Text

ff. 1a–350a · 699 folio sides

  1. 1a

    bsam gtan phyi ma rim par phye ba rgya cher bshad pa bzhugs/ /

  2. 1b

    rgya gar skad du/ d+hya not+ta ra pa ta la TI kA/ bod skad du/ bsam gtan phyi ma rim par phye ba rgya cher bshad pa/ dpal rdo rje sems dpa' rnal 'byor chen po'i rnal 'byor pa la phyag 'tshal lo/ /rnam par snang mdzad rgyal mchog de nyid gsum rig pa/ /rig sngags tshogs kun ting 'dzin dmigs la phyag 'tshal nas/ /lung dang bla mas nges par bstan pa'i tshul dag gis/ /bsam gtan phyi ma rim par phye bas cung zad dgro /de la rim par phye ba 'di las don rnam

  3. 2a

    pa bcu gnyis bstan pa ni/ 'di lta ste/ rig sngags dang gsang sngags kyi bzlas brjod dang/ bsam gtan dang/ rnal 'byor gyi mtshan nyid rig sngags dang gsang sngags kyi thabs chen po'i bdag nyid che ba bstan pa'i don ni dang po ste/ slob ma rnams de la nan tan byed 'dod par bya ba'i phyir/ de nas ye shes kun rdzogs pa zhes bya ba la sogs pa tshigs su bcad pa gsum gyis bstan par rig par bya'o/ /rig sngags dang gsang sngags kyi thabs chen po de nyid kyi yul rab tu phye ste/ rnam pa thams

  4. 2b

    cad bshad par khas 'ches pa'i don ni gnyis pa ste/ yul so sor nges pa la kun rdzogs par ma bshad du dogs pa gsal ba'i phyir/ cho ga gang dang gang dag gis/ bsam gtan las la gang gnas pa zhes bya ba la sogs pa tshigs su bcad pa gcig gis rig par bya'o/ /de la nan tan du bya ba'i dgos pa bstan pa'i phyir gsum pa ste/ de'i 'bras bu med par dogs bzlog pa'i phyir/ gsang sngags bsam gtan zhes bya ba la sogs pa tshigs su bcad pa gsum gyis bstan par rig par bya'o/ /rig sngags dang gsang sngags kyi thabs chen po de nyid kyi rang bzhin bstan pa'i don ni bzhi pa ste/ de la mkhas par bya ba'i phyir/ lha'i sku yi gnas de la zhes bya ba la sogs pa'i tshigs su bcad pa nas/ yan lag bcu'i cho ga las zhes bya ba'i mdza' i bar du rig par

  5. 3a

    bya'o/ /de bzhin du sngon gyi las kyi bag chags langs pa'i dbang ngam/ mi mthun pa ma spangs pas nyes pa gang 'byung ba las gsang sngags gzhan du phyogs par 'gyur te/ de bstan pa'i don ni lnga pa ste/ de dag shes nas yongs su spang ba'i phyir/ ma dad pa dang snyoms pa dang/ /bkres skom zil gnon de bzhin te/ zhes bya ba la sogs pa'i tshigs su bcad pa nas/ gsang sngags de las gzhan du phyogs zhes bya ba'i mdza' i bar du rig par bya'o/ /de nas gzhan yang yon tan gang dag 'byung ba la/ /gsang sngags spyan ras kyis 'tsho ba'i bdag nyid mngon du gyur pa de bstan pa'i don ni drug pa ste/ gang zhig kun tu zhen pa dang zhes bya ba la sogs pa tshigs su bcad pa gcig gis bstan par rig par bya'o/ /de bzhin du gsang sngags spyan ras kyis 'tsho ba'i mtshan nyid mngon du

  6. 3b

    gyur nas sgrub pa po la yon tan gang 'byung ba de bstan pa'i don ni bdun pa ste/ lha dang lha min sems can ni/ /dbang phyug ye shes 'jug pa rnams zhes bya ba la sogs pa'i tshigs su bcad pa bzhis bstan par shes par bya'o/ /de nas yang mngon du gyur pa'i tshe yon tan byung na lus dang sems dregs pa skye ste/ bzlas brjod dang bsam gtan la sogs pa la mi 'jen srid de/ de bas na de dgag pa'i phyir brgyad pa ste/ gsang sngags lha'i mngon phyogs pa'i zhes bya ba la sogs pa'i tshigs su bcad pa gcig gis bstan to/ /de bzhin du mngon du phyogs pa'i tshe na bzlas brjod la sogs pa'i dge ba la 'bad pa'i mtshan nyid la zhen pa'i phan yon bstan pa'i don ni dgu pa ste/ mngon du phyogs pa'i gnas thob na zhes bya ba la sogs pa'i tshigs su bcad pa gsum gyis bstan to/ /de nas gzhan yang ji skad bshad pa'i mtshan nyid la zhen pa'i yul bstan pa'i phyir bcu pa ste/ spro zhing stobs dang ldan pa ni zhes bya ba la sogs pa'i tshigs su bcad pa gcig gis bstan to/ /de bzhin du gsang sngags nye bar gyur pa'i gnas skabs kyi rgyur gyur pa bzlas brjod dang bsam gtan la sogs pa goms pa goms pa las byung ba sgrub pa po'i yon tan bstan pa'i phyir bcu gcig pa ste/ gnas dang zas dang

  7. 4a

    grang ba dang zhes bya ba la sogs pa'i tshigs su bcad pa bzhis bstan par shes par bya'o/ /de bzhin du gsang sngags nye bar gyur pa dang/ gsang sngags grub pa'i phan yon dang 'bras bu rnam par phye ste bstan pa'i phyir bcu gnyis pa ste/ nam zhig nye bar gyur pa na zhes bya ba la sogs pa tshigs su bcad pa gsum gyis bstan par shes par bya ste de dag ni bsdus pa'i don to/ /da ni dngos po de dag gi so so'i don gyi yan lag rnam par phye ste brtag pa'i skabs dbye'o/ /de la bzlas brjod dang/ bsam gtan dang/ rnal 'byor gyis mtshan nyid rig sngags dang gsang sngags kyi thabs kyi man ngag mi mthun pa'i phyogs dang gnyen por bcas shing phan yon dang bcas pa rdo rje 'dzin las tshangs pa'i me tog ces bya bas thos nas tshangs pa mi 'chi ba zhes bya ba la bstan par bsams pa'i tshig gis 'di ste/ de nas ye shes kun rdzogs pa/ /rig sngags gsang sngags thabs chen de zhes bya ba la sogs pa'o/ /de la rig sngags dang gsang sngags kyi thabs chen po bshad par bya'o/ /zhes tshigs su bcad pa gsum bstan pa dang/ bshad par bya'o zhes bya ba 'di dang 'brel to/ /de nas zhes bya ba'i tshigs ni skabs kyi de ma thag pa ste/ gang gi phyir 'di ni bya ba'i rgyud 'phags pa rdo rje gtsug tor gyi phyogs gcig pa ste/ der 'di'i sngon rol tu don gzhan yang 'das pa'i phyir ro/ /de zhes bya ba 'di ni rig sngags dang/

  8. 4b

    gsang sngags kyi thabs chen po zhes bya ba 'di dang 'brel to/ /sngar bshad pa la snyeg pa'i tshig de zhes bya ba 'dis ni rig sngags dang gsang sngags kyi thabs chen po bstan par thog ma nyid du nyan pa pos gsol ba btab par ston pa ste des 'di skad smras? par 'gyur ro/ /khyod kyis rig sngags dang gsang sngags kyi thabs sngar gang dris pa de bshad do/ zhes bya ba'i don to/ /da ni rig sngags dang gsang sngags kyi thabs de de nyid ye shes kun rdzogs pa zhes bya ba la sogs pa'i tshig gis bye brag tu bstan te/ de la ye shes kun rdzogs pa zhes bya ba ye shes ni yongs su dag pa'i sems kyi khyad par gyi mtshan nyid do/ /de kun tu rnam pa thams cad du gang goms pas kun tu rdzogs par 'gyur ba de ni/ ye shes kun rdzogs zhes bya'o/ /de bas na 'di ltar dgongs te/ sangs rgyas dang byang chub sems dang/ nyan thos dang rang sangs rgyas rnams kyi ye shes yongs su dag pa gang yin pa de yang mngon du 'am/ brgyud de 'og nas 'chad pa'i mtshan nyid rig sngags dang gsang sngags kyi thabs goms pa las 'grub ste/ de bas na 'dis kyang 'khor ba las rnam par grol ba'i mtshan nyid nyon mongs pa dang shes bya'i sgrib pa las rnam par thar pa'i rgyu yin pas de bstan to/ /'di ltar lha'i chos kyi sku goms par byed pa'i mtshan nyid rig sngags kyi thabs te/ 'khor ba las rnam par thar pa'i rgyu yin par 'og nas/ sgra mthar thar pa ster ba nyid ces dngos su 'chang ngo/ /yang na ye shes kyis kun rdzogs pas na/ ye shes kun rdzogs pa'o/ /de la ye shes yongs su dag pa'i sems gnyis su med pa rnam pa med pa'i de nyid las ye shes zhes bya ste/ des kun tu yongs su rdzogs shing/ yongs su rdzogs par bya bas/ rnam pa thams cad du rtogs nas bshad pa na de skad ces bya'o/ /'di rnam pa thams cad du yongs su rdzogs pa yang bzlas brjod kyi yan lag bzhi dang me la gnas pa la sogs pa'i sgra'i sbyor ba'i mtshan nyid rig sngags pa gsang sngags gyi thabs kyi rang gzhin yan lag ci tsam gyis dngos grub mchog dang 'bring la sogs pa thob par

  9. 5a

    rig sngags dang gsang sngags dang sbyar dgos pa de tsam yan lag rnams bstan pas yongs su rdzogs par rig par bya'o/ 'di ltar sems yongs su dag pa'i bye brag la gnas pa'i rnal 'byor pa rnams smra ba la sogs pa mi srid mod kyi/ 'on kyang de'i dbang dang/ sngon gyi smon lam gyis shugs kyis 'dul ba rnams ji ltar 'dod par/ rig sngags dang gsang sngags kyi thabs ston pa'i mdo sde dang rgyud dang cho ga zhib mo nyid la sogs pa'i nges pa'i tshig rnams snang ba srid pas na/ yongs su dag pa'i ye shes kun tu rdzogs pa zhes bya'o/ /yang na 'jig rten las 'das pa rnam pa med pa'i ye shes kyi phyi nas thob pa/ dag pa 'jig rten pa'i ye shes kyis bshad pa srid pas na/ ye shes kun tu rdzogs pa zhes gsungs so/ /'dis kyang so sor rang gi rig pa'i ye shes kyis mthus/ de dag bshad par bya ba yin gyis rtog gi pa'i dpog pas chung pa'i shes pas bstan par bya ba ni ma yin na zhes bstan to/ /de bas na 'dir tshig bshad pa'i don/ bcom ldan 'das rnams kyis 'di ltar bstan par yang mngon te/ 'di lta ste ye shes kyis rnam pa thams cad kun tu rdzogs shing ye shes kyis thugs su chud nas yongs su rdzogs pa'i rim pas bstan pa'o/ /zhes byang mngon no/ /ye shes kun rdzogs pa de yang gang zhe na/ gsungs pa rig sngags dang gsang sngags kyi thabs chen po zhes bya ba'o/ de la de ni rig sngags dang gsang sngags dag gi thabs kyang de yin la/ thabs yang yin pas na/ rig sngags dang gsang sngags kyi thabs chen po'o zhes bya'o/ /de la rig sngags ni bud med kyi gzugs dang dbyibs kyi lha dang/ de ston pa'i sgra dang/ phyag rgya la sogs pa'o/ /de las bzlog pa ni gsang sngags kyi mtshan nyid do/ rig sngags la sogs pa de dag thams cad kyang kun rdzob dang don dam pa'i bden pa la gnas pa'i bye brag gi gnyis su med pa'i ting nge 'dzin dang/ gzungs dang phyag rgya dang/ tshig dang yi ge dang sgra dang/ rnam pa dang bcas pa dang/ rnam pa med pa'i ye shes dang/ chos kyi dbyings kyi rang bzhin te/ de la de dag gi chos kyi dbyings kyi ye shes kyi rang bzhin gang yin pa de ni so sor rang gi rig pa ste/ byin gyis

  10. 5b

    brlab kyis kyang 'dul ba'i spyod yul du nye bar bstan du mi rung ngo/ /gang yang de dag gi gzugs kyi sku la sogs par snang ba'i gzugs kyi bdag nyid rang bzhin de dag ni rnam par mi rtog pa'i ye shes la gnas pa rnams kyi mngon gyi smon lam gyi shugs kyi 'dul ba'i gro ba mang po thams cad kyi rgyud la snang bar 'gyur bas/ don byed par shes par bya'o/ /rnam par mi rtog pa'i ye shes kyi rang bzhin la gnas pa rnams/ sngon gyi smon lam gyi shugs kyi sems can gyi don mdzad do/ /zhes bya ba'i don 'di yang nges par khas blang par bya'o/ /gzhan du na rnam par rtog pa dang bcas pa'i shes pa mngon du gtang zhing byed pa rnams ni/ mi phal ba rnams ltar rnam pa thams cad du sems can gyi don byed par mi srid par 'gyur ro/ /yang na bsam gtan pa rnams kyi yul ni bsam gyis mi khyab ste/ rnam par rtog pa dang bcas pa'i ye shes la gnas pa rnams kyang gdul bya rnams la de bzhin du snang ba mi phal pa bzhin du lhun gyis grub pa nyid du bskyed do/ /yod yang 'di bdag cag lta bu'i yul ma yin te bsam pa 'dis ci zhig bya ste btad bar bya'o/ /rig sngags dang gsang sngags dag gi nges pa'i tshig kyang bcom ldan 'das nyid kyis mdzad pa ni/ 'dis nyon mongs pa rnams 'joms pa dang/ don phun sum tshogs pa thob pa 'am/ 'dis ji ltar gyur pa'i dngos po yang dag pa ji lta ba bzhin rig pas na rig pas te/ ji ltar srid par lha rnam pa drug gi rang bzhin la rig sngags zhes bya'o/ /shes pa dang skyob pa dang ldan pa 'am/ gsang ste brjod pa'i phyir gsang sngags ste rang bzhin snga ma yin no/ /thabs zhes bya ba ni ka la zhes bya ste/ ka la zhes bya ba'i sgra yang kha cig tu ni yan lag la bya ba yang yod de/ /dper na lha'i cha shas rdzogs par bya ba lta bu ste/ lha yan lag dang bcas par bya bar shes par 'gyur ro/ /de bzhin zla ba'i cha shas zhes bya ba lta bu ste/ kha cig tu ni yan lag nyi tshe tsam la yang bya'o/ /de bzhin du lha cha shas dang bcas pa zhes bya ba 'dir yang/ sgra'i yan lag dang/ gzugs kyi yan lag rnams dang ldan no zhes bya bar shes par bya'o/ /ka la zhes bya ba'i sgra kha cig tu ni dngos po dga'

  11. 6a

    zhig mngon par sgrub par byed pa dang/ rang gi bya ba la sbyor bar byed pa la yang bya ste/ dper na mda' gzhu'i mtshon cha la sogs pa'i thabs kyi sgra lta bu ste/ de yang gang gi mda' gzhu la sogs pa sgrub cing/ rang gi bya ba la sbyor ba der mngon par sgrub par byed pa dang bya ba la sbyor ba dag yin no/ /'di ltar mda' gzhu thabs shes so/ /zhes smras na mda' gzhu la sogs pa byed pa'i cho ga dang de 'phen pa'i cho ga shes/ /zhes bya bar mngon na/ ka la zhes bya ba'i sgra kha cig tu ni rang gi bya ba la sbyor bar byed pa nyid la bya ste/ dper na glang po che'i thabs shes zhes bya ba lta bu'o/ /der yang cho ga gang gis glang po che rang gi bya ba la sbyor bar byed pa de nyid la thabs shes bya ba'i glang po che skyed par bya ba la ni mi bya'o/ /de ltar na ka la zhes bya ba'i sgra ni de la sogs pa'i rnam pa du ma la snyegs pas skabs dang sbyar zhing gzung bar bya'o// de la 'dir rig sngags dang gsang sngags dag gi thabs chen po zhes bya ba de ni rig sngags dang gsang sngags dag rang gi las la sbyor bar byed pa nyid la thabs kyi tshig tu gdags kyi yan lag dang skyed pa'i byed pa la ni mi bya'o/ /'di ltar rig sngags dang gsang sngags kyi thabs chen pa rnam par dbye ba mang/ yan lag bzhi bzlas brjod kyi cho ga dang/ me la gnas pa la sogs pa sgra'i cho gas mdzad do/ /bzlas brjod la sogs pa 'di dag kyang rig sngags dang gsang sngags rnams kyi rang gi las la sbyor ba nyid du dam pa rnams kyis bshad de/ rig sngags la sogs pa skyed pa ni ma yin no phra ba zhes bya ba ni de yid kyi las kyis shes par bya bas na phra ba ste/ /'di ltar rang gi sems yongs su sbyang ba bzlas brjod kyi yan lag bzhi la sogs pa byed pa na/ gsang sngags dang de bzhin gshegs pa'i gzhi dang zla ba'i dkyil 'khor rnams bsam pa ni yid kyi las nyid yin no/ /zhes bya ba'i don to/ /lha chen po la sogs pas kyang/ rig sngags dang gsang sngags kyi thabs bshad de/ de bas na bye brag tu phye ba de bzhin gshegs pas gsungs zhes bshad do/ /de la gsungs pa ni bshad ces bya ba'i tha tshig go /klog pa dang nyan pa dang 'don pa'i sgo nas kyang rig

  12. 6b

    sngags la sogs pa'i thabs nan+tan du bya ba srid pas na bye brag tu bya ba'i phyir/ bsam gtan gyis kyang shin tu brgyan? ces gsungs so/ /de la bdag gi de kho na nyid la sogs pa ji ltar srid pa bsam pa ni bsam gtan de bsam gtan des/ bdag gi de kho na nyid dang bzlas brjod kyi de kho na nyid la sogs pa'i mtshan nyid kyi thabs kyis brgyan pa ni de bzhin gshegs pa'i gzhi la sogs pa sems na gsal ba snang ba'i sgo nas yongs su rdzogs par mdzes par bya zhes bya ba'i don to/ /bzlas brjod kyi yan lag bzhi la sogs pa'i mtshan nyid rig sngags la sogs pa'i thabs de yang/ srog dang rtsol ba la sogs pa med na rdzogs par mi nus pas na/ rnal 'byor thabs ni kun bstan pa zhes bya ba gsungs so/ /kun ni ma lus pa ste lha rnam pa drug las ji ltar srid pa dang/ sbyor ba'i rnal 'byor gyi thabs kyi yan lag slar bsdud pa dang/ srog dang rtsol ba la sogs pa'i mtshan nyid bstan pa ni bshad pa'o/ /rig sngags dang gsang sngags kyi thabs chen po gang yin pa rnal 'byor de'i thabs thams cad kyang bstan pa ste/ rnal 'byor gyi yan lag thams cad bshad ces bya ba'i don to/ /des na 'di skad du rig sngags kyi thabs de nyid 'ba' zhig bshad pa ma yin gyi slar sdud pa la sogs pa bsam gtan gyi yan lag dang bcas par bshad do zhes smras par 'gyur ro/ /yang 'di gnod pa sel nus pa'i sgo nas bye brag tu sdug bsngal sdig pa sel ba ste/ zhes gsungs so/ /de la sdug bsngal ni lus dang sems ni gnod pa'i mtshan nyid bkres be dang skom pa dang bsad pa dang bcings pa dang yid mi bde ba la sogs pa'i rang bzhin no/ /sdig pa ni lus la sogs pa las byung ba la mi 'dod pa'i las kyi bag chags sems la yod pa ste/ de dag bzlas brjod la sogs pa'i mtshan nyid rig sngags la sogs pa'i thabs kyis sel ba'i dang tshul gang yin pa de la de skad ces bya'o/ /phyag na rdo rje'i zhal nas gsungs zhes bya ba ni rdo rje 'dzin las tshangs pas sngon du thos pa bstan to/ /skye dang 'chi ba 'jig byed pa zhes bya ba ni nges par legs pa'i gnas thob pa'i rgyu yin par bstan te/ 'di ltar sgra gnas rnal 'byor bstan par 'dran?

  13. 7a

    sgra mthar thar pa ster ba nyid ces bya ba 'og nas 'chad pa'i phyir ro/ /kun tu mi tshugs zhes bya ba'i yul dang dus thams cad du sems can thams cad kyi gnod pa sbyor ba na bzlas brjod kyi yan lag bzhi la sogs pa'i mtshan nyid rig sngags kyi thabs kyi 'bras bu'i mthu la gnod par byed mi nus te/ de bas na kun tu mi tshugs zhes bya'o/ /bstan pa ste zhes bya ba ni srog dang rtsol ba'i sbyor ba la sogs pas goms par byed pa'i tshe sems ma zhi ba'i mtshan nyid mi brtan pa med pas na brtan pa ste/ zhi ba zhes bya ba'i don to/ /'di dang pha rol byed par gnas zhes bya ba ni de la pha rol dang 'di bas na 'di dang pha rol dag go /de dag byed pa ni skyed pa ste/ pha rol dang 'di byed pa'o/ /pha rol dang 'di byed pa de'i rgyu'i ngo bor gnas pa'i 'jug pa ste/ pha rol dang 'di byed par gnas pa'o/ /de la pha rol ni 'jig rten pha rol lo/ /'di ni 'jig rten 'di'o/ /'di yang spyir 'jig rten pha rol dang/ 'jig rten 'di dag bskyed pa tsam du bstan pa 'di ston mod kyi/ 'on kyang bdag nyid che ba ston pa'i skabs yin pas na 'dod pa'i 'bras bu khyad par can sgrub pa'i sgo nas 'jig rten gnyis ka'i rgyur gnas par rig par bya ste/ 'dis kyang rig sngags la sogs pa'i thabs chen po de dag mngon par mtho ba'i rgyur bstan to/ /dkyil 'khor chen po la sogs 'byung zhes bya ba dkyil 'khor chen po rnams ni bya ba'i rgyud kyi cho gar gtogs pa'i rig gsum gyi dkyil 'khor 'phags pa gzhan gyis mi thub pa zhes bya ba dang/ rab tu gnas pa dang rnam par gnon pa la sogs pa gzung ngo/ /sogs pa'i tshig gis ni rig so so dang/ lha so so'i bye brag gi dkyil 'khor rnams kyang bsdu'o/ /de bas na tshig gi don ni 'di lta ste/ de bzhin gshegs pa la sogs pa rnams kyi sku dang gsung dang thugs gsang ba'i ngo bo nyid rang bzhin gyi dkyil 'khor chen po la sogs pa rnams gang goms pa las bye brag tu 'byung ba de ni/ dkyil 'khor chen po la sogs pa 'byung ba ste/ bzlas brjod kyi yan lag bzhi ste/ me la gnas pa la sogs pa sgra'i bsam gtan gyi bdag nyid rig sngags dang gsang sngags kyi thabs

  14. 7b

    chen po la bya'o/ /'dis kyang rig sngags la sogs pa'i thabs de longs spyod rdzogs pa dang sprul pa'i sku mang po'i rgyu yin par bstan to/ /rig sngags kyi thabs las yon tan rin po che mdza' yas pa 'byung ba de'i mthu tshig re re nas sgrags par bya mi nus pas mdor bstan pa/ 'dod pa'i don ni rjes su sgrub ces gsungs te/ des 'di skad gsungs pa yin no/ /nges par legs pa dang/ mngon par mtho ba'i rgyur gyur ba'i don gang 'dod pa de dag nyid 'di goms pa las byung ngo zhes pa ste/ de lta bu'i rig sngags dang/ gsang sngags kyi thabs chen po bshad par bya'o zhes bya ba 'og nas 'byung ba dang sbyar ro/ /rig sngags dang gsang sngags mnyes par bya ba'i cho ga thabs shes bya ba de yang rnam pa gnyis te/ gcig gi dam tshig 'dzin pa dang/ dbang bskur ba dang/ sbyin sreg dang/ mchod pa la sogs pa nges pa'i mtshan nyid do/ /de las gzhan pa ni bzlas brjod kyi yan lag bzhi dang/ me la gnas pa la sogs pa sgra'i bsam gtan gyi rang bzhin no/ /de gnyis las 'dir ni bzlas brjod kyi yan lag bzhi'i sbyor ba la sgra dang sems dang/ bzhi'i bsam gtan dang me la gnas pa dang/ sgra'i bsam gtan la sogs pa'i mtshan nyid kyi thabs zhes bya ba nyid rtag par bya ste de bstan pa'i phyir/ cho ga gang dang gang dag gis/ /bsam gtan las la gang gnas pa/ /de bzhin gshegs la phyag 'tshal nas/ /de dag ma lus bshad par bya zhes gsungs so/ /de la cho ga gang dang gang gis zhes bya ba ni bzlas brjod kyi yan lag bzhi dang/ me la gnas pa la sogs pa sgra'i cho gas so/ /gang gnas pa zhes bya ba ni rig sngags la sogs pa'i thabs te/ rig sngags la sogs pa rnams sgrub pa'i thabs so/ /yul gang la de gnas zhe na/ bsam gtan las la zhes gsungs te/ gsang sngags la sogs pa sems dpa' i mtshan nyid bsam gtan gyi bya ba la gnas zhes bya ba'i don to/ /de dag bshad par bya zhes bya ba ni bzlas brjod kyi yan lag bzhi dang me la gnas pa la sogs pa'i rang bzhin du bsam gtan gyi las la

  15. 8a

    gang gnas pa gang yin pa de nyid bshad pa'o/ /ma lus zhes bya ba ni cho ga gang dang gang dag gis gnas pa'i cho ga de ma lus par bshad do/ /zhes bya ba'i tha tshig go /de bzhin gshegs la phyag 'tshal nas zhes bya ba ni phyag byas nas dam pa'i spyod pa'i rjes su 'jug pa bstan to/ /des kyang 'di skad bstan te/ bsam gtan gyi las nyid la rig sngags la sogs pa'i thabs bshad pa bzlas brjod kyi yan lag bzhi la sogs pa bsam gtan gyi mtshan nyid yin pa de nyid bstan gyi/ dam tshig dang/ dbang bskur ba dang/ sbyin sregs la sogs pa'i mtshan nyid bstan pa ni ma yin te/ de dag gzhan du bshad zin pa'i phyir ro zhes bya ba'i tha tshig go /bzlas brjod kyi yan lag bzhi la sogs pa'i mtshan nyid rig sngags la sogs pa'i bsam gtan de yang ci dgos she na/ gsang sngags bsam gtan zhes bya ba/ /mchog tu gsang ba yang dag gsungs/ /drang srong dka' thub chen po yang/ /de dag med na mi 'grub po zhes bya ba gsungs so/ /des ni 'di skad bstan te/ gsang sngags kyi bsam gtan med na/ gsang sngags la mngon par brtson pa'i drang srong rnams kyang mi 'grub ste/ de bas na gsang sngags kyi bsam gtan bshad par bya'o zhes bstan pa'o/ /de la 'dir gsang sngags rnams kyi bsam gtan ni rnam pa gnyis te/ bzlas brjod kyi yan lag bzhi dang/ me la gnas pa dang/ sgra la sems pa'i bsam gtan dang/ de las gzhan pa ni rang gi lha'i rnal 'byor gyi bsam gtan no/ /de la tshigs su bcad pa 'dis ni bzlas brjod kyi yan lag bzhi dang/ me la gnas pa dang/ sgra la sogs pa'i gsang sngags kyi phan yon gsungs pa ste/ de la gsang sngags kyi bsam gtan mchog tu gsang ba gsungs zhes bya ba dang sbyar ro/ /bsam gtan zhes bya ba ni sems dpa' ste/ yan lag bzhi la sogs par gnas pa'i gsang sngags kyi bsam gtan yang dang yang du mngon du byed pa zhes bya ba'i tha tshig go /bya ba zhes bya ba'i sgra ni srid pa ste/ des gsang sngags rnams sems dpa' mchog tu

  16. 8b

    gsang ba srid do/ /zhes bya ba'i tha tshig go /mchog ni dam pa'o/ /gsang ba ni mi bstan pa ste des ni 'di ltar dgongs so/ gsang sngags kyi bsan gtan de gsang sngags thams cad grub pa'i yan lag gi snying por gyur pa yin yang rgyud so so dag tu gsal bar rnam par phye ste ma bstan pa ni slar sdud pa dang/ srog dang rtsol ba la sogs bsam gtan gyi yan lag rnams nan tan du byed mi nus pa'i gdul bya'i 'gro ba rnams gzung ba'i phyir ro/ /mi mngon pa'i tshig tu ni thams cad du yang phal cher gsungs te/ phyis bshad par bya'o/ /gsang sngags zhes bya ba ni sgra dang yi de'i rang bzhin de bzhin gshegs pa'i thugs kar zla ba'i dkyil 'khor la sogs pa la dgod pa rnams kyi zhes bya ba'i tha tshig go /de dag med na zhes bya ba ni sgra dang yi ge sems dpa' i mtshan nyid bsam gtan de dag med na/ dngos grub rab la sogs pa thob par mi 'gyur ro/ zhes bya ba'i don to/ /de yang su zhe na/ drang sron dka' thub chen po yang zhes bya ba ste/ des 'di skad bshad par 'gyur ro/ /drang srong rnams kyang gsang sngags bsam gtan med par mi 'grub na/ sgrub pa po gzhan lta ci smos zhes bya ba'i don to/ /drang srong zhes bya bas kyang lus dang ngag dang yid bsdams pa dang ldan par bstan pa ste/ 'di ltar lus la sogs pa bsdams pa ni thub pa zhes bya'o/ /thub pa yang drang srong sgra'i rnam grangs su 'jig rten na snang ngo/ /dka' thub po zhes bya ba'i bye brag gis ni bzlas brjod dang khrus dang sbyin sreg la sogs pa'i phyi rol gyi bya ba rnams bstan to/ des ni tshul khrims dang/ brtul zhugs dang/ dka' thub dang ldan pa'i drang srong dka' thub chen po dang ldan pa yang gsang sngags kyi bsam gtan med na mi 'grub po zhes bya bar bstan no/ /da ni bzlas brjod kyi bye brag gis bdag nyid che ba bstan pa'i sgo nas/ bdag lha nyid gyur ba'i rnal 'byor gyi mtshan nyid bsam gtan gyi phan yon bstan pa/ gsang sngags rnal 'byor can rnams ni/ /gsang sngags bzlas brjod me 'bar 'dra/ skye dang 'chi ba 'jig byed pa/ /rdo rje can gyis sngon gsungs so/ /zhes bya ste de la gsang sngags kyi rnal 'byor can sgrub pa po rnams

  17. 9a

    kyi gsang sngags kyi bzlas brjod ni brjod pa ste/ me 'bar ba zhes bya ba dang sbyar ro/ /de la bzlas brjod ces bya ba ni yid la smra ba dang/ gshibs te smra ba'i gsang sngags kyi bzlas brjod do/ /gsang sngags zhes bya ba ni de bzhin gshegs pa'i thugs kar zla ba'i dkyil 'khor la gnas pa'i sgra dang/ yi ge'i rang bzhin rnams kyis zhes bya ba'i tha tshig go /gsang sngags rnal 'byor can rnams kyi zhes bya ba ni gsang sngags lha'i gzugs kyi mtshan nyid kyi rnal 'byor dang ldan zhing mi gnyis pa dbyer med pa'i sgrub pa po gang yin pa de dag gsang sngags kyi rnal 'byor can te/ lha nyid kyi rnal 'byor byas pa zhes bya ba'i tha tshig ste/ de dag gi bzlas brjod gang yin pa de me 'bar ba zhes bya ba dang sbyar ro/ /de la lha'i rnal 'byor byas pa rnams kyi/ /bzlas brjod ni me 'bar ba dang 'dra ste/ zhes bya ba 'dis lha'i rnal 'byor gyi mtshan nyid bsam gtan gyi phan yon bstan te/ bzlas brjod kyi dpe me 'bar ba las blangs pa yang 'di ltar dgongs te/ gang gi phyir bdag gi de kho na nyid rtag tu mngon du byas pa'i lha'i de kho na nyid kyi mtshan nyid ni lha'i rnal 'byor du bstan to/ /bdag gi de kho na nyid brtag pa yang nyon mongs pa dang shes bya'i sgrib pa'i gnyen po goms par byed pa ste 'og nas 'chad do/ /de bas na lha'i rnal 'byor byas pa'i bzlas brjod rtsom pa nyid na yang nyon mongs pa dang las kyi sgrib pa thams cad kyi bud shing bsreg pa'i phyir me 'bar ba dang 'dra ste/ zhes brtags so/ /rang bzhin yang yan lag bzhi'i bsam gtan la zhen pa'i sbyor bas tshul bzhin ma yin pa yid la byed pa la sogs pa'i gnyen po yin pa'i phyir ro/ /de bzhin du 'bras bu yang sangs rgyas pa'i mthar phyin pa'i bar du mi shes pa'i bud shing thams cad sreg pa'i rgyu yin pa'i phyir ro/ /de bas na skye dang 'chi ba 'jigs byed pa zhes bya ba gsungs te/ mngon du dang brgyud pa las 'gyur ro/ /zhes bya ba'i tha tshig go /da ni lha'i rnal 'byor gyi mtshan nyid kyi bsam gtan dang bzlas brjod kyi yan lag bzhi'i sgrib bsam gtan de dag mjug bsdu ba'i sgo nas dus cig tu nan tan bya bar bstan pa'i phyir de bas nges

  18. 9b

    'dir gsang sngags kyi/ bsam gtan tshim bya me dag la/ dngos grub 'dod pa dag gis ni/ rtag tu rgyun tu sbyor bar bya zhes bya ba gsungs so/ /de la gang gi phyir bzlas brjod kyi tshe gsang sngags kyi sgra dang/ yi ge'i rang bzhin gyi bsam gtan gsang ba gsungs pa dang/ lha'i rnal 'byor byas pa'i sngags pa'i bzlas brjod kyang me 'bar ba zhes bya ba gsungs pa de'i bzlas brjod byed pa des bzlas brjod kyi tshe de bzhin gshegs pa'i gzhi la gsang sngags kyi sgra dang yi ge'i rang bzhin bkod pa sems pa ni bsam gtan no/ /tshim par bya ba ni gsal bar snang bar bya'o/ gang gi dus su zhe na me dag la zhes bya ba gsungs te/ me 'bar ba la zhes bya ba'i don to/ /me 'bar ba zhes bya ba'i bzlas brjod kyis kyang lha'i rnal 'byor byas pa'i bzlas brjod byed pa'i bzlas brjod bstan te/ gang gi phyir gsang sngags kyi rnal 'byor pa rnams kyi bzlas brjod me 'bar zhes gsungs pa de'i phyir lha'i rnal 'byor byas nas de bzhin gshegs pa la sogs pa rnam par bkod pa'i gsang sngags la dmigs pa mngon du byas te/ bzlas brjod bya'o zhes gsungs pa yin no/ /me dag la zhes bya ba 'dis me la gnas pa'i gsang sngags kyi sbyor ba'i cho ga 'og nas 'byung ba bstan to zhes smra ba gang yin pa de ni skabs mi shes pas zan gyi dus na yang lan tshwa dang ldan pa'i tshod ma la sogs pa'i sgra thos nas/ rta dang lhan cig tu tshod ma za bar yid ches kyang srid do/ /'di ltar gsang sngags kyi sbyor ba'i skabs rnam pa gnyis 'chad pa ni/ bzlas brjod kyi yan lag bzhi'i cho ga'i mtshan nyid dang/ /me la gnas pa la sogs pa sgra'i bsam gtan gyi mtshan nyid do/ /de la yan lag bzhi'i bsam gtan la ni gsang sngags gshibs te brjod pa dang/ yid kyi brjod pa gnyis/ sngags bzlas yan lag mnyams par zhes 'og nas 'chad do/ /me la gnas pa la sogs pa sgra'i sbyor ba ni sems pa mtshan nyid bsam gtan nyid du 'chad de/ me'i nang gnas zhi ba ste/ tshig rnam dag pa yan lag ldan/ /srog dang rtsol ba 'gags pa'i bdag /gnyid spangs nas ni rnam par bsam/ zhes bya ba la sogs pa'i

  19. 10a

    gzhung gis bstan to/ /bsam mo zhes bya ba'i tshig bstan pa'i phyir ro/ /bsam pa yang bsam gtan gyi mtshan nyid de/ rtogs pa dang sems pa dang/ bsam gtan zhes bya ba ni rnam grangs yin pa'i phyir ro/ /skabs 'dir ni/ rnal 'byor ba'i bzlas brjod me 'bar ba zhes bya ba gsungs so/ /zhes bya ba bshad nas mjug bsdu ba'i tshig byed pa na/ bzlas brjod me 'bar ba zhes bya ba de nyid lha dang gsang sngags dag gi bsam gtan la sbyar bar rigs kyi skabs su ma bab pa'i me la gnas pa'i sgra'i bsam gtan la ni mi bya'o/ /me la gnas pa'i sgra'i bsam gtan de la ni logs shig tu bsam gtan la sogs pa'i skabs 'og nas 'chad pa'i phyir ro/ /rab tu 'phros pa ni mi dgos kyi gtang ngo/ /de la brtag pa zhes bya ba ni nyi ma re re'o/ /rgyun tu sbyor bar zhes bya ba ni/ bzlas brjod ma rdzogs kyi bar du ste/ 'og nas 'chang ba'i rim gyis brjod cing gsang sngags kyi sgra la dmigs par bya'o zhes bya ba'i don to/ /'di yang gsang sngags bzlas brjod byed pa'i bsam gtan gyi tshe na bya bar bya ba'i rgyud thams cad kyi spyi'i cho ga bsdus pa'i rgyud 'phags pa rab tu grub par byed pa dang/ dpungs bzangs dang/ dpal rtog pa bsdus pa la sogs pa dang/ bye brag gi rgyud 'phags pa rnam par snang mdzad mngon par rdzogs par byang chub pa rnam par sprul pa'i byin gyis brlab pa dang/ 'phags pa phyag na rdo rje mngon bar dbang bskur ba dang/ byang chub kyi snying po dang/ rig 'dzin gyi sde snod la sogs pa las gsungs te/ kha cig tu ni mi mngon pa'i tshig tu bshad kha cig tu ni gsal bar bstan te/ 'di ltar rab tu grub par byed pa las bzlas brjod byed pas bzlas brjod tshe/ rig sngags lha nyid gtad nas ni/ sgom pa mchog tu gces pa yang/ rtog pa bzung nas yod mi bsam zhes bya ba la sogs pa gsungs pa'o/ /de bzhin du dpung bzangs las kyang/ snyom dang bud med mi dge ldan pa'i sems/ /gang dang gang du kun tu rgyu ba dag /de

  20. 10b

    dang de nas bsgrims te rnam bzlog nas/ /gsang sngags yi ge mchod la sbyar bar bya zhes bya ba dang/ /de bzhin du bsam gtan dag dang ldan pa'i sgrub pa po/ /shes las byung ba dga' ba rab tu bskyed/ /dga' las lus ni shin tu sbyangs pa thob/ /shin tu sbyangs sems bde pa'i skal ldan 'gyur/ dga' ba de yid gcig ting nge 'dzin gyur na/ de tshe bzlas brjod dogs pa med par 'gyur/ zhes bya ba la sogs pa gsungs so/ /bdag gi de kho na nyid brtag pa yang de nyid las gsungs te/ 'dod chags la sogs nyon mongs dri mar bcas/ de bas sems ni 'khor ba yin par gsungs/ nyon mongs rnam grol shes dang zla 'dra ba/ srid pa'i rgya mtsho mthar ni kun tu bsgrags zhes bya ba la sogs pa'i gzhung gis bshad do/ /de bzhin du rnam par snang mdzad mngon par byang chub pa las kyang bzlas brjod byed pa'i tshe/ bzlas brjod kyi yan lag bzhi'i sbyor bas gsang sngags kyi sbyor ba gsal ba nyid du bshad do phyag na rdo rje mngon par dbang bskur ba las kyang 'jam dpal nam sngags pa lhun gyi grub par lha nyid kyi nga rgyal du gyur pa de'i tshe/ gsang sngags thams cad mngon du phyogs par gnas par 'gyur ro bzhes gsungs so/ /rig sngags 'chad gi sde snod las kyang/ ri mo la sogs pa la gnas pa'i lha'i bsam gtan bya ba 'dis ni snyan cha kun tu bskyod/ /ne'u le rkyal bu bskul ba snyam/ de ltar bzlas brjod 'bad pa'i tshe/ zhabs la sogs pa'ang rim gyis brtag ces gsungs pa dang/ bdag gi de kho na nyid brtag pa yang gnas pa gsum dang/ rnam par thar pa'i sgo gsum la gzhol bar bya'o/ /zhes de nyid las gsungs te/ gnas pa gsum ni 'phags pa'i dang/ lha'i dang tshangs pa'i gnas pa'o/ /de la 'phags pa'i ni 'phags pa'i bden pa bzhi'o/ /lha'i de bsam gtan bzhi'o/ /tshangs pa'i ni tshad med pa bzhi'o/ /stong pa nyid dang/ mtshan ma med pa dang/ smon pa med pa'i mtshan nyid ni rnam par thar ba'i sgo gsum yin no zhes de las bshad do/ /dpal rtog pa bsdus pa las ni/ chos

  21. 11a

    bdag med pa goms par bya ba dang/ lha'i rnal 'byor gzhung rab tu mang pos bstan pas 'dir ma bris so/ /de bas na de la sogs pa'i rgyud las/ ji ltar srid pa'i lha'i gzugs dang/ gsang sngags kyi sgra'i bsam gtan du byas pa nyid kyi bzlas brjod gsungs so/ /gang dag tu gdul bya'i dbang gis ma bshad pa de dag ni rgyud thams cad kyi cho ga bsdus pa'i rgyud 'phags pa dpung bzang dang/ dpal rtog pa bsdus pa la sogs pa las gsungs so/ /de dag du yang gsang sngags kyi bsam gtan ni bstan gyi de'i sbyor ba ma bshad do/ /'dir ni yan lag bzhi la sogs pa bshad pas rab tu gsal bar bstan par rig par bya'o/ /da ni rig sngags dang gsang sngags kyi thabs chen po'i yul rab tu dbye ba dang/ mtshan nyid bshad do/ /de la rig sngags dang gsang sngags ni rnam pa drug gi bdag nyid de/ byang chub kyi sems kyi mtshan nyid gnyis su med pa'i ting nge 'dzin dang sgra dang yi ge dang/ phyag rgya dang/ gzugs dang/ kun rdzob kyi ting nge 'dzin rnam pa dang bcas pa'i bye brag go /de dag gi dngos grub mchog la sogs pa dang/ zhi ba la sogs pa'i las kyi mtshan nyid rang gi bya ba sgrub pa'i thabs ni thabs so/ /zhes mda' gzhu'i mtshon cha la sogs pa'i dpes sngar bstan zin to/ /thabs de yang 'dir rnal 'byor la gnas par 'dod kyi bya ba la gnas pa ni ma yin no/ /de la yang bye brag rnam pa gnyis te/ gcig gi bzlas brjod la bltos pa dang bcas pa/ rig sngags dang gsang sngags kyi gzugs la sogs pa mngon du bya ba goms par byed pa'i mtshan nyid do/ /de las gzhan pa ni bzlas brjod la mi bltos pa me la gnas pa la sogs pa sgra la mngon par brtson pa'i mtshan nyid do/ /de yang yan lag bzhi la sogs pa rig sngags dang gsang sngags kyi thabs chen po sgrub pa dang de las gzhan yang sngar lha mchod nas bdag gi de kho na nyid dang/ rig sngags kyi de kho

  22. 11b

    na nyid bsgrub pa sngar bya bar 'dod de/ de bas de bstan pa/ lha yi sku yi gnas de la/ dang po kho nar mchod nas ni/ zhes bya ba la sogs pa nas/ srog dang rtsol ba rab tu bsdams zhes bya ba'i bar du'o/ /de'i 'og tu yang bzlas brjod la ltos pa'i rig sngags dang/ gsang sngags kyi gzugs la sogs pa mngon du bya ba goms par bya ba'i mtshan nyid rig sngags dang gsang sngags kyi thabs chen po gsungs pa/ sgra dang sems dang gzhi la gzhol/ /gsang sngags mi 'gyur gzhi la gnas zhes bya ba la sogs pa nas/ mis ni dngos grub thob par 'gyur zhes bya ba'i bar du'o/ /de'i 'og tu yang bzlas brjod la mi bltos par rig sngags dang gsang sngags kyi gzugs la sogs pa mngon du bya ba goms par sbyor ba phan yon dang bcas par bstan pa/ gsang sngags me gnas dngos grub star zhes bya ba la sogs pa nas/ yan lag spangs pa rgyal bas mkhyen zhes bya ba'i bar du'o/ /de'i 'og tu gsang sngags dang rig sngags la dmigs pa/ goms par byed pa'i mtshan nyid thabs zhes bya ba rnam pa gnyis po 'di nyid kyi yan lag rnams bstan pa/ srog rtsol dka' thub bsam gtan dang zhes bya ba la sogs pa nas/ tshangs la rtag tu rig bya bas zhes bya ba'i bar du'o/ /'di ni re zhig rig sngags dang gsang sngags kyi thabs chen po yan lag dang bcas pa mdor bstan pa'i tshig rnams bsdus pa'i don to/ /yan lag gi don brtag pa ni de la/ lha yi sku yi gnas de la/ dang po kho nar mchod nas ni zhes pa mchod pa smos pa ni mtshan ma bstan pa ste/ de bas na gtsang sbra bya ba dang/ gnas dang/ bdag bsrung ba dang/ lha spyan drangs ba la sogs pa yang 'dir bya dgos par shes par bya'o/ /gang gi phyir zhe na lha spyan ma drangs shing gnas bsrung ba ma byas par sgrub pa pos lha mchod pa'i skabs med pa'i phyir ro/ /gtsang sbra la sogs pa mchod pa'i cho ga'i bar de dag kyang/ rig sngags la sogs pa'i brtag pa thams cad las shes par bya'o/ /'dir yang mchod nas zhes bya ba'i tshig gi mtsham sbyor

  23. 12a

    ba tsam 'ba' zhig bstan to/ /'dir yang mchod nas zhes sngon gyi dus su bya ba'i tshig 'di'o gnas 'byung ba phyis bya ba bzlas brjod la sogs pa bstan pa'i tshig dang 'brel to/ /de la mchod nas zhes bya ba ni/ skabs 'dir mchod pa rnam pa bzhi bstan te/ phyag rgya dang/ gsang sngags dang/ yid kyi dang/ zang zing dang/ mchod pa bzhi'i bye brag go /lnga pa ni nan tan gyi mchod pa ste/ lha'i sku'i gnas de la de mi srid pa'i phyir ro/ /de skabs 'dir mi sbyar ro/ /de la zhes bya ba'i tshig de lha'i sku'i gnas zhes bya ba de dang sbyar ro/ /de'i don 'di ste/ lha gang gi bzlas brjod la sogs pa'i mtshan nyid rig sngags dang gsang sngags kyi thabs chen po goms par 'dod pas/ de mchod nas bzlas brjod la sogs pa goms par bya'o/ /zhes bya ba'i don to/ /mchod pa de yang lha de'i gang du bya zhe na/ sku'i gnas zhes bya ba ste/ de la sku nyid gnas pas na sku'i gnas so/ /sku dang gzugs dang lus shes bya ba ni rnam grangs so/ /des ni don 'di ltar 'gyur te/ ri mo dang sku gzugs la sogs pa'i lha'i gzugs kyi mtshan nyid sku'i gnas la mchod pa byas nas/ bzlas brjod la sogs pa bya'o zhes bstan to/ /rnal 'byor gnas bcas pa zhes bya ba ni/ rnal 'byor gyi phyir 'dug pas na rnal 'byor gnas so/ /de la rnal 'byor ni sbyor ba ste/ ji ltar srid pa'i lha ba drug la kun tu sbyar ba zhes bya ba'i tha tshig ste/ de dang rjes su mthun par gnas pa ni rdo rje dang bkra shis dang sems pa'i skyil mo krung la sogs pa'i mtshan nyid do/ /bde gshegs mdun du bsams nas ni/ zhes bya ba 'di bzlas brjod la sogs pa'i sbyor ba thams cad/ bcom ldan 'das kyi spyan sngar bya ba bstan to/ /de ltar ci mngon zhe na/ lha'i rnal 'byor gyi mtshan nyid rig sngags kyi brtul zhugs kyi gnas bstan pa'i sgo nas don dam pa bzlas brjod kyi gnas 'og nas/ gsang sngags la sogs ldan pa mi rig sngags khro bo mang po kun/ /rgyal ba'i skul mngon phyogs nas/ /bsam gtan ngoms phyir rtag tu gnas zhes bstan to/ /da ni bdag gi de kho

  24. 12b

    na nyid brtag par bya ste/ de la gzhan gyis yongs su brtag pa'i bdag ni kun rdzob kyi bden pa'i tha snyad du yang mi bzod pas na rnal 'byor pa'i gzugs la sogs pa'i phung po lnga po rnam par ma bshig pa'i rang bzhin 'di nyid la bdag ces brjod par shes par bya'o/ /rnal 'byor ba'i bdag de lta bu'i phyin ci ma log pa'i rang bzhin ni bdag gi de kho na nyid de/ de yang 'di ltar dgongs so/ rig pa dang lung ngag gis brtags nas/ de'i phung po lnga'i mtshan nyid kyi bdag phyin ci ma log pa'i ngo bo nyid tsam zhig lhag ma lus pa med par skur ba gdab mi nus pa gang yin pa de ni bdag gi de kho na nyid do/ de yang don dam pa'i bden pa'i yul spros pa thams cad kyi bag chag kyi bzhi dang bral ba rnam pa med pa rang gis rig pa'i ngo bo nyid gnyis su med ye shes kyi mtshan nyid yin par 'dir 'dod do/ /de lta bu'i bdag gi de kho na nyid rtogs par bya ba'i thabs gsungs pa/ phyi nas yan lag rnam grol pa/ mi 'byed 'byed pa rnam par spangs/ phra ba mi g.yo gsal ba ste/ blo'i spyod yul mdun du gnas/ /bdag nyid 'di 'drar bzhag nas ni/ zhes bya ba'o/ /de la yan lag la sogs pa las rnam par grol ba'i tshig rnams dang/ bdag nyid 'di 'drar gzhag nas zhes bya ba 'di dang sbyar ro/ /de la mig la sogs pa'i yan lag las rnam par grol zhing bral ba ni/ yan lag las rnam par grol ba'o/ /yan lag las rnam par grol ba'i bdag de bzhag nas zhes bya ba'i tshig 'og ma rnams dang yang de bzhin du sbyar ro/ /yan lag las rnam par grol ba'i bdag de yang ci 'dra ba zhig ce na/ mi 'byed ces bya ba gsungs te/ de la yan lag yongs su spangs pa'i sgo nas gzhan gyi rgyud la gnas pa'i mig dang rna ba la sogs pa'i rnams par shes pas kyang mi 'byed cing mi 'dzin pas na mi 'byed pa ste/ gzugs med ces bya ba'i tha tshig go /da ni gzugs med pa la sogs pa'i ngo bo nyid kyi bdag ste gzugs la sogs pa la dmigs pa dgag pa'i phyir/ /'byed pa rnams par spangs zhes bya ba gsungs so/ de'i don 'di lta ste/ /mig la sogs pa'i yan lag yongs su spangs pa nyid kyis/ mig la sogs pas bskyed pa'i rnam par shes pa dmigs par byed pa rnams med

  25. 13a

    do/ /med pas na gzugs la sogs pa dbye ba rnams la 'dis dmigs pa spangs pa'i phyir/ 'byed pa rnam par spangs pa ste/ de la 'byed pa rnam par spangs zhes bya ba snga ma bzhin du sbyar ro/ /des ni yan lag rnam par grol bas na/ bdag gzugs la sogs pa'i rang bzhin yang ma yin/ gzugs dang sgra la sogs pa la dmigs par byed pa'i rang bzhin yang ma yin zhes bshad par 'gyur ro/ /de lta bu'i bdag gi rang bzhin 'di bcom ldan 'das kyis kha cig tu ni gnyis su med pa'i ye shes kyi rang bzhin du de bshad pa la/ mos pa'i sems can rnams la bstan to/ /'dir ni bdag gi de kho na nyid kyi rang bzhin du bstan te/ de lta bu'i sgra thos pa tsam gyis 'dul ba'i 'gro ba bsdu ba'i sgo nas bshad par mngon no/ /de la 'di snyam du sems pa dag kyang yod de/ gal te bdag gi de kho na nyid po 'di bdag rang phyi rol gyi gzugs kyi rang bzhin yang ma yin phyi rol gyi gzugs la dmigs pa'i rang bzhin yang ma yin du zin kyang/ gang rmi lam gyi rnam par shes pa dang 'dra bar nang gi 'khrul ba las phyi rol gyi don snang ba ste/ 'dir sus bkag ces gang rgol ba de'i lan du phra ba zhes gsungs so/ /de 'di ltar dgongs te/ ci tsam du nang gi rgyud 'khrul pa'am/ phyi rol gyi don gyi dbang gis don gyi rnam par snang ba de tsam du bdag ces bya ba shes pa'i rang bzhin de rigs so/ /de med pa ni rnam pa thams cad du rnam par grol ba phra ba'i dngos po nyid yin par mngon no/ /da ni bdag gi de kho na nyid ye shes kyi rang bzhin te/ zhum pa dang rgod pa med par bstan pa/ mi g.yo gsal ba ste zhes bya ba gsungs so/ /de la mi g.yo ba ni mi 'gul ba mi 'gyur ba zhes bya ba'i tha tshig go/ 'dis kyang shes rab rgod pa'i rnal 'byor ba chos rnam par 'byed pa'i rnam par rtog pa goms par byas pa'i sems g.yo ba zhi ba'i mtshan nyid rgod pa dgag pa gsungs so/ /de bas na sems mi g.yo ba ni lam la nye bar zhi ba yin no/ /zhes bshad do/ /de bzhin du gsal ba zhes bya ba ni dang ba ste/ rmugs pa la sogs pa'i nyes pa dang bral zhes

  26. 13b

    bya ba'i tha tshig go/ 'dis kyang zhi gnas gcig por song ba'i rnal 'byor pa chos rnam par dbye ba'i dus ni yang gang ha cang mnyam par bzhag ces pa/ sems zhum pa'i mtshan nyid rmug pa chos rnam par 'byed pa'i mi mthun pa'i phyogs su 'gyur ba de bkag go/ de ltar bdag gi de kho na nyid yan lag med pa/ dmigs pa med pa/ gzugs med pa/ rnam pa med pa mi g.yo ba gsal bar rjes su myong ba mtshan nyid yin yang rnam par dpyod pa'i lam ma spangs pa nyid du 'dod pas/ blo yi dpyod pa mdun na gnas zhes bya ba gsungs so/ /blo ni shes rab po'i de'i rang gi yul la 'jug pa ni dpyod pa ste/ blo'i dpyod pa'o/ /blo'i dpyod pa de shes rab kyi snang ba'i mtshan nyid/ bdag gi de kho na nyid gang yin pa'i mdun na gnas pa de ni blo'i dpyod pa mdun na gnas pa'o/ /des 'di skad gsungs par 'gyur te/ rang gis rig pa'i rang bzhin de rnam par mi rtog pa yin yang shes rab kyi snang ba mdun na dpyod pa nyid du 'jug go /zhes bshad do/ /shes rab de bdag gis de kho na nyid dang tha mi dad du zin kyang/ bdag gi de kho na nyid kyi mdun na gnas zhes gsungs te/ snang ba'i dpe bzhin no/ /de ltar ci mngon zhe na/ snang ba mngon du byas nas mig can gyi dngos po snang ba rnam mthong ngo zhes bya ba lta bu'o/ /de ltar gzung ba dang 'dzin pa'i yongs su rtog pa'i rang bzhin las rnam par grol ba gzugs med pa rnam pa mi g.yo ba rab tu 'od gsal ba/ rang gi rig pa'i rang bzhin bdag gis de kho na nyid bstan nas mjug bsdu ba'i phyir ro/ /bdag nyid 'di 'drar bzhag nas ni/ zhes bya ba gsungs te/ 'di 'drar zhes bya ba ni gong du smos pa'i mtshan nyid ltar ro/ /bzhag nas zhes bya ba ni chos rnams kyi rang dang spyi'i mtshan nyid gsal ba'i rigs pas bsam nas zhes bya ste/ gsang sngags kyi bzlas brjod bya'o zhes 'og nas 'chad do/ /de ni bdag gi de kho na nyid de lta bu mngon du byas pa'i snang ba las langs nas lha'i de kho na nyid bstan pa'i phyir/ gsang sngags rnam par shes pas bsgom/ /bsdams nas ting nge 'dzin la gnas/ /srog dang rtsol ba rab tu bsdams zhes bya ba gsungs so//

  27. 14a

    de la gsang sngags kyi rnam par rtog pa dang bcas pa dang/ rnam par mi rtog pa'i ye shes dang/ sgra dang/ yi ge dang/ phyag rgya dang/ gzugs kyi bye brag las lha rnam pa drug go /de lta bu'i gsang sngags la dmigs pa'i rnam par shes pa de ni gsang sngags kyi rnam par shes pa ste/ gsang sngags kyi rnam pa'i rnam par shes pa des sgom zhing bsgom pa ni gsang sngags kyi rnam par shes pas bsgos pa ste/ bdag nyid ces bya ba'i skabs dang 'brel to/ /des na 'di ltar dgongs te/ nam rnam par mi rtog pa'i rang bzhin bdag gi de kho na nyid de las ldang bar 'dod par gyur pa de na/ lha'i rang bzhin rnam pa drug po de bdag bsgos nas/ lha'i de kho na nyid kyi gzugs su bya'o zhes dgongs pa'o/ /de la lha'i ngo bo nyid kyis bsgo ba'i tshul yang 'di lta ste/ ji ltar bdag gi de kho na nyid 'di rnam par mi rtog cing rnam pa med pa/ phyogs thams cad du khyab pa de bzhin du/ bdag 'dod pa'i gsang sngags kyang de bzhin te/ de bas na 'di gnyis rnam pa thams cad du mtshungs pas/ lha'i rnam par mi rtogs pa'i ye shes snang ba de dag gi rnam par mi rtog pa'i bdag gi de kho na nyid ye shes snang ba'i nang du 'dus/ bdag gi yang chu dang 'o ma bzhin du 'dus pas na/ bdag cag gnyis gcig go zhes yongs su brtags te/ yang rnam par mi rtog pa'i snang ba'i sgo de nyid du bdag dang/ lha gnyis gcig par nga rgyal mngon du byas te/ snang ba med par gang gis rig pa shin tu mngon sum du gyur par bsam gtan bya'o/ /de las langs nas gsang sngags kyi sgrar rnam par brtag go de las kyang gsang sngags kyi yi ge'i rnam pa nam mkha' i nang na gnas pa snang bar bsam par bya'o/ /de dag kyang bdag gi de kho na nyid zla ba'i dkyil 'khor gyi rnam par mngon par gyur pa

  28. 14b

    la shin tu dag pa'i dngul? chu gser gyi bye ma la zhen pa ltar nang du 'dus par bsam mo/ /de nas yang lha dang bdag gi de kho na nyid gcig tu gyur pa'i rang bzhin zla ba'i bdud rtsi las 'od zer rab tu 'phros pa'i sgo nas/ lhag pa'i lha'i gzugs dang bdag dang mi gnyis pa'i rnal 'byor gyi rab tu gsal bar snang zhing/ de'i nga rgyal du mngon par bsgom mo/ /bsam gtan gyi rnam par rtog pa de las kyang langs nas/ 'tshogs ma dang spyi gtsug la sogs pa'i phyag rgya rnams kyis yan lag dang bcas par byas la/ rnam par rtog pa dang bcas pa'i lhar bsgom mo/ /'di ni re zhig spyi'i gsang sngags kyi rnam par shes pa bsgom pa'i rim pa'o/ /gang kha cig tu rnam pa gzhan du gsungs pa de dag du yang de bzhin du sbyar bar bya'o/ /da ni gsang sngags rnam pa drug po de dag nyid kyi rnam par shes pas bsgo ba ni sems dpa' i mtshan nyid/ bsam gtan gyi lha'i gzugs dang bdag mi gnyis par ji ltar bsams pa'i ting nge 'dzin mngon du byas pas/ yun ring du dmigs shing gsal bar snang bar bya ba bstan pa/ bsdams nas ting nge 'dzin la gnas zhes bya ba gsungs te/ 'dir yang bdag ces bya ba dang 'brel te/ de bas na bdag bsdams nas ting nge 'dzin la gnas par bya'o/ /zhes bya bar 'gyur ro/ /de la bdag bsdams pa ni dran pa srog dang rtsol bar ldan par ji ltar ting nge 'dzin du bya ba'i lha'i gzugs las gzhan du mi 'phro ba'o/ /ting nge 'dzin la gnas zhes bya ba ni/ ting nge 'dzin rtse gcig tu dmigs pa'i mtshan nyid la mnyam par ldan pa'i sgo nas gnas pas na ting nge 'dzin la gnas te/ bdag gis bye brag la bya'o/ /de nas 'di ltar dgongs te/ rnam pa gnyis kyi lha'i gzugs bdag dang mi gnyis pa'i rnal 'byor bskyed pa ni 'di lta ste bsam gtan dang ting nge 'dzin gyis so/ /de la bsam

  29. 15a

    gtan ni sems pa'i mtshan nyid de dang por bsam par bya ba'i dngos po'i rang gi gzugs la rtogs pa'i rang bzhin no/ /ting nge 'dzin ni bsam gtan gyis brtags pa'i dngos po'i rang bzhin yul du gyur pa las rnam par rtog pa'i rab tu spros pa dang gral ba rtse gcig tu dmigs pa rnam par mi rtog pa'i rang bzhin brjod pa med pa don tsam du yul du gyur pa'i rang bzhin no/ /de bas na dang po kho nar gsang sngags rnam pa drug gi yi ges rnam par shes pa bsgoms pa/ sems pa'i mtshan nyid bsam gtan gyis bdag gi de kho na nyid po de lha'i gzugs su rnam par brtag nas/ yang ji ltar lha'i gzugs su bsams pa'i bdag nyid de dang/ rnam pa gcig par ting nge 'dzin gyis shin tu bsgoms pas/ gsal bar bya bar ting nge 'dzin la gnas/ zhes bya'i tshig gi bstan no/ /ting nge 'dzin la gnas pa'i tshe/ bdag nyid bsdams pa'i tshig bcad dgod par mngon te/ bsam gtan du 'jug pa na yang bdag bsdams dgos mod kyi 'on kyang ji ltar ting nge 'dzin mngon du byed pa'i tshe/ bdag bsdams par 'dod pa de ltar bsam gtan mngon du byed pa'i tshe na ma yin no/ /de ci'i phyir zhe na/ bsam gtan gyi mtshan nyid ni bsam pa'i dngos po la thog ma nyid du rtogs pa'i sems pa'i rnam pa can du 'dod de/ de bas na bsam gtan ni bdag nyid sna tshogs su rnam par rtog pa'i rang bzhin yin pas de la bdag bsdam par ma byas kyang/ sna tshogs su rtog pa sems pa'i rang bzhin gyi bsam gtan ni thams cad du med par mi 'gyur ro/ /ting nge 'dzin ni bsam gtan gyis rnam par rtogs nas nges pa'i dngos po la dmigs pa ste/ ting nge 'dzin ni sems rtse gcig pa zhes bshad pa'i phyir/ de rnam pa gcig pa nyid do/ /de bas na bdag gi de kho na nyid la bsdams na/ ji ltar ting nge 'dzin du bya ba'i lha'i de kho na nyid bdag tu

  30. 15b

    gyur ba las gzhan pa gung du yid 'gro bas rtse gcig tu mi 'gyur te/ de bas na bsdams nas ting nge 'dzin la gnas zhes gsungs so/ /bsdams zhes smras ba de yang ji ltar bsdams par bya ba mi shes te/ de bas na/ srog dang rtsol ba rab tu bsdams zhes gsungs so/ /de la srog dang rtsol ba ni de la srog dang rtsol ba ste/ lha'i de kho na nyid la bdag nyid ting nge 'dzin du gnas pas na/ de gnyis bsdams de la/ srog rtsol ba rab tu bsdams pa'i bdag ces bya'o/ /de la srog ces bya ba ni mig dang rna ba dang sna dang kha dang lte ba dang/ skyes pa dang/ bud med kyi dbang po dang/ mi gtsang ba'i khung khu dang/ skra dang ba spu'i bu ga nas 'byung ba dang/ 'jug pa'i mtshan nyid kyi rlung ste/ de bsdams pa yang skabs 'dir 'byung ba dang 'jug pa dgag pa'o/ /de ni ? gi lus lha'i sku'i de kho na nyid gnyis su med pa ji ltar bsams pa'i gnas ji lta ba bzhin du/ rlung 'jug pa dang 'byung ba rnam par dgag pa gyen du 'dren pa'i rlung gis/ rul sbal gyi lus bskum pa dang/ lce yis chu btung ba'i tshul du bsdus te/ ji ltar bsam pa'i lha'i sku de kho na nyid dang/ bdag gi lus gnyis su med par gyur pa'i nang du ting nge 'dzin nam/ bzlas brjod ma rdzogs kyi bar du 'am/ ci nus par bzung ngo/ /zhes de skad bshad pa yin no/ /rtsol bar ni dran par gsungs te de bsdams pa yang bzlas brjod kyi dus ma rdzogs kyi bar du 'am/ ci nus par ji ltar bsam pa'i lha nyid kyi gzugs las gzhan pa gung du dmigs dgag pa ste/ 'di de ltar ci mngon zhe na srog ces bya ba rlung du bshad/ rtsol bas dran pa zhes bya'o/ zhes gzhan dag las gsungs so/ /yang na ji skad smos pa'i mtshan nyid kyi srog snga ma'i rim pa nyid kyis kun tu bsdams pa rgyun bcad cing/ 'gog pa ni srog rtsol ba zhes bya ste/ srog rtsol ba des bdag shin tu bsdams pa ni srog rtsol ba rab tu

  31. 16a

    bsdams pa'o/ /phyogs 'dir yang bdag ces bya ba'i sems bsdams pa nyid kyis/ dran pa bsdams par rig par bya'o/ /de ltar ci mngon zhe na/ sems rgyal po dran pa dang ting nge 'dzin dang yid la byed pa la sogs pa'i 'khor gyis bskor ba srog gi rta zhon pa nyid du 'dod de/ srog gi rta de bzung na/ sems rgyal po 'khor dang bcas pa nges par bzung bar 'gyur ro/ /'di ltar gzhan dag las kyang/ srog 'gog pa ste/ de bgag pas dran pa dang/ /bla dang yid la byed pa la sogs pa dang bcas pa'i bdag gi sems nges par bzung bar 'gyur ro/ /zhes gsungs so/ /de bas na de ltar rnam par shes pa gsang sngags pa drug gi rnam pa bsgoms pas lha'i de kho na nyid ces bya ba/ lha'i gzugs su bdag mngon par bsgyur la/ srog dang rtsol ba 'gog pa sngar byas te/ ting nge 'dzin du gnas par byas nas/ bzlas brjod kyi yan lag bzhi la sogs pa 'og nas 'chad pa thams cad 'dir bya'o/ zhes bstan pa tha tshig go /de bzhin gshegs pa la sogs pa bzlas brjod kyi yan lag brtag pa yang rdo rje gtsug tor gyi rgyud 'di nyid du sngar bstan te/ de bas na gzhung 'di ni bsam gtan phyi ma rim par phye ba zhes bsgrags so/ /'di ltar ming bshad pa ni yan lag bzhi'i 'og tu bsam gtan gyi phyir bshad pas na bsam gtan phyi ma'i rim par phye ba zhes bya'o/ /der gang gsungs pa'i lhag ma bzlas brjod dang me la gnas pa la sogs pa'i sgra'i bsam gtan rigs sngags dang gsang sngags kyi thabs zhes bya ba yan lag dang bcas pa de 'dir bshad de/ de bas na sgra dang sems dang gzhi la sogs pa bzlas brjod la sogs pa'i yan lag rnams kyi mtshan nyid kyi tshig 'dir ma bshad pa ni 'di ltar sgra dang sems la sogs pa bshad pa thog ma nyid du rgyud 'dir bshad zin pa'i phyir ro/ /zhes bya ba'i tha tshig go /der 'di dag gi mtshan nyid bshad pa yang sgra ni sngags kyi yi ge'o/ /sems ni sngags kyi

  32. 16b

    gzhi zla ba'i dkyil 'khor gyi rnam par gyur pa'o/ /gzhi ni de bzhin gshegs pa'i sku'i rang bzhin no/ /gzhi gnyis pa ni rang gi lha'i gzugs so/ /gzhan yang srog dang rtsol ba dang/ slar sdud pa la sogs pa'i mtshan nyid gang yin pa de dag rdo rje gtsug tor gyi rgyud 'di nyid du sngar bshad zin pas de dang 'brel ba bsam gtan phyi ma zhes bya ba rim par phye ba 'dir de dag gi mtshan nyid ma gsungs par shes par bya'o/ /ji ltar rnam par snang mdzad mngon par rdzogs par byang chub pa'i rgyud las bshad pa yi ge byang chub sems yin te/ gnyis pa la ni sgra zhes bya/ gzhi ni rang gi lha bzhag par/ rang gi lus la bya ba yin/ /gnyis pa'i gzhi ni zhes bya ba/ /rdzogs pa'i sangs rgyas rkang gnyis mchog /srog ces bya ba rlung du bshad/ rtsol ba dran pa zhes bya'o/ /zhes bya ba la sogs pa lta bu ste/ de bzhin du 'dir yang gzhi la sogs pa de dag gi mtshan nyid sngar bshad zin par blta'o/ /der yang lha nyid kyi rnal 'byor byas pa'i sngags pas/ mdun du de bzhin gshegs pa'i sku'i nang du bzhugs pa'i zla ba'i dkyil 'khor la gsang sngags kyi yi ge bzhag pa/ sngar byas pa'i bzlas brjod kyi cho ga ni gsungs na/ yid kyis brjod dam gshibs te brjod pa na yan lag bzhi rnams las/ yan lag gang la dmigs shing gsang sngags brjod par bya ba dag bye brag tu ma phye'o/ /de bzhin du bzlas brjod med par yang bsam gtan nyid kyis gsang sngags 'grub pa dang/ rnal 'byor dang thar pa thob po/ /zhes bya ba 'di yang der gsungs na/ ji ltar na de rnams bsam gtan nyid kyis bzlas brjod la mi bltos par dngos grub la sogs pa ster bar ma gsungs pas/ de la ji ltar yan lag bzhi'i gsang sngags brjod pa'i tshe/ so sor nges pa'i yan lag la dmigs pa dang/ ji ltar bsam gtan nyid kyis gsang sngags rnam dngos grub dang/ rnal 'byor dang thar ba ster bar 'gyur ba de bshad par

  33. 17a

    bya'o/ /de la yang re zhig bzlas brjod kyi yan lag bzhi rnams kyi gsang sngags brjod pa'i tshe/ bzlas brjod byed pas rnam pa gsum gyis dmigs pa nges par bstan pa ni/ de la lha nyid du bdag rnal 'byor byas pa'i zlos pa pos mdun na bzhugs pa'i de bzhin gshegs pa'i thugs ka na gnas pa'i zla ba la bkod pa'i gsang sngags kyi yi ge la nges par dmigs nas/ gsang sngags brjod pa de bstan pa'i phyir/ /sgra dang sems dang gzhi la gzhol/ /gsang sngags mi 'gyur gzhi la gnas/ /yan lag ma mnyams gsang sngags bzlas/ /ngal na bdag la ngal sos shig/ ces gsungs so/ /de bzhin du gzhi snga ma bzhin yan lag bzhi bkod pa de bzhin gshegs pa'i gzhi'i thugs ka na gnas pa'i gsang sngags kyi yi ge dang bcas pa'i zla ba'i dkyil 'khor la sems pa las/ yid kyis slar bsdud pa'i sbyor bas bdag rang gi lha'i sku'i thugs ka na 'dug pa'i zla ba la gnas pa'i gsang sngags kyi yi ge la dmigs shing sngags brjod pa nges pa/ mi 'gyur ba dang yi ger ldan/ /gzhi la bzhir gyur de bzhin te/ rang sngags phyir ni gang brtags pa/ /yid kyi dag pa bsams par bya/ zhes bya ba gsungs so/ /de bzhin du yan lag bzhi'i dgongs pa byas pa nyid kyis gsang sngags kyi sgra la dmigs shing/ /gsang sngags brjod pa'i cho ga yang/ /slar sdud pa yis bsdams nas ni/ /srog dang rtsol ba bsdams pa'i yid/ /sngags rig pas ni sngags la sbyar/ /yid kyi bzlas brjod brtsam par bya zhes bya ba la sogs pa gsungs so/ /'di ni re zhig yan lag bzhi rnams la dmigs pa rab tu dbye ba'i tshigs su bcad pa rnams bsdus pa'i don to/ /yan lag gi don bstan pa ni sgra dang sems dang gzhi zhes bya ba la sogs pa'o/ /de la gzhol bar gsang sngags bzlas brjod bya'o/ zhes bya ba dang 'brel te/ gang du gzhol zhe na/ sgra dang sems dang gzhi la gzhol

  34. 17b

    zhes smras ba'o/ /de la sgra zhes bya ba ni gsang sngags kyi yi ge'i 'phreng ba'o/ /sems zhes bya ba ni byang chub kyi sems kyi mtshan nyid zla ba'i dkyil 'khor gyi rnam pa'o/ /gzhi zhes bya ba ni de bzhin gshegs pa'i gzhi'o/ /gzhol zhes bya ba ni zlos pa po'i bye brag ste/ de bas na zlos pa po sgra la sogs pa la gzhol ba ni rgyun ma chad par dmigs pa'i sgo nas zhen pa'o/ /'dis ni mdun du bsams pa'i de bzhin gshegs pa'i gzhi'i thugs ka na gnas pa'i gsang sngags kyi phreng ba dang bcas pa'i zla ba'i gzugs brnyan la dmigs shing gsang sngags bzlas brjod bya bar bstan te/ sgra dang sems dang gzhi smos pa ni tshig gi rim pa'i go rims bzhin no/ /de bas na dus gcig tu yang dmigs pa 'di sum rim pa 'di nyid kyi dmigs par bya'o/ /zhes bya ba'i tha tshig go/ gsang sngags mi 'gyur gzhi la gnas zhes bya ba ni de la shin tu bsgoms pa'i phyir rang gi snang ba'i rang bzhin las mi nyams shing mi g.yo bas ni mi 'gyur ba ste/ bdag gis shin tu bsgoms pa'i rang gi lha nyid kyi gzhi la bya'o/ /mi 'gyur ba dang gzhi yang de yin pas na mi 'gyur ba'i gzhi'o sgra dang yi ge la sogs pa rang bzhin gyi gsang sngags mi 'gyur ba'i gzhi ting nge 'dzin gyis rtogs pa'i gzugs kyi sku la gsang sngags mi 'gyur ba'i gzhi zhes bya'o/ /gzhi zhes bya ba ni bdag dang gzhan gyi sems dang sems las byung ba rnams kyi bzhi dang dmigs pa dang/ rten gyi sgo nas gzhir gyur pa 'am/ skyes pa la sogs pa'i gzugs su shes shing rtogs par 'gyur ba'i snang ba'i gzhi yin pas na gzhi'o/ /gsang sngags mi 'gyur ba'i gzhi de la gnas pa'i rang gi lha'i nga rgyal dang ldan pa zhes bya ba ni tha tshig go/ gsang sngags bzlas brjod bya zhes bya ba ni gsang sngags brjod pa ste yid kyis ma shub bur bya'o/ /zhes bstan to/ /yan lag mnyams zhes bya ba ni zlos pa gang gi sgra la sogs pa'i yan lag ji ltar srid pa'i nga rgyal dang/ dmigs pa gsum mnyams shing yongs su ma gtang ba de yan

  35. 18a

    lag ma nyams pa ste/ bzlas brjod kyi yan lag bzhi yongs su ma btang ba zhes bya ba'i tha tshig go/ de la gsang sngags kyi yi ge dang/ zla ba'i dkyil 'khor dang/ de bzhin gshegs pa'i sku'i mtshan nyid kyi yan lag gsum ni dmigs pa'i yongs su ma btang ba'o/ /bzhi pa ni bdag gi lha nyid kyi gzhi'i yan lag gang yin pa ste/ de ni nga rgyal du bya ba yongs su ma btang btang ba zhes bya ba'i tha tshig go /bzlas brjod kyi yan lag bzhi las de bzhin gshegs pa'i gzhi la sogs pa'i yan lag gsum la dmigs pa'i ting nge 'dzin las ldang bar bya ba'i phyir/ da lan bdag la ngal sos shig ces bya ba gsungs so/ /de la ngal ba ni srog dang rtsol ba bsdams pa dang/ yan lag gsum la dmigs shing gsang sngags 'don pas/ ngal na bdag gi rang bzhin la ngal sos shig ces bstan pa'o/ /de la bdag ni rnam par smin pa'i rang bzhin gyi lus su 'dod do/ /de ngal bso ba ni g.yeng ba spang ba'i phyir te/ rang gi lus lha'i skur bsam pa btang la rang gi lus su bsams te/ ldang ngo zhes bya ba'i tha tshig go /btang ba'i rim pa yang 'di ste/ gsang sngags kyi yi ge'i sgra ni de'i yig 'bru la sems bas btang ngo/ /yi ge yang de med pa'i zla ba la sems pas so/ /zla ba'i dkyil 'khor ni de bzhin gshegs pa'i sku 'ba' zhig la sems pas so/ /de yang rang gi lha'i sku 'ba' zhig tu sems pas so/ / de yang de'i yi ge'i 'bru la sems pas so/ /de yang de'i sgra la sems pas so/ /de'i sgra la lha'i ye shes kyi sku la sems pas so/ /ye shes kyi sku la sems pa de yang/ chos kyi sku la sems pas so/ /de yang mi dmigs pa'i bdag gi de kho na nyid la bya'o/ /de yang sgyu ma dang smig rgyu la sogs par snang ba rnam par smin pa'i lus su Nsems pa ste/ 'di ni bdag la ngal sos shig ces bya ba'i tshig gi don to/ /de la bdag gi de kho na nyid la sogs pa de dag thams cad nan tan du bya ba'i rim pa ni/ 'di ste bdag gi de kho na nyid

  36. 18b

    bsgoms pa sngar byas te/ lha nyid kyi nga rgyal du byas pa'i zlos pa pos snga ma bzhin du rus sbal gyi yan lag bskum pa dang/ lce yis chu btung ba ltar lus thams cad kyi dbugs rgyu ba dang/ dbang po'i grong nang du phyogs par byas kyang/ phug gi nang na gnas pa'i mi phyi rol du blta ba'i tshul du mig zam zim du byas shing/ gdong cung zad bstod de/ rang gi gsang sngags kyi yi ge 'phreng ba dang/ zla ba'i dkyil 'khor dang/ de bzhin gshegs pa'i gzhi rnams rim pa 'di nyid kyi ri mo bting ba la cig car dmigs pa'i tshul du yid kyi'am shu bur gsang sngags brjod par bya'o/ /bar bar du yang lus thams cad kyi rlung skad cig tsam bag yangs su byas te/ dbugs dbyung ba na/ de bzhin du rang gi lus rang gi lha nyid kyi rang bzhin du gyur pa la bltas nas yang snga ma bzhin du phyi rol tu bzhugs pa'i de bzhin gshegs pa la sogs pa'i gsum la dmigs shing dbugs dbyung ba'i lha'i mdza' i bar du srog dang rtsol ba sdom zhing bzlas brjod de bzhin du bya'o/ /rim pa 'dis bzlas rjod btang ba'i bar bzlas brjod byas la/ sngar smos pa'i rim bas rnam par smin pa'i bdag gi lus la ngal bso'o/ /da ni yan lag bzhi dgod pa'i go rims byas pa'i zlos pa po/ /de nyid kyi gsang sngags 'don pa'i tshe/ dmigs pa'i bye brag gzhan bstan te/ de yang gsang sngags kyi yi ge bkod pa'i zla ba'i dkyil 'khor gyi rnam pa'i rims pas de bzhin gshegs pa'i gzhi las/ rang gi lha dang bdag gnyis su med pa'i gzhi la spo'o/ /de las kyang de bzhin gshegs pa'i gzhi la spo ste/ gsang sngags kyi mdza' 'am/ dbugs 'byung ba'i mdza' phyir 'byung ba dang slar sdud pa'i sbyor bas bya ba ste bstan pa'i phyir/ mi 'gyur ba dang yi ger ldan/ /gzhi las gzhir gyur de bzhin te/ /rang sngags phyir ni gang brtags pa/ /yid kyi dag pa bsam par bya zhes bya ba gsungs te/ de la yid kyi zhes bya ba ni/

  37. 19a

    yid las byung bas na/ yid kyis te yid zla ba'i dkyil 'khor gyi rnam par gyur pa'i gnas skabs so/ /yid ji lta bu zhig yin zhes khyad par du bstan pa'i phyir mi 'gyur ba dang yi ger ldan zhes bya ste/ de la shin tu bsgoms pa'i phyir gsal bar snang ba las mi 'gyur bas na mi 'gyur ba ste/ zla ba'i dkyil 'khor la bkod pa'i gsang sngags kyi yi ge rnams la bya'o/ /yi ge de rnams kyang mi 'gyur ba ni mi 'bral ba dang rgyun mi 'chad par/ rab tu snang bar yid zla ba'i dkyil 'khor gyi rnam par gyur pa gang yin pa la/ sbyar ba de ni mi 'gyur ba dang yi ger ldan pa'i yid do/ /yang de nyid bye brag du dbye ba'i phyir/ gzhi las gzhir gyur zhes bya ba gsungs te/ gzhi las zhes bya ba ni yang dag par rdzogs pa'i sangs rgyas kyi gzhi las so/ /gzhir gyur zhes bya ba ni rang gi lha'i sku bdag gi gzhir gyur pa ste/ zla ba'i dkyil 'khor gyi rnam par gyur pa'i yid de/ gsang sngags kyi yi ge dang bcas par bdag gi gzugs rang gi lhar gyur pa de'i snying gar blta zhing dbugs dbyung ba'i mdza' i bar du bzlas brjod bya'o/ /de las de bzhin du yang dag par rdzogs pa'i sangs rgyas kyi gzhi la blta'o/ /de las kyang yid kyi de slar bsdus te/ snga ma bzhin du rang gi lha'i sku'i gzhi la gnas par byas la bzlas brjod bya ste/ de lta bur sems shing gsang sngags gdon par bya'o/ /zhes bya ba'i tha tshig go /de bzhin zhes bya ba'i sgras ni bzlas brjod kyi dmigs pa'i khyad par gzhan nye bar bsdud pa bstan to/ /yang yid kyi dag pa zhes bya ba de nyid kyi khyad par bstan te/ de la yid kyi dag pa ni rnam pa gnyis te/ 'dod chags la sogs pa'i nyon mongs pa'i dri ma g.yeng ba dang bcas pa rnams kun nas ma langs pa dang/ zla ba'i gzugs brnyan gyi rnam par gyur pa'i gnas skabs na yang/ kun rdzogs shing dri ma med par rab tu snang ngo/ /gang brtags zhes bya ba ni/ zla ba'i dkyil 'khor gyi rnam par bsgyur zhes bya ba'i tha tshig go /rang sngags

  38. 19b

    phyir zhes bya ba ni yid zla ba'i gzugs su brtag pa'i dgos pa bstan te/ rang gi gsang sngags kyi yi ge'i gnas kyi phyir zhes bya ba'i tha tshig go /'di bsdus pa'i don snga ma bzhin du lha'i de kho na nyid kyi sku bdag gi gzugs su gyur par bdag nyid rab tu goms par byas shing de bzhin du srog dang rtsol ba bsdams pa sngar byas te/ cung zad cig ting nge 'dzin gyis gsal bar rab tu snang bar byas nas srog dang rtsol ba sdams pa nyid kyis mig cung zad btsums kyang yid snang ba dang bcas par mdun du btang la ha cang mi ring bar bdag gi tshad las cung zad mtho bar de bzhin gshegs pa'i sku gzugs brtags de de'i thugs kar gsang sngags kyi 'phreng ba bzlas brjod bya ba nang na gnas pas brgyan pa'i zla ba'i dkyil 'khor rab tu brtag go/ de nas zla ba'i dkyil 'khor gyi gsang sngags dang bcas par snga ma bzhin du lus thams cad kyi rlung slar bsdu ba'i tshul gyis bdag gi snying ga'i nang na gnas par dbugs dbyung ba'i mdza' i bar du gsang sngags 'don re re nas brjod pas blta zhing bdag gi gsang sngags par byas nas yang lus thams cad nas rlung 'byung ba'i tshul du rlung dang bcas pas yid kyis de bzhin gshegs pa'i thugs ka'i phyogs su btang ngo/ /zla ba'i dkyil 'khor de'i nang na gnas pa'i gsang sngags kyi phreng ba la blta shing snga ma bzhin du rang gi snying ga'i nang na gnas pa la dmigs pa'i tshul gyis dbugs dbyung ba'i mdza' i bar du/ gsang sngags 'don pa snga ma bzhin du byas la/ rim pa 'dis bzlas brjod btang ba'i bar du bzlas brjod bya'o/ /btang ba'i dus na yang yan lag gzhi char yang thang gcig tu dmigs par bya'o/ /da ni de bzhin du bzlas brjod kyi yan lag gzhi bo shin du bsgoms pas lus thams cad kyi rlung bsdus nas dbang po'i grong slar bsdud pa'i tshul gyis gsang sngags kyi sgra 'don pa la dmigs shing bzlas brjod bya ba bstan pa'i phyir/ slar bsdus pa yis bsdams nas su/ srog dang rtsol ba bsdams pa yis/ /gsang sngags rig pas sngags dang sbyar/ /yid kyi

  39. 20a

    bzlas brjod brtsams par bya/ /'di nyid kyis ni cho ga yis/ /yang na shu bur bya yang rung/ /sngags rig dngos grub 'dod pa yis/ bzlas brjod gzhan du mi bya'o zhes gsungs so/ /de la yid gsang sngags la sbyar nas/ yid bzlas brjod rtsom mo zhes bya ba dang sbyar ro yid de yang ji lta bu zhig tu byas te/ gsang sngags la sbyar zhes/ slar bsdus pa yis bsdams nas ni/ zhes bya ba gsungs te/ mnyam par ma bzhag pa'i yid rang dgar 'byung ba mig la sogs ba'i sgo nas ji ltar srid par phan tshun tu rab tu rgyu ba lus thams cad kyi rlung bsdu ba'i tshul gyis slar bkug la rang bzhin gyi nang du 'jug pa ni slar sdud pa ste/ slar bsdus pa des bsdams shing bcum la nang du phyogs par byas nas zhes bya ba'i tha tshig ste/ de lta bu'i yid de gsang sngags la sbyar ro/ zhes bya ba dang 'brel to/ /yang de nyid kyi kyang bar bstan pa ni/ srog dang rtsol ba bsdams pa zhes bya ba ste/ gong du mos pa'i mtshan nyid kyi srog dang rtsol ba bdag yid gang gis bcum zhing bsdams pa 'am/ srog dang rtsol ba bdag gis bsdams pa ste/ de dag nyid kyis bsdams shing mi g.yo bar byas pa la/ srog dang brtsol ba bsdams pa zhes kyang bya'o/ /de ni srog dang rtsol ba bsdams pa'i yid yin te/ rlung gi lam dang dran pa btul zhes bya ba'i don to/ /gsang sngags rig pa sngags la sbyar zhes bya ba ni gsang sngags kyi sgra la dmigs pa'i yid de gsang sngags kyi yul la sbyar ba ste/ mngon par 'dod ces bya ba'i tha tshig go/ yid kyis mngon du smra zhing rnam par rtog pa'i phyir yid kyis bzlas brjod do/ /'di nyid kyi ni cho ga yis zhes bya ba ni/ gsang sngags kyi sgra la dmigs pa'i cho gas so/ /zhes bya ba'i tha tshig go /shub bur yang rung zhes bya ba ni gsang sngags shub bur smra zhing 'don pa'i bzlas brjod do/ /shub bu ni 'bad mi dgos par gsang sngags 'don pa'i sbyar ba'o/ /de'i dgongs pa 'di lta ste/ slar sdud pa srog dang rtsol ba shin tu bsdams pas dbang po'i byed pa mang po rang dbang med

  40. 20b

    bar nang du phyogs par byas pa'i zlos pa po sgra chen por 'don par mi srid pas na gsang sngags sgra chung ngur 'don pa ni shub bu'i mtshan nyid du zhar la zhes par bya'o/ /shub bur yang rung zhes bya ba de nyid kyis bzlas brjod las shub bu'i bzlas brjod kyi phyogs gzhan bstan par mngon mod kyi yang na zhes bya ba'i sgra smos pas ni gtsug lag mdzad pas yid kyis bzlas brjod nyid bsdams par mngon no/ /dI don 'di ste/ yid kyis bzlas brjod nyid ting nge 'dzin phra ba'i rgyu yin pas rtag tu 'di nyid bya'o/ /gal te rgya la shub bur bzlas brjod byed 'dod na de yang de'i tshe de nyid kyi sbyar bas bya'o zhes bstan to/ /yod ni slar bsdud pa dang srog dang rtsol ba bsdams pas yid dang rlung dang/ dbang po'i byed pa'i tshogs nang du phyogs par byas pas shub bur brjod par dka' ste/ de bas na yid bde ba nyid rigs so/ ting nge 'dzin dbang du ma gyur pa rnams tshig brjod na ting nge 'dzin nyams par 'gyur ba yang srid de/ rig pas de dang sbyar na yang yid kyi bzlas brjod nyid mchog yin no/ /dngos grub 'dod pas zhes bya ba ni dngos grub 'dod pa'i phyir gsang sngags kyi bzlas brjod byed pa gang yin pa de dag gis bzlas brjod kyi cho ga 'di nges par nan tan bya'o/ /zhes dgongs pa'o/ /'jig rten pha rol gyi bsod nams la sogs pa'i phyir byed pa ni 'di skad du gsungs pa'i cho ga las nyams shing ci nus par bzlas brjod byas nas yang nyes par mi 'gyur ro zhes bya ba'i tha tshig go/ sgra la dmigs pa'i bzlas brjod la yid kyi dang shub bur bzlas brjod bya ba smos pa ni 'dir nye bar bstan pa'i mtshan nyid du blta ste/ de bas na snga ma'i bzlas brjod dag la yang sbyar bar bya'o/ /'di'i bsdus pa'i don kyang snga ma bzhin du yan lag bzhi'i cho ga byas shing de bzhin gshegs pa'i gzhi la bltas nas/ lus thams cad kyi rlung gis lam gyis rjes su 'brang ba'i sems kyi rta mngon du phyogs par byas la ru sbal gyi lus bskum pa dang lce yis chu btung ba'i tshul du rlung slar bsdud pa'i sbyor bas yid

  41. 21a

    nang du phyogs par bya ste/ rang gi lha dang/ gnyis su med par shin tu bsgoms pa'i gzugs kyi bdag khyab par byas la dran pa dang rlung 'byung ba'i lam bkag ste/ brjod par bya ba'i sgra la dmigs shing sems gzung nas dbyugs dbyung ba'i mdza' 'am/ gsang sngags kyi mdza' i bar du gsang sngags 'don pa byas la/ yang de bzhin du rlung gi lam gyi rjes su 'brang ba'i sems phyir phyogs par byas la/ de bzhin gshegs pa la sogs pa gsum la bltas nas slar bsdus te/ de bzhin du gsang sngags kyi sgra la dmigs pa'i bzlas brjod byas la yang de bzhin du dbyung ba dang slar bsdu ba'i tshul gyis ji tsam 'dod pa'i bar du bzlas brjod bya'o/ /de ltar gsang sngags brjod pa'i cho ga dbang dang po la dmigs pa gsum gsungs pa ni de bzhin gshegs pa dang de'i nang na gnas pa'i gsang sngags dang bcas pa'i zla ba'i dkyil 'khor la dmigs pa'i bye brag go /gsang sngags zlos pa'i cho ga gnyis pa la ni dmigs pa gnyis te/ bdag gi snying ga'i zla ba'i dkyil 'khor dang/ de'i nang na gnas pa'i gsang sngags kyi yi ge'i phreng ba'o/ /rim pa gsum pa la ni bzlas brjod bya ba'i gsang sngags kyi sgra la dmigs pa ste/ bzlas brjod gsum gyi bye brag go /bzlas brjod kyi de kho na nyid dang bdag gis de kho na nyid rig sngags kyi de kho na nyid kyi mtshan nyid rig sngags dang gsang sngags kyi thabs chen po bshad zin to/ /da ni rig sngags dang gsang sngags kyi dngos grub kyi lam 'di nyid yin gyi gzhan ni ma yin te/ thun mong ma yin pa'i rgyu yin par bstan pas ji skad smos pa'i mtshan nyid rig sngags dang gsang sngags kyi thabs 'di la nan tan bstan par bya ba'i phyir ro/ /rig sngags de nyid ma lus dang/ /bdag gi de nyid cho ga dang/ /bzlas brjod de nyid chog shes na/ /mes ni dngos grub thob par 'gyur/ /de la bzlas brjod kyi de kho na nyid mchog ces bya ba ni bzlas brjod kyi yan lag la dmigs pa'i

  42. 21b

    mtshan nyid gong du smos pa gang yin pa de la bzlas brjod kyi de kho na nyid ces bya ba ste/ bzlas brjod kyi yan lag bzhi ma yin pa las dam par gyur pas na mchog go /de bas na de shes na dngos grub thob po zhes bya ba dang 'drel to/ /'o na bzlas brjod kyi de kho na nyid rab tu nan tan byas nas zhes smra bar rigs so/ /gang gi phyir zhe na nan tan ma byas par shes pa tsam gyis 'bras bu yod pa mi snang ngo/ /dper na 'jig rten na smos dang tshong gi cho ga shes kyang nan tan na? byas na de'i 'bras bu dang ldan pa mi snang ste de ni mi rigs de la nyes pa med de 'bras bu la rgyu btags te/ bstan par dgongs pa 'am/ nan tan la sogs pa'i mtshan nyid du brjod par dgongs pa'o/ /rig sngags de nyid ma lus dang zhes bya bas ma lus dang zhes smos pa ni rig sngags rnam pa drug gi de kho na nyid yongs su shes par bstan to/ /bdag gi de kho na nyid cho ga yang zhes bya ba ni cho ga'i tshig smos pas 'di skad bstan te/ bdag gi de kho na nyid kyi cho ga mos pas rnam par spyad kyi bdag gi de kho na nyid des thob par gyur pa la ni mi bya'o/ de ci'i phyir zhe na/ bdag gi de kho na nyid gnyis su med pa'i ye shes kyi mtshan nyid sngar smos pa de nyid thob na sangs rgyas su gyur pa nyid yin pas de la bzlas brjod bshad cing dgos zhes dgos pa'o/ /da ni bzlas brjod la mi bltos par bsam gtan 'ba' zhig las ji ltar 'dod pa'i dngos grub dang/ rnal 'byor dang thar pa thob pa'i cho ga bya ba bstan par bya ste/ de'i phyir gsang sngags kyi bsam gtan gyi gnas bstan pa'i phyir/ dben pa'i skyes mos tshal dang dogs?/ /phug dang ri bo nag tshal du/ /brtul zhugs gnas sam sdom pa yis/ /sngags pa bsam gtan byed cing gnas shes bya ba gsungs so/ /de la bsam gtan gyi gnas bstan pa'i dgongs pa ni/ 'di ltar gnas rnam pa gnyis te lus dben pa dang/ sems dben pa'i rgyu'i bye brag go/ de la bzlas brjod la ni pad+ma'i mtsho dang/ ri dang phug la sogs pa'i mtshan nyid yon tan gang yang rung ba dang ldan pa'i gnas kyi bye brag tu yang las dang dngos grub kyi rjes su mthun par bya ba'i phyir gnas 'cha'o/ /bsam

  43. 22a

    gtan la ni lus dben pa dang/ sems dben pa'i rgyu gnyis ka dang ldan pa nyid kyis gnas su gnas par rigs te/ de bas na de gnyis ka'i yon tan gyi rgyu dang ldan pa nyid/ dben pa'i skyed mos tshal la sogs pa bsam gtan gyi skabs su bstan to/ /bzlas brjod gyi gnas ni de dag nyid dang gzhan dang gzhan dag kyang rgyud 'di'i sngon rol du gsungs par blta'o/ /bsam gtan byed cing ces bya ba ni nye ba'i mtshan nyid de ting nge 'dzin bsgoms pa la yang blta bar bya'o/ /brtul zhugs ni rab tu byung ba dang/ rig sngags kyi brtul zhugs la sogs pa'o/ /bsdams pa ni gso sbyong la sogs pa'i mtshan nyid do/ /bsam gtan byed cing zhes gsungs pa de yang/ bsam par bya ba ni 'dir lha'i rang bzhin de de bas na de nyid brtag par bya'o/ /de la lha'i rang bzhin rnam pa gsum ste/ 'di ltar gzugs kyi sku'i bdag nyid kyi lha'i rang bzhin dang/ sgra'i bdag nyid kyi lha'i rang bzhin dang/ don dam pa'i lha'i rang bzhin no/ /de'i gzugs kyi bdag nyid kyi lha'i rang bzhin yang rnam pa gnyis te/ gcig ni mig la sogs pa'i yan lag gi dbyibs kyi rang bzhin no/ /gnyis pa ni phyag rgya'i rang bzhin no/ /sgra'i rang bzhin gyi lha bdag nyid la yang rnam pa gnyis te/ gcig ni yi ge'i mtshan nyid do/ /gnyis pa ni sgrar brjod pa'i rang bzhin no/ /sgrar brjod pa'i rang bzhin de yang rnam pa gsum ste/ gcig ni rkan dang mchu la sogs pa'i rtsol bas bskyed pa shub bu la sogs par bzlas brjod byed pa'i sgra'i rang bzhin no/ /gnyis pa ni yid kyi spyir gsang sngags 'don pa'i rang bzhin no/ /gsum pa yang gsang sngags kyi yi ge re re nas sems pa'i bdag nyid rnam par rtog pa'i rang bzhin no/ /don dam pa'i lha'i rang bzhin yang rnam pa gnyis te/ de de la gcig ni chos kyi dbyings kyi rang bzhin no/ /de las gzhan pa ni de la dmigs pa snang ba med par rnam par mi rtog pa'i ye shes kyi rang bzhin no/ /de ltar lha'i rang bzhin thams cad kyi bye brag 'di dag gis bzlas brjod kyi

  44. 22b

    yan lag bzhi'i cho ga la lha'i de kho na nyid dang/ bzlas brjod kyi mdza' i bar du ji ltar dpyad par bya ba de dag ni bshad zin to bzlas brjod la mi bltos par bsam gtan las gsang sngags kyi 'bras bu 'dod pas ni/ rang bzhin gsum 'og nas 'chad pa'i rim pas ji ltar srid par bsam gtan du bya'o/ /de la gcig ni ji skad smos pa sgra zhes bya ba lha'i bye brag gi bdag nyid gsang sngags kyi yan lag gi yi ge rnam so sor yid kyis rnam par brtags pa'i bsam gtan gyi rang bzhin no/ /gnyis pa ni rig sngags de nyid kyi tshig tu smra ba'i yi ge sgra'i rang bzhin no/ /gsum pa ni yongs su dag pa gnyis su med pa'i ye shes kyi yul chos kyi dbyings kyi rang bzhin no/ /de la rang bzhin gsum po ji ltar srid pa de'i bsam gtan gyi sbyor ba dang/ bsam gtan gyi 'bras bu bstan pa'i phyir/ gsang sngags ma gnas dngos grub ster/ /sgra gnas rnal 'byor ster ba dran/ /sgra mthar thar pa ster ba nyid/ /'di dag de nyid gsum po yin zhes gsungs so/ /de la gsang sngags me gnas dngos grub ster/ sgra gnas rnal 'byor ster ba dran zhes bya ba'i tshig gnyis kyis ji ltar srid pa'i lha'i rang bzhin gnyis kyi bsam gtan gyi sbyor ba las dngos grub mchog dang/ sems mnyam par gnas pa'i mtshan nyid rnal 'byor 'grub pa bstan to/ /sgra mthar thar pa ster ba nyid ces bya ba nges kyang chos kyi dbyings kyi rang bzhin gyi bsam gtan gyi thar pa thob pa bstan to/ /sbyor ba gsum gyi bsam gtan de dag ni kun rdzob yin yang ji skad du smos pa'i 'bras bu thob pa las gzhan du mi 'gyur bas na/ 'di sum char yang de kho na nyid gsum du gsungs so/ /bzlas brjod la sogs pa'i de kho na nyid bstan pa la yang dgongs pa 'di nyid yin par shes par bya'o/ /de dag gis don 'di dag ji ltar bstan pa de yang gleng ba la 'grel ba'i tshigs bcas bshad pas de ma thag tu 'og nas bstan par bya'o/ /de la yang bzlas brjod kyi cho ga gong du smos pa bzhin du gsang sngags kyi

  45. 23a

    bsam gtan gyi cho ga la yang bdag gis/ de kho na nyid shin tu bsgoms shing sgra zhes bya ba lha'i sgra snang ba dang/ gnyis su med par mos par byas la de bsgoms par 'dod de/ de bas na thog ma nyid du bdag gi de kho na nyid sngar gsungs pa'i mtshan nyid tshigs su bcad pa 'dis bshad pa/ mi 'byed las byung dngos po rnams/ /blo can gyi ni bdag la bsdams/ /sngags pa yan lag 'das la gnas/ /zhen pa med par bsam gtan bya'o/ /zhes gsungs so/ /de la sngags pas bsam gtan bya'o/ /bsam mo zhes bshad pa ci zhig bsdam par zhe na/ mi 'byed las byung dngos po rnams/ bsdams nas zhes bya ba gsungs so/ /de la mig la sogs pa'i dbang po'i rnam par shes pas mi 'byed pas na mi 'byed pa ste yid do/ /de la mtshungs par ldan pa 'am/ de'i rgyud gang 'byung zhing skye ba de rnams mi 'byed pa las byung? ba ste/ sems dang sems las byung ba'i mtshan nyid de rnams bsdams nas zhes bya ba dang 'brel to/ /de dag bsdams pa yang kun nas bkris pa'i ngo bor mi skye ba ste/ ji skad smos pa'i mtshan nyid bsdams pa de yang gang du bsdam zhe na/ bdag la zhes bya ba gsungs te/ yid la zhes bya ba'i don to/ /des 'di skad du gsungs par 'gyur te/ ji skad du gsungs pa'i mtshan nyid snang ba med pa gnyis su med pa'i bdag gi de kho na nyid mngon du byed pas kun nas dkris pa de dag mi 'byung zhing/ bag chags su gnas pa'i mtshan nyid ni bsdams pa'o/ /de'i gzhi yang yid rang bzhin bdag gi de kho na nyid yin pa'i phyir/ bdag la zhes bya ba gsungs so/ /blo dang ldan pa zhes pa ni shes rab dang ldan na de kho na nyid brtag nus par 'gyur ro/ /zhes bya ba'i tha tshig go /yan lag 'das la gnas zhes bya ba ni 'di snyed gcig go/ zhes yongs su chad par yan lag tu dbye zhing bgrad du yod pa ni yan lag ste/ mig dang rna ba la sogs pa'i yan lag rnams la bya'o/ /sngags pa gang gis yid la mi byed pa'i sgo nas sam/ chos bdag med par sgrub pa'i rig pas sun phyung ste/ yan lag de dag las 'das shing brgal ba dang

  46. 23b

    yongs su btang ba de ni yan lag las ma 'das pa ste/ yan lag las 'das pa zhes bya ba'i don 'di la yan lag las 'das par gyur nas gnas pa ni/ yan lag 'das la gnas pa ste/ snang ba med pa'i ye shes gsal ba las ma langs zhes bya ba'i don to/ /de ltar bdag gi de kho na nyid la gnas pas sgra zhes bya ba'i lha'i rang bzhin dang/ chos kyi dbyings kyi lha'i rang bzhin bsam par bya'o zhes bstan pa'i phyir/ bsam gtan bya'o zhes gsungs so/ /ji ltar bsam gtan bya zhe na/ zhen pa med par zhes gsungs te/ zhen cing chags pa dang bral ba gang yin pa de ni zhen pa med pa ste/ 'dis kyang bsam gtan du bya ba'i dngos po la mngon par chags pa dgag pa gsungs te/ mngon par chags pa dgag pa de yang shes rab kyi snang ba'i sgo nas bdag gi de kho na nyid rnam par bcas pa nyid la dgag par rig par bya'o/ /ci'i phyir zhe na/ bsam gtan du bya ba la chags na gong nas gong du chos rnam par mi 'gyur bas/ khyad par mi thob par 'gyur ba'i phyir ro/ /kun rdzob kyi lha'i de kho na nyid kyi mtshan nyid la bsam gtan du bya ba la ni de la mngon par chags par 'dod pa nyid pas zhen pas med par bya zhes bya ba'i dgag de la dgrongs? par ni de la mkhas pa rnams kyis mi lta'o de la de lta bu'i bdag gi de kho na nyid la gnas nas lha'i de kho na nyid mngon du bya ste/ sgra zhes bya ba'i lha'i de kho na nyid mngon du bya ba'i phyir/ sgra zhes bya ba phreng bar sbyar/ /yi ge brgyus pa mi 'gyur rnams/ dril bu'i sgra bzhin ma chad par/ /yid la zhen par sems pa ni/ /zhes bya ba la sogs pa gsungs te/ 'dis kyang snang ba med pa'i ye shes kyi mtshan nyid bdag gi de kho na las ldang ba dang/ gsang sngags kyi sgra'i rnam pa'i lha'i rnal 'byor bstan te/ 'dir yang bdag gi de kho na nyid rnam par mi rtog pa snang ba med pa'i mtshan nyid kyi phyi nas thob pa'i sgra'i bdag nyid kyi lha'i de kho na sgra'i rnam par rtog pa lhan cig tu skyes pa nyams pa dang chu dang 'o ma bzhin du sgra dang gcig tu gyur par sems pa'i rnal 'byor gyi gsal bar nam gyur pa de na/ sngags pa de sgra'i bdag nyid kyi

  47. 24a

    lha'i sbyor ba la gnas par gyur pa de bstan to/ /de la sgra zhes bya ba yi ge rnams phreng bar sbyar ba sems pa na zhes bya ba dang sbyar te/ de bas na yi ge rnams phreng bar sbyar zhes bya ba ni gsang sngags kyi yi ge'i rgyud par ma chad pa'i mtshan nyid bsam gtan du bya ba la sbyar nas zhes bya ba ste/ bkod nas zhes bya ba'i tha tshig go/ phreng bar sbyar bar zhes spyir gsungs te/ de bas na sgra zhes bya ba bye brag tu bstan to/ /sgrar snang ba gsang sngags kyi yi ge'i sgra gcig nas gcig tu rgyud pa'i mtshan nyid ces bya ba'i tha tshig go /kha cig tu sgra'i tshig ni yi ge la yang sbyar mod kyi 'on kyang 'dir gsang sngags kyi sgra nyid du rig par bya ste/ dril bu'i sgra bzhin rgyun mi 'chad par zhes 'og nas 'chad pa'i phyir te/ dril bu'i sgra ltar sgra 'byung ba yi ge'i mtshan nyid kyi sgra la mi srid pa'i phyir ro/ /zhes dgongs pa'o/ /bsam gtan du bya ba'i gsang sngags kyi yi ge'i sgra gcig nas gcig tu 'byung ba'i mtshan nyid sgra zhes bya ba'i phreng ba sbyar ba ni gsang sngags kyi yan lag yi ge'i sgra rgyun mi 'chad par rab tu snang bar 'dod pas na/ yi ge'i rgyud pa zhes gsungs so/ /de la yi ge rnams brgyus pas na yi ge brgyus pa ste/ phreng ba zhes bya ba dang sbyar ro/ /des kyang yi ge brgyud pa'i phreng ba bkod pa'i mtshan nyid de nyid sbyar nas zhes bya ba 'dis bstan mod kyis nges par bya ba'i phyir yang brjod par bya ste/ de bas na mi 'gyur zhes bya bas bye brag tu bstan to/ /brgyus pa de mi 'gyur ba ni rang bzhin mi 'gyur zhing mi g.yo ba'i ngang tshul can gsang sngags kyi yi ge'i sgra rgyun ma chad par rab tu snang ba zhes bya ba'i tha tshig go/ yang yi ge'i sgra de dag nyid gcig nas gcig tu byung ba'i mtshan nyid kyi phreng ba bye brag tu bstan pa'i phyir dril bu'i sgra bzhin ma chad par zhes bya ba gsungs so/ /de la dril bu'i sgra ni gang rna lam du sgra sgrags pa'i phyi rol gyi dril bu'i sgra 'dra bar lhan cig skyes pa rgyun mi 'chad par yi ge'i sgra'i rgyun mngon par mi gsal ba de 'dir 'dod do/ /de bas na de lta bu'i dril bu'i sgra bzhin ma chad

  48. 24b

    pa dang/ /'brel pa'i yi ge'i sgra gcig nas gcig tu 'byung ba'i 'phreng ba la zhes pa med par bsam gtan du bya'o/ /zhes bya ba'i skabs dang sbyar ro/ /de dag gis ni sgra'i bdag nyid kyi lha dang/ mi gnyis pa'i rnal 'byor du de'i rna ba la rnam par rtog par gnas par bstan to/ /de ni de ltar bu'i sgra'i bdag nyid kyi lhar snang ba ting nge 'dzin gyis sbyor bas shin tu gsal bar byas nas bzlas brjod la mi bltos pa'i bsam gtan nyid kyis dngos grub thob par 'dod pas rang gi snying gar mar me lce 'dra ba'i me 'bar ba'i nang du/ de'i tshig gi yig 'bru gcig nas gcig tu brgyud pa'i rang bzhin bsam te bsgom mo zhes bstan pa'i phyir/ yid la zhen par sems pa na/ /me yi nang gnas zhi ba ste/ /tshig rnams dag pa yan lag ldan/ /srog dang rtsol ba bkag pa'i bdag /gnyis spangs nas ni rnam par bsam zhes bya ba gsungs so/ /de la sems pa na zhes bya ba ni de lta'i phreng ba lta bu'i de kho na nyid kyi mtshan nyid de/ bsam gtan byed pa'i tshe nyid na me la sogs pa'i rnam par rtog par bya'o/ /zhes bya ba'i tha tshig go /des ni yi ger bkod pa'i sgra'i bdag nyid kyi lha sgrar rnam par rtog pa gcig nas gcig tu 'byung ba ste/ snying ga dang nye ba nyid du bsam mo zhes de skad gsungs pa yin no/ /me'i nang na gnas zhes bya ba ni snying ga'i phyogs der yang mar me'i me lce dang 'dra ba me 'bar ba'i nang na 'dug pa rnam par brtag to zhes pa'o/ /zhi ba zhes bya ba ni mi gnod pa'i rang bzhin zhes bya ba'i don te/ des 'di skad du gsungs par 'gyur ro// de'i gnas me 'bar ba'i yi ge'i 'bru gcig nas gcig tu brgyud pa dang bcas pa de tsha ba la sogs pa reg pa'i sgo nas gnod pa'i rang bzhin ma yin pas gsang sngags kyi sgrar snang ba'i rnam par rtog pa gcig nas gcig tu 'byung ba la zhi ba zhes gsungs so/ /tshig rnam par dag pa zhes bya ba ni/ gang la rkan dang mchu la sogs pa sbyar bas bskyed pa'i tshig dang yid la gsang sngags zlos pa'i mtshan nyid kyi tshig rnam par dag cing med par gyur pa de ni tshig rnam par dag pa'o/ /des 'di skad du gsungs par 'gyur te/ de shub bu

  49. 25a

    la sogs par bzlas brjod bya ba'i sgra'i rang bzhin yang ma yin gyi gsang sngags kyi yi ge'i sgra ring por sems pa'i rnam par rtog pa'i rang bzhin no/ /med pa la gang rnam par rtog pa'i sgrar 'dogs par snang ste/ ji ltar lto'i dri ma rnam par dag pa ces bya ba lta bu'o/ /de bas na tshig rnam par dag pa zhes bya ba tshig gi mtshan nyid rnam pa gnyis su med ces bya ba'i tha tshig go /yan lag ldan zhes bya ba de la yan lag gi sgra de'i tshig du brjod pa'i yig 'bru'i phreng ba'i rang bzhin te/ yan lag de dang ldan pa ni yan lag dang ldan zhing bcas pa ste/ tshig ces bya ba'i sgrar rnam par rtog pa'i phreng ba gang yin pa de yan lag dang ldan pa'o/ /des ni sgra de'i tshig gi yi ge'i 'bru'i phreng ba me 'bar ba'i nang na gnas pa de mngon par grags par rnam par brtag go zhes bya ba'i tha tshig go/ /da ni de lta bu'i gsang sngags kyi sgras sems pa la zhum pa dang rgod pa spang bar bstan pa/ srog dang rtsol ba bkag pa'i bdag /gnyid spangs nas ni rnam par bsam zhes bya ba gsungs so/ /de la gong du gsungs pa'i srog dang rtsol ba bdag gi mtshan nyid sngar gsungs pa'i rim pa nyid kyi rnal 'byor pa'i rang bzhin gyi bdag gang yin la/ bsam gtan byed pa'i tshe bkag pa de ni srog dang rtsol ba bkag pa'i bdag ces bya'o/ /'dis kyang rnal 'byor ba'i rgod pa dgag pa gsungs te/ ci'i phyir zhe na/ dran pa dang srog gi skyon ma bkag pa ni phyugs dang 'dra bar sems mnyam par bzhag pa med par nye bar zhi ba'i sems su mi 'gyur ro/ /zhes bya ba'i don to/ /gnyid spangs nas zhes bya ba 'dis zhum pa'i phyogs su gtogs pa'i gnyid yongs su spangs pa bshad pa zhum pa med pa bstan to/ /des na gsang sngags me gnas dngos grub ster ces gang gsungs pa de bshad zin te/ gang gi phyir zhe na/ yid kyi bsam pa mer rnam par rtog pa ni me ste/ der tshig gi yi ge'i phreng ba dang bcas pa ji skad gsungs pa'i

  50. 25b

    mtshan nyid kyi gsang sngags kyi sgra bsam par bya ba'i bsam gtan zhes bya yi ge dang bcas pa'i gsang sngags kyi sgra'i mtshan nyid kyi gsang sngags de la gnas pas na/ me la gnas zhes bstan to/ /bsam gtan 'di'i 'bras bu yang/ /sgra la dmigs pa'i bsam gtan ni/ /'ba' zhig byas pa nyid kyis kyang/ /dngos po kun gnas dam pa'i dpal/ /grub pa'i skyes bu thob par 'gyur/ zhes 'og nas 'byung ste/ de nyid du bshad par bya'o/ /bsam gtan 'di'i sbyor ba'i rim pa yang 'di'o/ /de la thog ma nyid du gnyis su med pa'i ye shes kyi mtshan nyid bdag gi de kho na nyid mngon du byas nas/ de'i rjes la thob pa'i sgra'i bdag nyid kyi lha'i de kho na nyid du rnam par rtog pas bdag bsgos te/ sgra de snying ga'i phyogs na gnas pa'i me 'bar ba'i nang na 'dug cing de'i yi ge'i phreng ba gnas par srog dang rtsal ba bkag ste/ nyin re bzhin bsam gtan du bya ba ni/ ji skad du bru ba mi tsha ba la sogs pa phyi dang nang gi mtshan ma byung nas bdag nyid ji ltar bsam pa sgrub nus par gyur gyi bar du'o/ /me la gnas pa'i gsang sngags kyi yi ge'i sgra'i bsam gtan 'di yang yan lag bzhi'i bzlas brjod byed pas kyang bzlas brjod kyi mjug gam gzhan du yang rung ste/ gsang sngags kyi mthu bskyed pa dang/ sems mnyam par bzhag pa'i phyir sbyar bar bya'o/ /zhes de la mkhas pa dag smra'o/ da ni sgra gnas rnal 'byor ster bar dran zhes gang gsungs pa de brtag par bya ste/ de la sgra ni ji skad du gsungs pa sgra'i bdag nyid kyi lha'i rang bzhin no/ /sgra tsam po de la brjod par bya ba'i tshig gi rang bzhin dang/ yi ge yongs su spangs pa nang gis brjod pa tsam rnam pa dang bcas pa'i yid kyi rang bzhin du gang gnas pa gsang sngags kyi don gyi rang bzhin de dag ni sgra la gnas pa'o/ /dran pa ni bsam pa ste/ rnal 'byor ster bar 'gyur ro/ /zhes bya ba'i don to/ de la rnal 'byor ni skabs 'dir yid yangs

  51. 26a

    pa brtul la/ ma yengs kyi bar du bsam gtan bya ba'i sgra'i yul la gang rtse gcig tu 'jug pa ste/ bsam gtan bya ba'i sgra'i dbyangs dang yid du sbyor ba ni rnal 'byor ro zhes sgra'i don bshad pa'i phyir te/ de bas na kha cig gis rnal 'byor ni sems 'jug pa bkag pa'o/ /zhes smras pa dang/ de bzhin du srog ces bya ba'i rlung legs par bkag pa ni rnal 'byor to/ /zhes gang smras pa de yang bshad par gyur te/ ji ltar sgra gcig bu la dmigs pa'i yid ni gang la nyon mongs pa dang nyon mongs pa med pa'i rnam par shes pa 'jug pa de dag re zhig dogs pa med par bkag par 'gyur ro/ /de bzhin du yid rtse gcig tu gyur ba nyid la ni srog ces bya ba'i yid kyi rnam par shes pa'i gnas rlung gzhan du mi 'jug ste/ de bas na sems rtse gcig tu gyur na rlung bkag par don gyi dbang gi 'gyur ro/ /de ltar sgra gnas rnal 'byor ster bar dran zhes bya ba ste bstan pa'i phyir/ /snying gar gnas pa phra ba ni/ /dri med zla ba'i dkyil 'khor te/ /de nad rab tu bzhi pa yi/ /me lce rab tu 'od bzang ba/ /mi 'gyur bzhi ni der bzhag nas/ /der 'dug nas ni sgra bsam mam/ /mi 'gyur ba la yi ge bzhag /sgra nyid 'ba' zhig bsam par bya/ /zhes bya ba gsungs so/ /des 'di skad gsungs te/ de ltar snang ba med pa'i bdag gi de kho na nyid la gnas pa nyid kyi snying ga na zla ba'i gzugs kyi nang na 'dug pa'i me lce'i nang na lha'i gzhi 'am/ zla ba'i dkyil 'khor 'ba' zhig la yi ge'i 'bru'i phreng ba rab tu brtags la/ cung zad tsam zhig ting nge 'dzin gyi rab tu gsal bar byas te/ de'i rnam pa yang spangs la ji skad smos pa'i sgra'i dbyangs tsam 'ba' zhig bsam gtan du bya'o/ /zhes bya ba ni bsdus pa'i don to/ /yan lag gi don bshad par bya ste/ de la phra ba zla ba'i dkyil 'khor zhes pa ni sdug cing rgya che ba'i skyon spangs pa'i zla ba ni phra ba ste/ de la bu bsgoms na rnal 'byor pa'i snying gar gnas shing sems mnyams par gnas par mi 'gyur ba'i

  52. 26b

    phyir ro/ /dri ma med pa zhes bya ba ni rab tu 'od gsal zhing mdangs can du bsgom par bya ba bstan pa'o/ /mi 'gyur gzhi ni der bzhag nas zhes bya ba mi 'gyur ba ni gsang sngags kyi yi ge'i gzhi ste/ gnas kyi sgo nas lha'i gzugs kyi sku la gzhi zhes bya'o/ /mi 'gyur ba'i gzhi rang gi lha'i sku bzhag nas zhes bya ba ni zla ba'i dkyil 'khor la gnas pa'i me lce de la bsams nas zhes bya ba'i tha tshig go /de ltar gang gnas pa'i lha mi 'gyur ba'i gzhi zhes bya ba la ci lha de nyid kyi gzugs bsams pa 'am/ 'on te gzhan 'ga' zhig bsam pa bye brag tu ma phye bas de bstan pa'i phyir/ sgra bsam mo zhes bya ba gsungs te/ sngar bshad pa'i sgra'i mtshan nyid bsam zhing sgom mo zhes bya ba'i don to/ /des 'di skad bstan par 'gyur te/ sngar zla ba'i dkyil 'khor gyi nang na gnas pa'i me lce de la lha'i sku bsam gtan du byas nas phyis sgom pa de btang ste/ sgra 'ba' zhig bsam gtan du bya'o/ /dbugs dbyung ba'i tshe yang sems kyi kyang/ lha'i sku la dmigs par bya'o zhes bstan to/ /'dis kyang bzlas brjod kyi yan lag bzhi la dmigs pa'i sbyor ba las me la gnas pa'i gsang sngags la dmigs pa bye brag tu bstan to/ /de ltar ci mngon zhe na/ bzlas brjod kyi yan lag bzhi la de bzhin gshegs pa dang zla ba'i dkyil 'khor dang/ gsang sngags kyi yi ge de phreng ba dang/ gsum cig car dmigs pa dang/ nang du yang zla ba'i dkyil 'khor dang/ yi ge'i phreng ba gnyis dmigs pa'am/ gsang sngags kyi sgra brjod cing bsam gtan bya ba zlos pa pos gsang sngags brjod pa'i tshe cig car bya ba sngar bstan to/ /de bzhin du me la gnas pa'i gsang sngags la dmigs pa'i sbyor ba la yang me lce nang na 'dug pa'i yi ge phreng ba dang bcas pa'i gsang sngags kyi sgra dang/ me la sogs pa sum char dus gcig tu dmigs pa bstan pa/ yid la zhe na par sems pa na/ mi yi nang gnas zhi ba ste/ tshig rnams dag pa yan lag ldan/ zhes bya ba gsungs te/ me'i mtshan nyid dang/ gsang sngags kyi yi ge ??

  53. 27a

    pa'i gsang sngags kyi yi ge'i phreng ba'i sgra la dus gcig tu dmigs pa nges pa'i phyir ro/ /'dir ni mi 'gyur ba'i gzhi sngar bzhag nas phyis sgra bsgom mo zhes bya ba'i phyi ma'i dus bstan pa'i tshig gis ni sgra bsgoms pa'i tshe gsang sngags mi 'gyur ba'i gzhi yongs su btang ba gsungs so/ /de bzhin du gzhung gzhan dag las kyang sgra'i bsam gtan byed pa 'am/ rlung gi reg pa'i bsam gtan byed pa'i tshe/ gzugs la dmigs na sems g.yeng bar 'gyur ro zhes gsungs so/ /sgra'i bsam gtan nyid rnam pa gzhan du bya ba yang/ mi 'gyur ba la yi ge bzhag /sgra nyid 'ba' zhig bsam par bya/ zhes gsungs te/ snang ba med par rnam par gcig par gnas pa na rgyun du 'jug kyang rang bzhin mi 'gyur bas na mi 'gyur ba zhes bya ste/ byang chub kyi sems la bya'o/ /de bas na de'i mtshan mar gyur pa zla ba'i dkyil 'khor la yang mi 'gyur ba zhes bya ste/ zla ba'i dkyil 'khor mi 'gyur ba de la gsang sngags kyi yi ge'i 'bru'i rang bzhin rnams bzhag ste/ bsgoms nas sgra 'ba' zhig bsam mo/ /zhes bya ste snga ma bzhin du sgra'i dbyangs tsam 'ba' zhig bsam mo zhes bya ba'i tha tshig go /'dis kyang snga ma'i sgre'i bsam gtan gyi sbyor ba las bye brag tu bstan to/ /de ltar ci mngon zhe na snga ma ni rang gi lha'i sku de sems ngal bso ba'i phyir bsam gtan du byas nas phyis sgra'i dbyangs 'ba' zhig la dmigs pa gsungs so/ /'dir ni yi ge'i 'bru rnams kyi rang bzhin 'ba' zhig sems ngal bso ba'i phyir zla ba'i dkyil 'khor ba bsam nas phyis sgra'i bsam gtan bya'o/ /zhes dgongs so/ /sgra'i bsam gtan gyi sbyor ba yang phreng ba'i gsang sngags kyi yi ge re re'i lus thams cad kyi rlung slar sdud pa dang/ lhan cig tu yid kyis rnam par rtag cing bya'o/ /da ni me la gnas pa la sogs pa sgra'i bsam gtan gyi 'bras bu gang yin pa de bstan pa/ sgra la dmigs pa'i bsam

  54. 27b

    gtan ni/ 'ba' zhig byas pa nyid kyis kyang/ dngos po kun nas dam pa'i dpal/ sgrub pa'i skyes bus thob par 'gyur/ zhes bya ba gsungs so/ /de la 'ga' zhig zhes bya ba ni bzlas brjod la mi bltos pa'i bsam gtan 'ba' zhig gis so/ /sgra la dmigs pa zhes bya ba ni gong du dmigs pa'i rim pas sgra rig cing sgra'i rjes su song ba ste/ sgra la dmigs pa zhes bya ba'i tha tshig go /sgrub pa'i skyes bu zhes bya ba ni nye bar bstan pa ste/ bud med kyis kyang 'thob pa'o/ /dngos po kun gnas dam pa'i dpal/ zhes bya ba ni lha'i dang lha'i ma yin pa'i sems can thams cad kyi dngos po la gnas pa'i dpal longs spyod thob pa ste/ ji ltar 'dod pa'i dngos grub sgrub nus par 'gyur ba lha'i dang lha'i ma yin pa'i dpal sbyor ba las 'byung ba dang/ sbyor ba ma yin pa las byung ba gsang sngags kyi rnal 'byor gyi mthus thob par 'gyur ro/ /zhes dgongs pa'o dpal de yang yid bzhin gyi nor bu dang/ bum pa bzang po dang/ dpag bsam gyi shing dang/ ral gri la sogs pas sbyor ba'i dngos grub longs spyod kyi mtshan nyid dang/ de bzhin du phra ba dang/ phye ba la sogs pa dbang phyug gi yon tan brgyad pa'i mtshan nyid do/ /dam pa'i dpal zhes bya ba dam pa'i sgra'i khyad par ni rnal 'byor gyis mthus thob pa'i dpal te/ bstan pa dang zil gyis mi non pa nyid dang/ nyon mongs pa'i gdung ba la sogs pa thul ba'i yon tan gyi tshogs la longs spyod byed par bstan pa'i phyir ro/ /da ni sgra mthar thar pa ste ba nyid ces gsungs pa de brtag par bya'o/ /de la gong du smos pa'i sgra'i mdza' ni sgra med pa ste/ gsang sngags kyi sgra tsam la gnas pa yongs su btang ba ni sgra'i mdza' o/ /sgra'i mdza' der gsang sngags kyi chos kyi sku'i rang bzhin du gnas pa rnam par thar ba ster bar dran pa ni bsam pa'o/ /'di skad du gsungs par 'gyur te/ sgra'i gnas skabs kyi yongs su btang bas gnyis su med pa'i rnam par bsgoms na/ rang gi rnam par rtog pa las byung ba'i nyon mongs pa dang/ shes bya'i sgrib pa la sems grol bar 'thob bo zhes bya'o/ /chos kyi sku stong

  55. 28a

    pa nyid kyi mtshan nyid de yongs su dag pa dang/ yongs su ma dag pa'i sems can spyi'i thun mongs yin mod kyi 'on kyang gsang sngags kyi ngo bo'i rang bzhin du gnas pa de mngon du gyur par bya'o/ /gang gi phyir gsang sngags kyi spyod pa la zhugs pa'i rnal 'byor pa rnams kyis gsang sngags yan lag du gyur par snang ba dang/ sgra zhes bya ba dang/ yid kyi dang/ tshig rnam par dag pa'i gnas skabs yongs su btang ba'i rim pas chos kyi sku de mngon du gyur bar bya'o/ /de bas na sgra'i mdza' chos kyi dbyings kyi rang bzhin bsgoms na thar pa ster to zhes gsungs so/ /rnam pa 'di lta bu'i tshig dpyad pa la rnam pa du mar rgol ba dang/ lan ldon pa'i yul la bdag cag lta bu blo 'phror btub mod kyi ha cang 'phros pas ci zhig byas btang la skabs nyid brtag par bya'o// gsang sngags kyi sgra'i rnam pa yid kyi rnam par rtog pa'i rang bzhin sgra'i ngo bo nyid kyi gnas skabs de yang rnam pa gsum gyis btang bar bya ba ni gnas yongs su btang ba dang/ de mngon par 'byed pa yongs su btang ba dang/ rang bzhin yongs su btang ba'o/ /de la gnas ni gzugs kyi yan lag gi gnas skabs te/ de la gnas pa gsang sngags kyi sgra tsam nyid la rnam par rtog pa'i rang bzhin la 'jug pa'i phyir ro/ /mngon par byed pa ni yid kyi dang shub bur bzlas brjod byed pa'i sgra ste/ yid kyi rnam par rtogs pa'i rang bzhin tshig tu gsal bar mngon par ston pa'i phyir ro/ /de la rang bzhin ni gsang sngags kyi yi ge'i sgrar rnam par rtogs pa'i ngo bo nyid de/ yid kyi dang shub bur bzlas brjod byed pa'i sgra las gzhan pa'o/ /de bas na rnam pa gsum po des ji skad gsungs pa'i gsang sngags kyi rang bzhin gyi gnas skabs yongs su btang ba bstan pa'i phyir ltos bcas yan lag gyur par snang zhes bya ba la sogs pa gsungs so/ /de la ltos bcas yan lag gyur par snang zhes bya ba

  56. 28b

    'dis ni gnas yongs su btang ba bstan to/ /sgra zhes bya ba dang yid kyi dang zhes bya ba ni gsal bar mngon par byed pa yongs su btang ba bstan pa'o/ /tshig rnam par dag pa zhes bya ba ni rang bzhin yongs su btang ba bstan pa ste/ de ni bsdus pa'i don to/ /yan lag gi don to/ yan lag gi don bshad par bya ste/ de la rig sngags dbang po'i yan lag spangs zhes bya ba ni rig sngags rnams kyi dbang po bas na/ rig sngags kyi dbang po ste/ mnyes par bya ba'i rang bzhin yin pa'i phyir/ /bsgrub par bya ba'i rig sngags la bya'o// rig sngags zhes bya ba ni nye bar bstan pa ste/ gsang sngags la yang bya'o/ /rig sngags kyi dbang po de rang 'brel ba'i yan lag spang bar bya ba ni rig sngags kyi dbang po'i yan lag spang bar bya ba ste/ spang ba yang de yin la yan lag kyang de yin pas na de skad ces bya'o/ /des ni 'di skad gsungs te/ rig sngags kyi dbang po dang 'brel ba'i yan lag spang ba ni btang bar bya ba ste/ yan lag ces bya ba'i sgra ni 'dir cha shas tsam gyis rnam grangs so/ /yang na yan lag gi tshig gnas skabs la yang bya ste/ ji ltar bdag cag gi dus 'di 'dra'o zhe'i/ bdag cag gi gnas skabs 'di 'dra ba'o zhes bya ba lta bu'o/ /de bas na tshig gi don 'di ltar 'gyur te/ rig sngags kyi dbang po'i spang par bya ba'i gnas skabs sam/ cha shas ni rig sngags kyi dbang po'i yan lag spang bar bya ba ste/ rgyal ba de bzhin gshegs pas mkhyen pa ni rig par 'gyur pa'o/ /rig sngags kyi dbang po'i yan lag spang bar bya dbang ci 'dra ba zhig rgyal bas mkhyen ce na/ bltos bcas yan lag gyur par snang/ /sgra zhes bya dang yid kyi dang/ tshig rnams dag pa zhes bya ba gsungs te/ de la bltos pa dang bcas par gyur pas na bltos pa dang bcas pa ste sngags pa'o/ /bdag gis dngos po gang la yan lag lha'i sku yan lag gi mtshan nyid kyi rang bzhin du gyur cing skyes pa de ni yan lag/ /tu

  57. 29a

    gyur pa'o/ /rig sngags kyi dbang po'i yan lag spangs par bya ba 'am/ rig sngags kyi dbang po'i cha shas sam/ gnas skabs spang bar bya ba gang la yan lag tu gyur pa cung zad mi gsal bar snang ba yod pa de ni yan lag tu gyur par snang ba ste/ de bltos bcas pa'i yan lag gyur pa snang zhes de skad gsungs so/ /bltos bcas yan lag gyur par snang ba'i rig sngags kyi dbang po dang 'brel pa spang bya ba'i gnas skabs de/ rgyal ba de bzhin gshegs pas mkhyen to/ zhes bya ba'i tha tshig /sngags pa srog dang rtsol ba dang dka' thub dang/ bsam gtan la sogs pa la bltos pa dang bcas pa'i yan lag du gyur par snang ba zhes bya ba rig sngags kyi rnam pa dag tu gyur pa rnam par shes pa snang ba gang yin pa de bltos pa dang bcas pa yan lag tu gyur par snang ba'o/ /de yang thar pa 'dod pa bsam gtan gyi tshe/ rnal 'byor gyi mthus chos kyi dbyings kyi rang bzhin gyi lha'i cha shas la dmigs pa'i tshul gyis spang bar bya'o/ /bltos pa dang bcas pa ma yin pa'i gzugs kyi yan lag gsang sngags kyi rnam par smin pa de ni sngags pa la mi srid pas/ yongs su spang bar bya ba mi rigs pa'i phyir ma smos so sgra zhes bya ba la sgra ni gsang sngags shub bur bzlas brjod byed pa las byung ba'i sgra de la bya ste/ rig sngags kyi dbang po yan lag spang bar bya ba rig sngags kyi dbang po'i spang bar bya ba'i gnas skabs gang yin pa de ni sgra zhes bya ba'i yan lag shub bur bzlas brjod byed pa'i gnas skabs la bya'o zhes bya bar dgongs pa'o/ /des ni gsang sngags shub bur bzlas brjod byed pa'i rang bzhin yang grol bar 'dod pas chos kyi sku la dmigs pas spang bar bya'o zhes bshad pa yin no/ /de nas yang yid las byung ba'i gsang sngags kyi sgra'i rang bzhin gyi gnas skabs kyang chos kyi dbyings la

  58. 29b

    dmigs pas yongs su spang bar bya'o zhes bstan pa/ yid kyi dang zhes gsungs so/ /yid las byung bas na yid kyi ste/ rig sngags kyi dbang dang yan lag spang bar bya zhes bya bar sbyar ro/ /de yang yid kyi bzlas brjod las byung ba'i sgra'i ngo bo nyid mnyes par bya ba'i lha'i gsang sngags 'don pa'i rang bzhin gnas skabs de yang grol bar 'dod pas spang par bya'o zhes bya ba'i tha tshig go /tshig rnam par dag pa zhes bya ba ni rig sngags kyi dbang po'i yan lag gang la tshig rnam pa gnyis med par gyur cing rnam par dag pa de ni tshig rnam par dag pa'o/ /tshig rnam par dag pa/ rig sngags kyi dbang po'i yan lag spang bar bya ba rgyal bas mkhyen ces bya ba ni yid kyi rnam par rtog pa'i rang bzhin yid kyi dang/ shub bur bzlas brjod byed pa'i ngo bo nyid dang bral ba rig sngags kyi dbang po'i gnas skabs gang yin pa de yang grol bar 'dod pas chos kyi sku la dmigs pas spang bar bya zhes de skad bstan par 'gyur ro/ yang na tshigs su bcas pa de nyid kyi don 'di ltar bshad par bya ste/ bltos pa dang bcas pa dang/ yan lag tu gyur par snang ba dang sgra zhes bya ba dang/ yid kyi dang tshig rnam par dag pa'i yan lag dag kye rig sngags kyi dbang po spang bar byas nas/ rig pa mkhas pa gsang sngags kyi don rnam par bye ba la mkhas pa'i de bzhin gshegs par 'gyur ro/ /zhes bya ba'i tha tshig go /de la grol par 'dod pas rags rim gyi spang ba'i rim pa ni 'di lta ste/ slar sdud pa dang/ dka' thub dang/ bsam gtan dang/ srog dang rtsol ba la sogs pa byas nas/ rang gi lha'i gzugs brnyan la dmigs pas rab tu spom pa'i ting nge 'dzin brtan par byas la/ shub bur bzlas brjod byed pa'i gsang sngags kyi sgra la dmigs pa'i ting nge 'dzin rab tu rags pa la dmigs pa yongs su spangs nas rags pa'i ting nge 'dzin brtan par bya'o/ /rags pa la dmigs pa de yang phra ba yid kyi sgra'i ting nge 'dzin

  59. 30a

    gyi yongs su spang ngo/ /de yang rab tu spangs nas rab tu phra ba gsang sngags kyi rnam par rtog pa'i ting nge 'dzin la gnas so/ /de yang yongs su spangs te/ grol bar 'dod pas chos kyi sku la dmigs pa'i ting nge 'dzin nan tan du bya'o/ /bltos pa bcas pa'i sngags dang yan lag du gyur par snang ba'i gnas skabs gang yin pa de yongs su spang ngo zhes ni gsungs na/ ji ltar de ltos pa dang bcas pa ma gsungs pas de bstan pa/ slar sdud ces bya ba la sogs pa'o/ /de la slar sdud pa dang/ dka' thub dang bsam gtan dang/ srog dang rtsol ba dang/ cho ga ste/ de dag ni/ slar sdud dka' thub bsam gtan dang/ /srog dang rtsol ba'i cho ga rnams te/ de dag gi bya ba ni byed pa ste/ nan tan la yang de skad ces bya'o/ /de bas na ji tsam du sngags pa la slar sdud pa la sogs pa'i rnam par shes pa sna tshogs su 'byung ba de tsam du ltos pa dang bcas pa zhes bya ste/ de ni sdus pa'i don to/ /slar sdud pa la sogs pa la ltos pas na bltos pa dang bcas pa zhes bya'o/ /de la slar sdud pa dang srog dang rtsol ba ni/ slar sdud pas ni bkug nas ni srog dang rtsol ba bsdams pa'i yid/ ces bya ba'i skabs der bshad zin to/ /bsam gtan gyi sgra yang bsam gtan zhes bya mchog tu gsang zhes bya ba'i tshigs su bcad pas bshad zin to/ /de bas na gang ma bshad pa de dag bshad par bya'o/ /de la dka' thub kyi bya ba bshad par bya ba ste 'dis gdungs shing bsdams pas na dka' thub ste/ 'dod chags dang/ zhe sdang dang/ rgyags pa dang/ rgyu la sogs pa nyon mongs pa'i gnyen por gyur pa lus dang ngag dang yid kyis legs par spyod pa la nan tan byed pa'i ngo bo dge ba bcu'i las kyi lam gyi rang bzhin can gyi yid do/ /gzhan yang gsang sngags kyi tshul la sogs pa la sogs pa las bcas pa dam tshig dang/ 'dul ba dang/ dpyod pa dang/ nan tan gyi mtshan nyid de/ de bas na 'dod chags

  60. 30b

    la sogs pa'i gnyen po dka' thub ces bya ba de nan tan du byas na/ lus dang la sogs pa bsdams pas gnod par 'gyur ba'i phyir/ de'i gnyen po nan tan du byed pa gnod pa'i bdag nyid can la dka' thub ces bya ba'i tshig tu bshad do/ /zhes dgongs so/ /cho ga bya ba zhes bya ba ni cho gar bya ba sna tshogs rnams te/ dkyil 'khor bstan pa dang/ dbang bskur ba dang/ me tog la sogs pa'i yo byad kyi mchod pa dang/ sbyin sreg la sogs pa gsang sngags mnyes par byed pa'i rgyu rnams te/ de dag gi bya ba ni nan tan du bya ba ste/ cho ga'i bya ba'o/ /rnam par shes pa sna tshogs zhes bya ba ni bdag gi de kho na nyid rab tu shes par byed pa'i tshe/ phung po lnga'i rang dang spyi'i mtshan nyid nges par rtogs pa'i rnam pa sna tshogs kyi rnam par snang ba ni rnam par shes pa sna tshogs te/ sna tshogs ni rnam pa tha dad pa'i rang bzhin zhes bya ba'i don to/ /des ni dka' thub dang ldan pas dkyil 'khor gyi las bya ste/ lha mchod pa la sogs pa legs par byas nas slar sdud pa bya ste/ bdag gi de kho na nyid rtag pa/ rdzogs par byas pas rnam par shes pa sna tshogs pa spangs la srog rtsol ba mngon du byas nas lha'i rnal 'byor gyi mtshan nyid yan lag tu gyur par snang ba'i rnam par shes par nan tan bya'o/ /zhes pa bstan pa ste/ de yang mjug bsdu ba'i sgo nas bstan pa/ dka' thub chen po dang ldan par zhes bya ba la sogs pa'o/ /de la dka' thub chen po dang ldan par byas la yan lag snang ba nan tan bya'o/ /zhes pa dang sbyar ro/ /de la dka' thub kyi mtshan nyid ni gong du bshad pa'o/ /de'i tshe che ba yang legs par byas pa dang/ rtag tu byas pa dang/ ma nyams pa dang/ ma 'dres par sgrub pa'i sgo nas mthong ba de chos la 'bras bu thob par byad nus pa'o/ /chos bskyed ces bya ba ni rang gi mtshan nyid phyin ci ma log par 'dzin pa'i phyir/ bdag gi de kho na nyid kyi rang bzhin la 'dir chos zhes bya ba'i tshig tu 'dod do/ /de bskyed pa ni rnam pa med par mos pa bskyed pa'o/

  61. 31a

    brtul zhugs mchog ces bya ba ni rig sngags kyi brtul zhugs la sogs pa la ma 'dres pa'i tshul du gnas zhes bya ba'i don to/ /bltos bcas zhes bya ba ni slar sdud pa dang/ bsam gtan dang/ srog dang rtsol ba la bltos pa dang ldan pa'o/ /yul las grol zhes bya ba ni phyi rol gyi gzugs la sogs pa'i rnam pa'i mtshan nyid kyi yul las grol ba'o/ /yan lag snang ba bsam gtan bya zhes bya ba/ yan lag ni lha'i yan lag go /de dag cung zad tsam snang ba ni/ snang ba ste/ rnam par sman pa'i gzugs ma yin pa'i phyir/ bsam gtan dang ting nge 'dzin gyi bye brag las re zhig mi gsal bar snang ba ni yan lag snang zhes bya ba'i tha tshig go /yan lag snang ba de yang mngon du byas nas chos kyi dbyings kyi mtshan nyid kyi lha'i rang bzhin ji ltar mngon du bya ba de bstan pa/ der yang brtul zhugs byas nas ni zhes bya ba la sogs pa'o/ /der yang zhes bya ba ni yan lag goms par bya'o/ /brtul zhugs byas nas zhes bya ba ni yi dam bya ste/ bdag nyid lha'i rang bzhin du sems kyis byas nas zhes bya ba'i tha tshig go /yan lag goms par zhes bya ba'i brtul zhugs de ji lta bu zhig ce na/ dogs pa zhes bya ba gsungs te/ gsal bar mi snang zhes bya ba'i don to/ /des 'di ltar dgongs so/ /ting nge 'dzin ma thob pa slar sdud pa la sogs pa la bltos pa bcas par bsam gtan byed pa na/ re zhig bdag lha'i gzugs brnyan gyi rnam pa gang yin par bdag gyur par snang ba de mi gsal ba'i rang bzhin nyid de/ rnam par rtog pa dang bcas pa'i bsam gtan gyi spyod yul las byung ba'i phyir ro/ /de bas na rnam rtog rjes su song ba ni/ /don gsal bar ni mi snang ngo/ /zhes bshad do/ /de lta bu'i brtul zhugs mngon du byas ci zhig bya zhe na/ 'jig rten smad pa'i zhes gsungs te/ bsam gtan gcig po spyad ces bya ba dang 'brel to/ /bsam gtan dngos po

  62. 31b

    sems pa gang la 'jig rten smod pa yod pa de ni 'jig rten smad pa'i bsam gtan no/ /des ji skad bstan pa yin te/ bdag lha'i rnam par snang bar gyur pa sgra zhes bya ba la sogs pa'i bzlas brjod dang bcas pa yid la mi byed pas yongs su spangs nas sems can dang gnod kyi 'jig rten ma skyes pa'i rnam par spyod pa smod pa'i rang bzhin gyi bsam gtan sems pa nyon mongs pa dang/ shes bya'i sgrib pa las rnam par grol ba'i phyir bya'o/ /zhes pa'o/ bsam gtan pa ji lta bu zhig ce na/ blo gros zhi ba bstan pa zhes gsungs so/ de la yul ma chags pas na blo gros zhi ba'o/ /bkres pa dang/ skom pa la sogs pa'i nyon mongs pa la ji mi snyam pa ni brtan pa'o/ /'jig rten smos pa'i bsam gtan gcig bu smos pa 'ba' zhig bstan pa'i don te/ 'jig rten smos pa nyid kyi bsam gtan 'ba' zhig spyad kyi/ bar bar du sgra'i bsam gtan la sogs pa mi spyad do/ /zhes pa'o/ /da ni 'di spyad de bdag gi de kho na nyid brtag pa sngar byas nas bsam gtan pas yan lag bsgom pa'i nan tan bya'o/ /bdag gi de kho na nyid brtag pa yang 'dus byas pa'i dngos po thams cad sun 'byin pa'i rnam pa'o/ /de bas na chos thams cad gzod ma nas ma skyes pa sgyu ma dang smig rgyu ba dang mtshungs par mos par byas na gal te gtsong sbra la sogs pa yang mi byed par 'gyur srid de/ de dgag pa'i phyir/ khu ba bshang gci zhes bya ba la sogs pa gsungs so/ /des ni 'di bstan te/ bdag gi de kho na nyid sngar byas nas/ lha'i rnal 'byor la gnas kyang 'jig rten gyi kun rdzob kyi rjes su 'jug pa'i mtshan nyid gtsang sbra bya zhing mi dge ba'i 'bras bur 'gyur ba sems can la gnod pa spang bar bya'o/ /zhes pa'o/ /de la khu ba zhes bya ba ni khu chu 'byung ba'o/ /bshang gci 'byung ba la sogs pa dang/ 'phags pa ni khar zos pa la sogs pa'o/ /rgyu ba ni phyen no/ /dogs pa zhes bya ba ni rang gi lus lhar snang bar gnas pas kyang zhes bya ba'i tha

  63. 32a

    tshig go /yang zhes bya ba'i tshig gis dogs pa med cing lha'i bye brag tu bsgom pa ma byas pa 'ba' zhig gi bya ba ma yin gyi dogs pa can lha'i rnam par gnas pa'i zlos pa pos kyang bya bar bstan pa'o/ /bshang gci la sogs pa 'gro be med pa 'jig rten mi 'phya ba'i phyogs su dri dang chags pa med pa'i mtshan nyid gtsang sbra bya ste/ gtsang sbra med pa ni bya ba'i rgyud kyi tshul dang 'gal ba'i phyi rol zhes bya ba'i tha tshig go /chos kyis kyang de lta yin te/ gang gtsang sbra la sogs pa la bltos pas gsang sngags bzlas brjod byas na 'bras bu 'phral du thob par 'gyur ro/ /rnal 'byor gyi rgyud kyi tshul la yang ji ltar bya snyam na yang der yang phyi rol che chung la sogs pa byas nas mi gtsang bzhin du gsang sngags bzlas brjod bya'o// zhes na mi gsungs so/ /'phags kyang rung ma 'phags kyang rung/ gtsang yang rung ma gtsang rung zhes bya ba la sogs pa gang gsungs pa de dag kyang gtsang sbra la mngon par zhen pa yongs su spang pa'i phyir ram/ rnal 'byor la gcig kho nar 'bar ba'i gang zag la dgongs pa ste/ gang gi phyir zhe na/ 'di ni phyi rol gyi bya ba thams cad la mi bltos pa nyid du rnal 'byor goms shing sems brtan par snang ba'i mtshan nyid kyi dngos grub thob par bya ba'i phyir zhugs pa yin pas de la phyi rol gyi gtsang sbra bstan pa'i cho ga 'di ci zhig bya/ gang yang ral gri la sogs pa'i dngos grub phyi rol gyi mtshan ma la bltos pa dang bcas pa de bsgrub pa'i phyir/ /'phags pa de kho na nyid bsdus pa la sogs pa/ rnal 'byor gyi rgyud kyi dgongs pa 'grel pa rdo rje rtse mo la sogs pa las dus gsum du khrus bya ba la sogs pa yang de'i phyir gsungs te/ rgya cher 'phros pa 'dis ni ci zhig byas btang ngo/ /yod ye 'di ni bya ba'i rgyud yin pas na rnal 'byor bsgom pa bya bas kyang gtsang sbra byas

  64. 32b

    yongs su mi btang bar bya'o/ /zhes bka' stsal to/ /dben par gtsang sbra brtsam par bya zhes bya ba la stong pa nyid sgom mo zhes bya ba gang dag bcad pa de'i lan du bya ba ni/ gal te don 'di lta bur dgongs pa zhig yin/ /stong pa nyid bsgom mo zhes gsungs par gyur mod kyi/ dben par gtsang sbra bya ba'i dgongs pa ci zhig bya/ rab tu stong par smra ba dag bshang gci byas pa'i mi gtsang bas lus dang gos la reg pa'i bring bas 'jigs nas sgor 'jug tu yang mi ster ro/ /zas bslang du yang mi thob pas bkres pa'i sdug bsngal bas lus dang yid nyon mongs te/ dus ma yin pa nyid du thams cad stong par 'gyur ba'i mtshan nyid 'chi bar 'gyur ta re/ mi 'dod pa'i las spangs pa'i man ngag kyang/ srad dang khron pa lu ma dang zhes bya ba la sogs pa gsungs so/ /de la srad la sogs par sems can la gnod par kun tu mi spyad ces bya ba dang 'brel to/ /de la sems can ni srog chags so/ /de dag la tshe ba ni gnod pa ste/ de kun tu mi spyad pa ni mi bya ba'o/ /de dag gang gis mi spyad ce na/ lus ngag yid kyi ces bya ba gsungs so/ /de la lus kyis srog gcod pa dang/ ma byin par len pa dang/ 'dod pas log par spyod pa dang mi tshangs par spyod pa spong ba'i mtshan nyid sems can la gnod pa yongs su spang ba'o/ /de bzhin du ngag gi las kyang brdzun du smra ba dang/ tshig 'khyal pa la sogs pa yongs su spang ba'i mtshan nyid do/ /yid kyi ni tshigs? sems la sogs pa spang ba'i ngo bo nyid do/ /'o na lus dang ngag gi las kyi lam rjes su zhugs pa ni sems can rnams la gnod par srid na chags sems dang/ gnod par sems pa dang/ log par lta ba'i mtshan nyid ni yid kyi las gyi lam gyi rjes su 'jug pa ste/ bdag la mi 'dod pa la sogs pa'i las la sogs par gyur du zin kyang yid kyis sems la gnod pa kun tu mi spyod do/ /zhes dgag pa sems can la gtsang la rgnod par go ji ltar 'gyur/ de la nyes pa

  65. 33a

    med de/ gang gi phyir zhe na/ bdag kyang sems can gyi nang du gtogs te/ de bas na bdag la yang gang mi 'dod pa'i 'bras bu tshe phyi ma la sogs par 'gyur ba de yang nyes par 'gyur ba nyid pas dgag par dgongs pa'i phyir ro/ /yang na lus dang ngag gi las bskyed pa'i rgyu sems pa bkag pas nyes pa med do/ /spang ngo zhes bya ba ni bslab pa slang bas sems can la gnod pa yongs su spangs te/ mi bya'o zhes pa'o/ /des 'di ston te sdom pa gzung ba sngar byas nas/ gang las kyi lam gyi rjes su 'jug par byed pa de sems rab tu rtas pas lhun gyis grub par yang mngon du 'gyur ro/ /da ni bsam gtan dang bzlas brjod dang sgrub pa la sogs pa'i rgyu'i lha'i rnal 'byor gyi mtshan nyid brtul zhugs gang gsungs pa/ brtul zhugs de mngon du bya ba'i gnas dang dus nges par bya ba'i phyir/ bsam gtan dang ni bzlas pa dang/ gsang sngags bsgrub par bya ba dang/ sbyin sreg las de dbang bskur dang/ yul gyi bya ba rnams la yang/ brtul zhugs gsungs pa gang yin pa/ zhes bya ba gsungs te/ de la gsang sngags rnams kyi bsam gtan bya ba'i phyir/ brtul zhugs gsung pa gang yin pa zhes bya ba dang sbyar ro/ /de bzhin du bzlas brjod la sogs pa la yang sbyar ro/ de la gsang sngags rnams kyi bsam gtan ni/ me gnas dngos grub ster ces bya ba la sogs pa sngar gsungs pa'o/ bsam gtan de'i phyir/ gsang sngags kyi yi ge re re la rtog pa'i rnam pa tshig rnam par dag pa sgra'i bdag nyid kyi bsgos pa sgra'i bdag nyid kyi lha'i rnal 'byor gyi mtshan nyid la rig sngags kyi brtul zhugs su bshad do/ /de bzhin du gsang sngags rnams bzlas brjod bya ba'i phyir brtul zhugs gsungs pa/ mi 'gyur gsang sngags gzhi la gnas zhes bya ba 'dis bdag nyid bdag gi lha'i skur gyur par bsam

  66. 33b

    pa'i sgo nas brtul zhugs bya ba bstan to/ /de bzhin du bsgrub pa la sogs pa'i brtul zhugs kyang rang gi lha'i bdag nyid du rig par bya ste/ des 'di ltar sbyar ro/ /gsang sngags rnams kyi sbyin sreg gi phyir brtul zhugs dang gsungs pa zhes bya ba ni gsang sngags rnams la sbyin sreg dbul ba'i phyir/ lha'i rnal 'byor bshad pa gang yin pa'o/ /gsang sngags rnams dbang bskur ba'i brtul zhugs ni gsang sngags kyi gzugs brnyan gyi sku la thim par bya ba'i phyir 'o ma la sogs pas dbang bskur ba'o/ /yang na sgrub pa po gsang sngags bsgrub par bya ba'i phyir/ gang dbang bskur bar bya ba de ni gsang sngags kyi dbang bskur ba ste/ gsang sngags kyi dbang bskur ba da la gang gsungs pa gang yin pa zhes bya ba dang sbyar ro/ /yul gyi bya ba rnams la yang brtul zhugs gsungs pa gang yin pa zhes bya ba ni dkyil 'khor dang/ bsgrub pa dang/ bzlas brjod kyi gnas byi dor byed pa'i tshe/ gang lha'i rnal 'byor gyi mtshan nyid brtul zhugs mngon du bya'o/ /zhes dgongs pa'o/ /brtul zhugs de gnas gang du bya ba dang/ dus ji srid du bya ba de dag thams cad bcom ldan 'das rdo rje 'dzin gyi sngon bdag la bshad do/ /zhes cho ga 'chad pa'i tshangs pas nyan pa'i tshangs pa la smras pa de yi gnas dang/ tshad rnams kyang/ sngon gyi bdag nyid 'ba' zhig la/ mthu chen rdo rje 'dzin pa'i lhas/ /rab tu gsang ba gsungs pa yin zhes bya'o/ /de'i zhes bya ba ni lha'i rnal 'byor gyi mtshan nyid brtul zhugs kyi ste/ gnas dang tshad gang yin de dag kun bshad par bya zhes bya ba dang sbyar ro/ /'dir yang bdag gi blos brtags te smra ba ma yin na/ /zhes bstan pa'i phyir/ sngon ni bdag nyid 'ba' zhig la/ mthu chan rdo rje 'dzin pa'i lhas/ /rab tu gsang ba gsungs pa yin zhes bshad do/ /lha'i rnal 'byor gyi mtshan nyid brtul zhugs mngon du byed pa'i gnas dang dus gang gsungs

  67. 34a

    pa de thams cad bshad par bya ba 'ba' zhig tu ma zad kyi nye bar gyur pa la sogs pa'i mtshan nyid gang gsungs pa de yang bshad par bya'o zhes bstan pa'i phyir/ nyer gyur mngon du phyogs pa dang/ gsang sngags ster bar gyur pa dang/ gzhan du phyogs pa gang yin pa/ /de kun tshangs pa khyod la bshad/ ces gsungs so/ /de la nye bar gyur pa la sogs pa'i tshig rnams ni/ gsang sngags rnams zhes bya ba'i skabs 'di dang sbyar ro/ /de bas na gsang sngags nye bar gyur ba dang/ mngon du phyogs pa dang/ gsang sngags ster ba dang/ gzhan du phyogs pa rnams bstan par bya'o/ /zhes gsungs pa yin no/ /de la bsam gtan dang bzlas brjod la sogs pa rab tu goms pas sems mnyam par bzhag par gyur pa'i sgrub pa po byin gyis brlab tu rung bar mkhyen nas lha spyan drangs kyang rung ma drangs kyang rung/ nam de dang nye bar gshegs pa de ni rig sngags nye bar gyur pa zhes bya ste/ drung du gshegs par gyur zhes bya ba'i tha tshig go des ni nye bar gyur pa'i mtshan ma gang yin pa de bshad par bya'o/ /zhes gsungs pa yin no/ /mngon du phyogs zhes bya ba ni lha nyid kyi gnas na bzhugs bzhin du gang spyan ras kyi 'tsho ba de la mngon du phyogs pa zhes bya'o/ /de bas na mngon du phyogs par gyur pa'i mtshan ma gang yin pa de dag kyang bshad par bya'o/ /zhes gsungs pa yin no/ /gsang sngags nyid kyi gnas na bzhugs bzhin du spyan ras kyi 'tsho ba'i mtshan nyid 'di yang nye bar gyur pa'i mngon rol tu lta bar bya ste/ de bzhin du 'og nas kyang 'chad do// gsang sngags ster ba zhes bya ba ni gsang sngags rnams kyis sbyin zhing gsol ba la gsang sngags ster ba zhes bya ste dngos grub la bya'o/ /des ni dngos grub kyi bye brag kyang bshad par bya'o/ /zhes gsungs pa yin no/ /gzhan du phyogs

  68. 34b

    zhes bya ba ni gsang sngags 'phang bar 'gyur ba'i gnas skabs kyang bshad par bya'o zhes bstan pa ste/ nyes gang dag byung na gsang sngags 'phang bar 'gyur ba de dag kyang bshad par bya'o zhes pa'o/ /da ni rig sngags kyi brtul zhugs kyi gnas skabs mdor bstan pa de zhib du bshad pa'i phyir/ gsang sngags la sogs dang ldan pa'i zhes bya ba la sogs pa gsungs so/ /de 'di skad bshad par 'gyur te/ nam lha'i rnal 'byor gyi mtshan nyid rig sngags kyi brtul zhugs mngon du byed par 'dod pa de'i tshe mdun du de bzhin gshegs pa'i sku gzugs bsams la/ rig sngags dang gsang sngags dang/ khro bo dang mngag gzhug pa dang/ mngag gzhug ma la sogs pa nam mkha' i dbyings khyab cing kho ra khor yug tu yongs su bskor bar thang cig tsam zhig mngon par bsams la ting nge 'dzin gyis gsal bar bya ste/ bdag nyid kyang gsang sngags dang rig sngags kyi gzugs kyi rang bzhin gyi mtshan nyid brtul zhugs bshad par byin gyis brlabs la/ de'i dbus na 'dug par bya'o/ /ci'i phyir zhe na/ rig sngags dang gsang sngags la sogs pa thams cad rgyal ba'i spyan snga na rtag tu 'khod de/ de bas na sngags pa yang yang gsang sngags la sogs pa'i lha'i rnal 'byor byas pas ting nge 'dzin gyis tshul gyis rgyal ba la mngon du phyogs par ci nus su bya'o/ /da ni de bzhin gshegs pa'i/ 'khor gyi dkyil 'khor gyi dkyil 'khor gyi nang na 'dug pa rang gi lha'i rnal 'byor gyi mtshan nyid rig sngags kyi brtul zhugs de mngon du bya ba'i dus nges par bstan pa'i phyir ro/ /dus gsum du ni phra mo 'di zhes bya ba la sogs pa gsungs so/ /de la dus gsum zhes bya ba ni snga dro dang phyi dro dang phyed mtshams kyi bye brag go /'di zhes bya ba ni de'i nang na 'dug pa rang gi rig sngags kyi brtul zhugs la snyags so/ /phra mo zhes bya ba ni bsam gtan gyi rig par bya ba'i phyir ro/ /gsang sngags rnams bsgrub pa la brtun pas rig par bya'o/ /zhes bya ba ni brtag par bya zhing mngon du bya'o/ /zhes bya ba'i tha tshig go /ci 'di 'ba' zhig dus gsum

  69. 35a

    du mngon du bya 'am/ zhes pa la ma yin no zhes bstan pa/ yan lag bcu'i cho ga las zhe bya ba ste/ de ji lta ji ltar srid pa'i yan lag bcu'i rnam pa dang ldan par rig sngags kyi brtul zhugs de dus gsum du mngon du bya'o zhes pa'o/ yan lag bcur nges pa'i cho ga 'di ni yan lag bcu'i cho ga ste/ bzlas brjod kyi yan lag bzhi la sogs pa'i cho ga'i mtshan nyid do/ /yan lag bcu'i cho ga de gang las su bya zhing nan tan du bya ba de gang yin pa dang lhan cig tu rig sngags kyi brtul zhugs de dus gsum du mngon du bya'o zhes pa'o/ zhes bshad pa yin no/ /de la yan lag bcu'i bdag gi de kho na nyid dang/ rig sngags kyi de kho na nyid dang/ bzlas brjod kyi de kho na nyid dang/ me la gnas pa la sogs pa'i bsam gtan rnam pa gsum dang/ gsang sngags bsgrub pa la 'jug pa'i cho ga dang/ sbyin sreg gi cho ga dang/ dbang bskur ba'i cho ga dang/ gnas kyi bya ba'i nan tan te/ de dag ni yan lag bcu rnams so/ /de bas na yan lag bcu po de rnams las ji ltar skabs su bab pa las gang yang rung ba'i yan lag nan tan du byas pa las/ lhan cig tu lha'i rnal 'byor gyi mtshan nyid rig sngags kyi brtul zhugs de mngon du bya'o/ /zhes bya bar dgongs pa'o/ /gang phyir zhe na/ lha'i rnal 'byor byas pa la gsang sngags las byung ba'i las kyi bye brag sbyor ba'i mtshan nyid ni de dag tsam du zad pa'i phyir ro/ /da ni gsang sngags gzhan du phyogs par 'gyur ba'i rgyu rnams bshad par bya ste/ de shes nas yongs su spang ba'i phyir ro/ /de dag kyang mi 'dod pa'i las kyi bag chags langs pa'i dbang ngam/ ya nga ba ma spangs pa las gsang sngags kyi byin gyi brlabs pa'i skal ba med par 'gyur ba'i rgyu rnams ni ma dad pa dang/ snyom pa la sogs pa sngags pa'i rgyud las byung ba ste

  70. 35b

    de bas na de bstan pa'i phyir gsungs pa ma dad pa dang snyom pa dang zhes bya ba la sogs pa nas/ gsang sngags de las gzhan du phyogs zhes bya ba'i bar du'o/ /de la ma dad pa la sogs pa de dag ji ltar srid par rang gi las dang/ rang gi rnam par rtog pa dang skye bo sdang ba dang brten pa'i mtshan nyid dang/ rgyu rnams gsum las byung ba yang gnyen po las/ nan tan byas pas bzlog par bya'o/ /de la las las skyes pa rnams bzlog pa ni bdag med pa'i bsam gtan dang/ bzlas brjod dang sbyin sreg la sogs pa'o/ /rang gi rnam par rtog pa las byung ba rnams ni de'i rang bzhin rnam par dpyad pas so/ /skye bo sdang ba dang brten pa'i skabs su gyur pa ni de yongs su spang bas bzlog go /las la the tshom za ba dang/ zhes bya ba ni dge ba dang mi dge ba'i las kyi 'bras bu 'am/ yang na gsang sngags kyi las dus dus su ji ltar byed pa'i the tshom za zhing brjed pa'i skabs su 'byung ba'o/ /log 'dren gyis brlabs pa dang/ zhes bya ba ni ji skad gsungs pa'i nyes pa rnams las gzhan pa sems g.yeng ba la sogs pa ni log 'dren gyis brlabs pa'i nyes pa yin par shes par bya'o/ /'dir yang 'di ltar shes par bya ste/ nam ma dad pa la sogs pa de dag las kyi bag chags la sogs pa'i mthu las byung bar gyur pa de'i tshe sngags pa de las gsang sngags gzhan du phyogs par 'gyur te byin gyis brlabs pa'i skal ba med par 'gyur gyi sgrib pa thams cad spangs pas rtog pa'i bag chags bsal ba'i gsang sngags la sogs pa nyid ni 'phang bar mi 'gyur ro/ /sngags pa'i rgyud las de dag skyes pa'i tshe gtso bo'i rgyu ma tshang bas rig sngags dang gsang sngags dag gis kyang bzlog par mi nus so/ /'di ltar gsang sngags la sogs pa ni mchod pa dang bzlas brjod la sogs pas bsod nams skye ba'i rgyur gyur zhing dngos grub thob pa'i bag chags rtas pa'i grogs tsam zhig sgrub pa po la mdzad par 'dod do/ /gal te

  71. 36a

    'grub pa'i las kyi bag chags med pa la yang dngos grub ster bar 'gyur na ni de'i tshe rab tu thugs rje ches pas thams cad thams cad stsol ba'i mthu mnga' bar 'gyur ro/ /de ltar yang ma yin pas rab tu spros pa btang ngo/ /de nas gzhan yang gsang nye bar gyur cing mngon du phyogs par gyur pa'i rgyu sgrub pa pos bsam gtan dang/ bzlas brjod la goms par byas pa las byung ba'i yon tan bstan pa/ gang zhig zhi bar 'dug pa dang/ sgra yi ngo bor gyur pa na/ /de tshe sngags pa gsang sngags la/ /nye bar gyur cing mngon du phyogs zhes bya ba yin no/ /de la gang zhig ces bya ba ni 'dis ni ji ltar srid pa'i bsam gtan dang/ bzlas brjod byed pa gang yang rung ba de la snyegs so/ /zhi ba zhes bya ba ni 'dod pa dang/ khro ba dang/ rgyags pa dang/ rgyu la sogs pa kun nas ma langs zhing lus dang ngag dang yid ma gyur pa'i gnas skabs thob nas zhes bstan pa'o/ /'dug pa zhes bya ba ni bsam gtan nam bzlas brjod byed pa'i phyir 'dug ces dgongs pa'o/ /sgra yi ngo bo gyur pa zhes bya ba la/ de'i ngo bo ni rang bzhin du gyur pas na/ sgra de'i ngo bo zhes de skad gsungs te/ sgra'i rnam pa'i rang bzhin du rnam par shes pa gcig nas gcig du rgyun mi 'chad ces bya ba'i don to/ /des 'di skad bstan par 'gyur te/ de lta bur gyur pa de bsam gtan nam bzlas brjod byed pa la 'dug nas gang gi tshe bsam gtan du byed pa 'am bzlas brjod du bya ba'i sgra gcig bu la migs par gyur na/ de'i tshe gsang sngags nye bar gyur cig /mngon du phyogs pa zhes bya'o/ /'dir ni nye bar zhes bya ba mngon du phyogs pa'i khyad par te/ de ni nam bsam gtan pa 'am/ bzlas brjod byed pa sgra'i ngo bor gyur pa de'i tshe/ gsang sngags nye bar gyur pa spyan ras kyi 'tsho ba'i mtshan nyid mngon du phyogs par 'gyur ro/ /zhes bstan to/ /de bas na gzhan

  72. 36b

    yang gsang sngags mngon du gyur pa'i tshe thun mong ma yin pa'i yon tan rnams bstan te/ de dag kyang lha dang lha min sems can ni zhes bya ba la sogs pa tshigs su bcad pa bzhis bstan to/ /de la tshigs su bcad pa dang po dang gnyis pa dang bzhi pas mngon du gyur pa'i tshe phyi rol gyi mtshan ma bstan to/ /tshigs su bcad pa gsum pas nang gi mtshan ma bstan par rig par bya'o/ /lha ni lha la sogs pa'o/ /lha ma yin ni srin bu la sogs pa'o/ /zhi ba zhes bya ba ni mi gnod pa'o/ /da ni gsang sngags mngon du 'gyur ba'i yon tan thob pa mi nyams par bya ba'i thabs bstan te/ de bsrung ba mngon du 'gro ba'i brtson pa byed na dngos grub nye bar gyur pa'i phyir/ gsang sngags lha ni mngon phyogs pa'i zhes bya ba la sogs pa'i tshigs su bcad pa gnyis kyis bstan te/ kun tu zhen zhes bya ba ni bzlas brjod dang/ bsam gtan la sogs pa'o/ /dka' thub dang ldan zhes bya ba ni ji skad du smos pa'i dka' thub bya ba la brtson pa zhes bya ba'i tha tshig go /nam mkha' rgyu ba'i 'gro bar gnas zhes bya ba ni nam mkha' la 'gro ba na/ nam mkhar rgyu ba ste/ lha'o/ de dag gi 'gro ba ni lha'i 'gro ba'o/ /der gnas pa ni lhar gyur pa'o/ /nam mkhar rgyu bar gnas zhes bya ba 'di yang grub pa'i gnas skabs nye bar bstan pa'i tshig tu gtogs par blta'o/ /myos pa'i mtshan nyid gti mug pa ni/ mngon du gyur pa'i tshe dang/ grub par gyur pa'i tshe dbang phyug thob pa ma nyams par 'gyur ba'i rgyur mtshungs par bstan pa'i phyir ro/ /dbang phyug ces bya ba ni lus dang ngag dang yid mchog thob pa'i mtshan nyid do/ /de yang mngon du gyur pa'i tshe'i mtshan nyid/ de la shes pa'ang de la skye bar 'gyur zhes bya ba la sogs pa sngar bstan pa'o/ /grub pa'i gnas skabs nye bar bstan pa yang rig dang rdzas kyi dngos grub dang/ /sman gyi yang ni lus can rnams zhes bya ba la sogs pa 'og nas

  73. 37a

    'chad do/ /gang zhig ma myos zhes bya ba ni rmongs par mi 'gyur ba ste/ sems blong bar mi 'gyur zhes bya ba'i don to/ /des ji skad bstan par 'gyur te/ mngon du 'gyur ba'i tshe dbang phyug thob pa mi nyams pa'i rgyu ni bzlas bcod dang bsam gtan la sogs pa la zhen cing dka' thub dang kha ton la 'grus pa dang/ sems ma rmongs pa'o/ /grub pa'i tshe dbang phyug thob pa la ni mi rmongs pa gtso bo ste/ de'i tshe ni khyad par du dam tshig bsrung ba la bye brag tu nan tan bya bar 'dod do/ /de bas na bzlas brjod bya ba la sogs pa ni/ dam tshig tsam du dgongs su zad kyi ma grub pa grub pa'i rgyu ni ma yin no/ /da ni mngon du gyur pa'i tshe dbang phyug thob pa'i yon tan nyams par gyur pa'i rgyu spong zhing bzlas brjod dang bsam gtan la sogs pa la mngon par brtson par byas na/ rim gyis 'bras bu gang thob par 'gyur ba de bstan pa'i phyir/ gsang sngags 'bras bu ma lus pa zhes bya ba la sogs pa tshigs su bcad pa gnyis kyis bstan to/ /des zhes bya ba ni mngon du byung ba dang/ grub pa'i tshe thob pa nyams par gyur pa'i rgyu spong ba'o/ /gnas mchog ces gsungs pa de yang gang zhe na/ rdo rje can gyi gsang ba'i mchog ces bya ba la sogs pa gsungs so/ /de la rdo rje can ni rdo rje 'dzin pa ste/ gsang sngags kyi spyod pa las byung ba'i byang chub sems dpa' i khyad par ro/ /de'i gsang ba'i mchog ni sku dang gsung dang thugs kyi 'byor ba'i mtshan nyid do/ /des 'di skad bstan par 'gyur te/ gsang sngags spyad pa las byung ba'i byang chub sems dpa' i go 'phang ni gnas mchog ste/ dam pa de thob par 'gyur ro zhes pa'o/ /rdo rje 'dzin pa de'i gsang ba'i mtshan nyid kyi phan yon ni bsngags pa'i phyir/ gang zhig thob nas bder 'gyur ba/ yongs su rdzogs pa rgyal ba bzhin zhes gsungs so/ /des 'di ltar dgongs te

  74. 37b

    gsang sngags kyi spyod pa las byung ba'i byang chub sems dpa' i ting nge 'dzin gyi yul ma thob kyang/ gsang sngags kyi sbyor ba'i 'bras bur gyur pa myong bar 'gyur te/ de dag ni de bzhin gshegs pa'i sku la sogs pa'i 'khor la sprul pa'i sems can ? dang/ grol ba la sogs pa'i rgyur gyur pa yang gsang sngags kyi sbyor bas byas nas bdag kyang bde ba 'phel bar byed do/ /ji ltar zhe na/ rdzu 'phrul ni rnam pa bzhi ste/ skyes nas thob pa dang/ sbyor ba las byung ba dang/ gsang sngags dang/ sman las byung ba dang/ las las skyes pa'o/ /de bas na gsang sngags kyi sbyor ba'i mthus de bzhin gshegs pa'i rdzu 'phrul kha cig kyang thob bo zhes bstan pa/ gang zhig thob nas bder 'gyur ba/ /yongs su rdzogs pa rgyal ba bzhin zhes sngar gsungs so/ /de la gsang sngags kyi lha mngon du gyur pa thob nas/ sgrub pos zhen par bya'o zhes gong du bshad pa dngos pos gang la zhen par bya ba 'di bshad de/ de bas na zhen par bya ba'i yul gsungs pa spro zhing stobs dang ldan pa ni zhes bya ba la sogs pa'o/ /des ni dka' thub dang bsam gtan dang/ bzlas brjod ji skad bshad pa la/ zhen cing mngon par brtson par bya'o zhes bshad de/ de la spro ba ni brtson 'grus dang ldan pa'o/ /stobs dang ldan pa ni bkres pa dang/ skom pa dang/ pha rol gyi gnod pa la sogs te/ nyon mongs pa bzod pa'o/ /gsang sngags rang bzhin me yis ni/ /sdig pa thams cad bsreg par bya zhes bya ba dang 'brel to/ /gsang sngags kyi ngo bo nyid kyi me zhes bshad pa yin no/ /me'i rang bzhin yang gang gi phyir gsang sngags bzlas brjod byas sam/ bsam gtan du byas nas mngon sum du 'am/ brgyud pas skye ba dang 'chi ba'i zhags pa la sogs pa sreg par byed do/ /zhes sngar bshad do/ /sdig pa rnams ji ltar bsreg ce na gsungs pa/ bzlas brjod bsam gtan dka' thub med zhes bya ba la sogs pa gsungs te/ de dag

  75. 38a

    ni bya ba'i bye brag go /des ni gsang sngags rnams kyi bzlas brjod dang/ bsam gtan dang dka' thub kyi bya bas de dag bsreg ces bya ba'i tha tshig go /bsreg par bya zhes bya ba ni sreg pa dang dang 'dra zhes bya ba'i don to/ /de bas na 'di skad bshad par 'gyur te/ gsang sngags kyi bsam gtan dang bzlas brjod las byung ba'i dge ba'i bag chags de ni 'grus ba dang/ rtag tu sbyor ba las gyur pa'i phyir stobs dang ldan pa'o/ /de bas na de'i rnam par smin pa de ma thag pa nyid du mngon par skye'o/ /rnam par smin pa de yang bag yod pas rig pa 'dzin pa la sogs pa'i grub pa'i rim gyi 'phags pa rdo rje 'dzin gyi sku dang/ gsung dang/ thugs kyi gsang ba thob pa'i rim pas sangs rgyas pa'i bar du 'gyur ro/ /de bas na sdig pa'i bag chags 'bras bu rnam par smin pa'i skabs mi rnyed pa ni sa bon bsregs pa dang 'dra bas na sdig pa rnam par bsreg ces bshad do/ /gzhan yang 'dod chags med pa la sogs pas bskyed pa bzlas brjod dang bsam gtan gyi mtshan nyid dge ba'i bag chags ni 'dod chags la sogs pa'i mthu chud par byed pas sdig pa'i bag chags phyir ldog go zhes de skad du bshad duAng rung mod kyi/ gzhung rab tu mang por 'phros su dogs pa dang/ tshul 'di ltar grags pa'i phyir 'dir bdag gis zhib tu ma dpyad do/ /da ni bzlas brjod dang bsam gtan bsgom pa las sgrub pa po'i yon tan 'byung ba gsang sngags nye ba'i rgyur gyur pa bstan pa gnas dang zas dang grang ba dang zhes bya ba la sogs pa'i tshigs su bcad pa bzhi gsungs so/ /de tshe las kyi 'bras bu des zhes bya ba ni bzlas brjod dang bsam gtan gyi bag chags kyi mtshan nyid las kyi 'bras bu ji ltar 'dod pa'i dngos grub kyi mtshan nyid gdon mi za bar nges par 'gyur bar rig par bya/ 'dis kyang lus kyi yon tan gsang sngags nye bar gyur ba'i rgyu las byung ba rnams bstan to//

  76. 38b

    yid kyi yon tan 'byung ba bstan pa'i phyir/ sgra 'am yang na gzugs la yang/ /gang brtson pa ni mi rmongs pa zhes gsungs te/ bsam gtan pa 'am/ zlos pa po ji ltar rig par yi ge dang dbyangs kyi rang bzhin sgra dang/ lha'i rang bzhin gyi gzugs la bya ste/ mi rmongs zhes bya ba ni dmigs pa'i tshe sems blong bar mi 'gyur ba'o/ /des 'di skad bshad par 'gyur te/ bsam gtan du bya ba dang bzlas brjod du bya ba'i sgra la sogs pa la ji tsam 'dod par rnam par shes pa'i rgyun 'jug par bar ma chad par 'dzin zhes bya ba'i don to/ /don 'di ni sgra'i ngo bor gyur pa na zhes bya ba'i tshig des gong du yang bshad zin mod kyi/ gsang sngags kyi bsam gtan la phal cher sgra'i ngo bo la dmigs pa gtso bor bstan pa'i phyir gsang sngags nye bar gyur pa la sogs pa'i skabs thams cad du yang/ sgra 'am yang na gzugs la yang mi rmongs zhes gsungs so/ /yang na sgra'i ngo bor gyur pa'i gsang sngags nye bar gyur pa mngon du phyogs pa nyid kyi rgyu yin gyi gsang sngags nye bar gyur pa'i gnas skabs kyi ni ma yin no/ /zhes kha cig de ltar sems na yang gzugs la sbyor ba na mi rmongs pa'o/ /zhes de tsam zhig bshad pa la sgra 'am/ yang na gzugs zhes bya ba'i don mtshungs par bstan pas nyes pa med do/ /nye bar gyur par des bshad bya zhes bya ba ni gsang sngags kyi skabs so/ /gang zhig mthong ba tsam gyis ni/ sems can thams cad byams gyur pa/ zhes bya ba 'dis ni lus kyi yon tan bshad do/ /de la snang ba dang mi snang ba dang/ mi dang srin bu dang/ sprul dang gcan gzan khro bo la sogs pa ni sems can thams cad ces bya ba'i sgrar brjod do/ /de ni dngos grub nye bar 'gyur zhes bya ba ni dngos grub nye bar gyur pas gsang sngags nye bar gyur pa bstan to/ /sems can bgegs byed pa de rnams sgrub pa po la byams

  77. 39a

    pa'i sems 'jog ste/ de bas na bgegs med par bstan pa bgegs rnams thams cad rnam par spangs zhes gsungs so/ /gal te sems can chen po rnams sgrub pa po la byams par 'gyur te/ bgegs med par gyur pa dngos grub kyi rgyu yin na/ 'o na ni de ltar gyur pa'i tshe bgegs med pas bsgrub pa'i tshe bsrung ba la sogs pa cung zad kyang mi dgos so/ /zhes smras pa la/ bde ba dang ni sdug bsngal mdza' / /'dod dang khro dang 'jigs pa dang/ /nad dang 'chi dang gnod bdag gi /rgyu ni sngags pa rnams la yod ces gsungs so/ /'dir bde ba la sogs pa'i bag chags sgrub pa po'i rgyud la yod do zhes bstan to/ /des 'di skad gsungs par 'gyur te/ gnas dang zas dang grang ba la sogs pa la ji mi snyam par gyur nas grang ba la sogs pa'i gnod pa sdug bsngal gyis kun nas dkris pa'i mtshan gyi bgegs med par gyur pa dang/ de bzhin du bsam gtan dang/ bzlas brjod byed pa'i tshe dmigs pa la brtan par gyur pa na sems g.yeng ba la sogs pa'i mtshan nyid kyi bgegs med par gyur pa dang/ de bzhin du sems can thams cad byams par gyur pas de las byung ba'i gnod pa'i phyir des nye bar bskyed pa gnod pa'i mtshan nyid kyi bgegs de'i yul la/ khro bo la sogs pa kun nas dkris pa dang bcas par med par kun tu zin kyang gang yang de dag gi /rgyu bdag gi rgyu la bag chags su gnas pa'i mtshan nyid de dag bzlas brjod byed pa la med pa ni ma yin no/ /de bas na bag chags kyi mtshan nyid kyi rgyu yin pas grogs byed pa'i rkyen dang phrad na bgegs 'byung bar 'gyur ro/ /de bas na de gsal ba'i phyir/ sgrub pa la sogs pa la srung ba bya bar rigs pas nyes pa med do/ /da ni gsang sngags nye bar gyur ba'i sngags pa'i phan yon bstan pa'i phyir/ nam zhig nye

  78. 39b

    bar gyur pa na/ /dus dang yang dang bya dang lus/ /chos dang chos min 'bras bu la/ /de tshe sngags pa mi bltos so/ /zhes bya ba gsungs so/ /des 'di skad gsungs par 'gyur te/ nam sngags pa la gsang sngags nye bar gyur pa de'i tshe dus la sogs pa la mi bltos par dngos grub sgrub pa rtsom mo zhes bya ba'i tha tshig ste/ nam sngags nye bar ma gyur pa la mngon du bsnyen pa med pa de'i tshe bzlas brjod dang/ bsam gtan dang dbang bskur ba la sogs pa'i tshigs la dus la sogs pa la bltos par bya'o/ /zhes don gyi dbang gi gsungs par 'gyur ro/ /'o na sngags pa dus la sogs pa la mi bltos na bsgrub par bya ba la gsang sngags 'bar bar 'gyur ro zhes/ bsdam pa dang ni bshig pa dang zhes bya ba la sogs pa'i gzhung gis bstan na/ de ci'i phyir dus la sogs pa la mi bltos par bshad/ de ni gsang sngags nye bar ma gyur pa las dgongs te gsungs pas nyes pa med do/ /gang rig sngags nye bar gyur pa la sogs pa'i sgrub pa pos ni nyes pa byas pa yang bzod do zhes bstan/ rig sngags nye bar gyur 'dod dang/ /sgrub pa dang ni de bzhin mchog /nyes pa stong dag byas pa yang/ /bzod par 'gyur ba dgos pa med/ /ces bya ba gsungs so/ /rig sngags nye bar 'gyur ba bzod pa'i skabs 'dir/ rig sngags 'dod pa la sogs pa rnams kyang bzod par 'gyur ba srid do zhes bstan to/ /'dir bzlas brjod dang bsam gtan la sogs pas sgrub po'i yon tan ji skad du smos pa dang ldan pa la/ rig sngags nye bar gyur pa bstan to/ /'dod pa ni nye bar ma gyur kyang sgrub pa po sngon du bsnyen pa byed pa'i tshe/ yang nye pa byas bzod do/ /'dod par gyur pa yang de dang cha mthun pa 'am/ tshe rabs snga ma la mnyes par byas pas so/ /grub pa ni ral gri la sogs pa'i dngos grub ster ba'i sgo nas grub pa'i dam tshig las 'das pa'i nyes ba

  79. 40a

    byas pa yang cung zad bzod do/ /de bzhin du rig sngags mchog ni nye bar ma gyur pa dang/ 'dod pa ma yin pa dang/ ma grub pa yang mthu che bas cung zad kyis mi 'khrugs pa'i phyir/ sgrub pa po'i nyes pa med do/ /zhes gsungs so/ /stong zhes bya ba ni mang po'i nye ba'i mtshan ma 'am/ nges pa'i tshig ste stong las lhag par mi bzod zhes bya ba'i tha tshig go /sgrub pa po nyes pa bzod pa 'ba' zhig ma yin gyi/ rigs las byung ba la sogs pa'i dngos grub kyang nye bar gyur pa dang/ grub pa bdag ster ro zhes bstan pa/ rigs dang rdzas kyi dngos grub dang/ sman gyi yang ni lus can la/ /nye bar gyur dang sngags grub pa/ /dbang du gyur pa rtag par 'gyur ro/ zhes bya ba gsungs so/ /de la rigs kyi dngos grub ni bsgrub par bya ba'i rdzas med par yang bzlas brjod byas pa 'am/ bsam gtan du bya ba las mngon par shes pa la sogs pa'i rig sngags kyis byin pa 'am/ rang gi rigs dang rigs mthun pa 'am/ gnod sbyin la sogs pa'i rigs dang rigs mthun par skye ba ni bsgrub par bya ba'i rdzas med par yang rigs su gtogs pa'i gsang sngags kyi lha 'ba' zhig las thob pas na rigs las byung ba zhes gsungs so/ /de bzhin du rdzas las byung ba ni ral gri la sogs pa'i dngos grub kyi mtshan nyid do/ /sman gyi zhes bya ba ni shu dag la sogs pa sgrub pa las byung ba'i mtshan nyid do/ /dngos grub de dag ni gsang sngags nye bar gyur pa 'am/ grub pa la dbang du gyur pa ste/ nye bar spyad du rung bar 'gyur ro/ /zhes bya ba'i tha tshig go /'grel pa 'di ni byas las de ring bdag gis dge ba gang zhig thob gyur pa/ /zla 'od gsal dang mu tig dol shal dri ma med pa dkar po 'dra ba des/ /nyon mongs mi shes sgrib pa'i blo rgyud spang phyir sems can byang chub yid gyur

  80. 40b

    cig /yang dag rtogs pa'i gtam 'di sangs rgyas gsang bas smras pa sems can rnams kyis nyon/ /bsam gtan phyi ma zhes bya ba/ rgya cher bshad pa slob dpon sangs rgyas gsang bas mdzad pa rdzogs so// //rgya gar gyi mkhan po bidyA ka ra pra b+hA dang/ zhu chen gyi lots+tsha ba bande dpal brtsegs kyis bsgyur cing zhus te gtan la phab pa// (//'phags pa dpung bzang gi zhus pa'i rgyud kyi don bzhugs so/) /!/ /rgya gar skad du/ Arya su bA hu pa ri pra ts+tsha nA ma tan+t+ra biN+DArtha/ bod skad du/ 'phags pa dpung bzang gis zhus pa'i rgyud kyi bsdus pa'i don/ sangs rgyas dang byang chub sems dpa' la phyag 'tshal lo/ /mdo sde 'di las ni sangs rgyas dang byang chub sems dpa' dang/ 'jig rten pa'i lha'i bye brag rnams kyis rig sngags dang gsang sngags bshad pa gang yin pa de dag rigs gsum po de bzhin gshegs pa dang/ pad+ma dang/ rdo rje dang/ de bzhin du gzhan yang nor can dang/ lnga rtsen dang 'jig rten pa'i rigs su yang dag par bsdus par ston to/ /de dag gi rigs dang/ rigs sngags dang/ gsang sngags dang/ las kyi dbye ba dang mnyes par bya ba'i thabs kha cig tu ni rgyas par spros la/ de las gzhan du ni cung zad tsam du bstan pa dang/ gzhan dag tu ni ma gsungs so snyam du dgongs nas/ bcom ldan 'das rdo rje 'chang gis rigs thams cad kyi mnyes par bya ba'i thabs su gyur pa/ 'jug pa dang/ sgrub pa dang/ sgrub pa'i spyod pa bstan pa rnams dpung bzang gis zhus pa'i gsang sngags kyi mdo sde'i le'u bcu gcig po 'dir gtan la dbab pa bstan to/ /de la le'u dang po ni don bdun gyis bshad par bstan la/ tshig dang po'i don ni 'di lta ste mdo sde dang/ de mchad pa'i zhu ba dang/ 'brel pa dang/

  81. 41a

    brjod par bya ba dang/ dgos pa dang/ dgos pa'i yang dgos pa rnams kyis bstan to/ /gnod sbyin bdag po nyi ma stong gi gzi/ /snying rjes rtse gcig yid gyur zhes bya ba nas brtsams te/ de phyir myur du rtse gcig yid byas dang/ /gsang sngags mdo sde'i tshul bzhin ngas bshad do/ /zhes bya ba'i bar gang gsungs pa'o/ /de bzhin du zlos pa dang/ sgrub pa dang/ mi sgrub pa rnams kyis kyang thun mong gi bslab pa la 'jug pa bstan pa na don gnyis pa ste/ gsang sngags bzlas brjod gang dag ngas gsungs pa/ /de yi brtul zhugs dang por ngas bshad do/ /zhes bya ba la sogs pa nas/ dge bcu dag gi chos kyi lam la gnas na zhes bya ba'i bar gsungs pa'o/ /de bzhin du dam tshig gi dkyil 'khor rnams dang/ gdon la sogs pa'i dkyil 'khor du zhugs pa'i phan yon gsungs pa ni don gsum pa ste/ lha dang lha min sha khrag za 'thung ba/ /mtshan mor rgyu ba mi bzad 'jig rten na/ /sems can rnams la gnod pa byed ces bya ba la sogs pa nas/ de las gang yang rung ba'i dkyil 'khor ni/ /gcig tsam zhig kyang dad pas blta bar bya zhes bya ba'i bar du gang gsungs pa'o/ /sgrub pa pos khyad par du dge ba'i chos yang dag par sdud pa dang/ sems can gyi don bya ba dang/ so sor thar ba'i sdom pa'i tshul khrims la gnas par bstan pa dang/ de'i phan yon bstan pa ni don bzhi pa ste/ gnod sbyin tshogs dang mtshan mo rgyu ba dag /sa bla pa zhes bya ba la sogs pa nas de bzhin tshul khrims brten nas/ de bzhin chos dkar mchog /rnam par skye zhes bya ba'i bar gang gsungs pa'o/ /so sor thar pa dang sems can gyi don bya ba'i bslab pa'i thabs ni don lnga pa ste/ rgyal ba ngas gsungs so

  82. 41b

    sor thar pa yi/ /tshul khrims rnams dag 'dul ba ma lus las zhes bya ba la sogs pa'o/ /de bzhin du dge ba'i chos yang dag par bsdu ba'i thabs ni don drug pa ste/ bzlas pas skyon mdo sde bklags par bya zhes bya ba la sogs pa'o/ de bzhin du grogs po'i mtshan nyid bstan pa ni don bdun pa ste/ nam yang 'khor lo rtsig pa'i shing rta ni zhes bya ba la sogs pa gang gsungs pa'o// //da bzhin du le'u gnyis pa la don bcu ste/ de la gsang sngags mnyes par bya ba'i don ni dang po ste/ rang sangs rgyas dang bde gshegs nyid skyes dang/ /rgyal ba sngon chad gang na bzhugs bzhugs pa zhes bya ba la sogs pa nas/ der ni sa brkos sbyangs nas gnas rtsig pa zhes bya ba la sogs pa'i bar gang gsungs pa'o/ /de bzhin du lha bzhag pa'i don ni gnyis pa ste/ dri gtsang khang pa de'i phyogs gcig tu/ rgyal ba lam mchog ston pa zhes bya ba la sogs pa nas/ de'i spyan sngar dngos grub rtag tu brtsam par bya zhes bya ba'i thar gang gsungs pa'o/ /sgrub pa dang rjes su mthun pa'i cha lugs bstan pa ni don gsum pa ste/ de'i phyir gtsug phud bzhag ste/ skra ni bregs nas su zhes bya ba la sogs pa gsungs so/ /de bzhin du slongs mo pa'i lhung bzed kyi mtshan nyid bstan pa ni don bzhi pa ste ji skad du/ ku ba 'am lcags sam 'jim pa las byas pa zhes bya ba la sogs pa gsungs so/ /sgrub pa po slong mo dang rjes su mthun pa'i yul du gnas pa'i bya ba ni don lnga pa ste/ de bstan pa'i phyir/ bza' btung mod cing dmangs rigs? mang ba nang/ 'gron la mchod byed legs par gnas pa'i grong/ ha cang mi nye ha cang mi ring zhes bya ba la sogs pa nas/ de ni sdig pa rnam par bsal ba dang/ /bsod nams ma lus yongs su bzung bas

  83. 42a

    'dag ces bya ba'i bar du'o/ /zas la ma chags par bya ba dang/ zas kyi tshod zin par bya ba bstan pa ni don drug pa ste/ ji ltar rma ni gso dang bsal ba'i phyir/ /nad pa la ni sman pas sbyin pa ltar/ /de bzhin 'dir yang bkres pa'i sdug bsngal dag ces bya ba dang/ bza' bar gsungs zhes bya ba la sogs pa nas/ lus ni chu zhing bzhin du rig bya ste/ bza' btung sogs la sems ni chags mi bya zhes bya ba'i bar du'o/ /slongs mo byed pa'i dus na spyod lam bcos par bstan pa ni don bdun pa ste de'i phyir/ dbang po drug po yul la 'phro ba dag /bde gshegs gsungs pa'i shes pas bsrung bar bya/ /lhung bzed de dag lan cig thogs nas su/ /gnya' shing gang du blta zhing zhes bya ba nas/ de bzhin gzha? rol mo byed pa rnams /der ni skyes bu nam yang 'gro mi bya zhes bya ba la sogs pa'i bar du'o/ /zas bza' ba'i rim pa dang/ dus nges par bstan pa ni don brgyad pa ste/ gang gi phyir/ bsod snyoms ci rnyed khyer te 'ongs nas kyang zhes bya ba la sogs pa gang gsungs pa'o/ /dus gsum du bzlas brjod bya ba dang/ dus gsum du khrus bya ba dang mchod pa bstan pa ni don dgu pa ste/ de'i phyir dus gsum du khrus bya ste/ zhes bya ba nas/ smra ba a rka bilba 'bri ta ti/ /ku sha dri ngan yid du mi 'ong spang zhes bya ba la sogs pa gsungs so/ /sgrub pa pos sangs rgyas rjes su dran pa la sogs pa rjes su dran pa drug la dmigs pa'i dus bstan pa ni don bcu pa ste/ 'phreng dang 'dug dang ma log nyal ba dang/ /'gro 'phres za klog bzlas brjod byed pa na/ /rjes su dran drug so so'i yon tan dang/ /rig par bcas te rjes su dran par bya zhes gang gsungs pa'o// //

  84. 42b

    le'u gsum pa la sgrub pa po'i de kho na nyid la dmigs pa ni don dang po ste de'i phyir/ 'dod chags la sogs nyon mongs tshogs ldan pa'i/ /sems ni 'khor ba yin par kun tu brjod/ /nyon mongs rnam grol shel dang zla 'dra ba/ /srid pa'i rgya mtsho thang ni yongs su grags zhes bya ba la sogs pa gsungs pa'o/ /bgrang phreng gi mtshan nyid bstan pa ni don gnyis pa ste de'i phyir/ bo de co dang dung shel ru rag sha /zhes bya ba la sogs pa gsungs pa'o/ /bzlas brjod kyi dus su lus dang/ ngag dang/ yid bsdams pa ni don gsum pa ste/ de bstan pa'i phyir/ 'dug nas dbang po yang dag bsdams pa dang lus ni drang zhing bstan par bzhag nas su/ /phyis ni ma mchu shin tu mdzes par yang/ sgul zhing gsang sngags ci dgar bzlas brjod bya zhes gsungs pa'o/ /bzlas brjod kyi nyes pa sems mi brtan pa dang/ gnyid la sogs pa dang/ de bzhin bzlas brjod la gnod pa yul rgyu ba la sogs pa'i rnam par rtog pa rab tu dgag pa ni don bzhi pa ste de bstan pa'i phyir/ sems ni glog dang sprin dang rlung dang mtshungs/ rgya mtsho chen po yi ni rlabs dang 'dra/ /sgyu can 'dod dgur yul la mngon dga' ba/ /g.yo zhing 'chang pa zhes bya ba la sogs pa nas/ / gnyen pa'i dga' ba'i sems ni rnam rtog gis/ /bzlog nas dge la brtson dang ldan par bzhag ces bya ba la sogs pa'i bar gang gsungs pa'o/ /thub par bya ba bstan pa ni don lnga pa ste dang por zlos nas bzlas brjod zin par du/ bram ze rgyal rigs rje'u dmangs rigs zhing pa dang/ bud med ma ning khye'u bu mo dang/ /sngags pa zhes bya ba la sogs pa gsungs pa'o/ /bzlas brjod byas pa la sogs pa las byung ba'i bsod nams yongs su bsngo bar bstan

  85. 43a

    pa ni don drug pa ste/ de'i phyir/ me tog dri bstod mar me phul ba dang/ /tshul khrims brtson 'grus dka' thub byas pa yi/ /dge ba de kun bla na med pa yi/ /sangs rgyas byang chub bla med mchog tu bsngo zhes bya ba la sogs pa gsungs so/ /lus dang ngag dang/ yid kyi gnas ngan len du gyur pa'i 'jig rten gyi chos brgyad po gang yin pa dang/ stangs dang/ mchongs pa byed pa la sogs pa rab tu dgag pa ni don bdun pa ste/ de'i phyir/ grags dang ma grags rnyed dang ma rnyed dang/ bde dang sdug bsngal zhes bya ba la sogs pa nas/ le lo dang ni g.yo rgyu rnam par spangs zhes bya ba la sogs pa'i bar gsungs pa'o/ /kha zas ma gnang ma spangs pa dang/ gsang sngags mnyes par 'gyur ba dang/ rjes su mthun pa'i kha zas dkar po bstan pa ni don brgyad pa ste/ ji skad du/ sha chang ki'u dang btsong dang sgog sngon dang zhes bya ba la sogs pa nas lha min bu mo'i 'khrul 'khor 'joms pa'i tshe/ /'bru mar tshigs ma'i kha zas mchog tu bsngags zhes bya ba'i bar gsungs pa'o/ /ji skad bstan pa'i dus su nyal ba'i rim pa bstan pa ni don dgu pa ste/ ji skad du/ de ltar bzlas brjod byed pa'i sgrub pa pos/ nyin gcig bzhin du byas nas zhes bya ba la sogs pa gsungs pa'o// //de nas le'u bzhi pa la rdo rje rnams kyi mtshan nyid btan pa ni don dang po ste/ ji skad du/ sgrub pa po ni nges par bcad pa yi/ /rdo rje gang yin de dag bshad par bya zhes bya ba la sogs pa nas de las gcig kyang rnyed par ma gyur na/ /khu tshur bcangs nas rtse gcig sems kyis bzlas zhes bya ba'i bar du gsungs pa'o/ /sgrub pa'i rdzas rnams kyi grangs bstan pa ni don

  86. 43b

    gnyis pa ste/ de'i phyir/ ldong ros gi wang ral gyi any+dza na zhes bya ba la sogs pa'o/ /bgegs kyi rigs rnams kyi grangs bstan pa ni don gsum pa ste/ de'i phyir bgegs dang log 'dren grub par mi dga' ba/ rig pa'i bdun rgyu zhes bya ba la sogs pa nas/ /sgrub pa po la 'byor bar mi dga' ba/ /brtse med rang rang rigs la bgegs kyang byed ces bya ba'i bar du'o/ /bgegs rnams bgegs byed pa na lha la phul ba'i dri la sogs pa mchod pa'i yo byad rnams 'phrog pa dang/ glags rnyed nas sgrub pa po'i lus la 'jug par byed do/ /de la rgyu gang gis yo byad rnams 'phrogs par byed pa dang/ yo byad rnams pa 'phrogs pa'i nyes pa gang yin pa de bstan pa ni don bzhi pa ste/ de'i phyir/ rang gi gsang sngags gzugs su rnam sprul na/ phreng ba dang ni gtor ma mngon du len/ lha yis log 'dren gyis byas de mthong nas/ /khros shing 'khrugs nas phyir yang phyogs par 'gyur zhes bya ba'o/ /bgegs rnams dang po nas mi 'byung bar bya ba dang/ zhi bar bya ba'i thabs bstan pa ni don lnga pa ste/ de'i phyir/ sngon chang sems ni rmongs dang 'jungs pa yi/ /lha yi log 'dren bgegs kyi lugs 'di gtod ces bya ba la sogs pa nas/ bzlas brjod zin nas legs par bsrung byas te/ /dkyil 'khor mang byas bsgrub la 'jug par bya zhes bya ba'i bar du'o/ /spyir bgegs thams cad sgrub pa po'i rgyud la 'byung ba'i rgyu bstan pa ni don drug pa ste/ de'i phyir gzhan du mchod pa'i cho ga med pa dang/ /bzlas brjod sbyin sreg cho ga bral ba'am/ /gang zhig rtag tu sems ni 'di ltar sems/ /rig pa gang zhig gis ni bslab par bya/ /yul dang rgyal sogs gtan la chags pa de'i/ /lus la thogs pa med par rab tu 'jug /ces bya ba la sogs

  87. 44a

    pa nas/ sbyin sregs byed pa na yang bgegs gzhan 'jug ces bya ba'i bar du'o/ /de bzhin du spyir bgegs thams cad sgrub pa po'i rgyud la 'dod chags skyed par 'gyur ba bstan pa ni don bdun pa ste/ de'i phyir/ ji ltar nyi zer me shel la bab pa'i/ /rkyen gyis ma btsal me ni 'byung ba ltar/ /de bzhin bgegs kyang lus la zhugs gyur na/ /'dod chags me chen kun tu skyed par byed ces gsungs pa'o/ /bgegs rnams khyad par 'byung ba'i rgyu dang/ de dag kyang sgrub pa po'i rgyud las khyad par du byed pa gang yin pa bstan pa ni don brgyad pa ste/ ji skad du/ g.yo zhing 'gul ba zhes ni bya ba yi/ /bgegs ni chu dang skyes bu 'khru tshe 'dzin/ /bkres shing lus la snyom zhing gnyid kyang che/ de bzhin lus lci mchog tu 'khru bar 'gyur zhes bya ba la sogs pa nas/ me tog 'bul tshe me tog cher dgos pa/ /rang gi glags rnyed mod la lus la 'jug /rims dang cham pa ru shing rna ba dang/ /grog po dag dang rnam par bral bar byed/ ces bya ba'i bar du gsungs pa'o/ /de bzhin du gzhan yang spyir na 'di ni bgegs thams cad skyon med par byed pa de bstan pa ni don dgu pa ste/ ji skad du/ bgegs kyis brlams pa phyogs na lam min lam du mthong/ /spyod pa sna tshogs byed cing 'dod chags rnams kyis gdungs/ /blo bur smra zhing klogs la don med kun tu 'phyin zhes pa la sogs pa nas/ khron skam thod pa rus gong phung po dang/ lcags dang rdo phung mi gtsang khang rul dang/ /kha bzhin bsgyur zhing ral gri/ mdung thogs pa/ /rmi lam 'di rnams rmis pa'i ming yang brlams zhes bya ba'i bar du gsungs so/ /bgegs thams cad thog ma nyid nas mi 'byung bar bya ba'i rgyu bstan pa ni don bcu pa ste/ de'i phyir/ bgegs dang log 'dren

