 'dus/ Na'i nang du Ta'i 'khor rnams 'dus/ na'i nang du ha'i 'khor rnams 'dus/ ma'i nang du ba'i 'khor rnams 'dus par blta'o/ /a dang i'i nang du ya 'dus par blta'o/ /ra dang la ni ri rI dang li lI nang du 'dus la/ sha Sha sa ha rnams ni yi ge a(rgyud 'grel): zhes pa'i tshog gnyis po'i nang du 'dus te/ a de rnams las ka la sogs po'i yan lag thams cad 'byung bar shes par bya'o/ rdzogs pa'i sangs rgyas rkang gnyis gtso/ /a ni 'tsho ba yin par gsungs/ zhes pa ni yi ge a de kun rdzob dang

  391. 196a

    don dam gnyi gar thams cad kyi srog ste/ kun rdzob du yang gong du bshad pa'i tshul gyis ? de med na ka la sogs pa smar med pas thams cad kyi srog ces bya la/ don dam par ni chos thams cad gzod ma nas ma skyes par rtogs pa'i ye shes 'byung bas srog ces bya'o/ /de ltar sogs yin par ra 'ba' zhig gis bshad pa ma yin gyi/ sngon gyi sangs rgyas rnams kyis kyang bshad pa'o/ /de bas 'di kun thams cad de/ /zhes pa ni de ltar a de srog yin pas ka la sogs pa'i dngos po thams cad 'di yin no zhes pa'o/ /ji ltar yin zhe na/ yan lag kun la rnam par gnas/ zhes gsungs te ya de ka la sogs pa'i 'bru rnams la gnas zhes pa'o/ /yan lag rnams kyang ci rigs par// rtag par kun tu rig bar gyis/ zhes pa ni ka la sogs pa'i yan lag rnams kyang ji ltar rigs par sngags kun la rtag tu gnas par shes par bya'o/ /yi ge rnams kyis thams cad khyab/ ces pa yang de nyid kyi snod du gsungs pa ste/ ka la sogs pa'i yi ge rnams kyis sngags kyis tshig thams cad khyab ces pa'o/ /yi ge rnams kyang nga yi khyab/ ces pa ni ya des ka la sogs pa'i yi ge rnams la khyab ces pa'o/ /yi ge rnams las sgra 'byung ba/ /cha dang cha las byung ba'o/ /zhes pa ni ka la sogs pa'i yi ge'i sgra rnams las chos thams cad dgos pa dang bral ba'o/ /zhes pa la sogs pa'i sgra'i phyogs gcig pa rnams 'byung zhes pa'o/ /de bas 'di kun thams cad de/ /lus ni sna tshogs las byung ba'o/ /zhes pa ni de bas na a de ni ka la sogs pa'i dngos po thams cad de/ ka la sogs dngos po de rnams kyang lha thams cad kyi sa bon yin pas lha'i gzugs rnams sna tshogs pa'i yi ge de rnams ji ltar rigs

  392. 196b

    par sbyar ba las 'byung zhes pa'o/ /de'i dgod pa yang dag bstan/ de ni slob dpon yin par bshad/ ces pa'i bar gyi yi ge gsum cu rtsa gnyis po de dag thams cad slob dpon gyi lus la dgod pa bshad de/ de'i dgod pa yang dag bstan/ zhes pa ni yi ge a de snying gar dgod pa sngar bshad zin te/ /zhes pa'o/ /snying po dag ni des pas nyon/ zhes pa ni snying po zhes pa'i tshig a 'ba' zhig la bya ba ma yin gyi/ sems ni ma ? nas nges gyur pa/ /de ni snying zhes bshad pa yin der gnas pa yi gsang sngags rnams/ /'bras bu rgya chen ster bar 'gyur/ zhes bshad pa'i tshul du rig par bya ste/ yi ge 'di rnams lus la bkod pa tsam gyis tsheg pa ma yin gyi/ so so'i sgra'i de kho na nyid sems tshim zhing mgu ba'i bar du bsgom par bya ba nyon cig ces pa'o/ /snying gar snying po zhag nas ni/ /yan lag rnams la yan lag dgod/ ces pa ni snying gar yi ge a bkod la/ yan lag rnams su ka la sogs pa'i yig 'bru rnams/ ka ni lkog mar shes par bya// zhes pa la sogs pa'o gnas 'gyur ba'i rim pa bzhin du dgod ces pa'o/ /blo ldan rnal 'byor stan 'dug ste/ /bdag lus rdzogs sangs rgyas kyi skur/ /byas nas de bzhin gshegs pa rnams 'dran par byas te 'di kun bya/ /zhes pa ni slob dpon bdag gi lus kun tu sangs rgyas pa'i skur bsgyur te/ yi ge 'di thams cad de dgod par bya'o zhes pa'o/ /blo ldan rnal 'byor stan 'dug ste/ de bzhin gshegs pa rnams dran par byas te zhes pa ni de bzhin gshegs pa rnams bsnams te phyag byas la rnal 'byor gyi skyil mo krung bcas te lus dang sems mnyam par bzhag nas da ltar smos pa rnams byas zhes pa'o/ /gang gis ye shes rgya chen de/ /cho ga bzhin du shes gyur na/ /de tshe sangs rgyas mthu chen gyis/ de ni slob

  393. 197a

    dpon yin bar bshad/ ces pa ni de ltar yi ge rnams bkod cing de rnams kyi sgra'i de kho na nyid stong pa nyid rtogs pa'i ye shes rgya chen po de dag cho ga bzhin du byas nas shes par gyur na kun tu sangs rgyas rnams kyis slob dpon no/ /zhes gsungs so/ /de bas de nyid de bzhin gshegs zhes pa nas/ dpal ldan sngags rgyal rdo rje 'dzin/ zhes pa'i bar gyis de'i rjes su bsngags pa bshad pa ste/ de la sangs rgyas la sogs pa grub pa'i rgyu yang rnam pa gnyis te/ bsod nams dang ye shes so/ /de la sbyin pa la sogs pa'i bsod nams ni brgyud pa'i rgyu'o/ /ye shes ni dngos kyi rgyu ste/ de la 'dir sngags kyi yi ge rnams kyi sgra'i de kho na nyid stong pa nyid rtogs par byed pa'i ye shes mngon du byas pa 'di ni dngos kyi rgyu'o/ /de bzhin gshegs zhes bya ba la sogs pas bstod pa ni slob dpon de mos pas spyod pa'i sa la gnas pa yin pas de bzhin gshegs pa ma yin kyang de bzhin gshegs pa la sogs par 'gyur ba'i rgyu byed pas na rgyu la 'bras bu'i ming gis btags par shes par bya'o/ /de bzhin du char chu mod cing mgu? bzang na 'bras bu ma grub kyang lo legs so zhes pa la sogs pa 'jig rten na snang ngo/ /rjes su bsngags pa yang rnam pa bzhi'i sgo nas te/ 'jig rten las 'das pa'i lha rnams dang/ 'jig rten gyi lha rnams dang/ 'jig rten las 'das pa'i mi rnams dang/ 'jig rten gyi mi rnams so/ /'jig rten las 'das pa'i lha ni/ de bas de nyid de bzhin gshegs/ /de nyid rdzogs sangs rgyas zhes bya/ /zhes pa la sogs pa'o/ /'jig rten gyi lha rnams ni/ tshangs dang khyab 'jug dbang phyug che/ zhes pa la sogs pa'o/ /'jig rten gyi mi ni/

  394. 197b

    dram ze dang ni khrus byed nyid/ /tshangs par spyod pa zhes kyang bya/ zhes pa'o/ /'jig rten las 'das pa'i mi ni/ dge slong dpal ldan zag bzad/ ces pa'o/ /gsang ba thams cad 'dzin pa'o/ /zhes pa ni bdag gi lus lha'i gzugs su bsgyur ba dang ngag gi rang bzhin gyi yi ge rnams bdag gi lus la tshang ba dang yi ge de rnams kyi sgra'i de kho na nyid la dmigs pa'i ye shes dang ldan pas lus dang ngag dang yid gsum gyi gsang ba thams cad 'dzin pa po'o/ /chos kun dbang phyug gtso bo ste/ zhes pa'i lung dang rtogs pa'i chos gnyis la dbang du gyur ba zhes pa'o/ /gang zhig byang chub sems brtan zhing/ /sgra zhes pa ni lhur len gang/ /zhes pa ni de sangs rgyas dang byang chub sems dpa' la sogs par 'gyur ba ni lus la yi ge bkod pa tsam gyis 'gyur pa ma yin gyi/ byang chub kyi sems brtan zhing yi ge rnams kyi sgra'i de kho na nyid kyi ye shes bsgom pa la brtson na ji skad smos pa de rnams su 'gyur zhes pa'o/ /de ni slob dpon gyi ting nge 'dzin te dang po'o/ / smin mtshams dbus su yi ge hUM/ /zhes pa nas/ mdza' dag ngas ni rab tu khyab/ ces pa'i bar ni slob dpon gyi ting nge 'dzin gnyis pa ste rigs gsum gyi steng du dgod pa'o/ /smin mtshams dbus su yi ge hUM/ zhes pa ni snga ma bzhin du slob dpon bcom ldan 'das rnam par snang mdzad kyi skur bsgyur te/ smin mtshams su phyag na rdo rje'i snying po yi ge hUM rang gi dkyil 'khor la bzhag par bsam mo/ /brang du yi ge sa zhes bya/ /phyag na pad+ma'i gzhi zhes bya/ zhes pa ni spyan ras gzigs kyi dbang po'i snying po ste/ zla ba'i dkyil 'khor dang bcom te brang gar bsams zhes pa'o/ /da ni snying ge'i gnas bzhag pa/ zhes pa ni bcom ldan 'das nyid kyi snying po a de rang bzhin snying gar dkyil 'khor la bsam zhes pa'o/ /kun gyi rje ste

  395. 198a

    dbang phyug yin/ /rgyu dang mi rgyu sna tshogs pa/ /mdza' dag ngas ni rab tu khyab/ ces pa ni snying po de'i yon tan bsngags pa ste/ rgyu ba ni la sogs pa'i sems can no/ /mi rgyu ba ni sa dang shing la sogs pa ste de thams cad la khyab ces pa'o/ /a zhes bya ba srog gi mchog /ces pa nas/ 'chi 'pho med pa'i go 'phang 'thob/ ces pa'i bar ni slob dpon gyi ting nge 'dzin gsum pa ste/ dpa' bo chen po'i snying po rnams las a'i yi ge srog gi mchog yin pas bdag gi khong du dbugs yas man du rgyu ba dang lhan cig tu sngar bshad pa bzhin du bsam mo/ /ba zhes bya ba tshig du bshad/ ces pa ni yi ge ba tshig gi rang bzhin yin pas khar bsam mo/ zhes pa'o/ /ra zhes brjod/ ces pa ni yi ge ra de rang gi dkyil 'khor dang bcas par bsam la 'od kyi dkyil 'khor du bsam mo/ /hUM zhes bya ba khro bor bshad/ ces pa ni smin mtshams su yi ge hUM dkyil 'khor dang bcas par bsam mo/ /kha ni nam mkhar shes par bya/ /klad kor stong pa'i mchog ces bya/ /zhes pa ni yi ge kha klad kor dang bcas pa klad pa'i steng du bsam ste/ /kha ni chos thams cad nam mkha' lta bu'i mtshan nyid du ston pa'o/ /klad kor yang stong pa'i rang bzhin zhes pa'o/ /gang shes slob dpon zhes bya ba 'di ni yang dag dam pa yin/ zhes pa ni gong du smos pa'i yi ge rnams kyi sgra'i de kho na nyid dang dgos pa rnams gang gis zhes pa ni slob dpon zhes bya'o zhes pa'o/ /de bas rnam pa thams cad du/ /rdzogs sangs rgyas bsngags shes 'di la// rtag tu brtson par byas na ni/ /'chi ba pho med pa'i go 'phang 'thob/ /ces pa ni de dag gi rjes su bsngags pa ste/ snying po de rnams nga 'ba' zhig gis bshad pa ma yin gyi/ sngon gyi sangs rgyas rnams kyis kyang gsungs pa ste/ de bas na rnam

  396. 198b

    pa thams cad du de dag gi sgra'i de kho na nyid ston pa la bsgom pa la sogs pas rtag tu nan tan byas na sangs rgyas kyi go 'phang thob bo zhes pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ slob dpon gyi de kho na nyid shes pa rim par phye ba'o/ /rim pa phye ba de bcu drug pa'o// //ka ni lkog mar shes bya/ zhes pa nas nges pa thams cad mkhyen pa bzhin/ zhes pa'i bar du yi ge dgod pa rim par phye ba gsungs pa ni gong du/ yan lag rnams la yan lag dgod/ ces spyir smos pa de la ka la sogs pa'i yan lag gang rnams lus kyi yan lag gang dang gang du dgeng ba'i nas chad par gsungs pa ste/ yi ge sum cu rtsa gnyis po 'di rnams bkod pa ni skyes bu chen po'i mtshan sum cu rtsa gnyis su sbyar ro/ /de lo slob dpon gyi ting nge 'dzin dang po ni snying rje chen po 'byung ba'i dkyil 'khor gyi dus su sbyar zhing gnyis pa ni yi ge 'khor lo bskor ba'i dkyil 'khor gyi dus dang sbyar la/ gsum pa ni gsang ba'i dkyil 'khor gyi tshe na sbyar bar shes par bya'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge dgod pa rim par phye ba'o// //de nas gzhan yang bcom ldan 'das la gsang ba pa'i bdag po phyag na rdo rjes 'di skad ces gsal to/ /zhes pa la sogs pas ni byang chub sems dpa' bslab pa thabs dang ldan pa'i dge ba bcu'i las kyi lam bshad do/ /de la gsang sngags kyi sgo nas byang chub sems dpa' i spyad pa spyod pa rnams kyi bslab pa thun mong ma yin pa dam tshig gi mtshan nyid ni sngar bshad zin te/ 'dir ni pha rol tu phyin pa la spyod pa'i byang chub sems dpa' dang sngags la spyod pa'i byang chub sems dpa' gnyi ga'i spyi'i bslab pa thabs dang ldan pa bshad par

  397. 199a

    shes par bya'o/ /de la byang chub sems dpa' zhes pa de bzhin nyid kyi mtshan nyid kyi byang chub de khong du chud par 'dod pa'i bsam pa dang ldan pa la ci byang chub sems dpa' zhes bya'o/ /sems dpa' chen po ni chos thams cad sgyu ma lta bur shes te/ gang yang dngos po yod pa ma yin gyi/ 'on kyang kun rdzob tu rgya dang 'bras bu des pa'i tshul gyis kun rdzob nyid du don byed pa sgyu ma lta bur rtogs nas sems can yongs su bsgral ba'i phyir thabs dang bcas pa'i bslab pa la slob pa ni sems dpa' chen po zhes bya'o/ /skabs 'dir yang bslab pa de lta bu la sogs pa bshad pa la dgongs nas byang chub sems dpa' sems dpa' chen po rnams khyad par du smos so/ /bslab pa'i bzhi zhes pa ni 'og nas 'byung ba'i dge ba bcu'i tshul la 'jug pa dang/ mi dge ba bcu las ldog pa'i mtshan nyid la bya'o/ /thabs dang shes rab kyis yongs su zin pa zhes pa ni shes rab ni chos thams cad gzod ma nas ma skyes par rtogs pa'i mtshan nyid yin la/ thabs ni chos thams cad gzod ma nas ma skyes shing dngos po med par rtogs kyang sgyu ma lta bu'i tshul du thabs kyi sgo nas kun rdzob tu bslab pa 'di lta bu dang 'khor gsum yongs su dag pa'i sbyin pa la sogs pa kun tu spyad pa la bya'o/ /yang na thabs dang shes rab kyis yongs su zin pa'i zhes pa ni mi dge bcu'i dngos po mi spyod par bya ba la 'phags pa nyan thos rnams ltar thabs med pa ma yin gyi/ shes par kyis don chen po mthong na sems can la rgyu med par bdag nyid sems can la sbyin pas ngan song du 'gyur ba'i las khas blangs te spyad bar mi bya ba'i dngos po spyad pa la yang thabs dang shes rab kyis yongs su zin pa'i slab pa zhes bya'o/ /byang chub

  398. 199b

    sems dpa' sems dpa' chen po rnams the tshom dang yid gnyis ma mchis shing 'khor ba na 'khor ba'i tshe nyams par mi 'phyung ba dag bshad du gsol/ zhes pa la byang chub sems dpa' sems dpa' chen po ni bshad zin to/ /the tshom dang yid gnyis ma mchis pa ni bcom ldan 'das kyis ji skad du bshad pa'i lung ma yin no snyam pa'i yid gnyis med pa dang yin nam ma yin gtol med pa'i the tshom mi skye ba'i byang chub sems dpa' de rnams bslab pa de dang ldan pas 'khor ba na 'khor kyang ngan song la sogs par lhung zhing nyon mongs par mi 'gyur ba de bshad du gsol zhes pa'o/ /de bzhin gshegs pa'i spyan gyis chos kyi dbyings thams cad la gzigs nas zhes pa ni de bzhin gshegs pa'i spyan ni sangs rgyas kyi ye shes la byas/ chos kyi dbyings ni sems can gyi khams la bya ste/ sangs rgyas kyi ye shes nges sems can gyi khams thams cad du sems can 'di rnams las gang ni sdug bsngal la su zhig bde ba dang ldan zhes gzigs pa 'am/ sems can 'di rnams las dge ba dang nyes par spyad pa'i rgyu gang dang gang gis bde ba dang sdug bsngal 'di lta bur 'gyur snyam du gzigs pa'o/ /byang chub sems dpa' i spyad pa spyod pa'i tshul la mkhas pa bstan pa gang la gnas na zhes pa la byang chub sems dpa' i spyad pa ni skabs 'dir thabs dang bcas pa'i bslab pa la bya la/ tshul ni thob pa la bya ste bslab pa 'dis ji ltar 'don pa'i don thob par byed pa'i phyir ro/ /mkhas pa ni thabs dang shes rab kyis yongs su zin par nyan thos ltar ma yin pa gong du bshad pa'i tshul lta bur bslabs pas so/ /gang la gnas na byang chub sems dpa' sems dpa' chen po rnams theg pa chen po rtogs par khong du chud par 'gyur zhes pa ni byang chub

  399. 200a

    sems dpa' rnams kyi spyod pa'i tshul la mkhas pa'i thabs dang shes rab kyis yongs su zin pa'i bslab pa de la rab tu gnas na de slabs ba la zhugs pa zhes bya ste/ de la bslab pa la zhugs pa'i byang chub sems dpa' sems dpa' chen po rnams theg pa chen po la rab tu zhugs par 'gyur ba de nyon cig ces pa'o/ /gsang ba pa'i bdag po de la byang chub sems dpas srog gcod pa dang zhes pa nas log par lta ba las slar ldog par bya'o/ /zhes pa'i bar gyis mi dge ba bcu las ldog par bya ba'i ming rnams smos pa yin la de dag gi bshad pa ni 'og nas 'chad par 'gyur ro/ /gsang ba pa'i bdag po gang la bslabs na sangs rgyas dang byang chub sems dpa' rnams dang spyod pa mtshungs par bslabs par 'gyur ba byang chub sems dpa' i bslab pa ni 'di dag yin no/ /zhes pa ni gong du smos pa'i bslab pa de rnams la bslabs na sangs rgyas dang byang chub sems dpa' i spyod pa rnams la bslabs pa yin pas sangs rgyas dang byang chub sems dpa' i go 'phang thob ste/ de bas na slab pa 'di dag la bslabs pas sangs rgyas dang byang chub sems dpa' rnams kyang spyad pa gcig la mtshungs par bslabs shes pa'o/ /de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /zhes pa nas/ tha dad du bgyi ba ni ci zhig mchis zhes pa'i bar ni byang chub sems dpa' rnams dang nyan thos dang 'jig rten pa thams cad la yang bslab pa 'di bshad na/ de la khyad par ci mchis zhes phyag rdo rjes zhus pa ste/ 'jig rten pa mu steg byed ces pa ni 'jig rten pa phal pas mi bya ba'i bslab pa'i dngos po la sogs pa bstan pa 'di la 'jug pa'i

  400. 200b

    sgo byed pa rnams la bya'o/ /khyad par ni ci zhig mchis zhes pa ni bslab pa de'i rang bzhin gyi khyad par dris pa'o/ /tha dad du bgyi ba ni ci zhig mchis zhes pa ni rgyu dris pa ste 'og nas 'chad pa dang sbyar ro/ /gsang ba pa'i bdag po de'i phyir rab tu rnam par dbye ba'i tshul dang tshul gcig tu bstan pa'i chos kyi rnam grangs bstan gyis nyon cig ces pa ni rab tu rnam par dbye ba ni 'jig rten pa dang nyan thos dang byang chub sems dpa' rnams kyi bsam pa'i tshul ni bye brag 'og nas bstan pa'i tshul gyis dang pa'o/ /tshul gcig pa ni dge ba bcu'i rang bzhin du mtshungs par bstan pa'i phyir ro/ /gsang ba pa'i bdag po de langs gang nyan thos rnams la bslab pa bstan pa gang yin pa de ni thabs dang shes rab tu mi ldan pa bka' grub par byed pa phyogs gcig shes pa rtogs pa ste/ de bas na de dag dang dge ba bcu'i las kyi lam de dag mtshungs par mi 'gyur ro/ /zhes pa ni 'phags pa nyan thos rnams rton pas ji skad du bstan pa'i bka' bzhin du grub pa yin gyi/ byang chub sems dpa' ltar rang gi shes rab kyis ? der rigs pa sbyar zhing 'phral la ji ltar rigs par mi byed la/ thabs dang shes rab med cing gang zag la bdag med par rtogs pa'i phyogs gcig pa'i shes pa la gnas pas mtshungs par mi 'gyur ro zhes pa'o/ /'jig rten pa rnams de bdag gis dngos po la mngon par zhen dang gzhan gyi rkyen gyis 'jug go /zhes pa ni 'jig rten pa rnams ni skye ba dang 'jig pa dang bde ba dang sdug bsngal ba dang bslab pa'i dngos po la sogs pa thams cad bdag ces pa'i dngos po des bya'o/ zhes pa dang bdag ces pa de gzhan gyi rkyen gyis bslab pa la 'jug pa ste/ bdag go snyam pa'i dngos po la rtag pas mnyam par mi 'gyur zhes pas/ /theg pa chen pos 'gro

  401. 201a

    ba'i byang chub sems dpa' rnams ni chos thams cad kyi mnyam pa nyid la 'jug par bya ba'i phyir zhes pa ni don dam par chos thams cad stong pa nyid kyi rang bzhin du mnyam pa nyid la zhugs shing kun rdzob tu chos thams cad sgyu ma lta bu'i rang bzhin du mnyam pa nyid la zhugs pa'o/ /gzhan gyi dring mi 'jog cing zhes pa ni 'jig rten pa bdag tu rtog pa gzhan gyi rkyen gyi 'jug pa lta bu ma yin zhes pa'o/ /thabs dang shes rab kyi yongs su zin pa zhes pa ni gong du bshad zin to/ /bdag dang gzhan gnyi ga'i don byed pa la 'jug go zhes pa ni thabs dang shes rab kyis yongs su zin pa'i bslab pa de lta bu la bdag kyang spyod la gzhan yang bsdu ba rnam pa bzhi'i sgo nas bsdu zhing spyod du gzhug pa zhes pa ste/ de bas na 'jig rten pa dang nyan thos dang byang chub sems dpa' rnams kyi bslab pa dag mtshungs par mi 'gyur ro zhes sbyar ro/ /de lta bas na gsang ba pa'i bdag po byang chub sems dpa' sems dpa' chen pos shes rab dang thabs kyis yongs su zin par chos thams cad la 'jug pa'i phyir brtson par bya'o zhes pa ni gong du bshad pa rnams bsdus pa'i tshig ste/ 'jig rten pa dang nyan thos rnams kyi bslab pa thabs dang shes rab med pa ltar ma yin pa shes rab dang thabs su ldan pa'i tshul ji skad bshad pa de lta bus chos thams cad la sbyar bar bya'o zhes pa'o/ /de nas bcom ldan 'das kyi byams pa chen po dang thugs rje chen po'i spyan gyis sems can gyi khams rnams la gzigs nas byang chub sems dpa' phyag na rdo rje la bka' stsal pa/ zhes pa ni gong du byang chub sems dpa' i bslab pa ming tsam su smos pa rnams re re nas zhib tu bshad pa'i phyir bka' stsal pa ste byams pa ni sems can

  402. 201b

    thams cad bde ba la 'god pa'i mtshan nyid yin la thugs rje ni sdug bsngal las bral ba'i mtshan nyid do/ /byams pa dang thugs rje de dag nyid bcom ldan 'das kyi spyan de byams pas ni sems can gyi khams rnams la su zhig bde ba la bzhag par 'os pa dang thugs rjes ni su zhig sdug bsngal dang bral bar 'os pa gzigs pa'i phyir ro/ /skabs gzhan du gsang ba'i bdag po phyag na rdo rje zhes smos la/ 'dir byang chub sems dpa' phyag na rdo rje zhes smos pa ni bslab pa 'di dag byang chub sems dpa' spyi'i yin pa'i phyir ro/ /de la byang chub sems dpas ched du bsams te srog gcod pa las slar ldog par bya'o zhes pa ni 'dul ba la sogs pa'i gzhung las ji skad du grags pa rnam pa lnga dang ldan pa'i mtshan nyid spang bar bya ste/ dbyug pa spang zhing kho na 'dzin pa spong bar bya'o/ /des bdag la ji lta ba bzhin du gzhan gyi srog kyang bsrung bar bya'o zhes pa ni mtshon cha 'chad pa dang khon du gzung nas dgrar byed pa ni srog gcod pa'i yan lag yin pas de dag spangs pa ni spong ba'i yan lag yongs su rdzogs par bya ba'i phyir ro/ /de bzhin du ma byin par len pa la sogs pa lhag ma rnams kyang gzhung las ji skad du 'byung bar zad de skabs skabs nas spyad par bya ba ma yin pa rnams la gnang ba yang khyim pa'i phyogs su gtogs pa'i byang chub sems dpa' rnams la bya'i rab tu byung ba rnams ni 'dul ba'i gzhung dang 'gal bas ma yin no zhes byang chub sems dpa' i tshul khrims kyi le'u'i las 'byung pa de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /zhes pa nas/ ji ltar ltung bar mi 'gyur ba bshad du gsol zhes pa'i bar ni gong du bshad pa'i dge ba bcu'i dngos po rnams las

  403. 202a

    rtsa ba nyams pa dang mi nyams par 'gyur ba'i bye brag dris pa ste/ de la rab tu byung ba rnams kyi sdom pa ni so so thar pa'i skabs su bshad pas 'dir mi gleng la/ skabs 'dir khyim na gnas pa'i byang chub sems dpa' la bya bas de yang rnam pa gnyis te/ khrims lnga'i sdom pa blangs pa dang sdom pa ma mnos par yi dam du bsrung ba'o/ /de la dge ba bcu'i las kyi lam 'di rnams kyi sdom pa nyams pa dang zhes pa ni khrims lnga'i sdom pa ma mnos pa'i byang chub sems dpa' i dge ba bcu'i las kyi lam rnams kyi sdom pa ji tsam gyis med par 'gyur ba de bshad du gsol zhes pa'o/ /shin tu rtsa nas chad par 'gyur ba zhes pa ni khrims lnga ma mnos par bdag nyid kyis yi dam du bsrung ba de ji tsam gyis med par 'gyur ba de bshad du gsol zhes pa'o/ /bcom ldan 'das byang chub sems dpa' rgyal srid kyi dbang phyug dang khyim dang chung ma dang bu mo dang nye du dang snag gi gnyen rnams kyis yongs su bskor zhing lha dang mi'i bde ba myong bar bgyid kyang ltung bar mi 'gyur ba de bshad du gsol zhes pa ni gong ma'i tshig nyid rgyu mtshan gyis bkrol te byang chub sems dpa' khyim na gnas pa la bye brag tu zhus pa ste/ khyim na gnas pa'i byang chub sems dpa' bu smad dang 'khor gyis bskor zhing lha dang mi'i longs spyod la spyod cing dbang byed kyang de rnams kyi dbang du mi 'gyur bas thabs mkhas pas dog pa bcu'i som pa las mi nyams par mi 'gyur ba bshad du gsol zhes zhus pa ste/ 'og nas bcom ldan 'das kyis slar gsungs pa dang sbyar ro/ /de yang khyim na gnas pa'i byang chub sems dpa' rnams la bye brag tu phye ste bshad pa ste/ thabs dang tshul sna tshogs kyis rgyal srid la dbang byed do/ /zhes pa nas

  404. 202b

    bzo'i gnas rnam pa sna tshogs ston cing zhes pa'i bar ni rab tu 'byung ba ni tshe 'di nyid kyis 'bad cing rtsol gyi khyim pa'i byang chub sems dpa' ni dus dang yul chad pa med de/ tshe 'di 'ba' zhig gis ma yin gyi tshe rabs du mar rtog cing brtsol ba dang thabs sna tshogs pa du ma'i sgo nas sangs rgyas kyi zhing la sogs pa'i yul gang du skyes kyang rung bar rtsol ba'o/ /de bas na/ 'di ltar thabs kyis yongs su zin par zhes bya ba la sogs pa gsungs pa yin no/ /rol mo la sogs pa dang bzo rnam pa mang po ston pa yang sems can so so dang rjes su mthun par sbyar nas bsdu ba rnam pa bzhi'i sgo nas bsdus te bla na med pa yang dag par rdzogs pa'i byang chub tu gdon pa'i phyir ro/ /de la srog gcod pa dang zhes pa nas/ log par lta ba rab tu spangs pa yin te zhes pa'i bar ni byang chub sems dpa' i khrims lnga po'i dngos po smos pa'o/ /bslab pa'i gzhi de lnga gzung nas/ zhes pa nas/ thabs dang shes rab kyis yongs su zin par spyod cing zhes pa'i bar ni bslab pa de rnams kyi rjes su bsngags pa ste/ de lta bur slob pas ltung ba'i rtsa ba bzhi ni srog gi phyir yang nyams par mi bya'o zhes pa dang sbyar ro/ /khyim pa'i byang chub sems dpas ji skad smos pa'i bslab pa 'di lnga la dad pas ? sa? na sngon gyi de bzhin gshegs pa'i bslab pa bla na med pa de bzhin gshegs pas bsags pa'i bslab pa dang rjes su mthun par bslabs pa yin te/ de ci'i phyir zhe na sngon gyi de bzhin gshegs pas kyang 'dus ma byas pa'i tshul khrims kyi phung po la gnas nas 'dus byas kyi tshul khrims thabs dang shes rab kyis yongs su zin pa la bslabs nas bla na med pa brnyes te/ de bas na 'di ltar bslab pa ni de dag gi rjes su slob pa zhes bya'o/ 'dus ma byas pa'i tshul

  405. 203a

    khrims kyi phung po la gnas nas shes pa ni chos thams cad gdod nas ma byung zhing ma skyes pa stong pa nyid kyi rang bzhin du rtogs pa la gnas nas zhes pa'o/ /'dus byas kyi tshul khrims zhes pa ni srog gcod pa las slang ldog pa la sogs pa ming gis smos pa rnams so/ /thabs dang shes rab kyis yongs su zin pa zhes pa ni snga ma bzhin no/ /de ltar slob ma de 'og nas ming gis smos pa'i rtsa ba bzhi po 'di srog gi phyir yang nyams par mi bya ste/ bzhi po 'di yang sngar dam tshig gi skabs su bshad zin to/ /de ci'i phyir zhe na/ 'di dag ni sla gsor mi rung ba'o/ /zhes pa ni bzhi po 'di dang ldan na byang chub sems dpa' zhes kyang mi bya ste/ slar gsor mi rung ba po zhes pa'o/ /bzhi po de thabs dang shes rab tu mi ldan pa rang bzhin gyis nyon mongs pa can te/ slar gsor mi rung ba zhes pa dang sbyar te/ thabs dang shes rab tu mi ldan pa zhes pa ni bzhi po de 'jig par byed pa'o// de bas na/ de ci'i phyir zhe na/ gang dag 'das ga'i sangs rgyas dang/ /de bzhin gang dag ma byon dang/ /gang yang da lta'i mgon po rnams/ /thabs dang shes rab ldan pa la/ /bslabs nas bla med byang chub ni/ /'dus ma byas pa des thob po// zhes gsungs pa yin te/ de bas na ba ni po 'di dang ldan zhing/ thabs dang shes rab med na bla na med pa'i byang chub 'dus ma byas pa thob par mi 'gyur bas slar gsor mi rung ba'o zhes pa'o/ /de ltar thabs dang shes rab tu mi ldan pas slar gsor mi rung na nyan thos rnams la thabs dang shes rab tu mi ldan pa'i bslab pa de lta bu ji ltar bshad ce na/ thabs dang mi ldan ye shes dang/ /bslab pa dag kyang bshad pa ni/ /dpa' bo chen pos nyan thos rnams/ /de la gzung ba'i phyir

  406. 203b

    bshad do/ zhes pa ste/ nyan thos rnams la ngas thabs dang shes rab tu mi ldan pa'i bslab pa bstan pa yang nges pa'i don du bstan pa ma yin gyi/ de dag gi snod dang sbyar zhing drang ba'i phyir ro/ /zhes pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ byang chub sems dpa' i bslab pa thabs dang ldan pa rim par phye ba'o// //bcom ldan 'das rnam par snang mdzad kyi sku mi zad pa la sogs pa'i rdo rje'i rgyan gyi 'khor lo 'dir byin gyis brlabs pa las sngags bzlas pa'i skabs la thog mar spyir phyi dang nang gi bzlas pa'i yan lag bzhi bstan to/ /de'i 'og tu de bzhin gshegs pa'i snying po bzhi'i skabs su nang gi bzlas pa'i yan lag bzhi bstan to/ /de'i 'og tu dpa' bo chen po'i snying po'i skabs su nang gi bzlas pa'i yan lag gsum bstan te/ de rnams kyang bzlas pa'i grangs dang dus nges pa'i bsnyen pa bya ba gsungs pa ma yin no/ /da ni yi ge brgya ba'i skabs 'dir ni bzlas pa'i yan lag gcig dang grangs dang dus nges pa'i bsnyen pa ma yin par kun tu sangs rgyas pa'i skur sgrub pa gnas yongs su gyur pa'i bar du bzlas pa'i mtshan ma 'chang ngo/ /de bas na bzlas pa de rnams kyang rags pa dang phra ba'i rim pas bshad par shes par bya ste/ dang po nyid du phyi dang nang gi bzlas pa'i yan lag bzhi ni phyi dang nang gnyis ka la dmigs pas rags so/ /de'i 'og tu nang gi bzlas pa'i yan lag bzhi ni/ phyi rol du sangs rgyas sku la mi dmigs par nang du rang gi snying gar de bzhin gshegs pa'i sku bsams nas bzlos pas de bas phra'o/ /de'i 'og tu dpa' bo chen pa'i skabs su snying gar de bzhin gshegs pa'i skur bsam pa yang btang ste/ dbang chen la sogs pa'i dkyil 'khor gang yang rung ba bsams nas yan lag gsum

  407. 204a

    du byas te bzlos pas de bas kyang phra'o/ /yi ge brgya pa'i skabs 'dir ni bdag nyid stong pa nyid kyi ting nge 'dzin la gnas nas snying po'i sgra tsam la dmigs nas yan lag gcig pur byas te bzlos pas gong ma kun pas phra bar rig par bya'o/ /de la yi ge brgya po kun kyang kun tu sangs rgyas pa yin yang yi ge aM du byin gyis brlabs pa ste/ de yang yi ge brgya pa 'byung ba'i rim par phye ba dang/ sgra'i 'bras bu'i sbyor ba bstan pa'i rim par phye ba dang/ yi ge brgya ba rnam par dgod pa sgrub pa'i rim par phye ba dang/ bdag nyid sgrub par rim par phye ba dang/ rdzogs par byang chub pa'i ngo bo nyid bstan pa'i rim par phye ba ste/ rim par phye ba lngas yi ge brgya ba'i bshad pa'i yan lag rdzogs par shes par bya'o/ /de la 'dir/ de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs te zhes pa la sogs pas dang por yi ge brgya pa 'byung ba'i rim par phye ba bshad de/ de la yi ge brgya po ni oM zhes pa nyid kyi nang du 'dus par shes par bya ste/ 'di ltar klad kor ni nga dang nya dang Na dang na dang ma rnams kyi rang bzhin te/ ka'i sde ni nga'i nang du 'dus so/ /ce'i sde na nya'i nang du 'dus so/ /Ta'i sde ni Na'i nang du 'dus so/ /ta'i sde ni na'i nang du 'dus so/ /ba'i sde ni ma'i nang du 'dus so/ de ltar yi ge nyi shu dang rnam par shes pa'i rim par phye ba las bshad pa dang sbyar nas a yang aM la 'dus pa/ ri rI dang li lI ni ra dang la dngos so/ /ya ni i a'i'i nang du 'dus la/ wa ni u a'u'i nang du 'dus te/ de ltar ya ral wa rnams ni der 'dus so/ /aM la sogs pa gang dang ldan pas yi ge nyi shu lnga po rnams byang chub dang spyod pa dang kun tu sangs rgyas pa dang mya ngan las 'das pa bzhi po la yi ge nyi shu rtsa lnga lnga spyar na brgya par 'gyur te/

  408. 204b

    yi ge de rnams gcig tu bsdus pa ni a zhes pa ste a ni shes bya dang shes pa gnyis ka stong pa'i mtshan nyid yin la klad kor yang stong pa'i mtshan nyid de yi ge a bzhi char yang de'i nang du 'dus pas aM de nyid bcom ldan 'das kun tu sangs rgyas pa'i rang bzhin yi ge brgya pa zhes bya'o/ /nga dang nya dang Na dang na dang ma rnams dang sha dang Sha dar sa dang ha dang A dang aM dang a(rgyud 'grel): rnams ni ting nge 'dzin thams cad kyi dbang po yin pas 'dir yi ger mi bgrang ngo/ /thams cad dang ldan pa'i 'khor 'dus pa la gzigs te zhes pa ni sngar bshad pa bzhin no/ /bstan pa don yod par grub par bzhes nas zhes pa la bstan pa zhes pa ni gdul ba'i 'gro ba rnams la bslab pa'i phyir bstan pa zhes byas nas mdo sde la sogs pa thams cad la yang bya mod kyi skabs 'dir ni sngags kyis bstan pa la bya ste/ de yang bzlas pa'i grangs dang dus nges par bstan nas bsgrub par bya bar gong du bshad pa rnams ni/ gsang sngags grangs ni sum 'bum du/ /phal cher ngas ni bshad pa dang/ /lus can sdig dang bral ba yi/ /sngags pa rnam par dag pa la/ /bzlas brjod grangs 'di bstan pa ste/ /gzhan du bya ba ma yin no/ /zhes 'byung bas sngon du grangs dang dus ngas pa'i bsnyen pa byas kyang rgyud mdag pa'i sems can rnams kyis mi grub pa yang srid de/ de dag ni gdon za ba yin la/ 'dir ni gnas yongs su gyur pa'i mtshan ma byung gi bar du bzlas par gsungs pas mtshan ma byung ba de nyid grub pa ste/ mtshan ma de byung nas mi grub pa mi srid pas gdon mi za bar zhes bya ste/ bcom ldan 'das bstan pa de grub par bzhed nas gsang sngags thams cad kyi dbang phyug gsang sngags kyi mgon po gzi brjid kyi rgyal po chen po gsungs so zhes sbyar ro/ /gsang sngags kyi mgon po gzi brjid kyi rgyal po chen po zhes pa yang kun tu sangs rgyas

  409. 205a

    pa'i rang bzhin aM zhes pa de nyid la bye brag tu bya la/ de'i rang bzhin yang rnam pa gsum du rig par bya ste/ rtags pa'i mtshan nyid dang lung gi mtshan nyid dang don dam pa dang kun rdzob kyi mtshan nyid do gnyis te/ de ltar rnam pa gsum mo/ /de la rtogs pa don dam pa'i rang bzhin ni yi ge a zhes pa dang de la sogs pa'i sngags kyi yi ge rnams so/ /de la gsang sngags thams cad kyi dbang phyug ces pa la gsang sngags thams cad ni 'jam dpal gzhon nur gyur pa la sogs pa'i ting nge 'dzin gyi rang bzhin rnam par thar pa'i ye shes phyogs gcig pa chos thams cad zhi ba dang bral ba'o zhes pa la sogs pa dang/ kun rdzob tu de dag nyid kyi skur snang ba dang lus gi chos su yi ge aM la sogs pa ni sngags thams cad do/ /de dag gi dbang phyug ni bcom ldan 'das kun tu sangs rgyas pa'i yi ge brgya pa ste/ phyogs gcig pa rnams kyang der kun tu 'dus la/ kun rdzob tu yang bcom ldan 'das kyi sku las sngags kyi gzugs phal che ba 'byung zhing lung gi chos kyang aM la sogs pa ni yi ge thams cad 'byung ba ste/ kun rdzob dang don dam pa kun tu yang gsang sngags thams cad gtogs shing? de'i dbang gis 'gyur bas na aM de gsang sngags thams cad kyi dbang phyug ces bya'o/ /rgyal po chen po zhes pa ni kun rdzob dang don dam pa gnyis gang yang sngags phal mo che las yon tan thams cad kyis 'phags pa'i phyir ro/ /gzi brjid ces pa ni mthu phun sum tshogs pa bstan pa ste/ mthu chen po dang ldan zhes pa'o/ /gsang sngags kyi mgon po zhes pa ni skyabs zhes pa'i don te gong du bshad pa'i tshul gyis gsang sngags thams cad de las byung der 'du ba'i phyir ro/ /de lta bu'i snying po 'jam pa'i gsung gi phyag na rdo rje la bka' stsal pa zhes pa dang sbyar

  410. 205b

    te/ phyag na rdo rje yang ci 'dra ba zhig ce na/ dam tshig gsum la gnas pa lam gsum yongs su rdzogs par byed pa zhes gsungs te/ dam tshig gsum zhes pa ni bcom ldan 'das kyi sku dang gsung dang thugs mi zad pa'i rdo rje'i rgyan la bya ste/ phyag na rdo rje la sogs pa'i byang chub sems dpa' sa bcu yongs su rdzogs pa rnams ye shes chen po dang ldan pa'i dbang bskur ba na bcom ldan 'das kyi sku las 'od zer btang ba'i byin gyis brlabs kyis sku mi zad pa la sogs pa'i rdo rje'i rgyan gsum po de dag mthong zhing zhugs pas dam tshig gsum la gnas pa zhes pa'o/ /lan gsum yongs su rdzogs par byed pa zhes pa ni dam tshig gsum thob par byed pas lam ste/ de phyag na rdo rjes rdzogs par byed pa'o/ /gsang sngags mgon ni snga ma bzhin no// de'i tshe ye shes dam pa zhes bya ba'i ting nge 'dzin la snyoms par zhugs nas zhes pa ni bcom ldan 'das ting nge 'dzin de la zhugs nas kun tu sangs rgyas pa'i ye shes dam pa chos thams cad gzod ma nas ma byung ma skyes par mkhyen pa'i rang bzhin gyi yi ge 'chad pas ting nge 'dzin gyi ming yang ye shes dam pa zhes bya'o/ /de bas na ye shes sna tshogs 'byung ba zhes bya ba la sogs pas yi ge aM de'i khyad par gsungs pa yin te/ ye shes sna tshogs ni rtogs pa'i chos dang lung gi chos sna tshogs pa kun rdzob dang don dam pa'i tshul gnyi ga mkhyen pa la bya ste/ yi ge aM zhes pa 'di las de lta bu'i ye shes de 'byung ba la bya'o/ /'od zer brgya 'phro ba zhes pa ni don dam par de bzhin nyid kyi ye shes rgya mtsho dang 'brang? de las ye shes phyogs gcig pa'i sngags gzhan rnams 'byung ba dang/ kun rdzob tu de bzhin gshegs pa'i sgra las sngags kyi sku mang po 'byung bas khams gsum kun tu khyab pa dang/ lung gi chos su yang yi ge aM las gong du

  411. 206a

    bshad pa'i tshul gyis yi ge brgya rnams 'byung zhing sngags thams cad la khyab pa'i phyir ro/ /lag na rdo rje 'di ni gsang sngags thams cad kyi gsang sngags kyi mgon po gzi brjid chen po ste zhes pa ni gong du bshad pa'i tshul bzhin no/ /'di ni bdag nyid rdzogs sangs rgyas/ /zhes pa ni yi ge aM zhes pa 'di bcom ldan 'das kun tu sangs rgyas pa'i phung po lhag ma dang bcas pa'i mya ngan las 'das pa'i rang bzhin nyid yin no zhes pa'o/ /chos kun dbang phyug ces pa ni lung gi chos dang rtogs pa'i chos kun mkhyen pas na chos kun dbang phyug ces pa pa'o/ /thub pa yin zhes pa ni lus dang ngag dang yid gsum thub pa yi mtshan nyid de shAkya thub pa nyid la bya'o/ /mi shes mun nag kun 'jom pa/ nyi ma shar ba bzhin du snang/ /zhes pa ni rtogs pa'i chos dang lung gi chos gnyis ka la sgrib pa spangs te ji ltar mun pa na 'dug pa'i rdzas rnams dngos po gang yin mi shes pa las nyi ma shar ba na rdzas dag gsal bar mthong ba bzhin du/ thams cad mkhyen pa'i ye shes des kyang ma rig pa'i mun pa bsal nas kun rdzob dang don dam pa'i dngos po rnams gsal bar mkhyen pa ste/ des ni spong ba phun sum tshogs pa bstan la/ tshig gong mas ni ye shes phun sum tshogs pa bstan to/ /thub pa chen po bdag nyid kyis/ /'di lta bur ni byin brlabs te/ /zhes pa ni kun tu sangs rgyas pa stong pa nyid kyi ye shes kyi rang bzhin de nyid shAkya thub pa'i skur byin gyis brlabs te zhes pa'o/ /de ltar byin gyis brlabs nas kyang ci zhig mdzad ce na/ sems can rnams la phan bzhed phyir/ /sprul pa rnams ni sprul par mdzad/ /ces bya ba gsungs te/ shAkya thub pa'i skur byin gyis brlabs nas sems can rnams kyi don du rnam par sprul pa sna tshogs pa rnam par

  412. 206b

    sprul zhes pa'o/ /rnam par sprul pa de yang ji snyed cig sprul zho na/ 'di ni sems can rnam dag gi sems pa 'byung ba ji snyed pa/ /de snyed kyi ni sprul pa yi/ /gos 'phang dam par mdzad par 'gyur/ /zhes gsungs te/ sems kyi 'jug pa ji snyed pa dang ji tsam 'dod pa de snyed kyi sku rnams su rnam par sprul par byed ces pa'o/ /de ni stong pa nyid las ldang bar bstan pa ste/ de lta bas na sngar don dam pa stong pa nyid kyi ting nge 'dzin la gnas nas phyis kun rdzob tu kun tu sangs rgyas pa'i skur bsgyur ba la sogs pa'i spyod pa rnams bya'o zhes dgongs so/ /de bas rnam pa thams cad du/ rdzogs sangs rgyas kyi thabs 'dod pas/ /nang gi bdag nyid rnam dag pas/ /rtag tu mngon par brtson par bya/ /zhes pa ni mjug bsdu ba'i tshig ste/ kun tu sangs rgyas pa'i rang bzhin de lta bu yin pas na gang kun tu sangs rgyas pa'i sku thob par 'dod pas kun tu sangs rgyas pa'i sku yi ge brgya pa'i rang bzhin du bsgom pa la brtson par bya'o zhes pa ste/ de bas rnam pa thams cad du/ /zhes pa ni lus dang ngag dang yid kyi rnam pa thams cad kyi sgo nas zhes pa'o/ /rtag tu ni dus thams cad du'o/ nang gi bdag nyid rnam dag pas/ zhes pa ni sems gtso bor bshad pa ste/ bdag gi lus bcom ldan 'das kyi skur bsgyur ba tsam gyis cho ga pa ma yin gyi/ nad sems kyi ting nge 'dzin rnam par dag pas nan tan la mngon par brtson par bya'o zhes pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las yi ge brgya 'byung ba bstan pa rim par phye ba'o// / yi ge brgya pa'i rang bzhin gsum ? don dam pa de bzhin nyid kyi ye shes rtogs pa'i rang bzhin dang/ kun rdzob tu bcom ldan 'das kyi sku'i rang bzhin dag ni yi ge aM gi don du blta bar bya la/ yi ge aM ni tshig gi rang bzhin du blta ste/ de la

  413. 207a

    kun tu sangs rgyas pa'i rang bzhin gyi yi ge aM 'di ni bcom ldan 'das kyi gsung gi rgyan sna tshogs su 'byung ba sdud pa'i sgor gyur pa ste/ de yang 'di ltar don dang tshig gi bye brag gis rang bzhin gsum du dbye mod kyi/ sangs rgyas kyi bya ba byed pa'i sgor ni tha mi dad de/ dag gi bya ba'i las kyang gzugs dang sems kyis byed la/ gzugs kyi bya ba'i las kyang ngag dang sems kyis byed cing sems kyi bya ba'i las kyang lus dang ngag gis byed do/ /de bas na skabs 'dir yi ge brgya pa'i 'bras bu'i sbyor bas kun tu sangs rgyas pa'i gsung mi zad pa de ston te/ de las kun tu sangs rgyas pa'i yi ge'i 'bras bu ni sems can yongs su smin pa dang ma smin pa rnams yongs su grol ba dang smin par byed de/ de yang/ de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa zhes pa la sogs pa'o/ /de la gsang ba pa'i bdag po sangs rgyas bcom ldan 'das rnams gang gi tshe zhes pa nas dam tshig gsum gyi lam la gnas par gzigs so/ /zhes pa'i bar ni kun tu bzang po la sogs pa'i byang chub sems dpa' sa bcu yongs su rdzogs pa rnams rang rang gi mthu dang spyod yul gyi rdzu 'phrul sna tshogs dang sangs rgyas kyi zhing rnam pa sna tshogs brgyan pa'i mthus mgu zhing 'khod? pa la bcom ldan 'das mngon par byang chub pa'i sku'i mdzod spu las bkod pa'i 'od zer byung bas byang chub sems dpa' de rnams kyi gtsug tu phog ste/ 'od zer de'i byin gyis brlabs kyis byang chub sems dpa' de rnams ye shes chen po mngon par shes par dbang bskur ba dang ldan pa'i ma thob par 'gyur te/ de'i tshe byang chub sems dpa' de rnams kyis bcom ldan 'das kyi sku dang gsung dang thugs mi zad pa rdo rje'i rgyan nas ma tshig gsum gyi rang bzhin

  414. 207b

    rtogs shing mngon du 'gyur zhes pa'o/ /sangs rgyas bcom ldan 'das shes pa ni sa bcu'i gnas yongs su rdzogs shing dbang bcu'i dbang thob pa chos rnams sgyu ma lta bur rnam pa thams cad du rtogs pa'i byang chub sems dpa' de rnam nyid las sangs rgyas zhes bya'o/ /ye shes chen po zhes pa ni de bzhin nyid kyi ye shes la bya ste ye shes de byang chub sems dpa' de rnams kyis mngon par shes par bya ba'i phyir 'od zer gyis dbang bskur ba las ye shes chen po mngon par shes par dbang bskur ba zhes bya'o/ /yang na ye shes chen po yang de yin la/ mngon par shes pa yang de yin pas/ ye shes chen po ni snga ma bzhin du chos thams cad stong par rtags pa ste don dam par ro/ /mngon par shes pa drug ni mngon par shes pa ste/ kun rdzob kyi ye shes so/ /de ltar don dam pa dang kun rdzob kyi ye shes te byang chub sems dpa' de rnams kyis thob par bya ba'i phyir dbang bskur ba ni ye shes chen po mngon par shes par dbang skur ba zhes bya ste/ dbang bskur ba de dang ldan pa ni dbang bskur ba dang ldan pa'i sa thob par 'gyur ba zhes pa ni sems kyi khyad par nyid la bya'o/ /de'i tshe sangs rgyas bcom ldan 'das de dag ces pa ni byang chub sems dpa' de dag nyid la bya'o/ /dam tshig gsum zhes pa ni bcom ldan 'das kyi sku dang gsung dang thugs mi zad pa'i rdo rje'i rgyan gyis khams gsum thams cad du khyab pa la bya ste/ dam tshig gi tshig gi don ni skabs 'dir kun tu rtogs pa 'am thob pa la bya ste/ sku mi zad pa'i rgyan la sogs pa khams gsum du khyab par 'byung ba de ni byang chub sems dpa' de rnams kyis de'i tshe mthong zhing ye shes kyis rtogs pa'i phyir ro/ /las zhes pa ni dam tshig de dag rtogs pa'i phyir zhugs pa la bya'o/ /bdag nyid gnas par

  415. 208a

    gzigs so zhes sbyar te bcom ldan 'das ci spyod yul dam tshig gsum gyi rang bzhin de dag byang chub sems dpa' de rnams kyi yang spyod yul du gyur te mthong zhing rtogs par bdag cag nyid kyis gzigs so zhes pa'o/ /gsang ba pa'i bdag po de'i tshe yang bcom ldan 'das zhes pa nas sangs rgyas kyi mdzad pa nye bar ston to/ /zhes pa'i bar ni sa bcu pa la gnas pa'i byang chub sems dpa' sangs rgyas kyi mdzad pa dam tshig gsum po de rnams la zhugs par gyur pa de'i tshe na sangs rgyas kyi gsung sna tshogs sdud pa'i sgor gyur pa yi ge brgya pa'i rang bzhin bcom ldan 'das kun tu sangs rgyas pa de gzungs kyi tshul du gyur nas sangs rgyas kyi ming can byang chub sems dpa' de rnams la sangs rgyas kyi mdzad pa nye bar ston pa ste/ bcom ldan 'das zhes pa ni kun tu sangs rgyas pa nyid la bya'o/ /ye shes chen po mngon par shes par dbang bskur ba dang ldan pa zhes pa ni kun tu sangs rgyas pa de nyid kyi bye brag ste/ ye shes chen po ni snga ma bzhin no/ /mngon par shes pa zhes pa ni ye shes chen po de mngon par rtogs pa zhes pa'o/ /dbang bskur ba dang ldan pa zhes pa ni ye shes chen po mngon par rtogs pa'i ched du dbang bskur ba dang ldan pa zhes pa'o/ /gzungs kyi tshul zhes pa la don gyi gzungs dang tshig gi gzungs te rnam par mi rtog pa la 'jug pa'i dbang dang gzungs la sogs pa'o/ /bcom ldan 'das kun tu sangs rgyas pa ye shes chen po mngon par shes par dbang bskur ba dang ldan pa de nyid gzungs su gyur nas sangs rgyas kyi mdzad pa sems can yongs su smin pa dang grol bar 'gyur ba'i thabs sna tshogs byang chub sems dpa' de rnams la ston te/ de bas na sangs rgyas

  416. 208b

    kyi mdzad pa nye bar ston to/ /zhes gsungs pa yin no/ /de nyid kyi tshe sangs rgyas bcom ldan 'das zhes pa nas/ dam tshig gsum gyi lam ston par nye bar gnas par 'gyur ro/ /zhes pa ni de ltar bcom ldan 'das kun tu sangs rgyas pa de byang chub sems dpa' sangs rgyas zhes bya ba de rnams la sangs rgyas kyi mdzad pa ston pa dang byang chub sems dpa' de rnams kyang rang gis dam tshig gsum gyi rang bzhin ji ltar mthong zhing rtogs pa de sangs rgyas kyi mdzad pa'i tshul nges dam tshig gsum po de rnams kyi lam ston pa la zhugs so/ /zhes pa ste/ de la de nyid kyi tshe sangs rgyas bcom ldan 'das de dag ces pa ni gong du smos pa'i byang chub sems dpa' de dag nyid la bya'o/ /sems can thams cad la zhes pa ni yongs su dag pa dang ma dag pa'i sems can ji ltar snod du gyur pa rnams la'o/ /sangs rgyas kyi mdzad pa zhes pa ni snga ma bzhin no/ /dam cho ga gsum gyi lam zhes pa ni sku mi zad pa'i rdo rje'i rgyan la sogs pa thob par 'gyur ba'i lam mo/ /ston par nye bar gnas par 'gyur ro/ /zhes pa ni byang chub sems dpa' de rnams ji ltar snod du gyur pa'i sems can rnams la dam tshig gsum thob par byed pa'i lam de bstan pas sems can de rnams kyis sku mi zad pa la sogs pa'i rgyan dam tshig gsum gyi rang bzhin de thob par 'gyur ba'i phyir ro/ /gsang ba pa'i bdag po nga'i gsung gi 'khor lo zhes pa nas/ byung ba yin no zhes bya bar rab tu mi shes par/ bltos zhes pa'i bar ni de bzhin gshegs pa'i gsung gi 'khor lo sangs rgyas kyi dbyangs kyi rgyan sna tshogs las shAkya thub pa'i skur sprul te 'jig rten gyi khams thams cad du khyab par yongs su smin pa dang ma smin pa'i sems can ji ltar snod du gyur pa rnams la sangs rgyas kyi 'phrin

  417. 209a

    las mdzad par 'gyur ba bshad pa ste/ gsang ba pa'i bdag po nga'i gsung gi 'khor lo zhes pa ni de bzhin gshegs pa'i sangs rgyas kyi gsung rnam pa sna tshogs su 'byung ba sems can rnams kyi rgyud du 'gro bas na 'khor lo zhes bya ste/ dkyil 'khor sprul pa rgya chen po zhes pa ni gsung gi 'khor lo de las shAkya thub pa'i sprul pa de dag gis 'jig rten gyi khams nam mkha' i dbyings ma lus pa de snyed du khyab par sangs rgyas kyi mdzad pa ston par na rgya chen po zhes bya'o/ /'jig rten gyi khams mdza' yas par khyab par zhes pa ni chos kyi dbyings so sor rnam par rig par byed pa zhes pa dang sgrel te sprul pa'i sku de chos kyi dbyings kyi tshig dang don rnams 'jig rten gyi khams su khyab par sems can thams cad la ston la/ de yang rnam par dag pa'i sgo sha stag ste/ rnam par dag pa'i sgo zhes pa ni chos kyi dbyings rnam par dag pa la 'jug pa'i thabs zhes bya'o/ /sems can thams cad re ba ji lta ba bzhin mgu bar byed pa chos kyi dbyings so sor rnam par rig par byed pa'i sgo zhes pa ni de ltar chos thams cad ston pa de yang sems can so so'i dad pa dang rjes su mthun pa ste sangs rgyas kyis 'dul ba la sangs rgyas kyis chos ston/ de bzhin du nyan thos dang rang sangs rgyas dang brgya byin dang tshangs pa la sogs pas so so'i dad pa dang rjes su mthun pa'i chos rnams mngon du ston te/ de yang chos kyi dbyings su 'jug pa'i thabs sha stag go /da lta 'di ltar bcom ldan 'das shAkya thub pa 'jig rten gyi khams nam mkha' i khams kyis klas pa ma lus par zhes pa ni de lta bu'i chos ston pa yang shAkya thub pa'i sku gcig gam gnyis shig gis ma

  418. 209b

    yin gyi/ nam mkha' i khams kyis klas pa ji snyed kyi de snyed kyi 'jig rten gyi khams ma lus par khyab pa'i shAkya thub pa'i skus sems can thams cad la ji ltar bsam pa bzhin du mgu bar byed pa'i chos kyi dbyings rab tu ston zhes pa'o/ /de bas na/ sangs rgyas kyi bya ba byed pa la zhugs zhes gsungs pa yin te/ shAkya thub pa'i sku de rnams kyis 'jig rten gyi khams de snyed du de ltar snod du gyur pa'i sems can ma smin pa ni yongs su smin par byed smin pa rnams grol bar byed pa'i sangs rgyas kyi bya ba la zhugs zhes pa'o/ /sangs rgyas kyi bya ba byed pa shAkya thub pa'i sku de rnams sangs rgyas kyi gsung rnam par bkod pa'i rgyan gyi snying po las byung ba ste/ bcom ldan 'das kyi gsung gi 'khor lo las sprul pa'i sangs rgyas kyi gzugs yin par ni sems can rnams kyis mi shes kyi/ shAkya'i rigs kyi rgyal po zas gtsang ma'i lus las 'di ltar gyur to zhes 'dzin te/ de'i phyir/ gsang ba pa'i bdag po de la sems can rnams kyis 'di ni zhes pa la sogs pa gsungs pa yin no/ /'on kyang byang chub sems dpa' 'jig rten gyi khams mdza' yas brgya mtsho snyed kyi sgor zhes pa la sogs pa ni de ltar gsung gi 'khor lo las sprul pa'i sku rnams kyis 'jig rten gyi khams thams cad du khyab par sangs rgyas kyi bya ba byed pa'i shAkya thub pa'i sku rnams bstan kyang sems can rnams kyis sprul pa de dag gi 'khor lo las byung bar mi shes mod kyi/ 'on kyang byang chub sems dpa' 'jig rten gyi khams mdza' yas pa rgya mtsho snyed kyi sgor zhes pa la sogs pa la chos kyi dbyings mngon par rdzogs par byang chub par bya ba la brtson pa byang chub sems dpa' kun tu bzang po'i spyod pa las byung ba 'jig rten gyi khams mdza' yas pa nas byung ba'i byang chub

  419. 210a

    sems dpa' rnams 'jig rten gyi khams kyi rigs rgya mtsho me tog gis gzhi'i snying po'i rgyan can 'di ngas yongs su gzung bas sangs rgyas kyi zhing 'di rnam pa sna tshogs kyi rgyan par byed cing byang chub kyi snying po mngon par rdzogs par 'tshang rgya ba la sogs pa yang byang chub sems dpa' de rnams kyi rang gi mthu 'ba' zhig ma yin gyi nga'i mthus sangs rgyas kyi zhing brgyan par byed pa la sogs pa de rnams byed do zhes pa ste/ de lta bur mdzad pa yang shAkya thub pa'i sku nyid kyis yin mod kyi/ gdul ba'i 'gro ba byang chub sems dpa' yongs su dgar de dag gis ni shAkya thub pa'i sku yang longs spyod rdzogs pa'i skur mthong bar 'gyur te/ de bas na skabs tha ma 'di ni longs spyod rdzogs pa'i skus byang chub sems dpa' de rnams kyi don mdzad par bstan par shes par bya ste/ de dag ni bsdus pa'i don to/ /tshig gi don la 'on kyang zhes pa ni de bzhin gshegs pa'i sprul pas sems can rnams la sangs rgyas kyi bya ba ston pa'i shAkya thub pa'i sku bo 'jig rten pa rnams kyis de bzhin gshegs pa'i sprul par mi shes mod kyi/ 'on kyang shAkya thub pa des 'og nas 'byung ba'i don de rnams kyang mdzad do zhes pa'o/ /'jig rten gyi khams mdza' yas pa rgya mtsho snyed kyi sgo ni byang chub sems dpa' bshad pa de rnams 'byung ba'i gnas la bya ste/ 'jig rten gyi khams mdza' yas pa de dag shes shing brtag par dka' ba rgya mtsho dang 'dra ba'i phyir rgya mtsho zhes bya'o/ /sgo zhes pa ni byang chub sems dpa' de rnams 'jig rten gyi khams 'di dag nas 'byung ba'i phyir ro/ /chos kyi dbyings mngon par rdzogs par byang chub par bya ba la brtson pa byang chub sems dpa' kun tu bzang po'i spyod pa las byung ba zhes pa ni sangs rgyas kyi zhing brgyan

  420. 210b

    pa la sogs pa byed pa'i byang chub sems dpa' de dag gi bye brag ste/ chos kyi dbyings ni de bzhin nyid kyi ye shes la bya la/ mngon par rdzogs par byang chub par bya ba la brtson pa zhes pa ni de bzhin nyid kyi ye shes chos kyi dbyings de mngon par rtogs pa'i phyir brtson pa zhes pa'o/ /byang chub sems dpa' kun tu bzang po'i spyod pa las byung ba zhes pa ni byang chub sems dpa' kun tu bzang po'i smon lam las skyes pa'o/ /'jig rten gyi khams kyi rigs rgya mtsho me tog gi gzhi'i snying po'i rgyan can 'di zhes pa ni mi mdzad kyi 'jig rten gyi khams la bya ste/ me tog gi gzhi zhes pa ni 'jig rten gyi khams de me tog gis brgyan pa'o/ /snying po zhes pa ni 'byung ba'i gnas so/ /rgyan can zhes pa ni 'jig rten gyi khams me tog gis brgyan pa de sems can gang dag bsod nams spyad pa rnams kyi rgyu las byung bas na bsod nams kyi 'bras bu 'jig rten gyi khams de lta bur skye bar 'gyur te/ sems can de dag gyi rgyan no zhes pa'o/ /rigs rgya mtsho zhes pa ni sangs rgyas kyi zhing de yang 'jig rten gyi khams kyi rgyud rgya mtsho'i grangs snyed dang ldan pa'i sangs rgyas kyi zhing zhes pa'o/ /ngas yongs su gzung bas zhes pa ni longs spyod rdzogs pa'i sku'i mthus so zhes pa ste/ sangs rgyas kyi zhing rnams ni yongs su sbyong zhes pa dang sbyar te/ bsam pa sna tshogs pa rnam par dag pa'i sgo rnams kyis sangs rgyas kyi zhing rnams ni yongs su sbyong zhes pa ni byang chub sems dpa' de dag gi bsam pa rnam par dag pa sna tshogs pa'i sgo nas sangs rgyas kyi zhing yongs su sbyong ngo zhes pa ste/ de yang bcom ldan 'das kyi mthus sbyong bas yongs su gzung bas zhes pa dang sbyar ro/ /byang chub kyi snying po ni mngon par sgrub ces pa ni byang chub kyi snying po 'og min gyi gnas su mngon

  421. 211a

    par byang chub pa'i sa dang mi'i gnas su byang chub chen por mngon par byang chub pa'i gnas dag la byang chub kyi snying po zhes bya ste/ de dag byang chub sems dpa' 'di rnams kyis yongs su rdzogs par byed ces pa'o/ /byang chub tu ni mngon par 'tshang rgya zhes pa ni nyon mongs pa'i sgrib pa dang shes bya'i sgrib pa yongs su byang ba'i byang chub nam mkha' i mtshan nyid lta bu mngon par rtogs par byed ces pa'o/ /chos kyi 'khor lo ni bskor zhes pa ni gzhung las ji skad du grags pa'i chos kyi 'khor lo bskor ba'o/ /sangs rgyas kyi mdzad pa ni byin gyi rlob cing zhes pa ni sems can yongs su smin pa dang grol bar byed pa'i mtshan nyid can gyi sangs rgyas kyi mdzad pa byin gyis rlob ces pa'o/ /de'i gong du yang dag par rdzogs pa'i sangs rgyas kyi go 'phang 'dod pas zhes pa ni de ltar sangs rgyas kyi zhing yongs su spyod pa la sogs pa byas nas kun tu sangs rgyas pa'i go 'phang du 'phar bar byed pa ste/ de'i tshe chos thams cad stong pa nyid du rtogs pa'i mtshan nyid de bzhin nyid kyi ye shes mngon par rtogs te de ltar mngon du byed pa na sems tshad med pa la sogs pa 'og nas 'byung ba'i yon tan rnams thob par 'gyur ba ste/ de yang sems tshad med pa'i phyir zhes pa nas tshad med pa bzhi rab tu 'thob par 'gyur ro zhes pa'i bar du'o/ /de la sems tshad med pa ni sems la rnam par rtog pa la sogs pa rnam pa thams cad dang bral te chos thams cad stong ba nyid du rtogs pa'i sems nam mkha' i rang bzhin lta bur 'gyur te/ nam mkha' ni stong pa'i mtshan nyid cis kyang ma gos shing thams cad du yang ma khyab pa med pas tshad gzung du med pa'o/ /de bzhin du stong pa nyid kyi rang bzhin gyi sems des thams cad du

  422. 211b

    khyab par 'gyur bas sems tshad med pa'o/ /lus tshad med pa zhes pa ni de ltar sems tshad med pa thob pas de dag gi lus kyang sems ji snyed pa de snyed du lus kyis khyab par 'gyur te/ de bas na lus tshad med pa'o/ /lus tshad med pa'i phyir ye shes tshad med ces pa ni de ltar lus tshad med par gyur na lus ji snyed par gyur pa de dag thams cad ye shes byin gyis brlabs pa dang bcas par 'gyur te/ lus ji snyed pa de dag gi ye shes 'byung bas na ye shes tshad med pa zhes bya'o/ /ye shes tshad med pa'i phyir sems can tshad med ces pa ni sku dang ye shes de dag kyang sems can ji snyed pa de snyed du 'byung ste/ de dag tshad med pas sems can tshad med pa'o/ /sems can tshad med pa'i phyir nam mkha' i khams tshad med pa rab tu thob po zhes pa ni nam mkha' i khams ji snyed pa sems can gyi khams kyang de snyed de sems can gyi khams tshad med par rtogs na nam mkha' i khams kyang tshad med par rtogs par 'gyur ba rab tu 'thob par rig par bya'o/ /gsang ba pa'i bdag po da ltar na sems tshad med pa bzhi thob par 'gyur ro/ /zhes pa ni nas sems can nyid stong pa nyid kyi rang bzhin nam mkha' i mtshan nyid lta bur gyur pa rab tu thob na lus dang ye shes dang sems can dang nam mkha' i khams kyang de bzhin nyid du 'gyur ba thob bo zhes pa'o/ /thob nas kyang yang dag par rdzogs pa'i sangs rgyas su 'gyur ro zhes sbyar te/ de ltar de bzhin nyid kyi ye shes mngon du byas na de ma thag tu kun tu sangs rgyas pa phung po lhag ma dang bcas pa'i mya ngan las 'das pa'i rang bzhin gyi go 'phang thob par 'gyur ro zhes pa'o/ /stobs bcu'i stobs dang ldan pa bdud bzhi las rgyal ba zhes pa la sogs pa ni kun tu sangs rgyas pa de nyid kyi bye brag ste gzhung las ji skad grags pa'o/ /khyu mchog dang seng+ge'i

  423. 212a

    sgra sgrog pa zhes pa ni ji ltar seng+ge sgras byol song thams cad zil gyis gnon par gyur pa de bzhin du bcom ldan 'das kun tu sangs rgyas pa de yang 'dus byas thams cad mi rtag pa dang sdug bsngal ba la sogs pa'i chos kyi sgra sgrogs pas rtag pa dang bde ba la sogs par lta ba'i mu stegs pa rnams zil gyis gnan par 'gyur ba'o/ /rdzogs sangs rgyas kyis gsungs pa yi/ /snying po sgo brgya 'di bslabs nas/ /go 'phang dam pa 'di dag kun/ /dpa' bo de dag kun gyis rtogs/ /zhes pa ni gong du smos pa'i yon tan thams cad byang chub sems dpa' dpa' bo de rnams kyis thob nas kun tu sangs rgyas pa'i go 'phang dam pa der 'tshang rgya'o/ /de ltar kun tu sangs rgyas pa'i go 'phang dam pa der 'tshang rgya ba yang kun tu sangs rgyas pa'i snying po yi ge brgya pa de bzlas shing bsgoms pa las thob par 'gyur zhes pa'o/ /yi ge brgya pa'i 'bras bu'i sbyor ba rnam pa gsum gyi bye brag bstan pa yang rim gyis 'phar ba'i tshul du shes par bya ste/ sa bcu gcig pa'i byang chub sems dpa' sangs rgyas zhes bya ba de dag sa bcu gcig pa la gnas pa las bcom ldan 'das kyis 'od kyis bskul ste dam tshig gsum gyi lam la zhugs pa nas sa bcu gcig pa de las 'phar te/ ye shes chen po mngon par shes par dbang bskur ba dang ldan pa'i sa la gnas par shes par bya'o/ /de nas kun tu sangs rgyas kyi gzugs su gyur cing sangs rgyas kyi mdzad pa bstan pa dang de bzhin gshegs pa'i sprul pa'i sku shAkya thub pas spyir sangs rgyas kyi mdzad pa sten pa na byang chub sems dpa' de dag kun tu bzang po'i sa la gnas par shes par bya'o/ /byang chub sems dpa' kun tu bzang po kun tu bzang po'i spyod

  424. 212b

    pa las byung zhing longs spyod rdzogs pa'i skus sungs? te sangs rgyas kyi zhing spyod pa na kun tu sangs rgyas pa'i sa ma thob kyi bar du kun tu bzang po'i sa las ni 'phar/ kun tu sangs rgyas pa'i sa las ni 'jug pa'i stegs pu lta bu'i sa la gnas par shes par bya'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'bras bu'i spyod pa bstan pa rim par phye ba'o// //spyir gdul ba'i 'gro ba rtogs pa gtso bor gyur pa yongs su dag pa dang lung gi chos la gnas pa yongs su ma dag pa ste rnam pa gnyis so/ /de la yi ge brgya pa'i 'bras bu'i sbyor ba bstan pa'i rim par phye ba ni yongs su dag pa'i gdul ba'i 'gro ba rnams kyi don mdzad pa bstan pa'o/ /rim par phye ba 'dir ni yongs su ma dag pa'i 'gro ba rnams kyi don mdzad pa bstan pa ste/ gang gi phyir bcom ldan 'das kyi rgyu dang 'bras bu'i yon tan rnam pa kun tu sangs rgyas pa'i snying po yi ge brgya pa'i mtshan nyid oM zhes pa'i gzugs su byin gyis brlabs pa de 'og nas 'byung ba'i rim pas sgrub pa pos rang gi snying gar bsams te kun tu sangs rgyas pa'i skur bsgrub pa'i phyir/ de nas yang bcom ldan 'das la gsang ba pa'i bdeg po phyag na rdo rjes 'di skad ces gsol to/ /zhes pa la sogs pa gsungs pa yin te/ de la/ sngags rnams kyis ni sngags 'byung ba'i/ /sngags kyi mgon po 'di bshad pa/ /ngo mtshar che'o bcom ldan 'das zhes pa ni yi ge brgya pa'i rang bzhin gong du bshad pa de yon tan dang mthu che bas ngo mtshar che zhes pa'o/ /sngags kyi mgon po zhes pa dang sngags 'byung ba zhes pa yang snying po de nyid kyi bye brag ste sngar bshad pa bzhin no/ /thub pa chen po gnas gang du/ /gang gis ji ltar 'tshal bar bgyi/ /zhes pa ni yi ge brgya pa rnam par dgong pa sgrub pa'i rim par phye ba zhes

  425. 213a

    pa ste gang gis zhes pa ni sgrub pa po ci 'dra bas 'tshal bar bgyi zhes pa/ gang dag theg chen dkyil 'khor ni/ /snying rje 'byung bar dbang bskur zhing/ /zhes pa la sogs pa sgrub pa po'i mtshan nyid 'og nas bshad pa dang sbyar ro/ /ji ltar zhes pa ni snying po de ci 'dra bar rig par bgyi zhes pa ste/ gser gyi kha dog 'bar dang bcas/ /zhes pa la sogs pa 'og nas 'chad pa dang sbyar ro/ /thub pa chen po gnas gang du/ /zhes pa ni snying po de gnas gang du dgod par bgyi zhes pa ste/ /de yi gnas ni snying ga ste zhes pa dang sbyar ro/ /de las sngags rnams 'byung ba ni/ gang gis ji ltar bdag la gsungs/ zhes pa ni bdag nyid sgrub pa rim par byed pa dris pa ste/ snying po yi ge brgya pa de las sngags phal rnams 'gyur na rgyu gang dang thabs ji lta bus 'byung zhes pa ste/ 'od zer sku las byung ba rnams/ /yan lag gi ni yan lag gnas/ zhes pa la sogs pa bdag nyid sgrub pa las 'chad par 'gyur ba dang sbyar ro/ /mgon po smra ba rnams kyi mchog /'di kun bdag la bshad du gsol/ /zhes pa ni gong du zhus pa de rnams bka' stsal cig ces pa'o/ /smra ba rnams kyi mchog /ces pa ni bstong pa'i tshig ste smra ba rnams kyi nang na dam pa zhes pa'o/ /de skad gsol nas bcom ldan 'das/ zhes pa la sogs pa ni gong du zhus pa de rnams slar 'chang pa ste/ chos kyi dbang phyug thub pa che/ zhes pa ni bcom ldan 'das kyi bye brag ste/ lung dang rtogs pa'i chos la dbang du gyur zhing lus dang ngag dang yid gsum thub pa'o/ /kun mkhyen bcom ldan snang mdzad kyis/ /de tshe 'jig rten khams kun tu/ /yongs su khyab par 'gyur pa'i tshig /'jam pa'i gsung gis bka' stsal pa/ zhes pa ni bcom ldan 'das rnam par snang mdzad thams cad mkhyen

  426. 213b

    pas 'jig rten gyi khams ma lus pa thams cad khyab pa'i tshig tu gsungs so/ /zhes pa ste tshig de yang/ sems dpa' chen po legs so legs/ zhes pa la sogs pa'o/ /rab tu gsang zhes pa ni sems las byung ba'i mtshan nyid shin tu phra ba zhes pa'o/ /ngo mtshar chen po zhes pa ni yig 'bru sems kyis bsam pa las kun tu sangs rgyas pa'i sku la sogs par 'gyur bas ngo mtshar che zhes pa'o/ /sangs rgyas rnams kyi gsang ba'i mchog /ces ba ni snying po de'i don don dam pa dad kun rdzob kyi rang bzhin sems can rtog ge pa rnams kyis rjes su dpag pa la sogs pa'i sgo nas brtags pas mi rtogs pas/ sangs rgyas rnams kyis gsang ba'i mchog/ ces bya ste/ de bas na/ rtog ge kun gyi mi shes pa/ zhes gsungs so// gang dag theg chen dkyil 'khor ni/ /snying rje 'byung bar dbang bskur zhing/ /zhes pa nas/ bdag nyid chen po shes par 'gyur/ /zhes pa'i bar gyis gang gis 'tshal bar bgyi ba zhus pa'i lan bshad pa ste/ theg pa chen po'i dkyil 'khor snying rje chen po 'byung ba zhes bya bder dbang bskur zhing zhe gnas dang lhag mthong dang ldan pa'i sgrub pa pos snying po 'di shes par 'gyur te zhes pa ni spyi'i don to/ /yan lag gi don ni/ gang dag theg chen dkyil 'khor ni snying rje 'byung par dbang bskur zhing/ zhes pa ni sgrub pa po gang snying rje chen po 'byung ba'i dkyil 'khor du dbang bskur ba des snying po 'di shes par 'gyur zhes pa ste/ theg pa zhes pa ni 'gro ba'i tshig ste/ rang bzhin gyi dkyil 'khor sku la sogs pa mi zad pa'i mtshan nyid 'dir 'gro ba 'am/ gzugs brnyan gyi dkyil 'khor 'dis 'gro bar 'gyur ba ste/ snying rje 'byung ba'i dkyil 'khor 'di la bya'o/ /chen po zhes pa'i tshig ni sbyir gsungs mod kyi/ 'on kyang skabs 'dir ni lus kyi

  427. 214a

    dkyil 'khor dang dag gi dkyil 'khor gnyis kun rdzob kyi mtshan nyid yin pas chen po zhes mi bya'i/ /sems kyi dkyil 'khor de don dam pa'i rang bzhin yin pas de la chen po zhes bya ste/ mdor na gsang ba'i dkyil 'khor du dbang bskur ba zhes pa'o/ /gsang ba'i dkyil 'khor der dbang bskur bshad pa'i tshul gyis dam tshig lnga char dang ldan zhing dbang sum char dang ldan par 'gyur te/ de ltar dkyil 'khor sum cha ral rim pa bzhin du slabs pa de yongs su rdzogs pa'i sgrub pa por 'gyur ba'i phyir ro/ /gang dag drang zhing mnyen pa dang/ /zhes pa ni sgrub pa po de gsang ba'i dkyil 'khor du dbang bskur ba 'ba' zhig gis chog pa ma yin gyi/ skabs 'dir ni sgrub pa po gong ma dag ltar bzlas pa las byung ba'i sgrub pa'i spyod yul can te/ drang zhing zhes pa ni sems la g.yo dang gya gyu med pa zhes pa'o/ /mnyen pa zhes pa ni khengs pa dang zhe sdang med pa ste/ gang dgu dang zhing mnyen pa ni ting nge 'dzin dang rjes su mthun pas zhi gnas dang ldan par bstan pa'o/ /rtog tu snying rje gang chen dang/ /gang dag nam yang byang chub la/ /dmigs pa can du mi lta ba/ /zhes pa ni shes rab med par zhi gnas 'ba' zhig tu gyur na yang dmigs par 'gyur te/ snying rjes sems can thams cad sdug bsngal dang bral bar byed cing de bzhin nyid kyi rang bzhin byang chub kyi sems des dngos por dmigs par mi lta zhing stong pa nyid rtogs pa'i lhag mthong dang ldan par gsungs pa yin te/ de ltar lhag mthong dang zhi gnas dang ldan pa de dag gis snying po bdag nyid chen po 'di shes par 'gyur ro zhes pa'o/ /'dren pa gang na bzhugs pa yi/ /zhes pa nas/ mthu chen rtag tu gnas pa bzhugs/ zhes pa'i bar ni/ thub pa chen po gnas gang du/ /

  428. 214b

    zhes zhus pa'i lan bshad pa ste/ sgrub pa pos dang por sangs rgyas dang byang chub sems dpa' thams cad mngon du bsams te phyag byas nas de dag gi spyan sngar sdig pa bshags pa la sogs pa dang/ dam tshig gi phyag rgya bcing ba la sogs pa rim pa bzhin du bya ste/ rang gi snying gar pad+ma dkar po 'dab ma brgyad pa bsams la/ de'i steng du rlung gi dkyil 'khor me long lta bu gsal bar bsam zhing de'i dbus su bcom ldan 'das yi ge brgya pa aM zhes pa bsams te/ de yang me long gi nang na gzugs brnyan snang ba bzhin du de nyid du zhi bar blta ste/ de ni gnas bshad pa'i bsdus pa'i don to/ /tshig gi don la/ 'dren pa gang na bzhugs pa yi/ /de yi gnas ni snying ga ste/ /zhes pa ni 'dren pa de'i gnas ni sgrub pa po'i snying gar bya'o zhes pa'o/ /pad+ma tshid las byung ba ni/ /'dab ma brgyad pa rab mdzes la/ /zhes pa ni 'dren pa de'i gnas snying ga zhes bya ba de yang yid kyis bsam pa'i pad+ma 'dab ma brgyad pa shin tu gsal zhing dkar ba snying gar bsam la de'i steng du zla ba'i dkyil 'khor bsam te/ de'i dbus su 'dren pa de bsam zhes pa ste de bas na/ dkyil 'khor zla ba lta bu ni/ /zhes gsungs pa yin no/ /dri med me long 'dra ba la/ /zhes pa ni zla ba yang dkar mod kyi dri ma rab rib kyis mi snang bas de las gsal bar bsam par bya ba'i phyir/ me long ltar shin tu dri ma med cing gzugs brnyan 'char ba la snying po de bsam zhes pa'o/ /mthu chen rtag tu gnas pa bzhugs/ zhes pa ni me long la snying po de lhag par gnas shing bzhugs par bya'o zhes pa ste/ rtag par gnas zhes pa ni don dam pa'i rang bzhin dang kun rdzob kyi sku'i rang bzhin la bstod pa ste/ don dam pa'i rang bzhin de bzhin nyid kyi ye shes de mi 'gyur bar yongs su

  429. 215a

    grub pa'i tshul gyis rtag par gnas pa zhes bya la/ kun rdzob tu sku'i tshul du yang bcom ldan 'das kyi sku mi zad pa'i rgyan de sngon gyi shugs kyis 'khor ba'i mdza' ji srid pa de srid du sems can rnams kyi don gyi phyir phyin ci ma log par yongs su grub pa'i tshul gyis rtag par bzhugs pa'o/ /yang na sgrub pa po ji srid ting nge 'dzin la gnas pa de srid du snying po de yang mi g.yo bar rtag par gnas pa la bya'o/ /de la gsang sngags mgon po ni/ zhes dang/ gser gyi kha dog 'bar dang bcas pa sdig dang bral ba'i ting nge 'dzin gnas/ /nyi ma bzhin du brtag par bka' / /zhes pa ni ji ltar 'tshel bar bgyi zhes zhus pa'i lan bshad pa ste/ gser gyi kha dog 'bar dang bcas zhes pa ni snying po'i kha dog gser 'dra ba la 'od 'phro ba dang bcas pa zhes pa'o/ /sdig dang bral ba zhes pa ni 'bras bu'i rang bzhin la bstod pa ste/ shes bya dang nyon mongs pa la sogs pa'i sgrib pa'i rtog pa dang bral zhes pa'o/ ting nge 'dzin gnas zhes pa ni ting nge 'dzin gyis yi ge'i 'brur byi ba mi srid de/ de bas na sgrub pa'i ting nge 'dzin du 'dug pa la snying po de gnas zhes bya'o/ /nyi ma bzhin du brtag par dka' / zhes pa ni gzi brjid dang ldan par bsam par gsungs pa ste/ ji ltar nyi ma 'od zer gyis bskor ba la mig gi chags shing bltar mi bzod pa bzhin du snying po 'di yang rang las 'phros pa'i 'od kyis bskor zhing blta dka' bar bsam zhes pa ste/ don ni mdor na snying gar me long gi dkyil 'khor de'i dbus su snying po kha dog gser 'dra ba dang bcas par bsams pa ste/ 'phros pa'i 'od kyis sgrub pa po'i lus khyab par bsams zhing 'od 'phro ba de dag nyid 'dus pa

  430. 215b

    las rang gi lus shin tu sangs rgyas pa'i skur gyur par bsams te/ de ltar gyur pa na yang zla ba'i dkyil 'khor la gnas pa'i snying po yang snga ma bzhin du snying ga na gnas par bsam zhes pa'o/ /de bas na de yis 'gro ba 'di dag kun/ /phyi rol dang ni nang du yang/ /kun tu khyab par byin gyis brlabs/ /zhes gsungs pa yin te/ 'gro ba 'di dag kun zhes pa ni sgrub pa po'i phung po lnga po de dag kun snying po 'dis kun tu khyab par byin gyis brlabs zhes pa'o/ / de la phyi rol gyi byin gyis brlabs pa ni phyi'i lus kun tu sangs rgyas pa'i skur gyur pa'o/ /nang gi byin gyis brlab pa ni snying gar zla ba'i dkyil 'khor la gnas pa'o/ /yang na/ 'gro ba 'di dag kun zhes pa ni 'phags pa 'jam dpal dang spyan ras gzigs kyi dbang po la sog pa sngags kyi lha rnams la bya ste /de dag thabs 'dis kun tu khyab pa ste phyi'i gzugs de dag gi gzugs su bsgyur ba dang/ nang gi yi ge a la sog pa zla ba'i dkyil 'khor la bsam par bya ba yang snying po 'dis byin gyis brlabs pa las 'byung ba'i phyir ro/ /de ltar rang gi lus kun du sangs rgyas pa'i skur bsgyur ba snying gar zla ba'i dkyil 'khor la snying po dang bcas pa bsam shing bsgoms na kun tu sangs rgyas pa'i sku dang ldan pa'i rig pa 'dzin par 'gyur ro/ /de ltar gyur na de'i lus mthong ra dang des smras pa dang bsam pa'i sems can skal pa dang ldan pa rnams ji ltar bsam pa'i don rnams 'grub par 'gyur ro zhes 'og nas 'byung ba dang sbyar ro// me long yid du shes par byos/ /zhes pa nas/ bdag gi las kyis byung bar gyur zhes pa'i bar ni snying gar zla ba'i dkyil 'khor yang me long nyid du shes par bya'o/ /zhes pa nas yi ge bsams pa de las kun tu sangs rgyas pa'i skur bsgyur

  431. 216a

    bar bya pa'i thabs bstan pa ste/ me long yid du shes par byos/ zhes pa ni snying gar me long bsam pa de ni me long gi dngos po gzhan ma yin gyi/ rnam ba dang bcas pa'i sems ni yid ces bya ste/ yid de nyid me long gi dkyil 'khor gyi rnam par 'gyur bar shes par byos shig ces pa'o/ /shes rab mig kyang de nyid de/ zhes pa ni yid me long gi dkyil 'khor du gyur pa'i skad cig phyi ma la gsal par rtog cing yongs su gcod pa'i ngang tshul gyi/ sems 'byung ba ni shes rab ces bya ste/ shes rab de snying po la rtog pas na yid ces bya'o/ /sngags pa shes rab mig gis su/ /me long la ni rnam bltas na/ /de ni rang gzugs rdzogs sangs rgyas/ /mtshan nyid rab tu zhi bar mthong// zhes pa ni skad cig ma phyi ma'i shes rab kyis snying po dang bcas pa'i zla ba'i dkyil 'khor la rtse gcig tu rtogs pa'i tshe gong du bshad pa'i tshul du snying po'i 'od 'phros te 'dus pa las rang gi gzugs kun tu sangs rgyas ba'i sku'i mtshan nyid du gyur par mthong ba zhes pa'o/ /de bas na/ de tshe lus la lus kyi gzugs/ zhes gsungs te/ bdag gi phus la bcom ldan 'das kyi ska'i gzugs su bya'o zhes pa ste/ de ni phyi rol gyi lus sangs rgyas kyi skur bsam pa'i thabs so/ /yid la yid las byung ba ni/ /zhes pa bdag gi yid las byung ba'i me long gi dkyil 'khor snying po dang bcas pa bsam zhes pa ste/ de ni phyi rol gyi lus sangs rgyas kyi skur bsgyur ba'i che nang du yang snying po dang bcas pa'i zla ba'i dkyil 'khor bsam zhes pa'o/ /dag cing rnam par mdzes pa dag /bdag gi las kyis byung bar 'gyur/ zhes pa ni phyi dang nang gnyis ka de ltar bsgoms na phyi'i lus kun tu sangs rgyas pa'i sku rnam par mdzos shing dag par gyur pa

  432. 216b

    dang nang gi yid la yang snying po dang bcas pa'i zla ba'i dkyil 'khor gsal zhing dag ba ste/ dag pa de dag ni bdag gi lus skur bsil dang nang gi snying bo bsam pa'i bdag gi las byas pa las byung ngo zhes pa'o/ /dag pa zhes pa yang skabs 'dir ye shes la sogs pa dag pa'i mtshan nyid la mi bya'i /phyi dang nang gi gzugs de dag gsal ba'i sgo nas dag pa'o/ /rang gi las zhes pa yang tshe rabs snga ma'i dge ba la sogs pa la mi bya'i phyi dang nang gi gzugs 'di ltar skyed ba'i sbyor ba'i las la bya'o/ /de nas de'i 'od zer ni/ /gang gis sngags pa sangs rgyas kyi/ /spyod pa thams cad rab byed pa/ /kun nas rnam par snang bar 'gyur/ /zhes pa ni sgrub pa po kun tu sangs rgyas pa'i skur gyur pa de'i tshed las 'od zer 'phro zhing byung ba rnams kyi mthus sngags pa de kun tu sangs rgyas pa'i sbyor ba thams cad byed nus par 'gyur ro zhes pa'o/ /yang na snying po de las 'od zer 'phro zhing 'byung ba na a las yi ge a'i rigs rnams 'byung ba dang klad kor las ka la sogs rnams 'byung la/ de rnams kyang 'phags pa 'jam dpal la sogs pa sngags kyi lha rnams kyi snying po ste/ de dag thams cad kyang 'og nas bdag nyid sgrub pa'i rim par phye ba las 'byung ba'i rim pas/ /yid las byung pa las byung zhing/ zhes pa la sogs pa kun tu sangs rgyas pa'i skur gyur pa'i rjes su bslabs pa gsungs pa'o/ /de bzhin bdag nyid dag pa yis/ /bltas pa'am ni smra bas kyang/ /yid la bsams pa'i dgos ba ni/ /thams cad byed par 'gyur ba anyid/ /ces ba ni kun tu sangs rgyas ba'i skur gyur pa'i rig pa 'dzin pa de sgang gis mthong ba'i sems can de'i ji ltar bsams pa'i don rnams 'grub par 'gyur zhes pa ste/ dgos pa ni/ thams cad byed par 'gyur ba nyid/ /ces pa dang sbyar ro/ /de bzhin du su zhig rig pa 'dzin pa dang lhan ci

  433. 217a

    tu smras pa yang don thams cad 'grub par 'gyur zhes pa'o/ /de bzhin du rig pa 'dzin pa des sems can de 'di ltar gyur cig ces bsams na yang de'i dgos pa kun tu byed par 'gyur zhes pa'o/ /rig pa 'dzin pa de mthong ba la sogs pa'i spyod yul du gyur pa'i sems can de dag kyang bsod nams bsags shing skal pa dang ldan par shes par bya ste/ sems can de dag gi don byed par 'gyur gyi/ phal rnams kyi ni de mthong ba la sogs pa'i spyod yul du mi 'gyur ro/ /gsang ba pa'i bdag po gzhan yang zhes pa nas/ phan tshun byed pa po dang las su rnam par 'jog par yang mi byed do/ /zhes pa'i bar ni sangs rgyas kyi skur nga rgyal bskyed pa'i phyir de ji ltar 'gyur ba'i rgyu kun rdzob du rkyen dang 'du zhing tshogs te 'byung ba'i rgyu dang 'bras bu nges pa'i sgo nas bstan pa ste/ 'di ltar lus la lus kyi gzugs bskyed par bya'o zhes pa ni gong du gsungs pa'i tshul gyis bdag gi lus kun du sangs rgyas pa'i skur bskyed par bya'o/ /zhes pa'o yang dag par rdzogs pa'i sangs rgyas las lhag pa ni gang yang med de zhes pa ni kun tu sangs rgyas pa'i sku la shin tu bsngags pa'i phyir gsungs pa ste/ kun tu sangs rgyas pa'i sku las khyad par du 'phags pa'i gzhan dag gi sku yang med pas na kun tu sangs rgyas pa'i sku 'di nyid rang gi lus la bskyed par bya'o zhes pa'o/ /ji ltar bdag gi mig dang rna ba zhes bya ba la sogs pas ni kun tu sangs rgyas pa'i skur bskyed pa de yang don dam par gzugs kyi dngos po med mod kyi kun rdzob tu rgyu dang 'bras bu nges pa'i chos nyid med pa ma yin te/ dper na mig dang rna ba la sogs pa'i dngos po chen po bzhi'i rang bzhin du gtogs pa de dag don dam par ma yin par stong pa

  434. 217b

    nyid du sangs rgyas bcom ldan 'das rnams kyis mkhyen mod kyi/ 'on kyang rgyu dang rkyen 'dus pa las de dag 'byung bar snang ste/ rgyu dang rkyen med na ma yin no zhes gsungs pa yin no/ /de dag kyang ngo bo nyid kyis stong pa zhes pa ni mig dang rna ba la sogs pa 'gyur ba chen po bzhir gtogs pa'i chos de dag gzod ma nas ma byung zhing ma skyes pa 'am/ rdul phran phyogs kyi tshal sogs par bshig na de dag rang bzhin yod par mi 'grub ces pa'o/ /ming tsam gyis bsdus pa zhes ba ni dngos pos stong pas na ming du gdags pa tsam mo zhes pa'o/ /dngos po med na ming du gdags pa yang ji ltar yod ce na/ nam mkha' dang mtshungs shing 'dra ba zhes gsungs te/ nam mkha' yang dngos po med mod kyi nam mkha' zhes ming du brjod pa de bzhin du 'di dag las kyang dngos po med mod kyi/ mig dang rna ba zhes ming tsam du brjod do zhes pa'o/ /gzung du med pa zhes ba ni de ltar de dag rang bzhin gyis stong bas na gang gi yang gzung ba'i lam yin no zhes pa ste/ tshig de dag gis ni mig la sogs pa'i dngos po de rnams stong pa'i rang bzhin nam mkha' lta bur bstan pa'o/ /rgyu dang las las byung ba zhes pa ni kun nas nyon mongs pa'i phyogs su bstan pa ste/ rgyu ni ma rig pa la sogs pa'i nyon mongs pa'o// las ni 'phral gyi dge ba dang mi dge ba la sogs pa lus ngag yid gsum gyi spyod pa ste/ de dag don dam par dngos po med kyang kun rdzob tu? rgyu dang las las skyes par snang ngo zhes pa'o/ /gzugs brnyan dang 'dra ba zhes pa ni kun rdzob tu snang ba yang gzugs brnyan de ma rtogs pa'i sgo nas snang bar zad kyi/ gzugs brnyan de rigs pa dang lung gis brtags na brtag mi bzod de yod par mi 'grub pa bzhin no zhes pa'o/ /de bzhin gshegs pa rnams kyis mngon par rdzogs

  435. 218a

    par sangs rgyas so/ /zhes pa ni chos de rnams sngon gyi de bzhin gshegs pa rnams kyis kyang 'di lta bu'i tshul du mngon par mkhyen to zhes pa'o/ /de dag kyang phan tshun rten cing 'brel par 'byung ba'i rgyun ma chad par 'brel ba ste/ gang brten nas skyes pa de ni gzugs brnyan dang 'dra bar 'byung ngo/ /zhes pa la gal te de ltar gzugs brnyan dang 'dra na gzugs brnyan ni gzugs med mi 'byung ba bzhin du rgyun 'chad dam zhe na/ gzugs brnyan bzhin 'chad pa ma yin gyi nyon mongs pa snga ma'i skad cig gi cha shas med kyang nyon mongs pas bskyed pa'i las dang skye ba dag kyang 'bras bu skyed par byed de/ gzugs med na gzugs brnyan mi 'byung ba ltar ma yin gyi/ phan tshun rten cing 'brel par 'byung ba'i rgyun mi 'chad par 'byung ngo zhes pa'o/ /gang rten nas skyes pa de ni gzugs brnyan dang 'dra bar 'byung ngo zhes pa ni de lta bu'i rkyen las byung ba'i chos de rnams brtag mi bzod cing don dam par yod pa ma yin pa'i dper gzugs brnyan dang 'dra zhes pa'o/ /de lta bas na phan tshun rten cing 'brel par 'byung ba'i phyir lha gang yin pa de bdag yin/ bdag gang yin pa de ni lha yin no zhes pa ni de ltar don dam par chos yod pa ma yin kyang kun rdzob tu rten cing 'brel par 'byung ba las chos rnams snang bas na bdag gi rkyen gyis lha bskyed/ lha'i rkyen gyis bdag bskyed pas na bdag bskyed do zhes bya ste/ lha gang yin pa de bdag yin zhes pa ni yi ge brgya pa'i rang bzhin aM zhes pa snying ga na gnas pa de dag gis bsam pa las 'byung ba'i phyir ro zhes pa'o/ /bdag gang yin pa de ni lha yin no zhes pa ni snying po nges bdag kun tu sangs rgyas pa'i skur bskyed pa'i phyir ro zhes pa'o//

  436. 218b

    de bzhin du lus kyis lus kyi gzugs lha'i skur bskyed par bya'o/ /zhes pa ni de ltar phan tshun rgyu dang rkyen 'dus shing tshogs te byung bas bdag gi gzugs kun tu sangs rgyas pa'i skur bskyed par bya'o zhes pa'o/ /gsang ba pa'i bdag po chos la brten nas rtogs pa 'byung/ rtogs pa la brten nas kyang chos 'byung ba la bltos zhes pa ni lha gang yin pa de bdag yin /bdag gang yin pa de lha yin zhes pa'i tshig de nyid gzhung gzhan gyis bstan pa ste/ chos shes pa ni oM zhes pa'i yig 'bru'o/ /rtogs pa 'byung ba zhes pa ni kun tu sangs rgyas pa'i sku de yi ge de'i rkyen gyis kun tu sangs rgyas par 'gyur/ kun tu sangs rgyas par gyur nas slar yang snying ga'i yi ge bsam par bya ba ni gcig gi rkyen gyis gcig 'byung ba ste/ de ltar bltos shig pa'o/ /de gnyis kyang rang bzhin gyis stong pa'i phyir/ phan tshun byed pa po dang las su rnam par 'jog par yang mi byed do/ /zhes pa ni yi ge dang gzugs de gnyis rang bzhin gyis stong pa'i phyir yi ges gzugs skyed pa'i bya ba mi byed la/ gzugs kyis kyang yi ge bskyed pa'i bya ba mi byed ces pa'o/ /gsang ba pa'i bdag po ji ltar na yid la yid las byung ba'i gzugs skyed par bya zhe na/ zhes pa la sogs pas ni yid la zla ba'i dkyil 'khor la gnas pa'i sngags kyi 'bru bskyed pa de brtan por bya ba'i phyir yid las ji ltar 'byung ba'i rgyu mtshan bshad pa ste/ gsang ba pa'i bdag po/ /dkar po 'am/ ser po 'am/ dmar po yid la byas na yid de'i rnam pa la zhes par 'gyur te zhes pa ni chu'i dkyil 'khor dang dbang chen gyi dkyil 'khor dang me'i dkyil 'khor bsams na yid kyang rnam pa ru 'gyur ro zhes pa'o/ /des na de lta bus dgos pa yang de lta bu lo na mngon par sgrub par byed do/ /zhes pa ni

  437. 219a

    dbang chen la sogs pa'i dkyil 'khor gyi rnam par gyur pa'i yid des dbang chen la sogs pa'i bya ba byed par 'gyur ro zhes pa ste/ de bas na/ gsang ba pa'i bdag po 'di lta ste/ yid la dkyil 'khor bsams nas su/ rims nad can la bzhag na ni/ /de'i mod la skye bo ni/ /rims las thar 'gyur dogs pa med/ /ces bya ba gsungs pa yin te/ tsha ba'i rims kyis btab pa la nad pa'i klad pa'i steng du bum pa kha spu par chu'i dkyil 'khor ji skad du bshad pa bsams la/ de las bdud rtsi'i chu dkar po byung bas nad pa'i spyi bo nas mthar gyis phyi dang nang dang bcas par rting pa'i bar du khyab par bsams te/ de'i tshe chus bya ba cing de'i mod la rims nad thams cad phyir 'byung bar bsam pa de lta bu lan gnyis sam lan gsum du byas na rims nad las thar bar 'gyur ba la dog pa med do/ /de bzhin du dbang chen gyi dkyil 'khor la yang sbyar ro/ /grang zhing 'dar ba'i rims kyis btab pa la me'i dkyil 'khor ji skad du bshad pa bsams nas de'i steng du nad pa bzhag la me nges mes yar gyen du lus kyi phyi nang khyab par bsams na grang ba'i rims las thar bar 'gyur ro/ /yid med par yang dkyil 'khor yod pa ma yin la/ dkyil 'khor med par yang yid yod pa ma yin no/ /de ci'i phyir zhe na/ dkyil 'khor dang mtshan nyid gcig pa'i phyir ro/ /zhes pa ni dbang chen la sogs pa'i dkyil 'khor de dag dngos po gzhan du yod pa la yid kyis de'i rnam par bsams pa ma yin gyi/ yid nyid dkyil 'khor de dag gi rnam par gyur pas mtshan nyid gcig cing yid dang dkyil 'khor gnyis dbyer med pa ste/ de dag gnyis ka don dam par yod pa ma yin pa las kun rdzob tu rnam pa dang bcas pa'i sems kyis brtags pa tsam yin pa'i

  438. 219b

    phyir te/ de bas/ de nyid dpes bsgrub par bya ba'i phyir/ gsang ba pa'i bdag po 'di lta ste zhes pa la sogs pas sgyu mar sprul pa gsungs te/ mdor na gang yid la zla ba'i dkyil 'khor dang snying po bskyed pa de yang don dam par rang bzhin gyis stong zhing yod pa ma yin mod kyi/ 'on kyang kun rdzob tu rgyu dang rkyen nges pa'i dbang gis don gyi bya ba byed pas na yid la zla ba'i dkyil 'khor snying po dang bcas pa bsam pa la nan tan du bya'o/ zhes pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya pa rnam par dgod pa sgrub pa rim par phye ba'o// //da ni bcom ldan 'das kun tu sangs rgyas pa'i rang bzhin gyi yi ge brgya pa las 'phags pa 'jam dpal dang spyan ras gzigs kyi dbang po la sogs pa'i sngags kyi sku dang yig 'bru rnams 'byung bar bstan pa'i phyir/ de nas yang bcom ldan 'das kyis gsang ba pa'i bdag po phyag na rdo rje la bka' stsal pa zhes pa la sogs pa gsungs te/ de la gsang ba pa'i bdag po sngags kyi mgon po'i sku dang lus su dbyer med pa nyon cig ces pa ni kun tu sangs rgyas pa'i sku las sngags kyi lha gzhan rnams 'byung ba'i lus de dag dbyer med pa nyon cig ces pa'o/ /yid las gyur pa las byung zhing/ zhes pa ni sku de rnams kyang bcom ldan 'das kyi gsung mi zad pa sdud pa'i sgor gyur ba a zhes pa zla ba'i dkyil 'khor la gnas pa snying gar bsams pa de ni yid las gyur pa zhes bya la/ de las kun tu sangs rgyas pa'i sku 'am/ sngags kyi lha gzhan rnams kyi skur 'byung bas na/ yid las gyur pa las byung zhing/ zhes pa'o/ /yid kyang shin tu rnam sbyangs na zhes pa chi sku de dag yid las 'byung ba yang bsams pa tsam gyis chog pa ma yin gyi/ /zhi gnas dang lhag mthong zung du 'brel

  439. 220a

    bar sbyangs pa las byung ba'i sku'o zhes pa'o/ /mgon po de na bzhugs pa las/ /'od zer sa las byung ba rnams/ zhes pa ni yid shin tu sbyangs pa de la bzhugs shing gnas pa'i snying po de las sngags kyi lha rnams kyi snying po 'byung la/ 'od zer sku las byung ba rnams/ /zhes pa ni snying po de las ka la sogs pa'i yi ge rnams 'byung zhes pa'o/ /yan lag gi ni yan lag gnas/ /rtag par kun tu rnam par 'phro/ zhes pa la yan lag ni a nyid la bya la/ yan lag de'i yan lag ni klad kor dang i dang u la sogs pa ste/ de rnams las sngags rnams 'byung bas na/ /yan lag gi ni yan lag nas/ /rtabs par zhes gsungs pa yin te/ mdor na 'phags pa 'jam dpal lam spyan ras gzigs kyi dbang po'i skur bsgyur na gzhan ni rim pa snga ma bzhin te/ yi ge a'i klad kor nga las yi ge maM la sogs pa gang yang rung ba 'byung bar bsams te de'i 'od 'phros shing 'dus pa las 'jam dpal la sogs pa'i skur bsgyur ro/ yang na a'i gnas nyid du bsams te snga ma bzhin du skur bsgyur bar bya'o/ /tshul 'di dag ni ma shes pas/ /rmongs pa rnams kyis yongs mi shes/ /zhes pa ni kun tu sangs rgyas pa'i sku gcig pu de las sngags kyi sku rnam pa mang po de dag ji ltar 'byung bar 'gyur snyam du yid mi ches shing mi shes pa ni 'og nas 'byung ba'i tshul 'di ma shes pa las yin no zhes pa ste/ lus kyi bye brag ji snyed pa/ brjed? pa las ni mang du 'gyur/ /de bzhin sngags kyi mgon po yi/ /bye brag dag kyang grangs med gsungs zhes pa ni sangs rgyas dang byang chub sems dpa' la sogs pa'i lus kyi bye brag mang po dag brjod pa'i rang bzhin yi ge'i 'bru las rnam pa mang du 'byung ba bzhin du/ sngags kyi mgon po kun tu sangs rgyas pa las sngags

  440. 220b

    kyi lha'i bye brag grangs med pa 'byung ngo zhes pa'o/ /kun tu sangs rgyas pa'i rang bzhin de rnam par rtog pa las shin tu 'das na des sku rnam pa mang po 'di rnams ji ltar skyed par byed ce na/ ji ltar yid bzhin nor bu ni/ /dpal ldan 'dod pa'i don sgrub pa/ de bzhin 'jig rten sgron ma yi/ /sku yang don rnams thams cad sgrub/ /ces bya ba gsungs te/ ji ltar yid bzhin gyi nor bu de rnam par mi rtog kyang thams cad kyi re ba yongs su rdzogs par byed la/ don thams cad sgrub pa de bzhin du/ sngags kyi mgon po 'jig rten gyi sgron ma de yang rnam par mi rtog bzhin du sngon gyi smon lam gyi shugs kyis sku la sogs pa rnam pa sna tshogs 'byung zhing don thams cad rab tu byed do zhes pa'o/ /de nyid kyang nam mkha' i dpes bstan pa'i phyir/ gsang ba pa'i bdag po chos kyi dbyings rnam par mi rtog pa ji ltar dgos pa thams cad mngon par sgrub ce na/ zhes pa la sogs pa gsungs te/ de dag gi ni aM zhes pa ni yi ge brgya pa de las bcom ldan 'das kun tu sangs rgyas pa dang/ sngags kyi lha rnams kyi skur bsgyur nas kyang yid zla ba'i dkyil 'khor la gnas par bsam pa'i sbyor ba bshad do/ /'dir ni de ltar bdag gi lus kun tu sangs rgyas pa'i sku la sogs par yongs su bsgyur nas kun tu sangs rgyas pa dang rjes su mthun pa'i sems kyi yon tan bskyed pa'i phyir sems yongs su sbyang bar bya ba 'chad de/ de yang/ de nas yang bcom ldan 'das kyis sems can gyi khams ma lus pa rnam par sbyong ba'i tshig rnams kyis zhes pa la sogs pa gsungs pa la sems can gyi khams ma lus pa rnam par sbyong ba'i tshig ces pa ni ting nge 'dzin sgrub pa'i tshig ces pa la sogs pa 'og nas 'byung ba'i tshig rnams la bya ste/ tshig de dag gis sems can rnams kyi nyon mongs pa'i sgrib pa

  441. 221a

    la sogs pa ni sel/ ye shes khyad par can skye bar byed pa'i sgo nas rnam par sbyong ba'i phyir ro/ /sgrub pa'i sems yongs su sbyang bar bya ba yang 'jug pa'i sems dang gnas pa'i sems dang ldan pa'i sems dang ldan pa ste/ de la 'jug pa'i sems ni ting nge 'dzin sgrub pa'i tshig ces pa ste/ gang gi tshe na thog ma nas/ /cung zad skye ba 'am 'jig med pa/ /de tshe rnal 'byor can dag gi /stong pa'i ye shes ji ltar skye zhes pa dang sbyar ro/ / bsam gyis mi khyab pa'i tshig ces pa ni gnas pa'i sems 'chad pa ste/ gang tshe chos shes bya ba ste/ ngo bo nyid kyis mi rnyed pa/ /de tshe nam mkha' 'dra ba'i sems/ /byang chub 'byung ba skye bar 'gyur/ zhes pa dang sbyar ro/ /yongs su gyur pa'i sgo yi tshig ces pa ni ldang ba'i sems 'chad pa ste/ de tshe 'jig rten kun mthun pa'i/ /snying rje dag kyang skye bar 'gyur/ zhes pa dang sbyar ro/ /de la ting nge 'dzin grub pa'i tshig ces pa ni tshig des chos thams cad gzod ma nas ma skyes shing mi 'gag par rtogs pa'i ting nge 'dzin 'byung bar ston pa'i phyir ro/ /bsam gyi mi khyab pa'i tshig ces pa ni tshig des chos thams cad dmigs su med pa nam mkha' dang 'dra ba'i sems ston pa'i phyir ro/ /yongs su gyur pa'i sgo'i tshig ces pa ni tshig des ting nge 'dzin las yongs su gyur te/ langs nas snying rje'i dbang gis sems can gyi don bya ba la sogs pa ston pa'i phyir ro/ /gang gi tshe na thog ma nas/ /cung zad skye ba 'am 'jig med pa// de tshe rnal 'byor can dag gi /stong pa'i ye shes ji ltar skye/ zhes pa ni gang gi tshe phung po dang khams la sogs pa'i chos rnams thog ma nas ma skyes shing ma gyur pa'i phyir 'chi 'pho ba yang med de/ de ltar phyi gzung ba'i chos med

  442. 221b

    na de la 'dzin par byed pa'i rnam par shes pa yang skye ba'i gnas med pas mi skye'o/ /de ltar gzung ba dang 'dzin pa'i cha gnyis ka med de/ stong pa de'i tshe na rnal 'byor can gyi stong pa'i ye shes kyang skye bar mi 'gyur ro zhes pa'o/ /gang tshe chos zhes bya ba de/ /ngo bo nyid kyis mi rnyed pa/ /de tshe nam mkha' 'dra ba'i sems/ /byang chub 'byung ba skye bar 'gyur/ /zhes pa ni gong du bshad pa'i rim gyis phyi'i chos rnams dang nang gi rnam par shes pa gnyi ga med par bshig na phung po la sogs pa'i chos 'di dag thams cad dmigs su med par rtogs pa la gnas pa'i sems ni nam mkha' dang 'dra bar rtog pa thams cad bral bar 'gyur zhes pa'o/ /rnam par mi rtog pa'i sems de las de bzhin nyid kyi ye shes byang chub kyi mtshan nyid can 'byung bas na de la byang chub 'byung ba zhes bya'o/ /de tshe 'jig rten kun mthun pa'i/ /snying rje dag kyang skye bar 'gyur/ /zhes pa ni ting nge 'dzin de las langs nas snying rje'i dbang gis sbyin pa la sogs pa dang/ spyod pa dang lha'i skur bsgyur ba la sogs pa sems can gyi don bya ba dang ldan pa'i sems bskyed do zhes pa'o/ /de dag gi don mdor sdu na dang por 'jug pa'i sems rtog pa dang bcas pa'i chos rnams stong pa'i rang bzhin du bshig ste/ de nas stong pa nyid rtogs pa rnam par mi rtog pa'i sems la ji srid 'dod par gnas nas de'i 'og tu snying rje'i dbang gis lha'i gzugs su snang bar byas te/ sbyin pa la sogs pa sems can gyi don rnams la bya'o zhes dgongs pa'o/ /ming tsam gyi ni tshul du gnas/ zhes pa ni spyod pa de dag kyang don dam par yod pa ma yin te/ ming tsam du rtog pa'i gnas so zhes pa'o/ /de ltar thams cad ming tsam yin na sngar kun tu sangs

  443. 222a

    rgyas pa'i skur bsgyur ba la nan tan cher bya ba yang ji ltar dgos she na/ sangs rgyas ming du 'dir brjod do/ zhes gsungs te/ kun tu sangs rgyas pa yang 'dir don dam par yod pa ma yin gyi/ ming tsam du zad de zhes pa'o/ /de tshe stong dang mi stong zhes/ /yang dag tu na ming du 'dogs/ /zhes pa ni de'i tshe nam mkha' la sogs pa stong pa'o zhes bya ba dang bum pa la sogs pa chos rnams kun tu stong pa ma yin no zhes pa yang ming tsam du bya'o zhes pa'o/ /de la gcig gnyis gsum la sogs/ /grangs kyi dbye ba 'ang 'byung bar 'gyur/ /zhes pa ni yi ge a zhes pa cig pu de las kyang ming can du bya ba'i sgo nas i la sogs pa'i yi ge'i dbye ba mang po rnams su 'gyur ro zhes pa'o/ /de ltar dpa' bo stong pa de/ /rang 'byung rnams kyi byin brlabs las/ /a la sogs pa rim bzhin 'phel/ /de ltar stong pa nyid kyi ngo bo las a dang i la sogs pa'i yi ge rnams kyi bye brag mang por 'phel bar 'gyur te/ yid la gnas pa'i snying po las so zhes pa'o/ /rang 'byung zhes pa ni bcom ldan 'das kun tu sangs rgyas pa'i rang bzhin la bya ste/ sus kyang ma bskyed pa'i phyir ro/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ bdag nyid sgrub pa rim par phye ba'o// //rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya pa'i sngags kyi cho ga rim par phye ba'o 'grel pa mi snang ngo/ /de ni de bzhin gshegs pa'i kun tu byang chub pa'i rang bzhin bstan pa'i phyir/ ji ltar nam mkha' phyogs rnams na/ /kun la brtag par mi gnas pa/ /de bzhin chos rnams thams cad la/ /gsang sngags mgon

