Text
ff. 1a–133b · 715 folio sides
- 1a
ye shes rin po che 'bar ba zhes bya ba bzhugs so//
- 1b
rgya gar skad du/ dz+nyA na rad na ma hA dza la na ma/ bod skad du/ ye shes rin po che 'bar ba zhes bya ba/ bcom ldan 'das dpal kun tu bzang po la phyag 'tshal lo// ye shes chen po'i klong du/ thams cad ma lus mi lus lus pa med par sangs rgyas so// de nas bde bar gshegs pa thams cad kyi ye shes kyi nyi ma phyogs bcur bdal bas/ thams cad sgrib med ye shes kyi rol ba shar ro// kun gzhi yangs pa'i klong / sems nyid chos sku'i gdangs/ rig pa ye shes kyi zer/ gdul bya sgo lnga'i yul/ rigs drug pa sgo lnga'i gdangs/ sems can sgo lnga'i zer/ bde gshegs sems nyid kyi klong / thugs rje ye shes kyi zer/ dngos med rang byung gi gzigs/ byas pa 'khor ba'i chos/ 'dzin pa mu
- 2a
stegs kyi chos/ bdag lta 'khrul pa'i chos/ 'bad rtsol 'khor ba'i chos/ brjod bya tha snyad kyi 'brang / lha sgom yid blo'i thog/ rtog pa bslu ba'i bdud/ sangs rgyas 'gal ba'i tshig sku gsum nor ba'i lam/ 'khor ba dag pa'i zhing / sems can sangs rgyas kyi klong / mun dkyil nyi ma'i mdangs/ snang ba stong pa'i ngang / gsal ba shar bas bsgribs/ sems can 'gyur med du gyur/ sems can sangs rgyas 'khor ba 'khyam/ rtog pas chos sku bsgribs/ 'khor ba dag pa'i zhing ngo // ye shes rin po che rang 'bar ba las/ gnas lugs kyi le'u ste dang po'o// // de nas bde bar gshegs pas mtshan gyi rgyal po 'di brjod do// dang po gleng gzhis gnas lugs bstan// gnyis pas gleng slang yid
- 2b
ches bstan// gsum pas rgud don gtan la dbab// mtshan bstan dbu zhabs mthar phyin brtag/ sang kr-i ta yi skad ni 'byung bar 'gyur// ta tha li zhes brjod pa yang / chos rnams dngos med rang byung ngongo// shangs me zhes brjod pa yang // kun gzhi 'khor 'das rgyal po 'byung // ga na ta zhes brjod pa yang / sgrib med ye shes rab 'bar ro// bi'u ni zhes brjod pa yang // spros med gzi ldan rab 'bar ro// a ga ta zhes brjod pa yang // phyogs med sems nyid rang 'bar ro// dzu 'u rang zhes brjod pa yang // bdal ba chos nyid rang shar ro// gnyis pa phyag la lnga byung ste// ye 'bral chen po kun gzhi phyag/ gnyis med 'dres pa chos nyid phyag/ phyogs med rang shar sems nyid phyag/ 'gyur med zang thal ye shes phyag/ ma btsal lhun grub chos sku'i phyag/ thams cad chos nyid klong du 'byal// 'byed pa med pa'i gzugs kyis zin// gsum pa phun sum tshogs pa bstan// dus gsum 'gyur med dus kyi ngo bo yin// kun gzhi sems nyid rang bzhin ni// dngos med gdod nas rang byung ngo // sgrib med da ltar rang gsal lo// ma bcos tha ma rang grol lo// bdal ba chen po gnas kyi ngo bo nyid// sems nyid phyogs dang ris med pas// phyi nang gnyis dang bral ba'o// kun gzhi spros pa med pas yongs su dag/ mtha'
- 3a
dbus gnyis dang gdod nas bral// rig pa 'du 'bral med pa yangs dog gnyis dang bral// ye nas snying po rang byung 'bad rtsol gnyis dang bral// 'gyur med ye shes ston pa'i ngo bo yin// kun gzhi byang chub sems nyid ni// 'gyur med rang bzhin sna tshogs gsal// 'khor 'das gnyis su gsal ba dang // 'phel 'grib gnyis kyi gos pa med/ khams gsum 'khor bar 'khyams pa dang gos zhing brlag pa med// skyon gyis ma gos yon tan brgyan pa med// sangs rgyas dgongs pas ma thebs sems can klong la shar// tha dad dbyer med 'khor gyi ngo bo nyid// sems nyid dbyer med ye shes la// gsal 'grib med par shar ba ni// dbyer med ye shes 'khor nyid do// rig pa 'du 'bral med pa la// phyi nang phyogs med gdal ba ni// dngos med rang shar rigs lnga'i 'khor// sgo lnga spros med gsal ba la// snang ba dngos med shar ba ni// skal ldan thub 'khor drug nyid do// sems nyid ye shes snying po 'bar// 'khor 'das chos sku'i rgyan du shar// ye shes rol pa'i 'khor nyid do// bstan pa byang chub snying po ni// chos rnams thams cad sems nyid 'od du 'bar// stong pa'i klong nas rig pa'i 'od zer shar// sems nyid klong nas rig pa'i 'od zer 'phros// dbang po'i klong nas dngos med rol ba shar// kun tu
- 3b
bzang po phyogs med nyi mar bad la// thams cad ma bcos ye shes snying po 'bar// rgyu rkyen med pas ye shes dbyings su grol// dngos po med las 'khor 'das snying por shar// rnam par dag pas gos med sna tshogs gsal// kun tu bzang po chos kyi dbyings na 'phyo// thams cad ye shes chen por lhun gyis rdzogs// brjod las 'das pas sgra rnams sna tshogs sgrogs// phyin pa med par 'khor 'das thams cad khyab// bltas pa med pa 'gag med sna tshogs gsal// bcom ldan rdo rje thugs rje chen po'i ngang // rang sems stong pa'i ngang nyid las// thugs rje gsal ba'i 'od zer 'phro// ma sbyangs rnam dag grol ba yongs// ye shes rol pa'i rgyan du shar// ma bkod rang gsal mchog gi 'od// ye shes 'bar ba 'od po che// sgrib med rang gsal phyogs dang bral// ye shes 'od zer 'bar ba 'phro// spros med ye shes gsal ba'i lam// snying po 'gag med rang 'bar yang // spros med ye shes thugs rje'i zer// chos kyi klong chen 'bar ba che// 'byung gsal ye shes 'od zer 'phro// snang gsal 'bar ba'i 'od po che// byang chub sems nyid dngos dang bral// ye shes gsal ba'i gdangs dang bral// 'od gsal bkrag mdangs phyogs dang bral// rtsa lnga kha dog dbyibs dang bral// 'bru lnga 'bar ba'i 'od dang bral// rtsa bral stong
- 4a
sangs dngos dang bral// thams cad 'gyur med chos nyid bkrag/ ye shes rin po che 'bar ba las/ gleng gzhi bstan pa'i le'u ste gnyis pa'o// // bcom ldan rdo rje kun bzang gi/ gnyis pa gleng slang bstan pa yang // gnyis med rang gsal ye shes yab// kun gzhi phyogs med stong nyid yum// sna tshogs 'gyur med rig pa'i sras// phyogs med rang gsal thugs rje'i ngang // 'od gsal bkrag las byang chub sems// snying nyid dang la chags bral mdangs// snang stong rtsa la rig pa shar// byang chub sems nyid 'khrul ba'i rgyu// sgrib med 'od gsal 'khrul ba'i rkyen// stong nyid dang las ye shes 'bar// shes rab bkrag las rig pa shar// dang po 'od gsal las babs so// ye shes 'bar ba 'od po che// spros med rtsa lnga nang na yang // dngos med rig pa ye shes 'grus// ye shes rig pa'i bkrag ni dngas ma lnga ru shar// ye shes rig pa'i dngas ma mchong gi ka bar 'bar// ye shes rig pa'i 'khor lo bdun bdun 'bar// ye shes rig pa'i dngas ma dbang po lnga ru shar// ye shes rig pa'i bcud sha khrag rus par smin// de rnams 'khrul ba'i rgyu nyid do// dngos med ye shes bde chen 'byin// ye shes rig pa rtsal shar bas// 'khor lo bdun nas thig le 'dzin// rdo rje'i lam nas bde bar 'bar// lha yi gshed
- 4b
du dri ma med// pad+ma'i dbyings nas bde bar 'bar// lha yi shed grogs chags dang bral// sha dang rus pa'i stobs bskyed byang chub sems// rtsa dang rlung rgyus bkrag rnams rak+ta'o// rdzogs nas sdug bsngal 'khor bar spyod// de rnams ji ltar bshad gyur kyang // dang po byang chub sems las byung // bar du rang gsal ye shes bkrag las shar// tha mar rang byung ye shes rig pas byas// sems nyid dngos po ma grub shes shing rtogs pas bya ru med// ma rig lus kyi rlung ste dngas ma lnga nas shar// gsal byed rtsa lnga nas shar nas sgo lnga gangs la spyod// sems nyid ye shes rlung ste ye shes rtsa lngar shar// sems nyid gdangs gsal shar ba ste// gsal dang 'grib dang phyogs ris med// las rlung rig pas sdug bsngal ci spyad kyang // ngo bo ye shes zer la 'phel 'grib gos pa med// thams cad ye shes rgyal ba chos kyi sku// ye shes rin po che 'bar ba las// 'khrul gzhi bstan pa'i le'u ste gsum pa'o// // de nas bde bar gshegs pa thams cad kyi// yongs su shes par bya ba dngos po rgyud kyi don// dang po chos rnams thams cad gtan la dbab// thub bdag ston pas phyi yi sgros thag bcad// sgra rnams stong sangs chen por sgrogs// dngos med ar sgrogs lha yi thub pa'o// skyon med sku mdog dkar po la// g.yas pa gcod pa'i spu gri
- 5a
oM du 'bar// g.yon pa stongs sangs pi wang a ru 'bar// spros pa med pas 'khor lo gtan la bzhugs// dga' ldan skyon med mi yi thub pa ni// thugs rje chags pas sku mdog dmar po 'bar// ro mchog bdud rtsir 'byung bas g.yas pa aM dmar can// gos med skyon bral g.yon pa bum pa can// chags med skyon dang bral bas pad+ma'i gdan la bzhugs// 'byed med rang byung byol song thub pa ni// 'gyur med sku mdog spug nag la// g.yas na ha ldang nyid na gnas// rig sna tshogs gos med sgron me bsnams// sra brtan rdo rje rgya gram gdan la bzhugs// 'phrul ldan rang snang yi dgas thub pa ni// 'byung gsal sku mdog ser nag g.yas pa hUM sngon bsnams// dri med rnam dag g.yon pa zhal zas bsnams// rang byung lhun grub rin chen gdan la bzhugs// zhi byed rang shar gos med sku mdog mthing nag g.yas pa rdo rje 'phyar// bde sdug rang grol g.yon pa me long 'phyar// 'gyur med pad+ma'i gdan la bzhugs// 'khor ba rnam dag sangs rgyas zhing // thams cad ye shes snang bar shar// rgyal ba rigs lnga nang gi dbang po gsal// ye shes gdang gsal rdo rje 'bar// rig pa'i lam byung sems dpa' nyid// chos sku 'od yin 'gyur ba med// ye shes gdangs yin rnam par snang // rig pa'i bkrag yin sna tshogs
- 5b
mdzad// chos sku'i gdangs yin spros pa med// ye shes 'od yin rin po che// rig pa'i yul yin 'byung ldan nyid// chos sku'i rtsal yin lhun gyis grub// ye shes bkrag yin snang ba yin// rig pa'i 'gros yin mtha' yas nyid// chos sku snang ba chags dang bral// ye shes snang ba don yod nyid// rig pa'i mdangs yin grub pa nyid// chos sku'i ngo bo sra brtan dpal// ma spangs dag pa'i sangs rgyas zhing // ye shes gdangs kyi gnyis med sangs rgyas pa// ye shes lngar gsal sku mdog mthing kha la// a dkar lab chung rdo rje sham bu can// g.yas pa'i me long g.yon pa a zhags 'phen// lhun grub rin chen gdan la bzhugs// stongs sangs ye shes sku nyid ni// gos med skyon bral sku mdog dkar po la// oM dmar lab chung 'khor lo sham bu can// g.yas pa dril bu g.yon pa a zhags 'phen// lhun grub rin chen gdan la bzhugs// stongs sangs ye shes sku nyid ni// gos med skyon bral sku mdog dkar po la// oM dmar lab chung 'khor lo sham bu can// g.yas pa dril bu g.yon pa a zhangs rkyong // lhun grub ye shes 'bar ba'i sku// yon tan rgyas pa sku mdog ser po la// hUM sngon lab chung rin chen sham bu can// g.yas pa yid bzhin g.yon pa hUM sngon can// chags med rnam dag ye shes skus// spros bral sku mdog dmar po la// oM
- 6a
ser lab chung pad+ma'i sham bu can// g.yas pa bum pa g.yon pa pad+ma 'phyar// sgrib med ye shes khyab brdal skus// nyes skyon rnam dag sku mdog ljang // a dkar lab chung rgya gram sham bu can// g.yas ral g.yon pa 'phrul zhags rkyong // ye shes sku lnga rang 'bar ba'o// de nas gnyis med bde gshegs kyis// dngos po med pas kun gyi dngos gzhir shar// 'gyur ba med pas kun gyi rten du gnas// gdod nas rang byung kun gyi ngo bor 'bar/ kha dog 'bar ba kha dog med pas kun gyi snang ba shar// phyogs rigs med pas kun gyi dbyings su gyur// spros pa med pas kun gyi bde bar shar// byas pa med pas ye rdzogs lhun gyis grub// bgrod pa med pa ye shes dbyings su phyin// dbang po lnga yi rang bzhin ni// dug lnga 'char bas rigs drug sgo// rig pa 'char bas ye shes la// sna tshogs 'byung bas ye shes yul// dngos med snang ba chos sku gsal// nga bdag 'byed pa 'bru lnga'i 'od// sna tshogs gsal ba 'od zer bkrag/ dug lnga 'byung ba drangs ma lnga// sgyid sdug 'byung ba rtsa bran bcu// skye shi 'byung ba rtsa lnga blangs// chos nyid 'byung lnga 'od gsal nyid// chos sku 'byung lnga ye shes la// ye shes 'byung lnga rtsa lnga nyid// rig pa 'byung lnga 'bru lnga 'bar// snang ba'i 'byung lnga sku lnga nyid// phung po 'byung lnga dngas ma lnga// bde
- 6b
ba'i 'byung lnga lu ti 'od// sdug bsngal 'byung lnga phung po lnga// sgyu ma 'byung lnga phyi yi yul// lta ba'i 'byung lnga ye shes lnga// sgom pa 'byung ba'i sku lnga nyid// spyod pa'i 'byung lnga rigs lnga nyid// lam gyi 'byung lnga rigs 'dzin lnga// rtags kyi 'byung lnga phyag mtshan lnga// tshon gyi 'byung lnga gzhal lnga nyid// 'bras bu 'byung lnga lhun grub sku// ye shes rin po che rang 'bar ba las// chos thams cad brdar bstan pa'i le'u ste bzhi pa'o// // de nas de bzhin gshegs pa thams cad kyis ye shes thams cad rang shar ba 'di brjod do// chos thams cad mi 'gyur ba'i ye shes so// lta ba mi 'gyur ye shes zang thal lo// sgom pa mi 'gyur ma bcos kun gzhi'i klong // spyod pa mi 'gyur rig pa'i rang 'gros so// chos rnams ma byas rang byung la// sems nyid ma bcos kun gzhi dngos gzhir shar// rig pa ma byas dngos po med par 'byung // sgo lnga ma byas ye shes rang 'od 'bar// snang ba ma byas chos skur rang 'od 'bar// rtsa gnad ma byas bde gsal 'od du 'bar// phung po ma byas rig pa'i rang 'od 'bar// byang chub sems nyid rang grol te// thog mtha' med nas rang grol 'bar// dngos dang bral bas rang grol 'bar// snang ba yod tu grol// rig pa rang byung chen por grol// sems nyid rgyu rkyen med par grol// chos nyid stong par ye shes shar// rig pa stong
- 7a
pa sgo lngar shar// sems nyid 'gyur med ye shes rgyun mi 'chad// ye shes 'gyur med rig pa rgyun mi 'chad// rig pa 'gyur med snang ba rgyun mi 'chad// sems nyid mi gnang rang byung rig pa nyid// rig pa mi snang rang byung shes rab nyid// ma rig mi snang 'byung ba dug lnga nyid// ye shes snang bas spyad dang gsal bas gos pa med// rig pa sna tshogs spyad dang dngos po gos pa med// bde bar gshegs pas rang shar 'di brjod pas// mchog gi 'od gsal mtshon pa'i bri thabs ni// ras sam gro ga 'dom gang gru bzhi la// cha lngar bgos la lnga po lnga lnga bgo/ de yang lnga lngar phye bas brgya dang lnga bcu'o// tshon ni mthing kha dkar po ser le brgan// mthing gi mthing kha la sogs pa// tshon rnams rjes shing mdzes tshon gtang // ri mo pad+ma lnga ru bri// pad+ma thams cad nyis 'gyur bri// chos kyi dbyings kyi pho brang ngo // snying po chos nyid thig le brgya// 'od gsal dbyings kyi lte ba la// rang byung sems dpa'i sku nyid ni// sku mdog mthing kha rin chen lab chung can// rdo rje sham bur yan lag pad+mar 'bar// dbu rgyan snyan chen snyan chas 'khor lo 'bar// phyag g.yas rdo rje g.yon pa me long 'phyar// 'od gsal nang sgo bcu drug la// thub drug ye shes lnga rnams bri// de yi phyi ma'i 'od skor la// zhi khro gnyis kyi lha tshogs bri// de
- 7b
yi phyi ma'i 'od skor la// gcan gzan gdug pa'i gzugs brnyan bri// de yi phyi yi 'od skor la// 'od zer bye ba phrag brgya bri// sku rnams thams cad tshon gang ba// pad+ma'i gru chad dag la'o// sangs rgyas bcu drug ye shes mdangs gsal rtags// bzhi bcu rtsa gnyis chos nyid stong pa'i rtags// lnga bcu rtsa brgyad ye shes rang shar rtags// gcan gzan gdug pa chos nyid rtsal shar rtags// 'od zer rnams ni rig pa 'du 'phro'i rtags// de las rig pa ye shes 'od// ye shes rtsa lnga gnas lugs ni// sems dpa'i dbu yi steng na yang // 'od lnga drang la thar par bshad// a dkar rtsa gcig rtsa lnga nang na gsal// rtsa lnga rtse mo thig le lnga ru 'bar// thig le dbyings su ye shes 'bru lnga gsal// 'bru lnga'i 'od las gyen la rtsa bran bcu// rtsa bran nang na a dang hUM gis gang // thig le 'od las dwangs ma lnga ru 'bar// drangs ma'i g.yas na don snying lnga yi rtsa// don snying rtsa la skyed byed rtsa lngar shar// drangs ma'i g.yon nas stobs kyi rtsa lngar shar// dwangs ma'i phyi ru a ba d+hU ti shar// d+hU ti'i rtsa la 'khor lo bdun// dngas ma'i phyogs bzhi rtsa chen bzhi// don snying lnga yi rtsa ni rgyu// mchin pa'i rtsa la tsha ba skye// bzang drug ga pur gam phye gtang // gdon du srid pa'i ma mo bcos// rgya gar srid pa'i phyi mdos ni// sman gtor me mar stong stong dgod// phyi nang
- 8a
mchod pa rgyas par bya// ma mo bcu rnams gyer la gtang // 'bring du dbang phyug zor mdos ni// sman gtor me mar nyi shu brgyad// phyi nas mchod pa rgyas par bya// dpa' bo bcu rnams gyer la gtang // tha ma dpon g.yog gsum pa ni// sman gtor lugs bya gsum gsum dgod// phyi nang mchod pa rgyas par bya// lha mo bcu rnams gyer la gtang // glo ba'i rtsa ni stong la rgyal// dbugs kha rgod la ro/ stod brgyangs// bzang drug sbrang rgod la sogs gtang // gdon du srid pa'i bdud bcos te// gtor ma nyi shu rtsa lnga gtang // dpa' bo bcu rnams gyer la gtang // snying gi rtsa ni drag la myur// mig rtsa drung la shes pa 'phyo// ro stod zer la yan lag gyong // lug sha chang dang me rtsa gdab// 'bras bu gsum gyi sman mar gtang // btsan dang rgyal po gdon bcos te// gtor ma mar me nyi shu lnga// dpa' bo bcu rnams gyer la gtang // mcher pa'i rtsa ni phra la grims// sa bdag skyes bu'i nad yin te// yan lag ske 'jing chu sor 'bab// chu gtor tshwa tsha me mar gtang // dpa' bo bcu rnams gyer la gtang // rtsa ba lnga yi sman mar gtang // chu gtor dkar gtor stong stong ni// zla gsum bar chad med par gtang // lha mo bcu rnams gyer la gtang // dam rdzas dug sna dri chu la// sbyin sreg mchod pa rgyas par bya// mkhal ma'i rtsa ni stong
- 8b
la lhod// pho mchin 'khor zhing gsus pa dgangs// chang dang lug sha lo mar gtang // gdon du mtsho sman rgyal mo bcos// gtor ma chu gtor mar me btang // lha mo bcu rnams gyer la gtang // glo bur ro stod rgyangs pa dang / kha nas pa bcol smra ba ni// gdon du srid pa'i dkor bdag bcos// lug sha chang dang bsku mnye bya// tshwa tshwa chu gtor mar me gtang // mdo dang snying po rgyun mi gcad// phyi nang mchod pa rgyas par bya// yang dag bsgrub pa'i zhal rnams dbye// ye shes rin po che 'bar ba las// chos rnams thams cad rang shugs kyis spyod pa bstan pa'i le'u ste lnga pa'o// // de nas bde bar gshegs pa yis// yi ge rang 'bar ba brjod do// lus rnams stongs bzhi'i lus/ khog pa stong pa a yis gang // spyi gtsug a ru na ra ra// gzhi ma mthing kha a yis gang // sbrul sku bsgoms pa ji bzhin no// sdug bsngal bral te bde ba'i sku// gser gyi rdo rje 'bar ba la// hUM sngon 'bar bas ra gseb gtams// yid bzhin nor bu 'bar ba las// oM dmar gdangs pa 'bar ba'o// ye shes pad+ma 'bar ba la// aM gar gdangs pa shin tu gsal// zhe sdang gti mug 'dod chags bral// ye shes rin po che 'bar ba las/ yi ge 'bar ba'i le'u ste drug pa'o// // de nas bde bar gshegs pa thams cad yang dag pa 'di brjod do// rang byung sems
- 9a
dpa' lta ba yin// byang chub sems kyi rang bzhin no// dngos po med pa kun gyi dngos// rang byung shar ba kun gyi gzhi// rgyu rkyen med pas kun gyi srog/ thog mtha' med pas kun gyi skyabs// mchog gi 'od gsal 'bar ba yang / kha dog med par snang ba shar// dngos po med pas gsal bar shar// bris pa med pas kun gyis gdangs// rdzas su ma grub ye shes 'od// ye shes rtsa lnga rang bzhin dang // spros pa med pas stong pa dang // phyogs ris med pas gdangs la sangs// rang bzhin med pas drangs la stong // byas pa med pas ye shes lam// dpa' bo 'bru lnga rang bzhin dang // dngos po med pas shes rab 'char// bris pa med pas sna tshogs 'char// rang bzhin med pas sna tshogs gsal// ye shes yin pas gos pa med// lta ba nam mkha' 'dra ste 'gyur ba med// sgom pa nyi zla 'dra ste gsal 'grib med// spyod pa ser bu 'dra ste ngos gzung med// sems nyid bar snang 'dra ste phyogs ris med// 'od gsal nyi ma 'dra ste gsal la gdang // rtsa lnga nyi zer 'dra ste 'phel 'grib med// 'bru lnga chu gzugs 'dra ste dngos po med// rig pa smig sgyu 'dra ste rang bzhin med// sgo lnga 'khor 'das rgyab gyes pas// dug lnga gsad pa'i thabs chen yang // nam mkha'i mthong nas zhe sdang sbrul nag 'khyug/ shes rab ye shes
- 9b
gdangs gsal mda' gzhu dgang // chos kyi dbyings su ye shes mde rtse gtad// gnyi med ye shes mda' ni 'gyur ni phyogs bcur 'phang bar bya// bar snang mkha' la gti mug phag rgod 'gyur// stong sangs ye shes chen po mda' gzhu'i bdag/ skye med dbyings su ye shes mdo rtse bstad// gnyis med ye shes mda' ni 'gyur med brdeg/ yid bzhin sgrom bu'i nang na phrag dog spre'u rtse// dngos med rang byung chen po'i mda' gzhu dgang // rlung bsgoms nang du hUM gi mde rtse gtad// bde ba ye shes rang byung mda' 'phang ngo // rgya mtsho'i gting nas 'dod chags ngang mo 'phur// chags med rang grol chen po'i mda' gzhu dgang // pad+ma dbyings kyi aM gi mdo rtse gtad// ye shes mdo rtse mda' ni rang grol 'phang // ri rab rtse la nga rgyal glang chen 'khun// spros med ye shes chen po'i mda' gzhu dgang // sra brtan rgya gram lte ba mdo rtse gtod// stong pa chen po'i klong du mda' 'phang ngo // chos sku 'gyur med snang ba'i rgyan du shar// chos sku ye shes gting gsal 'gyur med cing // dus gsum sangs rgyas rnams kyis gtan la 'bebs pa med// las can rigs 'dzin rnams kyis don la mthong ba med// mkhas pa dge bshes rnams kyis nyams su myong ba med// khams gsum sems can rgyud la lhan ne lhag ge gnas// dper na nam mkha' stong
- 10a
pa kho rang las// dngos po kha dog dbyibs su grub pa med// sems nyid 'gyur med ye shes chen po la// rtogs shin mthong du kho rang rang las med// ye shes rin po che rang 'bar ba las// gdams pa'i le'u ste bdun pa'o// // de nas bde bar gshegs pa thams cad kyis// sbyang med rnam par dag pas 'di brjod do// dang po phyi bshags rgyas par bya// de nas rten gyi dri ma bca'// phyi ru maN+Dal drug byas la// a nri su tri pri tu bri// gtor ma drug la byin brlabs la// ting 'dzin rigs drug lam nas drang // lha mo bcu yis dri ma 'khrud pas dbyung // dkyil 'khor rtsa ru gzhag la khro bo bcu yi bcos pa gtad// 'od gsal dkyil 'khor bri la mchod rdzas rgyas par dgram// steng nas 'od gsal dkyil 'khor dbub// bar du rtsa lnga 'dra 'bag bri// bum pa'i nang du rigs lnga bskyed// lha mo bcu rnams gyer la rigs drug lam nas drang // khyod ni zhe sdang las kyi dbang btsan gyis// dmyal ba'i nang du ma skyes sam// dmyal ba'i nang du skyes srid na// ye shes lha mo thugs rje dang // yi dam lha yi byin rlabs kyis// tsha grang sdug bsngal bral nas kyang // dmyal ba'i 'jig rten gnas stongs te// lha dang slob dpon spyan sngar khug/ ser snas yi dwags su skyes srid na// 'og ma yang 'gre'o// lha mo bkres skom/ yi dwags/ byol
- 10b
song las/ glen lkugs/ 'dod chags/ mi yi/ lha mo/ 'gyur ba/ mi yi/ phrag dogs dang / lha min/ lha mo/ 'thab rtsod/ lha min/ nga rgyal/ lha yi/ yi dam/ ltung ba/ lha dang / slob dpon/ ma mo bcu rnams gyer la gshed po dgram// dkyil 'khor bcu rnams gyer la sgrib pa bral// lha mo bcu rnams gyer la dkyil 'khor gzhug/ thub drug tshogs la rdzogs par bya// lha dbog sngags dang phyag rgya brtan// phyi nang mchod pa rgyas par bya// de nas bzlas pa'i dgongs pa ni// yi dam thugs kar 'od gsal bsgom// 'od 'phros tshe 'das lus la phog/ sgrib sbyangs ye shes a ru gyur// don ni stong gsal chen por blta// brtags pas 'gyur med chos kyi sku// de nas sbar ba'i dgongs pa ni// dag pa sbrul sku dam pa yang // snang ba thams cad 'od du lam// dngos po thams cad a ru grol// a ni ma skyes stong gsal grol// mdzad spyod lam du gyer ba yang // chos nyid stong pa'i gzhu brdungs la// ye shes gsal ba'i mda' stongs te// dbyer med thabs dang shes rab dgang // tshe 'das bag chags tshogs la brdeg/ bde ba chen po'i ngang du gsal// ye shes snying po stong gsal te// snang srid stong par phya la la// tshe 'das dngos med a nu grol// thams cad rang shar chen por gsal// gdangs gsal longs skur sbar ba ni// snang