  88. 44b

    rnam par gzhig pa'i phyir/ /bdud rtsi thab sbyor drag shul las can sbyor/ /sngags pa de'i gsang sngags la zhugs pa/ /bgegs dang log 'dren rnams kyis yongs mi tshugs zhes gsungs pa'o/ /sgrub pa po'i rgyud la bgegs 'byung ba dang/ gzhan yang skyes pa dang bud med la sogs pa bgegs kyis zin pa dang/ ma zin pa rnams kyi sdig pa nye bar zhi bar bya ba dang/ dbang thang la sogs pa bskyed pa'i phyir/ de dag dbang bskur ba'i dkyil 'khor du dbang bskur bstan pa dang/ de'i cho ga bstan pa ni don bcu gcig pa ste/ ji skad du/ phyugs lhas shing gcig lha'i khang pa 'am/ /lam gyis bzhi mdo 'am khang steng nags tshal du/ /dkyil 'khor gru bzhi lham pa gru bzhi'i tshad/ tshon rtsi rnam pa sna tshogs rnams kyis bri zhes bya ba la sogs pa nas/ sgrub pa po yi ming ni 'ba' zhig la/ /bgegs rnams gzhig phyir phan par ma zad kyi/ /rgyal po'i 'khor dang bud med bu po dang/ /bu mo dag dang rol mo mkhan rnams dang zhes bya ba la sogs pa le'u lnga pa gsungs pa'i bar du'o// //de la le'u lnga pa la bgegs kyis zin pa las thar pa'i sngags bstan pa ni don dang po ste/ de'i phyir/ bgegs kyis bsod nams ma lus zad byed pas/ /de'i phyir mi la gsang sngags grub mi 'gyur/ /ji ltar zla ba sprin las rnam grol ltar/ /de bzhin bgegs las grol ba rnam par gsal zhes gsungs pa'o/ /bzlas brjod dang mchod pa dang/ sdig pa zad pa la sogs pa'i tshogs pa dang ldan pa bltos nas gsang sngags kyi 'bras bu thob par 'gyur gyi gcig pu yis ni ma yin te/ 'di ltar dngos po thams cad tshogs pa la skye'i/ rgyu gcig pus 'grub pa ni cung zad yang yod pa ma yin no zhes bstan pa ni don gnyis pa ste/ de'i phyir sa dang chu dang dus dang rnam bral

  89. 45a

    ba'i/ /snod nas 'bras bu la ni myu gu med ces bya ba la sogs pa gsungs so/ /gsang sngags kyi 'bras bu'i tshogs bstan pa ni don gsum pa ste/ de'i phyir/ cho ga nyams shing yi ge gug skyed med/ / mchod pa med cing mi gtsang bzlas brjod byas/ /gug skyed yi ge lhag par gyur pa yi/ /gsang sngags dngos grub rgya cher mi stor ro /zhes bya ba la sogs pa nas/ ji tsam sdig pa mang pos rab gang zhing/ /ji tsam las dkar bsod nams ma bsags dang/ /ji tsam cho ga med par bzlas byas pa/ /de srid sngags pas dngos grub mi thob po zhes pa'i bar du gsungs pa'o/ /bag med pas cho ga nyams bzhin du bzlas pa dang/ zlos pa'i bar bcad nas rig pa gzhan bzlas pa dang/ bsnyen pa yongs su rdzogs nas bzlas pa btang na/ gsang sngags 'bum lhag par bzlas pa dang/ sbyin sreg bya ba de bstan pa ni don bzhi pa ste/ de'i phyir cho ga nyams sam bar bcad sngags gzhan bzlas/ /bzlas pa btang ngam gzhan la byin gyur na/ /dus gsum mchod pa la ni brtson byas nas/ /slar yang 'bum bzlas bsgrub la 'jug par bya zhes bya ba la sogs pa nas/ de ltar byas na dngos grub myur du thob ces bya ba'i bar du gsungs pa'o/ /gzhan gyi gsang sngags kyis rang gi gsang sngags bcad dam/ bcings sam/ mnan par gyur pa na yang/ dngos grub 'dod pas tshim par bya ba'i sbyor ba bstan pa ni don lnga pa ste/ ji skad du/ gsang sngags gzhan gyis bcad dam zhes bya ba la sogs pa nas/ zhag bcur bkru/ des na zhag bdun byas pas gsang sngags dang/ /bcings pa dang ni mnan pa las grol bar 'gyur zhes bya ba'i bar du gsungs pa'o/ /ji skad gsungs pa'i cho gas gsang sngags bsnyen cing sgrub pa'i

  90. 45b

    sbyor ba'i rnam pa thams cad kyis bsgrubs te ma grub na/ rig pa de nyid la drag po'i sbyor ba'i rnam par bya bar bstan pa ni/ don drug pa ste/ de bstan pa'i phyir/ mchod pa la sogs cho gar ldan yang ni/ /ci ste gsang sngags 'bras bu mi ster na/ /de'i gzugs dug dang ska ces byug nas su/ /ki li ki li 'gro lding la sogs pa'i sngags kyis de la yungs mar tshwa sbyar bas/ zhes bya ba la sogs pa'i bar du gsungs pa'o/ /bde bar gshegs pa'i gsang sngags rnams ni 'dod chags zhe sdang spangs pa yin na/ de ji ltar gzhan gyi gsang sngags la gnod par byed de dag kyang gnod pa thams cad dang bral ba yin na/ gzhan gyi gsang sngags kyang ji ltar gnas par bya zhes bya ba'i klan ka yongs su spang ba ni don bdun pa ste/ de'i phyir sngon ni sngags lugs 'chang bas bstan mod kyi/ /ji ltar rgya mtsho dus las mi 'da' ltar/ /sngags kyi gzhan gyi gsang sngags mi mnan cing/ /bcing dang bcad pa nam yang mi bya'o zhes bya ba sogs pa nas/ de bzhin sngags pas gang yang rung ba'i sngags/ /bzlas nas gzhan gyi gsang sngags mnan mi bya zhes bya ba'i bar du gsungs pa'o/ /sgrub pa pos gsang sngags bcad pa dang/ gdon gyi las dang dbye ba la sogs pa'i las phran tshegs rnams mi bya bar dgag pa ni don brgyad pa ste/ ji skad du/ gsang sngags bcad dang mnan par mi bya zhing zhes bya ba la sogs pa nas/ rgya mo sa mda' rnyi dang 'dzol? bu yis/ /sems can gnod par nam yang mi bya'o zhes bya ba'i bar du gsungs pa'o/ /'jig rten dang 'jig rten las 'das pa'i gsang sngags rnams sgrub pa'i yan lag la sogs pa'i grangs nges par bstan pa ni don dgu pa ste/ de'i phyir/ dngos grub phyir ni rnam pa bcur gsungs te/ sngags pa dang ni rang sngags g.yog dang rdzas/ /brtson

  91. 46a

    'grus phyogs dang sa gzhi dus dang ni/ /yan lag rdzogs pa'i lha dang sems stobs so zhes bya ba la sogs pa nas gug skyed klad kor chog tshang zur phyin la/ /gsang sngags dag cing shin du cho gar bcas/ /sangs rgyas byang chub sems dpa' bsten pa yis/ /gnas su bzlos na yid 'ong dngos grub thob ces bya ba'i bar du gsungs pa'o/ /sgrub pa tha ma la 'jug pa'i sgrub pa pos kyang lus dang/ ngag dang/ yid kyi brtson 'grus chung bar mi bya ba de bstan pa ni don bcu pa ste/ ji skad du/ ji ltar rigs dang dbang po bkres pa dang/ /mthu stobs chen pos glang chen bsod pa dang/ /de bzhin sbyang khu pag dang ri dags dang zhes bya ba la sogs pa nas/ de bzhin sngags pa seng ge tshul gyis su/ /rab dang 'bring dang tha ma'i las rnams la/ /brtson 'grus chen po dang ni ldan pa dang/ /'bad pa mchog rnams kyis kyang bsten par bya zhes bya ba'i bar du gsungs pa'o/ /sems g.yeng ba'i rgyu rnams dang/ bzlas brjod kyi skyon rnams spangs pa ni don bcu gcig pa ste/ de'i phyir/ rdza rnga'i sgra dang dung dang rnga sgra dang/ /shin tu 'jigs byed skye bo'i sgra dang ni/ /sems ni g.yeng zhing zhes bya ba la sogs pa nas/ bzlas brjod byed tshe mi myur mi ngal zhing/ /sgra cher mi 'byung ha cang chung ba'ang min/ smra bzhin ma yin gzhan du g.yeng bzhin min/ /gug skyed klad kor tsheg rnams nyams pa min zhes bya ba'i bar du gsungs pa'o/ /gsang sngags kyi bzlas brjod phyag dang bcas par bya ba'i phan yon dang/ bzlas brjod byed pa'i tshe/ gsang sngags kyi yi ge 'am/ lha nyid kyi gzugs la gsal bar bstan pa ni don bcu gnyis pa ste/ de'i phyir/ ji ltar chu rlung nyin mtshan rtag tu ni/ /rgyun mi 'chad par 'bab par 'gyur ba ltar/ /de bzhin phyag bcas bzlas dang brtul zhugs

  92. 46b

    kyi/ /bsod nams lus can la ni 'phel bar 'gyur/ /le lo 'dod chags mi dge bcas pa'i sems/ /gang dang gang du g.yeng zhing rgyu ba dag /ri? dang de nas myur du bzlog nas ni/ /gsang sngags yi ge mchod la legs par sbyar zhes bya ba gsungs so/ /sems kyi brtan pa ji lta bur byas nas bzlas brjod bya ba de bstan pa ni don bcu gsum pa ste/ de'i phyir/ sna rtsar blta zhing rnam par rtog pa spong/ /?nas zhig bskyod kyang rnam par mi g.yo ba/ /de tshe dmigs la gnas pa thob pa ste/ /sems ni las su rung bar gyur par nges/ /rtse gcig sems dang ldan pa'i mi la ni/ /yid las byung ba'i dga' ba rab tu skye/ /dga' bas lus ni shin tu sbyangs pa thob/ /lu sbyangs pas ni bde ba'i skal ldan 'gyur/ lus bde rtse gcig sems dang ting 'dzin gyis/ /de tshe bzlas brjod dgos pa med pa 'grub ces gsungs pa'o/ /sgrub pa pos sems mnyam par bzhag ste/ bzlas brjod byas pa'i phan yon dang/ sems mnyam par gzhog pa'i phan yon mngon par mtho ba dang/ nges par legs par 'bras bu dang bcas pa gzhan 'byung bar bstan pa ni don bcu bzhi par bstan pa ste/ de'i phyir/ tshe rabs gzhan du gang dang gang byas pa'i/ /sdig pa ma lus bzlas brjod byas pas 'byang/ /bzlas pas sdig pa ma lus byang gyur na/ /dang ba'i yid kyis dngos grub thob par 'gyur zhes bya ba la sogs pa gsungs pa'o/ /sems mnyam par bzhag pa'i 'bras bu'i phan yon yang dag par ston te/ gsang sngags dngos grub kun dang thun mong pa/ /bde ba chung zhing sdug bsngal brgya dang 'brel/ /nyon mongs dug bcas rnam par 'jig 'gyur ba/ /dang ba'i sems kyis thob par gyur pa yin zhes bya ba gsungs pa'o/ /sgrub pa po dbang phyug dang byed pa po la sogs pa 'jig

  93. 47a

    rten pa'i lta ba dgag pa ni don bco lnga pa ste/ de'i phyir/ 'dod rgyal las kyang ma byung dus las min/ /rang bzhin dbang phyug las kyang byung ma yin zhes bya ba la sogs pa nas/ de ltar mthong ba lta ba bzang po yin/ /gang zhig gzhan gyur de ni lta ngan gsungs zhes bya ba'i bar du gsungs pa'o/ /sgrub pa pos kyang bzlas brjod khyad par can la sogs pa goms par byas pas dang por gsang sngags nye bar 'gyur ro/ /de'i 'og tu bzlas brjod la sogs pa nyid kyis bsnyen pa byas na dngos grub nye bar 'gyur te/ nye bar gyur pa de dag gi mtshan nyid bstan pa ni don bcu drug pa'o/ /de la gsang sngags nye ba'i don gyi dbang du byas nas/ de ltar zlos pa'i gsang sngags nye gyur na/ / mtshan mo nyal na rmi lam 'di dag mthong/ /khang bzang ljon shing rgyal mtshan seng ge rta/ /ri bo shing rta sgra ldan sprin dang klu zhes bya ba la sogs pa nas/ zla ba gcig dang zla phyed nyin zhag dang/ /skad cig gis kyang phyi phyir nye bar 'gyur zhes bya ba'i bar du gsungs pa'o/ //le'u drug pa la dngos grub 'grub par 'gyur ba'i mtshan nyid bstan pa ni don dang po ste/ dngos grub nye na zlos la dga' ba dang/ /sems ni sdig pa la nam yang 'jug mi 'gyur/ /bkres skom tsha grang rlung dang ngal ba yi/ /sdug bsngal drag pos nyen kyang g.yo mi 'gyur zhes bya ba la sogs pa nas/ gang tshe mkha' la lha dang gnod sbyin dang/ /dri za lta bu'i bu mo lus dang sgra/ /drag po'i yid myos mthong thos na/ /de tshe shin tu nye bar gyur pa yin zhes bya ba'i bar du'o/ /de ltar bdag nyid la dngos grub nye bar gyur pa rig pa dang/ nyin zhag gcig gam gnyis sam/ gsum du smyung ba byas nas/ sgrub pa la 'jug par bya ba de bstan pa ni don gnyis pa ste/

  94. 47b

    de ni lus ni dri med dag par rig pa dang zhes bya ba la sogs pas bstan to/ /zhes bya ba nas/ /dri ma zad nas mi yi lus dag na/ /rang gi 'byor phyir sgrub pa bde bar 'jug ces bya ba'i bar du'o/ /smyung bar bya ba'i rgyu bstan pa ni don gsum pa ste/ gsung de dpung bzang gis ni slar gsol ba/ /zas kyis mi 'dag ces ni sngar gsungs na/ /mchod 'od khyod kyis lus ngag bgyi phyir yang/ /ci slad smyung ba mi bzang bgyi bar gsungs zhes bya ba'i bar dag go /sgrub pa po'i 'dod chags la sogs pa rab tu zhi bar bya ba'i phyir mi gtsang ba bsgom pa bstan pa dang/ sgrub pa rab dang/ 'bring dang/ tha ma rnams sgrub pa'i tshes grang nges par bstan pa ni don bzhi pa ste/ de'i phyir 'dod chags kyis ni gdungs par gyur na yang/ /lus kyi yan lag 'di dag thams cad la/ /dran pa rtse gcig mngon du byas nas ni/ /ye shes mig gis so sor rnam par brtag ces bya ba la sogs pa nas/ yar gyi tshes brgyad dam ni bcu bzhi 'am/ /yang na bco lnga la ni bzlas brjod bya zhes bya ba'i bar du gsungs pa'o/ /sgrub pa la 'jug pa'i yo byad bstan pa ni don lnga pa ste/ lha yi gnas kyi sa bdag bstan pa'i phyir/ /sa dang gci bar bsres la sogs pas byug ces bya ba la sogs pa nas sbyin blugs brgya phrag brgyar yang sregs par bya ba'i bar du'o/ /de bzhin du rdzas las byung ba'i dngos grub dang/ /rdzas ma yin pa las byung ba'i dngos grub kyi mtshan ma ci rigs su bstan pa dang/ de nyid kyi 'bras bu 'byung bar bstan pa ni don drug pa ste/ de'i phyir dro dang dud 'thul me bzhin 'bar ba dang/ /rim bzhin bzlogs nas byung na'ang 'grub par gsungs/ /dro las 'gro ba thams cad dbang 'gyur te/ /dud pa 'thul bas lus ni snang bar 'gyur/ /'bar bas mkha' la shin tu 'gro

  95. 48a

    'gyur te/ zhes bya ba la sogs pa nas/ gsang sngags gzugs ni mngon du mthong na 'grub ces bya ba'i bar du gsungs pa'o/ /sgrub pa'i dus na mchod yon dbul ba'i cho ga dang/ mchog bslang bar bstan pa dang/ de bzhin du mchog thob nas kyang lha nyid slar gshegs su gsol bar bstan pa ni don bdun pa ste/ de'i phyir/ me tog mnyams dbyig dang chur bsres shing/ /bstong dang bcas pa mchod pa rgyun bsrings nas/ /rtse gcig yid kyis mgo btud phyag byas te/ /dad pas bstod cing mchod yon phul nas su/ /gsang sngags brjod cing slar yang gshegs su gsol/ /gsang sngags kun la tshul ni 'di yin no zhes gsungs so/ /ro langs sgrub pa po'i mtshan nyid dang/ ro langs bslangs pa'i mtshan nyid dang/ ro langs 'grub pa'i gnas bstan pa dang/ ro langs pa'i dngos grub pa'i dkyil 'khor rnams kha bstan pa dang/ ro'i lus byi dor bya ba dang/ mchod pa rnam pa lnga'i yo byad kyi cho ga dang/ gsang sngags bzlas brjod bya ba'i cho ga dang/ ro langs pa la bgegs byung ba rab tu zhi bar bya ba dang/ dngos grub ba slang ba ni don brgyad pa ste/ de'i phyir/ sems stobs mchog dang yang dag ldan pa des/ /'dir ni shin tu 'jigs pa'i yid kyang bya/ /sems stobs chung ba'i mi la sha za yis/ /glags mthong nas ni phung bar byas par gyur zhes bya ba la sogs pa nas/ gang zhig gsang sngags cho ga zhib mo las/ /mthong ba'i dngos grub de ni thogs med nges zhes bya ba 'dir rgyas par sbyar ro/ /ro langs bslang pa'i gsang sngags kyi dngos grub kyi grangs bstan pa dang/ sems stobs med pa'i sgrub pa po ro langs slong ba'i nyes pa bstan pa ni don dgu pa ste/ de'i phyir/ gter gyi phyogs dang phug tu 'gro ba dang/ /ral gri any+dza na bzhon

  96. 48b

    mngag gzhug dang/ /'byung kung gser bsgyur rtsi dang bcud kyis len/ /mkha' la 'gro ba dngos grub rab tu ster/ /bsrung ba'i stobs med sngags kyi stobs med dang/ /dka' thub stobs med sems stobs med pa yi/ /bla gzhan gang zhig ro langs dngos grub tshol/ /de ni mtshan mo rgyu ba rnams kyis bsad ces gsungs pa'o// //le'u bdun pa la sha chen po btsong ba'i cho ga bstan pa ni don dang po ste/ ji skad du/ mi gang mi la sha ni 'tshong 'dod des/ /mar gyi ngo la dur khrod song nas su/ zhes bya ba la sogs pa nas/ sha yi cho ga ngas gsungs de dag ni/ /gsang sngags ma bslab pa yis bsten mi bya/ /rig mchog gtsug tor stobs chen la sogs pas/ /dur khrod du ni bsrung ba ngas gsungs so zhes bya ba'i bar du gsungs pa'o/ /de bzhin du dbab pa dang/ bskrad par bya ba dang/ ma dag gzhom pa dang/ grong dang grong khyer du gnod pa byed pa 'byung bar bya ba dang/ sha za dang srin po dang/ sa bla dang/ gnod sbyin dang/ ma mo dang/ drag po la sogs pa'i lha rnams la mi'i sha dang/ de bzhin du ba lang dang/ ma he'i sha la sogs pa sha'i sbyin sreg gi cho ga bya bar bstan pa ni/ don gnyis pa ste/ de'i phyir/ gsang sngags drag po gang zhig sha za ba/ /de la dur khrod mi sha sbyin sreg bya zhes bya ba la sogs pa nas mi yi sha ni rnyed par ma gyur na/ /ba lang sha ni sbyin sreg de bzhin shis/ /ma he'i sha 'am khyi sha mar bsres pa/ tshes grangs dag la smyung byas sbyin sreg bya zhes bya ba'i bar du gsungs pa'o/ /de bzhin du 'jig rten dang 'jig rten las 'das pa'i rgyud du gsungs pa'i gnod sbyin mo'i gsang sngags sa rnams kyi mchog la sogs pa'i dbye ba bstan pa dang/ spyi'i mchod pa'i yo byad kyi mtshan nyid bstan pa ni don gsum pa ste/ ji

  97. 49a

    skad du/ gnod sbyin mo yi cho ga zhib mor ni/ /gsang sngags mnyes byas grub pa'i de rnams ster/ zhes bya ba'i rgyas par byung ba na/ /ma dang sgyug mo sru mo gang yin de/ /yid bzhin rin chen bzhin du grub pa mchog / yid 'ong grogs mo bu mo grub pa 'bring/ /chung ma mna' ma grub pa tha mar bsgrags/ /dus gsum du ni me tog phreng ba dri/ /mar ram 'bru mar mar me tsan dan dang/ /a kar dri zhim bdugs pas mchod pa dang/ /gtor ma sna tshogs rtag tu mtshan mo sbyin zhes gsungs pa'o/ /gnod sbyin mo mngon du phyogs par gyur pa'i mtshan ma bstan pa ni don bzhi pa ste/ de'i phyir/ gnod pa byed tshe 'gro par mi bya zhing/ /rnyed pa mang nyung la yang 'dod mi skye/ /sngags las mtshan mo khrus ni dag byas nas/ /brtson 'grus rab tu bskyed de bsgrub par bya/ /sngags pa sems rmongs pa gzhan ni/ brtsams na phung bar yang ni 'gyur ba nyid/ ces bya ba gsungs so/ /de bzhin du sha za mo'i gnod sbyin dang/ klu sgrub pa'i cho ga sgrub pa ni don lnga pa ste/ de'i phyir/ sha za'i gnod sbyin mo 'ang de bzhin te/ de las chog lhag pa 'di rnams bya/ /sha chang la phug tshod ma cung bde dang/ /nas chan ma sha'i chan dang 'bras chan nya zhes bya ba la sogs pa nas/ phreng ba me tog drug pa sngon po dag/ ci snyed brang gis 'gro ba rnams la dbul zhes bya ba'i bar du gsungs pa'o/ /gsal bar ston pa dbab pa'i phyir/ /mthe bong dang me long la sogs pa bzhi rnams bstan pa ni don drug pa ste/ de'i phyir/ mthe bong me long ral gri chu bar shel/ /mar me sa gzhi bcas dang nam mkha' dang/ /lha gzugs lhung bzed nor bu me 'bar ba/ /'di la gsal bar ston pa rtag tu 'byung zhes bya ba gsungs so/ /gsal bar ston pa rnams phebs pa'i grub pa bstan pa ni don bdun pa ste/ ji

  98. 49b

    skad du/ 'das pa dang ni ma 'ongs da ltar dang/ /mtho ris sa rnyed dus dang mi ldan dang/ /lha dang lha mi dge dang mi dge ba'i/ /las rnams thams cad gsal bar ston pas rtogs zhes bya ba gsungs so/ /gsal bar ston pa rnams mi 'bab pa'i nyes pa gang yin pa dang/ mthe bong la sogs pa la babs na yang bden bar mi ston pa dang/ log par ston pa dang/ cung zad tsam ston par byed pa de bstan pa ni don brgyad pa ste/ ji skad du/ cho ga nyams pa 'am yang na phyed bzlas sam/ /yi ge chad dam yi ge lhag pa dang/ /bzlas brjod ma byas dad pa med pa dang/ /mchod pa med cing sa gzhi mi gtsang dang/ /sprin gyi tshogs kyis nyi zer bsgribs pa dang/ /byis pa yan lag nyams shing lhag pa dang/ /de lta bu la mi yi gsal ston pa/ /'bab par mi 'gyur dgos pa yong mi ston zhes bya ba gsungs so/ /gsal bar ston pa thams cad dbab pa'i cho ga gang yin pa de bstan pa ni don dgu pa ste/ ji skad du/ gsal ston dbab phyir sngon du cho ga bzhin/ /bzlas shing tshes grangs bzang la sngags pa yang/ /bsrung byas gos dkar sa dang gci ba yis/ /ba ko tsam gyis sa gzhi legs par byug /byug spos dang ni bdug spos me tog dang/ /lha bshos mar me dag kyang phul nas su// byin pa gzhon nu sta gon gnas par bya/ /de nas nang par cho ga 'di kun bya/ /grus byas lus la gos dkar gtsang bgos te/ /shar phyogs kha bltas ku sha'i stan steng du/ /'dug nas gsang sngags rjes su dran par bya/ /me long thal ba gtsang mas lan bdun nam/ /brgyad dam yang na bcur ni phyis nas su/ /rtse gcig sems kyis gsang sngags zlos bzhin du/ /byis pa gzhon nu nub tu kha bltas pas/ /lha yi mig gis bltas na 'das pa dang/ /da ltar dang ni ma 'ongs

  99. 50a

    mthang bar 'gyur/ /me long zhes bya'i cho ga mdza' dag ni/ /ral gri gsal bar ston la sbyar bar bya/ /mthe bong rgya skyegs khu bas bskul nas su/ /'bru mar dri zhim dag gis gdab par bya/ /bum pa gcang ma chus bkang mi yor bzhag /sa ltar lhung bzed nor bu chus yis gdab/ /sku gzugs la ni me tog byug spos dbul/ /de nas byis pa gzhon nus blta bar bya zhes gsungs so/ /gsal bar ston pa dbab pa'i dgos pa bstan pa ni don bcu pa ste/ ji skad du/ gsal bar bstan dang rmi lam la sogs las/ /dngos grub brtags te de nas bzlas brjod bya zhes bya ba gsungs so/ /de bzhin du gal te rgyu zhig la gsal bar ston pa phebs kyang/ mchod pa nyams pa la sogs pa'i nyes pas sgrub pa la sogs pa gtan la ? bar ma gyur na/ de'i tshe sngar rig sngags mi sdug pa cho ga bzhin du bzlas brjod byas nas khye'u dang bu mo la phab ste/ dngos grub la sogs pa gtan la dbab par dri ba de ni don bcu gcig pa ste/ ji skad du/ gal te yid ni ches par ma gyur na/ /de nas rig sngags mi sdug bzlas brjod bya zhes bya ba la sogs pa nas/ snga ma bzhin du gsang sngags cho ga dag/ dam tshig ji bzhin ma lus sbyar na ni/ /bdag gi yid dang mthun pa'i dngos grub thob/ /sngags pa yun ring nyon mongs mi 'gyur ro zhes bya ba'i bar du gsungs so// //de bzhin du le'u brgyud pa 'dir ni/ thar pa 'dod pa rnams kho nas/ 'phags pa'i lam yan lag brgyad pa la sogs pa'i bslab pa'i 'jug pa dang ldog pa'i bslab pa la bdag nyid mngon par brtson par bya ba ma zad kyi gsang sngags sgrub pas kyang/ 'jug cing goms par bya dgos so zhes gsungs par bstan pa ni don dang po ste/ de'i phyir/ sangs rgyas kyis gsungs yan lag brgyad lam ni/ /yang dag 'tsho

  100. 50b

    dang las mdza' zhes bya ba la sogs pa nas/ yul sa'i gtam dang mi dbang brten pa dang/ /dmag dang gyang dang na cung gtam ngag dang/ /srung ldebs dang ni sngon gyi lo rgyus gtam/ /'dod chags dang ni smad 'tshong gtam/ /mi bya zhes bya ba'i bar du gsungs pa'o/ /de bzhin du sgrub pa po ni rnam pa gnyis te/ la la ni gnas gcig kho nar sngar bsnyen pa yongs su rdzogs par bya ba'i bsam pas mchod yon phul te/ sngon du bsnyen pa'i bzlas brjod rtsom par byed do/ /gzhan dag ni dgun dang dpyid zla brgyad la gnas ma nges pa nyid du sngar gnyen pa'i bzlas brjod byed cing/ dbyar zla gsum ni gnas gcig tu sngar bsnyen pa'i bzlas brjod rdzogs par bya ste/ sgrub par byed do/ /de dag kyang bsod snyoms la 'gro ba la ma gtogs par zlos pa'i gnas las/ gzhan grong dang grong khyer la sogs par 'phyan du 'gro ba dgag par bstan pa ni don gnyis pa ste/ de'i phyir/ sngags pa gsang sngags bzlas pa nos pa ni/ /grong dang grong khyer khyim dang gtsug lag khang/ /mchod rten dang ni bsti gnas dka' thub gnas/ kun dga' lam mam rdzing bur 'gro mi bya/ /sngar bshad pa yi gnas rnams ma rnyed na/ /lha khang stong pa dag gam shing drung ngam/ /ri dang chu bo chu klung 'bab chu dang/ /nags tshal stong pa dang ni yul stong dang/ gnas gang rung bar sngags pas gnas shing bzlas zhes bya ba rgyas par gsungs pa dang/ yang na gnas ni nges par ma byas na/ /zla ba brgyad po 'di yi dus dag tu/ gnas 'di gang yang rung ba gcig tu bsten zhes bya ba rgya cher gsungs so/ /sgrub pa pos bsnyen pa yongs su rdzogs kyang dbyar gyi dus su sgrub pa dgag pa dang/ ma grub pa'i bar du bzlas brjod yongs su mi btang ba dang/ bsgrub pa'i dus su dbang bskur ba'i dkyil 'khor du dbang bskur ba dang/ /bdag nyid bsrung bar bya ba de bstan

  101. 51a

    pa ni don gsum pa ste/ de'i phyir/ sngags pa dbyar ni sgrub pa la mi 'jug par/ /bzlas brjod kyis ni dus kyang 'das par bya/ /dbyar 'das nas ni gsang sngags gzi bskyed pas/ /bdag nyid bsrung byas sgrub la 'jug par bya zhes bya ba gsungs so/ /de bzhin du zhi ba la sogs pa'i cho ga'i las kyi khyad par gyis sbyin sreg gi thab la sogs pa'i mtshan nyid bstan pa ni don bzhi pa ste/ de'i phyir/ me thab zlum po gru gsum gru bzhi dang/ /pad+ma lta bur byas te dbyibs legs shing zhes bya ba la sogs pa nas/ zlum por dbang thang bskyed dang nor dgug dang/ /spyan drang zhi ba'i cho ga bya bar shis/ /gru gsum du ni dgar bskrad bsad pa dang/ /gshed byed la sogs drag po rnams kyang bya/ /gru bzhi por ni klu dang gsang ba po'i/ /lus gzhig pa dang bsreg par bya ba yin/ /pad+ma'i dbyings su bud med bu mo grong/ /yul 'thob pa 'am don kun sgrub par shes zhes bya ba'i bar du gsungs pa'o/ /de ltar sngar bsnyen pa'i sbyin sreg gi cho ga gsungs pa de'i phyir/ me thab bstan par bstan pa ni don lnga pa ste/ ji skad du/ me thab lci ba gtsang mas byugs nas kyang zhes bya ba la sogs pa nas/ rlung yab kyis ni me yang sbar byas nas zhes bya ba'i bar du gsungs pa'o/ /de la sngar bsnyen pa'i dus kyi sbyin sreg kyang rnam pa gnyis su 'dod de/ de la gcig ni bgegs rnams zhi bar bya ba'i phyir bdud rtsi thab sbyor gyis bya ba dang/ de las gzhan pa'i ni rang gi lha gzi brjid bskyed pa'i ched yin par bstan pa ni don drug pa ste/ de ji skad du/ sangs rgyas rnams la phyag byas khro bo ni/ /bdud rtsi 'khyil pas ma nyams pad+ma 'am/ /ma grugs til nag las ni bdun nam brgyad/ /bcu 'am nyi shur me la sbyin reg bya zhes bya ba la sogs pa nas/ mar dang sbrang

  102. 51b

    rtsi 'o ma las btags nas/ rang gi gsang sngags 'grub phyir sbyin sreg bya zhes bya ba'i bar du gsungs pa'o/ /de bzhin du sbyin sreg thams cad kyi me 'bar ba'i kha dog dang/ dbyibs dang/ sgra la sogs pas lhas bzang ngan bstan pa ni don bdun pa ste/ de'i phyir/ me yi mtshan nyid nye bar brtag pa ni/ /me stag du ba me lce sgra rnams kyis/ /'grub pa dang ni mi 'grub thams cad kyang/ /sngags kyi byin rlabs me ni ston par byed/ /du ba med cing gser gyi mdog ltar gdang/ /me lce rab tu che la g.yas su 'khyil zhes bya ba la sogs pa nas/ /me lce 'phro bas sbyin sreg byed pa tshig /mi ro'i dri nga dngos grub med par ston zhes bya ba'i bar du gsungs so/ /sgrub pa po gsang sngags mnyes par bya ba'i spyod pa ma rlabs pa/ sngar gsang sngags bsnyen pa'i bzlas brjod la sogs pa rdzogs par byas kyang/ rang gi lha nyid kyis skabs der lus la gnod pa la sogs par 'byung bar mdzad pa bstan pa ni don brgyad pa ste/ ji skad du/ ji ltar ral gri so la 'dzin pa'i mi/ /legs par ma bzung lag pa chong pa ltar/ de bzhin sngags kyang legs par ma bzlas na/ /'bras bu med pa 'am yang na phung bar 'gyur/ /mi ni tshul khrims gtsang sbra mi ldan yang/ /gsang sngags lha ni nam yang gnod mi mdzad/ /lha yi 'khor du gyur pa gang yin rnams/ /mi la glags skabs mthong nas phung bar byed ces bya bas bstan to/ /gtor ma'i las ni dang po sngon du bsnyen pa rtsom pa'i tshe/ sa dang ri la sogs pa la gnas pa'i gdon srin po dang/ sha za dang/ klu la sogs pa rnams dang/ dbang po la sogs pa phyogs skyong bcu rnams la/ gtor ma mang zhing rgya che ba bsgrims te/ dbul bar bya ba dang/ mngon du bsnyen pa byed pa'i nyi ma nyid la/ /gzhan rnams la yang ci 'byor pa dbul ba dang/ de bzhin du bsgrub pa la brtson pa'i tshe/

  103. 52a

    rgya che zhing mang ba'i gtor ma bya ba dang/ grub nas kyang ci sbyor ba'i gtor ma nyin gcig bzhin du dbul ba'i las bya ba de bstan pa ni don dgu pa ste/ de'i phyir/ lha dang lha min gnod sbyin lto 'phye grul/ nam mkha' lding dang 'dab bzad lus srul po/ /dri za srin po gdon gyi rigs rnams dang/ /gang dag sa la gnas pa'i rdzu 'phrul can/ /bu smad g.yog 'khor tshogs dang bcas rnams la/ /bdag gi pus mo sa la gtsug nas su/ /thal mo sbyar nas khyed la gsol 'debs kyis/ /gsan nas phan gdags phyir ni 'dir spyod cig ces bya ba la sogs pa nas/ de ltar gang zhig mtshan mo rgyu ba la/ /gtor ma gtong ba'i las rnams byed pa de'i dngos grub myur zhing shin tu bgegs kyang med/ /yid du 'ong ba'i 'dod pa'ang thob par 'gyur zhes bya ba'i bar du gsungs pa'o// //de bzhin du le'u dgu pa la mtshams med pa dang/ mtshams med pa la nye ba dang/ dam pa'i chos kyi glegs bam chud gson cing spong ba dang/ so so'i skye bo rnams kyi dge ba'i gzhir gyur pa dge slong la sogs pa bsad na/ des ni phung po 'di la dngos grub mi thob par bstan pa ni don dang po ste/ de'i phyir/ gang gi dgra bcom pha ma gsod pa dang/ /thub pa'i dge 'dun dbyen ni byed pa dang/ /de bzhin gshegs la gnod pa'i sems kyis su/ /nam zhig mi dag sku mtshal 'byin byed pa/ /shin tu mi bzad pa yi las 'di rnams zhes rgyas par 'byung ba dang/ gang gi rang bzhin chags sdang rnams bral yang/ /gdul bya'i don phyir khro la khro ba dang/ /'dod chags can la chags can ltar ston pa/ /byang chub mchog gnas de la phyag 'tshal lo/ /gang zhig las dang rnam smin pa mkhyen pa yis/ /

  104. 52b

    'gro ba kun dang ji ltar mthun pa yis/ /gsang sngags gzugs kyi rjes su 'dzin mdzad pa/ /sngags kyi rnams 'dren de la phyag 'tshal lo zhes bya ba'i bar du gsungs pa'o// //le'u bcu pa la sgrub pa'i gsang sngags dang phyag rgya gang yin pa de dag 'phags pa dpung bzang gi gsang sngags kyi mdo'i tshul 'dir/ rig sngags dang gsang sngags kyi dbye bas bsdu bar bstan pa'i don ni dang po ste/ de la re zhig de bzhin gshegs pa'i rigs bsdu ba'i dbang du byas nas/ lha dang lha min mi la phan gdags phyir/ /gsang sngags rig sngags rnam pa sna tshogs ni/ /'bum phrag lnga dang bye ba phrag gsum dang/ /rig 'dzin sde snod bshad par rgyal bas gsungs zhes bya ba gsungs so/ /de bzhin du rdo rje rigs kyi gsang sngags bsdu ba'i dbang du byas nas/ ngas ni gsang ba pa rnams gzhom pa dang/ /dbul ba'i sdug bsngal bsal bar bya ba'i phyir/ /dkyil 'khor bcas shing phyag rgyar ldan pa yis/ /gsang sngags bye ba phrag bdun rab tu bshad ces bya ba la sogs pa gsungs pa'o/ /pad+ma'i rigs kyi dbang du byas nas/ spyan ras gzigs kyis gsang sngags bye ba phrag /gsum dang de bzhin 'bum phrag lnga rnams bshad ces rgyas par gsungs so/ /lngas rtsen gyi rigs kyi dbang du byas nas/ lngas rtsen gyis ni stong phrag nyi shu ste/ /de yi chung mas de yi phyed bshad do ces gsungs so/ /nor gyi rigs kyi dbang du byas nas/ nor gyi bdag pos stong phrag sum cu ste/ gang po pha yi kyang ni 'bum bshad do/ /lha dang lha min la sogs rgyal ba la/ /dad pa rnams kyis gzung sngags mdza' yas bshad/ kha cig pa'i rigs su gtogs pa ste/ /kha cig nor gyi rigs su gtogs pa yin/ /gzhan yang kha cig gnas med rnam par 'khyam/ /nor spyod ces bya nor gyi rigs su gsungs/ /da ni rdo rje rigs zhes

  105. 53a

    rab tu bstan/ /spyan ras gzigs dbang pad+ma'i rigs yin te/ rigs bzhi par ni 'dir yang lngas rtsen no/ /gsang sngags mdo sde ngas bshad gang yin pa/ /bzhi po 'dir ni rnam par sbyang bar bya/ /gang gzhan la la 'di na gnas med par/ /bde bar gshegs la brten cing yongs 'khyam pa/ /mdo sde 'dir ni de dag thams cad kyang/ /'byor pa 'dod pa'i mis ni rnam par sbyar/ /lam 'di nyid du zhugs pa'i sngags pa ni/ /yid dang mthun pa'i dngos grub thob par 'gyur zhes bya ba gsungs so/ /de bzhin du de bzhin gshegs pa'i rigs kyi gsang sngags la dang por/ gsang sngags kyi mgo la dkon mchog gsum sngar brjod nas/ gsang sngags gdon pa dang/ pad+ma dang/ rdo rje dang/ nor bu bzang po'i rigs la/ so so'i rigs kyi bdag po la phyag 'tshal ba thog mar brjod de/ bzlas brjod bya ba de bstan pa ni don gnyis pa ste/ de'i phyir/ srid pa gsum na rgyal ba dkon mchog ste zhes bya ba la sogs pa nas/ nor gyi rigs dang pad+ma'i rigs la yang/ rang gi gsang sngags bdag por bstan par bya zhes pa'i bar du gsungs pa'o/ /de bzhin du bzlas brjod dang/ sbyin sreg dang/ mchod pa'i cho gsang sngags pa kha cig rdo rje thogs su mi gnang ba yin pas/ de lta bu'i rdo rje'i thogs pa'i nyes pa de gang yin pa de bstan pa ni/ don gsum pa ste/ de'i phyir bde bar gshegs min nyan thos lam zhugs dang/ /rang rgyal rnams kyi lam la zhugs pa dang/ /dad pa med cing tshul 'chos 'jungs pa yis/ /nga yi rdo rje yang ni bcad mi bya/ /gang zhig theg pa mchog la ldang ba dang/ /bdud kyis bshad pa yin zhes zer ba dang/ /rmongs nas nga la gnod sbyin zhes smra dang/ /byang chub sems dpa' 'am ni mi 'dus pa'i/ dge slong dge slong ma

  106. 53b

    dang dge bsnyen dang/ /dge bsnyen ma dang 'jig rten pa rnams kyis/ /nga yi rigs kyi gsang sngags bzlas brjod na/ /myur du de yi lus ni zhig par 'gyur/ /gang zhig nga rigs rjes su 'brang ba'i gdon/ /'byung po gnod sbyin klu dang sha za yis/ nga yi sngags bzlas rdo rje thogs pa dag /mthong na khros nas phung bar byed par 'gyur/ zhes bya ba gsungs so/ /de bzhin gsang sngags grub pa po rnams kyi dam tshig dang/ 'dul ba dang spyod pa gsungs pa bshad pa ste/ de las yan lag kha cig nyams su len ma nus kyang/ kha cig nyams su mi blang du mi rung ba gang yin pa de bstan pa ni don bzhi pa ste/ de'i phyir/ gang zhig theg chen rgya chen klog pa dang/ /de la dad cing de nyid 'chad par spro/ /brtson 'grus che zhing byang chub sems brtan pa/ /de la nga yi gsang sngags mchog sbyin mdzad ces bya ba gsungs so/ /de ltar 'dis ni de bzhin gshegs pa la sogs pa rigs kyi bdag po rnams kyis gsang sngags dang/ rig sngags rnams gsungs pa'i bar rnams 'bum dang/ bya ba zhes bya ba la sogs par de dag bsdus te/ rgyas par bstan pa dang/ de ltar mnyes par bya ba'i cho ga yang/ spros pa dang bcas par bstan par khong du chud par bya'o/ /de ni 'jig rten las 'das pa'i gsang sngags kyi cho ga'i zhar la/ drag po la sogs pa'i 'jig rten gyi lha khyad par can rnams kyis rig sngags dang gsang sngags kyi/ rang rang gi gsang sngags kyi rgyud dang/ cho ga zhib mo bshad pa dang de dag gi grangs zhar la bstan par bya ba dang/ sangs rgyas kyi dkyil 'khor gyi slob dpon rnams mang du thos par bstan pa'i don ni lnga pa ste/ de'i phyir/ drag po yis ni bye ba drug cu bshad/ /nor lha'i bus ni stong phrag sum cu ste/ /tshangs pa yis ni stong phrag drug cu nyid/ /nyi mas kyang ni 'bum phrag gsum bshad do/ /nam mkha' lding gi stong phrag bco brgyad de zhes bya ba

  107. 54a

    la sogs pa nas/ /rang sngags mdo sde'i rjes 'brangs dang bskyed nas/ /ma bsgrims bzhin du the tshom med par 'grub/ /de las bzlog na dngos grub mi thob la/ /sdug bsngal mang po yang ni thob par 'gyur/ /zhes bya pa'i bar du gsungs pa'o// //le'u bcu gcig par 'dir ni gsang sngags smra ba dang/ bcud kyi len la sogs pa brtags pa brgyad kyi ming bshad pa dang/ bstan pa de rnams kyi dngos grub rab dang/ 'bring dang tha ma'i bye brag bstan pa'i don dang/ gsang sngags smra ba'i yon tan gong ma'i yang gong mar brjod par bstan pa ni don dang po ste/ de la bcud kyis len dang gter dang phug 'gro dang/ /nor sgyur 'byung kun sngags kyi gser sgyur rtsi/ /rin thang med pa'i rin chen nor sbyin te/ / brgyad po bstan pa yongs su bsgrags pa zhes bya ba gsungs so/ /bstan pa de dag rab la sogs par dbye ba'i dbang du byas nas/ sngags dang phug tu 'gro dang bcud kyis len/ /sdig pa spangs par byed pas mchog tu bstan/ /rin chen dang ni gtor dang 'byung khungs 'bring/ /gser 'gyur rtsi dang nor bsgyur tha ma'o/ zhes bya ba gsungs so/ /de dag sgrub pa la 'jug pa rnams mchog la sogs par dbye ba ni 'di yin te/ mi ni sems stobs ldan zhing chos la brtson/ /dka' thub kyis phyung dang por bstan pa'i snod/ rdul shas che ba la ni 'bring por gsungs/ /tha ma la ni mun pa can gyis bstan/ /gang zhig mchog tu bstan pa de ston pa/ /des ni tha ma bstan pa rnam par spangs/ /gal te nor la sred cing sdug bsngal gyis gdungs na 'bring po la ni bstan par bya zhes bya ba gsungs so/ /da ni bstan pa 'di rnams kyi dngos grub dang mthun pa'i dka' thub dang gsang sngags kyi bzlas brjod la sogs pa'i thabs bstan pa ni/ lha yi bde ba dang ni 'byor pa dang/ /tshe dang

  108. 54b

    stobs gzugs phun sum tshogs pa dang/ /thos mang mdangs bzang gcig pu yid gzhungs dang/ /dbang thang tshe kun dka' thub stobs kyis thob/ /chags dang rnam bral dge la dga' ba dang/ /rtag tu dkon chog gsum la gzhol ba dang/ / sdig pa spangs shing bzlas brjod ldan pa yis/ /mi la lha rdzas dngos grub ring ba med ces bya ba gsungs so/ /da ni bstan pa de rnams kyi nang na/ /gsang sngags bstan pa mchod yin dang/ /sdug bsngal sel bar bstan pa ni/ /rdo rje mtshon med gnam lcags mthu 'dra yi/ /gsang sngags mi yi 'jig rten mchog sbyin mdzad/ /'jig rten 'di dang pha rol nyid na yang/ /sdug bsngal sel cing sdig 'joms gzhan med do/ /gang zhig dpag bsam ljon pa'i shing lta bur/ /la lar dngos grub la la bsod nams dang/ /gzhan la gdugs stobs tshe dang bde ba gang/ /yid mthun 'bras bu 'dod pa'i mi la stsol/ /gsang sngags sna tshogs gzugs su rnam sprul nas/ /gang zhig sdug bsngal gang zhig 'jigs skrag pa 'am/ /rgyal po chom rkun thog gis 'jigs skrag pa'i/ /'gro ba'i tshogs chen mdza' dag skyob mdzad pa zhes bya ba gsungs so/ /gzhan yang gsang sngags sgrub pa rnam pa gnyis te/ ji skad du gsungs pa'i gsang sngags sgrub pa po'i 'jug pa'i spyod pa dang/ sbyor ba'i spyod pa dang/ dngos grub sgrub pa po'i spyod pa dang/ sgrub pa'i spyod pa bslabs nas khyim nas byung ste/ ji skad du gsungs pa'i gnas rnams su 'dug nas/ gsang sngags mnyes par byed pa gang yin pa de'i don du mnyes par bya ba'i rim pa bstan pa ni 'di dag thams cad yin no/ /gang yang ji skad gsungs pa'i 'jug pa la sogs pa'i spyod pa bslabs nas khyim na gnas shing yul sogs pa 'dod pa la longs spyod cing ji skad gsungs pa'i gsang sngags mnyes par bya ba'i rjes su 'jug cing nyin gcig bzhin du bzlas brjod la sogs pa ci

  109. 55a

    nus su byed pa gang yin pa de rnams kyang yun ring zhig len nas/ tshe 'di 'am tshe rabs gzhan du de mnyes par byas pa las byung ba'i bsod nams kyi bag chags rtas nas/ tshe rabs gzhan la grub par 'gyur ba de bstan pa na don gnyis pa ste/ gang zhig yul dang khyim la brten kyang rung/ dka' thub ma nyams rtse gcig sems kyis ni/ /nyin gcig bzhin du cung zad sngags zlos pa/ de yi gsang sngags dus zhig na ni 'grub ces bya ba gsungs/ nga ni sgrub pa po rnams gnyis kyi bzlas brjod goms par bya ba'i phyir/ /sngar bsnyen pa'i bzlas brjod ji skad bstan pa'i grangs las lhag par 'bum phrag gcig bsgrims nas bzlas brjod byas nas sngar bsten pa bzhin du lhur blang bar bstan pa ni don gsum pa ste/ de'i phyir cho ga bzhin du dang por 'bum bzlas nas/ /de nas gsang sngags sgrub la 'jug par bya/ /de nas dngos grub myur du thob 'gyur la/ /gsang sngags cho ga yun ring mi nyon mongs zhes gsungs so/ /de bzhin bsgrub pa po'i khrus kyi cho ga gtan la dbab pa dang/ nye reg gi cho ga bstan pa ni don bzhi pa ste/ de'i phyir/ lus las yi dril phyis byas nas su/ /chu chen rnyog ma med par zhugs nas kyang/ /ji tsam 'dod pa'i bar du khrus byas te/ byung nas shing ngam? byang du kha bltas la/ /chu yis lag pa rkang pa bkrus nas ni/ bus mo'i phyi rol du ni bstan byas te/ /bar du lag bzhag tsog tsog por 'dug nas/ /sgra med dbu ba med pas nye reg bya/ /lan gsum bar du chu ni 'thungs nas kyang/ / mchu la lan gnyis yongs su phyi bar bya/ /zhes bya ba gsungs so/ /de bzhin du so la chags pa'i lhag ma yod par tshor ba dang/ rang sprid pa byung na kha 'khrul ba'i cho ga bya ba dang/ de bzhin du skyes pa dang bud med kyi lus la reg pa

  110. 55b

    dgag pa bstan pa dang/ bag med pas de dag rnams kyis reg par gyur na khrus bya dgos pa bstan pa ni don lnga pa ste/ de'i phyir so la chags pa lce yis reg pa dang/ /srid pa byung na kha yang bkru bar bya/ /rab byung skyes pa bud med gzhon nu dang/ gzhon nu ma dang rgan po bram ze rnams/ /de la sngags pas nam yang reg mi bya/ /sngags pas de dag rnams la mi bsam mo/ /brgya la de dag rnams la reg gyur tam/ /sgrub pas de dag rnams la reg gyur na/ /slar yang khrus dang 'thor 'thung? byas nas su/ /de nas phyir yang zlos la 'jug par bya/ zhes bya ba gsungs so/ /gtsang sbra dang bzlas brjod dang/ mchod pa la sogs pa ji skad gsungs pa bzhin byas na/ /myur du gsang sngags kyi byin gyis rlob par mdzad do/ /zhes bstan pa ni don drug pa ste/ de'i phyir/ gtsang sbra la dang zlos dga' snying rje can/ rtag tu len pa las ni log pa dang/ /slong mo'i zas za lha yi las brtson pa/ /de yi lus la gsang sngags 'jug par 'gyur zhes bya ba gsungs so/ /de bzhin du sgrub pa po'i rnam pa thams cad du mi bslang bar bstan pa ni don bdun pa ste/ de'i phyir 'ga' yid bud med gos dang nor rnam dang/ /bzhon pa rgyun dang byug pa bza' btung dang/ /mal stan rnams ni ming nyung byin gyur na de las sgrub la gnas pas ma bslab bo zhes bya ba gsungs so/ /de bzhin du sgrub pa po'i phyi rol che chung gi gtsang sbra bstan pa ni don brgyad pa ste/ de'i phyir sa phug bshad sgor lnga ste mtshan la gsum/ /g.yon la gsum ste lag pa gnyis la bdun/ /yang na sa dang chu yi ji srid du/ /dri ma dri bral de srid par du bya zhes gsungs so/ /de bzhin du tshul khrims dang ldan pa'i sgrub pa pos bzlas brjod byas pas sdig pa 'byang ba'i rgyur 'gyur ba dang/ thog ma med pa'i dus nas bsags

  111. 56a

    pa'i sdig pa rnams kyang bzlas brjod byas pas 'byang bar 'gyur ro/ /zhes bstan pa ni don dgu pa ste/ de'i phyir/ sos ka nags me mched pa'i me lce yis/ /ma bsgrims bzhin du tshang tshing kun sreg ltar/ /bzlas brjod me la tshul khrims rlung gis spar/ /brtson 'grus chen po me lces sdig pa bsreg /ji ltar gangs la nyi ma'i 'od zer gyis/ /gdungs na gzi brjid mi bzod 'ju ba bzhin/ /tshul khrims nyi ma'i 'od zer bzlas brjod kyis/ /gdungs na sdig pa'i grangs kyang bzang par 'gyur/ /mun nag smag la mar me phyung ba yis/ /mun nag ma lus sel bar byed pa ltar/ /tshe rabs stong nas gnas pa'i sdig pa'i mun/ /bzlas brjod mar mes myur du sel bar byed ces bya ba gsungs so/ /de bzhin du ji ltar gsungs pa'i cho ga bzhin du/ sngar bsnyen pa byas nas bsgrubs kyang gsang sngags kyi 'bras bu ma thob na/ de'i tshe sdig pa ma lus pa zad par bya ba'i phyir/ /mchod rten 'bum gdab par bstan pa ni don bcu pa ste/ de'i phyir ci ste sbyin sreg nang gi bzlas brjod kyis/ /gsang sngags bsgrubs kyang dngos grub ma thob na/ /'jim pa las ni mchod rten 'bum gdab pa'am/ /yang na chu 'gram bye ma dag la gdab/ /nges ni de yi sdig pa srid zhen la/ /byas pa de ni gang yin zer gyur na/ /des na gsang sngags mthu yis 'di nyid du/ /mthong ba'i chos la bsod nams 'bras bu thob ces bya ba'i bar du gsungs so/ /de bzhin du sngar sbyad gi nang du 'dug pa'i sa bon gyi dpe bstan pas/ gsang sngags bzlas brjod la sogs pa'i tshogs pa la brten nas gsang sngags kyi 'bras bu 'byung gi /gsang sngags kyi lha la sogs pa 'ba' zhig las ni ma yin pas de'i phyir de'i tshogs bstan pa ni don bcu gcig pa ste/ de'i phyir gsang sngags rtsa ba dang por tshul khrims te/ /de nas brtson 'grus

  112. 56b

    dang ni bzod pa dang/ /rgyal po la ni dad dang byang chub sems/ /gsang sngags dang ni le lo med pa'o/ /zhes bya bar rgya cher sbyar ro/ /sngar bsnyen pa rdzogs nas/ sngags pas rang gi lha mnyes par bya ba'i don du sbyin sreg bya ba de bstan pa ni don bcu gnyis pa ste/ de'i phyir/ dang por bzlas brjod phal cher byas nas su/ /de yi 'og tu 'di ni sbyin sreg bya/ /sbyin sreg gis ni gsang sngags mchog myur stsol/ /yid du 'ong ba'i 'dod pa'ang sbyin par mdzad/ ces bya ba gsungs so/ /de bzhin du gang gis mi'i chung ma bkug pa dang/ gnod sbyin gyi bu mo gsang sngags kyi dbang gis bkug ste/ 'dod par longs spyod pa de la/ pha rol gyi bud med longs spyad pa'i phyir 'dod pas log par g.yem pa la sogs pa byas pa'i nyes pas gang yin pa de yongs su spang ba ni don bcu gsum pa ste/ de'i phyir/ gang gis dpag tshad brgya yi pha rol nas/ /gsang sngags mthu yis bud med bkug kyang de/ /bud med ma yin gnod sbyin bu mo ste/ /de gzugs cha byad kyis ni sngags pa ste/ /'dod pa'i don phyir bsgyur ba gang yin de/ /grub na'ang gnod sbyin bu mo sbyin par byed ces bya ba la sogs pa nas/ gzhan gyi tshung mar yid la bsam nas su/ /'dod pa bsten par byed pa gang yin de/ /mi shes yid kyis gzhan gyi chung ma la/ /'dod pa spyad pas sdig pa mang du thob ces bya ba'i bar du gsungs so/ /de bzhin du 'jig rten pa'i gsang sngags lha dang klu dang gnod sbyin la sogs pas ji ltar khong du chud pa bzhin du smras pa de yang/ sangs rgyas dang byang chub sems dpa' dang/ nyan thos dang/ rang sangs rgyas rnams kyis byin gyis brlabs pa'i phyir/ de rnams kyi dngos grub rab dang 'bring dang/ tha ma'i mtshan nyid ji lta ba bzhin bstan pa de ni don bcu bzhi pa ste/ de'i phyir/ rgyal ba la dang gzhan la phan brtson pa'i/ /lha dang lha min gnod sbyin dri za dang/ /grub par bcas pas sngags bshad

  113. 57a

    gang yin pa/ zhes bya ba la sogs pa nas/ de dag 'bras buAng rab dang 'bring dang ni/ /tha mar dbye bas rnam pa gsum du bstan/ zhes bya ba la sogs pa rgya cher sbyar ro/ /de bzhin du 'jig rten dang 'jig rten las 'das pa'i rig sngags dang/ gsang sngags kyi rgyud dang cho ga zhing mor dug gi las kyi dbye ba bshad pa'i ming bsdus nas bstan pa ni don bco lnga pa ste/ de'i phyir/ bya ba dang khu tshur thal lcag skra dra nga dang/ /rna bar bzlas dang dbab dang bskrad pa dang/ zhes bya ba la sogs pa nas/ dug gis sgras ni bslang par bya ba ste/ rnam pa 'di dag dug gi las su bshad ces bya ba'i bar du rgyas par gsungs so/ /de bzhin du sprul gyi rigs kyi bye brag bstan pa ni don bcu drug pa ste/ sa yi steng na sprul ni brgyad cu dag /gzhan la gnod par byed cing rnam par 'khyam/ /de dag rnams las nyi shu gdengs ka can/ /'khyil ba drug dang dug med bcu gnyis dang/ /de bzhin sprul ni khro bo bcu gsum ste/ sum cu gang yin de ni rigs su gtogs/ /sbal pa g+ho d+ha sdig pa kha brgyad dang/ /rnam par dbye na rab tu mang po yod ces bya ba gsungs so/ /de bzhin du mi la sogs pa'i lus la sprul de dag dug gtong ba'i sbyor ba bstan pa ni don bcu bdun pa ste/ de'i phyir gcin rtug kha chu reg dang mthong ba dang/ mche ba btsugs pa las ni dug kyang gtong/ /de las dug gi rgyu la mkhas pa yis/ /rab 'bring tha ma gsum du rnam par dbye zhes bya ba gsungs so/ /de dag las mi la sogs pa la za bar byed pa'i rgyu bstan pa ni don bcu ? pa ste/ de'i phyir/ dug bde khro ba'i dbang gyur skrag pa dang/ /de bzhin dngangs pa 'am bkres pa'i kha zas phyir/ /sha khon yod pa 'am gshin rjes bsgo ba 'am/ /lus la brdzis nas de dag za bar byed ces bya ba la sogs pa gsungs

  114. 57b

    so/ /de la mi la sogs pa la sprul de dag gis ji ltar mche bas btab nas dug gtong bar byed pa dang de dag gis mche bas btab pa'i mtshan nyid bstan pa ni don bcu dgu pa ste/ de'i phyir/ zos pa de yang rnam pa bzhir 'gyur te/ mche bas zin dang sos bcad gtang pa'o/ /gang du mche bas gcig gi khrag byung rjes/ /de ni dug chung bas ni zin par bshad/ /gang du me 'am? gnyis kyis btab nas su/ /khrag dag byung bar gyur pa zos pa'o/ /gal te mche ba gsum gyis sha bcad pa/ /de ni bcad par gyur pa yin zhes bstan/ /gang du mche ba bzhi yis btab nas su/ sprul gyi lus ni bzlog par gyur pa ste/ /gtad nas zos pa yin zhes bshad pa ste/ /de ni sman rnam kyis kyang bzlog par dka' zhes bya ba gsungs so/ /de la gsang sngags kyi rgyud thams cad las rnams gnyis kyis dug gso bar bstan pa las/ /de gnyis las kyang sngags kyis gso ba gtso bor bstan pa ni don nyi shu pa ste/ de'i phyir/ me yi rang bzhin gnad du 'ben pa'i dug /mtshon dang me dang 'dra zhing mtshungs pa dag /ji ltar sngags kyi rab tu zhi 'gyur ba/ /de bzhin sman gyis zhi bar mi nus so/ /zhes bya ba la sogs pa nas/ dug gi mthu stobs shes nas rab bsgrims te/ gsang sngags cho ga bzhin du bzlas sgrub na/ /ba lang khyu na seng ge ji lta par/ /dug dang sprul dang don med lhan cig rtse zhes bya ba'i bar du gsungs so/ /de bzhin du gdon gyis zin pas gso ba'i dbang du byas nas/ gdon rnams kyi dbye ba bstan pa ni don nyi shu gcig pa ste/ de'i phyir/ lha dang lha min gnod sbyin grub pa dang/ /dri za 'byung po mtshun dang gsang ba dang/ /yi dags sha za dag dang lus srul pa/ /smyo byed mdangs 'phrog pa dang grib gnon dag /sa yi steng na gdon ni sna tshogs pa/ /mi sha chil yang za zhing khrag kyang 'thung zhes bya ba gsungs so/ /mi la sogs pa de dag gi

  115. 58a

    glags skabs bstan pa ni don nyi shu gnyis pa ste/ de'i phyir/ mya ngan 'dod gdungs khro bas nyam thag pa'i/ /glags skabs rnyed nas lus la 'dug par byed ces bya ba gsungs so/ /gdon gyis zan pa rnams kyi spyod pa bstan pa ni don nyi shu gsum pa ste/ de'i phyir/ de dag rnams kyis zin pa'i mi 'phyan cing/ /glu len gar byed rgod dang khro ba dang/ /dga' zhing rngam pa che la smra 'dod dang/ /spyod pa sna tshogs byed pa'i lha rnams dang/ /lha min ltar 'chos skye bo bzhad gang byed/ ces bya ba gsungs so/ /mi la sogs pa rnam pa gsum gyi phyir 'dzin par bstan pa ni don nyi shu bzhi pa ste/ de'i phyir gtor ma 'dod pa 'am/ rtsed mo byed 'dod pa/ bsad pa'i don du lus la 'babs shing 'jug ces bya ba gsungs so/ /gdon gyis zin pa rnams thar par bya ba'i thabs su gyur pa gsang sngags rnams dang/ de'i las byed pa rnams kyi ming bstan pa ni don nyi shu lnga pa ste/ de'i phyir gsang ba pa rnams gzhig phyir rigs kyi mchog /mthu chen mchog sbyin rdo rje lcags kyu 'am/ /gzhan yang nga'i rigs las byung rigs pa 'am/ /khro bo bdud rtsi thab sbyor la sogs pas so zhes bya ba la sogs pa nas/ 'byung po'i rig sngags 'dir ni kun mthong dang/ /gdon gyi spyod pa ma lus shes nas su/ /phyi nas gdon rnams dog med 'dul na ni/ /gdon gyis mi 'jigs slar yang tshugs pa med ces bya ba gsungs so/ /de bzhin du sangs rgyas dang byang chub sems dpa' dang/ rang sangs rgyas dang/ nyan thos la mngon par dad pa rnams kyis gsang sngags bshad pa gang yin pa de dag la/ 'jig rten pa'i lhas smras pa'i gsang sngags rnams kyi mthus mi thub par bstan pa ni don nyi shu drug pa ste/ de'i phyir/ rig gsum 'phel dang srid gsum mthar phyin pa'i zhes bya ba la sogs pa nas/ 'jig rten lha tshogs rnams kyi sngags pa yis//

  116. 58b

    gsang sngags mthu yis de la skyab du med/ ces bya ba'i bar du gsungs so/ /gsang sngags kyi mdo sde 'di bshad pa rdzogs par bstan pa ni don nyi shu bdun par te/ de'i phyir/ rdo rje 'chang gi gsung thos lha rnams dang/ /tshangs pa lha min gnod sbyin grub pa dang/ rig 'dzin klu dang gnod sbyin dri za dang/ /gsang ba pa dang mtshun dang 'byung po rnams/ /dad pas zhabs la spyi bos phyag 'tshal te/ /gus pas thal mo sbyar nas tshig gsol pa zhes bya ba la sogs pa nas/ gzhal med khang du mngon du zhugs nas kyang/ ji ltar 'ongs pa nam mkha' i lam nas dong/ zhes bya ba'i bar du rgyas par sbyar ro/ /de bzhin du lha rnams dong nas/ phyag na rdo rje yang dpung bzang la bstan pa ni don nyi shu brgyad pa ste/ lha rnams kun gyis mdo 'di shes zin gyis/ /khyod kyis 'jig rten 'dir ni grags par gyis/ zhes bya ba la sogs pa gsungs so/ /'phags pa dpung bzang gis zhus pa'i rgyud kyi bsdus pa'i don slob dpon sangs rgyas gsang bas mdzad pa rdzogs so/ //chos dbyings mnyam pa nyid la rab tu zhugs kyang/ thugs rjes gtan du mya ngan mi 'da' zhing/ /'gro ba'i don mdzad mdza' yas gzugs mda' ba/ /dba' brtan rdo rje bsnams la phyag 'tshal lo/ /de ltar bsdus pa'i don dang dgos pa dag /slob dpon khyad par can gyis gsal mdzad kyang/ /tshig gi don dang mtshams sbyar brgal ba'i lan/ /rang la ces pa'i don du cung zad dbye/ /de la gnod sbyin bdag po zhes bya ba ni phyag na rdo rje ste/ gnod sbyin thams cad 'dul bar mnga' gsol ba'i phyir ro/ /nyi ma stong gi gzi zhes bya ba ni sku dang thugs kyis yon tan la sbyar ro// thugs rjes zhes bya ba ni sems can thams cad la brtse bar dgongs pa'i don to/ /rtse gcig yid gyur zhes bya ba ni de bzhin nyid la dgongs pa'i don to/ /bzhugs pa la zhes bya ba ni tshangs pa'i gnas pa la ste thugs rjes zhes smos pa'i phyir ro/ /dpung

  117. 59a

    bzang tshul bzhin gus par phyag 'tshal nas zhes bya ba ni shin tu dad bas mgo bos yab kyi zhabs la btugs te/ phyag byas pa'i don to/ /tshogs kun grub pa zhus zhes bya ba ni sangs rgyas dang byang chub sems dpa' la sogs pas/ rig sngags dang gsang sngags mang po so so'i cho ga zhib mo gsungs pa rnams nges par dngos grub tu gyur par bya ba'i don rnams zhus zhes bya ba'i tha tshig go /sa steng mi rnams zhes bya ba ni skabs 'di la sogs pa'i rig sngags 'chang la sbyar ba'i shas chung ba'i don to/ /bzlas brjod ces bya ba ni yan lag bzhi pa'i don to/ /smyung ba zhes bya ba ni kha zas mi za ba'o/ /dka' thub ces bya ba ni 'gal ba'i zas dang gos spang ba'o/ /nges par spyad pa zhes bya ba ni smyung ba dang mi smra ba'i dka' thub kyi dus 'di srid gcig tu bya'o/ /zhes lus dang ngag gi sgo shin tu bsdom pa'o/ /rab tu bsgrims kyang grub pa ma mthong na/ zhes bya ba ni 'bad par ni gzigs la grub par ni ma gzigs zhes bya ba'i tha tshig go /gtso bo khyod kyis zhes bya ba ni skabs 'dir phyag na rdo rje kho na smos pa ni sa 'dzin nam rdo rje'i rigs kyi shas cher gsungs par rig par bya'o/ /sdig 'joms zhes bya ba ni gsang sngags de dag gi las rnam par dag pa bstan to/ /dag byed rnams kyi mchog ces bya ba ni rang bzhin rnam par dag par bstan to// bden pa'i gsung gis rab tu bka' stsal na/ zhes bya ba ni rgyun rnam par dag par bstan pa'o/ /ji ltar sngags rnams 'bras bu ma mchis gyur zhes bya ba ni rnam par dag pa'i khungs nas byung ba la/ slu ba srid par brjod pa'o/ /rab dang 'bring dang de bzhin tha ma zhes bya ba la sogs pas ni nam mkha' la 'gro ba la sogs pa'i dngos grub sgrub pa po la yon tan yang yod/ gsang sngags yang mthu che mod kyi/ ma sgrubs pa'i phyir dngos grub ma thob bo/ zhes bya ba'i klan ka bsal ba'i don to/ /

  118. 59b

    'bras bu zhes bya ba dang/ grub pa zhes bya ba ni rnam grangs te/ nam mkha' 'gro ba la sogs pa'o/ /sgrub pa nyon mongs kho na ci rung legs zhes bya ba ni ral ba'i 'bras bu med pa ni smad pa'o zhes bya ba'i tha tshig go /rgyal ba zhes bya ba ni sdig pa mi dge ba'i chos las rgyal ba'i phyir sangs rgyas te/ ji skad du/ sdig pa mi dge'i chos las nga rgyal te/ de phyir nga ni nye 'gro rgyal ba yin zhes gsungs pa lta bu'o/ /ye shes zhi ba zhes bya ba ni sangs rgyas kyi mkhyen pa la 'dod chags la sogs pa ma zhi ba mi srid pa'i phyir ro/ /de yi 'di dag gso bar sngon gsungs na/ zhes bya ba ni ye shes de sems can rnams kyis rtogs par bya ba'i don du 'dod chags nas le lo'i bar gyis gnyen por ma chags pa nas brtson 'grus kyi bar la gdul bya rnams dgod par lung las gsungs pa'o/ /gang la sngags dang rig pa'ang 'grub med pa zhes bya ba ni gsang sngags kyi sgo nas 'jug pa rnams bag med pa'i gnas nas bslangs te/ dngos grub thob par 'gyur ba'i thabs bshad par gsol ba 'debs pa'i don to/ /de dag rnams kyang ji ltar gsol bar bgyis zhes bya ba ni zhar la pha rol tu phyin pa'i sgo nas 'jug pa rnams kyang bag med pa'i gnas nas blangs te/ ma chags pa nas brtson 'grus kyi bar la dgod par gsol ba 'debs pa'i tha tshig go /thugs rje dang ldan pas zhes bya ba la sogs pas ni/ yang gsang sngags kyi las dang rang bzhin dang rgyu rnam par dag pa de'i ci'i phyir ma grub ces bzlas te zhus pa'o/ /cho ga zhes bya ba ni 'jug pa la sogs pa dang gsang sngags dang phyag rgya'o/ / nyams zhes bya ba ni de dag nyid las ma tshang ba'am 'khrul ba'o/ /mthu ma mchis zhes bya ba ni gyi gsang sngags de dag la 'grub par nus pa'i mthu yod dam zhes bya ba'i don to/ /dus kyi rang bzhin zhes bya ba ni dbyar dgun dang snga dro la sogs pa'i

  119. 60a

    dus dang ma sbyar ba'i nyes pa 'am zhes bya ba'i tha tshig go /sdig pas bsgribs zhes bya ba ni mtshams med pa la sogs pa mi dge ba'i las bsags pas mngon par mtho ba'i dpal dngos grub thob pa'i skal ba dang mi ldan par gyur tam zhes bya ba'i don to/ /gsang sngags gzhan du gyur tam zhes bya ba ni yi ge lhag pa dang chad pas dbyangs dang rnam par thar pa'i sgo ston pa'i sgra gzhan du gyur tam/ zhes bya ba'i tha tshig go /mchod las gyur zhes bya ba ni rigs kyi bye brag gi gzhan gyi mchod pa gzhan la phul bas 'os ma yin pa 'am/ yang na ma lcogs pa'i nyes pa 'am zhes bya ba'i don to/ /thams cad ma lus bcom ldan 'das kyis gsungs zhes bya ba ni dpung bzang gis yongs su zhus pa'i rnams ma lus par bka' stsol cig mjug bsdus pa'o/ /yung zhes bya ba ni so gol thang cig skad cig ma drug cu rtsa bzhi la sogs te/ dus kyi bye brag rab tu phra bar 'dren pa la ni mi bya'i/ 'phral gyi spyod pa'i skad cig yud tsam zhes bya ba la gdags so/ /dngos nas zhes bya ba ni ma 'ongs pa'i so so'i skye bo'i slob dpon rnams la gdams pa'i dbang du mdzad de zhus pa'i don ma 'khrul ba dang ldan pa dang 'khrul pa glan par bstan to/ /rdo rje zhes bya ba ni bcom ldan 'das kyi ye shes kyi mtshan ma'o/ /me stag ces bya ba ni 'od zer ro/ /ser po zhes bya ba ni sems can gyi don rgyas par mdzad pa'i mtshan nyid do/ /e ma'o zhes bya ba ni yab thugs dgyes shing ngam pa'i tshig go /zla ba'i 'od ltar lam me ba'i zhes bya ba ni thugs rje chen pos sems can thams cad la bkri bkol med par phan 'dogs pa'i dpe ste/ ji skad du/ 'od zer rab tu gsal ba yis/ /gnam ni rgod pa ltar byed pa'i/ /ston ka'i zla ba de dang ni/ /'jig rten rnams dang ci yis 'brel zhes 'byung ba dang 'dra bar/ /snying rjes sems

  120. 60b

    can phan phyir zhes bya ba'i don dang yang/ /dam pa ring na gnas gyur kyang/ /ma dris gnyen du ma 'brel ba'i/ /skye bo dga' bas rjes 'brangs pa/ /de yi rgyu ni yon tan dpal zhes bshad do/ /shin tu dri ma med pa'i sems/ zhes bya ba ni lhag par sems can rnams la bcos pa med par rtse zhes bya ba'i tha tshig go /de yis zhes bya ba ni thugs rje lhag par che ba de'i phan yon gyis zhes bya ba'i don to/ /bde gshegs sras nang zhes bya ba ni thugs las skyes pa'i byang chub sems dpa' sar chud pa rnams kyi nang ngo/ /pha rol phyin par gyur ces bya ba ni sangs rgyas kyi tshogs myur du rdzogs par 'gyur ro/ /zhes bya ba'i tha tshig go /thugs rje de ltar skyes pa tsam gyi mthar thug pa ma yin gyis kyang/ /'jig rten na sa bon shin tu bzang zhing skyon med pa la de'i 'bras bu bzang po zhes 'dogs pa bzhin te nyes pa med do/ /rang gi bde ma chags bya ba ni byang chub sems dpa' rnams bdag gi 'du shes dang bral bas bdag la 'phangs par sems pa yang med na yo byad thams cad la phangs par sems pa lta ga la yod de 'khor los sgyur ba'i rgyal srid la sogs pa yang rtswa dang 'dra bar 'dod pa'i phyir ro/ /rang gi sdug bsngal rnams kyis mi brjed kyang zhes bya ba yang bdag tu 'dzin pa dang bral ba'i dbang gis 'chi ba la sogs pa'i sdug bsngal gyis mi 'jigs zhes bya ba'i don to/ /gzhan gyi sdug bsngal rnams kyis sdug bsngal te/ zhes bya ba ni snying rje chen po sngon du 'gro ba'i lhag pa'i bsam pa ma nyams pa dang mi dma' bas sems can thams cad kyi dge ba'i rtsa ba bskyed pa'i phyir shin tu brtson par byed pa'i tha tshig go /de dag bde bas dga' dang ldan par 'gyur zhes bya ba ni byams pa chen po dang ldan pa rnams kyi chos nyid do/ /skye bos dam pas gzhan gyi bde ba sgrubs sam sdug bsngal bzlog na de dang mtshungs par ni bde dang sdug bsngal rab tu myong bar 'gyur/ /rang

  121. 61a

    gi bde ba grub kyang de lta man zhes bshad do/ /rtse gcig yod byos zhes bya ba ni byang chub sems dpa' i rgyu lnga ma zhi bar mi 'byung gis kyang ma 'ongs pa'i skye bo chos nyams pa'i mi rnams la gdams pa'i dbang du mdzad de gsungs so// de yi brtul zhugs zhes bya ba ni 'jug pa la sogs pa rnam pa bzhi'o/ /de yis zhes bya ba ni sgrub pa po'i skyes bus so/ /bde bar gshegs pa zhes bya ba ni sangs rgyas te/ de ni bde bar gyur cing mtho ris kyi bde ba dang ldan pa la gnod pa mi mnga' ba'i don to/ /dang skyes nas zhes bya ba ni de la dad pa dang 'dun pa bskyed par bya ba'i tha tshig go /de bzhin du zhes bya ba ni dad pa dang 'dun pa ltar ro/ /byang chub sems kyang bskyed ces bya ba ni 'dir smos pa dang sbyar ro/ /ser sna zhes bya ba ni 'dod chags kyi char gtogs pa'i sems kyis yo byad rnams kun tu 'dzin pa'o/ /dregs dang rgyags pa zhes bya ba ni rnam pa gsum ste/ rigs dang stobs dang gzugs dang yid gzhungs pa dang blo dang longs spyod dang/ dbang phyug la sogs pas so/ /rnam spangs te zhes bya ba ni thams cad du gsal te'o/ /dkon mchog gsum la dad par bsten par bya zhes bya ba ni sangs rgyas la blta ba dang chos nyan pa dang/ dge 'dun la rim gro bya ba'i don to/ /rdo rje'i rigs zhes brjod pa rgya chen dang zhes bya ba ni 'dir rdo rje'i rigs kyi shas cher gsungs pa'i lha'i bye brag mang po rnams so/ /nga la yang ni dad cing dga' bar bya zhes bya ba ni phyag na rdo rje la mos par bya ba'i don to/ /tshig rtsub ces bya ba ni zher 'debs shing brlang ba'o/ /phra ma zhes bya ba ni dbyen gyi tshig go / 'khyal pa smra zhes bya ba ni tshig gi rnam par g.yengs pa'o/ /gzhan gyi bud med 'grod ces bya ba ni rus dang bdag po dang chos kyis bsrung ba rnams la gnyis kyi dbang po sprod pa 'am/ yan lag ma yin par spyod pa don gnyer pa'o/ /brdzun

  122. 61b

    zhes bya ba ni slu ba'i tshig go /rkun po zhes bya ba ni rku sems nye bar bzhag ste ma byin par len pa'o/ /gzhan gyi srog gcod gnod byed ces bya ba ni/ ched du bsam te lus kyis mtho brtsam pa chen po byed pa'o/ /chad dang byed pa ni rang bzhin gyis kha na ma tho ba ma yin gyis kyang nyes pa thams cad 'gyur ba'i rtsa bar 'byung ba'i phyir ro/ /rtag tu spang bar zhes bya ba ni thams cad la sbyar ba'i don to/ /rmongs pa gang gis zhes bya ba ni thams cad la sbyar ba'i don to/ /rmongs pa gang gis zhes bya ba ni mi blun po 'ga' o/ /bsod nams bsags kyang zhes bya ba ni yongs su ma dag pa la sogs pa'i byas pa'o/ /thams cad log par lta bas bcom pas ni zhes bya ba ni rgyu dang 'bras bu dang byed pa la skur ba 'debs pa dang/ tshul khrims ngan pa'i lta ba dang ma bral ba'i phyir dge ba'i phyogs thams cad la rgyab kyis phyogs par gyur to/ /de yi rnam smin mi 'dod 'bras bur 'gyur zhes bya ba ni yid du mi 'ong ba ste ngan song du lhung ba'i don to/ /'o na bskal pa dag ni brgya rung yang// las rnams chud zar mi 'gyur te zhes bshad pa dang sbyar na/ log par lta ba'i sdig pas mi 'dod par myong yang bsod nams byas pas 'dod pa'i 'bras bur ci'i phyir/ mi 'gyur zhe na/ log par lta ba'i mes sregs pas dge ba mi skye zhes bya ba'i tha tshig go /dper brjod pa ni sa bon tshig pa'o/ /'dir ngag rtsub po dang srog gcod pa'i rgyu ni gnod sems yin la ma byin par len pa'i rgyu ni brnab sems yin pa de gnyis gung du ma phye ste 'bras bu la bsdus so/ /go rims 'khrugs pa ni tshigs su bcad pa sbyar ba la bde ba'i phyir ro/ /log par lta ba rnams spangs la zhes bya ba la sogs pas ni rjes su bstan pa brjod pa'o/ /lha ni sa dang ri la gnas pa dang lha yul ba'o/ /lha ma yin zhes bya ba ni skabs 'dir lha ma gtogs pa'i gdon thams cad la rig par bya'o/

  123. 62a

    sha khrag za 'thung zhes bya ba ni de dag gis zas tha dad par smos pa'o/ /mtshan mo rgyu ba zhes bstan pa ni mi ma yin pa'i gdon rnams de'i dus su spyod pa'i phyir ro/ /gnod pa byed cing rgyu zhes bya ba ni mi rnams la gtso ba'i bsam pa kho nas bgegs byed par nges pa zhes bya ba'i tha tshig go /bzlas brjod brtson pa'i sems ni g.yeng bar byed ces bya ba ni khyad par du bgegs byed par bstan to/ /de dag rnams kyi gnyan por gyur pa'i phyir zhes bya ba la sogs pas ni bgegs byed pa'i rgyur bstan to// gnod byed de dag ces bya ba ni bgegs rnams so/ /bdag nyid ces bya ba ni sgrub pa po'i skyes bu'o/ /'byor bar bya phyir zhes bya ba ni dngos grub kyi dpal mngon du phyogs par bya ba'i tha tshig go /ngas gsungs pa'i zhes bya ba ni rdo rje'i rigs shas cher gsungs pa'i don to/ /dkyil 'khor lha dang lha min gnas gyur pa/ dam tshig ji bzhin zhes bya ba ni dam tshig gi dkyil 'khor tshul bzhin du bris pa ste/ der mi ma yin pa thams cad kyis dam tshig phul bas rgya che ngar khong du chud par bya'o/ /bsod nams don du blta zhes bya ba ni der zhugs na bsod nams 'phel zhes bya ba'i tha tshig go /sna tshogs pa'i gdon zhes bya ba ni gdon gyi rigs stong phrag rgyad cu rtsa bzhi dag tu 'phel ba'o/ /rnam pa sna tshogs las byed pa'i/ dkyil 'khor zhes bya ba ni gdon de dag gzhom pa'i gnyen por/ dkyil 'khor tha dad par bshad pa dag ste/ de dag ni gdon gyi rigs re re'i las nyi tshe byed pas rgya chud bar bstan to/ /gnod byed gzhom pa'i phyir zhes bya ba ni sa 'dzin te dngos su gdon thams cad 'joms bar go bar bya'o/ /gang yang rig pa mchog tu gsungs pa dang zhes bya ba ni rgyud der gdon sna tshogs kyi gnyen por dkyil 'khor gang dang gang bshad pa'o/ /khra ba'i dkyil 'khor du yang 'jug par bya zhes bya ba ni de nyid la sogs pa brgyad kyis dkyil

  124. 62b

    'khor 'byung ba'o/ /der ni zhes bya ba ni rig pa mchog gi rgyud cher por zhes bya ba'i don to/ /dam tshig sna tshogs ngas bshad pa zhes bya ba ni phyag na rdo rje dang dbang phyug chen po'i dam tshig bshad pa'i dkyil 'khor gyi rgyal po der thams cad kyi dam tshig 'dus zhes bya ba'i tha tshig go /sdig pa bsal phyir rgyun du blta bar bya zhes bya ba ni dkyil 'khor gyi rgyal po der zhugs na sdig pa thams cad 'byang zhes bya ba'i don to/ /rdo rje'i rigs gtso zhes bya ba ni yum mA ma kA'i/ /pho nya mo'i tshogs dang rig pa mang pos bstan pa'i lha mo zhes bya ba yang de nyid de/ thams cad kyi chos cing bsnyen bkur bya ba'i gnas yin par bstan to/ /zlos pa zhes bya ba ni yum gyi gsang sngags bzlos pa'i rig sngags 'chang ba'o/ /mthong nas zhes bya ba ni bgegs kyis mthang zhes bya ba'i don to/ /bgegs rnams phung ba dang/ rngam ba 'don cing shin tu skrag par 'gyur zhes bya ba ni yum gyi gsang sngags mthu rlabs che bar bstan pa'i tha tshig go /ji lta ji ltar dkyil 'khor mthong ba dang zhes bya ba ni dam tshig gi dkyil 'khor du zhugs pa'o/ /de lta de ltar rdo rje'i rigs bstan pa dang/ zhes bya ba ni dkyil 'khor du zhugs nas lhar mnos te gsang sngags rjes su dran pa'o/ /rig nga'i chogs la brten pa'i bsod nams kyis zhes bya ba ni rigs gzhan gyis rig sngags kyi chogs la brten pa'i mthu yang de bzhin du che bar dgongs pa'o/ /de yi lus la byin rlabs ma lus 'jug ces bya ba ni dkyil 'khor du zhugs pa'i dus na mi'i spyod yul du ma gyur gyis kyang/ ye shes kyi rang bzhin rdo rje la sogs pa'i phyag rgya rnams las gsang sngags kyi byin rlabs kyis 'od zer byung ste/ de dag sgrub pa po lus la 'jug ces bya ba'i tha tshig go /mi tshugs rdo rje bdag nyid ces bya ba la sogs pas ni de'i phan yon bstan to/ /nga yi dam tshig mthong ba'i

  125. 63a

    bu dag gis zhes bya ba la sogs pas ni dkyil 'khor du zhugs pa'i phan yon gyi rnam grangs gzhan bstan pa'o/ /rig sngags ma mthong ba ni lha'i rang bzhin mi shes pa'o dam tshig ma mthong zhes bya ba ni dam tshig gi dkyil 'khor du ma zhugs shing dam tshig mi srung pa'o/ /snying rje med ces bya ba ni rang bzhin rtsub pa'o/ /byang chub kyi sems ma skyed ces bya ba ni smon pa tsam yang med pa'o sangs rgyas la ma dad ces bya ba ni yid ma ches pas brnyas shing ma dad pa'i don to/ /lha gzhan la brten zhes bya ba ni 'jig rten pa'i lha la brten cing mu stegs pa'i phyogs 'dzin pa'o/ /nga yi sngags bzlas na phung bar 'gyur zhes bya ba ni 'chi ba dang 'jig rten pha rol tu yang ngan song du yang skye bar 'gyur ro/ /bsam pa zhan cing zhes bya ba ni sems zhum pa'o/ /nyams kyis mi lcogs pas zhes bya ba ni yo byad dang mi ldan zhes bya ba'i don to/ /dkyil 'khor kun zhes bya ba ni gong du smos pa thams cad do/ /blta bar mi nus na'ang zhes bya ba ni yo byad ma 'byor te sems zhum nas dkyil 'khor 'bri zhing 'jug ma nus na'ang zhes bya ba'i don/ gcig tsam zhig kyang dad pas mthong gyur na zhes bya ba ni yo byad med pa'i sgrub pa po dbul pos kyang dkyil 'khor de dag rnams las nyams kyis gang lcogs pa gcig ni nges par gsungs te/ don de nyid rab tu grub par byed pa'i rgyud chen po las kyang ji skad du yo byad chung du dag gis kyang/ bzlas brjod byed pas dkyil 'khor bri zhes gsungs pa'i phyir ro/ /gnod sbyin gyi tshogs zhes bya ba ni sa dang ri dang ri rab kyi ngos la gnas pa'o/ /mtshan mo rgyu ba zhes bya ba ni mi ma yin pa thams cad do/ /sa bla'i gdon zhes bya ba ni bar snang sa las khru gang gis spags pa yan chad na gnod sbyin gyi grong gnas pa rnams so/ /klu'i bdag

  126. 63b

    po zhes bya ba ni klu'i rgyal po'o/ /lha zhes bya ba ni sa dang ri la gnas pa dang lha yul pa'o/ /sogs pa zhes bya bas ni 'dir ma smos pa'i gdon thams cad bsdus par rigs par bya'o/ /bgegs zhes bya ba ni rnam par 'jigs la sogs pa'o/ /log 'dren zhes bya ba ni de dag nyid gnod par byed pa'i khyad par gyis ming gzhan no/ /brtul zhugs gnas pa zhes bya ba ni rig sngags 'chang 'jug pa la sogs pa'i dus su tshul khrims rnam pa gsum po dag la gnas pa'o/ /glags mi lta zhes bya ba ni tshul khrims de dag la gnas pa'i phan yon gyis gong du smos pa'i gdon thams cad 'jom nas rgol mi phod par bstan to/ /tshul khrims rten nas zhes bya ba ni tshul khrims ni dge ba'i phyogs thams cad kyi rten yin par brjod pa'o/ /chos dkar po zhes bya ba ni mos pa spyod pa'i sa la snang ba thob pa'i dus su dngos por rnam par byad pa'i phyogs skyes pa gang yin pa'o/ /snying rje'i chus brlan bes ni rnam par skye zhes bya ba ni 'dir snying rje'i rtsa ba'i rlan gyis tshul khrims kyi sa gzhi la brten pa'i byang chub kyi sems kyi myu gu bskyed ces bya bar sbyar ro/ /rgyal ba ngas gsungs zhes bya ba ni sangs rgyas kyis shin tu legs par phye ste bstan zhes bya ba'i don to/ /so sor thar pa'i bslab pa zhes bya bas ni mya ngan las 'das pa'i grong khyer du phyin par byed ces bya ba'i tha tshig go /tshul khrims rnam par dag pa zhes bya ba ni zag pa med pa'i rgyu yin pa'i phyir ro/ /'dul ba zhes bya ba ni gdul bya rnams srab kyis kha lo sgyur ba dang 'dra ba'i don to/ /ma lus zhes bya ba ni rab tu byung ba la bslab pa'i gzhi thams cad do/ /sngags pa khyim pa rnams la ni gzhan te/ rtags zhes bya ba skra dang kha spu breg pa dang/ ngur smrig gi snam sbyar bcang ba la sogs pa dang/ chog spang zhes bya ba yang lhung bzed bdug pa la sogs pa

  127. 64a

    bya mi dgos par bstan to/ /lhag ma rnams ni nyams su blang bar bya ba ni bslab pa'i gzhi bsnyen gnas dang rig sngags kyi brtul zhugs la gnas pas smad tshong dang gdol pa dang shan pa dang rgyal po'i pho brang du mi 'gro ba'i spyod yul phun sum tshogs pa la ni rab tu byung ba bzhin du bslab par bya ba'i don to/ /de ltar sdig pa'i chos las rnam grol nas zhes bya ba ni sdom pa la gnas pa'i phyir ro/ /legs par gsungs pa'i phyir chos zhes bya ba ni gzhan phyi rol pa dang mi 'dra bar bcom ldan 'das kyis legs par bstan zhing go bar byas te rig pa dang ldan zhes bya ba'i tha tshig go /dag cing zhes bya ba ni nyon mongs pa dang ma 'dres pa'i don to/ /grol ba zhes bya ba ni khams gsum gyi 'ching ba la gcod pa'i tha tshig go /zlos pas skyo na mdo sde bklag par bya zhes bya ba ni bzlas brjod btang ba'i dus na yang shes rab kyi pha rol tu phyin pa la sogs pa gdon dang bstan pa'i don to/ /gtsang zhing zhes bya ba ni sa gzhi la sogs pa skyon med pa'o/ /dben pa'i sa phyogs zhes bya ba ni rtog lam du ma bab pa'o/ /'jim pa 'am ni bye ma zhes bya ba ni yul rnams kyis gang mod pa las bya ba'i don to/ /las byas pa'i bde gshegs mchod zhes bya ba ni mchod rten gyi cha dbye ba las bde bar gshegs pa'i che ba'i yon tan de la/ rdzogs par bzhag pas mchod pa'i 'os yin par bstan to/ /rten 'brel snying po can zhes bya ba ni rnam par snang mdzad mngon par rdzogs par byang chub pa'i rgyud chen po las/ ji skad du/ chos gang rgyus byung de dag gi rgyu dang de 'gog gang yin pa/ /de bzhin gshegs pas bka' stsal te/ de skad gsungs pa dge sbyong cha zhes gsungs pa 'di dang ldan par bstan to/ /sdig pa sbyang ba'i phyir ni rtag tu gdab ces bya ba ni kun nas sgor 'jug pa'i 'od zer gtsug

  128. 64b

    tor dri ma med par snang ba'i gzungs las/ ji skad du/ gang+gA'i klung gi bye ma snyed de bzhin gshegs pa rnams la dge ba'i rtsa ba skyed par 'gyur ro zhes bya ba la sogs pa'i yon tan mang por 'gyur ba'i phyir ro/ /ring bsrel can gyis zhes bya ba ni byang chub kyi snying pa'i rgyan gyi gzungs kyi cho ga zhib mo las/ chos kyi sku'i ring bsrel dang/ de bzhin gshegs pa'i sku gdung gi ring bsrel dang/ sku bal gyi ring bsrel chos kyi ring bsrel dang/ yungs 'bru tsam gyi ring bsrel zhes gsungs te/ 'di rnams gang dang ldan na yang ring bsrel can du go bar bya'o/ /sku gzugs zhes bya ba'i mtshan nyid ni 'og mas 'chad do/ /mchod rten zhes bya ba ni rig pa mchog gi rgyud chen po las bya bag gi sgo nga 'dra bar 'dug na dngos grub sbyin par 'gyur ro zhes gsungs te/ de dang sbyar ro/ /bstod cing zhes bya ba la sogs pas ni lus dang ngag dang yid kyi mchod pa dang 'thun 'thun du sbyar ba'i don to/ /rab tu grub par byed pa'i rgyud chen po las/ yid kyi mchod par lhag par nan tan du bya dgos par gsungs te/ ji skad du yid kyi mchod ba khyad par can/ yang dag nyid du brtsam par bya/ chos kyi thog mar yid 'gro zhes/ thub pa chen pos bka' stsal to/ /zhes gsung ba'i phyir ro/ /nam yang 'khor lo gcig pa'i shing rta ni/ rta dang ldan yang zhes bya ba la sogs pas ni sgrub pa po gong du smos pa'i tshul las mi 'gal 'bad kyis kyang/ sgrub pa'i grogs mchog med na dngos grub mi thob par bstan te/ tshig gi don gzhan ni go bar zad do/ /brtsod pa'i dus zhes smos pas ni 'di ltar ting nge 'dzin brtan pa'i dus dang/ ting nge 'dzin dge ba'i rtsa ba la brten pa'i dus dang/ thos pa 'dzin pa'i dus na yang khams gsum las sgrol ba'i rgyu nges par gnas kyi/ dus lnga brgya'i tha ma la dge ba'i rtsa ba mthu chung ba'i tshe dngos grub kyi mthu la brten nas thar ba'i lam la

  129. 65a

    'jug par bstan pa'i don du rtsod pa'i dus su dngos grub sgrub pa gtso bor gsungs zhes bya ba'i tha tshig go /le'u dang po'i don bshad zin to// //rang sangs rgyas zhes bya ba ni rang byang chub ste de dag bzhugs pa'i gnas ni ba ra NA se'i drang srong lhung ba'i ri la sogs pa'o/ /bde gshegs nyid skyes zhes bya ba ni byang chub sems dpa' rnams te de dag gi gnas nges pa ni ri rtse lnga la sogs pa'o/ /rgyal ba sngon cad gang na bzhugs pa yi/ gnas gang zhes bya ba ni bya rgod phung po'i ri la sogs pa'o/ /bsod nams ldan zhing zhes bya ba ni 'phags pa bsod nams dang ldan pas zhabs kyis bcags pa'o/ /yid dga' ba zhes bya ba ni sgrub pa po gnas der mos pa'o/ /lha dang lha min la sogs pas phyag 'tshal mchod ces bya ba ni sngon 'phags pa rnams bzhugs pa'i tshe/ de dag gi phyag byas shing mchod pa 'am/ yang na sngon zhabs kyis bcags pas de yang sa phyogs mchod pa'i 'os yin pa'i phyir ro/ /gso sbyong sdom pa dang ni ldan pa yis zhes bya ba ni sgrub pa'i skyes bu'o/ /bdag nyid dag par bya ba'i phyir rten bya ba zhes bya ba ni rab tu grub par byed pa'i rgyud chen po las/ gnas de rnams su dngos grub ni/ /rnam pa gsum dag rab tu bstan/ /nges shing myur la rgya che zhing/ /bgegs med par yang der 'gyur ro zhes bya ba'i phyir ro/ /de lta bu dag ma rnyed ces bya ba ni byin gyis brlabs pa'i gnas so/ /gzhan yang zhes bya ba ni rang bzhin gyis yon tan can btsal bar bstan pa'o/ /chu bo chu klung zhes bya ba la sogs pas ni gnas kyi rang bzhin gyi yon tan rnams brjod pa'o/ /mi bzad gdon rnams kyang ni mi gnas pa zhes pa ni klu nag po bdug pa la sogs pa'o/ /grog po grog mkhar thal ba skra shad dang/ nyal nyil sol ba

  130. 65b

    gi sgo 'am btsog can spang zhes bya ba la sogs pas ni gnas kyi mtshan nyid mngon par 'dus byas pa'i yon tan dang ldan par bya bar bstan pa'o/ /lho phyogs su ni nam yang sgo mi gdod ces bya ba ni gshin rje'i phyogs yin pas bkra ngan pa'i phyir ro/ / dri gtsang khang pa de'i phyogs gcig tu zhes bya ba ni shar phyogs la dgongs pa'i don to/ /rgyal ba'i lam mchog rnam par ston pa'i zhes bya ba ni dngos grub dang thar pa zhes bya ba'i tha tshig go /ras kyi sku gzugs las phyir brtan par gdags zhes bya ba ni bsgrub pa po'i khyad par gyi lha'i gzugs ni so so'i cho ga zhib mo dag las 'byung ste yod kyang rung mi 'byung ste med kyang rung gi sangs rgyas kyi sku gzugs ni rgyas pa la sogs pa'i las 'grub pa'i don du nges par bzhag par bstan pa'o/ /yang na shing gzugs legs pa mchod phyir bzhag ces bya ba'i yang phan yon gong ma dang 'dra ba'i phyir ro shing gi sku gzugs de'i tshad ji tsam zhes bya zhe na/ 'phags pa phyag na rdo rje dbang skur ba'i rgyud chen po las bde bar gshegs pa'i mtho gang tshad kyi sku gzugs bzhag la zhes 'byung ste de dang sbyar ro/ /tha ga bas btags zhes bya ba la sogs pa ri mor bri ba'i cho ga yang rgyud de nyid kyi tshig gis dgrol bar bya ba ste/ de las ji skad du/ bram ze 'am rgyal rigs kyi bu mo gzugs bzang ba/ yan lag thams cad yongs su rdzogs pa/ gso sbyong bzung ba zhig rin la ma rtsegs par nyos pa'i shing ba la 'khal du bcug la/ tshes grangs dang byed pa dang yud tsam bzang po la yan lag thams cad yongs su rdzogs pa'i tha ga pa 'thag tu gzhug ste/ ba lang gi lcib sa la ma lhung bas dkyil 'khor bskus la/ spos dang me tog dang bdug pa la sogs pas yang mchod do/ /tha ga pa'i thags cha rnams kyang ba'i rnam lnga dang spos chus bkru'o zhes gsungs so/ /'jam la snyoms pa dang/ thags bzang de bzhin skra

  131. 66a

    shas med pa dang/ zhes bya ba yang de nyid las/ skra med pa dang mnyam pa dang 'jam par bya'o zhes gsungs so/ /kho lag che zhing zhes bya ba ni chu zheng 'tsham par mi chung ba'o/ /ma nyams zhes bya ba ni ma dras pa'o/ /kha tshar bcas zhes bya ba ni ma gong pa'o/ /gtsang ma zhes bya ba yang rgyud de nyid la sgrub pa po khrus byas shing byug pas byugs la/ thod ze'u kas bcings shing dri zhim po'i dri dang ldan par byas pas mchod pa rgya cher byas la/ a ka ru'i bdug pa sreg cing thag pa la yon bzang du byin la dgrol bar bya'o/ /bkrol nas kyang byin gyis brlabs te/ sa phyogs gtsang ma me tog gi sil ma bkram pa spos dang bdug pas bdugs la spos chu'i nang du bcug ste zhag bdun du bzhag go zhes gsungs so/ /spos kyis btab pa zhes bya ba yang de nyid las phye mar 'jam pos ras la lan mang du bsgo bar bya'o/ /klu shing dang tsam pa ka dang skya snar la sogs pa'i me tog gis kyang bskor bar bya'o/ /de'i 'og tu bsrung ba byas pas tshes grangs ngan pa dang mi mthun par 'jug pa'i nyes pa dang bral zhing/ tshes grangs dang byed pa dang yud tsam bzang po la rol mo'i sgra sna tshogs mang po 'byin pa/ shes par brjod pa yod pa/ me tog bkram pa'i dkyil 'khor du mchod pa rgya cher byas la de bzhin gshegs pa thams cad la phyag byas nas gsol ba btab ste bri'o zhes gsungs so/ /de la ni zhes bya ba ni dag cing bsgos pa'i ras la'o/ /tshon rtsi sbyin med ces bya ba ni ka bi ta dang sbyar ba'o/ /khrus byas gtsang la gso sbyong gzung ba'i mi/ mkhas pas zhes bya ba yang de nyid las/ ri mo mkhan gso sbyong gzung ba / mkhas pa dad pa snying rje dang ser sna med pa yan lag thams cad yongs su rdzogs pas bri bar gsungs so/ /ba lang spu zhes bya ba ni rna spu ste phrig gi rgyu'o/ /bri bar bya zhes bya ba yang/ de nyid las sgrub pa po byams pa'i sems dang ldan pa/ thod zi'u ka

  132. 66b

    bcings pa/ sngags bgrang nor bu 'phyang ba dang bcas par ri mo mkhan gyi rgyab na 'dug cing/ bcom ldan 'das kyi sku gzugs dang kha dog dang bcas par bya'o/ /phyag rgya dang yi ge rnams kyang bsam mo/ /yang na sgrub pa po bdag nyid kyis bri bar bya'o/ /zhes gsungs so/ /de'i kha dog dang tshul ni rig pa mchog gi rgyud chen po las/ de bzhin gshegs pa'i sku gzugs brnyan gser gyi kha dog lta bu mtshan thams cad yongs su rdzogs shing dpal gyis be'us brgyan pa/ phyag g.yas pa mchog sbyin pa'i tshul lam skyabs mdzad pa'i tshul la bltas ste/ rig sngags sgrub par bya'o/ zhes gsungs so/ /shing gzugs kyi tshul de dang mthun par khong du chud par bya'o/ /phreng ba zhes bya ba la sogs pa'i mchod pa ni rab tu grub pa'i rgyud chen po las blta bar bya ste/ 'dir yi ge mang du dogs pas ma spros so/ /sku gzugs cher mched de/ zhes bya ba ni bri ba zin nas te/ de yang phyag na rdo rje dbang bskur ba'i rgyud de nyid las/ gdugs dang rgyal mchan dang ba dan bsgreng zhing/ sil snyan dang dga' bar 'gyur ba'i sgra mang po dang/ shis pa rgya chen po dang/ bkra shis brjod pa rnams kyis mchod par bya'o zhes gsungs so/ /nub phyogs zhal bstan zhes bya ba ni bsnyen pa la 'jug pa'i dus su rgyal ba'i las dang sbyar dgos pas sku gzugs zhal nub phyogs su bstan la sgrub pa po kha shar phyogs su bstan pa'i don to/ /de'i spyan sngar dngos grub brtsam par bya zhes bya ba ni rig pa mchog gi rgyud chen po las/ sku gzugs la thad kar blta zhing bsgrub par bya ba ste/ gzhan du blta zhing sgrub par mi bya'o/ zhes gsungs so/ /yang de nyid las de bzhin gshegs pa'i spyan sngar drag shul bsgrub par mi bya ste/ de ni lag na rdo rje'i drung du bsgrub par bya'o/ /zhes kyang gsungs so/ /gtsug phud bzhag ste skra ni bregs nas su zhes bya ba ni sgrub pa po khyim pa rnams tshul bsgyur par bstan to/ /'byung

  133. 67a

    khungs tshon gyis gos kyi kha dog bsgyur zhes bya ba ni rab tu byung ba rnams te ngur smrig las dgongs so/ /gos dkar po zhes bya ba ni khyim pa rnams so la'o/ /shing lo zhes bya ba la sogs pa ni gnyis ka'i thun mong gi brtul zhugs khyad par can las dgongs par rig par bya'o/ /gzhan ni go bar zad do/ /bza' btung mod ces bya ba ni/ grong bkren ma yin pa'i don to/ /dmang rigs mang ba zhes bya ba ni de dag lugs kyis dge sbyong dang bram ze la rim gro che ba'i phyir ro/ /'gron la mchod byed ces bya ba ni bsod snyoms pa la sogs te blo bur ba la byams pa'i don to/ /legs par gnas pa'i grong zhes bya ba ni bza' btung mod pa'am yang na chom po la sogs pa'i g.yon can rnams kyis phung bar mi 'gyur ba'o/ /ha cang mi nye zhes bya ba ni sgrub pa'i gnas grong de dang nye ches rnal 'byor la sbyor ba'i dus su sgra la sogs pa'i tsher mas gnod par 'gyur ba'i phyir ro/ /ha cang mi ring zhes bya ba ni snyoms bsnyags tu mi slebs pa 'am/ yang na skye bo g.yon can rnams 'tshe ba'i phyir ro/ /bram ze phyi rol skye bo zhes bya ba ni bstan pa las phyi rol pa'o/ /med ces bya ba mi gnas pa'o/ /nga rgyal gyi ni non pa zhes bya ba ni rang bzhin gyis sngon pa'i nga rgyal dang/ che ba'i nga rgyal dang ldan pa'i phyir ro/ /bram ze rnams rigs kyis rlom zhing zhes bya ba ni tshangs pa'i bu yin par sems pa'i phyir ro/ /snying rje mi ldan pa zhes bya ba ni sangs rgyas kyi bstan pa las phyogs pa rnams la rnam pa sna tshogs kyis mtho brtsam pa'i dus na rtse ba med pa'i tha tshig go /de dag ces bya ba ni bram ze rnams so/ /bde bar gshegs pa'i mchod rten zhes bya ba'i sku gzugs la sogs pa ni mchod pa zhes bya ba ni phyogs 'di'i rig sngags 'chang ba'o/ /mthong nas bgegs kyang byed

  134. 67b

    par 'gyur zhes bya ba ni bram ze rnams thabs sna tshogs kyis 'gog pa'i don to/ /bram ze sangs rgyas pa las ji ltar dman zhes bya ba la sogs pas ni/ sgrub pa po dmangs rigs zhig yin na bram ze rnams 'di skad du/ khyed ded la bkur sti dang mchod pa byed pa dang rang gi las sbyin pa byed pa dang phyugs 'tsho bas grol ba yin na/ ci'i phyir sangs rgyas pa'i lta ba la phyogs shing de'i gsang sngags zlos zhes 'tshe ba'i don to/ /lha dang 'gron mchod pa zhes bya ba ni de'i don dang bram ze'i gzhung gi srog gcod par gnang ba'o/ /las drug ces bya ba ni bram ze rnams mchod sbyin byed/ byed du 'jug smrad 'don/ 'don du 'jug /sbyin par byed/ sbyin pa len pa dang ldan pa'o/ /zhes brtags pa'o rgyal po dang ni me lha bsten pa zhes bya ba ni srid btsal ba dang/ lha mnyes par bya ba'i don gyi phyir ro/ /bu'i don du 'gro bar bya ba dag ces bya ba ni rigs rgyun mi bzad par bya ba'i phyir rang dbang ba'i bud med dang 'tsho ba'o/ /bram ze rnams kyi nges par grub pa yin zhes bya ba ni sgrub pa po bram ze'i rigs shig na/ de'i phyir rol pa'i bram ze rnams bdag cag gis las nges pa 'di lta bu bor nas ci'i phyir sangs rgyas pa'i gsang sngags zlos zhes 'tsho ba'i don ston to/ /rgyal rigs rje'u rigs rnams kyang rang gi las grub pa 'di la the tshom byed ces bya ba ni sgrub pa po rgyal rigs na rang gi las bzhi dang 'gro ba skyong ba yin sgrub pa po rje'u rigs na/ rang gi las gnyis dang zhing rmong pa yin na/ ci'i phyir 'di la the tshom du gyur cing lta ba gzhan du phyogs zhes 'tsho bar byed pa'i don to/ /rdzun du smra ba sna tshogs skyon dag gis zhes bya ba na gong du bshad pa lta bu'i gzhung de dag 'dzugs pa'i tshe kha stobs kyis sgro 'dogs pa dang skur ba 'debs pa'o/ /bdag dang gzhan gyi sems ni sreg par byed ces bya

  135. 68a

    ba ni khros pa'i dbang gis zhe sdang lang pa'i phyir dge ba'i rtsa ba bsregs te ji skad du/ yid la zhe sdang yod na bdag dang gzhan dag la/ phan par 'gyur ba med bzhin rab tu sreg par byed ces bshad pa de lta bu'o/ /yan lag brgyad lam gnas par rab tu byung ba lam smos kyis kyang/ gnyis ka la gdams pa'i don du go bar bya'o/ /nyi ma phyed mtshams tshun chad blang bar bya zhes bya ba ni 'di pa'i dus yin pa'i phyir ro/ /bram ze'i dus ni phyi dro yin pas na zhes bya ba ni de dag gi zas za ba'i dus nges pa'o/ /de phyir bram ze'i khyim du 'gro mi bya zhes bya ba ni dus mi mthun te/ kha zas med pa dang klan ka 'tshol ba'i phyir ro/ /dge dang mi dge'i shes pa gzung ba ni zhes bya ba ni las legs nyes kyi 'bras bu 'dod pa dang mi 'dod par smin par rigs na zhes bya ba'i don to/ /bram ze dmangs rigs dag la khyad par med ces bya bas ni bram ze rnams tshangs pa'i bu yin pas rang bzhin gyis dag ste/ rigs mtho ba'i phyir mtho ris su skye la/ gzhan rnams ni rigs dma' bas 'gro ba gzhan du skyes so zhes bram ze'i gzhung las 'byung ba dgag pa'i don du/ las legs nyes kyi dbang gis gnas mtho dman du skye bar mtshungs par bstan pa'o/ /brtags pa zhes bya ba ni gang la gang med pa de 'dogs pa ste/ nam mkha' i me tog gi gtsug phud ces bya ba dang 'dra'o/ /gzhan ni go sla bas ma phye'o/ /'dod pa'i khams ni kha zas kyi gnas zhes/ rgyal bas chos gcig tu ni bka' stsal pas zhes bya ba ni khams gong ma dag na sems pa'i zas kyis lus brten te/ 'jug pa'i zas la mi bltos pa ltar 'dir de ltar ma yin par bstan to/ /lus ni chu shing bzhin du rig bya ste zhes bya ste zhes bya ba ni snying po med pa de 'ju ba'i zas kho nas bsten par bstan to/ /sogs la zhes bya ba ni bca' ba dang bldag pa dang

  136. 68b

    bzhib pa dang btung ba dag go /chags mi bya zhes bya ba ni tshe dang longs spyod la dga' ba'i don du ma yin gyi/ gzhan du na lus gnas pa tsam du bya ba'i phyir bza' zhes bya ba'i tha tshig go /dbang po drug po zhes bya ba ni mig gi dbang po nas yid kyi dbang po'i bar dag gi yul la zhes bya ba ni gzugs nas chos kyi bar dag go /'phros pa zhes bya ba ni so sor 'jug pa'o/ /bde gshegs gsungs pa'i shes pas bsrung bar bya zhes bya ba ni mi rtag pa dang/ sdug bsngal ba dang/ stong pa dang bdag med pas sun phyung ste 'phro ba dgag par bstan to/ /lhung bzed de dag las gcig thogs nas su zhes bya ba ni ku ba la sogs pa las gang 'byor pa'o/ /gnya' shing gang du blta zhing zhes bya ba ni spyod lam zhi bar byed par bstan to/ /'dzum zhing 'gro la smra zhing mi gzur can zhes bya ba ni bud med kyi dag 'dod chags la zhen pas skyes pa yang 'dod chags skyed par byed pa'i don to/ /yan lag thams cad yid 'phrog byed pa'i gzugs zhes bya ba ni skyes pa'i sems slu ba'i don to/ /mtshon cha 'jebs 'dra bas zhes bya ba ni dge ba srog dang 'dra ba'i rgyun gcod ces bya ba'i tha tshig go /skyes pa'i sems dag mngon du 'phrog par byed ces bya ba ni rang dbang med par nyon mongs pa'i dbang du 'gyur ba'i don to/ /lcags kyi thong lcags rab tu 'bar ba yis/ /mig ni rnam par bkab pa ches bla yid zhes bya ba ni 'dra ba'i don mthong ba'i phyir ro/ /nyis na dran pa nyams byed bud med kyi/ /dkyus ring mig can bzhin ni ma mthong bla zhes bya ba ni sogs pa'i rgyu mthong ba'i phyir ro/ /yang na gnod de tsam dang bsngos te mi blta'o zhes dgag par bstan to// gang du dga' bar 'gro zhes bya ba ni bsod snyoms la gar mos pa'i grong du 'gro'o zhes bya ba'i tha tshig go /'dzin med ces bya ba ni grong de dag tu 'gro ba na bud med la sogs pa la mtshan ma dang mngon rtogs su mi gzung pa'o/ /sems kyis zhes

  137. 69a

    bya ba ni blo sngon du btang ba'o/ /sems ni rnam par brtul bzhin du zhes bya ba ni 'dod pa'i yon tan lnga la sems 'phro ba mi rtag pa la sogs pa'i gnyen po la brten cing glan pa'o/ /rab dang 'bring la sogs par zhes bya ba ni rgyal rigs la sogs pa rigs bzhi khyim du bsod snyoms bslang bar gsungs te/ gdol pa dag gi der ni ma yin no/ /spangs nas su zhes bya ba ni de dag tu spyod lam ma zhi ba spangs pa'i don to/ /mi smra bar ni zhes bya ba ni dag gi brtul zhugs la gnas pa'i phyir ro/ /gang na ba gzhon be'u phrug chung ba dang zhes bya ba la sogs pas ni gnod pa dang chags pa'i sgo nas nyen du 'gyur bas spang bar bstan to/ /bsod snyoms ci rnyes ces bya ba ni ji tsam rnyed pa las zhes bya ba'i don to/ /dang po ji ltar bde bar bgo bar bya zhes bya ba ni cha gsum du bgos te cha dang po chung du gcig ni lha la dbul bar bstan to/ /rkang bkrus te zhes bya ba ste/ dang por bsod snyoms blang nas slar 'khor ba'i dus su ste/ /tshigs su bcad pa sbyar ba la bde ba'i phyir 'dir smos par go bar bya'o/ /blo bur pa la byin nas su/ /bya ba ni cha gnyis pa'o/ /lus bsrung phyir ni kha zas bza' bar bya zhes bya ba ni cha gsum pa bdag nyid kyis bza' bar bstan to/ /dus su zos nas zhes bya ba ni phyed mtshams su bza' ba'i don to/ /dus gsum khrus byas te zhes bya ba ni phyi rol che chung dang kha zas bza' ba dang/ bzlas brjod kyi dus 'di gsum du khrus bya bar bstan mod kyi/ bzlas brjod nyid dus gsum du bya dgos par khrus ni mang du bya dgos par rig par bya'o gzhan ni go bar zad do/ /rjes su dran drug ces bya ba ni sangs rgyas dang chos dang dge 'dun dang lha dang gtong ba dang tshul khrims rjes su dran pa'o/ /so so'i yon tan dang zhes bya ba ni dang po gsum ni rang bzhin gyi yon tan las rjes su dran par

  138. 69b

    bya'o/ /lnga pa dang drug pa ni 'bras bu'i yon tan las rjes su dran par byas te/ 'dir ni mdor brjod pa yin no rgyas par ni mdo sde las blta bar bya ste/ 'dir yi ge mangs su dogs nas ma spros so/ /rigs par bcas te rjes su dran par bya zhes bya ba ni/ 'greng dang bdug dang ma logs nyal ba dang/ 'gro 'phres za glog ces bya ba ni su ni/ gong du smos pa drug po dag rjes su dran par byas la/ bzlas brjod byed pa'i dus su ni rang gi rig sngags rjes su dran pa'i don to/ /le'u gnyis pa'i don bshad zin to// // 'dod chags zhes bya ba ni nye bar len pa'i phung po lnga la zhen pa dang/ lhag par chags pa'o/ /sogs pa zhes bya ba ni khong khro ba dang/ nga rgyal dang ma rig pa dang blta ba dang the tshom la sogs pa'i nyon mongs pa rnams so/ /tshogs ldan pa zhes bya ba ni khro ba dang khon du 'dzin pa la sogs pa nye ba'i nyon mongs pa rnams so/ /sems ni 'khor ba yin par kun tu brjod ces bya ba ni ji tsam du sems kyi rgyud la 'dod chags la sogs pa'i nyon mongs pa rnams dang ldan na 'khor ba zhes bya ba'i don to/ /nyon mongs rnam grol zhes bya ba ni 'dod chags la sogs pa'i nyon mongs pa rnams spang ba nyid 'khor ba las logs par bstan to/ /shel zhes bya ba ni rang gi sems kyi rgyud la nyon mongs pa'i sgrib pa spangs pa'i dag pa'i dpe'o/ /zla ba 'dra ba zhes bya ba ni shes bya'i sgrib pa yang spangs/ bdag dang gzhan gyi rgyud gnyi ga'i gti mug gi mun pa sel ba'i dpe brjod pa'o/ /srid pa'i rgya mtsho'i mthar ni yongs su bsgrags zhes bya ba ni 'dod chags la sogs pa'i nyon mongs pa dang bral ba'i dbang gis yang srid par sems mngon du phyogs par byed pa'i skye bo'i rkyen rnams kyi tshogs ldog pa'i phyir ro/ /dper na dri med chu ni rdul sogs kyis skad cig tu yang rnyog par byed pa ltar zhes bya ba ni chu dangs pa'i nang du btsag la sogs pa mnyes

  139. 70a

    na/ gzhan du snang ste chu'i rang bzhin du mi snang ba lta bu'o/ /de bzhin rnam dag dri ma med pa'i sems/ /'dod chags la sogs skyon gyis rnyogs par 'gyur zhes bya ba yang blo bur gyi dri mas nyon mongs par byas kyis gcig pa ma yin te/ chu khams gser dang nam mkha' rnams/ /dag pa bzhin du dag par 'dod ces ji skad bshad pa lta bu'o/ /'o na sems kyi ngo bo nyid de ji lta bu zhig ce na/ rnam par snang mdzad mngon par rdzogs par byang chub pa'i rgyud chen po las 'di skad du/ dngos po thams cad dang bral ba phung po dang khams dang skyed mched dang/ gzung ba dang 'dzin pa rnam par spangs pa/ chos bdag med pa mnyam pa nyid kyis rang gi sems gzod ma nas ma skyes pa stong pa nyid kyi ngo bo nyid ces gsungs so/ /bdag gi de kho na nyid kyi chos nyid de lta bu dang/ lha'i chos kyi sku de bzhin nyid dang yang dbyer med do/ /don de nyid 'phags pa phyag na rdo rje dbang bskur ba'i rgyud chen po las 'di skad du/ bdag gi ngag ma gtogs par yid med/ yid ma gtogs par ngag med/ bdag gis yid ma gtogs par lha'i sku med de yid nyid dag yin/ /dag nyid yid yin la/ lha'i gzugs nyid kyang yid yin la ngag nyid kyang lha'i gzugs yin no/ /zhes rgya cher gsungs so/ /de ltar de kho na nyid kyi don la dmigs pa'i ting nge 'dzin 'di nges pas bsgoms pa'i don ni 'phags pa rdo rje'i gtsug tor rgyud phyi ma bsam gtan gyi le'u las 'di skad du/ mi 'byed 'byed pa rnam par spangs/ phra ba mi g.yo gsal ba ste/ blo yi spyod pa na bdun na gnas zhes gsungs pa ste/ de ltar ci nus su bsgoms zhing goms par byed pa ni sgrub pa po de kho na nyid kyi don la dmigs pa zhes bya'o/ /gzhan ni go bar zad do/ /'dug nas zhes bya ba ni rab tu grub par byed pa'i rgyud chen po las/ ji skad du/ skyil mo bkra shis bzang ste/ de dag 'dug pa

  140. 70b

    gsum yin no zhes gsungs pa nyid blta bar bya'o/ /dbang po yang dag bsdams pa zhes bya ba ni ngo bo nyid kyis g.yengs pa la sogs te/ rnam par g.yeng ba drug las slar glan par dgongs pa'o/ /lus kyang drang zhing zhes bya ba ni sgal tshigs bsrang ba'i don to// brtan pa zhes bya ba ni dang po las phyis mi bskyod pa'i tha tshig go /phyis ni zhes bya ba ni lus brtan por bzhag nas de'i 'og tu bzlas brjod brtsams par bstan to/ /ma mchu shin tu mdzes par yang bsgul zhing zhes bya ba ni shub bur bzlas brjod bya ba'i don to/ /gsang sngags ci dgar bzlas brjod bya ba ni bzlas brjod kyi yan lag bzhi la sogs pa gang las goms pa'i tshul du bzlas pa'i tha tshig go /sems ni glog dang 'dra zhes bya ba ni byung ma thag tu 'gag pa'i mtshan nyid du bstan to/ /spre'u dang 'dra zhes bya ba ni yul kun tu 'jug pa'i don to/ /rlung dang mtshungs zhes bya ba ni ring du 'gro zhing gzung rgyu med par rgyu ba'o/ /rgya mtsho chen po yi ni rlabs dang 'dra zhes bya ba ni/ ji ltar rgya mtsho'i rlabs de che chung dang gnyer ma sna tshogs su 'gyur ba bzhin du sems 'di yang dngos po sna tshogs kyi bar du 'byung ba'i don to/ /sgyu can zhes bya ba ni phyin ci log tu slu ba'i tha tshig go /'dod dgur yul la mngon dga' pa zhes pa ni 'dod chags la sogs pa'i yul la so sor zhen par rgyu ba'i don to/ /g.yo zhing 'phyan pa zhes bya ba ni mi brtan pa'o/ /nges par gdul bar bya zhes bya ba ni rang gi lha'i bzlas brjod las 'bad pa'i dus su/ rang nyams su mi btang dgug pa'i don to/ /gang tshe zlos dga' i sems ni zhi ba la/ /brten pas nyid kyis dran pa rmongs gyur na zhes bya ba ni rgod pa las dgug drags pas bying bar gyur pa'o/ /langs nas bcag cing zhes bya ba la sogs pas ni gnyid bsal ba'i thabs bstan pa'o/ /las kyi dbang gyur zhes bya ba de ni nges skyid sdug tu gyur pa'o/ /bdag po

  141. 71a

    med ces bya ba ni sdug bsngal las skyob par byed pa'i rje dpon 'ga' yang med pa'i don to/ /mgon med ces bya ba ni nyon mongs pas log par khrid kyang de las bzlog pa'i nye du gang yang med par bstan to/ /rten med ces bya ba ni mi rtag pa dang skad cig pas bcom pa'i bsdod pa'i mthu med pa'i don to/ /tshe rabs gcig nas gcig ces bya ba ni khams gsum gyi nang du 'khor ba'o/ /lus kyi kha brgyud ces bya ba ni skyes gnas bzhi'i long la brtags zhes bya ba'i tha tshig go /rjes su rab 'gro ba zhes bya ba'i tha tshig go /'gro ba drug po dag gi nang du'o/ /de yi rjes su dge dang mi dge 'brang zhes bya ba ni lha la sogs pa'i skye gnas su lus blangs kyang/ sems dang 'brel pa ma yin gyi/ las dge ba la sogs pa'i bag chags kho na dang 'brel par bstan to gzhan ni go bar zad do/ /'dod chags shas che ba zhes bya ba ni sgrub pa po kha cig go /mi gtsang sha tshil dang pags pa keng rus blta bas rnam par bzlog ces bya ba ni gnyen po rnam par thar ba'i lam mi sdug pa'i ting nge 'dzin bsgom par bstan te/ de yang thog mar lpags pa'i rim pa 'di/ /rang gi blo yis tha dad phye/ /sha yang rus pa'i dra ba las/ /shes rab mtshon gyis gud du phye/ /rus pa rnams kyang dbye bas nas rkang gi bar du blta bya shing/ 'di la snying po ci yod ces/ bdag nyid kyis ni brtag par gyis zhes ji skad bshad pa lta bu'o/ /byams dang zhes bya ba ni sgrub pa po la la zhe sdang gi shas che ba la gnyen po byams pa'i ting nge 'dzin bsgom par bstan te/ de la dang por gang zag yon tan dang ldan pa bkur sti bya bar 'os pa bla ma lta bu'i gnas shig la dbang bskyed nas skyes bu dam pa 'di bde bar gyur cig snyam pa'i yid la byed pa 'jug par byed de/ ji srid du 'di sems chung du 'byung ba de srid du 'jug par byed do/ /de nas gang zag sdug pa la sems gtod par byed de/ de la yang ji srid du gang zag snga

  142. 71b

    ma dang mnyam pa'i sems bskyed pa de srid du/ sems gtod par byed do/ /de nas gang zag tha mal pa la gtod par byed de snga ma bzhin no/ /de nas gang zag ni sdug pa la gtod par byed de snga ma bzhin no/ /gal te 'di la gang zag sha 'khon can zhig yod na/ de la 'di bde bar gyur cig snyam pa'i sems bskyed par bya ste/ de la yang ji srid du snga ma dag dang lhan cig mnyam pa'i sems bskyed pa de srid skyed par byed de/ 'di tsam gyis na byams pa'i sems kyis rnam par grol ba mtshams tha dad pa bsgoms pa yin no/ /de phyin chad ni phyogs khyad par byed pa'i dbang gis yid la byed par rig par bya'o/ /snying rje zhes bya ba ni gang zag sdug bsngal ba mgon med pa skyabs med pa la dmigs nas/ rim pa 'di nyid kyis 'jug par bya'o/ 'di'i phan yon yang rnam par snang mdzad kyi rgyud phyi ma las gang gis rta dang 'dra ba'i sems mnyam par bzhag pas btul nas su/ byams dang snying rje bstan byas na/ /dngos grub rtan pa mod la thob ces ji skad gsungs pa lta bu'o/ /chus gdab zhe sdang la zhes bya ba ni byams pa dang snying rjes zhe sdang gi me bsad pa 'am/ /yang na dge ba'i rtsa ba bskyed pa'i don to/ /gti mug ces bya ba ni mi shes pa ste/ sgrub pa po la la'i rgyud gti mug gi shas che zhes bya ba'i tha tshig go /brten 'brel lam gyis so zhes bya ba ni gti mug gi gnyen po ste/ 'di ltar ma rig pa'i rkyen gyis 'dus byed rnams zhes bya ba nas /skye ba'i rkyen gyis rga shi zhes bya ba'i bar du'o/ /de bzhin du ma rig pa ma byung na 'du byed rnams kyang mi mngon /skye ba ma byung na rga shi'i bar du yang mi mngon pa zhig na zhes bya ba la sogs pa rgyas par mdo sde las ji skad 'byung ba bzhin blta bar bya ste/ 'dir ni yi ge mangs su dogs pas ma spros so/ /re zhig cig na dgra yang mdza' bor 'gyur zhes bya ba la sogs pas ni nges pa med par bstan to/ /blo gros ldan pas nam yang chags mi bya bas ni sgrub pa po'i phyin

  143. 72a

    ci log gi blo bzlog par rtsol ba rnams kyis zhes bya ba'i tha tshig go /gnyen la dga' ba'i sems kyi rnam rtog dag /bzlog nas zhes bya ba'i shugs kyis ni dgra la zhe sdang bzlog dgos par yang go bar bya'o/ /de lta na dge ba las sems ci bder 'jog nus kyis de lta ma yin te mdza' ba bzung na ni/ ha cang yang byed 'dod par gyur mi mdza' bas bzung na ni/ thams cad kyi thams cad du byed mi 'dod par gyur pas/ rjes su chags pa dang khong khro'i sems gnyis dang ldan pas ni chos mnyam pa nyid khong du chud par byed mi nus so/ /sngags 'chang nam yang smra bar mi bya'o zhes bya ba ni sbyor ba'i dus su thams cad bkag go /ji ste dgos pa yod na sngags g.yog dang/ bzlas brjod zin nas cung zad sma bar bya zhes bya ba ni bsnyen pa la zhugs pa'i tshe bzlas brjod dang mdo sde bklag pa ma gtogs pa'i tshig mi smra ba'i brtul zhugs la gnas pa'i dus su yang ched che ba zhig yod na/ sngags g.yog kho na cung zad smra bar skabs phye ba'o/ /me tog dris bstod ces bya ba la sogs pas ni lha mnyes par bya ba'i don du dge ba gang dang gang spyad pa'o/ /sangs rgyas byang chub mchog tu bsngo bar bya zhes bya ba ni thabs mkhas par 'bras bu yongs su mi zad par bya ba'i phyir rgya chen por bsngo bar bstan to/ /chu klung zhes bya ba ni phyogs tha dad pa nas 'bab pa'i ro sna tshogs dang ldan pa'o/ /rgya mtshor phyin pa na lan tshwa'i ror ni gcig tu gyur zhes bya ba ni der son pa'i dbang gis ro gcig par gyur par bstan to/ /de bzhin zhes bya ba ni dpe brjod pa de bzhin du zhes bya ba'i tha tshig go /rgyal ba'i rer ni gcig tu 'gyur zhes bya ba ni tshul khrims dang brtson 'grus la sogs pa sgo tha dad pa na bsgrub pa yang/ 'bras bu sangs rgyas kho nar 'grub par bstan pa'i don to/ /'bras bu'i phyir sa lu bskyed kyis zhes bya ba la

  144. 72b

    sogs pas ni de ltar dge ba spyad do cog sangs rgyas nyid du bsngos na nam mkha' la 'gro ba la sogs pa'i rig sngags 'chang du mi 'grub par dogs pa'i rtog pa bsal te/ tshig gi don gzhan ni go bar zad do/ /sog ma dper brjod pa ni lha dang mi'i longs spyod la snying po med par zhar la bstan pa'i tha tshig go /tshe ring ba legs par thob par zhes bya ba ni srog gcod pa spangs pa'i 'bras bu'o/ /dang zhes bya ba ni mi dge ba lhag ma dgu spang ba'i tshul khrims la yang de bzhin du spro ba bskyed par bya ba'i tha tshig go /chos bzhin bsgrubs zhes bya ba ni dge ba bcu'i tshul bzhin spyod pa'o/ /yul dang rnyed pa zhes bya ba ni de'i dbang gis mngon par mtho ba'i dpal mngon du phyogs par 'gyur zhes bya ba'i tha tshig go /skyo ba med par 'gyur zhing zhes bya ba ni dge ba bcu'i 'bras bu'i phan yon dpag tu med par rdzogs pa'i phyir rgyu nyid zad mi shes par bsngo ba'i don to/ /'gro ba'i bsam pa rnams ni rtag tu rdzogs par bya zhes bya ba ni dpag bsam gyi shing ljon pa 'am yid bzhin gyi nor bu lta bur sems can rnams kyi re ba sna tshogs skong ba'i mthu dang ldan par gyur cig ces bsngo bar bstan te/ /grags dang ma ma grags zhes bya ba la sogs pas ni 'jig rten gyi chos brgyad brjod pa ster ba bcom ste zhes bya ba ni mi rtag pa la sogs pa la/ dmigs pas so sor brtag ces bya ba'i tha tshig go/ /sdig pa'i gnas su gyur pa zhes bya ba ni 'jig rten pa'i phan yon grags pa la sogs pa zhig byung nas chags shing chags pa ni sdig pa'i gnas yin no/ /de bzhin du 'jig rten pa'i skyon ma grags pa la sogs pa rnams byung ba'i tshe/ bum zhing 'khrug pa yang sdig pa'i gnas yin no/ /spang bar bya zhes bya ba ni thams cad du'o/ /lhan cig mi gnas ltar zhes bya ba ni rgya mtsho chen po'i nang du mi ri bong na/ klu mthu bo che rnams kyis gcig gi gnas nas gcig tu phul te/ mthar phyin pa ni dper brjod pa'o/ /de bzhin rnam rtog sems kyis sdig byas pa zhes bya ba ni chags pa nas le lo'i bar gyi dbang du gyur pa'o/ /

  145. 73a

    sngags pa skad cig tsam yang gnas mi bya zhes bya ba ni ma chags pa nas brtson 'grus kyi bar gyis bsal bar bya ba'i don to/ /rtse gcig sems kyis zhes bya ba ni rnam par rtog pas glags mi thod pa'i zhi gnas dang lhag mthong gis 'khyud pa'i bting nge 'dzin to/ /zlos la mngon par dga' ba yi zhes bya ba ni bzlas brjod shes rab dang ldan pas sgrib pa bsal ba'i dbang gis bzlas brjod la zhen de ting 'dzin gyi bde ba dang ldan zhes bya ba'i tha tshig go /lus la chos kyang de bzhin 'bar bar 'gyur zhes bya ba ni ting nge 'dzin thob par sems byang ste/ dga' ba thob pa'i dbang gi lus kyang byang nas rig sngags 'chang lha'i gzugs su gyur te/ gzi brjid thob po zhes bya ba'i don to/ /gzhan ni go bar zad do/ /de ltar bzlas brjod byed pa'i sgrub pa pos/ nyin gcig bzhin du byas nas zhes bya ba ni bsod snyoms blangs pa dang/ bzlas brjod bya ba dang/ mdo sde bklags pa dang/ mchod rten gdab pa la sogs pa'i dge ba sbyang ba 'ba' shig gis nyin bar gyi dus 'das par bya ba'i tha tshig go /bzlas pa phul nas zhes bya ba ni 'phags pa rmug 'dzin la sogs te nor can gyi rigs sgrub pa la ni bsod nams kyi tshogs bstan par bya ba'i don to/ /bzlas brjod byas pa rnams gser gyi bum pa rin po che sna tshogs kyis spras pa'i nang du bcug ste/ kha pad+ma dkar pos bcad nas lha'i phyag du dbul bar bsam par byed ces grag go /gsang sngags gzhan la ni 'dis mi bsgre ste/ bzlas brjod byas pa'i bsod nams kyi tshogs 'phel bar bya ba'i don du/ rang gi lha la dbul bar bstan te/ ji skad du/ sangs rgyas bcom ldan 'das thams cad la dge ba'i rtsa ba thams cad phul nas/ bsod nams kyi phung po yongs su bsdus pa'i bsod nams kyi phung po dpag tu ma mchi ba shing bsam gyis mi khyab pa de bzhin gshegs pa'i

  146. 73b

    ye shes kyis mkhyen pa gang lags pa des bdag brtan par gyur nas zhes bya ba dang 'dra'o/ /nub mo zhes bya ba ni nyin par mi nyal bar bstan to/ /ku sha bting nas nyal bar bya zhes bya ba ni khri la mi nyal bstan to/ /byams pa zhes bya ba ni sems can rnams bde ba dang phrad pa shog cig pa'i bsam pa'o/ /snying rjes zhes bya ba ni sdug bsngal ba rnams de dang 'bral bar shog cig pa'i bsam pa'o/ /dga' ba zhes bya ba ni de ba rnams dang mi 'bral bar shog cig pa'i bsam pa'o/ /btang snyoms zhes bya ba ni phan pa dang bde bas gzhan dag gi nyon mongs pa mi skye bar bya ba'i phyir kun nas nyon mongs pa med pa'i bsam pa'o/ /ldan zhes bya ba ni rang gi lha'i lhag pa'i ting nge 'dzin la gnas pa'i zhang la de rnams rjes su dran par bya ba tsam du zad kyi/ rgyun gyi ting nge 'dzin rnams rnam par phye ste bsgom pa lta bu ni ma yin no/ /bcas par dran byas te zhes bya ba ni lha dang gtong ba dang tshul khrims so/ /shA ri'i bu la phyag 'tshal nas nyal ba ni bsod nams 'phel ba'i don du ste/ rig pa mchog gi rgyud chen po las/ thub pa sangs rgyas gnyis pa ni/ /'phags pa sha radwa ti'i bu/ /lha dang lha min dwi zar bcas/ /klu dang gnod sbyin tshogs kyi mchod ces gsungs pa'i phyir ro/ /nga la thal sbyar btung nas nyal zhes bya ba ni log 'dren rmongs par bya ba'i don du ste/ yang rgyud de nyid las/ de bzhin dam pa grub pa de/ rig sngags 'chang kun dbang phyug ste/ dpa' bo gcig po dgra thul ba/ /rdo rje 'dzin la phyag 'tshal lo/ /zhes gsungs pa'i phyir ro/ /sdig pa mdza' dag zad par bya zhes bya ba ni rim pa de rnams spyad pas so/ /le'u gsum pa'i don bshad zin to// //sor bcu zhes bya ba la sogs pas ni rdo rje rnams kyi tshad bstan to/ /rig sngags 'chang nyid ces bya ba ni nam mkha' 'gro ba kho na'o/ /sa rnams thob pa zhes bya ba ni yul thams cad la dbang ba'i rgyal po/ /

  147. 74a

    rgyal po'i don du zhes bya ba ni rgyal phran don du gnyer ba'o/ /rin chen 'byung ba ni de'i gnyer rgya mtsho yin no/ /don kun bsgrub pa zhes bya ba ni yul thams cad la lcags gsum gyi/ zhes bya ba ni gser dang dngul dang zangs rnams bsreg pa'i rdo rje zhes bya ba'i tha tshig go /gdon gzhan zhes bya ba ni gnod sbyin ma gtogs pa thams cad do/ /seng ldeng zhes bya ba ni de'i rdo rjes gzhom pa'i don to/ /dpal zhes bya ba ni dbang phyug gi don 'byor pa'o/ /tshe zhes bya ba ni brtan pa dang bsring ba'o/ /nor rdzas zhes bya ba ni gter la sogs pa dang rta la sogs pa 'phel bar grub pa'o/ /sha za sgrub pa la yang rtag tu shis zhes bya ba yang ba ru ra'i shing las byas pa'i rdo rje nyid do/ /gzugs bsgyur ba zhes bya ba ni mi las byol song la sogs par bsgyur zhing rdzu'o/ /sa las byas pa'i rdo rje zhes bya ba ni rig pa mchog gi rgyud chen po las/ chu dogs? gnyis ka nas blangs pa'i sa zhes gsungs so/ /yid du 'ong ba'i 'dod pa zhes bya ba ni 'dod pa'i yon tan rnam lnga yid bzhin du 'byor bar sgrub pa'o/ /dbyibs legs zhes bya ba ni chu zheng 'tsham pa'o/ /'jam zhing zhes bya ba ni byi dor legs pa'o/ /ma nyams zhes bya ba ni mtshan nyid rdzogs pa'o/ /yang na ya yo med pa'i don to/ /rma med ces bya ba ni zel lam 'phan med pa'o/ /rdo rje rtse lnga zhes bya ba ni rig lnga'i ngo bo nyid du bstan pa'i don to/ /gzhan ni go bar zad do/ /rdo rje med na grub par mi 'gyur ro zhes bya ba ni rab tu grub par byed pa'i rgyud chen po las/ ji skad du/ rdo rje de ni bcangs pa yis/ /bgegs dang log 'dren thams cad dang/ /gang dag gnod par byed pa rnams/ /shin tu skrag nas 'byer bar byed ces bya ba dang/ de bzhin du las kyi rdo rje zhes bya ste/ de nyid smad kyi las kyang byed/ /'di ni sgrub pa po rnams kyi/ /gsang zhing phra ba gcig bur bsgrags zhes gsungs pa'i phyir khu tshur bcangs nas zhes

  148. 74b

    bya ba ni rig sngags 'chang dngos grub la mi rtsol ba rnams kyis ngor gsungs so/ /ldong ros zhes bya ba la sogs pas ni sgrub pa po'i rdzas kyi mtshan nyid bstan te/ de yang cho go zhib mo kha cig tu gsang sngags gsungs la/ rdzas gang las sgrub pa ma gsungs pa dang/ gzhan dag tu rdzas thams cad la sgrub ces khungs byung la/ rdzas dngos su ma bstan pa rnams spyi'i rgyud 'di dang sbyar ro/ /rdzas ni bcu bdun sgrub pa de rnams kyis zhes bya ba ni grangs nges pa ste/ de dag blta ba dang/ gzung ba dang spyad pa dang/ rab tu grub par byed pa dang/ rig pa mchog gi rgyud chen po de dag las 'byung ste/ 'dir yi ge mangs su dogs nas ma spros so/ /grub pa rnam pa gsum rnams grub par byed ces bya ba ni/ de dag sbyangs nas bsgrubs na 'bar ba dang/ dud pa 'byung ba dang/ tsha ba'i bye brag gis rab dang 'bring dang tha ma'i dngos grub thob pa'i don to/ /rang sngags cho gar lhag par bshad pa gang zhes bya ba ni so so'i cho ga zhib mo dag tu 'dir ma smos pa'i rdzas zhig byung na yang sgrub tu rung zhes bya ba'i tha tshig go /der yang grub pa rnam pa gsum du mthong ba zhes bya ba ni rdzas bcu bdun las lhag pa'i 'gal ba med de/ dngos grub tu gyur par bstan to/ /bgegs dang log 'dren grub par mi dga' ba zhes bya ba ni de dag gi rang bzhin bstan to/ /rig pa'i tshogs rnams kyi ni mdun nas rgyu zhes bya ba la sogs pas ni de dag gi spyod pa bstan to/ /rnam pa bzhi yod de ces bya ba ni de dag gi rigs sdom te/ 'og nas rigs gnyis 'byung bas bsnan na rigs drug tu bgegs thams cad 'dus so/ /'jig rten skyong ba bzhi zhes bya ba ni rgyal po chen po bzhi'o/ /de dag g.yog 'khor zhes bya ba ni rgyal po chen po bzhi'i g.yog 'khor du gtogs pa'o/ /mya ngan med pa zhes bya ba yang de nyid de bgegs kyi rigs rnams 'jig ces bya ba'i sde dpon ming ngo/ /de'i g.yog 'khor bye ba phrag bdun rnams zhes bya ba ni rnam par 'jig gi rigs la gtogs pa mya ngan med pa'i g.yog gi grangs so/ /de dag gsang sngags sgrub la bgegs byed do/ /zhes

  149. 75a

    bya ba ni rgyal po bzhi yis gsang sngags sgrub pa rnams la bgegs byed pa'i don to/ /sa stengs mdza' dag kun tu bgegs kyang byed ces bya ba ni rang gi rigs dang gzhan la yang byed de/ 'jig rten las 'das pa dang 'jig rten pa thams cad la go bar bya'o/ /gzhan ni go sla bas ma phye'o/ /khros shing 'khrugs nas phyir yang phyogs par 'gyur zhes bya ba ni bgegs kyi dbang du 'gyur ba'i nyes dmigs bstan pa ste/ bdag dang gnas dang rdzas rnams bsrung bar gsungs pa rnams khyad du bsad de ma byas pas dngos grub kyi snod du mi rung ba'i don to/ /sems ni brdungs shing zhes bya ba ni ser sna'i dbang gis gzhan gyi 'byor pa mi bzod pa'o/ /rmongs pa zhes bya ba ni blun bsam dpyad par byas pa'o/ /lha zhes bya ba ni bgegs sprul par byin gyis rlob pa rnams so/ /log 'dren bgegs kyi lugs 'di gtor ces bya ba ni phrag dog gi bar gtod pa'i don to/ /rig pa mchog gi rgyud chen po las/ ji skad du/ lha rnams la yang lha min rnams/ /'thab pa'i phyir ni dang bltar/ /sems can rnams la bgegs byed phyir de bzhin bgeg rnams 'byung bar 'gyur zhes gsungs so/ /rnam par snang mdzad mngon par rdzogs par byang chub pa'i rgyud chen po las ni gzhan du bka' stsal te/ sngon chad ser sna bsten pa'i phyir/ /bgegs ni rang gi sems las byung zhes gsungs so/ /gnyen po yang de nyid las ji skad du/ de yi rgyu ni gzhig pa'i phyir/ /gang du sems dang sems byung ba'i/ /rtog pa thams cad spong ba dang/ /rnam par rtog pa las byung ba'i/ /spros pa thams cad 'gag 'gyur ba/ /byang chub sems zhes bshad pa yin zhes gsungs te/ de dang yang sbyar bar bya'o/ /bzlog mi nus zhes bya ba ni bgegs mi byed pa'i lug sdod par mi nus pa'i don to/ /bgegs kyis 'jigs su rung ba byas pa dag ces bya ba ni rig pa mchog gi rgyud chen po la ji skad du/ log 'dren de dag ni bsod nams

  150. 75b

    kyang zad par byed de/ log 'dren rnams kyis rigs pa tsam gyis lha'i lo stong gi bar du pha rol tu phyin pa drug bsags pa'i bsod nams kyi phung po yang thal bar rlogs par byed cing/ rig sngags bsgrub pa'i bsod nams kyang zad par byed de/ des na rig sngags 'grub par mi 'gyur ro/ /zhes gsungs so/ /sngar bshad pa ni de dag bzlog par byed ces bya ba la sogs pas ni gong du bzlas brjod dang dkyil 'khor du 'jug par gsungs ba dag go /gzhan ni go bar zad do/ /'di ltar phan tshun du ni 'gro ba na/ /rig pa 'dod pa'i sems ni g.yeng bar byed ces bya ba ni bgegs 'jug ces bya bar go bar bya ste/ rgyud de nyid las nges par gnas pa la yang gnas nas/ gnas su 'gro ba la yang goms pa re re la log 'dren rnams glags tshol ba'i phyir 'khod pa yang yod do zhes gsungs so/ /dper na chu nang grib ma snang ba ltar zhes bya ba ni grib ma chu'i nang du 'byung ba na/ thogs pa 'am song ba'i rdzas shul mi snang bar gting du phyin to/ /de bzhin mi yi lus la 'jug par 'gyur zhes bya ba yang thogs pa med cing rma med par 'jug pa'i don to/ /'khru tshe gzhan la zhes bya ba la sogs pa ni bgegs kyi rigs drug so so la yang khyad par du bgegs 'byed pa rnams kyis rang bzhin bstan pa ste tshul ni 'og nas 'chad do/ /ma btsal me ni 'byung ba ltar zhes bya ba ni rang dbang med par 'byung ba'i dpe'o/ /'dod chags me chen zhes bya ba des dge ba'i rtsa ba thams cad bsreg pa'i don to/ /g.yo zhing 'gul ba zhes ni bya ba'i bgegs zhes bya ba la sogs pas ni khyad par du bgegs byed pa de dag sgrub pa po la 'dzin pa'i dus dang/ zin pa'i mtshan ma bstan pa ste tshig gi don ni go sla bsam phye'o/ / bgegs kyis bzlams? pa zhes bya ba ni des zin nas mi'i rang bzhin gyur ba'o/ /phyogs na lam min lam du mthong zhes bya ba ni log pa'i spyod pa la 'jug pa'o/ /gzhan ni go bar zad do/ /bgegs dang log 'dren rnam par gzhig pa'i phyir zhes bya ba ni de dag gzhom pa'i don du zhes

  151. 76a

    bya ba'i tha tshig go /bdud rtsi thabs sbyor drag shul las can sbyor/ /sngags pa de yis gsang sngags lam zhugs pa zhes bya ba yang rgyud de nyid las/ de bas na rig sngags 'chang gi nyi ma logs su kha bltas la/ rtag tu chu khyor ba gang gtor nas khro bo'i gsang sngags kyang lan bdun brjod par bya ste/ 'di skad du/ bdag ming 'di zhes bya ba rig sngags che ge mo zhig sgrub kyis khyed yid dga' bar gyis shig ces smra bar bya'o/ /bgegs dang log 'dren rnams kyis yod mi tshugs zhes byin bdud rtsi sbyor gyi lam du zhugs pa'i phan yon bstan pa ste/ yang rgyud de nyid las des log 'dren rnams dga' zhing mgul yid dga' bar gyur te/ dngos grub sbyin par byed cing sems kyang dang bar 'gyur ro zhes gsungs so/ /bgegs rnam grangs mang po de dag gi ngo lon dang gnyen po tha dad pa yang rgyud de las rgyas par so sor phye ste bstan pa rnams 'dir yi ge mangs su dogs te ma spros pas rgyud nyid las blta bar bya'o/ /phyug lha zhes bya ba la sogs pas ni dbang bskur ba'i gnas bstan to/ /shing gcig ces bya ba ni rab tu grub par byed pa'i rgyud chen po las/ kun tu zlum po'i shing drung ngam zhes gsungs so/ /gzhan ni go bar zad do dkyil 'khor gru bzhi lham ba gru bzhi'i tshad ces bya ba ni dkyil 'khor gyi phyi'i rgya'i ra ba'i tshad do/ /tshon rtsi rnam pa sna tshogs zhes bya ba ni dkar po dang dmar po ser po dang ljang gu dang nag po rnams te/ de yang dbus su ni khru phyed pa'i sa khru do dor ro/ /phyogs kyi lha rnams gnas ni yongs su gzung zhes bya ba ni de'i phyi rim sa/ byon khru gang zhig yod pa'i sum cha 'khor sar bzhag ste/ sum gnyis la lha rnams dgod pa ni gsang ba'i dkyil 'khor las ji skad du brgya byin gyi ni rdo rjer gsungs/ me lha'i phyag rgya zhugs thabs yin/ /gshin rje'i phyag rgya be con yin/ /bden 'bral gyi ni ral gri yin/ /chu bdag gi ni zhags par bshad/ /rlung gi phyag rgya rgyal mtshan yin/ /ku be ra yi dbyug tho

  152. 76b

    yin/ /dbang phyug gi ni rtse gsum gsungs/ /sa yi phyag rgya bum pa yin/ /nyi zla'i phyag rgya zlum por bya zhes gsungs te/ shar phyogs nas brtsam par bya'o/ /zla ba ni mdung rtse gsum pa dang rdo rje'i bar du bzhag ste dkar po'i bya'o/ /nyi ma ni ral gri dang zhags pa'i bar du bzhag ste shin tu dmar por bya'o/ /sa'i lha mo'i bum pa ni zhags pa dang rgyal mtshan gyi bar du gzhag go /sgo bzhi pa la zhes bya ba yang rgyud de nyid las dbus su sgo ni gdod par bya/ ngos gnyis su ni cha dag kyang/ /bzhi bzhi dag ni dor bar bya zhes gsungs so/ ku sha'i rtswa yang dgram zhes bya ba ni dkyil 'khor gyi ri mo la ma bab pa'i tha ma thog thag rtse mos rtsa ba mnan nas bskor ro/ /bza' ba zhes bya ba ni khur ba sna tshogs so/ /sha chang la phug ces spyir smos kyang/ lha gzhan la sbyin par bya ba ma yin te/ gshin rje dang bdan bral la sbyin no/ /'bras bu mang po zhes bya ba ni shing thog sna tshogs so/ /gtor ma sbyin zhes bya ba ni gtor ma de dag sbyar nas 'khor ba'i snam bu la so sor mdun du dbab po/ /bum pa zhes bya ba'i tshad dang dbyibs ni 'dir yi ge mangs su dogs nas ma spros te/ 'gro lding gi bum pa'i cho ga las blta bar bya'o/ /pad+ma dmar po'i mdog 'dra ba zhes bya ba ni so btang legs pas kha dog dmar por gyur pa'o/ /nag por ri med ces bya ba ni so btang nyes pa'i skyon med pa'o/ /rin chen bcas zhes bya ba ni gsang ba'i dkyil 'khor las ji skad du byu ru dang ni sa le spram/ /dung dang mu tig nor bu ste/ /rin chen kun zhes bya ba la/ /lnga po 'di dag shes par bya zhes gsungs so/ /sman dang zhes bya ba yang de nyid las/ /sid+ha bya kri ka ra ni/ /sa ha sa ha de ba ste/ /sman rnams kun zhes bya ba la/ /lnga po 'di dag shes par bya zhes gsungs so/ /'bru dang zhes bya ba yang de nyid las 'bras kyi so ba mon sran gre'u/ /nas dang til dang gro dang lnga/ /'bru rnams kun zhes bya ba ni/ las rnams kun la 'di dag gsung zhes gsungs so/ /spos chus bkang zhes bya ba ni 'phags

  153. 77a

    pa 'jam dpal gyi rgyud chen po las tsan dan ga bur dang gur gum gyi bsre ba gsungs so/ /bzhi zhes bya ba ni bum pa re re'i nang du lha re re spyan 'dren pa'i phyir ro/ /ldum bus kha bkang zhes bya ba ni zhig pa mchog gi rgyud chen po las/ 'o ma yod pa'i shing yal gas kha brgyan par gsungs so/ /ras kyis mgul ba dkris zhes bya ba ni ras phran dkar po kha tshar ma god pa khye'u gtsang gis mgrin pa bcing ba'i don to/ /lus dmar po dang ki li ki li dang/ 'gro lding ba'i zhes bya ba'i lha 'di dag ni phyag na rdo rje'i thugs kyi rang bzhin snying po zhes bya ste/ gtan tshigs ni 'og nas 'chad do/ /sogs pa zhes bya ba ni 'phags pa stobs po che las rig par bya ste/ 'og nas sbyin sreg gi skabs su yang las thams cad la sbyar bar 'byung ste/ ji skad du me yis mtshan ma 'di rnams mthong nas ni/ /stobs po che yis mar gyi sbyin sreg bya zhes 'byung bas lha gzhan ma yin par mngon no/ /khro bo snga ma gsum po nas bzlas pa yang ma yin te/ bum pa bzhi yod la/ bzlas brjod byed cing bum pa re res bkru zhes 'byung ba dang 'gal ba'i phyir ro/ /brgyar bzlas te zhes bya ba ni bum pa re re la lha re res brgya rtsa brgyad bzlas pa'i don to/ /khor yug tu ni bzhag par bya/ zhes bya ba ni khrus byed pa'i sa bon ba'i phyi rim gyi grwa bzhi yang gu sha bting nas de'i steng puM pa bzhag ste de'i nang du khro bo rnams spyan drangs so/ /de'i nang du spyan drang bar ci mngon zhes/ las kyi phreng ba las/ 'jig rten dbang phyug chu dbus spyan drangs te/ zhes gsungs pa dang mthun pa'i phyir ro/ /de lta bas na bum pa de dag kyang yid bzhin gyi mtsho bdud rtsi'i chus gang bar bsam la/ de la gnas rnams bkod de 'phags pa rnams mchod yon na nam gsang sngags kyis spyan drang ngo/ /de nas phyug spos bdug spos la sogs dbul zhes bya ba ni de dag gshegs par rig pa dang mchod pa rnam pa lnga rim pa bzhin dbul ba'i

  154. 77b

    don to/ /de nas phyogs skyong dag la yang gtor ma bsngos nas bzlas brjod brtsam par bya'o/ /bzlas brjod zin nas phyogs kyi lha rnams dga' bar bya ba'i phyir rig pa mchog gi rgyud chen po las/ de dag las bstod pa'i tshig 'byung ba brjod par bya ste/ 'dir yi ge mangs su dogs pas ma spros so/ /bde ba'i stan la bzhag ces bya ba ni dkyil 'khor gyi dbus su ku sha'i khres gcig bzhag la/ de'i steng du nad pa bzhag go /bzlas brjod byed cing bum pa re res bkru zhes bya ba ni lha gang gi bzlas pa'i bum pa de chu ldugs pa na de nyid kyis gsang sngags brjod pa'i don to/ /'on kyang log 'dren rnams las thar par 'gyur zhes bya ba ni bgegs kyis zin pa 'am/ ma zin pa rnams kyis las 'di byas na yang mi tshugs par thar pa'o/ /sgrub pa po'i ming ni 'ba' zhig la bgegs rnams gzhig phyir phan par ma brang kyi zhes bya ba la sogs pas ni zhang gyi phan yon bstan te/ tshig gi don gzhan ni go bar zad do/ /bu mo dag ces bya ba ni mi la ma song ba'o/ /bud med phal zhes bya ba ni smad 'tshong ma'o/ /le'u bzhi pa'i don bshad zin to// //rnam par bsal zhes bya ba ni bgegs dang bral ba'i dbang gis sdig pa'i dri ma med de sems kyi rgyud dang zhes bya ba'i tha tshig go /cho ga nyams dang zhes bya ba ni skad cig gsungs pa'i cho ga rnams ma lcogs pa bzlos pa'o/ /yi ge gug skyed med ces bya ba ni lhag pa dang chad pas dbyings dang rnam par thar pa'i sgo ston pa'i don gyis sgra gzhan du gyur pa'i phyir ro/ /mchod pa med ces bya ba ni ma 'byor ba'o/ /mi gtsang zhes bya ba ni phyi nang gi dri ma ma bsal ba'o/ /dngos grub rgya chen mi ster ro/ /zhes bya ba ni skyon gong ma rnams dang ma bral ba'i nyes pas zhes bya ba'i tha tshig go /char pa legs par 'bebs zhes bya ba ni lo legs pa'i skal ba dang ldan pa rnams kyis yul du'o/ /mi yi skal pa dang ldan pa zhes bya ba ni tshe 'di dang gzhan du sbyang pa'i bsod nams kyi 'phro yod pa'o/ /'dod pa

  155. 78a

    bzhin du zhes bya ba ni nam mkha' la 'gro ba la sogs pa sgrub pa po gang la re ba'i 'bras bu thob pa'i don do/ /yul zhes bya ba ni rab tu grub pa'i rgyud chen po las ji skad du/ gang du bdud bzhi brtul nas ni/ /bcom ldan mngon par sangs rgyas par/ / dngos grub mang po kun gyi mchog /rmad byung go 'phang thob gyur pa zhes bya ba la sogs pa'o/ /dus zhes bya ba yang rgyud de nyid las/ ji skad du/ dgun zla tha chung ston zla 'bring/ /dpyid zla ra ba 'bring po dang/ /dbyar zla ra ba'i nya la yang/ /sgrub pa chen po brtsam par bya zhes gsungs pa'o/ /cho ga zhes bya ba ni lta gzi byin bskyed pa la sogs pa'o/ /las zhes bya ba ni rnam pa bzhi'o/ /sdig pa byang zhes bya ba ni bzlas brjod dang bsam gtan dang dka' thub la sogs pas 'byang ba'i don to/ /bsod nams bsags pa zhes bya ba ni tshul khrims rnam pa gsum po la gnas shing pha rol tu phyin pa rnams dang ldan pa'o/ /gus pa zhes bya ba ni lha dang bla ma la yid ches pas/ nan tan nges par byed par 'gyur ba'i don to/ /bzlas brjod ces bya ba ni yan lag dang ldan par byed ces bya ba'i tha tshig go /ji tsam sdig pa mang po zhes bya ba la sogs pas ni snga ma'i yon tan las bzlog pa'i skyon rnams brjod pa'o/ /bar bcad sngags gzhan bzlas zhes bya ba ni sgrub pa po blo tsam la ma phebs kha cig la lha'i yon tan myur sgyur? skad 'byung ba dag thos/ rang gi khyad par gyi lha btang ste/ de'i gsang sngags zlos pa'o/ /bzlas pa btang zhes bya ba ni bsnyen pa'i grangs tshang nas sgrub pa'i dus la sdod pa'i skabs su ste/ rab tu grub par byed pa'i rgyud chen po las/ ji skad du/ sngon du bsnyen pa rdzogs pa la/ mi nus na ni dus gcig gam/ /dus gnyis ni cho ga bsgom zhes bya ba de ma zlos pa'o/ /gzhan la byin zhes bya ba ni bdag gis bsnyen pa byas pa rnams gzhan dngos grub thob par bsngos nas sbyin pa'o/ /des ji ltar phan thogs par 'gyur zhe na/ 'phags pa phyag na rdo rje

  156. 78b

    dbang bskur ba'i rgyud chen po las/ ji skad du/ las gzhan gyis byas la 'bras bu gzhan spyod pa'i dpe 'khor los sgyur ba'i rgyal po dang zhing pa brjod pa lta bur go bar bya'o/ /dus gsum mchod pa la ni brtson byas nas/ slar yang 'bum bzlas zhes bya ba ni gong du smos pa'i skyon de dag byung nas/ slar bsab par 'dod pas sngon du bsnyen pa byas pa rnams kyang rdeg bsnun to/ sngon pas kyang mchod pa'i bungs bskyed/ yo byad bzang du bstan nas bsab pa'i don du 'bum bzlas brjod bya bar bstan to/ /sgrub la 'jug par bya zhes bya ba ni de ltar nyes bsams nas/ de'i 'og tu bsnyen pa'i mgo gzugs zhes bya ba'i tha tshig go /stong ces bya ba ni thams cad la sbyar ro/ /bcu zhes bya ba ni dngos grub rab kyi don du'o/ /brgyad dam bdun zhes bya ba ni 'bring las dgongs pa'o/ /bzhi zhes bya ba ni dngos grub thab ma sgrub pa rnams kyi grangs so/ /bzlas mthar zhes bya ba ni bsab pa'i don du bzlas brjod 'bum byed pa'i tshe/ 'bum gyi grangs ma tshang gi bar du bzlas brjod dus gsum du byed pa'i 'jug thogs su sbyin sreg bya dgos par bstan pa'o/ /mar gyi sbyin sreg bya zhes bya ba ni de'i tshe mar 'ba' zhig gi sbyin sreg bya ba gsungs so/ /yang na zhes bya ba la sogs pas ni mar 'ba' zhig gi sbyin sreg las rnam pa gzhan du yang bstan to/ /'dzam bu ma du zhes bya ba la sogs pa ni yam shing gi rigs bstan to/ /yam shing gzhon nu zhes bya bas ni mtshan nyid bstan to/ /sor bcu gnyis pa'i zhes bya bas ni tshad bstan to/ /zho mar sbrang rtsi la gtags nas zhes bya ba ni bsab pa'i don du sbyin sreg byed pa rgyas pa'i las dang sbyar dgos pa'i phyir ro/ /nga yi mdun du zhes bya ba ni phyag na rdo rje'i sku gzugs kyi drung g.yon logs su bzhag pa'i don to/ /mngon du phyogs par bzhag ces bya ba ni 'jim gzugs de'i zhal yang phyag na rdo rje la bstan pa'i tha tshig go /ki li ki sogs zhes bya ba ni gong du bum pa'i cho ga las 'byung ba'i lha bzhi po rnams so/ /snying po yis mar dang lo ma zhes bya ba

  157. 79a

    ni mar dang 'o ma bum pa bkang la/ lha de rnams kyi snying po brgya rtsa brgyad rtsa brgyad bzlas pa'i don to/ /de'i gzugs brnyag bkru zhes bya ba ni 'jim gzugs de dus gsum du bzlas pa'i mar dang 'o mas bkru ba'i don to/ /de ltar zhag bdun byas nas zhes bya ba ni zhag bdun dus gsum du bkrus pas gzugs brnyan de yang 'jig par 'gyur zhes pa'i rdzas dang/ bkru ba'i rdzas bcas te/ chu klung chen por dor ro/ /de'i gzugs bya ba ni rang gi lha'i gzugs sgra tshil las byas pa'o/ /mda' dug dang skye ches byugs nas zhes bya ba ni de'i lnga gus? gzugs brnyan bsku ba'i don to/ /ki li ki la 'gro lding la sogs pa'i sngags kyis zhes bya ba yang/ gong ma'i lha bzhi po de rnams nyid de/ lha rnams drag po'i tshul gyis drag po'i thab tu spyan drangs la/ rang gi lha drag shul mdzod cig ces gsol ba gdab pa'i don to/ /de la zhes bya ba ni rang gi lha'i gzugs brnyan no/ /yungs mar tshwa ba dang sbyar zhes bya ba ni de dum bur bcas nas/ yungs mar tshwa dang bsre ba'i tha tshig go /zhag bdun dus gsum sbyin sreg las byas na zhes bya ba ni gzugs kyi dum bu de dang drag po'i rdzas rnams pa sogs la drag po'i bskul tshig bcug ste sbyin sreg bya ba'i don to/ /gsang sngags 'ongs nas rmi lam dag tu ni zhes bya ba ni drag shul spyad pa'i rjes la nges par lha byon te ston pa'i tha tshig go /cho ga nyams pa 'am lhag chad ston zhes bya ba ni gsang sngags kyis lha rnams kyang thugs rje chen po dang ldan pas cho ga ma nyams na/ dngos grub mi ster mi srid pa sgrub pa pos chos nyams pa 'ga' zhig ngos ma zin pa drag shul gyi las byas te bskul bas gang nyes pa? de ston par 'gyur zhes bya ba'i don to/ /ji ltar rgya mtsho dus las mi 'da' ltar zhes bya ba ni chos nyid de gzhan du 'gyur mi srid par bstan pa'o/ /sngags kyi gzhan gyi gsang sngags mi gnod cing zhes bya ba la sogs pas ni gsang sngags mthu che bar

  158. 79b

    bstan pa'i skabs su/ de ltar las sna tshogs 'grub nus par brda sprad kyis kyang/ de dag gcig la gcig gnod pa ma mdzad ces bya ba'i tha tshig go /dpe ni go? sla bas ma phye'o/ /de bzhin zhes bya ba ni de'i phyir zhes bya ba'i don to/ /sngags pas gang yang rung ba'i sngags bzlas nas zhes bya ba ni gsang sngags gdug pa gang yang rung pa'o/ /gzhan gyi gsang sngags mnan mi bya zhes bya ba ni phrag dog gi dbang gis sgrub pa po gzhan dngos grub thob du dogs nas/ de'i lha la phur bus 'debs pa dag dgag par bstan to/ /gsang sngags bcad dang bcing par mi bya zhing zhes bya ba yang de'i dngos grub bkag pa'i don du/ gzhan gyi lha'i gzugs brnyan nam rtswa ku sha las mtshon rnon pos gcod pa dang/ de'i gzugs brnyan tshon sna lnga skud pas 'ching ba lta bu'i las drag po byed du ma gnang ba'i don to/ /yi ge lhag chad gsang sngags mi sbyin no/ /zhes bya ba ni ser sna'i tha ba dang ma bral bas gzhan mi 'grub par bya ba'i don du/ gsang sngags kyi yi ge 'bru bsnan pa 'am/ phri ste sbyin ba dgag par bstan pa'o/ /las rnams spyad pas gzhan du bsgyur mi bya zhes bya ba ni zhi ba'i las byed 'dod pa rnams la mi grub par bya ba'i don du/ drag po la sogs pa'i tshul du man ngag log par mi bstan to zhes bya ba'i tha tshig go gnas rnams bzir bar nam yang mi bya'o zhes bya ba ni klu la sogs pa gnas pa'i sa gzhi la/ de dag rtse ba'i don du gsang sngags drag pos phur bus gdab pa la sogs mi bya bar bstan to/ /gzhan ni go bar zad do/ /dngos grub phyir ni rnam pa bcur gsungs te/ zhes bya ba ni sgrub pa po la la'i lugs las gtso bor bcur 'dod ces bya ba'i tha tshig go /de yang stags pa dang zhes bya ba ni sgrub pa po'i skyes bu'o/ /rang sngags zhes bya ba ni bsgrub par bya ba'i khyad par gyi lha'o/ /g.yo ba ces bya ba ni sgrub pa po'i grogs mchog go /rdzas zhes bya ba ni ldong ros la sogs pa'o/ /brtson 'grus zhes bya ba ni sbyor ba la sogs pa'o/ /phyogs zhes pa ni

  159. 80a

    dbus la sogs pa'i yul lo/ /sa gzhi zhes bya ba ni ri'i rtse mo la sogs pa'i gnas so/ /dus zhes bya ba ni dpyid zla la sogs pa dang snga dro la sogs pa'o/ /yan lag rdzogs pa'i lta zhes pa ni ri mo dang shing gzugs la sogs pa'o/ /sems stobs zhes bya ba ni 'jigs pa med cing sran che ba'o/ /tshig gi don lhag ma ni go bar zad do/ /bcu zhes bya ba ni bshad pa tha ma'o/ /brgyad ces bya ba ni bcu po de dag las tha ma gnyis phri ba'o/ /lnga zhes bya ba ni gzhan dag kha cig rig 'dzin grogs zhes zer/ gzhan dag phyogs mtshams dang brtson 'grus dus rnams nyid ces bya ba 'di nyid kyis bstan par rig par bya'o/ /bzhi zhes bya ba ni gzhan ni rdzas dang sa gzhi lha dang sngags zhes bya ba de nyid kyis bstan to/ /gsum zhes bya ba ni lnga po'i grangs su smos pa'i brkang pa 'gro ma/ gzhan dag phyogs dang brtson 'grus dus rnams nyid ces bya bas bstan to/ /gcig ces bya ba ni kha cig sems stobs yin zhes rnam par smra zhes bya bas bstan to/ /sngags rig rang rang blo yis rnam par 'chad ces bya ba ni de bzhin gshegs pa 'jig rten du ma byung ba'i tshe 'jig rten pa'i lha de dag gis so sor brtags zhes bya ba'i tha tshig go /sangs rgyas rgyud la cho ga gnyis kyis 'grub ces bya ba ni shin tu rig par gsungs zhes bya ba'i don to/ /de'i yang sgrub pa gang zhig rang gi yon tan rdzogs zhes bya ba la sogs pa dang gug bskyed klad kor tshegs tshang zur phyin la/ /gsang sngags dag cing shin tu cho gar bcad/ zhes bya ba 'di gnyis gtso bor bzhag go /phyi rol pa rnams kyis ni thams cad gtso bor bzhag pas/ gtso bo dang yan lag ces bye brag dbyer med pa nyid kyis nyes par bshad pa yin no/ /gnas zhes rkyen dpag tu smos pa ni yan lag gi nang nas gces par dgongs pa'i phyir ro/ /gzhan ni go bar zad do/ /gling bu'i sgra dang zhes bya ba la sogs pas ni chags pa dang gnod pa'i sgo nas g.yeng ba'i rgyur 'gyur pa'i phyir spangs

  160. 80b

    bar dgongs pa'o/ /mi myur zhes bya ba ni bzlas brjod zur mi phyin pa dgag par bstan to/ /mi ngal zhes bya ba ni sems gzhan du g.yeng ba'i skyon du 'gyur ba'i phyir ro/ /sgra cher mi 'byung zhes byas bas ni rgod pa'i skyon bzlog par bstan to/ /ha cang chung bar min zhes bya bas ni bying ba'i skyon dgag par bstan to/ /smra bzhin min zhes bya ba ni gsang sngags kyi tshigs bden par byin gyis brlabs pa 'don pa na tshig gzhan dang 'dres na dngos grub tu mi 'gyur bas de dgag par bstan to/ /gzhan du yengs bzhin min zhes bya ba ni lha'i sku dang zla ba'i dkyil 'khor la yi ge'i phreng ba bkod pa dang/ yi ge'i sgra la ma gtogs gzhan du yengs par mi bya ba'i don to/ /gug skyed klad kor tshegs rnams nyams par min zhes bya ba ni dmigs pa dang 'don pa gnyi ga la'o/ /ji ltar chu klung nyin mtshan rtag tu ni zhes bya ba la sogs pa ni bye brag tu smra ba'i sdom pa dang/ sdom pa ma yin pa yang dag par blangs pa las skyes pa'i rnam par rigs byed ma yin pa'i gzugs gnas pa dang 'dra bar 'dir yang dge ba'i bag chags kyi rgyun gnas pa nyid du bzhed do/ le lo zhes bya ba ni dge ba la sems mngon par spro ba med pa ste/ gnyid dang glos phab ste nyal ba dang/ bsod snyoms la rten nas snyoms pa'i dbang du gyur pa'o/ /'dod chags zhes bya ba ni bud med la sogs pa la sems mngon par phyogs pa'o/ /mi dger ldan pa'i sems bya ba ni de dag dang cha mthun pa gzhan rnams dang nye ba'i nyon mongs thams cad do/ /bzlog nas zhes bya ba ni skabs 'dir gnyen po la brten par bya ba ma yin gyi dgag par bstan to/ /gsang sngags yi ge mchod la sbyar bar bya zhes bya ba ni phyag rgya dang gsang sngags dang yid dang zang zing gi mchod pa rnams ni skabs 'dir mi srid pas nan btan gyis gus par bzlas brjod byed pa nyid 'phags pa dgyes pa'i mchod pa zhes gdags so/ /sna rtser blta zhing zhes bya ba i mig zam zim du bltas te/ sna'i rtse mo la blta bar dmigs par

  161. 81a

    nye bar bzhag na/ sems gzhan du mi g.yeng zhes bya ba'i tha tshig go /rnam par rtog pa spong zhes bya ba ni gang la dmigs pa'i ting nge 'dzin gyi yul las sems gzhan du ma 'phros par bzhag pa'i don to/ /nam zhig bskyod kyang rnam par mi g.yo ba zhes bya ba ni rnal 'byor pa sems mnyam par bzhag pa de goms pa'i shugs kyis sgra la sogs pa'i rkyen ci byung yang gang la dmigs pa'i ting nge 'dzin las mi g.yo ba'o/ /de tsha dmigs la gnas pa thob pa ste zhes bya ba ni ting nge 'dzin gyi ming de skad ces gdags pa thob ces bya ba'i tha tshig go /sems ni las su rung par gyur pa des zhes bya ba ni de nas bsnyen pa la 'jug pa'i las byar rung ba'i don to/ /rtse gcig sems dang ldan pa zhes bya ba la sogs pas ni bsam gtan thob pa'i phan yon bstan to/ /de che bzlas brjod thogs pa med par 'gyur zhes bya ba ni sems las su rung ba'i bzlas brjod rnams bsnyen pa'i grangs su tshud de/ dngos grub kyi don la chud mi za zhes bya ba'i tha tshig go /gzhan ni go bar zad do/ /bcom ldan rgyal ba'i dbang po yis zhes bya ba ni lung shin tu dag pa las khungs phyung ba'o/ /chos 'di kun zhes bya ba ni kun nas nyon mongs pa dang rnam par byang ba thams cad do/ /rtsa ba sems zhes gsungs zhes bya ba ni khams gsum pa'i sems dang sems las byung ba ste/ de'i rang bzhin ngo bo nyid gsum po kun brtags pa dang/ gzhan gyi dbang dang/ yongs su grub pa ste/ der chos thams cad kyi de kho na 'dus pa'i phyir/ des chos lha mi'i bde ba zhes bya ba ni de dag gis longs spyad pa'o/ /mtho ris zhes bya ba ni 'gro ba'i ris kyis mtho ba'o/ /byang grol zhes bya ba ni phyogs gcig pa'i mya ngan las 'das pa'o/ /sems rab tu dang zhes bya ba ni sgrib pa rnam pa gnyis spangs pas gnas gyur zhes bya ba'i tha tshig go /sa chu me rlung dang bral zhes bya ba ni chos kyi sku'i ngo bo nyid thob pa'i phyir ro/

  162. 81b

    skye ba dang rgas pa dang 'chi ba dang bral zhes bya ba ni de la dbang thob pa'i don to/ /sogs pa zhes bya nas ni na ba dang yang bral bar bstan to/ /thog ma dang bar dang tha mar gnod pa kun dang bral ba zhes bya ba ni chos kyi dbyings la gnas pa de dus gsum las 'das pa'i phyir ro rnam par grol ba zhes bya ba ni khams gsum pa'i 'ching ba'i rgyud bcad pa'i don to/ /bde zhing zhi bar thob par 'gyur zhes bya ba ni mi gnas pa'i mya ngan las 'das pa thob pa ste ji skad du thabs chen rnams dang ldan pa la/ /nyon mongs byang chub yan lag 'gyur/ /'khor ba'ang zhi ba'i bdag nyid de/ /de phyir de bzhin gshegs bsam yas zhes bshad pa'i phyir ro/ /gsang sngags dngos grub kun dang thun mong pa zhes bya ba ni 'jig rten pa dang 'jig rten las 'das pa gnyis kas sgrub tu rung ba'i don to/ / bde ba chung zhing zhes bya ba ni mya ngan las 'das pa las ltos na mi bde bar 'gyur te/ rig pa mchog gi rgyud chen po las/ ji skad du mya ngan las 'das pa bde ba'i mchog ces gsungs pa'i phyir ro/ /sdug bsngal zhes bya ba ni 'gyur ba dang/ /'du byed kyi sdug bsngal dang ma bral ba'i don to/ /brgyad zhes bya ba ni mang por mtshon pa'i tha tshig go /'brel pa zhes bya ba ni lta 'og nas 'byung ba'i skyon de dag dngos grub thob pa'i rig sngags 'chang dang ma bral ba'i don to/ /nyon mongs dug bcas zhes bya ba ni de nyid na 'dod chags dang zhe sdang dang gti mug gi tha ba ma spangs pa'i phyir ro/ /rnam par 'jig 'gyur ba zhes bya ba ni ther zug ma yin par bstan te/ don de nyid rdo rje gtsug tor gyi rgyud las kyang/ bde ba dang ni sdug bsngal mdza' / 'dod dang khro dang 'jigs pa dang/ nad dang 'chi dang gdon dag gis/ /rgyu ni sngags pa rnams la yod ces ji skad gsungs pa lta bu'o/ /'dir dngos grub kyi 'bras bu smras pa yang/ de nyid la zhen pa'i blo spangs pas thar pa la sems gzhol bar 'gyur ba'i phyir ro/ /dad ba'i sems kyi thob par

  163. 82a

    'gyur ba yin zhes bya ba ni thar pa 'dod pa 'ba' zhig gi bsam gtan la brten par bya bar mi zad kyis/ dngos grub 'dod pas kyang de mi bsgom du mi rung bar bstan to/ /yang rgyud de nyid las ji skad du/ gsang sngags bsam gtan zhes bya ba mchog tu gsang ba yang dag gsungs/ /drang srong dka' thub chen po yang/ /de dag med na mi grub po zhes ji skad gsungs pa lta bu'o/ /'dod rgyal zhes bya ba ni gnam babs su smra ba'o/ /de las kyang ma byung zhes bya ba ni skyes bu'i byed pa 'bras bu dang bcas par mthong ba'i phyir ro/ /dus zhes bya ba ni ji skad du/ dus ni 'byung ba rnam smin byed/ /dus ni skye dgu rnam 'jig byed/ /dus ni gnyid log rnams sang byed/ /dus ni 'da' bar dka' ba yin zhes smra ba'o/ /de las min zhes bya ba ni chos thams cad kyi skye ba'i rgyu ma yin te/ rjes su 'gro ba dang ldog par mi dmigs pa'i phyir/ nam mkha' me tog bzhin no/ /rang bzhin zhes bya ba ni grangs can rnams kyis brtags te/ chos thams cad kyi rgyur gyur pa'i snying stobs dang rdul dang/ mun pa'i ngo bo nyid gcig bu rtag pa khyab pa zhig dmigs pa'o/ /de yang ma yin zhes bya bar sbyar te/ de nam mkha' ltar rtag pa khyab pa zhig na ni 'gyur du mi btub pas chos gang la yang rgyu'i bya ba byed mi srid do/ /'gyur ba zhig na ni bdag nyid thams cad kyis sam phyogs gcig gis gal te bdag nyid thams cad kyis na ni rang bzhin chad par 'gyur ro 'on te phyogs gcig gis na ni mi rtag pa nyid du thal bar 'gyur ro/ /dbang phyug ces bya ba ni phra zhing bsam gyis mi khyab rab tu srab byed kun rig thams cad byed/ /rnal 'byor goms pas thob pa'i blo can bsam gtan pa yi bsam gtan yum/ /nyi ma zla ba sa chu me rlung phyogs dang nam mkha' i lus can te/ /zhi ba'i bde dga' 'grub par 'dod pa rnams kyi dbang phyug rtag tu bsgom zhes smra ba'o/ /ma yin zhes bya ba ni dbang phyug kyang phra ma yin te/ sa la sogs pa'i lus can yin pa'i phyir/ sa

  164. 82b

    la sogs pa lta bu kho na'o/ /gcig la phan tshun 'gal ba'i ngo bo nyid kyang rung ba ma yin la/ du me'i bdag nyid kyang ma yin pas 'di sa la sogs pa'i lus can nyid du yang mi srid do/ /rab tu srab mor byed pa yang ma yin te/ skye ba'i lus can yin pa'i phyir skyes bu lta bu kho na'o/ /kun rig pa yang ma yin te rab tu sra ba mor byed pa'i phyir/ grol ba'i bdag bzhin no/ /thams cad byed pa yang ma yin te/ phra ba'i phyir rdul phra rab bzhin no/ /rtog pa yang ma yin te/ sa la sogs pa'i lus can yin pa'i phyir ro/ /chos thams cad kyi rgyu yang ma yin te/ cig car mi skyed pa'i phyir rdza mkhan bzhin no/ /gzugs la sogs pa bskyad pa yang ma yin te/ dngos po yin pa'i phyir dbang phyug bzhin no/ /thams cad byed pa yang ma yin te/ bdag med pa'i phyir bum pa bzhin no/ /bdag yod na ni skyes bu bcings pa bzhin du dbang phyug ma yin pa nyid du thar mar 'gyur ro/ /rgyu med pa can zhes bya ba ni/ ji skad pad+ma'i sdong bu lo ma snying po dang/ /kha dog dbyibs dang 'jam la sogs pa'i rgyun ni gang/ /bya'i 'dab gshog sna tshogs ri mor 'bri ba su/ /'gro ba 'di dag ngo bo nyid kyis de bzhin nges zhes smra ba ste/ /de'i phyogs gcig pa ni 'jig rten nyid kyis gsal bar zad pas cung zad kyang mi brjod do/ /skyes bu zhes bya ba dang bdag ces bya ba dang/ shes pu zhes bya ba la sogs pas ni bdag tu lta ba rnams kyis ming tha dad par brtags pa ste/ ma byas bya ba'i gtan tshigs ni bshad ma thag pa rnams so/ /las zhes bya ba ni/ dge ba dang mi dgos dang mi g.yo ba'o/ /nyon mongs pa zhes bya ba ni ma rig pa la sogs pa'o/ /sems can byung zhes bya ba ni 'khor ba lugs bzhin du byung ba'i rgyu nges par de gnyis yin par bstan to/ /gzugs zhes bya ba ni las dang nyon mongs pas/ bskyed pa'i reg pa dang/ yul brtags pas gzugs su rung ba'o/ /'byung ba chen po bzhi dang ldan zhes bya ba ni gzugs de yang sa dang me dang chu dang rlung gi rang bzhin las gzhan ma yin pa'i don to/ /de ni bdag min zhes bya ba ni gzugs de la mu stegs

  165. 83a

    can gyis brtags pa'i bdag med do/ /zhes bya ba'i tha tshig go /bdag kyang gzugs ma yin zhes bya ba ni bdag kyang ces bya ba kun brtags pa de gzugs kyi ngo bo nyid dam/ gzugs dang ldan par yang yod pa ma yin pa'i don to/ /gzugs la bdag med ces bya ba ni 'byung ba'i ngo bos so sor bshig gam/ 'dus pa la yang bdag med ces bya ba'i tha tshig go /bdag la gzugs med ces bya ba ni brtags pa'i ngo bo de la gzugs kyi rdzas med pa'i don to/ /gzugs ni stong pa'o/ /zhes bya ba ni de ltar gzugs kyi grub pa'i mdza' ni rdul ba rab dag yin la/ de nyid kyang phyogs chas so sor bshig na/ tha ma med par grub pas don dam par gzugs kyang gzugs kyi rang bzhin gyis stong zhes bya ba'i tha tshig go /phung po bzhi'ang rig par gyis zhes bya ba ni gzugs la ji ltar rnam pa bzhir phye ste brtags nas/ bdag yod par ma gyur cing stong pa ltar phung po lhag ma rnams la yang go bar bya ba'i don to/ /gzugs ni dbu ba dag dang 'dra ba ste zhes bya ba la sogs pas ni dpe brjod pa ste ji skad du gzugs ni dbu brdos pa 'dra/ /tshor ba chu'i chu bur bzhin/ /'du shes smig rgyu lta bu ste/ /'du byad rnams ni chu shing 'dra/ /rnam shes rgyu ma lta bu'o zhes nyi ma'i gnyen gyis bka' stsal to zhes bshad pa lta bu'o/ /de ltar mthong ba bzang po yin zhes bya ba ni 'di bas chos thams cad don dam par stong pa nyid du bshad la kun rdzob tu ni sgyu ma lta bur rang snang bar rtogs pas dbu ma'i lam ma nor bar bstan pa'i phyir ro/ /gang zhig gzhan gyur de ni lha ngan gsungs zhes bya ba ni phyi rol pa la sogs pas bden pa gnyis kyi don ma rtogs pa dang/ log par rtogs pa'i phyir ro/ / sems dang ba dang ma dad pa'i skabs nas 'phros te zhar las 'ongs pa bshad nas dkyus cha 'jug pa ni dad pa'i yid kyis dngos grub thob par 'gyur zhes bya ba dang 'dir 'brel te/ de ltar zlos pa'i gsang sngags nye gyur na/ mtshan mo nyal ba'i rmi

  166. 83b

    lam 'di rnams mthong zhes bya ba la sogs pa gsungs pas sgrub pa'i dus la babs par shes par bya ste/ tshig gi don gzhan ni go sma bas ma phye'o/ /tho rang khar zhes bya ba ni lta 'og thams cad la sbyar ro/ /de yang srong la ni bad kan gyi dus la bab pas lci/ 'jing dang nam gung la ni mkhris pa'i dus la babs pa'i rmugs te mi bsal bas ltas rnams rtogs par mi 'gyur gyi/ tho rangs ni rlung gi dus la bab pas gsal te rtogs pa'i don to/ /don de nyid phyag na rdo rje dbang bskur ba'i rgyud chen po las kyang ji skad du/ nam gyi bzhi cha lus pa'i tshe/ /gal te rmi lam bzang rmis na zhes gsungs pa'i phyir ro/ /le'u lnga pa'i don bshad zin to// //dngos grub dang nye ba zhes bya ba ni gsang sngags mngon du phyogs pa la bsnyen pa khyad par can gyis lha mnyes nas snga ma bas kyang dngos grub thob pa'i dang nye ba'i don to/ /zlos la dga' zhes bya ba'i la sogs pas ni lha nye bar gyur nas lus dang ngag dang yid kyi yon tan rnams 'byung bar bstan te/ tshig gi don gzhan ni go bar zad do/ /bud med ces bya ba ni lha dang lha ma yin gyis bu mo byad gzugs khyad par can rnams/ /'dod lha zhes bya ba ni lha dang lha ma yin byad gzugs khyad par can rnams so/ /mdangs 'phrog ces bya ba ni de dag gcig la gcig mthong ba tsam gyi rang dbang med par 'dod chags skye ba ste/ lha'i bu mo de dag gzhan gyis mi mthong bar bya ba'i phyir gsang sngags dang sman gyis bsgrubs te/ lus sbas pa rnams so/ /'dod la longs spyad phyir ni 'bod par 'gyur zhes bya ba ni sgrub pa po sgo gsum dag pas/ lha'i bu mo lus sbas pa de dag kyang mngon gsum du mthong zhing de dag gis kyang nye bar spyod pa rnams kyis mchod ces bya ba'i tha tshig go /lus ni dri med dag par rig pa dang zhes bya ba ni mtshan ma de dag byung na/ dngos grub grub dang 'gal ba'i skyon med par khong du chud par bya ba'i don to/ /gso sbyong sdom pa dang ni ldan pa yis zhes bya ba ni de nas nyes

  167. 84a

    pa thams cad bshags la rang gi lha'i gzugs kyi spyan sngar byang chub kyi sdom pa gnod ces bya ba'i tha tshig go /nyin zhag gcig gam gnyis sam gsum du ni/ kha zas spangs shing smyung bar gnas pa yin zhes bya ba ni dngos grub rab la sogs pa rnams gsum gyi don du zhag grangs ma bsnyung du smra ba? bya bar bstan to/ /gzhan dag na re sgrub pa po nyid kyi nyams che chung las byung ba na rnam pa gsum du gsungs so zhe'o/ /rang gi 'byor pa zhes bya ba ni nam mkha' la 'gro ba la sogs te mngon pa mgo ba'i dpal thob par 'gyur ro/ /gzhan ni go bar zad do/ /de ltar yan lag thams cad 'dus pa dang zhes bya ba ni bshad ma thag pa'i ming gtsang ba rnams so/ /sa chu me rlung nam mkha' rnams dang ldan zhes bya ba ni de nyid kyang khams lnga'i rang bzhin yin par bstan to/ /ji bzhin las kyi rjes 'brangs mi lus zhes bya ba ni sngon gyi las bzang ngan gyi dbang grub pa/ thams cad ldan zhes bya ba ni nad grol la sogs pa dang 'brel bar bstan to/ /mi yi gzugs la gnas pa yis/ /bshang gci snabs dang mchil ma bad kan dang zhes bya ba ni bu gang gu nas 'dzag pa rnams so/ /'di dag zad par bya phyir smyung ba gsungs zhes bya ba ni nang grol dang/ mig gtsang ba dang ldan pa'i lus de thams cad du spang du mi rung gis kyang btsog pa de dag chud zhing nyung bar bya ba'i don to/ /dri ma zad nas zhes bya ba ni chung zhing nyung ba'o/ /mi'i lus dag na sgrub bde bar 'jug ces bya ba ni lus ngag ste dri ma med na dngos grub kyi snod du rung zhes bya ba'i don to/ /'dod chags ni gdungs par gyur na yang zhes bya ba la sogs pas ni gong du gnyen po bshad pa'i skabs nas/ 'dod chags shas che mi gtsang sha tshil dang/ /pags pa keng rus blta bas rnam par bzlog ces gsungs pa der mi gtsang ba gang dang gang yin pa phye ste/ ma bshad pa yang 'dis zhar la bstan to/ /ye shes kyi mig ces bya ba ni blo ma 'khrul ba'i shes rab kyis

  168. 84b

    brtags pa'o/ /'dod chags rtsad nas yod ye zhi gyur te zhes bya ba ni mi sdug ba'i ting nge 'dzin gyis sun phyung ba'i phyir ro/ /dper na nyi mas mun nag gtan nas bsal ba bzhin zhes bya ba ni rnam par thar ba'i ting nge 'dzin gyi mthus nyon mongs pa zil gyi mnan nas spangs pa'i don to/ / phan yon de yis zhes bya ba ni rnam par thar pa'i ting nge 'dzin la brten pas zhes bya ba'i tha tshig go /gsang sngags des bsnyen nas zhes bya ba ni sngar nyon mongs pa gang dang gang byung ba'i gnyen po bsgoms nas/ de'i 'og tu bsnyen pa la 'jug par bstan to/ /rang gi lus la nye bar rig pa dang zhes bya ba ni ji skad du gsungs pa'i lus dang ngag dang yid kyi yon tan gyis bdag nyid la yid ches pa dang/ de bzhin du phyi rol gyi yon tan yang/ gang tshe mkha' las lha dang gnod sbyin dang/ /dri za lha yi bu mo'i lus dang sgra/ /mis ni dag pa'i yid kyis mthong thos na/ /de tshe shin tu nye bar 'gyur ba yin zhes bya ba dag byung zhes bya ba'i tha tshig go /yar gyi tshes brgyad dam ni bcu bzhi 'am yang na bco lnga la ni zhes bya ba ni cho ga de dag la sgrub par bstan to/ /bzlas brjod bya zhes bya ba ni sgrub pa'i nub mo mtshan rangs par bzlas pa la dgongs pa'i don to/ /sa bstar ba zhes bya ba ni sgrub pa'i dkyil 'khor gyi sa'o/ /sogs pa zhes bya ba ni der spos gtsang ma sna tshogs kyis bsres pa'i don to/ /byugs ces bya ba ni nub mo sgrub na de'i nang par nas bsku bar bstan to/ /rdo rje zhes 'dzin pa de la mchod ces bya bas ni de'i shugs kyis pad+ma 'dzin pa la yang go bar bya'o/ /gzhan ni brda phrad pa gnad do/ /tshon rtsi rnams kyis bri par bya zhes bya ba ni so so'i cho ga zhib mo dag las sna lnga 'am gsum mam sna ba cig gis bri bar gsungs pa'o/ /rdo rje zhes bya ba ni rab tu grub par byed pa'i rgyud chen po las ji skad du/ rdo rje'i babs bsngags pa'i lcags kyi phye mas rab zhes gsungs so/ /me dang chu dang rlung zhes bya ba ni phyag na rdo rje dbang bskur ba'i rgyud chen po las/ rtsa me dang chu dang tha lab la lan bdun bsngags pas ra bar 'gyur ro zhes

  169. 85a

    gsungs pa'o/ /mdung thung zhes bya ba ni mdung thung gi rtse mo phyi rol tu bstan pa sha stag bri ba'i don to/ /rim bzhin dkyil 'khor 'dir ni bri bar bya zhes bya ba ni dang por lcags phye las rdo rje'i ra ba bri ba ni phyi rim du bri la/ mdung thung ni nang du bri ba'i don to/ /sdang ba'i bdag nyid sems ni myos par 'gyur zhes bya ba ni dkyil 'khor de bris pa'i byin gyis brlabs kyis rdo rje dang me la sogs pa dngos kyi ra bar mthong bas rgol mi nus pa'i don to/ /bstan zhes bya ba ni rab tu grub par byed pa'i rgyud chen po las/ ji skad du/ dar sngon po'i rtsa bstan ni/ /'phang du sor bzhi bya ba ste/ /mnyam zhing zhar du mthong gang ba/ /srid du sor ni bcu drug go zhes gsungs pa nyid blta bar bya'o/ /bdag nyid bsrung bar bya ste zhes bya ba ni sa 'dzin tsam zhig smos kyi/ /dngos su ni rgyud de nyid las ji skad du/ bskrad pa dang ni 'og 'ching dang/ /steng yang bcing zhig khor yug tu/ /mtshams bcad phyogs kyang bcing bar bya/ /rdo rje'i ra ba dra bar bya/ /rdzas dang bdag dang lha rnams bsrung zhes gsungs pa dang sbyor ro/ /rdzas rnams myur du bzlas brjod bya ba nas ni/ zhes bya ba ni de nas sgrub pa'i rdzas lag tu blangs nas brgya rtsa brgyad tsam zhig bzlas brjod bya ba'i don to/ /gdug pa'i sbyin sreg stong bya zhes bya ba ni de'i 'og tu rdzas la mar gyis bdug pa'i sbyin sreg stong bya bar bstan to/ /de nas de ni dri chun bkrus nas su zhes bya ba ni sgrub pa'i rdzas de sbyin sreg gi dus su dri ma dang snum gyis 'bags pa'i phyir ro/ /bgegs mang rnams kyang rab tu bsal byas nas zhes bya ba yang rgyud de las/ gsang sngags dag gis phyi nang du/ /bgegs rnams thams cad bzlog par bya zhes gsungs so/ /gzhan ni go bar zad do/ /dbyig ces bya ba ni rin po che rna lnga'o/ /bstod dang bcas par zhes bya ba ni tshig tu lha de'i yon tan brjod pa'o/ /rtse gcig sems kyis zhes bya ba ni rang gi lha kho na la

  170. 85b

    dmigs pa las sems gzhan du ma yengs pa'o/ /dad pa zhes bya ba ni dang po nas lha de la dad ba'o/ /'bad pa zhes bya ba ni sgrub pa po dngos grub yod? pas sngar dka' ba sna tshogs spyad pa'o/ /rjes su mthun pa'i mchog bslad do zhes bya ba ni dang po nas dngos grub gang la dmigs pa de nyid gsol ba'i don to/ /gzhan ni go bar zad do/ /sems stobs mchog dang ldan pa zhes bya ba ni gcig tu dpa' ba' o/ /'jigs dang bcas pa'i las zhes bya ba ni nyen chen po yod pa'i don to/ /sha za? zhes bya ba ni dur khrod la dbang bsgyur ba'i gdon rnams so/ phung bar byed ces bya ba ni gsod pa'i don to/ gzhan ni go sla bas ma phye'o/ /ral gri be con lag na thogs pa yis/ /nyin par thog thag tu ni bsrung bar bya zhes bya ba ni sgrub pa po'i grogs po mchog gis byas pa'i don to/ gzhan ni go bar zad do/ /'jigs pa'i gzugs can bgegs ni sna tshogs 'byung zhes bya ba ni chos nyid kyis 'byung ste/ de la sgrub pa po ni bzlas brjod byed pa las mi bskyod par 'dug la grogs po mchog gis ni bgegs gzhom mo/ /gtsug tor rgyal po zhes bya ba ni de'i gsang sngags khyad par du mthu rlabs che ba'i phyir ro/ /'byed bar 'gyur zhes bya ba ni gsang sngags kyi gzi brjid la nye mi phod ces bya ba'i don to/ /khro bo bdud rtsi thab sbyor drag shul las can sbyar zhes bya'i mthu rlabs kyang snga ma dang 'dra ste/ gang la goms par bya bar bstan to/ /gang zhig gsang sngags cho ga zhib mo las mthong ba de ni dogs pa med par 'grub ces bya ba ni de dag las dngos grub gang gsungs pa thams cad 'grub ces bya ba'i tha tshig go /de yis gsang sngags cho ga mi shes na zhes bya ba ni rang gi cho ga zhib mo las las 'di mi 'byung na zhes bya ba'i don to/ /gsang sngags gzhan du bstan pa'i cho ga yis/ /de la rang gis dngos grub bslad zhes bya ba ni gzhan gyi cho ga zhib mo de'i dngos grub 'byung ba rnams bslangs na ster to/ /zhes bya ba'i tha tshig go /gtor gyi phyogs zhes bya ba la sogs pas ni de'i 'bras bu dngos grub rnams

  171. 86a

    bstan pa ste/ gter la sogs pa de dag gi mtshan nyid ni 'og nas 'chad pas 'dir ma phye'o/ /bsrung ba'i stobs med ces bya ba ni dus gsum byas shing ma lcogs pa'o/ /gsang sngags kyi stobs med ces bya ba ni lha nyid mthu zhan pa'o/ /dka' thub kyi stobs med ces bya ba ni dka' thub zhig pa'o/ /sems stobs med ces bya ba ni snga ma'o/ /blo zhan zhes bya ba ni dang blun pa'o/ /de ni mtshan mo rgyu ba rnams kyis bsad ces bya ba ni nyen chen po yod par bstan pa'i don to/ /le'u drug pa'i don bshad zin to// //'tshong 'dod ces bya ba ni sgrub pa po kha cig las de lta bu la dga' ba'o/ /mar gyi ngol zhes bya ba ni mar gyi ngo'i dus tshigs gang yang rung ba zhes bya ba'i tha tshig go /gzhan ni go bar zad do/ /mi nyung zhes bya ba ni srang brgya yan chad do/ /de yang skyes pa'i sha zhes grag go /tshig gi don gzhan ni go bar zad do/ /rab tu bsgrims nas zhes bya ba ni rang gi lha rjes dran pa dang/ mi skrag par 'bod pa'i don to/ /sgra cher 'bod cing zhes bya ba ni spa bkod pa'i tshig gi skad chen por 'bod pa'i tha tshig go /shar dang byang dang lho dang nub phyogs su zhes bya ba ni shar lho'i mtshams nas byang shar logs su 'gro bar bya'o de nas slar log ste shar lho'i mtshams nas lho nub kyi mtshams logs su 'gro bar bya'o/ /myur du zhes bya ba ni der le lo mi byed cing drag tu 'gro ba'i don to/ /skor zhing zhes bya bas ni de nas mdza' skor te dbus su mi 'gro zhes bya ba'i tha tshig go /shin tu brjod par bya zhes bya ba ni gong du smos pa'i tshig gi don brjod cing skabs skabs su mi smra bar nyan cing 'gro ba'i don to/ /sngar ni gang zhig sems kyis bsams pa'i don/ de nyid smra ba zhes bya ba ni dang po nas gang la rnam pa de dang tshong byas pa'i tha tshig go / gzhan du smra mi bya zhes bya ba ni sngar dngos po chung dur bsams la/ 'phral la khe mthong ste chen por mi btsong/ sngar dngos po chen po zhig bsams la der spa bkod nas chung ngur yang mi btsong zhes bya ba'i don to/ /de nyos pas cir bya zhe na/ nyo ba'i gsang sngags kyi lha

  172. 86b

    la yang rnam pa gnyis te/ 'jig rten las 'das pa'i khro bo la sogs pa dang/ 'jig rten gyi ma mo dag ni byin gyis brlabs dag las byung ba zhes bya ba ste/ de'i rin gyis phan 'dogs pa'i don du 'byung ngo/ /sha za'i rigs su skyes pa'i srin po la sogs pa'i rnam par smin pa'i gsang sngags zhes bya ste/ de nyid za ba'o/ /gzhan ni go bar zad do/ /gsang sngags ma bzlas pa yis bsten mi bya zhes bya ba ni sngar bsnyen pa ma rdzogs pa 'am/ ma rdzogs kyis kyang las 'di lta bu byos shig ces lha nyid kyi bka' lung med par mi bya ba'i don to// sogs pa zhes bya ba ni bdud rtsi thab sbyor ro/ /bsrung ba ngas gsungs so/ zhes bya ba ni gsang sngags de dag khyad par du mthu rlabs che ba'i phyir ro/ /gsang sngags drag po gang zhig sha za ba zhes bya ba ni srin po la sogs pa'o/ /me tog ma nyams pa zhes bya ba ni ma rnying pa'o/ /gzhan ni go bar zad do/ /tshes grangs dag la zhes bya ba ni mar gyi ngo bo'i dus tshigs so/ /grub pa 'di rnams ster ces bya ba ni dngos grub kyi rnam grangs so/ /yid bzhin rin chen bzhin du grub pa mchog ces bya ba ni gang bsams pa'i don thams cad sgrub par byed ces bya ba'i tha tshig go /grub 'bring zhes bya ba ni sdig pa lta dgos pa'i nyen dag yod pa'i phyir ro/ /grub pa tha ma zhes bya ba ni nyon mongs pa'i 'dam du byid zhing phrag dog la sogs pa'i nyen chen po yod pa'i don to/ /dus gsum du zhes bya ba ni snga dro dang gung dang rgongs ka'o/ / gtor ma sna tshogs pa zhes bya ba ni rab tu grub par byed pa'i rgyud chen po las blta bar bya ste/ 'dir yi ge mangs su dogs pas ma spros so/ /rtag tu mtshan mo sbyin par bya zhes bya ba ni dngos grub thob kyi bar du nub mo'i dus gcig du lan re gtor ma sbyin pa'i don to/ / dga' nas zhes bya ba ni bsnyen pas mgu zhes bya ba'i tha tshig go /mngon du phyogs pa zhes bya ba ni bsnyen pa byas pa'i dbang gis dngos grub thob par nges pa'o/ /rnyed pa rnyed cing zhes bya ba ni nor rdzas 'du ba'i don to/ /sa bon 'byung bar byed ces bya ba ni khu ba rlug pa'o/ /'dod

  173. 87a

    chags zil gyis non pa'i bud med dag ces bya ba ni gnod sbyin mo mi gzugs las khyad par du 'phags pa lha'i bu mo'i gzugs dang 'dra ba de mthong bas rang dbang med par 'dod chags kyis myos nas sgrub pa gzhan mi dran par 'gyur ba'i phyir ro/ / gnod pa byed pa nges par gnas par 'gyur zhes bya ba ni sgrub pa pos dngos grub mi thob par bya ba'i don to/ /rtsed 'jol sogs pas bsten cing sems g.yeng bar byed ces bya ba'i tha tshig go /gnod pa byed tshe 'gro bar mi bya zhing zhes bya ba ni de dag gis bros pa'i dus su bslur mi btub pa'o/ /rnyed pa mang nyung la yang 'dod mi bskyed ces bya ba ni de'i dus su ci snyed na yang mi bslad ba dang gzhan la btang ba'i don to/ /mtshan mo khu ba dgag byas nas zhes bya ba ni rab tu grub par byed pa'i rgyud chen po las/ ji skad du/ bu mos bkal ba'i skud pa ni// leb rgan rtsi 'am gur gum btsos/ /de ni bzlas brjod stong byas shing/ /mdud pa dag ni bdun por la/ /srod la rig sngags 'di yin ni/ /bdag gi rked par bcing bar bya zhes gsungs pa nyid 'dri sbyar ro/ /brtson 'grus rab tu bskyed de bsgrub par bya zhes bya ba ni bgegs kyis bslus pa'i dbang du mi gtad/ /'di dag ni dngos grub dang nye ba'i mtshan ma'o/ /zhes ya ya bo'i dga' ba bskyed par yang mi bya bar sngon pas kyang shin tu brtson 'grus bskyed de sgrub pa'i don to/ /sems rmongs pa zhes bya ba'i sgrub pa po blun po kha cig go /gzhan du brtsams nas zhes bya ba ni 'dod chags las zhen pa'i dbang gis bgegs kyis brongs pa'i tshe bslur btub pa dang/ /nor rdzas dag blangs pa dang/ brtson grus lhod pas sgrub pa rnams so/ /phung bar 'gyur zhes bya ba ni srog dang bral bar byed pa'i phyir ro/ /sha za'i gnod sbyin mo la'ang de nyid de ces bya ba ni cho ga'i spubs gong ma dang 'dra bar bstan to/ /cho ga lhag ma 'di rnams bya zhes bya ba ni snga ma las ma bshad pa'o/ /gzhan ni go bar zad do/ /gos kyang sngon zhes bya ba ni sgrub pa po rang bgo ba'o/ /brang gis 'gro ba zhes bya ba ni klu rnams kyi

  174. 87b

    rang bzhin gyi gzugs sprul yin pa'i phyir ro/ /rtag tu 'byung zhes bya ba ni rdzas de rnams pra se na ston pa'i gzhi yin te/ snang du btub ces bya ba'i tha tshig go /mtho ris zhes bya ba ni lha yul ba rnams so/ /sa stengs zhes bya ba ni mi rnams so/ /de'i shugs kyis ngan song dag kyang rtogs par khong du chud par bya'o/ /dus dang mi ldan pa zhes bya ba ni dus gsum las 'das pa 'phags pa dgra bcom pa la sogs pa yang rtogs par 'gyur ba'i don to/ /gzhan ni go bar zad do/ /sngon du cho ga bzhin bzlas shing zhes bya ba ni so so'i cho ga zhib mo dag las bsnyen pa'i grangs nges par gsungs pa'o/ /tshes grangs bzang la zhes bya ba ni yar gyi ngo'i dus tshig rnams so/ /smyung ba zhes bya ba ni zhag gcig gi mdun nas kha zas spang bar bstan to/ /rgongs kar zhes bya ba ni smyung ba byas pa'i phye 'phred do// byis pa bzhon nu zhes bya ba ni lo bcu drug lon pa man chad do/ /sta gon gnas par bya ba ni byis pa de dag kyang smyung ba byed du bcug la 'di dag gis mthong bar gyur cig ces lha la gsol ba btab ste de rnams bsrung bar byas nas me tog dang spos dag kyang bdag gis lag dar de byin nas sa gtsang mar gos sar pa bskon te/ bsnyal ba'i don to/ /khrus byas zhes bya ba ni sgrub pa po dang bus pa gnyis ka'o/ /shar phyogs kha bltas ku sha'i stan steng du 'dug nas zhes bya ba ni sgrub pa po nyid do/ /gsang sngags rjes su dran par bya ba zhes bya ba ni lha'i ting nge 'dzin la gnas las brtsam par bstan to/ /thal ba gtsang ma zhes bya ba ni sbyin sreg bya ba'i thal ba'o/ /tse gcig sems kyis gsang sngags bzlos bzhin du zhes bya ba ni bdag nyid lha'i ting nge 'dzin du ji lta ba bzhin bsgoms pa las ma nyams pas gzhi gang yin pa la lha spyan drangs te mchod nas dngos po gang blta bar bya ba yang ston ces bskul zhing bzlas brjod bya bar bstan to/ /nub tu kha bstan ces bya ba ni sgrub pa po kha blta dgos pa'i phyir te bar gnya' shing

  175. 88a

    gang lhag tsam gyis bcad nas ltar gzhug go /lha yi mig gis zhes bya ba ni sbyin sreg byas pa'i thal bas sor mo la bskus te/ gsang sngags dag kyang bzlas nas/ lha'i mig tu byin gyis brlab tu gsol zhes bskul tshig bcug nas/ byis pa'i mig la bsku ba'i don to/ /bltas na zhes bya ba ni nyi ma shar ba nas dros chen gyi bar du ltar gzhug pa'i tha tshig go /mthong bar gyur zhes pa ni dngos po rnams gzugs su mthong ba'am yi ge'i 'bras bus kyang brda spros par byed do/ kha cig na re gzhi bsnyen na sgrar yang grags ce'i/ gzhan ni go bar zad do/ /gal te yid ches par ni ma gyur na zhes bya ba ni pra se nas gtan la ma phebs su dogs na zhes bya ba'i tha tshig go /rig sngags mi sdug ces bya ba ni rig sngags kyi lha la yang rnam pa gnyis te/ sangs rgyas dang byang chub sems dpa' dag ni ye shes las byung ba'o/ /dbang phyug la sogs pa ni rnam par smin pas bskyed pa'o/ /de bzhin du de dag gi byin gyis brlabs pas 'khor ba'i mdza' ji tsam par sems can gyi don mdzad pa khro bo 'jigs pa'i me la sogs pa dang/ 'jig rten pa'i yang bskal pa'i mthar thugs par ma mo la sogs pa drag cing gdug par byin gyis brlabs pa dag yod de/ de dag phab na bus pa 'chi ba'i nyen yod pas de lta bu ma yin pa'i gsang sngags mi sdug pa bzlas par bstan to/ /nga yi gsang sngags zhes bya ba ni skabs 'dir rdo rje'i rigs kyi shas cher gsungs pa'i tha tshig go /dag pa zhes bya ba ni yi ge lhag chad med pa'o/ /gang yang rung zhes bya ba ni sgrib pa po nyid gang la dad pa'o/ /gso sbyong byas pas nan tan bzung nas su zhes bya ba ni rang gi lha mnyes par bya ba'i don yin pas/ lha gzung ba yang rang gi la bzod par gsol yang mi dgos/ bla mas nod kyang mi dgos par rang gis gso sbyong byas nas gzung bar bstan to/ /rgyal ba'i ring bsrel zhes bya ba la sogs pas ni de'i bsnyen pa'i gnas bstan to/ /g.yo ba zhes bya ba ni yul so sor 'jug pa'o/ /rab tu bsdams nas

  176. 88b

    zhes bya ba ni so sor dag par bstan to/ /de la yid gzhol ba zhes bya ba ni lha'i de kho na la sems gtod cing/ bzlas brjod yan lag dang ldan par byed pa'i/ /byams la gnas shing zhes bya ba ni dang por byams pa'i ting nge 'dzin bsgoms la de'i rjes la lha'i sbyor ba bya bar bstan te/ de ni bsod nams 'phel bas bgegs kyis mi tshugs par 'gyur ro/ /ku sha'i khres la 'dug ces bya ba ni de'i dka' thub kyi stan bstan pa ste/ dbyibs dang tshad dang sogs pas ni sngar bshad pa dang mthun par rig par bya'o/ /ji srid du ni rtse gcig gnas gyur pa zhes bya ba ni sems bzlas brjod la zhen te/ gzhan du mi g.yo bar gyur pa'i don to/ /de srid du ni 'bum mam nyis 'bum bzlas shes bya ba'i sems kyis gdengs las dpag par bya ba'i tha tshig go /hUM zhes bya ba ni gsang sngags gang yang rung ba'i glad la spel ba'i don to/ /shing la'ang 'bab na mi la smos ci dgos zhes bya ba ni spyir gsang sngags mthu che bar rjes su bsngags pa'o/ /snod ces bya ba ni byis pa yon tan dang ldan pa la lha dbab pa'i skal ba yod pas snod du rung zhes bya ba'i don to/ /tshig gyi don ni go sla bas ma phye'o/ / tshes grangs bzang la zhes bya ba ni ngo gnyis kyi dus tshigs rnams so/ /smyung ba byas pa zhes bya ba ni rig sngags 'chad nyid dang byis pa rnams so/ /khrus byas gos dkar bskon zhes bya ba ni 'bebs pa nyid kyi snga dro shar phyogs kha bstan rgyan ni rnam par spangs zhes bya ba yang bus pa rnams te de dag 'dab ma phrad par bkod la/ gnya' ba la dbab par bya ba'i gsang sngags spyan drangs te mchod nas khong du zhugs par bsam mo/ /bdug pas bdug cing zhes bya ba ni gu gul gyis bdug pas so/ /rdzogs par gyur par shes par bya zhes bya ba ni lta zhugs pa'i mtshan ma lus zhes bya ba'i don to/ /'jig pa med pa zhes bya ba ni ma babs su dogs pa med ces bya ba'i tha tshig go /rig pa mchog gi gsang sngags dran byas nas zhes bya ba ni der bgegs gzhan mi 'jug par bya ba'i don du bsrung ba gsungs so/ /gzhan ni go bar zad do/ /gang zhig

  177. 89a

    blun pas gzhan du brtsams nas ni/ /de ni mi rnams kun gyis dpyas par 'gyur zhes bya ba ni lha gdug pa phab pas byis pa thal byung khyer ba dang bsnyen pa gus par ma byas shing/ cho ga ma smin pas ma 'phebs na dpyas su 'gyur ba'i phyir ro/ /gzhan ni go bar zad do/ /drag pos sbyin sreg nyi shu rtsa gcig bya zhes bya ba ni drag po'i thab tu me khro bo gnyer la skrad pa'i skul tshig bcug nas drag po'i las bya bar bstan to/ /snga ma bzhin zhes bya ba la sogs pas ni gong du smos pa'i cho ga rnams las ma gsal bar byas pa'i phan yon brjod pa'o/ /sngags pa yun rings nyon mongs mi 'gyur ro/ /zhes bya ba ni yon tan dang skyon lha nyid las lung thob phyir ro/ /le'u bdun pa'i don bshad zin to// //sangs rgyas kyis gsungs zhes bya ba ni mi slu ba'i khungs te lung shin tu dag par yin par bstan to/ yan lag brgyad ces bya ba ni lam de'i rang bzhin gyi rnam grangs so/ /lam zhes bya ba ni rnal 'byor pa rnams kyis bgrod par bya ba sgrub pa'i gzhi yin pa'i phyir ro/ /yang dag pa'i 'tsho ba zhes bya ba ni tshul mchos pa dang gzhogs slongs la sogs pa logs pas 'tsho ba'i nyes pa spangs shing yongs su dag pa'i lus dang ngag gi las kun du spyad pa'o/ /yang dag pa'i las kyis mdza' zhes bya ba ni srog gcod pa la sogs pa'i nyes pa spangs shing lus kyi las yongs su dag pa'o/ /yang dag pa'i ting nge 'dzin zhes bya ba ni gong nas gong du yon tan gyi khyad par rnams mngon par bsgrub pa'i phyir rtag tu mnyam par bzhag pa'o/ /yang dag pa'i dag ces bya ba ni gzhan dag la gdams ngag ma nor bar 'chad cing brdzun pa la sogs pa'i nyes pa spong ba'o/ /yang dag pa'i rtsol ba zhes bya ba ni nyes thams cad spong ba la mngon par spro ba'o/ /yang dag pa'i rtog pa zhes bya ba ni/ des ji ltar rtogs pa'i don rnam par bzhag nas gdon pa'o/ /yang dag pa'i dran pa zhes bya ba ni de nyid mi brjed pa'o/ /yang dag pa'i lta ba zhes bya ba ni de kho na nyid kyi don la ma nor ba'i rang bzhin du 'dzin pa'o/ /'dir

  178. 89b

    go rims 'khrugs pa ni tshigs su bcad pa sbyar ba la bde ba'i phyir ro/ /so sor yang dag bsten par bya zhes bya ba ni lam gyi yan lag re re la yang gus pas bsten par bstan to/ /yang na so so'i skye bo dong 'phags pa nyan thos dang/ rang byang chub dang/ byang chub sems dpa' rnams kyi so so'i rgyu'i stobs kyis 'jug ces bya ba'i tha tshig go /lam 'di rnams kyis zhes bya ba ni bshad ma thag pa'i yan lag brgyad pa'o/ /gsang sngags dngos grub cing/ de bzhin 'dis ni mtho ris zhes bya bas ni so so'i skye bo mngon par mtho bar 'dod pa rnams kyis bgrod dogs par bstan to/ /thar pa thob ces bya ba ni nyan thos dang rang byang chub kyis 'bras bu 'dod pas 'phags pa'i lam bgrod dgos par bstan to/ /rgyal sras zhes bya ba ni byang chub sems dpa' rnams so/ /sngon gyi rgyal ba zhes bya ba ni 'das pa'i sangs rgyas rnams so/ /de bzhin gshegs par 'gyur zhes bya ba ni ma byon pa'i sangs rgyas rnams 'byung ba'i lam srol yang 'di nyid yin par gsungs pa'i don to/ /ngoms med sems kyi zhes bya ba ni go 'phang khyad par can 'dod pa rnams kyis bgrod pa de nges par bsgrub dgos pa'i phyir/ bden pa'i lam dmigs na zhes pa ni mi slu ba'i gzhi de la nges par gzung ste yid bstan na zhes bya ba'i don to/ /dge ba'i las de yang dag bskyed pa yin zhes bya ba ni de'i phan yon gyis so so'i 'bras bu thob par 'gyur ro zhes bya ba'i tha tshig go /yongs su 'dzin pa rnam par spangs nas zhes bya ba la sogs pas ni yang dag pa'i 'tsho ba rnam par phye ste bstan pa'o/ /stag ces bya ba ni srog 'phangs pa dang bral bar byed pas bsnyen du mi rung ba'i don to/ /sprul zhes bya ba ni gdug cing ma rungs pa nyid yin pas yid 'byung bar bya ba yin no/ /me zhes bya ba ni gdung bar byad pa nyid kyis sdug bsngal bskyed pa'i tha tshig go /'jig rten la bsams nas zhes bya ba ni dpe gong ma rnams dang 'jig rten pa'i 'dod pa'i yon tan mtshungs par dmigs par bstan pa ste/ ji skad du 'dod pa

  179. 90a

    rnams ni phud bskyed pa ste/ rgyal ba'i dbang pos kim? pa'i 'bras 'drar gsungs de dag spang bya de yi lcags sgrogs gis/ /'khor ba'i btsan rang 'jig rten 'di dag bcings/ /zhes bshad pa lta bu'o/ /spangs te zhes bya ba ni gnyen po bsgom pa'i dus su'o/ /bud med mtshan nyid ces bya ba la sogs pas ni yang dag pa'i dran pa mi mthun pa'i phyogs spang par bstan to/ /glang chen rta dang zhes bya ba la sogs pas ni yang dag pa'i rtsol ba'i mi mthun pa'i phyogs spang bar bstan to/ /yul sa'i gtam dang zhes bya ba la sogs pas ni yang dag pa'i ngag gi mi mthun pa'i phyogs spang par bstan te/ /bsti gnas zhes bya ba la sogs pas ni yang dag pa'i las kyis mdza' bstan te/ da la bsti gnas ni bsod nams 'dod pa dag gis lam gyis dub pa rnams bstan pa'i gnas bshams pa'o/ /sngar bshad pa'i gnas rnams ma rnyed na zhes bya ba'i ni gong du bro la brtan zhing 'jim pas zhal zhal byas zhes bya ba la sogs pa'i gnas sgrub pa po dbul pos mi nus na zhes bya ba'i don to/ /lha khang stong ba zhes bya ba la sogs pa la ni rig sngags 'chang dbul po rnams gnas de dag tu bsgrub par bstan to/ /yang na gnas ni nges par ma byas na zhes bya ba ni dang po nas gnas gar bde bder bsten par dam bcas pa'o/ /zla brgyad po zhes bya ba ni ston zla tha chungs nya nas dbyar zla 'bring po nya'i bar ro/ /gnas 'di gang yang rung ba gcig tu bsten zhes bya ba ni sgrub pa po dbul po ma yin pas kyang gnas gar ba de bder 'pho zhing bsnyen pa bya bar dam bcas nas ni 'phos pa'i nyes pa med ces bya ba'i tha tshig go /mtsho dang zhes bya ba la sogs pas ni/ /gang dang gang du gnas su rung ba'i rnam grangs bstan pa'o/ /dgun dpyad ces bya ba ni gang du smos pa'i zla ba brgyad po las bzhi bzhi'o/ /dbyar ni gcig tu gnas par bya'o zhes bya ba ni dbyar zla ba 'bring po nya nas ston zla 'bring po nya'i bar du zla ba gsum ni mi 'pho

  180. 90b

    bar gnas gcig tu gnas te bzlas brjod bya bar gsungs so/ /dpe ni go bar zad do/ /sngags pas dbyar ni sgrub la mi 'jug par zhes bya ba ni bsnyen pa rdzogs te sgrub la 'jug pa dag gis kyang par ba la sogs pa'i bgegs mang pas zla ba de gsum la bsgrub par mi bya ba'i don to/ /bzlas brjod kyis ni dus kyang 'da' bar bya zhes bya ba ni bsnyen pa'i grangs tshad gis kyang dbyar 'das 'das su nyin re zhig dus gnyis sam dus gcig la bzlas brjod bar chad med par bya bar bstan to/ /ston zla 'bring po nya nas tha chungs nya'i bar du zla ba gcig ma smos pa ni bsgrub pa'i dus su ni mi rung ste/ rab tu grub par byed pa'i rgyud chen po las/ /ji skad du ston zla 'bring po glog 'gyu zhing/ /sgra chen rnams kyang 'byung bar 'gyur zhes gsungs so/ /dbyar gyi nang du ma bsdus pa ni zla ba 'di la tshul nas byung ba'i phyir ro/ /gsang sngags gzi brjid bskyes pas zhes bya ba ni bzlas brjod dang sbyin sreg gis gzi byin bskyed nas dngos grub tu 'gyur ba'i mthu dang ldan pa'i don to/ /bdag nyid ces bya ba ni sgrub pa po'i skyes bu'o/ /zlum ba zhes bya ba ni kun tu dkyil 'khor ro/ /gru gsum zhes bya ba ni zur gsum mo/ /gru bzhi zhes bya ba ni lham pa'i/ /pad+ma lta bu zhes bya ba ni pad+ma'i 'dab ma ya gcig gis dbyibs so/ /dbyibs legs shing 'jam zhing shin tu mnyam par byas nas su/ sa dang lci bas legs par byug? ces bya ba ni thab kyis dbyibs rnam pa bzhi char la yang sbyar ba'i don to/ /dbang thang bskyed ces bya ba ni dbang phyug gi dpal mngon du phyogs par sgrub pa'i don to/ /nor 'gugs pa zhes bya ba ni gter la sogs pa bsdu ba'o/ /spyan drang ba zhes bya ba ni lha mnyes par bya ba'i dan du tshim pa dang gzi byin bskyed pa'i sbyin sreg byed pa ste/ de dag ni rgyas pa'i las so/ /zhi ba'i cho ga zhes bya ba ni rab tu grub par byed pa'i rgyud tshon pa las/ ji skad du/ dus min 'chi dang nang rnams dang?