  444. 222b

    po mi gnas so/ /zhes pa la sogs pa gsungs te/ ji ltar nam mkha' lho byang dang shar nub la sogs pa'i phyogs la mi gnas pa bzhin du don dam pa'i mtshan nyid kyi sngags kyi mgon po de yang gzugs la sogs pa'i chos rnams la dmigs par byed pa dang/ dmigs par bya ba'i sgo nas mi gnas so zhes pa'o/ /ji ltar dngos rnams nam mkha' la/ /gnas shing rtag tu rnams snang yang/ /de ni gnas su mi 'gyur ba/ /gsang sngags mgon po de bzhin no/ /zhes pa ni ji ltar nam mkha' la gzugs kyi dngos po rnams gnas par snang yang dngos po de rnams la nam mkha' gnas par mi 'gyur ba bzhin du de bzhin gshegs pa yang mngon par byang chub pa'i tshe sku mi zad pa'i rdo rje'i rgyan la sogs pa rnam pa sna tshogs pa rnams de'i dbang gis byung ba yang byang chub kyi rang bzhin de ni sku mi zad pa la sogs pa'i rdo rje'i rgyan de rnams la dmigs pa'i sgo nas mi gnas so zhes pa'o/ /nam mkha' dus gsum la sogs dang/ /ji ltar bral bar 'dod pa bzhin/ /de ltar gsang sngags mgon po yang/ /dus gsum med kyang rnam par snang/ /zhes pa ni ji ltar nam mkha' de rang bzhin gcig las mi 'gyur bas na dus gsum las 'das pa bzhin du de bzhin nyid kyi rang bzhin sngags kyi mgon po de yang mi 'gyur bar yongs su grub pa yin pa'i phyir/ dus gsum la mi gnas par stobs dang mi 'jigs pa la sogs pa'i yon tan rnams snang ngo zhes pa'o/ /ming tsam du ni gdags pa'i gnas/ /byed pa po la sogs dang bral/ /nam mkha' la ni tha snyad du/ /mkhas pa rnams ni 'dogs par byed/ /ming ma gtogs par cung zad kyang/ /yod pa ma yin nam mkha' bzhin/ /de bzhin gsang sngags dbang phyug kyang/ tha snyad tsam du snang bar zad/ ces pa ni de bzhin gshegs pa'i

  445. 223a

    gsung mi zad pa'i rgyan yig 'brur byin gyis brlabs pa'i rang bzhin de don dam par dngos po yod pa ma yin par bstan pa ste/ ji ltar nam mkha' ming du gdags pa tsam du gnas kyi/ nam mkha' de nyid med pa'i rang bzhin nam/ gzhan gyis byas pa'i dngos po yod pa ma yin te/ nam mkha' zhes brjod pa tsam du zad kyi/ ming las lhag par nam mkha' zhes bya ba'i dngos po yod pa ma yin pa de bzhin du sngags kyi dbang phyug snying po de yang kun rdzob pa tsam snang bar zad kyi dngos por yod pa ma yin no zhes pa'o/ /me dang chu dang rlung ma yin/ zhes pa la sogs pa ni de bzhin gshegs pa'i byang chub kyi rang bzhin de ni me dang chu la sogs pa chen po bzhi dang/ nyi ma dang zla ba la sogs pa chen po bzhi la gnas pa dang/ nyin mo dang mtshan mo la sogs pa'i dus la sogs pa ming gis smos pa rnams kyi rang bzhin ma yin te/ gang thams cad mkhyen pa'i go 'phang thob par 'dod pa des ni ji skad du smos pa'i dngos po 'di rnams dang bral ba'i byang chub kyi rang bzhin de la nan tan bya'o/ /zhes pa'o rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ rdzogs bar byang chub pa'i ngo bo nyid bstan pa rim par phye ba ste nyi shu rtsa bzhi pa'o// //da ni dam tshig gsum bshad de/ /de yang rnam pa gnyis te/ rgyu'i dam tshig gsum dang 'bras bu'i dam tshig gsum mo/ /de la rgyu'i dam tshig gsum ni 'jug pa'i sems dang ldang ba'i sems so/ /'bras bu'i dam tshig gsum ni bcom ldan 'das kyi sku mi zad pa la sog pa rnam pa gsum mo/ /de la dam tshig ces pa'i tshig gi don ni kun tu 'gro ba zhes kyang bya

  446. 223b

    ste/ 'jug pa dang gnas pa dang ldang ba'i sems 'dis kun tu 'gro zhes pa'i don to/ /kun tu thob pa 'am rtogs par bya ba zhes kyang bya ste/ sku mi zad pa'i rdo rje'i bya ba la sogs pa de dag ni thob par bya ba 'am/ rtogs par bya ba yin pas de dag nyid la dam tshig ces bya'o/ /skabs 'dir ni rgyu'i dam tshig bshad de/ /de yang/ de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /zhes pa la sogs pas gsungs pa yin te/ de la chos kyi khyad par rnam pa gsum zhes pa ni 'jug pa dang ldang ba dang gnas pa'i sems gsum tha dad pas chos kyi khyad par rnam pa gsum zhes bya'o/ /chos kyi khyad par gang la sgrib pa med pa'i tshul gyis 'byung bar 'gyur ba de ni dam tshig gsum ste zhes sbyar te/ 'jug pa la sogs pa'i sems gsum po de spyad pa las thogs pa med par sku mi zad pa la sogs pa'i rdo rje'i rgyan dam tshig gsum gyi mtshan nyid de 'byung ngo zhes pa ste/ gong du nyon la zhes bya ba dang/ ngas bshad do zhes bya ba dang 'brel to/ /chos kyi khyad par de yang gang zhe na/ zhes pa ni 'jug pa la sogs pa'i sems gsum pa de dag so sor bye brag phye ste bshad pa'i phyir gsungs pa'o/ /de la 'jug pa'i sems ni dang po'i sems te zhes pa nas byang chub kyi mtshan nyid do/ /zhes pa'i bar gyis te/ rnam par bsgoms pa'i rang bzhin zhes pa ni phung po dang khams la sogs pa'i chos rnams shes rab kyis ma bshig pa'o zhes pa'o/ /de la ma bsgoms pa'i rang bzhin zhes don to/ /de'i rjes las byung ba'i shes rab ces pa ni ma bsgoms pa'i rjes la chos pa bdag med par shes pa'i shes rab bo/ /des kyang yang dag pa ji lta ba bzhin du yongs su shes nas sems bskyed pa zhes sbyar te/ shes rab nges chos thams cad phyin ci ma log par shes pa bskyed do zhes pa ste/ de bas na/ rtog

  447. 224a

    pa'i dra ba ma lus pa dang bral ba'i byang chub kyi mtshan nyid ces sbyar bar bya ba ste/ /phung po dang khams la sogs pa'i chos kyi mtshan nyid la yod cing chags par rtog pa ni grol ba'i gegs su 'gyur pa'i phyir/ rtog pa de nyid dra ba zhes bya la/ gang rtog pa'i dra ba med pa'i sems ni stong pa nyid du rtogs pa'i sems te/ byang chub kyi mtshan nyid do/ /de ni dang po'i sems zhes pa'i tshig gong ma dang 'brel te 'jug pa'i sems so/ /gnyis pa ni rnam par mi rtog pa ste/ rdzogs pa'i sangs rgyas kyi go 'phang ngo/ /zhes pa ni gnas pa'i sems te/ rtog pa'i dra ba thams cad med pa'i byang chub kyi mtshan nyid kyi shes rab de nyid chos thams cad stong pa'i rang bzhin du rtogs nas rnam pa mi rtog pa nyid la gnas te/ de nyid la kun tu sangs rgyas pa'i go 'phang zhes bya'o/ /yang dag pa ji lta ba bzhin du mthong nas kyang zhes pa nas de ni dam tshig gsum mo/ /zhes pa'i bar gyis ldang ba'i sems bshad pa ste/ yang dag pa ji lta ba bzhin mthong nas kyang zhes pa ni 'jug pa dang gnas pa'i sems kyis de bzhin nyid phyin ci ma log par rtogs nas kyang zhes pa ste/ de ltar de de bzhin nyid du rtogs nas kyang rnam par mi rtog pa de nyid la mi gnas par sems can gyi don du spyod pa ste/ de bas na sems can gyi khams ma lus pa la bltas nas zhes pa la sogs pa gsungs pa yin no/ /sems can gyi khams la lta ba de yang dmigs pa dang bcas pas khe dang bkur sti'i phyir lta ba ni ma yin te/ de bas na snying rje'i dbang du gyur pas dmigs su med pa nyid du lta ste/ zhes gsungs pa yin no/ /byang chub kyi sems de yang gang zhen/ spros pa thams cad dang bral ba mtshan nyid med pa'i byang chub la sems can rnams rab tu dgod par bya'o/ /zhes

  448. 224b

    gsungs pa yin te/ mdor na de bzhin nyid rnam par mi rtog pa la gnas nas kyang sngon gyi smon lam gyi shugs kyis snying rje'i dbang du gyur cing dmigs pa med pa nyid du sems can thams cad ji ltar bdag gis rtogs pa'i byang chub rtog pa dang bral zhing spros pa thams cad dang bral ba mtshan nyid med pa de la dgod par bya'o snyam pa'i byang chub kyi sems skye'o zhes pa'o/ /de ni dam tshig gsum mo zhes pa ni ji skad du smos pa'i 'jug pa dang gnas pa dang ldang ba'i sems te/ gsum po de ni dam tshig gsum mo zhes pa'o/ /gsang ba pa'i bdag po gzhan yang dam tshig gsum gang zhe na/ zhes pa la sogs pa ni 'jug pa la sogs pa'i sems de dag nyid kyi rnam grangs bshad pa ste/ dang po'i sems ni sangs rgyas de/ /zhes pa ni dang po 'jug pa'i sems kyi phung po la sogs pa rnams bdag med par rtogs pas na sangs rgyas zhes bya ste/ sangs rgyas kyi tshig ni rtogs pa zhes pa dang rnam grangs yin pa'i phyir ro/ /gnyis pa yang ni chos zhes bya/ zhes pa ni gnas pa'i sems te/ de bzhin nyid kyi rang bzhin gyi mtshan nyid 'dzin pa'i phyir chos zhes bya'o/ /de dang lhan cig byung ba'i sems/ /dge 'dun zhes ni bshad pa yin/ /zhes pa ni chos thams cad stong par rtogs pa'i tshe nyid na snying rje'i dbang gis phyir mi ldog pa'i byang chub sems dpa' i dge 'dun gyi mtshan nyid lha rnams kyi skur bsgyur ba la bya'o/ /dpa' bo dam tshig de gsum ni/ 'dren pa rnams kyis khyod la bshad/ ces pa ni ji skad bshad pa'i dam tshig gsum po 'di nga 'ba' zhig gis dpa' bo khyod la bshad pa ma yin gyi/ sngon gyi sangs rgyas bcom ldan 'das 'dren pa rnams kyis kyang bshad do zhes pa ste/ sangs rgyas rnams spyod pa gcig tu bstan pa'o/ /de'i tshe sna tshogs tshul gyi sgos/ /dpa' bo sems can phan 'dod pas/ /dam tshig gsum

  449. 225a

    po 'di dag la/ /gnas nas byang chub spyad pa spyod/ /ces pa ni byang chub sems dpa' byang chub kyi spyad pa spyod pa rnams dam tshig gsum po 'di la gnas nas 'jig rten pa rnams kyi tshul mang po dang 'jig rten las 'das pa nyan thos dang rang sangs rgyas la sogs pa'i tshul sna tshogs kyi sgo nas sems can gyi phyir spyod do zhes pa'o/ /gsang ba pa'i bdag po gang gi tshe sku gsum la mnga' mdzad pa de dag rdzogs par sangs rgyas par gyur pa de'i tshe zhes pa la sogs pa ni 'bras bu'i dam tshig gsum bstan pa ste/ nam kun tu sangs rgyas par gyur pa de'i tshe sprul pa'i skus sangs rgyas yab zas gtsang ma'i sras su sten pa nas mya ngan las 'das pa'i bar du ston te/ de la sku gsum la mnga' mdzad pa zhes pa nam 'og min gyi gnas su kun tu sangs rgyas par gyur pa de nyid kyi tshe na chos thams cad stong pa nyid du rtogs pa de bzhin nyid kyi rang bzhin du gyur pa ni chos kyi sku la mnga' mdzad pa'o/ /de'i tshe longs spyod rdzogs pa'i skur snang bas na longs spyod rdzogs pa'i sku la mnga' mdzad pa'o/ /de nas sprul pa'i sku 'jig rten du snang bas na sprul pa'i sku la mnga' mdzad pa'o/ /'di ltar dang por sprul pa'i sku gci pur byin gyis brlabs nas zhes pa ni yang dag par rdzogs pa'i sangs rgyas de dag bstan pa bzhag pa mdzad do zhes sprel te/ thog mar 'og min gyis gnas su kun tu sangs rgyas nas sprul pa'i skur byin gyis brlabs te rgyal po zas gtsang ma'i sras su ston pa dang gzhon nu rol pa dang rab tu 'byung ba dang dka' ba spyod pa dang byang chub kyi snying po nye bar 'gro ba la sog pas bstan pa rnams ston par byed do zhes pa'o/ /gsang ba pa'i bdag po gzhan yang sku gcig po de nyid rnam pa gsum du

  450. 225b

    du 'jog pa ni 'di ltar sangs rgyas dang chos dang dge 'dun no/ /zhes pa yang yang dag par rdzogs pa'i sangs rgyas de dag bstan pa bzhag pa mdzad do zhes sbyar te/ sangs rgyas kyi sprul pa'i sku nyid la bya'o/ /chos ni gsung mi zad pa'i sgo nas gsung rab yan lag bcu gnyis 'chad pa'o/ /dge 'dun na ni 'phags pa'i gang zag brgyad kyi dge 'dun te/ sprul pa'i sku gcig pu de 'di rnams su byin gyis brlabs nas kun tu sangs rgyas pa'i bstan pa ston par byed do zhes pa'o/ /gsang ba pa'i bdag po gzhan yang de nyid theg pa gsum du 'jog pas ston to zhes pa ni sprul pa'i sku de nyid gang zag la bdag med par rtogs pa la mos pa'i 'gro ba nyan thos rnams la ni nyan thos kyi theg par brtags shing 'chad do/ /chos rnams rten cing 'brel par 'byung ba'i tshul du bshig ste mi rtag par mthong nas grol bar byed pa la mos pa'i 'gro ba rnams la ni rang sangs rgyas kyi theg par brtags shing 'chad do/ /chos dang gang zag gnyis ka bdag med par rtogs pa la mos pa'i 'gro ba rnams la ni theg pa chen por brtags shing 'chad do/ /de'i tshe sangs rgyas kyi bya ba mdza' yas byas nas yongs su mya ngan las 'da' ba ston cing sems can rnams yongs su smin par mdzad de/ /zhes ba ni mi rtag par mthong nas 'khor ba las thar pa'i ched du nan tan byed pa'i sems can rnams smin par bya ba'i phyir mya ngan las 'das pa ston te/ mya ngan las 'das pa de sems can rnams kyis mthong nas sangs rgyas bcom ldan 'das lha dang mi'i bdag po bsod nams dang ye shes kyi tshogs bsags pa yang mi rtag na gzhan lta ci smos snyam nas 'phags pa'i lam la nan tan byed cing smin par 'gyur ro zhes pa'o/ /'di dag ni rgyu dang 'bras bu'i dam tshig gsum pha rol tu phyin pa la spyod pa dang sngags la spyod pa'i

  451. 226a

    byang chub sems dpa' gnyi ga'i phyir bstan pa ste/ rgyu'i dam tshig ni mos pas spyod pa'i sa nas kun tu bzang po'i sa'i bar du ste/ de'i bar du 'jug pa la sogs pa'i sems gsum dang ldan pa'i phyir ro/ / 'bras bu'i dam tshig gsum ni snga ma bzhin no/ /de ltar sngags la spyod pa'i byang chub sems dpa' mos pas spyad pa'i sa la gnas pa rnams las gang dam tshig gsum po 'di shes shing de las gnas pa de'i rjes su bsngags pa bshad pa'i phyir /gsang ba pa'i bdag po zhes pa nas/ rtog pa las byung ba'i bgegs med pa la bltos zhes pa'i bar du gsungs pa yin te/ spyir bgegs la ram pa gsum ste/ rnam par rtog pa las byung ba dang/ las las byung ba dang/ gang bag med pa ma spangs pa las byung ba ste/ las las byung ba'i bgegs ni nad mang ba la sogs pa dang/ bag med pa ma spangs pa las byung ba'i bgegs ni dug dang mtshon dang g.yang sa la sogs par 'gro ba dang/ de dag rnam par rtog pa sngon du ? gyur pas rtog pa las byung ba'i bgegs zhes bya ste/ bgegs de dag med par 'gyur ro/ /zhes pa'o/ /mi dad pa dang le lo can dang/ 'du 'dzi can dang/ sngags la yid mi ches pa dang/ yo byad mang po bsogs pa ma gtogs par zhes pa ni dam tshig gsum po de dag dang ldan du zin kyang bsgrub par mi 'dod pa dang/ le lo la sogs pa ming gis smos pa 'di rnams dang ldan pa ni bgegs med pa'i nang du ma gtogs te/ sgrub par mi 'dod pa dang le lo la sogs pa de dag nyid bgegs yin pa'i phyir ro/ /chang btung ba dang khri la nyal ba gnyis ni mi bya'o/ /zhes pa ni myos pa'i btung ba ni ma rungs par 'gyur ba thams cad pa yin pa'i phyir spang ngo/ /rnam par snang mdzad

  452. 226b

    chen po mngon par rdzogs par byang chub pa rnam par sprul pa byin gyis brlob pa las/ dam tshig gsum spyad pa rim par phye ba'o// //ji ltar de bzhin gshegs pa lags/ /zhes bya ba la sogs pa'i tshigs su bcad pa rnams kyis bcom ldan 'das la phyag na rdo rjes zhus pa ni sngar sangs rgyas dang byang chub sems dpa' rnams kyi gsang sngags gsungs pa la 'di ni de bzhin gshegs pa rnams kyi sngags so/ /'di ni byang chub sems dpa' rnams kyi sngags so// zhes pa la sogs gsungs pa de la/ de bzhin gshegs pa dang kun tu sangs rgyas pa dang byang chub sems dpa' la mtshan nyid dam bye brag tsam tshis/ gang lags pa ma 'tshal na the tshom de dag bsal bar gsol zhes pa'o/ /de yang phyag na rdo rje nyid kyis mi mkhyen pa ma yin gyi/ ma 'ongs pa'i 'gro ba rnams kyi the tshom bsal ba'i phyir ro/ /zhus pa'i tshig bzhi po de yang/ byang chub nam mkha' i mtshan nyid de/ /zhes pa la sogs pa'i tshigs su bcad pas rims gzhan du bstan te/ byang chub sems dpa' grags chen rnams/ /the tshom yid gnyis bsal nas su/ /spyad pa'i rgyal po zla med pa/ /theg chen la ni spyod par 'gyur/ /zhes pa ni byang chub sems dpa' grags pa chen po rnams theg chen gyi sngags gyi spyad pa la spyod pa ni the tshom dang yid gnyis spang pa nas theg pa chen po sngags kyi spyad pa la spyod pa'i phyir bdag gi the tshom bsal du gsol zhes pa dang sbyar ro/ /spyad pa'i rgyal po bla med par zhes pa ni sngags kyi spyod pa nyid la bya'o/ /byang chub nam mkha' i mtshan nyid de/ /kun tu rtogs ba thams cad spangs/ /gang zhig de rtogs 'dod pa de/ /byang chub sems dpa' zhes bya'o/ /zhes pa ni/ ji ltar byang chub sems dpa' lags/ /zhes zhus pa'i lan te/ des ni ji skad du

  453. 227a

    gsungs ba yin te chos thams cad stong pa nyid du rtogs pa'i de bzhin nyid kyi ye shes gzung ba dang 'dzin pa la sogs pa'i rtog pa thams cad spangs pa nam mkha' lta bu nyon mongs pa dang shes bya'i sgrib pa med pa de ni byang chub ste/ de lta bu'i byang chub rtogs par 'dod pa gang yin pa de ni byang chub sems dpa' zhes bya ste/ de yang sa dang po la gnas pa nas/ sa dgu pa man chad kyi byang chub sems dpa' rnams la bya'o/ /gang gis sa la bcu bsgrubs nas ni/ zhes pa nas/ sangs rgyas zhes pa ni bya ba yin/ zhes pa'i bar ni/ ji ltar sangs rgyas zhes ni bgyi/ zhes zhus pa'i lan te sa de yongs su rdzogs pa'i byang chub sems dpa' ji skad du grags pa'i dbang bcu la yang dbang du gyur pa'i ting nge 'dzin gnas pa dang langs pa gnyi ga'i tshe na yang snying po la sogs pa'i chos rnams sgyu ma lta bur rtogs shing 'jig rten pa rnams kyi rgyud kun rdzob dang don dam pa'i mtshan nyid stong pa nyid dang sgyu ma lta bur shes pa de ni sangs rgyas zhes bya ste/ byang chub sems dpa' phal mo che rnam kyis kyang chos rnams stong pa nyid dang sgyu ma lta bur rtogs shing 'jig rten kun gyi rgyud kyang shes mod kyi/ mi mthun phyogs thams cad du ma spangs pas chos rnams stong pa nyid dang sgyu mar rtogs pa'i mnyam par bzhag pa las langs pa'i tshe mi mthun pa'i phyogs kyi sa sgrib par 'gyur te/ de bas na sa bcu dang dbang bcus rdzogs par sangs rgyas pa zhes khyad par du gsungs pas sangs rgyas pa zhes bya ba ni log pa'i gnyen po la sogs pa spangs nas phyin ci ma log par khong du chud pa la bya'o/ /chos ni nam mkha' i mtshan nyid de/ /gnyis su med cing mtshan nyid gcig/ stobs bcus rdzogs par sangs rgyas pa/ /de ni rdzogs par sangs

  454. 227b

    rgyas ba/ /de ni rdzogs sangs rgyas zhes bya zhes pa ni/ ji ltar rgyal ba mchog tu 'gyur/ zhes zhus pa'i lan te/ sa bcu'i byang chub sems dpa' sangs rgyas zhes bya ba rnams kyis chos rnams stong par rtogs pa yang mtshan nyid so so bar rtogs pa yin la/ de las lhag par mtshan nyid so so bar stong par rtogs pa gang yin pa de rnams la gzugs kyi stong pa nyid gang yin pa de tshor pa'i stong pa nyid de/ gzugs kyi stong pa nyid dang tshor ba'i stong pa nyid ni gnyis su med cing gnyis su byar med ces bya ba la sogs pa'i tshul du chos thams cad nam mkha' i mtshan nyid ltar gnyis su med cing mtshan nyid gcig tu stobs bcu sa yongs su rdzogs nas kun tu rtogs pa de ni kun tu sangs rgyas pa zhes bya ste/ de yang phung po lhag ma dang bcas pa'i mya ngan las 'das pa kun tu bzang po'i sa la gnas pa'i byang chub sems dpa' la bya'o/ /rgyal ba mchog ces pa ni bdud bzhi las rgyal ba'i phyir ro/ /'du shes tsam yang slangs pa'i phyir/ /rang gi ngo bor bstan du med/ /ye shes rang rig bya ba ni/ /de ni de bzhin gshegs par bshad/ ces pa ni/ ji ltar de bzhin gshegs pa lags/ /zhes zhus pa'i lan te/ kun tu sangs rgyas pa'i tshe chos thams cad stong pa'i mtshan nyid gcig tu rtogs nas 'du shes tsam po de yang spangs te/ rang gis rig pa'i rang bzhin du bstan du med pa lhag ma ma lus pa'i mya ngan las 'das pa de ni de bzhin gshegs pa zhes bya'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ de bzhin gshegs pa bstan pa rim par phye ba'o/ da ni me rnams kyi rab bshad de de yang bcom ldan 'das sngon byang chub sems dpa' i spyad pa spyod pa na bram ze la sogs pa'i mu stegs pa rnams log pa la phyogs shing

  455. 228a

    sems can rgyun chags su gsod ba la sog pa'i sdig pa'i las spyod pa rnams sems can rgyun tu gsod pa las grangs bsnyung ba'i phyir/ lha la gtor ma dbul ba'i tshe sems can gsod pa ma gtogs par dus gzhan du sems can mi gsod do/ /zhes pa la sogs pa mu stegs kyi gzhung las dge ba'i phyogs su 'chad pa dang bram ze'i rig byed las me bshad pa rnams kyang bcom ldan 'das nyid kyis bstan par shes par bya ste/ de ltar ces mngon zhe na/ 'phags pa 'jam dpal gyi rgyud las ji skad du legs par smras pa cung zad du zhig yod pa rnams kyang ngas bstan to zhes 'byung ba'i phyir ro/ /de bas na/ lag na rdo rje gzhan yang dus gcig gi tshe na pa byang chub sems dpar gyur te/ byang chub sems dpa' i spyad pa spyod cing tshangs pa'i 'jig rten na 'dug pa na tshangs pas nga la kye'i tshangs pa chen po me la rnam pa du yod par shes par bya/ zhes dris pa dang zhes bya ba la sogs pa gsungs te/ bcom ldan 'das byang chub sems dpa' i spyad pa spyod pa na tshangs pa'i 'jig rten na tshangs pa'i gzugs su gyur cing bzhugs te/ de na stong gsum gyi stong chen po'i 'jig rten gyi khams la dbang ba'i tshangs pa'i rgyal pos nga la 'di skad ces dris so zhes pa'o/ /ngas de la 'di ces smras so zhes pa ni tshangs pa de la ngas 'og nas 'byung ba'i tshig rnams smras so zhes pa'o/ /de la me nga rgyal can gang yin pa de ni rab byung ba'o/ /zhes pa ni bskal pa dang po'i tshe 'jig rten thams cad sus kyang ma byas par rab byung nas nam mkha' la 'gro zhing dga' ba'i zas za ste de'i tshe yang me tshangs pa'i 'jig rten du rab byung ste/ nga ni rang byung ste sus kyang ma byas snyam pa'i nga rgyal yod pas nga rgyal can rang byung ba zhes bya ste/ me de

  456. 228b

    lta bu dang por byung ngo zhes pa'o/ /de'i 'og na tshangs pa'i bu ste/ de las skyes pa yin no/ /'jig rten pa'i me pa ba ka/ tshangs pa'i bu ni dang po yin/ zhes pa ni rab byung ba'i me de'i 'og tu pa ba ka zhes bya ba 'jig rten pa'i btso zhing sreg par byed ba'i me tshangs pa las byung ste/ de yang tshangs pa'i bu de rnams kyi nang na dang po'o zhes pa'o/ /de'i bu tshangs pa'i zas zhes pa ni 'jig rten pa'i me pa ba ka zhes bya ba de'i bu'o/ /de'i yang/ b+hA ra ta zhes bya bar bshad/ ces bya ba ni tshangs pa'i zas de'i bu b+hA ra ta zhes bya'o/ /de'i bu bai shwan ra dang/ ha ba na dang bsreg bya len/ zhes pa ni bai shwan ra dang/ ha ba na dang bsreg bya len zhes bya ba'i me de rnams ni b+hA ra ta zhes bya ba de'i bu'o/ /ngos bsrungs a thar ba na yi/ /pu yin par ni rgya mtshor grags/ /zhes pa ni ngos bsrungs zhes bya ba'i me ni a thar pa na zhes bya ba'i me'i bu ste/ de yang bu skar zhes bya ba'i rgya mtsho na gnas par grags pa'o/ /rlung zhes bya ba'i me de ni/ mngal du 'jug pa'i cho gar bshad/ /ces pa ni bram ze'i cho ga las mngal du 'jug pa'i bya ba'i tshe sbyin sreg bya ba'i me ni rlung zhes bya'o/ /de nas mi khrus bya ba la/ de bzhin pA ba mA nar shes/ zhes pa ni mngal du zhugs nas sbrum par gyur pa na bu de'i ched du khrus bya ba'i tshe sbyin sreg bya ba'i me ni pA ba mA na zhes bya'o/ /bkra shis zhes bya mtshams kyi mthar/ /zhes pa ni bu byung ba'i tshe sbyin sreg bya ba'i me ni bkra shis zhes bya'o/ /btsas pa'i las la pra gal b+ha'o/ /zhes pa ni bu btsas zin pa'i 'og tu sbyin bsreg bya ba'i me ni pra? gal b+ha zhes bya'o/ /ming 'dogs me ni ?? zhes pa ni bu'i ming 'dogs pa'i tshe sbyin sreg bya ba'i me ni parthi ba zhes bya'o/ /de bzhin rkan dbab pa la gtsang/ /zhes pa ni bu rkan dbab pa'i tshe sbyin /sreg bya ba'i me ni gtsang ma zhes bya'o/ /shad+d+hi zhes kyang

  457. 229a

    gtsug pud la/ zhes pa ni gtsug pud 'jog pa'i tshe sbyin sreg bya ba'i me ni shadb+hi zhes bya'o/ /brtul zhugs sbyin la kun 'byung ngo/ /zhes pa ni bu lo brgyad lon nas bag ma blangs kyi bar du brtul zhugs 'dzin du gzhug pa'i tshe sbyin bsreg bya ba'i me ni kun tu 'byung ba zhes pa'o/ /nyi ma zhes bya phyug sbyin la'o/ /zhes pa ni bag ma len pa'i tshe sbyin sreg bya ba'i me ni nyi ma zhes bya'o/ /bag ma len la sbyor byed bshad/ ces pa ni bag ma len pa'i tshe bskor bar byed pa'i me ni sbyor byed ces bya'o/ /agne yas ni khyim kha bsro/ /zhes pa ni khyim kha bsro ba'i tshe sbyin sreg bya ba'i me ni agna ya zhes bya'o/ /nye bar 'bul la me nyid do/ /zhes pa ni a ba ni ka zhes bya ba'i cho ga la sbyin sreg bya ba'i me ni ni nyid ces bya'o/ /pa ba ka zhes bya ba'i me/ /sna tshogs lha la sbyar bar bshad ces pa ni gza' skar la sogs pa'i lha sna tshogs pa la sbyin sreg bya ba'i me ni pa ba ka zhes bya'o/ /khyim bdag la ni tshangs pa'i me/ zhes pa ni khyim bdag gi cho ga la sbyin sreg bya ba'i me ni tshangs pa'i me zhes bya'o/ /de bzhin yon dbul ba la zhi/ zhes pa ni yon dbul ba'i sbyin sreg bya ba'i me ni zhi ba zhes bya'o/ /gnyis su na dak+Shi Na zhes bya ba ni lho phyogs la yang bya ste/ tshangs pa'i me dang zhi ba'i me gnyis su ni lho phyogs logs su bzhag nas rtag tu gso ba'i me zhes pa'o/ /de bzhin phyugs ni bcing ba la/ /a ni ka zhes bya'i me/ /zhes pa ni phyugs gsad de lha la yon dbul ba'i sbyin sreg bya ba'i me ni a ba ni ka zhes bya'o/ /ltung ba la ni pi be tsi// zhes pa ni myos pas ltung ba byung ste/ 'gyod nas myos pa de dag par bya ba'i sbyin sreg bya ba'i me ni bi be tsi zhes bya'o/ /btsos sbyin la ni sa ha sa/ /zhes pa ni zas bcos pa sbyin pa'i cho ga la sbyin bsreg bya ba'i me ni sa ha sa zhes bya'o/ /dus kyi

  458. 229b

    mtshams la ha bir shes/ dus kyi mtshams shes bya ba'i cho ga la sbyin sreg bya ba'i me ni ha bi zhes bya'o/ /de bzhin zla ba gnas la gter/ zhes pa ni zla ba gnas pa zhes bya ba'i cho ga la sbyin sreg bya ba'i me ni gter zhes bya'o/ /mri Da zhes bya ba gang blugs la/ zhes pa ni sbyin sreg gi sngon rol du rdzas rnams las gang ba'i sbyin sreg gsum bya ba'i me ni mri Da zhes bya'o/ /zhi la da ru Na ra 'dod do/ /zhes pa ni zhi ba'i sbyin sreg la med ru Na zhes bya bar 'dod do/ /byas mdza' i me ni gshin rje'o/ /zhes pa ni mi shi ba'i tshe sbyin sreg bya ba'i me ni gshin rje zhes bya'o/ /de bzhin rgyas la stobs sbyin pa'o/ /zhes pa ni rgyas pa'i sbyin sreg gi me ni stobs sbyin pa zhes bya'o/ /drag shul spyad pa thams cad la/ /khro bo'i me ni rab tu bsgrags/ zhes pa ni mngon spyod kyi sbyin sreg bya ba'i me ni khro bo zhes bya'o/ /'dod las skyes zhes bya ba'i me/ /de ni dbang gi don du bshad/ ces pa ni dbang du bya ba'i sbyin sreg la 'dod skyes shes bya ba'i me de bshad do zhes pa'o/ /nags tshal sreg la pho nya'i me/ zhes pa ni gang nags sreg par byed pa'i me ni pho nya zhes bya'o/ /khong pa'i me ni dza Tha ra/ zhes pa ni khong pa na gnas nas kha zas la sogs pa 'ju bar byed pa'i me ni dza Tha ra zhes bya'o/ /bza' bar bya ba sha zar bshad/ ces pa ni bza' ba byed pa'i me ni sha za zhes bya'o/ /rgod ma'i kha ni rgya mtsho na'o/ /zhes pa ni rgya mtsho na gnas pa'i me ni rgod ma'i kha zhes bya'o/ /zad tshe 'jig pa zhes bya ste/ /dus mdza' i mer ni yang dag sgrags/ zhes pa ni 'jig rten 'jig pa'i tshe'i me ni 'jigs pa zhes bya ste/ de yang dus mdza' i me zhes bsgrags pa'o zhes so/ /'di ni me rnams mdor bsdus nas/ /des pa khyod la bshad pa ste/ /rig byed thos pa spyod rnams kyis/ /tshangs pa'i bu dag brjod pa yin/ /bzhi bcu rtsa bzhi 'di dag ni/ /de yi tshe na ngas bstan to//

  459. 230a

    zhes pa de la me nga rgyal can gang yin pa de ni rang byung ba'o/ /zhes pa nas/ ngos bsrungs a thar ba na yi/ /bu yin par ni rgya mtshor grags/ shes pa'i bar ni me rnams kyi skyes pa'i rabs bstan pa'o/ /rlung zhes bya ba'i me de ni/ /mngal du 'jug pa'i cho gar bshad/ ces pa nas/ 'dod la skyes shes bya ba'i me/ /de ni dbang gi don du bshad/ ces pa'i bar ni las rnams kyi rang bzhin gyi me bstan pa'o/ /nags tshal sreg la pho nya'i me/ zhes pa nas/ zad tshe 'jig pa zhes bya ste/ /dus mdza' i mer ni yang dag bsgrags/ zhes pa'i bar ni me rnams kyi ngang tshul las rang bzhin bstan pa ste/ de rnams bram ze la sogs pa 'jig rten pa'i gzhung las grags shing 'jig rten pa'i las byed pa'o/ gsang ba pa'i bdag po de la/ /me rnams rang bzhin mi shes par/ /gang dag sbyin sreg byed pa de/ /sbyin sreg ma yin legs byas min/ /las kyi 'bras buAng yod mi 'gyur/ zhes pa ni me rnams kyi rang bzhin mi shes na cho ga dang 'gal ba'i sbyin bsreg byas par mi chud la/ legs byas min zhes pa ni sbyin sreg gi cho ga 'jig ma dgram pa la sogs pa'i legs byas rnams kyang legs byas su mi tshud do zhes pa'o/ /las kyi 'bras buAng yod mi 'gyur/ /zhes pa ni gang gi phyir sbyin sreg brtsams pa'i las de'i 'bras bur mi 'gyur ro zhes pa'o/ /ngas byang chub mngon par rdzogs par sangs rgyas nas ni me bcu gnyis bstan te/ zhes pa ni bcom ldan 'das byang chub sems dpa' i spyad pa spyod pa na bram ze'i rig byed las 'byung ba'i me gong du smos pa rnams bstan la/ mngon par sangs rgyas nas ni 'jig rten las 'das pa'i sbyin sreg la sogs pa bya ba'i phyir me rnam pa bcu gnyis po

  460. 230b

    'di bstan to zhes pa'o/ /de yang gang zhe na/ zhes pa nas/ ye shes rdzogs byed yin zhes bya/ /zhes pa'i bar ni rgyas pa'i sbyin sreg gi me'i mtshan nyid gsungs pa ste/ ye shes me zhes pa ni ye shes sems dpa' yin pa'i phyir ro/ /gnyis pa 'dzin byed ces bya ste/ zhes pa nas/ bgrang phreng ril pa spyi blugs thogs/ zhes pa'i bar ni zhi ba'i sbyin sreg gi me'i mtshan nyid gsungs pa'o/ /gsum pa rlung zhes bya ba ste/ /mdog med gnag la rtsub pa'o/ /zhes pa ni rlung zhes pa'i me de me thab tu me spar ba'i tshe bod pa'o/ /bzhi pa dmar po zhes bya ste/ /nub kha'i mtshams kyi dmar thag 'dra/ /zhes pa ni dbang gi sbyin bsreg gi me'o/ /lnga pa mri Da zhes bya ba/ spun la kha dog kham pa ste/ /mgrin pa ring zhing gzi brjod che/ /kun la phan ni 'dogs par bshad/ ces pa ni gang ba'i sbyin sreg bya ba'i me'o/ /drug pa khro bo zhes bya ste/ mig yon dung ba'i kha dog 'dra/ /gyen du skra brdzes sgra chen 'byin/ /mche ba bzhi pa stobs po che'o/ /zhes pa ni mngon spyod kyi sbyin sreg bya ba'i me'i mtshan nyid gsungs pa'o/ /bdun pa lta ba zhes bya ste/ rnol kha dog kun dang ldan zhes pa nas/ rmugs byed ces pa bcu gnyis te/ sems can thams cad rmugs byed pa'o/ /zhes pa'i bar ni me lhag ma rnams kyi mtshan nyid nyi tshe smos pa'o// gsang ba pa'i bdag po de ltar me'i gzugs ni byin brlabs te/ zhes pa la sogs pa me rnams bshad pa'i zhar la sbyin sreg bshad pa ste/ me yi gzugs ni byin brlabs te/ zhes pa ni zhi ba dang rgyas pa gang yang rung ba'i mes las byed pa dang rdzas gnyis ka'i kha dog bsgyur ro zhes pa ste/ de bas na/ bdag rang gi ni gzugs dang ni/ rdzas kyang de yi ngo bor bya/ /zhes gsungs pa yin no/ /'di ni phyi yi sbyin bsreg ste/ zhes pa ni de ltar bdag me dang rjes su mtshar du ldan pa de ni phyi rol

  461. 231a

    gyi sbyin sreg go zhes pa'o/ /nang gi sbyin sreg kyang gsang ba pa'i sag po nang gi ni rang bzhin gcig pa ste/ zhes pa ni stong pa nyid kyi rang bzhin du gcig pa'o/ /zhes pa ste/ gnas du zhig gcig tu sdu zhe na/ gnas gsum gcig tu bya ba'i tshul gyis gsum dang ldan pa ni nang gi sbyin sreg yin no zhes gsungs te/ bdag dang me dang rdzas te gsum po gcig tu ldan pa'i gnas gsum po de/ stong pa nyid kyi rang bzhin gcig tu bya'o zhes pa ste/ de yang 'og nas 'grel to// gsang ba pa'i bdag po byams pa chen po dang snying rje chen po dang ldan pa ni zhi ba'o/ /zhes pa ni zhi ba'i sbyin sreg bya ba la byams pa dang snying rje lhag par bskyed do zhes pa'o/ /dga' ba dang ldan pa ni rgyas pa'o/ /zhes pa ni rgyas pa'i sbyin sreg la dga' ba lhag par bskyed do zhes pa'o/ /khro bo'i mes ni zhes pa nas/ khro ba thul bas bya'o/ /zhes pa'i bar ni mngon spyod kyi sbyin sreg gsungs pa ste/ khro bar bya ba yang sdang ba dang bcas pa ma yin te/ de bas na khro ba thul bas bya'o zhes gsungs pa yin no/ /dbus su rlung gi me gzhag go /zhes pa ni dang por zhugs thab tu me sbar ba'i tshe rlung gi me bos nas rlung g.yab kyi me sbar bar bya'o zhes pa'o/ /gsang ba pa'i bdag po de ltar ji skad bsgrags pa'i gnas de dang de dag du ji ltar rigs pa dang ji ltar ldan par sbyin sreg bya'o/ /zhes pa ni zhi ba dang rgyas pa la sogs pa'i gnas ji skad du gsungs pa de dag gar rigs par zhib la sogs pa'i sbyin sreg rnams bya'o zhes pa'o/ /de nas yang bcom ldan 'das la phyag na rdo rjes 'di skad ces gsol to zhes pa nas/ ji ltar bsam pa bdag la gsungs/ zhes pa'i bar ni gong du sbyin sreg mdor bstan pa de la me thab ji ltar bya ba dang/ ma bsad pa'i phyir chus gtor ba ni ji ltar gtor ba dang/ me thab

  462. 231b

    gyi mthar mjag ma ji ltar gding ba dang/ me thab tu me ji ltar bzhag pa zhus pa'o/ /gsang ba pa'i bdag po de la me yi thab khung ni/ /kun tu khru gang tsam gyi tshad/ /kha khyer sor bzhi'i chad du bya/ /rdo rje'i mtshan ma dag gis mtshan/ /zhes pa ni/ me yi thab khung ji ltar bgyi/ zhes zhus pa'i lan te/ me thab kho ra khor yug tu khru gang tsam la kha khyer yang zheng dang dpangs su sor bzhi bar bya ste/ /zhabs su rdo rje'i mtshan mas mtshan par bya'o/ /thab khung gi ni g.yas phyogs nas/ /ku sha'i? ni rlon po dgram/ rtse mo dag kyang rtsa bas dkri/ rtsa ba dag kyang rtse mos dkri zhes pa ni/ ku sha'i rtswa yang ji ltar dgram/ /zhes zhus pa'i lan te/ go bar zad do/ /'dir ni bsang gtor g.yas phyogs nas/ /ku sha bskor ba bzhin du bya/ /zhes pa ni/ bsang gtor dag kyang ji ltar bgyi/ /zhes zhus pa'i lan te/ me bsang pa'i phyir chu gtor ba yang 'jag ma bskor ba'i tshul du g.yas phyogs nas bskor zhing gdab po zhes pa'o/ /byug spos me tog bdug spos dag /mri Da'i me la dbul bar bya zhes pa nas/ /mkhas pas de la dbul bar bya/ zhes pa'i bar ni/ ji ltar bsam pa bdag la gsungs zhes zhus pa'i lan te/ me thab der thog mar me tog gcig bzhag ste/ mri Da'i me bos la dri dang me tog la sogs pas mchod de/ de nas yang chus bsangs la gang ba'i sbyin sreg lan gsum me de nyid kyi sngags kyis btab ste dbul lo zhes pa'o/ /de nas zhi ba'i sbyin sreg gam/ /yang na rgyas pa'i sbyin sreg bya/ /'jig rten pa yi sbyin sreg 'di/ /phyi rol pa zhes gsungs pa yin/ zhes pa ni ji skad bshad pa'i rim pas me thab kyi cho ga bya ba dang mri Da'i me la gang ba'i sbyin sreg byin te/ me de rang gi gnas su gzhag la/ de nas zhi ba 'am rgyas pa'i me gang yang rung ba spyan drangs nas zhi ba la sogs pa'i sbyin sreg gam/ ji ltar 'dod pa bya'o/ /de dag ni me thab

  463. 232a

    dang me la sogs pa phyi rol gyi dngos po rnams la dmigs pas 'jig rten pa'i sbyin sreg ces gsungs pa yin no/ /gzhan yang nang gi sbyin bsreg ni zhes pa nas/ de ni nang gi sbyin sreg ces/ /des pa khyod la bstan pa yin/ /zhes pa'i bar ni nang gi sbyin sreg bshad pa ste/ de yang bdag nyid kyi phung po lnga stong pa nyid du gshig la/ phyi rol gyi me thab la sogs pa yul gyi gzugs rnams kyang stong par bshig ste/ de bzhin du sgo drug gi rnam par shes pa 'phro ba rnams kyang so sor bshig nas me 'phro bar bkag cing de ltar 'jig cing 'gog par byed pa'i byang chub kyi sems de yang 'phro ba med pa'i shes rab kyi bkag pa rnam par mi rtog pa'i ting nge 'dzin la gnas pa ni rang gi sbyin sreg ste/ de bas na rlung gi me yang 'phro ba med pa'i shes rab kyis bkag ste/ yid kyi me la sbyin sreg bya'o/ /zhes gsungs pa yin no/ /rlung gi me bkag pa ni srog dang rtsol ba rab tu bsdams nas zhes pa'o/ /yid kyi me la sbyin sreg bya'o/ /zhes pa ni sems mi g.yo bar bsreg go zhes pa'o/ /de nas bcom ldan 'das kyis thams cad dang ldan pa'i 'khor 'dus pa la bka' stsal ba/ khyed rnams kyi chos kyi rnam grangs 'di la bag yod par gnas pas spyad par bya'o// zhes pa ni chos kyi rnam grangs 'di ni snod du ma gyur pa'i sems can rnams la gya tshom du sbyin par mi bya ba ste/ de bas na/ nga'i sras rnams ma gtogs par dbang po ma rtogs par gzhan su la yang ma byin cig ces gsungs pa yin no// de'i bu rnams kyi mtshan nyid 'og nas ji skad bshad pa rnams la ni dbang po brtag mi dgos par sbyin gyi/ de las gzhan pa rnams la ni chos kyi rnam grangs zab mo 'di shes rab dang ldan nam mi ldan pa dang/ dbang po rnams 'dod chags la

  464. 232b

    sogs pa'i yul rnams la 'phro ba yin nam ma yin pa brtags te shes par byas nas de lta bu la sogs pa'i skyon rnams med cing snod du gyur na gdod sbyin cig ces pa ste/ dman pa la mos pa la zab cing rgya che ba'i chos bshad pa ni byang chub sems dpa' i 'khrul ba'o zhes 'byung ba'i phyir ro/ /de nas de'i tshe thams cad kyis/ de bzhin gshegs la phyag 'tshal te/ zhes pa nas bstan pa 'di la bshad du gsol zhes pa'i bar ni phyag na rdo rje la sogs pa'i 'khor de rnams kyis rnam par snang mdzad mngon par rdzogs par byang chub pa rnam par sprul pa byin gyis rlob pa'i chos kyi rnam grangs 'di 'jig rten na mi nyams shing yun ring du gnas par bya ba'i phyir byin gyis brlabs pa'i sngags kyis byin gyis rlob par bcom ldan 'das la gsol ba ste/ sngags 'dis byin gyis brlabs na chos kyi rnam grangs 'di bsrung bar 'gyur ba'i phyir ro/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa shin tu rgyas pa chen po'i mdo sde'i dbang po'i rgyal po las/ gsang sngags kyi sgo nas byang chub sems dpa' i spyad pa spyod pa'i cho ga ji snyed pa rdzogs so// //rnam par snang mdzad mngon par rdzogs par byang chub pa rnam par sprul pa byin gyis rlob pa'i rgyud chen po slob dpon sangs rgyas gsang bas phyin ci ma log par bshad pa rdzogs so// //rnam par snang mdzad mngon par rdzogs par byang chub pa'i tshig 'grel zhes grags pa 'di ni dpal snang thang gi gtsug lag khang du bstan bcos bod kyi yul du 'gyur ba ji ltar rnyed pa bsdus pa'i tshe/ 'grel pa 'di'i dpe phyi mo ma dag cing gong 'og 'khrugs la bar bar nas cung zad ma ched pa zhig la brten pas bstan 'gyur thams cad du ma dag pa rgyud pa dang/ skad

  465. 233a

    gsar bcad kyis gtan la ma phab pa'i 'gyur yang mi bde ba zhig snang ba las/ skad gnyis smra ba'i dbang po skad dpal brtsegs kyis bsgyur ba'i rgyud kyi tshig dang bstun te/ skad gsar bcad dang mthun par bcos pa 'di ni yul dbus kyi bande gzhon nu dpal zhes bgyi bas/ dpal rtse thang gi gtsug lag khang du lcags mo sprul gyi lo la bris pa'o// // */ (/'jam dpal gsang ba'i rgyud kyi sgrub thabs dang las kun gyi gter bzhugs so//) rgya gar skad du/ Arya many+dzu sh+rI gu hya tan+t+ra sarba karma sA d+ha na ni d+hi nA ma TIkA/ bod skad du/ 'phags pa 'jam dpal gsang ba'i rgyud kyi sgrub thabs dang las kun gyi gter zhes bya ba'i 'grel pa/ sangs rgyas la phyag 'tshal lo/ / 'gro la phan phyir sngon gsungs pa/ /sgrub thabs kun gyi rtsa ba ste/ /gsang ba'i rgyud ni rnyed dka' yang/ /bla ma dam pas rgyud pa bzhin/ /bsnyen bkur la brtson bdag gis rtogs/ /rang gis thog ma sngon 'gro bas/ /thos pas rgyu byas shes rab la/ /gzhan dag yid ches rjes 'jug phyir/ /'di la mos pa gsungs pa dang/ /zhi la sogs pa'i las rnams dang/ /de bzhin cho ga sna tshogs dang/ /'jam pa'i dbyangs mchog mchog yin pas/ /de dag don du lags bstud ste/ /'phags pa'i bka' ni bshad par bya/ /ming don byed dang dgos dang tshad/ /dang po gleng gzhi yin par gsungs/ /mdor bsdus tsam zhig sbyar 'dod pas rgyas par bri ba rab spangs so/ /sdud bar byed pa po phyag na rdo rjes/ thos pa'i don rang gi shes rab dran pa dang bcas pa la mnga' bas gzhan dag la/ /phan gdags pa'i ched du rab tu bsdus pa brtsam pa'i phyir/ de nas 'jam pa'i dbyangs kyis ni/ /khro bo'i ming ni gshin rje gshed/ /mtshon cha me ltar 'bar

  466. 233b

    pas 'khrigs/ /gtum la mthu rtsal drag ldan pa'i/ /zhes smos te/ de nas zhes/ 'phags pa 'jam dpal gshin rje gshed drag po'i cha byad can du 'og min gyi zhing khams su bzhugs pa de/ stong pa nyid bcu drug gi ri la seng ge chen po bzhin brtags pa'i snang ba ma yin par ye shes rang rig pa tsam du gnas pa de nas so/ /de nas te sprul pa'i sku gzhan gyi phyir gtum bag tu bstan pa'i ni chos bshad pa'i phyir te/ rgyu mthun pa'i smon lam gyi mthus so/ /gsungs pa'i chos ni rgyud kyi don smras pa'i bde bar gshegs pa pa'i bka' brjod pa'i don no/ /bka' de yang zag pa med pa'i shes rab kyi 'bras bu ste/ yang dag pa'i rtogs pas dag slong ba ste/ ma brtags ma dpyad par mi smra ba bzhin no/ /des bstan pa'i chos ni rgyu dang/ rgyu 'bras te/ rgyud de theg pa chen po'o/ /de la theg pa chen po ni 'bras bu thob par byed pa ni/ de theg pa'i phyir ro/ /'bras bu ni 'phrin las tshad med pa dang/ rang gi yon tan tshad med pa thob pa'o/ /de nyid khyad par can theg pa'i phyir chen po ste/ nyan thos la sogs pa de lta ma yin no/ /de la 'di'i bsdus pa'i don ni gang ci'i don gleng bzhi'i bsdus pa'i don 'di skad bstan pa bzhin no/ /de la tshig gi don ni 'jam pa'i dbyangs zhes pa la 'jam pa ni theg pa chen po gang yin pa'o/ /dbyangs ni ka'? theg pa chen po la bya bar 'dir rig par bya'o/ /dbyangs smra ba ltar snang ston pa po ni/ khro bo ste de'i ming ni gshin rje gshed do/ /des na des ni byed pa po smras so/ /'jam pa zhes pas na 'jam dpal gsang ba'i rgyud ces brda sbyar bar shes par bya'o/ /mtshon cha me ltar 'bar bar 'khrigs/ /zhes pa ni go cha rnam pa lnga'i rgyan te/ gzhan 'jigs par byed pa'i phyir mtshon cha'o/ /de la me stag 'phro bas bgegs sreg par byed pa'i phyir bskal pa'i me

  467. 234a

    bzhin no/ /de lta bu'i gtum la mthu rtsal drag ldan pa ste/ de mthong nas tshangs pa la sogs pa rang gi 'khor las gzhan pa'i khro bo gzhan thams cad kun gyis/ de bzhin gshegs pa'i 'od zer dang/ phyag na bsnams pa'i mtshon cha'i mthus lag cha shor ro/ /de bzhin du 'dod pa'i khams gyi lha rnams lus kyis phyag 'tshal zhing gus pas bka' nyan to/ /gzhan rang gi 'khor phyag na rdo rjes la sogs pa sa bcu'i dbang phyug ni/ lha rnams mang po ji snyed kun/ /steng drang po'i don gyi phyir mdangs med pa'i tshul gyis zhu ba ni/ gzir bzhin du ni rab smras ba/ zhes bya ba la sogs pa ste/ bka' stsol cig/ ces pa zhus pa'o/ /des ni chos kyi 'khor lo bskor bar zhus pa ste/ drang ba'i don no/ /rab tu mi bzod 'jigs pa'i gzugs zhes pa dang/ khams gsum 'khrug par mdzad pas mthong zhes pa dag ni rang gi 'khor brjod kyis mi lang ba rnams zhu bar spobs pa chung ba'i phyir/ gzhan zil gyis gnon pa dag med par gsungs pa'o/ /gang tshe lha dang lha min rnams/ skrag nas skyabs su dong ba na/ /de tshe 'jam pa'i dbyangs kyis ni/ /khro bos slar yang zhi bar 'gyur/ zhes pa ni rang gi 'khor rnams gsod por smra bar 'dod par rig nas/ gzhan mdzum par mdzad pa'o/ /gshin rje gshed ces bya ba yang/ /khro bo chen po zhi ba la/ zhes gsungs pa ni/ gshin rje gshed khro bo chen po zhi bar gyur pa ni 'jam dpal gzhon nu'o/ /lha rnams kun ni phyag na rdo rje'o/ /de nas 'khor rnams ngo mtshar du 'gyur te/ zhus pa khyod kyi dngos grub mchog 'tshal bas/ ji ltar bu ni mnyes par bgyi/ /ji lta bur ni dang bar 'gyur/ /bdag la the tshom chen po skyes/ zhes pa smras te/ khyod ces pa ni 'phags pa ste/ gshin rje gshed do/ /de'i dngos grub ni

  468. 234b

    thun mong dang thun mong ma yin pa'i dngos grub ste/ de la mchog tu gyur 'dod pa'i rnal 'byor bas/ bskyed pa'i rim pa'i rnal 'byor gyis ji ltar dngos grub la nye bar bgyi ba dang/ rdzogs pa'i rim pa'i rnal 'byor gyis lus dang/ sems las su rung ba shin tu sbyangs pa'i bdag nyid kyi dang ba thams cad kyi ye shes kyis phyag rgya chen po'i dngos grub spros pa'i rnyog pa med pa'i dang ba'i bdag nyid kyi dngos grub la nye ba'i thabs la ji ltar bslab par bgyi zhes thabs dang/ de'i rim pa la yid gnyis su gyur pas/ the tshom gyi dri ma gsal du gsol/ zhes zhus pa'o/ /khro bos lha rnams tshig gsan nas/ gshin rje gshed kyis dka' stsal pa zhes bya ba la sogs pa gsungs te/ gsan zhes pa 'khor gyis gsungs pa thos pa'o/ /thos shes pa rim pa gnyis kyi don dang/ de'i bya ba la rmongs par rig pa'o/ /smras pa bdag nyid khyad par du gyur par bstan pa'i phyir bka' stsal pa ste/ bskal pa gang la sems bskyed nas mngon par rdzogs par sangs rgyas pa'i bskal pa gong ma la yang byung bas 'di'i thog mar byung ba'o/ /des ni tshangs pa lta bur gtso bor gsungs pa'o/ /phyis kyang 'byung zhes pa ni/ mya ngan las mi 'da' ba ste/ dus dpag tu med par sems can gyi don byed pa'o/ /des ni mdzad pa ring bar bstan pa'o/ /da ltar zhes pa ni bar chad med par phrin las tshad med pa mdzad pa'o/ /des ni don la bsnyel ba med par gsungs so/ /bud+d+ha kun gyi sngon du byung zhes pa ni chos kyi sku'i mtshan nyid do/ /dus gsum 'byung ba'i sku zhes pa ni longs spyod rdzogs pa'i ngo bo la bya bar bshad do/ /gal te rgyud gzhan dag tu bshad pa nyid kyis the tshom bsel bzhin yang bshad pa don med ma yin nam zhe na/ lan du nga ni lnga brgya tha ma'i tshe/ /nga'i bstan pa 'byung bar byed/ /bstan pa thams cad ces pa la sogs pa

  469. 235a

    gsungs te/ sangs rgyas kyi bstan pa nub pa'i tshe rgyas par byed pa'i bstan pa 'di byung ba ni khyad par can no/ /lan gdab pa'i phyir smras pa dus gzhan la dgos pa med pa yin yang rtsod pa'i dus tshe thung zhing dngos grub ring ba'i dus la gzhan dag las khyad par du gyur pa spros pa lhur len pa 'di dgos pa dang bcas par/ gsung zhing zhu ba ni/ rigs des na rigs so/ /khros pa nga'i sku zhes pa rnams kyis/ smra ba po yon tan rnam pa mang pos gang bar nyid kyis gsungs nas/ gang tshe gsum la skyabs song ba/ zhes smos pa dag gis skyabs song zhes pas rang gi 'khor rten dkon mchog gsum can du bshad de/ brten pa de'i tshe nga'i mi zad pa'i snying po thugs sad par byed pa la sogs pa dag 'khor gyi khro bo khyod kyi yid la zung la gnas par gyis shig ces gdams pa'o/ /khyed rnams skyabs su dong ba dang/ byang chub sems dang ldan zhes pa ni/ sems bskyed pa dang dam tshig dang ldan pa'i sgrub po'i don thams cad grub par byed pa'i gtso bo yi ge 'bru ni bcu bdun pa/ nga'i snying po yid las byung ba bzlas shing bsgom bar byas nas dngos grub lag mthil ltar snang bar 'gyur ro/ /de gsungs pa'i tshe sa gzhi la sogs pa g.yos so/ / 'khor rnams yid rang zhing dang bar gyur to/ /de nas shes pa ni snying po gsungs pa de nas rtog pa 'di ni 'khor de dag la rgyas par gsungs so/ /snying rje byang chub sems ldan pa'i/ zhes pa 'di la mos pa'i rnal 'byor pa'o/ /de'i don du rtog pa bshad par bya ba yin par gsungs so/ /phyag na rdo rje la sogs pas phyag 'tshal te/ zhus pa'i don bcom ldan 'das kyis gsungs pa 'di thos pa ni 'di skad ces bya ba rgyud kyi don mdza' dag ston pa'i tshig gi mtshams sbyar

  470. 235b

    pa'o/ /thos pa'i don ni snying rje de bzhin rgyas pa dang zhes pa la sogs pa'o/ /mnyan pa zhes pa bdag nyid kyis mngon sum du thos pa la bya'i gzhan gyis thos nas/ de las thos pa ma yin no/ /mnyan pa'i dus de las gzhan du 'di la thos pa'o// des thos pa mang bar gsungs pa dang yang dang yang du mi thos par bshad pa'o/ /gang las thos she na khro bo nyid las thos pa'o/ /'khor gang dang zhe na/ byang chub rnams zhes pas byang chub sems dpa' rnams dang ngo/ /gnas gang du zhe na/ khro bo nyid kyis gsungs pa'i/ rnam pa mang po byin gyis brlab ces pa smos te/ tshad med pa bzhi rnam par dag pa'i gzhal yas khang rgyas pa'i rang bzhin gru bzhi'i rnam par byung ba'i 'og min gyi gnas te drang ba'i don ni/ nges pa'i don du rnam pa mang po'i de bzhin gshegs pa so so tha dad pa'i rdo rje 'dzin pa'i btsun mo ni shes rab ste/ 'joms pa'i don gyis na b+ha ga'o/ /der bzhugs pa ni gnas gzhir mdzad pa'o/ /nges pa'o/ /yang bgegs kyi steng du bzhugs pa ni khang par ro/ /'di skad bdag gis zhes pa nges par ston pa yang yin la/ 'dir yang de bzhin du bdag gis bkod do/ /rgyud dang dus ni dngos su smra bar mi bya ste/ shes par bya ba dngos yin pa dang sla ba'i phyir ro/ /rgyud 'di byang chub rnams kyis zhes pa ni de'i phyi ma yin pa'o/ /da ni gnas bstan pa'i phyir de nas khro bo rnam par rgyal/ /'jam dpal khro bos bshad pa yin/ zhes pa smos te/ zil gyis gnon pa rdo rje khro bo'i ting nge 'dzin la snyoms par zhugs te/ rtsa ba'i rgyud bshad pa de nas so/ /'dir sdud par byed pa ma bkod pa ni snga mar bkod pa la ltos pa'o/ /skabs kyis na/ brjod par bya ba rjod par byed pa las 'dogs pa yang srid/ gzhan dgos pa las kyang btags so/ /'dir don la bya ba yin pas

  471. 236a

    bsdus pa'o zhes 'dod do/ /zag pa med pa'i shes rab ni de'i bdag po ste/ de gsungs pa'i sgra ni mdo ste/ rgyud du gdags pas rnam par bzhag pa'o/ /bgegs kyi tshogs las rgyal bas rnam par rgyal ba ste/ 'jam dpal lo/ /des bshad pa ni gsungs pa ste/ bla ma'i cho ga mchog tu gyur pa'o/ /de'i don mdor bsdus pas bshad par byas pa ni/ slob dpon gyis bsdus pa yin par dgongs so/ /de la 'di'i dkyil 'khor ni dngos grub thams cad sbyin mdzad pa/ zhes pa ni/ 'di'i zhes pa dbang bskur ba'o/ /yang 'di zhes pa gsang ba'o/ /de'i dngos grub ni stobs la sogs pa dang/ thun mong ste 'thob par byed pa'i rgyu'o/ /gzhal yas khang ni dkyil 'khor te bla ma'i gdam ngag thob par byed de/ /dngos grub bo/ 'jig rten gsum po 'khrug mdzad pa/ zhes pa ni/ khyad par du gyur par rtog pa gsum te/ de bgags pa thob par byed pas na'o/ /da ni yi dags mang po ste de 'du ba'i ro dbugs rgyu ba med pa'i brdas/ mi rtog pa'i ye shes la dkyil du bshad pa ste dgongs pa bshad pa'o/ /dngos grub kun sbyin par byed pa yin pas na tha dad pa'i drug par ni zhes pa bsgyur te thams cad kyi dkyil 'khor 'di yin pa'o zhes sbyor ro/ /thog ma nyid du bsrung ba'i k+Sha bkod la shing gcig pa'i nang du dngos grub sbyin par byed pa 'di bsgom par bya ste/ man ngag go /grub 'gyur ba'i gnas ni nam mkha' i gnas 'di na sems kyi rgyal po'i rta mgyogs pa 'di 'dug pa ni tha dad pa med pa nyid du gnas pas ste/ bla ma gnang ba dag la grub pa'o/ /'du ba'i don ni dur khrod do stong pa'i don dang gsum gyi mdo ni bzhi mdo'o/ /sgom pa'i tshul ni mchod rten no/ /rtag chad gnyis spangs pa te dbus ma'i gnas so/ /dbang po'i yul

  472. 236b

    ma yin pas thibs so/ /grags pa dang 'khor ba dang mya ngan las 'das pa skyed pa dang/ bden pa'i don dang chu'i 'gram dang/ nags tshal la sogs pa'i yul gtsang ma ni bram ze'i rigs kyi bu mo la sogs pa gnas pa'o/ /gzhan dag ni dkyil 'khor gyi cho ga bzhin rig par bya'o/ /de ltar cho ga bzhin bsams nas 'jug tu khro bo gshin rje gshed sngags brjod pas ni spyan drangs nas rang gi snying pos bzhugs su gsol zhes gsungs pa/ de ltar zhes pa dbang bskur ba'i phyir dkyil 'khor bri ba 'am/ ma bris na yang dkyil 'khor gyi cho ga bzhin blos bsams la/ de nas bsgrub pa'i thabs las 'byung ba bzhin du bya'o/ /snying pos shes pa yi ge bcu bdun pa la sogs pa ma yin te/ shu la'i phyag rgya dang rang gi dam tshig gi sngags so/ /me tog dmar po zhes pa ni kha dog dmar ba ste dbang bskur ba'i phyir ro/ /de ltar snying po sngags kyis kyang zhes pa rgya cher smos pa ni/ go cha rnams dgod pa ste rigs drug gi rnam par bsam mo/ bsrungs pa'i sbyor ba de gzhan blo rnam par rmongs kha cig sgra la mngon par zhen nas rten cing 'brel par 'byung ba'i mtshan nyid la lhar zhen pa'i bsrung ba'i sbyor bas ci zhig bya zhes rtog pa can yang 'jig rten na yod de/ de ni sun dbyung ba mtshan nyid las grags shing/ rigs pas spangs zin pa kho dna'o/ /de nas me mar rab 'bar ba/ /phyogs brgyad du yang dgod par bya/ 'byung po'i gtor ma khro bo la zhes pa ni/ gzhan dag gi phyir 'phags pa dang/ sme gtor ni lhag ma ste yi dags la sbyin no/ /lha rnams la yang mchod pa'i phyir/ /de nas yang ni bdug pa dbul zhes pa smos te/ lha rnams la mchod pa rnams kyis mchod la gsol ba gdab bo/ /de'i phyi rol chu bcas snod/ /me tog gis ni bkang

  473. 237a

    ste bzhag /cho ga khrus byas smyung ba yis/ /slob ma dag ni bos nas kyang/ zhes pa ni/ las thams cad pa'i bum pas bgegs bsal la nang du drangs la/ gong nas gong ma'i gtam brjod la/ de nas slob mas bla ma la maN+Dal byas la me tog dbul lo/ /de nas bu'i blo gros 'di gyis shig ces brjod la/ bsrung ba bya'o/ de nas dkon mchog gsum ni dran byas te/ dkyil 'khor la ni 'thor du gzhug ces pa ni bla ma dang dkyil 'khor gyi 'khor lo la phyag 'tshal lo/ /de nas be con zhes bya ba sngags pas de'i phyag rgya bstan zhes pa ni brtul zhugs kyi dbang bskur ba'o/ /dkon mchog gsum ni gsang ba yi/ dam tshig 'di la sbyin par bya/ zhes pa ni rigs lnga'i dam tshig dbog pa'o/ /khro bo yi ni sngags kyis ni zhes pa ni ming gi dbang bskur ba ste/ ma 'ongs pa'i dus na ste mngon par rdzogs par sangs rgyas pa'i ming gdags pa/ mi bskyod pa'i rnam par bsgom zhing chu dag pas lus kyi dri ma dkru ba dang/ pra dbab pa'i 'og tu mtshan ma bstan du gsol zhes me tog dbu ba gsungs pa'o/ /seng ge'i stan la bzhag la yang phul la slob ma de la mgor bcing bar bya'o/ /cho ga bzhin zhes dkyil 'khor gyi cho gas dbang bskur ba'o/ /go chas bsrung ba bla ma dang lha rnams la phyag byas la stong gsum gyi stong chen po gcig shAkya thub pa'i zhing yin par bshad la/ 'jam dpal gshin rje gshed kyi zhing ni stong phrag grangs med pa yin par gsungs pas de dag khyab pa'i rin po che bsam gyis mi khyab pa mchod par bya ba yin no/ /slob ma'i snying po byin nas kyang/ zhes pa ni slob ma la dbang bskur ba rdzogs par byas nas me tog tsan dan la sogs pas lha rnams la bla mas mchod pa byas ste/ de nas las

  474. 237b

    thams cad pa'i bum pa dri chu dang sman gyis bkang ba phyi rol ste byang shar du bzhag pas lha rnams la yon chab tu phul la gshegs su gsol lo/ /zhes pa'o/ /de nas chu de dkyil 'khor la gtor bar bya ste bkru ba'o/ /dngos grub 'dod pas gshegs nas yang dus bzhir mchod par bya ba yin te/ de'i phyir mchod pa rtag tu bya zhes smos so/ /de bas dngos grub thob 'gyur ba'o/ /rtsa ba'i rtog pa las khro bo rnam par rgyal ba'i rgyud chen po las yi dags phal pa'i dkyil 'khor du gtogs pa zhes gsungs pa ni khro bo rnam par rgyal ba'i ting nge 'dzin du snyoms par zhugs nas gsungs pas so/ /des gsungs pa rtsa ba'i rgyud kyi dkyil 'khor gyi brtag pa 'dir yang bshad de 'di der 'du ba ni gtogs pa'o/ /dbang bskur ba rim par phye ba'i le'u ste dang po'o// // zhes pa la le'u ni dri ma las 'gebs par byed pa/ don gyi gtso bo ste de ston pa'i gzhung la yang rnam par bshad do/ /le'u dang po rnam par bshad pa'o// /da ni le'u dang po'i dkyil 'khor gyi sngags rnams bshad par bya ba'i phyir de nas gzhan yang gsang sngags ni/ /de ni rab tu dbyung bya ste zhes smos te/ dbus su yi dags te/ tshangs pa bgegs chen po'i gdan gyi sngags ni/ de bzhin gshegs pa thams cad kyi gtso bo zhes bya ba yi dags gdong bzhis za ba po'i steng du bzhugs pa'o/ /zhes shes par bya'o/ /grwa'i be con bzhi'i sngags ni 'di yin te/ grwa ni mtshams bzhi'i pad+ma'i steng du bgeg sa yi dags me 'bar ba can 'di de bzhin gshegs pa kun gyi gtso bo zhes bya ba khro bo rnam par rgyal ba'i bkas khug la shog par byin gyis rlob par byed pa'i sngags des so/ /rlung lha dang/ dbang ldan dang/ me lha dang srin po rnams so/ /sgo bzhir brgya byin dang gshin rje dang/ klu dang/ gnod sbyin dang bzhi'i sngags ste/ phyogs skyong brgyad kyi steng na khro bo bzhugs shing pho nya bar

  475. 238a

    byed pa'o/ /brgya byin ni thub par dka' o/ /gshin rje ni gzhan gsod la dga' o/ /klu ni me'i 'od dang ldan no/ /gnod sbyin ni gzhan la gnod kha myur bar bskyed do/ /sngags des yi dags rnams bzung nas gnas su gnas par byed pa'i sngags so/ /yi dags phreng ba ni bgegs bsad pa'i lag pa'i phreng ba dang/ mgo'i tshogs dang/ lus po'i tshogs dang 'phags pa'i tshogs ni phreng bar phyir brgyan par bya ste/ de'i phyir yi dags phal che bas yi dags phal chen gyi dkyil 'khor ro/ /oM a kro te ka ya man zhes pa rang gi snying po gsungs pa ste/ pad+ma 'dab ma brgyad par bris pa la pad+ma'i lte ba la hUM bkod de/ de'i mthar a li rnam par bkod la/ 'dab ma la ka li bkod la de nas btu bar bya ba ni a li dang po blang bya zhing/ de nas dang po'i dang po dang/ /bzhi pa'i bzhi pa de nas blang/ /yang ni dang po de bzhin no/ /rlung gi sa bon dbyangs btu zhing/ /lnga pa'i lnga pa bzhi pa'i lnga pa/ /bzhi pa de dang bsres la bzhag /bzhi pa'i dang po nyid dag dang/ /dang po nyid la a sbyar ste/ /tha ma'i dang po nyid dang ni/ /bzhi pa'i bzhi pa de blang ngo/ /ma dang bzhi pa'i gnyis pa ring/ /lnga pa'i 'thug po na dang sbyar/ /gnyis pa'i gsum pa legs ring ste/ dbyangs kyi bcu gsum nyid dag dang/ /me'i bu dang ring po ni/ /'og dang steng du gnyis par sbyar/ /e'i rnam pa d+ha dad 'brel/ /thog ma gsal byed mdza' ru hUM/ de'i mthar yang mtshon cha gzhag /gshin rje gshed gcig tu khro ba med pa nyid kyis ma rungs pa/ ha na zhes pa choms shig pa'o/ /ma ta zhes pa lhogs shig pa'o/ /b+hany+dza zhes pa gzhan gyi sbyor gshig pa'o/ /hUM ni bskul ba'o/ /phaT drag par gshig pa'o/ /de la hUM ni 'jam dpal gyi sa bon no/ /oM ni gsal bar byed pa 'dus pa'i phyir rdzas su med pa'o/ /a la sogs pa brgyad ni khro bo brgyad kyi sa bon no/ /ha na ni gnod

  476. 238b

    mdzes kyi'o/ /ma tha ni hUM ka ra'i 'o/ /b+hany+dza ni kI li kI li'i 'o/ /phaT ni kI li chen po'i sa bon du mkhas pas rig par bya'o/ /gzhan dag ni go sla bas 'bad pa ma byas so/ /le'u gnyis pa'i rnam par bshad pa'o// //da ni khro bo'i rgyal po'i phyag rgya dbus kyi yi dags kyi sting du dgod par bya ba yin pa'i phyir de bshad de/ de'i phyir de nas gzhan yang 'jam dpal gyi/ khro bo dang po gcig pu nyid/ /tshad med gzi brjid bdag nyid che/ /de'i phyag rgya bshad par bya zhes gsungs te/ snying po'i sngags bzlas shing bcings pa 'am/ logs shig tu sngags mi zlas par lha'i rnal 'byor dang ldan pas so/ /gzhan du nam yang mi bcing ngo zhes pa gsang ba'i phyir ro/ /lag pa'i sor mo ni rnam pa bzhi yin la/ de bzhin du bzhi'i nang du mar me'i mthe bong 'di sbas pa ni gsang pa yin ste/ gzhan du ste stong pa nyid kyi ting nge 'dzin gyis mi bcing zhing dor bar bya'o/ /cung zad du ni de'i rtser/ /yi dags mgo bo mkhas pas bri/ /zhes pas ni/ de'i rtser yi dags kyi mgo bo ste der gnas pa'i chu dgu pa'o/ /phyag rgya'i bsgrub pa bshad de/ de nas phyag rgya'i bsgrub pa yi/ /dkyil 'khor 'di ni bshad par bya/ zhes bya ba la sogs pa smos te/ dkyil 'khor gru bzhi'i nang du pad+ma 'dab ma brgyad par bris la/ yi dags kyi steng du be con dgu yang bris la de la dbus kyi yi dags kyi be con las 'jam dpal gyi dngos por bya zhing pad+ma'i las ma mo rnam pa brgyad ste/ gzugs mdzes ma dang/ sgra snyan ma'i ma mo dang/ dbus dri zhim ma'i ma mo dang/ lus 'jam pa dang/ dkar mo dang/ sngon mo dang/ dmar mo dang/ ljang gu ma'i ma mo ste brgyad do/ /shes rab kyi lha mo'i dkyil 'khor yin pas na phyag rgya'i dkyil 'khor zhes kyang bya'o/ /zhes gsungs so/ /bar du bcug pa ni khro bo'i sngags a dang hUM gi bar du be con gyi phyag rgya'i sngags bcug pa ni bzhag pa'o/ /sngags des las sna tshogs 'grub pa

  477. 239a

    yin yang 'dir bdag gis 'ga' tsam zhig smras pa las mang po'i mthu med do/ /de nas dngos grub kun gyi mchog /khro bo'i gtso bo de kho na/ /zhes bya ba rgya cher smos pa ni/ gro ga 'am ras la/ las dang rjes su mthun pa'i kha dog gis pad+ma 'dab ma brgyad bris la char dbab pa dang/ klu gnan par bya ba ni 'dab ma rnams la klu brgyad kyi mtshan ma sbrul rnam pa brgyad mgo lte ba'i dkyil du bris la de'i steng zla ba'i dkyil du a bri la/ /gnan par bya'o/ /de'i steng du baM las bdud rtsi'i chus klu rnams ngoms par byas la/ a'i rnam pa las 'od zer byung bas dbang du bya zhes/ a de las be con gyi ngo bor byas la de'i rtse mor hUM bsam pas/ klu gnad la bor zhing bka' bsgo na don grub pa ste/ sngags des brdas shing mi 'bros par bya ba ni man ngag go /yi dags spyi bor zhes pa klu kun gyi'o/ /rang gi tshig gis bskul bar ldan zhes pa la rang gi zhes pa rang gang 'dod pa'i las kyi tshig go /rigs las byung ba zhes pa ni/ be con 'di rnam par snang mdzad kyi rigs so/ / gsang ba'i mchod pa'i sbyor ba yis/ /bdag gis mdor ni bshad par bya/ zhes bya ba ni las rnam pa drug po 'di gsang ba'i ste ma bcu gnyis kyi sbyor bar rig par bya'i/ 'dir rgyas par ma bshad do/ /'on kyang mdo tsam zhig bshad de/ a 'di khro bo rnam rgyal gyi/ /sa bon dam tshig yin par bshad ces pa ni/ /'od dpag tu med pa'i 'o/ /bstod ces pa 'od dpag tu med pa la bstod pa'o/ /de ni dbang gi lhag pa'i lha ste dang po'i sbyor ba'o/ /a 'di khro bo rnam rgyal gyi/ /hUM dang ldan pas shes pa ni hUM te mi bskyod pa'o/ /zhi ba'i sbyor ba'o/ /de las gzhan sngags 'phel byed/ /ces pa ni swa sngags 'phel bar byed pa rin chen 'byung ldan rgyas pa'i 'o/ /gsum pa'o/ /sarba ta thA ga ta zhes pa ni don yod grub pa'i sbyor ba gsang ba'i las so/ /hUM

  478. 239b

    ni snying ga'i hUM ste/ de las khro bo gsod pa po'i sngags byung ba'o/ /oM zhes pa ni rnam par snang mdzad dbye ba'i lha ste lhag pa'i lha ste lnga pa'o/ /de las gzhan zhes pa ni 'jam dpal ni bskrad par byed pa ste drug pa'o/ /rang rang sku 'dzin bskul nas ni// ces pa ni khro bo rnam pa drug rang rang gi ngo bo las drug la bskul bar bya ste/ bsgrub pa'i thabs bzhin no/ /de la zhi ba la shan taM ku ru dang swAhA zhes brjod do/ /mjug tu pod shad sbyar zhes pa rgyas pa la ste/ de'i mthar na ma swAhA 'o/ /hUM yang de'i mthar gzhag go /bsad pa la phaT to/ /dbye bar bya ba la hUM gnyis kyi bar du phaT to/ /bskrad pa la bskul ba'i mgo dang mjug tu hUM dang phaT to/ /gsang ba'i mchod pa'i cho gar grags zhes pa ni ma'i 'khor lo'i cho ga'o/ /gzhan go sla'o/ /rab tu 'grub pas zla drug gis zhes pa ni las re re las zla ba re la'am/ yang na lo res 'grub ste/ phyag rgya'i dkyil 'khor dang/ khro bo'i dkyil 'khor gyi rnal 'byor gyis 'grub nges so/ /be con phyag rgya'i sngags las mtshon pa'i lha yis lhag par byas la/ gsang ba'i mchod pa ste 'khor lo drug pa lnga drug pa'i sbyor ba'i le'u ste gsum pa rnam par bshad pa'o// //da ni he la'i 'khor lo'i bskul ba'i rnam pa dag bshad pa dang/ gzhan dag kyang bstan par bya ste de'i phyir gsungs pa/ de nas be con phyag rgya yi/ /ji skad gsungs pa de dag bsgrub/ /ces bya ba la sogs pa smos te/ gong ma las gzhan yin pas na gnyis pa'o/ /khro bo'i gtso'i phyag rgya yin ces pa ni lha gcig pa'i sgrub thabs so zhes shes par bya'o// de nas mar gyi tshes brgyad la/ grogs gsum dang zhes pa lhag pa'i lha rang dang gcig /bdud rtsi 'khyil pa dang gnyis khro bo pho nya dang gsum mo/ /bcu gcig pa rnyil cig ces pa'i bskul ba ni lhag pa'i mthar ha na bi spho Ta ya b+hany+dza zhes pa'o/ /dgos

  479. 240a

    par bya ba ste/ bcu pa'i bskul ba ni da ra bi spho Ta b+hany+dza hUM zhes pa ste/ b+hany+dza b+hany+dza zhes pa shig shig pa 'am chom chom pa'o/ /gnyis pa skoms shig pa'i bskul ba ni/ ba tsa bit+tre saM sho sha ya hUM zhes pa'o/ /bzhi pa non cig pa ni staM ba staM ba hUM mu se na staM ba hUM zhes pa khro bo chen po'i mthar ro/ /lnga pa dkrugs shig pa ni/ k+Sho pa ya k+Sho pa ya ma hUM h+ri zhes pa'o/ /bzhi pa khyad par du 'dis kyang bskul ba ste/ ti sta ti sta hUM zhes pa'o/ /bsad par bya ba la bskul ba'i sngags 'di ste/ ha na bi tpaM sa ma ra ya hUM phaT zhes pa'o/ /bdun pa skrag par gyis shig pa ni kha kha khA hi khA hi hUM zhes pa dbung rnams phan tshun du skrag cing 'khrug go /khrag gi char phab cig pa ni/ tri trI/ dzA dzA/ tri tri/ hUM zhes bskul lo/ /drug pa rmongs par gyis shig pa ni/ ha ha ha ha bai ha la phaT hUM zhes pa'o/ /long par gyis shig pa ni ha ha ha ha a na ta ya phaT hUM zhes pa'o/ /rgyal po 'bebs par byed pa la ni triM triM dza dza triM phaT hUM ngo/ /de dag gi las kyi 'khrul 'khor ni/ rigs kyi sa bon gyi yi ge las mtshan ma ste/ stong pa nyid sngon du 'gro bas de las las dang rjes su mthun pa'i 'khor lor yang dag par bskyed pa byas pa dang/ legs pa ste/ kha dog gi bye brag kyang las dang mthun pa'i yi ge'i kha dog bskyed de/ ye shes sems dpa' i thugs ka'i hUM las 'od zer spros pas sangs rgyas 'phags pa 'jam dpal gshin rje gshed kyi thugs ka na/ a li ka li gnas pa'i yi ge las dam tshig gi yi ge lta bu bsdus te/ 'dir bstim mo/ /de la mchod pa dang gzi brjid bskyed pa byas pa ni byin gyis brlabs pa'o/ /'di lta bu'i 'khor lo ni gshin rje gshed de/ 'dod pa'i don dang/ de'i bar du gcod pa dang bar du gcod pa sel ba 'am/ 'joms pa ste go rims so/ /gzhan yang rnam pa gsum gyis na/ dgu ru dbye ba byas pa

  480. 240b

    dad bshad pa rdzogs par 'gyur ro/ /rgyu dang thabs dang 'bras bu'i rnam pa 'dod pa nyid de/ de'i phyir bshad pa langs pa nyid do/ /zhes bshad do/ /'di la las kyi bye brag gis bskyed pa'i 'khor lo bris pa dag la bstims pa dang/ 'khrul 'khor bskyed pa dang/ 'dod pa'i 'khor dag bskul ba ni bstan pa'i rim pa ltar ro/ /byang chub sems dpa' thams cad kyis dam tshig rab tu skyong ba yin zhes pa ni khro bo rnam pa bcu gnyis po kun gyis las byed pa las mi'i yin no/ /da ni ma grub pa ni 'dis spogs par bya ba ste snga ma'i dam tshig bskul ba ltar zhes pa lhag pa'i lha'i sngags kyi mjug la phyag 'tshal ba dang ldan pa dag brjod la de'i mthar bskul brjod do/ /de nas gzhan dag sngar gyi dang mtshungs par bya ba 'am med par yang rung bar bshad do/ /bdag nyid nges par 'chi zhes pa sngon du bsnyen pa ma byas par 'dod na de'i tshe 'grub par mi 'gyur gyi zad par 'gyur ro/ /gzhan yon tan te/ las sna tshogs 'grub par bshad de go sla'o/ /gsang ba rab tu bstan pa yin zhes pa ni gsang ba'i 'khor lo'i bskul ba bstan pa yin pa'i phyir ro/ /snying po phyag rgya ni bcu bdun po'i sgrub thabs so/ /be con zhes pa phyag rgya dgu'i sgrub thabs so/ /snying po rang gis zhes pa ni be con gyi phyag rgya'i sngags kyis bsnyen pa bya ba'o/ /rtsa ba'i rtog pa be con gyi sgrub pa dang/ de'i las bskul ba bsdus te bshad pa le'u bzhi pa rnam par bshad pa'o// //de ltar le'u bzhi par bskul ba bstan pa la de'i sgrub pa dgos pas de bstan pa'i phyir de nas yi ge bcu bdun pa'i zhes bya ba la sogs pa gsungs te/ rtsa ba'i sngags shes pa ni rang gi lugs brjod pa yin la/ 'dir yang de bzhin te a a nutpa te zhes pas don dam pa'i bden pa gsung sla khro bo zhes pa ye shes te rang bzhin no/ /de'i las te phrin las te/ rnam pa sna tshogs ni sprul ba ste kun rdzob

  481. 241a

    kyi bden pa'o/ /yang na a ni rang gi sems kyi gzhon pa rta lta bu'i ngo'o/ /khyab pa'i gnas la gsungs te rnam par shes pa gzhan dang rlung gzhan dag gi rgyu ba'i phyir rtsa ba'o/ /de yang rnam par smin pa yang yin la bzung ba'i yul yang yin te man ngag gis shes par bya'o/ /sngags zhes pa la sngags ni sprul la sogs pa'o/ /de yang mgo can dang/ mgo med pa dang/ mjug can dang/ mjug ma med pa ste ming ngo/ /gtogs pa dang sod pa ni don no/ /yid skyob pa dang/ don ni dgos pa'o/ /skyob pa'i phyir zhes pa dang/ stobs la sogs pa 'thob par byed pa'i nges tshig go /de yang byang chub kyi phyogs ni sngags so/ /stong pa nyid ni mi mnyam pa dang mnyam pa'i sngags so/ /khyad par gyi lam ni bar chad med pa'i phyir sngags so/ /des rnam par grol ba mthar phyin pa ni mdzad pa chen pos sems can gyi don byed pa'i phyir sngags so zhes bshad do/ /yang lte ba'i rtsa bar gnas pa yi/ /lhan cig skyes pa'i yi ge a/ /khong nas byung yang skye ba med/ /yi ge kun gyi rtsa ba'i phyir/ /rtsa ba'i sngags su shes par bya'o/ /zhes pa gdam ngag go /de'i phyag rgya gzhan dag kyang/ /ro langs shes pa ni bya ba yod ces pa la de'i zhes pa sngags nga'i bsgrub pa'i thabs gzhan no/ /de yang ro'i bsgrub pa'o/ /snying ni dga' byed gsang ba'o/ /zhes bya ba ni ro langs kyi phyag rgya 'dis thugs sad par byed pa'i phyir ro/ /dur khrod dag gi thams cad ni/ /gang la rtag tu rag lus pa zhes pa ni/ dur khrod ni ro la bya ste bdag med pa'i ngo bo'o/ /de'i dngos grub ni de mthong ba dang/ de'i shugs las byung ba'o/ /de'i rag las pa ni de'i phyag rgya ste/ rgyu'i phyir a'i rnam pa 'am sgyu ma'i rnam pa'o/ /yang ril por 'dzin pa dang/ rjes su gzhig pa yang mi 'da' ba' i phyir hUM phyag rgya yin la de la rag las pa'i phyir ro/ /yang

  482. 241b

    na dur khrod ni dbugs rgyu ba'i phyir lus yin te/ de'i shin tu sbyangs pa ni/ sgyu ma lta bu'i ting nge 'dzin 'di la rag lus so/ /ro langs phyag rgya ldan pa de/ zhes pa yan chad ni sgra ji lta ba bzhin te gsal lo/ /ha har gyur pa'i dkyil 'khor du/ zhes pa ni ro'i bsgrub pa gsungs pa ste/ de yang dang po lha cig pa la sogs pa'i rnal 'byor dang/ snying pos sngon du bsnyen pa 'bum byas pa la de nas ri rtsa la sogs pa'i gnas yid dga' bar zla ba mar ngo'i tshes brgyad dam bcu bzhi la dur khrod kyi rdzas kyis dkyil 'khor gru bzhi par byas pa'i dbus su pad+ma 'dab ma brgyad par bris pas de'i lte bar ro bri zhing de ru nyi ma'i gzugs bris nas/ der rang gi rnal 'byor byas la mchod pa dang bstod pa bya'o/ /de nas dkyil 'khor du yang 'jam dpal bskyed la bdud rtsi lnga dang/ spos dang/ mar me dang/ dur khrod kyi me tog gis mchod do/ /'byung po la gtog ma yang byin la/ de nas bum pa gcig tu khrag dang sha dang/ tshil bu dang/ bdud rtsi dang/ sman blugs la/ dur khrod kyi ras kyis 'gul pa bcing ngo/ /gzhan yang mchod pa'i rdzas tshil chen po dang/ sha la sogs pa'i lha bshos dang/ srog chags chu chun da ra btags pa'i 'dug pa dang/ dur khrod kyi ras kyi sdong bu bdun ra'i gci bas bkrus la chil chen po'i mangs btang bas mig sman du bya'o/ /de nas bsrung ba'i go cha gsungs pas bsrungs la/ de nas rang shi ba ma rgas pa dang/ nad med pa'i ro de la dri chu dang bdud rtsi chen pos byug go /dkyil 'khor gyi dbus su re bzhag la ro'i snying gar bdag kha lho ru bltas te 'dug nas/ khyi'i 'o ma dang/ ba'i 'o ma 'am/ sran ma dang/ 'bras kyi tshan dang/ bdud rtsi dag dur gyi phru bar blugs te bcos pa'i tshe/ thod pas kha bcad cing/ tshos pa dang/ thod par rtsal lo/ /khar shing brtsigs la me spar te drang por sbyin sreg bya ste/ sngags brgya re zhing dbul te/ de lta bu brgya rtsa brgyad bya'o//

  483. 242a

    'phags pa 'jam dpal yum dang bcas pa dang/ 'khor gshin rje mdza' yas pa dang/ dur khrod kyi ce spyang dang/ phyogs sbyong ba bcu po dag sod sod kyi sgra sgrogs pa dang/ srin po 'brug gi sgra bzhin sgrogs pa dag gis bskor bar bsam zhing/ lho phyogs nas grogs gcig gis bdug spos dang/ dril bu rgyun du bsgrog go /de nas ro de langs nas bgyi ba ci 'dod ces gang 'dod pa ster ro/ /de'i tshe langs nas ha ha zhes rgod cing las gang 'dod pa gcig steng ste/ sha za'i mchod sbyin du bshad pa'o/ /cho ga bzhin du sbyar bar bya/ zhes pa sbyin sreg gi cho ga'o/ /khro bo 'bar byed bshad par bya/ zhes bya ba ni khro bo rnam pa bcu gnyis kyi las su bshad pa yang 'dis 'grub par 'gyur ba'o/ /yi dags phal chen bshad pa bzhin/ /'di yang zhes pa ni ro langs bsgrub pa'i dkyil 'khor 'di yang ngo/ /khru brgyad lhag chad med par ni/ zhes pa ni dngos grub sna tshogs la khru brgyad pa 'dis shis so/ /zhes pa gzhan dag ni go sla ste/ ma bshad do/ /mchod par bya zhes pa lha la ste me lha la'o/ /gtor ma gsum pa zhes bya ba ni dang po rang gi rnal 'byor dang de'i gtor ma'o/ /gnyis pa sbyin sreg gi dang/ gsum pa yi dags la btang ba ste/ de la yang sha chen po dang/ tshil dang khrag dang/ bdud rtsi lnga'i sa bya'o/ /bdug pa yang de bzhin no/ /rol bas phyag rgya bcings nas ni/ /gtor ma me tog la sogs dbul/ /zhes pa ni khro bo'i phyag rgyas te/ rang gi dam tshig gi phyag rgya 'dis dam tshig mtshon pa'o/ /des bya ba kun la yang sbyor la ro langs pa la dam tshig gi phyir bstan par bya ba yin pas na ro langs so/ /snying gar ro langs phyag rgya bzhag ces pa 'jam dpal bzhugs par bsam pa 'am/ mtshan na bzhag pa'o/ /arga de la dbul bar bya/ zhes pa

  484. 242b

    ni dpal 'jam pa'i ngo bo ro'i rnam pa la'o/ /gser du 'gyur bar gdon mi za/ zhes pa ni gser du 'dod na gser ram yung pas rol byugs la snga ma bzhin nam/ sbyor ba gzhan du sbyar na'o/ /ro langs phyag rgya mi shes na/ /sems ni? ji ltar drag byung kyang/ /zhes bya ba ni ro langs kyi phyag rgya ni 'dir ro langs nas dngos grub ster ba la dgos pa'i rang gi rnal 'byor dang/ me lha'i rnal 'byor dang/ de'i mchod rdzas dang sngags rnams ni de'i phyag rgya ste/ de mi shes par don 'grub pa med de/ sa bon med par mi 'byung ba myu gu yin pa bzhin du sbyor ba 'di mi shes pa'i sngags bsgral ni zhen pa dang/ lha'i de kho na nyid mi shes pa rten cing 'byung ba rnam pa gnyis so/ /gzugs la sogs pa'i mtshan nyid la yang dag pa'i kun rdzob tsam du yang 'di lha ma yin pa la/ don dam par lhar 'don cing zhen pa dang/ sgyu ma'i ngo bo 'di 'jam pa'i dbyangs su brtags pa'i rnal 'byor can gyi rtogs kyang sbyor ba bla ma'i dag blangs pa med cing mi shes na/ sems pas byed kyang 'dod pa'i don 'byung ba med de/ mi shes shing nye bar ma byas pa'i phyir sa bon med pa'i myu gu bzhin no/ /des nam mkha' la 'gro ba dang/ chu la yang sa bzhin byed do/ /gzhan go sla'o/ /da ni gzir ba la sogs pa ro langs kyi las gzhan dang/ gsungs pa de bshad pa'i phyir/ de nas gzhan yang ro langs kyis/ /gzir bar bya ba gsang ba bshad/ /ces bya ba rgya cher smos te/ thod pa'i nang du tshil chen po'i mar khu la a shwa ra pa zhes pa ni/ 'dir ka ra bi ra'i shun lpags dang/ ras kyi sdong bu byas la mar me dus ni zla ba 'am/ ni ma gsal zin pa'i tshe spar la de mthar bar sngags bzla shing/ thod pa kha spub pas dud par byas la des snag tsar byas te/ ras bshus pa la 'khor lor bris la mar gyi tshes brgyad la ro snga ma bzhin du byas pa'i khar sbyin sreg du

  485. 243a

    mthar de yang bsregs na grub ste/ man ngag las shes par bya'o/ /de yang na shing arga'i bal kho na bsregs pa'i dud pa snag tsar byas pa/ ro langs pa na mig la bskus na'o/ /slar thang par bya na snga ma bzhin la thar pa'i sngags kyis so/ /de nas gzhan yang rmongs pa ni zhes byung ba rnams ni/ snga ma bzhin la/ rdzas 'di rnams ri lur byas la mar gyi tshes brgyad la sngags bzlas te/ snga ma bzhin ro'i khar bzhag par bya ste/ de nas des 'khor lo yang dag par bris pa'i nang du ri lu bzhag nas bas na rmongs par byed do/ /ri lu bdun mthar bsregs la gcig gis bya'o/ /de nas gzhan yang dbang pa yi/ /zhes pa dag gsungs pa ni dbab pa'i sbyor ba'i gzhan las khyad par du gyur pas na mchog go /stag gi pags pa dang zhes pa ni na chung gi 'og gi gos so/ /sprul gyi shun pa ni gu gul nag po ste rdzas de rnams dang/ thang chu dang/ bdud rtsi lnga dang/ tshil chen po rnams kyi ri lu thod par bsreg cing bdug na 'bebs te thabs gzhan yang bya'o/ /des smra ba rnam pa sna tshogs kyi rtse don ston no/ /gshegs pa 'am btang ba ni gur gum can bsregs te btang ngo/ /dbang du byed pa dag gi mchog /rig pa 'dzin pa'i yid las byung/ /zhes pa ni rnam par snang mdzad kyi thugs las byung ba'o/ /khro bo gtum pa la sogs pa'i 'khor lo ltar byas la sngags bzlas na nges par dbang du 'gyur ro/ /de nas khon pa'i las kyi ni/ /sbyor ba 'ba' zhig bshad par bya/ /zhes bya ba gsungs te/ zhi ba dang ni rgyas pa nyid/ /zla ba yang gyi ngo la bya/ /dbang dang mngon spyod las dag dang/ /kho na dang bskrad dang gnan par dang/ /dgug pa la sogs mar ngo la'o/ byang du kha ltas zhi ba la/ /de bzhin rgyas la shar du blta/ /drag po'i las la lho phyogs su/ /dbang gi las la nub du blta/ /gsod pa

  486. 243b

    nyid la me'i phyogs/ /sdang bar bya la bden bral phyogs/ /gnas las bskrad la rlung gi phyogs/ /gnon pa la ni dbang ldan phyogs/ /zhi la kha dog dkar po ste/ /rgyas pa dag la ser por bya/ /dbang dang bgug pa dag la dmar/ /bsad la kha dog nag po bya/ /byams pa'i sems kyis zhi ba la/ /dge ba'i sems kyis rgyas pa la/ /chags pa'i sems kyis dbang dag la/ /khro bo'i sems kyis gsod pa la/ /zhi ba phal cher srod la bya/ /rgyas pa phal cher snga dro bya/ /dbang dang mngon spyod dag gi las/ /nyi ma gung dang mtshan phyed la/ /rdzogs pa'i rim la gnas pa yis/ /nang gi dus la brten par bya/ /'gro ba'i snying la rab gnas dus/ /rim ni go rims ji bzhin du/ /thun phyed kyi ni dus su gnas/ /med pa rlung dang dbang chen dang/ /chu ste so so'i dkyil 'khor te/ /dmar dang gnag dang de bzhin ser/ /dkar po nyid de mdor bsdus pa'o/ /zhes dpal gsang ba 'dus ba'i bshad pa'i rgyud las bcom ldan 'das kyis gsungs pa 'dir yang sbyar ro/ /de'i rim pa ni rdzad de rnams la ri lu byas la/ zla ba gzas zin pa'i tshe ri lu la sngags btab la/ kho na par bya ba dag gi snying gar 'khor lo sbas la/ tshes brgyad kyi nub mo ri lu khar bzhag la sbas na des pa yin pa ni mthu'i yon tan no/ /glang po che bla/ dpa' o/ /rnal 'byor rnam pa gnyis la gnas pa dag la sdang ba bsad par bya bar bstan pa'i phyir de'i sbyor ba gsungs pa de bshad pa'i phyir/ gsod pa'i mchog ni bshad par bya/ /zhes bya ba la sogs pa gsungs te/ mi gang dag gnod pa mang pos dkon mchog la gnod par byed pa dang/ smod par byed pa'i log par lta ba dang/ slob dpon la smod pa dang/ /mtshams med pa byed pa la bsad pa'i sbyor ba 'di bya'o/ /rang la zhe sdang gi phyir kun la bya ba ni rang nyid la gnod pa skyed pa'o/ /byang chub sems dang ldan pa la/ zhes pas/ byang chub tu sems

  487. 244a

    bskyed pa dang ldan pa dang/ rigs lngar grags pa'i dam tshig dang ldan pa dang/ /sems can kun la byams pa dang ldan pa dang/ snying rje dang/ bzod pa dang/ snying rtse ba dang 'brel pas 'grub kyi/ de las zlog pas mi grub ste// khro dang gtum pa'i spyod pa dang/ zhe sdang gis bsad par 'dod pas ni de bzhin gshegs pa ste/ 'jam dpal gyis dngos grub dag dngos su mi 'grub kyi/ rmi lam du yang mi 'grub po zhes shes par bya'o/ /de'i rim pa la dgra bo'i rkang pa g.yon pa dang/ g.yas pa'i rjes zla ba stod dang smad kyi bye brag gis blangs pa'i sa dang/ dur khrod kyi sol ba dang/ rus pa dang/ bdud rtsi lnga dang/ khrag dang/ lan tshwa dang/ bong bu dang/ rnga mo'i spangs dang/ skye tshe dang/ shing ni ma pa'i lo ma dang/ skra dang/ mar khu chen po dang/ khra dang 'ug pa'i bshang ba dang/ spu dang/ gci ba dang/ mi'i rus phye dang/ ba spu ba dang/ phub ma dag las gzugs brnyan byas la/ de'i lus la man ngag bzhin byas nas rlung gis dus sam/ nyin gung la rus pa dang tsher mas btsugs la gnas su bcug la ro langs khro bo'i sngags kyi mthar swAhA spangs te hUM dang phaT gnyis kyi dbus su ste/ de yang hUM phaT kyi bar du de ba ta ma ra yang zhes stong rtsa brgyad du bzlas shin/ mthar bsregs ma gnan par bya'o/ /de ltar byas na 'chi ba 'di la the tshom mi bya'o/ /bskrad pa'i las ni go sla'o/ /rtsod pa'i las la bar hi ni gu sha rnam gcig go zhes 'dir 'dod do/ /du tsir ni g+hi wang ngo/ /sman de dag dang/ gzhan gang yin pa'i rdzas so/ /rdzas de rnams lo ma rlung gis btab par zhes pa 'ug pa dang/ bya rog gi sgro rang byi ba ste ma shi ba'i sgro dang/ so sor sbyang ro/ /byang chub rab bzhugs zhes pa sems can la gnod pa dang phan pa'i phyir ro/ /gzhan dag mos par bya ba'i phyir sprul pa sna tshogs bstan pa ni mig 'phrul lo/ /de'i sbyor ba bstan pa'i

  488. 244b

    phyir/ /de nas gzhan yang mig 'phrul gyi/ /cho ga tshul bzhin bstan par bya/ zhes pa dag ni gsal ba nyid pas ma bshad do/ /da ri zhi ba'i las bshad de de'i phyir gsungs pa/ de nas zhes pa la mig 'phrul pa de nas so/ /sems can rnams kyi nad dang/ 'chi ba nye bar zhi bar byed pa'i phyir te/ de bzhin gshegs pa rnams nad med pa'i 'byor pa can du thugs dgyes pas zhi ba'i las kyi sbyor ba 'di gsungs te bka' stsal pa'o/ /me tog dkar po zhes pa ni dri zhim po'i kha dog dkar po'o/ /de bzhin du spos dang gzhan yang dkar bar rnam par bsam mo/ /rgya mtshor 'gro ba chu'i nang du zhes pa chu chen po'o/ /der 'gro ba ni chu chung ba'o/ /der ro langs kyi sngags bzlas shing dor bar bya ste/ nad rnams lus las gton nas chur dor bar bsam mo/ /de nas rgyas pa'i las rnams kyang zhes pa ni/ de la nad med pas lus rgyas pa dang/ rnal 'byor pa mang pos longs spyod rgyas pa dang/ tshe ring pos srog rgyas pa dang/ mchod pa chen pos bsod nams dang/ lam gyis ye shes mchog tu dang/ thos pas shes rab rgyas te/ de las skyes pa 'am bud med nad kyis lus ma rgyas na/ sats+tsha gdab pa'i cho ga 'am yang na ro langs kyi sngags kyi sku ser por bzhengs la mchod pa byas na nad dang bral te lus rgyas so/ /mchod pa chen pos yang byas nas/ de nas bla ma dang dge 'dun dang bram ze dag la chen pos bsngos na ma 'ongs pa'am/ 'di la longs spyod rgyas so/ /yang mchod pa byas nas ro langs kyi sngags bskul bas bzlas shing sngags phreng bar bzlas na tshe rgyas so/ /yang mchod pa mdza' yas pa ma lus shin lus pa med pa'i rdzas phyogs bcu'i 'jig rten gyi khams ma lus shing lus pa med pa khengs pa rnams kyis/ phyogs bcu'i 'jig rten gyi khams kyi de bzhin gshegs pa ma lus shing lus pa med pa'i 'phags pa 'jam dpal dang/ sangs rgyas dang/ byang chub

  489. 245a

    sems dpa' dang/ khro bo rnams la phul zhing sngags bskul na bsod nams mdza' yas pa rgyas par 'gyur ro/ /yang lam bzhi ste/ sbyor ba'i lam des par 'byed pa'i cha bzhi drod dang/ rtse mo dang/ bzod pa dang/ chos kyi mchog dbang po dang/ stobs dang bcas pa yis mthong ba rnam par dag pa'i ye shes rgyas so/ /de yang rnam pa bzhi ste/ dang po bar chad med pa sdug bsngal la chos shes pa'i bzod pa ni/ 'dod pa'i khams kyi sdug bsngal gyi spros pa bcad nas don myong ba'o/ /myong ba de nyid kyis khams gong ma'i spros pa bcad pa'i tshul gyis rjes su chos shes pa'i bzod pa'o/ /bzod pa'i spros pa med pa la zhes pa ni rjes su shes pa gnyis te/ de ni rnam par grol bar bsdus pa bstan te/ de yang bden pa bzhi yin pas bzod pa bzhi yin la/ bzod pa bzhi'i grol ba bzhi yin pa 'am/ yang na khams kyi bye brag gis bzod pa brgyad dang/ shes pa brgyad du rnam par bzhag ste/ des bsgoms pa'i lam 'phel bar byed do/ /de yang nges par na/ mthong ba'i lam de ni theg pa chen po ba bden pa so so la re mos dmigs pa med pa'i phyir/ bden pa bzhi'i stong pa nyid skad cig ma gcig gi dus la thog ma nyid du mthong ba ni/ bar chad med pa'i lam sngar ma mthong ba'i don mthong bas na mthong ba'i ye shes te 'phags pa'i sar phyin par byed pa'i phyir lam mo/ /bden pa'i don dang/ bstan pa la shes rab 'phel bar bya ba'i phyir skad cig ma bcu drug dang/ brgya dang dgu la sogs par bshad do/ /de bzhin gshegs pas gsungs pa'i gsung rab sde snod gsum po de la yang mngon pa'i sde snod de nyan thos dang/ rang rgyal bas nyan thos kyi theg pa/ theg pa chung ngu'i sde snod thos la/ byang

  490. 245b

    chub sems dpas chos mngon pa theg pa chen po'i mdo thos pas shes rab rgyas te/ de yang thos pa'i shes rab la brten nas/ bsam pa'i shes rab ces 'byung ngo/ /rgyas par bshad zin to/ /'jig rten thams cad dgar 'gyur ba/ /dga' bar 'gyur pa bshad par bya/ /zhes pa gsungs pa ni sdud pa po'i tshig go /gi wang ni glang po che'i go ro tsa na'o/ /yang na gi wa nga ni skye ba bdun pa'i snying ga na go ro tsa na yod pa ste/ rang gi khrag ces pa srin lag g.yon pa'i khrag dang bsres nas ro langs kyi khar bcug la/ ro langs kyi sngags kyis bskul la de nas zla ba shi ba'i tshe bsgrub na nges pa'o/ /yang na dga' ba ni ye shes te/ de rang la skyes pa ni yod pa'o/ /de yod pa'i thabs ni phyag rgya la yod pa'i gsang ba'i pad+ma'i bde ba gi wang dang/ rang gi thabs kyi gsang ba sbyar la bdag gi dpral ba ste spyi bor gnyis ka'i khams kyi rang bzhin gyi thig les rtse gnyis su bsres na dga' ba skye ste sbas pa'i don no/ /'gro ba dbang du byed pa ni bzhugs so/ /dgug pa'i cho ga ni bdag gis rnam par ma bshad de/ chags pa dang ldan pa'i don yin pa dang/ gsal ba'i phyir ro/ /ro langs rtog pa 'di dag ni/ /zhes pa ro'i las kyi cho ga rim pa lngar gsungs pa mang ba'o/ /rtsa ba'i rgyud kyi ngo bsgrubs par gtogs pa bsdus te bshad pa le'u lnga pa rnam par bshad pa'o// // de ltar le'u lnga pa la sogs par las ste/ thun mong gi dngos grub dang/ mchog gi dngos grub sgrub par 'dod pa'i rnal 'byor pa 'dod pa'i longs spyod rdzas dang bud med mdzes pa 'dod pa'i chags pa can dang/ mchog 'dod pas kyang de'i don du klu'i bu mo la sogs pa la dang por bsten par bya dgos pa dang/ thugs nye bar bya dgos pas de'i thabs bskyed pa'i rim pa dang/ sngags la sogs pa sngon du bya ba yin pa'i phyir de gsungs pa bdag gis bshad par bya ste/ da ni ro langs rtog pa'i mchog

  491. 246a

    rig pa 'dzin pa rnams la ni/ /zhes bya ba smos te/ ro langs rtog pa'i mchog ces pa ni/ ro langs kyi las kyi sbyor ba la bya'o/ /de'i rig pa 'dzin pa ni/ /mi snang ba la sogs pa'i rig pa 'dzin par 'dod pa dag gis// rang rang gi lha'i rnal 'byor dang/ sngags bzlas pas sngon du bsnyen pa byas na 'grub pas de bshad pa'i phyir le'u drug pa 'di gsungs so// //khro bo pad+ma'i zhal nas byung/ zhes pa sdud pa po'i tshig go /pad+ma ni 'od dpag tu med pa de'i ngang can khro bo rnam par rgyal bas 'di bshad pa te/ 'jam dpal nyid yin pas na khro bo nyid kyis gsungs pa'o zhes bsdus so/ /'jam pa'i dbyangs zhes pa la yid kyis bsten par bya ba yin pas na 'jam pa'o/ /rna bas mnyam par bya ba yin pas na dbyangs te sgra snyan pa mnyan par bya ba bzhin no/ /bka' des gsungs pa ni bskul ba'o/ /rang gi rnal 'byor dang ldan pas dang por drug 'bum du bzlas so/ /de nas sku dris la rab tu spyan dbye ba'i cho ga byas la sum 'dum dul/ /de nas raM rtsad? yang 'bum bzlas/ /de nas las bsgrub par bya'o/ /bdud rnams thams cad tshir gcod pa zhes pa ni/ /mu stegs la sogs phyir rgol ba'i bdud de'i dpung gi tshogs so/ /khrus kyi cho ga nyin re bya zhes pa rnal 'byor la 'dug pa'i che'o/ /thog mar zhes pa sngon du bya ba'i cho ga yin pas so/ /mchod yon gyi chus kha dang gdong pa bkru ste/ lus sam gdong pa oM hUM te ba ta te dza sE swAhA/ /zhes pa'i sngags 'di bdun bzlas shing bkru'o/ /des lus dag par byed do/ /ngag sngags 'di'i ste swa ba baM zhes pas kha de bzhin du dag par bya ba'o/ /de nas nor bu dag par bya ba dang/ de nas blang ba dag bya ste man ngag las so/ /bsrung ba rang gi lus la bya/ zhes be con gyi phyag rgya bcas la de bzhin du bsrung

  492. 246b

    pa'i sngags kyis so zhes ston to/ /paM gi sa bon las byung ba'i zhes pa ni/ bskyed pa'i rim pa'i gzhi rab tu gsungs pa yin te/ paM las pad+ma ni ri rab kyi steng ngam/ khang pa'i nang du'o/ /sa bon hUM las gyur pa'i sku zhes pa zla ba dang nyi ma'i steng du hUM ngo/ brtags zhes pa blos mngon par byang chub pa lnga las bskyed pa'o/ /oM A(rgyud 'grel): hUM zhes pas ni rnam par snang mdzad dang/ 'od dpag med dang/ mi bskyod pa'i sa bon du mkhas pas shes par bya ba'o/ de yang dpal ldan sangs rgyas sku 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje skus ni mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje'i skus ni mdzad du gsol/ /sangs rgyas kun gyi sku gang yin/ /phung po lnga yi rab bkang ba/ /sangs rgyas sku'i ngo bo yis/ /bdag kyang de dang 'dra bar shog /ces bya ba la sogs pas gsol ba btab la tshig tha mas nga rgyal bya ba ni rnal 'byor chen po'o/ /de nas khro bo'i tshogs ma yis/ zhes pa la sogs pa ni ye shes kyi 'khor los dbang bskur bya'o/ /go cha yang zhes bya ba dag gis gnas bzhir khro bo rnam pa bzhi'i go cha dgod par bya ba'o/ /rang gi dam tshig ldan pa'i rgya/ /zhes pa ro langs kyi phyag rgya bcings la/ bdag gi snying gar bsrung ba'i phyir bzhag la/ de bzhin gshegs pa dag spyan ras gzigs dran par byed pa las mi 'da' ba' i phyir dam tshig gi phyag rgya'o/ /de bzhin be con phyag rgya yang/ /zhes pa de bcas la mchod pa ste sngon du 'gro ba'o// de la mchod pa ni dbang bskur ba'i tshe dang/ sku 'am ras ris la mchod pa dang/ rang rnal 'byor la zhugs nas mchod pa'i tshe ste dus so/ /lha'i me tog dri zhim dang zhes bya ba la sogs pa mchod rdzas te lha'i me tog ni lha rdzas kyi me tog go /de yang padmo dang

  493. 247a

    ku mu ta dang/ puN+Da rI ke dang/ na li na dang/ sau gandi dang/ ke sa ra dang/ ta ma la'i lo ma la sogs pa'o/ /gzhan yang chus las skyes pa dang/ yid las skyes pa'o/ /nang du bdud rtsi dang khrag ste dam tshig chen po rnams so// gser ram zhes pa ni sku bzhengs pa'i rgyu'o/ /rgyal srid 'dod pas gser la bya zhes pa ni dngos grub gang la rgyu gang yin pa bshad pa'o/ /sor brgyad ces pa ni tshad do/ /g.yas su skyes pa khro bo che/ zhes pa khro bo bdud rtsi 'khyil pa ste/ gshin rje mthar byed do/ /de'i g.yon du yum ro langs ma ste/ mi rtog pa'i ro langs sku dmar po spyan gsum/ phyag gnyis mdung rtse gsum dug gsum 'joms pa dang/ thod pa g.yon du thogs pa dang/ spyan gsum rnam par thar pa gsum yul du byed cing lta pa ste/ sku las me 'bar bas gdug pa rnams bsreg par bri'o/ /yang ni phyag rgya'i dkyil 'khor du/ /rtag tu ri mo 'di bkram te/ zhes pa ni/ lha dgu'i rnal 'byor ram/ lha gcig gam lha bcu gsum pa la sogs pa'i rnal 'byor gyis bskyed pa'i rim pa la slob pa'i tshe/ maN+Dal byas la bzhengs par bkram la/ mchod pa dang/ bzlas pas bstod do zhes shes par bya'o/ /ri mo gzhan yang bshad par bya/ zhes bya ba ni/ 'phags pa ya man+ta ka dpal gshin rje gshed gcig pu'i thang ka bri ba'o/ /spyan med cas pa kha dog bzang po ste ma 'dres pa'o/ /rlung za zhing ni bzlas par bya zhes pa rlung la brten pa'i bzlas pa bya ste/ phreng ba'i bzlas pa'o/ /za ba ni srog gi ngo bo yin pa ste/ de'i rten yin pa'i phyir zas dang 'dra'o zhes shes par bya'o/ /yang na bsnyung bar gnas pas so/ /bzlas pa'i brtul shugs dang/ lha'i brtul shugs dang/ dur khrod la sogs pa'i brtul shugs dang/ phreng ba dang/ rig pa'i brtul shugs

  494. 247b

    dang/ ngag gi bzlas pa dang/ dbang po sdam pa dang/ mtshan ma'i dang/ spyod lam gyi rgyu ba la bdud rtsi 'khyil pa'i sngags bzlas pa dang/ seng ge'i brtul zhugs so/ /de dag la gnas shing bsgrubs na 'grub ste des nges pa yin no/ /rtsa ba'i rgyud yi brtul shugs kyi brtag pa'i brtag par gtogs pa bsdus te/ bshad pa le'u drug pa'i rnam par bshad pa'o// //de ltar le'u drug par bshad pa'i sku rnams la mchod na bsod nams 'phel bar bstan pa'i phyir le'u bdun pa gsungs te ji skad gsungs pa'i sku rnams la/ me tog ji skad gsungs de bzhin zhes pa gsungs pa la/ rab tu gnas pas cho gas lha rnams spyan dbye ba bya zhing dbang bskur na/ bsod nams rgyas shing 'dod pa 'grub pas na bya ba ste/ rgyal srid 'dod pa'i rnal 'byor pas 'jam dpal gyi gzugs gser las bzhengs pa la tsan dan dang/ gur gum a ka rus sbyar bas bsangs pa dang/ byugs nas mchod de ud+pal la sogs pa rnams kyis mchod pa 'bul lo/ /des rgyal srid thob par 'gyur ro/ /yang longs spyod 'dod pa'i rnal 'byor bas dngul las byas pa'i sku gzugs bzhengs pa la dbang bskur zhing mchod pa bya ste/ snga ma bzhin du byas na thob par 'gyur ro/ /nad sel ba ni gsal lo/ /'dod dgur sbyin pa ni zhes pa zangs las byas te/ zhi ba dang dbang dang rgyas pa dang/ dgug pa dang/ khon dang skrad pa dang/ bsad pa dang/ gzhan bskul ba rnam pa bcu gnyis dang/ gzhan yang yid la gang 'dod pa dag bskul zhing bsgrubs na 'byor bar byed pa'o/ /de bzhin du sku las grub pa bzhin khro bo rnam bcu dag gam/ phyag rgya rnams las bsgrub pa bshad de khro bo 'am yang na phyag rgya 'ang rung/ zhes pa smos te/ tri shu la rtse gsum pa'i bsgrub pa dang por bshad do/ /de nas khro bo gtso bo yi/ /zhes pa la gshin rje gshed