- 11a
pa thams cad rang sems ye shes gdangs// bar snang khams su ye shes 'ja' lnga shar// 'ja' lnga lam nas ye shes a zon nas// thams cad stong sangs chos nyid dngas ma shar// chos kyi dbyings su gzhu brdungs pa// ye shes gsal ba'i mda' stongs la// a dkar ye shes mdo rtse blang // ye shes 'ja' lnga sbubs su 'bar// stong gsal chen por phya la la// ye shes snying po tshad du bskyal// snang srid ye shes 'od kyis gang // 'od zer thams cad a ru 'khrol// thams cad bde stong thig ler 'bar// 'gyur med chos skur sbar ba yang // dngos po thams cad stong pa'i gdangs// snang ba thams cad ye shes bkrag/ gzung 'dzin thams cad ye shes zer// chags zhen thams cad chos nyid rtsal// nga bdag thams cad dbyer med dbyings// ting 'dzin 'phro 'du rig pa'i 'gros// thams cad ma bcos chos kyi sgra// nam mkha'i dbyings su a 'od gsal 'phangs la// yaM dang karma rak+Sha phaT/ stong nyid dang las ye shes thugs rje shar// me mar brgya rtsa gtang la me mar mchod pa bya// lha mo bcu rnams gyer la khrus nas dbyung // ma mo bcu rnams gyer la spar gsum dgongs pa bya// dpa' bo bcu rnams gyer la ye shes mda' 'phang ngo // sbyin sreg rgyas par byas la mtshan byang bsreg/ smon lam rgyas par btab la dkyil
- 11b
'khor bsdu// ye shes rin po che rang 'bar ba las/ gnas kyi rim pa bstan pa'i le'u ste brgyad pa'o// // de nas de bzhin gshegs pa thams cad kyis ye shes kyi mchod pa rang 'bar 'di brjod do// dngos med gdangs gsal dkyil 'khor du// rang byung ye shes mchod rdzas bkram// klong yangs chen por byin gyis brlabs// lhun gyis grub par bzhes su gsol// rang byung 'bar ba'i dkyil 'khor du// thig le rang shar mchod rdzas bkram// sgrib med rang shar chen pos byin gyis brlabs// rang gsal chen por byin gyis bzhes su gsol// spros med rang shar dkyil 'khor du// skye med rang byung mchod rdzas bkram// 'byung gsal chen por byin gyis brlabs// stong gsal chen por bzhes su gsol// thig le klong chen dkyil 'khor du// bde ba'i ye shes mchod rdzas bkram// dbyer med chen por byin gyis brlabs// bde ba chen por bzhes su gsol// ye shes 'bar ba'i dkyil 'khor du// dag pa 'phrul gyi mchod rdzas bkram// gdangs gsal chen por byin gyis brlabs// gnyis su med par bzhes su gsol// rang shar 'od kyi dkyil 'khor du// gdangs gsal ye shes mchod rdzas bkram// rang snang chen por byin gyis brlabs// rang grol chen por bzhes su gsol// phyogs med pa yi dkyil 'khor
- 12a
du// rang sangs chen por mchod rdzas bkram// gdangs gsal chen por byin gyis brlabs// rang grol chen por bzhes su gsol// rang byung lhun grub dkyil 'khor du// dngos med rig pa'i mchod rdzas bkram// snang gsal chen por byin gyis brlabs// lhun gyis grub par bzhes su gsol// phyogs med rnam dag dkyil 'khor du// gos med ye shes mchod rdzas bkram// bdud rtsi chen por byin gyis brlabs// bde ba chen por bzhes su gsol// khyab brdal ye shes dkyil 'khor du// kun 'byung rig pa'i mchod rdzas bkram// spros pa med par byin gyis brlabs// dbyer med chen por bzhes su gsol// ye shes 'bar ba klong yangs che// bde ba'i ye shes 'od du 'phros// ye shes brdal bas mchog gi 'od// ye shes dkyil 'khor gter chen 'bebs// ye shes rin po che rang 'bar ba las/ ye shes kyi dkyil 'khor rang 'bar ba'i le'u ste dgu pa'o// // de nas bde bar gshegs pa thams cad kyis gnyis su med par shar ba 'di brjod do// dang por phyi gshegs rgyas par bya// dkar gtor gnyis dang dmar gtor gcig/ sngags dang phyag rgyas byin gyis brlabs// dmar gtor chos skyong tshogs la'o// chos skyong rig pa 'du 'phrod tshogs// dkar gtor bgegs rigs stong phrag la// nyon mongs stong phrag
- 12b
brgya pa'o// gcig ni mgon po rtsa gnyis la// rigs lnga bka' rtags bsgo ba 'di ni// gsal ba sku lnga 'od dang yin// dus gsum sangs rgyas gshegs shul yin// khams gsum sems can 'byung ba yin// mi 'gyur snying po rtags kyang yin// ye shes lnga yi rtsal kyang yin// rnam shes lnga yi 'od kyang yin// rig pa lnga yi lam yang yin// 'bru lnga 'bar ba'i 'od kyang yin// ye shes rtsal lnga gdangs kyang yin// mchog gi 'od gsal bkrag kyang yin// mi shigs thig le'i 'od kyang yin// lha mo bcu rnams gyer la gtang // ye shes lha mo bcu rnams kyang // gdangs gsal ye shes lha mo ni// ye shes gar byed phya la la// ral pa'i stabs byed khro lo lo// ye shes chen por bzhes su gsol// rang gsal lha mo 'od 'bar ma// yid bzhin 'bar ba 'phreng ba can// ye shes rol pa kra la la// phyogs ris med par bzhes su gsol// spros med lha mo 'od zer ma// bde ba'i ye shes 'phrul gyi gzhi// sgrib med ye shes 'od du 'phro// ye shes chen po bzhes su gsol// bde klong lha mo thig le ma// ye shes 'bar ba'i lcags kyu can// brdal ba ye shes klong yangs che// dngos med bdud rtsir bzhes su gsol// chos kyi lha mo sgrol ma rgyal// phyag na me tog 'phreng ba bsnams// rang gsal ye shes dag pa'i mgon// rang snang chen por
- 13a
bzhes su gsol// rang gsal lha mo 'od 'phro ma// g.yu yi gzhong pa phyag na bsnams// gsal 'tsher ye shes 'od du 'bar// rang gsal chen por bzhes su gsol// spros med lha mo rang sangs ma// phyag na gser gyi gzhong pa thogs// gsal 'tsher lhun grub yid bzhin 'bar// rang grol chen por bzhes su gsol// yid bzhin lha mo sna tshogs mdog/ phyag na rin chen gzhong pa thogs// ye shes mdog gsal kra la la// rang byung chen por bzhes su gsol// rnam dag lha mo 'od 'phro ma// phyag na ye shes bum pa bsnams// gos pa med par sa la la// phyogs med chen por bzhes su gsol// kun gsal lha mo 'od zer ma// phyag na dung gi gzhong pa bsnams// bde ba 'phul byed ye shes 'bar// khyab brdal chen por bzhes su gsol// ye shes lha mo 'bar ba che// thams cad rdzogs pas klong chen yangs// gnyis su med par sna tshogs 'byung // mched pa med par bzhes su gsol// ye shes rin po che rang 'bar ba las// ye shes mchod pa'i le'u ste bcu pa'o// // de nas de bzhin gshegs pa thams cad kyis ye shes kyi gdangs 'bar ba 'di brjod do// ye shes snying po 'gyur med sems kyi ngang // rang rig rang byung dngos med snang ba'i rgyan// rtsa dang thig le rang shar 'od// dbang po sgo lnga rang sangs chos
- 13b
nyid bkrag/ ye shes khro bo gdangs gsal 'bar// sku la ye shes klong yangs gsol// g.yas pa shes rab rdo rje 'phyar// 'du 'bral rtsad nas gcod mdzad pa// g.yon pa ye shes mda' gzhu 'gengs// ma rig rtsa ba gcod mdzad pa// ye shes khro chung phyogs bcur 'phro// dgra bgegs rtsa ba gcod mdzad pa// stong rig ye shes kra la la// ye shes khro bo 'bar ba rgyal// sku la ye shes kyi shar ba gsol// g.yas pa ye shes ral gri 'phyar// rnam rtog rtsad nas gcod mdzad pa// g.yon pa ye shes mda' gzhu 'gengs// skye shi rtsa ba gcod mdzad pa// chos nyid kyi khro chung phyogs bcur 'phro// dgra bgegs dbang du sdud mdzad pa// rang gsal chen mor me re re// ye shes khro bo 'bar ba 'phro// sku la ye shes ske tshe gsol// g.yas pa ye shes nyi ma 'phyar// dug gsum rtsa ba gcod mdzad ma// g.yon pa ye shes mda' gzhu 'gengs// 'pho 'gyur rtsa ba gcod mdzad pa// bde rgyas khro chung phyogs bcur 'phro// dgra bgegs srog la mA ra ya// rang shar chen por me re re// ye shes khro bo thig le 'bar// sku la chos nyid 'bar ba gsol// g.yas pa rang gsal zla ba 'phyar// spros pa'i rtsa ba gcod mdzad pa// g.yon pa ye shes mda' gzhu 'gengs// nyon mongs rtsa ba gcod mdzad ma// ye shes khro chung phyogs bcur 'phro// nyams pa dbang
- 14a
du sdud mdzad pa// snang gsal chen por kra la la// ye shes khro bo dpa' bo rgyal// sku la ye shes 'bar ba gsol// g.yas pa gcod pa'i spu gri 'phyar// dug lnga rtsa ba gcod mdzad pa// g.yon pa 'phrul gyi mda' gzhu 'gengs// bdag 'dzin rtsa ba gcod mdzad pa// 'od zer khro chung phyogs bcur 'phro// dgra bgegs tshogs la dug mda' brdeg/ bde ba chen por kra la la// ye shes khro bo 'bar ba'i 'od// sku la ye shes g.yu khrab gsol// g.yas pa ye shes rdo rje gsor// phyogs ris med par khra la la// g.yon pa yid bzhin mda' gzhu 'gengs// rang bzhin med par kra la la// rang snang khro chung phyogs bcur 'phro// dam nyams dgra la mA ra ya// gnyen po med par gsal la la// ye shes khro bo rang sangs rgyas// sku la ye shes 'khor lo gsol// g.yas pa shel gyi spu gri 'phyar// nga rgyal rtsa ba gcod dzad pa// g.yon pa 'phrul gyi mda' gzhu 'gengs// rang sangs chen por kra la la// spros med khro chung phyogs bcur 'phro// dam nyams dgra la mA ra ya// rang grol chen por kra la la// ye shes khro bo rang byung rgyal// sku la yid bzhin sha ba gsol// gsal ba dril chen rgyal mtshan 'phyar// nyon mongs gdung pa sel mdzad pa// g.yon pa 'phrul gyi mda' gzhu 'gengs// zhe sdang rtsa ba gcod mdzad pa// yid bzhin khro
- 14b
chung phyogs bcur 'phro// dam nyams dgra la mA ra ya// 'dod pa'i yid bzhin char du 'bebs// ye shes khro bo bdud rtsi 'khyil// sku la rnam dag ske tshe gsol// g.yas pa ye shes pad+ma 'phyar// 'dod chags rtsa ba gcod mdzad pa// g.yon pa 'phrul gyi mda' gzhu 'gengs// zhe sdang rtsa ba gcod mdzad pa// rnam dag khro chung phyogs bcur 'phro// dam nyams dgra la mA ra ya// ye shes bdud rtsi si li li// ye shes khro bo snang ba'i dpal// sku la spros med ske tshe gsol// g.yas pa rdo rje rgya gram 'phyar// sdug bsngal rtsa ba gcod mdzad pa// g.yon pa 'phrul gyi mda' gzhu 'gengs// phyogs ris med par rtsa ba gcod mdzad pa// snang gsal khro chung phyogs bcur 'phro// dam nyams dgra la mA ra ya// khyab brdal chen por me re re// ye shes rin po che rang 'bar ba las/ ye shes gdangs kyi le'u ste bcu gcig pa'o// // de nas de bzhin gshegs pa thams cad kyi nyams bskyed byin rlabs bde ba 'di brjod do// yul gyi ming ni rgya gar yul// bsam yas rin chen 'bar ba'i dgon pa ru// yid bzhin 'bar ba rgya yis gdab// 'bru gzha' snang gsal 'bar ba'i dgon pa ru// dag pa ye shes 'bar ba'i rgya yis gdab// snod brtag sbyin pa'i thabs chen yang // blo chen yangs la ma sbyin cig/ phyogs med 'khyams pa'i skyon du 'gyur// rgya che
- 15a
zab la ma sbyin cig/ chos dbyings chen po'i skyon du 'gyur// rno la myur la ma sbyin cig/ the tshom za ba'i skyon du 'gyur// ti ri sogs la ma sbyin cig/ sgro skur can gyi skyon du 'gyur// mgyogs spyod can la ma sbyin cig/ khyad du gsad pa'i skyon du 'gyur// rtog pa can la ma sbyin cig/ ngo mi shes pa'i skyon du 'gyur// rgyud ngan rnams la ma sbyin cig/ rang rgyud sreg pa'i skyon du 'gyur// thos chung rnams la ma sbyin cig/ ye 'phangs za ba'i skyon du 'gyur// dad can rnams la ma sbyin cig/ dge sbyor gcog pa'i skyon du 'gyur// btsa' can rnams la ma sbyin cig/ chos la rmongs pa'i skyon du 'gyur// phyag rgya spros la gdangs gsal thugs la shar// nyi ma'i snying po sgrib med sems la shar// nam mkha'i snying po phyogs med thugs la shar// rgya mtsho'i chu gzugs thos med lus la shar// ye shes rin po che rang 'bar ba las/ 'bras bu chos kyi 'khor la'o// rdzogs so// //
- 15b
rgya gar skad du/ a ti tri kA ya pany+tsa dz+nyA na tri ka karma tan+na nA ma ma hA san+ni tri ka ya pany+tsa dz+nyA na s+yAr+tha su b+ha Shi ta sAR+Ya tsan+da saM pu Ta na da si ha sin+ni gi ti tan+na na ma/ bod skad du/ rdzogs pa chen po sku gsum ye shes lnga'i don bshad pa nyi zla kha sbyor seng ge sgra yi dgongs pa bshad pa'i rgyud ces bya ba/ bcom ldan 'das dpal rdo rje sems dpa' la phyag 'tshal lo// 'di skad rnam par bshad pa'i dus gcig na/ dus gsum gyi sangs rgyas thams cad 'dus pa'i dpal rdo rje sems dpas thams cad kyi ngo bor gyur pa bzhon nu dpa' bo stobs dang ldan pa des/ lcang lo can gyi pho brang ri bo gnam lcags 'bar rtse la/ ye shes kyi mkha' 'gro rnams dang / las las grub pa'i mkha' 'gro dang / 'jig rten gyi 'khor dang / sprul pa'i 'khor byang chub sems dpa' rnams dang de'i tshe thabs cig tu bzhugs so// de nas gsang ba'i bdag pos 'di skad ces gsol to// kye kye bcom ldan 'das thugs rje'i bdag/ sems nyid ye shes 'khrul pa'i sgo// rtogs par 'dod pas ji ltar lta// zhes gsol to// rigs kyi bu nges par nyon cig/ ma bcos rang bzhin snying po'i don// phyogs su bltas pas mthong min te// rang la shar ba'i don nyid la// ji ltar nyi 'od nor bu ltar// ma bsags gdod nas lhun gyis rdzogs// rang byung gzhi yi gnas lugs ni//
- 16a
'gro 'ong med par kun la khyab// gsang ba'i rdo rje nam mkha' che// tshig gi spyod yul ma yin te// 'di zhes brjod pa dka' ba'i don// gsang ba'i bdag pos nges par nyon// byang chub don 'di bstan par bya// zhes seng ge sgra yi dgongs pa nyi zla kha sbyor las/ gleng gzhi'i le'u ste dang po'o// de nas 'khor mkha' 'gro dang gsang ba'i bdag por bcas pa la rang byung gzhi skra gsum don ston par rig nas/ gsang ba'i bdag pos gsol ba/ kye thugs rje thabs kyi bdag po chos sku khyab bdal nyi ma'i snying po lta bu bshad du gsol// zhes zhus so// ston pas bka' stsal ba/ go bar dka' ba'i rang byung lhun grub bde chen don// bgrod par dka' phyir dbang dang byin rlabs rgyud// phyi rabs rnams la 'di ltar bshad par bya// chos sku rin chen dgongs pa skye med thig le la// snang ba khyab bdal chen po gsal pa che// de don rtogs na btsal dang bgrod med do// lha gnas gsum du grags pa yi// ro langs bde ba thugs sras kyis// yang sbrul skal ldan sras bdun la// rgyal thabs spyi blugs dbang bskur nas// byang sems lhun grub brda don sprad// rang rig 'gag med 'od gsal rang shar la// dkyil 'khor lnga yi ye shes 'phro// de ldan rgyal ba'i gral du gzhag/ rang rig 'od gsal phyogs med zlum po bum pa'i
- 16b
dbang // sku gsum rang shar rang gsal gsang ba'i dbang // bde chen don rtogs shes rab dbang // ngo bo blo 'das spyi blugs dbang // bgrod med ye shes lam du grol ba'i klong // de nyid rang byung rdzogs pa'i lam// rim par brda yis bstan par bya// chos sku gzhi yi gnas lugs ni// dgongs pa nam mkha'i mtha' dang bral// mtha' dang dbus med phyogs bral 'gyur ba med// gzhi snang khyab pa chos sku dag pa'i dbyings// rang byung rgyu rkyen med pa'i lhun grub pa// stong pa ye shes snying po bdag/ mtha' la mi gnas rdo rje'i sku// ye shes gsal ba rin chen gter// spros dang bral ba'i nam mkha' la// gzung 'dzin bral ba'i rig pa bad la// ngo bo rang bzhin thugs rje'i bdag/ ye shes nang gsal sku gsum 'od du gsal// rang bzhin lhun gyis grub pa'o// seng sgra nyi zla kha sbyor las/ chos sku gnas lugs bstan pa'i le'u ste gnyis pa'o// // gsang ba'i bdag pos yang zhus pa/ kye/ bcom ldan thugs rje thabs kyi bdag/ longs sku grol lugs ji ltar shar// ston pas bka' stsal pa/ chos sku'i rnam dag dbyer med kyang // ye shes sku nyid rang byung gsal// sangs rgyas sku lnga rang rig pa/ mtshan nyid so sor tshul 'dzin cing // shes rab stobs bcu ye shes sku// bzhi bcu rtsa gnyis mtshan 'chang ba// mkha' la nyi shar 'gro
- 17a
don mdzad// de nas bya bral dbyings su skyel// zhes seng ge sgra sgrogs pa nyi zla kha sbyor las/ longs skur grol ba'i le'u ste gsum pa'o// // kye kye bcom ldan thugs rje'i bdag/ thugs rje sbrul sku'i snang ba ji ltar 'byung // sprul pa sku nyid thugs rjer ji ltar shar// bka' stsal pa/ ye shes lnga yi mtshan nyid las// 'byung ba'i drangs ma 'od du gsal// de la snod du rtog pa brtas// snyigs ma 'byung ba zhes bya'o// mkha' la rlung brten de la chu brten nas// de la sa brten 'gro ba brten pa ni// ma rig srid pa'i sgo nga las byung ba// rkyen rnams tshogs nas 'gro drug las kyis 'khor// sna tshogs gzugs can yid las byung // 'khrul yang chos sku'i khyab bad la rang byung lhun grub pa// sku gsum 'od gsal ma 'dres rig pa rang rang shar// sbrul sku'i zhing khams ma 'dres so sor gsal// sku gsum thugs rje 'gro ba don mdzad pa// dpal ldan sangs rgyas pad+ma skyes// sprul pa'i 'khor lo yi ge drug las shar// 'gro drug don du thub drug tha dad mdzes// rnam grol gsum la mkhas pa'i chos kyang ston// skye med don phyir chos nyid sna tshogs bstan// sangs rgyas sprul pas sems can kun don mdzad// sems can thams cad rnam grol byed// de nas thugs rje dbyings su sdud// rgya mtsho chu bran sdud
- 17b
pa'i tshul// zhes seng ge sgra yi dgongs pa nyi zla kha sbyor las/ sbrul sku'i le'u ste bzhi pa'o// // kye/ bcom ldan thugs rje'i thabs kyi bdag/ sku gsum ye shes bshad du gsol/ bka' stsal pa/ ye ni shes pa gcig yin pa// mtshan ni rnam pa lnga ldan te// ngang las rang bzhin med pas gsal// chos dbyings ye shes lhun gyis grub// ngang las yon tan 'byung bas na// me long ye shes lhun gyis grub// shes rab gcod pas so sor rtogs// skye 'gag med pas mnyam nyid de// thogs pa med pas bya ba grub// stong pa'i ye shes rtsal snang ba// mtshan nyid 'dzin pa'i ye shes lnga// rig pa'i klong na rang shar gsal// dkar dang dmar dang ser dang ldang // mthing kha'i rnam par ye grub pa// snang la dngos med nam mkha' 'ja' tshon tshul// ye shes rig pa'i rang gdangs shar bar bshad// ces seng ge sgra yi dgongs pa nyi zla kha sbyor las// ye shes kyi le'u ste lnga pa'o// // kye kye bcom ldan thugs rje'i bdag/ sku gsum ye shes lnga ldan rang byung sgra// bag chags sbubs na 'gro la ji ltar gnas// bka' stsal pa/ thugs rje rtsal gyi 'char lugs dang // srid pa bzhi la 'dzin lugs dang // sdud byed dngas ma chags pa'o// gso byed bcud kyi chags sa bzhi// dngos po gdos pa can du grub// sbrul sku 'gro bar snang ba'o// de la ji
- 18a
ltar gnas she na// zla ba gdan la nyi ma dbu rgyan can// rin chen gur phub zur gsum re zag bzhi// tsit+ta dpal gyi be'u zhes su bya// de dbus rtog med sku gsum chos kyi sku// sgrib med ye shes lnga yis gzhal yas na// kun bzang rigs lnga sems dpa' yab yum bzhugs// thugs rje 'od kyis kun tu khyab pa'i ngang // rtags kyi sgron mar rig pa'i 'od gsal ba// ye shes rtsal ma rdzogs pas khyud phrug sgong rgya'i tshul// sku gsum the tshom med blos rang shar rig pa'i don la lta// dus bzhi mnyam sbyor dgongs pas ni// rang ngam rang bzhin bdag nyid chen por gzhag/ ces seng ge sgra sgrogs kyi dgongs pa ye shes nyi zla kha sbyor rgyud las/ bag chags sbubs la sku gsum ngo sprad le'u ste drug pa'o// kye kye bcom ldan thugs rje'i bdag/ sbrul sku zhing khams 'gro drug nas// 'bras bu longs skur grol bar ji ltar bgyi// zhes pas bka' stsal pa/ srid pa 'gro drug las grol ba// bye brag skad cig gcig gis grol// grol las grol bas thar pa mthong // rnam grol lus ni rin chen sbubs// 'jug dang snang dang shes pas grol// phyi snang ba sgo lnga dang du grol// rnam shes lnga nyid 'od lnga dang du grol// 'od lnga rigs lnga yum lnga chos sku ngang du 'dus// ye shes sku de mtshon gyi gru gu bzhin// tsit+ta sgron mar zhugs nas chos nyid mkha' la
- 18b
shar// rtogs pas skal ldan longs sku ngo bor grol// thugs rje 'od zer 'gro don sbrul sku 'gyed// ces seng ge sgra'i dgongs pa nyi zla kha sbyor las/ sems can sbubs nas longs sku 'od kyi sbubs su grol ba'i le'u ste bdun pa'o// // kye kye bcom ldan thugs rje'i bdag/ longs sku'i zhing khams sprul pa'i sku// sku gnyis chos sku'i klong du ji ltar grol// zhes pa bka' stsal pa/ dbyings las rig pa ye shes rang byung ba// ye shes rdzogs sku gsum sprul pa'i sku// chos sku longs sku rtsal snang ye shes rgyan// 'gro ba'i don mdzad gsal byed kun grol khyab// mi 'gyur ye shes rlung gis shes rab mkha' la bteg/ shes rab spyan gsum rang bzhin rnam par dag/ rang rig ye shes yin la bag chags lus kyi rtog pa med// seng ge sgra las/ ye shes dbyings su sprul pa sku dag pa'i le'u ste brgyad pa'o// // kye kye bcom ldan thugs rje'i bdag/ gzigs pa'i spyan gsum sgrib med ji ltar grol// zhus pa/ bka' stsal pa/ sbubs gsum yul du ji ltar/ ma rtogs 'khrul pa'i snang ba ni// snyigs ma byung ba ngo bos stong // da ngas ma lnga nyid 'od gsal stong // rang la snang zhing rang bzhin med// rang snang rnam dag shes rab spyan gyi ngang du grol// bag chags sbubs na bzhi bcu rtsa 'od gsal ba// stong zhing bdag med bum
- 19a
pa'i mar me bzhin// 'od kyi sbubs su sgrib med spyan gsal ba// sgrib med 'od sbubs ye shes spyan du grol// zim shar gnas pa rig pa'i ngangal gsal// 'od gsal snang yang zang thal reg pa med// chos sku phyi nang mdun rgyab med pa rin chen sbubs// so sor rtog par chod yang dmigs med chos nyid dang // gnas lugs chos kyi spyan gyi ngang du sgrib med grol// 'gyur med pa na ye shes stong rig gsal// gzung 'dzin gnyis med chos kyi mtha' las grol// seng ge sgra nyi zla kha sbyor las// spyan gsum sgrib med grol ba'i le'u ste dgu pa'o// // e ma ho/ snying po don gyi rgyud gsum pa// snod kyi 'jig rten dbyings su grol// sgo lnga dug lnga ye shes gdangs su grol// sems kyi gzung 'dzin spros bral dang la grol// lus ngag yid gsum sku gsum ngo bor rdzogs// 'khor ba 'das pa grol ba'i sku chen sku gsung thugs// rang byung sku gsung ye shes rgyas par bshad du gsol// bka' stsal pa/ chos sku ngo bo kun tu bzang po de// dngos bcas ma yin kha dog tshogs 'od kyi sku// 'bar ba 'od 'phro snang du yod la reg tu med// rtag chad las 'das 'gyur med ye shes snying por gnas// de yi yon tan khyab pa phyogs dang ris med pa// zab dang thun mong ma yin thog ma rgyu rkyen med// chos sku mtshon bya dag dang rtog pa
- 19b
dang // dag pa glo bur dri ma rnam dag drongs// rang bzhin bral bas de nyid 'od gsal lo// de yi rtogs pa blo 'das rig pa la// smra bsam brjod med so sor rang rig rtogs// mtshan nyid 'dus byas ma yin 'khor 'das dbyer med pa// rtag chad las 'das yang dag don du nges// chos sku'i dbye ba bzhi snang chos sku dang // kun bzang ngo bo nyid kyi chos sku ni// chos nyid spyan gyis 'khor 'das zang thal gzigs// chos nyid don gyi gsung gi ni// skye med brjod dang bral ba'i don gyis ni// de nyid brjod du med pa'i chos bshad do// longs sku'i ngo bo rigs lnga 'od gsal ye shes lnga yi sku// thugs rje zer du 'phro ba'i bdag nyid// mtshon bya sku yi snang ba lnga shar ba// thugs nyid rdo rje lta bu'i dgongs pa ting 'dzin rtogs// mtshan nyid 'du byed rkyen gyis mi bskyod lhun gyis grub// yon tan sbrul skur 'phro yang 'gyu byed mi mnga' ba// dbye ba bzhi po longs sku rtog med sku lnga dang // zhing khams longs sku 'gro la khyab pa'i sku// ye shes spyan gyis chos rnams mnyam nyid gzigs// dgongs pa 'da' ba'i gsung gis sku yi chos rnams 'jal bar ston// sbrul sku'i ngo bo thugs rje ye shes las// mtshon bya sku gsung thugs kyi snang ba la// 'gro ba dad dang mos dang smin par byas// mtshon pa thugs rje thabs kyis rnam par mtshon// dbye ba bzhi