  181. 91a

    yams kyi nad dang gnod pa dang/ /de bzhin bgegs dang nad 'go dang/ /zhi bar byed pa zhi zhes bya zhes gsungs so/ /bya bar shis zhes bya ba ni rgyas pa dang zhi ba'i las thab khung zlum por byas na 'grub par bstan to/ /dgar zhes bya ba ni gnas snga ma nas 'pho zhing 'gro 'dod par byed pa'i sbyor ba'o/ /bskrad pa zhes bya ba ni mi ma yin pa'i gdon rnam kho na la ste/ gnas de nas mi 'gro mi gnad par tshar bcad pa'o/ /bsad pa zhes bya ba ni srog dang 'bral bar byed pa'o/ /gshed byed ces bya ba ni ro langs rbad pa la sogs pa'o/ /sogs pa drag po rnams zhes bya ba ni dgra'i yul du nad 'byung ba dang/ dmag mnan pa dang/ byi ba la sogs pa gtong ba dang/ de lta bu dag dang cha mthun par sgrub pa thams cad do/ /srog skam pa 'am yan lag ba zhib pa zhes bya ba 'dir yang drag po'i las dang mthun par gsungs pa rgyud gzhan la thab khung gru bzhi par rgyas pa'i las dang sbyar ba mi 'gal zhes na/ klu dang gnod sbyin la sogs pa gzir ba dang/ lha ma yin gyi phug gi 'khrul 'khor la sogs pa choms nas/ khyad par gyi dpal mngon du phyogs pa'i phyir nyes pa med do/ /bud med ces bya ba ni yugs sa mo la sogs pa'o/ /bu mo zhes bya ba ni bdag 'dod pa ste/ de bzhin du bzlog nas sbyor ba byas pas ni skyes pa yang dbang du 'gyur bar go bar bya'o/ /grong dang yul 'khor 'thob pa zhes bya ba yang dbang gi las kyis 'grub pa'i phyir ro/ /don kun zhes bya ba ni 'dod pa'i yon tan lnga'o/ /lci ba gtsang ma zhes bya ba ni ba'i lcibs la ma lhung ba'o/ /tha ma thog thag tu ku sha dgram par bya zhes bya ba ni bcom ldan 'das ma tsun da'i cho ga zhib mo las ji skad du ku sha'i rtswa ni rlon pa dag /thab khung skor ba'i tshul du bting/ /rtsa bas rtse mo mnan nas su/ /rtsa ba dag kyang rtse mos mnan/ zhes gsungs pa'i phyir ro/ /

  182. 91b

    phyag na rdo rje dang zhes bya ba ni 'dir rdo rje'i rigs kyi shas cher gsungs pa'i phyir/ de skad mos te/ rigs gzhan ni skabs su yang so so'i gtso bo la rig par bya'o/ /yam shing mang po zhes bya ba ni rnam grangs bcu gnyis su phye ba 'am/ las kyi bye brag gis tha dad pa rnams las sna gcig yin gyi 'dir sna tshogs bsogs pa ni ma yin no/ /thab kyi drung bzhag ste zhes bya ba ni sgrub pa po'i g.yas phyogs su bzhag pa'i don to/ /bdun nam brgyad ces bya ba ni bgegs kyi mtshan ma chung du byung ba'i ngo lon du bstan to/ /bcu zhes bya ba ni 'bring gi ngo lon du bstan to/ /nyi shu zhes bya ba ni bgegs chen po'i mtshan ma zhig byung na des zlog par dgongs pa'i don to/ /ku sha gting ba'am khres sam rtswa stan la zhes bya ba ni gsang ba'i dkyil 'khor las/ zhi ba la ni pad+ma'i stan/ /rgyas pa la ni ku sha'i khres/ /drag shul spyod pa stan med par zhes gsungs so/ /'dug nas zhes bya ba ni rab tu grub par byed pa'i rgyud chen las/ skyil mo bkra shis bzang po ste/ /de dag 'dug pa gsum yin no/ zhes gsungs te/ las rnam gsum dang sbyar ro/ /drag po la ni gsang ba'i dkyil 'khor mas ji skad du/ rkang pas rkang pa mnan te bya zhes gsungs so/ /shar phyogs kha bltas zhes bya ba ni lha mnyes par bya ba'i skabs dang 'brel bas/ rgyas pa'i las kyi dbang du gsungs par go bar bya ste/ 'dis thams cad la mi bsgre bar gsang ba'i dkyil 'khor las/ ji skad du/ byang du kha bltas zhi ba'i phyir/ /shar du kha bltas rgyas pa la/ /lho phyogs kha bltas drag po yi/ /sbyin sreg las ni brtsam par bya zhes gsungs pa'i phyir ro/ /rdzas rnams zhes bya ba ni so so'i cho ga zhib mo dag las ji skad bshad pa rnams so/ /mar dang sbrang rtsi 'o ma la brtags nas zhes bya ba la/ rang gi lha mnyes par byed pa'i skabs dang 'brel bas rgyas pa'i don nye bar gzung ba'i tha tshig go /me ni ston par byed ces bya ba ni bzlas brjod la yang zhen la/ las la yang goms sbyin

  183. 92a

    sreg byas na/ me yang mtshan ma ston to/ /de nyid kyi dbang du mdzad nas byang chub kyi snying po'i rgyud chen po las kyang/ las dang po pas sbyin sreg byas pa ni bgegs kyi ? 'gyur ro zhes gsungs so/ /tshig gi don gzhan ni go sla bsam phye'o/ me yi mtshan ma 'di rnams mthong nas mi zhes bya ba ni ngan pa rnams byung na zhes bya ba'i don to/ /stobs che yis mar gyi sbyin sreg bya zhes bya ba ni sbyin sreg snga ma byed pa'i 'phro bzhag ste/ thab der bla thabs su khro bo'i rgyal po de spyan drangs la/ mar gyi dgang blugs nyi shu rtsa gcig dbul bas ni lha ngan de'i ngo len pas de nas snga ma'i 'phre nas bzung ste/ rang gi lha la sbyin sreg dbul ba'i don to/ /spyin pa dag dang zhes bya ba la sogs pas ni gang gtsug phud bzhag ste/ skra ni breg par bya zhes gsungs pas skra las thal te/ spu 'di dag btogs pa la sogs pa la 'jug pa dgag par bstan to/ /dpe ni go bar zad do/ /legs par ma bzlas zhes bya ba ni ma gus pa'o/ /'bras bu med ces bya ba ni mthong ba dang ma mthong ba'i phan yon no/ /phung bar 'gyur zhes bya ba ni 'chi ba la sogs pa'i nyen yod pa'i don to/ /mi ni tshul khrims gtsang sbrar mi ldan yang zhes bya ba la sogs pas ni 'phags pa don yod zhags pa'i cho ga zhib mo las dper na mi la las tsan dan nam ga pur ram gu gum mam gla rtsi yang rung ste/ spyos shing 'tshang drus nas/ lus la byugs kyang tsandan la sogs pa'i snyan du 'dis bdag spyos kyis 'di la dri nga par bya'o snyam du mi sems te/ chos kyis dri zhim po kho nar byed pa bzhin du/ bdag gis don yod zhags pa'i snying po 'di yang khros te dran nam gten kyang de la bsrung ba dang bskyab pa dang sped par bgyid lags so zhes 'byung ba dang 'gal bar 'gyur ba'i the tshom bsal bar bstan to/ /gzhan ni go bar zad do/ /lha dang zhes bya ba la sogs pas ni gdon rnams kyi rigs bstan pa'o/ /ri rab steng gnas dang zhes bya ba la sogs pas ni de

  184. 92b

    dag gi gnas bstan to/ /de ltar rigs dang gnas tsam smos pas spyir gnyer ba yang gdon de dag rnam grangs mangs pas re re nas bod kyis mi lang ba'i phyir ro/ /de dag bzhed nas zhes bya ba la sogs pas ni dmangs len pa rnams la sngo ba'i don to/ /btung zhing bsnams su gsol zhes bya bas ni kham gyis za ba rnams la sbyin par bstan to/ /de ltar gdon la mchod par byas nas su zhes bya ba ni de la mkhas pa dag na re/ bden bral gyi phyogs nas rgyang srings te bya'o zhes zer ro/ /las 'di rnams 'bras bu mchis par mdzod ces bya ba ni de dag la las bcol bar bstan to/ /de nas phyogs skyong rnams mchod par zhes bya ba ni de'i 'og tu dbang ldan gyi phyogs nas brtsams te re re nas mchod par bya ba'i don to/ /ci'i phyir gdon rnams la sngar mchod ce na de dag gtum zhing myur du 'tshe ba'i phyir ro/ /lha rnams kun dang zhes bya ba la sogs pas ni 'jig rten skyong ba de dag kyang/ 'khor dang bcas par mchod pa'i tha tshig ste/ 'dir 'khor ma smos pa rnams kyang/ /rig pa mchog gi rgyud dag las gsungs pa bzhin brjod par bya ste/ 'dir ni yi ge mangs su dogs pas ma spros so/ /de ltar gang zhig ces bya ba la sogs pa ni gter ma gtong pha'i ban len bstan pa'o/ /le'u brgyad pa'i don bshad zin to// //de bzhin gshegs pa la sku mtshal 'byin zhes bya ba ni zhe sdang drag pos de'i sku'i yan lag la bcad pa'i ngan sems bskyed pa'o/ /mtshams med pa zhes bya ba ni 'jig rten 'di nas pha rol tu nying mtshams sbyor ba na skye gnas gang gis kyang bar du mi chod par mnar med pa'i dmyal bar nges par sbyor ba'i don to/ /phung po 'di la zhes bya ba ni da ltar gyi lus nye apar len pas zin pa'o// mchod rten zhes bya ba ni sku gzugs dang sku gdung bzhugs pa'i mchod rten dang lung gis chos so/ /'jig ces bya ba ni de dag gtan du mi snang bar byed pa'o/ /byang chub sems dpa' zhes bya ba ni sa chen po la gnas pa'o/ /slob pa zhes bya ba ni mos pa'i sa la

  185. 93a

    gnas pa'o/ /mtshams med pa dang nye ba zhes bya ba ni mtshams med pa lnga dang mi bzad par 'dra ba las/ dge ba'i las drag po dag gis de las bzlog pa dag srid pa ni bye brag go /tshul nyams pa zhes bya ba ni mtho ris dang byang grol thob pa'i rgyu med par gyur pa'o/ /bskal pa'i bar du zhes bya ba ni bskal pa chen po gcig tu zhes bya ba'i don to/ /mnar med pa'i sdug bsngal myong bar 'gyur zhes bya ba ni phyogs drug nas me 'bar ba 'khrigs pas sems can rnams kyi pags pa dang sha dang rgyus pa dang rus pa dang rkang mar me'i snying po la zhen pa bzhin du lus po la khyab nas/ de nas nyam thag pa'i nga ro ma gtogs par 'di dag ni sems can no/ /'di dag ni me yin no/ /zhes dbyer bar mi nus pa'i phyir sdug bsngal brgyud pa'i bar mtshams med pa'i dmyal ba mnar med pa zhes bya ba'i tha tshig go /chos kyi sku spong ba zhes bya ba ni 'thob pa'i chos la rgyab kyis phyogs pa'o/ /bslab tshig ma lus pas brgyan pa zhes bya ba ni so sor thar pa'i sdom pas bsdus pa la gnas pa'o/ /ngan pa'i sems bya ba ni zhe sdang gis dkrugs pa'o/ /dka' bar spyod par ldan zhes bya ba ni dka' thub khyad par can rlung za ba la sogs pa byed pa'o/ /dngos grub mi thob ces bya ba ni shing tA la'i mgo bcad pa bzhin du/ dngos grub thob pa'i skal ba can du slang gsor med do zhes bya ba'i tha tshig go bdag nyid mnar med yun rings dmyal bar btsos zhes bya ba ni gong ma gnyis dang mthun par bsten te/ skye gnas gzhan gyis bar chod pa srid pa dang bskal bar mi gnas pa ni bye brag go /mdor bshad pa'o zhes bya ba dang mtshams med pa dang/ mthun pa'i chos 'dir ma smos pa rnams kyang/ de dag dang 'dra bar sdig lci bar bstan to/ /byang chub sems ni blangs pa las zhes bya ba ni byang chub kyi sdom pa mnos pa ste/ smon pa byang chub kyi sems dang ldan pa'i don to/ /rmongs pas zhes bya ba ni sgrub pa pos

  186. 93b

    byang chub tu sems bskyed pa mo mkhas pa kha cig go /de la mi dgar gyur nas su zhes bya ba ni byang chub tu sems bskyed pa des gzhan la phyag byas na de dag gi dpal 'bri bar 'gyur ba'i phyir ro/ /gang gis tshe na sems ni dang ba yis zhes bya ba la sogs pas ni byang chub kyi sdom pa mnos pa'i skyes bu de mchod pa'i gnas yin par bstan to/ /bslab pa mdza' dag blangs pa zhes bya ba ni tshul khrims rnam pa gsum po dag mnos zhes bya ba'i tha tshig go /sems can kun la mi 'jigs byin pa zhes bya ba ni snying rje la gnas pas lhag par srog gcod pa la sogs pa'i tho 'tshams pa spong ba'i sdom pa len te/ ji skad du/ byang chub sems dpa' i ltung ba ni phal cher zhe sdang las byung gis zhes bshad pa lta bu'o/ /dkon mchog gsum gyis gdung yang bsags pa yin zhes bya ba ni byang chub tu sems bskyed pa la brten nas/ bla na med pa'i sangs rgyas su grub na/ dam pa'i chos 'chad cing 'phags pa'i dge dun gyi tshogs kyang sdus pa'i don to/ /mi bzad pa'i las byed ces bya ba ni sems can la rdeg pa dang 'ching ba dang/ go rang 'jug pa la sogs pa'i gnod pa'i sbyor ba mtho brtsam pa'o/ /thub pa gsod ces bya ba ni lus dang ngag mi dge ba las sdom pa'i drang srong rnams srog dang bral bar byed pa ste/ 'dir ni 'jig rten pa rnams la go bar bya'o/ /gzhan ni brda phrang par brang ngo// phan gnod byas pa'i dge sdig mdza' mi rtogs zhes bya ba ni/ gang zhig de 'dra'i rgyal sra sbyin bdag la/ /gal te ngan sems bskyed par byed pa de/ ngan sems bskyed pa'i grangs bzhin bskal par ni/ /dmyal bar gnas par 'gyur zhes thub pas gsungs/ 'on te gang zhig yid rab dang byed na/ de yi 'bras bu de la lhag par 'phel zhes bshad pa'i phyir ro/ /pha rol tu yang grub mi thob ces bya ba ni sems can la mtho 'tshams pa'i rnam par dag gong ma dag pas lci bar bstan pa'i don to/ /bdud

  187. 94a

    kyi dgra zhes bya ba ni sangs rgyas de bdud nag po'i phyogs me tog mnga' la sogs pas dgrar bzung ba'i phyir ro/ /de yang nye bar bstan par zad kyi dngos su 'jig rten las 'das pa'i gsang sngags thams cad dang/ dkon mchog gsum la phul ba'i me tog kun la go bar bya'o/ /bkres pas gdungs kyang zhes bya ba ni gong du 'byung po'i zas dang/ lha bshos gtor ma dang/ gu lang mchod byas gtor ma mi bza' o zhes bya ba nyid kyi rnam grangs bstan pa'o/ /'jigs kyang phyag mi bya zhes bya ba ni/ rmongs pas 'jig rten lha tshogs phyag byas na/ /de dag de la mi dgar gyur nas su zhes bya ba nyid kyi rnam grangs bstan to/ /de rnams chos la ngan sems mi bya zhing zhes bya ba ni rnam par snang mdzad mngon par rdzogs pa byang chub pa'i rgyud chen po las/ ji skad du/ gsang ba'i bdag po 'di ni byis pa so so'i skye bo 'khor ba na kun tu 'khyam pa rnams kyis dbugs 'byin pa'i mchog yin te/ zhes rgya cher gsungs pa'i phyir ro/ /gzhan ni go bar zad do/ /bde bar gshegs pa kun gyis rten pa'i gnas zhes bya ba ni rdo rje'i gdan la sogs pa'i mchod rten brgyad do/ /rgyal sras rnams zhes bya ba la sogs pas ni bkur sti'i gnas rnams brjod pa'o/ /dad pas rgyal ba'i thugs sras la phyag bya'o/ /zhes bya ba ni byang chub sems dpa' rnams yon tan phyir zhing skyes te/ de las sangs rgyas nyid kyi go 'bang du 'byung ba'i phyir ro/ /bde bar gshegs pa min zhes bya ba ni dgongs pa'i don mi shes pa dag lhag ma med pa'i mya ngan las 'da' bar 'gyur ro/ /zhes de las snga ma lhag par nan tan gyis gus par phyag mi 'tshal ba dag srid ces bya ba'i tha tshig go /dgongs pa ni yin te/ la lar rdzogs par byang chub ston/ /la lar med bzhin mya ngan 'das/ /nam yang med pa ma yin te/ /de bzhin gshegs pa rtag pa'i sku zhes ji skad bshad pa'o 'jig rten kun gyis mngon mtho'i bslab pa can zhes bya ba ni sdom pa nod pa nyid kyi tshe nas

  188. 94b

    ji skad du/ dus 'di nas bzung nas nam byang chub kyi snying po la gnas kyi bar du/ sems can thams cad bsgral ba dang/ sems can thams cad sgrol ba dang/ sems can thams cad dbugs dbyung ba dang/ sems can thams cad yongs su mya ngan las 'da' ba dang/ sems can thams cad mkhyen pa'i ye shes la dgod pa'i slad du zhes sdom pa blangs pa'i phyir ro/ /snying rje'i bdag nyid 'gro ba'i don du ni/ /skye ba len pa zhes bya ba ni skye ba la dbang thob kyis kyang gang dang gang du sems can gdul ba yod pa de dang der skye ba len gyis zhing dag pa dag kho nar nges par skye ba mi 'dzin pa'i don to/ /skyes bu bsam yis zhes bya ba ni rig pa'i gnas lnga la 'byam pas/ bdag gzhan gyi don phun sum tshogs par sgrub pa'i tha tshig go /rmad byung rdzu 'phrul can zhes bya ba ni nyan thos la sogs pa la med pa'i cho 'phrul sna tshogs ston pa'i tha tshig go /de la rgyal ba thams cad thugs ? nas zhes bya ba ni byang chub sems dpa' la ma gus pa'i sdig gi mthu las byung ba'i sgrib pas thugs rjes bskyang bar dgongs pa las/ spyan ras kyis 'tsho ba'i skal pa med par gyur pa sde ji skad du/ ji ltar nyi ma'i 'od zer rnams/ /sprin la sogs pas bsgribs par 'dod/ /de bzhin sangs rgyas ye shes rnams/ /sems can gyis ni nyes pas bsgribs zhes bshad pa'i phyir ro/ /gzhan ni go bar zad do/ /khro la khro ba dang zhes bya ba ni khro bos 'dul ba rnams la 'phags pa bdud rtsi thob sbyor la sogs pas khro bo'i tshul gyis sems can rnams kyi don mdzad pa'o/ /'dod chags can la chags can ltar ston pa zhes bya ba ni zang zing la chags te khyim gyis gnas nas 'phags mi nus pa rnams gdul ba'i don du ni 'phags pa dri ma med par grags pa la sogs pa btsun mo'i 'khor dang bcas pa lta bur ston pa'o/ /byang chub mchog gnas zhes bya ba ni don dam pa'i rtogs pas chos kyi dbyings la gnas pa'i phyir ro/ /las dang rnam smin mkhyen pa yis zhes bya ba ni khams dang bag la nya?

  189. 95a

    rdzogs pas kun brjed pa'i cho 'phrul ston pa'i don to/ /'gro ba kun dang ji ltar mthun pa yi/ /gsang sngags gzugs kyi rjes su chags mdzad pa zhes bya ba ni khro bo dang zhi ba la sogs pa'i gzugs tha dad pa rnams kyis gdul bya'i 'gro ba rnams yid mgu bar byed pa'i sgo nas/ rdzu 'phrul gyi cho 'phrul ston ces bya ba'i tha tshig go /sngags kyis rnam 'dren zhes bya ba ni gsang sngags kyi rang bzhin rnam pa drug tu phye ste/ rjes su bstan pas/ mngon par mtho ba dang nges par legs pa la sems can rnams bkod pa'i phyir rjes su bstan pa'i cho 'phrul ston pa'i don te/ /le'u dgu pa'i don bshad zin to// //gsang sngags rig sngags rnam pa sna tshogs dag ces bya ba ni gtsug tor rnams dang yum rnams dang/ khro bo rnams dang de bzhin khro mo dang/ phyag brnyan la sogs pa dang/ gzhan yang de bzhin gshegs pa'i rigs su bsdu ba'i byang chub sems dpa' rnams dang/ gnas gtsang ma'i lha rnams su rnam grangs du mar phye ba dag go /bye ba phrag gsum dang 'bum phrag lnga zhes bya ba ni shlo ka'i grangs so/ /rig 'dzin gyi sde snod ces bya ba ni rig sngags 'chang rnams kyi bslab pa'i gzhi dang/ lta ba'i klung gis grub pa'i mdza' 'di nyid kyis ston pa'i don te/ /rgyal bas gsungs zhes bya ba ni de bzhin gshegs pa'i rigs kyis dbang du mdzad nas bka' stsal ba'o/ /ngas ni zhes bya ba ni phyag na rdo rjes gsungs pa rnams so/ /gsang ba po rnams gzhom pa zhes bya ba ni des khyad par du gnod sbyin la sogs pa gdul bar bstan to/ /dbul ba'i sdug bsngal sel zhes bya ba ni lha ma yin gyi dpal gyi sgo 'byed pa dang/ gter dbyung ba'i cho ga la sogs pas sems can rnams la phan 'dogs pa'i don to/ /pho nya ma bcu zhes bya ba ni rig pa mchog gis rgyud chen po la/ rdo rje'i blo gros ma dang/ dril bu ma dang/ nag mo dang/ gzhan gyis mi thub ma dang/ mdzes ma dang/ shugs dang/ thog thag dang/ bden ma dang/ nyi

  190. 95b

    ma dang/ rdo rje'i dbyug pa ma zhes 'byung ba dag go /rig pa'i rgyal po bdun zhes bya ba ni phyag na rdo rje dbang bskur ba'i rgyud chen po las/ rab tu grub pa dang/ dbu rgyan rtse gsum dang/ ba la ki li ki la dang/ rin chen ki li ki la dang/ gzugs legs dang/ rdo rje thigs pa dang/ rdo rje rol pa'o/ /de bzhin phyag brnyan drug cu rtsa bzhi dang zhes bya ba ni rig pa mchog gi rgyud chen po las/ rdo rje'i lta ba la sogs pa 'byung ba rnams te/ dngos su pho nya mo bcu'i phyag brnyan yin no/ /nga yi snying po dam pa brgyad rnams dang zhes bya ba ni 'phags pa stobs po che'i cho ga zhib mo dang/ rnam par rgyal ba'i rgyud chen po las/ ji skad du/ snying po ni ki li ki la dang/ 'gro lding dang/ lus dmar dang/ rdo rje rnam par 'joms pa dang/ rdo rje rgya chen dang/ snying po'i mchog dang/ sog med gtum po dang/ dpal ldan zhi bar grags pa zhes bya ba dag ste/ lha de rnams ni phyag na rdo rje'i thugs kyi yon tan gyi khyad par las brgyad du phye bar rig par bya'o/ /khro bo drag po zhes bya ba ni rig pa mchog rgyud chen po las/ tshogs brgyad bshad pa dag ste/ bdud rtsi thab sbyor dang/ rmugs byed dang rjod ldan dang mtshan sbyin dang/ lcags can dang/ so can dang/ gser can dang/ gtum byed dag go /rig pa mchog la sogs pa mthu bo che rig pa'i bdag po zhes bya ba ni phyag na rdo rje dbang bskur ba'i rgyud chen po las/ rig pa'i rgyal po gzhan bstan te/ rig pa mchog dang glang po'i rna ba dang/ gnod mdzes dang/ bsdigs su rung dang/ 'phrog byed dang/ rdo rje'i zhags pa dag go /gsang sngags rjes 'brang bcas zhes bya ba ni rig pa'i rgyal po rnams kyi rjes 'brang ba'i lha'i bye brag mang por bstan pa rnams so/ /de yi rig sngags bdag po rta mgrin dang zhes bya ba ni pad+ma'i rigs kyi gsang sngags thams cad kyi rgyal po yin pa'i don to/ /de yis ming can dkyil 'khor zhes bya ba ni dpal rta mgrin pad+ma'i rigs kyi rig pa'i rgyal po yin pas/ dpal sdom gyi rgyud la sogs pa

  191. 96a

    las/ rab tu gnas pa'i dkyil 'khor 'byung po cog la de ming can zhes gdags te/ 'phags pa rta mgrin gyi khyad par nyid kyi dkyil 'khor 'ba' zhig la gdams pa ni ma yin no/ /don yod zhags pa bdun bstan pa zhes bya ba ni bshad ma thag pa'i don yod pa'i zhags pa drug dang dpal rta mgrin dang mdun no/ /nyi ma bdun ltar 'bar zhes bya ba'i dpes ni sgrub pa po'i las dang nyon mongs pa thams cad bsreg cing mngon par mtho ba'i dpal yang 'bar bar byed pa'i don to/ /de rnams rta mgrin dkyil 'khor gsang sngags te zhes bya ba ni rig pa'i rgyal po yin pas/ de dag gi dkyil 'khor la yang dbang sgyur bar bstan to/ /mi la mchog sbyin zhes bya ba ni dam pa brgyad la sogs pa ster ba'i don to/ /'jig rten gsum gyi 'dud ces bya ba ni lha'i ris dang mi'i ris dang/ klu'i rigs rnams kyis mchod gnas su gyur ces bya ba'i tha tshig go /sgrol ma zhes bya ba la sogs pa ni pad+ma'i rigs kyi yum brgyad yod par bstan pa'o/ /de dag dkyil 'khor zhes bya ba ni yum de rnams kyi dkyil 'khor zhes bya ba'i tha tshig go /sna tshogs gzugs can zhes bya ba ni dkyil 'khor gyi tshul tha dad pa dang/ 'khor sna mang bar bstan to/ /phyag rgya rnam pa sna tshogs rnams dang ldan zhes bya ba ni las kyi bye brag gis lha re re la yang phyag rgya du ma dang bcas pa'i phyir ro/ /rgyas pa'i gsang sngags rgyud du zhes bya ba ni rigs bzhi par bstan pa'o/ /'od dpag can rig pa'i dbang phyug gsang sngags bdag mor gsungs bya ba ni rigs bzhi pa 'dis gsang sngags thams cad la dbang bsgyur bar bstan to/ /dngos su lnga rtsen gyi btsun mo 'phrog ma yin no/ /de la lnga rtsen yang ni mngon par dga' zhes bya ba ni rigs kyi bdag pos de rgyal mor bsgo bar dga' ba'i don to/ /nod sbyin dbang phyug ces bya ba ni rgyas pa'i rigs la gtogs pa'i gnod sbyin gyi sde dpon rnams so/ /de yang rtag tu

  192. 96b

    mthun pa zhes bya ba ni lnga rtsen dang gnod sbyin gyi gtso bo rnams blo mthun pas/ 'og bag can 'dis rgyas pa'i rigs kyi gsang sngags kyi bdag mor dbang bskur ba'i don to/ /de yi dka' yis gsang sngags tshogs rnams bshad ces bya ba ni 'og bag can rgyas pa'i rigs kyi rgyud rnams bshad ces bya ba'i tha tshig go /lnga rtsen gyis ni stong phrag nyi shu ste/ zhes bya ba ni rgyas pa'i rigs la lnga rtsen gyi rgyud du grags pa ni shlo ka nyi khri'o/ de yi chung ma zhes bya ba ni 'phrog ma nyid de/ de'i phyed bshad do/ /zhes bya ba ni shlo ka khri bshad pa'i don to/ /nor gyis bdag po zhes bya ba ni rigs lnga pa nor bu'i rigs bstan pa ste/ dngos su dpal nor bu bzang po'o/ /stong phrag sum cu zhes bya ba ni nor bu'i rigs la dpal nor bu bzang po'i rgyud du grags pa shlo ka sum khri bshad par bstan to/ /gang po'i pha zhes bya ba ni lha'i drang srong rnam thos zhes bya ba yin no/ /lha dang lha min la sogs rgyal ba la/ /dad pa rnams kyis gsang sngags mdza' las bshad ces bya ba ni sangs rgyas dang byang chub sems dpa' rnams kyi spyan sngar gnad zhing rjes su thugs rang nas so so nas bshad pa'o/ /gzhan yang kha cig gnas med rnam par 'khyam zhes bya ba ni pha rol tu phyin pas bskyed pa'i rigs bzhi po de dag gi bgab tu ma bsdus pa'o/ /gzhan ni go bar grang ngo/ /ngas bshad gang yin de zhes bya ba ni 'jig rten pa'i rigs rgyal ba la dad pa rnams so/ /bzhi po 'di dag rnam par sbyang bar bya zhes bya ba ni de dag gis rigs bzhi po'i bgab tu phal cher 'dus par bstan to/ /gang gzhan la la 'di na gnas med par zhes bya ba ni rigs bzhir ma bsdus pa rnams so/ /bde bar gshegs la brten zhes bya ba ni dad pas sangs rgyas kyi spyan sngar so so'i cho ga zhib mo bshad pa'o/ /yongs 'khyam pa zhes bya ba ni de dag rigs lnga char gyis ma bsdus pa'i don to/ /de bzhin gshegs pa'i rigs su ma bsdus sam zhe na/ de'i rigs su gtogs pa ni gtsug

  193. 97a

    tor la sogs pa ye shes las byung ba yin ste/ 'di dag ni rnam par smin pas bskyed pa'i phyir ro/ /mdo sde 'dir ni zhes bya ba ni dpung bzangs kyis zhus pa'i rgyud 'dir zhes bya ba'i don to/ /de dag thams cad kyang zhes bya ba ni 'phags pa'i rigs lnga dang/ 'jig rten pa'i rigs dang drug car ro/ /rnam pa sbyang zhes bya ba ni rgyud 'di cho ga thams cad la sbyar bar bstan to/ /srid pa gsum zhes bya ba ni 'dod pa dang gzugs dang gzugs med pa'o/ /rgyal ba zhes bya ba ni sangs rgyas so/ /dkon pa zhes bya ba ni u dum+ba ra'i me tog dang 'dra ba'i don to/ /mchog ces bya ba ni yid bzhin gyi nor bu ltar de dang yon tan mnyam pa med pa'i phyir ro/ /de'i 'og tu de las byung ba'i chos zhes bya ba ni rang gi don du rtogs pa'i chos thugs su chud pa dang/ gzhan gyi don du lung gi chos nges par bstan pa rnams so/ /de'i dge 'dun zhes bya ba ni sangs rgyas kyi bstan pa la rab tu byung ba'i 'phags pa nyan thos rnams so/ /skyes chen brgyad po zhes bya ba ni rgyun tu zhugs pa la sogs pa zung bzhi ya brgyad do/ /srid pa gsum na dkon mchog gsum po btso zhes bya ba ni khams gsum pa thams cad kyi mchod cing bkur sti bya ba'i 'os bla na med par bstan to/ /gzhan ni go bar zad do/ /bde bar gshegs pa min zhes bya ba ni theg pa chen po la mi phyogs pa rnams so/ /nyan thos dang rang sangs rgyas rnams kyi lam la gnas pa dang zhes bya ba ni theg pa dman pa la phyogs pa'o/ /dad pa med cing zhes bya ba ni gsang sngags kyi phyogs la mdang ba'o/ /tshul chos zhes bya ba ni gzhan la bslu ba'i bsam pas gsang sngags kyi sgo dang theg pa chen po la dad pa ltar sbyong lam bsgyur ba'o// 'jungs pa zhes bya ba ni ser snas kun nas dkris pa'o/ /gzhan ni go sla bas ma phye'o/ /gang gi nga'i rigs kyi rjes su 'brang ba'i don to/ /'byung po klu dang gnod sbyin sha za yi zhes bya ba ni rnam par smin pas bskyed pa'i 'jig rten las ma 'das pa de dag phyag

  194. 97b

    na rdo rje'i byin gyis brlabs kyis btul nas/ so so nas dam tshig phul te rdo rje'i rigs su bsdus pa rnams so/ /nga yi sngags zlos rdo rje thogs pa dang zhes bya ba ni bshad ma thag pa'i snod du ma gyur pa rnams so/ /phung bar byed ces bya ba ni gsod pa 'am rigs kyang rlags par byed ces pa'i tha tshig go/ theg pa mchog ces bya ba ni theg pa chen po ste/ de'i bla mar gyur pa gzhan med pa'i phyir ro/ /rgya chen po zhes bya ba ni theg pa gzhan las khyad par du dmigs pa la sogs pa khyad zhugs par che ba'i phyir ro/ /brtson 'grus che zhing zhes bya ba ni bdag dang gzhan gyi don du brtson pa'i don to/ /byang chub kyi sems brtan pa zhes bya ba ni brtson 'grus dang ting nge 'dzin dang/ shes rab mtshungs par ldan pas byang chub kyi sems gzung ba'i tha tshig go/ sangs rgyas pa'i gsang sngags zhes bya ba ni rigs lngas/ bsdus pa'o/ /yang shing zhes bya ba ni sgo mang po nas drangs pa'i don to/ /rgya chen bshad pa zhes bya ba ni 'bras bu chen po dang ldan pa zhes bya ba'i tha tshig go /de nas zhes bya ba ni sangs rgyas dang byang chub sems dpa' rnams kyis 'dul ba'i skye bo rnams kyi dor/ 'jig rten las 'das pa'i gsang sngags rnams kyi rgyud gtso bor bshad pa'i skabs nas glengs pa'i de ma thag pa'o/ /gzhan yang 'jig rten pa bsdus nas zhar la bshad pa 'di dag ces bya ba ni 'jig rten las 'das pa'i rgyud kyi sdom bshad pa'i zla ba glengs zhes bya ba'i tha tshig go/ drag po zhes bya ba ni lha chen po'i ming gi rnam grangs so/ /nor lha'i bu zhes bya ba ni khyab 'jug gi rnam grangs so/ /gtum byed ma zhes bya ba ni 'jig rten pa'i rig sngags kyi lha mo skal ldan ma zhes brjod pa ste/ mkha' 'gro rnams kyi lha zhes grag go / phur bu gsum pa zhes bya ba ni gdol ba'i rgyal ba'o/ /mtshan mo rgyu ba'i dbang po zhes bya ba ni gnod sbyin gyi sde dpon rnams so/ /'jig rten bdag po bzhi zhes bya ba ni rgyal po chen po rnams so/ /lha'i dbang po zhes bya ba ni brgya byin no/ /rang sngags mdo sde'i

  195. 98a

    rjes 'brangs zhes bya ba ni so so'i tshul ma nyams pa ste/ gzhan gyi cho ga dang ma bsres zhes bya ba'i tha tshig go/ dad bskyed ces bya ba ni so so'i lha de dag la dad bas the tshom med par sgrub pa'o/ /de las bzlog na dngos grub mi thob la zhes bya ba ni so so'i cho ga dang 'gal bar bsgrub pa dang/ lha de dag nyid la ma dad pa rnams so/ /sdug bsngal mang po yang mi thob par 'gyur zhes bya ba ni bzlas brjod la sogs pa'i las chen po ni byas la/ 'bras bu mi thob pa 'am/ yang na de dag 'khrugs nas nyen du gyur pa'i don to/ /le'u bcu pa'i don bshad zin to// //bcud len zhes bya ba ni sman bcud len te/ de yang khams las byung ba dang/ rtsa las byung ba dang/ srog chags kyi lus las byung ba dang/ lde gu dang rnam pa bzhi'o/ /de dag gi phan yon ni tshe ring ba dang/ nad med pa dang/ dbang po rno ba dang/ slar gzhon nur gyur pa ste/ de yang gsang sngags mnyes pa'i sgo nas/ bcud len gyi mthu 'grub kyis skal ba med pa rnams la ni ma yin te/ rdo rje gtsug tor gyi rgyud las kyang/ ji skad du/ sman gyi yang ni lus can la/ /nye bar gyur dang sngags grub pas/ /dbang du gyur par rtag par ro/ /zhes gsungs pa'i phyir ro/ /lha dang mi'i gter zhes bya ba ni sa la yod do/ /de la lha'i gter kha gab yod de/ de phye na ri lu dang lig bu mig dang mchil lham dang glegs bam dag 'byung ste/ de dag gi phan yon ni nam mkha' la 'gro ba dang/ lus mi snang ba 'gyur ba dang/ rkang pas mgyogs pa dang/ bstan bcos thams cad la thogs pa med pa'i blo dang ldan par 'gyur ro/ /mi'i gter ni gser dang dngul dang rin po che sna tshogs dag 'byung ba'o/ /lha ma yin gyi phug tu 'gro ba zhes bya ba ni dpal gyi sgo rang slad kyi sgo nas 'gro ste/ de la dpal gyi phug gi sgo dbye ba ni lha'i gter gyi dngos grub rnams las gang yang rung ba cig thob par 'gyur ro/ /slas kyi phug gi sgo dbye na ni lha ma yin gyi bu mo

  196. 98b

    dang phrad de/ lha ma yin gyi gnas su khrid nas de dag dang 'tsho zhing bskal par gnas par 'gyur ro/ /nor rgyu ba zhes bya ba ni sman sna tshogs bsdus nas ro nye la sogs pa las gser dngul du byed pa'o/ /'byung khung zhes bya ba la sogs pa'i khron phyin pa'o/ / gsang sngags kyi dngos grub ces bya ba ni 'jig rten las 'das pa dang/ 'jig rten pa'i lha mnyes pa thob pa'o/ /gser 'gyur rtsi'i zhes bya ba ni dngul chu 'dra ba zhig yod ste/ de lta bu'i thigs pa gcig gis zangs srang stong gser du bsgyur nus grag go/ rin thang med pa'i rin chen nor sbyin te/ zhes bya ba ni nor gyi rgyun grub pa'o/ /sdig pa spong bar byed pas zhes bya ba ni rnam pa de dag 'dod pas bsod nams khyad par can la brten dgos pa'i phyir ro/ /mchog tu ston ces bya ba ni dam pa brgyad po rnams kyis nang na 'bras bu che ba phyir ro/ /dang po bstan pa'i snod ces bya ba ni gsang sngags grub pa dang/ phug tu 'gro ba dang bcud kyis len grub dang/ rdul zhes bya ba ni 'dir 'dod chags kyi dri ma las dgongs so/ /shas che ba zhes bya ba ni sgrub pa po la la'i rgyud la 'dod chags kyi bag la nyal che ba rnams so/ /'bring po rnams grub par 'gyur zhes bya ba ni rin po che la sogs pa nor gyi rgyun dang/ 'byung khung gi khron phyin pa ste/ de dag ni 'dod chags kyi shas che bas kyang 'grub par bstan to/ /tha ma zhes bya ba ni gser dang nor bsgyur ba'i rtsi ste/ sbyor ba dka' zhing chud za la 'bras bu chud za ba'i phyir ro/ /mun pa zhes bya ba ni yang dag pa'i don la sgrib pas gti mug la bya'o/ /rten zhes bya ba ni gti mug gi shas che ba'i bsgrub pa pos/ las gong ma dag ni mi lcogs pa'i phyir/ tha ma tsam la brten dgos par bstan to/ /gang zhig mchog tu bstan pa sten 'dod pas zhes bya ba ni bcud kyis len la sogs pa dang por bstan pa rnams sgrub par 'dod pa'o/ /des ni tha mar bstan pa rnam par spang zhes bya ba ni gser bsgyur la sogs pa'i las phran tsheg mi

  197. 99a

    bya bar bstan to/ /ji ltar tshabs kyi mda' bdar ba gzhan du sngar mi spyad pa dang 'dra'o/ /gal te nor la sred cing sdug bsngal gyis/ /gdungs na 'bring po la ni bsten par bya zhes bya ba ni sgrub pa po dang dngos grub mchog sgrub pa'i yon tan gzhan rnams yod la sred pa'i shas che na zhes bya ba'i don to/ /lha'i bde ba zhes bya ba la sogs pas ni gang du smos pa'i 'bras bu rnams brjod pa'o/ /dka' thub stobs kyis thob/ chags dang rnam 'brel zhes bya ba la sogs pas ni/ 'bras bu de rnams thob pa'i rgyu bstan to/ /rdo rje mtshon ces bya ba'i dpes ni/ las dang nyon mongs pa'i dra ba'i thibs po mdza' dag gcod cing 'bigs par bstan to/ /me zhes bya ba'i dpes ni/ dug gsum gyi nag sbyor gyi tshang tshing mdza' dag sreg par ston/ gnam lcags zhes bya ba'i dpes ni/ bag la nyal phra mo lus pa rnams kyang dmigs kyis sel zhes bya ba'i tha tshig go/ mi'i 'jig rten zhes bya ba ni bya ba'i rgyud 'dis mi rnams kyi don du gsungs pa'i shas che ba'i don to/ /'jig rten 'di dang pha rol nyid na yang/ /sdug bsngal sel cing zhes bya ba ni phyag na rdo rje dbang bskur ba'i rgyud chen pa las/ ji skad du/ tshe 'di la dngos grub la nges par gzhol bar 'gyur ba dang/ shi 'phos nas kyang rdo rje rigs su gzhon nu'i lus thob par 'gyur ro/ zhes gsungs pa'i phyir ro/ /sdig 'joms zhes bya ba ni 'og nas/ ji skad du/ tshe rabs stong nas gnas pa'i sdig pa'i mun/ /bzlas brjod byas pas myur du sel bar byed ces gsungs pa lta bu'o/ /gzhan med do ces bya ba ni gsang sngags 'dra ba'i 'dren pa med ces bshad pa'i phyir ro/ /gang zhig ces bya ba ni rig sngags kyi byin gyis brlabs gang gis zhes bya ba'i don to/ /dpag bsam ljon pa'i

  198. 99b

    shing lta bur zhes bya ba ni sems can rnams kyi re ba sna tshogs skong ba'i dper brjod pa'o/ /la lar dngos grub ces bya ba la sogs pas ni de'i phan yon gyi 'bras bu sna tshogs su phye ste bstan pa rnams kyi rnams grangs bkod pa'o/ /gsang sngags zhes bya ba ni gsang sngags rnams kyi lha de ni zhes bya bar sbyar ro/ /sna tshogs gzugs su rnam sprul nas zhes bya ba ni sangs rgyas la sogs pa dag pa'i gzugs dang/ gnod sbyin la sogs pa ma dag pa'i gzugs su bstan pa'i don to/ /gang zhig sdug bsngal gang zhig 'jigs skrag pa zhes bya ba la sogs pas kyang/ gsang sngags la brten pa'i phan yon gyi 'bras bu gzhan brjod pa'o/ /gang zhig ces bya ba ni rig sngags 'chang dngos grub chen po sgrub par mi rtsol ba rnams so/ /yul zhes bya ba ni dgon par ma spangs pa 'am/ 'dod pa lnga la spyod pa'o/ /khyim zhes bya ba ni rab tu ma byung zhing 'tsho chis lhur len pa'o/ /dka' thub ma nyams zhes bya ba ni dam tshig rnams bsrungs pa'o/ /rtse gcig sems kyi zhes bya ba ni bzlas brjod yan lag dang ldan par byed pa'o/ /nyin gcig bzhin du cung zad sngags zlos na zhes bya ba ni yi dam rgyun mi 'chad par byed pa'o/ /de yi gsang sngags dus gcig na ni 'grub ces bya ba ni gsang sngags kyi lha'i sngon gyi lha'i sngon gyi smon lam dang/ sgrub pa po'i mos pa'i shugs kyi tshe rabs gzhan dang gzhan du yang lha de'i cho ga zhib mo dang mi 'bral te rgyu'i stobs ji tsam pas las srid pa phyi ma dang yang phyi ma la sogs par dngos grub thob par gsungs so/ /cho ga bzhin du zhes bya ba ni brtul zhugs la sogs pa'i cho ga mdza' dag bsnyen pa la sbyor ba dang 'dra bar bshad do/ /dang por 'bum bzlas nas zhes bya ba ni cho ga zhib mo dag la bsnyen pa'i grangs nges par gsungs pa la ma gtogs par 'jug pa'i spyod pa sngar spyad

  199. 100a

    pa 'bum bzlas brjod bya dgos pa'i don to/ /de nas sngags pa sgrub la 'jug par bya zhes bya ba ni sngar spyad pa byas nas so so'i cho ga zhib mo bsnyen pa'i grangs nges pa'i mgo gzugs par bstan to/ /yun rings nyon mongs zhes bya ba ni lus dang sems sbyangs pas las su bya ba thams cad chud mi gson pa'i phyir ro/ /lus la sa'i dril phyis byas nas su zhes bya ba la sogs pa ni gong du dus gsum khrus byas te zhes 'byung la/ khrus kyi cho ga der ma gsungs pa 'dir bstan to/ /sprid pa byung na kha yang bkru bar bya zhes bya ba ni gtsang sbra'i rnam grangs gzhan bstan pa'o/ /gtsang sbra la dad ces bya ba ni phyi rol gyi dri ma spong ba'o/ /zlo la dga' zhes bya ba ni bzlas brjod byas pa'i stobs che ba'o/ /snying rje can zhes bya ba ni rang bzhin gyis sems can rnams la brtse ba'o/ /len pa las ni ldog ces bya ba ni srid pa'i shas chung bas yo byad mi mkho ba mi sogs zhes bya ba'i tha tshig go/ slongs mo zas za zhes bya ba ni bsod snyoms la brten pa'o/ / lha'i las la brtson zhes bya ba ni bzlas brjod dang/ mdo sde bklag pa dang/ mchod rten gdabs pa dang/ mchod pa byed pa la sogs pa dge ba'i phyogs la skyo ba med pa'o/ /de'i lus la gsang sngags 'jug par 'gyur zhes bya ba ni gsang sngags kyi byin gyis brlabs 'jug pa'i snod yin par bstan to/ /'ga' yis bud med gos dang nor rnams dang zhes bya ba la sogs pa ni bsnyen pa la sbyor ba'i dus su ci yang mi blang bar bstan pa'i don to/ /sa phung bshad sgor? lnga ste bya ba la sogs pa ni/ bras kyi cho ga 'di 'dag pa'i chal dang chod bstan pa'o/ /so ga'i nags zhes bya ba ni dpyid kyi dus su nyi mas gdungs pa skom pa'i don to/ /ma sgrims bzhin du tshang tshang kun bsreg ltar zhes bya ba ni shing rlon pa la

  200. 100b

    me gtong ba ltar/ mis 'bad pa'i nan tan mi dgos zhes bya ba'i tha tshig go bzlas brjod med zhes bya ba ni sdig pa thams cad bsreg pa'i gtso bor bstan to/ /tshul khrims rlung gis spar brtson 'grus chen po'i me lces zhes bya ba ni lhan cig byed pa'i rgyur bstan pa'o/ /sdig pa'i gangs zhes bya ba ni 'dod chags dang zhe sdang dang gti mug gi rgyun yang dang yang du byung ba'i bag chags tha mar 'gyur zhes bya ba'i don to/ /gzhan ni go bar zad do/ /ci ste sbyin sreg dang bzlas brjod kyi gsang sngags bsgrubs kyang dngos grub ma thob na zhes bya ba ni ji skad gsungs pa'i cho ga bzhin du/ lan bdun gyi bar du spogs shing bsgrubs na yang dngos ma thob na zhes bya ba'i tha tshig go /'jim pa la ni mchod rten 'bum gdab pa 'am/ yang ni chu 'gri bye ma dag la gdab ces bya ba ni bsod nams kyi tshogs cher bskyed dgos par ston to/ /don de nyid rab tu grub par byed pa'i rgyud chen po las kyang/ ji skad du/ rgya mtshor 'bab pa'i bye ma la/ /mchod rten dag ni khru gang pa zhes bya ba dang/ de bzhin du/ re re'i mdun du 'bug nas ni/ /bzlas brjod dag kyang stong du bya/ /mchod rten tha ma 'bar bar ni/ /mthong na nges par 'grub par 'gyur zhes bya ba la sogs pa'i phyir ro/ /des ni zhes bya ba la sogs mchod rten gdab pa'i phan yon des zhes bya ba'i tha tshig go/ des ni de yi sdig pa srid gzhan la/ /byas pa gang yin de ni zad 'gyur na zhes bya ba ni tshe rabs gzhan la sgrib pa chen po byas pa thams cad 'byang bar bstan te/ rgyud de nyid las ji skad du/ mtshams med lnga dag byed pa yang/ /mchod rten 'bar bar gyur na ni/ /nges pa nyid du grub par 'gyur zhes gsungs pa'i phyir ro/ /des ni zhes bya ba ni sdig pa zad nas zhes bya ba'i don to/ /mthong ba'i chos zhes bya ba ni tshe 'di nyid ces bya ba'i tha tshig go/ bsod nams

  201. 101a

    'bras bu thob ces bya ba ni dngos grub dpal thob pa'i don to/ /sngags kyi rtsa ba dang po tshul khrims te zhes bya ba ni sdom pa dang dge ba'i chos sdus pa dang sems can gyi don byed pa'i tshul khrims rnams kyis dkar po'i phyogs kyi bzhi thams cad bsdus pa'i phyir ro/ /yang na gsang sngags kyi sgo nas byang chub sems dpa' i spyad pa spyod pa rnams kyi ngor ni 'phags pa phyag na rdo rje dbang bskur ba'i rgyud chen po las/ bdag nyid rang gi lha'i gzugs su byas la/ the tshom med pa'i yid kyis nga rgyal bskyed cing/ rtag par dus thams cad du bskyod kyang mi g.yo ba de'i tshe'i tshul khrims dang ldan pa yin no/ /zhes 'byung ba'i phyir ro/ /ji ltar mi dbang zhes bya ba ni dpe bstan pa ste/ de la yan lag bdun dang ldan zhes bya ba ni mkha' dang/ blon po snying nye zhing lcogs pa dang/ gru dang/ nor dang/ glang po che dang/ rta dang/ dmag mi rnams dang ldan pa'o/ /skye ba med par skye dgu 'dul bar byed ces bya ba ni dngos po bdun dang ldan pa'i rgyal po de ni bde blag du rgyal srid la dbang sgyur bas bde ba la reg cing dgra dregs pa thams cad kyang thul ba'i don to/ /de bzhin sngags pa'ang yan lag 'di bzhin du/ /ldan par gyur na sdig pa 'dul bar byed ces bya ba ni tshul khrims kyi mkhar dang/ brtson 'grus kyi blon po dang/ bzod pa'i gru dang dad pa'i nor dang/ bla na med pa'i byang chub chen por smon pa'i blo gros kyi glang po dang/ gzhan gyis gsang sngags gcod pa la sogs pa'i don chung du la rang gis gsang sngags ma spyad pa'i rta cang shes dang/ le lo spangs pa'i dmag mi'i tshogs de bdun dang ldan na/ dngos grub kyi skyid pa'i dpal yang nyams su myong la/ /las dang nyon mongs pa'i dgra'i tshogs kyang choms pa'i don to/ /dang por bzlas brjod phal cher byas nas su/ las dang po pa

  202. 101b

    rnams kyis zhes bya ba'i tha tshig go /de yi 'og tu 'dir ni sbyin sreg bya ba zhes bya ba ni las rnams la goms pas cho ga'i gnas thams cad la thag thogs med par lcogs pa rnams kyis bya bar bstan to/ /gzhan ni go sla bas ma phye'o/ /rgyal ba la dad ces bya ba ni sangs rgyas la dad pa'i 'jig rten pa'i lha rnams so/ /gzhan la phan brtson zhes bya ba ni ma 'ongs pa'i sems can rnams la brtse bar sems pa ste/ de yang lha zhes bya ba la sogs pa 'jig rten pa'i gsang sngags kyi lha sangs rgyas la dad pa'i rnams so/ /rgyal ba'i nyan thos rang sangs rgyas/ de bzhin gshegs dang byang chub sems dpa' yis zhes bya ba ni 'jig rten pa'i zhu gnas rnams smos pa'o/ /ma 'ongs sems can zhes bya ba la sogs pas ni so so'i gsang sngags phul ba rnams bzhes par gnang zhing byin gyis brlabs pa'i rgyu bstan to/ /de dag 'bras bu zhes bya ba la sogs pas ni 'bras bu rnam par dbye ba bstan te/ dpal zhes bya ba ni lha ma yin gyi phug gi sgo'i rnam grangs kyi ming ngo/ /phug tu 'gro zhes bya ba yang rnam grangs gzhan to slas kyi sgo la bya'o/ /mig 'phrul sgyu ma zhes bya ba ni sangs rgyas kyi gzugs mang por ston pa la sogs pa'o/ /mtshan mo rgyu ba zhes bya ba ni ro langs la sogs pa dur khrod kyi las rnams grub pa'o/ /de dag mchog yin zhes bya ba ni rnam pa de brgyad dngos grub rab yin par bstan to/ /'bring ni sa bdag go zhes bya ba ni rgyal por gyur pa'o/ /gzhan ni go bar zad do/ /ngo mtshar sna tshogs dag ston par byed ces bya ba ni glu len pa dang rnga rdung ba dang tshang ngam lus kyis myur ba la sogs pas gdon dag skrod pa'o/ /phra mo phran tshegs yin zhes bya ba ni dngos grub chung du bstan pa bas kyang chung ba zhes bya ba'i don to/ /bya ba ces bya ba ni sprul gyi

  203. 102a

    zin tam dug 'thungs pa'i lus la lag pas byab cing sngags gdab pa'o/ /khu tshur thal lcag skra drang dang/ rna bar bzlas zhes bya ba ni dug gis phog ste myos pa slang ba'i thabs bstan to/ /dbab pa zhes bya ba ni dug de shin la sogs pa la phog nas dor ba'o/ /bskrad pa zhes bya ba ni sngags btang bas 'bros su gzhug pa'o/ /bsang ba zhes bya ba ni sngags kyis de nyid du bsad de shi bar bya'o/ /bcing ba zhes bya ba ni dug gi mthu g.yor mi gnang bar sngags dang phyag rgyas bcing ba'o/ /bod pa zhes bya ba ni myos pa bslang ba'i don du/ dus gdab cing ming nas bod pa'o/ /rig pa'i gos dang sngags gos dang zhes bya ba ni dug gis phog pa'i gos la chu'i dkyil 'khor dkar po'i steng du/ chu'i sa bon dkar po cig? mgo mthur du bstan te bzhag pa las/ chu rgyun dkar po phab pas nyis rim du bskor zhing 'khyil ba las bdud rtsi'i rgyun 'bab par bsams la/ 'khor gyi mi rnams kyi khar yang gso ba'i sa bon bkod de/ rig sngags zlos shing gos de bshus la 'khor gyi mi rnams kyis kyang du grogs so zhes brjod par bya'o/ /rdog pas bsnun dang rnam par bskyod pa dang zhes bya ba ni mos pa la bslad pa'i don du/ rting sgras sdigs pa dang lus bsgul ba'o/ /mig tu dug song ltar ni gzhug pa dang zhes bya ba ni mig la zhen pa dang 'dra na der sngags kyi 'bru bkod de mig phye nas ltar gzhug pa'i tha tshig go /khab kyis gzugs pa dang zhes bya ba ni myos pa bslad pa'i don du/ sen mo la sogs pa'i yan lag la khab kyis gzugs pa'i don to/ / skyug tu gzhug ces bya ba ni bros? shing 'thungs pas 'phrad du tshor na skyug tu gzhug pa'i tha tshig go /dus zhes bud dang zhes bya ba ni rig sngags bzlas pa'i dbugs kyis bud pa'o/ /yan lag gzhig pa zhes bya ba ni sngags dang sman gyis ma phyin pa'i

  204. 102b

    mi la mi'i sa bon khong du gzhug pa dang bcas te bsregs nas thal bar sbyor ba byas te/ de nas gso ba'i sa bon gyis lus bskyed pa'i don to/ /brang gi 'gro ba dag kyang dgug pa dang zhes bya ba ni sprul de nyid sngags kyi mthus bkug ste/ ngo mtshar dag bstan pa'o/ /bcing pa zhes bya ba ni phyag rgyas yan lag tu 'bros su mi gnad par mtshams bcad pa'o/ /mnan par bya ba zhes bya ba ni dug gi mthu nyid bkug la phur bus btab ste/ sa'i snying pos bskyed pa'i dbang chen gyi dkyil 'khor mnan pa'i don to/ / rmongs par bya zhes bya ba ni sbyor ba de rnams kyi sbyar na/ dug gi mthu drug go zhes bya ba'i tha tshig go /dug zer gzhug pa zhes bya ba ni 'gro ba'i dug bsad pa'i don du gnas pa'i dug 'byin la/ de nyid sman dang sngags kyi phyag rgyas bsad par bstan pa'o/ /dug ni gzhan la spo bar bya ba dang zhes bya ba ni rlung gi sa bon gyis bskyed pa'i rlung gi dkyil 'khor gyi steng du dug bzhag la/ gzhan gyi lus la spo'o/ /de nas kyang shing la sogs pa la spos nas sa'i dkyil 'khor gyis mnan te bzhag pa'i don to/ /lcags kyur ldan pas drang bar bya ba'am zhes bya ba ni tshigs la zhen pa rnams lcags kyu'i phyag rgyas drang bar bstan to/ /lus la zhen pa'i dug ni bslad ba dang zhes bya ba ni rkang pa la zhen te/ dbyung dka' bar gyur na/ rlung dang me'i dkyil 'khor gyi steng du/ dug bzhag na slong bar byed de/ langs te de bral? spo ba dang bsad pa dug bya ba'i don to/ /zos par bza' ba dang/ zhes bya ba ni snga ma'i rma khar sprul la sogs pa'i srog chags zar gzhug ces bya ba'i tha tshig go /zos pas bcad pa dang zhes bya ba ni gdug pas zin pa'i kha 'phro bcad de dor ba'o/ /sa bcing ba dang zhes bya ba ni dug mched de yan lag gzhan du 'bros su mi gnang bar mtshams bcad pa'o/ /pho nya btang ba dang zhes bya ba ni sprul gyis zin tam/ dug 'thungs so zhes spron pa'i mi ste/ de'i tshul la sogs

  205. 103a

    la sogs pa'i brtag pa ni/ /nam mkha' lding gi rgyud zhi ba'i gtsug gtor rnal 'byor dag las blta bar bya ste/ 'dir yi ge mangs su dogs pas ma spros so/ /bskrad pa zhes bya ba ni dug gas btab pa'i nyid la bya ba'i don to/ /klu rnams gzhig pa zhes bya ba ni sprul mgo'i phyag rgya la sogs pa bstan pas klu'i gdon rnams gzhil ba'i tha tshig go /rda dang dung gis sgras ni bslad bar bya zhes bya ba ni sman dang spos la sngags pas/ rol mo'i cha byad la bskas? te/ bsgrags pas dug gis myos pa bslad ba'i don to/ /sa yi steng na sprul ni brgyad cu dag /gzhan la gnod pa byed cing rnam par 'khyam/ /zhes bya ba ni sprul gyi rigs kyi sdom bshad pa'o/ /da dag rnams las nyi shu gdengs ka can 'khyil ba drug dang zhes bya ba ni rigs so sor dbye na dug can du rig par bya'o/ /khro bo bcu gsum zhes bya ba ni dug can yang yod dug med pa yang yod par rig par bya'o/ /sum cu gang yin rigs de'i nang du gtogs zhes bya ba ni bar ma do'i rigs su bsdu zhes bya ba'i tha tshig go /gcig lhag pa yang bar ma nga'i rigs gang yang brtsi rung bas nyes pa med do/ /go d+ha zhes bya ba ni rtsangs pa 'dra bar 'dug pa zhig yod do zhes grag go /kha brgyad ces bya ba ni sdom gdug pa'o/ /rnam par dbye ba rab tu mang po yod ces bya ba ni 'dir ma smos pa'i srog chags gdug pa rnams so/ /gcin rtug kha chu reg dang zhes bya ba ni rngad dang shing thog dag las dug dbyung ba'o/ /mthong ba dang zhes bya ba ni klu gdug pas bltas pas mi la dug gtong ba'i don to/ /mche ba btsugs pa las ni dug kyang gtod zhes bya ba ni sprul la sogs pas zin nas 'dug ldang ba'o/ /de la dug gi rgyud la mkhas pa yis/ /rab 'bring tha ma rnam pa gsum du dbye zhes bya ba ni gcin rtug la sogs

  206. 103b

    pa'i tshad mang nyung dang/ mchi bas zin pa'i rma che chung las drag thal dang/ dug gis rigs dbye ba shes par bya ste/ de yang nam mkha' lding gi rgyud kyang kas bsdus pa las/ ji skad du/ sa yi dug gis blun bcas khyi la sogs/ 'dus pa dag gi nad kyang byad par bshad/ /de bzhin du ni chu sbrul rnams ldang ba/ /khu chu 'dzag cing lkog ma 'gag par byed/ /mchi ma 'dzag cing skom par byed pa dang/ /khrag 'phrog pas ni mer yang mngon par 'gyur/ /rlung gis mdog med skam zhing lce bskyod dang/ zin pa'i sa yang nag por byad pa yin zhes bshad pa bzhin rtogs par bya ba'i don to/ /dug bod pa zhes bya ba ni dug langs nas rang dbang med par dug la 'dzin pa'o/ /khro bo'i dbang gyur zhes bya ba ni rang bzhin gtum pas 'dzin par bstan pa'o// skrag pa zhes bya ba ni mi mthong nas sdangs te slar za zhes bya ba'i tha tshig go /sdang ba zhes bya ba ni rnga la sogs pa'i sgras 'dogs nas mi la za ba'i don to/ /bkres pa'i zas phyir zhes bya ba ni zas 'dod pa kho na'i phyir 'dzin pa'i tha tshig go /sha khon yang pa zhes bya ba ni gtses shing tshang bshig pa'o/ /gshin rjes bstan pa zhes bya ba ni blo pur du gang las 'ongs gtol med pas zin nas 'chi bar byad do/ /lus la rdzis na zhes bya ba ni smad de khros nas slar ro mkhris ldon zhing 'dzin pa'o/ /ma bsgrims rte gsang sngags cho ga bzhin bzlas bsgrubs na ni zhes bya ba yang de nyid las ji skad du/ bya btags byung ba rnams kyi ji bzhin du gyur pas sa dang chu dang me dang rlung gi ngo bo nyid de nyid de gnyen po'i sa bon gyi/ sbyor ba yis ni dug kyang dbrog par bya zhes bya ba ni 'dir sbyor bar bstan to/ /lha klu lha min zhes bya ba la sogs pa ni gdon rnams kyi zin pa las gso bo zhes ni gsungs na/ gdon gyi rigs nges par ma gsungs pa rnams kyi 'dir bstan pa'o//

  207. 104a

    sa'i steng na gdon sna tshogs pa zhes bya ba ni de dag gi gnas bstan pa'o/ /mi yi sha tshil za zhing khrag kyang 'thungs zhes bya ba ni de dag gi zas bstan to/ /mya ngan zhes bya ba la sogs pa ni gdon 'jug pa'i skabs bstan to/ /de dag rnams kyis zin pa'i mi 'phyan cing zhes bya ba la sogs pa ni gdon gyis zin pa'i rtags bstan to/ /gtor ma 'dod pa 'am zhes bya ba la sogs pas ni gdon 'jug pa'i rgyu bstan to/ /de la rtsed mo byed 'dod pa 'am zhes bya ba ni gdon pho mos 'dod chags la brten 'dod pas 'dzin 'dod pa'o/ /bsad pa'i don du zhes bya ba ni de dag gis bza' ba'i phyir bzung nas mi gtong ba'i don to/ /lus la 'babs shing 'jug ces bya ba ni de dag khong du zhugs nas brlams par gyur pa'o/ /gsang ba pa rnams gzhig phyir zhes bya ba ni gdon rnams la ngo lon bya dgos par bstan pa'i don to/ /rigs kyi mchog mthu chen mchog sbyin zhes bya ba nyid rdo rje lcags kyu ma zhes bya ba yin no/ /gzhan yang nga yi rigs las byung ba'i rig pa yi zhes bya ba ni rdo rje rigs kyi pho nya mo bcu la sogs pa'o/ /khro bo bdud rtsi thab sbyor la sogs pas zhes bya ba ni rdo rje rigs kyi khro bo thams cad gso zhes bya ba ni gsang sngags de rnams kyis gdon dang bral nus pa'i phyir sbyar bar bstan to/ /gdon rnams 'jig par zhes bya ba ni gsang sngags de rnams kyi gzi brjid zla dpe med par che ba'i phyir ro/ /de ltar ni mi min zhes bya ba la sogs pas ni 'jig rten pa'i gsang sngags la goms pa'i mthu lta bu med pas gdon rnams mi skrag bar gsungs so/ /grong khyer sum rtsegs ces bya ba ni lha ma yin gyi rgyal po thag bzangs ris dang/ sgra can rnams kyi pho brang rim par rtsegs pa ste/ 'joms byed

  208. 104b

    ces bya ba ni lha chen pos lha ma yin gyi gnas de rnams su mda''bar gcig 'phangs pas bsreg te thal bar byas pa'i phyir ro/ /gzi can nyi ma zhes bya ba ni lha'i bu nyi ma'o/ /mes bo zhes bya ba ni tshangs pa ste/ de las sems can thams cad 'byung bar 'dod pa'i phyir ro/ /chu bdag ces bya ba ni klu'i rgyal po rnams so/ /nor bdag ces bya ni ku be ra'o/ /gnod sbyin rgyal po zhes bya ba ni rnam thos kyi bu'o/ /lhag ma zhes bya ba ni gong ma dag las bltos nas de'i phyir ram gzhan yang zhes bya ba'i don to/ /sa srungs kyi bu zhes bya ba ni glang po che ste/ de la zhon pa zhes bya ba ni brgya byin no/ /lha ma yin gyi grong khyer 'jigs ces bya ba yang de nyid do/ /'byung po'i rig sngags 'dir ni kun mthong dang zhes bya ba la sogs pas ni 'jig rten ba'i gsang sngags de rnams de ltar smad pa yin gyis kyang gdon gyis las kyis rgyu la mkhas par bya ba'i phyir bslab dgos par bstan to/ /rigs gsum 'phel dang zhes bya ba ni sangs rgyas te de la lhag pa'i tshul khrims dang lhag pa'i sems dang lhag pa'i shes rab kyi rig pa dpag tu med pa'i don to/ /srid gsum mthar phyin nang zhes bya ba ni khams gsum las grol ba'i phyir ro/ /nyes pa gsum spangs zhes bya ba ni 'dod chags dang zhe sdang dang gti mug gi nyes pa gtan du bsal ba'i tha tshig go /lam gsum du thugs su chud dang zhes bya ba ni theg pa gsum gyi tshul mkhyen pa'i phyir ro/ /de'i sras zhes bya ba ni nyan thos dang byang chub sems dpa' rnams so/ /de'i lam rjes 'gro ba'i lha dang lha min zhes bya ba ni 'jig rten pa'i lha sangs rgyas la phyogs pas so so nas rig sngags phul ba rnams te/ bdag nyid chen po zhes bya ba ni mthong ba'i chos la mngon par mtho ba'i dpal thob pa'i don to/ /mun pa sel ba zhes bya ba ni yang dag pa'i shes rab

  209. 105a

    kyis ma rig pa'i mun pa bsal bas nges par legs par 'gyur ro/ /byin gyis brlabs pa zhes bya ba ni bshad ma thag pa'i 'jig rten pas so so nas byin gyis brlabs pas so/ /'jig rten lha tshogs rnams kyi sngags pa yis/ gsang sngags mthu yis shes bya ba ni de bzhin gshegs pa 'jig rten du ma byung ba'i tshe so so nas bshad pa rnams te/ de la bskyod du med ces bya ba ni snga ma'i mthu la des 'gran du mi bzod ces bya ba'i don to/ /gzhan i go bar sla bas ma phye'o/ /khyod kyi spyod pa sna tshogs zhes bya ba ni gang lag gang gis 'dul ba de la de'i gzugs dang tshul du bstan pas gdul bya'i 'gro ba rnams 'dzud pa'i don to/ /kha cig gis ni rdo rje 'bar ba mthong zhes bya ba ni dpang po 'dul ba rnams la ni brgya byin gyis gzugs dang rdo rje thogs pa dang/ lha rnams dan mthun pa'i tshul du bstan to/ /zhes bya ba'i tha tshig go/ gzhan gyis dbyug tho gzhan gyi 'khor lo can zhes bya ba de bzhin du ku be ra'i gzugs su yang ston pa'i don to/ /'khor lo can zhes bya ba ni khyab 'jug go/ mdung rtse gsum thogs pa zhes bya ba ni dbang ldan no/ /zhags pa can zhes bya ba ni chu lha'o/ /ral gri thogs pa zhes bya ba ni bden bral lo/ /gzhu thogs pa ni nyi ma'o/ /btson can zhes bya ba ni gshin rje'o/ /de bzhin du rlung lha dang me lha la sogs te 'dir ma smos pa'i lha la sogs pa thams cad kyi gzugs su yang ston to/ /'jigs pa'i gzugs can zhes bya ba ni 'phags pa rdo rje ri rab kyi rtse mo khang pa rtsegs pa'i gzungs las ji skad du/ 'jigs pa pas kyang 'jigs par byed pa 'chi bdag kyang skrag par byed pa khams gsum pa thams cad kyi bsdus pa lta bu'i lus dang ldan pa'i khro bor gyur na zhes gsungs pa lta bur yang ston pa'i don

  210. 105b

    to/ /mtshon cha kun thogs zhes bya ba yang de nyid las/ lag pa stong phrag du ma la/ rdo rje dang zhags pa dang gtun shing dang zhes rgya cher gsungs pa lta bur ston pa'i phyir ro/ /zhi ba nyid du mthong zhes bya ba ni nges bas 'dul ba rnams la de ltar snang ba'i tha tshig go/ dmigs med sku mnga' zhes bya ba ni chos kyi sku dang ldan pa'i don to/ /gzhan ni go bar zad do/ /dbul ba'i mun pa zhes bya ba ni shes rab dang dpal dang nor rnams gang a yang mi snang ba'o/ /gsal nas nyi ma bzhin du 'bar bar 'gyur zhes bya ba ni shes rab dang dpal dang gzugs dang nor rnams legs par rdzogs par gyur nas 'jig rten mngon par mtho bar snang ba'i don to/ /yan lag mi nyams zhes bya ba ni dngos grub thob nas kyang bzlas brjod kyi yan lag mi nyams pas zlos pa'i don to/ /sems kyang mi nyams shing zhes bya ba'i de'i dus su 'dod pa'i yon tan la spyod kyang phyin ci log gis dbang du mi 'gyur ba'i tha tshig go/ nad dang sdug bsngal lus nyams mi 'gyur ba/ /khyod la dad pa'i mis ni thob par 'gyur/ /zhes bya ba ni gnod ba sna tshogs sel ba'i sman pa'i rgyal po yin par brjod pa'o/ /gzhan ni go sla bas ma phye'o/ /le'u bcu gcig pa'i don bshad zin to// //'phags pa dpung bzang gis zhus pa'i rgyud tshig gi don bshad pa'i rjed byar rdzogs so// (//'phags pa dpung bzang gis zhus pa'i rgyud kyi bsdus pa'i don 'gro la bzhugs so//) !/ /rgya gar skad du/ Arya su bA hu pa ri prits+tsha nA ma tan+t+ra piN+DArtha bi ti/ bod skad du/ 'phags pa dpung bzang gis zhus pa'i rgyud kyi sdus pa'i don bkrol ba'i rjes byang/ bcom ldan 'das rdo rje 'dzin pa la phyag 'tshal lo/ /bcom ldan 'das gsang sngags rig sngags dbang phyug gi/ ye shes nyi ma'i 'od zer 'bar ba des/ /rig sngags rgya mtsho'i gsang sngags tshogs rnams

  211. 106a

    kyi/ /dngos grub pad+ma nges par phye ba dang/ /dpung bzang thugs rje'i zla ba shar ba des/ /dngos grub 'tshol la rmongs a'i gti mug gis/ /mun gyis bsgribs pa'i skye bo rnams gzigs nas/ /yal la zhus pa de la phyag 'tshal lo/ / mdo sde 'chad par 'dod pa'i rnams/ /dga' bar byed pa'i bsdus pa'i don/ /'di ni slob dpon bdag nyid che/ /sangs rgyas gsang bas yang dag mdzad/ /de yi sdom yang rnam gsum ste/ /rgyud kyi lus su bzhag pa dang/ /kun la med du mi rung dang/ / don rnams bye bas mdo 'di bsdus/ /de la dang po rgyud kyi lus rnam bar bzhag pa'i dbang du mdzad nas/ mdo sde 'di las na sangs rgyas dang/ byang chub sems dpa' dang/ /'jig rten pa'i lha'i bye brag rnams kyi rig sngags dang/ gsang sngags bshad pa gang yin pa de dag/ rigs gsum po de bzhin gshegs pa dang/ pad+ma dang rdo rje dang/ de bzhin du gzhan yang nor can dang/ rgyas pa dang/ 'jig rten pa'i rigs kyang gsum du yang dag par bsdus pa bstan to/ /zhes gsungs so/ de la mdo sde 'di zhes bya ba ni zhal nas gsungs pa rmad du byung ba'i sde las/ bya ba'i rgyud 'phags pa dpung bzang gi/ zhus pa zhes grags so/ /sangs rgyas zhes bya ba ni ma rig pa'i nyid sangs shing pad+ma rgyas pa bzhin du bye zhing rgyas pa'i don to/ /byang chub sems dpa' zhes bya ba ni/ byang chu dang sems can la dmigs pa 'am/ byang chub kyi phyir gsan thub pa'i don to/ /'jig rten pa zhes bya ba ni/ khams gsum pa'i 'dod chags dang ma bral ba'i gsang sngags kyi lha rnams so/ /lha'i bye brag rnams zhes bya ba ni/ sangs rgyas dang/ byang chub sems dpa' dang/ 'jig rten pa spyi dang/ so so'i rnam grangs gzhag pa'o/ /rig sngags zhes bya ba ni nyon mongs pa rnams 'joms pa dang/ don phun sum

  212. 106b

    tshogs pa thob pa'am/ 'dis ji ltar gyur pa'i dngos po rig pas na/ rig sngags te/ de yang bud med kyi gzugs dang/ dbyibs kyi lha dang/ de ston pa'i sgra dang/ phyag rgya la sogs pa'o/ /gsang sngags zhes bya ba ni/ shes pa dang dpung nyen du ldan pa 'am/ gsangs te brjod pa'i phyir gsang sngags te/ gzugs la sogs pa ni snga ma las zlog pa'i skyes pa'i zhes bya bar sbyar ro/ /bshad pa gang yin pa de dag ces bya ba ni/ so so'i rgyud dang/ cho ga zhib mo tha dad pa'o/ /rigs gsum po zhes bya ba ni bya ba'i rgyud la gzhan dag las grags pa ste/ de bzhin gshegs pa'i rigs zhes bya ba ni/ chos thams cad kyi rang bzhin ji lta ba bzhin du mkhyen cing/ sngon gyi sangs rgyas rnams ji ltar gshegs pa bzhin du byon pa'i don to/ /des byin gyis brlabs pa'i gsang sngags kyi lha gtsug tor la sogs pa dang bcas pa'o/ /pad+ma'i rigs zhes bya ba ni/ nyon mongs pas ma gos pa'i thugs rje'i spyan gyis nyin mtshan dus drug tu sems can rnams la gzigs pa 'phags pa spyan ras gzigs dbang phyug ste/ des 'gro ba bsgral bar byin gyis brlabs pa'i rig sngags sgrol ma la sogs pa'i 'khor dang bcas pa'o/ /rdo rje'i rigs zhes bya ba ni/ bstan pa bsrung ba dang/ sdang ba rnams gzhom pa'i don du byang chub sems dpa' kun tu bzang po la pha rol tu phyin pa drug gis bskyed pa'i ye shes rdo rjer byin gyis brlabs nas/ de bzhin gshegs pa rnams kyis phyag na rdo rje dbang bskur te/ de'i byin gyis brlabs bstan pa'i gsang sngags kyi khro bo la sogs pa'i tshogs dang bcas pa'o/ /kha cig na ro rab tu grub par byed pa'i rgyud chen po las/ ro stod las ni byung ba'i mchog/ lte ba man chad tha ma yin/ /bar gyi lus las byung ba 'bring/ /

  213. 107a

    gsang sngags rnams kyi dngos grub bstan ces gsungs pa dang/ rnam par snang mdzad mngon par rdzogs pa byang chub pa'i rgyud chen po las kyang/ /rdo rje 'dzin pa'i lus 'dra ba dang/ byang chub sems dpa' kun tu bzang po dang/ phyag na pad+ma'i lus 'dra bas dag/ phyogs bcu na gsang sngags kyi tshul gyi tshig rnam par dag pa'i tshig gis chos sngon pa dag kyang mthong ngo zhes kyang gsungs pas/ bshad pa de 'gal lo zhe na/ gzhan dag na re gtsug tor gyi rgyud las gtsug tor 'khor lo sbyar ba'i ran bzhin bshad pa las/ bcom ldan 'das 'di sangs rgyas tham cad dang/ gsang snags kyi tshul du gnas nas/ thugs rje chen po'i lus can tham cad la ston par bzhugs shing/ gsang sngags rnams kyis bdag po mdzad do zhes gsungs so/ /gzhan yang ji ltar nyi ma'i dkyil 'khor gyi 'od zer dpag tu med 'dres shing/ rtag tu bya ba gcig la 'jug 'jig rten la yang snang bar byed/ /de bzhin zad med dbyings na yang/ /sangs rgyas dpag tu med 'dres shing/ /mdzad pa gcig ni mdzad pa la/ /ye shes snang g mdzad par 'dod/ ces gsungs te/ gang ltar yang mi 'gal lo/ /ji skad du/ zag med dbyings na sangs rgyas rnams/ /mkha' ltar lus ni med phyir dang/ /sngon gyi rjes lugs 'grang ba'i phyir/ /gcig min mang po nyid ma yin/ zhes bshad pa'i phyir ro/ /de bzhin du zhes bya ba ni snga ma gsum dang 'dra bar rig sngags kyi lha'i rnam grangs su bzhag pa'i don to/ /gzhan yang zhes bya ba ni rgyud gzhan la ma grags pa 'dir gleng ba'i tha tshig go /nor can gyi rigs zhes bya ba ni/ dpal nor bu bzang po la sogs pas nor gyi rgyun zad mi shes par byin gyis brlabs nas/ sems can gyi dbul ba'i gnod pa sel ces bya ba'i don to/ /rgyas

  214. 107b

    pa'i rigs zhes bya ba na/ bu lnga brgya dang 'grogs shing tsho lo lngas rtse bar ston pas lngas rtsen te/ des bu tsha 'phan pa dang/ longs spyod 'phel ba rgyas pa'i las grub par byed ces bya ba'i tha tshig go /'jig rten pa'i rigs zhes bya ba ni/ lnga dod rnams la ma rtogs pa'i lha dang/ lha ma y9n la sogs pas so so'i gsang sngags cho ga dang bcas te phul ba'o/ /gsum du yang dag par bsdus pa ston to/ zhes bya ba ni/ nor can i pad+ma'i rigs kyis bsdus so/ /rgyas pa ni rdo rje'i rigs kyis bsdus so/ /'jig rten pa'i rigs kyang de dag gi bgab tu phal cher 'dus par rigs par bya'o/ /de dag gis ma bsdus pa rnams ni de bzhin gshegs pa'i byin gyis brlabs pas byung ba dang ma yin yang/ byang chub sems dpa' sa la gnas pa ltar bde bar gshegs pa nyid kyi rigs su skyes pa yang ma yin pas/ de bzhin gshegs pa'i rigs la brten pa zhes gdags te/ don de rgyud 'di nyid las kyang/ gzhan yang 'di na ka cig gnas med par/ /bde bar gshegs la brten cing yongs 'khyam pa/ zhes gsungs so/ /de ltar de rnams sangs rgyas kyis btul te dam tshig la gnas shing rigs gsum po'i nang du 'dus par snang gis kyang/ de bzhin gshegs pa 'jig rten du ma byung ba'i tshe so so nas bshad pa'i rgyud rnams ni 'dir mi bsdu bar rigs par bya ste/ rgyud 'di nyid las ji ltar du/ de nas gzhan yang 'ji ten pa bsdus nas/ zhar la bshad a 'di dag khyod kyi nyon/ zhes bya ba la sogs pa gsungs so/ rgyud 'di thams cad la med du mi rung ba nyid du bston pa'i dbang du mdzad nas/ de dag gi rigs dang/ rig sngags dang/ gsang sngags dang/ las kyi dbye ba dang/ mnyes par bya ba'i thabs kha cig tu ni rgyas par spros la/ de las gzhan du ni

  215. 108a

    cung zad tsam du bstan pa dang/ gzhan dag tu ni ma gsungs so snyam du dgongs nas/ bcom ldan 'das rdo rje 'chang gis rig sngags tham cad kyis mnyes par byas pa'i thab su gyur pa/ 'jug pa dang/ sbyor ba dang/ sgrub pa dang/ grub pa'i spyod pa bstan pa rnams dpung bzang gis zhus pa'i sang sngags kyi mdo sde'i le'u bcu gcig po 'dir gtan la dbab par bstan to/ /zhes gsungs so/ /de dag gi rigs dang/ rig sngags zhes bya ba la sogs pa ni bshad ma thag pa'o/ /las kyi dbye ba zhes bya ba ni bzlas brjod dang sbyin sreg gi khyad par gyis/ zhi ba dang/ rgyas pa dang/ dbang dang/ drag shul spyod par gsungs so/ /mnyes par bya ba thabs zhes bya ba ni/ dam tshig 'dzin pa dang/ dbang bskur ba dang/ mchod pa la sogs pa'i nges pa'i mtshan nyid dang/ bzlas brjod dang/ sbyin sreg byed pa'o/ /kha cig tu ni rgyas par spros la/ zhes bya ba ni rgyud la la dag las 'phros che bar gsungs pa/ dbang po brtul po rnams kyis mi 'dus zhes bya ba'i tha tshig go/ de las gzhan dag tu ni cung zad tsam du bstan pa dang/ zhes bya ba ni kha cig tu zur tsam gyis bstan pa thos pa nyung dus mi go ba'o/ /gzhan dag du ni ma gsungs so/ /zhes pa ba ni rgyud kha cig tu gsang sngags dang de'i phan yon tsam ni gsungs la/ de dag gi rigs la sogs pa'i dbye ba dang mnyes par bya ba'i thabs ni ma gsungs so/ zhes bya ba'i tha tshig go/ dgongs nas zhes bya ba ni/ don ma 'dus pa dang/ mgo ba dang/ cho ga med pa'i rnams bsgrub du mi rung ba las dgongs pa'i don to/ /bcom ldan 'das zhes bya ba ni bdud bcom zhing gzugs la sogs pa'i legs pa drug dang ldan pa'i don to/ /rigs

  216. 108b

    thams cad kyis mnyes par bya ba'i thabs su gyur ba zhes bya ba ni/ 'jig rten las 'das pa dang/ 'jig rten pa thams cad la yang 'dir sbyar dgos par bstan to/ /'jug ba zhes bya ba ni/ rig sngags 'chang sgrub pa dang/ mi sgrub pa gnyis ga'i thun mong dang/ thun mong ma yin par 'jug pa'o/ /sbyor ba zhes bya ba ni/ lha rnam pa drug po gzugs dang/ phyag rgya dang/ yi ge dang/ sgra dang kun rdzob kyi ting nge 'dzin rnam pa dang bcas pa dang/ don dam pa'i ting nge 'dzin gnyis med pa la sbyar ba'o/ /sgrub pa zhes bya ba ni lus sam/ rdzas sam/ longs spyod sgrub pa'o/ /grub pa zhes bya ba ni 'bar ba la sogs pa'i bye brag gi dngos grub gang yang rung ba zhig tu gyur nas/ ji ltar spyad pa bstan pa'o/ /dpung bzang zhes bya ba ni phyag na rdo rje'i sras te dbang gis dpung pa bzang po las 'khrungs pa/ 'dir zhus pa'i gang zag gi dbang du mdzad de/ rgyud kyi ming yang de dang mthun par brtags par rig par bya'o/ /le'u bcu gcig po zhes bya ba ni le'u rim par bkod pa'i grangs so/ /gtan la phab par bstan to/ zhes bya ba ni mdor bsdus pa dang go sla bar byas te nges par bstan pa'i don to// //don rnam par dbye ba'i dbang du mdzad nas/ de la le'u dang po ni don bdun gyis bshad par bstan la/ tshig dang po'i don ni 'di lta ste/ mdo sde dang de 'chad pa dang/ zhu ba dang/ 'grel ba dang/ brjod par bya ba dgos pa dang/ dgos pa'i yang dgos pa rnams kyi bstan te/ zhes gsungs so/ /de la le'u dang po zhes bya ba ni thog mar gsungs pa'i le'u'o/ /don bdun gyis bshad par bstan la/ zhes bya ba ni don gyi rnam grangs bdun no/ /tshig dang po'i don zhes bya ba ni bdun pa'i dang po'o/ /de la med sde zhes bya ba ni dpung bzang kyis zhes pa zhes grags

  217. 109a

    pa'o/ /de 'chad pa ni bcom ldan 'das rdo rje 'dzin to/ /zhu ba ni 'phags pa dpung bzang ste/ de gnyis kyang skye ba gcig gis thogs pa'i phyir/ byang chub sems dpa' i mngon par shes pa dang/ gzungs dang/ so so yang dag par rig pa dang/ ting nge 'dzin dang/ dbang dang/ bzod pa dang/ rnam par thar pa thams cad kyi dam pa'i pha rol tu son pa/ byang chub sems dpa' i sa thams cad la sgrib pa ma lus par spangs pas bshad cing bzung ba'i sgo nas gang dag gang zag gi rjes su 'brang pa rnams rgyud la gus pa skye'o/ /'brel pa zhes bya ba ni 'phags pa rdo rje 'dzin pa la sogs pa rig sngags thams cad du grub pas/ rgyud 'di las bshad pa 'am/ yang na rgyud 'di las goms shing/ 'di man ngag bzhin du spyad pas/ rig sngags 'chang rnams dngos grub thob pa'i phyir ro/ /brjod par bya ba zhes bya ba ni/ rig sngags thams cad mnyes pa'i thabs su gyur pa/ 'jug pa la sogs pa'i spyod pa rgyud 'dis ston pa'i don to/ /dgos pa zhes bya ba ni cho ga'i gnas rnams gtan la phab par shes pa dang/ yid la byed pa'i phan yon thob par 'gyur ba'o/ /de la cho ga'i gnas rnams gtan la phab par shes pas ni/ 'jug pa la sogs pa'i dus na las su bya ba thams cad rtogs par khong du chud pas bde blag tu sgrub pa la 'jug nus la/ yid byed pa'i phan yon thob pas ni zhi gnas kyi rjes su mthun pa dang lhag mthong 'phel ba'i rjes su mthun par 'gyur ba'i phyir ro/ /de yang rig sngags 'chang gi sde snod las/ gnas pa gsum dang/ rnam par thar ba'i sgo gsum la gzhol bar bya'o/ /de la gnas pa gsum ni 'phags pa'i dang/ lha'i dang/ tshangs pa'i gnas pa'o/ /de la 'phags pa'i gnas

  218. 109b

    pa ni 'phags pa'i bden pa bzhi'o/ lha'i bsam gtan bzhi'o/ /tshangs pa ni tshad med pa bzhi'o/ /stong pa nyid dang/ mtshan ma med pa dang/ smon pa med pa'i mtshan nyid ni rnam par thar pa'i sgo gsum yin no/ /zhes 'byung ba dang mthun par 'di yang gsungs so/ /de dag 'og nas thod rgal du 'byung ba rnams 'dir sbyar bar bya ste/ de la 'phags pa'i gnas pa bden pa bzhi po 'di ci'i phyir bshad ce na/ mya ngan las 'das pa dang/ 'khor ba gnyis kyi yon tan dang nyes pa ma rtogs pa'i phyir/ byis pa rnams srid pa dang/ longs spyod la mngon par dga' zhing mya ngan las 'das pa la skrag go /de'i phyir 'khor ba la skyo bar bya ba'i don dang/ mya ngan las 'das pa mngon sum du bya ba'i don du bden pa bzhi la 'jug par bya ba'i phyir dran pa nye bar gzhag pa bsgom par bstan to/ /de la lus dran pa nye bar bzhag pa'i dbang du mdzad nas 'dod chags shas che mi gtsang sha tshil dang/ lpags pa keng rus blta bas rnam par bzlog ces bya ba dang/ lus 'di mi gtsang pags pa sha khrag rkang/ /glang rgyas rgyu ma mcher 'chin mkhal ma zhag /mkhris pa bad kan kha chu phyi sa dang/ /gcin snabs ba spu skra dang rul pa dang/ /mig dang rna ba sna dang kha dang ni/ /bshang sgo'i mtshan dang bu ga dgu po yi/ /rma nas dri ma sna tshogs mi gtsang ba/ /'dzag pa'i rgyu ni rtag tu 'byung ba yin/ /de ltar yan lag thams cad 'dus pa dang/ /sa chu me rlung nam mkha' rnams dang ldan/ /ji bzhin las kyi rje 'drang mi yi lus/ /thams cad ldan pa'i lus la gnas pa yin/ /'dod chags kyis ni gsungs par gyur na yang/ /lus kyi yan lag 'di dag thams cad la/ /dran pa rtse gcig mngon du byas nas ni/ /ye shes mig gis so so

  219. 110a

    rnam par brtag/ /de ltar gang gis nges par brtags pa na/ /lus dang srog la rjes su chags pa yi/ /'dod chags rtsa nas yongs ye zhi 'gyur te/ /nyi mas mun nag gtan nas bsal ba bzhin zhes gsungs te/ 'dis ni gnas ngan len rab tu bston te/ de la yongs su brtags nas/ sdug bsngal gyi bden pa la 'jug go /zhes bstan to/ /tshor ba dran pa nye bar gzhag pa'i dbang du mdzad nas/ tshol dang mdza' shes dang ni rnam par bral/ /mi dug pa dang phrad cing 'dod pas gdungs/ /ngan pa skye rga 'chi ba'i sdug bsngal can/ /yul rnams kun tu song na'ang med pa min/ /sha sgrang tsha grangs bkres dang ngal la sogs/ /gang du song na'ang sdug bsngal nyid yin pas/ /yungs? la mngon dga' i sems ni byung ba na/ /rnam rtogs de dag rnams kyis bzlog par bya zhes gsungs te/ 'dis srid pa'i rgyu ni tshor ba ste/ de la yongs su brtags pas kun 'byung ba'i bden pa la 'jug go zhes bstan to/ /sems dran pa nye bar bzhag pa'i dbang du mdzad nas/ sems ni glog dang spre'u dang rlung dang mtshungs/ /rgya mtsho chen po yi ni blabs dang 'dra/ /sgyu can 'dod dgur 'dod yon mngon dga' ba/ /g.yo zhing 'phyan pa dres par gdul bar bya zhes bya ba dang/ de phyir bcom ldan rgyal ba'i dbang po yis/ /chos 'di kun gyi rtse ba sems zhes gsungs/ sems ni dang bar lha mi bde ba dang/ /mtho res dang ni byang grol thob par 'gyur/ /sems kyi skyon gyis dud 'gror skye ba dang/ /sems dmyal gnas shing mi sdug dbul por 'gyur/ /sems ni rab tu dad par gyur pa'i mis/ /sa chu me rlung skye rga 'chi sogs dang/ /bar dang tha mar gnod pa kun bral ba/ /rnam grol bde zhing zhi ba thob par 'gyur/ /gsang sngags dngos grub

  220. 110b

    kun dang thun mong pa/ /bde ba chung zhing sdug bsngal brgya dang 'brel/ /nyon mongs dug bcas rnam par 'jigs 'gyur ba/ /dang po'i sems kyi thob par gyur pa yin/ zhes gsungs te/ 'dis ni rtag tu mngon par zhen pa'i gzhi ni sems te/ de la yongs su brtags pas 'gog pa'i bden pa la 'jug ste/ bdag chad par dogs pa'i 'jigs pa med pa'i phyir ro/ /zhes bstan to/ /chos dran pa nye bar gzhag pa'i dbang du mdzad nas/ /'dod rgyal las kyang ma byung dus las min/ rang bzhin dbang phyug las kyang ma yin te/ /rgyu med can min skyes bus ma byas kyang/ /las dang nyon mongs pa las sems can byung/ /gzugs ni 'byung ba che po bzhi dang ldan/ /de ni bdag ming gzugs kyang bdag ma yin/ /gzugs la bdag med bdag la gzugs med de/ /gzugs ni stong pa'o phung bzhi'ang rig par gyis/ /gzugs ni dbu ba rdos pa dag dang 'dra ba ste/ /tshor ba chu'i chu bur bzhin du rtag pa med/ de ltar mthong ba lta ba bzang po yin/ /gang zhig gzhan gyur de ni lta ngan gsungs zhes gsungs te/ 'dis ni chos la yongs su rtags pas nyung nas nyon mongs pa dang/ rnam par byang ba'i chos la rmongs pa med pa'i phyir/ lam gyi bden pa la 'jug go /zhes bstan to/ /'dir tshigs su bcad pa/ gnas ngan len phyir sred rgyu'i phyir/ /gzhi yi phyir dang ma rmongs phyir/ /bden pa bzhi la 'jug bya bas/ /dran pa nye bar bzhag pa bsgom/ /dran pa nye bar gzhag bsgoms pa de nyid la mi mthun pa'i phyogs dang/ gnyen po gnyis skye 'byung dang/ ma skyes pa tha dad pas brtson 'grus rnam pa bzhi 'byung ba ni/ yang dag par yong ba ste/ mi mthun pa'i phyogs bsal ba la skyes pa rnams kyis rgyud bcad pa'i dbang du mdzad nas/ tshig

  221. 111a

    rtsub phra ma kyal pa smra ba dang/ /gzhan gyi bud med bgrod dang brdzun smra dang/ /rku dang gzhan gyi srog gcod gnod byed dang/ /chad dang byed pa rtag tu spang bar bya/ /rmongs pa gang gis lus dang ngag dang ni/ /de bzhin yid kyi bsod nams bsags byas kyang/ /thams cad log par blta bas bcom pas na/ /de yi rnam smin mi 'dod 'bras bur 'gyur/ /dper na sa dang chu dang dus ldan yang/ /sa bon tshig pa myu gu mi skye ltar/ /de bzhin mi shes log ltas bcom pa yi/ /sems las dge ba'i chos rnams mi skye'o/ /rtag tu sems ni dge ba bcu dag gi /chos kyi lam la gnas par byas na legs/ zhes bya ba dang/ ser sna dregs dang rgyags pa rnams spangs te/ zhes gsungs te/ 'di ni sdig pa mi dge ba'i chos skyes pa rnams spang pa'i phyir 'dun pa skyed do/ /'bad do brtson 'grus rtsom mo/ /sems rab tu 'dzin to/ /yang dag par rab tu 'jog go zhes bstan to/ /mi mthun pa'i phyogs bsal ba la ma skyes pa'i rnams mi bskyed pa'i dbang du mdzad nas/ gang zhig dgra bcom pa ma gsod pa dang/ thub pa'i dge 'dun dbyen ni byed pa dang/ /de bzhin gshegs la sdang ba'i sems kyis su/ /nam zhig mi dag sku 'tshal 'byin byed pa/ /shin tu mi bzang pa yi las 'di rnams/ /rgyal bas mtshams med lnga po yin par bshad/ /gti mug gis ni sdig pa ci byas na'ang/ /phung po 'di la grub pa thob mi 'gyur/ /mchod rten 'jig cing byang chub sems dpa' gsod/ /nyon mongs zad pa'i ma ni sun 'byin dang/ /slob pa gsod kyi dge 'dun mnga' ba la/ / gang zhig 'dod pas ma nyung du 'phrog dang/ /ma tshams med nye lngar de bzhin gshegs pas gsungs/ /tshul nyams mi ni 'ga' zhig 'di byed pa/ /bskal pa'i bar du mnar med sdug bsngal myong/ /gsang sngags dngos

  222. 111b

    grub bsgrims kyang yong mi 'thob/ /gang zhig bde gshegs gsung gi glegs bam dag/ chud gzon pa 'am mes ni bsreg pa dang/ /bsam pa ngan pas chur ni 'dor ba dang/ /yang na chos kyi sku ni spong ba 'am/ /bslab tshigs ma lus pas ni brgyan pa yi/ /dge slong dag dang dge slong ma gsod dang/ /dge bsnyen dang ni dge bsnyen ma gsod dang/ /ngan pa'i sems kyi lha khang sreg kyang rung/ /mi yi yul ni sdig pa 'di byas pa/ /dka' bar spyod par ldan yang grub mi thob/ /gang zhig dkon mchog gsum la gnod pa yi/ /bsam pas gnod pa cung zad byas kyang rung/ /bdag nyid mnar med yun ring dmyal bar bcos /de las thar na'ang las kyi dbang gis ni/ /rigs ngan mi dang dud 'gror skye ba 'thob/ /'di dag ngas ni khyod la mdor bshad do/ /zhes bya ba dang/ /gang zhig mi bzad las byed thub pa gsod/ /rig sngags gcod dang gnon par byed pa 'am/ /bsam pa ngan pas gsang sngags tshogs mi mchod/ /don med bzhin du sen mos rtswa gcod dang/ /rkang pas rkang mnyed mal la sogs pa yi/ /sna 'bigs dge 'dun la ni mi gus dang/ /'byung po byin pa 'am lha bshos gtor ma'am/ /sa la lhung ba sngags pas bza' mi bya/ /'dod chags zil gyis non pas dud 'gro dang/ /bud med bkrod bya min par bgrong mi bya// glang chen mi gdul sprul yang mi bzung zhing/ /rta rgyugs pa dang lcag gi gzhu mi bya/ /gang zhig sems can na dang sdug bsngal la/ /byams pa'i bsam pa brtan po med pa dang/ /las de rnams dang ldan par gyur pa de'i/ /dngos grub nam yang 'byung bar mi 'gyur ro/ /dper na nam mkha' mdza' thug med pa la/ /'dom gyi bcal bas mdza' rtogs mi nus ltar/ /de bzhin dkon mchog gsum la brten nas ni/ /phan gnod byas pa'i dge sdig mdza' mi rtogs/ /rgya dang snyi

  223. 112a

    gtor rtsa ba'i dug dag gis/ /khyi la sogs pa'i sems can gsod pa dang/ /bya rog la sogs gzeb kyi sa bcing byas nas/ /'di dang pha rol tu yang grub mi thob/ /bdud dgra'i me tog rnying pa por pa'i rnams/ /rkang pas mi brji? mgo la gdags mi bya/ /bkres pas gdungs kyang de dag rnams la ni/ /phul ba'i lha ba shos nam lnga bza' mi bya/ zhes gsungs te/ 'dis ni sdig pa mi dge ba'i chos ma skyes pa rnams mi bskyed pa'i phyir/ 'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu 'jog go zhes bstan to/ /gnyen po skyes pa la/ ma skyes pa rnams skyes pa'i dbang du mdzad nas/ dge dang mi dge'i shes pa bzung na ni/ /bram ze dmangs rigs dag la khyad par med 'on kyang 'gro ba'i blos ni bram ze dang/ /'di ni dmangs rigs yin zhes rtags par zad/ /bden pa'i lam dmigs dge ba'i rjes 'brangs na/ /dmangs rigs dag kyang rga shi med par 'gro/ /log pa'i lam zhugs nyes par spyod ldan na/ /bram ze gang yin mi bzang dmyal bar ltung/ /lus can shin tu dri ma ldan pa dag/ 'di na gzhan gyis 'dag par mi 'gyur te/ /de ni sdig pa rnam par bsal ba dang/ /bsod nams ma lus yongs su bzung bas 'dag/ ces gsungs te/ 'dis ni dge ba'i chos rnams ma skyes pa rnams bskyed pa'i phyir/ 'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu gzhog go /zhes bstan to/ /gnyen po bskyed pa la skyes pa rnams kyi rgyun gyi rjes su 'jug pa'i dbang du mdzad nas/ de ltar sdig pa'i chos la rnam grol nas/ /bde bar gshegs pas legs par gsungs pa'i chos/ /dag cing grol pa dang ni ldan gyur pa/ /zlos pas skyo ni mdo sde bklag par bya/ /gtsang zhing dben

  224. 112b

    pa'i sa'i phyogs su ni/ /'jim pa 'am ni bye ma las byas pa'i/ /bde gshegs mchod rten rten 'brel snying po can/ /sdig pa sbyar ba'i phyir ni rtag tu bdag/ ring srel can gyi gzugs sam mchod rten la/ /stod cing phreng ba dri dang mar me dbul/ /gdugs dang rgyal mtshan dri dang rol mo dang/ /mchog tu dad pa yis ni mchod par bya/ zhes bya ba dang/ ji ltar chu klung nyin mtshan rtag tu ni/ /rgyun mi 'chad par 'bab par 'gyur ba ltar/ /de bzhin phyag bcas bzlas dang brtul zhugs kyi/ /bsod nams lus can la ni 'phel ba 'gyur zhes bya ba dang/ /ji ltar sbyin sreg dang ni bzlas brjod kyis/ /gsang sngags bsgrubs kyang dngos grub ma thob na/ /'jim pa la ni mchod rten 'bum gdab pa'am/ /yang na chu 'gram bye ma dag la gdab/ /des ni de'i sdig pa srid gzhan la/ /byas pa gang yin de ni zad gyur nas/ /des na gsang sngags mthu gis 'di nyid la/ /mthong ba'i chos la bsod nams 'bras bu thob ces gsungs te/ 'dis ni dge ba'i chos skyes pa rnams gnas dang/ phyir zhing 'byung ba dang/ yongs su rdzogs par bya ba'i phyir/ /'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu 'jog go /zhes bstan te/ 'dir tshigs su bcad pa/ mi mthun phyogs dang gnyen po rnams/ /rnam pa thams cad yongs shes nas/ /de dag yang phyir brtson 'grus ni/ /rnam pa bzhi dag rab tu 'byung/ /mi mthun pa'i phyogs bsal ba'i brtson 'grus brtsam pa'i sems gnas pa'i lus las su rung ba nyid rdzu 'phrul gyi rkang pa bzhir 'gyur ba'i phyir/ yang dag par spong ba'i 'og tu/ rdzu 'phrul gyi rkang pa rnams bstan to/ /de la 'dun pa'i ting nge 'dzin gyi dbang du mdzad nas/ de ni bde bar gshegs la dad bskyed nas/ /de bzhin du ni byang chub sems kyang bskyed/ /rdo rje'i

  225. 113a

    rigs zhes brjod pa rgya chen dang/ /nga la yang ni dad cing dga' bar bya/ zhes gsungs te/ 'di ni gang gi tshe/ 'dun pa'i dbang gi brtson 'grus rtsom pa la/ /gus par 'jug na sems rtse gcig pa nyid la reg go zhes bstan te/ /brtson 'grus kyi ting nge 'dzin gyi dbang du mdzad nas/ grags dang ma grags rnyed dang ma rnyed dang/ /bde dang sdug bsngal de bzhin bstod dang smad/ /sems kyis 'jig rten chos rnams rab bcom ste/ /sdig pa'i gnas su gyur pa spang bar bya/ /dper na rgya mtsho skad cig tsam yang ni/ /mi'i ro dang lhan cig mi gnas ltar/ /de bzhin rnam rtog sems kyis sdig byas pa/ /sngags pa skad cig tsam yang gnas mi bya/ zhes gsungs te/ 'dis ni gang gi tshe brtson 'grus rtsom pa na/ rtag par sbyor bas sems rtse cig pa nyid la reg go /zhes bstan to// sems kyi ting nge 'dzin gyi dbang du byas nas/ 'phags pa gtsug na rin po ches gus pa'i mdo las/ snying rje chen po rab tu thob pas sems yengs par 'gyur zhes 'byung ba dang mthun par gsungs te/ byams dang snying rje'i chus gang ba zhe sdang la zhes gsungs so/ /'dis ni sngon gyi ting nge 'dzin gyi sa bon la brten nas/ rang bzhin gyi snying rje chen pos sems 'dzin cing/ sems rtse gcig pa nyid la reg go/ zhes bstan to/ /dpyod pa'i ting nge 'dzin gyi dbang du byas nas re zhig gcig dgra yang mdza' bor 'gyur/ /mdza' bo dag kyang dgrar ni 'gyur ba nyid/ /de bzhin kha cig kyang ni bar mar 'gyur/ /bar ma de nyid kyang ni dgra bor 'gyur/ /de ltar mdza' shes 'gyur bar rig bya ste/ /blo gros ldan pas nam yang chags na ru/ /gnyan la dag ba'i sems kyis rnam rtog dag/ bzlog nas dge la ci bde bzhag par bya zhes bya ba dang/ le lo 'dod chags mi dger ldan pa'i sems/ /gang dang gang du g.yeng zhing rgyu ba dag/ de dang de nas myur du bzlog

  226. 113b

    nas ni/ /gsang sngags yi ge mchod la legs sbyar zhes gsungs te/ 'dis ni gang gi tshe dmigs pa rab tu rnam par 'byed pa na/ /sems rtse gcig pa nyid la reg go zhes bstan to/ /sems las su rung ba de'i dgos pa gang zhe na/ le lo dang ni gdams ngag rnams/ /brjed dang bying dang rgod pa dang/ /'du mi byed dang 'du byed de/ /'di dag nyes pa lngar 'dod do zhes bya ba 'di spang bar dgongs pa'o/ /de'i rgyu gang zhe na/ spong ba'i 'du byed brgyad do/ gnas dang de la gnas pa dang/ /rgyu dang 'bras bu nyid du'o/ /dmigs pa brjed par gyur pa dang/ /bying dang rgod pa rtogs pa dang/ /de yang mngon par 'du byed dang/ /zhi tshe rnal du 'jug pa'o/ zhes bshad do/ /'dir tshigs su bcad pa/ der gnas las su rung ba nyid/ /don rnams thams cad 'byor par 'gyur/ /nyes pa lnga spong 'du byed brgyad/ /brten pa'i rgyu las byung ba'o// //rdzu 'phrul gyi rkang pa rnams kyi sems las su rung nas/ de'i 'og tu thar pa'i cha dang mthun pa'i dge ba'i rtsa ba bskyed pa la dbang byed pas/ rdzu 'phrul gyi rkang pa'i 'og tu/ dbang po lnga rnam par gzhag go /dad pa'i dbang po'i dbang du mdzad nas/ dkon mchog gsum la dad bas bsten par bya zhes gsungs te/ 'dis ni gang yod pa nyi dang/ yon tan can dang bus pa rnams la go rims bzhin du/ mngon par yid ches pa dang/ dad pa dang/ 'dod pa rnams ni/ dad pa'i mtshan nyid du bstan to/ /brtson 'grus kyi dbang du mdzad nas/ so ga'i nags me mched pa'i me lce yi/ /ma bsgrims bzhin du tshang tshing kun sreg ltar/ /bzlas brjod me la tshul khrims rlung gi spar/ /brtson 'grus chen po'i me lces sdig pa bsreg ces gsungs te/ 'dis ni de ltar dad pas 'gyur ba ni 'khor ba'i btson gnas byung bar sbyor bas de'i phyir/ brtson 'grus

  227. 114a

    rtsom ma zhes bstan to/ /dran pa'i dbang po'i dbang du mdzad nas/ /'phags pa gtsug na rin po che'i mdo las/ /yongs su bsngo ba la mkhas pa ni/ dran pa'i dbang po zhes 'byung ba dang mthun par gsungs te/ me tog dri bstod mar me phul ba dang/ /tshul khrims brtson 'grus dka' thub byas pa yi/ /dge ba de kun bla na med pa yi/ /sangs rgyas byang chub bla med mchog tu bsngo dper na chu klung rgya mtshor phyin pa na/ /lan tshwa'i ro ni gcig tu 'gyur ba bzhin/ /de ltar bla med byang chub bsngos pa yi/ /bsod nams rgyal ba'i ror ni gcig tu 'gyur/ /dper na skyes bu la las 'bras bu'i phyir/ /sA lu bskyed kyi sog ma'i phyir min yang/ /sA lu rnyed na bsgrim pa med par ni/ /sogs ma'i phung po zhar la 'byung ba bzhin/ /de bzhin byang chub 'bras bu 'dod pa'i phyir/ /bsod nams sgrub kyi longs spyod phyir min yang/ /sog ma'i phung po dag dang mtshungs par ni/ /ma sgrubs bzhin du mi yi longs spyod grub/ /tshe ring ba 'di legs par thob pa dang/ /chos bzhin bsgrub pa'i yul dag rnyed pa 'am/ skye ba med par 'gyur zhing 'gro ba yi/ /bsam pa rnams ni rtag tu rdzogs par bya zhes gsungs te/ 'di ni de'i 'bras bu la re ba bsgrub pa tshul khrims rnam par dag pa'i rgyur 'gyur ro/ zhes bstan to/ /gzhan yang 'greng dang 'dug dang gnyid log nyal pa dang/ /'gro 'phres za klog bzlas brjod byed pa na/ /rjes su dran po so so'i yon tan dang/ /rigs par bcas te rjes su dran pa bya/ zhes bya ba dang/ bde gshegs chos dang dge 'dun bcas pa dran byas te/ /shA ri'i bu dang la thag sbyar btud nas nyal/ /de ltar sbags pa'i sdigs pa mdza' dag zad par bya zhes bya ba dang/ lha la sogs

  228. 114b

    dang bgegs dang log 'dren rnams/ /brtul zhugs gnas pa de la glags mi blta/ /dper na lo rtog thams cad sa dag la/ /brten nas skyon med par ni skye ba ltar/ /de bzhin tshul khrims brten nas chos dkar mchog /snying rje'i chus brlan pas ni rnam par skye/ /rgyal ba ngas gsungs so so thar pa yis/ /tshul khrims rnam dag 'dul ba ma lus las/ /sngags pa khyim pas rtags dang cho gra spang/ /lhag ma rnams ni nyams su blang bar bya zhes bya ba dang/ lha yi bde ba ni 'byor pa dang/ /tshe dang stobs gzugs phun sum tshogs pa dang/ /thos mang mdangs bzang gcig tu yid gzhungs dang/ /dbang thang che kun dka' thub stobs kyis 'thob zhes bya ba dang/ gang gi tshe na sems ni dad ba yis/ /mi yi yul ni byang chub sems blangs pa de ni phyin chad lha dang lha min dang/ /'jig rten ma lus rnams kyi phyag byar 'os/ /mis ni mngon par mtho ba ma lus pa'i/ /bslab pa mdza' dag blangs par gyur pa dang/ /sems can kun la mi 'jigs sbyin pa dang/ /dkon mchog gsum gyi gdung yang bsabs pa yin/ zhes gsungs pa 'di dag gis ni/ /dmigs pa bsal ba'i mtshan nyid ni/ /dran pa'i dbang por bstan te/ des kyang tshul khrims kyi bslab pa bsgrub par bstan to/ /ting nge 'dzin gyi dbang po'i dbang du mdzad nas/ ji ltar gangs la nyi ma'i 'od zer gyi/ gdungs na gzi brjid mi zod 'ju ba bzhin/ /tshul khrims nyi ma'i 'od zer bzlas brjod kyis/ /gdungs na sdig pa'i gangs kyang zad par 'gyur/ /mun nag smag la mar me phyung ba yis/ /mun nag ma lus sel bar byed ba ltar/ /tshe rabs stong nas gnas pa'i sdig pa'i mun/ /bzlas brjod mar mes myur du sel bar byed ces bya ba dang/ tshe rabs gzhan du gang dang gang byas pa'i/ /sdig pa ma lus bzlas brjod byas pas 'byang/ /bzlas pas lding

  229. 115a

    pa ma lus byang gyur na/ /dang po'i yid kyi dngos grub thob par 'gyur/ zhes gsungs te/ 'dis ni ting nge 'dzin ni rtse gcig pa'i mtshan nyid rgyu dang bcas pa yin pas/ sems kyi bslab pa sgrub par bstan to/ /shes rab kyi dbang po'i dbang du mdzad nas/ las kyi dbang gyur bdag po med pa dang/ /mgon med rten med tshe rabs gcig nas gcig/ lus kyi kha brgyud rjes su rab 'gro ba/ /de yi rjes su dge dang mi dge 'brang/ zhes gsungs te/ 'dis ni shes rab kyi dbang pos chos rnam par 'byed pa bstan to/ /'dir tshigs su bcad pa/ thar ba'i cha dang mthun bskyed nas/ /'dun dang sbyor dang dbang byed de/ /dmigs pa brjed par ma gyur dang/ /mi 'phro rnam par 'byed kyang ngo/ /dad pa la sogs de dag nyid/ /stobs dang ldan par gyur pa la/ /stobs rnams zhes bya ba ste/ 'dir tshigs su bcad pa/ mi mthun phyogs ni bsrabs pa'i phyir/ /stobs ldan 'bras bu phyi ma yin/ /dbang po rnams kyang stobs rnams la/ /nges 'byed cha mthun gnyis gnyis so/ /nges par 'byed pa'i cha dang mthun pa na zag pa med pa'i chos 'byung ba'i tshul du rigs par bya ste/ chos kyi mchog gi 'og tu mthong ba'i lam 'byung bas/ /stobs kyi 'og tu byang chub kyi yan lag rnams bshad do/ /de la dran pa yang dag byang chub kyi dbang du mdzad nas/ sngags kyi rtsa ba dang por tshul khrims te/ des na brtson 'grus dang ni bzod pa dang/ /rgyal ba la ni dad dang byang chub sems/ /gsang sngags dang ni le lo med pa'o zhes bya ba dang/ chags dang rnam bral dge la dga' ba dang/ /rtag tu dkon mchog gsum la sems gzhol zhing/ /sdig pa spangs shing bzlos brjod ldan pa yi/ /mi la lha rdzas dngos grub ring ba med ces bya ba dang/ khyod kyi ji skad gsungs

  230. 115b

    pa de bzhin du/ /mi yis legs pa spyad pa bgyis nas ni/ /de dag myur du dmyal ba'i mun bsal nas/ /nyi ma bzhin du shin du 'bar ba 'gyur/ /yan lag mi nyams sems kyang mi nyams shing/ /nad dang sdug bsngal lus nyams mi 'gyur ba/ /khyod la dad pa'i mis ni thob par 'gyur/ zhes gsungs pa 'dis ni/ byang chub kyi gnas yan lag ste/ dran pa'i thobs kyis dmigs pa de las mi g.yeng ba'i phyir ro/ /zhes bstan to/ /chos rnam par 'byed pa yang dag byang chub kyi yan lag gi dbang du mdzad nas/ lus dang nga yid lag pa mig dag ni/ /smin mtshams yan lag rnam par g.yo ba dag /rab tu bsdams nas de la yid gzhol zhing/ /byams la gnas shing ku sha'i khres la 'dug /ji srid du ni rtse gcig gnas gyur pa/ /de srid du ni 'bum mam nyis 'bum bzlas zhes gsungs/ /'dis ni rang bzhin gyi yan lag bstan te/ byang chub ni ye shes kyi ngo bo nyid yin pa'i phyir ro/ /zhes bstan to/ /brtson 'grus yang dag byang chub kyi yan lag gi dbang du mdzad nas/ /ji ltar ri dags dbang po bkres pa dag/ mthu stobs chen pos glang chen gsod pa dang/ /de bzhin sbyang ku phag dang ri dags dang/ /wa rnams kyang ni myur du gsod par ltar/ /de bzhin sngags pa seng ge'i tshul gyis su/ /rab dang 'bring dang tha ma'i las rnams la/ /brtson 'grus chen po dang ni ldan pa dang/ /'bad pa mchog rnams kyis kyang brtan pas bya zhes gsungs te/ 'dis ni nges par 'byung ba'i yan lag ste/ des so sor skye bo'i sa las shin tu 'da' ba' i phyir ro /zhes bstan to/ /dga' ba yang dag byang chub kyi yan lag bri dbang du mdzad nas/ rtse gcig sems dang ldan pa'i mi la ni/ /yid las byung ba'i dga' ba rab tu skye/ /dga' bas lus ni shin

  231. 116a

    tu sbyang ba 'thob/ /lus sbyang bas ni bde ba'i skal ldan 'gyur/ /lus bde rtse gcig sems dang ting 'dzin gyis/ /de tshe bzlas brjod dogs pa med par 'gyur/ zhes gsungs te/ 'di ni phan yon gyi yan lag bstan te/ des lus dang sems la phan 'dogs pa'i phyir ro/ /zhes bstan to/ /shin tu sbyangs pa yang dag byang chub kyi yan lag gi dbang du mdzad nas/ dngos grub nyen zlos la dga' ba dang/ /sems ni sdig la nam yang dga' mi 'gyur/ /bkres skom tsha grang rlung dang ngal ba yin/ /sdug bsngal drag pos nyen kyang g.yo mi 'gyur/ /sbrang bu sha sbrang srin bu grog bur dang/ /sdig sbur rkang brgya pa dang sbrul dang 'dre/ /sha za srul po rnams kyang de yis ni/ /lus dang grib ma la yang mi 'gong ngo/ /tshig ni bzung bar 'os shing yid gzhungs la/ snyan ngag dang ni bri ba rnams la mkhas/ /chos la mngon dga' gter rnams mthong ba dang/ /lus kyi nad dang dri ma med par 'gyur/ /skye bos mthong ngam thos par gyur kyang rung/ /myur du mngon dga' yid du 'ong bar 'byung bud med 'dod lha'i mdangs phog pa rnams kyis/ /'dod la longs spyad sbyir ni 'bod par 'gyur/ /gang tshe mkha' las lha dang gnod sbyin dang/ /dri za lha yi bu mo lus dang sgra /mis ni dag pa'i yid kyis mthong thos nas/ /de tshe shin tu nye bar gyur pa yin/ zhes gsungs te/ 'dis ni kun nas nyon mongs pa med pa'i gzhi yin pas/ kun nas nyon mongs pa med pa ni rnam par dag pa'o/ /zhes bstan to/ /ting nge 'dzin yang dag byang chub kyi yan lag gi dbang du mdzad nas/ dper na rlung med khang pa'i nang du ni/ /mar me btsugs pa mi g.yo 'bar ba ltar/ /rtse gcig sems kyis zlos la mngon dga' ba'i/ /lus la chos kyang de bzhin 'bar bar 'gyur/ zhes gsungs te/ 'di ni lus dang sems gnyis shin tu sbyangs

  232. 116b

    pas rjes su bzung ba'i phyir/ sems mnyam par 'jog go /sems mnyam par bzhag na yang dag pa ji lta ba bzhin du rab tu shes so/ /yang dag pa ji lta ba bzhin du mthong bas/ nyon mongs pa rnams spong ngo/ /zhes bstan te/ btang snyoms yang dag byang chub kyi yan lag gi dbang mdzad nas/ sna rtser blta zhing rnam par rtog pa spong/ /nam zhig bskyod kyang rnam par mi g.yo ba/ /de tshe dmigs la gnas pa thob pa ste/ /sems ni las su rung bar gyur par nges/ /ces bya ba dang/ btang snyoms ldan zhes kyang gsungs te/ 'dis ni kun nas nyon mongs par gyur pa dang/ mthun pa'i sems ni nyams par sems rnal du mi 'jug pa dang/ sems rtsol ba dang bcas pa'i gnyen po yin pa'i phyir kun nas nyon mongs pa med pa'i ngo bo nyid do/ /'dir tshigs su bcad pa/ rang bzhin yan lag gnas yan lag /gsum pa nges 'byung yan lag ste/ /bzhi pa phan yon yan lag yin/ /rnam gsum nyon mongs med yan lag/ 'di la gzhi dag gnas dang ni/ /ngo bo nyid du bstan pa yin/ / byang chub kyi yan lag gis mthong ba gang yin pa'i lam de thob par bsgoms pas mthong ba'i lam gyi 'og tu sgom pa'i lam du bstan pa ni/ lam gyi yan lag brgyad de sangs rgyas kyis gsung yan lag brgyad lam 'di/ /yang dag 'tsho dang las mdza' ting 'dzin dag /rtsol dang rtog dang dran dang lta ba rnams/ /so so so sor yang dag brten par bya/ zhes gsungs so/ /ming tsam brjod pas dar gyi ngo bo mi shes pa'i phyir re re na ston te/ de la yang dag pa'i lta ba'i dbang du mdzad nas/ /'jigs kyang tshangs pa brgya byin khyab 'jug dang/ /drag po rlung sogs lha la phyag mi bya/ /de yis bshad pa'i chos la mi brten cing/ /de dag dka' thub mi spyad rtags mi mchod/ /de rnams chos la'ang

  233. 117a

    ngan sems mi bya zhing/ /de yi spyod la nam yang dga' mi bya/ /de dag bstod pa mi gdon sngags mi bzlas/ /sbyin pa sbyin tshe snying rje bskyed nas sbyin/ /bde bar gshegs pa kun gyis bsten pa yi/ /gnas dang rgyal sras rnams la phyag bya'o/ /rang sangs rgyas dang rgyal ba'i nyan thos rnams/ /de dag rtag tu phyag bya'i gnas yin no/ /de ltar zla ba ches la mi rnams ni/ /phyag 'tshal zla ba nya la phyag mi 'tshal/ /de bzhin dad pas rgyal ba'i thugs sras la/ /phyag bya'i de ltar bde bar gshegs la min/ /'jig rten kun gyi mngon mtho'i bslab pa can/ /snying rje'i bdag nyid 'gro ba'i don du ni/ /skye ba len pa de la ci'i phyir/ /bu gcig bdag nyid kun gyi phyag mi bya/ /skyes bu bsam yas rmad byung rdzu 'phrul can// de la mi ngan gang zhig mi 'dud pa/ de la rgyal ba thams cad thugs nub nas/ /de'i gsang sngags dngos grub mi stsol to/ /dper na shing gi me tog dang por ni/ /yid 'ong phyi nas 'bras bur gyur ba ltar/ /sems can mchog rnams me tog 'dra bar ltos/ /'bras bu bzhin du rgyal ba rig par gyis/ /gang gi rang bzhin chags dang rnam bral yang/ /gdul bya'i don phyir khro la khro ba dang/ /'dod chags can la chags can ltar ston pa/ /byang chub mchog gnas de la phyag 'tshal lo/ /gang zhig las dang rnam smin mkhyen pa yis/ /'gro ba kun dang ji ltar mthun pa yi/ /gsang sngags gzugs kyis rjes su chags mdzad pa/ sngags kyi rnam 'dren de la phyag 'tshal lo/ zhes bya ba 'di ni/ yang dag pa'i lta ba'i rgyu ste/ 'dir rgyu la 'bras bu btags nas/ yang dag pa'i lta bar bzhag go /gzhan yang de phyir/ log par lta ba rnams spangs la/ /yang dag lta ba la ni brten par gyis zhes gsungs te/ 'dis ni mthong ba'i lam gyis rtogs pa la/ bdag gi

  234. 117b

    'di lta bu rtogs so/ /zhes yongs su gcod par bstan to/ /yang dag pa'i rtog pa'i dbang du mdzad nas/ bud med mtshan nyid skyes pa'i mtshan nyid dang/ /sman dang glang chen brtags pa 'am skar ma'i dpyad/ /mtshon cha brtags pa 'am rta dpyad rang bzo 'am/ /bstan bcos ngan pa slob cing klog pa yang/ zhes gsungs te/ 'dir ni mi mthun pa'i phyogs tsam zhig smos te/ dngos su ni yang dag pa'i rtog pas dag kun nas slong ste/ ma rtags ma dpyad par tshig mi smra ba'i phyir/ yang dag pa'i rtog pas bslang ba'i dag ni gzhan la go bar byed pa'i yan lag go /yang dag pa'i dag gi dbang du byas nas/ yul sa'i gtam dang mi dbang brten pa dang/ /dmag dang gyad dang na chung gtam dag dang/ /srung lte ba dang ni sngon gyi lo rgyus gtam/ /'dod chags dang ni smad 'tshong gtam mi bya/ /zhes gsungs te/ 'dir ni mi mthun pa'i phyogs tsam zhig gsungs te/ dngos su gzhan dag la rgol zhing lan? 'debs pa na/ bsnyad pa dang 'bral ba'i gtam rnam par nges pa 'dis ni/ de kho na nges par rtogs so/ /zhes shes rab gzhan dag yid chas par 'gyur ro/ /yang dag pa'i las kyis mdza' i dbang du mdzad nas/ bdag la bstod par nam yang mi bya zhing/ /sems can gzhan la smad par mi bya'o/ /stag dang sprul dang me 'drar 'jig rten dag /bsam nas spang ste dben la dga' bar bya/ zhes bya ba dang/ sngags pa gsang sngags bslab pa mnos pa ni/ /grong dang grong khyer khyim dang gtsug lag khang/ /mchod rten bsti gnas ri dang dka' thub gnas/ /kun dga' lu ma rdzing bur 'gro mi bya/ /sngar bshad pa yi gnas rnams ma rnyed na/ /lha khang stong pa dag gam shing drung ngam/ /ri dang chu bo chu klung 'bab chu dang/ /nags tshal stong pa dag dang yul stong dang/ /

  235. 118a

    gnas gang rung bar sngags pas gnas shing bzlas/ /yang na gnas ni nges par ma byas na/ /zla ba brgyad po 'di'i dus dag tu/ /gnas ni gang yang rung ba cig du bsten/ mtsho dang shing dang ri bo 'am dgon pa'i gnas/ /'tshe'u dang khang pa nags sam chu ngogs su/ /dgun dpyid zla ba rnams la gnas byas nas /sngags pas dbyar ni gcig tu gnas byas te/ /ji ltar rgyal bas dge slong dbyar zla gsum/ /tshul zhugs gnas gzhan mi 'gro gsungs pa bzhin/ /de bzhin bcom ldan 'das kyi sngags pa yang/ /zla ba gsum tu gcig tu gnas pa gsungs/ /sngags pas dbyar ni bsgrub la mi 'jug par/ /bzlas brjod kyis ni dus kyang 'da' bar bya/ /dbyar 'das nas ni gsang sngags gzi bskyed pas/ /bdag nyid bsrung byas bsgrub la 'jug par bya zhes gsungs te/ 'dis ni nyes par spyod pa dang/ mi mthun par bstan te/ de dang ldan na srog gi phyir yang bya ba ma yin pa mi byed do/ /de'i phyir 'di ni 'phags pa dgyes pa'i tshul khrims dang ldan no/ /zhes yid ches pa 'byung ngo/ zhes bstan to/ /yang dag pa'i 'tsho ba'i dbang du mdzad nas/ /yongs su 'dzin pa rnam par spangs nas su/ /chos gos dang ni bsod snyoms ngan mngon dang/ /stan dang ma la stan ngan don tsam gyis kyang/ /cho ga pa'i sems dang ldan pas bsod nams thob ces bya ba dang/ /gtsug phud bzhag ste skra ni bregs nas su/ /'byung kun chen gyi gos kyi kha dog bsgyur gos dkar dag gam shing lo 'am gso ma 'am/ /zar ma 'am shing shun rnams kyi gos bgro'o/ /ku ba 'am lcags sam 'jim pa las byas pa/ /dbyibs ni legs shing mi rtsub 'jam pa dang/ /mchog tu zlum zhing

  236. 118b

    ma gas rma med par/ /yid du 'ong ba'i lhung bzed bcad bar bya/ /bza' btung med cing dmang rigs mang ba dang/ /'gron la mchod byed legs par gnas pa'i grong/ /ha cang mi nye ha cang mi ring la/ /bram ze phyi rol skye bo med par bsten/ /nga rgyal gyis ni non pa'i bram ze rnams/ /rigs kyi rlom zhing snying rje mi ldan pa/ /de dag bde bar gshegs kyi mchod rten la/ /mchod pa mthong nas bgegs kyang byed par 'gyur/ /bram ze sangs rgyas pa la ji ltar dman/ /smra las bram ze dag la dmangs rigs rnams/ /bsnyen bkur dang ni mchod par 'byung bas na/ /dmangs rigs kyis kyang gsang sngags ji ltar bzlas/ /lha dang 'gron mchod pa dang las drug dang/ /rgyal po dang ni me la bstan pa dang/ /bu yi don du 'gro bar bya ba dag /bram ze rnams kyis nges par sgrub pa yin/ /rgyal rigs rje'u rigs rnams kyang rang gi las/ /grub pa 'di la the tshom ma byed ces/ /brdzun du smra ba sna tshogs skyon dag gis/ /bdag dang gzhan gyi sems ni sreg par byed/ /yan lag brgyad lam gnas pas rtag tu ni/ /nyi ma phyed mtshams tshun chad bslang bar bya/ /bram ze'i dus ni phyi dro yin pas na/ /de phyir bram ze'i khyim du 'gro mi bya/ /dper na rma ni bso dang bsal ba'i phyir/ /nad pa dag la sman pa sbyin pa ltar/ /de bzhin 'dir yang bkres pa'i sdug bsngal dag bsal phyir rgyal bas kha zas bza' bar gsungs/ /la la lam gyis dub cing 'gro ba'i tshe/ /bkres bskom gdungs pas rang gi bu'i sha/ /za ba bzhin du rnal 'byor sems dman bzhin/ /tshe dang rgyags phyir bza' bar mi bya'o/ /mang du blugs na rtsol med mtho ba dang/ /de bzhin nyung dus srang ni dmar 'gyur la/ /ran pas skad cig mnyam par 'gro ba ltar/ /lus can kha zas de ltar bza' bar bya/ /dper na khang rnying mi zhig bya ba'i phyir/ /mi yis ka ba brtan

  237. 119a

    po 'dzugs pa ltar/ /de bzhin lus kyi 'khrul 'khor gnas pa dang/ /shing rta mig bsku bzhin du kha zas bza' / /'dod pa'i khams ni kha zas kyi gnas zhes/ /rgyal bas chos gcig tu ni bka' stsal pas/ /lus ni chu zhing bzhin du rig bya ste/ /sems ni bza' btung sogs la chags mi bya/ /dbang po drug po yul la 'gro ba dag /bde gshegs gsungs pa'i shes pas bsrung bar bya/ /lhung bzed de dag las cig thogs nas su/ gnya' shing gang du blta zhing bsod snyoms sbyad/ /'dzum zhing 'gro la smra zhing mig zur can/ /yan lag thams cad yid 'phrog byed pa'i gzugs/ bud med gzugs ni mtshon cha 'jebs 'dra bas/ /skyes pa'i sems ni mngon du 'phrog par byed/ / lcags kyi thong lcags rab tu 'bar ba yis/ /mig ni rnam par bkab pa ches bla yi/ /gnyis ni dran pa nyams byed bud med kyi/ dkyus ring mig can bzhin ni ma mthong bla/ /gang du dag par 'gro zhing 'dzin med la/ /sems kyis sems ni rnam par brtul bzhin du/ /rab dang 'bring la sogs par spangs nas su/ /mi smra bar ni gzhan gyi grong du 'gro/ /gang na ba gzhon be'u phrug chung ba dang/ /gang na skyes bu chang ni 'thung ba dang/ /gang na bu mo gzhon bsten rtse ba dang/ /gang na khyi za dga' ston byed pa dang/ gang na skye bo mang po 'dus pa dang/ /de bzhin gang na rol mo byed pa rnams/ /der ni skyes bu nam yang 'gro mi bya/ /bsod snyoms ci rnyed khyer nas 'ongs pas kyang/ /dang po ji ltar bde bar dag par bya/ /rkang bkrus blo bur ba la byin nas su/ /lus bsrung phyir ni kha zas bza' bar bya/ /dus su zos nas dus gsum khrus bya ste/ zhes gsungs te/ 'dis ni lus gnas pa tsam du bya ba'i phyir//

  238. 119b

    rigs pa dang tshong zin par/ chos gos la sogs pa 'tshal bas na/ gdon mi za bar 'dis ni yo byad rnams la sred pa spangs so/ /zhes yo byad bsnyungs par yid ches so/ zhes bstan to/ /yang dag pa'i rtsol ba'i dbang du mdzad nas/ gang tshe zlos ka'i sems ni zhi ba la/ /brten pas gnyis kyi dran pa rmongs gyur na/ /langs nas bcag cing phyogs su blta ba dang/ /chu yi gdong yang yongs su bkru bar bya zhes bya ba dang/ gling bu'i sgra dang rnga'i sgra rnams dang/ /shin tu 'jigs byed skye bo'i sgra dag dang/ /gad rgyangs ku ca dag dang glu gar dang/ /cang dang pi wang dag dang rdza rnga'i sgra/ /bya bran sna tshogs sgra dang chu sgra dang/ /bud med rgyan gyi sil khrol sgra rnams dang/ /sha sgrang tsha grang rlung gis gnod pa yis/ /mi yi sems ni g.yeng zhing g.yo bar byed ces gsungs te/ 'dir ni bying ba dang rgod pa'i skyon spang pa'i thabs nyi tshe tsam smos par zad kyi/ dngos su na byid ba dang rgod pa dang bral ba'i ting nge 'dzin gyi dus kyi brtson 'grus yang dag pa'i lta bas bsdus pa ni yang dag pa'i rtsol ba ste/ des bsgom par bya ba'i nyon mongs pa rnams spangs pa'i phyir de'i gnyen po lam bsgom pa'o/ /yang dag pa'i dran pa'i dbang du mdzad nas/ stangs dang mtshongs pa dang ni gar byed dang/ /glu len rnga rdung skye bos dpyas gyur dang/ lhag pa'i nga rgyal 'dring dang 'dod chen dang/ /rgyal po dang ni 'dus la blta 'dod dang/ /dus min gnyid dang mi 'grub smra ba dang/ bstan bcos ngan dang snyan ngag klog 'don dang/ chags dang tshig dang dregs dang rgyags pa dang/ /zhe la 'dzin dang le lo g.yo rgyu spangs/ zhes bya ba dang/ glang chen rta dang ba glang bya gag khyi/ /gong mo sreg pa dur pa skyes pa dang/ /bud med bu mo de bzhin ra lug sogs/ /thab mo 'gyed pa mi blta mi bya'o/ /zhes gsungs te/ 'dir

  239. 120a

    ni mi mthun pa'i phyogs nye tshe tsam zhig smos kyi/ dngos su ni lam bsgom pa de nyid la bying ba dang rgod pa'i nyon mongs pa'i gnyen po zhi gnas dang lhag mthong gi rgyu rnams la dran bzhin du nye bar gnas pa ni yang dag pa'i dran pa'o/ /yang dag pa'i ting nge 'dzin gyi dbang du mdzad nas/ 'dod chags la sogs nyon mongs tshogs ldan pa'i/ /sems ni 'khor ba yin par kun tu brjod/ /nyon mongs rnam grol shel dang zla 'dra ba/ /srid pa'i rgya mtsho'i mthar ni rab tu grags/ /dper na dri med chu ni rdul sogs kyis/ /skad cig du yang rnyog par byed pa ltar/ /de bzhin rnam dag dri ma med pa'i sems/ /'dod chags la sogs skyon gyi rnyogs par 'gyur ces gsungs te/ 'dis ni snyoms par 'jug pa'i sgrib pa dang bral bar bstan to/ /'dir tshigs su bcad pa/ yongs su gcod dang go byed dang/ /rnams gsum gzhan yid ches par byed/ /mi mthun phyogs kyi gnyen por ni/ /lam gyi lan lag de brgyad do// //rig sngags 'chad so so'i skye bo'i chogs kyi lam la gnas pa rnams kyis kyang/ de ltar tshul khrims rnam par dag par bya ba dang/ dbang po'i sgo bsdam pa dang/ zas kyi tshod shes pa dang/ nam gyi cha stod dang cha smad la mi nyal bar rnal 'byor la brtson pa dang/ de bzhin du gnas pa la mngon par brtson par byas nas/ /dngos grub la gzhol zhing byang chub kyi phyogs sum cu rtsa bdun la yang bsgom dgos par bstan pa'i dbang du mdzad nas/ las 'di rnams kyi gsang sngags dngos su grub ci zhes gsungs te/ de bzhin du rgyur gyur pa dang/ thos pa dang/ bsam pa dang/ bsgoms pas mngon par rtogs pa dang/ rnam par thar par 'gyur ba'i gnas kyi gnod nyid du 'gyur ba'i phyir/ tshogs kyi lam la

  240. 120b

    gnas pas kyang de'i gong ma'i lam du gyur pa'i byang chub kyi phyogs kyi chos thams cad la rjes su mthun par sgom dgos par bstan pa'i dbang du mdzad nas/ de bzhin 'dis ni mtho ris thar pa thob/ /rgyal sras sngon gyi rgyal ba 'das pa dag/ 'di nas gshegs shing de bzhin gshegs par 'gyur/ /ngoms med sems kyi lus dang ngag yid kyis/ /gus pas bsod nams gang dag bsags pa yang/ /bde gshegs gsungs pa'i bden pa'i lam dmigs nas/ /dge ba'i las de yang dag bskyed pa yin/ zhes gsungs so/ /'on kyang byang chub kyi phyogs kyi chos 'di rnams mdo las ci'i phyir go rims bzhin ma bkod ce na/ gsang sngags kyi rgyud kyi lugs la slob dpon gyi man ngag gces par bstan pa'i phyir/ don sbas pa dang/ las kyi skabs so sos ting nge 'dzin gyi sgo la sogs pa tha dad par bstan te/ slob dpon rgyal ba'i 'od kyis kyang 'di skad du/ /rgyas pa la ni dga' sems kyi/ /dbang la rab tu mdza' ba yi/ /khros pa yis ni drag shul la/ zhes gsungs pa'i phyir ro/ /'phags pa'i gnas pa bzhi dang sbyar ba bshad zin to// //de ltar sgrub pa'i rnal 'byor pa 'khor bas skyo zhing mya ngan las 'das pa la gzhol ba de/ snyoms par 'jug pa'i sgrib pa dang bral bar bya ba'i don du ting nge 'dzin sbyor ba'i phyir lha'i gnas pa bsam gtan bsgom dgos par ston te/ de la bsam gtan dang po la yan lag lnga ste/ rtog pa dang/ dpyod pa dang dga' ba dang/ bde ba dang/ sems rtse gcig pa nyid do/ /de la rtog pa dang/ dpyod pa'i dbang du mdzad nas/ gling bu'i sgra dang rnga'i sgra rnams dang/ shin tu 'jigs byed skye bo'i sgra rnams dang/ /gad rgyangs ku co dag dang glu gar dang/ /cang dang pi wang dag dang rdza rnga'i sgra/

  241. 121a

    bya bran sna tshogs sgra dang chu sgra dang/ /bud med rgyan gyi sil khrol sgra rnams dang/ /sha sbrang tsha grang rlung gi gnod pa yis/ /mi yi sems ni g.yeng zhing g.yo bar byed ces bya dang/ /'dzum zhing 'gro la smra zhing mig zur? can/ /yan lag thams cad yid 'phrog byed pa'i gzugs/ /bud med gzugs ni mtshon cha 'jebs 'dra bas/ /skyes pa'i sems ni mngon du 'phrog par byed/ /lcags kyi thong lcags rab tu 'bar ba yis/ /mig ni rnam par bkab pa ches bla yi/ /gnyis na dran pa nyams byed bud med kyi/ /dkyus ring mig can bzhin ni ma mthong bla zhes bya ba dang/ /stag dang sprul dang me 'drar 'jig rten dag /bsams nas spangs te dben la dga' bar bya/ /zhes bya ba la sogs pa gsungs pa 'di ni/ gnyen po'i yan lag bstan te/ de gnyis kyi 'dod pa dang gnod sems dang/ tshe ba'i rnam par rtog pa la sogs pa spong ba'i phyir ro/ /dga' ba dang bde ba'i dbang du mdzad nas/ /dga' ba lus ni shin tu sbyangs pa thob/ /lus sbyangs pas ni bde ba'i skal ldan 'gyur/ /zhes gsungs te/ 'dis ni phan yon gyi yan lag bstan te/ rtog pa dang dpyod pa gnyis kyi gnyen po byas pa'i mi mthun pa'i phyogs la/ de las dben pa las skyes pa'i dga' ba dang/ bde ba thob pa'i phyir ro/ /sems rtse gcig pa'i dbang du mdzad nas/ rtse gcig sems dang ldan pa'i mi la ni/ /yid las byung ba'i dga' ba rab tu bskyed/ ces gsungs pa 'dis ni gnyen po dang/ phan yon gnyi ga'i gnas kyi yan lag bstan te/ ting nge 'dzin la brten pa'i stobs kyi rtogs pa la sogs pa 'jug pa'i phyir ro/ /bsam gtan gnyis pa la yan lag bzhi ste/ nang rab tu dang pa dang/ dga' ba dang bde ba dang/ sems rtse gcig

  242. 121b

    pa nyid do/ /nang rab tu dang pa'i dbang du mdzad nas/ sems ni dang bas lha mi'i bde ba dang/ /mtho ris dang ni byang grol thob par 'gyur zhes bya ba la sogs pa gsungs pa 'dis ni/ rtog pa dang/ dpyod pa dang nyid skyon du mthong ste/ de'i gnyen por bstan to/ /dga' ba dang bde ba dang sems rtse gcig pa yan lag la lhag ma gnyis pa snga ma bzhin no/ /bsam gtan gsum pa la yan lag lnga ste/ btang snyoms dang/ dran pa dang/ shes bzhin dang/ bde ba dang/ sems rtse gcig pa nyid do/ /de la btang snyoms kyi dbang du mdzad nas/ btang snyoms ldan zhes gsungs te/ sems mnyam pa nyid dang/ sems rnal du 'jug pa dang/ sems lhun gyis grub pa'o/ /dran pa dang/ shes bzhin gyi dbang du mdzad nas/ dper na rlung med khang pa'i nang du ni/ /mar me btsugs pa mi g.yo 'bar ba ltar/ /rtse gcig sems kyi zlos la mngon dga' ba'i/ /lus la chos kyang de bzhin 'bar bar 'gyur/ zhes gsungs te/ dran pa ni 'dris pa'i dngos po ma brjed pa'o// shes bzhin ni gzhan du mi g.yang ba ste/ 'di gsum gyis ni dga' ba'i rnam par rtog pa spong bas/ gnyen po'i yan lag du bstan to/ /bde ba dang sems rtse gcig pa nyid ni/ yan lag lhag ma rnams dang go rims bzhin no// bsam gtan bzhi pa la yan lag bzhi ste/ btang snyoms yongs su dag pa dang/ dran pa yongs su dag pa dang/ sdug bsngal yang ma yin/ bde ba yang ma yin pa nas/ sems rtse gcig pa nyid do/ /de la btang snyoms yongs su dag pa dang/ dran pa yongs su dag pa ni/ bde ba'i bsnyen po'i yan lag go /sdug bsngal yang ma yin bde ba yang ma yin pa'i dbang du mdzad nas/ grags dang ma grags rnyed dang ma rnyed dang/ /bde dang sdug bsngal de bzhin stod dang

  243. 122a

    smad/ /sems kyi 'jig rten chos rnams rab bcom ste/ sdig pa'i gnas su gyur pa spang bar bya/ zhes gsungs pa 'dis ni/ phan yon gyi yan lag bstan to/ /sems rtse gcig pa nyid ni/ de gnyi ga'i gnas kyi yan lag go /'di yi dgos pa ni/ rnam par g.yeng ba las slan pa'o/ /phan yon ni ting nge 'dzin yongs su sbyong bar byed pa ste/ 'dir tshigs su bcad pa/ dmigs pa la ni sems gtad nas/ de rgyun rnam par g.yeng mi bya/ /rnam g.yeng myur du rtogs gyur nas/ /de las slar ni glan par bya/ /blo ldan egong nas gong du yang/ /sems ni nad du sdu bar bya/ /de nas yon tan mthong ba'i phyir/ /ting nge 'dzin la sems gdul lo/ /rnam g.yeng nyes pa mthong ba'i phyir/ /de la mi dga' zhi bar bya/ /brnab sems yid mi bde la sogs/ /langs pa de bzhin zhi bar bya/ /de nas sdom brtson can gyis ni/ /sems la mngon par 'du byed bcas/ /rang gi ngang gis 'byung ba thob/ /de goms pa las 'du mi byed/ lha'i gnas pa dang sbyar ba bshad zin to// //byang chub sems dpa' i lhag pa'i bsam pa ni/ gnas skabs gang du yang sems can rnams kyi don lhur len pa la gzhol ba'i phyir/ de'i 'og tu tshangs pa'i gnas pa tshad med pa bzhi bsgom dgos par ston te/ de la byams pa'i dbang du mdzad nas/ byams dang zhes gsungs te/ bsam gtan la rten nas/ sems can rnams la phan pa dang/ phrad par shog cig par bsam pa'i gnas pa yang dag par 'byor ba'i ting nge 'dzin to/ /snying rje'i dbang du mdzad nas snying rje zhes gsungs te/ bsam gtan la brten nas/ sems can rnams la sdug bsngal dang bral bar shog cig par bsam pa'i gnas pa'i yang dag

  244. 122b

    par 'byor ba'i ting nge 'dzin to/ /dga' ba'i dbang du mdzad nas/ dga' ba zhes gsungs te/ bsam gtan la brten nas sems can rnams la bde ba dang mi bral bar shog cig par bsam pa'i gnas pa yang dag par sbyor ba'i ting nge 'dzin to/ /btang snyoms kyi dbang du mdzad nas btang snyoms ldan zhes gsungs te/ bsam gtan la brten nas sems can rnams nas phan par bsam pa'i gnas pa yang dag par 'byor ba'i ting nge 'dzin sems mnyam nyid la dang/ sems rnal du 'jug pa dang/ sems lhun gyis grub pa'o/ /'dir tshigs su bcad pa/ byang chub sems dpa' gnod sems dang/ /rnam tshe mi dga' gnod sems dang/ /'dod pa'i 'dod chags dang ldan pa/ /nyes dmigs rnam pa mang la reg /ces bya ba dang/ nyes pa 'di kun byams sogs la/ /legs par gnas la mi 'byung ste/ /nyon mongs can min sems can gyi/ /don du 'khor ba'ang yongs mi gtong/ /tshangs pa'i gnas pa dang sbyar ba bshad zin to// //de nas chos kyi dbyings rtogs pa la 'jug par gzhol ba'i yul rnam par thar pa'i sgo gsum bsgom dgos par ston te/ de la stong pa nyid bstan pa'i dbang du mdzad nas/ gzugs ni 'byung ba chen po bzhi dang ldan/ /de ni bdag min bdag kyang gzugs ma yin/ /gzug la bdag med bdag la gzugs med de/ /gzugs ni stong pa'o/ /phung bzhi yang rig par gyis/ zhes bya ba la sogs pa gsungs te/ 'dis ni gang zag dang chos la bdag med pa dag yongs su shes par bya ba'i phyir bstan to/ /mtshan ma med pa'i dbang du mdzad nas/ /bud med mtshan nyid skyes pa'i mtshan nyid dang/ /sman dang glang chen brtags pa 'am skar ma'i dpyad/ /mtshon cha brtag pa 'am rta dpyad rang bzo 'am/ /bstan bcos ngan pa slob cing klog pa yang

  245. 123a

    zhes bya ba la sogs pa gsungs te/ 'dis ni gang zag dang chos la/ bdag du 'dzin pa nye bar zhi bar bya ba'i phyir bstan to/ /smon pa med pa'i dbang du mdzad nas/ /yul sa'i gtam dang mi dbang bsten pa dang/ dmag dang gyong dang na chung gtam dag dang/ /bsrung ldeb dang ni sngon gyi lo rgyus gtam/ /'dod chags gtam dang smad 'tshong gtam mi bya/ zhes bya ba la sogs pa gsungs te/ 'dis ni gang zag dang chos la bdag tu 'dzin pa'i rten spang ba'i phyir bstan to/ /'dir tshigs su bcad pa/ yongs su shes dang spang ba dang/ /mngon sum du ni bya ba'i phyir/ /stong nyid la sogs ting 'dzin rnams/ /don rnam gsum du yongs su bsgrags/ /rnam par thar pa'i sgo gsum dang sbyar ba bshad zin to/ /de bzhin du bzlas brjod yan lag dang bcas pa dang/ sgra'i ting nge 'dzin la sogs te/ 'dir mos pa yid la byed pa dang/ de kho na nyid la byed pa bstan pa 'di dag gis kyang zhi gnas kyi rjes su mthun pa dang/ lhag mthong 'phel ba'i rjes su mthun pa'i phyir yid la byed pa'i phan yon bstan pa yin no/ /dgos pa'i yang dgos pa zhes bya ba ni cho ga'i gnas la mkhas pa dang/ yid la byed pa'i phan yon thob pas mthong ba'i chos la mngon? par mtho ba dang/ srid pa gzhan du nges par legs pa'i 'bras bu thob pa yin no/ /de ltar 'brel pa la sogs pa'i rgyud kyi don bzang po 'di rnams khong du chud pa'i sgo nas ni/ gang dag chos kyi rjes su 'brang ba rnams/ /'chad pa la sogs pa la gus pa skye'o/ /bsdus pa'i don gzhan ni dngos su go bar zad do/ /'phags pa dpung bzang gi zhus pa'i rgyud kyi bsdus pa'i don bkrol ba'i rjod byad rdzogs so/ (//dpa' bo gcig sgrub pa'i 'grel pa bzhugs so/) /rgya gar

  246. 123b

    skad du/ sid+d+hi ka bI ra tan+t+ra TI kA /bod skad du/ dpa' bo gcig sgrub pa'i rgyud kyi 'grel pa/ dpal rdo rje sems dpa' la phyag 'tshal lo/ /gang zhig sgrol ma'i zhabs pad spyi bos len mdzad cing/ /bde gshegs tshul khrims gsum ldan dri med dge 'byung gnas/ bstan pa'i khur 'dzin bzod pa gsum gyis brgyan pa po/ /srid gsum mchod 'os byams pa'i rtsa lag la btud de/ /bla ma'i man ngag ji bzhin rgyud gzhung 'di dag gi /snying rje'i ga bur yal ga rgyas pa rgya che ba/ /gsal zhing gzhal med dga' ba'i rol pa padmo'i rtse/ /dpa' bo gcig sgrub rgyud tshig gsal bar dbye bar bya/ /rgyud 'di'i brjod par bya ba ni ci zhig /de bzhin du dgos pa dang/ dgos pa'i dgos pa dang/ 'brel pa ni gang zhig snyam na/ zhi ba la sogs pa'i rang bzhin can gyi las kyi tshogs rnams ni rgyud 'di'i brjod par bya ba yin la/ de'i don rgyud kyi gzhung gi tshogs le'u bzhi pa'i bdag nyid can 'di la brten nas rtogs par gyur pa ni dgos pa'o/ /sgrub pa po'i mngon par 'dod pa'i don rang dang gzhan gyi bde legs phun sum tshogs pa la dbang 'byor pa ni dgos pa'i yang dgos pa'o/ /'brel pa ni shugs las shes par 'gyur ro/ /kha cig 'di snyam du 'di skad bdag gis zhes pa la sogs pa gleng gzhi phun sum tshogs pa ston pa'i tshig med pas ston pa'i gsungs rab nyid du ma grub po snyam du rtog na ma yin te/ 'di skad thos pa ces bya ba la sogs pa ni 'phags pa kun dga' po la sogs pa sdud pa po'i tshig yin la/ /'dir ni ston pa dang sdud pa po tha dad med par dgongs nas sdud pa po'i tshig ma gsungs pa yin no/ /yang na e baM ni thabs dang shes rab gnyis su med par mtshon pa yin la/ rgyud kyi brjod par bya ba thams cad kyang ye nas thabs dang shes rab gnyis su med pa'i bdag

  247. 124a

    nyid du gnas pas e paM gi sgra ma gsungs par zad do yang na rgyud 'dir ni yongs su rdzogs pa ma yin pa'i phyir gleng gzhi ma gsungs te/ sgyu 'phrul chen po la sogs pa bzhin no/ /de ltar gdul bya rnams kyi the tshom gyi rnam par rtog pa gsal nas rgyud kyi gzhung la 'jug par byed do/ /gang zag mos pa dang skal ba tha dad pa'i dbang gis 'jig rten las 'das pa'i 'bras bu dang/ 'jig rten las 'das pa'i 'bras bu la mos pa gnyis las/ dang po'i dbang du byas te/ shes rab kyi pha rol tu phyin pa la sogs pa zab pa dang rgya che ba'i bstan bcos la 'jug mi nus pa'i sems can la/ zhi ba dang rgyas pa la sogs pa'i phrin las las nges pa dang bcas pa de dag la/ snying rje chen po'i gzhan dbang du gyur pa nyid kyis rang rang gi rgyud du rtog pa la gnas pa'i dpa' bo gcig tu sgrub pa rnams gcig tu yang dag par bsdus te bstan to/ /gang zhig don 'di las nges par phyogs pa de dag 'di rnams kyi ting nge 'dzin gyi rim pas sa bcu dang pha rol tu phyin pa la sogs pas rgyud sde yang dag pa'i byang chub thob par 'gyur ro/ /'jam pa'i rdo rje zhes pa la sogs pa la/ dpa' bo gcig pa'i rgyud chen po 'dzin par nus pa'i gdul bya yang mi snang yang/ cung zad tsam 'dod pa'i gdul bya la thugs rjes rjes su chags pa ni 'jam pa'i rdo rje ste/ 'jam dpal lo/ /'jam dpal ni sku gsung thugs mdzes pa'o/ /rdo rje ni mi shigs pa dang thogs pa med pa'i ye shes dang ldan pa ste/ des rgyud rab gsungs zhes 'brel lo/ /gang gi don du zhe na/ sems can thams cad kyi don du ste/ sems kyi zhen pa ni bdag gi'o/ /don gyis zhes pa ni dgos pa'o/ /sbyin pa la sogs pas rang gi rgyud la bsod nams kyi tshogs sogs pas sems can gyi don to/ /yang na sems ni gdul bya la/ don ni yongs su rdzogs pa'o/ /de'i don du rgyud dang sngags dang rdzas dang ting nge 'dzin la sogs

  248. 124b

    pas yang dag par bsdus pa'o/ /rgyun mi 'chad pas na rgyud de bshad par bya ba zhi ba la sogs pa'i dngos grub gdul bya'i rgyud la rjes su 'brel ba'o/ /de gang yin na dpa' bo'i gtso zhes pa ste/ dpa' bo ni nyon mongs pa dang las dang skye ba g.yul du rnam par 'joms pa la brtson 'grus brtsam par bya ste/ byang chub sems dpa' rnams so/ /de rnams kyi gtso bo ni mnga' bdag ces bya ba'i don to/ /chos ston pa la don rang tshig la mi 'jigs pas gdul bya'i rgyud bla na med pa'i yon tan phyir smra ba rnams kyi mchog go /yang na smra ba rnams ni ston pa ste/ dbang phyug chen po la sogs pa'o/ /mchog ni 'phags pa ste/ rtogs pa las byung ba'i rdzu 'phrul gyi rdo rje 'jigs byed la sogs par sprul pa'i dus su lha chen po rnams spobs pa med par bya ba'i phyir ro/ /de bas na de dag ni skyes bu chen po'i ming gi yon tan bdag gis khyad par du 'phags pa'o/ /'gro ba'i bla ma zhes pa la/ 'gro ba ni shin tu 'od gsal bar 'gro ba dang/ de las 'ongs pa ste/ 'gro ba sna tshogs so/ /de dag gi bla ma ni mnga' bdag go /yang na 'gro ba ni sku gsung thugs kyi don ma rtogs pa rnams yin la de dul bas na bla ma'o/ /yang na 'gro ba drug gi gzugs su gyur pas 'gro ba ste/ khams gsum mo/ /de dag la dbang mdzad pas bla ma'o/ /ji ltar na rgyud yin zhe na/ dpa' bo gcig grub pa ces pa ste/ grub pa ni yongs su rdzogs pa 'am rab tu grags pa ste/ las gang dang gang gi dbang du byas pa'i rdzas dang sngags la sogs pa'o/ /zhi ba la sogs pa'i dngos grub kyis bdud 'joms pas dpa' o rnams so/ /rab mchog ces pa ni khyad par du 'phags pa ste/ rgyun mi 'chad par gnas pa'i rgyu'o/ /gzugs can gyi lha bsgom par sngags pas sngags de dag ci'i phyir sgrub ce na/ gsungs pa lha nyid ces pa la sogs pa ste/ sngags gang grub pa'i yongs su gsal bar gyur na de'i lha de de la grub par 'gyur te/ 'dod

  249. 125a

    pa'i don yongs su rdzogs pa'i don to/ /de ci'i phyir zhe na/ rdzogs pa'i rim pa la lha dang sngags tha dad med pa dang/ bskyed rim la rgyu lha la 'bras bu sngags su bstan pas so/ /de bas na lha nyid gsang sngags tshul gyis ni zhes pa nyid ni ma nor ba'i don to/ /sngags pa ni sgrub pa po'o/ /de nyid ni sngags so/ /bsgoms na ni zhes pa ni rnam pa de la yang dang yang du rtse gcig tu bya ba'i dang po yid ches pa'i don du 'dod pa'i don la yang dag par bzlas pa'i sngags kyis dngos grub chen po la mi sbyor ro/ /zhes gsungs pa ni phra mo zhes pa la sogs pa ste/ go sla'o/ /legs par bzlas pa'i sngags ni don de bsgoms pas 'di dang phyi mar lhag par rtogs pa'i bsgom pa 'od gsal ba la rab tu zhugs pa'i rjes su rim pas chos thams cad rnyed pas zhes gsungs pas so/ /sa la sogs pas go sla'o/ /dang po rab tu 'jug pa'i sgo nas 'di bshad pa'o/ /de ltar mkhyen nas zhes pa la sogs pa ni go sla'o/ /oM ka lu zhes pa la sogs pa ni 'chad par 'gyur ba'i rengs par byed pa'i sngags bzhi ste/ 'di la yang bsnyen pa dang las la sbyar ba'i dus thams cad du skad cig gis rdo rje gdan gyi rnal 'byor bya'o/ /dang po dang gnyis pa'i sngags kyi mngon spyod la sogs pa la rdo rje sems dpa' i rnal 'byor nyid kyis bya'o/ /legs par bzlas na zhes pa ni 'bum bzlas pa'o/ /dran pa nyid ces thams cad du brgya rtsa brgyad dam nyi shu rtsa gcig bzlas pas so/ /thal ba la zhes pa ni rdza mkhan gyi thal bas so/ /mngon par bzlas na zhes pa ni lag pa g.yas pa'i mthil du thal ba bzhag nas lag pa yon pa'i srin lag gis brgya rtsa brgyad bzlas pas so/ /gang du 'dod pa der 'gro'o/ /zhes pa ni go sla'o/ /oM ga ru zhes pa la sogs pa ni thod le kor dang rnga

  250. 125b

    lcag la lan nyi shu rtsa gcig mngon par bzlas nas rnga brdung bar bya'o/ /oM he he zhes pa la sogs la/ sngon du bsnyen pa'i cho ga ni sangs rgyas bcom ldan 'das yang dag par mchod de/ bla ma la gsol ba btab nas nyi ma re re bzhin lus thams cad bkru ba dang zas dkar gsum za ba rgyun ma chad pas 'bum phrag gcig du bzlas par bya'o/ /thal ba dang zhes pa ni gza' nyi ma'i tshes grangs la bram ze shi ba'i thab kyi thal ba 'am yang na dge slong gi thab kyi thal ba dang/ ba dmar skya'i lci ba thang la ma lhung ba'i thal ba'o/ /yungs kar ma zhes pa ni bram ze'i thod phor du kun rdzob kyi bdud rtsi byugs te/ skar ma rgyal gyi nyin par yungs kar gyi skrun pa'i 'bras bu'o/ /yang na yungs kar nyid la brgya rtsa brgyad bzlas pas so/ zhing las zhes pa ni zhing gi phyogs cig tu sgo gcig bzhag ste/ gzhan du na byin pa la sogs pa 'ching bar 'gyur ro/ /dur khrod kyi ras ni ro ras so/ /dur khrod kyi bum pa ni 'o mas rab tu bkang ba'i bum pa dur khrod du bskyal ba'o/ /sbas pa ni rlung bzung nas zhes bya bas te man ngag go /yung ba zhes pa ni 'dir rengs pa'i ras la bri ba ste/ yung ba dang bla ba dang a ru ra'i chu bsres pas so/ /rgol ba ni bkur sti la sogs pa la phrag dog pa'o/ /rtsod sbyong ba ni nor gyi don du phan tshun rtsod pa'o/ /kham phor ni zhabs nag por ri med pa la sngags lan bdun bzlas pa'i thod le kor gyi sngags g.yas bskor du bri bar bya'o/ /kha sbyor du byas te zhes pa ni steng du gnas pa'i khaM phor la sna tshogs rdo rje ser po bri'o// de'i phyi rol tu skud pa ser pos dkri bar bya'o/ /zhes pa ni man ngag go /rkang pa'i mthil du sngags kyi rgyal po 'di bcug ste/ zhes pa ni rkang pa gnyis kyi bar du'o/ /bla gos ni gos kyi phyogs gcig la mi mthun pa thams cad

  251. 126a

    rab tu zhugs par bsgoms te rang gi gnas kyi mtshams 'dab rlung bzung ste nus tshad kyi sngags bzlas nas mdud pa bya ste/ 'drul gyi rgyab na gnas pa'i sgrub pa'i grogs phyi mas kyang sngags dang 'dun pa'i grogs byas nas cho ga 'dis mdun du 'gro bar bya'o/ /'jigs pa las thar nas mdud pa dgrol bar bya'o/ /chu'i pha rol tu phyin nas bong ba bcug pa de gdon par bya'o/ /gnyis dang ldan par bri ste zhes pa ni sna tshogs rdo rje'i phyi rol tu sa'i dkyil 'khor gnyis phyogs dang mtshams su rdo rje rgya gram gyis rnam par brgyan pa/ pha rol gyi mtshams sam ri khrod la sba bar bya'o/ /sngags oM gnyis kyi kha sbyor zhes pa ni lhor sngags mgo gnyis phan tshun phrad par byas pa oM gnyis kyi dbus su bri bar bya'o/ /tha gnyis kyis yongs su bskor zhes pa la tha gnyis ni tsheg drag ste de dag gi phyi rol tu bri'o/ /sna tshogs rdo rje nye bar mdzes pa ni dbang chen gyi dkyil 'khor gyi khyad par ro/ /chu gnyis pa bdun zhes pa ni bum pa sar pa'i chus so/ /thal bas zhes pa ni rma bya chen mo'i rnal 'byor gyis so/ /nas man chad ni bal sran dang 'bras 'dres pa btsos pa'i zan no/ /gtor ma chen po btang bar bya zhes pa ni gtor ma gtong ba'i dus su khyung gi dang/ rdo rje'i dang/ dpal be'u'i phyag rgya gsum bcing bar bya'o/ /de la khyung gi phyag rgya ni lag pa gnyis thal mo brkyang ba rgyab sprad de mthe'u chung gnyis lu gu rgyud du mdud nas ming med kyi sen mo gnyis mthe bong gis mnan pa'o/ / de gnyis la sdigs 'dzub gnyis lu gu rgyud du bcings pa dang/ gung mo dang ming med kyi sen mo'i steng du mthe bong bzhag pa ni rdo rje'i phyag rgya'o/ /lag pa gnyis thal mo sbyar nas ming med nang du bskums pa'i sen mo la

  252. 126b

    nye ba'i tshigs kyi rgyab mthe bong gnyis kyis mnan te/ mthe'u gnyis rtse sprad cing gung mo gnyis kyang brkyang rtse sprad de mdzub mo gnyis gung mo gnyis kyi rgyab du lcags kyu'i tshul du bzhag pa ni dpal gyi be'u'i phyag rgya'o/ /yang lag pa gnyis gan rgyal du byas nas g.yon dang g.yas pa nyi ma dang/ zla ba dang nyi ma la A li dang kA lis mtshan pa bsgoms la/ yang lag pa gnyis kha spub par bya ste/ oM brjod pas g.yon pa bstan/ A(rgyud 'grel): brjod pas g.yas pa bstan/ hUM brjod pas gnyis ka mnyam par spub la bstan/ de'i rjes su lag pa gnyis mnyam por kha sbyar nas rdo rje rtse gcig gi phyag rgya gtor snod la reg pa'o/ /yam shing lnga zhes pa ni/ a 'bras byang chub kyi shing dang/ bra ka Di dang/ baD dang/ ba la shing rnams so/ /'bru lnga zhes pa ni/ 'bras so ba dang/ nas dang/ til dang/ bal sran dang gro rnams so/ /gseg ma zhes pa ni rdo dang dngul la sogs pa'i nye bar mtshon pa'o/ /rdo leb la zhes pa ni rdo leb bzhi la sngags bris nas khang pa'i zur bzhi la bzhag par bya'o/ /dur khrod kyi ro sreg pa'i shing gi byur bu zhes pa ni gza' nyi ma'i tshe grangs la bram ze'i dge slong gi ro bsregs pa'i shing ngo/ /de sgo'i steng kho na la bzhag par bya'o/ /skyed kyis 'tsho ba zhes pa ni ri dags la sogs pa'o/ /oM hi ni zhes pa ni bsnyen pa 'bum bzlas pa'i rjes la/ ma bsgrubs su zin kyang zhes pa ni las sbyor gyi dus su khyad par gyi cho ga ma byas kyang grub par 'gyur ro/ /lan tshwa zhes pa ni lan tshwa ske tsher rin la ma rtsegs par nyo ba'o/ /dpung gi tshogs rnams kyang byer bar mi bskrad pa'o/ /sbun pa'i sbyin sreg ces pa ni sha mi dang seng ldeng gi yam shing dkyus sor bcu gnyis la sogs sboms su mdzub mo dang mnyam pa'i shing bu shun pa dang

  253. 127a

    bcas spar ba gang sbyin sreg bya'o/ /rengs pa'i sngags bzhi po 'di dag la sngags gcig gi kyang sngags gzhan gsum gyi rab sbyor byed par nges so/ /zhi ba dang rgyas pa dang dbang du bya ba dang drag po'i las rnams la rim pa bzhin du 'jag ma shar dang/ me tog a man dang/ mya ngan med pa'i shing dang bya rog gi sgro rnams kyi smyu gu bya'o/ /ampa sim zhes pa la sogs pa la/ du pa pu ces pa'i gong du bdag gi don grub par gyis shig ces gnang? bar bya'o/ /rtag tu bzlas pa ces pa ni nyi ma re re zhing rgyun ma chad par bzlas pa'o/ /rdo rje'i chu zhes pa ni rdo rje'i lag pa g.yas par blugs nas g.yon pa'i srin lag gis reg ste/ lan bdun bzlas nas rlung bzung ste/ dbral bar thig le bya'o/ /sim pa zhes pa ni sim pa'i chu shos sor gsum gyi tshad kyog bom yin pa'o/ /mngon spyod la sogs pa thams cad la thun gsum ste/ mtshan mo'i mthun gsum mo/ /g.yon ngos su rdzas so btang ba'i thal ba dang/ g.yas ngos su shing a 'bras dang/ srin shing siM pa dang/ ras bal gyi lo ma dang/ de dag gi lo ma tha dad du bzhag nas mdun du smyug ma la byas pa'i snod du lag pa g.yon pas bor nas rkang pa g.yon pas bsgrub bya de'i ling ga bris nas rkang pa g.yon pas mnye zhing sngags bzlas par byed pa'i rnal 'byor pas zhib ma la bris pa'i ling ga'i snying gar rkang pa g.yon pa'i mthe bong gis mnan cing/ ling ga'i mgo la a 'bras kyi lo ma dang/ snying gar sim pa'i lo ma rkang pa la ras bal gyi lo ma bzhag nas sngags bzlas pa'i rdzas la rkang pas shin tu mnye bar bya'o/ /de bzhin du lan nyi shu rtsa gcig gi bar du bri ba dang phyi mar bya ba'i rjes la yi ge la sogs pa ngal? so nas thal ba de dag thams cad ngos nas

  254. 127b

    rkang pas shin tu drag por mnye bar bya'o/ /nam phyed kyi thun la yang lan nyi shu rtsa gcig bzlas pa byas pa'i thal ba dang thun mang po la bsres nas mnye bar bya'o/ /de bzhin du tho rangs kyi thun la'ang de ltar bya'o/ /gzhan yang thun gnyis kyi zhib ma'i phyogs gcig la bzhag ste langs te mi gtsang ba'i gnas su dor bar bya'o/ /zhes pa ni man ngag go /yang de kho na'i las sbyor gzhan ni skad cig mas rma bya chen mo'i las sbyor gyis zhib ma la sogs pa la don dang sbyar ba sngags bzlas shing lag pa g.yon pa gan rkyal du byas nas ya 'bras kyi lo ma dang/ sim pa'i lo ma dang/ ras bal gyi lo ma gsum gcig tu dril nas skung bser pos dkris te gong bur bzhag ste/ de lta bu lan brgya rtsa brgyad kyi bar du bya'o/ /dbang du bya ba la sogs pa la skud pa dmar po la sogs pas bya'o/ /'di ni zhag bdun gyi bar du nyin mo thun gsum dang mtshan mo thun gsum bya'o/ /de nas sngar gyi dril ba de skye bos dben pa'i gnas su shing la sogs pa'i 'og tu nyi ma re re bzhag par bya'o/ /de nas gzhan rdzas 'bags pa can gyi nang du chu dang bcas pa'i skyur po blugs nas rim pa ji lta bar bshad pa'i lo ma rnams snod de gang bar ma gyur gyi bar du sbyin sreg byas nas snod de nyi ma re re zhing mis dben pa'i sar bzhag ste/ phyag gi shing bu don ma grub kyi bar du phun gsum gsum du bskur bar bya'o/ /de nas gzhan yang rdzas 'bags pa la ji ltar bshad pa'i rim pas sngar bshad pa'i lo ma rnams/ tshwa dang bsres pa'i sngags bskul tshig dang bcas bzlas shing don ma grub kyi bar du sbyin sreg bya'o/ /snod de nyin re re zhing cung zad cung zad yon so sor bzhag par bya ste/ des ni bsgrub bya nang gyis zin par 'gyur ro/ /snod de kha spub par gyur na bsgrub bya de nges par 'chi bar 'gyur ro/ /snod de bkrus nas ni

  255. 128a

    sgrub bya de nges par sos par 'gyur ro/ /sems can rnams ni sangs rgyas kyi rang bzhin yin pas sangs rgyas bsad par 'gyur ba'i nyes pas las sbyor de gnyis kyis gnod pa tsam bya'i bsad pa ni mi bya'o/ /de nas gzhan yang chu shing gi 'bras bu dang bcas pa'i lo ma la tsher mas bsgrub bya bris de'i snying gar don dang bcas pa'i sngags bris nas bzlas shing lo ma dril te bcings nas sbrum ma yin pa la zhag bdun gyi bar du zar gzhug go /gal te mi zan de'i che tshwa dang bcas pa zang gzhug go/ des kyang za bar ma gyur na de'i tshe dngos grub mi 'byung bar rig par bya'o/ /de nas gzhan yang dbye bar 'dod na/ lag pa g.yon pa'i mthil du sngar bshad pa'i lo ma gsum po bzhag nas dpung pa g.yon pa'i 'og tu nye ba'i lag pa g.yas pas lan brgya rtsa brgyad dril te sa la bsgyur te sgrub pa po ma mthong bar langs te 'gro bar bya'o/ /de bzhin du nyin zhag gsum gsum gyi bar du bya'o/ /de nas gzhan yang zhib ma'i snod sar pa'i nang du rdza bsregs pa'i thal bas manDal byas nas lag pa g.yas pa'i lo ma gsum po ri mo ji lta bar g.yon pa'i sen mos bcad nas byabs pa'i sngags brjod cing thal ba'i manDal gyi steng du dong bar bya'o/ /de nas manDal de bshigs nas dri zhim po la ral gcig ma dang/ mya ngan med pa'i lha mo dang/ dug sel ma dang/ rma bya chen mos yongs su bskor ba'i 'jigs pa med pa'i sgrol ma'i manDal byas nas sngags ji tsam du nas par bzlas pa byas nas zhag bdun du nyin re zhing thun gsum gsum du bya ste/ thun re la brgya rtsa brgyad bzlas nas thal ba des rtsod sbyong la sogs pa thams cad zhi bar 'gyur ro/ /a 'bras kyi lo ma srang

  256. 128b

    gcig /shing sim pa'i lo ma srang gcig /ras bal gyi lo ma srang gcig /tshwa zho gnyis/ ske tshe zho gnyis dud pa zhe gnyis de dag zhib mar blugs te/ mtshan phyed na sgrub pa po gcer bur bya ste/ skra grol bar byas nas byang du mngon par phyogs te/ zhi ba'i sems dang ldan pas sngags bzlas shing mnye bar bya'o/ /yang lo ma de dag srad la bcal te cha bsnyams te/ 'dag pa byas nas khang dri'i rus pa'i tshad tsam gyi ri lu bya ste/ ku shi'i skud pa la rgyus na sa thogs te/ gos gtsang ma gyon kha nub du bltas nas btson dgrol ba la sogs pa'i bzlas pa bya'o/ /phrin las thams cad la 'phreng ba 'di dang ldan pas phrin las bya'o/ /de nas yang shing sim ma'i lo ma dang dbang du bya ba'i rdzas la sngags bzlas shing sbyin sreg bya'o/ /de'i rjes la dkyil 'khor la thab khung bya ste mtshan mo'i dus su seng ldeng ngam khang dri'i me la mdog gcig pa'i ka ra bdun gyi thun gsum du sbyin sreg bya'o/ /gzhan yang zhib ma mkhregs po mdun du bzhag nas skrod pa'i las bya ba 'dod pa'i bsam pas sngags spel tshig dang bcas par bzlas shing/ zhib ma la rim pa ji lta bar lo ma gsum bzhag ste/ skam pa lag pa gnyis kyis mnyes te/ rang gi g.yon ngos su lo ma'i phyed ma de dag la bgab ste/ zad pa dang ma mthong bar spangs te 'gro bar bya'o/ /gzhan yang sngar bshad pa'i lo ma rnams la re re zhing brgya rtsa brgyad du bzlas nas tsher mas rengs par byed pa'i sngags spel tshig dang bcas pa bris te/ kham phor gtsang ma'i nang du bzhugs la kha sbyar ba la rdo rje rgya gram bris skud pa ser pos dkris nas skud pa sar ba btags te khron par sbyangs pa dang/ ji ltar chur nub pa de ltar skud pa de btang bar bya'o

  257. 129a

    de nas gzhan yang gnas par 'dod pas sngar bshad pa'i la ma gsum pos brgya rtsa brgyad bzlas shing lo ma re re la yang kha la phur bus 'debs pa'i sngags spel tshig dang bcas pa lan bdun bzlas pa'i tsher mas bris te/ tsher ma de dag dril nas tshar mas phug ste dben pa'i gnas su bzhag go /de nas gzhan yang rang nyid mgrin pa nub tsam gyi chur zhugs te rkang ba g.yas pa a 'bras kyi yal ga dang/ g.yon pas sems pa'i yal ga mnan te/ ral bal gyi me tog gis zhag bdun gyi bar du thun re re bzhin du chu'i nang du dor bar bya'o/ /des dgra la sogs pa rengs par 'gyur ro/ /de nas gzhan yang bshad ma thag pa'i me tog gsum po de'i kha smras kyi sa la mngon par chas pa'i thag mi ring tsam du gnas te sngags brgya rtsa brgyad du bzlas shing nye bar bya'o/ /des ni kha smras las rgyal bar 'gyur ro/ /de nas gzhan yang lci ba la skong bu gsum byas nas de la a 'bras dang shim bi dang ral bal gyi lo ma chag pa brnyings pa ma yin pa rim pa ji lta bar bcug ste/ lag pa g.yon pas phreng ba bzung nas sngags bzlas shing skyad pa phreng ba la nye bar mchod pa byas nas gtsang ba'i phyogs su 'dug ste/ kha lhor bltas nas mtshan mo thun dang po'i rjes la don dang sbyar ba'i sngags ji tsam nus pa zhag bdun du bzlas pa bya'o/ /de nas gzhan yang skyed po gsum gyi steng du khog ma sar par 'bras sA lu'i ling ga gsum byas nas dbang du bya ba'i bsam pas sngags spel tshig dang bcas pa zlos shing 'og tu me bstan lo ma de dag thams cad bsreg par bya'o/ /gzhan yang rgyas pa'i thab khung ngam gyo mo sar par srin nyi chung shos la sngags bzlas shing byang bu mngon du

  258. 129b

    phyogs pas sngags 'bum phrag gcig bzlas shing sbyin sreg byas na dpal chen por 'gyur ro/ /e shong thi rdo rje zhos pa la sogs pa la/ e she zhes Do ste sho ta pu na rna ba'o/ /ut+thi to zhes pa ngan pa la'o/ /dzwa la zhes pa ni arga dkar po'o/ /ji to zhes pa ni spu hi'o/ /'di dag cha mnyam par bsres ta 'dog par byas nas srang la gzhal ba'i ri lu bya ste/ gzhon nu mas bkal ba'i skud pa la rgyus pa'i phreng bas swA hA'i gong du zhi ba la sogs pa gang 'dod sbyar ba'i sngags bzlas par bya'o/ /spun pa'i zhes pa bar shun sbyar ba gang dang u dum+ba ra'i shing sor bcu gnyis kyi tshang shing bu dang bcas pa'i yam shing dang/ kha nub tu bltas te/ rengs pa'i thab ser po'i nang du sbyin sreg bya'o/ /chu zhes pa ni 'bab chu'o/ /khyim zhes pa ni gang gi khyim bsrung bar byed par ming sngon du 'gro bas snyim pa bdun gtor te phyogs che ge mo srung bar bsam par bya'o/ /mes tshig pa'i me kha las thar bar byed do zhes pa ni tshig pa'i sa la lan nyi shu rtsa gcig bzlas nas rang gi lag gaM rtswa dur bas byab pa byas shing phu gsum byas nas me gdon par bya'o/ /de nas gzhan yang rab tu sbyor ba ni gser dang dngul dang rdza gsar pa'i khog ma la sogs pa'i snod gtsang ma'i chus yongs su gang ba'i dbus su zhi ba la sogs pa'i don du thod pa'i snod du me tog dkar po la sogs pa la thung sum du sngags brgya rtsa brgyad bzlas shing/ rma bya chen mo'i rnal 'byor dang ldan pas don ma grub kyi bar du pad+ma'i phyag rgyas sbyin sreg bya'o/ /oM padme zhes pa la sogs pa ni/ oM pany+dza ne la swAhA zhes pa'i mdza' can 'di nas sngags brgyad ni/ mi 'jigs pa'i sgrol ma'i rnal 'byor gyi bzlas pa dang las la sbyar bar bya'o/ /sngags dang po la phu gsum gyi yi ge sbyar bar bya'o/ /mig ces pa ni tshes grangs la mig nad langs pa

  259. 130a

    la de kho na la rengs par bya ste/ sngags 'di bzlas shing mthe bong dang srin lag gi thal ba khyer nas kha steng du blta ste mig kun tu yongs su bskor bar bya'o/ /byab pa zhes pa lag pas byab pa'o/ /rtsig pa la zhes pa ni thod lo kor la lan brgya rtsa brgyad rtsig pa la bris pa'i sngags de mig nad can gyi rtag tu blta bar bya'o/ /oM mo tsa ni zhes pa la sogs pa la/ mi 'jigs pa'i sgrol ma 'dis mngon par bsngags zhes pa ni lan brgya rtsa brgyad do/ /bcings pa la mngon du tshogs pa ces pa ni gang na btson bu bcings pa yod pa'i phyogs de la blta zhing de la dmigs pas bzlas pa byas na grol bar 'gyur bar blta ba dang/ grong de la gnas nas chu gtor ba'o/ /rtag tu zhes pa ni gong bzhin du'o/ /oM ha ri zhes pa la sogs pa la/ sI stengs su zhes pa ni dri zhim po la sogs pas byug pa bya'o/ /yang dang yang du zhes pa ni sngags kyi phreng ba gnyis rim dang rim pa las bzlog pa bris te rim pa dang rim pa ma yin pa phyi ba 'am thal ba gtor te/ bsub par bya'o/ /yang na pad+ma phyed pa bri zhes pa gong bzhin du 'brel lo/ /oM ta ra Ni zhes pa la sog pa ni che ge mo'i 'jib ma zhes pa ni lhas byin la sogs pa nye bar mtshon pa'o/ /oM ta ra zhes pa yang gong bzhin no/ /oM ratna zhes pa la sogs pa la/ pho nyar ? pas zhes pa ni pho nyar 'byung ba la chu khyor ba re re la phan bdun dun bzlas nas thung du bcug pa'o/ /zhes 'brel to/ /yang na bum pa'i chu la lan nyi shu rtsa gcig bzlas te pho nyar 'byung ba la ji tsam 'dod pa thung du gzhug ces pa ni/ man ngag go /oM a ma ra Ni zhes pa la sogs pa la/ /lags bar bzlas pa ni sngon du bsnyen pa 'bum mo/ /mngon par bsngags zhes pa la sbyor ba lan brgya rtsa brgyad mngon par bsngags na'o/ /sngags mdud ces pa ni gzhon nu mas

  260. 130b

    bkal ba'i skud pa de thal mo'i bar du bcug nas stong pa nyid las byung ba dmigs te sngags brgya rtsa brgyad bzlas so/ /de nas mdud pa rang la sngags lan bdun bzlas pa'i mdud ba byas nas nad pa'i ske la gdags par bya'o/ /de 'dir brtag go gsum zhes pa gong bzhin no/ /mar dang til zhes pa ni nyi ma re re bzhin du nad zhi ba byi la'i rkang rjes tshad tsam gyi til gyi brgya rtsa brgyad dang/ de bzhin du ba dmar mo'i mar la yang sbyin sreg brgya rtsa brgyad bya'o/ /dgos pa chen po la sbyin sreg stong ngo/ /shin tu che ba la khri tsho'o/ /lan brgya sgrub pa zhes brgyun tu man chad par sngags bzlas shing snod la mar bzhag la bskud te g.yas bskor gyis chu de dor bar bya'o/ /de ltar lan brgya'i bar du bya'o/ /gdug pa'i sman la zhes ba ni/ 'bras 'khar can gyi 'dag pa cha lnga mnyam por byas nas ri lu bya'o/ /rjes la cha lnga po'i phyed med la gdung bar byas pa dang phyed ltar bzhag nas yang gcig tu byas nas g.yas ngos kyi snod du bzhag go/ g.yon du ni tshwa dang ske tshe'o/ /de nas skrang lo dang thor ba la sogs pa byung ba'i nad ba byang du kha bstan la/ slob dpon lhor kha bltas nas/ lag pa gnyis 'dag pa de nad pa la byab par bya'o/ /de nas tshwa dang ske tsher yang byab par bya'o/ /de'i tshes la chus g.yas bskor dang g.yon skor bya'o/ /de nas de dag thams cad khron pa skam pa 'am lam rgya gram du gtor bar bya'o/ /be do la sogs ba ni shing tog gi nye bar mtshon pa'o/ /gza nyi ma'i tshes grangs la nad ba byang du go bstan la gan rkyal du bzhag ste/ de'i gsus pa'i skran gyi thog tu be do la sogs pa'i shing rtog bzhag ste/ nyi ma gsum du lan nyi shu rtsa re re bzlas pa'i mtshon gyis sngags bzlas shing/ steng 'og tu gshegs la 'tshal pa bzhin bya'o/ /gshegs pa de dag las logs su thal ba nya

  261. 131a

    ba'i rtsig logs la bzhag ste/ de dag bskum pa dan skran yar skom par 'gyur ro/ /de nas yang sngags 'di bzlas shing byang shar du mgo bstan pa'i skran nad kyi steng du tA la'i lo ma bzhag ste/ be'i shing thog gi yu ba tshig pa'i sol ba 'am de'i shing tshig pa'i sol bas sngags mgo zhabs bzlog la bri'o/ /Ni rgund+hi zhes pa la sogs pa ni sman gsum po de cha mnyam par byas la sngags 'di zlas shing bdug par bya'o/ /de la ni rgund+hi ni sin du ba ra la'o/ /nim pa'i rtsa ba ni grags par zad do/ /rma bya'i 'jug sgro shing khi bi tsha'o/ /kha cig mA yur shing khang zang zer ro/ /las kyi sbyang ba gzhan yang bram ze'i srin po la sogs pa dgra gang yang rung ba'i skra gzung nas rang skra grol ba gcer bu khro ba can du byas nas them pa la gnas nas mtshan mo'i thun sum du ming dang spel ba'i sngags brjod cing mnyes bar bya'o/ /nub gsum gyi 'chi bar gdon mi za'o/ /khrus byas na zhes pa ni bsnyen gnas yan lag brgyad la gnas pa'i bud med do/ /rjes su dran pa zhes pa ni rgyun ma chad par bzlas zhes pa'i tha tshig go/ gzhan yang tho rangs nas langs pa'i 'dus su mal las ma g.yos par sngags lan brgya rtsa brgyad bzlas pa'i chu khyo ba bdun nas ji srid du chu srang brgyad kyi bar du 'thungs na de srid du nad byang bar 'gyur ro/ /byabs pa ces pas ni nyi shu rtsa gcig bzlas pa'i lag pas sam rtswa ku shas so/ /oM pad ces pa la sogs pa la/ legs bsgrubs na zhes pa ni yi ge'i grangs kyi bsnyen pa 'buM byas la de'i bcu'i cha sbyin sreg bya na dngos grub kyi rtags mthong ba'o/ /nu ma 'thungs na zhes pa ni lan brgya rtsa brgyad bzlas pa'i chus so/ /mar la brtags pa'i zhes pa ni thun sum du brgya phrag brgyad kyi lhag pa ste de'i khyad