  495. 248a

    kyi bsgrub pa bshad de/ dang por stong pa nyid dang/ 'byung ba bzhi dang/ ri rab kyi mthar bsgrub pa'i thabs las byung ba bzhin no/ /oM las 'khor lo'i steng du yi ge tri dkar po las tri shul rtse gsum pa'o/ /de las gshin rje gshed sku mdog sngo bas mdangs phyung ba dkar po'o/ /rang dang 'dra ba'i rig ma sngon mo dang lhan cig byung bar bdag gis bsams te/ zhal gcig pa la gdangs pa gsus pa che ba phyag drug pa g.yas na tri shul dang/ 'khor lo dang rdo rje'o/ /g.yon pa sdigs mdzub zhags pa dang dgra sta dang dril bu'o/ /yum dril bu dang thod pa'o/ /zhabs bzhi pa ma he dang nyi ma'i steng na bzhugs pa/ sgra sgrogs pa yi dags kyi khang pa na rnam par snang mdzad dbu la bzhugs pa dang/ dbang bskur ba dang/ spyan drang ba dang mchod pa dag byas la gshegs par bya'o/ /gzhan dag la sbyor ba ni gsal lo/ /oM ya man+ta krid ru ru sphu ru dzwa la tiSh+Tha siDA lo tsa na sarba arta sa d+ha ni swAhA/ zhes pa ni bzlas pa'o/ /de la che ge mo shan+tiM ku ru zhes pa btags na zhi bar 'gyur ro/ /a si la zhes pa ral gri ste/ de'i sgrub pa ni da ni ral gri bzang po yang/ 'dir ni bsgrub par rab tu bshad ces pa ni khro bo gzhan gyis mi thub pa'i sgrub pa ste sku mdog dkar po ste/ de'i rim pa ni swa las rin po che zur brgyad pa'i steng du si las ral grir gyur pa ni sa bon no/ zhal gcig dang phyag drug dang/ rang gi rig ma dang ldan pa/ g.yas na ral gri rdo rje dbyug pa'o/ /g.yon du zhags pa dang/ dril bu dang dgra sta'o/ /gshin rje'i pags pa gyon pa mahe? dang nyi ma'i steng du zhabs gnyis bgrad pa'o/ /rin chen 'byung ldan dbu la brgyan pa sngar bzhin no/ /oM pradz+nyA ta kritka te bi ka te/ ni ka te ka tatka te swAhA/ zhes pa bzlas pa ste ral gri la bsgrub pa 'am/ yang na 'khor lor bris la mthar po

  496. 248b

    shat sbyar na rgyas pa la shis so/ /phongs pa rnams gso ba dang/ khyad par du dang/ bsgrub pa po dang nye ba dang/ shin tu yang gso ba dag ste/ rgyas pa las so/ /dkyus ni gsal ba nyid do/ /da ni be con bsgrub pa bshad ces pa ni sngar gyi bzhin te/ gzhan khro bo rta mgrin gyi bsgrub thabs te/ de'i rim pa ni a las pad+ma dang/ der da las be con ste sa bon no/ /de yang pad+man+ta krid ces pa ni pad+ma la chus ma gos pa bzhin du nyon mongs pas ma gos zhing/ de spong bar mdzad pa ni pad+man+ta krid ste/ zhal gcig gam gsum yang rung/ sku dmar ba dang/ phyag drug dang/ spyan gsum dang/ rgyan dang cha lugs so/ /phyag g.yas na be con dang ral gri dang/ pad+ma'o/ /g.yon na dgra sta dang/ dril bu dang/ zhags pa'o/ /'od dpag tu med pa dbu la bzhugs pa/ zhabs bzhi yi dags dang/ nyi ma la bzhugs pa yum ro langs dmar mo'o/ /phyag na dril bu dang zhags pa kun kyang bya'o/ /oM padmAn+ta krid tA re tut tA re swAhA/ zhes pa ni bzlas pa'o/ /dbang du bya bas 'phongs pa ni nyams thag pa ste/ de las skyob pa'i sngags 'di la ba sha ma na ya zhes pa 'am dbang du gyis zhes pa ni sngags so/ /de nas dgra sta bzang po sgrub ces pa ni dgra ste yongs su gyur pa'i bsgrub pa ste bar shu'o/ /de yang ha las rdo rje rgya gram gyi steng du pa las so/ /khro bo bdud rtsi 'khyil pa sku nag pa phyag gnyis dang zhal gcig go /dbu la don yod pa bzhugs pa gnod sbyin mnan pa rang gi yum nag mo dang gnas pa/ phyag na dgra sta dang sna tshogs rdo rje'o/ /oM big+ha nan+ta krid hUM hUM hUM ha na ha na sa ta ka ma kha kha khA hi khA hi hUM phaT/ zhes pa ni bzlas pa'o/ /de la mA ra ya zhes pa btags na gsod pa la shis so/ /de yang bgegs rnams mthar byed pas 'jig par mdzad pa bgegs mthar byed ste/ big+ha nan+ta krid do/ /gzhan du ma yi dags phal pa'i dkyil

  497. 249a

    'khor gyi bsgrub thabs ltar tri shu la la sogs pa bzhi po sor tshad bcu pa la sogs pa bsams la de'i nang du lha rnams bya ste/ brtan pa dang las bsgrub pa 'am stong par ngal bso bar shes par bya ste/ man ngag go/ yang na dpal gshin rje gshed 'phags pa 'jam dpal gyi mtshan ma 'di rnams rang gi chos kyi phyag rgya'i steng/ sran ma tsa na ka'i ched tsam las dang mthun par kha dog bsams la/ blo brtan pa dang las rnams bya ba ni rigs pa'o// yang dag par na sgrub thabs mang yang gcig gis kun grub ste lha mnyes pa las 'byung ba'i phyir ro/ /dper na sa bon nus pa khyad par can 'bras bu 'byung ste sa bon nus pa khyad par can ni chos can no/ /'di las 'bras bu nges par 'byung ba yin te/ zhes pa bsgrub par bya ba'i chos so/ /mthu khyad par du gyur pa'i phyir ro/ /zhes pa rigs pa'o/ /zhes lta bu'o/ /las gcig mthu las 'byung ba dang/ gzhan 'byung ba 'dra ste mthu las 'byung ba'i phyir ro/ /zhi bar grub pa ni 'dod pa'i dbang gis zhi bar mthong yang dper na rnam par rtog pa tha dad pas dngos po gcig la mthong ba tha dad pa bzhin no/ /lcags kyu la sogs pa ni de dag kyang de bzhin te gsal lo/ /de yang g.yas pa drug bsgrub pa ni nyin gyi 'pho ba drug bsgrub pa ste khri phrag gcig dang tshig stong phyed dang/ brgya phrag gsum du ma yengs par mtshan ma la dmigs pa 'am/ rdo rje thabs kyi bzlas pa byed de/ de yang bcom ldan 'das kyi snying po yi ge gsum pa'i sa 'am/ phreng bar gzhan te sngags rnams so/ /de yang dang po yi ge'i sbyor ba yis/ /rtag tu gtong ba legs par byed/ /brgyad pa'i mdza' dang ldan pa yi/ /yi ge u ni thig ler bcas/ /rnal 'byor pa ni dbugs rdub byed/ /ces gsungs pa dang/ dpal

  498. 249b

    gsang ba 'dus pa'i rtsa ba'i rgyud la sngags bsdus pa 'di lta bu gsungs so/ /oM A(rgyud 'grel): hUM zhes pa'o/ /rnal 'byor de'i bzlas pa ni/ /don rtog pa'i bzlas pa ni/ /ngo bo nyid med bzang ba yin/ /dus gsum sangs rgyas kyis brtags pa/ /rdo rje bzlas par de bshad do/ /zhes gsungs pa dang/ mtshan mo yang de bzhin du g.yon pa drug go /de yang dpal gsang ba 'dus pa'i rgyud phyi ma las/ thus mang mchog gi dbye ba yis/ /bsnyen pa rnam pa gnyis shes bya/ /tha mal pa ni rdo rje bzhi// mchog ni yan lag drug gis so/ /de yang so sor sdud dang bsam gtan dang/ srog rtsol de bzhin bzung ba dang/ /rjes su dran dang ting nge 'dzin/ /sbyor pa'i yan lag drug ces bya/ /zhes pas ni rnal 'byor pa kun gyi rnal 'byor ni rim pa rnam pa gnyis su des la de la yang rim pa bzhin bslab ste/ dper na 'phong slab pa'i slob pa dang 'dra'o/ /de yang rnal 'byor pa las 'grub par 'dod pas rang gi ting nge 'dzin la goms par bya dgos te/ de bas na ting nge 'dzin gyi gegs rnam par rtog pa yin pas de bsal ba'i phyir de'i rta rlung yin te/ de yang rlung gi sbyor ba med pa ni/ /sems kyi rang bzhin bzung du med/ /sems kyi rang bzhin rgyud gyur pas/ /las dang skye ba kun tu 'byung/ /de nyid rlung dang yang dag ldan zhes pa dang/ yang sems can rnams kyi srog gyur pa/ /rlung zhes bya bas las kun byed/ /'di ni rnam shes bzhon pa ste/ /lnga'i bdag nyid bcu yang yin/ zhes pa gsungs pa thos pas rlung gi cho ga dang la bya bar bla ma gsung ngo/ /de yang yi ge 'brel par bya ba yin pa ni/ oM gyis sems can yang dag spro/ /sangs rgyas sku ni rab tu brtag /hUM gis sems can yang dag bsdud/ /sangs rgyas sar ni rab tu brtag /a yis gnas par gyur pa'o/ /zhes pas na yi ge gsum dang ldan pas bya ba

  499. 250a

    yin no/ /de dang bral na skyon yod par bstan pa ni/ ma blangs pa la chags mi bya/ /longs spyod bral ba'i mi dag ni/ /gcig pa grong khyer skor byed kyang/ /nor gyis gang pa ring ba bzhin/ /rlung dag yi ge dang bral na/ /zhi ba'i longs spyod ring ba nyid ces pa ni sngags dang bral ba'i skyon no/ /de nas sems kyi rta rlung bsad na sems zhon pa mi lta bu yang song de/ de bsad cing mi rtog par bya ba ni rta dang bral nas bya'o/ /don ni rnam par rtog pa dgag pa ste/ de stong pa nyid lam bzhis ste nges par 'byed pa cha bzhis bkag na/ mi rtog pa bzhi pa mngon par byang chub pa'i ye shes skye ste de yang/ ye shes gsum gyi sbyor ba dang/ /stong pa gsum ni mnyam sbyor bas/ /lhan cig skyes pa'i ye shes skye/ /de yis bla med go 'phang 'thob/ /ces 'byung bas rnam par rtog pa las su rung bar bya dgos so/ /de nas sgyu ma lta bu la brten nas las 'grub ste/ sgyu ma lta bu'i ting 'dzin gyis/ /rdzu 'phrul che la rnam 'phrul zhing/ /kun rdzob bden pa sgyu ma nyid/ /sgyu ma lta bu'i ting 'dzin gyis// las rnams thams cad bsgrub par bya/ /mtshan ma med pa'i ting 'dzin gyis/ /dngos grub gnyi ga nges par 'grub ces pa bshad do/ /rnal 'byor ni ting nge 'dzin no/ /yang rnal 'byor ni ting nge 'dzin dang/ shes rab dang/ brtson 'grus so/ /yang de dag dang/ btang snyoms dang bzhi'o/ /yang de dag dang/ dran pa dang lnga'o/ /zla ba sgron ma'i mdo las/ byang chub kyi phyogs ni rnal 'byor zhes 'byung ba dang/ yang sangs rgyas rdo rje 'dzin pas rgyud kyi lus su bzhag pa/ rgyud rnam pa gsum bstan par bzhed pa dang/ yang zhi gnas lhag mthong zung du 'brel par 'jug pa'i lam mo/ /yang na dad pa dang dge? 'dun pa dang/ brtson 'grus dang/ thabs rnal 'byor zhes bya ste sbyor ba'i phyir ro/ /yang 'jig rten pa'i lam dang/ 'jig rten las

  500. 250b

    'das pa dang/ sbyor ba dang/ bar chad med pa dang/ rnam par grol ba dang/ khyad par gyi lam mo/ /de nas bskyed pa'i rim pa'i ting nge 'dzin ni rnal 'byor ro/ /rlung za zhing ni bzlas par bya/ /zhes pas rdo rje'i bzlas pa bsgom pa ni rnal 'byor ro// mtshan ma bsgom pa ni rnal 'byor ro/ /stong pa gsum bsgom pa ni rnal 'byor ro/ /phra mo bsgom pa ni rnal 'byor ro/ /yi ge dang thig le bsgom pa ni rnal 'byor ro/ /yang rgyu ba bsgom pa ni rnal 'byor ro/ /'byung ba bzhi bsgom pa ni rnal 'byor ro// phyag rgya rnam pa gsum las kyi phyag rgya dang/ ye shes kyi phyag rgya dang/ phyag rgya chen po dag bsgom pa ni rnal 'byor ro/ /yang na dkyil 'khor spro ba dang bsdu ba bsgom pa ni rnal 'byor ro/ /yang na rten cing 'brel bar 'byung ba sgyu mar bsgom pa ni rnal 'byor ro/ /stong pa nyid bsgom pa ni rnal 'byor ro/ /snying rje dang shes rab khyad par du zung du 'brel par 'jug pa mi gnas pa'i mya ngan 'das pa ni rnal 'byor ro/ /yon tan rin po che'i 'byung gnas kyi le'u zhes bya ba'i mdo las 'byung ba la rten cing 'brel par 'byung ba la rtog pa ni rnal 'byor du bshad pa dang/ tshangs pas zhus pa'i mdo las chos gang skye bar mi byed/ 'gag par mi byed pa ni rnal 'byor du bshad pa dang/ 'phags pa lang kar gshegs pa'i mdo las kyang/ /yang dag 'tshel ba mi rtog cing/ /gang tshe snang ba med pa'i tshe/ gzung ba dang ni 'dzin pa dang/ /grol dang bcings pa mi mthong ba/ /de tshe rnal 'byor snyoms zhugs pas/ /de mthong 'gyur bar thogs pa med/ /zhes pas rnal 'byor du gsungs pas stong pa nyid kyi ting nge 'dzin la bshad do/ /de bzhin du shes rab kyi pha rol tu phyin pa las/ /shA ri'i bu stong pa nyid la sbyor ba'i byang chub sems dpa' ni dman pa'i sar mi ltung zhing yongs su dag par byed pa'i bar du yang 'gyur ro zhes

  501. 251a

    bshad pa dang/ yang shes rab kyi pha rol tu phyin pa las shes rab kyi pha rol tu phyin pa'i rnal 'byor ni/ rnal 'byor kun gyi mchog tu bshad pa dang/ zhes pa rnams kyi rnal 'byor bshad do/ /spros pa btang la dkyus dpyad par bya ste/ de'i phyir gsungs pa/ de nas rtog pa las byung ba'i/ /dngos grub gzhan dag bshad par bya/ /ji ltar khro bo mchog gis ni/ /nyid kyis mdo ru bshad pa'o/ /zhes pa ni sdud pa'i tshig go /rtog pa las byung ba ni cho ga'i rim pa las byung ba ste dngos grub po/ /de 'byung ba'i thabs gzhan ro'i sgrub thabs bshad par bya ste/ 'phags pas gsungs pa de bshad par bya ba nyid kyis bshad pa'o/ /de'i rim pa ni yi dags mang po'i dkyil 'khor snga mar bris nas te/ de bzhin du yi dags pa la pa'i dkyil 'khor bzhin bri 'am bsams la/ mar gyi zla ba'i tshes brgyad la dur khrod du rang shi ba'i ro gzhon nu gang yang rung ba blangs la khrus byas te lus kyi sngags dag par byed pa bzlas shing dri'i chus bskrus la rang gi rnal 'byor la zhugs pa mchod pa dang gtor ma btang la/ ro de maN+Dal du bzhag la shi ba'i ro'i snying gar shu n+ya ta'i yi ge'i zla ba'i steng du bsams la/ de dang ro yongs su gyur pa las tri shu lar sor ba las 'phags pa gshin rje gshed nam mkha' lding gi gdod pa can/ sku nag po phyag g.yas na h+ri shul/ g.yon na 'khor lo bsnams pa/ spyan gsum gzhal gcig pa/ zhabs rnam pa gnyis su dgrad pa/ ro dang klu mnan pa/ khro bo'i rgyan sna tshogs dang ldan pa/ me thab kyi nang du bzhugs pa la dgug pa byas te mchod pa dbul lo/ /me tog dang/ spos dang/ lha bshes dang/ mar me dang sha chen po dang ldan pa'i gtor ma yang btang ngo/ /thod par tshil dang/ khrag dang/ 'bras chan dang zho dang/ bdud rtsi lnga la sogs

  502. 251b

    pas bkang la sbyin sreg gi tshul du khar phul na snang bar bshad de dge ba gcig ster ro/ /yang na mkhas pas dur khrod du/ zhes pa ni ro langs kyi sgrub pa po gang du bshad pa bzhin du'o/ /zhes shes par bya'o/ /de nas gzhan yang a tsa na zhes pa smos te/ sman de'i sbyor ba'o/ /snga ma bzhin zhes pa ni ro langs kyi bsgrub pa ltar bya ste/ 'bar bas zhes pa rtags so/ /mkhas pas gi wang bsgrub par bya/ /dngos grub dag kyang de bzhin bstan/ /zhes pa la gi wang dang/ li khri dang/ ba bla dang/ ldong ros dag dang bdud rtsi lnga dag skyes bus bsang ba'i ro'i khar bzhag la/ dur khrod kyi gos kyis g.yogs la/ sngags yi ge bcu bdun pa bzlas so/ /mar gyi brgyad la dur khrod du bsgrubs na des pa can no/ /de yang las gang la yang 'khor lo 'di mchog tu 'gyur te nyi ma rnam pa bzhi'i 'khor lo 'am/ 'khor lo dri ma med pa rnam pa bcu drug pa pad+ma lte ba dang/ ge sar can la nyi mas mdzes par byas pa la/ pad+ma'i phreng ba 'am/ rdo rje'i phreng bas brgyan par bris te/ dur khrod kyi ras sam shing lo la bri'o/ /de'i phyi rim du mu khyud la yum gyi rig pa g.yon bskor du bri'o/ /'khor lo la yang rig pa'i yi ge bcu drug g.yon bskor du bri'o/ /dbus su phaT dang zhe sdang gi yi ge bri/ de'i bar du bskul ba bri ste/ de yang dur khrod kyi rgya skyegs dang/ swa shukra dang/ gi wang dang/ li khri dang/ ba bla dang/ ldong ros dang ldan pas rgyas pa 'am zhi ba la'o/ /yang bsad ba la nyi ma gung la khros pa'i sems kyis mngon spyod kyi rdzas kyis bri'o/ /dbang du bya ba la gi wang dang/ khrag dang sa bon gyis so/ /'khor lo de dag gzugs brnyan gyi snying gar bcug na nges so/ /yang ro'i khar yungs kar bcug la las kyis skyes pa smin pa'i 'bras bu blangs pa des/ gong gi gzugs brnyan la sngags dang ming du ldan pas bsnan na/ rims kyis thebs

  503. 252a

    shing 'chi ba ste mthu'o/ /yung ba dang ldong ros kyis snga ma bzhin 'khor lo bris nas/ der tsan dan dmar po'i rdul dang/ skye tshe dang/ lan tshwa dang/ rjes rnams btums nas sar sbas na rengs te ma shes pa ma gtogs so/ /gnod sbyin mo bsgrub bshad par bya/ /zhes pa la/ gang byang gi shing dben pa'i sar dkyil 'khor ste/ maN+Dal byas la/ ldong ros dang tsan dan dmar pos 'khor lo lnga pa bris pa tsan dan dmar po dang/ tshwa dang dur khrod kyi sol bas gzugs byas par bcug la 'jam dpal la rjes su chags pa'i sems kyis sngags bzlas shing log par phyags par byas la/ gnod sbyin mo mdzes pa kha bzhin gsal bar byas la/ rjes su chags par byas nas skra bshig cing gos med par byas la/ zas sha rjen dang/ la phug dang/ sgog pa dang/ btsos pa dang/ sha chen po la sogs pa thod pa gang ba mar ngo la lha mo la dbul zhing bzlas na sum cu rtsa gsum pa'ang 'od ste/ de nas snang ba dang yid brtan pas mchod pa dbul la gang du 'dod par zhu ba bya'o/ /gdon mi za bar de la ster zhes pa grub pa des ster te 'dod pa'i don no/ /sha za mo dag sgrub 'dod na/ sgrub pa po la de yi las shes pa la mngal nas skye ba ni/ sgo nga las skye pa dang/ brdzus te skye ba ma yin pa'o/ /snga ma bzhin to/ /yang na gshin rje gshed dam/ rnam par snang mdzad du bsgoms la thab tu bdud rtsi 'khyil pa sbyor ba'i lhag bsams la/ brgya byin gyi chung ma/ de'i khang pa na sha rtsi la sogs pa'am/ yang na ka ring ki zhes bya ba bdud rtsi 'khyil pa'i sngags kyis 'bras blugs ba blugs gzar gyi stong phrag brgya phul bas bsregs na 'ong ngo/ /de ste klu'i bu me mchog /ces pa ni bla ma'i ngag 'dis dgug ste/ pad+ma dkar po'i mtsho'i 'gram du snga ma'i dkyil 'khor ltar bris la/

  504. 252b

    de yang me thab dbus su zla ba kham pa bzhin du byas la/ u dum+ba ra'i shing gi yam shing la/ na ga ge sar gyi phye ma dag dang sbyin sreg byas na nges so/ /yang na gnas der tshes brgyad la thod pa la btsag gis rlung gi gzugs bris la/ de'i steng du me 'bar ba'i nang du klu'i bu mo bris la/ de'i ming nas smos te bdud rtsi 'khyil ba spros pa las/ lcags kyus drang zhing rlung gi bteg par bsam zhing/ thod pa rkang ba g.yon pas mnan la/ ming dang sngags dag spel na klu'i bu mo 'grub pa 'di la the tshom med do/ /de nas sngags pa lha min gyi/ /phug sgor song nas ji 'dod pa/ /zhes pa la lha ma yin gyi pu mo dgug pa ste/ gnas der snga ma'i maN+Dal byas la/ gtor ma byas nas 'byung po la btang zhing/ shing bri yang ku'i me sbar la/ me lha gnod mdzes mdog dmar por bya ba la yungs kar gur gum gyi chu la spangs pa 'am/ snyugs pa khyad par du byas pa bsreg go /rdo rje sa 'og ste gnod mdzes bskul las sa'i 'og gi lha ma yin gyi bu mo mdung gis snying phug nas lcags kyus drangs pa zhags pas bcings nas rlung gi 'khor lo la skyon nas 'ong bar bsam na 'grub po/ /sha chen dag ni 'tshong 'dod na/ /dang por dur khrod song nas su/ zhes pa la rdzas sam de dag gang 'dod pa thob par bya ba'i phyir sha chen po 'tshong ste/ zhing skyong bkug la mchod par bya'o/ /de nas gzhan yang 'di yi las/ /dpung rnams mnan par bya ba bshad ces pa ni dur khrod kyi ras la 'khor lo dug la sogs pa dag gis snga ma bzhin du bris la/ dur khrod du grub pa'i nyi ma la rang gi rnal 'byor byas la/ de nas 'khor lo de rkang bas mnan la sngags ? nas de'i 'og tu mnan na nges pa ste/ bla ma'i kha la rtogs par bya'o/ /de nas gzhan yang dur khrod kyi sbyor ba bkra shis dge ba gang zhes pa ni/ dur khrod kyi thal ba 'di'i sbyor ba ni kun la shes te/ byin gyis

  505. 253a

    rlabs pa'i rdzas yin pa'i phyir bkra shis pa ste/ ku sha la zhes pa ngan pa bsnyil pa'i phyir dge ba'o/ /de yang rno ba ste dpung mnan pa la rno ba'i sbyor ba'o/ /ro dpa' bo bsreg pa'i nub mo thal ba blangs pa de thong bar rtsal la bsrung ba bya ste/ gshin rje gshed kyi sngags oM h+riSh+Ti bzlas la bsrung ngo/ /de nas zla ba gzas zin pa'i tshe thod pa de la sngags bzlas so/ /de nas grub pa'i rdzas de yang bsrung ba byas la dus nam mnan pa'i tshe gtor ro/ /'di ni mtshon rnams gnon pa yang/ zhes pa ni mtshon cha yang des gtor na gnon pa'o/ /yang mtshon (gi rnon po ni de la mtshon dkris bas 'phan pa dang/ phur bas) 'phen pa dang/ lag pas 'phen pa dang/ bzung nas 'phen pa dang/ lag pas 'ching ba'o/ /su darSha ma'i shing dang/ a karSha na pri ti ka dang/ spang rgyan dang/ lcag ma dkar po dang/ 'da' du ra ste shis pa'i nyi ma la sman bzang po de rnams blangs te/ bdud rtsi dang bsres la gdol pa nag mo'i khrag dang bsno'o/ /nag po'i tshes brgyad dam bcu bzhi la bram ze'i thod par bzhag go /de ro bsregs pa'i sas bkang la/ sngar gyi me tog gis bran la gtor ma btang bas bsrungs la/ lcug ma rdzogs pa nga rgyal gyi nyin par blangs te/ sngags kyis bsrung zhing sa la ma reg par blang ngo/ /de rnams kun gcig tu byas pas log par bsgril ba de lus la btags na/ de dag 'bar bar tshig pa'am grugs pa 'am/ de dag las rgyal te mtshon brgyas bsnun kyang rma med de rdo rjer 'gyur ro/ /'gro ba dbang byed sbyor ba ni/ /kyus ni rnam par gsal lo/ /gzhan dag drang ba ni ma bshad de/ sngar bshad pa dang/ phyis kyang smras pas zlos pa'i skyon spang par bya ba yin pas so/ /btsag gi sbyor ba dge bar bshad ces pa gsungs pa la/ sngon du bsnyen pa byas par ni gsal lo/ /dur khrod du

  506. 253b

    sregs pa'i ro phyed tshig pa ste/ /ba'i dngos po ma bral na'o/ /gzhan du btsag la sogs pa mtshon rdo rje lcags kyu lta bur bsams pa de zla ba shi ba'i tshe chus 'byung du bcug la/ de thar par ma gyur bar bsgrub cing bzlas na 'grub ste de srid du snyoms par zhugs la/ de nas brton bde thod par bzhag la bsrungs la de nas nam dgug par 'dod pa la sogs pa bris shing byugs na nges te sta gon la gnas par byas pa yin no zhes bshad do/ /sor sdud bsgrub pa sbyor bshad bya/ /zhes pa ni dbang du bya ba'i sbyor ba ste gsal lo/ /de nas gzhan yang yungs kar dag /shin tu ngo mtshar dang ldan ba/ /khro bo nyid kyis ji lta bar/ /bsgrub phyir sbyor ba gsungs pa bshad/ /ces pa ni sor sdud bsgom pa'i bstan pa de nas yungs kar ni bzhin te/ khro bo rnam par rgyal bas bshad par bya ba ni gsungs pa'o/ /de ni sdud pa po'i tshig go /nyi ma re re bzlas pa ni/ /zla ba gzas ni zin pa las/ /shes pa dang po'i mtshams de nas so zhes pa'o/ /sgra byung yang nags kyi bar zhes mdza' zung ba ste/ nus pa skyes pa'o/ /des ni mi 'grub ci yang med/ /ces pa nus pas byin rlabs ci yang nus pa'o/ /chu skems pa dang/ ri 'gas pa dang/ zhes pa ni/ mi skyed par byed pa dang/ sta re lta bus gyur par byed pa'o/ /phyag rgya gnyis kyi las rnams ni/ zhes pa la phyag rgya gnyis ni/ dman pa'i rnal 'byor dang khyad par du gyur pa'i rnal 'byor ro/ /dman pa la mos pa la gzugs can dang/ dben 'dod pa la gzugs med do zhes bya'o/ /ma lus pa ni bshad pa yin/ zhes pa yungs kar la sogs pa mang du gsungs pa la dgos pa'o brtsa pa'i rtog pa ste le'u bdun pa'o// //zhes pa ni 'di yang don la mtshungs pas de'i rtog pa ste/ le'u bdun pa'i bshad pa'o// //le'u ni don gyi ngo bo yin la/ de ston pa'i gzhung

  507. 254a

    yang le'u'o zhes bshad pa nyid do// //nga ni le'u brgyad pa bshad de/ de yang phyi mar rtog bsdus ste bshad pa yin te/ don las dgongs pa dang/ grub pa gcig pa las dgongs ste rgyud rtsa bar rtog ces de dag la gsungs pa yin no/ /'di yang de bzhin du yin pa ni sdud pa pos shes kyang blo rmongs pa dag dus gcig tu sgras rgyud kun smras pa yin na/ phyi ma la sogs pa ni med par 'dzin pa bsal ba'i phyir/ dus phyis gsungs pa la phyi ma zhes sdud pa pos bkod do/ /dang po ni shes rab 'phel ba dang/ dgos pa gcig par bshad la/ gnyis pas ni the tshom sel cing dus ba dang bar gsungs te/ phyi ma nyid la'o/ /des na de'i rtog pa phyi ma ni zhes pa smos so/ /mchod chen bya zhes pa bsod nams bsags pa'i ched du'o/ /khro bo la zhes pa de yang de bzhin to/ /dug la sogs pa gang brjod pa zhes pa dang/ gang zhig nag pos zin pa yi/ /zhes pa ni 'khor lo snga ma bzhin bris la/ 'od zer dkar po 'phros pas hUM la dug dang/ nad kyi ngo bo dang/ klu dbyung zhing chu la 'khor lo bstim par bya zhing bya ba byas na nges pa'o/ /de la dug 'byin ba'i sngags ni hUM ste/ de rkang pa dag la zla ba ltar gsil bar rnam par bsam mo/ /rkang pa'i spugs stong pa las gyen du hUM gis dug phul zhing/ de nyid 'od dang hUM gis 'od kyis ngos su phul bas de'i bu ga nas kyang dbyung zhing lte bar phyin pa dang/ de nas kyang dbyung zhing spyi bo dang kha nas dbyung zhing rim gyis steng du 'gro bar bya ba ni rgyu ba'i dug thams cad do/ /de yang rim pa gsum 'am/ bzhi 'am/ lnga ru bsgom la/ nang ba las nag po'i gzugs can gyi dug skyugs par bsams ni bde bar 'gyur ro/ /yang la la dag rim pa des spyi bo nas rkang pa 'byung bar phyi ma ste/ gzhan gyi

  508. 254b

    rjes su 'brang ba dag 'dod/ /nag pos zin ba ni klu brgyad kyis te mdza' yas la sogs pa'o/ /de la 'phags pa gshin rje gshed kyis bkas bskul na rdzu 'phrul sna tshogs pa can dag 'jigs pa thob pas rang gi gdug pa rnam par sdud de/ de yang mtsho'i 'gram du gnas la/ pad+ma 'dab ma brgyad kyi rnam par bsams zhing de'i lte ba la lha'i rgyal po rang nyid bsam zhing/ de yang klu bdag brdzis pa phyag bcu gnyis dang/ rgyan rnam pa mang pos brgyan par bya'o/ /'dab ma la klu brgyad g.yas bskor du bri ste/ sprul mgo gsum gsum gyi gdengs ka'i mgo steng na/ nang sel ba'i rang gi rgyan yod pa'o/ /de yang bdag la kha bltas pa/ thal mo sbyor ba/ lung nod pa/ zhum pa'i tshul du bltas la/ hUM naM hUM/ zhes pa dang/ rig pa'i rgyal po'i sngags bzlas so/ /de nas 'o ma dang 'bras can du bcas pa gtor ma dang mchod bas yang dag bar mchod do/ /de ltar zla ba drug gam thun mtshams bzhir sbyar na/ rang gi nad dam/ gzhan gyi dag 'byung ste/ klu'i gdug rang gi gnas su sdud do/ /chu yi nges par gtor byas dang/ zhes ba dang/ lcag gam yang na rkang pa yis/ zhes pa la chu ni 'od zer dkar pos so/ /lcag ni thas pa'i nad 'don pa ste 'dod pa'i rlung ngo/ /rkang pa ni rdzu 'phrul gyi mthu g.yo ba'o/ /de nas snod la dbang ba yang/ zhes pa la sogs pa gsungs pa ni/ pra dbab pa ste skyes ba 'am/ bu mo gzhon nu mtshan dang ldan pa ste mdzes ba'o/ /skyon ni spyad pa'o/ /de med ba ste ma spyad pa la yan lag tshang ba de snod yin te/ de la khrus byas la bdud rtsi lnga pos bkra shis pa blung la smyung ba byas te zhes pa tshul khrims dang ldan pa de stong bar byas la/ yum ro langs mar bskyed pa'o/ /yang bkrus la zhes pa lha mo la me long du khrus bya'o/ /gos dang rgyan can du bsam pa ni gos rnams dang ni rgyan gyis brgyan pa ste/ g.yas brkyang

  509. 255a

    thal mo snying gar sbyar ba rlung gi dkyil 'khor la gnas pa/ rkang pa la yaM bsam zhing/ snying gar yang laM dang paM bsams la de dag rlung gis g.yo bar bya ba mi 'da' bar bya ba'i phyir bkod la shar phyogs su kha blta ba ni kha bstan te zhes pa'o/ /de ltar mchod pa byas nas ni/ zhes pa me tog la sogs pa'i 'o/ /de yang byin gyis brlab pa'i rdzas 'di dag thod par bsregs pas 'dug go /de yang bdud rtsi lnga dang/ thang chu dang/ byi la'i zun dang/ glang pa dag dang/ ra'i yan lag lnga'i sha dang/ tshil chen po dang/ gu gul nag po dag bsres la ri lur byas la'o/ /de nyid kyang rlung g.yo ba la bzhag la/ bdag nyid kyis yi ge bcu gcig pa bzlas shing/ yang a la la hUM a zhes pa yang bzlas so/ /de dag babs na tshig bcad dag 'don no/ /sems babs pas ni da ltar la sogs pa rnams shes so/ /dge dang mi dge dri bar bya/ zhes pa ni mtshan ma bzang ba dang ngan pa'o/ /arga dbul zhes pa ni lung ston pa la'o/ /de nas gshegs su gsol lo/ / sa la 'gyel zhes pa khro bo gdug pas snod de'o/ /slangs nas su/ phyin nas rab tu khrus bya'o/ /zhes pa yang bsangs la mchod pa dbul ba'o/ /rgyal po dbang du byed 'dod na/ zhes pa la sogs pa la rgyal po bdag gis dbang du bya bar 'dod na/ de'i tshe ri mo'i mdun du zhes pa rang gi rnal 'byor gyis khro bo'i rgyal por dmigs shing byas pa ni mngon sum dang 'dra bas mdun du zhes bya'o/ /rgyal po'i rjes dang/ tsan dan dmar po dang/ gi wang gis 'khor lo bris la de dbang gi rdzas rang gi rkang rjes dang/ dur khrod kyi thal bas gzugs brnyan bris pa ni de 'dra bar byas pa'i der bcug la sngags rtse gcig pas bzlas nas 'og tu sbas na don grub ba ni 'khor lo'i mthu stobs so/ /mthar sbyar zhes pas ni sbyin byed ba/ sha

  510. 255b

    ma na ya zhes pa de'i mthar phaT spangs pa'i h+ri swAhA zhes pa ste/ h+ri ni dbang du bya ba'i sa bon ste/ swAhA zhes ba dbang du byed pa rdzogs pa'i tshig go /de nas phan tshun mdza' bo gnyis/ /dbye bar bya bar 'dod na ni/ /zhes pa dbye ba ste/ 'chad par 'gyur bas ma bshad do/ /de nas sems can rab gdug par/ /shes nas legs par gdul ba ni/ dkon mchog gsum la gnod byed na/ /khro bos bya yis gzhan du min/ /zhes pa la rang gi spyor ba drag pos gsod pa pos 'chi bdag gi drung du btang ba na dkon mchog la gnod pa'i gdug pa 'di la bya ba yin pa'o/ /de yang rim pa 'di ste dur khrod kyi rdzas dang bye brag gi sa dang/ sa'i tshil bu dang/ chu'i 'gram gyi sa dang/ sha chen la sogs pa la sor bcu drug pa'i tshad du de'i rnam par byas la/ dong gru gsum bar ste/ de yang lus la mtshon rus pa dang/ tsher mas btsugs la nag po'i brgyad dam/ mar ngo la bya ba ste/ dngos bskyed pa la gzhug par bya ba dang/ sdig pa bsgrags pa dang/ kha sbyor dbye ba byas la bzlas pa bya'o/ /de yang 'khor lo dug gi ngo bo la che ge mo ba sha ma na ya ma ra ya phaT zhes dgug go/ ba sha spangs pa'i 'khor lo dang gzugs brnyan de ldan par bya'o/ /de nas seng ldeng phur bu la zhes pa sor brgyad pa'o/ /brgya rtsa brgyad du rab tu bzlas te zhes pa brgya brgyad bzlas ba dang/ rtse gcig pas btab pa'o/ /de nas bdun gyi thun mtshams su bdud rtsi 'khyil pa'i rnam bas snying la'o/ /de'i 'og tu khri bzlas so/ /de nas yang zhag drug tu khri phrag re ni de bzhin no/ /de lta bu'i btab ba khri dang/ brgya dang brgyad tshang ba dang/ drag por bsreg pa ste man ngag las shes par bya'o/ /ma ra ya hUM phaT zhes bya ba ni bzlas pa'o/ /de ltar byas na sangs rgyas kyang 'jig na gzhan lta ci smos te/ drag po rnon po'i 'khor lo mthu stobs so/ /sems can rnams la brtse ba'i phyir zhes pa

  511. 256a

    la sogs pa dkon mchog la gnod pa dang/ bla ma la brnyes pa dag la bya ba yang/ de la snying rje dang byams par ldan pa dang zhing dag par btang bar bsam pas bya ste de yang rlung g.yo ba la rnam par shes pa bskyon la b+ha ga'i gnas sam/ bde ba can du mtshan bzang po dang ldan par skyes par byas la/ rnam par shes pa med pa'i lus la ce spyang dang/ wa dang/ spyang khu dang/ bya rog dang/ ma mo sha za ba dang/ gnod sbyin 'jigs pa can dag la sbyin par btang zhing de dag kyang dga' ba dang bcas pas lus de dum bur bcad cing za bar bya ba'i bsam pas zhing du nye ba dang ldan pas bya'o/ /zhes pa'o/ /de nas bskrad pa dang/ zhi ba dang/ rgyas ba dang/ dpal 'dod pa dang/ gter 'dod pa dang/ zhes pa bdag gis rnam par ma 'bad do/ /tshe lhag pa la ste/ tshe ring bar byas pa la dur bas sbyin sreg bya'o/ /rtog pa phyi mar gtogs pa le'u brgyad pa rnam par bshad pa'o// //de nas rtog pa thams cad kyis phyi ma'i phyi ma zhes bya ba/ zhes bya ba la sogs pa smos te/ phyi ma kho na yin yang 'di la ste/ 'di dag de'i yang phyi mar phyag na rdo rjes bshad pa ni/ de bzhin gshegs pa'i dgongs pa dang 'dra pa'i phyir de'i dgongs pa yang zab pa ste/ zab pa nyid bzhi la sogs pas zab pa'i don yod pas gzhan du rnam par bshad do/ /zhes shes par bya'o/ /de yang bka' mdza' yas ni nges pa'i don dang/ drang ba'i don dang/ dgongs pa can gyi don dang/ dgongs pa'i don gyis zab bo/ /de yang nges pa yi ni rten cing 'brel pa sgyu mar bshad pa dang/ rnam par shes pa 'das pa dang da ltar gyi tha dad par bshad pa dag mtshan nyid kyi de kho na'o/ /drang ba'i don ni rnam pa bzhi'i sbyor pas lha'i de kho na bsgoms pas sa thob par bshad pa

  512. 256b

    ste/ khad kyi don zab mo la gzhug pa'i phyir ro/ /zhes gzhug pa'i de kho na zab pa'o/ /dgongs pa'i de kho na ni sangs rgyas kun yin zer ba dang/ dus gsum gyi sngon du byung zhes pa dang/ khyod kyis gzhan bsang na grol zhes pa dag ni dgongs pa'i de kho na ste zab pa'o/ /dgongs pa'i don ni gzhan du bstan pas shes rab 'phel ba ni dgongs pa'o/ /de bzhin du 'di la 'jug pa dang/ yid gzhungs pa dang/ bsgom pa 'phel pa ni dgos pa ste/ 'dir gzung ba yin no/ /'o na de'i dgongs pa ci zhe na/ dus de nyid la yang skad cig ma dag gis de la yang snga ma dang phyi ma gzigs pa'o/ /'o na lha rjes su rngan pa drang ba'i don yin na/ rjes su dran pa gzhan ci zhe na/ smras pa rnam pa bzhi yi sbyor ba yi/ /lha ni rjes su dran pa bsgom/ /lha ni rjes su dran pa yis/ sangs rgyas rjes su dran pa bsgom/ /sangs rgyas rjes su dran pa yis/ /chos ni rjes su dran pa bsgom/ /chos rjes dran pa'i sbyor ba yis/ /sgyu ma rjes su dran pa bskom/ /sku ni rjes su dran pa yis/ /rigs ni rjes su dran pa bsgom/ /rigs rjes dran pa'i sbyor ba yis/ /sngags rjes dran pa bsgom par bya/ /sngags rjes dran pa sbyor ba yis/ /sems can rjes dran bsgom par bya/ /zhes pa shad pa ni khyad par ro/ /des na gzhan des pa'i don du 'dir bshad do/ /rnal 'byor de dag bsgom pa yang dbang bskur bas bya ba yin te/ thog mar dbang rnams legs thob pa'i/ /bla ma sgyu ma rig pas gnang/ /zhes pas na sgyu ma rig pa dbang thob pa ni dbu ma'i lam ste/ de yang rten cing skyes pa de ma skyes/ de la skyes zhes su smra ba/ rgyen las byung ba'i don ma mthong/ /rang gi ngo bor ma skyes pa/ /rkyen las skyes te rgyu yang zhi/ /zhi ba rgyu dang rkyen 'bras min/ /zhes pa dang yang/ gcig gi ngo bor ma byung dang/ /gcig gi ngo bor ma grub pa/ /du ma byung dang du mar me/ /rang bzhin zhi ba 'od gsal lo//

  513. 257a

    gsal ba du ma du 'byung min/ /zhes pa ni dbu ma'i don te/ rten cing 'brel par 'byung ba ni/ /rgyu las 'byung ba ste/ rgyu tshogs pa las 'byung ba ni/ rang byung ba ma yin pas rkyen la bltos pa'i phyir rang gi ngo bos ma byung bas/ dngos po med do/ /yang rgyu las rang gi nus pa rang gi ngo bo yod pas rgyu gzhan med do zhe na/ rkyen las byung ba'i don ma mthong zhes gzhan dag las gsungs pas na/ 'bras bu dang rgyu gcig par sma ba'i rmongs pa ni blo gros dman pa ste/ rkyen las byung ba'i don du ma shes pa'o/ /rang gi ngo bor ma skyes pas/ zhes pa lan te rmongs par bstan nas/ 'bras bu myu gu bdag ma thob pas sa bon la snga ma nas yod na rang bzhin bye brag tu gyur pa med pa'i phyir/ gang rgyu yin la gang 'bras bur gzhag pa dang/ 'bras bu yang sa bon snang ba na mthong bar rigs pa las/ ma mthong ba snang ba mi dmigs pas yod par ma grub pa'i phyir bdag gi yod pa las skyes pa ma yin pas rgyu las byung ba'o/ /de phyir yang dag par ma grub bo zhes khas blang ngo/ /'o na rgyu rtag pa'o zhe na/ rgyu yang zhi zhes pas na rgyu yang rang gi ngo bos kyang stong la/ de yang rgyu gzhan las ma ltos par ma byung bas na/ zhi ba ste rtag pha ma yin no/ /'o na zhi ba'i ngo bor grub bam zhe na/ zhi ba rgyu dang rkyen 'bras min zhes pa gsungs pas na/ zhi ba yang yang dag par ma grub ste rgyu yang ma yin/ rkyen yang ma yin/ 'bras bu yang ma yin te/ spros pa rnam par chad pa la mtshan ma'i gnas med pa'i phyir ro/ /des na dbu ma'i don rig pa ni/ sgyu ma rig pa'o/ /'bras bu de gcig tu ma byung ste chos mang bar byung ba dang/ gcig gi ngo bo ma grub ste/ sna tshogs pa dang/ cha'i bye brag gis gcig ma grub pa'o/ /de nas du ma yang med pa'i rigs pa 'dis na yang dag par

  514. 257b

    grub pa med do/ /zhes pa yang rigs pa'i don rnam par dpyad na gang btsal ba'i don la shes pa des btsal na/ dngos po sgyu ma 'di la yang dag pa'i mdza' spros pa rnam par chad pa la nges pa 'dzin pa rjes su dpag pa 'dis bzung ba ni 'od gsal bas/ des na snang ba la rjes su dpyod pas nges par skye ste rig pa'o/ /yul gnyis pa can yin pas na shes pa 'di yang gnyis su rnam par bzhag ste/ rang gi snang ba rig pa dang stong pa la dpyod pa'o/ /ngo bo la khyad par med kyi tha dad pa nyid yin na/ 'o na chos can gang yin zhe na/ smras pa bya ka ra na'i sgra'i lugs dang/ rigs pa'i sgo nas don rnam par bzhag pa la/ sgra'i sbyor ba'i byed pa dang/ rigs pa'i tshul gyis gzhan la don go? bar byed pas na/ rnam par bzhag pa mdza' yas su rnam par 'jog ste/ chos dang chos can la sogs pa'o/ /don tsam ston pa ni 'di ka ba yin zhes brjod na sgra de dang 'di ka ba yin snyam pa'i blo skyed nges don brjod pa dang/ blo'i yul snang ba'am yul zhen pa de dngos po brjod cing yul gzung ba ni/ gnyi gam yin pa brjod cing bzung ba yin te/ chos can yang ma brjod la gnyi ga ma bzung ngo/ zhes shes par bya'o/ /de khyad bar du shes par 'dod nas sgra sbyor ba na/ ka ba mi rtag ces brjod pa'i sgra dang/ blo de ltar skye ba ni chos su 'dra bar rigs pas grub kyang ste/ chos can du ka ba gzhag go/ ka ba ma yin pa dag rigs su bsdus pa gcig las ldog ba ka ba yin la/ ka ba ma yin pa'i ngo bo yang rigs ma bsdus pa yin pa'i ngo bo gcig las log pa brjod pa dang shes pa skye ba'i brjod bya dang yul dag ngo bo khyad par med pa'i tshul yin te/ log pa'i phyogs dang/ log pa'i ngo bo la mang ba 'am myung pa'i khyad par la sogs pa med kyang de'i khyad par rtogs par bya ba'i don gyi ngo bo la bzhi zhes bya ba 'am/ chos can du

  515. 258a

    rnam bar bzhag go /don la rten pa'i khyad par ni mang du gnas pa'i ngo bo ma grub pa'i sngo ser mi dmigs pa bzhin te/ dngos po gang gi yang sgra 'jug pa'i rgyu mtshan dang ldan par smra 'am/ rigs pas ngo bor tha snyad gzhag pa'i don gang yin pa khyad par du shes par bya ba dang bcas pa ni chos can yin no/ /dngos po med pa'i mdzes pa ni med pas na rten pas chos so zhes shes par bya'i/ mang ba las log pa dang/ gcig las log pa'i phyir ni ma yin no/ /de'i ngo bo dang/ de'i khyad par gyi tshul rnam pa gnyis su klu sgrub las thos shing rigs pa yin no/ /zhes gzhan dag kyang zung zhig pa ni tshul gcig go /'di la rnam par gzhan du yang 'dod pa ni mang yang sgra tsam la zhen bar rig pas ni grub pa'o/ /'on kyang da dung blos btsal zhing dpyad pa ni gnang ngo/ /le'u dgu pa rnam par bshad pa rdzogs so// //da ni 'bru gcig pa'i sngags dang/ de'i dkyil 'khor du dbang bskur ba bstan pa bshad par bya ste/ de'i phyir gshin rje rab 'joms 'di/ /zhal ni hUM zhes bya bar bshad/ ces pa smos te/ gshin rje ni yi dags ste/ rang bas stobs chung ba dag gi sems can gyi bdud byed pa ste/ gang nas shi 'phos nas gnas ngan par song ba ni shi ba sngon du song ba yin pas gshin zhes bya bar dgongs la/ de'i dbang yang byed pa rje ste/ de yang 'jig rten na dbang che ba rnams so/ /de'i rnam par 'jig bar byed pa ni gshin rje de yang phyogs skyong ba las/ las mthu che ba'i gshed ni/ 'phags pa ste khyad par du gyur pa'i ye shes te de las byung ba'o/ /da'i lhan cig pa'i bsgrub pa dang/ snying po gcig pa'i bsgrub thabs su rnam par bshad par shes par bya'o/ /tha ma dag tu zhes

  516. 258b

    pa ni dbus su ro bri ba dang/ de'i phyir skor la ra'o phreng ba dang/ de'i yang mthar thod pa'i phreng ba la tha mar bshad do/ /grwa bzhi ni gru chad do/ /thad pa dag kyang phreng bar bya/ zhes pa ni lcags de'i 'o/ /khro bo'i spyan sngar 'dug dad su/ /zhes pa rnal 'byor byas pa'i 'og tu sngags gdon pa'o/ /dur khrod gnas su slob ma gzung/ /ces ni slob ma dur khrod kyi gnas te 'jam dpal gyi dkyil 'khor du gzhug pa'o/ /hUM bzlas shing gzhug pa'o/ /hUM bzhag pa ni rgyu'i ngo bo ste lha la bshad pa ni man ngag go / de nas shu la'i phyag rgya ni/ ras kyis g.yogs te bcing bar bya/ /zhes pa smos pa ni dkyil 'khor du bcug la/ dam tshig dpog pa'o/ /de nas dam bsgrags pa la sogs pa byas la yang bra dbab bo/ /de nas me tog phul ba la sogs pa byas la dbang bskur te/ de'i phyir smos pa de nas dbang bskur gshin rje gshed ces pa de'i dbang bdun bskur ba'o/ /yig 'bru gcig pa sbyin ces pa sngags so/ /shul rab tu bstan pas bya/ zhes dril bu'i dbang po/ /dpung nas gyen du bsgrang te bzhag ces pa dbu brgyan no/ zhes shes par bya ba ni man ngag go /gzhan du na rnam pa gzhan te gsal lo/ /tsan dan dmar pos bskus/ zhes pa dbang la 'am ste/ gzhan dang rang gi don la shes pas so/ /lha gcig pa'i bya ste rig pa'i dbang dang/ rnal 'byor rnam par dgod pa bshad pa yin no/ /rgyal po'i dkyil 'khor dgod pa zhes bya ba ni/ pho brang du gnyis pa rnam bar med pa'o/ /phyi ma'i phyi ma las/ gshin rje rab tu 'joms pa'i yi ge 'bru gcig pa rgyal po'i dkyil 'khor dgod par rtogs pa ste dang po rnam par bshad pa'o// //da ni lha gcig pa'i bsgrub pa bstan te/ de nas 'dir ni zhes bya ba la sogs pa gsungs te/ de la mtshan mo ni nyin par ma yin pa'o/ /de'i mchog ni nyi ma sgra gcan gyis zos pa'i

  517. 259a

    dus te/ dus der sbyin pa'i kun tu mchod pa byas la/ de nas sku bri bar bya ste shis pa'i phyir sgrub pa'i yan lag gi phyir ro/ /bris pa la spyan dbye ba ni rim pa 'di ltar ro/ /dkyil 'khor dang ni ting 'dzin mchog phyag rgya btang thabs gdan dang ni/ /bzlas brjod sbyin sreg de bzhin mchod/ /las kyi sbyor ba nyer bsdu bya/ /de ltar de nyid bcu shes shing/ /khrus byas la rang gi lha'i rnal 'byor gyis gsal ba dang/ stong pa nyid du gnas la yang ldang ba ltar/ /rang gi rigs kyi sa bon las mtshan ma'i rim pas dam tshig gi lta bskyed la/ yang ye shes kyi 'phags pa 'jam dpal gshin rje 'joms pa dgug ste/ ku sha rang gi lag par bcug la g.yab ste/ spyan drangs la mthor 'thung ngag phul la bstims ste/ mchod pa phul la/ khyed la mchod pa dbul ba dang/ slob ma 'am bdag la phan pa'i phyir/ /bdag ming rdo rje 'di zhes bya/ /rig pa'i rgyal po 'di zhes bya/ /yo byad ci 'byor pa yis ni/ /sang ni rab gnas bgyid bar 'tshal/ /bdag dang slob mar bcas pa la/ /thugs brtse bar ni nyer dgongs nas/ /tshogs pa thams cad rab gnas la/ /byin gyis brlab pa mdzed du gsol/ zhes brjod nas gshegs par bya'o/ /de nas yang rang gi rab gnas kyi dus su rang nyid kyi lha'i 'khor lo yang bskyed pa dang dgug pa dang/ mchod pa dang dbang bskur ba bya ste/ spro ba dang bsdu bas bzlas pa dang/ mchod pa bya zhing khrus dang dbang gzi bskyed do/ /de yang bzlas pa dang/ lha gcig pa'i las dang mchod bdag ni bsgrub pa'i thabs bzhin no/ /phyi ma'i phyi ma las yi ge gcig pa'i ri mo la sogs pa'i cho gar gtogs pa gnyis pa'o/ /de nas sngon du bsnyen pa ni zhes bya ba la sogs pa gsungs pa ni/ yi ge gcig pa la

  518. 259b

    sogs pa'i grangs so/ /khro bo'i brtul zhugs ni sbyangs pa'i yon tan no/ /de yang mtshan ma dang/ pags pa dang/ thal ba dang/ dus pa'i phreng ba dang/ 'khor lo dang/ lag gdub dang/ rna cha la sogs pa dang ldan par byas nas sbyor ba spyad pa'o// lci ba bza' zhing zhes pa ni/ lci ba ni 'dir gsungs pas na sha chen po'o/ /dur khrod du gnas pas sbyang ba la sogs pa byas la dam tshig gi phyir sten zhing bza' bar bya'o/ /gtsang zhing gtsang mar zhes pa tha mel pa'i dngos po dang bral zhing dben pas na gtsang pa'o/ /de yang phyag rgya bzhi'i ngo bo dang ldan pa'i phyir ro/ /dgra rnam par dben pa'i phyir dul ba'o/ /dza ti zhes pa la dza ni song ba ste 'gro ba'o/ /des na 'ong ba yang bstan te/ rlung dang ldan pa'i sngags grangs dgu brgya la gcig gi rgyu ba'i 'gro ba ste stong dang nye bas so/ /ji skad gsungs pa'i las dag gis /zhes pa dkar po la sogs pa rigs bzhi'o/ /mchod pa bya zhes pa la/ de bzlas pa nyid ni de'i mchod pa'o/ /'dod pa'i 'bras bu ni 'dir zhes pa nye bar thob pa'o// yang las thams cad do/ /de la sa'i dbang po ni sa bdag go /phyi ma'i phyi mar gtog pa gsum pa rnam par bshad pa'o// //de nas gzhan las gsungs pa'i las bshad pa dag cho ga snga ma bzhin bsgrub pa ni brtul zhugs med par mi 'grub par bstan pa'i phyir/ de nas gzhan yang brtul zhugs kyis/ /bsgrub pa'i las rnams bshad par bya zhes bya ba la sogs pa smos te/ brtul zhugs med par mi 'grub pa 'am/ brtul zhugs la brten pa'i las ni/ brtul zhugs kyis bsgrubs pa'i las te/ rag las pas rgyu'i don to/ /gzhan dag ni rnam par gsal lo/ /ral gri la brten pa ste de'i rig pa'o/ /yi ge 'bru gcig pa'i sngags dang de'i bsgrub pa phyi ma'i phyir gtogs pa'i le'u ste bzhi rnam par

  519. 260a

    bshad pa'o// //don gyi bdag nyid yin yang tshig la yang gdags so/ /de ltar le'u gzhan gong du bstan pa dag tu bshad pa'i las kyi sngags sbyar ba bshad pa bstan pa'i phyir/ zhal drug hUM zhes bya ba'i sngags/ /bzlas pa tsam gyis 'grub pa'i sngags/ zhes pa ni zhe sdang gi ngo bo'i hUM drug ni zhal drug hUM drug hUM nyid kyis gdon za ba'i phyir zhal drug hUM ngo/ /hUM dang yi ge phyi mar sbyar zhes pa ni/ gshin rje zhes pa gzhan dag go /hUM gi tha mar ni bskul bar bya/ zhes pa ni ri dags la sogs pa'o/ /hUM traM shu la'i phyag rgyar ldan/ /zhes pa ni hUM traM da ra bi spho Ta b+hany+dza b+hany+dza hUM zhes pa yang shes par bya'o/ /hUM traM ha na bi spho Ta ya b+hany+dza hUM traM/ zhes pa ni sa g.yo ba'o/ /hUM gcig rig sngags thams cad dang/ mtshon cha rnams gcod bar byed/ /ces pa la hUM sarba mu sa la a si man+t+ra na tshind+ha tshind+ha zhes ba zhal drug gi dang ba'i ste/ de dag kun traM gi 'og tu rnam par bshad pa de re re sbyar ro zhes bshad do/ /hUM kha zhes pa la hUM che ge mo kha kha khA hi khA hi ma ra ya phaT zhes pa'o/ /hUM tha zhes pa la hUM tha ste/ artha de ba pra ta ma tha ma tha hUM phaT zhes pa'o/ /hUM ha zhes pa/ de'i zhal dang/ ha ha ha ha bai ta la phaT hUM zhes ba'o/ /hUM gra zhes pa la/ /de dang 'brel par a mu kaM a si mu sa la /e kla e ka ha na ha na phaT zhes pa'o/ /hUM dzdza zhes pa la dza dzha zhes de gtang zhing bzlog pa'o/ /hUM ga zhes ba la ga go ru ste/ glang po dang rta la sogs pa'o/ /gang staM ba ya staM ba ya la hUM phaT zhes pa'o/ /hUM mu zhes pa slar 'gro ba ste gnan pa la slar gshegs su gsol zhes pa'i sa bon no/ /hUM traM zhes pa ni/ der h+ri lhas byin a karSha ya h+ri dza a mu kaM a karSha ya dza zhes pa'o/ /dngos grub phra mo ni dgug pa'o/ /hUM baM zhes pa la baM zhes dbang du byod pa'i sa

  520. 260b

    phon te a mu kaM ba sha ma n+ya bo k+Sha da swA hA/ zhes pa'o/ /ma zhes pa ni/ ces sreg pa'i las dang ma ra ya/ zhes pa'o/ /yaM zhes pa rlung gi dkyil 'khor ro/ /wa zhes ba zhi ba'i ngo bo chu'o/ /la zhes pa rgyas pa sa'o/ /be'u shad ang sbyar te bskul ba'i tshig go /de la gsod pa'i sa bon dang/ skro dpa' i dang/ zhi ba'i la sogs pa tshig re re bzhin sa bon no/ /gzhan yang ya ma rA dza sa do me ya/ ya me do ru na yo da ya/ ya da yo ni da ya k+She ya/ yak+She yats+tsha ni ra ma ya/ zhes pa dag ni las sna tshogs pa bsgrub par gsungs pa yin te/ de yang dang pos mgo bo 'khor bar byed/ /gnyis pas khrag tu skyug par byed/ /gsum pas yid ni rgyal bar byed/ /bzhi pas mar gdon mi za/ /ma ra sa me do Na da yo ra k+She ts+tsha ra/ nang gi re mig brgyad pa yi/ /lho nas brtsams pa'i rim pa yis/ /shad lho mtshams la thug bar bris/ yA dza do ya ru yo ya ni ya ya ya ni/ /'khor lo btsus dbus su ni/ /sta ma'i tshul du bri bar bya/ /zhi ba ya dang ni med pa'o/ /nang du lhag ma bkod pas yin/ /de nas gzhan yang bshad ba ni/ /ya dza sa ya ru Na ya ni ra ya ts+tsha ni/ snga ma bzhin du dgod/ /mtshams su gnyis gnyis de bzhin ni/ /ma ra do na do yo da yo yak+Sha ya ra snga ma bzhin du phyi rol dgod/ /lte ba 'dir ni tshangs thig ldan/ /de nas gzhan yang bshad pa ni// ya ma ra dza sa to me ya/ g.yon nas brtsams te nang du dgod/ /h+raM shTi la sogs g.yas nas bkod/ /dang pos mgo bo 'khor bar byed/ /de nas gzhan yang bshad pa ni/ /lhag ma gsum yang de dang 'dra/ /de nas gzhan yang bshad pa ni/ /ya ni dbus su shar du kshe/ /lho ru ma ste nub tu me/ /byang du da yig bri bar bya/ /ra dza sa do ru na yo ni ra ya tsa ni/ /g.yon nas brtsams te dgod par bya/ /las rnams ma lus 'grub par byed/ /de nas gzhan yang bshad pa ni/ /ya ma do ru yak+She yats+tsha/ /lho nas

  521. 261a

    brtsams te g.yon du dgod/ /nang na brgyad po de dag go /ma ra dzA sa Na yo da yo ni ra ni ra/ 'di dag phyi ma dag la bri/ /de nas gzhan yang bshad pa ni/ /ya dza sa ya ru na ya ni ra ya tsa Ni/ 'di dag nang du dgod pa'o/ /ma ra do me do yo da yo yak+Sha ya ra/ snga ma bzhin du phyi rol dgod/ /gsang ba nyid la sbyar bar bya/ /las rnams kun la mi 'grub med/ /de nas gzhan yang bshad pa ni/ /rnal 'byor rang snying ye shes sems/ /ting 'dzin sems dpa' ra'i dang po/ /de las 'od byung yig gsum reg /las kyi gshin rjer gyur pa yis/ /gang gi snying ga gcig gis phye/ /de yi lha tshogs bzhugs pa 'am/ /yang na ye shes sems dpa' nyid/ /bkug la 'di skad smra bar bya/ /bla ma dag la 'khu ba dang/ /bstan pa bshig dang sangs rgyas brnyas/ /mtshams med pa dag byed pa 'di/ /'di la bsrung bar ga la rigs/ /'og min lha yi rgyal la dri/ /dris pas de lta'i sems can 'di/ /dus la bab po rang nyid sgrol/ /de skad gsungs pas de nyid kyis/ /mgo bo bcad par bsgom par bya/ /gsod la dga' ba'i gshin rje yis/ /rtsa ba bcad pa'i shing 'dra de/ /lto bar bcug pa byas pa de/ /nad la sogs pas gzir bar bya/ /yang na ye shes sems dpa' yis/ /ye shes sems dpa' dgug par bya/ /sems ni ling gar thim par bya/ /zla ba sa dang chu'i khams te shes pa gsal/ /nyi ma me dang rlung gi khams te g.yo/ /bzhi la brten pa'i shes pa dbus na gnas/ /bzhi po nyams na brten par ga la nus/ /sa nyams mgo 'khor chu nyams khrag tu skyug /me nyams drod chung yid la sdug bsngal skye/ rlung med rnam shes lus las yang dag byung/ /zhes bshad pa 'dir sbyar bar bya'o/ /gsang ba dam pa zhes pa sngags

  522. 261b

    dam pa'o/ /phyi ma'i phyi ma gtogs pa le'u lnga pa rnam par bshad pa'o// //de nas rtog pa rab tu gzhan bshad de/ de nas rtog pa rab rgyas pa/ /zhes pa rgya cher 'byung ba la/ de yang sgrub pa po legs par bsgrubs pas bya'i/ gzhan gyis ma yin te/ blo gros chen po 'di lta ste/ dang po sems bskyed par bya'o/ /de yang dbang thob pa dang ldan pa/ rgyud kyi don shes pa dang ldan na/ snying rje skye bas rang gi sems la nan tan dbang po bsdam par bya'o/ /de nas dul ba yis gzhan gyi sems kyi rnam pa mthun par bya'o/ /de nas bdag gi sems la brtag go /de nas dor ba dang/ blang ba la brtson par bya'o/ /de nas blangs pa dang ldan pas thun mong la sogs pa la 'jug par bya'o/ /zhes pa ni mnyam gzhag byang chub sems ldan zhes pa'o// de bzhin du/ byang chub bslab pa dang bral bas/ tshe 'di nyid la 'byung mi 'gyur/ /g.yo sgyu blo ldan le lo can dag dang/ rje btsun dag dang bla ma yis/ /skyon rnams mthong gi yon tan min/ /bsnyen bkur med par myur du de nyid thob par 'dod/ / yang dag tshig ma yin zhes khro bcas g.yo bar 'gyur/ /tshogs nang bla ma mthong na rgya ba kyi phyogs par byed/ /de nas phag tu gus pa sgyus byed pa/ /bla ma la smod zhing ni spang bar bya/ /zhes pa ni mi 'grub pa'i rgyu'o/ /mtsho dang zhes pa gnas gsungs pa ste/ ri bo'i steng du rengs pa dang/ rmongs pa dang/ bsad pa bya'o/ /tshang tshing ni shing mang po yod par dbang dang dgug pa bya'o/ /phug ni chu dri ma med pa'i gnas su zhi ba dang rgyas pa bya'o/ /chu chen po'i ngos su sdang ba dang/ bsgrad pa dang/ bsad pa'o/ /dur khrod du sngags bsgrub po/ /ri bor gter dang/ tshang tshing du rin po che dang/ phyag tu bdud rtsi dang/ chu bo'i rigs su ral gri dag bsgrub po zhes bshad do/ /dpa' bo zhes pa 'phags pa 'jam dpal lo/ /dgod

  523. 262a

    par bya zhes pa go cha'i sngags so/ /khro mig zhes pas bsrung ba 'am/ bgegs bskrad pa'o/ /dkyil 'khor 'di ni be con mang po zhes bshad de/ /dkyil 'khor rnam pa drug tu dbang bskul ba'i le'u ste drug pa phyi ma'i phyi ma rnam par bshad pa'o// //gzhan go bas ma bshad do/ /da ni le'u bdun pa rnam par bshad de/ de nas gzhan yang gshin rje gshed po yi/ /sngags ni 'di dag gnas nas su/ /zhes pa la sogs pa smos te/ de la gshin rje gshed po ni/ /'jigs par snang ba sprul ba'i sku'o/ /'o na de yang dag pa yin nam zhe na/ ma yin no/ /bzo bo smyung ba byas nas ni/ zhes pa ni/ dbang byin pa 'am/ sngags kyis byin gyis brlabs pa'o/ /phyag ni bco brgyad rnams kyis brgyan/ /zhes pa rgya cher smos pa la/ phyag ni bco brgyad ni stong pa bco brgyad dag pa'i phyir ro/ /mi mnyam sngags ni bcu gcig pa'o zhes pa ni zhal rnam pa drug dang/ phyag bco brgyad kyi sngags so/ /go cha bgos nas bzlas pa byas na/? zhes pa la/ lam du zhugs pa'i tshe na yang go bgos te bzlas pa byas na/ ral gri la sogs pa'i rig pa 'dzin pa 'grub pa'o/ /khro bo bdud rtsi 'khyil pa ste/ bgegs mthar byed pa 'di ni 'chi ba med pa ste/ de'i sngags dang po e yi ge a das A las oM/ /de a la bskyon pa las o ste/ rdo rje gsum gyi bdag nyid do/ /de yang bsod nams len pas so/ /a mri ta kuN+Da li zhes pa ni bdud rtsi 'khyil pa zhes 'od pa'o/ /sarba bi gnan ta krid zhes pa bgegs thams cad ?? byed ces pa'o/ /hUM hUM hUM/ zhes pa bgegs gshig pa'i phyir sdigs mdzub bya ba'o/ /phaT zhes pa de dag bkas pa'o/ /bud+d+ha le tsa ne zhes pa la/ sangs rgyas spyan te thams cad mkhyen pa'i sangs rgyas kyi ye shes ni spyan te/ de gang la

  524. 262b

    yod pa de ni sangs rgyas spyan zhes bya'o/ /swAhA zhes pa rtse gcig pa'o/ /gnas dag ji ltar yin pa bshad/ /ces pa la sogs pa ni sngar bshad pa nyid do/ /myur ba dang ni bul pa dang/ de bzhin yi ger rnam 'dres pa/ /zhes pa la de nges par na rlung myur ba'o dang/ yi ge myur ba'o/ /rlung bul ba dang yi ge bul ba'o/ /'dres pa ni yi ge gcig gis gnyis ka'i don du sbyar ba'o/ /yi ge gsum gyis bya ba la/ /gnyis sam gcig gis byas pa'o/ /yang na blo rnam par ma gsal ba yin par dgongs so/ /snying gar phog par dbul bya zhing/ /zhes pa la gus pa'i sems kyis thugs zer yang dbul lo/ /sa yang rab tu 'gas par byed/ /ces pa la ro bsregs pa'i sol ba thod par bcug la sngags khri bzlas la des mar gyi tshes brgyad kyi dus su rang rnal 'byor byas pas ri'i gzugs sam sa'i gzugs ras la bri'o/ /de'i rtse nas sol ba des dag par bri zhing gsal bar bsam mo/ /pa ta ya pa ha ya sa ra ya phaT zhes pa bzlas so/ /sol ba de sta ra ltar bsam zhing gnyis su bya'o/ /'di'i las mang po dag ni nges pa can te yon tan no/ /de la 'di'i las kyi phyag rgya ni be con gyi phyag rgya ste/ spyan drang ba la sogs phyag rgya 'am/ dus su legs par bya zhing bcing ngo/ /khro bo rnam par rgyal ba'i rgyud chen po/ /'jam dpal gyi rtsa ba'i rtog pa thams cad kyi phyi ma'i yang phyi ma las/ khro bo rnam par rgyal ba/ bcom ldan 'das gshin rje gshed kyi rgyal po'i rtog pa phyi ma'i yang phyi ma gsang pa zhes bya ba ni gsang bar gtogs pa'o/ rim pa phye ba bdun pa bsdus te bshad pa'i rnam par bshad pa rdzogs ste/ /da ni las rnams kyi sbyor ba bstan pa nges pa grub pa'i rim pa 'di rnal 'byor pas bslab par bya ba'i phyir/ las bsdus pa bshad pa'i rgyud

  525. 263a

    gsungs pa ni/ khro bo rnams kyis zhus pa 'di ni thabs bshad pa las mchog gi thabs yin pa'o/ /de bstan pa'i phyir khro bo rnam par rgyal bas ni/ /gshin rje gshed la 'di skad smras/ /bcom ldan khyod kyi rtog pa 'di ma bsgrub pa rnams la phan pa'i phyir zhes pa gsungs te/ khro bo ni 'khor gyi khro bo ste/ /de yang drag po 'jigs pa chen po las rgyal ba'i phyir rnam par rgyal ba'o/ /gshin rje ni 'jig rten la dbang che ba ste/ de'i gnyen po ni gshin rje'i gshed de 'jig rten pa'i gnyen po'i mthu rnam pa mdza' yas mnga' ba'i phyir dang/ mi mthun pa'i phyogs su gyur pa'i phyir de'i gshed do/ /la zhes pa la ni gnas bzhi ste/ zhu ba'i gnas thams cad mkhyen pa de yin pa'i phyir ro/ /dbang phyug brgyad dang ldan pa'i phyir bcom ldan 'das so/ /des bshad pa'i cho ga ni rtog pa ste/ rtog pa'i yul yin pas so/ /dag la rten cing dang du len pa dang/ bla ma'i rim pa la sgrub pas sgrub pa po ste/ las dang mchog 'dod pa'o/ /de'i ched du phyir zhes pa byed pa bzhi pa'i tshig ste/ rnal 'byor pa'i phyed du bzlas pa la sogs pa gsungs so/ /des na mang ba de dag gis byed pa ni 'grub pa ste/ 'dir gang gis zhes pa gcig gi sgra gang zhes pa dang/ gang dag zhes gnyis la sogs par don gyis smras la/ de las gcig gis dngos grub ster ba yin par bshad pa dang/ mang po'i sgra don med pa ma yin zhes zhus pa dang/ rgyud gcig kho nar bshad pa dang/ gzhan du bshad pa dag tshogs che ba ma yin nam/ zhe na/ lan gdab pa'i phyir khro bo drag tu bzhad pa yis/ /zhes pa rgya cher gsungs pa la/ bzhad pa ni snang ba ste/ gsod por bzhugs pa'o/ /gang smras pa zhes pa ni sngar bshad pa rnams so/ /med par yang zhes pa ni bshad pa nyid

  526. 263b

    don/ sbyor ba shes pas zhes pas ni/ las kyi sbyor ba shes rab dang thabs shes pa 'am/ drag po dang drag po ma yin pa 'am/ snang byed dang bdud rtsi 'khyil pa'i sbyor ba la sogs pa'o/ /lha rnams zhes pa bsgrub pa po'o/ /dngos grub gcig du zhes pa de mnyes pa ni dngos grub ste de las dngos grub 'byung pa'i phyir ro/ /thugs? sad pa'i thabs ni mos pa yis phye bas na/ rnam pa tha dad par bshad de/ de'i phyir sngar gyi skyon med pa kho na yin no/ /mtshan ma de zhes pa 'jam dpal gshin rje gshed kyi dngos po'o// dngos grub de zhes pa ni/ sngon du bsnyen pas grub pa'i spyan ras kyis gzigs pa'o/ /thog mar byang chub rtsal la brten zhes pa la/ thog mar zhes pa dang por ro/ /byang chub ni sems bskyed pa'o/ /rtsal zhes pa byang chub ni 'dod pa'i 'bras bu yin la de sems bskyed pa ste/ gzhan gyi phyir bdag byang chub 'dod pa las 'byung ngo/ /de yang rtsal la brten pa ni sgyu rtsal brten pa ste goms pa dang/ sngon gyi smon lam dang/ rang bzhin gyi sa bon las 'byung ngo/ /yang na byang chub ni snying po'o/ /de rtsal la brten pa ni lam gyi phyag rgya la rten pa'o/ /yang na byang chub ni lhan cig skyes pa'i ye shes so/ /rtsal la brten pa ni stong pa nyid la'o/ /de nyid shes rab po/ yang na byang chub ni thams cad stong pa'i ye shes so/ /de rtsal la zhes pa sgo rnam pa gsum gyi ye shes la'o/ /de gsum nyid shes rab ste de bsgoms pas mngon par byang chub pa'i ye shes ni rnam par mi rtog pas zhes bya'o/ /de las sgrib pa mdza' dag spangs nas sangs rgyas nyid 'thob ni/ bde gshegs dngos grub de dag 'thob ces bshad par shes par bya'o/ /yang na thog mar byang chub rtsal la brten zhes pa/ dang po sems bskyed pa dang/ de la brten pa'i dge ba tshad med pa bzhi dang/ de la brten pa mchod pa dang/ de la brten pa

  527. 264a

    byang chub tu bsngo ba dang/ de nas rang dang gzhan la yi rang ba dang/ de nas skyabs su 'gro ba'o/ /de nas stong pa nyid bsgom pa'o/ /de nas mtshan ma dang de la yang sa bon gyi rim pa gyur pas de'i gzugs su gyur par bya'o/ /zhes pa ni/ sngon du 'gro ba mngon par byang chub pa dang bcas pa'o/ /snying por ldan zhes pa/ snying bskul ba'i snying po dang ldan pa'o/ /phyag lnga bcu zhes pa bcu'o/ /drug ces pa g.yas dang g.yon no/ /sa'i steng na za za ltar zhes pas bdag la lta ba ste/ de za bar byed pa'o/ /thog mar bdag gi dam tshig sbyin/ zhes pa/ bye brag gis shu la'i phyag rgya'am/ be con gyi 'am/ dam tshig gi phyag rgya'o/ /de la 'dir lhag pa'i lha sku mdog char sprin sngon po'i kha dog lta bu la zhal drug pa la phyag bcu pa 'am/ zhal gcig pa la phyag drug pa 'am/ zhal gsum pa la phyag drug pa dag ste/ phyag bcu pa la zhabs bzhi pa'o/ /phyag drug pa la zhabs gnyis pa 'am bzhi'o/ /de la phyag bcu'i g.yas dang po na be con/ g.yon dang po sdigs mdzub/ gnyis pa gnyis na tri shul dang ral gri/ g.yas pa'i gsum pa la dgra ste/ bzhi pa la thod pa/ lnga pa la tho ba re/ g.yon pa'i gsum pa la lcags kyu/ bzhi pa la shak+ti/ lnga pa la dbyug pa'o/ /drug pa'i g.yas dang po be con/ 'og man mnga' / tha ma ral gri'o/ /g.yon dang po 'khor lo/ /gnyis pa na gzhu/ gsum pa na rdo rje rtse mo gsum pa kha gyes pa'o/ /zhal gcig pa'i be con dang sdigs mdzub bo/ /zhal drug pa la spyan bco brgyad do/ /zhal gsum la spyan dgu'o/ /dpral ba na khro gnyer dang/ dbu la thod pa'i phreng ba dang/ rna cha dang/ mgul do dang/ do shal dang/ phyag gdub dang/ sprul gyis yan lag la ma byung ba dang/ sna tshogs rdo rje dbu la mnan pa dang/ stag lpags gon pa dang/

  528. 264b

    dbu skra dmar ser gyen du 'khyil ba'o/ /sgra 'brug ltar sgrogs pa/ mig 'og tu lta ba/ tsham dam sna tshogs pa byed pa/ sa bdag dang/ nyi ma'i steng na zhabs g.yas brkyang pa/ g.yon bskum nas bzhugs par bdag nyid dang bsam mo/ /de nas go cha'i bsrung ba bya ste/ rang gi sa bon dgod par bya/ zhes pa'o/ /de nas spyan drang ba bya ste/ sngags kyi snying po tha ma la/ tshur gshegs pa'i tshigs gnyis dag /ces pa ni spyan drang ba'o/ /de nas bstim ste/ gzugs ni gzugs la gnas par bya/ /zhes pa'o/ /de nas bzhugs su gsol te/ me tog dag gi gdan 'di la/ bzhugs su gsol zhes rtag tu bya/ /zhes pas so/ /de nas me tog dang/ arga dang/ spos dang/ mar me dang/ lha bshos dang/ gtor ma dbul te rim pa'o/ /gzhan sla'o/ gsang pa'i rtog pa ste las kyi rgyu lha bskyed pa dang/ mchod pa la sogs pa dang/ dkyil 'khor bri ba rnam par bshad pa ste dang po'i 'grel ba'o// //da ni 'khor lo'i spyor ba 'di rnal 'byor bas nyams su blang ngo/ /zhes pa'i phyir de bshad par bya ste/ ma mA/ zhes pa la sogs pa gsungs te/ khro bo zhes pa 'phags pa'o/ /sa bon ni snying po'o/ /yang na sa bon ni hUM ngo/ /dkyil ni zla ba dang nyi ma'o/ /zung dang zhes pa ma ma'o/ /des mtshon pa khro bo drug dang ngo/ /tha mar bzhag pa ni bskul ba'o/ /mtshon cha med pa ni nyi'o/ /de'i mthar swAhA ces pa ni dbang du bya'o/ /bsgrub par bya ba'i gzugs byas nas zhes pa ni tsan dan dmar po dang/ gi wang dang/ rang gi khu ba dang/ rkang rjes kyi rdul la sogs pa la gzugs brnyan byas la/ 'khor lo dang 'brel pa de rkang pas brdzis na dbang du 'gyur ro/ /sa bon gnyis pa'i gnas la ni/ /zhes pa kho na zhing 'thab par bya ba ni bsgrub par bya ba gnyis pa'o/ /gdong yang bsgyur nas su zhes pa ni/ rkang pa ya gcig thur

  529. 265a

    du bzhag pa dang/ gdong dang nu mjing gis btsugs pa dang/ mig ya gcig btsums pa'o/ /grub par bya ba gnyis ka yi/ /gzugs ni 'jigs pa'i las byed de/ /gcig tu dpa' ba' i nyams ldan pa/ zhes pa ni dug rdzas dang/ smyo byed dang/ tshwa ba dang/ rjes la dur khrod kyi rdzas kyi gzugs gnyis byas pa la man ngag bzhin du byas te/ de gnyis mtshon cha 'jigs pa shin tu 'debs par bsam mo/ /de yang snga ma bzhin byas na 'thab par 'gyur ro// gsum pa la gnas te/ yang de nyid dam/ yang na gsum pa bsgrub ste las su bsgrub pa'o/ /de yang mi 'di bsad pa ste shi bar bsgrub pa'o/ /khros pa'i sems kyis mar ngo'i tshes brgyad la dur khrod kyi ras la 'khor lo bris la/ dur khrod kyi thal bas dgra bo'i gzugs brnyan byas la/ mtshon gdab cing/ dug bkol ba'i nang du khrag 'dzag pa de lag pa nas bzung zhing der gzhug par bya'o/ /de nas yang dur khrod du sbas na 'chi bar 'di la the tshom med do/ /bzhi pa de la bsgrub pa 'dug zhes pa ni yang bskrad pa bsgrub pa ste snga ma bzhin te/ drag shul can gyi lus gnas shes pa ni tsham ngam byas pas so/ /yi ge ha ni dbul ba gzhag /ces pa la/ u tsa ha ya ha phaT zhes pa'o/ /de dag zhi bar bya 'dod na/ zhes pa ni zhi ba'i mtshan nyid gsungs pas so/ /gnas lnga la zhes pa lnga pa 'di bsgrub pa'o/ /de'i thog ma tha mar ni/ oM dang swAhAr sbyar bar bya/ zhes pa ni zhi ba la'o/ /drug pa'i gnas la song nas su/ /rkang pa dal bus gnon pa yis// zhes pa la rgyas pa bsgrub pa'i spyi'i bshad pa dang 'dra ste/ dge ba'i sems kyis bya'o/ /khro bo'i 'khor lo'i bka' nan gyis/ zhes pa la khro bo ni lhag pa'i lha bka' bsgo bar byed pas so/ /'khor lo ni khro bo rnam pa drug go de yang rnam

  530. 265b

    par snang mdzad kyi rigs kyi khro bo'o/ /des nges par byed pa ni myur du 'grub pa'o/ /phyis kyang rim gyis 'di la gnas/ zhes pa ni/ rnam pa lnga la lhag pa'i lhar gnas pa ste/ rim gyis ni go rims so/ /log shig khro bo 'khor lo'i bkas/ zhes pa ni pho nya dang/ gtso bo tha dad pas so/ /me dang 'dra bar 'bar ba de/ ces pa la/ me dang 'dra ste/ mes bsam gtan dang po man chad du tshig par byed pa bzhin/ 'khor lo drug gi sbyor ba 'di yang dbang dang rgyas pa man chad 'grub pa byed do ces pa'o/ /so so'i 'am zhes pa yi ge so so 'am/ gcig tu yang rung zhes pa yang yi ge'o/ /don ni khro bo drug dag gis las gang 'dod pa gcig ste/ so sos so sor bshad pa ma dgongs so/ /da ni yang gzhan de nyid slar bshad de gnad la dbab pa'i 'khor lo drug go /de bstan pa'i phyir bdun pa'i khor lo'i gnas la bzhugs zhes pa ni rim pa snga ma de nyid la/ drag po'i sems kyis bskul zhing 'khor lo rten dang bcas par bsreg go /de yang bdun ni grangs ste/ lha rnams la bltos pa'o/ /'khor lo ni dang po nyid do/ /ces man ngag las shes par bya'o/ /de nas brgyad pa dang/ dgu pa la sogs pa yang de bzhin no/ /de na khro bo'i 'khor lo ni/ cho gar bcas pa rgyas pa dag ces pa la khro bo ni 'bar phreng la sogs pa'o/ /de'i 'khor lo ni de'i tshogs nyid de/ /de'i cho ga'i rim pa ni/ /bla mas bstan pa'i rim pa'o/ /rim pa de gsang zhing sba bar bya ba yin pas gsal bar ma bshad do/ /mi shes pa ni rmongs pa ste/ /gdams ngag dang rgyud mdza' dag thos pa med pa nyid do/ /da ni 'khor lo bri ba bshad de/ de'i phyir/ 'khor lo rtsibs kyi nang rnams ni/ /de dang de dag gnyis su sbyar/ zhes pas/ ri mo rnam pa gsum du bya la/ /gnyis su sbyar zhes pas 'khor lo

  531. 266a

    nyis rim mo/ /de bzhin 'khor lo'i nang du yang/ zhes pa lte ba la'o/ /de ni 'khor lo'i dbus yin pas nang ste de nyid kyi nang ni ma yin no/ /mdza' ni kun gyi mdza' ste/ dbang la dril bu dkrol ba'o/ /'khor lo'i mu ran nang dag tu/ ces pa ni 'khor lo la khro bo rang de'i mthar ma mA dang/ de nas ba sha ma na ya ho/ zhes pa ni man ngag go /mu ran la zung gcig pa'i yi ge dang bskul ba dang/ ho la sogs pa phye bas dgod de sgra ji bzhin pa'o/ /gzhan du na khro bo bzhi sum cu gnyis su rnam par gnas pa ste/ khro bo gshin rje gshed kyi sngags/ /oM ya man+ta krid yA ma rA dza sa ngo me ya swAhA khro bo gzhan gyis mi thub po'i sngags/ oM pradz+nyA ta krid ya me do ru Na yo da ya swAhA/ khro bo rta mgrin gyi sngags/ /oM pad+man+ta krid ya da yo ni ra yakshe ya swAhA/ khro bo bdud rtsi 'khyil pa'i sngags/ /oM bi kha nan+ta krid yak+She yats+tsha ni rA ma ya swAhA/ zhes pa ni de dag dang bcas par bsnyen par gsungs pa yin no/ /de yang nyi ma bzhi bzhir bsnyen ba khri khri bya ba ni gdam ngag go /mi g.yo ba dang/ 'dod pa'i rgyal po dang/ dbyug pa sngon po dang/ stobs po che dang/ bzhin pho nya dang po ste/ ri mo rnam gsum yongs su zlum/ /dbus su pad+ma 'dab bzhi la/ /phyi ma dag la 'khor lo ni/ / drug drug rnam par mdzes par bri/ /'khor lo gnyis po la bri ba/ /yi ge sum cu rtsa gnyis dang/ /de yis bshad pa'i tshig dag bri/ /'khor lo tha ma dri med la/ /ring po thung ngu zung zhig bri/ /de la dbang byed sngags kyang spel zhes bshad pa ni/ /khro bo rnam pa bzhi'i las ste/ rgyud gzhan las kyang bshad do/ /khro bo gnod mdzes dang/ gtsug tor 'khor los bsgyur ba dang/ ki li rnam pa gnyis te bzhi ni/ ma grub na spogs pa'i cho ga ste/ 'khor lo de nyid la g.yas nas

  532. 266b

    sngags de nyid bskor bar bri ba ste rim pa snga ma bzhin no/ /de yang 'khor lo la lha bzhir byed pas dbang bskur ro/ /gzhan ma tshang ba ni gzhan las shes par bya'o/ /de ni man ngag go /sku nas su ni bsgyur te zhes pa 'dir nyi ma rnam pa bzhi'i dus su khro bo re re'i rnam par bya'o/ /de yang dang po g.yon la/ de nas yang g.yon bskor ro/ /mthar g.yas bskor te lha rnams so/ /tsham ngam ni gsel lo/ /gsang ba'i rtog pa ste le'u gnyis pa bshad pa'o// // de'i yon tan mdza' yas pa bstan pas 'dul bas de bstan pa'i phyir/ khro bo'i rgyal po'i dngos grub ni/ /sna tshogs thogs med tha dad pa/ /zhes gsungs pa ni/ khro bo ni rnam pa bcu gnyis so/ /de dag nyid rgyal ba ste/ /gnod pa la sogs pas brdzi bar mi nus pa'o/ /rab tu gsang ba'i sngags 'di ni zhes pa ni/ badzra kro d+ha b+hi dzA ya/ badzra kro d+ha nA la daN+DA ya/ badzra kro d+ha ya man+ta ka hUM/ badzra kro d+ha a tsa la arya banda banda/ badzra kro d+ha ha ya gri bA/ badzra kro d+ha a ba ra/ tshinda tshinda/ badzra kro d+ha a mri ta kuN+Da li/ badzra kro d+ha h+rai lokya bi dza ya/ suM b+ha ni suM b+ha/ uSh+Ni ShA tsa krA barti/ a mri tA ki lI ya/ badzra kro d+ha pa hA ya pa hA ya/ badzra tsaN+Da badzra/ badzra na lArka badzra/ badzro Sh+Ni Sha badzra/ badzra kuN+Da li badzra/ badzra bi sha na badzra/ badzra mahA pA lA badzra badzra ka ra la badzra brla ya ku? badzra/ badzra uSh+Ni sha tsakra parti badzra/ badzra pa ta lA badzra/ badzra ki lA ya badzra/ badzra kI la ya mahA badzri ki l+la ya/ zhes pa ste 'di dag la thog mar oM dang/ mthar hUM gnyis phaT zhes pa ni/ rang gi ming dang ldan pa'i sngags su bcom ldan 'das kyis sngags su gsungs so/ /de bzhin du h+riSh+Ti dang/ ma mA ya/ bcom ldan 'das kyis sngags su bshad do/ /oM ni de'i thog mar zhes pa ni 'khor lo la bri ba'o/ /drag po'i tshig dang bral zhes pa tshig drag dang

  533. 267a

    ma sbyar ba'o/ /mnan pa zhes pa/ thig les brgyan pa'o/ /sngags rnams thams cad zhes pa ma mA la sogs pa'o/ /gsal byed pa zhes pa ni dbyangs kyi yi ge bcu gnyis sbyar ba ste/ gsal byed ces gzhi smras la 'dis shes byed pa mi gsal bar byas pa'o/ /snying gar 'dug ces pa 'dug go /dus gsum du zhag bdun byas na'o/ /ma mo'i gnas ni dur khrod do nyi ma nub kyi bar khros shing dgra'i ming smos/ bzlas zhes pa ni nyi ma bzhir bzlas pa ste/ nyi ma nub nas mi bzlas so zhes pa'o/ /de yang ma mo dang sha za nyi ma nub nas der yod zhing/ srog 'phrog par bsam mo/ /zhi ba'i cho ga mkhas pa yis/ zhes pa ni ma mo'i gnas der ma mo bdag gi drung du bsam la/ zhi ba'i sngags bzlas pa ste zhi bar 'gyur ro/ /gzhan dag rnam par gsal lo/ /le'u gsum pa gsang ba'i rtog pa bshad pa'o// //da ni ha'i bsgrub pa rab tu bshad de/ de'i phyir gsungs pa/ de nas gzhan yang mchog gyur pa/ /ha la sogs pa'i dkyil 'khor ni/ /de las mchog gyur gzhan med pa zhes smos te/ de la 'khor lo dri ma med pa rtsibs bcu gnyis pa bris pa ni/ khro bo'i dngos grub rab tu rtsol ba'i thabs myur ba'i phyir mchog tu gyur pa'i thabs te/ de nyid 'dod pa len pa dang 'dzin pa'i phyir te/ gang gis bsten na des 'dod pa ni dgos pa de 'grub par byed pa'o/ /grub pa ni blangs pa'o/ /'phags pa'i dngos grub 'di'i sbyor bas blang bar rung ba ste/ rgyu'i ngo bor rnal 'byor dang ma 'brel kyang gnas pa ni 'dzin pa'o/ /de la dang por ha zhes gang bshad pa/ zhes pa ni rnam par rgyal ba'o/ /bskul zhes pa 'phags pas so/ /gang ltar zhe na sngags byung bas snying bskul

  534. 267b

    ba'o/ /sa bon thams cad cas pa khug cig pa'o/ /de las thog mar bskul ba dang/ de bzhin don ni rim pa ru/ /khro bo yi ni rgyal po yi/ /zhes smos te/ thog mar zhes khug cig par ro/ /de nas bsregs par ro/ /de nas bskrad par byed par ro/ /go rims kyi don bshad do/ /yi ge bcu gnyis nges sbyar ba/ /zhes pa ni gsal byed ste/ ya la sogs pa brgyad pa'i sa bon de nyid bcu gnyis dang/ dbyangs kyi yi ge bcu gnyis su sbyar ba la thig les brgyan par bya'o/ /khro chen tshig gi dang por sbyar/ /zhes pa dngos bzhi ste/ rtsibs rnam pa bcu gnyis la khro bo rnam pa bcu gnyis su sbyar te/ gtso bor dgod pa rab tu lhag pa'i lhar shes par bya'o/ /zung zhig pa tshig gnyis pa/ zung drug 'khor lo'i mdza' mar dgod/ zhes pa ni zung drug tu sbyar ba la tshig bcu gnyis te/ dngos su khro bo rnam pa cu gnyis so/ /'khor lo zhes pa rtsibs bcu gnyis so/ /de yang mthar gsal byed pho nya rnam pa bcu gnyis kyi sngags kyi gzhi yang dag par dgod pa'o/ /mdza' ma de yang mu ran dang/ rtsibs kyi mig tu yod do/ /de'i phyir mu ran rtsibs kyi mig rnams su zhes smos so/ /de yang sngags dgod pa yin pas/ sngags las byung ba zhes pa ni/ rang gi sa bon hUM las byung ba ste/ bcu gnyis kyi rgyu mtshan no/ /so so'i las la zhes pa ni/ las bcu gnyis la sogs pa mdza' yas kyang 'dir khro bos rnam par bzhag pas bcu gnyis te khug cig pa la sogs pa rnams so/ /de dag kyang mthar dgod pa'o/ /de nas yi ge bkod pa dang/ sngags btu ba ni tshul bzhin bya/ /zhes pa ni 'khor lo bri ba'i thabs te/ nang gi lte ba la 'khor lo gsum gyis bskor ba'o/ /de yang man ngag las shes par bya'o/ /de dbus de bzhin gshegs pa yi/ /zhes pa ni/ 'phags pa 'jam dpal la bya'o/ /snying po'i

  535. 268a

    rigs kyi mchog yi ge bcu gcig pa ni mtshan brjod par byed pa la gsungs so/ /de'i mthar ni sngags te las kyi sngags te gzhag go /tshig de yang 'dod pa bsgrub pa'i phyir sngags su bcom ldan 'das kyis gsungs so/ /de nas mu ran gnyis pa la zhes pa la/ ho dag dang haM la sogs pa ste/ de ni dgyes par byed pa mchod pa yin te/ des na snying por bshad la/ de'i dngos grub len pas dgongs pa ni zhabs kyis mnan pa ste/ bde bar gshegs pa bya rgod kyi ril dgyes shing der zhabs kyis bcags pa bzhin no/ /khro bo zhabs kyi bcags byas pa/ rtsibs rnams khro bo'i mthu dang ldan/ /zhes pa'i don de ltar ro/ /mu ran gsum dang dbus su ste/ zhes pa la lte ba dang 'dab ma gsum gyi sngags te/ mtshan brjod pa mthu dang ldan pa rnams so/ /yi ge bcu gnyis rab sbyar ba/ /khro bo chen po'i tshig dbus nas/ zhes gsungs pa ni/ byed pa gsum pa'i sngags kyi rten du sbrel bar byas la/ de'i mthar las kyi tshig dang/ bskul ba'i sngags dgod cing bzlas pa yin no/ /de nas gsang sngags dgod pa las gzhan pho nya rab tu bstan pa'i phyir/ khro bo du ma skul ba ste/ thams cad kun tu don rnams kun/ /grub pa'i phyir ni 'di la gnas/ /zhes pa smos te/ du ma skul zhes pa/ rnam pa bcu gnyis bka' sgo bar bya ba ste/ rang gi byin brlabs bdud rtsi 'khyil ba dang/ khro bo dag gi las 'grub par byed pas ni/ de'i phyir thams cad kun tu don rnams kun/ /grub pa'i phyir ni 'di la gnas/ zhes gsungs so/ /de nas gzhan yang rim bzhin du/ zhes pa la sogs pa smos te/ de la dang po'i ming ni khro bo 'bar ba'i phreng ba zhes pa ni/ rnam par rgyal ba ste/ khugs par byed pa'i byed pa po/ /kha dog dmar po spros pa yis/ /snying

  536. 268b

    bskul na lcags kyu 'bar ba chen pos 'gugs par byed pa bsal ba bskul bsngags so/ /rdo rje me'i rgyal po yin/ zhes pa lho shar gyi dbyug pa sngon po 'jig pa'i me bzhin skems par byed pa yin te las so/ /rab tu drag po'i shugs yin te/ zhes pa ni khro bo ya man+ta ka ste/ gshin rje mthar byed pa rlung rab tu drag po'i shugs che bas dngos po bskyod pa ltar 'dis yul gzhan du skrod pa'o/ /rab tu drag gnon stobs po che/ /zhes pa ni mi g.yo ba ste de'i stobs kyi gzhan gnon pa ni mi 'gul bar byed pa'o/ /rgya chen khro bo nyid yin te/ zhes pa khro bo rta mgrin ste/ rgya che ba'i srid pa dag 'khrug cing 'thab par byed pa'i phyir ro/ /drug pa gzhan gyis mi thub pa zhes pa ni/ mthu khyed par du gyur pa nyid kyis gzhan rmongs par byed pa ni/ gzhan dregs pa can gyi mthu 'joms pa'i phyir ro/ /'jigs par byed pa zhes bshad pa zhes pa ni/ khro bo bdud rtsi 'khyil pa ste/ gzhan dkon mchog la gnod pa skrag pa'i phyir 'jigs byed ces gsungs so/ /byang shar khro bo dril bu sgrogs/ /zhes pa ni khams gsum rnam par rgyal ba ste/ dgal bar byed pa'i phyir sgrogs pa yin la 'jig rten khams las kyang rgyal bas khams gsum rnam par rgyal pa'o/ /phongs pa sgrol pa dgu pa ste/ zhes pa gnod mdzes stobs po che ste sa 'og gis gter gyis dbul ba 'joms pa'i phyir ro/ /rab tu 'joms pa bcu pa yin/ zhes pa ni/ gtsug tor 'khor los bsgyur bas/ gzhan 'joms pa'i phyir te las so/ /kI li zhes pa bzhag pa ni rnyil bar byed pa'i khro bo ste/ don yod grub pa'i rigs so/ kI li chen po de bzhin gsungs/ zhes pa ni 'di yang khro bo chen po phur pa can te/ zhugs par byed pa yin no/ /bcu gnyis su ni gsungs pa yin zhes pa la sogs pa ni/ 'dir

  537. 269a

    bcu gnyis ni rten cing 'brel bar 'byung ba rnam par dag pas so/ /pho nya yin pa'i phyir snang byed ste/ gtso bos kun bskul ba'i phyir na gnon pa yin no/ /'khod pa ni/ bzhi pa dang gsum pa la'o/ /kun la bdud rtsi 'khyil ba'o/ /zhes pa dag ni kun gyi bcu gnyis so/ /de dag la bdud rtsi 'khyil pa dang sbyar te bsdus pa zhes pa'i don no/ /da ni sngags btu bar bya ba'i phyir gsungs pa/ /gug skyed drug dang ldan par bya/ zhes pa rgya cher smos te/ gug skyed ni dbyangs kyi yi ge dag go /sa bon snga ma ni ya la sogs pa'i 'o/ /steng du thig le zhes pa ang ngo/ /sa bon bdud rtsi zhes pa thig le ste bdud rtsi 'khyil pa'o/ /ha ni lhag pa ste/ gtso bo'o/ /dbyangs ni snang byed ste /khro bo gsum po sum cu rtsa drug gam/ bcu bzhi'o/ /dang po dkyil 'khor nang nas gcig/ ces pa lte ba la mtshan brjod par byed pa'i mthar hUM dbyangs kyi drag pos zhugs pa drag bor bri pa'o/ /don kun sgrub byed ces ba hUM gi mthar gsod pa ste ma ra yang ba de'i mthar phaT sbyar ba'o/ /'bar ba'i phreng ba zhes pa khro bo de yang sbyar ba 'dra bar rig par bya'o/ /gnyis pa zhes pa ni bdud rtsi 'khyil pa nas yin la/ dngos su dang por shes par bya'o/ / lhag ma go sla'o/ /sa bon 'di dag rnams kyis bsgrags/ zhes pa haM hAM la sogs pas sbyar bar rig par bya ba'o/ /khro bo'i rgyal bo 'khor lo'i gnas zhes pa lte bar gshin rje gshed bzhugs pa ste sngags so/ /de'i bsdus pa'i don ni 'di yin te/ de nang mu ran gsum po dang/ /dbus kyi mu ra na bzang por ldan/ zhes pa la de zhes pa ka la dang/ a dang haM la sogs ba'i 'khor lo de'i 'o/ /mu ran gsum ni dril bu'i khyams dang/ bdud rtsi'i 'khyil pa'i dang/

  538. 269b

    snang byed kyi 'khor lo dang gsum mo/ /dbus ni se sar dang lte ba'o/ /de yang mtshan brjod pa ste/ /sgrub pa'i 'khor lor shes par bya'o/ /mdza' i mu ran drug po ste/ rtsibs kyi zur drug rab bzang ba/ zhes ba ni 'khor lo rtsibs bcu gnyis pa la hi la sogs pa dang/ de'i grwar dbyangs yig bcu gnyis dang/ de'i phyi skor la re mig gsum cu rtsa bzhi la/ ka li sum cu rtsa bzhi dang/ de'i mthar pad+ma 'dab ma bcu gnyis la bskul ba rnam par bri'o/ /yang na 'khor lo'i 'dab ma bcu gnyis la gsum gsum dang gcig la k+ShA ste tshang du 'dug pa'o/ /bden pa gnyis gnyis su med pa'i ngo bo 'di dag ni 'dod pa'i don mdza' dag sgrub pa thabs dang shes rab byung ba ste/ bdag med pa'i lha yin no/ /bsdus pa'i don no/ /zung drug 'khor lo'i mdza' mar dgod/ mu ran rtsibs kyi mig rnams su/ /sngags las byung ba re re'o/ /don rnams thams cad sgrub byed yin/ /bcu gnyis dag tu gsungs pa'i sngags/ /gnas su ji ltar dgong ba dag/ so so'i las la sbyar bar bya/ zhes pa'i bsdus pa'i don ni 'di yin te/ re mig dgu dang de'i phyi bskor la zung drug ces pas 'khor lo bcu gnyis so/ /de la dbus su rlung gi sa bon dang/ lho ru 'jam dpal rdo rje dang/ shar du dngos med yi ge dang/ byang chub mkha' 'gro'i yi ge dang/ ma dang e ni bsdus nas su/ /nub kyi phyogs su mkhas pas bzhag/ g.yon nas dgod pa'i rim pa yis/ /sngags las byung ba re re'o/ /me'i sa bon mdun du yin/ /de bzhin 'gro ba'i ming yig dang/ /de nas khams te dbang chen dang/ /rdzogs ba'i yi ge bzhi ba yis/ gzugs dang yid gnyis drug par bshad/ /rnal 'byor ma dang nges par gzung/ /me'i bu dang rlung dang ni/ /sdud po nges dang bcu gnyis po/ /mdun yig gsum gsum mkhas bas btu/ zhes gsungs pa ni 'dar

  539. 270a

    man ngag go/ de ltar na bdun pa'i mdza' chog dang bcas pa ste/ bcu gnyis po kun gyi sngags so/ /bdud rtsi 'khyil pa ni phyogs bzhi po yin la/ rtsibs bcu gnyis ni snang byed du 'dir mkhas pas rig par bya'o/ /des na bdud rtsi la byil pa zlos pu'i nyes pa yang med la/ bdun pa yang yin zhing gnyis pa yang de nyid yin no/ /dang po dkyil 'khor nang nas gcig/ ces pa nas 'bar ba zhes pa ni/ nan gi ya la sogs pa bcu gnyis so/ /sngags kyi mthar zhes pa de'i mthar ro/ /sa bon gnyis pa zhes pa yi ge ma'o/ /me rgyal ni me'i bu ste yi ge ra'o/ /gsum pa zhes pa ni ya'i gsum pa'o/ /shugs drag zhes pa ni to'o/ /khro bo che/ /de ni stongs po che zhes gsungs/ /zhes pa pha rol pas stobs che ba'i phyir me'o/ /drug pa 'khor lo zhes bya ba ni/ nang nas gcig blangs te to ni drug pa'o/ /mi thub khro bo zhes pa gzhan gyis thub par dka' bas te yi ge ya'o/ /'jigs pa zhes bya zhes pa ni/ 'jigs par byed pa'i yi ge de'o/ /zung du khro bo zhes pa ni /byang shar du pho'i yi ge yo yin no/ /dgu pa phongs pa zhes bya ni/ ma nas te longs pa sel ba'i sngags ya'o/ /rab 'joms pa zhes bsgrags pa zhes ni/ k+She ste des so ki li zhes pa ni ki li ya ste ya'o/ /mthu khyad par gyur pas ni dngos grub rab tu ster ro/ /kI li chen po zhes pa ni nir ste yi ge ra'o/ /chog bcas ces pa ni/ de dag kun re rer dgod cing/ de rer btu ba'o/ /dang po ni 'khor lo bstan zhes pa ni mdza' i mu khyud gnyis te/ re mig nyi shu rtsa bzhi'o/ /khro bo bdud rtsi 'khyil pa dang/ /khro bo'i rgyal po de las gzhan/ zhes pa la/ bdud rtsi 'khyil ba ni yi ge phaT bzhi ste/ mtshon cha'i yi ge 'di gzhan dag gis bsang

  540. 270b

    par mi nus pas 'chi ba med pa yin no/ /de las gzhan zhes pa/ de las 'phros pa'i mtshon cha sna tshogs pa dag go/ da ni le'u lnga par gong gi sngags dgod pa rgya par bshad par bya ste/ de'i phyir gsungs pa khro bo chen po gcig gi mthar zhes pa la sogs pa gsungs te/ khro bo'i tshig ni yi ge sum cu rtsa gnyis so/ /bskul cig ces pa ni las kyi tshig go /bdud rtsi 'khyil pa ni mtshon cha'i yi ge'o/ /'dar phreng ni mtshon dang pho nya'o/ /dang po'i gnas nas bcu gnyis pa dag ni/ /'pho ba bcu gnyis la ste/ nyin 'pho ba drug pa sngags khri dang brgyad brgya'o/ /nub 'pho ba drug la khri dang brgyad brgya ste/ rab kyi tshed 'dis don des pa ni man ngag la rag las pa yin no/ /bdag nyid kyis thos pa ni dang po'i sngags zhag gcig yin pas na/ gzhan zhag gsum ste/ de ltar na khri phrag brgyad dang/ stong phrag drug dang bzhi brgya'o/ /'dir snang byed ni phyogs skyong ba bzhi'o/ /tsham ngam bcu gnyis ni las dang sbyar ba yin no/ /gzhan ma dkrol ba dag go sla bar shes so/ /cho ga shes pas zhes pa ni/ rnam pa bzhi ste/ lha rnam pa gsum bskyed cing sku rnam pa gsum rdzogs par byed pa dang gcig/ de la gnas pas de dag la 'chad pa bya ba ste/ rdzas rnams bsangs la/ thog mar sman a ka ru dang sbyar ba 'am/ tsan dang sbyar bar 'thor 'thung dpal te/ oM hUM phra ti dza swAhA/ de nas arga dbul te/ oM hUM h+ri ka la ma tha na swAhA/ dri dbul ba/ oM hUM h+ri sh+ri kha kha swAhA/ spos dbul ba/ oM hUM h+ri du pa ri kaha swAhA/ lha bshos dbul ba/ oM bi man+ta ka te dzo ba li ni swAhA/ mar me dbul ba/ oM hUM dzA dzI tsa swAhA/ me tog dbul ba/ aM ka ra la rA da nA ha swAhA/ zhes pa zhes bzhes bdag gis phul ba'i me tog 'di/ arga 'di bzhes su gsol/ bzhes su gsol/ gnyis po'o/ /yi ge hUM las byung ba yi/ /phreng

  541. 271a

    ba 'bigs pa'am/ 'dzin pa'am/ 'gugs pa dag gos kha sbyar dbye shing bsdus la/ ye shes sems dpa' phyung la rten med pa'i rnam par shes pa bdag gi rlung la zhon nas byung ba mtshan ma la bstim zhing bcug la/ mtshon cha 'am/ phur bur phreng ba gyur pa las gnod pa mtshan ma la bsam mo/ /bzlas pa ste gsum pa'o// //'khrul 'khor gyi rim pa dag dang/ gnan pa'am/ bsreg pa ni cho ga bzhi pa'o/ /khro po rnam par rgyal ba'i zhes pa ni/ de'i rtog pa dang por gsungs pa'i khro bo rnams kyi las bshad pa'i las kyi rim pa'i cho ga rgyas pa nas bsdus pa'o/ /cho ga 'di ni zhes pa nas bshad pa'o/ /de gsang ba ste de bas gsang ba 'khor lo'o/ /de las mchog ni bzlas pa'o/ /khro bo rnam par rgyal ba'i rtog pa/ zhes pa 'jam dpal gyi ste/ de'i rigs kyi khro bo'i rtog pa ni de'i rtog pa'o/ /cho ga'i rim pa ste/ de'i las su gtogs pa 'khor lo'i sbyor ba te/ le'u bzhi pa'i rnam par bshad pa'o// //'phags pa rdo rje khro bo'i sku mnga' shes rab mtshon char ldan/ /'gro la byams pa'i thugs mnga' thugs rje kun la snyoms/ /de sras bdag la bdud rtsi skyed pa bla ma rin chen la/ /bdag gi mo g.yos bla ma'i pad+ma'i zhabs la phyag 'tshal nas pa/ 'gro la phan phyir 'grel pa 'di byas pas/ /rtsa ba'i ltung bar gyur na gshegs par bgyid/ /gal te 'di yis 'gro la phan gyur na/ /dge pa de kun bsdus te byang chub chen por dpon slob dpon lhas sbas kyis mdzad pa sgrub pa thabs kun gyi gter zhes bya ba'i 'grel pa rdzogs so// //rgya gar gyi mkhan po pad+ma ka ra warma dang/ zhu tshen gyi lo tsa ba rig pa gzhon nus bsgyur cing

  542. 271b

    zhus te gtan la phab pa'o// //lho phyogs kyi yul po ta rar sku 'khrungs pa/ rnal 'byor gyi dbang phyug chen po slob dpon gyi mchog klu sgrub kyi zhal snga nas bsdus pa'o// //*/ (/'phags pa 'jam dpal gsang ba'i rgyud kyi dkyil 'khor gyi cho ga bzhugs so//) //*/ /rgya gar skad du/ Arya many+dza sh+rI gu hya nan+ta sya maN+Da la bad+hi/ bod skad du/ 'phags pa 'jam dpal gsang ba'i rgyud kyi dkyil 'khor gyi cho ga/ 'jam pa'i dbyangs la phyag 'tshal lo/ /'phags pa 'jam pa'i dbyangs kyi ni/ /khro bo yi ni bsnyen pa dang/ sngon du bsnyen pa byas nas ni/ /de yi dkyil 'khro phri bar bya/ /de nas 'di yi dkyil 'khor ni/ /dngos grub dam pa sbyin mdzad pa/ /'jig rten gsum po 'khrug par mdzad/ /yi dags dmar po zhes bya yi/ /tshad du 'di ni dkyil 'khor 'di/ /gnas ni gang du 'grub 'gyur pa/ /sngags pas thog ma nyid du ni/ /de yi gnas ni brtag par bya/ /shing gcig dang ni dur khrod dang/ /khyim stong dang ni bzhi mdo dang/ /mchod rten 'gram dang lha khang 'gram/ /thigs po lam srad rnying pa dang/ /skyed mos tshal dang ri'i rtse/ /chu'i 'gram 'am nags tshal dang/ /lha chen gyi ni gnas kyang rung/ /ba lang lhas sa yul gyis/ /khyad par du ni yul gtsang bar/ /yang na yid ni rab 'jug pa/ /der ni dkyil 'khor rab tu bya/ /shar dang byar ni dma' ba' am/ /kha dog snum par rab tu bzang/ /ba tshwa med cing ma gas pa/ /dang por mkhas pas brtag par bya/ /dag pa'i gzugs ni rab bzung ste/ de nyid gsum brjod sa la ni/ /lag gis brdab pa dag tu bya/ /rab 'gyur lha mo sbran par bya/ /skyobs pa sangs rgyas thams cad kyi/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dbang du gyur/ /shAkya seng ge skyob pa

  543. 272a

    yis/ ji ltar bdud kyi tshogs bcom pa/ /de bzhin bdag gis bdud las ni/ rgyal bar byas te dkyil 'khor bri/ /gser gyi mdo gdab ldan pa yi/ /sa yi lha mo ji bzhin du/ /sa la rab tu 'thon pa ni/ /rkang bkru mchod yon mnyes bar bya/ /sngon gyi dus na de bzhin gshegs/ /shAkya seng ges sa 'dir ni/ /sde dang bcas pa'i bdud btul nas/ /chos rnams mngon rdzogs sangs rgyas bzhin/ /de nas rigs 'dzin can gyis ni/ /sems can don du dkyil 'khor byed ma'i lha mo dpar mdzod cig/ bdud rnams zhi bar mdzad du gsol/ /sa bslang ba yi cho ga'o/ /de nas rigs 'dzin can gyis ni/ /sa ni yang dag sbyang bar bya/ /khro bo yi ni nga rgyal gyis/ /'byung po'i gtor ma byin nas kyang/ /nga ni rdo rje 'di ming ste/ /slob ma dag dang sems can gyi/ /don du dkyil 'khor chen po ni/ /yi dags pa la chen zhes bya bzhengs/ /gang dag sa 'dir gnas pa yi/ /lha klu gnod sbyin dri za dang/ /nam mkha' lding dang sha za'i tshogs/ /'byung po mang po thams cad kun/ /mchod sbyin bden pa 'di long la/ /'di ru ma gnas gzhan du deng/ /khro bo 'bar ba'i bka' byung gis/ /skad cig gis ni myur du deng/ /gang dag bsam pa dang ldan zhing/ /khro bo chen po'i bkal gcig pa/ /myur du 'gro bar ni sems na/ /spyi ba tsal pa brgyar 'gas so/ /oM a kro te ga ya mAn+ta ka ha na ma tha b+hany+dza hUM phaT bgegs kyi phyogs nas brjod nas kyang/ /khro bo 'bar ba'i bzhin gyis ni/ /rkang mthil hUM las rdo rje mchog/ 'bar bas bgegs? zhi gsang? bar bya?/ /sa la rdzags chu gtor nas kyang/ /sa'i dbus su khru gang brko/ /sol ba la sogs ro dag? ni/ /bsam nas sngags kyi chu yis gtor/ /rin chen lnga sogs gang ba yi/ /bum pa'i nang du bcug nas kyang/ /rang gis

  544. 272b

    kyang ni dgang bar bya/ /dri yi chu yis gtor bar bya/ /ba'i snga dang ldan pa yi/ /lci bas kyang ni byug par bya/ /dkyil 'khor nyis 'byung lhag can du/ /kun tu sbyangs pa bcas bar bya'o/ /sa spyad pa'o/ /de nas mkhas pas sta gon gyis/ /las ni gnyis pa rab tu brtsam/ /lnga yi rdzas la sbyar ba yi/ /dri yi chus ni dkyil 'khor bya/ /de nas tsan dan dmar pos kyang/ /pad+ma dag gi gzugs su bya/ /yi dags 'dzin pa'i sngags dag gis/ /me tog dmar po dbus sogs? bzhag/ de nas mchod yon gzhag par bya/ /me tog sdug gu dri zhim dang/ /a ka ru dang sbyar ba yi/ /gu gul gdug pa'ang de bzhin no/ /mar me mar gyi mar me mchog /dri'i don du tsan dan mchog /tsan dan dkar po dmar po yis gtor ma nya dang sha la sogs/ /sbyar thugs la sogs de bzhin no/ /me tog tshur bcas arka dang/ /ras la sogs pa thams cad ngo/ /de lta de ni tshos bsags nas/ /slob dpon gyis ni khrus byas nas/ /snyung ba byas ta mnyam bzhag pas/ /khro bo'i bsrung bas byin gyis brlab/ 'di ltar rtog pa zhi ba mo las/ /gsungs ba'i rim pas khro bo nyid/ /bskyed dang spyan drang la stsogs kyis/ /lha ni 'bad de mnyes par bya/ /de nas 'bad de gsol ba gdab/ dkon mchog gsum dang rigs gsum gyi mgon po de bzhin gshegs dang bcas/ /gang dga' rigs kyi khro bo'i tshogs/ /ma lus bdag la dgongs su gsol/ /slob ma la ni phan pa dang/ /khro bo khyod la mchod pa'i phyir/ /bdag ni nang par dkyil 'khor bgyid/ /byin gyis brlab cing gnang mdzas cing? thugs rjes rjes su bzung du gsol/ zhes lan gsum brjod do/ /lha gnas pa'i rim pa'o/ /gser sogs rin chen las byung ba'i/ /bum pa bzang po mnyams pa'i/ /khrus kyis gtsang mar byas pa yi/ /dri yis chus