- 20a
gnas sbrul sku thugs rje sprul pa'i sku// ye shes rang byung sprul pa'i sku shar ba'o// shes rab spyan gyis spyi dang rang gi mtshan nyid so sor gzigs// brjod pa tshig gi gsung gis 'gro la chos ston to// seng ge sgra dgongs pa nyi zla kha sbyor rgyud las/ sku gsum rang bzhin bstan pa'i le'u ste bcu pa'o// // kye/ bcom ldan thugs rje thabs kyi bdag/ sku gsum nges tshig gsung du gsol// bka' stsal ba// chos sku'i ngo bo gnyis med shes rab bad la khyab la// longs sku mtshan nyid 'od gsal mi rtog ye shes so// sbrul sku ngo bo thugs rje mi 'gag pa// chos sku nges tshig khyab dang rten byed la// longs sku zhi dang 'khor smin longs spyod do// sbrul sku nges tshig thugs rje sna tshogs sprul// yun thung ma nges phyir na sprul zhes bya// dbye ba chos sku'i chos sku ni// mi 'gyur rig pa spros bral bad la khyab pa// chos kyi sku yi chos sku yang dag bshad// rig pa'i shes rab sku lnga mkhyen ma 'gags// chos sku'i longs skur rgyal ba kun gyis bshad// gdul bya sogs med sku lnga ngo bo nyid shar ba// chos sku'i sprul pa sku yi nges bshad yin// de la ngo bo rang bzhin thugs rje gsum zhes bya// khyab bad la gzhi yi chos skur de bshad do// longs sku chos sku rnam snang chen po sku gcig sku lngar shar// des na kun tu zhal zhes bshad pa yin// longs sku longs sku'i
- 20b
rigs lnga sangs rgyas la// longs sku'i sbrul sku sems dpa' sems ma'o// de rnams mtshan nyid bye brag bshad pa ni// 'bras bu mngon du gsal ba'i dus zhes bya// sbrul sku'i chos sku rdo rje sems dpa' la// sems dpa' sems ma longs skur bshad pa ni// zer gyi thugs rje sprul pa zhes su bya// de rnams thugs rje 'byung ba'i sku gsum zhes su bshad// rdo rje sems dpa' thugs las thub drug spros// thub drug sprul sku bye ba mched pa ni// 'gro ba 'dul ba'i sku gsum zhes su bshad// kye kye gsang bdag nges par bshad kyis zungs// nga ni rdo rje sems dpa' chos kyi sku// nga yi dbu yi thor tshugs dang // mdzod sbu bu ga shangs kyi rlung sgom nas// de rnams 'byung ba'i 'jam dpal dri med dang // seng ge sgra dang sems dpa' snying po la sogs pa// sprul pa'i longs sku yin par ngas bshad do// thub drug dga' rab rdo rje la sogs pa// sprul pa'i sprul pa yin zhes bya// seng ge sgra dgongs pa nyi zla kha sbyor las// sbrul sku gsum gyi dbye ba'i le'u ste bcu gcig pa'o// // kye/ bcom ldan thugs rje thabs kyi bdag/ sku gsum rang bzhin gsung du gsol// bka' stsal pa/ sku gsum rang byung ngo bo ma byas pa// ma bcos ma bslad mi 'gyur ba// rang bzhin rnam dag 'dus ma byas// ye shes 'od gsal nam mkha' lta bu la// chos nyid rnam
- 21a
dag rdo rje lta bu'i sku// rig pa rang shar zang thal ye shes klong // rang bzhin gzhi gnas ye shes chen po la// mtshan nyid 'dzin pa'i ye shes rnam pa lnga// mi 'gag so sor dang la 'od du gsal// de yi klong na snying po sku lnga phyag rgya 'gag med gsal// ngo bo chos sku gsung thugs rang bzhin longs spyod sku// thugs rje sbrul sku thams cad 'byung ba bzhi ma 'gags// bzhi la gnas pa'i sku gsum ye shes zhes su bya// rgyu nyid dag pa chos sku 'bras bu gzugs sku gnyis// rang gsal rtsal du grub ste gzhi gnas sku gsum mo// seng ge sgra nyi zla kha sbyor las// sku gsum rang bzhin bzhi'i le'u ste bcu gnyis pa'o// // kye/ bcom ldan thugs rje thabs kyi bdag/ gzhi sku gsum sangs rgyas las/ 'bras bu bshad du gsol/ bka' stsal pa/ gzhi sku gsum ye sangs rgyas pa las// kun bzang rtogs pa'i sangs rgyas ni// gnyis las ma 'dres gcig las mi 'byed pas// ma 'dres rdzogs pa ye shes rang shar bas// bde chen dbyings su mngon par sangs yang rgyas// sangs rgyas ngo bo nges tshig dang // dbye ba mtshan nyid rnam grangs bstan// sangs rgyas ngo bo dri med ye shes la// nges tshig nyon mongs sdug bsngal dri dag ye shes rgyas// dbye ba lhun grub sangs rgyas rtogs pa mngon sangs rgyas// thugs kyi dgongs pas
- 21b
ye shes chos 'chad do// longs sku sprul pa'i sku la brda yis ston// sprul pa 'gro ba'i don phyir brda dang tshig gis ston// de yi phyir na sku gsum ston pa zhes su bya// rang rig rtogs pa'i shes rab kyis// log par rtogs pa'i bdud bcom ste// mkhyen pa'i ye shes stobs ldan pas// bzung 'dzin mtha' las 'das pa ni// bcom ldan 'das zhes bshad pa yin// mkhyen rtogs bdag gis dpal dang don ston gzhan gyi dpal// kun tu don byed kun tu bzang pos bya// 'gro ba'i mun sel sgron mas bya// rang byung ye shes skye 'gag med pas 'chi bdag bdud kyang bcom// rang byung ye shes mtshan ma med pas phung po'i bdud kyang bcom// rang byung ye shes gnyis su med pas nyon mongs bdud kyang bcom// sku gsum ye shes gzung 'dzin bral// bral bas lha yi bu yi bdud kyang bcom// longs sku 'ja' tshon sku lnga gdos bcas med pas phung po'i bdud kyang bcom// gzung 'dzin skyon bral nyon mongs bdud kyang bcom// ye shes lus la skye shi med pas 'chi bdag bcom// 'od gsal rang byung lha yi bu yi bdud kyang bcom// sku gsum ldan lugs bstan pa ni// chos sku yon tan sgo yangs pas// ye shes lnga dang sku gnyis ldan// longs sku mtshan dang dpe byad ldan// dgongs pa 'od gsal ye shes ldan// mngon par shes pa'i chos drug ldan// sprul
- 22a
sku thugs rje rdzu 'phrul ldan// sku gsum 'das lugs bstan pa ni// chos sku mtha' rnams kun las 'das// longs sku gzung 'dzin 'khor ba 'das// sbrul sku shes rab thabs ldan pa// 'khor 'das gnyis kyi mtha' las 'das// sku gsum rgyas pa bstan pa ni// chos sku mtshan ma gnyis snang sangs// rang rig gsal ba gnyis med ye shes rgyas// longs sku 'khor ba'i chos can sangs// thams cad mkhyen pa'i che ba'i ye shes yon tan rgyas// sbrul sku ma rig 'khor bar rang rgyud sangs// shes rab thabs dang thugs rje rgyas// sku gsum dri ma dag lugs ni// chos sku ngo bo dri ma dag/ longs sku reg bya dri ma rnam par dag/ sbrul sku nyon mongs dri ma rnam par dag/ ces seng ge sgra dgongs pa nyi zla kha sbyor rgyud las/ 'bras bu sku gsum bshad pa dang gzhi 'bras khyad par le'u ste bcu gsum pa'o// / kye kye bcom ldan thugs rje thabs kyi bdag/ sku gsum tshom bu bzhugs lugs bshad du gsol/ bka' stsal pa/ chos sku gzhi snang chen po ni// chos nyid 'od gsal ye shes sku// de nyid phyi nang med par gsal// rig pa phyi nang med par khyab// bdal ba phyogs ris med par shar// gnyis med chos nyid rdo rje'i sku// rang gsal 'dzin med thugs rig pa// de la mkhyen pa ma 'gags pa// rang rig chos nyid ye shes gdangs shar
- 22b
ba// yum gyi rang bzhin shes rab ye shes spyan gyi bum pa lnga// snang ba dngos med nam mkha' 'ja' tshon bzhin// de yi nang na sku gcig sku lngar gsal// gsal la rtog med bum pa'i mar me 'dra// sku gsum nang gsal 'du 'bral med pa'i gnas// rig pa'i 'od gsal thugs nyid zang thal bas// sku gnyis yul du mi snang yon tan rtsal ma 'gags// 'du 'bral med pa'i sku gsum snying po la// sku gnyis mi 'gag yod pa'i med pa ste// chos sku mi 'gyur med pa'i yod pa ni// 'khar gzhong bcud dang me long gzugs brnyan bzhin// snang la rang bzhin med pas mtshan ma'i skyon dang bral// mi snang rang bzhin yod pa chad pa'i mtha' las 'das// chos nyid dag pa'i snang ba la// kun tu bzang po bzang mo'i ngang // rang la shes rab sku lnga snang // mtshan ma gdos bcas sku ma yin// ye shes rang snang chen po chos kyi sku// mtshan ma gzhan snang rtogs pa med// shes rab sku lnga bstan pa ni// rang shar rang gsal ngo bo la// thams cad 'char zhing snang ba'i phyir// kun bzang snang ba chen pos bya// rang la sku mi snang ba kun bzang yum gyi klong zhes bya// chos sku dngos med zang thal la// gzhan snang med pas gdos bcas 'das// rnam dag chos dbyings bkod pa yis// chos nyid sku gsum dbyer med klong // ye shes rang gdangs
- 23a
bum pa lnga// ma 'gags gsal ba myu gu gnas// chos dbyings dag pa rig pa'i sku// kha dog sna tshogs 'bar bar bzhugs// rtsal gyi 'od zer dag snang ba// mthing kha dkar ser dmar dang ljaldang // ma 'dres gsal ba'i ye shes rdzogs// de lnga nang na sku lnga lhun gyis grub// phyogs bzhi dbus dang lngar gnas pa ste// dbus ni kun snang ye shes la// bzhi po rnam snang kun tu zhal// kha dog sna tshogs 'bar ba'i sku// ye shes sgo lnga zang thal ma// snang du yod la reg tu med// rtag chad mtha' las 'das pa'i gzhi// sgrib med gdangs gsal spyan mnga' zhing // thogs med rang byung shugs kyi mdzes// skyon bral rnam dag ljags dang ldan// 'gag med rang dngas snyan gyis brgyan// spros med rang gsal ye shes sku// phyag ni mnyam gzhag zhi ba'i ngang // kha dog lnga yi bdag nyid 'dzin// gdan gsum ngang la yongs su rdzogs// thabs dang shes rab yab yum tshul// gdul bya rigs lnga sangs rgyas te// dag cing gsal ba'i me long la// byad kyi rnam pa gsal ba ltar// mtshan rdzogs rdo rje 'chang chen ni// mi bskyod rin chen 'byung ldan dang // snang ba mtha' yas don grub shar// rang rang phyag mtshan thugs las gab// dbyer med rdo rje skyil krung bzhugs// ye shes lnga yi sbubs na gsal// rang rang so so'i chos nyid la// lnga pa so so
- 23b
sbubs na gnas// re re la yang bzhi bzhis bskor// ye shes lnga rdzogs rtsal gyi mtshan nyid 'dzin// gnyis med yum lnga lus dang grib ma bzhin// rang byung rang snang rang gis mkhyen// rang snang rtse gcig 'byed pa med// seng ge sgra las/ chos sku bzhugs tshul bstan pa'i le'u ste bcu bzhi pa'o// // kye/ bcom ldan thugs rje thabs kyi bdag/ longs sku bzhugs tshul gsung du gsol// bka' stsal pa/ sku gcig/ sku lngar shar bas rnam par snang mdzad la// de las 'gyur ba med pas mi bskyod pa// yon tan phyogs med rang byung rin 'byung bya// dri mas ma gos thugs rje 'od dpag med// gang la thogs med grub pas 'phrin las grub pa'i sku// shes rab sku lnga'i rang bzhin ni// rig pa gcig gi ngo bo la// thams cad 'char bar snang bas rnam snang chen po bya// yon tan mi 'gag rin 'byung chen po bya// thugs rje stobs ldan 'od dpag med// shes bya thogs med don grub chen po bya// de don rang byung 'gyur med mi skyod che// 'gag med dbyer med rig pa shes rab thugs ldan no// yon tan kun brgyan rab tu ngang la gcod// rnam snang thugs kyi rang bzhin 'khor lo rtsibs brgyad do// sku lnga ye shes lnga ldan mi 'gyur mi phyed pas// ma bskyod thugs kyi rang bzhin rdo rje rtse lngar gnas// ngo bo mi 'gyur rang bzhin mi 'gag yon tan rang la
- 24a
'byung // rin 'byung thugs kyi rang bzhin nor bu rin chen gnas// rang gi ngo bo dri med rnam dag pas// 'od dpag med pa'i thugs ni pad+mar gnas// thugs kyi rang bzhin dgongs pa mtha' bzhi 'das// tshad med ye shes 'phrin las bzhi rdzogs pas// don grub thugs kyi rang bzhin rdo rje rgya gram gnas// yum ni ye shes dbyings kyi cha// sku mdog phyag mtshan yab dang mthun// gnyis med ye shes 'od du gsal// ma bcos rang bzhin yongs khyab pas// yum gyur kun tu bzang mo bya// rang bzhin mi 'gyur 'gag med la// yum gyur sangs rgyas spyan zhes bya// yon tan don sdud mnyam sbyor bas// yum gyur mA ma ki zhes bya// yon tan kun smin 'od kyi gdangs ldan ma// yum gyur gos dkar mo yi don du bshad// rang bzhin skyon med mi ldog gnas su sgrol// rlung nyid dam tshig sgrol ma'i don du bshad// sku gsum kun tu 'od kyi sa la ye nyid snying por gnas// sa yi snying po zhes su bshad pa yin// sku gsum kun tu khyab pas sems dpa' kun bzang bya// sku de don rang la gzigs pas spyan ras gzigs// sku gsum phyag rgya skye 'jig med pa phyag na rdo rje don// sku gsum 'gro la snying rje khyab pa byams pa'i don// sku gsum rig stong dbyer med nam mkha'i snying pos don// sku gsum mkhyen par gsol ba 'jam dpal
- 24b
don// sku gsum ye nyid dag pas sgrib sel don// sku gsum ye shes skur snang gzugs nyid sems// sku gsum tshul khrims dri ldan ma le dri// sku gsum shes rab ro ldan ni rti ro// sku gsum sgra ldan gI rti sgra// sku gsum dri ldan d+hA pe ma// sku gsum bde ba'i mdangs ldan puSh+pe ma// sku gsum 'od gsal dar shar A lo ke// sku gsum ting 'dzin rgyun 'bab gan+d+he ma// skyon gyis ma gos ye shes bzhi yi don// sa snying dkar po rin chen myu gur gnas// dri med rang la rdzogs pas 'gyur ba med// kun bzang mthing skya thugs kyi rang bzhin rin chen snye mar gnas// ye shes dbang thob nyon mongs skyon dang bral// spyan ras dmar skra thugs kyi rang bzhin pad+ma dkar// 'phrin las bya rdzogs 'du 'bral med// phyag na rdo rje ljang nag thugs kyi rang bzhin rgya gram gnas// 'dod pa'i skyon bral thugs rje 'dzin// byams pa dkar dmar klu shing mgo ldogs so// gzung 'dzin rnam gcod rtog pa sel// nam snying mthing skya thugs kyi ral gri gnas// shes rab rang grol ye shes rgyas// 'jam dpal dmar ser thugs kyi rang bzhin ut+pal lo// sgrib pa rnam dag ye shes thogs pa med// sgrib sel mthing kha thugs kyi rang bzhin po ti gnas// lA s+ye dkar mo khu tshur bgying // gzugs kyi rnam dag ngo bor shar// mA le sngon mo spos me ma// dri yi rnam
- 25a
dag ngo bor shar// ni rti dmar mo 'phreng ba ma// ro yi rnam dag ngo bor shar// gi rti ljang khu bsil kha ma// sgra yi rnam dag ngo bor shar// puSh+pe me tog dus 'das ngo bor shar// A lo ke mar me lha ngo bor shar// gan+d+he phyis 'byung ye shes rnam dag ngo bor shar// sku gsum skye 'gag med pa rang bzhin lhun gyis grub// bde chen skye 'jig med pa bde ba tshe 'phel ma// rnam dag yul brgyad rtog par shar ba za/ byed pa// sku gsum ye shes rtog pa zad par byed pas bde ba zad byed ma// sku gsum ye shes klong du 'khor ba thim pas rnam rtog mgo rmongs pas// de phyir bde ba'i ye shes rmongs byed ma// 'khor 'das ye shes sku gsum ngang du rgyas thebs pas// de phyir bde ba'i ye shes rgyas 'debs ma'o// thams cad rig pa rtsal gyi rol pa rnam dag bstan pa'i don// seng ge sgra'i dgongs pa nyi zla kha sbyor las// longs sku nges don bzhugs tshul gyi le'u ste bco lnga pa'o// // kye/ bcom ldan thugs rje thabs kyi bdag/ tshom bu dkyil 'khor gsung du gsol// bka' stsal pa/ bcom ldan rdo rje mi bskyod la// sa snying byams pa g.yas dang g.yon// thugs rje thabs kyi sku ru shar// yum chen sangs rgyas spyan dag la// lA s+ye d+hA pe g.yas dang g.yon// thabs dang shes rab cha 'dzin pas// re re la yang gnyis gnyis snang // tshom bu dkyil 'khor
- 25b
gcig tu gsal// bcom ldan rin chen 'byung ldan la// kun bzang nam snying g.yas dang g.yon// yum chen mA ma ki dag la// mA le d+ha pe g.yas dang g.yon// tshom bu dkyil 'khor gcig tu gsal// bcom ldan snang ba mtha' yas la// spyan ras 'jam dpal g.yas dang g.yon// yum chen na bza' gos dkar la// ni rti A lo g.yas dang g.yon// tshom bu dkyil 'khor gcig tu gsal// bcom ldan don yod grub pa la// phyag rdor sgrib sel g.yas dang g.yon// yum chen dam tshig sgrol ma la// girti gan+d+he g.yas dang g.yon// tshom bu dkyil 'khor gcig tu gsal// yab rnams kun tu bzang po la// yum rnams kun tu bzang mo'i ngang // de phyir kun bzang tshom bu gcig tu gsal// phyin ci log bzhi 'das pa tshad med sgo ba bzhi// yon tan stobs ma 'gags pa sum cu rtsa drug ni// ye shes lnga ldan 'od lnga pho brang bzhugs// longs sku lcags kyi zer la gsung shar ba// yi ge drug pa'i 'khor lo las// thub drug thabs ma 'gags pa bzhi bcu rtsa gnyis so// mtshan dang dpe byad lhun mnyam sku la rdzogs// thugs rje mdzad spyod rgyan dang rol par shar// rnam rtog mi mnga' thams cad sa le mkhyen// ye shes lus can chos kyi spyan mnga' ba// rdzogs pa'i sangs rgyas drug pa rdo rje 'chang // sangs rgyas 'dus pa re lnga thig le
- 26a
sku// ma 'gags rang byung gsung mi 'gyur// ljags kyi pad+mo yi ge drug 'gyur la// thugs rje sbrul sku 'char ba'i sgo ma 'gags// de las shes rab ye shes zer 'phro ba// zabs ma 'gags pa thugs rje sbrul skur gsal// seng ge sgra nyi zla kha sbyor las/ longs sku tshom bu 'phro ba'i le'u ste bcu drug pa'o// // kye/ bcom ldan thugs rje thabs kyi bdag/ gnas dang gdan rnams gsung du gsol// bka' stsal pa/ gnas med gnas mchog chos dbyings rnam dag na// ma bris 'od gsal dkyil 'khor yang dag gsang ba'i mchog/ bzhugs nas lhun grub ma yi pho brang ngo // de la bzhugs pa gdan gyi khyad par ni// rtags dang khyad par chos nyid gdan// rtags la rnam pa lngar bshad pa// sku gsum 'du 'bral med pa'i rtsal rdzogs te// rnam snang rtsal gsum rdzogs pa seng ge'i gdan// sku gsum chos nyid ngang du mi 'gyur rtags// mi bskyod gdan du glang chen mi bskyod khri// chos sku chos nyid ngang la sku gnyis thugs rje skyod pa'i rtags// rang byung shugs 'chang skyod pa rta mchog gdan// sku gsum 'od la thugs rje 'gro ba'i don byed pa// mtha' yas mdzes pa rma bya 'od kyi gdan// sku gsum rdzu 'phrul stobs kyis 'phrin las thogs med mdzad// don grub mkha' lding thogs med gdan la bzhugs pa'o// shes
- 26b
rab 'gyur ba med pa'i chos nyid las// thabs la 'gags pa med pa'i ye shes gsal// gnyis med sku dang ye shes gsal ba'i rtags su nyi zla'i gdan// rig pa'i ye shes rang rig kho nar shar bas dri ma med// de don mtshon pa pad+ma'i gdan// skyon bral ba yi don du mtshon// zhes gsungs/ seng ge sgra nyi zla kha sbyor las/ gnas dang gdan gyi khyad par gyi le'u ste bcu bdun pa'o// // kye/ bcom ldan thugs rje thabs kyi bdag/ longs sku bzhugs rol de ltar na// sprul pa'i sku yi zhing khams 'dir// ston pa byon lugs ji ltar lags// bka' stsal pa/ rdo rje 'dzin pa legs par nyon cig chos sku 'od 'gyur rtsal gyi rol pa ni// longs sku zer 'od bzhi bcu rtsa gnyis shar// de yi gsung gi rol pa yi ge drug/ 'a a ma sha sa ha drug/ de las nga sogs sbrul skur shar ba ni// 'dul bya drug la so sor 'tsham par 'chad// ston pa byon gzhi de ltar na// 'gro drug skye ba mthun pa ru// sku yi 'khrul rten gang gis bgyis// rtogs pa'i shes rab ji ltar skyes// thugs rje yig 'bru ji ltar spro// zhes so// longs sku ljags kyi 'khor lo las// gsung gi ngo bo shes rab ye shes shar// rang byung kun gzhi yi ge ma// skye med gzhi yang yi ge a// 'gag med yi ge ha dang 'a// 'dzin byed yi ge sa 'phros nas// pha dang ma la brten par bya// bung ba me
- 27a
tog 'jib pa ltar// u dum 'bar ba'i me tog la// rig pa'i ye shes yas zhugs rdzus nas skyes// yang bka' stsal pa/ rdo rje 'dzin pa nges par nyon// ngas len ma myong ba yi lus gnyis blangs// chos sku ngo bo nyid las ni// longs sku sbrul sku gnyis blangs so// mthong ma myong ba'i yul gnyis mthong // spyir 'gro drug sprul pa'i zhing khams dang // nang tshom bu lnga yi longs sku mthong // shes ma myong 'i gtam gnyis shes// bsod nams tshogs dang ye shes so// ngas brjod ma myong ba yi tshig gnyis bshad// bkri drang theg pa'i chos dang snying po'i don bshad do// de tshe rtogs pa'i shes rab rang shar skyes// nga yi chos sku rnam dag pas// thams cad mkhyen pa'i ye shes shar// longs sku ma bskyed lhun rdzogs pas// rnam pa thams cad mkhyen pa'i don// rang rig shes pas ye nas rang la shar// thams cad sprul pa'i sku yin pas// chos rnams rang byung chen por shar// 'gro drug sems can thams cad kyang // dang po chos sku zer las 'khrul// bar du sku gsum ngang du gnas// tha ma thim yang chos nyid dang du thim// skal med las ma dag pa'i sems can rnams// spyan gsum rnam dag rang gsal ngo ma shes// skal ldan sku gsum rang chas gnas pa la// rtogs pas sgo gsum rang shar rang sar grol// dus gsum
- 27b
rang grol mkhyen pa'i ye shes 'char// bum pa nang gi mar me gsal ba bzhin// 'gyur med sku gsum rang sa dus der zin// rab kyi rdzogs ldan dgongs pa tshe 'dir chod// 'bring gis lnga ldan ye shes par dor chod// sku gnyis chos sku'i klong du rdzogs ldan chen po chod// seng ge sgra yi dgongs pa nyi zla kha sbyor las/ sbrul sku rnam par bye brag tshul bstan pa'i le'u ste bco brgyad pa'o// // kye/ bcom ldan thugs rje thabs kyi bdag/ sku gsum ye shes 'char lugs gsung du gsol// bka' stsal pa/ rang 'byung ye shes chen po 'di// yin min dbye ba ngas bshad kyis// rdo rje 'dzin pa nges par nyon// ye shes ma yin rang byung de// sems can kun la yod mod kyang // ma rtogs phyir na ye shes min// mig mkhan med pa'i long pa 'dra// rang byung med pa'i ye shes des// gnas 'gyur ye shes lnga 'dod pa// rkyen gyis 'byung phyir ye shes min// rgyud la bse ru zin pa 'dra// rang byung ye shes ye nas yin pa ni// shes rab lhag mthong rang byung shar// ye nas gnas pa'i rang byung de// lung ldan rkyen gyis rtogs pa'i phyir// rang shar ye shes 'joms pa ni// mar gyi yang zhun lta bu ste// nyi ma sbyin dang bral ba 'dra// ye ni 'od gsal rang bzhin la// shes ni rig pa 'gag pa med// ye shes don du de bshad do// ye shes ngo bo nges tshig dang // dbye ba
- 28a
rnam grangs bcas pa dang // mtshon pa'i dpe dang sbyar bshad pa// ye shes ngo bo snying po 'od gsal ba// mi rtog rang bzhin rnam dag pas// gzhi gnas ye shes rang byung 'od gsal lo// sku dang sbyar na chos sku zang thal sku// rig pa sbyar na ngo bo nyid yin te// 'dug tshul sbyar na rang gsal 'od// sna tshogs 'od 'bar mtshan 'dzin pa// rang bzhin lhun grub rtag chad 'das// phyi nang med pa zang thal 'od// snying por 'byung ba ye shes don du bshad// ye shes zhes pa ye nyid rang gi don// de nyid shes pa tshig gi don bshad pa// de yi dbye ba bstan pa ni// rig pa rang dag zang thal 'od gsal la// gzhi gnas 'byung rung ye shes chen pos bya// de nyid stong pas chos dbyings ye shes so// 'gag med gsal bas me long lta bu yin// rig stong dbyer med mnyam nyid ye shes don// gnyis med sku gsum so sor rtog pa'i ye shes so// rig pa'i ye shes thogs med bya ba grub// de ltar so sor bstan yang gdos bcas med// mi gnas ye shes bya bar bstan pa yin// de ltar shes shing rang la rang rig pa// rig pa'i ye shes su ni bstan pa yin// 'byed pa med pas rang byung ye shes so// de don mi 'da' 'da' ka thugs kyi ye shes so// gzhi gnas ye shes dpe ni sa gzhi ltar// chos dbyings ye shes dpe ni nam mkha'
- 28b
ltar// me long ye shes dpe ni me long g.ya' dag ltar// so sor rtog pa rgya mtsho'i gza' skar ltar// bya ba grub pa'i ye shes dpe ni nyi ma'i snying po ltar// mi gnas ye shes de ni chu zla ltar// rang rig ye shes man shel lta bu ste// 'da' ka ye shes dpe ni rgyal po'i bka' khrims 'dra// thams cad 'byung ba gzhi nyid ye shes yin// ltos med stong pa chos dbyings ye shes yin// 'gag med gsal bas me long lta bus bya// gnyis med sbyor byed mnyam nyid ye shes yin// ma 'dres rdzogs par so sor rtogs par byed// thogs pa med par byed pas bya ba grub// mtha' bral brjod pas mi gnas ye shes so// rang gis rang rig rang shar ye shes so// 'gyur med 'dus ma byas pa rang byung ye shes la// don la mi 'dar byed pa 'da' ka thugs ye shes la// chos sku thig le rig pa'i rtsal snang ba// tha dad dang 'od zer du gsal ba ni// rig dang dngos med zang thal dang // 'gag med dbyer med thogs pa med pa la// ye shes lnga yi mtshan nyid de lngas bzung // dbyings dang ye shes gnyis ni rang gdangs stong pa'i ngang // chos dbyings ye shes stong pa'i ngang ni mthing khar gsal// me long ye shes 'gag med dang ni dkar por gsal// mnyam nyid ye shes dbyer med dang ni ser por snang // so sor rtog par ma rig dang ni dmar por snang // bya