  262. 131b

    par ro/ /oM pi shA tsi zhes pa la sogs pa ni ri khrod lo ma'i sku bsgoms nas swA hA'i 'og tu nad pa'i ming sbyar te/ sngags bzlas phyi dro'i dus su kha shar du blta ste zhi ba'i thabs khung du me tog dkar po dang zho'i zan dang/ 'bras ma chag pa dang rtswa dUrba dang/ tsan dan dkar po rnams kyi sbyin sreg bya'o/ /de bzhin du brgya phrag brgyad bzlas pa dang/ /de bzhin du bum pa gsar par blangs pa'i chu la brgya rtsa brgyad bzlas pa'i chus khrus bya ba dang/ de bzhin du sngags 'dis gong bzhin du mdud pa bya ba dang/ de bzhin du lag pa g.yas pa'i khyor bas chu blugs te/ g.yon pa'i srin lag gis reg nas sngags brgya rtsa brgyad bzlas pa'i chu khyor ba gsum gsum zhag bdun gyi bar du 'thung ba dang/ de bzhin du byab pa zhes pa gong bzhin du sngags lan nyi shu rtsa gcig bzlas pa'i lag ba 'am ku shas byab pa ste/ las kyi tshogs thams cad la sbyar bar bya'o/ /de bzhin du rtag tu zhes pa thun gsum du brgya phrag brgyad bzlas pa 'am/ de gsum mi nus na thun gcig la'o/ /de bzhin du rab tu sbyor ba gzhan man ngag gis kyang shes par bya ste/ dza yan ti dkar po'i yal ga bdun bdun gcig tu bsdoms te lan bdun bdun sngags bzlas nas phon bdun bya ste/ 'brum bus bcas pa'i phyir 'brum bus btab pa'i nad pa shar phyogs su mngon par bltas nas/ bdag nyid nad pa'i mdun du langs nas thun sum du byab pa byas pas nad las grol bar 'gyur ro/ /man ngag gi rab tu sbyor ba gzhan yang/ shar du mngon par phyogs par 'gags pa spyan ras gzigs dang/ rdo rje gdan pa'i mdun du maN+Dal dang mchod pa bya ste/ zhi ba dang byams pa'i sems dang ldan pas zhi ba'i thub khung du g.yul du shi ba'i skra dang rus pa bsreg par bya'o/ /man ngag gzhan yang

  263. 132a

    gtam gyi sbyor ba ni gleng gzhi las gA gA zhes bya ba'i bu ma dang/ gangs zhes bya ba'i bu glas 'tsho ba zhig yod de/ de nyin par las byas nas dgongs mo brdos te zas za'o/ /nam zhig gi tshe rmi lam du khu ba 'dzags pa gos ?? la lhung ste de skam pa'i phyir chang bang gi steng du bzhag go/ de'i tshe de'i las 'bras zan gyi khu ba zhig btung ba'i phyed du 'og tu bzhag pa dang/ de'i nang du gos h+rul lhung bar 'gyur te/ de nas ma des khu ba dang 'dres pa'i 'bras kyi chu de 'thungs pa dang sbrum mar gyur te/ dus la bab pa dang bu cig btsas so/ /de nas mas sdig pa'i nad bdag la ci yis bskyed ces smras nas grong gi phyi rol tu bor ro/ /de nas bu des sdig pa'i nad ces bya ba 'brum nad du gyur to/ /zhes grag ste gtam rgyud de dran du gzhug cing bdag gis kyang gtam rgyud 'di zlos shing sngags 'di bzlas te/ sngags kyi yi ge re re'i bar du ma smad gnyis kyis ming bcug nas bris pa'i shog bu yang nad pas grang nad byung ngogs pas rtag tu blta bar bya'o/ /oM arya zhes pa la sogs pa la tri ti ya zhes pa ni chos gsum ste gzhan mtshon pa'i brda'o/ /nad langs pa'i nyi ma la byab pa nas phu gsum bya'o/ /de ma yin na mi 'grub po/ /tshes gang la zhes pa la sogs pa ni 'di'i las sbyor gzhan yin te tha chen po gsum gyi nad du phreng ba phyed dang gsum gyi sngags gsum shes rab kyi pha rol tu phyin pa'i las sbyor gyis bri bar bya'o/ /oM shtsa? zhes pa la sogs pa srung ba byed do zhes pa ni/ rtag tu bzlas pas so zhes pa ni tshig gi lhag ma'o/ /bal sran zhes pa la sogs pa la/ sogs kyi sgras bal sran chung shos dang ku la tha dang yungs kar dang yungs nag dang ske che rnams bsdu'o/ /'di dag kyang srin lag la sogs pas mkhyer ba dang ma zos pa dang ma

  264. 132b

    tshig pa la lan nyi rtsa gcig bsngags te/ nad pa'i spyi bor bcom ldan 'das sku mdog dkar po bdud rtsi'i rang bzhin gyi 'od zer gyi rgyun 'bab par bsgoms pas sngags bzlas shing thun gyi brdeg go/ rdo rgyas zhes pa ni shar du mngon par phyogs pa'i bcom ldan 'das bsgoms nas brgya rtsa brgyad bzlas pa'i rdo rgyus kyis rdza so ma btang ba'i kha phor gnyis la lan nyi shur tsa gcig bsngags te/ bu che ge mo bsrung bar bgyis shig ces pa dang spel ba'i sngags bris te kha sbyar nas lan nyi shu rtsa gcig bzlas pa'i nya rgyas dril de gang na bu yod pa de'i khang pa'i sgo'i nang ngos su gdags par bya'o/ /spra tshil zhes pa ni spra tshil la sngags lan cig bzlas nas yang sngags bzlas shing dgra bo'i gzugs byas na zhes 'brel to/ /brkos na zhe pa ni de kho na bzhin du phur pa'i las tshogs rnams la yang dgra'i sgo'i 'og tu brko'o zhes pa ni tshig gi lhag ma'o/ /mngon par bsngags pa zhes pa ni khro bo gtum po chen po'i rnal 'byor gyi mar ngo'i tshes brgyad dang bcu bzhi la dur khrod kyi thal la lan brgya rtsa brgyad bzlas nas gtor bar bya'o/ /zhes pa ni man ngag go/ mngon par bsngags zhes pa ni shar du mngon par phyogs pas nyi ma nub pa'i dus su bcom ldan 'das yang dag par pmchod de ral gri bkrus nas sngags 'di bzlas shing thal ba la lan bdun sngags bzlas nas gtor te sngags 'dis lan brgya rtsa brgyad mngon par sngags nas sgo'i thad khar bzhag go/ rang rgyal bar gsol ba btab nas snga do g.yul du bzhug par bya'o/ /snying rje'i sems bskyed de bdag rgyal bar gyur pa dang/ gzhan la mi gnod pa sems la byed cing g.yul ngor 'jug pa'i dus su dri chu la lan bdun bzlas nas ral gri myur du bkrus te bcom ldan 'das kyi gsungs nas gong bzhin mngon par bsngags par bya'o/ /de nas

  265. 133a

    gzhan yang sngar bshad pa ltar ral gri dkrus te lan brgya rtsa brgyad mngon par bsngags pa'i rgya skyegs kyi khu bas ral gri la hUM phaT kyi gong du rgyal bar gyur cig ces sbyar ba sngon du 'gro bas sngags bri'o/ /de nas gzhan yang gang bzhin du rdza'i thal ba ral gri la gtor nas rgya skyegs nyid kyi sngags bri'o/ /bya ba gang la zhes pa ni sa gzhi bstan par lci ba gtsang mas byug pa byas nas rang nyid shar du mngon par phyogs par byas pa'i mdun du bcom ldan 'das bsgoms shing/ de'i mdun du zho rdza phor gang dang/ 'o ma phor gang dang/ me tog dkar po dri zhim po rdza phor gang dang/ dri zhim pa'i chu rdza phor gang dang/ nyer spyod lnga'i mchod pa dang bcas nas don bsams nas 'dod pa'i don la gsol ba btab nas/ mtshan mo'i thun gcig la lan brgya rtsa brgyad bzlas nas dbul bar bya'o/ /gal te bsod nams can yin na de'i tshe dge ba dang mi dge ba mngon gsum du ston par 'gyur ro/ /yang na rmi lam du bcom ldan 'das kyis ston te/ /don thams cad la zhag nyi shu rtsa gcig gi bar du bya'o/ /de nas gzhan yang rtsod pa byung ba'am grong gzhan du 'gro ba 'am/ don gzhan byung ba la rang bzhin du bcom ldan 'das kyi spyan sngar thams cad byas nas 'bras sa lu'i zan dang 'o ma dang nya sha btsos pa rnams kyi bcom ldan 'das la gtor ma dbul lo/ /de nas gzhan yang zhol sogs pa 'dres pa'i zan gyis bkang ba'i rdza phor gnyis lag pa gnyis kyis gzung ste/ mtshan mo mi thams cad nyal ba'i dus su rang nyid gcig bu phyi rol tu byung ste bcom ldan 'das la gtor ma phul nas bdag gi don la gsol ba btab ste bag tsam byin pa na/ gal te de la dge ba'i smra ba thos na dge ba'i 'bras bu 'grub la/ mi dge ba'i smra ba thos na mi dge ba'i 'bras bu 'byung ngo/ /de nas gzhan

  266. 133b

    yang bdag gi bcom ldan 'das kyi bskyed pa'i rim pa 'am/ rdzogs pa'i rim pa bsgom par bya ste/ bcom ldan 'das kyi gzugs ji lta bu zhen/ sa la btsugs zhes pa la sogs pa la/ thags khregs ni mkhregs pa'o/ /thag bzang ni bar med pa'o/ /stong pa nyid ni de'i mtshan nyid dang bral ba ste/ dngos po de dag gi thugs su sba ba'i mtshan nyid gzugs dang rjes su myong ba'i mtshan nyid tshor ba zhes pa la sogs pa'o/ /ya sos ma mchu mnan pa dang/ pus mos la gtsug pa dang/ nga rgyal thams cad zil gyis mnan pa'i phyir steng 'og tu mig gi 'bras bu blta ba dang/ dam tshig sems dpa' bzhin du bsgom par bya zhes pa ni rang gi snying gar ro/ /zhes pa'i don to/ /de nas gzhan yang sems dpa' i skyil krung gis sngags nyi shu rtsa gcig bzlas te de'i rjes la mal na 'dug pa tsam gyis kyang thams cad bsrung bar 'gyur ro/ /de nas gzhan yang ni lan brgya rtsa brgyad bzlas pa'i lo ma skam po la oM tsaN+Da ma hA ra Sha Na che ge mo'i rims 'jigs par gyis shag hUM phaT ces pa'i sngags 'di snag tshas bris nas shog bu zur bzhi nas dril te skud pa dmar pos phyogs bzhir bcings nas/ de nas ma g.ya ba'i nga rgyal gyi shar du mngon par phyogs nas bcom ldan 'das kyi gzugs su mngon par bsgoms nas pus me gtsugs pas rim nang can mnan te/ gzi brjid chen pos skra la sogs pa la brtags na rims 'jigs par 'gyur ro/ /rims sod pa'i rjes la shu bu de chu gtsang ma la bskyur ro/ /de nas yang thun phyed lus pa'i nam gyi cha smad la mal nas langs te/ sems dpa' i skyil krung gis shar du mngon par phyogs pas 'dug pa la bcom ldan 'das bsgom ste/ g.yas pa'i khu tshur gyis sdigs mdzub gyen du bsgreng ba/ g.yon pa'i khu tshur gyis brtan por gzung nas shes rab 'dod pas rgyun ma chad par bzlas pa bya'o/ /zhag bdun gyis par gyis mkhas par 'gyur ro/ /de ma yin na yang nyi ma re re zhing rim gyis

  267. 134a

    bzlas pas shes rab dang ldan zhing thos pa 'dzin par 'gyur ro/ /oM ka she pan zhes bya ba la sogs pa la yum shes rab kyi pha rol tu phyin pa'i rnal 'byor gyis mig 'gul ba'i dus su gal te mi dge na sngags zlos shing bya ba pa byas pas dge bar 'gyur ro/ /oM dza? len zhes pa la sogs pa ni sna tshogs pad+ma dang zla ba la rdo rje skyil krung gi bzhugs pa/ zhal gcig phyag gnyis sku mdog dmar po lang tshol bab pa/ g.yas pas lcags kyu dang/ g.yon pas utpa la 'dzin pa/ dbu la 'od dpag med kyis rgyas btab pa chags pa chen po'i gdangs rtsan gyi bcom ldan 'das ma sgrol ma dag gi bsgom par bya'o/ /bsnyen pa sngon du 'gro bas las sbyor brtsam par bya ste/ nyi ma re re zhing gdod bkru ba ni man ngag go /du ba blangs la zhes pa ni mar ngo'i tshes brgyad dam bcu bzhi la nyi ma phyed dam ni phyed na kha nub du bltas te sngags bzlas shing/ ba dmar skya'i mar gyi som btang ba'i rdza phor la du ba phab la zhes pa ni man ngag go /'thur du bltas pa'i me tog ces pa ni a d+he ruSha? ke 'am/ he ta hu li 'am/ go band+ha na zhes grag go /shi ri kha d+ha zhes pa ni tsan dan dkar po dang de gnyis las sbyor gyi gong du nyi ma la tshags byas nas bzhag ste/ skar ma rgyal la de gnyis bzung nas sngags bzlas te/ srang la gzhal nas mnyam par bya ste/ bsres te nyi ma da nas brtsams nas thig le bya'o/ /cho ga bzhin du zhes pa ni zan dang me tog la sogs pa dang ldan pa'i sgrub pa po'i grogs po dang bcas pa dur khrod du phyin nas ro'i thab khung gi steng du dbang du byas pa'i thog tu rtsa ku sha bzhag pa'i mdun du gong du bshad pa'i rdzas kyis tshogs bshams te/ 'dod pa'i don la gsol ba btab nas smra ba bcad pas ling ga khyer te/ rang gi khang par 'ongs nas nyi ma byed dam nam phyed na ling ga'i thog tu nye bar 'dug ste/ nub du mngon par phyogs pas snying gar zla ba la gnas pa'i h+rI(rgyud 'grel): 'i yi ge la sprod pa'i 'od zer lcags kyu dang/ zhags pa lta

  268. 134b

    bus g.yo ba thams cad snying gar phug ste/ 'gugs shing rang gi rkang pa'i 'og tu lhung bar bltas nas nyi ma re re la brgya phrag brgyad bzlas shing zhes 'brel lo/ /de nas gzhan yang phyag gnyis pa'i ku ru kul+le bsgoms te/ rang gi snying gar gnas pa'i h+rI(rgyud 'grel): sa bon gyi 'od zer gyis brtan pa dang g.yo ba bkug ste rang gi rkang pa'i drung du lhung ba dang dbang du gyur pa dang/ ci zer ba nyan pa dang/ rjes su gnang ba zhu ba'i rnam par bsgom ste gang du bshad pa'i dus tshod la sngags bzlas par bya'o/ /oM staM b+ha ni zhes pa la sogs pa ni spyan ma'i snying po ste/ rgyun ma chad par zlos pa la 'jigs pa thams cad sel bar byed do/ /zhes pa'i tshig gi mdza' can dang 'brel lo/ /nyon mongs pa rgyun gyis brgyud pa'i tshogs la skyob pa gos bzhin du ste ShDa Da'o/ /de rnam par 'jigs pa'i sbyor bas len pa'i don sbyar bas pa Da la ste le'u'o/ /dang po zhes pa ni nyon mongs kyi dgra gsod par nye bar brtsam par thog mar byed pas so/ /le'u dang po'i 'grel pa'o// //legs par sangs rgyas pa'i zhes pa ni ston pa gzhan ma yin pas rab sang ces pa ni rgyun ma chad par gsungs rab la goms pas dbang po rnon po rab tu sang pa'o/ /yon tan gzhi yin pa zhes pa bla ma'i zhabs kyi pad+ma la nges pas dbang la sogs pa'i rim pas bde gshegs kyi sgrub thabs rtogs pas so/ /bla ma la gus pa zhes pa ni lus ngag gi sri zhus bla ma mnyes par bya'o/ /brtson pa zhes pa ni bya ba ngan pa dang bral ba sems can gyi don la spro ba can no/ /oM na ma zhes pa la sogs pa ni kha sarba Ni'i skur bdag nyid bsgoms nas shar du mngon par phyogs pas khye'u 'am bu mo kha shar du bstan nas/ oM na ma zhes pa la sogs pa nas su tra ya na mo zhes pa'i mdza' can gyi sngags bzlas shing me long bkrus pas dag par byas pa'i me long bstan pa zhes 'brel lo/ /rged? sngar drung du zhes pa ni khrus dang gtsang sbra dang bsnyen gnas kyi sdom pa dang ldan pas so/ /lha'i bu zhes pa ni gzhon nu'i gzugs can gser gyi mdog lta bu rgyal po chen

  269. 135a

    po'i rol pas bzhugs pa'o/ /rtag tu bzlas na zhes pa ni 'bum bzlas pa'i rjes la nyi ma re ba zhing rgyun ma chad par stong phrag re re bzlas par bya zhes 'brel lo/ /oM sh+ra sa na zhes pa la sogs pa ni gong bzhin du thams cad go sla'o/ /oM na ma zhes pa la sogs pa ni lha mo tsun de'i ting nge 'dzin gyis bya ste/ gzhan thams cad gong bzhin no/ /oM mu tsi li zhes pa la sogs pa la/ bsnyen gnas la sogs pa thams cad gong bzhin no/ /gzhan go sla'o/ /oM pra dza la la zhes pa la sogs pa ni las so/ /oM nam zhes pa la sogs pa ni go sla'o/ /oM kar+Na zhes pa la sogs pa la/ sha za'i shing zhes pa ni sha ko Da ka'i shing ngo/ /'jig rten gsum las rnam par rgyal ba'i ting nge 'dzin la gnas shing zhes pa ni gshin rje gshed kyi ting nge 'dzin la yang dag pa bzhugs so/ /oM tsa tur pU dza zhes pa la sogs pa ni legs par gsal lo/ /oM b+hu d+ha zhes pa la sogs pa la/ the tshom med pa ni bsnyen gnas kyi sdom pa dang ldan pas so/ /le bu mig ces pa ni tshong dpon las 'ang pa'i rdzas rdo'i bye brag go ma ri sha sngo'i sa bon dang 'dra ba la'i lungs so/ /shing a gat+ti? zhes pa ni shu gla bar bya zhing med ces pa rgya gar dang bal yul ni yod/ oM swa b+hA na zhes pa la sogs ni cho ga gong du bstan pas go sla'o/ /oM a d+hid ces pa la sogs pa yi ge 'bum bzlas pa ces pa ni yi ge re re la 'bum bzlas nas dan brtsam par bya'o/ /pri yang ku'i me tog ces pa la sogs pa ni nyi ma re re zhing thun gsum nyi shu rtsa gcig gi zhag gi bar du brgya phrag brgyad sbyin sreg bya'o/ /sal sha zhes pa la sogs pa ni sbyin sreg 'bum gyis zhes pa'i mdza' rgyun ma chad ces lhag ma'o/ /'o ma can gyi yam shing zhes pa ni dug shing gi rigs spangs pa'i gzhan rnams so/ /bzlas pa byas pa rnyed par 'gyur zhes pa ni bdun phrag gsum du'o/ /gzhan go sla'o/ /oM dza ye zhes pa ni 'jig rten dbang phyug gi ting nge 'dzin la yang dag par zhugs pas te/ zhal gcig phyag gnyis/

  270. 135b

    sku mdog dkar po/ dpe med pa'i gzugs can bde ba'i gdan la bzhugs pa'o/ /gzhan go sla'o/ /oM me khe zhes pa la sogs pa la/ 'bum ni mi zad pa'i nor gyi phung po'o/ /oM ka ma la zhes pa la sogs pa la/ dpal chen mo zhes pa ni zhal gcig phyag gnyis pa me tog pri yang ku lta bu'i sku mdog ljang gu sna tshogs pad+ma dang zla ba la gnas pa/ chos 'chad kyi phyag rgya can rgyal po chen po'i rol pas bzhugs pa/ g.yon du utpal bzhag pa/ bud med kyi sgyu ma'i nga rgyal gyis 'gying bag can gyi sgrol ma ste/ dpal chen mo'i ming gi rnam grangs so/ /de'i ting nge 'dzin la gnas pa 'am/ kha cig na re nor rgyun ma'i ting nge 'dzin la gnas par bya'o zhes zer ro/ /gzhan go sla'o/ /oM nan ti zhes pa la sogs pas? 'di ru cho ga ni 'di kho na'o/ /oM dzaM b+he zhes pa la sogs pa la/ rje btsun ma sgrol ma zhes pa ni byin rlabs dang bcas pa'o/ /mngon par ma chad ces pa brtsam pa'i nyi ma nas bzung nas ji srid 'bum phrag bdun rdzogs par ma gyur pa de srid du rgyun ma chad par nyi ma re re thun gsum du ji ltar nus pa'i sngags bzlas shing me tog re re'i zhabs la dbul bar bya'o/ /oM ba su zhes pa la sogs pa la/ nga'i? lci ba zhes pa ni sa la ma reg pas so/ /lhag ma go sla'o/ /oM ba su zhes pa la sogs pa la nges pa la gnas pa zhes pa ni bsnyen gnas kyi sdom pa dang ldan pa dang/ dkar gsum za ba/ dus gsum la mgo 'khru ba dang/ rtswa ku sha'i gdan la bsnyal ba'i don to/ /nor rgyun ma'i ting nge 'dzin la gnas pas bya'o/ /zhes pa ni man ngag go /de kho na bzhin byas nas rgyud las ji ltar gsungs pa ltar rnyed par 'gyur ro/ /oM ba su zhes pa la sogs pa ni bcom ldan 'das ma'i sngags so/ /lhag ma brgyad ni 'khor gyi lha mo brgyad kyi'o/ /bcom ldan 'das ma ni sna tshogs pad+ma dang zla ba la skyil krung byed pas bzhugs pa/ gser gtso ma'i mdog lta bu dang/ phyag g.yas na shing thog bi dza pu ra dang bcas pa'i mchod sbyin gyi phyag rgya can/ phyag g.yon pa na

  271. 136a

    'bras kyi snye ma bsnams pa/ rin po che'i cod pan can/ rgyan kun gyis yang dag par brgyan pa/ bud med kyi sgyu ma'i nga rgyal gyi 'gying ba/ rin po che 'bar ba skyug par gyur pa'i pad+ma'i gter la sogs pa zhabs kyi mnan pa/ lha mo gzhan rnams ni gtso mo dang 'dra ba'o/ /gser gyi 'dab ma zhes pa ni khrus byas gos gtsang ma gyon bsnyen gnas la gnas pas skar ma rgyal gyi nyi mar gser gyi smyu gus mngon par bris shes 'brel lo/ /bcug ste zhes pa ni sgrub pa pos de'i nyin par kho na rab gnas byas te dbang bskur nas nyi mad nas brtsams te dus gsum du de'i mdun du de'i dkyil 'khor dang de'i mchod pa byas nas/ bcom ldan 'das ma'i sngags brgya phrag brgyad bzlas par bya zhes pa ni man ngag gi bshad pa'o/ /oM dzam+b+ha la zhes pa la sogs pa la/ bcas pa zhes pa ni byin pa g.yon pa'i steng nas lha mos 'khyud pa'i don te/ kha sbyor du bya ste zhes pa gsung gi tshig gi mdza' can gyi bar du bcom ldan 'das ma'i cho ga bzhin du mdang gsum gyis yongs su gang ba'i snod kyi dbus su bzhag nas de'i mdun du thun gsum du mchod pa dang dkyil 'khor la sogs pa bya ste/ nyin re bzhin du thun re la brgya rtsa brgyad bzlas pa'i khyor chu sbyin pa'i rjes la bcom ldan 'das la mngar gsum phul nas/ oM dzu laM swA hA zhes pa'i sngags 'dis kha bkab pa'i rdza phor gyi steng du chu khyod pa brkyang phul nas sngags brgya phrag brgyad bzlas par bya'o/ /zla ba drug gi bar du'o/ /zhes pa ni man ngag go /bdud kyi bar chad 'byung bas brtson 'grus bskyed par bya'o/ /nam du yang the tshom mi za bar bya'o/ /gnyis pa zhes pa ni 'jug pa'i sems rtogs pas so le'u ni snga ma bzhin no/ /le'u gnyis pa'i 'grel pa'o// //oM badzrA tik+Sh+Na zhes pa la sogs pa la/ sngags 'dis bcom ldan 'das mtshan yang dag par brjod pa'i skus las kyi tshogs bsgrub par bya ste/ mtshan yang dag par brjod pa'i sgrubs thabs las shes

  272. 136b

    par bya'o/ /snying ga'i pad+ma dang zla ba'i steng du zhes pa ni sna tshogs pad+ma dang zla ba'i steng du'o/ /sems dpa' can zhes pa ni sems dpa' i skyil krung gis bzhugs pa'o/ /lag pa gnyis kyi bdag gi mgo 'dzin ma zhes pa ni lag pa gnyis kyi spyi bor rdo rje 'dzin ma zhes pa'o/ /rdo rje lcags kyu la sogs sngags rnams kyis zhes pa ni rim pa ji lta bar mdun du gnas pa pad+ma dang zla ba'i steng du ye shes kyi 'khor la bkug ste/ bdag la rab tu zhugs shing dbang bsdud la sogs pas tshim par byed pa dang/ 'gro ba dgag pa dang/ dgag par byas nas rim pa bzhin du yang dag par mchod/ des de kho na bzhin du rab tu zhugs par bya'o zhes so/ /nang par bsam zhes pa'i tshig gi mdza' can la baM gi sa bon yongs su gyur pa las sna tshogs pad+ma'i nang na gnas pa'i zla ba la pad+ma'i skyil krung gi zhugs pa zhes pa ni lhag ma'o/ /d+harma d+hA tu zhes mthar rnam par bsgoms nas gong bzhin du bsnyen gnas kyi sdom pa la sogs pa sbyor ro/ /shu dag ces pa la sogs pa ni bcom ldan 'das yang dag par mchod pa dang maN+Dal byas la de'i mdun du rim gyis shu dag sran ma tsam nas zho phyed kyi bar du goms pas de nas tshad de nyid kyis 'thung bar brtsam par bya zhes pa ni man ngag go /gzhan ni go sla'o/ /oM bA kye zhes pa la sogs pa la me tog spos ma ra ka ma dang 'brel lo/ /sbyin sreg 'bum phrag bzhi byas nas zhes pa ni shar du las thams cad pa'i thab khung zhes pa ni lhag ma'o/ /'di dag ni sngon du bsnyen gnas sdom pa dang ldan pas bya'o/ /rang skyur zhes pa ni lo ma skyur po'i don no/ /b+ha ma'i phyed dang skyur po bsres 'di gnyis kyi nyams len ni shu dag gong bzhin no/ /lcags la byas pa zhes pa ni ma yu ral gri ba de/ su ba paN+Di zhes pa'i lcags gnyis gang yang rung ba la byas pa'i ral gri lag pa g.yon pas bzung nas/ phyi rol tu sgrub pa po'i grogs bzhag ste/ gzas zin pa ma mthong bar g.yas pas lte ba'i thad dkar phreng ba gzung zhes grogs po zla ba gza' las

  273. 137a

    grol lo zhes mi zer gyi bar du bzlas pa'o/ /'khor lo zhes pa ni gser dang dngul dang 'khar ba dang zangs de rnams yang gang yang rung ba cig la byas pa'o/ /rdo rje zhes pa ni me tog pu nA ga'i shing dang me tog na ga ge sar gyi shing gang yang rung ba cig gis so/ /rtse gsum pa zhes pa ni byang chub kyi shing las byas pa'o/ /'jag ma shar zhes pa ni mda'i rgyu'o/ /tho ba zhes pa ni ma hUM ka'i shing ngam/ ra ka tsand+ha na'i shing ngam/ a shwa ka'i shing rnams gang yang rung ba la byas pa'i/ /zhags pa zhes pa ni gser dngul la sogs lcags brgyad kyi gang yang rung ba zhes pa'o/ /yang na mur ba'i 'am 'jag ma ba lca rngas byas pa'o/ /lcags dang/ ral gri khru gang ba dang/ mtshan b+hiN+Di pA la dang/ mdung thung dang/ dgra sta dang/ mdung dang/ gtun shing dang/ dbyug pa dang/ ras dang/ nor bu dang/ rma bya'i 'jug ma dang/ gter dang/ gdugs dang/ rnga yab dang/ rgyal mtshan dang/ ba dan dang/ me tog utpal dang/ me tog pad+ma dang/ tA la'i lo ma dang/ ta ri rnams ni brtsegs pa'i don te/ ji ltar 'byor pa mkhyen na bsgrub par bya'o/ /rim pa rnams kyis zhes pa ni badzra tIk+Sh+Na la sogs pa rnams kyis so/ /bcud len la sogs pa ni bdud rtsi rnam pa bdun dang ka ba'i? bza' ba'o/ /'o ma'i thug pa dang/ lcags sman dang/ dbang phyug chen pos byas pa'i dngul chu'i sman dang/ ka ra dang rtsa ba med ces bya? ba sman sbyor dang/ ka ra dang ku shwa 'am Na rnga gnyis las byung ba'i sman sbyor dang/ bu ram dang shing thog kuSh+maN pDi las byung ba'i sman sbyor dang/ kar dang skyu ru las byung ba'i sman spyod rnams so/ /mig sman ni rang sany+dza na zhes pa'i rdo'i bye brag go /ba dmar skya'i mar dang/ pad+ma dkar po'i skud pa'i sdong bu las byung ba'i snag tsha dang/ sngo b+h+ri dA ra dza'i khu bas sbyar ba dum bus arga'i lo ma las byas pa'i snag tsha'o/ /than le zhes pa ni b+ha hI dam/ ldong ros sam/ gur gum mam/ tsandan dmar pos so/ /rkang la bsku ba zhes

  274. 137b

    pa ni sngo go band+han dang shing shal ma la'i khub dang bcas pas so/ /rkang la bsku ba ni nye bar mtshon pa'i brda'o/ /yang na lham ni shing la byas pa'o/ /dbang du gyur pa'i rdzas ni mi tog bri yang ku dang/ spos kyi shing sa li ha ka dang/ rurta cha phyed dang/ me tog nA ga ge sar cha phyed kyi byug pa'o/ /sman spos ni la pa Na kha Di dang/ spos ngan khi dang/ tsan dan dkar po dang/ ga bur dang/ a ru ra dang/ 'di gnyis cha mnyam pa'i spos so/ /gzhan du bstan pa'i dbang du bsdu ba'i rdzas rnams lhan cig tu bsdus nas kyang cho ga 'dis bsgrub par bya'o/ /'o ma zhes pa ni de bzhin du zla ba gzas zin pa'i dus su mar khu dang ka ra brtags pa'i 'o ma 'bras thug dang de bzhin du zho dang 'dres pa'i zan dang bza' bar bya zhes 'brel to/ /bal sran ma sha zhes pa ni me dang mar nag dang mar khu dang chus ma reg pa dang/ ma rul ba dang srin la sogs pas ma khyer ba dang/ yongs su rgyas pa dang/ bdud rtsi lngas yang dag par bcug pa byas pa dang/ legs par bskams pa dang/ spos dkar pos dril ba'i bal sran rnams zla ba gzas zin pa'i dus su bcom ldan 'das yang dag par mchod nas de'i mdun du shar phyogs su kha bltas nas de dag khar bcug ste/ bde ba'i stan la 'dug nas zla ba ma mthong bar zla ba gza' las ma grol bar du ma yengs par bzlas pa bya'o/ /de nas sgrub pa'i grogs pos zla ba grol ba bshad pa dang kha nas phyung nas bal sran myu gu can rnams chu khyor ba gang gi nang du bzhag nas sos ma reg par med par bya zhes 'brel lo/ /myu gu med pa de dag sa la ma reg par byas nas mi ma yin pas zin rnams kyi mgor sngags bzlas shing phye ma byas nas btab na de la thar bar 'gyur ro/ /pad+ma zhes pa ni ji ltar rnyed pa'i dkar po la sogs pa'i pad+ma rnams so/ /bilpa rnams kyi zhes pa ni srin la sogs pas ma khyer ba dang/ dgos pa can smin pa dang/ ma smin pa rnams kyi'o/ /ji lta ba bzhin du rnyed pa zhes pa la sogs pa ni dri zhim pa'i me tog dkar po rnams kyis so/ /pad+ma la sogs

  275. 138a

    pa me tog gi mdza' can gyi las sbyor gsum po 'di dag 'jam dpal gyi rgyud las gsungs pa'i rgyas pa'i thab khung khru bcu drug la rab tu sbyor ro/ /mar la brtags pa'i zhes pa la sogs pa ni bal sran bzhin du 'bru lngas dbang gi thab khung la sbyin sreg bya'o/ /rtag tu zhes pa la sogs pas rgyun ma chad par byams pa la sogs pa bsgoms pa'i sems dang ldan pa dang/ mtshan yang dag par brjod pa'i bshad pas badzra tIk+Sh+Na zhes pa la sogs pa'i sngags kyi don skye ba med pa'i rang bzhin bsgoms pa dang ldan pa dang/ theg pa chung ngu'i byang chub la rgyab kyi phyogs pa dang/ bdag don bag tsam byed pa las kyang log pa dang/ bskal pa mthar thug par rgyun ma chad par gzhan don mngon par phyogs par byed pa dang/ brtson 'grus shin tu 'bar ba dang/ rngod la sogs pa lhag par mos pa dngos rnams rtogs pas rab tu dga' ba la sogs pa rnams la rab tu 'jug pa'i rjes su rim pas chos kyi sprin gyis thob pa'i rjes la kun tu 'od kyis skye ba 'di la thob par 'gyur ro/ /de bzhin gshegs pas rjes su bzung ba la yang dag par zhugs pas zhes 'brel lo/ /oM h+rI(rgyud 'grel): zhes pa la sogs pa ni dpa' bo gcig sgrub pa bcom ldan 'das kyi sngags 'di sngar gyi sngags gnyis dang bya ba mtshungs pas gong gi bzhin du 'bras bu yang tshungs par 'gyur ro zhes so/ /oM h+rI(rgyud 'grel): zhes pa la sogs pa ni/ bcom ldan 'das ma 'di'i bsgom pa brjod pa'i rjes su zhes brjod do/ /oM pra kri ti zhes pa la sogs pa ni rang bzhin gyi yongs su dag pa .ste sgrib pa dang bral ba'i phyir ro/ /sarba d+harmma zer chos thams cad ces pa phyi rol gyi chos rnams so/ /pra kri ya so ri shud+d+honyahaM/ zhes pa ni pra kri ya ni rang bzhin gyis so/ /pa ri shud+d+ha ni yongs su dag pa'o/ /a haM ni bdag ste nang gi chos rnams so/ /de gnyis kyi khyad par bshad pa brjod pa ni swa b+hA ba zhes pa la sogs pa ste/ yongs su rdzogs pa'i tha snyad btags rgyu dang mi rgyu zhes pa la sogs pa'o/ /'od gsal mngon

  276. 138b

    par brjod nas rdzus skyes kyi can gyi tshul gyis rdzogs rim gyis bcom ldan 'das ma brjod pa ni pad+ma zhes pa la sogs pa'o/ /gong du smas pa zhes pa ni bcom ldan 'das ma bzhin du lha mo bzhi yang bsam par bya'o/ /lte ba'i phyogs su zhes pa ni lte ba'i nang du'o/ /gzhan yang bsgom pa brjod pa ni nges par bdag nyid ces pa ni gong gi dmigs pa la sems rtse gcig pa'o/ /oM mdzad de kho na'i yi ge ni pad+ma rA ga lta bu'o/ /sngags dang 'dres pa'i sman gyi nus pa brjod pa ni/ sa ta ni sngo a ke na b+hi d+hi zhes pa'o/ /se gru zhes pa ni sman sho ban dza na'o sen ta ba ni rgyam tsho'o/ /a ru ra la sogs pa'i phye ma srang gcig khyer na/ mar bre gang zhes pa ni ba mar phul bzhi blugs nas sman btab nas chu 'o ma la ma thim gyi bar du bskol bar bya'o/ /sngags 'di'i sbyor ba gzhan ni shu ngag ces pa la sogs pa 'di dag thams cad phye ma mnyam por byas nas thun gcig gi tshad dam phyed kyi chod kyi so/ oM b+ha ga ba ti ni la sogs pa go sla'o/ /oM arka zhes pa la sogs pa la bsnyen gnas las zhes pa ni gong bzhin du bsgom pa pos bzlas par bya zhes sbyar ro/ /dbyangs can gyi mar ram zhes pa ni sngar gong du bshad pa'i dbyangs can gyi mar ram/ yang na sngo gnyis rme'i mar kho na dbyangs kyi mar ro/ /mar srang sum cu rtsa gnyis ni ma mar phul bzhi dang/ b+harmi'i khu ba phul bcu drug ra'i 'o ma phul bcu drug /u ba la sogs pa srang re re/ a rung ni lho las byung ba'o/ mal ti ni sre shing sgo'u me tag go /pi pi ling la sogs pa sman lnga srang gi bzhi cha bzhi cha'o/ /yang dag par bsdus nas mar dang bsres nas sman pa'i man ngag gis zhes 'brel lo/ /oM a nan+te zhes pa la sogs pa ni go sla'o/ /oM a ra zhes pa la sogs pa la/ dben pa ni yid du 'ong ba'i gnas so/ /de las gzhan pa ni ri bo 'dzin pa zhes bya ba'i sgrub thabs la sa shes par bya'o/ /rgyud 'di las bdag nyid bcom ldan 'das kyi sku dang des yin pa 'jam dpal gyi sku'i pad+ma'i 'og tu bsgrub bya

  277. 139a

    gan rkyal du bya ste/ bcom ldan 'das kyi phyag gi utpal las bcings par bsam nas de'i khar thun gsum du me tog dkar po brgya rtsa brgyad kyi sbyin sreg bya'o/ /oM bA gi zhes pa la sogs pa la 'khor lo'i dbus su zhes pa ni 'khor lo la gnas pa'i zla ba'i dkyil 'khor gyi steng du yi ge muM dmar po bsgom par bya'o/ /oM b+harma zhes pa la sogs pa ni go sla'o/ /oM badzra tik+Sh+Na zhes pa la sogs pa go sla'o/ /'jug pa'i sems bskyed kyis 'bring gi chen po rtogs nas gsum pa'o/ /pa Ta la snga ma bzhin no/ /le'u gsum pa'i 'grel pa'o// //oM la baN zhes pa la sogs pa la/ sgeg pa'i cha lugs zhes pa ni sgrol ma dang khro gnyer can la rol pas blta ba'o/ /bzhugs pa zhes pa ni pad+ma'i skyil krung gis so/ /tsha ba'i sbyin sreg ces pa ni dbang du sdud pa'i cho ga las bshad pa'i sor bcu gnyis pa'i thab khung seng ldeng ngam khang khri'i me mdag du ba med pa la rin la mi rtseg par nyo ba'i thun gcig gi tshad kyi sbyin sreg bya'o/ /de nas g.yas pa dang g.yon pa gnyis dgang gzar dang blugs gzar bzung tshwas bkang nas gzar bu gnyis kha sbyar te de lta bu'i dgang blugs gsum dbul bar bya'o/ /tshwa dang bcas pa zhes pa ni rin la mi rtseg par nyos pa'i tshwa dang bcas pa'i spra tshil gyis bsgrub bya pho 'am mo sor bzhi'i tshad byas la/ seng ldeng gi me mdag ces pa ni seng ldeng gi me mdag gam khang khri'i me mdag pa bsad kyi nyin par blangs pa'i dur khrid kyi sol ba dang bcas pas gang ba'i snod la zangs kyi thur mas bud med kyi mtshan ma phug pa'i rkang mthil phug nas thur ma ma zhig par bye ste me la bdug par bya'o/ /gal te zhig par 'gyur na de gnyis thal bas gang ba'i snod kyi steng du gzhag steng dus bag tsam song nas yang gcig tu bya'o/ /yang na sngar bzhin tshwa dang bcas pa'i bsgrub bya pho dang mo gang yang rung ba'i ling ga sku byug

  278. 139b

    byas pa'i 'dag pa'i snod du byas nas gong bzhin du bdug par bya'o/ /gzhan go sla'o/ /oM la ba na zhes pa la sogs pa la/ tshwa dang rke tshe mnyam por byas pa zhes pa ni 'gron bu rdog po nyi shu rtsa gcig gam/ brgyad cu rtsa bzhi 'am khal nyi shu rtsa gcig gi rin ma rtsag par ske tshe nyos nas thum po byas te/ dur khrod kyi thab kyi steng du ling ga dang bcas pa snying gar bcug nas thun gsum du mdang bde 'am/ bza' bde 'am/ nyin mo bde 'am/ phyi nas zhag bdun par du bri bar bya'o/ /de rdzas zhugs na rin la mi rtseg par nyo ba'i tshwa dang mnyam por byas nas bro mgo che shos kyi thab khung du sbyin sreg bya'o zhes 'brel lo/ /oM ku ru ku l+le zhes pa la sogs pa la/ sngar smos pa'i ting nge 'dzin la gnas pa zhes pa ni ku ru kul+le'i ting nge 'dzin gnas pas so/ /yungs kar dkar po zhes pa ni 'bum phrag bdun sbyin sreg bya'o/ /sangs rgyas kyi bcom ldan 'das ma'i bzlas pa'i tshig 'bum phrag bdun gsungs kyang bsnyen pa bye ba byas na zhag nyi shu rtsa gcig gis las sbyor gyi bsgrub pa po'i mngon par 'dod pa sgrub po/ /de nas gzhan yang las la sbyar na gong bzhin du sgrub pa byas pa'i ske che dang tshwe cha mnyam por byas nas gong bzhin du sol bas gang ba'i snod du grong khyer dkrug pa'i phyir nub du kha bltas rdo rje skyil krung bcas te dbang du bsdu ba'i phyir thun gsum du sbyin sreg bya'o/ /ji ltar bla ma'i rim pa dang rim pa las lhag ma 'di'i las sbyor yod pa rnams ji bzhin du gzungs sngags kyi rgyal po 'di la yang yod do/ /ta nyi ku ru l+lA/ g+hu ru g+hu rA si/ agne ku Da dza Ni/ ta ka ta ka mi/ de kha ku ru ku l+lA/ me ha ri bi ban+tI tsha thabs te ra/ a pa ra d+ho hi ni b+ha dza bI hir Ni na ma ra ka si/ ti n+ni rtsu lu ra ka ta bi yam/ a mu ka ka rnga ma ba sham/ sngags kyi rgyal po 'di la gang gi ming btags nas/ chu la brgya rtse brgyad bzlas te 'thungs na de ji srid 'tsho'i bar du dbang du 'gyur ro/ /oM a ma la zhes pa la sogs pa ni gtsigs

  279. 140a

    'dod yon gyi snam bu zur bzhi byas de'i nang du g.yas skor gyi rtsa kun da rnams dgram mo/ /'grub par 'gyur zhes pa ni skyes bu'i 'dod pa'i don byed pa'i mchog dang/ gzhan don la chags pas bslabs tsam gyi sngags 'grub par mi 'gyur ro zhes mi smos pa spro bar mi bya'o/ /gsung rab kho na bzhin du dad pa dang brtson 'grus kyi sgo nas ji ltar gsungs pa'i las sbyor dang bzlas pa la sogs pa shin tu 'bad par bya ste brtson 'grus dang ldan pa la re ba nges par 'grub ces pa'i don to/ /de bzhin gshegs pa'i gsung rab la ni yang 'gyur ba med do/ /mang du smos pa ci zhig bya ste/ bde bar gshegs pa las gzhan pa'i bden pa smra ba dang khams gsum la yang dag par spyod pa mi srid do/ /bzhi pa zhes pa ni rab kyi chen po rtog nas so/ /rdzogs pa zhes pa ni de bzhin gshegs pa'i mdun du bdag gi ma lus par thob pa'i don to/ /le'u bzhi pa'i bshad pa'o// //bsod nams 'di yis zag med phung po thob gyur nas/ /'gro rnams srid gsum las rgyal sangs rgyas myur thob cing/ /gzhan yang dge ba'i mchog gi nyes pa kun spangs te/ /ye shes blo can rgyal sras yon tan ldan par shog /dpa' bo gcig sgrub pa'i 'grel pa gtsug lag khang dza gad+de lE? lan gyi su b+hA ka ra zhes bya bas mdzad pa rdzogs so// (//'phags pa lag? na rdo rje gos sngon po can gyi cho ga zhes bya ba'i gzungs kyi 'grel pa bzhugs so/) /rgya gar skad du/ Arya nI lAM ba ra d+ha ra badzra pA Ni ka la paM nA ma d+hA ra Ni TI kA/ bod skad du/ 'phags pa lag na rdo rje gos sngon po can gyi cho ga zhes bya ba'i gzungs kyi 'grel pa/ dkon mchog gsum la phyag 'tshal lo/ /gnod sbyin gyi sde dpon chen pa lag na rdo rje gos sngon po can la phyag 'tshal lo/ /gang zhig nyon mongs skyon gyis mgos rin chen ltar gsal ri rab lta bur brjid/ /'gro la rim par ston phyir sprul pa rang byung stong gsum

  280. 140b

    sreg par mdzad pa nyid/ /gdod nas mi rtog chos nyid ngang las snying rje'i stobs kyis zhe sdang chen por gsal/ /sangs rgyas kun gyi gsang ba'i mdzod gyur rdo rje 'dzin pa de la phyag btsal nas/ /phyi dang nang gi sdug bsngal zhi mdzad rgyud rgyal gsang ba zab mo'i don/ /bla ma brgyud pa'i stobs las rang byung bdud rtsi'i 'od zer nges par rab bsnyed nas/ /gang ming thog mar lag na rdo rje'i gzungs zhes kun la grags gyur pa'i/ /'grel 'di bdag nyid rnyed sogs phyir min 'gro la phan phyir gsal bar bshad par bya/ /de la dang po mtshan gyi don bstan pa'i phyir/ gnod sbyin gyi sde dpon chen po lag na rdo rje gos sngon po can zhes bya ba smos so/ /de ni thugs rje'i cho 'phrul sprul pa'i sku gnod sbyin gyi gzugs brnyan klu'i snying po phyag na rdo rje'i ngo bo ste mthu stobs kyi bdag nyid can no/ /de la gnod sbyin zhes bya ba ni ri rab kyi tha ma lcags ris yongs su bskor ba'i rtsen gnod sbyin gos sngon po can dag gnas pa de dang rtags mthun par bstan pa'o/ /sde dpon chen po ni de lta bu'i rigs gnod sbyin rnams las don ye shes chen pos 'phags pa ste gzhan 'dul ba'o/ /lag na rdo rje zhes bya ba ni mkhyen pa lnga'i ye shes kyi rdo rje ste nyon mongs pa lnga 'joms pa'o/ /gos sngon po can zhes bya ba ni lus kyi rgyan yin te/ des 'gro ba rnams mos pa bskyed pa 'am/ rngam zhing 'khor 'dul ba'i so so'i rtags bstan pa'o/ /sangs rgyas gang+gA klung bye ba phrag 'bum gyi bye ma snyed kyi rjes su gnang ba zhes pa ni sprul pa'i sku dang mtshungs pa las de dag thams cad kyi gsang ba'i bdag por dbang bskur zhing bstan pa btang pa 'am/ de dag gi sprul pa nyid yin pa'i phyir gnang ba'o/ /mche ba ni ye shes dang nyon mongs pa las skyes pa'o/ /gcig pa zhes pa ni de lta bu dang mthun pa'i ste/ dug can rnam par 'dul bar gdug pa 'dul

  281. 141a

    ba'o/ /'tsham pa zhes pa ni nyon mongs pa'i mche ba can dang 'tsham par ston pa'o/ /mig me mdag gi phung po 'dra ba zhes pa ni spyan gyi gzigs stang ste spyan rtsa dmar zhing khros pa'i ste stangs kyis lta ba'i dug can 'dul bar byed pa'o/ / dbugs me lce ltar 'bar ba zhes pa ni dbugs tsha zhing rtsub pas kha rlangs kyi dug can 'dul bar byed pa'o/ /'jigs pa'i nga ro can zhes pa ni ha ha dang hUM hUM dang phaT phaT kyi sgras gdug pa'i tshogs kyi nga rgyal 'joms shing skrag par byed pa'o/ /de dag ni dpal gnod sbyin gyi rgyal po'i sku drag po'i rang bzhin bstan pa ni/ de ltar bsgom pa'o/ /lag pa dang rkang pa klu nor rgyas kyis bus brgyan pa/ zhes pa ni nor rgyas kyi bu mthus bkug ste/ dug dang nga rgyal phrogs nas rgyan du byas pa'o/ /klu nag po se ral khar thogs pa zhes pa ni tshangs pa nyid la yod pa'i rtags su gyur pa de dang mthun par dros pa nag po'i mthu phrogs te/ rgyan du byas pas grib ma'i dug can 'dul bar byed pa'o/ /klu dga' bo dang nye dga' bo 'bar bas rna cha byas pa zhes pa ni ngag gi dug can gyi dug phrogs te dbang du bsdus nas thal mo sbyar te ngag snyan par bstod cing snyan gyi rgyan du byas pa'o/ /sprul gdug pa 'bar ba rin po che'i cod pan thogs pa zhes pa ni stobs kyi rgyu bkug ste/ dug dang phral nas mthong ba'i dug can dbang du bsdus te/ de bzhin gshegs pa'i rang bzhin gyi rgyan dang mthun par byas pa'o/ /sprul gdug pa 'bar ba za zhes pa ni 'jog po bkug ste/ dug dang bcas te gsol bas dran pa'i dug can bar byed pa ste/ de dag gi gdul bya la de ltar ston cing klu rigs bzhi dbang du bsdu ba dang/ nor dang dngos grub rim pas bsgrub pa'o/ /bzhin rgyas pa zhes pa ni sgra gcan 'dzin la sogs pa'i nga rgyal phrogs te 'dul bar byed pa'o/ /smin ma dang dpral bsdus pa zhes bya ba ni shin du khros pa'i cha byang

  282. 141b

    kyis sbyin gnod sbyin dang/ srin po dang/ khyad par du klu khro bo dag 'dul bar mdzad pa'o/ /ya sos ma mchu mnan pa zhes pa ni zhal gyi bye brag te/ rngam par bstan pa'o/ /gshin rje'i cha byad can zhes pa la/ gshin rje'i cha byad ni gnag po dang/ mtshon sna tshogs 'dzin pa dang/ mi'i rgyu ma'i phreng ba do shal du 'phyang ba/ ma he la zhon pa/ 'chi bdag mos bkul nas 'khyud pa ste/ de dang 'dra bar bstan pa'o/ /lce glog ltar 'gyur ba zhes pa ni ha ha zhes sgrogs shing lce yang dang yang du 'gyur ba ste/ de nas glog dang thog la sogs pa'i 'jigs pa rnam par 'jigs par byed pa'o/ /gsus po che sprul za ba zhes pa ni log 'dren glang po che'i gdong pa can gyi nga rgyal 'joms pa'o/ /sprul za ba zhes pa ni mkha' lding gi dregs pa 'joms pa'o/ /lag pa gdabs pa'i sgras 'jigs par byed pa zhes pa ni khyab 'jug la sogs pa dreg pa can thams cad skrag cing dngang par byed pa'o/ /klu'i rgyal po 'dab bzang ska rags su bcings pa/ zhes pa ni gang gi tshe 'dabs bzang la 'khyil ba bdun yod pa de la nam mkha' lding gis drangs pa'i tshe 'khyil ba phyed dang gnyis kyi ri rab kyi rtser sleb la khyil ba phyed dang drug rgya mtshor lus pa de mthus bkug ste ska rags su bcings pa khris gcig las ma byung ba ste/ sku bongs kyi tshad dang ldan pa'o/ /a la la zhes sgrogs par byed pa ni drag po'i nga ro ste/ dug pa can rnam skrag par byed cing zil gyis mnan par byed pa'o/ /rgya mtsho'i zhabs su dpag tshad brgyad khri bzhi stong yod pas zhabs kyi pus mor phyin pa zhes pa ni sa 'og ? sa stengs khyab par byed pa'i rgyu bstan pa ste/ de'i tshad kyi sku bstan pa ni 'bum phrag gnyis su zhes par bya'o/ /de bas na dbang po nyi ma phrag pa la khur ba zhes smos te/ lta ba log pa thams cad 'joms pa'i rtags su brgya byin phrag pa pa g.yas pa'i steng du bzhag pa dang/ de lta bu'i sku de thugs rje chen pos kun tu khyab pa'i rtags su phrag pa

  283. 142a

    g.yon pa la nyi ma bzhag pa'o/ /klu thams cad rlag par byed pa ni zhes pa ni klu rigs bzhi'i dug phrogs te stobs rnam par 'joms shing ma rungs pa sel bar byed pa'o/ /gang rgyangs chen po sgrogs pas kun tu 'khrug par byed pa zhes pa ni gad rgyangs ni ha ha ste/ de'i nga'o drag pos bgegs dang log 'dren thams cad kyi snying kun nas 'khrugs par byas te/ spas bkod ba'o/ /gshin rje'i gzugs can zhes pa ni yam zhes bya ba skrag par byed pa'o/ /khams gsum pa 'jigs par byed pa zhes bya ba ni de lta bu'i sku de snying rje'i rang bzhin can yin yang gdug pa 'dul ba'i thabs su de ltar bstan pas khams gsum pa de lta bu la 'jigs pas skyabs su 'dod bar 'gyur ba'o/ /klu thams cad 'ching bar byed pa la phyag 'tshal lo/ /zhes pa ni klu rigs bzhi la sogs pa'i dug phrogs te stobs 'joms shing ma rungs pa rlags par byed pa'o/ /de lta bu'i sku de la kun nas 'dud cing mchod pa ni de skad smos ba yin no/ /de ltar mtshan nyid bstan nas gnas gsang ba'i gsang sngags bstan pa'i phyir/ de nas sangs rgyas bcom ldan 'das gang+ga'i'i klung gi phye ma snyed kyi gsungs pa'i rig sngags 'di gsungs so/ /zhes smos pa la/ de nas zhes pa ni don dang rtag bstan nas zhes pa'o/ /sangs rgyas bcom ldan 'das gang+gA'i klung gi bye ma snyed kyis gsungs pa zhes pa ni 'das pa dang ma 'ongs pa de dang da ltar byung ba'i sangs rgyas thams cad kyi gsungs pa dang/ gsungs ba dang/ gsung bar 'gyur ba'i rig sngags 'di nyid mchog yin pas ni sgrub pa po rnams kyi 'di brjod pra bya'o zhes pa'o/ /rig sngags 'di gsungs so zhes pa ni gong gi thun mong ma yin pa'i sku de dmigs la/ gang gis bzlas brjod byed kyang gsal ba dang ldan pas/ rig sngags kyi sbyor ba la 'jug par bya'o/ /zhes bya ba'i don to/ /rig sngags de dag kyang gang zhe na/ tadya thA zhes pa nas rA

  284. 142b

    dzA pa ma ti swA hA/ zhes pa'i bar du'o/ /de dag gsal bar byed pa ni tadya thA ni (bshad pa'i ltas te 'di lta ste zhes pa'o/) /b+ho b+ho zhes pa ni bod pa'o/ /pAn zhes pa ni bcom ldan 'das so/ /nA gA zhes pa ni klu'o/ /a hi zhes pa ni bdag po'o/ /pa ta ye zhes pa ni brgyad do/ /i dan zhes pa ni rgyan no/ /gang gi rgyan yin zhe na/ nan gi rgyan yin zhe pa bshad pa'i phyir/ nI lAM ba ra d+ha ra sha rI raM zhes pa ni gos sngon po can gyi sku'o/ /gang gi phyir sku ma rtogs par sngags 'byung mi srid pas sngags dang sku gnyis su med pa'o/ /badzra pA Ni h+ri da yam zhes pa ni phyag na rdo rje'i snying po ste/ gang gi brjod pas bsgrub bya mngon du byed pa'o/ /a(rgyud 'grel): sa mA ti kA mA ti zhes pa ni sgrub pa po'i bakA mdor zhing 'da' bar byed na zhes pa'o/ /utshAM da ni zhes pa ni yul gzhan du skrod par byed pa'o/ /b+ha bi sh+ya ti zhes pa ni shin tu gdug pa can zhes pa'o/ /snying po de dag gang zhe na/ tadya thA zhes smos te/ 'di lta ste zhes pa'o/ /bud+d+ha bud+d+ha bi bud+d+ha zhes pa ni phyag na rdo rje la bos pa'o/ /ma hI prapta zhes pa ni ma 'gor cig ces pa'o/ /ha ra ha ra zhes pa ni gdug pa can gyi stobs phrogs shig pa'o/ /gdug pa can de gang zhe na/ nA gA(rgyud 'grel): zhes smos te/ klu rnams kyi zhes tshig gi 'bral pa'o/ /pra ha ra pra ha ra zhes pa ni 'od zer las byung ba'i khro bo rnams kyis rgyob cig pa'o/ /gang la brdeg ce na/ nA gA zhes smos te/ klu la sogs pa'i stobs 'joms pa'o/ /ts+tshinda ts+tshinda zhes pa ni chod cig pa'o/ /gang gcod ce na/ nA ga h+ri da yA ni zhes smos te/ klu'i snying rnams so/ /b+hinda b+hinda zhes pa ni chom shig pa'o/ /gang gzhom zhe na/ nA ga da ma ni zhes smos te/ klu 'khyil pa rnams chom shog pa'o/ /biShA rya ndu nA ga sha rI ra Ni zhes pa ni dug gis myos pa'i klu'i lus shin tu chom shig pa'o/ /bi spho Ta ya zhes pa ni gzi brjid kyi stobs chom shig pa'o/ /gang gi zhe na/ nA gA nA ya

  285. 143a

    nA ni zhes smos te/ klu'i mig rnams so/ /sngags kyi mthu gzhan yang bstan pa'i phyir/ tadya thA zhes pa ni 'chad par 'gyur ba'i sngags kyi sku la bskul ba'o/ /gang gis bskul na hUM phaT ces pas thugs bskul ba'o/ /nA ga bi dA ra NA ya zhes pa ni klu rnams zung zhig pa'o/ /hUM gi dbang du bsdus nas phaT kyi dug nyams par gyis shig pa'o/ /nA god dsA d+h+nyA ya phaT ces pa ni gal te shin tu gdug pa'i dug gis zin pa mi gtong na gdug pa can rnams skrod pa dang rengs par byed pa'o/ /nI lAM ba sa na ya phaT ces pa ni las dang mthun pa'i gos sngon po can mngon spyod kyis shig pa'o/ /a pra ti ha ta ba la pa rA kra ma ya phaT ces pa ni gang phyir khyod kyi stobs dang mthu gzhan gyis mi thub pas gdug pa'i stobs nyams par gyis shig pa'o// kri tA nA ya phaT ces pa ni srul po'i stobs phrogs shig pa'o/ /kri tA nA ru pA ya phaT ces pa ni lus srul po'i stobs phrogs shig pa'o/ /ro Sha Na ya phaT ces pa ni gtum po'i stobs phrogs shig pa'o/ /twA sa nA ya phaT ces pa ni lha ma yin gyi gdan med par gyis shig pa'o/ /kum+b+haN+Dot+sa da ya phaT ces pa ni myo byed kyi byas pa'i stobs phrogs shig pa'o/ /pre ta pi sha tsa bi nA sha ka rA yi phaT ces pa ni yi dags kyi tshogs stod par byed pa'o/ /yak+Sha a pasmA ra bi nA Sha ka rA ya phaT ces pa ni gnod sbyin gyi tshogs skrod par byed pa'o/ /ha sa ha sa zhes pa ni bzhad pa tsam gyis so/ /d+ha ra d+ha ra zhes pa ni dran tsam gyis so/ /mA ra ya mA ya zhes pa ni gdug pa can rnams gsod par byed pa'o/ /nA Sha ya nA Sha ya/ zhes pa ni gdug pa can rnams rengs par byed pa'o/ /sarba big+h+na ba nI Sha ka rA ya phaT ces pa ni gnod sbyin la sogs pa'i bgegs thams cad dbang du bsdus shing stobs phrogs nas skrod par byed pa'o/ /sarba sha truM sa ga bi nA Sha ka rA ya phaT ces pa ni dge

  286. 143b

    'dun gyi dgra thams cad stobs phrogs te rlag par byed pa'o/ /nI lAM ba ra d+ha ra badzra pA Ni rA dz+nyA pa ya ti swA hA zhe pa ni dus gsum gyi de bzhin gshegs pa thams cad kyi dbang bskur ba ni phyag na rdo rje gsang sngags kyi sku ste/ sgrub pa po snye bar bsdud pa'o// de ltar gsang sngags kyi rim pa bshad nas/ phra mo'i las kyi rim pa bstan par bya ba'i phyir/ de'i cho ga la gnod sbyin gyi gdon gyis zin pa la ni chu la sngags kyis btab nas gtor na btang bar 'gyur ro zhes pa la/ gnod sbyin gyis zin pa'i rtags ni bzhin 'jigs pa dang/ kha zas lhag par za ba dang/ kha btsog smra ba dang/ gzhan la brdeg pa dang/ nga ro mi snyan pa sgrogs pa dang/ nad kyi zug ngu drag po'o/ /de la thog mar maN+Dal byas te 'khor lo rtsibs brgyad kyi thig btab la/ rtsibs la gnod sbyin gyi sa bon bri/ rtsibs mchan du 'khor lo nyid kyi sa bon bri'o/ /de la bu mo lo brgyad lon pa tsan dan dang/ ga bur dang/ gur gum dang/ dzA ti dang/ gla rtsi lnga ni dri lnga ste/ chu gtsang ma dang sbyar la bu mo khrus byas nas dkon mchog sum dang maN+Dal gyi lha la phyag byas te/ bsnyan gnas kyi sdom pa 'dzin du bcug la/ rin po che'i snod thogs pas byang phyogs nas nyi ma'i rtse la chu blangs te/ snod de nyid man 'ji'i steng du bzhag ku shas kha brgyan la/ dar sngon pos mgul ba bcings shing maN+Dal gyi dbus su bkod la/ skud pa sngon pos mgul pa na btags te/ sgrub pa po'i g.yon gyi srin lag la dkris la/ g.yas par yungs kar blug te/ rig sngags re re rdzogs pa dang/ yungs kar ra re bum par bstim mo/ /de ltar yungs kar 'bru re re la khro bo rdo rjes mtshon pa grangs med pas khyab par bsam mo/ /bdag nyid gnod sbyin gos sngon po can du bsgoms la khar chu blugs te/ nad pa'i lus la kha phrus btab pa dang/ khro bo rdo rje'i mtshon cha can dag gis gnod sbyin gyi gdon phral te song bar bsam mo/ /de nas gdon dangs pa dang bum pas nad pa 'am rang la dbang

  287. 144a

    bskur bar bya'o/ /de nas maN+Dal bsdus te yungs kar dang maN+Dal gyi sa bsres pa thogs te/ bdag nyid bdud rtsi 'khyil pa'i ting nge 'dzin du zhugs la phyogs mtshams brgyad du gtor zhing mtshams bcad pa de ni gnod sbyin gyi zin pa'i cho gar bstan to/ /klu bzlog par 'dod na smyag shud kyi lcug ma'i bal po se'u yi lcug mas bya'o zhes pa ni thog mar nad pa'i nad brtag par bya ste/ klu'i nad spyir mang na yang/ nad pa klu la dga' ba dang/ nub mon pa dang/ yan lag na ba nad ga nur lci ba dang/ snying mi dga' ba dang/ 'khrul cing dran pa mig gsal ba dang/ yan lag 'khums pa dang/ lus lci mig dmar/ sna 'gag/ lus dri mi zhim pa rnams klu'i nad yin no/ /gal te mdze gso bar 'dod na yang klu'i nad yin min rtogs par byas te gso'o/ /de smyag bshad kyi lcug ma dang/ bal po se'u yi lcug ma khya'u lo brgyad pa'i gnas lngar 'bru lngas bsrungs te/ nub phyogs nas lcug ma mtshar pu'i thems kyi bcag la/ lcug ma bdun brdas pa dang/ dngul gzhong chus bkang ba'i nang du lcug ma lcug ste bzhag/ 'khar bzhong gcig gi nang du zan la pad+ma 'dab ma drug pa cig byas la/ de'i steng du ba su ta rigs drug dgod pa ni gcig la bu mo dang khye'u dgod/ gcig la sprul kha dog 'dres pa sprul mgo bdun pa dgod/ gcig la nya dang sbal pa dang lcong mo dgod gcig la rtsabs pa mgo dgu dgod/ gcig la ba glang dgod/ gcig la sprul nor bu rin po ches brgyan pa dgod/ de'i mdza' ma shing gi bskor la zhag go/ de nas smyag shad dang bal po se'u yi lcug ma dril te/ skud pas gsum du bcings te/ de la rma bya'i mdongs gsum btsugs la bdag nyid gos sngon po can du gsal bas lcug ma dang rma bya'i dril ba lag tu thogs te/ nad pa sngon du bzhag la nad pa la byab cing pad+ma

  288. 144b

    dang klu la dbab/ de nas du de des khyer bar bsam la/ klu rnams zla ba'i gdan la 'dug par bsam pa'i 'og tu yaM las rlung gi dkyil 'khor bsgoms te/ gzungs kyi phreng ba'i 'jug tu nA ga sphA ra Na phaT ces brjod pas klu rnams rang gi gnas gang yin par rlung gis bskyod nas skad cig gi phyin par bsam mo/ /de lta bu gcig gis kyang phan par nus na mang du byas na smos su med do/ /de'i klu'i nad gso ba'i cho ga'o/ /yi dags dang rjed byed rnams la ni skud pas bya'o/ /zhes pa ni rjed byed kyi rtags ni dran pa nyams pa dang/ rkang lag sbrug pa dang/ mi smra ba dang/ kha chu 'dzag pa dang/ me dang chu dang g.yang la mchod ba dang/ gnyis mang ba la sogs pa'o/ /de la skud pa dkar po la mdud pa brgya bya ste/ mdud pa re re la sngags re re bzlas la/ skud pa'i mdza' gnyis dbus dang gsum du zangs kyi phur pa sor gnyis pa la sngags lan nyi shu rtsa gcig bzlas pas mtshan te/ nad pa'i sker gdag so/ /rim pa ni snga ma bzhin no/ /rims nad med par bya ba dang/ gzhogs phyed na ba dang/ yig 'chus pa la ni skud pa sngon pos bya'o/ zhes pa ni ral bal gyi skud pa me tog sngon pos kha bsgyur te/ sngags tshig rnams shog bu la bris te/ skud pa dang bcas pa mgul pa 'am gang na bar btags na 'tsho bar 'gyur ro /byis pa gdon gyi nye ba dang/ nad kyis 'jigs pa thams cad la skud pa sngon pos bya'o/ /zhes pa ni ral bal gyi skud pa me tog sngon po kha bsgyur te/ mdud pa brgya rtsa brgyad dam nyi shu rtsa gcig tu mdud de/ mdud pa re re zhing sngags re re rdzogs pa dang bsrung bya'i mgul lam gshar btags nas ting nge 'dzin gyis gdon gyis nyen pa'i lus rdo rje'i dra bar bsgom nor bsrung ba'i mchog tu 'gyur ro/ /chom rkun bzlog par 'dod na sas bya'o zhes pa ni rnal 'byor pa rang gi chag gang

  289. 145a

    brkos pa'i bting nas sa rlon pa blangs te/ gu gul nag pos bdugs la sngags re re zhing yungs kar re re sa la bsnun par bya'o/ /de ltar sngags stong rtsa brgyad rdzogs pa dang/ sa de kham pa'i ga'u srubs med par blugs pa par bu'i dkyil du bug smyug ma tsam cig phug ste/ de'i nang du yungs kar stong la sngags stong thim pa dang/ shing kha d+hi ra'i sdong po la bsregs nas nang gi sa dang yungs kar tshig cing mdog 'gyur bar byas nas/ de'i nang nas phyung la snod kyi nang du blugs la jag rkun byung ba'i dus su gtor na ldog par 'gyur ro// //khyad par du rkun po la nor rdzas gang yin pa la sngags khros pa'i shugs kyis btab na rkun po ldog par 'gyur ro// //dug la ni rtswa ku shas bya ba par bya'o zhes bya ba ni gar dug gis zin pa de dug dang dbral bar 'dod pa rtswa ku sha bdag gis bzung ste/ mdun du sol ba dang rdo rgyus la sprul gyi gzugs shig byas la nad pa'i lus las dug de ku shas bya bas te phreng ba'i sngags kyi zhabs la khaM khaM zhes brjod cing gzugs de la phab pas mgul bar bsam shing gzugs kyi snying gar h+rI(rgyud 'grel): las 'od byung pas nad de bsdus nas de nyid h+rI(rgyud 'grel): las thim par bsam de nas gzugs de gnas mthon por phyung la rlung la bskur te/ nam mkha' la khyer bar bsam mo// de ni dug dbyung ba'i cho ga ste/ shin tu rtse gcig dang ldan pas bya'o/ /nor 'dod na zhag cig smyur bar 'dug ste/ pog gis bdugs na rmi lam du dge ba dang mi dge ba'i don thams cad ston cing gser gyi dod tshe bdun stong sbyin par byed do/ /zhes pa ni bdag nyid gos sngon po can du bsgom la mdun du 'phags pa dzaM b+ha la bsams la mchod do/ /de yang smyung bar gnas pa'i nang bar nyi ma'i rtse la chu khyor ba brgya rtsa brgyad sngags 'dis dbul lo/ /oM dzam b+ha la dza len+d+rA

  290. 145b

    ye swA hA/ zhes pa'o/ /rgyun tu phreng ba'i sngags 'di kho na brjod par bya'o/ /de ltar zhag bdun zhing zhag re re smyung bar gnas te/ ga pur dang dzA ti pha la dang/ gla rtsi dang/ gur gum la sogs pa dri sna tshogs kyis gos sngon po can gyi gzugs brnyan dang/ mchod rten la sogs pa'i mdun du 'dug pa dang/ 'phags pa gos sngon po can yang dag par mchod cing yid la byed pas rnam thos sras la bdag dkon mchog gsum la mchod pa'i nor slong ngo/ /zhes brjod de nyal bar bya'o/ /rmi lam na gser gyi dod tshe nyid mthong ba 'am rnyed pa 'am/ gzhan gyis bdag la byin pa 'am/ mang po la longs spyod pa ni grub pa'i mtshan ma ste/ gang dag sa'i dkyil 'khor 'di na las dang po pa'i bsod nams las grub pa gnod sbyin pho mo rnams kyi bdag la gter ster ba dang/ sa la gnas pa'i gter dag ston par 'gyur ro/ /rmi lam du dor tshe bdun stong mthong na the tshom med do/ /sgo lcags dbye bar 'dod na yungs kar gyi bya'o/ zhes pa ni bram ze'i rigs kyi thod par yungs kar blugs te/ phreng ba'i sngags brjod cing bsgrubs la/ stong ngam khri la sogs pa thim pa dang yungs kar byin gyis brlabs la/ lcags 'byed pa'i dus su yang phreng ba'i sngags brjod cing lde khung du yungs kar bdun nam nyi shu rtsa gcig bskyur bas phyed par 'gyur ro// //rgyas btab pa dkrol bar 'dod na thal bas bya'o/ /zhes pa ni ba'i lci ba la sogs pa rnam pa lnga sa dang sgyur la zhi ba'i hom khong du byas te/ tsan dan dmar po'i me btang la me tog sngon po'i nang du mngar gsum gyi ri lu bag cher gtums te bcug la/ me tog la phreng ba'i sngags bzlas te/ stong ngam khri thim par bsregs pa'i thal bas gtor ram bskus na grol bar 'gyur ro// //'jigs pa thams cad las bsrung ba ni mar rnying pa 'am thal ba 'am/ yungs kar gyis bya'o/ /zhes pa ni mar lo du ma lon pa ga'u yi nang du bcug ste/ steng na bu ga byas

  291. 146a

    pa la chu btang ste/ phreng ba'i sngags stong ngam khri thim pa dang/ phyag na rdo rje yang dag par mchod do/ /gzungs kyi bum pa dang ldan pa'i chus lus bkrus te/ ga'u yi mar gyis bskus na 'jigs pa thams cad las thal bar 'gyur ro/ /yang na ga'u yi bu ga na mar yungs kar re re zhing phreng ba'i sngags re re brjod cing/ de re re yang khro chung re rer gyur par bsams la/ de stong ngam khri la sogs pa thim pa dang/ spyi bo la sogs par phur ba byas te btags na yang 'jigs pa thams cad las thar bar 'gyur ro/ /thal ba la ni zhi ba'i sbyin sreg byas pa'i thal ba ste/ mar snying pa dang lhan gcig tu gzugs sngags 'bum bzlas te byug pa 'am/ yang na yungs kar dang ldan pa'i byug pa 'am/ gdags pa byas na yang 'jigs pa thams cad las thar bar 'gyur ro// //bdag bsrung ba ni yid kyis sal chus bya'o/ /zhes pa ni ting nge 'dzin gsal ba dang/ bzlas pa rdzogs pa ni dmigs pa tsam gyis so/ /yang na chu la sngags te steng 'og la sogs par gtor zhing btung bar bya'o/// ///gzhan bsrung ba ni skud pa sngon pos bya'o/ /zhes pa ni gong du bshad pa dang sbyar bar bya'o/ /las de dag thams cad la sngags bzlas pa ni lan gsum mam/ bdun nam bcu bzhi 'am/ nyi shu rtsa gcig gam/ brgya rtsa brgyad brjod par bya'o/ zhes pa ni gong du bsnyen pa rdzogs pa'i rnal 'byor pas las la sbyor ba'i dus su rig pa brjod pa'i grangs kyi tshad do/ /de ltar byas na 'grub par 'gyur ro/ /zhes pa ni gong du bstan pa'i las tshegs de dag ltar ro/ /mchod rten sku gdung dang ldan pa'i mdun du me tog sngon pos mchod do/ /zhes pa ni mchod rten bde bar gshegs pa'i gdung dang ldan pa'i rtsar phyag na rdo rje sgrubs thabs las 'byung ba bzhin mchod de me tog sngon

  292. 146b

    po gur gum gyi chur bcug ste/ nyi ma re re la dus gsum du nyi shu rtsa gcig tu mchod par bya'o/ /sngags stong bzlas brjod byas na 'grub par 'gyur ro/ /zhes pa ni tha ma'i tshad bstan pa ste/ ji srid skyo bar ma gyur gyi bar du brjod par bya'o/ gzhan yang lder so dang/ ras ris la sogs pa phyag na rdo rje'i sku gzugs kyi mdun du ji skad bshad pa'i sgrubs thabs bzhin du yang dag par mchod de mnyes par byas nas phreng ba'i sngags 'bum mam bye ba la sogs pa'i sbyor ba sngon du song bas ni 'grub pa mi 'gyur ba gang yang yod par mi 'gyur ro/ /sems can 'dod pa tha dad pa rnams gzigs nas ni/ /bde bar gshegs las byang chub lam ni sna tshogs gsungs/ /snyigs ma'i dus kyi sems can brtson 'grus blo zhan rnams/ /'jug bya'i don du de nyid sgron ma 'di brtsams te/ bla ma la gus dang ldan snying rje shes rab ldan/ /theg chen thabs mkhas chad med snying rje'i sems bskyed pa/ /dbang rnams rdzogs shing rjes su gnang thob dam tshig can// de la dpa' pos rna dbang brgyud de bstan par bya/ /bla ma mnyes byas brtse bas bdud rtsi'i 'od zer thob/ /ji srid mnyes byas gzhan don lhag lhas gnang ba byin/ /rang nyams stobs kyis sgrub po rdzas gzung rgyud don bris/ /ngal ba'i dge bas dngos grub rnams gnyis thob par shog /'phags pa lag na rdo rje gos sngon po can gyi cho ga zhes bya ba'i gzungs kyi 'grel pa de kho na nyid gsal bar byed pa'i sgron ma zhes bya ba slob dpon klu grub kyi mdzad pa rdzogs so// // rgya gar gyi mkhas pa dI paM kA ra sh+rI dz+nyA na dang bod kyi lo tsa rgya brtson seng+ge sh+rI na len+t+ra'i sgo 'gram du bskyur ba'o// (//'phags pa phyag na rdo rje gos sngon can gyi gzungs kyi 'grel pa paN+Di ta chen po karma badzri gyis mdzad pa bzhugs so/) / !/ /rgya gar skad du/

  293. 147a

    Arya nI lAm+ba ra d+ha ra badzra pA Nid+hA ra Ni ni pe zit+ti nA ma/ bod skad du/ 'phags pa phyag na rdo rje gos sngon po can gyi gzungs kyi 'grel pa zhes bya ba/ dpal zhe sdang rdo rje la phyag 'tshal lo/ /gdug pa 'joms par byed pa'i mchog /phyag na rdo rje la btud nas/ /de'i gzungs kyi 'grel pa 'di/ /las kyi rdo rje bdag gis brtsam/ /de la rjed pa dang/ brjod par bya ba dang/ 'brel ba dang/ dgos pa dang/ dgos pa'i dgos pa mdo las gsungs te/ 'dir bshad par bya ba yin te/ gang gi phyir brjod pa la sogs pa ma rtogs par nyan pa po rnams ni 'jug par mi 'gyur bas/ de'i phyir gos sngon po zhes bya ba'i lag na rdo rje'i gzungs zhes bya ba ni rjod par byed pa'o/ /'phags pa lag na rdo rje'i gzungs dang stob dang mthu la sogs pa gzungs kyi sgo nas bstan pa ni brjod par bya'o/ /de dag gis phan tshun 'brel pa yin te/ brjod pa dang/ brjod par bya ba'i phyir ro/ /sems can thams cad la dug dang/ 'ching ba dang/ 'byung po dang/ mkha' 'gro dang/ mkha' 'gro rnams kyi rgyas btab dang/ gnod sbyin dang/ rjed byed la sogs pa'i 'jigs pa nges par bzlog pa ni dgod pa'o/ /de dag kyang tshe ring ba dang nad med pa la sogs pa thob na 'phags pa phyag na rdo rje'i mthu 'di yin no/ /zhes nges par 'dzin pas bde bar gshegs pa'i bstan pa la nye bar 'jug cing/ sangs rgyas kyi byang chub thob par 'gyur zhing dgos pa'i dgos pa'o/ /de yang rigs pa'i rjes su 'brang ba rnams la brten te bshad par bya'o/ /dad pa'i rjes su 'brang ba rnams kyis gang gi tshe 'dri bar gyur na 'di gang zag gis brtsams zhes de'i tshe ston pa la sogs phun sum tshogs pa mdo sde'i rjes 'brangs nas bshad par bya'o/ /de la dze ta'i tshal du mgon med zas sbyin gyi kun dga' ra ba na zhes bya bas gnas phun sum

  294. 147b

    tshogs pa dang/ de bzhin du bcom ldan 'das zhes bya bas ston pa phun sum tshogs pa dang/ dge slong gi dge 'dun chen po zhes bya bas 'khor phun sum tshogs pa/ gzungs gsungs pa ni bstan pa phun sum tshogs pa dang/ dus cig na zhes pas dus phun sum tshogs pa bstan to/ /de la bcom ldan 'das kyi gnod sbyin gyi sde dpon chen po zhes bya bas drag po chen po 'dul bar byed pa bstan pa yin te/ gnod sbyin gyi sde dpon zhes bya ba ni zhe sdang gi rang bzhin can no/ /de rnams kyi zhes bya ba ni gtso bo zhe sdang gi rigs las 'byung ba'i sprul pa'i sku zhal rnam par 'gyur ba bstan pa ni gdug pa 'dul ba 'dzin pa bstan pa yin no/ /de bas na phyag na rdo rje zhes smos pa ni rang gi rigs dang mthun pa'i rdo rje mtshan ma 'dzin pa'o/ /gos sngon po can zhes bya bas sprin sngon po dang 'dra ba'i na za bsnams pas 'di ni sngon ma mthong ba'i klu yin zhes klu'i rgyal po rnams grags pa 'jig pa'i don to/ /sangs rgyas gang+gA'i klung gi bye ma snyed kyis gnang ba zhes bya bas ni/ phyag na rdo rje nyid la dbang bskur ba thob pa bstan te/ gang gi phyir de bzhin gshegs pa thams cad yongs su mya ngan las 'das pa na phyag na rdo rje nyid la gnang ba zhes bya ba ni bstan pa gtad do/ /mche ba gtsigs pa zhes bya ba ni mche ba'i dug can klu rnams rnam par 'joms pa'i dam tshig bstan to/ /mig me mdag gi phung po 'dra ba zhes bya bas yang dag pa'i ye shes kyi me dpung dang mtshungs pa'i spyan gyis khams gsum pa'i sems can rnams kyi phyin ci log pa'i lta ba bsregs par byed pa'i sgo nas lta ba'i dug can kyi klu rnams 'joms pa'i dam tshig bstan to/ /dbugs me lce ltar 'bar ba zhes bya bas srog gis dbugs kyi klu dag bdag gi dbang du bsdu ba'i ting nge 'dzin

  295. 148a

    la brten te/ me'i phung po dang 'dra ba'i 'od zer rnams kyis dbang du bsdu zhing bcings te/ rtsol ba'i rlung rnams kyi kyang gdug pa'i sems can thams cad 'gugs par mdzad ces bya ba'i don to/ /'jigs pa'i nga ro can zhes bya ba ni ro langs skrag par byed pa'i dam tshig gis klu rnams kyi 'brug sgra'i rjes su byed pa'i dgongs pas 'jigs pa bskyed par mdzad ces pa'i don to/ /lag pa dang rkang pa klu nor rgyas kyi bus brgyan pa zhes bya bas nor rgyas kyi bu sngags kyis bkug nas dug phrogs nas phyag dang zhabs kyi brgyan nyid du mdzad ces bya ba'i don to/ /klu nag po se ral khar thogs pa zhes bya ba la/ grib ma 'gom pa tsam gyis dug 'phro bar byed pa gang yin pa de dag sprul nag po ste grib ma dug can no/ /de se ral kha zhes bya ba ni tshangs pa nyid la gnas pa'i rtags su gyur pa tshangs skud thogs shing brgyan pas grib ma'i dug can gyi klu rnams 'dul bar byed par bstan to/ /klu dga' bo dang nye dga' bo 'bar bas rna cha byas pa zhes bya ba la/ dug gi kha phru 'bar ba rnams kyis sems can la gnod pa byed pa dga' bo dang nye dga' bo'i dbang du 'dus/ sangs rgyas la dad cing zhi bar gyur pa tshig snyan pas phyag na rdo rje la bstod cing thal mo sbyar te snyan par gyur pas de'i phyir 'phags pa phyag na rdo rje'i snyan gyi rgyan nyid du mdzad ces dgongs pa'o/ /sprul gdug pa 'bar ba rin po che'i cod pan thogs pa zhes bya ba ni rang 'gyur de bzhin gshegs pa'i rin po che'i dbu rgyan la bcings pa'i gdug pas rab tu 'bar ba'i sprul gyi gdengs ka'i phreng bas nye bar mdzes pa'i dbu rgyan thogs par bstan to/ /sprul gdug 'bar ba za ba zhes bya ba ni de bzhin gshegs pa'i gnyis su med pa'i ting nge 'dzin la snyoms par zhugs pas gzung ba dang 'dzin

  296. 148b

    ba nyid dran pa'i dug can gyi sprul za bar byed pa ltar gdul bya rnams kyis mthong zhes dgongs pa'o/ /gzhin rgyas pa zhes bya bas ni shin tu rgyas pa'i zhal gyi dkyil 'khor yang dag par bstan pas sgra gcan 'dzin la sogs pa lha ma yin gyi rgyal po rnams kyang 'dul bar mdzad ces bya bar dgongs so/ /smin ma dang dpral ba bsdus pa zhes bya bas ni smin ma'i lcang lo 'degs pas dpral ba bsdus pa nyid kyis ma rungs pa'i nga ro dang ldam zhing gnod sbyin dang/ srin po dang/ mkha' 'gro dang mkha' 'gro ma thams cad bsdigs par mdzad ces bstan to/ /de bas na ya sos ma mchu mnan pa zhes bya ba smos te/ /sems can thams cad la thog ma med pa nas dgra ru gyur pa'i phung po'i bdud la sogs pa tshar cod par dam bcas pa la dran pa'i brda'i mtshan nyid kyi khro bo'i bzhin gyi phyag rgya'i mtshan nyid bstan to/ /gshin rje'i cha byad can zhes bya ba ni sku mdog gnag pa/ dbyug pa dang/ be con dang/ lcags kyu dang/ zhags pa 'dzin pa/ mi yi rgyu ma'i phreng ba do shal du 'phyang zhing ma he la zhen pa/ lha mo nag mos mgul par 'khyud pa skad cig gis kyang snang bar 'gyur ro/ /lce blog ltar 'gyu ba zhes bya ba la glog ni klu'i lce'o/ /de las kyang lhag par rno zhing 'bar ba'i phreng bas skyugs pa/ de bskyod pa zhes bya ba ni yang dang yang du bskul bas 'jigs par byed pa'i lce 'bar bas glog ces bya bas klu'i lce 'joms pas sems can thams cad la thag la sogs pa'i 'jig pa med par byed do/ /gsus po che sprul za ba zhes bya ba la/ 'phags pa phyag na rdo rje sku'i che ba bstan par bya ba'i phyir de la gsus po che zhes bya bas log 'dren glang po che'i mgo can gsus po chos 'dul bar mdza' ces bstan to/ /sprul za ba zhes bya bas nam mkha' lding gi rtog pa rab tu

  297. 149a

    'joms pa bstan to/ /lag pa brdabs pa'i sgras 'jigs par byed pa zhes bya ba la/ shin tu thugs rje'i khro bos dkrugs pa'i dbang gis phyag brdabs pa las byung ba'i sgra'i 'jigs pas/ khyab 'jug dang/ mahA de ba dang/ tshangs pa la sogs pa bcom ldan 'das gos sngon po can phyag na rdo rje la skyabs su song ngo zhes bya ba'i don to/ /klu'i rgyal po 'dab bzang ske rags su bcings pa zhes bya ba la/ sngon gang gi tshe sa 'og gi rim pa bdun la bris pa'i 'dab bzang nam mkha' lding gis 'dren pa na/ 'khyil ba bdun las 'khyil ba phye dang gnyis ri rab kyi rtse mor slebs pa 'khyil ba phye dang drug sa'i 'og tu lus pas de'i tshe klu de nam mkha' lding gis za bar nus so/ /de lta bur gyur pa'i 'dab bzang kyang 'phags pa phyag na rdo rjes thogs pa med par rdzu 'phrul gyi stobs kyis ske rags su bcings pa na khris gcig las ma byung zhes sku bong gi tshad bstan to/ /a la la zhes sgrogs par byed pa zhes bya ba la/ a la la'i sgra ni ro langs skrag par byed pa'i dam tshig go/ kye ro langs dang mkha' 'gro ma drag mo rnams bdag bzhengs par gyur nas khyed cag gis/ ci zhig nus zhes sgrogs shing 'jigs pa skyed par byed ces bya ba'i don to/ /rgya mtsho'i zabs su dpag tshad brgyad khri bzhi stong yod pa rkang pa'i bus mor phyin pa zhes bya ba 'dis sa dang sa 'og dang sa bla khyab par byed pa'i sku bstan pa'o/ /de bzhin du yang dpag tshad stong phrag brgyad cus pus mo ring ba'i tshad kyi sku stong gyi tshad dpag tshad 'bum phrag gnyis su shes par bya'o/ /de bas na dbang po dang nyi ma phrag pa la khur ba zhes bya ba smos te/ ri rab kyi rtse mo las kyang sku bong steng du 'phags pas brgya byin la sogs pa'i lha rnams kyis phyag 'tshal zhing mchod do/ klu thams cad

  298. 149b

    'joms par byed pa zhes bya ba la klu rnams kyi mgrin pa na gnas pa'i gdug pa sngags kyi 'phrogs par mdzad nas/ de rnams kyi sems kyi gdug pa rnam par 'joms shing bsod par mdzad ces dgongs so/ /gad rgyangs chen po rgod pas 'khrug par byed pa zhes bya ba la/ ha ha rgod pa'i dam tshig la gnas pa'i phyi'i mkha' 'gro rnams kyi snying kun bkrugs nas 'dul bar mdzad ces dgongs so/ /gshin rje'i gzugs can khams gsum pa 'jigs par byed pa zhes bya ba la/ 'phags pa phyag na rdo rje gos sngon po can snying rje chen po'i rang bzhin can yin yang khams gsum pa'i sems can rnams kyis gshin rje'i gzugs su mthong nas shin tu 'jigs pa'i don gyis skyabs su song zhes bya ba'i don to/ /de bas na de rnams kyi ji ltar 'dud pa byed do/ /klu rnams 'ching bar byed pa la phyag 'tshal lo/ /zhes bya ba ni 'chid bar byed pa ni 'dul bar byed pa'i don to/ /de bas na lha dang mi thams cad kyis bcom ldan 'das phyag na rdo rje la mchod pa dang/ bstong pa sngon du 'gro bas phyag byed par 'gyur ro/ /de ltar 'phags pa phyag na rdo rje'i gzugs dang stobs dang che ba'i bdag nyid bstan pa'o/ /da ni slar yang zhes bya ba ni phyag na rdo rje'i rig sngags kyi bsngags pa ston par byed de/ sangs rgyas bcom ldan 'das gang+gA'i klung ga bye ma snyed kyis gsungs pa'i rig sngags 'di brjod par bya'o zhes bya ba la/ 'das pa dang ma 'ongs pa dang da ltar byung ba'i sangs rgyas thams cad kyis gsungs pa dang/ gsung ba dang/ gsung bar 'gyur ba'i rig sngags 'di nyid mchog yin pas/ kye skyes bu sgrub pa po rnams khyed cag gis kyang 'di brjod par bya ba yin zhes so/ /sdud pa po'i gdams ngag gi rig sngags de gang zhe na/ tadya thA zhes smos te/ 'chang par 'gyur ba'i sngags ston par byed do/ /b+ho b+ho pAn+na gA a d+hi pa ta

  299. 150a

    ye zhes bya ba la/ nA ga ni klu'o/ /a d+hi pa ta ye zhes bya ba ni lhag par bdag po ste klu rgyal brgyad do/ /b+ho b+ho zhes bya ba ni kye kye ste de rnams la bod pa ste/ i dan zhes bya ba ni 'di lta ste 'bod par 'gyur ro/ /de gang zhe na/ nI lAM ba ra d+ha ra sha rI raM zhes bya ba smos te/ gos sngon po can gyi sku'o/ /gang gi phyir sku ma rtogs par sngags 'byung ba mi srid par sngags dang sku gnyis su med par bstan pa'o/ /badzra pA Ni h+ri da yaM zhes bya ba la/ phyag na rdo rje'i snying po ste gos sngon po can gyi kho na'o/ /snying po zhes bya ba ni gdug pa 'dul ba'i phyir ngag gi brjod pa gsungs pa/ bsgrub bya mngon du byed nus pa rgyu de'i phyir ya(rgyud 'grel): sa mA ti krA ma ti zhes bya ba smos pa la sgrub pa po gang gis 'dor zhing 'da' bar byed na gdug pa'i sems can de utshA da naM b+ha bi shu ti zhes bya ba ni yul nas gzhan gyis bskrad par 'gyur ro/ /snying po de gang zhe na/ tadya thA zhes bya ba smos te 'di lta ste zhes bya bas snying po ston par byed de/ bud+d+ha bud+d+ha bi bud+d+ha zhes bya ba phyag na rdo rje bod pa'o/ /ma hI pra ya ta zhes bya ba ni ma 'gor cig ces bya ba'i don to/ /gdug pa 'joms pa la myur du rim zhig ces bya ba tshig lhag ma dang sbyar ro/ /ha ra ha ra zhes bya ba ni gdug pa rnams kyi stobs la sogs phrog shig phrog shig zhes bya ba'i don to/ /gdug pa de gang zhe na/ nA ga naM zhes bya ba smos te klu rnams kyi tshig gis tshig 'brel pa'o/ /pra ha ra pra ha ra zhes bya ba ni 'od zer las byung ba khro bo rnams kyi rgyab shig rgyab shig pa'o gang la rdeg she na/ nA ga naM zhes bya ba smos te klu rnams kyi stobs dang/ brtson 'grus la sogs pa brlag par gyis shig ces bya bar dgongs so/ /ts+tshinda ts+tshinda zhes bya ba ni ral gris chad cig chod cig pa'o/ /bcad par bya ba gang

  300. 150b

    zhe na/ nA ga ha da yA ni zhes bya ba smos te/ klu'i snying rnams so/ /b+hin da b+hin da zhes bya ba ni tshogs shig tshogs shig pa'o/ /gang bcag zhe na/ nA ga da ma ni zhes bya ba ni klu dang klu mo bcings pa'i tshogs kyis 'khyil pa rnams shig cig shig cig ? nA ga da ma ni zhes bya ba la/ klu'i khyim rnams 'joms pa'o/ /bi si ma d+ha nA ga sha rI raM zhes bya ba ni dug gi myos pa'i klu'i lus bo de bzhin du tshogs shig pa'o/ /gzhan yang bi spho Ta ya zhes bya ba ni gzi brjid kyis 'joms par mdzod cig ces bskul ba'i tshig go /'joms par bya ba de gang zhe na/ nA ga nA ya nA ni zhes bya ba smos te klu'i ming rnams so/ /sngags kyi mthu gzhan yang bstan pa'i phyir/ tadya thA zhes bya ba smos te/ 'chad par 'gyur ba'i sngags kyi sku phyag na rdo rje la bskul ba bstan te/ hUM phaT ces smos te phyag na rdo rje gos sngon po can gyi thugs bskul ba'o/ /de yang gang zhe na/ nA gA bi dA ra nA ya hUM phaT ces bya ba smos te/ kye klu rnams 'joms par byed pa/ klu rnams rlag par byed pa khyod la phyag 'tshal lo/ /zhes tshig sbyar ro/ /hUM gi sgra ni thugs bskul ba'o/ /phaT ces bya bas gdug pa nyams par gyis zhes bya ba'i don to/ /nA ga god sa da nA ya phaT zhes bya ba ni shin tu gdug pa nyid kyi phyir/ gal te dug gis zin pa mi o gtong na de'i tshe bskrad par mdzad nas yi ge phaT kyis rengs pa mdzod cig ces bskul ba'o/ /nI lAm+ba sa nA ya phaT zhes bya bas ni mngon spyod kyi las dang rjes su mthun pa'i gos sngon po gnas pa khyod yin pas/ de dang rjes su mthun pa'i las mdzod cig pa'o/ /zhes bskul ba'o/ /las de ji lta bu zhe na/ phaT ces bya ba smos pa la dum bu dum bur gyis shig pa'o/ /a pra ti ha ta ba la pa ra kra ma ya phaT ces bya ba ni gang phyir khyod kyi stobs dang mthu la gzhan gyis mi thub pas

  301. 151a

    de'i phyir phaT ces bya ba ni khyod kyis dgra nyams par gyis shig ces bya ba'i don to/ /kri tAn+ta ya phaT ces bya ba la/ bgegs mthar byed pa'i gzugs can phyag na rdo rje khyod la phyag 'tshal nas/ phaT kyi sngags kyi bgegs 'dug pa nyams par gyis shig ces bskul ba'o/ /kri tAn+ta ru pa ya phaT ces bya ba ni gshin rje'i gzugs can khyod la phyag 'tshal lo/ /phaT ces bya ba ni mngon spyod las la sbyor ba'o/ /ro Sha Na ya phaT/ ces bya ba la/ khro bo'i cha lugs can yin gyi khro bo'i rang bzhin ma yin pa khyod la phyag 'tshal lo/ /zhes dgongs pa'o/ /trA sa Na ya phaT zhes bya ba la/ mthong ba tsam gyis gdug pa skrag par byed pa khyod la yin zhes bstan pa'o/ /phyag thams cad du dbye ba'i tshim bzhi pa shes par bya'o/ /na ma(rgyud 'grel): swasti swa ha swa d+ha a lam+be sha yo gi tsi ti thi zhes sgra'i mdo las 'byung bas so/ /kus ma Na Do da sa da nA ya phaT ces bya ba ni kuspa? Na Do da ni yi dags kyi khyal ba ste/ dmu chu dang dre'u skyed par byed pa'o/ /de rnams skrag par byed pa khyod la phyag 'tshal lo/ /zhes bya ba'i don to/ /phaT ces bya ba ni/ des byas pa'i skyon phrol cig pa'o/ /pre ta pi sha tsa bi nA sha ka ra ya phaT ces bya ba ni rdzu 'phrul dang mthu yod pa'i yi dags gang yin pa dang/ de bzhin du sha za ni mi'i sha la dga' ba'o/ /de rnams nyams par byed cing rdzu 'phrul dang stobs dang brtson 'grus 'joms par byed pa phyag na rdo rje khyod la phyag 'tshal lo/ /zhes tshig lhag ma sbyar ba'o/ /phaT ces bya ba ni snga ma bzhin no/ /yak+Sha a pasma ra bi nA sha gA ra ya phaT zhes bya ba la 'dres byas pa'i skyon gyi rtags ni mi gcing za ba dang/ kha zas lhag par za ba dang/ kha brtsog smra ba dang/ thal lcags dang dbyug pa dang/ rkang pa gzhan la brdegs pa dang/ nga ro 'jigs pa sgrogs pa dang/ de la

  302. 151b

    sogs pa'i mtshan nyid kyi 'gyur ba rnams kyis gnod sbyin gyi rtags su shes par bya'o/ /de bzhin du yang rjed byed kyi rtags su dran pa nyis pa dang/ rkang lag sprug pa dang/ /mi smra ba dang/ kha chu 'dzag pa dang/ me dang chu dang g.yang la mchod ba dang gnyid mang ba la sogs pa'i mtshan nyid shes par bya'o/ /skyon de rnams dran pa tsam gyis 'joms par byed pa khyod la phyag 'tshal lo/ /zhes tshig lhag ma sbyar ro/ /phaT ces bya ba ni thal par gyis shig ces bya ba'i don to/ /ha sa ha sa zhes bya ba ni gzhad pa tsam gyis so/ /dA ra dA ra zhes bya ba ni dran pa tsam gyis so/ /ma rA ya ma rA ya zhes bya ba ni gdug pa'i sems can gyi bsam gdug pa med par gyis shig ces dgongs pa'o/ /nA sha ya nA sha ya zhes bya ba ni ltas ngan la sogs pa'i 'jigs pa zlog par gyis shig la ces dgongs pa'o/ /sarba big+han bi nA sha ka rA ya hUM phaT ces bya ba ni chos dang nor 'dod pa'i bar chad byed pa'i bgegs so/ /khyod kyi gzungs sngags bklags pa tsam gyis de rnams 'joms par byed pa khyod la phyag 'tshal lo/ /zhes snga ma bzhin no/ /phaT ces bya ba ni snga ma bzhin du bskul ba'o/ sarba sha truM saM g+ha bi nA sha ka rA ya phaT ces bya ba la/ pha rol po mu stegs dang so so'i skye'o dang/ dkon mchog gsum la gnod par byed pa ni bgegs kyi tshogs so// de rnams kyis byas pa'i 'khrul 'khor dang/ ngan sngags kyi sbyor ba thams cad khyod kyis gzungs sngags brjod pa tsam gyis rnam par 'jig par 'gyur ba de bas khyod la phyag 'tshal lo/ /zhes tshig lhag ma dang sbyar ro/ /phaT ces snga ma bzhin bskul lo/ /nI lAmpa ra d+ha ra badzra pA Ni rA dz+nyA pa ya ti swA hA/ zhes bya ba ni sgrub pa pos phyag na rdo rje gos sngon po can la bde bar gshegs pa'i bka' bsgo bar bya'o/ /zhes dgongs so/ /swA hA zhes pa ni gsang sngags kyi sku de nye bar sdud pa

  303. 152a

    bstan no/ /gzungs sngags kyi sbyor bas nus pas go sla bas ma bshad do/ /gos sngon phyag na rdo rje yi/ /gzungs kyi 'grel ba 'di rtsams pas/ /dge ba cung zad gang thob pa/ /de yis 'gro kun nad med shog/ // dpal phyag na rdo rje gos sngon po can gyi gzungs kyi 'grel pa rig pa'i gnas thams cad la mkhas pa'i paN+Di ta chen po karma badzras mdzad pa rdzogs so// (//rdo rje rnam par 'joms pa zhes bya ba'i gzungs kyi bshad pa bzhugs so/) /rgya gar skad du/ badzre bi dA ra nA ma d+h+ra ra Ni TI ka/ bod skad du/ rdo rje rnam par 'joms pa zhes bya ba'i gzungs kyi bshad pa/ 'jam dpal gzhon nur gyur pa la phyag 'tshal lo/ /thams cad mkhyen pa'i 'jig rten mgon/ /dug gsum nang sel sman gyi mchog / 'phags pa'i tshogs la phyag 'tshal te/ /de'i gzhung 'grel bya bar 'dod/ /de la mdo sde 'di 'chad par 'dod pas/ bsdus pa'i don rnam pa gnyis su shes par bya ste/ gleng gzhi phun sum tshogs pa dang/ mdo bshad pa'o/ /de la mdo la bzhi ste/ yon tan 'byung ba'i rgyu'i ting nge 'dzin gyi khyad par dang/ yon tan gyi rang bzhin dngos gzhi dang/ yon tan gyi phan yon gyi 'bras bu dang/ sdug bsngal zhi bar byed pa'i sgrubs pa'i thabs dang bcas pa rnams bstan to/ /de la gleng gzhi phun sum tshogs pa ni/ 'di skad bdag gis thos pa dus gcig na bcom ldan 'das rdo rje la bzhugs te/ zhes bya ba'i bar gyis bstan to/ /de yang lngas bstan te/ mdo sde'i don dang/ sdud pa po dang/ dus dang/ ston pa dang gnas lnga ste/ 'di skad bdag gis thos pa dang/ dus gcig dang/ bcom ldan 'das dang/ rdo rje la bzhugs te rnams go rims bzhin no/ /de la mdo sde'i don ji lta bu zhe na/ ming gis khyad par gyis bstan te/ rdo rje rnam par 'joms

  304. 152b

    pa'i gzungs zhes smras so/ /'di ltar rdo rje ni phyi rol gyi 'dus byas kyi rdzas dper bstan pa lta bu ste/ ye shes rang gi ngo bo la gzhan gyi rtog pa dag gi bar mi chod de/ 'di ltar 'og nas mi tshad pa nas thams cad du ma pham pa zhes bya ba'i bar du mdun gyi bstan par mngon no/ /rnam par 'joms pa zhes bya ba ni/ 'dus byas rdzas kyi dngos po des bcad par bya ba gang dag rin po che'i rigs gzhan dag lta bu ste/ gzung ba dang 'dzin pa can gyi sems can dag 'dul ba ste/ 'di ltar 'og nas sems can thams cad skrag par byed pa zhes bya ba nas sems can thams cad bsrung bar bya zhes bya ba'i bar du stan to/ /gzhan dag kha cig ni rdo rje ni chos kyi de kho na nyid shin tu rtogs pa'i ngo bo rdo rje ltar thogs pa med pa'i ye shes su rtse gcig nyid du mnyam par bzhag pa'o/ /'joms pa ni 'jig chogs la lta ba'i bsam pa can gyis phyi nang gi bgegs lngar ba'i rgyu las kyi bag la nyal ba dag 'dul ba'i phyir ro zer ro/ /gzungs zhes bya ba ni 'dzin pa dang mi gtong ba'i tha tshig go /de yang gang gis gang zhig la/ rdo rje zhes bya ba dang/ rnam par 'joms pa zhes bya ba gnyis te/ go rims bzhin no/ /da ni yang dag par sdud par byed pas gus pa skyed pa ste/ sangs rgyas dang byang chub sems dpa' thams cad la phyag 'tshal zhes smos te/ nyon mongs pa'i 'ching ba dag spang shing thams cad mkhyen pa'i ye shes rdzogs pa'i sangs rgyas zhes bya'o/ /gang dag gi nyon mongs pa zad par byas shing/ de dag phyis ldang bar mi 'gyur ba'i phyir na byang chub ces bya'o/ /gang dag rtogs par bya ba'i don la mi zhum par bya ba'i phyir sems dpa' zhes bya'o/ /gzhan dag na re/ don bya ba'i sems can gyi don la mi skrag pa'i sems dpa' zhes bya'o zhes zer ro/ /thams cad ces pa ni

  305. 153a

    rigs su ma bcad pa'i tha tshig go/ da ni gleng gzhi bstan te/ 'di skad bdag gi thos pa'i dus gcig na zhes smos so/ /de la 'di skad ces bya ba ni gzungs 'di rdzogs pa'i bar gyi tha tshig go/ tshig de dag brgyud pa lta bu'i ma yin pas bdag gis zhes bya'o/ /bdag nyid ston pa ma yin pa'i phyir/ thos pa zhes bya'o/ /yul yangs pa can dang/ rgyal po'i khab lta bu na bzhugs pa ma yin te/ rdo rje la bzhugs pa'i dus de na thos pas dus gcig na zhes bya'o/ /bcom ldan 'das zhes bya ba ni de bzhi bcom zhing drug dang ldan pa'o/ kha cig na re drug dang ldan pa la bzhi bcom mo zer ro/ /rdo rje la bzhugs te zhes bya ba ni gang gi mdo sde bshad pa'i dus na phyi rol gyi gdan la ma bzhugs kyi/ nang du yang dag 'jog gis bzhugs pa'o/ /kha cig na re phyi rol gyi gdan yang mi mnga' bam yin mod kyi/ rdo rje lta bu'i ye shes gtso bor mdzad pa'i tha tshig go zhes zer ro/ /'di na mar spyi don gnyis pa ste/ de la bzhis bstan pa'i dang po la gnyis te/ byin gyis brlab pa dang/ snyoms par bzhugs pa'o/ /de nas sangs rgyas kyi mthus lag na rdo rje lus thams cad rdo rjer byin gyis brlabs nas/ rdo rje'i ting nge 'dzin la snyoms par zhugs so/ /zhes bya bas bstan te/ byin gyis brlabs pa ni/ gang gi mthus byin gyis brlab pa dang/ gang gis brlab pa dang/ gang ltar byin gyis brlab pa dang/ bzhi ba rim par sbyar ro/ /byin gyis brlabs nas gang la snyom par zhugs pa ni dngos gzhi dang/ yul dang/ yul can gsum dang/ dpe dang rnam par mi rtog pa dang/ 'byung 'jug med pa gsum rim par sbyar ro/ /de la mdo sde 'di zab pa'i phyir lag na rdo rje/ lta bu dus gsum gyi gsang ba la dbang byed pa skyang bshad mi nus pa'i phyir sang rgyas kyi mthu zhes bya'o/ /ye shes la mnga' bsnyed pas lag na yang rdo rje bsnams pa'i tha tshig go/ 'byung ba chen po rgyu

  306. 153b

    las byung ba'i lus ma yin gyi/ bsod nams dang ye shes kyi tshogs tshad med par bsags pa'i rgyu las byung ba'i ye shes kyi sku sku can du byas pa'i phyir lus thams cad rdo rje byin gyis brlab na zhes bya'o/ /de la lus thams cad ces bya ba ni phyi dang nang gi dngos po ma lus par ye shes kyi lus su byin gyis brlabs pa'i tha tshig go/ chos kyi de kho na nyid kyi rtogs pa'i ngo bo rdo rje ltar la thogs pa med pa'i ye shes la rtse gcig tu mnyam par bzhag pa'i phyir rdo rje'i ting nge 'dzin la snyoms par zhugs so zhes bya'o/ da ni spyi don gnyis pa la bzhis bstan pa'i mdo sde 'di'i yon tan gyi rang bzhin dngos gzhis bstan te/ de la yang gsum ste/ yon tan rnams byin gyis brlabs las 'byung ba dang/ gzungs kyi mtshan nyid kyi khyad par yon tan rang bzhin gyi dngos gzhi dang/ gzungs kyi dkyil 'khor gyi lha rnams kyi yon tan gyi rang bzhin gyi dngos gzhi'o/ /de na lag na rdo rje sangs rgyas kyi mthu dang zhes bya ba nas rdo rje snying po rab tu smras te/ zhes bya ba'i bar du ni dang po bstan to/ /mi tshed pa bya ba nas lag na rdo rje rab tu smras so/ /zhes bya ba'i bar ni don gnyis pa bstan to/ /na mo ratna tra yA ya bya ba nas/ a mri te hUM phaT ces bya ba'i bar gyis ni don gsum pa bstan to/ /de nas lag na rdo rje sangs rgyas kyi mthu dang sangs rgyas kyi yin gyis brlabs dang/ byang chub sems dpa' thams cad kyis byin gyis brlabs kyis/ rdo rje khro bo las byung ba/ rdo rje snying po zhes bya ba ni/ gang gis smras pa dang/ gang gi byin gyis brlabs kyis smras pa dang/ gang las byung ba smras pa rnams dang/ gang smras pa dang/ lag na rdo rje dang/ sangs rgyas dang byang chub sems dpa' i byin gyis brlabs dang/ rdo rje khro bo las byung ba dang/ rdo rje snying po rnams go rims bzhin no/ /de la lag na rdo rje bya ba dang/ smras te zhes bya ba'i bar skabs so/ /dris pa lag na rdo rjes gang smras zhe na/ smras pa rdo rje khro bo las byung ba/ rdo rje snying

  307. 154a

    pos smras te zhes bya'o/ /de ltar bcom ldan 'das kyi thugs ye shes kyi khro bo'o/ /ci'i phyir zhe na/ dngos po rtog pa med pa'i phyir ro/ /de las byung ba'i rdo rje snying po ni mi chod pa la sogs pa rnams so/ /de dag lag na rdo rjes smras so/ /zhes bya'o gang ye shes de snying po yin pa'i phyir mi chod pa'o/ /rtsa bar gyur pa'i phyir mi shes pa'o/ /gzhan dag na re/ ye shes de la rtog pa'i dngos po med pa'i phyir ro/ /mi chod pa mi shigs pa'o zer ro phyin ci ma log pa dang yang dag pa'i phyir bden pa'o/ /'dus byas las byung ba ma yin pa'i phyir sra ba'o/ /rtog pa'i rlung med pa'i phyir brtan pa'o/ /thams cad mkhyen pa'i ye shes yin pa'i phyir thams cad du thogs pa med pa'o/ /de ni mi 'jigs pa bzhi dang ldan pas thams cad du ma pham pa'o/ /rdo rje zhes bya ba'i nges pa bstan zin to/ /gang dag dngos por smra ba rnams ye shes de thos na gzungs 'dzin la chags pa'i dbang dang/ /goms pa'i mthu rtas pa'i sems can thams cad skrag par byed pa'o/ /ye shes de'i byin brlabs kyis srog chags kyi rigs gang dag gis bdag la tshe bar byed pa'i bsam pa rnams phyir nur bar gyur pa'i phyir/ sems can thams cad 'jil bar byed pa'o/ /ye shes rdo rje lta bu des bram ze dang dran srong gi rig sngags dang/ dmod mo gcod pa'i phyir/ rig sngags thams cad gcod par byed pa/ rig sngags thams cad mngon par byed pa'o/ /ye shes de bdag gis mngon du gyur pa'i dus na rang gi shes pa la gnas pa'i ngan 'gro'i rgyu med pa'i phyir las thams cad 'joms pa'i byed pa'o/ /dris pa/ byang chub sems dpa' ni thams cad du don dpyod pa yin na/ rang gi ngan 'gro'i rgyu med par byed ces bshad dpa ci'i phyir zhe na/ smras pa ye shes rdo rje lta bu'i ye shes kyi byin gyis brlabs kyis gzhan gyis yang ngan 'gro'i rgyu med par byed pas gzhan gyi las thams cad 'joms par byed pa'o/ /

  308. 154b

    ye shes des mi ma yin pa'i gdon dang/ 'byung po rnams mig nas shing med par bya ba dang/ brlag par bya ba'i phyir/ gdon thams cad rlag par byed pa'o/ /gzhig zhig gang gis zin pa des ye shes des ye shes ni de las thar bar byed bas/ gdon thams cad las thar bar byad pa'o/ /gang gi don du gang zhig dgug na ye shes rdo rje lta bu byed pa'i phyir/ 'byung po thams cad 'gugs par byed pa'o/ /rig sngags kyi las thams cad ci bya ba dag ni bzhi yang ye shes rdo rje lta bu de yin pa'i phyir/ rig sngags kyi las thams cad byed du 'jug pa'o/ /sngar ma grub pa rnams ni de ltar grub par byed pa sngar grub pa rnams ni da ltar dang ma 'ongs pa na don 'bras bu chung mi za bar byed pas/ ma grub pa rnams grub par byed pa/ grub pa rnams chud mi za bar byed pa'o/ /'dod pa gnyis rab tu sbyin pas ni/ 'dod pa thams cad rab tu sbyin pa'o/ /ye shes de ni byin gyis brlabs kyis phyi nang gi bgegs bsal bas blo bur ba'i rkyen yang med pa'i phyir/ sems can thams cad srung ba'o/ /kha cig na re theg pa chen po'i rigs can dang bdag la skyabs su gsol ba dag srung zhes zer na/ thams cad kyi sgras rigs su chad pa'i skyon du 'gyur ro/ /de dag gis rnam pas 'joms pa'i don bshad zin to/ /de bas na gzungs mdo sde 'di'i mtshan rdo rje rnam par 'joms pa zhes grags so/ /ye shes rdo rje lta bu des don mdzad pa'i sgo na mod mang mod kyang/ las rnam pa bzhi'i sgo nas don mdzad de/ zhi ba dang/ rgyas pa dang/ drag po dang/ dbang dang bzhi'o/ /nyon mongs pa la gsum dang/ tshe dang longs spyod dang/ gnod par byed pa dag dang/ mi 'jar ba bzhi dang/ zhi ba dang rgyas pa dang/ sems can thams cad rengs par byed pa/ sems can thams cad rmugs par byed pa/ bzhi go rims bzhin no/ /dris pa phyi rol gyi rtag pa sgra ba drug cu rtsa bzhi la sogs pa la ni byed pa yod par 'dod kyi/ chos 'di la ma byed pa

  309. 155a

    zhes mi rigs so zhes na/ rtag par smra ba rnams kyi byed pa ni/ bdag rtag pas dbang phyug la sog pas byed par 'dod pa yin la/ 'dir mi byed pa'i gsang sngags kyi mthu chen po zhes 'byung ste/ sems can thams cad skrag bar byed pa dang/ rmugs par byed pa'i bar dag gsang sngags kyi byed pa'i tha tshig go/ dris pa mi chad pa nas rmugs par byed pa'i bar la/ gong du ni rdo rje snying pos smras zhes 'byung la/ 'dir ni rmugs par byed pa'i gsang sngags mthu zhes smras pas/ gong ma dag 'og gi gsang sngags kyis byed pa dang/ byin gyis brlabs pa skad 'byung pa ci'i phyir zhe na/ smras pa rdo rje snying po zhes gong du slad 'dren pa ni/ mi chod pa nas thams cad du ma pham pa'i bar yin la/ de dag gis sems can gyi don byed pa'i thabs ni/ sems can thams cad skrag par byed pa nas/ rmugs par byed pa'i bar ni gsang sngags kyi mthus byed do/ /kha cig na re gong du rdo rje khro bo las byung ba/ rdo rje snying pos zhes 'byung bas/ rdo rje khro bo ni 'og gi gsang sngags rnam la bya bar 'dod de zhes zer ro// //da ni gzungs kyi dkyil 'khyor gyi lha rnams kyi yon tan gyi rang bzhin te/ de yang rdo rje snying por byin gyis brlabs pa'i gang sngags dang/ gzungs kyi dkyil 'khor gyi lha bskyed pa'i gsang sngags dang/ brtan par byin gyis brlab pa'i gsang sngags dang/ dbang bskur ba'i gsang sngags dang/ gzungs kyi dkyil 'khor gyi lha so so'i rtsa sngags rnams bstan to/ /de la na mo ratna tra yA ya ni dkon mchog gsum la phyag btsal ba'o/ /na ma shtsaN+Da badzra pa Na ye/ mahA yak+Sha se nA ba ta ye zhes bya ba ni/ gnod sbyin gyi sde don chen po lag na rdo rje la phyag 'tshal lo/ /tadya thA/ oM tra Ta tra Ta zhes bya ba na su badzrA ya swA hA/ zhes bya ba'i bar du ni/ rdo rje snying por byin gyi brlab

  310. 155b

    pa'i gsang sngags bstan to/ /de yang tra Ta tra Ta zhes bya ba nas saM g+ha Ta saM g+ha Ta ya'i bar gyis ni sems can thams cad skrag par byed pa nas rmongs par byed pa'i byin gyis brlab pa yin no/ /sarba bidyA badzra badzra nas su badzra swA hA'i bar gyis ni mi chod pa zhes bya ba nas/ thams cad du ma pham pa'i bar byin gyis rlob pa yin par bstan to/ /he phu lu/ ne ru phu lu zhes bya ba na/ pra ha ra pra ha ra badzra pra b+hany+dza nA ya swA hA'i bar du ni khro bo rnams kyi sku bskyed pa ste/ gzungs kyi dkyil 'khor gyi lha bskyed pa'i gsang sngags bstan to/ /khro bo hUM ka ra dang/ Arya a tsa la dang/ ya mAn+ta ka dang/ nI la daN+Da dang/ ha ya gri ba dang/ Tak+ki rA dza dang/ a mo g+ha pA sha dang/ ma hA ba la rnams/ trA sa ya trA sa ya/ badzra kI li kI la ya swAhA/ yan chad rim bzhin du sbyar ro/ /ha ra ha ra badzra d+hA rA ya swA hA/ zhes pa ni sgo ma rnams bskyed pa'i sngags so/ /pra ha ra pra ha ra/ badzra pra b+hany+dza na swA hA ni/ a mri ta kuN+Da li bskyed pa'i sngags so/ /matis+tha ri zhes pa nas/ a mu kaM mA ra ya phaT/ bya ba'i bar du ni brtan par byin gyis brlab pa'i gsang sngags te/ gzungs kyi dkyil 'khor gyi khro bo rnams kyi sku bskyed pa brtan par bya ba dang/ bdag nyid la bden pa'i byin brlab bya'o/ /na ma(rgyud 'grel): sa man+ta badzra NAM/ zhes pa nas badzrAM ku sha dz+nyA lA ya swA hA'i bar du ni dbang bskur ba'i gsang sngags bstan te/ gzungs kyi bum pas spyi bo nas dbang bskur ba'i tshes bzlas par bya ba dang/ dbang bskur ba'i tshig yin no/ /na mo ratna tra yA ya zhes bya ba nas a mri ta hUM phaT kyi bar du ni gzungs kyi dkyil 'khor gyi lha so so'i gsang sngags bstan to/ /de la phyag 'tshal ba'i tshig ni go sla'o/ /oM ha ra ha badzra ni gtso bo'i las kyi sngags so/ /ma tha ma tha badzra nas ts+tshandi ts+tshinda'i bar du brgyad ni khro bo brgyad rim bzhin no/ /b+hinda b+hinda badzra hUM phaT ni a mri ta kunDa li'i las kyi sngags so de man chad kyi sngags ni sgo ma bzhi'i

  311. 156a

    las kyi sngags so/ /sngags 'di dag ni saM skri ta'i skad la sogs pa sgra yan lag mang ste/ byin gyis brlab pa yin pas/ bzlas pas byin brlabs can du 'gyur bas/ bod du thar log mi 'gyur ro/ /zhes mkhas pa dag gis 'chad do/ / da ni spyi don gnyis kyis bstan pa'i gnyis pa la bzhis bstan pa'i gsum pa yon tan gyi phan yon gyi 'bras bu 'chad do/ /de la yang gnyis te/ sdug bsngal sel bar byed pa dang/ 'di bskyed par byed pa'o/ /tshig rkang gnyis dang sbyar ro/ /gzungs kyi dkyil 'khor 'di ltar byas te bsgrubs na/ sngon gyi tshe rabs grangs med pa nas bsags pa'i sdig pa dang/ da ltar 'phral du byas pa dag 'byad par gyur la/ rgyu sdig pa byas na sdig pa'i 'bras bu ngan song yod pa'i sdug bsngal ma lus pa med pa'i phyir/ sdig pa thams cad byang byas nas/ /sdug bsngal thams cad med par byed ces bya'o/ /mdo sde 'di ni de ltar yon tan dang gzi brjid dang phan yon che bas/ rgyud dang mdo sde kun gyi snying po dang rtsa ba yin pa'i phyir ni/ rgyud do cog gi rtsa ba ste/ zhes bya ba'o/ /ci'i phyir ma rgyud dang mdo sde mang po gzhan dag las kyang/ sems can gyi sgrib pa bsal ba dang/ sdug bsngal spyad pa'i thabs las gzhan mi ston pa'i phyir ro/ /de'i phyir na gzungs 'di ltar byas na sangs rgyas kyi yon tan ci mda' ba des thob pa'i phyir/ dpal kun gyis ni legs par brgyan zhes bya'o/ /da ni spyi don gnyis kyi bstan gnyis pa la bzhis bstan pa'i bzhi la sdug bsngal zhi bar byed pa'i thabs bstan te/ de la yang gsum ste sdug bsngal gyi rnam grangs dang/ sdug bsngal 'byung ba'i rtags dang/ sdug bsngal 'gog pa'i thabs so/ /de yang sems can dbang po nyams pa dang/ zhes bya ba nas mya ngan mngal las byung ba'i bar gyi sdug bsngal gyi

  312. 156b

    rnam grangs bstan to/ /rmi lam sdig pa mthong na yang gis ni sdug bsngal 'byung ba'i rtags so/ /des na rab khrus bya ba nas rdzogs pa'i bar du sdug bsngal bzlog pa'i thabs bstan to/ /de la yang gsum ste/ sta gon la gnas pa dang/ mdo sde 'di mnyan cing nyams su blangs pa'i phan yon dang/ bum pa'i dkyil 'khor ro/ /de la des ni rab bkrus gtsang ma yis nas gtsang ma'i gos kyis rab brgyan te/ zhes pa'i bar du ni sta gon la gnas pa bstan/ zab mo sang rgyas spyod yul ba zhes bya ba nas/ sdig pa kun las rnam par thar zhes bya ba'i bar du ni/ mdo sde mnyan pa'i phan yon bstan/ nor bu yungs kar man chad rdzogs pa'i bar gyi bum pa'i dkyil 'khor bstan to/ /de la bum pa la lnga ste/ nang gi rgyu dang/ bum pa'i rgyu dang/ mgul dkris kyi rgyu dang/ bzlas brjod kyi grangs dang/ khrus bya ba'i thabs dang gdams ngag go/ de la nor bu yungs kar durba dang/ bya ba nas chu yis bya ba yan chad kyis nang dag pa'i rgyu bstan to/ /gser ram yang na ni/ dngul gyi bum pa dag kyang rung zhes pas bum pa'i rgyu bstan to/ / gtsang ma'i gos zhes pas mgul dkros kyi rgyu bstan to/ /lan grangs nyi shu rtsa gcig gam/ yang na lan grangs brgya rtsa brgyad ces pas bzlas brjod kyi grangs bstan to/ /rgyal po rtag tu khrus kyis shig pa ni khrus bya'i thabs dang gdams ngag go /dbang po nyams zhes pa ni yid kyi dbang po nyams pa la bya/ kha cig na re mig la sogs pa'i dbang po nyams pa la yang bya zer ro/ /tshe zad ces pa ni sngon gyi rnam par smin pa'i tshe zad pa'o/ /'phral gyi rkyen gyis bsgyur pa la ni tshe nyams zhes bya'o/ /phun sum tshogs min gang chags dang zhes bya ba chos kyis 'phongs pa'i las byas pas de'i longs spyod dang mi ldan pa la bya'o/ /kha cig na re ser sna'i las spyad pas longs spyod mi ldan pa la bya zhes zer/ lha rnams rgyab kyis phyogs pa dang/ zhes pa ni 'jig rten pa dang/

  313. 157a

    'jig rten las 'das pa dag gis grogs mi byed cing 'dod pa mi sbyin pa'i tha tshig go /gzhan dag ni go sla'o/ /rmi lam sdig pa mthong na yang zhes pa ni sems can ngag gis dbang po nyams pa'i rmi lam sdig pa mthong ngam/ tshe zad pa'i rmi lam nas mya ngan ngal nas byung ba'i/ rmi lam sdig pa mthong na yang zhes bya'o/ /gzhan ni go sla'o/ /gang dag yid dge sems dang zhing zhes pas sdig pa lus ngag yid gsum gyi sgo nas mi byed pa ni yid dge ba'o/ /gang gzhan kyi ngor byed pa ma yin pas dge ba spyod pa ni sems dang pa'o/ /gtsang ma'i gos ni srog chags kyi rgyu las ma byung ba la bya'o/ /zab mo sangs rgyas spyod yul ba zhes pa ni mdo sde 'di ye shes kyi ngo bo yin pa'i phyir zab mo'o/ /de ni sangs rgyas nyag cig gi spyod yul yin pa'i phyir gzhan dag gis bshad mi nus pa'i tha tshig go /dris pa de ltar na lag na rdo rjes smras so/ /zhes 'byung ba ci'i phyir zhe na/ smras pa/ de nas sangs rgyas kyi mthu zhes 'byung bas 'di la 'gal ba med do/ /gzhan ni go sla'o/ /mi zad pa'i nad rnams kyang zhes bya ba ni sems can dbang po nyams pa dang bya ba nas rmi lam sdig pa mthong na yang zhes pa'i bar dag la bya'o/ /gzhan dag ni go sla bas ma bshad do/ /rgyal po rtag tu khrus kyis shig pa'o/? /rgyal po zhes bya ba ni bos? pa'i tshig nyid do/ /gzungs ni grangs bzhin bzlas la khrus kyis shig pa'i gdams ngag go /slob dpon bo d+hi satwas mdzad pa'i 'grel pa phyi ma rdzogs so// //lo tsa ba dpal brtsegs kyis bsgyur cing gtan la phab pa// (//rdo rje rnam 'joms kyi gzungs kyi rnga ma bshad slob dpon chen po pad+mas mdzad pa bzhugs so/) /rgya gar skad du/ badzra bi dA ra nA ma d+hA ra Ni byA khyA na badzrA lo ka nA ma/ bod skad du/ rdo rje rnam par 'jom pa

  314. 157b

    zhes bya ba'i gzungs kyi rnam par bshad pa rdo rje sgron ma zhes bya ba/ ma rungs pa thams cad 'dul ba'i rgyal po la phyag 'tshal lo/ /sku gsungs thugs kyi snang ba'i rnam 'phrul gyis/ /bdud tshogs rab 'dul mdzad la phyag 'tshal nas/ 'gro ba'i nyon mongs bgegs tshogs zhi ba'i phyir/ /rdo rje rnam 'joms gzungs ni ci nus dbye// //'di skad bdag gis zhes bya ba la sogs pa 'di dag gis brjod par bya ba la sogs pa ni thog mar smra dgos so zhes na/ de ni rigs pa kho na yin te 'di ni mdo yin pa'i phyir ro/ /rdo rje rnam par 'joms pa zhes bya ba'i gzungs zhes bya ba ni mdo yin la/ 'di skad ces bya ba la sogs pa ni 'di la gdul bya rnams 'dun par bya ba'i phyir gzungs so/ /de rnams la rdo rje rnam par 'joms pa'i rang bzhin bstan par bya ba'i phyir sangs rgyas kyi mthu zhes bya ba nas brtsams te snyoms par zhugs so/ /zhes bya ba'i bar du ni byin gyis brlab pa dang/ rjes su mthun pa'i ting nge 'dzin bstan to/ /de nas lag na rdo rje zhes bya ba nas brtsams te/ rdo rje khro bo las byung ba zhes pa'i bar gyi ni byin gyis brlabs kyis rdo rje rnam par 'joms pa'i rang bzhin gyi dkyil 'khor sprul pa bstan to/ /rdo rje snying pos smras te zhes bya ba nas brtsams te/ thams cad ma pham pa zhes pa'i bar gyis ni dkyil 'khor gyi rang bzhin bstan to/ /sems can thams cad skrag par byed pa zhes bya ba nas brtsams te/ gdon thams cad rlag par byed pa zhes bya ba'i bar gyis mi mthun pa'i phyogs tshar bcad pa bstan to/ /gdon thams cad las thar bar byed pa zhes bya ba nas brtsams te/ sems can thams cad bsrung ba zhes bya ba'i bar gyis ni bstan pa la zhugs pa rnams la phan gdags pa bstan to/ /zhi ba zhes bya ba nas brtsams te/ rmugs par byed pa zhes bya ba'i bar gyis

  315. 158a

    ni las rnam pa gsum mdor bsdus nas bstan to/ /gsang sngags kyi mthu chen po 'di zhes bya ba nas brtsams te/ rab tu smras so zhes bya ba'i bar gyis ni gsang sngags 'byung ba'i rgyu bstan to/ /de dag gis ni mtshan nyid kyis bsdus pa'i don bstan to// //na mo rA ma tra yA ya zhes bya ba nas brtsams te/ se nA pa ta ye zhes bya ba'i bar gyis ni gsang sngags gsungs pa'i thog mar dkon mchog gsum dang/ phyag na rdo rje la phyag btsal ba bstan to/ /twa dya thA zhes bya ba nas brtsams te/ su badzrA ya swAhA zhes bya ba'i bar gyis ni bcom ldan 'das rnam par 'joms pa'i chos kyi dbyings kyi ye shes kyi rang bzhin bskul ba bstan to/ /he phu lu zhes bya ba nas brtsams te/ ?mA ra Na zhes bya ba'i bar gyis ni de kho na nyid kyi ye shes bzhi bskul ba bstan to/ /badzra bi dA ra ya swA hA zhes bya ba nas brtsams te/ kI la kI li ya zhes bya ba'i bar gyis ni de kho na nyid kyi rgyu'i rang bzhin bskul ba bstan to/ /tsu ru tsu ru zhes bya ba nas brtsams te/ badzra pra b+hany+dza nA ya? swA hA/ zhes bya ba'i bar gyis ni khro bo bzhi'i snying po'i sgo nas bskul ba bstan to/ /ma tis+thi ra badzra zhes bya ba nas brtsams te/ a mu ka mA ra ya phaT ces bya ba'i bar gyis ni de dag nyid kyi gsung gi sgo nas phrin las mdzod cig ces bskul ba bstan to/ /nams man+ta badzrA NA zhes bya ba nas brtsams te/ badzra a dku sha dzA ya swAhA/ zhes bya ba'i bar gyis ni khro bo rnams kyi sku gsung thugs ngag gis bcol ba'i phrin las mdzod cig ces bskul ba bstan to/ /na mo ratna tra yA ya zhes pa nas brtsams te/ b+hinda b+hinda badzra hUM phaT zhes bya ba'i bar gyis ni bcom ldan 'das kyi snying po'i sgo nas bskul ba bstan to/ /na ma(rgyud 'grel): tsanda badzra kro d+hA ya zhes bya ba nas brtsams te/ a mri ta hUM zhes bya ba'i bar gyis ni de kho na nyid kyi nye ba'i snying po'i

  316. 158b

    sgo nas bskul ba bstan to/ /de dag gis ni phrin las la bskul ba'i bsdus pa'i don bstan to// //sdig pa thams cad byang byas nas zhes bya ba nas brtsams te/ dpal kun gyi ni legs par brgyan zhes bya ba'i bar gyis ni gzungs 'di'i dkyil 'khor sgrub pa bstan to/ /sems can dbang po nyams pa dang zhes bya ba nas brtsams te/ rmi lam sdig pa mthong na yang zhes bya ba'i bar gyis ni ji lta ba bzhin du bsgrubs pas tshe 'di dag dang gzhan la gnod par gyur pa'i mi mthun pa'i phyogs 'di lta bu dag yod na yang spang par 'gyur ro/ /zhes bya bar bstan to/ /des ni rab bkrus gtsang ma yin zhes bya ba nas brtsams te mdo sde 'di ni nyan byed na zhes bya ba'i bar gyis ni mdo sde 'di nyan pa'i thabs bstan to/ /mdo sde 'di yi gzi brjid kyis zhes bya ba nas brtsams te/ sdig pa kun las rnam par thar/ zhes bya ba'i bar gyis ni mnyan pa'i phan yon bstan to/ /nor bu yungs kar dur ba dang/ zhes bya ba nas brtsams te/ gtsang ma'i gos kyis dkris zhing bkang zhes bya ba'i bar gyis ni khrus byas pa'i yan lag gi gtso bor bum pa'i cho ga bstan to/ /lan grangs nyi shu rtsa gcig gam zhes bya ba nas brtsams te/ rgyal po rtag tu khrus kyis shig ces bya ba'i bar gyis ni mdo bklag pa'i grangs bstan pa'i sgo nas khrus byas pa'i cho ga bstan to/ /de dag gis ni phan yon gyi bsdus pa'i don bstan to// //de lta bu'i mtshan nyid kyi ye shes dang ldan pa'i bcom ldan 'das ni brjod par bya ba yin la/ gzhung 'di ni brjod par byed pa yin no/ /mdo 'di bshad pa'i sgo dang ldan pa'i nyan pa pos don ji lta ba bzhin du khong du chud pa ni dgos pa yin no// //khong du chud pa'i gang zag gis 'bras bu rnam pa gnyis mngon du gyur pa ni dgos pa'i dgos pa yin no/ /'di dag gi don 'brel

  317. 159a

    pa ni don gyis shes par bya ste/ 'di ltar bstan bcos dang ni dgos pa'i don/ /'brel pa bzhi ni gnyis la gnas/ /de bstan 'dus pa de'i phyir/ /dgos las logs shig ma bstan to/ /zhes bshad pa lta bu'o/ /rdo rje rnam par 'joms pa'i gzungs kyi bsdus pa'i don bstan to// //de ltar bsdus pa'i don bstan nas da ni tshig gi don bshad par bya ste/ 'di ltar mdo don smra bar 'dod pa yis/ /dgos pa bsdus pa'i don bcas dang/ tshig don bcas dang mtshams sbyar bcas/ /brgal lan bcas pas bsnyad par bya zhes bstan pas so/ /'di skad du/ gzhung 'di ji lta bu zhig /nyan pa po su zhig gis thos pa na/ dus ni gang zhig gi tshe/ ston pa ni su zhig /gnas ni gang du bstan zhes na/ rtog pa de dag bsal ba'i phyir lcang lo can na bzhugs pa'i sa bcu'i dbang phyug rdo rje 'dzin pas 'di skad ces bya ba la sogs pa gsungs te/ 'di skad ces bya ba ni bcom ldan 'das kyi gsungs pa'i don la/ 'di la cung zad kyang lhag pa dang chad par gyur pa med do/ / zhes bya ba'i don to/ /bdag gis zhes bya ba ni bdag nyid kyi bcom ldan 'das la mngon sum du thos kyis brgyud pas ni ma yin no zhes bya ba'o/ /thos pa zhes bya ba ni bdag gis rna ba'i rnam par shes pas thos pa yin gyi rtog pa la sogs pas ni ma yin no zhes bya ba'o/ /dus gcig na zhes bya ba ni bcom ldan 'das kyis nam gyi gung thun la bdud kyi dpung gi tshogs chen po 'dul bar 'gyur na'o/ /zhes bya ba'o/ /yang na bdag nyid thos pa mang ba'am tshad ma'i skyes bu yin par yang bstan to/ /bcom ldan 'das zhes bya ba ni bdud bzhi bcom pa dang ldan pa ni bcom ldan 'das te/ shAkya thub pa zhes grags pa'i rab tu byung ba'i cha lugs can te/ 'di ltar bcom pa'i phyir na/ bcom ldan 'das ces bstan pa'i phyir ro/ /rdo rje la bzhugs te zhes bya ba ni byang chub kyi shing dang

  318. 159b

    ldan pa'i rdo rje gdan la sgo bzhi la sogs pas brgyan pa'i gzhal yas khang phun sum tshogs pa'i dbus na rdo rje'i skyil mo krung bdud 'dul ba'i phyag rgyas bzhugs so/ /yang na byams pa chen po ting nge 'dzin la snyoms par zhugs pa la bya ste/ byams pa chen pos bdud kyi stobs dag bcom zhes bstan pas so/ /'di la 'khor gzhan ni med do snyam na bden te/ bcom ldan 'das kyi nye gnas su gyur pa 'phags pa kun dga' bo la sogs pa med kho na yin te de'i dus na ma byung ba'i phyir ro/ /'on kyang bskal pa bzang po'i byang chub sems dpa' la sogs pa rnams ni don gyis yod par shes par bya ste/ de lta ma yin na bdag cag gi lus dang 'gal bar 'gyur ba'i phyir ro/ /yang na dkyil gyi yan lag tu gyur pa'i rig pa'i khro bo rnams kyis yin par shes par bya'o/ /'di skad ston te/ gnas pa la sogs pa ma bstan na gzhan dag gzhung 'di las som nyir 'gyur ro snyam du dgongs pa ste/ 'di ltar ston pa dang ni 'khor dbang po zhes bstan pa yin pas so/ /de dag gis ni 'dul bya 'dun par bya ba'i phyir phun sum tshogs pa rnams dang ldan pa'i gleng bzhi gsungs pa yin no/ /de ltar 'dun par bya ba'i 'og tu ci zhig bstan zhe na/ de'i rang bzhin bstan pa'i phyir sangs rgyas kyi mthus zhes bya ba la sogs pa gsungs te/ sangs rgyas zhes bya ba ni khyad par du gyur pa'i zag pa zad pa dang ldan pa'i skyes bu chen po ste/ 'di ltar ma rig gnyid las sangs phyir dang/ shes bya la yang blo rgyas pas/ sangs rgyas pad+ma'i 'dab ltar rgyas zhes bshad pas so/ /mthu zhes bya ba ni de dag gi byin gyis brlab kyis te/ khab len gyis lcags 'dren pa lta bu'o/ /lag na rdo rje zhes bya ba kun tu bzang po nyid do/ /lus thams cad ces bya ba ni bsags pa'i phyir na lus te phyag na rdo rje'i tshogs bsags pa las byung ba'i lus kyi cha shas rnams so/ /rdo rjer byin gyis brlab nas zhes bya ba ni rin po/

  319. 160a

    che'i rdo rje ltar bdag nyid kyis ye shes kyi rang bzhin du bskrun pa'o/ /rdo rje'i ting nge 'dzin la snyom par bzhugs so/ zhes bya ba ni mi rtog pa'i ye shes la gnas bzhin du rjes la thob pa'i ye shes kyis sgyu ma'i skur dkyil 'khor sprul pa dang/ rgyud bshad pa la dbang thob par bya'o snyam pa'i ting nge 'dzin thugs rtse gcig par bzhugs pa ste/ 'di ltar rnam par rtog pa'i ye shes kyi ni chos thams cad nam mkha' i dkyil dang 'dra bar mthong la rjes las thob pa'i ye shes kyis sgyu ma lta bur mthong ngo zhes gsungs pas so/ /'di skad ston te/ bcom ldan 'das mngon par rdzogs par 'tshang rgya ba'i bar du gcod pa'i phyir bdud kyi tshogs mang po sa'i steng dang bar snang la lhags par gyur pa na/ de bzhin gshegs pa rnams kyis phyag na rdo rje la byin gyis brlab nas dka' stsal pa/ rigs kyi bu khyod kyis lus ma rungs pa'i khro bor gyur te/ bdud 'di dag thul cig /de skad ces gsungs pa dang/ phyag na rdo rje bdag nyid kyi lus khro bo'i rgyal po chen po rdo rje rnam par 'joms pa sku mdog ljang sngon zhal 'byas pa/ smin ma khro gnyer can ral pa dmar ser/ zhal gcig pa/ spyan gsum pa/ phyag gnyis pa/ g.yas pa rdo rje thugs kar gsor ba/ phyag g.yon pa dkur brten pa/ zhabs g.yon pa rdo rje'i gdan la rkyang pa/ rab tu brjid pa'i 'gying bag dang ldan pa/ dar dang lwa ba'i stod g.yogs dang smrad g.yogs mnabs pa sprul gyis brgyan pa/ me'i tshogs chen po 'bar ba lta bu'i nang na gnas pa/ ma rungs pa thams cad 'dul ba'i skur dkyil 'khor gyi dbus su sprul par gyur te/ de'i rjes thogs la ci zhig mdzad ce na/ de nas zhes bya ba la sogs pa 'khor gyi khro bo sprul pa gsungs so/ /de nas zhes bya ba ni de ma thag pa ste/ gtso bo'i ting nge 'dzin la snyoms par zhugs pa'i rjes thogs la'o/ /lag na rdo rje zhes bya ba ni gang gi lag na rdo rje gnas pa de la

  320. 160b

    de skad ces bya ba ste/ lag na rdzas thogs pa ltar ye shes nye ba na gnas pa'i rtags can no/ /sangs rgyas kyi mthu dang zhes bya ba ni bcom ldan 'das nyag gcig gi byin gyis brlabs kyi dkyil 'khor sprul pa'i nus pa skyed pa'o/ /sangs rgyas kyi byin gyi brlab dang zhes bya ba ni phyogs bcu'i de bzhin gshegs pa thams cad kyi byin gyis brlabs dang po/ /byang chub sems dpa' thams cad kyi byin gyis brlabs kyis zhes pa ni sa chen po la gnas pa'i byang chub sems dpa' rnams kyi nus pa ci yod pa byin gyis brlabs pa'o/ /yang na byang chub sems dpa' zhes bya ba ni/ bdud rtsi thob phyir lam ni ma yin chad/ /lam ngan spong la lam la mnos shig ces/ lta ngan sems can rnams la go bar byed do/ /rgyu des byang chub sems dpa' zhes bshad do/ /zhes gsungs pa'i tshul gyi yin no/ /rdo rje khro bo las byung ba'i zhes bya ba ni rang nyid kyi sku las mtshams bzhir phung bar gyur pa'o/ /'di skad ston te/ sangs rgyas dang byang chub sems dpa' thams cad la byin gyis brlabs kyis phyag na rdo rje sku dang gsung dang thugs byin gyis brlabs te dkyil 'khor sprul pa'i nus pa skyed nas bdag nyid kyi kyang dkyil 'khor sprul pa'i ting nge 'dzin la snyoms par zhugs so/ /khro bo rdo rje gtum po zhes bya ba sku mdog rmug nag zhal gyi bzhin khro gnyer can/ g.yas pa'i phyag gi rdo rje rtse gcig pa 'dzin pa/ phyag g.yon pa thugs kar sdigs mdzub bsgreng ba/ thugs ka nas phyung nas dbang ldan gyi phyogs su bzhag go /de nas khro bo rdo rje kI li kI la ya zhes bya ba sku mdog ljang nag /dpral bar khro gnyer rab tu bsnyer ba/ g.yas pa'i phyag gi rdo rje rtse gcig pa 'dzin la/ thugs kha nas phyung nas me'i mtshams su bzhag go /de nas khro bo rdo rje be con zhes bya ba/ sku mdog mthing nag g.yas pa'i phyag gi gshin rje'i be con bsnams pa/ thugs ka nas phyung nas bden bral gyi mtshams su bzhag go /de nas khro bo rdo rje tho ba zhes bya

  321. 161a

    ba sku mdog nag po g.yas pa'i phyag gis rdo rje tho ba bsnams pa thugs ga nas phyung nas rlung lha'i mtshams su bzhag go /lhag ma ni snga ma bzhin no/ /'di dag ni rtogs par bya ba'i don yin no snyam du dgongs so/ /de ltar rang bzhin gyi dkyil 'khor sprul pa stan nas/ de'i rang bzhin ji lta bu zhig yin zhe na/ de bstan par bzhed nas rdo rje snying pos smras te zhes bya ba la sogs pa gsungs te/ ye shes kyi thugs mnga' bas na rdo rje snying po ste phyag na rdo rje nyid do/ /smras te zhes bya ba ni sangs rgyas dang byang chub sems dpa' thams cad kyi byin gyis brlabs nas 'og nas byung ba rnams gong du brjod pa'o/ /'di skad du gal te phyag na rdo rje nyid kyis bshad pa yin na ni gong du bdag gis thos pa zhes smras pa dang 'gal lo zhes na/ de ni byin gyis brlabs pa ni 'gal ba med do/ /sangs rgyas kyi mthus tshe dang ldan pa shA ri'i bus smras so/ /zhes bya ba lta bu'o/ /de ltar na yang cig nyid yin no/ /zhes ma yin te sngar ni de bzhin gshegs pa'i byin gyis brlabs nas bshad pa yin la/ phyis ni bshad pa'i gzhung bsdus pa yin no/ /de lta na yang sgyon yin no zhes na/ thams cad la thal bar 'gyur ro/ /spro pas chog go /da ni dkyus ma nyid la 'jug par bya ste/ mi chod pa zhes bya ba ni ye shes yin te/ bdud la sogs pas rab tu bcad par mi nus so/ /mi shig pa zhes bya ba ni ma rtog pa'i ye shes de nyid mtshan ma'i rnam par rtog pas gshig par mi nus pa'o/ /bden pa zhes bya ba ni rtag pa'i dngos po dang bral ba'o/ /sra ba zhes bya ba ni nyon mongs pa'i gsos mi mnga' ba'o/ /brtan pa zhes bya ba ni ye shes kyi rang bzhin de nyid gzhan du mi mdor ba'o/ /thams cad du thogs pa med pa zhes bya ba ni shes bya rnam pa gnyis la thogs pa med pa'o/ /thams cad dum pham pa zhes bya ba ni thugs rje chen po'i ye shes kyis khyab pa'o/ /'di skad

  322. 161b

    du ston te gong du dkyil 'khor sprul pa yang byin gyis brlabs pa yin pa ltar/ de dag gi rdo rje snying po bskul nas rang bzhin bstan pa yang 'di yin no/ zhes bya ba'i don to/ /ye shes kyi rang bzhin de lta bu zhig yin na ci mi mthun pa'i phyogs tshar gcod pa yang byed dam zhe na bstan par bya ba'i phyir sems can thams cad skrag par byed pa zhes bya ba la sogs pa gsungs te/ sems can thams cad ces bya ba la sems dang ldan pas na sems can te/ dga' rab dbang phyug la sogs pa'i 'dud rnams so// skrag par byed pa zhes bya ba ni de dag dngangs shing 'bar bar byed pa'o/ /sems can thams cad 'jil bar byed pa zhes bya ba ni bdud kyi rigs su gyur pa rnams 'jigs shing 'byer bar bya'o/ /rig sngags thams cad gcod par byed pa zhes bya ba ni bdud la sogs pas sbyar ba'i rig sngags ngan pa rnams kyi mthu nyams par byed pa'o/ /rig sngags thams cad gnon par byed pa zhes bya ba ni byang sems? la sogs pa'i sbyor ba'i nus pa med par byed pa'o/ /las thams cad 'joms par byed pa zhes bya ba ni sman dang rdzas la sogs pa'i sbyor ba las byung ba'i mthus ngan pa rnams nyams par byed pa'o/ /gzhan gyi las thams cad 'jig par byed pa zhes bya ba ni gcig gis? gcig gi dpung byas nas sbyor ba'i rig sngags la sogs pa'i mthu nyams par byed pa'o/ /gdon thams cad rlag par byed pa zhes bya ba ni gang dag gis ji ltar byas kyang rung ba'i las ngan pa rnams bcom nas med par byed pa'o/ /'di skad ston te bya ba'i rgyud kyi gzungs 'di 'dzin pa'i gang zag gis kyang gsang sngags dag dang/ dkyil 'khor gyi mthu yang de lta bu yin par shes par bya'o zhes bya ba'i don to/ /tshar bcad pa ni de lta bu yin na/ dkar po'i chos dang ldan pa rnams la phan 'dogs par yang byed dam zhe na/ /byed pa yin no zhes bstan par bya ba'i phyir gdon thams cad las thar byed pa zhes bya ba ni 'ga' zhig

  323. 162a

    lha'i gdon la sogs pa de'i nang du khrod cing de dag bdag gir byas pa las phrogs te/ rang bzhin du gnas par byed pa'o/ /'byung po thams cad 'gugs par byed pa zhes bya ba ni 'ga' zhig la sha za ba la sogs pas gnod par byed pa de gzhan du byed pa rnams de dag tshar bcad par bya ba'i phyir bdag gi mdun du 'dren par byed pa'o/ /rig sngags kyi las thams cad byed du 'jug pa zhes bya ba ni lha la sogs pas bdag dang gzhan la gnod pa mi byed pa'i thog tu rig sngags la sogs pa'i sbyor ba de dag la phan 'dogs su 'jug pa'o/ /ma grub pa rnams grub par byed pa zhes bya ba ni gang gis zhi ba la sogs pa bsgrubs pa las 'bras bu ma byung ba rnams kyi 'bras bu'i byin par byed pa'o/ /grub pa rnams chud mi za bar byed pa zhes bya ba ni 'bras bu thob pa rnams slar nyams par mi byed pa'o/ /'dod pa thams cad rab tu sbyin pa zhes bya ba ni gnod sbyin mo la sogs pa dbang du byas nas gter la sogs pa 'grub pa'o/ /yang na 'di nyid las grub pa brgyad la sogs pa 'byung ba'o/ /sems can thams cad srung ba zhes bya ba ni de dag ngan song gi g.yang sa la sogs pa las bzlog nas skyong bar byed pa'o/ /'di skad ston te rgyud 'di la mos shing dbang thob pa'i sngags pas kyang bsgrub na gsang sngags 'di las de lta bu'i las kyi 'gro ba la phan gdags pa 'thob par 'gyur ro zhes bya ba'i don to/ /de ltar phan gdags pa la sogs pa 'grub na mdor na las ci zhig 'grub par 'gyur zhe na/ rgyud 'dir las rnams ni zhi ba la sogs pa gsum yin te/ /'di ltar rgyud las/ zhi ba dang ni rgyas pa dang/ /de bzhin drag shul spyod pa ste/ /mdor na las ni rnam gsum du/ /gsang sngags kun las bsgrags pa yin/ /zhes gsungs pas so/ /de dag 'grub par 'gyur ro zhes bstan par bya ba'i phyir/ zhi ba la sogs pa gsungs te/ zhi ba zhes bya ba ni gang gis sdig

  324. 162b

    pa la sogs pa med par byed pa'o/ /rgyas ba zhes bya ba ni gang gis longs spyod la sogs 'phel ba'o/ /sems can thams cad rengs par byed pa zhes bya ba ni gdug pa can dag gi 'bad? de rtsol med par byed pa'o/ /rmug par byed pa zhes bya ba ni gang gis dran pa nyams par byed pa'o/ 'di skad ston te 'ga' zhig la ma yin pa la sogs pa'i gnod dbyung na sgrub pa po bdag gis sa phyogs dkar po dag du gos la sogs pa dkar po bgos te/ yo byad rnams dkar po bsogs nas 'di dag nyid dang ldan pas zhi ba'i yid kyis zhi ba'i las byas na zhi ba chen po 'grub par 'gyur ro/ /'ga' zhig tshe la sogs pa 'phel bar 'dod mgos la sogs pa ser po gyon te yo byad rnams ser ba bsogs nas rgyas pa'i las byas na rgyas par 'grub po/ /'ga' zhig sha za ba la sogs pa la drag po'i las byed par 'dod nas phyogs nag po dag tu gos lo sogs pa nag po gyon te/ yo byad rnams nag po bsogs nas sdang ba'i yid kyis mngon spyod kyi las byas na rengs pa la sogs pa grub par 'gyur/ zhes bya ba ni don to/ /'di ltar bya ba'i rgyud 'dir rigs du zhig tu 'gyur zhe na/ rigs gsum yin te de bzhin gshegs pa'i rigs la sogs pa'o/ /'di nyid gang gis rigs yin zhe na/ 'di ni rdo rje'i rigs yin te drag shul gyi las bstan pa'i phyir ro/ /de yang rgyu de las/ bde gshegs pas zhe na ba bya brgyad pa pad+ma'i rigs skyes kyis/ /rdo rje rigs gsungs gsang sngags kyi/ /drag shul spyod pa'i las rnams bya/ /zhes gsungs pa las de ltar na sngar bstan pa dang 'gal lo zhe na/ rigs re res kyang las gsum byed pas 'gal ba med de/ de ltar rgyud las/ mkhas pas ci? zhig? su cad la/ /rab la sogs pa bstan pa dang/ zhi ba la sogs bye brag gis/ /las ni rnam pa gsum du bya'o/ /zhes bstan pas so/ /de ltar na 'gal lo zhe na/ 'di ni don gyi gtso bo las dgongs pa yin te/ de yang rgyud nyid las/ gleng bzhi dbang du mdzad nas ni

  325. 163a

    gsang sngags gang dag gsungs gyur pa/ /de nyid de la gtso bor bstan/ /lhag ma gzhan du shes par bya/ /zhes gsungs pa yin no/ /de tsam gyis kyang yid mgu bar ma gyur na/ khyed nyid kyis nyes pa yin gyi kho bo la ni skyon med do shin tu spros pas cho ga go /da ni dkyus ma nyid la 'jug par bya ste de lta bu'i stobs dang ldan pa'i gsang sngags de dag gang zhig gi mthus su zhig gis bstan zhe na de'i phyir gsang sngags kyi mthus chen po zhes bya ba la sogs pa gsungs te/ gsang sngags kyi zhes bya ba ni dam pa ma yin pa dag la sbas pa'i yid skyob par byed pa ste/ 'di ltar rgyud las/ yid kyis skyob par 'gyur pas na/ /sngags kyi bdag ces brjod do/ /zhes gsungs pa'o/ /mthu chen po 'di zhes bya ba ni las mang po dang ldan pa'i nus pa'o/ /sangs rgyas kyis mthus zhes bya ba ni sngar bstan pa lta bu'o/ /lag na rdo rjes rab tu smras so/ /zhes bya ba ni byang chub sems dpa' i khyad par 'ga' zhig la ming gi dbang bskur ba can nges don ji lta bu zhig tu brjod pas so/ /'di skad ston te/ gong du bstan pa'i yon tan rnams dang yang dag par ldan pa'i gsang sngags 'di dag kyang sangs rgyas kyi byin gyis brlab kyi phyag na rdo rje bshad pa yin gyi rang? dgar smras pa ma yin te/ gzhan du na zlos pa'i skyon du yang 'gyur ro/ /zhes bya ba'i don to// gsang ba'i bdag pos de ltar mthu dang ldan pa'i gsang sngags gsungs pas na thog mar su zhig la phyag 'tshal zhe na/ de bstan par bya ba'i phyir na na mo ratna tra yA ya zhes bya ba la sogs pa gsungs te/ 'dir ni thun mong dang thun mong ma yin pa'i dkon mchog gsum la phyag 'tshal lo/ /na ma shtsaN+Da badzra pA Na ye/ mahA yak+Sha se nA pa ta ye zhes bya ba ni bsam pa thams cad rdzogs par byed pa'i gnod sbyin gyi sde dpon chen po thugs drag po dang ldan pa'i phyag na rdo rje la phyag

  326. 163b

    'tshal lo/ /'di skad ston te/ sgrub pa po rnams kyi kyang bsod nams 'phel ba dang las rnams 'grub par byed pa'i gsang sngags brjod pa'i thog mar 'di ltar phyag btsal bar bya'o/ /zhes bya ba'i don to/ /de ltar phyag 'tshal nas ci zhig mdzad ce na/ bcom ldan 'das nyid kyis chos kyi dbyings kyi rang bzhin la bskul ba stan pa'i phyir/ tadya thA zhes bya ba la sogs pa gsung te/ tadya thA zhes bya ba ni 'og ma 'dren par byed pa'i tshig go /oM tra Ta tra Ta zhes bya ba ni chos kyi dbyings kyi ye shes las byung ba'i sprul pas bdag dang gzhan gyi nyon mongs pa la sogs pa gcod pa rnams mthar mdzod cig pa'o/ /tro Ta ya tro Ta ya zhes bya ba ni shin tu sol cig pa'o/ /sphu Ta sphu Ta zhes bya ba spor cig /spho Ta spho Ta zhes bya ba ni shin tu spor cig pa'o/ /g+hur+Na g+hur+Na zhes bya ba ni thar par mdzod cig pa'o/ / g+hur+Na pa ya g+hur+Na pa ya zhes bya ba ni bsreg du ma btub pa rnams gzhan du shin tu 'byer bar mdzod cig pa'o/ /lan gnyis su brjod pa ni shin tu yang don du gnyer bar bya ba yin pas na'o/ /yang na gcig gis ni gtso bo la bskul ba yin la gnyis pas ni 'khor du gyur pa la bskul ba'o/ /sarba satwA ni/ bo d+ha ya/ bo d+ha ya/ zhes bya ba ni sems can thams cad khyad par can gyi sems la gnas par mdzod cig pa'o/ /saM bo d+ha ya saM bo d+ha ya zhes bya ba ni shin tu gnas pa mdzod cig pa'o/ /b+h+ra ma b+h+ra ma zhes bya ba ni phyung zhig pa'o/ /saM b+h+ra ma ya saM b+h+ra ma ya zhes bya ba ni shin tu phyung zhig pa'o/ /sarba bud+ha bo d+ha ni/ ku Ta ku Ta zhes bya ba ni gnod pa rnams dum bur mdzod cig pa'o/ /saM ku Ta ya saM ku Ta ya zhes bya ba ni shin tu gnas par mdzod cig pa'o/ /sarba sha truM nA g+ha Ta g+ha Ta zhes bya ba ni rtse ba med pa rnams gnas gzhan du phyin par mdzod cig pa'o/ /saM g+ha Ta ya saM g+ha Ta ya zhes bya ba ni shin tu phyin par mdzod cig pa'o/ /sarba bidyA badzra badzra zhes bya ba

  327. 164a

    ni las de dag kyang rig pa can khyod kyi rdo rjes mdzod cig pa'o/ /spho Ta ya badzra badzra zhes bya ba ni ye shes kyi gtor cig pa'o/ ka Ta badzra badzra zhes bya ba ni ye shes kyi bsad par mdzod cig pa'o/ ma Ta badzra badzra zhes bya ba ni ye shes kyi dum bur mdzod cig pa'o/ /ma tha badzra badzra zhes bya ba ni ye shes kyi phug cig pa'o/ /badzra aTTa ha nI la badzra badzra zhes bya ba ni khyod kyi ye shes kyi rdo rje sngon po phyag na bsnams pas dbyung ba bcad pa'i 'phrin las mdzod cig pa'o/ /su badzrA ya swA hA zhes bya ba ni gong du bstan pa'i las thams cad kyang chos kyi dbyings rnam par dag pa'i ye shes kyi legs par mdzod cig pa'o/ /'di skad ston te 'ga' zhig gis bcom ldan 'das rdo rje rnam par 'joms pa mdun du bsam te/ de nyid kyis chos kyi ye shes la dmigs nas gsang sngags de dag bzlas nas gang la bya ba'i las sna tshogs pa 'grub par 'gyur ro zhes bya ba'i don to/ /de ltar chos kyi dbyings kyi ye shes la bskul ba bstan nas/ ye shes bzhi la spyir bskul ba stan pa'i phyir/ he phu l+lu zhes bya ba la sogs pa gsungs te/ he phu l+lu/ ni ru phu l+lu zhes bya ba ni me long lta bu'i ye shes la sogs pa las sprul pa'i khro bo rnams kyi sdug bsngal chen po'i rgyu rnams gcod cig pa'o/ /gri h+Na ku lu zhes bya ba ni gzhom par mdzod cig pa'o/ /mi li tsu lu/ ku lu ku lu zhes bya ba ni dag par mdzod cig pa'o/ /badzra bi dza yA ya swA hA/ zhes bya ba ni rnam par rgyal ba'i ye shes kyi rdo rjes zhi bar mdzod cig pa'o/ /kI li kI lA ya swA hA zhes bya ba ni ye shes kyi phur bus zhi ba'i las mdzod cig pa'o/ /ka Ta ka Ta zhes bya ba ni sba bkod par mdzod cig pa'o/ /ma Ta ma Ta zhes bya ba na 'gro ba rnams mya ngan las 'das pa'i bde ba chen po la sbyor cig pa'o/ /

  328. 164b

    ra Ta ra Ta zhes bya ba ni sdug bsngal rnams mi 'phel bar mdzod cig pa'o/ /mo Ta Na pra mo Ta NA ya swA hA zhes bya ba ni mi mthun pa'i phyogs rnams las bsgral bar mdzod cig pa'o/ /tsa ra Ni tsa ra Ni zhes bya ba ni dpal phun sum tshogs pa la sbyor cig pa'o/ ha ra ha ra zhes bya ba ni nyon mongs pa la sogs pa rnams phrogs shig pa'o/ /sa ra sa ra zhes bya ba ni phul du byung ba'i blo bskyed cig pa'o/ /mA ra ya zhes bya ba ni mdor na ye shes bzhi'i rang bzhin bar du gcod pa rnams zhi bar mdzod gcig pa'o/ /'di skad ston te bcom ldan 'das kyi ye shes bzhi la dmigs nas bzlas brjod la sogs pa byas pos de bzhin du 'grub par 'gyur ro/ /zhes bya ba'i don to/ /de ltar thugs kyi rang bzhin ye shes las bskul ba bstan nas khro bo rnams kyi sku'i rang bzhin la bskul ba bstan par bya ba'i phyir/ badzra bi dA ra swA hA/ zhes bya ba la sogs pa gsungs te/ badzra bi dA ra swA hA zhes bya ba ni bcom ldan 'das rdo rje rnam par 'joms pa la sogs pa'i sku'i rang bzhin gyi sems can rnams kyi bag chags ngan pa'i dri ma rnams zhi zhing med par mdzod cig ces bskul ba'o/ /ts+tshinda ts+tshinda mahA kI li kI lA ya swA hA zhes bya ba ni mthar phyin par mdzod cig pa'o/ /b+hinda b+hinda zhes bya ba ni phye mar rlog cig pa'o/ /mahA kI li kI lA ya swA hA zhes bya ba ni khyed kyi sku'i phur bu chen pos nyon mongs pa la sogs pa rnams zhi bar mdzod cig pa'o/ /b+hand+ha b+hand+ha zhes bya ba ni ma rungs pa rnams ching zhig pa'o/ /kro d+ha kI li kI lA ya swA hA/ zhes bya ba ni khrus shing 'khrugs pa'i phur bus las ngan pa rnams med par mdzod cig pa'o/ /'di skad ston te/ bcom ldan 'das kyi sku la dmigs nas bskul ba byas na snga ma ltar 'grub par 'gyur ro/ /zhes bya ba'i don to/ /de ltar 'khor gyi sku'i rang bzhin la bskul ba bstan nas khro bo bzhi'i snying po'i sgo nas bskul ba bstan par bya ba'i phyir tsu ru tsu ru zhes bya ba la

  329. 165a

    sogs pa gsungs te/ tsu ru tsu ru tsaN+Da kI li kI lA ya swA hA/ zhes bya ba ni khro bo chen po rdo rje gtum po'i phur bus bgegs rnams zhi bar mdzod cig pa'o/ /tra sa ya tra sa ya badzra kI li kI lA ya swAhA/ zhes bya ba ni khro bo chen po ni kI li kI la ya'i phur bus bgegs rnams skrag par mdzod cig pa'o/ /ha ra ha ra badzra bi dA ra ya swAhA zhes bya ba ni khro bo chen po rdo rje be con gyi phur bus bgegs rnams 'dar bar mdzod cig pa'o/ /pra ha ra pra ha ra badzra pra b+hany+tsa nA ya swA hA/ zhes bya ba ni khro bo chen po rdo rje tho ba'i phur bus bgegs rnams med par mdzod cig pa'o/ /'di skad ston te bsnyen pa la sogs pa byed pa'i dus su gzungs rdzogs par bzlas par mi nus na khro bo bzhi'i snying po bzlas par bya ba ni 'di dag yin no/ zhes bya ba'i don to/ /de ltar snying po'i sgo nas bskul ba bstan nas de dag gsung gi sgo nas bskul ba bstan pa'i phyir/ ma tis+thi ra badzra zhes bya ba la sogs pa gsungs te/ ma tis+thi ra badzra zhes bya ba ni blo gros phul du byung ba rnams kyi sems rdo rje ltar bstan zhing mi g.yo bar mdzod cig pa'o/ /su tis+thi ra badzra zhes bya ba ni legs par bstan par mdzod cig pa'o/ /pra tis+thi ra badzra zhes bya ba ni rab tu brtan par mdzod cig pa'o/ /mahA badzra zhes bya ba ni chen po rnams kyi tshul du bstan par mdzod cig pa'o/ /a pra ti ha ta badzra zhes bya ba ni rab tu g.yo ba med pa'i ye shes kyi rdo rje legs par gsol cig pa'o/ /a mo g+ha badzra zhes bya ba ni ye shes chen po'i phrin las rnams don yod par mdzod cig pa'o/ /e hi badzra zhes bya ba ni ye shes kyi rdo rje dang ldan pa gdul bya'i rgyud las gshegs shig pa'o/ /shA g+h+riM badzrA ya zhes bya ba ni byon nas kyi? 'byung? du zhi ba las grub par mdzod cig pa'o/ /d+ha ra d+ha ra zhes bya ba ni ye shes rnams zung zhig pa'o/ /d+hi ri d+hi ri zhes bya ba ni gzung zin pa rnams thogs shig pa'o/ /d+hu ru d+hu ru zhes bya ba ni btags pa rnams mi 'chor bar mdzod cig pa'o/ /sarba badzra

  330. 165b

    ku laM A brta ya zhes bya ba ni rdo rje'i rigs thams cad kyis zhi ba dang ldan pa'i byin gyis brlabs mdzod cig pa'o/ /a mu kaM mA ra ya phaT zhes bya ba ni bar du gcod pa rnams bzlog pa dang gzhom pa'i las mdzod cig pa'o/ /'di skad ston te/ de dag gi gsung gi rang bzhin la dmigs nas bsgrubs na yang snga ma ltar 'grub par 'gyur ro /zhes bya ba ston to de ltar gsung gi sgo nas bsgrub pa bstan nas sku dang gsung dang thugs la spyir bskul ba bstan par bya ba'i phyir/ na ma(rgyud 'grel): sa man+ta badzra NAM zhes bya ba ni rdo rje'i rang bzhin gyis bdag kun nas phyag 'tshal ba'i gnas su mdzod cig pa'o/ /sarba ba laM A brta ya mahA ba le zhes bya ba ni stobs chen po dang ldan pa thams cad kyis stong cing 'gyes pa'i gnas su mdzod cig pa'o/ /ka ta be ta ta le a tsa le zhes bya ba ni ye shes kyi mche ba chen pos bgegs rnams la thob la g.yo bar mdzod cig pa'o/ /maN+Da la mA ye/ a ti badzra zhes bya ba ni ye shes mchog dang ldan pa rnams kyi dkyil 'khor skyong ba rnams bdag la 'go bar mdzod cig pa'o/ /mahA ba le bi ga ra Na zhes bya ba ni stong chen po dang bcas pa rnams kyi bar chod rnams myur du med par mdzod cig pa'o/ /a dzi ti dzwa la dzwa la zhes bya ba ni ye shes chen po'i me 'bar bar mdzod cig pa'o/ /ti Ti ti Ti piM ga le zhes bya ba ni rab tu 'bar bar bsdus pas gnod pa rnams la srungs shig pa'o/ /da ha da ha te dzo ba ti zhes bya ba ni gzi brjid min pa'i mes bsregs par mdzod cig pa'o/ /ti li ti li zhes bya ba ni bcad par mdzod cig pa'o/ /b+hand+ha b+hand+ha zhes bya ba ni bsdoms shig pa'o/ /mahA ba le baM dzwA ku sha dzwA la ya swA hA zhes bya ba ni rdo rje'i lus 'bar ba dang ldan pa'i stobs chen pos bgegs rnams zhi zhing med par mdzod cig pa'o/ /'di skad ston te/ khro bo rnams kyi sku gsung thugs la spyir dmigs nas bzlas par byas na/ yang de bzhin du 'gyur ro zhes bya ba'i don to/ /de ltar sku gsung thugs

  331. 166a

    kyi 'phrin las la sbyor zhing bskul ba bstan nas bcom ldan 'das kyi snying po'i sgo nas bskul ba bstan par bya ba'i phyir/ na mo ratna tra yA ya zhes bya ba la sogs pa gsungs te/ de dag ni sngar bshad pa lta bu'o/ /oM zhes bya ba ni rab tu bsngags pa'i don to/ /bkra shis pa'i don te/ ha ra ha ra badzra zhes bya ba ni gdug pa can rnams kyi srog ye shes kyi rdo rjes phrogs shig pa'o/ /ma tha ma tha badzra zhes bya ba ni ye shes kyi rdo rjes de dag la brdeg par mdzod cig pa'o/ /da ha da ha badzra zhes bya ba ni ye shes kyi rdo rjes sregs shig pa'o/ /pa tsa pa tsa badzra zhes bya ba ni ye shes kyi rdo rjes de dag tshoms shig pa'o/ /d+ha ra d+ha ra badzra zhes bya ba ni gnod pa thams cad 'bros pa rnams gzung zhig pa'o/ /d+ha ra ya d+ha ra ya badzra zhes bya ba ni ye shes can khyed kyi 'khor rnams kyang 'dzin du chug cig pa'o/ /dA ru Na dA ru Na badzra zhes bya ba ni drag tu zung shig pa'o/ /ts+tshinda ts+tshinda badzra zhes bya ba ni gzung zin pa rnams rdo rjes chod cig pa'o/ /b+hinda b+hinda hUM phaT badzra zhes bya ba ni ye shes kyi rang bzhin gyi thugs kyi khos shig pa'o/ /'di skad ston te bsnyen pa la sogs pa byed pa'i dus su bcom ldan 'das la dmigs nas bzlas pa byas na snga ma ltar 'grub par 'gyur ro zhes bya ba'i don to/ /de ltar dbus kyi gtso bo'i snying po'i sgo nas bskul ba bstan nas nye ba'i snying po'i sgo nas bskul ba bstan pa'i phyir/ na ma shtsaN+Da badzra kro d+hA ya zhes bya ba la sogs pa gsungs te/ na ma shtsaN+Da badzra kro d+hA ya zhes bya ba ni dngos grub kyi mchog sgrub pa'i phyir rdo rje khro bo drag po la phyag 'tshal lo zhes bya ba ni/ hu lu hu lu zhes bya ba ni dngos grub gyi bgegs su gyur pa rnams bdag gi mdun du drag du khug cig pa'o/ /tiSh+Tha tiSh+Tha zhes bya ba ni drangs pa rnams bdag gis mdun du gnas par mdzod cig pa'o/ /b+hand+ha b+hand+ha zhes bya ba ni gnas pa rnams chings shig pa'o/ /ha na ha na

  332. 166b

    zhes bya ba ni bcing pa rnams la brdegs shig pa'o/ /a mri te hUM phaT zhes bya ba ni las de dag thams cad kyang mthar phyin cing phyir mi ldog pa'i sa la bzhag nas 'chi ba med pa'i gnas la sbyor bar mdzod cig pa'o/ /'di skad ston te/ sgrub pa 'di la gnas pa'i rnal 'byor pas kyang dad pas bcom ldan 'das la dmigs nas nye ba'i snying po 'di bzlas na/ ji ltar bsam pa de bzhin du grub par 'gyur ro zhes bya ba'i don to/ /de ltar rang rang gi 'phrin las bskul ba bstan nas dkyil 'khor sgrub pa bstan par bya ba'i phyir sdig pa thams cad byang byas nas zhes bya ba la sogs pa gsungs te/ sdig pa thams cad ces bya ba ni mtshams med pa lnga po la sogs pa ngan song du skye bar 'gyur ba'i rgyu dang rkyen rnam pa gnyis so/ /byang byas nas zhes bya ba ni de dag gis spangs shing dag par bya ba'i 'og tu'o/ /sdug bsngal thams cad med par byed ces bya ba ni de dag gi 'bras bur gyur pa sdug bsngal gsum la sogs pa med par gyur pa'o/ /'di skad ston te sdig pa spong ba'i gzhi'i rgyu ni rnam pa gnyis te/ lta ba rnam par dag pa dang/ spyod pa rnam par dag pa'o/ /de la nyan thos bye brag tu smra ba la sogs pa 'dod pa yang dag pa ni btags pa kho na yin te/ tshad ma nyid kyis ma grub pa'i phyir ro/ /nang gi yin par smra ba rnams kyi ltar na/ yang na 'thang pa ma yin te phul du byung ba'i sgrub par byed pa med pas so/ /'o na gang zhe na/ khyad par du 'phags pa'i lam dbu ma'i gzhung kho na la gnas pa yin te/ bden pa gnyis kyi tshul las ma 'das shing mi 'gal bar gnas pa'i phyir ro/ /ci de kho nar zad ba/ dam zhes na/ rgyas par shes rab dang ldan pa rnams kyi rjes su 'brangs nas shes par bya'i kho bo lta bu la ni don zab pa dag ston pa'i nus pa yod re skan/ de yang 'gal ba yin no zhes na bden te/ de dag ni bla ma'i man ngag gis bshad pa yin no/ /de ni lta ba

  333. 167a

    rnam par dag pa yin no/ /'di ltar/ stong nyid bsgoms pas grol 'gyur gyi/ sgom pa lhag ma de don yin zhes bshad pa lta bu'o/ /spyod pa ni gsum ste/ bden pa dang/ pha rol tu phyin pa dang/ gsang sngags kyi spyod pa la brten pa yin no/ /de dag gi nad nas mchog tu gyur pa gzhi gsang sngags kyi spyod pa yin te 'di ltar rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i rdzogs sangs rgyas/ /de dag kun gyi gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa tshad med brnyed/ /gsang sngags spyod pa mnyam med de/ /skyob pa shAkya seng ge yis/ /bdud sde shin tu mi bzad pa'i/ /dpung chen dag kyang de yis bcom/ /zhes rgyud las gsungs pa yin no/ /de gsal bar bstan par bya ba'i phyir/ /rgyud do cog gi rtsa ba ste/ zhes bya ba la sogs pa gsungs te rgyud do cog gi zhes bya ba ni thub pa chen po sku rnam pa gnyis bskul te byung ba'o/ /de ston pa'i gzhung las kyang 'di skad ces bya ste/ ma lus pa'o/ /rtsa ba ste zhes bya ba ni zhi ba la sogs pa'i las thams cad ston pas so/ /dpal kun gyis legs par brgyan zhes bya ba ni bsod nams dang ye shes kyi tshogs mdza' dag 'byung zhing skye ba'i gzhi dang gnas su gyur par dkyil 'khor la sogs pa ston pas so/ /'di skad ston te tshul khrims kyi sdom pa blangs te/ dad pas byang chub tu sems bskyed nas/ slob dpon du dbang bskur ba thob pa'i rnal 'byor pa gzhan dag gis lan gnyis sam gsum du gsol ba btab bam ma btab kyang rung bar mthun mod kyi rgyud dag las byung ba'i cho gas bsnyen pa dang sa'i cho ga la sogs pa bya ste/ 'di ltar rgyud las de nas gzhan yang rgyud kun las/ /dkyil 'khor ji ltar rgyas bshad pa'i/ /cho ga lhag ma lus pa dag /'dir ni lhag par rab tu bshad ces gsungs pa dang/ gzhan yang gang

  334. 167b

    dag du ni rang nyid kyis/ /las kyi cho ga rna med pa/ /der ni spyi yi rgyud dag las/ /gsungs pa'i cho ga mkhas pas brten/ zhes bshad pas na 'gal ba med do/ /de nas rgyud las gsungs pa'i sta gon gyi cho ga bya ste/ dus mtshams dag las smyung byas na/ / nub gcig gam ni nub gsum du/ /gtsang zhing gos dkar gtsang bgos te/ /zla bas sta gon gnas par bya/ /dus mtshams min yang dgos yod na/ /yar gyi ngo yi tshes bzang la/ /zhi ba mchog gi gsang sngags kyis/ /sta gon gnas pa rab tu bya/ /skyu rur sogs khrus rtsi dang/ /dri zhim spos kyi khrus byas te/ /nye reg byas te srog la ni/ /gsang sngags spyan drangs mchod pa byas/ /de nas lhag par mngon bsngags pa'i/ /mchod yon cho ga bzhin du dbul/ /de nas tsan dan dkar po dang/ /sna ma'i me tog kha 'bus dang/ /mal ta yi phreng ba dang/ /bdug pa bdug pa'i mchod pa bya/ /gtor ma mang zhing bzang ba dag /zho dang bcas shing dbul bar bya/ /de nas mar gyi sbyin sreg ni/ /tshul bzhin brgya rtsa brgyad byas te/ /gsang sngags las dang rjes mthun par/ /sardza ra'i sreg blugs dbul/ /bu mos kal ba'i srad bu la/ /mdud pa bdun por lan bdun bsngags/ /dpung pa g.yon pa la bcings nas/ /ku sha'i lo ma bting pa la/ /de nyid kyis ni glo phab ste/ /bka' lung gsol ba btab nas ni/ /rang gi lha'i tshul 'dra bar/ /sems kyis legs par bsam byas te/ /yid la gsang sngags 'don bzhin du/ /ku sha sar pa khris kyi sngas/ /me tog spos kyi klubs pa la/ /ji ltar bde bar nyal bar bya/ /gal te gnyid log pa'i rmi lam na/ /brtan par rtogs pa'i lha mthong na/ /so sor rigs pa'i gzugs dag gam/ /dkon mchog gsum la gcig tsam mam/ /de dag la ni mchod la sogs/ /rgyal sras rdzu 'phrul chen po 'am/ /'khor ni rnam pa bzhi rnams sam/ /bdag nyid cho ga spyod pa'am/ /yang na glos kyis sdud pa'i/ mthong na dngos grub nye 'gyur bas/ /sgrub pa pos ni shes par bya/ /ri dang glang po 'bab chu dang/ /rgya

  335. 168a

    mchod pa ni 'bras bu'i shing/ /dang mo la sogs bya rnams dang/ /seng ge la sogs ri dags tshogs/ /khyu mchog dkra shis rta la sogs/ /bu mo bzang mos brgyan pa dang/ /bum pa bzang pos bkra shis pa/ /rnam pa sna tshogs g.yas phyogs na'o/ /nor dang gos rnams rnyed pa dang/ /de la sogs pa'i rnam dag pa'i/ /rmi lam bzang po mthong na ni/ /blo can grub par shes par bya/ /zho dang 'bras yos 'o ma mar/ /me tog 'bras bu'i rtsa ba dang/ /yang na grub pa'i rdzas kyang rung/ /rmi lam dag na rnyed pa dang/ /de 'dra'i rnam pa mthong gyur na/ /rig sngags grub par gsungs pas ni/ /des na blo dang ldan pa yis/ /bsnyen pa sgrub pa'i las rnams brtsam/ /gal te sngags kyi nor bu 'am/ /sgrub pa'i rdzas rnams thob pa ni de nas bsnyen pa 'am sgrub pa yis/ /las rnams myur du brtsam par bya/ /gos dang khrus dang rgyan dag gis/ bdag nyid brgyan par mthong na ni/ de tsho bsnyen pa'am sgrub pa yis/ /las rnams rab tu brtsam par bya/ /rang gi rig sngags tshul bzhin du/ /mchod pa byas nas rigs yum gyi/ /sna ma'i me tog brgyad dag dang/ /ra zung dag gis mchod par bya/ /tsan dan gyis ni 'dug spos kyis/ /lam brgya nyid du bdugs nas ni/ /de nas lha nyid rmi lam du/ /ci rigs par ni bka' lan gsol/ / u shir yi gzugs brnyan bzhin/ /grog mkhar sa'i snod du bzhag /mchod cing yongs su tshim byas nas/ /lan brgya dag tu mngon bsngags te/ /de ni 'o ma'i nang du 'am/ /yang na sbrang rtsi'i nang du bzhag /dus gsum dag tu legs mchod nas/ /srog tu yang ni gsol ba gdab/ /rnam pa 'di dag nyid kyis kyang/ /yongs su dgyes pa bskyed gyur na/ /de lta bya 'am mi bya ba/ /lha nyid bka' lan gsol bar mdzad/ /smyung byas 'dod pa'i dus mtshams

  336. 168b

    la/ /rig sngags cho ga bzhin mchod de/ /tha chud rnam pa bdun dag dang/ /shing gi snying po dam pa lngas/ /sbyin sreg brgya rtsa brgyad pa 'am/ /yang na bzlas brjod grangs dag gis/ /byas na rig sngags nyid kyis ni/ /myur ba nyid du bka' stsal lo/ /de ltar rig pa sta gon gnas/ /des ni myur 'grub par 'gyur/ /sta gon gnas pa'i cho ga 'di/ /rgyas par rab tu grags pa yin/ /'di dag ni thun mong gi cho ga yin pas na 'dir bstan pa la 'gal ba med do/ /sta gon du gnas pa'i cho ga gsang ba'i rim par phye ba'o/ /de nas nad par sngar langs nas khrus la sogs pa byas te dkyil 'khor byugs la thig gdab par bya'o/ /de yang sgo bzhi dang/ kha khyer dang dra ba dang/ dra ba phyed pa dang/ nyi ma dang/ zla ba dang/ rnga yab shin tu mdzes pa dang/ phyi'i khor yug la rdo rje'i phreng ba ?? chen po dang bcas pa dang/ nang gi khyams dang ra ba chung du dang/ sna tshogs pad+ma rnams kyi thig gdab bo/ /de nas tshon rtsi byin gyis brlabs la/ bri ba ni gzhal yas khang rim pa lngar byas te/ phyi rol nas brtsams nas dkar po dang/ dmar po dang/ ser po dang/ ljang gu dang/ nag po'i nang du ste go rims bzhin no/ /phyogs kyi kha dog gi nges pa yang 'di nyid yin no/ /dbus su sna tshogs pad+ma brgyad pa bri'o/ /rdo rje'i ra ba ni nag pa'o/ /khyams kyis gzhi ni dmar po'o rin po che'i pa? gu ni ser po'o/ /mu tig ha ra ni nag po'o/ /rta babs ni kha dog sna tshogs pa'o/ /bcu gcig rdo rje dkar po'o/ /chos kyi 'khor lo ser pro'o/ /ri dags ni nag po bri'o/ /pad+ma'i dbus su btso bo'i phyag mtshan rdo rje rtsa dgu pa bri bar bya'o/ /dbang ldan nas bzung sti mtshams bzhi'i ni don? pa gyes pa dang/ rdo rje rtse gcig pa dang/ btson rdo rjes mtshon pa dang/ rdo rje tho ba rnams go rims bzhin du'o/ /khyams la ni bkra shis kyi lha mo rnams dang 'jig rten skyong ba rnams kyi mtshan ma bri'o/ /de ltar bris nas bum pa

  337. 169a

    la sogs pa'i rdzas rnams bkod nas khrus byas te gnas la sogs pa bskyed de/ lha rnams ji lta ba bzhin spyan drangs nas phyag rgya rnams bstan par bya'o/ /de la dang po ni rigs kyi snying po'i phyag rgya'o/ /gnyis pa ni lha so so'i 'o// gsum pa rigs kyi yum gyi'o/ /bzhi pa ni dam tshig chen po'i phyag rgya'o/ /de la rigs kyi snying po'i phyag rgya ni lag pa phan tshun du khu tshur bcangs te/ g.yas pa'i mthe bong bstan pa'o/ /sngags ni badzra d+h+rika swA hA zhes bya'o/ /lha so so'i phyag rgya ni rdo rje rnam par 'joms pa'i phyag rgya ni lag pa gnyis thal mo khong stong du sbyar la srin lag gnyis nang du bcug ste/ phan tshun bsnol ba'i rtse mo mdzub mo'i drung du cung zad dbyung bar byas nas/ gung mo gnyis pa'i phyi rol nas mdzub mo gnyis bkug la bar nas gang tsam gyis ma reg par byas te/ mthe bong gnyis dang mthe'u chung gnyis bzhibs pa'o/ /sngags ni gong du bstan pa'o/ /yang na oM badzra dzwa la ya swA hA zhes bya'o/ /rdo rje gtum pa'i phyag rgya ni lag pa g.yon pa'i mdzub mo gnyis ka'i logs su bzhag la g.yas pa'i sor mo gsum rdo rje ltar byas pa'o/ /sngags ni/ oM tsu ru tsu ru tsaN+Da li/ kI li kI lA ya swA hA zhes bya'o/ /rdo rje kI li kI la ya'i phyag rgya ni lag pa gnyis kyi khu tshur bcangs pa cung zad bsnol ba'i tshul du bcug ste/ mthe bong gnyis gyen du gshibs nas bsgreng ba'o/ /sngags ni oM trA sa ya trA sa ya badzra kI li kI la ya swA hA zhes bya'o/ /rdo rje be con gyi phyag rgya ni phyag 'tshal ba'i thal mo sbyar ba las mthe bo gnyis bsgrengs te/ tshigs bkug nas/ srin lag gi mdun du gzugs par bya ste/ sngags ni oM ha ra ha ra badzra d+ha rA ya swA hA/ zhes bya ba'o/ /rdo rje tho ba'i phyag rgya ni lag pa gnyis khu tshur

  338. 169b

    bcangs la mthe bong gnyis bsgreng/ mthe'u chung gnyis nang du gzhug go /sngags ni oM pra ha ra pra ha ra badzra pra b+hany+dza nA ya swA hA/ zhes bya ba'o/ /rdo rje'i rigs kyi yum gyi phyag rgya ni phyag 'tshal ba'i thal mo las mdzub mo gnyis dang srin lag gnyis lag pa'i nang du bcug pa'o/ /sngags ni oM ku laM d+ha ri band+ha band+ha swA hA/ zhes bya ba'o/ /dam tshig chen po'i phyag rgya ni srin lag gi tshig par ma mthe bos mnan mthe'u chung dang gung mo gnyis gzhibs te bsgreng/ mdzub mo gnyis gung mo'i tshigs gsum par bcug pa'o/ /sngags ni oM shaM ka re mahA sa ma ye swA hA zhes bya'o /de nas 'jig rten skyong ba dkug nas rang rang gi phyag rgya bstan te/ thams cad la mchod pa la sogs byas nas gtor ma sbyin te/ sbyin sreg byas la/ man ngag ji lta ba bzhin du dkyil 'khor rnams kyi bzlas brjod bya'o/ /dkyil 'khor gyi cho ga rim par phye ba'o/ /de rgyud las gsungs pa'i rigs gzung ba'i cho ga bya ste/ slob ma dkyil 'khor phyag byas nas/ khyad par du ni yon phul te bla ma'o kha nas mngon sum du/ /rig sngags yongs su bzung bar bya/ /snyim pa me tog gis bkang nas/ /gus shing rim gro bskyed bya ste/ /bla mas thog mar lan gsum bzlas/ /rang gis lan gsum bzlas te mchod/ /de nas yi ge mang po'i sngags gi wang gis ni shog shog la/ /ji skad bstan pa mngon bris te/ /de nas ci bder kha ton bsgrub/ /bla mas ji ltar mgu ba las/ /dus tshams dag gam tshes gzhan la/ /rig sngags dag nas byin pa dag /cho ga bzhin du gus par nos/ /slob ma legs par mnos pa de/ /ring por mi thogs 'grub par 'gyur/ /ma bsnyen par yang de la ni/ /rtag tu de la nye bar gnas/ /yang na gser la sogs pa yi/ /bum pa gsar zhing gtsang la bzang/ /skyon kun rnam par nges pa la/ /bkra

  339. 170a

    shis ngo mtshar dag kyang byas/ /de la spos chu 'ba' zhig med/ /khyad par du ni bsham byas nas/ /gtsang mar byas te nub gcig gam/ /nub gsum du ni smyung byas te/ /srod la rab tu brtsams bya ste/ /cho ga 'di dag spyad par bya/ /gsang sngags rig sngags gdams pa dag/ grog la sogs shog shog la/ /gi wang gi ni mnyam bris te/ /shog shog rnams ni lhan cig gzhug /rig sngags rgyal pos legs par ni/ /dri dang me tog bdug mchog ste/ / de bzhin lha bshos mar me dang/ /sbyin sreg las kyi mchod par bya/ /de ni cho ga 'di dag gis/ /nub gzhan sta gon gnas pa la/ /bden pa dang ni dam tshig gis/ /khyad par du ni gsol ba gdab/ /lan brgyar bsngags nas yang dang yang/ /bdug spos kyi ni rab bdugs te/ /dri zhim khrus byas gtsang byas nas/ /phyag byas yid la bsams nas su/ /bsang byed bcas pa'i lag pa yis/ /de las gcig ni dbyung bar bya/ /de shes nas ni phyag 'tshal te/ /gus pas spyi bo'i steng du bzhag /zhes rab can gyi bsngags te sgrub/ /de nyid de las myur du sgrub/ /shes rab can gyis gzhan mi sgrub/ /sgrub na yang ni 'chi bar 'gyur/ /gang zhig grub nas byin pa dag /cho ga bzhin du de mnos na/ / sgrub pa po yi lha yin te/ /de la de ni 'grub par shes/ /rig sngags yid kyis gsol btab nas/ /lan brgyar yongs su bzlas brjod de/ /'dir ni khyer cig khyer cig ces/ /me tog dri zhim bdag gis brgyan/ /bcom ldan 'di la bsnyen pa dang/ /'di la rab tu go bar mdzod/ /bcom ldan bdag gis bzung lags kyis/ /bdag la go bar mdzod ces bya/ /slob dpon dang ni slob ma yis/ /rig sngags sbyin zhing yongs bzung ba'i/ /cho ga 'di ltar byas

  340. 170b

    nas ni/ /lha nyid rab tu grub par 'gyur/ /mkhas pas rig sngags grub pa kun/ /grub pa nyid du shes par bya/ /rnam pa da lta'i rdzas dag dang/ /tshul bzhin thob ste bsnyen mi dgos/ /zlos la grub? pa po ? sngags? tshul bzhin bzlas pa yis/ /bsnyen pa tshad byas gang yin pa/ /de yang ma bsnyen 'grub par 'gyur/ /dngos grub phyir ni gsang sngags yin/ /me tog 'bras bu rtsa ba dang/ /rdo gu gos dang gser dang zho/ /'bras dang nor bu bu mo dang/ /mal cha rnams dang lham dag dang brgyan gyi rnam pa thams cad dang/ /sgrub pa'i yo byad rnams dang ni/ /glang po ba lang rta la sogs/ /bkur sti rnam pa du ma dang/ /bdag gi bdog pa thams cad dbul/ /gus par thal sbyar phyag 'tshal te/ /bdag nyid kyang ni dbul bar bya/ /de ltar cho ga shes pa yis/ /rnam pa sna tshogs ci rigs par/ /bla ma la ni yon dbul te/ /de nas gsang sngags nod par bya/ /rig sngags yongs su gzung ba'i rim par phye ba'o// //'di dag kyang mkhas pa rnams kyis rtogs par bya ba'i don yin no/ / shin tu spos pas chog go /da ni dkyus ma nyid la 'jug par bya'o/ /de ltar bsgrub pas cir 'gyur zhe na/ /tshe 'di dang gzhan dag la gnod par 'gyur ba 'di lta bu dag yod par 'gyur ro/ /zhes bstan par bya ba'i phyir/ /sems can dbang po nyams pa dang/ zhes bya ba la sogs pa gsungs te/ sems can sngar bshad par zad do/ /dbang po nyams pa dang zhes bya ba ni mig la sogs pa'i dbang po la skyon byung ba'o/ /tshe zad pa dang zhes bya ba ni srog gi dbang po gnas pa'i rgyun chad pa'o/ /tshe nyams dang zhes bya ba ni de nyid nyams rmas par gyur pa'o/ /phun sum tshogs min gang chags dang zhes bya ba ni bkra shis pa ma yin pa'i dngos po rnams nye bar gnas pa'o/ /lha rnams rgyab kyi phyogs ba dang/

  341. 171a

    zhes bya ba ni sngon gyi dus na bdag dang gzhan srung ba'i rgyal po bzhi la sogs pa rnams bdag cag la skyobs mi byed ba'o/ /mdza' sdug skye bo sdang ba dang/ zhes bya ba ni bdag gi bu la sogs pa nye dur gyur mdza' zhing yid bcugs pa rnams la rgyal po la sogs pa 'tshe zhing gnod pa'o/ /bram ze la sogs gces pa dang zhes bya ba ni 'khor du gtogs pa'i zho shas 'tsho ba rnams la gzhan dag gis gtses par gyur pa'o/ phan tshun mthun pa ma yin dang zhes bya ba ni de dag phan tshun zhes 'gras pa'o/ /nor bsgribs pas ni gnod pa dang zhes bya ba ni bdag dang gzhan gyi bdog pa rnams nyams par gyur pa'o/ /mya ngan ngal dang gnod pa dang zhes bya ba ni mya ngan zhes bya ba ni sems mi bde ba'o/ /dal dang zhes bya ba ni nyid kyi lus rab tu sdug bsngal bar gyur pa'o/ /gnod pa dang zhes bya ba ni rgyu de gnyis kyi sha za la sogs pa'i gzugs rmi lam du snang ba'o/ /'jigs pa dang ni phongs pa dang zhes bya ba ni 'jigs pa zhes bya ba ni rgyu med par spu zing zhes byed pa'o/ / yang na rgyal po'i chad pa la sogs pa'o/ /phongs pa zhes bya ba ni nor nyams pa'i lnga ltas byung bas bdag nyid thogs pa skyes pa'o/ /gza' dang rgyu skar byad stems dang zhes bya ba la/ gza' dang zhes bya ba ni nyi ma la sogs pa'i gnod pa'o/ /rgyu skar zhes bya ba ni smin drug la sogs pa'i gnod pa'o/ /byad stems zhes bya ba ni drang srong gi dmod pa la sogs pa'o/ /mi zad gdon gyi nyen pa dang zhes bya ba ni srin po la sogs mthu chen po dang ldan ma rungs pa rnams kyis gzung ba'o/ /mya ngan mngal nas byung pa'i zhes bya ba ni lus dang sems gdungs par gyur pa las byung ba'o/ /rmi lam sdig pa mthong na yang zhes bya ba ni thabs 'dis de dag rnams spong bar 'gyur ro/ /zhes bya ba ni lhag ma'o/ /'di skad

  342. 171b

    ston te gong du bshad pa dang/ 'og nas 'byung ba'i chog rnams tshul bzhin du bsgrubs na 'gro ba rnams kyi dbang po nyams par gyur pa la sogs pa gnod pa rnams byung bar gyur na yang nges par grol bar 'gyur ro/ /zhes bya ba'i don to/ /phan yon de lta bu dag dang ldan par ston par byed pa'i mdo 'di thog mar mnyan dgos yin nam zhe na/ de ni dgos pa kho na yin te/ dkyil 'khor du 'jug pa'i yan lag yin pa'i phyir ro/ /de la thog ma nyid du mdo sde 'di mnyan pa'i thabs bstan par bya ba'i phyir de ni rab bkrus gtsang ma yi zhes bya ba la sogs pa gsungs te/ de ni zhes bya ba ni dkyil 'khor du 'jug par 'dod pas so/ /rab bkrus gtsang ma yin zhes bya ba ni/ gdong la sogs pa dag par byas te/ spos la sogs pa dri zhim pos byugs pa'o/ /mdo sde dam pa mnyan par bya zhes bya ba ni phan yon mdza' yas pa dang ldan pa'i gzungs 'di mnyan zhing bklag par bya'o/ /'di la 'ga' zhig 'di snyam du sems te dkyil 'khor du ma zhugs pa la rgyud bshad pa ni nyes par 'gyur ro zhes na/ ma yin te 'di gzhung tsam bstan pa la ni nyes pa med par shes par bya'o/ /de lta na yang skyon yin no snyam du sems na thams cad yang de ltar 'gyur ro/ /gzhan du yang spros pas chog go /da ni dkyus ma nyid la 'jug par bya ste/ gang dag yid dge sems dang zhing zhes bya ba la gang dag ces bya ba ni gang yang rung ba'o/ /yi dge ces bya ba ni 'tsha ba med pa'i sems dang ldan pa'o/ /sems dang zhing zhes bya ba ni dad pa dang ldan pa'o/ /yang na snga ma ni dad pa gnyis dang ldan pa yang yin la phyi ma ni dang ba'i dad pa dang ldan pa la bya'o/ /gtsang ma'i gos kyi rab brgyan te/ zhes bya ba ni du gu la'i ras la sogs pa smad pa ma yin

  343. 172a

    pa'i gos bgos pa'o/ /zab mo sangs rgyas spyod yul ba zhes bya ba la zab mo zhes bya ba ni tshig dang don gzhan dag gis rtogs par mi nus pa'o/ /sangs rgyas spyod yul ba zhes bya ba ni de bzhin gshegs pa nyag gcig gi spyod yul du gyur pa'o/ /mdo sde 'di ni nyan byed na zhes bya ba ni de lta bur gyur pa'i mdo sde 'di nyan cing klog par byed na zhes bya ba'o/ /'di skad ston te gong du bstan pa'i mi mthun pa'i phyogs rnams spang bar 'dod pa'i gang zag gis spyod lam 'di lta bu dag dang ldan par bya ste/ gzungs 'di nyin pa la sogs pa bya ba'i don to/ /de ltar mnyan pa las phan yon ci zhig 'gyur zhe na/ gzhan dag kyang thob par 'gyur ro/ /zhes bya ba'i phyir mdo sde 'di gzi brjid kyis zhes bya ba la sogs pa srog chags dag ni thams cad kyi zhes bya ba gang gi phyed du bya ba thams cad kyi'o/ /mi bzad pa'i nad rnams kyang zhes bya ba ni 'brum bu me dpal nag po la sogs pa shin tu sdug cing spang bar dka' ba'i nang chen po spang ngo/ /de dag thams cad zhi ba lta zhes bya ba ni de lta bu dag kyang zad cing dengs par 'gyur bar shes par bya'o/ /tshe dang bsod nams 'phel bar 'gyur zhes bya ba ni tshe 'di la'o/ /sdig ba kun las rnam par thar zhes bya ba ni tshe rabs gzhan gyi'o/ /'di bstan te mnyan pa las phan yon 'di lta bu dag byung na gzhan du dkyil 'khor du zhugs shing sgrub pa byas pa la lta smos kyang ci dgos snyam du dgongs pa'o/ /de ltar mnyan pa'i phan yon bstan nas sgrub pa'i yan lag gi gtso bo bum pa'i cho ga bstan pa'i phyir nor bu yungs kar dur ba dang/ zhes bya ba la sogs pa gsungs te/ nor bu zhes bya ba ni nor bu rin po che la sogs pa'o/ /yungs kar zhes bya ba ni rgyal po'i yungs kar ro/ /dUrba zhes bya ba ni rtswa'i?