  545. 273a

    kyang byug par bya/ /mtshan nyid ldan pa'i bum pa gnyis/ /pad+ma'i steng du be con dang/ /las kyi rgya gram bri bar bya/ /gtsang ma'i gos kyis mgul pa dkri/ /dang po 'od gsal rgyu las ni/ /kha dog dkar po paM las byung/ /ji bzhin dbyibs su bskyed nas su/ /de'i nang du pad+ma bsam/ /pad+ma'i lte bar nyi ma la/ /hUM las byung ba'i khro bo bskyed/ /khro bo gnyis po de dag ni rang mtshan kha dog ldan par bya/ /spyan drangs nas ni rab bcug nas/ /mchod yon la sogs de la dbul/ /so so'i snying po brgya rtsa brgyad/ /bzlas nas chu'i rang bzhin du/ /khro bo gnyis ka gyur par bsam/ rin chen sman la sogs pa dang/ /dpag bsam shing sogs kha brgyan byas/ /bum pa gnas pa'i cho ga'o/ /slob ma gnas pa'i cho ga dag /gzhan du rtog pa zhi ba las bshad/ /de bas 'dir ni de bzhin no/ /spyi yi las kyis gnas par bya/ /'on kyang rang gi cho ga dag /cung zad 'di dag (sbyar bar bya/ /slob ma bsnyung? ba byas nas kyang/) /khrus kyi cho ga legs byas te/ /khro bos bsrung ba byin brlab nas/ /bla ma la ni gsol ba gdab/ /dpa' bo chen po deng gson cig /bdag ni 'khor bas skyo bra dang/ /sems can kun la phan pa'i phyir/ /gsum la skyabs su 'gro ba gsol/ /dkyil 'khor lha la de bzhin no/ /khyad par du ni slob dpon la'o/ /byang chub sems kyang bdag la gsol/ /sngags kyi spyod dang brtul zhugs gang/ /de bzhin bdag ni bsgrub par 'tshal/ /thar chen grong du 'jug par 'tshal/ /blo chen gyis ni skyab du gsol/ /slob ma'i tshig gsang bla? ma? bzang/ /brtse bas bu la mngon phyogs nas/ /dang ba'i bzhin gyis 'di skad smra/ /bu gcig 'dir shog theg chen gyi/ khyod ni tshul chen snod gyur te/ /rig pa 'dzin pa spyod pa'i tshul/ /khyod la yang ni bshad par bya/ /dus

  546. 273b

    gsum byon pa'i sangs rgyas rnams/ /sems can phan phyir gang bzhugs pa/ /kun gyis thabs tshan sngags kyi ni/ /cho ga mkhyen nas thams cad mkhyen/ /de bas kun mkhyen thob bya'i phyir/ /gsang sngags spyod pa mnyam med pa/ /bdud kyi tshogs rnams 'dul byed pa/ /khyod kyis blo gros 'dis gyis shig /de skad spro ba bskyed nas su/ /slob mas phyag 'tshal la sogs pa/ /yan lag bdun pa'i smon lam bya'o/ /de nas slob dpon gyis sdom pa dpogs te/ sangs rgyas chos dang dge 'dun la/ /khyod kyi skyabs su 'gro bar gyis/ /dkyil 'khor lha dang slob dpon dag/ khyod kyis rtag tu bzung bar bya/ /sems can thams cad sgrol byed pa'i/ /byang chub sems ni mnyam med pa/ /yang dag brtan por gzung bar gyis/ /rig pa 'dzin pa'i sdom pa gzung ba srog chags gsod dang ma byin len/ /'dod pa brdzun rnams mi bya'o/ /lus kyi las ni rnam gsum dang/ /dag gi nyes pa rnam bzhi dang/ /yid kyi rnam gsum bsrung bar bya/ /sems can 'tshe ba ma lus spang/ /sems can don la mngon dga' zhing/ /theg pa chen po'i lam la gnas/ /dam pa nye bar mnyes pa dang/ /'dul ba'i don ni ma lus bya/ /lha dang lha min gsang ba pa/ /de la brnyas par mi bya'o/ /phyag rgya bzhon pa mtshon cha rnams/ /'og ma 'am brdzi bar mi bya'o/ /spyod dang brtul zhugs gsang ba gang/ /ga ra ba'i brtul zhugs brtan por gyis/ /slob ma brtan po rang dang bas/ /ji skad gsungs pa'i sdom pa kun/ /'khor bas skyo ba'i yid bzhag nas/ /nges par legs pa'i don du gzung/ /dkon mchog gsum la skyabs su mchi/ sdig pa mang po? kun nas? bshags/ /dge ba kun la kun la yid rang ngo/ /sangs rgyas byang chub bzung bar bgyi/ /ji ltar dus gsum mgon po rnams/ /byang chub tu ni nges mdzad pa'i/ /mnyam med byang chub sems ni skyed/ /sems can ma lus

  547. 274a

    don gyi phyir/ /bdag gis sdom pa ma lus gzung/ /sems can ma bsgral dpag med pa/ /mya ngan 'das la dgod par bya/ /lus ngag yid kyi nyes rnams bsdam/ /bag med chang rnams btung ba yang/ /theg pa dman la 'dod mi bgyi/ /lha dang lha min gsang ba pa/ /bla ma brnyas par mi bya'o/ /phyag rgya gzhon pa mtshon cha dang/ /mtshan ma la sogs mi 'gom mo/ /rig pa 'dzin pa'i sdom pa kun/ /tshul chen sngags pas gsungs pa kun/ /kun nas kun tu bzung bar bgyi/ /las dang bka' stsal ma lus bgyi/ /spyi gtsug la sogs gnas rnams su/ /khro bo'i sngags rnams bzhag par bya/ /so shing bsrung skud de bzhin sbyin/ /ku sha'i stan la cho ga bzhin/ /slob ma gnas pa'i cho ga'o/ /ji ltar rim par dkyil 'khor la/ /mchod yon la sogs phul nas kyang/ /yid kyis nam mkhar bzhugs nas ni/ nang par mkhas pas thig gdab bo/ /dkar po dmar po sngon po yi/ /kha dog gsum pa'i skud pa ni/ /ras bal la sogs btsos pas bya// stong pa'i rgyu las yi ge gsum/ /so so'i cha ru bskyed nas kyang/ /sku gsung thugs dag bsam par bya/ /nam mkha' gnas pa'i de bzhin gshegs/ /ye shes thig skud gsum te gzhug/ dri yi mchog la sogs pas mchod/ /gnyis su med pa'i sngags kyis ni/ /thig skud sum sgril mdzes pa yis/ /mkhas pas thig gtab phun sum tshogs/ /shar gyi sgor ni gnas nas su/ /khro bo'i skur ni rang byas nas/ /sngags kyis yi ge dgod par bya/ /g.yon gyi khu tshur lte bar bstan/ / las kyi khro bor bsams nas su/ /thog mar shar nas nub tu'o/ /de 'og lho nas byang du ste/ /nam mkha' thig gnyis gdab par bya/ /phyogs bcu na bzhugs de bzhin gshegs/ /'gro don dus la bab par bskul/ /de nas yang na de bzhin te//

  548. 274b

    thig skud de ni phyogs mtshams gnas/ shar lho yi ni mtshams nas kyang/ /nub nas byang gi mtshams dag tu/ /thig gis rab tu tshad byas te/ /gru bzhi par ni thig gdab bo/ /rim pa gcig pa mdzes pa la/ /sgo bzhi dag gis mdzes par bya/ / dkyil 'khor dang ni 'tsham pa yi/ /dbus su padmo bri bar bya/ /padmo dang ni phyogs bzhi'i sgo/ /the tshom med par mnyam par bya/ /snying po mdzes pa'ang de bzhin te/ /thams cad cho ga bzhin gdag/ cho ga bzhin du dkyil 'khor de/ /kun tu thig gis btab nas kyang/ /mchod yon bzhengs te rab tu bshags/ /yi ge gsum dang mu yis dgrol/ /oM A(rgyud 'grel): hUM mu(rgyud 'grel): dur khrod rdzas kyi bral bas ni/ /phyi nas kun tu bri bar bya/ /yi dags phal chen gsang mchog ni/ /dkyil 'khor mkhas pas nub? mo bri/ /khru gang la sogs rim pa nas/ /khru ni brgyad pa'i bar du ste/ /de las lhag par yong mi bre/ /las kyi rim pa so sor bri/ /dur khrod thal bas sbyar ba'i tshon/ /kha dog gsum ni bcos par byas/ /stong pa nyid kyi rgyu las te/ /kha dog gsum ni ye shes bskyed/ /ye shes tshon dag bkug nas kyang/ /gnyis med byas la mchod yon dbul/ /khro bo'i yi ge dag bzlas la/ /rim pa bzhin du bri bar bya/ /chos kyi dbyings kyi rang bzhin gyis/ /sems can khams ni sgrol bar byed/ /de bzhin gshegs pa thams cad kyis/ /gshin rje gshed mi mchog gis gnas/ /dbang ldan phyogs su kha dog gsum/ /ji bzhin legs par bris nas kyang/ /khro bo'i sngags kyis brtag par bya/ /nyes pa kun las rnam grol ba'i/ /tshon gyi las na da nas brtsam/ / dbus su legs par bzhag nas kyang/ /khro bos kyang ni byin gyis brlag/ de nyid gsum gyis gsang sngags bzlas/ /de bzhin thig las gsum bri ste/ /dbus kyi padmo gser phye mdog /'dab ma dag ni dmar pos brgyan/ /snying po ze ba mdzes pa de//

  549. 275a

    gser gyi kha dog bzhin du bya/ /thams cad dur khrod thal bas bskor/ /sgo dang phyogs mtshams la sogs pa/ rigs ni dbye bas phye bar bri/ /rta babs me yi phreng ba'i mthar/ /thams cad rigs kyi kha dog bya lho phyogs kyi ni sgo phye la/ /lhag ma rnams ni bcas par bri/ /gzhan yang yi dags lnga pa ni/ padmo'i lta bar bri bar bya/ /de bzhin phyogs sgo nang dag dang/ /phyogs rnams de dag thams cad du/ /yi dags bzhi dang mgo med do/ /dur khrod thal bas spags te bri/ /byang shar la sogs pas rnams su/ /mkhas pa be con phyag rgya bri/ /gal te bri bar mi nus na/ /yi dags phal chen dbus dag tu/ /pad+ma lngar bris gang yin pa'o/ /de yi steng du yi dags ni/ /yi dags kyi na sngags mchog gi bsam pa dag ni byas kyang rung/ /grwa'i dbyug pa bzhi po yang/ /sngags nyid kyis ni bsam par bya/ /de bzhin sngags kyis thams cad bya'o/ /gal te 'dri bar nus kyang ni/ /sngags nyid steng du bzhag par bya/ sgo yi yi dags bzhi po yang/ /sngags kyis byin gyis brlab par gsungs/ /dkyil 'khor bri ba'i cho ga'o/ /dkyil 'khor rdzogs par shes nas ni/ /rnam rgyal khro bo'i bum pa ni/ lho yi sgo yi dbus su gzhag/ las kyi bum pa byang shar te/ /bgegs srungs zhes ni brjod la gzhag /mar me mar gyi rgyu las te/ /snying po 'jam pa brgyad kyi bskor/ /lha bshos dag kyang de yi grangs/ /bdug pa mchog dang a ka ru/ /de yi grangs su mnyam par bzhag/ tsan dan dkar dmar de bzhin blang/ /mchod pa'i khyad par gzhan yang ste/ thams cad cho ga bzhin du bzhag /nya dang sha dang zan dron tshogs/ /khyad par gtor ma dag kyang bzhag/ yi dags phal chen phyi rol du/ /chu dang bcas pa'i me tog bzhag/ ji ltar cho ga zhib mo bzhin/ /phun sum tshogs

  550. 275b

    pa'i yo byad bzhag/ gnas dang gnas su de bzhin brgyan/ de 'og slob dpon bdag nyid kyi/ /khrus kyi cho ga byas nas kyang/ /rang gi snying po sngags kyis ni/ /thams cad yan lag sngags kyis byas/ /bsnyung bas byang chub sems ldan pas/ ji ltar rim pas bskyed nas kyang/ /'jug tu khro bo gshin rje gshed/ /sngags brjod pas ni spyan drangs nas/ /rang gi snying pos bzhugs su gsol/ /yi dags kyi ni spyi bor yang/ /me tog dmar po bzhag par bya/ /blo ldan gyis ni khro bo la'o/ /de nas tsan dan dmar po dbul/ /tsan dan gyis ni gtor ba yi/ /me tog sngags kyis dbul bar bya/ /de nas gtso bo'i snying pos dbul/ /'byung po'i gtor ma khro bo la/ /phul nas yi dags phal chen gyi/ /phyi rol tu ni mkhas pa yis/ sme gtor rnams kyang dbul bar bya/ /de nas gtso bo'i snying po nyid/ /brgya rtsa brgyad du bzlas par bya/ /khro bo'i gtso la phyogs nas ni/ /de nas yang ni bdug pa dbul/ /cho gas khrus byas snyung ba yi/ /slob ma dag gis bsod nams kyang/ sngags kun gyis ni gzi byin bskyed/ /khro bo yis ni snying po yis/ /lag gnyis me tog byin nas ni/ /gos kyis gdong ni g.yog par bya/ /khro bo'i sngags kyis sgo drung bzhag bla ma rdo rje 'chang gis kyang/ /mtshogs ma spyi gtsug la sogs la/ /sngags rnams ma lus bzhag par bya/ /bsang gtor sngon 'gro de bzhin te/ /rin chen gser sogs yon mchog dag 'bad bas bla ma la phul nas/ /'jug pa'i sngon du gsol ba gdab/ /'di na dngos grub thob pa'i rgyu/ /sangs rgyas kun gyi rab sprul pa'i/ /bla ma la ni phyag 'tshal te/ /sems can kun gyi don gyi phyir/ /bdag ni dkyil 'khor 'jug par 'tshal/ /'jam dpal khro bo mi zad pa/ /de yi dkyil 'khor dam pa mchog yi dags mang po zhes bya'i phyir

  551. 276a

    bdag gis slob ma gzhug par bgyi/ /oM A(rgyud 'grel): hUM zhes pas bskul bar bya'o/ /de nas slob ma bdag nyid dngos grub gyi snod du bya ba'i phyir na 'di dag bya ste/ bla na med pa'i sangs rgyas dang/ /chos dang byang chub sems dpa' i tshogs/ /'gro ba ma lus pa yi skyabs/ bdag ni gsum la skyabs su mchi/ /de nas skyabs ni gsum po dang/ /dkyil ni gshin rje gshed gcig pu/ /dpa' bo khro bo mi bzad pa/ /de dag kun la phyag 'tshal lo/ /dkon mchog gsum dang khro bo ni/ /rtag tu bdag ni mchod par bgyid/ bla ma la yang de bzhin du/ /sgo gsum dang ba'i sems kyis mchod/ dkyil 'khor la me tog gtor ro/ lus kyi nyes pa gsum rnams dang/ /ngag gi bzhi po nyes pa spyad// yid kyi nyes spyad gsum po ste/ /lus kyi sgrib pa ma lus bshags/ /sangs rgyas sras bcas 'phags pa yi/ /thar par byas pa'i dge ba dang/ /thams cad thar par gyur pa yi/ /bdag gzhan dge la yi rang ngo/ /sa bon mchog las rang byung ba'i/ /thar par gyur pa'i dge ba'i tshogs/ /sems can mya ba na bzla ba'o/ /byang chub chen por yongs su bsngo/ /phyogs bcu'i zhing rnams dag pa ni/ /sems can phan phyir gang bzhugs rnams/ /thabs gyis mya ngan 'da' bzhed pa/ /mya ngan mi 'da' bzhugs su gsol/ /ma smin pa rnams smin pa dang/ /smin pa grol bar bya ba'i phyir/ /dam chos bdud rtsi 'byung ba yi/ /gsung ni du ma bskrag par mdzod/ de nas slob dpon gyis sngar gyi sdom pa thams cad brjod de sbyin par bya'o/ /slob mas khas blangs pa yi brjod pas/ /sdom pa ma lus gzung bar bya/ /di ring phan chad bu khyod ni/ de bzhin gshegs pa'i rigs su zhugs/ /de yis ye shes chen po sbyin

  552. 276b

    de yis dngos grub mchog thob 'gyur/ /gang dag dkyil 'khor ma zhugs la/ gsang ba 'di ni smra ba min/ /bag med sems kyis smras gyur na/ /dngos grub cung zad thob mi 'gyur/ /de nas dam tshig chu glung de/ 'di ni khyod kyi dmyal ba'i tu dam tshig 'das na sreg par byed/ /dam tshig bsrungs na dngos grub 'thob/ 'thung gcig rdo rje'i dam tshig yin/ dri dang me tog ldan pa'i chus/ lag pa g.yas pas blud par byas/ /oM A(rgyud 'grel): hUM/ dus 'di nyid nas bu khyod kyi/ de bzhin gshegs par yin gyis/ /da yis ji ltar bka' stsal mchog /mnyan dang sgrub pa dag kyang gyis/ khyod ni nam yang nga la ni/ /ma dang pa yi sems rnams spangs/ /slob ma mos pa med pa yi/ dngos grub ring bar rgyal bas gsungs/ /ji ltar dngos grub thob mi thob/ /rgyud las 'byung bzhin spra rnams brtag /las kyi bya ba rab 'jug pa/ rim pa 'di las shes par 'gyur/ /slob ma mtshan ldan nyes skyon med/ /shin tu bkrus te rgyan gyis brgyan/ /ba'i rnam lnga blang nas ni/ de 'og bsnyung bar gang gnas pa/ /zhim pa'i dri yis lus la byug /gos dang rgyan gyis brgyan par byas/ /shar gyi phyogs su kha bltas la/ /ku sha'i stan la gzhag par bya/ /de'i lag gnyis snyim pa'i nang/ /tsan dan gtor ma'i me tog sbyin/ /a kar nag pa'i du bas kyang/ /de nas? myur? du sngags brjod de/ /sgrub pa'i cho ga 'di yis ni/ /snod la dbab pa'i las bya'o/ /oM a kri te ka ya man+ta ka ha na ma tha b+hany+dza hUM ya man+ta ka g+hI h+na a be sha hUM phaT/ /snod la babs gyur de nas ni/ /dge dang mi dge dri bar bya/ /'byung 'byung ba gdon par smra/ /sems can chen po 'di gyis la/ /'di min zhes ni brjod par byed/ de nas khro bo mchog de la/ /me tog ldan pa'i arga dbul/ /de nas bde gshegs bstan pa yi/ /dam tshig kyang ni bstan par bya/ /snod

  553. 277a

    kyis thos nas de nas su/ /de btang nas ni sa la 'gyel/ /rig pa khro bo gshin rje gshed/ /grub pa de las bzhud bar 'gyur/ /de las slob ma sme tog ni/ /gshin rje gshed la gtor ba ni/ rang gi sring pos me tog nyid /dkyil 'khor la ni gtor bar bya/ /oM A(rgyud 'grel): hUM /lho phyogs sgo nas de bzhin te/ de nas gdong ras gsal nas kyang/ /dbyug pa'i phyag rgya bstan par ba/ /de nas dkyil 'khor de bzhin te/ /de bzhin gshegs pas de ring nyid// khyod ni nan tan mig bye ste/ /nga yis ji bzhin mig phye bas/ /mi bzad dkyil 'khor mthong bar gyis/ /oM A(rgyud 'grel): hUM/ de nas be con gyi phyag rgya bstan par bya ste/ /dkon mcho gsum gyi dam tshig ni/ /mngon par bstan pa sngar byas nas/ /lag pa g.yas pa cho ga bzhin/ /legs par rab tu bcing bar bya/ /rig 'dzin dag gis rtag bar ni/ /lag pa'i sor mo thams cad kyis/ /mthe bong legs par spas nas ni/ /rab tu bsngags pa bzang po bcing/ /cho kha shes bas be con rgya/ /snying po sngags sam sogs gcig tu/ /sngags pa phyag rgya'i sngags kyis bcing/ gzhan du yang ni ma yin can/ /oM na mo bud+d+ha/ d+harmA mA/ saM g+he b+hya(rgyud 'grel): /a sarbba ta thA ga ta kro d+ha pi dza ya/ rinywA li ta dzidA bra ta sh+rI ra hUM hUM phaT/ de ltar be con phyag rgya dang/ sngags bstan nas dkyil 'khor yang yi dags phreng ba la sogs pa thams cad bstan par bya'o/ /de nas slob dpon bdag nyid kyis/ /bstan pa'i btson rgya bcangs nas/ /lho phyogs sgo nas slob ma yis/ /dri sogs mchod pa ma lus dbul/ /de nas sngags pa dbang bskur ba/ /chu dang me tog bcas pa yi/ /snying po btags pa'i bum pa yis/ /khro bos dbang bskur mchog sbyin no/ /aM a kro te ga ya man+ta ka ha na ma

  554. 277b

    tha b+hany+dza hUM phaT/ /de nas khro bo'i snying po yis/ /cho ga bzhin du dbang bskur la/ /bdug ba me tog phreng ldan par/ /snying po de la sbyin par bya/ /oM a kro te ka ya la sogs/ /sngags kyi don ni bcu bdun pa/ /khro bo de nyid kyis gsungs pa/ /di ring phan chad bu khyod kyis/ /khro bo dran par bya zhing bzlas/ /gzhan yang sngags kyis spyod pa'i mchog /bsnyung bar byang chub sems ldan las/ /skye bo med pa'i nags tshal du/ /ru rag sha'i phreng thogs shing/ /lag pa dri yis byugs nas kyang/ /the tshom med bar 'grub par 'gyur/ /'jig rten lha la phyag mi gsal/ /glang po la yang lam mi gzur/ /rgyal po la yang phyag mi 'tshal/ /bgrod dga' ba nas 'grod par byed/ /khro bo 'ba' zhig sems byed cing/ /spyod dang brtul zhugs brtan par gyis/ zhes brtul zhugs sbyin par bya'o/ /de nas slob ma dbang thob ste/ /gshin rje gshed ni khro bo yi/ /tshul las bdag ni don mod de/ /lha khyod kun la bde mdzad pa/ /khro bo khyod ni bdag gis mnos/ /de nas slob mas phyag byas to/ /ci nus yon mchog dbul bar bya/ /sngags pas bla ma chod byas nas/ /dngos grub 'grub 'gyur gzhan du min/ /slob ma snying po byin nas ni/ /phreng ba tsan dan la sogs pa/ /mtshon nas de yi 'og tu ni/ /phyi rol tu ni sngar bzhag pa'i/ /dri chu la sogs bkang ba'i snod/ /de nas mchod pa phul nas ni/ /'jam dbyangs khro bo mi bzad pa/ /mthu rtsal drag po slar yang btang/ /de btang ba'i 'og tu ni/ /dkyil 'khor du yang mchod yon dbul/ /rgya cher sa yi dkyil 'khor ni/ /dngos grub mtshungs med 'dod pa yi/ /rig sngags 'chang gis de ltar ni/ /mchod pa de ltar legs par bya/ snod ni gser sogs rin chen du/ /tshan rtsi legs par bsdu bar byas/ /gtsang ma'i chu bo la sogs bor/ /phyi nas kyang ni rnam lngas

  555. 278a

    byug /tshul chen rgyud las gsungs pa yi/ /dkyil 'khor 'jug pa'i cho ga byas/ /cung zad dge ba gang thob 'dis/ /'jam dpal khro bo'i gnas thob shog/ 'phags pa 'jam dpal gsang ba'i rgyud kyi dkyil 'khor gyi cho ga/ slob dpon don yod pa'i zhabs kyis mdzad pa rdzogs so/ / */ (/bcom ldan 'das 'jam pa'i dbyangs kyi khro bo gshin rje gshed po'i sbyin sreg gi cho ga bzhugs so//) //*/ /rgya gar skad du/ b+ha ga waM na many+dzu go Sha sya kro da ya man+ta ka nyo ma bi b+hi/ bod skad du/ bcom ldan 'das 'jam pa'i dbyangs kyi khro bo gshin rje gshed po'i sbyin sreg gi cho ga/ byang chub sems dpa' 'jam pa'i dbyang sla phyag 'tshal lo/ /de la dus dang rdzas so so pa ni sbyir gsal lo/ /de la zhi ba la ni thab khung zlum po rgyar khru gang la zhabs su de'i phyed bar byas te/ /dkar por bsgyur ro/ /rgyas pa la de'i nyis 'gyur du bya ste/ dbyibs gru bzhi ser por bya'o/ /de gnyis kyi mu ran yar zhi ba la sor bzhi'i 'phang la rgyas ba la nyes 'gyur ro/ /dbang dang drag po'i sor bcu'i rgya dang lnga'i thabs su bya'o/ /kha khyer dang mu ran ni 'phang du sor gsum du mtshungs so/ /kha dog dmar nag dang sngon po la dbyibs ni zla ba phyed pa dang/ gru gsum yin no/ /thams cad kyi nang du pad+ma 'dab ma brgyad pa lte ba se ra por bya'o/ /lte bar yi dags 'dzin pa dang/ mda' ma dmar po la mtshams kyi bzhir be con no/ /kha khyer la zhi ba la 'khor lo /rgyas pa la ni rin chen/ dbang la pad+ma 'dab brgyad / drag? po la rtse gsum mo/ /mur na la yi dags phreng bar mtshungs so/ /de'i phyi rog gru bzhi sgo bzhir/ yi dags so so bar sgrel te/ dkyil 'khor gyi las bzhin no/ /thab khung brtsegs nas nang ku sha rtse mo yang phyogs so so bar

  556. 278b

    bstan la yud shing so so bas bris pa'i dbyibs bzhin brtsig go /de nas rdzas so sor yang g.yas su bzhag par bya mchod pa so so g.yon du bzhag/ mdun du mar so so ba dang/ yon chung dang gzar bu rnams bzhag go/ de nas sngags gos so so ba gon te/ rgyan yang de bzhin no/ /stan so so ba la kha yang zhi ba shar/ rgyas ba lho/ /dbang nub/ drag po byang du bltas te/ sgrub thabs kyi gzhung la 'jug par bya'o/ /bstod pa yang chod rogs pa dang/ lha btang ba'i cho ga bya ste/ las dang mthun pa'i me bus la sbar te/ rgyun me'aM rgyu las brtag/ dngul phong rgyu yi snod kyis bla/ ge sar snod dge zhing bkra shis par/ /rgyal rigs me'i rgyu las brtags/ /rje'u rigs smad 'tshong rgyu las brtags/ /zhabs sogs dbang la slang? bar bya/ /rdol ba'i me'am dur khrod ma/ /lcags dang thod par blang bar bya/ /bdud rtsi 'khyil pas gsang ba dang/ /yi dags dkon nas mtshon chas bsrungs/ /dkar po lo ma'i shing bzangs la/ /mthong ba ched du mnyem byas pa'i/ /yam srag shing? des zhi ba spang/ /u dum+ba? ra byang chub shing gnyis 'gyur gyis ni rgyal pa sbar/ /mya ngan med stogs seng ldeng bzang/ /sor gsum tshad du dbang drag mtshungs/ /drag po dur khrod tshe dam yi/ /yam sreg shing du mar spang bya/ /de yang rlung gi? phyogs bltas te/ oM ba ya be/ sa ma ya ste/ ra ze? la raM? raM? zhes rlung yab dang ldan par bya'o/ /de nas me de bsangs la/ /bdag dam tshig sems dpa' i skur bskyed pa 'jig rten pa nyid du bya'o/ /de nas me'i dbus su paM las pad+ma 'dab ma brgyad pa/ /ge ser ba nyi ma dbang dag la zla ba'i rgyas la bsam mo/ /de nas mi 'jigs pa'i phyag rgyal mthe bong gis srin lag la mnan te/ e hye hi mahA b+ha ta de ba ri Shi te/ agne ye ba pa ka/ a gats+tsha agats+tsha/ zhes pas mdun gyi nam mkha' la byon par bsam mo/ /de nas bsang gtor/ oM hUM

  557. 279a

    dzin jig na/ zhes gtor ro/ zhal bsil ba/ agna ye/ ba pa ka ma hA bra ta dza swAhA/ de nas gdan dbul te/ agna ye mahA tsa/ sarbba ka ma ra/ sA d+ha na sarbba artha a di ti ye swAhA/ me tog thab tu gtor te gdan bshams pa la bzhugs par brtag go/ de nas mar la gzur bu lan bdun nam gsum du dbul te/ na ma sa man+ta bud d+ha agna ye pa pa ka raM raM swAhA/ de bzhin du rgyas pa la ni ma he na dra zhes sbyar ro/ /dbang la ni ka ma ra zhes sbyar ro/ /drag po la ni ko d+ha ni zhes sbyar ro/ /de ltar me 'bar ba'i dgang? glugs phul te/ me 'bar ba dang ku sha dgra ma ste/ zhi ba la shar nas/ rgyas pa la lho nas/ dbang la nub nas/ drag po la byang nas dgram mo/ /zhi rgyas rtsa ba dang bcas te bya/ dbang drag phyed mar bstubs pa'i rtse mos bskor ro/ /oM i me ka sha/ shu pa rib bya/ pu ta pra mahA/ ba pi tri na/ ratna trA ya/ rat hi ti ni/ pra d+hi bi dza dang/ garba b+ha garba b+ha bandu swAhA/ de nas phur pa bzhi yang sgo bzhir gzugs/ mda' bzhi yang gra bzhir btsugs la/ tshon skud bre zhing bdud rtsi 'khyil pa'i sngags brjod do/ /des ni bgegs thams cad bcings bar 'gyur ro/ /de nas mchod pa so so ba dpung bar bya'i/ /de nas sngar yam sreg shing gi tshad kyi rigs kyi yam shing dbul lo/ /zhi ba la mar dkar po/ rgyas pa la mar ser po/ /dbang ngal shing mar/ drag po la mi tshil bzhug 'am tsha ba'i mar ro/ /de nas til dang/ yungs kar dang/ de nas zho dang/ 'bras chan deng/ de nas ku sha/ de nas dung ga de nas nas/ de nas gro/ de nas 'bru/ de nas sran ma/ 'bras ma grugs pa/ de nas star ka dang/ snying zho sha dang/ gla gor zho sha dang/ shing thog la sogs pa rnams dang/ /sngags gcig gam so so yang rung ste/ dbul lo/ /de la gcig ni oM agna ye bA baM shin+ti ku ru swAhA/ buSh+Ti ku ru oM

  558. 279b

    ba shaM ku ru paM mA ra ya hUM phaT/ so so ga badzra ya dza ya swAhA/ yam shing/ oM ganbe swAhA/ mar ro swA swAhA/ da ha na badzra ya swAhA/ til dang/ nyungs dkar/ sarba bi de swAhA/ zho dang zan/ a pra ti ha ha badzra ya/ ku sha pa dzre A yu She swAhA/ durwa yi'o/ /ma hA be ya swAhA nas so badzra g+hasma swAhA/ gro badzre bi dza ya swAhA/ 'dru dag go/ mahA pa la ya swAhA/ sran ma'o/ badzra bu yi ye swAhA/ 'bras ma grugs ba'o/ /mahA sh+rI pa ya pa ya swAhA/ star ka dang/ gla gor zho sha dang/ dza ti pa la dang/ shing tog gtogs te/ zhal nyid du dbul te/ dang por oM dang tha mang swAhA/ bzhag te mchod/ de nas mar ro/ /de nas 'bar ba'i rang bzhin du gyur par bsgom mo/ /'jig rten pa'i me lha mchod pa'i rim pa dang po'o/ /phyogs skyong la mchod na yang/ de'i snying gar rdzogs par bkod la bsang gtor dang/ zhal bsil byas te/ de nas mchod pa lngas mchod de/ de nas yam shing nas mar dang rim pa bzhin mchod do/ /tha mar mar gyis mchod de/ in+d+ra ye la sogs pas mchod do/ /de nas thab bsangs la/ be con gyis g.yab cing/ na mo bud d+he b+hya(rgyud 'grel): na mo d+ha rma saM g+he b+hya(rgyud 'grel): oM kro d+ha bi ra bi ra sam ye a gats+tsha a gats+tsha/ oM A(rgyud 'grel): hUM i daM pre te a sa naM kri pra pre totka te ni swAhA /oM A(rgyud 'grel): hUM zhes sku gsang ngo/ /oM i ka bi yamAn+ta ka bi sa ra swAhA/ zhabs gsil lo/ /na ma sarbba ta tA ga te b+hya pre ta mu ka kha ra kha ra swAhA/ gdan phul la thab tu bzhugs su gsol lo/ /de nas mar gyi dga' blugs dbul lo/ /de nas mchod pa lnga dbul lo/ /de nas yaM shing/ de nas mar/ de bzhin du shin tog yan chad dbul lo/ /oM a kro te ka ya mAn+ta ka ha na ma tha ba na dzA hUM phaT/ oM shAn+ti ku ru oM/ zhi ba'o/ /swAhA puSh+TiM ku ru swAhA/ rgyas ba'o/ /ho bA shaM ku ru ho(rgyud 'grel): dbang ngo/ /phaT ma ra ya phaT/ drag po'o/ /sngags de cig pus dbul lo/ /sngags rang gi so so ba yang rung ngo/ /tha mar yang mar gyi dgang blugs dbul lo/ /de nas mchod pa lnga dang bstod pa bya ste/ dngos

  559. 280a

    grub gsol la gshegs su gsol to/ bsang gtor dang/ zhabs bsil te/ gats+tsha zhes btang ngo/ /de nas yang 'jig rten pa'i sngon gzhan du bsams la sngon bzhin rdzas lhag mchog/ tha mar mar gyi dga' blugs la las bskul zhing lan mang du dbul lo /de nas mchod pa lngas mchod do/ /bstong pa yang brjod la de nas 'dod pa'i don la gsol ba nas bsang gtor byas nas zhal bsil la/ gshegs su gsol la/ /de nas rdzas bsdu'o/ /tshe srid bar 'dod na/ rgyas pa'i thab khung du dur pa'i sngags kyis dur pa'i mar la bsnyug cing lan grangs mang du sbyin sreg bya'o/ /'bru 'phel bar 'dod na 'bru'i sbyin sreg bya'o/ /de la sogs pa rtog pa dgu pa nas 'byung ba tshul du gar 'dod pa'i sbyin sreg sdas gang shis pas bya'o/ /de la bsad par 'dod pa'i sbyin sreg ni bsgrub par bya ba'i rjes dang/ dri ma dang/ du khrod kyi sol ba la gzugs byas te snying gar mir rus bcu gnas sgrub thabs kyi mjug tu dgra bo bkug la yid? ga la gzhug pa dang/ phur pas gdab pa dang/ gtubs te tsher ma dang/ tsha pa'i rjes su bsred la/ yungs mar gyis kyang bsgos nas yam shing dang/ mar gyi gting la bsreg go/ bskrad pa dang dod na bya rog gi shes bya'o/ /dbye bar 'dod na bya rog dang/ 'jug pa'i sgros bya'o/ /de la sogs pa las dang sbyar ro/ /sdig pa spyad bar 'dod na/ til 'ba' zhig gis bya'o/ /de la sogs pa ni spyir shes par bya'o/ /zhi ba la dam tshig dang/ ye shes kyi me lha dkar po'o/ /rgyas pa la ser po/ dbang la dmar po/ drag po la sngon po bsgom mo/ /mchod rdzas dang/ sngags kyi 'od zer dang/ kha dog so so la'o/ /bsam pa yang zhib ni byams pa'o/ /rgyas pa ni rgyas par bya ba'i sems sam/ mthon po'i rnam pas 'jug pa'o/ /dbang la mi dga' chags sam/

  560. 280b

    zhen pas 'jug pa'o/ /drag po la ni ma rangs pa dang/ yid skyo ba dang khro sems so/ /las ni zhi ba la ni 'od zer dkar po 'phros pas de dag gis gang la bya ba'i nang dang/ sdug bsngal la sogs pa drangs shing bsdus nas rgya mtsho chen por dor par bsam mo/ /rgyas ba la 'od zer ser po 'phro ba de dag gang gis lus la zhugs pa de nyid kyis dpal la sogs pa de dag rgyas par bsam mo/ /dbang la 'od zer de dag dmar po'i 'phros te gang dbang du bya ba'i lus sems kyi rgyud bkar zhing nyams shing myos pa de dag grangs nas rkang pa'i drung du ltung ste skyabs su dor bar bsam mo/ /drag po la 'od zer sngon nag dug ha la ha la ltar bsreg cing dngos po shin tu ser ba dag kyang reg pa tsam gyis thal ba'o mthar byed pa 'phros nas/ gang la bya ba la khyab par gyur te/ skad cig tsam gyis thul gyis bsregs te thal bar gyur par bsam mo/ /yon chu yang zhi ba la 'o ma'i nang du mngar gsum dang me tog dkar po'o/ /dbang la chang ngo/ /drag po la chang dang sgyur ba'i khu ba dang tsha ba rnam par sbyar bar bya'o/ /bsang gtor ni chu gtsang ma dang/ yungs kar dang/ dri bzang por sbyar la me tog so so kha dog la chug pas bya'o/ /me'i kha dog gi yi ge dogs pa yang ro dkar po dang/ ser po dang/ dmar po dang/ sngon po'o/ /dgang gzar blugs gzar la yang chos kyi yi ge 'bru /oM swa? A(rgyud 'grel): hUM rnams kha dog so sor dgod do/ /rgyu yang so so la bya'o/ /me lha'i rtsa ba'i lha'i sku ni dmar ser ro/ /zhi ba'i dus su pA paM ka dkar po zhal gcig phyag bzhi pa/ g.yas dang po dbyug thog/ gnyis pa mi 'jigs pa'i phyug rgya g.yon dang po phreng ba/ gnyis pa ral ba 'am/ g+hund+he'o/ rgyas pa la ser po/ phyag gnyis ni snga ma bzhin no/ /dbang la 'dod pa'i me tog dmar po zhes bya ba g.yas dang po na lcags kyu gnyis pa zhags pa'o/ /bsad pa la rlung zhes bya ba sngon po/ /

  561. 281a

    g.yas pa na be con/ gnyis pa na me thab po/ /dam tshig gi me lha nyid de ltar bskyed do/ /'jig rten las 'das pa'i skabs su khro bo ya man+ta ka de nyid zhi ba la dkar po/ /phyag dang po gnyis bum pa dkar po nas bdud rtsi'i chu rgyun dkar po gtong ba'o/ /rgyas pa la bum pa ser po nas chu rgyun ser po/ dbang la dang po skyo zhags/ drag po la rtsa ba nyid bzhin du shes par bya'o/ /yam shing dang bsreg shing yang rgyu dang tshad gcig par bya'o/ /de ni cho ga snga ma yi thun du bstan ba'o/ /'jam pa'i dbyangs kyi sprul pa yi/ /khro bo gtso bo de kho na/ /yi dags phal chen dkyil 'khor du/ /rig pa'i brtul zhugs spyod byin nas/ /gtsang ba'i gnas su nyer 'dug nas/ /ngang pa'i bsnyen pa brtsam par bya/ /thun bzhi'i dus su bzlas ba dang/ /mchod ba'i cho ga dag byas shing/ /byang chub sems dang ldan pa yi/ /'bum drug tshad du bzlas pa bya/ /de nas bu don cho ga yis/ /sku gzugs legs par bsgrubs nas kyang/ /rab tu gnas pa'i las byas nas/ /de yi spyan sngar sum 'bum bzlas/ /de nas bsnyung dang ldan pa yis/ /ri yi rtse mor 'bum gcig bzlas/ /dngos grub 'bring gi bsnyen par bshad/ /rgyas srid la sogs dngos grub 'bring/ /de nas sngags bas nags tshal song/ /ri khang gnas rnyed snyoms 'jug spyod/ /seng ldeng dbyug pa 'dom gang tsam/ /'phan med pa ni rtag tu bcang/ /rkang pa bgrod dka' bgro pa dang/ /rgyal po la sogs phyag mi byed/ /khro bo'i rnal 'byor nga rgyal chis// 'jigs gnas ma lus 'chi ba rnams/ /mi smra mi 'dri 'jigs mi spyod/ /sngags kyi don ni bcu bdun po/ /lha dang mi phyed rtag bzlas pa/ /thun bzhir sngon bzhin mchod pa dang/ /bsnyen pa'i tshul du bzlas brjod bya'o/ /dngos grub mchog rnams

  562. 281b

    thob 'dod na/ /sngags pas de ltar brtul zhugs spyod/ /byang chub sems dang rab ldan zhing/ /gtsang sbra bsnyung ba dbang po bsdams/ /brtags pa'i zas la rol bya'o/ /sngags pa brtul zhugs mi 'dod na/ thog mar sku gzugs cho ga bya/ /spyan dbye cho ga byas pa la/ /brgyad 'bum cho ga bzlas ba bya/ /dngos grub phran chogs las dag ni/ /dug la sogs pa zhi sogs bsgrub/ /'di ni dngos grub rnam pa gsum/ /bsgrub pa'i cho ga gsum du bstan/ /mkhas pas byang chub sems rten cing/ /snying rjes gzhan don spyod pa dang/ /khro bo'i che ba yangs pa dag /dngos grub rnam gsum thogs med pa/ /brtul zhugs la sogs med par 'grub/ /bcom ldan 'das khro bo chen po rnam par rgyal ba'i sbyin sreg gi cho ga'i rim pa dang/ dngos grub kyi tshul nges bar bstan pa zhes bya ba/ slob dpon don yod zhabs kyis mdzad pa rdzogs so// (//sbyin sreg gi mchod pa la 'di skad do//) //dad pa dang ni dam tshig gis/ /tshur gshegs tshur gshegs dkon mchog gsum/ -/gshin rje'i gshed dang be ta li/ /gshin rje'i lha tshogs 'khor dang bcas/ /byang chub sems dang mnyam sbyor ba'i/ /dug gsum sreg rdzas mchod bar bzhes pa bdag gi lhag pa'i bsam pa rnams/ /dus 'dir grub par mdzad du gsol/ /mi la sogs pa'i bdud bgegs dang/ /zhe sdang byed pa gang yang rung/ /'phral dad mod la bsgral ba dang/ /dbang po yan lag de bdag la/ /ji ltar drag rngal stangs tshul gyis/ /bcol ba'i las rnams grub bar mdzad/ sbyin sreg gong ma dang cho ga mi gcig bris ba tsam/ hUM thugs rje dbang gi dkyil 'khor du/ /shes rab 'bar ba'i me byung bas/ /zhes pa la sogs brjod la gtang/ /me 'bar ba dang 'di yang gtang/ /hUM 'bar ba chen po dur khrod me/ /rab tu smug cing dur khrod du 'phro/ /'jigs byed chen po khro bo'i

  563. 282a

    me/ /gdug pa'i snying la 'bar bar mdzod/ /skye shi sdug bsngal rtsa ba chod/ /ces bya'o/ /gong ma dang dgongs pa mi gcig pa cung zad bris pa'o// //ye d+harmA hya du pra b+ha wA hye dun+ti ShAn+ta thA ga to hya ba dat/ te ShAny+tsa yo ni ro d+hwa e baM bA dI mahA bra ma Na:// (//*/ /khro bo rnam par rgyal ba'i rtog pa gsang ba'i rgyud kyi rgya cher bshad pa bzhugs so//) //*/ /rgya gar skad du/ kro d+ha bi dza ya kalpa g+hu hya tan+ta sya TI kA/ bod skad du khro bo rnam par rgyal ba'i rtog pa gsang ba'i rgyud kyi rgya cher bshad pa/ bcom ldan 'das dag gi dbang po la phyag 'tshal lo/ /bcom ldan 'das khro bo rnam par rgyal ba'i rgyud stong phrag bcu gnyis bzhugs pa las ma 'ongs pa'i sems can rnams kyi don du slob dpon dra ti wan+tsan+d+ras rgyud chen po stong phrag bcu gnyis kyi nang nas btus te/ shlo ka sum stong pa cig kyang mdzad/ khro bo rnam par rgyal ba'i rgyud kyi cho ga shlo ka stong bzhugs pa 'di las slob dpon pra ti wa na tsan+d+ras btus nas mdzad pa ste/ de yang rgyud gang gi nang nas btus nas mdzad ce na/ slob dpon 'chad pa dag mi mthun te/ kha cig na re khro bo rnam par rgyal ba'i rgyud slob dpon pra ti wa na tsan+d+ra nyid kyis btus te mdzad pa shlo ka sum stong bzhugs pa'i nang nas btus te rgyud 'di mdzad do zhes kyang 'chad/ kha cig na re many+dzu sh+rI tan+t+ra shlo ka khri drug stong bzhugs pa'i nang nas rgyud 'di mdzad do/ /zhes kyang 'chad de/ de la many+dzu sh+rI tan+t+ra'i nang nas spyir khro bo'i cho ga dag ni 'byung na/ khro bo rnam par rgyal ba'i cho ga'i tshig 'di dang mthun pa kho nar mi 'byung ste/ de bas na rgyud chen po dang shlo ka sum stong pa'i nang nas btus te/ rgyud 'di mdzad par shes par bya'o/ /rgyud kyi ming nyid kyang khro bo rnam par rgyal ba'i rgyud ces bya ste/ ci'i phyir zhe na/

  564. 282b

    khro bos ma rungs pa rnams btul nas de las rnam par rgyal bas na/ rgyud kyi ming khro bo rnam par rgyal ba'i rgyud ces bya ste/ /rgyud kri ya'i rgyud du gtogs so/ /rigs ni de bzhin gshegs pa'i rigs kyi nang du gtogs so/ de la dang po rgyud kyi gleng gzhi bstan dgos te/ de yang gnas gcer ma ris kyi gzhal med khang gi nang na/ bcom ldan 'das shAkya thub pa 'khor dang bcas pa bzhugs so/ /de'i tshe na bcom ldan 'das shAkya thub pa me tog rab tu 'byed pa zhes bya ba'i ting nge 'dzin la snyoms par zhugs so/ /snyoms par zhugs ma thag tu bcom ldan 'das kyi smin mtshams kyi mdzod spu nas 'od zer byung bas/ /lho phyogs kyi ngos chu bo gang+gA'i bye ma snyed kyi 'jig rten gyi khams kyi pha rol na 'jig rten gyi khams me tog can zhes bya ba na bcom ldan 'das me tog kun tu rgyas pa'i dbang po dang/ 'phags pa 'jam dpal la sogs pa 'khor dang bcas pa bzhugs pa'i tha dad du phyin nas/ 'phags pa 'jam dpal gyis bcom ldan 'das me tog kun tu rgyas pa'i dbang po la zhus pa/ bcom ldan 'das 'od zer 'di gang nas byung/ su'i lags/ ci'i slad du 'di byung zhes zhus pa dang/ bka' stsal pa/ 'jam dpal gzhon nur gyur pa nyon cig /'di nas byang phyogs logs su chu bo gang+gA'i klung gi bye ma snyed kyi 'jig rten gyi khams 'das pa'i pha rol na mi mdzad 'jig rten gyi khams zhes bya ba na/ bcom ldan 'das shAkya thub pa bzhugs pa'i 'od zer yin te/ 'od zer 'dis khyod mi mdzad kyi khams su bcom ldan 'das shAkya thub pa des 'gugs pa'i skul ma yin no zhes bka' stsal pa dang/ slar yang gsol ba/ de bzhin du mi mdzad kyi 'jig rten gyi khams bcom ldan 'das shAkya thub pa'i zhing der mchi bar 'tshal lo zhes zhus pa las/ bka' stsal pa/ legs so legs so/ /zhes nas/ 'phags pa 'jam

  565. 283a

    dpal mi mdzad kyi 'jig rten gyi khams kyi bcom ldan 'das shAkya thub pa'i spyan sngar phyin nas/ bcom ldan 'das shAkya thub pas bka' stsal pa/ rigs kyi bu rang gi gsang sngags kyi spyod pa rjes su dran par gyis shig ces bka' stsal pa dang/ de'i tshe 'phags pa 'jam dpal gyis thams cad zil gyis gnon pa zhes bya ba'i ting nge 'dzin la snyoms par zhugs so/ /snyoms par zhugs ma thag tu khro bo gshin rje gshed ces bya ba byung ste/ ma rungs pa thams cad btul nas slar log ste/ zhus pa/ bcom ldan 'das khro bo'i rgyud chen po 'chad par 'tshal na/ bdag byin gyis brlab tu gsol zhes nas/ de nas khro bo rnam par rgyal ba'i skur gyur nas khro bo rnam par rgyal ba'i rgyud chen po stong phrag bcu gnyis bshad do/ /de la rgyud chen po stong phrag bcu gnyis pa gsungs pa yang rtsa ba lnga rnams kyi rgyas par bshad de/ de yang gang zhe na/ de yang rtsa ba'i cho ga rgyas pa dang/ cho ga rgyas pa'i phyo ma dang cho ga rgyas pa'i phyi ma'i yang phyi ma dang/ cho ga rgyas pa'i phyi ma'i phyi ma'i bye brag dang/ cho ga rgyas pa'i phyi ma'i phyi ma'i gsang ba'i cho ga dang/ 'di lngas rgyas par bshad pa las lnga po de rnams la brten nas yongs su sdud par mdzad pa'i byang chub sems dpa' rnams kyi skabs ni mi mthun pa mang zhig du phye nas le'u stong phrag bcu gnyis por gsungs pa de bsdus so/ /de la slob dpon pra ti wa na tsan+d+ras rgyud chen po stong phrag bcu gnyis po gsungs pa'i nang nas rtsa ba lnga 'byung ba'i cho ga rtsa pa lnga po nyi tshe tsam zhig dang/ de'i nang nas le'u 'am/ skabs nyi shu rtsa gcig btus nas rgyud 'di mdzad do zhes pa'o/ /khro bo rnam par rgyal ba'i rgyud shlo ka stong bzhugs pa 'di la rtsa ba lnga po'i bshad pa'i nang nas rtsa ba'i cho ga rgyas pa'i nang du gtogs pa'i skabs

  566. 283b

    sam/ le'u rgyud 'byung ba zhes bya ba de dang bor bshad do/ /de bas na dang po rgyud 'byung ba zhes pa'i le'u 'am/ skabs ston pa de yang sa bcad rnam pa dbus bshad do/ /dbu gang zhe na/ rang gi mthu nye bar bstan pa dgur byas te lha rnams gzung ba dang/ bstod pa sngar byas nas gsol ba 'debs pa dang/ zhu bar gyur pa dang/ zhu ba dang/ zhu ba po'i lan 'debs pa dang/ snying po mthu che bar bstan pa dang/ rang gi cho ga rgyas par bstan pa dang/ lha rnams kyi cho ga rgyas par bshad pa dang/ byang chub sems dpa' rnams kyis byin gyis rlob par bstan pa dang/ rnam pa 'di dgus bshad do/ /de la de nas 'jam pa'i dbyangs kyi ni/ zhes pa nas/ de bzhin du ni 'jig rten pa'i/ /lha rnams kun gyis 'dud par byed/ /ces pa'i bar du rang gi mthu nye bar bstan pa rgyur byas te lha rnams gzung ces bya ba'i don ston to/ /de la de nas 'jam pa'i dbyangs kyi ni zhes bya ba la/ de nas zhes bya ba ni rgyud 'di'i rtsa ba 'am/ phyi mo stong phrag bcu gnyis bzhugs pa'i nang nas gong du skabs mi 'dra ba mang po gsungs pa'i de ma thag 'das pa'i 'phro yin bas na/ de nas zhes kyang bya/ go skabs 'byed pa 'am/ bkra shis pa 'am/ tshig gi rgyan la yang de nas shes bya/ rnam pa gcig tu khro bo ma rungs pa thams cad btul nas/ de'i 'og tu rgyud 'di dag bshad pas na/ yang de nas zhes bya ba/ dbyangs kyi sgra ni skad kyi gdangs la bya ste/ 'phags pa 'jam dpal gyis gsung gi gdangs de thams cad kyi yid du 'ong zhing snyan pa la bya ste/ yon tan gyi sgo nas mtshan du gsol ba'i 'phags pa 'jam dpal de ting nge 'dzin gang la bzhugs na/ khro bo 'byung bar byed pa'i ting nge 'dzin de la snyoms par zhugs so/ /snyoms par zhugs ma thag tu khro bo byung ste/ gsungs pa/ khro bo 'di ming gshin rje gshed ces bya ba ste/

  567. 284a

    de la khro bo la yang rnam pa gnyis te/ nyon mongs pas dkris pa'i 'dod chags dang/ zhe sdang gti mug las byung ba'i khro bo dang/ ma rungs pa rnams 'dul ba'i phyir sngon gyi smon lam dang thugs rje chen po'i dbang gis khro bo'i tshul du bstan nas byung ba ste/ de la 'dir ni sngon gyi smon lam dang/ thugs rje'i dbang gis khro bor sprul te byung ba la bya'o/ /'phags pa 'jam dpal gyi khro bo yang many+dzu ra ba dang/ sharnu ka la sogs pa grangs med bar byung ba de dag la mi bya zhing de dag la gol du dogs pa'i phyir khro bo'i ming smos pa ste/ khro bo 'di'i ming gshin rje'i gshed ces bya ba 'byung ngo zhes pa'o/ /de la gshin rje'i gshed ces bya ba'i sgra ni tshig thang log tu na dga' zlog ces kyang bya ste/ sems can rnams tshe dang/ longs spyod dang bral nas mthar med par byed pas de dag gdul ba'i phyir de dang rjes su mthun pa'i cha lugs su gtso bo'i tshul 'dzin par sprul te bstan pa na gshin rje'i gshed ces bya'o/ /khro bo gshin rje gshed de'i phyag mtshan dang/ yul yang gsungs pa/ mtshon cha me lce 'bar bas 'khrugs zhes bstan te/ phyag mtshan yang tri shu la dang/ ral gri la sogs pa bstan pa yang me lce bzhin du 'bar ba can la/ khro bo nyid kyang 'bar ba'i nang na bzhugs pas ma rungs pa rnams tshar gcod pa'i tshul du khros pa la bya'o/ /'khrugs pa ni khros pa la bya'o/ /de yang ci 'dra ba'i tshul zhig tu khros she na/ gsungs pa/ drag pa mthu rtsal drag ldan ba/ shes pas bstan te/ de la drag pa zhes pa ni khro bo ngo rlung dang me'i dkyil 'khor nas 'byung bas na drag po'o/ /khro bo des pha rol po ma rungs pa rnams tshar gcad 'du la nus pa'i mthu dang ldan pas na mthu rtsal drag po zhes bya'o//

  568. 284b

    de mthong nas ni khro bo gzhan/ /thams cad kyi ni lag cha shor/ zhes pa ni khro bo de'i mthu rtsal chen po'i yon pas bstan pa ste/ 'jig rten las 'das pa da khro pa gzhan rnams kyis khro bo gshin rje'i gshed po mthong nas/ thams cad skrag sdangs te brgyal nas lag cha shor to zhes pa de yang sems can 'dul pa'i don du gshin rje'i gshed mthu che bar bstan pa'i phyir ro/ /de bzhin du ni 'jig rten pa'i/ lha rnams lus kyis 'dud par byed/ ces pa ni de la de bzhin zhes bya ba'i don ni gong du 'jig rten las 'das pa'i lha khro bo gzhan rnams skrag nas brgyal te/ lag cha shor ba de bzhin du 'jig rten pa'i lha rnams kyang skrag cing sdangs nas thams cad gnas nas 'dus te/ phyag btsal nas bstan pa la skyabs sku dor do/ /zhes bya ba'i tha tshig go /gzhan yang thal mo sbyar byas te/ zhes pa nas gzi brjid 'bar bas phyogs khyab pa/ /khams gsum 'khrug par mdzad pa mthong/ /zhes pa'i bar du bstod pa sngar byas nas gsol ba 'debs pa zhes pa'i don to/ /gzhan yang thal mo sbyar byas te/ /skrag nas bstod pa mang po byed/ /ces bya ba la/ de la gzhan yang zhes bya ba ni gong du lha rnams thams cad 'dud cing phyag 'tshal bar ma zad kyi/ lha de dag skrag nas thal mo sbyar te khro bo la bstod pa mang po byed do zhes pa'o/ /de yang ji skad bstod pa ni rtsa ba'i rgyud stong phrag bcu gnyis pa las gsungs te/ rgyud 'dir ni/ rgyud mang du dogs nas slob dpon gyis ma gsungs so/ /bstod pa de yang tshig ci 'dra ba zhig gis bstod ce na/ de yang rang gi don phun sum tshogs pa dang/ gzhan gyi don phun sum tshogs pa'i sgo nas khro bo de la bstod ces pa'i don to/ /lha rnams de'i gzi brjid kyis/ /gzir bzhin du ni rab smras pa/ zhes bya ba ni 'jig rten pa'i lha de rnams kyang khro bo de'i gzi brjid kyis gzir bzhin du gsol ba zhes pa ste/ de yang

  569. 285a

    gang zhen gsungs pa zhes pa'i don to/ /bcom ldan bdag cag sangs rgyas dang/ /chos dang dge 'dun la skyabs mchi/ /zhes bya ba la sogs pa bzhan ni mjal bar byas/ rab tu mi bzang 'jigs pa'i gzugs/ / gzi brjid 'bar bas phyogs khyab pas/ /khams gsum 'khrugs pa mdzad pa mthong/ /zhes bya ba ni khro bo'i gzugs kyi bye brag la bya ste/ de lta bu'i gzugs de brtul zhes bya ba 'am mdzad par mthong zhes bya ba'i don to/ /gang tshe lha dang lha min rnams zhes bya ba nas/ khro bo slar yang zhi bar 'gyur/ /zhes pa'i bar du zhi bar gyur to zhes pa'i don to/ /de yang lha dang/ lha min la sogs pa ma rungs pa rnams btul nas/ skrag nas dkon mchog gsum la skyabs su sod pas/ 'phags pa 'jam dpal gyi khro bo de yang slar zhi bar gyur to/ zhes pa'i don to/ /gshin rje gshed ces bya ba'i khro bo chen po zhi ba dang zhes pa nas/ bdag cag the tshom chen po mchis zhes bya ba'i bar du me zhu ba zhes bya ba'i don to/ /de la gzhan ni tshig gnyer gyis mjal bar bas/ khyod kyis brtson 'grus mchog 'tshal bas/ /ji lta bur ni mnyes par bgyid/ /ji ltar yang ni dad par 'gyur/ zhes pa ni/ khyod lta bu skrag cing mthu rtsal che bo/ dngos grub rab 'bring rnam gsum rtsol cing bla na med pa'i go 'phang mchog 'tshal ba'i sgrub pa pos thabs ji ltar bgyi na/ lha mnyes par 'gyur ba dang/ ji ltar na byin gyis rlob cing mngon du phyogs par 'gyur ba'i sgrub pa'i thabs de 'tshal te/ bdag cag the tshom chen po mchis/ /zhes pa ni zhu ba'i don to/ /khro bos lha rnams tshig gsan nas/ /gshin rje gshed kyis bka' stsal pa/ zhes bya ba nas/ gshin rje gshed bo khro bo yi/ /gtso bo'i snying po de bzung ngo/ /zhes bya ba'i bar du zhes pa'i lan bdebs zhes bya ba'i don ston to/ de la khro

  570. 285b

    pos lha rnams tshig gsan nas/ gshin rje gshed kyis bka' stsal nas/ zhes pa ni gong du lha rnams kyis zhus pa'i tshig khro bos gsan nas/ slar bka' lan stsol ba'o/ /gzi brjid chen po khyed rnams kun zhes bya ba'i de ltar lha ma srin ma rungs pa de dag bka' nyan pas khro bo zhi bar gyur to/ /slar bka' lan 'debs pa'i tshe dang por lha ma srin de dag gi yon tan gyi sgo nas bod pa'i tshig tu/ kye gzi brjid chen po khyed rnams kun/ zhes pos so/ /gang cha gsum la skyabs song ba/ /de yi tshe ni mi zad pa// khro bo yid la gnas par gyis zhes pa nas/ sems can kun la snying brtse'i phyir/ /nga yi yid ni zhi bar gyur/ /zhes bya ba'i bar du gong du/ khyod kyis brtson 'grus mchog 'tshal bas/ /ji lta bur na mnyes par bgyis/ zhes zhu ba'i lan 'debs pa'i tshig ste/ dkon mchog gsum la skyabs su song ba rnams kyis de'i tshe/ de'i sku gzugs 'bar zhing mi zad pa'i khro bo de sems la sgom par gyis shig ces pa'o/ /de yang ci'i phyir zhe na/ dkon mchog yun ring du gnas par bya ba dang/ de'i bka' bsrung bsrung ba dang/ sdug bsngal can gyi sems can thams cad bla na med pa'i byang chub tu bsgral bar bya ba'i phyir ro/ /nga yi yid ni zhi 'gyur gyis/ /bya ba ni don de lta bu'i phyir na da'i yid zhi bar 'gyur zhes gong du sbyar/ 'og tu sbyar bar shes par bya'o// khyed rnams skyabs su dang pa dang/ byang chub sems dang ldan pa yis/ /zhes bya ba nas/ /nga yi snying po yid las byung/ /lha rnams kun gyis gzung bar gyis zhes bya ba'i bar du/ ji ltar yang ni dang bar 'gyur/ zhes zhus pa'i lan 'debs pa'i tshig ste/ de la khyed rnams dong te byang chub sems dang ldan pa rnams kyis dngos grub rab 'bring rnam pa gsum dang/ bla na med pa'i go 'phang mchog san cad bsgrub pa'i mchog tu gyur pa'i yi ge 'bru bcu bdun po khro bo'i thugs ka nas phyung

  571. 286a

    ba de lha rnams kun gyis gzung bar gyis shig /ces bya ba'o/ /gshin rje gshed po bdag nyid kyi/ /snying po rab tu gsungs pas na/ zhes bya ba nas/ gshin rje gshed po khro bo yi/ /gtso bo'i snying po de bzung ngo/ /zhes bya ba'i bar du ni snying po mthu che bar bstan pa'i don ston te/ gzhan ni dkyus nyid kyis mjal bar bas/ yan lag kun nas spu langs nas/ /zhes pa ni snying po 'bru bcu bdun po gsungs pas/ /lha rnams kun dga' mgu rangs nas yan lag gi ba spu rnams g.yos shing langs so zhes so/ /gshin rje gshed po khro bo yi/ /gtso bo'i snying po de bzung ngo/ /zhes pa ni gshin rje'i gshed po'i khro bo rnams kyi nang nas gtso bo de'i snying po lhas mnos so zhes pa'o/ /des ni mkhan po dang slob ma'i tshul bstan pa'o/ /skabs 'dir snying po mthu che bar bstan pa'i don ston pa 'di gang du sngar bshad pa ltar zhus pa'i lan 'debs pa zhes pa'i don gyi nang du gcig tu bsdus na yang mi rung ba med la/ snying po mthu che bar bstan pa'i don gcig gis skabs 'dir sa bcad de bshad na/ yang nyes pa med pas de gnyis ka yang rung bar bzung ngo/ /de nas dam chos bsrung ba'i phyir/ /khro bo rnam par rgyal ba yi/ /rtog pa 'di ni de dag la/ /gshin rje gshed kyis rgyas par gsungs/ /zhes bya ba ni rang gi cho ga rgyas par bshad pa'i zhes bya ba'i don to/ /de la dam chos bsrung zhing bskyang ba'i phyir khro bo rnam par rgyal ba'i rgyud stong phrag bcu gnyis po lha de rnams la cho ga rgyas par bsdus so zhes pa'o// de nas khro bo rnam rgyal gyi/ /rtog pa khro bo nyid kyis gsungs/ zhes pa nas dkon mchog gsum ni bsrung ba'i phyir/ /so sor yi ni rtog pa bshad/ /ces pa'i bar du lha rnams kyi cho ga rgyas par bshad pa bstan pa zhes bya ba'i don ston te/

  572. 286b

    de la khro bo rnam par rgyal ba'i rgyud chen po khro bo nyid kyis gsungs pa ste/ snying rje dang byang chub sems dang ldan pa'i lha rnams kyis thos nas yid rab tu dga' bar gyur te/ lha de dag gis kyang drin lan lan gyis glan pa'i tshul gyis so so rtog pa dag gi cho ga smras so/ /zhes pa'o/ /ci'i phyir/ so sor rang rang gi rtog pa dag smras she na/ de yang dkon mchog gsum bsrung ba'i phyir te/ de la 'jig rten pa'i lha mo so so'i snying po/ la sogs pa'i cho ga rgyas par khro bo rnam par rgyal ba'i rgyud du smras na/ khro bo'i rgyud de ni mu stegs can gyis mthong na rang rang gi gtso bo'i sngags dang/ phyag rgya dang/ de bsgrub pa'i cho ga rgyas par gsungs pa na/ de dag kyang bstan pa la 'jug par 'gyur te/ de nyid kyis dkon mchog gsum bsrung bar 'gyur pa dang/ dkon mchog gsum gyi rten 'jig pa zhig na/ lha de dag phyag rgya dang sngags la sogs pa'i cho ga sbyar ba las/ pha rol po ma rungs pa de rnams thul bar 'gyur ba'i phyir yang dkon mchog gsum bsrung bar 'gyur ba dang/ de dag gi don du 'jig rten pa'i lha so so rang rang gi cho ga rgyas pa dag kyang khro bo rnam par rgyal ba'i rgyud chen por smras shing bshad do/ /zhes pa'o/ /de dag gi ni rtsa ba'i rgyud/ /khro bo nyid kyis rab gsungs pa/ /zhes pa nas/ snying rje de bzhin rgyas pa dang/ /rnam pa mang por byin gyis brlabs/ zhes bya ba'i bar du byang chub sems dpa' rnams kyis byin gyis brlabs pa'i don to/ /de la bdag gi rtsa ba'i rgyud ces bya ba ni 'jig rten pa'i lha de dag rtsa ba'i rgyud du gyur pa'i khro bo rnam par rgyal ba'i rgyud 'di nyid la bya'o/ /ci'i phyir de dag gi rtsa ba'i rgyud du gyur pa zhes bya zhe na/ dang por lha de rnams btul nas so so'i snying po dang/ phyag rgya la sogs pa'i cho ga'i rtog pa rnams lha so sos phul zhing smras te/ khro bo'i ?

  573. 287a

    bshad pas na khro bo rnam par rgyal ba'i rgyud nyid lha de dag gi rtsa ba'i rgyud ces bya'o/ /lha de dag gi rtog pa dngos ni rgyud chen po las 'byung ste le'u stong pa 'di las mi 'byung ngo ste/ /khro bo rnam rgyal zhes bya 'di/ 'jig rten 'das dang 'jig rten pas/ /bros pa zhes pa ni/ khro bo rnam par rgyal ba'i rgyud chen po de/ byang chub sems dpa' sa la gnas pa dang/ phyag na rdo rje la sogs pa dang/ 'jig rten pa'i lha ma srin mthu bo che rnams khro bo'i/ 'khor na bzhugs pa rnams kyis sngon yang khro bo rnams phyag byas shing khro bo de'i zhal nas/ ji skad gsungs pa bzhin du phyin ci ma log par thos nas kyang zhes pa ste/ de gsungs pa sngon ni phyag byas khro bo yi/ /zhal nas ji bzhin thos nas kyang/ zhes gsungs so/ /khro bo nyid kyis gsungs pa'i rgyud dang/ byang chub sems 'di rtogs rnams kyis/ /snying rjes de bzhin rgyas pa dang/ /rnam pa mang pos byin gyis brlabs/ /zhes pa ni khro bo rnam par rgyal ba'i rgyud chen po gsungs pa dang/ yang khro bo'i cho ga rgyas pa dang/ rnam pa tha dad pa mang por bshad pa bzhin du/ sems can gyi don du 'gyur bar 'khor byang chub sems dpa' rnams kyis kyang de bzhin du byin gyis brlabs so/ /rgyud 'byung ba zhes bya ba'i skabs dang po la/ de ltar bsdus pa'i don rnam pa dgur phye ste bstan pa bshad zin to/ /de ni yi dags phal po che'i skabs la bsdus pa'i don rnam pa bco lngas bshad pa la/ mgo gleng ba dang/ sa brtag pa dang/ sa sbyang ba dang/ thig gdab pa'i rim pa dang/ phyag rgya la sogs pa dgod pa dang/ las kyi bye brag gis dkyil 'khor gyi tshad nges par bya ba dang/ mchod pa'i yo byad bsog pa dang/ phyag rgya la sogs pa bsam pa dang spyan drang pa sngar byas nas dad pa'i lha'i rang bzhin bsgom

  574. 287b

    pa dang/ mchod pa dang slob ma sngar btsud nas phyag rgya dang/ dam tshig bstan pa dang/ sngar dbang bskur nas gsang sngags sbyin pa dang/ bla ma la mchod pa dang/ slar mchod pa byas nas lha slar gtang ba dang/ de la mchod pa'o/ /de nas khro bo rnam par rgyal/ /'jam pa la khro bos bshad pa yi/ /zhes pa nas/ 'jig rten gsum po 'khrug par mdzad/ /yi dags mang po zhes bya ba'i/ /zhes bya ba'i bar du mgo gleng ba zhes bya'i don ston te/ de la yang gnyis te/ spyir gleng ba dang bye brag tu gleng ba rnam pa gnyis so/ /de la dang po spyir gleng ba ston te/ de nas khro bo rnam par rgyal/ /'jam dpal khro bos bshad pa yi/ /rtog pa smad du byung ba'i mchog /mdor ni rab tu bshad par bya/ zhes bya ba ni/ spyir gleng ba zhes bya ba bstan te/ de la khro bo rnam par rgyal ba'i rgyud 'phags pa 'jam dpal khro bos bshad pa 'di ni rtog pa rmad du byung ba'i mchog ces bya ste/ ci'i phyir rmad du byung ba zhes bya zhen/ sngags dang phyag rgya dang/ rdzas dag tu sbyor ba byas pa la dngos grub rab 'bring rnam gsum dang/ las rnam bzhi dang/ sgyu ma la sogs pa'i las ngo mtshar gyi ya mtshan dag ston pas rmad du byung ba zhes bya'o/ /de la 'jig rten pa'i lha so so'i snying po dang phyag rgya la sogs pa sbyor ba byas pa las kyi rmad du byung ba'i ya mtshan dag ston par byed/ de dag las kyang khyad par du bstan pas na mchog ces bya'o/ /ma 'ongs pa'i sems can spyod pa dman zhing blo zhan pa rnams la khro bo rnam par rgyal ba'i rgyud chen po stong phrag bcu gnyis po dang/ shlau ka stong phrag bzhugs pa zab cing rgya che ba ste/ shes rab rnam gsum gyi sgo nas de dag spyod par mi nus pas de nas mdo nyung ngur btus nas/ sems can so zhing de la 'jug par 'gyur pa'i don du khro bo rnam par rgyal pa'i rgyud kyi cho ga nyi tshe tsam zhing mdor bsdus nas bshad do/ /zhes pa'o/ de la 'di

  575. 288a

    yi dkyil 'khor ni/ zhes bya ba nas/ yi dags mang po zhes bya'o/ /zhes bya ba'i bar du bye brag tu gleng ba zhes bya ba'i don to/ /de la 'di yi dkyil 'khor ni/ /zhes bya ba ni 'di zhes bya ba ni rgyud 'di nyid kyi dkyil 'khor la bya ba'am/ yang na khro bo rnam par rgyal ba'i dkyil 'khor zhes bya ba'i don to/ /dkyil 'khor de yang ci 'dra ba'i ji lta bu zhig ce na/ gsungs pa dngos grub thams cad sbyin mdzad pa/ zhes pa ste/ 'o na dkyil 'khor de bris pa tsam gyi dngos grub stsol bar 'gyur ram zhe na/ ma yin te ji skad gsungs pa bzhin du dkyil 'khor bris nas de ltar spyan drangs te tshul bzhin bsgrubs na dngos grub stsol bar 'gyur ba la bya'o/ /der yang ma zad de/ 'jig rten gsum po 'khrug par mdzad ces pa te/ dngos grub bsgrub pa'i tshe sa 'og gi 'jig rten dang/ mi'i 'jig rten dang/ lha'i 'jig rten dang/ 'jig rten gsum po dag kyang 'khrug par mdzad do/ /zhes pa ste/ de dag ni dkyil 'khor gyi yon tan no/ /yi dags mang po zhes bya ba'i/ zhes bya ba ni/ dkyil 'khor de yi dags mang po'i dkyil 'khor zhes bya ste/ de la ci'i phyir yi dags mang po zhes bya zhe na/ dkyil 'khor 'dir yi dags mang po 'byung bas na yi dags mang po smos te/ dkyil 'khor nyid du yang be con phyag rgya 'dri ba ni nyung/ yi dags ni mang du 'bri bas na nyung ngu'i bzlas pa mang po smos te/ de bas na yi dags mang po'i dkyil 'khor zhes bya'o/ /yi dags des byang sems can 'dul ba'i dbang gi slad du ye shes kyi sprul ba yin par bshad do/ /thams cad du ni dkyil 'khor 'di/ /gnas ni gang du 'grub 'gyur pa/ /zhes bya ba nas/ gang du yid ni dga' bar yang/ /der ni dkyil 'khor rab tu bya/ /zhes bya ba'i bar du sa brtag pa'i don bstan te/ de la thams cad du ni dkyil 'khor 'di/ /gnas ni gang du 'grub 'gyur ba/ /zhes pa ni dus thams cad du dkyil

  576. 288b

    'khor gnas gang du byas na 'grub par 'gyur ba'i dkyil 'khor gyi gnas de sngags pas thog ma nyid du sa brtag par bya'o/ /zhes pa ste/ de bas na gsungs pa nyuM/ /sngags pas thog ma nyid du ni/ /de yi gnas ni brtag par bya/ /zhes gsungs so/ /de la thams cad du ni zhes pa dus thams cad du zhes bya ba ste/ dngos grub bsgrub pa'i gnas thams cad la bya'o/ /de la shing gcig ces bya ba ni shing rigs che ba a shwat+tha la sogs pa dang/ bod na shug pa dag la bya ste/ de lta bu'i shing gcig tu skyes ba la bya ste/ de yang shing skam po dang/ bkra mi shis pa'i skyon med pa shing gzhan gyi lo ma dang ma 'dres pa snga dro phyi dro shing gzhan gyi grib mas mi phob pa'i shing gcig 'greng lo ma mang po mgo zlums por skyes pa la bya'o/ /gzhi mdo dang zhes pa ni/ rgyun lugs kyi lam po che bzhin rgya gram du yod pa la bya'o/ /mu gnyis dang zhes pa ni/ chu rlung 'bab pa'i pha rol tshu rol gyi 'gram gnyis las gang yang rung ba'i 'gram du bsgrub pa la bya'o/ /rnam pa gcig tu na chu bo gnyis 'bab pa'i bar gyi mdo la bya ste/ de yang g.yas g.yon nas 'bab pa'i 'gram dang nye ba'i bar gyi mdor gnas te bsgrub par bya'o zhes pa'o/ /thibs po stong pa lam srang rnying/ zhes pa ni nags tshal stug po mi la sogs pas mi thar ba tsam gyi chod kyi nags tshal la bya ste/ thibs po la yang bya ste der gnas te/ bsgrub pa dang/ de lta bu'i gnas na yang mi dag med par gnas par bya'o/ /sngon gyi lam srang rnying pa'i gzhi mdo de dag du yang bsgrub cing gnas pa la bya'o/ /lha chen gyi ni gnas kyang rung/ zhes pa ni/ mahu de ba'i rten gyi gnas kyang rung/ sngon mchod pa'i rten rnying po dag kyang rung ba'i gnas su bsgrub cing gnas par bya'o/ /khyad par du yang yul gtsang mar/ /gang du yid ni dga' bar yang/ /zhes bya ba la gnas ming gis bshad pa rnams la khyad par du yul me bag mad

  577. 289a

    pa'i yul gtsang ma gang du sngags pa yid dga' zhing dad pa'i gnas der dkyil 'khor bri'o/ /zhes pa'o/ /de nas rigs 'dzin nan tan gyis/ /sa ni rab tu sbyang byas te/ zhes pa nas/ ba'i lnga dag dang ldan pa yis// ba yi lci bas byug par bya/ /zhes pa'i bar du sa sbyang ba zhes bya ba'i don ston to/ /de nas rig 'dzin nan tan gyis/ /sa zhes bya ba ni sngags pa des sa gzhi ba tshwa med pa dang ma gas pa dang/ thag thug dang/ wang wung med cing mnyam ba dang/ sdong du ma la sogs pa'i zug du med pa'i gnas bzang po dag tu ji skad du gsungs pa bzhin/ sa brkos te slar sa gnyan bzang pos blugs pa la sogs pa tshul bzhin du bya'o/ /zhes pa'o/ /kha dog snum pa lhag par bzang zhes bya ba ni maN+Dal gyis gzhi bsnyams te/ shar dang byang mtho bar byas pa'i sa gzhi de lta bu'i kha dog sdug cing mdzes par byas na lhag par bzang ngo/ /zhes pa'o/ /ba yi lnga dang ldan pa yi/ /ba yi lci bas byug par bya/ /zhes pa ni/ ba ser mo'i lci ba gsher ba btsir ba'i khu ba dang/ 'o ma dang/ gcin dang/ mar dang zho dang/ 'di rnams lnga char snyams te/ ba'i lci ba dang sres pas maN+Dal la byug par bya'o/ /zhes pa'o/ /ci rigs par ni byug par bya/ /slob dpon gyis ni khrus byas la/ zhes bya ba nas/ nye ba yi ni mdzes byed kyang/ /mdzes byed dang ni 'dra bar bya/ zhes bya bas thig gdab pa'i rim pa'i don ston te/ de la ci rigs par na byugs nas kyang/ /slob dpon gyis ni khrus byas la/ /bsnyung pa byas te mnyam bzhag nas/ / khro bo'i bsrung ba byin gyis brlab/ /ces bya ba ni de la ci rigs par ni zhes bya ba 'og nas 'byung ba'i tshig gis dkyil 'khor nub mo bri zhes 'byung ba yang sbyar te/ de yang dus tshad med de gang du bri yang rung ngo/ /de la slob dpon nyid kyis

  578. 289b

    khrus byas la/ dkyil 'khor bri zhing slob ma dkyil 'khor du 'dzud pa'i tshe na zhag gcig bsnyung bar 'dug nas/ 'dod chags dang zhe sdang gti mug la sogs te/ de'i phyi rol gyi yul la rtog pa mi btang bar sems rtse gcig par mnyam par bzhag nas khro bo chen po'i skur bsgyur te/ yan lag lnga la sogs pa'i sngags kyis kyang sku'i yan lag rnams su byin gyis brlab bo zhes pas so/ /yi dags phal zhes bya ba yi/ /dkyil 'khor gsang mchog nub mo bri/ /zhes bya ba ni yi dags mang po'i dkyil 'khor gsang ba'i mchog de dus gang du bri zhe na/ nub mo bri zhes pa'o/ /ci'i phyir nub mo bri zhe na/ thams cad kyis mthong bar mi bya ba'i phyir yang nub mo bri ba dang/ byang chub sems dpa' nub mo lhag par byin gyis rlob pa'i phyir nub mo bri'i zhes ba'o/ /zar ma'i ras ma'i ras bal lam/ /thig skud sum sgril mdzos pa yis/ zhes bya ba ni dkyil 'khor thig skud smos pa ste/ de yang rgyu gang las bya zhe na/ zar ma'i ras sam ras bal gyi skud pa sum sgril du byas la thig skud bya'o zhes pa'o// grwa bzhi dang ni sgo bzhi par/ /mkhas pas dkyil 'khor thig gdab bya/ /zhes bya ba ni grwa bzhi sgo bzhi yod par dkyil 'khor thig gdab par bya'o/ /zhes pa ste/ de yang ji ltar thig gdab par bya zhe na/ gsungs pa/ thog mar shar dang byang nas ni/ /lho dang nub kyi bar du'o/ /zhes gsungs pa 'dis ni/ dkyil 'khor gyi thig 'debs pa'i tshe slob ma 'dug pa'i gnas bstan pa ste/ de yang gnas gang du 'dug par bya zhe na/ shar dang byang gi mtshams su ste/ a sha nar slob ma 'dug par bya ba dang/ lho dang nub kyi mtshams te bden bral phyogs su slob ma 'dug par bya ba ste/ ngos gnyis su slob ma 'dug ste thig gdab par bya'o/ /'o na slob dpon gnas gang du 'dug par bya zhe na/ shar dang lho yi mtshams dang ni/ /nub dang byang gi mtshams dag tu//

  579. 290a

    zhes pa ni slob dpon de shar dang lho'i mtshams su ste/ me'i phyogs su 'dug par bya ba dang/ nub dang byang gi mtshams su ste/ /rlung gi phyogs su 'dug par bya ste dkyil 'khor gyi thig gdab bo zhes gsungs so/ /de ltar slob dpon dang slob ma'i gnas pas bar gsungs pa las/ slob dpon gyi gnas gud du 'dug par mi bya'o/ /zhes ba'o/ /de ltar slob dpon dang slob ma gnas so sor 'chad par gsungs nas/ de nas phyogs dang mtshams kyi thig gdab par bya bar gsungs par shes par bya'o/ /de yang gsungs pa/ thig skud de ni phyogs mtshams gnas/ /de nas kyang ni dran par bya zhes gsungs te/ de bas na phyogs bzhir rgya gram du thig gnyis gdab pa dang/ mtshams bzhi nas thig gnyis gdab par bya ba ste/ de ltar rgya gram du sngar thig btab nas de'i 'og tu dkyil 'khor che chung tshad dang gnas 'gras 'byas med par thig gdab pa'i phyir/ thig gi tshed byas nas gru bzhi por gdab par bya ste/ de bas na gsungs pa/ thig gis rab tu tshang byas te/ /grub bzhi por ni thig gdab bo zhes gsungs so/ /thig gdab pa'i thabs 'di ni seng ge ltag 'og yan man ma nor te dkrus nas bsdus te/ thig gdab pa'i rim pa 'di ltar bya'o/ /zhes bya ba la slob dpon gcig 'chad pa yod de de ltar yang bya'o/ /yang kha cig 'di ltar yang 'chad pa yod de/ de la thog mar shar dang byang nas na/ /lto dang nub kyi bar du'o/ /zhes pa ni dang por thig gdab pa'i go rims bstan pa ste/ de la dang po shar phyogs ngos kyi thig gdab po/ /de nas lho phyogs ngos kyi thig gdab/ de nas nub phyogs ngos kyi thig pa dab bo zhes pa'o/ /de nas de'i 'og tu phyogs bzhi'i thig gnyis gdab pa dang/ mtshams bzhir thig gnyis gdab par bya ste/

  580. 290b

    de bas na gsungs pa/ thig skud de ni phyogs mtshams nas/ /de nas kyang ni drang bar bya/ zhes gsungs pas so/ shar dang lho yi mtshams dang ni/ /nub dang byang gi mtshams dag tu/ /zhes bya ba de ltar thig 'debs pa'i cha slob dpon gnas gang du 'dug pa'i bya ba'i gnas bstan pa ste/ shar dang lho'i mtshams te me lha'i phyogs su 'dug pa dang/ nu ba dang byang gi mtshams te rlung gi phyogs su slob dpon 'dug la thig gdab par bya'o zhes pa'o/ /slob ma'i gnas ni chad pa med de/ bskor zhing 'debs par zad do/ /dkyil 'khor che chung med pa dang/ ya yo dang 'gras 'grus med par thig gis tshar byas te/ de ltar thig ma 'grus par gdab par bya'o zhes pa ste/ de bas na gsungs pa/ thig gi rab tu tshad byas te/ /gru bzhi por ni thig gdab bo/ /zhes gsungs so/ /de la kha cig gis bshad pa/ /thog mar shar dang byang nas ni/ /lho dang nub kyi bar du'o/ /zhes pa ni/ spyir thig ji ltar gdab pa'i rtsis mgo ste /thog mar shar gyi ngos kyi thig gdag/ de nas nub kyi ngos kyi thig gdab pa ste/ de ltar thig gdab pa'i dgos pa yang gsungs pa/ thig skud de ni phyogs mtshams nas/ /de bzhin du ni drang bar bya/ /shar dang lho yi mtshams dag tu/ /thig gi rab tu tshang byas te/ /gru bzhi por ni thig gdab po zhes gsungs te/ de la shar lho'i mtshams su 'dug pa dang/ nub byang gi mtshams rlung gi phyogs su 'dug pa dang/ shar phyogs dang byang phyogs kyi ngos thig sngar gdab pa'o/ /lho dang nub gnyis su smos su zin kyang gong du smos pa'i sbyi'i rtsis mgo gdab par mngon pas lho dang nub gnyis kyang thig gdab par bya'o/ /thig gdab pa'i thabs dag ni gong du gnas bdag dang mthun par zad do/ /dkyil 'khor gyi ngos gcig gi tshod ji tsam yod pa las dgu char dgos la/ de'i cha gcig sgor dgod/ sgo de'i phyed kyi tshad

  581. 291a

    kyis sgo khyud kyi mang 'dren pa dang/ thad kar 'dren pa dag gis tshad kyang de dang 'dra bar bya'o zhes ba'o/ /rim pa gcig pa mdzes pa la zhes bya ba nas/ lhag ma rnams ni gcang par bya/ zhes bya ba'i bar du ni de ltar gong du dkyil 'khor thig gdab pa de yang rim pa gcig pa sgo bzhi btod pa la lho phyogs kyi sgo phye la/ sgo lhag ma gsum po rnams gcad pa'o/ /de la lho phyogs kyi sgo dbye ba yang sleb ma rnams de nas gzung ba'i phyir sgo dbye ste/ lho phyogs kyi sgo tshon gyi bcad la sngags dang phyag rgyas phye ste /slob ma bcug kyang rung/ yang na tshon mi dbye bar sgo phye la bya ste/ de gnyis ka ltar sgo phye yang rung ste/ slob ma gzung par bya'o/ /gong du smos pa'i las brgyad pa'i gang phyed kyang rung ste/ lho phyogs kyi sgor 'dug las bya'o/ /dkyil 'khor dang ni mtsham ba yi/ /dbus su pad+ma bri bar bya/ /padmo dang ni phyogs bzhi'i sgo/ /the tshom med par mnyam par bya/ zhes pa ni ya yo 'gra sa 'grus med par dkyil 'khor de re dmig dgur bgos la/ dbus kyi re dmigs la pad+ma 'dab brgyad pa bri'o zhes pa'o/ /de ltar re mig dgur bgos pa'i ngos bzhi dbus cha gcig gi tshad du bya'o/ /dbus kyi padmo de dang phyogs bzhi sgo byang thad sgor kha drang du 'beb par 'gras 'grus dang/ ya yo med par mnyam par bya'o zhes pa'o/ /mdzes byed sgo yi byed du bya/ /'gram ba 'dab ma'i tshad dang mnyam/ /nye ba yi ni mdzes byed kyang/ /mdzes byed kyang ni 'dra bar bya'o/ /zhes pa ni de ltar dkyil 'khor gru bzhi la sgo bzhi btong ba sgo khyud bcad ba dang bcas par byas la/ sgo btod pa ni kha drang du sro'i byang? thad gyis ma 'grus pa de'i po stong pa la mdzes byed ces bya'o/ /ci'i phyir na/ mdzes byed ces bya zhe na/ sgo'i sa stong pa des dkyil 'khor mdzes par byed pa 'am/ dkyil 'khor gyi rgyun du gyur pas na mdzes byed ces bya'o/ /mdzes byed de'i tshed ji tsam

  582. 291b

    du bya zhe na/ sgo'i phyed du bya zhes gsungs te/ sgo'i phyed kyi cha gcig gi zhing gis mdzes byed kyang de tsam du bya'o zhes pa'o/ /'gram pa ni sgo khyud du mar 'dren pa la bya'o/ /'dab ma ni sgo khyud dang zad kar drangs pa las sgo khyud du bya ba mar drangs ba de la'ang? ma? zhes bya ste/ sgo? khyu ru thad drangs pa dang/ skyo khyung du byar ma 'drangs pa gnyis kyi tshar kyang sgo phyed du zhes pa'o/ /de bas na gsungs pa/ 'gram pa 'dab ma'i tshad dang mnyam mo/ /zhes gsungs pa/ /rta babs la nye bar mjas byed ces bya ste/ de'i tshed ni ji tsam du bya zhe na/ de yang sgo'i byang thang du mdzes byed de'i tshad dang mnyam par bya'o/ /rta babs kyi rgyan du chu srin gyis brgyan par bya ste/ rgyan de dag kyang sgo'i dbab pa'i tshad dang mnyam par chu srin gyi brgyan rnams kyis rgyan par bya'o/ /de bas na gsungs pa/ nye ba yi ni mdzes byed kyang/ /mdzes byed dang ni 'dra bar bya/ zhes gsungs so/ /tshe ga bzhin du dkyil 'khor de/ /kun tu thig ni btab nas kyang/ zhes gsungs pa nas/ dur khrod thal bas dbar te bri/ /de phyir yi dags phal chen yin/ zhes bya ba'i bar du phyag rgya la sogs pa'i dgod pa'i don ston nye/ de la cho ga bzhin du dkyil 'khor de/ /kun tu thig ni btab nas kyang zhes ba ni/ slob dpon nyid khrus bya dang lha'i skur bsgyur ba la sogs pa cho ga bzhin du byas pas dkyil 'khor de gong du smos pa'i tshul du thig btab nas su zhes bya'o/ /de nas de 'og sngags pas dur khrod kyi/ /thal ba gcig bus dkyil 'khor bri/ /zhes pa ste/ de bas na gsungs pa/ phyi nas tshul bzhin rigs 'dzin gyis/ /dur khrod thal bas bri ba ni/ /zhes gsungs te/ de la bur khrod kyi thal ba ni mi ngo bsregs pa'i thal ba la bya'o/ / rtag tu shar byang la sogs pa/ /gru bzhi'i nang ni de dag tu/ /mkhas pas be con phyag rgya bri/ /zhes pa ni bsgrub pa 'am las gang byed kyang rung ste/ las de dag byed pa'i tshe rtag tu dkyil 'khor de'i nang gi shar byang gi mtshams dang/ shar lho la sogs

  583. 292a

    ba'i mtshams la nang rol gyi gru bzhir sngags pas be con gyi phyag rgya bzhi rung khrod kyi thal bas bri bar bya ste/ de yang ji lta bu bzhi bri zhe na/ byug pa'i mgo la kyu ru ra'i 'bras bu rgyas pa/ shun ba shus pa lta bu'i sul can zlum pos brgyan pa'i steng nas mi thod pa can gyi dbyug pa bzhin chang gzung can pad+ma'i steng na bzhugs pa bzhi char yang kha nang du bltas par bri'o/ /dbyug pa 'di bzhi yang Arya many+dzu sh+rI ya man+ta ka'i phyag rgya ste /de nas bris nas bsgrubs pa 'am las byed pa'i tshe phyogs bzhi nas byin gyis brlab cing gdon bgegs kyis mi tshugs pa'i phyir ro/ /phyogs kyi sgor ni yi dags bzhag/ ces pa ni/ phyogs kyi sgo bzhir yi dags re re ste bzhi bre zhes pa ste/ de dag kun kyang kha nang du bltas par bri'o/ / gzhan yang yi dags lnga pa ni/ /pad+ma'i steng du bsam bar bya/ /zhes pa ni gong du sgo'i yi dags bzhi po ma gtogs pa'i yi dags lnga po de'i dbus kyi pad+ma 'dab ma brgyad pa'i steng du bsam par bya'o/ /zhes pa ste yi dags de yang glo g.yon pa pad+ma la phab ba ste/ mgo shar du bstan pa/ gdong lho phyogs su lta par bri'o/ /de la bsam pa ni ri mo bris la byas pa na/ bsam pa gcig pu mi bya bar dur khrod du thal bas phyi'i ri mo yang bya'o zhes pa ste/ phyag rgya'i mtshan ma pa kun la de bzhin du spang? bar bya'o/ /de bzhin phyi sgo'i nang dag tu/ /phyogs rnams de dag thams cad du/ /zhes pa ni gong du yi dags bri ba der yang ma zad de/ de gzhan de bzhin du dkyil 'khor du sgo'i nang be con bzhi'i bar bar du phyogs bzhi'i gnas de dag thams cad du be con no thug thug tu ? mgo? med pa dang/ yi dags gnyis spel zhing dur brod gyi thal bas ji tsam shong shong du dngar te bri'o zhes pa ste/ de bas na gsungs pa/ mi ro mgo med yi dags rnams/ /dur khrod thal bas dbar te bri zhes gsungs so/ /dkyil 'khor

  584. 292b

    de'i ming yang de'i phyir na yi dags phal po che'i dkyil 'khor yin zhes pa ste/ de bas gsungs pa ste/ de phyir yi dags phal che ma yin/ /zhes gsungs so/ /khru gang la sogs rim pa nas/ /khru brgyad pa yi rim pa ste/ /de las lhag par yongs ma gsungs/ zhes pa ste/ khru brgyad pa ni dngos grub kun/ /spyin byed mchog tu shes par bya zhes bya ba'i phyir du las kyi bye brag gi dkyil 'khor gyi tshad nges par bya zhes pa'i don te/ de la khru gang la sogs rims nas/ /khru brgyad yi bar du ste/ dgu pa'i dkyil 'khor yong mi bri/ /zhes pa ni 'og nas 'byung ba'i las rnam la dkyil 'khor so sor bya ba'i tshad kyang khru gnag nas khru gsum pa la sogs pa yan cad bri bar bya ste/ de las lhag par yang mi bri zhes pa'o/ /rtag tu bdag nyid mchod pa ni/ khru gang bar ni bri bar bya zhes pa ni/ bdag sngon du sngar bsnyen ba'i tshe 'am mchod pa dag byed 'dod pa'i tshe gong du bshad pa bzhin du dkyil 'khor bris la/ ngos bzhi la ngos gcig gi tshad bru gang bar bri zhes pa'o/ /las rnams so so la dkyil 'khor gyi tshad mi mthun par gsungs pa yang/ las gces rim mam/ che rim gyi dkyil 'khor gyi tshad kyang de bzhin du shes par bya'o/ /zhi ba dang rgyas pa dang/ mi skyong bsgrub pa khru dor bya/ zhes pa ni zhi ba dang/ rgyas pa dang/ rgyal po dbang du bya ba'i phyir/ de dag sgrub pa'i dkyil 'khor gru bzhi ngos gcig gi tshad la khru ngo par bya'o zhes pa'o/ /khru ngo man can khru brgyad yan chad gang yang rung ste/ gcig gi nang du slob ma rnams gzung bar bya'o/ /de ltar yang gang rung mod kyi/ khru brgyad pa'i dkyil 'khor nyid du slob ma rnams gzung bar bstan to/ /sems can kun ni bskrad pa dang/ de bzhin bzhi la khru gsum pa/ zhes bya ba de lha 'dre dang mi la sogs pa rnams gnas nas bskrad par bya ba dang/ gnas de nas gtan med

  585. 293a

    par bya ba 'am/ phung bar bya ba'i phyir dkyil 'khor khru gsum bar bya'o zhes pa'o/ /khru bzhi dbang dang dgug pa la/ /las rnams kyi ni mchog tu gsungs zhes bya ba ni dbang du bya ba dang/ dgug pa'i phyir dkyil 'khor gru bzhi par bri ba ni las rnams kyi mchog tu gsungs zhes bya'o/ /khru lnga nad dang mi nad dang/ dgra rnams med par gsal ba'i mchog /ces bya ba ni/ nad phran tshigs dang/ mi nad chen po klungs pa byung ba dang/ dgra rnams med par gsal bar bya ba'i phyir dkyil 'khor khru lnga par bya ba ni mchog ces bya'o/ /khru drug bgegs rnams thams cad dang/ /gdon bgegs nges par zlog par byed/ /ces bya ba ni/ gdon bgegs rnams nges par zlog par bya ba'i phyir/ dkyil 'khor khru drug par bri bar bya zhes pa'o/ /khru bdun pa ni lha yi rnams/ /dbang du dgug pa'i las rnams byed/ ces bya ba ni/ 'jig rten pa'i lha rnams dgug pa dang/ dbang du bya ba'i phyir dkyil 'khor khru bdun par bya'o zhes pa'o/ / khru brgyad pa ni dngos grub kun/ /sbyin byed mchog tu shes par bya'o/ /zhes pa ni/ dngos grub rab 'bring rnam pa gsum la sogs ba kun sbyin bar byed pa'i mchog tu gyur pa ni dkyil 'khor khru brgyad par bri'o/ /zhes pa'o/ /las 'di rnams so sor byed pa'i tshe/ dang por dkyil 'khor lan gcig bris nas las de grub grub tu bzhag pa 'am/ yang na ri mo de mi mngon zhing rnying par gyur na skabs su rje bar bya ba ni spyi'i rgyud dang sbyar zhing gar legs par bya'o/ /de ltar ci rigs bris? ni/ /de nas gtsong mas nye reg bya/ /zhes pa nas/ gtor ma nya dang sha la sogs/ /spyar thug la sogs lhag ma dbul/ /zhes bya ba'i bar du mchod pa'i yo byad bsogs pa zhes bya ba'i don to/ /de ltar ci rigs par ni bris nas ni/ /de nas

  586. 293b

    gtsang mas nye reg bya/ /zhes pa ni de ltar gong du smos pa'i dkyil 'khor rnams las gang yang rung pa gcig ci rigs par bris nas/ de'i 'og tu phyi nang bcas par gtsang ma'i slob dpon de yang sngags dang phyag rgya nye reg bya ste/ 'og nas 'byung pa'i mchod pa'i yo byad kyi tshogs rnams sog par bya'o zhes pa'o/ /mchod pa'i yo byad de dag kyang dkyil 'khor bris pa'i 'og tu 'dod 'phral la btsal zhing bsogs pa la mi bya'o/ /mchod pa'i yo byad la sogs pa 'di dag kyang dkyil 'khor ma bris pa'i sngon rol nas snga nas btsal zhing bsogs pa la bya'o/ /chu yi phyir ni chu yi snod/ /chus ni rab tu dgang bar bya/ /zhes pa ni slob ma dbang bskur ba'i bum pa chu dang/ arga dang bsang gtor bya ba la sogs pa ste/ ji tsam du chu'i snod du bya ba de dag so so gang rigs pa snod gtsang ma'i snod du dri'i chu la sogs pas rab tu dgang bya'o/ /zhes pa'o/ /de bzhin me tog don du yang/ /me tog sdug gu dri zhim dang/ /me tog dreng bas snod mchog gzhan/ /legs bar gang zhing mdzes par bya/ /zhes pa ni/ me tog gi don du me tog kha dog sdug cing dri zhim pa'i sil mas mchod pa dang/ slob ma dbang bskur bar dgongs pa'i phyir me tog de lta bu las me tog gi phreng ba byas pa dang/ gong du smos pa'i mchod yon gyi snod las gzhan pa rin po che la sogs pa la byas pa'i snod mchog gi nang du mdzes shing sdug par legs par dgang bar bya'o/ /zhes pa'o/ /gong du bshad pa'i dkyil 'khor dang las kyi khyad par las me tog rigs phye ba med de/ me tog 'di lta bu zhig ni dkyil 'khor thams cad la mchod pa'i tshe dbul bar bya'o/ /dri yi snod du tsan dan mchog /tsan dan dkar po dmar po blang/ zhes pa ni dri'i snod du tsan dan ste/ de yang dri chung zhing ngan pa dang/ rul ba la sogs pa skyon med pa tsan dan

  587. 294a

    bzang po mchog ces smos te/ des ni tsan dan gyi mtshan nyid bstan to/ /tsan dan dkar po dang dmar po gnyis blang zhing bsogs par bya'o/ /de yang tsan dan dkar po ni zhi ba dang/ rgyas pa dag gi tshe sbyar/ /dmar po ni dbang dang drag shul spyod pa dag la sbyar bar bya'o/ /a ka ru dang sbyar ba yi/ /gu gul bdug pa'ang de bzhin no/ /zhes pa ni a ka ru dang gu gul du sbyar ba'i bdug pa'ang de bzhin du dbul bar bya'o zhes pa'o/ /mar me mar gyi mar me dang/ zhes pa ni de la mar me gang gis bya zhe na/ mar gyi mar me dang zhes pa ste/ de yang ba mar las mar me bya'o zhes pa ste/ mkhas pas snying po 'jam pa'o zhes pa ni snying po de yang 'jam 'jur med cing thag thug med par ras gtsang ma las byas pa snying po de yang 'jam zhing mnyen pa dang/ legs par bkal par sngags pas bya'o/ /zhes pa'o/ /drag po yi ni las dag la/ /mi yi tshil gyis bya bar bshad/ /ces bya ba ni drag shul spyod pa'i me mar gyi snying po dang dur khrod kyi ras la bya'o/ /drag shul spyod pa'i las la mar me yang mi'i tshil bu gzhu bas mar me bya'o zhes pa'o/ /dbang la til mar bya bar bshad/ /gtor ma nya dang sha la sogs/ /sbyar thug la sogs khyad par dbul/ /zhes pa ni/ gong du bshad pa'i las gang byed kyang rung ste/ mchod pa'i bshos dag dang/ gtor ma la sogs pa bya ste/ de la gtor ma zhes bya ba ni lha bshos la yang bya/ /gtor ma dngos la bya bas na/ da 'dir yang lha bshos su 'byor pa dkyil 'khor du dbul ba dang/ phye zan gyi gtor ma yang bya'o/ /nya dang sha la sogs pa ni sha dang nya btsos pa dang/ ma btsos pa dag las mchod par dbul gtor ma yang bya'o/ /de la sogs pa'i tshig gis ni/ /bshos dang gtor ma dang/ sha dang sbyar thug med du mi rung ba la gtso bor smos su zad do/ /de las gzhan

  588. 294b

    ba'i 'byor ba'i gtor ma yang bya'o/ /sbyar te dbul zhing gtor ma yang bya bar bshad do/ /'bras dang mon sran gre'u dang/ til dang gsum gzhi 'o ma las blangs pa'i sbyar thug yang khyad par yang dbul bar bya'o zhes pa ste/ de bas na sbyar thug la sogs lhag par dbul/ zhes bya ba gsungs so/ /de ltar da ni tshogs bsogs nas/ /de nas rig sngags 'chad pa yis/ /zhes bya ba nas/ de'i 'og rang gi sngags rnams kyi/ /byin gyis rlob tu gzhug par bya/ /zhes bya'i bar du phyag rgya la sogs pa bsam pa zhes bya ba'i don to/ /de la de ltar der ni cho gas bsags nas/ zhes bya ba la gong ma dang 'phro sbyar ba'i tshig ste/ gong du smos shing bshad pa ltar dkyil 'khor de'i nye 'khor du mchod pa'i yo byad kyi tshogs rnams bsogs nas zhes pa'o/ /byang chub sems la dmigs nas ni/ /zhes pa ni byang chub sems dang ldan par byas nas/ zhes bya ba'i don to/ /ri mo yi ni las rnams dag /gal te 'bri bar mi nus na/ /zhes pa ni gong du bshad pa'i dkyil 'khor der dbus kyi yi dags dag sgo bzhi'i yi dags dang/ be tsen gyi nang gi phyogs bzhir mgo med pa'i lus dang/ yi dags spel zhing bri bar bshad pa rnams ri mo dag ma shes te bri ba ma nas na phyag rgya bkod la bsam pa bya ba'i thabs bshad do/ /de la bsam par bya na dang por dkyil 'khor thig gdab pa dang/ sgo bzhi gdod pa dang/ dbus su pad+ma 'dab ma brgyad bri ba la sogs pa'i cho ga snga ma bzhin du bya ste/ sngags pa nyid lho phyogs kyi sgor 'dug ste/ phyogs bcu na byang chub sems dpa' rnams bzhugs pa la phyag btsal te/ byang chub kyi sems dang ldan par byas te/ yi dags dgod pa rnams 'og nas 'byung ba'i tshul du sems kyis bsam par bya'o zhes pa'o/ /yi dags phal chen dbus dag tu/ /pad+ma sngar ? rang yin la/ zhes bya ba ni dkyil 'khor de'i ming yi dags phal chen zhes

  589. 295a

    bya ba'i dkyil 'khor gyi dbus su pad+ma'i 'dab ma brgyad pa sngar bris pa gang yin pa de'i steng du sngags pas yi dags yid kyis bsam par bya'o/ /zhes pa ste/ de bas na gsungs pa de yi steng du yi dags ni/ /mkhas pas yid kyis bsam bar bya'o zhes gsungs so/ /de la dbus kyi yi dags ni glo g.yon pa 'og tu bcug la/ mgo shar du bstan te lho phyogs su lta ba'i tshul du bsam mo/ /de ltar yid kyis bsams pa 'ba' zhig gis mchog ste/ dbus kyi yi dags kyi sngags 'og nas 'byung bas yi dags de'i snying gar gsal bar bsams la/ bdag gis kyang sngags brjod de yi dags bsam par bya'o/ /de ltar byas na yi dags nyid der 'ongs pa dang 'dra bar 'gyur ro/ /zhes pa ste/ de bas na gsungs pa/ yi dags kyis ni sngags mchog gis/ /bsam pa dag ni byas nas kyang/ zhes gsungs so/ /gru'i dbyug pa skyu rur 'dra ba'i yid kyis brgyan pa'i mi'i thod pa can bzhi bsam pa'i sngags/ 'og nas 'byung ba rnams dbyug pa thod pa can bsams pa'i steng du gsal bar yang bsam zhing/ /sngags de dag kyang bdag gis brjod cing bsams na/ phyag rgya'i mtshan ma dbyug pa thod pa can de yang dag par gnas par 'gyur zhing byin gyis rlob par 'gyur ro zhes ste/ de bas na gsungs pa/ grwa yi dbyug pa bzhi po yang/ sngags nyid kyis ni bsam par bya/ /zhes gsungs so/ /dbus kyi yi dags dang grwa'i dbyug pa bzhi po dag dngos su ri mo 'bri nus te bris na yang bris pa de snying kha dang/ steng du gong du bshad pa bzhin du so so'i sngags bsam zhing/ bdag gis kyang sngags brjod de bsam par bya'o zhes bas ste/ de bas na gsungs pa/ gal te 'bri bar nus na ni/ /sngags nyid steng du bzhag par bya/ /zhes gsungs so/ /de yang dag par gnas par bya ba'i phyir de ltar bya'o zhes

  590. 295b

    pa'o/ /sgo bzhir yi dags bzhi bo yang/ /gal te dngos su 'bri nus na/ yi dags dngos der 'ong zhing gnas par 'gyur ba dang/ byin gyis rlob par byed pa'i so so'i sngags bzhi po'i 'og nas 'byung bas yi dags de dag so so'i snying gar yang bsam/ bdag gis sngags brjod de bsams na yi dags de dag kyang yang dag par gnas par 'gyur ro zhes pa ste/ de bas na gsungs pa/ sgo yi yi dags bzhi po yang/ /dbus su 'dri bar ma nus na/ /de bzhin yi dags 'dzin sngags kyis/ /byin gyis rlob par byed par gsungs/ zhes bya'o/ /sgor yi dags dngos su 'bri nus su zin kyang so so'i sngags kyis byin gyis brlab par bya'o/ /da ni spyan drang ba sngar byas nas/ dad pa lha'i rang bzhin bsgom pa zhes bya ba bstan pa'i phyir/ de ltar cho ga bzhin bsams nas/ zhes pa nas/ /kha cig dag ni mche ba gtsigs/ /zhes pa'i bar du gsungs pa te/ de ltar cho ga bzhin bsams nas/ zhes pa ni dkyil 'khor bri ba'i yi dags dngos su 'bri nus sam mi nus kyang rung ste/ sngags brjod de bsams zhes pa ste/ dkyil 'khor gyi cho ga bzhin bris nas zhes pa'i tha tshig go/ mjug tu khro bo gshin rje gshed ces bya ba la sogs pa ni ri mo la sogs pa'i 'og tu khro bo nyid kyi sngags kyi le'u gsungs pa'i spyan drang ba'i sngags brjod de/ pad+ma'i snying por bzhugs su gsol zhes pa'o/ /yang na mjug tu zhes pa ni rig sngags 'chad dang por khro bo nyid du bsgoms nas yan lag lnga pa'i sngags kyis bsrungs pa'i 'og tu zhes pa'o/ /dad pa'i lha'i rang bzhin bsgom pa yang mdog dang/ mtshan ma dang/ zhal gyi dbyibs kyi dbye ba dang/ gsungs te go sla bas ma bshad do/ /de la khyad par ni kha cig bzhad pa zhes pa rtsa ba'i zhal te/ gad rgyangs chen po bsgrogs pa'o/ /kha cig zhi zhes pa ste steng gi zhal te rang bzhin tha

  591. 296a

    mal gnas pa'o/ /kha cig 'jigs par grad ces pa g.yas pa dang po ste zhal gyi dbyibs phyir dgrad pa'o/ /de'i gnyis pa'i zhal gdangs pa'o/ /ljags skyong pa ni g.yon dang po'o/ /mche ba gtsigs pa ni g.yon gnyis pa'o/ /de ltar snying po legs par ni/ /zhes pa nas/ me tog gis ni bkang ste gzhug ces pa'i bar du mchod pa zhes pa ston te sngags kyis spyan drangs pa mchod yon/ zhal bsil/ dri dang sbyar ba'i chus ya man+ta ka'i sar brjod pa'i cho gas zhabs bsil dbul lo/ /de nas dkyil 'khor dbus su yi dags kyi spyi bor dbus kyi yi dags dgug pa'i sngags brjod de/ me tog dmar po gtor te bzhugs su gsol lo/ /de nas sngags kyi le'u gsungs pa'i mchod pa'i sngags rnams kyi dri la sogs pa dbul zhes pa'i tha tshig go /rang gi snying po'i sngags kyis kyang/ zhes pa nas/ me tog dag gis dgod par bya/ /zhes pa'i bar du ni bsrung ba'i cho ga dag bstan te/ skabs 'di tshig lhag ma dag gis sngar gyi don bstan to/ /da ltar ci rigs mchod nas zhes pa'i 'brel pa ni/ me tog cho ga bzhin phul nas/ zhes pa'i tshig dang 'brel par shes par bya'o/ /de nas mar me rab 'bar ba/ /phyogs brgyad du yang dgod par bya/ zhes pa ni sngar gyis dkyil 'khor gyi phyogs mtshams su mar me 'bar ba brgyad bkod par bya ba de bdug pa'i rjes la dbul lo zhes pa'i tha tshig go /de nas gtor ma dbul te/ 'byung po gtor ma khro bo la/ /zhes pa'i gong du sngar bshad pa'o/ /khro bo la phul nas zhes pa dkyil 'khor gyi dbus kyi khro bo la 'byung po'i gtor ma phul nas so/ /yi dags phal chen gyis zhes pa la sogs pa ni grwa'i dbyug pa bzhi la gtor ma dbul ba dang/ dkyil 'khor gyi phyogs bzhir yi dags kyi phreng ba bkod pa la gtor ma dbul

  592. 296b

    ba'o/ /khro bo gtso bo'i phyogs te/ de nas yang ni bdug pa dbul zhes pa ni/ /gong du smos pa'i dkyil 'khor rnams las gang yang rung ba'i gcig tu be con la sogs pa'i mtshan ma'i phyag rgya dag bris shing mchod pa'i yo byad la sogs pas kyang/ de ltar mchod pa'i dkyil 'khor de yang khro bo rnams kyi gtso bo'i dkyil 'khor gyi bdag po gtso bo'i dkyil 'khor de la slob ma rnams dkyil 'khor du gzhug pa'i phyir dang por sna 'dren du lha la rgyab kyis ma phyogs par drang por thad kar sngon du bltas nas bdug pa dbul bar bya zhes pa'i don to/ /de yi phyi rol chu bcas snod/ /ces bya ba ni dkyil 'khor gyi phyi rol bdag gi g.yon rol tu dri'i chu dang ldan pa'i mchod yon gyi snod me tog dang ldan pa yang bzhag par bya'o zhes pa'i don to/ /me tog gis ni bkang ste bzhag ces pa la rnam pa gcig tu mchod pa bya ba'i phyir/ me tog gi snod bkang ba yang bzhag par bya'o/ /zhes pa'i tha tshig go /'di man chad ni slob ma sngar bcug nas phyag rgya dang dam tshig bstan ba zhes bya ba'i don to/ /cho gas khrus byas bsnyung ba yi zhes bya ba la sogs pa ni cho ga bzhin du khrus byas shing/ bsnyung pa byas pa'i slob ma gcig dkyil 'khor gyi drung du bkug nas/ de nas khro bo'i yan lag sngags rnams kyis slob ma de dag gnas lnga la sogs pa bsams te/ slob ma de gzi byin du bya'o zhes pa'i tha tshig go /khro bo yi ni snying po yis/ zhes bya ba la sogs pa ni de ltar slob ma bsrungs shing gzi byin can du byas pa'i 'og tu snying po 'bru bcu bdun pa 'am/ 'bru bdun pa gang yang rung ba gcig brjod nas/ lag pa gnyis thal mo sbyar te dam tshig gi phyag rgya 'chid du bcug nas dkyil 'khor du 'jug pa'i me tog lag tu sbyin no/ /slob ma de dar ram ras dmar pos mig dgab par bya'o/ /dkon mchog gsum ni dran byas te/ /slob dpon gyis ni gzhug par bya'o/ /zhes bya ba slob dpon

  593. 297a

    gyis slob ma de dkyil 'khor du 'dzud ba'i che slob ma de dag dkon mchog gsum gyi mtshan yang brjod du bcug la/ de dag gi yon tan yang rjes su dran par byed par bcug ste/ dkyil 'khor du gzhug par bya'o zhes ba'i tha tshig go/ rang gi snying pos me tog nyid/ /dkyil 'khor la ni dor du gzhug /ces bya ba ni dkyil 'khor du dor ba'i sngags kyang yi ge bcu bdun po brjod du bcug nas me tog dor du gzhug go zhes bya ba'i don to/ /de nas dbyug pa zhes bya yi/ /zhes bya ba la sogs pa ni de ltar dkyil 'khor du bcug zin nas/ de'i 'og tu mig phye ste slob dpon gyis dbyug pa'i phyag rgya slob ma la bstan par bya'o/ /dkon mchog gsum nam yang mi gtang ngo/ /snod ma yin pa dang/ phyi rol pa rnams la gsang ba lta bu dam tshig slob ma la sbyin par bya'o/ /da ni sngar dbang bskur nas gsang sngags sbyin pa zhes pa'i don ston to/ /khro bo gtso bo'i sngags kyis ni zhes bya de la sogs pa ni de'i 'og tu slob dpon nyid kyis slob ma la dbang bskur bar bya ste/ de yang sngags gang gis dbang bskur bar bya zhes na/ khro bo gtso bo'i sngags yi ge bcu bdun pas dbang bskur bar bya'o/ /yo byad ci 'dra ba dag gis dbang bskur bar bya zhes na/ dri'i chu'i bum pa me tog gis brgyan pa dang/ me tog gi phreng ba dag gis dbang bskur bar bya'o/ /ci'i phyir dbang bskur bar bya zhe na/ 'grub par 'gyur bar bya ba'i phyir dbang bskur te/ dngos su bsgrub pa'i dbang bskur ba la yang bya mod kyi/ skabs 'dir ni dam tshig gi dbang bskur bar bya'o/ /khro bo'i snying pos cho ga bzhin du de ltar dbang bskur nas/ de'i 'og tu rig pa'i dbang bskur bar bya'o/ /de yang slob ma dag la me tog dang/ bdug pa dag gis kyang mchod do/ /slob ma'i lag pa mi stongs shing/ bkra shis par bya ba'i phyir me tog gi phreng ba lag tu byin

  594. 297b

    nas/ rig pa'i dbang ji skad du gsungs ba'i tshul du sbyin par bya'o/ /de yang yi ge 'bru bcu bdun gyi sngags sbyin pa la bya'o/ /da ni bla ma mchod pa zhes bya ba'i don ston to/ khro bo yi ni snying po mchog/ 'di ni 'og ma'i tshig 'og ma dang 'phro sbyor ba tsam du smos par zad do/ de nas de ltar mnos nas ni/ /zhes bya ba la sogs pa ni slob ma gong du smos pa ltar rig pa'i dbang bskur te/ de'i 'og tu slob ma des bla ma la phyag byas nas bdag gis nyams kyis ci nus ci 'byor pa'i mchod yon dbul zhing mchod bar bya ba'o/ zhes bya ba'i tha tshig go /sngags pas bla ma mchod byas na/ /dngos grub thob 'gyur gzhan du min/ /zhes bya ba ste/ de ltar bla ma la mchod pa byas nas ni de'i dgos pa bstan te/ slob mas slob dpon la sbyin pa'i sgo nas mchod pa byas na dngos grub thob par 'gyur gyi/ de ltar ma byas na dngos grub mi thob pa'o zhes pa'o/ /slob ma snying po byin nas kyang/ zhes bya ba la sogs pa ni de ltar slob dpon gyis slob ma de rig pa'i dbang bskur nas/ de'i 'og tu slob dpon gyis me tog dang me tog gi phreng ba dang/ tsan dan dang/ bdug ba la sogs pa'i mchod ba'i yo byad rnams kyis dkyil 'khor gyi lha mchod nas dri'i chu me tog la sogs pa dang ldan pa'i mchod yon slob dpon gyis dkyil 'khor gyi phyi rol tu sngar bzhag pa'i snod de blangs te mchod yon til dang 'o ma dang/ ga pur dang/ me tog tu ldan pa dbul bar bya'o/ /sngags dang phyag rgyas slar yang gtang/ zhes bya ba'i don to/ /gtang nas de'i 'og tu ni/ /dkyil 'khor du yang mchod yon dbul/ /zhes bya ba la sogs pa ni slar gtang ba'i 'og tu gshin rje'i dbyug pa dang/ yi dags kyi phyag rgya'i mtshan ma la yang mchod yon dbul zhes bya ba'i don to/ /rgya chen sa yi dkyil 'khor ni zhes bya ba la sogs pa ni dkyil 'khor yangs pa rgya chen po 'di'i steng na mnyam pa med pa'i dngos grub 'dod pa'i rig sngags