- 29a
grub ye shes thogs med pa ni ljang khur gsal// de rnams chos nyid dang ni ngo bo ye shes gsal// sku gsum rang rig ye shes gsal ba'i lam// ma bsgribs zer 'od 'gag pa med// ye shes rang snang gsal ba'i lam zhes bya// ye shes ngo bo 'od gsal la// ye shes yon tan sgrib med rig pa'i gdangs// ye shes mkhyen shar thogs pa med// 'bras bu sgrib med gdangs kyi ngang // sku gsum rol pa zer brda las// phyogs med rang grol mya ngan 'das// ma rig dus zad las zad 'das// 'khor ba tshe zad mkhyen gsum thob ces bya// rtogs pa sku dang ye shes thob// ye shes don ni 'od shar gsal// sgrib med gsal 'tsher rang bzhin zer la rol// ma rtogs snod bcud gnyis su 'khrul// dper na me long dag pa la// rkyen gyi dbang gis so sor gsal// rkyen gyi dbang gis snang na yang // snang ba ngo bor gos pa med// de bzhin rig pa chos sku la// rtsal snang ma 'gags sna tshogs shar// shar yang rang rig gcig pu las// rig pa'i ye shes brjod du med// dus dang gnas skabs thams cad du// dngos med ye shes dag par gnas// sgrib med gdangs gsal dang du rol// lam pa'i dus la ye shes lnga ma rdzogs// me long ye shes mnyam nyid gsum la gnas// gsal ba ma 'gags me long dang // tha dad snang ba so so
- 29b
ste// gdams ngag tha dad mnyam sbyor ston// mnyam nyid ye shes rtogs pa lam// ye shes bya ba rang la rdzogs// thogs med bya grub ye shes de// ye shes lam du 'bras bu 'char// ye shes lnga ka ldan pa'i 'od snang ba// lnga ldan ye shes par do'i lam la 'char// longs sku mkhyen pa'i 'od zer gdangs// ye shes lnga ldan mkhyen spyod shar zhes bya// rdzogs ldan chen po ye shes snang ba ni// mi gnas ye shes rang la shar ba'i tshe// sku gnyis chos sku'i klong du rdzogs zhes bya// gzugs sku gnyis kyi snang ba yang // rang la mi gnas rnam dag pas// 'ja' tshon sgyu ma rang snang yang // rig pa'i rtsal du byung ba dang // rtsal gyi rnam dag gcig tu bstan// rig pa'i rtsal snang ye shes lnga// de yi rtsal snang 'od zer lnga// 'od lnga bag gdul 'byung ba la// 'byung ba rtsal ni so so ba// nam mkha' stsal gyis go phye nas// rlung gis g.yo zhing chu yis sdud// sa yis 'degs byed me yis smin// drangs snyigs gnyis kyis 'byung bar shar// snod bcud phyi nang gnyis su bstan// thig le phyi nang rtsal zhes bya// gzhan las ma byung rang las byung // 'khor 'das dbyer med rtsal gyi ye shes gsal// de ltar shar bas rang shar ye shes bya// snod bcud 'khor 'das sku gsum rtsal gyi ye shes zhes bya'o// seng ge sgra'i dgongs pa nyi zla kha sbyor las/ ye shes rgyas par bshad
- 30a
thal laru rtsa bcu dgu pa la// / 6/ bcom ldan thugs rnga thabs kyi bdag/ gsum rtsal du ma 'gags pa// rgyan dang ral pa bshad du gsal// bka' stsal pa/ rgyan ral rnga zangs cag dang // dbye ba rnam pa bstan pa ni// ngo bo dbye ba'i 'char bshad bya// nges tshig mdzes pa'i cha la btags// chos nyid rgyan dang chos sku'i rgyan// chos nyid dbyings la chos skus brgyan// chos sku rgyan du sku gnyis brgyan// mtshan nyid 'dzin pa'i 'od lnga yang // dbyings dang ye shes 'bral yul rgyan// dper na gser la g.yu spras 'dra// mdzes pa'i phyir na rgyan ces bya// chos nyid stong pa chos sku rig pas brgyan// stong pa'i dbyings la ye shes mdzes// chos kyi sku la ye shes brgyan// yon tan longs sku 'gag med mdzes// ye shes longs sku gsung la thugs rjes brgyan// 'gro drug sdug bsngal gnas nas 'dren pas sbrul skus mdzes// byas pa'i rgyan ma yin te lhun grub shugs las 'char// de nas rol pa'i don bstan pa// chos nyid dag pa'i rol pa dang / 'khor ba rang rgyud rol ba'o// dag pa chos nyid rol pa ni// ma bcos pa yi chos nyid la// ma g.yos pa yi ngang nyid gsal// rang bzhin 'gag med ye shes shar// bag dang bral ba'i nam mkha' la// 'byung ba bzhi yi gdangs shar bzhi// snang la rang bzhin med
- 30b
pas mkhyen pas grol// ma 'gags rang gdangs 'gro la 'od gsal lo// 'khor ba rang rgyud rol pa ni// phyi nang snod bcud bsdus pa'i chos// gzugs su snang ba sku yi rgyan// chu zla bzhin du gzung dang bral// sgra skad thams cad gsung gi rgyan// brag cha bzhin du dngos ma grub// dran rig thams cad thugs kyi rgyan// nam mkha' bzhin du dngos ma grub// gzung 'dzin rang rgyud ma grub pas// ye shes rgyu ma'i yul la rol// lus ngag yid gsum sku gsung thugs kyi ngang du grol// sku gsum rgyan dang rol bar kun shar bas// rtog ldan rgyan dang rol ba kun snang ste// snang grags sgyu ma rmi lam dpe'i rang bzhin med// yod pa med par rtogs pa rnam rtog zil gyis non// med pa yod par sku gsum rtogs pas ye shes nang nas shar// man shel sku la 'od lnga mi 'gag pa// chos kyi sku la ye shes brgyan pa'i dpe// seng ge sgra'i dgongs pa nyi zla kha sbyor las// rgyan rol pa'i le'u ste nyi shu pa'o// kye// bcom ldan thugs rje thabs kyi bdag/ sku gsum dpe yis bstan du gsol/ bka' stsal pa/ nyi ma'i snying po 'od zer 'byung ba ltar// sku gsum 'od zer 'phro ba'i bdag nyid do// rma bya sgo nga kha dog lnga ldan pa// sku gsum ye shes kha dog lnga ldan dpe// man shel rkyen dang phrad pas 'od snang phyir 'byung ltar// chos sku'i ngang las sku
- 31a
gnyis nang na gsal bar 'char// sgo nga bye'u phrug smin pa phyir 'byung ltar// longs sku ye shes rtsal rdzogs sbrul sku phyir 'byung 'gro don byed// rgya mtshor bu bran 'phro zhing 'du ba dang // sgyu ma'i gzugs brnyan ston cing sdud pa ltar// rgyan dang rol pa chos nyid ngo bo sdud pa'i dper bstan// seng ge sgra nyi zla kha sbyor las// sku gsum dpe'i le'u ste nyi shu gcig pa'o// // kye/ bcom ldan zugs rje thabs kyi bdag/ 'gro ba 'dren pa'i sbrul sku bshad du gsol// bka' stsal pa/ gdod nas rnam dag chos sku chen po las// sku gnyis rol par bstan pa'i dpe// nam mkha' lta bu'i chos nyid la// man shel lta bu rig pa gsal// nyi zer lta bu'i thugs rje byung // nad pa lta bu'i rigs drug la// mun pa lta bu'i 'khrug pa gsal// dgongs pa'i ye shes bdud rtsi yis// dug lnga rang rgyud nad gzhi g.yos// zhes seng ge sgra nyi zla kha sbyor las/ 'gro ba 'dren par bstan pa thugs rje'i le'u ste nyi shu gnyis pa'o// // kye/ bcom ldan thugs rje thabs kyi bdag/ sbubs kyi gnas lugs bshad du gsol/ bka' stsal pa/ ngo bo nges tshig dbye ba mtshon dpe bstan// ngo bo bstan pa'i sku yin pas// sbubs shes pa ru btags pa yin// dbye ba rnam pa gsum yin te// rin chen sbubs dang 'od kyi sbubs// bag chags sbubs dang
- 31b
gsum yin no// rin chen sbubs kyis mtshan nyid ni// rnam dag zang thal gsal la 'tsher// 'gyur med 'gag med ngo bo nyid// 'od 'bar kun gsal ye shes sku// nyi ma'i snying po lta bu rin chen chos sku sbubs// 'od gsal sbubs na rang rig dri med pa// 'gag med bde chen ye shes 'od kyi sbubs// sum cu rtsa gnyis mtshan 'chang ba// 'ja' tshon 'bar ba'i tshom bur mdzes// lhun sdug gsal 'bar gzi brjid ldan// 'od kyi sbubs te longs sku yin// bag chags sbubs su bstan pa ni// sgong dang drod dang mngal skyes dang // pad+ma dag las rdzus skyes pa// phung po khams dang skye mched dang // tshogs brgyad sems dang bcas pa'i lus// sha khrag sbubs te sbrul sku dang // 'gro ba drug gi sems can rnams// bzhugs dang gnyen pas sbubs shes bya// la la chu bur lus dang ni// yid dang 'od la gnas pa'o// yon tan kun 'byung rin chen sbubs// snang la dngos med 'od gsal ba// 'ja' tshon chu zla nyi zla'i dpe// 'ja' tshon lta bu 'od gsal zang thal dpe// 'od sbubs longs skur dper bstan pa'o// rnam rtog mthu brtas bag chags sbubs// sgyu ma rmi lam dpes bstan mi rtag stong // zhes seng ge sgra nyi zla kha sbyor las/ sbubs gsum dbye ba'i le'u ste nyi shu gsum pa'o// // kye/ bcom ldan thugs rje thabs kyi bdag/ sku
- 32a
gsum spyan gyi 'char lugs gsung du gsol// bka' stsal pa/ spyan gyi ngo bo dbye ba bcas// de yi dbye ba rdo rje 'dzin pas zung // chos sku ye shes chos nyid kyi// spyan ni dbyer med rtse gcig gzigs// longs sku ye shes spyan ni rtog med zang thal gsal// sbrul sku shes rab spyan gyis 'khor 'das so sor gsal// lha yi spyan gyis bag chags zad par gzigs// sha yi spyan gyis ting 'dzin rnam dag gzigs// chu bur spyan ni 'gro ba yongs la gsal// spyan gyi nges tshig ma bcos 'gag med gsal// mtshan nyid sgrib med dper na nyi ma'i snying po ltar// kye rigs kyi bu dag chos nyid spyan zhes ji ltar gdags she na// chos sku thugs kyi khyab bdal la// longs sku ye shes khyab bdal la// rnam rtog mi mnga' chos nyid ngang du sa le gzigs// chos nyid ngang la sgrib pa med pas chos kyi spyan zhes bya// longs sku ye shes spyan gyis skad cig thams cad du// ye shes 'od gsal gdangs la ci yang rtog med gsal// sbrul sku shes rab spyan gyis ldog gyur kun 'byung gzigs// byang sems lha yi spyan gyis mngon shes gzhan sems gzigs// sha yi spyan ni gsal la mi rtog rang rig go/ chos sku'i spyan gyi zer las longs sku spyan gyi bum pa lnga// rang shar ngo bo nyid las ngo bo nyid sku shar// longs sku spyan gyi zer las thugs rje yi ge
- 32b
drug/ 'a dang a dang ha dang sha dang sa/ ma ste ye shes spyan gyi zer la rang bzhin bzhugs// sbrul sku spyan gyi zer las rdzu 'phrul 'gro bar byed// chos sku spyan gyis shar rings yul snang thag kyang chod// snang 'gyur chos nyid ngang gi snang bar gsal// ye shes 'gag pa med par yid kyang ches// longs sku snang ba 'od snang gdangs su ngo yang shes// sgrib med gdangs kyi ngang du yid kyang ches// mkhyen pa'i rang gsal shar bar thag kyang chod// sbrul sku snang ba sgyu ma zang thal ngo yang shes// 'khrul pa rmi lam lta bur yid kyang ches// ye shes rtsal gyi gdangs su thag kyang chod// seng ge sgra yi dgongs pa nyi zla kha sbyor las// sku gsum gzigs snang dag pa spyan gyi le'u ste nyi shu bzhi pa'o// // kye/ bcom ldan thugs rje thabs kyi bdag/ sku gsum 'od zer ji ltar 'char ba gsung du gsol// bka' stsal pa/ chos sku stong zhing 'gag med kyang // longs sku ye shes sgra lus sku// sbrul sku ma nges gang 'dul 'char// sku gsum ye shes rig pa'i rtsal// stong nyid 'od gsal rig pa'i snying po can// rtag chad mtha' 'das 'od zer phung po nyid// sku gsum dag pa ye shes sgyu ma nyid// 'od zer rnam lnga ji ltar 'phro ba ni// ye shes lnga yi rtsal snang 'char// shes rab stong pa ye shes 'gag med snying po dang // shes rab mi g.yo mnyam
- 33a
nyid 'gag med snying po dang // shes rab rgyun chad med pa 'gag med snying po dang // shes rab zag med mi 'gag snying po dang // shes rab 'gyur ba med pa mi 'gag snying po lnga// byas rtsol med pas rgyun gyi 'od zer 'bar bar gnas// de nas sku gsum ston pa ye shes snying po can zhes bya// de nyid rang bzhin dag pa'i dbyings nas 'od zer 'phro// sku gnyis chos sku zer 'od la// rol pa'i ye shes 'od 'phro ba// kha dog lngar ni ma 'dres 'tsher// gsal dang dro dang bsil ba dang // yang dang yangs shing khyab pa'i bdag/ ye shes 'byung lnga'i cha 'dzin pa// 'od zer 'phro ba'i rang bzhin ni// sangs rgyas kun gyi sku la 'char/ gcig pu rab tu che ba'i lha// nam mkha' nyi ma'i tshul du gsal 'tsher ba// rdo rje lta bu'i ting 'dzin la// 'du 'bral med par dbyer med bzhugs// seng ge sgra nyi zla kha sbyor las/ chos sku ngo bo nyid las ni ye shes 'od zer rnam pa lnga 'gag med 'byung ba'i le'u ste nyi shu lnga pa'o// // kye/ bcom ldan zugs rje thabs kyi bdag/ longs sku'i 'od zer ji ltar 'char// thabs kyi bdag nyid gsung du gsol// bka' stsal pa/ sangs rgyas ngo bo rang bzhin ni// longs sku'i 'od zer dpag mtha' yas// ye shes 'od zer byung lugs ni// ma 'ongs sngon rol thog ma'i dus// sangs rgyas mi 'gyur ljags kyi pad+mo
- 33b
las// 'od zer lnga ni phyogs bcur 'phros// rang byung gzhal yas chen po dang // 'du 'bral med par 'od du bzhugs// snying po byang chub rig pa'i sku// chos sku 'od zer phung por bzhi nyid gnas// 'gag med 'od zer phung po ni// rtag pa ma yin mi rtag min// snang ba ma yin stong pa min// ci phyir chos sku las byung phyir// chos sku mtha' yas ye shes rig pa'i don// de phyir 'od zer phung po yang // mtha' las 'das pa'i 'od gsal lo// 'od zer snang la rang bzhin med// nam mkha'i mtha' dang mnyam pa zhes su bya// ma 'dres yongs su rdzogs pas na// dper na nam mkha'i 'ja' tshon ltar// gsal stong dbyer med so sor rigs lnga 'od gsal lo// de phyir byang chub snying po'i rang bzhin ni// 'od gsal snying po ye shes brjod las 'das// longs sku thugs rje 'od zer 'gro la phyogs bcur 'phro// mi 'gag sprul pa'i sku nyid bsam mi khyab// seng ge sgra nyi zla kha sbyor las/ longs sku 'od zer 'phro ba'i le'u ste nyi shu drug pa'o// // kye/ bcom ldan thugs rje thabs kyi bdag/ sbrul sku 'od zer gsung du gsol// bka' stsal pa/ thugs rje sbrul sku 'byung dus su// ye shes sgo lnga thams cad nas// 'od zer lnga lnga phyogs bcur 'phro// sems can so so'i gnas rnams su// bstan pa'i snying po re re 'byung zhing sgrogs// kye/ rigs kyi bu
- 34a
dag nges par nyon// ngas ni sems de don gyi phyir// sku gsum thugs rje bsam mi khyab// bstan yang don nyid brjod las 'das// sangs rgyas chos rnams med pa'i klong du la bzlas nas// bskyed rdzogs rnam gsum 'bral med lam du bstan// sangs rgyas thugs rje 'byung ba'i sgo ma 'gags// u dum wa ra'i me tog tshul du bstan// sbrul sku 'od zer bye ba skye ba yang // bsdu ba gcig tu ma bsdus na// mdo mi 'dus pa'i skyon du 'gyur// de phyir sku gsum dbye ba byed pa'i ngang du 'das// rigs lnga'i longs sku bde chen dang du 'das// sku lnga ngo bo nyid kyi ngang du 'das// yum lnga mkha' glong rnam par dag par 'das// ye shes lnga yang mi gnas ye shes chen por gnas// 'od lnga sna tshogs 'bar ba ngo bo nyid kyi 'od du 'das// phyi nang 'byung ba chos nyid nam mkha'i klong du 'das// 'od zer rang byung 'od zer chen por 'das// zer la thugs rje rtsal gyi ngang du 'das// rgyud kun kun bzang rtsa rgyud yi ge med par 'das// lung rnams snying po byang chub sems kyi lung du 'das// man ngag thams cad bya rtsol med pa'i nga du 'das// chos rnams thams cad ye shes rig pa'i glong du 'das// rigs kyi chos rnams thams cad tshig dang bla dgas tha snyad do// chos sku 'od gsal rig pa'i snying po ye shes mtha' las 'das// sku
- 34b
gsum 'od zer phung por bstan 'gyur yang // dngos med ye shes zang thal 'od zer sku zhes bya// rtsal gyi rol pa 'gag med skye ba med// gang la dris pa de ltar bstan no// rdo rje 'chang chen sems dpa' rdo rje de la bstan// gzhon nu khro gnyer ldan pas mkha' 'gro rnams la bshad// des thos de mthong des thams cad shes// seng ge sgra yi dgongs pa nyi zla kha sbyor las// sbrul sku 'od zer 'byung ba dang chos nyid klong du 'od zer dag par bstan pa'i le'u ste nyi shu bdun pa'o// // kye/ bcom ldan thugs rje thabs kyi bdag/ snying po byang chub gcig pa'i phyir// 'gro ba rnams la 'od zer ji ltar gnas pa gsung du gsol/ bka' stsal pa/ sgyu ma lta bu'i 'od zer 'byung ba ste// sbrul sku zhing khams 'gro drug sa lam la// byang chub snying po 'od du gnas pa yin// 'khrul kyang 'od kyi zer la 'khrul// gnas kyang snying po 'od la gnas// grol kyang ye shes 'od gsal grol// 'od zer rol pa 'gag med bri ba med// 'od dang zer med thugs rje rgyun lam chad// des na 'od zer thugs rje rgyun gyi lam zhes bya// sems can kun la thugs rje 'od zer rgyun khyab kyang // ye shes rtsal ma rdzogs pas sbubs kyi bag la zha// dper na seng phrug lus la rdzogs gyur kyang // ma yi khong nas rtsal gsum 'byin ma nus// sbubs na gnas pa brda yi mtshan
- 35a
bstan pa// skyes bu'i byad bzhin me long dag gis rang ston ltar// gdams ngag gnyis kyis sku gsum rang ngo rang la sprad// ye shes bag la zha ba'i rtsal sbyang nyams su blang // rigs kyi bu nyid nges par nyon// rigs drug sems can thams cad la// chos kyi sku yi rang bzhin 'od// kha dog sna tshogs 'bar ba'i ngo bo rig pa'i don// 'od nyid 'ja' tshon rang gsal ba// sangs rgyas 'od dpag med pa kun la gnas// byang chub sems la dpag tu yod pa'i 'od// mda' re shes rab dpag tu yod phyir bshad// lha rnams gzhal du yod pa'i 'od// chag re mos pa'i bsod nams las grub shar// mi rnams mtshon du yod pa'i 'od// sgrol ma'i mtshon gang 'od gsal rang shar te// shes rab zab mo bstan dka'i gnas// zag med snying po byang chub sems// mtshon gang 'od kyi dkyil 'khor na// snying po rig pa chos kyi sku// zab cing cha phra zab med gsal// seng phrug ma dang bral nas mchod ba ltar// nga bdag gzung 'dzin bral nas ye shes gdangs kyi mkhyen pa 'char// ngan song gsum pos 'od gsal 'byin ma nus// rang rang rig pa gsal ba tsam la bag chags sog/ mthun pa'i lam ngan dran rig bden don spyod mi nus// phyi nang snod bcud kyi rol pa ste// 'byung lnga kha dog lnga dang rin chen lnga// rtsi shing sems can
- 35b
kha dog me tog sogs// thams cad chos sku 'od kyi rol pa zer las byung // seng ge sgra'i dgongs pa nyi zla kha sbyor las// sems can sa lam 'od kyis mtshon pa'i le'u ste nyi shu brgyad pa'o// // kye/ bcom ldan thugs rje thabs kyi bdag/ 'gro drug sems can thams cad la// ye shes snying po ji ltar gnas// kun gyi spyod yul lags ma lags// kye/ thugs rje'i bdag pos gsung du gsol// bka' stsal pa/ the tshom ma mchis ye shes snying po ni// nyon mongs sbubs kyis dkris pa yi// bag chags sbubs kyis rnam par grol ba yi// de bzhin gshegs pa chos sku the tshom med// 'od zer 'bar bar thugs rig 'gag pa med// de bzhin gshegs pa'i snying po'i mtshan nyid ni// sems can ma lags srog ma lags// gang zag ma lags bdag ma lags// de bzhin gshegs pa'i snying po ni// chos kyi dbyings kyi snying po lags// de bzhin gshegs pa'i snying po de// 'jig tshogs lta bar ltung ba dang // dge sdig chos kyis bcings pa dang // stong pa nyid kyi sems g.yeng ba// de rnams spyod yul ma lags te// de bzhin gshegs pa'i snying po ni// sku gsum rang rig ngo bo 'od gsal lo// 'gro 'od med par kun la gnas// zhes dgongs pa seng ge'i sgra sgrogs theg dman zil gyis gnon pa ye shes zung 'jug nyi zla kha sbyor rgyud kyi rgyal
- 36a
po las/ snying po 'gro la gnas pa'i le'u ste nyi shu dgu pa'o// // kye/ bcom ldan thugs rje thabs kyi bdag/ 'gro ba sesam can skal ldan la// snying po sku gsum ji ltar bzhugs// bka' stsal pa/ bag chags sha khrag sbubs dag na// sku gsum dkyil 'khor rang gnas pa// spyan gsum sgrib pa med par ni// sgo gsum 'od gsal zang thal shar// rtogs ldan dus gsum rang grol nas// ma bgrod lam la mkhyen pa thob// de yi gnas lugs bstan pa ni// tsat+ti rin chen dpal be'u na// nyi zla pad+ma sum brtsegs gdan// de yi dkyil na dwangs ma lnga// de dbus mi shig thig le las// d+hA ti sgrol mar 'brel ba'i rtsa// phra sbom rta rnga tshad du gnas// ring thung rin chen rgya mtshor 'brel// rtsa de ngo bo gdod nas stong // rtse mo gsum skrag tshang par zug/ thig le 'od lnga'i gzhal yas nang // gsal gdangs dngos su ma grub pa// sku gsum 'od gsal nyi shu brgyad// 'gag med rtag pa'i rang bzhin sku// 'gyur med thugs kyi rig pa can// dngos med 'od gsal rang grol sku// gsal stong dbyer med longs sku yi// tsit+ta dpal be'u'i dkyil 'khor rdzogs// 'od lnga gsal ba ye shes spyan// rang grol gsal ba a ba d+hU ti'i gnas// sku yi sgo mo tshangs pa'i bu gar gsal// 'gag med shar gsal 'das pa'i lam du grol//
- 36b
longs sku 'od kyi sbubs na bzhugs zhes bya// sbrul sku sha khrag sbubs na bzhugs pa ni/ kha sna sha khrag las gyur 'dod pa'i sgo gsum na// phyi nang gsal bas sbubs sgo yangs// gzung 'dzin 'od zer 'phro ba'i lam// dpal be'u glo bar sbrel ba'i rtsa// gro sog tsam nas sbrul sku zer du 'phro// gdod nas thugs rje yi 'brur gnas// phyir 'phros hUM hUM rang sgrar chas// tshur la sdud tshe dbugs dang sems// oM oM rang grol rang byung gnas// dbugs de rang bzhin gnas pa'i bar// skye med a la rig pa 'od du gsal// hUM dang oM gnyis gzung 'dzin thugs rje zer la rol// de rtags byad la hUM sgril kha sprod nas// la nyid a la kha nyid oM// sku gsum thig le yi ge 'bru gsum gnas// de yi rang bzhin ye shes lnga 'od 'phro// sbrul sku sha khrag sbubs na rang bzhin gnas// lce yi dbang po dag la ni// shes rab spyan gyi rang bzhin dran rig gnas// sgo lnga dbang po drangs byed rtsa nas gsung gi sgo mor gsal// rang grol thugs rje gdod nas rang shar ba// sbrul sku bag chags sbubs na bzhugs shes bya'o// chos sku rin chen sbubs na bzhugs pa ni// sgrol ma chu yi rgyang zhag nang nyid na// rang bzhin gsal la drangs pa'i rtags// spang byar ldan pa rin chen dbyings su gnas// de dbus chos sku rig pa ye shes gdangs// ngo bo stong gsal rang bzhin
- 37a
dngas la rig/ mtshan nyid dag la spros pa'i mtha' las 'das// rang shar rig pa rang grol 'od gsal lo// chos sku rin chen sbubs na rang chas shar// chos nyid spyan ni stong gsal 'gag med la// rin chen rgya mtshor 'brel ba d+hA ti tsit+ta 'char// dbyer med chos sku 'od gsal gdangs kyi sgo mo sgron mar gsal// rang gsal rang grol 'char ba la// drangs snyigs gnyis su snang bas ye shes rtsal ma rdzogs// bag chags sbubs kyi dri mas 'od gsal lung ma thob// gzung 'dzin rtog par gzung bas rang rig mkhyen pa sgribs// chos sku rin chen sbubs na bzhugs zhes bya'o// lus ngag yid gsum ngo bo'i gdan// dbyer med gcig ste tha dad dag las 'das par gnas// longs sku ye shes gsal ba la// snyigs ma 'od lnga zer ni rang grol rol par gnas// sbrul sku thugs rje 'bru gsum snying po 'od// snyigs ma gzung 'dzin zer 'od rang grol rol par shar// chos sku ye shes rig pa'i rang gdangs rang rig pa// snyigs ma 'od zer gsal ba phyogs bcur 'phro// 'phro yang chos nyid ma 'das rol pa thim// chos spu'i rol par ye shes rang chas shar// de yi rol pa longs sku ste// longs sku gsung gi yig 'bru las// sbrul sku thugs rje zer du 'phros// 'phro yang rtsal gyi rol snang ngo bor gcig/ bden pa dbyer med ngo bo
- 37b