  344. 172b

    khyad par 'ga' zhig go /rin chen rma med ces bya ba ni gas pa la sogs pa'i skyon med pa'i rin chen sna lnga dag go /tsan dan bcas zhes bya ba ni gor shirSha la sogs pa dri zhim po dag dang ldan pa'o/ /shel dang zhes bya ba ni gong du bstan pa'i nye bar mtshon pa'o/ /rdo rje me tog dang zhes bya ba ni byin gyis brlabs pa'i me tog go /chu yis zhes bya ba las gang zhes bya bar sbyar ro/ /gser ram zhes bya ba la bum pa zhes bya ba ni lhag ma'o/ /yang na ni zhes bya ba ni rnam grangs gzhan ston pa'i tshig go /dngul gyi bum pa dag kyang rung zhes bya ba ni zangs la sogs pa las byas pa dag kyang rung gsungs so/ /gtsang ma'i gos kyi dkris shing dgar zhes bya ba ni bum pa'i mgul par ras gtsang ma kha tshar ma nyams pas dkri bar bya'o/ /'di skad ston te/ gang gi don du bya ba de nyid kyi nus pa dang sbyar nas gser la sogs pa'i bum pa lto ba che ba/ mgrin pa mtho ba kha gyed pa/ mchu 'phyad pa dag par bkrus la mgul pa ras kyi bcings te/ 'bras bu dang ldan pa'i shing gis kha brkyan par bya'o/ /gser la sogs pa rin po che sna lnga/ 'bras bu so ba la sogs pa 'bru sna lnga dang/ sen gri la sogs pa sman sna lnga dang/ bu ram la sogs pa'i snying po lnga dang/ yang dri zhim po'i chu la sogs pa dang bcas pa btsug la lung ji lta ba bzhin bsnyem pa byas nas sngar bshad pa ltar 'gyur ro zhes pa'i don to// //da ni bzlas pa'i grangs bstan pa'i sgo nas gang zhig la khrus bya ba de bstan par bya ba'i phyir lan grangs nyi shu rtsa gcig gam zhes bya ba la sogs pa gsungs te/ de dag ni go bar sla'o/ /rgyal po rtag tu khrus gyis shig ces bya ba ni yan lag gi mchog mgo yin pas so/ /yang na rgyal

  345. 173a

    po nyid la bya ste de yang nye bar mtshon pa tsam du zad do/ /'di skad ston te thog mar bsnyen pa nas brtsams te dkyil 'khor du 'jug pa'i bar du gzungs 'di nyid ci nus par klags shing bzlas nas gzod khrus kyi cho ga bya'o zhes pa'i don to// //da ni cung zad mdo'i mtshan gyi don la 'jug par bya ste/ rdo rje zhes bya ba la rdo rje zhes bya ba ni stong pa nyid dang ldan pa'i ye shes so/ /de las byung ba rnams la yang de skad ces bya ste/ stong pa nyid ni rdo rje bshad ces gsungs pas so/ /rnam par zhes bya ba ni gong du bstan pa'i khyad par rnams so/ /de dag 'joms pa ni zhi zhing rlag par byed pa'o/ /yang na ye shes de nyid kyis gzhan rnam par 'joms pa'o/ /gzungs zhes bya ba ni sgrub pa po rnams kyis bsten cing dran pa bya ba yin pas na'o/ /rdzogs so zhes bya ba ni mthar thug pa nyid do/ /zhes bya ba'i don to/ /'di'i mtshan bstan pas don rtogs pas nus pa'i gang zag la nges par bstan pa'o/ /snyan cing 'jam pa'i tshig dag thob par gyur ba na/ /'gro rnams sems ni rab tu dga' bar 'gyur ba ltar/ /bdag gi legs par sbyar ba'i rnam 'grel 'di thos na/ /mkhas pa rnams kyi yid 'di shin tu dga' bar gyis/ /rdo rje rnam pa 'joms pa'i gzungs 'di bshad pa ni/ /rdo rje sgron ma zhes bya sbyor ba las/ /bdag gis zla 'dra'i dge ba gang thob pa/ /des ni 'gro ba nyon mongs nyer zhi shog /rdo rje rnam par 'joms pa'i gzungs kyi rnam par bshad pa/ /rdo rje sgron ma zhes bya ba/ gsang sngags mdza' dag la mnga' brnyes pa'i slob dpon chen po pad+ma 'byung gnas kyi mdzad pa'o// (//rdo rje rnam par 'joms pa'i 'grel pa bzhugs so/) /rgya gar skad du/ Arya badzra bi dA ra Na nA ma dA ra Ni TI kA ratna swA

  346. 173b

    rA nA ma/ bod skad du/ 'phags pa rdo rje rnam par 'joms pa zhes bya ba'i gzungs kyi rgya cher 'grel pa rin po che gsal ba zhes bya ba/ rdo rje rnam par 'joms pa la phyag 'tshal lo/ /don dam gnyis med mchog tu gsang ba'i bdag /sangs rgyas byang chub sems sogs bskyed mdzad rdo rje'i sku/ /sna tshogs rnal 'byor sku gsum ye shes dag gyur pa'i/ /'jam dpal gsung gi dbang phyug la ni spyi bos mdung/ /rdo rje thams cad 'joms mdzad cing/ /khyad par gdug pa kun 'dul phyir/ /rdo rje'i skur gnas rnams 'joms dang/ /bla ma gzhon nu'i sde la bstod/ /sangs rgyas kun gyi gsungs pa yi/ /don grub rdo rje rnam 'joms ni/ /glam lhas ni byin brlabs nas/ /'jam dpal go chas gsol btab bshad/ /sangs rgyas mchog gis chos gsungs pa/ /mdo sde mdo na ba 'dul ba dang/ /rig pa 'dzin pa'i sde bzhir gnas/ /de yang bzhi ste bya ba'i rgyud/ /spyi dang bye brag de la gnyis/ /rtog pa bdag ni las su bshad/ /rigs gsum phye las rdo rje ste/ /mi bskyod phyag rdor bdud rtsi dang/ /mA ma kI dang lu gu rgyud/ /de dag don ston rdo rje ni/ /rnam par 'dzin gzungs gsungs pa ni/ /leg pa'i snying po gdul phyir dang/ /ma 'ongs pa la phyir gsungs pa/ /'di ni rtsa ba'i rgyud chen te/ /rdo rje lhun po'i ri rab zom/ /rgyud do cog ni brgya rtsa brgyad/ /de'i dang por 'di gsungs pas/ /rtsa ba bshad par rab tu grags/ /rgyud chen de'i don rnams kun/ /mdor bsdus zab mor ston pas na/ /mdo sder bde bar gshegs pas gsungs/ /de yi don rnams mdor bsdu na/ /sngon byung sangs rgyas 'phrul pa dang/ /rjes 'jug mngon rtogs man ngag go /dang po la ni rnam bzhi ste/ /rgyu dang rkyen dang 'bras bu dang/ /de'i 'jug ni bsdu bar 'dod/ /dang po lnga yin gnyis pa la/ /gnyis te de dag gnyis gnyis gsungs/ /gsum pa gsum de dang po la/ /gnyis

  347. 174a

    gnyis dag du shes par bya/ /bzhi pa gnyis su dang po gnyis/ /gnyis pa bzhi ru shes par bya/ /dang po gnyis pa man ngag bzhin/ /dbang po rab 'bring tha ma la/ /bshad pa rnam pa gsum bya'o/ /dgos pa rnam pa gnyis su bstan/ /tshig don brgal lan mtshams sbyar ba/ /rnam pa lngar ni 'dir shes bya/ /de la lha dang sngags dbyer med pas rig pa 'dzin pa'i sde snod de/ /de yang rig pa 'dzin pa'i sde snod gsal ba'o/ /zhes gsungs pa dang/ sngags nyid lha ste de nyid sngags zhes gsungs so/ /de lta bu de la mdo sder yang grags te/ don gnyis mdor ston mdo sde zhes/ gsang sngags mdo sde'i tshul du ngas bshad nyon zhes gsungs so/ /de bshad par bya ba ni lnga ste/ brjod pa bya ba ni stong pa nyid kyi don rdo rje rnam par 'joms pa'i thabs dang bcas pa'o/ /brjod par byed pa ni gzhung gi tshogs so/ /de'i dgos pa ni rgyal po log pa'i snying po dang/ gdon ma rungs pa 'dul ba dang/ ma 'ongs pa'i skye bo byang chub la gnas par bya'o/ /dgos pa'i yang dgos pa ni de dag kyang dngos grub rnam pa gnyis thob par byed pa'o/ /'brel ba ni brjod bya rjod byed dag thabs dang thabs las byung ba ste/ thabs dang thabs byung ji lta bu zhes gsungs so/ /de ni rgyud kyi don nyid bshad par bya ste/ shes rab dang ldan pa la mtshan bstan pas go la/ de yang phan pa'i mjug nas drang bar bya ste/ rdo rje rnam par 'joms pa zhes bya ba'i gzungs zhes smos te/ de la rdo rje ni mi phyed cing mi shig pa'o phyir na ste/ stong pa nyid kyi ye shes so/ /de nyid lha dang gzungs la gdags par bya ste/ de yang rdo rje zhes brjod pas/ /rnam pa kun mchog ldan pa yi/ /stong pa nyid la rdo rjer brjod zhes pa dang/ lha dang sngags ni rdo rjer 'dus zhes

  348. 174b

    gsungs so/ /des ni bdag gi don 'grub par byed pa ste/ 'og nas ston to/ /rnam pa ni dngos po ma lus pa ste/ de yang 'byung po la sogs pa dang/ rnam par rtog pa'o/ /de dag sngags dang rdo rje'i tshig bla dags kyi gnyis su med pa'i ye shes kyis 'joms pa ni med cing brlag par mdzad pa'o/ /de yang 'joms phyir rdo rjer brjod pa yin zhes so/ /des ni gzhan don 'grub par byed pa ste/ de yang 'chad par 'gyur ro/ /yang rdo rje rnam par 'dzin pa zhes pa ste/ don dang rnam pa'i sgo nas brjod do/ /gnyis ka'i don sgrub pa ni gzungs te de yang nyams pa las 'dzin cing mi rjed la don thams cad 'grub pas na'o/ /de yang gnyis te/ don brjod par bya bas 'byung po dang 'khor ba las skyob la/ tshig gi kyang de dag 'byung pa'o/ /de yang nyams pa las ni skyob pa'i gzungs/ /de yang don dang tshig tu 'dus zhes gsungs so/ /zhes bya ba ni ming ste 'di zhes pa'o/ /'di dag gis ni gzhung gi don ma lus pa ston par byed pas/ gsungs pa dang mi 'gal ba yin no/ /ma 'ongs pa dag gis ni rdo rje rnam par 'joms pa nan tan du byas pas bdag dang gzhan gyi don rdzogs par byad do zhes shes par bya'o/ /de ltar mtshan brjod nas/ da ni rdo rje'i mdo'i don bstan par bya ba ni 'di skad ces bya ba la sogs pa gsungs te/ de yang sngon gyi dbang du byas nas rdo rje'i mdo 'byung ba'i rgyu yin la/ ma 'ongs pa la ni 'bras bur yang 'gyur ro/ /de yang mtshan ma med pa'i phun sum tshogs pa lngar 'gyur te/ de la 'di skad bdag gis thos pa zhes bya bas sdud pa po bstan te/ sngon mthong zhing rjes su gnang ba'i bka' bzhi pas 'gal ba med do/ /de la ji ltar thos she na/ de la 'di skad thos zhes pa ni gzhung 'di'i don dang tshig ma lus pa la 'jug par byed de

  349. 175a

    nye bar mngon sum dang ma bcos pa ste/ sgro skur dang bral ba'o/ /sus thos zhes pa ni bdag gis thos pa ni sdud pa po yang phyag na rdo rje nyid kyi mdzad pa ste/ bdag gsang ba thams cad 'dzin pa'i phyag na rdo rjes bcom ldan 'das la rna bas mngon sum du sgra don gyi rnam par thos te/ brgyud pa ma yin pa'o/ /da ni dus phun sum tshogs pa ston te/ de yang dus ji tsam na thos she na/ dus gcig ma thos te mi 'da' bas dus de kun tshogs pa'o/ /des ni dkon par bstan pa'o/ /yang na dus ni skad cig ma ste/ shes rab che bar ston to/ /gang la thos she na/ bcom ldan 'das la thos te zhes gsungs te/ des ni ston pa phun sum tshogs pa ni bde bar gshegs pa la sogs pa'i yon tan dpag tu med pa dang ldan pa'i bcom ldan 'das shAkya thub pa bdud bzhi bcom zhing/ yon tan drug dang ldan pa'i ston pa mchog tu gyur pa las thos par ston to/ /'o na 'di ni bcom ldan 'das kyis ma gsungs la rdo rje rnam par 'joms pas smas? pa? na bcom ldan 'das la thos pa zhes pas ji ltar rung zhe na/ 'di ni bcom ldan 'das nyid kyis gsungs pa yin te/ khro bo gnyis po nyid de nyid kyi ngo bo yin pa dang/ de dag la de'i nus pa zhugs pa yin pas 'gal ba med do/ /mdo gzhan bzhin no/ /gang du thos she na/ gnas phun sum tshogs pa ni rdo rje la bzhugs pa las thos pa ste/ de yang don gnyis med pa'i ye shes yin la/ rnam pa ni rdo rje rin po che'i gnas ri rab kyi shar lho nas rdo rje lhun po ri rab kyi chos? zhes bya bas phyogs la sogs pa rdo rjer gtams par thos pa'o/ /rdo rje gdan ni ma yin te/ rdo rje gdan du sngags gsungs pa ni med de/ de yang bsam gyis mi khyab pa'i mdo las/ shA ri'i bu de bzhin gshegs pa thams cad ni dang po

  350. 175b

    rdo rje gdan la mngon par rdzogs par sangs rgyas pa yin yang der chos gsungs par ni mi 'gyur ro/ /de ci'i phyir zhe na/ der ni bdud 'dul ba las sems can gzhan 'dul ba ma yin te/ rdo rje snying po de da lta'i sems can gyi ma rtogs pa'i phyir ro/ /zhes gsungs pa'i lung dang 'gal ba'i phyir ro/ /der bzhugs pa ni gnas shing brten par ston te mdzad pa rnam pa gsum gyis rdo rje'i skyil krung du rdo rje dang seng ge'i gnas la bzhugs so/ /de ni bzhi pa'i don las gsum pa ste chos ston pa'i don du'o/ /'khor gang dang lhan cig tu thos she na/ phyag na rdo rje zhes pa thog mar drangs nas bstan to/ /de yang ma smos kyang rgyal po lta bu ste de'i dus na 'khor phyag na rdo rje la sogs pa'i rdo rje ming can du grags pa byang chub sems dpa' dpag tu med pa dang/ shA ri'i bu la sogs pa nyan thos dpag tu med pa dang/ 'od srungs la sogs pa'i dgra bcom pa dang gzhan yang lha la sogs pa grangs med pa dang/ lhan cig tu thos par stan te/ rdo rje lhun po'i ri rab kyi zom mdo bzhin no/ /de dag gis ni rdo rje'i mdo 'di'i rgyu dang mdo gzhan las khyad par du 'phags par bstan to/ /'dis ni 'di skad bstan par 'gyur te/ ma 'ongs pa'i gang zag dag rig sngags kyi sgo'i spyod pa spyad par 'dod pa dbang dang dam tshig thob cing yon tan dang ldan pas 'khor bzang po dang lhan cig tu gnas legs par dus bzang po la gnas te/ yo byad dang ldan pas maN+Dal byas la 'og nas 'byung ba'i bum pa bcas pa ste bsgrub par bya'o zhes pa'o/ /de yang sngags pas gnas bzang gnas te dus dang ldan 'khor dang 'byor pa rten dang ldan pas bsgrub zhes gsungs so/ /de ltar rdo rje'i las 'byung ba'i rgyu bshad nas/ da ni de'i rkyen gleng bslang ba bstan pa ni sangs rgyas kyi mthus zhes

  351. 176a

    bya ba la sogs pa gsungs te/ des ni 'khor gyi gtso bo ting nge 'dzin la gnas pa'i gleng bslang gi rgyur 'gyur ba'o/ /de yang dus des bcom ldan 'das kyi 'khor rnams la chos gsungs pa ni thog mar dge ba la sogs pa ste/ 'dzam+bu'i gling na rgyal po gzugs can snying po'i bum skyes dgra zhes kyang grags/ /log pa'i snying po skyes tsam na rkang pa la lcags kyi gzugs can des kha nas mA ra ya 'don cing ma dang pha bsad de 'khor mi dge ba bcu la btsud pas mi ma yin pa thams cad 'khrugs pas nad la sogs pa sna tshogs byung ngo/ /des sems can thams cad sdug bsngal nas skyo ba so so las 'dod zhing smra'o/ /de rgyal po bzhis gzigs nas bcom ldan 'das la bskur bas cang mi gsung bar phyag na rdo rje la bskul te/ rdo rje gsor zhing khas blangs te rdo rje rnam par 'joms pa bstan te/ des sngags gsungs pas 'byung po dang log pa btul te 'di la zhugs pas byang chub thob par bshad do/ /de yang bram ze ni ma yin no/ /de la sangs rgyas ni nyon mongs pa'i gnyid las sad cing/ ye shes pad+ma ltar gyur pa ste/ spangs pa dang ye shes phun sum tshogs pa'o/ /de ni sangs rgyas shAkya thub par bstan te des bskul ba'o/ /de'i mthu ni nus pa ste de'i stobs kyi nus pa dang ldan pa'o/ /gang zhe na/ lag na rdo rje zhugs so zhes bya bar 'brel pa'o/ /don gnyis su med pa'i ye shes 'chang ba yin la/ rnam pa ni sangs rgyas thams cad kyis byin gyis brlabs shing/ gsang ba gsum ston pa drag po'i thogs pa ste 'khor gyi gtso bo gnod sbyin khro bo 'jigs pa mthu/ stobs dang ldan pa sangs rgyas thams cad kyi bstan pa 'dzin par grags pa 'di'o/ /gang ltar zhe na lus thams cad rdo rjer byin gyis rlabs nas zhes pa'o/ /de yang lus ni spyi bo la sogs pa'o/ /thams cad ces pa ngag dang yid kyang ngo/ /

  352. 176b

    rdo rje ni de dag dang stong pa nyid dang/ thogs pa med cing nus pa dang ldan par byin gyis brlabs pa ni bsgyur ba ste nus pa can du'o/ /des ni khro bor 'gyur bar bstan to/ /des ni ma 'ongs pa'i rnal 'byor pa'i 'khor lo bya'o/ /zhes pa'i tha tshig go /gang la zhe na/ rdo rje'i ting nge 'dzin la ste gnyis su med pa'i ye shes dang thogs pa med pa la rtse gcig par snyoms par zhugs pa ni mnyam par bzhag pa'o/ /mdor na stong pa nyid las thugs kyi sprul pa rdo rje rnam par 'joms pa gdon pa thugs rtse gcig par 'gongs pa ste/ khyad par du bstan pa'i phyir ro/ /thugs kyi sprul pa dngos bstan pa'i phyir de nas zhes bya ba la sogs pa gsungs te/ smras so zhes bya bar 'brel to/ /de la de nas ni 'das ma thag pa'o/ /lag na rdo rje ni bshad do/ /sangs rgyas shAkya thub pa la sogs pa thams cad kyi mthu ni nus pa'o/ /byin gyis brlabs pa ni rang bzhin gyi shugs kyis so/ /gzhan yang byang chub sems dpa' ste de yang don dam pa'i 'bras bu gnyis su med pa la smon pa dang 'jug pas gnas pa'o/ /de yang byang chub nam mkha' i mtshan nyid de/ /kun tu rtogs pa thams cad spangs/ /de la sems dpa' gang yin pa/ /byang chub sems dpa' zhes bshad do zhes bya ba dang/ byang chub ni don dam pa'o/ /sems dpa' ni kun rdzob ces gsungs so/ /de yang sems dpa' chen po zhes sbyar ro/ /thams cad ni ma lus pa ste rdo rje spyan ras gzigs la sogs pa'o/ /de dag gis kyang byin gyi brlabs pa ste/ des ni ting nge 'dzin gzhan las khyad par du 'phags pa bstan to/ /lag na rdo rje'i thugs gnyis su med pa'i khro bo gdug pa tshul dgu dang ldan par 'byung ba ni rdo rje khro bo'o/ /las byung pa ni des sprul pa ste bzhi pa'o/ /gang byung zhe na rdo rje snying po ste rdo rje rnam par 'joms pa'i khro bo rdo rje bsnams pa ni lha dang sngags thams cad kyi 'byung gnas su gyur pa'o/ /des rab tu smras pa ni myur bar rab tu sngags gsungs pa ste gsum

  353. 177a

    pa'o/ /'o na 'di ni phyag na rdo rje dang rdo rje rnam par 'joms pas smras pas bcom ldan 'das kyi bka' ma yin zhe na/ 'di ni bcom ldan 'das kyi bka' yin te/ bcom ldan 'das kyis byin gyi brlabs pa'i phyir dang/ tha mi dad pa'i phyir te/ dper na mdo gzhan bzhin no/ /de dag ni phyag na rdo rjes rdo rje rnam par 'joms pa 'khor bcas 'og nas sprul te mdun na gnas pa la bka' sgo nas/ des rdo rje rnam 'joms sngags kyi 'byung po 'dul bar byed pa gsungs pa'o/ /phyag na rdo rjes smras pa ni ma yin te/ rgyud dang 'gal ba'i phyir ro/ /'dis ni 'di skad ston to/ /rnal 'byor pas khrus byas te/ khro bo mi 'chi ba dang gnod pa med par byas te/ stan la gnas nas sprul pa byas la tshogs bsags te/ rdo rje gdan la gnas pas byin gyi brlab par gsol te/ sangs rgyas dang byang chub sems dpa' zhugs pas stong pa nyid la sogs pa'i byang chub pa'i lha drug gis bdag phyag na rdo rjer bya ba dang/ mdun du bum pa lha drug 'khor dang bcas pa bsam pa dang/ spyan drang ba dang/ mchod pa la sogs pa rgyud la brten pa sgrub thabs bzhin du bya'o zhes pa'i don to/ /de yang rgyud las/ dang po khrus byas rnal 'byor pas rdo rje gdan la gnas nas ni/ mchod dang gsol bas lha drug bsgom/ /stong pa yi ge sgra gzugs dang/ /phyag rgya mtshan ma drug yin te/ bum par bskyed sogs rdzogs byas la/ /nor bu spyod lam sngags bzlas te/ /sha la sogs pa bdun spang ngo/ /zhes gsungs so/ /de ltar gleng bslang ba'i rgyu bstan nas/ da ni gleng bslangs pa dngos bstan pa'i phyir/ mi chod pa zhes bya ba la sogs pa gsungs so/ /de yang 'di rnams ni rdo rje rnam par 'joms pas sngags kyi yon tan 'di lta bu zhes tshig tu gsungs pa dngos te/ de la yang gnyis las bdag gi don phun sum tshogs pa ni rdo rje'i tshig bdun gyi bston

  354. 177b

    to/ /de la stong pa nyid dang sngags dang ting nge 'dzin ni rdo rje ste phyi rol rdo rje rin po che la chos bdun yod pa dang 'dra bar 'di la 'byung bas mi chod cing snying po yod pa'o/ /de la chus phye mar mi shig shing mi phyed pa'o/ /bden pa ni gnas pa ste mes thal bar mi 'gyur ba'o/ /srab ni gzhig par dka' ba ste rlung gi gtor du med pa'o/ /tshig de dag gis rdo rje ye shes de la skye ba la sogs pa bzhi dang/ mdza' bzhi dang 'bral bar shes par bya'o/ /des na mtshan ma'i dngos po dang/ gdon thams cad la thogs pa med pa ste gcod cing 'joms la bems po ma yin pa'o/ /de'i phyir mi 'gyur bar gnas pas bstan pa zhes sbyor ro/ /tshur la tshugs sam zhe na/ thams cad du ma pham pa ste rang la nyams pa med cing ma bcom la rgyal bas so/ /de yang sra brtan snying ldan khong stong med/ /mi phyed mi shig mi tshig pas/ /rdo rje zhes ni brjod pa'o zhes gsungs so/ /de dag gis ni sngon byung rgyal po log pa'i snying po la sogs pa nyams su blangs nas bdag gi don chas sku rdo rje lta bu'i ting nge 'dzin dang/ longs spyod rdzogs pa'i sku rdo rje lta bu'i grub pa'o/ /de yang bde gshegs las ni sna tshogs pa ma 'ongs pas na sngon du snyen pa rdzogs pas bdag don 'grub par shes par bya'o/ /zhes bstan to/ /bdag gi don grub nas gzhan gyi don med dam zhe na/ sems can thams cad skrag par byed pa zhes bya ba la sogs pa bco lngas sprul pa'i sku rdo rje lta bus gzhan gyi don 'grub par ston to/ /de yang bsdun las rin ?/ de yang las ni sna tshogs pa mngon spyod brgyad du rnam par grags/ /tshar gcas dang ni rjes bzung ngo/ /zhes gsungs so/ de la sems can ni kun gzhi srog dang bcas shing yid kyi rnam par shes pa dang ldan pa ste skyes gnas bzhis bsdus pa ris drug po thams cad do/ /de dag skrag par byed pa ni lus sems 'jig cing sdangs par byed pa ste drag po tshar gcod par byed pa'i rig sngags 'di

  355. 178a

    smras so/ /zhes bya bar sbyor ro/ /'jil ba ni lus sems spa bkong nas 'gul mi nus pa'o/ /de yang sngags dang lha 'dis byed pa'o/ /de yang drag po'o/ /rig pa ni lha ste de'i sngags ni nus pa can de shes nas skyob pa'o/ /de yang gzhan thams cad kyis sbyar ba ste de dag gcod pa ni nus pa'i rgyud med par byed pa'o/ /de yang drag po'o/ /gnod par byed pa ni nus pa med cing zil gyis mnan nas mi g.yo ba ste/ sgyu mkhan bzang po'i sgyu ma bzhin no/ /de ni dbang ngo/ /zhi ba'i las ni thams cad 'joms par byed pa ste pha rol gyi sbyor ba ngan pa byad stems la sogs pa dang/ gos pas na las te sngon gyi las kyi sgrib pa thams cad do/ /de dag par byed cing bzlog pa'o/ /gzhan ni pha rol te 'byung po sems can no/ /de dag gi las ni nang la sogs pa dang sgrib pa ste 'jigs pa ni brlags par mdzad pa'o/ /gdon ni 'don par byed pa ste lha la sogs pa thams cad do/ /de dag brlag pa ni thal ba'i byed pa ste drag po'o/ thar pa ni sngar bzung ba las grol ba'o/ /de ni zhi ba'o/ /dbang ni 'byung po ni sems can thams cad de khams gsum du 'byung bas so/ /de dag 'gugs pa ni 'dren pa ste dbang du byas nas bstan pa la gnas par byed pa'o/ /rig sngags ni 'jig rten pa dang 'das pa'o/ /las ni nus pa ste zhi ba la sogs pa thams cad 'dis myur du byed du 'jug pa ste las la 'dzud pa'o/ /de yang dbang po/ /sngar ma grub pa ni mngon du ma gyur ba ste lha rnam pa gnyis kyi dngos grub po de dag 'dis grub par byed pa ni mngon sum du gyur pa'o/ /sngar grub zin a ni 'bras bu de yan bar chad kyis mkhyer bar byed cing don yod pa chud mi za ba'o/ /'dod pa ni yid kyi mngon par 'dod cing don du gnyer ba ste nor la

  356. 178b

    sogs pa phun sum tshogs pa thams cad do/ /de dag 'dis sbyin pa ni 'di las byung zhing ster ba'o/ /de dag ni rgyas ba'o/ /srung ba ni nang dang gdon la sogs pa sngar ma 'ongs pa dag phyis mi 'ong par byed cing sdom pa'o/ /de yang zhi ba'o/ mjug bsdu ba ni zhi ba ste nad la sogs pa thams cad med par byed pa'o/ /rgyas pa ni tshe la sogs pa ma lus pa thams cad 'phel bar byed pa ste/ de gnyis dbang ni rjes su gzung ba'o/ /gzhan thams cad ni tshar gcod pa'o/ /drag po'i las la byung po dang sems can gang dag sangs rgyas kyi bstan pa la ma dad pa de dag rengs par byed pa ni mi g.yo ba ste ngag dang lus so/ /rmugs pa ni sems rmongs pa ste ci yang mi shes par byed pa'o/ /gsum pa'i sgra dang 'og gi tshig ni re re la sbyar ro/ /yang ni tshig de rnams ni man nga gi 'og gi sngags re re la sbyar bar bya'o/ /zhes bstan pa'o/ /de lta bu 'di rdo rje rnam par 'joms pas gsung du khro bo'i tshig du smras so/ /zhes sbyor te brjod pa'o/ /gang gis brjod ce na lag na rdo rje 'dir rdo rje rnam par 'joms pa la bya'i/ /phyag na rdo rje dngos ma yin no/ /gang gi brlabs na shAkya thub pa la sogs pa'i nus pas brlabs pa ni sangs rgyas kyi mthu ste/ de yang rgyal ba'i nyan thos pa dag ji rnyed chos ston dang zhes pa la sogs pa dang/ yang ston cing 'tshad pa rnams ni sangs rgyas kyi mthu'o/ /zhes bstan pa'i phyir ro/ /gang lta bu zhe na/ gsang sngags te sba zhing dman pa la mi bstan pas nus pa khyad par du 'phags pa'o/ /zhes bya ba'i tha tshig go/ nus pa gzhan las khyad par du 'phags shing phul du byung ba'i 'og gi rdo rje'i sngags ni mthu chen po 'di zhes pa ste de dag smras pa'o/ /de dag gi ni sngon gyi 'khor la yon tan ni gzhan don thams cad 'grub par bstan la

  357. 179a

    ma 'ongs pa la ni sngon du bsnyen pa tshogs pas sgrub thabs bzhin byas pas de dag 'grub par 'gyur ro/ /zhes pao 'di skad ston te de ltar mchod pa la sogs pa rdzogs nas sngags kyi nor bu bzang ste/ sngags kyi gnas dang ldan pas rdo rje'i tshig dang khro bo'i ngag du bzlas pas bdag dang gzhan gyi don sgrub pa'i phro bsdu bya ste/ de yang bsnyen pa dang las sbyor gyis dus su sgrib pa la sogs pa med pa'i sbyor bas spyod las bya'o/ /zhes pa'i don to/ /de ltar rgyu dang rkyon rnam pa gnyis bstan nas da ni de'i 'bras bu gang bstan par bya ba'i chos phun sum tshogs pa rdo rje rgyud rdo rje'i sngags zab mo sngar gyi yon tan can de bstan pa'i phyir na mo zhes bya ba la sogs pa gsungs so/ /de la bdag gi dag don rtogs sla pa'i phyir brjod par bya ste/ sngon byung ba la ni rdo rje'i sngags 'di dag bkris pa bdag po la mchod pa brjod pa nas rnam par 'joms pa'i rdo rje gsungs pas 'byung po thams cad pa rnam pa bzhis tshar bcad pa dang/ rjes su gzung bas sangs rgyas la skyabs su 'dod pa la sogs pa'i tshul gyi dkyil 'khor du btsud de nas la sogs pa zhi bas mi dag sangs rgyas la sogs pa la dad de/ rgyal po log pa'i snying po yang gnas der 'od zer la zhon te 'ongs nas/ de bzhin du byas pas bkris las thar pa la gnas so/ /de yang 'og nas rgyal po zhes pa'o/ /bskrad pa dang/ las bzhi dang khro bo bzhi dang bcu bskul ba dang/ gtso bo la sogs pa drug po bskul ba'i tshul gyis so/ /ma 'ongs pa'i sgrub pa pos ni sngon du bsnyen pa la sogs pa la bsrung ba dang bsnyen pa la sngags mtshan gsum gang yang rung ba bzlas pa dang/ las sbyar la gnyis su bya ba dang/ las sgrub na gtso bo dang 'brel pa dang 'khor dang gnyi ga dang 'brel pa gsum gyi zhi ba'i la sogs pa'i las lha dang rdzas dang bsam pa dang

  358. 179b

    phyogs dang dus dang sngags dang 'khor lo dang ting nge 'dzin dang bya bas sgrub pa ni sgrub pa'i thabs bzhin du shes par bya'o zhes pa'i don to/ /de yang rnal 'byor bsnyen pa gsum du byas/ /las la gnyis te las la gsum/ /gtso dang 'khor dang 'dul ba ni/ / las bzhi sngags sogs dbye bar bya zhes 'di'i bshad pa'i rgyud las gsungs so/ /da ni gzhung nyid la 'jug par bya ste/ de la dang po bkris pa'i don rnam pa gnyis kyi phyag bya ba ni/ na mo ratna tra yA ya zhes pa la sogs pas gtso bo gsum la 'dud pa'o/ /de dag ni sngags kun la shes par bya'o/ /'bru ni don nyams pa'i phyir bshad par mi bya ste rang nyid kyi sgras shes par byas la don yid la dran par bya'o/ /de nas tshar gcod cing bsrung ba'i sngags ni tadya thA oM la sogs pa ste nye bar sbyar ba'o/ /de yang dang po tha mar ye shes dang drag po dang shes pa'i gzhi 'dzug pa can de bzhin du shes par bya'o/ /da ni gzungs la gsum las dang po rgyas pa ste de yang gtso bo'i sngags ni sarba bidyA badzra badzra zhes pa la sogs pa ste bstod cing bod pa'o/ /ma 'ongs pas ni 'di la sngags gdags bar shes par bya'o/ /las dang 'brel pa ni man ngag bzhin du bzhi pa'i sngags ni he phu lu zhes pa la sogs pa ste snga ma bzhin no/ /tsa ra ni tsa ra la sogs pa ni rgyas pa'i'o/ /ki li ki la ya la sogs pa ni dbang gi'o/ /mA ra ya la sogs pa ni bsad pa'o/ /tshind+ha la sogs pa ni rig sngags bcad pa'o/ /band+ha la sogs pa ni rig sngags mnan pa'o/ /de bzhin skrag par byed pa la sogs pa la yang man ngag bzhin du sbyar ro/ /da ni 'khor gyis sngags bstan pa ni/ tsu ru zhes pa la sogs pa ste/ snga ma bzhin du byas pa ni rdo rje phur ba'i sngags so/ /trA sa ya la sogs pa ni rdo rje be con gyi'o/ /ha ra la sogs pa ni rdo rje tho ba'i'o/ /pra ha raM la sogs pa ni rdo rje gtum pa yi'o/ /de dag stod cing skul bar byed pa ni e hye la sogs

  359. 180a

    pa'i sngags brtag ste bzlas par bya'o/ /de dag dang 'brel pa'i las sngags la zhi ba'i sngags la ma tis+thir badzra zhes bya ba la sogs pa'o/ /rgyas pa'i sngags ni d+ha ra d+ha ra zhes pa la sogs pa'o/ /dbang gi sngags ni na ma sa man ta zhes pa la sogs pa'o/ /gsang ba'i sngags ni a mu kaM mA ra ya phaT ces pa'o/ /rig sngags bcad pa'i sngags ni mahA ba le zhes pa la sogs pa'o/ /rig sngags mnan pa ni da ha zhes pa la sogs pa ste/ 'dir yang thams cad snga ma bzhin du byas pas las kun 'grub par 'gyur te sbyar ba gsum shes par bya'o/ /de yang rdo rje'i gsang sngags 'di yin te/ las kun thogs pa med par 'grub ces gsungs so/ /'dir man ngag gi gtso bo yab yum gyi sngags ni dang po oM dang tha ma'i yan lag bor la dza la la sogs pa'i na byin te ya hUM phaT swA hA gnyis shes par bya'o/ /steng dang 'og de bzhin du byas la 'khor gyi zhi ba'i ku la 'am lam bor te phyag 'tshal ba ni byin de rgyas pa'i d+ha ra'i ra la i byin la gtso bo yi bcing ba gnyis dbrog go/ yang na 'di ltar yang yin te/ thams cad snga ma bzhin la skrad pa'i sha la saM gyi stod phrogs te byin la gtso bo'i zhi ba'i ku ru gnyis kyi u phyi la ka ya e byin te 'khor gyi lha'i ma hA dang dbang gi sa man gyi na bsad pa'i ya gsod la e byin pa ni gcig ste/ de gnyis gang yang rung ba dam tshig bstan cing brtan par bya ba yin no/ /zhes bla mas bstan to/ /yang na de rnams ni sems can thams cad skrag par byed pa zhes pa la sogs pa dang rims pa bzhin sbyar bar bya'o/ /zhes dgongs so/ /da ni snying po bsdu ba bstan pa'i phyir/ na mo zhes bya ba la sogs pa gsungs te snga ma bzhin du shes par bya'o/ /de ltar lha lnga po'i 'khor na gnas pa'i thugs kyi khro bo bcu sngon ni

  360. 180b

    bskul la/ ma 'ongs pa las bzhi 'grub pa yin pas de bshad pa ni/ ha ra ni hUM mdzad bskul ba ste drag po'o/ /d+hu na ni dbyug sngon can de dbang ngo/ /da ha ni gshin rje mthar byed de de yang dbang ngo/ /pa tsa ni mi g.yo ba ste drag po'o/ /d+ha ra ni rta mchog ste zhi ba'o/ /dA ra ya ni gzhan gyis mi thub pa ste rgyas pa'i'o/ /dA ru Na ni bdud rtsi 'khyil pa ste zhi ba'o/ /ts+tshinda ni khams gsum las rgyal ba ste rig sngags bcad pa'o/ /b+hinda ni stobs po che'i sngags te des rig sngags mnan pa 'grub pa'o/ /de dag gis ni bya ba kun snga ma bzhin du sbyar bas las thams cad 'grub par 'gyur ro/ /da ni lha rnams kyi yang snying shin tu yang bsdus pa gsungs pa ni na zhes pa la sogs pa ste de yang gtso bo rnams gnyis la mchod cing de'i snying po'o/ /hu lu ni rdo rje kI la ya'i ste rgyas pa'o/ /tiSh+Tha rdo rje be con gyi zhi ba'i'o/ /bad+ha? ni rdo rje tho ba ? te dbang gi'o/ /ha na ni rdo rje gtum po yi ste drag po yi'o/ /ya mri te ni pho nya dang mngag pa yab yum khro bo mi 'chi ba dang/ lu gu rgyud ma'i sngags te khrus dang bskrad pa la shes par bya ste de dag gis kyang de bzhin du 'gyur ro/ /'di skad ste sngon du bsnyen pa la ni gsum pa gang yang rung bzlas la sgrub pa pas la sgyur ba ni gnyis su shes par bya ste las bsgrub pa la ni man ngag bzhin du sbyar ro/ /de yang bsnyen pa gsum ste sgrub pa gnyis las sgrub so sor shes par bya zhes gsungs so/ /da ni de dag gi mjug bsdu ba cho ga phan yon dang bcas pa phun sum tshogs pa bstan te/ de yang sdug bsngal thams cad sel ba'i phan yon ni/ sdig pa thams cad byang byas nas zhes pa la sogs pa gsungs te/ de dag gi sngon byung du rgyal po log pa'i stobs la sogs pa'i 'khor rnams the tshom skyes pa la de dag brong pa skyed pa'i phyir gsungs la/ ma 'ongs pa la ni sgrub pa'i phan yon du sbyar ro/ /de la sdig ni sgrib bas

  361. 181a

    na sdig pa ste srog gcod pa la sogs pa'i las so/ /thams cad ni de dag dang nye ba ma lus pa'o/ /'dis de dag byang bar byas pa ni dag par byed pa'o/ /gzhan yang der ma zad de lus ngag yid gsum zug rngu gzir bas na sdug bsngal te 'gyur ba la sogs pa gsum mam brgyad do/ /med par byed pa ni sel bar byed pa'o/ /de nas sems can zhes bya ba la sogs par 'brel te/ sems can gang dag sngon gyi las dang rkyen dang 'byung pos mig la sogs pa'i dbang po drug nyams pa ni long ba la sogs pa ste/ de la sngags 'dis bkrus nas nyams pa las sogs te thar zhes par 'brel to/ /de bzhin du tshe ni 'tsho ba ste de zad pa ni dus la bab ste de yang ring bar 'gyur ro/ /tshe nyams pa ni rkyen gyi tshe tshad las thung bar gyur ba ste de yang tshad du 'tsho'o/ /phun sum tshogs pa ni ma tshang ba med pa ste nor la sogs pa yin la/ de dag ma tshogs pa'i gyur ni min pa ste/ des sems can gang la chags pa ni gang la byung zhing gnas pa yang phun sum tshogs par 'gyur ro// lha rnams ni mthu dang rdzu 'phrul dang ldan pa'i 'jig rten pa dang 'jig rten las 'das pa'i lha ste/ de dag bsgrubs kyang 'phangs nas grub pa mi ster ba ni rgyab kyis phyogs pa ni ring ba'o/ /de yang nye bar byed do/ /bdag dang yid cugs? shing yid du 'ong ba ni mja' sdug ste so sor gnas pas skye bo ste bden pha ma mthong ba'o/ /de sdang ba ni byams pa dang bral ba ste de yang byams pa'o/ /bran ni 'khor bzang po'o/ /bza' mi nu chung ma la sogs pa'o/ /sogs pa ni ma lus pa'i nye ba'o/ /de dag 'byung pos gtses pa ni bskrag cing bcom pa ste de yang mi 'tsho/ yang bram ze la sogs gtses pa dang zhes glegs bam la lan gnas te/ 'jig rten bram ze dang rgyal po dang rde'u dmangs kyis ba dag

  362. 181b

    gtses pa las thar ba'o/ /yang na bdag gi bram ze dang dge slong la sogs pa nus pa can dang zhing dag pas gtses pa yang nus pa zlog la zhing dag 'gyur ro/ /yang na bram zes khyer ba zhes pa ste bza' skar ngan pa la shi ba yang cho gas phan no/ /bdag dang gzhan gnyis ni phan tshun te de dag mi mthun pa ni sems mi btsugs cing ngag dang lus 'thab pa ste mthun par 'gyur ro/ /sngar longs spyod che ba la dbyig yin pas nor te gser la sogs pa'o/ /'brib pa ni bri ba'o/ /des rgyud la sdug bsngal bskyed pas gnod pa'o/ /mya ngan mngal dang gnod pa ni gdungs pas dub pa ste/ de la gdon gyis tshugs par sla'o/ /yang na dang zhes sbyar te dub pas gnod pa dang/ phal par gnod pa thams cad do/ /gzhan yang skrag cing bag tsha ba ni 'jig pa ste rgyal po'i chad pa la sogs pa brgyad do/ /phongs pa ni snga nas dbul ba'o/ /gzhan yang gdug pa bza' ste pa bsangs la sogs pa gnod cing de dag ngan pa la la bab pa'o/ /rgyu skar ni nam mkha' i la so sor 'thor nas rgyu ba ste smin drug la sogs pa'o/ /de dag ni khrus byas te bzlog pas zhi bar 'gyur ro/ /byang stems ces pa ni rig sngags ngan pa'i 'khrul 'khor gyi btsugs te gsad par 'dod pa'o/ /mi bzad pa'i gdon ni nad la sogs pa tsho bas cher 'debs pa ste rdzu 'phrul che ba'i lha la sogs pa'o/ /de dag gis nyen pas ni btab pa'o/ /mya ngan ni lus ngag yid gsum gdungs pa'i khyad par te de des phung po ngal te gnyid log pa 'am/ dngos su 'byung ba'o/ /de'i stobs kyis gnyid log pas sems rmongs te yid kyi rnam shes rgyu bas rmi lam ste/ der sdig pa mthong bas ni ngan pa ste btson ra la sogs pa'o/ /yang zhes pa bzlas pa ste kun la sbyar ro/ /yang na dang zhes pa so sor sbyar ro/ /de dag thams cad kyang 'di'i sgo nas sel cing de dag las

  363. 182a

    thal bar 'gyur ro zhes sbyar ro/ /de dag gi rgyud las 'byung ba thams cad sel ba'o/ /da ni rgyud la bde ba thams cad ldan par byed pa gsungs pa ni rgyud do cog gi rtsa ba ste zhes pa blang ngo/ /de yang sngon du ni 'brel cing rgyun chags pas brgyud de rgyud do/ /cog ni ma lus pa'o/ /rtsa ba ni gzhan la ma ltos shing gzhan bskyed par byed pa ste/ de ni rdo rje lhun po ri rab zom gyi rgyud ces bya ba le'u brgya dang brgyad pa'i le'u yi dang por 'di gsungs la/ ngas 'di bshad pa'o/ /rgyud de bdag gi mthong ngo/ /ma 'ongs pa la ni yon tan ma lus pa ni rgyud do/ cog yin la de las 'byung bas rtsa ba'o/ /yang na tshes thams cad kyi rtsa ba rdo rje lta bu'i ting nge 'dzin yin pas so/ /la la dag rgyud thams cad kyi rtsa ba dbang bskur ba ste/ de yang chu la rag las bas zhes 'chad de ma yin no/ /gzhan yang dpal kun te bsten par 'os shing yon tan che ba ste/ 'byor pa dang bu la sogs pa'am tshogs gnyis so/ /des legs par brgyan pa ni de dag yongs su rdzogs shing tshang ba 'di'i sgo nas byed pa yin no/ /de nas tshe dang bsod nams 'phel bar 'gyur zhes par sbyar te bsod nams ni grags pa dang longs spyod de yid bde zhing lus ngag rgyas par byed pa'o/ /sdig pa kun ni gong du bstan pa'o/ /de la thar ba ni grol ba ste/ mngon par mtho ba dang nges par legs pa thams cad thob par 'gyur ba'o/ /zhes dgongs so/ /de dag ni spyi'i bya ba'i cho ga'i phan yon no/ /yang na las de dag la bya ba sor sbyar bar shes par bya'o/ /de ltar phan yon 'byung ba bshad nas/ da ni cho ga bshad par bya ba'i phyir/ des ni zhes bya ba la sogs pa gsungs te/ de yang sgrub pa po dang bsgrub bya sta gon la gnas pa'o/ 'di dag gi ni 'das pa la 'di ltar gyis cig ces gdams la ma 'ongs pa la ni cho ga bya ba dngos yin no/ /de la sgrub pa

  364. 182b

    po dang bsgrub bya des ni rab bkrus gtsang ma yin zhes gsungs te/ phyi'i khrus ni chu dang sas legs par bkrus pas dri ma dag par bya ba ste lan gsum du'o/ /gtsang ma'i gos ni gzhan du longs ma spyad pa'i gos sar pa lan gsum du brje'o/ /de bzhin du zas dkar gsum bza' ba dang/ zhag cig smyung bar gnas par byas la/ nang gis khrus ni gang dag yid dge sems dang zhing zhes pa ste lus dang ngag dang yid gsum gyis mi dge ba bcu mi byed par sdom la/ sems dang pa ni dad pa'o/ /de dag gi ni rten gyi gang zag dang sta gon la gnas pa bstan to/ /de nas blang ba la sogs pa cho ga dang sgrub thabs las byung ba bzhin du dkyil 'khor 'byor ba'i bye brag gi bris la rdzas bkod de bsgrub par bya'o/ zhes bya ba'i bar du'o/ da yang dang po sta gon gnas pa yis/ /sa'i cho ga rdzogs byas te/ /'byor ba dkyil 'khor bris byas la/ /rten la brten de bsgrub par bya zhes gsungs so/ /de'i 'og tu khrus la sogs pa sngon du song bas lha bskyed pa ni mdo sde zhes bya ba la sogs pa'o/ /de yang sngon byung la ni mdo sde zab mo sangs rgyas kyi gsungs pa 'di mnyan par bya ba dang/ de'i phan yon bstan la rjes su 'jug pa ni lha bskyed pa dang sngags bzlas pa'i thabs su 'gyur ro zhes dgongs pa'o/ /de la mdo sde ni rgyud dang gcig pa ste don zab mo mdo sder ston la tshig mdo tsam du gsungs pas so/ /yang na gnas dang ston pa la sogs pa gsungs pa'o/ /de yang gnas rnams dang mtshan nyid dang/ chos don smos phyir mdo sde'o zhes pa dang/ tshig nyung ba la don rgyas pa'o/ /mdo sde dam pa blta bar bya zhes gsungs so/ /don du bya na gzungs sngags thams cad dang bcas pa ste de dam pa ni mchog go /mnyan par bya ba ni gdams pa ste sangs rgyas dang bla ma la rna bas thos shing shes par bya ba'o/ /de nyid gzhan gyi dka' bas zab mo

  365. 183a

    sangs rgyas spyod yul te sangs rgyas kyis gsungs pa'o/ /yang na chos nyid stong pa'i lha la sogs pa drug po zab cing de sangs rgyas kyi sku ste spyod yul du bskyed pa'o/ /des ni bsnyen pa sgra la gnas pa'i bsam gtan gyi sngags bzlas pa yang shes par bya'o/ /zhes bya ba'i don te/ /nyan byed na ni thos na'o/ /gzi brjid ni 'od zer te dpal gang yin pa'o/ /yang na lha drug po'i don ni mdo sde yin la da nyan pa ni sgom pa'o/ /de ni bzlas pa'i bsam gtan ni nor bu'i phreng ba dang ldan pas mdo sde lha rnams kyi thugs ka nas gnas pa'i zla ba dang/ rdo rje dang sngags so/ /de'i 'od zer gyi spro bsdu ni gzi brjid do/ /des ji ltar bsams na srog chags ta rlung nang na gnas pa 'tsho ba'o/ /mi bzad pa'i nad ni 'tsho ba dka' ba'i mdzes ste 'byung ba las gyur pa dang/ klu'i gdon no// kyang zhes pa ni mi mthun pa'i rgyan te de yang zhe na nad gzhan smos ci dgos zhes pa'i don te/ /zhi bar blta ni zhi bar 'gyur ba'o/ /yang na zhi bar blta ni sngags bzlas so/ /de ni khro bo'i dag du las sbyor gyi sngags bzlas par bstan to/ /da ni rten gang la brten de sgrub pa ni gzer ram yang na ni zhes bya ba la sogs pa gsungs te/ bsnyen pa la bum pa gcig las la lnga'o/ /de'i rgyu ni rin po che gser ni rab bo/ /yang na ni zhes phyogs gzhan ston pa de 'dul ni 'bring ngo/ /kyang rung zhes pa ni bsdu ba ste zangs ni tha ma'o/ /de ltar ma 'byor na sa las bum pa dmar po nag por ri med par bya'o/ /de yang bum pa pad+ma dmar po'i mdog 'dra zhing zhes pa la sogs pa gsungs so/ /des ni bum pa'i rgyu bstan to/ /'di dag ni sngon gyi dus dang rjes kyi dus 'dra ba'o// da ni snying po dang rgyan ni chu yis dgang zhes pa la sogs pas ston te/ da yang 'dir chu bo chen po'i chu dang 'o mas nang dgang ba ste bkru ba dang bsang bas bya'o/ /'dir chu yi gser zhes bya bar 'dod de 'di ni rmongs pas mi shes par blta'o de nas

  366. 183b

    gzhan du longs ma spyad pa'i ras kyi gos gtsang mas thor cog gsum gyi tshul du dkri'o/ /der snying po ni nor bu ste yid du 'ong ba'i mu tig mig med pa dang/ yungs kar te sgrub pa'i rdzas bgegs skrod pa snod dam par blugs te steng du gzhag go /dar? ba ni ri pa ste/ bkris pas lo ma dang bcas pa dang/ ku sha dang rma bya'i sgro bdun bdun khar gzugs so/ /dkon pas na rin chen de de dag rma med pa ni ma spyad cing ma brnyings pa'i sar ba'o/ /yang na mig med pa ste gser la sogs pa lnga dang/ tsan dan ni dri dang ldan pa dkar po ste/ de la sogs pa dri lnga dang bcas pa ni lhan cig don te til la sogs pa 'bru lnga dang/ ha sa de ba la sogs pa sman lnga dang/ bu ram la sogs pa snying po lnga gsang ba spyi rgyud bzhin du blugs par bya'o/ /der yang shel dang/ rdo rje pha lam dang me tog sngon po bcug la de'i phreng bas kha la brgyan no/ /de'i khar ni bkris pa'i shing mya ngan med pa la sogs pa 'bras bu can gyi brgyan la/ rdo rje bzhag ste bkris pa'i thag pas btags te las la sngar gzhug go /de dag ni bsnyen pa la shes par bya'o/ /de yang rin po che la sogs pa'i yon tan shes par bya ste/ lha'i mtshan ma ni dgod pa ma yin par shes par bya'o/ /de nas bzlas pa'i drang bstan pa'i phyir lan grangs zhes pa la sogs pa gsungs te/ yang nas yang du bskyar bas lan grangs te gzung rings ni nyi shu rtsa gcig yin la gnyis pa dang yang snying ni brgya rtsa brgyad du bzlas so/ /su ni byed pa gsum pa'i gsum pa ste de nas khrus bya zhes pa'o/ /'di skad ston te bzlas pa la ni grangs nges chog pa yin la/ ma 'das pa la ni sngon du bsnyen pa 'bum rdzogs nas las la bsam gtan dang ldan pas shes par bya'o/ /zhes pa'i tha tshig go /las la sbyar ba dngos bstan pa'i phyir rgyal po zhes gsungs te/ sngon byung la ni lha 'am mi che bas rgyal po ste log pa'i snying po'o

  367. 184a

    de ni 'khor nye ba'i gdul bya la dgongs pa ste 'khor gzhan yang bkag pa ni ma yin no/ /rjes 'jug la ni rgyal po bsod nams smos te/ rgyal po la sogs pa thams cad ces sbyar ro/ /rtag tu ni dus gsum du'o/ /bum pa'i chu des khrus kyis shig dang zhes gdams pa'o/ /de ltar byas ni gong gi phan yon thob par 'gyur zhes sbyar ro/ /des na rnal 'byor pa dus gsum du bkru la/ bsgrub bya la ni ma zhi bar du khrus bya ba dang/ bya ba'i rgyud yin par bstan to/ /de yang rten mchog dag dang ldan byas nas/ /mkhas pa gang la bkru byas na/ /mngon mtho nges legs 'byung bar 'gyur zhes gsungs so/ /de dag gis ni 'di skad bstan par 'gyur te/ sngon du bsnyen pa rdzogs nas sta gon la gnas pas sa'i cho gas dkyil 'khor 'byor ba'i bye brag gis bris te bum pa dgod cing lhar bskyed la sngags dang ting nge 'dzin dang ldan pas bzlas te khrus kyi man ngag bzhin bya ba dang/ bsrung ba dang bkru ba la sogs pa byas te 'byor pa chung bas dpa' bo gcig pa brtag par bya'o/ zhes dgongs so/ /rdzogs pa ni thob pa ste rgyud chen po nas phyung zhes pa'o/ /'di ltar rdo rje'i gdams ngag 'di/ /nga yis sngon du don mthong gis/ /the tshom med par sgrubs shig dang/ /dpag med bsam pa rdzogs par byed/ /lha dang bla mas bskul ba'i phyir/ /'grel pa dri ma med pa 'di/ /sangs rgyas spas pas byas pa ste/ /'di yis kun kyang de grol shog /'phags pa rdo rje rnam par 'joms pa'i 'grel pa rin po che gsar ba zhes bya ba/ bya ba'i rgyud kyi grub pa sangs rgyas gsang pas mdzed pa rdzogs so// //mkhan po de nyid dang/ lo tsa ba dpa' many+dzu sh+rI warmmas bsgyur ba'o/ /phyis paN+Di ta dzan+te ta du la dang/ lo tsa ba 'og bsod nams mes pas bsgyur cing yang zhus te gtan la phab pa'o// //

  368. 184b

    (rdo rje rnam par 'joms pa'i don rnam par bshad pa bzhugs so/) / !/ rgya gar skad du/ badzra bi dA ra nA ma d+ha ra Ni TI kA/ bod skad du/ rdo rje rnam par 'joms pa'i gzungs zhes bya ba'i rnam par bshad pa/ dpal phyag na rdo rje la phyag 'tshal lo/ /rgyal ba kun gyi gsad mdzod 'dzin pa yi/ byad? kyi don 'byung ston pa'i ngo bo la/ /sgo gsum dang bas 'dud te phyag 'tshal nas/ /mdo'i rnam bshad bdag gi bya bar 'dod/ /de la rdo rje zhes bya ba ni yang dag pa'i ye shes la bya ste/ rtag pa dang mi rtag pa dang bde ba dang sdug bsngal gyi mtshan ma'i dngos po thams cad 'joms pa la bya'o/ /de nas 'joms pa zhes bya ba'i don to/ /zungs zhes bya ba ni dbyings dang ye shes gnyis su med pa la bya'o/ /de ltar mdo yis bstan nas/ de dgongs 'brel gyi don ston te/ /ma nor bar ston pa'i phyir ston pa dang yongs su dag pa'i 'khor dang/ gang du bshad pa'i gnas dang/ ma nor sdud pa'i sdud pa po dang/ gang bshad pa'i mdo'i don no/ /de la ston pa ni bcom ldan 'das thugs yang dag par ting nge 'dzin rdo rje lta bu las ma g.yos kyang nyid kyi che ba dbyung ba'i don du thugs yang dag pa'i sras gsang ba'i bdag po phyag na rdo rje la shod cig par byin gyis brlabs nas/ sangs rgyas kyi zhing khams mdza' yas pa'i nang du rdo rje rnam par 'joms pa'i don 'di phyag na rdo rje las rab tu thab pa'i phyir na/ 'di skad bdag gi thos pa dus gcig na zhes bya ba'o/ /ston pa dang/ 'khor dang/ sdud pa dang ldan pas na dus zhes bya ba'o/ /lan grangs mang du ma gsungs par brgya lam du gsungs par dus gcig na zhes bya ba'o/ /bcom ldan 'das rdo rje la zhugs te zhes pa ni bdud bzhi bcom pa la bya'o/ /yang na bcom ldan 'das rdo rje lta bu'i ting nge 'dzin la thugs mnyam par bzhag pa la bya'o/ /sangs rgyas kyi mthus zhes pa ni ting nge 'dzin la snyoms par zhugs pa la bya'o/ /lag na rdo rje lus thams cad rdo rjer byin gyis

  369. 185a

    brlabs nas zhes pa ni yang dag pa'i ye shes rdo rje ltar 'dus ma byas pa la bya'o/ /rdo rje'i ting nge 'dzin la snyoms par zhugs so/ /zhes pa ni yang dag pa'i ye shes kyi ngo bor rab tu gnas pa la bya'o/ /de nas lag na rdo rje sangs rgyas kyi mthu dang zhes pa ni snyoms par zhugs ma thag tu byang chub sems dpa' thams cad la mthu ston pa'i phyir ro/ /sangs rgyas kyi byin gyis brlabs kyis zhes pa ni klu'i rgyal po ma dros pas char 'bebs pa de bzhin du mthu stobs bskyed pa'i phyir ro// rdo rje khro bo las byung zhes pa ni lag na rdo rjer byin gyis brlabs pa'i mthus dkyil 'khor gyi lha rnams kyi sku gsung thugs las 'thon nas khams gsum gyi dregs pa can rnams btul ba'o/ /rdo rje snying pos rab tu smras te zhes pa ni sku gsung thugs rdo rje ltar 'dus ma byas pa nges sems can la phan gdags pa'i phyir 'di gsungs so/ /da ni khro bo rnams kyi rang bzhin gyi don thugs nas phyung ba'i don de/ mi chod pa/ mi shigs pa bden pa zhes pas gshin rje bshed ston te/ gzung ba'i yul ma grub pas mtshan ma thams cad 'joms pas tho ba bsnams pa'o/ /rtsa ba'i snying po ma tha las bskyed pas ma tha zhes bya'o/ /de bdag gi bsgoms na dngos grub thob ste/ dngos grub de bdud kyis bar du mi chod pas na mi chod pa zhes bya'o/ /sku gsung thugs mtshan ma'i rnam rtog gi mi shigs pas na/ mi shigs pa zhes bya'o/ /bden pa zhes pa ni gsung gi ngo bo bden pa dang ldan pas na bden pa zhes bya bas hUM ka ra ston te/ sku gsung thugs mi 'gyur bas na bden pa ste rtsa ba'i sngags ma tha ma tha zhes pa'o/ / sra ba brtan pa thams cad du thogs pa med pa zhes pas/ rnam par rgyal ba'i don ston te/ nyon mongs pa dang 'khor pa las rgyal ba'i phyir na ye shes kyi 'khor lo bsnams pa sku gsung thugs rdo rje ltar sra bas na sra ba zhes bya'o/ /byang chub

  370. 185b

    kyi sems mi 'gyur bas na brtan pa zhes bya'o/ /thugs rdo rje dang brtson 'grus kyi la yang thogs pa med pas na thogs pa med pa'o/ /rtsa ba'i yig 'bru d+hu na las bskyed pas na d+hu na d+hu na badzra zhes bya ste bdud kyis slags mi rnyed pas na sra ba brtan pa'i dngos grub thob la/ thams cad du thogs pa med pas na thog pa med pa'i dngos grub thob pa'o/ /thams cad du ma pham pa sems can thams cad skrag par byed pa/ sems can thams cad 'jil bar byed pa ni/ da ha da ha badzra zhes pas rta mgrin ston te/ khams gsum sems can thams cad bdud dang dregs pa thams cad las rgyal bas na/ bdud la sogs pa skrag par byed pa'o/ /'dod chags la sogs pa 'jil bar byed pas na 'jil bar byed pa dang/ nyon mongs pa'i skyon gyi mgos pas na pad+ma bsnams pa'o/ /rtsa ba'i snying po da ha las bskyed pas na/ da ha da ha badzra zhes pa'o/ /des ni ha ya gri ba'i don to/ /rig sngags thams cad gcod par byed pa/ rig sngags thams cad gnon par byed pa/ las thams cad 'joms par byed pa zhes pas bdud rtsi 'khyil ba'i don bstan te/ phas kyi dmod mo rnams dang/ gzhan gyi gnod pa thams cad ni ye shes kyi rang bzhin gyis gcod pa dang/ gnon pa dang 'joms pas na 'joms pa'o/ /rtsa ba'i yi ge pa tsa las bskyed pas na/ pa tsa pa tsa badzra zhes pa'o/ /rdzas dang yo byad dang cho ga tshar bar byas na dmod mo'i bye brag thams cad thar bar 'gyur ro/ /des ni bdud rtsi 'khyil ba'i don no/ /gzhan gyi las thams cad 'jig par byed pa/ gdon thams cad rlag par byed pa gdon thams cad las thar bar byed pa zhes pa ni stobs po che'i don ston te/ thugs rje chen po'i bye brag gi phyir rgol ba thams cad 'jig par byed pa'o/ /sangs rgyas kyi ye shes kyi gdon thams cad mi gnas shing rlag par byed pas na rlag par byed pa'o/ /tshe dang

  371. 186a

    dbang thang 'phrog pa thams cad las thar par mdzad pas na/ gdon thams cad las thar par byed pa zhes pa'o/ /rtsa ba'i yi ge d+ha ra las bskyed pas na d+ha ra d+ha ra badzra zhes pa'o/ /'byung po thams cad 'gugs par byed pa/ rig sngags kyi las thams cad byed du 'jug pa zhes pa ni/ gzhan gyis mi thub pa'i don ston to/ /thabs mkhas pa'i thugs rjes 'byung po'i rigs thams cad dbang du bsdus nas 'khol bas na 'byung po thams cad 'gugs par byed pa'o/ /thugs rje chen po la mnga' brnyes shing legs pa thams cad byed du 'jug pa zhes gzhan la ston pa dang/ nyams su len du 'jug pas na rig sngags kyi las thams cad byed du 'jug pa zhes bya'o/ /rtsa ba'i yi ge dA ra ya las bskyed de dA ra ya dA ra ya badzra zhes pas gzhan gyis mi thub don bstan pa'o ma grub pa rnams grub par byed pa/ grub pa rnams chud mi za bar byed pa 'dod pa thams cad rab tu sbyin pa zhes pas ni mi g.yo mgon po'i don ston te thugs yang dag pas dngos grub ma grub pa rnams grub par byed pas na grub par byed pa'o/ /grub pa rnams bdud kyi dbang du mi 'gyur bar 'grub pas na/ grub pa rnams chud mi za ba'o/ /'dod pa thams cad skong bas na 'dod pa thams cad rab tu sbyin pa'o/ /rtsa ba'i yi ge dA ru Na las bskyed pas na/ dA ru Na dA ru Na badzra zhes pa'o/ /sems can thams cad srung ba zhes pas ni dbyug pa sngon po'i don ston te/ thabs mkhas pa'i thugs rjes khams gsum gyi sems can thams cad kyi nyon mongs pa'i sdug bsngal las phan gdags pas na/ sems can thams cad srung ba'o/ /rtsa ba'i yi ge ts+tshinda las bskyed pas na ts+tshinda ts+tshinda badzra zhes pa'o/ /zhi ba rgyas pa/ sems can thams cad rengs par byed pa nas pas/ ha ra ha ra badzra zhes pas dbus kyi gtso bo'i don ston te/ rdo rje rnam 'joms des phyin ci log gi nyon mongs pa thams cad zhi bar mdzad

  372. 186b

    mdzad pas yon tan gyi tshogs thams cad rgyas par byed pas bdud dregs pa thams cad rengs par byed pa'o/ /rtsa ba'i snying po ha ra ha ra badzra zhes pa'o/ /sems can thams cad rmugs par byed pa'i gsang sngags kyi mthu chen po 'di zhes pas ni thugs ye shes bzhi'i ngo bo las sgo ba bzhir sprul nas bdud dregs pa can glags tshol ba rnams rmugs par byas te/ zhi bar byas pa'i don ste/ sgo bzhi'i don bstan pa'o/ /sangs rgyas kyi mthus lag na rdo rjes zhes pa'i gong du khro bo rnams kyi rang bzhin bstan pa las dus gsum gyi sangs rgyas thams cad kyi lag na rdo rje lnga mthu stobs kyi bdag por byin gyis brlabs nas/ lag tu ye shes kyi rtags rdo rje byin te ming gi dbang bskur nas srid pa gsum gyi mthu can du byin gyis brlabs pa'o/ /des ni khro bo bcu'i sngags kyi don bshad do/ /rab tu smras so zhes pa ni 'di na mar phyag na rdo rje nyid kyi phrin las kyi don bstan pa'o/ /na mo ratna tra yA ya zhes pa ni dkon mchog gsum la phyag 'tshal lo/ /zhes pa'i don to/ /na ma shtsaN+Da badzra pA Na ye zhes pa ni rdo rje rin chen gyi ngo bo phyag na rdo rje'i yang dag pa'i snying po'o/ /ma hA yak+Sha se na pa ta ye zhes pa ni/ gnod sbyin gyi sde dpon chen po phyag na rdo rje drag po la phyag 'tshal lo/ /zhes pa'i don to/ /ta dya thA zhes pa'i don ni 'di lta ste zhes pa'i don no/ /oM ta Ta tra Ta zhes pa ni ye shes kyi lha'i ngo bo yin pas nyon mongs pa thams cad sod sod ces pa'o/ /tro Ta ya to Ta ya zhes pa ni phyag na rdo rje'i byin gyis rlabs kyis rab tu sod sod ces pa'o/ /sphu Ta sphu Ta zhes pa ni bdag gi bgegs thams cad zung la ye shes kyi mes bsregs pa bsregs zhes pa'o/ /spho Ta ya spho Ta ya zhes pa ni ye shes kyi tho bas brdungs shig brdungs shig ces pa'o/ /g+hur+Na g+hur+Na zhes pa ni thugs rje'i lcags kyu zung la skyob cig skyob cig ces pa'o/ /g+hur+N+Na pa ya g+hur+N+Na pa ya

  373. 187a

    zhes pa ni legs par bskrod legs par bskrod ces pa'o/ /sarba satwa ni zhes pa ni sems can thams cad la thugs rjes gzigs shig ces pa'o/ /bo d+ha bo d+ha zhes pa ni khams gsum gyi sems can thams cad byang chub tu sems bskyed cig ces pa'o/ /saM bo d+ha ya saM bo b+ha ya zhes pa ni 'gro ba thams cad khong du chud par mdzod cig ces pa'o/ /b+h+ra ma b+h+ra ma zhes pa ni byang chub sems dang ldan pa'i bgegs thams cad sod cig ces pa'o/ /saM b+h+ra ma ya saM b+h+ra ma ya zhes pa ni phyin ci log gi nyon mongs pa thams cad thugs rjes legs par sod cig ces pa'o/ /sarba b+hu ta ni zhes pa ni gdon dang 'byung po thams cad gtubs la thugs ye shes kyi spyan gyis gzigs shig ces pa'o/ /ku Ta ku Ta zhes pa ni bdag la gnod pa'i gdon thams cad brdungs shig ces pa'o/ /saM ku Ta ya saM ku Ta ya zhes pa ni 'jig rten ni gnod pa byed pa thams cad byams pa'i thugs rjes brdungs shig ces pa'o/ /sarba sha truM nAM zhes pa ni bdag la gnod pa'i bgegs thams cad yang dag pa'i ye shes kyis bsregs shig ces pa'o/ /g+ha Ta g+ha Ta zhes pa ni bgegs thams cad thugs rjes sod cig ces pa'o/ /saM g+ha Ta ya saM g+ha Ta ya zhes pa ni legs par sod cig ces pa'o/ /sarba bidyA badzra badzra zhes pa ni/ rig sngags kyi mthuAng la bya ba thams cad rdo rje 'bar bas 'grub par gyis shig pa'o/ /spho Ta ya badzra badzra zhes pa ni ye shes kyi rdo rje 'bar bas nyon mongs pa thams cad sod cig ces pa'o/ /ka Ta badzra badzra zhes pa ni ye shes grub rdo rje 'bar bas nyon mongs pa thams cad chod cig ces pa'o/ /ma Ta badzra badzra zhes pa ni byang chub kyi sems kyi rdo rje bdag gis gdug pa thams cad gtubs shig ces pa'o/ /ma tha badzra badzra zhes pa ni yang dag pa'i ye shes kyi rdo rjes bgegs thams cad thul cig ces pa'o/ /aTTa hA sa nI le ya badzra zhes pa ni rdo rje rnon po me dang

  374. 187b

    'dra bas nyon mongs pa'i bag chags thams cad chod cig grol cig ces pa'o/ /su badzra badzra swA hA zhes pa ni thugs yang dag par mkhyen pa'i rdo rjes chos kyi dbyings rnam par dag pa la legs par spyod cig ces pa'o/ /de yan chad kyis phyag na rdo rje'i phrin las kyis don bshad nas de ni khro bo rnams kyi phrin las kyi don ston te/ he phu lu Ni ru phu lu zhes pa ni/ rdo rje 'bar ba khams gsum pa'i nyon mongs pa rnams thugs rje 'bar bas chod cig ces pa'o/ /g+hih+Na ku l+lu zhes pa ni khams kyi sems can thams cad kyi gshin rje'i sdug bsngal thams cad choms shig ces pa'o/ /mi li tsu l+lu ku ru ku l+lu zhes pa ni dpa' rta mgrin sngon po 'bar bas sdug bsngal thams cad sbyongs shig ces pa'o/ /badzra bi dza ya swA hA zhes pa ni khro bo bdud rtsi 'khyil pas nyon mongs pa thams cad bdud rtsir byin gyis rlobs shig ces pa'o/ /kI li kI la ya swA hA zhes pa ni khro bo stobs po che'i drag shul gyis mdzod cig ces pa'o/ /ka Ta ka Ta zhes pa ni khro bo rgyal pos bdud thams cad spa bkongs shig ces pa'o/ /ma Ta ma Ta zhes pa ni khro bo hUM ka ras nyon mongs pa thams cad las skyobs shig ces pa'o/ /ra Ta ra Ta zhes pa ni khro bo pad+ma 'khyil pas nyon mongs pa thams cad zhi bar mdzod cig ces pa'o/ /mo Ta mo Ta pra mo Ta Na ya swA hA zhes pa ni ye shes kyi rdo rje 'bar pas gshin rje rtogs shig ces pa'o/ /tsa ra ni tsa ra zhes pa ni khro bo'i rgyal po nI la daN+Das bdag dang sems can thams cad la tshe dang dbang gsol cig ces pa'o/ /ha ra ha ra zhes pa ni ye shes kyi gshog pas 'khor ba'i sdug bsngal las skyobs shig ces pa'o/ /sa ra sa ra mA ra ya mA ra ya zhes pa ni ye shes kyi rdo rjes nyon mongs pa rnams sod la rdul du rlog cig ces pa'o/ /badzra bi dA ra Na swA hA zhes pas rdo rje rnam par 'joms pas sems can thams cad kyi las mdzod

  375. 188a

    cig ces pa'o/ /ts+tshinda ts+tshinda ces pa ni rta mgrin gyis nyon mongs pa thams cad tshar gcod cig ces pa'o/ /b+hinda b+hinda zhes pa ni sems can thams cad sdug bsngal ba zhi bar gyis shig ces pa'o/ /mahA kI li kI lA ya swA hA/ zhes pa ni khro bo stobs po che'i nyon mongs pa thams cad zhi bar mdzod cig ces pa'o/ /b+hand+ha b+hand+ha zhes pa ni khro bo Tik+ka rA dzas gdug pa can gyi bdud thams cad zung la chom shig ces pa'o/ /kro d+ha kro d+ha zhes pa ni khro bo rnams kyis nyon mongs pa rnams la rol cig ces pa'o/ /kI li kI lA ya swA hA zhes pa ni khro bo bdud rtsi 'khyil pas gdug pa rnams zhi bar mdzod cig ces pa'o/ /tsu ru tsu ru zhes pa ni khro bo a mo g+ha pA shas phrin las mdzod cig ces pa'o/ /tsaN+Da li zhes pa ni khro bo'i rgyal po tshur sbyon dam tshig la dgongs shig ces pa'o/ /kI li kI la ya swA hA zhes pa ni khro bo bdud rtsi 'khyil pa'i thugs tshang med pa'i gsung sgras thams cad byang chub sems su zhi bar mdzod cig ces pa'o/ /trA sa ya trA sa ya zhes pa ni khro bo mahA pa las bgegs thams cad skrod cig ces pa'o/ /badzra kI li kI lA ya swA hA zhes pa ni ye shes kyi rdo rje 'bar bas thams cad zhi bar mdzod cig ces pa'o/ /ha ra ha ra badzra d+ha rA ya swA hA/ zhes pa ni rdo rje 'bar ba'i sgo ba bzhis bgegs thams cad bsregs shig ces pa'o/ /pra ha ra pra ha ra zhes pa ni khro bo bdud rtsi 'khyil pas mtshan ma'i rtog pa thams cad zhi bar mdzod cig ces pa'o/ /badzra pra b+hany+tsa nA ya swA hA/ zhes pa ni byang chub kyi sems rdo rje 'bar bas nyon mongs pa'i bag chags thams cad zhi bar mdzod cig ces pa'o/ /de yan chad kyis ni khro bo rnams kyi phrin las kyi don bshad do/ /da ni khro bo rnams kyi bsrung pa'i don ston te/ ma tis+thi ra badzra zhes pa ni blo brtan pa'i rdo rjes byang chub sems

  376. 188b

    kyi rang bzhin dang ldan par gyis shig ces pa'o/ /su tis+thi ra badzra zhes pa ni shin tu brtan pa'i rdo rjes legs pa'i yon tan dang ldan par gyur cig ces pa'o/ /pra tis+thi ra badzra zhes pa so sor brtan pa'i rdo rjes bdag gi lus brtan par mdzod cig ces pa'o/ /mahA badzra zhes pa ni chen po rdo rjes bdud las rgyal bar mdzod cig ces pa'o/ /a pra ti ha ta badzra zhes pa ni rab tu brtan pa'i rdo rjes bdag la ye shes kyi mtshon cha gsol cig ces pa'o/ /a mo g+ha badzra zhes pa ni don yod pa'i rdo rjes gzhan thams cad 'joms pa'o zhes pa'o/ /e hi badzra zhes pa ni bden pa'i rdo rjes bdag 'khor ba las drongs shig ces pa'o/ /shIn+taM? badzrA ya swA hA zhes pa ni dpa' bar 'gro ba'i rdo rjes rings par bdag gis las 'grub par mdzod cig ces pa'o/ /d+ha ra d+ha ra zhes pa ni sgo bzhi'i bsrung ba bstan te/ byang chub sems kyi rang bzhin thams cad khyer la gzungs su gyis zhes pa'o/ /d+hi ri d+hi ri zhes pa ni dbyings kyi rang bzhin chos nyid dang ldan par gyis shig pa'o/ /d+hu ru d+hu ru zhes pa ni lus thams cad thugs rjes zung la thogs shig ces pa'o/ /sarba badzra ku laM A brta ya swA hA/ zhes pa ni rdo rje 'khor lo dang bcas pas bdag la byin gyis rlobs shig ces pa'o/ /a mu ka mA ra ya/ phaT ces pa ni bdag dus ma yin pa'i 'jigs pa las bzlog la bdud thams cad choms shig ces pa'o/ /de yan chad khro bo bcu'i bsrung ba'i don bshad do/ /da ni khro bo'i dbang gi don ston te/ na ma(rgyud 'grel): sa man+ta badzra NAM zhes pa ni kun tu bzang po'i ye shes rdo rjes rang bzhin gyi dbang bskur cig ces pa'o/ /sarbba laM ?swA badzra ya zhes pa ni stobs po chos dbang bskur cig ces pa'o/ /mahA ba le zhes pa ni stobs po ches mgyogs pa rlung dang 'dra bar dbang bskur cig ces pa'o/ /ka ta be ta ta le zhes pa ni ye shes kyi mchi bas nyon mongs pa'i bdud thul cig ces

  377. 189a

    pa'o/ /a tsa le zhes pa ni khams gsum rnam rgyal gyi sprul pas dbang bskur la skyobs shig ces pa'o/ /maN+Da la ma ye zhes pa ni dkyil 'khor gyi phyi'i srung ma rnams kyis sprul pa'i ngo bo nyid kyi che ba sna tshogs su snang ba'o/ /a ti badzra zhes pa ni rdo rje bzang pos thams cad la skyobs shig pa'o/ /mahA ba le be ga ra Na zhes pa ni stobs bo ches mgyogs pa rlung dang 'dra bas gnod pa thams cad zhi bar mdzod cig ces pa'o/ /a dzi ti dzwa la dzwa la zhes pa ni yang dag pa'i shes rab kyis bdud dang log 'dren rnams bsregs shig ces pa'o/ /ti Ti ti Ti ping+ga le zhes pa ni so sor 'bar bas sdug bsngal thams cad las skyobs shig ces pa'o/ /da ha da ha zhes pa ni bdag gi nyon mongs pa rnams bsregs shig pa'o/ /te dzo ba ti zhes pa ni yang dag pa'i ye shes kyis gti mug pa rnams sol cig pa'o/ /ti li ti li zhes pa ni bdag gi sdug bsngal thams cad med par gyis shig pa'o/ /banda banda zhes pa ni bgegs dang 'byung po thams cad chings shig pa'o/ /mahA bal zhes pa ni stobs po ches las mdzod cig pa'o/ /badzra aM ku sha dzwA la ya swA hA zhes pa ni rdo rje 'khor lo me dang 'dra bas mtshan ma thams cad zhi bar mdzod cig pa'o/ /de yan chad khro bo bcu'i rang gi las bshad do/ /da ni ye shes kyi khro bo lag na rdo rje rang bzhin ston to/ /na mo ratna tra yA ya zhes pa ni dkon mchog gsum la phyag 'tshal lo zhes pa'o/ /na ma shtsaN+Da badzra pA Na ye zhes pa ni khams gsum gyi gnod sbyin rnams 'dul ba'i phyir lag na rdo rje khro bo'i tshul du bzhugs pa'o/ /mahA yak+Sha se na pa ta ye zhes pa ni gnod sbyin gyi sde dpon chen po lag na rdo rje ye shes kyi ngo bor bzhugs pa'o/ /tadya thA ni 'di lta ste zhes pa'o/ /oM ha ra ha ra badzra zhes pa ni ye shes kyi lag na rdo rje dbus su bzhugs te/ lus gnod sbyin

  378. 189b

    du ston pa'o/ /ma tha ma tha badzra zhes pa ni hUM ka ra gshin rje gshed du bstan pa'o/ /d+hu na d+hu na badzra zhes pa ni mtshan ma thams cad 'joms pas na/ khams gsum rnam par rgyal ba'i snying po'o/ /?? srin gyi snying po'o/ /pa tsa pa tsa badzra zhes pa ni bdud rtsi 'khyil pa'i snying po'o/ /d+ha ra d+ha ra badzra zhes pa ni stobs po che'i snying po'o/ /dA rA ya dA ra ya badzra zhes pa ni gzhan gyis mi thub pa'i snying po'o/ /dA ru Na dA ru Na badzra zhes pa ni mi g.yo mgon po'i snying po'o/ /ts+tshinda ts+tshinda badzra zhes pa ni dbyug pa sngon po'i snying po'o/ /b+hinda b+hinda badzra hUM phaT swA hA/ zhes pa ni pad+ma 'khyil pa'i snying po'o/ /de yan chad khro bo'i rang bzhin bshad do// //na ma shtsaN+Da badzra khro d+ha ya don ston te/ hu lu hu lu zhes pa ni shar gyi don ston te/ hu lu hu lu zhes pa ni shar gyi sgo bas bgegs dang 'byung po thams cad tshud drongs shig pa'o/ /tiSh+Tha tiShtha zhes pa ni lho'i sgo bas chings shig chings shig pa'o/ /band+ha band+ha zhes pa nub kyi sgo bas bgegs dang log 'dren rnams choms shig choms shig pa'o/ /ha na ha na zhes pa ni byang gi sgo bas rtogs shig rtogs shig pa'o/ /a mri te hUM phaT/ zhes pa ni bdud rtsi 'khyil pa'i sngags te/ gang gi sngags thams cad kyi lhag chad skong ba'o/ /de ltar khro bo rnams kyi don bshad nas/ da ni yon tan gyi rnam grangs kyi sgo nas bye brag 'chad de sdig pa thams cad byang byas nas/ sdug bsngal thams cad med par byed/ ces pa rgyud 'di'i don la zhugs te dkyil 'khor gyi cho ga gzhung bzhin du bya ste/ dkyil 'khor du gzhug pa la sogs byas na nyon mongs pa'i sgrib pa dang las kyi sgrib pa dang/ chos kyi sgrib pa'i sdig pa sogs pa byang par 'gyur ro/ /sdug bsngal thams cad med par byed/ ces pa ni rgyud 'di nyams su blangs shing nyon mongs pa'i sdug bsngal gsum dang brgyad la sogs pa'i sdug

  379. 190a

    bsngal thams cad zhi bar byed pa'o/ /rgyud do cog gi rtsa ba ste zhes pa ni bde bar gshegs pa'i zhal nas gsungs pa'i rgyud thams cad kyi rtsa ba yin pa'i phyir ro/ /dpal kun gyi ni legs par brgyan zhes pa ni dpal ni 'jig rten la mi nad dang phyugs nad dang 'jig rten las 'das pa'i yon tan thams cad dang ldan na'o/ /kun ni dus gsum gyi sangs rgyas thams cad kyang de'i don rtogs pa las 'byung ba'o/ /de'i don nyams su blangs shing phul du phyin na legs par brgyan zhes pa'o/ /sems can dbang po nyams pa dang zhes pa ni khams gsum gyi sems can thams cad dang tshe dang/ mdangs 'phrog pa la sogs pa'i gnod par byed pa rnams 'di'i don nyams su blangs na bzlog par 'gyur ro/ /tshe zad pa dang tshe nyams dang zhes pa ni tshe zad pa gso ba'i thabs ston te dkyil 'khor gyi lha rnams la phrin las bzhi gzhung bzhin byas te mchod na tshe nyams pa bsos par 'gyur ro/ /phun sum tshogs min gang chags dang zhes pa ni mdog nyams pa gso ba'i thabs ston te/ khams gsum gyi sems can bkres pa dang grang ba la sogs pa'i sdug bsngal byang chub la mi chags te/ sdug bsngal la chags pas de sbyang ba'i thabs ni dkyil 'khor gyi lha rnams spyan drangs la rgyas pa'i las byas na bde ba phun sum tshogs pa dang ldan no/ /lha rnams rgyab kyi phyogs pa dang zhes pa ni 'jig rten las 'das pa'i lha mi dga' ba ston te/ bde bar gshegs pa spyan sngar dbang dang dam tshig nos nas 'jig rten pa'i las dang mthun pa'i spyod pa? byas pas lha rnams mi dgyis te/ de zhi bar bya ba'i thabs ni rang yi dam lhar zhugs nas dkyil 'khor dang/ mchod rdzas la sogs pa thams cad mang por bsgyur te/ dbang gis las byas na 'grub bo/ /mdza' sdug skye bo sdang ba dang/ zhes

  380. 190b

    pa ni lha 'phangs pa'i snga ltas te rang gi mdza' ba dang 'khor la sogs pa zhe sdang dang ngan sems la sogs pa byed de de zhi bar bya ba'i phyir drag po'i las byas na 'grub po/ /bram ze la sogs gtses pa dang zhes ni rgyal po log pa'i stobs can gyis bram ze la gseg shad brgyab pa'i rnam smin la bya ste/ rang gi bsgrubs na 'grub par 'gyur ro/ /phan tshun 'thun pa ma yin dang zhes pa ni mi mthun pa ston te/ gdon 'byung pos byin gyis brlabs pas sems can thams cad dgra byed de/ khrus chog byas na gang yang 'grub po/ /nor 'grib pas ni gnod pa dang zhes pa ni nor yod pa de nyams te phongs par gyur na rgyas pa'i las byas na nod dang ldan par 'gyur ro/ /mya ngan mngal dang gnod pa dang zhes pa ni mya ngan gyi gnas ston te/ khams gsum gyi sems can thams cad nyon mongs pa'i mya ngan gyis gzir ba la zhi ba'i las byas na 'grub par 'gyur ro/ /'jigs pa dang ni phongs pa dang zhes pa ni 'jigs shing phongs pa ston te/ sems can rgyal po'i chad pas 'jigs pa dang/ gnam lcags kyis 'jigs pa dang/ gcan gzan gyis 'jigs pa dang/ me dang chus 'jigs pa dang/ skar mda' ltung bas 'jigs pa dang/ mgon skyobs med de 'phobs pa la sogs pa phrin las bzhi'i las byas na 'grub pa'o/ /gza' dang rgyu skar byang stems dang zhes pa ni byang stems ston te/ 'jig rten gyi gza' chen po brgyad dang/ rgyu skar nyi shu rtsa brgyad kyi byang stems la bza' dang/ rgyu skar gyi cho ga byas na zhi bar 'gyur ro/ /mi bzad gdon gyis nyen pa dang/ zhes pa ni gdon stong phrag brgyad cus nyen pa la phrin las bzhi'i las byas na 'grub par 'gyur ro/ / mya ngan ngal las byung ba yi/ rmi lam sdig pa mdzod na yang zhes pa ni nyon mongs pa'i sems can phyin ci log gi lta ba ngan pa'i mya ngan gyis gdungs pa'am/ lus sems na zhing thang chad pas 'thibs pa gnyid log pa'i rmi lam na sdig pa'i bag chags rmin phrin las

  381. 191a

    bzhi'i las byas na 'grub pa'o/ /des ni rab bkrus gtsang ma yin zhes pa ni cho ga'i thabs ston te/ dkyil 'khor gyi cho ga rdzogs par byas la/ slob dpon gyis bdud rtsi'i bum pas slob ma'i spyi bor dbang bskur zhing khrus byas na mi gtsang ba la sogs pa thams cad 'dag go /gtsang ma ni nyon mongs pa med pa'o/ /mdo sde dam pa mnyan par bya zhes pa ni slob ma byang chub tu sems bskyed la/ mdo sde'i don nyen du bcug la lha dbab bsgom du gzhug pa bya'o/ /gang dag yid dge sems dang zhing/ /gtsang ma'i gos kyis rab brgyan te zhes pa ni/ /slob dpon gyis slob ma de la ras sam dar dkar la sogs pa'i gos gtsang ma bskon la dri zhim po'i me tog la sogs pa'i rgyan mang pos brgyan la bzhag go /zab mo sangs rgyas spyod yul la/ /mdo sde 'di ni nyan byed na/ zhes pa ni theg pa chen po'i chos nyan pa'i yon tan ston te/ skul ma gdab po/ /mdo sde'i rgyal po 'di klog pa dang 'dzin pa dang gzhan la ston cing nyams su long shig pa bstan to/ /mdo sde 'di'i gzi brjid kyis/ /srog chags dag ni thams cad kyi zhes pa ni mdo sde 'di nyan cing nyams su len pa'i gzi byin gyis nyon mongs pa'i rnam pa dang/ sdug bsngal gyi bye brag thams cad zhi bar byed pa'o/ /mi bzang pa'i nad rnams kyang/ de dag thams cad zhi bar blta zhes pa ni khams gsum gyi sems can thams cad kyi nyon mongs pa'i bag chags mi bzad pa rnams dang/ nad kyi rang bzhin rnams zhi bar bya ba'i phyir ro/ /de ltar nad zhi nas de'i 'og tu bde ba thob pa'i rtags ston te/ tshe dang bsod nams 'phel bar 'gyur/ sdig pa kun las rnam par grol zhes pa ni/ sems can thams cad kyi tshe zad pa'am 'chi ba la sogs pa bzlog pa ste/ mdo sde 'di mnyan pa 'am bsam pa 'am bsgom pas tshe dang bsod nams tshad med pa 'phel bar 'gyur

  382. 191b

    ro/ /de yan chad kyis cho ga'i thabs dang phan yon bshad do/ /de ni bum pa'i cho ga dang rkyen ston te/ nor bu yungs kar dUr ba dang zhes pa ni nor bu ni mu tig dang gzi mchod dang byu ru'o/ /yungs kar ni 'bru sna lnga'i gtso bo ste/ na sa dang/ so ba dang/ til dang mon sran no/ /dUrba ni kha rgyan no/ /de'i khongs su bya kri seng kri tsan dan la sogs pa ste shing yal ga can no/ /rin chen rma med tsan dan bdas? zhes pa ni rin po che lnga dang/ snying po lnga ston te/ rin chen lnga ni gser dang/ shel dang/ in+d+ra nI la dang byi ru dang/ rma med pa ni de rnams skyon med pa la bya'o/ /tsan dan ni gla rtsi dar gur gum dang/ spas dang/ a ka ru dang/ lnga ni dri lnga'o/ /shel dang rdo rje me tog dang/ zhes pa ni snying po ste/ me shel dang/ chu shel dang/ rtsi thog snying po mar dang/ shing thog gi snying po bu ram dang/ me tog snying po sbrang rtsi ste snying po lnga'o/ /rdo rje me tog ni bum pa'i gdan te/ dbyar me tog gi dkyil 'khor bya/ dgu na tshon sna lnga'i dkyil 'khor bya/ /yang na 'bru la bya'o/ chu'i gser ram yang na ni/ dngul gyi bum pa dag kyang rung/ gtsang ma'i gos kyis dkri zhing dgang zhes pa ni bum pa'i rgyu ston te/ rgyal por gser gyi bum pa/ blon po la dngul gyi bum pa dag kyang rung zhes pa mang po ste/ dmangs la zangs sam sa la byas pa'o/ /gtsang ma'i gos ni ras kha tshar ma nyams pa la bya'o// lan grangs nyi shu rtsa gcig gam/ /yang na lan grangs brgya rtsa brgyad/ /rdo rje rnam 'joms bzlas nas ni zhes pa grangs ston te/ rgyal po dang blon po la brgya rtsa brgyad do/ /blon po tha ma 'am dmangs la nyi shu rtsa gcig bzlas so/ /dmangs tha ma la bdun bzlas so/ /rgyal po rtag tu khrus kyis shig ces pa ni rgyal po stobs can snying po la bya'o/ rgyal po sngon la smos pa ci'i phyir zhe na/ bsod nams can gyis sngon la byas na thams cad la bde ba'i phyir ro/ /'bangs ni rgyal po'i

  383. 192a

    'khor yin te don gyis shes par bya'o/ /rdo rje rnam par 'joms pa'i don rnam par phye ste bshad pa/ rgya gar gyi slob dpon chen po bi ma la mi tras mdzad pa rdzogs so// (//rdo rje rnam par 'joms pa'i gzungs kyi don? bshad pa bzhugs so/) /rgya gar skad du/ Arya badzra bi dA ra nA ma dA ra Ni byA khyA Na prit+ti TI kA/ bod skad du/ 'phags pa rdo rje rnam par 'joms pa'i gzungs rnam par bshad pa'i rgya cher 'grel pa 'jam dpal gzhon nur gyur pa la phyag 'tshal lo/ gnyis ka rgyud kyi man ngag snying po'i don rnam par bshad pa'i don 'di gsal bya'i phyir/ /'gro don rnam par mdzad la phyag 'tshal te/ 'di'i rnam bshad 'grel pa bya bar 'dod/ /'di don gleng gzhi sgrub thabs bshad pa rnams/ /ston pa'i rang bzhin 'dul dbang bstan pa ste/ /mdor bsdus dkyil 'khor sgrub thabs khyad par dag /rab tu bsdus nas bstan pa'i dgos pa yin/ /'di brtsam par bya ba'i don bshad par dam bca' bstan pa ni/ /rgyal ba kun gyis gsang ba'i mdzod 'dzin pa/ /rgyud kyi don byung ston pa'i ngo bo la/ /sgo gsum dang bas btung te phyag 'tshal te/ mdo'i rnam bshad bdag gis bya bar 'dod/ /ces smos pa ni thugs kyi rgyud 'di gsungs pa'i ston pa de la brtsams pa mthar phyin par bya ba'i phyir phyag 'tshal zhing bstod nas bshad par dam bca' bar bya ba'i phyir smos pas don dgrol ba'i man ngag bstan pa'o/ /gang 'og gi sa mtshams sbyar ba ni/ de la dang por rgyud kyi don la mos pa dang zhes pa dang/ go rims la 'jug pa'i phyir ro zhes pas ni las dang po pa rdo rjes rnam par 'joms pa la rab tu mos pa rnams la rigs pas phun sum tshogs pa lnga dang/ ston pa'i rang bzhin dkyil 'khor dang/ sgrub thabs su bstan pa'i thabs kyi don gyi go rims kyi khyad par shes nas

  384. 192b

    sgrub pa'i phyir smos so/ /gang yin pa bstan pa'i dgongs pa ni/ de la dang por mdo'i mtshan gyi don zhes pa ni dbang po rab mgo smos pas go ba'i dbang du bstan te/ /de la rdo rje ni yang dag pa'i ye shes kyi tshig bla dags te zhes pa dang/ dngos po dang 'bral ba'i don to zhes pa'i bar ni don las mtshan du btags pas na chos nyid rtogs pa ni ye shes te/ ye shes kyi tshig bla dags su rdo rje bstan la/ des phyi rol gyi mu stegs dang/ nyan thos rnams skyon du bstan nas mdza' dang bral ba'i rtags so/ /de ni mi mthun pa ni rnam par ni rgyu seng pa dang smon pa'i phyir ro/ /zhes pa'i bar gyis bstan te/ mu stegs rgyu med pa dang dbang phyug chen po rgyu dang rkyen gyis bskyed pa dang/ mu stegs rtag par lta ba dang/ nyan thos kyi mi rtog par lta ba dang/ so so'i skye bos bde bar lta ba dang/ nyan thos kyis sdug bsngal bar lta ba'i mdza' sel ba'i don du bstan to/ /de yis gnyen po don du bstan pa ni 'joms pa zhes bstan te/ rgyud kyi ston pa'i ye shes kyis 'joms pa'i rtags dang/ de sgrub pa'i thabs dkyil 'khor dang/ sgrubs thabs kyis khyad par gyi 'joms pa'i phyir ro/ /gnyen po dang mi mthun pa ni gzungs ni mi 'da' ba' i phyir dang/ gnyis su med pa'i don zhes pa ni/ gnyen po don las mi 'da' ba' i phyir dang/ gnyen po dang mi mthun pa gnyis su med par sgom pa'i don to/ /dgos 'brel bstan pa ni/ de ltar mdo'i dgos ched rnams bstan nas/ de'i don rnams dgos pa dang 'brel ba'i don ston te zhes pa ni/ dgos pa rgyud dang 'brel pa phun sum tshogs pa'i sgo nas dkyil 'khor dang/ sgrub thabs dang/ dbang dang/ dam tshig dang/ lta spyod du 'brel ba'i don du smos so/ /phun sum tshogs pa'i dgos pa ni de las dgos pa ni mi 'gal bar bstan pa'i ston pa dang/ gang du bshad pa'i gnas dang/ yongs su dag pa'i

  385. 193a

    'khor dang/ tha tshig ces pa'i bar ni rgyud dang mdo sde thams cad lung yin pas sngags dang/ pha rol tu phyin pa'i don byung ba ni phun sum tshogs pa rnam pa lnga'i sgo nas rab tu smos pa'i phyir ro/ /dgos pa phun sum tshogs pa'i sgo nas ni de la 'brel pa ni zhes pas bstan te/ don ni phun sum tshogs pa rnam pa drug dang lnga'i sgo nas rgyud kyi don bstan la 'bebs pa'i phyir ro/ /don shes par bya ba'i dngos po ni/ de'i 'og tu ji ltar yongs su shes par bya ba'i dang zhes pa na phyir ro zhes pas bstan te/ phun sum tshogs pa dang rgyud 'brel pa dang/ rgyud dang dkyil 'khor/ /dkyil 'khor dang sgrub thabs so/ /'di bsdus pa'i don ni de ltar dang/ smos pa'i phyir ro/ zhes pa'i bar te dgos 'brel gyi sgo nas bstan pa yang go rims dang/ bsdus pa'i don du bstan pa bcom ldan 'das kyis 'da' kar kun dga' bo la gsungs pa'o/ /ston pa sangs rgyas bcom ldan 'das dang/ rab tu thos pa'i phyir zhes pa'i bar ni bcom ldan 'das sangs rgyas pa ni rdo rje lta bu ste/ bdud rnam bzhi byang chub kyi snying ba ga la bar btul nas gsungs pa'i don du bstan pa'i tha tshig go/ de ni 'di skad bdag gis thos pa dus gcig na dang zhes bya'o/ /zhes pa'i bar ni ston pa sangs rgyas bcom ldan 'das ni gsung dag la mnga' brnyes pa na/ gdul bya so so'i skad du chos rnams go bas ston pa thugs rjes che ba dang/ sdud pa thos pa che bas don 'di ldem dgongs su bstan bcom ldan 'das rdo rje la bzhugs te/ chos ston pa'i tshul du bzhugs so/ /zhes pa'i bar ni de bzhin gshegs pa rdo rje gdan du mngon par sangs rgyas pa'i dus der byang chub kyi snod pa ga la ba der sangs rgyas nas bdud 'dul ba'i dus su gnyis ka rgyud thugs kyi don 'di gsungs pas smos pa'i phyir ro/ /de'i dus gsum gyi sangs rgyas thams cad kyi phrin las pa ni/ da ni byin gyis brlabs kyi

  386. 193b

    ston pa ste/ dus gsum gyi sangs rgyas pa dang/ snyom par zhugs pa'i phyir ro/ /zhes pa'i bar ni sngon 'das pa'i bskal pa grangs med pa'i dus su de bzhin gshegs pa rin chen mang zhes bya ba 'jig rten du byung ngo/ /dus de'i tshe na rgyal po chen po dpa' bo zhes bya ba gling bzhi la dbang byed par sras rgyal bu stong du tshang ba byung bas/ kun byang chub tu sems bskyed pa'i tha ma phyag na rdo rje 'di yin pas na/ dus der smon lam btsan po rnams kyi bstan pa la gnod pa'i bdud 'dul zhing/ sku dang gsung dang thugs bsang ba'i mdzod 'dzin pas smon te/ 'di yang byang chub kyi snying po la bdud btul nas chos ston pa'i tshe mnga' bdag tu dbang bskur bas de bzhin gshegs pa thams cad kyi byin gyis brlabs nas dbang bskur ba'i don to/ /lus thams cad rdo rjer byin gyis brlabs nas dang/ byin gyis brlabs pa'i phyir ro/ /zhes pa'i bar ni lag na rdo rjes sngon gyi bdag gi smon lam gyi mi mdzed kyi 'jig rten gyi khams 'di sangs rgyas shAkya thub pa'i las rnams bya ba'i phyir smos so/ /rdo rje'i ting nge 'dzin la snyems bar zhugs so/ /zhes pa'i bar ni bcom ldan 'das dang po sangs rgyas pa yang rdo rje lta bu ste/ de dang mthun pa'i sgo nas lag na rdo rjes kyang bdud 'dul ba/ phyi rabs kyi sems can la phan pa'i thabs bstan pa'i phyir ro/ /de nas lag na rdo rje sangs rgyas kyi mthu dang/ thogs pa med pa'i ye shes kyi tshig smra ba'i phyir zhes pa'i bar ni lag na rdo rje de sngon gyi smon lam des ni rigs lnga la sogs pa'i phyogs bcu'i sangs rgyas bcom ldan 'das de dag gis mthus gnyis su med pa'i dbang bskur nas byin gyis brlab bskyed pa'i phyir ro/ /sdud pa las kyang 'dzam bu'i gling 'dir chu klung ji snyed cig pa bab cig zhes pa lta bu'o/ /sangs rgyas kyi byin gyi brlabs pa dang/ spobs pa skyed pa'i phyir ro/ /zhes pa'i bar ni lag na rdo rje sangs rgyas kyi byin gyis brlabs nas 'jig rten gyi khams sangs rgyas kyi zhing thams cad

  387. 194a

    du lag na rdo rje zhes kun tu grags pas mthu bo che thams cad dbang du gyur pa'i don to/ /byang chub sems dpa' thams cad kyi byin gyi brlabs kyis zhes pa dang/ mthus stong pa'i phyir ro/ zhes pa'i bar ni phyogs bcu'i sangs rgyas kyi mthu sa la nag na rdo rje de sangs rgyas kyi zhing gzhan gyi byang chub sems dpa' yang/ rang rang gi sangs rgyas la zhus nas/ bdag cag kyang mi mdzad gyi 'jig rten gyi khams kyi sangs rgyas shAkya thub pa'i 'khor lag na rdo rje lta bar mchi zhes zhus nas 'dir byon te/ byin gyis brlabs dang mthu sngon gyi smon lam dang las mthun pas byin gyis rlobs pa'i phyir gsungs so/ /rdo rje khro bo las 'byung ba dang/ phyir ro zhes pa'i bar ni de ltar lag na rdo rje sa rnam par 'joms pa'i rgyud kyi don 'di dbyung ba'i phyir/ ye shes bzhi dang phrin las rnam pa bzhi dang khro bo phyogs bzhi dang mchi mas bzhi dang tshad med pa bzhi las sgo ba bzhi byung nas 'jig rten gyi khams thams cad dkyil 'khor gyi lha de dag gi sprul pas rab tu bkang nas bdud dang srin po 'dul ba'i don to/ /rdo rje snying pos smras te dang gsungs pa'i phyir ro zhes pa'i bar ni lag na rdo rje lus sangs rgyas kyi sku rdo rje lta bu dang/ sems sangs rgyas kyi thugs snying po byang chub sems dang ldan pa'i sgo nas sems can la phan pa'i phyir/ de bzhin gshegs pa'i sku la brten cing thugs nyid la dgongs nas don ma lus par smra ba'i phyir ro/ /shar phyogs kyi hUM ka ra'i don ston te/ mi chod pa mi shigs pa/ bden pa zhes pa dang/ phrin las rnam bzhi las byas pas 'grub po zhes pa'i bar ni/ nyan thos kyi yul rdu phra rab 'dus pa las yul du grub par 'dod de thugs kyi khro bo des 'joms par gzung ba bcom ste/ gshin rje gshed du bstan to/ /nang gi 'dzin sems mu stegs kyi bdag tu rtags pa de 'joms pas na thob ye shes kyi me dpal can

  388. 194b

    'dzin/ /de ltar gzung 'dzin dang bral ba'i byang chub sems dkar pos 'gro ba 'dul bar byed do/ /de rnal 'byor pas dkyil 'khor du sgrub thabs tshul bzhin du byas nas bsgrub na de bzhin gshegs pa thams cad kyi sku gsung thugs kyi dngos grub ya mtshan can na gsus kyang bar mi chod par thob ste/ de rnam par thar pa'i sgo gsum la gnas pas mtshan ma rnams kyis mi shigs te/ bskal pa grangs med par gsungs bden pa'i 'bras bu tshad med pa'i yon tan dang ldan pas 'gro ba la chos ston pa'i shugs dang ldan pa'o/ / 'di ni kho bo thams cad kyi ngo bor gyur pas na/ de bzhin gshegs pa thams cad kyi snying rje chen po dang ldan pas mi dge ba ni spangs pa'i dngos grub rnams rab tu 'grub par byed pa mi shigs pas/ de dpa' bar 'gro ba la sogs te/ ting nge 'dzin gyi sgo'i rnam grangs 'bum phrag la mnga' rnyed pas na cis kyang bar du gcod pa dang bral te/ phyogs bcu'i de bzhin gshegs pa'i rang bzhin du 'gyur bas ni skye shi dar bral ba'i sku tshe dang ldan pas mi shis pa ste/ bden pa'i tshig la thogs pa med pas 'gro ba'i rgyud sgrol/ ba'i bden ba'i chos rnams ston to/ /de'i sgrub thabs rnams sla bas ma brjod do/ /hUM ka ra'i don rgya cher bshad zin to/ /da ni lho phyogs kyi khro bo khams gsum rnam par rgyal ba'i don rgya cher ston te/ sla ba brtan pa thams cad du thogs pa med pa zhes pa dang thogs pa med pa'i dngos grub thob po zhes pa'i bar ni/ de bzhin gshegs pa'i ting nge 'dzin tshad med pa'i yon tan gyi 'dod chags la sogs pa'i nyon mongs pas 'khor bar skye bar byed pa las rgyal ba'i rtags su srid pa'i 'khor lo bsnams te/ rnam par thar pa'i sgo gsum dang ldan pa'i ngang du 'dus ma byas pas na sra bar mdzad de snying rje tshad med pa'i byang chub sems mi 'gyur ba'i sgo nas brtan por mdzad do/ /sems can thams cad thugs rjes 'dul zhing/ thabs mkhas pa'i brtson 'grus

  389. 195a

    'gro ba'i don ma lus par mdzad pa de phrin las ci la yang thogs pa med pas bdun pa'i dngos grub rnams rnal 'byor pa la rab tu ster ro/ /dge ba'i bar du gcod pa gzhan 'phrul dbang byed lha'i rgyal po'i bdud sdig can dang/ gnod sbyin dang srin po rnams 'dul ba na/ pha rol tu phyin pa'i go sra ba sbyin zhing/ thogs pa med pas bsam pa brtan pa'i sgo nas 'gro ba ma lus pa sgrol ba la thegs pa med pa'o/ /khams gsum thams cad las rnam par rgyal ba'i don rgya cher bshad zin to/ /da ni nub phyogs kyi khro bo ha ya gri ba'i don ston to/ /gsung gi sgo nas 'gro ba'i phrin las sna tshogs pa mda' bas na thams cad du ma pham pa/ sems can thams cad skrag bar byed pa/ sems can thams cad 'jil bar byed pa dang/ zhes pa dang/ bkris par 'gyur ro zhes pa'i bar gyis ni/ 'dod khams dang/ zugs khams dang/ gzugs med pa'i khams rnams thabs mkhas pa'i sprul pas thams cad ma pham pa/ bdud kyi rgyal po ded dpon nag po dang/ bgegs kyi rgyal po ba nI ya ka la sogs pa 'jig rten na mthu che ba rnams dngangs shing skrag par mdzad cig/ nyon mongs pa'i 'dod chags dang/ zhe sdang dang/ gti mug dang nga rgyal dang/ phrag dog dag gis khams gsum dag du nyon mongs pa rnams 'jil zhing/ gsung ma chags shing thugs rjes 'gro la rol pa'i rtogs su pad+ma bsnams so/ /thugs rje thabs mkhas pas sku bskal pa'i 'od zer dmar po 'phro ba mtshan ma'i rnam par rtog pa rnams dang 'brel bas che ba'i yon tan tshad med pa dpag tu med pa'i yon tan dang ldan pas 'gro ba la phan 'dogs pas gzhung nas 'byung ba bzhin du bsgrub na/ yon tan tshad med pa'i bkris par 'gyur ro khro bo'i rgyal po rta mchog dpal gyi don rgya cher bshad zin to/ /da ni byang phyogs kyi khro bo bdud rtsi 'khyil pa'i

  390. 195b

    don ston te/ phrin las rgya mtshos 'gro ba 'dul ba'i phrin las mdzad de rig sngags thams cad gcod par byed pa/ rig sngags thams cad gnon par byed pa/ las thams cad 'joms par byed pa zhes pa dang/ dmod pa'i bye brag thams cad las thar par 'gyur ro zhes pa'i bar ni/ bdud dang/ srin po dang/ gnod sbyin dang/ sha za la sogs pa phaT kyi rgol bas sems can la gnod pa'i thabs dang drang srong nag po dang/ snag tsha dang/ me sbyin la sogs pa'i dmod pa rnams kyis sems can gyi sems phyin ci log tu byed pa rnams la/ sdug bsngal ba gsum dang brgyad kyi mnar ba rnams/ de bzhin gshegs pa'i phrin las bya ba nan tan gyi ye shes kyis gong gi sdug bsngal ba dang/ gnod pa ma lus pa gcod par byed pas/ thabs mkhas pa'i thugs rjes sems can gyi las thams cad rab tu ma lus par rdzogs par byed pas/ 'bras bu'i rang bzhin ye shes kyis/ sdug bsngal gyi rnam pa 'joms pa'i phrin las sna tshogs rtags su/ de bzhin gshegs pa'i thabs kyi phyag rgya bdud rtsi 'khyil pa ste/ yang dag pa'i ye shes las byung ba'i rtags su thams cad rang bzhin rnam par dag pa'i rtags su 'phrin las rnam pa sna tshogs pa rnams 'gro ba'i don du mdzad do/ /dkyil 'khor du sgrub thabs kyi khyad par gzhung bzhin du byas na/ pha rol gyi ngan sngags kyi bye brag rnams 'joms shing thar par 'gyur ro/ /khro bo bdud rtsi 'khyil pa'i don rgya cher bstan zin to/ /da ni shar lho mtshams kyi khro bo ya man+ta ka'i don bshad de gshin rje dang/ me lha la sogs pa'i gnod pa rnams 'joms pa'i rtags su bstan te/ gzhan gyi las thams cad 'jig par byed/ gdon thams cad rlag par byed pa/ gdon thams cad las thar bar byed pa/ zhes pa dang/ khro bo'i rgyal po ya mAn+ta ka ste zhes ba'i bar gyi bstan te bdud dang srin po dang/ gnod sbyin la sogs pa phyir rgol ba rnams/ sngon gyi smon lam gyis

  391. 196a

    sems can ma lus pa thams cad thabs mkhas pa'i thugs rjes 'joms shing/ gnyen po ye shes kyis dngos po thams cad 'jig par byed cing/ snying rje chen po rgyu mthun pa'i byang chub kyi sems gzhan la phan 'dogs pa'i ngo bor bsgyur bas sems can gyi las thams cad 'joms par byed pa'i rtags su gyur ba gsungs te/ gdon ma lus pa stong phrag brgyad cu rtsa bzhi'i dpon po bi nA ya ka dang dbang ldan la sogs pa'i mthu dang blo gros tshad med pa dang ldan pas/ gzhan gyi rig sngags thams cad 'gro ba rnams byed du 'jug par gsungs so/ /byang shar mtshams kyi khro bo'i rgyal po Tak+ki rA dza'i don rgyas par bshad zin to/ /da ni lho nub mtshams kyi khro bo'i rgyal po stobs po che'i don rgyas par bshad de/ yang dag pa'i ye shes kyi stobs kyis sems can rnams kyi don ma grub pa grub par byed pa don grub pa rnams chud mi za bar byed pa/ gang bsgrub pa de'i don rnams phun sum tshogs pa thob par byed pas na/ de ni ma grub pa rnams grub par byed pa/ 'dod pa thams cad rab tu sbyin pa zhes pa dang khro bo'i rgyal po stobs po che bstan zhes pa'i bar ni/ rnal 'byor sgrub pa po gang yang rung ba dag gis 'di tshul bzhin du bsgrubs na/ mdo las 'byung ba'i de bzhin gshegs pa rnams kyi sku gsung thugs kyi dngos grub ma grub pa rnams grub par byed pa/ sgrub par byed pa'i thabs rnam pa sna tshogs pa'i las rnam pa rnams phas kyi rgol bdud rnam pa bzhi nyon mongs pa dang/ phung po dang/ lha'i bu dang/ 'chi bdag gi bdud rnams kyi dbang du ni mi gtong bar mdzad pa dang/ de bzhin gshegs pa'i yon tan gyi rnam grangs ma lus pa thams cad rab tu sbyin par mdzad pa dang/ dpa' bar 'gro bar dge/ zla ba'i rgyan mtshan la sogs pa'i ting nge 'dzin gyi sgo bsam gyis mi khyab pa'i stobs dang ldan pa/

  392. 196b

    'jig rten gyi khams kyi sems can gyi 'dod pa phun sum tshogs pa bsam gyis mi khyab pa rnam thob par sgrub cing/ de bzhin gshegs pa'i 'phrin las sna tshogs pa mdzad do/ /lho nub mtshams kyi khro bo'i rgyal po stobs po che'i don rgyas par bshad zin to/ da ni nub byang mtshams kyi khro bo a mo g+ha pA sha'i don ston te/ thabs mkhas thugs rje'i zhags pas khams gsum gyi sems can ma lus pa rnams 'khor ba'i sdug bsngal las 'dren cing thugs rjes srung bar byed pa'i don te/ sems can thams cad srung ba zhes pa dang/ byang chub sems thabs mkhas pas srung bar byed do zhes pa'i bar ni/ thabs mkhas pa'i thugs rje tshad med pa'i rang bzhin/ sngon bskal pa tshad med pa sems can ma lus pa thams cad la/ byang chub sems tshad med pa skyes nas/ ye shes kyi khro bo'i sprul pa bsam gyis mi khyab pa phyung nas/ sprul pa dag 'dod khams dang/ gzugs khams dang gzugs med pa'i khams kyi sems can dag ji ltar 'dul ba bzhin du/ thabs mkhas pa'i thugs rje tshad med pa'i sprul pa des/ 'gro ba sna tshogs pa rnams ji ltar 'dul ba bzhin du ston te/ des 'dod chags dang zhe sdang dang/ gti mug la sogs pas sdug bsngal ba'i rnam pa la/ tshad med pa'i thugs rje yon tan sna tshogs pas phan btags nas/ 'khor ba'i sems can rnams bsrung ba'i phyir ro/ /de ni thugs rje dang phrin las don yod pa'i zhags pa ste/ sngon gyi phrin las tshad med pa'i snying rje dang/ dga' ba dang/ btang snyoms kyi sems can thams cad la phan 'dogs shing bsdu ba'i dngos po sbyin pa dang/ snyan par smra ba dang/ don dpyod pa dang/ don mthun pa'i sgo nas sdud cing srung bar byed do/ /nub byang mtshams kyi khro bo don yod zhags pa'i don rgyas par bstan zin to/ /da ni dkyil 'khor gyi dbus kyi gtso bo phyag na rdo rje'i don ston te/ rgyal ba thams cad kyi thugs gsang ba'i mdzod 'dzin pa thugs

  393. 197a

    chos nyid las ma g.yos kyang/ sngon gyi bsod nams kyi tshogs kyis sems can gyi don 'dod pa phun sum tshogs pa sgrub cing/ bdud dang srin po la sogs pa gdul ba'i phyir thugs rjes khro bor sku sprul te/ rengs par mdzad de/ zhi ba rgyas pa/ sems can thams cad rengs par byed pa zhes pa dang/ dbang du bsdus phan 'dogs pa'i phyir ro/ /zhes pa'i bar ni/ sems phyin ci log dang/ lta ba phyin ci log dang/ shes rab phyin ci log dang 'du shes phyin ci log gi nyon mongs pa thams cad las/ thabs mkhas pa'i sngon gyi bsod nams kyi tshogs bsam gyis mi khyab pa rab tu bsags pas da ltar shAkya thub pa'i bstan pa la gnod pa'i sems can dregs pa can la/ 'jigs byed thabs la mkhas pa'i sprul pa bsam gyis mi khyab pa rnam pa sna tshogs pa dag gi gnod par byed pa'i sems can gzhan la bstan nas/ de dag gi de dang bdag tu lta ba'i 'du shes phyin ci log gi nyon mongs pa'i sdug bsngal ma lus pa rnams med par mdzad do/ /dregs pa can de dag btul nas/ byang chub chen po la ji ltar 'dod pa bzhin du/ yon tan gyi tshogs bsam gyi mi khyab pas rgyas par mdzad cing/ bdud kyi rgyal po dang/ dregs pa can khyod shug can rnam skrag cing dngangs pa dang/ rengs shing 'dar bar mdzad pa'i phyir ro/ /rnam pa gzhan du yang rnam par mi rtog pa'i byang chub sems chos nyid zhi ba'i ting nge 'dzin mnyam pa'i ngang las ma g.yos kyang/ tshe rabs sngon gyi bsod nams kyi tshogs bsam gyis mi khyab pa thams cad rgyas par mdzad do/ /'jig rten rnam pa gsum na gnas nas sems can thams cad la thugs rjes thabs la mkhas pa'i phrin las kyis de bzhin gshegs pa thams cad kyi bstan pa la gnod pa'i bdud rnams 'dul ba'i phrin las sna tshogs pa 'byung ba'i yon tan gyi rang bzhin

  394. 197b

    phun sum tshogs pa gzhan la dbyung ba'i phyir/ rnam grangs sna tshogs pa'i sgo nas sems can rnams tshim zhing bde bar mdzad do/ /gong gi zhi bas mi 'dul ba'i bdud dang srin bu dregs byed rnams khro bo'i ting nge 'dzin las khro bo'i sprul pa sna tshogs dag gis 'dul zhing/ sdug bsngal las skyobs nas bde ba la dgod pa'i phyir/ 'jigs byed kyi drag shul gyi rengs shing 'dar bar mdzad do/ /de dag de bzhin gshegs pa'i 'khor du thugs rje dbang du bsdus nas/ phan pa'i yon tan chen po'i sgo nas don mdzad pa'i phyir ro/ /dkyil 'khor gyi dbus kyi gtso bo phyag na rdo rje'i don rgyas par bshad zin to/ /da ni shar dang lho dang/ nub dang byang gi sgo ba'i don ston te/ tshad med pa rnam pa bzhi'i rtags te snying rje'i lcags kyu dang/ byams pa'i zhags pa dang/ dga' ba'i lcags sgrogs dang/ btang snyoms kyi dril bu dang ldan pa'i sgo nas/ sbyin pa dang/ snyan par smra ba dang/ don dpyod pa dang/ don mthun pa'i sgo nas 'gro ba'i don mdzad pa'i rtags so/ /rmugs par byed pa'i gsang sngags kyi mthu chen po 'di zhes pa dang/ mi gnas byed pa'i don to/ /zhes pas bstan te/ ye shes kyi sgo ba rnam pa bzhis 'dod pa dang/ gzugs dang/ gzugs med pa'i sems can ma lus pa rnams/ phyag rgya rnam pa bzhi'i sgo nas 'gro ba'i don mdzad pa'i thabs sna tshogs pa bstan nas/ me long lta bu'i lcags kyu dang/ mnyam pa nyid kyi zhags pa dang/ so sor kun tu rtogs pa'i lcags sgrog dang/ bya ba la nan tan gyi dril bur sku sprul te/ 'dul ba'i dbang du rdo rje rta gdong lcags kyu ma dang/ rdo rje phag gdong zhags pa ma dang/ rdo rje lcags sgrogs nyi zla'i spyan dang/ rdo rje thal byed dril 'khrol mar sprul te/ shar dri za dang/ lhor grul bum dang/ nub klu dang/ byang gnod sbyin la sogs pa'i bdud rnams skabs 'tshol zhing glags lta ba rnams thugs rjes ma rungs pa rnams rmu

  395. 198a

    par byas nas/ log pa'i lam du 'jug tu mi ster bar gsang ba'i drag shul gyi mthus bsdigs nas/ sdug bsngal las mi gnas par byed pa'i don to/ /tshad med pa'i sgo ba bzhi'i don bshad zin to/ /sngags dbyung ba'i don ston to/ /sngags ni ye shes kyi rtags kyi don gsang ba dbyung ba'i thabs te/ sangs rgyas kyi mthus lag na rdo rjes rab tu smras so zhes pa dang/ thugs khro bo'i sngags dang dbyung bar bya ba'i don to/ /zhes pa'i bar ni dkyil 'khor gyi rang bzhin bshad pa la/ de bzhin gshegs pa thams cad kyi mthus lag na rdo rje la/ sku dang gsung dang thugs kyi dbang bskur bas byin gyis brlabs nas/ 'das pa dang ma byon pa dang/ da ltar byung ba'i sangs rgyas kyi ye shes lag na rdo rje rab tu smras nas/ byang chub snying por dbang bskur bas/ lha gnas dang ni mi gnas kun tu thugs yang dag pa'i ye shes rdo rje lta bu'i mthu'i dbang bskur bar/ bcom ldan 'das kyi 'khor 'jig rten las 'das pas mthong par 'gyur te/ de bzhin gshegs pa thams cad kyi ye shes kyis byin gyis brlabs nas lha'i rgyal po dbang sgyur gyi gnas dang lho phyogs gyad kyi yul dang/ snying po byang chub ga la ba 'dir lag tu ye shes kyi rdo rje byin nas/ rdo rje ming 'dzin par dbang bskur bas/ lha dang/ klu dang gnod sbyin dang/ dri za dang lha ma yin dang/ nam mkha' lding dang lto 'phye chen po dang/ mi dang mi ma yin rnams su lag na rdo rjer so sor skad du 'ur ces rab tu grags par gyur pa'i don to/ dus der 'dod khams dang/ gzugs khams dang gzugs med pa'i khams kyi srid pa gsum gyi mthu che ba rnams dbang du 'dus par 'gyur ro/ /thams cad zhabs 'og tu bsdus nas bka' dam la btags nas so so rang rang gi snying po mdong gsol du phul nas/ dam tshig can du byas nas de rnams kyang dus gcig tu go

  396. 198b

    ste/ gong gi khro bo rnams kyi sngags dang/ cho ga'i phan yon rnams 'dul ba'i dbang 'gro ba'i don du lag na rdo rje phyogs bcu de bzhin gshegs pa'i ye shes kyi tshig 'jig rten rnam pa gsum du srid pa'i sems can la phan pa'i phyir ro/ /gsung khro ba'i dkyil 'khor 'di 'dul ba'i dbang du gsungs so/ /gsang sngags gsung gi dkyil 'khor dbyung ba'i thabs bshad zin to// //da ni gsung yig 'bru'i dkyil 'khor bshad pa'i don ston te/ dang po phyag na rdo rje'i phrin las bshad do/ /na mo ratna tra yA ya/ dkon mchog gsum la phyag 'tshal ba'i don te/ phyag na rdo rje dkon mchog gi rang bzhin du gyur pas na/ ye shes las grub pa'i phyir zhes pa na/ dus gsum du rgyal ba'i rang bzhin du gyur pas dkon mchog gsum zhes brjod do/ /na mashtsaN+Da badzra pA Na ye/ rdo rje rin chen gyi ngo bo phyag na rdo rje'i yang dag pa'i snying po'o zhes pa ni thugs rdo rje lta bu dang/ yon tan rin chen lta bu dang/ ldan pa'i tha tshig go/ mahA yak+Sha sa na pa ta ye/ gnod sbyin gyi sde dpon chen po lag na rdo rje drag po la phyag 'tshal ba'i don te/ gnod sbyin gyi rnams thugs rjes 'dul bas de skad ces brjod do/ /zhes pa ni khams gsum gyi dregs pa can 'dul ba'i phyir rigs gnod sbyin du bstan te/ thabs mkhas pa'i phrin las kyi dbang du sdud pas so/ /tadya thA/ 'di lta ste gang lta zhe na/ 'og nas byung ba'i sngags kyi tshig rnams zhes pa ni/ 'og gi don ma nor bar bstan pa'i phyir gsal bar bstan cing smos pa'i don oM ta Ta ta Ta ye shes lnga'i ngo bo dag gi nyon mongs pa thams cad song zhig pa'i don ni/ chos kyi dbyings kyi ye shes la sogs pa rnam pa lngas/ nyon mongs pa rnams rab tu gcod pa'i don/ /tro Ta ya tro Ta ya phyag na rdo rje'i byin gyis brlabs kyi rab tu gcod cing lags bar song cig pa'i don ni/ thugs gsang ba'i mdzod 'dzin pa ye shes kyi don la dpyod cing/ nyon

  397. 199a

    mongs pa las skyobs shig pa'o/ /sphu Ta sphu Ta/ zhes pa ni nyon mongs pa las ye shes kyi mes 'bar bar gyis shig pa'i don ni sdug bsngal gyi rang bzhin ye shes kyi phrin las nyon mongs pa la don gsal bar gyis shig pa'o/ /spho Ta ya spho Ta ya/ byang chub kyi rang bzhin gyis legs par 'bar bar gyis shig pa ni thugs rje tshad med pa'i phrin las kyi legs par mthong bar bya ba'i tha tshig go/ g+hur+Na g+hur+Na/ bdag gi bgegs rnams gzung la skrod cing/ ye shes kyi mes mtshan ma sregs shig pa'i don ni/ lta ba log pa ni bgegs dang 'dra ste/ yang dag pa'i lta ba'i bgegs te ye shes kyi mes nyon mongs pa choms shig pa'i don ni/ g+hur+Na pa ya g+hur+Na pa ya/ ni thugs rje lcags kyus gzung la legs par skrod cig pa'i don ni/ phrin las lcags skyus gdon zung la mtshan ma skrod cig pa'i don no/ /sarba sa twa ni sems can thams cad thugs rje'i thugs kyi gzigs shig pa'i don ni thugs rje'i zhing ste/ dgos 'brel yod pas gzigs pa'i phyir ro/ bo d+ha ya bo d+ha ya/ khams gsum gyi sems can rnams/ byang chub tu sems rab tu bskyed cig pa'i don ni/ dngos por lta ba rnams dngos po med pa'i byang chub sems la dgod pa'i phyir ro/ /saM bo d+ha ya saM bo d+ha ya/ 'gro ba rnams legs par byang chub tu sems bskyed pa'i don ni/ lam log pa'i 'gro ba rnams yang dag pa'i byang chub la dgod pa'i phyir ro/ /b+h+ra ma b+h+ra ma/ byang chub kyi sems dang mi mthun pa'i bgegs rnams skrod cig pa'i don ni/ gzung 'dzin gyi bag chags rnams byang chub kyi skyon gsol cig /saM b+h+ra ma ya saM b+h+ra ma ya/ phyin ci log gi nyon mongs pa rnams las thugs rjes legs par skrod cig pa'i don ni/ lta ba log pa ni nyon mongs pa'i rgyu las phrin las kyi de sel ba'i don to/ /sarba bud+d+ha/ sangs

  398. 199b

    rgyas thams cad kyi thugs rje chen pos bdag gi sdig pa thams cad choms shig pa'i don to ni sngon gyi thugs rje phyi nang gi gnod pa thams cad med par bya ba'i phyir choms shig ces gsungs so/ /ku Ta ni ku Ta ni/ gdon 'byung po rnams gtubs shig gtubs shig thugs rje ye shes kyi spyan gyi gzigs pa'i don ni/ gnod pa rnams med par byed pa dang/ gdug pa rnams bcad pa dang/ thugs rje gzigs par byed pa'i tha tshig go/ saM ku Ta ya saM ku Ta ya/ 'jig rten na gnod par byed pa rnams byams pa'i thugs kyis gtubs shig/ legs par gtubs shig pa'i don ni/ khams gsum gyi sems can la gnod pa rnams 'joms par byed pa'i thabs dang ldan pas ye shes kyi rtags kyi zhabs kyi zil gyis non cing/ sems can rnams kyi sdug bsngal pha rol cing zad par byed pas/ gdon thams cad 'joms par byed cing rlag par gsungs te/ nyan thos dang mu stegs la sogs pa'i phyi nang gi lta ba rnams kyi gnod pa sna tshogs pa rnams rtogs pa'i rang bzhin gyis dge ba'i bar du gcod pa'i gnod pa rnams/ phrin las sna tshogs pas gdul bar yang mdzad pas/ khams gsum gyi 'gro ba las sna tshogs pas/ phung po nyam thag nas nad sna tshogs kyis tshe dang mdangs 'brog pa ma lus pa rnams thugs rjes thabs mkhas pas thar par mdzad cing/ phyi'i gdon dang/ nang gi gdon dang/ 'byung ba'i khams ma snyoms pa'i gdon thams cad las rab tu thar ba'i rtags su/ khro bo rgyal po ya mAn+ta kar bstan/ de bsgrub par bya ba'i phyir zhes pa dang/ bkris par 'gyur ro// zhes pa'i bar ni/ rnal 'byor pas don rnams ma nor bar bsgrub par bya ba'i phyir/ dus gsum gyi da bzhin gshegs pa yum shes rab kyi pha rol tu phyin pa'i rang bzhin du gnas par byin gyis brlabs nas/ gzhal yas khang du gnas

  399. 200a

    te/ rang bzhin gyis dag par bsam te/ de nyid bsgom pa'i rgyu/ ya mAmta ka'i rtsa ba'i yig 'bru/ thugs byang chub sems kyi dkyil 'khor bsam te/ 'od du zhu bas dngos po'i rang bzhin byang chub sems su gnas pas na snying po rnam pa lnga thugs kyi rtags dang ldan pa la/ rgyan chas rnam pa yon tan gyi rnam pa sna tshogs pa 'byung ba'i gnas su thugs ye shes kyi byin gyis brlabs kyi rtags ha 'bar ba bsam ste/ ha des dngos po rnams 'ong du dngos po med par zhu bas 'bras bu'i rang bzhin yon tan gyi ngo bo rgyan chas dang/ byang chub sems kyi snying po dang/ rgyan la thim pas thams cad rang bzhin gnyis su med par gyur par bsams te/ dus gsum gyi sangs rgyas kyi ye shes kyi rnam par thar pa'i cho 'phrul bsam gyis mi khyab par gyur nas/ de bzhin gshegs pa'i sku gsung thugs kyi thugs rdo rje'i byin brlabs/ dngos grub sna tshogs pa 'byung bas sems can thams cad kyi dgongs pa sna tshogs par grub par bsam ste/ de nas rnal 'byor sgrub pa pos bdag ya mAn+ta ka'i ting nge 'dzin du zhugs te/ 'gro ba 'dul ba'i dbang du bdag zhi ba dang/ rgyas pa dang/ dbang dang/ drag po'i las rnams 'gro ba gang la mos pa bzhin du/ dkar ba dang/ ser ba dang/ dmar ba dang/ gnag pa phrin las so so'i kha dog tu sgyur te/ ye shes kyi bum pa des dbang bskur zhing bsnyen pa yang grangs dang/ mtshan ma dang/ dus kyi bsnyen pa dang/ da ha badzra grangs mang por brjod na bkris kyi yon tan sna tshogs pa rab tu thob par 'gyur ro/ gong dang 'og gi sgrub thabs rnams bshad pa las 'byung ba yang 'di bzhin du rgyas par shes par bya'o/ /rig pa'i gtan tshigs gong 'og la sbyar bar shes par bya'o/ /gzhan dag don gcig pas mi smos so shar lho mtshams kyi khro

  400. 200b

    po'i rgyal po ya mAn+ta ka'i don rgya cher bstan zin to// //da ni byang shar mtshams kyi khro bo Tak+ki rA dza'i don rgyas par ston te/ khams gsum gyi 'byung po'i rgyal po dbang ldan rig sngags kyi dmod pa'i tshogs thams cad zhi bar byed pas Tak+ki rA dza phyung nas 'gro ba'i don du bzhugs pa'i thabs ni 'byung po thams cad 'gugs par byed pa/ rig sngags kyi las thams cad byed du 'jug pa zhes bya ba dang/ las thams cad byed du 'jug par gsungs zhes pa'i bar ni/ 'dod khams kyi sems can gyi gzung ba dang 'dzin pa'i bag chags rnam par rtog pa/ kun gzhi la rab tu bsags pas ni/ nam mkha' la sprin gyis bsgribs pa ltar/ phyin ci log gi bag chags mthu ltas pas/ bdag tu lta ba las 'byung bas na 'byung po log pa'i mthu rab tu zhes pas na mtshan ma rdzas kyi bye brag sna tshogs pa las 'byung ba dang/ sngon gyi las gyur pa'i 'byung po thams cad kyi rgyal po dbang ldan la sogs pa rnams 'gugs par byed pa'i rtags kyi phyag rgya ni/ 'dul ba'i dbang du sku sprul te/ 'gro ba'i don byed pa'i rtags Tak+ki rA dza ste/ 'jig rten gyi khams rnam pa gsum gyi nang du/ phyi'i 'byung po dang/ las las gyur pa'i 'byung po'i rigs thams cad thabs mkhas pa'i thugs rjes dbang du bsdus nas 'khol bas na/ byang shar mtshams kyi 'byung po rnams 'gugs shing dbang du sdud pas 'dod pa'i rgyal por snang bas/ des phyogs bcu'i de bzhin gshegs pa thams cad kyi phrin las sna tshogs pa rab tu mdzad pa thams cad byed du 'jug cing/ nyams su len pa rnams byams pa'i ral gris mngon du btul te/ legs par gnas pa'i don to/ /sarba sha truM/ bdag la gnod par byed pa'i bgegs rnams thams cad rang bzhin 'dul ba'i don ni gnod sbyin dang/ srin po dang/ bgegs kyi rigs rnams 'dul ba'i phyir ro/ /g+ha Ta ya g+ha Ta ya/ bgegs dang 'byung

  401. 201a

    po de rnams thugs rjes skrod cig pa'i don te/ bi nA ya ka dang dbang ldan la sogs pa rnams thugs rjes skrod cig pa'i tha tshig go/ saM g+ha Ta ya saM g+ha Ta ya ni legs par skrod cig pa'i don te/ bdag dang sems can thams cad nyon mongs pa las thar bar gyis shig pa'i don ni/ nyon mongs pas sems can thams cad 'khor bas de las bzlog cing thar bar bya ba'i phyir ro/ /sarba bidyA/ rig sngags kyi mthus gang la bya ba'i las thams cad rdo rje 'bar bas grub par byed pa'i don ni/ ye shes kyi mthu dang ldan pas don ma lus pa thams cad 'grub par bya ba'i phyir smos so/ /badzra badzra spho Ta/ ye shes 'bar ba'i che bas bgegs rnams gzhan du sper cig pa'i don ni/ thugs rje thabs kyi phrin las che ba dang/ 'dra bas skye bzhi bgegs rtsad gcod pa'i phyir smos so/ /badzra badzra ka Ta/ ye shes las grub pa'i rdo rje 'bar bar bas nyon mongs pa thams cad chod cig pa'i don ni/ dngos po rnams dngos po med par bya ba'i phyir/ 'dul dbang du gcod cig pa'i don to/ /badzra badzra ma Ta byang chub sems kyi rdo rjes bdag la gdug pa rnams gtugs shig pa'i don no/ /chos nyid ngo bo rdo rje dang/ 'dra bas mtshan ma rnams med par byed pa'i thabs so/ badzra badzra ma tha/ yang dag pa'i ye shes rdo rjes bgegs rnams thul cig pa'i don ni/ rtogs pa'i lta ba ni rdo rje dang 'dra bas/ log pa'i lta ba rnams med par byed pa'i thabs so/ /badzra badzra a tha/ ye shes las grub pa'i yang dag pa'i rdo rjes bdud rnams gnas der mi gnas par gyis la skrod cig pa'i don ni/ dngos po rnams dngos po med par byed pa'i yang dag pa'i don/ rdo rjes mtshan ma rnams med par byed pa'i phyir skrod cig pa'o/ ha sa ni la badzra/ rdo rje rnon po me dang 'dra bas bag chags rnams chod cig pa'i don ni/ ting nge 'dzin ral gri dang 'dra bas dngos po rnams gcod cing don mthong

  402. 201b

    ba'i tha tshig go /su badzra swAhA/ thugs mkhyen pa'i rdo rje chos kyi dbyings rnam par dag pa la/ legs sbyor cig pa'i don ni/ rtogs pa'i lta ba rnam par dag pas don rnams mthong zhing legs par rtog pa'i phyir ro/ /dkyil 'khor gtso bo phyag na rdo rje'i rang bzhin gyi don bshad zin to// //bam po gnyis pa/ de ni de'i thugs khro bo'i phrin las kyi don bshad de/ thugs yang dag pa'i ye shes kyi nyon mongs pa rnams 'joms pa'i rtags su thugs rjes khro bar sbrul te/ dregs pa can 'dul ba dang/ phrin las bya ba dang dngos grub rnams sbyin pa'i phyir/ rnam par thar pa brgyad kyi rtags kho na'i don ston pa'i phyir ro/ /he phu lu ni ru phu lu/ de ltar phyag na rdo rje thugs kyi ngo bor gsungs nas/ rdo rje khro bo las sbyor ba'i phyir ro/ /rdo rje khro bo 'bar bas nyon mongs pa'i gshin rje khams gsum pa rnams thugs rjes 'bar bar byed pa'i don ni thugs kyi bdag po'i don bstan nas/ de'i 'og tu khro bos lta ba la sogs pa rnams thugs rje'i khro ba'i rang bzhin gyis 'joms pa'i don ni/ grih+Na ku lu/ khams gsum gyi gshed kyi sdug bsngal dang/ las rnams 'joms pa'i don ni/ 'jig rten pa rnams nyon mongs pas gshin rje'i dbang du song ba'i sdug bsngal rnams thugs rjes gshin rje lta bus 'joms pa'i rtags so/ /mi li tsu lu/ ku ru ku lu/ 'phags pa rta mgrin sngon po 'bar bas sdug bsngal rnams sbyongs shig pa'i don ni/ 'khor ba las 'phags pa'i gsung gi rta skad dang ldan pas/ chos nyid kyi ngo bos sdug bsngal rnams choms shig pa'i don to/ /badzra ba dza ya so hA/ khro bo'i rgyal po bdud rtsi 'khyil pa 'bar bas nyon mongs pa thams cad bdud rtsir byin gyi brlabs shig pa'i don ni/ yang dag pa'i rtags gzung 'dzin las rgyal zhing/ dug bdud rtsir 'gyur zhing nyon mongs pa 'joms pa'i rtags thugs chos nyid du 'khyil

  403. 202a

    bas smos so/ /kI li kI la ya swA hA/ Arya a tsa las thugs kyi phrin las mdzad pa dang/ stobs po ches drag shul gyi phrin las mdzad pa'i don ni 'khor ba las 'phags shing thugs kyi phrin las sna tshogs pa'i ngo bo dang/ yang dag pa'i shes rab kyi stobs dang ldan pa gnyis kyi phrin las so/ /ka Ta ka Ta zhes pa ni ya mAn+ta ka khro bos bdud rnams spa bkongs shig pa'i don ni thugs ye shes kyi rgyal pos lta ba ngan pa rnams med par byed pa'i tha tshig go/ ma Ta ma Ta ni hUM ka ras nyon mongs pa rnams las thugs rjes skyobs shig pa ni/ mtshan ma thams cad 'jigs par bya ye shes kyi khro bos lta ba log pa rnams med par byed pa'i tha tshig go/ ra Ta ra Ta khro bo'i rgyal po pad+ma 'khyil pas nyon mongs pa rnams zhi bar mdzod cig pa'i don ni/ nyon mongs pa la khro zhing ma chags pa'i skyon gyi bu 'khyil pas mtshan ma rnams zhi bar byed pa'i tha tshig go/ mo Ta na phra mo Ta nA ya swA hA/ ye shes kyi gnod sbyin 'bar ba gshin rje gshed kyi skyobs shig pa'i don ni/ 'khor ba 'joms pa'i ngo bo thugs rje'i me 'bar bas mtshan ma rnams med par byed pa'i tha tshig go/ tsa ra ni tsa ra ni zhes pa ni khro bo'i rgyal po nI la dan Das/ bdag dang sems can thams cad la tshe dang dbang thang stsol cig pa'i don ni/ mtshan ma med pa'i ye shes kyi bdag pos/ mi 'chi ba'i g.yung drung dang/ bsod nams kyi tshogs thob par byed pa'i tha tshig go/ ha ra ha ra ye shes kyi gshog pas 'khor ba'i sdug bsngal las skyobs shig pa'i don ni/ rtogs pa'i ye shes kyis 'khor ba'i sdug bsngal rnams las thar par mdzad do/ /sa ra sa ra ting nge 'dzin drag shul gyi sems nyams pa rnams dran par gyis shig pa'i don ni thugs kyi dad bzhin phun sum tshogs pa

  404. 202b

    dang ldan pas/ sems nyams pa'i skyon spyod ba'i thabs so/ /mA ra ya nyon mongs pa 'joms pa'i rdo rjes bgegs rnams song cig/ las drag pos rdul du thod zhig pa'i don ni/ lta ba ngan pa 'joms pa'i drag pa'i stobs dang ldan pa'i rdo rje lta bus gnod pa'i gdon rnams stongs par byed pa'i thabs so/ /badzra bi dA ra NA ya swA hA/ rdo rje rnam par 'joms pas de rdo rje lta bu'i ting nge 'dzin gyi gnod pa rnams zhi bar mdzad cig pa'i don ni/ yang dag pa'i ye shes kyis mtshan ma thams cad mtshan ma med par byed pa'i tha tshig go/ ts+tshinda ts+tshinda/ khro bo'i rgyal po ha ya gri bas/ nyon mongs pa rnams rtsad chod pa ni/ gsung gi bdag po chags pa'i bdag nyid kyi gdug pa rnams med par byed pa'i don ni/ b+hinda b+hinda/ bdag dang sems can rnams kyi sdug bsngal bshig pa'i don ni/ thugs rje phun sum tshogs pas sdug bsngal gsum dang brgyad las thar par byed pa'o/ /ma hA kI li kI lA ya swA hA/ khro bo'i rgyal po stobs po ches las dang nyon mongs pa thams cad thugs zhi ba'i sgo nas zhi bar mdzod cig pa'i don ni/ 'khor ba 'joms pa'i stobs dang ldan pas gzungs 'dzin gyi bag chags rags pa rnams stongs par byed pa'i tha tshig go /banda banda Tik+ka rU dza ste khro bo'i rgyal pos gdug pa'i bdud rnams mgo nas gzung la chings/ shig pa'i don ni/ 'khor ba 'joms pa'i rgyal pos lta ba'i bdud rnams rtsa ba nas 'byin pa'i tha tshig go/ tro Ta tro Ta/ khro bo'i khro bos nyon mongs pa rol cig pa'i don ni/ nyon mongs khro bo la thugs rje khro bos 'joms pa'i tha tshig go/ kI li kI la ya swA hA/ byang chub sems kyi rang bzhin bdud rtsi 'khyil pas thams cad zhi bar mdzad cig pa'i don ni/ gzung 'dzin gyi skyon spangs pa'i bdud rtsi dang ldan pas/ chos nyid du dngos po rnams la bzlog pa'i phyir ro/ /tsu ru tsu ru/ khro ba'i

  405. 203a

    rgyal po a mo g+ha pA shas dam tshig bzhin du phrin las mdzod cig pa'i don ni/ thabs thugs rje chen po'i zhags pa dang ldan pas sngon gyi phrin las bzhin du las mdzod cig pa'i don no/ /tsaN+Da li/ khro bo'i rgyal po tshur spyon/ dam tshig la dgongs shig pa'i don ni/ ma rungs pa 'dul ba'i bdag po gnyis su med par bya ba dang/ mi 'da' bar bya ba'i phyir ro/ kI li kI la ya swA hA/ bdud rtsi 'khyil pas thugs rje tshad med pa'i gsung sgras thams cad byang chub sems su zhi bar mdzod cig pa'i don ni/ lta ba'i bdud rnams byang chub sems kyi rtsis bsgyur zhing/ shes rab kyi sgras chos nyid du ston cing byang chub sems la dgod pa'i don/ trA sa ya trA sa ya/ khro bo'i rgyal po mahA ba las bdud dang dregs byed rnams skrag par gyis skrag par gyis shig pa'i don ni nyon mongs pa 'joms pa'i stobs dang ldan pa/ bdud rnam bzhi 'joms shing skrag par byed pa'i don no/ /badzri kI li kI lA ya swA hA/ ye shes kyi rdo rje 'bar bas thams cad zhi bar mdzod cig pa'i don ni/ yang dag pa'i ye shes kyi dngos po rnams dngos po med par gyis shig pa'i don no/ /ha ra ha ra badzra d+ha rA ya swA hA/ rdo rje ye shes 'bar ba'i sgo ba bzhis bgegs sregs shig sregs shig pa'i don ni/ phrin las 'joms pa'i bdag nyid kyi blta ba'i bgegs rnams med par gyis shig pa'i don no/ /pra ha ra ya khro bo'i rgyal po bdud rtsi 'khyil pas/ mtshan ma'i dngos po thams cad zhi bar mdzad nas/ byin gyis brlabs shig pa'i don ni/ nyon mongs pa'i bdud 'joms pa'i bdud rtsi 'khyil pas mtshan ma thams cad bdud rtsir byin gyis rlobs shig pa'i don no/ /badzra pra b+hany+dza nA ya swAhA/ byang chub sems kyi rdo rje 'bar bas

  406. 203b

    las dang nyon mongs pa'i bag chags thams cad zhi bar mdzod cig pa'i don ni/ 'bras bu'i rang bzhin mtshan ma 'joms pa'i ye shes kyis dngos po ma lus pa rnams zhi bar gyur pa dang/ rab tu zhi bar gyur pa'i phyir ro/ /ye shes kyi rtags kyi khro bo rnams kyi phrin las kyi don rnams bshad zin to// //da ni thugs khro bo'i phrin las bsrung ba'i don stan te/ da ni ye shes las grub pas thugs rjes 'gro ba srung ba'i thabs ston te/ ma tis+thi ra badzra/ blo gros brtan pa'i rdo rjes byang chub sems kyi rang bzhin dang ldan par gyis shig pa'i don ni ting nge 'dzin gyi rdo rjes bdag gi lus rdo rje lta bur zhi bar mdzod cig pa'i don to/ /su tis+thi ra badzra/ shin tu brtan pa'i rdo rjes legs pa'i yon tan rdo rje lta bu zhi dad ldan par gyis shig pa'i don ni/ ting nge 'dzin mi 'gyur ba'i ngo bos skyon spangs nas thams cad zhi bar byed pa'i don/ pra tis+thi ra badzra/ so sor brtan pa'i rdo rjes bdag gi lus rdo rje lta bur zhi bar mdzod cig pa'i don ni/ so sor rtog pa'i ye shes kyis dngos po rags pa rnams rab tu bcom nas chos nyid la gnas par byed pa'i don no/ /ma hA badzra chen po rdo rjes zhi ba'i tshul du bdud las rgyal bar mdzod cig pa'i don ni/ lha spyod rnam par dag pas gzung 'dzin gyi skyon gyi bdud 'dul ba'i rtags so/ /a pra ti ha ta badzra/ rab tu brtan pa'i rdo rjes bdag la ye shes kyi mtshan cha stsol cig/ gzhan gyi gti mug rnams gzhom pa'i phyir ro ni/ chos kyi dbyings kyi ye shes kyis dngos po'i mtshan ma rnams 'joms shing ti mug gnas su dag par byed pa'i phyir ro/ /a mo g+ha badzra/ don yod pa'i rdo rjes bdag la don rnams stsol cig pa'i don ni/ de bzhin gshegs pa'i thugs rje'i 'phrin las kyi 'khor ba las 'dren pa dang don rnams sbyin pa'i

  407. 204a

    tha tshig go /e hi badzra/ bden pa'i rdo rjes bdag 'khor ba las drongs shig /tshur gshegs tshur byen zhes pa ni/ me long lta bu'i ye shes kyis 'khor ba rnams stongs par gsal bar byed pa/ rtogs shing 'gro ba'i don du gshegs pa tha tshig go /shI g+h+raM badzra d+ha rA ya swA hA/ dpa' bar 'gro ba'i rdo rje la go ra rgyug pa'i phyir/ de bzhin gshegs pa'i phrin las mdzod cig pa'i don ni/ bya ba sgrub pa'i ye shes kyi las kyi phrin las sna tshogs pa mdzad cing dngos po rnams 'joms pa'i don/ khro bo bsrung ba'i phrin las bshad zin to/ /sgo bzhi'i bsrung ba ston te/ ye shes kyi rtags kyi bsrung bar byed pa'o/ /de ni lta ba log pa'i sems can rnams la ye shes rnam pa bzhis 'gro ba'i don du thugs rjes 'dul dbang du bstan to/ /sarba ku laM A brta ya/ rdo rje 'khor dang bcas pa bdag la byin gyis brlabs shig/ gnod pa'i bye brag thams cad rab tu zhi bar mdzod cig pa'i don ni/ ye shes kyi 'khor rtags kyi phyag rgyas dngos grub sbyin zhing gnod pa rnams 'dul zhing med par byed pa'i don to/ /d+ha ra d+ha ra/ byang chub sems kyi rang bzhin zhi pas thams cad khyer la gzungs su gyis shig pa'i don ni/ snying rje chen po tshad med pas nyon mongs pa zhi bar bya ba dang/ byang chub tu khyer la gnyis su med par byed pa'i don to/ /d+hi ri d+hi ri/ dbyings kyi rang bzhin chos nyid kyis legs par thob shig pa'i don ni/ de bzhin gshegs pa'i ye shes kyi phrin las kyi chos nyid du la zlo ba'i don to/ /d+hu ru d+hu ru/ lus can thams cad thugs rjes gzung thogs shig pa'i don ni/ sgo ba bzhis dngos po rnams thugs rjes rab tu 'dul zhing 'dzin par gyur pa'i thabs so/ /a mu ka mA ra ya phaT/ bdag dus ma yin pa'i 'jigs pa bzlog cing/ bdud rnams choms

  408. 204b

    shig pa'i don ni/ dngos po'i bdud dngos po med pa la bzla ba'i phyir dang/ phyi nang gi bdud 'joms pa'i rtags so/ /khro de brgyad dang/ sgo ba bzhi'i bsrung ba'i phrin las kyi don bshad zin to/ /da ni khro bo'i dbang gi don ston te/ thugs rjes 'khor ba dbang du bsdud pa'i phyir 'dul dbang du dbang gi las bstan te/ na ma(rgyud 'grel): sa mAn+ta badzra NAM/ kun tu bzang po ye shes kyis rdo rje rang bzhin du dbang bskur ba'i don ni chos kyi dbyings kyi ye shes kyi dngos po'i skyon rang bzhin gyis dag par dbang bskur ba'i don ni/ sarba ba le/ thams cad kun gyi rang bzhin stobs ches dbang bskur ba'i don ni chos nyid kyi stobs kyi dngos po thams cad 'joms pa'i dbang bskur ba'i phyir ro/ /A ba rta ya/ ma hA ba le mnyes par byed pa stobs po che mgyogs pa rlung dang 'dra bas dbang bskur ba'i don ni mnyam pa nyid kyi ye shes kyi stobs mgyogs par byed pa dang/ myur ba rlung lta bus dbang bskur ba'i phyir ro/ /ka ta be ta ta le/ ye shes kyi mche bas nyon mongs pa'i bdud thul cig pa'i don ni/ so sor kun tu rtog pa'i ye shes kyi mche bas skye bzhi 'joms pa'i rtags so/ /a tsa le/ khams gsum rnam par rgyal ba'i dkyil 'khor gyi mnga' bdag gi sprul pas bdag la dbang bskur la skyobs shig pa'i don ni/ 'jig rten las ye shes kyi rgyal bar byed pa'i thugs chos nyid kyi mnga' bdag gis dbang bskur ba'i don no/ /maN+Da la mA ye/ dkyil 'khor gyi srung ma rnams kyi sprul ba'i ngo bo nyid kyi mche ba sna tshogs su snang ba'i don ni/ thugs rjes 'dul dbang du sku sprul te/ 'gro ba'i don du mdzad las pa'i bde ba sbyin pa'i don/ a ti badzra rdo rje bzang pos gnod pa thams cad bdag las skyobs shig pa'i don ni me long lta bu'i ye shes kyi las kyi bag chags rnams 'joms pa'i phyir ro/ /mahA ba le be ga ra Na/ stobs po ches mgyogs pa rlung dang

  409. 205a

    'dra bas/ gnod pa thams cad zhi bar mdzod cig pa'i don ni/ mnyam pa nyid kyi ye shes kyi stobs kyi phrin las kyis ni sdug bsngal 'joms pa'i tha tshig go /a dzi ti dzwa la dzwa la/ yang dag pa'i shes rab kyis bdud kyi dregs pa rnams sregs shig /'bar bas nyon mongs pa sregs shig pa'i don ni/ de bzhin gshegs pa'i so sor kun tu rtogs pa'i ye shes kyi lta ba'i bdud rnams med par gyis shig pa'i don no/ ti Ti ti Ti ping+ga le/ 'bar ba skam po 'bar bas sdug bsngal las skyobs shig pa'i don ni/ bya ba grub pa'i ye shes kyi dngos po rnams med par byed pa'i tha tshig go /da ha da ha/ bdag gi nyon mongs pa rnams sregs shig /yang dag pa'i ye shes 'bar bar gyis shig pa'i don ni/ mnyam pa nyid kyi ye shes kyi rtog pa rnams mi rtog par byed pa'i don to/ /te dzo ba ti/ yang dag pa'i ye shes kyi gti mug gi mun pa las 'bar bar gyis shig pa'i don ni/ me long lta bu'i ye shes kyis ma rig pa'i lta ba rnam par sel ba'i don to/ /ti li ti li/ bdag gi sdug bsngal thams cad chod cig pa'i don ni/ chos kyi dbyings kyi ye shes kyis sdug bsngal rnams med par byed do/ /band+ha band+ha/ bgegs dang 'byung po thams cad chings shig pa'i don ni/ bya ba grub pa'i ye shes kyi gnod pa rnams 'joms par byed pa'i don/ ma hA ba le/ stobs po ches las mdzod cig pa'i don ni/ mnyam pa nyid kyi ye shes kyi 'dod pa 'byung ba'i las byed pa'i rtag go /badzra aM ku sha dzwa lA ya swA hA/ rdo rje me dang 'dra bas mtshan ma thams cad zhi bar mdzod cig pa'i don ni/ me long lta bu'i ye shes kyis sdug bsngal rnams med par bsregs pa'i thabs so/ /thugs khro bo'i dbang gi don bshad zin to/ /da ni ye shes kyi khro bo lag na rdo rje dang/

  410. 205b

    khro bo brgyad dang sgo ba'i don ston te/ de ni dkyil 'khor gyi bdag po dang/ 'khor gyi snying po byang chub sems yin par bstan to/ /na mo ratna tra yA ya/ ye shes kyi snying po las rnam pa bzhi'i rang bzhin te/ dkon mchog gsum la phyag 'tshal ba'i don yin pas phyag na rdo rje bdud rtsi ngo bo ni me long lta bu ye shes kyis/ ye shes thams cad kyi rang bzhin dang/ 'byung gnas yin pas dkon mchog gi don du bstan to/ /na mashtsaN+Da badzra pA nA ye/ khams gsum gyi sems can rnams 'dul ba'i don du thugs rjes khro bo'i tshul du bzhugs pas rdo rje khro bor bstan pa ni/ sangs rgyas kyi thugs las skyes pas bdud 'dul dbang phyug tu bstan/ mahA yak+Sha se na pa ta ye/ gnod sbyin gyi sde dpon lag na rdo rje ye shes kyi ngo bor gsungs pa'i phyir ro ni/ 'jig rten gyi dregs pa can thugs rjes 'dul ba'i rtags su brtan pa'i don to/ /ha ra ha ra badzra/ ye shes rnam pa lnga'i ngo bo phyag na rdo rje dbus na bzhugs te/ rus ni gnod sbyin du bstan pa ste/ lha chen pos ma lus pa 'dul ba'i phyir/ dkyil 'khor gyi bdag por bstan to/ /gshin rje gshed kyi snying po ni ma tha ma tha badzra/ hUM ka ra gshin rje gshed kyi rgyal po'i snying po'i rang bzhin me long lta bu'i ye shes kyi bdud g.yul bzlog pa'i rtags su bston to/ /khams gsum rnam par rgyal ba'i snying po ni/ d+hu na d+hu na badzra/ mAn+ta khro bo'i rgyal po mtshan ma'i dngos po thams cad 'joms pas khams gsum rnam par rgyal ba'i snying po ni/ chos kyi dbyings kyi ye shes ni bdag tu lta ba'i mtshan ma rnams 'joms shing don mthong bar byed pa'i phyir ro/ /ya mAn+ta ka snying po ni/ da ha da ha badzra/ ya mAn+ta ka khro bo'i rgyal po byang chub sems kyi rang bzhin ni/ so sor kun tu rtog pa'i ye shes kyi byang chub thob pa'i rgyu'o/ /nI la daN+Da'i

  411. 206a

    snying po ni/ pa tsa pa tsa badzra/ nI la daN+Da'i rang bzhin/ rta mgrin sngon po'i ngo bor bstan pa ni/ ye shes rnam pa bzhi'i phrin las 'dul dbang du phyung ba'o/ /ha ya gri pa'i snying po ni/ da ra da ra badzra/ ha ya gra pa'i rang bzhin sngags kyi sa bon byang chub sems kyi ngo bo'i snying po ni/ thabs mkhas pa'i chags pas dbang du sdud pa pad+ma 'khyil pa'i rtags su snang ngo/ /bdud rtsi 'khyil pa'o snying po ni/ d+ha ra ya d+ha ra ya badzra bdud rtsi 'khyil pa'i snying po'i rang bzhin/ byang chub sems mtshon pa'i rang bzhin ni/ thabs mkhas pa'i thugs rje'i phrin las kyi sems can gyi 'dod pa skod pa'i phyir ro/ /a mo g+ha pA sha'i snying po ni/ dA ru Na dA ru Na badzra/ yang dag pa'i ye shes kyi stobs dang ldan pas/ a mo g+ha pA sha'i rang bzhin byang chub sems kyi snying po ni/ thugs rje thabs kyi zhags pas 'khor ba rnams 'dren pa'i phyir ro/ /stobs po che'i snying po ni/ ts+tshinda ts+tshinda badzra/ ma hA ba la stobs po che/ ma hU ka ra nyid kyi rang bzhin du bstan pa ni/ ye shes kyi stobs kyi thabs dang/ shes rab gnyis su med pa'i don to// //de rnams kyi phyag rgya ni/ b+hinda b+hinda hUM phaT/ padmo 'khyil po'i rang bzhin ye shes kyi phyag rgya bzhis sdoms shig pa'i don ni/ ma chags pa chos nyid kyi phyag rgya ste/ 'dzin cing 'dren pa dang/ sdud cing dgyes par byed pa'o/ /khro bo'i snying po'i rang bzhin bshad zin to/ /da ni phyag 'tshal ba dang sgo ba'i don bshad do/ de bzhin gshegs pa thams cad kyi ye shes rnam pa bzhis mtshon pa'i thabs sgo ba bzhi bstan te/ na mashtsaN+Da badzra kro d+hA ya/ phyag 'tshal ba'i don dang/ phrin las te a mri rta kuN+Da la'i snying po'o/ /phyag na rdo rje sgrub pa'i thabs kyis don gyis rdo rje ye shes kyi khro bo zhes smos so ni de bzhin gshegs pa'i

  412. 206b

    phrin las ni bdud rtsi 'khyil bas de'i rtag su rdo rje 'dzin pa ste/ ye shes kyi khro bo ste/ phyag na rdo rjer bstan te/ 'dul dbang du smos pas mi 'gal lo/ /hu lu hu lu/ bgegs dang 'byung po rnams tshur lcags kyus drengs shig shar kyi lcags kyu me long lta bu'i phyag rgya'o ni/ gnod pa'i bye brag rnams thugs rje lcags kyus 'dren cing/ 'gugs pa'i pho nya'o/ /tishtha tishtha chings shig lho'i zhags pa ma ste/ mnyam pa nyid kyi ye shes kyi phyag rgyas nyon mongs pa rnams dbang du bsdus shig pa ni/ las dang nyon mongs pa'i bag chags rnams thabs mkhas pa'i thugs rjes 'dren cing 'dzin pa'i phyir ro/ /band+ha band+ha/ nub kyi sgo ba lcags sgrog ma ste/ so sor kun tu rtog pa'i ye shes kyi lcags sgrog gis bgegs dang 'byung po thams cad sdoms shig pa'i don ni/ byang chub sems thabs dang shes rab 'grel pa'i lcags sgrog gis gnyis su med par byed pa'i don ni/ ha na ha na/ byang gi dril bu ma ste/ bya ba la nan tan gyi ye shes kyi ngo bos bgegs dang 'byung po thams cad rdul du lhogs shig bya ba'i don ni/ phyin ci log gnod pa'i bye brag la thabs mkhas pa'i thugs rjes stongs shing zad par byed pa'i phyir ro/ /las kyi lhag chad kha skad ba ni/ a mri ta hUM phaT/ dkyil 'khor gyi sngags zhes pa dang shes par byed pa'i bar ni/ gong gi dkyil 'khor gyi lha rnams kyis thams cad bdud rtsir byin gyi brlabs pa'i phyir dang/ dngos grub 'grub par byed pa'i thabs so/ /sgo ba dang sgrub thabs bstan zin to// //de ltar khro bo rnams kyi don bshad nas/ de'i 'og tu yon tan gyi rnam grangs cho ga'i thabs kyi bye brag ston te ni/ dkyil 'khor gyi don bstan nas/ sgrub thabs dang cho ga'i bye brag ston pa'i tha tshig go /sdig pa thams cad byang byas nas/ don rnam pa gnyis su shes par

  413. 207a

    bya'o/ /rgyud kyi don la 'jug pa'i phyir dang/ rgyud kyi don rtogs pas sdig pa 'byang ba ni/ dang po nyan pa'i tshe gzhan la rags las pas nyes pa 'gyod nas 'jug pa dang/ de nas bsam zhing bsgom pa'i tshe/ bar chad zhi bar bya ba'i phyir gshegs pa'i don ni/ /rgyud kyi don la 'jug pa'i phyir/ sdig pa thams cad byang bar bya ba ni/ shes bya'i sgrib pa dang/ nyon mongs pa'i sdig pa dang/ zhes pa dang/ sdig pa rnams 'gyod pa bskyed pa'i don zhes pa'i bar ni/ dang por nyan pa'i don la 'jug pa'i tshe/ sdig pa'i rnam grangs chos la bdag tu lta ba dang/ gang zag la bdag tu lta ba dang/ sgo lnga'i yul la las kyi zhen pa'i bag chags kun gzhi la sgrib pa dang/ sngon gyi bag chags da ltar smin pa dang/ dngos po la zhen pa'i bdag tu lta ba dang/ yang dag pa dang rgyu 'bras la yid mchis pa'i bag chags rnams rang bzhin gyi dkyil 'khor gyi lha rnams ting nge 'dzin gyi dkyil 'khor du spyan drangs nas/ gsal bar bsgom par bya ste/ phyi nang gi mchod pa phul nas nyes pa bshags nas/ lus ngag gi dad pas byang chub kyi sems rin po che rab tu bskyed nas sta gon la sogs pa'i cho ga byas nas/ las kyi gzhung ma nor bar bgyi ? mkhyen par gsol nas/ nyos pa la sogs pa bshags pa'i don no/ /de la rgyud kyi don rton pas sdig pa 'byang ba ni zhes pa dang/ 'byang bar gsungs zhes pa'i bar ni/ dkyil 'khor gyi lha rnams kyi don ma nor bar bstan cing/ slob dpon gyis rgyu 'bras kyi don ma nor bar bstan pas sems grol ba'o/ /de'i 'og tu sdig pa byang nas 'bras bu yon tan thams cad dang ldan pa zhes pa ni/ gong du gsungs pa bzhin byas nas 'bras bu chud mi za ba'i phyir smos so/ /sdug bsngal thams cad med par byed ces

  414. 207b

    pa dang/ de skad gsungs zhes pa'i bar ni/ 'di'i don tshul bzhin du byas pas sdug bsngal gsum spong bar byed pa ni/ lha 'gyur ba'i sdug bsngal dang/ 'du byed kyi sdug bsngal dang/ sdug bsngal gyi sdug bsngal dang/ rnam pa gsum mo/ /sdug bsngal brgyad kyang spong ste/ skye ba'i sdug bsngal dang/ rgyas pa'i sdug bsngal dang/ na ba'i sdug bsngal dang/ 'chi ba'i sdug bsngal dang/ dgra sdang ba dang phrad kyi dogs pa'i sdug bsngal dang/ gnyen byas pa dang bral gyi dogs pa'i sdug bsngal dang/ yod pa med par dogs pa'i sdug bsngal dang/ med pa mi rnyed pa'i sdug bsngal la/ /de'i 'og tu rgyud thams cad kyi rtsa ba'i don ston te/ 'di'i rnal 'byor gyi rgyud dang bya ba'i rgyud gnyis don 'dir 'dus pas rtsa ba'o/ /rgyud da cog? gi rtsa ba ste zhes pa dang/ don gyi rtsa bar gsungs zhes pa'i bar ni/ 'di ni rtsa ba byang chub sems yin pas rtsa ba'i dkyil 'khor te/ 'jig rten pa dang/ 'jig rten las 'das pa dbyer med pa'i dkyil 'khor te/ khro bo dang/ skal bzang dang phyi nang lha mo dang/ bkra shis kyi rtags brgyad dang/ lha brgyad dang/ gza' brgyad dang/ rgyus kar dang/ phyogs skyong ba bcu dang/ sgo ba rnams bri ba'i don no/ /de'i 'og tu yang rgyud kyi don gyi dpal gyi bzhir 'gyur ba ni/ de bzhin gshegs pas 'di gsungs na rdo rje gdan la gshegs pa'i tshe bdud la rtags brgyad sku la bstan nas bdud btul ba'o/ /dpal kun gyi ni legs par brgyan zhes pa dag legs par brgyan zhes pa'i bar ni sku ye shes kyi dkyil 'khor te/ de bzhin gshegs pa'i sku la ye shes kyi rtags bkra shis kyi rtags brgyad pas/ 'jig rten dang/ 'jig rten las 'das pa'i dpal sgrub pa'i phyir na/ thugs khro bo'i dkyil 'khor la rtags brgyad bri ba'i phyir ro/ /de'i 'og tu sems can dbang po nyams pa la phan pa'i

  415. 208a

    thabs ni dbang po nyams pa'i lnga ltas bco brgyad gso ba'i don te/ sems can dbang po nyams pa dang zhes pa dang/ 'byang bar 'gyur ro zhes pa'i bar ni/ dbang po nyams pa ni/ mig dang rna ba dang/ sna dang/ lce dang/ lus dang/ yid kyi dbang po nyams pa dang/ de'i yul 'bras bu gzugs ni/ gzugs dang/ sgra dang/ dri dang ro dang/ reg bya dang/ chos rnams kyang mi gsal bas nyams te/ de'i rgyu gzhi mi mthun te/ sa dang/ chu dang/ me dang/ rlung dag mi mthun pas/ de'i rkyen gyis nang dang/ 'chi ba'i snga ltas byung ba de bzlog pa'i thabs so/ /de'i 'og tu tshe nyams pa gso ba'i thabs te/ tshe ni srog ste/ rnam pa bzhir bstan te/ srog dbugs dang/ drod dang/ zas dang las gsungs so/ /tshe zang la dang tshe nyams pa zhes pa dang/ sos par gsungs kyi bar du/ tshe nyams pa'i snga ltas rnam pa lnga ste/ rgyu ni 'dod chags dang/ zhe sdang dang/ gti mug dang/ phrag dog dang/ nga rgyal te/ rgyu de dag /sems can ldan pas/ 'byung ba bzhin dus dang lnga gyur pa dang/ rtags rnam pa lnga byung pa'o/ /de'i 'og tu dogs pa nyams pa gso ba'i thabs ni/ dkyil 'khor gyi lha rnams cho ga rgyas pa'i sbyin sreg tshul bzhin bya ba'i tha tshig ste/ phun sum tshogs min gang chags dang zhes pa dang/ phun sum tshogs pa dang ldan pa'i babs zhes pa'i bar ni/ rgyas pa'i sbyin sreg bya ba'i thabs/ chod rdzas rnams dang sregs rdzas rnams tshang bar bya ba dang/ gzhung gzhan nas 'byung bdag tu sa stegs brtsigs la/ thams cad kha dog ser po byas la/ gang la las byas pa'i sems can gyi mi dag /lha'i sngags spel zhing las byas na rgyas pa 'gyur ro/ /de'i 'og tu nyon mongs pa'i phyogs kyi 'jig rten dang 'jig rten las

  416. 208b

    'das pa'i lha'i mi dga' ba ston pa ni/ thugs khro bo'i dkyil 'khor gyi phyi rol tu lha brgyad kyi dkyil 'khor bris nas las bya ba'i don ni/ lha rnams rgyab kyi phyogs pa dang zhes pa dang/ 'grub par gsungs pa ni gong gi dkyil 'khor du gzhung gi lha mi dga' ba ste/ lha chen po'i dkyil 'khor dang/ dbang gi sbyin sreg gi las dag ni/ gzhung gzhan nas rgyas par bya ba'i tha tshig go /de'i 'og tu lha 'phangs pa'i snga ltas ston te ni/ dam tshig nyams pa dang/ lus dag yid kyi spyod pa mi dge bas nyams pa'i snga ltas ni/ mdza' sdug skye bo sdang ba dang/ zhes pa dang/ 'grub par gsungs zhes pa'i bar ni/ drag po'i sbyin sreg dang/ dkyil 'khor gyi las dag byas pas bdag gis mdza' o shag zhes dang/ snying du sdug pa'i bud smad dang/ yongs kyi skye bo rnams la sdang ba'i rnam pa med par 'gyur ro/ /de'i 'og tu 'khor la gnod pa ste/ bsod nams can gyi sems can bsod nams zad du nye ba na/ de'i 'khor gyi bran dang/ nang gi bza' mi la sogs pa/ gnod sbyin dang/ gdon stong phrag brgyad cu'i gnod pa rnams kyis zhes pa rnams bzlog pa'i thabs ni/ bram ze la sogs gtses pa dang/ zhes pa'i don no/ /de'i 'og tu mi mthun pa ston pa ni/ sems can de dag las kyi bag chags gdon gyis byin gyis brlabs pa'i mthus/ phan tshun dgra bo lta bur byed pas/ de dag gi ming dang/ lha'i sngags bsre zhing las byas nas/ phan tshun zhi bas na/ phan tshun mthun pa ma yin dang/ zhes pa'i tha tshig go / de'i 'og tu dogs pa nyams pa ston te ni/ sems can rnams sngon gyi bsod nams zad pa'i snga ltas ni/ bdog pa'i nor rdzas dang 'bral te/ shin tu phongs pas sdug bsngal ba la rgyas pa'i las byas na 'grub pa'i phyir mnor

  417. 209a

    'grib pas ni gnod pa dang zhes pa'i tha tshig go /de'i 'og tu mya ngan gyis gnod pa ston te ni/ sems de dag gdon gyis gnod pas byin gyis brlabs nas/ sems sdug bsngal gyi gnod pas mya ngan skyes pas lus thad chad nas ngal sdug bsngal ba de dag la las bya ba'i dmigs pa yin pas na/ mya ngan ngal dang gnod pa dang/ zhes pa'i don no/ /de'i 'og tu 'jigs pa dang 'phongs pa ston te ni/ sems can de dag ni 'jigs pa brgyad de/ me dang/ chu dang/ dus ma yin pa'i 'chi ba dang/ dgra dang/ dug dang/ rgyal po'i 'chad pa dang/ gcan gzan khro bo dang/ mi rgod kyi chom rkun gyi 'jigs ba rnams la sogs pa la/ las bya ba'i phyir ma 'jig pa dang mi 'phongs pa dang zhes pa'i tha tshig sta'o/ /de'i 'og tu byad stems ston te ni/ 'jig rten gyi sems can rnams gza' dang/ rgyu skar gyi byad stems kyis phog pa la/ khro bo'i dkyil 'khor 'khor lo la gza' dang hyu skar gyi lha dgod la so so'i gdug pa zhi bar bya ba'i phyir/ dkyil 'khor dang sbyin sreg gi las rnams tshul bzhin du bya ba dang/ dbang bskur ba'i thabs la sogs pas zhi ba ste/ gza' dang rgyu skar byad stems dang zhes pa'i tha tshig go /de'i 'og tu gdon gyi nyen pa bstan te ni/ gnyen stong phrag brgyad cu rtsa bzhi rnams/ sems can rnams la gnod par byed pa la de bzhin gshegs pas de dag rab tu btul nas bka' dam la btags te gnas pas/ gdon gyi gtso bo phyogs skyong ba bcu'i dkyil 'khor gyi dbus su khro bo rnams rab tu bkod la/ cho ga'i khyad par gyi dkyil 'khor gyi las dang/ sbyin sreg dag tshul bzhin du byas te/ dbang bskur ni zhi ste/ mi zad gdon gyis nyen pa dang/ zhes gsungs pa'i tha tshig go/

  418. 209b

    de'i 'og tu mya ngan gyi las las byung ba'i mi lam bston pa ni/ 'khor ba'i sems can rnams nyon mongs pa'i bag chags mthur ltas pa'i sdig pa'i snga ltas kyi rmi lam sum cu rtsa gnyis te/ de yang mdo 'di gsungs pa'i tshe/ de bzhin gshegs pa byang chub kyi snying por gshegs kar bdud sde gzhom pa'i phyir/ bdud kyi gnas thams cad mog mog por byas nas/ bdud kyi rmi lam ltas ngan sum cu rtsa gnyis rmis pa dag/ zhib tu rgya cher rol pa las 'byung ba dang sbyar ro/ /yang ni bsnan pa'i don te/ cho ga'i thabs kyis zhi bar byed pas na/ mya ngan ngal las byung ba'i rmi lam sdig pa mthar na yang/ zhes gsungs pa'i tha tshig go /de'i 'og tu cho ga'i thabs ston te/ des ni rab bkrus gtsang ma yin/ mdo sde dam pa mnyan par bya/ zhes pa dang/ lha ngo bo bstan pa'i tha tshig go /zhes pa'i bar ni rnal 'byor pas dang po dkyil 'khor gyi las byed pa'i tshe/ slob ma la bum pa byin gyi brlabs pa der/ slob ma la sogs pa'i yon bdag dag bar khrus byas nas phyi nang gi dri ma rnams rab tu bsal zhing/ de'i 'og tu sta gon la gnas pa'i cho ga bya'o/ /byang chub tu sems bskyed nas/ mdo'i don 'di dad bas nyan pa'i bsod nams bskul zhing phan yon bshad/ dkyil 'khor du bzhugs cing lha'i ngo bstan la/ dam sgrags la/ bsgom pa'i lung yang dpog go /de'i 'og tu phyi nang gi cho ga bstan zhes pa ni/ phyi ma ni sa gzhi byin gyis brlabs pa la sogs pa/ ting nge 'dzin gyi khyad par du gyur pa'i bsgom pa'i man ngag tu bstan pa'o/ /gang dag yi dge sems dang zhing/ gtsang ma'i gos kyi rab brgyan te zhes pa dang/ phyi nang gi rgyan gyi lus sems mdzes par brgyan te/ zhes pa'i bar ni/ slob ma

  419. 210a

    gzhi dad pa dang ldan zhing rab tu yid ches pas dam tshig lnga la gnas te/ dkon mchog gsum gtso bor lta ba dang rdo rje slob dpon rigs gsum gyi sangs rgyas 'dra ba lta ba dang/ rdo rje spun dang mi srid byang chub sems dpa' ba' i tshogs su lta ba dang/ sngags ni gtsang ma mchog gi dngos grub tu lta ba dang/ phyag rgya ni dam tshig gtsang ma'i dpung du lta'o/ /dam tshig pa de lnga dang ldan pa yang/ yid dge ba rnam pa bcu ste/ lus kyi rnam pa gsum dang/ dag gi rnam pa bzhi dang/ yid kyi rnam pa gsum dang ldan pas/ sems dang zhid/ tshul khrims kyi spyod pa bsnyen gnas yan lag brgyad la gnas pas spyod pa tshang ba dang/ slob dpon gyi lung ji skad gsungs pa bzhin bgyid pas bka' blo bde la g.yo sgyu la sogs pa chung bas ngo? rtag pa ste/ sems kyi dri ma bsal te/ slob ma de lta bus de'i 'og tu ni bdag gis yon tan dang ldan pa thob pa'i phyir sems kyi dri ma'i skyon rab tu bsal te/ nyes pa bsal nas/ de'i 'og tu snang gi rtag ras la sogs pa rab tu sar ba rab tu gtsang ma rnams slob ma'i lus dang/ slob dpon gyi lus la bskon nas/ zas ni kha zas dkar gsum bza' zhing/ rgyan gyi rnam pa bsam gyi mi khyab pas slob dpon dang/ slob ma'i lus dkon mchog mchod pa'i phyir dad pas brgyan gyi rnam pa sna tshogs kyi mdzes par bya ba'i tha tshig go /de'i 'og tu theg pa chen po'i chos nyan pa'i yon tan bstan cing bskul ma gdab ste zhes pa ni/ slob ma de lta bu de chos la skyabs su sod ba'i phan yon rnam pa bzhi stan te/ dang por chos ma nor bar ston pa'i mkhan po smra ba bstan pa dang gnyis pa de la chos nyan ba dang/ gsum pa yid la 'jog pa dang/ bzhi pa gzhan la bstan pa'i

  420. 210b

    phan yon ston pa'o/ /zab mo sangs rgyas spyod yul ba mdo sde 'di ni nyan byed na zhes pa dang/ slob ma la stan zhes pa'i bar ni/ 'das pa dang/ da ltar dang/ ma byon pa thams cad kyi thugs ye shes kyi rtags/ mdo sde 'di don za la rgya che ba/ de bzhin gshegs pa mngon par sangs rgyas par byed pa'i rgyu 'di rigs kyi bu dang/ rigs kyi bu mo dad pa dang ldan pas/ 'di'i don gzhan la nyan pa dang/ glegs bam klog pa dang/ man ngag mi brjed par 'dzin pa dang/ de ltar shes pa'i sgo nas gzhan la ston pa dang/ gus pa'i dad pas nyams su len pa'i don dag rgyas par bstan pa'i don ni/ de'i 'og tu nyan pa'i bsod nams kyi phan yon bstan de ni/ 'di'i don mi shes pa'i mun sel ba dang/ /blo rno zhing shes rab che ba dang/ rtag tu chos dang ldan zhing/ de bzhin gshegs pa dang 'grogs par 'gyur ro/ /mdo sde 'di yi gzi brjid kyis/ srog chags dag ni thams cad kyi zhes pa dang/ phan pa'i tha tshig go /zhes pa'i bar ni/ mdo sde 'di'i don sgrub pa'i phan yon ni/ /de bzhin gshegs pa'i sku gsung thugs kyi gzi brjid kyis khams gsum dgu'i so so'i nyon mongs pa'i phra rgyas kyi mi mthun pa'i rnam par rtog pas sdug bsngal gsum dang brgyad kyi las rnams las thar par 'gyur ba'i don to/ /ci'i phyir zhe na/ mi bzad pa'i nad rnams kyang/ de dag thams cad zhi bar lta zhes pa dang/ gong du gsungs pa ltar bya ba'i tha tshig go /zhes pa'i bar mi 'dod khams dang/ gzugs khams dang/ gzugs med pa'i khams thams cad nyon mongs pa'i las sna tshogs pa dang/ kun bzhi la bag chags rgyud dang 'bras bu'i tshul du snga phyir da ltar glo bur du sgrib pas/ des nad bzhi brgya rtsa bzhi 'byung ba'i khas

  421. 211a

    ma snyoms pa'i nad/ mdo'i yon tan kyis zhi bar 'gyur ro/ /de'i 'og tu gnod ba zhi nas/ bde ba thob pa'i thabs ston te/ 'di'i don la don ma nor bar byas pas g.yu drung gi tshe dang/ mi zad pa'i bsod nams thob par 'gyur ro/ /tshe dang bsod nams 'phel bar 'gyur/ sdig pa kun las rnam par thar zhes pa dang/ thar par 'gyur ba'i don zhes pa'i bar ni/ dzam+bu gling gi sems can sngon gyi las kyi 'chi ba de mi 'chi bar bya ba dang/ bsod nams zad pa bsod nams rab tu 'phel ba dang/ sdig pa can rnam sdig pa las thar bar bya ba'i phyir/ cho ga dang las kyi bye brag tshul bzhin du byas na bsod nams thob par 'gyur ro/ /dkyil 'khor gyi cho ga'i thabs dang phan yon bshad zin to// //dkyil 'khor gyi rgyan dang/ bum pa'i cha rkyen ston te/ che ba'i yon tan lnga dang ldan pa'i rtags su snang ste/ nor bu yungs kar dUrba dang ni/ nor bu ni mu tig dang/ byu ru dang/ gzi dang/ mchod dang/ rin chen chu zhes pa'i tha tshig ste ni/ de ni bum pa'i snying po bya ba'i don/ rnam pa gcig tu dkyil 'khor gyi tshon sna lnga yang bstan to/ /yungs kar ni sku lnga dag pa'i rtags su bstan te/ de'i khongs su bsdu ba ni nas so ba dang/ gro dang/ til dang/ 'bras so ba dang/ mon sran gre'u la sogs te/ bum pa'i yo byad du bstan to/ /gzhan du yang rgyu chud na/ tshon rnam pa lngas kha dog bsgyur la bya ba'i don to/ /dkyil 'khor gyi mchod rdzas rnams de la bya ba'i don du yang bstan/ rnam gcig tu yungs kar ni mug ti ha rar bstan to// dUrba ni kha rgyan gyi don te/ de'i khongs su bya gri dang/ seng gri dang/ tsan dan la sogs pa dri zhim pa'i yal ga dang bcas pa'o/ /de ni sems can gyi 'dod pa phun sum tshogs pa'i sgrub pa'i rtags su/ dpag bsam gyi shing ljon

  422. 211b

    par bstan/ dkyil 'khor gyi gnas skabs su/ dUrba'i gnas bya ba dang/ ku sha'i gdu bu bya ba'i don to/ /rin chen rma med tsan dan bcas zhes pa ni/ rin chen ni lnga ste/ gser dang/ bai DUrya dang/ shel dang mu tig dang/ pad+ma rA ga'o/ /zhes pa ni che ba'i yon tan lnga dang ldan pa'i rtags su bstan to/ /dkyil 'khor gyi rin po che'i phung po la bya ba'i tha tshig go /rma med ni skyon la sogs pa med pa ni zhes pa ni rin po che ma yin pa'i skyon kha dog 'dra ba dang/ ma dag pa'i sel med pa'o/ /dkyil 'khor pho brang du gcod pa'o/ /tsan dan bcas ni/ a ka ru dang/ du ru ska/ sha ka ra dang/ gur gum mo/ /sprul gyi snying po la sogs pa'i bye brag smos pa'i don ni/ phrin las rnam pa lnga dang ldan pa'i rtags/ /dkyil 'khor la ni lha'i gdan sa la de dag sta gon gyi dus su thig ler bya ba'i tha tshig go /shel dang rdo rje me tog dang ni/ shel dang rdo rje gnyis ni snying por shes pa'i don te/ shel ni me shel dang chu shel gnyis kyi don te ni/ rdo rje ni snying po phyi ma gsum gyi don ni/ shing gi snying po bu ram/ rtsi'i snying po mar/ me tog gi snying po sbrang rtsi zhes pa'i don ni de bzhin gshegs pa'i thugs lnga rnam par dag pa'i rtags su snying po rnam pa lngar bstan pa'i dgongs pa'o/ /mngon na thabs dang shes rab kyi rtags dang/ de bzhin gshegs pa'i ye shes kyi dper snang bas na/ byang chub shing la brten nas/ rtsa dUrba'i steng du sangs rgyas nas/ spre'u'i rgyal pos sbrang rtsi phul nas cho 'phrul chen po 'byung bar bstan to/ /gzhan du na dkyil 'khor bstan pa ni/ shel ni dkyil 'khor gyi sa ri ste/ shel ltar dkar zhing dri ma med par bstan te/ byang chub sems rang bzhin dag pa dri ma med pa'i don no/ /rdo rje ni rdo rje ra ba ste/ thugs mi 'gyur ba dang/ thabs dang shes rab 'brel bas/ grwa'i rdo rje zla ba lta bur bstan to/ /me

  423. 212a

    tog ces pa ni/ bum pa'i gdan gyi tha tshig go /dbyar ni me tog gi dkyil 'khor bya/ dgun tshon sna lnga'i pad+ma 'dab ma brgyad pa dang/ nas la sogs pa la bya ba'i don to/ /gzhan du na bum pas brgyan te/ me tog la sogs pa dang/ dar gyi kha rgyan bya ba'i tha tshig ces pa'i bar ni/ bum pa'i gnas dang/ kha rgyan du bstan te gzhan du na dkyil 'khor la ni me tog ni mdzes pas mchod pa rnam pa lngar yang bstan to/ /rnam gcig tu dkyil 'khor me tog ltar rab tu mdzes pa'i phyir mda' dang/ ral gri dang/ me tog phur bu dang/ tshon rtsi dang/ bsrung skur dang/ 'tshams shing la sogs par smos pa'i don to/ /chu yi gser ram yang na ni/ dngul gyi bum pa dag kyang rung/ gtsang ma'i gos kyi bkri zhing dgang ni/ bum pa'i rgyu ste/ rgyal po ni gser gyi bum pa/ blon po ni dngul gyi bum pa/ kyang gi tshig ni lhag ma can te/ 'bangs phal ni zangs dang lcags la sogs pa'i bum pa la bya ba'i tha tshig go /gzhan du ni phrin las so so'i bye brag tu shes par bya ba'i don ni/ bum pa de rnams kyang/ dkyil 'khor gyi khyad par gyi rgyan chas te/ dbus rnam par rgyal ba'i bum pa gser las byas pa mi bskul bar bzhag pa'i tha tshig go /dngul la sogs pa'i phyi ma rnams ni thugs khro bo'i dkyil 'khor gyi lha grangs su bya bar 'byung ngo/ /lha so so'i kha dog bzhin du bum pa yang de bzhin du phyogs phyogs su rgyan chas gong du gsungs pa bzhin bya'i tha tshig go /gtsang ma'i gos ni ras sar ba kha tshar ma nyams pa dang/ ting nge 'dzin gyi byin gyis brlabs pa'i tha tshig ste/ zhes pa ni bum pa de rnams kyi mgul chings lha'i na bza' ka tsa lin da ltar byin gyis brlabs shing/ tshul khrims kyi gos mchog tu sgom mo/ /gzhan du na dkyil 'khor gyi zhal khabs/ 'gab dkris su

  424. 212b

    shes par bya'o/ /dkyil 'khor gyi rgyan cha dang/ bum pa'i don sbyar ba bshad zin to// //da ni grangs kyi khyad par gyi don ston te/ da ni bzlas brjod kyi don la dga' ba'i dbang du gsungs te/ lan grangs nyi shu rtsa gcig gam/ /yang na lan grangs brgya rtsa brgyad/ rdo rje rnam 'joms bzlas nas su/ zhes pa dang/ grangs kyi don te/ 'bangs nyi shu rtsa gcig la sogs te/ ci 'byor pa blon po ni brgya rtsa brgyad la sogs te 'grub tshad do/ /rgyal po ni bsod nams che bas tha ma brgya rtsa brgyad blon po tha ma nyi shu rtsa gcig 'bangs kyi tha ma bdun/ de ni grangs kyi bsnyen pa'i don/ mtshan ma'i bsnyen pa dang/ tshig dang don dang/ bzlas brjod ni/ rang bzhin gyis shes par bya ba'i tha tshig go zhes pa ni/ grangs kyi bsnyen pa'i don dang/ dus kyi bsnyen pa'i don dang ldan ba ste/ de yang bzlas brjod la dga' ba dang/ dngos grub kyi mtshan ma la dga' ba dang/ nam slad du bzhi dang/ tshes grangs dang bza' dang/ skar ma la dga' ba'i don gsungs so/ /de yang bzlas pa'i don la dga' ba la sngags kyi bzlas pa gsungs so/ / don gyi bzlas pa'i ting nge 'dzin la dga' ba'i phyir ro/ /gang gis de'i 'og tu khrus bya ba'i dmigs pa ni/ rgyal po rtag tu khrus gyis shig /ces pa'i don ni/ rgyal po stobs ldan snying po la sogs pa/ rgyal po'i rigs su gtogs pa rnams so zhes pa dang/ don gyis shes par bya ba'i tha tshig tu rig par bya'o zhes pa'i bar ni/ mdo'i don ni sems can thams cad byang chub snying po can du byin gyis brlabs pa'i phyir na/ sems can gyi dpon po rgyal po smos pas na/ phyi rabs kyi 'gro ba'i dpon po/ rgyal po bas gtsor byas pas na/ phyi'i khrus bya ba dang/ nang gi khrus bya ba dang/ phyi nang gnyi ga'i khrus bya'o/ /phyi ni bzlas brjod dang/ nang ting nge 'dzin gyi dbang du byas pa ste/ des ni gzung ba dang/ 'dzin pa dag par byed pa'o/ /rnam pa gcig tu phyi lus dang/

  425. 213a

    nang sems kyi bag chags kyi rnam pa'o/ /de dag pa'i phyir ro/ /da ni dge ba bsngo ba'i tshul ston te/ brtsams pa'i don ni/ mdo'i don gyis dgongs pa la zhes pa'o/ /brtsams pa'i thabs ni rig pa'i tshul gyis 'di gzhung 'bad/ brtsams pa dang/ mi mthun pa ni/ 'phags pa rnams la bzod par gsol/ /brtsams pa'i 'bras bu ni/ 'di grub brtsams pas bde grub shog ces pa dang/ slob dpon gyis dge ba bsngo ba'i tshul lo/ /'di don gzhan gyis bshad kyang de gsal phyir/ gtan tshigs rigs pas mdo'i dgongs pa bkrol/ /mkhas pa rnams kyi mi dpya bzod par gsol/ bsod nams mi bslu 'gro ba yongs la bsngo/ /rdo rje rnam par 'joms pa'i gzungs kyi don rnam par bshad pa rgya cher 'grel pa/ bi ma la mi tras mdzad pa rdzogs so// (//rdo rje rnam par 'joms pa'i gzungs kyi bshad pa bzhugs so//) //rgya gar skad du/ badzra bi dA ra NA nA ma d+hA ra Ni byA ka khyA na/ bod skad du/ rdo rje rnam par 'joms pa zhes bya ba'i gzungs rnam par bshad pa/ dpal phyag na rdo rje la phyag 'tshal lo/ /rgyal ba kun gyi gsang ba'i mdzod 'dzin pa/ rgyud kyi don 'byung ston pa ngo bo la/ /sgo gsum dang bas btud de phyag 'tshal nas/ mdo'i rnam bshad bdag gis bya bar 'dod/ /de la dang por rgyud kyi don la mos pa dang dad pa rnams la/ mdo'i don phun sum tshogs pa rnam pa lnga la rab tu mkhas par bya ste/ de'i 'og tu ji ltar yongs su shes par bya ba'i go rims la 'jug par bya ba'i phyir ro/ /de la dang por mdo'i mtshan gyi don phun sum tshogs pa la mkhas par bya ste/ de la rdo rje ni yang dag pa'i ye shes kyi tshig bla dags te/ ci'i phyir zhe na/ rdo rje ltar 'dus ma byas pa'i phyir dngos po la zhen pa rnams dang lta ba log pa'i phyogs thams cad kyis mi bskyod cing/ dngos po dang bral

  426. 213b

    ba'i don to/ /rnam par ni rgyu med pa dang/ rgyu dang rkyen gyi bskyed pa dang/ rtag pa dang mi rtag pa dang bde ba dang sdug bsngal ba la sogs te mtshan ma'i chos thams cad smos pa'i phyir ro/ /'joms pa ni de rnams thugs yang dag pa'i ye shes kyis 'joms pa dang/ thugs rjes thabs kyi bye brag gi 'joms pa'i don to/ /gzungs ni mi 'da' ba' i phyir dang gnyis su med pa'i don to/ /de ltar mdo'i dgos ched bstan nas/ de'i 'og tu dgos pa dang 'brel ba'i don bstan to/ /ci'i phyir zhe na/ dgos 'brel gyi sgo nas 'jug pa'i phyir ro/ ma nor bar ston pa'i ston pa phun sum tshogs pa dang/ yongs su dag pa'i 'khor phun sum tshogs dang/ gang du bshad pa'i gnas dang ma nor bar sdud pa'i sdug pa po dang gang bshad pa'i mdo'i dgos pa rnams su shes par byed pa'i tha tshig go /de la brel pa ni phun sum tshogs nas dgos pa grub cing don gtan la 'bebs pa'i phyir ro/ /de'i 'og tu ji ltar yongs su shes par bya ba'i don ston te/ mdo'i don 'byung ba'i gtan tshigs dang/ dkyil 'khor gyi don 'byung ba'i thabs dang/ dgos ched phun sum tshogs pa'i don rnams su shes par bya ba'i phyir ro/ /de ltar dgos ched kyi don bstan nas/ de'i 'og tu bsdu ba'i don dang/ go rims la 'jug pa'i thabs smos pa'i phyir ro/ /ston pa sangs rgyas bcom ldan 'das mdza' gnyis kyi skyon spangs te/ thugs mnyam pa nyid kyi ting nge 'dzin rdo rje lta bu las ma g.yos kyang/ nyid kyi che ba'i don ched du thugs yang dag pa'i sras gsang ba'i bdag po byin gyis brlabs nas/ rgyud kyi don 'di gsungs pa'i tshe sangs rgyas kyi zhing mdza' yas pa na 'dus pa'i 'khor rnams kyi nang du 'phags pa 'jam dpal gyi de bzhin gshegs pa'i dgra bcom pa yang dag par rdzogs pa'i sangs rgyas bcom ldan 'das kyi byin gyis brlabs pas 'phags pa

  427. 214a

    dpal rdo rje rnam par 'joms pa'i don 'di rna ba'i dbang po yongs su dag pas dpal phyag na rdo rje la rab tu thos pa'i phyir 'di skad bdag gis thos pa'i dus gcig na zhes gsungs pa ste/ 'di ltar ston pa sangs rgyas bcom ldan 'das kyi rgyud kyi don 'di ltar bshad de/ ting nge 'dzin ye shes kyi ngo bo las phyag na rdo rjer sprul te/ ye shes kyi ngo bo sngags kyi tshig tu smras te/ 'khor rnams dga' mgu bskyed nas dad par bya ba dang/ sems can thams cad kyi nyon mongs pa'i sdig pa rnam par sbyang ba dang/ bla na med pa'i byang chub la dgos pa'i phyir 'di skad ces bya'o/ /blo rno zhing shes rab mchog tu gyur pa rnams kyi don gyi rgyal po 'di thos bdag gis thos pas zhes bya'o/ /ston pa dang 'khor dang sdud par ldan pa la dus zhes bya'o/ /lan grangs mang du gsung bar lan cig brgya lam du gsungs pas na/ gcig na zhes bya ba'o/ /bcom ldan 'das rdo rje la bzhugs te ni rang bzhin gyi ston pa'i don te/ nyon mongs pa'i bdud sde bcom ste/ thugs ting nge 'dzin gyi mkhyen pa'i yon tan sna tshogs kyi legs pa dang ldan pa/ sangs rgyas bcom ldan 'das mdza' gnyis kyi skyon spangs pa'o/ /rdo rje ni gnas phun sum tshogs pa ste/ rdo rje gdan byang chub kyi shing drung ngo/ rnam pa gcig tu bcom ldan 'das rdo rje lta bu'i ting nge 'dzin la thugs mnyam par bzhag pa la bya'o/ /bzhugs thabs gsum las ni mnyam pa'i skyil mo krung las chos ston pa'i tshul du bzhugs pa'o/ /da ni byin gyi brlabs kyi ston pa'i dus gsum gyi rgyal ba thams cad kyi thugs gsang ba'i mdzod 'dzin pa'i ye shes kyi ngo bo ste de'i rtags rdo rje 'dzin pa'o/ /sangs rgyas kyi mthus ni phyogs bcu'i sangs rgyas thams cad kyi skad dang/ gsung dang

  428. 214b

    thugs dang/ yon tan dang/ phrin las kyi byin gyis brlabs te/ ting nge 'dzin la snyoms par bzhugs pa'i phyir ro/ /lus thams cad rdo rjer byin gyi brlabs nas ni/ yang dag pa'i ye shes de ni chos thams cad kyi rang bzhin 'dus ma byas pa'i don lus ngag yid gsum sku gsung thugs rdo rje ltar byin gyis brlabs pa'i phyir ro/ /rdo rje'i ting nge 'dzin la snyoms par bzhugs pa ni yang dag pa'i ye shes rdo rje'i ting nge 'dzin la snyoms par zhugs pas don thams cad la thogs pa med pa'i ye shes kyi ngo bo bdag gnas pa'i phyir ro/ /de nas lag na rdo rje sangs rgyas kyi mthus dang ni skabs kyi de ma thag pa ste/ snyoms par zhugs pa'i rting thogs su phyogs bcu'i sangs rgyas thams cad kyi mthus ye shes kyi 'od zer sku dang gsung dang thugs las 'thon te lag na rdo rje la phog pas sku gsung thugs ye shes kyi don smra ba'i dbang bskur nas thogs pa med pa'i ye shes kyi don smra ba'i dbang bskur nas thogs pa med pa'i ye shes kyi tshig smra ba'i phyir ro/ /byang chub sems dpa' thams cad kyi byin gyis brlabs kyi sngon gyi skal pa mdza' yas pa nas/ byang chub kyi spyod pa dka' ba nyams su blangs pa'i byin gyis brlabs dang/ sangs rgyas kyi zhing khams mdza' yas pa ni byang chub sems dpa' rnams kyi sngon gyi dge ba'i rtsa ba'i tshogs su 'thun pas byin gyi brlabs pa la mthu spong ba'i phyir ro/ /sangs rgyas kyi byin gyis brlabs kyi zhes pa ni sangs rgyas dang byang chub sems dpa' i byin gyis brlabs ni ma dros ltar mthu stobs mdza' yas pa'i tshig smra ba'i spobs pa bskyed pa'i phyir ro/ /rdo rje khro bo las byung ba ni de ltar lag na rdo rje byin gyis brlabs pa'i mthus rdo rje lta bu'i yang dag pa'i ye shes kyi khams gsum gyi grags

  429. 215a

    pa can la khro bo'i thabs kyi sprul pas bdud rnams 'dul ba'i phyir/ 'og nas 'byung ba'i dkyil 'khor gyi lha rnams sku gsung thugs las 'byung ba'i phyir ro/ /rdo rje snying pos rab tu smras te/ zhes bya ba ni sku gsung thugs kyi rdo rje ltar 'dus ma byas sems can thams cad la phan pa'i phyir 'og nas 'byung ba'i don smra ba'i dkyil 'khor dang/ snying po skyon dang bral ba ston pas gsungs pa'i phyir ro/ /da ni khro bo rnams kyi rang bzhin gyi don thugs ka nas ston pa'i don ston te/ mi chod pa mi shigs pa/ bden pa sra ba zhes bya ba ni gzung ba'i yul du ma grub pas/ mtshan ma 'joms pas gshin rje gshed du bstan/ nyon mongs pa'i skyon 'joms pa'i tho ba rnams/ byang chub sems skyon med pas sku mdog dkar rtsa ba'i yig 'bru ma las bskyed pas/ ma tha badzra zhes bya ba dag gi las dang cho ga tshang bar byas nas sgoms na dngos grub ya mtshan can thob bo/ /dngos grub de dang bdud kyi bar chad du mi chong ba/ sku gsung thugs mtshan mas mi shigs pas mi shig pa zhes gsungs/ /gsung gi ngo bo bden pa dang ldan pas tshig gi dngos grub ste/ de lta bu ni hUM ka ra nyid kyi rang bzhin yang yin te/ ci'i phyir zhe na/ gcig gi ngo bor kun gyur cing dbyer med pa'i phyir ro/ /thugs byang chub rnam par dag pas mtshan ma'i skyon gyi rab tu mi chod pa'i rtags su bstan te/ de ni ting nge 'dzin 'bum phrag gi sgo ba'i don mdzad pa la bar mi chod pa'i phyir smos so/ /sku gsung thugs rdo rje lta bu'i mi 'gyur ba'i byang chub kyi che ba mnga' ba bas mi shigs pa/ bden pa'i tshig mi 'gyur bas chos ston par bden pa/ de lta bu'o khro bo'i rgyal po de bsgoms pa'i phyir phrin las rnam bzhi'i las byas na 'grub po/ hUM ka ra'i

  430. 215b

    don bshad zin to/ /sra ba brtan pa thams cad du thogs pa med pa zhes bya ba/ nyon mongs pa'i 'khor ba las rgyal ba'i phyir ye shes kyi 'khor lo rnams sku gsung thugs rdo rje ltar sra bas sra/ byang chub kyi sems mi 'gyur bas brtan pa/ thugs rdo rje brtson 'grus ci la yang thogs pa med pa/ rtsa ba'i snying po yig 'bru du las bskyed pas/ du na badzra zhes gsungs te/ rdzas dang cho ga tshang bar byas na dngos grub ya mtshan can thob bo/ /de nas bdud dang bgegs byed kyis glags mi rnyed pas sra ba'i dngos grub ci bya ba 'grub thams cad dbang du sdud pa'i phyir thogs pa med pa'i dngos grub thob po/ /khams gsum rnam par rgyal ba'i don bshad zin to// //thams cad du ma pham pa/ sems can thams cad skrag par byed pa/ sems can thams cad 'jil bar byed pa ni khams gsum thams cad du byang chub sems thugs rje'i rang bzhin du gnas pas ma pham pa/ bdud grags byed thams cad las rgyal bar byed pas na skrag par bstan/ 'dod chags la sogs pa'i nyon mongs pa 'jil ba'i phyir na 'jil bar bstan/ de'i rtags thabs thugs rje chen po'i pad+ma bsnams pa/ de lta bu'i khro bo'i rgyal po ha ya gri ba sku mdog dmar po/ /nyon mongs pa'i skyon gyi ma gos pa'i phyir yang dag pa'i yon tan dang ldan pa'i rtsa ba'i snying po ste/ byang chub sems kyi yig 'bru d+ha las bskyed pas d+ha ra badzra zhes brjod do/ /'og nas 'byung ba ltar bsgom na bkra shis par 'gyur ro/ /ha ya gri ba'i don bshad zin to/ /rig sngags thams cad gcod par byed pa/ rig sngags thams cad gnon par byed pa/ las thams cad 'joms par byed pa ni/ phas kyi rgol ba'i gnod pa byed thams cad dang

  431. 216a

    drang srong gi gnod pa rnams dang/ phyir log gi bye brag rnams dang/ sdug bsngal gyi gnod pa rnams bya ba nan tan gyi ye shes kyi thams cad gcod par byed pa/ thams cad gnon pa'i tshul du gnas pas yon tan thams cad ma lus par rdzogs par byed pa/ ye shes kyi ngo bo las ma yin pa thams cad 'joms pa'i rtags su khro bo bdud rtsi 'khyil pas mkhyen pa'i yon tan byang chub sems kyi rang bzhin yi nas rnam par dag pa'i phrin las sna tshogs pa rnams so/ /rtsa ba'i yig 'bru las bskyed pas d+ha ra ya badzra zhes gsungs so/ /de bsgrub pa'i phyir rdzas dang cho ga dang/ yo byad la sogs pa tshang bar bya ste/ las byas na dmod pa'i bye brag thams cad las thar bar 'gyur ro/ /bdud rtsi 'khyil pa'i don bshad zin to/ /da ni ya mAn+ta ka'i don bshad de/ gzhan gyi las thams cad 'jig par byed pa gdon thams cad rlags par byed pa dang/ gdon thams cad las thar bar byed pa ni phyir rgol ba rnams ma lus pa thams cad thugs rje chen po'i ye shes kyi thams cad 'jig par byed cing/ byang chub sems kyi rang bzhin du 'gyur bas gzhan gyi las thams cad 'jig par gsungs/ gdon stong phrag brgyad cu rtsa bzhi thugs rje chen po'i ye shes kyi zhabs kyi gnon cing grol bar byed pas na gdon thams cad rlag par gsungs/ gnod pa'i bye brag byed pa'i nyams len la sna tshogs dge ba'i bar du bcod pa rnams 'dul bar mdzad pa dang/ gzhan sems can gang zhig nyam thag pa sna tshogs tshe dang mdangs 'phrogs pa las thar bar mdzad pas na de'i phyir gdon thams cad thar par byed par gsungs so/ /de'i rtags kyi cha 'dzin pa ni khro bo'i rgyal po

  432. 216b

    ya mAn+ta ka ste/ de bsgrub par bya ba'i phyir ting nge 'dzin gyi bum pa b+h+ruM las gzhal yas khang du bsgom/ rtsa ba'i yig 'bru byang chub sems kyi rang bzhin du bsam ste/ de 'od du zhu ba las byang chub sems kyi rang bzhin du gyur to/ /snying po dang rgyan chas rnams la ye shes kyi lha 'bar bar bsam te 'od du zhu bas rgyan dang snying po la thim pas gnyis su med par gyur to/ /ye shes kyi cho 'phrul bsam gyis mi khyab pa byung nas dngos grub sna tshogs pa sbyin par bsam/ bdag ya mAn+ta ka'i ting nge 'dzin du zhugs la phrin las rnam bzhi gang byed pa so'i kha dog tu bsgyur te bum pas dbang bskur na thams cad 'grub par gsungs so/ /rtsa ba'i yig 'bru da las bskyed pas da ha badzra ste/ bsnyen pa grangs mang por brjod na bkra shis par 'gyur ro/ /ya mAn+ta ka'i don bshad zin to// //da ni Tak+ki ra dza'i don bshad de/ 'byung po thams cad 'gugs par byed pa/ rig sngags kyi las thams cad byed du 'jug pa ni sems can gyi rnam par rtog pa phyin ci log gi rtog pa las byung bas na/ 'byung po/ bal sna drug mgul la sogs pa rdzas kyi bye brag las byung bas na 'byung po/ /de 'gugs par byed pas ni Tak+ki rA dza'i rang bzhin du bstan te/ thabs mkhas pa'i thugs rjes khams gsum gyi 'byung po'i rigs thams cad dbang du bsdus nas 'khol bas/ de'i phyir 'byung po thams cad 'gugs par byed gsungs/ gzhan yang de bzhin gshegs pa'i 'phrin las la mnga' brnyes pas/ legs par thams cad kyang byed du 'jug cing gzhan la ston pa dang nyams su len pa'i nus pa dang ldan pas rig sngags kyi las thams cad byed du 'jug par gsungs/ de sgrub par bya ba'i phyir bum pa la da bsam te 'od du zhu bas/ Tak+ki rA dzA'i rang bzhin du bsam/ nang gi chu la ra bsams

  433. 217a

    te 'od du zhu ba las byang chub sems zla ba'i dkyil 'khor bsam/ bum pa'i rgyan chas la ya bsams te/ 'od du zhu bas ting nge 'dzin gyi cho 'phrul 'byung bar bsam mo/ /de ltar byin gyis brlabs pa'i bum pas phrin las so so'i las byas na 'grub par gsungs/ /Tak+ki rA dzA'i don bshad zin to/ /da ni stobs po che'i don bshad de/ ma grub pa rnams grub par byed pa/ grub pa rnams chud mi za bar byed pa/ 'dod pa thams cad rab tu sbyin pa ni gang zhig gis bsgrubs par gyur na dngos grub ma grub pa rnams grub par byed pa dang/ las grub pa rnams chud kyi dbang du mi gtong ba dang/ 'dod pa thams cad rab tu sbyin pa'o/ /ting nge 'dzin gyi stobs dang ldan pa/ gzhan gyi phun sum tshogs pa/ sgrub pa khro bo'i rgyal po stobs po cher bstan/ de bsgrub par bya ba'i phyir bum pa la du bsams te/ 'od du zhu ba las byang chub sems stobs po che'i rang bzhin du bsam bum pa'i chu las su bsam te/ 'od du zhu ba las byang chub sems zla ba'i dkyil 'khor du bsam/ bum pa'i rgyan chas lan bsams te 'od du zhu bas ting nge 'dzin bsam gyis mi khyab pa'i cho 'phrul 'byung bar bsam/ de ltar byin gyi brlabs pa'i bum pa de phrin las rnam bzhi gang byed pa so so'i kha dog du byin gyis brlabs pa'i bum pas dbang bskur na thams cad 'grub par gsungs/ de'i phyir dA ru Na badzra zhes pa rtsa ba'i bsnyen pa grangs mang du brjod na las thams cad grub pas chud mi za bar gsungs so/ /stobs po che'i don bshad zin to/ /da ni a mo g+ha pA sha'i don bshad de/ sems can thams cad bsrung ba ni a mo g+ha pA sha'i don to/ /thugs rdo rje chen po byang chub sems kyi rang bzhin