  595. 298a

    'chang gis tshul de ltar rtag tu mchod pa legs par bya'o zhes pa'o/ /de ltar mchod pa bya ba yang dkyil 'khor de nyid du mchod pa de ltar bya ba dang/ gong du mchod pa'i dkyil 'khor 'byung ba de'i sngon du bsnyen pa byed pa'i tshe bris te mchod pa dang/ skabs skabs su mchod pa'i dkyil 'khor de'i steng du mchod pa bya'o/ /zhes pa'o/ gong du rgyud 'byung ba zhes bya ba'i skabs su gtogs bar skabs gnyis pa rdzogs so// //da ni gong du smos pa yi dags phal bo che dang/ phreng ba 'ang de'i yan lag tu gtogs pa'i sngags rnams 'byung ngo/ /de nas gzhan yang sngags 'byung ste/ zhes bya ba ni gong ma las gzhan pa'i skabs 'byung ba la bya'o/ /dbus kyi yi dags kyi'o zhes bya ba ni dkyil 'khor gyi dbus ma yi dags dgug pa'i sngags kyang yin te/ yi dags kyi mgor me tog dor ba'i sngags nyid do/ /yi dags gdong za ba'o/ /'di ni grwa'i be con bzhi'i sngags so/ zhes pa ni yi dags kyi mgor me 'bar ba can no/ /oM pre to la ka ya hUM phaT ces pa ni yi dags gsal ba'i sngags so/ /oM pre ta b+hi ba man ha ka hUM phaT ces pa ni yi dags 'jigs gsod pa'i sngags so/ /oM pre ta rdzwa la hUM phaT ces pa ni yi dags so/ /k+Shi phra phre toSh+ka ta hUM phaT ces pa ni myur ba'i yi dags phal po che'i sngags so/ /yi dags phreng ba'i zhes pa ni/ yi dags phreng ba'i sdug pa gsang ba sin bya gdon bsrung ba'i cho ga la dga' ba zhes bya ba'i don to/ /de dag ni yi dags kyi dkyil 'khor gyi sngags kyi tshogs sog zhes pa ni dbus kyi yi dags kyi sngags dang be con bzhi'i sngags la sogs te yi dags kyi dkyil 'khor gyi sngags thams cad do/ /sngags rnams 'byung ngo zhes pa ni yi ge 'bru bcu bdun pa dang/ mtshogs ma la sogs pa'i sngags 'byung ba la bya'o/ /kro d+ha ba ra

  596. 298b

    ping zhes pa ni khro bo'i mchog dpa' bo zhes bya'o/ /swa sa ma ye na a gats+tsha/ a gats+tshe zhes pa ni/ rang gi dam tshig gis gshegs su gsol zhes bya ba'o/ /oM A(rgyud 'grel): hUM snying po'o/ /i daM pre ta a sa nan/ yi dags kyi gdon dang/ yi dags phal chen 'di bsrung du gsol bsrung du gsol zhes pa'o/ /oM a kro te ka yan+ta ka/ khro bo gcig tu gshin rje gshed po zhes pa'o/ /ha na ma ta(rgyud 'grel): ny+dza hUM phaT/ rgyob cig /tshem cig tsham cig ces pa'o/ /'di ni khro bo'i rgyal gang gi rtog pa yin pa 'di'i sngags yi ge bcu bdun pa'o zhes pa ni yi ge 'bru grangs lhag chad du 'gyur du dogs pa'i phyir yi ge 'bru grangs kyi tshang nges pa smos so/ oM A(rgyud 'grel): hUM zhes pa ni khro bo nyid kyi snying po 'bru gsum pa'i sngags so/ /oM ka la hUM phaT/ ces pa la sogs pa ni/ snying kha dang/ mtshogs ma dang/ spyi'u btsug dang mtshon cha la sogs pa'i sngags yan lag lnga pa'i sdud pa'i tshig go zhes pa'o/ /oM dzwa la dzwa la ni zhes pa ni/ nu 'jing gnyis su bsams pas go dgos par 'gyur ro/ /oM be bas swa zhes pa ni lag mthil gnyis su bsam zhes pa'o/ /oM sa ya mi sha bya ba ha ri ya swAhA/ zhes pa ni dbus kyi khro bo chen po la sme gtor dbul ba'i sngags so/ /gtor ma sngar bshad pa'i nya dang sha la sogs pa dang sbyar thug gi gtor ma yang sngar bshad pa la bya'o/ / soM dib byan+na? b+hyo dza ni zhes pa ni/ dgra bzhi'i be con bzhi la lha bshos dbul pa'i sngags so/ /sme gtor la sogs te gtor ma phreng dag la sngags kyis gdab pa yang sngags 'dis bya'o/ /dbul ba'i sngags so/ /zhes pa ni lha bshos te/ sngar bshad pa yang bya'o/ /la li ni zhes pa ni dkyil 'khor gyi nang gi phyogs bzhir yi dags phreng bar bkod pa rnams la gtor ma dbul ba'i sngags so/ /gsum pa'o zhes pa ni 'di yan cad le'uAm skabs gsum ba rdzogs pa la bya'o/ /da ni gsang

  597. 299a

    ba'i mchod par gtogs pa'i skabs sam/ le'u 'chad de gsang ba'i mchod bar gtogs pa la don rnam pa bcu gnyis kyis bstan te/ gleng bslang ba sngar byas nas phyag rgya bcing ba'i rim pa dang/ phyag rgya'i mtshan ma dang phyag rgya bcing ba'i nges pa dang/ phyag rgya bcing ba'i gsang sngags dang/ phyag rgya 'di phan yon dang ri mo bri ba'i phyag rgya'i mtshan nyid dang/ ri mo bri ba'i nges ba dang/ phyag rgya bsgrub pa'i dkyil 'khor dang/ gsang ba'i mchod pa dang/ sngon du bsnyen pa'i cho ga dang/ gsang ba'i mchod pa'i sgo nas lam mang po bsgrub pa dang/ phyi'i mchod pa'i sgo nas mjug bsdu zhing phan yon smos pa'o/ /de dag kyang rim bzhin du sbyar te bshad do/ /gsang ba'i mchod pa'i le'u 'am/ skabs su gtogs na/ dang por be con gyi phyag rgya bshad pa 'byung ba'i phyir gsang ba'i mchod pa'i zhar la be con gyi phyag rgya sngar bshad de nyid dang por bshad nas de'i rjes la gsang ba'i mchod pa bshad de skabs sam/ le'u 'dir gsang ba'i mchod pa gtsor bshad ba'i phyir ro/ /da ni gleng bslang ba sngon du byas nas phyag rgya bcing ba'i rim pa zhes bya ba'i don bstan to/ /de nas zhes pa ni de ma thag tu 'das pa'i tshig bshad zin nas de las gzhan pa'i tshig gam don 'chad ba la bya zhes pa'o gzhan yang 'jam pa'i dbyangs kyis ni/ zhes ba ni khro bo nyid 'jam dbyangs yin te tha mi dad ces pa'o/ /khro bo dpa' bo gcig pu ni/ /zhes pa la khro bo nyag gcig 'khor ram lha phal pa gzhan dang ma 'dres shing btsan par bzhugs pa la bya'o/ /tshad med gzi brjid bdag nyid tshe/ /gzi brjid tshad med pa ni tshad med mthu stobs che ba la bya'o/ /de yi phyag rgya bshad par bya/ /zhes pa ni yon tan de lta bu dang ldan pa'i bdag nyid chen po khro bo de phyag rgya bshad par bya'o/ /zhes pa'o/ /dkon

  598. 299b

    mchog gsum gyi dam tshig ni/ zhes pa ni dkon mchog gsum yang de las mi 'da' ba 'am/ de'i bka' 'am des byin gyis brlabs pas na khro bo nyid kyang byin gyis rlob cing de las 'da' bar mi mdzad do/ /phyag rgyad yang thabs dang go rims ji ltar byas te gcing zhes na/ dang por sngar thal mo sbyar te/ dbul bar gzhag ste lha la mngon par bstan nas/ oM na mo bud d+ha d+harmA saM g+ha b+hya zhes pa'i sngags brjod de dgrol lo/ /de'i 'og tu phyag rgya bcing bar bya ste/ sngar byas nas zhes bya ba'i tshig des lag pa mdun du bzhag la phyag rgya bcing ba yang bya ste/ lag pa g.yas pa bdag gi snying ga'i thad kar bzhag la 'og nas 'byung ba'i cho ga bzhin du phyag rgya bcing bar bya'o/ /phyag rgya bcing pa'i mtshan nyid bstan pa yang/ rig 'dzin dag gis rtag bar ni/ zhes pa nas/ bzang po bcing zhes pa'i bar gyis bstan to/ /rig 'dzin dag gis brtag par ni/ zhes pa ni rig pa 'dzin pa'i sngags pa dag gis be con gyi phyag rgya bsgrub pa 'am/ be con gyi phyag rgya las byed pa de dag gis rtag par bcing ste/ bsgrub cing las bya'o/ mthe bong legs par spas pa ni/ /zhes pa ni nang du bcug ste sbas pa ni zhes pa'o/ /rab tu bsdams pa bzang po bcing/ zhes ba ni rab tu bsdams pa bcing zhes na de yang gang zhe na lhod lhod po mi bya bar bsdam mo/ /de nyid yon tan dang ldan ba'i phyir bzang po zhes pa'i tshig go /da ni phyag rgya bcing ba'i nges pa bshad pa yang/ cho ga zhes pa be con rgya zhes ba nas/ gzhan du nam yang mi 'tshang ngo zhes pa'i bar gyis bstan/ cho ga zhes pa be con rgya zhes pa la sogs ba ni sngags pas be con gyi phyag rgya de ltar bcings pa'i sngags gang dang sbyar te bcing bar bya zhe na/ snying po 'bru gsum po 'am/ rtsa ba'i sngags 'bru bcu bdun po 'am/ de gnyis gang rung ba zhig brjod cing/ be con gyi phyag rgya bcing par

  599. 300a

    bya'o/ /yang na de gnyis ma gtogs par logs shig tu sngags pas be con gyi phyag rgya'i gsang sngags 'og nas 'byung ba bzhin brjod cing phyag rgya bcing bar bya'o/ /sngags de ma gtogs par gzhan gang gis kyang be con gyi phyag rgya de bcing bar mi bya'o/ /zhes pa'i tha tshig go /de ni phyag rgya bcing ba'i gsang sngags bshad de/ de yang oM zhes pa nas phaT ces pa'i bar gyis bstan to/ /na ma sarba ta thA ga to zhes pa ni/ de bzhin gshegs pa thams cad kyi khro bo rnam par rgyal ba'i yi dags kyi mgo bo'i rtse la me 'bar bar bya ba'i don to/ /da ni phyag rgya'i phan yon bshad pa yang/ phyag rgya gcig pur gyur pa 'di zhes pa nas/ bdud rnams thams cad zhi bar byed ces pa'i bar gyis bstan to/ /phyag rgya gcig bur gyur pa 'di/ zhes pa ni phyag rgya grangs nyung du gcig pu yin ba la mi bya'o/ /be con gyi phyag rgya thams cad kyi gtso bo 'am/ mchog gam btsan par gyur pa gcig pu la bya'o/ /zhes bya ba'i don to/ /khro bo'i snying po sngags 'bar byed/ /ces pa ni phyag rgya de dang ldan na khro bo nyid dang snying? po 'bru gsum pa dang rtsa ba'i sngags yi ge 'bru bcu bdun pa yang gzi byin dang ldan zhing mthu can du gyur te las gang brtsams pa byed nus par 'gyur ro/ /yang rnam pa gcig tu phyag rgya de dang ldan par byas nas khro bo'i snying po dag 'bru gsum pa'i byin can dang ldan pa mthu can du gyur pa la bya'o/ /mtshon cha ma lus pa yi gtso/ zhes pa ni phyag rgya des mtshon cha'i phyag rgya thams cad kyi las thams cad kyang des mdzad pas na mtshon cha'i phyag rgya thams cad kyi gtso bo 'am/ mchog dam par gyur pa ni be con gyi phyag rgya'o/ /yang gcig tu na mtshon cha ma lus par gdengs par byed pa'am/ 'debs bar byed pa zhes kyang drang du rung ste/ be con gyi phyag rgya des mtshon cha'i phyag rgya rnams 'debs pa lta bu

  600. 300b

    dang gdengs pa lta bu 'am/ /'phen pa lta bur 'gyur ba'i phyir ro/ /bdud rnams thams cad bzhi bar byed/ /ces pa ni nad dang bgegs la sogs pa zhi bar byed pa'i tha tshig go /da ni ri mo bri ba'i phyag rgya'i mtshan ma nyid bshad pa yang/ ji ltar dkyil du bri ba zhes pa nas/ rang gi dkyil 'khor du bri'o zhes bya ba'i bar gyis bstan to/ /ji ltar dkyil 'khor du bri ba zhes pa be con gyi phyag rgya de dkyil 'khor du ji ltar bri bar bya ba de'i cho ga bshad par bya'o zhes pa'o/ /be con dbyug pa lta bu'i tshul/ zhes bya ba la sogs pa ni rgya gar skad du daN+Da zhes bya ste/ mdung shing dang dbyug ba tha mal la sogs pa la yang daN+Da zhes bya ste/ daN+Da de ni gzhan la mi bya'i dbyug pa'i lte ba'i rtse yid kyis phral dbus spom pa la 'jug kyang yid kyis zlum pa la phra ba chang zungs can du byas pa la be con zhes bya'o/ /be con gyi mgor mi thong bri'o/ /yi dags mang po rtag tu bri/ /zhes pa ni be con gyi mi mgo can gyi ri mo bri ba'i nges pa bshad de/ de yang phyag rgya gang du bri zhes na/ gong du sngar bshad pa'i yi dags phal po che'i dkyil 'khor du rtag tu bri bar bya zhes pa'o/ /de las gzhan du rnams kyang min/ /zhes bya ba ni yi dags phal po che'i dkyil 'khor du ma gtogs par gzhan gang yang/ be con gyi phyag rgya ste bri bar mi bya'o/ /rig 'dzin gyi ni cho ga bzhin/ /rgya 'di dur khrod thal bas so/ /zhes pa ni sngags pas cho ga bzhin du be con gyi phyag rgya ni mi ro bsregs pa'i thal bas bri par bya'o/ /yang na 'di nyid logs shig tu/ zhes pa la sogs pas ni yang na be con gyi phyag rgya de'i yi dags phal po che'i dkyil 'khor las logs shig tu nam gyi tshe bsgrub par 'dod pa'i sgrub pa pos be con gyi phyag rgya sgrub par 'dod pas sgrub pa'i dkyil 'khor du be con gyi phyag rgya bris te bsgrub par bya'o/ /de nas phyag rgya bsgrub pa'i dkyil 'khor bshad pa yang/ de nas phyag rgya bsgrub pa yi/ zhes pa nas/ phye

  601. 301a

    ste de nas mchod pa bya'o zhes pa'i bar gyis bstan to/ /de nas phyag rgya bsgrub pa yi/ /dkyil 'khor 'dir ni bshad par bya/ /zhes pa ni be con gyi phyag rgya bsgrub pa'i dkyil 'khor bshad par bya'o/ /grwa bzhi snga ma bzhin du ste/ zhes pa sngar bshad pa'i dkyil 'khor rnams las grwa bzhi gang yang rung ba gcig bya'o/ /yi dags phal chen 'dir yang bri/ /zhes pa ni sgrub pa'i dkyil 'khor 'di'i skabs su grwa bzhi dang phyogs bzhi rnams su be con gyi phyag rgya bri bar bya ste/ yi dags phal chen mi 'dris kyang/ /be con gyi phyag rgya bsgrub ba'i dkyil 'khor 'di'i rtsa ba'i phyi mor gyur pa yi dags phal po che'i dkyil 'khor yin pa ni be con gyi phyag rgya bsgrub pa'i dkyil 'khor la yang ming 'di skad ces bya ste/ dkyil 'khor de 'dir bri'o zhes pa'o/ /de yi dbus su be con bzhag/ ces pa ni be con gyi phyag rgya dngos su rdzas la byas te bzhag go /dkyil 'khor gyi dbus su pad+ma 'dab ma brgyad pa gcig dur khrod kyi thal bas bris la de'i snying po'i dbus su be con mi thod can mgo byang du chang zungs bdag la bltas par bri'o/ /phyogs brgyad rnams su 'di de bzhin no/ /zhes pa ni phyogs mtshams brgyad dang dbus su snying po la be con gyi phyag rgya dgu bris bas na/ be con gyi phyag rgya rgya'i dkyil 'khor zhes bya ste/ de lta bu'i tshul du gnas pas bsgrub par bya'o/ /be con gyi phyag rgya de dag kyang pad+ma'i gdan la bzhugs par bri'o/ /de bzhin du ni lho phyogs sgo/ phye ste de nas mchod par bya/ /zhes pa ni de dkyil 'khor de ltar bris la sgo lhag ma rnams bcad de lho phyogs sgo phye ba'i logs nas/ phyi nang gi mchod pa bya zhes pa'i tha tshig go /da ni gsang ba'i mchod pa bshad pa yang phyag rgya'i sngags ni ma lus pa/ zhes pa nas 'di las thams cad 'grub par bya'o/ /

  602. 301b

    zhes pa'i bar gyis bstan/ phyag rgya'i sngags ni ma lus pa/ zhes bya ba la sogs pa ni be con gyi phyag rgya'i sngags thams cad khro bo'i rgyal po'i sngags kyi bar du bcug ste/ de lta bu gi tshul gyis bzlas brjod byas na mnyes par 'gyur te 'grub pas na de nyid mchod par 'gyur ba yin no/ /da ni gsang pa'i mchod pa bshad de/ mchod pa rnam pa gnyis te phyi dang nang gi'o/ /de la phyi'i mchod pa ni thams cad kyi spyod yul du gyur pa'o/ /nang gi thams cad kyi spyod yul du mi 'gyur bas de nyid las gsang ba'i mchod pa zhes bya ste/ sngags rim par 'byung ba nyid las mchod pa'i rims kyis so zhes bya ba smos so/ /oM na mo bud+d+ha bya ba dang/ hUM phaT hUM zhes pa ni khro bo'i rgyal po'i sngags so/ 'di dag kyang be con gyi phyag rgya'i sngags dkyus ma nyid yin te spel zin to/ /be con gyi phyag rgya'i sngags dkyus ma nyid yin no/ /'di dag ni khro bo'i rgyal bo'i sngags yi ge 'bru gsum po'i bar du be con gyi phyag rgya'i sngags bcug ste bzlas so/ /'di ni khro bo rnam par rgyal ba'i gong du bcug pa'i be con gyi phyag rgya'i sngags so zhes ba ni 'di ni khro bo'i rgyal po'i sngags kyi bar du be con gyi phyag rgya'i sngags bcug ste bzlas brjod bya ba'i gsang sngags yin no/ /'di las thams cad bsgrub par bya'o zhes pa ni/ /sngags 'di'i 'og nas 'byung ba'i las rnam bzhi la sogs pa bsgrub par bya'o/ /da ni sngon du bsnyen pa'i tshe'i cho ga bshad pa yang/ de nas dngos grub kun gyi mchog ces pa nas hUM dang ldan pas bskul ba gzhan/ zhes pa'i bar gyis bstan to/ /de nas dngos grub kun gyi mchog /ces pa ni/ dngos grub bsgrub pa'i mchog tu gsungs pa ni/ sngon bsnyen pa byed pa'o/ /khro bo'i gtso bo'i de kho na/ /zhes pa ni khro bo'i rgyal po de kho na nyid mchod pa gsang ba'i mchod pa dang ldan pas be con gyi phyag rgya bsgrub pa'i

  603. 302a

    dkyil du bsnyen pa bya'o zhes pa'o/ /bsnyen pa'i sngags khro bo'i rgyal po'i bar du bcug pa'i be con gyi phyag rgya'i sngags nyid kyis bya'o/ /gsang ba'i mchod pa dang ldan pa'i/ /zhes bya ba la sogs pa ni sngon du bsnyen pa byas la sngon du bsnyen pa de yang thabs ji ltar bya zhe na/ sngar gong du bshad pa'i gnas dben pa gcig tu tsan dan dmar pos pad+ma mdab ma brgyad pa cig bris la/ mdab ma'i rtse mo brgyad du be con mi'i thod pa can brgyad bris la ri mo mi shes na ji ltar sems kyis de sam mo/ /be con khro bo'i bar bcug bri zhes pa ni pad+ma'i rtse mo brgyad pa be con brgyad pa bri ba dang/ dbus su be con gcig ste be con dgu bri ba ni be con gyis mgo la mi thod bris pa'i steng du yi ge hUM bsam ba 'ang bri'o/ /'bar du bcug gam sreg ces bya zhes kyang drang du rung ste/ dngos su na yi ge hUM thod pa'i steng du bri zhing bsam par bya'o/ /dbus su dgu ba bzhag nas ni/ /zhes bya ba la sogs pa ni dbus su be con gyi phyag rgya bri ba ni go rim bstan te/ de la dang po dbus kyi snying po la be con gyi phyag rgya dgu pa zhig bri/ de'i 'og tu shar phyogs nas lho phyogs logs su lha khang bskor ba'i tshul du bskor nas/ phyag rgya de nyid bsams kyang rung ri mo bris kyang rung ste/ /me tog re re blangs te de las sa bon hUM gis btab te/ be con gyi phyag rgya'i gnas gnas su dor zhing/ be con gyi phyag rgya rnams me tog gis dgod bar bya'o/ /be con kun gyi sa bon hUM/ /yi dags spyi bor bzhag par bya/ zhes pa ni be con dgu char gyi sa bon yi ge hUM yin te/ sa bon 'di be con rnams kyi mgo la mi thod yod par bsam bar bya'o/ /sa bon ni thams cad bskyed bar byad pas ni hUM 'di las kyang lha'i skur bsgyur ba dang/ dngos grub rnam gsum la sogs pa mthar bla na med pa 'byung tshul

  604. 302b

    man cad 'grub par byed pa yin pas na sa bon zhes pa'o/ /khro bo'i rgyal po'i bar du bzhugs pa'i sngags 'byung ba/ ci'i phyir bar du bzhugs pa dang bar du gzhugs pa'i phan yon rnams smos te/ thog par oM dang ldan byas te/ zhes pa ni khro bo'i rgyal po'i sngags 'bru gsum pa las be con gyi sngags kyi mgo la oM dang por smos pa ni mthu can nam gzi byin can du 'gyur ba yin pa'i phyir khro bo'i rgyal po'i sngags oM dang por smos so/ /oM na mo mchod par 'gyur/ zhes pa be con gyi sngags dkyus ma nyid yin te/ sngags 'dis ni 'phags pa mnyes ba 'am mchod par 'gyur ro/ /a ni khro bo rnam rgyal gyi/ zhes pa a 'di ni khro bo rnam par rgyal ba'i sngags yin te/ par dang por 'byung ba'i a la bya ste/ 'dis ni khro bo'i rgyal po'i sa bon la skal bar byed pa 'am/ spyan thabs su gzigs pa 'am/ dka' nan mdzad pa'i sa bon gyi dam tshig yin par bshad do/ /yang a de ni rgyal po lta bu'i bka' stsal pa 'am spyan thabs su gzigs pa'o/ /a de mi 'da' bar mdzad pa yang yin no/ /oM na mo bud d+ha d+harmA saM g+he pya/ /sangs rgyas kun gyis mngon par bstod/ /ces pa khro bo'i rgyal po'i sngags oM dang a gnyis kyi bar na sngags 'di 'byung ba ni be con gyi phyag rgya'i sngags nyid yin te/ sngags 'das ni sangs rgyas kun bsnyen nas legs so zhes bya ba la sogs pas bstod par mdzad do/ /be co rnams ni thams cad kyang/ /zhes pa be con bya ba rnam pa mang du 'drin te/ yi ge phreng ba la yang be con zhes bya/ be con gyi phyag rgya nyid la yang be con zhes bya ste/ /'di'i skabs su ni be con gyi phyag rgya'i sngags nyid la bya'o/ /rang gi rang gi de tshig bskul bar ldan/ zhes pa hUM ni be con gyi sngar sa kyis bskul ba 'am gzhan 'debs pa'o be con gyi sngags nyid kyi don khro bo chen po'i gzi brjid 'bar ba can zhes pa dag

  605. 303a

    kyang 'byung ba la bya'o/ thams cad rang gi dam tshig ldan/ zhes pa be con gyi sngags te rkyang pa ma yin te/ dam tshig hUM dang yang ldan no/ /de ltar ldan pa de rdo rje dang/ pad+ma'i sngags sam zhe na/ ma yin te/ de bzhin gshegs pa'i rigs las byung/ zhes smos so/ /be con gyi sngags rnams la khro bo'i rgyal po'i dam tshig gi sngags a ldan par byas na de ni de bzhin gshegs pa'i rigs las byung ba'i gsang sngags yin no/ /bskul ba'i tshig dang rab ldan zhing/ /zhes pa be con gyi sngags de khro bo'i snying pos bskul bar byed pa hUM dang ldan na be con gyi phyag rgya nyid kyi ljags skul ba'i tshig dang ldan par 'byung ba nyid la bya ste/ de yang sarba ta thA ga to kro d+ha bi dzA ya ag ne ral sogs pa'i sngags 'byung ba nyid la bya ste/ de yang khyod ni de bzhin gshegs pa thams cad kyi khro bo'i rgyal po yi dags kyi mgo la me 'bar ba can zhes bya ba la sogs pa'i bskul ba'i tshig dang ldan pa 'byung ba'i tha tshig go /khro bo'i lta bas brtags pa dang/ zhes pa khro bo'i rgyal po'i sngags a de khro bo dang sa bon hUM la gzigs pa 'am/ de mdzad pa'i spyan thams cad 'dra bar bzhugs pa de sngar bshad pa bzhin du de dang ldan par bya'o/ /de ltar bshad pa cis mngon zhe na/ 'og nas 'byung ba bzhin du byas na mngon no/ /kha cig na re/ a dang po ldan te khro bo'i lta ba dang yang ldan par bya ba yin zer ro/ /rang rang bskul mas bskul nas ni/ /zhes pa las rnam bzhi la sogs pa'i skul tshig la bya'o/ /khro bo'i rgyal po'i sngags dang be con phyag rgya'i sngags de ltar spel ba dang ldan zhing las rnam bzhi la sogs pa'i bskul ba'i cho ga dang yang ldan par bya ba zhes pa'i tha tshig go /de ma thag tu 'grub par 'gyur zhes pa be con gyi phyag rgya'i sngags zlos pa'i tshe ni yang don de lta bu yid

  606. 303b

    la mngon du byas te bzlas na las myur du 'grub bo/ /a 'di khro bo rnam rgyal gyi/ /khro bo lta bas bltas pa'o/ /zhes pa be con gyi sngags dag la'o/ /a 'di ni khro bo rnam par rgyal bas lta ba yin no/ /gong ma bshad pa de khro bo'i lta bas brtags te/ a de dang ldan pas na a de sbyin thabs su mdzad pas na/ rang gi dam tshig dang ldan bas/ zhes pa gong gi hUM thung ngu shos ni rang gi be con gyis phyag rgya'i sngags la bskul bar byed pa yin bas dam tshig dang ldan ba zhes bya'o/ /hUM dang ldan bas bskul ba gzhan/ /zhes pa be con gyi sngags ba mjug gi hUM ring po shos ni gong ma'i hUM thung ngu shos la bskul ba gzhan par zhes pa'o/ /zhi brgyas pa dbang dang dgug /ces pa nas gsang pa'i mchod par grags zhes pa'i bar du ni gsang ba'i mchod pa'i sgo nas las mang po bsgrub pa'i zhes bya ba bshad do/ /zhi ba la sogs pa'i las 'di dag be con gyi sngags la lta ba dang/ bskul mar ldan na las 'di dag byed do/ /ldang ba yi/ ni bskrad pa rnams/ /zhes dben byas shing bskrad pa'o/ /gsang ba'i mchod pa'i spyod pa yis/ /bdag gis mdor ni bshad par bya zhes pa be con gyi sngags dang/ khro bo'i sngags spel te bzlas na las drug pa 'di dag gsang ba'i mchod pa'i cho ga dang ldan par bsgrubs na de dag 'grub par 'gyur ba de shlo ka sum stong las mdo tsam zhig bshad par bya'o/ /sngags 'di dag sngar yang spel ba bshad na yang ci'i phyir bshad ce na/ las drug po de dag byed na so so'i bskul ba'i tshig gi khyad par mi 'dra ba rnams bshad dgos pa'i phyir sbar gong du bshad mod kyi/ sngags de dag spel zhing bar du gzhug pa'i dgos pa tsam zhig bshad do/ /de yi thog mar yi ge oM/ zhes pa be con gyi phyag rgya'i sngags kyi thog ma la yi ge oM yod pa ni khro bo'i rgyal po'i sngags te mthu can nam gzi can du 'gyur ro//

  607. 304a

    de las gzhan pa'i sngags spel byed ces pa/ na mo bud+d+ha/ d+harmA/ saM g+he b+hya(rgyud 'grel): zhes pa ni sngags spel zhing rgyas par byed pa'o/ /de bzhin gshegs pa'i dam tshig nyid/ /gsum pa yin par yongs su bsgrags/ zhes pa bar gyi a gnyis las dang po shos ni gong du sngags rnam gnyis las 'das pa gtogs pa de dang gsum ste/ de bzhin gshegs pa'i dam tshig gi sngags yin par bstan to/ /su yang mi 'da' ba' o/ /sngags kyis bskul ba'i tshig dag 'dir/ zhes pa khro bo chen po 'bar ba zhes bya ba dag 'byung ba'i be con gyis sngags la bya'o/ /dngos grub ster ba bzhi pa ste/ sarba ta thA ga ta zhes pa/ de nas sngags kyi rang dngos so/ zhes pa bar gyi a gnyis la be con gyi phyag rgya'i sngags la/ sarba ta thA ga ta kro d+ha bi dzA ya zhes pa la sogs pas bskul nas/ dngos grub ster bar mdzad par gtogs par bzhag pa'o/ /de'i 'og tu 'di la sogs pa'i sngags gong ma rnams ni be con gyi phyag rgya nyid kyi sngags so/ /mjug gi hUM ni khro bo yi/ /sngags ni 'phel bar byed par bshad/ /ces pa mjug gi hUM thung ngu shos ni sngags rnams 'phel zhing rgyas pa dang gzi can du byed do/ /de las gzhan ni khyad par du/ /rang gis bskul ba'i tshig gis byed ces pa la hUM thung ngu shos de las gzhan pa la mjug gi hUM ring po shos kyi ni/ dbang dang zhi rgyas la sogs pa'i las 'og nas 'byung ba rnams kyis bskul ba'i tshig dang ldan par byas na/ sngags rnams 'phel zhing rgyas pa dang/ gzi can du 'gyur ro/ zhes pa'i tha tshig go /dbang gi ngo bo smos pa ni/ zhes pa ni dbang du bya ba lha la sogs pa'i gang dang gang de'i ming nas brjod de de'i bskul tshig dang/ mdza' mar swAhA mthar sbyar te bzlas te zhes pa'o/ /phaT byung na be con gyi sngags nyams

  608. 304b

    par 'gyur bas ni dbyung bar hUM ring po'i 'og tu so so'i bskul tshig bcug ste nges bar bya'o/ /mi mthun par bshad pa ni 'og ma ltar mi rung ngo/ /gong du smos pa'i be con gyi phyag rgya'i sngags kyi mjug la hUM gnyis kyi bar na phaT yod pa ni drag shul gyi yin pas zhi ba dang/ rgyas pa dang/ dbang gi las rnams la ni mi sbyor ro/ /de ltar ma sbyar na yang be con gyis sngags bcad pa'i kha ma bskongs pa'i skyon du mi 'gyur zhes zer ro/ /zhi ba'i phyir ni bskul ba nyid mjug tu be'u shar brtag par bya/ zhes ba su la bya ba'i ming hUM gi 'og tu bcug pa de nas bskul ba'i tshig gzhug go /de bas na drag shul la sogs pa gang la sbyar ba la 'byung ba ni de bzhin du sbyar te las bya'o/ /de bzhin gshegs pa'i rigs las byung/ /zhes bya ba la sogs pa ni rgyas pa rnam pa gnyis te/ 'jig rten dang 'jig rten las 'das pa'i rgyas pa'o/ /de la 'jig rten las 'das pa'i rgyas pa bsgrub pa'i 'dod pas/ sa dang pha rol tu phyin pa dang mthar bla na med pa'i sangs rgyas su bsgrub pa man chad dang/ 'byor pa phun sum tshogs pa de las gong na med pa'i rgyas pa ni/ de bzhin gshegs pa'i rigs las byung ba ste/ de bsgrub par 'dod pas sngags 'di bzlas so/ /rgyas pa'i phyir ni sngon bzhin du/ /zhes pa la 'di ni 'jig rten pa'i rgyas pa'o/ /rgyas phyir bskul ba'i thog ma dang/ zhes pa g.yul las rgyal bar byed 'dod dam/ shags las rgyal bar byed bar 'dod na zhes pa'o/ /khro bo hUM ni tha mar sbyar zhes pa la sogs pa ni drag po'i tshig tu brad? do/ /gsang ba'i mchod ba'i cho gar grags/ /zhes pa'i gong du bshad pa'i tshul de lta bu dag gi gsang ba'i mchod bar yin no/ /da ni phyi'i mchod pa'i sgo nas mjug bsdu zhing phan yon smos pa zhes pa bshad de/

  609. 305a

    de ltar mchod pa'i rim pa der/ be con dag ni byas par 'gyur/ zhes smos te/ 'di ni gong du smos pa rnams kyi mjug sdud pa rnams kyi tshig ste/ de ltar ni be con phyag rgya maN+Dal der gsang ba'i mchod pa'i rim pa de byas pas rdzogs par 'gyur ba yin no zhes mjug sdud de/ be con gyis maN+Dal dag gis rdzogs so/ /gsang ba'i mchod pa'i sbyar ba yis/ zhes pa la sogs pa ni gsang ba'i sbyor ba dang ldan pa des na ji ltar 'dod pa'i las dang/ byed ces pa dang sbyar te/ de bzhin du phyi'i mchod pa me tog la sogs pa las so so'i kha dog dang ro tsam gyis ni mchod pa sbyar bas las byed do/ /bzlas pa byed kyang 'grub par 'gyur/ zhes pa la sogs pa ni bzlas pa'i grangs dang/ dus chad pa bzhin du ma bzlas kyang gsang ba'i mchod pa dang ldan na/ 'phral la byas kyang 'grub par 'gyur ro/ /bsnyan pa la mi bya'i/ 'phral gyi las la bya'o/ /ji skad bshad pa'i tshul dag dang/ zhes pa la sogs pa ni dbang du bya ba la sogs pa'i las de rnams ji skad bshad pa'i bzhin du gsang ba'i mchod pa'i sbyor ba de 'dra ba dang ldan pa nges ni/ tshes grangs dang/ skar ma dang/ nang kyi dus dang bsnyung pa dag kyang mi dgos par bsgrub pa des shes par bya'o/ /phyag rgya'i dkyil 'khor legs byas pa/ zhes pa la sogs pa bsgrub pa po de gsang ba'i mchod pa'i cho ga yang zhes be con gyi dkyil 'khor du yang legs par dbang bskur bas khrus la sogs pa ma byas pa dang/ ci 'dod dgu rang nyams su spyod ces pa'i don to/ /ci yang rung bar gtor ma dang/ zhes pa lha bshos dang gtor ma mchod pa'i yo byad 'di rung 'di mi rung gdam pa med do/ /gang gis zhes pa bsgrub pa gang gis bsgrub pa'i tshig dang ldan pa'i so so'i las bya'o zhes pa'i/ mchod pa byed pa zhes pa sngags

  610. 305b

    dang gsum kas mchod do zhes pa'o/ /byang chub ces pa bsgrub pa'o zhes pa'o/ /rab tu gus pa zla ba drug gis shis pa de 'dra ba'i tshul du zla ba drug tu gus pa'i sems kyis bzlas pa bya ba'i don to/ /de ni ci 'dod dgos pa rnyed/ /ces pa dbang du bya pa'i las la sogs pa 'di dag byed pa'i cho ga gong du smos pa'i las kyi dkyil 'khor de rnams las gang yang rung ba bsgrub pa'i dkyil 'khor de bris pa las bsgrub pa ni be con gyi dkyil 'khor du dbang bskur ba'i bsgrub pa pos las kyi dkyil 'khor ma byas kyang bskur ba'i tshig dang ldan pa'i so so'i las bya'o/ /bzhi pa'i las bshad pa rdzogs so// //da ni be con gyi phyag rgyar gtogs pa'i spyi'i rgyud las sgrub pa'i thabs gong ma las 'byung ba'i cho ga de dag 'dir bsgrub par bya'o/ /bsgrub pa la rnam pa gnyis te/ bsgrub pa sngags spel ba dang/ sngags ma spel bar tha mal par bsgrub pa'o/ /de la dang por ni sngags ma spel bar tha mas par bsgrub par bya'o/ /de la dkyil 'khor gyi cho ga bshad de/ de nas be con phyag rgya yi/ /zhes pa nas/ sngags de bsrungs te dbul bar bya/ /zhes pa'i bar gyis de la dkyil 'khor gyi cho ga bshad do zhes pa bstan to/ /de yi dkyil 'khor gnyis pa gzhan/ zhes pa la sogs pa ni be con gyi phyag rgya'i dkyil 'khor gong ma las gzhan pa'i dkyil 'khor gnyis pa de bshad do/ /dkyil na yi dags zhes bya la/ be con gyi phyag rgya bsgrub pa'i dkyil 'khor de'i ming yang dkyil na yi dags zhes bya ba'i dkyil 'khor ro/ /sgrub pa'i mtshan mo dur khrod du/ zhes pa bsgrub pa pos mtshan mo dur khrod kyi gnas su dur khrod kyi thal ba sngar smos pa'i bsgrub pa'i dkyil 'khor bri'o/ /sgo gzhan gcad la lho phyogs kyi sgo phye ste bsgrub pa dang mchod pa dag bya'o/ /dur khrod dag

  611. 306a

    gi thal ba yis/ /gru bzhi pa la sgo bzhi par zhes pa dur khrod rnam pa gnyis te/ ro bsregs pa'i dur khrod dang/ ro ma bsreg pa'i dur khrod de lta bu'i gnas su phyin te nyi ma ma nub par dkyil 'khor bris la/ nyi ma nub nas bsgrub pa la 'jug par bya'o/ /mi ro dang thod pa 'di dag kyang phyag rgya'i mtshan ma yin par shes par bya'o/ /mi ro ro smad dag dang ldan/ /zhes pa dkyil 'khor gyi dbus su pad+ma mdab ma brgyad pa bris la de'i dbus su mi ro/ mgo med pa'i ro stong shar phyogs su bstan pa rkang pa nub phyogs su 'dug par bzhag par bya'o/ /mi ro la yang thal bas ri mo bya'o/ /bla re rnga yab me long dril/ zhes pa zla ba dang zla ba phyed pa la bya'o/ /me tog phreng bas mdzes par byas/ zhes pa la sogs pa ni dkyil 'khor de nyid lha rdzas zhes bya ste/ bzang po zhes bya ba'i don to/ /dkyil 'khor bzang po'i nang rim gyis/ phyogs bzhir mgo lus tshangs pa'i yi dags gcig la gcig 'grel bar tshur 'khor bar bri'o/ /nang gi ngos bzhi dang gra bzhir yi dags ? ba brgyad bri ste/ des dkyil 'khor bris pa'i 'og tu dbus kyi yi dags kyis dur khrod kyi thal bas be con gyi tshad zungs kyis bdag la lta bar bri'o/ /dkyil 'khor gyi cho ga de dag kyang sngar bsnyen pa byed pa'i tshe ni cho ga 'di bzhin du dur khrod kyi thal pas bri'o/ /bsgrub pa'i tshe ni dkyil 'khor dur khrod kyi thal bas bris la yi dags dang/ thod pa rnams rnyed na cho ga bzhin du dngos su bzhag go /be con gyi phyag rgya yang gser dngul dang/ zangs dang/ lcags dang/ seng ldeng las legs par 'byung bas dngos su bzhag la bsgrub po/ /dkyil na yi dags zhes bya ba'i/ /zhes bya ba la sogs pa ni yi dags lte ba zhes bya ba'i dkyil 'khor thams cad 'grub par byed pa'i dkyil 'khor der khro abo'i rnal 'byor dang ldan pas mchod pa bya'o zhes

  612. 306b

    'og nas 'byung ba'i tshig dang sbyar ro/ /khro bo gtso bo'i phyag rgya yis/ mchod pa ji skad gsungs pa byas/ zhes pa bsgrub pa'i bdag nyid khro bo'i rnal 'byor dang ldan pas dkyil 'khor na yi dags zhes bya'o/ /dkyil 'khor de la mchod pa ji skad gsungs pa bdag gis mchod par bya'o/ /mchod pa la sogs pa bsnyen pa sngar byas nas da ni yo byad la sogs pa zhes bya ba bshad do/ /sme gtor thams cad sbyin nas ni/ zhes pa sha khrag la sogs pa'i sme gtor gyis dkyil 'khor kho ra khor yug phab ste/ mchod bar bya'o/ /gtsang ma'i cho ga bgos nas kyang/ zhes pa bsgrub pa bos phyi nang gi gtsang sbra dang ldan pa des khro bo'i skur bsgyur la cho ga la sogs pa'i sngags kyis kyang cho ga bzhin du bsrungs la sgrub pa pos sngar bsnyen pa 'bum bya'o/ /bsnyen pa bya ba'i sngags kyang be con gyi phyag rgya'i sngags khro bo'i rgyal po'i bar du bcug ste/ sngags spel ba ma yin pa sngar gong du phyag rgya bcings pa'i skabs su be con gyi phyag rgya'i sngags ma spel ba de nyid bzlas par bya'o/ /bsnyen pa'i sa ni gang yang rung ba'i gnas dben pa gcig tu bya'o/ /byas nas 'di dag brtsam par bya/ zhes pa sngar bsnyen pa 'bum byas nas/ de'i 'og tu yo byad 'di dag la sogs pa bya'o/ /shis pa thod pa bkab nas ni/ zhes pa la sogs pa ni rigs mthon po'i thod pa ma chag pa/ ma gas pa dung gi mdog 'dra ba phyi byang byas la bkra shis pa'i thod pa khrag gis bkang ba dang mi sha dag kyang bsog par bya'o/ /phyugs chen dag gi tshil bu las/ zhes pa la sogs pa ni mi'i tshil bzhu pa'i mar me dag kyang dkyil 'khor gyi phyi rim gyi phyogs bzhi dang mtshams bzhir bkod pa byas te/ de yang rtsa ba'i sngags kyis btab ste/ dbul bar bya'o/ /cho ga zhes pa de lta bur zhes pa nas/ mi 'grub pa'i las rnams kyang/ zhes pa la sogs pa'i bar gyis

  613. 307a

    sgrub pa pos sgrub pa'i mtshan nyid dang ldan zhing/ sngags pa sgrub pa'i cho ga de ltar brtsams nas grogs dang ldan pas bsgrub pa 'jug pa zhes bya ba bshad do/ /byas nas bsgrub pa la 'jug par bya/ /dpal ldan gos ni dmar po gyon/ /zhes pa bsgrub pos ras sam dar la sogs pa dmar po'i gos gyon pa'i dbang du bya ba'i don to/ /tsan dan dmar po bskus nas ni/ zhes pa bsgrub pa pos khrus byas nas/ lus la tsan dan dmar pos bsku'o// cung zad dag kyang mi byed par sgrub pa po dngos grub bsgrub pa'i las las gzhan ci yang mi byed par ro/ /mar gyis brgyad la gcig pus so/ /zhes mar gyi chos nyi shu gsum gyi nub mo mtshan gcig dkyil 'khor gyi mdun bsgrub po/ /tshes grangs kyis drag po dang sbyar ro/ /dpa' la sems drag mthu dang ldan pa yi/ /grogs ni gsum pa dag lhag tu/ /zhes ba grogs po gsum dang ldan par bsgrub par bya ste/ grogs po'i mtshan nyid kyang 'di dag grogs por bzung ngo/ /blo dang ldan pa sems drag cing/ /dbang po bsdams pa'i sgrub pa po/ zhes pa bsgrub pa po dag mtshan nyid 'di 'dra ba dang ldan zhing sems yul la mi spro bar bsdams pa/ yi dags dkyil gyi dkyil 'khor du/ /sgrub pa la ni 'jug par bya/ /grogs po gsum gyi mtshan nyid de 'dra ba dang/ sgrub pa po nyid kyis mtshan nyid de lta bu dang ldan pas yi dags lte ba zhes bya ba'i dkyil 'khor du sgrub pa la 'jug par bya'o zhes pa'o/ /de nas mtshan mo phyag rgya bcing/ zhes pa la sogs pa ni sgrub pa'i mtshan/ /mtshan mo khro bo'i rnal 'byor dang ldan par byas nas/ stan gyi steng du dang po skyil mo krung du 'dug pa la mi g.yo mi 'gul brtan par 'dug pa las be con gyi phyag rgya'i sngags lhag chad du

  614. 307b

    mi 'gyur bar bzlas/ /legs par bzlas so/ /rgyal na phyag rgya 'grub par 'gyur/ /zhes pa be con gyi phyag rgya 'grub par 'gyur ro/ /mi 'grub pa yi las rnams kyang/ zhes pa be con gyi phyag rgya grub zin phan chad bsgrub par dka' ba'i las rnams kyang/ de phan chad thogs pa med par 'grub par 'gyur ro/ /de nas thogs pa med par byed ces pa nas/ de nas bzlas brjod 'bum byas na/ zhes pa'i bar gyis 'di man chad bsgrubs nas mang po bya bar bshad do/ /de nas thogs pa med par byed/ 'jam pa'i dbyangs kyi khro bo yis/ /zhes pa khro bo'i rnal 'byor dang yang ldan la/ so so'i las kyi tshig dang ldan par byas te/ las byas na the tshom med par 'grub par 'gyur ro/ /ha na bi spho Ta b+hany+dza b+hany+dza/ zhes bskul ba'i tha mar hUM mdzad cing zhes pa rgya gar gyi yi ge las hUM bskul ba'i tshig gi mgor bzhag par drang duAng rung/ bskul tshig gi tha mar bzhag pa skad du drang duAng rung ste/ kha cig gis ni skul tshig mjug tu phyung ngo/ /kha cig gis ni bskul ba'i thog mar hUM phyung ngo// g.yon brkyang pa yi tshul gnas la/ zhes pa phyag rgya bsgrub pa des khro bo'i rnal 'byor dang ldan pas khros pas rkang pa g.yon brkyang la/ /g.yas pas bskum par bya ba ni las 'og ma la yang sbrar? bar bya'o/ /khros pas ri rtse bgrod dka' dang/ / zhes pa la sogs pa ni rnal 'byor pa ri'i rtse sus kyang ma mthong ba bgrod dka' ba rnams dang/ mkhar yang bya zhes pa'o/ /pu shu'i khang pa dang ra ba dag /skad cig dag gis rnyil bar byed/ ces pa de lta bu/ gcig gnyis ma yin na mang po yod pa rnams kyang thang cig gis rnyil bar byed do/ /da ra bi spho Ta b+hany+dza b+hany+dza zhes pa 'di dag ri 'am/ ra ba 'am/ gang la bya ba de be con gyi sngags kyi mjug la smos pa de'i mjug tu bskul tshig gzhug ste kun la yang de dang 'gre'o/ /lha ma yin gyi sgo/

  615. 308a

    de bzhin gzhan dang sa dag kyang/ zhes pa de bzhin du gnas pa gang yang rung ba dang sa dag kyang sngags pa ji ltar 'dod pa bzhin du 'gas par byed do/ /bskul nas tha mar hUM brjod na/ zhes pa la sogs pa ni be con gyi phyag rgya'i sngags tha mal pa'i dkyil na yang hUM 'byung la bskul ba'i tshig gi skabs 'dir yang hUM 'byung ba dang sbyar ba dang sbyar na/ so so'i las su sbyor ba'i tshe na hUM gnyis dgod pa dang 'dra zhe na/ hUM zhes bya ba ni sngags la bya ste/ sngags kyi mjug tu bskul tshig gzhug ces pa'i don to/ /mdor na hUM gcig brjod nas de'i tha mar bskul ba'i tshig gzhug par zad do zhes bshad de hUM gcig tu zad do/ /kha gcig na re de ltar ma yin te/ hUM gnyis dgos te hUM gcig bskul ba'i dang por bzhag /hUM gcig ni bskul ba'i tshig mjug sdud du gzhug go zhes bzhed do/ /ri mo la ni gnas pa bzhin/ /des par myur du gnon par 'gyur/ /zhes pa ni ri mo la bris bzhin du pha rol po'i sde rnams gnon par 'gyur ro/ /dpung rnams 'khrug par gyur ba la/ /khros na ngo mtshar ci zhig che/ /zhes pa pha rol po'i sde 'khrug par 'gyur nas so so gyes par byed do/ /phyag rgya bsgrub pa'i rnal 'byor pas las de dag byas na dngos grub thob pas las de dag ngo mtshar ci zhig che/ cho ga 'di ni glang po'i 'don/ zhes glang po che myos pa gnon pa'o/ /dpung dag rab tu 'chi bar 'gyur/ /zhes pa pha rol po'i dpung rnams zhes pa'o/ /gal te de ni ma grub na/ zhes pa ste/ gong du bshad pa sngags ma spel bas las 'grub par ma gyur na zhes pa'i don/ 'di yi sngon du bsnyen pa ni/ /zhes pa la sogs pa ni gong du bshad pa de ltar sngags ma spel ba'i tshul gyis las rnams bsgrubs to/ ma grub par

  616. 308b

    gyur na sngags pas legs par las rnams bsgrub par bya ba de 'chad de/ de la sngags pa 'di'i sngon du bsnyen pa bya ba yang sngar bshad pa bzhin du dkyil 'khor bris la sngags spel ba 'di nyid sngon du bsnyen pa 'bum bya'o/ /de nas bsnyen pa byas nas sngags pa des sgrub pa la 'jug go /bsgrub pa'i dkyil 'khor yang 'di nyid do/ /de ltar byas nas bsgrub pa zhes bya ba bshad do/ /spogs na mgo nas bsnyen pa brtsam/ /de'i tshe de bzhin gshegs pa yi/ /snga ma'i dam tshig bskul ba bzhin/ gong du bshad pa ltar las ma grub na de'i tshe de bzhin gshegs pa'i sngags kyi bar du gzhug cing bskul ba snga ma 'dra ba'i tshul gyis bya na/ zhes bya ba'i don to/ /de nas slar yang sngags rnams la/ thogs pa med par de bzhin sbyar/ zhes pa gong ma ltar byas te/ ma grub na sngags rnams kyi bar du gzhug pa dang/ bskul ba'i tshig gzhug pa la thogs pa med pa de bzhin du sbyar bar bya'o/ /phyag 'tshal ba dang kun tu ldan/ /zhes pa phyag btsal ba'i sngags la bya ste/ de yang na mo bud+d+ha/ d+harmA/ saM ga la bya'o/ /de yi thog mar oM bzhag la/ zhes pa phyag btsal ba'i mgo la oM bzhag go /oM zhes bya ba gzhan yang bzhag /ces pa phyag 'tshal ba'i gzhug la/ oM zhes bya ba gong ma las gzhan pa'i oM bzhag pa la bya'o/ /A(rgyud 'grel): zhes bya ba gnyis pa'i zhes pa de ltar A(rgyud 'grel): bzhag pa ma gtogs par de'i 'og tu A zhes bya ba bzhag go /de yi dam tshig mjug tu hUM/ zhes pa de ltar A(rgyud 'grel): bzhag pa'i 'og tu hUM bzhag go /'di ni khro bo'i rgyal po rnam par rgyal ba'i yi ge 'bru gsum po de ste 'di ni drag po'i tshul gyi yi ge 'bru gsum pa'o/ /bzhag ste de nas tshig rnams kun/ /de ltar kro d+ha bi dza ya ag ni/ /tshig rnams gzhan ni brjod par bya/ zhes pa de ltar bzhag pa'i

  617. 309a

    'og tu sarba ta thA ga ta zhes pa la sogs pa mjug gi /sngags shi ra zhes bya ba la thug gi bar gyi sngags rnams tshang par bzhag go/ de nas re yi tha mar hUM/ zhes pa de ltar bzhag pa'i 'og tu hUM bzhag go /de bzhin tshig gi tha ma oM/ /zhes pa de ltar hUM bzhag pa'i oM bzhag go /tha mar A(rgyud 'grel): bzhag de yi mthar zhes pa de ltar oM bzhag pa'i 'og tu A(rgyud 'grel): bzhag go/ de ni zhi ba'i tshul gyi yi ge 'bru gsum pa'o/ /hUM dang sa hi lan gnyis bsgom/ zhes pa de ltar A(rgyud 'grel): bzhag pa'i 'og tu hUM bzhag go /de ltar hUM bzhag pa'i 'og tu si sta si sti zhes bya ba bzhag la brjod ces bya ba'i don to/ /pra prung ta zhes bya ba lan gnyis bsgom/ zhes pa 'di ltar si sti zhes bya ba'i 'og tu pra prung ta zhes bya'o// de nas de bzhin gshegs pa yi/ /zhes bya ba la sogs pa ni de bzhin gshegs pas bskul ma mdzad cing bka' stsol pa ni yi ge A(rgyud 'grel): ste/ de yang khro bo'i rgyal po yi ge 'bru gsum po drag shul du gsungs pa'i 'og tu bzhag la bzlas na/ de bzhin gshegs pas khro bo la bskul bar mdzad pa yin no zhes bshad do/ /kha cig na re de ltar gong du sngags spel ba nyid du bzhin gshegs pa'i bka' stsal pas ni gong ma'i mjug sdud pa'i tshig tu zad do/ /zhes kyang kha cig 'chad do/ /de nas bzlas brjod 'bum byas nas/ zhes pa de ltar spel ba gong du bsnyen pa 'bum byas nas zhes bya ba ste/ tshig gnyis slar bzlas te gsungs par zad do/ /khro bo chen po de yi ni/ zhes pa de'i 'og tu sngags pa khro bo'i rgyal po chen po'i rnal 'byor dang ldan pa ji skad gsungs pa'i las ma grub pa de dag la bya'o/ /ji skad bskul ba thams cad kyis/ ma grub na ni nges par bya/ zhes pa'i bar gyis 'di man chad nas las mang po bya ba bstan pa'o/ /ji skad

  618. 309b

    bskul ba thams cad kyis/ /zhes pa la sogs pa ni/ /bskul ba'i tshig ji skad bcug ste de las bya zhes na/ sngags pa 'di nyid kyi mjug las sarba bud+d+ha zhes 'byung ba'i 'og tu che ge mo zhig ba sham swAhA/ che ge mo zhig shan+ti ku ru bo'u shad/ ces bya ba la sogs pa ji skad bskul pa rnams kyis las thams cad 'grub par bya'o/ /bka' bzhin byed de gzhan du min/ /de ltar byas na de bzhin du 'gyur gyi gzhan du mi 'gyur ro/ /gang gis sngon du bsnyen byas ba/ zhes bya ba la sogs pa ni sngags gang gis spel ba'i sngags pa 'di bsnyen pa 'bum byas la/ de nas sngags pa des sngags spel ba de nyid kyi mjug la las so so'i bskul tshig dang ldan pa'i cho ga dang ldan pas 'dis sngar ma grub pa'i las rnams the tshom med par bya'o zhes pa'i don to/ /da ni mtshan nyid yongs su rdzogs par byas nas nyes pa'i dmigs su 'gyur ba zhes bya ba bshad do/ /gzhan du sngags ni gzir byas na/ zhes pa la sogs pa ni gong du bsnyen pa ma byas par thog mar sngags spel/ 'dis las byas sam/ yang na sngags spel ba tha mal pas sngar yod las ma bsgrubs par thal byung sngags spel ba 'dis byas na sngags pa nyid 'chi bar 'gyur ro/ /khyad par du 'di dpa' bo ni/ /khro bo gtso bo snying po 'di/ zhes pa sngags pa de lta bur sngags spel 'di bzlas te/ las byas par gyur na khyad par du nyes pa 'di lta bu 'byung ngo/ /phyag rgya 'di dag gzir byas na/ /'gro ba ma lus 'khrug par 'gyur zhes pa gzir zhes bya ba ni khro bo'i rgyal po'i sngags kyi bar du be con gyi sngags bcug ste/ bzlas pa bya'o// 'di ni gang la bzlas pa yi/ /de yi mod la srog kyang 'phrog /ces pa'i bar gyis ni/ da ni phyag rgya'i mthus yon tan/ zhes pa bshad do/ /'di ni gang la bzlas pa yis/ zhes pa la sogs pa ni sngags spel ba 'di nyid yul gang du bzlas te las

  619. 310a

    byas na/ the tshom med par 'jig rten las 'das pa de dag kun gyis lus kyang zhig cing 'chad par 'gyur ro/ /zhes pa'i tha tshig go /phyag rgya 'di ni gzir na ni/ /zhes pa la sogs pa ni gzhan yang sngags spel ba 'di bzlas na ni/ khor khor yug tshun chad kyi sngags gzhan gyi yod pa de dag kyang mthu stobs chung zhing med par byed do/ /der yang ma zad de dgra rnams dregs pa yang med par byed do/ /'byung po zhes pa ste 'dre dang gzhan yang yi dags skrag par byed do/ / dga' bar byed ces pa khro bo'i rgyal po chen po yang mnyes par 'gyur ro/ /mthu yang skyed ces pa mthu byin yang skyed par byed pa/ /yi dags ro langs yi dags ni/ /zhes pa ro langs kyi gtor ma dang/ yi dags kyi grogs kun la yang zhes pa'o/ /de bzhin zhes pa gong ma bzhin du'o/ /khyed dang gnod par bskrad pa yang/ zhes pa byad ste ma la bya bar zad do/ /rgyal po dag ni skrag pa zhes pa'o/ /'jig par byed ces pa bskul ba'i tshig dang ldan par bzlas pas na de dag kun 'jig par byed pa'o/ /bgegs rnams thams cad zhi bar byed/ /'tshe ba thams cad med par byed/ ces pa la sogs pa ni nang du sdug bsngal thams cad kyis 'phongs pa med par byed pa la yang be con gyi phyag rgya sngags dang bcas pa de dag la drag por bsgrags so/ /skye bo dag la zhes pa/ be con gyi phyag rgya'i sngags dang ldan pas bstan pa zhes bya'o/ /gshin rje gshed bo sbyor na ni/ /zhes pa khro bo'i rgyal po'i sbyor ba dang ldan pa byas na zhes pa'o/ /'phrog ces pa bstan 'gro? de'i tho'o/ /mdor na snying po phyag rgya yi/ /zhes pa nas/ snying po dag gis sbyor bar bya/ /zhes pa'i bar gyis nga ni mjug bsdu bshad do/ /mdor na snying po phyag rgya yi/ zhes pa gong ma'i don bsdu ba'o/ /rtog pa rang gi dam tshig ldan//

  620. 310b

    khro bo'i zhal nas gsungs pa 'di/ /zhes pa gsal po 'di be con dang khro bo'i sngags dang ldan par zhal nas gsungs pa 'di zhes pa'o/ /gsang ba zhes pa snod ma yin pa dang dam tshig med pa la zhes pa'i don te/ gcig pu'i zhes pa 'khor med pa'o/ /zhes pa'o/ be con dang zhes pa/ phyag rgya dang zhes pa'i/ /snying po dag ces pa snying po 'bru gsum po zhes pa'o/ /lnga pa'i bshad zin to// //da ni ro langs mar gtogs pa'i le'u 'di la snying stobs can gyi bsgrub pa dang/ snying stobs can 'bring gis bsgrub pa 'bring dang/ snying stobs can ma yin pa tha mas bsgrub pa dang/ las sgrub pa dang rnam pa bzhi'o/ /de la snying stobs can gyis sgrub pa bcu ste/ skabs dbye ba sngar byas ste phyag rgya'i mtshan nyid bshad pa dang/ phyag rgya sbyar ba'i nges pa dang/ dkyil 'khor gyi cho ga dang/ mchod pa'i cho ga dang/ me'i cho ga sngar byas nas sbyin bsreg bya ba dang/ dngos grub bshad pa dang/ snying stobs can ma yin pas bsgrubs na nyes dmigs smos pa dang/ snying stobs can gyis bsgrubs pa'i phan yon bsngags pa dang/ sngags pa dang pa dang snying stobs can gyis sgrub pa'i phan yon mjug bsdu ba'o/ /snying stobs can ma yin pa'i sgrub pa 'bring la yang dbang dang rim pa nod pa dang/ sngon du bsnyen pa bya ba dang/ dngos grub bsgrub pa dang/ las la sbyar ba dang bzhi'o/ /snying stobs can ma yin pa tha mas du bsgrub pa la yang dkyil 'khor bri ba dang/ snying po'i phyag rgya sbyar ba dang/ sngon du bsnyen pa'i cho ga dang/ las la sbyar ba rnam pa bzhi'o/ /las sgrub pa la yang rnam pa bcu bzhis bshad do/ /de la so so'i dmigs kyis bshad par bya'o/ /de nas yi ge bcu bdun po zhes pa nas/ gang la rtag tu dag lus pa'i/ zhes pa'i skabs dbye ba sngar byas te bya ba bstan pa'o//

  621. 311a

    de nas yi ge bcu bdun pa zhes pa la sogs pa ni rtog pa 'di'i rtsa ba sngags yi ge bcu bdun yin te/ de'i phyag rgyar gtogs pas be con yang sngar bshad zin nas/ de las gzhan pa'i de'i phyag rgya gtogs pa ro langs zhes bya ba yang gzhan du byas la mod la ni/ zhes pa slar thar bar bya ba'i chos de ltar ma byas na 'chi bar 'gyur zhes pa'o/ /gnod pa byed pa thams cad la/ zhes pa dkon mchog gsum la gnod pa byed pa'o/ /'di bshad do zhes pa de lta bu'i phyir cho ga 'di dag sbyar bar bya ba bshad do zhes pa'o/ /gal te byas na bdag nyid 'chi/ /zhes pa sngags pa rgyal 'am gal te de lta bu la byas par gyur na/ sngags pa bdag nyid dam tshig la 'gal bar 'chi bar 'gyur ro zhes pa'o/ /'di man chod ni dgar bya ba'i cho ga bshad do/ /bskrad par bya ba'i cho ga yang/ khro bo nyid kyis ji skad du/ gsungs pa dag ni bshad par bya/ zhes pa dgar bar bya ba'i cho ga khro bos ji skad gsungs pa de 'dir bshad par bya'o zhes pa'o/ /seng ldeng la byas phur bu ni zhes pa phur bu'i las bya ba la/ zhi ba dang rgyas pa dang/ drag po dag srid du sor brgyad par byas te/ zhi ba'i las byed pa'i tshe phur bu bya ba yang zlum po la mgo yang zlum por bya'o/ /rgyas pa'i las byed pa'i tshe phur bu yang gru bzhi la mgo gru bzhi bya'o/ /drag po'i las byed pa'i tshe phur bu yang zur gsum la mgo yang zur gsum rgya mdud can du bya'o/ /phur bu de dag gi mgo'i steng du 'khor lo dang pad+ma rdo rje dag bri bar bya ba ni las gyi rim pa bzhin no/ /sor brgyad tsam du byas pa la/ zhes pa srid sor brgyad bya ba/ zur gsum pa la mgo yang zur gsum rgya mdud can du byas pa'i mgo'i steng du rdo rje bris pa de lta bu'i phur

  622. 311b

    bu la bya'o zhes pa'i don to/ /dur khrod thal ba zhes pa mi ro bsregs pa'i thal bas phur bu la gdab par bya'o zhes pa'o/ /pags pa dag gis dkri bar bya/ /zhes pa de lta bu'i pags pa'i ras sam/ dngos pos phur bu de nyid dkri bar bya/ zhes pa'o/ /sgrub po dag mchan phur bu de skud pa dmar pos bcings nas ni/ zhes pa/ dgar ba bsgrub pa'i sngags pas de'i mtshan mo ras skud dmar pas phur bu de'i mgrin par bcing bar bya'o/ /zhes pa'o/ /de nas ro langs phyag rgya ni/ zhes pa la sogs pa ni de nas ro langs phyag rgya bcings la ro langs sngags kyang bzlas la/ bskul ba'i tshig che ge mo zhig u tsa nga ya zhes bya ba dang ldan par mtshan mo stong rtsa brgyad du bzlas so/ /de ltar zlos par byed pa'i tshe yi dags phal po che'i dkyil 'khor du bris nas bzlas pa bya'o/ /de nas sngags pa gang dgar ba'i las byed par 'dod nas gang du dgar bar bya ba'i sgro gar ma tshor bar phur bus gdab par bya'o/ /lha 'dre dang gdon dang/ yi dags la sogs pa dgar na yang lha 'dre la sogs pa gang dgar bar bya ba'i gnas de nyid du phur bu btab pas bkar bar 'gyur ro zhes bya ba'i tha tshig go /'di ni bskrod pa'i mchog 'gyur ro/ /zhes pa 'di ni dgar bar bya ba'i cho ga'i nang na mchog tu gsungs pa zhes pa'o/ /'on dang brgya byin stobs ldan pa'i/ /zhes pa'i cho ga de ltar byas na/ brgya byin 'dra ba'i mthu dang ldan pa'i 'dra ba yang dgar ba'i bsgrub pa de ltar byas na gnas de nas bskrad par 'gyur ro zhes pa'o/ /'di man chad ni gcig la gcig gsod par 'gyur ba zhes bya ba'i cho ga bshad do/ /de nas gzhan yang gcig la gcig /ces pa dkon mchog gsum la gnod byed par/ /zhes pa mi 'di lta bu la cho ga 'di bya'o zhes pa'o/ /rig nas ji ltar 'dod pa ni zhes pa la sogs pa 'di dkon mchog

  623. 312a

    gsum la gnod par byed par rig nas gnod par byed pa'o/ /mi dag gi phyogs 'khrug par bya ba sngags pas ji skad gsungs pa bzhin te bya'o/ /zhes pa'o/ /pa ra hi ha zhes pa tam pa'i lo ma 'dra ba bzang po zhes pa'o// ru ci ra bzang po la bya ste de nyid srin gyis ma zos pa bzang po la bya'o zhes so/ /ba drang ni zhes pa bzang po la bya/ rtsa ba sbyin pa cig yod ces pa'o/ /ke shi ni zhes pa ke shi ni yang bzang ba la bya'o zhes so/ /yang dag byang chub bzhugs bzhugs pa/ zhes pa la sogs pa ni sman de rnams 'phags pa rnams kyi byin gyis brlab pa la bya ste/ de bas na mthu che ba'i sman 'di rnams la gang yang rung ba zhig blangs nas zhes pa ste/ lo ma'am gang yang rung ngo zhes pa'o/ /lo ma rlung gis btab par sbyar zhes pa rlung mtshub mas bskor ba'i lo ma blangs te cha bsnyams te sbyar zhes so/ /b+ha la ta ka dang zhes pa shing tog nag po zhes pa'o/ /'di dag btags te phye mar byas zhes pa/ 'di dag cha bsnyams te btags te phye mar byas zhes pa'o/ /mi yi tshil gyis spus nas su/ /zhes pa mi'i tshil gyis spra spru ra byas ste/ ha cang sla ba yang ma yin par dud pa 'byung tsam bya ba te/ bdug pa bsreg tu rung tsam du byas te/ mi thod kyi nang du bzhag ste/ yi dags phal po che'i dkyil 'khor bris nas/ de stong rtsa brgyad du bzlas so/ /de ltar bzlas pa de'i bdug pa'i ming 'khrugs par byed ces bya ste/ gcig la gcig 'thob par bya ba gong gi bdug pas bdugs te/ bsgrub bar bya ba gang gis bsnams pas dri mnam pa tshor ba de dag nang phan tshun 'khrug par 'gyur ro zhes pa'i tha tshig go grong khyer zhes pa ni yul gru dar zhes pa'o/ /dpung pa zhes pa pha rol po'i dpung ngo zhes pa'o/ /phan tshun gnod par byed pa yi/ zhes pa de lta bu dag bya ba'i phyir bdug pa 'di dag sbyar bar

  624. 312b

    bya'o zhes pa'i tshig go /'di man chad mig 'phrul gyi cho ga bshad de/ de nas gzhan yang mig 'phrul gyi zhes pa la sogs pa'o/ /de nas gzhan yang mig 'phrul gyi zhes pa pha rol po'i mig slu bar byed pas dmig 'phrul lo/ /dur khrod dag gi thal ba yis/ mig 'phrul dngos 'grub par 'gyur/ zhes pa dur khrod thal ba'i rdzas kyis mig 'phrul gyi dngos grub dag 'grub par 'gyur ro zhes pa'o/ /mi thod bzang po thal ba dang/ zhes pa la sogs pa mig 'phrul bya ba'i cho ga de yang/ mthong legs pa ma gas pa bzang po'i nang du dur khrod kyi thal bas blugs te skyo ma ska ba tsam du sbyar ro/ /ri bong gi khrag byug te sbyar nas de nas yi dags phal po che'i dkyil 'khor ji skad gsungs pa bzhin du bris nas/ /dkyil 'khor de'i dbus su thod pa bzhag par bya'o zhes pa'i tha tshig go /de'i nang du ro langs ma/ mchod pa chen po byas nas ni/ /zhes pa dkyil 'khor de'i nang du ro lang/ /ma spyan drangs te de la me tog dang kha dug ba la sogs pa'i mchod pas mchod par bya'o/ /de yang lho phyogs sgo dag tu zhes pa la sogs pa ni lho phyogs kyi sgor rgyas pa'i thab khung bskongs te/ me bus nas bsgrub pa'i rdzas thod pa'i nang na 'dug pa yis mar bzhus pa las gzar bu chung dus cus pa blugs te/ de lta bu lan brgya rtsa brgyad dam stong rtsa brgyad kyi bar du sreg par bya'o/ /de ltar bya ba ni rdzas gzengs bstod cing/ gzi byin dang ldan par 'gyur ba la bya'o/ /kha cig na re mar gyi sbyin sreg kun sbyin tsam du phul te/ de'i 'og tu thod pa'i nang nas thal ba dang/ khrag sbyar ba'i rdzas de zad zar bya ba'i sbyin sreg byas pa'i thal ba de yang thod pa'i nang du bzhag ste/ stong rtsa brgyad du bzlas brjod bya'o zhes pa'i tha tshig go /de nas thal ba zhes pa thod pa'i nang du bzhag pa'i khrag dang/ sbyar ba'i thal ba sbyin sreg tu byas pa'i thal ba stong rtsa brgyad ces pa bzlos pa'i mthus

  625. 313a

    mkhas pa zhes pa sngags pa zhes pa'o/ /thal ba des ni byed par 'gyur zhes pa 'chad pa ma mthun pa rnam pa gnyis kyis thal ba zhes pa'o/ /'di man chad ji ltar bya ba'i thabs bshad do/ /me tog dkar la thal zhes pa la sogs pa'o/ /me tog dkar la thal zhes pa me tog dkar po gang yang rung zhes pa'o/ /nam mkhar gtor zhes pa thal ba skam pos bskus te zhes so/ /me tog ser po la bskus te zhes pa gang yang rung zhes pa'o/ /'dod chags zhes pa 'phags pa nyan thos zhes so/ /nyid kyi gnas bcas sangs rgyas kun/ /zhes pa nyid kyi gzhal med khang dang bcas par sangs rgyas 'khor dang bcas pa kun ston par byed de zhes pa'o/ /me tog dmar zhes pa ni gang yang rung ste zhes pa'o/ /lha rnams kun kyang snga ma bzhin/ zhes pa la sogs pa tshangs pa dang/ brgya byin la sogs pa 'jig rten gyi lhag pa 'dod pa yid la bsams te/ me tog gtor na 'jig rten gyi lha de dag ston par byed do/ /yid kyi bsam pa ni kun la sbyar zhes pa'o/ /me tog sngon zhes pa gang yang rung ngo/ /gnod sbyin pho mo gang yang rung/ /yi dags mkha' 'gro grul bum dang/ /zhes pa me tog sngon po la snga ma bzhin du bas bskul te nam mkha' la gtor na gnod sbyin dang srin por ga snga ma bzhin du ston par byed pa'o/ /zhes so/ /kha cig na re yi dags la sogs pa gzugs kyang cho ga des sbyar na snang bar 'gyur ro/ /mig 'phrul slad du bsdu bar bya/ /zhes pa la sogs pa mig 'phrul de dag kyang chu la lan bdun bzlas pa'i chus gyen du gtor ba las mig 'phrul de dag gdon mi za bar slar bsdus par 'gyur ro yang na khu tshur gyis slar bsdu bar bya'o/ /kha yi mdab? ma bdun dag la/ zhes pa la sogs pa kha'i mdab ma bdun blangs nas mi'i rus pa rkang pa'i

  626. 313b

    rje dar ram lag dar yu ba 'ang rung bar ba ma bus spams nas bcing bar bya ba ni rma bya'i mjug ma dang 'dra'o zhes so/ /de dag thams cad ces bya'o/ /kha'i mdab ma bam bur spams te'o/ /de dag 'phrul bsams ci 'dod par/ zhes pa la sogs pa 'og nas 'byung ba'i mig 'phrul rnams las gang 'dod pas yid kyis bsams te/ mig 'phrul la lta ba tshogs kyi nang du bdag gi klad pa la g.yas logs su bskor na 'di 'dra ba gang dang gang 'dod de dag ston par byed do zhes pa'o/ / g.yul dag 'khrug cing 'ching ba dang/ zhes pa nang 'khrug pa byung nas gcig gis gcig gsod par byed ces pa'o/ /ltar mo chen po mchog rnams ni/ /zhes pa gzhan yang 'di 'dra ba dag ston par byed do/ /rab tu sbyar bas ston par 'gyur/ zhes pa de lta bu la sogs pa'i mig 'phrul kha'i mdab ma'i cho ga sngar bshad pa de ltar sbyar tsam gyis ston par byed pa'o zhes pa'o/ /khu tshur btsangs pas de bzhin du/ zhes pa mig 'phrul de dag slar bsdu na yang lag pa g.yas pa'i sor mo rnams kyis bya ba'i tshul du bya zhing khu tshur bcungs pas slar bsdu bar bya'o zhes pa'o de'i 'og kyang ston pa dang/ zhes pa 'og gi lha ma yin rnams kyang ston par byed do/ /khwa'i mdab ma'i cho ga des gzhan yang mig 'phrul 'di 'dra ba dag ston par byed do zhes pa'o/ /'dus pa zhes pa 'gro ba mang po 'dus pa dag byang ston zhes pa'o/ /gyen du 'gro dang de bzhin 'khrug/ ces pa de dag kyang nam mkha' la gyen du 'gro ba dang/ de nang 'khrug pa dag kyang ston par 'gyur ro zhes pa'o/ /mjug ma dag dang thal ba yis/ zhes pa mi'i rus pa la khwa'i mdab ma bam bur spams pa la thal bas bskus pas gzhan yang mig 'phrul gang dang gang ston par 'dod pa de dag nges par byed par 'gyur ro/ /zhes pa'o/ /khu tshur bcangs pas de bzhin

  627. 314a

    sdud/ /ces pa mig 'phrul de ltar bstan nas slar yang bsdu ba ni sngar bshad pa bzhin bya'o zhes pa'o/ /de ltar mig 'phrul mdor bsdus pa/ ji skad gsungs pa bshad pa yin zhes pa rgyud chen po'i nang nas mig 'phrul phal po che bshad pa las ji skad gsungs pa mdor byas nas 'dir bshad pa yin no/ /zhes pa'i tha tshig go/ 'di man chad zhi ba'i las bshad do// /de nas zhi ba'i las rnams kyang// zhes pa nas bstan to/ /mdor bsdus nas ni bshad par bya/ /zhes pa rgyud chen po las gsungs pa de mdor bsdus nas ni rgyud 'dir bshad do zhes pa'i tha tshig go/ ro langs de yi ngo bo nyid/ /zhi ba'i phyir ni tshul bzhin bzlas/ zhes pa ro langs kyi spags ma spel cing bskul ba'i tshig ma bcug bar ro langs kyi sngags zhi ba'i rang bzhin du gsungs pa de'i tshul bzhin du bzlas so/ /bdag gam 'on te gzhan yang rung zhes pa/ bdag gam gzhan zhi ba la yang rung ste zhes so/ /bsgrub bya zhi ba'i tshig smos te/ zhes pa che ge mo zhig shin+tiM ku ru swAhA/ ces smos te/ stong rtsa brgyad bzlas par bya ba ni yi dags bal po che'i dkyil 'khor bris nas bzlas so zhes pa'o/ /me tog dkar po bzang po ni zhes pa sri shing sna ma'i me tog kyang rung zhes pa'o/ /bsung zhim yid du 'ong ba dag/ ces pa me tog dkar po de yon tan 'di lta bu dang ldan pa la bya zhes pa'o/ /chus btang nas zhes pa me tog dkar po de la zhes pa'o/ /rgya mtshor zhes pa chu bo'i klung gang yang rung ba'o zhes pa'o/ /zhugs nas re re nas bzlas shing brgya rtsa brgyad ni dor bar bya/ zhes pa sked pa man chad chur zhugs nas me tog re re zhing sngags re re bzlas/ de'i mdun du lha mo pe ta li bzhugs pa la

  628. 314b

    mchod pa bya zhing/ bskul tshig dang ldan pas sngags brjod nas me tog gtor bar bya'o/ /me tog kyang brgya rtsa brgyad dgos so zhes pa'o/ /'on tang zhes pa cho ga de ltar byas pa dang shes pa'o/ /rgyal po zhes pa yul phrogs chen po shes pa'o/ grong ngam zhes pa grong khyer gcig pa zhes pa'o/ /grong khyer dag ces pa mang po zhes pa'o/ /zhi ba'i las byas pa de yis/ /zhi ba 'gyur bar gdon mi za/ zhes pa zhi ba'i cho ga las de ltar byas pa des the tshom med par zhi bar 'gyur zhes bya ba'i tha tshig go /'di man chad rgyas pa'i bshad do/ /de nas rgyas pa'i las rnams kyang/ /tshul bzhin du ni bshad par bya/ /zhes pa nas bstan te/ mchod rten mchod pa sna tshogs pas khyas nas de yi gdung 'dug ste/ zhes pa'i rgyas pa'i las byed par 'dod pa'i sngags pa des thog mar mchod rten la/ mchod pa sna tshogs pas mchod pa byas nas/ sngags pa des mchod rten de'i mdun du 'dug ste/ ro langs ma'i phyag rgya'i bzlas brjod bya'o/ zhes pa'o/ /rdzogs sangs rgyas kyis mchod pa bzlas/ /zhes pa ro langs kyi lha mo de sangs rgyas rnams kyis kyang phu dud dang/ rim gro dang/ bkur sti byas la bzlas pa bya'o zhes pa'i don to/ /gal te mchod rten ring bsrel can/ yin na de ma thag tu 'gyur/ zhes pa gal te mchod rten ring bsrel can gyi mdun du rgyas pa'i las byas te bzlas brjod byas na mi thogs par cho ga rgyas pa'i las 'grub par 'gyur zhes pa'o/ /sgrub pa'i ming smos bzlas na ni/ /skyes pa'am bud med rgyas par 'gyur/ zhes pa cho ga ltar bzlas pa gang yang rgyas par bya ba'i mi de ming gi bskul tshig dang ldan par bzlas na de dag rgyas par 'gyur ro zhes pa'o/ /dam chos mchod rten mdun du ni zhes pa/ pradz+nyA pa ra mi ta'i

  629. 315a

    glegs bam yang rung/ mchod rten yang rung ste/ de gnyis gcig la mdun zhes pa'o/ /cho ga bzhin du khri bzlas te/ zhes pa la sogs pa de ltar sngar bsgrub pa khri byas nas de'i 'og tu mchod rten gyi mdun du ji srid rgyas par 'gyur gyi bar de srid du bzlas brjod bya'o zhes pa'o/ /de bzhin gshegs pa'i mchod pa dag/ ces pa la sogs pa rgyas pa'i las byed 'dod pa'i sngags pa des/ mchod rten dag la dang por de bzhin gshegs pa'i mchod pa'i 'os pa gdugs dang/ rgyal mtshan dang/ bla re dang/ me tog bdug spos la sogs pa mchod pa rgya chen po dag mchod par bya'o zhes pa'o/ /ring bsrel can la cho ga bzhin/ /zhes pa khyad par du mchod rten ring bsrel can gyi drung du rgyas pa'i las bya ba'i cho ga de bshad par bya zhes so/ /thog mar mchod rten drung du ni/ zhes pa dang po mchod rten ring bsrel can gyi drung du sngags pa nges dkyil 'khor gyi tshang kyang gru bzhi pa cig bya'o/ /zhes pa'o/ /de nas ? ni me tog dag/ shin tu yid 'ong dgram par bya/ /zhes pa dkyil 'khor byas pa de'i steng du/ me tog sdug gu dri zhim po yid du 'ong ba dag dgram par bya'o zhes pa'o/ /me mar rab tu 'bar ba brgyad/ /ces pa phyogs bzhi mtshams bzhi brgyad du bdag gis mar me kha brgyad dbul bar bya'o zhes pa'o/ /mkhas pas de la dbul bar bya/ /zhes pa sngags par mchod rten pa/ be ta li gnyis la dbul bar bya zhes pa'o/ /shin tu yid 'ong chu dang bcas/ zhes pa nya phyis dang/ dung phung dag gi nang du dri chu bzang po yid du 'ong ba dang bcas pa dag dbul lo/ /sna tshogs pa yi bshos phul nas/ /zhes pa rgyas pa'i las byed pa'i tshe bshos ci dar ci dbul ba spyi rgyud dag las ji skad 'byung ba bzhin du dbul lo//

  630. 315b

    zhes ra bcas zhes pa phu dung dang/ rim gror bya ba zhes pa'o/ /mchod rten la ni mngon phyogs te/ zhes pa rgyab kyis ma 'bab par mngon du bltas te zhes so/ /zhi dang rgyas phyir bzlas pa bya/ zhes pa zhi ba dang/ rgyas pa'i las bya ba'i phyir tshul de ltar bzlas par bya'o/ /las spyi'i mtshan nyid gcig pas rgyas pa'i tshul bzhin du zhi ba'i las byas na yang zhi bar 'gyur ro zhes pa'o/ /de ltar nyin mtshan phyed na ni/ zhes pa tshul de ltar nyin lan gsum mtshan lan gsum ste lan drug tu cho ga byas te nyin mtshan phyed nas zhi ba dang rgyas pa'i las 'grub par 'gyur ro zhes bya ba'i tha tshig go/ 'di man cad ni dga' bar 'gyur ba bshad do/ /gzhan yang bsgrub pa po la ?/ zhes pa nas bstan te/ nges par 'gyur ba bshad par bya/ /bsgrub pa po la gdon mi za bar dga' bar 'gyur ba'i cho ga de bshad par bya'o/ /zhes pa'o/ /ji ltar ma la pu sdug ba/ de 'dir de bzhin gzhan du min/ /zhes pa ji ltar ma'i snying du bu sdug pa de bzhin du cho ga 'di byas na/ 'jig rten thams cad bdag la dga' bar 'gyur gyi gzhan du ni ma 'gyur ro zhes pa'o/ /nges par bdag gi khrag dang sbyar/ zhes pa chos che chung ji tsam yang rung ba dang bdag gi khrag dang lan mang du sbyar te thod par bcug la bsgrubs te/ grub nas dpral bar thig le byas na bu sdug bzhin du dga' bar 'gyur ro zhes pa'o/ /lan grangs mang du sbyar nas kyang/ zhes pa de ltar sbyar ba yang lan cig sbyar te skams nas yang lan cig sbyar te/ de ltar sbyar ba'i bar zhag de tsam gyis ma 'ong? bar bya'o/ /yang na nyin zhag gcig la lan bdun tshang bar byas kyang rung ngo/ /lan grangs nyi shu rtsa gcig cig car yang rungs ngo/ /zhes so/ gzhag ces pa da ltar byas pa'i rdzas thod par gzhug go zhes so/ /zla ba la ni

  631. 316a

    mig bltas shing/ /btang gi bar du legs par bzlas shes pa kha cig bshad pa ni zla ba ni mig blta zhing bzlas so zhes pa'o/ kha cig gi gzhung las ni zla ba la blta zhing bzlas so zhe'o/ /de nas rgyal po 'khor du 'gro zhes pa rgyal po'i pho brang nang du 'gro zhes pa'o/ /mdor bsdus zhes pa rgyud chen po las zhes so/ /rgyu dang mi rgyu 'jig rten dag ces pa sems can rnams dang chu dang ri la sogs pa'i lha rnams la bya ste/ brten pa'i gnas kyi rgyu mi 'gro ba gnas pa'i lha rnams ni rgyu dang mi rgyu zhes pa'o/ /mtho ba yis ni zhes pa lha dang mi de dag gis sngags pa la zhes pa'o/ /dga' bar 'gyur zhes pa sngags pa la zhes pa'o/ /'di ni zhes pa cho ga 'di zhes pa'o/ /gsungs pa de ga ces rgyud chen po las shes so/ /'di man chad dgug pa'i cho ga bshad pa'o zhes pa'o/ /bud med bu mo shi ba'i skra/ /zhes pa ni spyi'i ming yin te/ bud med kyi mi rung gi khu mo gzhon nu gtsang ma'i skra las bya zhes pa'o/ /mang gyi brgyad la nan tan du zhes pa bud med gzhon nu gtsang ma'i skra chos nyi shu gsum la blangs la nan tan du srid du khru gang tsam spoms su mthe'u chung sum sgril 'jar 'jur dang span spun med pa'i ril dang 'dra ba'i legs par bkal ba'o/ /de yang bzung la rag pa ltar zhags pa mig can du bya'o/ /zhes pa'o/ /zla ba gza' yis zin pa'i bar 'gyur ba'i bar du nyin re bzlas/ zhes pa de nas zla ba bza' yis zin par 'gyur ba'i bar du nyin re zhing yang dus gsum du bzlas so/ / bya ba'i don no/ /zla ba gzas zin gyur pa dang zhes pa nam zla ba gzas zin pa'i dus gyi nub mo dkyil 'khor bri'o zhes pa'o/ /chu 'gram zhes pa gnas gtsang ma dag tu ni zhes pa'o/ /dkyil 'khor der bris mchod pa byas/ zhes pa sngar

  632. 316b

    bshad pa bzhin du mtshod pa bya'o zhes so/ /ro langs khro bo ldan pa las zhes pa ro langs khro bo dang ldan pa'i sngags mang po dang/ pe ta li la mchod pa dbul lo bya ba'i don to/ /gtor ma rgya tshar byas nas ni/ /zhes pa sngar yi dags phal po che'i skabs su bshad pa bzhin du mchod pa de dag gis mchod par bya zhing dkyil 'khor nang du dbul zhes pa'o/ /'byung po la'o zhes pa dbab po zhes pa'o/ /de nas de la lag gis mnan/ zhes pa de thod pa de lag pa g.yas pas mnan zhes bya'o/ /zla ba la bltas bzlas par bya/ /zhes pa bshad pa rnams gnyis mi mthun te/ gcig ni zla ba la mi lta bar bzlas shes so/ /g.yo'i bar zhes bsgrub pa'i zhags pa g.yon pa 'am zhes so/ /'phar na ni zhes pa thod pa'i nang nas zhags pa 'phar par 'gyur na zhes so/ /grub pa na ni grub ces bya/ zhes pa grub par bya'o zhes pa ni de'i tshe zhes pa/ bsgrub pa de'i tshe zhags pa blangs nas zhes pa'o/ /'jig rten lha rnams skad cig gis zhes pa la sogs la 'jig rten pa'i lha gang bsdam ste yid la bsams na 'grub pa'i zhags pa des drangs pa'i tshul du byas te drangs nas skad cig gis khugs par 'gyur ro zhes pa'i tha tshig go /sngags pa yid kyi bsams pa 'am/ sngags pa'i tshig gis kyang zhes pa'o/ /gang dang gang 'dod legs par byed/ ces pa bsgrub pa po ci 'dod pa de lha des legs par byed do/ /sogs zhes pa tshangs pa dag go /de'i bka' bzhin zhes pa bsgrub pa po de'i zhes so/ /nges par byed ces pa gdon ni za bar zhes so/ /skad cig gis ni nam mkha' las/ /zhes pa la sogs pa rdzu 'phrul dang ldan pa'i 'jig rten gyi lha dang nam mkha' la bzhag pa des drangs na/ thang gcig gis khugs par 'gyur te/ bdag gar 'dod pa'i

  633. 317a

    mchog dbul bar byed do zhes pa'i tha tshig go /gnod sbyin mo zhes pa glu mkhan mo zhes so/ /bdag gi drung du zhes pa grub pa de'i drung du zhes pa'o/ /yid du 'ong ba'i las rnams byed/ ces pa grub pa bdag gi yid du gang 'thad cing mos pa'i las rnams byed ces pa'o/ /dman pa dag pa zhes pa smad bzhes pa'o/ /bsten par bya zhes pa the tshom med par bya'o zhes so/ /'dod pas gdungs pa mi mos min/ zhes pa 'dod pas gdungs na lha'i bu mo dag bkug la de dang lhan cig bsten par bya'i mi'i bud med ni ci ltar gdungs kyang bsten par mi bya'o/ /rga dang mya ngan gyis gdungs dman/ /zhes pa mi'i bud med ci'i phyir bsten par mi bya zhes na/ rnam grangs 'di lta bu'i phyir bsten par mi bya'o/ /ser sna can 'dong chen cher zhes so/ /nad dang 'tshe bas sma phab pa/ zhes so/ /der yang ma zad de 'di lta bu dag yod pa'i phyir/ gcin dang rdul dang dri ma can/ zhes pa'o/ /mi yi bud med rtag tu spangs zhes pa rnam grangs de lta bu'i phyir na/ mi'i bud med dus thams cad du spang bar bya'o/ /'on te sems dpa' chen po de/ zhes pa la sog pa 'on te 'grub pa dang yon tan dang ldan pa'i bdag nyid chen po zhig yin de grub pa de'i tshe 'dod pa'i chags pa ma yin pa zhig na lha'i longs spyod dang ldan yang lha'i longs spyod kyi nang na dge ba'o zhes pa'o/ /gnod sbyin bkug pa'i tshogs rnams kyis kyang bskor ba'o/ /zhes so/ /rang gi gzhal yas khang bzang na/ zhes pa gnod sbyin dang/ lha dang/ rang rang gi zhes so/ /gdug cing grub pa de gang du 'dod par 'gro/ zhes pa'o/ /lha rnams kyis bsgrub pa po de la rab tu dbul lo/ /zhes pa'o/ /ra sa yang na du ma zhes pa ni bcud kyis len man po zhes pa'o/ /dpag bsam shing gi 'bras bu yang//

  634. 317b

    zhes pa ci 'dod pa 'byung bar 'gyur ba lha'i longs spyod mnyam ldan par 'gyur ba'i 'bras bu the tshom med par 'thob par 'gyur ro/ /rig pa 'dzin pa kun gyis mchod/ /ces pa rig 'dzin kun gyis mchod do zhes pa'o/ /dngos grub gong du smos pa'i 'di 'dra ba thob par 'gyur zhes pa'o/ /'gul tam g.yos par bshad pa dag /ces pa dngos grub kyi las gong du bshad pa dag zhags pa g.yos pas 'gul bar 'gyur bas dngos grub thob par gyur pa bshad pa de dag ces pa'i tha tshig go /gal te 'grub par ma 'gyur na/ zhes pa zhags pa 'grub pa ma 'gyur na zhes so/ /ma grub pa'i zhags pas kyang zhes pa de ltar sgrub pa'i zhags pas ma grub kyang zhes so/ /yid la 'dod pas zhes pa/ yid la gang 'dod pa de bsams nas zhes so/ /de ni de la phyogs nas bzlas/ zhes pa bsgrub pa de ni gang dgug par bya ba de la kha bltas te/ de la phyogs sam zhags pa da la bltas nas bzlas par bya'o/ /bsgrub bya'i ming dang tshig dang bcas/ zhes pa che ge mo zhig a karSha ya a karSha ya swAhA h+rI/ zhes de ltar sbyar te bzlas so/ /nam mkha' i ni gang dgug par bya ba de bya ba bzhin du zhes pa'o/ /bdag gi drung du zhes pa bsgrub pa'i drung du thang cig gis shes pa'o/ /mi dbang zhes pa rgyal po'o/ /ba lang dang ni shing rta 'am zhes pa nor dang ldan pa zhes so/ /de bzhin 'dod pa'i rdzas dag kyang/ /zhes pa bdag gang 'dod pa'i rdzas zhes so/ /mthong ngam yang na thos kyang rung/ zhes pa rdzas de dag ma mthong ngam ma thos kyang rung ste/ che ge mo zhig pa a karSha ya zhes pa'i tshig dang ldan pas sngags brjod nas 'gug par 'gyur ro/ /yul gzhan dag na gnas pa ni/ /zhes pa nye 'khor na mi 'dug ste/ gong du smos pa dang 'dra zhes pa'o/ /dam tshig dag gis bskul na ni/ /zhes pa bskul ba'i tshig dang

  635. 318a

    ldan pa'i sngags nyid kyis bskul na khugs par 'gyur ro/ /gang dang gang dgug pa de dag gdon mi za bar khugs par 'gyur ro/ /grub pa dang ni ma grub pa/ khro bo rnam rgyal rtog pa 'di las zhes pa gong du smos pa'i las 'di dag ni zhags pa'i las gang grub pa dang ma grub pa dag khro bo rnam par rgyal ba'i rtog pa 'di las zhes pa'o/ /khro bos gsungs pa'i las kyis zhes pa be ta li yis lha dang mi gnyis 'gugs pa'i cho ga gsungs pa'o/ /ro langs rtog pa 'di dag ni/ zhes pa ro langs kyi le'u ru gtogs pa 'di dag ni tshul bzhin rigs kyis bshad pa yin no/ /ro langs zhes bya ba'i sgra ni lha nyid ro'i nang du gshegs pa las ro langs par gyur pas na/ ro langs zhes bya'o/ /ro langs kyi rtog par gtogs pa ste drug pa'i bshad pa rdzogs so// //brtul zhugs kyi le'u 'di rnam pa brgyad kyis bshad de/ de yang dang po skabs dbye ba dang/ sngon du bsnyen pa'i grangs dang/ cho ga bsham pa dang/ sku gsum gyi mtshan nyid dang/ bzlas brjod kyi cho ga'i mtshan nyid dang/ brtul zhugs dang brtul zhugs spyad zin pa'i bsgrub pa la 'jug pa rnams bshad do/ /'di ni zhes pa gong du gsungs pa'i cho ga'o/ /rig pa 'dzin pa rnams la ni/ zhes pa sngags pa rnams la zhes so/ /dngos grub zhi ba mchog ster ba/ /tshul bzhin mdor bsdus bshad pa bzhin/ /zhes pa dngos grub mchog gsol bar mdzad pa'i cho ga 'di rgyud chen po las tshul bzhin mdor bsdus bshad pa yin no zhes pa'i don te 'phro sbyar ba'i tshig tu zad do/ /'di man cad brtul zhugs su gtogs pa'i le'u ste de don brgyad kyis bstan pa'i de la/ dang po skabs dbye ba zhes bya ba'i don bshad do/ /de nas khro bo'i gtso bo yi/ zhes pa nas bstan te/ khro

  636. 318b

    bo'i gtso bo yi/ zhes pa kro d+ha bi dza ya nyid la zhes so/ /rtog pa rmad du byung ba'i mchog /ces pa ya mtshan phal po che 'byung ba la bya'o/ /khro bo'i padmo'i zhal nas byung ba de yang dag par rgyas par bshad/ bya'o zhes pa'i don to/ /'di man cad sngon du bsnyen pa'i grangs zhes bya ba bshad do/ /sngags kyi grangs ni bcu bdun po/ /zhes bya ba nas bstan to/ /bcu bdun po zhes pa la rtsa ba'i sngags yi ge bcu bdun po nyid do/ /thos pa tsam gyi mod la yang/ zhes pa lha ma yin rnams so/ /glongs par 'gyur ba zhes pa 'thom par 'gyur ro zhes so/ /'jam pa'i dbyangs kyis rab bskul ba/ zhes pa de ltar rmongs par 'gyur ba yang/ 'jam dpal gyi mthus bskul bar de ltar 'gyur ba'o/ /khro bo de nyid 'bar ba de'i/ zhes pa kro d+ha bi dza ya nyid la bya ste/ de nyid 'bar ba dang bcas pa de'i cho ga 'dir legs par bzlas pa'i grangs bshad par bya'o/ /zhes so/ thog mar drug 'bum bzlas pa ni/ zhes pa gong du rtsa ba'i sngags yi ge bcu bdun po drug 'bum bsnyen pa byas nas/ de'i 'og tu sku gzugs bri bar bya ste/ 'di ni sku gzugs bri ba'i sngon du bsnyen pa'o/ /de nas bu don cho ga yis/ /phyis kyang sum 'bum bzlas par bya/ zhes pa de ltar sku gzugs bris pa'i 'og tu sku gzugs kyi spyan sngar sum 'bum bzlas par bya'o/ /de bzhin ri rtser 'bum bzlas na/ /'grub par 'gyur te gzhan du med/ ces pa de nas de bzhin du ri rtser 'bum bzlas par bya ste/ de ltar 'bum phrag bcu bzlas pas dngos grub gang 'dod pa 'grub par 'gyur te the tshom med do/ /phyis ni mkhas pas ci 'dod par/ zhes pa cho ga de ltar bzlas pa'i 'og tu sngags pas dngos grub gang dang gang 'dod pa'i dngos grub bsgrub pa la 'jug par bya'o/ /cho ga mdor bshad par bya zhes pa bsgrub pa la phan pa'i

  637. 319a

    phyir kro d+ha bi dza'i sngon du bsnyen pa byed pa'i sgom pa'i cho ga la sogs pa'i rim pa mdor bshad par bya'o zhes pa'i don to/ /gcig bu dpa' bo'i khro bo nyid/ ces pa 'khor med pa 'am/ grangs nyung ba la mi bya'o/ khro bo'i yon tan la bya'o/ /bdun rnams zhes pa khro bo'i yon tan bshad do/ /khrus kyi cho ga nyin re bya zhes pa la sogs pa khrus byas pa la yang rnam pa gnyis te/ phyi nang gi khrus su nyin gcig kyang dus gsum du khrus byas te/ sa phung dang/ chu la bgegs bsal pa'i phyir rtsa ba'i sngags brjod la spyi'i cho ga dang sbyar la khrus bya'o/ /khrus byas nas kyang bsrung ba dag bya'o/ /phyag rgya dang sngags dag gis bsrung/ baM gi sa bon las byung ba'i/ zhes pa bdag nyid dang po yi ge hUM gi sgo nas bshig ste/ stong par bsams nas 'og gi rlung gi dkyil 'khor bsam/ de nas de'i steng du me'i dkyil 'khor bsam/ de nas de'i steng du chu'i dkyil 'khor bsam/ de'i steng du yi ge baM las bskyed pa'i yid kyi pad+ma'i steng du nyi ma'i dkyil 'khor gyi steng du sa bon hUM las byung ba'i be con bsgoms pas/ de nas de las rim gyis khro bo'i skur bsgyur te/ de las skur bsgyur zin pa'i 'og tu khro bo'i sku la sngags 'di rnams so sor bkod pas bsrung ba dang/ byin gyis brlab par 'gyur ro/ /yi ge 'di kun gyi'i nyi ma'i dkyil 'khor la bsam mo/ /yid kyi pad+ma'i gdan la 'dug ces pa kro d+ha bi dza ya dang be ta li'i skur bsgoms nas cho ga la bya'o/ /de la khyed par du sku'i cha lugs dang/ pho mo'i bye brag tsam zhig yod do zhes pa'o/ /brtags par bye brag tsam zhig yod do zhes pa'o/ /brtags par bya ste bsgom mo/ /brtags nas kyang bsgom zhes so/ /yi ge oM zhes pa skur bsgyur ba la zhes so/ /mig gnyis yi ge as zhes pa dbu drug yod pa'i spyan gnyis po la yi ge

  638. 319b

    a bsam mo/ /gnyis ni mig la bltas te de skad ces bya'i/ /dangs ni lha'i skur bsgyur nas spyan gsum la a dgod/ sngags ni yi ge bcu bdun po/ zhes pa de ltar byas pa'i 'og tu rtsa ba'i sngags zlos shing khro bo'i rgyal po yang dran pa'o/ /dran nas zhes pa ting nge 'dzin gyis so/ /rang gi lus la sngar bzhag pa/ /snying gar snying po bzhag par bya/ /zhes pa sngar khro bo'i skur bsgyur ba'i snying po hUM de dag lhar bsgyur ba'i snying gar yang bzhag par bya'o/ /de nas khro ba'i mtshogs ma yis shes pa de nas khro bo'i mtshogs ma'i sngags kyis bdag gi mtshogs mar yang bsam par bya ba ni bdag gi lag gis mtshogs mar reg par byas mtshogs ma'i sngags dgod par bya'o/ /phyis ni gtsug tu bzhag par bya/ zhes pa sngar mtshogs ma'i sngags bkod nas de'i 'og tu spyi gtsug gyi sngags kyang bdag gi spyi gtsug sngar gzhag pa bzhin du dgod par bya'o/ /de nas lus la cho ga yang zhes pa go cha'i sngags kyis gnas ldan dgod pa ni bdag gi lag pas gnas gnas su reg par bya zhing sngags dgod do/ /mtshon cha'i sngags lag mthil gnyis su dgod de/ phyag mang po kun la yang bsam zhes pa'o/ /rang gi dam tshig ldan pa'i rgya/ zhes pa rang gi dam tshig dang ldan pa'i phyag rgya sngar bcings nas de'i 'og tu ro langs kyi phyag rgya bcing par bya ste/ de yang thal mo sbyar ba spyi bor bzhag ste/ na mo bud d+ha/ d+harma/ saM g+he bya ba'i sngags brjod pa ni rang gi dam tshig sngar bstan nas zhes pa'i don to/ /de'i 'og tu ro langs kyi phyag rgya dag bcings par bya'o/ /zhes kha cig 'chad do/ /sngags dang phyag rgya ldan par bcing por bya'o/ /rang gi dam tshig dang ldan pa'i phyag rgya zhes bya ste/ de yang be con gyi phyag rgya dang/ pe ta li'i phyag rgya gnyis cho ga bzhin du bcing bar bya'o zhes pa'o//

  639. 320a

    khro bo'i gtso bo ro langs ma/ zhes pa ro langs kyi phyag rgya de yang rang gi snying gar bcing bar bya'o/ /de nas gnas lngar bdugs te dgrol lo/ /de bzhin be con phyag rgya yang/ zhes pa la sogs pa be con gyi phyag rgya las mtshon cha'i phyag rgya thams cad kyi 'byung ba phyag rgya de thams cad kyi rtsa ba'i gnas su gyur pa ni be con gyi phyag rgya la bya'o/ /phyag rgya de yang lag pa g.yas pas bcing bar bya'o/ /be con gyi phyag rgya 'dis las thams cad bya'o/ /khro bo'i sku gzugs la mchod pa bya ba dag la 'jug par bya'o/ /mchod pa bya ba la yang sngar bshad pa dang/ da 'dir bshad pa'i mchod pa'i rdzas dag gis mchod par bya'o/ /gzugs de la de ltar mchod pa byas pas na/ yid la gang 'dod pa'i dngos grub thams cad gang stsal bar mdzad do/ /de ltar mchod pa bya ba yang gang du bya zhes na gsungs pa/ yi dags phal po che'i dkyil 'khor du mchod pa bya ba dang/ gzhan du yang rin po che 'am/ shing dag la sogs pa la gzugs sam ri mo la phyi'i mchod pa 'byor na bya'o/ /gzugs de dag la yang yid kyi mchod pa rgya chen po dag bya'o/ dri zhim dang zhes pa me tog gi yon tan te mchod pa'i rdzas la mchod par bya'o/ /spos chu dag gi sa la 'am/ zhes pa la sogs pa gur gum dang/ tsan dan bsres pa dag gi chus sa la dkyil 'khor byas te mchod dam yang na gzugs dag la/ de dag gis gtor bas mchod pa bya'o/ /zhes pa'i tha tshig go /'di man chad sku gzugs kyi mtshan nyid bshad do/ /sku gzugs mtshan nyid bshad par bya/ zhes pa 'dod pa thams cad kyi don bsgrub pa'i sku gzugs kyi mtshan nyid de/ de ltar sku gzugs dag la mchod par bya ba'i mtshan nyid bshad par bya'o zhes pa'o/ /sngar bsnyen cho ga bzhin byas nas/ zhes pa sngar

  640. 320b

    bshad pa bzhin du sngon du bsnyen pa'i cho ga bzhin du byas nas de'i 'og tu bzo bo mkhas pa las sku gzugs byed du gzhug go /bzo bo yang khrims 'dzin du bcug la/ khrus byas la 'jug par bya'o/ /rgya gar las gzugs bya ba'i rgyud las spyan drangs te/ byin gyis brlab par gsol ba gdab po zhes so/ /gser ram zhes pa sku gzugs kyi rgyu dag la bya'o/ /mchid bu shel dang rin chen dang/ zhes pa in+d+ra nA la ma gtogs pa'i rin chen rnams la bya'o/ /rgyal srid 'dod pas gser las byas/ zhes ba rgyu gang dang gang dag las gzugs byas na/ las de dag 'grub par bshad do/ /longs spyod 'dod pas dngul la bya/ zhes pa pha rol po gzhan zhes so/ /'bar bas byas zhes pa zhi zhes so/ 'ching du rnam pa sna tshogs pa/ zhes pa mchid bu mi 'dra pa rnam pa sna tshogs pa gang yang rung ba las zhes so/ /rin chen las byas zhes pa rig par 'dzin pa thob pa'i las zhes pa'o/ /sa 'og ces pa a ru ra zhes pa'o/ /dngos grub thams cad 'grub par bya ba'i phyir sku gzugs che chung gi tshad rngams? bshad par bya'o zhes ba ni/ gser la sor brgyad shin tu bya/ zhes pa zhabs yan cad dbu man cad kyi bar du chod pa bya ste/ sor mo'i sor la bya zhes pa'o/ /mchod na zhes pa mchod cing bsgrubs na zhes so/ /mi g.yo zhes ba brtan pa'o/ /ra gan? gyi 'am/ zangs kyi tshad las song gnyis lhag par bya zhes pa'o/ /mchid bu las ni sor brgyad shes/ zhes pa mchid bu gang yang rung ba la byas pa'i tshad ces so/ /shel ni sor grangs bcu gnyis so/ /zhes pa in+ta nI la ma gtogs pa rin po che gang yang rung ba la bya'o/ /de ltar ji skad gsungs pa'i tshad kyi sku gzugs 'dod pa thams cad gsol bar mdzad pa de dag ces so/ /dngos grub 'dod pa'i sngags pas legs par bsgrub cing mchod par bya'o/ /yan lag ma nyams gsal

  641. 321a

    la bzang/ /zhes pa sku gzugs de dag gi spyi'i mtshan nyid 'dra ba byas te kun la sbyar ro/ /rtag par bzo bo mkhas pas byas/ /zhes pa bzo bo mkhas pa byed du gzhug go /mtshan nyid snga ma dag dang ldan/ zhes pa sku gzugs de dag kyang yi dags phal po tshe'i skabs su gzugs bshad pa'i mtshan nyid dang ldan par bya zhes ji ltar bya ba'i thabs bstan pa'o/ /mtshon cha bzang pos rgyas par byas/ zhes pa phyag na mtshon cha bzang po dag gis rgyas par bya'o/ /yi de gsal bcings zhal yang drug /ces pa yi dags kyi steng na bzhugs te/ yi dags brkyang bskum de dag nyid la bya'o/ /spyan gsum 'jigs par zhes pa dbu ma dang gsum/ khro bo'i spyan du bya zhes pa'o/ /mi mgo yi dags mgo bo rnams/ zhes pa mi'i mgo bo can dang ldan pa'i yi dags phreng ba rnams se ral khar thogs pa'o/ /na bza' stag lpags sham thabs zhes pa'o/ /snga ma'i tshul du yongs rdzogs par/ zhes pa sku gzugs kyi mtshan nyid sngar bshad pa'i tshul du zhes so/ /sngags pas bzo bo byed du gzhug ces pa de lta bu'i sku gzugs dag sngags pas bzo mkhas pa dag byed du gzhug /de yan cad ni khams las byung ba'i rdzas las sku gzugs bya'o zhes pa'i tha tshig go/ 'di man cad ni shing las bya ba bshad do/ /yang na shing gi snying po la/ zhes pa yang shing gi snying po zhes ba yang na/ shing gi snying po dag las kyang sku gzugs bya ste/ de la shing gi snying po zhes bya ba ni shing spyi la bya ste/ shing yon tan ldan pa mtshan ma bzang po la bya ba'i don to/ /byas nas rtag par mchod par 'gyur/ /zhes ba shing mchog tu bzang po las sku gzugs byas nas rtag tu mchod cing bsgrub par bya'o/ /de nas shing las byas pa yi/ /sku gzugs tshul bzhin bshad par bya/

  642. 321b

    zhes pa brtul zhugs spyod pa'i bdag nyid byang chub sems dang ldan par byas nas khro bo de'i sngags brjod par bya'o/ /spyod cing de ltar 'gro pa na zhes so/ /gzhan yang shin tu ngo mtshar ba/ zhes pa gzhan yang shin tu ngo mtshar che ba'i gzugs dag ces pa'o/ /bde gshegs bsam pas mthong na ni/ zhes pa brtul zhugs gang spyod pas zhes so/ /de dag gis ni 'jigs mi bya/ zhes pa bgegs de dag gis zhes so/ /gnod cing skrag par byed na ni zhes pa brtul zhugs spyod pa de dag nyid la/ bgegs de dag gis zhes so/ /bde gshegs kyis ni bka' cog pa/ zhes pa de ltar bgegs byed pa nyid bka' cog pa yin no zhes pa'o/ /khro bo bdag nyid ni rnam par 'jigs ces pa bgegs nyid ces so/ /bde gshegs bsam pa yid bsgoms pa'i/ zhes pa byang chub kyi sems zhes pa'o/ /dpa' po dpa' po gzhan du min/ /zhes pa sems can dpa' bos brtul zhugs 'di spyad par bya yi ngan don phal pa gzhan gyi ni spyad par mi bya'o/ /bsgrub pa'i mchog rnams 'dod pa yis/ /zhes pa la sogs pa dngos grub mchog 'dod pa'i sgrub pa pos khro bo'i brtul zhugs gsungs pa 'di nan tan gyis khro bo'i brtul zhugs spyad la brtan par bsgrub par bya'o/ /khro bo brtul zhugs su gtogs pa bdun pa'o/ /bdun pa'i bshad pa zin to/ / /'di man cad rtsa ba'i rtog par gtogs pa'i le'u 'chad de/ de la dang por sngon du bsnyen pa dang/ brtul zhugs ma sbyad bar bzlas pa dang/ mchod ba 'ba' zhig byas pas dngos grub 'bring dang tha ma gnyis 'grub par 'gyur ba de bshad/ rtsa ba'i rtog par gtogs pa'i le'u 'di la dngos grub gsum 'byung ste/ 'bring dang tha ma gnyis ni sngon du bsnyen pa dang brtul zhugs ma spyad par bzlas brjod dang mchod pa 'ba' zhig byas pas 'grub/ dngos grub mchog rnams lan sngon du bsnyen pa brtul

  643. 322a

    'di yang tshul 'di bzhin du bri bar bya ba ste/ zhal drug dbu yang gyen du brdzes/ /zhes pa dbu kham pa ser ba bya zhes so/ /smin ma ser zhing spyan yang ser/ /zhes pa ser po bya ba 'di dag cho ga? ser por kha dog cung zad gcig pas bya'o/ /spyan ni zlum po gsum dang ldan/ /zhes pa khro bo'i spyan gyi tshul du bri zhes pa'o/ /g.yas pa'i phyag ni mchog tri shul ral gri dang dgra sta zhes pa/ phyag g.yas drug la phyag mtshan nyid rnams bsnams so/ /khros pa'i phyag g.yon sdigs par mdzad/ /ces pa phyag g.yon drug la phyag mtshan 'di rnams thogs bya ba'i tha tshig bo/ /g.yon pa'i zhal zhes pa zhal gdongs pa'i tsham ngam zhes pa'o/ /mkhas pas ri mo bri bar bya/ /zhes pa sngags pas de lta bu'i tshul ?? ri mo bri bar bya'o/ /mkhas pas ri mo de ltar glo gnyis dag tu yang/ zhes pa ri mo sku gzugs de'i glo pha rol tshu rol gnyis su yang/ phyag rgya'i gzugs kyi lha gnyis bri par bya'o/ /g.yas su skyes pa khro bo'i gzugs/ zhes pa dbus kyi sku gzugs las g.yas rol tu zhes pa'o/ /bsngags shing zhal ni khro gnyer can/ /zhes pa phyag g.yon pa khro bo'i mdzub mo bsdigs pa brang du 'dzin zhes pa'o/ /zhal dang spyan ni khros pa'i tshul/ zhes pa khro bo de lta bu'i tshul du pad+ma'i steng na bzhugs par bri/ zhes so/ /g.yon du ro langs bri ba/ zhes pa dbus su sku gzugs las g.yon rol tu lha mo pe ta li bri bar bya'o/ /zhes so/ /'bar ba'i kha la gzi mdangs che/ /zhes ba me tog 'bar ba'i 'od gzi brjid che zhes so/ /? ma me? du gul gos gyon ma/ /zhes pa gso ma 'dra ba'i shing shun pa can las du gul gyi ras byed de sle'u ras dkar po 'dra ba'i kha dog cig yod do/ /yang na shid shun gyi ras kha dog dkar po gcig yod do/ /des stod g.yogs

  644. 322b

    zhes pa de nas shing las byas pa'i sku gzugs tshul bzhin du bshad par bya'o/ gtsang ma 'dod pa kun ster ba/ zhes pa shing las byas pa de dag gtsang ma 'dod pa thams cad ster bar mdzad pa'i sku gzugs de yang gong ma bzhin du sbyar bar bya'o/ /rig 'dzin kun gyi mchog 'dod na/ zhes pa rig 'dzin gyi rgyal por 'dod na zhes so/ tsan dan zhes pa dkar po zhes so/ /ra tsa arga'i zhes pa shing gi ming ngo/ byas pa'ang zhes pa gzugs byas pa yang 'dod pa'i don rnams ster zhes so/ /sar pa zhes pa ni/ rnying ba ma yin zhes pa'o/ /de bzhin ta la shing dag las/ zhes pa a ti muk+ta ka'i shing la bya zhes pa'o/ /de bzhin klu rnams 'gugs par byed/ ces pa 'di rnams kyang 'gugs na/ gzhan lta ci smos zhes so/ /sngar bsnyen la sogs ma byas par/ zhes pa bsgrub pa'i sngon du bsnyen pa'o/ /'di ni sku gzugs mtshan nyid dag /bzang po rgyas par gsungs pa bzhin/ zhes pa sku gzugs che chung gi tshad 'di bzhin du sngags bas mi bsgom du mi rung zhes bya ba med de ji tsam 'dod pa'i tshul du bsgom mo/ /'di man chad ri mo'i sku gzugs kyi mtshan nyid bshad do/ /ri mo'i mtshan nyid bshad par bya zhes bya ba/ ras dag la ri mo bris pa tsam mtshan nyid bshad par bya'o/ mi ro'i gos bzangs? bkrus nas ni/ /zhes pa la sogs pa mi ro la g.yog ba'i ras bzang po bkrus te sngags bas khru gang tsam ched du byas pa'i ras la zhes pa'o/ /zhes pa tshon gyi kha dog kun med par/ ri bong khrag gis bkru bar bya/ tshon rtsi gzhan med par ma 'brel ba dang/ ri bong gi khrag dang gtsag gis bris par bya'o/ /yang na de'i sku gzugs ni/ /snga ma bzhin du btsag gis bri/ zhes pa yang khro bo'i gzugs ni/ ri bong gi khrag las bris pa bzhin du btsag gis bri bar bya'o/ ri mo