las// ye shes lnga yi rtsal shar bas// ma bu gnyis med rang grol lo// sku gsum rang chas rang la gnas pa la// sku gsum ye shes 'char sgo sgo gsum zang thal te// de yi lam nas spyan gsum ye shes sgrib med rtogs// dus gsum rang grol dag tu mngon sangs rgyas// seng ge sgra sgrogs nyi zla kha sbyor las/ 'gro la sku gsum rang chas kyi le'u ste sum cu pa'o// // kye/ bcom ldan thugs rje thabs kyi bdag/ de ltar sku gsum rang chas na// da ltar mthong stangs ji ltar lags// ma rtogs ngo sprad ji ltar bgyi// bka' stsal pa/ bag chags sha khrag sbubs chud pas// rab rib can gyis bltas pa bzhin// log pa'i snang bar 'khrul pa ste// snying po'i don nyid mthong mi 'gyur// dper na rang gi byad nyid kyang // me long dag gis mtshon te bstan// 'khrul pas rang ngo rang mi snang // de bzhin gdams ngag gnyis brten nas// snying po'i don 'di bstan pa las// log rtog blo yis don mi rnyed// dpe yis shes par bya ba'i phyir// ngo sprod bzhi yi brda yang sbyar// e ma ho/ gsang bdag nges par gzung // chos sku rang byung ye shes chen po la// gnyis med ston pa tshig las 'das// mi skye mi 'gag rang bzhin rnam par dag/ yon tan snang tshul brda yis mtshon// stong khyab 'gyur med g.yos pa med// dag cing gsal ba gos pa med// phyi nang med
- 38a
pas gzung 'dzin bral// nam mkha' rdo rje rgya mtsho dang // shel dang nyi ma pad+ma yis// mtshan nyid dang ni ldan pa ru// rang rig 'khor la brda don sbyar// rtags dang don dang dpes mtshon pa// rtags la mthun dpe dmigs yul ston// mtshon tshigs gnas pa'i dbang por bcug/ skal ldan rgyud la rig par gyis// zhes seng ge sgra las/ chos sku ngo sprad pa'i le'u ste so gcig pa'o// // kye// bcom ldan thugs rje thabs kyi bdag/ longs sku ngo sprad gsungs pa ni// thugs rje rang byung nang nas bka' stsal pa// ye shes rtse gcig dgongs pa ste// ye shes lnga yis rang gdangs las// rgyal ba sku lnga 'khor dang bcas// chos nyid glong na 'od gsal ba// ye shes rtse gcig dgongs pa ste// gnyen lcug 'khril ldem rgyan gyis mdzes// gsal 'tsher lhun sdug 'od zer 'phro// rnam rtog mi mnga' sa le ba// snang la dngos med ye shes lhun gyis grub// 'ja' tshon chu zla me ltar 'dra 'bag bcas// snod ldan rgyud la gdams ngag gnyis kyis spras// zhes seng ge sgra las/ longs sku ngo sprad pa'i le'u ste so gnyis pa'o// // kye/ bcom ldan sku lnga 'od snang nas/ bka' stsal pa/ bde gshegs lnga yi snang ba ni// rang rang so so'i mtshan ma 'od du gsal// gsal la mi gnas ye shes dag pa'i spyan// mtha' dbus med
- 38b
par rang bzhin 'od gsal ba// 'gag med sbrul sku dus dang gnas skabs sbyar// me mar 'od khyim me long ngos la bstan// brda don rtags su shes par gyis// seng ge sgra las/ sbrul sku ngo sprad pa'i le'u ste so gsum pa'o// // de nas ston pas 'du 'bral med pa ngo sprad pa// rang rig chos sku gsal la rtog pa med// ye shes lnga yi mtshan nyid dang ldan la// snying po sku lnga ye shes lhun grub 'char// de yi snang ba ye nas 'od gsal ba// nyi ma'i snying po 'od dang zer du chas// gdams ngag snod ldan ngo yang sprad// sbrul sku gnas lugs rtogs byed pa// rdzogs chen 'od gsal kha sbyor dag la sprad// longs sku gnas lugs rtogs byed pa// ma hA 'dra 'bag ngo yang sprad// sku gsum dbyer med ngo sprad pa// a nu ngo sprad nyi ma'i snying pos sprad// ces nyi zla kha sbyor las/ sku gsum dbyer med ngo sprad pa'i le'u ste so bzhi pa'o// // kye/ bcom ldan thugs rje thabs kyi bdag/ sprad yul bzhi la dpes mtshon pa/ kye/ rigs kyi bu dag nges par zung // rdo rje sems dpa'i me long 'di// chos sku dngos ni ma yin te// mtshon dpe 'od gsal rtogs par gyis// sku gdung man shel rin chen zur lnga pa// man shel phyi nang med pa bzhin// chos sku phyi nang med pa yin// man shel ngo bo zang thal bzhin// chos sku ngo bo zang thal yin// man
- 39a
shel dri ma med pa bzhin// chos sku dri ma med pa yin// man shel rkyen mang nang nas 'od lnga 'char ba ltar// chos sku ye shes lnga 'od khong nas 'char// de nas longs sku dpe bstan pa// me long g.ya' dag nang du lugs sku gzhag/ mdun du maN+Dal steng du dmigs rten de gzhag go/ shes rab g.yas pa'i drung du man shel phyar// bar snang rig pa'i sgron mas ye shes sgo yang blta// 'ja' tshon 'bar ba'i sku nyid mkha' la 'char// longs sku dngos med longs sku dper shes bya// sbrul sku dpe yis mtshon bya ba// me long ngos la bris sku 'char// gsal mdangs sna tshogs snang yang dngos ma grub// sbrul sku cir snang me long gzugs brnyan ltar// snang yang ye shes chos dbyings don// dngos med rgyu la dpes bstan pa// sku gsum dbyer med nyi ma'i snying po'i dpe// sku gsum 'bral med nyi ma zer 'od 'dra// nyi ma rgyu rkyen med pa lhun grub ltar// sku gsum rang byung rgyu rkyen med pa yin// nyi ma 'od zer sna tshogs 'phro ba ltar// sku gsum rang byung 'od zer dpag med 'phro// nyi ma sgrib med zang thal dag pa ltar// chos sku sgrib med zad thal dag pa'o// nyi ma'i snying pos 'gro don byed pa ltar// chos sku sku gsum rang byung 'gro don mdzad// chos sku nam mkha' ltar bur rang bzhin stong // rdo rje lta bur ngo bo 'jigs 'bral med// rgya mtsho lta
- 39b
bu thugs rje rlabs mi 'gag/ shel ltar dag pa pad+ma lta bur skyon ma gos// longs sku ye shes 'ja' tshon sku// chu zla bzhin du ngos gzung med// me long gzugs ltar reg pa'i dngos ma grub// sprul pa kham pa'i mi mo khog stong na// sgo lnga bu gar btod nas mar me nang bcug pas// lus kyis bsgribs kyang sgo lnga bu ga zang thal 'od du gsal// de bzhin sbrul sku bag chags sbubs nang nas// ye shes zang thal 'od gsal sgo lngar 'char// shes rab ye shes 'gro don thugs rje lam skad do// phyi yi snang ba rtog pa rags pa ni// lus kyi 'khrul rten skye gnas kha yang brgyud// snang la rang bzhin dngos med pas// ye shes zer la 'khrul rtog brtas// rtog pa de nyid chos dbyings sgyu ma ngo yang sprad// me long dag pa'i ngos la gzugs brnyan sna tshogs 'char// bltas pas me long ngos la sna tshogs drangs la gsal// rang bzhin 'gag med sna tshogs mtshan nyid stong // spros med me long nang du snang ba dag/ de bzhin rgyang zhag chu yi sgron ma la// 'dra 'bag sna tshogs phyi yi snang ba 'di// rang rig gdangs kyi 'od la bltas pa'i tshe// snang tsam nyid na ngo bos stong pa dngas la gsal// gsal tsam nyid na rang bzhin dag pa sprul pa'i sku// rang bzhin 'gag med gsal stong longs sku'i dang // spros med sgron mar snang ba dag la chos sku thugs
- 40a
kyi gter// snang ba sku gsum dbyer med bde chen ye shes sprad// nyon mongs ye shes klong du ngo sprad pa// sgo lnga sems ni chu dang 'dra bas bag chags sdud// ye shes me dang 'dra ste rtog sgrib bsreg/ dper na man d+ha ra ba chen po yang // zla ltar bsil bas me tog gzung bar byed// nyi ma shar ba'i dus su rgyas shing gsal 'od 'bar// de bzhin sku gsum dri med dag pa la// dri med dag pa'i gdams ngag tshig brjod pas// don dam nyid kyi spros bral rang shar nas// zla ltar gzung 'dzin dag nas nyi zla ye shes ngo yang sprad// nyi zla kha sbyor dgongs pa tshad du skyol// ye shes sgyu ma'i ngang la rig pa'i rgyal po ni// 'od gsal 'khor dang mnyam bzhugs me long gsal la dag pa ltar// snang la dngos med rgyu rkyen rag ma las// thun mong ma yin khyad par dgongs pas 'phags// bde 'o yangs so sangs rgyas ye shes lus// shes byas shes pas don nyid khong chud pas// thams cad mkhyen pa'i gzigs snang ngo bor gzigs// zhes seng ge sgra'i dgongs pa nyi zla kha sbyor las/ sems rtogs rang sa dgrol ba dpes sku gsum ngo sprad pa'i le'u ste so lnga pa'o// // kye/ bcom ldan thugs rje thabs kyi bdag/ nang rtog pa phra ba'i gzung 'dzin gyis// sems kyi 'khrul rten bag chags kha yang brgyud// rang grol ngo sprad ji ltar
- 40b
lags// bka' stsal pa/ nyon mongs lnga yi snang ba yang // sgo lnga rang zad zer la bdag la gdos bcas rtog par gzung // ye shes lnga yi zer las 'khrul rten byas// de nyid ye shes ngang las ma 'das pa// rmi lam lta bur ye shes ngo bor grol// nyon mongs dngos grub zang thal rig pa zer// dper na gangs dkar rdos par sra gyur yang // snang ba'i tshe na chu yi ngo bo yin// nyon mongs gzung 'dzin bral ba'i rig pa de// 'khor ba rang grol sangs rgyas thugs su nges// de nyid dpe ste gdams ngag ngo sprad pa// man shel rgyal ba'i ring bsrel khri 'phang lnga// skar khung 'od la man shel nyi zer 'char// bltas pas shel gyi ngo bo stong gsal phyi nang med// gsal drangs 'od lnga kha dog nang nas 'char// shar yang snang la dngos med 'od du gsal// de bzhin sgo lnga 'od la rig pa shar ba'i tshe// rig pa'i ngo bo phyi nang med par gsal la drangs// rang bzhin med kyang nang nas ye shes 'od lnga 'char// ye shes rang snang zad thal rig pa 'gag med gsal// lha yi khye'u phyag sor nyi ma phyir bltas pas// nyi ma'i rkyen gyis thig le 'od lnga 'char// de bzhin rig pa rang zer la sogs yul rkyen gyis// ye shes snang ba nyon mongs lnga snang yang // ye shes lnga yi ngang las gsal ba las// gzhan snang ma yin ye shes 'od gsal lo// shel 'od rnam lnga 'phro ba chos
- 41a
sku'i rgyan// de las 'od kyang 'phro ba thugs rje sprul pa'i sku// shel de rang bzhin drangs gsal rigs pa chos sku'i dpe// shel nyid rig pa'i dpe la 'od lnga sgo lnga dpe// 'od kyang zer du 'phro ba gzung 'dzin sems kyi dpe// 'od lnga 'od kyang dbyer med gcig ste man shel ngo bor grol// gzung 'dzin ye shes dbyer med rig pa'i ngang la grol// kun gzhi rang rtsal ye shes 'od zer la// 'gyu mi 'gyu ye gsal ba dran rig gis// ye shes mi g.yo rig pa sbubs su 'khrug/ 'gyu yang dngos med zer gyi gsal 'grib yin// rig pa chos kyi sku la sgrib med 'grus pa med// nyi ma'i snying po sog ma'i sbubs bltas pa// 'od lnga kha dog sna tshogs gsal 'tsher gdangs// de bzhin rig pa chos sku kha dog sna tshogs 'bar// gsal la drangs pa sgron ma nang na gsal// sku gsum dbyer med nyi ma zer 'od dpe// bag chags rang grol sprin bral nyi ma bzhin// de nyid lam du khyer pa dgongs pa rang shar ro// sku gsum dbyer med ye shes gdangs la ngo yang phrad// nyi zla kha sbyor seng ge sgra sgrogs las// rtog pa phra rags ye shes dpes ngo sprad pa'i le'u ste so drug pa'o// // kye/ bcom ldan thugs rje thabs kyi bdag/ rang la gnas pa'i sku gsum snying po'i don// rang dbang rang la ma thob pas// dbang gi lam rim ji ltar
- 41b
bgrod// bka' stsal pa/ dbang la rnam pa gsum du bstan// gzhi la rdzogs tshul bstan pa dang // rim par babs lugs bstan pa dang // ji ltar bskur ba'i rim pa'o// gzhi la rdzogs par bstan pa ni// 'od gsal 'gyur med chos sku la// 'gag med ye shes rnam lngar shar// rang bzhin 'od gsal gzhan snang ba'i// rin chen 'od 'bar sku gsal ba'i// nyid las mi zhan dbang gi chu bo bzhi// ma bskur rang bzhin ye nas gzhi la rdzogs// rigs lnga sku lnga thugs rje ma 'gags pas// sgo lnga khrag 'thung he ru snga phyir shar// thugs rje rang byung dbang gi chu bo bzhi// ma btsal gzhi la ye nas rdzogs par gnas// de nyid ye shes rang shar rang la shar ba de// ye shes lus can ngang la gnas shing ngang du grol// ye shes chen po dbang gi chu bo bzhi// ma btsal ma bskur gzhi la ye nas rdzogs// de nyid mtshon pa gsung gi yi ge ni// a oM sa hUM ha rin chen yi ge lnga// ma btsal gsung gi zer 'od ye gnas pas// dpa' bo 'bru lnga dbang gi chu bo bzhi// ma btsal ma bskur rang la ye nas rdzogs// de phyir sku gsum rang dbang ye shes gzhan mi rig/ rgyu rkyen gzhan gyi dbang gis sku gsum bgrod ma yin// dper na bra bo nas kyi 'bras bu bskyed 'dod ltar// sku gsum rang la rdzogs pa la// byas shing ma bcos pas zad med 'phel ba
- 42a
med// seng ge sgra sgrogs theg dman zil gyis gnon pa'i rgyud las// chos sgra dbang bzhi rdzogs lugs bstan pa'i le'u ste so bdun pa'o// // kye/ dbang gi babs lugs bka' stsal pa// rim pa'i bka' babs bshad pa la/ khyab bdal ye shes snying po'i don// shes rab rang bzhin chos nyid ye shes rtsal// chos sku 'gyur med rol pa'i ye shes lnga// rigs bzhi ngo bor shar ba'i longs sku'i gtso// de bzhin gshegs pa kun snang ye shes la// chos sku rang gi ngo bor yas babs dbang gi chu bzhi rdzogs// sku gsum mkhyen pa ma 'gags pa// gzhi nyid chos skur 'gyur ba med pa las// shes rab 'gag med longs sku'i dbang thob bo// shes rab 'gag med sku bzhi shar ba des// nyid las mi zhan sku bzhi zhal gzigs pas// thugs kyi rang bzhin rig pa rang gsal mkhyen// shes rab rang bzhin longs spyod rigs lnga sku lnga yis// dbang gi chu bo rang dbang yas babs thob// de bzhin rigs bzhi sems dpa' sems ma la// rang dbang yas babs ye shes bskur nas thob// nga ni sprul par shar te rdzogs pa'i tshe// thugs kyi klong na rang dbang rang babs thob// ngas mthong zhing rtogs te gsal ba'i tshe// de tshe ngas rtogs pa'i rang dbang ni// skad cig gcig la de bzhin nyid du thob// de bzhin khams
- 42b
gsum 'gro drug thams cad la// dbang gi chu bo bzhi gnas pas// ma bskur dbang gi chu bo ye nas rdzogs// rig na rig pa'i rtsal dbang rang la thob par 'gyur// de phyir ngas ni 'gro la ye rdzogs lung bstan to// zhes seng ge sgra nyi zla kha sbyor las// longs sku'i dbang yas babs kyi le'u ste so brgyad pa'o// // kye/ bcom ldan thugs rje thabs kyi bdag/ sbrul sku yas babs bka' stsal pa// sbrul sku dga' rab rdo rje la// sbrul sku rdo rje sems dpa' yis// ye shes lha yi rang dbang mngon du bskur// de nyid du yid ma de nyid thob pa'i dbang yas babs so// rgyal po in+d+ra bo d+hi la// gsang bdag rdo rje 'chang chen gyis// po ti glegs bam gsum gyi rang dbang mngon du bskur// slob dpon pad+ma 'byung gnas kyis// rig pa rang gi rang dbang rang la thob// slob dpon bi ma mi tra la// paN+Di ta rnams rang dbang thob par bskur// sprul pa dbang gi chu bo bzhi zhes bya'o// seng ge sgra sgrogs dgongs pa las/ sbrul sku bka' yis yas babs le'u ste so dgu pa'o// // kye/ bcom ldan thugs rje thabs kyi bdag/ rdo rje 'dzin pas zhus pa/ dbang gi babs lugs de ltar na// dbang gi bskur thabs ji ltar bgyi// bka' stsal pa/ dbang la bskur thabs rnam bzhi ste// bum dbang gsang dbang shes rab tshig dbang ngo // dbang gi rang
- 43a
bzhin ye shes rang gnas pa// bla ma brda dang byin rlabs mtshon te bstan// rtogs te rang ngo shes pas rang dbang rang la thob// khyad par dbang rdzas shes rab la brten nas// gzhi rdzogs rig pa'i rtsal dbang bzhi bskur dang // thun mong dbang rdzas bzhi la brten byas nas// rdo rje slob dpon gdams ngag brten te bskur// khyad par shes rab rig pa'i rtsal dbang ni// thob lugs skal ldan rnams la 'di ltar rdzogs par bskur// bzhi rdzogs rig pa'i rtsal dbang ni// rgyud 'dzin bum pa'i dbang lnga stong nyid rig par bskur// mkha' klong rnam dag ngang la yum lnga ye shes spyan// 'gag med 'od kyi bum pa lngar gsal ba// longs sku rigs lnga bzhugs pa'i skur gyur pas// bum pa zhes bya'i stong nyid dbyings// de don stong nyid rig pas dngos po'i mtha' las log/ rgyal ba rang rtags phyag rgya'i dbang bskur ba// bum pa lnga yi klong na rigs lnga bzhugs lugs bshad// shes rab bdag nyid ye shes lnga gsal zhing // thugs rje bdag nyid phyag rgya lngar gsal ba// kun kyang ma bskyed gzhi nas sku lnga phyag rgya lnga// yin pa yin par rig pas dngos po mtshan ma kun// sku dang ye shes rig pa'i rtsal dbang rang la thob// mtshan ma rang sar dag nas ye shes mkhyen pa 'char// de nas rgyal thabs spyi blugs dbang bdun ni// 'khor
- 43b
lo sbyar rgyal rin chen bdun brgyan te// de yi stobs shugs 'gro don byed pa ltar// rgyal thabs rin chen bdun gyi dbang bskur ba// rang byung sku gsum dngos po mi gnas par// dgos 'dod rang la 'byung ba sbyin pa'i phar phyin te// de nyid nor bu rin chen lta bu'i dbang du rang la rig/ rang rig ye shes rang bzhin rnam dag tshul mi 'da'// tshul khrims pha rol phyin pas ni// btsun mo rin chen lta bur rang dbang rang la rig/ rang rig chos sku 'gran pa'i zla med la// sku lnga snang yang gnyis med mtshan ma ngang gis bcom// rtog pa'i chos min bzod pa'i pha rol phyin// dmag dpon rin chen lta bur rang dbang rang la rig/ rang rig ye shes yon tan rtsal med rang la rdzogs// thugs rje shugs 'chang mi brjed gzungs thob pa// brtson 'grus pha rol phyin gyur te// rta mchog rin chen lta bur rang dbang rang la rig/ rang rig ye shes rang gi ngo bo ma g.yos pas/ bsam gtan par phyin glang po rin chen lta bur rang dbang thob// rang rig ye shes chos sku phyogs lhung mtha' las 'das// shes rab 'gag med rtsal gyis so sor gcod// shes rab phar phyin 'khor lo lta bur rang dbang rang la rig/ rang byung ye shes thabs la 'gag med kun gyi re smon sa// ye shes yon tan brgyan pas ye shes pha rol phyin// blon po rin chen lta bur
- 44a
rang dbang rang la thob par rig/ de ltar tshig gis mtshon nas rang dbang rang bskur bas// de ltar rtogs shing rig pa rtsal gyi dbang // grub pa'i mtha' la yon tan sgo ma 'gags// rang rig rang gis rtogs pa'i rtsal ma 'gags// rtogs pa de nyid rang rig ye shes dbang thob bo// rigs kyi bu nges pa zung zhig/ ye shes spyi blugs rgya rtags phyag rgya'i dbang // rig pa'i rtsal dbang bskur bas thabs gsum ni// gsang ba chos sku rang la shar ba ni// ye shes 'od gsal bum pa lngas mtshon nas bskur// nang longs sku rang la grub pa ni// yum lnga bum pa lnga yi brdas mtshon bskur// phyi sbrul sku da lta rang rang ngo sprad pas sku// seng ge sgra nyi zla kha sbyor gyi dgongs pa'i rgyud las/ chos sku rang la thob pa don gyi brda mtshon gyi dbang bzhi rdzogs rig pa rtsal dbang gi le'u ste bzhi bcu pa'o// // kye/ bcom ldan thugs rje thabs kyi bdag/ thun mong rdzas la brten pa'i dbang // de yi mtshon lugs ji ltar lags// bka' stsal pa/ de yi ye shes mtshon bya rnams// bum pa dbyings kyi rang bzhin gyis// ye shes gzungs su 'dzin pa mtshon// de yi byang chub chu rgyun gyis// sdig 'dag sgrib sbyangs par chad rkyen sbyor zlog par mtshon// yum lnga mtshon phyir rin chen lnga las bum pa byas// zhi ba mtshon phyir zlum la bum pa dkar// sku gsum
- 44b
mtshon phyir mgul chings sor gsum dang // rnam dag mtshon phyir zhabs la pad+ma'o// tshad med bzhi mtshon kha khyer bzhi la// tshul khrims mtshon phyir dri yang byug/ sbyin pa mtshon phyir chu gtsang 'o kha chu// sdig sgrib dag byed byang chub chu zhes byas// bzod pa mtshon byed tsan dan dri yi bsgos// ye shes mtshon pa ni pa ra sha/ zhes dag pa'i chur brjod// de bzhin gshegs pa lnga yi thugs// ye shes lnga ldan mtshon pa'i snying po lnga// mnyam nas bum pa'i snying por byas// dz+nyA na rat+na gar b+ha zhes bya ye shes snying po mtshon// sku gsum ye shes yon tan mtshon pa ni// nor bu rin chen re 'dod skong byed pas// phun sum tshogs pa'i gzhi ni rin chen lnga// 'phreng ba lnga ni bum pa'i mgul rgyan 'phyang // yon tan tshad med gter dang ldan// pany+tsa rat+na sid+d+hi rin chen sna lnga dngos grub thob byed mtshon// rang byung ye shes 'phrin las lnga mtshon pa// dug lnga gnyen po sman lnga brda yis mtshon// pany+tsa be sha sing d+hi a mr-i ta// bdud rtsi sman lnga dug lnga gnyen po ye shes mtshon// rang byung ye shes phun sum tshogs pa'i don// dri bsrung lnga yi 'od zer bsam 'das spro// du ba pany+tsa s+tha ra sid+d+hi// bde gshegs 'phro zhing 'du ba mtshon// sbyangs pa'i 'bras bu sku gsum ngo mtshon pa// 'bru lnga snying pos bum pa bkang bas mtshon// pany+tsa pa la bi tsha sha/ stobs lnga 'dus pa 'bras bu bla na med
- 45a
ces su mtshon// rang byung sku gsum dpe byad mtshan gyis brgyan// mdzes pa mtshon pa kha rgyan me tog 'bras bu ldan// zhes/ yon tan rab mdzes mtshon pa bum pa'i rgyan// ka yang 'brig sha me 'o pa zhes pa// bum pa'i kha rgyan sku gsum yon tan mtshon// sku gsum ye shes 'phrin las nyon mongs 'joms// 'gro don dug lnga nad las gso phyir na// cod pan dar sogs mgul rgyan sbrul sku mtshon// shes bya ma rmongs mtshan bzangs sum cu'i don// lha yi dar dpyangs mdzes ldan pa// rin chen bum pa dar gyi phrog lnga mgul chings ni// rat+na pa tra a pi sha/ ye shes rgyan gyis brgyan pa mtshon// rang byung sku gsum ye shes lnga// bsod nams ye shes rig pa dang // shes bzhin dbyings dang ye shes dang // shes rab snying rje sgro mtshon pas// dra ba'i 'phreng ba bya ba'i phyir// tshon skud kha dog rnam lnga ye shes mtshon// brtson 'grus par phyin ting 'dzin gzungs zhes bya// yon tan gzungs su gyur pas bum pa gdags// pany+tsa bir+ya su tra mi brjed gzungs thob mtshon// sku gsum gzhal yas ye shes gzhugs mtshon phyir// b+h+rUM las rin chen 'od gsal gzhal yas mtshon// thabs dang shes rab zung 'jug nyi zla'i gdan gyis mtshon// sku gsum skyon bral pad+ma'i gdan gyis mtshon// rig pa a yis mtshon pas chos sku mtshon// he nyid 'od gsal
- 45b
rigs lnga mtshon pa ni// oM hUM traM aM hri las yum lnga yab kyang mtshon// bum pa phyi yi snang bar shar te 'gro don mdzad pa'i sbrul sgra mtshon// sku gsum ye shes rtsal mi 'gyur ba bsam gtan pha rol phyin// sku gsum snang du yod la reg tu med pa ye shes sgyu ma'i ngang // rig pa 'od gsal shes rab pha rol phyin// ye shes rol pa cir yang 'char bas ting 'dzin cir yang bsam pas mtshon// de lta'i rang byung ye shes dkyil 'khor de// dang po ma bskyed da lta mi gnas phyis mi 'gag/ ngang gis yongs su dag pas dbang gi gdams ngag des mtshon te// pradz+nyA pA ra mi ta skye med sku gsum chu zla lta bus mtshon te bstan// a b+hi Shiny+tsa zhes pa dag pa'i sgras// rang bzhin dag pa'i sku gsum rang la rang dbang mtshon nas bskur// shes rab yum lnga bum par mtshon pa ni// nam zla kun tu bzang mo phyag rgya bum pa yis mtshon byang sems chus// stong nyid zhe sdang dag byed mtshon te rnam snang dang du grol// chu nyid mA ma ki yi phyag rgya bum pa'i ye shes kyis// nga rgyal dge bar mtshon te rin 'byung ngang du grol// me nyid gos dkar phyag rgya ye shes bum pa yis// gnyis med rtags mtshon byang chub sems// 'dod chags byams par mtshon te mtha' yas ngang du grol// dam tshig sgrol ma phyag rgya ye shes bum pa yis// gnyis med rtags mtshon byang chub sems//
- 46a
phrag dog sdom par mtshon nas don grub dang du grol// sangs rgyas spyan ma phyag rgya ye shes bum pa ni// gnyis med rtags mtshon byang chub sems// gti mug 'od gsal mtshon nas rdo rje sems pa'i ngang du grol// zhes seng ge sgra sgrogs theg dman zil gyis gnon pa'i dgongs pa ye shes zung 'jug/ nyi zla kha sbyor gyi rgyud las/ thun mong rdzas la brten pa dbang gi le'u ste zhe gcig pa'o// // kye// bcom ldan thugs rje thabs kyi bdag/ bla mas mtshon te ji ltar bskur// bka' stsal pa/ glo bur dri ma dag bya'i phyir// bdud rtsi chu rgyun byang chub sems mtshon nas// bum chu slob bu blugs pas ni// sgrib pa mi rtog dag nas mi bskyod ngo bor mtshon// oM badz+ra d+hi ka a b+hi Shany+tsa hUM/ dbu rgyan rig pa rin chen dgos 'dod mtshon// slob bu la byin bag chags sgrib pa yis// longs sku ma rtogs grol nas rin 'byung thob// swa rat+na d+h+rika a b+hi Shiny+tsa traM// rdo rje stong nyid ye shes mtshon byas nas// slob bu la gtad las kyi sgrib pa dag/ mi rtog ye shes mtha' yas thob// aM a ro lig a b+hi Shiny+tsa a/ sku gsum bzhugs gnas dril bus mtshon// slob bu byin pas skye gnas sgrib pa dag/ thugs rjes sku ma rtogs pa dag nas don grub thob// ha pradz+nyA d+hi ka a/ bum pa spyi bor gzhag pas sku yi dbang thob lus sgrib dag rnam snang sku thob/ oM tra tsakra/