  434. 217b

    ye? shes? thabs mkhas pa'i sprul pa byung nas khams gsum gyi sems can la thabs mkhas pa'i thugs rje'i bye brag sna tshogs bstan nas nyon mongs pa'i sdug bsngal las phan btags nas sems can thams cad bsrung ba'i phyir ro// de'i rang bzhin a mo g+ha pA sha ste/ de ni sems can thams cad la byang chub sems thabs mkhas pas bsrung bar byed do/ /de bsgrub par bya ba'i phyir bum pa la da bsam te 'od du zhu bas/ a mo g+ha pA sha'i rang bzhin du bsam mo/ /bum pa'i chu la ru bsams te 'od du zhu bas ye shes kyi sprul pa sna tshogs pa'i yon tan dang ldan par bsam mo/ /de nas a mo g+ha pA sha bsgrub par bya ba'i phyir/ phrin las rnam pa bzhi gang byed pa'i kha dog so so'i bye brag tu bsgoms nas dbang bskur zhing las byas na thams cad 'grub par gsungs so/ /a mo g+ha pA sha'i don bshad zin to// //da ni dbus kyi gtso bo'i don bshad de/ zhi ba rgyas pa sems can thams cad rengs par byed pa zhes pa ni phyin ci log gi nyon mongs pa thams cad la sngon gyi bsod nams kyi tshogs dang/ phrin las kyi thugs rje thabs mkhas pa'i bye brag sna tshogs pa gzhan la bstan nas phyin ci log gi nyon mongs pa thams cad med par mdzad cing yon tan gyi tshogs bsam gyis mi khyab par mdzad pa dang/ bdud dang bgegs byed can rnams skrag cing rengs par byed pa'i phyir ro/ /gzhan yang byang chub kyi sems mchog chos nyid zhi ba'i don las ma g.yos kyang/ sngon gyi bsod nams kyi khams gsum gyi sems can thams cad la thabs mkhas pa'i phrin las sna tshogs 'byung ba'i phyir che ba'i yon tan sna tshogs pa byung nas/ sems can rnams kyi phongs pa rnams tshim zhing bde bar

  435. 218a

    mdzad pa dang/ 'jig rten gyi grags byed thams cad la ting nge 'dzin gyi cho 'phrul sna tshogs pa bstan nas bde ba la bkod pa'i phyir rengs shing 'dar bar mdzad de dbang du bsdus nas phan 'dogs pa'i phyir ro/ /de ltar yon tan dang ldan pa'i phyag na rdo rje bsgoms pa'i phyir ro/ /bum pa la oM bsgoms pas 'od du zhu bas phyag na rdo rje'i skur bsgom/ bum pa'i chu las ha bsam te cho ga rnam gsum gyi tshul spro sdu byas pas byang chub sems zla ba'i dkyil 'khor du bsam mo/ /bum pa'i rgyan chas la da bsam te/ 'od du zhu bas yon tan dpag tu med pa'i rgyan chas dang ldan par bsam mo/ /thugs kyi rang bzhin dpal phyag na rdo rje'i skur bsgom pa'i phyir phrin las rnam bzhi'i las kyi bye brag tshang bar bya ste/ bsnyen pa stong dang 'bum la sogs pa phul na dngos grub ya mtshan can thob bo/ /las kyi lhag chad kha skang ba'i phyir khro bo'i rting la gsungs/ dkyil 'khor gyi bdag po yin pa'i phyir tshogs kyi mjug sdud pa'o/ /dbus kyi gtso bo'i don bshad zin to// //da ni sgo ba'i don bshad de/ rmugs par byed pa'i gsang sngags kyi mthu chen po 'di zhes bya ba ni thur rje chen pos khams gsum gyi sems can thams cad la thugs rje thabs mkhas pa'i bye brag sna tshogs pa bstan nas ye shes bzhi'i ngo bos phan gdags pa'i phyir sgo ba bzhir sku sprul te/ bdud dang gegs byed? rlags dang skabs tshol ba rnams la rmugs par byed pa'i thabs kyi 'dug tu ma ster nas gsang sngags kyi mthu chen po bstan nas mi gnas par byed pa'i don to/ /de'i rtags kyi cha 'dzin pa ni

  436. 218b

    sgo ba chen po bzhi yin te/ de bsgrub par bya ba'i phyir bdag gi bum pa la hUM bsams te/ 'od du zhu bas sgo ba lcags kyu'i rang bzhin du bsam mo/ /bum pa'i chu las lu bsam te 'od du zhu bas byang chub sems zla ba'i dkyil 'khor du gyur par bsgom/ bum pa'i rgyan chas la dza bsams te/ ye shes kyi cho ga rnam pa gsum gyi spro bsdu bya/ ye shes kyi lcags kyus phyi nang gi bye brag rnams bsdus nas bum pa mdzes par bsam mo/ /de nas lho phyogs kyi bum pa la ti bsams te 'od du zhu pas zhags pa'i rang bzhin du bsam/ bum pa'i chu la shTa bsam te 'od du zhu bas byang chub sems zla ba'i dkyil 'khor du bsam mo/ /bum pa'i rgyan chas la hUM bsams te cho ga rnams sum gyi spro bsdu byas pas ting nge 'dzin gyi rgyan chas bsam gyi mi khyab par bsam mo/ /de nas nub phyogs kyi bum pa la lha bsam te 'od du zhu bas lcags sgrog gi rang bzhin du bsam mo/ /bum pa'i chu la da bsams te/ 'od du zhu bas byang chub kyi sems zla ba'i dkyil 'khor du bsam mo/ /bum pa'i chu la baM bsam te cho ga rnam pa gsum gyis spro bsdu byas pas mchod pa'i rgyan chas bsam gyi mi khyab pa dang ldan par bsam mo/ /de nas byang phyogs kyi bum pa la ha bsam te 'od du zhu bas sgo ba dril bu'i rang bzhin du bsam mo/ /bum pa'i chu la N+Ta bsams te 'od du zhu bas byang chub sems zla ba'i dkyil 'khor du bsam mo/ /bum pa'i rgyan chas la ho bsams te cho ga gsum gyi spro bsdu byas pa ting nge 'dzin gyi cho 'phrul 'byung bar bsam mo/ /de ltar bsgoms pa'i bum pa de la rang bzhin gyi dkyil 'khor nas 'phags pa spyan drangs nas mdun gyi nam mkha' la dmigs so/ /bsnyen pa dang mchod pa phul bas rab tu mnyes te

  437. 219a

    'od du zhu bas bdag gis bsgom pa'i bum pa la thim nas gnyis su med par bsam mo/ /de ltar thim pas byang chub sems chos nyid kyi yon tan 'byung bar bsams te/ byin gyis brlabs pa'i bum pa des/ gang zhig bkra mi shis pa la ye shes kyi 'od zer kha dog dkar po stims nas khrus byas te zhi ba'i las byas na thams cad zhi bar 'gyur ro/ /gang zhig bdog pa nyams pa la ye shes kyi 'od zer kha dog ser po stims nas khrus byas te rgyas pa'i las byas na thams cad rgyas par 'gyur ro/ /gang zhig tshe nyams pa la ye shes kyi 'od zer kha dog dmar po bstims nas khrus byas te/ dbang gi las byas na thams cad dbang du 'gyur ro/ gang zhig yul dang mkhar shar ba dang/ bgegs kyi cho 'phrul dang lha 'dre'i cho 'phrul gnod pa rnams la ye shes kyi 'od zer kha dog nag po bstims nas khrus byas te/ drag po'i las byas na thams cad phungs nas 'jig par 'gyur ro/ /sgo ba'i don bshad zin to// //sangs rgyas kyi mthus lag na rdo rje zhes bya ba ni gong du khro bo'i rang bzhin bstan pa las/ byang chub sems dpa' lag na rdo rje la dus gsum gyi sangs rgyas thams cad kyi thugs yang dag pa'i ye shes rdo rje lta bus byin gyis brlabs nas/ lag tu ye shes kyi rtags rdo rje byin nas ming gi dbang bskur te/ srid pa gsum gyi mthu can zhabs 'og tu bsdus nas/ dam la gdags pa'i phyir dang 'og gi khro bo'i sngags dang phan yon smra ba la gzhug pa'i phyir dang de bzhin gshegs pas byin gyis brlabs nas che ba'i yon tan dang ldan pa'i lag pa na de bzhin gshegs pa'i ye shes kyi tshig gi khams

  438. 219b

    gsum gyi sems can la phan gdags pa'i phyir sku gsung thugs rdo rje las mtshon pa'i rtags thugs rdo rje'i dkyil 'khor gyi sngags 'di 'byung ba'i don to/ /sngags kyi don 'byung ba'i thabs bshad zin to// //da ni phyag na rdo rje'i phrin las kyi don bshad de/ na mo ratna tra yA ya zhes pa ni dkon mchog gsum la phyag 'tshal ba'i don to/ /phyag na rdo rje ni dkon mchog gsum gyi rang bzhin du gyur bas na ye shes las byung ba'i phyir ro/ /na ma shtsaN+Da badzra pA nA ye zhes pa ni rdo rje gtum po rin po che'i ngo bo phyag na rdo rje'i yang dag pa'i ye shes kyi snying po'o/ /mahA yak+Sha se nA bta ye zhes pa ni gnod sbyin gyi sde dpon chen po lag na rdo rje drag po la phyag 'tshal ba'i don te/ gnod sbyin rnams thugs rdo rjes btul bas de skad ces brjod do/ /ta dya thA zhes pa ni 'di lta ste/ gang lta zhe na/ 'og nas 'byung ba'i sngags kyi tshig smras so/ /oM tra Ta tra Ta zhes pa ni ye shes lnga pos bdag gis nyon mongs pa thams cad sod cig pa'i don/ tro Ta ya tro Ta ya zhes pa ni phyag na rdo rje'i byin gyis brlab las kyis rab tu spyod cig legs par spyod cig pa'i don/ sphu Ta sphu Ta zhes pa ni nyon mongs pa'i las rnams ye shes kyi me 'bar bas sreg par gyis shig pa'i don/ spho Ta ya spho Ta ya zhes pa byang chub kyi sems kyi rang bzhin gyi legs par 'bar bar gyis shig pa'i don/ g+hur+Na g+hur+Na zhes pa ni bdag gi bgegs rnams zung la sregs shig /ye shes mes mtshan ma bsreg pa'i don g+hur+NA pa ya g+hur+NA pa ya zhes pa ni thugs rje lcags kyus zungs la legs par skrod cig pa'i don/ sarba satwa ni zhes pa ni sems can thams cad la thugs rje'i thugs kyi gzigs shig pa'i don/ bod+ha bod+ha zhes pa ni khams

  439. 220a

    gsum gyi sems can la byang chub tu sems rab tu bskyed cig pa'i don/ saM bo d+ha ya saM bo d+ha ya zhes pa ni 'gro ba rnams legs par byang chub mchog tu sems bskyed cig pa'i don/ b+h+ra ma b+h+ra ma zhes pa ni byang chub sems dang mi mthun pa'i bgegs rnams bskrod cig pa'i don/ saM b+h+ra ma ya saM b+h+ra ma ya zhes pa ni phyin ci log gi nyon mongs pa rnams thugs rjes legs par bskrod cig pa'i don/ sarba bu d+ha na zhes pa ni sangs rgyas thams cad kyi thugs rje chen pos bdag gi sdang ba thams cad chom shig pa'i don/ ku Ta ku Ta zhes pa ni gdon 'byung po rnams gtubs shig gtubs shig pa 'am thugs rjes ye shes kyi spyan gyi gzigs shig pa'i don/ saM ku Ta ya saM ku Ta ya zhes pa ni 'jig rten na gdon bar chad byed pa rnams byams pa'i thugs kyi legs par gtubs shig pa'i don/ sarba sha truM naM zhes pa ni bdag la gnod pa byed pa'i bgegs rnams yang dag pa'i ye shes kyi mtshan ma med pa'i don yang bstan/ g+ha Ta g+ha Ta zhes pa ni bgegs dang 'byung po rnams thugs rjes skrod cig pa'i don/ saM g+ha Ta ya saM g+ha Ta ya zhes pa ni legs pa'i yon tan thams cad 'byung bar byed pas na thugs rjes nyon mongs pa thams cad las thar gyis shig pa'i don/ sarba bidyA zhes pa ni rig sngags kyi mthus gang la bya ba'i las thams cad grub par byed pa'i don/ badzra badzra spho Ta ya zhes pa ni ye shes kyi rdo rje 'bar ba'i me chen pos bgegs rnams rol cig pa'i don/ badzra badzra ka Ta zhes pa ni ye shes las grub pa'i rdo rjes 'bar bas nyon mongs pa thams cad chod cig pa'i don/ badzra badzra ma Ta zhes pa ni byang chub kyi sems kyi rdo rjes bdag la gdug pa rnams gtubs shig pa'i

  440. 220b

    don/ badzra badzra mA tha zhes pa ni yang dag pa'i ye shes rdo rjes bgegs rnams thul cig pa'i don/ badzra badzra a Ta Ta zhes pa ni ye shes las grub pa'i yang dag pa'i ye shes rdo rjes bdud rnams gnas dar ma gnas par gyis la skrod cig pa'i don/ hA sa nI badzra zhes pa ni rdo rje rnon po me dang 'dra bas bag chags rnams chod cig drol cig pa'i don/ su badzra badzra ya swA hA zhes pa ni thugs mkhyen pa'i rdo rje chos kyi dbyings rnam par dag pa la legs par sbyor cig pa'i don to/ /phyag na rdo rje'i phrin las kyi don bshad zin to/ /da ni khro bo rnams kyi 'phrin las kyi don bshad de/ he phu lu ni ru phu lu zhes pa ni de ltar phyag na rdo rje thugs kyi ngo bo gsungs nas/ rdo rje khro bo la sbyor ba'i phyir rdo rje khro bo 'bar bas nyon mongs pa'i gshin rjes khams gsum pa thugs rje 'bar bar byed pa'i don/ grih+Na ku l+lu zhes pa ni khams gsum gyi gshin rje gshed kyi sdug bsngal rnams 'joms pa'i don mi li tsu l+lu ku ru ku l+lu zhes pa ni 'phags pa rta mgrin sngon po 'bar bas sdug bsngal sbyongs shig pa'i don/ badzra bi dza yA ya swA hA/ badzra bi dza yA ya swA hA zhes pa ni khro bo bdud rtsi 'khyil par 'bar bas nyon mongs pa thams cad bdud rtsir byin gyis brlabs shig pa'i don/ kI li kI lA ya swA hA zhes pa ni arya a tsa las thugs kyi phrin las mdzad pa dang/ stobs po ches drag shul gyi phrin las mdzad pa'i don/ ka Ta ka Ta zhes pa ni ya mAn+ta ka khro bo'i rgyal pos bdud rnams spang kongs shig pa'i don/ ma tra ma tra zhes pa ni khro bo hUM ka ras nyon mongs pa rnams las thugs rjes skyobs shig pa'i don ra Ta ra Ta zhes pa ni khro bo'i rgyal po pad+ma 'khyil bas nyon mongs pa rnams zhi bar mdzod cig pa'i don mo Ta na pra mo Ta nA ya swA hA/

  441. 221a

    shes pa ni ye shes kyi gnod sbyin 'bar ba gshin rje gshed kyis skyobs shig pa'i don tsa ra ni tsa ra zhes pa ni khro bo'i rgyal po nAM la daN+Da dang sems can thams cad la tshe dang dbang thang stsol cig pa'i don/ ha ra ha ra zhes pa ni ye shes kyi gshogs pas 'khor ba'i sdug bsngal skyongs shig pa'i don/ sa ra sa ra zhes pa ni ting nge 'dzin gyi drag shul gyi sems nyams pa rnams dran par gyis shig pa'i don/ mA rA ya mA rA ya zhes pa ni nyon mongs pa 'joms pa'i rdo rjes bgegs rnams sor cig pa'i ngang las drag pos rdul du mthor shig pa'i don/ badzra bi dA rA nA ya swAhA zhes pa ni rdo rje rnam par 'joms pas sems can gyi las rnams mdzod cig pa'i don/ ts+tshinda ts+tshinda zhes pa ni khro bo'i rgyal po ha ya gri bas nyon mongs pa rnams sod cig pa'i don/ b+hinda b+hinda zhes pa ni bdag dang sems can rnams kyi sdug bsngal shig ces pa'i don/ ma hA ki li ki lA ya swA hA zhes pa ni khro bo'i rgyal po stobs po ches las dang nyon mongs pa thugs zhi ba'i sgo nas zhi bar mdzod cig pa'i don/ b+hand+ha b+hand+ha zhes pa ni Tak+ki rA dza ste khro bo'i rgyal pos gdug pa'i bdud rnams mgo nas chings shig pa'i don/ kro d+ha kro d+ha zhes pa ni khro bo'i khro bos nyon mongs pa rnams la rol cig pa'i don/ kI la kI lA ya swA hA zhes pa'i byang chub sems kyi rang bzhin bdud rtsi 'khyil pas thams cad zhi bar mdzod cig pa'i don/ tsu ru tsu ru zhes pa ni khro bo'i rgyal po a mo g+ha pA shas dam tshig bzhin du phrin las mdzod cig pa'i don/ tsanDa li zhes pa ni khro bo'i rgyal po tshur sbyon tshur sbyon dam tshig la dgongs pa'i don/ badzra kI li kI lA ya swA hA zhes pa ni bdud rtsi 'khyil pas thugs tshad med pa'i

  442. 221b

    gsung sgras thams cad byang chub sems su zhi bar mdzod cig pa'i don/ trA sa ya trA sa ya zhes pa ni khro bo'i rgyal po ma hA ba las bdud dang/ bgegs byed rnams skrag par gyis shig pa'i don/ badzra kI li kI lA ya swA hA zhes pa ni ye shes kyi rdo rje 'bar bas thams cad zhi bar mdzod cig ba'i don/ ha ra ha ra badzra d+hA ra ya swA hA zhes pa ni rdo rje ye shes 'bar ba'i sgo ba bzhis bgegs rnams sogs shig skrogs shig pa'i don/ pra ha ra pra ha ra zhes pa ni khro bo'i rgyal po a mi ta kunDa lis mtshan ma'i dngos po thams cad zhi bar mdzad nas byin gyis rlobs shig pa'i don/ badzra pra b+hany+dza nA ya swA hA/ zhes pa ni byang chub sems kyi rang bzhin rdo rje bar bas las dang nyon mongs pa'i bag chags thams cad zhi bar mdzod cig ba'i don/ khro bo rnams kyi phrin las kyi don bshad zin to// //da ni khro bo rnams kyi bsrung ba'i don te/ ma bir? badzra zhes pa ni blo brtag pa'i rdo rjes byang chub sems kyi rang bzhin dang ldan par gyis shig ba'i don dang/ su tis+thi ra badzra zhes pa ni shin tu brtan pa'i rdo rjes legs pa'i yon tan thams cad rdo rje lta bu zhi ba dang ldan par gyis shig pa'i don/ pra tis+tha ri badzra zhes pa ni so sor brtan par rdo rjes bdag gi lus rdo rje lta bur zhi bar mdzod cig pa'i don/ mahA badzra zhes pa ni rdo rje chen po zhi ba'i tshul du bdud las rgyal bar mdzod cig pa'i don/ pra tis+tha ri badzra zhes pa ni rab tu bstan pa'i rdo rjes bdag la ye shes kyi mtshon cha stsol cig pa ste/ gzhan gyi mu tig gzhol ba'i phyir ro/ /a mo g+ha badzra zhes pa ni don yod pa'i rdo rje'i zhags bsam gtang ba'i don/ e hi badzra zhes pa ni bden pa'i brjod bdag 'khor ba las dngos shig tshur gshegs tshur gshegs pa'i don/ shI g+haM badzra

  443. 222a

    ya d+ha ra ya swA hA zhes pa ni dpa' bar gral bas rdo rje la gor rgyug pa'i phyir bdag gi las grub par mdzod cig ba'i don/ d+ha ra d+ha ra zhes pa ni sgo bzhi srung ba bshad de/ byang chub kyi rang bzhin zhi ba thams cad khyer la gzungs su gyis shig pa'i don/ d+hi ri d+hi ri zhes pa ni dbyings kyi rang bzhin chos nyid kyis legs par thogs shig pa'i don/ d+hu ru d+hu ru zhes pa ni lus thams cad thugs rjes rab tu zung la thogs shig pa'i don/ sarba badzra ku laM A barta ya swA hA zhes pa ni rdo rje dang bcas pas bdag la byin gyis rlobs shig/ gnod pa byed pa'i bye brag thams cad rab tu zhi bar mdzod cig pa'i don/ a mu kaM mA ra ya phaT ces pa ni bdag dus ma yin pa'i 'jigs pa las bzlog shig/ bdud rnams kyi 'jig pa las choms shig pa'i don khro bo dang sgo srung ba bshad zin to// //da ni khro bo'i ngo bo nyid bstan te/ na ma sa man+ta badzra NAM zhes pa ni kun tu bzang po ye shes kyi rdo rje rang bzhin gyi dbang ba'i don to/ /sarba ba laM zhes pa ni thams cad kun gyis rang bzhin stobs po ches dbang bskur cig pa'i don/ a bar ta ya ma hA ba le zhes pa ni mnyes par byed pa'i stobs po che mgyogs pa rlung dang 'dra bas dbang bskur ba'i don/ ka ta be ta le zhes pa ni ye shes kyi mche bas nyon mongs pa'i bdud thul cig pa'i don/ a tsa le zhes pa ni khams gsum rnam par rgyal ba'i dkyil 'khor gyi mnga' bdag gi sprul pas bdag la dbang bskur la skyobs shig pa'i don/ manDa la mA ye zhes pa ni dkyil 'khor gyi bsrungs ma rnams kyi sprul pa'i ngo bo nyid kyi che ba sna tshogs su snang ba'i don/ a ti badzra zhes pa ni rdo rje bzang pos gdon thams cad las bdag la skyobs shig pa'i don/ ma hA ba le bi gar Na zhes pa ni

  444. 222b

    stobs po che rlung dang 'dra ba mgyogs pas bdag la gnod pa thams cad zhi bar mdzod cig pa'i don/ a dzi te dzwa la zhes pa ni yang dag pa'i ye shes kyi shes rab kyi bdud kyi grags pa rnams sregs shig pa'i don/ 'bar ba 'bar bas nyon mongs pa srogs shig pa'i don/ /ti Ti ti Ti/ pi ga le zhes pa ni 'bar bas skam po so sor 'bar bas sdug bsngal las skyobs shig pa'i don/ da ha da ha zhes pa ni bdag gi nyon mongs pa rnams sregs shig/ yang dag pa'i ye shes 'bar bar gyis shig pa'i don/ te dzo ba ti zhes pa ni yang dag pa'i ye shes kyis gti mug gi mun pa las 'bar bar gyis shig pa'i don/ ti li ti li zhes pa ni bdag gi sdug bsngal thams cad chod cig pa'i don/ banda banda zhes pa ni bgegs 'byung po rnams chings shig pa'i don/ ma hA ba le zhes pa ni stobs po che las mdzod cig pa'i don/ badzrA ku sha dzwa lA ya swA hA zhes pa ni rdo rje me dang 'dra bas mtshan ma thams cad zhi bar mdzod cig pa'i don/ khro bo'i ngo bo dbang gi don bshad zin to/ /da ni ye shes kyi khro bo lag na rdo rjes mtshan ma 'joms pa dang thugs khro bo'i ye shes kyi snying po las rnam bzhi'i rang bzhin de dkon mchog gsum la phyag 'tshal ba'i don pas phyag na rdo rje'i bdud rtsi'i ngo bo'o/ /na mo ratna tra yA ya/ na mashtsaN+Da badzra bA Na ye zhes pa ni khams gsum gyi gnod sbyin rnams 'dul ba'i phyir na phrin las khro bo'i tshul du zhugs pas rdo rje khro bor bstan/ mahA yak+Sha senA pa ta ye zhes pa ni gnod sbyin gyi sde dpon lag na rdo rjes ye shes kyi ngo bo zhes gsungs ba'i phyir ro/ /oM ha ra ha ra badzra zhes gsungs pa ni ye shes lnga'i ngo bo phyag na rdo rje dbus na bzhugs te/ lus ni gnod sbyin du bstan pa'i don/ ma tha ma tha badzra zhes pa ni khUM ka ra gshin rje gshed kyi don rgyas par bsten pas snying po'i rang bzhin no/ /d+hu na d+hu na badzra zhes pa ni dngos po thams cad

  445. 223a

    'joms pas khams gsum rnam par rgyal ba'i snying po'o/ /da ha da ha badzra zhes pa ni ya mAn+ta ka khro bo'i rgyal po'i snying po byang chub sems kyi rang bzhin no/ /pa tsa pa tsa badzra zhes pa ni ni la baN+Da'i rang bzhin rta mgrin sngon po'i rang bzhin du bstan/ d+ha ra d+ha ra badzra zhes pa ni ha ya gri ba'i rang sngags kyi sa bon byang chub sems kyi ngo bo'i snying po'o/ /dA ra ya dA ra ya badzra zhes pa ni bdud tsi 'khyil ba'i snying po'i rang bzhin byang chub sems kyis mtshan pa'i rang bzhin no/ /dA ru Na dA ru Na badzra zhes pa ni yang dag pa'i ye shes kyi stobs dang ldan pas/ a mo g+ha pA shI rang bzhin byang chub sems kyi snying por bstan/ ts+tshinda ts+tshinda badzra zhes pa ni ma hA ba la dang/ hUM ka ra gnyis kyi rang bzhin du bstan/ b+hinda b+hinda badzra hUM phaT ces pa ni pad+ma 'khyil pa'i rang bzhin te/ ye shes kyi phyag rgya bzhis sdoms shig pa'i rang bzhin te/ khro bo'i rang bzhin bshad zin to// //da ni phyag btsal ba'i don te/ na mashtsaN+Da badzra kro d+ha ya zhes pa ni phyag btsal ba'i don te/ a mri ta kunDa li'i snying po/ /phyag na rdo rje gtum po bsgrub pa'i don pas rdo rje khro bo zhes pa'i don no/ /da ni sgo ba'i don te/ hu lu hu lu zhes pa ni bgegs dang 'byung po rnams tshul bzhin du drongs shig pa'i don/ shar phyogs kyi khro bo aM ku sha'i me long lta bu'i ye shes kyi phyag rgya'o/ /tishTha tiSh+Tha zhes pa ni chings shig chings shig pa'i lho phyogs kyi sgo bzhags pa ste/ mnyam pa nyid kyi ye shes kyi phyag rgyas nyon mongs pa rnams dbang du bsdus shig pa'i don to/ /band+ha band+ha zhes pa nub phyogs kyi sgo ba lcags sgrog ste/ so sor kun tu rtog pa'i ye shes kyi phyag rgya ste lcags sgrog gis bgegs dang 'byung po rnams sdoms shig ba'i don/ ha na ha na zhes pa ni byang phyogs kyi sgo ba dril bu ste/ bya ba nan tan gyi ye shes kyi ngo bos

  446. 223b

    dgegs dang 'byung po log lta rnams rdul du rlog shig pa'i don/ a mri te hUM phaT ces pa ni/ dkyil 'khor gyi sngags gong du gsungs pa dang sngags 'byung ba rnams ye shes kyi ngo bo bas las kyi kha skrad pa'i phyir bdud rtsi'i ngo bor byin gyis brlabs pa'i thabs su shes par bya'o// //de ltar khro bo rnams kyi don bshad nas de'i 'og tu yon tan gyi rnam grangs cho ga'i thabs kyi bye brag bstan te/ sdug bsngal thams cad las thar bar byed pa'o/ /sdig pa thams cad byang byas nas zhes pa ni don rnam pa gnyis su shes par bya ste/ rgyud kyi don la 'jug par bya ba'i phyir sdig pa thams cad byang bar bya ba dang/ rgyud kyi don rtogs bas sdig pa thams cad byang ba dang/ de ltar don gnyis su shes bar bya'o/ /rgyud kyi don la 'jug par bya ba'i phyir sdig pa thams cad sbyong bar byed pa ni nyon mongs pa'i sgrib pa dang/ las kyi bsgrib pa dang/ rnam par smin pa'i sgrib pa dang/ chos kyi sgrib pa dang/ lta ba log pa la sogs pa rnam pa rnams dkyil 'khor gyi lha rnams spyan drangs nas mdun gyi bar snang la gsal bar bya te mchod pa phul la 'gyod pas skyed du gzhug go/ yan lag lnga sa la gtugs la/ sems rtse gcig tu gus pa dang ldan par byas te/ byang chub mchog tu sems skyed de/ sta gon la gnas pa'i cho ga bya/ de nas 'phags pa rnams la mkhyen pa gsol zhing sdig pa rnams la 'gyod pa bskyed pa'i don rgyud kyi don rtogs nas sdig pa spyad pa ni dkyil 'khor du bcug nas lha'i gral rim dang bzhugs thabs dang/ /sku mdog dang rgyan chas dang bstod pa dang/ mchod pa'i bye brag dang/ rgyud kyi don bstan te/ sems sgrol nas sdig pa byang bar gsungs/ de ltar sdig pa sbyang ba byas te/ de'i 'og tu 'bras bu yon tan thams cad dang ldan pa'i don to/ ci'i phyir zhe na/ sdug

  447. 224a

    bsngal thams cad med par byed ces gsungs te/ de ltar rgyud don nyams su blang ste/ bsgrubs pas nyon mongs pa'i sdug bsngal gsum dang brgyad la sogs ba sdug bsngal gyi bye brag thams cad med par mdzad pas de skad gsungs/ de'i 'og tu rgyud thams cad gyi rtsa ba'i don yin pa ston te/ ci'i phyir zhe na/ rgyud do cog gi rtsa ba ste/ zhes gsungs te/ ston pa'i zhal nas gsungs pa'i rgyud de thams cad kyi rtsa ba/ rdo rje lta bu'i ting nge 'dzin yin pas don gyi rtsa ba yin par gsungs/ de'i 'og tu rgyud kyi don gyi dpal gyi gzhir 'gyur ba'i thab ston te/ ci'i phyir zhe na/ dpal kun gyis ni legs par brgyan/ ces gsungs te/ dpal ni 'jig rten dang 'jig rten las 'das pa'i legs pa'i yon tan thams cad la bya/ kun ni dus gsum gyi rgyal ba sras dang bcas pa thams cad kyang 'di'i don rtogs pa las byung ba'i tha tshig go/ de lta bu'i don de ni nyes pa thams cad spangs shing/ yon tan thams cad kyi phul du phyin pa'i rgyu yin pas legs par brgyan ces pa'i don to/ /de'i 'og tu sems can dbang po nyams pa la phan pa'i thab ston te/ ci'i phyir zhe na/ sems can dbang po nyams pa dang zhes gsungs te/ sems can gyi rgyal po stobs ldan snying po la sogs te/ khams gsum gyi sems can kun la bya ba'i tha tshig go /de rnams la dbang po nyams pa'i skyon bco brgyad yod de/ de bzlog pa'i thabs ni rgyud ni rgyud nas 'byung ba'i 'phrin las rnams bzhi tshang bar byas nas sbyang ba'i phyir ro/ /de'i 'og tu tshe nyams pa gso ba'i thabs ston te/ ci'i phyir zhe na/ tshe zad pa dang tshe nyams pa dang/ zhes gsungs te/ de ni srog go/ zad pa ni med pa ste/ tshe zad pa'i snga ltas lnga yod pa la/ de

  448. 224b

    gso ba'i thabs ni dkyil 'khor gyi lha rnams spyan drangs nas sngags dang phyag rgya rnams kyis dbang bskur nas sos par gsungs/ de'i 'og tu bdog pa nyams pa spel ba'i thabs ston te/ de ci'i phyir zhe na/ phun sum tshogs med gang chags dang/ zhes gsungs te/ khams gsum gyi sems can rnams bde ba dang bral te/ nyon mongs pa'i sdug bsngal bkres grang la sogs pa gnod pa'i bye brag rnams kyi bde ba mi chags te/ sdug bsngal chags pa de sbyar ba'i thabs ni dkyil 'khor gyi lha rnams spyan drangs te rgyas pa'i las byas na/ bde ba phun sum tshogs pa dang ldan pa'i tha tshig go /de'i 'og tu nyon mongs pa'i phyogs kyis 'jig rten pa'i lha mi dga' ba ston te/ ci'i phyir zhe na/ lha rnams rgyab kyi phyogs pa dang/ zhes gsungs te/ rgyal ba'i spyan sngar dam tshig mnos pa las/ gzhung dang ma mthun pas mya ngan 'das pa'i lha 'phags pa rnams ma mnyes pa dang/ kun rdzob kyi mi mthun pa'i phyogs pas lha rnams 'phangs pa dang/ de la sogs te lha rnams rgyab kyi phyogs pa de rnams zhi bar bya ba'i tha tshig ni/ bdag nyid las kyi lha'i ting nge 'dzin du zhugs te/ las bya ba'i lha dang mchod rdzas la sogs pa 'od dang kha dog dmar por bsgyur te/ chags pa'i tshul gyis dbang gi las byas na 'grub par gsungs/ de'i 'og tu lha mi dga' i ba'i snga ltas ston te/ ci'i phyir zhe na/ mdza' sdug skye bo sdang ba dang/ zhes gsungs te/ lha 'phangs pa'i snga ltas bdag la mdza' po dang/ 'khor la sogs pa rnams bsam pa dang mi mthun pa'i phyogs zhe sdang dang ngan sems la sogs pa'i byad stems rnams drag po'i las byas na 'grub par gsungs/ de'i 'og tu 'khor la gnod pa ste/ ci'i phyir zhe na/ bram ze la sogs gtses pa dang/

  449. 225a

    zhes gsungs te/ rgyal po stobs ldan snying po dang/ khams gsum gyi sems can g.yog bran dang/ gza' mi la sogs pa la gnod sbyin dang bdud la sogs pas gtses pa'i rgyus rang re'i mi mthun pa la las byas na 'grub par gsungs/ de'i 'og tu mi mthun pa ston te/ ci'i phyir zhe na/ phun tshun mthun pa ma yin pa dang zhes gsungs te/ gdon 'byung pos byin gyis brlabs pa'i mthus/ sems can rnams la phan tshun mi mthun te/ dgra bo lta bur sems pa la zhi ba'i las byas na 'grub par gsungs/ de'i 'og tu mdogs pa nyams pa ston te ci'i phyir zhe na/ nor 'grib pas ni gnod pa dang zhes gsungs te/ bdag gi gdog pa phun sum tshogs pa nyams nas 'phongs pa ste/ gzhan la rag lus nas 'phongs pa ste gzhan la rags lus nas bdag nyon mongs pa la rgyas pa'i las byas na bdog pa yod par gsungs/ de'i 'og tu mya ngan gyi gnod pa ston te ci'i phyir zhe na/ mya ngan ngal las gnod pa dang zhes gsungs te/ khams gsum gyi sems can rnams sems kyi mya ngan sna tshogs dang ldan pas lus rab tu ngal te/ sdug bsngal rnams kyi rab tu gzir ba la mya ngan gyi cho 'phrul la sogs pa zhi ba'i las byas na 'grub par gsungs/ de'i 'og tu 'jigs shing phongs pa ston te/ ci'i phyir zhe na/ 'jigs pa dang ni phongs pa dang zhes gsungs te/ sems can rnams rgyal po'i chad pa'i dang gnam lcags kyi 'jigs pa dang/ rkun pos 'jigs pa dang me dang chus 'jigs pa dang/ mtshon chas 'jigs pa dang/ dug gi 'jigs pa dang/ skar mda' ltung bas 'jigs pa dang brgyad do/ /gzhan yang mgon skyabs med cing phongs pa'i bye brag rnams phrin las rnam bzhi'i las byas na 'grub par gsungs de'i

  450. 225b

    'og tu byad stems bshad de ci'i phyir zhe na/ gza' dang rgyu skar byad stems dang zhes gsungs te/ 'jig rten gyi khams su gza' chen po brgyad dang/ rgyu skar nyi shu rtsa brgyad la sogs pa se sO byad stems kyi dzam+bu'i gling gi sems can rnams la ni nad dang phyug nad dang/ chom rkun dang mdangs 'phrog pa la sogs pa gnod pa'i bye brag rnams la/ phrin las rnam bzhi'i las byas na 'grub par gsungs/ de'i 'og tu gdon gyis nyen pa ston te/ ci'i phyir zhe na/ mi bzad gdon gyis zin pa dang zhes gsungs te/ 'jig rten gyi sems can rnams la phung po dang khams ma snyoms pa dang/ sems kyi rnam par rtog pa nyon mongs pa'i gdon dang/ gzhan yang bi nA ya ka la la sogs pa'i gdon stong phrag brgyad cu rtsa bzhis nyen pa la phrin las rnam bzhi'i las byas na 'grub par gsungs/ de'i 'og tu mya ngan las byung ba'i rmi lam ston te/ ci'i phyir zhe na/ mya ngan ngal las byung ba'i rmi lam sdig pa mthong na yang zhes gsungs te/ nyon mongs pa'i sems can phyin ci log gi lta ba'i bag chags mya ngan gyi gdungs pa langs pa'i rgyus lus dang sems ngal zhing thang chad pas blo gtibs pas/ gnyid log pa'i rmi lam na ltas ngan gyi rmi lam sdig pa'i bag chags las byung ba dmyal ba'i sreg ba la sogs pa'i rmi lam sum cu rtsa gnyis rmis pas rnams phrin las rnams bzhi'i las byas na 'grub par gsungs/ de'i 'og tu cho ga'i thabs ston te/ ci'i phyir zhe na/ des ni rab bkrus gtsang ma yin/ /mdo sde dam pa mnyan par bya zhes gsungs te/ slob dpon slob ma sta gon la gnas par bya ba dang/ lha dang mi sta gon la gnas par bya ba dang/ rdzas dang yo byad la sogs pa sta gon la gnas pa'i cho ga'o/ /de'i 'og tu slob dpon gyis dkyil 'khor gyi cho ga rdzogs par byas la/ bdud rtsi'i bum

  451. 226a

    pas slob ma la sogs pa'i spyi bo nas dbang bskur zhing khrus bya ba ni phyi nang gi dri ma bkru ba'o/ /de ltar bdud rtsi'i bum pas nyon mongs pa rnams gtsang bar byin gyis brlabs nas/ de nas byang chub tu sems bskyed de/ mdo sde'i don bshad cing nyan du bcug la/ bsgom pa'i lung dpog cing lha'i ngo bo bstan pa'i tha tshig go /de'i 'og tu phyi nang gi chos bstan te/ de yang ci'i phyir zhe na/ gang dag yid dge sems dang shing/ gtsang ma'i gos kyis rab brgyan te zhes gsungs te/ slob ma gzhi dad pa dang ldan zhing/ yid dge ba la sems dang zhing spyod pa tshang ba dang/ dka' blo bde ba la ngo rtag pa de lta bu de sems kyi dri ma dang bral bar byas te/ de nas slob dpon gyis slob ma de lta bu la ni ras sam dang dkar po la sogs pa'i gos gtsang ma bskon la dri zhim pa'i me tog gi cod pan la sogs pa'i rgyan mang pos brgyan la/ phyi nang gi brgyan gyis lus sems mdzes par brgyan la de'i 'og tu theg pa chen po'i chos nyan pa'i yon tan bstan cing bskul ba gdab ste/ ci'i phyir zhe na/ zab mo sangs rgyas spyod yul pa/ /mdo sde 'di ni nyan byed na zhes gsungs so/ /dus gsum gyi sangs rgyas thams cad kyi mkhyen pa'i ye shes kyi rang bzhin rdo rje rnam par 'joms pa'i mdo'i don zab pa rgya che ba sangs rgyas nyid kyi spyod yul/ mdo sde thams cad snying po 'di theg pa chen po'i rigs can/ slob pa'i rgyun la zhugs pa gang gis mnyan par byed pa dang klog cing 'dzin pa dang/ gzhan la don nyams su len pa'i yon tan slob dpon gyis slob ma la bstan te/ de ltar bstan nas de'i 'og tu nyan pa'i bsod nams kyi phan yon ston te/ ci'i phyir zhe na/ mdo sde 'di yi gzi brjid kyis/ srog chags

  452. 226b

    dag ni thams cad kyi zhes gsungs/ mdo sde 'di mnyan cing nyams su blangs pa'i yon tan gyi gzi brjid kyis/ khams gsum gyi sems can rnams kyi nyon mongs pa'i rnam par rtog pa dang sdug bsngal gyi bye brag rnams la phan pa'i tha tshig go /ci'i phyir zhe na/ mi zad pa yi nad rnams kyang/ de dag thams cad zhi bar lta zhes gsungs te/ khams gsum gyi sems can rnams la las dang nyon mongs pa'i bag chags rgyu dang 'bras bu'i tshul shin tu mi bzad pa'i nad kyi rang bzhin pas/ de zhi bar bya ba gong du gsungs pa ltar bya ba'i tha tshig go /de ltar gnod pa zhi nas de'i 'og tu bde ba thob pa'i thabs ston te/ ci'i phyir zhe na/ tshe dang bsod nams 'phel bar 'gyur/ sdig pa kun las rnam par thar zhes gsungs te/ sems can gyi las kyi bag chags kyi mthus tshe zad cing 'chi ba la sogs pa la mdo'i don mnyan pas bsgom pa'i tshul ma nor bar byas na tshe dang bsod nams tshad med pa 'phel bar 'gyur zhing/ nyon mongs pa'i sdig pa thams cad las thar bar 'gyur ba'i tha tshig go/ cho ga'i thabs dang phan yon bshad zin to// //da ni bum pa'i cho ga'i rkyen bstan te/ ci'i phyir zhe na/ nor bu yungs kar dUr ba dang/ zhes gsungs te/ nor bu ni mu tig dang/ byu ru dang/ gzi dang/ mchong dang/ rin po che dang/ zhes bya ba'i tha tshig go/ yungs kar ni 'bru sna lnga'i gtso bo ste/ de'i khongs su bsdu ba ni/ nas gro til 'bras mon spang la sogs pa'o/ /dUr ba ni kha rgyan gyi don te/ de'i khongs su bsdu ba ni bya gri sing gri tsan dan la sogs pa dri zhim po'i shing tsan dan la sogs pa yal ga dang bcas zhes pa ni/ da ni rin po che lnga dang snying po ston te/ rin chen rma med tsan dan bcas/ zhes pa ni rin po che ni rnam pa lnga ste/ baidUrya

  453. 227a

    dang/ gser dang/ shel dang/ in+d+ra nI la dang/ byu ru zhes pa'i don no/ /rma med pa ni de rnams la skyon la sogs pa med pa'o/ /tsan dan ni gla rtsi dang gur gum dang/ spos dang/ tsan dan dang/ a ka ru la sogs pa'i bye brag smos pa'i don to/ /shel dang rdo rje me tog dang zhes pa ni shel dang rdo rje gnyis ni snying por shes pa'i don no/ /shel ni me shel dang chu shel gnyis kyi don no/ /da ni snying po phyi ma gsum gyi don ston to/ /'o ma'i snying po mar dang/ shing gi snying po bu ram dang/ me tog ni bum pa'i gdan gyi tha tshig go/ dbyar ni me tog gi dkyil 'khor bya/ dgun ni chon sna lnga'i dkyil 'khor pad+ma la sogs pa la bya ba'i don no/ /gzhan du bum pa'i kha rgyan te/ me tog la sogs pa dag gi kha rgyan bya ba'i phyir smos so/ /chu'i gser ram yang na ni/ dngul gyi bum pa dag kyang rung/ gtsang ma'i gos kyi dkris shing dgang zhes pa ni bum pa'i rgyu ste/ rgyal pos ni gser gyi bum pa bya/ blon po ni dngul gyi bum pa/ kyang ni tshig gi lhag ma can te/ dmangs phal pa ni zangs dang lcags la sogs pa'i bum pa bya ba'i don to/ /gzhan du na phrin las so so'i bye brag tu shes par bya'o/ /gtsang ma'i gos ni ras kha tshar ma nyams pa ting nge 'dzin byin gyis brlabs pa'i tha tshig go/ de'i 'og tu grangs ston te/ ci'i phyir zhe na/ lan grangs nyi shu rtsa gcig gam/ yang na lan grangs brgya rtsa brgyad/ /rdo rje rnam 'joms bzlas nas ni/ zhes gsungs te/ grangs kyi don te/ dmangs kyi ni nyi shu rtsa gcig la sogs te/ ji tsam 'byor pa'o/ /blon po ni brgya rtsa brgyad la sogs pa ste/ 'grub tshad do/ /rgyal po ni bsod nams ches pas tha ma brgya rtsa brgyad do/ /blon po tha ma nyi shu rtsa gcig gam/ dmangs kyi tha ma bdun no/ /de ni grangs

  454. 227b

    kyi bsnyen pa'o/ /mtshan ma'i bsnyen pa dang/ tshig dang don bzlog pa ni rang bzhin gyis shes par bya ba'i tha tshig go/ de'i 'og tu khrus bya ba'i dmigs ston te/ ci'i phyir zhe na/ rgyal po rtag tu khrus gyis shig ces gsungs te/ rgyal po stobs ldan snying po la sogs pa rgyal po'i rigs su gtogs pa rnams so/ /rgyal po sna la smos pa ci'i phyir zhe na/ bsod nams che ba yis byas na sna tshogs la smos pa'i phyir ro/ /des thams cad de ba'i phyir ro/ /dmangs ni rgyal po'i 'khor bas don gyis shes par bya ba'i tha tshig go /mdo yi don gyi dgongs pa la/ /rigs pa'i tshul gyis 'di gzhung 'chang/ /'phags pa rnams la bzod par gsol/ /'di grub brtsams pas 'di grub shog/ //rdo rje rnam par 'joms pa'i gzungs kyi don rnam par bshad pa/ slob dpon bde ba'i myu gus mdzad pa rdzogs so// // (!/ rdo rje rnam 'joms kyi 'grel ba bzhugs so/) /rgya gar skad du/ badzra bi dA ra Na nA ma d+ha ra Ni prit+ti/ bod skad du/ rdo rje rnam par 'joms pa zhes bya ba'i gzungs kyi 'grel pa/ bcom ldan 'das rdo rje rnam par 'joms pa la phyag 'tshal lo/ /rdo rje lta bu'i ye shes kyis/ /'dul dka' rnams kyi gnyen po gang/ /mchog tu zab ba'i chos nyid can/ /rdo rje rnam 'joms sku la 'dud/ /re zhig yongs su shes par bya ba pha rol tu phyin pa'i theg pa dang/ rjes su bsgrub par bya ba sngags kyi theg pa gnyis so/ /sngags la yang rdo rje 'chang gis bka' stsal pa'i rgyud dang/ de dang mi 'gal ba'i bla ma dam pa'i gdams ngag go/ rgyud la rnam par gzhag pa dang/ bshad pa'i tshul gyi rtogs par bya ste/ re zhig spyi rgyud kyi rnam par gzhag pa ni/ gang zhig rgyun chags de'i rgyud do/ /rgyud las ji skad du rgyun chags zhes bya ste/

  455. 228a

    'khor ba rgyud du 'dod pa yin/ mya ngan las 'das pa rgyud phyi ma zhes gsungs so/ /gzhan yang ma tshang med dang 'brel pa dang/ zhes bya ba la sogs pa'i don yang de bzhin du rig par bya'o/ /de lta bu'i rgyud de la yang gdul bya'i khyad par dang brjod bya don gyi khyad par gyis rnam pa bzhi'o/ /de yang gang zhe na/ bya ba dang spyod pa dang/ rnal 'byor dang/ rnal 'byor bla na med pa'i rgyud do/ /gzhan dag rgyud gong ma'i lta ba ston cing 'og ma'i spyod pa ston pa gnyis ka'i rgyud dang lnga'o zhes 'dod pa ni mi 'thad de/ de lta na rgyud la la nas rgyud phal cher gyi don tshang par gsungs pa yang yod pas rgyud sde lnga las kyang lhag par 'gyur te/ nyes pa 'di yang spang bar dka' o/ /de'i phyir rgyud de ni bzhi kho na'o/ /'dir ni bya ba'i rgyud ston pa'i skabs yin pas de brjod par bya ste/ longs spyod rdzogs pa'i sku gtsug tor las 'od zer dang bcas pa'i khro ba zhig byung ste zhus pa las bshad pa ni gtsug tor 'khor lo sgyur ba'i rgyud ces bya'o/ /de bzhin du zhal khro bo me lce 'bar ba dang/ shangs dang/ dpung pa dang/ thugs ka dang/ lte ba dang/ gsang ba dang/ zhabs kyi bol gong la sogs pa nas sprul pa'i zhu ba po la gsang ba'i spyi rgyud dang/ dbung pa bzang po la sogs pa'i rgyud rnams bshad do/ /de dag thams cad kyi don zab mo mdor bsdus te lag na rdo rje la gsungs pa ni rdo rje rnam par 'joms pa ste/ le lag gi rgyud dam man ngag gi rgyud ces kyang bya'o/ /de ltar na mdor sdus te rgyud kyi rnam par bzhag pa'i bshad pa'o/ /de nas rgyud kyis bshad pa'i tshul brjod par bya'o/ /de phun sum tshogs pa rnam pa lnga ste/ ston pa dang/ gnas dang/ dus dang/ chos dang 'khor ro/ /de la ston pa ni longs spyod rdzogs pa'i sku'i gnas ni chos kyi dbyings

  456. 228b

    kyi pho brang ngo/ /dus ni 'dzam+bu gling du chos kyi 'khor lo gsum gsungs pa'i rjes la 'am bsam gyis mi khyab pa'i dus su'o/ /chos ni rdo rje rnam par 'joms pa la sogs pa'i rgyud rnams so/ /'khor ni sa bcu'i byang chub sems dpa' lag na rdo rje la sogs pa'o/ /de lta na rgyud bshad pa'i tshul lo/ /da ni gzhung gi don la 'jug par bya ste/ de yang gnyis te drang ba'i don dang nges pa'i don yi ge ltar bshad pa dang/ gdam ngag gi don phyi dang nang dang gsang ba dang de kho na nyid kyi dbye bas khrus bzhi bstan pa'o/ /de la re zhig yi ge'i don brjod par bya'o/ de la yang dang por dron brjod par bya ba'i/ yi ge'i don brjod pa ni sgra ji bzhin du 'og nas brjod par bya'o/ /nges pa'i don du sbyar na chos thams cad kyi de bzhin nyid la bsgyur zhing bcos su mi rung ba'i phyir gzhan du ni ma yin gyi 'di ltar ro zhes bstan pa'i don du 'di skad ces bya ba gsungs so/ /yang dag par ni chos thams cad de bzhin nyid las ma g.yos shing de kho na nyid kyi bdag nyid yin pas na bdag gi zhes bya'o/ /'o na de bzhin nyid la kha dog dang dbyibs la sogs pa'i rang bzhin med pas ji ltar rtogs par rung snyam pa la de'i phyir bla ma'i drin gyis rtogs par 'gyur zhes gsungs pa ni thos pa zhes bya'o/ /de yang dpe la sogs pa'i sgo nas bla mas mtshon pa las rim gyi nges par skye bar 'gyur gyi cig car du rang gi ngo bo thos pa 'am/ rtogs pa ma yin no/ /de lta bu'i bla ma dam pa rnyed dka' zhing des rjes su bzung yang de kho na nyid myur du rtogs par dka' ste rim gyis spyad pa las nam zhig rtogs par 'gyur bas na dus gcig na zhes gsungs so/ /gang gis de ltar rtog pa'i don de la ni grub pa'i zhe 'am lta ba zhes kyang zer 'o/ /de ltar rtogs pa'i don la gnas te 'dris shing goms par byed pa ni bsgom pa zhes bya ba 'am rnal 'byor zhes

  457. 229a

    kyang zer ro/ /de lta bu'i bstan pa dang gong nas gong du bogs dbyung ba'i gnas skabs la ni sa dang lam gyi rim pa zhes zer ro/ /der rab tu gsal zhing khyad par du gyur pa'i gnas skabs na bsgrub pa po de la byang chub sems dpa' zhes zer ro/ /de yang nyon mongs pa'i sems kyis mi dge ba la mi 'jug cing rang gis nyams su myong ba la gnod pa'i las mi byed pa ni spyod pa zhes bya'o/ /de lta na ba dang/ de la gnas pa dang/ sgom pa dang/ de dang mi 'gal ba'i las spyod pa ste de dag dang ldan pa ni brtson 'grus kyi khyad par gyi skye ba gcig gam gnyis la sogs pa ci rigs par rang 'dod pa'i 'bras bu 'thob par gyur pas 'bras bu bstan pa ni bcom ldan 'das gsungs te/ de ni thob par 'dod pa'i phyir 'bras bu'o/ /gnas skabs kyi 'bras bu'i drang pa'i don brjod pa'i skabs su brjod par bya'o/ /de la bcom ldan 'das zhes bya ba ni phyin ci log 'joms pa'i skal ba can te b+ha ga zhes bya ba'i don ni skal ba 'am 'joms pa yin pa'i phyir ro/ /gang 'joms she na bdud bzhi 'joms pa ste skye ba ni phung po lnga mngon par len pas na phung po'i bdud do/ /rgas pa ni legs pa las nyams pas na lha'i bu'i bdud don pa ni bde ba yis phongs shing nyon mongs pas na nyon mongs pa'i bdud do/ /'chi ba ni nyid mtshams sbyor bar 'gyur ba ste 'chi bdag gi bdud do/ /bdud do rnams gang las byung zhe na/ nyon mongs pas bskul ba las byung ba'o/ /de yang gang las byung zhe na bag chags dang bcas pa'i sems byung pas na/ sems de ni nyes pa thams cad 'byung ba'i rtsa bar gyur par rgyud do cog gi rtsa ba ste/ zhes gsungs so/ /gzhan yang de legs par rtog shing sems de'i rang bzhin khong du tshud pa goms pas bdag dang gzhan la phan pa dang bde ba thams cad

  458. 229b

    kyang de la 'byung bas de'i phyir rgyud do cog gi rtsa ba ste zhes bya'o/ /rgyud thams cad du yang don 'di rtogs pa'i thabs gzhan dang gzhan gsungs par zad kyi don gyi gtso bo ni 'di nyid yin pa'i phyir yang rgyud do cog gi rtsa ba ste gsungs te/ de lta bas na gzhom zhing gdul bar bya ba ni rang gi sems yin te/ ma bcos na nyes pa'i rgyud do cog yin la/ bcom pa ni legs pa'i dpal kun thob par byed pa'i phyir ro/ /'o na gang gi gzhom zhe na/ de la gsum ste/ ji ltar gzhom pa dang/ gang gzhom pa dang/ gang gi bcom pa'o/ /ji ltar gzhom pa ni rtogs pa'i don rjes su bsgrub pa mthar phyin pas so/ /gang gzhom pa ni bdud bzhi la sogs pa'i rgyud do cog gi rtsa ba'o/ /gang gis bcom pa ni dbang gi rim pa dang mthun pa'i khrus kyis so// de ltar bcom pas dpal kun gyis ni legs par brgyan pa dang ldan par 'gyur ro/ /de gang gis bcom pa la rnam par rtogs ba med cing gang la yang mi gnas pa zhes bya'o/ /rdo rje la bzhugs zhes bya ba ni spangs pa dang ye shes phun sum tshogs pa'i ngo bo nyid las mi 'gyur zhes bya ba'i tha tshig go/ de'i che ba'i rang bzhin dang yon tan ni 'og nas mi chod pa zhes bya ba la sogs pas bstan to/ /de'i don ni 'di skad du bstan par 'gyur te/ gang gi bla ma la brten te/ de kho na nyid rtogs pa mngon du byas pa'i 'bras bu ni dbyings dang ye shes dbyer med pa las smin pa'i tshul du don mdzad cing bzhugs so zhes rig par bya'o/ /de'i yang bcom ldan 'das zhes bya bas ni chad pa'i mdza' bsal te rdzogs pa'i sangs rgyas la zag pa med pa'i rang bzhin can bde ba chen po'i ye shes mnga' bar bstan to/ /rdo rje la bzhugs zhes bya bas ni rtag pa'i mdza' bsal te/ chos kyi dbyings stong pa nyid bstan pa'o/ /de ltar na chos dbyings stong pa nyid

  459. 230a

    dang ye shes rtog pa med par mar la mar zhugs pa 'am/ chu la chu thim pa lta bur gyur pa ste de la chos kyi sku zhes kyang bya/ sangs rgyas bcom ldan 'das zhes kyang bya/ rdo rje 'chang zhes kyang bya/ byang chub chen po zhes kyang bya'o/ /sangs rgyas kyi mthu zhes bya ba la sangs rgyas ni 'das ma thag par bshad pa nyid do/ /mthu ni cho 'phrul ste nam mkha' i cho 'phrul sprin la sogs pa sna tshogs 'byung ba lta bu'o/ /gang la nang du don mi g.yeng ba'i yan lag tu de mtshon byed kyi phyag mtshan bsnams pa la de skad du brjod de lag na rdo rje 'ang nang gi stong pa'i ngang la mi yengs pa'i rjed byang du rdo rje lag tu thogs pas lag na rdo rje'o/ /rnam par smin pa las grub pa las grub pa dang ting nge 'dzin gyi lus la ni lus thams cad zhes gsungs so/ /rdo rjer byin gyis brlabs zhes bya ba ni stong pa nyid sgom pa'i snod du rung bar byas shing stong pa nyid kyi gdams ngag gnang ba'o/ /rdo rje'i ting nge 'dzin la snyoms par zhugs so zhes bya ba ni lag na rdo rjes gdams pa de lhur blangs te sgrub cing gnas pa'o zhes rig par bya'o/ /gdams pa gang zhe na stong pa nyid dang ldan pa'i khrus bzhi'o/ /de dag ni yi ge'i don nges pa'i don du mdor bsdus te/ bkod pa'o/ /da ni gdams ngag gi don brjod par bya'o/ /de la gzhi ste/ gzungs sngags kyi tshul zlos pa'i phyi'i khrus dang/ rig sngags kyi tshul du zlos pa nang gi khrus dang/ gsang sngags su zlos pa gsang ba'i khrus dang/ snying por zlos pa de kho na nyid kyi khrus so/ /khrus de dag kyang rim pa bzhin du nyan thos dang/ rang rgyal dang/ sems tsam pa dang/ dbu ma pa rnams la sbyar bar bya'o/ /de la dang por phyi'i khrus kyis ni lus ngag par byed par byed la/ nang gi khrus kyis ni ngag dag

  460. 230b

    par byed cing gsang ba'i khrus kyis ni sems dag par byed/ de kho na nyid kyi khrus rdo rje lta bu'i ting nge 'dzin gyis ni lus ngag yid gsum dbyer med pa nyid du 'gyur ro/ /de ni phyi'i khrus bya bar 'dod pa rnams la de bshad par bya ste/ dang por sngags pa snying rje che zhing bya ba la mkhas pas phyi dang nang gi dri ma dag par byas te gos la mdun du bum pa rin po che las grub pa'i nang du srog chags med cing gtsang ba'i chu blugs nas sku'i rtags su sman lnga dang/ gsung gi rtags spos dang thugs kyi rtags su snying po lnga dang/ phrin las kyi rtags su 'bras bu lnga dang/ yon tan gyi rtags su rin po che lnga dang/ de bzhin nyid las nyes pa'i dri mas ma gos pa'i rtags su mgul gos gtsang mas dag pa cing bzhag ste/ de'i 'og nang du skad cig ma la bskyed pa'i lha'i sku dang/ gsung dang/ thugs dang/ phrin las dang/ yon tan rnams mtshon pa'i phyir rdzas de rnams bum par gsol lo/ /sngags pa bdag nyid kyang yon tan de dag thob par bya ba'i phyir/ rtag tu yid la dran pa'i gzungs thag gdags bar bya ste/ srad bu dkar po gtsang ma la sku gsung thugs kyi rang bzhin sum spril du byas pa gzung ste ma g.yengs par 'di ltar bzlas pa dang bsgom la sogs pa bya'o/ gong du brjod pa'i mtshan nyid dang ldan pa'i sngags pas yud tsam gyi mdun gyi nam mkha' la sangs rgyas shAkya thub pa stong pa nyid la mnyam par bzhag pa 'ja' tshon lta bur snang la rang bzhin med pa'i sprul sku bzhugs par bsam la/ rang nyid yud tsam gyis lag rdo rjer mos par bya'o/ /de nas bcom ldan 'das kyis rang gi lus thams cad rdo rjer byin gyis brlab tu gsol zhes lan gsum gsol ba gdab par bya'o/ /gsol ba btab pas lus rdo rjer byin gyis brlabs pas stong pa nyid du gyur pa la cung zad gnas par bya'o/ /de nas stong pa'i ngang las rang nyid yud tsam gyi rdo rje rnam 'joms

  461. 231a

    sngon po zhal gcig pa phyag gnyis pa g.yas na rdo rje gdengs pa g.yon na dril bu sku la brten nas bzhengs shing 'gyir bag bcas pa'i zhal khro zhing mche ba gtsigs pa'i sku 'ja' tshon lta bur bsam la/ mdun gyi khams gsum rnam par dag pa'i rang bzhin bum pa'i nang du yang yud tsam gyis rang dang mthun pa'i sku bskyed la de'i thugs kar bzungs thag gi sna zug par bsams la sngags kyi 'brug sgra lta bur stong gsum gang bar bsam zhing dag tu gdon par bya'o/ /sngags kyi phreng ba gzungs thag la 'khris zhing bum par lha'i thugs kar phog par bsams par bya'o/ /grangs ni thun re la brgya rtsa brgyad la sogs pa ci nus su zlas nas de'i rjes la stod pa yang bya ste/ rdo rje ye shes nyon mongs 'joms pa'i sku/ /thugs rje byams pas ma rig sel ba'i gsung/ /bde chan mi g.yo mchog tu gsal ba'i thugs/ /rdo rje rnam par 'joms la phyag 'tshal bstod/ /zhes bstod la zin pa dang lha 'od du zhu ste ye shes kyi bdud rtsir bsam la bdag dang gzhan la khrus bya zhing sngags kyi mthar phrin las kyi spel ba dang bcas par bzla'o/ /de ni phyi'i khrus te lus dag pa phung po lhag ma med pa'i nyan thos kyi 'bras bu thob par 'gyur ro/ /de nas nang gi khrus bshad par bya'o/ /bum pa ni rang gis lus te khams gsum rnam par dag pa'i gzhal yas khang ngo/ /rdzas ni don snying rnam lnga dang/ /snang rnam drug dang/ /phung po lnga dang dbang po lnga dang/ 'byung ba bzhi la rim bzhin du/ sman dang/ spos dang/ 'bru dang/ snying po dang/ rin po che rnams su mos par byas la snying gar yud tsam gyi lha bskyed pa'i bar du gsol ba gdab pa la sogs pa snga ma bzhin no/ /rang nyid zas dkar gsum la sogs pa gtsang ma zos pa ni chu'i gos gtsang ma gyon pa ni mgul chings so/ /dran pa ma yengs pa ni gzungs

  462. 231b

    thag go /sngags ni sgra mi che bar bya ste rig sngags zhes bya'o/ /zin pa dang snying ga'i lha la sogs pa zhu nas rdo rje nor bu nas byung ba'i rang 'byung gi bdud rtsis bkru bar bya'o/ /de ni khrus bshad de/ des ni phyi yul la rgyab bkag pas chos kyi bdag gzung ba'i phyogs gcig la bdag med pa rtogs pas ngag dag pa sngags kyi nus pa thob nas rang sangs rgyas kyi 'bras bu mi dma' ba nyid thob par 'gyur ro/ /de nas gsang ba'i khrus brjod par bya'o/ /gsol ba gdab pa la sogs pa snga ma ltar byas nas thams cad sems kyi rang bzhin yin no zhes lhag par mos par byas la sems de'i rang bzhin ni 'od gsal ba yin mod kyi gnas skabs nyon mongs pas bsgribs te bsal ba'i don du sems de lus ngag yid gsum gyi rnam pa yi ge oM A(rgyud 'grel): hUM gsum du bsam la yi ge gsum las sngags kyang gsang sngags kyi tshul du bdun yid kyi brjod de yi ge gsum po rim gyis oM dang A dang/ hUM la 'dus te hUM de yang nU de'i bar du thim ste/ da de mar me ltar rab tu gsal bar 'gyur bas ni sems kyi bsgrib pa dag par byas nas sems kyi bsgrib pa dag par byas na sems yongs su dag pas sems can gyi 'bras bu thob ste gsang ba'i khrus zhes bya'o/ /ldang bar 'dod na lus ngag yid gsum sku gsung thugs kyi rang bzhin du dbyer med pa la mos pas spyod lam bya'o/ /da ni de kho na nyid kyi khrus brjod par bya'o/ /chos thams cad sems su lhag par mos par sems nyid yi ge gsum du bsams la sku gsum du mos pa zhing khams gsum pa rnams kyang yi ge gsum las byung zhing de la slar thim par 'gyur ba'o/ /zhes mos par bya'o/ /de nas yi ge oM ni a(rgyud 'grel): la thim pas longs spyod rdzogs pa'i sku'i rang bzhin dag ni sgyu ma lta bur mi bden zhes mos par bya'o/ /de mthag tu hUM

  463. 232a

    yang a(rgyud 'grel): la thim pas sprul pa'i sku'i rang bzhin lus kyang sgyu ma lta bu ste/ yang dag bar ma grub ces bsam shing de ma thag tu yi ge A(rgyud 'grel): de yang gsal bar bstan te/ ngag tu yang a(rgyud 'grel): zhes bya ba nyi shu rtsa gcig brjod pa ni snying po'i tshul du sngags bzlas pa'o/ /de ltar brjod pas brjod yal du gyur te de nas a(rgyud 'grel): la sems gsal bar gtad pas sems nyid rang bzhin gyis ma skyed pa rkyen gyi mi 'gag pa'i chos nyid brjod du med pa rang du gnas te a'i ming tsam yang mi dmigs pa ni rdo rje lta bu'i ting nge 'dzin te nam mkha' lta bu zag med pa'i bde ba dang spros pa med pa'i chos nyid ro gcig tu gyur pa brjod du med pa'i ye shes kyi rang la ji srid 'dod pas gnas par bya'o/ /de na rdo rje lta bu'i ting nge 'dzin yin pas na rdo rje ting nge 'dzin la snyoms par zhugs so zhes kyang gsungs so/ /de ni kho na nyid kyi khrus te sgo gsum dag par dbyer med pa dbu ma'i lam mthar phyin pa'i chos kyi sku thob pa zhes bya'o/ /ting nge 'dzin las ldang bar 'dod na yang skad cig las khams gsum pa'i ngo bo a las skur mos pa bya ste spyod lam bya'o/ /ting nge 'dzin de'i che ba ni de na zhes bya ba nas rab tu smras so zhes bya ba'i bar du gsungs so/ /de ltar na gdams ngag gi don brjod pa'o/ /da ni yi ge'i don brjod par bya ste/ de la dang por re zhig nges pa'i don bshad par bya'o/ /de nas sangs rgyas dang byang chub sems dpa' i mthus zhes bya ba la sogs pa ni rtog par bla'o/ /rdo rje zhes bya ba ni stong pa nyid kyi ting nge 'dzin to/ /gal te de ni khro bar mi 'thad do zhes spros pa dang mtshan ma la sogs pa 'khor ba'i chos thams cad la stong pa nyid de/ khro zhing gtum la de dag 'joms pa ni de'i phyir de la khro bo zhes gsungs so/ /chos thams cad stong pa nyid chos nyid skye ba med

  464. 232b

    pa'i ngang las byung bas na rdo rje khro bo las byung ba zhes gsungs so/ /gang 'byung zhe na rdo rje snying po ste/ thams cad la de bzhin gshegs pa'i snying po'i snying po'i khyad par gsungs pa yin no/ /'dir bsdus pa'i don ni 'di yin te 'khor ba dang mya ngan las 'das pa'i dngos po thams cad ni rgyud do cog gi rtsa ba rang gi sems las byung la/ sems de yang shin tu rtog par dka' bas so so skye bo nas byang chub sems dpa' la sogs pa'i bar du rtogs pa'i bye brag tha dad pa sna tshogs 'byung ngo/ /de yang dmus long gis rta dang glang po la dpyad pa bzhin du de dag gis kyang cha shas re re tsam la/ rang rang gi grub mdza' dang lta bar 'dogs pas zad de grub mdza' tha dad kyang sems nyid de bzhin nyid la ni tha dad pa'i rnam par dbye ba yod pa ma yin te ji skad du chos kyi dbyings la dbyer med phyir zhes bya ba la sogs pa gsungs pa'i phyir ro/ /sems de yang rgyud do cog gi rtsa ba ji ltar yin zhe na lung las chos thams cad sems kyi sprul pa'o zhes bya ba la sogs pa'i lung dang rigs pa mang mod kyi/ 'dir ni bla ma'i gdams ngag la gtso bo yin no/ /gal te gdams pa ltar na yang sems ci'i phyir na rgyud do cog gi rtsa ba yin snyam pa la/ chos thams cad ni sems su 'dus la sems kyi rang bzhin legs par ma rtogs pa 'khor ba'i rgya mtsho yang byung la/ rtogs shing goms pas mya ngan las 'das pa'i bde ba yang byung ba'i phyir sems ni rgyud do cog gi rtsa ba yin no/ /ma rtogs pa las 'khor ba ji ltar 'byung zhe na/ ma rig pa'i rkyen gyi 'khor ba zhes bya ba ste/ de'i rgyu dang/ rkyen dang/ rang bzhin dang/ dbye ba'o/ /sems ni legs par rtogs shing bsgrubs pa las mya ngan las 'das pa'i bde ba ji ltar 'byung zhe na/ rang 'byung ye shes chen po'i rkyen gyi mya

  465. 233a

    ngan las 'das pa zhes bya ba ste/ rgyu dang rkyen dang rang bzhin dang dbye ba'o/ /de dag zhib tu bla ma'i lung las shes par bya'o/ /de ltar na rdo rje khro bo las byung ba'i rdo rje snying po'i sems kyi de bzhin nyid de las rgyun tu gnas shing gtan pa thob pas ni rnam par rtog pas bar du mi chod pas na mi chod pa zhes bya ba ste/ chos kyi sku'o/ /'dus ma byas par lhun gyis grub pa'i rdo rje lta bu'i sku yin pa'i phyir rkyen gyis mi shigs pa'o/ /yang dag pa'i don la bsla? ba med pas na bden pa'o/ /don rtogs pa dang thob par dka' bas na sra ba'o/ /rdo rje snying po de ngan song du gnas pa tshe dman par mi 'gyur la mya ngan las 'das pa'i dus na bzang bar mi 'gyur bas na brtan pa'o/ /gang gis rdo rje snying po de rtogs nam mkha' ltar ci'i ngo bor yang ma grub pas na thogs pa med pa'o/ /stong pa nyid nam mkha' lta bu de la gang gis kyang mi tshugs shing glags mi rnyed pas na thams cad du ma pham pa'o/ /rdo rje gnas bdun po des ni phal cher bdag gi don yul chos kyi dbyings bstan to/ /da ni phal cher gzhan gyi don gyis dbang du mdzad nas ye shes kyi khyad par gsungs pa ni sems can thams cad skrag par byed pa zhes bya ba la sogs pa phrin las bco brgyad ni drang ba'i don ltar na 'khrul 'khor bris te sgra ji bzhin no zhes 'chang par 'gyur ro/ /'dir nges pa'i don ltar na bco brgyad po de ni lam gyi rim pas ni stong pa nyid bco brgyad yin zhing 'bras bu'i dus na ni sangs rgyas kyi chos ma 'dres bco brgyad du rig par bya'o/ /de la sems ni rang rig pa de lus la brten pas na sems can no/ /thams cad ni ji snyed pa ma lus pa'o/ /skrag par byed ces bya ba ni stong pa nyid ye

  466. 233b

    shes kyis mes? rang gi sems kyi nyon mongs pa skrag pa'o/ /sems can ni sngar bzhin no/ /'jil ba ni nyon mongs pa mngon du rgyu ba rnams so/ /rig sngags ni phyi'i yul rnams so/ /gcod pa ni sems la gzhan pa'i don ma grub par rtogs pa'o/ /rig sngags ni snga ma bzhin te gnon pa'i yul la phro ba bkag pa'o/ /las ni 'bad pa dang rtsol ba'o/ /stong pa nyid la 'bad cing sgrub pa'i las byed pas na 'joms pa'o/ /da ltar ba gzhan pa'i las sngon gyi las so/ /'jig pa ni zad cing zhi bar byed pa'o// gdon ni rnam par rtog pa'o/ /thams cad ni bzang ngan la sogs pa'o/ /brlags pa ni don rtogs pas rang bzhin gyur pa'o/ /gdon ni snga ma bzhin no/ /thar pa ni slar mi skyed pa skye ste gnas spangs pa'o/ /'byung po ni dbugs rgyu rlung la sogs pa 'byung ba bzhi'o/ /'gug pa ni rlung la sogs pa ste stong pa'i ting nge 'dzin la gnas pa'i stobs kyi rang bzhin gyi rgyu ba chad de brtan pa'o/ /rig sngags ni yul rnams so/ /las thams cad ni snang ba sgyur ba ste/ 'byung ba la dbang thob pas so// ma grub pa ni ting nge 'dzin mi gsal ba'o/ /grub par byed pa ni de kho na nyid la sogs pa'i khrus kyi de bzhin nyid bsam zhing brtan pa'o/ /grub pa ni ting nge 'dzin nyid do/ /chud mi za ba slar mi nyams pa'o/ /chos sku las gzugs sku 'char zhing nges yid la bsam pa ltar phan 'dogs pas na 'dod pa thams cad rab tu sbyin pa'o/ /ting nge 'dzin de la sangs rgyas kyi chos thams cad 'byung bas na 'dod pa thams cad sbyin pa'o/ /sems can ni gdul bya'o/ /srung pa ni 'khor las so/ /ji ltar srung zhe na nyon mongs pa bzhi dang/ rjes su mthun pa'i phrin las bzhis so/ /gang zhe na 'dod chags can dang zhe sdang can dang/ gti mug can dang cha nyams pa la zhi bar dang/ mngon spyod dang dbang dang rgyas pa rnams

  467. 234a

    go rims ltar sbyar ro/ /rengs par byed pa ni zhe sdang can la'o/ /rmugs par byed pa ni gti mug can la'o/ /gzhan yang zhi ba ni de bzhin nyid dang chos kyi dbyings so/ /rgyas pa la ni mngon du gyur pa'i chos kyi sku'o/ /rengs pa ni mngon spyod de bde ba chen po la mngon par longs spyod rdzogs pa'i sku'o/ /rmugs pa ye shes la sogs pa mi mnga' ba'i phyir sprul skur rigs par bya'o/ /zhi ba ni thabs gang gis sems can gyi rgyu ba rags pa rnams zhi nas gnas pa'o/ rgyas pa ni de las lhag pa'i myong ba mthong ba'am rtogs pa'o/ /rengs pa ni zhi bar gnas shing lhag pas mthong bas sems nyid myong bar mi 'gyur bas de'i phyir rengs pa zhes bya'o/ /de'i ngang la gnas na dmigs pa'i yul ci yang ma grub cing mthong ba 'am thos pa 'am rtogs pa 'am bye brag phyed pa'i dngos por 'gyur ba ci'ang med pa'i phyir rmugs pa zhes bya ste/ stong pa nyid kyi ngang las gnas pa zhes bya ba'i don to/ /gsang sngags kyi mthu chen po zhes bya ba ni sngar brjod pa'i stong pa nyid chos thams cad kyi rang bzhin te de ni ngo bo nyid kyis gsang ba 'am spas pa lta bur gnas shing rtogs par dka' bas gsang sngags zhes bya'o/ /de'i mthu ni chos nyid bden pa'i nus pa'o// chen po ni dngos po dang mtshan ma'i tshogs chen po yang 'joms la mtshan mar slar gzhom pa 'am glags mi rnyed pa ste/ ji ltar nyi ma'i mun pa 'joms kyi mun pa de ltar ma yin pa bzhin no/ /rab tu smras zhes bya ba ni don zab mo rtogs pa'i yan lag tu re zhig tshig dang yi ge gsungs par zad de/ rdo rje snying po lam yang dag pa'i don la ni smra ba'am bstan par mi nus te rang rig pa'i ye shes kyi ngo bo yin pa'i phyir ro/ /na mo ratna tra yA ya zhes bya ba la sogs

  468. 234b

    pa'i gsang sngags kyi don ni byin gyis brlabs chung bar 'gyur bas na ma phye'o/ /de ltar bstan pa'i don des cir 'gyur zhe na/ rgyud do cog gi rtsa ba ma rig pa la sogs pa'i nyes pa rnams zhi nas nyes pa'i 'bras bu sdug bsngal thams cad mi 'byung ste de la dgongs nas sdig pa thams cad byang byas nas/ sdug bsngal thams cad med par byed ces gsungs so/ /'di skad du gsungs pa yin te gang zhig skyed pa la sogs pa'i sdug bsngal 'di dag ni sngon rang rang gi sdig pa mi dge ba spyad pa las byung bas te sdig pa mi dge ba'i las de yang sems la gnas pas na gang gi sems kyi rang bzhin 'od gsal ba rtogs pa de'i tshe bag chags kyi dri ma dag pas sdig pa thams cad dag par gyur nas de'i 'bras bu las kyi rnam smin sdug bsngal la sogs pa myong bar 'gyur ba thams cad kyang med par byed do zhes bstan par 'gyur ro/ /da ni 'jig rten dang 'jig rten las 'das pa'i 'bras bu phun sum tshogs pa ston te/ 'dir gsang sngags kyi 'bras bu nyan thos la sogs pa phung po lhag ma med pa'i mya ngan las 'das pa tho rangs kyi mar me shi ba ltar mi 'dod pas yon tan gyi dbang du mdzad de dpal kun gyis ni legs par brgyan zhes gsungs so/ /des ni nges pa'i don rnams bshad zin to/ /da ni drang pa'i don brjod par bya ste/ de la phrin las kyi bye brag bco brgyad do/ /mdor bsdus na phrin las bzhi'o/ /de la lha'i rnal 'byor dang ldan pas las 'di dag bsgrub par bya'i stong pa nyid kyis ma yin no/ /de yang chos gsum dang ldan pa'i sngags las 'grub par rje? btsun gsung ste de gang zhen rtogs pa'i gdeng dang ldan pa dang lha las su rung ba dang/ bzlas pa mthar phyin pa'o/ /de lta ba'i sngags pas bsgrub pa ni snying brtse ba sngon du 'gro bas bya'i gzhan du na dam tshig dang 'gal bar 'gyur

  469. 235a

    ba'i phyir/ de las dang por las bco brgyad la phrin las bzhi'i 'khrul 'khor bri bar bya ste 'khrul 'khor gyi rgyu dang dus dang kha dog dang dbyibs so/ /de la zhi ba'i 'khrul 'khor ni rgyu ras la sogs pa la 'o ma dang tsan dan la sogs pas so/ /dus snga dro'o/ /mdog dkar po'o/ /dbyibs zlum po ste pad+ma rgyas pa lta bu'o/ /rgyas pa'i 'khrul 'khor ni rgyu shing shun la sogs pa la gi wang la sogs pas so/ /dus nya 'am phyed gong du'o/ /mdog ser ba'o/ /dbyibs gru bzhi pa'o/ /dbang gi rgyu ni ras sam shing shun la 'tshal dang li khri la sogs pas so/ /dus phyi dro'o/ /mdog dmar bas so/ /dbyibs ni zla kham mo/ /mngon spyod kyi rgyu ni re re zhing tshan la dug dang khrag gis bris pa'o/ /dus ni dgra la mtshan phyed na'o/ /bgegs la nyin phyed na bya'o/ /dbyibs dang kha dog ni nag po gru gsum mo/ /sngags dang ting nge 'dzin ni lung las shes par bya'o/ /sems can ni gang yang rung ba'o/ /dbang po ni rnam par shes pa skye ba'i rten mig la sogs pa'o/ /nyams pa ni mi bsal ba 'am dman par gyur pa'o/ /'og nas gnod pa dang zhes bya ba thams cad la sbyar te dbang po nyams pa'i gnod pa dang zhes bya bar rig pa'o/ /gnod pa de dag khrus bzhi po sngar bstan pa la gnas pas zhi bar zhes rig par bya'o/ /tshul ji ltar gnas pas zhe na sgrub pa po gang dag yang dag pa ni kun la phan par 'dod pas so/ /sems dang ba ni chos la gus pa dang spro bas so/ /dam tshig dang sdom pa nyams pa ni gtsang ma'i gos kyis rab brgyan te zhes bya'o/ /mnyan par bya zhes 'brel te gang zhe na mdo sde dam pa'o/ /ji lta zhe na zab mo sangs rgyas spyod yul ba'o/ /'di ni slob dpon la lung blangs pa las 'bras bu 'thob kyi rang dags ni ma

  470. 235b

    yin zhes dgongs pa'o/ /chos rnams kyi de kho na nyid mdor bsdus te gsungs pas na mdo sde'o/ /de la nyan cing rjes su bsgrub pas gnas skabs kyi 'bras bu yang mdo sde 'di'i gzi brjid kyis srog chags dag ni thams cad kyi zhes bya ba la sogs pa gsungs te/ thams cad kyi nad zhi zhes bya ba ni gang dag nyams su len pa rnams kyi'o/ /drang ba'i don bshad zin to/ /da ni rdzas dang sngags kyi grangs gsungs pa ni nor bu yungs kar dUrba dang zhes bya ba la sogs pa ste nor bu zhes bya ba ni mu tig la sogs pa rin po che lnga mtshon pa'o/ /yungs kar zhes bya ba ni 'bru lnga'i brda'o/ /dUrba zhes bya ba ni snying po lnga'o/ /rma med pa ni ma nyams pa ste tsan dan gang la ma nyams pa'i dri yod pa de ni dkon zhing dri'i mchog ste sbos lnga'i mtshan pa'o/ /bcas zhes bya ba ni dri de ma rnyed na dri gzhan yang rung zhes bya ba'i tha tshig go /rin chen zhes bya ba sman lnga'i brda'o/ /sman la sogs pa lnga po de dag ci'i don du bum par gzhug ce na/ zag bcas kyi phung po lnga dang/ sa la sogs pa'i khams lnga dang ro la sogs pa'i yul lnga dang/ 'dod chags la sogs pa'i nyon mongs pa lnga rnams yongs su dag nas zag pa med pa'i phung po lnga dang ye shes lnga dang de bzhin gshegs pa'i sku dang gsung dang/ thugs dang phrin las dang/ yon tan de dag gi don rtogs shing thob par bya ba'i phyir ro/ /rin po che lnga la sogs pa dbul pos mi 'byor ro snyam pa la sku gsung thugs kyi mtshon byed du rdzas gsum gsungs te/ shel dang rdo rje me tog gam/ zhes bya ba'i gzhan mi rnyed na zhes bya ba'i don to/ /de ni lus dang ngag dang yid yongs su dag pa'i rang bzhin sku gsum thob pa'o/ /zhes mtshon pa ste sgo gsum dag pa las sku gsum po 'byung ba yang sems dag cing dri ma med pa shel lta bu'i chos kyi

  471. 236a

    sku dang rdo rje lta bu rgyan thams cad kyis brgyan pa longs spyod rdzogs pa'i sku dang 'gro ba thams cad la yid du 'ong zhing mdzes pa'i me tog lta bur sprul ba'i sku ste de dag mtshon pa'i phyir ro/ /gal te mchog tu dbul bas gsum mi 'byor ro zhes na de'i phyir chu yis gser ram yang na ni zhes bya ba gsungs te/ de tsam la brten zhes pa'o/ /de la gser ni bsregs pa la sogs pas rang bzhin ser por bsgyur bar mi nus bzhin du byang chub kyi snying po yang de ltar mtshon pa'i brda'o/ /ram yang na ni zhes bya ba de dag gang yang mi rnyed pas bum pa rin po che las grub tsam la brten zhes bya ba'i don to/ /gang zhe na dngul gyi bum pa dag kyang rung zhes gsungs so/ /kyang zhes bya ba ni sa la sogs pa'i snod mtshon pa'o/ /'dir rtogs par bya ba ni 'di yin te dngul gyi bum pa ni dkar zhing dri ma med pa dang rin po che yin zhing mnyes pa ltar byang chub kyi sems 'gro ba kun la khyab pa'i don gyi snying po de kho na nyid kyang rnal 'byor pa gang gis mngon du byas nas ma rig pa'i mun ba zhi ba dang nyon mongs pa'i dri ma dag ba dang rin po che bzhin du 'dod pa thams cad 'byung ba dang lam gyi dus na lus dang sems mnyes zhing las su rung ba ste/ de ltar dngul dang byang chub kyi sems chos mtshungs pa'o zhes gsungs par rig par bya'o/ /gtsang ma'i gos kyis zhes bya ba ni ji ltar gos kyis lhag pa dang ngo tsha la sogs pa las skyob pa bzhin du/ rnal 'byor pa'i dam tshig dang sdom pa yang 'khor ba dang ngan song las skyob pa'o zhes bya ba'i tha tshig go /gtsang ma'i zhes bya ba ni dam tshig la sogs pa'i skyon med de ma nyams pa'o zhes par bya'o/ /bzlas pa'i dbang du mdzad de thun re re la gzungs ring po nyi shu rtsa gcig gam brgya rtsa brgyad do/ /yang snying

  472. 236b

    bzlas par 'dod na brgya rtsa brgyad yan chad do zhes bya ba'i don to/ /rgyal po ni zhi bas sems te bag chags kun gyi gzhi yin la brtan pas rgyal po dang chos mtshungs so/ /de khrus byas pas sgrib pa thams cad dang bral nas ma bcos pa gnyug ma'i ngang las gnas par 'gyur ro zhes dgongs pa'o/ /blon po lta bu nyon mongs pa yid dang 'bangs lta bu'i tshogs drug kyang rgyal ba ni zhi bas zhi bar 'gyur ro/ /de lta bas na gang zhig 'khor ba'i sdug bsngal las thar bar 'dod pas sems kyi rgyal po rtag tu khrus kyis shig ces gsungs so/ /rdo rje spun dang dam tshig 'di la mos/ /de yi ngor byas bla ma dam pa'i gsungs/ /shes rab mthu yis bdag gis rnam par bkod/ /dge ba'i thob de byang chub mchog tu bsngo/ /nyes par gyur na rnam 'joms nyid la bshags rdo rje rnam 'joms kyi 'grel pa jo bo smris tis mdzad pa rdzogs so// //paN+Di ta chen po de nyid kyis sgyur/ phyi dang nang dang de kho na nyid kyi khrus gsum ni theg pa gsum dang ji bzhin du sbyar ro// //rgya gar skad du/ badzra bi bA da nA ma d+ha ra Ni u pa de sha/ bod skad du/ rdo rje rnam par 'joms pa zhes bya ba'i gzungs kyi man ngag /bcom ldan 'das rdo rje rnam par 'joms pa la phyag 'tshal lo/ /'dir bla ma dam pa'i man ngag gis las kyi tshogs cung zad dran pa rnams dgos par bya'o/ /de la las kyi rnam par dbye ba ni mang mod kyang 'dir ni phrin las bco brgyad las ma gsungs la/ de dag gis don kyang ma gsungs pas de dag gi don kyang bsdus na gnyis anyid de/ phan btags pas rjes su gzung ba dang tshar gcad pas rjes su gzung ba'o/ /de dag kyang zhi ba la sogs pa phrin las bzhis 'grub par 'gyur la phrin las kyang sgrub pa po tshad dang ldan pas yin gyi gzhan du don med par 'gyur ro/ /thog mar sngags pa snying rje chen pos bskul ba'i bsnyen pa

  473. 237a

    yongs su rdzogs par byas la/ de'i 'og tu las dang mthun pa'i 'khrul 'khor bri bar bya'o/ /de yang zhi ba'i 'khrul 'khor ni dkar po phyogs kyi tshes gang yin pa la ras sam shing shun la sogs pa bzhi dkar po las pad+ma rgyas pa lta bu'i rtsibs brgyad pa'i 'khor lo gur gum la sogs pa'i dris mchog tu gtsang sbra la gnas pas bri'o/ /de'i lte ba la na mo ratna tra yA ya/ na mashtsaN+Da badzra pA na ya/ ma hA yak+Sha se na pA ta ye/ che ge mo la rak+Sha rak+Sha zhes spel la bri'o/ /rtsibs rnams la rim pa bzhin du gnod par byed pa rnams tra ta ya tra Ta ya To Ta ya che ge mo rak+Sha rak+Sha zhis bri'o/ /de'i mu khyud phyi ma la yang snying bri bar bya ste/ sngags de thams cad mgo phyir bstan pa'o/ /de ltar bris pa'i 'khrul 'khor de la sngags pas 'di ltar las la sbyar bar bya ste/ rang nyid yud tsam gyis lhar bsams la mdun gyi nam mkha' la bcom ldan 'das rdo rje rnam par 'joms pa bskyed la gsol ba gdab pa ni bcom ldan 'das thugs rdo rje chen po khyod ni thams cad la phan pa dang bde ba'i phyir zhugs pa yin na de yang che ge mo 'di'i gnod pa 'di dag nye bar zhi bar byin gyis brlab du gsol zhes dag dang yid kyis lan gsum gsol ba gdab par bya ste/ bar gyi tshig spres pa la 'phrin las gzhan yang sbyar bar bya'o/ /de ltar gsol ba btab pas bdag dang sgrub bya la byin gyis brlabs nas ji ltar 'dod pa grub par bsams te slar bcom ldan 'das 'khrul 'khor gyi lte ba la bzhugs te rgyun mi 'chad par byin gyis rlob par mdzad par bsams la spel ba dang bcas pa'i bzlas pa bya'o/ /zin pa dang mchod de bstod pa yang byas la thams cad zhu ba dang bcom ldan 'das kyis thugs pad+ma rgyas pa lta bu'i thugs kar bsgrub bya tshud pas mchog tu bde zhing

  474. 237b

    gnas par bsams la de bzhin nyid kyi blos me tog la yang snying po ci nus par bzlas la 'khor lo la gtor bar bya'o/ /de ni rab tu gnas pa zhes bya ste/ 'khor lo dril nas bsgrub bya la btags te de la 'gom par mi bya ba ni dam tshig go/ sems can thams cad 'jil bar byed pa dang zhi ba dang bsrung ba ste/ las gsum dang 'brel pa'i zhi ba'i 'khrul 'khor gyi rnam par dbye ba rdzogs so// // !/ (/rdo rje rnam par 'joms pa'i man ngag bzhugs so//) //ji ltar sngar bstan pa'i tshul gyis bar gyi tshig spos la 'dir yang sbyar te rgyas pa'i 'khrul 'khor ni gzhi ser po la rin po che'i phung po lta bu'i dbyibs can bris la ming 'di zhes bya ba'i che ge mo rab tu gnas pa rgyas par mdzod cig ces spel bar bra zhing mu khyud phyi ma la ni yang snying bri'o/ /de nas gsol ba gdab pa sngar bzhin no/ /de la 'dir khyad par gyi man ngag ni 'di yin te/ 'dod pa thams cad rab tu sbyin pa zhes gsungs pa'i phyir na yo byad don du gnyer bar nor gyi bdag po la bskul bar bya'o/ /de yang 'khor gyi sbyor ba spangs nas yan lag brgyad dang ldan pa'i chu la spos la sogs pa'i dri stsal te dngos su 'am bsams pas rnal 'byor pas yud tsam gyis rnam par 'joms mdzad du bsams la mdun gyi nam mkha' la de bzhin gshegs pa bsam zhing de bas dma' bar ji lta 'dod pa'i nor gyi lha bsams te bdag ni dbul te de bzhin gshegs pa mchod pa dang dbul po rnams la phan pa'i nus pa med pa la ji ltar bya snyam du 'dun pa drag po byas la yang 'di snyam du dkon mchog mchod pa la sogs pa'i yo byad kyi don du dzam+b+ha la khyod la nor gyi dngos grub slong gis bdag la myur du longs spyod rgya chen po stsal du gsol zhes dngos sam yid kyis brjod la de'i ngang las yang snying brgya rtsa brgyad bzlas

  475. 238a

    pa'i chu lag pa g.yas pas dzam+bA la'i spyi bor blugs par bsams te de la sbyin no/ /de'i tshe dzam+b+ha la las sngon bcom ldan 'das kyi spyan sngar ji ltar khas blangs pa dang da ltar yang chu ster ba'i dus su bcom ldan 'das dpang po'i tshul du bzhugs pa dang bdag ni bcom ldan 'das rnam par 'joms pa'i sku yin la de ni sangs rgyas kun gyi gsang ba'i bdag nyid kyang yin te/ lag na rdo rje'o/ /lag na rdo rje ni gnod sbyin gyi sde dpon yin la dzam+b+ha la yang gnod sbyin yin pas 'bangs sam 'khor dzam+b+ha la la bka' gsal ba ni mi bslu bas na sngags pa'i 'dod pa thams cad dzam+b+ha las rab tu sbyin par 'gyur te 'di ni nges pa'o/ /'khrul 'khor rgyas pa 'di ni gnas dben par mchod cir bzhag par bya'o/ /'di sa ni rgyas pa'i las dang 'dod pa thams cad rab tu sbyin pa dang ma grub pa rnams grub par byed pa dang grub pa rnams chud mi za ba ste/ phrin las rnam pa bzhi po de ni rgyas pa'i 'khrul 'khor gyis las su rig par bya'o/ /rdzogs so// //dbang gi 'khrul 'khor dmar po zla kham bris la/ dbus su hUM nag po bri zhing de'i g.yas dang g.yon du h+ri dmar po re re bris te mu khyud zlum pos bskor ba la yang snying bris la stegs bu la bzhag go /de nas sngags pas gos dmar po bgos la nub phyogs su kha bltas te de nas brtsams te che ge mo dbang du bsdu'o snyam pa'i blos dang po gsol ba la sogs pa byas de'i rjes la rang gi lus 'khrul 'khor gyi lte ba'i hUM la thim nas de yongs su gyur pas rnam par 'joms mdzad du rang nyid bsam mo/ /las nye ba sgrub pa ni lag pa nyid myur bas na rang gi srin lag g.yas pa las h+ri dmar po cig byung nas rang gi g.yas na 'dug par

  476. 238b

    bsams la g.yon pa las kyang de bzhin te h+ri de las 'od dmar po 'phro zhing rang 'dod pa'i las byas te slad yang de nyid la 'dus pas sngags kyang rang rang gi spel bas bzla'o/ /de'i tshe na yang sngar gyi mdun gyi nam mkha' i bcom ldan 'das ni ji srid 'dod gyi bar du byin gyis rlob cing bzhugs par bsam mo/ /'dod pa'i don grub nas h+ri ni rang la bsdus la rang yang zhu nas ji ltar 'dod pa'i tshul du gnas par bya'o/ /'di'i 'khrul 'khor ni ting nge 'dzin nyid kyang rung ngo/ /'dis ni 'byung po thams cad 'gugs pa dang gdon thams cad las thar bar byed pa la sogs pa phrin las gnyis gtsor byed do/ /dbang gi phrin las kyi rim pa rdzogs so// //bcom ldan 'das dpal rdo rje rnam par 'joms pa gtum po la phyag 'tshal lo/ /mngon spyod la gnyis te/ mi dang mi ma yin pa'i dbye bas so/ /'khor lo bris la lte ba'i gru gsum la bsgrub bya'i ming dang mA ra ya sod ram nan zhes bya ba la sogs pa'i spel tshig dang bcas pa bra'o/ /shar gyi rtsibs la sarba sha trUM nAM g+ha Ta g+ha Ta che ge mo mA ra ya rbad zhes bri'o/ /g.yon du skor ba'i rtsibs la saM g+ha Ta ya che ge mo mA ra ya rbad zhes so/ /rtsibs gcig la a mu kaM mA ra ya phaT/ na ma(rgyud 'grel): sa man+ta badzra NA na sarba ba len a dza ya ma hA ba la che ge mo mA ra ya rbad ces bri zhing mu khyung la yang sngags de dag yang gsol ba la sogs pa sngar bzhin bya ste bcom ldan 'das ni yang gsol ba la sogs pa sngar bzhin bya ste bcom ldan 'das ni shin tu khro bar bzhugs pa la gsol ba gdab bo/ /rang nyid rnam par 'joms mdzad du bsams pa'i zhal nas sngags brjod pas sngags kyi phreng ba 'phros nas gang la bya ba'i lus la phog pas de yongs su zhu nas rnam shes yig 'bru gcig tu gyur pa 'phel ba ni rlung gis btegs te/ /yi ge yi ge steng na?

  477. 239a

    sngo nag tu gnas pa bkug nas 'khor lo'i lte bar tshud par bsams la de yang 'dar zhing 'pha rol mi bzed bzhin du gnas par bsam mo/ /'khor lo'i rtsib kyi rtse mo la yang gzugs brnyan bri ba 'am bsam par bya'o/ /rab tu bsgrim bar bya'i gzhan du na rang gi srog kyang g.yo bar 'gyur na dgra bgegs lta ci smos/ zin pa dang las kyi mdza' bsregs pa 'am mnan pa gang yang rung bar bya'o/ /'dir yang man ngag ni 'di yin te rig sngags gcod pa zhes bya ba'i skabs su skud pa sngon po la sum bsgril byas nas brgya rtsa brgyad bzlas te rdo rje lta bu'i mdud pa 'am lcags sgrog gam zhags pa lta bu'i mdud pa dor zhing mdud pa re re'i nang du pha rol gyi rbad pa'i mi ma yin pa dang/ de rbod par byed pa'i dngos po rnams chud cing de rab tu bsdams nas sngags bzlas pas de ltar gyur te de mgul du gdags so/ /gang gi tshe mi dgos pa de'i tshe mdud pa dgrol bar bya'i gzhan du na bsod nams ma yin pa sogs par 'gyur ro/ /de bzhin du rig sngags thams cad gnon par byed pa zhes bya ba de la yang man ngag gi gnad 'di lta bu brtsam par bya'o/ /'khrul 'khor gzhung ltar bris la 'khrul 'khor gyi lte bar bsgrub bya'i gzungs lce shin tu che ba bris la lce la rtsibs kyi sngags rnams dang che ge mo 'di zhes bya ba'i dag rengs par gyis shig ces sbrel te bri'o/ /de la bsgrub pa byas la ri rab sa nag po las byas pa'i steng du rnam par 'joms mdzad kyi sngags shog bu la sogs pa la bris la rtsal/ smad du bug pa gru gsum brus la de'i nang du 'khrul 'khor bris la de bcug la mnan par bya'o/ /'di ni sngags kyi nus pa 'am rbod gtong nye bar zhi bar byed pa ste

  478. 239b

    mngon spyod kyi khyad par ro/ /yang sems can thams cad skrag par byed pa zhes bya ba la 'khrul 'khor spangs la rta nag po'i rnga ma la bshad pa'i srin bu brgyus te/ phreng ba byas nas gang la dmigs te khros pas sngags bzlas na grong khyer la sogs pa 'jigs shing skrag par 'gyur te sngags las su rung na las de dag la the tshom mi za'o/ mngon spyod kyi 'khrul 'khor ni skrag pa dang rig sngags gcod pa dang rig sngags gnon pa dang las 'joms pa dang/ rig sngags kyi las byed du 'jug pa dang rengs par byed pa ste las drug byed pa'o/ /dgra'i mngon spyod kyi 'khrul 'khor rnam par phye ba'i rim pa'o ga rdzogs so// //da ni bgegs kyi mngon spyod kyis 'khrul 'khor brtsam par bya ste/ ro ras la sogs pa la 'khrul 'khor gru gsum sum rtseg tu byas la grub pa rnams la oM b+hind+ha che ge mo tshinda b+hinda che ge mo b+hinda mahA kI li kI lA ya che ge mo mA ra ya phaT bri'o/ /dbus su bgegs kyi gzugs dang mA ra a zhes spel la bri'o/ /yang gsol ba gdab pa la sogs pa byas la rang nyid chu'i zla ba lta bu'i rnam par 'joms mdzad du sku che la yan lag rags bar bsgom mo/ /de nas rab tu bsgrims nas sngags ring po 'ba' zhig bzlas par bya ste/ sngags kyi 'od kyis gang la bye ba'i lus la phog pas rab tu gzir zhing mi bzod par bsam ste dper na lo thog la ser ba phab pa lta bur dmigs shing khros pas bzla'o/ /zin pa dang las kyi zhabs bsreg pa dang mnan pa gang 'dod par bya'o/ /'khrul 'khor 'di ni phal cher bgegs la bshad kyi 'on kyang rnal 'byor las su rung ba'i sngags pas 'khrul 'khor gcig gis kyang las thams cad la sbyar bar nus so/ /'dis gdon rlag par byed pa dang/ rmugs par byed pa'i las gnyis 'grub bo/ /de ltar phrin las bcu bdun gzhan gyi

  479. 240a

    las 'jig pa ni sdig pa ste de dag par byed pa ni bum pa la sogs pa'i khrus dang 'brel ba'i phyir ma smos so/ /thams cad la yang spel tshig ni so so'i skabs dang sbyar ro/ /rdo rje rnam par 'joms pa'i man ngag paN+Di ta smri te dz+nyA na kIr tis mdzad pa rdzogs so// //paN+Di ta chen po de nyid kyis bsgyur ba'o// (//rdo rje rnam par 'joms pa'i gzungs kyi 'brel ba bzhugs so//) //rgya gar skad du/ badzra bi dA ra Na nA ma d+ha ra Ni ratna mA la prit+ti nA ma/ bod skad du/ rdo rje rnam par 'joms pa zhes bya ba'i gzungs kyi 'grel pa rin chen phreng ba zhes bya ba/ bcom ldan 'das phyag na rdo rje la phyag 'tshal lo/ /ma rungs 'joms mdzad mi shigs ri bo 'dzin/ /thugs rjes snang bas nyon mongs pa'i sku/ /rang bzhin don rnams ma lus sdud mdzad pa'i/ /dbyer med rang bzhin gsal ba'i sku la 'dud/ /bla ma'i man ngag la brten nas/ /dman pa'i don du rdo rje'i don bshad bya/ /'di skad bdag gis thas pa'i dus gcig na/ bcom ldan 'das rdo rje la bzhugs te/ lus thams cad rdo rjer byin gyis brlabs nas rdo rje'i ting nge 'dzin la snyoms par zhugs so zhes bya ba ni bcom ldan 'das rdo rje gdan byang chub snying po na 'khor byang chub sems dpa' dpag tu med pa dang thabs gcig tu bzhugs so/ /bzhugs pa de'i tshe bcom ldan 'das de nyid rdo rje de nyid la thim zhing sangs rgyas rnams kyis byin gyis brlab pa mdzad nas/ de nas bcom ldan 'das kyi rdo rje de nyid las ting nge 'dzin gyi rnam par 'phrul pa mdzad pa ni rnam pa gsum du mdzad do/ /'di skad du rdo rje dang/ khro bo gnyis su thos so/ /gang gis she na/ phyag na rdo rje bdag gis thos te dus gcig na thos zhes bya'o/ /ji ltar thos zhe na/ de nas sangs rgyas kyi mthus dang

  480. 240b

    byang chub sems dpa' thams cad kyi byin gyis brlabs kyis zhus nas thos te/ de yang gnyis kyi don zhes dris nas so/ /rdo rje snying po la byung ba/ rdo rje khro bo'i don smras pa zhes bya ba ni rdo rje ni 'joms bya 'joms pa la bya/ khro bo ni 'joms byed la bya'o/ /de'i don ni shes rab dang snying rje zhes pa'o/ /shes rab kyi don ni ci zhe na/ mi chod pa/ mi shigs pa/ bden pa sra ba/ brtan pa thams cad du thogs pa med pa/ thams cad ma pham pa'o/ /de'i thabs ni don ci zhe na/ sems can thams cad skrag par byed pa/ sems can thams cad 'jil bar byed pa'o/ /'o na shes rab kyi yon tan ci zhe na/ rig sngags thams cad gcod par byed pa/ rig sngags thams cad gnon par byed pa/ las thams cad 'joms par byed pa/ las thams cad sgrub par byed pa/ gzhan gyi las thams cad 'jig par byed pa/ thabs kyi yon tan ci zhe na/ gdon thams cad brlag par byed pa/ gdon thams cad las thar par byed pa/ 'byung po thams cad tshar gcod pa/ 'byung po thams cad 'gug par byed cing/ gzhan gyi rig sngags dang 'byung po'i gdon rlag par byed/ srung bar byed/ de las thar bar byed do/ /'o na shes rab kyi las ji lta bu zhig byed ce na/ rig sngags kyi las thams cad byed du 'jug gam grub pa rnams grub par byed pa/ grub pa rnams chud mi za bar byed pa/ 'dod pa thams cad rab tu sbyin par byed pa'o/ /las thams cad pa'i bum pa las thams cad kyi sngon du 'gro ba'o/ /des ma grub pa grub par 'gro ste/ des bar chad med pas grub pa de chud mi za bar sgrub nus shing/ sems can gzhan la nus pa skyed par byed pa'o/ /'o na thabs kyi las ji lta bu zhe na/ sems can thams cad bsrung ba/ zhi ba rgyas pa/ sems can thams cad rengs par byed pa/ rmugs par byed pa'i gsang sngags kyi mthu chen po 'di rab tu smras so/ /zhes bya ba ni srung ba

  481. 241a

    dang phrin las bzhi'i las dang/ khyad par du rengs par byed pa dang/ rmugs pa'i las so/ /las de gang gis rtogs par bya zhe na/ gsang sngags kyi mthu chen po 'dis rtogs par smra bar bya'o/ /'o na ji ltar smra bar bya zhe na/ na mo ratna tra yA ya na mashtsaN+Da badzra pA Na ye zhes bya ba sngon du song nas so/ /de'i don ni rang stan bde ba la 'dug ste/ tshogs gnyis sngon du song nas bdag nyid rig pa hUM du bsam ste/ de las 'og gi phyogs su rdo rje rgya gram/ steng bur/ phyogs 'tshams rtsig pa'o/ /de nas hUM de las puM zhes pa las gzhal yas khang gru bzhi sgo bzhi khyung dang bcas pa/ lte ba nyi ma'i dkyil 'khor la 'khor lo rtsibs bcu pa'o/ /de'i dbus kyi lte ba'i nyi ma la hUM bsams te 'od du zhu ba las rdo rje dkar po gcig tu gyur nas de'i lte ba las hUM las 'od 'phros nas sems can dang snod du bcas pa sbyangs te/ rdo rje zhu bas rdo rje rnam par 'joms pa zhes bya ba sku mdog dkar po rdo rje dang dril bu bsnams pa do rje skyil mo krung gis bzhugs pa/ rgyan rnam par du mas brgyan pa/ thugs kar zla ba'i steng na hUM ngo/ /de las ma bcu las nyi ma'i dkyil 'khor bcur bsgoms nas/ de'i steng du hUM bcu tham pa las khro bo bcu ru bsgoms pa ni shar du khams gsum rnam rgyal sku mdog dkar po rdo rje 'dzin pa'o/ /lho phyogs su gshin rje gshed po sku mdog dmar nag phyag na rin po che bsnams pa'o/ /nub phyogs su rta mgrin rta mgo ljang gu mdog dmar po phyag na pad+ma bsnams pa'o/ /byang phyogs su bdud rtsi 'khyil pa ljang gu phyag na rdo rje rgya gram bsnams pa'o/ /shar lho na dbyug pa sngon po rdo rje be con no/ /lho nub mtshams su a mo g+ha pA sha sku mdog mthing nag sprul zhags bsnams pa'o/ /nub byang mtshams su 'dod pa'i rgyal po dmar nag phyag na gri gug bsnams pa'o/ /byang shar mtshams su rdo rje 'khor lo sku mdog ljang khu phyag na

  482. 241b

    'khor lo 'dzin pa'o/ /steng gi phyogs su hUM ka ra mthing nag phyag na ral gri bsnams pa'o/ /'og phyogs su stobs po che nam mkha' i mdog can rdo rje rtse gsum pa 'dzin pa'o/ /de rnams zhabs brkyang bskum du bzhugs shing khro bo'i chas kyis brgyan pa thugs kyang hUM bsams te/ spyan drang ba la sogs pa bya'o/ /de'i sngags ni/ tadya thA/ oM tro Ta tro Ta ya/ sphu Ta ya spho Ta ya/ g+hur+Na g+hur+Na pa ya g+hur+Na pa ya/ zhes pa ni gtso bo dang khams gsum rnam rgyal dang/ gshin rje gshed dang/ rta mgrin dang/ bdud rtsi 'khyil pa dang/ hUM mdzad dang/ stobs po che'o/ /khams gsum rnam rgyal gyis zhe sdang zhe bar gyis shig /rdo rje be con gyis zhe sdang rab tu zhi bar gyis shig /bo d+ha ya bo d+ha ya zhes pa'o/ /gshin rje gshed pos bzung 'dzin rab tu zhi bar gyis shig/ a mo g+ha pA shas yang dag pa'i byang chub tu sems bskyed cig /soM bo d+ha ya saM bo d+ha ya/ rta mgrin gyis 'dod chags rab tu zhi zhing ye shes kyi rang bzhin gsal ba dang/ 'dod pa'i rgyal pos ye shes de dang mi 'thun ba sol cig /b+h+ra ma b+h+ra ma/ bdud rtsi 'khyil pa byang chub kyi sems gong nas gong du spel ba dang/ khro bo rdo rje 'khor los yang dag par sol cig /soM b+h+ra ma ya soM b+h+ra ma ya/ hUM ka ras zur zhig /stobs po ches rjes su zung zhig /de ltar rtsa ba'i gsang sngags bltams/ da sgo ba bstan pa ni rdo rje rnon po mdog mthing nag rdo rje rtse gcig pa bsnams pa'o/ /yon tan rab tu khros pa mdog ser bo phyag gri gug bsnams pa'o/ /nub tu rdo rje lcags sgrog dmar po lcags sgrog bsnams pa'o/ /byang du rdo rje dril bu mdog ljang khu dril bu bsnams pa'o/ /de ltar dkyil 'khor skyed nas ni/ gtso bo thugs ka'i hUM las ni/ /shar du pad+ma'i gdan steng su/ /bdag nyid phyag na rdo rjer bsgom/ /spyan drangs bstims nas gsang sngags bzla/ de ni sngon du bsnyen pa'i don to/ da ni las so so la sbyar ba ni sbyin sreg rim pa bya ba ni dang po zhi ba shar du khru

  483. 242a

    gang zlum po 'dab ma bzhi pa la rdo rje dkar po sor brgyad dgod/ /dri zhim dkar pI shing la bya'o/ /mchod rdzas sreg rdzas dri zhim dkar/ /rdzas rnams la ni sbyin sreg bya'o/ /oM sarba bi shud+d+ha(rgyud 'grel): sarba d+harmA(rgyud 'grel): swa b+hA ba shud+d+ho haM/ de nas stong pa'i ting 'dzin las/ /bdag nyid hUM du rab bsams te/ de las thab khung buM las bskyed/ /pad+ma 'dab bzhi ge sar la/ /dbus su zla ba'i dkyil 'khor bsam/ /de'i steng du hUM las rdo rje dkar po gcig tu gyur par bsams te/ de yongs su gyur pa las rdo rje rnam par 'joms par sku mdog dkar po rdo rje dang dril bu 'dzin pa'o/ /de'i thugs ka na zla ba'i steng du raM gyi mdza' ma phar la na mashtsaN+Da badzra pA NA ye hUM gis bskor bar bsgom/ /shar du nyi ma'i thog tu hUM las rdo rje dkar po las khams gsum rnam par rgyal ba mdog dkar po phyag na bsnams pa'o/ /lhor nyi ma'i steng du hUM las rdo rje dkar po de las gshin rje gshed dmar nag phyag na rin po che bsnams pa'o/ /nub na rta mgrin dmar p phyag na pad+ma bsnams pa'o/ /byang du bdud rtsi 'khyil pa mdog ljang gu phyag na rdo rje rgya gram bsnams pa'o/ /zhabs brkyang bskum stag dang sprul gyis brgyan pa/ thugs ka na zla ba'i thog na raM 'od du 'bar ba can no/ /mdza' mar bskor ba ni/ oM bo d+ha bo d+ha/ saM b+ho ya saM bo d+ha ya/ b+h+ra ma b+h+ra ma/ saM b+h+ra ma ya saM b+h+ra ma ya zhes pa'o/ /spyan drang ba dang bstim pa la sogs pa rdzogs pas zhi bar bya ba'i phyir gong gi rtsa ba'i sngags las sarba b+hu ta ni shAn+tiM ku ru swA hA/ zhes pas zhi bar 'gyur ro/ /rgyas pa la ni gru bzhi khru gang ba dbyibs ser po byugs la nang du 'khor lo rtsibs bzhi pa gser dang 'dra ba la rdo rje ser po dgod par bya'o/ /tsandan na ma dri dang ldan pa'i mel til bsreg par bya'o/ /de'i don ni stong pa nyid las bdag nyid hUM du bsams te de las 'phros pas gser gyi 'khor lo

  484. 242b

    rtsibs bzhi pa bsams te/ de'i lte ba la nyi ma'i thog tu hUM zhu ba las rdo rje ser p las rdo rje rnam par 'joms par bskyed/ /gzhan gong dang 'dra ba las ser po raM ser po'o/ /na ma shtsaN+Da badzra pA Na ye/ oM tra Ta tra Ta/ spho Ta sphu Ta/ spho Ta ya spho Ta ya/ tadya ya thA/ sarba satwa ni puSh+TiM ku ru ye swA hA/ dbang gi zla gam dmar po ste nang du pad+ma dmar po 'dab ma drug pa'i rdo rje dmar po bri'o/ /seng ldeng la sogs pa dmar pI shing yungs kar dmar bo la dgug pa'i las bya zhing bsreg go/ de'i don ni stod pa las bdag nyid hUM du bsams te/ paM las pad+ma dmar po'i 'dab steng du hUM las rdo rje dmar po de las rdo rje rnam par 'joms pa mdog dmar po thugs kar nyi ma'i thog tu raM/ dmar po gzhan gong dang mthun pa las raM dmar po'o/ /steng du hUM ka ra mthing ka ral gri 'dzin pa/ 'og tu stobs po che nam mkha' i mdog can rdo rje rtse gsum pa'o/ /ku Ta ku Ta/ saM ku Ta ya saM ku Ta ya/ g+ha Ta g+ha Ta/ sam g+ha Ta ya saM g+ha Ta ya/ g+hur+N+Na g+hur+N+Na/ g+hur+N+Na pa ya g+hur+N+Na pa ya/ sarba sha trUM a mo g+ha ku ru ku le wa shi ku ru swA hA/ bshad pa la ni 'di yin te/ dur khrod 'jigs pa'i gnas phyin la/ dur khrod sa las byas pa yi/ /gru bzhi sgo bzhi rgya gram bri/ /lte bar gru gsum thod par bskor/ /phur bu'i rdzas ni gtor ma bzhi/ /lcags phye rdo rje yungs kar rnams/ /go rims bzhin du bsag par bya/ /rdzas rnams bkram nas bsgom pa ni dang po bsod nams kyi bdag nyid sdig pa bshags pa la sogs pa bya'o/ /de'i rjes la oM mahA shU n+ya tA dz+nyA na badzra swa b+hA ba at+makohaM zhes bya bas stong pa nyid du bsgom pa'o/ de rjes pruM las gzhal yas khang/ /gru bzhi pa la sgo bzhi pa/ /ka ba brgyad dan rin chen te/ /nang gi dur khrod 'jigs pa'o/ /rdo rje rgya gram nag po ste/ /gru gsum nam mkha' i mdog can bsgom/ /gru gsum nang du zla steng du/ /hUM las rdo rje nag po can/ /rig par byas te 'od du

  485. 243a

    zhu/ /de las rdo rje nag po'i sku/ /brkyang bskum rdo rje nag po bsnams/ /g.yon na dril bu sdigs 'dzub mdzad/ /khros pa'i zhal mdog stag lpags gyon/ /zhal nas hUM sgrogs dpa' bo che/ /thugs ka'i hUM las 'od 'phros pas/ /shar phyogs rdo rje rtse mo la/ /khro bo bdud las rgyal byed ni/ /lcags kyu phur bu sku mdog dkar/ zla ba'i gdan la brkyang bskum bzhugs/ /lho phyogs rdo rje rtse mo la/ /khro bo gshin rje gshed po ni/ /sku mdog dmar nag 'jigs pa la/ phyag na gri gug phur pa bsnams/ /nub phyogs khro bo'i rgyal po ni/ khro bo'i rgyal po rta mgrin na/ /sku mdog dmar po 'jigs pa la/ /rdo rje rtse gcig phur pa bsnams/ /byang phyogs khro bo'i gyal po ni/ khro bo'i rgyal po bdud rtsi 'khyil/ /sku mdog ljang nag 'jigs pa la/ /phyag na zhags pa phur pa 'dzin/ /khros pa'i zhal ldan 'jigs pa'o/ /rgyan rnams 'dzin par sgom par bya'o/ /ye shes sems dpa' spyan drangs nas/ /gsang ba'i sngag kyi bzlas pa bya/ /oM he phu lu ni ru phu lu grih+Na gu lu mi li tsu lu ku ru ku ru badzra bi dza ya swA hA/ de ni khams gsum rnam par rgyal ba'i rtsa sngags te/ tshar bcad pa'i lcags kyu dang/ phur pa'i 'o/ /oM ka Ta ka Ta/ ma Ta ma Ta/ ra Ta ra Ta/ mo Ta ni pra mo Ta nA ya kI li kI lA ya swA hA/ de ni gshin rje gshed po'i sngags te/ las kyi sngags gri gug dang phur pa'i sngags so/ /tsa ra ni tsa ra/ ha ra ha ra/ sa ra sa ra/ mA pa ya badzra kI li ki lA ya swAhA/ zhes pa rta mgrin gyi sngags te/ las kyi sngags te/ rdo rje rtse gcig pa dang phur pa'i sngags so/ /ts+tshinda ts+tshinda/ b+hinda b+hinda/ mahA kI li kI la ya swA hA/ band+ha band+ha/ kro d+ha kro d+ha/ kI li kI lA ya swA hA/ zhes pa ni sgo ba'i sngags so/ /las kyang sngags te/ zhags pa dang lcags sgrog dang/ lcags kyu dang/ dril bu'o/ /tsu ru tsu ru/ tsaN+Da kI li kI lA ya swA hA/ zhes bya ba ni bdud rtsi 'khyil pa ste/ zhags pa dang phur bu?

  486. 243b

    trA sa ya trA sa ya badzra kI li kI lA ya swA hA/ zhes bya ba ni gtso bo rnam par 'joms pa'i sngags te/ las kyi rdo rje dang phur pa'i sngags so/ /ku Ta ku Ta saM ku Ta ya saM ku Ta ya sarba sha truM hUM hUM hUM swA hA/ yungs kar dang lcags phyes gdab pa'o/ /de'i gtor ma bstan pa ni/ gser dang dngul zangs lcags snod nang du/ /dkar gsum mngar gsum la du dang/ /snum khur 'bru rnams yongs su dgang/ /de rnams byin brlabs rin chen snod/ /'bru gsum sngags kyis sbyang zhing spel/ oM A hUM/ de nas mchod pa bya ba ni dang po gtso bo mchod pa ni/ na ma(rgyud 'grel): sa man+ta badzrA NAM sarba ba laM a bardzra ye ma hA ba le/ ka ta be ta ta le/ a tsa le zhes pa lha mo'i glu dang bcas pa dbul te/ ha ra ha ra badzra d+ha rA ya swA hA/ pra ha ra pra ha ra badzra pra b+hany+dza nA ya swA hA zhes bya bas so/ /dkyil 'khor gyi lha mchod pa ni/ maN+Da la mA ye a ti badzra/ mahA ba le/ bi ga ra Na/ a dzi ti dzwa la dzwa la/ ti Ta ti Ta ping+ga le/ da ha da ha te dzo ba ti/ ti li ti li/ band+ha band+ha/ zhes bya ba'i glu dang dan pas mchod pa ni/ mahA ba li/ ha ra ha ra badzra d+hA rA ya swA hA/ pra ha ra pra ha ra badzra b+hany+dza nA ya swA hA/ badzra kro d+ha dzwA lA ya swA hA/ zhes pa gtor ma dbul bar bya'o/ /da ni rengs pa'i las bya ba ni dong gru gsum pa bya ste/ de'i nang du 'khor lo gzhug pa ni gzugs bzhag 'khor lo rtse gsum la brgyangs la/ sngags ma tis+thi ba badzra/ su tis+thi ra badzra pra tishti ra badzra/ zhes pa ni mgo bo dang/ rkang pa gnyis la'o/ /mahA badzra/ a pra ti ha ta badzra/ a mo g+ha badzra/ e hi badzra/ shI g+h+raM badzra d+hA rA ya swA hA/ lag pa gnyis dang/ rtsi ba logs gnyis dang/ gsang ba'i gnas dang lte pa'o/ /da lta bu'i rdo rje phur bu brgyad kyi btab la gru gsum du gzhug go /rang nyid bsgrub pa'i dkyil 'khor bzhin bsgom pa las bya'o/ /bsrung ba ni grog 'am ras sam gang yang rung pa la 'khor lo rtsibs drug pa bya ste/ d+ha ra d+ha ra/ d+hi ri d+hi ri/ d+hu ru d+hu ru/ dgod par bya'o/ /lte ba la sarba badzra ku laM A brta

  487. 244a

    ya swA hA/ de'i phyi rol tu 'khor lAM mu khyud la gsal byed dgod do/ /de'i phyi rol tu 'khor lo rtsibs brgyad la/ ma tis+thi ra badzra/ su tis+thi ra badzra/ pra tishti ra badzra/ mahA badzra/ a pra ti ha ta badzra/ a mo g+ha badzra/ e hi badzra/ shI graM/ d+hA rA ya badzra swA hA/ mu khyud la dbyangs kyi yi ge cha dgos par bya'o/ /de'i don ni khro bo bcu hUM las 'khor lo la bskyed la mchod pa dang/ bstim par byas la sngags 'di bzlas pa brgya rtsa rgyad dam nyi shu rtsa gcig bzlas te lu la btags na/ gza' dang rgyu skar byad stims dang/ mi bzad pa'i nad rnams kyang zhi bar 'gyur ro/ /des ni thabs kyi don bshad do/ /da ni shes rab kyi don dam pa ni sa'i mchog la sogs pa rdzogs par byas nas/ maN+Dal shin tu dri zhim pa dang ldan pa'i thog tu dri'i thig le bco lnga bya ste/ bum pa'i mtshan nyid 'chad par 'gyur ba'i rdzas dang bcas pa bco lnga bzhag par bya'o/ /phyogs skyong ba'i gtor ma yang bzhag par bya'o/ /mchod pa rnam pa lnga yang bshams te/ 'og na ston pa'i las thams cad pa'i bum pa'i chus bsangs la/ bsgrub pa ni byang chub tu sems bskyed cing/ oM mahA shU n+ya tA dz+nyA na badzra swa b+hA ba at+makohaM zhes pa stong par bsgom mo/ /de'i rdzas la bdag phyag na rdo rjes bsgoms pa'i thugs ka'i hUM de las paM bco lnga 'phros pas pad+ma de'i steng du bruM las bum pa bco lnga bskyed la/ de'i nang du hUM de'i cha shas hUM ra bsam mo/ /de yongs su gyur pa las zla ba'i steng du rdo rje dkar po rtse lnga pa lta ba la hUM dang bcas par bsams te/ rdo rje la sngags kyis bskor ba ni steng du/ oM ha ra ha ra badzra/ shar du oM ma tha ma tha badzra/ shar lhor d+hu na d+hu na badzra/ lhor da ha da ha badzra/ lho nub du pa tsa pa tsa badzra/ nub du d+ha ra d+ha ra badzra/ nub byang mtshams su dA ra ya dA ra ya badzra/ byang du dA ru Na dA ru Na badzra/ byang shar du ts+tshinda ts+tshinda badzra/ 'og tu b+hinda b+hinda badzra/ de yongs su bskor ba'i rdo rje'o/ /shar du ma tha badzra badzra/ lhor spho Ta badzra badzra/ nub tu ka Ta badzra badzra/ byang du

  488. 244b

    ma tha badzra badzra/ dbus su sarba bidyA badzra badzra/ de ltar sngags rnams bkod nas/ hUM las 'od 'phros spyan drang ba ni sangs rgyas thams cad spyan drangs la bstim mo/ /de nas bzlas pa bya ba ni nyi shu rtsa gcig gam /brgya rtsa brgyad thim pa dang/ ye shes nam mkha' la nyi zla yis bteg la dam tshig bsdu/ bum pa'i cho ga rdzogs pa dang/ /maN+Dal gnas ni gzhan du bzhag/ kha tshar mnyams ras steng du/ /slob ma bsangs nas sdom pa sbyin/ /de nas thig gi las bya ste/ /tshad dang ldan pa'i thig skud la/ /dri zhim chu yis byug pa ni/ /tshangs thig nas bzung zur dang logs/ /de nas cha rnams dbye bar bya/ /de nas tshon gyi las bya ste/ /rin chen sna lha'i phye ma la/ /byin brlabs rdzogs nas de nas dgyes/ /lte bar zla ba'i maN+Dal bri/ /'khor lo rtsibs bcu ser po bri/ /gru bzhi sgo bzhi rta babs bri/ /de ltar bris nas rdzas rnams ni/ /bum pa ma nor phyogs su dgram/ /rdo rje rdo rje'i steng du dgod/ /lam gyi bum pa shar du dgod/ /mchod pa me tog spos dag dang/ /lha bshos dri dang bum pa bzhin/ /de ltar bkod nas cho ga ni/ /sdig pa bshags pa la sogs bya'o/ /oM mahA shu n+ya tra dz+nyA na swa b+hA ba at+ma kohaM zhes bya bas/ stong pa nyid bsgom par bya'o/ /de'i rjes la bdag nyid hUM du bsgoms nas bruM las gzhal ya khang bskyed de de'i steng du pad+ma bco lnga bsams la/ /de'i thog tu bum pa bskyed la snga ma bzhin rdo rje dang hUM khang bsams te/ ye shes bteg pa de yang bstim mo/ /de nas 'od zer 'phro las rdo rje dang hUM zhu ba las khro bo bco lnga bskyed pa ni dbus su rdo rje rnam par 'joms pa sku mdog dkar po rdo rje dang dril bu 'dzin pa/ shar du khams gsum rnam rgyal mdog dkar po shel gyi rdo rje dang sdigs mdzub lhor gshin rje gshed dmar po shel dang sdig 'dzub/ /nub tu ra mgrin dmar po pad+ma dang sdigs mdzub/ /byang du bdud rtsi 'khyil ba durba dang sdigs mdzub/ shar lhor dbyug pa sngon po rin po che'i tsan dan dang sdigs mdzub/ lho nub tu don yod zhags

  489. 245a

    pa mthing ka yungs kar dang sdig mdzub/ /nub byang du khro gnyer can dmar nag rin po che dang/ sdigs mdzub/ byang shar du rdo rje 'khor lo ljang gu rin po che gser gyi 'khor lo dang sdigs mdzub/ steng du gnod mdzes mthing nag gdugs dang sdigs mdzub/ 'og tu rdo rje sder mo rgyal mtshan dang sdig mdzub/ mdog dkar po bum pa'i nang du cung zhig khros pa'i mdog go /sgo ba bzhi ni lcags kyu zhags pa lcags sgrog dril bu rnams mdog dkar po rdo rje zhu ba las bskyed cing bsgom mo/ /de rnams kyang rdo rje dkar po lte ba la hUM dang bcas paDma pa'i steng du bsam mo/ /de nas ye shes spyan drangs la mchod pa ni/ oM badzra d+hu pe pU dza me g+ha sa mu dra spha ra Na sa ma ye hUM/ oM badzra puShpe pu dza mi g+ha sa mu dra spha ra Na sa ma ye hUM/ oM badzra a lo ke pU dza me g+ha sa mu dra spha ra Na sa ma ye hUM/ oM badzra gande pU dza me g+ha sa mu dra spha ra Na sa ma ye hUM/ oM badzra nai bi dye pU dza me g+ha sa mu dra spha ra Na sa ma ye hUM/ oM badzra shapta pU dza me g+ha sa mu dra spha ra Na sa ma ye hUM/ zhes bya bas mchod nas dza(rgyud 'grel): hUM baM ho(rgyud 'grel): /zhes bya bas bstim mo/ /de nas dbang bskur ba byas nas thams cad la rdo rje sems dpal mtshan par bya'o/ /de nas gsang sngags bzlas pa ni/ na mashtsaN+Da badzra pU Na ye/ sarba bidyA badzra badzra swA hA/ mahA yak+Sha se nA pa ta ye/ ha ra ha ra badzra/ ma tha ma tha badzra/ d+hu na d+hu na badzra/ da ha ra ha badzra/ pa tsa pa tsa badzra/ d+ha ra d+ha ra badzra/ dA ra ya dA ra ya badzra/ dA ru Na dA ru Na badzra/ ts+tshinda ts+tshinda badzra/ b+hinda b+hinda badzra hUM phaT swA hA/ oM mahA yak+Sha se nA pa ta ye/ ma Ta badzra badzra/ spho Ta badzra badzra/ ka Ta badzra badzra/ ma tha badzra badzra/ hUM hUM hUM hUM phaT swA hA/ zhes lan brgya rtsa brgyad dam nyi shu rtsa gcig gam bdun rdzogs nas mchod pa dbul bar bya'o/ /de nas khrus bya ba'i phyir/ na mashtsaN+Da badzra pA Na ye sarba bidyA badzra badzra hUM

  490. 245b

    spha ra Na a mri te hUM phaT/ oM mahA yak+Sha se nA pa ta ye/ ha ra ha ra badzra/ ma tha ma tha badzra/ d+hu na d+hu na badzra/ da ha da ha badzra/ pa tsa pa tsa badzra/ d+ha ra d+ha ra badzra/ d+ha ra ya d+ha ra ya badzra/ dA ru Na dA ru Na badzra/ ts+tshinda ts+tshinda badzra/ b+hinda b+hinda badzra/ spha ra Na a mri te hUM phaT/ ces bya bas dbus kyi gtso bo bdud rtsi bya ste/ sgo ba bzhi bsgom pa ni/ oM mahA yak+Sha se nA pa ta ye/ ma Ta badzra badzra dza(rgyud 'grel): spho Ta badzra badzra hUM/ ka Ta badzra badzra pa/ ma tha badzra badzra ho:/ /des na ye shes dbab cing bstims nas/ dbang bskur zhing khrus bya ba ni maN+Dal legs par byas la rgyal po la 'khor lo/ /rje'u la rin po che/ bram ze la pad+ma/ dmangs ris la las kyi rdo rje/ sngags ni rdo rje la bris la thog tu bzhag ste khrus byed du gzhug pa ni/ gang bdag yid dge sems dang zhing/ /gtsang ma'i gos kyis dbab rgyan te/ /de ni rab bkrus gtsang ma yin/ /deng du 'bras bu dam pa brnyes/ /de nas mi bya zhe na/ zab mo sangs rgyas spyod yul ba'i/ /mdo sde dam pa mnyan par bya/ /mdo sde dam pa nyan byed na/ /mdo sde 'di'i gzi brjid kyis/ /srog chags dag ni thams cad dang/ /mi bzad ba'i nad rnams dang/ /de dag thams cad zhi ba ltar/ /tshe dang bsod nams 'phel bar 'gyur zhes brod pa bskyed nas/ da bgegs bskrad par bya ste las kyi bum pa'i mtshan nyid ni/ /gser gyi bum pa 'am yang na ni/ dngul gyi bum pa dag kyang rung/ /gtsang ma'i gos kyi dkris shing dgang/ /nor bu yungs kar dur ba dang/ /rin chen rma med tsan dan bcas/ /shel dang rdo rje me tog dang/ /chu yi gser la sogs pa ni zhes bya ba ni rdzas bstan pa ste/ bum par blugs la kha tsha ram nyams pa'i ras kyi mgul ba bcings la shar phyogs su bzhag go/ gong gi bum pa yang de bzhin no/ /de byin gyis brlabs pa ni/ bum pa bum las bskyed pa'i nang du 'khor lo rtsibs bzhi pa bsams te/ de'i nang zla ba'i nang du/ rdo rje rgya gram hUM gis mtshan pa las/ /khro bo bdud rtsi 'khyil ba mdog ljang gu rdo rje rgya

  491. 246a

    gram sdigs mdzub brang du bsnol ba'o/ /thugs kar zla ba'i steng du rdo rje rgya gram la zla ba lnga'i steng du rdo rje'o/ /phyi'i rgya gram bzhi'i steng du rdo rje bzhi'o/ /nang gi mtshams bzhir yang rdo rje/ /phyi'i mtshams su yang rdo rje'o/ /bdag nyid zla ba'i steng du hUM las rdo rje dkar po hUM gis mtshan pa las rdo rje rnam par 'joms pa sku mdog dkar po rdo rje dril bu bsnams par bsgoms pa thugs kar rdo rje dkar po hUM lngas mtshan pa gcig bsgoms la/ spyan drangs pa dang/ mchod pa dang/ bstim par bya'o/ de ltar byas nas gzhan du ni/ /bdag nyid phyag na rdo rje ste/ /bgyid bag ljang sngon cung zhig khros/ /dang po rang nyid bzlas pa bsrung/ /oM na mo ratna tra yA ya na mashtsaN+Da badzra bA Na ye hUM hUM hUM phaT phaT phaT/ bdun nam nyi shu rtsa gcig gis/ /bdag nyid byin gyis brlabs nas ni/ /bskyed pa gtso bo'i thugs ka nas/ /dam tshig rdzogs pa'i shar sgor bsgom/ /bdag gis ye shes spyan drangs te/ 'dis ni sngon du bsnyen pa bstan/ /sgrub pa bdag nyid mi bskyed cing/ /dkyil 'khor nyid du bdag bya'o/ /de'i las dang bsgrub pa bya ba'i rim pa'o bdag nyid gong bzhin bskyed byas nas/ bzlas pa sngags kyis rim pa ni/ /na mashtsaN+Da badzra kro d+ha ya hUM hUM hUM zhes bya ba ni rdo rje rnam par 'jom pa'i sngags so/ /mahA yak+Sha se nA pa ta ye a mri te hUM hu lu hu lu/ tiSh+Tha tiSh+Tha/ band+ha band+ha/ ha na ha na hUM zhes bya ba ni bgegs bskrad pa'i sngags so/ /sgrub pa ni/ na mashtsaN+Da badzra kro d+ha ya hUM/ bdag nyid kyi'o/ /hu lu hu lu tiSh+Tha tiSh+Tha/ band+ha band+ha/ ha na ha na/ hUM hUM ni sa bon gyi sngags so/ /a mri ta hUM hUM hUM phaT ces bya ba lan bdun nam nyi shu rtsa gcig bzlas pas bdud rtsir bsam mo/ /de sa ni las thams cad 'grub pa'i bum pa'o/ /de ltar shes rab kyi don dang/ thabs kyi don bshad nas/ de'i tshes lam phan yon bshad pa ni/ rgyud do cog gi rtsa pa ste/ sdig pa thams cad byang byas nas/ /sdug bsngal thams cad med par byed//

  492. 246b

    dpal kun gyis ni legs par brgyan zhes bya ba ni rgyud kyi rtsa bar grub pa ni phyi'i rtsa bar grub pa dang/ nang gi rtsa bar grub pa dang/ spyod pa'i rtsa bar grub pa'o/ /phyi'i rtsa bar grub pa ni rgyal bu las rgyal por bskyed pa'o/ /nang gi rtsa bar grub pa ni bum pa las gsum du bskyed pa'o/ /spyod pa'i rtsa bar grub pa ni khrus 'gro ba'o/ /spangs bya'i rtsa bar 'gro ba ste/ phyis mtshon nas nang dag pa'o/ /de'i phyir rtsa ba'o/ /sdig pa thams cad byas nas zhes bya ba ni des nus pa bzhag nas gsum pa la zhugs pa dang dag par 'gro bas na dang rgyud zab mo mnyan pas dag pa dang/ rang rang la rtogs pa khyad par can skyes pas dag pa'o/ /rtsa ba'i don gyi sgo nas so/ /rgyud 'di ni phan yon du sdug bsngal dang bar ched sel bar byed/ dpal kun te 'bras bu bde ba'i don to/ /'o na sdug bsngal ji ltar zhi bar byed ce na/ 'di'i phan yon dang phyi ma'i phan yon no/ /de la 'di'i phan yon ni/ sems can dbang po nyams pa dang/ tshe zad pa dang tshe nyams dang/ zhes bya ba ni dbang po lnga nyams pa ste mi gsal ba gsal bar 'gyur ba/ yid mi gsal te gdon gyis dkrugs shing/ rnal de mi gnas pa sel ba dang/ tshe zad pa sel bar byed cing nyams pa 'gugs par byed pa'o/ /tshe ni srog go /nyams pa'i rgyu ni rkyen zad pa dang/ bar du bcad pa ste gso bar byed pa'o/ /phun sum tshogs min gang chags dang/ lha rnams rgyab kyis phyogs pa dang/ zhes bya ba ni phun sum tshogs pa med pa nor dang lang tsho la sogs pa med cing bran du 'gro ba dang skyes pa'o/ /de yang sdug bsngal dang ldan mod kyi/ las ngan pa gang zhig gis chags shing 'dug pa'o/ /lha rnams rgyab kyis phyogs zhes bya ba ni rgyal pos 'chad pa byed pa'o/ /yang na 'jig rten gyi lhas rgya ba kyis phyogs pa'o/ /rgyu mtshan ci zhe na/ 'gal ba'i stobs kyis so/ /dman pa rnams kyis kyang gnod pa ni/ bram ze la sogs gtses pa dang/ mdza' sdug

  493. 247a

    skye bo sdang ba dang zhes bya ba ni mdza' sdug skye bo rang gi mdza' bo dang/ gzhan rnams sdang ba'o/ /bran bza' ni bran mo dang chung ma'o/ /sogs pa ni bu mo la sogs pa bsdus pa'o/ /phan tshun mthun pa ma yin dang/ nor 'grib pas ni gnod pa dang/ zhes bya ba ni phan tshun mthun pa ma yin pa ni dgra bo'o/ /nor 'grib pa ni gnod pa dang/ zhes bya ba ni nor 'phrog pa'i dgra bo des gnod pa bskyed pa'o/ /de ni 'jig rten 'di'i gnod pa sel ba'o/ /phyi ma'i gnod pa gang zhe na/ mya ngan ngal dang gnod pa dang/ 'jigs pa dang ni phangs pa dang zhes bya ba ni dmyal ba dang yi dags dang/ dud 'gro ste/ mya ngan gyis gdungs pa dang/ ngal ba dang/ lus sems kyi gnod pa gshin rje'i 'jigs pa dang/ bde bas phongs pa sel bar byed pa'o/ /mi ma yin gyi gnod pa ni/ gza' dang rgyu skar byad stems dang/ mi bzad gdon gyis nyen pa dang/ zhes bya bas so/ /yid mi dga' ba las 'byung ba ni/ mya ngan ngal las byung ba ni/ /rmi lam sdig pa mthong na yang/ zhes bya ba ni yid mi dga' bas lus du ba pa dang/ rmi lam ngan pa yid dub pa'o/ /de dag kyang dag pa gang gis she na/ de ni rab khrus gtsang ma yin zhes bya bas so/ /'o na sdig pa ji ltar bya zhe na/ /zab mo sangs rgyas spyod yul ba/ /mdo sde dam pa mnyan pa dang/ /mdo sde dam pa nyan byed na/ /mdo sde 'di yi gzi brjid kyis/ /zhes bya ba ni zab mo ste byin gyis brlabs pa bum pa'i dbang 'di dang/ 'brel pa'i dbang gsum dang/ mdo rgyud kyi spyod pa bzhi dang/ spyod pa'i khyad par dang/ lta ba dang lta ba'i khyad par shes pas so/ /des cing 'gyur zhe na/ shes nas spong ba ste gnyen pos so/ /de ltar dpal kun gyis legs par brgyan pa ni gang zag des gzhan rjes su 'dzin par 'gyur te/ srog chags dag ni thams cad dang/ /mi bzad pa'i nad rnams kyang/ /de dag thams cad

  494. 247b

    zhi bar lta/ /tshe dang bsod nams 'phel par 'gyur zhes bya ba ni thabs la brten pas zhi ba dang rgyas pa dang/ dbang dang mngon spyod kyi zhi bar byed cing tshe 'phel bar byed pa'o/ /shes rab kyi don gyis gzhan dag gi sdig pa dang/ dri ma dag par byed pa ni/ gsum ka yongs su rdzogs pa dang/ yang na thugs mtshan gsal ba dang/ yang na sa bon gsal bas ni/ /byin brlabs gzhan la khrus bya'o/ /dri ma thams cad yongs spangs pa'i/ /gzugs kyi dri ma dag byed pa'i/ /yon tan chu 'byung nor bu 'dis/ /bkra shis rdzas kyis dag gyur cig /smin cing yongs su 'dul ba yi/ /tshor ba'i dri ma dag byed pa'i/ /yon tan mar 'byung yungs kar 'dis/ /'du shes dri ma dag gyur cig /sems can klu'i skyabs mdzad pa'i/ /rang bzhin yon tan bdud rtsir ldan/ /'du byed dri ma dag gyur nas/ /'gro kun rang bzhin sos gyur cig /'phongs pa kun gyi skyabs gyur cig /rang bzhin gyis ni 'dod yon 'byung/ /rnam shes dri ma dag gyur cig /dbul pa rnams kyis skyabs gyur cig /rang bzhin gyis ni dri dang ldan/ /tsha ba'i gdung ba 'joms par byed/ /rang bzhin gyis ni dag pa'i mdog /kha dog sna tshogs 'gyur ba'i shel/ /'dam gyis mgos kha dogs gsal/ /nyon mongs nad sel pad+ma la/ /rang bzhin gyi ni 'od gsal ba/ /mi rtog g.ya' bral sa lo sbram/ /rang bzhin gyis ni dag pa la/ blo bur dri ma dag gyur cig /yon tan yongs su brgyan pa yi/ /rgyu bzangs dbyibs legs kha dog mdzes/ /chu'i bdag nyid mi bskyod pa/ /rnam shes dri mas dag gyur cig ces gsungs so/ /'o na gsang sngags brjod pa'i grangs gang zhe na/ lan grangs nyi shu rtsa gcig gam/ yang na lan grangs brgya rtsa brgyad/ ces bya ba bstan to/ /gang bzlas she na/ rdo rje rnam par 'joms pa'i gsang sngags kyi grangs te/ rdo rje rnam 'joms bzlas pas ni/ /rgyal po rtag tu khrus gyis shig /bcom ldan

  495. 248a

    'das rdo rje'i ting nge 'dzin la bzhengs nas 'jum pa mdzad do/ /de'i don ni bskur bya dang/ skur byed do/ /de bas khrus gyis shig pa'o/ /rgyud dang gdams ngag dag las ni/ /bsgrubs na dri med 'bras bu thob/ /de phyir gzhan phan bya phyir brtsams/ /de yis 'gro kun 'bras thob shog /sing+ga lar ni 'grel dang rgyud don rtogs/ /badzra ratna de bas de don brtsams/ /dbang 'byor zad mi shes pa'i gter/ /dngos grub 'bras bu bdag gis thob /dge ba dri med yod pa des/ /bla ma rnams dang 'grogs par shog/ //rdo rje rnam par 'joms pa'i 'grel pa rin chen phreng ba zhes bya ba slob dpon chen po sa ba ri bas mdzad pa rdzogs so// //paN+Di ta de ba pu N+ye ma ti dang/ lo tsa ba dge slong chos kyi bzang pos bsgyur ba'o// (//rdo rje rnam 'joms kyi gzungs kyi 'grel pa bzhugs so//) //rgya gar skad du/ badzra bi dA ra nA ma b+hA ra Ni prit+ti/ bod skad du/ rdo rje rnam par 'joms pa'i gzungs kyi 'grel pa/ bcom ldan 'das phyag na rdo rje la phyag 'tshal lo/ /de nyid rtogs pas rdo rje dang/ 'khor ba'i nyes pa 'joms mdzad pa'i/ /rdzogs sangs rgyas la phyag 'tshal te/ spyi yi rgyud la sogs pa dang/ /bla ma'i gdams ngag la brten nas/ /blo dman rnams la phan phyir brtsam/ /gleng gzhi mtshan nyid rgyud 'don dang/ /phan yon lhag gnas dang ni lnga/ /gleng gzhi phun sum tshogs lnga'i don/ /bzhugs tshul zhus don rgyas pa'o/ /'di skad bdag gis sangs rgyas kyi mthus zhus/ sangs rgyas kyi bka' 'byung dka' bas dus gcig thos/ bcom ldan 'das rdo rje la byang chub sems dpa' la sogs pa du ma dang bzhugs so/ /de'i tshe sprul pa'i lus thams cad rdo rjer byin gyis

  496. 248b

    brlabs nas/ /rdo rje'i ting nge 'dzin la snyoms par zhugs zhes bya ba ni chos skur rdo rje'i rnam par ro/ /sangs rgyas kyi mthu dang/ sangs rgyas kyi byin gyis brlabs dang/ byang chub sems dpa' thams cad kyis byin gyis brlabs kyis bskul cing gsol ba btab nas rdo rje la khro bor byung ba'o/ /de la sangs rgyas kyi mthus spobs pa bskyed nas lag na rdo rje la zhus pa'i tshe 'khor dang bcas pa thos so/ /gang zhe na/ rdo rje'i don 'gag pa med pas mi chod pa dang/ /yod pa dang med pas mi shigs pa dang/ phyin ci ma log pas bden pa dang/ skye ba med pas sra ba dang/ mi bslu bas na brtan pa dang/ dngos por 'dzin pa 'joms pas thogs pa med pa dang/ rnam rtog gi mtshan ma las ma pham pa ni/ de kho na nyid rtogs pa'i shes rab kyi mtshan nyid do/ / rdo rje las byung ba'i snying po khro bo'i don ni/ oM tra Ta tra Ta/ khams gsum rnam rgyal gyis zhe sdang zhi bar byed pas sems can thams cad skrag par byed pa dang/ tro Ta ya tro Ta ya/ gshin rje gshed kyi gzung 'dzin zhi bar byed pas/ sems can thams cad 'jil bar byed pa dang/ sphu Ta sphu Ta/ rta mgrin gyi rnam par rtog pa zhi bar byed pa sa'i rig sngags thams cad gcod par byed pa dang/ spho Ta ya spho Ta ya bdud rtsi 'khyil ba yis/ yang dag pa'i don 'phel bar byed pas rig sngags thams cad gnon par byed pa dang/ g+hur+Na g+hur+Na hUM ka ras rang dang gzhan rjes su 'dzin pa las thams cad 'joms par byed pa dang/ /g+hur+Na pa ya g+hur+Na ba ya/ stobs po ches nga don grub pas gzhan gyi las thams cad 'jigs par byed pa dang/ sarba sa tra ni yid la sems pa thams cad grub par byed ces pa'i don to/ /po d+ha ya bo d+ha ya rdo rje zhe sdang 'joms pas gdon thams cad rlag par byed pa dang/ saM bo d+ha ya saM bo d+ha ya/ don yod zhags pas yang dag pa'i don rtogs pas gdon thams cad las thar bar byed pa dang/

  497. 249a

    b+h+ra ma b+h+ra ma 'dod pa'i rgyal pos phyin ci log spod pas 'byung po thams cad 'gugs par byed pa/ saM b+h+ra ma ya saM b+h+ra ma ya/ rdo rje 'khor los byams pa la sogs pa gzhan rjes su 'dzin pas rig sngags kyi las thams cad byed du 'jug pa dang/ sarba b+hu ta ni 'byung po la sogs pa thams cad kyi bar chad bsrungs zhes bya ba'i don to/ /ku Ta ku Ta rdo rje rnon po 'khor 'gugs pas ma grub pa grub par byed pa dang/ saM ku Ta ya saM ku Ta ya rdo rje khros pas yang dag par 'gugs pas grub pa rnams chud mi za bar byed pa dang/ sarba sha truM nAM dgra bgegs thams cad gnon par byed ces pa'i don to/ /g+ha Ta g+ha Ta rdo rje lcags sgrog yang dag par 'dzud pas 'dod pa thams cad rab tu sbyin pa dang/ saM g+ha Ta ya saM g+ha Ta ya rdo rje dril bu dgyes pas sems can thams cad bsrung ba/ zhi ba rgyas par byed pa'o/ /rgyu don bsnyen pa sgrub pa dang/ /'dod pa'i don rnams grub pa yi/ /rtsa ba'i 'khor lo bstan pa ste/ /khro bo'i don ni bco lnga'o/ /de la rnal 'byor pa dkyil 'khor gyi skor zhugs pa'i bla ma dam pa'i man ngag can gyis byang chub tu sems bskyed de/ gnas dben par maN+Dal dang gtor ma la sogs pa bshams te/ bum pa'i kha rgyan la sogs pa rdzogs par maN+Dal gyi steng du bzhag par bya'o/ /de nas snying ga'i hUM las gyur ba'i sgra stong par bya ste/ las kyi lha phyag mtshan med par 'gyur ba'i las thams cad bya'o/ /na mo ratna tra yA ya/ na ma(rgyud 'grel): tsaN+Da badzra pA Na ye/ mahA yak+Sha se nA pa ta ye/ ces pas snying po gsang sngags dang/ ta dya thA/ oM tra Ta tra Ta zhes pas khro bo rnams la/ sarba bidyA badzra badzra su badzra yan cad yang snying dang bcas pas lus byin gyis brlabs pa'o/ /snying po'i gsang sngags dang/ oM ha ra ha ra badzra la sogs pa phyogs skyong bcus mtshams bcad do/ /badzra aM ku sha dzwA lA ya swA hA/ zhes gzhal yas khang bskyed do/ /sarba bidyA

  498. 249b

    na sa badzra yan chad badzra aM ku sha dzwA la ya kI li kI lA ya swA hA/ zhes pas gtso bo bskyed/ tsu ru tsu ru tsaN+Da lI kI li kI lA ya swA hA/ zhes pas rdo rje gtum po bskyed/ trA sa ya trA ya sa badzra kI li kI la ya swA hA/ zhes pas rdo rje phur bu bskyed ha ra ha ra badzra d+ha rA ya swA hA/ zhes pas rdo rje be con bskyed do/ /pra ha ra ha ra badzra b+hany+tsa nA ya swA hA/ zhes pas rdo rje tho ba bskyed do/ /gsang sngags 'di thams cad bcom ldan 'das rdo rje rnam par 'joms pa yin pas khyad par med kyang/ bla ma dag gi zhal nas phyogs skyong ba la sogs pa'i lha dgug pa shis pa'i bsnyen pa'i rtsa sngags yin gsungs so/ /de nas rdul tshon bzhengs so/ /gtso bo'i sngags gong dang mthun/ tshinda tshinda/ b+hinda b+hinda/ mahA kI li kI lA ya swA hA/ band+ha band+ha/ kro d+ha kro d+ha kI li kI lA ya swA hA/ tsu ru tsu ru tsaN+Da li kI li kI lA ya swA hA/ trA sa ya trA sa ya badzra kI li kI lA ya swA hA/ zhes rdo rje gtum po dang/ rdo rje phur bu dang rdo rje be con dang/ rdo rje tho ba rnams bskyed do/ /ma tis+tha ra badzra/ shI g+h+ra badzra swA hA/ zhes brgyad kyi brtan par bzhugs su gsol/ na ma(rgyud 'grel): sa man+ta badzra NAM zhes pa dang/ badzra aM ku sha dzwI lA ya swA hA/ zhes dbang bskur ro/ /gzhan yang 'di ni las thams cad gtor ma dang tsA ru'i ston mo dang/ slob mas yang khrus bya/ ba yang rdo rje'i glu dang bcas bya'o/ /de nas mchod pa dang bstod pa bla ma'i gdams ngag gis rgyas par bya ste/ bzlas pa ni snying po dang rtsa sngags yang snying dang bcas par bla ma'i ngag gis don no/ /de nas slob mas khrus bya ba ni he phu lu ni phu lu ru grah+na ku lu/ mi lu tsu lu/ ku ru ku ru badzra bi dza ya swA hA/ zhes pas buM pa lag pa g.yas pa'i khung du blangs pa pra ba/ ka Ta ka Ta/ ma Ta ma Ta/ ra Ta ra Ta/ mo Ta na pra mo Ta nA ya swA hA/ zhes yungs kar gyis pra ba/ d+ha ra d+ha ra/ d+hi ri d+hi ri/ d+hu ru d+hu ru/ sarba badzra ku laM A ba ra ta ya swA hA/ a mu ka ma mA ra ya phaT/ ces ma

  499. 250a

    bya'i mdongs kyis bya ba/ de nas gsang sngags zhi ba la sogs pa dang bcas pas slob ma'i spyi bo nas khrus byas pas nyams grib la sogs pa'i sdig pa thams cad dag par 'gyur ro/ /nad dang gdon la sogs pa thams cad med par 'gyur ro/ /de nas/ na ma(rgyud 'grel): sarba ta thA ga te b+hyo/ bi shwa mu khe bya(rgyud 'grel): sarba ta khaM ud+ga rak+Sha mahA ba le/ sarba ta thA ga ta pur+Na Ni ra dza te hUM hUM tra tha tra tha/ a pra ti ha ta hUM phaT swA hA/ zhes pas lag pa rdo rje khu tshur bcangs te/ mthe chung gnyis gzhibs te/ mthe bong dang gung mo gnyis rtse sprad la/ srin lag gnyis rtse sprad de/ sgreng ba ni dam tshig phyag rgya bya ste bsrung ba chen mo'o/ /de nas snying ga'i bsrung ba dang/ spyi bo'i bsrung ba thams cad kyang bya'o/ /de ni khrus kyi cho ga'o/ /gzhan yang zhi ba la sogs pa'i dngos grub 'khor lo la brten pa ni bla ma'i zhal las shes par bya'o/ /gsang sngags kyi rgyud thams cad kyi thog ma gsungs pa'i rdo rje rnam par 'joms pa'i gzungs 'di bsod nams ye shes kyi dpal kun gyis ni legs rgyan pas/ rgyu sdig pa thams cad byang nas 'bras bu sdug bsngal thams cad med par byed pa ni phan yon mdor bstan pa'o/ /sems can spyi de rigs bzhi gang yang rung ba'o/ /dbang po nyams pa ni lus kyi'o/ /tshe zad pa ni 'chi ba ste srog go /longs spyod phun sum tshogs pa med pa dang/ nor yod pa 'gribs pa gang zhig 'dod chags kyi sems la gdungs pas gnod pa dag 'jig rten dang 'jig rten las 'das pa'i lha rnams rgyab kyis phyogs pa ni phan mi 'dogs pa ste/ de ma yin pa'i gnod pa 'byung ste de yang gza' babs pa dang/ rgyu skar ngan pa la babs pa dang/ gzhan gyi byang du chung pa ni rig sngags ngan pas bsdams pas mi bzad gdon gyi nyen pa ste/ de'i dbang gis lus dang sems kyi gdung ba la sogs pa 'byung ba dang/ rmi lam ngan pa'i

  500. 250b

    sdig pa 'dra ba'i rmi ba 'dag par byed do/ /rang gi nye du mdza' zhing yid dang 'thad pa'i skye bo dang bral ba dang/ dgra sdang ba'i skye bo dang phrad pa dang/ rgyal po la sogs pa'i 'chad pas gtses pa de phan tshun mthun pa ma yin pa ni mi las gyur pa'i gnod pa ste/ tshe 'di'i 'o/ /gnod pa 'di dag dang gzhan sel bar byed do/ /gzhan yang las mi dge ba'i dbang gis dmyal ba la sogs pa'i ngan song gsum du skyes pas lus dang sems kyis gsungs pas mya ngan dang ngal ba'i gnod pa dang/ sdug bsngal gyis 'jigs pa dang/ bde bas 'phongs pa dang/ de lta bu'i nyes pa thams cad las thar bar byed pa ni phyi ma'i phan yon no/ /dpal rdo rje rnam par 'joms pa'i khrus kyi cho ga des ni rab bkrus gtsang ma yin zhes bya ste gang dag yid dge ba ste/ byang chub tu sems bskyed pa dang/ sems dang po ni dkon mchog la skyabs su song ba ni gtsang ma'i gos kyis rab brgyan te/ slob ma lhag par gnas pa dang/ rten gyi gang zag bstan pa'o/ /nor bu ni chu shel la sogs pa'o/ /yungs kar ni go sla'o/ /dUrba ni dag byed yin te/ ku sha'i bye brag cig go /rin po che rma med pa ni mu tig la sogs pa ste rgyan du rung ba'o/ /tsan dan ni mtshon pa ste dri'i bye brag thams cad do/ /des ni snying po rdzas brtan/ zhes pa la sogs pa'i rgyu las byas pa'i rdo rje dang/ yungs kar ni bar chod thams cad zhi bar byed pa ste/ me tog ni pad+ma ste gsung gi rten yin/ chu yis bkang ba'i bum pa'i rgyu gser ram yang na dngul la sogs pa gang las byas kyang rung ste/ mgrin pa pra la kha ye la ba lto ba ldir ba rtsa ba med pa la gtsang ma'i gos kyis brgyan pa 'bras bu can gyis shing gis brgyan pa ni sku'i rten yin te/ bum pa lhag par ga nas pa'o/ /der lha bskyed pa la sogs pa ni lha lhag par gnas pa'o/ /de lta bur gyur pa'i rgyud zab mo'i don

  501. 251a

    sangs rgyas kyi spyod yul du gyur la/ rtog ge pa'i spyod yul ma yin pa/ rig pa gsum dang ldan pa'i dkyil 'khor 'dir bzhugs na mdo sde dam pa nyan pa dang/ grub pa dang/ gzhan la ston pa la sogs pa'i nus pa dang ldan par 'gyur ro/ /ci'i phyir zhe na/ mdo sde 'di ni nyan byed na/ /mdo sde 'di'i gzi brjid kyis/ /srog chags dag ni thams cad kyi/ /mi bzad pa'i nad rnams dang/ /de dag thams cad zhi bar bya/ /tshe dang bsod nams 'phel bar 'gyur/ /sdig pa kun las rnam par thar/ /sdug bsngal ma lus med par 'gyur/ zhes 'byung ba'i phyir/ gzhan yang rgyud 'di'i don ni de bzhin nyid kyi ting nge 'dzin dang/ rgyu'i ting nge 'dzin dang/ kun tu snang ba'i ting nge 'dzin la sogs ba'i bsnyen pa'i cho ga dang sgrub pa la sogs pa'i don ci rigs par yang de/ /gsang sngags bzlas pa'i grangs ni lan grangs nyi shu rtsa gcig gam/ yang na lan grangs brgya rtsa brgyad/ rdo rje rnam par 'joms pa'i 'khor dang rtsa ba'i sngags ci rigs pa'i don to/ /rgyal po rtag tu khrus kyis shig ces pa ni/ rgyal po gtso bo'i don to/ yang na lus kyi rgyal po mgo yin pas so/ /grong khyer ser skya chu bo gang+gA'i klung/ /rgyud rgyal rnam 'joms bla ma'i bka' brten sgrub/ /bla med dge ba chen po bdag gis thob/ /gzhan la phan phyir bdag gis de don bris/ /zla 'dra'i dge ba cung zad snang ba de/ /'gro rnams rnam 'joms sku thob don phyir bsngo/ /slob dpon chen po rdo rje go chas mdzad pa rdo rje rnam par 'joms pa'i rgyud kyi 'grel pa rdzogs so// //rgya gar gyi mkhan po sh+rad+d+hwa ka ba rma dang/ bod kyi lo tsa ba shE kya'i dge slong rin chen bzang pos bsgyur cing zhus te gtan la phab pa// //(rdo rje rnam par 'joms pa'i gzugs gsal

  502. 251b

    ba'i sgron mi bzhugs so/) /! rgya gar skad du/ badzra bi dA ra Na nA ma b+ha ra Ni pa Ta la kra ma b+hA Sha prat+ti dI paM nA ma/ bod skad du/ rdo rje rnam par 'joms pa'i gzungs zhes bya ba'i rim par phye ba'i rgya cher 'grel pa gsal ba'i sgron ma zhes bya ba/ bcom ldan 'das dpal phyag na rdo rje la phyag 'tshal lo/ /khro bo'i rgyal po rdo rje rnam par 'joms pa la phyag 'tshal lo/ /nyes pa kun dang rnam bral zhing/ /sems can kun la phan bzhad pa/ /rtag tu dngos po kun bdag gyur/ /rdo rje bsnams la phyag 'tshal lo/ /tshig dang yi ge shin tu nyung ba la/ /rab tu don rdzogs rdo rje rnam 'joms gzungs/ /de yi don rtogs ding sang skye bo 'ga' tsam srid/ /de bas de don bdag gis rab bshad 'dod/ /gzu lums 'chod rang 'gar brtsams pa ma yin te// bde gshegs bka' dang bla ma'i gdams ngag la brten nas/ /de'i don rim par phye nas gsal sgron gyi/ /de don rgya cher rab tu bshad par 'dod/ /de la rdo rje rnam par 'joms pa'i gzungs kyi don rgya cher bshad par bya ste/ de yang chos thams cad spros pa dang bral ba yin pa la/ ma rig pa'i ling rtog gis bsgribs nas de ma rtogs pas/ khams gsum 'khor bar 'khor nas nyon mongs pa brgyad khri bzhi stong 'phel te/ de spang ba'i gnyen po dang/ chos thams cad spros pa dang bral bar bya ba de rtog pa'i thabs su/ chos kyi phung po brgyad khri bzhi stong gsungs te/ de yang bsdu na mtshan nyid kyi thag pa dang/ gsang sngags kyi theg pa'o/ /de yang mtshan nyid kyi theg pa la ni mdo sde'i ming gis brtags la/ gsang sngags kyi theg pa la ni rgyud kyi ming gis brtags so/ /mtshan nyid kyi theg pa la mdo sde ru 'dogs pa'i rgyu mtshan ni dngos po'i gnas lugs 'ga' zhig gtan la 'bebs pa'i mtshan nyid mdor bsdus nas bstan du rung bas na yang mdo sde zhes bya ba la/ gnyen po rnams 'gal bar spong

  503. 252a

    ba'i sgo nas mdo sde zhes bya'o/ /rgyun chags phyir na rgyud ces bya/ /'khor ba rgyud du 'dod pa yin zhes gsungs so/ /yang mkha' 'gro ma sgyu ma bde mchog las kyang/ rgyud ces bya ba rab 'brel te/ /de yang rnam pa gsum yin te/ /gzhi dang thabs dang 'bras bu'o/ /de bzhin 'bras bu'i bsdu ba med ces gsungs te/ 'dir yang rgyud rnams sum du shes par bya ste/ sbyang bar bya ba rgyu'i rgyud dang/ sbyangs pa 'bras bu'i rgyud dang spyod par byed pa thabs kyi rgyud do// rgyu'i rgyud ni khams gsum gyi sems can thams cad la bde bar gshegs pa'i snying pos khyab pas de rnams so/ /'bras bu'i rgyud ni bla na med pa'i byang chub kyi 'bras bu thob pa de rnams so/ /thabs kyi rgyud ni sems can gyi khams dang dbang po dang/ bag la nyal sna tshogs pa yod pas/ bcom ldan 'das kyis rgyud sde bzhi gsungs te/ de yang bya ba'i rgyud dang/ spyod pa'i rgyud dang/ rnal 'byor gyi rgyud dang/ rnal 'byor bla na med pa'i rgyud do/ /bya ba'i rgyud la spyi dang bye brag gi rgyud las bye brag gi rgyud do de la sku ta thA'i rigs kyi rgyud dang/ gsung pad+ma'i rigs kyi rgyud dang/ thugs rdo rje rigs kyi rgyud las/ 'di thugs rdo rje rigs kyi rgyud do/ /de yang spyi dang bye brag las/ 'di bye brag gi rgyud do/ /de la 'di ni rdo rje khro bo rigs kyi rgyud do/ /rdo rje rigs kyi khro bo'i rgyud 'dis ni rtogs pa yin pa la/ gzungs kyi ming gis btags so/ /des ni spyi'i rnam par bzhag pa'o/ /de yang rang dang gzhan gyi don bstan pa'i sgo nas/ mtshan gyi don phun sum tshogs pa bstan pa dang/ rgyud rgyas par bshad pa'o/ /de la dang po bshad de/ rdo rje zhes bya ba ni rang gi don phun sum tshogs pa ste/ chos kyi sku stong pa nyid do/ /rnam par 'joms pa zhes bya ba ni/ mdzad pa bzhi'i sgo nas 'gro ba sems can gyi don byang ba'o/ /gzungs

  504. 252b

    zhes bya ba ni gnyi ga'i don phun sum tshogs pa ste/ stong nyid snying rje'i snying po can no/ /chos kyi sku stong pa nyid la rdo rjer 'dogs pa'i rgyu mtshan dang/ dgos pa ci'i phyir zhe na/ stong pa nyid la rdo rje 'dogs pa'i rgyu mtshan ni/ 'dus byas rdzas kyi rdo rje pha lam dang chos mthun pa rnams yod do/ /rdo rje pha lam la mi chod pa bya ba nas/ ma pham pa bya ba'i bar du chos bdun yod pa de bzhin du/ chos kyi sku stong pa nyid la mi chod pa bya ba nas/ thams cad du ma pham pa/ bya ba'i bar du chos bdun yod do/ /'o na rin po che rdo rje pha lam de la ji ltar sa yis mi chod ce na/ 'byung ba chen pos yis bcad pa dang gtub par mi nus pas na/ mi chod pa zhes gsungs so/ /sa dag bcad par mi nus par 'dug ste/ rdo rje pha lam de la 'byung ba chen po chu yis sprul pa la sogs pa gnod pa bya bar mi nus sam zhe na/ ma yin te/ nges gnod par mi nus pas na mi shigs pa zhes gsungs so/ /de nyid kyis kyang gnod par bya ba mi nus par 'dug ste 'byung ba mes thal ba'am/ sol bar bsregs par mi nus sam zhe na/ ma yin te/ des bsreg par mi nus bas na bden pa zhes gsungs te/ de gsum gyis kyang gnod par bya bar mi nus par 'dug ste/ rlung spu gri lta bus kyang gzhig par mi nus sam zhe na/ des gzhig par mi nus/ zhes gsungs so/ /de bzhin da ltar gnod par bya bar mi nus par 'dug ste/ ? bskal bar lon nas gnod par bya bar mi nus sam zhe na/ ma yin te/ de bzhin dus da ltar gnod par bya bar mi nus pa bzhin du/ dus sam gnas skabs thams cad du mi 'gyur bas na brtan zhes gsungs/ 'o na rdo rje pha lam de la tshur la dang/ gang gis kyang mi gnod par 'dug ste/ rdo rje pha lam de mthu ji tsam dang ldan zhe na/ dper na thog dang 'dra ste dngos po thams cad 'bigs par byed pas na/ thams cad du thogs pa med pa zhes gsungs so/ /de la tshur la gnod par mi 'gro 'am zhe

  505. 253a

    na/ ma yin te/ rdo rje rin po che pha lam des/ phar mi thams cad 'joms par nus la/ rang la tshur gnod par mi nus pas na/ thams cad du ma pham pa zhes gsungs so/ /dper na rdo rje pha lam gzhan gyis gnod par bya bar mi nus pa de bzhin du/ stong pa nyid kyi rdo rje de la skye ba la sogs pa'i sdug bsngal gyis mi gnod pas na/ mi chod pa la sogs pa gsungs so/ /'dus byas kyi dngos po 'di la skye ba snga ma nas 'di ru skyed 'di nas phyi mar skyed pas/ skye ba'i sdug bsngal gyi bar du chod cing 'dug pa na/ stong pa nyid la skye ba med pas/ skye ba'i sdug bsngal gyis bar du mi chod pas na/ mi chod pa zhes gsungs so/ /'dus byas kyi dngos po 'di la rnam par gzhan nas gzhan du 'gyur ba yod pas/ rgas pa'i sdug bsngal gyis bar du chod cing 'dug pa la/ stong pa nyid de las rnam pa gzhan rnams nas bzhan du 'gyur ba med pas/ rgas pa'i sdug bsngal gyi bar du mi chod pas na/ mi shigs pa zhes gsungs so/ /'dus byas kyi dngos po de nyid mtshams sbyor ba'i tshe/ skye gnas kyi dang por ming dang gzugs grub nas tha mar ma she'i bar du sdug bsngal rnam pa gsum man/ brgyad la sogs pas gdungs pas na/ gnas pa'i sdug bsngal gyi bar du chod cing 'dug pa la/ chos kyi sku stong pa nyid de la gzugs kyi dngos por grub pa med pas/ sdug bsngal rnam pa gsum dang brgyad la sogs pas gcod par mi nus pas na bden pa zhes gsungs so/ /'dus byas kyi dngos po 'di tha ma shi nas rgyun cha de 'gro bas 'chi ba'i dus na gnad gcod pa'i tshar ba'i sdug bsngal yod pas 'chi ba'i sdug bsngal gyis chod cing 'dug pa las/ chos kyi sku stong pa nyid la skye ba med pas tha ma 'gags te rgyun ched pa med pas 'chi ba'i sdug bsngal bar du mi chod

  506. 253b

    pas na sra ba zhes gsungs so/ /'o na stong pa nyid de la dus da ltar sdug bsngal rnam pa bzhi po des mi gnod par 'dug pa la/ lo 'am bskal pa kho nas gnod par mi nus sam zhe na/ ma yin te/ dus da ltar mi gnod pa bzhin du/ dus dang gnas skabs thams cad du gnod par mi nus pas na/ brtan pa zhes gsungs so/ /'o na stong pa nyid de la/ sdug bsngal rnam pa bzhi po de dag gis kyang gnod par mi nus par 'dug ste/ chos kyi sku stong pa nyid de mthu ji tsam dang ldan zhe na/ thams cad du thogs pa med pa zhes gsungs te/ stong pa nyid kyi ye shes des ni/ bdag dang gzhan yang 'jig par byed/ 'khor ba dang mya ngan las 'das pa yang 'jig par byed/ gzung ba dang 'dzin pa yang 'jig par byed/ dngos po las mngon par zhen pa thams cad 'jig par byed pas na/ thams cad du thogs pa med pa zhes gsungs so/ /de la chur la gnod par mi nus sam zhe na/ ma yin te/ des na ma pham pa zhes gsungs te/ chos kyi sku stong pa nyid de la tshur la gang gis kyang gnod par mi nus la/ phar la thams cad 'joms pas nam pham pa zhes gsungs so/ des na stong pa nyid de rin po che'i rdo rje ba lam dang chos mthun pas na/ stong pa nyid la rdo rje zhes btags so/ /stong pa nyid la rdo rjer btags pa'i dgos pa ni/ stong pa nyid de la yang yon tan de tsho dang ldan par shes par bya ba'i dgos pa'o/ /de ltar zhes pa de thob par bya ba'i don du gzhan dag sgrub pa dang/ sgom pa la 'jug par 'gyur ba'i dgos pa'o/ /des na stong pa nyid la rdo rje zhes gsungs so/ /rnam par 'joms pa zhes pa ni/ gzugs sku rnam pa gnyis kyis mdzad pa bzhi bstan nas 'gro ba sems can gyi don byad pas na rnam par 'joms pa zhes gsungs so/ /'o na rnam par 'joms pa ni mngon spyod kyi ming gi rnam grangs yin na/ mdzod pa rnam pa bzhi la

  507. 254a

    rnam par 'joms pa'i ming gis ston pa ci'i phyir zhe na/ de ni rgyud 'di nas ston pa'i mdzad pa bzhi po 'di ni/ rgyud gzhan nas bshad pa'i mtshan nyid ma yin te/ 'dis nas bstan pa ni drag po'i las rnams dang dbye ba yin te/ drag po'i sgo nas zhi ba dang dbang dang rgyas par 'gyur ro/ /des na mdzad pa rnam pa bzhi'i rnam par 'joms pa zhes gsungs pa mi 'gal lo/ /gzungs la gnyis te/ rig sngags kyi gzungs dang/ gsang sngags kyi gzungs las/ 'di ni gsang sngags kyi gzungs zhes bya'o/ /de la yang gsum ste/ ngo bo dang nges tshig dang/ dbye ba'o/ /gzungs kyi ngo bo ni rang dang gzhan gyi don phun sum tshogs pa stong pa nyid dang snying rje dbyer med pa ste/ stong pa nyid snying rje'i snying po can no/ /tha ma gnyis ni sgo mdza' yas pa'i gzungs 'grel las/ gzungs ni rnam gsum gang phyir gzungs/ /don dang tshig dang gnyi ga'i gzungs/ /legs pa las ni nyams pa las/ /'dzin par byed pa de phyir gzungs zhes gsungs so/ /dbye ba ni gsum ste/ don dang tshig dang gnyi ga'i gzungs so/ /don gyi gzungs ni dkon mchog gsum la phyag 'tshal lo/ /zhes bya ba nas/ bdud rtsi 'khyil pas bsdus shig pa'i bar du'o/ /rgyas par 'di'i 'grel pa gzhan las gsal lo/ /tshig gi gzungs ni/ na mo ratna tra yA ya bya ba nas/ a mri te hUM phaT bya ba'i bar du'o/ /gnyi ga'i gzungs ni/ ming don cig tu bsres nas/ sgra dang don du sbrel nas 'dzin pa'o/ /yang na a la sogs pa'i dbyangs yig la ni don gyi gzungs zhes bya la/ ka la sogs pa'i gsal byed la ni tshig gi gzungs zhes bya'o/ /a dang ka gnyi ga tha mi dad pa la ni gnyi ga'i gzungs zhes bya'o/ /des pa'i tshig ni legs pa las ni nyams pas na/ 'dzin par byed pas de phyir gzungs zhes

  508. 254b

    gsungs pas/ thar pa dang mtho ris thob par byed pa'i rgyu/ gsang sngags kyi dam tshig dang/ nyan thos kyi 'dus khrims dang/ byang chub sems dpa' i smon 'jug gi sems pa'o/ /de tsho las nyams na ngan 'gror 'gro ba ste/ 'di'i cho ga phun sum tshogs pa byas te/ khrus byas la dam tshig nyams pa la sogs pa slar gsol te/ de ru 'gra ru mi ster bas na/ 'dzin par byed pa zhes gsungs so/ /yang na don tshig mang po 'dzin pas gzungs so/ /rdo rje rtse mo las dge ba'i chos thams cad kyi rten pa byed pas na yang gzungs so/ /yang na mi rjed pa'i don gyis na gzungs zhes bya'o// //sangs rgyas dang byang chub sems dpa' thams cad la phyag 'tshal la zhes pa ni/ sangs zhes bya ba ni/ nyon mongs pa dang/ shes bya'i sgrib pa mdza' dag spangs nas/ ma rig pa'i gnyid las sangs pas na sangs zhes bya'o/ /dper na skyes bu gnyid las sangs pa bzhin no/ /rgyas zhes bya ba ni/ shes bya mdza' dag la ye shes rgyas pas na rgyas zhes gsungs so/ /dper na ku mu ta rgyas pa lta bu'o/ /spangs pa dang ye shes phun sum tshogs pa'o/ /nyes pa'i skyon thams cad byang zhing legs pa'i yon tan thams cad kyi ngo bor chub pas na byang chub po/ /'gro ba'i don la sems pas na sems so/ /bdud dang mu stegs thams cad tshar gcod pas na dpa' ba' o/ /yang bde ba gnyis kyi don la yang nas yang du bya zhing bden pa gnyis kyi don la chub pas na byang chub po/ /bden pa gnyis kyi don la yang nas yang du sems pas na sems dpa' zhes bya'o/ / de'i don la sran tshugs pas na dpa' zhes bya'o/ /yang na byang chub sems dpa' thams cad ces pa/ nyon mongs pa'i sgrib pa dang/ shes bya'i sgrib pa spangs pas na byang zhes bya la/ ye shes kyis chos kyi dbyings rtogs pas na chub ces

  509. 255a

    bya'o/ /sems zhes bya ba ni/ ye shes chen pos chos kyi dbyings la sems pa dang/ thugs rje chen pos 'gro ba'i don la sems pas na/ sems zhes bya'o/ /dpa' ba ni bla na med pa'i byang chub sgrub cing sems can gyi don bya ba la phyir mi ldog cing sran tshugs pas nas dpa' ba' o/ /thams cad ces bya ba ni/ rgyu dang 'bras bur bcas pa'i byang chub sems dpa' thams cad do/ /phyag 'tshal zhes pa ni lus ngag yid gsum dang pas so/ /lo zhes bya ba ni shis pa brjod pa'o/ /des ni rang dang gzhan gyi don phun sum tshogs pa bstan pa'i sgo nas mtshan gyi don bshad zin to// //da ni rgyud rgyas par bshad par bya ste/ de la yang gnyis te/ rgyud 'byung ba'i gleng gzhi phun sum tshogs pa dang bcas te bstan pa dang/ rgyud dngos bstan pa'o/ /dang po la gnyis te rkyen gleng slong ba dang gleng gzhi dngos so/ /de yang 'di skad bdag gis thos pa zhes pas ni/ rkyen gleng slong ba bsten to/ /dus gcig na bcom ldan 'das rdo rje la bzhugs te/ gleng bzhi dang sa bstan to/ /bcom ldan 'das rtsa mchog gi grong khyer du mya ngan las 'da' kar/ 'khor rnams kyis zhus pa/ bcom ldan 'das sku mya ngan las 'das na/ nged kyi ston pa ni sus byed/ gnas ni su la 'cha'/ mu stegs kyi ston pa drug pa ni sus 'dul te snod bsdus pa'i dbur ni ji skad bya zhes zhus pas/ gsungs pa/ khyed kyi ston pa ni so sor thar ba 'di nyid kyis byis zhes gsungs te/ de yang da ni mya ngan 'das gyur na/ 'di ni khyed kyi ston pa zhes/ /rab byung nyid kyis gus bcas par/ /nan tan dge 'dun tshogs 'dun bstod ces gsungs so/ /gnas ni dran pa dang shes bzhin la chos

  510. 255b

    shig ces gsungs so/ /mu stegs kyi ston pa drug ni dang zhir 'gro'o gsung ngo/ /sde snod bsdus pa'i dbur ni 'di skad bdag gis thos pa dus gcig na/ bcom ldan 'das ge ge mo na bzhugs te/ 'khor 'di dang thabs gcig tu bzhugs te zhes gyis shig /ces mya ngan las 'das pa'i mdo las gsungs so/ rgyud kyi rgyur 'gro ba'i rgyu mtshan ni/ 'di skad bdag gis thos pa byas bas/ 'od srungs la sogs pa'i 'khor rnams la rnam par rtog pa rnam pa lnga skyes te/ dri ba lnga zhes te/ 'di skad bdag gis thos zer ba/ /dus gang gi tshe thos ston pa gang la thos/ gnas gang du thos/ 'khor gang gi dang lhan cig tu thos brjod bya phun sum tshogs pa gang thos/ brjod zhes dris so/ /de'i lan du gleng gzhi byung ngo/ /de ni tshig gi don bshad do/ 'di skad ces pa ni nges par byas nas rang dang gzhan rjes su mthun pa'i shes pas/ nges par gzung ba'i rgyud kyi don ma lus par nges par ston pa la/ gcig tu nges par byas nas phyin ci ma log par smra ba'o/ /bdag gis thos zhes bya ba ni/ bdag nyid kyis mngon sum du thos pa ste/ bcom ldan 'das la bdag nyid kyis ming dang don dang gzhung 'di dag thos kyi bdag gis rang dgar byas pa ni ma yin te/ bcom ldan 'das kyis gsungs pa kho na ltar bsdus pa yin par shes so/ /de ltar shes pas shugs la rang 'gar byas pa bkag go /de ltar bsdus nas 'dug pas bsgrubs na 'bras bu yang 'byung la/ dngos po'i gnas lugs? kyang ston par shes nas gang zag rnams 'jug par 'gyur ro/ / yang na bdag gis thos zhes pas/ bdag rang gi mos pa'i dbang gis thos kyi/ gzhan gyis ni gzhung gzhan du yang yin te/ 'chad par 'gyur ba'i 'khor bstan pas so/ /'di ni gzhan dang ldan pa rnam par gcod pa spangs pa yin no/ /slob

  511. 256a

    dpon ma khol gyis kyang/ gsung gcig gis kyang bstan mos kyang/ dum nyid du rtogs mdzad par/ bdag la nye bar ston no zhes/ /skye bo kun gyis shes par 'gyur zhes gsungs so/ /bcom ldan 'das la gsung gi che ba mang po yod par bstan te/ gsung gcig la yang du mar snang pa'o/ /yang na bdag gis thos zhes pa/ 'chad par 'gyur ba'i bcom ldan 'das las/ 'jig rten dbang phyug la sogs pa las gcig nas gcig tu brgyud nas thos pa yang ma yin te/ dngos su bcom ldan 'das la phyag na rdo rje nyid kyis thos zhes bya bar shes so/ /de ltar shes pas shugs las brgyud nas thos pa bkag go /thos pa zhes bya ba ni/ bdag nyid nyan pa'i dus na byang chub sems dpa' nyid du bstan la sdud pa'i dus nas sangs rgyas nyid yin no/ /'di ni bzlas nas bstan pas shin tu tshad ma yin no zhes bstan pa yin no/ /mngon sum du thos pa la yang 'di ltar shes par bya ste/ slob dpon med par 'di'i bya ba mi bya'o/ /zhes yang dag par gsungs par shes par bya'o/ /de ltar bstan nas gang gi tshe/ gang las gang du gang dang lhan cig thos pa de dang/ de'i rim pa bzhin bstan pa'i phyir/ dus gcig na zhes bya ba bstan te/ 'di shin tu dkon pa nyid dang bdag nyid mang du thos pa nyid du sgrub par byed do/ /yang na dus gcig na zhes pa chos dang sbyar na/ dus gcig gi tshe na bdag gis 'di thos byas nas/ 'di lta bu'i phyin ci ma log pa'i ngo mtshar che ba'i chos ni dus gzhan gyi tshe bstan pa mi srid pa'i phyir ro/ /zhes pas yang nas yang du 'byung bar dka' bar shes so/ /shugs las lan cig las lan gnyis sam gsungs du gsungs pa bkag go /yang na dus gcig na zhes pa gang zag dang sbyar na dus gang gi tshe bdag gi

  512. 256b

    'di thos kyis/ gzhan gyi tshe gzhan dang gzhan pa'i mdo thos so zhes/ mang du thos pa nyid du bstan te/ ston pas kyang lan cig las ma gsungs par 'dug la/ nyan pa'i 'khor gyis kyang lan cig las ma thos par 'dug pa la/ gzungs 'di bsdus nas 'dug pas gang zag 'di ni mi brjed pa'i gzungs thob pa dang ldan pa'i gang zag gcig tu 'dug par shes so/ /de ltar shes pas gang zag 'di ni gzungs thob pa dang ldan pa gcig tu 'dug pas/ bcom ldan 'das kyis gsungs pa kho na ltar bsdus pa yod pas/ bsgrubs na nus pa yang 'byung la/ dngos po gnas lugs kyang yin par shes nas gang zag rnams 'jug par 'gyur ro/ /shugs las lan gnyis gsum du thos pa bkag go /da ni gleng bzhi dngos rgyud kyi rgyu ru 'gro ba bstan te/ de la gleng gzhi phun sum tshogs pa ni/ dus dang ston pa dang/ gnas dang/ 'khor dang/ chos phun sum tshogs pa'o/ /rgyud gsungs pa de yang dus khyad par du 'phags pa cig yod na gsung/ med na mi gsungs pas na/ dus phun sum tshogs pa rgyud 'byung ba'i rgyur gsungs so/ /gang gi tshe gsungs na bdud btul ba'i dus na gsungs so/ /des na dus gcig na zhes gsungs so/ /de yod kyang 'chad pa po'i ston pa khyad par can cig yod na gsung/ med na mi gsungs pas na ston pa phun sum tshogs pa rgyud 'byung ba'i rgyud gsungs so/ /gang las zhes dris na bcom ldan 'das las zhes gsungs te/ bcom zhes pa ni bdud bzhi bcom ste/ de yang nyon mongs bdud sogs 'joms pa dang/ bcom pa'i phyir bcom par bshad/ nyon mongs shes rab dang 'brel bas/ de bas shes rab bcom par bshad/ /ces gsungs so/ bdud bzhi ni phung po dang/ 'chi bdag dang/ lha'i bu dang/ nyon mongs pa'i bdud do/ /de bcom pa'i bdud bzhi bcom pa

  513. 257a

    la lugs gnyis te gzugs sku dang/ chos sku'o/ /dang po nyon mongs pa'i bdud bcom pa ni/ spang bya nyon mongs pa dang shes bya'i sgrib pa mdza' dag spangs pa'o/ /phung po'i bdud bcom pa ni zag bcas kyi phung po mi len pa tsam mo/ /lha'i bu bdud bcom pa ni rdo rje gdan spo la bdud btul ba'o/ /'chi bdag gi bdud bcom pa ni 'jig rten pa rtag tu re ba sun 'don pa'i don du/ lo brgyad cu thams pa la sku mya ngan las 'das pa la bram ze pu ka tos skye ba 'phyis nas/ dkar po'i chos ma shes nas/ des me tig utpa la lnga phul nas/ mya ngan las mi 'da' bar gsol ba btab pas/ lo gnyis de'i ngor bzhugs nas/ brgyad cu rtsa gnyis la mya ngan las 'das te/ tshe la dbang thob pas 'chi bdag gi bdud bcom mo/ /chos skus bdud bcom pa ni/ lha'i bu'i bdud dang/ nyon mongs pa'i bdud bcom pa 'dra'o/ /phung po'i bdud bcom pa ni zag bcas kyi dngos po thams cad 'gags pa'o/ /chos sku la 'gags pa med pas 'chi bdag gi bdud bcom pa'o/ /ldan zhes pa ni dbang phyug dang ni gzugs bzang dang/ dpal dan grags dang ye shes dang/ brtson 'grus phun sum tshogs pa ste/ drug po de la ldan zhes bya/ dbang phyug ces pa ni/ chos kyi dbyings kyi ye shes la bya ste/ dag pa'i khams dang/ ma dag pa'i khams gnyis las/ ma dag pa'i khams ni so so'i skye bo'i chos nyid de/ de la dmigs nas bsgoms nas thun mong dang/ thun mong ma yin pa'i yon tan skyed pa la dbang byed pas dbang phyug ces bya'o/ /dag pa'i khams zhes bya ba ni phyug po ? la dbang byed pa bzhin de bzhin gshegs pa'i rgyud la ldan pa'i yon tan la dbang sbyor ba'i tshul du dbang byed pas na dbang phyug ces bya'o/ /gzugs bzang zhes pa ni/ me long lta

  514. 257b

    bu'i ye shes la bya ste/ 'bras bu'i ming rgyu la btags nas/ gzugs bzang zhes bya'o/ /gzugs bzang ba ni mtshan sum cu rtsa gnyis dang/ dpe byad bzang po brgyad cus 'gro ba sems can rnams la mos pa ji lta ba bzhin du/ sangs rgyas kyi sku nges par bstan par mdzad pa ste/ kha cig gis de bzhin gshegs pa la kha dog sngon por mthong kha cig gis kha dog ser por mthong/ 'gro ba gangs shar 'du lam de dang der snang ba de ni me long lta bu'i ye shes kyi dbang gis byung bas na/ de la gzugs bzang zhes bya'o/ /de la gzugs bzang zhes btags pa'i dgos pa ni/ sems can la mtshan sum cu rtsa gnyis dang/ dpe byad bzang po brgyad cur snang ba de ni me long lta bu'i ye shes kyi dbang gis 'byung bar shes par dgongs so/ /dpal dang grags dang zhes pas ni nyon mongs pa can gyi yid gnas gyur pa mnyam pa nyid kyi ye shes la bya ba ste/ byang chub sems dpa' sa dang po mthong nas chos thams cad la bdag med par rtogs pa'i dus su/ bdag dang sems can thams cad la mnyam pa nyid kyi shes pa thob nas/ bdag sdug bsngal las thar par 'dod cing bde ba 'dod pa de bzhin du/ sems can thams cad kyi sdug bsngal bsal la bde ba la dgod pas na/ bde ba dang phan pa skyed par byed pa'i rgyu yin pas na dpal zhes bya'o/ /bdag dang gzhan mnyam por byed pas skyes bu 'di 'dra ba'i 'jig rten gyi khams na med de/ /zhes phyogs bcur snyan pa chen po dang/ grags pa phun sum tshogs pa 'byung bas na 'di la grags pa zhes brjod do/ /'bras bu'i ming rgyu la btags so/ ye shes zhes bya ba ni so sor rtog pa'i ye shes so/ /brtson 'grus phun sum tshogs pa zhes bya ba ni/ bya ba grub pa'i ye shes la bya ste/ 'jig rten gyi khams thams cad du sprul pa rnam pa sna tshogs pa dpag tu med pa bsam gyi

  515. 258a

    mi khyab pas sems can gyi don mdzad de/ des na byang thang chen po'i me dang 'dra gsung ngo/ /de drug gi skal ba dang ldan pas so/ /'das zhes bya ba ni 'khor ba dang mya ngan las 'das nas mi gnas pa'i mya ngan las 'das ba chen pos chas kyi sku thugs su chud pa dang/ snying rje chen pos sems can la chags pas phung po lhag med du mya ngan las mi 'da' o/ /shes rab chen pos sems can gyi don byed cing 'khor ba na gnas kyang 'di'i nyes pas mi gos te/ dper na pad+ma 'dam la gnas kyang de yis mi gos pa dang 'dra'o/ /de gnyis yod kyang gnas khyad par du 'phags pa zhig yod na gsung med na mi gsung ba na/ de de'i rgyu ru gsungs so/ /gnas gang du thos zhes 'di na/ rdo rje la bzhugs te/ zhes gsungs so/ /de nas gnas ni rdo rje'i gdan byang chub kyi shing drung ngo/ /de gsum ka yod kyang rgyud bshad pa'i snod du rung ba cig med na mi gsung ngo/ /yod gsung bas na/ de de'i rgyu ru gsung ngo/ /gang dang lhan cig thos zhes 'dri na/ bdag gis thos zhes gsung ngo/ /'khor ni bdud btul ba'i dus kyi tshe na yod pa'i phyag na rdo rje la sogs pa/ phyogs bcu'i byang chub sems dpa' rnams dang/ lha ma srin sde brgyad la sogs pa'o/ de bzhi ka yod kyang chos phun sum tshogs pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su dag pa yongs su byang ba/ yongs su rdzogs pa/ gsal ba/ tshangs par spyod pa la sogs pa cig yod na gsung/ med na mi gsung bas na de'i rgyu ru gsungs so/ /gleng gzhi gsungs pa'i dgos pa ni/ phyi rabs kyi gang zag rnams 'jug par 'gyur ba'i dgos pa'i rgyud 'byung ba'i rgyu gleng gzhi phun sum tshogs pa rkyen gleng slong ba dang bcas pa bshad zin to// //

  516. 258b

    de ni rgyud dngos ston te/ de la bzhi ste bsnyen sgrub rnams pa gnyis kyis sngon du 'gro ba'i cho ga yan lag drug gis bdag nyid ltar ltar ji ltar bskyed pa'i tshul bstan pa dang/ bsnyen sgrub gang gi don du bya ba'i gdul bya bstan pa dang/ bsnyen pa'i dus su mchog tu sgra la gnas pa'i bsam gtan la bcom ldan 'das dgyes pas/ sgra la gnas pa'i bsam gtan bya bar bstan pa dang/ sgrub pa'i dus su bum pa'i mtshan nyid bzlas brjod bya ba'i grangs nges pas khrus bya ba'i gang zag nye bar mtshon te bstan pa'o/ /de'i dang po las gcod dmigs drug yod de skabs skabs su ngo sprad do/ /gsang sngags spyi'i rnam par bzhag pa cig bshad de/ bsam gtan phyi ma las/ lha yi sku yi gnas de la/ /dang po kho nar mchod nas ni/ rnal 'byor gnas bcas shes rab can/ /bde gshegs mdun du bsam na ni/ /phyi nas yan lag rnam par grol/ /mi 'byed 'byed pa rnam par spangs/ /phra ba mi g.yo gsal ba ste/ /blo yi spyod pa mdun na gnas/ /bdag nyid 'di 'dra bzhag nas ni/ /gsang sngags rnam par shes pas bsgos/ /bsdams nas ting nge 'dzin la gnas/ /srog dang rtsol ba rab tu bsdus/ /gnyid spangs nas ni rnam par bsam zhes gsungs so/ /de yang lha'i drung nas mchod nas ni/ /bya ba'i bar tshig rkang gnyis kyis tshogs bsags pa bstan to/ /rnal 'byor bya ba bsams nas ni/ tshig rkang gnyis kyis ni/ 'dug thabs dang gsol ba gtab ste/ phyi nas bya ba nas bzhag nas ni bya ba'i bar gyis tshig rkang lnga las mi rtog pa'i lta bsgom pa bstan to/ /gsang sngags rnam par shes pas bsgos zhes pa ni bdag dang lha'i de kho na nyid bsre ba dang/ lha'i gzhi bsgom pa bstan to/ /bsdams nas ting nge 'dzin la gnas shes pa nas/ rnam par bsam bya ba'i tshig rkang pa gsum gyis ni ting nge 'dzin gyi lha bsgom pa

  517. 259a

    bstan to/ /sangs rgyas gsang sngags ni de de ltar gsal bar bsam gtan phyi ma'i TI kar gsung ngo/ /gzungs 'di dang sbyar na/ bcom ldan 'das bya ba nas/ byin gyis brlabs nas zhes pas lha drug sgom pa'i sngon du gsol ba btab pa bstan no/ /rdo rje'i ting nge 'dzin la snyoms par zhugs so zhes pas rnam par mi rtog pa'i lha bsgom pa bstan to/ /de nas lag na rdo rje zhes pa na/ rdo rje khro bo las byung/ zhes pas stong pa nyid las ldang ba'i thabs bstan to/ /rdo rje snying pos zhes pa nas/ lag na rdo rje rab tu smras zhes pas lha drug gi yon tan bstan to/ na mo ratna tra yA ya bya ba nas/ a mri ta hUM phaT ces bya ba'i bar du/ sgra'i lha dang yi ge'i lha bstan to/ /sdig pa thams cad byang byas nas bya ba nas/ dpal kun gyis ni legs par brgyan bya bas gzugs kyi lha bsgom bstan to/ /phyag rgya ting nge 'dzin gyi lha ni spyi rgyud las shes rab bya'o/ /de las gzungs 'di'i mngon rtogs kyi rim pa nyams su blang ba ni dang por phyi nang gi khrus rnam pa gnyis byas la/ ku sha'i steng du stan bde ba la nye bar 'dug ste/ de'i char gtogs pa/ 'thor 'thung dang nye rag byas la/ bdag nyid skad cig gis lha gang rung du bskyed la/ mig gnyis su ri las nyi ma'i dkyil 'khor re bsams la/ de'i steng du hUM las ye shes kyi 'od zer can re te bsams la/ de las 'od zer 'phros pas bgegs thams cad bsregs par bsams la/ ngag tu hUM rings brjod cing bgegs thams cad bskrad cing mtshams bcad pa dang/ nang gi khrus byang chub mchog tu sems bskyed pa la sogs byas la/ bdag nyid lha'i sku phyag rgya chen por bsgom par bya'o/ /de yang dang por kri ya don gyi lha drug bsgom par bya ste/ de la dang por

  518. 259b

    bdag nyid las kyi rdo rje sems dpa' 'am/ yang na tha ma la ba'i lus sam/ lha gang rung zhig tu mos pa byas la/ mdun gyi nam mkha' la bcom ldan 'das shAkya thub pa bdud btul nas sa gnon gyi phyag rgya can/ seng ge'i khri la bzhugs pa zhig tu skad cig gis bsams la/ bcom ldan 'das kyis bdag gi lus rdo rjer byin gyis brlab tu gsol zhes brjod pas/ des kyang bdag nyid kyi lus stong par byin gyis brlabs par bsam te/ dngos po thams cad gzung pa med pa/ 'dzin pa med pa/ spros ba thams cad dang bral ba nam mkha' lta bur bsam mo/ /de nas stong pa nyid zhim phyogs gcig pa 'ba' zhig gis 'gro ba'i don bya bar mi nus pa dang/ nyan thos dang rang rgyal ba'i byang chub dang khyad par med par song ste dogs nas/ bcom ldan 'das dang byang chub sems dpa' 'od zer raM phyag gis reg nas mngon sum du bslang ngam yang na de gnyis ting nge 'dzin la zhugs pa'i dbang gis/ bdag nyid stong pa nyid las bslang ngo/ gal te skur bslang ngo/ /gal te skur bslang ngam zhe na/ ma yin te/ stong pa nyid kyi sems rtse gcig pa'i rnam pa mdor ba la/ stong pa nyid kyi sems dpyod pa dang/ bcas pa cig tu bslang ngo/ /ji ltar dpyod na bdag gi de kho na nyid ni/ gzung ba med pa/ 'dzin pa med pa/ spros pa thams cad dang bral bar 'dug na/ lha'i de kho na nyid ji ltar 'dug par dpyad pas/ lha'i de kho na nyid de yang don dam pa'i spros pa thams cad dang 'bral bar 'dug par shes so /de ltar shes pas stong pa nyid kyi rnam pa la dbye ba med pas gcig cing tha dad pa med pa yin/ de med tsam na bdag dang lha'i de kho na nyid de yang gcig cing tha mi dad par 'dug /de ltar 'dug tsa na bdag gi de kho na nyid gang yin la/ lha'i de kho na nyid gang yin pa de bdag gi de kho na nyid yin par shes so/ /de shes pas rang dang lha'i de kho na nyid gcig cing tha mi dad par ro gcig

  519. 260a

    tu gyur par bsam mo/ /gcig cing tha mi dad par bsam pa de las yon tan gang thob na/ lha'i de kho na nyid la rang gi phun sum tshogs pa rdo rje'i chos bdun dang/ gzhan gyi phun sum tshogs pa de mdzad pa rnam pa bzhi yod pa de dag gi de kho na nyid la bsgos nas ldan par bsam mo/ /bdag dang lha'i de kho na nyid gcig tu bsres pas dgos pa gnyis 'byung ste/ bdag dang lha ru tha dad pa'i 'du shes kyang 'gog la/ bdag nyid kyi lus sems byin brlabs can cig tu byas te bzhag go/ rnam par mi rtog pa'i lha sgom pa rdzogs so// //da ni sgra'i lha bsgom par bya ste/ bdag nyid kyi sems stong pa nyid la gnas pa'i rjes/ skad cig ma gnyis pa la/ dper na nam mkha' stong pa la blo bur du 'brug gi sgra rnam pa drag po grags pa ltar bsams te/ rang gi sems nyid na mo ratna tra yA ya/ bya ba nas a mri ta hUM phaT bya ba'i bar du sgra'i rnam par grags bsam mo/ /sgra'i lha bsgom pa rdzogs so// //de nas rang gi sems yi ge'i rnam par gsum par snang ba la/ kun rdzob byang chub sems dpa' zla ba'i dkyil 'khor cig chags par bsam mo/ /dper na gsar phye ma dngul chu la chags ba bzhin no/ /de yang phyi nas bltas nang gsal ba/ nang nas bltas na phyi gsal ba'i gzugs brnyan gyi rnam par blta'o/ /yi ge'i lha bsgom pa rdzogs so// /de nas zla ba'i steng du gzugs las 'od zer 'phros pas/ de'i sna la bcom ldan 'das rdo rje rnam par 'joms pa dpag tu med pa/ nam mkha' mdza' gtugs pa khengs pa byung ste/ mdzad pa rnam pa bzhi'i sgo nas 'gro ba ris drug gi sems can rnams kyi gnas su 'phros pas/ so so'i las kyi sdig sgrib sbyangs/ sdug bsngal med par byas te thar pa dang thams cad mkhyen pa la bkod/ phyogs bcu'i sangs

  520. 260b

    rgyas dang/ byang chub sems dpa' rnams la/ mchod pa'i smin chen pos mchod/ thugs dam gyi rgyud bskul/ bsod nams dang ye shes kyi tshogs gnyis bsags nas slar tshur 'dus nas zla ba'i steng gi gzungs la thim/ gzungs zla ba dang bcas pa yongs su gyur pa las bdag nyid bcom ldan 'das dpal rdo rje rnam par 'joms pa/ zhal gcig pa/ phyag gnyis pa/ sku mdog sngon po/ phyag g.yas kyis rdo rje rgya gram las rwa phyogs gcig med pa bsnams pa thugs kar 'dzin pa/ g.yon pa rdo rje khu tshur dkur brten pa/ /cung zad khro bo la sgeg cing 'gyid bdag dang bcas pa/ dbu brgyan rtse phran dang/ rgyan thams cad kyis brgyan pa/ rin po che'i khri stengs na rgyal po rol ba'i tshul du bzhugs par bsgom mo/ /gzungs kyi lta bsgom pa rdzogs so// //de nas lag pa gnyis thal mo sbyar te/ srin lag gnyis nang du bcug la/ gung mo gnyis bsgreng la/ mdzub mo gnyis gung mo'i rgyab tu nas gang tsam gyis ma 'byar bar byas la/ the bong gnyis mthe'u chung gnyis bsgreng ste/ khro bo'i rdo rje rtse lnga pa ltar byas la/ oM badzra dzwa la ya ya twa zhes brjod cing/ snying ga dang/ lkog ma dang/ spyi bo dang/ dpung pa g.yas g.yon du btugs te byin gyis brlab bo/ /de ltar byas nas/ sngar kun brtags kyi lha yin pa bal/ des gzhan dbang gi lha rgyu rkyen las grub pa'i lha dngos cig tu bsam mo/ /phyag rgya'i lha rdzogs so// //de nas sku mdog dang phyag mtshan gsal bar yang dang yang du bsgom pa ni/ ting 'dzin gyi lha'o/ ting 'dzin gyi lha bsgom pa rdzogs so// //da ltar na kri ya lus kyi lha drug sgom pa rdzogs so// //yang na 'di ltar bya ste/ phyag rgya zhes bya ba ni/ mtshan ma yang zer la/ lag pa'i 'du byed la yang phyag rgya zer te/ de ltar gnyis su yod pa