  645. 323a

    rgyal po gcig pu bri ba'i cho ga bshad par bya'o/ /ri mor sar zangs bkrus nas ni/ /khru gang tshad du byas pa la/ /zhes pa'i mi shi ma thag tu khrus byas te/ ras mug gcig gis ro la 'gebs pa de bkrus la ras de khru gang tshad du bcad la zhes so/ /tshon rtsi spyin med bzang po bri/ zhes pa sbyin med pa'i tshon rtsi bzang pos ri mo bri bar bya'o/ /sprin ni nag pa 'dra pa yis/ zhes pa sku mdog sngon por bri/ zhi ba'o snga ma bzhin du bri bar bya/ zhes pa la sogs pa cha lugs dang/ phyag mtshan sngar bshad pa bzhin du bris te/ de ni ri mo'i sku gzugs bris pa yang sngar bshad pa bzhin du thog mar bsnyen pa drug 'bum byas nas de'i 'og tu ri mo bri bar bya'o/ /nyin re rtag tu mchod nas kyang/ zhes pa nyin re zhing dus gsum du mchod pa bya zhes so/ rab tu dben par bzhag nas kyang/ /zhes pa mi dag mi 'du ba dben pa'i gnas su phyogs su bzhag nas de'i mdun du bzlas pa bya zhes pa'o/ /'di man cad bzlas brjod kyi cho ga'i mtshan nyid bshad do/ /de ltar bzlas brjod bya ba'i thabs bshad de/ ri mo bkram nas mchod byas te/ zhes pa mdun du ri mo bkram nas mchod pa byas nas zhes pa'o/ /ku sha'i stan la zlos pa po 'dug nas ni zhes pa'o/ /mnyam par bzhag ces pa sems rtse gcig tu zhes so/ /mgo ni rma bya bzhin bkug ste/ zhes pa lus drang por bsrang te mgrin pa yid tsam bkug la zhes so/ /rtse gcig sems kyis bzlas byas te/ zhes pa dus gsum du zlos pa'i tshe/ mtshan nyid de dang sbyar zhes so/ /de ltar 'bum phrag gsum bzlas nas/ bsnyen pa bya ba'i 'og tu ni zhes pa de ltar ri mo bris pa'i 'og tu ri mo'i mdun du sum 'bum bzlas te bsnyen pa byas pa'i 'og tu zhes pa'o/ /de nas re khar gnas bcas te/ zhes pa de lta bzlas pa'i 'og tu ri'i rtse mor 'dzabs

  646. 323b

    dang/ smad g.yogs byas pa'i ras las kyang du gul gyi byed de/ de ni tshon rtsi dkar pos bri ba'i rigs so/ /gze byin rab tu bsdigs pa byed/ ces pa phyag g.yas pa khro bo'i khu tshur gyis bsdigs pa blar du 'dzin pa g.yas brkyang ba'i tshul du gzhugs par bri ste/ /sku mdog nyi tshad mar po bri/ /bros pa'i tshul zhes pa khro bo'i mig ces pa'o/ /bde gshegs sras kyi bka' nod ma zhes pa/ bka' bzhin du byed pa sku gzugs gnyis ka khro bo la blta bar bri/ de yang bka' bzhin byed pa'i tshul du bri ste pad+ma'i steng na bzhugs par bri'o/ /zhes so/ /gsang ba'i phyag rgya ri mo 'di/ /zhes pa snod ma yin pa la gsang ba'i sku gzugs 'di gnyis ri bong gi khrag gam btsag gis bri bar bya'o/ /dben pa'i gnas su bzhag par bya zhes pa mi mi 'du pa'i phyogs dben par bzhag go/ cho ga shes pas be con rgya/ /sku gzugs la ni bzlas par bya/ zhes pa skyes bu khro bo'i gzugs de la be con gyi phyag rgya dang ldan pa'i sngags bzlas na be con gyi phyag rgya 'grub par 'gyur ro/ /yang na ro langs phyag rgya ni/ /zhes pa ro langs kyi lha mo'i gzugs la bzlas na/ ro langs kyi phyag rgya 'grub par 'gyur ro/ /dben zhing 'du 'ji med par ni/ /bzhag nas nyin re mchod par bya/ /zhes sku gzugs de yang mi mi 'du ba'i gnas su nyin re zhing rtag tu mchod pa dus gsum du bya'o zhes so/ /yang na phyag rgya'i dkyil 'khor du/ zhes pa yang na yi dags phal po che'i dkyil 'khor du zhes pa'o/ /mnyam gzhag dngos grub 'dod pa yi/ /zhes pa sems ga rtse gcig tu bzhugs pas zhes so/ /mchod pa dang ni bzlas pa bya/ /zhes pa ri mo'i sku gzugs de la zhes pa'o/ /bdag gi phyag rgya bsgrub pa la sogs pa phyag rgya de gnyis gang bsgrub pa la bdag gis phyag rgya bsgrub pa zhes bya ste/ phyag rgya de bsgrub pa ri mo'i tshul du bshad pa yin no/ /'di man cad khro bo'i

  647. 324a

    las bzhogs pa tha lam pa sra ba bzang po sdug gu mdom gang ba bdag gi lag tu thogs so/ /de ni dpa' bo'i rkyen du yongs kyis srid pa'i phyir ro/ /'gro ba'i tshe rtsa ba'i sngags bzlas so/ /bgrod dka' ba yi lam nas 'gro /zhes ba lam thams cad tha lam dang lam po che dang thad bus bde ba dag la 'gro bar mi bya ste/ gal te de dag tu song na bdag gam pha rol po rnams ma rungs par 'gyur bas ni mi dag mi 'du bas mi bde ba dang bgrod dka' ba nas 'gro ste/ brgya la mi dang/ rta dang/ glang po che dang/ gang yang rung ba dang phrad par 'gyur na lam mi bzur bar drang thad du 'gro pa'o zhes so/ /brtul zhugs dag ces pa khro bo'i rgyal po zhes so/ /khro bo'i gzugs kyis zla drug tu/ /zhes pa khro bo'i sbyor ba dang ldan pa'i gzugs kyis zla drug tu sgrub pa po gang gis yang dag par spyod na sgrub pa po des ni mchog kyang thob bo zhes so/ /'di man cad brtul zhugs sbyad zin nas bsgrub pa la 'jug pa zhes bshad do/ /de nas bsgrub pa la 'jug na/ zhes pa de ltar sngags pas sngar brtul zhugs spyad nas de'i 'og tu bsgrub pa la zhugs te/ bsgrubs na the tshom med par dngos grub dam pa thob par 'gyur ro/ /de ltar spyod pa de'i dngos grub dam pa myur du 'grub bo zhes pa'o/ /bsgrub pa la ni bdud kyi ris/ /zhes pa sngags pa brtul zhugs spyod pa'i tshe dag na/ bgegs 'di dag 'byung ngo/ zhes so/ /gzugs dag dang zhes pa lha mo bzang mo zhes so/ /de bzhin gzhan gyi lus su ni/ /zhes pa gzhan 'dra ba'i gzugs su ston zhes pa'o/ /dbang po bsdams la 'tsho bar byed/ ces pa brtul zhugs spyod pa'i sngags pa des zhes so/ /de dag lhan cig sma mi bya/ /zhes pa de lta bu'i gzugs su ston pa de dag dang cung zad tsam yang chags pa mi skyed do/ /byang chub sems dang mnyam ldan pa/

  648. 324b

    bcas/ zas mi bza' par bsnyen pa 'bum bya'o/ /de ltar 'bum phrag bcu'i bzlas pa bya'o/ /'di man cad brtul zhugs bshad de/ dngos grub mchog dag 'dod pa yis/ /zhes pa de ltar bzlas pa byas pa'i 'og tu khro bo'i rgyal po'i dngos grub mchog 'dod pa'i/ sgrub pa pos de'i 'og tu khro bo'i brtul zhugs spyad par bya'o zhes pa'o/ /rtog pa las gsungs mi 'dod na/ /zhes pa rtog pa las gsungs pa'i dngos grub mchog mi 'dod pa'i sgrub pa pos ni sngar gsungs pa'i tshul du bsnyen pa 'bum phrag bcur bzlas nas/ rtog pa 'di las gsungs pa'i dngos grub 'bring dang/ tha ma bsgrub par gsungs shes so/ /'bring dang tha ma'i dngos grub dag /ces pa 'og nas bshad pa'i gzhung dang sbyar na bsnyen pa sum 'bum bzlas te 'byung ba bzlas pa bya'o/ /brtul zhugs med kyang legs par ni/ /bsgrubs na dngos grub thob par 'gyur/ /zhes pa dngos grub 'bring dang/ tha ma gnyis ni khro bo'i brtul zhugs ma spyad kyang sngon du bsnyen pa byas nas tshogs/ bzhin du bsgrubs na dngos grub thob par 'gyur ro/ /brtul zhugs des ni mchog kyang 'grub/ /ces pa khro bo'i brtul zhugs spyad pa'i sgrub pa pos ni dngos grub mchog thob par 'gyur ro zhes so/ /'di man cad dpa' bo'i brtul zhugs spyad pa bstan te/ lam mi gzur dad mi sma ba/ zhes pa bgrod dka' ba dang/ mi bde ba'i lam nas 'gro ba'i tshe mi dang/ rta dang/ glang po che la sogs pa gang yang rung ba cig lam du phrad na/ bdag khro bo'i rnal 'byor dang ldan pas bdag lam mi zur bar mi 'byol la de'i tshe mi smra ba bya'o zhes so/ /slongs mo za zhid dbang po bsdams zhes pa slongs mo'i zas za zhing 'gro ba'i tshe yang yul la mi g.yeng bar dbang po bsdam mo zhes pa'o/ /seng ldeng dbyug pa mdo ma gang pa/ zhes pa seng ldeng

  649. 325a

    zhugs spyod pas 'grub ste/ de yang dngos grub rnam pa bco lnga'o/ /lha'i mtshon cha'i dngos grub dang/ ro langs kyi dngos grub dang/ a dza na la sogs pa'i mig bskul ba'i dngos grub dang/ mi ro'i gos bsgrub pa dang/ gnod sbyin mo'i dngos grub dang/ sha za mo sgrub pa'i dngos grub dang/ klu'i bu mo'i dngos grub dang/ lha ma yin gyi bu mo'i dngos grub dang/ sha chen po btsong pa dang/ ba dan la bsgrub pa dang/ thal ba la bsgrub pa dang/ snag tsha la bsgrub pa dang/ bcag la bsgrub pa dang/ song gdub la bsgrub pa dang/ yungs kar pa bsgrub pa 'di rnams kyis bshad do/ /ji skad gsungs pa'i gzugs rnams ni/ zhes pa gong du bshad pa'i sku gzugs rnams zhes so/ /me tog ji skad gsungs de bzhin/ /zhes pa 'og nas gsungs pa'i mchod pa'i me tog ces so/ /rtag tu gang du mchod byed na/ /zhes pa la sogs pa sngags pa gang zhig mchod pa byed na lha'i brtul zhugs gong du bshad pa de dang/ sku gzugs kyi spyan sngar sum 'bum bzlas pa dang/ ri rtser 'bum bzlas pa/ ri rtse 'bum bzlas pa zhes bya ba'i bsnyen pa de bya mi dgos so/ /dran pa tsam ni 'ba' zhig gis/ zhes pa dus gsum du mchod pa byed pa dang/ bzlas pa byed pa'i sgo nas gang dang gang bsgrub par 'dod pa de dag nyid bzlas pa mchod pa byed pa 'ba' zhig gis zhes so/ /rgyal srid sbyin pa'i gzugs la ni/ /zhes pa nas/ gser gyi sku gzugs la zhes pa'o/ /tsan dan gur gum a ka ru/ /zhes pa de ltar kun byug pa'i tshe yang byug spos kyi sngags kyis brjod cing bsku bar bya'o/ /'di gsum gyi 'de gu la byug spos kyi sngags kyis gdab bo zhes so/ /ci rigs par ni byugs nas kyang/ zhes pa dbu dang spyan dag tu mi bsku bar gzhan ni

  650. 325b

    ci rigs par bsku'o/ /ri ka mdzes zhes pa pad+ma dkar po zhes so/ /ge sar ni me tog ces so/ /mchod gnas dus gsum du zhes so/ /bdug pa mar bcas pa'i zhes pa mar dang gu gul du bcas pa'i bdug pa zhes pa'o/ /de ltar byas na khyim pa dang zhes pa rab tu byung bas byas pa lta smos kyang ci dgos shes so/ /khro bo'i rgyal po'i de las sems ni brgya brjod de zhes pa dus gsum du rtsa ba'i sngags zhes pa'o/ /ci 'byor pa yi mchod pa'i bshos/ /zhes pa spyi'i gzhung su si ti ka ra'i nang nas 'byung ba'i bshos ci 'byor pas zhes pa'o/ /de yi spyan sngar dbul bar bya/ zhes pa khro bo'i sku gzugs de'i spyan sngar zhes so/ /sngar bsnyen la sogs med kyang sla/ zhes pa brtul zhugs byas te sku gzugs spyan sngar sum 'bum du bzlas pa dang/ ri'i rtser 'bum bzlas shes bya mi dgos zhes pa'o/ /de ltar sbyor ba zla ba drug gis zhes pa tshul de ltar nyin re dus gsum du rgyun tu byed pa zla ba drug gis bar du byas na/ rkun po dang/ dgra dang/ rgol ba med pa'i rgyal srid kyang the tshom med par thob par 'gyur ro/ /'di ni dngos grub 'bring ngo/ nyin gcig bzhin du mchod pa thob par 'gyur/ /zhes pa gong du bshad pa'i tshul de ltar mchod cing bzlas pa byas kyang rgyal srid ma grub par gyur na/ nyin gcig bzhin mchod cing bzlas na yul thob par 'gyur ro/ /'di dag dngos grub tha ma'o/ /las 'di gdon mi za bar ni/ /zhes pa tshul de ltar byas pa'i las de nas gdon mi za bar zhes bya'o/ /rnyed par 'gyur zhes pa gser gyi dor rtse 'bum zhes pa'o/ /longs spyod sbyin pa'i gzugs la ni/ /zhes pa dngul gyi sku gzugs la zhes so/ /tsan dan gur gum a ka rus/ /zhes pa 'di gsum gyi 'de gus sngags pas sku gzugs la legs par bskus nas ni zhes pa'o/ /me tog dkar po'i phreng bas rab tu mchod

  651. 326a

    ces pa'o/ /me tog dkar po'i phreng ba yis/ zhes pa yon tan ldan pa'i me tog dkar po yon tan dang ldan pa gang yang rung zhes pa'o/ /dus gsum du nyin gcig bzhin du mchod pa byas nas shes pa'o/ /mar dang ldan pa'i gu gul 'am/ zhes pa mar dang gu gul sbyar ba'i bdug pas zhes pa'o/ /kun tu da'i lce bong dkar po'i bdug pa'ang dbul zhes so/ /me tog a ti mu ta ka /zhes pa tshul de ltar zla ba drug gi bar du mchod pa dang/ bzlas pa byas nas de'i 'og tu mjug tu me tog a ti muk+ta ka re re la sngags lan re re bskul tshig dang ldan par bzlas pa'i me tog 'bum sku gzugs de la dbul bar bya'o/ /de yi mjug tu 'byung 'gyur te/ zhes pa de ltar cho ga byas pa'i 'og tu longs spyod ces pa'o/ /'di la dpyad pa dgos pa med/ ces pa cho ga 'di ltar byas dpyad cing the tshom med/ the tshom mi dgos par longs spyod thob par 'gyur zhes pa'o/ /nad sel ba'i gzugs la ni zhes pa mkhar ba'i sku gzugs la zhes pa'o/ /tsan dan dmar po'i bde gus bskus nas kyang zhes so/ /thang shing gi ni bdug pa dag /phul nas me tog gtsang ma dag /ces pa ji snyed pa'i me tog gtsang ma yon tan ldan pas cho ga 'di ltar dus gsum du mchod par bya'o/ /bdug pa 'am thang shing gi thang chu las bdug par bya'o/ /la la na re thang shing nyid chu thags su btags pa'i phye ma las bdug par bya'o/ /zhes so/ /mchod pa byas nas ci 'byor ba'i/ /zhes pa la sogs pa de ltar nyin re zhing dus gsum du zla ba drug gi bar du bzlas pa dang/ mchod pa byas nas de'i mjug tu bdag gam gzhan gyi nad chen po zhi ba dang nad med par gyur cig pa'i tshul du bskul tshig dang ldan pas zla ba gcig gi bar du byas na su yang rung nad chen po de byang bar

  652. 326b

    'gyur ro/ /zhes pa'o/ /'dod gu sbyin pa'i gzugs la ni/ zhes pa zangs dang ra gan gyi sku gzugs dag la zhes so/ /de ltar yang ni mchod byas na/ zhes pa la sogs pa las gang dang gang du bsgrub pa la mchod pa gang dang gang gis mchod par rig pa de dag gong du sngar bshad pa'i tshul bzhin du so so mchod pas nyin re dus gsum du mchod cing bzlas pa zla ba drug gi bar du bya'o/ /sngags pa bzlas brjod byed pas sngags pa gang dang gang bya ba de dang de'i bskul tshig bcug la las bsgrubs na zhi ba dang/ rgyas pa la sogs pa'i las gang bsgrubs pa de 'grub par 'gyur zhes pa'i tha tshig go /sngags pa yid dang mthun pa'i 'dod pa'i don/ /de yang de ltar yang dag bsgrub/ ces pa de yang gong du bshad pa'i tshul bzhin du bsgrub po zhes so/ /sku gzugs rab tu mchod byas nas/ /zhes pa gnas gang yang rung bar sku gzugs la mchod pa bya zhing bzlas pa zla ba drug gi bar du bya'o/ /sku gzugs nyin gcig bzhin du ni/ dus gsum du zhes ba'o/ /de ltar kun tu rab mchod nas/ zhes pa zla ba drug gi nang tshun chad du khro bo'i sngags zhes pa'o/ /sngags pa blo dang ldan pas mchod pa dang bzlas pa dag kun byas na zhes pa'o/ /bsgrub pa nyid ni ma thob kyang/ zhes pa dngos grub 'bring zhes pa'o dngos grub phra mo thob par 'gyur/ zhes pa zhi ba dang/ rgyas pa dag gis las nus pa'i dngos grub thob par 'gyur ro zhes pa'i tha tshig go /'di man cad dngos grub mchog bsgrub pa bshad de/ de la dngos grub mchog ni sngon du bsnyen pa dang/ brtul zhugs spyad pas 'grub ste/ de yang dngos grub rnam pa bco lnga'o/ /de la dang po lha'i mtshon cha zhes pa'i dngos grub bshad do/ /yang na khro bo'am phyag rgya rung/ zhes pa khro bo'i rgyal po'i ri mo dang/ phyag rgya'i gzugs kyi ri mo? gnyis dang/ ri

  653. 327a

    mo gsum las gang yang rung ba cig ces pa'o/ /lha yi brtul zhugs des kyang bsgrub/ ces pa lha'i brtul zhugs spyad pas dngos grub mchog bsgrub par bya'o zhes pa'o/ /de nas gzhan yang brtul zhugs kyis/ zhes pa brtul zhugs spyad pa gang dngos grub mchog bsgrub par 'dod pa de'i cho ga rgyud chen po las mdor bsdus nas bshad par bya'o zhes pa'i don to/ /'di man cad mtshon cha'i dngos grub 'chad de/ de nas khro bo'i gtso bo yi/ /zhes pa nas bstan te/ de nas khro bo'i gtso bo yi/ /zhes pa khro bo'i rgyal po de'i phyag rgya'i mtshon char gtogs pa'i tri shul de da bsgrub na zhes pa'o/ tri shul shin tu gsal bsgrub na/ zhes pa dngos grub bsgrub pa'i rdzas mtshan nyid dang ldan pa skyon med pa la bya'o zhes pa'o/ /ur mo'i lcags la byas pa yi/ /zhes pa pu sha lo ha zhes bya ba ste/ lcags zhun ma las byas pa 'am/ lcags khung nas byung ba'i pu sha lo ta las byas te dper na ze smug gu 'am ru shal lta bu/ lcags khung nas byung ba'i pu sha lo ha'i lcags las bya'o/ /tri shul sor ni bcu gsum pa rno la bzang zhing rab legs pa/ zhes pa tri shul de yang rtse mo dang yu ba'i bar srid du sor bcu phyin par bya'o/ /rtse gsum gdeng po dang gnyis te sor brgyad tsam du bya'o zhes so/ /ri'i rtse zhes pa gnas so/ /ri mo bzang po de bris nas zhes pa ri mo'i sku gzugs gang yang rung ba gcig ces pa'o/ /rno la bzang zhes pa tri shul de la yang thog mar dang por tri shu la'i mtshan nyid bshad pa bzhin byas nas ri'i rtse zhes pa bsgrub pa'i gnas der 'dug ces pa'o/ /de nas mchod pa rgya chen dang/ zhes pa sngar yi dags phal po che'i dkyil 'khor du mchod pa bshad pa bzhin du rgyas par bya zhes pa'o/ /phyogs kyi gtor ma kun tu bya zhes pa dkyil

  654. 327b

    'khor gyi phyi rim du dgod/ phyi rol phyogs su yang gtor ro zhes pa'o/ /tri shul me tog dkyil 'khor la/ bzhag nas me tog dag gis mchod/ ces pa yi dags phal po che'i dkyil 'khor gyi dbus su me tog bkram pa de'i steng du tri shul bzhag la/ tri shul yang me tog gis mchod do zhes pa'o/ /tsan dan dmar pos kun bkrus shing/ zhes pa/ tri shul tsan dan dmar po'i 'de gus zhes so/ /me tog dag gis thams cad brgyan/ /ces pa me tog gi phreng bas brgyan zhes so/ /cho ga bzhin du lag gis bzung zhes pa tri shu la'i yu ba lag pa g.yas pas bzung zhes pa'o/ /bsgrub pa po/ /ri mo la ni mngon phyogs 'dug ces pa'o/ /khro bo'i mchog gi sngags dag gis/ tri shul ni mkhas pas bzlas/ zhes pa bsgrub pa pos lha gang bsgom par zad do/ /khro bo'i rgyal po bsgom na rtsa ba'i yi ge bcu bdun pa bzlas so/ /pe ta li bsgom na khro bo'i ro langs kyi bkas brgyan pa'i sngags mang po bzlas so/ /be con phyag rgya'i gzugs bsgom na/ be con gyi phyag rgya'i sngags bzlas so/ /zhes pa'o/ /de yi nyes ba sbyang ba'i phyir/ tri shu las nyes pa dang skyon sbyang ba'i phyir zhes so/ /brgya rtsa brgyad du bzlas nas su zhes pa bdag nyid lha gang de bsgom pa'i sngags kyis zhes pa'o/ /khro bo mchog gi sngags dag gis zhes pa la sogs pa dkyil 'khor gyi mdun rgyas pa'o zhugs thab byas nas/ thab der me spar te gzar bu chung ngus mar khu bcus shing/ tri shu la gtugs nas sbyin sreg bya'o/ tshul de ltar sbyin sreg stong bya ba yang bsgrub pa'i rdzas tri shu la de gzengs bstod cing byin dang ldan par byin gyis brlab pa'i phyir ro/ /gdug pa'i sbyin sreg stong byas na/ zhes pa kha cig ni sgrub pa'i rdzas la mi gtug par sbyin sreg bya ba bshad do/ /lag pas bsgreng ste bzung nas su/ /zhes pa de'i 'og tu tri shul lag pa g.yon pas bzung nas bsgreng ste zhes pa'o/ /dpa' zhing brtan par tshul 'dug nas/ zhes pa la

  655. 328a

    sogs pa mi 'jigs pa'i tshul du 'dug nas zhes bya ba'i don to/ /kha cig ni bsgreng ste bsgrub par bshad/ /tri shu la me 'bar ba byung gi bar du bsgrub ba pos bzlas brjod bya'o/ /tri shu la zhes pa de 'bar bar gyur na zhes so/ /bsgrub pa po de nas gyen du 'phar bar 'gyur zhes pa'o/ /sngags kyi mthu yis mig gsum la/ zhes pa bsgrub pa po'i mthus ni bsgrub pa po'i lus lha'i sku 'di 'dra bar 'gyur ro/ /rig 'dzin gzhan rnams thams cad kyang/ /zhes pa rig 'dzin gyi rgyal por gyur pa la bya'o zhes so/ /de la zhes pa grub pa de la zhes so/ /dbang phyug ces pa longs spyod ces pa'o/ /'dod pa'i gzugs can yid bzhin myur zhes pa bdag nyid gang 'dod pa'i gzugs su bsgyur la yid la bsams pa tsam du mgyogs par 'gyur ro/ /du ba 'byung zhes pa tri shul du ba rgyud na zhes pa'o/ /de nas bsgrub pa po de lus mi snang bar 'gyur zhes so/ /'on te tri shu la de ni tsha gyur na zhes pa'o/ /dpung dang ldan zhes pa dmag gi dpung dag la bya zhes pa'o/ /g.yul ngo chen po la sogs par/ 'jigs shing skrag pa skyed par byed/ ces pa gnas de lta bu dag tu bdag song nas dmag gi dpung dang/ lha ma yin dang/ g.yul ngo chen po'i gnas de dag thams cad 'jigs shing skrag par byed do/ /zhes pa'o/ /de ltar dang po bsgrub pa'i mchog ces pa bsgrub pa po dngos grub mchog bsgrub pa de ltar dang po'i tshul bzhin du bshad pa yin no/ /'og nas 'byung ba dang sbyar ro/ /ral gri sgrub pa dag bshad de/ ur mo'i lcags las byas pa'i zhes pa sngar bshad pa'i lcags las byas pa'i ral gri zhes pa'o/ /srid du ral gri sor ni bcu gnyis pa zhes pa'o/ /legs par byas shing 'phan med zhes pa mtshan nyid dang ldan pa ste skyon med pa zhes pa'o/ /mchod pa la sogs sngon bzhin du/ /zhes pa yi dags pa la

  656. 328b

    po che'i dkyil 'khor dur khrod thal bas bri ba dang/ maN+Dal gyi steng du me tog bkram pa'i steng du ral gri bzhag nas mchod pa bya ba la sogs pa sngar bshad pa bzhin no zhes pa'o/ /bdug pa sbyin sreg byas nas su zhes pa dkyil 'khor gyi mdun du rgyas ba'i thab tu bsgrub pa'i rdzas gzeng bstod pa'i phyir snga ma bzhin du sbyin sreg bya'o/ /bzung ste zhes pa lag pa g.yas par bzung zhes so/ /'bar ba 'byin zhes pa ral gri las zhes pa'o/ /bsgrub pa pos 'bar ba de ni mthong nas su zhes pa'o/ /rig 'dzin mchog tu de 'gyur ro/ /zhes pa rig 'dzin gyi rgyal por 'gyur ro/ /du ?'byung zhes pa ral gri zhes pa'o/ /sgrub pa po de nas mi snang 'gyur zhes pa'o/ /ral gri tshal bar gyur na de bzhin du/ /stobs chen rkang pa mgyogs par 'gyur zhes pa'o/ /lo brgya zhes pa lha'i lo zhes pa'o/ / dpyad mi dgos zhes pa the tshom med do zhes pa'o/ /gal te 'di las ma bsten nas/ zhes pa dngos grub sgrub pa 'di la zhes pa'o/ /dngos grub thob par ma gyur na/ zhes pa dngos grub gsum las 'ga' yang thob par ma gyur na zhes so/ /ral gri brtson 'grus mchog ldan pas/ zhes pa ral gri mthu dang ldan de zhes so/ /myur zhing mi ngal nyon mi mongs/ zhes pa bdag nyid mi ngal nyon mi mongs par lo stong dag thub par 'gyur ro zhes so/ /da ni be con bsgrub pa bshad/ shing ko phyi dang ra'i be con nam zhes pa'o/ /be con yang na seng ldeng dag las bya zhes pa'o/ /gshin rje be con lta bu bzang zhes ba gshin rje'i be con gyi mtshan nyid lta bur byas zhes pa'o/ /be con gyi srid du sor ni bzhi bcu rtsa gnyis pa'o/ /de nas blo can dur khrod du/ zhes bsgrub pa'i gnas dur khrod du bya ste/ zhes pa'o/ /gtor ma sme gtor zhes pa'o/ /cho ga rgya cher byas zhes pa dkyil 'khor ri mo dgos par bshad do/ /be con mchog la sngon bzhin du zhes pa sgrub pa'i rdzas be con gzeng bstod pa'i phyir

  657. 329a

    sbyin sreg bya ba dag ni sngar bshad pa bzhin du bya'o/ /bsgrub pa po gos ni dmar po dag gi bgos/ zhes pa'o/ /me tog dmar po dang thal bas brgyan ces pa 'di dag gis lus brgyan cing thal bas bsku'o zhes pa'o// be con ni bsreg gzhir bzhag ces pa/ be con mi ro bsregs pa'i sa gzhir bzhag go/ yu ba nas lag pa g.yas pas bzung zhes pa'i/ be con lag na 'gul ba'i bar zhes pa be con 'gul 'gul du bzlas brjod bya'o/ /de nas drug po'i khro bo'i bdag ces pa de nas be con de grub na/ sgrub pa pos de 'di 'dra bar 'gyur ro/ /'go bar 'gyur zhes pa nam mkha' la 'gro zhes pa'o/ /kha dog 'dra zhes pa sngon po'i mdog la bya zhes pa'o/ /gal te khro bo de 'dod na/ zhes pa khro bo des pha rol po gsod par 'dod na/ be con gyis lha rnams kyang gsod na gzhan lta ci smos zhes pa'o/ /da ni dgra sta bsgrub pa bshad do/ /dgra sta de ni sor drug pa/ zhes pa dgra sta de nyid kyi srid du sor drug pa zhes pa'o/ /cho ga snga ma bzhin bsgrubs na zhes pa dkyil 'khor bri ba dang mchod pa bya ba dang/ rdzas gzeng bstod pa'i phyir sbyin bsreg dang/ gzung ba'i thabs dang/ thams cad cho ga sngar bshad pa bzhin no/ /dngos grub de dag de yis thob/ ces pa dngos grub rnam gsum sgrub pa bos thob ces so/ /de nas gzhan yang lcags kyu'i mchog ces pa lcags kyu las dngos grub mchog 'grub par 'gyur bas na mchog ces pa'o/ /ur mo'i zhes pa sngar bshad pa'i lcags las zhes pa'o/ /lcags kyu'i zhes pa ni lcags kyu che chung gi srid du sor bzhi'i tshad du ste zhes pa'o/ /de'i yu ba yang lcags kyu de'i yu ba zhes pa'o/ /yu ba'i srid du mnyam ba'i sor ni bco brgyad pa zhes pa spom phra med pa lcags kyu tsam gyi sbom du bya'o zhes pa'o/ /nub mo mchod

  658. 329b

    pa gtor ma bya/ ri yi rtse la 'dug nas su/ /zhes pa ri'i rtse mor dkyil 'khor bris la der mchod pa dang/ gtor ma dag sngar bshad pa bzhin du bya zhes pa'o/ /lcags kyu chen po sgrub par bya/ zhes pa yon tan che bas na zhes pas so/ /ser skya zhes pa'i kha dog ces pa'o/ /gdug pa'i sbyin sreg byas nas su/ /zhes pa lcags kyu la reg par bya zhes bsreg /bsgrub pa'i rdzas bstod pa'i phyir sbyin bsreg sngar bshad pa bzhin du bya zhes pa'o/ /bzung ste bzlas pa zhes pa lag pa g.yas pas bzung ste zhes pa'o/ /de nas de ni thogs pa yis/ /zhes pa 'bar bar gyur te thogs pa zhes pa'o/ /gyen du 'phar zhes pa nam mkha' la 'gro bar 'gyur zhes pa'o/ /bsgrub pa'i sngags pa de'i bka' yang rab tu nyan par 'gyur zhes pa'o/ /lcags kyu mchog ces pa yon tan la bya ste zhes pa'o/ /du ba byung bar 'gyur na ni/ /zhes pa bsgrub pa po de'i mthu stobs kyang che la lus mi snang bar 'gyur zhing 'di'i grib ma yang mi snang bar 'gyur ro zhes so/ /sngags pa bye ba gsum du gson/ zhes pa sngags pa de'i tshe bye ba phrag gsum du 'tsho'i zhes so/ /grub pa de la gnod sbyin rig 'dzin rnams kyis mchod ces so/ /bde ba zhes pa longs spyod kun dang rab tu ldan zhes pa'o/ /'dod pas 'gro zhing stobs kyang che/ zhes pa 'dod dgur 'gro zhing mthu stobs kyang che'o/ /zhes pa'o/ /gal te lcags kyu de ni tshar gyur na zhes pa'o/ /nang par bkras shis byas nas su/ /lcags kyu bzang po de thogs nas/ /ces nub cig bsgrub pa po las dngos grub rnam gsum las gang 'grub kyang rung ste/ sgrub pa'i tshe nang par bag nyid khrus byas nas mchod pa yang bya/ /lus bsrung ba yang byas pa 'grub pa'i rdzas de dag thogs par bya'o/ /grub pa kun la 'di bzhin sbyar ro zhes so/ /bzlas nas brgya byin la sogs pa'i zhes pa la sogs pa lcags kyu

  659. 330a

    lag pa g.yas kyis thogs nas/ brgya byin la sogs pa lha rnams 'gugs par 'dod na sngags yi ge bcu bdun pa mjug na phaT ces bya ba'i 'og tu tshe ge mo zhig a karSha ya phaT ces bya ba la sogs pa'i tshul du bskul tshig bcug ste/ bzlas so zhes pa'o/ /sogs pa zhes bya ba 'og nas 'byung ba la bya ste/ lha rnams zhes pa'i tshul de ltar byas nas bkug na gdon mi za bar 'khrugs zhes pa'i don to/ /yi dags zhes bya ba 'drel bya'o zhes pa'o/ /ro langs rigs kyi rnams dang zhes pa'o/ /ji lta 'dod bar byed du 'jug/ ces pa bdag gi 'dod pa'i las rnams byed du gzhug go zhes pa'o/ /khu ba zhes pa gser sgyur rtsi zhes pa'o/ /ra sa yang na dang/ zhes pa bod rdo la sogs pa la bsgrubs/ /gser la sogs pa 'gyur ba'i ? ba 'am// dngul chu 'dra ba'i sbyor sman rnams rdzas dag tu sgyur du rung ba yang dbul bar byed ces pa'o/ /gzhan yang sgrub pa'i rdzas rnams dang zhes so/ /gzhan yang sngags pa yid la gang 'dod pa zhes pa 'o/ /de dag thams cad de la ni/ zhes pa khu ba ra sa ya na la sogs pa grub pa de sngags pa de ni zhes pa'o/ /lha dang gnod sbyin la sogs zhes pa lha de dag gi ji snyed pa sngags pa de la dbul bar byed do zhes so/ /de yi bka' ni thams cad kyang/ zhes pa sngags pa sgrub pas de'i bka' zhes so/ /'jigs pas nges par 'gyur/ zhes pa sngags pa des lha dang gnod sbyin la sogs pa rnams zhes pa'o/ /ngo mtshar kun gyis brgyan pa yi/ zhes pa lha dang gnod sbyin la sogs pa rnams so so'i chos ngo mtshar can gyis brgyan cing zhes pa'o/ /bdag gis zhon pas yongs bskor cing zhes be lha dang gnod sbyin la sogs pa de dag rang rang gi bzhon pa la zhon te rang rang gi 'khor rnams kyis kyang so so'i gnas bskor cing zhes pa'o/ /ngo mtshar kun dang rab ldan pa/ zhes lha de dag so

  660. 330b

    so rang rang gi longs spyod ces pa'o/ /'jig rten nam lus ston par byed/ ces pa khams gsum dag kyang ston par byed do zhes pa'o/ /rdzu 'phrul longs spyod yon tan gyis/ zhes pa lha dang gnod sbyin de dag gis zhes pa'o/ /dga' bar byed ces pa grub pa'i sngags pas de la zhes pa'o/ /ji srid lcags kyu 'chang ba'i mi/ /zhes pa ji srid grub pa'i lcags kyu lag na 'chang ba de la zhes pa'o/ /de yi bka' yis nges pa rung/ zhes ba lcags kyu lag na thogs te bcing ba'i bka' zhes pa'o/ / gnod sbyin mo dag rang rang gis zhes gnod sbyin mo rang rang gi longs spyod dang 'dod pa'i longs spyod kyang nye bar sbyor ro zhes so/ /de ste las kyi skyon dag gis/ zhes pa sngon gyi las kyi sgrib pas zhes pa'o/ /lcags kyu de tsha ba tsam du ma gyur na zhes pa grub par ma gyur pa'i lcags kyu de zhes so/ /lcags kyu de nyid 'dir bzang ste/ zhes pa sgrub pa pos mtshan gcig tu lag pa g.yas kyi bzung ste zhes pa'o/ /nad par dben par 'dug nas ni zhes pa sgrub pa de ma grub pa'i nad par mi la bya zhes pa'o nu mo dag gis ming cug ste/ zhes pa rtsa ba'i sngags kyi mjug tu che ge mo ma zhig a karSha ya zhes pa'i bskul tshig bcug ste bzlas so/ /'di la maN+Dal bri mi dgos so/ /de nas cho ga des myur du 'ong bar 'gyur zhes pa'o/ /me tog 'bras bu de bzhin grub ces pa gzhan yang 'di dag 'gug par byed do zhes so/ /ma grub na yang rtag pa ru/ zhes pa dngos grub rnam gsum zhes pa'o/ /de ltar lcags kyu dam pa 'di/ zhes pa lcags kyu des dngos grub dam ba 'grub cing yon tan che bas na/ dam pa'i lcags kyu dngos grub ces pa bshad zin to/ /'di man chad thod pa la dngos grub bsgrub pa bshad de/ thod pa'i dngos grub gang yin pa/ zhes pa nas bstan te/ sgrub pa gang dag bshad pa ni/ lag pa g.yas pas bzung bar bya/ /zhes pa sngar bshad

  661. 331a

    pa dngos grub pa'i rdzas de dag ni lag pa g.yas pas bzung ste sgrub par bya'o/ /ci'i phyir zhe na/ mtshon cha de dag phyag g.yas pa na bsnams pas sgrub pa'i tshe na yang lag pa g.yas kyis bzung ste bsgrub pa zhes pa'o/ /thod pa la sogs pa zhes pa shag ti dang tho mar dag bsdu zhes pa'o/ /lag pa g.yas pas bzung bsgrubs na/ zhes pa phyag g.yon pas bsnams pa'i phyir sgrub pa'i tshe yang rdzas de dag lag pa g.yon pas bzung ste bsgrubs na ji ltar bshad pa bzhin du dngos grub thob par 'gyur ro zhes bya ba'i tha tshig go /shing la legs par bya ba ni/ zhes pa hom gzar byed pa'i 'tshe shing gi mtshan nyid 'di la bya'o/ /thod pa'i sor ni nyi shu la zhes pa gdong gi zheng gi ched ces pa'o// mnyam la rab tu legs par byas/ zhes pa che chung med cing thag thug med pa zhes pa'o/ /nyes pa thams cad rnam spangs pa/ zhes pa mdzer pa la sogs pa'i shing skyon de dag ces pa'o/ /ri yi rtse mor bdug gnas su/ /mchod dang gtor ma'i rim pa byas /zhes pa'i ri'i rtse mor dkyil 'khor bris la der mchod pa dang/ gtor ma la sogs pa cho ga bzhin du bya zhes pa'o/ /gdug pa'i sbyin sreg byas nas su/ zhes pa rdzas gzeng bstod pa'i phyir sbyin sreg bya'o/ /sngags kyi bsrung bas mthu bskyed do/ /zhes pa la sogs pa sgrub pa'i rdzas la sngags kyi mthu bskyed do/ /de'i phyir sngags kyis bsrung ba sgrub pa'i rdzas kun la sbyar ro/ /thod pa la lag pa g.yon pas bzung zhes pa grub pa'i che na lhung bzed 'dzin pa'i thabs su lag pa g.yon pas zhabs nas bzung nas lag pa g.yas pas thod pa'i steng nas kha dag pa'i tshul du bkab la phang par blangs te sgrub po zhes pa'i don to/ /du ba 'am cha bar 'byung gi bar/ zhes pa de ltar dngos grub rnam gsum

  662. 331b

    'byung gi bar du rtsa ba'i sngags bzlas par byas zhes pa'o/ /de la rnam par spyod mi dgos/ /zhes pa de ltar gyur pa the tshom med zhes pa'o/ /'on te de 'dir ma grub na/ zhes pa thod pa de de ltar bsgrubs pa las skabs 'dir ma grub na zhes pa'o/ /de nas sa la mi bzhag par zhes pa thod par zhes pa'o/ /sngags pa des de yi thod bde blangs nas/ zhes pa'o/ /shing gi khri la zhes pa a ni khri'u steng du bzhag ces pa'o/ /ras kyis zhes pa ni mi dag gis ma mthong bar ras dkar po du ma gcig gis g.yog go/ yid la ci 'dod ces pa la zan la sogs pa gang yang rung ba'i kha zas 'byung bar 'gyur ba'i thabs 'di ltar byas na kha zas 'di dag 'byung bar 'gyur ro/ /zhes pa'o/ /lag gis bzang zhes pa thod pa lag pa g.yon pas bzung/ stong rtsa brgyad chos pa rtsa ba'i sngags sgrub pa pho la nyin re zhing/ zhes pa nyin re mi 'chad par thod pa de las gang yang rung bza' 'dod pa de dag 'byung bar 'gyur ro zhes so/ /bya nar bcas pa nges ba ru/ zhes pa zan dang mar du bcas pa 'am/ zan dang tshod mar bcas pa zhes pa'o// bdud rtsi zas ni sbyin par bya/ zhes pa de yang bsti sta dang gus pa'i sems kyis sbyin zhes pa'o/ /tshul bzhin byin pa'i 'og tu ni/ /zhes pa sems can la de ltar sbyin pa'i 'og sgrub pa po bdag nyid khrus byas gtsang sgra byas te tshul bzhin du bzlas pa'o/ / thod pa bsgrub pa bshad pa 'di lag pa g.yon pas bzung bar bya/ zhes pa thod pa phyag g.yon nas bsnams pas lag pa g.yon pas bzung ste bsgrub par bya'o/ /'di man chad shak+ti sgrub pa bshad de/ shak+ti rnon po zhes pa ma ?thung zhes pa'o// lags byas pa zhes pa mtshan nyid dang ldan pa'o/ /bshol ba med par bsgrub par bya/ ur mo lcags las byas pa'i mchog /ces pa sngar bshad pa lta bur lcags la bya zhes pa'o/ /bkra shis ser na nyi shu gnyis zhes pa spyi srid sor sum cu

  663. 332a

    gnyis shak+ta'i rtsel ni srid du sor bzhi sngar gsungs pa ste/ bshad pa'i cho ga bzhin du chu 'gram gtsang mar dkyil 'khor bris la rdzas gzeng bstod pa dang/ bsrung ba dang/ mchod pa la sogs pa tshul bzhin du byas te mtshan mo bsgrub po/ /tshul de ltar bsgrubs na dngos grub rnam gsum las gcig 'grub ces bya ba'i tha tshig go /'di man chad mnga' bo che bsgrub pa bshad de/ sto mar ya mkhas pas bsgrub ces pa gong du ji skad bshad pa'i tshul bzhin du sto mar bsgrub pa ni sngags pas mda' bo che bsgrub ces pa'o/ /ur mo'i lcags la byas pa'i mchog ces pa sngar bshad pa lta bu'i lcags la bya zhes pa'o/ /rab tu rno ba snga ma bzhin/ zhes pa to mar mtshan nyid ldan pa bzang po la bya'o/ /tshad ni shak+ti 'dra'o zhes pa'o/ /gdug pa'i sbyin sreg byas nas su/ zhes pa gzeng bstod pa'i sbyin sreg kyang bya'o/ /tsan dan dmar pas gdab par bya/ zhes pa tho mar tsan dan dmar po'i 'di gus byug go /zhes pa'o/ /ri'i rtse mor gnas nas ni/ zhes pa zhib tu sngar bshad pa'i tshul du sgrub bo zhes pa'o/ grub na 'bras bu snga ma bzhin/ zhes pa dngos grub rnam gsum las 'gyur ba snga ma bzhin no/ /'di man cad sdigs mdzub bshad pa/ lag pa g.yon pa'i mdzub mo ni/ zhes pa lag pa g.yas pa'i chang pa'i nang du spel la snying ga tsam du bya'o zhes pa'o/ /cho ga snga ma bzhin byas na/ zhes pa cho ga sngar bshad pa'i tshul bzhin du bsgrub bo/ /zla ba gza' yis zin pa'i tshe zhes ba dus dang sbyar te dngos grub bsgrub pa 'di'i thad kar 'ju par bya'o/ /stan gcig la ni legs 'dug nas/ zhes pa mi g.yo mi 'ong 'dug pa'i don to/ /gdon mi za bar zhes pa the tshom med pa zhes so/ /mdzub mo de ni tshang bar

  664. 332b

    'gyur yang srid ces ba'o/ /rig 'dzin go 'phang thob par 'gyur/ /zhes pa rig 'dzin du 'gyur ro zhes ba'o/ /mdzub mo 'grub par ma gyur na/ zhes pa dngos grub rnam gsum zhes pa'o/ /dngos grub nyams kyang nges par ni/ /zhes pa grub par ma gyur kyang/ /las rnams tshogs ni byed bar 'gyur zhes pa'o/ /khros nas de yis bsdigs na ni/ zhes pa pha rol la mdzub mo de yis bsdigs nas/ mi de ji ltar 'dod pa ru/ de ma thag tu 'gyel bar 'gyur/ zhes bya ba'i don to/ /de ni lag pa g.yas pa yis// ji srid 'dod par slong bar byed/ ces pa sngags dang bcas par lag pa g.yas pas blang ngo/ zhes pa'o/ /bsdigs par nus zhes pa mdzub mo des zhes pa'o/ bsdigs par nus zhes pa mdzub mo zhes pa'o/ /ljon shing dang ni nags tshal rnam so/ zhes pa shing gsher ba zhes pa'o/ /de nas de ni mdzub mo des/ zhes pa tshul de ltar bsgrubs pa de yis ring po mi thogs par rnyil bar byed ces pa'i don to/ /kun sbyin pa'i zhes pa gong du bshad pa rnams zhes pa'o/ /bsgrub pa mchog ces pa/ mdzub mo'i dngos grub mchog ces so/ /da ni zhags pa bsgrub pa bshad de/ shi ba'i skra las zhags pa ni/ zhes pa skyes pa 'am bud med gang yang rung ba'i skra la zhags pa bya zhes pa kha cig gis bshad nas sngar bshad pa dang sbyar na/ bu mo'i skra la bya bar rigs so/ /mi gcig shi ba'i skra las ci langs pa'i zhags pa bya'o/ /sgom zhing yid du 'ong ba dang/ zhes pa mjar 'jur dang phra sbom med pa'i mthe bong tsam mam mdzub mo tsam du bya'o/ /cho ga snga ma bzhin byas na zhes pa sngon byas so zhags pa bzhin du bsgrub bo/ /de nas dngos grub thob ces pa zhags pa de yi dngos grub rnam gsum thob bo zhes pa'i tha tshig go /'di man cad 'ga' te bsgrub pa bstan te/ shing ni rab tu bzang po las/ zhes pa a shat+tha la sogs pa la bya/ zhes pa'o/ /'ga' ta sor ni bcu drug bya/ zhes pa bong? ba la

  665. 333a

    bya ste/ dbyub to la yang yin zhes pa'o/ /legs par zhogs shing legs bris pa/ zhes pa mgo mjug gnyis su ri mo dag bri/ zhes pa'o/ /bzang po yid du 'ong byas nas/ gser bzang po khyim bag gis bkri zhes pa'o// de yi rtsel nor bu ni/ /zhes pa 'ga' ste de'i rtse mor zhes pa'i cho ga sngon du bshad pa bzhin zhes zhib tu sngar bshad pa'i cho ga bzhin du bsgrub po zhes pa'o/ /nub sgrub ces pa mtshan gcig tu bsgrub bo/ snga ma bzhin du grub rnams// zhes pa'i gri? 'dzin gyi rgyal por 'gyur ro zhes pa'o/ /'dod gzugs can zhes pa 'dod gur sgyur ba'i gzugs can du yang 'gyur ro/ zhes pa'o/ /du ba tsha la sogs pas kyang zhes pa dngos grub rnam gsum nyid la bya zhes pa'o/ /de yi 'bras bu sngon bzhin du zhes pa sngar bshad pa bzhin du thob po/ /de ltar mdo ru bshad pa yin/ zhes pa 'di yan cad lha'i mtshon cha zhes bya ba bshad do/ /'di man cad ro langs kyi dngos grub bshad do/ /de nas rtog las 'byung ba yi/ /zhes pa nas bstan te/ dngos grub gzhan yang bshad par bya/ zhes pa rgyud chen po las 'byung ba'i dngos grub gzhan yang bshad par bya'o zhes so/ /de ltar khro bo'i mchog gis ni/ /nyid kyi mdo du bshad pa'o zhes pa de yang Arya many+dza shA? ya man+ta ka nyid kyis ji ltar mdor bshad pa'i dngos grub de dag bshad par bya'o/ /yi dags mang po zhes bya ba'i dkyil 'khor thog mar bris nas su zhes pa/ yi dags phal po che'i dkyil 'khor de/ dur khrod thal bas dang por bri bar bya'o// rma med pa yi ro blangs nas/ zhes pa nad kyis shi ba dang rul ba dang/ mtshon gyis bsad pa ma yin pa ma god pa ma nyams pa'i ro sar pa blang ngo zhes pa'o/ /mkhas pas zhes pa sngags pas ro de khrus byas zhes pa'o/ /legs par brgyan

  666. 333b

    ces pa me tog phreng bas brgyan ces pa'o/ /mi ro de la me tog spos kyis mchod nas su zhes pa'o/ /gtor ma sbyin zhes pa sha dang khrag du bcas pa'i gtor ma sbyin zhes pa'o/ /las ni dur khrod dag tu bya/ zhes pa dkyil 'khor de yang dur khrod du bri'o/ /zhes pa'o/ /'di ni gzhan du yod mi bya/ /zhes pa gnas 'di las gzhan du dkyil 'khor mi bris zhes pa'o/ /me tog bkram pa'i gnas mal du/ /de ni lho phyogs mgo bstan bzhag /ces pa dkyil 'khor gyi lho phyogs kyi sgo kar mal babs su me tog bkram pa de'i steng du mi ro de mgo lho phyogs su bstan/ rkang pa gnyis dkyil 'khor logs su byang phyogs su bstan te/ bzhag go zhes pa'o/ /thod pa bzang po zas mchog gis zhes pa kha cig bshad pa ni 'bras bzang po btsos pa nang du blugs pa yin no zhes bshad pa yin no/ /'bras dang 'o ma bcas pa yi zas mchog bcos pa dag gis mi'i thod pa bkang ba de blangs nas zhes pa'o/ /zas mchog de yi nang du yang/ /tshil chen dag gis blags par bya/ zhes pa mi'i thod par blugs pa'i zas mchog de'i nang du yang mi'i tshil bzhu bdag gis blugs par bya'o/ /zhes pa'o/ mkhas pas de dag de yi che/ zhes pa sngags pas zas mchog sbyar ba de dag bsgrub pa'i tshe/ gzar bus mi ro'i khar blugs la/ zhes pa seng ldeng gi gzar bu chu dus zas mchog bzhag pa de la bcus shing mi ro de'i khar blugs so/ /de yang khro bo'i sngags bzlas shing mi ro'i/ /khar spyis lugs brgya bya'o/ /de'i lce yang de byung bar 'gyur/ mi ro de yang lce 'byung bar 'gyur ro zhes pa'o/ /de nas mtshon gyis bcad par bya/ zhes pa lce de'i rtsa ba nas mtshon ral gris gcad par bya'o/ /lce ni rtsa bar bcad pa las shes pa ral gri de dag gis glangs nas grogs po du yod pa la re re sbyin no zhes so/ /sgrub pa po yis blangs nas su zhes pa de ltar grogs po rnams la yang sngar ral gi re re

  667. 334a

    sbyin pa'i 'og tu sgrub pa po bdag gis ral gri gcig blangs nas de ma thag tu 'grub par 'gyur ro/ /grogs po ral gri byin pa de rnams dang sgrub pa po bdag nyid kyang rig 'dzin thams cad kyi rgyal por 'gyur ro/ /grogs po de dang rnam pa cis par zhes pa ral gri sbyin pa'i grogs po de rnams dang bsgrub pa po bdag nyid bcas te/ bskal pa bdun du gnas par 'gyur ro/ /zhes pa'i tha tshig go /yang na mkhas pas zhes pa sngags pas zhes pa'o// dkyil 'khor de ni bri bar bya/ zhes pa snga ma bzhin du dkyil 'khor de dur khrod du bri zhes pa'o/ /mchod pa ji skad gsungs pa bya/ zhes pa gong du bshad pa bzhin du bya zhes pa'o/ /skyes bu nad med 'byin pa yi/ zhes pa nad kyis ma btab par shi ba'i zhes pa'o/ /rma med pa yi ro blangs nas/ zhes pa ro sar pa ma nyams zhes pa'o/ /brgyan ces gong du bshad pa bzhin du zhes pa'o/ /dkyil 'khor de'i sgor bzhag ste/ zhes pa dkyil 'khor gyi lho phyogs kyi sgo snga ma bzhin du bzhag nas zhes so/ /de yi snying khar de 'dug nas/ zhes pa g.yon brkyang pa'i tshul du 'dug nas zhes pa'o/ /yi ge bcu bdun de bzlas nas/ zhes pa lha 'og nas dngos grub 'byung ba kun la sngags 'di bzlas so/ /arga legs par dbul bar bya/ zhes pa bdag gi lus la bcad pa'i khrag dang sha bsras pa'i arga mi ro de la dbul bar bya'o/ /de'i mgol zhes pa mi re de'i zhes so/ /sngags pa'i lag pa g.yon gyis zhes pa'o/ /de nas bdag nyid chen po de'i zhes pa mthu dang ldan pa'i mi ro kha nas myur du 'byung bar 'gyur/ zhes pa ldong ros de 'dra ba zhes pa'o/ /sgrub pa po des de blangs nas/ zhes pa sngags pas ldong ros des yan lag thams cad bskus nas ni zhes pa sgrub pa po de'i lus zhes pa'o/ /grogs po

  668. 334b

    rnams la 'ang de bzhin sbyin zhes pa ldong ros grogs rnams la 'ang sbyin no/ /de ma thag tu de dag kun/ zhes pa bskul ma thag tu de dag kun kyang btso ma'i gser gyi mchog tu 'gyur/ zhes pa rig 'dzin gyi rgyal por 'gyur zhes pa'o/ /las rnams thams cad 'grub par ni/ zhes pa grub pa'i rdzas rnams las 'grub par 'gyur na/ bgor rung ba dang mi rung ba rnams la ji ltar spyad pa'i mtshan nyid bshad do/ /dkon mchog gsum la cha cig dbul/ zhes pa ral gri mang po dang ldong ros lta bu dag gis rdzas bgor rung bar gyur na grub pa'i rdzas? la cha gcig dkon mchog gsum la bsngos te dbul/ de'i 'og ma cha gcig sgrub pa po bdag nyid bkur ro/ /de la cha gcig grogs po rnams la sbyin no zhes pa'o/ /byin nas 'di la nam mkhar 'phar/ zhes pa de ltar cha gsum po so sor 'gos nas de'i 'og tu/ sgrub pa po bdag nyid grub pa'i rdzas de dag thogs nas nam mkhar 'phar bar 'gyur ro zhes bya'o/ /rdzas gcig gyur pa 'gyur ba las cho ga gzhan ni bshad par bya/ zhes pa de la rdzas 'gror mi rung ba'i ral gri lta bu gcig pu zhig grub par 'gyur na god ma las gzhan pa'i cho ga dang/ dpyad na bsgrub pa po bdag nyid bkur bar bya ba de bshad do/ /rdzas gcig grub par gyur na ni/ zhes pa la sogs pa dngos grub pa'i rdzas bgor mi rung ba gang yang rung ba gcig grub par 'gyur na/ rdzas de dag bgor med par dang por dkon mchog gsum la phyag 'tshal nas/ dkon mchog gsum la cho ga bzhin lus dbul bar bya'o/ /de'i gong du rdzas de blang zhes pa la sogs pa de ltar lus phul ba'i 'og tu bgor mi rung ba'i grub pa'i rdzas par gis blang par bya'o/ /grogs po rnams la gces rim du grub pa'i rdzas mi ro gser du 'gyur ba'i rdzas la so sor ci rigs par sbyin no/ /bsgrub pa'i rdzas de lta bu med par gyur na bdag gis nor rdzas ci bdog pa'i las grogs rnams

  669. 335a

    la sbyin no/ /de'i 'og tu grub pa'i rdzas de bdag gis khyer na grub par 'gyur te/ nam mkha' la 'phar ro zhes pa'i thi tshig go /phyi nas cho ga 'di dag spyad/ ces pa gang yang rung ba'i grub pa'i rdzas de cha gsum la sogs pa'i tshul du so sor bgos te de'i 'og tu grub pa'i rdzas de bdag gis spyad do/ /de ltar ma byas grub na yang/ zhes pa gang yang rung ba'i grub pa'i rdzas de bgo pa la sogs pa'i tshul du de ltar ma byas na yang dam tshig nyams pas de yi rdzas de brog par 'gyur zhes/ pa'o/ /de bas dngos grub mchog rnams la/ /kun tu ji skad bshad bzhin bya/ zhes pa 'di skabs su dngos grub rnam pa gsum car dngos grub mchog go /'bring dang tha ma dngos grub ni lugs ma'i dngos grub kyi skabs su sngar bshad pa yin no/ /de bas na dngos grub rnams grub pa'i rdzas rnams la ji skad bshad pa bzhin du bgo ba la sogs pa la bya'o zhes bya ba'i tha tshig go /'di man cad any+dza la sogs pas mig bsku ba'i dngos grub bshad do/ /de nas gzhan yang any+dza na zhes pa nas bstan te/ de nas gzhan yang any+dza na/ zhes pa any+dza na mig sman la bya ste/ sngon po gcig yod ces pa'o/ /bzang po bsgrub/ /bshad pa bzhin pa/ zhes pa any+dza na 'grub pa de khro bo chen pos bshad pa bzhin zhes pa'o/ /sgrub pa'i dgos pa thams cad 'grub par 'gyur zhes pa'o/ /sgrub pa de zhag gsum bsgrub par byas nas su zhes pa'o/ /dur khrod dag tu dkyil 'khor bya/ zhes pa dur khrod kyi gnas su yi dags phal po che'i dkyil 'khor bri zhes so/ /de nas cho ga snga ma bzhin/ zhes pa sngar bshad pa'i cho ga bzhin no zhes so/ /thal bas bdag nyid bsrung bar bya/ zhes pa dur khrod kyi thal ba la sngags kyis btab ste bdag gis lus la gtor te bsrung ngo zhes pa'o/ /de yis bdag nyid byugs nas su/ zhes pa thal ba de yis sngags pa'i lus la thal ba

  670. 335b

    skam pos gtor ba la bya zhes pa'o/ /grogs po mchog ldan dpa' ba des/ zhes pa sgrub pa po'i grogs po mchog dang ldan pa'i bsgrub pa po nyid sems dpa' o zhes pa'o/ /gsal shing gis ni mgo la bzhag /ces pa gsal shing gsang pa'i mi ro'i mgo bo bcad la dkyil 'khor gyi sgo'i mdun du bzhag pa'i de'i steng du any+dza na bzang po bzhag pa'o/ /shi ba'i gos kyis g.yogs nas su zhes pa ras kyis any+dza na dang mgo gnyis ka g.yogs nas zhes pa'o/ /lag pa g.yon pas bzung ste bzlas byas pa zhes pa'o// sngags pa blo can gyis ni ji srid bzlas zhes pa'o/ /de yang mig dag bskus nas ni/ zhes pa any+dza na grub pa de skam thags su cung zhig bdar te des mig bsku'o/ /de bzhin du ldong ros dang yang sbyar zhes pa'o/ /du ba 'byung na mig bskus pas/ lus ni mi snang bar 'gyur bar bshad ces pa'o/ /tsha bar 'gyur na mig bskus na bltas pa yis/ 'gro ba dag ni gsod par 'gyur zhes pa'o/ /slar yang legs par gso ba ni zhes pa des mig bskus sam phyis pa yis ses par 'gyur zhes pa'o/ /'di la grub par ma gyur na 'ang/ zhes pa any+dza na de de ltar dngos grub rnam pa gsum las 'ga' yang grub par ma gyur na/ mig dag legs par bskus nas ni/ bltas par 'gro ba dbang du 'gyur zhes pa'o/ /pus mo btsugs shing mgo bo dud/ ces pa de lta bu'i tshul du dbang du 'gyur ro/ /zhes pa'o/ /'di man cad ni gi wang sgrub pa bstan te/ any+dza ni yi rtog pa bzhin zhes pa nas bstan te/ any+dza na yi rtog pa bzhin zhes pa/ any+dza na ji ltar bsgrub pa bzhin du sngags pas gi wang yang tshul de dang 'dra bar bsgrub bo/ / dngos grub dag kyang de bzhin bstan/ zhes pa gi wang las dngos grub rnam pa gsum du yang any+dza na'i dngos grub rnam gsum bzhin du 'gyur ro/ /gi wang ma grub par gyur na yang mig gi bskus na ma grub 'gro ba dbang du 'gyur zhes pa'o/ /'di man cad

  671. 336a

    lig bu dar ba bla/ ldong ros kyi bsgrub pa bshad de/ li kru dang zhes pa nas bstan te/ li kru dang mi ba bla dang/ /zhes pa li kru la sogs pa'i bsgrub pa'i cho ga yang any+dza na'i tshul bzhin du bsgrub par bya'o zhes pa'i don to/ /sngags pa mkhas pa dag gis bsgrub par bya zhes pa'i tha tshig go /'di man cad ro'i gos la bsgrub pa bshad do/ /shi ba'i gos kyang cho ga bzhin zhes pa nas bstan te/ mi shi ma thag tu khrus byas nas ras kyis ro bkab ste/ dur khrod du bskyal nas ro la rdzas yod pa de ro bskyal ba'i mi rnams kyis khyer ba la sogs bdag gis nyo bar bya'o/ /bsgrub pa gzhan dang zhes pa gong ma las gzhan zhes pa'o/ /khro bo nyid kyis gsungs pa'i sngags/ mdor na rab tu bshad par bya/ /zhes pa khro bos gsungs pa'i sngags bzlas pas mi ro'i gos te sgrub pa'i cho ga mdor bshad par bya'o/ /zhes pa'o/ /dur khrod dag tu dkyil 'khor bri/ zhes pa dur khrod kyi gnas su yi dags phal po che'i dkyil 'khor dur khrod kyi thal bas bri zhes pa'o// mchod pa dang gtor ma bya/ /zhes pa sngar bshad pa bzhin du bya zhes pa'o/ /shi ba'i gos ni bgos nas su/ /zhes pa shi ba'i gos ras de sngags pas zhes pa'o/ /cho ga shes pas mtshan mo bzlas/ zhes pa cho ga shes pa'i sngags pas mtshan mo bsgrub po/ /de nas gos de dang bcas par shes par ras de dang bdag gi lus dang zhes pa'o/ /bdag nyid kyi lus 'bar zhing 'bar bas yongs bskor nas/ zhes pa phan tshun nye 'khor gyis bskor yang zhes pa'o/ /legs par 'bar zhes pa de lta bu'i mtshan ma byung nas zhes so/ /bsgrub pa po de gad mor rab tu rgod pa'i sgra/ 'jig rten skrag par byed pa sbyin zhes bya ba'i don to/ /rtag tu 'dod pa'i gzugs dang ldan/ zhes pa 'dod lha'i gzugs dang 'dra ba bzang po zhes pa'o/ /bdag

  672. 336b

    gi lus la de bzhin du ba byung na yang/ zhes pa'o/ /gdon mi za bar mi snang ba'i/ mchog tu 'gyur bar rab tu bshad/ ces pa lus mi snang ba rnams kyi rgyal por 'gyur ro/ /zhes pa'o/ de ltar 'grub par 'gyur na'ang/ zhes pa dngos grub rnam gsum las gcig tsam yang 'grub par ma gyur na/ rkang pa mgyogs shing stobs cher 'gyur/ zhes pa'o/ /sgrub pa pos gang rnams mthor zhing gang gis de/ pha rol pas grub pa de mthong bas de dag dran bzhin 'gyur/ zhes pa'o/ /'di man cad gnod sbyin mo sgrub pa bshad de/ gal te 'di la gnas bzhin du/ zhes pa nas bstan te/ mis gnod sbyin mo bsgrub pa bstan zhes pa'o/ /'ba' ta'i shing drung nyams dga' bar zhes pa zhing n+ya gro d+ha'i drung du sngags pa nyams dga' bar zhes pa'o/ /de tshe dkyil 'khor bris nas su/ /zhes pa dngos grub sgrub pa'i tshe/ yi dags phal po che'i dkyil 'khor bris na bsgrub pa po nyid skra bshig gos kyang med par byas zhes pa'o/ /zas mchog legs par bcos pa ni/ /lhung bzed bzang po yongs bkang nas/ zhes pa 'bras dang 'o ma sbyar ba legs par btsos pa'i zas 'dis lhung bzed bzang po bkang nas 'bras dang/ sa su zho sbyar bas lhung bzed nas zhes pa'o/ /de nas chad du bdun phyung ste/ zhes pa nas lhung bzed kyi nang du blugs pa'i zas mchog de la zhes so/ /sngags kyi lan bdun btab nas su zhes pa/ chang bu de sngags lan re btab nas su/ /lha yi bzang mo'i 'di bshos shes/ byas nas zhes pa'o/ /de ni rgyab tu 'dor zhes pa bdag gis rgyab tu 'dor zhes pa'o/ /de nas chang bu gzhan yang bdun/ sngags kyis btab nas bza' bar bya/ zhes pa de'i 'og tu zas mchog de las chang bu bdun phyung ste/ sngags kyis btab nas bdag nyid bza' bar bya'o/ /grub pa gnod sbyin kun gyi rje zhes pa gnod

  673. 337a

    sbyin mo rnams kyi nang na rgyal mo de yang 'khor rnams mang pos kun bskor nas/ zhes bya ba'i don to/ /de ni de nas 'ong par 'gyur/ zhes pa lha'i bzang mo de'o zhes pa'o/ /de nas kha bkrus de la ni/ zhes pa 'ongs nas bdag nyid kyis kha lag bkrus te/ lha'i bzang mo de la/ spos dang/ me tog mchog ldan pa'i/ /chu yi arga dbul bar bya/ /zhes pa 'di ltar ldan pa'i chu'i mchod yon dbul bar bya'o zhes pa'i don to/ /legs 'ongs me tog dag kyang dbul zhes pa legs par brjod nas me tog dag gis kyang mchod par bya'o/ /de nas nyams dga' stan bzang ba/ zhes pa za 'og la sogs pa nyams dga' ba'i stan bzang po bting ba'i steng du me tog bkram pa dang ldan pa'i steng na bzang po phul nas zhes pa'o/ /de ni khyod kyis bdag 'grub ste/ zhes lha'i bzang mos bka' stsal pa/ bka' bzhin byed pa de bzhin du/ /gzhan du mi 'gyur de bzhin du/ zhes pa tshig 'di skad ces bsgrub pa po la smra bar byed do/ zhes so/ /bka' stsol cig ces de la smra/ sgrub pa bos ni rnam gcig tu gsol ba gdab po/ /ma 'am yang na sring mo 'am/ /mdza' mo'am yang na chung mar 'gyur/ zhes pa'o/ /grub pa'i rdzas ni mang po dag /ma zhes smras na mi 'gyur bar/ zhes pa ldong ros la sogs pa grub pa'i rdzas mang po rnams ni mar gsol ba btab ste/ gzung ba de ltar te/ de las gung du mi rung ba/ the tshom med par 'gyur ro zhes pa'o/ /'bras bu dang zhes pa sring mor bzung na zhes pa ste/ yid du 'ong ba gzhan rnams dang/ zhes pa gang dang gang 'dod pa/ gzhan rnams zhes pa'o/ /myur du chung ma sdug par yang ni byas nas/ dpag tshad brgya nas khrid de 'ong zhes pa'o/ /de la chung mar smras zhes pa chung mar bzung na zhes pa'o/ /rnam par mdzes zhes pa lha'i bzang mo zhes pa'o/ /dga' bar byed ces pa bsrung ma des

  674. 337b

    par byed ces pa'o/ /des ma 'dod pa dag par zhes pa bdag gang 'dod ces pa'o/ /sgrub pa ji srid 'dod par sbyor ro zhes pa lha'i bzang mo de sbyor ro zhes pa'i tha tshig go /'di man cad sha za mo sgrub pa'i dngos grub bshad de/ gal te mngal nas ma skyes pa'i zhes pa nas bstan te/ gal te mngal nas ma skyes pa'i/ zhes pa sha za mo brdzus te skyes pa la bya zhes so/ /sha za mo dag bsgrub 'dod na/ zhes pa 'dre mo la bya ste/ zas su sha za ba la zhes pa'o/ /bsgrub pa po la de yi las zhes pa sha za ba de'i dngos grub kyi las de dag 'dir ni bshad par bya zhes pa'o/ /gtsang mar dkyil 'khor bri bar bya/ zhes pa sa sbyang zhing phyag dar byas par yi dags phal po che'i dkyil 'khor bri bar bya zhes pa'o/ /mchod pa chen po byas nas su zhes pa snga ma bzhin du par zhes pa'o// gtor ma las kyang sngon bzhin bya/ zhes pa dkyil 'khor gyi mdun du sgo'i kha drang du hom bya'o/ /der ni dur khrod shing dag gis zhes pa dur khrod kyi 'gal du ma zhes pa'o/ /sngags pas me ni rab sbar nas/ zhes pa rgyas pa'i thab tu bya'o/ /der ni gzegs ma'i sbyin sreg rnams/ zhes pa 'bras grus pa'i bcag 'phro dang dum bu grugs pa la bya ste/ de la pho tshums kyis blang zhing sngags dang sbyar zhing bsreg go /mi 'jigs mdun du arga dbul/ zhes pa sha za mo de la khrag dang bcas pa'i arka dbul zhes pa'o/ /de yi 'og tu de la ni/ zhes pa arka dbul ba'i 'og tu bsgrub pa de la/ bdag nyid gzugs ni bzang par snyon/ zhes pa sha za mo de la tha mal pa'i gzugs bzang bar ston zhes pa'o/ /de yi ming de ka rang gi /zhes pa la sogs pa sngags kyi mjug la bi sha tsa ka rang gi ni zhes bya ba bcug ste/ hoM byas nas gdon mi za bar khugs par 'gyur te/ langs nas bsgrub pa po gang bsams pa'i 'dod pa'i nor de rnams ring po mi thogs par gdon mi za bar dbul bar byed zhes pa'o/ /ka rang

  675. 338a

    ga ni zhes bya ba sha za ma ming zhes so/ /sha za mo ni kun gyi mchog /ces pa sha za mo'i gtso mo'i rgyal mo zhes pa'o/ /sgrub pa po ni sems dpa' zhing/ /zhes pa bsgrub pa po'i mtshan nyid 'di lta bu dang ldan pa la bya'o// de ni don rnams thams cad bsgrub/ ces sha za mo de don thams cad grub par byed do/ /de lta min na myur bar ni/ /sgrub pa po yang gsod par byed/ ces bsgrub pa po mtshan nyid de lta bu dang mi ldan na sha za des sgrub pa po gsod par byed do zhes pa'i tha tshig go /'di man cad ni klu'i bu mo sgrub pa'i dngos grub bshad de/ de ste klu'i bu mo'i dag ces pa nas bstan te/ de la rig 'dzin la la dag /ces pa sngags pa la la zhig klu'i bu mo sgrub par 'dod ma de sgrub pa'i cho ga bshad do/ /padmo dkar po mtsho 'gram du// zhes pa padmo dkar po'i mtsho yang yod pa padmo dmar po dkar po dang/ 'dres pa'i mtsho yang yod pas de dag tu mi bya bar pad+ma dkar po'i mtsho 'gram du bya'o/ /mkhas pas gtor ma'ang cho ga bzhin/ zhes pa zhi ba'i gtor ma spyi brgyud nas 'byung ba bzhin du bya zhes pa'o/ /u dum+ba ra'i yam shing gis zhes pa u dum+ba ra'i yam sreg gi shing gi rigs su gtogs pa'i shing gis me sbar ro/ /zhes pa'o/ /thog mar me ni rab sbar nas/ zhes pa rgyas pa'i thab khung du bya'o/ /zhes pa'o/ /mkhas pas stong rtsa brgyad du sreg ces pa/ gzar bu chung dus sngags dang sbyar te bsreg ces pa'o/ /sgrub pa po ni gang 'dod pa/ zhes klu'i bu mos sgrub pa po gang 'dod pa the tshom med par ster bar 'gyur ro/ /zhes pa'o/ /de'i tshe sbugs pa lha min gyi zhes pa 'di man chad ni lha ma yin gyi bu mo sgrub par bshad de/ las 'di dag gis nges par sgrub ces pa cho ga 'og nas 'byung ba dag gis lha ma yin gyi bu mo sgrub po zhes so/ /snga ma bzhin bris nas zhes pa lha ma yin gyi phug tu yi dags phal po che'i dkyil 'khor bri'o zhes pa'o/ /zhugs thab

  676. 338b

    rgyas pa'i thab du ni/ /bri yang ku'i shing las me sbar nas zhes pa'o/ /yungs kar dkar po gur gum la/ zhes pa gzar bu chung du na gyi sbyin sreg bya/ yang na phogs gsum blang zhing sngags dang sbyar te stong rtsa brgyad du sbyin sreg bya'o zhes pa'o/ /bde ba'i lam nas 'jug par byed/ cis pa nyon mongs pa'i lam ma yin par khrid par byed ces so/ /ldan par ni zhes pa longs spyod ces pa'o/ /de nas de ni dga' bar byed ces pa lha ma yin gyi gnas dang sgrub pa po de dga' bar byed do/ /'di man cad sha chen po btsong pa'i dngos grub sgrub pa bshad de/ sha chen mi sha la zhes pa'o/ /dpa' ba' i sems kyis mi sha blang/ zhes pa/ chu gris mi ro sar pa mtshan nyid dang ldan pa'i sha las snag dgu dang/ bzang dgu gdams te/ bcad la zhib pa 'am/ skong du nang du gzhug go /g.yas na sha chen skyon med gzugs/ zhes pa mtshan nyid dang ldan pa'i mi ro sar pa'i sha skyon med par gzung bar bya'o/ /dur khrod ces pa dur khrod chen po ldan zhes par sgrub pa pos so/ /sha 'tshong ba yi sgra sgrogs so/ /zhes pa skabs skabs su 'di skad kyi sgra sgrags par bya'o/ /tshig ces pa sgrub pa po de'i tshig ces pa'o/ /srin po zhes pa srin po ngan phre'u phal pa zhes pa'o/ /sha chen de la sngags kyis bsrung ngo/ /yi dags phra mo kha gcig gis/ /thos nas rab tu 'jigs par 'gyur/ /zhes pa sgrub pa po de'i sgra thos nas 'bros par yang 'gyur ro/ /zhes bya ba'i don to/ /gang gzhan lhag pa'i sems yod cing/ zhes pa yi dags gong ma las lhag pa'i zhes pa'o/ /dang por dur khrod zhing skyong ba'i zhes pa dur khrod de nas dngos grub 'bum 'byung zhing stsol bar mdzad pas na zhing skyong ba zhes pa'o/ /stobs po che zhes pa yi dags phal po cha zhes pa yi dags phal lo/ /sgrub pa po zhes pa sha btsong pa zhes so/ /de nas sems dpa' drag po der/ zhes pa sgrub pa po sems drag po des zhes pa'o/ /de dag zhing skyong de dag ni/ zhi ba'i gzugs su gnas nas su/ zhes pa de nas mthu dang ldan pa'i drag po chen po

  677. 339a

    dag so so'i cha lugs tha mal bar zhi ba'i tshul du gnas zhes so/ /stobs chen khyod kyis sha chen 'di zhes pa zhing skyong ba de dag gi sgrub pa po la smra ba byed ces pa'o/ /'dod pa'i don ni rab bsgrub phyir/ /zhes pa bdag gang 'dod pa'i don bsgrub par bya ba'i phyir/ yang na any+dza dag dang/ yang rdzas ni gang dag 'dod pa de/ zhes pa any+dza na la sogs pa sgrub pa'i rdzas gang 'dod pa de sha sbyin par byos shig ces zhing skyong ba de dag la smra bar bya'o/ /sgrub pa pos kyang smra ba bya/ zhes pa de las lhag pa'i tshig gzhan smra bar mi bya'o zhes pa'o/ /sems ni dpa' bar shes nas ni/ /sbyin par byed cing gzhan la min/ /zhes pa zhing skyong de dag gis sgrub pa po'i sems dpa' bar shes nas grub pa'i rdzas byin par byed kyi sgrub pa po sems mi dpa' ba phal gzhan las mi 'grub bo zhes pa'i tha tshig go /'di man cad bdag sgrub pa zhes bya ba bshad de/ de nas gzhan yang 'di yis las/ zhes pa khro bo'i rgyal po'i las gzhan yang/ dpung rnams mnan par bya ba gang/ zhes pa mi g.yo bar nges pa'i bya ba gang zhes pa ni/ khro bo mchog gis gsungs pa ni/ zhes pa khro bo'i rgyal pos gsungs pa de/ de dag 'dir ni bshad par bya zhes pa'o/ /de ni mthing ga legs bya ba/ zhes pa ras kha dog ces pa'o/ /srid du sor bcu drug gi tshad du bya/ zhes pa ji tsam ran par bya zhes pa'o/ /gtags te de nas bsgreng nas su/ zhes pa 'phan 'dra bar gdags pa la bya zhes pa'o/ /dur khrod du ni mtshan mo bsgrub ces pa yi dags phal po che'i dkyil 'khor bris nas bsgrub ces pa'i tha tshig go / g.yon pas thogs te zhes pa'o/ /ba dan lag na thogs nas ni/ /zhes pa ming gis gsal bar ma byung ba rnams ni lag pa g.yas pas thogs pa srid pa'i phyir ro/ /de tshe dgra ni dpung 'khrug cing ces pa bdag la 'khrugs te rngam pa zhes pa'o/ /the

  678. 339b

    tshom med ces pa mi g.yo bar zhes pa'o/ /lag na mtshon cha thogs nas ni zhes pa ming na mtshon cha thogs shing/ bdag la rgol cing gnod par byed pa gzhan dag gis kyang bdag mthong ba yin zhes pa'o/ /rgol cing gnod par byed pa de dag thams cad mthong ma thag sgrub pa pos/ mnan te ri bzhin mi g.yor 'gyur zhes pa mi g.yo zhing 'gul mi nus par nges par byed do zhes pa'i don to/ /zhes pa'i tha tshig go /'di man cad thal ba sgrub pa zhes pa bshad de/ de nas gzhan yang dur khrod kyi/ zhes pa nas bas myos pa dang zhes pa glang po che'i rgyal po zhes pa'o/ /rkang thang 'khrugs pa ma bcas pa'i zhes pa bdag la 'khrugs te rngam pa dag la'o/ /sgrub pa pos mthong ba tsam gyis nyid kyis su/ rengs shing mi g.yo ba bzhin du snang bar 'gyur ro zhes pa'i tha tshig go /'di man cad thal ba sgrub pa zhes bya ba bshad/ de nas yang dur khrod kyis/ zhes pa nas bstan te/ sbyor ba bkra shis dge ba dag /ces rdzas dngos grub dur khrod las phyung te/ bkra shis pa ma yin gyi 'on kyang de pa'i tshe/ khro bo'i sbyor ba dang ldan la grub nas kyang sems can mang po'i don sna tshogs byed pas na yang sbyor ba bkra shis pa zhes bya'o/ /sbyor ba dge ba'i rgyud chen po las mtshan mo 'bar ba bltas nas su/ zhes pa mi shi ma thag tu dur khrod du bskyal nas der bsregs pa bltas nas bdag nyid skra bshig gos kyang med par byas/ zhes pa'o/ /bzlas pa dag kyang bkor zhing bya/ /zhes pa ro sregs pa'i mi ro de la khro bo'i sngags bzlos shing g.yas phyogs nas bskor te bzlas pa byas nas/ me mdag shi shi'i bar du bya/ re bsregs pa'i me shi ba der zhes pa'o/ /lan cig thal ba spor gang la/ zhes pa thal bar sngar spar gang lan gcig blang ngo/ /thal ba de yang lag pa g.yon gyis blangs nas su zhes pa'o/ /mkhas pas khyim du 'gro bar bya/ zhes pa sngags pas khang pa stong par 'gro/ yang na lha khang stong

  679. 340a

    par 'gro /zhes pa la ma hA de pa la sogs pa 'jig rten pa'i lha khang stong pa'i gnas su 'gro bar bya'o/ /phyir yang lta bar yong mi bya/ zhes pa de ltar gnas de dag tu 'gro ba'i tshe sngar thal ba blangs pa'i gnas su phyir yang mi lta bar bya'o zhes pa'o/ /yang thal ba de zhes pa gnas der yang zhes pa'o/ /nam nangs par du bzlas pa bya/ zhes pa kham phor gyi nang du zhes pa'o/ /sngags kyis thal ba de ni bsrungs nas su/ zhes pa'o/ /kham phor sar pa'i snod du bzhag par bya/ zhes pa'o/ /thal ba de ni dgra yi dpung dag gnas pa'i phyir/ zhes pa'o/ /dgra'i dpung la/ thal ba de ni gtor byas na/ dgra'i mtshon cha/ mtshon cha thams cad 'khrugs pa dang zhes pa'o/ /thal ba de yis thams cad du/ zhes pa dgra la thams cad du thal ba de/ lan cig gtor ba/ tsam gyis kyang zhes pa'o/ /lus rnams mi 'gul gdon mi za/ zhes pa dgra'i dpung gi lus rnams zhes pa'o/ /'di ni mtshon rnams gnon pa dang/ zhes pa thabs 'di ltar dpung gi lag nas mtshon cha thogs pa dag mi g.yo bar gnon pa 'am rangs par 'gyur ro/ /zhes pa'o/ /dpung yang gnon byed dge ba'o/ /zhes pa dkon mchog gsum la gnod pa rnams gnod par byed pas dge ba'o/ /de bzhin nyid kyis log pa dang zhes pa pha rol po'i dpung rnams thams cad do/ /myos par byed pa sbyar ba yang/ /rlung phyogs dag tu sbyar ba 'am zhes pa pha rol po'i dpung gi rlung phyogs su 'dug la thal ba de gtor ba rlung gis khyer te/ pha rol po'i dpung rnams la reg par bya'o/ /yang na bsnyen te byas kyang rung/ zhes pha rol po'i dpung gi drung du bsnyen te thal bas gtor ro/ /bgrod dka' i dgra ni mtshon 'khrug la zhes pa thub par dka' pa'i dgra de dag mtshon cha thogs te rngam nas 'byung bdag las byas na 'gro ba mi 'gul 'gyur/ zhes pa thal bas gtor na

  680. 340b

    pha rol po'i dpung rnams mi g.yo mi 'grul bar 'gyur ro/ /zhes pa'i tha tshig go /'di man cad snag tsha sbyar ba sgrub pa bshad de/ 'gro ba dbang byed sbyor ba ni/ /zhes pa nas bstan te/ gong ma las rnam pa gzhan dag bshad pa ni/ zhes pa'o/ /dur khrod dkyil 'khor bris/ zhes pa yi dags phal po che'i dkyil 'khor bris/ zhes pa'o/ /mchod pa zhes pa sngar bshad pa bzhin du bya zhes pa'o/ /mi ye tshil gyi snum dag las zhes pa mi'i tshil bu bzhu ba thod pa'i nang du blugs te/ steng nas kyang thod pa gcig gis bkab ste mar me bus la/ de'i dud pa bsag go /snying po ni dur khrod kyi ras la bya'o/ /mkhas pa dag gis snag tsha sbyar/ zhes pa snag tsha sbyar ba'i thabs 'dra bar mar me dud pa sbyar ro zhes pa'o/ /du ba'i snag tshas mig bskus nas/ zhes pa ka la sha zhes bya ba mig bsku ba'i thur ma des mig bsku'o zhes pa'o/ /gang mthong ba de sngags pa de'i dbang du 'gyur zhes pa'o/ /dang por ci bgyi zhes par 'gyur/ zhes pa dbang du gyur pa de dag kyang dang por sngags pa la ci bgyi zhes pa'i tha tshig go /'di man cad btsag bsgrub pa zhes bya ba bstan te/ btsag gi sbyor ba'i dngos grub kyang zhes pa gser gyi btsag ces bya ste/ btsag spug rnam bzang po la bya bar 'byung ngo/ /dge ba dag ni da bshad do/ /zhes pa grub pa'i 'bras bu thob pa la bya ste gong du bshad pa dang 'dra'o/ /spug rnams btsag ni dge ba dag /ces pa btsag spug snam bzang po 'de gu gcig mi shi ba de'i khyim nas phyung ste bsregs pa'i gnas su khyer te de'i tshe 'am yang na bsreg pa nyid kyi tshe/ mi ro'i khar khyer du bcug nas/ de nas mi ro mes phyed tshig phyed ma tshig tsam gyi tshe mtshan mo grogs med par gcig pu mi ro'i kha nas btsag rtog de blang bar bya'o/ /mtshan mo blang zhes pa 'di dang sbyar na ro de dag bdag nyid kyis bsreg pa khas blang dgos so/ /blangs nas lha yi khang stong du/

  681. 341a

    zhes pa 'jig rten pa'i lha khang stong par zhes pa'o/ /sngags pa mkhas pa bdag gis bzlas par bya/ zhes pa ngas dmar po'i nang du bzhag la bsgrub po/ /bya zhes pa bsgrub par bya'o zhes pa'o/ /de nas 'dug cing zhes pa 'jig rten pa'i lha khang de na 'dug ces pa'o/ /de la bzlas zhes pa btsag rtog la bzlas shes pa'o/ /mchod cing zhes pa sgrub pa po'i rdzas zhes pa'o/ /de nas gang yang rung ba'i ming/ de nas bdag gi sngags sar skyang nul bzang rab tu byas pa'i steng du btsag rtog des gang dbug par bya ba'i ming gri bar bya'o/ /de yi yid nas sgrub pa pos/ /bskul na dogs pa med par yang/ /zhes pa de'i ming nas bskul zhing khro bo'i sngags dang ldan par bskul na the tshom med par gang dgug par bya ba de myur du khugs par 'gyur ro/ /zhes pa'o/ /'di man cad sor gdub bsgrub pa bshad de/ cho ga bzhin du gsungs pa dag/ ces pa khro bo'i rgyal po'i rgyud chen las zhes pa'o/ /mi ro khyer te 'gro ba na/ zhes pa mi shi ba'i ro bsregs pa'i gnas su khyer te 'gro ba'i tshen zhes pa'o/ /de'i khar zhes pa ro de'i khar zhes pa'i/ deng sor nas ni gzhug bar bya/ zhes pa mi ro bsregs pa khyer te 'gro pa'i sar bdag song nas song gdub mi ro'i khar gzhug go zhes pa'o/ /mkhas pas gcig pu khro bo'i sngags zhes pa sngags pa de grogs med pa gcig pu zhes pa'o/ /zlos pa byed pa 'dug pa na/ zhes pa mi ro bsregs pa'i drung du na zhes pa'o/ /ro yi kha ru 'dug pa ni/ /zhes pa mi ro de'i sngar khar bcug pa'i sor gdub lag pa g.yon pas blang/ zhes pa'o/ /nam langs par du bzlas pa byas/ zhes pa ro bsregs pa'i gnas de nyid du bzlas par bya'o/ /sngags bas mkhas pa yis ni gzhug par bya/ zhes pa'o/ /zhes pa bsgrub pa po'i de'i las byed pa tsam du ma zad kyi/ phyi bzhin duAng 'brang bar 'gyur zhes pa'o/ /'di man

  682. 341b

    cad ni yungs kar sgrub ba bshad de/ de nas gzhan yang yungs kar dag /ces pa nas bstan te/ shin tu ngo mtshar dang ldan pa/ /de kun de yi las byed 'gyur/ zhes pa yungs kar grub pa ni ngo mtshar ya mtshan dag ston nus pa la bya'o zhes pa'o/ /khro bo nyid kyi ji lta bar// sgrub pa'i sbyor ba gsungs pa bshad/ /ces pa khro bo nyid kyis rgyud chen po las ji skad gsungs pa de bshad par bya'o/ /si d+ha'i shing zhes pa shing gi ming zhes pa'o/ /bzang po sor ni brgyad par bya/ zhes pa spangs dang zheng gi tshad/ ces pa'o/ /yungs kar dkar zhes pa dkar po'i tshe zhes pa'o/ /dngos grub mchog ni ster ba blugs/ zhes pa yungs kar de gab? rtse'i nang gang bar blugs zhes pa'o/ /nyi ma re re bzlas pa yis /zla ba gzas zin bar du bya/ zhes pa de la lo gcig gam/ zla ba drug tsam gyi sngon nas nyi ma re re dus gsum du rgyun mi 'chad bar nam zla ba gzas zin du bzlas so zhes pa ste/ 'di yang spyi rgyud las gsungs pa'i mtshan ma 'ga' zhig byung byung du bzlas so/ /de nas 'dod pa bsgrub par bya'o/ /dkyil 'khor zhes pa la de nas zla ba gzas zin pa'i dgongs/ /yi dags phal bo che'i dkyil 'khor bris nas/ dkyil 'khor mdun du bsgrub bo/ /yungs kar tseg tseg zer gyi bar du bzlas so/ /zhes pa'o/ /de tshe yungs kar grub de dag/ ces pa yungs kar la sgra de dag byung nas zhes pa'o/ /blangs nas gang yang rung ba ru/ /zhes pa sngags dang ldan pas yungs kar de gtor na des zhes pa'o/ /de yis yungs kar des mi nus ci yang med ces pa'o/ /ri mthong zhes pa rin po che rnam pa mang po dag ces pa'o/ /phyi ma zhes pa rmig? med par byed ces pa'o/ /sprin 'og gas pa'ang zhes pa zhes sprin rnam par bya ba dang zhes pa'o/ /rig 'dzin zhes pa sngags pa bdag gis sbyar na ni zhes pa'o/ /blo bur dag tu thogs med byed ces pa thogs pa med par blo bur du yang las de dag byed do zhes pa'o/ /gsungs dang ma gsungs pa dag kyang/ zhes pa gong nas gsungs pa'i las

  683. 342a

    dang lhag 'og nas bshad pa'i las dag kyang sngags pa rang gi blos brtags pa'i las de dag thams cad kyang zhes pa'o/ /gtong ba can gyis thogs med byed ces pa gtod pa tsam gyis thags thogs med par las de dag byed par ro// de la sogs pa sna tshogs pa/ zhes pa de la sogs pa'i dngos grub sna tshogs gong du bshad pa rnams zhes pa'o/ /dpa' bo brtul zhugs spyod pa yis/ /zhes pa dpa' o bo brtul zhugs spyod pa'o/ /sngags pa yis snga ma bzhin du mchog rnams dang/ zhes pa gong du bshad pa'i dngos grub mchog rnams zhes pa'o/ /'bring dag kyang ni bsgrub par bya/ /zhes pa dngos grub mchog gi 'bras bu dang/ tha ma'i dngos grub dag kyang bsgrub par bya'o/ /de dag kyang brtul zhugs ni med par byas na 'bras bu med/ ces pa dpa' bo'i brtul zhugs ma spyad par dngos grub kyang bsgrub kyang 'grub par mi 'gyur te 'bras bu med par 'gyur ro zhes so/ /phyag rgya gnyis kyi gnyis rnams ni zhes pa phyag rgya'i lha gnyis gang bsgoms kyang rung ste/ de dag gsum spyan drangs te mdun du bsam zhing bsgom mo/ /gang dag 'dir ni bshad pa rnams/ zhes pa la sogs pa 'dir ni gong du bshad pa rnams kyi las de slar dgrol bar bshad de gser dngul la sogs te/ rin po che'i lha'i sku gzugs rnams kyis 'bring dang tha mal dngos grub bsgrub pa dang/ las rnams sgrub pa ji skad bshad pa bzhin du pe ta li dang/ be con phyag rgya'i gzugs gnyis la yang brtul zhugs ma spyod par yang bzlas brjod mchod pa 'ba' zhig byas pas kyang dngos grub 'bring dang tha ma dag 'grub par 'gyur ro/ /'di'i skabs su byug spos kyi 'de gus gzugs la bsku bar mi bya ste mchod par bya ba tsam nyid du zad do zhes pa'o/ /ji skad bzlas pas 'thob/ ces pa la sogs pa de bas na sngon du bsnyen pa dang bzlas brjod byas pa dang/ mchod pa

  684. 342b

    'ba' zhig byas pas lugs kyi sku gzugs kyi dngos grub 'bring dang tha ma dag 'grub par 'gyur ro zhes pa'o/ rtag tu bde gshegs sems pa de/ /zhes pa byang chub kyi sems dang ldan par de zhes pa'o/ /nyin re zlos pa'i sbyor ba yis/ zhes pa nyin gcig kyang dus gsum rtag tu bzlos pa'i sbyor zhes pa'o/ /rtag tu brtul zhugs ma byas pa/ zhes pa dpa' po brtul zhugs zhes pa'o/ /'dod pa'i don zhes pa bdag nyid 'dod pa'i don zhes pa'o/ /brtul zhugs kyis 'grub pa zhes pa gong ma'i 'phro sbyor pa'i tshig ste/ mjug sdud pa zhes pa'o/ /khro bo mchog gi ci gsungs pa zhes ba rtsa ba'i rgyud chen po las bshad pa yin zhes pa'o/ /brgyad pa'o/ /brgyad pa'i bshad pa rdzogs so// //rtog pa phyi ma 'di la don rnam pa lngas bshad do/ /de la skabs dbye pa dang/ sngon du bsnyen pa'i cho ga dang/ mchod pa sngar byas pa'i las rnams bshad pa dang/ de bzhin gshegs pa'i dam tshig sngar byas nas zhi ba la sogs pa'i las bya ba dang/ dpal la sogs pa bsgrub pa'o/ /de yang dang po skabs dbye ba zhes bya pa bshad de/ de yang rtog pa/ phyi ma yi/ zhes pa khro po'i rgyal po de'i rtog pa bshad de/ phyi ma zhes bya ba ni sngar gong du bshad pa 'chad cing ma chung pa rnams 'di man cad du bshad pas ni rtog pa phyi ma zhes bya ste/ mdor na gong ma'i las rnams kyi mjug sdud pa thun bu thub ba zhes bya ba'i zo tshig go /ji ltar brtul zhugs med kyang rung/ zhes pa rig pa phyi ma'i cho ga 'og nas bshad pa 'di rnams la ni brtul zhugs sbyar mi dgos zhes pa'o/ /de'i phyir khro bo bdag nyid kyis/ zhes pa brtul zhugs dag sbyar mi dgos pa de'i phyir/ gsungs pa de'i cho ga brjod/ /zhes pa bshad pa zhes bya ba'i don to/ /bcu bdun pa zhes pa rtsa bar sngags so/ /rtsa ba'i sngags la/ khro bo zhes pa gang brjod pa/ zhes pa'o/ /'di man cad ni sngon du bsnyen pa bya ba'i cho ga bshad de/ de la thog mar sngon

  685. 343a

    bzhin du zhes pa la sogs pa 'di'i skabs su sku gzugs bri ba ni sngon du bsnyen pa sngar bshad pa dag bya mi dgos par bshad do/ /de'i ri mo'i sku gzugs dang por sngar bshad pa'i mtshan nyid bzhin du bri bar bya'o/ /de ltar ri mo'i mdun du sngar bshad pa bzhin du mchod par bya'o/ /yang na sngags pas brdungs sam blugs pa'i sku gzugs byas kyang rung ste/ bzo bo byed du gzhug go zhes pa'o/ /mkhas pas brgyad 'bum bzlas par bya/ zhes pa brdungs sam ri mo'i sku gzugs gang yang rung ba byed du bcug nas zin pa'i 'og tu sku gzugs kyi spyan sngar mchod pa chen po byas la dus gsum du brgyad 'bum tshang bar sngon du bsnyen pa bya'o/ /rtsa ba'i sngags bzlas so zhes pa'i don to/ /'di man cad mchod pa sngar byas nas las rnams sgrub pa zhes bya ba stan pa'i phyir/ de yi thog mar dkon mchog ni/ zhes pa la sogs pa smos te/ de yi thog mar dkon mchog ni/ zhes pa de ltar brgyad 'bum bzlas pa byas pa'i 'og tu sangs rgyas dang chos la mchod pa chen po byas shing dge 'dun la chod ston bya zhing mchod de/ de ltar dkon mchog gsum la mchod pa'i 'og tu khro bo'i rgyal po la khyad par du mchod pa ji skad bshad pa bzhin du mchod par bya'o/ zhes pa'i don to/ /'on kyang 'grub ste de yi tshe/ /zhes pa cho ga de ltar byas pas grub par 'gyur te/ de'i tshe na las 'di dag byed nus par 'gyur ro zhes pa'o 'byung po'i gdon dang zhes pa 'byung po'i gdon la yang bya'o/ /'byung po dang gdon zhes so sor yang bshad ces so/ /dug rnams dang zhes pa la sogs pa'i las rnams sgrubs po gang dang gang 'dod pa'i las rnams yid la bsams pa tsam gyis las de dag 'grub par 'gyur ro zhes bya ba'i don to/ /yid la zhes pa 'gro ba dang mi 'gro ba'i zhes pa'o/ /de yis bsams pa'i las kyang/ zhes pa 'byung

  686. 343b

    po la sogs pa dang dug dang nad kyis btab pa'i las gang du bshad pa'i las rnams kyang khe dang/ dkar sti dang/ rnyed pa thob par bya ba'i phyir ni las de dag spyad par mi bya ste/ gzhan du na dkon mchog gsum gyi don dam ched du las de dag bya'o zhes pa'o/ /dug la sogs pa gang brjod pa/ las rnams kyi ni tshig gis bya/ /zhes pa 'byung po las gdon dag gis las gong du bshad pa rnams grub pa des tshig gis bsgo ba tsam gyis las de dag 'grub par 'gyur ro/ /gzhan du yengs pa'i tshig gis kyang/ /zhes pa sgrub pa po de gud du dge pa 'am/ las la yengs la de'i tshig gis kyang zhes pa'o/ /bdag nyid ji ltar 'dod bzhin du/ zhes pa bsgo ba tsam gyis kyang 'grub ste/ ji ltar 'dod pa'i las rnams 'grub par 'gyur zhes pa'o/ /de gdug pa yi sems can rnams/ zhes pa grub pa'i des de bzhin/ /tshar gcad pa dang phan 'dogs nus zhes pa 'og gang gis nag pos zin pa yi/ /las rnams kyang ni byed 'gyur ba/ zhes pa la na ta zhes pa dus kyis zin pa la yang bya/ nag pos zin pa la yang bya'o/ /de la dus kyi zin pa la rnam gnyis te/ nyi ma'i gung la zin pa dang/ 'chi ba'i dus kyi tshe na zin pa'o/ /dus der zin phan chad 'tsho mi srid de dag tu cho gas kyang mi slon no/ /dngos su sprul gyis zin pa la bya ste/ sprul gyi dug des zin pa las slar gso ba'i las rnams kyang las 'di dag gis bya'o zhes bya ba'i don to/ /lcags gam zhes pa zin pa de la zhu'i yang na rkang pa yis zhes pa zin pa de rkang pas mnan pa 'am zhes pa'o/ /sos par 'gyur zhes pa nang de dag las thar bar 'gyur ro zhes pa'o/ /de ltar kun tu yid kyis sam/ zhes pa de ltar las thams cad la yid kyis bya ba 'am/ yang na tshig bsgo bas las de dag thams cad bya'o/ /ji ltar khros pa med pa yang/ zhes pa ched du btab pa dang khros pa'i tshul med par yang phran tshegs kyi/ las rnams tshig gis kyang brjod pa tsam gyis 'grub par 'gyur te/ de yang yid la khrod pa'i dran pa 'ba' zhig gis zhes pa'o//

  687. 344a

    phran tshogs las brjod 'grub 'gyur te/ dran pa tsam ni 'ba' zhig gis zhes pa phran tshogs kyi las bshad pa de rnams 'grub par 'gyur te/ de yang las gang 'dod pa de yid la bsams pa tsam 'ba' zhig gis sgrub pa po de'i las de yang 'grub par 'gyur ro/ /de nas snod la dbab pa yi/ /zhes pa byis pa gzhon nu mkhras byas te/ gtsang ma khro bo gshegs su rung bar de la bya ba la snod ces bya'o/ /las gzhan du ni rab tu bya/ zhes pa gong ma las gzhan pa'i las zhes pa'o/ /gzhon nu mtshan dang ldan gyur cing/ zhes pa spyi'i mtshan nyid bzang po dang ldan pa la bya'o/ /snod la dbab pa'i byis pa gzhon nu'i mtshan nyid 'di 'dra ba dang ldan pa la bya'o/ /yan lag tshang zhes pa gzhon nu de zhes pa'o/ /bkrus te brgyan ces pa gos dang me tog gis so/ /ba las byung ba'i lnga yang blung/ ces pa sngags kyis btab ste gzhon nu de la blung ces pa'o/ /de yi 'og tu bsnyung byas te/ zhes pa la sogs pa de lta bas na cho ga de ltar byas te/ zhag gcig gi sngon rol nas gzhon nu de bsnyung ba byed du bcug la/ sang nang par ltar gzhon nu de khrus byas la/ tsan dan dkar po dang/ gur gum du sbyar pa'i byug spos kyi ri lus byugs la gos bzang po dang me tog la sogs pa'i rgyan sdug gu bzang pos brgyan par bya'o/ /de ltar mchod pa byas pa ni/ zhes pa de ltar gzhon nu de la mchod pa byas nas zhes pa'o/ /khro bo la yang mchod pa byas nas zhes par sbyar ro/ /gzhon nu de shar phyogs su kha bstan te zhes pa'o/ /tshog bzhin du zhes pa ku sha'i stan la gzhon nu de bzhag la zhes pa'o/ /de yi ? po gnyis kar yang/ zhes pa gzhon nu de lag pa gnyis snyim pa zed du bcug la me tog bzang po la tsan dan dkar pos gtor ba'i me tog snyim par sbyin no zhes pa'o/ /a ka ru nag po'i bdug pa sbyin/ /des ni myur du sngags brjod de/ zhes pa gzhon nu de la a

  688. 344b

    ka ru nag po'i bdug pas bdug go/ /de ltar byas pa'i 'og tu bar gzhan gyis mchod par myur du sngags pa de rtsa ba'i sngags bany+dza hUM zhes pa dang/ phaT ces bya ba'i bar du che ge mo zhig gri ha de sha hUM phaT bzlas shing gdab ces pa'o/ /sgrub pas cho ga 'di yis ni/ zhes pa sgrub pa pos gong du gsungs pa'i cho ga snod la dbab pa'i cho ga byas te snod la dbab pa'i las bya'o zhes pa'o/ /snod la dbab gyur de nas ni/ dge dang mi dge dri bar bya/ zhes pa gzhon nu de la 'bab par 'gyur te/ lha 'dre gang babs pa'i mtshan ma de brtag pa ni spyi'i gzhung sbyar zhing las bya'o zhes pa'o/ /de ltar byung dang zhes snga ma nas 'das phyi ma snod de ma phyung de ltar sngod de smra bar byed de sems can chen po 'di gyis la/ zhes pa'o/ /'di ni min zhes zlog par byed/ ces pa ma rung gis ma byed cig ces pa mi rung gis ma byed gcig ces zlog par byed ces pa'o/ /tshad bar byed ces pa lhag chad skongs par byed ces pa'o/ /de nas khro bo mchog de la zhes pa gang 'dri ba rnams bris zin nas de'i 'og tu khro bo'i rgyal po de la arga dbul zhes pa'i don to/ /me tog ldan pa'i arga dbul/ zhes pa de yang snod nyid khro bo'i rgyal po yin pas snod nas arga dbul bar bya'o/ /de nas bde gshegs bstan pa yi/ /dam tshig dag ces pa de'i 'og tu de bzhin gshegs pas gsungs pa'i dam tshig gi sngags yi ge bcu bdun pa brjod par bya'o/ de'i 'og tu ga dzi ga dza zhes brjod par bya'o/ /khro bo'i rgyal po de/ de btang nas ni sa la 'gyel zhes pa'o/ /bzhud par 'gyur zhes pa khro bo'i rgyal po de yang zhes pa'o/ /de nas snod ni bslang nas su/ zhes pa gzhon nu sa la 'gyel ba de bslad nas khrus bya'o// zan bza' bar cug ces pa gzhon nu de kha zas zos nas kyang zhes pa'o/ /mchod pa byas zhes pa kha zas gyis mchod ces pa'o/ /slar btang ngo zhes pa ji skad bshad pa'i cho ga rnams kyis zhes pa'o/ /snod la dbab par byas nas ni/ /zhes pa la sogs pa

  689. 345a

    gzhon nu la sngar phab nas/ 'og nas 'byung ba'i las rnams las gang dang gang byas na las de dag grub par 'gyur ba'i las zin pa de nas las de bya bar rung na gdong las bya'o/ /nad pa la sngags gdab pa la sogs pa sngags kyi cho ga bya'o/ /cho ga la yang cho ga 'dis sbyar bar bya'o/ /rgyal po dbang du byed par 'dod na/ de tshe ri mo'i spyan sngar du/ zhes pa dbang du bya ba'i tshe ri mo'i spyan sngar ru skyang nul bya ste bstan pa'i steng du dur khrod kyi thal bskal po de'i phye mas rgyal po de'i sku gzugs bris la sngags dang phyag rgyas bkug ste/ gcig tu byas pa de'i snying gar skyil mo krung du 'dug ste yid kyis ma yengs par khri bya'o/ /'dir yang der sngags bzlas pa'i skul tshig kyang 'di ltar bcug ste bzlas so/ /de yi ming ni cho ga bzhin/ /zhes pa la sogs pa rtsa ba'i sngags kyi mdza' ba na dza hUM zhes bya ba'i ming bcug ste/ ma sha ma na ya swAhA zhes brjod do/ /phaT kyi sbyin par yang swAhA byin te bzlas pa'o/ /'di ni khro bos dbang du bya'i sbyor ba bshad/ de nas mdza' sdug skye bo btang/ zhes pa la sogs pa de nas rgyal po de dbang du 'gyur te/ dbang du byas nas kyang rgyal po de rang gi sna chen dang phal pa dag la mi phyogs par rgyal ba nyid nor dag gis the tshom med par bran bzhin du legs par byed do zhes pa'o/ /de bzhin bzlas pa khri byas na/ bram ze dag kyang dbang du 'gyur/ zhes pa gong du bshad pa'i cho ga bzhin du byas nas/ skul tshig dang ldan par bzlas pa khri byas na bram ze dbang du 'gyur ro/ /bram ze dag kyang bdag kyang smrad 'don pa gzhan yang 'don du 'jug pa la sogs pa'i cho ga drug dang ldan pas bram ze'o/ /de bzhin rigs gsum la yang cho ga bzhi dang gnyis dang/ gcig dang ldan par spyod pa dang ldan pa'i rigs 'og ma gsum mo/ /dmangs rigs lta bu ni phan cad ni yang zhang blon tshong ba yi ge pa dag la bya ste/ 'di dang sbyar na bod yul na rgyal po man cad kun yang dmangs rigs

  690. 345b

    su nye'o/ /rje'u rigs dmangs rigs ma lus pa/ /zhes pa rgyal rigs kyang zhes 'byung ste/ phal pa ma lus pa thams cad la bya zhes pa'o/ /drug stong dag gis nges par 'gyur/ zhes pa skul tshig dang ldan pa dag drug stong du bzlas na the tshom med par dbang du 'gyur ro/ /bud med rnams dang bu mo la/ /zhes pa sngar bshad pa la cho ga bzhin du zhes pa'o/ /de nas gcig gi gzugs brnyan ni zhes pa mdza' bo gnyis las gang yang rung ba'i gzugs bri'o/ /snying ga ru zhes pa snga ma bzhin du bya zhes pa'o/ /rkang pa gcig bzhag tsog pur 'dug/ ces pa rkang pa g.yon pas snying gar mnan nas sngags pa nyid kyang tsog tsog por 'dug go/ zhes pa'o/ /de yi ming mthar sbyar nas/ zhes pa rtsa ba'i sngags kyi mjug tu zhes pa/ khro bo gshin rje gshed bzlas pas/ zhes pa rtsa ba'i sngags la bya'o/ /'di la sngar 'gyur phaT ces bya/ zhes pa rtsa ba'i sngags kyi mjug tu gzhug par bya'o/ /de ltar sngar ba bya ba 'di/ zhes pa de ltar sdang bar bya ba 'di la 'bum bzlas par bya'o/ /de nas sems can rab 'jug par/ zhes pa dkon mchog gsum la gnod pa byed pa'o/ /dgra yi gzugs brtan ming smos na/ dur khrod thal bas bris nas su/ zhes pa sngar bshad pa bzhin du dgra'i gzugs dur khrod kyi thal ba skam po 'bri bar bya'o/ /de ltar gzugs brnyan bri ba'i tshe yang dgra de'i ming nas smos shing dri'o/ /de nas seng ldeng phur bu la/ /zhes pa phur bu zur gsum pa zhes so de yi snying gar btab nas su/ zhes pa dgra'i gzugs brnyan de'i snying gar gdab ces pa'o/ /rtsa ba'i sngags kyi tha mar ming bcug te zhes pa'o/ /che ge mo zhig sor cig ces/ zhes pa la sogs pa rtsa ba'i sngags bany+dza hUM zhes pa'i 'og tu che ge mo zhig g+had ta ya hUM phaT/ ces bya ba'i tshul du skul tshig bcug ste khri bzlas te'o/ /gal te da ltar bzlas byas na/ bya ba ni cho ga de yis zhes pa'o/ /'di la rnam par spyad mi dgos/ /zhes bya ba'i tha tshig go rtag tu bde gshegs bsam par bya/

  691. 346a

    zhes pa sngags pa rtag tu byang chub sems ldan pa la bya'o/ /bsam pa gdug par yong mi bya/ zhes pa gong du bshad pa lta bu'i khro bo las yong mi bya'o/ /de yi snying la sdug bsngal dag /bskyed nas gdul ba ma gtogs te/ zhes pa'o na de dag yod mi bya 'am zhe na ma yin te/ dkon mchog gsum la gnod pa de gsul ba'i phyir cho ga drag po de dag bya ba ni ma gtogs te/ de lta bu dag la re zhig nad la sogs pa'i sdug bsngal 'du ba'i phyir drag po bya'o zhes so/ /zhi ba dag gis cho ga yis/ /de nas zhi ba dge bar bya/ zhes pa de ltar drag shul spyad pa'i las gong du bshad pa rnams kyi cho ga de lta bu sngar btul nas phyis zhi ba'i cho ga bya'o/ /zhi ba'i cho ga bya na yang thal pa'i gzugs brnyan de phyis la phur bu yang phyung ste 'o mas bkru'o/ /zhi ba'i bskul tshig dang ldan par sngag brgya rtsa brgyad tsam du bzlas pa bya'o zhes pa'i tha tshig go /mngon par spyod pa yong mi bya zhes pa sngags pas drag shul spong pa'i las de yong mi bya'o zhes pa'i tha tshig go /sems can rnams la brtse ba'i phyir/ bde gshegs bsam pas bya bar bstan// sems can sdig pa che ba rnams la snying rje bskyed pa ni bdag nyid ngan song yang bla'i/ /sems can sdig po che de mi btang ngo zhes snying rje chen po bskyed cing byang chub kyi sems dang ldan par byas nas sems can ma rungs pa de lta bu dag gi phyir drag shul spyod pa'i las bya bar bstan to/ /de bzhin gshegs pas ci gsungs pa la zhes pa de bzhin gshegs pas ji skad gsungs pa'i dngos grub rnams zhes pa'o/ /de bzhin dngos grub med pa yi/ zhes pa yon tan la bya zhes pa'o/ /dngos grub 'dod pa thob 'dod na/ zhes pa sgrub pa pos/ dngos grub de dag thob par 'dod na de ltar drag shul spyod pa'i las mi bya'o zhes so/ bde gshegs bsam pa gang med pa/ zhes byang chub kyi sems dang mi ldan no/ /dngos grub thob par mi 'gyur ro/ /thob na yang nyams par 'gyur

  692. 346b

    ro/ /de ni dngos grub nyams par 'gyur zhes pa'o/ /mdor ni byang chub sems med par zhes pa la sogs par byang chub sems dang mi ldan na/ brtul zhugs dang bcas pa'i dngos grub mchod/ /ji skad gsungs pa rnams 'grub par mi 'gyur ro/ /zhes pa'o/ /gang zhig bde gshegs sems dan pa/ zhes pa sgrub pa po gang zhig byang chub sems dang ldan na zhes pa'o/ /brtul zhugs bzang po med pa dang/ zhes pa lha'i brtul zhugs dang zhes pa'o/ /de bzhin gzugs la sogs med kyang/ dngos grub mchog rnams 'dis 'thob cing/ zhes pa ri mo dang lugs ma dag med kyang khrus la sogs phyi rol gyi yo byad rnams ma byas shing ma spyad kyang dngos rub mchog rnams sgrub pa po de lta bu dang ldan pas thob par 'gyur ro zhes pa'o/ /nyon mongs med par ci 'dod pa zhes pa dka' ba dag ma spyad par zhes pa'o/ /'dod pa thams cad rnyed par 'gyur/ zhes pa sngags pa de lta bu des rnyed par 'gyur ro zhes pa'o/ /sngags pa gang zhig bde gshegs bsam ldan zhing zhes pa byang chub kyi sems dang ldan zhing zhes pa'o/ /blo ni ma rmongs brtan pa yis/ /zhes pa sems mi 'gyur zhing brtan pa'i sngags pa de lta bu 'di 'dra ba'i yon tan dang ldan pa'i bla na med pa'i de bzhin gshegs pa thams cad la phyag bya zhing byang chub kyi sems dang ldan pa'i sgrub pa pos dngos grub mchog rnams bsgrubs na thob par 'gyur ro// zhes pa'o/ /de ltar shes nas de yi tshe/ zhes tshul de ltar shes nas/ de yi tshe zhes pa'o/ /bde gshegs lam mchog bstan par bya/ zhes pa byang chub kyi sems de bstan par bya zhes pa'o/ /nyon mongs sdug bsngal 'jig 'gyur ba zhes pa 'jig rten pa'i dngos grub dang mtshan ma la zhen pa dag ces pa'o/ /de ltar sems can gdul ba yi/ /las rnams ji skad gsungs pa yis/ /zhes pa la sogs pa de ltar sems can ma rungs pa rnams gdul ba'i re zhig 'dul bar gsungs pa'i las bya ba'i cho ga rnam

  693. 347a

    kyang nyes pa phran tshegs kyi phyir sbyar bar bya'o/ /dkon mchog bsrung ba'i don du las de dag sbyar bar bya'o/ /de bas na nyes pa phran tshegs zhes mkhon byung ba dang la sogs pa tsam gyi phyir drag shul spyod pa'i las de dag sbyar bar yang yong mi bya'o/ /'di dag gang yang rung bar ni/ /zhes pa las 'di dag gnas gang yang rung bar dag pa zhes pa'o/ de bzhin 'dod pa byed pa la/ zhes pa cho ga bzhin sngags pas ji skad gsungs pa bzhin du bshad par bya'o/ /zhes pa'o/ /der ni dur khrod thal pa yis/ /mkhas pas dgra yi gzugs brnyan bris/ zhes pa sngar gong du bshad pa bzhin du thal phyes dgra dgar ba gang yin pa de'i gzugs brnyan de khro bo'i spyan bri'o/ /de steng skang gnyis 'dug nas su/ /zhes pa gzugs brnyan bris pa de'i steng du rkang pa gnyis kyis mnan te tsog pur 'dug pa la bya'o/ /sku gzugs kyi spyan sngar gang dgar bar bya ba'i dgra de'i ming cug ste u tsu ta ya zhes bya ba'i rtsa ba'i sngags kyi mjug tu hUM phaT ces bya'o/ /gdon mi za bar bskrad par 'gyur/ zhes pa the tshom med par bskrad par 'gyur ro/ /yang thal bas de nyid kyis/ zhes pa dur khrod kyi thal ba de nyid kyis so/ /dgra yi gzugs brnyan bris nas su/ /sngar bshad pa bzhin du zhes pa'o/ /de yi snying gar lag pa g.yon gyi/ zhes pa gzugs brnyan de'i sgrub pa po yis zhes pa'o// gdon mi za bar brdzis nas su/ zhes pa the tshom med par zhes pa'o/ /nyi ma la ni kha bltas la/ zhes pa nyi ma 'char kar/ nyi ma la kha bltas nas rtsa ba'i sngags kyi mjug tu bany+dza hUM zhes bya ba'i 'og tu che ge mo zhig la ta pra dzwa re gri ha na hUM zhes bzlas so/ /zhes pa'o/ /cho ga snga ma bzhin bya'o/ /zhi bas ma byas na/ de ltar ma byas zhag bdun gyis/ /gdon mi za bar 'chi bar 'gyur zhes pa'o/ /de la sogs pa'i las rnams ni/ zhes pa de la sogs pa drag shul gyis las rnams zhes pa'o/ /bde gshegs sems dpa' spong mi bya/ /zhes pa byang chub