- 46b
a b+hi Shany+tsa au// slob bu ming gis rang rig rtogs pa mtshon// dz+nyA na tsit+ta bAka ka ya sa ma ya s+t+waM// ming gi dbang byin rang dbang rang la byin// shes bya sgrib dag rdo rje 'chang dbang thob// rig pa'i dbang lnga yon tan rang la rdzogs// ma rig lnga 'das ye shes lnga dbang thob// sangs rgyas lnga ni rnam dag lam// ma bskur sku gsum ma rig pa'i dbang zhes bya// rig pa'i ye shes lnga la dbang bas rig pa'i dbang // sgrib pa rang grol zab pa rig pa'i dbang // seng ge sgra yi rgyud las/ rig pa'i dbang po sku la mtshon pa'i le'u ste zhe gnyis pa'o// // kye/ bcom ldan thugs rje thabs kyi bdag/ 'phrin las gsung gis mtshan pa'i dbang // sku gsum snying po 'bru lnga gdod nas gnas// oM hUM a traM hri// ye shes lnga mtshon slob bur gtad// 'phrin las ma rdzogs dag nas sbrul sku thob// thugs nyid skye med rdo rje mtshon// de nyid slob bu snying khar gtad// thugs kyi ma rig dag nas ni// rig pa skye 'jig med pa rdo rje thugs dbang thob// oM na ma sa sarba ta thA ga ta tsit+ta badz+ra sa ma ya tiSh+Thi a b+hi Shiny+tsa hUM/ rdo rje rtag tu bcang ba rig pa'i mtshan nyid mtshon/ kha T+wAM cang ti ka pA las// thabs dang shes rab phyag rgya mtshon/ kha T+wAM kha ni shes rab yum// Da ma ru ni yab nyid thabs// shes rab rig pa brda ru mtshon// ka pA la ni gzhal yas khang // mtshon te slob
- 47a
bu la gtad nas// lhan cig skyes pa'i ma rig dag/ ma rtogs ma rig rig par grol nas mkha' spyod tshe 'dir thob// mi 'jigs 'jigs par mi bya ste/ khyod ni 'khor ba'i 'jigs las thar// mi bskyod ye shes zhing dag tu// rgyal ba'i sras su skye dbang thob/ khyod ni khams gsum dbang sdud de// sangs rgyas bdag nyid he ru dpal/ khyod la sangs rgyas lung bstan no// he ru ka sarba ta ta thA ga s+t+waM/ khams gsum bdag po dpal ldan rang byung khyod// bdud kyi tshogs rnams bcom nas kyang / khyed kyi thugs rje gzhan don mdzod// seng ge sgra las/ lta ba dang / nyan pa dang / bshad pa dang / sgrub pa dang / 'phrin las rdzogs nus pas/ nus pa'i dbang bcu thob pa'i le'u ste zhe gsum pa'o// // kye/ bcom ldan thugs rje thabs kyi bdag/ rgyan dang cha lugs 'chang dgos pas// bdag med chos rtogs kha' 'gro 'og/ dam tshig don nyid dran pa dang // rten 'brel dngos grub rgyu yin kyang // phyir mi ldog par bya ba'i phyir// bum pa dkyil 'khor chu rgyun mtshon// mtshan nyid sku gsum mi 'gyur bas// mi ldog da pas bdag gis gzung // slob dpon bdag nyid ting 'dzin gyis// sku gsum dkyil 'khor chen po mtshon// slob bu khri la gzhag nas ni// rang nyid sa la bgrod zin mtshon// bum pa spyi bor babs pas
- 47b
ni// ye shes chu rgyun rang babs mtshon// chos kyi sku nyid bde chen rang dbang rang la thob// oM su pra ti tsit+ta badz+ra hUM/ de nyid sku gsum skal ldan rang chas rang dbang rang la thob// rnal 'byor de nyid don rtogs pas// sangs rgyas kun gyi bdag nyid la// rang nyid rnal 'byor de nyid yin// de phyir rnam pa thams cad du// bdag nyid sku gsum che ba'i mchog/ chos rnams ye shes sgyu ma ste// rten cing 'brel ba'i chos dang ldan/ khams gsum rtogs nas gnyis med spyod pa gyis// zhes seng ge sgra'i rgyud nyi zla kha sbyor las/ bum pas mtshon pa'i dbang rdzas dam tshig bcang ba'i le'u ste zhe bzhi pa'o// // kye/ bcom ldan thugs rje thabs kyi bdag/ gsang ba'i dbang ni gsum pa dang // tshig dbang bskur ba ji ltar lags// bka' stsal pa/ gsang dbang mtshan pa 'di lta ste/ yab yum thabs dang shes rab mtshon// rang rig byang chub sems nyid mtshon// de las ye shes skur shar ba// gsang ba'i dbang du mtshon pa yin// shes rab mas ni ye shes mtshon pa'i dbang // ye shes zung du zhugs pa yis// bde chen byang chub ye shes shar// rig pa 'od gsal zung 'jug gis// bde chen mtshon pa'i dbang zhes bya// tshig dbang bla ma'i gdams ngag rgyud// slob bu de nyid smin par mdzad// dbang bzhi rdzogs par mtshon pa'o// seng ge sgra nyi zla kha sbyor
- 48a
las/ dbang bzhi rdzogs pa'i le'u ste zhe bzhi pa'o// // kye/ bcom ldan thugs rje thabs kyi bdag/ dbang gi ngo bo nges tshig ji ltar lags// bka' stsal pa/ dbang gi ngo bo rang dbang rang gis chod pas dbang // rang byung gzhan dbang ma gyur dbang // nges tshig 'khor 'das chos la ni// mnga' mdzad rang dbang bskur bas dbang // dbye na thun mong khyad par te// phyi ltar rdzas la brten pa dang // nang ltar rdzogs lugs rang chas bstan// gsang dbang dam rdzas bdud rtsir mtshon// bdud rtsi lnga nyid spyi bor blangs pas bum pa'i dbang // de nyid rnam lnga zhal du gsol bas gsang ba'i dbang // bdud rtsi lnga nyid rgyan du bde bar spyad pa shes rab dbang // dug lnga rtsir bsgyur ye shes don rtog tshig dbang thob// dper na rgyal srid glang po mnga' bsgyur 'dra// rang dbang thob ste rgyal sa zin pa 'dra// gsang dbang dam rdzas bdud rtsi 'di// nga yi gzhi la ye nas dbang bzhi rdzogs// dbang gi chu bzhi yas babs pa// thugs rje gdul bya ma 'gags pa// gdul bya bzhi la thugs rje gzung // yid kyi rnam shes rang byung bas// shes rab 'byung ba'i gzhi ma 'gags// lce yi rnam shes sprul pa'i sku// tshig rnams rang rang don la sbyar// zhes seng ge sgra'i dgongs pa las/ dbang nges tshig ngo bo'i le'u ste zhe lnga
- 48b
pa'o// // kye/ bcom ldan thugs rje thabs kyi bdag/ theg pa'i dbye ba ji ltar lags// bka' stsal pa/ theg pa'i ngo bo shes rab snying rje la// de gnyis che chung theg pa che chung dang // theg pa nges tshig 'degs dang skyed pa'o// dbye na gsum ste/ nyan thos rang rgyal byang sems dang // kri ya u pa yo ga dang // ma hA a nu a ti yo// bsdu na/ rgyu rkyen lam khyer mtshan nyid theg pa dang // 'bras bu lam khyer gsang sngags theg pa'o// seng ge sgra las/ theg pa dbye ba'i le'u ste zhe drug pa'o// // kye/ bcom ldan thugs rje thabs kyi bdag/ theg pa'i gol sgrib ji ltar lags// bka' stsal pa/ gol ba'i ngo bo rig pa'i don mchod// nges tshig gong mas gong ma ma mthong bsgribs// gong ma 'og ma don spyod gol zhes bya// dbye na mang yang bsdu na bzhi// lha sgom spyod pa 'bras bu bzhi// a ti blo 'das ngo bo la// gol dang ma gol blo las 'das// gol sgrib rang bzhin rnam par dag/ ye nas rang byung gnyis med pas// rgyu rkyen 'dus pa gol sgrib med// theg brgyad 'og nas snang ba yang // nga yi thugs rje mdzad spyod yin// dbyer med shes rab rtogs pa'i ngang la gnas// ma 'dres yongs su rdzogs pa'i ye shes la// 'byed pa med pa'i shes rab rang gsal ba// gol sgrib gnyis su dbye ru med// ces seng ge sgra'i dgongs pa las// gol sgrib le'u
- 49a
ste zhe bdun pa'o// // kye/ bcom ldan thugs rje thabs kyi bdag/ rgyud kyi don nyid gsung du gsol// bka' stsal pa/ rgyud ces bya ba'i ngo bo ni// rang rig ye shes yin par zlos// nges tshig 'brel dang ma tshang med// gcig la gcig brgyud rgyud ces bya// rgyud la dbye ba bsam 'das kyang // sku gsum 'phrin las rnam pa lnga'o// dbang rnams ngo bo rang dbang rang la thob// dam tshig kun gyi ngo bopo ni// sku gsum rang ngo shes pas dam// rnam rtog bag chags sreg pa tshig/ dkyil 'khor kun gyi ngo bo ni// sku gsum gtso 'khor 'du 'bral med// 'phrin las kun gyi ngo bo ni// sku gsum ma btsal lhun gyis grub// mchod pa kun gyi ngo bo ni// rang ngo shes pas rgyal ba mnyes// rnal 'byor kun gyi ngo bo ni// sku gsum ma bcos ye nas 'byor// sngags rnams kun gyi ngo bo ni// sku gsum 'khor ba'i don la sngags// phyag rgya kun gyi ngo bo ni// rang ngo shes pas ma rig sangs// sku gsum phyag rgya chen po la// dbyings dang ye shes dbye bral med// dam tshig 'od gsal chos nyid la// thugs rje don mdzad dam tshig phyag rgya'o// a ti theg brgyad gsal bar ston pas mig dang 'dra// a ti theg pa thams cad theg pas sa gzhi 'dra// a ti theg pa thams cad shong pas nam mkha' 'dra// thams cad 'dus pas rgya mtsho
- 49b
'dra// des na a ti nam mkha' mnyam zhes bya// seng ge sgra nyi zla kha sbyor las/ rgyud don nges par 'byed pa'i le'u ste zhe brgyad pa'o// // kye/ bcom ldan thugs rje thabs kyi bdag/ a ti rdzogs lugs bshad du gsol// bka' stsal pa/ rdzogs pa chen po'i ngo bo ni// rig pa byang chub sems zhes bya// byang chub sems su ma rdzogs na// sems can 'khor ba lte chad 'gyur// lam nyid byang chub sems nyid rgyun// rang rig lam du mi 'gyur na// 'khrul pas byang chub gang la yin// snang ba 'od snang sku gsum zer// rang gi 'od snang ma yin na// gzhan snang rtag pa lung dang 'gal// 'byung bas rang byung ye shes byung // gzhan 'byung nyag gcig don dang 'gal// a ti zhes su gsungs pa yang // bka' yi rdzogs pa chen po dang // don gyi rdzogs pa chen po'o// bka' don gnyis su ma 'brel na// bka' nyid don dang 'dzel ba'i sgron// theg pa kun gyi ngo bo ni// sku gsum rtogs pa che chung yin// rtogs pa che chung ma yin na// chos rnams mnyam nyid don dang 'gal// rgud rnams kun gyi rang bzhin ni// don rgyud sku gsum rgyun du gnas// rtags rgyud gzung 'dzin glo bur byung // dpe rgyud tshig dang yi ger gnas// don rgyud ma rtogs sku gsum don mi phrad// rtags rgyud ma bstan gang zag yid mi ches// dpe rgyud bka' rgyud med na
- 50a
bstan pa'i snying po 'gro lam stor// a ti gtan tshigs le'u ste zhe dgu pa'o// // kye/ bcom ldan thugs rje thabs kyi bdag/ theg pa bsdu na ji ltar lags// bka' stsal pa/ theg pa che chung gnyis su 'dus// theg pa gnyis su ma 'dus na// pra yas pa yi skyon gyis sgrib// ngo bo rang byung 'od gsal stong par 'dus// rig pa 'od gsal ma yin na// kun tu 'od kyi sa las 'gal// rang bzhin snang stong dbyer med ma yin na// mu stegs rtag pa ther zug skyon// sku gsum 'od gsal rang grol zhes// 'od gsal rang grol ma yin na// mu stegs chad pa'i skyon du 'gyur// rang byung lhun grub ma yin na// gzhan 'byung nyan thos skyon du 'gyur// skal ldan bden pa da lta mthong // bden pa da lta ma mthong na// theg pa chen po'i don dang 'gal// 'bras bu rjes dpag skyon du 'gyur// sku gsum lhun grub 'du 'bral med// 'du 'bral med pa ma yin na// sku gsum tha dad skyon du 'gyur// sku gsum lhun grub ma yin na// sku gsum re 'jog skyon du 'gyur// sku gsum rang la rtogs par 'char// rang la 'char ba ma yin na// sku gsum yid smon sgom pa'i skyon// sku gsum rang grol 'gro don mdzad// sku gsum 'gro don mi mdzad na// gnod sbyin srin por sku gsum gol// theg pa bsdu ba'i le'u ste lnga bcu pa'o// // kye//
- 50b
bcom ldan thugs rje thabs kyi bdag/ theg brgyad a ti rol pa ma 'gag pa// a ti ngo bo lung la ji ltar rdzogs// bka' stsal pa/ a ti nga yis rang byung la// sa la sbyang med bgrod mi dgos// rang byung ye shes rdzogs pa'i don la ni// yon tan sa lam thams cad ngo bo don la rdzogs// rgyud lung man ngag kun gyi don bsdus nas// ngo spyod rnam bzhis tshe 'dir bden pa mthong // de ni rab tu dga' ba'i sa zhes bya// man ngag don gyis blo yi the tsom bsal// rang rig rgyud la nges pa'i shes pa skyes// dri ma med pa'i sa zhes de la bya// sems ni ye shes dbang du 'dus// ye shes rtsal du shes pa ni// shes pa'i don brjod rag ma lus// gsum pa 'od 'phros sa zhes bya ba yin// de don kun la rang gsal bas// bzhi pa 'od byed pa'i sa zhes bya// lnga pa dug lnga dug gsum dang du dag/ drug pa sbubs gsum skabs su sku gsum gsal// bdun pa theg brgyad don la rab tu 'phags// dgu pa yon tan rang la rdzogs par mkhyen// bcu pa chos rnams kun la thogs med sprin// bag chags sbubs la rtog pa skye lugs yin// rtogs lugs 'khrul pa'i snang ba 'gags pa'i tshe// chos nyid klong du ye shes 'od du gsal// bcu gcig kun tu 'od kyi sa la gnas zhes bya// de tshe rang snang yin pas mkhyen pa khong nas 'char// shes rab skye ba'i
- 51a
stobs kyis sku gsal ba// tshom bu lnga la chos kyi spyan drug 'char// gsal la mi gnas ma chags pad+ma spyan gyis// gsung gi ngo bor rang byung yi ge drug/ ljags las 'od 'phros sprul pa'i skur gyur pa// bcu gsum yi ge 'khor lo tshogs chen sa// sprul pa'i sku yis 'gro don rdzogs mdzad pa// rdo rje 'dzin pa bcu bzhi'i sar bshad pa// ye shes sbubs su rdzogs sangs rgyas pa yin// thugs rje'i gnas nas sgrol zhing rang rang bzhi don sbyor// gsang ba don gyi sbyor sgrol zhes su btags pa yin// rang byung ta za'i chos lngas zhi ba mya ngan 'das// rin chen sbubs su sku gsum klong du 'khyil// de ni mi gnas ye shes klong du 'khyil// zhes bya sa yi don gyi ngo bo ni// chos nyid 'gyur ba med pas sa'o// sa yi mtho dman ngo bo ni// shes rab snying rje che chung ngo // sa la dbye ba gnyis yin te// 'jig rten pa yi sa dang ni// 'jig rten 'das pa gnyis yin no// 'das pa la yang gnyis yin te// theg chung nyan thos sa dang ni// theg pa chen po'i sa yin no// sa zhes nges tshig mi 'gyur gnas// rim pa'i dpe ni mchod rten bzhin// zhes seng ge sgra'i dgongs pa las/ sa nyid rdzogs tshul bshad pa'i le'u ste nga gcig pa'o// // kye/ bcom ldan thugs rje thabs kyi bdag/ lam gyi bye brag bshad du gsol// bgrod cing 'jug tu med pa'i
- 51b
lam// lam med lam du lta ba rnams kyi gnad che ba// phyin par 'dod pas ri dwags smig sgyu snyeg pa 'dra// bgrod med lam la rab gnas pa// 'du 'bral med pa'i dgongs pa la// bgrod du med do chos nyid byang chub sems// rtsol bas bgrod na ye shes mtha' la ring // 'jug tu med do rang rig ye shes lam// 'jug pa'i rtsol bas sdug bsngal lam du ring // 'on kyang ma bshad go bar mi 'gyur bas// bgrod du med lam rtogs pa'i thabs bstan pa// sgra mthun don la 'phags pa'i lam lnga bshad// bla ma bsnyen bkur yongs rdzogs nas// dam pa mi 'bral drung gnas pa// tshogs lam rdzogs pa'i lam zhes bya// bla mas gdams ngag don bshad nas// rig pa dri med de sbyor ba// sbyor ba'i lam du bshad pa yin// ngo sprod bzhi yi sgo nas ni// tshe 'dir nges pa'i bden pa mthong // mthong ba'i lam du shes pa yin// sgom dang sgom med lam 'das nas// sku gsum dang la gnas pa ni// sgom pa'i lam du bstan pa'o// sangs rgyas dgongs pa sde chen drug/ mi gnas tshul gyis mthar phyin pas// mthar phyin lam du bshad pa yin// lam gyi ngo bo rang byung 'du 'bral med// lam gyi nges tshig rnal 'byor don la bgrod pas lam// dbye ba rnam pa gnyis yin te// rgyu yi lam dang 'bras bu'i lam// rgyu yi lam ni theg dman
- 52a
lam// dper na 'gro ba'i lam dang 'dra// 'bras bu lam du byed pa las// lha sku lam du byed pa dang // stong nyid lam du byed pa dang // 'od gsal lam du byed pa'o// rtsol 'bras ye shes lam gyi dpe// mkha' la khyung chen lding ba 'dra// seng ge sgra nyi zla kha sbyor las/ lam gyi le'u ste nga gnyis pa'o// // kye/ bcom ldan thugs rje thabs kyi bdag/ sgra mthun don la 'phags pa yin// pha rol phyin bcu ji ltar lags// bka' stsal pa/ snying po sku gsum ye sangs rgyas// rtsol ba'i bsam pas dbyings mi bskyod// rtsol bcas lta spyod ting 'dzin ye shes sku gsum sgrib// rang byung sku gsum ma bsgribs kun tu gsal// lhun grub bzhi rdzogs ma rtogs na// nges pa'i pha rol phyin pa ni// ci phyir yang dag nges don 'di// ngo bo nam mkha' lta bu las// yon tan char snang phyogs med 'char// shar yang rang rig rnam par dag/ de nyid sbyin pa'i phar phyin yin// rang byung ye shes dri med rnam dag pa// de nyid tshul khrims par phyin yin// 'khrul med sdug bsngal grol bas bzod par phyin// mi brjed rang la shar bas brtson 'grus phyin// g.yos pa med pas bsam gtan phyin// 'gag sgrib med pas shes rab pha rol phyin// byas rtsol med pas thabs kyi pha rol phyin// 'gran zla med pas stobs kyi pha rol phyin// yon tan rab rdzogs
- 52b
gzhan mi smon pa smon lam phyin// rang byung ye shes gzhir gnas ye shes pha rol phyin// pha rol phyin pa'i nges tshig ni// tshu rol las 'di 'das pa'o// dbye ba rnam grangs bcu dang drug/ dbye ba rnam pa gnyis su bshad// rgyu yi pha rol phyin pa dang // 'bras bu'i pha rol phyin pa'o// dpe ni brten chu sgrol ba'am// skyes bu mtheb mos mda' nyid skyod pa ltar// lam pa grub pa mthar phyin sa la gnas par byed// ces seng ge/ sgra'i dgongs pa las/ phar phyin bcu yi le'u ste nga gsum pa'o// // kye/ bcom ldan thugs rje thabs kyi bdag/ rang byung sku gsum rnam grol ye shes chos sku la// grol sa ma mchis bshad du gsol// sku gsum gzhi dag nyon mongs spong mi dgos// bsod nams ye shes tshogs gnyis ye rdzogs pas// sku gsum ye shes tshogs gnyis gzhi la bsag mi dgos// rang byung ye shes sgrib pa ye dag 'od gsal bas// las dang nyon mongs sgrib pa sbyang mi dgos// rang byung ye shes sku gsum gzugs skur rang snang bas// kri yog lta bur dkyil 'khor bri mi dgos// sku gsum lhun grub ye sangs rgyas pa la// yo ga lta bu rtsol bas sgrub mi dgos// rgyud lung man ngag don dang 'dres// rang shar dgos pa rang rig ngo shes pas// rang dbang rang thob ma hA la// dbang ma ltar du dbang mi bskur// rang byung ye shes rigs stong lhun
- 53a
grub pas// a nu ltar du lta ba rtogs mi dgos// rang byung ye shes ma bcos mtha' grol bas// theg brgyad lam ltar lta spyod bcos su med// lhun grub bde chen dang la grol ba'i lam// zhes seng ge sgra nyi zla kha sbyor las/ le'u ste nga bzhi pa'o// // kye/ bcom ldan thugs rje thabs kyi bdag/ sems de rang rgyud ji ltar grol/ bka' stsal pa/ rang byung ye shes khyab bad la de// sku med sku de ye shes sku// gsung med gsung la 'gag med zer// thugs kyi rig pa 'od gsal rdo rje a// thabs kyi rgyal po 'phrin las yongs la khyab// 'gro ba kun la rig pa'i nyi ma shar// sems de kun gyi rang rgyud la// sangs rgyas ye shes sku gnas pa// sku ni rnam dag 'od kyi sku// dngos po'i mtha' las grol bar gnas// sems de 'gro ba'i rang rgyud las// sangs rgyas 'od zer gsung gnas pa// gsung ni 'gag med tshangs pa'i dbyangs// brjod pa'i tshig las 'das pa yin// sems de kun gyi rang rgyud la// sangs rgyas thugs kyi rig pa gnas// nyi ma rdo rje 'pho 'gyur med// snying po 'gyur med sku gsung thugs// rdo rje lta bu sku brnyes pa// bcom ldan rdo rje mi bskyod bya// sku gcig kun la khyab pa'i sku// nyi ma'i snying po lta bur gnas// man shel lta bur rang dag pas// gzhan snang bye brag cir snang yang // sku gsum ngo bo 'gyur ba
- 53b
med// ye shes chu bo rgyun bzhin gnas// ye shes lnga snang 'du 'bral med// rdo rje 'dzin pa nges par nyon// sku gsum bde ba chen po'i don// 'gro ba yod med kun la khyab// kun gyis rtogs shing mi rig ste// lha la sogs pa'i 'gro drug dang // byang chub sems blo yis 'di mi rig/ theg brgyad blos rig pa min// lam bgrol btsal bas 'di mi rnyed// sangs rgyas btsal bas grub min pas// de nyid rgyu rkyen 'das pa yin// thugs kyi dkyil 'khor rang byung ba// de nyid dus gsum rtag par bzhugs// sangs rgyas kun gyi ye shes sku// dri med rang byung 'od gsal ba// 'gro ba'i rgyud la snang bya ba// ye shes me long dpe don rtags kyis mtshon// phyi nang snod bcud ma lus kun// ye shes chen po la yang bzla// zhes seng ge sgra las/ sems de rang rgyud sku gsum rang gnas lung bstan pa'i le'u ste nga lnga pa'o// // kye// bcom ldan thugs rje thabs kyi bdag/ sku gsum 'gro la rang gnas dpe don rtags kyis ji ltar srid// bka' stsal pa/ nga ni sems de kun gyi gsos// 'di don nad rnams kun gyi sman// shel ltar ye shes dri med sku bstan dpe// 'gag med rig pa ye shes 'od gsal sku// rang la gnas pa mngon sum yul la bstan// ye shes 'od sku chu zla'i tshul// thugs rig 'gag med nyi ma ltar// gdung sgra zer 'od brag cha
- 54a
bzhin// sku gsum rtogs pa'i klong du su 'gris pa// rtag chad tshig las 'das pa yin// chos can blo 'das ye shes dri ma med// ma bskyed ye shes dkyil 'khor sgyu ma rnam dag klong // klod pa med par chos nyid rang shar ro// de nyid ye nas nam mkha' 'dra// rnam dag nam mkha' mtshon la bstan// de nyid ye nas rdo rje 'dra// skye 'jig med pas mtshon la bstan// de nyid ye nas rgya mtsho 'dra// mkha' klong gting mi 'gyur bas mtshon la bstan// de nyid ye nas nyi ma 'dra// gsal 'grib med pas mtshon la bstan// de nyid ye nas man shel 'dra// rkyen med 'od lnga nang 'char mtshon la bstan// de nyid ye nas pad+ma 'dra// rnam dag ngo bor mtshon la bstan// 'ja' tshon mar me 'dra 'bag dang // 'od khang me long ngos mtshon nas// ye shes chen po sku gsum mngon du sprad// ces seng ge sgra nyi zla kha sbyor las/ sku gsum thugs ngo sprad pa'i le'u ste nga drug pa'o// // kye/ bcom ldan thugs rje thabs kyi bdag/ sku gsum thugs su ngo sprod pa// gdams ngag gnyis su bstan pa de// thugs rje'i dpe rnams ji ltar 'byung // ngag gi chos rnams ji ltar gsungs// bka' stsal pa/ rang byung chos sku nyi ma lta bu las// zer 'od thugs rje 'phros pas pad+ma kha 'bus tshul// thog ma'i sangs rgyas nyag gcig las// rdo rje sems
- 54b
dpa'i sku nyid ni// u dum pa ra'i me tog las// snying po'i rang bzhin gzugs skur 'khrungs// shes rab mthar phyin tha snyad rnam par dag/ rig pa'i khu byug gsung gi sgra yang bsgrags// rang byung ye shes ma 'gags 'od zer phyogs bcur 'phro// rdo rje sems dpa' sangs rgyas kun gyi gtso// thabs mkhas thugs rje stobs nyid mkhyen mnga' bas// 'gro la byams pa gsung gi yi ge drug/ rang byung sgra yi yi ge zhes bya ste// sa sha ha a 'am// des thugs rje mnyam sbyor don drug bstan/ sa/ lhun gyis grub pa'i don la sbyor// sha shes rab 'gas med don du sbyor// ha/ rten med ye shes dbyings la sbyor// ma/ chos rnams mnyam pa'i don du sbyor// a/ skye med 'od gsal ye shes sbyor// sa/ spros pa nye bar zhi bar sbyor// yi ge drug gi ye shes gnas bskul ba// ma/ ye shes gnyis su med par bskul// sa/ chos nyid bar do 'od gsal bsgral// sha/ thabs la mkhas pa'i klong du bskul// ha/ ye shes gnyis med dbyings su bskyal// a/ rig pa ye shes gnyis med bskul// 2/ mtha' las 'das pa'i dbyings su bskyal// gzhi chos la 'das pa ye shes thugs rje yi ge drug ces bya// sa/ dbyer med ye shes dang du 'das// a/ byas rtsol med pa'i ngang du 'das// 'a/ tshig dang brda dang sgra las 'das// ma/ thugs rje ye shes chags pa'i
- 55a
sgra// sha/ shes rab ye shes rtsal sbyong sgra// ha/ rdzogs pa ye shes rang la shar ba'i sgra// yi ge drug las zer gyi sku lnga ni// thugs rje gsung gi zhal chems sprul pa lnga// byams pa'i chos ston sangs rgyas rnam pa lnga// 'gro ba'i ston pa gzhag nas bka' ma nyams// rdo rje sems dpa' thugs kyi dpal be'u nas/ sangs rgyas mi mnyam mgon po rang byung sku// dbu yi gtsug tor 'khor lo rtsibs brgyad nas// sangs rgyas 'jam dpal dri med snying po byung // mdzod spu bde ldan mgon po spyan ras gzigs nyid byung // shangs nas phyag na rdo rje ljags la byams pa rnam par gzigs// sku gsung thugs dang yon tan gyi// rtsa ba'i rgyud lnga gsung gi zhal chems so// phyag g.yas 'khor lo rin chen zur brgyad las// sangs rgyas gtsug tor dri med rang byung sku// phyag g.yon pad+ma 'dab brgyad la// sangs rgyas byams pa kun gzigs byon// zhabs g.yas pa yis ni rgya gram las// sangs rgyas kun grol ye shes rang byung ni// zhabs g.yon ut+pal nam mkha'i snying po byung // de rnams rtogs pa'i ye shes chos la dbang sgyur ba// snyan rgyud bzhi bshad zer du 'phros pas sangs rgyas stong dang dbye ba yis// bka' 'di mi nub chos kyi rgyal mtshan btsugs// brgyad khri bzhi stong rgyal ba'i zhal chems bzhag/ thugs rje sbrul sku shes rab