  521. 261a

    las/ 'di'i skabs su mtshan ma'i dbang du byas nas phyag rgya'i lha lnga la gnyis pa'i skabs su bsgom par bya ste/ bdag dang lha'i de kho na nyid bsre ba yan chad 'dra'o/ /bdag dang lha'i de kho na nyid bsres pa'i rjes la/ bdag nyid kyi sems don dam par byang chub kyi sems las/ kun rdzob byang chub kyi sems zla ba'i dkyil 'khor du bsam mo de'i steng du yi ge hUM mthing ga gcig bsam/ de las 'od zer 'phros 'dus pa las/ khro bo rdo rje rtse lnga pa rtsa mo gyes ba cig nag po zhig tu bsam mo/ /de'i ste ba la zla ba'i dkyil gyi steng du gzungs rings sam/ yang na snying ngam/ rigs kyi snying po bkod la/ de nas bdag nyid kyi sems sgra'i rnam par grags par bsams te/ nam mkha' la la na mo rat na tra yA ya bya ba nas/ a mri te hUM phaT bya ba'i bar du/ sgra'i rnam par grags par bsam mo/ /sgra'i lha bsgom pa rdzogs so// //de'i rjes la bdag nyid kyi sems de'i lte ba'i steng na gzungs sngags yi ge'i rnam par gsal bar snang ba ni yi ga'i lha'o/ /gzungs kyi lha gong dang 'dra'o/ /bar 'dir yang phyag rgya gnas lngar byin gyis brlab gsung ngo/ /de ltar byas pas/ lha bdun du zhen ma yin te phyag rgyar ngo bo gcig pa'i phyir ro/ /rnam par rtog pa'i lha yang snga ma dang 'dra'o/ phyag rgya dang ting nge 'dzin gyi lha ni/ spyi'i rgyud las kha bskangs ba las bye brag gi rgyud 'di nas ni ma bshad do/ /kri ya'i don gyi lugs rdzogs so// //yang 'di ltar bya ste/ 'di ni shin tu yang lags te/ bla ma yang gsung/ rang gi 'dod pa dang yang mthun par 'dug pas na/ des na 'di ltar bsgom par bya ste/ bcom ldan 'das skad cig gis mdun gyi nam mkhar bsams te/ rang yi dam lha gang yin pa de'i lus su byin gyis rlob par gsol ba gdab par bya'o/ /de la gsol ba

  522. 261b

    gdab ba ni 'di? yin te/ bcom ldan 'das bdag gi lus lha gang yang rung bar byin gyis brlab tu gsol byas la/ snying ga dang ngag dang/ mig dang/ dpral ba dang/ spyi bor/ a dang/ b+hi dang ra dang/ hUM dang/ khaM ste/ dpa' bo 'bru lngar byin gyis brlabs par bya'o/ /yang na oM A(rgyud 'grel): hUM gsum gyis byin gyis brlab par byas nas/ bdag nyid kyi lus dang/ lha ru dbyer mi phyed pa cig tu bsam mo/ /yang na rdo rje lus can nam? mi chod pa la sogs pa'i yon tan dang ldan par bsam mo/ /byin brlabs dang po ni/ bya ba'i rgyud kyi lugs so/ /de ltar byas nas bdag nyid lha gang yang rung ba'i thugs kar zla ba'i dkyil 'khor zhig bsam/ de'i steng du hUM mthing nag zhig bsam/ de las 'od zer 'phros 'dus pa las/ khro bo'i rdo rje rtse lnga pa gdengs pa nag po cig tu bsam mo de'i lte ba la zla ba'i steng du sa bon gyi yi ge bkod la/ khro bo'i rdo rje de la dmigs pa rtse gcig tu sems gtad de cung zhig mnyam par bzhag pa de ni rdo rje'i ting nge 'dzin to/ /de nas rdo rje'i ting nge 'dzin la snyoms par zhugs so zhes gsungs so/ / 'o na gal te bdag nyid lha gzhan zhig tu bsgoms nas/ mdun du lha gzhan zhig bsgoms nas bzlas brjod byed pa ni 'gal lam zhe na/ de ni 'gal ba med de/ mi g.yo ba'i rtog pa las kyang bdag nyid khro bo mi g.yo bar bsgoms la/ mdun du shAkya thub pa bsgoms la/ de gnyis kyi thugs kar yi ge 'bru bcu pa'i sngags bkod la bzlas brjod bya'o zhes gsungs pa dang/ ngan song spyod ba'i rgyud las kyang/ bdag nyid yi ge ba las shAkya thub par bsgoms la/ mdun du ngan song yongs su sbyong ba'i gzi brjid kyi rgyal po bsgoms la/ de'i thugs kar zla ba'i dkyil 'khor la sho d+ha na la sogs pa'i sngags bsams la/ 'od zer 'phro 'dus bzlas brjod bya'o/ /zhes gsungs pa dang/ gces pa bsdus pa las kyang cho ga 'di

  523. 262a

    bzhin du rdzogs par bya bar mi bden yang/ rang gi lha nyid kyi ting nge 'dzin bsgyur ba las dgongs pa mnyam par bya ste/ mchod rten dang mchod pa'i cha byad la sogs pa thams cad/ rang bzhin gyis chos kyi dbyings kyi rnam par dgongs te/ mchod rten la yang cho ga rgyas par bya ba dang 'gal ba med do zhes gsungs pa dang 'dra bar 'gal ba med do/ /de ltar bdag gi cho ga yan lag drug gis lhar bskyed pa rdzogs nas/ gzhal yas khang skyed pa dang bum pa'i nang du gdan bskyed pa dang/ ye shes sems dpa' spyan drang ba dang/ de nas lha'i phyi nas 'ongs pa'i bgegs dang kI li kI li sngags kyis bskrad pa dang/ rig pas mnyes par bya ba'i phyir dam tshig gi phyag rgya bstan pa dang/ gdan bstan pa dang/ bye brag tu spyan drang gam 'khrul bar bya ba'i phyir nyid kyi rtsa ba'i phyag rgya bstan pa dang/ de nas mchod pa rnam pa rim pa bzhin du dbul ba dang/ de nas bgegs dang phyogs skyong la gtor ma byin nas/ de nas bzlas pa byas te/ bsnyen pa'i dus su sgra la gnas pa'i bsam gtan bya'o/ /sgrub pa'i dus su bzlas brjod dmigs pa gsum dang/ yan lag bzhis bya'o/ de yang nor bu lag pa g.yas pas blangs la/ snyim par bcug la/ bdud rtsi thab sbyor ba'i sngags bzlas la/ de'i 'og tu yum gyi sngags bzlas so/ /nor bu re re nas drang zhing mgo 'jug tu yang phyag bya'o/ /rang gi snying ka na gnas pa'i zla ba'i dkyil 'khor dang/ lha'i thugs ka'i zla ba'i dkyil 'khor la/ rang gis bzlas par bya'o// sngags kyi yi ge rim bzhin du bkod nas/ mngon sum dang 'dra bar bltas te/ rdo rje'i tshig gam/ shu bu'i sbyor bas/ ha cang mi myur med la bar sngags kyi yi ge brjod cing bzlas brjod bya'o/ /de yang rtsa ba'i rgyud las 'di skad

  524. 262b

    ces/ /blo la skyon med byas nas su/ /sngags kyi yi ge dag pa la/ /mnyam par bzhag pas rtse gcig tu/ /bzlas brjod dus gsum dag tu bya zhes gsungs so/ /de la 'di ni tshig yin te/ so dang mchu ni legs sbyar te/ /lce rtse ha cang mi bskyod par/ /sgra spangs pa ni rdo rje'i tshig /cho ga kun la sbyar bar bya'o/ /shub bu'i bzlas brjod ni/ 'di ltar bdag nyid sngags kyi yi ge 'don pa na/ drung na 'dug pa sus kyang mi thos pa tsam du bya'o/ /rtog pa dran pa rnams bsal te/ /yid kyis gsang sngags mtshan nyid ni/ /yang nas yang du mngon bsams te/ mkhas pas bzlas brjod brtsam par bya/ /bzlas brjod byed tshe ming la mi myur zhing/ /sgra che ma yin ha cang chung pa'ang min/ /smra bzhin ma yin gzhan du yengs bzhin min/ /gug skyed klad kor tsheg drag par nyams min/ /tshul ni de ltar byas na yon tan ni/ /bzlas brjod me la tshul khrims rlung gis sbar/ /brtson 'grus chen po'i me lces bskal pa'i sdig dpung bsreg /bskal pa grangs med 'das pa'i sngon rol nas/ /mtshams med lnga la sogs te mi dge bcu spyad pa'i/ /sdig pa gang yin bzlas brjod byas pas 'byang par byed ces 'byung ngo/ /gsang sngags dngos su bdag nyid 'don kyang/ lha'i skus 'don par bsam mo/ /bzlas brjod tshar re zhing spro bsdus sems can gyi don byed cing bzlas so/ /yang na rdo rje'i lte ba'i sa bon la/ 'od zer/ kha dog lnga dang lha'i sku dpag tu med cing bsam gyis mi khyab par spros pas/ bgegs dang log 'dren thams cad dang/ mngon par zhen pa thams cad bsregs par? bsam zhing lha'i sku de tsho'i zhal nas gsang sngags 'don tsam na/ de rnams kyi rna bar rgyob rgyob sod sod zer bar thos par bsam mo/ /de ltar bzlas brjod zin nas/ bstod pa'i rgyal po gang yang rung bar bstod do/ /de nas khrus la sogs pa khrus kyi cho ga las

  525. 263a

    shes par bya'o/ /de nas ye shes sems dpa' gshegs su gsol la/ rang lha'i nga rgyal gyis gnas par bya'o/ /spyi rgyud thams cad kyi sgom pa'i lugs rdzogs so// //spyi'i rgyud kyi rnam par bzhag pa dang/ mngon rtogs lam gyi rim pa rdzogs so// //dang por bdag nyid chos drug gi lhar bskyed pa'i sngon du ji ltar byin gyis brlabs pa'i gsol ba gdab pa'i thabs bstan pa ni/ bcom ldan 'das zhes pa ni/ mtshan gyi don gyi skabs su bshad pa dang 'dra'o/ /rdo rje la bzhugs zhes pa ni/ de bzhin gshegs pa'i gnas de la rdo rje zhes pa ni/ dper na rdo rje pha lam la/ 'byung ba chen po lngas gnod par bya bar mi nus pa de bzhin du de la me bdun chu gcig gis bshig par mi nus pas na/ rdo rje zhes gsungs so/ /rdo rje la bzhugs te zhes bya ba ni/ kri ya spyi'i rgyud las bzhugs tshul gsum ste/ bkra shis pa'i skyil krung dang/ pad+ma'i skyil krung dang rdo rje'i skyil krung dang/ gsum las 'di ni rdo rje'i skyil krung du bzhugs pa'o/ /yang na rdo rje la bzhugs te zhes bya ba ni/ bzhugs pa rnam pa bzhi ste/ spyod lam gyis bzhugs pa dang/ 'chad pas bzhugs pa dang/ snyom par 'jug pas bzhugs pa dang/ nang du yang dag 'jog gis bzhugs pa'o/ /sku'i phrin las su bgrangs pa gang yang rung ste/ de dag thams cad ni spyod lam gyis bzhugs pa'o/ /gsung gi phrin las gang ci yang rung ba de dag thams cad ni chos 'chad pas bzhugs pa'o/ /thugs kyi phrin las gang ci yang rung ba de dag thams cad ni de dag las bzhugs pa gnyis te/ rtag tu mnyam par bzhugs pa'i phyir ting nge 'dzin dang/ snyoms par 'jug pa'i bzhugs pa'o/ /nang du yang dag 'jog gis bzhugs pa ni/ thugs rje chen pos 'jig rten la gzigs pa dang/ lha la sogs pa

  526. 263b

    'od ba ni nang du yang dag 'jog gis bzhugs pa'o/ /zhes pa ni gdan de la bzhugs te/ gzungs 'dis bdud btul nas chos kyi 'khor lo bskor ba la sogs pa byed ces pa'i don to/ /bdud ji ltar btul na/ bcom ldan 'das kyis srod la bdud btul nas/ phyag g.yas pa lan gnyis su mnyam bzhag gi phyag rgya bshig ste/ lan cig bdud kyi dmag byung ste/ phyag spyi bo la bskor bas ral gri me chen po mched/ rab tu mched kun tu mched pa cig tu bdud rnams kyis mthong ste bdud kyi dmag pham bar byas so/ /lan cig bdud kyis ngan smras byas nas/ khyod yang dag par sangs rgyas ma yin te/ brdzun bo'i sangs rgyas yin te/ sangs rgyas pa la bskal pa grangs med pa gsum gyi bar du tshogs rnam pa gnyis kyang bsag dgos la/ sa bcu yang mthar phyin dgos so zer ro/ /de ltar byas so gsungs pas 'o na khyod la che bzhi dang/ dpang po su yod zer/ de'i tshed la che bzhi dang dbang po sa chen po 'di yod zhes gsungs te/ phyag g.yas pas lan cig brdabs pas/ sa bsebs nas sa'i lha mo sku lte ba yan chad 'thon te/ bcom ldan 'das med do/ /bde bar gshegs pa mad do/ /brdzun gyi sangs rgyas ma yin te/ yang dag pa'i sangs rgyas yin te/ sa chen po 'di'i steng du tshogs rnam pa gnyis kyang bsags so/ /bskal pa grangs med pa gsum gyi bar du'o/ /sa bcu yang rim gyis bgrod de/ mthar phyin par byas zer ro/ /des na bcom ldan 'das sa gnon gyi phyag rgya can cig bsam mo/ /sangs rgyas kyi mthus zhes pa ni/ byin gyis brlabs kyis so/ /lag na rdo rje zhes pa ni/ lag na rdo rje thogs pas na lag na rdo rje'o/ /de yang ye shes rnam pa lnga gsang ba'i thig les 'dzin pas na rdo rjer bshad do/ /yang na lag na rdo rje zhes bya ba ni/ kun tu bzang po

  527. 264a

    la gsang ba dang/ ming gi dbang bskur ba'i don du/ lho phyogs kyi grong khyer chen po ru/ rin po che sna tshogs las grub pa'i gzhal yas khang chen po zhig mngon par sprul te/ bcom ldan 'das rdo rje 'chang chen pos phyogs bcu'i de bzhin gshegs pa thams cad dang thabs gcig tu mos te/ phyogs bcu'i de bzhin gshegs pa'i ye shes thams cad gcig tu bsdus te/ ye shes kyi rdo rje rtse lnga pa zhig tu byin gyis brlabs te/ kun tu bzang po'i lag tu gtad pa tsam gyis gsang ba'i dbang thob ste/ de bzhin gshegs pa'i sku gsung thugs kyis gsang ba dpag tu med cing/ bsam gyis mi khyab pa bstan mi dgos par dus gcig tu skad cig la rtogs pas gsang ba'i dbang thob bo/ /de'i mod la brgya byin la sogs pa'i gnas su/ byang chub sems dpa' kun tu bzang po ni phyag na rdo rjer gyur to/ /zhes bya ba'i sgra byung ste/ de'i mod la de rnams kyis kyang/ mchod pa'i tshogs chen po khyer nas 'ongs te/ mchod pa chen pos mchod do/ /des ming gi dbang thob pa'i rtags su lag tu rdo rje gtad bas kyang lag na rdo rje zhes bshad do/ /lus thams cad ces bya ba ni/ de'i dus na'o/ /da ltar ni sgrub pa po 'am las kyi rdo rje sems dpa' 'am/ yi dam gyi lha gang yang rung bar rdo rjer byin gyis brlabs nas zhes pa ni stong pa nyid du byin gyis brlabs nas/ rnam par mi rtog pa'i lha bsgom mo zhes pa'i don to/ /des ni cho ga yan lag drug gis bdag nyid lhar bskyed pa'i sngon du ji ltar byin gyis rlob pa'i gsol ba gdab pa'i thabs bstan pa'o/ /da ni bdag gi de kho na nyid rnam par mi rtog pa'i lha bsgom pa'i zhar la 'byung ba ldang ba'i thabs dang bcas pa bstan te/ de yang rdo rje'i ting nge 'dzin la snyoms par zhugs so/ /zhes gsungs te/ zhes pa ni chos

  528. 264b

    kyi sku stong pa nyid do/ /ting nge 'dzin zhes bya ba ni/ stong pa nyid kyi dmigs pa sems rtse gcig tu yang nas yang du gtod par byed pas ting nge 'dzin te/ /rdo rje'i ting nge 'dzin zhes gsungs pa ni/ stong pa nyid kyis ting nge 'dzin de la mngon par zhen pas/ dbyer mi phyed pas rdo rje'i ting nge 'dzin to/ /yang na stong pa nyid dang bdag nyid kyi yang dbyer med pas na yang rdo rje'i ting nge 'dzin to/ /de yang rdo rje'i ting nge 'dzin zhes bya ba ni/ bshad lugs dang po dang gnyis pa'i skabs su ni/ rnam par mi rtog pa'i lha bsgom pa la bya'o/ /bshad lugs tha ma'i skabs su rang lha gang rung du bskyed pa'i thugs kar zla ba'i dkyil 'khor gyi steng du/ hUM yig bltas te de 'phro 'du las/ khro bo'i rdo rje rtse lnga pa lte ba la hUM gis mtshan pa zhig bsams la/ de la dmigs pa rtse gcig tu yang nas yang du sems gtad nas/ cung zhig mnyam par bzhag pa ni rdo rje'i ting nge 'dzin to/ /snyoms par zhugs so/ /zhes bya ba ni stong pa nyid bsgoms pa'i gnas skabs na/ bying rgod kyi rnyog ma dang bral nas 'dod chags pa'i nyon mongs rnams mi 'byung bar rgya mtsho chen po ltar dang ste/ ma snyoms pa med de/ snyoms par gnas so/ /de nas rdo rje'i ting nge 'dzin la snyoms par zhugs so/ /zhes gsungs so/ /de nas zhes pa ni/ stong pa nyid bsgoms pa'i rjes de nas zhes pa'o/ /lag na rdo rje zhes pa ni/ gong dang mthun no/ /sangs rgyas kyis mthus zhes pa ni/ dngos su 'od zer ram/ phyag gis reg pa 'am/ se gol gyi brdas blang ba'o/ /sangs rgyas dang byang chub sems dpa' thams cad kyi byin gyis brlabs kyis zhes pa ni/ de gnyis ting nge 'dzin la snyoms par zhugs pa'i dbang ngam stobs kyis/ bdag nyid ting nge 'dzin las bslang pa'o/ /dper na sa bcu'i byang chub sems dpa' stong pa nyid kyis bde ba la chags pas/ sems

  529. 265a

    can gyi don bya ba mi nus pas/ phyogs bcu'i de bzhin gshegs pa rnams kyis 'od zer gyis bskul nas/ stong pa nyid las bslang nas sems can gyi don byed du bcug pa bzhin no/ /rdo rje khro bo zhes pa ni stong pa nyid kyi ting nge 'dzin la rdo rje khro bo zhes btags nas bshad do/ /'o na stong pa nyid de la rdo rje khro bo zhes btags pa ci'i phyir zhe na/ de ni de dang chos mthun pa yod de/ 'dogs pa'i rgyu mtshan ni 'dra ba rgyu mtshan du byas nas/ chos kyi sku stong pa nyid la rdo rje khro bo zhes bshad do/ /yang na khro bo rdo rje dngos la khro bo zhes bshad do/ /de yang dper na rdo rje rin po che pha lam des phar la ni rin po che thams cad 'bigs shing 'joms la tshur la ni gnod par mi nus pa dang/ khro bo rdo rje gshin rje gshed la sogs pas kyang phar la ni dngos po dang mtshan ma'i rnam par rtogs pa thams cad 'jig cing 'joms/ tshur la ni gang gis kyang gnod par mi 'gyur ba bzhin du chos kyi sku stong pa nyid des kyang phar la dngos po dang/ mtshan mar 'dzin pa'i mdza' dang bdag dang gzhan gyi mdza' dang/ rtag pa dang chad pa'i mdza' dang/ gzung ba dang 'dzin pa'i mdza' dang/ yod pa dang med pa'i mdza' thams cad 'jig cing 'joms la/ tshur la ni gang chos kyi stong pa nyid la gang gis kyang bshig cing 'joms par mi nus pas na khro bo zhes bshad do/ /de yang bshad lugs dang po'i skabs su/ stong pa nyid kyi ting nge 'dzin la rdo rje khro bo zhes bshad do/ /bar pa'i skabs su thugs mtshan rdo rje khro bo zhes bshad do/ /bshad lugs tha ma'i skabs su ni/ bdag nyid thugs kar yi ge hUM gi spro bsdu las/ khro bo'i rdo rje rtse gcig pa bsam pa la/ rdo rje khro bo zhes bshad do// //las byung ba zhes pa ni dang po'i skabs su/ de kho na nyid bsre ba la sogs

  530. 265b

    pa ste/ snga ma'i stong pa nyid la mnyam par bzhag pa'i sems las/ stong pa nyid spyod pa dang bcas pa'i sems bdag dang lha'i de kho na nyid bsre ba'i sems phyi ma byung ba'o/ /bar pa'i skabs su sgra'i lha bsgom pa la sogs pa byung ba'o/ /tha ma'i skabs su bdag nyid kyis rdo rje'i ting nge 'dzin la snyoms par zhugs pas nye bar len pa'i rgyu byas nas/ sangs rgyas dang byang chub sems dpa' i byin gyis brlabs kyis lhan cig byed pa'i rkyen byas te/ khro bo rdo rje lte ba'i yi ge las/ 'od zer kha dog sna lnga pa dang lha'i sku dpag tu med cing bsam gyis mi khyab pa nam mkha' i khams khengs pa byung ngo/ /byung nas ci mdzad ce na 'phags pa mchod pa dang/ sems can gyi don byed do/ /des na bdag gi de kho na nyid rnam par mi rtog pa'i lha bsgom pa/ ldang ba'i thabs dang bcas pa bshad zin to// //da ni lha drug gi yon tan rang dang gzhan gyi don phun sum tshogs pa bstan pa'i rjes la/ bdag dang lha'i de kho na nyid bsres pa las/ lha drug gi yon tan phun sum tshogs pa gang thob pa bstan te/ yon tan ni gnyis te rang gi don phun sum tshogs pa rdo rje'i chos bdun dang gzhan gyi don phun sum tshogs pa mdzad pa rnam pa bzhi bstan pa'o/ /de yang rdo rje snying pos rab tu smras te zhes pa ni/ stong pa nyid dang snying rje dbyer med pa la bya ste/ rdo rje ni stong pa nyid do/ /snying po ni snying rje chen pos sems can la chags nas mya ngan las 'das pa'i mdza' la mi gnas pa'o/ /yang na snying po zhes bya ba ni/ rim pa du ma'i nang na 'dug pa la yang zer la/ 'bras bur gyur pa la yang zer la/ mchog tu gyur pa la yang zer ba las/ 'dir ni mchog tu gyur pas na snying po zhes gsungs te/ ji ltar mchog tu gyur na/ zhi bas mi thul ba'i 'gro ba rnams la/ khro bo'i skur sprul nas kyang 'dul bar byed do/ /de yang rgyud las/ shin tu khro zhing

  531. 266a

    gtum pa la/ /zhi bas phan par mi 'gyur te/ /shes rab thabs kyi rnal 'byor las/ /khro bor de bzhin gshegs kun mdzad ces gsungs so/ /yang na mchog tu gyur pa ni/ rig sngags dang gsang sngags gzhan kho na las mchog tu gyur te/ gsang sngags kyi mthu chen po 'dis ni rig sngags la sogs pa gzhan thams cad bcad pa dang/ mnan par yang nus la rig sngags la sogs pa gzhan gyis gcad pa la sogs pa byas pa las kyang grol bar byed pa dang/ bdag nyid la rig sngags gzhan gyis gcad pa la sogs pa bya bar mi nus pas na yang/ mchog tu gyur pa'o/ /'o na rdo rje snying pos smras so mi gsung bar smras te/ gsungs pa 'gul lam zhes na/ te zhes ni sgra rnam pa gnyis la 'jug pa las/ 'dir tshig gi lhag ma lus pa'i sgra yin te/ tshig gi lhag ma gang yin zhe na/ tshig gi lhag ma ni yon tan phun sum tshogs pa rnam pa gnyis ston pa'i sgra'o/ /yon tan rnam pa gnyis pa ni/ rang gi don phun sum tshogs pa rdo rje'i chos bdun dang/ gzhan gyi don phun sum tshogs pa mdzad pa rnam pa'i'o/ /rdo rje'i chos bdun ni mi chod par bya ba nas/ thams cad du ma pham pa bya ba'i bar du'o/ /mdzad pa rnam pa bzhi ni/ drag po dang/ dbang dang/ rgyas pa dang/ zhi ba'o/ /de'i dang po drag po'i mdzad pa ni/ sems can thams cad skrag par byed pa dang/ bya ba nas/ gdon thams cad rlag par byed pa/ bya ba'i bar du tshig rkang brgyad kyis bstan to/ /dbang gi mdzad pa ni 'byung po thams cad 'gugs par byed pa/ rig sngags kyi las thams cad byed du 'jug pa zhes pa'i tshig rkang gnyis bstan to/ /rgyas pa'i mdzad pa ni/ ma grub pa thams cad grub par byed pa/ bya ba nas/ rgyas pa bya ba'i tshig rkang pa bzhis bstan to/ /zhi ba'i mdzad pa ni/ sems can

  532. 266b

    thams cad srung ba/ zhi bar bya ba'i bar du tshig rkang gnyis kyis bstan to/ /rmugs par byed pa dang/ rengs par byed pa gnyis ni snga ma'i brgal lan gyi sgo nas bshad pa yin no/ /yang rgol te/ gsang sngags spyi'i rgyud kyi lugs kyis rnam par mi rtog pa'i lha bsgom pa'i rjes la/ sgra'i lha bsgom pa la sogs pa ston pa yin no/ gzungs 'di'i nang du rnam par mi rtogs pa'i lha sgom pa'i rjes la/ sgra'i lha sgom pa mi ston pa/ lha drug gi yon tan phun sum tshogs pa gsungs pa ci las dgongs she na/ de ltar gsungs pa'i dgongs pa ni/ rnam par mi rtogs pa'i lha de yon tan phun sum tshogs pa gnyis dang ldan pa bzhin du/ sgra'i lha na mo ratna tra yA ya/ bya ba la sogs pa gzhan yang yon tan phun sum tshogs pa gnyis dang ldan par shes par bya ba'i don rnam par mi rtog pa'i lha bsgoms pa'i rjes la/ lha drug gi yon tan phun sum tshogs pa rnam pa gnyis gsungs kyi sgra'i lha/ na mo ratna tra yA ya/ bya ba la sogs pa lha gzhan bsgom pa la sogs pa ni/ de la dgongs pa'o/ /yang na bdag dang lha'i de kho na nyid bsres pa las/ lha drug la yon tan gnyis dang ldan pa de'i/ bdag gi de kho na nyid la ldan par shes par bya ba'i don du/ rnam par mi rtog pa'i lha bsgoms pa'i rjes la/ lha drug gi rang dang gzhan gyi yon tan rnam pa gnyis gsungs kyi/ sgra'i lha la sogs pa ma gsungs pa ni/ de la dgongs pa'o/ /de la rdo rje'i chos bdun ni/ mi chod pa bya ba nas/ ma pham pa bya ba'i bar du/ tshig rkang bdun gyis bstan te/ chos kyi sku stong pa nyid de la skye ba'i sdug bsngal gyis mi gnod pas na/ mi chod pa zhes gsungs so/ /rgas pa'i sdug bsngal gyis mi gnod pas na mi shigs pa zhes

  533. 267a

    gsungs so/ /na ba'i sdug bsngal gyis mi gnod pas na/ bden pa zhes gsungs so/ /'chi ba'i sdug bsngal gyis mi gnod pas na sra ba zhes gsungs so/ /chos kyi sku stong pa nyid de la dus dang/ gnas skabs thams cad 'khor ba dang/ sdug bsngal gyis mi gnod pas na/ brtan pa zhes gsungs so/ /mtshan ma 'am dngos po thams cad 'joms pas na/ thams cad du thogs pa zhes gsungs so/ /chos kyi sku stong pa nyid de la 'khor ba'i sdug bsngal gyis mi gnod pa la/ dngos por lta ba'i mtshan ma thams cad 'joms pas thams cad du ma pham pa zhes gsungs so/ /des ni rang gi don phun sum tshogs pa rdo rje'i chos bdun bshad zin to/ /da ni gzhan gyis don phun sum tshogs pa bzhi'i mtshan nyid bshad par bya ste/ de yang dang po drag po'i mtshan nyid bshad de/ sems can thams cad dang ces pa ni rgya gar gyi sgra las grangs nas/ sarba ma nu shA zhes bya ba ste/ snod kyi 'jig rten ji tsam khyab pa thams cad/ bcud kyi 'jig rten gyis kyang khyab pas skye 'gro'i srog gis bsdus pa'i sems can thams cad la bya'o/ /skrag par byed pa zhes bya ba ni/ gsang sngags bdag med kyi don ston pa 'di bsgrags pas/ sems can thams cad 'jigs pa dang/ bag tsha ba dang/ spu zing zhes bya ba dang/ yid mi dga' ba la sogs pa byas pa'i sgo nas/ sangs rgyas kyi bstan pa la 'dzud do/ /dper na bdud rnams bstan pa la 'dzud pa'i don du bcom ldan 'das kyis phyag na rdo rje la bka' bsgo ste/ bcom ldan 'das dang phyag na rdo rje ri rab ri'i rtse mo khang bu rtsegs pa'i nang du/ phyed krung du bzhugs pa'i zhabs g.yas pa'i mthe bong dang/ smin mtshams gnyis

  534. 267b

    nas/ khro bo shin tu gtum pa gsum sprul te/ bdud kyi khang par btang ste/ khro bo de gsum gyis ba spu'i bu ga nas 'od zer bkye ste/ de rnams kyi khang par me rab tu 'bar kun tu 'bar/ shin tu 'bar bar byas/ de rnams kyi lus shin tu nyam dmad par byas nas/ sdug bsngal chen po dang ldan par byas pas/ de rnams na re rgyu dang rkyen med par gzhal med khang 'di dag mi g.yon/ 'di su'i rdzu 'phrul dang/ cho 'phrul yin/ bdag cag gis blta gor ma chags snyam ste/ bltas pas lha'i bu de rnams la mngon par shes pa yod pas gau ta mas khang bu rtsegs pa'i gzungs gsungs pa'i cho 'phrul yin par mthong ste/ gau ta ma thugs rje chen po dang ldan pa yin/ de la skyabs tshol du 'dod zer te/ gau ta ma'i drung du 'dod zer nas/ gau ta ma'i drung du phyin te/ thugs rje chen po dang ldan pas bdag bskyab tu gsol byas pas/ ngas bskyab par mi nus pas phyag na rdo rje la skyabs su song zhig gsungs pa dang/ de rnams kyis de'i drung du phyin te/ bdag cag bskyab tu gsol byas pas/ ngas bskyab par mi nus pas/ ngas sprul pa'i khro bo gsum yod pas/ de'i drung du song zhig gsungs pa dang/ de gsum gyi drung du phyin pa dang/ bdag cag la bskyab tu gsol zhes zhus pa dang/ ngas bskyab par ga la nus kyis/ dkon mchog gsum la skyabs su song zhig /sangs rgyas kyi bstan pa la bar gcod pa mi byed par khas long zhig /byang chub tu sems bskyed cig /sdug bsngal las thar bar 'gyur ro/ /byas pa dang/ de rnams kyis mgrin cig tu dkon mchog gsum la skyabs su 'gro ba yang byas/ sangs rgyas kyi bstan pa la bar chad mi byed par khas blangs so/ /byang chub tu yang sems bskyed do/ /de ltar byas pas sdug bsngal las thar ro/ /de ltar byas pa'i sgo nas

  535. 268a

    bstan pa la gtsud pa bzhin du/ thams cad skrag par byed pa'i sgo nas/ sems can gyi don byed do/ /yang na gsang sngags kyi mthu chen po 'dis las sngags dang sbyar te/ drag po'i las la sbyor bas na/ sems can thams cad skrag cing 'jigs pa dang/ sdangs par 'gyur te/ dper na gcan gzan gyi rgyal pos sgra bsgrags pas gcan gzan phra mo thams cad skrag par byed pa sems lta bu'o/ /sems can thams cad 'jil bar byed pa zhes pa ni/ bdag nyid la rgyal po'i chad pa dang/ bdud dang log 'dren gyi gnod pa byed du 'ong ba'i sbyor ba brtsams pa thams cad rtse 'jil bar byed pa'o/ /yang na gsang sngags kyi mthu chen po 'dis las sngags dang sbyar te/ drag po'i las sbyor byas nas/ rgyal po'i chad pa la sogs pa dang/ bdud dang mu stegs kyi don la bya bar sems pa'i shes pa thams cad phyir nur nas/ shes pa rtse 'jil bar 'gyur ba ste/ dper na de bzhin gshegs pa'i 'od kyis lha rnams kyis 'od mog mog por byas te/ rtse 'jil blta buAm/ 'khor lo sa sgyur ba'i rgyal po'i dmag gi dpung 'joms pa lta bu'o/ /rig sngags thams cad ces pa ni/ /lha mo'i sku mdog dang/ gzugs dang/ dbyibs kyi lha dang/ de'i ston pa'i sgra dang/ phyag rgya la sogs pa'o/ /gcod par byed pa zhes pa ni/ de sbyin sreg gi sgo nas gcod par byed pa ste/ de yang gzhan gyi rig sngags gro ga 'am shing shun la bris te/ thab khung gru gsum mdza' ma zlum po nag po byas la/ de'i nang du tsher ma can gyi shing la me btang la/ me lha shin tu khro ba zhig spyan drangs te/ de la gzhan gyi rig sngags la sogs phul la/ de'i thugs kar lha'i pho brang bcas la/ me'i lha khan mar la brgyud nas lha la phul te/ gzhan gyi rig sngags dbur mo'i ral gris gtubs te/ dug chur nas me ru bsreg cing/ oM badzra dzra lA na

  536. 268b

    yA che ge mo'i rig sngags ts+tshinda ts+tshinda/ mA ra ya hUM phaT/ ces brjod cing me'i nang du bsreg go /de ltar lan nyi shu rtsa gcig gam/ lan brgya rtsa brgyad du sbyin sreg gi las byas na/ gzhan gyi rig sngags bcad par 'gyur ro/ /yang na gsang sngags kyi mthu chen po 'dis/ las sngags dang sbyar te/ drag po'i las sbyin sreg byas na/ gang bcad par bya ba de thams cad nye bar grub par 'gyur te dper na/ skyes bus mtshon rnon po la legs par ma gzung ba lta bu'o/ /rig sngags thams cad ces pa ni/ gong dang 'dra'o/ /gnod par byed pa zhes pa ni/ rig sngags mnan par bya ba'i don te/ de yang rig sngags gro ga la sogs pa la ldong ros kyis bris te/ dril la skud pa ser pos dkris te/ rdo leb gnyis la rdo rje rgya gram re re bris la/ de gnyis kyi bar du bcug la/ ri rab lcog brgyad dang bcas pa zhig gis mnan zhing sngags kyi 'jug la/ che ge mo'i rig sngags staM b+ha ya staM b+ha ya nan hUM phaT/ ces brjod cing mnan na/ rig sngags thams cad mnan par 'gyur ro/ /de gnyis ni mtshon pa tsam yin te/ bcings pa dang/ gdab par yang bya'o/ gsungs ngo/ /rig sngags bcing par 'dod na/ bu mo gzhon nu ma dam tshig dang ldan pa/ grong ba'i chos kyis ma phog bzhig la/ mtshon sna lnga'i skud pa 'khal du bcug la/ gcig tu bsgrims te/ rdo rje'i mdud pa rgyab cing/ gzhan gyi rig sngags bris pa de ru gzhug cing/ sngags kyi mjug tu che ge mo'i rig sngags band+ha band+ha hUM phaT ces brjod cing/ mdud pa'i bar du bcug pas rig sngags thams cad bcings par 'gyur ro/ /phur bus gdab par 'dod na gzhan gyi rig sngags kyi gzugs spra tshil la byas te/ de'i snying ga la sogs pa'i gnas rnams su phur bus gzugs te/ sngags kyi mjug la che ge mo lha'i gzungs kI li kI lA ya hUM phaT/ ces brjod cing snying gar btsugs na rig sngags thams cad phur bus btab par

  537. 269a

    'gyur ro/ /rig sngags ni nye bar mtshon pa tsam du zad de/ 'jig rten dang 'jig rten las 'das pa'i rig sngags dang/ gsang sngags dang/ sgrub pa po'i ngag dang lha'i gzugs la sogs pa thams cad pa la yang bcad pa la sogs pa bya gsung ngo/ /yang gsang sngags kyi mthu chen po 'dis sngags dang sbyar te mnan pa'i las byas na/ gang mnan par 'dod pa de thams cad nye bar mnan par 'gyur te/ dper na ri rab lta bu'o/ /las thams cad ces pa ni phrin las rnam pa bzhi'o/ /'joms par byed pa zhes pa ni/ gsang sngags la yod pa'i yon tan gyi bdag la gnod par byed du 'ong ba rnams 'jig par byed do/ /yang na gsang sngags kyi mthu chen po 'dis/ las sngags dang sbyar te drag po'i las sbyor byas nas/ mi ma yin gyi gnod pa gang 'joms par 'dod pa de thams cad nges par 'joms par byed pa ste/ dper na chom rkun gyi rtsar ba lta bu'o/ /gzhan gyi las thams cad 'jig par byed pa zhes pa ni/ sgrub pa po la yod pa'i yon tan gyis/ bskrad pa tsam dang rdo rjes byabs pa tsam gyis/ bdag nyid bcad pa la sogs pa thams cad kyis mi tshugs pas na/ gzhan gyi las thams cad 'jig par byed pa zhes gsungs so/ /yang na gsang sngags kyi mthu chen po 'dis/ las sngags dang bya? ba de? drag po'i las sbyor byas nas/ sgrub pa po gzhan gyi las thams cad 'jig par 'gyur te/ dper na 'dam bu'i khyim la glang po ches 'jig par 'gyur ba lta bu'o/ /gdon thams cad ces pa ni/ /gdon chen po bco brgyad la sogs pa'o/ /rlag par byed pa zhes pa ni bdag nyid la gnod par byed du 'ong ba thams cad 'dis 'joms par byed pa'o/ /yang na gsang sngags kyi mthu chen po 'di las sngags dang sbyar te/ drag po'i las sbyor byas na bi nA ya ka la sogs

  538. 269b

    pa'i gdon thams cad la bsad pa'i las byas na/ nges par lus ngag rdul phran bzhin du brlag par 'gyur te/ dper na grong khyer chen po la me shor ba lta bu'o/ /gdon thams cad ces pa ni grong gi tshe'o/ /thar par byed ces pa ni/ gang zag 'ba' zhig la gnod de chos brlabs la yin na/ 'di'i bsten pa mngon du song bas 'di'i dkyil 'khor byas te/ phyag na rdo rje'i sku gzugs kyi drung du/ khrus kyi cho ga 'di byas te/ bskrad pa tsam dang/ rdo rje byabs pa tsam gyis thar par 'gyur ro/ /yang na gsang sngags kyi mthu tshen po 'dis/ las sngags dang sbyar te/ drag po'i las sbyor byas na/ bskrad pa tsam dang/ rdo rjes byabs pa'i las byas na gang gdon gyis zin pa de las nges par thar par 'gyur te/ dper na/ btson ra dang/ khri mon dang/ lcags sgrog dang/ shing sgrog las thar ba bzhin no/ /de tshos ni drag po'i mtshan nyid bshad zin to// //da ni dbang gi mtshan nyid bshad de/ 'byung po thams cad ces pa ni tshogs bdag glang po che'i sna can la sogs pa'o/ /thams cad ces pa ni mang po yod pas na thams cad do/ /'gugs par byed pa zhes pa ni/ dbang du bya ba'i don te/ bdag nyid nag po chen po 'gugs par 'dod na/ bdag nyid mtshan mo dur khrod du song ste/ 'bras thug po che'i gtor ma bya ste/ khyi'i sha khrag dang/ ra'i sha khrag dang/ dam rdzas rnams bsags te/ bdag nyid lha'i nga rgyal dang ldan par byas te/ gsang sngags kyi mjug la de'i srog snying btags te grangs na/ de nyid a ci bya zer nas bdag nyid kyi drung du 'ong bar 'gyur ro/ / nges de la khyod 'di khyer zo la/ sangs rgyas kyi bstan pa bshig pa/ dkon mchog gsum gyi dbu 'phang smed pa/ dam nyams pa'i che ge mo zhes bya dkon mchog gsum gyi kha thabs su ma gtang bar/ dus 'di tsam las mi 'da' bar tshe'i 'du byed

  539. 270a

    sku la cig ces bsgo'o/ nges de'i bka' mnyan nas bran bzhin du las byed par 'gyur ro/ /de bzhin du dpal lha mo la sogs pa la yang gtor ma dang/ dam rdzas dang/ srog gi snying po la sogs pa la yang/ drangs pa yang las byed par 'gyur ro/ /yang na gsang sngags kyi mthu chen po 'dis/ las sngags dang sbyar te/ dgug pa'i las sbyor byas na nye bar lha dang/ klu dang/ rgyal po'i bu mo la sogs pa la yang/ nye bar khugs par 'gyur ba ste/ dper na 'khor lo sgyur ba'i rgyal po sbyin bdag gi drung du skye bo slongs mo ba rnams 'du ba lta bu'o/ /bkug nas ci byed ce na/ rig sngags kyi las thams cad ces pa'i phrin las rnams bstan to/ /byed du 'jug pa zhes pa ni/ bdag nyid kyi sgra la gnod sbyin dang srin po rnams kyang bran bzhin du bsgo ba ltar dag nyan te/ rang dbang med par las byed par 'gyur te/ bsad pa dang/ 'gugs pa la sogs pa byed du 'jug pa'o/ /yang na gsang sngags kyi mthu chen po 'di las sngags dang sbyar te/ dbang du bya ba'i las sbyor byas na/ de rnams kyi dbang du byas pa'i las thams cad dang nges par byed par 'gyur te/ dper na 'khor lo sgyur ba'i rgyal po btang snyoms su 'dug cing/ bka' thob pa'i blon po las kun byed pa lta bu'o/ /des ni dbang gi mtshan nyid bshad zin to// //da ni rgyas pa'i mtshan nyid bshad par bya ste/ ma grub pa rnams zhes pa ni bdag nyid kyi yi dam gyi lha la sogs pa bsgrubs pas/ gzhan gyi rig sngags bcad pa la sogs pa byas pas ma grub pa'o/ /grub par byed ces pa ni gzhan gyi rig sngags kyis bdag gi rig sngags la sogs pa/ bcad pa la sogs pa byas pa yin na/ bdag nyid kyi rig sngags la sogs pa/ gro ga 'am/ shing shun nam/ ras la/ gur gum 'am/ gi wang gis bris te/ 'di'i bsnyen

  540. 270b

    pa sngon du song bas/ 'di'i dkyil 'khor byas te/ phyag na rdo rje'i sku gzung sngon du bdag ste/ de la mar khu 'am/ 'o mas khrus zhag bdun du/ nyin lan gsum mtshan lan gsum khrus byas na/ rig sngags la sogs pas bcad pa la sogs pa byas pa las thar par 'gyur ro/ /de ltar byas nas bsgrubs nas ma grub na/ bdag nyid kyi lha la phur bus btab pa yin pas na/ de'i cho ga ni sa gtsang ma lha'i sku mdog dang/ phyag mtshan la sogs pa byas la/ 'di'i dkyil 'khor byas la/ phyag na rdo rje'i sku gzugs kyi mdun du bzhag ste/ mar khu 'am/ 'o mas khrus zhag bdun du nyin lan gsum mtshan lan gsum du byas na/ phur pa btab pa las grol bar 'gyur ro/ /de byas nas bsgrubs kyang ma grub na/ bdag nyid kyi dag cing ba la sogs pa byas pa yin pas/ sgrub pa po'i bdag nyid kyi dag bcings na/ 'di'i bsnyen pa sngon du song bas 'di'i dkyil 'khor byas te/ phyag na rdo rje'i sku gzugs kyi mdun du bdag nyid la khrus 'di byas pas/ bdag nyid kyi dag bcing ba la sogs pa byas pa las grol bar 'gyur ro/ /gzhan gyis bdag nyid kyis rig sngags bcang ba la sogs pa byas kyang/ de ltar byas nas bsgrubs na/ 'grub par 'gyur ro/ /yang na gsang sngags kyi mthu chen po 'di las sngags dang sbyar te rgyas pa'i las sbyor byas na/ gang ma grub pa rnams nges par 'grub par 'gyur te dper na 'khor lo sgyur ba'i rgyal po'i skyes bu brgyad pa lta bu'o/ /grub pa rnams chud mi za bar byed pa zhes pa ni/ bdag nyid kyi lha 'ga' zhig bsgrub pas grub pa'i sgo nas/ dngos grub steng bar byed pa ste/ mi ma yin pa la sogs pas dngos grub 'phrog tu 'ong ba la 'di/ khrus kyi cho ga 'di byas pas 'phrog par mi nus so/ /des na grub pa rnams chud mi za bar byed pa zhes gsungs so/ /yang na gsang sngags kyi mthu chen

  541. 271a

    po 'di las sngags dang sbyar te/ rgyas pa'i las sbyor byas na/ gang bsgrubs pa rnams chud mi za bar byed pa ste/ dper na 'gro ba bzang mo lta bu'o/ /de ltar byas pas ci 'byung zhe na/ 'dod pa thams cad rab tu sbyin pa zhes gsungs te/ 'dod pa thams cad ces pa ni bdag nyid kyi bsam pa la ci dang ci 'dod pa'o/ /sbyin pa zhes pa ni thun mong dang thun mong ma yin pa'i dngos grub ster bar byed do/ /yang na gsang sngags kyi mthu chen po 'di las sngags dang sbyar te/ rgyas pa'i las sbyor byas na/ yid la ci dang ci 'dod pa thams cad 'byung bar 'gyur te/ dper na yid bzhin gyi nor bu rin po che lta bu'o/ /rgyas pa zhes pa ni/ 'jig rten pa dang 'jig rten las 'das pa'i phun sum tshogs pa thams cad rgyas pa'o/ /yang na gsang sngags kyi mthu chen po 'di las sngags dang sbyar te/ rgyas pa'i las sbyor byas na/ tshe dang ye shes dang longs spyod dang/ bsod nams mnyes par rgyas par 'gyur te/ dper na lha'i dri rgyas pa lta bu'o/ /des ni rgyas pa'i mtshan nyid bshad zin to// //de ni zhi ba'i mtshan nyid bshad par bya ste/ sems can thams cad ces pa ni/ 'gro ba rigs lnga'o/ /bsrung ba zhes pa ni/ de dag la mi ma yin pa 'ga' zhig gnod pa byed du 'ong ba la/ rdo rje rnam par 'joms pa 'di'i bsnyen pa sngon du song bas/ dkyil 'khor byas te/ khrus dang/ byab pa dang/ bskrad pa dang/ bsrung ba la sogs pa byas nas/ de la mi ma yin la sogs pas gnod pa bya bar mi nus so// des ni sems can thams cad bsrung ba zhes gsungs so/ /yang na gsang sngags kyi mthu chen po 'di las sngags dang sbyar te/ zhi ba'i las sbyor dbang bskur ba dang/ byab pa dang/ bsrung ba byas na gang zag la gdon gyis mi tshugs par 'gyur te/ dper

  542. 271b

    na rtsi ma gi'i nus pa'i mthu lta bu'o/ /zhi ba zhes pa ni/ de dag la mi ma yin pa la sogs pas gnod pa byas nas/ lus sems sdug bsngal bar gyur yang 'di'i dkyil 'khor byas la/ khrus kyi cho ga byas pas/ phyi nang gi bgegs thams cad nye bar zhi bar 'gyur ro/ /yang na gsang sngags kyi mthu chen po 'di las sngags dang sbyar te/ zhi ba'i las sbyar khrus dang/ byab pa dang/ bsrung ba dang/ bskrad pa'i las byas na/ gang zag gi gdon dang/ nyon mongs pa nges par zhi bar 'gyur te/ dper na tsha ba'i rims la sogs pa la/ ga pur la sogs pa'i bsil sman gsal ba lta bu'o/ /zhi ba'i mtshan nyid bshad zin to// //da ni mdzad pa rna ba gnyis snga ma'i rgal lan du bstan pa ni/ de yang dang po'o/ /'o na 'di dag thams cad 'joms par byed na/ de la gzhan gyi rig sngags dang/ gsang sngags la sogs pas/ gnod par bya bar mi nus sam zhe na/ ma yin te/ gzhan gyi rig sngags dang/ gsang sngags kyi sgo nas/ lus kyi gnod pa byed du 'ong ba'i lus kyi kun tu sbyor ba nges par byed do/ dag gis gyis la shog zer ba'i ngag gi kun tu spyod par rengs par byed do/ /'o na sems la dbang thob pas gnod par bya bar mi 'gyur ma zhe na/ sems rmugs par byed do/ /rmugs par byed na/ de'i sems nus pa khyad par can du mi 'byung ngo/ /lus dang ngag rengs par byed pas na/ sems can thams cad rengs par byed pa zhes gsungs so/ /yang na gsang sngags kyi mthu chen po 'di/ las sngags dang sbyar te rengs par byed pa'i las sbyor byas na/ nges par rengs par 'gyur ba ste/ dper na mi thub pa nang phrad pa lta bu'o/ /de la ngag rengs par bya bar 'dod pas/ pha rol po'i gzugs phra tshil la byas te/ kha tsher mas bkang ste/ ngag cing ba'i cho ga byas na pha rol pa'i ngag rengs nas smra ba la lan mi thebs par 'gyur ro/ /pha

  543. 272a

    rol po'i lus rengs par 'dod na/ rnal 'byor pa'i 'dug sa gang yin pa'i sar rang gi chag gang brkos pa'i gting nas/ sa rlon pa blangs nas gu gul nag pos 'dugs la/ sngags re re la yungs kar re re bsnun par bya'o/ /de ltar sngags stong rtsa brgyad rdzogs pa dang/ sa de kham por srubs med pa'i nang du blugs la/ phur bu'i dkyil 'khor bcug la smyug ma shond tsam cig bcug la/ de'i nang d yungs kar stong la sngags de them pa dang/ de shing gdug pa can gyis bskor la bsreg go /nang gis dang yungs kar tshig cing mdog 'gyur ba dang/ de phyung ste snod gtsang ma'i nang du blugs la/ jag pa dang chom rkun byung ba'i dus su/ rkang pa'i 'og tu sa dang bsres nas brtor na/ de rnams rengs shing ldongs par 'gyur ro/ /sems rmongs par byed pas na rmugs par byed pa zhes gsungs so/ /yang na gsang sngags kyi mthu chen po 'di las sngags dang sbyar te/ rmugs par bya ba'i las sbyor byas na/ nges par myos par 'gyur te/ dper na rims nad chen pos btab pa lta bu'o/ de la de'i dran pa nyams par 'dod na/ pha rol pa'i ling ga byas te/ da du ra'i khu ba dang/ dug sna tshogs dang/ chang gis kha phru btab pa na yid dran pa nyams myong bar 'gyur ro/ /gsang sngags kyi zhes pa'i ngo bo ni/ lnga? pa'i gzugs dang/ phyag rgya dang/ tshig dang/ yi ge dang/ sgra dang/ rnam pa dang bcas pa'o/ /gsang sngags kyi nges pa'i tshig dang/ bcom ldan 'das kyis mdzad pa ni/ 'dis nyon mongs pa rnams 'joms pa dang/ phun sum tshogs pa 'thob pa'am/ dngos po yang dag pa ji lta ba bzhin du rig pas na/ rig pa ste/ lha rnams drug gi rang bzhin la yang gsang sngags zhes bya'o/ /yang na rgya gar gyi sgra las drangs na/ man+ta zhes bya ste/ shes pa dang/ skyobs pa'i don gyis

  544. 272b

    na/ gsang sngags zhes bya'o/ /yang na shes pa dang ldan pas na 'am gsungs te rjod pa'i phyir gsang sngags te/ gsang sngags ni/ chos gsang ba nyid kyis grub par shes par bya'o/ /rgya gar gyi yul na dngos grub 'phrog pa'i cho ga yod da/ bsgrub par bya ba'i lha de'i phyag rgya dang/ gsang sngags mi shes na 'phrog tu mi tshugs pas na gsang ngo/ /mthu chen po 'di zhes pa ni/ gzungs rings stong pa nyid kyi snying por byung ba 'dis/ bdag gi don yang sgru par nus la/ gzhan gyi don yang bya bar nus pas na mthu chen po'o/ /yang na gang zag pha rol po rjes su gzung ste/ gse ba thun mong ma yin pa'i las sgrub pa la/ gang zag pha rol po tshar bcad pa de bsad pa thun mong ma yin pa'i las kyang grub pas na yang mthu chen po 'di zhes gsungs so/ /'on te gang su'i mthus smras na/ sangs rgyas kyi mthus smras so zhes gsungs so/ /sangs rgyas zhes pa ni gong du bshad zin to/ /'o na de gang gis smras na/ lag na rdo rjes rab tu smras so zhes gsungs so/ /lag na rdo rje zhes pa yang gong du bshad zin to/ /'o na gang smras she na/ gsang sngags kyi mthu chen po 'di rab tu smras so zhes gsungs so/ /gsang sngags zhes pa'ang gong du bshad zin to/ /'o na yon tan du dang ldan pa cig smras she na/ bdag dang gzhan gyi phun sum tshogs pa'i yon tan rnam pa gnyis dang ldan pa cig smras so/ /de yang bshad zin to/ /des ni lha drug gi yon tan phun sum tshogs pa bshad zin to/ /da ni sgra dang yi ge'i mtshan nyid bshad de/ na mo ratna tra yA ya zhes pa nas a mri ta hUM phaT ces pa'i bar gyis/ sgra dang yi ge'i lha gnyis ka ston to/ /sngags don rnam par dbye ba ni 'dir yang ma bshad de/ de'i don mi 'chad pa ni/ nus pa chung bar 'gyur ba'i phyir dang/ slob dpon bi ma la mi tras mdzad pa'i sngags don rnam par 'byed pa'i 'grel pa las

  545. 273a

    shes par bya'o/ /des ni sgra dang yi ge gcig tu bsdus te bshad zin to/ /de ni 'od zer spro bsdu las gzugs kyi lha bskyed pa'i mtshan nyid bshad par bya ste/ de yang sdig pa thams cad byang byas nas/ zhes bya ba la sogs pa gsungs te/ de yang sdig pa zhes pa ni rgya gar gyi sgra las drangs na pA paM ka las drangs na sdig pa zhes bya ste/ sdig pa'i ngo bo ni/ mi mdzes par 'dug pa'o/ /nges pa'i tshig ni ci phyir sdig pa zhe na/ rnam par smin pa yid du mi 'ong ba 'byin pa byed pas na/ sdig pa'o/ /yang na sdig pa zhes bya ba ni/ lus la sogs pa las byung ba mi 'dod pa'i bag chags sems la yod par bya'o zhes gsungs so/ /yang na sdig pa zhes bya ba ni/ sdug bsngal gcig nas gcig tu brgyud de/ rab tu byung ba nyid kyis shin tu 'joms pa nyid yin pa'i phyir na/ sdig pa zhes gsungs so/ /yang na sdig pa thams cad ces pa ni/ sems can gyi nyon mongs pa thams cad do/ /byang nas zhes pa ni zla ba'i dkyil 'khor gyi gzugs kyi steng gi gzugs las 'od zer dang/ lha'i sku bsam gyis mi khyab cing/ dpag tu med pa 'phros pas/ sems can thams cad kyi sdig bsgrib sbyangs nas/ thar pa dang thams cad mkhyen pa la bkod pa'o/ /dper na me yis rba bsreg pa/ /rung gi thal ba myur du ded/ de bzhin tshe rabs snga ma la/ /bsags pa'i sdig pa thams cad bsregs/ /dper na char pa bab gyur te/ /ri las 'bab chu 'bab pa yis/ /sa yi steng gi phyag dar dang/ /nyal nyil thams cad 'dod par 'gyur/ de bzhin gzungs 'di mthong ba dang/ /thos pa tsam gyis sdig 'byang zhes gsungs so/ sdug bsngal zhes bya ba'i ngo bo ni/ lus dang sems la gnod pa'i mtshan nyid bkres pa dang/ skom pa dang/ bsad pa dang/ yid mi bde ba la sogs pa'i rang bzhin no//

  546. 273b

    nges pa'i tshig ni ci'i phyir zhe na/ sdug bsngal/ lus sems ngal zhing dub pas na sdug bsngal la/ /thams cad ces pa ni sdug bsngal gsum mam/ brgyad la sogs pa la bya'o/ /sdug bsngal gsum ni sdug bsngal gyi sdug bsngal dang/ 'gyur ba'i sdug bsngal dang/ 'du byed kyi sdug bsngal lo /sdug bsngal brgyad ni/ skye ba'i sdug bsngal dang/ rgas pa'i sdug bsngal dang/ na ba'i sdug bsngal dang/ 'chi ba'i sdug bsngal dang/ dgra sdang ba dang phrad kyi dogs pa'i sdug bsngal dang/ gnyen byams pa dang bral gyi dogs pa'i sdug bsngal dang/ 'dod pa brtsal gyis mi rnyed pa'i sdug bsngal dang/ yod pa brlag gis dogs pa'i sdug bsngal lo/ /med par byed ces pa ni/ rgyu nyon mongs pa med par/ 'bras bu sdug bsngal mi 'byung ngo/ rgyud do cog gi rtsa ba ste/ dpal kun gyis legs par brgyan/ /'od zer dang lha'i sku 'phros pa tshur 'dus pa'i don to/ /rgyud do cog ces pa ni 'od zer dang lha'i sku'i rgyud thams cad kyis nam mkha' i khams gang bas na/ rgyud do cog gsungs so/ /kyi zhes pa ni drug pa 'brel pa ston par byed pa'i sgra/ skyes bu'i'o/ /rtsa ba zhes pa ni zla ba'i steng gi gzugs rings so/ /ste zhes pa ni lhag ma lus pa'i tshig ste/ yang 'od zer dang lha'i sku slar la tshur 'dus pa'o/ /des na rgyud do cig gi rtsa ba ste zhes gsungs so/ /dpal kun zhes pa ni/ 'od zer dang lha'i sku yis sems can gyi don byas pa dang 'phags pa mchod pas bsod nams dang/ ye shes kyi tshogs bsags pa'o/ /gyis zhes pa ni drug pa 'brel bar byed pa'i sgra/ legs par brgyan ces pa ni zla ba'i steng na gzugs tshogs gnyis kyi yon tan dang ldan pa 'am/ mdzes par byas pa ni/ dpal kun gyis ni legs par brgyan ces gsungs so/ /des ni 'od zer spro bsdu las/ gzugs kyi lha bskyed pa bstan te/ bshad zin to/ /yang

  547. 274a

    rgol te gsang sngags spyi'i rgyud kyi lugs kyis/ lha'i sku sgom pas skyon/ bzlas brjod bya ba ston pa yin pa la/ gzungs 'di'i nang du lha'i sku bsgoms pa'i rjes la/ bzlas brjod bya ba ci ston par/ 'od zer spro bsdu dang/ bzlas brjod dang/ bsnyen sgrub gang gi don du bya ba'i gang zag ston pa ci las dgongs she na/ de ltar gzungs kyi dgongs pa ni/ 'od zer spro bsdu yang sems can dbang po nyams pa la sogs pa'i gang zag 'di dag gi don du byas pa'i phyir dang/ 'od zer spro bsdu dang/ bsnyen sgrub bya ba yang gang zag 'di rnams kyi don du byed pa yin pa'i phyir na/ lha'i sku bsgoms pa gsungs pa'i rjes la/ lha'i sku bsgoms nas/ 'od zer spro bsdu dang/ bzlas brjod dang / bsnyen sgrub gang gi don du bya ba'i gang zag bstan gyi/ bzlas brjod bya ba dang/ bsnyen bsgrub bya ba ma gsungs pa ni/ de la dgongs pa'o/ /yang na tshig tshogs chung bar bya ba'i phyir ro/ /nga ni 'od zer spro bsdu gang gi don du bya ba'i 'dul bya bshad par bya ste/ 'o na sdig pa thams cad byang byas na/ sdug bsngal thams cad med par byed ces gsungs te/ gang gi sdig pa byang bar byas nas/ sdug bsngal med par byed ce na/ sems can dbang po nyams pa dang/ bya ba la sogs pa de dag gi sdig pa byang nas/ sdug bsngal med par byed do/ /sems can zhes pa ni 'gro ba rigs drug thams cad do/ /dbang po zhes pa ni mig la sogs pa'i dbang po drug dang/ dad pa la sogs pa'i dbang po lnga'o/ /nyams pa zhes pa ni/ gdon chen po brgyad la sogs pas byin gyis brlabs pa'o/ /de la dbang po drug nyams pa ni/ mig tu ling thog zhugs pa dang/ rna ba 'on pa la sogs pa'o/ /'og ma lnga nyams pa ni/ sngar dad pa che ba la/ phyis chung bar song

  548. 274b

    ba dang/ sngar brtson 'grus che ba la phyis chud du song ba dang/ sngar dran pa gsal ba la phyis brjed par song ba dang/ sngar ting nge 'dzin bzang po yod pa la/ phyis ngan par song ba dang/ sngar shes rab rnon po las/ phyis shes rab rtul du song ba'o/ de tshe thams cad kyang gdon gyis byas par/ dpung bzang dang/ rig pa mchog las gsungs so/ /de cho gang nyams kyang 'di'i bsnyen pa sngon du song bas/ 'di'i dkyil 'khor byas te khrus dang/ bya ba dang/ bskrad pa dang/ bsrung pa la/ sogs pa byas nas gro bar 'gyur ro/ /bsnyen sgrub rnam pa gnyis ni 'di dag thams cad la sbyar bar bya'o/ /tshe zad pa dang/ zhes pa ni/ sngon gyi rnam smin gyis tshe zad pa la cho ga 'di byas te/ bskrad pa dang/ rdo rjes byas pa tsam gyis de'i tshe yongs su zad pa las kyang rnam par 'phel te/ ring du bde bar 'tsho bar 'gyur ro/ /tshe nyams dang zhes pa ni/ sngon gyi rnam smin gyis tshe ma zad kyang 'phral gyi rkyen gyis srog gi bar chad du 'gyur ba la yang/ 'di'i cho ga byas na tshe'i bar chad dang/ dus ma yin par 'chi ba brgyad/ rnam pa thams cad du mi 'byung ngo/ /'byung bar mi 'gyur ro/ dper na skam por 'gre ldog nya/ /chu dang bral bas 'chi sgor 'gro/ la las slar yang chu bor na/ /de na gnas shing yang rtse'o/ /de bzhin dran pa tsam gyis kyang/ /mi rnams tshe ni zlog par byed ces gsungs so/ /phun sum tshogs pa ni/ bkra shis pa 'am/ bsam pa thams cad yid bzhin du grub pa ste/ de las bzlog pa ste/ phun sum tshogs na zhes gsungs so/ /gang chags dang zhes pa ni/ gang zag de'i rgyud la bkra mi shis pa thams cad dang ldan pa'o/ /lha rnams zhes pa ni/ 'jig rten pa'i lha dang/ ye shes kyi lha dang po yod pas na lha rnams zhes gsungs so/ /rgyab kyis phyogs pa dang zhes pa ni/ bdag nyid kyi sku gsung thugs

  549. 275a

    kyi dam tshig nyams pa'i dbang gis/ lha gnyis po de ma dgyes te/ bdag la mgon skyabs dang/ dpung gnyen mi byed pa dang/ skyabs byin la sogs pa mi byed pa'o/ /'jig rten pa'i lha rgyab kyis phyogs pa ni/ 'phangs pa ste bdag gi stong grogs mi byed pa'o/ /'jig rten las 'das pa'i lha rgyab kyi phyogs pa ni/ dbang bskur ba'i dus su/ slob dpon gyi sngags dang/ phyag rgya dang/ ting nge 'dzin gyis/ ye shes sems dpa' bstims nas bzhag pa bdag nyid kyis dam tshig nyams pa'i dbang gis snying khar dral te gshegs pa'o/ /de ltar gyur na yang/ bdag nyid la khrus kyi cho ga 'di byas pas/ dam tshig nyams pa las skongs te/ byin gyis brlab pa la sogs byed par 'gyur ro 'jig rten pa'i lha ring du 'phangs kyang khugs te/ dpung gnyen la sogs byed par 'gyur ro/ /mdza' ba'i skye'o zhes pa ni/ phebs par smra ba 'am/ yid bcugs pa la sogs pa byed pa'o/ sdug pa'i skye bo phebs par smra ba la sogs pa ma yin gyi phan tshun gcig la gcig yid du 'ong ba dang/ snying du sdug pa'o/ /sdang ba zhes pa ni/ bdag nyid kyis nyes pa ci yang ma byas par/ de gnyis bdag la sngar bar gyur pa yang/ gdon gyis byas par rig pa mchog gi brgyud las gsungs so/ /bran sogs shes pa ni rang gi 'khor dang g.yog la sogs pa'o/ /bza' la sogs shes pa rang gi bu dang chung ma la sogs pa'o/ /gces pa dang zhes pa ni/ de la de tsho gnod par byed pa'o/ /phan tshun mthun pa ma yin dang/ zhes pa ni/ skye bo nang phan tshun gnod pa dang/ rnam par rtsod pa'o/ /rtsod pa ni cig dang shags 'gyed pa'o/ /rnam par rtsod pa ni/ g.yul bshams nas 'thab pa'o/ /nor 'grib pas ni gnod pa dang zhes pa ni/ bdag

  550. 275b

    nyid sngar phyug pa las/ phyis dbul por gyur pa 'am/ tshong byas kyang legs par mi 'ong ba dang/ so nam byas kyang 'bras bu la sogs pa mang po mi 'byung ngo/ /mya ngan las byung ba'i gnod pa zhes bya ba ni/ dper na rgan mo zhig gi bu gcig pa shi ste/ yid la bu'i kha dog dang/ dbyibs kyi rnam pa yid la byas shing/ ngag du bu bu zhes brjod pas/ bu la sems zin nas bu shi ba'i gzugs mig sngar byung bas/ nga'i bu khyer ba'i 'dre byung ngo zer ba'i log pa'i shes pa la brten nas/ gdon la sogs 'jug go / ngal ba las byung ba'i gnod pa dang zhes pa ni/ bdag nyid kyi lus dang sems dub par gyur nas yid 'phrul nas/ 'dre la sogs pas khyer ba yin nam snyam pa'i log pa'i shes pa la brten nas/ gdon la sogs pa 'jug par 'gyur ro/ /'jigs pa dang ni zhes pa ni/ sprul dang glang po che'i 'jigs pa la sogs pa brgyad yod do/ /yang na dmyal ba'i 'jig rten mdza' yas pa dang/ yi dags kyi 'jig rten mdza' yas pa dang/ dud 'gro'i 'jig rten mdza' yas pa dang/ gshin rje 'jig rten mdza' yas pa dang/ bgrod dka' i 'jig rten mdza' yas pa dang/ skye ba'i 'jig rten pa mdza' yas pa dang/ na ba'i 'jigs pa mdza' yas pa dang/ 'chi ba'i 'jigs pa mdza' yas pa'o/ /phongs pa dang zhes pa ni/ bdag nyid dang po nas dbul bar gyur pa'o/ /gzang dang zhes pa ni gza' chen po rA hu la la sogs pa brgyad do/ /rgyu skar zhes pa ni smin drug la sogs nyi shu rtsa brgyad do/ /gza' skar ngan pa la na ba dang/ shi ba dang/ skyes pa la sogs byung na/ yang 'di'i cho ga byas na nges par zhi bar 'gyur ro/ /byad stems dang zhes pa ni/ khrul 'khor la sogs par bdag gi ming rus la sogs pa bcug pa 'am/ mi zad gdon gyis zhes pa ni lha'i gdon la sogs pa gdon chen po bco brgyad las dge slong dang/ rgyal

  551. 276a

    po la 'dzin po'i gdon la sogs pa'i gdon bzhi'o/ /nyen pa zhes pa ni/ sems can gyi lus sam/ sems la zhugs pa'o/ /mya ngan ngal nas byung ba yi/ /rmi lam sdig ga mthong na yang/ zhes pa ni/ gong gi rang gi rmi lam du byung ba ste/ rmi ltas ngan pa sum cu rtsa gnyis po gang byung yang 'di'i cho ga byas na bzlog go /sdig pa mthong na yang zhes pa bkra mi shis pa'i mtshan ma la sogs pa mthong ba'o/ /de tsho gang byung yang bzlas brjod byas pa'i sgo nas/ 'od zer spro bsdu dang/ khrus kyi cho ga byas pas/ de dag thams cad las grol bar 'gyur ro/ /des ni bsnyen sgrub gang gi don du bya ba'i gdul bya bstan to/ /da ni bsnyen pa'i dus na sgrwa la gnas pa'i bsam gtan bstan te/ de la gsum ste/ sbyor ba'i cho ga sngon du bya ba dang/ sgra la gnas pa'i bsam gtan dngos dang/ de bya ba'i phan yon no/ /dang po ni rab bkrus gtsang ma yin bya ba dang/ gang dag yid dag sems drang zhing/ gtsang ma'i gos kyi rab brgyan ta// bya ba'i tshig rkang gsum gyis so/ /mdo sde dam pa mnyan par bya/ /zab mo sangs rgyas spyod yul ba/ /mdo sde 'di ni nyan byed na/ zhes pa'i tshig rkang gsum gyi ni dngos gzhi bstan to/ /mdo sde 'di yi gzi brjid kyi shes pa nas/ sdig pa kun las rnam par thar zhes pa'i tshig rkang bdun gyi phan yon bstan to/ /sngon du bya ba ni/ de yang su sid+d+hi ka ra las/ /lus dang ngag gi gtsang sbra dang/ /gsum pa yid kyi gtsang sbra ste/ /gzhi pa bden par smra ba'o/ /lnga pa phyi yi gtsang sbrar bshad ces gsungs so/ /des ni zhes pas ni sgrub pa por bstan to/ /rab bkrus zhes pa ni/ phyi'i gtsang sbra ste/ sa dang chu'i khrus dang/ 'thor 'thung nye reg gi bar du'o/ /gtsang ma zhes pa ni/ mi gtsang bdag pa'i gnas skabs so/

  552. 276b

    yid ces pa ni/ dag par byas nas sgra la gnas pa'i bsam gtan ba bya 'dis mtshon te/ cho ga yan lag drug gi lha bskyed pa'i sngon du yang/ khrus dang gtsang sbra la sogs pa bya'o/ /gang dag yid dge zhes pa ni yid ches pa'i dad pas kun nas bslangs lus ngag yid gsum gyi sgo nas sdig pa ni dge ba mi byed pa'o/ /sems dang zhing zhes pa ni/ dad pa rnam pa gsum las las dang pa'i dad pa ste/ bdag nyid kyi sems nyon mongs pa'i rnyog ma dang mi ldan pa'o/ /gtsang ma'i gos zhes pa ni sngags pas thang gos dkar la shin tu 'jam pa la/ dus gsum du bkru ba dang/ yang gu gul gyi dud pas bdug cing sngags bzlas so/ /yang na bsang gtor bya'o/ /de yang su sid+d+hi ka ra las/ sngags pas thang gos mi spang zhing/ /dkar la shin tu 'jam po de/ /nyin gcig bzhin du bsang bar bya zhes gsungs so/ /rab brgyan te zhes pa ni/ sngags gos kyi sngags pa shin tu mdzes par byas pa'o/ /sgra la gnas pa'i bsam gtan gyi sbyor ba'i cho ga'i sngon du bya ba bshad zin to// // nga ni sgra la gnas pa'i bsam gtan gyi dngos gzhi'i cho ga dngos bstan te/ mdo sde zhes pa ni/ mtshan nyid mdor bsdus nas bstan du rung ba dang/ gnyen po rnam par 'gal ba'i sgo nas spongs bas na mdo sde'o/ /dam pa zhes pa ni/ bskyed rims gsum ka bya bar 'thad pas na/ dam pa zhes gsungs so/ /yang na mtshan nyid kyi thag pa las mchog tu gyur pas na/ dam pa zhes bya'o/ /ji ltar mchog tu gyur nas mtshan nyid kyi theg bas khrus dang gtsang sbra dang/ dka' thug la sogs pa'i sgo nas dngos grub kyang tshe 'di la mkha' spyod kyi dngos grub la sogs pa mi thob la/ gzungs 'dis ni tshe 'dis mkha' spyod la sogs pa'i dngos grub thob par 'gyur bas na/ dam pa zhes gsungs so/ /mnyan par bya zhes pa ni ngag gi brjod

  553. 277a

    bya brjod byed kyi tshig spangs te/ bdag nyid kyi sems sgra spyi'i rnam par snang ba'o/ /zab mo zhes pa ni/ sgrub pa po'i sgra la gnas pa'i bsam gtan byed pa de/ tha mal pa'i so so'i skye bos mi rtogs pas na zab mo zhes pa'o/ /'o na sgra la gnas pa'i bsam gtan sus rtogs zhe na/ sangs rgyas spyod yul ba zhes pa gsungs te/ sangs rgyas nyag gcig kho na'i spyod yul yin pas des mkhyen to/ /mdo sde 'di ni nyan byed na zhes pa ni sgra la gnas pa'i bsam gtan 'di byed na zhes pa'i don to/ /sgra la gnas pa'i bsam gtan gyi mtshan nyid bshad zin to/ /da ni sgra la gnas pa'i bsam gtan gyi phan yon bshad par bya ste/ mdo sde 'di'i gzi brjid kyis zhes pa ni/ sgra la gnas pa'i bsam gtan gyis phan yon gyis zhes pa'i don to/ /srog chags dag ni thams cad kyis shes pa mi 'gro ba'i ris lnga'o/ /mi zad pa'i nad rnams kun zhes pa ni/ mdza' i nang la sogs pa'o/ /de dag thams cad zhi bar lha zhes pa ni/ mi zad pa'i nang chen po las thar par byed/ ces pa'i don to/ /tshe dang bsod nams 'phel bar 'gyur zhes pa ni sngon gyi rnam par smin pa las che slar nur te ring por thub pa'o/ /dper na bcud len gyi sman sbyor lta bu'o/ /bsod nams 'phel bar 'gyur zhes pa ni/ bdag gi phun sum tshogs pa thams cad rgyas par 'gyur pa'o/ /dper na rigs kyi bu 'am rigs kyi bu mo gang la la shes rab kyi pha rol tu phyin pa 'di glegs bam du 'bri 'am/ bris nas 'dzin tam/ 'chad dam/ glog gam/ kun chub par byed pa la sogs pa byas nas me tog la sogs pas mchod pa dang/ rim gro la sogs pa byas na/ de dang de'i bsod nams 'phel bar 'gyur ba lta bu 'am/ sa chen po la sa bon btab nas rgyu rkyen tshogs par gyur nas/ rnam

  554. 277b

    par 'phel bar 'gyur ba lta bu'o/ /sdig pa kun las rnam par thar zhes pa ni/ yid du mi 'ong ba thams cad mi 'byung ba'o/ /yang na mi dge ba bcu dang/ las kyi sgrib pa gdon mi za bar myong mi 'gyur ba thams cad spangs pa'o/ /dper na mi dge ba bcu spangs nas/ dge ba bcu spyod pa'i gang zag lta bu'o/ /sgra la gnas pa'i bsam gtan bya bar 'dod na/ bsam gtan gyi phyi ma las kyang/ gsang sngags la gnas dngos grub ster/ /sgra gnas rnal 'byor ster bar dran/ /sgra mthar thar pa ster ba nyid gsum pa yin zhes gsungs so/ /sgra la gnas pa'i bsam gtan ni/ /bdag nyid lhar skyed pa mi dmigs par bsams la bde ba'i rjes la/ bdag nyid kyi sems stong pa nyid kyi ngang las/ nam mkha' las zla ba'i dkyil 'khor gyi steng na/ gzungs sngags la sogs pa dkar shar re yod par bsam la/ yi ge de'i 'od zer me 'bar ba lta bur bsams te/ phyi nas de tsho yang mi dmigs par bsams la/ bdag nyid kyi sems na mo ratna tra yA ya bya ba nas/ a mri ta hUM phaT bya ba'i bar du yi ge'i rang sgra sgrogs pa de yang dper na dril bu'i sgra dang 'dra bar rgyun ma chad par bdag nyid kyi sems sgra'i spyi'i rnam par grag par bsam mo/ /de ni sgra la gnas pa'i bsam gtan no/ /de mi byed na dmigs pa gsum gyis bya ba 'am yan lag bzhis byas te/ dmigs pa gsum ni/ sgra dang sems dang gzhi la gzhol/ /gsang sngags yi ge gzhi la gnas/ zhes bsam gtan phyi ma las gsungs so/ /gsang sngags kyi yi ge dang/ de'i gdan zla ba'i dkyil 'khor dang/ de bzhin gshegs pa'i sku'o/ /dang po ni gzugs la dmigs/ de nas zla ba'i dkyil 'khor la dmigs/ de nas bcom ldan 'das la dmigs so/ /yan lag bzhi ni/ bcom ldan 'das bum pa'i nang na bzhugs pa dang/ bdag nyid

  555. 278a

    lha ru bskyed pa dang/ de gnyis kyi thugs ka nas zla ba'i dkyil 'khor re re yod pa dang/ de'i steng na gzungs rings sam/ yang snying ngam/ rigs kyi snying po gang rung gnas par bsam mo/ /'o na lha ni gnyis su bshad la/ sngags dang/ zla ba gnyis gnyis gnyis su mi 'chad pa ci'i phyir zhe na nang du bsdus tsam na gsum las med pas de ru yang 'dra gsungs so/ /yang na sngags dang bzlas pa gnyis ni rigs mi mthun yang/ rnam par bcad pa'i ldog pa tshungs pa yang srid pas na/ lha la gnyis su bshad pa sngags dang bzla ba gnyis la rigs 'dra bas re rer ma bshad do/ /bzlas brjod byed pa'i zlos lugs ni gnyis te/ rdo rje'i tshig gam/ shub bu'i sbyor bas ha cang mi ngal mi myur bar/ sngags kyi yi ge brjod cing bzlas brjod bya'o/ /de gnyis kyi grangs ni/ gtso 'khor yod na/ gtso bo la 'bum phrag gcig /'khor rnams la khri phrag re re bya'o/ /yi ge'i grangs kyis byed na bco lnga man chad kyi yi ge re re zhing 'bum phrag re byed do/ bcu drug yan chad nas/ sum cu rtsa gnyis man chad la ni/ 'bum phrag gsum bya'o/ /de yan chad la ni 'bum phrag gsum bya'o gsungs so/ /'dir ni bcom ldan 'das rdo rje rnam par 'joms pa/ sgra la gnas pa'i bsam gtan la mchog tu mnyes pas/ bsnyen pa'i dus su de bya'o/ /bum pa la byed na gcig bya'o/ /bsnyen pa dang sgrub pa'i bar du bzlas brjod byed pa ni gnyis ka'i shes par bya'o/ /da ni sgrub pa'i cho ga bstan te/ 'o na sgrub pa'i cho ga bstan te/ 'o na sgrub pa'i lugs kyis dkyil 'khor gyis cho ga dgos pa yin na bye brag gi rgyud 'di ru dkyil 'khor gyi cho ga mi ston pa ci'i slad du zhe na/ bum pa'i cho ga ni dkyil 'khor la rag las pa yin pas/ de bstan pas dkyil 'khor yang shugs kyis shes pa yin no/

  556. 278b

    bum pa'i cho ga ni dkyil 'khor la rag las pas ni/ dpung bzang gyi rgyud las gsungs te/ dkyil 'khor 'khor yug bum pa bzhag par bya zhes gsungs pa dang/ bum pa brgyad yod na bum pa sgo bzhi'i logs su bzhag pa dang/ bcu gnyis yod na zur bzhir yang bzhag gsung ngo/ /gsang ba spyi rgyud las kyang/ sgra dang sgo ni ma lus bar/ /bum pa dag kyang bzhag nas ni/ /bar sgo chen por gnyis gnyis shig /khyad par du ni bzhag par bya/ /bum pa gcig ni phyi sgo yi/ /drung du mngon par bzhag pa bya zhes gsungs so/ /'o na 'di ru dkyil 'khor bstan la bum pa'i cho ga spyi rgyud du kha mi skad ba ci'i phyir zhe na/ de ni mi 'dra ste/ dkyil 'khor gyi cho ga dang bri ba tsam du khyad med la/ bum pa'i cho ga la ni bye brag yod pas/ /rdo rje rnam par 'joms pa'i bum pa'i rdzas thun mongs ma yin pa dgos te/ yungs kar dang/ rtswa durba dang/ rdo rje pha yam dang me tog dmar po'i phreng ba rnams so/ /de nas dkyil 'khor gyi cho ga la ni khyad par med pas 'dir ma gsungs te/ rdo rje rigs kyi spyi rgyud las shes par bya'o/ bum pa'i cho ga la ni bye brag yod pas 'dir gsungs so/ /des na dkyil 'khor 'dir ma bstan pa la 'gal ba med do/ /da ni sgrub pa'i dus na bum pa'i mtshan nyid bzlas brjod kyi grangs nges par khrus bya ba dang bcas pa bstan pa la gsum ste/ bum pa rdzas dang bcas pa'i mtshan nyid bstan pa dang/ de la bzlas brjod ji ltar bya ba'i grangs bstan pa dang/ gdul bya nye bar mtshon pa dang bcas par bstan pa'o/ /de la dang por bum pa'i mtshan nyid bshad de/ nor bu zhes pa ni spyi'i ming du smos te/ bye brag du ma phye ba dang/ in+d+ra nI la dang/ pad+ma rA ga la sogs pa'o/ /yungs kar zhes pa ni bum pa'i kha chod pa'i don du gser la sogs pa'i snod gtsang ma'i nang du/ yungs kar blugs pa'i gtsang ma 'joms pa'i don to/ /yungs kar de

  557. 279a

    rnams kyang rdo rje rtse gcig par bsam pa 'am/ yang na khro bo re re bsam mo/ /dUrba zhes pa ni mgul chings kyis bcings pa'i sna la mdud pa rgyab pa dang/ ba'i lci bas rgyas btab pa'i tshul du sman la de'i steng du rtsa durba nyag ma bdun btsugs te/ bgegs la sogs pa mi 'jug pa'i don du'o/ /rin chen zhes pa ni lnga ste rin po che dang/ byi ru dang gser sa le sbram dang/ mu tig dang shel lo/ /rba med ces pa ni gas chag med cing rgyan gyi bya ba byed nus pa'o/ /tsan dan zhes pa ni dri lnga ste/ tsan dan dang/ ga bur dang/ gur gum dang/ dzaM te pha la dang/ gla rtsi yang bla ma na ro gzhug gsung/ kri ya las ni srog chags yan lag 'byung mi shis zhes gsungs so/ /klu gnod na gla rtsi bcug na nus pa 'byung gsung ngo/ /bcas zhes pa ni/ sman lnga dang/ 'bru lnga dang/ snying po lnga bsdus te/ sman lnga ni/ byang kri dang/ seng kri dang/ gi li gar+Ni ka dang/ ha sa dang/ ha sa de ba'o/ /'bru lnga ni/ 'bras kyi so ba dang/ mon sran gre'u dang/ nas dang/ gro dang/ til dang lnga'o/ /snying po lnga ni/ sa'i snying po til dang chu'i snying po lan tsha dang/ rtsi thog gi snying po mar dang/ shing tog gi snying po bu ram dang/ me tog gi snying po sbrang rtsi'o/ /shel dang zhes bya ba ni dngos so/ /rdo rje zhes pa ni rin po che pha lam mo/ /de med na shel kun nas lcim shog zur gsum brgyad pa cig gzhug gsung ngo/ /me tog ces pa ni me tog dmar po dri zhim po la phreng ba byas la bum pa'i mgul la brgyan par bya'o/ /chu yis zhes pa ni blangs pa'i chu gtsang ma srog chags med par dgang ba'o/ /dri zhim po'i chu yang blug go /gser ram yang na ni/ dngul gyi bum pa zhes pa ni bum pa'i rgyu bstan pa'o/ /tshad la sogs pa ni khrus kyi cho gar shes par bya'o/ /dag ces pa ni zangs la sogs pa bstan no/ /kyang zhes pa ni

  558. 279b

    bsdu ba'i don to/ /dbul po rnams kyis mi rnyed pas/ /rdza la sogs pa'i bum pa so btang ba'i nyes pa nag por ri med pa dang/ dkyil 'khor gzhan du longs ma spyad pa la bya'o/ /gtsang ma'i gos kyis bkri zhing zhes pa ni mgul pa bkri ba ste/ ras kha tshar dang phun tshar ma nyams pa/ gzhan du longs ma spyad ma mi gtsang pas ma spags pa'i ras dkar bo'o/ /bo d+hi satwa sa ni/ 'di'i 'grel pa phyi ma las srog chags kyi rgyud las ma byung ba las gtsang ma zhes bya'o/ /zhes bshad do/ /zhes pa ni rdzas de rnams kyi bum pa'i nang dag tu'o/ /des ni rgyu dang/ rdzas dang mtshan nyid bstan to/ /da ni sgrub pa'i dus kyi bzlas brjod bya ba'i grangs kyi tshad bstan pa ni/ gzungs rings nyi shu rtsa gcig bya/ yang snying ngam/ rigs kyi snying po brgya rtsa brgyad zlos pas na/ lan grangs nyi shu rtsa gcig gam/ yang na lan grangs brgya rtsa brgyad ces gsungs so/ /thun mtshams su 'am/ bum pa re re la grangs 'di tsam re re bya'o/ /des ni bzlas brjod bya ba bstan to/ /da ni gdul bya nye bar mtshon pa bstan te/ rdo rje rnam 'joms bzlas na ni/ bzlas brjod bya ba'i 'og tu khrus kyi gang zag bstan pa'i don to/ /rgyal po zhes bya ba'i rigs bye brag tu shes par bya'o/ /rtag tu zhes pa ni dus thams cad du 'am/ nyin dang mtshan thams cad du'o/ /rgyal po zhes pa ni khrus bya ba'i gang zag mtshan pa tsam du zad de/ rigs byin po gsum la yang bya'o/ /'o na rigs bzhi ga la byed na/ 'dir rgyal po gcig tu smos pa ci'i slad du zhe na/ de ni gtso bo tsam smos pa yin te/ de bde na thams cad bde bar 'gyur/ de sdug bsngal na thams cad sdug bsngal bar 'gyur ro/ /de'i phyir gtso bo tsam smos so zhes gsungs so/ /des ni rdo rje rnam par 'joms pa'i don ma lus par rgyas par bshad pa'o/ /rdo rje rnam par 'joms pa'i 'grel pa 'di byas pas/ de rang bdag gis dge ba gang

  559. 280a

    zhig thob par gyur pa/ zla 'od gsal dang mu tig do shal dri med dkar po 'dra ba des/ /nyon mongs mi shes sgrib pa'i blo bur gyur pa spang phyir sems can byang chub yid gyur cig /yang dag rtogs pa'i gtam 'di ye shes rdo rjes smras pas sems can rnams kyis nyon/ /rdo rje rnam par 'joms pa'i gzungs zhes bya ba'i rim par phye ba/ rgya cher 'grel pa gsal ba'i sgron me zhes bya ba slob dpon ye shes rdo rjes mdzad pa rdzogs so// //dbang phyug dam pa'i mnga' bdag /rgyal po chen po dpal lha btsan po'i bka' lung gis/ rgya gar gyi mkhan po chen po theg pa chen po gsang sngags la mkhas pa/ slob dpon bud+d+hA gu hya dang/ bod kyi zhu chen gyi lots+tsha ba bande ska ba dpal brtsegs rak+Shi tas bsgyur cing zhus te gtan la phab pa las/ slad kyis rgya bar gyi mkhan po chen po/ shad+d+ha ka ra barba dang/ bod kyi lo tsA ba mkhas pa chen po rin chen bzang pos rgya dpe dang gtugs nas bcas so/ /rdzogs so// // (kun nas sgor 'jug pa'i 'od zer gtsug tor dri ma med pa'i gzungs kyi 'grel pa bzhugs so/) /rgya gar skad du/ sa man+ta mu kha bra be sha rasmi bi ma loShtsI Sha pra b+ha sarbba ta thA ga tA h+ri da ya sa ma ya bi lo ki te nA ma d+ha ra Ni saM brit+ti/ bod skad du/ kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la/ rnam par blta ba zhes bya ba'i gzungs kyi rnam par bshad pa/ byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dbang phyug la phyag 'tshal lo/ /dbu'i gtsug tor 'od zer gyis/ /rmongs pa'i dri ma sel mdzad rgyal/ /gzungs kyi rgyan dang ldan pa'i sku/ /thugs rje mnga' la phyag 'tshal nas//

  560. 280b

    lung dang bla ma'i man ngag las/ /gzungs la rtogs pa skyes pas 'dir/ /shes rab gzungs dang bral rnams la/ brtse bas gzungs kyi rnam 'brel bshad/ /log rtogs can rnams tha dad du/ /rtsod pa'i dus su rtsod yod kyang/ /rtsod med thub pa'i bka' sde rnams/ /rtsod pa bcad phyir gzigs mo 'tshal/ /yang dag bka' rnams ma mthong zhing/ nges pa'i lam la mi mos pa'i/ /lam log lam go la zhugs pa rnams/ /lam mchog rdo rje theg pa'i gzhung/ /seng ge'i nga ro grag pa la /smod cing thag ring 'phros par 'gyur/ /dgro la dka' rmongs pa de dag la/ /rgyud pa las byung gdam ngag sba/ /thub pa'i bstan rtsa dge slong yin/ /dam chos tshul bzhin sbyong ba yi/ /dge slong de ni shin tu dkon/ /rtags dang cha lugs tsam gzung nas/ /rdo rje theg pa smod byed pa'i/ /rtog ges gzhung 'di smad mi bya/ /sngags gzhung la la chung mos kyang/ /logs spyod dam tshig mi bsrung la/ /sngags gzhung gsang par bya dgos na/ /byis pa gzhung lta smos ci dgos/ dad med rnams g.yeng le lo can/ /bag med sems rtsub ser sna che/ /g.yo rgyu 'dod seng gnyid brkam che/ /byas gzo snying rje shes rab chung/ /bar chad 'di dag dang ldan na/ /gzungs 'di 'grub par mi 'gyur ro/ /dad pa la brtan brtson 'grus can/ /gtod phod dag 'jam dul bag che/ /drang nges gsal la chags pa chud/ /blo ldan drin gzo 'tshe ba bral/ /nad dang nga rgyal the tshom med/ /des ni myur du 'grub par 'gyur/ /de lta bu'i yon tan dang ldan pa'i gang zag rtog pa 'di'i don bshad par bya'o/ /de'ang mdo don smra bar 'dod rnams kyis/ /bsdus pa dgos pa'i don bcas dang/ tshig don bcas dang rgal lan bcas/ /mtshams sbyar bcas pas bsnyad par bya/ zhes pa'i tshul gyis

  561. 281a

    rtog pa 'di'i bsdus pa'i don rnam pa bdun te/ gleng gzhi dang/ gleng bslang ba dang/ rten dang/ shes par bya ba'i yul dang/ nyams su blang ba'i thabs dang/ bsgrub par bya ba'i dngos po dang/ thob pa'i 'bras bu'o/ /de la gleng gzhi la gnyis te/ thun mong dang khyad par ro/ /dang po ni sdud pa po rang la yid ches par bya ba'i phyir thams cad du smos so/ /gnyis pa ni gdon gyi skabs brda sprad pa'i phyir zhus lan gyi tshul du gsungs so/ /de gnyis car yang rang la ldog pa gcod cings don la dran pa bskyed pa ste/ gzhung 'byung ba'i rgyu'o/ /lteng bslang ba ni don nyid gzhan gyi spyod yul du ji ltar 'gyur ba zhus lan gyi tshul gyis bsdus nas bkod pa ste gzhung 'byung ba'i rkyen no/ /rten gyi gang zag ni bsgrub tu rung pa dang/ nges par 'grub pa'i rigs so/ /shes par bya ba'i yul ni don dam dang kun rdzob pa'o/ /kun rdzob la gnyis te/ kun na snyon mongs pa dang/ rnam par byang ba'o/ /rnam par byang ba ni gnyis te/ byang chub sems dpa' rnams kyi shes rab dang snying rje'o/ /de ni shes rab kyis 'khor bar mi ltung ba dang/ snying rjes mya ngan las 'das par mi bzhugs pa'o/ /dang po ni lhag par shes rab ste don gyi gzungs so/ /gnyis pa ni 'jug ldog pa rmongs pa'i sems can rnams la snying rje chen po 'byung ba'i phyir tshig gi gzungs so/ /bsgrub par bya ba'i dngos po ni sngags dang rgyud dang phyag rgya'i tshul lo/ /thob par bya ba'i 'bras bu ni thun mong gi dngos grub dang mchog gi dngos grub po/ /de dag ni bsdus pa'i don to/ /dgos pa'i don ni yang dag pa'i lam gyi gol sa bcad pa'o/ /dran pa dang shes rab kun nas sgo dbyings rnam par dag pa la 'jug pa dang/ 'od zer khyad par gyi dpyod pa rtog pa'i dra ba sel ba de dag

  562. 281b

    yang dag pa'i lam mo/ /go las ni ma rtogs pa dang/ log par rtogs pa dang/ the tshom mo/ /don 'di la zhugs na skyon gsum po dang bral bar 'gyur ro/ /de ltar de la rim gyis sbyangs pa'i mthus sgrib pa gnyis dang bral nas don yang dag par bde blag tu rnyed pa ni dgos pa'i dgos pa'o/ /da ni tshig gi don brjod de/ de la brgal la lan mtshams sbyar ba ni shugs kyis 'od do/ /de nas zhes pa ni dbang du bya ba dang mtshams sbyar ba dang bkra shis pa'i don to/ /de la byang chub sems dpa' sgrib pa rnam sel gyi rgyud dga' ldan gyi gnas su gsungs pa 'das ma thag tu yang sum cu rtsa gsum pa'i lha'i don du 'di nyid gsungs pa ni/ de nas te de dang mtshams sbyar ba'o/ /ni brgal ba 'di kho na gsungs pa'i phyir dbang du bya'o de nas so/ /a? tha kha lu zhes kye 'am legs so'i sbra yod pas bkra shis pa'i de nas so/ /bcom ldan 'das ni rdo rje lta bu'i ting nge 'dzin gyis lhan cig skyes pa'i ma rig pa bcom pas nyon mongs pa gtan mi skye ste/ nyon mongs pa'i bdud bcom pa'o/ /rgyu nyon mongs ba med na 'bras bu dngos po la mngon par zhen pa med pas lha'i bu'i bdud bcom mo/ /dngos po'i mngon zhen med pas bag chags kyi mtshams mi sbyor te des phung po'i bdud bcom mo/ /sdug bsngal gyi phung po zad na rnam rtog gi bar mi ltung bas skye shi dang bral bas 'chi bdag gi bdud bcom mo/ /ldan pa ni/ dbang phyug dang ni gzugs bzang dang/ /dpal dang grags dang ye shes dang/ /brtson 'grus phun sum tshogs ldan pa/ /drug ni skal dang ldan zhes bshad ces te/ 'bar? phyug ni sgrib pa thams cad kyi dbang du ma gyur pa'i rang dbang chen po dang ldan pa'o/ /gzugs bzang ba ni mtshan dang dpe byad do/ /dpal ni bsod nams dang ye shes kyi tshogs te/ gzhan gyis bsten bya min pas so/ /grags pa ni tshangs

  563. 282a

    pa'i 'jig rten la thug gi bar du bcom ldan 'das bde bar gshegs pa 'jig rten mkhyen pa skyes bu 'dul ba'i kha lo bsgyur ba bla na med pa lha dang mi rnams kyi ston pa sangs rgyas so zhes pa la sogs pa du ma grags te yon tan na ye shes ni shes bya ji snyed pa dang/ ji lta ba lag mthil gyi skyu rur ltar mkhyen pa'o/ /brtson 'grus ni sku gsung thugs kyis mdzad pa rgyun mi 'chad pa ste/ thugs rje'o/ de la dbang phyug dang ye shes kyi chos kyi sku'o/ /gzugs bzang ni longs spyod rdzogs pa'i sku'o/ /dpal dang grags pa ni sprul pa'i sku'o/ /brtson 'grus ni gsum ka'o/ /yang na phyir mi ldog pa 'khor lo'i mdo las/ nam mkha' 'dra ba'i chos rnams ni/ /lus can dag la rab ston kyang/ /de la bsnyal ba mi mang bas/ /da phyir bcom ldan 'das zhes bya/ zhes gsungs so/ /skye ba gcig gis thogs pa'i byang chub sems dpa' chen pos rgyun mi 'chad par lha'i bu rnams la chos kyi ro myang bar mdzad pas dga' ldan gyi lha'i gnas zhes bya ste/ gnas phun sum tshogs ba'o/ /gnas 'di smos pa ni rtog pa 'di'i sgor zhugs pa'i rigs kyi bu dang rigs kyi bu mo rnams kyang ji srid chos dga' ba chen po'i rigs rgyun mi 'chad par myong bar 'gyur ba'i don to/ /'khor gsungs pa byang chub ni rnam par dkar ba'i lam rgyu dang 'bras bur bcas ba'o/ /de la sems dpa' ni byang chub sems dpa' 'o/ /de nyid nyan thos dang rang rgyal la yang yod pas 'dir chen po gsungs so/ /de la che ba ni bdun dang ldan pas byang chub sems dpa' chen po'o/ /de la chos chen po ni rig pa mchog dang dbang bskur ba'i rgyud chen po dang ta thA saM gra ha la sogs pa'i gzhung rgya chen po rnams la dbang mdzad pa'i phyir ro/ /sems bskyed pa chen po ni bde bar gshegs pa rigs lnga dang go 'phang mnyam pa la dbang sgyur ba thob

  564. 282b

    pas so/ /mos pa chen po ni don zad pa dang rgya che ba la mos pa'o/ /bsam pa rgya che ba la mos pa ni sems can thams cad la phan pa dang/ bde ba skyed pa'i phyir ro/ /tshogs chen po ni bsod nams dang ye shes kyi tshogs rgyun mi 'chad pas so/ /dus chen po ni 'khor lo ji srid par gzhan don la 'jug par zhal gyis bzhes pas so/ /thob pa chen po ni yang dag par rdzogs pa'i sangs rgyas phyag rgya chen po'i sku'o/ /lta ba dang rtog pa gcig pas mchog cig pa dang bdun pa gcig pas spang bya spyod pa la bar chad med pa'i phyir dge 'dun no/ /de ni yon tan no/ /grangs ni rtsod par 'gyur ba'i phyir ma gsungs mod kyi byang chub sems dpa' sgrib pa rnam sel gyi rgyud du gsungs pa de lta bu la sogs pa mu mdza' yas so/ /zhes gsungs so/ zhabs 'bring pa lha'i tshogs zhes pa ni chos che bar byed cing bstan ba rgyas par byed pa'i ston pa'i zhabs su 'brang ba'o/ /de la chos la mos pa bskyed pa'i 'khor ni tshangs ba'o/ /rgol ba tshar gcod par byed pa'i 'khor ni khyab 'jug go /bstan pa 'dzin par byed pa'i 'khor ni dbang phyug chen po'o/ / sogs kyis ni phul du byung ba'i sbyin bdag gi 'khor brgya byin dang/ gdul bya bzod pa'i 'bras bu tshim par byed pa'i 'khor tsha ma'i lha dang/ rdzu 'phrul sna tshogs pa la dbang sgyur pa 'phrul dga' i lha dang/ 'dod pa la gcig tu zhen pa dang bral ba'i 'khor gzhan 'phrul dbang byed lha dang/ 'khor ba la lhag par chags pa dang bral pa gzugs khams kyi lha rnams dang/ rig gnas ston par byed pa sum cu rtsa gsum pa'i lha'i 'khor dang/ chos 'dzin pa'i gang zag skyong bar byed pa'i 'khor dang bcas pa'o/ /thabs gcig pa ni gsum ste/ sdud pa'i 'khor phyag na rdo rje dang spobs pa gcig cu sbyar ba'i/ nyan pa'i 'khor ni gus pa dang dbyer mi phyed pa'o/ /gdul bya'i dus la mi ldog pas thabs gcig pa'o/ /bzhugs zhes pa yang

  565. 283a

    gsum ste/ sku'i bzhugs pa ni 'chag pa dang/ bzhengs pa dang seng ge lta bur gzims pa zhes pa'o/ /gsung gi bzhugs pa'o/ /gsung gcig gis ni gsungs mod kyang/ du ma nyid du so sor go zhes dbang po rab 'bring tha ma rgyun mi 'chad pa'i tshul gyis gsung 'byung ngo/ /thugs kyi bzhugs pa mi gnyis te/ 'jig rten pa dang mthun par thugs bskyed nas ting nge 'dzin gang zhugs na grog sdur la sogs pa yan chad kyis kyang bcom ldan 'das kyi thugs rig par mdzad ba ni nang du yang dag 'jog gis bzhugs pa'o/ /snyom par 'jug pa la gsum ste/ lha'i tshul dang mthun par bsam gtan bzhis snyoms par 'jug pa dang/ tshad med pa bzhis tshangs pa'i snyoms par 'jug pa dang/ rnam thar gsum gyis 'phags pa'i snyoms par 'jug pa'o/ /to zhes pas bzhugs pa'i nyid na 'das par bstan to/ /'khor mang po tshogs pa ni mi mthun ba yod na gnyen po 'byung ba'i phyir bar du gcod pa'i 'khor te bdud kyang shes par bya'o/ des na gdul bya'i 'khor ro/ /de nas bcom ldan 'das dga' ldan gyi gnas de na chos gsung ba'i dus su 'dod pa dang gzugs kyi lha'i bu thams cad tshogs te bcom ldan 'das kyi rdzu 'phrul gyi lam gyis brlabs pa'o/ /des na gzungs kyi dbang phyug rgyal pos zhus pa'i mdor ji skad gsungs pa ltar dga' ldan gyi lha'i gnas nor bu rin po che'i khang pa sgom chen po sprul nas/ lha'i gnas thams cad nas rin po che'i thems skas du ma brten te/ sku'i 'od zer rigs mi mthun pa bye ba phrag brgyad cu re re mngon bar 'dus byas nas stong gsum gyi stong chen po rab 'byam gyi 'jig rten gyi khams thams cad kyi lha tshogs rnams 'dir lhags par gyur to/ zhes bya ba'i bar du'o/ /der gsungs pa'i chos ni

  566. 283b

    pha rol tu phyin pa drug gi don gyi rgyas pa'i gsang sngag 'di kho na'o/ /de la pha rol tu phyin pa drug ni 'di lta ste/ sbyin pa'i pha rol tu phyin pa ni gang byang chub sems dpa' i chos nyid la gnas pa'i byang chub sems dpa' byang chub kyi sems la brten nas snying rje sngon du btang ba'i sems kyis bdog pa thams cad yongs su gtong ba las se dang ngag dang yid kyi las te de ltar byas na sbyin pa'i pha rol tu phyin pa mtshan nyid ni rigs kyi dang/ smon lam dang/ bsam pa dang/ dngos po dang/ ngo bo nyid kyis bstan par rig par bya'o/ /'di lta ste byang chub sems dpa' i chos nyid ni rigs so/ /byang chub kyi sems ni smon lam mo/ /snying rje sngon du gtong ba'i sems ni bsam ma'o/ /bdog pa thams cad yongs su gtong ba ni dngos po'o/ /lus dang ngag dang yid kyis las ni ngo bo nyid do/ /de bzhin du shes rab kyi pha rol tu phyin pa'i bar yang de bzhin du rig par bya'o/ /'di ni bye brag yin te/ tshul khrims dang/ bzod pa dang/ brtson 'grus kyi pha rol tu phyin pa rnams la ni sdom pa thams cad yang dag bar len pa dang rjes su bsrung ba dang/ gnod par byed pa dang du len pa dang/ sdug bsngal la ji mi snyam par 'dzin pa dang/ dge ba'i chos thams cad yang dag par sgrub pa la lus dang ngag dang yid kyi las so/ /zhes so rims bzhin du brjod bar bya'o/ /bsam gtan gyi pha rol tu phyin pa la ni lus dang ngag dang yid kyi las kyi rnam pa thams cad dbang 'byor ba dang sems kyi gnas rnam pa thams cad dang ldan no/ /shes rab kyi pha rol tu phyin pa la na lus dang ngag dang yid kyi las kyi rnam pa thams cad dbang 'byor ba la gang rnam pa thams cad du chos rab tu rnam par 'byed pa'o zhes brjod par bya'o/ /lhag ma thams cad ni sbyin pa'i rang bzhin du rig par bya'o/ /gang yin pa ni thams cad mkhyen pa nyid la brtsam pa dang/ thams cad

  567. 284a

    mkhyen pa nyid du 'gyur ba dang/ thams cad mkhyen pa nyid du 'dzin pa dang/ thams cad mkhyen pa nyid kyi bya ba byed ba ste/ de ni sbyin pa'i pha rol tu phyin nyid ces bya'o/ /tshig bzhi po de dag ni go rims bzhin du rtsom pa dang bag chags dang lus dang rgyu mthun par rig par bya'o/ /de la rtsom pa ni thams cad mkhyen pa nyid la brtsams te 'byung ba dang/ 'byung ba der yongs su bsngo ba'i phyir ro/ /sbyin pa de rgyud la bag chags su bsgo ste de phyi ma las thams cad mkhyen pa nyid du 'gyur ro/ /gang gi tshe de nyid yongs su rdzogs par gyur pa de'i tshe chos kyi sku yongs su 'grub pa'i tshul gyis thams cad yongs su 'dzin to/ /de'i 'og tu longs spyod rdzogs pa dang sprul pa'i sku ru mthun pa'i sgo rnams thams cad mkhyen pa'i bya ba byed do/ /shes rab kyi pha rol tu phyin pa'i bar la yang de bzhin du rig par bya'o/ /go rims ni 'og ma la brten pa'i phyir te/ sbyin pa'i pha rol tu phyin pas ni nang dang phyi'i dngos po thams cad yongs su gtong bar goms pas lus dang srog la mi lta ba'i byang chub sa sems dpa' longs spyod kyi phung po chen po yang spangs nas tshul khrims yang dag par 'dzin par byed do/ /tshul khrims rjes su bsrung ba ni gshe yang slar gshe bar mi byed do zhes bya ba la sogs pa rnams kyis bzod par 'gyur ro/ /grang ba la sogs pa bzod pa ni de'i gzhi la sbyor ba mi nyams pas brtson 'grus brtsams pa yin no/ /brtson 'grus brtsams pa ni sbyor pa mdza' i 'bras bu thob pas bsam gtan sgrub pa'o/ /bsam gtan phun sum tshogs te sems mnyam par bzhag pa ni yang dag pa ji lta ba bzhin du shes pas 'jig rten las 'das pa'i shes rab 'thob bo/ /yang gong ma gong ma ni gzhi yin pa'i phyir ro/ /tshul khrims ni sbyin pa'i gzhi yin no/ /de bzhin du shes rab

  568. 284b

    ni bsam gtan gyi gzhi yin pa'i bar du'o/ /'di ltar tshul khrims dang ldan pa'i sbyin pas phan btags pa'i tshul khrims kyis gnod pa mi byed pa'i phyir sbyin pa rnam par dag par 'gyur/ de ltar byang chub sems dpa' i len pa so so de rnam par 'tshe ba dang bral bar yo byad kyis bde bar sbyor bas tshul khrims kyi stobs kyis sbyin pa rnam thar? dag par rig par bya'o/ /de ltar bzod pa dang ldan pa ni gzhan gnod pa byed pa dag gis bslab pa'i gzhi mi 'bral ba tshul khrims rnam par dag 'o/ /brtson 'grus brtsams bas spro ba'i stobs kyis ched du 'khor ba khas blangs pa ni sems can gyi log par sgrub pa'i sdug bsngal bde blag tu bzod pas bzod pa rnam par dag go/ bsam gtan bde ba dang bcas pa dang yid bde ba dang bcas par dge ba'i chos thams cad la sbyor ba brtson 'grus rnam par dag go /shes rab dang ldan pa'i chos rnam pa mang po rnam par bltas nas nang du zhi bar byed pa ni ting nge 'dzin rnam par 'phel bas bsam gtan rnam par bdag ste/ shes rab med la bsam gtan med ces pa'i tshig su bcad pa las gsungs pa'i phyir ro/ /ji ltar rags pa'i rims kyis kyang go rims bzhin du rig par bya'o/ /sbyin pa ni thams cad kyi nang na rigs te de'i phyir thog mar rnam par bzhag go/ de'i 'og tu bzod pa la sogs pas tshul khrims rags so/ /de bzhin du shes rab pas bsam gtan rags pa'i bar du'o/ /shes rab ni thams cad kyi nang na phra ste de'i phyir thams cad kyi tha mar bzhag go/ /nges pa'i tshigs ni sbyin pa la sogs pa la sbyin pa la sogs pa'i pha rol tu phyin pa zhes bya zhe na/ sbyin pa chen po dang/ skyon med pa dang/ dri ma med pa ni sbyin po'i pha rol tu phyin pa zhes bya'o/ /de la sbyin pa chen po ni nang dang phyi'i dngos po thams cad sbyin pa dang yun ring du sbyin pa'i

  569. 285a

    phyir ro/ /skyon med pa ni gnod pas kun tu tshol ba la sogs pa rnam par spangs pa'i phyir ro/ /ji skad du 'phags pa blo gros mi zad pas bstan pa'i mdo las sbyin pa mi zad pa las brtsams te bstan la/ btsun pa sha radwa ti'i bu byang chub sems dpa' rnams kyi sbyin pa yang mi zad pa ste/ de ci'i phyir zhe na/ tshad med pa'i phyir ro/ /btsun pa shA radwa ti'i bu byang chub sems dpa' rnams kyi sbyin pa yongs su spyad pa yang tshad med pa ste/ tshe dang/ spobs pa dang/ bde ba dang/ stobs dang kha dog nye bar brtag pa'i phyir zas 'dod pa rnams la ni zas sbyin no/ /nyon mongs pa'i srid pa bsal ba'i phyir btung ba 'dod pa rnams la ni btung ba sbyin no/ /bde ba dang 'byor ba'i dngos po thams cad bsdus pa'i phyir bzhon pa 'dod pa rnams la ni bzhon pa sbyin no/ /ngo tsha shes pa dang khrel yod pa dang/ mdog gser gyi kha dog yongs su sbyang ba'i phyir gos 'dod pa rnams la yongs su sbyin pa'o/ /de bzhin gshegs pa'i lha'i spyan yongs su rdzogs par bya ba'i phyir mar me 'dod pa rnams la ni mar me yongs su sbyin pa'o/ /de bzhin gshegs pa'i lha'i snyan yongs su dang bar bya ba'i phyir sil snyan 'dod pa rnams la ni sil snyan yongs su sbyin pa'o/ /tshul khrims dang thos pa dang ting nge 'dzin gyi bris byug pa 'dod pa'i phyir spos dang byug pa 'dod pa rnams la ni spos dang byug pa sbyin pa'o/ /gzungs dang spobs pa dang byang chub kyi yan lag gi me tog thob par bya ba'i phyir phreng ba 'dod pa rnams la ni phreng ba sbyin par bya'o/ /lus kyi dri yid du 'ong ba thob par bya ba'i phyir phye me 'dod pa rnams la phye ma sbyin pa'o/ /skyes bu chen po'i mtshan ro bro ba mchog tu yongs su rdzogs par bya ba'i phyir ro bro ba thams cad 'dod pa la ro bro ba thams cad sbyin pa'o/ /sems can thams cad kyi gnas dang

  570. 285b

    skyabs dang/ mgon dang dpung gnyen bya ba'i phyir gnas 'dod pa rnams la gnas sbyin par bya'o/ /sgrib pa thams cad rab tu spangs pa dang tshangs pa'i gnas pa de bzhin gshegs pa'i gzims cha thob par bya ba'i phyir mal cha 'dod pa rnams la mal cha sbyin par byed do/ /stong gsum gyi stong chen po'i sa thams cad kyi byang chub kyi snying po rdo rje'i gdan thob par 'dod pa rnams la stan sbyin par byed do/ /byang chub kyi yo byad thams cad bkang ba'i phyir yo byad 'dod pa rnams la yo byad sbyin pa'o/ /mi rga mi 'chi ba'i bdud rtsi yongs su bkang ba'i phyir sman 'dod pa rnams ni sman sbyin pa'o/ /rang dbang dang rang nyams dang rab byung gi ye shes bkang ba'i phyir byang chub sems dpa' rnams kyi bran pho dang bran mo yongs su btang ba'i sbyin zhes rgya cher 'byung ba lta bu'o/ /dri ma med pa ni mi mthun pa'i phyogs bag chags dang bcas pa spangs pa'i phyir ro/ /dam pa rnam pa 'di gsum gyis sbyin pa'i pha rol tu phyin pa zhes brjod pa yin te/ dam pa rnam gsum ni 'dris pa dang bcas pa'i ngo bo nyid dam pa dang thabs dam pa dang 'bras bu dam pa'o/ /'dris pa dam pa ni yun ring po nas sbyin par rig par bya'o/ /shes rab kyi pha rol tu phyin pa'i bar du yang de bzhin du rig par bya'o/ /tshul khrims kyi pha rol tu phyin pa skyon med pa ni bdag tu sgro 'dogs pa rnam par spangs pa'i phyir te ci rigs su de mi zad par lta bar bya'o/ /yang dag pa rnam pa bcu gnyis dang ldan pa'i phyir pha rol tu phyin pa zhes bya'o/ /dam pa rnam bcu gnyis la rgya che ba dam pa 'jig rten gyi phun sum tshogs pa thams cad mi 'dod pa dang mchog tu gyur pa'i phyir ro/ /yun ring pa dam pa ni bskal pa grangs med pa gsum du yongs su bsgoms pa'i phyir ro/ /ched du bya ba dam pa ni sems can gyi don bya ba'i ched kyi phyir ro/ /zad mi shes pa dam

  571. 286a

    pa ni byang chub chen po yongs su bsngos pas gdung bar mi 'gyur ba'i phyir ro/ /rgyun mi 'chad pa dam pa ni bdag dang gzhan mnyam pa nyid du mos pa'i phyir ro/ /sems can thams cad la sbyin pa la sogs pa pha rol tu phyin pa rnams yongs su rdzogs par bya ba'i phyir ro/ /tshogs med pa dam pa ni gzhan gyi sbyin pa la sogs pa la rjes su yi rang tsam gyis pha rol tu phyin pa yongs su rdzogs par bya ba'i phyir ro/ /dbang 'byor pa dam pa ni nam mkha' mdzod kyi ting nge 'dzin la sogs pa yongs su rdzogs pa'i phyir ro/ /yongs su gzung ba dam pa ni rnam par mi rtog pa'i ye shes kyi yongs su gzung ba'i phyir ro/ /rtsom pa dam pa ni mos pa spyod pa'i sa la bzod pa cher gyur pa la'o/ /thob pa dam pa ni sa dang po'i 'o/ /rgyu mthun pa dam pa ni de ma yin pa gzhan brgyad po dag la'o/ /'grub pa dam pa ni sa bcu pa dang/ de bzhin gshegs pa'i sa la byang chub sems dpa' 'grub pa dang sangs rgyas 'grub pa'i phyir ro/ /yang dam pa rnam pa spyad pa dang bgrod pa'i phyir pha rol tu phyin pa rnams te/ sangs rgyas dang byang chub sems dpa' rnams kyis spyad pa dang bgrod ces pa'i tha tshig go /yang shes bya'i pha rol tu phyin pa ste/ sangs rgyas nyid la gnas zhes pa'i tha tshig go/ yang bdag dang gzhan mchog tu gnod pa las sgrol bar byed pa'i pha rol tu phyin pa rnams te/ bdag dang gzhan sdug bsngal gyi rgya mtsho las bzla bar byed ces pa'i tha tshig go /'di ni re zhig thun mong gi nges tshig go /so sor nges pa'i tshig ni sbyin bdag gi dbul ba sel ba dang/ len pa po rnams kyi gdung ba sel ba'i phyir sbyin pa'o/ /dbang po zhi ba thob pa dang 'gro ba bzang por sbyor ba dang/ gsal ba'i gnas yin pas tshul khrims te/ go rims

  572. 286b

    bzhin du dbang po rnams kyi sgo bsdams par byed pa dang bde 'gror 'gro ba'i rgyur gyur ba dang 'gyod ba med pa la sogs pa'i rim gyis mya ngan las 'das pa'i gnas yin pa'i phyir ro/ /khro bo'i na tsha sel ba dang rma 'byin pa'i sems 'ongs pa sel ba dang zha ba brjod pa'i bzod pa'o/ /rma 'byin pa sems pa ni gang gis gnod pa byed pa rnams la lan du gnod pa steng 'ongs pa 'dis 'bral byed pa ni sel bar rig par bya'o/ /rma 'byin pa 'di dag las gshar gnyer ba yod pas rma 'byin pa can te/ de dag bdag la mi 'jigs pa sgrogs pas bde ba ni bde ba sprogs par rig par bya'o/ /sel ba 'phel bar spyod pas brtson 'grus te de sel ba'i phyir spyod pa ni yang dag par spyod pa gnyis kyi mi dge ba'i chos dang bral bar byed pa'o/ /'phel ba'i phyir spyod pa ni yang dag par spyod pa gnyis kyis dge ba'i chos yang dag par sgrub pa'o/ /'dzin pa dang sdom pa dang 'dul ba dang thob par byed pas bsam gtan te/ de la 'dzin pa ni dmigs pa la sems 'dzin pa'o/ /sdom pa ni rnam par g.yeng ba la sems yang dag par sdom pa'o/ /'dul ba ni kun nas bkris pa rnams rnam par gnon pa'o/ /thob par byed pa ni dbang 'byor pa thob par byed par rig par bya'o/ /gzhan gyis smras pa shes pa dang so so rang gis shes pa dang rnam par shes pa dang/ zhi ba thob pa dang/ rab tu zhi ba thob pa dang/ yon tan mchog tu sbyin pas shes rab ste de la gzhan gyis smras pa las byung ba'i tshul bzhin yid la byed pa dang mtshungs par ldan pa'i shes rab bo/ /so so rang shes pa ni 'jig rten las 'das pa'o/ /rnam par shes pa ni 'jig rten las 'das pa'i rjes las thob pa'o/ /zhi ba thob par bya ba'i phyir yon tan mchog tu phyin par rang gis shes pa ni 'jig rten las 'das pa'i shes rab thob pa'o/

  573. 287a

    zhi ba thob par bya ba'i shes pa ni bsgom pa'i lam la gnyen por gyur pa'o/ /yon tan mchog tu phyin par bya ba'i phyir shes pa ni yon tan khyad par can mngon par sgrub pa'i shes rab tu rig par bya'o/ /bsgom pa ni rnam pa lnga ste/ phung po la gnas pa nas dbang 'byor pa la gnas pa'i bar du'o/ /'dir tshigs su bcad la/ phung po gnas pa bsgom pa ste/ yid la byed pa bsam pa yin/ /thabs dang dbang 'byor de bzhin te/ /de dag thams cad brjod pa yin/ /ji skad du rgyu dang smin dang smon lam dang/ so sor rtog pa phung po 'dra zhes bshad pa lta bu'o/ /de la phung po la rnam pa bzhi ste/ de la rgyu la gnas pa ni shes rab kyi stobs kyis pha rol tu phyin pa rnams la nan tan gyis goms par byed pa'o/ /rnam par smin pa la gnas pa ni gang phun sum tshogs pa'i stobs kyis so/ /smon lam la gnas pa ni gang sngon gyi smon lam gyi stobs kyis so/ /so sor rtog pa'i stobs kyis gnas pa ni shes rab kyi stobs kyis pha rol tu phyin pa rnams la nan tan gyis goms par byed pa'o/ /yid la byed pa la gnas pa ni bzhi ste/ mos pa yid la byed pa bsgom pa ni gang la pha rol tu phyin pa thams cad dang ldan pa'i mdo sde la mos pa bsgom pa'o/ /ro myang pa la yid la byed pas bsgom pa ni pha rol tu phyin pas thob pa rnams la yon tan mthong ba'i tshul gyis ro myang bar byed pa'o/ /rjes su yi rang ba yid la byed pas bsgom pa ni 'jig rten gyi khams thams cad kyi sems can thams cad kyi sbyin pa la sogs pa la rjes su yi rang ba'o/ /mngon par dga' ba yid la byed pas bsgom pa ni bdag dang sems can thams cad kyi ma 'ongs ?pa'i phyin pa'i khyad par la mngon par dga' ba'o/ /bsam pa la gnas pa ni pha rol tu

  574. 287b

    phyin pa'i bsgom pa rnam pa drug ste/ mi ngoms pa'i bsam pa dang/ yangs pa'i bsam pa dang/ dga' ba'i bsam pa dang/ phan 'dogs pa'i bsam pa dang/ gos pa med pa'i bsam pa dang/ dge ba'i bsam pa'o/ /de la byang chub sems dpa' sbyin pa la mi ngoms pa'i bsam pa ni byang chub sems dpa' gcig cig gang+gA'i klung gi bye ma snyed kyi 'jig rten gyi khams rin po che sna bdun gyis yongs su gang ba dang lus gang+gA'i klung gcig la sbyin par byed ces so/ /de bzhin du skad cig re re la gang+gA klung gi bye ma snyed kyi bskal bar sbyin par byed cing sems can gcig la ji lta ba bzhin du sems can gyi khams ji snyed pa bla na med pa yang dag par rdzogs pa'i byang chub la yongs su smin par byed pa la/ rnam grangs 'dis de la sbyin pas mi ngoms pa nyid ni byang chub sems dpa' sems dpa' nyid de/ rnam pa 'di lta bu'i bsam pa gang yin pa 'di ni sbyin pa la byang chub sems dpa' i bsam pa mi ngoms pa yin no/ /byang chub kyi snying po la 'dug gi bar du byang chub sems dpa' rnams rnam pa de lta bur sbyin pa gcig nas gcig tu brgyud pa skad cig tsam yang nyams par mi byed cing rgyun mi gcod de/ rnam pa 'di lta bu'i bsam pa gang yin pa ni sbyin pa la byang chub sems pa'i yangs pa'i bsam pa'o/ /de ltar sbyin pas sems can de dag rjes su 'dzin pa'i byang chub sems dpa' ni shin tu dga' ba yin gyi sbyin pa des yongs su gzung ba'i sems can de dag ni de lta ma yin te/ rnam pa lta bu'i bsam pa gang yin pa 'di? ni sbyin pa la byang chub sems dpa' i dga' ba'i bsam pa'o/ /gang dag la de ltar sbyin pas phan 'dogs pa'i sems can de dag ni bdag la phan 'dogs par byang chub sems dpa' mthong gi bdag gis ni/

  575. 288a

    ma yin te/ de dag ni bla na med pa yang dag par rdzogs pa'i byang chub bstan pa'i phyir ro/ /rnam pa lta bu'i bsam pa gang yin pa de 'di ni sbyin pa la byang chub sems dpa' phan 'dogs pa'i bsam pa'o/ / byang chub sems dpa' ni sems can rnams la de ltar sbyin pa las byung ba'i bsod nams yangs pa mngon par 'du byas kyang lan du phan 'dogs pa'i rnam par smin pa mi 'dod de rnam pa 'di lta bu'i bsam pa gang yin pa 'di ni sbyin pa'i pha rol tu phyin pa bsgom pa la byang chub sems dpa' i gos pa med pa'i bsam pa'o/ /byang chub sems dpa' i sbyin pa'i phung po spangs pa'i rnam par smin pa de lta bu gang sems can thams cad kyi yin par mngon par dga' bar byed kyi bdag la ni de ltar ma yin te/ sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo'o/ /rnam pa 'di lta bu'i bsam pa gang yin pa 'di ni sbyin pa'i pha rol tu phyin pa bsgom pa dang byang chub sems dpa' i dge ba'i bsam pa'o/ /de la tshul khrims kyi pha rol tu phyin pa bsgom pa nas shes rab kyi pha rol tu phyin pa bsgom pa'i bar la byang chub sems dpa' mi ngoms pa'i bsam pa ni gang byang chub sems dpa' lus gang+gA'i klung gi bye ma snyed du gyur zhing tsho'i ched? bskal pa gang+gA'i bye ma snyed du gyur la rgyun du yo byad thams cad kyis 'phongs par gyur cing stong gsum gyi stong chen po'i 'jig rten gyi khams mes rab tu gang ba ni spyod lam bzhi byed kyang/ skad cig gcig la tshul khrims kyi pha rol tu phyin pa nas skad cig gcig la shes rab kyi pha rol tu phyin pa'i bar la bsgom zhing rnam grangs 'dis tshul khrims kyi phung po ji

  576. 288b

    snyed pa dang/ shes rab kyi phung po ji snyed pa gang gis bla na med pa yang dag par rdzogs pa'i byang chub mngon par rdzogs par 'tshang rgya ba'i tshul khrims kyi phung po shes rab kyis phung po de bsgom yang byang chub sems dpa' de mi ngoms pa'o/ byang chub sems dpa' byang chub kyi snying po la 'dug gi bar du tshul khrims kyi pha rol tu phyin pa bsgom pa nas shes rab kyi pha rol tu phyin pa bsgom pa'i bar du sgom la byang chub sems dpa' yangs pa'i bsam pa'o/ /tshul khrims kyi pha rol tu phyin pa bsgom pa nas shes rab kyi pha rol tu phyin pa bsgom pa des sems can rjes su 'dzin pa'i byang chub sems dpa' ni rab tu dga' ba yin gyi rjes su bzung ba'i sems can de dag ni de ltar ma yin te/ rnam pa de lta bu'i bsam pa gang yin pa 'di ni tshul khrims kyi pha rol tu phyin pa bsgom pa nas shes rab kyi pha rol tu phyin pa'i bar du bsgom pa ni byang chub sems dpa' dga' ba'i bsam pa'o/ /tshul khrims kyi pha rol tu phyin pa bsgom pa nas shes rab kyi pha rol tu phyin pa'i bar du bsgom pas gang dag la phan 'dogs pa'i sems can de dag ni bdag la shin tu phan 'dogs par byang chub sems dpa' mthong gi bdag ni ma yin ste/ de dag bla na med pa yang dag par rdzogs pa'i byang chub tu ston pa'i phyir ro/ /rnam pa 'di lta bu'i bsam pa gang yang yin pa 'di ni tshul khrims kyi pha rol tu phyin pa bsgom pa nas shes rab kyis pha rol tu phyin pa'i bar du bsgom pa la byang chub sems dpa' phan 'dogs pa'i bsam pa'o/ /de la byang chub sems dpa' ni de ltar tshul khrims kyi pha rol tu phyin pa las byung ba nas shes rab kyi pha rol tu phyin pa'i bar las byung ba'i bsod nams mang po mngon par 'dug byas kyang de la lan du phan 'dogs pa 'am rnam par smin pa gang 'dod pa med de/ 'di lta bu'i bsam pa gang yin pa 'di ni tshul

  577. 289a

    khrims kyi pha rol tu phyin pa bsgom pa nas shes rab kyi gos pa med pa'i bsam pa'o/ /de la byang chub sems dpa' i tshul khrims kyi pha rol tu phyin pa'i bsgom pa las byung ba nas shes rab kyi bar gyi bsod nams kyi phung po'i rnam par smin pa'i 'bras bu yang sems can rnams kyi yin par mngon par dga' bar byed kyi bdag la ni ma yin te/ sems can thams cad dang thun mong du byas te bla na med pa yang dag par rdzogs pa'i byang chub tu yongs su bsngo ba'o/ /rnam pa 'di lta bu'i bsam pa gang yin pa 'di ni tshul khrims kyi pha rol tu phyin pa bsgom pa nas shes rab kyi pha rol tu phyin pa'i bar du bsgom pa la byang chub sems dpa' i dge ba'i bsam pa'o/ /thabs la gnas te pha rol tu phyin pa bsgom pa gang zhe na/ rnam pa gsum ste/ so sor rtog pa'i phyir rnam par mi rtog pa'i ye shes kyi 'khor gsum yongs su dag pa ste thabs de ni yid la byed pa thams cad mngon par grub pa'i phyir ro/ /dbang 'byor pa la gnas te pha rol tu phyin pa bsgom pa ni rnam pa gsum ste/ lus la dbang 'byor pa dang/ spyod pa la dbang 'byor ba dang/ bshad pa la dbang 'byor pa'o/ /lus la dbang 'byor ba ni de bzhin gshegs pa'i sku gnyis su blta bar bya ste/ rang bzhin dang longs spyod rdzogs pa'o/ /de la spyod pa la dbang 'byor pa ni sprul pa'i skur blta bar bya ste/ sems can sems dpa' thams cad la spyod pa rnam pa rgyun du ston pa'o/ /bshad pa la dbang 'byor ba ni pha rol tu phyin pa drug rnams pa thams cad du bshad pa la thogs pa med pa'o/ /rab tu dbye ba ni rton pa bco brgyad gyis pha rol tu phyin pa drug rab tu dbye bar blta'o/ /rton pa bco brgyad ni lus rton pa dang sems rton pa dang/ dge ba rton pa dang/ bde 'gro rton pa dang/ byang chub rton pa dang/ snying rje rton pa dang/ sems

  578. 289b

    yongs su mi gtong bar rton pa dang/ dman pa'i sems su 'dar bar rten pa dang/ mi skye ba'i chos la bzod pa rton pa dang/ dge ba'i rtsa ba yang dag par sgrub pa rton pa dang/ dge ba'i rtsa ba mi zad par rton pa dang/ dge ba'i rtsa ba la yongs su mi skyo bar rton pa dang/ bsam pa'i don thams cad 'byor par rton pa dang/ tshig bsdud par rton po dang/ sa la 'jug pa rton pa dang/ sangs rgyas kyi chos yang dag sgrub pa rton pa dang/ sangs rgyas kyi sgrub pa rton pa ste sbyin pa la sogs pa rnam pa gsum tha dad pas gsum gsum gyi go rim bzhin du bsdus par rig par bya'o/ /de la sbyin pa rnam pa gsum ni zang zing gi sbyin pa dang/ mi 'jigs pa'i sbyin pa dang/ chos kyi sbyin pa'o/ /tshul khrims la rnam pa gsum ste sdom pa'i tshul khrims dang/ dge ba chos sdud pa'i tshul khrims dang/ sems can don byed pa'i tshul khrims so/ /bzod pa gsum ni gnod pa byed pa la ji mi snyam pa'i bzod pa dang/ sdug bsngal dang du len pa'i bzod pa dang/ chos la nges par sems pa'i bzod pa'o/ /brtson 'grus rnam pa gsum ni go cha'i brtson 'grus dang/ sbyor ba'i brtson 'grus dang/ sems can don bya ba'i brtson 'grus so/ /bsam gtan rnam pa gsum ni mthong ba'i chos la bde bar gnas par 'gyur ba'i bsam gtan dang/ mngon par shes pa mngon par gsal ba'i bsam gtan dang/ sems can gyi don bya ba'i bsam gtan no/ /shes rab rnam pa gsum ni kun rdzob la dmigs pa dang/ don dam pa la dmigs pa dang/ sems can gyi don la dmigs pa'o/ /de la zang zing gi sbyin pa ni lus ma gtogs te bza' ba dang btung ba la sogs pa'i yo byad rnams kyis len pa po la phan 'dogs pa'i phyir ro/ /mi 'jigs pa sbyin pa ni sems la rton pa ste/ yid mi bde ba'i bye brag dang

  579. 290a

    bral bar byas pas sems kyi dbugs nye bar bsgrub pa'i phyir ro/ /gzhan yang de bzhin du sbyar bar bya'o/ /dman pa'i sems ni byang chub sems dpa' 'khor ba'i sdug bsngal gyis yongs su skyo bas nyan thos dang rang sangs rgyas kyi sems te/ de yongs su 'dor ba ston pa ni sdug bsngal dang du len pa'i bzod par rig par bya'o/ /dge ba'i rtsa ba mi zad pa ni sems can thams cad kyi don bya bar lhag par byed pas 'khor pa ji srid pa dang phung po lhag ma med pa'i mya ngan las 'das pa'i dbyings su yang yongs su mi gted bas te/ de rten pa ni sems can gyi don bya ba'i brtson 'grus su rig par bya'o/ /tshogs sdud pa ni thob pa la brten nas gdul bya rnams sems mnyam par bzhag par bya ba dang/ sems mnyam par bzhag par bya ba'i phyir bsdams pa dang/ rjes su bstan pa rab tu sbyin pa ste de ston pa ni sems can gyi don bya ba'i bsam gtan no/ /sa la 'jug pa ni chos la mos pa sngon du btang ba'i bshad pa gang gis tshogs su rdzogs par byas nas rab tu dga' ba'i sa la 'jug pa ste ston par ni kun rdzob la dmigs pa'o/ /lhag ma ni legs par sbyor ba'i phyir sbyar pa ma byas so/ /rab tu dbye ba ni sbyin pa bdun te/ rtsa ba'i sbyin pa ni rigs kyi gnas skabs pa'i byang chub sems dpa' i sbyin pa'i pha rol tu phyin pa steng gis tsam la brten nas sbyin pa'i phyir ro /blangs pa'i sbyin pa ni sems bskyed pa'i gnas skabs pa ste smon lam yang dag par blangs pa la brten nas sbyin pa'i phyir ro/ /rjes su 'dzin pa'i sbyin pa ni bdag dang gzhan don sgrub pa'i gnas skabs pa'o/ /'dzin pa nges pa med pa'i sbyin pa ni de kho na'i don la yongs su rtogs pa gnas skabs pa'i ste/ sbyin bdag la gnas pa rnam par rtog pa la mngon par zhen pa'i 'dzin pa med pa'i phyir ro/ /

  580. 290b

    yongs su 'dzin pa med pa'i sbyin pa ni mthun pa'i gnas skabs pa ni/ pha rol gyi yo byad yongs su 'dzin pa med pa'i nam mkha' mdzod la sogs pa'i ting nge 'dzin rnams kyi nam mkha' las lag pa brkyang nas ji ltar 'dod pa bzhin du rin po che la sogs pa'i char 'bebs pa'i phyir ro/ /so sor rig pa'i sbyin pa ni yongs su smin pa'i gnas skabs pa ste/ 'dul rdzas ba bzhin du mthun par bya ba'i phyir ro/ /sbyin pa chen po'i chen po ni byang chub mchog gi gnas skabs pa'i ste bla na med pa'i phyir ro// de bzhin du shes rab kyi bar du ci rigs sbyar bar rig par bya'o/ /bsdus pa ni sbyin pa la sogs pas byang chub sems dpa' i sas bsdus pa'i phyir te de la pha rol tu phyin pa rnams kyi rigs bsdus pa 'di ni dpe tsam mo/ /sbyin pa'i pha rol tu phyin pa la sogs pa ni rigs kyis bsdus par shes par bya'o/ /sems bskyed pa bsdus pa ni khyad par du 'phags pa'i sems bskyed pa'i bsdus pa'i phyir ro/ /sems bskyed pa ni rnam pa gnyis te/ khyad par can ma yin pa dang/ / khyad par du 'phags pa'o/ /de la khyad par can ma yin pa ni/ kye ma'o bdag bla na med pa yang dag par rdzogs pa'i byang chub mngon par rdzogs par sangs rgyas par shog cig snyam pa'o/ /byad du 'phags pa ni de ltar sbyin pa'i pha rol tu phyin pa yongs su rdzogs par shog cig snyam pa nas shes rab kyi pha rol tu phyin pa'i bar du'o/ /khyad par du 'phags pa'i sems bskyed pa 'di ni pha rol tu phyin pa rnams bsdus par rig par bya ste/ de dag gi rgyu yin pa'i phyir ro// bdag dang gzhan gyi don bsdus pa gang sbyin pa'i phungs yongs su rdzogs pa 'di dag ni bdag gi don to/ gang gzhan la yo byad nye bar bsgrubs pas rjes su 'dzin pa 'di ni gzhan gyi don to/ /lhag ma rnams kyis bsdus pa yang de

  581. 291a

    bzhin du rig par bya'o/ /don dam pa chos kyi dbyings la brtsams pa ni de bzhin nyid sbyin pa la sogs pa sbyin pa la sogs pa sbyin pa'i mtshan nyid yin pa'i phyir ro/ /ye shes kyi tshogs bsags pa ni thams cad mkhyen pa'i nyid yongs su bsgrub pa'i phyir ro/ /ye shes yongs su 'dzin pa las brtsams pa ni thams cad mkhyen pa nyid yongs su bsgrub pa'i phyir ro/ /ye shes kyi rjes su 'dzin pa las brtsams pa ni lnga po dag shes rab kyi pha rol tu phyin pa'i rjes su mthun pa'i phyir ro/ /ye shes kyi mtshan nyid la brtsams pa ni shes rab kyi pha rol tu phyin pa yang dag pa'i ye shes kyi ngo bo nyid yin pa'i phyir ro/ /de ltar na de bzhin nyid dang yang dag pa'i ye shes kyi ngo bo nyid de ni dam pa ni sbyin pa la sogs pa bsdus par rig par bya'o/ /dpe brjod pa 'dis bsdus pa lhag ma rnams bstan par bya'o/ /mi mthun pa'i phyogs ser sna dang 'chal ba'i tshul khrims dang khro ba dang le lo dang rnam par g.yeng ba dang 'chal ba'i shes rab ste/ sbyin pa la sogs pa'i go rims bzhin no/ /pha rol tu phyin pa rnams kyis bsdus pa'i phyir sbyin pa'i chos ji snyed pa de dag gi mi mthun pa'i phyogs gang yin pa dang/ shes bya'i sgrib pa de yang dag pa'i mi mthun pa'i phyogs su rig par bya'o/ /phan yon ni 'bras bu rnam pa lnga'i skabs su dpag tu med par rig par bya'o/ /de yang bsdus na 'di dag gi rang gi mi mthun pa'i phyogs yo bral ba'i 'bras bu dang mthong ba'i chos la bdag gzhan rjes su 'dzin pa skyes bu byed pa'i 'bras bu dang/ phyi ma la gong nas gong du khyad par 'phags pa mchog dam 'khyud pa'i rgyu mthun pa'i 'bras bu dang/ byang chub chen po dbang

  582. 291b

    gi 'bras bu dang/ longs spyod chen po dang bde 'gror 'gro ba dang 'khon med pa dang/ dbye ba med pa dang mi bde ba med pa dang yid bde pa mang ba dang/ sems can la dbang ba dang lus la gnod pa med pa dang dbang che bar grags pa ni go rim bzhin du sbyin pa la sogs pa'i rnam par smin par rig par bya'o/ /gcig la gcig rnam par nges pa ni rnam pa gsum ste/ sbyor ba las gyur pa dang/ dbye ba las gyur pa dang/ rab tu phye nas bstan pa las gyur pa'o/ /de la sbyor ba las gyur pa ni sbyin pa la sogs pa thams cad 'dus par dmigs te 'di lta ste nang dang phyi'i dngos po yongs su gtong ba'i sbyin pa la sbyor pa'o/ /de la gang yongs su gtong ba de ni sbyin pa'i pha rol tu phyin pa'o/ /de la byams pa'i sems dang ldan pa'i gang gzhan la kun nas gnar sems dang gnod pa dang rnam par 'tshe ba sdoms pa de ni tshul khrims kyi pha rol tu phyin pa'o/ /de nyid la gang nye bar bskor ba dang phongs pa dang skyo ba la ji mi snyam pa de ni bzod pa'i pha rol tu phyin pa'o/ /de nyid la gang phyir sems spro ba de ni brtson 'grus kyi pha rol tu phyin pa'o/ /de nyid la gang sems rtse gcig pa ste dge ba phyi rol tu mi 'phro ba de ni bsam gtan gyi pha rol tu phyin pa'o/ /de nyid la rgyu dang 'bras bu ji lta ba bzhin du legs par gzung ba dang lta ba mchog tu 'dzin pa med pa de ni shes rab kyi pha rol tu phyin pa'o/ /de bzhin du shes rab kyi pha rol tu phyin pa'i bar la yang ci rigs su sbyar bar bya ste/ mi 'jigs pa sbyin pa ni thams cad du sbyin pa yin pa'i phyir ro// de rab tu dbye ba las gyur pa ni ngo bo nyid kyis rab tu dbye ba dang/ rjes su sbyor bas rab tu dbye ba dang/ bskyed pas rab tu dbye ba'o/ /de la sogs pa'i ngo bo nyid ni rnam par gtong ba dang sdom pa dang ji snyam pa dang mngon par spro ba dang sems

  583. 292a

    gnas pa dang rab tu rnam par dbye ba ste go rims bzhin no/ /de la sbyin pa la sogs pa la sbyor ba ni de la gnas pa'i pha rol tu phyin pa rnams rjes su 'jug pa ste snga ma bzhin no/ /de la sbyin pa la sogs pa'i rjes su sbyor ba ni 'dzin du 'jug pa dang/ bsngags pa brjod pa dang/ rab tu dga' ba'o/ /de la sbyin pa la sogs pa bskyed pa ni gzhan gyi rgyu la 'jog pa'o/ /de la sbyin pa'i pha rol tu phyin pa ni zang zing gi sbyin pa'o/ /de ma yin pa'i gzhan lnga ni mi 'jigs pa'i sbyin pa'o/ / thams cad ni dam pa'i chos kyi sbyin pa ste gzhan gyi sems rgyud la bskyed pa'i phyir ro/ /de las rab tu phye nas bstan pa las gyur pa ni gcig nas rtogs pa la sogs pa ste/ 'di lta ste sbyin pa'i pha rol tu phyin pa gang yin pa de tshul khrims kyi pha rol tu phyin pa yang de yin nam/ tshul khrims kyi pha rol tu phyin pa gang yin pa sbyin pa'i pha rol tu phyin pa yang de de yin nam zhe na tshig 'og ma dang sbyor ba ste/ tshul khrims kyi pha rol tu phyin pa gang yin pa sbyin pa'i pha rol tu phyin pa yang de'o/ /sbyin pa'i pha rol tu phyin pa la tshul khrims kyi pha rol tu phyin pa ma yin pa yod pa de tshul khrims kyi pha rol tu phyin pas ma zin pa'i sbyin pa'i pha rol tu phyin pa'o/ /de bzhin du shes rab kyi pha rol tu phyin pa'i bar du sbyin pa'i pha rol tu phyin pa'i tshig 'og ma dang sbyor ba rnams dang sbyar bar bya'o/ /sbyin pa gang yin pa de thams cad sbyin pa'i pha rol tu phyin pa yin nam pha rol tu phyin pa de thams cad sbyin pa yin nam zhe na/ mu gsum du 'gyur to sbyin pa yin la pha rol tu phyin pa ma yin pa ni byang chub chen por yongs su ma bsngos pa'i sbyin pa'o/ /sbyin pa ma yin pa la pha rol tu phyin pa yin pa yang yod de bshad pa ma gtogs pa'i chos rnams so/ /de bzhin du shes rab kyi

  584. 292b

    pha rol tu phyin pa'i bar la brtsams te re re la mu gsum gsum du sbyar bar bya'o/ /sbyin pa kun tu spyod pa gang yin pa de dag thams cad sbyin pa'i pha rol tu phyin pa'i rgyud las byung ba'i bsod nams bskyed dam zhe na mu bzhir 'gyur te/ mu dang po ni byang chub chen po yongs su ma bsngos pa'i sbyin pa spyod pa'o/ /mu gnyis pa ni sbyin ba'i pha rol tu phyin pa la yang dag par 'dzin du 'jug pa dang/ bsngags pa brjod pa dang/ yid rab tu dga' bas so/ /mu gsum pa ni byang chub chen por yongs su bsngos pa'i sbyin pas so/ /mu bzhi pa ni rnam pa 'di dag ma rtogs pa'o/ /de bzhin du shes rab kyi pha rol tu phyin pa'i bar la brtsams te de re la yang mu bzhi bzhir sbyar bar bya'o/ /pha rol tu phyin pa de dag kyang bsdu ba'i dngos po bzhi yin te sbyin pa de nyid do/ /tshul khrims dang bzod pa ni dag snyan pa'o/ /brtson 'grus dang bsam gtan ni don mthun pa'o/ /shes rab ni don dpyod pa'o/ /sdom pa gsum yang yin te/ dang po bzhi sdom pa'i tshul khrims dang/ bsam gtan ni sems can don byed do/ /shes rab ni dge ba'i chos sdud do/ /bslab pa gsum yang de nyid do/ /byang chub kyi phyogs kyi chos sum cu rtsa bdun yang de nyid yin te lam gnyis kyi skabs su bshad do/ /lam gnyis kyang tshogs lam sbyor lam ni 'jig rten pa'o/ /mthong lam sgom lam ni 'jig rten las 'das pa yin te/ de dag rgyas par phye ste bstan pa ni thabs nyams su blang pa'i rim pa'o/ /de ltar thabs kyi khyad par dang theg pa 'og ma las khyad par dgus 'phags te gang zhes dmigs pa'i khyad par shes bya ji snyed pa dang ji lta ba la dmigs pa'o/ /nye bar bstan pa'i khyad par ni bskal pa grangs med par bsod nams dang ye shes kyi tshogs rdzogs par byed pa'o/ /rab tu rtogs pa'i khyad par ni so sor

  585. 293a

    rang gis rig pa'i ye shes kyis gang zag dang chos bdag med pa rtogs pa'o/ /khas len pa'i khyad par ni bdag dang sems can thams cad mnyam pa nyid du khas len pa'o/ /nges par 'byung ba'i khyad par ni sa bcu dag gis nges par 'byung ba'o/ /yongs su 'dzin pa'i khyad par ni mi gnas pa'i mya ngan las 'das par yongs su 'dzin pa'o/ /gnas dang g.yog 'khor gyi khyad par ni sangs rgyas kyi zhing yongs su sbyang ba dang gdul bya nye bar sdud pa'o/ /btsun pa skyes pa'i khyad par ni sangs rgyas kyi gdungs ris su skyes pa'o/ /skye ba'i khyad par ni smon lam gyi dbang gis srid pa thams cad du skye ba'o/ /drug po de dag dang ldan pa'i chos kyang rnam pa gnyis su bshad de/ sgrub pa'i chos dang/ 'bras bu'i chos so/ /sgrub pa'i chos ni 'phags pa'i lam yan lag brgyad pa ste de nyid 'dir yongs su shes pa'o/ /'dus byas kyang 'dus ma byas kyi bye brag gis 'bras bu'i chos kyang rnam pa gnyis su'o/ /de la 'dus byas ni dge sbyong gi 'bras bu bzhi ste rnam par grol ba'i lam gyi rang bzhin no/ /'dus ma byas mi nyon mongs pa spangs pa'i mtshan nyid mya ngan las 'das pa'o/ /bstan bcos las ni 'dus byas dang 'dus ma byas kyi rang bzhin dag sbyong gi 'bras bu rnam par gzhag mod kyi 'on kyang mya ngan las 'das par logs shig tu bshad pas ba lang dang/ glang zhes bya ba'i tshul du 'dus byas nyid du gzung ngo/ /yang na yongs su dag pa'i de bzhin nyid gang yin pa 'dir mya ngan las 'das par 'dod de de la nyon mongs pa'i phyir ro/ /'bras bu 'di brjod pa ni nyan thos dang rang sangs rgyas rnams lam 'di nyid kyi gang zag dang chos la bdag med pa'i tshul du bsgrubs nas 'bras bu rnyed par 'gyur ro zhes go rims bzhin du bstan pa'i phyir ro/ /de yang de

  586. 293b

    kho na ma nor pa'i rang bzhin rtogs pa ni yang dag pa'i blta ba'o/ /de nyid la tshul bzhin du rtog cing dpyod pa ni yang dag pa'i rtog pa'o/ /de yang gzhan dag lam nor ba'i rang bzhin du 'chad cing rdzun la sogs pa'i nyes pa spangs pa'i tshig ni yang dag pa'i dog/ de nas srog gcod pa la sogs pa'i nyes pa spangs shing lus kyi las yongs su dag pa ni yang dag pa'i las kyi mdza' o/ /de nas tshul 'chos pa dang gzhog slong la sogs pa log par 'tsho ba'i nyes pa spangs shing yongs su dag pa'i lus dang ngag gi yongs su spyod pa ni yang dag pa'i 'tsho ba'o/ /nyes pa lhag ma rnams spangs pa'i phyir mngon par spro ba ni yang dag pa'i rtsol ba'o/ /de kho na nyid mi brjod pa ni yang dag pa'i dran pa'o/ /gong nas gong du yon tan gyi khyad par rnams mngon par bsgrub pa'i phyir rtag tu mnyam par bzhag pa ni yang dag pa'i ting nge 'dzin no/ /lam la snyoms par bzhugs pa las yang dag pa'i lta ba la sogs pa ji ltar byung na rgyu gang gis 'phags pa'i lam yan lag brgyad par 'gyur zhe na/ 'di la nges pa med de 'jig rten las 'das pa'i lam gyi gnas skabs na rnam pa de lta bu'i so sor rang gis rig pa'i de kho na myong bar yang 'gyur zhing gnas gyur par yang thob pa la /de las langs pa'i tshe na yang dag pa'i dag la sogs pa la 'jug ste log pa'i dag la sogs pa la ni mi 'jug go /des na rgyu la 'bras bur btags te yang dag pa'i lta ba la sogs pa yan lag brgyad ni rnam par dag pa'i rgyur gyur pas de lam yan lag brgyad pa zhes bya ste/ de'i tshe na de'i tshigs kyang mi smra la gos la sogs pa yang mi tshol bas de'i gnas skabs na yan lag brgyad mi 'byung ste/ 'gal ba'i phyir ro/ /de la yang dag pa'i lta ba ni yongs su gcod pa'i yan lag ste/ des ji ltar myong ba'i de kho na nges par 'dzin pa'i phyir ro/

  587. 294a

    yang dag par rtog pa ni gzhan go bar byed pa'i yan lag ste/ de ji ltar rtogs pa'i de kho na rnam par bzhag nas tshig tu 'don pa'i phyir ro/ /yang dag pa'i dag dang/ las kyi mdza' dang 'tsho ba ni gzhan yid ches par byed pa'i yan lag ste/ de dag go rims bzhin du rnal 'byor gyi lta ba dang/ tshul khrims dang yo byad bsnyungs pa rnam par dag pa gzhan yid ches par 'gyur te/ 'dri ba'i lan yang dag par lngon pas yang dag pa'i dag gis lnga ba rnam par dag par yid ches so/ /yang dag pa'i las kyi mdza' bya ba ma yin pa mi byed pa'i tshul khrims rnam par dag par ro/ /yang dag pa'i 'tsho pas gos la sogs pa chos bzhin tshol bas yo byad bsnyungs par rnam par dag par ro/ /'di dag ni go rims bzhin ngag dang lus dang/ /gnyis ka'i las kyi rang bzhin no/ /yang dag pa'i rtsol ba ni nyan thos dang byang chub sems dpa' gnyis nyon mongs pa'i sgrib pa rnam par sbyong bas sgrib pa rnam par sbyar ba'i yan lag go/ yang dag pa'i dran pa ni bying ba dang rgod pa dang nye ba'i nyon mongs pa'i sgrib pa rnam par sbyong ba'i yan lag ste/ dran pa nye bar bzhag pas yang dag par mtshan mar rtog pas bying ba dang rgod pa la sogs pa'i skabs med ba'i phyir ro/ /yang dag pa'i ting nge 'dzin ni yon tan gyi khyad par mngon par bsgrub pa la sgrib pa rnam par sbyong pa'i yan lag ste/ ngas mngon par shes pa la sogs pa yon tan mngon par bsgrub pa'i phyir ro/ /ston par mdzad do zhes pa ni dbang po rnon pos mgo smos pas go ba dang/ rtul pos shin tu rgyas pas kyang rtogs par bka' la 'bring po'i dbang du byas pa'i phyir ro/ /ldem por dgongs pa bzhi dang bzhis chos thams cad ston to/ /de ni gzhug pa la ldem por dgongs pa dang/ mtshan nyid ldem por

  588. 294b

    dgongs pa dang/ gnyen po la ldem por dgongs pa dang/ bsgyur ba la ldem por dgongs pa dang/ mnyam pa nyid la dgongs pa dang/ don gzhan la dgongs pa dang/ dus gzhan la dgongs ba dang/ gang zag gzhan la dgongs pa'o/ /da ni ma 'ongs pa'i slob dpon dang slob ma chos la 'jug pa'i tshul sbyar ba'i phyir chos la 'jug pa'i tshul gsungs pa/ nyin mtshan du bsam pa ni thos pa'i don bsam pa nyid do/ /rjes su dpyad pa ni thos pa'o/ /bsgom pa ni bsam pa'i don bsgom pa nyid do// dga' ba chen po ni shes rab gsum la bar chad dang bral ba'o/ /da ni shes rab rnam gsum dang bral ba'i 'jig rten gyi dngos po thams cad mi rtag cing bslu ba dang bcas bar gsungs pa/ de nas lha'i 'khor de nyid kyi nang nas zhes bya ba la sogs ba'o/ /yang dag pa'i lam la 'dren pa po dgos par bstan pa'i phyir ro/ /de nas gnas mchog de na zhes pa la sogs pa gsungs so/ /nyam nga ba ma rtogs na yang dag pa la yid mi ches par bstan pa'i phyir de nas lha'i bu la sogs pa gsungs so/ /lam thams cad kyi gzhi skyabs su 'gro ba yin par bstan pa'i phyir de nas lha'i bu nor bu'i snying po dri ma med pa de brgyal ba sangs te zhes pa la sogs pa gsungs so/ /skyabs su song ba'i slob ma la dbugs dbyung ba'i phyir phan yon bshad pa ni lha'i dbang po la sogs pas gsungs so/ /de dag ni don gyi sgo nas gleng bslang ba'o/ /da ni tshig gi sgo nas gleng bslang ba'i phyir de nas lha'i dbang po brgya byin gyis dman pa'i tshig gis zhes ba la sogs pa gsungs so/ /lha'i dbang po zhes pa la sogs pa ni lha'i bu la sogs pa'i le lo'i 'gyod pa bsal ba'i phyir las rgyu 'bras kyi 'brel pa gsungs pa'o/ /de nas lha'i dbang po brgya byin gyis lha'i bu nor bu'i snying po dri ma med pa'i gtam ngan

  589. 295a

    thos nas zhes bya ba la sogs pas ni rjes 'jug gi nyams su blang ba zhus pa nas kyis bstan to/ /gus pa'i rtsol ba dang bral na yang dag pa'i lam rnyed par mi 'gyur ba'i phyir de nas lha'i dbang po la sogs pas chos la gus pa bstan to/ /zhus pa'i don ni rgyas pa dang bsdus pa'o/ /dang po ni don nges par thob pa dang/ don la bar chad gsal ba dang/ lus can thams cad 'jug tu rung bar byin gyis brlab tu gsol ba dang/ khyad par gyi rkyen gsal ba dang/ shin tu bag tsha ba'i 'bras bu gnyis dang bral bar mdzad pa dang/ 'khor ba las bsgral ba dang/ rang gi don dang/ gzhan gyi don dang/ thun mong gi don yod par gsol ba gdab pa ste/ re ba 'phel bar mdzad du gsol/ zhes pa la sogs pa'i tshig bcu gcig dang rim pa sbyar ro/ /bsdus pa la gnyis te/ mthob pa'i chos kyi don dang/ lan grangs gzhan gyi'o/ /ma 'ongs pa'i ston pa nga lo bde ba la sbyar ba'i phyir bcom ldan 'das kyis gsungs pa'i tshul ni/ shAkya thub pa sngon du mi brjod par bcom ldan 'das sngon du gsungs pa ni bdud bcom pa dang dbang phyug gi yon tan drug dang ldan pa de ni mu stegs pa la sogs pa gzhan la med pa dang/ phyi rabs kyang rang gi bla ma'i gnas la sogs pa yon tan sngon du btang nas brjod pa la bzhag pa'i phyir ro/ /shAkya ni rigs la mngon par zhen pa rnams 'jug pa'i rigs smos te/ rgyal rigs phyogs gcig gi ming ngo/ /thub pa dang rgyal ba dang 'dren pa la sogs pa ni sangs rgyas kyi yon tan gyi ming gi rnam grangs so/ /thugs su chud pa ni gnyis te/ rang don du dang/ gzhan don du bshad par gsol ba btab par ro/ /rnam pa kun tu ni yul dang dus dang gnas skabs so/ /rnam par gzigs pa ni phan pa dang bde ba'o/ /ting nge 'dzin gyi zhi gnas dang lhag mthong ste/ stong pa dang ye

  590. 295b

    shes su mnyam par gyur pa'o/ /snyoms par zhugs pa ni de nyid mngon sum du byas pa'o/ /mdor na dbyings dang rig pa dbyer med pa ni ting nge 'dzin te chos kyi sku la yin la/ snyoms par zhugs pa ni de nyams su myong ba ste longs sku'o/ /gal te sangs rgyas ni rtag tu mnyam par bzhag pa ma yin nam ci'i phyir skabs 'di kho na mnyam par bzhag ces smos/ /yang na shAkya thub pa sprul pa'i sku yin pas rtag tu mnyam par bzhag pa mi mngan ba yin nam zhe na/ ma yin te/ gdul bya nyid la de ltar snad ba dang ma 'ongs pa ni 'chang ba po bsams bzhin du smra bar bya'o zhes gdams pa'o/ /zhugs ma thag pa ni gzhan cis kyang bar mchod par snod gnyis dang mtsham par 'byung ba ste de yang zab pa dang rgya che ba thugs su chud pa pha rol phyin pa drug gi mtshan nyid la mos pa dang/ gting dpag dka' ba thugs su chud pa rdo rje theg pa la zhugs pa'o/ /de re re la'ang zhugs pa dang zhugs pa bstan pa'o/ /dang po ni mos pa spyod pa la sogs pa la gsung gi sgo nas 'byung ngo/ /gnyis pas chen po la rab tu bzhugs pa rnams la 'od zer gyi sgo nas so/ /rnam pa kun tu zhes bya ba ni ye shes kyi sku la brten nas rig pa'i gnas lnga'i snang ba rgya chen po khyab pas gdul bya tsham par brjod do/ /de la sgra rig pa ni bya ka ra Na ste don gsal bar byed do/ /gtan tshigs rig pa ni tshad ma ste rgol ba tshad gcod do/ /gso ba rig pas ni lus gnas par byed do/ /bzo rig pas na 'tsho ba mi nyams pa dang yid skyo ba med par byed de/ /rtogs par rig pas lam goms na nyon mongs pa bcom zhing ye shes skyed par byed do/ /lam de yang dbang po rab 'bring tha ma'i bye brag gis tshar bcad rjes su bzung ba'i bye brag gi rnam pa tha dad do/ /dbu'i gtsug tor ni 'byung gnas so/ /lha rnams rdo rje theg pa la gus par bzud pa'i phyir ro/ /phyogs bcu kun tu snang bar byas pa ni gnyis te/ kun rdzob tu ye

  591. 296a

    shes stong pa nyid mi rtog pa'i ye shes kyi 'od zer gyis ni phyogs bcu'i sangs rgyas kyi zhing du sa bcu'i byang chub sems dpa' la sogs pa gang yang mi gsal ba med par byas so/ /don dam pa'i sngags kyi phreng bas ni gdul dka' ba gang yang mi 'dul ba med par byas so/ /gdugs lta bu ni tshar dang tshad pa las skyob pa ltar 'khor ba'i chu las skyob par 'gyur ba dang/ phyin ci log gi gdung ba sel bar 'gyur bas sngags rnams kyang gdugs kyi tshul du snang ba'o/ /'dzum pa mdzad pa ni 'khor spobs pa bskyed pa dang chos 'di rnyed par dka' ba dang thabs chen po thob pa nyid kyi phyir ro/ /gzigs pa ni byams pa chen po dang snying rje chen pos gdul bya la gzigs pa'o/ /bka' stsal pa ni thog ma dang bar dang tha mar dge ba'i tshul gyis so/ /da ni gdam ngag gi snod du rung bar bya ba'i phyir sems bskyed pa gsungs so/ /de la spro ba bskyed pa'i yan lag tu rtog pa 'di'i mtshan gsungs pa/ kun nas sgor 'jug pa ni rnam par snang mdzad chen po'i zhal nas gsungs ba'i sngags dang rgyud dang phyag rgya'o/ /'jug pa ni thos pa dang sgrub pa'o/ /sngags 'di nyid bcom ldan 'das kyi dbu'i gtsug tor nas 'od zer gyi tshul du byung ste/ gdul bya tshim par bya ba'i phyir ro/ /dri ma med pa ni phrin las kyi ming ste/ 'dir zhugs pa tsam gyi bskal pa du ma'i sgrib pa thams cad sel bar byed pas so/ /snang ba ni dbang po rab 'bring tha ma thams cad kyi spyod yul du gyur pa'o/ /de bzhin gshegs pa thams cad ni rigs lnga'o de bzhin ni zhi ba 'am mya ngan las 'das pa ste mi slu bas de bzhin kho na'o/ /de khong du chud pa ni gshegs pa'o/ /de khong du chud cing rtogs na mngon par rdzogs par sangs rgyas pa'i phyir ro/ /zhes kun la sbyar ro/ /yang de bzhin no

  592. 296b

    rnam thar sgo gsum mo/ /yang na bden pa bzhi'o/ /yang na bden pa dang stong pa dang nye bar zhi ba dang shes rab be/ /yang na sangs rgyas kyi chos thams cad do/ /de dag thugs su chud pas zhes kun la sbyar ro/ /yang na de bzhin ni pha rol tu phyin pa drug go/ des sangs rgyas su gshegs ba'o/ /yang na sa bcu'o/ /yang na 'phags pa'i lam yan lag brgyad do/ /yang na tshogs gnyis so/ /yang na brtson 'grus chen po'o/ /yang na de bzhin bskal ba grangs med pa gsum du rta dang glang po la sogs pa dang/ bu dang bu mo la sogs pa dang/ mgo dang sha rus rkan lag du ma btang yang gtan pa med pas nor lha dang dbang phyug dang/ tshangs pa dang/ ser skya dang/ gzegs zan dang/ rkang mig dang/ 'phel ba dang/ rgyal dpog gi bu la sogs par mi 'ong ste de kho na ltar sangs rgyas su gshegs pa'o/ /yang na thugs rje dang byams pas gzhan don gyis smon lam bzhin no/ /de ltar sangs rgyas pa'o/ /yang na bsam gtan bzhi la brten nas skyes pa rdo rje lta bu'i ting nge 'dzin gyis srid rtse'i nyon mongs pa spangs nas phyir mi log pa ste mu stegs pas spong mi shes pas 'khor bar phyir ldog pa lta bu ma yin pa de bzhin no/ /des mya ngan las 'das pa'i grong khyer du gshegs pa'o/ /yang na snga rabs 'das pa rnams kyang skal ba dang ldan pa rnams mya ngan las 'das pa lam ji lta ba bzhin bzhag nas rang mya ngan las 'das pa ltar 'dir yang de bzhin mdzad dam gshegs pas so/ /yang na las dang nyon mongs pa dang/ shes bya'i sgribs pa spong ba la mu stegs byed pa dag gis ni nus pa'o/ /der mya ngan las 'das pa'o/ /yang na gsum po de spangs nas las dang nyon mongs pa'i dbang gi mi skye ste thogs pa med pa'i ye shes la dbang nas mya ngan las 'das ba'o/ /yang na phung bo de rnam rtog dang spros par bcas

  593. 297a

    pa spangs nas de dag slar mi 'byung ba'i mya ngan las 'das pa'o/ /yang na de bzhin nyid thob pa med par thob pa'o/ /yang na de bzhin nyid rtogs pa'o/ /yang na de bzhin nyid gsung bas te sa stengs sgrogs zhes pa dang 'dra'o/ yang na 'khor ba dang mya ngan las 'das pa bden pa gnyis su bsdus nas thugs su chud pas dmigs bcas dang dmigs med kyi tshul du gnas pas de gsung ba'o/ /yang na de bzhin nyid dang 'dzin pa dang bdag 'dzin pa dang sgrib pa dang rnam rtog dang spros pa ste/ 'khor ba'i sdug bsngal gyi rgyu drungs phyung nas yon tan rin chen mi zad pa'i ster bla na med pa bsam gyis mi khyab pa rmad du byung ba la lus nye bar sgrub pa mdzad nas gzhan don 'di bya zhes rtog tshom med par 'khor ba ji srid du smon lam gyi shugs kyis dga' ldan gyi gnas na bzhugs pa dang/ lhums su 'pho 'jug gnas pa dang/ bltams pa dang/ gzhon nu rol pa dang/ btsun mo'i 'khor dang/ mngon par 'byung ba dang/ dka' ba spyod pa dang/ byang chub snying por gshegs pa dang/ bdud 'dul ba dang mngon par byang chub ba dang/ chos kyi 'khor lo bskor ba dang/ yongs su mya ngan las 'das pa la sogs pa mdzad pa gzhal du med pa la 'jug bzhin skye 'gag med pa'i mya ngan las 'das pa chos kyi skur gshogs pa'o/ /yang na phyir mi ldogs pa'i 'khor lo las/ ji ltar byis pas rnam brtags pa/ /de dag byang chub mi rnyed de/ /chos kun btsal na rnyed med pa/ rtags pas de bzhin gshegs zhes bya zhes so/ /snying po ni/ oM dang hUM bzhi'i hUM dang po gsum ni de dag gi sku byin gyis brlab pa'i sngags so/ /aM baM saM dzaM zhes yi ge bzhi po ni rig pa'i lha mo dang byang chub sems dpa' thams cad kyi snying po'o/ /dam tshig la rnam par blta ba ni gong nas gong du rtogs pa 'phel bar byed pa

  594. 297b

    ste rig sngags kyi ngo bo nyid do/ /don gyi gzungs ni shes rab dang snying rje dbyer med pa yin te/ tshig gi gzungs kyis kyang de la sbyor bar byed do/ /yang dag pa'i don de shes shing de la 'jug pa'i bar du gcod pa las skyob pas so/ /'di yang man thA tra nArtha man+t+ra'i sgras rang don ma lus thob cing gzhan don shugs kyis 'byung ba dang/ maM dz+nyA na ma ma tra na yartha man+t+ra dkyil 'khor la sogs pa'i ngo bo tsam du yod pa dang/ a nu a ba b+ho d+ha na tran artha man+t+ra te thams cad gnyis su med par rtogs par 'gyur ba'o/ /don gsum po gang gis mtshon pa ni phyag rgya ste gsang sngags so/ /de ltar na rig sngags dang gzungs sngags dang gsang sngags gsum dang ldan pa ni rtog pa 'di'i ngo bo nyid do/ /gang+gA'i klung la sogs pas ni sngags la ji ltar yi rang ba ltar sngags la zhugs par sems bskyed ma thag gi byang chub sems dpa' la yang yi rang zhing sngags pa brjod do/ /mthong ba ni sngags bzhugs pa'i sa cha dang sku gdung mchod rten la sogs pa'o/ /thos pa ni brjod pa'o// sdig pa dang sgrib pa ni rgyu ste de'i 'bras bu nad dang gnod pa byed pa ste/ mthong ba'i chos so/ /ngan song gsum spong ste ma 'ongs pa'i dus so/ /sdig pa dang sgrib pa 'jig pa dang/ mnyam par mi skye bar byed pa'i gzhan don te thos pa dang ma thos pas so/ /da ni phan yon dpe lnga'i sgo nas 'jug pa'i go rim gyi khyad par gsungs pa dad pa'i mes las kyi sgrib pa mdza' dag sel ba dang/ snying rje'i chu rgyun gyis nyon mongs pa'i nad sel ba dang/ thos pa'i shes rab kyis lta ba ngan pa'i dri ma'i tshogs sel ba dang/ bsams pa'i nyi mas ma rig pa'i mun pa mdza' dag sel ba dang/ bsgom pa'i shes rab kyis ye shes kyi chu rgyun chen por 'jug pa ste dper na la sogs pa dang rim pa bzhin sbyar ro/ /mi rnams tshe bzlog pa ni khyad pa

  595. 298a

    gyi las so/ /nyon cig ces snod zhabs rdol ba ltar brjed nges pa dang/ snod kha bu bltar don mi rtogs pa dang snod mi gtsang ba ltar don legs par mi 'dzin pa spong zhes gus pa la sbyor ro/ /de la sngags ni na ma(rgyud 'grel): zhes pa nas b+ha ya ha ra Ni zhes pa yan chad rtsa ba ste thun mong gi sngags so/ /hUM hUM hUM mri tyu daN+Da d+ha re zhes pa nas gzungs kyi sngags so/ /sarba ta thA ga toSh+NI Sha bi lo ki te swA hA/ zhes pa nas rig pa'i sngags so/ /rjes su ston cig ces pa ni bla ma dang slob ma'i 'brel pa lung gnod pa'i cho ga'o/ /yun ring por la sogs pa ni de'i phan yon de phan pa ni 'khor los bsgyur ba'i rgyal po la sogs pa mi dang/ rgyal chen bzhi nas tshangs pa'i 'jig rten la thug pa'i lha'o/ /bde ba ni byang chub chen po'o/ /kun nas la sogs pas tsha tsha gcig pa'i cho ga bshad do/ /de nas nyi ma shar ba la sogs pas ni lung nod pa dang cho ga la 'jug pa thams cad kyi thun mong dngos gzhi'o/ /mchod rten brgya rtsa brgyad la sogs sAts+tsha brgya pa'i cho ga'o/ /oM na ma(rgyud 'grel): tre ya d+d+hi la sogs pa 'di ni gsang sngags so/ /sngags gong 'og gnyis 'brel pa ni don gyi gzhung gcig tu bsgrub pa'o/ /de yang 'di ltar yin te/ dang por na ma(rgyud 'grel): sarba ta thA ga tA nAM zhes de bzhin gshegs pa thams cad la phyag 'tshal zhes gsungs pa ni sngags 'di phyogs bcu dus gsum gyi de bzhin gshegs pa thams cad kyi snying po yin pas so/ /oM ni yi ge'i shugs kyis dngar? por bkra shis don phyir phyag 'tshal zhes bya ste/ 'jig rten dang 'jig rten las 'das pa'i bkra shis pa'i mda' thams cad kyi gtso yin pa'i phyir ro/ /des yi ge thams cad byin gyis brlabs nas sngags su gyur par gdon mi za ba'i phyir ro/ /dang por dgags dgos pa kho na'o/ /de la sngags 'di'i yon tan gyi che ba'i

  596. 298b

    dpe ni/ yi ge'i sgo nas brjod pa gnyis kho na ste/ ma hA tsin+ta ma ni dzwa la na yid bzhin gyis nor bu 'bar ba'i chen po zhes pa ste/ de ni rang dang gzhan gyi don rgyun mi 'chad pa 'byung ba dang ldan pa'i dpe'o/ /des ni ye shes bstan to/ /sA gang gi phyir zhes pas rgya mtsho zab mo zhes pa ste rig sngags 'dir 'jug pa'i gang zag gi rigs la go rims la rim med/ lus can thams cad 'jug tu rung ba dang bskal pa du ma'i mi dge ba'i dri ma dag par byed pa dag 'dir zhugs pa la byang chub kyi myu gu myur du bskyed pa'i don no/ /des ni thugs rje'o/ /yon tan de lta bu dang ldan pa'i sngags kyi lugs la gsol ba gdab pa yang gnyis te/ skye ba 'di dang skye ba du ma'i don du'o/ dang po la dgu ste/ A karSha ya A karSha ya zhes pas sngags 'di thos pa dang/ / mthong ba tsam gyis lam 'di la drongs shig drongs shig ces pa dang po'o/ /gnyis pa ni/ A yund+ha ra A yund+ha ra zhes pa ste/ zhugs pa'i gang zag rnams tshe zung zhig tshe zung zhig pa'o/ /gsum pa ni yon tan dang longs spyod dang ldan dgos pas sand+ha ra sand+ha zhes te lus dang sems kyi rgyan shin tu zung zhig shin tu zung zhig ces pa'o/ /bzhi pa ni tshe ring na yang lus can gyi gnod pa thams cad bsal ba'i phyir/ k+Sha Na k+Sha Na/ k+Shi Ni k+Shi Ni/ k+Shu Nu k+Shu Nu/ ces te srungs shig srungs shig/ skyobs shig skyobs shig/ 'tshos shig 'tshos shig/ ces pa'o/ /lnga pa ni gnod pa med pa yang lam log pa la 'jug pa bsal ba'i phyir/ sarba ta thA ga tA sa ma ye tiSh+Tha ces pa ste/ de bzhin gshegs pa thams cad kyi dam tshig la zhog zhag ces pa'o/ /drug pa ni bdag gzhan gyi brtson 'grus bskyed pa'i phyir/ ma hA b+hu ba na sA ga ra saM sho d+ha ya sAM sarba satwaM shtsa zhes te/ bdag dang sems can thams cad sa chen dang/ rgya mtsho ltar sbyongs zhes pa'o/ /'dis ni smon pa'i sems gzhi chen po lta bu dang 'jug

  597. 299a

    pa'i sems rgya mtsho lta bu bskyed ces skul ba'o/ /bdun pa ni rang don la dmigs pa'i skyed pa'i phyir/ b+ha ga wa te sarba pA pa bi ma le dza ya dza ya/ dza ya la bd+he ces te/ bcom ldan 'das ma sdig pa'i dri ma thams cad las grol zhing rgyal bas bdag rgyal ba mdzad ces bya bas sems bskyed pa'i mthu la de dmigs pa'o/ /brgyad pa gzhan don la dmigs pa ni/ sphu Ta sphu Ta/ spho Ta ya spho Ta ya/ zhes pa ste sol sol/ /nges par sol nges par sol/ zhes bya bas kun nas lnga pa dang pag la nyal thams cad sol zhes bya'o/ /dbu pa ni rang gzhan gnyis ka'i ste/ pi ga ste/ A ba ra Ne b+ha ya ha re Na zhes te rnam par 'gal ba'i sgrib pas 'jigs pa phrogs ces bya bas brtson 'grus kyi phan yon bstan to/ /da ni skye ba du ma'i don du gsol ba gdab par bya ba ni gnyis kho na ste/ dmigs pa'i gzhi dang de la byung ba'i phrin las so/ /dmigs pa'i gzhi la drug kho na ste/ sa bon la dmigs pa dang/ sku la dmigs pa dang/ phyag rgya la dmigs pa dang/ rgyan la dmigs pa dang/ lha la dmigs pa dang/ sngags la dmigs pa'o/ /de la sa bon la dmigs pa ni hUM ste/ dus gsum gyi sangs rgyas kyi sa bon yang gsum mo/ /hUM yig gis 'bras bu ye shes lnga mtshon nus pa'i phyir ro/ /de'i phrin las ni mri tyu da nar d+ha re a b+hu ya pra te ces pas 'chi bdag gi dbyug pas mi 'jigs pa stsol zhes te mtshan mo nyal ba'am 'gro ba la sogs pa dang thun dang thun mtshams su lus ngag yid gsum gyi gnas su pad+ma dang zla ba'i dkyil 'khor la gnas pa'i hUM yig kha dog gsum la dmigs pas dus ma yin par 'chi ba las skyob pa'o/ /sku la dmigs pa ni uSh+NI Sha byA ba lo ki te/ sa man+ta mu khe/ sa man+ta byA ba lo ki te/ mahA mA ye/ ma

  598. 299b

    hA pA sha d+ha de/ a mo g+ha bi ma le zhes pas gtsug tor rnam par gzigs ma/ kun nas sgor 'jug ma/ kun nas rnam par gzigs ma/ sgyu ma chen mo zhags pa chen mo 'chang ma/ don yod mra'i dri ma bral ma zhes dang po ni 'byungs khungs kyi ming ngo/ /gnyis pa ni ngo bo nyid kyi ming ngo/ /gsum pa ni yon tan gyi ming ngo/ /bzhi pa ni rang bzhin gyi ming ngo/ /lnga pa ni rtags kyi ming ngo/ /drug po phrin las kyi ming ngo/ /gang gis spyi bo'i steng du sgyu ma chen mo dkar mo zhal gcig phyag bzhi ma/ g.yas na rin po che/ g.yon na zhags pa/ lhag ma mda' gzhu bkang ba dmigs te bzhi'o/ /de'i phrin las ni/ A karSha ya A karSha ya/ yang dag pa'i ye shes khug cig khug cig pa'o/ /A kaDd+ha ya ADDha ya/ yon tan drongs shig yon tan drongs shig pa'o/ /b+ha ra b+ha ra/ byang chub sems kyis khong zhig khong zhig pa'o/ /gang gis bkang na saM b+ha ra saM b+ha ra zhes pa sdoms ba mchog gi sdom ba ste dbang po rgyas pa dang khams rgyas par byed pa'i 'tshad med par byed pa'i sgo'o/ /phyag rgya la dmigs pa ni b+hu Shi te b+hu dze ma hA mu dra mo ki te zhes pa phyag rgya chen pos phyag brgyan nas kun tu gzigs ma zhes te/ thabs dang shes rab mtshon pa'i mda' dang gzhu rin chen rdo rje las byas pa bkang ba'i tshul du byas pa thams cad kyi rna la phyogs thams cad dmigs so/ /de'i phrin las ji dza ya dza ya zhes pa rgyal zhing rgyal ba zhes te bdud las so/ /sid+d+hi sid+d+hi/ grub cing grub pa zhes pa zhi ba la sogs pa'i las so/ /bo d+ha ni bo d+ha ni zhes te rtogs shing rtogs pa zhes pa rig pa'i gnas so/ /saM bo d+ha ni saM bo d+ha ni/ zhes te legs pa rtogs shing legs par rtogs pa zhes pas ral gri'i rig pa 'dzin pa la sogs pa nyi shu rtsa bzhi'o/ /sho d+ha ni sho d+ha ni zhes te sbyong zhing sbyong ba zhes pas nyon mongs pa dang shes bya'i sgrib pa

  599. 300a

    thos pa'i shes rab kyis sbyongs shig pa'o/ /saM sho d+ha ni saM sho d+ha ni/ zhes pas legs par sbyongs legs par sbyongs zhes te bsam pa'i shes rab kyis mngon du rgyu dang bag la nyal sel ces pa'o/ /bi sho d+ha na bi sho d+ha ni zhes rnam par sbyongs pa rnam par sbyongs zhes te bsgom pa'i shes rab kyis lta ba'i dri ma dang ting nge 'dzin gyi dri ma gtan phyung zhes pa'o/ /ha ra ha ra ma ma sarba bA paM zhes pas bdag gi sdig pa thams cad phrogs shig phrogs shig ces te/ rgyu la log par spyod pa dang 'bras bu la log par spyod pa'i gzhung dang phrol zhes pa'o/ /rgyan la dmigs pa ni/ sarba ta thA ga tA ku la b+hu dze sa ma ya ni ? pra sa ra tu/ zhes pa de bzhin gshegs pa thams cad kyi phyag rgya ltar dam tshig la so sor rtog cing zhes te bkra shis kyi rdzas la sogs pa 'am sangs rgyas kyi rgyan gang yang rung ba zhig la dmigs pa'i gzhi'o/ /de'i phrin las ni/ ma ma puN+yaM/ zhes pa bsod nams 'phel ba 'dod pas spyi bo'i steng du rin po che'i gdugs dkar po la sngags kyi phreng bas bskor la bzlo'o/ /bi nA sha dru pA paM/ zhes pas sdig pa bcom par 'dod pas nang gi mdzod spu'i nang du nor bu rin po che la sngags kyi phreng ba bkod de bzlas so/ /sarba ? la bi sha ha ri zhes nyon mongs pa'i dug thams cad 'phrog 'dod pas rang gi sma rtser dpal be'u'i ri mo sngon po bkod de bzlas pa bya'o/ /ma ni bi shud+d+he shod+d+ha ya bi ma le/ yid rnam par dag cing byab nas dri ma bral bar 'dod na spyi bor zla ba'i steng du bum pa gang ba las chu rgyun byung bas lus tshim par gyur par bsam te brjod do/ /bi ka sit+ta pad+ma kA ya bAk+tsi t+ta b+hu dze Sha Ta pA ra mi tA pa ri pU ra Ni/ zhes par phyag na pad+ma rgyas pa ltar lus

  600. 300b

    ngag yid pha rol tu phyin pa drug gis gang bar 'dod pas ni phyogs dus kyi sangs rgyas thams cad dang bdag rgyang ring ba yang ma yin nye pa yang ma yin par dmigs te gsol ba 'debs pa'i tshul du brjod do/ /da ni lha la dmigs pa ni sangs rgyas dang byang chub sems dpa' rig pas lham dang khro bo thams cad kyang 'dir ni rigs pa'i lha mo nyid du blta'o/ /de la chos thams cad kyi rang bzhin bsdus na bcu bdun nyid du 'gyur bas 'dir yang lha bcu bdun kho na gsungs/ /rang bzhin sems bcu bdun ni rnam par shes pa'i tshogs brgyad dang/ 'byung ba bzhi dang/ nam mkha' dang/ gzugs dang/ tshor ba dang/ 'du shes dang/ 'du byed de des na lha bcu bdun no/ /phyis ni rigs du ma nyid du 'gyur ro/ /lha de dag gi ming bshad pa/ sarba ta thA ga toSh+NI Sha bi lo ke te swA hA/ zhes pas de bzhin gshegs pa thams cad kyi gtsug tor rnam par gzigs ma zhes pas rnam par snang mdzad kyi rang bzhin no/ /sarba ta thA ga tA gu hya a d+hiSh+Tha na a d+hiSh+Thi te swA hA/ de bzhin gshegs pa thams cad gsang ba'i byin gyis brlabs kyis byin gyis brlabs ? rdo rje 'chang gi rang bzhin no/ /A yurda de swA hA/ tshe 'dzin ma spyan ma'i rang bzhin no/ /pu N+ya da di swA hA/ bsod nams 'dzin ma mA ma kI'i rang bzhin no/ puN+ya? bi lo ki te swA hA/ bsod nams rnam par gzigs ma na bza' dkar mo'i rang bzhin no/ /puN+ya a ba lo ki ti swA hA/ zhes pa bsod nams spyan ras gzigs ma ste sgrol ma'i rang bzhin no/ /mri tyu daN+De swA hA/ 'chi bdag rnam par 'joms ? sgrib pa rnam sel gyi rang bzhin no/ /ya ma daN+De swAhA/ gshin rje 'joms ma ste 'jam dpal gyi rang bzhin no/ /ya ma dru te swA hA/ gshin rje dbyug pa ma ste phyag na rdo rje'i rang bzhin no/ /si ha ra Ni swA hA/ shin tu rol ma byams pa'i

  601. 301a

    rang bzhin no/ /saM pa ra Ni swA hA/ bde mchog ma ste spyan ras gzigs dbang phyug gi rang bzhin no/ /san+ta ra Ni swA hA/ bde 'dzin ma ste nam mkha' i snying po'i rang bzhin no/ /pra ti sa ra ti swA hA/ so sor 'brang ma ste/ kun tu bzang po'i 'ang bzhin no/ /oM te dzo ba ti swA hA/ mdangs ldan ma ste sa'i snying po'i rang bzhin no/ /te dzo ba ti swA hA/ gzi brjid ldan ma ste rin chen 'byung gnas kyi ngo bo zla ba rnam par snang mdzad kyi rang bzhin no/ /dza ya ba ti swA hA/ rgyal ldan ma ste snang ba mdza' yas kyi ngo bo nyid ma rnam par snang mdzad kyi rang bzhin no/ /sarba ta thA ga tA mu dra a d+hi ShA? na a d+hiSh+Thi te swA hA/ de bzhin gshegs pa thams cad kyi phyag rgya'i byin gyis brlabs kyis brlabs pa zhes pa ste/ mi bskyod pa'i rang bzhin no/ /de dag ni dmigs pa'i bzhi'i lha'o/ /de dag gis phrin las ni swAhA/ zhes pa thams cad kyis kyang bsreg pa dang/ zhi ba dang/ dag pa dang/ rtogs pa dang/ byang ba'i sgra yod de/ dang po ni sdig pa mi dge ba'i tshogs kyi nags tshal lo/ gnyis pa ni las ngan pa sna tshogs pa'o/ /gsum pa ni nyon mongs pa'i sgrib pa dang shes bya'i sgrib pa'o/ /bzhi pa ni yang dag pa'i lta ba la sogs pa'o/ /lnga pa ni ma rig pa'i bag la nyal thams cad do/ /da ni dmigs pa ni/ oM na ma(rgyud 'grel): ste yad+d+he sarba ta thA ga tA h+ri da ya ne sa te de bzhin gshegs pa thams cad kyi snying po la phyag 'tshal lo zhes pas med do/ /dngos gang zhe na/ garb+he dzwA la dzwA la d+harma d+hA tu garb+ha saM ha ra/ zhes snying po 'bar zhing 'bar bas chos kyi dbyings kyi snying por bskyed cig ces pas chos kyi sku mtshon te dam pa'i sngags so/ /de'i phrin las ni ma ma a yu(rgyud 'grel): saM sho d+ha ya zhes skye ba 'dir bdag gi tshe dag par ro/ /ma ma sarba bA

  602. 301b

    baM skye ba du mar bdag gi sdig pa thams cad dag par ro/ /rgyu chos kyi sku de la 'tsham pa'i rkyen gsum pa/ sarba ta swA ga to Sh+NI bi ma la de bzhin gshegs pa thams cad kyi gtsug tor dri ma med pa zhes pas dmigs pa dang bcas pa'i sngags so// de'i phrin las bi shud+d+he zhes pa rnam par dag pa ni las dang nyon mongs pa'i sgrib pa'o/ /hUM hUM hUM hUM/ zhes pa ni ye shes bzhi'i ngo bo nyid do/ /aM baM saM dza/ zhes pa rigs bzhi'i ngo bo nyid do/ /de dag ni brdar gyur ba'i sngags so/ /sngags de dag phyir 'grel ba ni brjod pa dang bcas pa'i sngags so/ /de'i phrin las ni lhag pa'i shes rab 'phel ba dang/ bar du gcod pa dang bral ba ste swA hA zhes pa'i sgras grub po/ /kun nas sgor 'jug pa'i la sogs pa ni spyir phan yon thun mong pa'o/ /de yang 'og nas rgyas par bshad do/ /lam gyi bye brag bshad pa la gnyis te/ dang po lha'i 'jug tshul dang/ mi'i 'jug pa'i tshul la/ /de nas lha'i dbang po la sogs pas lha'i byas ma thag la sogs pas nyams su blangs pa'i phan yon te pha rol tu phyin pa drug gi phan yon no/ /de nas lha'i bu la sogs pas ni rjes su yi rang ba'i bstod pa dang mched pa'o/ /de nas rgyal po chen po bzhi la sogs pas ni sngon du gsungs pa'i las rgyu 'bras kyi 'brel ba de nyid do/ /zhus lan gyi tshul gyis rgyas par te ma 'ongs pa'i skye bo las la yid ches par bya ba'i phyir ro/ /zhu ba po de dag gi nang nas lag na rdo rje la bos pa ni/ lag na rdo rje 'di dus gsum gyi sangs rgyas thams cad kyi bstan pa'i mdzod 'dzin pa ste/ dpal phyag na rdo rje dbang bskur ba'i rgyud las/ dpal phyag na rdo rje ni sangs rgyas kyi gzugs kyi sku'i rjes su 'brang ba dang chos kyi sku bsrung ba po zhes te chos kyi sku ni byang chub sems dpa' i yul na

  603. 302a

    yin par bstan pa'i chos so/ /rgyal po yul 'khor skyong gis zhus pa las ni dpal phyag na rdo rje ni theg pa thams cad kyi bdag por khas blangs par gsungs so/ /kun tu bzang po dang phyag na rdo rje la sogs pa ni/ ming gi rnam grangs te/ sangs rgyas thams cad kyi thugs yang dag pa'i ye shes las byung bas tha mi dad par gsungs so/ /de nyid 'dus pa las kyang de kho na ltar gsungs so/ /de'i phyir bstan pa'i bdag po yin pas so/ /de'i tshe de'i dus na la sogs pas ni las rgyu 'bras tha dad du mi 'gyur bar gsungs so/ /dran pa nye bar bzhag pa'i mdo las kyang/ lus can rnams kyi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur zhes bcom ldan 'das kyis gsungs so/ /sdom pa gsum gyi bsdams zhes pa ni lha dang mi thun mong du gsungs te rgya che ba dang gting dpag dka' ba'i theg pa gsum mi nyams pa'i tshul gyis bslab bya gang yang mi spong bas rim pa bzhin bsrung ba'o/ /de nas lha'i 'khor la sogs pas ni byin gyis brlabs kyi khyad par la ched du brjod pa'o/ /phyir mi ldog pa ni mi skye ba'i chos la bzod pa thob pa'o/ /da ni mi rnams kyi 'jug pa'i tshul zhus pa dang/ lan gyis tshul gyis gsungs so/ /de nas bcom ldan sa la sogs pa che ba'i yon tan gyi sgo nas bstod pa yin te/ rgyal po zhes pas ni sngags 'di rgyal ba'i sras thams cad kyi 'byung khungs yin pas gsungs so/ /mthu chen po ni spang bya spong ba'i phyir ro/ /phan yon che ba ni thob bya thams cad thob pa'i phyir te/ de dag gis ni thar pa thob pa'i thabs zhus pa'o/ /phan pa ni nad dang gnod pa bsal ba'o/ /bde ba ni che dang longs spyod do/ /dmyal ba dang

  604. 302b

    dud 'gro ni sar? spong ba'i khyad par ro/ /de dag gis ni mtho ris thob pa'i thabs zhus so/ /lan gsungs pa la/ bcom ldan 'das la sogs pa ni nyan par gdams pa'o/ /bshad pa'i don 'dor bstan pa la rig sngags kyi rgyal mo ni man+ta'o// ring bsril gyi snying po ni tan tra'o/ /mchod rten ni yan+t+ra'o/ /de nas gang+gA la sogs pas las sbyor thams cad phan yon gyi tshul du mdor bstan pa las dge ba'i rtsa ba bskyed pa ni maN+Dal zlum po byas nas sku gdung dam ring bsrel bzhugs/ gnas bdun du bsgrub bya'i ming tsam bcug nas brjod pa ste/ gzhan sngags kyi sbyor ba med pa'o/ /bsod nams 'phel ba ni dkyil 'khor dpa' ? lta bu byas nas ma ma puSh+TiM ku ru zhes sbyar ro/ /las dang nyon mongs pa'i sgrib pa sbyang ba la ni dkyil 'khor che ba lta bu byas nas sarba bA pi rak+Sha ku ru ces spel lo/ /ngan song gsum gyi 'jigs pa bsal ba la ni dkyil 'khor pad+ma rgyas pa lta bu byas nas sarba durba ti pa ri sho d+ha ya zhes bya ba sbyar bar bya'o/ /tshe ring bar 'dod na dkyil 'khor nor bu rin po che lta bu byas te ma ma A yus+tha na ku ru zhes sbyar ro/ /bde ba can du skye bar 'dod na dkyil 'khor gdugs kyi rnam pa ltar byas te/ ma ma pu lo ka pra sa ta ku ru zhes sbyar ro/ /bu bslang ba'i dkyil 'khor bum pa lta bu byas te me bu to b+ha ban+tu shes sbyar ro/ /shi ba la phan gdags pa yang rdzus te skye ba'i phyir dkyil 'khor pad+ma can du bya'o/ /dran pa nyams pa gso ba la dkyil 'khor zla ba rgyas pa ltar byas nas dur ba rgya a pa na ya zhes sbyar ro// 'jigs pa bsal bar 'dod na ma ma a b+ha ya ka ri zhes sbyar zhing dkyil 'khor mchod rten lta bu bya'o/ /bsam pa yongs su rdzogs 'phral gyi rkyen dang bral ba ste/ rmi lam ngan pa la dur swa pa ni a ba na ya dang/ ltas ngan pa

  605. 303a

    ltas ngan pa la ni mi tam a pa na ya zhes pa dang/ a kA la mri dyu pra sha ma na zhes dus ma yin par 'chi ba bzlog pa dang/ tsi ta dya ku la ni sems g.yeng pa'o/ /dzwa ra sam byA d+hi a ba na ya nad sol cig pa la sogs pa sbyor ba dang bcas pa brjod ces dkyil 'khor gru bzhi par byas nas 'dod pa'i las de dag grub po/ /da ni cho ga'i tshul brjod de/ khrus byas la zhes pa la sogs pa chog la 'jug pa'i snga rol du chu gtsang ma 'am sman dang sbyar ba'i chu la sngags thung ba brjod cing gdong la sogs pa bkru bar bya'o/ /de'i dus su rig pa'i lha mo spyan ma dang mA ma kI dang gos dkar mo dang sgrol ma rnams kyi sngags kyi phreng ba brjod cing bdag la khrus byed par yang bsam mo/ /gzungs kyi snying po 'di nyid dam rten cing 'brel bar 'byung pa'i sngags la sogs pas byin gyis brlabs pa'i gos sar ba gyon par bya 'am/ oM a mi ka pa ri shud+d+he sho d+ha ya sa ma te ni d+ha ri d+ha ri/ shud+d+he shod+ha ya/ ma hA padme hUM swA hA/ ba'i rnam lnga la stong bzlas te gos dang snod spyad dang zas kyi rgyu la gtor gnas khang la chag chag gdab po/ /bza' nyes dang bgo nyes la sogs pa kun sel to/ /yadwa? tsan dan dang gla ba'i chu la sogs pa la oM sh+rI ma hA ku ru Na pad+ma a mo g+ha a mo g+ha a pra ti ha ta badzra a d+hi sh+rA? nu b+hu du b+ha nAM b+hi ri swA hA/ zhes pas gnas khang la sogs pa dang phyogs thams cad dri zhim por bya'o/ /sros kyi dkyil 'khor gru bzhi par bya zhes bya ba ni oM badzra b+hu mi hUM zhes brko ba lam 'chad par 'gyur ba'i cho gas sa brko ba 'am/ oM badzrA sa na ya hUM chu blangs nas/ oM badzra go ma ye hUM zhes gci ba dang bsres nas 'jim pa bya ba dang dkyil 'khor 'dom gang pa la sogs pa ci 'dod par brtsigs nas oM badzra re kha hUM zhes bya ba'i rnam lnga tsan dan gyi chu dang bsres nas g.yas la skor du byug go /oM su re be sarba ta phA ga tA a d+haShA na

  606. 303b

    du swA hA/ zhes lag pa'i rgyab du me tog la oM sarba big+ha naM ut+sa ra ya hUM zhes maN+Dal gyi dbus su dor nas/ oM sarba su bi shud+d+ha d+harmA NAM swA hA/ zhes lag pa bkrus te/ oM A(rgyud 'grel): hUM to? swA hA/ zhes me tog de spyi bor bzhag go /de nas 'chad par 'gyur ba'i cho gas thig gang 'dod pa'i tshul du gdab bo/ /tshon snam lus pas bri bar bya'o/ /de yang/ oM aM baM saM dza(rgyud 'grel): hUM zhes pa dkar po dang ser po dang dmar po dang ljang gu dang nag po dang sngon po rnams rnam par snang mdzad dang rin chen 'byung ldan dang snang ba mdza' yas dang don yod grub pa dang rdo rje sems dpa' dang mi bskyod par bsams nas/ ye shes kyi lha dang gnyis su med par byas nas mchod pa dang bstod pa la sogs pas mnyes par byas nas snying po 'ba' zhig brgya rtsa brgyad brjod do/ /yang de dag dang 'khor lo dang rin po che dang pad+ma dang ral gri dang rdo rje dag gi phyag rgya ra gyur par mos la rin po che'i phyag de dag ni brtsegs par bsam zhing bri bar bya ste/ rten cing 'brel bar 'byung ba'i sngags brjod cing dbang ldan nas g.yas skor du bri bar bya'o/ /de'i 'og tu dkyil 'khor de'i sa phyogs su ba dan nyi shu rtsa bzhi kha dog tha dad bri'o/ /bA re ni sngon po'o/ /yol ba ni dmar po'o/ /g.yer kha'i phreng ba dang srad bu'i ra ba dang gdugs dang rgyal mtshan dang sil snyan dang mnga' yab dang ral gri dang me long dang rma bya'i sgro'i chun po sbyang bar bya'o/ /snying po'i rig sngags gro ga la bri bar bya'o zhes pa la/ gzungs sngags yi ge'i tshul du bri ba ni/ ras sam shing shun gro ga'am/ tA la'i lo ma sar ba'am// gur gum gi wang gla rtsi la/ /gser 'dab gtsug gi rtsa ba 'am/ /gser gyi sdong po sar pa yis/ /gzungs sngags phreng ba mnyams pa/ /skar ma mgo rgyal lha mtshams la/ /shar du bltas nas bri bar bya/ zhes pa'i tshul gyis lag pa g.yas

  607. 304a

    pa ni 'phags pa 'jam dpal du bsam mo/ /g.yon pa ni kun tu bzang por bsam mo bri gzhi ni phyogs bcu'i zhing khams su bsam mo smyu gu ni phyag na rdo rjer bsam mo/ /snag tsha ni yi ge a'i rnam par bsam mo/ /bri ba'i dus su 'jam dpal dang kun tu bzang pos drang pa'i don dang nges pa'i don gyi chos kyi 'khor lo rgyun mi 'chad par gsungs pa de phyag na rdo rjes phyogs bcu'i zhing thams cad du yi ge'i tshul du sgrogs shing bkram pas skad tha dad yi ge'i dbyibs dang kha dog tha dad du snang bar mos te shar ram byang du bltas pas dus tshod bzang po la lhag pa'i bsam pa ma 'khrugs pas bri bar bya'o/ /'dod chags kyi sems dang bcas pas ma yin no/ /de bzhin bu zhe sdang dpang rgyal dang phrag dog dang ser sna dang rgyags pa dang bag med pa dang rnam par g.yeng bar byed pa dang lta ba ngan pa dang bcas pas ma yin no/ /de ni yi ge'i tshul lo/ /yang na rin po che 'am rdo 'am rwa 'am shing gi khams las yi ge phreng pa khol du brkos nas sa 'jam pa'i 'jim pa shin tu legs pa la sprad de ji tsam 'dod pa'i grangs su byed pa 'di sku phyag rgya'i tshul du bkod pa'o/ /yang na rdo ba 'am rin po che la sogs par thub pa'i sku'i mdza' bskor du sngags kyi phreng ba zlum po'i tshul du bkod de ? du brkos nas 'jim pa dang spros par bya'o/ /de'i grangs ji tsam 'dod pa byas pa ni sku'i tshul du'o/ /sngags de dag gos dmar pos dkris te mgo'i phyogs gsal bar bya ste sa phyogs gtsang mar bzhag go /da ni yi ge bri ba'i rim pa'o// mchod rten lnga gdab par bya ba ni mtshon pa ste brgya rtsa brgyad dam/ nyi shu rtsa lnga 'am dgu 'am lnga 'am gcig la sogs pa'o/ /de la tsha tsha'i cho ga ni/ skyon bral rab tu 'jam pa'i sa/ /dri bzang chu yis 'jim pa la/ /rgya 'bur

  608. 304b

    gsal ba'i tsha tsha ni/ /bde bar gshegs pa'i mchod rten no/ /zhes pa'i tshul gyis gyo mo dang sol ba dang rdo dang gseg ma la sogs pa'i skyon thams cad dang bral ba bkra shis pa'i phyogs nas blangs te tsan dan la sogs pa dri zhim po'i chus blangs te legs par brdung zhing 'thas pa dang 'dres par bya'o/ /de yang/ oM nam(rgyud 'grel): sarba bu d+d+hA ya/ a d+hiSh+Thi te d+hu i rak+Sha rak+Sha hUM phaT swA hA/ zhes pas bgegs bsal lo/ /lag pa'i sor mos la rag nas/ oM na ma(rgyud 'grel): sa man+ta bud d+hA naM sarba a d+hiShtha na ratna b+hu mi ye hUM phaT swA hA/ zhes rin po che'i sa gzhir bsam mo/ /oM a(rgyud 'grel): badzra kha na kha na hUM phaT swA hA/ zhes pa brko zhing brkos pa thams cad yi ge a'i ngo bor bsam mo/ /oM na ma(rgyud 'grel): sarba ta thA ga te b+hyo/ a d+hiShtha na a d+haShthA te/ a ma la bi ma la ni rma le bi shud+d+ha swA hA/ zhes byang chub kyi chu tsandan la sogs dri zhim po bran no/ /oM na ma(rgyud 'grel): sarba bu d+d+ha bo d+hi satwe b+hya(rgyud 'grel): a d+hiShtha na a d+hiSh+Thi te/ sarba satwa bi kal pa ha na ha na hUM phaT swAhA/ zhes rdo rje dbyug pas brdung zhing bsre bar bya'o// oM na ma(rgyud 'grel): sa man+ta bud+d+hA nAM/ a pra ti ha te sha na ma badzra a yu(rgyud 'grel): She swAhA/ zhes 'jim pa'i gong bu zhig byas nas/ na ma(rgyud 'grel): sarba ta thA ga te b+ho/? oM badzra pra marda Na ya sarba pra marda Na ya hUM phaT ces brjod pas 'jim pa'i gong bu de nyid tri las rin po cha'i ri bor gyur bar bsam mo/ /na ma(rgyud 'grel): stai ya d+hi kA nAM/ na ma(rgyud 'grel): sarba ta thA ga te b+hyo/ tadya thA/ oM sukEe sukEe ye bu ga ta/ shan+te dan+te ni ra? ku le/ ya she ma sha pa ti te dzo pa ti/ sarba bud+d+he a d+hiShtha na a d+hiShthi te hUM phaT/ /'di ni sgrib pa rnam sel gyi rgyud las sngags 'di bye ma 'am 'dzin pa'i gong bu la nyi shu rtsa gcig bzlas nas sAts+tsha byas na mchod rten de'i rdul phra rab re re la'ang mchod rten re rer 'gyur la rdul phra rab de nyid kyi grangs tsam gyi lha dang mi'i go 'phang thob par

  609. 305a

    'gyur ro/ /gang du skyes pa de'i skye ba yang dag par 'gyur ro/ /myur du sangs rgyas rnam par snang mdzad dang mtshungs pa'i sku thob par 'gyur ro zhes te/ 'jim pa'i gong bu de nyid pad+ma dang zla ba'i steng du oM las rnam par snang mdzad gangs chen mtsho ri rab bye ba'i tshed kyi sku ba spu'i bse bo thams cad rnam par snang mdzad la sogs pa phyogs kyi rigs kyi skus gang bar bsam mo/ /oM badzra b+he bA d+ha ye swA hA/ zhes 'jim pa bcad pa'i tshe rnam par snang mdzad chen po'i ba spu'i bseb nas sku re re spyan drang bar bsam mo/ /oM ratno b+ha ban+te hUM zhes ba'i? 'di byas la sku rin po che'i na bza' i lce bsams blangs par bsams zhing/ oM d+harma d+ha tu garb+he swA hA/ zhes snying po bcug pas thugs bskyed par bsam mo/ /oM a ra dzo bar dzo swA hA/ zhes mar gyi snum gyis phyug pa ni lha'i tshogs kyis dri'i char phab par bsam mo/ /oM badzra b+he d+he swA hA/ zhes 'jim pa bcad pa'o/ /oM d+harma ta ridb+ha be ye swA hA/ zhes skor por du bcug pa'i tshe chos 'byung du zhugs par bsam mo/ /oM badzra mung+ga ra A ko Ta hUM phaT ces brdung pa'i tshe ming gi yi ge phreng ba du ma dang bcas par bsam zhing sprul pa du ma'i steng du gyur par bsam la/ oM sarba ta thA ga ta saM b+ho ka ? ya swA hA/ zhes skor phar nas drangs pa'i tshe longs spyod rdzogs pa'i skur bsam/ oM sarba ta thA ga tA nirma Na kA ya swA hA/ phyung ma thag tu sprul pa'i skur bsam mo/ /oM d+harma ratna ratna saM b+ha pe swA hA/ zhes pas sku de'i ba spu'i bseb thing skus gang bar bsam mo/ /de yang sku re re pho brang ye shes kyi snying po can mthong na dga' ba'i mchod rten du bzhugs par bsams nas/ oM A yu(rgyud 'grel): She swA hA/ zhes srog shing gzugs so/ /oM pra marda na ya swA hA/ zhes 'khor