  694. 347b

    kyi sems dang ldan pas so/ /'o na ci zhe na/ sems can rnams ni thams cad la/ /zhi ba dang ni rgyas pa bya zhes pa'i don to/ /ci'i phyir zhe na/ byang chub sems kyi bdag nyid can/ /ring por mi thogs 'grub par 'gyur/ zhes pa byang chub sems kyi bdag nyid can gyi sngags pas las byas na zhi ba dang rgyas pa dag myur du 'grub par 'gyur ro/ /zhes bya ba'i tha tshig go/ 'di man cad de bzhin gshegs pa'i dam tshig snga bshad nas zhi ba la sogs pa'i las bya ba bshad pa'i phyir de nas sems can thams cad ni/ zhes pa la sogs pa smos te/ bde phyir zhi ba'i las rnams ni/ zhes pa bde ba la dgod pa'i don du zhi ba bya zhes pa'o/ /ji skad gsungs pa bshad par bya/ zhes khro bos ji skad gsungs pa de dag 'dir bshad par bya'o zhes bya ba'i don to/ /mchod rten 'gram gyi dkyil 'khor du zhes pa/ yi dags phal po che'i dkyil 'khor du mchod pa gtsang ma tshul bzhin du mchod par bya'o/ /yang dang yang du phyag byas nas/ /zhes pa dus gsum dag tu dge ba la'o/ /nyin par dang na mtshan mo yang/ /zhes pa srod dang tho rangs kyi dge ba la yang bya/ zhes pa'i don to// dkon mchog gsum la de brten nas/ zhes pa lhag par mos shing der phyogs pas brten zhes pa'o/ /bde bar gshegs pa'i bsam pa bya/ /zhes pa byang chub kyi sems dang ldan par bya/ zhes pa'o/ /'od yis sems can thams cad ni/ /shin tu sdug bsngal bder gyur cig /ces pa phyag bya ba de dag nyin mtshan gyi dge ba spyad pa la sogs pas 'di sems can thams cad sdug bsngal dang bral bar bde bar gyur cig ces yongs su bsngo bar bya'o/ /'di dag ni sngon du spyad pa'i dge ba'i tshe bya'o zhes pa'o/ /de yi dngos grub cung zad gang/ zhes pa de ltar dge ba spyad pa de yis phra mo dag kyang? thob par 'gyur zhes pa'o/ /mkhas pa dag gis phan par bya/ zhes pa de ltar yi dam du bca' bar bya'o zhes pa'o/ /mkhas pas mchod rten las byas shing/ zhes pa 'dzab las 'byung dkar dge

  695. 348a

    ba 'di dag bya'o zhes pa'o/ /dge ba chung ngu zin kyang skabs 'di dag tu/ /dngos grub mchog ni thob 'dod pa'i/ sgrub pa po des dge ba de dag gis kyang sems can thams cad 'jig rten dang 'jig rten las 'das pa'i bde ba phun sum tshogs par sngo ba ni/ rtag tu sems can rnams la bsngo'o/ zhes pa'i don to/ /'di ltar de ni byang chub sems/ chos kyi don du yul du gyur/ zhes pa tshul de ltar spyod pa de ni byang chub kyi sems dang ldan par byas te/ sgrub pa po des chos nyid khong du chud cing rtogs zhes pa'i don to/ /byang chub sems rnams nyer bsnyen pa'i/ /mtshan nyid rab tu bstan pa yin/ zhes pa sngon byang chub sems dpa' rnams kyis kyang spyad cing nye bar bsten pa'i byang chub sems kyi mtshan nyid de ltar bstan te/ de ltar blo gros bstan byas nas/ /zhes pa sgrub pa pos zhes pa'o/ /dge ba dag ni spel bar bya/ zhes pa gong du bshad pa'i tshul de ltar dge ba rgya cher spel lo zhes pa'o/ /sems can rnams la yongs su sngo/ /zhes pa bdag gi dge ba cung zad ci spyad pa thams cad kyang sems can gyi don gyi phyir bsngo zhes pa'o/ /sngags pa bde gshegs sems ldan gang zhes pa byang chub sems dang ldan pa'i sngags pa gang gis gong du bshad pa'i tshul de lta bur dus thams cad du sems can rnams kyi don gyi phyir zhes pa'o/ /zhi ba dang ni rgyas pa 'phel zhes pa zhi ba dang ni rgyas pa/ 'phel bar 'gyur ro zhes pa'o/ /thog mar dkon mchog gsum po la gdod nas bshad do zhes pa'o/ /dkar po mchog gis mchod pa bya/ zhes pa yon tan dang ldan pa'i me tog dkar pos mchod ces pa'o/ /mchod pa byas nas 'di dag

  696. 348b

    tu zhes pa skabs 'dir las bya ba'i bzlas brjod cho ga bzhin du bya'o/ /bde zhing stan la bde bar 'dug/ ces pa sems can nyams mi 'gyur ba dang/ mi 'gyur ba la bya zhes pa'o/ /rab tu dang zhing bde gshegs sems/ zhes pa ni sems rab tu dang zhing byang chub sems dang ldan par zhes pa'o/ /de ming smos shing zhir 'gyur zhes/ zhes pa gang zhi bar bya ba de'i ming smos shing shan+tiM ku ru swAhA/ zhes pa'o/ /khro bo'i tshig gis mdza' sbyar te/ zhes pa rtsa ba'i sngags la bany+dza hUM zhes bya ba'i 'og tu sbyar te/ tha mar be'u shad bcug ste bzlas so zhes pa'o/ /gang yang rung ba gcig la ni/ zhes pa gang rung ba gcig zhi bar bya ba la zhes pa'o/ /de ltar tshul de ltar bzlas zhes pa'o/ / yul zhes pa ljongs gcig la bya'o/ /yul gyi phyogs dag ces pa yul phyogs/ gcig ces pa'o/ /rgyal po dag la nyis 'gyur bya/ zhes pa de dag nyid stong du bya zhes pa'o/ /'di dag zhi bar bya ba'i phyir/ /ba lang dag la stong du bzlas zhes pa'o/ /ra lugs dang ni ma he la/ /'di dag zhi bar bya ba'i phyir/ /rtag par stong du bzlas par gsungs zhes pa'o/ /yang na lus can thams cad la zhes sems can thams cad la zhes pa'o/ /byang chub sems dang ldan pa la/ /zhi ba'i mchog tu nges par 'gyur/ zhes byang chub kyi sems dang ldan pa'i sngags pas zhi ba'i las de dag byas na/ zhi ba'i mchog tu 'gyur ba the tshom med do/ /zhes bya ba'i tha tshig go/ da ni rgyas pa'i las bshad pa'i phyir/ de bzhin du ni rgyas 'gyur ba zhes pa la sogs pa smos te/ de bzhin du ni rgyas 'gyur ba zhes pa la sogs pa cho ga di bya ba'i rim pa ni mdun gyi snod kyi nang na 'o ma yod pa la 'o ma'i rgya mtsho chen por byin gyis brlab bo/ /chu lta

  697. 349a

    spyan drang ba'i kun sbyin ni pa ru 'khor dang bcas pa nyid kyi phyag rgya dang sngags kyis spyan drangs nas/ mchod pa la sogs pa dang/ bsang gtor bya ba dag tshul bzhin du byas nas dang por mngar gsum gyis dgang blugs tshul bzhin du gsum 'am bdun du dbul lo/ /de'i 'og tu me tog las kyang grangs de dag 'dra ba dbul lo/ /de nas bsang gtor byas te chu lha nub phyogs su bzhugs su gsol lo/ /chu'i kun sbyin dang me tog dag sbyin pa'i tshe/ chu lha ba ru na spyan drangs te 'di ltar bya ba pad+ma 'byung ha zhes bya ba'i rgyud las 'byung ngo/ /de'i 'og tu 'o ma'i rgya mtsho chen po de'i dbus su pad+ma chen po bsams te/ de'i dbus su khro bo bsams te/ spyan drangs te khro bo de la dang por mngar gsum gyi dgang blugs phul te/ de'i 'og tu me tog rnams tshul bzhin du dbul lo/ zhes bshad do/ /kha dog ni las rnam bzhi sbyar ro/ /spyan sngar zhes pa mdun du ri mo bri snod du dbul zhes pa me tog go /rgyas pa la yang me tog dkar po yon tan ldan pa bzang po tsan dan dkar po'i 'de gus bgos pa'i me tog stong/ khro bo'i spyan sngar gser dang dngul dang zangs kyi snod gang 'byor bar 'o ma blugs pa'i steng du me tog re re la sngags lan re re sbyar te/ sngags brjod cing 'o mas bkang pa'i snod du blugs so/ /stong gis rab tu rgyas par 'gyur/ /snying la rab tu dga' 'gyur ba'i/ /zhes pa'i tshul de ltar me tog stong phul na gang rgyas par bya ba de rgyas par 'gyur ro/ /snying la rab tu dga' ba'i tshul gyis rgyas par 'gyur ba'i rgyas pa'i las byed 'dod na zhes pa'o/ /gang yang rung ba de'i ming zhes pa gang rgyas par bya ba

  698. 349b

    de'i ming smos pa ni cho ga bzhin du mdza' mar sbyar/ zhes pa de puSh+Ti ku ru be'u shad ces sbyar/ rtsa ba'i sngags kyi hUM zhes pa'i 'og tu sbyar/ sku la tshig gzhug pa'i thabs ni tshul de bzhin du las gnyis ka la 'dra bar sbyar ro/ /zhes pa'i don to/ /me tog yid du 'ong ba rnams/ /'o mar blugs par byas pa gang/ zhes pa gsum pa na zhes bya ste me tog gi ming yid du 'ong ba'i me tog la stong snga ma bzhin du 'o mas bkang ba'i snod kyi nang du dbul lo/ /tshul de ltar byas na rgyas par 'gyur ro/ /yang sbyir me tog dkar po 'am/ ser po yid du 'ong ba bzang po yon tan dang ldan pa dbul bar bya ste/ me tog tsam gyis khyad par gyi sgo nas rgyas pa'i las gnyis su yang bshad pa yang rung ba de gnyis su gcig tu yang rung ngo zhes bya ba'i don to/ /da ni dpal la sogs pa sgrub pa bshad pa'i phyir/ de nas gzhan yang dpal 'dod na/ zhes pa la sogs pa smos so/ /de nas gzhan yang dpal 'dod na/ zhes pa la sogs pa la rgyal bo dang longs spyod sgrub 'dod na stsar bshad pa bzhin du sku gzugs bkram la me tog yid du 'ong ba zhes bya ba'i me tog tsan dan dkar pos gter te bsgos pa'i me tog gi mchod do/ /phyir me tog yid du 'ong ba bzang po la yang bya/ zhes pa'o/ /'dug pa dag gi sngags kyis dbul zhes pa bdug pa'i sngags kyis zhes pa'o/ /nyin re de ltar byas nas su zhes pa dus gsum du tshul de ltar mchod pa byas nas/ mchod pa de lta bu'i bzlas pa bya'o zhes so/ /mdza' ma dag tu sbyar nas bu/ /de nas nA ma swAhAr ldan/ zhes pa rtsa ba'i sngags pa na dza hUM zhes bya ba'i 'og tu sh+rI ri phra ma me si pra ba yaM tsa nA ma swAhA/ zhes bya ba'i tshul du skul tshig bcug ste sngon du bsnyen pa khri bya'o zhes pa'o/ /de

  699. 350a

    nas rgya mtshor 'bab pa'i chu rlung gi nang du song nas ni/ /lte ba nub par chur 'dug nas/ /zhes pa de nas bsgrubs te rgya mtshor 'bab pa'i chu klung du song nas bdag nyid khrus byas te sbyor ba byas nas lte ba nub pa tsam du chur zhugs te/ 'greng ba la bya zhes pa'o/ /me tog puN+Da rI ka dang/ zhes pa pad+ma dkar po zhes pa'o/ /tsan dan dkar pos bskus nas su/ zhes pa gtor te bsgos te zhes pa'o/ /bzlas shing bzlas shing chur dbul ba/ /blo dang ldan pas 'bum byas nas/ /zhes pa mdun du lha spyan drangs te de la me tog dbul lo/ /lan cig gis ma rdzogs na dus gsum du yang dbul lo/ /me tog pad+ma dkar po yang sngags brjod cing dbul lo/ /de'i mjug tu dpal chen thob ces pa rgyal rigs can la rgyal po thob par mos pa zhig gis de ltar byas na rgyal po thob po/ /longs spyod thob par 'dod na/ mchod pa byas nas bsnyen pa khri byas pa la sogs pa sngar bshad pa bzhin du sngar byas na chu klung gi nang du zhugs te/ padmo dbul ba chu klung gi nang du padmo dmar po 'bum dbul lo/ /de lta bu zin pa'i 'og tu cho ga de ltar byas na the tshom med par thob par 'gyur ro/ /rtsa ba'i sngags ban dza hUM zhes bya ba'i 'og tu hi ma me bra yan tsa nA ma swAhA zhes bzlas so zhes bya ba'i don to/ /cho ga de dag 'di nyid kyis/ zhes pa sngar bshad pa bzhin du bya zhes pa'o/ /bzlas shing bzlas shing snga ma bzhin/ /zhes pa snga ma bzhin du chu klung du dbul lo/ / zhes pa'o/ /cho ga gsungs pa bzhin gnas pa'i/ /sngags pa des par de yi mthar/ /zhes pa ji skad gsungs pa'i tshul bzhin gnas pa'i sngags pas cho ga de zin pa'i 'og tu de nas the tshom med par byed na/ rang 'bum

  700. 350b

    thob par 'gyur ro/ /rtsa ba'i sngags hUM zhes bya ba'i 'og tu da nirma mi phra yat+tsa na swAhA/ zhes bzlas so zhes so/ /'di la rnam par dpyad mi bya/ zhes pa 'grub pa 'am mi 'grub ces the tshom mi bya'o/ /zhes pa'o/ /de steng de yi snga ma bzhin zhes pa cho ga snga ma bzhin du a ti muk+ta ka'i me tog ces so/ /'bum ni dbul bar byas nas su/ zhes pa chu klung du dbul bar bya zhes pa'o/ /gdon mi za bar gnod sbyin ma/ zhes pa the tshom med par de'i dbang du 'gyur zhes pa'o/ /cho ga gang 'dis sgrub pa pos/ /nor chen dag kyang 'thob par 'gyur zhes pa cho ga 'di byas pas gnod sbyin mo dbang du 'gyur bar ma zad kyi nor chen dag kyang 'thob po/ /snga ma bzhin du yak+Sha ni ma me pa shaM ku ru nA ma swAhA/ zhes bzlas so/ de ste snga ma bshad pa bzhin/ zhes pa cho ga snga ma bzhin du bya zhes pa'o/ /me tog dzA ti bzang po ni zhes pa sri shing sna ma'i me tog ces pa'o/ /tsan dan zhes pa dkar po tsan dan gyis bskus pa rnams zhes pa'o/ /chu yi nang du phul na ni zhes pa snga ma bzhin du dbul zhes pa'o/ /sa yi steng na 'dod pa thob/ ces pa sa'i steng na gang 'dod pa'i tshul de ltar sgrub pa na thob par 'gyur ro/ bya ba'i don to/ /yang na pad+ma dkar po ni/ zhes pa sngar bshad pa bzhin du sngon du bsnyen pa khri byas/ de'i 'og tu cho ga 'di brtsams te/ snga ma bzhin du rgyas pa'i zhugs thab brkos te byas la der me lha gnyer te kun sbyin dbul ba dang/ pad+ma nyid yang gsum 'am bdun dbul lo/ /de nas me lha bsangs nas shar lho'i mtshams su bzhag la lha spyan drangs te kun sbyin sreg la sogs pa dbul ba byas nas/ de'i 'og bzod pad+ma dkar po mngar gsum la sbags pas 'bum dbul lo/ /cho ga 'di ltar sbyar bya ba 'og tu nas 'byung ba kun la yang

  701. 351a

    sbyar ro zhes pa'i tha tshig go /mngar gsum zhes pa 'o ma sbrang rtsi mar zhes so/ /me dmar nang du legs par bsregs/ /zhes pa tshul bzhin du sbyin sreg ? la sogs pa cho ga des na lha mo bzang mo zhig mthong bar 'gyur ro zhes pa'o/ /de yis de la 'dod mchog dang/ /nor dag kyang ni ster bar 'gyur/ zhes pa lha mo de yis sgrub pa po de la 'dod pa'i mchog stsol pa dang? nor dag kyang sogs par mdzad do/ /zhes pa'o/ / blo dang ldan pas zas kyi mchog /ces pa/ 'o ma dang 'bras sa lu sbyar ba'i zas kyi nang du mar dang sbrang rtsi blugs la bya'o/ zhes pa'o/ /zhag bdun ni gzar bu yis/ zhes pa zas de las zhag bdun du gzar bu chung dus gcu zhing sbyin sreg 'bum bya'o/ /yang na 'bru rnams thams cad kyi/ /zhes pa yang na 'bru sna lnga la sogs pa 'bru thams cad la bya'o/ /sbyin sreg don rnams thams cad sgrub ces pa 'bru'i sbyin sreg byas pas gang 'dod pa'i nor thams cad 'grub par 'gyur ro zhes pa'o/ /sbyin sreg tshig 'bum byas pa yis/ zhes pa/ 'bru rnams las gang yang rung ba sna gcig gis zhes pa'o/ /de dag nyid kyi mi zad 'gyur ro zhes pa 'bru gang sbyin sreg byas pa de nyid mi zad par 'gyur ba la bya/ don de nor 'grub pa la yang bya zhes pa'o/ /byil ba mar la zhes pa/ byil pa'i 'bras bu mer bsregs pa 'bar ba la zhes pa/ gzer bu chung ngus bsregs nas sa'i bdag po las/ nor chen dag ni thob par 'gyur/ zhes pa'o/ /dur ba 'jag ma ma grugs pas/ zhes pa la sogs pa bod yul na yod par grags pa la bya ba skad du bshad de/ rtsa du rwa'i 'jag ma skam po ma yin pa/ rlon pa las ma chag pa ma

  702. 351b

    grug pa ma gong pa bzang po las ring thung ji tsam yang rung ba las/ 'o ma las sngags shing sbyin sreg 'bum byas na tshe ring por 'gyur ro/ /snga ma bzhin du rtsa ba'i sngags kyi mjug la a yu bar ta ya nA ma swAhA/ zhes bzlas na tshe ring bar 'gyur ro zhes pa'o/ /rgya skyegs shing gi bzang po me dag la de bzhin lan re mar gyi hom zhes pa dus gsum du 'bum byas na/ tshe dang yid gzhungs grags/ zhes pa la sogs pa thob par 'gyur zhes bya ba'i don to/ /de bzhin zas rnams kun bsregs nas/ zhes pa/ 'bras sna mang po yod pa de dag la zas rnams kun zhes bya'o/ /gzar bu chung ngus sbyin sreg bya'o zhes pa'o/ /dgu pa'i bshad pa rdzogs so// //phyi ma'i yang phyi ma rtogs pa 'di la rnam pa lnga bshad do/ gleng bslang ba dang/ sngon du bsnyen pa'i cho ga dang/ ri mo'i sku gzugs kyi cho ga dang/ sgrub pa la 'jug pa dang/ sgrub nas sbyin pa bya ba'o/ /de la dang po gleng bslangs pa bshad de/ de nas rtog pa thams cad kyi/ /phyi ma'i phyi ma zhes bya ba/ /zhes pa gong du bshad pa rnams kyi cho ga gong du ma bshad pa rnams le'u 'di las bshad pas phyi ma zhes bya'o/ /sbyor bar bcas pas rgyas pa yi/ /rtog pa 'di ni bshad par bya/ zhes pa de yang sbyor ba thabs dang bcas par rgya cher 'grel cing bshad pa'i rtogs pa de dang de 'dir bshad ces pa'o/ /'di dag ni sngar gong du bshad pa'i 'gro sbyor ba'i tshig go /de bzhin bsnyen pa sngon du rdzogs zhes pa phyi'i yo byad rnams zhes pa'o/ rtog pa dag ni 'di ltar zin/ /zhes pa cho ga de dag gi rtog pa dag ni sngar zin to/ /sngags mchog dag ni gang gsungs pa/ zhes pa rgyud chen po las gsungs zhes pa'o/ /da ni sngon du bsnyen pa zhes bya ba'i cho ga bshad de de'i

  703. 352a

    phyir na de yi las kyi cho ga bshad/ ces pa gsungs te/ thog mar oM bzhag cho ga bzhin/ zhes pa oM thog mar bzhag pa ni yongs kyis srid de bkra shis pa dang gzi sbyin dang ldan pa 'am phyag 'tshal ba'i don to/ /ri mo'i spyan sngar 'dug nas su/ zhes pa mdun du ri mo'i sku gzugs bkram pa'i spyan sngar 'dug nas 'bum phrag bcur bzlas pa bya zhes pa'o/ /da ni ri mo'i sku gzugs kyi cho ga bshad de/ de'i phyir de nas de yi ri mo mchog /ces pa smos/ gang gis dngos grub rab thob pa/ zhes pa ri mo'i sku gzugs gang gis dngos grub thob pa de/ tshul bzhin du ni rab tu bshad ces pa'o/ /ras ni sar pa khru gang tsam/ zhes pa ched du btags pa'i ras zhes pa'o/ /zhal gcig po la mdangs gsal ba/ zhes pa mog mog ma yin pa gsal bar bya zhes pa'o/ /ma he la ni bcibs par bya/ zhes pa g.yon brkyang ba'i tshul du bzhugs pa zhes pa'o/ /stag lpags zhes pa smad g.yogs byas zhes pa'o/ /'khrug cing 'jigs pa zhes pa bdud dang bgegs kyi sde 'jigs pa bri/ zhes pa'o/ /gang du yang zhes pa gsung 'byin 'byin lta bu'i tshul du bya'o zhes pa'o/ /yan lag thams cad yongs rdzogs pa/ zhes pa sku gzugs de zhes pa'o/ /de nas de la mkhas pa yis/ /mchod pa'i yan lag mchog gi mchod/ ces pa de ltar gzugs bris zin nas sngags pas sngar bshad pa'i yo byad rnams mched par bya'o/ /ri mo'i sku gzugs kyi spyan sdang gsungs pa'i bsnyen pa 'bum bcu bya'o/ zhes pa'i tha tshig go /da ni bsgrub pa la 'jug pa zhes bya ba bshad pa yang/ sngags pas brtul zhugs bstan pa yis/ /zhes smos te/ sngags pa

  704. 352b

    brtul zhugs brtan pa yis/ /de'i 'og tu brag phug zhugs zhes pa ji skad gsungs pa'i tshul bzhin du mi 'gyur bar brtan par gnas par bya'o/ sngar bsnyen pa 'bum phrag bcu byas pa'i 'og tu sngags pa de brag phug tu gnas par bya'o zhes pa'o/ /kha zas zhes pa bsnyung ba bya/ /ri rab ri ni ji tsam par/ zhes pa bdag gnas pa'i ri g.yo bar 'gyur gyi bar du bzlas zhes pa'o/ /yang na ri mo ri mo bzhad kyi bar du bzlas zhes pa'o/ /yang na ri mo 'bar gyi bar du bzlas zhes pa'o/ /bzlas na de tshe dngos grub 'thob/ ces pa de ltar mtshan ma byung byung du bzlas na dngos grub 'thob bo bya ba'i don to/ /de ltar lha 'di bzlas pa yis/ /zhes pa la sogs pa'i ri mo'i lha'i sku gzugs 'di la dngos grub kyi mtshan ma byung ba dang/ bstan pa de dag yin no/ /mtshan ma de dag byung nas rig 'dzin du 'gyur ro/ /de ltar rig 'dzin grub nas 'bras bu don thams cad sgrub nus par 'gyur ro/ /de yang yid la gang 'dod pa bsams pa tsam gyis de dag thams cad ring por mi thogs par 'grub par 'gyur ro zhes pa'o/ /khros nas sa yang 'gas par 'gyur/ zhes pa la sogs pa'i las 'di dag kyang de bzhin du byed nus par 'gyur ro zhes bya ba'i tha tshig go /chu dag ces pa chu klung dag skems zhes pa'o/ /de la sogs pa'i las rnams ni/ zhes pa'o/ /de la sogs pa'i ya mtshan las/ /ngo mtshar chen po gzhan dag kyang byed de/ ya mtshan chen po thams cad dang zhes pa'o/ / sems can rnams ni thams cad la/ zhes pa la sogs pa yi dags phal po che'i dkyil 'khor dang rtsa ba'i rtog pa la sogs pa'i chog sngar gsungs pa de dag gi dngos grub dang las rnams 'byung ba yang ji skad gsungs pa'i chog

  705. 353a

    bzhin du bsgrubs na yang 'grub par 'gyur ro zhes bya ba'i don to/ /da ni bsgrubs nas sbyin pa zhes bya ba bshad de/ de'i phyir bsgrubs nas sems can thams cad la zhes gsungs te/ 'bras bu mchog rnams bsgrub par bya/ zhes pa gong du bshad pa'i dngos grub grub pa'i 'bras bu sems can thams cad la sbyin par bya'o zhes pa'i don to/ /grub pa'i mthu ni gang yod pa/ zhes pa dngos grub grub pa'i mthu gang yod pa de dag thams cad ces pa'o/ /bde gshegs bsam pas de dag kun/ /zhes pa la sogs pa byang chub kyi sems dang ldan pas mthu grub pa de dag kun kyang ser sna med pa'i sems kyis skye bo phongs pa rnams la sbyin zhing so so'i las re ba yongs su bskang bar bya'o/ /zhes pa'i tha tshig go /snying rje can gyis bdag gi lus/ zhes pa bdag gis lus kyang sbyin par bya'o zhes so/ /dri ma med par bsgrub pa nas su/ /dge ba 'di yis sems can kun/ /bde gshegs sems ldan bde bar 'gyur/ zhes pa skyon med pa'i sbyin pa sngon du bshad pa bzhin spyad pa'i dge ba 'di yis de ltar dge ba spyad pa sems can thams cad la bsngo'o/ /byang chub sems dang ldan zhing bde bar gyur cig ces pa'i don to/ /re ba thams cad yongs rdzogs shing/ zhes pa 'jig rten dang 'jig rten las 'das pa'i dge ba 'dod pa phun sum tshogs pa'i longs spyod dang ldan par gyur cig ces pa'i don to/ /dge ba kun gyi snod gyur ces/ zhes pa de dag dang yang ldan zhing dge ba spyod pa'i skabs dang ldan pa'o/ /yid kyis yongs su bsngo bar bya/ zhes pa sbyong pa'i skal pa can du gyur cig ces pa'o/ /gang zhig de ltar sngags grub kyang/ zhes pa phal che ru sngags grub na sbyin pa'i dge ba

  706. 353b

    de ltar mi spyod pa ste/ 'ga' zhig sngags grub nas kyang sbyin pa'i dge ba dag de ltar spyod pa des skyon med pa'i sbyin pa ni/ dri ma med pa'i byang chub sems/ zhes pa'i don to/ /dge ba rtag tu spyod pa'i de/ /zhes pa sbyin pa'i dge ba dag spyod pa/ zhes pa'o/ /dngos grub rtog las gang gsungs pa/ zhes pa rtog pa dag las dngos grub gang gsungs pa de bzhin gshegs pa'i zhal nas byung ba de zhes bya ba'i don to/ /thams cad de la nye bar gnas/ /zhes pa dngos grub thams cad kyang sngags pa grub pa de lta bu la 'grub par 'gyur bas ni nye bar gnas zhes bya'o/ /sngags pa sgrub pa po yi rdzu 'phrul gyi/ /yon tan kun dang ldan par 'gyur zhes bya ba'i don to/ /rgya cher bstan zhes pa de ltar rgya cher bstan to zhes pa'o/ /rtog pa thams cad 'dus pa'o/ /zhes pa de dag ni rtog pa thams cad 'dus pa yin no/ zhes pa'i don to/ /'jam dpal gshin rje gshed kyi rtog par rtogs pa bcu pa'i 'grel pa zhes pa rdzogs so// // dur khrod gnas kyi dkyil 'khor du gtogs pa'i le'u 'di la don rnam pa bdun gyis bshad do/ /de la snying po khyad par can bstan pa dang/ dkyil 'khor gyi cho ga dang/ mchod pa sngar byas nas slob ma gzung pa la sogs pa'i las bya ba dang/ lha slar gshegs su gsol ba la sogs pa'i las bya ba dang/ phyag rgya'i mtshan nyid dang/ dkyil 'khor du dgod pa'i sngags kyi le'u dang/ mchod pa'i cho ga rnams kyis bstan to/ /de la snying po'i khyad par bstan pa'i phyir/ 'jam pa'i dbyangs kyi khro bo yi/ zhes gsungs te/ 'jam pa'i dbyangs kyi khro bo yis/ /zhes pa hUM ring po 'bru gcig po sngar bshad zin te zhes 'phro sbyor ba'i tshig tu chad do zhes pa'o/ /de nas gzhan yang de yi ni/ zhes pa

  707. 354a

    'jam pa'i dbyangs de'i gzhan yang rtog pa bsdus zhes bya ba'i don to/ rtog pa bsdus pa rgya cher bshad/ /gshin rje rab tu 'joms pa 'di/ zhes pa rtsa ba'i rtog pa las gsungs pa'i dngos grub dang/ las rnams le'u 'dir mdor bsdus nas yi ge 'bru gcig pa'i sgo nas rgyas par bshad pa'o/ /zhal ni hUM zhes bya bar bshad ces pa zhal drag pa las hUM byung bas na zhal nyid hUM yin te hUM nyid khro bo yin par bshad/ / hUM zhes bya ba mchog rig bya/ zhes pa hUM de nyid khro bo yin par bshad par bya'o/ /de yi dkyil 'khor gzhan yin te/ zhes pa 'jam dbyangs kyi khro bo dkyil 'khor sngar gong du bshad pa las gzhan pa'i dkyil 'khor de gnas 'byung ba la bya'o/ /'og nas 'byung pa'i dkyil 'khor de bris nas bsgrubs na dkyil 'khor de las dngos grub kun 'grub par shes par bya'o/ zhes pa'i don to/ /dur khrod nas shes bya ba ste/ zhes pa dkyil 'khor de'i nang du dur khrod gnas pas na yang dur khrod gnas zhes bya ste/ /de ltar dkyil 'khor de la ming de skad ces bya ste/ ma ri de nyid la dur khrod ces bya ba'i phyir zhes bya ba'i don to/ /dur khrod gnas pa gang yin pa'o/ /zhes pa de la dur khrod gnas zhes ci'i phyir zhe na/ maN+Dal gyi gnas su dur khrod du khris na yang dur khrod gnas bya ba'i don to /khru brgyad pa la sgo bzhi pa/ zhes pa ngos bzhi des gcig gis tshang ces pa'o/ /yang na gru bzhi pa yang rung zhes pa phyogs bzhir yang ngos bzhi pa'i ngos gcig gi tshad ces bya'o/ /dur khrod gnas pa bzang po ste/ zhes pa dkyil 'khor nyid kyi yon tan la bya ba'i don to/ /dur khrod thal bas bri bar bya/ zhes pa dkyil 'khor de/

  708. 354b

    yang dur khrod kyis thal bas bri bar bya'o zhes pa'o/ /de yi dbus su yi dags bri/ /yi dags phreng ba dag gis brgyan/ /ces pa dkyil 'khor de'i dbus su pad+ma 'dab ma brgyad pa gcig thal bas bris pa de'i steng du mi ro zhig bri'o/ /dkyil 'khor de'i nang rol gyi ngos bzhir mi ro gnyis gnyis tsam bri'o/ /yi dags 'di dag thams cad kyang phyag rgya yin pas na kun kyang pad+ma'i steng bu bzhag 'o/ /zhes pa'i don to/ /skor ni yi dags ro smad bzhag/ ces pa sgo bzhir mi ro re re bri ba ni mgo med pa'i rol bya'o/ /mdza' ma dag tu mgo po bzhag ces pa dkyil 'khor de'i nang rol gyi ngos bzhir mi ro gnyis gnyis tsam gyis pa'i bar du mi'i mgo bo bro bar bya'o/ /tshul de ltar 'bri nus na ni sngags pas de dag thams cad dur khrod thal bas bri'o/ /zhes pa'i don to/ grwa bzhir shu la bzhin rnams dang/ /thod pa dag kyang bri bar bya/ /zhes pa 'dir shu la zhes pa ni tri shu la bya'o/ /grwa bzhir shu la rtse gsum pa re re bzhi yis nang rol nas kha phyir bltas pa bri ste/ shu la re re'i glo pha rol tshu rol tu thong pa re re ste/ gnyis gnyis pa'o/ de ltar shu la bris pa'i cho rtsa ba dag tu thod pa re re bzhi bri zhes pa kha gcig 'chang ngo/ /gal te 'bri bar mi nas na/ /mkhas pas de dag thal bas bri/ zhes pa la sogs pa tshul de ltar ri mo 'bri bar mi nus nas gzhi skyang na la gyis byugs te/ sa bstar ba bzang po tsan dan dmar po'i 'di gus bskus nas thig tsam btab kyang rung ngo/ /dkyil 'khor tshang kyang gong du gsungs pa dang sbyar zhes pa'o/ /dur khrod gnas dang por ni/ zhes pa dkyil 'khor dang por yi dags la sogs pa'i sngags rnams gnas su dgod pa'o/ sngags pas yi ge dgod par bya/ /zhes pa yi ge rnams kyi so sor bkod?

  709. 355a

    zin nas dkyil 'khor der khro bo'i rgyal po spyan drangs te mchod pa bya'o/ /zhes pa'i tha tshig go /'di man cad mchod pa sngar byas nas slob ma gzung pa la sogs pa'i las zhes bya ba bshad de/ 'jigs pa'i zhal ni 'bar ba drug ces gsungs te/ 'jigs pa'i zhal ni 'bar ba drug /ces pa khro bo'i rgyal po de ni ci 'dra ba zhig ce na/ de bzhin zhabs dang drug dang ldan/ zhes pa la sogs pa bzhin shes par bya'o/ /gzig lpags ni smad g.yogs zhes so/ /mtshon cha bzang po du ma bsnams/ zhes pa ri mo 'dri ba'i skabs 'og nas kyang 'byung zhes pa'o/ /yi dags steng du mchod pa bya/ zhes pa de lta bu'i lha de dkyil 'khor gyi dbus su mi ro bris pa'i steng du spyan drangs te mchod pa bya'o zhes pa'i don to/ /'o ma'i 'bras thug gtor mar dbul/ zhes pa lha bshos dbul ba'i don to/ /mar me dag ni mar la bya zhes pa mar me brgyad dang bcu drug tu sbyar zhes pa'o/ /sa bon yi ge gcig pa 'di/ zhes pa/ oM A(rgyud 'grel): hUM swAhA/ zhes bzlas par rigs so zhes kha cig 'chad do/ /de nas stong du bzlas pa bya/ de yi 'og tu mkhas pa yis/ zhes pa de ltar sngar mchod pa dang/ bzlas brjod byas nas de'i 'og tu sngags pas dkyil 'khor du slob ma bzung par bya'o zhes pa'o/ /dur khrod gnas su zhes pa dkyil 'khor gyi ming zhes pa'o/ /hUM gi zhal ni zlos shing gzung/ ces pa dkyil 'khor du me tog gtor pa'i sngags kyang 'di nyid de/ /slob dpon gyis hUM zhes bya ba bzlas shing slob ma gzung par bya/ zhes pa'i don to/ btsud nas de yi snying gar ni/ zhes pa slob ma dkyil 'khor du bcud nas de'i 'og tu slob ma'i snying gar snying po/ hUM

  710. 355b

    zhes pa bsams la lha'i skur bsgyur te/ /hUM zhes pa gzhag par bya zhes pa'i don to/ /de nas shu la'i phyag rgya ni/ ras kyis g.yogs te bcing bar bya zhes pa shu la'i phyag rgya ni bdag gis kyang bcing/ slob mas kyang 'ching du gzhug go /me tog dkyil 'khor du dor du gzhug go/ 'di ni dkyil 'khor du gzhug pa'i phyag rgya'o/ /phyag rgya 'di bcing ba'i che gzhan gyis ma mthong rab? ras? kyis g.yogs la phyag rgya bcing bar bya'o/ /zhes pa'i tha tshig go /slob ma dag la legs bstan na/ /de yang mchod pa byed du gzhug /ces pa de nas gdong gi ras phyi la dkyil 'khor bstan nas slob ma de dkyil 'khor la mchod pa byed du gzhug go bya ba'i don to/ /de nas gshin rje rab 'joms pa'i/ zhes pa la sogs pa de nas de'i 'og tu slob ma de la dbang rnam pa bzhi las rig pa'i dbang bskur bya'o/ /dbang bskur ba'i bum pa la yang snying po 'bru gcig pa bzlas so/ /de yi ge 'bru gsum sbyin pa bzlas so zhes pa/ oM A(rgyud 'grel): hUM zhes bya ba'i yi ge 'bru gcig po slob ma la tshul bzhin du sbyin par bya ba rig pa'i dbang bskur bar bya'o zhes pa'i tha tshig go /'di man cad ni lha slar gshegs su gsol ba la sogs pa'i las bshad de/ de nas mchod pa yang byas nas zhes pa nas bstan te/ de gnas mchod pa yang byas nas/ zhes pa la sogs pa gnas yang dkyil 'khor du mchod pa byas nas khro bo slar gshegs su gsol lo/ /shu la phyag rgya bcings nas su/ de bzhin rtag par gshegs su gsol zhes pa de ltar gshegs su gsob ba yang thabs gang gis gshegs su gsol zhe na/ shu la'i phyag rgya bcings nas mthe 'od phyir bkyed pas slar gshegs su gsol lo/ /khro bo spyan drangs pa yang shu la'i phyag rgya bcings te/ mthe bong gnyis

  711. 356a

    nang du g.yab cing sngags dang ldan pas spyan drang par bya'o zhes pa'i don to/ /khro bo spyan drangs pa dag kyang shu la'i phyag rgya ldan par bya/ zhes pa khro bo spyan drangs pa dang slar gshegs su gsol ba'i mdzub mo gnyis nang du g.yab par 'os te de ltar bya ba yang shu la'i phyag rgya bcings te bya'o zhes kha gcig 'chad do/ /'di na mchad phyag rgya'i mtshan nyid bshad do/ /dkon mchog gsum la phyag btsal nas zhes pa thog mar lag pa gnyis thal mo sbyar te dpral bar bzhag la oM na mo bud+d+ha d+harma saM ge bya zhes pa brjod nas de'i 'og tu shu la'i phyag rgya bcing bar bya'o/ /de ni dam tshig sngar byas nas gdod/ phyag rgya cing zhes bya ba'i don to/ /'di man cad ni phyag rgya'i mtshan nyid ces bya ba bshad do/ /shu la rab tu bstan par bya/ zhes pa nas bstan te/ mkhas pas zhes pa sngags pas zhes pa'o/ /sor mo phan tshun bsnol nas su/ zhes pa lag pa'i rgyab rgyab du bsnol zhes pa'o/ /gung mor sor mo mchog gnyis ni/ zhes pa rtse sgrad de bsgreng dbus nas gyen du bsgreng te bzhag ces pa'i don to/ /srin lag gnyis ni nang du bzhag /mdzub mo gnyis kyi drung du bzhag /ces pa srin lag gnyis nang du gzhug pa yang mdzub mo dang gung mo gnyis kyi bar bar du gzhug pa'i skad du kha cig gis gsungs so/ /snol mar nang du bcug ste pha rol tshu rol rtsa ba la gtad la bzhag go /de ltar de gnyis bsgrengs nas su/ zhes pa mdzub mo gnyis kyang gung mo bgreng ba'i so so'i ngos la sbyar ba la yang bsgred do/ /zhes pa'o/ /lhag ma rnams ni nges par spa/ zhes pa the bo mthe'u chung gnyis kyang snol mar nang du gzhug go/ 'di yis las rnams

  712. 356b

    thams cad ni/ zhes pa phyag rgya 'dis bdag bsrung ba dang/ gzhan bsrung ba la sogs pa'i las thams cad bya ba'i tha tshig go /'di man chad ni dkyil 'khor du dgod pa'i sngags kyi le'u bshad de/ de nas gzhan yang bshad pa bzhin/ zhes pa nas bstan te/ oM hUM li li ha zhes pa dkyil 'khor gyi nang gi phyogs bzhir yi dags dgod pa'i sngags so/ /oM hUM driM dza zhes pa sgo bzhi na yi dags kyi ro smad yod pa'i sngags so/ /oM hUM ha zhes pa dkyil 'khor gyi nang gi phyogs bzhir yi dags phreng ba bkod pa'i bar du mgo bzhag pa'i sngags so/ /oM hUM h+ri Sh+Tri kha shu la bzhi car gyi'o /zhes pa dkyil 'khor mdza' bzhir tri shu la bzhi bzhag pa'i sngags so/ /oM hUM dzi ha zhes tri shu la'i rtsa ba'i grwa bzhir thod pa bzhi bri ba'i sngags so/ /tri shu la'i g.yas g.yon du thod pa re re gnyis gnyis bzhag pa rnams kyi sngags so/ /lho phyogs kyi ni sgo phye nas/ /lhag ma gzhan ni bcad par bya zhes pa lho phyogs sgo ni phye ste/ sgo lhag ma gsum bcad do/ /dur khrod ces pa dkyil 'khor la yang bya'o/ /rtag tu bri ba'i sngags zhes pa'o/ /sngags 'di rnams kyis ni rab sbyar na/ zhes pa sngags de rnams kyis dkyil 'khor der sbyar nas/ dur khrod kyi ni gnas su 'gyur/ zhes pa sngar bshad pa bzhin du dur khrod kyi gnas kyi dkyil 'khor du 'gyur zhes pa'i don to/ /tsan dan dmar pos bskus pa yi/ zhes pa yang na tsan dan dmar pos bskus pa'i sa gzhi kha gang tsam gyi tshad du dkyil 'khor bris kyang rung zhes pa'i don to/ /sa gzhi khru gang tsam la ni/ zhes pa ngos gcig tshad du bya zhes pa'o/ /dkyil 'khor gyi tshang dang gnas ni ji lta bur yang gang yang rung/ zhes pa'i don to/ /dkyil 'khor

  713. 357a

    dag ni bris nas su/ de nas cho ga shes pa yis/ zhes pa de ltar dkyil 'khor bris pa nas de'i 'og tu lha spyan drangs pa la sogs pa bya'o zhes pa'i tha tshig go /'di man chad ni mchod pa'i cho ga zhes bya ba bshad de/ sngags kyi mchod pa rim bzhin bshad/ ces pa 'og nas 'byung ba bzhin bya zhes pa'o/ /spyan drangs pa'o/ zhes pa shu la'i phyag rgya dang sbyar te/ lha spyan drangs pa'o/ /oM hUM swAhA/ zhes pa oM hUM swAhA/ zhes bzlas so/ /swAhA ni zhi ba dang/ rgyas pa la sbyar ba zad ces kha cig kyang 'chad de/ sngags 'dis khro bo bzhugs su gsol lo/ /khro bo nyid kyi snying po 'bru gcig pa'i sngags yin te/ bzlas pa'i tshe 'di bzhin du bzlas so/ /gong ma'i le'u las yang tshul 'di bzhin du bzlas so/ /khyad par du ni hUM ring thung tsam zhig yod do zhes pa'i don to/ /khro bo rnam par rgyal ba'i 'jam dpal gyi rtsa ba'i rtog pa phyi ma'i phyi ma las zhes pa dur khrod gnas kyi dkyil 'khor 'dir sngags kyi le'ur sngags bshad pa rnams yi dags phal po che'i dkyil 'khor du sngags ma gsungs pa rnams sam der ma tshang ba rnams kyang sngags 'di rnams kyis sbyar bar bya'o/ /bsgom pa'i yan lag gang du yang sngags dgos pa rnams kyang le'u ltag 'og tu de bzhin du sbyar ro zhes pa'i don to/ /rtog pa ste dang po'o/ /zhes pa dur khrod gnas kyi dkyil 'khor gnas su gtogs pa'i nang nas le'u 'di dang po'o zhes bya ba'i don to/ /sku gzugs de'i spyan sngar ji skad gsungs pa'i bzlas pa'i cho ga'i las rnams kyi bzlas brjod bya'o zhes bya ba'i tha tshig go /dur khrod gnas kyi dkyil 'khor du gtogs pa'i ri mo'i sku gzugs kyi mtshan nyid bshad pa'i le'u

  714. 357b

    'di la don rnam pa gsum gyis bstan to/ /ri mo'i sku gzugs kyi mtshan nyid dang/ bzlas brjod bya ba'i mtshan nyid dang sngags rnams bstan pa'o/ /de la dang por ri mo'i sku gzugs kyi mtshan nyid bshad pa'i phyir/ de nas 'di ni ri mo'i mchog/ ces bya ba la sogs pa smos so/ /bzlas pa'i las ni rab tu bya zhes bya ba la de ltar sku gzugs bris nas de nas zhes pa/ khro bo 'di yi mchog tu 'gyur zhes pa'o/ /ras phran khru gang tsam po ni zhes pa ched du btags pa'o/ /bzang po sar pa bkrus pa la/ zhes pa thag thug can ma yin par phra mor byas pa'i don to/ /na gzar gsol zhes pa smad g.yogs byas pa'o/ /tshul bzhin yi dags steng du bzhugs/ zhes pa g.yon brkyang ba'i tshul du bzhugs pa'o/ /shu la ral gri 'khor lo dang/ dgra sta mchog sbyin pa yi phyag/ ces pa 'di'i skabs su shu la zhes bya ba ni tri shu la bya ste rtse gsum la drang por 'dug pa'o/ /kha cig gis rtse gsum la kha gdengs por 'dug pa yin zhes bshad do/ /lcags mda' be con rdo rje dang/ zhes pa nang yan zhes bya ste lcags dang shing las phyed phyed pa'i mda' byas te/ 'di ni mi las bya'o/ /mda' dang mde'u lcags dang sgro yan cod kun/ lcags las byas pa'o/ /'ga' dang zhags pa zhes pa dbyigs to 'am tho ba la yang bya'o/ /zhes pa'o/ /shak+ti zhes pa mdung thung zhes pa'o/ /ba ti sa dang de bzhin bsdigs/ zhes pa la kha cig ni rtse gdengs por yin par bshad do// kha cig ni bri ba'i so 'dra ba rtse gsum drang por 'dug pa yin no zhes 'chad do/ /bung ba zhes pa sngon po bris nas de yang sba zhes pa gnas dben par bzhag pa'i don to/ /'di man cad bzlas brjod bya ba'i cho ga bshad de/ yid du

  715. 358a

    'ong ba'i gnas dag tu zhes pa la sogs pa smos so/ /bzhag nas bzlas pa dag kyang bya zhes pa ri mo'i sku gzugs de yang/ gnas yid du 'ong ba'i gnas dben par bzhag nas bzlas brjod bya'o zhes pa'o/ /bzlas pa'i cho ga 'dir bshad do/ /zhes pa khrus la sogs pa yang bzlas pa'i yan lag tu gtogs pa'i phyir zhes pa'i don to/ /rig pa 'dzin pa'i sngags pas rtag pa ru khrus bya'o/ /'bar ba'i sngags kyis khrus bya'o/ /zhes pa mthu che ba gzi brjid can gyi khrus byas te/ sngags nyid 'og nas 'byung ngo zhes pa'o/ /bdud rtsi 'byung ba'i sngags kyi ni/ zhes 'og gnas 'byung ba zhes pa'o/ /thog mar kha ni dkrus nas su/ zhes pa khrus byas pa'i 'og tu nye reg gi phyag dang ldan pas tshul bzhin du kha bkru'o/ /de'i 'og tu shu la'i phyag rgya dang ldan pas tshul bzhin du bsrung zhes pa'o/ /de nas bsrung ba legs par bya/ zhes pa de'i 'og tu shu la'i phyag rgya dang ldan bas bsrung bar bya ba'i sngags kyang 'og nas 'byung ngo/ /de yi 'og tu cho ga bzhin zhes pa de'i 'og tu 'dzab sar 'gro bar byas te/ de'i sngags kyang 'og nas 'byung ngo/ /mkhas pas khro bo'i khang par 'jug ces pa'i don to zhugs nas/ ku sha'i las bya'o/ /zhes pa 'dzab sa'i khang pa'i nang du zhugs nas/ stan bzang de la sngags pa 'dug nas su/ zhes pa'i don to/ /de nas cho ga sngon gsungs pa/ zhes pa gang du gshad pa'i mchod pa'i yo byad rnams kyis mchod pa bya'o/ /sngags pa'i lag pa gnyis ni tsan dan dris bskus pas zhes pa'i don to/ /sngags kyi nor bu blangs nas su/ nyes pa'i skyon rnams sbyang ba'i phyir/ zhes pa

  716. 358b

    sngags kyi nor bu blang ba'i sngags 'og nas 'byung ba brjod cing sngags kyi nor bu blang ngo/ /nor bu'i skyon sbyang zhes pa'i don to/ /khro bo bdud rtsi lan gsum bzlas zhes pa khyor ba'i nang du bcug ste bzlas pa'i sngags 'og nas 'byung ngo/ zhes pa'i don to/ /mngon par phyogs 'dug bzlas par bya/ zhes pa sngags pas bzlas zhes pa'o/ /sems rab dang zhing rtse gcig yid/ sems mi g.yeng bar bya ba'i don to/ /yid ni mi skyo bar du bya/ zhes pa dus gsum du bzlas pa de yid la skyo ba'i mtshams kyis bzung ste bzlas par bya'o zhes pa'i don to/ /bzlas pa'i mthar zhes pa bzlas brjod zin pa'i mthar khro bo slar gshegs su gsol lo/ /shu la'i rgya bcings gshegs su gsol/ zhes pa shu la'i phyag rgya dang slar gshegs su gsol ba'i sngags rnams sbyar te slar gshegs su gsol lo/ /de ltar legs par nyin re zhing/ /yi ge gnyis pa'i sngags 'di ni/ /rnam pa kun tu cho ga bzhin/ /zhes pa gong du bshad pa de ltar legs par nyin re bzhin dus gsum du yi ge gcig pa'i sngags 'di bzlas pa'i dus thams cad du cho ga bzhin du bzlas par bya'o/ /gang zhig bye ba gcig bzlos pa zhes pa 'bum phrag brgyar bzlas pa bya'o/ /de yi dngos grub dam pa thob ces pa de ltar sngags bzlas pa byas nas de'i 'og tu bsgrubs na dngos grub mchog 'thob bo zhes pa'i tha tshig go/ 'di man cad ni sngas rnams bstan te/ de nas gzhan yang ci bstan pa/ zhes pa sogs pa khro bo chen po nyid kyis gsungs pa'i rgyur chen po las ji skad bstan pa'i sngags rnams bsgrubs la phan pa'i phyir bshad do/ /oM hUM di ba ta te swAhA zhes pa/ brus byed pa'i tshe chu la gdab pa dang/ sa la gdab pa dang/ sngags

  717. 359a

    kyi chus lus la gtor bar bya ba'i sngags so/ /oM hUM a mri ta sra ba bA ma ba zhes nye reg gi phyag rgya sbyar te/ khar lan gsum du sbyar te khar lan gsum du chu btung ba dang/ kha lan gsum du phyi ba'i sngags so/ /oM hUM sarba to zhes pa shu la'i phyag rgya dang sbyar te bdag nyid bsrung ngo/ /oM nA ma sarba ta thA ga to zhes pa shu la'i phyag rgya dang sbyar te khrus bya ba'i tshe dang/ bsrung ba'i tshe mtshams bcad pa'i sngags so/ ra ba'i sngags so/ /zhes pa rdo rje 'bar ba bsam/ zhes pa'i don to/ /hUM hUM hUM hUM hUM hUM/ zhes pa shu la'i phyag rgya dang sbyar ste gnas sngar gtug cing bdag bsrung ba dang pha rol yang bsrung ba'i sngags so/ /oM hUM kA la ma tha na phaT?/ ces pa 'dzab sar nang du 'gro ba'i tshe sngags 'di zlos shing 'gro bar bya'o/ /sngags 'di chu la zlos shing chur gtor zhing 'gro bar bya'o zhes pa'i don to/ /oM hUM rak sh+ka rak sh+ka man swAhA/ zhes pa bdag nyid kyi stan la gdab pa'i sngags so/ /oM hUM sid+hi d+ha hUM dzra dzra zhes pa sngags 'di bzlas shing sngags kyi nor bu blang ngo zhes so/ /oM hUM kro d+ha a mri ta zhes pa snyim pa snol ba'i nang du nor du bcug ste/ sngags 'di bzlas so/ /bzlas pa'i cho gar gtogs pa ste/ zhes pa dur khrod gnas kyi dkyil 'khor le'ur gtogs pa las gnyis pa'o// //brtul zhugs su gtogs pa'i le'u 'di la don rnam bzhis bstan te/ de la sngon du bsnyen pa byas nas brtul zhugs spyad pa dang brtul zhugs ma nus na sngon du bsnyen pa lhag par byas te bsgrub pa dang/ spyir bstan pa dang/ dngos grub mchog dang 'bring mi 'dod na dngos grub phal bsgrub pa bstan pa'o/ /de la dang por sngon du bsnyen pa byas nas brtul

  718. 359b

    zhugs spyad pa zhes bya ba bshad pa'o/ /'di yi sngon du bsnyen pa ni/ bye ba gcig tu nges par bshad/ /ces khro bo'i rgyal po 'di'i sngon du bsnyen pa bya ba ni sngar bshad pa bzhin du 'bum phrag brgya bya'o/ /khro bo brtul zhugs phyis spyod pa na zhes pa de ltar bsnyen pa byas pa'i 'og tu khro bo'i brtul zhugs spyad na dngos grub mchog thob po zhes pa'i don to/ /shing las byas pa'i thod pa ni zhes pa thang shing las byas pa'i thod pa zhes pa'o/ /nyi shu rtsa drug sor tshar byas/ zhes pa thod pa'i kha shing gi tshad bya zhes pa'o/ /mkhas pas tri shul rnon po ni/ /sngags pas tri shu la rnon po legs pa zhes pa'o/ /lag pa g.yas pas tri shu la bzung/ g.yon du thod pa bzung zhes pa'o/ /gzig lpags zhes pa smad g.yogs zhes pa'o/ /lus ni thal ba dag gis sku/ zhes pa thal bas byug bya ba'i don to/ /rus pa dag gi phreng ba yis/ zhes pa mi rus dag gis lha'i rgyan bzhin du gdags so/ huM/ rgyan du byas nas brtul zhugs spyad/ ces pa tshul de ltar te brtul zhugs spyad do zhes pa'i don to/ /sngags pa de gang mo sgra chen dag kyang 'byin zhes pa'o/ /dur khrod dam ni shing gcig gam/ /ri 'am yang na tshal yang rung/ /zhes pa sngags pa de lta bu de grong du 'gro zhing der gnas par mi bya ste/ ming gis smos pa'i gnas 'di dag tu gnas par bya'o/ /mkhas pas zhes pa sngags pas zhes pa'o/ /lci ba za zhes pa zas su lci ba za ba'o/ /blo ldan grong du yong mi 'jug ces pa sngags pa grong du 'gro zhing der yang gnas par mi bya'o/ /mnyam bar bzhag ces pa sems rtse gcig tu gnas zhes pa'o/ /tshig mi smra zhes pa gzhan gang yang mi smra'o/ /gtsang zhing tshangs par spyod la dul/ zhes phyi

  719. 360a

    nang gi khyim pa zhig yin na mi tshangs par mi ba spyad ces ba'i don to/ /rtag tu bde gshegs sems dang ldan/ zhes pa byang chub sems dang ldan zhes pa'o/ /zhes pa byang chub sems dang kun ldan zhing/ zhes pa gong ma nyid kyi 'grel pa gshin rjes rab tu 'joms pa 'di zhes pa de ltar spyad na dngos grub mchog 'grub par 'gyur gyi mi 'grub par mi 'gyur ro zhes pa'i don to/ /dus thams cad du byang chub kyi sems ldan par bya zhing khro bo'i brtul zhugs gang gsungs pa yang spyod cing rtag tu dus gsum du zlos pa byed pa ni dngos grub mchog thob par 'gyur ro zhes pa'i don to/ /'di man chad ni brtul zhugs ma grub na bsnyen pa lhag par bya ste/ sgrub pa zhes bya ba bshad de/ gang tshe 'di yi brtul zhugs ni/ /bsnyen pa bya bar mi nus na/ zhes bya ba gong du bshad pa bzhin du brtul zhugs spyod mi nus na/ gnas gang yang rung bar gnas shing zas su lce ba za zhing 'bum phrag brgyad bzlas pa'i bsnyen pa bya'o/ zhes pa'i don to/ /de nas bzlas pa'i tha mar yang/ /mkhas pas mchod pa rgya cher bya/ zhes pa de ltar sngon du bsten pa byas pa'i bzlas pa zin nas/ tha mar yang sngags pas sku gzugs de la mchod pa rgya chen po bya'o/ /de nas me tog dzA ti stong/ /ri mo dag la phog par dbul/ zhes pa srag shing sna ma'i me tog la bya ste/ sngags bzlas shing sku gzugs la phog par dbul lo// rig pa 'dzin zhes pa sngags pas zhes pa'o/ /de yis phog par phul na ni/ /zhes pa sri shing sna ma'i me tog phul zhes pa'o/ /gang tshe rab tu 'bar 'gyur ba/ /zhes pa ri mo'i sku gzugs 'bar bar gyur na zhes pa'i don

  720. 360b

    to/ /de tshe ri mo de yis ni/ zhes pa ri mo'i sku gzugs 'bar gyur pa de'i mthus ni sngags pa nyid nam mkha' la 'phar bar gdon mi za bar zhes ba'i don to/ /mchog tu gyur te thog mar 'gro /zhes pa rig 'dzin gyi rgyal por 'gyur zhes pa'i don to/ /'on te phog par phul ba na/ zhes pa me tog snga ma de nyid kyis sku gzugs la phul zhes pa'i don to/ /gzugs de rab tu g.yo bar gyur na ni zhes pa'o/ /rtog la ji skad gsungs pa yi/ zhes pa ji skad gsungs pa'i dngos grub 'bring/ lus mi snang ba 'thob par 'gyur ro zhes pa'i don to/ /de la dngos grub 'bring du bsgrub pa po de la 'gyur zhes pa'i don to/ /de ste rab tu mi g.yo bar/ /ri mo rang bzhin du 'dug pa/ /dngos grub tha ma thob por gyur/ /zhes pa de ltar byas pa'i/ sa kyang sku gzugs mi 'gul zhib mi g.yo bar gyur te/ /sku gzugs tha mal par 'dug na cho ga de ltar byas pa'i dngos grub tha ma rkang ma gyogs tsam du 'gyur ro/ /de lta bu'i 'bras bu rnam pa gsum gsum bshad/ /ces pa de ltar dngos grub rab 'bring tha ma gsum du bshad do zhes bya ba'i tha tshig go/ /'di man chad ni spyir bsnyen pa zhes bya ba bshad do/ /lus ni nyon mongs spyad pa las/ /dngos grub rnam gsum thob par 'gyur/ zhes pa gong du bshad pa'i brtul zhugs dag ma yin par spyir yang lus nyon mongs pa'i dka' thub spyad pa las dngos grub rnam gsum thob par 'gyur ro zhes pa'i don to/ /brtul zhugs bsnyung bar 'dug la 'bad/ ces pa lus la nyon mongs par bya ba'i dga' thub de dag kyang gang zhe na/ /'di dag go yang na chu 'am/ rlung dag bza' / zhes pa chu 'ba' zhig btung ba 'am rlung chen rdub cing bza' par bya'o/ /ci la'ang ma chags phyugs gcig btung/ zhes

  721. 361a

    pa 'dod pa'i longs spyod la sogs te/ gang la yang chags par mi bya'o/ /phyugs gcin zhes pa phyugs gcin 'ba' zhig btung zhes pa'o/ /byang chub sems dang kun ldan na/ zhes pa de ltar dka' thub spyod pa dang ldan zhing byang chub kyi sems dang yang ldan na/ de'i tshe dngos grub dam pa thob ces pa'i don to/ /rig pa mchog kun bsgrub pa la bya zhes pa khro bo'i rgyal po la bya ste de'i sngags sgrub pa la bya zhes pa'i don to/ / 'di dag sbyir na bstan pa yis/ zhes pa cho ga de ltar spyad na dngos grub rnam gsum thob par 'gyur ro zhes spyir bstan pa yin na bya ba'i don to/ /'di man cad dngos grub mchog 'bring mi 'dor na/ dngos grub phal pa sgrub pa bstan te/ gang tshe dngos grub mchog rnams dang/ /'bring yang gal te mi 'dor na/ /longs spyod rtag tu 'dod na ni/ /zhes pa la 'og nas 'byung ba'i longs spyod dag ni dngos grub phal pa 'dor na zhes pa'i don to/ /de tshe rtag tu bzlas par bya/ zhes pa dus gsum du bzlas pa rgyun tu bya'o zhes pa'o/ /'di yi cho ga gzhan dag kyang/ /de nas mdor ni bshad par bya zhes pa dngos grub phal pa sgrub pa'i cho ga gzhan dag kyang mdor bshad par bya'o// zhes pa'o/ sa gzhi rab tu mdangs dga' ba/ zhes pa nyams dga' ba'i sa gzhi bzang po la bya'o zhes pa'o/ /der ni tsan dan dmar po yi/ zhes pa de'i steng du tsan dan dmar po'i 'de gus bsku bar bya'o zhes pa'i don bya mkhas pas bya zhes pa sngags pas bya'o/ /de yang bzang po khru gang tsam/ zhes pa de ltar yid kyis dkyil 'khor bya ba de yang che chung gi tshad khru gang tsam du bya'o/ /rab tu mnyam zhing yid du 'ong zhes pa dkyil 'khor gyi yon

  722. 361b

    tan la bya'o/ /gshin rjes rab tu 'joms pa gang zhes pa la sogs pa gshin rje rab tu 'joms zhes bya ba'i dkyil 'khor dur khrod gnas zhes bya ba gang gsungs pa de dag gi sngags rnams kyis me tog la sngags te/ so so la gnas gnas su bkod pas dkyil 'khor de byas nas zhes bya ba'i don to/ /de yi 'og na sngags rig pas/ /zhes pa de ltar yid kyis dkyil 'khor legs par bkod nas de'i 'og tu sngags pas ji skad gsungs pa'i las dag gis zhes pa mchod pa bya ba'i las dag gis ci 'byor ba dang/ ci nus par khro bo'i rgyal po gtso bo la mchod par bya zhes pa'i don to/ /nyi ma re re cho ga bzhin/ /bzlas pa dag kyang stong du bya/ /zhes pa nyi ma re re zhing dus gsum du zlos pa yang dus gcig gis tshes grangs stong stong du bzlas brjod byas pa'i dus gsum char yang mchod pa'i cho ga dang dkyil 'khor tshul de ltar bkod nas bzlas pa bya'o/ /de ltar rtag tu byas pa yas zhes pa tshul de ltar rtag tu byas pas bdag nyid gang 'dod pa'i 'bras bu thob par 'gyur ro zhes pa'i don to/ /gdon mi za zhes pa the tshom med par dga' bar 'gyur/ de'i zhes pa sngags pa de'i sgra yang med par 'gyur ba'i don to/ /nad med rang gi zhes pa'o/ /sa'i dbang po rang zhes pa rgyal po dang zhes pa'o/ /g.yo dang mi g.yo 'jig rten rnams/ zhes lha klu la sogs pa ri dang mtsho la sogs pa'i mi g.yo ba la gnas pa'i lha klu rnams zhes pa'i don to/ /byang chub sems ldan pa de ni/ zhes pa sngags pa byang chub kyi sems dang ldan pa de'i dbang du gyur pa gdon mi za zhes pa'i don to/ /rig pa'i brtul zhugs su rtogs pa ste/ gsum pa'i bshad pa rdzogs so// //rtsa ba'i rtog par sdud par gtogs pa'i

  723. 362a

    le'u 'di la don rnam pa gnyis kyis ston te/ de la skabs dbye ba dang/ dngos grub dang las thams cad sbyar bar bstan pa'o/ /de la rtsa ba'i rtog pa sdud par gtogs pa zhes bya ba ci'i phyir bya zhen/ sngar bshad pa'i rtsa ba'i rtog pa thams cad kyi dngos grub dang las rnams le'u 'dir sdud par gyur pas na yang le'u 'di la rtsa ba'i rtog pa sdud par gtogs pa'i le'u zhes bya'o/ /de la dang po skabs dbye ba zhes bya ba bshad de/ de nas gzhan yang brtul zhugs kyis/ bsgrub pa'i las rnams bshad par bya/ zhes pa khro bo'i brtul zhugs spyad pas 'grub par 'gyur ba'i las rnams bshad do/ /dngos grub mchog rnams thams cad kyi/ zhes pa dngos grub mchog rnams thams cad khro bo'i brtul zhugs spyad pas bsgrub par bya'o/ /brtul zhugs med par mi 'grub ste/ zhes pa khro bo'i brtul zhugs med par phal cher dngos grub mchog rnams mi 'grub ste/ brtul zhugs spyad pa byas nas su dngos grub mchog rnams lags par 'grub/ ces pa khro bo'i brtul zhugs sngar spyad nas de'i 'og tu dngos grub mchog rnams 'grub po zhes pa'i don to/ /mkhas pas gzhan yang na yin no/ /zhes pa brtul zhugs ma spyad par dngos grub mchog rnams bsgrub kyang 'grub par mi 'gyur ro zhes pa'i don to/ /'di man cad ni dngos grub dang las thams cad la spyad ba zhes bya ba bstan to/ /ji skad bstan pa'i mtshon cha rnams/ /rtsa ba'i rtog pa'i cho ga bzhin/ zhes pa sngar rtsa ba'i rtog pa rnams las ral gri dang/ be con dang/ dgra sta dang/ shu la la sogs pa'i lha'i mtshon cha rnams sgrub pa'i sbyor ba sngar gsungs pa rnams bzhin du 'dis bsgrub na/ de bzhin du

  724. 362b

    'grub par 'gyur ro zhes so/ /de la 'di ni rtag pa ru/ /dur khrod gnas pa'i dkyil 'khor ni/ zhes pa de la rtsa ba'i rtog pa las khyad par du 'dir ral gri la sogs pa sgrub ba'i tshe/ dur khrod kyi gnas su dkyil 'khor bris la sgrub bo/ zhes pa'i don to/ /dngos grub mchog rnams rab sbyin pa'i/ /zhes pa dkyil 'khor gyi yon tan la bya'o/ /bye brag tu ni legs shig gsungs zhes pa ral gri la sogs pa'i dngos grub sgrub pa'i tshe/ rtsa ba'i rtog pa las bye brag tu 'dir dur khrod kyi dkyil 'khor bris te bsgrubs par gsungs so/ /ral gri sa 'og ro langs dang/ zhes pa rtsa ba'i rtog pa las gsungs pa'i dngos grub 'di dag ni zhes pa'o/ /gzhan yang ras dag ci 'dod dang/ zhes pa mi ro'i ras sgrub pa dag ces pa'o/ /bud med dam pa spyad bsgrub pa/ zhes pa 'dod pa'i phyir sgrub ces pa'o/ /rtsa ba'i rtog pa cho ga yis/ zhes pa sngar rtsa ba'i rtog pa'i le'u las dngos grub sgrub pa'i mtshan nyid bshad pa'i rnam grangs 'di rnams rtsa ba'i rtog pa las gsang ba'i cho ga bzhin du 'di yang skabs su yang bsgrub par bya'o/ /de las rtsa ba'i rtog pa las khyad par du na 'di'i skabs su dngos grub de dag sgrub pa'i tshe/ khro bo'i rgyal po'i yi ge bcu gcig pa'i snying po bsgrub par gsungs so/ /de nas ji skad bstan pa kun/ /ma smos pa yang bsgrub par bya/ zhes pa de bas na rtsa ba'i rtog pa las dngos grub bshad pa rnams las/ ming gis smos pa 'di rnams ma gtogs par dngos grub 'byung ba'i rnams kyang tshul bzhin du bsgrub par bya'o/ /'jam dpal khro bo'i snying po 'di/ /hUM zhes bya ba rgyas pa ste/ zhes pa hUM zhes bya ba'i snying po 'bru gcig pa'i cho ga rgyas pa'i yi ge ste/ hUM 'di na rtsa ba'i rtog pa

  725. 363a

    sdud par yongs su grags/ yi ge hUM rtsa ba'i rtog pa gsungs pa/ dngos grub thams cad bsgrub pa'i phyir zhes bya ba'i don to/ /'di ni rtsa ba'i rtog pa yi/ bsdus pa'i yongs su bsgrags pa'o/ /zhes pa sngar rtsa ba'i rtog par gtogs pa'i dngos grub rnams las le'u 'dir mdor bsdus nas yi ge 'bru gcig pa'i sgo nas de rgyas par bshad par bya'o/ /rtsa ba'i rtog pa las gsungs pa'i dngos grub las rnams le'u 'dir mdor bsdus nas bshad pa dang/ dngos grub de dag kyang yi ge 'bru gcig pos dngos grub sgrub cing las sbyar rung bar rgyas par bshad pa'o/ /rtsa ba'i rtog par gtogs pa ste/ bzhi pa'o/ /bzhi pa'i bshad pa rdzogs so// // phyi ma'i phyi ma rtog pa lnga pa 'di la don rnam pa lngas ston te/ de la mtshams sbyor ba dang/ sngags bstan pa dang/ sngags kyi mthu stan pa dang/ ston du bsnyen pa byas nas sgrub pa dang/ sbyor ba bstan pa'o/ /de la dang po 'di la mtshams sbyor ba zhes bya ba bshad do/ /rtog pa mdo ru bsdus pa dang/ rgyas pa dag tu bshad pa dang/ zhes pa rtsa ba'i rtog par gsungs pa'i dngos grub rnams dang/ las dang le'u 'dir bsdus nas yi ge 'dru gcig pa'i sgo nas de dag rgyas par bshad par bya'o/ /rtsa ba'i rtog pa las gsungs pa'i dngos grub dang las rnams le'u 'dir mdor bsdus te bshad pa dang/ dngos grub de dag kyang yi ge 'bru gcig pos dngos grub ci las byar rung bas rgyas par bshad pa'o/ /brtul zhugs dang ni nges pa yi/ /zhes pa bsdam par byas te bsnyung ba byas pa la bya'o/ /sgrub pa ci bstan bshad pa yin/ zhes pa tshul de dag gis sgrub pa la de yan cad kyis bshad zin to//

  726. 363b

    de nas khro bo gzi chen gyis/ zhal drug hUM zhes bya ba'i sngags zhes bya ba la sogs pa khro bo chen po gzi byin chen po'i zhal drug nas hUM drug 'byung ba'i hUM zhes bya ba'i sngags dngos grub ji ltar bsgrubs pa rnams bshad pa yin no zhes gong ma dang tshig gi 'phro sbyor/ /hUM gi sngags de sngon du bsnyen pa byas nas de'i 'og tu bzlas pa tsam gyis las de dag 'grub par 'gyur ro/ /gsang ba de mdor bshad par bya'o zhes pa'o/ /brtul zhugs spyad dang brtul zhugs dka' / /de dag 'di la yong med de/ zhes brtul zhugs spyad pa dang/ khyad par gyi brtul zhugs bka' ba de dag hUM zhes bya ba'i sngags kyis las sgrub pa 'di dag la dka' thub dang brtul zhugs spyad mi dgos so zhes pa'i don to/ /lan cig klags pa tsam gyis kyang/ /las rnams thams cad byed par 'gyur zhes pa gong du bsnyen pa byas nas de'i 'og tu las byas pa grub par 'gyur ba la bya'o zhes pa'o/ /'di man chad sngags bstan pa zhes bya ba bshad de/ oM na ma(rgyud 'grel): zhes bya ba rnams bstan te/ oM na ma(rgyud 'grel): zhes pa nas swAhA zhes pa'i bar gyi sngags ni zhal re re nas hUM drug drug 'byung ba dang sbyar ro/ /'og nas sbyor ba bstan pa'i skabs nas las rnams 'byung ba'i skul tshig re re'i hUM drug gi skabs skabs su bcug ste/ che ge mo zhig gi ri rnams khos shig g.yos par gyur cig ces pa'i so so'i tshig kyang bcug ste sngags rim gyis bzlas so/ /yi ge bzhi bcu rtsa gsum 'di/ khro bos klags pa tsam gyis 'grub/ ces pa'i yi ge bzhi bcu rtsa gsum 'byung ste bgrang bar bya'i lus lags so/ /hUM gi sngags nyid khro bo'i rang bzhin te 'grub par 'gyur ba na sngar bshad zin to/ /sangs rgyas kun gyis mngon par bstod/ ces pa hUM gi sngags kyi yon tan la bya'o/ zhes pa'i don to/ /de ni rtag

  727. 364a

    par bzlas pa ni/ zhes pa hUM gi sngags te rtag par bzlas par byas na dngos grub rtsol bar mdzad do/ /'di man chad ni sngags kyi mthu bstan pa zhes bya ba bshad do/ /dngos grub thams cad ster bar bshad/ /ces gnas bstan te/ dur khrod gnas su rtag par ni/ /rtag tu zlos pa'i cho ga yis zhes pa de ltar rtag tu bzlas pa bya ba yang sngar bshad pa'i dur khrod kyi dkyil 'khor snga ma'i tshul bzhin du dkyil 'khor bris sam/ bsams te/ dkyil 'khor ro 'dir brtag tu bzlas pa bya zhes pa'i don to/ /lha dang lha min dri za dang/ zhes pa de ltar bzlas pa byas pa de'i mthus/ de yi gzis ni 'byer bar 'gyur/ zhes pa sngags de'i gzi byin dang mthus shes pa'o/ /'gro dang mi 'gro 'jig rten na/ /de la dka' ba cung zad med/ ces pa snod kyi 'jig rten dang/ g.yo ba'i 'jig rten te bcud kyi 'jig rten la bya'o/ /hUM gi sngags de las bya ba la zhes pa'o/ /zhal grub ni zhes bya ba'i sngags zhes bya ba la sogs pa sngar du bsnyen pa byas pa'i 'og nas hUM gi sngags de dag dang/ shu la'i phyag rgya dang ldan par sbyar na rgyud 'di'i cho ga'i las rnams 'grub par 'gyur ro/ zhes pa'i don to/ /'di man cad ni sngon du bsnyen pa byas nas sgrub pa zhes bya ba bshad de/ dur khrod gnas su cho ga bzhin/ zhes pa sngon du bsnyen pa bya ba yang dur khrod kyi gnas kyi dkyil 'khor gyi cho ga bzhin du bris bsam bsams te dkyil 'khor des sngon du bsnyen pa bya'o/ / thog ma nyid du tshig 'bum bya/ zhes pa hUM gi sngags de thog mar bsnyen pa 'bum bzlas par bya zhes pa'i don to/ /de nas rtag pa'i cho ga bshad ces pa de ltar sngon du bsnyen pa byas nas de phan chad kyang yal bar mi 'dor bar dus su

  728. 364b

    bzlas par bya'o/ /rtag par spyod pa'i cho ga yis/ de nas tshig 'bum bzlas nas kyang/ zhes pa de ltar rtag par bzlas pa spyod pa'i cho gas sngon du bsnyen pa 'bum byas pa'i 'og tu yang 'bum bzlas te sbyor ba nyid 'bum sngon du bsnyen pa bya'o/ /kha cig gis bshad pa ni 'di ni sngar bsnyen pa bya ba zlos bur bshad par zad de bsnyen pa'i tshig 'bum bya bar nges so? zhes bshad do/ /ji skad gsungs pa'i las rnams kyi/ /de yi 'og tu sgrub la 'jug /ces pa de ltar bsnyen pa byas pa'i 'og tu sngar rtsa ba'i rtog pa las gsungs pa'i las dang/ 'og nas 'byung ba'i las rnams sgrub pa la 'jug pa'i zhes bya ba'i don to/ /rtsa ba'i rtog pa'i cho ga yis/ /de nas thams cad bsgrub par bya/ zhes pa rtsa ba'i rtog pa las gsungs pa'i las thams cad kyang rtsa ba'i rtog pa'i cho ga bzhin du las thams cad bsgrub par bya'o/ /'di la dka' ba ci yang med/ /ces pa hUM gi sngags de las bya ba 'di la bka' ba med do/ /cho ga bzang po ci gsungs pa'i zhes pa'o/ /rtog pa de bzhin bdag gis bshad/ ces pa 'og nas 'byung ba la bya'o/ /zhal drug hUM zhes bya ba 'di zhes pa zhal drug nas hUM zhes bya ba re re 'byung bas zhal drug tu bshad do zhes pa'o/ /'di man cad ni sbyor ba bstan bzhes bya ba bshad do/ /khro bo'i zhal nas mdo ru ni/ /cho gas bzang po zhes bya ba la sogs pa smos so/ /hUM gi mthar ni bskul bar bya/ /zhes pa la sogs pa hUM drug gi 'og ya ma phra ma zhes bya ba'i gong gi bar der tra zhes bya ba'i sku mal tshig bcug ste/ yi ge bzhi bcu rtsa gsum ril gyis bzlos te/ shu la'i phyag rgya dang ldan par sngags brjod pas las bya ste tshul 'di bzhin du sbyar te/ las byas na las gang dang gang byas pa de dang de bzhin du 'grub par 'gyur ro//

  729. 365a

    hUM ni skul ba'i tshig gi brda yis 'dzin tsam du zad pas 'di'i hUM nyid dkyus su gzhug mi dgos te/ hUM drug gi mjug la so so'i skul ba'i tshig gzhug par zad de/ 'og ma kun la 'di sbyar ro zhes pa'i don to/ /hUM tshig rig sngags thams cad dang/ zhes pa pha rol po'i rigs sngags gcad pa dang zhes pa'o/ /ri bkas par bya ba dang sa g.yo bar bya ba'i tshigs gzhug mi dgos te/ so so'i skul ba'i tshig yi ge 'bru re re dang bsam pa'i khyad par tsam gyis las rnams bya'o/ /zhes kha cig 'chad do/ /mtshon cha rnams ni mchod par bshad ces pa pha rol gyi mtshon cha rnams ni gcod do/ /shu la'i phyag rgya dang ldan bar/ hUM kha rtag bar rab sbyar na/ zhes pa shu la'i phyag rgya ni las 'di dag thams cad la sbyar bar bya'o/ /gdug pa rnams ni zad 'chi/ /dgra yi dpung dag rab tu 'jig/ ces pa gdug pa rnams za ba dang/ dgra'i dpung rnams 'chi bar 'gyur ro/ /hUM thar mtshon cha kun 'phen tshe/ zhes pa pha rol po'i dpung la mtshon cha 'phen pa'i tshe sngags 'di brjod na pha rol po'i sde'i lha ma yin rnams 'jig par byed cing pha rol po'i mtshon las thar bar 'gyur ro/ /rmongs pa zhes pa 'thom par 'gyur zhes pa'o/ /hUM dag rab tu sbyar na ni/ zhes pa pha rol po'i sde'i nang na gcig la gcig mtshon cha 'khrugs par byed do/ /slar yang thar bar byed pa yin/ zhes pa gong ma de dag slar yang thar bar 'gyur ro/ zhes pa'i don to/ /gnon par byed pa'i mchog yin no/ /zhes pa mi g.yo bar 'gyur te/ nges par gyur te zhes pa'o/ /hUM muM rab tu sbyar na ni zhes pa rgya gar gyi yi ge gnyis las gcig la ni ma zhes 'byung/ gcig la ni sa zhes 'byung ngo/ /mnan pa rtag tu thar bar byed/ ces pa gong du rangs par byed pa

  730. 365b

    de dag las thar bar byed do zhes pa'o/ /lha dang lha min gzhan yang 'gugs/ ces pa sems can gzhan zhes pa'o/ /dngos grub phra mo/ thams cad la zhes pa sbyor ba bstan pa de dag thams cad ni dngos grub phra mo 'o zhes pa'o/ /hUM ba kun tu dbang byed pa/ zhes pa snga ma bzhin du sbyar na zhes pa'o/ /tha mar rab bzhag bsdu bar byed ces pa snga ma bzhin du sbyar nas zhes pa'o/ /ma dang sbyar na gsod par byed/ bces pa snga ma bzhin du sbyar nas zhes pa'o/ /zhi dang sbyar la 'ba' zhig go /zhes pa zhi ba dang rgyas pa la sogs pa'i las rnam pa bzhi dag la ni yi ge bzhi bcu rtsa gsum pa'i sngags bzlas pa che ge mo zhig shan+tiM ku ru be'u shad ces bya ba'i tshul du skul tshig bcug ste de la bya'o/ /de dag gi skul tshig kyang hUM drug gi 'og tu bzhug gam swAhA'i 'og tu 'am de gnyis gcig tu bcug ste las bya'o zhes pa'i don to/ /de la sogs pa gzhan rnams kyang/ /zhes pa de la sogs pa'i rtsa ba'i rtog pa gsungs pa'i las gzhan rnams kyang rtsa ba'i rtog pa las gsungs pa bzhin du 'dir yang sbyar bar bya zhes pa'o/ /yi ge gcig pa'i cho ga bzhin/ /'jam dpal khro bo gtso bo yis/ /zhes pa 'jam dpal gyi rtog pa gang yi ge 'bru gcig pa gsang ba gzhan dag bshad zin togs /khro bo gshin rje'i rgyal po zhes drug hUM zhes bya ba las byung ba'i rtog par gtogs pa ste/ zhes pa dur khrod gnas kyi dkyil 'khor du gtogs pa'i le'u lnga pa 'di yan cad du rdzogs te/ 'di yang sngar rtsa ba'i rtog par gsungs pa'i dngos grub dang las rnams 'dir bsdus nas yi ge hUM gcig pu'i sgo nas rgyas par bshad do/ /lnga pa'i bshad pa rdzogs so// //don grub kyi rtog pa 'di la don rnam pa lngas bshad de/ de la skabs

  731. 366a

    dbye ba dang/ dkyil 'khor byas pa'i cho ga dang/ dkyil 'khor gyi las dang/ lha bstan pa dang/ spyan drang ba byas/ slob ma gzung pa la sogs pa las bya'o/ /de la dang po skabs dbye ba zhes bya ba bstan to/ /de nas rtog pa rab rgyas pa/ zhes pa la sogs pa las dang/ dngos grub dag le'u 'dir rgyas par bshad pas na rab tu rgyas zhes bya'o/ /sngar gong du gtogs pa'i phyi ma'i yang phyi ma zhes bya ba'i le'u bcu pa dang 'phro sbyor ba'i le'u bcu gcig pa dang/ 'di man cad bshad do/ /don sgrub pa'i le'u 'dir sngar gsungs pa'i rtog pa rnams kyi nang nas ma bshad pa yang 'dir bshad pa dang/ rtog pa snga ma rnams las kyang 'di mchog tu gyur cing don thams cad 'grub par byed pas na yang dngos grub ces bya ste/ /de bshad par bya'o zhes pa'i don to/ /'di man cad ni dkyil 'khor bri ba'i cho ga bshad de/ de nas rig 'dzin dpal ldan pas/ zhes ba sngags pa mtshan nyid kyi yon tan dang ldan pa zhes pa'o/ /las rnams thams cad 'grub pa'i phyir zhes pa la sogs pa 'og nas bshad pa'i las thams cad 'grub par bya ba'i phyir sems rtse gcig tu byang chub kyi sems dang ldan par byas nas thog mar dkyil 'khor bri bar bya'o/ /de ltar thog mar dkyil 'khor bri bar bya na/ /gnas gang du dkyil 'khor phri bar bya zhe na gsungs pa/ dgod dka' ba la bya ste/ mi dag mi 'drul ba'i gnas so/ /cod rong dur khrod du yang rung/ zhes pa dur khrod rnam gnyis lta bu la bya'o/ /de nas der ni zhal zhal byas/ zhes pa gnas de dag tu 'og nas bshad pa'i tshul bzhin du sbyangs te/ slar sa brnyan bzang po blugs nas btsags te/ de'i steng du ba'i lci bas skyad nul bya ba dag do/ /me tog sil ma dag gis rgyan/ zhes pa de ltar skyang nul byas te/

  732. 366b

    sa bstar ba'i steng du zhes pa'o/ /dpa' bo gcig pa'i sngags 'bar ba/ zhes pa yi ge bcu gcig pa'i sngags 'og nas 'byung ba la bya'o/ /me lce 'phro bas khrus bya ba/ /sa dang skyu ru ra la sogs pa zhes pa sngags 'di mthu dang gzi la bya ste sngags des khrus bya ba'i 'dag rtsis dang skyu ru ra dag la btab ste 'dag rtsi'i chal de dag de ltar sngags kyis gsungs nas chal des khrus bya'o/ /rig khrus khrus byas gtsang ma yis/ zhes pa de ltar khrus byas pa'i sngags pa phyi nang gi gtsang sbra dang ldan zhes pa'o/ /de nas sngags de thams cad kyis zhes pa la sogs pa de ltar khrus byas pa'i 'og tu bdag gi lus la 'og nas 'byung ba gzhin du yi ge bcu gcig pa bkod nas bdag nyid khro bo'i skur bsgyur nas bdag gi lus la sngags dgod ces bya ba yang spyid la oM bsam/ A(rgyud 'grel): mig tu bsam/ hUM snying gar bsam zhing dgod pa'o/ /skur bsgyur ba'i snying po ni yi ge hUM gis so/ /phyag dar zang zing yongs spangs la/ zhes pa la sogs pa lugs kyi yi ge las rnams gnyis ltar bshad du rung ste/ /dkyil 'khor gyi sa gzhi de nyid kyi gyo mo dang skra shad dang phub ma la sogs pa'i skyon med par bskos nas bsal te/ sngar sa bzang pos bkang nas bcags te lci ba'i skyang nul byugs te sa gzhi bzang po bstar ba la yang bya'o/ /rnam pa gcig tu na dkyil 'khor de lta bur bgegs zhi bar bya ba'i cho ga de lta bu byed pa'i tshe sngags pa de 'dod pa'i yon tan la sogs pa zang zing la chags pa'i sems spangs nas las de dag bya'o zhes pa'i tha tshig go/ rang sngags zlos shing blta bar bya/ zhes pa phyogs bcur blta ba dang/ yi ge gcig pa bzlas zhes pa'o/ /gcig pu yi ge bcu gcig pa dpa' bo'i sngags zlos shing zhes pa'o/ /dkyil 'khor bzang po gru bzhi par/

  733. 367a

    dur khrod thal bas bri bar bya zhes pa dkyil 'khor tshad gong du bshad pa bzhin du khru brgyad pa 'am/ khru bzhi pa'am/ khru gang rung pa 'am/ yang na 'og nas 'byung ba'i las dang sbyar te/ de yang gru bzhi por dur khrod kyi dkyil 'khor gyi tshad ci tsam gyis bya bar 'byung ba dang sbyar te/ de yang gru bzhi por dur khrod kyi thal bas bri'o/ /zhes pa'i don te/ /nub phyogs zhes pa 'di'i skabs su ni nub phyogs su sgo btod sgo lhag ma bcad ces pa'o/ /de yi dbus su padmo bri/ zhes pa dkyil 'khor gyis dbus su padmo bri ba ni 'og nas lha bstan pa bshad pa dang sbyar ro/ /be con phyag rgya rtse 'bar ba/ /grwa bzhi dag tu bri bar bya/ /'di ni be con mang po yin/ zhes pa be con gyi mgo thod pa can la de nyid 'bar ba'i be con gyi phyag rgya bzhi dkyil 'khor gyi gru bzhi re re pad+ma'i steng du bris ba 'di ni be con mang po'i dkyil 'khor zhes bya'o/ /shu la can ni shu la mang/ zhes pa dkyil 'khor grwa bzhi'i padmo'i steng du shu la re re bris pa ni shu la mang po zhes bya ba'i dkyil 'khor ro/ /shak+ti rnams kyis yongs bskor ba/ /de bzhin shak+ti mam zhes bya/ /zhes pa dkyil 'khor gyi grwa bzhir shak+ti bzhi pad+ma'i steng du snga ma bzhin du bris pa ni shak+ti mang po zhes bya ba'i dkyil 'khor bri/ shak+tir nges bar byin gyis brlab pa'i sngags ni mtshon cha'i sngags kyis dgod bar bya'o/ /de bzhin mi thod mang po yis/ /zhes pa dkyil 'khor gyi grwa bzhir thod pa bzhi snga ma bzhin du bris na thod pa mang po zhes bya ba'i dkyil 'khor ro/ /mi ror ldan pa'i mi ro mang/ zhes pa la sogs pa'i dkyil 'khor gyi grwa bzhir mi ro re re ste bzhi bri ba ni mi ro mang po'i dkyil 'khor ro/ /dkyil 'khor gyi grwa bzhir mgo med pa'i mi ro mi sdug pa

  734. 367b

    bzhi snga ma bzhin du bri ba dang/ dkyil 'khor gyi nang gis ngos bzhir yi dags rangs pa dang/ srin po'i gzugs lto ba che ba/ skra gyen du lhugs par 'dug cing gzugs mi sdug pa dag gi spel zhing bris pa'i dkyil 'khor 'di ni dur khrod med pa zhes bya ba'i dkyil 'khor zhes bya'o/ /phyogs bcu kun na 'jigs pa can/ zhes pa dkyil 'khor gyi phyogs bzhi dang/ mtshams bzhi dang/ bla 'og rnams su mi ro mgo med pa'i mi sdug pa dang/ yi dags 'bar ba dang/ srin po ldan par bris pa ni phyogs bcu'i 'jigs pa can zhes bya'o/ /gshin rje gshed po dpa' bo yi/ /dkyil 'khor rnam pa drug tu bshad/ /ces pa dkyil 'khor drug can gyi mtshan ma nges par byin gyis brlabs pa'i dgod par bya ba ni le'u ste/ 'og nas sngags kyi le'u gnyis 'byung ba la brtags te/ /gang rigs mthun mthun du sbyar te/ de dag gi sngags kyis brlab par bya'o/ /de ltar dkyil 'khor rnam pa drug tu bshad do/ /da ni dkyil 'khor gyi las so so'i bya ba bshad do/ / de la be con mang po ni/ zhes pa de la dang por be con mang po'i dkyil 'khor gyis ni dngos grub phra mo ster zhes pa'o/ /shu la mang po srin po rnams/ /'joms par rab tu bsgrags pa yin/ zhes pa shu la mang po'i dkyil 'khor gyis ni srin po 'bar ba rnams 'joms par mdzad do/ /de bzhin shak+ti mang po ni/ zhes pa shak+ti mang po'i dkyil 'khor gyis ni bgegs rnams thams cad tshar gcod pa'o/ /thod pa mang po zhes bya ba/ 'khrul 'khor thams cad rab tu 'jig/ ces pa thod pa mang po'i dkyil 'khor gyis ni lha ma yin gyis 'khrul 'khor 'jig par mdzad do/ zhes pa'i don to/ /mi ro mang po zhes bya ba/ zhes pa mi ro gang po dkyil 'khor gyis ni ro langs thams cad bsgrub pa'o/ /dur khrod mang por rab grags pa/ zhes pa

  735. 368a

    dur khrod mang po'i dkyil 'khor gyis ni dngos grub thams cad rab tu sbyin pa'o/ /'di man cad lha bstan pa zhes bya ba bshad do/ /de la padmo'i dbus su ni/ zhes pa lha bstan pa zhes bya ba bshad do/ /de la padmo'i dbus su ni zhes pa sngar dkyil 'khor gyi dbus su padmo bris pa de'i dbus su zhes pa'o/ /cho ga bzhin du bzhugs par bsam/ /zhes pa spyan drangs te padmo dbus su bzhugs zhes pa'o/ /in+d+ra ni zhes pa mthing ga 'tsher ba bdog ces pa'o/ /'jigs 'jigs lta la 'jigs pa'i gdon/ zhes pa khro bo nyid pha rol 'jigs pa'i gzugs can nam yang gdon zhes pa'i don to/ /dril bu dang zhes pa g.yeng ka'i dril bu la bya'o/ /thod pa skam po zhes pa'o/ /mi mgo rlon dang mi rus dang/ zhes pa khrag dang/ sgra dang bcas pa dang/ rje ngar dang/ /dpung pa dang/ lag pa rnams las gcig bsnams zhes pa'o/ /'jigs pa'i mi ro dbyug to 'bar/ zhes pa khrag dang bcas pa'i 'ga' te 'bar zhes pa'i don to/ /'bar zhes pa me lce kha gsum tsam du 'bar ba'i me lce bsnams so/ /shi ba'i ro yi steng na bzhugs zhes pa maN+Dal gyi dbus su padmo bris pa de'i dbus su mi ro bris pa la ro'i steng du lha bzhugs par bya'o zhes pa'i don to/ /'jigs pa'i mtshon gdengs 'jigs 'jigs lta/ zhes pa mtshon cha'i phyag mtshan kun 'jigs zhes pa'i don to/ /dur khrod na ni rtag tu bzhugs/ /zhes pa lha nyid dkyil 'khor de lta bu'i tshul du rtag tu bzhugs pa zhes pa'i don to/ /thams cad 'joms zhes pa lha de'i yon tan la bya'o/ /lha rnams kun gyi phyag byas shing/ zhes pa 'jig rten pa'i lha rnams zhes pa'o/ /khro bo thams cad legs par 'dud/ ces pa 'jig rten pa yi khro bos 'dud/ /ces bya ba'i don to/ /sku ni rab tu 'bar ba can/ zhes pa sku

  736. 368b

    me lce 'bar ba can na no zhes pa'i don to/ /'khrug pas dkrugs shing rab tu zab/ ces pa lha de nyid la bya/ spyir na khro bo'i tshul du pha rol po la sbyar zhes pa'o/ /stag lpags na bza' bsnams par dgyes/ zhes pa de nyid kyi tshul lam nyams sus kyang mi rtogs pa'o/ /rjes su 'brangs shing phyag rgya byas pa'o/ /zhes pa khro bo de'i rjes su 'brang zhing khro bo de la phyag byas zhes pa'o/ /khro bo gshin rje gshed bran bya/ /zhes pa de lta bu'i khro bo chen po 'di dran par bya'o/ /bdag gi dran byas nas/ zhes pa snying pos de lta bu'i lha spyan drang bar bya'o/ /zhes pa'o/ 'di man cad ni spyan drang bar byas nas slob ma gzung ba la sogs pa'i las bya'o zhes pa bstan pa bshad de/ spyan drangs lha de lta bu drang zhes pa'o/ /tsan dan gyis bskus shes pa dkar pos bskus zhes pa'o/ /rim pa bzhin du mchod nas ni/ slob ma khro bo'i sngags dag dang/ sangs rgyas spyan gyi sngags dag gis/ zhes pa me tog la sogs pas rim pa bzhin mchod nas slob ma la bdud rtsi 'khyil pa'i sngags kyis sngags pa'i tshul gyis bsang ba dang/ sangs rgyas spyan gyis kyang bsrung ngo/ /gong du dkyil 'khor drug bshad pa las be con gyi phyag rgya'i dkyil 'khor bris na be con gyi phyag rgya bcings pas me tog dor bar bya'o/ / yang na shu la'i phyag rgya'i dkyil 'khor bris na/ shu la'i phyag rgya bcings la me tog dor bar bya'o/ /ming gis smos pa'i dkyil 'khor 'di rnams las ma rtogs par gzhan zhig bris na be con gyi phyag rgya 'am shu la'i phyag rgya gnyis las gang yang rung ba zhig bcings te me tog dbul bar bya'o/ /dkyil 'khor drug car du yang de ltar shes par bya'o/ /btsud nas me tog dor du gzhug /ces pa sngags yi ge bcu gcig pa brjod nas me tog dkyil 'khor du der du gzhug go zhes

  737. 369a

    pa'i don to/ /de nas rig 'dzin dpal dang ldan/ /zhes pa sngags pas slob ma rnams bsrung ba'i phyir yang sngags bzlas nas slob ma dang/ slob dpon gyis dkyil 'khor la mchod pa 'di dag la sogs pas mchod par bya'o/ /mchod pa byas nas slob ma la zhes pa'i don to/ /de nas sangs rgyas spyan yang bzlas zhes pa kha cig gis bshad pa ni de ltar mchod pa byas pa'i 'og tu me tog la bud+d+ha lo tsa na dang khro bo'i sngags bzlas pas btab la slob ma'i lag tu sbyin te/ de ni de bzhin gshegs pa dang/ rdo rje'i rigs kyis byin gyis brlab pa'i phyir ro/ /de nas dbang rnam bzhi las gcig sbyin no/ /'di'i skabs su rig pa'i dpang bskur ba bya'o/ /dbang bskur ba 'di dag kyang spyi'i cho ga dang sbyar te bya'o zhes pa'i don to/ /lha khyod bdag gis mnos zhes pa slob mas de skad smra bar bya'o/ /de nas sngags rigs cho ga bzhin zhes de'i 'og tu slob mas bla ma slob dpon la phyag bya'o/ /cho ga bzhin du dbang bskur bas zhes pa'i spyi'i cho ga dang sbyar te/ dbang bskur ba la bya zhes bya ba'i don to/ /khro bo gshin rje gshed po bzlas/ /zhes pa de yan chad khro bo'i bzlas brjod rgyun du bya'o/ /gshin rje gshed du gtogs pa bcu gcig pa'i bshad pa rdzogs so// //gsang ba'i phyi ma'i yang phyi mar gtogs pa 'di la don rnam pa bcus ston te/ de la ri mo'i sku gzugs kyi cho ga dang/ sngon du bsnyen pa byas nas sgrub pa la 'jug pa'i gleng ba dang/ sngags bstan pa dang/ gnas sngar bstan nas bzlas pa'i mtshan nyid sngar bstan pa dang/ sgrub pa la 'jug pa dang/ grub nas las rnam sgrub pa dang/ ma grub pa'i las bya ba dang/ rtog pa phyi ma dang/ rtog pa phyi ma'i yang phyi ma dang/ phyag rgya'i mtshan

  738. 369b

    nyid do/ /gsang ba'i phyi mar gtogs pa'i le'u 'di ni gong du bshad pa'i phyi ma'i yang phyi ma zhes bya ba'i sngar gsungs pa rnams kyi ma chud pa rnams rgyas par bshad pa'o/ /de la ri mo'i sku gzugs kyi cho ga zhes bya ba dang por bshad do/ /de nas gzhan yang gshin rje yi/ /bshad pa'i sngags ni mnos nas su/ mi'i ro gos blangs su/ zhes pa ras blangs pa de la khro bo de'i sku gzugs bri zhes pa'o/ /bzang po khru gang zhes pa ras bzang po khru gang tshad du bya zhes pa'o/ /gang tshe sngags pa bdag nyid kyis/ zhes pa sngags pa bdag nyid ri mo 'dri mi shes pa de'i tshe ba bro po bsnyung ba byas pa ni/ zhes pa ri mo gzo bo bsnyung ba byed du bcug la khrims mnos pa 'drir gzhug go /shi ba'i ro yi steng na bzhugs zhes pa 'dod pa'i khams kyi lha'i bu'i bdud kyi ro'i steng na bzhugs zhes bshad do/ /mdor na mi ro'i steng na bzhugs pa bri'o/ /'jigs pa gnon zhes pa pha rol po rnams gnon zhes pa'o/ /'jigs 'jigs lha zhes pa khro bo nyid kyis kyang lha zhes pa'o/ /kha cig bshad ces pa zhal dbu ma'i steng ma la'o/ /ljags 'dril kha cig mche ba gtsigs zhes pa g.yas pa'i zhal dang po'o/ /kha cig zhal gdangs pa g.yon dang po'o/ /kha cig khros zhes pa g.yas pa'i zhal gnyis pa'o/ /kha cig 'jigs pa zhes pa g.yon gnyis pa'o/ /ji skad gsungs pa'i mtshon cha rnams/ zhes pa sngar don grub kyi rtog par bshad pa'i mtshon cha rnams phyag na bsnams pa'o/ /dben zhing 'du 'dzi med pa ru/ zhes pa gnas 'di lta bur ri mo mkhan mkhas pas 'drir gzhug go /'di man chad sngon du bsnyen pa byas nas sgrub pa la 'jug pa gleng bslad ba zhes bya ba bshad de/ de ltar bris na sngags mkhan de zhes pa la sogs pa sogs pa smos te/ ri mo bris nas de nyid kyis zhes pa de'i 'og tu sgrub pa la

  739. 370a

    'jug pa'i tshe yang ri mo nyid kyang mdun du bkram ste bsgrub par bya'o zhes pa'i don to/ /de ltar gong du bshad pa'i tshul bzhin du bris nas 'jug tu bkram ste/ ri mo de la mngon du phyogs nas tshul bzhin bsnyen pa 'bum bya'o/ /'di man cad ni sngags bstan pa zhes bya ba bshad de/ gshin rje gshed po 'di yi sngags zhes bya la sogs pa smos te/ gshin rje gshed po 'di yi sngags zhes pa drag po gang yin de bshad do zhes pa khro bo de'i mthu rtsal che ba'i sngags de/ yang 'bru lhag chad du 'gyur ba dang/ lhag 'og gi go rims shor du dogs pa'i phyir 'bru re re nas bshad do/ /oM ni de yi dang po yin/ zhes pa khro bo de'i sngags kyi dang por oM 'byung ngo/ /de bzhin phaT ni lhag ma ste/ zhes pa 'bru bcu las lhag pa la'o/ mi mnyam sngags ni bcu gcig pa'o/ /zhes pa yi ge 'bru de nyid zung du 'brel ba ma yin te/ yan gar byung ba'i tha tshig go /'jam dpal gyi ni khro bo mchog /ces pa de nyid mthu stobs sam/ yon tan gzhan pas che bar gyur pa'o/ rtog pa phyi ma'i yang phyi ma ste/ sangs rgyas kun gyis mngon bstod pas zhes pa rtog pa phyi ma'i yang phyi mar gsungs pa'i sngags 'di ni sangs rgyas kun gyis kyang bstod pa'o/ /sngags de de ltar mnos nas su/ zhes pa sngar gong du bshad pa'i tshul de ltar mnos nas zhes bya ba'i don to/ /go cha bgos nas bzlas byas nas/ zhes pa brtson 'grus kyi go cha bgos nas bzlas pa byas nas rig 'dzin go 'phang thob par 'gyur zhes pa'i don to/ /oM a kro te ka ya man+ta ka hUM phaT/ ces pa yi ge 'bru bcu gcig pa'i sngags so/ /sngags 'di las bya ba'i skul tshig ni hUM phaT gnyis kyis bar du bcug ste las bya'o/ /oM a mri ta kuN+Ta li zhes pa slob ma gsang ba srung ba'i sngags so/ /'di man chad ni gnas lngar

  740. 370b

    bstan nas bzlas pa'i mtshan nyid bstan pa zhes bya ba bshad do/ /de nas gzhan yang bzlas pa yis/ /gnas dag ji ltar yin pa bshad ces bya ba la bzlas pa'i gnas ni ji skad gsungs pa yin pa de bshad par bya'o/ /tshang tshing pad+ma'i mtsho 'gram du/ zhes nags tshal stug po bgrod dka' ba'i gnas la bya'o/ /gshin rje gshed po ni/ zhes pa lha'i sku'i tshul du bya ba'o/ /ku sha zhes pa bzlas pa'i mtshan nyid 'di dag go /ri mo la ni phyogs 'dug la/ zhes pa mdun du ri mo'i sku gzugs bris pa la phyogs par bya ste'o/ /ru rag sha yi phreng ba thogs zhes pa sngags kyi nor bu zhes pa'o/ /sngags pas rtag tu bzlas pa bya zhes pa mtshan nyid de ltar bzlas pa bya'o/ /myur ba dang ni bul ba dang/ zhes pa zur mi phyin pa'i skyon dang bar chad pa'i skyon no/ /de bzhin yi ge 'dres par ni/ /zhes pa go rims 'chol bar ste/ nam yang smra bar yang mi bya/ zhes pa de lta bu'i skyon gyi tshul du bzlas pa yang mi bya'o/ /bzlas pa'i mtshan nyid 'di dag go /rtag tu rab tu gsal ba smra/ zhes pa myur ba 'ang ma yin bum pa yang ma yin/ 'chol ba yang ma yin par drag ngal snyoms par zur phyin par gsal bar sngags bzlas par byi'o/ /yid rnams nas zhes pa de ltar zlos pa byed pa'i tshe bsdam zhes pa'o/ / bu don la ni sems bzhag ste/ zhes pa sems rtse gcig tu sems shing zhes pa'o/ /skyo ba med pa'i sems kyis ni/ zhes pa mi skyo ba'i bar gyis sngags kyi rim pa bzhin du bzlas so/ /'bum gcig bzlas par tha mar ni/ bsgrub par bya ba bshad kyis nyon/ zhes pa de ltar sngar bsnyen pa 'bum byas nas de'i 'og tu sgrub pa la 'jug pa bstan no/ /mtsho yi 'gram du dkyil 'khor ni/ zhes pa chu klung dag la yang bya'o/ /dur khrod mang po bri par bya/ zhes pa du khrod ces bya ba'i

  741. 371a

    le'u dur khrod mang po'i dkyil 'khor 'byung ba de 'dir bri bar bya'o/ /de'i nang du ri mo bkram zhes pa mdun du ri mo bris pa bkram zhes pa'o/ /sems pa mtshan mo bzhugs nas ni/ /bsgrub pa la 'jug go zhes pa'i don to/ /sems kyis kyang ma rmongs par zhes pa sngags kyi cho ga rnams shes par bya ba la ma rmongs par zhes pa'o/ /gu gul bdug pa de yis bsreg /ces pa de ltar nub mo sgrub pa'i tshe/ gu gul bdug par bsreg go /zlos shing me tog dzA ti stong/ zhes pa sngags zlos shing/ so shing sna ma'i me tog stong mdun gyi ri mo'i thugs kar phog par bya zhing dbul lo/ /ri mo la bzhugs khro bo'i spyan/ zhes pa ri mo dang gcig tu byas pa'i khro bo'i spyan dang bcas pa zhes bya ba'i don to/ /g.yo 'am yang na 'gul yang rung/ /zhes pa ril gyis g.yo 'am cha 'am phyogs 'ga' 'gul ba'o/ /de nas lha de grub gyur nas/ /gang 'dod pa yi las rnams byed/ ces pa ri mo'i sku gzugs de la mtshan ma 'di lta bu byung ba la grub pa zhes bya ste/ des ni gang 'dod pa'i las rnams de bzhin du byed nus par 'gyur ro/ /de ste grub par ma gyur na/ /gzhan yang tshig 'bum bzlas par bya/ /zhes pa ste mtshan ma de lta bu dag byung bar ma gyur na yan lag gcig bsogs te bsnyen pa 'bum bya'o/ /de nas de yi tha mar sgrub/ ces pa de'i 'og tu mtshan gcig snga ma bzhin du sgrub bo/ /des kyang ma grub gsum pa la/ /mtshams med lnga rnams byed pa yang/ /gdon mi za bar 'grub par 'gyur/ zhes pa de ltar bsgrubs te ma grub par gyur na lan gsum du bsgrubs te/ yang dang por bsnyen pa 'bum byas la de'i 'og tu mtshan gcig snga ma bzhin du bsgrubs te/ de ltar bsgrubs na mtshams med pa lnga byas pa'i

  742. 371b

    sems can gyis kyang 'grub par 'gyur te/ the tshom med par las rnams de bzhin du nus par 'gyur ro/ zhes pa'i tha tshig go /'di man cad ni de ltar gong du bshad pa ltar bsgrubs de grub par gyur na/ grub pa des las rnams bya ba na de bzhin du 'grub par 'gyur ba'i las bshad do/ /grub pa'i las rnams gang dag 'dir/ /zhes pa la sogs pa smos te/ de dag phyin cad snyoms par ni/ zhes pa de ltar grub zin phan chad las rnams byed par 'gyur ro zhes pa'i don to/ /dpung rnams rengs par byed ces pa'o/ /stong ngam yang na 'bum yang rung/ zhes pa pha rol po'i dpung ngo/ /gnon pa rengs pa zhes pa'o/ /rmongs pa 'thom pa zhes pa'o/ /de ma thag tu 'bebs par byed/ ces pa snod la dbab pa'i las de nus par 'gyur ba'o?/ pha rol dpung dag rab tu 'khrug par byed/ ces pa? nang 'khrug dag byed do/ /rmongs par nus zhes pa sems can dag rmongs nus zhes so/ /sprin yang legs par gnon par nus zhes pa sprin mi g.yo bar gnas shing 'dug nus par byed nus so/ /char pa dag kyang 'bebs par byed/ ces pa dus kyi char mi 'bab pa dag kyang 'bebs nus so/ /de ni nag pos zin pa yang/ mthong ba 'am spring ba tsam gyis 'grub/ ces pa ka la du hUM zhes bya ste/ dus su zin pa la yang bya ste/ sprul gyis nyi ma'i gung dang 'chi ba'i dus kyi tshe zin pa yang sngags mthong ba 'am yang na sngags mkhan gyi spring pa tsam gyi sos par 'gyur ro zhes pa'i don to/ /de ni sbyor ba tsam gyis su/ zhes pa sngags pa des sbyor ba tsam gyis sa'i 'og kyang 'khrugs par byed ces pa'o/ /de bzhin lha dang mi rnams la/ gnod pa chen po'i byung bar byed/ ces pa gnod pa chen po 'byung ba dang sbyar na yang de bzhin du byed nus par 'gyur ro zhes pa'i don to/ /phyis 'byung ba dag gang med ces pa mdor na dus gsum gyi las gang yang byed mi nus

  743. 372a

    pa med do/ /'di man cad ni ma grub pa'i las bshad de/ lha de grub par ma gyur kyang/ zhes bya ba la sogs pa smos so/ /lha de grub par ma gyur kyang/ /zhes pa snga ma bzhin du bsgrubs kyang ma grub par gyur na yang las 'di dag byed nus par 'gyur ro/ /mthong ba tsam zhes pa sngags pas so/ /tshig gis kyang zhes pa bsgom pa tsam gyis so/ /dug dang rims dang gdon la sogs/ /zhes pa 'gro pa dang mi 'gro ba'i dug la bya'o/ /bdug dang zhes pa bdug pa'i sbyor bas so/ /sbyor ba yis zhes pa 'di dag sngar gong du bshad pa'i las de dag rnams zhes pa'o/ /las rnams 'di dag thams cad ni/ /bzlas pa brgya byas bsgrub par bya/ /zhes ming gis smos pa'i las de dag gang byed kyang rung ste las de dag la sngags brgya rtsa brgyad bzlas pas las de dag 'grub par 'gyur ro zhes pa'i don to/ /song ste bsgrub pa byas nas su/ /bgegs rnams kun gyis mi 'jigs par zhes pa gter gang la yod pa'i gnas su song ste bdag nyid bsrung ba dang/ mtshams cad de srung ba byas na bgegs dang 'byung pos mi 'jigs pas zhes pa'o/ /nor de bzlas ba stong byas pas/ bdag gis khyim nas len pa bzhin/ zhes pa gter chen po la bzlas pa stong byas pas bdag gi khyim nas nor blangs pa bzhin du yod do zhes pa'i don to/ /phra mo rnams la brgya yis 'thob/ /ces pa gter phra mo rnams la bzlas pa brgya yis 'thob bo/ /hoM dang bzlas pa ma byas kyang zhes pa lha rnams skrag par bya ba ni/ hoM dang bzlas pa ma byas par yang khro bo'i mtshan brjod pa tsam gyis ring po mi thogs par lha rnams skrag par 'gyur bar the tshom med do/ /ma rungs par ni bya ba yang/ zhes pa gang yang rung bar gzugs byas pa la sngar bshad pa lta bu'o/ /dngos

  744. 372b

    grub rnams zhes pa de lta bu la sogs pa'i las bya'o/ zhes pa'i don to/ /bltas pa nam pa du ma yang/ rtog pa gzhan gyi cho ga yis/ /ring por mi thogs bsgrubs par nus/ zhes pa gang la bya ba de dag la bltas te bsam pa'i khyad par tsam gyis kyang/ las de dag 'grub par 'gyur la/ /rtog pa gzhan gyis cho ga las/ de dag ji ltar sgrub par 'byung ba'i cho ga bzhin du bsgrubs na/ de bzhin du 'grub bo/ /rmongs pa dang zhes pa long pa dang zhes pa'o/ /skyo zheng slar yang g.yo ba dang/ zhes pa gnas nas skyo zhing 'gro 'dod pa'o/ /nor 'gugs de bzhin gnon pa dang/ zhes pa slar yang gnas de nyid du 'od 'dod lta bu'o/ /skye bo dag gis 'gugs pa dang/ zhes pa pha rol po rangs par bya'o/ /yul du 'tshe zhing 'jigs pa dang/ zhes pa lo tog la sogs pa la gnod pa'o/ /'khrug dang zhes pa pha rol po 'khrug ces pa'o/ /gru ba nyid ces pa bkras pa'o/ /gang dag gzhan dag de 'dod pa/ /sngags pa gshin rje gshed dran pas zhes pa de la sogs pa'i las de dag byed 'dod pas sngags pa khro bo chen po'i sbyor ba byas pas las de dag thams cad byed par 'gyur ro/ /zhes pa'i don to/ /'di man chad ni rtog pa phyi ma zhes bya ba bshad do/ /de nas rtog pa phyi ma 'di/ ji lta yin pa de bshad do/ /zhes pa le'u 'di nyid du gtogs pa'i rtog pa phyi ma'i phyin bshad pa la bya ste/ de yang ji skad gsungs pa'i de bzhin du bshad par bya'o/ /sngon du bsnyen pa byas pa'i 'og tu lha ma yin gyi phug sgor song ste/ sgrub pa po ri mo'i sku gzugs mdun du ? nas bsrung pa bya te stan la 'dug ces pa'i don to/ /khri yi grangs tsam bzlas byas na/ zhes pa dkyil 'khor dri ba dur khrod mang/ sngar bshad mtshan gcig gi sngags bzlas zhes pa'o/ /de nas bud med gzugs mchog ldan zhes pa de nas lha ma yin gyi ?