- 55b
rang byung ba// byams pas chos bstan gang la ci 'dul ba// mos pa rgyan gyi dkyil 'khor bshad// seng ge sgra nyi zla kha sbyor las/ bka' mi nub rgyal mtshan gsung zhal chems bzhag pa'i le'u ste nga bdun pa'o// // kye/ bcom ldan thugs rje thabs kyi bdag/ rtogs pa bskyed phyir sku yi rten// brda dpe mtshon pa ji ltar lags// bka' stsal pa/ 'gro ba rtogs pa bskyed pa sku yi rten// dbu yi gtsug nas ring bsrel mngon phyung ba// mar me mdzad pa dbu yi gtsug phud bya bar grags// spu yi chos ston gling bzhi'i rtog pa sel// sku rten lho yi 'dzam gling rin chen brtsegs pa'i sku gdung bzhag/ ba glang spyod du dga' ba brtsegs pa'i rang byung sku gdung bzhag/ skra mi snyan du btang snyoms rgya gram brtsegs pa'i sku// shar gyi lus 'phags byams pa rdo rje brtsegs pa'i sku gdung bzhag/ de bzhi sku yi 'dra 'bag mtshon pa'i dpe bzhag go/ sangs rgyas sku gsum bzhugs par dper mtshon no// sku gdung de las zer 'phros rten btsugs pa// rdo rje gdan gyi phyogs bzhi mtshams brgyad du// sku yi brdar mtshon sku gdung phyogs bkod pa// ma ga d+ha yi dur khrod bsil ba ru// sku gdung ring bsrel bde chen brtsegs pa byung // sing ga la yi dur khrod sku la rdzogs pa ru// sku gsung ri bo tams 'bar byung // kha che dur khrod he chen bad la// sku gdung ka
- 56a
ni ka ni rang byung byung // sa la gsang chen rol pa'i dur khrod du// sku gdung 'og bu do shal byung // bal yul dur khrod lhun grub brtsegs// mchod rten byar rung kha shor byung // oM rgyan dur khrod pad+ma brtsegs// sku gdung gzi byin brtsegs// za hor dur khrod lang kar brtsegs// sku gdung bde byed gzhon nu byung // li yul 'jig rten brtsegs pa'i dur khrod byung // sku gdung mgon dar sham mo// sku gdung brgyad ni rnam par snang mdzad sprul pa ste// tri yog chos bstan rigs 'dzin phyi ba'i rtog pa bskyed// dur khrod brgyad ni rnam shes dul brgyad brdar mtshon// dur ni sdud par byed pa la// khrod ni ye shes dbyings su rol// rdo rje gdan ni rig pa thugs kyi brdal// sangs rgyas thugs kyis zer 'phros rdo rje sems dpa' sbrul// gsang sngags chos bstan rigs 'dzin nang gi rtogs pa bskyed// de rnams zer du mchod rten chen po brgyad kyang spros// byang chub sems dpa' rnams kyi rtogs pa bskyed// rdo rje sems dpa'i smin mtshams mdzod spu nas// sangs rgyas mtha' yas mngon du byung // de yi smin mtshams mdzod slu nas// 'od zer bye ba drug cu drug cur spros// man shel sku gdung khri 'phang lnga pa byung // sbrul sku thub pa drug gi rtogs pa bskyed// de nas lha yi dbang po mkhar gyi yang rtser ni// ta ri ka ka bya ba'i rtse la
- 56b
babs// lha dang byang sems rnams kyi rtog pa bskyed// de nas rgya yi ri bo rtse lngar babs// byang sems rigs lnga mgon po'i rtogs pa bskyed// de nas rdo rje gdan gyi rtse la babs// d+harmA sid+d+hi mu tra a zhes spras// ro langs bde ba dga' rab rdo rje phyag tu babs// paN+Di ta lnga brgya rtogs pa der bskyed// de nas te se gangs la babs// dgra bcom lnga brgya'i rtog pa sel// ye shes ngo bo ston pas skal ldan rtog pa bskyed// rdo rje sems dpa' me long zhes pa ltar gzhag pa// sku yi zhal chems yid ches bskyed pa'i gdung // su 'chang skal ldan rtogs pa tshe 'dir bskyed// rdo rje sems dpa'i thugs kyi dpal be'u nas// sangs rgyas 'jam dpal dri med snying po rang byung shar// de yi thugs las nyi ma'i snying po shar// sku gsum dbyer med khyab bad la mkha' la gsal// yi ge med pa'i brda bzhi don du ni// nyi ma khang par gnas par bar snang gsal// 'gro drug skal ldan rnams kyi rtog pa sel// rnal 'byor rtogs ldan rnams la nges shes bskyed// 'jig rten sgron ma 'gro ba'i gdung ba sel// brgyad khri bzhi stong chos nyid ma dang sprospyod// bye ba dpag med sangs rgyas bstan pa mthar 'don// thabs dang shes rab brda mtshon nyi zla 'gro don mdzad// de yi 'od zer bye ba phrag brgya yang // gling bzhi bye ba phrag brgyar 'gro don
- 57a
mdzad// snying po'i don ston mun pa'i rtog pa sel// zhes seng ge sgra sgrogs theg dman zil gyis gnon pa ye shes zung 'jug nyi zla kha sbyor dgongs pa'i rgyud rgyas pa las/ ngo sprod me long dpe brdar ji ltar byung ba'i le'u ste nga brgyad pa'o// // kye/ bcom ldan thugs rje thabs kyi bdag/ rtogs ldan dgongs pa ji ltar lags// bka' stsal pa/ bcom ldan seng ge rnam par bsgyings pa'i ting 'dzin las bzhengs nas// tshig bshad seng ge 'brug gi sgra ltar bsgrags// rdo rje lta bu rig pa'i ye shes ni// nam mkha' lta bur dag po med// 'od gsal dri med ngang gi ngo bo la// gnyen pos mi shigs rkyen gyis mi 'gyur bas// dge dang sdig pa de yi spyod yul min// rang dbang thabs kyis rdzogs pas rtsal gsum lus la tshang // mtho dman gling du gyur pas ye shes thabs kyi sku// sa dang lam mi bgrod pas bde 'byam ye shes dbyings// rgyud la byang chub 'dod pa sdig pa'i las// su la snying rje ma bzang sdig pa'i bag yod min// ci ste srog med srog bcad sdig 'gro na// ye nas chad pa su la sdig/ snying rje ye grol thugs rje gang la bya// mchod dang dge bya 'dzin pa'i las// gang dang grol ba rang sar lhun grub grol// bya bral dang la gnas pa'i skal ldan ni// rdo rje mi 'chang sngags dang rdzas mi rten// dben par mi 'dug mchod gtor
- 57b
'og ma'i las// gang la mi brten rang grol rang shar ba// seng ge sgra yi dgongs pa mthar skyol zhes// nyi zla kha sbyor las/ seng ge sgra dgongs pa theg dman zil gyis gnon pa'i le'u ste nga dgu pa'o// // thugs rje byams pas bka' stsal pa// khyung chen gshog pa rdzogs ting nge 'dzin las bzhengs nas// gnyis su med pa chos dbyings byang chub sems// brjod pa'i tshig 'das kun bzang chos kyi sku// 'gyur med ye bdal bde chen lhun gyis rdzogs// snang srid gzhan snang bltas pas ngo bo rkyen gyi gol// srid gsum ma lus kun tu bzang po la// rol pa'i mdzad spyod ye nas rnam par dag/ don dam 'gyur med bde chen byang sems la// yang dag lhun rdzogs smra bsam yul las 'das// nam mkha' mtha' dang mnyam par la bzlas pa// sa rnams yas kyis bcad pa'i mchong po che// snang srid gsal bar byed pas 'od zer che// srid gsum rtogs par shar bas shes rab che// chos nyid mi 'gyur ye shes rig pa'i ngang // gzung 'dzin yul 'das mtha' dbus khyab pa che// nga dang bdag med phyogs ris nam mkha'i klong // yid bzhin nor bu 'dam nas thon bzhin gzhi rtsa chod// mi 'gyur dbyings kyi rig pa'i nyi ma shar// de nyid ye nas ji bzhin gnas pa ni// lus 'das chos nyid sems 'das sangs rgyas ni// kun gzhi
- 58a
la 'das chos skur shar ba de// khyung chen gshog rdzogs dgongs pa mthar sgrol zhes// seng ge sgra las/ khyung chen gshog rdzogs dgongs pa'i le'u ste drug cu pa'o// // thugs rje byams pas bka' stsal pa// bcom ldan nam mkha' rnam dag ting 'dzin las bzhengs nas// re dogs rnam dag mtha' bral chos nyid bstan// rdo rje thugs la ye shes sku// tshig gcig mtshon pas don chen spungs// rnam dag lam chen bgrod med rang grol gnas// ma skyes gsang ba'i dkyil 'khor 'gro ba kun la rdzogs// don nyid 'gro kun ma rig pas// lam rgyud lnga yi 'khor bar 'khrul// de phyir mgon po dri med ngas// ye shes lhun rdzogs dri med 'od gsal ba// rang byung me long ye shes lnga bcas dpe// mtshon byed sku gdung man shel zur lnga pa// 'gro ba kun don rgyal bas lung bstan to// sna tshogs 'khrul gzhi ngo bo ni// nam mkha' la ni sprin bzhin du// rang grol spros bral chos nyid ngang du drangs// e ma sangs rgyas ye shes sku// rtogs par dka' ba snying po'i don// tshig dang yi ge'i spyod yul min// rang rig gdod nas ma skyes pas// e ma mnyam nyid rig pa'i glong // ming du btags pa'i chos kun yang // mnyam pa nyid de nam mkha'i dang // e ma ho chos sku rang rig rtsal// ye nas snang la 'gag med pa// de nyid dag pa'i
- 58b
rang gdangs la// mkhas pas ji ltar sgom snang 'grub// chos sku nam mkha' rnam dag klong // rang gi ngo bo brjod bya med// sku dang ye shes rol ba kun// nam mkha'i klong na ji ltar snang // nam mkha' rnam dag dgongs pa mthar rdzogs// zhes seng ge sgra yi rgyud las/ nam mkha' rnam dag dgongs pa'i le'u ste re gcig pa'o// // yang thugs rje byams pas bka' stsal pa/ bcom ldan 'das nyi zla kha sbyor gyi ting nge 'dzin las bzhengs nas/ chos rnams 'gag med zung 'jug bstan// rang byung ye shes shes rab rtogs grol ba// rang grol sbrul gyi pags pa bzhin te gzhan 'gyur gnas ma yin// bag chags sbubs nas rig pa gsal 'char ba// thabs dang shes rab nyi zla kha sbyor tshul// ye shes sgo lnga 'jug pa'i sgo lnga nas// zung 'jug 'gag med khang khyim mthong khungs nam mkha' 'dra// thugs rje rtse gcig ye nas gnas pas dag/ byas pa'i chos min sku gsum ye rdzogs shar// theg brgyad blo yis ye rdzogs mi mthong ste// rus sbal mig gis nyi ma mi mthong bzhin// rig pa'i gsang rtags ye shes mtshon gang ba// rtogs pa klong du su 'gris pa// 'di nyid mi gnas mya ngan 'das// rang bzhin rnam dag sku gsum la// sgrub dang rtsol bas ma yin mkha' la nyi shar tshul// rgyu rkyen 'das pa'i 'bras bu chos sku la// rtsol bas sa lam bgrod
- 59a
nas thob 'dod pa// ldongs pa nam mkha' snyegs pa dag dang mtshungs// nyi zla ngo bo 'od kyi rang bzhin la// rtsol bas 'od zer 'od gzhan la btsal min te// shes rab sku gsum rig par ye rdzogs la// rna ba mnyan te tshig rten sgrub pas min// skye 'gag bral ba'i snying po sku gsum la// byang chub ngo bo 'khrul yang rang bzhin dag/ ma rig 'khrul pa'i snang ba zla grib tshul// rtogs pa'i ye shes nyi ma shar bas gsal// rdo rje mi bskyod ye shes snying po ni// rig pa nyi ma'i snying po dus gsum rgyun du bzhugs// rnam rtog mi gnas ye shes dri med dang // de dang de nyid zung 'jug nyi zla kha sbyor klong // kun tu bzang po'i ngang la ye shes rgyun gnas pa// de nyid khyad par can gyi grogs shes bya// 'khrul pa sgyu ma rnam dag ye shes klong // de nyid khyad par can gyi thabs zhes bya// rdo rje tshig gcig dgongs pa la dor ba// skad cig klong gcig dril ba'i thugs rig pa// bdag rig gzhan rig thams cad rtogs pa'i rang shar te// nyi zla kha sbyor dgongs pa mthar sgrol ba'i// seng ge sgra las/ nyi zla kha sbyor dgongs pa'i le'u ste re gnyis pa'o// // thugs rje byams pas bka' stsal pa// rin chen kun 'byung ting 'dzin las bzhengs nas// rang byung ye shes yon tan zad med pa// sems nyid rin chen gter gyi dbyig ces bya// skyed
- 59b
med klong nas rang bzhin 'od gsal ba// bag chags sbubs nas sgron mar rang shar gsal// nam mkha'i klong nas nyi ma shar ba 'dra// sku gsum dbyer med gsal ba ye shes klong // gsal yang dngos med dag pa chu zla 'dra// snang la dngos med par snang 'ja' tshon tshul// sku gsum rig pa'i ye shes rdo rje thugs// tsat+ti'i shing la gel ba'i 'bras bu dang // ye shes me tog 'bras bur bcas// 'gro ba dug lnga nad las sel ba'i sman// rang byung rang gnas nor bu rin po che// phyi nang snod bcud ngo bo rang la grol// gzhan las ltos gyur chos ma yin// glang chen 'dam du bying ba dang // 'gro ba ma rig rang bcings gnyis// gzhan gyis yang dag gang bar 'gyur// chos kyis yang dag don la brjod nus kyang // tshig gis yang dag don la gnas mi nus// de phyir dge sbyong rnam smin ye shes don la bsgribs// chos kyi blo yis spros bcad chos la gnas// man shel dag pa dri med ltar du rang rig zhog/ tha mal shes pa blo yis bcos pa ni// de yi nor bu rin chen 'dam du bying // ye shes rang snang ngo bor shar ba la// bslad par bya ba'i chos ni sgrib pa yin// thabs kyi rgyal po stobs kyi rig pa shar// che ba'i yon tan gzhan la dpag tu med// rig pa'i ye shes chu bo rgyun gnas la// dngos po mtshan ma de la bar ma bcad// chos rnams
- 60a
ye nas rang rtsal snang ba rtogs// nor bu dgos 'dod rang byung dgongs pa tshad du stsol// zhes seng ge sgra las/ nor bu rin po che dgongs pa'i le'u ste re gsum pa'o// // thugs rje byams pas bka' stsal pa// bcom ldan 'das rgya mtsho klong yangs ting nge 'dzin las bzhengs nas/ bde 'o yangs so rgya mtsho'i klong // rgya mtshor gza' skar shar ba ma 'dres so sor gsal// de bzhin chos nyid rnam dag spros bral rig pa'i ngang nyid la// skye med klong nas ye shes ma 'dres so sor gsal// sku gsum rgyal ba'i dgongs pa rgya mtsho 'dra// a ti yangs pa'i klong na rnam dag pa// ye shes ngang las sprul pa'i skur bstan yang // thugs rje rtsal gyis 'gro ba'i don mdzad de// rtsal 'khrul chos min skad cig mngon sangs rgyas// de phyir sangs rgyas chos la gnas ma yin// chos ni sems de gnas pa'i rnam rtog yin// mtshon tshig byang chub chos rnams kyang // brdas 'grol tshig la byang chub don ma yin// kye rigs kyis bus nges par zungs// de phyir mgon po dri med pas// sku gsum rang byung ye shes thugs rig pa// chos la ma brten rang byung dbyings la shar// de phyir chos kyi sangs rgyas ma bshad de// chos ni tshig la 'brang zhing tshig la gnas// rang byung ye shes ngo bo tshig mtha' 'das// de phyir yang dag don la tshig
- 60b
med yi ge med// sems de tshig la brten nas bden lam tshol ba yang // chos rnams ngo bo ma bcings rang grol lo// ye shes rgyal ba tshig las 'das pa'i don// smra ba'i khyu mchog gzhan gyi dring mi 'jog/ ni dri med ye shes sku nyid la// dge sdig la 'das gdod nas snying po'i don// rtsol bas mtho dman 'bras bu rtsis las 'das// nga nyid stong pa ye shes snying po can// bde sdug rang grol 'od gsal rig pa'i sgra// dbyer med 'du 'bral med pa ngo bo nyid// rtsal gyi rol pa thugs rje rgyan shar ba// ma 'dres so sor gsal yang dbyer med rgya mtsho'i ngang // rgya mtsho klong yangs dgongs pa mthar sgrol zhes// seng ge sgra yi dgongs pa'i rgyud nyi zla kha sbyor las/ rgya mtsho klong yangs dgongs pa'i le'u ste re bzhi pa'o// // kye/ bcom ldan thugs rje thabs kyi bdag/ bzhi lam 'bras bu'i gnas lugs la// so sor gnas lugs tha dad gcig/ sku gsum dngos dang dbye ba dang // lam pa'i gang zag rnams la ni// bdag dang rtogs pa'i don dang ni// dgongs pa rang shar gnas lugs dang // nyams su len pa'i lam rim rnams// tha dad gcig pa gsung du gsol// bka' stsal pa/ kye rdo rje 'dzin pa nges par zungs// gzhi yi gnas lugs bstan pa ni// ma byung ma skyes sngon rol nas// thog ma'i sangs rgyas 'od dpag med//
- 61a
kun gyi 'byung gnas chen por ni// khyab bdal nam mkha'i mtha' dang mnyam// chos dbyings khyab bdal ye shes drangs ma'i sku// sa ni thabs mchog ldog pa'i gdangs// ma ni shes rab chos kyi dbyings// gdangs kyi snying po sku gsum rang la shar// lhun grub rang byung snying po 'od kyi dkyil 'khor la// bkod pa lha yi dkyil 'khor sgom mi dgos// nyi shu rtsa brgyad gnyis pa ni// ngo bo nyid la ngo bo nyid shar ba// srog med longs sku rigs lnga 'khor// sems dpa' sems ma dbang po yul shar ba// ma g.yos dbyings na 'ja' tshon 'bar ba'i sku// 'ja' tshon skyil krung ye shes snang ba lam me pa// gzhi sku rang byung gnas lugs spyi sa'o// lam pa'i gang zag rnams la ji ltar bzhugs pa ni// dkyil 'khor lnga yi dbu nyid la// mi gsal ba yi tshul du bzhugs// snang srid dbyings kyi dkyil 'khor na// da lta sems de thams cad bzhugs// sgron ma 'od kyi dkyil 'khor na// rig pa chos sku zang thal bzhugs// tsit+ta thugs kyi dkyil 'khor na// longs sku rtsa brgyad 'ja' tshon 'od gsal ba// kun tu bzang po chos nyid mi 'gyur ba// kha dog sna tshogs dbyings dang ye shes yab yum tshul// mnyam gzhag mtshon gang tshad du gnas// rtags kyi gsang sgo sgron ma mtshon gang ngo // rigs lnga thig le 'od las dwangs ma'i rtsal du
- 61b
rdzogs// phung po lnga yis cha gzung mi gsal sku// phyag rgya dran rig tshor bar bcas pa'o// kun gzhi sems kyi me long gzung 'dzin dran rig pa// 'od lnga pho brang ye shes lha yi gnas// 'jug pa sgo lnga thugs rje 'gro ba 'dul ba'i dkyil 'khor gnas// sems dpa' sems ma zer du 'phros pas na// sems dpa' sems ma mi gsal zer la rol par bzhugs// 'bras bu sku gsum ye shes rtsal rdzogs bzhi bcu rtsa gnyis ni// gsal 'tsher lhun sdug ye shes 'od gsal sku// de yi sbrul sku thugs rje thub pa drug/ gang la gang 'dul chos can 'tsham par ston// mi gnas ye shes chos sku dbyings la thim pa'i tshe// de bzhin gshegs pa'i chos lnga dag tu mya ngan 'das// gzhi la lam du mi bya te// rang rig ma shar skyon du 'gyur// gzhi la 'bras bur mi bya ste// spyir yang 'khrul pa'i skyon du 'gyur// 'bras bu lam du mi bya ste// 'khor ba rang grol skyon du 'gyur// 'bras bu gzhir ni mi bya ste// ye shes mkhyen rtsal med par 'gyur// lam la gzhir ni mi bya ste// ye shes mtshon du med par 'gyur// lam la 'bras bur mi bya te// nyams blang rtsol med thal mar 'gyur// chos sku longs skur mi bshad de// chos sku gzhan snang rtog par 'gyur// chos sku sbrul skur mi bshad de// chos sku gdos bcas 'jig par 'gyur// longs sku chos skur mi bshad
- 62a
de// ye shes thugs rje stong par 'gyur// longs sku sbrul skur mi bshad de// 'od snang chos dbyings rnam dag skyon// chos sku thugs su mi bshad de// de nyid thugs su bshad pa na// khyab bdal ye shes sku 'gag 'gyur// longs sku'i skur ni mi bshad do// dran rig gdos bcas skur mi 'gyur// sbrul sku 'gro bar mi bshad do// thugs rje rdzu 'phrul med par 'gyur// sangs rgyas thugs mchog rig pa dri med la// ngo bo stong pa gdangs 'od gsal// mtshan nyid dbyer med yon tan 'gyur ba med// sku ni dri med 'od gsal la// snang du yod la reg pa bral// sku gsum rang gi ngo bo ni// gcig pa ma yin tha dad min// de nyid gzhan du brjod med dang // sku gsum 'bral med nyi ma'i zer 'od tshul// gcig dang gnyis pas tha dad grol bar gnas// brda don sprad pa'i ye shes rtogs pa dang // thugs kyi shes rig shar ba'i dgongs pa ni// gcig pa ma yin tha dad don mi rnyed// rgyal bas thabs kyi rim par bstan pa yin// rtogs pa'i blo de dgongs pa ma yin te// de nyid dgongs pa tha snyad tshig tu 'gyur// gdams ngag phrad pas ga la grol// nyams len dgongs pa ma yin te// dgongs pa dran rig glo bur 'gyur// 'dus byas dran rig ye shes rtog bral ga la thob// dgongs pa rtogs pa ma yin te// ye nas rang shar lung dang
- 62b
'gal// dgongs pa nyams len ma yin te// bya btsal bral ba'i lung dang 'gal// rtogs byed gdams ngag gzung 'dzin thabs// rang la shar ba brda phrad don// dgongs pa rang shar rig pa gsal// nyams len gzung 'dzin rang grol la// dran pa'i rgyun gyis 'od gsal bstan// dri med rig pa rang shar gsal// lam du byed pa nyams su len zhes bya// tha mal blo las grol ba'o// rig pa rang bzhin dag pa'i gsal ba dang // nam mkha' stong pa 'gag med gsal ba ste// ye shes 'od gdangs 'od gsal gsal ba gsum// rig pa dri med nam mkha' 'gag med de// rig pa dri med 'od gdangs gsal ba med// gcig la min la tha dad min// gcig dang tha dad dag las grol bar gnas// nam mkha' rig med stong pa dang // 'od gdangs zer gyi gsal stong gnyis// gcig pa ma yin tha dad min// gcig dang tha dad dag las grol bar gnas// rig pa rang gsal ngo bo ni// dpag dang gzhal las 'das pa'i 'od gsal rang shar ro// stong rig dbyer med 'od gsal rang bzhin te// 'gyur med sems de kun gyi sgron mar gsal// zhes seng ge sgra'i dgongs pa las/ gzhi 'bras lam pa'i rnam bshad le'u ste re lnga pa'o// // kye/ bcom ldan thugs rje thabs kyi bdag/ a ti don nyid bshad nas
- 63a
kyang // dgongs pa'i khyab bad la ji ltar lags// nges par nyams su gang ltar blang // bka' stsal pa/ rang bzhin dag pa'i nam mkha' la// chos nyid dag pa nam mkha' kun la khyab// chos nyid dag pa'i nam mkha' la// rig pa ye shes nam mkha'i nyi ma shar// phyogs ris med pa kun tu 'od gsal ba// yid kyi rnam rtog ci byung ci 'gyur yang // ma pham mtsho la gser gyi nya mo ltar// chos nyid rig pa ye shes don la g.yos pa med// ma 'gags rig pa gnyis med 'od gsal ba// brtags de ngo bor gzung yang mthong rnyed rtogs bral med// zab mo'i cha shas rtog pa'i yul las 'das// man shel sku ltar rang rig rgyud dag pas// sgron ma phyi nyid gsal ba rig pa'i nang // dri med zang thal dag pa chos kyi sku// sa chu me rlung nam mkha' snang ba yang // ma rtogs blo la mtshan mar snang mod kyang // rtogs pa'i blo la rang bzhin yongs kyi med// zang thal 'od gsal gdangs su snang ba shar// dper na/ nam mkhar snang ba 'ja' tshon shar ba yang // mkha' las logs na med kyang logs ltar snang // nam mkha'i nang na gnas shing de las mi bskyod kyang // log lta byis pa'i snang bas so sor phye// chos nyid chos sku dbyer med nam mkha' khyab bdal la// sgron mar log rtog shar yang zang thal 'gag pa med// gsal la rtog med ye
- 63b
shes chos kyi sku// rang la rang gsal snod bcud ye sangs rgyas// las dang thugs rje mtha' gnyis rtogs pas rnam par dag/ sa dang rnam thar byang chub mchog la rig/ bgrod du med pa'i chos nyid byang chub lam// bgrod par 'dod pas ye shes mtha' la sgrib// ma bsags bzhin du tshogs gnyis ye rdzogs pas// ma sbyangs bzhin du sgrib gnyis ye dag la// ma skyed ma skyes 'od kyi pho brang nas// ye shes lha sku spyan drangs bzhugs mi dgos// rang shar rang snang dgongs par chod pa la// mi rtog stong nyid sems la dmigs mi dgos// a oM hUM gi rang bzhin ni// zer 'od rgyun chad med par ye gnas pas// gsung gi bzlas pas rtsol pa bskyal mi dgos// 'gyur ba gzung 'dzin rang grol zang thal la// dug lnga bkag la dge ba spyad mi dgos// sku gsum 'od gsal ngo bor shar ba la// kun tu 'od la rim gyis bgrod mi dgos// ched du byar med ye nas lhun grub lam// dper na mar me snying po rang gi 'od la gnas pa ltar// rang rig 'od gsal ye shes rang gdangs gnas// 'das dang ma byon da ltar sangs rgyas kyang // gnyis med ro gcig ye shes gdangs// skal ldan lam pa rnams kyang dgos pa de la blta// gnyis med ro gcig chu la chu bzhag bzhin du grol// rang rig 'od gsal ye shes rang la 'char// de las
- 64a