  610. 305b

    lo bzhag nas/ oM pa taM ka lam ba swA hA/ zhes cod pan gang gis so/ /oM sa rarta swA hA/ zhes pas ba dan dbul lo/ /oM dum+bir du baM swA hA/ zhes chu srin rgyal mtshan dbul lo/ /oM pra ma Na ye swAhA/ zhes gdugs dbul lo/ / oM ratna mA la taM zhes pas phreng ba gdags la/ oM na ma she ya da bu ga d+ha pra ti sha ga ti ta b+he/ ta thA ga to arha te b+he samyag saM bud+d+ha ya/ tadya thA/ oM su su ye swA hA/ zhes bla re dbul lo/ /oM d+harmA da mi la dza ye swA hA/ zhes gdan la bzhugs so/ / oM badzra d+hA tu a d+hik+Sha d+he hUM zhes bstan par gsol ba gdab bo/ /de'i 'og tu rten 'drel gyi sngags brjod dri bzang po'i chus bsangs te me tog la sogs pas rgyas par mchod do/ /de nas gzungs gang du bzhugs pa de brjod cing skor ba gsum mam nyi shu rtsa gcig pa sogs pa bya'o/ /tsha tsha bya ba'i rim pa'o/ /bum pa gang ba lnga bzhag go zhes bya ba yang mtshon pa ste/ bum pa nyi shu rtsa lnga 'am bcu 'am drug gam yang na gcig go /de yang gser dngul zangs sam shing dag gam/ sarba las byas lto ba che/ /zhabs phra skye ring chu 'phyang ba/ /gser ram bkrus pa'i bum pa ni/ /lha'i grangs sam rigs bdag gi /tshad rnams ci 'byor bkod par bya/ /yid 'ong gtsang ma'i chus bkang nas/ byu ru gser dngul mu tig dang/ /nor bu ma med rin chen lnga/ /si gri bya gri gar kar ni/ /pa to ha sa de ba sman/ /gro nas 'bras kyi so ba til/ /mon sran gre'u 'bru lnga'o/ /tsandan ga bur gur gum dang/ /dzA ti a ka ru bri lnga/ /lan tshwa bur ma spang dang mar/ /brag zhun 'byung ba'i ser po la// bum pa bzang po'i gter yin te/ /ma nyams gos dang po mas ni/ /mgrin ba dang ni dbu brgyan bya/ /'jig rten 'jig rten 'das pha yi/ /dpal 'byor 'dod pas 'di mchod do/ /zhes byang chub sems dpa' sging ba rnams sel

  611. 306a

    gyi rtog par gsungs so/ /de la thugs rje chen po'i brlan gyi phyir chu dang ba'o/ /mya ngan las 'das pa'i sa bon sogs pa'i phyir 'bru lnga'o/ /chos kyi sku'i gdul rgyun mi bcad pa'i phyir rin po che lnga'o/ /nyon mongs pa'i gdung ba sel ba'i phyir sman lnga'o/ /gdul bya byang chub kyi lam gyi bsrung ba bskyed pa'i phyir dri lnga'o/ /'khor ba ma stongs kyi bar du gzugs kyi sku rgyun mi chad pa'i phyir 'byung ba'i snying po lnga'o/ /chos kyi gsung la nyams pa med pa'i phyir mgrin pa gos bzang gis bcings pa'o/ /'gro ba'i bsam pa yid bzhin du skor ba'i phyir kha rgyan no/ /lam dam pa dman pa'i gang zag gis rtogs dka' ba dang dbang po rnon po la rgya che ba dang/ chos nyid zab mo rtogs par rigs pa'i spyod yul ma yin pa dang rtogs na phyi nang gnyis su med pa'i rtags su bum pa zhabs phra zhing lto che ba dang ske phra ba dang mchu 'phyang ba'o/ /gal te bum pa lnga la sogs pa yin na rigs kyi phyag rgya yang dgod par bya'o/ bum pa de dag la yang rma bya'i gdugs dang cod pan dang rgyal mtshan dang ba dan la sogs pa'i rgyan gyis spras te bkod do/ /grwa bzhir phog phor bzhi zhes pa yang ma chags pa dang ma gas pa'i snod du tu ru kar ni byang shar du bsreg go a ka ru ni shar lhor ro/ /tsandan ni lho nub tu'o/ /gu gul ni nub byang du'o/ /snod bzhi ni mtshon pa tsam ste spos dang me tog tha dad pa dang yon chab dang mar me dang byug pa dang zhal zas dang sku gdung gi grangs dang sbyar nas dgod do/ de yang cho ga rgyas pa dang bsdus pa kun mtshon par shes par bya'o/ /de re zhig tsha tsha brgya pa'i dbang du byas na rang nyid lhag pa'i bsam pa dang ldan pas thams cad du sngon gyi nyin par skyabs su 'gro ba byas nas sdom pa

  612. 306b

    bzung ste maN+Dal phul nas mchod de mchod sangs rgyas byang chub sems dpa' thams cad mdun gyi nam mkha' la dmigs te dbang por byas nas tshigs bcad 'dis gsol ba gdab po/ /oM badzra rdo rje rigs dang rin chen rigs/ /pad+ma'i rigs dang las kyi rigs/ /bde gshegs rigs tshogs ma lus pa'am/ /sangs rgyas byang chub sems dpa' dang/ /nyan thos rang rgyal rdzu 'phrul can/ /brjod mi lang sogs tshogs bcas dang/ /ded dpon 'jig rten skyong ba'i tshogs/ /kun nas bdag la dgongs su gsol/ /bdag kyang yongs su dag pa dang/ /'gro ba nyon mongs gnas bsgral phyir/ /cho ga bzang po 'di sgo nas/ /yid bzhin nor 'dra sgrub byed na/ /bdag la yongs su bskyab pa dang/ /sems can rnams la thugs brtse'i phyir/ /ye shes can gyis gzigs nas kyang/ /nye bar byin gyis brlab tu gsol/ /swA hA zhes lan gsum la sogs pa brjod de shar phyogs su kha bltas te gzungs nyi shu rtsa gcig brjod la nyal lo/ /gal te rmi lam dang ltas dman na rig pa'i khro bo gang yang rung ba'i sngags mang du brjod de gtor ma dang mchod pa dbul zhing tshim par bya'o/ /lhag par yang yi dags la gtor ma mang du sbyin no/ /de ni cho ga thams cad kyi sngon du 'gro ba dang po'o// /de nas tsha tsha brgya ba'i dbang du byas na dkyil 'khor gru bzhi sgo bzhi pa dbus kyi pho brang re mig brgya par byas te de yang lo tshe 'am pad+ma'i khor gor yug gam sku gdung mchod rten bzhi bsdus pa'i gzugs su byas la cho ga dang ldan pa'i tsha tsha re re rgyan dang bcas pa le tsha re re la me tog steng du bzhag/ sgo'i nang rol tu grung? ra bzhag go /lha rnams kyi zur bzhir bum pa gang ba bzhi bzhag go /shar du dkyil 'khor khru gang ba chung ngun gyi steng du sku gdung red bsrel dang bcas pa khri'u'i steng du bzhag go /de'i drung du bum pa gang ba cho ga dang bcas pa bzhag go /

  613. 307a

    me tog gi snod dang spos snod dang byug pa dang mar me dang zhal zas rnams re re la'ang brgya rtsa brgyad dkyil 'khor gyi mdza' nas bskor ro/ /dgu pa 'am lnga pa la sogs pa la ni rdo rje rgya gram mam pad+ma bris te gzhal yas khang yod dam med kyang rung ngo/ /bum pa dang tsha tsha dang sku gdung thams cad kyang nang du chud par bya'o/ /shar du shes rab kyi pha rol tu phyin pa bklag go /lhor stobs po che bklag go /nub tu rma bya chen mo'o/ /byang du mdo sde'i dbang po gser 'od dam pa'i mdo bklag go /shar phyogs su 'byung po thams cad la gtor ma sbyin no/ /lho phyogs nas dad pa dang ldan pas ma mo rnams la gtor ma sbyin no/ /nub phyogs nas ? sbyin no/ /byang phyogs nas 'jig rten skyong ba rnams la gtor ma sbyin no de la smon lam gsol pa'i tshigs su bcad pa ni 'di dag yin te/ shar phyogs su snying po'i sngags dang bcas pa brjod de/ tshangs pa brgya byin dbang phyug che/ /khyab 'jug lha klu gnod sbyin sogs/ /ded dpon brgyad po 'khor bcas dang/ / 'phrog ma bu dang bcas rnams dang/ /'byung po'i tshogs rnams kun nyon cig /bdag gi khrus dang me tog dang/ /spos dang mar me byug pa dang/ /zhal zas tshogs rnams khyed la 'bul/ /khyed kyi dpal dang brtson 'grus dang/ /gzi brjid dbang phyug stobs kyis ni/ /nad dang gnod pa bsal nas kyang/ /che ge 'am bdag la bkra shis mdzod/ /shar phyogs su sems can thams cad bde legs su gyur cig swA hA/ lho phyogs su yang de bzhin du brjod de/ de bzhin du nub dang byang duAng brjod do/ /de dag ni sngon du 'gro ba'i cho ga gnyis pa'o/ /de nas bsgrub bya dang sgrub pa po rnams gos sar pa gyon cing khrus byas nas kha byang du bltas te yungs kar dang nas la sogs pa'i 'bru sna tshogs kyi bdag gi

  614. 307b

    lag pa g.yon pas bskor zhing kham por gyi tsan dan gyi me'i nang du dor ro/ /de nas tshigs su bcad pa 'di brjod la kham por sgor bskor ro/ /gang dag sangs rgyas rang sangs rgyas/ /'phags pa nyan thos thams cad dang/ /tshangs pa brgya byin dbang phyug che/ /khyab 'jug dbang phyug klu dbang po/ /gzhan yang 'jig rten skyong ba rnams/ /rang rang 'khor dang bcas pa dang/ /'phrog ma bu dang bcas pa dang/ /gzhan yang 'byung po mthu chen rnams/ /de dag kun gyi mthu dang dpal/ /brtson 'grus gzi brjid byin gyis brlabs/ /ro langs la sogs gdon rnams kyis/ /nad dang gnod pa char gyur cig/ rdo rje rin chen phug pa dang/ /me yis bud shing sreg byed dang/ /rlung gis sprin rnams 'thor ba dang/ /nyi mas 'dam sogs skos pa dang/ /seng ges ri dags kun skrag ltar/ /sngags dang phyag rgya bden pa'i mthus/ /ro langs 'byung po'i tshogs rnams dang/ /byang stems thams cad tshig par shog /de nas sgrub pa po dang bsgrub bya thams cad kyi mgo la me tog gdags shing/ lus dri zhim pos byug par bya'o/ /de dag ni sngon du 'gro ba'i cho ga gsum pa'o/ /yid bzhin nor bu 'di gnyis kyang lan brgya rtsa brgyad bzlas brjod bya'o/ /snying po'i sngags brjod cing dkyil 'khor la skor ba brgya rtsa brgyad bya'o/ /zhes pa ni gong du gsungs pa'i rig sngags kyi rgyal mo 'di gnyis dus gcig tu dran par bya'o/ /zhes pa la sogs pa tshig gsum dang 'brel te dran par bya'o/ /zhes pa'i don 'di ltar shes par bya'o/ /tsha tsha ni thams cad du rnam par snang mdzad sangs rgyas kyi sku lo nar bsams te/ tsha tsha re re yang rnam par snang mdzad re re bsams la de'i spu'i bse ba thams cad rnam par snang mdzad kyis gang ba'o/ /de nas tsha tsha'i grangs kyi rnam par snang mtshang bye ba brgya phrag go /de la 'dir

  615. 308a

    gzungs yi ge'i tshul du klog na bum pa ni a las zla ba'i dkyil 'khor du bsams nas de'i steng du a las gzungs kyi phreng ba dkar pos bskor ba'am yang na phyogs bzhir oM baM saM dza(rgyud 'grel): zhes dmigs te g.yeng ba la sogs pa'i skyon spangs nas gzungs ring thung gnyis sbrel ba brgya rtsa brgyad brjod do/ /de'i tshe sngags dang zla ba'i 'od kyis ye shes kyi 'od zer dang 'jig rten gyi bdud rtsi thams cad bsdus nas zla ba dang yi ge thams cad la thim par bsam mo/ /de nas gzungs thung 'ba' zhig gdon zhing skor ba brgya rtsa brgyad bya'o/ /? tshe sngags dang yi ge'i 'od kyi bdag dang sems can thams cad kyi sdig pa dag par bsam mo/ /de nas yi ge dang sngags bdud rtsir zhu bar bsam mo/ /skor ba'i dus su ni sku gdung gi lha'i lha rnams grangs bzod kyis mi lang ba bum pa'i nang du yi ge 'am phyag rgya'am lha gcig pu'i sku 'od kyis bdag dang 'gro ba thams cad kyi sgrib pa gsal ba dang nad sbyar ba dang dbang bskur par bsam mo nad kyis btab pa la sogs pa brgyad po ni gong gi las sbyor gyi bye brag ste sngon du bshad pa'i sngags kyi sbyor ba dang bcas pa'i chus bkru zhing dbang po'i sgo lnga rma bya'i sgo lngas byab pa'o/ /de yang khrus bya ba'i rim pa ni 'di yin de bum pa bdud rtsi'i chur bsams te/ rol mo sil snyan du mar bcas/ /'dod pa 'dzum zhing yon bcas pa/ /nyams dga' i tshul du gsol ba gdab/ /oM byang chub rdo rje sangs rgyas la/ /mchog chen ji ltar stsal ba ltar/ /bdag la bsrung ba'i don gyi phyir/ /sngags kyi chu yis byin brlabs stsol/ /gsum brjod phyag 'tshal bskor ba bya/ yon mi bsrung la ras sogs kha dog dkar/ /che bsring sogs la ser po'i rdzas/ /she ba bsru bdur

  616. 308b

    smrog mdog/ bu bslang sogs la dmar po ste/ /gnod pa bzlog pa sngon pos bya/ /las kun la ni ljang gu shis/ /ser sna med par yon phul nas/ /blo ldan slob dpon phyag ? ni/ /?? blang bar bya/ /'gro na lhag pa'i sems btang nas/ /'gying dang bcas pas khrus gsol lo/ /ces pa'i tshul gyis dang por bkra shis brjod cing smon lam du ma yang bsngos nas bden pa'i byin rlabs 'di brjod do/ /stobs mchog ldan pa lha mis mchod 'os pa/ /sangs rgyas phyag 'tshal deng 'dir bde legs shog /zhi ba chags bral lha mis mchod 'os pa/ /chos la phyag 'tshal deng 'dir bde legs shog /tshogs kyi dam pa lha mis mchod 'os pa/ /dge 'dun phyag 'tshal deng 'dir bde legs shog /'jig rten 'di 'am yang na 'das pa yis/ /mtho ris dag la rin chen mchog yod la/ /de bzhin gshegs pa lha'i lhar gyur te/ /mi mchog 'di dang gang yang mtshungs pa med/ /de phyir sangs rgyas rin chen mchog tu gsung// bden pa des ni/ deng 'dir bde legs shog /zab pa chags bral bdud rtsi 'dus ma byas/ /mkhyen ldan shAka thub kyis ni rab dbye mdzad/ /'chi med dam chos zhi ba 'du byed bral/ /chos 'di dag dang mtshungs pa gang yang med/ /de phyir dam chos rin chen mchog tu gsungs/ /bden pa des ni deng 'dir bde legs shog /gang 'dod de la tshul bzhin mchog ston pa/ /ston pa bla med rtag bsgrub rnal 'byor gzhi/ /rdo rje lta bu gnyis med lam gsal bas/ /ting 'dzin 'di dang mtshungs pa 'ga' yang med/ /de phyir dam tshig rin chen mchog tu gsungs/ /bden pa de'i deng 'dir bde legs shog /gang zag chen po brgyad po rab bsngags shing/ gang zag zung bzhi brjod pa 'di dag ni/ /drang srong chen

  617. 309a

    po gang zag mtshungs pa med/ /bde bar gshegs pas sbyin pa'i gnas zhes gsungs/ /de phyir dge 'dun rin chen mchog tu gsungs/ /bden pa de'i deng 'dir bde legs shog /gang dag brtan pa'i yid kyi rab? brtson zhing/ /gau ta ma'i bstan la rab zhugs nas/ /dam chos thos mang bdud rtsi mchog rnyed de/ /mun pa bsal nas mya ngan 'das thob pa/ /de phyir dge 'dun rin chen mchog tu gsungs/ /bden pa de yis deng 'dir bde legs shog / lus sam ngag gam de bzhin yid kyis kyang/ /'jigs tshogs lta dang tshul khrims brtul zhugs dang/ /the tshom dang ni nyon mongs gsum po dag /cig car spangs te 'phags pa'i bden pa mthong/ /de phyir dge 'dun rin chen mchog tu gsungs/ /bden pa de yis deng 'dir bde legs shog /lus sam dag gam de bzhin yid kyis kyang/ /sdig pa rnam bcu rnam yang mi byed la/ /blo bur byas kyang mi 'chab myur du bshags/ /de ltar log lta de dag 'dzin mi byed/ /de phyir dge 'dun rin chen mchog tu gsungs/ /bden pa de yis deng 'dir bde legs shog /ji ltar dbang po'i sdong po sar btsugs pa/ /phyogs bzhi'i rlung rnams kyis ni mi bskyod ltar/ /'phags pa'i lam gyi dam pa 'thob pa yis/ /'phags pa'i dge 'dun rnam rtog gis mi g.yo/ /de phyir dge 'dun rin chen mchog tu gsungs/ /bden pa des ni deng 'dir bde legs shog/ shes rab shin tu zab cing brtan pa yis/ /'phags pa'i bden rnams yang dag rab bsgoms nas/ /lus kyi sbyin pa yid la byas pas ni/ /de dag 'jigs pa brgyad dang phrad mi 'gyur/ /de phyir dge 'dun rin chen mchog tu gsungs/ /bden pa des ni deng 'dir bde legs shog /ji ltar rlung gis mes ni rab gtor

  618. 309b

    na/ /lag tu blangs te bgrang du med pa ltar/ /sangs rgyas sras rnams kun tu sbyor ba yis/ /rab bsngags 'jig tshogs bstan du med par 'gro/ de phyir dge 'dun rin chen mchog tu gsungs/ /bden pa des ni deng 'dir bde legs shog /bla ma mkhan po pha ma grogs po dang/ /yon bdag gnyen pa shes chos kyi grogs po dang/ /sems can gang dag 'gro dang mi 'gro ba/ /de dag thams cad deng 'dir bde legs shog /ces brjod nas bum pa'i chu las nyung zad blangs te mdun du sangs rgyas dang byang chub sems dpa' i tshogs bsams la yon chab kyi tshul du mchod do/ /oM na ma(rgyud 'grel): sarba bud+d+ha bo d+hi sa two b+hya(rgyud 'grel): saM sho d+ha ni swA hA/ de bzhin du 'phags pa nyan thos dang rang sangs rgyas thams cad la yang mchod pa bya ste/ oM na ma(rgyud 'grel): sarba a haM sh+ra ba ka b+hya kA ya wA k+tsit+ta saM sho d+ha ni swA hA/ de nas 'jig rten skyong ba rnams mchod pa bya ste/ bdud rtsi ye shes chu bor ni/ /bden pa'i mthu yis byin brlabs la/ /rnam dag sngags kyi chu rgyun gyis/ /'jig rten bag chags dag gyur cig /oM sarba sa di ba yo ka phra Sha ka saM sho d+ha ya swA hA/ zhes lan gsum brjod do/ /de nas gang zhig khrus bya ba de gos dang rgyan sar bas brgyan te/ sdig pa bshags pa dang skyabs su 'gro ba dang/ sems bskyed pa dang sdom pa 'dzin du bcug la khrus byas nas me tog phreng ba mgo la gdags so/ /de bzhin du dang por gzungs 'di gnyis brjod de rma bya'i sgro 'am ku sha'i chun pos nad dam sdig pa la sogs byab pa lan bdun nam nyi shu rtsa gcig la sogs pa bya'o/ /de'i 'og tu spyan ma la sogs pa rigs pa'i lha mo bzhi'i sngags kyis mgo nas khrus bya'o/ /de nas rig pa'i lha mo gzhan thams cad dang byang chub sems dpa' i sngags gang dag brjod nus pas yan lag thams cad khrus bya'o/ /de la 'di yang brjod par bya'o/ /ji ltar

  619. 310a

    bltam pa tsam gyi tshe/ /lha rnams kyis ni khrus gsol ltar/ /lha yi chu ni dag pa yis/ /de ring 'dir yang sku khrus gsol/ /de ma thag phyag 'tshal nas ldang bar bya'o/ /de'i lhag mar gyur pa'i bum pa'i chus byugs ltas dang rta dang glang po'i bres dang/ zhing dang gtsug lag khang dang mkhar dang khyim dang rab dang lam srang la sogs pa thams cad du gtor ro/ /tsha tsha dang sku gdung la sog pa ni dben pa'i sa phyogs su bzhugs so/ /rdul tshon ni ci bde bar nga ro'o/ /bum pa'i yo byad dang dkyil 'khor gyi rgyan la sogs pa thams cad ni gang rdo rje slob dpon mkhas pas dge ba'i ched du longs spyod kyi tha mal par ni 'gal tshabs che'o/ /zas kyi lhag mas ni yi dags la gtor ma sbyin no/ /de'i rjes su ni kun tu bzang po'i smon lam bdun nam nyi shu rtsa gcig ni g.yeng ba med pas bklag go /de dag gis ni gzungs yi ge'i tshul du bklag pa dang po ste/ gzhan rgya cher skabs 'dir shes par bya'o/ /yang na 'di lta bu bum pa dang pad+ma dang zla ba'i steng du a yig dkar po de'i steng du nyi ma la oM yig de gnyis char hUM bzhis bskor te/ re re la sor sor sngags phreng kha dog sna tshogs pa 'khor bar bsams la de'i 'od zer gyis rang bzhin gyi sngags thams cad bkug cing de nyid du thim par bsams te bzlas pa bya'o/ /bskor ba'i dus su yi ge dang sngags kyi 'od kyis ye shes kyi 'od zer dang 'jig rten gyi bdud rtsi thams cad der thim zhing daM ba'o zer gyis bdag dang 'gro ba sems can thams cad dang 'tshe ba thams cad sel bar bsams la bya'o/ /lhag ma ni sngon ltar shes par bya'o/ /yang na bum pa pad+ma dkar po'i steng du zla ba dang nyi ma kha sbyar ba'i bar du a dang oM las phyogs bzhir hUM bzhi dang mtshams su aM baM saM dzaM:

  620. 310b

    bskor te de la yang so sor sngags kyis bskor bar bsams la sngags brjod pas yi ge dang sngags kyi 'od zer gyis rang bzhin gyi sngags bkug cing der thim pa dang bskor ba'i dus su ye shes kyi 'od zer dang 'jig rten gyi bdud rtsi bsdus nas der thim ste 'od kyis bdag dang 'gro ba thams cad kyi nad dang 'tshe ba dang sdig pa thams cad zad par bsam mo/ /lhag ma cho ga sngon ltar shes par bya'o/ /da ni gzungs phyag rgya la dmigs nas bklag pa ni bum pa pad+ma dang zla ba'i steng du a las skyes pa rin po che cha gcig pa a yig dkar po la sngags kyis bskor ba kho na la dmigs pa gtad de brjod la phyag rgya dang sngags de'i 'od kyis rang bzhin gyis grub pa'i ye shes kyi 'od zer dang 'jig rten gyi bdud rtsi thams cad der bsdus par bsam mo/ /bskor ba'i dus su ni de dag gi 'od zer gyis bdag dang sems can thams cad kyi nad dang 'tshe ba dang sdig pa zad bar byas par bsam mo/ /yang na pad+ma dang zla ba'i steng a yig las rin po che cha gsum pa yi ge dang sngags bsams la brjod pas sngags dang phyag rgya'i 'od zer gyis rang bzhin gyis sngags dang phyag rgya pa stims zhing brjod de bskor pa'i dus su sngags dang phyag rgya'i 'od zer gyis ye shes kyi 'od zer dang 'jig rten gyi bdud rtsi thams cad bsdu zhing der thim pas de'i 'od kyis bdag dang 'gro ba thams cad kyi nad dang 'tsho ba dang sdig pa'i tshogs thams cad zad par yang bsam mo/ /cho ga lhag ma thams cad sngon ltar shes par bya'o/ /yang na bum pa dang pad+ma zla ba'i steng du a yig la rin po che cha bzhi pa 'od kyi phreng ba dang bcas pa yi ge dang sngags kyi phyag rgyas btab pa bsams te/ sngags dang phyag rgya'i 'od zer gyis rang bzhin grub pa'i ye shes bdud rtsi bstim nas brjod pas bdag

  621. 311a

    gi lus ngag yid kyi sge gang bar bsams ste bskor ba'i dus su sems can thams cad kyi lus ngag yid kyi sgo dag par bsam mo/ /lhag mchog thams cad sngar ltar ro/ /skul dmigs nas gzungs bklag pa'i tshul du ni bum pa dang ? zla ba'i steng du a yig ser po las bcom ldan 'das byang chub chen po gsil byed dang par bu 'chad pa gser gtso ma'i mdog can 'jum pa'i mdangs kyis rin po che'i khri la bzhugs pa bsams te/ de'i snying gar zla ba la a yig sngags kyis bskor ba bsams te rang bzhin gyis byang chub chen po dang/ tha mi dad par byas nas sngags brjod pa'i tshe dus gsum gyi de bzhin gshegs pa dang lha mo byang chub sems dpas bum pa du ma dus gsum gyi ye shes kyi chus gang ba du ma thogs nas dbang bskur bas de'i dbu la sangs rgyas mi bskyod pa bsam pa dang sku du ma yang bzhugs bar bya'o/ /de nas bskor ba'i dus su sku de las byung ba'i lha mo'i tshogs kyis bdag la dbang bskur te bdag gi 'od zer gyis 'gro ba thams cad yongs su dag par bsam mo/ /de nas rang bzhin gyi lha thams cad gshegs te/ skud 'od du zhu bar dmigs te khrus bya'o/ /lhag mchog thams cad sngon ltar ro/ /yang na pad+ma dang zla ba'i dbus su bdud 'dul ba'i phyag rgya dang ldan pa'i byang chub chen po bsam pa 'am yang na chos 'chad pa'i phyag rgya dang ldan pa bsam te chog thams cad sngon ltar shes par bya'o/ /sku dkyil 'khor 'khor lo la dmigs nas gzungs bklag pa'i ni/ oM swa b+ha ba shud+d+ha(rgyud 'grel): sarba d+hArmA(rgyud 'grel): swa b+ha ba shud+d+ho haM/ zhes brjod pas bum pa mi dmigs pa'i ngang las yi ge puM las spos kyi khang pa rim pa gsum rin po che'i rgyan thams

  622. 311b

    cad kyis brgyan cing twa ra na ya sogs pa'i mdzes pa dra ba dang dra ba phyed pa dang/ dar dbyangs dang dril bu dang zla phyed rdo rje dang kra ma shirSha dang bcu kan la sogs pa las khang gi rgyan du mas legs par spras pa rtse mo gcig tu bsdus pa'o paM las pad+ma dang a las zla ba'i steng du lha thams cad bsam par bya'o/ /de'ang byang chub sems dpa' sgrib pa rnam sel gyi rgyud las ji skad gsungs pa ltar te/ rin chen rab bkod gzhal yas ni/ spros kyis brgyan pa'i khang pa ru/ /rab zhi sna tshogs rgyan ldan pa'i/ /dkyil 'khor lha'i tshogs rnams bsgom/ /A(rgyud 'grel): las byung ba'i bcom ldan 'das/ /thub pa'i nyi ma la bye ba'i 'od/ /dur smrig gos can gser mdog sku/ /ches 'chad phyag rgya ldan pa ni/ /zhal bzhi phyag rgyad zhabs bzhi pa/ /sems dpa' i skyil krung bzhugs nas ni/ /'gro la thugs rje gzigs pa po/ /dkyil 'khor dbus su bsgom par bya/ /nga yin dun du gsang sgrub mo/ /gur skyes dkar po bsil yab 'chad/ /gtso bo'i g.yas su a yig las/ /che 'dzin ma ste gser mdog can/ /dkar mo bum pa 'chad ba ni/ /? gying ba'i tshul du bzhugs pa'o/ /gtso bo'i g.yon du puM ? las bsod nams ldan pa dkar mo ni/ /skyabs sbyin pad+ma dkar po 'chang// sgeg pa'i spyan dang ldan pa yi/ /rgyab tu phyag rgya bstan ma ni/ /yuM skyes dmar po phreng ba 'chang/ /shar gyi 'dab mar suM yig las/ /bsod nams gzigs ma dkar gsal ma/ /g.yas kyis ? g.yon pas ni/ /mar me 'od rab gsal ba 'chang/ /lhor ni pur Na rnam gzigs ma/ /ser mo glegs bam 'chad ba'o/ /nub tu shin tu go cha mo/ /si skyes dmar me pad+ma 'chang/ /byang du yang dag 'chad byed mo/ /sa skyes ljang khu u? 'chang/ /byang shar la

  623. 312a

    yig las skyes pa'i/ /so sor 'brang ma ljang ser mo/ /lag g.yas skyabs kyi phyag rgya dang/ /g.yon pa lcags kyu 'chang ba'o/ /shar lho oM las mdangs ldan mo/ /ku mu ta 'dzin ser skya mo/ /lho nub paM las gzi ldan mo/ /dmar ser me long 'chang ba'o/ /nub byang dzaM las rgyas ldan ma/ /ljang gu 'bras kyi snye ma 'chang/ /de kun zhi ba'i cha byad can/ /zhal gcig phyag gnyis ldem pa la/ /rin chen sna tshogs kyis sbras pa'o/ /bzhengs te me tog 'thor ba'o/ /shar sgor lam las skyes pa yi/ /'chi 'joms dkar mo lcags kyu 'chang/ /lho sgor gshin rje 'joms pa ni/ /yaM skyes sngo nag dbyug ba 'chang/ /nub sgor gshin rje sdom byed ma/ /yaM skyes dmar mo lcags sgrog 'chang/ /byang sgor soM skyes legs skyong ma/ /rdo rje zhags 'dzin du ba'i mdog /de kun khro mo'i cha byad la/ /zhal gcig phyag gnyis brkyang bskum can/ /rin chen rgyan dang sprul gyis spras/ /spyan gsum skra ser mche ba gtsigs/ /dkyil 'khor de yi rgyab tu ni/ /phyag rgya kha dog tha dad pa'i/ /sangs rgyas stong rnams bsams bya ba/ /chos gos gsum dang ldan pa ste/ /kun kyang pad+ma zla ba la/ /sems dpa' yi ni skyil krung gis/ /'gro la thugs rje cher gzigs nas/ /'dzum pa'i mdangs kyis bzhugs pa'o/ /dkyil 'khor de yi rgyab tu ni/ /byang chub sems tshogs nyan thos bcas/ /ded dpon 'khor dang bcas pa rnams/ /mdog dbyibs gos rgyan tha dad can/ /thal mo sbyar ba byas nas kyang/ /dam chos gleng smod rgyas byed tshul/ /bus mo'i lha nga sar btsugs nas/ /pad+ma'i stan la bzhugs pa'o/ /ces gsungs pa'i tshul du bsgoms nas bdag gi snying ga'i sa bon gyi 'od kyis rang bzhin gyi dkyil 'khor spyan drangs nas mchod de/ dza(rgyud 'grel): hUM baM ho:

  624. 312b

    zhes bsres nas tha mi dad par bsam mo/ /yang rtsa ba'i dkyil 'khor gyi dbu la pad+ma dang zla ba la oM yig dkar po'o/ /mgrin par pad+ma dmar po la gnas pa'i yi ge A(rgyud 'grel): dmar po dang snying gar nyi ma la gnas pa'i hUM yig sngon po bsam par bya'o/ /de nas gzungs kyi phreng ba bklag pa'i tshe lha thams cad snying gar rang gi sa bon dang sngags kyi phreng ba'i 'od zer gyis rang bzhin gyi 'od zer dang 'jig rten gyi bdud rtsi thams cad bsdus te lha thams cad lo so sor thim par yang bsam mo/ /lhag ma thams cad sngon gyis tshogs shes par bya'o/ /yang na dkyil 'khor du lha mo brgyad bsam ste/ shar du laM las cho 'dzin ma/ /dkar mo rdo rje dril bu 'chang/ /lhor ni baM las rnam rgyal mo/ /ser mo gos brdad? rnga yab 'chang/ /nub tu saM las bde sbyin ma/ /dmar mo u dum+ba ra 'dzin/ /byang du dzam las 'bar byed ma/ /ljang gu utpal sngon po 'chang/ /hUM las skyes pa'i khro mo bzhi/ /sgo bzhir mkhas pas dgod par bya/ /shar du gshin rje 'joms ma ni/ /dkar mo tho ba 'chang ba'o/ /lhor ni gshin rje dbyug pa mo/ /ser mo rin chen dbyug tho 'dzin/ /nub tu 'chi bdag 'dul ba mo/ /dmar mo pad+ma'i phreng ba can/ /byang du gshin rje drag sel mo/ /sngon mo chu srin 'dzin pa mo/ /zhes pa byang chub sems dpa' sgrib pa rnam sel gyi/ rgyud du gsungs te/ lha dgur bsgom pa rtsa ba'i 'khor lo yin te gtso bo ni sngon ltar ro/ /gzhan yang sangs rgyas dang byang chub sems dpa' dang nyan thos dang sde dbon thams cad sngon ltar shes par bya'o/ /yang na 'di ltar sngar mos na/ /shar du oM las lcags kyu ma/ /dkar mo lcags kyu greng ba 'chang/ /lhor ni baM las zhags pa mo/ /ser mo zhags pa rnga yab 'chang/ /nub tu yaM las lcags sgrog ma/ /dmar mo lcags sgrog ril ba 'chang/ /byang du dzam las 'bebs

  625. 313a

    byed pa/ /ljang gu dril bu sil phreng 'chang/ /ces rgyud du gsungs pa'i lha mo bzhis gtso bo la bskor ba'o/ /gzhan yang sangs rgyas dang byang chub sems dpa' i tshogs la sogs pa mi dgos so/ /de ltar rgyas bsdus gang bsgom yang rang bzhin gyi lha dang tha mi dad par byas nas mchod par bya'o/ /de nas bzlas pa'i dus su lha so so'i snying gar sngags kyi/ 'od kyis sangs rgyas thams cad bsdus nas dbang bskur rigs tha dad kyis dbu brgyan par blta'o/ /skor ba'i dus su cho ga lhag ma sngon ltar shes par bya'o/ /gzhan yang rig sngags yi ge'i tshul du bklag pa ni bum par pad+ma dkar po'i steng du zla ba la gnas pa'i hUM sngon po la sngags kyi phreng bas bskor ba'am yang na dbus kyi phyogs su hUM kha dog bzhir bsam/ mtshams bzhir oM baM saM dza(rgyud 'grel): bzhi kha dog bzhi dang yi ge dgu po re re yang sngags kyi phreng ba kha dog tha dad pas bskor ba la dmigs nas brjod par bya'o/ /cho ga lhag ma sngon ltar shes par bya'o/ /gzhan yang rig sngags phyag rgyal dmigs nas bklag pa ni bum pa buM las rin po che'i mchod rten sgo gcig pa dkar po'i nang du pad+ma dang zla ba la hUM las rdo rje dkar po rtse lnga pa sngags kyi phreng ba dang bcas pa dmigs la sngon ltar brjod do/ /yang na bum pa mchod rten gyi nang der pad+ma dang zla ba'i steng du 'khor lo ser po rtsibs bzhi pa'i steng du rdo rje dkar po rtse lnga pa bsams te 'khor lo'i rtsibs la/ oM baM saM dza(rgyud 'grel): bzhi bsam mo/ /de re re la sngags kyi phreng bas bskor bar dmigs te/ bzlog par bya'o/ /yang na de nyid lhar bsam pa las rdo rje'i steng du gdugs dkar po sngags kyi phreng ba dang bcas pa la dmigs pa gted de bklag go/ cho ga lhag ma sngon ltar ro// //rig sngags sku la dmigs

  626. 313b

    nas brjod pa ni bum pa la mchod rten sngon ltar dmigs pa las pad+ma dang zla ba'i steng du a las dang po'i sangs rgyas dkar po dmigs te bklag par bya'o/ /de yang chos 'chad pa'i phyag rgya can nam yang na snying kar thal mo sbyar ba 'am yang na rdo rje dril bu 'dzin pa'o/ /dkyil 'khor 'khor lor mos kyang dang por sangs rgyas la bskor ba'i lha'i tshogs gang 'dod pa gong ltar ro/ /gal te bum pa la brten te gsang sngags kyi tshul du bklog na yang de ltar tshul kho na'o/ / gsang sngags yi ge'i tshul du bklag na bum pa dang pad+ma zla ba la oM yig dkar pos bskor ba la dmigs nas bklags par bya'o/ /yang na oM yig la aM baM saM dza(rgyud 'grel): yis bskor ba'i yi ge lnga 'am/ yang na hUM bzhis bskor ba'i yi ge lnga 'am/ yang na oM la sogs pa yi ge dgu la sngags kyi phreng ba dkar pos bskor nas gsal ba'i rnam pa la dmigs te brjod pa'o/ /gsang sngags phyag rgya la dmigs pa yang bum pa mchod rten du sngar ltar bsams nas de'i nang du pad+ma dang zla ba'i steng du 'khor lor oM dang bcas pa la yi ge'i tshogs kyis bskor ba 'am/ /yang na rigs lnga'i phyag rgya la de ltar bsam pa la/ yang na yum bzhi'i phyag rgya dang dgu la brten pa'i sa bon dang sngags su bcas pa'i dmigs pa gtad nas brjod par bya'o/ /sang sngags kyi tshul sku la brten nas brjod pa ni bum pa mchod rten du dmigs te rnam par snang mdzad dkar po zhal cig phyag gnyis pa byang chub mchog gi phyag rgya can nam/ yang na zhal gcig phyag bzhi pa phyag gnyis byang chub kyi phyag rgya can phyag gnyis chos 'chad pa'i phyag rgya can bya'o/ /yang na zhal bzhi phyag brgyad pa zhabs kyang brgyad de byang chub mchog gi phyag rgya dang sems dpa' i skyil krung can no/ /de ltar sku sngags dang

  627. 314a

    bcas pa la dmigs nas brjod pa ni sku dpa' bo gcig pu la dmigs pa gsum mo/ /gsang sngags kyi tshul dkyil 'khor dmigs pa ni bum pa khrum las gzhal yas khang gru bzhi sgo bzhi pa pad+ma dang zla bas brgyan pa'i steng du gong gi lha tshogs gang 'dod pa rnam par snang mdzad la bskor ba dmigs te/ brjod par bya'o/ /mchod rten gyi dkyil 'khor mchod par bya'o/ zhes pa ni bka' drin rjes su dran pa'i mchod pa ste/ dkyil 'khor yang mchod cing dge 'dun gyi ston mo dang tha na byis pa dang bdud 'gro yan chad la sbyin gtor ci 'byor pa bya'o/ /cho ga de dag gi phan yon gsungs pa cho ga 'di lan cig byas na la sogs pa ste go sla'o/ /'dir bzlas brjod kyi cho ga bzhin du la sogs pa ni rgyun tu bzlas pa phan yon dang bcas pa gsungs so/ /de la rgyun tu bzlas pa'i cho ga ni 'di yin te/ sngon gyi dran zhes dang sbyar nas dran zhes bya ba ni gnyis te/ bag yod pa'i gnas dran pa dang/ ting nge 'dzin gyi gnas dran pa'o/ /de la bag yod pa'i gnas ni gzungs sngags rin po che 'di brjod pa yang lus ma gus pa dang ngag ma gus pa dang sems ma gus pa dang bral bar bya ste/ ra ro ba dang rnam par g.yeng ba dang bya ba gzhan gyi g.yeng ba dang chu dang bshang ba 'dor ba dang zas za ba dang 'chag pa dang nyal ba dang 'phres pa dang gtam gyis par tshod pa la sogs pa gang yang med pa dal ba dga' ba dang rengs pa'i tshul gyis ting nge 'dzin gyi don dran pa ni dang por kha la sog pa khrus byas la gsum la skyabs su 'gro ba byas nas skyil rung legs par bstan bde ba la gnas te/ thal mo snying gar sbyar sngags tshar cig brjod nas phreng ba bgrang zhing bdun la sogs pa ci nus pa'i grangs ma nor bar sngags yi ge lhag chad med pa la dmigs te/ ha cang dal ba dang myur ba spang ste gsal zhing phyed par chad lhag med par

  628. 314b

    gzhan gyi gtam la sogs pas bar ma chod par bzla'o/ /de'i rjes su smon lam shlo ka gcig la sogs pas dge ba bsngo bar bya'o/ /sangs rgyas byang chub sems dpa' dang/ /nyan thos rang rgyal 'jig rten skyong/ /mthu dang bden pa'i byin rlabs kyis/ /'dod pa thams cad 'grub par shog ces so/ /yang na dang por skyabs su 'gro ba byas nas byang chub tu sems bskyed de sdom pa bzung ba nas rdo rje thal mo dang po kha'i thad du sbyar/ de nas snying gar sbyar la snying gar pad+ma dang zla ba la a yig dkar po la dmigs te sngags de la grags pas 'od zer gyis bdag gi sdig pa dag par bsam zhing sngags dal ba dang myur pa dang mi gsal ba'i skyon dang bral bas 'jibs shing gdangs snyan po lhag chad med par bklag cing gzhan gyi gtam la sogs pa'i bar chad spangs nas bzlas par bya'o/ /sngags tshar gnyis pa nas ni phreng ba bgrang zhing grangs ma nor ba byas te nyi shu rtsa gcig la sogs ci nus pa bklag par bya'o/ /de nas bdag dang gzhan gyi don du shlo ka gnyis la sogs pas dge ba bsngo bar bya'o/ /sangs rgyas byang chub sems dpa' dang/ /nyan thos rang rgyal 'phags tshogs dang/ /'jig rten skyong ba mthu chen rnams/ /kun nas bdag la dgongs su gsol/ /mthu stobs bden pa'i byin rlabs kyis/ /'jig rten pa rnams skyid pa dang/ /'byung po thams cad bde ba dang/ /chos rnams dus su ston par shog ces so/ /yang na khrus byas dri zhim po dang ldan pas/ /dang por 'gro ba la tshang pa rten bzhi bsgoms nas skyabs su 'gro ba dang sems bskyed pa dang sdom pa bzung ba byas nas/ spyi bo dang mgrin pa dang snying gar rdo rje thal mo sbyar zhing sngags lan gsum brjod la snying gar pad+ma dang zla ba'i steng du a yig dkar po sngags phreng dkar pos

  629. 315a

    bskor ba la dmigs te/ de la sgra grags par bsam zhing phreng ba blangs nas myur ba dang dal ba dang mi gsal ba dang 'dres pa'i skyon dang bral bas brgya rtsa brgyad la sogs pa ci rigs par ma nor bar bklag par bya'o/ /des nas ni bdag dang gzhan skye ba 'dir sdug bsngal mi bskyed pa dang skye ba gzhan du bde ba dang myur du byang chub thob pa'i smon lam tshigs su bcad pa gsum la sogs pas legs par bsngo zhing rdo rje sems dpa' i yi ge brgya pa la lan gsum la sogs pa brjod par bya'o/ /sangs rgyas byang chub sems dpa' dang/ /'phags pa nyan thos rang rgyal dang/ /'jig rten skyong ba mthu chen dang/ /sngags kyi bden pa'i byin rlabs kyis/ /bdag dang sems can thams cad kyi/ /nad med tshe ring dal 'byor dang/ /bde skyid nyams dga' thob pa dang/ /sems kyi g.yeng 'bral nas kyang/ /zab mo'i chos la longs spyod cing/ /gzhan don byed la brtson pa yi/ /thugs rje'i rgyun dang mi 'bral par/ /bde ba'i zhing mchog rol par shog /ces bya ba thugs rje mi bshol ba'i rgyud du gsungs pas de ltar spyad par bya'o/ /de gsum ni sngags la dmigs pa kho na ste/ byang chub sems dpa' sgrib pa rnam par sel ba'i rgyud las/ /khams dang dbang po'i bye brag gis/ /sngags brjod dmigs pa tha dad de/ /sgra gsal tsam la rtog pa dang/ /snying po yi ge la dmigs dang/ /sngags phreng la ni dmigs pa rnams/ /shes rab kyis ni ci bder sbyar/ /dmigs dang bcas par brjod pa ni/ /nad sel dug sel shes rab 'phel/ /tshe ring dpal 'byor thob pa dang/ /byang chub myur du thob pa 'gyur/ /de phyir brtson pas rtse gcig tu/ /bklas la shin tu brtson par bya/ /ces bcom ldan 'das kyis

  630. 315b

    gsungs so/ /'dir smras pa/ myur dal mi gsal 'dres dang 'khrugs/ /lhag chad nga ro ngan spangs nas/ /sems g.yeng rmugs par mi bya zhing/ /gtam gzhan sbyor ba rab dor te/ /lha 'am yi ge 'am phyag rgya'am/ /mchod rten bum pa 'am 'od zer sogs/ /bsgrub bya la sogs gang yin la/ /sems rtse gcig pas snyan par brjod/ /ces bar skabs kyi tshigs su bcad pa'o/ /da ni phyag rgya la dmigs pa gsum brjod de/ yang na dang por gdong la sogs pa khrus byas nas kha dri zhim par byas te/ tshad med pa bsgom pa la sogs pa sngon du 'gro bas thal mo snying gar sbyar nas sngags lan cig brjod do/ /de nas phreng ba blangs nas brjod pa'i tshe sngags kyi mthus mdun gyi nam mkha' la rin po che cha gsum pa zhig byung zhing yang nas yang du bdag gi mdzod spur thim par bsam par bya'o/ /de ltar myur ba dang dal ba dang/ mi gsal ba 'dres pa dang 'khrugs pa dang lhag pa dang chad pa dang nga ro ngan pa spangs nas g.yeng ba spangs la sems rtse gcig pas snyan pa'i sgras brjod par bya'o/ /de bzhin du gzhan gyi gtam la sogs pas bar ma chod par bya'o/ /de ltar bden pa'i byin rlabs kyis bdag nyid kyi lus sems yid bzhin gyi nor bu rin po che'i 'bar ba ltar 'gyur bar yang bsam par bya'o/ /de nas dge ba'i smon lam shlo ka gcig la sogs pa yang brjod do/ /yang na dang po gdong la sogs pa dag par byas nas kha dang lus sman dri zhim pos byugs la 'gro ba la snying rje lhag pa'i bsam pas dmigs nas skyabs su 'gro ba dang sems bskyed pa dang sdom pa gzung ba byas la kha dang snying gar thal mo sbyar nas sngags tshar gnyis bklags la phreng ba gzung bas 'di bsam/ mdun du yid bzhin gyi nor

  631. 316a

    bu rin po che 'bar ba sngon po 'od dkar po 'phro ba cha gsum dang ldan pa pad+ma'i steng na yod par bsams la/ de'i 'od zer gyis bdag gi lus dang ngag dang yid kyi sgo dag par bsam zhing myur ba dang dal pa dang mi gsal ba dang 'dres pa dang 'khrug pa dang lhag pa dang chad pa dang nga ro ngan pa spangs na gzhan gyi gtam la sogs pa bar chad thams cad bral bar byas la/ g.yeng ba dang rmugs pa med par sems rtse gcig pa'i sems dang lan zhing snyan pa'i sngags kyi nyi shu rtsa gcig la sogs pa ci nus pa bklag par bya'o/ /de'i dge ba'i byin gyis brlabs kyis rang gi lus ngag gi yid gsum 'gro ba'i don byed pa'i mthu khyad par can dang ldan par gyur par yang bsam par bya'o/ /de nas rang dang gzhan gon du dge ba'i smon lam tshigs su bcad pa gnyis la sogs pa ci rigs par bklags te rin po che pad+ma dang bcas pa dag gi mgrin pa'i nang du thim nas snying gar bzhugs par bsam par bya'o/ /yang na dang por gdong la sogs pa dag par byas nas kha dang yan lag dri zhim pos byugs te/ spyi bo dang/ mgrin pa dang/ snying gar thal mo sbyar zhing sngags tshar gsum brjod la/ mdung yi nam mkha' la pad+ma'i steng du yid bzhin gyi nor bu rin po che cha gsum po 'od kha dog sna tshogs dang ldan pa rab tu 'phro ba de'i nang nas pa yig la sngag dkar pos bskor ba bsams nas phreng ba blangs te sngags brjod pa'i tshe rin po che'i 'od dang sngags kyi 'od zer gyis bdag gi lus ngag yid gsum gyi sgrib pa yang bsal bar bsam par bya'o/ /de ltar myur ba dang ngal ba dang mi gsal ba dang 'das pa dang 'khrugs pa dang lhag pa dang chad pa dang nga ro ngan pa spangs te/ gzhan gyi gtam la sogs pas bar ma chod par g.yeng ba dang rmugs

  632. 316b

    pa med cing sems rtse gcig pa dang ldan pas bsnyen pa bsnyen pa'i sngags kyis brgya rtsa brgyad la sogs pa ci rigs pa bzlas te/ de'i dge ba'i byin gyis brlabs kyis bdag gi lus ngag yid gsum yid bzhin gyi nor bu rin po che 'bar ba ltar gyur nas gzhan gyi don la thogs pa med pa'i mthu dang ldan par bsam la/ mdun gyi pad+ma dang nor bu rin po che yang bdag gi spyi gtsug tu thim nas lus thams cad du khyab ste snying gar gnas par bsam mo/ /de nas bdag dang gzhan skye ba 'dir sdug bsngal med pa dang/ skye ba gzhan du bde ba dang/ byang chub myur du thob par bya ba'i phyir dge ba'i don du smon lam gyi tshigs su bcad pa gsum la sogs pas legs par bsngos la/ rdo rje sems dpa' i yi ge brgya pa yang lan gsum la sogs pa ci nus dal gyis bklags nas ldang bar bya'o/ /de ltar phyag rgya la dmigs pa ni gsum kho na ste/ byang chub sems dpa' sgrib pa rnam par sel ba'i rgyud chen po las kyang/ rags pa la 'jug gang zag dang/ /brten pa dag ni goms pa yi/ /khams dang dbang po'i bye brag gis/ /phyag rgya la ni dmigs pa yang/ /brjod pa tha dad gsum yin no/ /don gyis dag par byed pa dang/ /snying po'i tshul du sbyor ba dang/ /rang bzhin nyid du byin rlabs nas/ /gang gis yang dang yang brjod na/ /phyag na rten gyi byin rlabs dang/ /sngags kyi mthu ni sgrub pa la/ /nad dang gdon dang dug rnams dang/ /'jigs pa brgyad po sel bar byed/ /bdag nyid tshe ring dpal 'phel zhing/ /longs spyod rgyas te dbang po rgyas/ /'gro ba rnams kyang dad par 'gyur/ /zhes bcom ldan 'das kyis gsungs so/ /sku la dmigs pa ni kha dang yan lag khrus byas te kha dang yan lag dri zhim pos bsgos nas thal mo snying gar sbyar nas sngags

  633. 317a

    lan cig brjod de/ mdun du byang chub chen po'i sku pad+ma dang zla ba la gnas pa gser btso ma'i mdog can rin po che'i khri la bzhugs pa/ gsil byed dang bar bu 'chad ba/ shin tu 'dzum bzhin par bzhugs pas bdag gi sngags brjod pa'i dbang po byed par bsams la phreng ba blangs la myur ba dang ngal ba dang mi gsal ba dang 'dres ba dang 'khrugs pa dang lhag pa dang chad pa dang nga ro ngan pa dag spangs nas gzhan gyi gtam la sogs pas bar mchod par g.yeng ba dang rmugs pa med cing sems rtse gcig pa dang ldan pas snyan pa'i sngags kyis bdun la sogs pa ci rigs par bzlas te/ de dge ba'i byin brlabs kyis bdag gi sdig pa thams cad dag par yang dang yang du bsam par bya'o/ /de nas rang grol ba dag pa'i don du smon lam shlo ka gcig la sogs pa brjod par bya'o/ /yang na dang po khrus dang gtsang sbra dang ldan zhing kha dang yan lag thams cad dri zhim pos byugs nas rdo rje thal mo spyi bo dang mgrin pa dang/ snying gar sbyar nas sngags tshar re re legs par brjod nas mdun du pad+ma dang zla ba la dmigs pa'i byang chub chen po gong gi mtshan nyid can bdud 'dul ba'i phyag rgya mdzad pa des bdag la chos 'chad par bsam la/ phreng ba blangs la myur ba la sogs pa'i skyon spangs te/ sngags snyan pa nyi shu rtsa gcig la sogs pa ci rigs par brjod nas bden pa de'i byin gyis brlabs kyis bdag gi sdig pa thams cad dag cing lus ngag yid gsum gyi sgo nas gzhan gyi don byed pa la thogs pa med pa dang ldan par gyur par yang dang yang du bsam par bya'o/ /de nas bdag dang gzhan gyis don du dge ba'i smon lam tshigs su bcad pa gnyis

  634. 317b

    la sogs pa ci rigs par bklags te/ bcom ldan 'das gdan dang bcas pa bdag gi mgrin pa'i gnas su bzhugs nas snying gar thim ste skyil krung gis gnas par bsam mo/ /yang na gdong la sogs pa dag par byas nas kha dang yan lag thams cad dri zhim pos byugs te/ spyi bo dang mgrin pa dang snying gar thal mo sbyar te/ sngags tshar re re brjod nas mdun du pad+ma dang zla ba la bzhugs pa'i byang chub chen po chos 'chad pa'i phyag rgya tsam mtshan nyid thams cad gong ltar bsams nas phreng ba la gnas sngags brjod pa'i tshe sku'i ba spu'i gseb thams cad dang/ zhabs long bu la sogs pa thams cad nas 'od zer kha dog sna lnga la grangs bye ba phrag drug cu drug cu byung nas bdag gi lus ngag yid gsum gyi sgo thams cad dag par byas par bsam mo/ /de ltar g.yeng ba dang rmugs pa dang/ gzhan gyi gtam la sogs pa'i bar chad thams cad dang bral ba dang myur ba dang dal ba dang mi gsal ba dang 'dres pa dang 'khrugs pa dang lhag pa dang chad pa dang nga ro ngan pa spangs te/ sngags snyan pos brgya rtsa brgyad la sogs pa ci rigs par brjod par bya'o/ /bden pa de'i byin rlabs kyis bdag dang sems can thams cad kyi sdig pa thams cad dag cing bdag gi lus kyis 'od kyis 'gro ba thams cad kyi sdig pa thams cad gsal bar bsam par bya'o/ /de nas bcom ldan 'das gdan dang bcas pa bdag gi spyi bo nas snying gar zhugs te dgyes shing 'dzum pa'i mdangs dang ldan pas skyil krung gi bzhugs par bsams la de'i bden ba'i byin rlabs kyis bdag dang 'gro ba thams cad skye ba'i sdug bsngal mdza' dag dang bral ba dang/ skye ba gzhan du bde ba khyad par can dang ldan pa dang byang chub myur du thob par bya'i dge ba'i smon lam tshigs su bcad pa

  635. 318a

    gsum la sogs pas legs par bsngos la rdo rje sems dpa' i yi ge brgya ba yang lan gsum la sogs pa ci rigs su dal gyis bklags nas ldang bar bya'o/ /de ltar sku la dmigs pa gsum kho na ste/ byang chub sems dpa' sgrib pa rnam par sel ba'i rgyud chen po las/ gtso bo shakya seng+ge'i sku/ /'od zer 'bum phrag mdza' yas can/ /mtshan dang dpe byad rab rgyas la/ /'dren pa 'gro ba'i mgon gcig pu/ /khams dang dbang po'i bye brag gis/ /mdzad pa'i rnam pa tha dad par/ /gdul bya'i don du rab tu snang/ /bdag gis gang mos de dang der/ /dmigs te sngags brjod mthu yis ni/ /'gro ba'i nad sel sman pa che/ /tshe 'phel longs spyod rab tu 'phel/ /dbul 'phongs mya ngan 'jigs pa med/ /zhing khams thams cad rab sbyong zhing/ /'gro ba'i don la rab brtson pa/ /ded dpon chen po skyabs kyi mchog /rab grags sku ni thob par 'gyur zhes bcom ldan 'das kyis gsungs so/ /de ltar sngags kyi sbyor ba'i gzungs sngags su sgrub pa'i phyogs brjod nas/ da ni rig sngags su sgrub pa'i phyogs brjod par bya'o/ /'di yang sngags dang phyag rgya yang sku la dmigs pa ste/ de dag bdag po'i bye brag gis gsum gsum brjod par bya'o/ /de yang sngags la dmigs pa ni khrus dang gtsang spra dang skyabs su 'gro ba dang sems bskyed pa dang sdom pa gzung ba sngon ltar byas nas snying gar thal mo sbyar bar? sngags tshar gcig brjod nas bdag gi snying gar pad+ma dang zla ba la gnas pa'i hUM yig dkar po sngags kyis bskor ba bsams la/ phreng ba blangs la bdun la sogs pa brjod pa'i tshe hUM yig gis 'od kyis bdag gi lus

  636. 318b

    ngag yid kyi sgrib pa dag par bsam mo/ /g.yeng ba la sogs pa'i skyon ni rnam pa btsu gcig dang bral bas snyan pa'i sgras bslag par bya'o/ /brjod pa de'i bden pa'i byin rlabs kyis 'gro ba thams cad gzungs kyi phreng ba 'di kho na dang bdag la yang dag par bsams la de bas byung ba'i dge bas bdag sdug bsngal thams cad dang bral bar bya ba'i smon lam shlo ka gcig la sogs pas bsngo bar bya'o/ /yang dang yang khrus dang gtsang sbra la sogs pa dang ldan pa dang 'gro ba tshad med pa bsgom pa dang skyabs su 'gro ba dang sems bskyed pa dang sdom pa gzung ba byas nas snying ga dang mgrin par thal mo sbyar bar byas nas tshar re re brjod de/ phreng ba blangs nas bdag gi snying ga dang mgrin par pad+ma dang zla ba la hUM yig dkar po sngags kyi phreng ba dang bcas pa bsams nas brjod pa'i tshe sngags kyi 'od kyis bdag dang khams gsum pa'i sgrib pa thams cad dag par bsam mo/ /de ltar g.yeng ba la sogs pa'i skyon bcu gcig dang bral bas nyi shu rtsa gcig la sogs pa ci rigs par bklags nas de'i bden pa'i byin gyis brlabs kyis bdag gi bsam pa'i rgyud 'gro ba chis pa'i chos kyi char chen po'i gzhir gyur par bsams la/ bdag dang gzhan gyi don du bsngo ba shlo ka gnyis la sogs pa smon lam yang btab nas ldang bar bya'o/ /yang na dang po khrus dang gtsang spra dang ldan pas tshad med pa bzhis 'gro ba la bltas nas skyabs su 'gro ba dang/ sems bskyed pa dang/ sdom pa gzung nas gnas gsum du thal mo sbyar zhing brjod nas bdag gi gnas gnas gsum du pad+ma dang zla ba la hUM yig dkar po sngags phreng gis bskor ba la dmigs te/ g.yeng ba la sogs pa'i skyon bcu gcig dang bral zhing snyan pa'i sngags kyis brjod de/ sngags kyi 'od zer kha dog lnga'i tshul

  637. 319a

    du 'phro bas 'gro ba ma lus pa'i nad dang gnod pa dang nyon mongs pa la sogs pa zad par byas par bsam zhing rgyun mi 'chad pa 'am brgya rtsa brgyad la sogs pa bkrag par bya'o/ /de'i byin brlabs kyis bdag gi lus sgyu ma lta bur gyur nas sngags kyi rang bzhin du gyur par bsam la/ bdag dang sems can thams cad nad dang gnod pa thams cad dang bral ba dang/ skye ba thams cad du gnod pa med cing bde ba dang byang chub thob par bya ba'i don du dge ba'i smon lam tshigs su bcad pa gsum la sogs pas bsngo bar bya'o/ /de ltar de dag ni rig sngags yi ge'i tshul du 'don pa ste sgrib pa thams cad rnam par sel ba'i rgyud las/ rig sngags yi ge'i ngo bo nyid/ /khams dang dbang po'i bye brag gis/ /tha dad du mar gnas mod kyang/ /don ni sngags kyi rang bzhin dngos/ /gang gis de shes 'don pa la/ /tshe 'dir gnod pa kun bral nas/ /bde ba'i rgyu dang ma bral bar/ /bde ba can du myur du skye/ /zhes bya ba la sogs pa rgyas par bcom ldan 'das kyis gsungs so/ /yang na rig sngags phyag rgya'i tshul du brjod na khrus la sogs pa gtsang sbra dang/ tshad med pa bsgom pa dang/ skyabs su 'gro ba dang/ byang chub tu sems bskyed pa dang/ sdom pa gzung ba la sogs pa sngon ltar byas snying gar thal mo sbyar nas sngags brjod de/ bdag gi snying gar pad+ma dang zla ba la gnas pa'i rdo rje dkar po rtse lnga pa as mtshan pa sngags kyi phreng ba dang bcas pa dmigs te/ g.yeng ba la sogs pa'i skyon bcu gcig dang bral bas mdun la sogs pa ci rigs par brjod pa'i tshe rdo rje sngags dang bcas pa de'i 'od zer gyis bdag gi lus ngag yid gsum gyi sgo dag par byas shing de'i byin

  638. 319b

    brlabs kyis bdag rdo rje'i rang bzhin du gyur par bsam par bya'o/ /de nas dge ba'i smon lam shlo ka gcig la sogs pa brjod nas ci rigs par ldang bar bya'o/ /yang na khrus dang gtsang sbra dang tshad med pa bsgom pa dang skyabs su 'gro ba dang sems bskyed pa dang sdom pa gzung ba sngon ltar byas nas/ snying ga dang mgrin par rdo rje thal mo sbyar nas sngags brjod pas bdag gi snying ga dang mgrin par pad+ma dang zla ba la gnas pa'i rdo rje dkar po rtse lnga pa aM yig la sngags phreng gis bskor ba dang bcas pa dmigs la/ g.yeng ba la sogs pa'i skyon dang bral bas nyi shu rtsa gcig la sogs pa ci rigs su brjod pa'i tshe rdo rje dang sngags kyi 'od kyis bdag dang 'gro ba thams cad kyi sdig pa'i tshogs sbyangs shing ji srid 'khor ba'i skye rga na 'chi'i chu bo 'joms par byed cing rdo rje'i lus su gyur nas brtan pa'i rang bzhin du byin gyis brlabs par bsam par bya'o/ /de nas bdag dang 'gro ba thams cad sdig pa thams cad zad pa la sogs pa'i phyir dge ba'i smon lam tshigs su bcad pa gnyis la sogs pa ci rigs par bsngos nas ldang bar bya'o/ /yang na khrus dang gtsang sbra dang tshad med pa bsgom pa dang skyabs su 'gro ba sngon ltar byas te/ sems bskyed pa dang sdom pa gzung ba sngon ltar byas nas rdo rje thal mo gnas gsum du sbyar te/ sngags tshar gsum du brjod nas gnas gsum du pad+ma dang zla ba la gnas pa'i rdo rje dkar po rtse lnga pa a yig la sngags kyis skor bar bsams nas/ g.yeng ba la sogs pa'i skyon rnams spangs nas/ brgya rtsa brgyad la sogs pa ci rigs brjod pa'i sngags rdo rje'i 'od kyis bdag dang 'gro ba thams cad la reg pa tsam gyis nad dang gnod pa thams cad bsal zhing/ sdig pa thams

  639. 320a

    cad dag par byas nas/ byang chub kyi sems rgya cher 'phel bar bsam bar bya'o/ /de'i bden pa'i byin gyis brlabs kyis 'gro ba thams cad chos spyod pa rgyun mi 'chad par bsam mo/ /de nas bdag dang 'gro ba thams cad skye ba nas skye bar sdug bsngal thams cad dang bral ba dang/ bde ba khyad par can dang ldan pa dang/ byang chub myur du thob par bya ba'i phyir/ smon lam tshigs su bcad pa gsum la sogs pas dge ba bsngos te/ rdo rje sems dpa' i yi ge brgya pa yang lan gsum la sogs pa brjod do/ /de ltar rig sngags phyag rgya'i tshul gsum po de ni byang chub sems dpa' sgrib pa rnam sel gyi rgyud las gsungs te/ gang zhig yid mnyam 'jog pa ni/ /rdo rje'i mtshan ma sngags bcas la/ /sgo gsum gang dang gang du dmigs/ /de dang der ni blo gtad nas/ /brjod pas nad sel tshe ring zhing/ /dpa' 'phel longs spyod chen por 'gyur/ /blo 'phel rig pa chen po'i sa/ /skyes bu des ni myur thar 'gyur/ zhes bcom ldan 'das kyis gsungs so/ /rig sngags sku la dmigs pa ni khrus dang gtsang spra dang skyabs 'gro dang sems bskyed la sogs pa gong ltar byas nas snying gar thal mo sbyar te tshar? gcig brjod nas rang gi snying gar pad+ma zla ba la gnas pa'i dang po sangs rgyas rdo rje dang dril bu 'dzin pa dkar po sems dpa' i skyil krung gis bzhugs par bsams la/ de'i 'od zer dang mtshan dang dpe byad kyis rgyas pa la blo gtad nas g.yeng? ba la sogs pa'i skyon dang bral bas snyan cing grims pa'i tshul gyis tshar bdun la sogs pa bklag nas bden pa de'i byin brlabs kyis bdag gis lus dang po sangs rgyas brtan par gyur par bsam par bya'o//

  640. 320b

    smon lam shlo ka gcig la sogs pa yang gdab par bya'o/ /yang na khrus la sogs pa sngon ltar byas la snying ga dang mgrin pa'i gnas su thal mo sbyar te tshar re brjod pas dang po sangs rgyas bsams te/ de dag gi 'od zer dang gzi brjid kyis bdag gi lus ngag yid gsum spyod zhing dang por sangs rgyas kyi skur bsgrubs te/ g.yeng ba la sogs pa'i skyon dang bral bas nyi shu rtsa gcig la sogs pa bklag go /bden pa de'i mthus bdag gzhan don byed pa'i nus pa thogs pa med par yang bsam mo/ /de nas shlo ka gnyis la sogs pas smon lam dge ba'i phyir bsngo bar bya'o/ /yang na gnas gsum du thal mo sbyar te tshar re brjod pas bdag gi gnas gsum du pad+ma dang zla ba la gnas pa'i dang po sangs rgyas bsams la/ de dag gi mtshan dang dpe byad dang gzi brjid kyi mthus bdag dang 'gro ba thams cad kyi sdig pa thams cad dag par bsam zhing g.yeng ba la sogs pa'i skyon dang bral bas brgya rtsa brgyad la sogs pa ci rigs par bklags nas/ de'i bden pa'i byin gyis brlabs kyis 'gro ba thams cad kyi sdig pa'i tshogs bdag gi lus kyi 'od kyis byad sel bar gyur bar bsam mo/ /de nas bdag gzhan gyi don du tshigs su bcad pa gsum la sogs pas smon lam gyi bsngo ba brjod par byas la/ yi ge brgya pa tshar? gsum la sogs pa brjod nas ci bde bas gnas par bya'o/ /de ltar rig sngags kyi sku la dmigs nas brjod pa ste/ gsum po 'di yang byang chub sems dpa' sgrib pa rnam par sel ba'i rgyud las gsungs te/ lus ngag yid kyi sgo rnams sam/ /yang na gcig gam gnyis kyang rung/ /dang po sangs rgyas sku gsum la/ /blo gtad ma g.yengs sems kyis bklag /nad dang gdon dang 'jigs brgyad sogs/ /'tshe pa rnams dang bral nas kyang/ /

  641. 321a

    tshe ring shes rab chen po ste/ /'khor ba'i 'ching ba las grol 'gyur zhes gsungs so/ /de ltar rig sngags kyi tshul du bklag pa brjod nas/ da ni gsang sngags kyi tshul du bklag pa bshad par bya ste/ de la gsang sngags kyi tshul yi ge la dmigs nas brjod pa ni/ khrus la sogs pa thams cad sngon ltar byas nas snying gar thal mo sbyar te tshar gcig brjod pa'i mthus bdag gi snying gar pad+ma dang zla ba la aM dkar po sngags phreng 'od zer lnga dang ldan pa dmigs la/ de'i 'od kyis bdag sngags kyi rang bzhin du sgrub par bsam zhing g.yeng ba la sogs pa'i skyon spangs nas tshar bdun la sogs pa ci rigs par brjod de/ de'i bden pa'i byin gyis brlabs kyis bdag sngags bsgrub pa la nus pa thogs pa med par gyur par bsam te/ dge ba'i smon lam tshigs su bcad pa gcig la sogs pa ci rigs par brjod par bya'o/ /yang na khrus la sogs pa sngon ltar byas la/ snying ga dang mgrin par thal mo sbyar te sngags tshar re re brjod pas bdag gi snying ga dang mgrin par pad+ma dang zla ba la gnas pa'i oM yig dkar po la sngags phreng 'od zer kha dog sna tshogs pa bsams nas/ de'i 'od kyis bdag gi sdig pa thams cad dag par bsam zhing g.yeng ba la sogs pa'i rtog pa dang dral bas nyi shu rtsa gcig la sogs pa ci rigs par brjod nas/ de'i bden pa'i byin gyis brlabs kyis bdag gzhan gyi don byed pa la nus pa thogs pa med pa dang ldan par gyur pa yang yang bsam par bya'o/ /rang dang gzhan gyi don du shlo ka gnyis la sogs pa'i smon lam gyi dge ba bsngo bar bya'o/ /yang na khrus la sogs pa yan lag thams cad sngon ltar byas nas gnas gsum du thar lo sbyar te tshar gsum

  642. 321b

    brjod nas gnas gsum du pad+ma dang zla ba la oM yig dkar po sngags kyi phreng ba sna tshogs pas bskor bar bsam la/ phreng ba blangs la g.yeng ba la sogs pa'i skyon dang bral bas brgya rtsa brgyad la sogs pa brjod pas/ bdag gi sdig pa thams cad zad cing sngags kyi 'od zer gyis 'gro ba thams cad kyi sdig pa thams cad zer par yang bsams nas/ de'i bden pa'i byin brlabs kyis 'gro ba thams cad chos don du gnyer ba ma 'chad pa dang ldan par gyur nas bstan pa shin tu rgyas par bsam mo/ /de nas dge ba'i smon lam shlo ka gsum la sogs pa brjod nas yi ge brgya pa brjod de ldang bar bya'o/ /de ltar gsang sngags yi ge'i tshul du bklag pa yang byang chub sems dpa' sgrib pa rnam sel gyi rgyud las/ gsung gi dam tshig phyag rgya can/ /gsang ba'i yi ge'i tshul du brjod/ /gnas gsum dag tu rgyas btab bsam/ /yang na gcig gam gnyis kyang rung/ /bstan par dmigs nas brjod pa yis/ /nad sel sdig spong tshe ring zhing/ /'jigs med blo brtan longs spyod 'phel/ /gsang sngags longs spyod bdag bor 'gyur/ zhes bcom ldan 'das kyis gsungs so/ /gsang sngags phyag rgya la dmigs nas bklag pa ni khrus la sogs pa thams cad sngon ltar byas nas snying gar thal mo sbyar nas sngags brjod pas snying ga nyid du pad+ma dang zla ba la gnas pa'i 'khor lo rtsibs bzhi pa oM yig sngags dang bcas pa bsam ste/ phreng ba blangs nas g.yeng ba la sogs pa'i rtog pa thams cad spangs te brjod pas bdag chos kyi 'khor la'i bdag por gyur par bsam la bdun la sogs pa ci rigs brjod par bya'o/ /de'i byin brlabs kyis bdag chos kyi 'khor lo bskor bar gsol ba la thogs pa med par gyur pa yang bsam mo/ /de nas dge ba'i smon lam tshigs su bcad pa

  643. 322a

    gcig la sogs pa ci rigs pas bsngo bar byas la/ rdo rje sems dpa' i yi ge brgya pa lan gsum la sogs pa brjod nas ni bde bar spyad par bya'o/ /yang na khrus la sogs pa thams cad sngon ltar byas nas snying ga dang mgrin par thal mo sbyar te/ tshar re re brjod pas pad+ma dang zla ba la gnas pa'i 'khor lo rtsibs brgyad pa oM yig ser po dang bcas pa sngags kyis bskor ba bsam la/ g.yeng ba la sogs pa'i rtog pa spangs nas 'phreng ba blangs te nyi shu rtsa gcig la sogs pa ci rigs pa brjod de bdag dang 'gro ba thams cad kyi sdig pa zad par byas par bsams la/ 'di'i bden pa'i byin brlabs kyis bdag gis 'gro ba'i don du chos kyi 'khor lo rgyun mi 'chad pa bskor bar bsam mo/ /de nas rang gzhan gyi don smon lam tshigs su bcad pa gnyis la sogs pas bsngo bar bya'o/ /sel sdig spong la sogs pa thams cad sngon ltar byas nas/ /gnas gsum du thal mo sbyar te tshar re re brjod de/ gnas gsum du pad+ma dang zla ba'i steng du 'khor lo rtsibs bcu drug pa dkar po oM yig dang sngags phreng du bcas pa bsam nas g.yeng ba la sogs pa thams cad spangs te/ brgya rtsa brgyad la sogs pa brjod pa'i tshe/ 'khor lo dang sngags phreng la sogs pa'i 'od kyis bdag dang 'gro ba thams cad chos kyi 'khor lo dang ldan par gyur bar bsam par bya'o/ /bden pa'i byin brlabs kyis zhing khams thams cad du chos kyis 'khor lo rgyun ma 'chad par gyur par bsam mo/ /de nas tshigs su bcad pa gsum la sogs pa ci rigs par brjod nas yi ge brgya pa yang brjod de langs nas ci bde bar spyad do/ /de ltar gsang sngags phyag rgya'i tshul du 'don pa gsum pa ni byang chub sems dpa' sgrib pa rnam par sel ba'i rgyud

  644. 322b

    las bskal pa stong phrag bsags pa yi/ /sdig dang gang zhig ldan pas kyang/ /gnas gsum pa 'am gnyis sam gcig /phyag rgyas btab nas sngags brjod na/ /chos kyi char chen babs pa ni/ /sdig pa dri ma kun bkrus te/ /nad med tshe ring dpal 'bel zhing/ /lha mi kun gyi mchod chen 'thob/ /gang gis yid mnyam bzhag nas ni/ /phyag rgya sngags dang bcas dran la/ /'jig dang 'tshe ba kun med de/ /chos kyi 'khor lo bskor bar 'gyur zhes gsungs so/ /gsang sngags sku la dmigs pa ni khrus la sogs pa sngon ltar byas nas/ rang gi snying gar thal mo sbyar te tshar gcig brjod pas snying gar pad+ma dang zla ba la gnas pa'i rnam par snang mdzad zhal gcig phyag gnyis pa dkar po byang chub mchog gi phyag rgya can sems dpa' i skyil krung gis bzhugs pa bsam la/ g.yeng ba la sogs pa'i skyon dang bral bas 'dun la sogs pa brjod pa'i tshe sku de'i mtshan dang dpe byad dang gzi brjid thams cad rang la 'bar bar bsam mo/ /de'i bden pa'i byin brlabs kyis bdag rnam par snang mdzad kyis byin gyis brlab par mos la/ tshigs su bcad pa gcig la sogs pas smon lam dge ba'i phyir bsngo bar bya'o/ /yang na khrus la sogs pa sngon ltar rgyas par byas snying ga dang mgrin par thal mo sbyar te/ sngags tshar re re brjod pas snying ga dang mgrin par pad+ma dang zla ba la gnas pa'i rnam par snang mdzad zhal bzhi phyag bzhi zhabs gnyis sems dpa' i skyil krung gis bzhugs pa/ phyag dang po gnyis chos kyi 'khor lo dang chos 'chad pa'i phyag rgya can gnyis kyis byang chub mchog gi phyag rgya can gangs kyi ri 'dra ba la rgyan thams cad kyis brgyan par bsam la/ sku de la dmigs pas gtad nas g.yeng ba la sogs pa'i rtogs pa thams

  645. 323a

    cad dang bral bas nyi shu rtsa gcig la sogs pa brjod pas sku de'i 'od zer gyis bdag dang gzhan gyi sdig pa thams cad zad par yang yang bsam par byas nas/ de'i bden pa'i byin brlabs kyis 'gro ba thams cad sangs rgyas rnam par snang mdzad kyi sku la shin tu dad par gyur par yang bsam mo/ /de nas tshigs su bcad pa gnyis la sogs pas dge ba'i smon lam bsngo bar bya'o/ /yang na khrus la sogs pa sngar ltar rgyas par byas nas gnas gsum du rdo rje thal mo sbyar nas sngags tshar re brjod nas gnas gsum du pad+ma dang zla ba la bzhugs pa'i sangs rgyas rnam par snang mdzad dkar po/ zhal bzhi phyag brgyad/ byang chub mchog gi phyag rgya dang sems dpa' i skyil krung gis bzhugs pa/ rin po che'i na bza' dang rgyan du mas brgyan cing 'dzum pa'i mdangs dang ldan pa bsams la/ g.yeng ba la sogs pa'i skyon dang bral bas brgya rtsa brgyad la sogs pa brjod pa'i tshe sku de dag kun gyi mtshan dang dpe byad kyi 'od kyis bdag dang 'gro ba thams cad longs spyod rdzogs pa'i sku'i cha byad du byas par bsams/ de'i byin brlabs kyis 'gro ba thams cad la rnam pa snang mdzad kyis sku mngon du gyur par bsam la bdag dang gzhan gyi don du smon lam dge ba'i don du bsngo bar bya'o/ /gsang sngags kyi tshul sku la dmigs pa 'di gsum yang byang chub sems dpa' sgrib pa rnam par sel ba'i rgyud las gsungs te/ sangs rgyas thub pa rnam snang mdzad/ /'od 'phro nyi ma 'bum gzi can// mtshan dpe du mas spras pa'i sku/ phyag gnyis pa 'am phyag bzhi pa 'am/ /yang na phyag brgyan pa yang rung/ /rang gi lus ngag yid gnas na/ /bsam nas de dang de dag tu/ mig? pa gtad nas sngags brjod pas bde ba dang sdug bsngal tsha ba dang/ /'jigs dang/

  646. 323b

    'phongs dang dbul ba dang/ /tshe la gnod byed la sogs pa'i/ /gdon dang bar gcod thams cad sel/ /yang dang yang du goms pas ni/ /go 'phang rig 'dzin gnas thob 'gyur/ /rig sngags byang chub sems dpa' yang/ /skye ba du mas dpag nas kyang/ /sangs rgyas zhing khams rnam spyad ste/ /dag pa'i zhing rnams rnam 'phrul gyi/ /sku yi 'du byed du mas ni/ /gdul bya tshim par mdzad par 'gyur zhes so/ /rmi lam lta bur kun tu shes so zhes par ngos grub kyi rtags tha ma rmi lam du 'byung ba yang shes par bya'o/ /tshes brgyad la sogs pa ni dus khyad par can du bsgrub pa phan yon dang bcas pa'o/ /bye ma la lan nyi shu rtsa gcig bzlas brjod byas nas la sogs pa ni shi ba la phan gdags pa'i cho ga'o/ /nga yang shi ba la gnyis te rnying pa dang sar pa'o/ /dang po la ro med pa dang ro yod pa'o/ /de la ro med pa ni ming dang bcas pa'i sngags brjod cing bden pa dang smon lam gdab pa'o/ /ro'i rus pa 'am gos la sogs pa yod pa la ni yungs kar dang bye ma la sngags brjod cing gtor ba'o/ /sar pa la ni bdun tshigs su bya'o/ /bdun tshigs su bya ba la 'di ltar rten ro yod pa dang med pa'o/ /gal te ro mchog tshul bzhin du byas pa'i bum pa'i chu snga nas yod dam 'phral du bsgrub pas kyang rung ste/ spos lnga dang bcas pas snying po'i sngags brjod cing ro khrus bya'o/ /de nas gro ga 'am ngas la sogs pa'i gzhi la gur gum dang gi wang gis snying po'i sngags bris la ro'i snying gar gdags so/ /sarba ta thA ga ta sUrya gu hya A d+hiSh+Tha na a d+hiSh+Tha ti swA hA/ zhes gsang gnas su'o/ /a yu ra da t+te swA hA/ rkang po la g.yas la'o/ /pu N+yUM naN+ti swAhA/ rkang po la g.yon la'o/ pu N+yuM bi sho ki te swA hA/ pus mo g.yas su'o/ /pu N+yuM a ba lo ki te swA hA/ pus mo g.yon la'o/ /mri tyur ni swA hA/

  647. 324a

    dbyi g.yas su'o/ a ma din+ti swa hA dbyi g.yon par ro/ /ya muM dUM te swA hA/ lte bar ro/ /saM ga ra ni swA hA/ nu ma g.yas su'o/ /saM b+ha ra ni swA hA/ nu ma g.yon du'o/ /saM? b+ha? ra Ni swAhA/ mgrin par ro/ /pra ti sa ra Ni swA hA/ lag dar g.yas par ro/ /oM dza bi ta swA hA/ lag dar g.yon du'o/ /te dzo ba ti swA hA/ dpung pa g.yas su'o/ /dza ya ba taM swA hA/ dpung pa g.yon la'o/ /sarba ta thA ga ta mu dra a d+hiSh+Tha na a d+hiSh+Tha te swAhA/ dpral bar ro// yang sngags ring thung gnyis ka spyi bor gdags so/ /mig g.yas su oM hUM/ /g.yon par baM hUM/ rna ba g.yas su soM hUM/ g.yon par dza(rgyud 'grel): hUM/ sngags thams cad yig 'bru gsal bar bra'i/ /rgyan du ma yang ro la gdags so/ /gal te ro med na yang shing stag pa la shi ba'i gzugs bris nas yi ge ltar de dgod do/ /de nas ro yod na snod kyi nang du bzhag par bya ste/ rdo 'am sa 'am shing dam 'byor na zangs sam dbul lam gser las brdungs la bya'o/ /de yang rab tu byung ba la dkar po mchod rten gyi dbyibs so/ /dge ba snyen la ni pad+ma dmar po kha sbyar gyi gzugs so/ /rgyal po lo ni sngon po gtsug tor lta bu'o/ /blon po la ni dmar skya za ma tog lta? ? tha mal pa pho lan ser skya gdan khri lta bu'o/ /mo la sngo skya bil ba'i 'bras bu lta bu'o/ /byis pa la ni lhung bzed ltar dmar ser byas nas phyogs thams cad du rlung mi thar bar 'jam zhing dbyibs legs par bzo byas nas de'i kha nang du bzhag ste/ dri bzang po du ma bsgos pa'i ras dkar po kris nas ro'i kha ni lhor bstan mgo ni nub tu bstan nas cung zad bslangs te rab tu dben pa'i sa phyogs bzhag go /ro'i spyi bo 'am snying ga nas gzungs thag srad bu dmar po zhig gtags

  648. 324b

    sgrom gyi nub phyogs su drang bar bya'o/ /sgrom de'i steng du gdugs khra bo zhig dbub par bya'o/ /sgrom gyi phyogs bzhir rin po che sna bdun la sogs pa mkho ba'i yo byad du ma 'bag tu byas nas dgod par bya'o/ /gzhan yol ba ni dkar po 'am yang na dmar pos bskor bar bya'o/ /gzhan yang ba dan dang rgyal mtshan dang bla bre dang lhab lhub dang lda ldi dang tshun 'phyang du ma yang ci 'byor ba bre bar bya'o/ /gzhan yang 'bras chan dang thug pa dang khur ba dang zan dron dang 'bras dang khre dang ci rtse dang gro dang mon sran dang rgya sran dang nas la sogs pa'i 'bras bu thams cad las kha zas legs par bshams nas sngon mdzes pa du ma'i nang du bzhag go /gzhan yang yon chab dang bdug spos dang me tog phreng ba dang mar me dang byug pa dang zhal zas dang 'dzam bu ti dang bu ram dang ka ra shing thag sna tshogs dang sha btsos dang nya sha dang tshod ma du ma yang phyogs re re dgram mo/ /sil snyan gyi phreng ba yang bre bar bya'o/ /gal te ma 'byor pa thams cad ni rdol sogs pa'i snod rgya med do/ /'byor pa 'bring gis rgyan yod pa'o/ /rab kyis ni rin po che la byas pa'am rin po che'i phreng bar pa'o/ /da ni cho ga yang gang zag gcig gis gzungs sngags tsam brjod cing manDal la me tog bkram nas bum pa gcig dang sAts+tsha gcig byas te 'og nas 'chad pa'i ting nge 'dzin dang ldan par bya'o/ /'byor pa 'bring gis manDal khru gang bar me tog bkram nas sAts+tsha lnga dang bu pa lnga dang gzugs dang pha rol tu phyin pa'i mdo phran gcig bklag cing 'og nas 'byung ba'i ting nge 'dzin dang bden pa brjod pa dang smon lam gdab par bya'o/ /thun mtshams zhag grangs ni mthun no/ /'byor ba rab gyi nor dang ro'i snod brgyan cing ro bcug nas/ ro'i lho phyogs su sa legs par bstar ba'i dkyil 'khor

  649. 325a

    gru bzhi nas bcu drug gi bar du ci rigs par bya ste/ /bru bzhi pa mtho gang nas khru gang gi bar du brtsig par bya'o/ /de la mkhas pas thigs 'di ltar gdab po/ /tshangs thig zur dngos legs btab nas/ /zur bzhi lo ma gdab par bya/ /cha chen bzhi ru 'gyur ba yin/ /de nas gsum gsum bgos nas ni/ /cha chen bcu gnyis 'gyur ba yin/ /de nas gnyis su bgos nas ni/ /cha chen nyi shu bzhi ru 'gyur/ /de nas cha phran bgos nas ni// tshang pa'i thigs gi ngos gnyis kyi/ /cha chen dang po'i phyed du bgo/ /phyi yi cha phyed de bzhin bgo /cha chen gnyis pa'ang phyed du mgo/ nang gi cha phyed de bzhin bgo /cha chen gsum pa'i mdza' la gcig/ cha chen bzhi pa'i phyi nang gi /cha re btab cing lnga pa phyed/ /cha chen drug pa lha snam 'gyur/ /cha chen bdun pa phyi nang gi /cha re gdab cing dbus gnyis bzhag /cha chen brgyad phyed de bzhin bgo/ cha chen dgu pa bzhi ru bgo /cha chen bcu pa phyi nang gi cha re gdab cing dbus gnyis bzhag /cha chen bcu gcig byed du bgo /cha chen bcu gnyis khor yug 'gyur/ phyogs gsum duAng de bzhin no/ /sgo gcig byed na tshangs thig cha dang/ /phyogs gcig zur thig gdab byas nas/ /tshangs pa'i thig gi ngos gnyis su/ /cha chen lnga lngar bgo byas nas/ /cha chen bcu ru 'gyur ba yin/ /de nas gnyis su bgo byas nas/ /cha chen nyi shur 'gyur ba yin/ /de nas cha phran bgo bar bya/ /tshangs pa'i thig gis des gnyis kyi/ /cha chen dang po phyed du bgo /phyi'i cha phyed de bzhin bgo/ /cha chen gnyis ni phyed du bgo /nang gi cha byed de bzhin bgo /cha chen gsum pa'i mthar cha gcig /cha chen bzhi pa lha rnam 'gyur/

  650. 325b

    cha chen lnga ba phyi nang gyi/ /cha de gdab cing dbus gnyis bzhag /cha chen drug pa phyed du bgo /cha chen bdun pa bzhi ru bgo /cha chen brgyad pa phyi nang gi /cha re gdab cing dbus gnyis bzhag /cha chen dgu pa byed du bgo /de la bskor ba rim gnyis bya/ /gsum pa mdza' i cha phran bskor/ /cha chen bcu pa khor yug 'gyur/ /sgo gsum pa sogs byed 'dod na/ /phyi nang dkyil 'khor gang yin pa'i/ /tshad kyi rim pas bya ba ni/ /cha phran dbri dang bsnan par bya/ /de nas blo dang ldan pas tshon sna ma lus pas/ /dkyil 'khor gru bzhi pa rim pa gnyis sam yang na rim pa gcig kho na bri'o/ /der sngon du bshad pa'i dkyil 'khor lha gang mos pa dgod par bya'o/ /gal te rim pa gnyis bris na bar khyams la 'jig rten skyong ba bcu dgod par bya'o/ /de yang brgya byin dkar po rdo rje 'chang/ /me lha dmar po me thab 'chang/ /gshin rje sngon po pe con 'chang/ /bden bral sngo skya ral gri 'chang/ /chu bdag dkar po zhags pa 'chang/ /rlung lha ljang ser ba dan 'dzin/ /gnod sbyin ljang sngon dbyug pa 'chang/ /dbang phyug ljang skya rtse gsum 'dzin/ /sa bdag mo ni bum ljang ser/ /nyi zla tshangs pa dkar ser ni/ /'od 'phro 'khor lo 'dzin pa'o/ /lha de dag gi sngags sam phyag rgya 'am sku dgod par bya'o/ /gzhan yang gong du bshad pa'i mchod pa'i yo byad thams cad dkyil 'khor gyi mdza' nas bskor bar bya'o/ /yol ba ni dmar po'o/ /bla re ni sngon po'o/ /de nas sngon gyi tshogs dkyil 'khor bsgom pa ste/ rang bzhin gyi dkyil 'khor dang gnyis su med par byas nas mchod bstod nas tshigs 'dis gsol ba gdab bo/ /dkyil 'khor gtso bo la sogs pa'i/ /sangs rgyas byang chub sems dpa' rnams/ /kun nas bdag la dgongs su gsol/ /bdag ming 'di zhes bya ba

  651. 326a

    yi/ /tshe 'das 'di zhes bya ba yi/ /don du dkyil 'khor 'di bzhengs nas/ /yo byad ci 'byor pa dag gis/ /gus pas khyod la mchod byed na/ /snying brtser dgongs nas bzhes su gsol/ /de nas 'jig rten skyong ba mchod cing gtor ma phul nas tshe 'das pa'i don du cho ga byed pa la bar du gcod pa sol cig ces gsol ba gdab bo/ /de nas rdo rje gnod sbyin la sogs pa'i khro bo rnams la yang mchod pa dang gtor ma phul te/ de bzhin du gsol ba gdab po dkyil 'khor de dang 'brel ba/ /lho phyogs su ni tsha tsha brgya rtsa brgyad bkod pa'i dkyil 'khor dang 'brel bar gzugs kyi cho gas sngags brjod do/ /shar phyogs su ni shes rab kyi pha rol tu phyin pa bklag go /nub phyogs su ni theg pa chen po'i mdo sna tshogs la ji snyed ci nus pa bklag go /byang phyogs su ni mya ngan las 'das pa'i mdo bklag go /de'i tshe slob dpon la sogs pa thams cad kyis rang gi lhag pa'i lhar bsgoms nas mdun du gtsug tor dri ma med pa'i lha'i dkyil 'khor dmigs nas bklag pa dang sngags brjod de bdag gi snying ga'i sa bon gyi 'od kyis mdun gyi dkyil 'khor gyi lha bskul nas lha'i thugs ka'i 'od zer gyis khams gsum thams cad khyab nas khyad par du bsgrub bya la phog pas sngon gyi rnam par smin pa'i lus gsal bar bltas nas bsgrub bya de'i bshang lam du yi ge du nag po zhig bsam mo/ /yi ge du de'i 'od kyi sa 'og stong phrag nyi shu zhabs su gsal bar byas nas bsgrub bya'i dbang po'i spyod yul du dmyal khams bcu drug gsal bar bya bar bsam mo/ /de nas bsgrub bya de shin tu 'gyod cing 'dar nas mya ngan gyis gdungs sngon du spyad pa'i sdig pa'i las thams cad dran nas 'gyod cing smre sngags 'don cing bshags

  652. 326b

    par bsam la/ skabs 'dir las kyi slob dpon gyis ro de la khrus byas bden pa'i tshigs bcad kyis dug gdab par bya'o/ /de la tshigs bcad 'di yang brjod do/ /'jig rten 'di 'am 'jig rten la sogs pa gong du smos pa'i tshigs su bcad pa rnams ci rigs par bsgyur cing brjod par bya'o/ /skabs der bsgrub bya thal mo sbyar nas gsum la skyabs su 'gro zhing gnyen zhig gis tshul kho na ltar bya'o/ /slob dpon gyi kyang sngags A mo g+ha bi ma le A karShA ya zhes pa'i skabs su A mo g+ha'i gnas su bsgrub bya'i ming bcug nas brjod do/ /des dkyil 'khor gyi lha rnams kyi thugs ka'i sngags kyi 'od zer gyi bsgrub bya'i bshad sgo'i yi ge du nag po la phog pas rked pa yan chad ni sdig pa'i gzugs rked pa man chad na mi'i gzugs shig ? gzugs de nyid de 'dra ba du mar gyur nas dmyal ba bcu drug gi gnas khang sa khengs par sod par bsam mo/ /lus 'di ni lha dang sngags kyi 'od zer gyis sbyangs pas sngon gyi gzugs byad las shin tu mdangs bzang bar bsam mo/ /aM baM saM dza(rgyud 'grel): che ge mo nar ka sa ya sarba karma pa ri sho d+ha ya swA hA/ zhes rgyun tu brjod do/ /thun mtshams su ni slob dpon nyid kyis dkyil 'khor la phyag 'tshal nas thal mo sbyar te sngags tshar brgyad bklag pa'i tshe ni che ge mo mok+Sha tha la pra b+ha kurban+tu swA hA/ zhes brjod nas smon lam 'di yang gdab par bya'o/ /'di zhes bya ba rigs kyi bu/ /dkon mchog gsum la bdag skyabs mchi/ /sangs rgyas dam chos dge 'dun dang/ /rig sngags gsang sngags gzung sngags dang/ /snying po phyag rgya'i bden pa dang/ / gzhan yang bden pa'i byin brlabs kyis/ /dmyal ba'i sdug bsngal myur zhi nas/ /bde ba'i zhing du myur skye shog /ces lan gsum brjod do/ /gzhan yang smon lam du yang brjod do/ /de nas lcags snod kyi nang du du ba med pa'i

  653. 327a

    me la til nag po bsreg cing oM che ge mo sarba pA paM da ha na sarba bi sho d+ha ni swA hA zhes brgya rtsa brgyad bsreg go /de nas bum pa'i chus khrus byas yungs kar dang bye ma la dri ma med pa'i snying po brgya rtsa brgyad brjod nas ro'i mo snod brag par bya'o / de'i 'og tu sil snyan du ma dkrol zhing bkra shis kyi tshigs su bcad pa du ma brjod do/ /de nas dkon mchog gi mchod pa dang dge slong dang ston pa dang nang du yang dag 'jog la ston mo drang ngo/ /de'i 'og tu byis pa dang bdud 'gro la yang ci rigs pa'i zas sbyin te de thams cad la/ na ma(rgyud 'grel): sarba ta thA ga ta a pa lo gi he oM saM b+hA ra saM b+hA ra hUM/ zhes lag pa g.yas pas mchog stsol ba'i phyag rgya dang bcas par bdun brjod de stsal to/ /de nas sngags 'di tshar gsum brjod do/ /oM badzra satwa sa ma ya/ ma nu pa la ya/ badzra satwa te no pa tiShtha/ dri b+ho me b+ha ba/ su to sh+yo me b+ha ba/ a nu rak+to me b+ha ba/ su bo Sh+yo me b+ha ba/ sarba sid+d+himme pra yats+tsha/ sarba karma su tsa me/ tsit+taM sh+ri yad ku ru hUM/ ha ha ha ha ho :b+ha ga wan/ sarba ta thA ga ta/ badzra mA me muny+tsa/ badzra b+ha ba/ ma ha sa ma ya/ badzra satwa a: de ltar sngags 'don pa dang gsung rab bklag pa rgyun ma chad par bya ste/ sdom pa dang ldan pa 'am skabs su sdom pa blangs kyang rung ldan par byas nas gsum mam bzhi la sogs pa'i bar du mi tshig gis bar mchod par bya'o/ /'di ni zhag bdun ? dang po dmyal ba'i 'jig rten dag pa 'jig rten dbang phyug gi ting nge 'dzin zhes bya'o/ /tshigs gnyis pa la ni bsgrub bya'i lte bar yi ge traM sngon po bsam la pa ri sho d+ha ya swA hA zhes pa dang bcas pa'i sngags brjod pa'i tshe lha dang sngags kyi 'khor gyis bsgrub bya'i lus la phog pas bsgrub bya'i lte ba'i traM yig las dud 'gro sna tshogs mgo yod pa ste/ mgo bye ba yan lag bye ba dang ldan pa ste/ rked pa man chad thal ba sngo nag rked pa man chad mi sngo nag zhig bud nas gzugs de

  654. 327b

    'dra ba du mar gyur te mdza' i rgya mtsho'i nang du song bas rgya mtsho khengs shing der yang 'gyod pa drag po gnas so/ /lus 'di ni sngon gyi bse gzugs bzang por gyur par bsam mo/ /bden pa brjod pa dang smon lam gyi skabs thams cad du dud 'gro'i 'jigs pa dang bral bar gyur cig ces brjod par bya'o/ /lhag ma thams cad sngon ltar ro/ /'di ni zhag bdun phrag gnyis la byol song gi 'jig rten dag pa 'phags pa 'jam dpal gyi ting nge 'dzin zhes bya'o/ /tshig gsum pa la ni bsgrub bya'i gsang gnas su yi ge bri ser po bsam la/ lha dang sngags kyi 'od zer gyis bsgrub bya'i lus la phog nas gnas gsum gyi sgrib pa thams cad yi ge pre la bsdus nas de las mi'i gzugs shin tu rid cing yan lag dang ske rab tu phri ba/ gsum pas che ba/ mdog ser skya/ kha gdang pa bud nas sa 'og dpag tshad lnga brgya'i zhabs su gzugs du mar gyur nas sa 'og sa steng thams cad khyab par gyur cing sngon gyi las la yang 'gyod par bsam mo/ /pre ta sarba karma a ba ra na ba ri sho d+ha ya swA hA dang bcas pa brjod cing bden pa brjod pa dang smon lam gyi skabs su yang ming 'di zhes bya ba yi dags kyi 'jig rten las thar par gyur cig ces brjod de/ /lhag ma thams cad sngon ltar ro/ /'di ni zhag bdun phrag gsum pa'i yi dags kyi 'jig rten dag pa 'phags pa kun tu bzang po'i ting nge 'dzin zhes bya'o/ /tshigs bzhi pa la bsgrub bya'i kha'i nang du sum yig ljang gu bsam mo/ /lha dang sngags kyi 'od zer gyis bsgrub bya'i lus la phog nas lus ngag yid gsum gyi sgrib pa thams cad suM yig la bsdus nas lha ma yin gyis gzugs ni ljang sngon skra ser mche ba bzhi po mig dmar ser zur gsum pa sU mang zhing rtsub pa/ sen mo ring zhing lce 'dril ba bud nas lus du mar gyur te/ ri rab kyi rtsa dang ri bdun gyi ngos dang 'dzam+bu'i gling khyad

  655. 328a

    par rgyu zhing sngon gyi las ngan thams cad la 'gyod par bsam mo/ /de'i tshe rnam smin gyi lus 'di nyid skrag nas skyabs su 'gro ba dang dge bsnyen gyi sdom pa gzung nas sngon gyi gzugs byad bzang po gyur par bsam mo/ /che ge mo A yu(rgyud 'grel): sarba A ba ra Na pa ri sho d+ha ya swA hA brjod cing bden pa brjod pa dang smon lam gyi skabs su lha ma yin gyi 'jigs pa las thar par gyur cig ces yang dang yang brjod par bya'o/ /'di ni zhag bdun phrag bzhi pa lha ma yin gyi 'jig rten dag pa sa'i snying po'i ting nge 'dzin zhes bya'o/ /tshigs lnga pa la bsgrub bya'i snying gar Ni yig ser skya bsam mo/ /lha dang sngags kyi 'od zer gyis lus ngag yid gsum gyi sgrub pa ni la bsdus pas mi'i gzugs ser skya bud de lus snga ma las mar me las mar me chad pa ltar ro/ lus de sngon gyi las la 'gyod cing 'dzam+bu'i gling khyad par nyul bar bsam mo/ rnam smin gyi lus snga ma ni gzugs byad bzang bar gyur nas 'od zer gyi reg pa'i mthus gsum la skyabs su 'gro ba dang/ so so thar pa'i sdom pa dang byang chub tu sems bskyed par bsam nas gang nye dus lan brjod cing sdom pa gsum gzung bar bya'o/ /che ge mo sarba ma nu Sh+ya A ba ra na pa ri sho d+ha ya swA hA/ zhes brjod cing smon lam gyi skabs su mi'i gnas kyi sdug bsngal zad par gyur cig cis brjod par bya'o/ /'di ni zhag bdun phrag lngar mi'i 'jig rten dag pa nam mkha' i snying po'i ting nge 'dzin zhes bya'o/ /tshig drug pa la bsgrub bya'i spyi bor yi ge a dkar po bsams nas lha dang sngags kyi 'od zer gyis lus dang ngag dang yid kyi sgrib pa sbyangs nas yi ge a la bsdus pas pad+ma dang zla ba la gnas pa'i lha'i bu shin tu dkar zhil dal bar gyur te/ mgon po byams pa la sogs pa'i byang chub sems dpa' i sdom pa

  656. 328b

    pa stsal cing shes rab kyi pha rol tu phyin pa gsung par bsam mo/ /rnam par smin pa 'dis kyang byang chub sems dpa' i sdom pa dang/ gsang sngags kyi dam tshig nor par bsam mo/ /bden pa brjod pa dang smon lam gyi skabs su yang 'dod pa'i lha rna par g.yeng ba'i 'jigs pa las thar par gyur cig ces brjod do/ /che ge mo sarba de pa A ba ra Na pa ri sho d+ha ya swA hA zhes pa la sogs pa lhag ma sngar ltar ro/ /'di ni zhag bdun phrag drug pa lha'i 'jig rten pa 'phags pa byams pa'i ting nge 'dzin bya'o/ tshigs bdun pa las bsgrub bya'i mdzod spur yi ge oM dkar po bsam mo/ /lha dang sngags kyi 'od zer gyi rtse mor lha'i bu dang lha'i bu mo bum pa thogs pa du ma byung bas bsgrub bya'i spyi bo nas dbang bskur nas sgrib pa dag pas spyi bor sangs rgyas rnam par snang mdzad bzhugs par bsam zhing 'og min gyi rnam par snang mdzad 'khor dang bcas pa'i sku'i 'od zer gyis bsgrub bya rnam par snang mdzad dang bcas pa la phog pa tsam gyis bsgrub bya'i snying gar zla ba'i dkyil 'khor gdugs lta bu'i rnam par gyur nas/ A li dang kA li'i phreng ba dkar po gsal bar dmigs so/ /de nas sangs rgyas thams cad kyis oM sarba ta thA ga ta bo d+hi tsit+ta pra ti bya d+haM nAM ka ro ya mi/ zhes phyogs bcu na bsgrags pa'i de ma thag tu zla ba'i dkyil 'khor gang ba'i steng du hUM yig dkar po'i 'od kyi sprul shun pa brjes pa ltar khog pa 'dir bzhag nas/ khog pa'i nang nas rnam smin gyi lus dang 'dra ba zhig 'od zer khrid nas pad+ma'i gnas chen po'i drung du 'khod pa'i che phyogs bcu'i sangs rgyas kyis oM sarba ta thA ga ta ya s+thA a ha zhes gsungs pa tsam gyis snying ga'i zla ba'i steng du rdo rje dkar po rtse lnga pa'i rnam par snang ngo/ /de'i shar phyogs kyi 'jig rten gyi khams du ma nas byon pa'i sangs rgyas thams cad

  657. 329a

    byon nas/ kye rdo rje dbyings zhes brjod cing rin po che'i bdud rtsi'i chu du mas dbang bskur bar bsam mo/ /lho phyogs pa thams cad kyis rin po che'i dbu rgyan bzhag par bsam mo/ /nub phyogs ba thams cad kyis lag tu rdo rje gtad pa dang/ byang phyogs las dril bu gtad pa dang/ zhing 'di nyid kyis rnam par snang mdzad chen pos me tog phreng ba dbu la bzhag pa'i de ma thag tu sku mdog dkar po/ /zhal bzhi phyag brgyad byang chub mchog gi phyag rgya can zhabs bzhi sems dpa' i skyil krung du bzhugs par gyur nas phyogs bcu'i sangs rgyas thams cad kyang rnam par snang mdzad chen po zhes brjod par bsam mo/ /bden pa dang smon lam brjod pa thams cad kyi mdza' yang shes bya'i sgrib pa thams cad las/ grol bar gyur cig ces brjod cing sngags kyi mthar yang sarba sa kA da pa ri shud+d+ha swAhA/ zhes brjod do/ /'di thun mtshams thams cad du rig pa'i dbang bskur zhing zhag bdun gyi mthar rdo rje slob dpon gyi dbang bskur nas sangs rgyas kyi zhing du yang dang po sangs rgyas zhes mtshan btags par bsam mo/ /tshig tha ma gsum pa 'di bdag gi tshe lam spyad pa dang lam bstan pa thun mtshams thams cad du bya'o/ /de ltar tshigs bdun phrag gi rjes su sbyin sreg bya ste/ de yan lha'i grong khyer du bsam nas/ bsreg rdzas kyi mchod pa 'am/ yang na thab tu lha'i dkyil 'khor bsam nas ro zhal zas su byin gyis brlabs nas bsregs te thal bar gyur pa dang dus pa'i thal ba de brdungs nas sngon ltar tsha tsha'i cho ga ? nang du bcug nas tsha tsha bya'o/ /tsha tsha de dag kyang sngon gyi tshogs byas pa'i mchod rten gyi nang du 'am yang na chu bo chen po'i dgram du bzhag go /ro bsreg pa'i cho ga yang gzhan du shes par bya'o/ /'di ltar cho ga 'di'i dkyil 'khor gyi rdul tshon gyis ra bar? gtor na phyugs nad med par byed do/ /yang thog dang

  658. 329b

    tshang mang dang nyal sar gtor na mig nad la sogs pa sel te/ /zhing la gtor na 'bu dang rtsa dang sad dang ser ba dang myags pa dang bskams pa thams cad med par byed do/ /'di na zhag bdun phrag bdun pa 'jig rten dang 'jig las 'das pa dag pa sgrib pa rnams sel gyi ting nge 'dzin zhes bya'o/ /de ltar bdun tshig kyi tshul de yang byang chub sems dpa' sgrib pa rnam sel gyi rgyud las gsungs te/ dge bas ngan 'gro las grol zhing/ /shes rab kyi byang chub thob/ /phun sum tshogs gang sngon byas nas/ /de bzhin nyid rtog sangs rgyas 'gyur lam rgyu bzang zhing gson tshel/ /dge spyod shin tu drag pa ni/ /mtho ris sam ni thar par des/ /de la bar do ma mchis so/ /lam rgyud dman shing tshe 'di yang/ /ngan spyod shin tu mang po rnams/ /lha mi dman dang ngan 'gro des/ /de nyid nam yang bar do med/ /las rgyu sna tshogs snang mod kyang/ /dge la spro zhing mi dge spang/ /cung zad spyod pa'i mi gang de/ /bar do de la yod min kyang/ /bdun phrag gcig sogs bdun gyi mdza' / /de las lhag par mi gnas lags/ /mi'i zhag bdun bar do'i tshe/ / de'i bar do yud tsam bdun/ /shi ba'i rjes su dge spyod na/ /bar do bde zhing skye ba yang/ /bzang po de ma thag tu 'gro /skye ba gzhan du bde spyod 'gyur/ /shi ba'i rjes su ngan spyod na/ /bar do sdug bsngal skye gzhan du/ /dman par skye zhing ngan spyod 'gyur/ /brtse ba can gyis shin tu spang/ /zhes gsungs pa dang/ yang de nyid las yid bzhin nor 'dra'i gzungs 'di ni/ /dpal dang 'byor pa kun byed de/ /shi ba'i don du brjod pa 'am/ yang na zhag gangs bdun phrag bdun/ /dkyil 'khor chen po'i lha mchod phyir/ bum pa sAts+tsha dang 'brel cing/ /'gro gnas sdig pa kun gsal bya/ /sngags dang lha'i gzi brjid kyis/ /mi dge'i las rnams 'gro gzugs su/ /rnam smin lus 'byung nas kyang/ /rang rig gnas su song bar dmigs/ /'gro ba drug

  659. 330a

    gi dug bsal nas/ /mthar ni thar ba'i lam bzhag phyir/ /'dren pa'i 'od kyis rab bskul te/ /sangs rgyas zhing du bzhag nas kyang/ /thub rnams de la dbang bskur mdzad/ /rnam dag sangs rgyas sku gyur nas/ /mtshan yang che ge rnam snang mdzad ces kha la sogs pa rgya cher gsungs so/ gzhan yang mchod rten rmangs zhabs su shi ba po'i bar du gcod pa thams cad kyi ming bris nas rdza sar ba'i bum par bcug la bzhag go/ mchod rten dang sAts+tsha'i chu srid pa ni shi ba po'i ro 'am rus pa 'am gos bkrus pa'i chus bya'o/ /bum pa'i nang gi steng gi khri la yang shi ba po'i rten bzhag go /yang na sAts+tsha'i dus su shes rab kyi pha rol tu phyin pa'i mdo bklag pa'i rus pa gzungs sngags kyi chus khrus byas nas snying po bris pa dkris te sAts+tsha'i nang du gzhug go /de nas sAts+tsha brgya rtsa brgyad re re zhing dkyil 'khor bris nas bum pa gang ba dang bcas pa mchod cing gzungs sngags brjod do/ /de'i che dkyil 'khor pa'i lha thams cad kyis bsgrub ba de dbang bskur bar bsam mo/ /gzungs kyi cho ga tshar ba dang bsgrub bya'i rten de la khrus bya'o/ /rus pa 'am/ gos sam/ gzugs brnyan stong khrus kyis dag par byas par 'gyur ro/ /cho ga'i tshul de dang ldan pa'i sAts+tsha stong gi ni bsgrub bya de lha'i dbang por 'gyur ro/ /khris ni 'thab bral gyi bdag por 'gyur ro/ /'bum gyis mi dga' ldan gyi bdag por 'gyur ro/ /sa yas ni 'phrul dga' i bdag por 'gyur ro/ /bye bas ni gzhan 'phrul dbang byed kyi bdag por 'gyur ro/ /de'i 'og tu gzungs kyi sgo 'bum phrag la mnga' rnyes par 'gyur ro/ /ting nge 'dzin gyi sgo 'bum phrag thob par 'gyur ro/ /zhing 'bum phrag mdza' ya pa sbyong bar 'gyur ro/ /cho ga lhag min sngar ltar bya'o/ /shi ba la phan

  660. 330b

    gdags pa'i rim pa'o// //gcan gzan dang la sogs pa ni rgyu de phan gdags pa'o/ /kun nas sgor 'jug pa la sogs pas ni bzlas pa'i grangs gsungs te/ lan stong ni shi ba la phan gdags pa'i bzlas brjod kyi grangs so/ /khri ni 'chi ba blu ba'i tshes brgyad nas nya'i bar du dge slong la sogs pa gang zag btsus byed pa'i grangs so/ /'bum ni bsnyen pa'i bzlas brjod kyi grangs so/ /'bum bris te mchod rten gyi nang du bcug ces pa ni snying po 'ba' zhig bur gum dang gi wang dang tsandan la sogs pas sngon bzhin bris nas tsha tsha'i nang du bcug pa'o/ /'bum thang nas mchod rten chen po gcig gi nang du bcug ste/ shing bu bsgreng zhing brgyan gtags nas mchod do zhes pa ni 'bum gter chen po'i ring bsrel lo/ /de la mchod rten rim pa ni ri 'am thang dam ljongs gang dag/ dur khrod la sogs yangs ma med/ /yid 'ong gnas su rgyal ba yi/ /sku gdung mchod rten brtsig par bya/ /yang na sa 'am rdo dag la/ /mkhas pas tshul bzhin brko bar bya/ /sa 'am rdo 'am shing dag gam/ / yang na tshogs pas brtsig par bya/ /de las sangs rgyas kyi mchod rten gyi khris 'phang bcu gsum yan chad/ /sum cu rtsa gnyis man chad do/ /rang sangs rgyas kyi dgo yan chad bcu gcig man chad de chad khab dang tog kyang med do/ /dgra bcom pa'i khri 'phang bzhi yan chad do/ /'khor lo lnga pa'o/ /rgyun tu zhugs pa nas phyir mi 'ong ba'i bar gyi khri 'phang gsum kho na'o/ /'khor lo bdun pa'o/ /so so'i skye bo'i khri 'phang gnyis 'khor lo bzhi'o/ /de las sangs rgyas sku gdung cha brgyad du bgos pa'i mchod rten chen po brgyad ni grong khyer ser skyar rgyal po zas gtsang gis yon bdag byas nas dpal lha las babs pa'i mchod rten brtsigs so/ /yul ma ga b+ha dbus 'gyur tshul du rgyal po ma skyes dgra yon bdag byas nas byang

  661. 331a

    chub chen po'i mchod rten brtsigs so/ /grong khyer rtswa mchog tu gyad rnams kyi yon bdag byas nas cho 'phrul chen po'i mchod rten brtsigs so/ /yul ba ra NA se ru ser skya'i rgyal po tshangs byin gyis yon bdag byas nas dpal chos kyi 'khor lo'i mchod rten brtsigs so/ /yul yangs pa can du rgyal po li tsa bI gzhon nus yon bdag byas nas dpal ka ni ka'i mchod rten brtsigs so/ /yul gnyan yod du rgyal po gsal rgyal gyis yon bdag byas nas dpal bkra shis sgo mangs brtsigs so/ /yul cha dger rgyal po 'dun 'dzin ta las yon bdag byas nas dpal 'od can gyi mchod rten brtsigs so/ /yul tika tsa shir rgyal po in+d+ra bi mas yon bdag byas nas mchod rten pad+ma can brtsigs so/ / slan chad kyang de dag gi rjes su 'brang ste brtsigs par bya'o/ /de la byang chub chen po'i mchod rten gyi tshul du brtsig na/ sku gdung gi rmad yod na rmad rten ji ltar mtho ba bzang po rten med na bang rim dang po'i sum tsha'i chad do/ /de'i steng du dge bcu ni phyir bskyed pa dang rngams par rim pa dang po rngams byed do/ /gnam 'phang ri la bang rim dang po'i ngos tshad do/ /de yan chad srog shing ste bar rim pa dang po'i bzhi gsum gyi tshad do/ /bang rim bzhi 'phang mnyam mo/ /bang rim rngams kyi phyir tshad khri 'phang ngo/ /bum rten khri 'phang gi phyed tshad do/ /bum pa ni bang rim dang po'i sum gnyis kyi tshad do/ /stod kyi sked ni bang rim gsum pa dang mnyam mo/ /bre rten gyi rgya ni bang rim bzhi pa'i lnga cha gcig go /bre ni bang rim bzhi pa'i bzhi cha gcig go /de gnyis ka'i 'phang ni bang rim gyi gsum gnyis dang bang rim gyi phyed do/ /bang rim bzhi pa'i shar dang lhor gsal khung bar rim nyid kyi brgyad cha'o/ /srog shing gi rtsa ba bang rim bzhi pa la rag go/

  662. 331b

    'khor lo bcu gsum gyi 'phang du bang rim dang po'i bzhi gsum gyi tshad do/ /'khor lo dang po ni bre'u zur bzhi la slebs so/ /de bzhi chas 'khor ba'i tshang ni 'khor lo bcu gsum pa ro/ /bcu gcig po yang de'i rim gyis gzhol ba'o/ /rtsegs par thams cad ni ci mdzes su bya'o/ /thugs rjes mdo gzungs 'phang lo chung ba dang mnyam mo/ /de'i slad du rngams kyi bzhi gsum ni 'jam pa nyid stong du bzhi cha gcig ni phreng ba'i sul bcu drug pa'o/ /de'i steng du 'khor lo bcu gsum pa nyid kyi shing phyed chad yang rtse pra ba bang rim nyid kyi 'phang phyed do/ /yang srog shing 'phang du phre phyed tsam steng du zla ba'i rtse mo gdugs mnyam srog shing la bskor te rtse mo dgad do/ /gdugs ni 'khor lo bdun pa dang mnyam mo/ /gdugs khabs 'khor lo drug pa dang mnyam mo/ /za ra tshags ni bre'i 'phang dang mnyam mo/ /yang srog shing 'phang du bre'i sum cha'i tshad kyi steng du nyi ma zla ba las khyad g.yung tsam mo/ /nyi ma'i steng du tog gi utpa la gsang pa'i tog bu 'dra ste ci mdzes nyi ma dang zla ba dang tog thams cad kyi zur la bya mi 'chags par bya ba'i phyir lcags kyi thur ma rnon po gzer bar bya'o/ /tog ni ser po/ /nyi ma ni dmar po/ /zla ba ni dkar po/ /gdugs khabs ni dkar po'o/ /gdugs ni sngon po gdugs kyi phyogs bzhis rigs bzhi phyag rgya bri'o/ /thugs rje'i phul ni dmar po'o/ /thugs rje nyis dang shes bcu ni ser po'o/ /srog shing ni dmar po'o/ /mchod rten kyang dbar po'o/ /dge bcu yang ser po'o/ /rmangs dang rmad rten ljang gu'o/ /mchod rten rtsig pa'i rim pa'o/ /da ni mchod rten gyi bum rten gyi steng du gdung ma bzhi rgya 'gram du zi bar bya'o/ /de ji ltar 'tsham pa'i dkyil 'khor bzhengs par bya ste/ dkyil 'khor gyi tshad dang mnyam pa'i zheng gi bzhi bri'o/ /de'i steng du rdo leb lam

  663. 332a

    so btang ba'i so pag legs par bzhib pa'o/ /de'i steng du bkra shis pa'i sAts+tsha munda btub pa dang/ bsreg pa'i dri bzang po'i chus sbrus nas gro phye dang shing bal bkal bas bsreg par bya'o/ /rgya ji tsam yod pa'i bcu drug gam brgyad kyi cha ni 'phangs su bya'o/ /gnyer ma dang sgo 'bur med pa'i gru bzhi par bya'o/ /de nas thogs gdab pa dkyil 'khor chen po bkod pa'i rgyud las/ skyon med ras bal 'jam po ni/ shin tu gtsang ba'i bu mos ni/ /shar du bltas nas dgu bsgril du/ /sngags 'di brjod cing bkal bar bya/ /oM A n+yo n+ya A nu ga ta/ sarba d+harmA spa ra spa ra sarba d+harma a nu bra biSh+Ta sarba d+harma hUM/ shar nub lho byang tshangs thig gdab/ /tshangs pa dang nges dang gru chad gdab/ /nang gi phyed kyang phyed tshad gdab/ /rgyab tu phyed phyed tshad btab nas/ /lnga pa phyi nang cha re gdab/ /drug pa dbus dkar rgyab ma bkas/ /bzhi brgyab phyogs bzhir dbus cha bzhi/ /re re yang ni bzhi bzhir bgo/ /des ni sgo'i dkyil 'khor ro/ /pho brang ci bder sgrub par bya'o/ /de'i rgyab tu cha gnyis kyang/ /phyed cha re rer bskor pa ni/ /pad+ma rdo rje 'od phreng dang/ /mchod pa dgod pa'i sa gzhi ste zhes pa'i tshul gyis thig btab nas sa tshon bkye bas gru bzhi sgo bzhi rta babs dang dra shar dang zla mdzes dang ba dan la sogs pa'i dkyil 'khor gyi yon tan thams cad dang ldan pa bri'o/ /phyi rol tu ra ba rim pa gsum ni sna tshogs pad+ma dang rdo rje sngon po'i phreng ba dang dmar ser me 'od 'bar ba thams cad du zlum po drang pa'o/ /dkyil 'khor de la lha'i rten dgod par bya ste/ sku 'am tsa ga li 'am phyag rgya 'am ming yig kyang rung ste/ tshon ma lus ba bris nas dgod par bya'o/ /de'ang byang chub sems dpa' sgrib pa rnam par sel ba'i rgyud las/ phung po lnga dang bco

  664. 332b

    brgyad khams/ /'byung bzhir bcas pa'i lus kyis ni/ /dkyil 'khor chen po 'di bltas na/ /mi de myur du grol bar 'gyur zhes so/ /de nas lus dkyil 'khor ci lta ba gzugs brnyan gyi dkyil 'khor la'ang lha nyi shu rtsa bdun du nges so/ /de'ang gzugs kyi dkyil 'khor ni rnam par snang mdzad la sos gtso bo yab yum la lha mo nyi shu rtsa drug gi bskor ba'o/ /rig sngags kyi dkyil 'khor lha mo dang byang chub sems dpa' o/ /gsang sngags kyi dkyil 'khor la lha mo dang byang chub sems dpa' dang khro bo'o/ /'on kyang nyi shu rtsa bdun de dag kyang phyogs dang kha dog gi bye brag gi lha re re yang bzhi bzhir 'gyur la de ltar na rigs 'dus pa'i lha brgya rtsa brgyad do/ /de nyi shu rtsa lngar 'du zhing dgu dang lnga dang gcig kho nar yang nges so/ /de brgya rtsa brgyad kyi dbang du byas nas dbus su rnam par snang mdzad chen po zhal bzhi phyag brgyad zhabs brgyad pa yum dang bcas pa'o/ /g.yas su nyi ma rnam par snang mdzad do/ /g.yon du zla ba rnam par snang mdzad do/ /shar du mi skyod pa la rigs bzhi dang spyan ma la sogs pa bzhi dang/ gzugs rdo rje ma la sogs pa bzhi dang/ lA se la sogs pa bzhis bskor ba'o/ /de kho na bzhin du lho dang nub dang byang du yang shes par bya'o/ /de ni dbus kyi pho brang ngo/ /de yang sgrib pa rnam pa sel ba'i rgyud las/ /thabs dang shes rab rang bzhin gyi/ /dkyil 'khor gtso bo rnam snang mdzad/ /mdog skya byang chub mchog gi rgya/ /zhal bzhi pa la phyag brgyad do/ /rig ba kun gyi 'byung gnas mchog/ zla ba nyi ma rnam snang mdzad/ /nyi ma zla ba 'chang ba'o/ /phyogs bzhi pho brang dbus su ni/ /rdo rje rin chen pad+ma'i rigs/ /las kyi rigs rnams so sor yang/ /rang rigs sangs rgyas sras po dang/ /spyan ma bdag mo gos dkar sgrol/ /gzugs sgra dri ro lha mo dang/ /sgeg mo gar phreng glu ma rnams/ /phyogs

  665. 333a

    mdog rigs kyi phyag rgya can/ /g.yon pa dang rtags phyag rgya 'chad/ /ldem bag zhi ba'i tshul du bsam zhes pa dang/ yang byang chub sems dpa' sum bcu gnyis/ /lha yi snam bur dgod par bya/ /rig pa'i lha mo khro mo che/ /mos pas sgo la dgod par bya/ zhes gsungs so/ /de'i rgyab tu lha snam la/ /bskal bzang sems dpa' bcu drug go /sgo bzhir lha mo bzhi'i khro bo bzhi dbus kyi gtso bo la yang gzungs kyi tshul du bsgrub pa la lha mo bzhi'o/ /rig sngags dang gsang sngags kyi tshul du sgrub pa la rigs bzhi nyid do/ /yang dbus su rigs lnga mtshams su/ /spyan ma la sogs pa bzhi dang pho brang gi dbus su gzugs rdo rje la sogs pa bzhi dang/ sgo bzhir lcags gyu ma la sogs pa 'am yang na khro mo bzhi'o/ /sgo'i nang gi lha rnams la byang chub sems dpa' zung re ste brgyad do/ /rten de dag bkod nas dkyil 'khor yol ba dmar po dang bla re sngon pos bya'o/ /cod pan dang ba dan dang rgyal mtshan dang gzugs la sogs pa ngos re re yang brgyad brgyad mngon par 'du bya ste legs par dgod/ de'i steng du khri bcas nas yon gyi bdag po gang de'i gos la sogs pa dang gzugs brnyan bzhag par bya'o/ /de ni dkyil 'khor gyi rim pa'o/ /da ni dkyil 'khor de la mchod par bya ste/ lha'i grangs kyi mchod pas dkyil 'khor de yongs su skor nas sgrub pa pa phyogs bzhir bzhugs te/ ji ltar bkod pa'i dkyil 'khor rin po che sna tshogs kyi gzhal yas khang par lha'i tshogs dang bcas pa skad cig gis dmigs nas rang bzhin gyis lha bcug ste/ nam mkhar zla ba'i dkyil 'khor la gnas pa'i oM yig las 'phrul ba'i lha mo'i tshogs kyis mchod par bsam zhing/ gzhung gzhan du gsungs pa'i tshigs bcad dang sngags du mas mchod cing bstod par bya'o/ /sil snyan du ma'i tshogs dkrol

  666. 333b

    zhing bkra shis kyi glu du ma dang smon lam du brjod par bya'o/ /de la bkra shis ni/ /rmi ngan 'jigs dang sdig pa thams cad 'jigs byed pa/ /tshe dang 'byor dang stobs dang bde ba rnams 'phel ba/ /khyed kyi bkra shis thams cad 'grub par byed/ 'di dag rab tu brjod kyis de phyir mi rnams bsgrims te nyon/ /rnam par snang mdzad ye shes dam pa mtsho chen ldan/ /zla ba nya 'dra'i sku mnga' srid pa'i mthar phyin pa/ /dgongs pa mdza' dag rdzogs pa'i bkra shis gang lags pa/ /bkra shis des kyang deng 'dir zhi byed legs gyur cig /mi khrug rgyal po srid dang gti mug rnam sbyong ba/ /mgon po yon tan thams cad rdzogs pa'i bkra shis gang yin dang/ /dge ba nyams sems rdzogs pa'i bkra shis gang lags pa/ /bkra shis des kyang deng 'dir zhi byed legs gyur cig /sangs rgyas yon tan kun gyis rgyan gyis brgyan mdzad cing/ /yang dag sbyin mdzad 'gro ba'i don la mi bslu ba'i/ /rin chen 'byung zhes bya'i bkra shis gang legs pa/ /bkra shis des kyang deng 'dir zhi byed legs gyur cig/ bsam gtan ting 'dzin dam pa pha rol phyin pa'i gnas/ /ye shes pad+ma'i steng bzhugs dpag med tshe ldan pa/ /tshe grangs med par byin gyis brlabs pa'i bkra shis gang lags pa/ /bkra shis des kyang deng 'dir zhi byed legs gyur cig / sems can rnams kyi don la thugs ni rab tu dgongs mdzad de/ /'gro ba mdza' dag 'ching bas bcings las grol mdzad pa/ /thub mchog don yod grub pa'i bkra shis gang lags pa/ /bkra shis des kyang deng 'dir zhi byed legs gyur cig / sangs rgyas pad+ma rgyas pa'i 'dab 'dra'i spyan mnga' ba/ /gser gyi mdog can 'gro ba'i rtsa lag gcig pu dang/ /chos dang dge 'dun lha dang lha min gyis bstod pa/ /bkra shis rnam par spel phyir rtag tu dran par byed/ /bdud stobs rab tu

  667. 334a

    'joms pa'i bkra shis gang yin dang/ /rnam snang mdzad dang thams cad skyobs dang rnam par gzigs/ /kun tu mchod cing rgyas par gyur pa gzigs chen mchog /bkra shis rnam par spel phyir rtag tu dran par byed/ /pad+ma'i bla dang shAkya thub pa thub dbang thub chen dang/ /ye shes dbang phyug spyan legs pa dang zla zhal dang/ /'brug gi sgra dang rnga sgra lta bur dbyangs snyan pa/ /bkra shis rnam par spel phyir rtag tu dran par byed/ /'od zer rgyal mtshan dang ni gser thub 'od gsungs dang/ /mar me mdzad dang shin tu brjid par gshegs pa dang/ /'dren pa gtsug tor can dang 'od tog dpag med 'od/ /bkra shis rnam par spel phyir rtag tu dran par byed/ /pad+ma mdzes dang ye shes stobs dang zla 'od dang/ /nyi ma'i zhal dang dgra las rgyal dang rgyal bltam dang/ /yon tan 'byung gnas dpal gyi gzi brjid 'jig rten gtso/ /bkra shis rnam par spel phyir rtag tu dran par byed/ /mi 'khrugs pa ni rdo rje'i gdan la bzhugs pa dang/ /'dren pa mchog sbyin rin chen tog tu byas pa dang/ /rnam par sol dang lag na rin chen rgyal po mchog /bkra shis rnam par spel phyir rtag tu dran par byed/ /'jig rten dbang phyug rtag tu rgyal dbang gtsug tor can/ ston zla dri med lta bur zhal ras mdzes pa dang// nam mkha' snying po dang ni sa'i snying po dag /bkra shis rnam par spel phyir rtag tu dran par byed/ /byams pa shin tu rmad du byung ba'i gzugs mnga' ba/ /lcang lo khri mda' mchod rten gtsug tor gnas pa dang/ /kun tu bzang dang nor bzang dang ni sgra gcan 'dzin/ /bkra shis rnam par spel phyir rtag tu dran par byed/ /skul byed ma dang sgrol ma khro gnyer 'gro phan dang/ /de bzhin shes rab la sogs pha rol phyin drug dang/ /rma bya dang ni 'phags ma gzhan gyis

  668. 334b

    mi thub dag/ bkra shis rnam par spel phyir rtag tu dran par byed/ gtsug tor las byung gsang sngags rjes 'dzin bcas pa adang/ /phyir bzlog ma dang bsil ba'i tshal ni rgya las 'khrungs/ /lha mo ri khrod lo ma can dang bcas pa rnams/ /bkris rnam par spal phyir rtag tu dran par byed/ /don yod grub dang stong chen rab tu 'joms ma dang/ /grong khyer ba ra NA se zhes byar grags pa dang/ /pad+ma'i snying po gcig dang ku sha'i gyad ldan pa/ /bkra shis rnam par spel phyir rtag tu dran par byed// rdo rje lcags kyu dang ni gtsug 'phyang 'dod po che/ /de bzhin bgegs 'joms 'phags pa bdud rtsi thabs sbyor dang/ /zla 'od de yang gzhon nu'i gzugs dang ldan pa ni/ /bkra shis rnam par spel phyir rtag tu dran par byed/ /gshin rje gshed po 'jig rten kun tu 'joms mdzad dang/ /pad+ma mthar byed gnod mdzes de bzhin 'khor lo can/ /gzhan gyis mi thub dbyug sngon bsnams par mdzad pa dag/ bkra shis rnam par spel phyir rtag tu dran par byed/ /'phags pa mi g.yo bgegs rigs rab tu 'joms pa dang/ /phun sum tshogs byed rmugs 'dzin utpal mdog can dang/ /glang chen ko rlon stags lpags dag gis brgyan gyur pa/ /bkra shis rnam par spel phyir rtag tu dran par byed/ /'phags pa shA ri'i bu dang mo gal 'od srung dang/ /nor bu 'dzin dang ma 'gags nye ba 'khor dang bcas/ /rab 'byor dang ni lus 'phags ri bo kun dga' bo/ /bkra shis rnam par spel phyir rtag tu dran par byed/ /stobs chen bgegs kyis rigs ni rab tu 'joms pa dang/ /'od zer dang ldan dang cha byad rab tu 'tshar ba dang/ /dug sel sprul gdugs rab tu rgyags pa 'jig rten pa/ /bkra shis rnam par spel phyir rtag tu dran par byed/ /'phrog ma rna cha rnam pa sna tshogs g.yo 'gul ba/ /bu pho lnga brgyad

  669. 335a

    dag gis brgyan par gyur de dang/ /gnod sbyin bdag po lnga rtsen dang ni pad+ma'i mig /bkra shis rnam par spe ba phyir rtag tu dran par byed/ /ha la ha la sems can kun la phan mdzad dang/ /rin chen sgron mar grags dang nor gyi rgyun mchog dang/ /gnod sbyin bdag po rnam thos sras po'i dpal thob ba/ /bkra shis thams cad sgrol ba sbyin phong dam pa gzigs chen dang/ /byams pa'i stobs ni stong pa'i stobs chen ldan pa dag /sprin gyi tog dang ldan pa'i bu ni gang yin pa/ /bkra shis rnam par spel phyir rtag tu dran par byed/ /rab tu dga' ba la sogs sa bcu re dag dang/ /dpa' bas byin pa de dang gtsug na nor bu dang/ /rgyal po dam pa zas gtsang ka ba ni/ /bkra shis rnam par spel phyir rtag tu dran par byed/ /lum pa'i tshal ni bung ba lang long 'phur lding zhing/ /me tog 'bras bu rnam pa sna tshogs rnams kyis brgyan/ /rma bya dang ni khu byug mang po'i sgra 'byin pa/ /bkra shis rnam par spel phyir rtag tu dran par byed/ /btsun mo sgyu 'phrul dang ni de bzhin gau ta mi// shAkya'i bu mo rdzu 'phrul chen mo grags 'dzin dang/ /nai rany+dza na bsod nams ldan pa 'bab chur bcas/ /bkra shis rnam par spel phyir rtag tu dran par byed/ /'jig rten dbang phyug pad+ma bung ba'i khyu lding dang/ /'jam dpal utpal sngon po yid du 'ong ba dang/ /mgon po byams pa yi ni klu shing me tog bsnams/ /bkra shis rnam par spel phyir rtag tu dran par byed/ /don yod grub pa'i las bsnams ral gri mchog dang ni/ /mi bskyod rdo rje rdo rje'i nyid dang gzhan yang ni/ /skyob pa thams cad kyi ni phyag mtshan ma lus pa/ /bkra shis rnam par spel phyir rtag tu dran par byed/ /yid bzhin nor bu 'dod 'jo'i ba dang bcas pa dang/ /dpag bsam gyis ni shing dang bum pa bzang po dang/ /rgyal ba kun gyis nges

  670. 335b

    par bsten pa'i byang chub shing/ /bkra shis rnam par spel phyir rtag tu dran par byed/ /lam 'jug dus dang nor dang 'bru rnams sdud pa dang/ /nang par dus sam yang na zhi ba'i las byed tshe/ /dga' ston kun na 'jug dang dgos pa sgrub pa dang/ /ming mtshan 'di dag mi yis rab tu bsgrems te nyon/ /rgyal ba dag dang rgyal ba'i sras kyi mtshan 'di ma lus par/ /lha la gus bzhin nyin cig bzhin du nang par su brjod pa/ /de ni dmyal ba yi dags gnas su mi skye nad med cing/ /dpal dang bsod nams nor dang bkra shis rnam par 'phel/ /che ba'i che mchog dkon mchog bla na med/ /chos rje nyi ma rgyal ba'i byin brlabs kyis/ /bdud dang bgegs rigs gnod pa'i dgra zhi ste/ /rtag tu dpal ldan nyin mtshan bkra shis shog/ 'byung po gang dag deng 'dir lhag gyur te/ /sa'am 'on te bar snang 'khor ba dang/ /skye dgu rnams la rtag tu byams byed cing/ /nyin dang mtshan du chos kyang spyod par shog /rgyal ba dgra rgyal bden pa'i byin brlabs kyis/ /bden pa 'di gsungs de la sdig med cing/ /lhar bcas lha min gyis rtags mchod 'os ba'i/ /bden pa 'dis ni deng 'dir bde legs shog /phyogs bzhi nas snyan pa brjod par bya'o/ /smon lam ni/ oM bde gshegs rdo rje'i rigs dang rin chen rigs/ /pad+ma sna tshogs rigs kyi rgyal ba dang/ /gsang sngags 'di'i byin brlabs kyi/ /zag med ye shes snang ba'i brgyan/ /nam mkha' i mdza' dang mnyam pa ste/ /myur ba nyid du skye bar shog /mig dang rna ba'i mngon shes dang/ /gzhan gyi sems don shes pa dang/ /snga phyi skye gnas shes pa dang/ /rdzu 'phrul du ma bsgyur ba yang/ /da lta nyid du thob par shog /chu steng 'gro dang rigs myur phyin/ /mig sman bum pa gter dang ni/ /ral gri gzungs nas mkha' la 'gro/ mi snang bsgyur lus thob par shog /sa 'og 'gro dang gtar mthong dang/ /bcud rnam rnyed cing ring 'tshong ngo/ /gzhan lus dang po bsgyur ba dang//

  671. 336a

    mdog bzang na rga med thob shog /zhi rgyas dbang dang mngon spyod kyis/ /'gro don sna tshogs ci 'dod pa/ /rang dang skal ba ji bzhin du/ /thogs pa med par byed par shog /gal te le lo'i rkyen gyis gol gyur nas/ /'bras bu dam pa myur du ma rnyed kyang/ /bde 'gro mtho ris lha dbang dam pa dang/ /chos ldan yul dbus mi lus thob par shog/ de nas bla med byang chub ma thob par/ /las kyis 'khor los srid gsum gar skyes kyang/ /lus dang srog ni yal bar gyur kyang rung/ /bla med byang chub sems ni mi gtong shog /bla med byang chub ma thob par du ni/ /lus dang srog la chags pa med par yang/ /bag yod mgo la me 'bar ji bzhin du/ /brtson 'grus chen po rgyun mi 'chad par shog /bdag dang gzhan don byang chub bsgrub pa la/ /bar chad med cing brtson pa ma gtogs pa/ /'jig rten dag na sems ni skad cig kyang/ /bdag gis don med g.yeng bar ma gyur cig /tshe rabs kun tu dam chos spyod pa la/ /mi dge gzhan gyi dbang du ma gyur cig /cho la nad kyi bar chad med pa dang/ /skyes ma thag tu chos dang phrad par shog /dge bshes dam pa rnams dang mi 'bral zhing/ /rnal 'byor brtson pa'i grogs dang 'grogs pa dang/ /skyon bral sems dang spyod pa mthun pa yis/ /'jig rten dman pa'i gnas la chags ma gyur/ /byang chub rang bzhin byang chub thob pa'i rgyu/ /shes rab che dang snying rje che la sogs/ /bdag cag tshe rabs kun tu mi 'bral zhing/ /rnam mthar mnga' ba'i sgor ni 'jug par shog /rgyal srid mtho ris sdug dang gnyen bshes dang/ /'dod pa'i yon tan lnga po thams cad dang/ thabs la mkhas pa'i spyod yul ma gtogs pa/ /shes rab mchog gis gang la'ang chags ma gyur/ /gzhan don 'khor bar rnams su spyod pa na/ /sdu ba'i dngos dang pha

  672. 336b

    rol phyin la sogs/ /thabs la mkhas pa'i spyod pa sna tshogs kyis/ /'gro ba rnams su byang chub spyod par shog/ de bzhin du gzhan yang smon lam gtab par bya'o/ /de ni dkyil 'khor mchod pa'i rim pa'o/ /de nas mchod rten yang dang yang du dri zhim po'i chu ba'i lci ba dang/ bcas par byugs te/ sngon ltar thigs btab la lha'i pho brang thams cad dang sgo la sogs pa thams cad kyi ris su bris nas pad+ma dang zla ba'i steng du me tog tshom bu lha grangs su bzhag nas/ zhing khams bye ba phrag brgya dkyil 'khor gyi khang pa brjod kyis mi lang par khengs par bsams nas tsha tsha re re zhing dkyil 'khor re re ru bsams nas/ tshom bu lha grangs su bzhag nas brgya 'am stong dam khri 'am 'bum mam sa ya'i bar bzhugs par bya'o/ /mchod rten gcig gi nang du bye ba las lhag pa bzhugs par mi bya'o/ /de nas sku gdung gi nang gi khri 'am thams cad du byung ste/ /sgo bcad nas legs par zhal byug bya'o/ /'di ni sAts+tsha bzhugs pa'i rim pa'o/ /de'i 'og tu mchod rten gyi dngos thams cad du thur ma mang du btsugs nas de la me tog phreng ba dang bar na sogs pas phreng ba'i tshul du brgyan par bya'o/ /mchod rten gyi phyogs bzhir mchod pa'i dkyil 'khor bzhi byas te/ yon chab la sogs pa'i mchod pa'i bye brag dngos su bshams pa dang/ 'dod pa'i yon tan gyi tshogs dang/ nor bu dang/ 'khor lo dang/ rta dang/ glang po che dang/ btsun mo dang/ blon po dang/ dmag mi la sogs pa ni bcod pa'i tshul du byas nas tshigs su bcad pa'i dbyangs dang bcas pa'i dbul bar bya'o/ /phyogs bzhir mdo bzhi bklag bar bya'o/ /de'i 'og tu snying po nyi tshig rdzong cing bskor ba brgya rtsa brgyad bya ste/ bkra shis brjod la smon lam gdab par bya'o/ /de yang mchod rten ni mchod rten chen po rin po che'i snying po nam mkha' ma lus ba khyab pa kha dog sna tshogs pa gru bzhi sgo

  673. 337a

    bzhi pa rin po che du ma las grub pa 'od kyi snang ba dang ldan pa bsam mo/ /sAts+tsha re re yang gzhal yas khang re rer bsams te bum pa'i nang du ji ltar bkod pa'i dkyil 'khor gyi lha rnams dang grangs mnyam par bsams nas khrus byas nas rang bzhin gyi lha dang gnyis su med par byas nas bza' dang rgyan phreng la sogs pa thams cad dbul bar bya'o/ /de ni mchod rten mchod par bya'o/ /mchod rten thams cad 'bar bar 'gyur ro/ /bdag kyang 'bar bar 'gyur ro// zhes pa'i tshigs 'di ni sngon du gsungs pa'i rmi lam lta bur kun tu shes so/ /zhes bya ba'i tshig dang 'brel te rmi lam du byung ba ni rjes su sbyor ba'i rtags te/ las dang po bas mang du brjod na sngags kyi mthu bya ba ma yin pa rmi lam du shes par bya'o/ /tshigs gnyis pa 'di mngon du gyur pa'i rtags so/ /de la mchod rten 'bar ni sngags dang rdzas kyi mthus dred thob pa'o/ /bdag 'bar ba ni ting nge 'dzin gyi mthus/ /rdzu 'phrul dang mngon par shes pa thob pa'o/ /de la rtags kyi rim pa ni gang yang gzungs kyi cho ga la 'jug pa bzhugs pa'i tshe rmi lam du yid du 'ong ba'i tshal dang/ khang bzang dang/ khye'u dang/ bu mo 'am/ dge slong 'am/ dge 'dun la sogs pa lhan cig dga' ba 'am/ chos nyan pa 'am/ khri la sogs pa'i steng du gnas ba 'am/ gru 'am zam gzings la sogs pa bsgral par rmi na 'dod pa 'grub po/ /skyugs pa 'am khrag 'byung ba 'am/ khrus byas pa la sogs pa rmin sdig ba zad do/ /mchod rten nam sAts+tsha la dri zhim po bro na lha gnas drung du skye bar nges so/ /gal te dri cung zad bro ba yang longs spyod dang ldan pa'i mir skye'o/ /sgra grag na gzugs khams kyi lhar skye'o/ /'od 'byung na rig 'dzin mchog thob par 'gyur ro/ /de dang de la sogs pa yon tan mdza' yas te sgrib pa rnam par sel ba'i

  674. 337b

    rgyu dang shes par bya'o/ /gang 'jig rten 'dir thob pa'i yon tan rnams ni rdzas dang po yo byad tshang bzhir? ma nyams pa dang/ dus tshod bzang po dang/ sbyor ba bzang po dang tshul gtams pas thob par 'gyur ro/ /ma 'ongs pa'i dus kyi 'bras bu bzang po ji snying pa ni dad pa dang/ /snying rje mchog dang ldan pa dang/ lhag pa'i shes rab kyis thob par 'gyur ro/ /de ni ltas kyis rim pa'o/ /nges par 'phral du la sogs pa ni phan par gsungs so/ /nges par 'phral du phyir mi ldog pa ni zhib la sogs pa'i las grub na gzhan gyi don spyod pa la thogs pa med pa'o/ /sa bcu la gnas pa ni ral gri la sogs pa rig pa 'dzin pa'i gnas brgyad thob pa'o/ /lung bstan pas thob pa ni mngon par shes pa drug thob pa'o/ /bla na med pa yang dag par rdzogs pa'i byang chub tu mngon par rdzogs par 'tshang rgya ba ni phyag rgya chen po'i sku thob pa'o/ /da ni sngon 'byung rjes 'jug gnyis pos mtshams sbyar bas gzhung bsdu ba ni de nas la sogs pa gsungs te/ mthu chen po ni gong du gsungs pa'i phan yon thams cad bskyed pa la gdon mi za ba'o/ /yon tan grangs med pa'i 'byung khungs yin pa'i phyir dpe nor bu rin po che lta bu'o/ /nyan thos la sogs pas mthong bar dka' ba 'di'i don gyi sgra dang tshad ma'i spyod yul ma yin pas thob par bka' ba' o/ /gzung bar bgyi'o// zhes pa ni bstan pa'i don la nus pa med pa'o/ /rgyas par bgyi'o/ /zhes par sngags kyi ngo bo bzung ste skye ba med na 'gag pa gtan med ma 'gags pa'i chos la dbang po rab 'bring thams cad rgyun mi 'chad par longs spyod par 'gyur pa'o/ /sems can thams cad la bsgrag par bgyi'o zhes pa ni/ snod du ma gyur pa gang yang med ces bya'o/ /dper na bla rtsi bcug pa'i snod dri zhim por 'gyur ba ltar sngags 'chad pa po yang byin gyis brlabs kyis sgo du ma dang ldan par 'gyur bas sems can chen po

  675. 338a

    zhes bya'o/ /phyi bzhin 'brang zhes pa ni dper na mi'i mig gang gis spyod yul la srin bu la sogs pa la rgyang ring ngo/ /de bzhin du byang chub sems dpa' chen po'i spyod yul du khams gsum thams cad la nye ba dang ring ba mi mnga' o/ /bsrung ba dang ni gnas dang lus dang longs spyod do/ /bskyab pa ni 'khor ba rgya mtsho las so/ /sba pa ni 'di bdud kyi 'ching ba las so/ /bskyang ba ni lam log pa las so/ /bu bzhin zhes pa ni tshad med pa gzigs pa rgyun mi spyod pa'o/ /bcom ldan 'das kyis bka' stsal pa la sogs pa ni dam bca' rjes su gdams pa gsungs te/ phyag na rdo rje yang bdag ltar 'gro ba la dgongs pa'i phyir grogs po zhes pos so/ /legs so dang pos ni kun rdzob tu tha dad par mkhyen pa ste chos 'dzin pa ni bskyang ba legs so/ /legs so gnyis pa ni don dam par tha mi dad par mkhyen pa ste chos bskyang ba legs so'o/ /khyod kyis de ltar gyis shig ces pa ni rang don rdzogs par mdzad ces pa'o/ /ngas khyed la gtad do zhes pas gzhan don yang rdzogs par gyis shig ces pa'o/ /dper na phas bu la nor gtad pa yang tsha bo la sogs pa phyis 'byung ba'i gzhi shugs kyi 'byung ba dang 'dra bar gang zag snod ldan rnams byin gyis rlobs la brgyud pa rgyun ma chad par mdzod ces pa'i don to/ /phan yon la sogs pa gang brda phrad par sla ba ni mi bkral lo/ /sgrib pa rnam sel la sogs pa/ /sems dpa' bcu drug rtog pa dang/ /so sor 'brang dang stong 'jom sogs/ /rig pa'i lha mo'i rgyud rnams dang/ /kri yi rigs bsdus la sogs dang/ /rnal 'byor pa mchog la sogs dang/ /dang po sangs rgyas la sogs pa dang/ /gzungs 'di'i cho ga rgyas gsungs kyang/ /le lo can rnams spro bskyed phyir/ /shin tu bsdus nas bshad pa la/ /tshul bzhin gzhung nas

  676. 338b

    gsungs pa ltar/ /phan yon thams cad thob par 'gyur/ /gang gi lcags kyu bzung nas nya ra yi/ /klu'i phyugs rnams 'bum phrag gton pa ltar/ /bdag dge kun slong 'gro rnams byang chub kyi/ /rin chen gling thob mdzad phyir bris pa las/ /skye gyur dge bas gzungs don la 'jug cing/ /'gro kun dri med yid bzhin nor thob shog /kun nas sgor 'jug pa'i 'od zer gtsug tor dri ma med par snang ba/ /de bzhin gshegs pa thams cad kyi snying po dang dam tshig la rnam par blta ba zhes bya ba'i gzungs kyi rnam par bshad pa/ slob dpon dngos grub thob pa lhan cig skyes pa'i rol pas mdzad pa rdzogs so// //gsang sngags rig 'dzin sde snod la/ /mkha' ltar shes rab dang ba ni/ /nyi ma lta bur ma rmongs pa'i/ /mkhas pa dza ya de ba la/ /lang sa bande tshu brtsegs kyis/ /gus bcas mang du gsol ba btab nas/ /spu rgyal bod las khyad par du/ /nad med sa gsang mdo khams su/ /yid bzhin nor 'dra'i gzungs mchog gi / 'brel pha dpag bsam shing 'dra 'di/ /bsgyur ba'i dge bas dad ldan rnams/ /gzungs 'di rgya cher spyod par shog/ //paN+Di ta dza ya de ba dang/ lo tsa ba lang sa bande tshul khrims brtsegs kyis bsgyur ba'o// // !/ (/gtsug tor gzugs dkar gyi 'grel ba zhes bya ba bzhugs so//) /rgya gar skad du/ sarba ta thA ga toSh+NI Sha? b+hA ba si tA ta pa tre nA ma brit+ti/ bod skad du/ de bzhin gshegs pa thams cad kyi gtsug tor nas byung ba gdug dkar mo can zhes bya ba'i 'grel ba/ 'phags pa gzhan gyis mi thub pa phyir zlog pa chen po mchog tu grub pa la phyag 'tshal lo/ /gzhan gyis mi thub drag shul che/ /gtum mo chen mo stobs chen mo/ /'bar ba chen mo

  677. 339a

    gzi brjid che/ /dkar chen 'bar phreng zhabs gtud nas/ /rdzogs ldan gyi ni bskal pa la/ rgyal po 'khor 'jig dbu gtsugs pas/ /legs ldan nag po 'dul mdzad pa'i/ /rig sngags dkyil 'khor bshad par bya/ /'di brjod par bya ba ni gang/ 'brel pa ni ci zhig /dgod pa ni gang/ dgos pa'i dgos pa ni ci zhig yin zhe na/ brjod par bya ste/ 'dus ma byas mkhyen pa'i ye shes bzhi chos kyi sku dang/ dag pa 'jig rten pa'i ye shes rigs bzhi longs spyod rdzogs pa'i sku dang/ dkyil 'khor bzhi'i rang bzhin bdud 'dul bzhi 'dul ba'i sprul pa'i sku ni brjod par bya ba yin la/ gdon mi za bar khong du chud pa ni dgos pa yin no/ /brjod bya las 'dod pa skyes pa ni de las byung ba'i 'brel pa yin no// dgos pa'i dgos pa ni 'jig rten dang 'jig rten las 'das pa'i dngos grub thob pa'o/ /bsdus pa'i don ni phyogs bcu dang dus gsum dang gnyis su med pa'i sems dang sems las byung ba ni de bzhin gshegs thams cad do/ /de'i dbu'i gtsug tor ni don dam par chos kyi dbyings kyi ye shes yin la/ kun rdzob tu ni dbu'i gtsug tor nas byung ba'i sngags kyi don sangs rgyas bcom ldan 'das gang+gA'i klung gi bye ma snyed kyis bsrungs pa dang/ skyab pa dang sba bar mdzad pa'i gsang sngags dang rig sngags dang snying po dang nye ba'i snying po'i dkyil 'khor gi 'khor lo bzhi phan yon tshogs dang bcas pa'o/ /de ltar dgos pa dang bsdus pa'i don bshad nas/ yan lag gi don brjod par bya ste/ lcang lo can gyi pho brang na gnas pa sdud par byed pa lag na rdo rje la 'khor sa bcu'i byang chub sems dpa' kun tu bzang po dang/ rdo rje chos la sogs pas bla gos lnga brgya bstan du bting nas/ chos kyi 'khor lo bskor ba'i mdo/ /bde

  678. 339b

    bar gshegs pas gang du gsungs/ /rdo rje 'chang ba khyod smros shig /shes rab sras po khyod smros shig /ces gsol ba btab pa'i rjes la 'di skad bdag gi thos pa zhes gleng slang pa gsungs so/ /lcang lo can gyi bdag po sa bcu'i dbang phyug gi blo dran pa nyams pa med pa'i ting nge 'dzin gyi tshig dang don me lus pa ni 'di skad do/ /'khor las thos pa ma yin pa dang/ sprul pa ma yin pa dang/ brgyud pa las ma yin pa dang/ phrin btang ba las thos pa ma yin pa las na bdag gis thos pa'o/ /bdag nyid kyis brtsams pa ma yin te/ bde bar gshegs pa las thos pa de ston pas na thos pa'o/ /khyod kyi dus nam gyi tshe thos/ ston pa gang las thos/ gnas gang du thos/ 'khor su dang lhan cig thos/ bshad pa'i chos de gang yin snyam pa la/ kun rdzob tu 'di dang lhan cig dus gcig gi tshe thos pas dus gzhan dag tu chos gzhan dag kyang thos pas thos pa mang ba dang/ don dam par sangs rgyas kyi byin gyis brlabs pas dus mdza' i skad cig ma gcig la blo gros chen pos rnam pa cig car nges te/ lhas stan pa'i rmi lam dus thung du la dus gsum gyi bskal pa rnams kyang cig car snang ba bzhin yin pas dus cig na'o/ /bdud bzhi bcom pas na bcom ldan 'das so/ /nyi ma bcu gnyis drag po bcu gcig phyogs skyong pa bcu ste dus gsum gyi bdag po brgya byin lha'i chos bzang zhes bya ba lha rnams chos nyan pas 'du ba'i phyir 'dun sa'i gnas na'o/ /der rgyun du bzhugs pa dang/ lan cig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas dang/ nyon mongs pa bcom pa'i dge slong 'dod khams dang/ gzugs khams kyi lha'i bu rab tu byung ba'i gzugs can ma yin pa de rnams bdud dang bdud kyis ris kyi lha rnams kyis mi phyed pas na dge 'dun no/ /bye ba phrag brgya stong gi gangs kyis che ba 'am/

  679. 340a

    dgra bcom pa zag pa zad pa la sogs pa'i yon tan gyis che bas na chen po'o/ /zad med skye med kyi byang chub sems dpa' i ye shes phun sum tshogs pa dang/ nyon mongs pa dang/ shes bya'i sgrib pa spangs pas phun sum tshogs pa dang ldan pa'i dpa' bo sems can la dmigs pa'i yon tan phun sum tshogs pa/ bskal pa chen po stong phrag brgyad cu rtsa bzhi mkhyen pa'i mngon par shes pa drug dang ldan pas yon tan gyis che ba 'am/ rdo rje'i rigs kyi pho nya drug cu rtsa bzhi la sogs pa'i grangs kyi che ba'i dge 'dun 'jig rten las 'das pa'i 'khor dang/ 'jig rten pa'i 'khor lha'i dbang po brgya byin la sogs pas yongs su bskor cing mdun gyis bltas te chos 'chad cing bzhugs so/ /shugs kyis na tshad med tshangs pa'i gnas pas legs ldan byed nag po la sogs pa 'dul ba dang/ bsam gtan lha'i gnas pas me dang chu dang rlung gi bskal pa'i bar du bsrung ba dang/ rnam thar 'phags pa'i gnas pas gdon stong phrag brgyad cu dang/ nad bzhi brgya rtsa bzhi rnams dpag tshad bcu gnyis kyi nang tshun chad du zlog par mdzad pas thabs gcig tu bzhugs pa'o/ /gdul bya rnams kyi bsam pa'i dus mkhyen pas de'i tshe bcom ldan 'das ting nge 'dzin la snyoms par bzhugs so/ /gdan bshams pa nyid ni pad+ma'i snying po'i seng ge'i khri zla ba'i dkyil 'khor dang nyi ma'i 'od mnga' ba rgya cher rol ba nas 'byung ba bzhin du thugs rje chen po'i nam mkha' ldong gis 'khor ba'i las dang nyon mongs pa'i chu srin bzung ba dang/ stobs bcu'i glang po che dang/ mi 'jigs pa bzhi'i seng ge dang/ sa yang dag par rig pa bzhi'i shang shang dang/ sangs rgyas kyi chos ma 'dres pa'i bya ba dang pas brgyan cing bshams pa nyid la bzhugs nas/ bcom ldan 'das rdo rje'i skyil mo krung dang mnyam par bzhag pa dang/ sku lus bsrang ba ni

  680. 340b

    shugs la shes par bya'o/ /dkyil 'khor gyi 'khor lo zhig skyed pa'i phyir gtsug tor rnam par blta ba zhes bya ba'i ting nge 'dzin la snyom par tshugs/ /snyoms par zhugs ma thag tu zhes bya ba ni rjes thogs la'o/ /bcom ldan 'das kyi mtshan sum cu rtsa gnyis kyi gtso bo dbu'i gtsug tor gyi dbus nas chos kyi dbyings rig cing khams gsum 'khor ba las skyob par byed pa'i gsang sngags 'di gsungs te/ gsang sngags kyi tshig 'di dag ni rjod byed yin pas zhal nas byung ba'o/ /de'i brjod bya'i don 'gro ba thams cad kyi skyabs su 'gro zhing phyag 'tshal ba'i gnas sangs rgyas dang/ chos dang/ dge 'dun gsum gtsug tor nas byung ba ni mdor bstan pa'o/ /de la sangs rgyas dkon mchog gi rgyas bshad ni yang dag par rdzogs pa'i sangs rgyas rnam par gzigs dang gtsug tor can dang thams cad skyob dang/ 'khor ba 'jigs dang/ gser thub dang/ 'od srungs dang/ shAkya thub pa bye ba phrag bdun dang/ byang chub sems dpa' i dge 'dun bye ba phrag bdun dang/ nyan thos kyi dge 'dun bye ba phrag bdun gyis bskor ba de/ de la byang chub sems dpa' i dge 'dun ni byams pa la sogs pa bskal pa bzang po'i byang chub sems dpa' stong ngo/ /nyan thos kyi dge 'dun ni dgra bcom pa dang/ rgyun tu zhugs pa mthong lam thob pa dang/ lan cig phyir 'od pa ni 'dod pa'i khams kyi nyon mongs pa drug pa spangs pa'o// phyir mi 'ong ba ni dgu spangs pa'o/ /yang dag par song ba ni 'bras bu bzhi la gnas pa'o/ /yang dag pa bzhugs pa ni 'dod pa'i khams kyi skad cig ma bco lnga thob pa ni rgyun tu zhugs pa'i rgyu dang/ 'dod pa'i khams kyi nyon mongs pa lnga spangs pa ni lan cig phyir 'ong ba'i rgyu dang/ bdun pa dang brgyad pa spangs pa ni phyir mi 'ong ba'i rgyu dang srid pa'i rtse mo'i chung ngu'i 'bring spangs pa ni dgra bcom pa'i rgyu la zhugs pa'o/ /bsam gtan bzhi thob pa'i lha'i drang srong sangs rgyas rab bdun gyi 'khor bzhi pa

  681. 341a

    dang rgyas pas phan 'dogs pa dang/ dbang dang mngon spyod kyis gnod pa byed pa'i bsam gtan gyi rig sngags kyi dmod pa 'dor ba rnams dang/ gzugs med pa'i snyoms par 'jug pa bzhi thob pa'i rig sngags 'chang grub pa'i drang srong phrin las rnam bzhis phan 'dogs nus pa rnams dang/ 'gog pa'i snyoms par 'jug pa thob pa mngon par shes pa lnga'i rig sngags 'chang grub pa rnams dang/ steng gi tshangs pa gzugs khams gnas rig bcu bdun gyi lha dang/ dbang po sum cu rtsa gsum gyi lha dang/ legs ldan drag po srid pa'i rtse mo'i ting nge 'dzin gyi dka' thub bsgom pa la u mas dka' thub zlog pa'i bdag po rtsa gsum 'chang ba'i 'khor dang bcas pa dang/ legs ldan lha ma yin gyi g.yul las rgyal pa khyab 'jug sred mod kyi bu rgyal chen rigs bzhi dga' rab dbang phyug dang phyag rgya chen po lngas phyag byas pa dang/ srid pa'i rtse mo ting 'dzin thob pa'i legs ldan nag po chen po rgyal po mdogs bkur ba'i grong khyer sum rtseg 'jig par byed pa'i dur khrod chen po so so li la sogs pa brgyad du gnas nas phyogs skyong pa brgyad kyi chung ma ma mo'i tshogs kyis phyag byas pas bskor ba'i de bzhin gshegs pa'i dkyil 'khor byung ste/ de dag thams cad ni rje rigs bdun du nges te/ rnam par gzigs ni de bzhin gshegs pa'i rigs so/ /gtsug tor can ni pad+ma rigs so/ /thams cad skyobs ni rdo rje'i rigs so/ /'khor ba 'jig ni nor bu'i rigs so/ /gser thub ni dpal gyi glang po ches bzhin du dpung gi tshogs 'dul bas na glang po'i rigs so/ /'od srungs ni sems can thams cad la byang chub kyi sems bskyed pas gzhon nu'i rigs so/ /shAkya thub pa ni klu'i rgyal po rgya mtsho dang ma dros pa la sogs pa

  682. 341b

    btul bas klu'i rigs so/ /de ltar sangs rgyas rabs bdun dang/ steng mi mjed kyi 'og min gyi tsandan sprul gyi snying po'i zhing khams na nyon mongs pa dang shes bya'i sgrib pa spangs bsad pa'i brtan pa'i sde ye shes phun sum tshogs pa tshon cha'i rgyal po dang/ shar phyogs mngon par dga' ba'i mi bskyod pa dang/ lho phyogs rdul dang bral ba'i sman gyi bla bai DUrya'i 'od kyi rgyal po dang/ nub phyogs bde ba can gyi sa la'i dbang po'i me tog kun tu rgyas pa dang/ byang phyogs 'brug sgra bsgrag pa'i shAkya thub pa dang/ byang shar gyi mtshams kyi ting nge 'dzin dam pa na rin po che'i tog gi rgyal po dang/ shar lho'i mtshams kyi byang chub kyi rgyan na kun tu bzang po dang/ lho nub gyi mtshams kyi rdul dang bral ba na rnam par snang mdzad dang/ nub byang gi mtshams kyi dbang du gyur pa na spyan rgyas pa utpa la'i dri tog gi rgyal po byang chub sems dpa' dang/ nyan thos kyi dge 'dun dang 'jig rten pa'i 'khor dang bcas pa de rnams la phyag 'tshal nas bya ba ni/ ma 'ongs pa'i gsang sngags kyi sgo'i spyad pa spyod par 'dod pa rnams kyis rang gi spyi gtsug nas 'od zer 'phros pas tshogs sogs pa'i lha de rnams spyan drangs la yon chab dang bcas pa'i mchod pa lngas mchod pa dang/ sdig pa bshags pa dang/ rjes su yi rang ba dang/ chos kyi 'khor lo bskor bar bskul ba dang/ yongs su mya ngan mi 'da' bar gsol ba gdab pa dang/ lus dbul zhing dge ba'i rtsa ba bsngo'o/ /zhes bya ba'i don yin no/ /de ltar tshogs bsags pa'i dkyil 'khor bshad nas bsrung ba'i 'khor lo ston pa ni/ bcom ldan 'das de bzhin gshegs pa'i dbu'i gtsug tor nas byung ba'i gdugs dkar mo can gyi lha khro mo bcu bdun byung ba ni bdud dang bdud kyi rigs kyi lha gzhan gyis mi thub par/ /bcod pa bcu bdun phyir bzlog pa chen mo 'di zhes

  683. 342a

    bya ba ni dbus kyi khro mo gzhan gyis mi thub pas 'byung po'i gdon phyogs skyong bcu'i rigs thams cad tshar gcod par byed do/ /shar phyogs kyi gtum pa chen mos ni gzhan gyi rig sngags thams cad gcod par byed do// lha mo 'bar ma chen mos ni dus ma yin par 'chi ba brgyad po thams cad bzlog go /nub phyogs kyi dkar mo chen mos ni bsod pa dang bcings pa thams cad las grol bar byed do/ /byang phyogs kyi sgrol mas ni ngan song du skye ba'i rmi lam ngan pa thams cad zlog go /byang shar gyi rgyal ba'i rdo rje mas ni gnod sbyin dang/ srin po'i gdon thams cad 'jig go /shar lho mtshams kyi pad+ma'i mngon mtshan can gyis ni gdon stong phrag brgyad cu 'jig go /lho nub mtshams kyi gzhan gyis mi thub mas ni rgyu skar nyi shu rtsa brgyad 'dul lo/ /nub byang gi rdo rje mchus ni gza' chen po brgyad 'jig go /phyi rol gyi mtshams gyi zhi ba'i lha mos ni dgra thams cad bzlog go /mtshams gnyis pa'i zhi ba gser phreng mas ni gza' sgra gcan 'dzin ma rungs pa 'jig go /mtshams gsum pa'i dkar chen 'bar ba mas ni sdang ba gshin rje'i gdon 'jig go /mtshams bzhi'i 'phags ma sgrol mas ni 'chi ltas kyi rmi lam ngan pa thams cad las 'jig go / shar sgo'i rdo rje lu gu rgyud kyis ni dug thams cad zlog go /lho sgo'i rdo rje gzhon nu mas ni mtshon thams cad zlog go /nub sgo'i lag na rdo rjes ni me dang chu las zlog go /byang sgo'i rin chen mas ni ngan 'gro'i 'jigs pa thams cad las sgrol ba ste/ khro mo de rnams kyi mtshan dang sku mdog dang phyag mtshan ji lta bu zhe na/ gzhan gyis mi thub drag shul che/ /zhes bya ba la sogs pa gsung ste/ gzhan gyis mi thub pa ni mtshan no/ /drag shul chen mo

  684. 342b

    mdog nag mo rdo rje dang sdigs mdzub mdzad pa'o/ /shar phyogs kyi gtum mo chen mo ni mtshan no/ /stobs chen mo ni sku mdog dkar mo 'khor lo dang sdigs mdzub mdzad pa'o/ /lho phyogs kyi 'bar ba chen po ni mtshan no/ /gzi brjid che ni sku mchog ser mo rin po che dang sdig mdzub mdzad pa'o/ /nub phyogs kyi dkar chen 'bar phreng ma ni mtshan no/ /gos dkar mo ni sku mdog dmar mo pad+ma dang sdigs mdzub mdzad pa'o/ /byang phyogs kyi 'phags ma sgrol ma ni mtshan no/ /khro gnyer can ni sku mdog ljang gu sna tshogs rdo rje dang sdigs mdzub mdzad pa'o/ /byang shar mtshams kyi rgyal ba rdo rje ma'i mtshan no/ /phreng zhes grags zhes bya ba ni sku mdog sngon mo dbyibs dang sdigs mdzub mdzad pa'o/ /shar lho mtshams kyi pad+ma'i mngon mtshan no/ /rdo rjes mtshan ni sku mdog ser mo rdo rjes mtshan pa'i lcags kyu dang sdigs mdzub mdzad pa'o/ /lho nub mtshams gyi gzhan gyis mi thub pa ni mtshan ni/ /phreng ba can ni sku mdog dmar mo rdo rje'i phreng ba dang sdigs mdzub mdzad pa'o/ /nub byang mtshams kyi rdo rje'i chu can rin chen no/ / rnam sgeg mo ni sku mdog ljang gu ral gri dang sdigs mdzub mdzad pa'o/ /mtshams kyi lha mo mchod pa byed pa bzhi ni zhi ba'i lha rnams ni mtshan no/ /mchod pa ni nye ba'i lha mo sangs rgyas spyan yin pas sku mdog dkar mo bdug spos dang sdigs mdzub mdzad pa'o/ /gnyis pa'i mtshan ni zhi ba mo'o/ /gser gyi phreng ba can ni sku mdog ser mo gser gyi phreng ba dang sdig mdzub mdzad pa'o/ /gsum pa dkar chen 'bar phreng ma ni mtshan no/ /gos dkar mo ni sku mdog dkar dmar me 'bar ba dang sdigs mdzub mdzad pa'o/ /bzhi pa 'phags ma sgrol ma ni mtshan no/ /stobs chen mo ni sku mdog ljang gu dri'i dung chos dang sdig mdzub mdzad pa'o/ /shar sgor rdo rje lu gu rgyud ni mtshan no/ /gzhan ni sku mdog

  685. 343a

    sngon mo rdo rje lu gu rgyud dang sdigs mdzub mdzad pa'o/ /lho sgo'i rdo rje gzhon nu ni mtshan no/ /rigs 'dzin na ni sku mdog ser mo zhags pa dang sdigs mdzub mdzad pa'o/ /nub sgo'i 'gan rdo rje'i rigs ni mtshan no/ gser phreng ni sku mdog dmar mo lcags kyu dang sdigs mdzub mdzad pa'o/ /byang sgo'i rin chen ma ni mtshan no/ /le brgan rtsi ni sku mdog dmar ljang dril bu dang sdigs mdzub mdzad pa'o/ /khro mo bcu bdun po de rnams gang gi rigs yin zhe na/ rnam par snang mdzad rigs zhes gsungs so/ /gang nas skyes zhe na/ gtsug tor grags zhes bya ste/ dbu'i gtsug tor las skyes pa'o/ /khro mo bcu bdun po de rnams kyi phyag rgya'i dkyil 'khor dang/ phyis 'byung ba'i gsang sngags kyi tshogs bcu gsum po de dag thams cad kyis rnal 'byor pa bdag cag 'khor dang bcas pa dang/ khams gsum gyi sems can thams cad bsrung du gsol zhes 'khor lo'i lha dang sngags la gsol ba 'debs pa'o/ /de rnams kyi sngags ni oM sarba thA ga toSh+Ni Sha si tA ta pa tre zhes bya ba ni de bzhin gshegs pa thams cad kyi gtsug tor byung ba'i gdugs dkar mo can zhes bod pa'o/ /hUM druM h+rI(rgyud 'grel): Sh+ToM zhes bya ba ni gtso mo gzhan gyis mi thub ma ni 'byung po'i gdon thams cad tshang gcod par gyis shig pa'o/ /shar phyogs kyi gtum chen mo'i sngags dzaM b+ha na kA rI hUM druM h+ri(rgyud 'grel): Sh+ToM zhes bya ba ni gzhan gyi rig sngags thams cad chod cig ces pa'o/ /yi ge hUM gis 'gugs pa dang/ druM gis gzhug pa dang/ h+rI(rgyud 'grel): sa 'ching ba dang/ Sh+ToM gyis dbang du byed pa'o/ /de ltar yi ge bzhi'i don ni thams cad la sbyar par bya'o/ /lho phyogs kyi 'bar ba ched mo'i sngags ni staM b+ha na kA rI dang/ yi ge bzhis dus ma yin par 'chi ba brgyad zlogs shig

  686. 343b

    pa'o/ /nub phyogs gyi gos dkar mo'i sngags ni mo ta na kra rI dang/ yi ge bzhis rgyal po'i chad pa'i gsod pa dang 'ching ba las khrol cig pa'o/ /byang phyogs kyi sgrol ma'i sngags ni sam+b+hak+Sha Na kA rI dang/ yi ge bzhis rmi lam ngan pa thams cad zlogs shig pa'o/ /byang shar gyi rgyal ba'i rdo rje ma'i sngags ni band+hana kA rI dang/ yi ge bzhis gnod sbyin dang srin po'i gdon thams cad 'jig par gyis shig pa'o/ /shar lho'i pad+ma'i mngon mtshan can ma'i sngags ni par gi la b+hakA Na kA rI dang/ yi ge bzhis gdon stong phrag brgyad cu rtsa bzhi 'jig par gyis shig pa'o/ /lho nub kyi gzhan gyis mi thub ma'i sngags ni sarba duSh+Ta Na pra duSh+Ta Na stwaM b+ha na kA rI dang yi ge bzhis rgyu skar nyi shu rtsa brgyad zhi bar gyis shis pa'o/ /nub byang gi rdo rje mchu'i sngags ni sarba yak+Sha rak+Sha sa gra hA NI bi d+haM? sa ni kla rA rI dang/ yi ge bzhis gza' chen po brgyad 'jig par gyis shig pa'o/ /nye ba'i lha mo bzhi ni zhi ba yin pas sngags snga ma dang 'dra bar dgongs so/ /shar phyogs kyi sgo'i rdo rje lu gu rgyud kyi sngags ni sarba par gi dyAM ts+tsho da na kA rI dang/ yi ge bzhis dug thams cad zlog shig pa'o/ lho phyogs kyi sgo'i rdo rje gzhon nu ma'i sngags ni tsa durshi ti nAM gra ha swA NAM bi d+hwaM sa na kA rI dang/ yi ge bzhis mtshon thams cad zlogs shig pa'o/ nub phyogs kyi sgo'i lag na rdo rje'i sngags ni aSh+ma bi sha tI nI nak+Sha? tra NAM pra sa da na kA rI dang/ /yi ge bzhis me dang chu las zlog shig pa'o/ byang gi sgo'i rin chen ma'i sngags ni aSh+Ta nAM mahA gra NAM bi d+hAM sa na kA rI dang/ yi ge bzhis ngan 'gro'i 'jigs pa thams cad las sgrol cig pa'o/ /yi ge bzhi po de yang bdud bzhi 'joms pa dang/ nyon mongs pa bzhi spong pa dang/ sgrib pa bzhi sbyong ba dang/ /ye shes bzhi dgug bzhug gi phrin las bzhi byed par gsungs so/ /rak+Sha rak+Sha mAM sarba sa twAM shtsa zhes

  687. 344a

    bya ba ni bdag dang sems can thams cad srungs shig srungs shig/ gsol ba 'debs par byed pa yin no/ /da ni phyogs skyong ba bcu 'dul ba'i dkyil 'khor khro mo bcu gcig gi sku'i dkyil 'khor bsgoms te/ sngags bcu gcig bzlas nas bsnyen pa 'bum dang nye ba'i bsnyen pa khri byas nas/ grog mkhar sa'am dur khrod kyi sa la gdon la sogs thams cad kyi ling ga byas la de'i snying gar hUM druM h+rI(rgyud 'grel): Sh+To gyi dbus su gdon la sogs pa'i ming bris la phyi rol nas tadya tA/ oM a na le a na le zhes bya ba la sogs pa'i sngags 'khor lo rtsibs brgyad la dgod/ phyag na rdo rje'i 'khrul 'khor gyi sngags lte ba la bkod nas ling ga'i snying gar bcug ste dum bur gtubs nas me la sbyin sreg bya ba 'am/ yang na phur bus btab nas mnan pa bya'o zhes pa/ bcom ldan 'das ma de bzhin gshegs pa'i gtsug tor nas byung ba gdugs dkar mo can rdo rje gtsug tor phyogs bcu'i gdon phyir zlog mtshan mo zhes bya ba ni mtshan yin no/ /de'i sku mdog dang phyag mtshan bshad pa ni phyag stong mnga' ba chen mo zhes bya ba ste/ bskal pa bzang po'i sangs rgyas stong gi sprul pa rdo rje brgya dang 'khor lo brgya dang/ rin po che 'bar ba brgya dang/ pad+ma 'bar ba brgya dang/ sna tshogs rdo rje 'bar ba brgya dang/ mda' dang gzhu 'bar ba nyis brgya dang/ ral gri dang zhags pa 'bar ba nyis brgya dang/ lcags kyu phyag na bsnams pa'o/ /dbu stong mnga' ba chen mo ni bskal ba bzang po'i sangs rgyas stong gi zhal sgeg po brgya dang/ 'jigs su rung ba brgya dang/ rgod pa brgya dang/ gshe ba brgya dang/ rngam pa brgya dang/ snying rje brgya dang/ zhi ba brgya dang/ ngo mtshar ba brgya dang/ drag po mi sdug pa brgya ste stong la spyan gsum gsum mnga' bas spyan bye ba brgya stong mnga' ba zhes bya'o/ /bu stong gi steng na sangs rgyas bye ba

  688. 344b

    phrag bdun dang/ sangs rgyas dpa' brtan pa'i sde la sogs pa dgus cod par mdzad pas na mi phyed pa'o/ /ba spu'i bu ga nas skal pa chen po'i me'i 'od zer 'phro bas na 'bar ba'i mtshan rtags can no/ zhabs stong rdo rje yangs pa chen mos sa gsum gyi dkyil 'khor thams cad du bdag dang sems can thams cad kyi rgyal po'i 'jigs pa nas zas su sbyin sreg za bar de dag thams cad zhabs kyis mnan par mdzad pa'o/ /de phyir bdag dang sems can thams cad bde legs su gyur cig ces gsol ba gdab po/ /de'i shar phyogs kyi 'khor lo'i rtsibs la rnam par bsgyings pa'i rdo rje ma sngon mo rdo rje dang utpa la bsnams pa'o/ /lho phyogs kyi rtsibs la gser 'od lta bus spyan mnga' ma/ ser mo 'khor lo dang/ pad+ma dkar po'i steng na spyan dang ldan pa'o/ /nub phyogs kyi rtsibs la dkar mo pad+ma'i rdo rje dang pad+ma'i sdong bu bsnams pa'o/ /byang phyogs kyi rtsibs la rdo rje 'gros ljang gu sna tshogs rdo rje dang utpa la bsnams pa'o/ /byed shar mtshams su pad+ma'i spyan dmar mo 'khor lo dang pad+ma bsnams pa'o/ /shar lho mtshams su zla 'od dkar mo rdo rje dang zla ba tshes pa bsnams pa'o/ /lho nub mtshams su sangs rgyas dpal dmar mo pad+ma'i rdo rje dang/ pad+ma'i steng na snang ba mdza' yas bsnams pa'o/ /nub byang gi mtshams su de bzhin spyan ser mo sna tshogs rdo rje dang utpa la'i steng na spyan dang ldan pa'o/ /shar phyogs su steng gi lha mo rdo rje nyi ma 'od ces bya ba dmar mo rdo rje dmar mo bsnams pa'o/ /de bzhin du nub phyogs su 'og gi lha mo zla ba rdo rje 'dzin zhes bya bar dkar mo rdo rje dang zla ba bsnams pa'o/ /de bcu'i rigs pa ni hUM druM bcu tham pa'o/ /phyag rgya ni sku mdog dang phyag mtshan can gyi lha'o/ /gsang sngags kyi tshogs ni 'og nas 'byung ba'i sngags bcu'o/ /de dag thams cad kyis

  689. 345a

    zhes bya ba ni sku gsung thugs de dag gis so/ /bdag dang sems can thams cad kun nas bsrung bar mdzad du gsol zhes bya ba ni bden ba bdar nas gsol ba 'debs pa'o/ /de la gtsug tor zlog ma chen mo'i sngags ni oM ri Shi ga Na zhes bya ba nas hUM druM zhes bya ba'i bar yi ge nyi shu rtsa gsum pas bsrung ba la sogs pa'i phrin las bzhi byed do/ rnam sbyings rdo rje ma'i dzam+b+ha na kA rI hUM druM zhes bya bas 'jigs pa dang/ gdon dang za ba po rnams dang/ rig sngags 'chang ba dang bzhi la hUM gis rdo rjes gcad pa dang/ druM gis phur bus gdab pa'o/ /gser 'od lta bu'i stwaM b+ha na ka ri hUM druM gis ni 'jigs pa dang/ gdon dang/ za ba po rnams dang/ rig sngags 'chang ba dang bzhi la 'khor los gcad pa dang phur bus gdab pa'o/ /rdo rje dkar mo'i ma hA bidyA saM b+hak+Sha Na kA ri hUM druM gis ni snga ma bzhin du bzhi la dbang rdo rjes gcod cing phur bus 'debs pa'o/ /rdo rje 'gros ma'i pa ra bi dyA sam+b+hak+Sha na kA ri hUM druM zhes bya bas snga ma bzhin du bzhi la sna tshogs rdo rjes gcod cing pur bus 'debs pa'o/ /pad+ma'i sbyan gyis sarba duSh+Ta NAM stwaM b+ha na kA ri hUM druM/ zhes bya bas snga ma bzhi du bzhi la 'khor los gcod cing phur bus 'debs pa'o/ /zla 'od kyis sarba yak+Sha rak+Sha sa gra hA NI bi b+hid+d+haM sa na kA ri hUM druM zhes bya bas snga ma bzhin du bzhi la rdo rjes gcod cing phur bus 'debs ba'o/ /sangs rgyas dpal gyi tsa tu rA shi tInAM gra hA sa ha sra NAM bi d+hAM sa na kA rI hUM druM zhes bya ba snga ma bzhin du bzhil pad+ma'i rdo rje gcod cing phur bus 'debs pa'o/ /de bzhin sbyin gyi aSh+Ta bi sha tI nA nik+Sha tra NAM pra sa da na kA ri hUM druM zhes bya bas snga ma bzhin du bzhi la sna tshogs rdo rjes gcod cing phur bus 'debs pa'o/ /steng gi rdo rje nyi ma'i 'od dang/

  690. 345b

    'og gi de bzhin zla ba rdo rje 'dzin ma dang gnyis kyi sngags gcig ste/ aSh+Ta NAM ma hA gra ha thAM? bigAM sa na kA ri hUM druM zhes bya bas rdo rjes gcod cing phur bus 'debs pa'o/ /de rnams kyi phrin las bstan pa ni bcom ldan 'das ma zhes pa nas rdo rje yangs ba chen mos zhes bya ba'i bar du dkyil 'khor gyi 'khor lo'i lha byed pa po yin par ston to/ /gnas ni gsum gyi dkyil 'khor du bsrung bar bya ba ni bdag dang sems can thams cad do/ /mi mthun pa'i phyogs gang las bsrung zhe na/ rgyal po'i 'jigs pa nas gcan gzan khro bo'i 'jigs ba'i bar du rak+Sha rak+ShamA zhes pas bdag la srungs shig srungs shig ces pa'o/ /yang gnyis pa gang las bsrung zhe na/ pho nya king ka ra'i gdon las te/ lha'i gdon las cher ma 'don pa'i gdon gyi bar la sa rak+Sha rak+ShaM mA zhes pas bdag bde ler? su gyur cig ces pa'o/ /de rnams ci zhig za snyam pa la/ lha mdangs za ba dang/ klu mang la za ba dang/ lha ma yin khrag 'thung ba dang/ gnod sbyin zhag za ba dang/ srin po sha dra ba dang/ yi dags tshil za ba dang/ sha za rkang za ba dang/ 'byung po bcas pa za ba dang/ grul bum srog 'phrog pa dang/ srul po skyugs? pa za ba dang/ lus stsal po phyi sa za ba dang/ skem byed gcin thung ba dang/ rje dbyed stor khung nas 'bab pa 'thung ba dang/ smyo byed lhag ma za ba dang/ grib gnon snabs za ba dang/ gnon po dang snangs za ba dang/ mkha' 'gro ma mi gtsang bza' ba dang/ nam gru gtor ma za ba dang/ gshin rje phreng ba za ba dang/ bya'i gdon dri za ba dang/ ma mo dga' bar byed pa me tog za ba dang/ kun tu 'breng ba 'bras dang/ lo tog za ba dang/ tshor ma 'don ba zas? su? sbyin sreg bar ste/ gdon de dag thams cad kyi 'jigs pa dang/ rig sngags rnams li da ga la mtshon gyis bcad do/ /ling gal phur bus btab nas mnan par bya'o/ /de bzhin du gdon pho nya de dag gtong bar byed pa dang po mu stegs kyi kun tu rgyu

  691. 346a

    dang/ gnyis pa mkha' 'gro ma rnams dang/ gsum pa tshangs pa dang/ bzhi pa dbang phyug chen po dang/ lnga pa khyab 'jug sred med kyi bu dang/ drug pa nam mkha' lding dang/ bdun pa nag po chen po dang/ brgyad pa gshin rje'i chung ma ma mo'i tshogs dang/ dgu pa mu stegs kyi brtul zhugs mi'i thod pa can dang/ bcu pa rgyal bar byed pa la sogs pa ming po gsum dang/ bcu gcig pa sring mo bzhi dang/ bcu gnyis pa b+hid+ga ri ti dang/ dga' byed dbang phyug dang/ tshogs kyi bdag po spun gsum pa rgyal tshab tu dbang bskur ba 'jig rten dbang phyug 'khor dang bcas pa dang/ bco brgyad pa lag na rdo rje 'khor dang bcas pa thams cad dang/ bcu dgu pa pho nya phyogs skyong ba bcu dang/ pho nya mo de rnams kyi chung ma bcu dang/ bran? phos? 'og gi phag dang/ gshin rje dang/ log 'dren dang/ klu bzhi dang/ de'i chung ma bzhi bran mor byas pa dang/ nyi shu pa dang srong gi tshogs dang/ nyer gcig pa lha'i tshogs dang/ nyer gnyis pa mi 'phrod pa za ba'i tshogs kyi ling ga dum bur bcad nas sbyin sreg bya ba dang/ phur bus btabs nas mnan pa bya ba ni snga ma bzhin du shes par bya'o/ /de ltar tshogs bsags pa'i dkyil 'khor dang/ bsrung bas phyir blog pa'i dkyil 'khor dang/ gdug pa thams cad tshar gcod pa'i dkyil 'khor gsum bshad nas/ da ni gtsug tor gdugs dkar mo can bdag nyid bsgom pa'i dkyil 'khor bshad bar bya ste/ dang po stong po'i byang chub dang/ gnyis pa zla ba'i dkyil 'khor dang/

  692. 346b

    gsum pa yig 'bru dang/ bzhi pa rdo rje dkar mo rtse dgu pa dang/ lnga pa sku yongs su rdzogs pa dang/ drug pa lus la lha dgod par ste cho ga de rnams kyis rang nyid lhar skyed pa dpag tshad bcu gnyis kyi nang tshun chad du nang bzhi brgya rtsa bzhi dang/ gdon gyi rigs stong phrag brgyad cu tshar bcad par bya ba'i phyir bdag nyid gtsug tor dkar mo zhal lnga la phyag brgyad par bsgoms te/ zhal bzhi dkar po steng ma sngon po'o/ /phyag dang po na rdo rje 'bar ba/ gnyis pa na ral gri/ gsum pa na gtun shing/ bzhi pa na 'khor lo/ /g.yon gyi dang po na lcags kyu/ gnyis pa na dgra sta/ gsum pa na mdung/ bzhi pa na zhags pa bsnams pa/ nyi ma'i 'od mnga' ba/ me dpung 'bar ba'i dbus na bzhugs pa/ de dang tha mi dad kyi ye shes sems dpa' dang gcig tu gyur pa bsams la/ bcom ldan 'das ma zhes bya ba nas bdag la bsrung du gsol bsrung du gsol zhes bya ba'i bar gyis phyag 'tshal zhing gsol ba btab nas snying po bzla bar bya ste/ oM a si ta a na lArka pra b+hA phu ta te zhes bya ba'i yi ga'i don ni mi thub pa nyi ma'i 'od zer 'phro ba'o/ /bi ka si tA pa tre gtsug tor dkar mo yangs pa'o/ /oM badzra la dzwa la ni g.yas pa'i rdo rje 'bar ba'o/ /kha nga? kha da ni ral gris gcod cing za ba'o/ /ha na ha na ni ga tu na shing gis bsnun pa'o/ /d+ha ra d+ha ra ni 'khor lo 'chang ba'o/ /bi d+ha ra bi d+ha ra lcags kyus 'dzin pa'o/ /ts+tshinda ts+tshinda ni dgra ltas gcod pa'o/ /b+hinda b+hinda ni mdung gis 'bigs pa'o/ /band+ha band+ha ni zhags pas 'ching ba'o/ /hUM hUM ni thabs dang shes rab bo/ /phaT phaT ni dug pa 'dul ba'o/ /swA hA ni zhi ba'o/ /de ni snying po'o/ /he he phaT ces pas mgo bo la rnam bsgyings rdo rje ma snga ma bzhin du bsam mo/ /ho ho phaT ces pas lkog mar gser

  693. 347a

    'od lta bu'i sbyan mnga' ma bsam mo/ /a mo g+ha ya phaT ces bya ba snying kar rdo rje 'gros bsam mo/ /a pra ta hi ta ya phaT ces pas lte bar dkar mo bsam mo/ /ba ra dA ya phaT ces pas dpung pa g.yas pa la pad+ma'i spyan bsam mo/ / ba ra pra dA ya phaT ces pas dpung ba g.yon ma ba zla 'od bsam mo/ /a su ra bi drA ba na ka rA ya phaT ces pas brla g.yas pa la sangs rgyas dpal bsam mo /pa ra bi drA ba na ka rA ya phaT ces pas brla g.yon pa la de bzhin spyan bsam mo/ /mig g.yas pa la rdo rje nyi ma'i 'od bsam mo/ /mig g.yon pa la de bzhin du zla ba rdo rje 'dzin bsam mo/ /de ltar bskyed nas shar phyogs su in+d+ra ye phaT ces pas brgya byin dang/ shar lhor ag na ye phaT ces pas me lha dang/ lhor ya ma ye phaT ces pas gshin rje dang/ lho nub tu nai ri ta ye phaT ces pas bden bral dang/ nub tu ba ru na ye phaT ces pas chu lha dang/ nub byang du ma rU ti ye phaT ces pas rlung lha dang/ byang du sau ma ye phaT ces pas gnod sbyin dang/ byang shar du a'i shA na ye phaT ces pas dbang ldan dang/ shar sgor kA la daN+Di ye phaT ces bas dbyug pa nag mo dang/ lho sgor kA la rA dri ye phaT ces pas dus mtshan nag mo dang/ nub sgor yam daN+Di ye phaT ces pas gshin rje dbyig pa ma dang/ byang sgor ya ma rA tI ye phaT ces gshin rje dus mtshan dang/ dur khrod brgyad kyi gnas su ka pA li ye phaT ces pas zhing skyong rnams dang/ dur khrod rnams su a ti mu ka tit+ma shAn ba si nI ye phaT ces pas bas mo brgyad dgod do/ oM Sh+To band+ha band+ha raksha rak+Sha mAM swA hA zhes bya bas ni lha'i gdon la sogs pa nas tshong ma gdon pa'i gdon gyi bar du zhags pas chings la bdag la srungs shig ba'o/ /de nas gtor ma byin la sngags kyi

  694. 347b

    phrin las bcol ba ni sarba de bi b+hya(rgyud 'grel): phaT ni lha mo rnams la'o/ /na ga ni klu'i 'o/ /yak+Sha gnon sbyin no/ /rak+Sha sa ni srin po'o/ /b+hu ta ni 'byung po'o/ /pre ta ni yi dags so/ /pi ShA tsi ni sha za'o/ /kuM b+ha na Da Ni grul bum mo/ /pU ta na ni srul po mo/ /ka Ta pU ta na ni lus srul po'o/ /skan de ni skam byed do/ /un mA da ni smyo byed do/ /ts+tsha yA ni grib gnon no/ /a ba smA ra ni/ rjed byed do/ /o sta ra kI ni gnon po'o/ /DA ki ni mkha' 'gro ma'o/ /re ba ta ni ni gru'i gdon no/ /ya ma ka ni gshin rje'i gdon no/ /sha ku na ni bya'i gdon no/ /ma tri ga na ni ma mo dga' bar byed pa'i gdon no/ /kam bu ki ma na ni kun du 'gro ba'i gdon no/ /a ba laM ba ga ni re lde'i gdon no/ /ka Ta Da ni kun tu 'gro ba'i gdon no/ /kaN+Di ni tsher ma 'don pa'i gdon no/ /ganb+harba ni dri za'i gdon no/ /a su ra ni lha ma yin gyi gdon no/ /ki Na ra ni mi 'am ci'i gdon no/ /ga ru Da ni nam mkha' lding ngo/ /ma ho ra ga ni lho 'phye chen po'o/ /dur laM kri ta ni bsgoms nyes so/ /du: prek+Shi ti ni blta nyes so/ /dzA ra ni rims so/ /b+ha ye ni 'jigs pa'o/ /u ba dra ba ni nye bar 'tshe ba'o/ /u ba sarba ba ni nye bar gnod ba'o/ /sh+ra ma Na ni dge sbyong mgo reg go /tI rthi ka ni dge sbyod gcer bya'o/ /pA ta ka ni rgyal mtshan 'chang ba'o/ /birya b+ha ra ni rig pa 'dzin pa'o/ /dza ya ka ra ni rgyal bar byed pa'o/ /ma d+hu ka ra ni sbrang rtsir byed pa'o/ /sarba artha sA d+ha ka ni don kun grub pa ste ming po gsum mo/ /ba tur b+hyo b+ha gi ni sring mo bzhi'o/ /badzra ku mU ra badzra ku lan b+ha ra ni rdo rje gzhon nu rigs 'dzin no/ /mahA pra tyAM gi ni gshed byed do/ /badzra sh+ri kha la ya pra tyAM gi ra rA dza ni rdo rje lcags sgrog gshed byed kyi rgyal po'o/ /mahA kA lA ya mA tri ga na ma(rgyud 'grel): kri ta ya ni nag po chen

  695. 348a

    po ma mo'i tshogs kyis phyag byas pa'o/ /prahmA Ni na tshongs ma'o/ /biShtu bi ni khyab 'jug ma'o/ /ma he shwa ri ni dbang phyug chen mo'o/ rU? di? ni drag mo'o/ /mahA kA li nag mo chen mo'o/ /tsa muN+Di ni gshin rje'i chung ma'o/ /ku mA ri ni gzhon nu'o/ /bA rA hI ni phag mo'o/ /de rnams la gtor ma byin la sngags rnams kyis bsngos ste smon lam gdab par bya'o/ /sems can gang su dag bdag la gdug pa dang gdug pa'i sems dang ldan pa zhes bya ba nas ston brgya mthong bar gyur cig ces bya ba'i bar du smon lam gdab par bya'o/ /gnod sbyin dang gdon gang su dag zas su mdangs za zhes bya ba nas zas su gtor khung nas 'bab pa 'thung pa rnams dang zhes bya ba'i bar ni sngar bshad zin pa'i cho 'brang brjod pas 'tshang brus nas gtor ma len pa'o/ /sdig pa'i sems dang ldan pa zhes bya ba nas ston brgya mthong bar gyur cig ces bya ba'i bar du gdon de rnams las bdag bsrung bar mdzad du gsol zhes phrin las bcol ba'o/ /gdon las bsrung bar bstan nas/ nad las bsrung pa'i phrin las bcol ba ni rims nyin gcig pa zhes bya ba nas nying lag na bsal du gsol zhes bya ba'i bar gyis nad med pa'i phrin las bcol ba'o/ /gdugs dkar mo can zhes bya ba nas chu srin la sogs pa'i srog chags rnams bsal du gsol zhes bya ba'i bar gyis 'byung pa dang ro langs dang mkha' 'gro ma dang gnod sbyin dang srin bos byas pa'i nad dang srog chags kyi glo bur gyi gnod pa rnams bsal du gsol zhes bya bas phrin las gsum bcol ba'o/ /de dag thams cad kyi ling ga byas la snying gar ming yig bcug ras rig sngags dang gzi brjid bcing ba'i mnan pa bya ba dang/ dag bo gzhan thams

  696. 348b

    cad kyi rig sngags bcing pa'i mnan pa bya ba dang/ dpag tshad bcu gnyis kyi nang tshun tshad du mtshams bcing pa dang phur bus gdab par bya'o/ /snying po'i dkyil 'khor ni cho ga ste bzhi pa'o// //de nas nye ba'i snying po bshad pa ni/ tadya thA zhes pa nas bi nA ya kaM hUM hUM phaT phaT swA hA zhes pa'i bar gyis nye ba'i snying po'o/ /sus zhes bya ba ni khyim pa 'am rab tu byung ba 'am khye'u 'am bu mo gang la la zhes bya ba'i don no/ /de bzhin gshegs ba thams cad kyi gtsug tor nas byung ba'i gdug dkar mo can gzhan gyis mi thub pa zhes bya bas ni ras la bri ba'i cho ga bstan te/ phyir bzlog pa'i rig sngags kyi rgyal mo 'di zhes bya ba ni sngags kyi gdon gzhan gyis mi thub drag shul che/ zhes bya ba 'khor lo'i lte ba la sku mdog nag mo rdo rje dang sdigs mdzub mdzad pa'o/ /de'i shar gyi rtsi bas la gtum pa chen mo stobs chen mo zhes bya ba sku mdog dkar mo 'khor lo dang sdigs mdzub mdzad pa'o/ /lho'i rtsibs la 'bar ba chen mo gzi brjid che zhes bya ba sku mdog ser mo rin po che rdo rjes mtshan pa dang sdigs mdzub mdzad ba'o/ /nub kyi 'khor lo'i rtsibs la dkar chen 'bar phreng gos dkar mo zhes bya ba sku mdog dmar mo rdo rje pad+ma dang sdigs mdzub mdzad pa'o/ /byang gi rtsibs la 'phags ma sgrol ma khro gnyer can zhes bya ba sku mdog ljang gu sna tshogs rdo rje dang sdigs mdzub mdzad pa'o/ /byang shar gyi rtsibs la rgyal ba'i rdo rje phreng zhes grags pa zhes bya ba sku mdog sngon mo dbyug pa dang sdig mdzub mdzad ba'o/ /shar lho'i rtsibs pa? pad+ma'i mdon? mtshan zhes bya ba sku mdog ser mo lcags kyu dang sdigs mdzub mdzad pa'o/ lho nub kyi rtsibs la gzhan gyis mi thub phreng ba can zhes bya ba sku mdog dmar mo rdo rje phreng ba dang sdig mdzub mdzad pa'o/ /nub byang gi rtsibs

  697. 349a

    la rdo rje'i mchu can rnam sgeg mo zhes bya ba sku mdog ljang gu ral gri dang sdigs mdzad pa'o/ /de rnams kyi sngags ni de bi badzra b+hA ri band+ha band+ha ni badzra pA Ni phaT oM hUM dru h+rI(rgyud 'grel): Sh+ToM phaT swA hA zhes pa ste/ lha mo rdo rje 'chang ma zhes pa mtshan gnyis pa yin no/ /shar du oM a na le a na le zhes pa mtshan gnyis pa me 'bar ma'o/ /lho phyogs su kha sa me kha sa me zhes pa mtshan gnyis pa mkha' spyod pa'o/ /nub tu b+hai ra b+hai ra zhes pa ming ni 'jigs ma'o/ /byang du sau me sau me zhes pa ming ni zla ma'o/ /byang shar du shAn+te shAn+te zhes pa ming ni zhi ba ma'o/ /shar lhor daN+De daN+De zhes pa ming ni dbyig pa ma'o/ /lho nub du bi sha de bi sha de zhes pa ming ni 'joms pa ma'o/ /nub byang ru bI re zhes pa ming ni dpa' mo'o/ /yang na de rnams kyi dbus su bcom ldan 'das phyag na rdo rje rdo rje dang zhags pa bsnams pa bgegs kyi rgyal po log 'dren mnan pa bris la snying po ni oM badzra pA Ni band+ha ban badzra pA she na ma ma sarba duSh+Tan big+h+naM bi nA yakAM hUM hUM phaT phaT swA hA zhes bya ba nye ba'i snying po'o/ /lha'i 'khor lo 'di grog 'am ras sa ma shing shun la bris te lus sam mgul du btags nas klog cing zlos par byed na dag ji srid 'tsho'i bar du dug gi mi tshugs zhes bya ba nas log 'dren thams cad kyang dga' bar 'gyur ro/ zhes bya ba'i bar ni phan yon no// //de ltar nye ba'i snying po'i lha'i 'khor lo'i bsnyen pa dang/ dkyil 'khor byed pa la rdo rje'i rigs bye ba khrag khrig brgya stong phrag brgyad cu rtsa bzhi rnams dang/ grub pa'i lha mo snga ma rnams kyis kyang las dang po pa'i rnal 'byor pa de la rtag tu mthun par nang gi nad bzhi brgya bcu bzhi las bsrung ba dang/ phyi rol gyi bgegs

  698. 349b

    stong phrag brgyad cu rtsa bzhi las skyob pa dang/ gnyis ka las sbed par byed pa dang/ de rnams kyi yid du 'ong ba dang dga' bar yang 'gyur ro/ /bsnyen pa dang dkyil 'khor la mtshan ma thob pa ni bskal pa chen po stong phrag brgyad cu rtsa bzhir skye ba dran par 'gyur ro/ /zhes pa nas mi dbul bor mi 'gyur ro zhes pa'i bar ni phan yon yin no/ /bsnyen pa dang dkyil 'khor gyi mtshan ma thob pa'i rnal 'byor pa la sangs rgyas bcom ldan 'das grangs med dpag tu med pa zhes bya ba nas dgyes par yang 'gyur ro/ zhes bya ba'i bar mi phan yon yin no/ /bsnyen pa dang dkyil 'khor las stong pa nyid bsgom pa'i rnal 'byor pa de bzhin gshegs pa thams cad kyi gtsug tor nas byung ba zhes bya ba nas sngon gyis las kyi sgrib pa ma lus par byang bar 'gyur ro zhes bya ba'i bar du phan yon tan to/ /gzhan yang gtsug tor dkar mo 'di yi ger 'bri ba dang mchod pa dang sbyin pa dang nyan pa dang klog pa dang len pa dang 'chang ba dang kha ton byed pa dang de sems pa dang bsgom pa'i rigs kyi bu 'am/ rigs kyi bu mo 'dod pa gang la la zhes bya ba nas bde ba can du skye bar 'gyur ro/ zhes bya ba'i bar ni phan yon yin no/ /rigs sngags kyi rgyal mo 'di bris nas rgyal mtshan gyi rtse mo la btags te sta gon gyi rim gro tshar byas te mchod pa chen po byas la spyan phye nas grong dam grong rdal la sogs par btsugs na mi nad dang/ phyugs nad dang/ yams kyi nad dang zhes bya ba nas 'brug gi sgra bsgrogs par 'gyur ro/ /zhes bya ba'i bar du phan yon yin no/ /nye bar 'chi ba lus ma yin par 'chi ba brgyad dang/ 'jigs pa brgyad dang/ sdug bsngal brgyad byung ba de'i tshe sngar bstan pa'i tshogs bsags pa'i sangs rgyas kyi rnal 'byor byas nas lan gsum bzlas na/ de thams cad nye bar zhi

  699. 350a

    zhi bar 'gyur ro/ /nye ba'i snying po'i 'khor lo ras la bris nas sngags lan gsum bzlas na yang nye bar zhi bar 'gyur ro// //gzhung gi don bshad zin to/ /rjes su yi rang zhing bstod pa ni sangs rgyas dang byang chub sems dpa' la sogs pa 'jig rten las 'das pa'i 'khor rnams dang/ lha dang/ mi dang/ lha ma yin dang/ dri zar bcas pa'i 'jig rten pa'i 'khor gyis rjes su yi rang zhing bstod pa'o// //gtsug tor gdugs dkar mchog thub gzungs/ /sangs rgyas kyis ni gsungs pa la/ /lag na rdo rjes rab bsdus pa/ /brgyud pa'i rim pa bla mas bshad/ /thos nas gdam ngag bris pa las/ /bdag gis dge ba ci bsags pa/ /de yis sems can thams cad ni/ /rnam snang mdzad chen grags chen shog /'phags ma de bzhin gshegs pa'i gtsug tor nas byung? ba gdugs dkar mo can gzhan gyis mi thub pa phyir zlog pa chen mo zhes bya ba'i 'grel pa slob dpon shU ro ga bor ma badzra sa mdzad pa rdzogs so// //zangs dkar 'phags pa shes rab kyis bsgyur// sarba mang+gA laM //