  745. 373a

    'gyur ro zhes pa'o/ /sgrub pa po de'i mdun du ni zhes pa 'ongs nas lha ma yin gyi phug? tu gshegs? shing dka' bar byed do/ /de dag grogs po yid bcugs nas/ /zhes pa la sogs pa grogs po dang lhan cig tu de'i tshe/ lha ma yin gyi bu mo yis sngags pa la bsgo ba khyod kyis 'di dang 'di byar rung gis de bzhin du byar mi rung gis ma byed cig bsgo ba lta bu 'am/ yang na cho ga de ltar bsgrubs pas na dam tshig gis lha ma yin gyi bu mo'i gnas su 'jug par byed do/ /zhes pa'i don to/ /yang na gang 'dod pa'i lha yi/ zhes pa la sogs pa gnas gang yang rung ba'i gnas gtsang mar lci ba'i skyang nul byas te sa bstar ba'i bsang po byas la mdun du sa gzhi bstar ba bzang por byas par sra nas gang 'dod pa'i ming bri'o/ /btsag gam ldong ros kyis kyang 'brir rung zhes pa'o/ /mi skyo bar du 'bum bzlas na/ zhes pa gnod sbyin la sogs pa gang 'gugs pa 'ong bar 'gyur zhes ba'o/ /sgrub par ji srid 'dod par ni/ zhes pa sgrub pa po ji srid 'dod pa de dag gi las rnams byed par 'gyur ro/ /lha rnams dgra ni thams cad dang/ zhes pa 'dir ni mjug sdud pa'i tshig go /gnod sbyin la sogs bsgrub pa spangs/ zhes pa sha za dang dri za mo dag ces pa'o/ /phyi ma'i phyi ma zhes bya ba snga ma rnams kyis ni rtsa ba'i rtog par gsungs pa rnams kyis ni mjug sdud thun bu thu ba yin par bshad do/ /gsang ba phyi mar gtogs pa'i le'u 'di na gong du bshad pa'i phyi ma'i phyi ma zhes bya ba gsungs pa rnams kyi mjug sdud pa dang thun bu thu ba yin no/ /mdog sngar gong du gsungs pa rnams kyi cho ga rgyas par bshad pa la bya'o/ /'di man chad le'u 'dir gtogs pa'i rtog pa phyi ma'i yang phyi ma 'di la zhes bya ba bshad do/ /de 'dir rtog pa phyi ma yi phyi ma dag kyang bshad par bya zhes pa la sogs pa'o/ /ri'i

  746. 373b

    mchog dag gis rtse mo la zhes pa ro btsan po bzang po'i mchog gi rtse mo la zhes pa'o/ /yi dags mang po'i dkyil 'khor bri/ zhes pa don grub ces bya ba'i le'u ru gsungs pa'i nang nas yang gos mang po zhes bya ba'i dkyil 'khor 'byung ste bri bar bya'o/ /thams cad sha yi gtor ma bya/ /zhes pa thams cad kyi gtor ma dkyil 'khor du dbul bar bya'o/ /grogs po sems ni dpa' ba dang/ yon tan ldan pa bzo bo dang/ /zhes pa mtshan nyid kyi yon tan dang ldan pa la bya'o/ /mi re'i gos la sngon bris pa'i/ /ri mo bzhag nas de nas su zhes pa la sogs pa dkyil 'khor de'i dbus su mi ro'i ras de'i steng du ri mo'i gzugs sngar bris pa de bkram la de nas bdag gi lus la yan lag la sogs pa dang/ de dag gi yang yan lag tu gtogs pa thams cad las mi rus sbom phra kha ba tsam gyi rnon po byas pas yan lag de dag gi khrag cha zhes kyis phyug nas mi thod kyi nang du gzhag la/ de nas mi ro de'i par gyis bdag gam/ /grogs po gnyis las gang bzo bo gcig gis ri mo bri la zin la de'i skra'i par gyis gzugs de'i yan lag dang/ nying lag thams cad un mi lan zhes bya ba'i tshul du ri mo bri bar bya ste/ mdor na bye brag gam khyad par can du bri bar bya'o zhes pa'i don to/ /de nas de yi lus dag dang/ /mig kyang rab tu gsal bar bya zhes pa/ de nas ri mo de'i sku gzugs kyi yan lag dag tu sngags pa dag las byed pa'i tshe lus dag la tsan dan dang/ khrag dag gis ji ltar bsku bar grags pa de lta bu'i tshul du sku gzugs la yang bri ba yin par shes par bya ste/ khro bo'i spyan dag kyang dmar por bri'o/ /zhes pa'i don to/ /de la bgegs kyang mang du 'byung/ zhes pa de ltar byas pa de la'o/ /der ni dpa' bo sa sbyang bar gsungs/ zhes pa cho ga yid ni sgrub pa po sems stobs can gyis bsgrub po/ /dpa' bo dag pas

  747. 374a

    las kyang bya/ zhes pa de ltar byed cing sgrub pa nyid dpa' bo'i las yin par bshad pa'i rigs so/ /sha chen po'i bcings pa'i las kyang de dag gis bya'o/ /de yi 'og tu bzo bo la/ zhes pa de ltar ri mo 'di ba'i grogs po bzang po de la dpa' bo dag gis yon yang dbul/ zhes pa rin thang med pa'i yon dbul ba la bya'o/ /de nyid yongs su rdzogs bar ni/ zhes pa ri mo de'i sku gzugs kyi yan lag dang/ nying lag thams cad du bye brag gam/ khyad par can du bya ba de yongs su rdzogs par gyur gyi bar du tshul bzhin du bri'o/ /de ltar bris pa'i 'og tu gnas de nyid du mdun du bkram ste mtshan gcig bsgrub po/ /ri mo'i sku gzugs de ldan rgod dam/ g.yo yang rung ba'i mtshan ma de dag byung na/ zhes pa'o/ /de nas dngos grub thob par bshad/ ces pa de ltar mtshan ma byung ba'i ri mo de/ sku gzugs de yis dngos grub thob par 'gyur/ zhes pa'o/ /mtshan ma nyi ma bzhin du 'bar/ zhes pa sgrub pa po de 'bar zhes pa'o/ /sgrub pa de la lha rnams kyang/ /zhes pa de ltar bsgrub po'i sgrub pa po de la gdon mi za bar phyag 'tshal 'gyur zhes pa'i don to/ /kun tu bkur brgyal por 'gyur zhes pa rigs 'dzin gyi rgyal por 'gyur zhes pa'o/ /yang na cho ga shes pa yis zhes pa/ sgrub pa pos zhes pa'o ri mo zhi ba sngon bzhin du blangs te/ bsregs pa'i steng du bzhag /de nas bsregs pa der 'dug nas/ /gcig pu ral gri blangs nas su/ /zhes pa khrag dang skra'i pir gyis ma bris pa'i ri mo'i sku gzugs la bya ste/ sku gzugs de blangs la mi ro bsregs pa'i mdun gyi nam mkha' la bris te/ bzhag go /mi ro bsregs pa'i gnas der sngags pa nyid kyang 'dug nas grogs med pas sgrub pa'i ral gri blangs nas sgrub ces pa'o/ /mtshan mo gshin rje gshed

  748. 374b

    bzlas pa zhes pa mtshan mo bsgrub ces pa'o// //'bar bar 'gyur gyi bar du 'am/ zhes pa ri mo'i sku gzugs la dngos grub rnam gsum ma byung gi bar du bzlas brjod bya'o/ /ral gri mchog de bye ba yang/ zhes pa de ltar sgrub pa'i ral gri'i chang gsungs so/ /srid du sor ni sum cu rtsa gnyis kyis zhes pa'o/ /yan lag thams cad yongs rdzogs pa/ /zhes pa la sbom phra med pa zhes pa'o/ /bsgrub phyir sgra yi so'i bo can/ zhes pa ral gri rno ba'i so la bya'o/ /de ltar rtog pa phyi ma yang/ zhes pa mjug sdud pa'i tshig la bya'o/ /'di man cad phyag rgya'i mtshan nyid bshad do/ /de nas gzhan yang phyag rgya ni/ /rab tu 'bar ba gcig pu bshad/ /ces pa gcig ces bya ba ni mchog dam pa la bya ste/ de yang gzi brjid dang ldan pa de bshad do zhes pa'o/ /gang gis 'grub par 'gyur ba yi/ zhes pa be con gyis phyag rgya 'grub par 'gyur ba la bya'o/ /lag pa g.yas pa'i sor mo yis/ zhes pa sngar bshad pa dang 'dra'o/ /mthe bong sbas te gyen du sgreng bar byas pa'i phyag rgya de zhes mthe bong nang du bcug ste bcangs la gyen du bsgreng ba'o/ /lha nyid kyi ni sngags ldan par/ /be con gyi phyag rgya 'di la yang las thams cad dang sbyar bar bya ste/ las kun la bcing bar bya zhes pa yi ge bcu gcig pa'i sngags dang ldan par phyag rgya bcing bar bya'o/ /spyan drang ba dang/ mchod pa dang/ zhes pa mdzub mos nang du g.yabs pas spyan drang zhes pa'o/ /gshegs su gsol ba dang/ zhes pa mdzub mos phyir g.yabs pas gshegs su gsol zhes pa'i don to/ /'jam dpal gshin rje gshed rgyal po'i rtog pa phyi ma'i yang phyi ma gsang ba'i bshad pa rdzogs so// //rab tu gsang bar gtogs pa'i le'u 'di don rnam pa dgus bstan to//

  749. 375a

    de sngags thog mar bstan nas dngos grub gleng ba dang/ zhu ba zhus pa dang/ zhus pa'i lan bstan pa dang/ bsam gtan pa dang/ dkyil 'khor bstan pa dang/ mchod pa bstan pa dang/ sa bon dgod pa bstan pa dang/ sngags spel ba bstan pa dang/ mjug sdud pa rnams kyis bstan pa'o/ /sngags thog mar bstan nas dngos grub gleng ba zhes bya ba dang por bshad de/ oM a kro te ka ya man+ta ka hUM hUM hUM phaT phaT phaT swAhA/ zhes pa bcu gcig pa'i sngags dang sngags 'di 'dra ste/ sngags 'dis yi ge bcu gcig pa'i dngos grub dang las thams cad 'dir 'gyur tu rung ngo/ /sngags gzhan no zhes pa yi ge bcu gcig pa las gzhan no bya ba'i don to/ /oM A: hUM snying po zhes pa'o/ /'di yang gzhan no zhes pa gong ma las gzhan zhes pa'o/ /yi ge bcu gcig rgyal po yi/ /zhes pa yi ge bcu gcig pa'i mgor sngags 'di bzlas na dngos grub dang las 'di dag 'di bzhin du 'grub par 'gyur ro/ /de la rab tu gsang ba zhes ci'i phyir bya zhe na/ sngags kyi rgyud 'di dag nyan thos dang rang sangs rgyas la sogs pa dang/ phyi rol pa rnams la yang gsang ba dang sngags pa nyid la yang gsang ste dka' thub spyad mi dgos par rnal 'byor byas pa 'ba' zhig gis 'grub par 'gyur ba'i cho ga 'di sngar thig mar bstan na sngags pa dag dka' thub dag mi spyod cing cho ga can gyis sgrub cing las bya ba rnams la dad cing mos pa dang/ 'jug par mi 'gyur ba'i phyir 'dir dka' thub spyad pa dang/ cho ga phal po che sgrub cing las su bya ba rnams sngar bstan cing bshad nas de'i 'og tu dka' thub dang cho ga dag bya mi dgos par sems nyid kyis rnal 'byor du byas pa tsam gyis thams cad 'grub par 'gyur ba'i cho ga

  750. 375b

    'og nas 'byung ba 'di bshad pas na/ de lta bu dag gi phyir gsang ba zhes bya'o/ /'di man chad zhu ba zhus pa zhes bya ba bshad do/ /khro bo rnam par rgyal ba yi/ /rtsa ba'i dang ni phyi ma dang zhes pa gong du bshad pa rnams kyi rtog pa'o/ /rtog pa ma lus rgyas pa dag/ /ces pa gong du rgyas par bshad pa de dag ces pa'o/ /lha de rnams kyis legs mthong nas zhes pa dang por bshad pa/ lha'i 'khor du 'dus pa rnam pa la bya'o/ /'jig rten 'jig rten 'das pa kun/ /thal mor rab tu sbyar nas su/ zhes pa lha kun gyis 'og nas 'byung ba'i the tshom zhu ba'i phyir thal mo sbyar nas khro bo'i rgyal po la zhus pa zhes pa'i don to/ /gshin rje gshed la 'di skad smras/ bcom ldan khyod kyis rtog pa 'di/ /sgrub pa rnams la phan pa'i phyir/ /rab tu ngo mtshar gshad lags te/ /zhes pa las dang dngos grub dang ngo mtshar che ba sngar gong du bshad pa rnams zhes pa'o/ /ji skad bshad pa'i bsnyung ba yis/ zhes pa la sogs pa bzlas brjod dang sbyin sreg la sogs pa ji skad gong du bshad pa'i cho ga rnams kyi tshul de bzhin du spyad pas khro bo kI li kI la la sogs pa 'ga' zhing gis bsgrubs na dka' thub la sogs pa spyod pa de'i rgyus gang gi tshe mnyes par 'gyur ba de'i tshe sgrub pa po la dngos grub gsol bar mdzad na/ khro bo'i rgyal po khyod dang bye brag dang/ khyad par ci mchis bor 'gyur zhes bris pa'i don gong du sngar bshad pa'i spyad pa'i cho ga rnams la bya'o/ /phyi'i cho ga dka' thub la sogs pa rnams ma spyad par yang sems kyi rnal 'byor tsam gyis dbang nyid du dngos grub thob par 'gyur ba de'i cho ga de khyod kyis gsung pa zhes bya'i tha tshig go /bcom ldan 'das kyis rtog pa dang/ zhes pa khro bo chen po khyad par gyur pa ci zhig mchis zhes pa khro bo gzhan las khyad ci mchis zhes pa'o/ /'di man chad zhus pa'i lan bstan zhes bya ba bshad do/ /lha

  751. 376a

    mchog de dag thams cad kyis/ /phyag 'tshal de skad smras pa dang/ /khro bo drag tu bzhad pa yis/ zhes pa khro bo gzhad pa'i sgra gsungs pa'o/ /lha yi tshogs rnams 'jigs rmongs pa/ /zhes pa bzhad pa chen pos lha rnams thams cad skrag pa dang/ rmongs par gyur pa'o/ /ma 'jigs ma 'jigs zhes gsungs pa'i/ zhes pa 'di skad bka' stsal pa nyid phan pa'i tshig gis lha rnams dbyugs phyung zhes bya'o/ /khyod rnams kyis ni gang smras pa/ zhes pa lha rnams de la gang zhus pa/ rnams zhes pa'o/ /sgrub pa dag ni med par yang/ zhes pa phyi'i cho ga spyod pa'i cho ga rnams ni dngos grub 'grub par 'gyur pa'i rgyu ste/ de sgrub mi dgos zhes bya'o/ / sbyin sreg dang dka' thub la sogs te phyi'i spyod pa'i cho ga rnams med par yang sbyor ba shes pas 'grub 'gyur ba/ zhes pa nang gi sbyor ba ni byang chub sems so/ /phyi'i sbyor ba ni kun rdzob kyi byang chub sems de lha'i sku bsgoms pa'o de'i yang 'og nas zhib tu bshad do/ /phyi nang gi sbyor ba zhes pas 'grub par 'gyur ba de bshad par byas/ lha rnams kyis mnyam par gyis zhes pa'i don to/ /bde gshegs dngos grub gcig pu las/ zhes pa spyir ni bla na med pa'i byang chub sgrub pa'i dngos grub gcig pur zad pas de las sgrub tu med mod kyi 'on kyang byang chub sems kyis zin pa'i dngos grub tha dad pa rnam pa mang po sgrub pa'i thabs dag bshad cing bstan pa rnams ni sems can gyi skal ba dang/ dad pa dang/ bsod nams kyi tshad dang/ las dang rnam par smin pa tha dad pa mi 'dra ba rnams 'dul ba'i dbang du dngos grub tha dad pa rnams pa mang po dag gsungs so/ /de nas ting 'dzin tshul las ni/ /mtshan ma de dang dngos grub ste/ zhes pa dka' thub

  752. 376b

    dang/ brtul zhugs dang bsnyung ba la sogs pa'i cho ga dag spyod pa'i sgo nas zhugs te 'grub ste/ sems can rnams kyis ting nge 'dzin gyi tshul du bsgoms pa las kyang mtshan ma de dag 'byung bar 'gyur zhing dngos grub dag kyang thob par 'gyur ro zhes pa'i don to/ /'di man cad bsam gtan pa zhes bya ba bshad de/ /thog ma byang chub rtsa la brten/ zhes pa sangs rgyas rnams kyang sngon byang chub kyi sems 'di la brten te/ de'i sgo nas mngon par sangs rgyas pa'o/ /mngon par sangs rgyas su bsgrub 'dod pa de yang byang chub kyi sems rtsa bar 'gyur ba de la brten nas bla na med par 'gyur ba'o zhes pa'i don to/ /shes rab de lta bu yang bsgom/ zhes pa byang chub kyi sems bsgom zhes bya ba'i don to/ /de yang lhag mthong dang zhi gnas dang 'brel bar bsgom mo/ /sems kyang rnam par mi rtog pas/ /bde gshegs dngos grub de dag thob ces pa zhi gnas kyi tshul du rnam par mi rtog pa'i ting nge 'dzin bsgoms na/ bla na med pa'i byang chub kyi dngos grub dag thob par 'gyur ro/ /sngar stong pa nyid mi dmigs pa ting nge 'dzin bsgoms nas/ de'i rjes su 'byung ba'i dkyil 'khor bsam de'i steng du pad+ma'i dkyil 'khor bsams te/ de'i steng du bdag gi snying ga tsam du nyi ma'i dkyil 'khor bsams te/ de'i steng du sa bon hUM bsams pa las rim gyis be con las lha'i skur rdzogs pa bsgom mo/ /de'i gzugs su bsgyur ba byas so/ zhes pa de ltar rnam par mi rtog pa'i ting nge 'dzin bsgom pa las langs nas/ kun rdzob tu byang chub kyi sems lha'i skur bsgyur ba bstan to/ /sa bon mtshon cha mang por ldan/ zhes pa sa bon hUM las lha'i sku'i mtshon cha'i phyag rgya thams cad 'gyur ro/ /phyag mtshan gyi mtshon cha rnams dang ldan par bsgoms zhes pa'i don to/ /khro bo nga yi zhal du bsgyur/ zhes pa khro bo 'di zhal du bsgyur ro/ /dril bu

  753. 377a

    gsil ba'i sgra yang 'byin/ zhes pa la la zhes pa ljags 'dril ba'i tshul du sgra 'byin no/ /khro bo zhal ni dbas par ldan/ /zhes pa de lta bu'i tshul du bsgoms pa yang/ ro yod pa 'am/ nyams dang ldan bas bsgom mo/ /nga yi gzi dang mthu ldan byas/ /zhes pa gzi brjid dang/ mthu dang/ khro bo'i rgyal po'i tshul ltar bsgom par bya'o/ /kun tu dga' ba'i snying por ldan zhes pa yi ge sgo nas lha'i skur gyur cing des 'byor ba phun sum tshogs par 'byung bas na yi ge hUM las kun tu dga' ba zhes kyang bya ste/ snying po de thugs kar bsam mo zhes bshad de/ gang gi yid la gang bsgom pa/ /de la nga yi thugs dgyes pas/ /zhes pa su'i yid la gong du bshad dpa' tshul bzhin du bsgom pa de la khro bo'i rgyal po dgyes zhes pa'o/ /ji lta ba 'am gang yang rung/ zhes pa la sogs pa cho gar spyod pa rnams de ltar bsgoms pa de'i mdun nam rgyab bam phyogs gang nas kyang skyob cing stangs pas na sngags pas las kun byed par 'gyur te/ de bzhin du 'grub par 'gyur ro zhes pa'i don to/ /gang dag nga yi phyag lnga bcu zhes pa phyag g.yas g.yon la phyag nyi shu rtsa lnga lnga ste/ spyir phyag lnga bcu par bsgom mo/ bcom gdengs pas sdigs par mdzad/ ces pa'i ni mtshon cha tsam du zad de gong du smos pa'i phyag rgya'i mtshan ma rnams kyi steng du ca rigs pa'i mtshon cha rnams kyis mnan te spyir phyag rgya'i mtshon cha grangs lnga bcu tshar bar byas na bsnams pa la bya'o/ /khro gnyer bsnyer ba'i lta ba can zhes pa dpral ba'i gnyer ma nyid de dang ldan par byas la khro bo'i lta ba yang bya'o/ /'jigs pa'i sprul gyi sro stod dkris/ zhes pa sbrul chen pos se ral kha la sogs pa'i tshul du brgyan du byas pa'o/ /zhal gcig spyan yang gsum mnyam

  754. 377b

    ba zhes pa dbu gcig la spyan yang gsum zhes pa'o/ /'brug gi sgra dbyangs sgra sgrogs pa/ zhes pa 'brug gi sgra sgrogs pa'i tshul du'o/ /stag spags zhes pa sham thabs so/ /phyag lnga bcu na bsnams pa'i phyag mtshan rnams/ mtshon cha mchog rnams 'bar zhing 'khrug/ ces pa'o/ /spyan dang gtsug phur rtsa dmar ser/ zhes pa gtsug bud de lta bu la bya zhes pa'o/ /zhabs gnyis gdangs shing tsham ngam mdzad/ ces pa g.yon brkyang ba'i tshul du gdangs pa de nyid tsham dam mdzad pa'o/ /sa yi steng na za za lta/ zhes pa 'di 'dra ba'i gzugs can du gnas so/ /bcigs pa ma he la bcibs pa/ zhes pa 'og nas bshad pa 'dra ba'i ma he la bcibs so/ /sems pa 'am ri mo la bris pa la sogs pa de lta bu'i gzugs yod la sems pa 'am yang no ri mo'i sku gzugs bris shing sgrub pa po mos shing 'dug bas gzugs de mdun du bsams ba la 'am/ ri mo'i sku gzugs mdun du bkram pa la mchod pa bya'o/ /tshul de ltar byed pa de la ring por mi thogs par khro bo de dgyes nas sgrub pa po la 'phrogs par 'gyur ro/ /ji ltar 'dod pa'i don rnams ni/ zhes pa de ltar gyur na bdag gang 'dod pa'i don rnams the tshom med par 'grub par 'gyur ro/ /gdon mi za bar sgrub par byed ces pa the tshom med par grub par 'gyur ro/ /rnam par gnod pa zhes pa bdud dang/ mu stegs dang/ log 'dren rnams gnod pa'i gzugs zhes pa'o/ /gzugs de ni zhes pa de lta bu'i ri po'i gzugs de bdud las rgyal ba yin par bcags so/ de yang gzugs de'i yon tan 'byas zhes pa'i don to/ /thog mar bdag gi dam tshig sbyin/ zhes pa khro bo'i rgyal po'i gzugs 'bri par 'dod na dang por bzo bo'i mo mkhan dam tshig can du bya ba'i phyir dkyil 'khor du gzhug gam/ yang na de bzhin gshegs pa'i dam tshig lag pa gnyis thal mo

  755. 378a

    sbyar nas sngags oM na mo bud+d+ha/ d+harmA saM b+ha bya ba brjod cing dam tshig bstan pas ri mo mkhan la byin te dam tshig can du 'gyur te/ de nas ri mo 'bri ru gzhug go/ bsrung mchog tshul bzhin byas nas su/ zhes pa ri mo mkhan la sngags dang phyag rgyas bsrungs te/ de la sngags min zhes bya ba'i sbyin par oM 'am yang nam/ zhes bya ba bzlas pas bsrung ngo zhes bya ba'i don to/ /ras ni sor bcu'i sor tshad la/ /zhes pa ras ched du btags pa'i srid du song bcu'i tshad du phyin pa gru bzhi pa la bri'o/ /sngags pa bzo po yon tan can/ /zhes pa ri mo mkhan yon tan can la sngags pas 'brir gzhug go/ yid ni bstan par bya ba'i phyir/ dben pa'i gnas su mi mngon par/ /zhes pa ri mo'i sku gzugs de ltar bri bar yang sems goms par bya ba'i rten tsam gyi phyir bri'o/ /de ltar bri ba yang dben pa'i gnas su sus kyang mi mthong bar bri'o/ /tshon rtsi dag ba bzang po yis/ /zhes pa sbyin med pa la bya/ /ri mo thog mar bri bar bya/ / zhes pa tshul de ltar ri mo'i sku gzugs thog mar bri bar bya'o/ /dris zin nas bde bar bzhag ces pa'o/ /nga yi gzugs su gyur par byas/ zhes pa ri mo'i sku gzugs ci 'dra ba dri bar bshad de sngar de gong du bshad pa dang 'dra'i/ /khro bo'i zhal ni babs par bya zhes pa byin can du bzhugs pa'i tshul du bri bar bya zhes pa'o/ /nga yi gzi dang zhes pa khro bo bzhin du bri zhes pa'o/ /kun tu dga' ba'i snying por ldan/ zhes pa mdun gyi gzugs de'i thugs kar snying por bsam zhes pa'o/ /gal te dam tshig mi ldan pa'i/ /zhes pa dam tshig med pa'i sems can gyis mthong na/ myur du rnam par rmongs par 'gyur/ zhes pa myong ba 'thom pa mi 'dran par 'gyur ro zhes pa'i don to/ /de bas rnam pa thams cad du/

  756. 378b

    zhes pa ri mo mkhan bzo bos so/ /bsrungs pa drag po kun tu bya/ zhes pas sngags pas sngags dang phyag rgyas mtshams bcad pa dang bsrung ba byas zhes pa'o/ /rnam pa gzhan du bzhag gyur tam/ zhes pa gnas gzhan du'o/ /gang du mchod pa ma byas na/ /zhes pa gzugs de la mchod pa ma byas na'o/ /myur du 'jigs pa skyed par 'gyur/ zhes pa khyim mes tshig gam dgra nad kyis 'debs par 'gyur ro/ /ri mo la gnas pa yi gzugs de ltar rtag tu goms byas shing/ de bsgyur de yi yid du 'gyur/ zhes pa spyod lam rnam bzhir las rnam bzhis goms par byad pa gzugs ci 'dra ba de bzhin du rtag tu goms par bsgom zhing bdag lus lha'i skur bskur te de'i thugs dang bdag gi yid gcig tu bsgom mo/ /de ltar lta'i sku dang bdag gi lus bye brag med par bsgom mo/ /bdag gi lus lha'i skur bsgyur ba nyid gsal bar bsgoms te/ gong ma nyid gsal bar bsgoms pa la bya'o/ /ji srid yang dag goms pa'i phyir/ kun tu mdun na gnas pa ru/ zhes pa de lngar yang dag par bsgoms pas goms pa'i mthus dus thams cad du mngon sum du 'dra bar gnas pa mthong gi bar du bsgom zhes pa'i don to/ /gang tshe mthong bar gyur pa na/ /de tshe ri mo med par yang/ zhes pa der bsgom pa goms par gyur pa de'i tshe ri mo la rtog par yang/ rtag tu sbyor ba byas nas ni/ zhes pa sku'i tshul ji lta ba bzhin du dus kun sbyor ba byas na zhes pa'o/ /sbyor ba nyid kyis rtag pa ru/ zhes pa de ltar sbyor ba byas pa nyid kyis rtag par 'gyur zhes pa'i/ / khro bo kun tu sbyor na ni/ zhes pa sngags dang ldan par sbyar na sngags yi ge bcu gcig pa 'am le'u 'di nyid kyi mgo la 'byung ba dang sbyar ro zhes pa'o/ /yang na bdag nyid de 'dra bar zhes pa la sogs pa yang na ri mo'i sku gzugs med par

  757. 379a

    gong du ji ltar bshad pa'i lha yin par de ni bdag go /bdag ji ltar yin pa 'di ni lha'o/ /zhes pa de ltar tha dad du dbyer med par gcig tu bsgom par bya'o/ /kha cig gis yi ge skabs dang sbyar te shu la 'am be con gyi phyag rgya gnyis las gcig gis mdun gyi lha dang bdag 'dres par byas te bsgom dgos so/ /lha 'di ltar bsgoms pa'i tshe na phyag rgya shu la 'am bo con gyi phyag rgya gcig bcings te thams cad du bya ba 'am sbyar ba rigs so zhes bshad do/ /de nas de yi dngos gnas pas/ zhes pa lha'i rang bzhin du gnas pas zhes pa'o/ /yid la cung zad gang bsam pa'i/ /dgos pa goms par byas nas ni/ /zhes pa bdag gang 'dod pa'i dgos pa bsgrubs na/ de nyid 'bras bu yod par 'gyur/ zhes pa gang bsgrubs pa 'grub par 'gyur ro zhes pa'i don to/ /gang phyir khro bo bsgom pa yin zhes pa de lta bu'i phyir ro/ /khro bo yong ye bsgoms na ni/ /zhes pa thams cad kyi thams cad du bsgoms na zhes pa'o/ /bzlas pa la sogs med par yang/ dngos grub dam pa thob par 'gyur/ zhes pa dka' thub dang btul bzhugs dang bsnyung? pa dag med par yang dngos grub dam pa thob par 'gyur zhes pa'i don to/ /'di man chad dkyil 'khor bstan pa zhes bya ba bstan te/ bsgrub pa rnams la dam tshig ni/ zhes pa 'og nas 'byung ba'i dkyil 'khor 'di dang bsgrub pa'i dbang dang dam tshig gi dbang bskur bar bya'o// gal te sbyin par byas na yang/ zhes pa sngar bshad pa'i cho ga bzhin sbyar bar bya'o/ /thog mar spos chus gdab par bya zhes pa dri chus gsang zhing gdab bo/ /kun tu zlum po zhes bya ba'i/ dkyil 'khor 'di ni logs shig tu/ zhes pa'i gong

  758. 379b

    du dkyil 'khor bshad pa rnams las logs shig tu 'dir ma mthun par dkyil 'khor nyid kyang zlum por bris la dkyil 'khor gyi ming nyid kyang zlum po zhes bya ba'i dkyil 'khor de bri bar bya'o/ /kun tu zlum po bri bar bya ba zhes pa dkyil 'khor gyi dbyings nyid kyang zlum por gri ba la bya'o/ /tshon rtsi nag po zhes ba dud pa dang sol bas bsres sam yang na sol ba gcig pu bya'o/ /nub phyogs sgo gtong khru do tsam 'ba' zhig tu sgo btod cing dkyil 'khor zlum po che chung gi tshad ni kha zhang dang khru ngo bar bya'o/ /de yi dbus mchog bri ba/ zhes ba dkyil 'khor de'i? dbus su zhes pa'o/ /g.yag rnga'i bsil yab g.yob ba can zhes pa 'di 'dra bar bri bar bya'o/ /dril bu btags dag ra las btags pa'i tshul du sna drung pha rol tshu rol tu sbyar ba'i thabs su ni mi bris te/ 'di bzhin du bsam mo/ /ma he chen po dam pa dri/ dkyil 'khor dam pa dris te/ zhes pa yon tan la bya zhes te/ smug nag gi tshul du bris te de lta bu'i tshul du ma he bri'o/ /ma he'i mgo byang phyogs su lta bar bri'o/ /ma he'i sa bon yi ge ma'o/ /ma he'i mgo lhor lta bar bri bar zhes kyang bshad do/ /bsrung ba'i cho ga bzhin byas nas/ zhes pa bdag dang gzhan bsrung ba dang/ mtshams gcad pa dag bya ba'i don to/ /da ni mchod pa bstan pa zhes bya ba bstan pa'i phyir/ sngags shes pa yis mchod bya ba/ zhes pa la sogs pa smos so/ /sngags shes pa yis mchod bya ba/ zhes pa de ltar dkyil 'khor bris nas der mchod pa bya ba bshad do/ /cho ga bzhin du 'dir bshad do/ /zhes pa mchod pa bya ba yang cho ga bzhin du bshad par bya'o/ /spyan drangs gdan dang dgag pa dang/ zhes pa 'di

  759. 380a

    dag kyang 'og nas bshad pa dang sbyar ro/ /arga gtor ma lta bshos ag? zhes pa'o/ /mchod pa zhes pa me tog yin no/ /mar me bdug par bstan pa dang/ zhes pa dang por spyan drangs nas/ tha mar mchod pa bya ste slar gshegs su gsol ba'i bar du bya ba de dag thams cad mchod pa yin no zhes pa'o/ /gzugs dgod pa dag thog ma ru/ /zhes pa 'dir lha'i gzugs dgod pa de dag kyang dang por sa bon gyis 'god par bya ba de tshul gzhig du bshad par bya'o/ /'di man chad ni sa bon dgod pa bstan pa zhes bshad de/ de la dang por thams cad kyi/ /sa bon khro bo'i gzugs yin te/ zhes pa mtshon cha thams cad kyi sa bon yang yi ge hUM nyid yin la hUM nyid kyang khro bo'i gzugs kyi yi ge'o/ /de nyid phal cher rab tu grags/ /zhes pa yi ge hUm nyid mtshon cha phal po cher 'byung ba'o/ /gcig tu phul cher du ma'i mchog/ ces pa hUM nyid la mtshon cha du ma'i mchog bya'o/ /de nyid der ni brtag bya ba/ zhes pa hUM de nyid sngar bshad pa'i ma he'i steng du bsams par bya zhes pa'o/ /rtag tu mtshon cha 'bar bar byed/ /ces pa hUM gi rang bzhin la bya'o/ /de yi gzugs 'dir bya la/ /sa bon gyis su bskul ba'i zhal/ /zhes pa sa bon gyi hUM gis bskul bas hUM nyid zhal du bsgyur ro/ /dril bu sa bon drug rnams kyi/ /sgra rnams de bzhin sgrogs par brtag/ ces pa la la la la la zhes pa'i tshul du ljags 'dril zhing sgra 'byin pa'i tshul du bsam mo/ /'di ni khro bo'i zhal yin gsungs/ zhes pa de lta bu 'di ni khro bo'i zhal yin no/ /de ni thog ma nyid kyi gzugs/ zhes pa de lta bu'i sku de ni ces pa 'am/ gdon pa bsung pa ste thog mar nyid kyi gzugs shes bya'o/ /gang zhig dran pa tsam gyis ni/ zhes pa sgrub pa po gang zhig gis sku de dran pa tsam gyis ni/ bdud dang gdug pa'i gdon la sogs/ mthu?

  760. 380b

    brtsal gnon pa nyams su zhes pa bdud da dag gi mthu rtsal nyams nas pa'i don to/ /de ni sngags spel ba zhes bya ba bstan pa'i phyir/ zung zhig ces pa'i tshig gnyis ldan zhes pa la sogs pa smos so/ /zung zhig ces pa'i tshig gnyis ldan/ zhal yang gdangs te 'ang? ba can zhes pa lta de gra sa gra sa zhes bya ba'i sngags kyi tshig gnyis dang ldan pa'i rang bzhin can du bsam mo/ /zhal gcig po zhes so/ /snying po dka' bar rnam par bzhag/ ces pa thugs kar yi ge hUM bsam mo/ /hUM de'i mtshan nyid mtshon? cha 'phangs pa'i mthu rtsal can zhes pa'o/ /sngags kyi dngos po shes na ni/ zhes pa khro bo'i rgyal po de sa bon hUM las 'byung bar sngags kyi dngos po shes na/ sngags pas dngos grub thob par 'gyur/ zhes pa'i don to/ /mtshon cha 'phangs pa tsam gyis ni/ de yis kun tu bsrung bar byas zhes pa mtshon cha'i phyag rgya bcings pa tsam 'am/ yang na mtshon che'i phyag rgya dngos gdangs pa tsam gyis bsrung bar bya'o/ /sa bon dgod pa tshul bzhin du/ bdag gis lus la sbyar bar bya/ zhes pa bdag gi lus lha'i skur bsgyur ba la sa bon dgod pa tshul bzhin du bya'o/ /gzugs ni gzugs la bzhag nas su/ /zhes pa mdun du lha'i gzugs ci 'dra bar bsams pa de bzhin du/ bdag kyang de 'dra ba'i gzugs su bsgom mo/ /mtshon cha de nyid lag na thogs/ zhes pa mdun gyi lha ci lta bu bzhin du bdag lhar bsgyur ba'i phyag rgya mtshon cha de dag thogs par bsgom mo/ /sa bon rnams kyang khar bzhag ste/ hUM lcar? bsams? pa 'ang? zhal du gyur cing/ la drug gis ljags 'dril ba'i tshul du sgra 'byin zhes pa'o/ /rkang pa nyid kyang tsham dam bya/ zhes pa g.yon brkyang ba'i tshul du gnas pa nyid la bya/ de nas kun tu khros nas su/ /rang gis

  761. 381a

    bon dgod par bya/ zhes pa sa bon rnams de ltar bzhag pe yang bdag nyid khro bor bsgyur nas/ de nas dgod par bya'o zhes bshad do/ /thog mar bdag la ma yengs par/ zhes pa sems rtse gcig par bsam zhes pa'o/ /bsrung pa de ltar byas nas su/ /dkyil 'khor de ni spyan drangs te/ /de nas mdun du mchod pa bya/ zhes gong du bshad pa'i tshur de ltar bsgom pa nyid bsrung ba'o/ /de ltar byas pa'i 'og tu gdong lha spyan drangs nas lha de'i mdun du 'og nas bshad pa rnams kyis mchod par bya'o/ /sngags kyi snying po tha ma la/ /zhes pa dang por spyan drangs te/ oM A(rgyud 'grel): hUM a gats+tsha ya dza zhes bya ba spyan drangs so/ /tshur gshegs pa'i tshig gnyis dang/ rtag tu ldan par byas na ni/ zhes pa spyan drang ba'i cho ga thams cad du tshig 'di skad ces bya bar sbyar ro/ /spyan drang ba dag bya bar bshad/ /ces pa snying pos bskur bskyed de mdun du bsams pa las yang spyan drang pa'i ci dgos ce na/ sems can rtog pa can gyis don du spyan drang par bya'o/ /me tog gi gdan 'di la zhes pa de ltar me tog 'dor ba'i tshe sngags 'di brjod de/ oM A(rgyud 'grel): hUM aM daM a sa ni a ti tiSh+Tha zhes brjod cing gdon gyi steng du bzhugs su gsol lo/ /bzhugs su gsol zhes rtag tu bya/ /zhes pa bzhugs su gsol ba'i don to/ /me tog gcig gis dbus kyi ma he'i gdan la gtor ro/ /de lta bu ni spyan drangs pa/ /me tog dag gi snga ma bzhin/ /bzhugs shing zhes pa'i tshig gnyis byas/ /cho ga bzhin du bzhugs su gsol/ zhes pa de ltar spyan drangs pa'i ste/ de gdan gyi steng du bzhugs su gsol nas de'i 'og tu yang me tog gcig snga ma bzhin du sku gzugs kyi steng du dor te/

  762. 381b

    oM A(rgyud 'grel): hUM tiSh+Tha zhes pa'i tshig gnyis brjod de/ sngags mkhan gyis dza 'am/ las ma zin pa dang re ba ma bskabs kyi bar du gud du mi gzhud par rtag par gnas 'dir bzhugs su gsol zhes pa'i don to/ /khro bo'i rgyal po de la ni/ dgag par bya ba bstan pa yi/ /zhes pa tshul de ltar bya ba de nyid lta gud du mi gshegs par bya ba bstan pa yin no/ /gong du dgag pa bshad pa'i 'phro sbyor ba'i tshig go/ me tog sngags kyis btab pa yis/ /de ltar dgag pa byas nas su/ zhes pa'o/ /arga 'di ni bzhes shig ces/ tshig 'di mjug tu brjod nas su/ zhes pa de'i 'og tu mchod yon dbul ba'i tshe/ sngags 'di brjod cing dbul lo/ /oM A(rgyud 'grel): hUM i daM arg+ha na grih+na zhes brjod/ mchod yon dbul bar bya'o/ /spos chu sme gtor sbyar ba yi/ /zhes pa la sogs pa yi ge 'bru gsum pa'i mjug tu 'di bzhin pa'i tshig bcug ste dbul bar bya'o/ /spos chu bzang pos btab pa yi/ zhes pa me tog dri zhim po dang ldan pa la bya'o/ /bzhes su gsol zhes brjod nas su/ /zhes pa me tog gi sngags 'di brjod cing dbul lo/ /oM A(rgyud 'grel): hUM i daM dI pa nA mA yarba t+ta na grihA zhes brjod cing dbul lo/ /zhes so/ sngags pas rtag tu tshig mjug la zhes pa yi ge 'bru gsum gyi tshig go/ gtor ma bdag gi phul ba 'di/ /bzhes su gsol zhes brjod nas su/ /zhes lha bshos dbul ba'i sngags 'di brjod cing dbul lo/ /oM A(rgyud 'grel): hUM ba li nai bi dya na ya ta twa na grih+na zhes brjod cing dbul lo/ / gtor ma sna tshogs dbul bar bya/ /mar me bdag gis dbul bar bgyi/ /bzhes su gsol zhes mjug tu brjod/ ces pa mar me dbul ba'i tshe sngags 'di brjod cing dbul lo/ /aM A(rgyud 'grel): hUM oM daM dI paM ma ya t+ta na gri h+na zhes brjod cing

  763. 382a

    dbul lo zhes pa'i don to/ /bdug pa bdag gis phul ba 'di/ bzhes su gsol zhes mjug tu brjod/ ces pa bdug pa dbul ba'i tshe yang/ oM A(rgyud 'grel): hUM i daM d+hU paM nA ma ya tat+twa na grih+na zhes brjod cing dbul lo/ /bdug pa thang chu rnam pa lnga/ sngags kyis btab te dbul bar bya/ zhes bsra rtsi pog phor lce pog ga bur thang chu dang lnga la bya'o/ /thang chu rnam pa bdun ni snga ma'i steng du gnang sa ra dang/ gu gul dang bdun no/ /kha cig gis bshad pa'i thang chu rnam pa lnga la ga bur dang/ sa ra la dang/ nirya dang/ de ba ti ni rgyal dang/ sa la la ki nirya sa dang/ sa la ni rya sa dang lnga'o zhes pa'i don to/ /dkyil 'khor dag gam ri mo la/ zhes pa la sogs pa dkyil 'khor der ri mo'i sku gzugs bkram pa de la gong du bshad pa'i tshul du yan lag la bkod pa dag kyang byas pa'i dkyil 'khor de slob ma dam tshig can la bstan na dkyil 'khor de mthong ba tsam gyis dam tshig can du 'gyur ro/ /dkyil 'khor du 'jug pa'i phyag rgya ni be con gyi phyag rgyas bya'o/ /dam tshig can la bstan na ni/ zhes pa sngar bshad pa'i dkyil 'khor du zhugs pa la bya'o/ /sngags pa dam tshig can du 'gyur zhes pa'o/ /sgrub pa po ni ma yengs par/ zhes pa rtse gcig tu sngags brjod ces pa'o/ /sngags brjod slar yang gshegs gsol ba/ zhes pa oM A(rgyud 'grel): hUM gats+tsha gats+tsha bya zhing gshegs su gsol lo /me tog snyim pa bkang nas ni/ phyag btsal slar yang gshegs su gsol/ /zhes pa me tog snyim par bkang ba thogs shing gong ma'i sngags brjod de/ phyag btsal nas slar yang gshegs su gsol lo/ /dkyil 'khor dag gam ri mo la/ /zhes pa lha 'di lta

  764. 382b

    tu bsgom pa nar ma la yang mchod pa'i tshul du de ltar sbyar ro/ /rtag par mchod pa'i cho ga 'di/ zhes pa bsgom pa'i tshe yang rtag tu mchod pa 'di dag bya'o/ /da ni mjug bsdu ba zhes bya ba bstan pa'i phyir/ bzlas pa dang ni hom dag dang / zhes pa la sogs pa smos so/ /rtag tu khro bor 'du shes pa/ zhes pa dus thams cad du khro bo'i nga rgyal du bya'o/ /rtsa ba'i rtog par las gsang ba'i rtog par gtogs pa ste dang po'o/ /dang po'i bshad pa rdzogs so// // gsang bar gtogs pa'i le'u gnyis pa 'di la don rnam pa lngas bstan te/ de la sa bon dgod par byas nas sbyar ba'i go rims dang/ mi shes na nyes dmigs su 'gyur ba bstan pa dang/ spyi'i sa bon dgod pa'i rim pa dang/ tsham dam dang/ 'khor lo'i phan yon bsngags pa'o/ /'khor lo dang sbyar te dang po dang/ tha ma dang/ 'og ma dang/ tha ltag tu sbyar/ 'og ma yang de bzhin du drug gi tha ma mu dang drug/ 'og ma'i dang po mu gnyis su sbyar te bya'o/ /'khor lo bzlas pa la 'og ma lta bu 'bru gnyis las drug gi dang po dang/ drug gi 'og mar sbyar/ de ltar rim bzhin du sbyar la dang po dang sbyar ba tha ma ste/ /yi ge bzhi bzhi pa tha mal pa de nyid yang ltag 'og mnol te bkod pa de de ltar rnam pa gsum gyis las bya'o / ma mai mA mI/ mu mU/ mu mu/ mI ma/ mai ma/ yi ge zung zhes pa dang po'i yi ge 'bru drug tu zung du sbyar ba ste sngags tha mal pas sgrub pa'i don to/ /zung dang zhes pa bsnol ba'i yi ge ste/ 'og ma'i yi ge 'bru drug po zung du sbyar ba'o/ / yang bral bye brag gis zhes pa sngags gong ma'i 'bru drug du byas pa'i dang/ sngags 'og ma 'bru drug po yang zung du sbyar la/ zung de yang bsnol bar bya'o/ /thog ma tha ma zung gcig tu zhes pa yi ge thog ma'i 'bru drug pa dang/ yi

  765. 383a

    ge tha ma'i 'bru drug po gnyis las rim bzhin du re re sbyar na zung de nyid ltag 'og bsnol lo zhes pa'i don to/ /khro bo zhes bya sa bon ni/ /zhes pa khro bo zhes bya ba'i sa bon 'khor lo'i lte ba la sa bon bzhag pa de dbang la sogs pa'i las so sor sbyar bar bya'o zhes kyang bshad du rung ngo/ /rgya gar gyi yi ge las kha cig gis bshad pa las gsal bar 'di skad du 'byung ste/ sa bon zhes bya dkyil du bzhag /khro bo dag ni so so ru zhes 'byung bas zhes pa'i don to/ /dkyil du bzhag ste so so ru/ /zhes pa oM ni 'khor lo'i dkyil lte ba la bzhag go/ A(rgyud 'grel): ni rtsibs kyi dang po'i gnas la bzhag go/ hUM dang la drug ni rtsibs gnyis dang gnas la bzhag go /ma ma dag ni rtsibs gsum pa'i gnas la bzhag go/ dbang dang zhes pa yi ge kha dog dmar por bsam mo/ /mkhon pa dang gsang ba zhes pa las 'di dag byed pa'i tshe yi ge kha dog sngon por bsam mo/ /de bzhin bkrad dang zhi ba dang/ zhes pa ming gis smos pa'i las 'di drug sngags pa tha mal pa zung du spel bas sgrub pa dang des ma grub na sngags bzlog pa 'am bsnor ba'i tshul gyis las de dag byas na myur du 'grub par 'gyur ba ni/ /zung dang bsnor bas myur du 'grub ces pa pa'o/ /yi ge kha dog ser por bsam pa yang/ /yang na rgyas par bya ba'i phyir zhes pa yi ge kha dog ser por bsam mo/ /da ni dang por tha mal pa'i tshul gyis dbang la sogs pa'i las drug bya ba bshad pa'i phyir zung zhig tshig gnyis tha mar bzhag ces pa la sogs pa smos so/ /zung dang phul bas myur du 'grub ces pa ni yi ge zung gi las tha mal bar bya ba dang/ yi ge zung bsnor ba'i las drug po de dag myur du 'grub par 'gyur ba la bya'o/ /zung zhig tshig cha gnyis

  766. 383b

    zhes pa gra sa gra sa bya ba gnyis bzhag go/ che ge mo zhes dbang du bya'o zhes pa 'di ni dbang du bya ba'i las so/ /hUM bzhag ces pa ni dar ta'i nang nas slob dpon gyi lung las 'byung ste de bas na mtshon cha dang bcas pa'i sa bon bzhag pa'i rigs sa/ /bsru par bya ba'i gzugs byas nas/ zhes pa grog mkhar las byas pas gzugs zhes bya'o/ /de la rkang pas brdzi ba ni/ /zhes pa brkyang bskum gyis gnas pa'i tshul gyis rdzi bar bya zhes pa'o/ /rkang pa skyo ba'i bar du ched kyis bzlas so/ /de yi dbang du myur du 'gyur/ /zhes pa de ltar sgrub pa po de'i dbang du myur du 'grub ces pa'i don to/ /da ni mkhon par bya ba bshad de/ gcig pu de la spos nas su/ /zhes pa la sogs pa smos so/ /gcig pu de la spos nas su/ /zhes pa la sngar las bshad pa'i go rim la bya ste/ las drug po de dag ni go rims bzhin du mi sgrub tu mi rung ba med do/ /de las gang 'dod pa bya'o/ /sa bon gnyis pa'i gnas la ni zhes pa ? mig snga ma gtogs pa dang/ gnyis pa'i dmigs las byas pa'i gnas la ni zhes pa'o/ /gnas nas gdong yang bsgyur nas su zhes pa de'i sngags bzlas te zhes pa'i don to/ /lha'i zhal yang snga ma'i tshul las khro bo'i skur bsgyur ro zhes pa'i don to/ /bsgrags par bya ba zad med ces pa snga ma'i swAhA mi gzhug pa'i don la bya ste/ de ltar swAhA mi gzhug na/ hUM la zhug par rigs na/ slob dpon gyis pir dar ta'i yung las swAhA gzhug par 'byung ngo/ /bsgrub par bya ba gnyis ka yi zhes pa mdza' bo gnyis kyang gzugs bya'o// zhes pa'o/ /gzugs ni 'jim pa las byas te/ zhes pa grog mkhar gyis las bya zhes pa'o/ /gcig tu dpa' ba' i nyams ldan par zhes khro bo'i ting 'dzin gyi nyams dang ldan par bya'o/ /gnyis ka la yang rkang pas mnan zhes pa

  767. 384a

    gzugs byas pa gnyis ka'i steng du brkyang bskum gyi tshul du rkang pas mnan zhes pa'o/ /sngags mkhan de la gnas pa yis/ zhes pa sngags nyid khro bo'i ting nge 'dzin dang/ sngags la yang gnas shing 'jim pa'i gzugs kyi steng du yang gnas pa yis zhes pa'o/ /mel tse thun de phyed tsam gyi zhes pa bzhi thun gyi thun phyed la bya'o/ /de nas sgrub par 'dod pa bzhin zhes pa mdza' bo gnyis dbye bar bya ba de gnyis phan tshun dgar gyur pa zhes pa'o/ /khro bo rim bzhin bsgoms pas ni/ /zhes pa khro bo nyid tshul bzhin du bsgoms par byas pa'o/ /lan cig byas pa tsam gyis ni gyur zhes de lta bu'i tshul du lan cig mel tshe thun phyed tsam gyis 'grub par 'gyur zhes pa'i don to/ /da ni bsad pa'i las bshad pa'i phyir/ sa bon gnyis pa de las kyang/ zhes pa la sogs pa smos so/ /sa bon gnyis pa de las kyang/ zhes pa dbang dang mkhon par bya ba'i sa bon gnyis pa'i gnas de las ldang ba'o/ /drag po'i rtsel gyis spos nas su/ zhes pa sngags pa de khyad par du 'di lta bu'i tshul du bsgom mo/ /gnas te gsum pa la gnas te/ zhes pa 'khor lo'i mig gsum pa la bya'o/ /g.yo ba'i gnon pas mnan pa ni zhes pa tsham dam gyi tshul du bsgyur bar bya ste 'og ma gnyis kyis bshad do/ /kha dang brla dang rgyab dang bsgyur zhes pa kha bcus te rkang pa brkyang bskum byas kyang rgyab kyis bsgyur bar bya'o/ /dril bu dkrol ba'i sgra sgrogs shing zhes pa la la drug gis ljags 'dril ba'i tshul du sgra 'byin pa'o/ /zung zhig tshig gnyis tha mar bzhag ces pa/ gra sa gra sa zhes bya ba'i tshig gnyis gzhag ces pa'o/ /che ge mo zhig bya ba'i sgra zhes pa'o/ /a mu ka ste gdab bya ba'i mi de'i

  768. 384b

    ming gzhug go/ sod ces bya ba'i sgra yang brjod ces pas mar ya bya'o/ /sa bon mtshon cha 'dir bzhag pa/ zhes pa hUM bzhag par bya ba ste/ de'i rjes thogs su phaT bzhag par rigs zhes bshad do/ /khro bo'i lcags kyi shu las gcod/ ces pa phan chad na mi gsod pa'i gsal shing rtse gcig pa byed pa de 'dir lcags lags na/ shing byas pa ni khro bo yin te de dag dgra bo'i gzugs sol ba las byas pa de'i rkub nas phyin du gtsugs te khar phyung la gzugs te/ de lta bu'i tshul gyis gzhig par bya ba ni gcod pa zhes bya'o/ /dur khrod sol bas dgra bo yi/ zhes pa de yang dur khrod sol ba zhib tu btags pa las gzugs bya'o/ /phan tshun mngon du phyogs byas nas/ /zhes pa lag pa gnyis kyi thal mo gnyis zhes pa'o/ /lag pa gnyis phan tshun drung par bya zhes pa lag pa'i thal mo gnyis stong par byas te/ drung ces pa ste dgra'i gzugs gsal shing dang 'dra bar lcags las byas pas gzugs bshig pa de lag pa gnyis kyis drung par bya'o/ /de ltar byas na myur ba ru/ /tshe ring ba dang ldan pa yang/ /sgra de ring por mi thogs par/ zhes pa tshul de ltar byas na ring bo mi thags par dbang dang mkhon pa dang/ bsang ba dag la gzugs brnyan byas pa gang la bya ba de nyid bkug la der bsams te de las bya'o zhes pa'i don to/ /shing ni bcang ba bzhin du 'gyal/ zhes pa 'di dang 'dra ste/ 'chi ba'i las 'di yang mel tshe thun phyed tsam gyis 'grub po/ /gsum pa las ni 'phos nas su/ /zhes pa snga ma'i gnas por te zhes pa'i don to/ /da ni bskrad par bya ba'i las bshad pa'i phyir khro bo rgyal po'i gnas zhes pa la sogs pa smos te/ bzhi pa de la bsgrub po 'dug/ ces pa 'khor lo'i mig bzhi pa la sngags pa 'dug par bya'o/ /drag

  769. 385a

    shul can gyi lus su gnas zhes pa rtsal che ba dang ldan pa'i skur bsgyur ba'o/ /zung zhig tshig gnyis tha mar gzhag ces pa sngags rnams kyi tha mar gras gras zhes bya ba'i tshig gnyis gzhag par bya'o/ /skrod cig ces pa'i tshig gi mthar/ zhes pa uts+tsha ta la mthar zhes so/ /yi ge ha ni phul ba bzhag /ces pa de'i 'og tu yi ge ha tsheg drag po gnyis kyis phul ba gzhag go /sa bon bstan pa bkod pa las bskrad par bya ba tha dad pa'o// zhes gras gras a mu ka uts+tsha ta ya ha zhes bya ba bskrad pa'i sa bon bkod pa 'di ni gong du bsad pa'i las bshad pa las tha dad pa ste 'di ni bskrad pa'i las so/ /dgra yi phyir ni rings pa ru/ mel che thun gcig tsam du bsgom/ / zhes pa dgra bskrad pa'i phyir myur du bzhi thun gyi thun gcig tsam du bsgom/ /zhes pa'o/ /dgra de'i gzugs bsnyan byas nas su zhes pa'o/ /sbyor ba shes pas ma yengs par/ zhes pa sngags pa sems rtse gcig tu byas pa la bzlas brjod bya'o/ /zlos pa bdag nyid de steng 'dug /ces pa sngags pa zlas brjod byed pa dang/ gzugs brnyan byas pa de'i steng du/ g.yon brkyang ba'i tshul du 'dug go /'khor gyi skye bo myur spangs nas/ /zhes pa bskrad par bya ba'i dgra bo de/ de las gzhan pa'i gnas su 'gro /zhes pa dag bo de gnas de las gzhan 'gro zhes pa'o/ /de dag zhi bar bya 'dod na/ zhes pa mkhon pa dang/ bskrad pa dang gsad par bya ba'i las de dag slar zhi bar 'dod dam/ yang na tha mal par zhi bar 'dod na sngags pa sgrub pa ba ni mchog gis su/ /snying rjes zhi bar bya yi/ zhes pa de ltar zhi bar byed pa'i tshe lhag par snying rje bskyed par bya'o/ /cho ga tshul bzhin 'dir

  770. 385b

    bshad do zhes zhi ba dang rgyas par byed pa'i tshe skyil mo krung du 'dug par bshad do/ /kha cig na re 'greng ste zhi rgyas bya bar rigs pa zhes bshad do/ /khro bo'i 'khor lo'i gnas lnga la/ zhes pa tsakra'i mig lnga pa la sngags pa 'dug par bya'o sgrub pa por mi bzhin 'dug ces pa bshad pa'i tshul du bya zhes pa'o/ /de nas yid ni bder gyur nas/ rkang pa mnyam zhing gdong yang mnyam/ zhes pa sems bde bar gnas nas snga ma'i brkyang bskum yang btang nas rkang pa tha mal par mnyam par bzhag pa dang zhal khros pa yang mi khro bar zhi ba'i mnyam par bsgom pa ni tshul tha mal par 'dug ces pa'o/ /zung zhig tshig gnyis tha mal bzhag ces pa gra sa gra sa gnyis la bya'o/ /sngon bzhin che ge mo zhes bya/ zhes pa snga ma bzhin du gang zhi bar bya ba'i ming gzhug go/ rab tu zhi bar gyur ces brjod/ ces pa shan+tiM ku ru zhes sbyar ro/ /de yi mjug tu zhi bar 'gyur/ /ring por mi thogs gdon mi za/ zhes pa mkhon pa dang/ bskrad pa dang/ bsad pa dang gsum la zhi bar bya dgos te/ de dag gi phyir zhi bar byed na snga ma'i gzugs de'i sngar 'o mas bkrus la gdong zhi bar bya'o/ /sngon bzhin khro bo'i 'khor lo yi/ drug pa'i gnas la song nas su/ zhes pa snga ma bzhin du tsakra'i mig drug pa la sngags pa bdag 'dug pa snga ma de dag gi phyir yang rgyas par byed na/ rkang pa dal bus gnon pa yi/ zhes pa zhi ba'i tshul dang 'dra'o/ /gcig pu dpa' bo'i tshul 'dug nas zhes pa mthu stobs dang gzi byin can gyi tshul du bskur bsgyur ba la bya'o/ /zung zhig ces pa tshig gnyis gzhag ces gra sa gra sa la bya'o/ /rgyas par 'dod pas dga' bzhin du/ zhes pa rgyas par byed 'dod pas sems dga' zhing mos pa dang ldan pas

  771. 386a

    bsgrub ces pa'o/ /mel tshe thun gcig rtag tu bzlas zhes pa mel tshe thun gcig gis rgyas par 'grub bo/ /khro bo'i 'khor lo ni gnas/ zhes pa khro bo'i tsakra mig drug pa la/ sngags pa 'dug pa la bya/ sku yi tshul du bsgyur byas pas/ /lha'i skur bsgyur ro zhes pa'o/ /mel tshe thun gcig byas pas ni/ /zhes pa la de ltar mel tshe thun srid du bzlas na/ 'khor lo'i nang na khro bo'i sngags bkod pa de'i mthu 'grub ces pa'o/ /gang gsungs pa ni myur du 'gyur zhes pa skabs 'di rgyas pa gsungs pas na rgyas pa 'grub bo/ /phyis kyang rim gyis 'di la gnas zhes pa gong ma bzhin du rims kyis bsgrubs te las rnams grub par ma gyur na/ phyis kyang sngags bzlog pa 'am bsnor ba'i tshul du 'di la gnas te las rnams bsgrub bo/ /logs shig khro bo'i 'khor lo'i bkas zhes pa gong ma bzhin du rim gyis sgrub pa las 'di bzhin no/ /sngags bzlog pa 'khor lo'i rtsibs la bkod ba'i tshig bkod pa 'di khro bo'i bka' 'o/ /rkang pa'i tsham ngam de bzhin byas zhes pa gang la bya ba'i dngos po de lags pa 'am/ der zhen pa'i lus dang sems kyis gtad pa'i tshul du byed pa yang a gshe zhes bya ste/ 'og nas bshad pa dang sbyar na rkang pa gnyis kyi bar du gung mo'i mtho gang yod par bya'o/ /gdong yang dal bas bsgyur nas su/ /zhes pa rim gyis dal bus tha mal pa'i sku'i tshul du bsgyur ba'o/ /dang po'i sa bon gang yin pa/ zhes pa dang po'i yi ge 'bru drug las ma ma zung du byas pa'i sa bon gang yin pa dang/ gong ma'i yi ge drug zung du sbyar ba mU mU rgyas pa la sbyar ba'i sa bon gang yin pa de 'dir zung lta 'og bsnod de nas dbang gi las la sbyar ro/ /zung ltag 'og bsnor ba ni 'di ltar bya'o/ /mU mU ma ma

  772. 386b

    zhes bya'o/ /de yi mdza' dang lhan cig tu/ zhes pa gong ma'i yi ge 'bru drug po'i mdza' la rgyas par bya ba'i sngags 'byung ba da dbang la yang sbyar bar bya ba sngar bshad pa dang 'dra'o/ /kha cig gis bshad pa 'og ma'i yi ge 'bru drug po'i dang po la mU mU 'byung ba de sbyar ba yang rgyas pa la yang sbyar bar rig par bya zhes bshad de/ ltag 'og gnyis kyi mdza' i yi ge mU mU 'byung ba gang sbyar ba yang don du gcig par zad de 'dra'o zhes pa'i don to/ /me dang 'dra bar 'bar ba de zhes pa zung lhag 'og bsnol ba'i zung gong ma de 'bru gnyis po la tsheg drag pos phul bas 'og ma'i zung tha mal pa la bskul pas gzi byin can du byas pa zhes pa'i don to/ /sngon gyi las ni grub 'dod na/ zhes pa sngar bshad pa bzhin du rim gyis bsgrubs pa las ma grub par gyur te/ las de dag grub par 'dod na shin tu legs par sbyar bar bya'o/ zhes pa tshul de ltar legs par sbyar te 'dis ni dbang gi las bshad de/ de yan chad dbang gi las bshad zin to/ /de nas zung ma bskul ba la 'ang zhes pa de yang zung mas bskul ba zhes bya ste/ yi ge 'og ma drug po drag por phul ba'i zung mas gong ma'i yi ge 'bru drug po'i zung ma tha mal ba la bskul bar bya ste mU mU ma ma zhes kyang byar rung ngo/ /gcig tuAng rung bar bshad ces pa gong du bshad pa zung mas sgrub pa la bya bar zad do/ /so so 'am yang na phral te 'og ma'i yi ge 'bru drug pa'i dang po la mu dang/ dang po'i yi ge 'bru drug po'i/ /thog mal ma byung ba dang/ sbyar ba'i tshul 'bra bar sa thams cad sbyar te las la sbyar du yang rung ngo/ /'di 'dra ba'i las la sbyar ro/ /zhes pa'i don to/ /da ni mkhon pa'i las bshad pa'i phyir/ /khro bo yi ni 'khor lo'i mthu/ /zhes ba

  773. 387a

    la sogs pa smos so/ /khro bo yi ni 'khor lo'i mthu/ /zhes pa 'khor lo'i rtsibs brgyad kyi sngags la bya'o/ /brgyad pa dag la myur bar gnas zhes pa rtsibs brgyad pa'i sngags la gnas pa ste/ le lo dang snyoms las med par zhes pa'o/ /rim pa snga ma'i tshul gyis ni/ zhes gong ma'i yi ge 'bru drug po tha mal pa'i zung ma la 'og ma'i yi ge 'bru drug po drag pos phul ba'i zung mas bye brag phye ste bskul ba la bya'o/ zhes pa'o/ /sa bon zung mas phye ba dang/ brgyad po 'byed pas bsgrubs pa la zhes pa gang ma yi ge 'bru drug po tha mal zung ma la 'og ma'i yi ge 'bru drug po drag po phul ba'i tshul du zung mas bskul ba'i tshul du ltag 'og tu bsnor te phye ba de rtsibs brgyad pa dbye bar bya ba bsgrub pa la sbyar bar bya'o/ /mdza' ba myur du bzlog pa'i phyir/ zhes pa mdza' bo gnyis pa myur du dbye ba'i phyir/ cho ga bzhin du rigs par sbyar/ zhes pa gong du bshad pa'i tshul bzhin du sbyar bar bya'o/ /rims pa snga mi'i tshul bzhin du/ zhes pa yi ge dgod pa'i rim pa tshul bzhin bya'o/ /khro bo'i 'khor lo gnas zhes pa 'khor lo'i rtsibs dgu pa'i sngags la gnas par bya'o/ /'jigs par 'gyur te/ 'chi bar zhes bya'o/ /lha rnams kyis ni sbas pa yang zhes pa gsang par bya ba de lhas bsrungs pa zhig yin na yang ngo/ /gshed po'i drung du khrid par 'gyur zhes pa gshin rje'i drung du khrid par 'gyur zhes gshin rje'i drung du 'gro bar byed de 'chi bar 'gyur zhes bya ba'i don to/ /khro bo yi ni 'khor lo'i gnas zhes pa rtsibs bcu pa'i gnas la'o/ /de'i sa bon gyis kyang phye zhes pa bskrad par bya ba'i sa bon gyis phye zhes ba'o/ /sngon gyi sa bon rab 'bar ba/ zhes pa snga ma bzhin du

  774. 387b

    zung gnyis ltag 'og bsnol ba'i zung gong mas 'og ma bskul bas mthu can du gyur pa'i don to/ /snga ma bzhin du rim gyis bzlas zhes pa 'khor lo'i rtsibs kyi sngags rnams rim gyis bzlas pa'o/ /sngar bshad pa yi las bsgrub po zhes pa bskrad pa'i las bsgrub pa'o/ /'khor lo'i rim pa bcu gcig pa zhes pa rtsibs bcu gcig pa'i sngags la'o/ /gang yin pa ni de bzung nas/ sngags pa des shes pa'o/ /sngar bshad pa bzhin du bskul ba dang/ zhes pa sa bon ltag 'og bsnar cing dgod pa dang/ /bskul ba dag kyang snga ma dang 'dra bar bya'o/ /snga ma'i las ni byed par 'gyur/ zhes pa zhi ba'i las tha mar bar sngar bsgrubs te/ ma grub pa de zhi ba dag la gang gsungs pa/ zhes pa zhi ba dang rgyas pa gnyis spyi'i las kyi mtshan nyid gcig par yang bshad de/ /rgyas pa dag la'ang de bzhin bya zhes pa la zhi ba dag gi las bya ba bzhin du rgyas pa dag gi las kyang 'og nas 'byung ba bzhin du bya'o/ /bcu gnyis pa la gnas su zhes pa rtsibs bcu gnyis pa'i gnas la'o/ /de yi sa bon bskul ba byas/ zhes pa rgyas pa'i sngags kyang snga ma bzhin du bya zhes pa'o/ /bdag gi mthu rtsal gnon brtag pa la zhes pa lha'i sku bsgoms pas rgyas pa'i las bya'o/ /sa bon zung mar sbyar ba yis/ zhes pa yi ge gong ma'i 'bru drug po'i zung ma tha mal pa dang/ 'og ma'i 'bru drug po drag par phul ba zung du byas pa de nyid zung ltag 'og bsnor te sbyar bas bya'o/ /sa bon mthu ni 'bar ba can/ zhes pa gong ma'i yi ge drug po'i zung tha mal pa'i gong du 'og ma'i yi ge 'bru drug phyag tu phul ba'i zung ma bzhag pas/ tha mal ba'i zung ma bskul bas gzi brjid can dang mthu cad du 'gyur ba'i don to/ /'khor lo bkod ba'i las rnams ni/ sngar gsungs pa dag grub

  775. 388a

    phyir bya/ zhes ba rtsibs bcu gnyis pa la sngags bkod pa'i las rnams las drug pa rnams tha mal bar bsgrubs te/ ma grub par gyur na gdod phyir bzlog pa'i sngags kyi cho ga 'di las de dag 'grub par bya ba'i phyir sbyar ba'i tha tshig go /de ltar khro bo'i 'khor lo ni/ /zhes pa 'di ni khro bo'i rgyal po nyid kyi 'khor lo yi/ cho gar bcas pa rgyas pa dag ces pa 'khor lo'i rtsibs la sngags bris pa dang/ las drug po de dag byed pa'i tshe na stangs stabs dang/ gzugs brnyan bya ba la sogs pa'o/ /gsang ba bskul mar bcas pa yis/ /shes zung ltag 'og bsnor ba pa las bya ba pa ma'i skul ba'i tshig la yang bya'o/ /sa bon zung ma bskul ba gang? zhes pa'i yi ge 'bru drug po'i zung ma tha ma'i skul bar byed pa gang yin pa de ni/ 'og ma'i yi ge 'bru drug po drag por bskul la zung mas skul bar byed pa'o/ /gnyis pa rab tu bsgrags pa yang/ /de 'dir sa bon gnyis pa yis/ zhes pa 'og ma'i yi ge 'bru drug po drag tu phul ba'i zung gnyis gnyis su byas te sbyar ba ni gnyis pa'o/ /myur du 'grub par 'gyur ba bshad ces pa de ltar 'dir 'og ma'i yi ge 'bru drug po drag tu phul ba'i zung mas gong ma'i yi ge zung ma la bskul bas las rnams sbyar na ring por mi thogs par 'grub par bshad do/ /tha ma'i sa bon thams cad la/ phul bas tshig gnyis rtag tu sbyar/ zhes pa 'og ma'i yi ge 'bru drug po drag tu phul ba'i tshe tsheg drag gnyis gnyis sbyar ro/ /de ltar tsheg drag po gnyis phul ba yang 'og nas bshad de/ de la gong ma'i yi ge 'bru drug po'i zung dang/ 'og ma'i yi ge 'bru drug po'i zung ma ma gnyis ltag 'og bsnor ba'i zung ma gong

  776. 388b

    ma shes kyi yi ge 'bru gnyis po de'i zung mar mi bya bar tsheg drag po gnyis gnyis kyis bcad pas na yang cher 'gyur ba'i don to/ /zung ma zung ma'i tshig 'di la/ zhes pa arya shi len+d+ra'i rgya gar gyi yi ge las 'di skad du 'byung ste/ bsgyur ba 'di ni gong ma'i 'bru drug po'i zung dang 'og ma'i yi ge 'bru drug po'i zung du byas pa de ltag 'og bsnor ba'i gong zung de/ zung ma yin par bya ba'i don to/ gong ma'i zung na yi ge 'bru gnyis tsheg drag po gnyis kyis drag du phul bas na gong ma'i zung de zung ma yin pa'i tshig tu 'gyur ro/ /tha ma dag la ma yin no/ /zhes pa de ltar zung gnyis po de zung ltag 'og bsnor zin pa'i 'og ma'i zung tsheg drag po mi gzhug ces pa'o/ /zung ma zung ma'i tshig 'di la/ /zhes pa la sogs pa 'di yang don du na zung gnyis gnyis po de ltag 'og bsnor zin pa'i gong ma'i zung la tsheg drag po gnyis gnyis kyis drag tu phul te bsnor ba'i 'og ma'i zung la tsheg drag pos mi dbul zhes pa'i don to/ /'dza' ma'i rgya gar gyi yi ge las tshig 'di skad du 'byung ste bsgyur ba ni 'di'o/ /de bas na rgya gar gyi yi ge sum char gyi mthun par 'byung bas na/ gcig kho na ltar 'jug bgrang ste ma bshad kyi/ sngar bsgyur ba'i dkyus pas kyang/ ma bcos bar so so ru bzhag go/ rgya gar gyi yi ge gnyis las ci 'byung ba yang 'phral du bsgyur nas bshad pa yin no/ /khro bo'i rgyal po'i dngos grub thob/ ces pa las drug pa'i dngos grub thob par 'gyur ba'i don to/ /zhi ba dang rgyas pa dang/ byed pa'i tshe bskul ba'i tshig kar la ba na zhes bya ba dag gzhug par mi rigs so zhe na/ slob dpon chen po pra ti war+Na tsanda'i pindan+ta'i nang nas thams cad la sbyar bar bya ba lung las 'byung ngo/ /dbang la yi ge kha dog dmar por bya bar

  777. 389a

    bshad pa dang/ mkhan pa dang/ bskrad pa dang/ bsad pa gsum 'dra ste/ sngags kyi yi ge kha dog sngon por bsam pa dang/ zhi ba dang rgyas pa kha dog ser po dang dkar por bshad pa'i lus drug po de dag so sor 'byed pa'i tshe/ /yid la sngags kyi 'bru nyid mi bsam par brjod pa'i tshe/ sngags kyi yi ge'i kha dog de 'dra bar so sor bsams te las bya'o/ /yang na nyi ma'i dkyil 'khor dang zla ba'i dkyil 'khor dag la sngags de dag phreng bar so so'i kha dog bzhin du bkod la so so'i las la bzlas brjod byar yang rung ngo/ /zhi rgyas dag la chu'i dkyil 'khor dang/ dbang chen gyi dkyil 'khor la sbyar bar rigs na/ de'i skabs su las rnam bzhi dag byed na nyi ma zla ba la spyi'i rgyud dang mthun par so so'i kha dog tshang bar ma gsungs pas 'dir ji skad gsungs pa bzhin du khro bo sngon pa'i rang bzhin du gnas pas las thams cad bsgrub bo// yang na spyi'i rgyud dang sbyar te kha dog so sor 'chang bar sbyor te las byar rung ngo/ /da ni mi shes na nyes dmigs su 'gyur ba bstan pa'i phyir/ khro bo'i 'khor lo'i gsang ba 'di zhes pa la sogs pa smos so/ /mi shes par ni gang sbyor ba/ zhes pa 'khor lo'i mtshan nyid mi shes pa yang/ de 'di dngos grub mi thob kyi zhes pa/ ma shes bzhin du mun sprul du byed pa de/ rgyud 'di las mi 'thob bo/ /zhes bshad de/ myur du smyo ba thob par 'gyur/ zhes pa mi shes bzhin sbyor ba 'dis zhes pa'o/ /da ni spyi'i sa bon dgod pa'i go rims bshad de/ ma mai/ mA mI/ mU mU/ drug rnams kyi zhes pa'o/ /gong du bshad pa rnams kyi mjug sdud pa'i

  778. 389b

    tshig ste/ de la dang po yi ge drug po rnams go rims bzhin du zung du byas pa rnams kyis ni dbang la sogs pa'i las drug po 'di dag bsgrub bo/ /de ltar zung mar bya ba ni gong du bshad pa'i don to/ /bskrad dang zhi dang rgyas pa'i mdza' / /zhes pa mjug rgyas pa'i mdza' par la thug pa'i lam drug po de dag sngags pas de ltar spyad pa dang/ 'grub par bya ste/ mkhas pa de dag gis bsgrub par bya zhes pa'i don to/ /de dag nyid las bzlog pa yis zhes pa gong ma'i yi ge 'bru drug po zung du byas pa dang/ 'og ma'i yi ge 'bru drug po zung du byas te drag po'i tshig gis phul nas zung ltag 'og bsnor te bkod pa ni gong ma'i yi ge 'bru gnyis pos 'og ma'i yi ge zung bskul bas las rnams myur du 'grub pa'i don to/ /de ltar yi ge bzlog pa las bya ba 'di yang sngar rim bzhin? yi ge tha mal pa'i zung gis las drug po de dag ma grub par gyur na gdod yi ge bzlog pa'i tshul 'di las bsgrubs te ma grub pa'i las rnams bya'i/ /gyin? myur du 'grub ces te/ sngar dang po ni yi ge bzlog pas las drug po dag bsgrub par mi bya'o/ /zung ma las sngar bsgrubs te/ ma grub na gdod yi ge bzlog pa 'dis bsgrub par bya'i/ /sngar dang por yi ger bzlog pa 'dis las bsgrub par mi bya ba ni ma grub na ste gzhan du min/ zhes pa'i don to/ /de la mU mu mi mi me zhes 'og ma'i yi ge 'bru drug po 'di zung du byas pa dang/ gong ma'i yi ge 'bru drug zung du sbyar ba gnyis zung ltag 'og bsnor te bzlog pa'i yi ge 'dis/ mjug tu rgyas pa'i mdza' ba ral thug pa'i las drug po de dag bzlog pa 'dis bsgrub par bya'o/ /'khor lo rtsibs kyi gnas ni/ zhes pa 'khor lo'i rtsibs bcu gnyis pa'i gnas kyi mig mig rnams su dam tshig dang snying po A dang hUM dgod pa dang/ yi ge tha mal pa zung dang zung ltag

  779. 390a

    'og bsnor ba rnams dgod pa de dag rtsibs kyi gnas kyi mig mig rnams su sbyar ba dgod do/ /de bzhin 'khor lo'i nang du yang/ /khro bo'i sku mchog sa bon ni/ /zhes pa 'khor lo'i rtsibs gnyis pa bar ma/ khro bo'i sa bon yi ge hUM bzhag nas de'i 'jug thogs nyid du khro bo'i sngags kyi snying po la drug dgod par bya'o/ /bzhag nas tshig gi tha mar yang/ /zhes pa rgya gar gyi yi ge kha cig las hUM gi drung du ma ma zhes bya ba'i sngags bris la la drug ma mi gnas su bzhag la de nas bskul ba'i tshig gzhug pa'i skad du 'byung ba yang yod de/ 'di mi reg/ te pra ti wan tsan dra'i bin dar ta'i lung las sngar bshad pa bzhin du 'byung bas de ltar bya ba'i rigs zhes bshad do/ / khro bo'i dril bu 'khrol ba dgod/ /'khor lo'i mu ran bar dag tu/ zhes pa phyi'i mu ran gyi rim gcig bya ba rigs pa 'dra me kha gsum du byas pa'i 'khor lo'i rtsibs bcu gnyis pa'i gnas kyi mig tu tha ma'i nang du sngags ma ma 'dra? ba lta bur zung du re re dgod pa'i mjug thogs su bskul ba'i gra sa gra sa ka ra la ba dan la sogs pa bskul ba'i tshig bcug la bya'o/ /zung zhig zhes pa gra sa gra sa dgod pa'o/ /'khor lo rtsibs bcu gnyis pa'i gnas kyi mig mig rnams su dang por a dang hUM dang/ ma ma zung du byas pa dgod pa'i sngags rnams la gnas par bya ste/ mkhas pas 'khor lo'i mig gi nang/ sa bon dgod pa rnams la gnas/ zhes pa'i don to/ /khro bo'i 'khor lo bsgrags pa ni/ zhes pa 'di ni khro bo'i 'khor lo bshad do/ /bshad pa'i tshul gyi tshe bzhi/ /shes nas ji skad bshad pa yi/ /dngos grub rnams ni thob par 'gyur/ zhes pa 'khor lo'i sngags dgod pa'i mtshan nyid gong du bshad pa'i kun shes te/ bsgrub bo/ /ji skad

  780. 390b

    bshad pa bzhin shes te bsgrubs na/ ji skad bshad pa'i las drug po dag gi dngos grub rnams thob gar 'gyur ro zhes pa'i don to/ /da ni tsham ngam bshad de/ dngos grub tshul bzhin thob 'gyur ba/ zhes pa la sogs pa smos so// de'i sbyor ba'ang bshad par bya/ /thog mar phyag rgya bcings nas su/ /zhes pa sngags rnams bsnor ba 'am/ bzlog pa'i las drug pa ji skad bshad pa'i tshul bzhin du bsgrub par 'gyur ba'i tsham ngam ste/ sngags de'i sbyor ba yang bshad par bya'o zhes so/ /tsham ngam 'di drug byed pa'i dang por be con gyi phyag rgya bcings te/ gdod de'i 'og tu tsham ngam sbyor ba bya'o/ /tsham ngam stangs stabs sam/ /'phen stangs sam thabs sam gang la gzas pa'i tshul yang a she ba zhes bya ba 'di dag kyang sngags bsnor ba 'am bzlog pa'i las drug la tsham ngam 'di drug la rim bzhin du sbyar te/ las bsgrubs na ji skad bshad pa'i las drug po de dag 'grub par 'gyur ro/ /rims bzhin du tha mal bar ma bsgrubs pa'i las drug po las ni a shog 'di dag khro bo'i tshul yin pas na mi sbyor ro/ /de bas na bsnor ba'i las drug po la sbyar ro/ /sku las su ni sku bsgyur te zhes pa dang por de bzhin gshegs pa'i dam tshig gi phyag rgya rnams bcings te/ de'i 'og tu dngos po stong par bsgom pa dang nyi ma'i dkyil 'khor la snying po hUM bsam pa ni sku'o/ /hUM de las rim gyis bskur bsgyur ro zhes pa'i don to/ /las rnams tshul bzhin mthong ba yis/ zhes pa sngags bsnor ba 'am bzlog pa'i las drug zhes pa'o/ /sbyor ba dag ni legs par byas zhes pa tsham ngam gyi sbyor ba de dag legs par bya'o/ zhes pa'o/ /gdong dang kha mig rkang pa mnyam zhes pa gdong dang kha dang/ mig dang/ rkang pa dag tha mal pa'i tshul du bsgyur cing bsgom mo/ /rkang pa gnyis kyi bar

  781. 391a

    du gung mo mtho gang bya'o/ /snying yang de bzhin rab tu dga' zhes bsgrub pa'i sems der bya'o/ /gang dbang du bya ba la bya'o/ /gang la bya ba'i dngos po de la bzas pa 'am zhes pa'i lung dang man ngag sems kyis gtad pa la ya a ga she zhes bya'o/ /tshul 'di ltar gnas te las byed pa yar tsham ngam zhes bya'o/ /dbang du bya ba'i sngags gsung pa zhes pa 'khor lo'i rtsibs kyi gnas las dbang du bya ba'i sngags gsungs pa de sems rtse gcig pas bsgrub bo// dbang du byed pa'i tshe yang lag pa g.yas pa be con gyi phyag rgya bcings te phyar la/ lag pa g.yon pas khro bo'i mdzub mo brang du bsgreng ste las bya'o/ /las zin pa'i 'og tu lag pa gnyis khar thabs su sbyar te/ lte ba khung gi thad kar dgrol lo/ /de bzhin du mkhon pa dang/ gsad pa dang gnyi ga yang btang te zin pa'i rjes la gang thabs su ni mkhon pa'i ni g.yon pa'i lte zur du dgrol lo/ /bsad pa'i g.yas pa'i lte zur du dgrol lo/ /'di dag ni slob dpon gyi lung ngo/ /phyag rgya bcings te las bya ba ni snga ma bzhin 'bad par bya'o/ /rkang pa ya gcig thur du bzhag ces pa rkang pa gnyis snga ma bzhin bzhag pa las rkang pa g.yas pa'i rtse mo sa la btsugs te bteg go /gdong dang nu 'jing gcus te gnon zhes pa/ gdong dang chu 'jing g.yon phyogs su bcus te/ gnas pa la bya'o/ /kha dang mig ni ya gcig btsums zhes pa g.yon la sogs pa kha phyed btsums pa'i tshul du byas pa dang/ g.yon pa'i mig kyang btsums pa la bya'o/ /tsham ngam gnon pa chen pos bya zhes pa thu rtsal dang ldan pa dpa' bo chen po'i tshul du gnas par bya'o/ /be con la ni mig gnyis blta/ zhes pa mkhon par bya ba 'di la khro bo'i mdzub mo dang be con gyi phyag rgya bcings te/ las bya ba ni snga ma bzhin no/ /mig g.yas phye bas

  782. 391b

    be con gyi phyag rgya bcings pa la blta bar bya'o/ /bsgrub par bya bsgrub pa la 'bad ces pa mkhon par bya ba la sems rtse gcig tu gtad pas 'bad ces pa'o/ /gang dbye bar 'dod pa gnyis zhes pa dbye bar 'dod pa gnyis phan tshun dbye bar 'dod pa la 'bad cing brtson par bya ba ste/ de dag dbye ba brtsams par bya zhes pa'o/ /rkang pa gnyis pa bteg pa yi/ zhes pa rkang pa g.yas pa gyen du bteg nas tsham ngam byas pa slar yang bzhag ces pa gdangs pa'i tshul du tsham ngam byas pa des slar sa la bzhag par bya ba ni g.yas brkyang pa'i tshul du gnas par bya'o/ /phyag rgya bcings nas su/ khros par lta zhing yid kyang khros zhes pa bzhin yang khro gnyer can du bya'o/ /khro bo'i mdzub mo dang be con gyis phyag rgya gnyis bcings te sbyar la bza' o/ /khro bo'i lta ba la yang bya zhing yid kyang khro bor bya'o/ /rab tu dpa' ba sran dang bcas/ /rtsal gyis gnon par rab tu 'dul/ /zhes pa mthu rtsal chen po dang/ dpa' bo cis kyang mi zlogs pa'i sran dang bcas pa'i tshul du gnas par bya'o/ /sngags sngon bzhin sngags tshul gnas/ /gang 'dod pa ni gzhom par bya/ /zhes pa sngar bshad pa bzhin du khro bo'i sku yang bsgyur zhing 'khor lo'i rtsibs kyi gnas gsum po'i sngags pa yang tshul bzhin du gnas te sgrub pa pos gang 'dod pa de gsad par bya'o zhes pa'o/ /drag shul can brkyang ste bzhag ces pa g.yon brkyang pa'i tshul du gnas par bya'o/ /bzur te 'dug pa'i tshul du gnas/ /zhes pa g.yas logs su bzur ba'i tshul du gnas par bya'o/ /gdong yang yon por bsgyur bar bya zhes pa g.yas logs su gdong yang bcus te gnas par bya'o/ /mdzub mo bsgrengs te gdengs pa dang zhes pa brad du bsgreng zhes pa'o/ /g.yas pa be con phyag rgya dag gis bsdigs zhes pa'o/ /de nas rkang pa mnyam par bzhag ces pa rkang pa gnyis kyi

  783. 392a

    bar du gung mo mtho gang gi rab tu bzhag go /yan lag g.yas pa mtho bar bya/ /zhes pa lag pa g.yas pa be con gyi phyag rgya bcings te mtho bar phyar la dpung pa bstod do/ /dpal dang ldan zhing zhes sngags pa'i yon tan la bya'o/ /g.yon pa smad ces pa g.yon logs kyi dpung pa smad do/ /zhi bar 'dod na zhi bar 'gyur zhes tshul de ltar gnas pa zhi bar las bsgrubs pas zhi bar 'gyur ro/ /phyed ni dma' bar bkug ste/ gnas zhes pa rkang ba g.yas tsham ngam byed pa nyid cung zad tsam pa bkug pa'i tshul du gnas pa ni phyed dma' bar bkug pa ste de ni tsham ngam mo/ /rkang pa g.yas pa tsham ngam byed/ ces pa g.yas logs dma' bar bya zhes pa'o/ /sngags tshul gnas pas bsgribs na ni zhes pa sngags bsnor ba'i 'khor lo rtsibs drug pa'i gnas la sngags bris pa la gnas te/ zhes pa'o/ /rgyas par 'dod na thob par 'gyur zhes pa tshul 'di ltar gnas pas rgyas pa'i las byas na rgyas par 'gyur ro zhes pa'o/ /slar yang de bzhin shes bya ba/ /bzlog ste bya yi gzhan du min/ zhes pa 'di ni tshig gi rgyan tsam du zad de sngags bsnor ba'am/ bzlog pa'i las drug po la tsham ngam 'di drug rim bzhin du sbyar bar bya'o/ /gzhan la ni mi sbyor ro/ /tshigs bcad gong ma dang sbyar na snga ma'i las tha mal drug po la sbyar bskad du bshad de/ tsham ngam 'di dag drag po la sbyar bar rigs shes kha gcig 'chad do/ /bsgrub pa bdag nyid chen po yi zhes pa sgrub pa'i yon tan dang ldan pa de'i zhi bar 'gyur zhes pa'o/ tsham ngam rim drug gsungs pa/ zhes pa las drug la go rims bzhin du tsham ngam drug gsungs pa/ dang po'i ming ni legs par phyogs zhes pa dbang gi las kyi tsham ngam dang por gsungs pa de'i ming ni legs par phyogs zhes bya ste gang dbang du bya ba

  784. 392b

    de bdag la phyogs shing dga' bar bya ba bsgrub pa'i phyir tsham ngam de'i ming yang de skad ces bya ste/ tsham ngam ma 'di drug char gyi ming las kyi don dang/ rjes su mthun pa'i mtshan nyid can sha stag go /de yi 'og ma rgyab kyis phyogs zhes pa mkhon par bya ba'i tsham ngam gyi ming khro bo can zhes pa gsad pa'i tsham ngam gyi ming ngo/ /bzhi pa'i mdzub mo bsgreng pa yin/ zhes pa skrad par bya ba'i tsham ngam gyi ming ngo/ /lnga pa la ni stobs shes bya zhes bzhi bar bya ba'i tsham ngam gyi ming ngo/ /drug pa stobs po che zhes bya zhes pa rgyas par bya ba'i tsham ngam gyi ming ngo/ /'di rnams tsham ngam ma drug tu bsgrags zhes pa 'di gni tsham ngam drug tu bsgrags pa yin no/ /da ni 'khor lo'i phan yon bsngags shes bshad pa'i phyir/ tsham ngam gdangs pa byas pa yin zhes pa la sogs pa smos so/ /tsham ngam gdangs pa byas pa yin/ dgra bo'i 'khor rnams g.yeng spyo ba/ zhes pa gang la bya ba'i don de la gzas pa 'am zhen pa 'am lus dang/ sems kyis gtad pa'i tshul lta bu la yang a she zhes bya ste/ de lta bu'i tshul gyi byas pa yis zhes pa'o/ /'khor lo'i cho ga la goms par byed pas zhes pa 'khor lor gsungs pa'i sngags rnams las zhes pa'o/ /rab tu gsang ba'i rgyud 'di dkon zhes pa rgyud 'di nyid la bya'o/ khro bo rnam par rgyal ba 'di zhes pa khro bo chen po nyid bya'o/ /gsang ba'i rtog pa bzang po 'di/ /kun tu dngos grub kun sbyin pa/ /zhes pa dka' thub dang brtul zhugs dang/ khrus dang bzlas brjod la sogs pa bya mi dgos par sems kyi rnal 'byor byas ba tsam gyis dngos grub kun stsol bar mdzad pa'i gsang ba'i rtog pa de bas so/ /'khor lo 'di ni shin tu dkon/ zhes pa 'khor lo gsum pa'i las 'di ni/ /hom dang bzlas pa yong mi dgos zhes pa'o/ /bsam gtan pa'ang mi dgos te/ /zhes pa bsam

  785. 393a

    gtan lhur byas pas/ gang la 'khor lo 'ba' zhig yod/ /gang gsungs pa yi dngos nas ni/ /zhes pa 'khor lor gsungs pa'i las gang bsgrub pa'i sngags la gnas na ring por mi thogs par de 'grub bo zhes pa'i don to/ /de bas 'di ni gsang byas nas zhes pa 'khor lo 'di ni gsang byas na/ thams cad sgrub pa'i sgrub pa pos zhes pa las drug 'grub ces pa'o/ /khro bo rnam par rgyal ba 'jam dpal gyi rtsa ba'i rtog pa las/ gsang ba'i rtog pa gnyis pa'i bshad pa rdzogs so// //gong du sngar yi ge bcu bdun pa dang bcu gsum pa dang yi ge bzhi bcu rtsa gsum pa dang bcu gcig pa dang 'khor lor gsungs pa'i sngags la sogs pa'i las bshad nas gsang ba'i rtog par gtogs pa'i le'u gsum pa 'dir yang gong du sngar bshad pa rnams las tha dad du gyur pa'i yi ge 'bru gsum las las mang po sgrub pa de 'chad de/ de yang don gyi dbye ba rnam pa bzhis bstan te/ de la gleng bslang ba zhes bya ba dang/ gsang sngags bstan pa'i mtshan nyid dang/ /sngon du bsnyen pa bya ba'i cho ga dang/ sngon du bsnyen pa byas nas phyis las mang po bya ba rnams kyis bstan te/ /da ni gleng bslang pa zhes bya ba bshad pa'i phyir khro bo'i rgyal po'i dngos grub 'di gsungs so/ /khro bo'i rgyal po'i dngos grub ni zhes pa khro bo'i rgyal po chen po las mang po sna tshogs pa 'og nas 'byung ba rnams kyang yi ge 'bru gsum pa'i mthus thogs pa med par 'grub par 'gyur ba de yang yi ge 'bru gsum pas bsgrubs na sngar gong du bshad pa rnams las tha dad pa zhes bya ste/ sngags pa bsgrub par 'dod na/ dang po sngags pa'i cho ga'i mchog de tshul bzhin du sngar sbyang/ de'i 'og tu 'og nas bshad pa'i las mang po de dag bsgrub

  786. 393b

    na/ de bzhin du 'grub par 'gyur zhes so/ /rab tu gsang ba'i sngags 'di ni/ /btung ba gang rnams sngar gsungs pa/ /re zhig de yi mtshan nyid dang/ /gzhan dag 'dir ni bshad par bya/ /zhes pa yi ge 'bru gsum po dang 'brel bar bya ba grangs su gtogs pa'i yi ge bcu bdun po'i sngags dang bcu gsum po'i sngags dang/ bzhi bcu rtsa gsum po la sogs pa'i sngags rnams btus te gang gsungs pa'i rnams kyi de'i mtshan nyid kyi gong ma las gzhan pa dag bshad par bya'o zhes pa'i don to/ /da ni gsang sngags btu ba zhes pa bshad pa'i phyir/ /de yi las ni gang gsungs pa/ /zhes pa la sogs pa smos so/ /de yi las ni gang gsungs pa/ gang dag phyis kyang sgrags 'gyur ba/ /dpa' bo gcig pu 'ba' zhig gis/ /zhes pa yi ge 'bru gsum pa'i grangs su gtogs pa'i yi ge 'bru gsum po'i las sngar gong du gsungs pa'i rnams 'og nas las mang po bshad pa rnams so/ /dpa' bo zhes pa sngags kyi yon tan te/ de yang sngags gzhan dang ma 'das pa'i yi ge 'bru gsum po'o/ /thams cad de nyid gzhan min zhes pa yi ge 'bru gsum po de yang sbyor ba'am rdzogs pa nyid yin te ma changs ba 'am nyams pa ni ma yin no/ /thams cad du yang bshad pa yin/ zhes pa yi ge 'bru gsum po de yang 'byor pa 'am rdzogs par bshad par bya'o/ / zhes pa'i don to/ /sngags de las rnams kun byed pa'o/ /zhes pa yi ge 'bru gsum po'i sngags de'i 'og nas 'byung ba'i las mang po kun byed pa'o/ /rgyud las dngos grub gang gsungs pa/ zhes pa rgyud 'di las dngos grub gang gsungs pa zhes pa'o// dpa' bo gcig pa'i mthus kyang 'grub ces pa yi ge gzhan du ma 'brel ba'i yi ge 'bru gsum po gcig bu'i mthus 'grub bo/ /da ni gsang sngags btu ba'i mtshan nyid bshad de/ oM ni de yi thog ma ste/ bde bar gshegs pa'i dam tshig yin/ zhes pa

  787. 394a

    yi ge 'bru gsum po de'i thog ma zhes bya ba'i don de 'bru gsum po de'i thog ma la/ oM 'byung ba ni dam tshig yin no/ /thog ma yi ni gnyis pa yin/ /drag po'i tshig gis phul ba'i las zhes pa dang po'i oM gtogs? par gnyis pa yang drag po'i tshig gnyis phul pa'i A(rgyud 'grel): bzhag go zhes pa'o/ /sngags kyi yi ge phreng bkod la/ /sngags rnams thams cad gsal byed pas zhes pa A(rgyud 'grel): de'i mthu dang gzi byin lhag 'og gi sngags phreng ba bkod pa'i tshul du gnas pa'i sngags thams cad mthu can du 'gyur zhing yongs su rdzogs pa dang/ gsal bar ston pa yin zhes pa'o/ /khro bo'i rgyal po'i snying po ni/ /gsum po de nas sbyar bar bya zhes pa gong ma'i gnyis po gtogs par gsum par sbyar te de ltar yi ge 'bru gsum mo/ /de nas khro bo'i rgyal po yi/ /sku ni de yi 'og tu brtag/ ces spyi bor yi ge oM/ /bar yi ge A(rgyud 'grel): snying gar yi ge hUM bsam pa las khro bo'i skur bskyed de bsgom mo zhes bshad do/ /sngags pas sngags kun gyi mtshan zhes pa yi ge 'bru gsum pa'i sngags kyi mtshan nyid de ltar shes par bya'o/ /zhes pa'i don to/ /da ni sngon du bsnyen pa bya ba'i cho ga bshad pa'i phyir/ thogs pa med pa'i sngags rnams ni/ zhes pa la sogs pa smos so/ /bdag nyid chen po thams cad kyis/ zhes pa sngags kyi yon tan te yi ge 'bru gsum pa'o/ /bsrung ba la sogs pa'i las rnams kun zhes pa bskrad pa dang/ mtshams gcad pa dag bya zhes pa'o/ /go rims bshad pa bzhin du bya zhes pa 'og nas 'byung ba'i go rims bzhin du las bya'o/ /thams cad bdag nyid chen po 'dis zhes pa sngags kyi yon tan la bya ste/ yi ge 'bru gsum po be con gyi phyag rgya dang ldan pas bsrung ba dag ni byas nas su zhes pa'o/ /sngon gyi tshul bzhin rab dben par/ /ri mo

  788. 394b

    yi ni mchog bzhag nas/ /zhes pa sngon du bshad pa'i phyag lnga bcu po'i ri mo'i sku gzugs nyid de/ de yang cho ga bzhin du bris nas rgyu 'grul med pa'i gnas dben pa'i ri mo mchog ste/ bzhag nas ji skad du sngar gsungs pa'i cho ga'i mchod pas mchod par bya'o/ /nyin re me tog phreng ba la/ zhes pa ma la'i phreng ba sku la gsol zhing mchod do/ /lan bdun bzlas pa rnams kyis mchod ces pa 'bru gsum po'i sngags kyis me tog phreng ba la bzlas la mchod ces pa'o/ /me tog dmar po/ 'bus pa zhes pa/ kha 'bus ma khad la bya'o/ /ri mo la ni phog par dbul zhes pa yi ge 'bru gsum po bzlos shing dbul zhes pa'o/ /cho ga 'di yis dus gsum du/ zhes pa cho ga de lta bus nyin gcig kyang dus gsum du zla ba gcig tsA byas na ni/ khro bo mngon sum mnyes gyur nas/ /zhes pa nyid thor ma yin par bdag gis mnyes par gyur nas rmi lam du ni dngos grub bdag la stsol cig bka' stsal to/ /rmi lam du dngos grub ster zhes pa'o/ /cho ga 'di ltar sngar byas na/ gang 'dod pa yi dgos pa dag/ de tshe gdon mi za bar 'grub/ ces pa gong du smos pa lta bu'i cho ga 'di sngar spyad nas/ de'i 'og tu gang 'dod pa'i las rnams bsgrubs na the tshom med par 'grub par 'gyur ro/ /de dag ni gong du bsnyen pa bya ba'i cho ga mchog bshad pa'o// da ni gong du bsnyen pa byas nas phyis las mang po zhes bya ba bshad de/ da ni cho ga mchog bshad do/ zhes pa'o/ /da ni gong du bsnyen par bya ba'i cho ga bshad do/ de ltar zla gcig mnyes byas nas/ zhes pa sngar bshad pa'i cho ga bzhin du byas nas zhes pa'o/ /sngags pas las rnams gang bya ba de yi cho ga mdor bsdus nas/ zhes pa rgyud chen po las bsdus nas de ni legs par bshad par bya zhes pa'o/ /gnas dang 'gro dang

  789. 395a

    sbyar ba yi/ zhes pa 'bras bu'i rtsa ba la sogs pa'i dug go/ sbyar zhes pa ni ched du sbyar ba'i dug go ces pa'o/ /dug ni rnam pa gsum dag dang zhes pa 'di dag las kyang sos par byed nus so// bdag gis byas pa'i phyag rgya sngags/ /zhes pa bdag gis phyag rgya dang/ sngags la sogs pa'i sbyor ba byas pa de dag gzhan gyis mi shes shing mi 'gyur bar brtan par bya ba'i phyir sngags lan cig brjod pa tsam gyis bsrung ngo// yid la bsams pa tsam gyis kyang zhes pa lhag 'og gnyis ka'i las byed do/ /gzhan dag gis yang gcod par byed ces pa pha rol po'i/ /rig sngags bdag la gnod par byed pa yang gcod par byed do/ /bzhi pa'i rims la sogs pa yang zhes pa lnga pa drug pa bdun pa'i rims la sogs pa dag ces pa'o/ /ma dang byis pa'i gdon rnams drag ces pa mdun gyi to ta ma li'i nang nas byis pa la gdon pa'i ming gis smos pa lta bu zhi bar byed do/ /bdag dgar phab nas dgos pa'i don zhes pa gdon de dag kyang gang la dbab pa'i mi de'i spyi bor bral ba 'am/ sa gtor cing bsngags brjod de phab dgos pa'i don rnams dri bar bya zhing sngags pa ci 'dod pa'i don rnams bsgo ba de bzhin du byed do/ /yid la bsam pa de las thar/ /zhes pa de ltar phab nas slar btang ba yang yid la bams pa tsam gyis thar bar yang 'gyur zhes pa'o/ /rdo la lan gsum bzlas pa'i tshe zhes pa chu la rgal ba'i tshe/ chu'i nang du por na chu srin b+hu b+hi la sogs pa zhes pa chu'i nang ni bgegs rnams chu las gsal ba mchog tu 'gyur zhes pa 'chu bgags rnams zhes pa'o/ /lam la rkun po 'jigs pa med ces pa lam du zhugs te/ 'gro ba'i tshe 'jigs pa med par ces pa'o/ /sngags

  790. 395b

    kyi spyi gtsug bcings nas ni zhes pa lag pa g.yas pas bdag gi spyi gtsug mdud pa dor zhing sngags brjod de/ /de ltar byas nas yang rgyal po khros pa yang bdag gi dbang du 'gyur na ma khros pa lta ci smos te/ rgyal po khros pa'ang myur bar rab tu zhes pa'i don to/ /yid la dran zhing bzlas byas na/ zhes pa sngags bzlas zhes pa'o/ /mi bde nyams thag gyur pa la/ /sngags ni myur bran brjod par bya/ zhes pa 'gral du myur du nyams thag pa ni brtung ba byung ba la'o/ /myur ba'i tshig ni gnyis gar sbyar zhes pa'o/ /sprin dag gnang par bya ba 'am/ zhes pa sprin gyes pa dgag par bya ba la'o/ /'dod bzhin myur du slar bzlog ces pas ji ltar 'dod pa bzhin du myur du char yang gcod par byed do/ /dbyug pa'i phyag rgya grub par byed ces pa de yang be con gyi phyag rgya'o/ /yid kyi sprin rnams brdab par bya zhes pa sprin gang 'khrug cing 'thab pa las lcags dang/ ser pa dbab pa'i sprin dag las sems kyis/ sdigs pa 'am dral bar bya zhing bsam zhing las bya'o/ /myur du rnam par gdags pa bya zhes pa gnam lcags dar sar ba gcad cing med par bya ba'i don to/ /rnam pa de nyid ces pa gong du bshad pa de dag gis zhes pa'o/ /sbyor ba mkhas pas ci 'dod par zhes pa sbyor ba mkhas pa'i sngags mkhan dag gis bdag nyid ji ltar 'dod pa'i sbyor ba dag gis char pa dag bcad par bya ba ni/ tshar pa dag kyang bcad par bya zhes pa'o/ /gos ni sngon po bgos nas su/ zhes pa yo byad thams cad char sprin gyi kha dog dang sbyor/ /khor khor yug bsrung byas nas/ zhes pa sngags dang phyag rgyas mtshams bcad de zhes pa'o/ /ming pa tsam du chur 'dug ste/ zhes pa sngags pa nyid 'dug ces pa'o/ /nyin gsum legs par bzlas par bya'o/ /zhes pa gsum dus gsum du bzlas zhes pa'o/ /brgya byin gyis ni sprin bsdus nas zhes pa brgya

  791. 396a

    byin gyis klu la bka' stsal nas bsdus te char 'bebs so/ /nyi ma la ni mngon phyogs nas zhes pa bsgrubs pa po ni kha nyi ma la bltas te nyin re rtag tu bzlas byas na zhes pa/ nyin gcig kyang dus gsum du bzlas zhes pa'o/ /nang snying de nas med par 'gyur zhes pa nad rnying gcod can dag zhi bar zhes pa'o/ /rgyal po 'ang de'i chung ma 'ang rung zhes pa rgyal po'i btsun mo/ /yungs kar dkar po bzang po las zhes pa yungs kar btags pa las so/ /gang gi ming smos nyin bdun du/ zhes pa rgyal po'i btsun mo gang dbang du bya ba de'i ming ngo/ /de ni myur tshe gang 'dis zhes pa/ gang dbang du bya ba de ban bzhin du ni dbang du 'gyur zhes pa'o/ /de ming rigs dag ni dbang du 'gyur zhes pa dbang du bya ba kun 'dra ste snga ma bzhin du gzugs kyi steng du 'dug nas sngags bzlas so/ /bzlas na rje'u rigs 'dod pa bzhin/ zhes pa snga ma bzhin du bzlas zhes pa'o/ /zhag gsum zhes pa bsnyung bar gnas pa'o/ /bzlas pa cho ga bzhin bshad na/ zhes pa rgyal po dang btsun mo dbang du bya ba'i cho ga bzhin du byas te/ las byas na sngags pa 'dod pa bzhin du gang dbang du bya ba de bdag gis dbang du 'gyur ro/ /'bru dang phub ma thams cad las zhes pa 'bru sna lnga la sogs pa'i 'bru thams cad dang 'bru de dag gi phub ma thams cad dang bsres te btags pa las gzugs bya'o/ /mdza' bo gnyis mkhon par rab tu sdang bar byas par 'gyur zhes pa'i don to/ /rgyal rigs dang zhes pa zhag gsum 'grub ces pa'o/ /bram ze'i zhes pa bzhag bzhi bsnyung ba bya zhes pa'o/ /de ltar ji skad gsungs pa yi/ /las kyis bya yis gzhan du min/ zhes pa de ltar cho ga ji skad gsungs pa bzhin du dbang gi las bya

  792. 396b

    ba'i cho ga gzhan gyis mi bya'o/ /gang yang rung ba'i gzugs brnyan ni zhes pa/ bsang pa dag ni gzugs bya zhes pa'o/ /snga ma bzhin du dben par bri/ zhes pas bstar ba'i steng du gzugs brnyan bri/ /rgyu 'grul med pa'i sar zhes pa'o/ /de nas ser ldeng phur bu la/ zhes pa phur bu zur rdo rjes mtshan pa sor brgyad pa'o/ /sngags kyis stong du bzlas byas na/ zhes pa 'bru gsum pa'i sngags kyis btab ces pa'o/ /de yi lus la phur bus gdab ces pa bsad par bya ba'i gzugs brnyan la gdab ces so/ /'di la khros par byas nas su zhes pa bsad par bya ba yang khros zhes so/ /de nas de yi snying gar 'dug ces pa sngags pas mchog phur gzugs brnyan de'i snying gar 'dug par bya'o/ /phur bus btab ste bzlas pa bya zhes pa gzugs brnyan phur bus btab pa de yang phur bus gdab ces so/ /de nyid lag pas gzung nas su/ zhes pa phur bu lag gis bzung ste/ dus gsum nyin gsum bzlas byas na/ zhes pa nyi ma gsum dus gsum du bzlas na/ dgra la gang du btab ba der zhes pa dgra bo'i gzugs brnyan la phur bus gar du btab pa der/ gzer thabs drag pos btab nas su/ zhes pa gnas de nyid du gzer thabs 'gyur zhes pa'o/ /'gal mi phod par sa la ltung/ zhes pa dgra de yang sa la 'gyel bar 'gyur te/ zhag bdun na gdon mi za bar 'chi bar 'gyur ro/ /ma mo'i gnas su song nas ni zhes pa phan chad na ma mo bdun gyi mchod pa'i rten yod pa der sod nas/ g.yas pa be con gyi phyag rgya bcings zhes pa'o/ /g.yon pa'i mdzub mo yis zhes pa brang du bsgred? nas gzung zhes pa'o/ /dag la bsdigs shing nyi ma nub kyi bar zhes pa'o /khros shing dgra yi ming smos bzlas/ zhes pa nam langs nas nyi ma nub kyi bar du bzlas so/ /de nas dgra bo ma gdon gyis zhes pa rnams rbad pas dgra bo de ma'i gdon gyis zin nas/

  793. 397a

    zin nas spyod pa sna tshogs pa/ /'chi bar 'gyur ba dag ni byed ces pa chud mchod pa dang/ mer 'tshor ba la sogs pa'i smyo kla can to/ /ma bcol du gyur nas/ srog dang bral bar 'gyur ro/ /de nas bsgrub pa zhi pa yi/ /cho gas de las zhi bar bya zhes pa de nas/ de sras zhi ba'i cho ga bya ste de yang gzugs brnyan snga ma de nyid spyi'i gzhung las 'byung ba bzhin du 'o mas bkru ba la sogs pa'i zhi ba'i cho ga bya'o/ /ma mo rnams kyi mdun 'dug nas zhes pa ma bdun gyi rten gyi drung du 'dug nas zhes pa'o/ /zhi ba'i cho ga mkhas pa yis zhes pa zhi bar byas nas so/ /nyin gcig tu ni bzlas byas na/ /zhes pa nyin gcig dus gsum du bzlas shes/ nyi ma la ni mngon phyogs nas zhes pa bsgrub pa po kha nyi ma la bltas te/ lag pa g.yas pas bdag gi mgo byug cing zhes pa'o/ /dgra bo ming smos mnan nas su/ zhes pa gong du bshad pa bzhin dgra'i gzugs brnyan bris te/ de'i steng du mnan pa 'am yang na khro bo'i mthu rtsal gyis mnan pa'i tshul du yang bya'o/ /nyi ma nub tu bzlas byas nas zhes pa nang par nam langs nas nub kyi bar du bzlas pas zhes pa'o/ /de ni glang pa na gyur pa zhes pa dgra bo de/ de nas zhi bar byas nas ni/ nyi ma la ni thal sbyar bzlas/ zhes pa de nas slar zhi bar bya na/ sgrub pa po nyid nyi ma la kha blta zhing thal mo sbyar te bzlas pa byas na zhi bar 'gyur ro/ /sa ster rkang pa gcig gis 'dug ces pa rkang pa g.yon pa 'ba' zhig sa la bzhag/ ? pa bskum mo lag pa g.yas pas be con gyi phyag rgya bcings te sbyar bar bya'o/ /nyin par lag pas gyen du brkyang zhes pa nyin zhag gcig tu bya ste/ de de yang rang bar nam langs nas/ nyi ma shar gyi bar du bya'o/ /mi dga' khros shing bzlas

  794. 397b

    bya ba/ zhes bsgrub pa po mang po gnas gcig tu 'dug /mi 'dod pa'i sems dang ldan par byas/ bzlas pa bya zhes pa'o/ /nyi ma nub kang de nas dgra zhes pa de ltar bzlas pa byas pa'i dgongs mi dga' ba dang myos 'gyur te/ zhes pa gang bskad par bya ba'i dgra de/ gnyen dang mdza' bo rnams bor nas zhes pa'i don to/ /de las gzhan pa'i gnas su 'gro zhes pa snga ma'i gnas de las gzhan du 'gro bar byed pa'o/ /de la 'dir ni zhi ba 'am/ zhes pa de dag slar zhi ba 'am/ 'on te rgyas par bya 'dod na/ zhes pa rgyas par byed 'dod na spyi'i las kyi mtshan nyid gcig pa las 'di ltar bya'o/ /bde zhir brtan la ma yengs par zhes pa/ bsgrub pa po'i lus sems kyi/ /'gyur ba med par rtse gcig tu bya zhes pa'o/ /'o ma 'grub? zhes pa zas su zhi bar 'gyur gyi bar zhes pa nam zhi ba 'am rgyas par 'gyur gyi bar du bzlas so/ /de ltar 'dir ni sna tshogs pa'i/ /? bcas rgyas la bshad pa yin/ /zhes pa de ltar rtog pa 'dir sbyor ba dang bcas pa'i las rnam sna tshogs mang po'i cho ga rgyas par bshad pa yin no/ /rtog pa'i cho ga bzhin du ni/ /zhes pa le'u 'dir phyag rgya dang/ sngags dang/ lha'i sbyor bas rgyud 'di nyid las gsungs pa'i las dang/ rgyud gzhan las 'byung ba'i las rnams kyang rgyud de'i ? gi cho ga bzhin bsgrubs pa 'grub par 'gyur ro/ /zhes bya ba'i don to/ /gsang bar rtogs pa gsum pa'i bshad pa rdzogs so// //gsang bar rtogs pa'i le'u bzhi pa 'di la don rnam pa drug gis bstan te/ de la dang por ? dbye ba zhes bya ba'i don bshad de/ de nas gzhan yang bzang po 'di zhes pa gong du gsungs pa las gzhan pa 'og nas 'byung ba ste/ tsin+d+ra zhes bya ste tshig dang/ don 'byung ba bzang po la bya'o/ /'og nas las sna tshogs pa 'byung ba'o/ /de la

  795. 398a

    'khor lo rgyas pa ni zhes pa/ he zhes bya ba ni gnas gang 'gro bar lan mang du mi zlos par lan cig gis phyin ces te/ myur ba'i don to/ /de las bzang po'i gzhan med pa/ zhes pa he la'i 'khor lo de las gzhan med pas bla na med ces bya ba'i don to/ /de ni sa bon sngar byas nas gsang ba'i sngags 'byung ba bstan pa zhes bshad de/ dang po he zhes gang gsungs pa zhes pa byA ka ra Na'i gzhung gi yi ge gug skyed dang bcas par med de/ yi ge gang yin pa'i gzhung nyid pas yi ge ha zhes pa gang du gsungs pa ste/ 'greng bu dang/ gu gul dag ma gtogs so/ /bskul ba'i sa bon thams cad ba'o/ /zhes pa yi ge ha de dag gi bskul ba'i sa bon thams cad pa yin pas na de yang yi ge thams cad kyi sa bon yin te/ oM dang A(rgyud 'grel): dang hUM la sogs pa'i sa bon yin te/ des thams cad bskul bas las thams cad byed pas na/ bskul ba'i sa bon thams cad pa'o/ /de ni len dang 'dzin pa ste/ de ltar blangs nas kyang las sbyor ba'i he dag la bya ste/ de ni las byed pa la dbang bskur ba'i phyir blangs ba'o/ /las la myur du 'grub ba'o/ /zhes pa pra bu d+ha zhes bya ste/ bskul ba la yang bya/ mkhas pa la yang bya ste/ des bskul ba na las rnams myur du 'grub pa dang/ he he de ni mkhas pas sbyar bar bya'o/ /zhes bya bar yang bshad do/ /de bas thog mar bskul ba dang zhes pa/ de bas na thogs ma'i yi ge he he dag gis bskul ba dang ldan par 'khor lor sngags bkod pa dag gis las la spyad ba zhes pa'i don to/ khro bo'i rgyal po yis zhes ? po'i sngags 'byung ba ni 'jam dpal gyi sngags te/ de'i sprul pa yin pa'i phyir ro/ /de'i sngags he rnams 'byung ba ni thogs pa med pa'i yi ge ste/ las rnams myur du 'grub

  796. 398b

    par byed pa'o/ /he la 'khor lo rim bzhin bstan/ ces pa gug skyer ma thogs gtogs pa'i ha 'di bcu gnyis thogs pa med ba ste/ sngags 'dis ni las myur du 'grub par byed do/ /go rims bzhin du 'bru bcu gnyis zung du sbyar na zung drug tu gyur pas 'khor lo'i rtsibs kyis gnas phyed las mchod pas na de ltar sbyar du mi rung ste/ go rims bzhin rdu zung 'dra ba gnyis su sbyar na/ zung bcu gnyis su 'gyur bas de ltar sbyar bar rigs so/ /'o na las tha dad pa mi 'dra ba bcu gnyis 'byung ba la sngags 'dra ba zur re rer sbyar ba 'di 'gal ba'i skyon du mi 'gyur ram zhe na mi 'gyur te /he he dag zung du sbyar ba'i sngags 'di yis ni khro bo'i bskul bar mdzad pa'i yon tan no/ /las bcu gnyis po de dag dngos khro ba bcu gnyis kyi so so mdzad pa ni/ sngags 'dra bar bkod pa'i skyon du mi 'gyur ro/ /he he/ ha ha zhes pa bzla ba ni/ hi hi gnyis ring por 'dra bar bos so/ /hi hi zhes pa 'di gnyis dang/ rag pa'i zung du 'os so/ /khro chen tshig gi thog mar bcas zhes pa he he zung du drug sbyar ba'i sngags bcu gnyis po de dag kyang gang du dgod par bya zhe na/ ma hA kro d+ha zhes pa'i khro bo'i sngags zlog pa'i dang po'i mgo la dgod par bya'o/ /zhes so/ / zung zhig ces pa'i tshig gnyis po/ zhes pa he he dag khro bo chen po'i tshig gi thog mar zhes 'byung ba/ khro bo chen po'i tshig de dag 'khor lo'i rtsibs kyis gnas kyi mig gang du bri ba de bshad do/ /zung drug 'khor lo'i mdza' mar bkod ces pa 'khor lo zung drug ya bral na/ rtsibs bcu gnyis te gra sa gra sa zhes bya ba'i tshig gnyis po 'di dag 'khor lo'i rtsibs bcu gnyis pa'i mthar dgod par bya ba yang gang du dgos par bya zhe na/ 'khor lo'i rtsibs bcu gnyis pa'i so so'i gnas gnas kyi mdza' la mu ran gyi

  797. 399a

    nang rol mdza' i mig rnams su dgod par bya'o/ /mu ran rtsibs kyi mig rnams su/ /sngags las 'byung ba re re'o/ /don rnams thams cad grub par byed/ ces pa yi ge he la bya ste de yang sngags kyi rang bzhin las byung ba'i yi ge 'bru gnyis pa'i zung re re po/ /'khor lo'i rtsibs bcu gnyis po'i gnas kyi mig tu bris pa de ni/ las 'di dag thams cad 'grub par 'gyur ro/ /bcu gnyis dag tu gsungs pa'i sngags/ zhes pa yi ge he he drug la 'bru bcu gnyis zung// //