gud pa 'od gsal gzhan mi btsal// zhes seng ge sgra yi dgongs pa'i rgyud las/ dgongs pa'i khyab brdal 'gro 'ong kun la khyab par 'char ba'i le'u ste re drug pa'o// // kye/ bcom ldan thugs rje thabs kyi bdag/ sku gsum gdangs kyi ye shes snang ba ste// skal ldan sgron ma ngo bo ji ltar gnas pa gsung du gsol// bka' stsal pa/ yul dang yul can mi gcod de// skad cig rang gis 'od gsal ba// ngo bor mi 'dzin bag chags rjes mi gcod// bde sdug blo yis mi sdud rang gdangs gsal ba'i ngang // ye shes rang shar sems las ma 'dres pa// sngar 'byung bzhin snang sems dang ma 'dres te// rtog pa 'khrul pa 'dzin pa gsum ma yin// phyis byung las 'bras sems dang ma 'dres te// nyon mongs bag chags sdug bsngal sems ma yin// da lta ngo bo sems dang ma 'dres pa// 'khrul snang log snang rnam shes blo zur sems ma yin// rang rig 'od gsal zang thal rang shar de// yid min sems min skad cig rang gsal ba// so sor rang rig mi g.yo bde ba che// de yi ngo sprod rang bzhin bstan pa ni// bla ma'i brda yis ston pa'i tshig/ phyi snang ba sgyu ma zang thal sprad pas ni// 'khrul pa rang grol sku gsum 'od gdangs 'char// bar sgron me'i gdangs la ngo sprad pas// nyon mongs gdos bcas ye shes ngang du
- 64b
grol// nang sku gsum skad cig ngo sprad pas// ting gsal rig pa 'od gsal gdangs la lhag gis rtogs// sprad thabs phyi nas blo yis ngo sprad nas// lam du sgron ma'i ye shes gdangs la bcar// rtogs pa'i khyen pa ye shes nang gsal 'char// sku gsum rig pa'i ye shes la// chos skra ngo bo nyid du rang zhal rang gis mthong // sems can dus na sangs rkus dgongs pa chod// dus ma 'gyur bar sor snang zang thal 'gyur// mngon shes rang rig rdzu 'phrul stobs kyang 'char// de dus rgyu ba ye shes shar ba'i snang ba la// gnyis su med pa'i spyod pas yi dam lus blangs la// rig spyod gnyis su med pas mkha' spyod grol// ye shes rtogs lugs rang bzhin ni// phyi rig pa'i snang ba zang thal sang nger rtogs// bag chags gdos bcas 'dzin rtog rang sar grol// 'gro drug lus su skye gnas mtshams mi sbyor// bar nyon mongs sgron mar 'od gsal bas// thig ge sa le ma rig dbyings su dag/ mkhyen pa'i ye shes ngang la gsal yang btab// nang gzung 'dzin zang thal rig par grol// sku gsum lhag ge spros bral rig pa'i gdangs// ye shes snying po rdo rje 'chang gi srog tu zin// des kun tu 'od la sku gsum mthar ma skyol// skal ldan sgron ma lta stangs rang bzhin no// ye shes gdangs la rtsol ba grogs su mi bcar te// rig pa rtsal dang bcas
- 65a
pas gdangs stod la// chos sku rang dang chas sa le blta// 'od gsal gdangs sgron mas hu re bltas pa'i tshe// snang ba mdangs zon zang thal 'od la lhag ger 'char// rtog pa rags pa dag pa'i mi rtog ye shes la// chos nyid rang gdangs 'od snang 'char ba nges// rtog pa phra ba dag pa'i rang rig ye shes la// mkha' 'gro rig pa'i snang ba mngon shes rdzu 'phrul 'char// bag la nyal ba rang grol ba'i snang ba las// snying po chos min ye shes chen po 'char// spyi dang rang gi mtshan nyid gsal bar mkhyen// phyi nang rig pa gdangs kyi rang bzhin ni// phyi yi snang ba 'od gdangs dang // bar sgo lnga ye shes zer gdangs dang // nang sku gsum rig pa'i rang gdangs ni// dbyer med gcig ste rtsal gyi ngang // gcig pa ma yin tha dad min// gcig dang tha dad dag las grol bar gnas// ye shes chen po'i gdangs su gsal// chos nyid mkha' la shar ba'i tshe// phyi nyid nang la nang nyid phyi// rig pa rang ngo shar ba'i dgongs par nges// ngang la rang bzhin bdag nyid chen po'i don// rang bzhin dag pa'i nam mkha' la// ye shes gsal ba'i sgron ma ru// rtog dang bral ba'i rig pa gsal// dbyer med 'od gsal mi rtog pa// ma bcos rang shar dgongs pa'i ngang du zhes// rang bzhin dag pa'i nam mkha' dang // chos nyid dag pa'i nam mkha'
- 65b
dang // rig pa gsal ba'i nam mkha' gsum// dbyer med stong zhing bdag med pas// dgongs pa rang shar sku gsum rang bzhin zhes su bya// rang rig ye shes gsal ba dang // rang bzhin gdangs gsal ma mkha' la// ma 'gags sgron ma'i gdangs gsal ba// gsal ba zang thal rang bzhin stong // dbyer med dgongs pa'i bdag nyid chen po'o// mdor na ye shes rang shar ngo bo ni// sku gsum ye shes snying po rig par gnas// rig pa'i ye shes nam mkha'i gdangs la sgron mar gsal// sku gsum lhun grub rig pa'i thig le'i 'od gsal bas// gzung 'dzin rnam rtog phra rags 'khor ba'i sa bon no// bag la nyal sogs ye shes ngo bor grol// rang rig spros bral ye shes chos kyi sku// sku gsum mkhyen pa mtha' ru bskyal nas ni// mkhyen pa'i ye shes rnam lnga de ru 'char// shes bya phyi nang med par rang grol mkhyen// zhes seng ge sgra'i dgongs pa theg dman zil gyis gnon pa nyi zla kha sbyor rgyud las/ skal ldan ye shes rang shar ba'i don rgyas par bshad pa'i le'u ste re bdun pa'o// // kye/ bcom ldan thugs rje thabs kyi bdag/ sems can log snang ye shes gdangs 'khrul ba// yul snang ma rig gzung 'dzin brtas// bag chags las kyis mtha' sbyar nas// snang ba 'khrul pa'i nga bdag bcings// bag chags
- 66a
sbubs 'khyams 'khor ba bgrod pa'i phyir// skal ldan rig pa lam du ji ltar dgrol// kye/ rigs kyi bu dag nges par zung // gdangs la rig pa 'khrul pa ni// rig pa ma 'khrul zer gyi 'dzin pa 'khrul// rab rib can gyi mig bu bzhin// med par log snang 'dzin pa zhugs// dngos su grub pa ma yin te// rtog pa rags pa phyi nang dang // bar gyi nyon mongs nang gi gzung 'dzin rten// gdos bcas bag chags sha khrag sbubs kyis 'gro drug 'khor bar brgyud// de yis 'gro drug sdug bsngal lam la spyod// phyi rgya nang rgya gsang ba rgya// rgya gsum rang sar grol ba'i gdams ngag ni// rgya gsum rang grol kha sprospyod khrid kyis bstan// sgyu ma rmi lam 'ja' tshon tshul du ni// snang stong dngos med rang bzhin blta// rtogs par gyur pa'i skal ldan ni// snang ba zang thal dngos med pas// rig pa'i rang gdangs ngang du grol// zhes seng ge sgra dgongs pa las/ rtogs pa rgya 'grol le'u ste re brgyad pa'o// // kye/ bcom ldan thugs rje thabs kyi bdag/ sgyu mar snang ba 'ji ltar blta// zhes bka' stsal pa/ 'od snang rtogs pa brtas pas dngos med sgyu ma 'jig/ 'byung snang dus kyi sgyu ma dbyar dgun lo zlar 'gyur// rang bzhin rdul 'dus zang thal sgyu ma dngos ma grub// rmi lam lam pas blta ba ni// rmi lam rtag par snang ba
- 66b
bden pa'i dus// 'khrul par snang ba rmi lam rdzun pa'i dus// rmi lam 'od gsal zang thal rtogs pa'i dus// sems kyi byung tshor 'ja' tshon bzhin du blta ba ni// sems rtog 'gyur ba mi rtag rang rgyud 'dzin pa'i dus// sems rtog 'gyur ba mi rtag dus// de nyid rig pa 'od gsal gdangs su grol ba'o// de ltar phyi nang rtogs bcas nyon mongs dang // nang gzung 'dzin 'khrul pa ye shes gdangs la nges 'das 'khrul pa sel// snang ba dngos med rgyu med stong pa'i ngang du grol// bar nyon mongs sgo lnga gsal ba'i gdangs la yal// nang gzung 'dzin nam mkha'i 'ja' bzhin ye shes ma la thim// rgya gsum rang grol kha spyod kyi le'u ste re dgu pa'o// // kye/ bcom ldan thugs rje thabs kyi bdag/ sgyu mar rtogs pas ji ltar bgyi// bka' stsal pa/ rtag pas sgyu ma mi rtogs chad pas de mi rtogs// dbu ma stong pas sgyu ma'i don mi rtogs// sgyu ma'i don nyid rtogs par dka' ba ni// sangs rgyas brgyud pa med pa'i gang zag la// bka' lung blos bcos lung thos sgyu ma'i don mi rtogs// log rtog snang ba sgyu ma ngo bo yin yang rtog pas bsgribs// rmi lam sgyu ma sad pas rtog pa sel ba ltar// bla mas sgyu ma'i snang ba ngo sprod gces// sna tshogs sgyu mar rtogs pa rgyal ba kun gyi lam// sgyu ma lta bu'i ye shes snang ba la// sgyu mar mtshon pa'i gdams
- 67a
ngag tshig brjod pas// mi 'gyur rig pa'i don nyid brtan par rtogs// rang byung ye shes sku gsum sgyu ma la// snang du yod la reg tu med par ngo yang sprad// ting 'dzin rtsal sbyong nyams len rnams// ye shes sgyu ma'i rol pa rang shar brtag/ spyod pa'i dus su gnyis med sgyu ma blta// 'khrul rtog phra rags gzung 'dzin kun// sgyu ma rmi lam ngo bor dngos med rtog pa sel// skye 'jig lam pa'i sems can rol pa sgyu ma'i ngang // bskyed rim khams dang skye mched sgyu ma la// 'chi ba khams dang skye mched rdzogs rim mo// bskyed rdzogs zung 'jug ye shes sgyu ma'i 'od// rang rig sangs rgyas ngo bo la// rtog ge'i yul min bka' 'di bstan// lam pa rang rig sbrul sku thugs rje dang // chos nyid bar de chos sku khyab bdal la// ye shes rtogs par shar ba longs spyod sku// gar yang gyur yang rol snang sgyu ma'i ngang // 'khor ba'i rnam sbrul sku gsum sgyu ma rol pa'i rtsal// dper na sgyu ma mkhan gyis cir sbrul yang // dngos su ma grub stong nyid sgyu ma'i ngang // sgyu ma mkhan gyi rol pa'i rtsal du shar// 'khor 'das dbyer med sku gsum rol pa'i rgyan// zhes seng ge sgra'i dgongs pa las/ sgyu ma'i ye shes kyis rtog 'dzin des gcad pa'i le'u ste bdun cu pa'o// // kye/ bcom ldan thugs rje thabs kyi bdag/ lam pa'i rnal 'byor skal
- 67b
ldan ma// nyams su blangs na ji lta bu// ma blangs skyon ni gang ltar lags// bka' stsal pa/ rang byung ye shes gnas lugs la// rtogs pas nyams su ma blangs na// lam la gnas pa'i gang zag ni// sku gsum lhun grub yin mod kyang // da rung ye shes rtsal ma rdzogs// bag chags sbubs su yang brgyud srid// gang zag rtsol bas mi sgrub na// rtogs pa'i tshig la 'chel ba ni// dper na rgyal po'i dkor mdzod la// dbul pos bsngos kyin btab kyang ni// 'byor pa'i longs spyod thob mi 'gyur// de bzhin ye shes bzhi yi don// brtson pas nyams su ma blangs na// ye shes mkhyen pa rtsal mi rdzogs// sku gsum sbubs la zha bar 'gyur// ye shes gzung 'dzin ngang la yal// nges pa'i 'bras bu mi thob pas// ma rig mtshang can skyur la gdon// gzung 'dzin smyon pa lam du gzung // gzhon nu rig pa gdong la blta// yul dang gzung 'dzin sdong zug yang bral// lus ngag yid gsum 'dod yon lngas mi g.yeng // rnam shes lnga ni dug lnga'i dbang mi gtang // 'dus byas kha 'dzin bya ba gtang // zos bros 'gyu byed btson rar gzung // dngos kyi rtog bcas dge sdig lam du mi bya zhing // bden dang rtag pa'i ngo bo stong nyid mi sgom ste// rtsol bas 'ching ba'i don la sbyor ba ma yin pas// chos sku mtshan mar mi lta bar// rnal 'byor zag med shes
- 68a
rab kyis// nam mkha' bzhin du dngos bral lta// rang rig nyams su len pa ni// ye shes rang bzhin 'gag med la// rang snang rang shar gzung 'dzin bral// me long gzugs brnyan ltar du sprad// rtog pas nyams su blang ba ni// bya bral lhun rdzogs gshog rgyangs 'dra// rang rig rang gsal dang la gnas// dgongs pa ye shes nyams len ni// dper na chu bo gang+gA bzhin// rgyun gyi ngang la nyams su blang // 'bras bu la zlos nyams len ni// nyi ma'i 'od zer shar ba bzhin// sku gsum 'bral med dang la blang // rnal 'byor lam gyi nyams len ni// shes rab chen po don las ni// dgongs pa ma yengs nyams su blang // rnal 'byor lus kyi nyams blang ba// dang por dben par sems gzung nas// rtogs nas rig pa'i rtsal sbyang ste// nges shes rtogs pa shar na gnyis med spyod pa bya// zhes seng ge sgra dgongs pa'i rgyud las/ nyams su long zhig par gdams pa'i le'u ste don gcig pa'o// // kye/ bcom ldan zugs rje thabs kyi bdag/ nyams su blang ba'i gang zag rnams// cig car rtogs sam rim gyis bgrod// rtsol bas grub bam btsal med shar// bka' stsal pa/ a ti cig car rtogs pa'i dgongs pa yang // yin don cig car rig pa'i don// go rtogs dus grol dus su rim gyis dpyad// dbang po bag chags lus
- 68b
'di gcud la sgril// dbang po rang yan bkug pas rtogs grol bde ba lus la 'char// bar du gsengs la shes rig ngang la gcu// de lus ngag gi byin rlabs nus pa skyes// tha ma shes pa glod la 'gyu ba rang yan gtang // gzung 'dzin gcud la bor bas rig pa rang gsal 'char// shar ba'i tshe na lhag de rang dgar mthong // lhag ge sa le dang la 'bral med bya// 'di ni ye shes rang yan bde ba chen po'i kloslong // rang byung ye shes chos su gzhi bzhengs la// lta ba rtogs pas 'di la ci zhig lta// rig pa 'od gsal lam du shar ba la// sgom pa'i sems 'dzin 'di la ci zhig sgom// kun tu bzang po dogs pa med dbyings la// rig pa'i rgyal po'i ngang la rang grol thabs// spyod pa dka' thub 'di la ci zhig bya// snying po sku gsum lhun grub rang chas khyab// rtsol bas bgrod nas 'bras bu ci zhig tshol// dgongs pas mtshan ma rang grol te// nyams la dus mi 'gyur yang snang ba 'gyur// bde chen ye shes shar ba'i drod tshad yin// chos sku ye shes sgo lnga rang shar la// snang ba ngo bor dag pas rtsal snang rang grol lo// dgongs pa rang la shar bas shes rab rgyun// bag chags bag la zha bas sgrib med lung // snang ba rnam dag gzhi snang chen po la// rang byung sku gsum byas pa'i chos ma yin// 'od gsal sgrib med rtog pa med// sku gsum rang
- 69a
la rdzogs pas 'bras bu rtsol ba med// snying po nang gsal chos sku'i snang ba la// sgo lnga 'od gsal longs sku yul snang ngo // sprul pa'i snang ba ye shes zang thal te// shar ba thams cad sgrib med ye shes bkrag/ snang ba thams cad dngos med 'od gsal gdangs// nyams len thams cad ma bcos 'od gsal dang // rtog pa thams cad zadang thal nam mkha'i mtha'// lus ngag spyod pa rang shugs par snang rlung // yon tan thams cad ma btsal rgya mtsho'i rlabs// 'bras bu sgrub med ye shes nyi ma'i dkyil// 'khor ba rang grol byang chub rin chen gling // rtogs ldan don la ji ltar spyad kyang snying po'i don// 'khor 'das thams cad chos sku 'gag med rtsal// 'on kyang gzung 'dzin rtag par lta bas 'khor bar 'ching // seng ge sgra las/ dgongs pa bca' ba'i le'u ste don gnyis pa'o// // kye/ bcom ldan thugs rje thabs kyi bdag/ dus bzhi mnyam par ji ltar sbyar// bka' stsal pa/ rig pa lta bu bag chags sbubs na gsal dus su// chos sku bag chags sbubs na 'thums zhes bya// longs sku tsit+ta dpal be'u'i nang gsal ba// sbrul sku 'dod pa'i sgo gsum rang grol yang // sku gsum gdangs kyi 'od gsal sgo lngar zang thal shar// shar ba gsal ba ngo ma shes pas sgrib pa byung // zang thal ngo ma shes pas rtog
- 69b
par bzung // rang grol ngo ma shes pas sdug bsngal rgyud la bsags// snying po ye shes gsal ba'i gnad kyis sgrib pa med// thugs kyi rtsal rdzogs snang ba zang thal 'khrul pa med// sku yi rtsal rdzogs longs sku ngo bor shar// rang grol 'od gsal shar bas sdug bsngal gdung ba grol// ngo bo 'gyur med chos sku rang sa zin// 'od gsal rang la shar bas sgrib pa yongs su dag/ de yi dus su dus bzhi mnyam par nyams su blangs pa ni// dbang po gnas sdud phyi sgo gcad pa'i dus// de mtshon rang grol rang rig rtogs// shes bya bum 'jug ye shes nang gsal dus// bying rmugs gti mug ye shes dang la bzla// rig pa rang gsal ye shes nang sgo 'byed/ pa'i dus// ye shes rang snang rang rtsal phyal bar mi gtong ba// snang ba rgya yan rtogs gsal zang thal dus// 'khrul rtog ye shes ngo bor shar bas zhen pa'i skyon yang bsal// nyin mtshan kha sbyor chu bo rgyan gyi gnas// 'khrul pa gzung 'dzin ngo bor mtha' grol ba'o// mtshan mo gti mug yid lus la// 'khrul pa yid 'khrul rmi lam dus// mthong snang rig byed rang snang rang grol gces// de don ma rtogs ri dwags smig rgyu 'dod pa 'dra// 'khrul pa da lta sha khrag lus 'di la// ye shes rang shar snang ba rang grol gces// de don ma rtogs rtog ge chos rnams spyod pa ni// bye rdzab
- 70a
'dab rdzab bsnan dang 'dra ste skam dus med// bar du 'od gsal lus la ni// 'od gsal rtogs pa'i gzer med na// dmus long zang la gcod pa 'dra// bag chags le lo thibs non nas// phyin pa'i yul med srid pa'i bar dor 'khyams par 'gyur// zhes seng ge sgra'i dgongs pa las/ dus bzhi mnyam par dgongs pa sbyor ba'i le'u ste don gsum pa'o// // kye/ bcom ldan thugs rje thabs kyi bdag/ dgongs pa dus bzhi mnyam par sbyar byas nas// dgongs pa nyams kyi drod rtags ji ltar 'byung // bka' stsal pa/ rnal 'byor sku gsum ji ltar yid ches nga // sems can dus na sangs rgyas dgongs par shar// 'khor ba'i blo la 'khrul pa rang ngor log/ dus la 'gyu ba med kyang ye shes snang ba 'char// 'khrul pa nga bdag snang ba ngo bor zad// 'jig rten gnas kyang kun tu 'od kyi sa non te// 'khrul pa'i sdug bsngal bde ba chen por grol// mngon shes phra mo med kyang thams cad mkhyen pa'i shes rab shar// 'khrul pa rang dag 'khor ba rgyun chad do// der brda don sprad pas rang ngo shes// 'gro don las la mtshams mi sbyor// ma rig dbyings su dag nas mkhyen pa'i 'char sgo bye// sku gsum snying po 'gyur med pas// 'dzin rtog zang thal shar bas rdzu 'phrul mngon shes ldan// phyi yi snang ba dag snang
- 70b
'gro drug sgyu mar grol// 'gro drug skye gnas 'khor ba'i sgo yang 'gags// thugs rje 'od du gsal bas 'gru byed rtog sgrib dag/ 'khor ba skye ba'i rkyen med mngon sangs rgyas// chos sku rang ngo shes pas rtogs pa'i yul la shes rab shar// ma rig rig par dag pas mkhyen pa'i ye shes thob// thugs rje zer du 'phro bas rdzu 'phrul rtsal yang rdzogs// longs sku rang la shar bas ye shes ngang la gsal// thugs kyi rtsal rdzogs mkhyen pa gsum yang shar// 'gag med gsung gi rtsal rdzogs chos rnams thogs med mkhyen// rnal 'byor lam gyi drod tshad mtha' ru skyol// zhes seng ge sgra las/ rnal 'byor drod tshad bstan pa'i le'u ste don bzhi pa'o// // kye/ bcom ldan thugs rje thabs kyi bdag/ nyams su blang dus ji ltar lags// bka' stsal pa/ rnal 'byor nyams su len dus lnga// da lta 'khrul ba'i snang ba la// rang snang ye shes lam du bcar// thun mong ting 'dzin gsal ba las// ye shes rang shar lam du bcar// rmi lam snang ba nyid 'khrul la// ye shes sgyu mas ye shes sgyu ma blta// chos nyid bar do dag pa'i snang ba la// sangs rgyas bden pa'i rang sa de ltar gzung // der mkhyen pa'i gsal ma thebs na// blo dman srid pa'i bar dor ye shes spongs gdab bya// rtogs pa tha ma skye ba rgyud las grol bar 'gyur// ye shes rang snang lam du byed
- 71a
pa ni// 'dug yang chos nyid gdangs las ma g.yos la// 'gro yang ye shes rang gdangs rang snang ma 'gags te// nyi ma mer ma rang snang gdangs dang chas nas 'gro ba bzhin// nyal yang rig pa'i ngang las ma g.yos klong // nang nub rig pa zang thal rtsal gyi ngang la 'dug/ gzung 'dzin phra rags dngos med rang ngo grol// mtshan ma rang sar grol ba ye shes rnal 'byor che// spyod lam rnam bzhi ci spyad kyang // ye shes gdangs las mi 'da' zhing // chos nyid ngang las ma g.yos pas// bya gar 'phur mkha' las mi 'da' ltar// rtogs ldan rnal 'byor dang las g.yos pa med// ces seng ge sgra'i dgongs pa las/ rnal 'byor nyams myong dus bstan pa'i le'u ste don lnga pa'o// // kye/ bcom ldan thugs rje thabs kyi bdag/ rnal 'byor lam gyi rnam gzhag tu// sku gsum dang po ye shes rtsal du gang las byung // gnas dang grol ba'i rim pa ji ltar lags// bka' stsal pa/ thog ma rang rig chos sku ngo bo las// ye shes rtsal lnga thog ma gang las shar// 'di nyid rigs kyi bu yis nges par zung // shes rab rtsal ni ma btsal rang shar te// dang po byung yang sku gsum rtsal las byung // bar du gnas yang shes rab rtsal la gnas// tha ma grol yang 'dus thim sku gsum ngang du grol// ma btsal rang shar lnga nyid bshad pa
- 71b
ni// rig pa chos nyid stong pa dang // de nyid 'gag pa med pa dang // de gnyis dbye ba med pa dang // de ltar shes pa'i shes rab dang // de las thogs med 'od zer lnga// de lnga mtshan nyid 'dzin pa'i ye shes lnga shar ro// ye shes lnga ni 'od lngar shar ba yin// 'od lnga rigs lnga longs sku lngar shar ro// rigs lnga dbyings la yum lnga ma 'gags shar// yab yum sems dpa' sems ma ma 'gags te// sems dpa' sems ma dbang po ma 'gags pa// de ni ye shes rang shar dgongs pa'o// rang shar rang snang gzhan snang rtog pa de la med// de ltar 'byung lnga phung po sgo lnga dang // rig pa 'od gsal dbyer med rtsal gyi gdangs las shar// de nyid ye shes gdangs su rtogs pa ni// bla mas gdams ngag rkyen gyis snang bas na// 'od kyang don shes gnas 'gyur ma yin te// dper na khang khyim nang gi nam mkha' ni// sgrib byed ra bas bcad gyur kyang // mthongs kyi nang na zang thal nam mkha' dbyer med do// de bzhin sems can bag chags sbubs kyis bcad mod kyang // don gyi ye shes sgo lnga zang thal shar// rtog pa'i ye shes sgrib med zang thal lo// de phyir rnal 'byor sku gsum yin pa'i ngang las bdag med do// de yi ngang la dus gsum sangs rgyas thams cad bzhugs// 'byed med gsal ba shes rab rtogs pa med// de yi chos sku rig
- 72a
pa'i rang sa zin// stong nyid rdo rje lta bu'i sku thob pa// longs sku de las 'gag med thugs rje shar// sbrul sku thugs rje ye shes dbyings kyi mngal sdud ces// seng ge sgra'i dgongs pa'i rgyud las/ thog ma ye shes kyi rtsal gang las byung ba dang / bar du sangs rgyas sems can ji ltar gnas pa'i le'u ste don drug pa'o// // kye/ bcom ldan thugs rje thabs kyi bdag/ dang po byung yang ye shes rtsal las byung // tha ma ye shes dbyings su ji ltar sdud ce na// bka' stsal pa/ longs snang sprul pa'i zhing khams 'gro drug nas// 'dod pa'i yon tan yul lnga yang // sgo lnga dbang po lnga yi ngang du grol// sems dpa' sems ma sgo lnga de// sku lnga phung po lnga dang yul lnga 'byung ba lnga la grol// rigs lnga 'od lnga ye shes lnga yi ngang du grol// ye shes lnga yang rig pa'i mtshan nyid lnga yi ngang du grol// mtshan nyid lnga yang 'dzin med rig pa'i 'od la grol// de la dbang po gnas sdud dgongs pa zhes su gsungs// de las grol nas ngang la ma g.yos pa// chos nyid chos sku dbyer med bum pas bya// ye shes rang rig mar me lta bus gsal// de la shes bya bum 'jug dgongs pa zhes su bya// thams cad byung yang sku gsum rang las byung // thams cad snang yang rang snang thim pa rang la grol// thams cad gsal ba rang gsal ngo bor mched// thim dang grol
- 72b
ba ye shes dang du sdud// dper na nam mkha' sprin dang khu rlung ci byung yang // nam mkha'i ngang byung gnas thim nam mkha' bzhin// skal ldan rnal 'byor sku gsum ngang nas sku gsum klong du skyel// dbang po ya rab gyur pa la// ye nas zang thal chen po bas// bar do med cing skad cig med// da lta nyid du lus ngag sku gsum shar// rang bzhin dag pa'i nam mkha' la// chos nyid dag pa'i ngo bor gnas// de la snang ba zang thal shar// rig pa'i ye shes phyi nang med// ma 'gags gsal sgo zang thal 'od gsal lo// dper na nam mkha' zang thal phyi nang med pa la/ khang khyim ra bar byas pas nam mkha' gud du bcad// khang khyim nang gi nam mkha' dang // rang bzhin khyab pa'i nam mkha' gnyis// mthongs kyi nang na gnyis med sgrib med zang thal ltar// bag chags sha khrag sbubs kyi rig pa dang // chos nyid ye shes dbyings kyi rig pa gnyis// ye shes sgron ma'i sgo yis mtshams sbyar nas// ye shes zang thal chen po rtogs pa yis// bar do skye dang 'gag med par// zabs ma 'gags pa'i ye shes dang // shes rab 'gyur ba med pa'i chos// rtogs pa'i don chen de ldan na// seng ge mchongs ltar sa bcad pa// rin chen sbubs su ma btsal chod// gdangs kyi snang ba 'od snang shar// mkha' 'gro snang ba 'ja' tshon las// longs sku tshom bu
- 73a
mkhyen pa rang la shar// chos nyid snang ba chos sku bdal khyab mthong // rtsol bas rtogs par rdzogs par mngon sangs tshe 'dir rgyas// snang ba rgyas 'debs pa dgongs pa des mthar sgrol// zhes seng ge sgra yi dgongs pa'i rgyud las/ sku gsum rtsal gyi snang ba dbyings ye shes la sdud par bstan pa'i le'u ste don bdun pa'o// // kye/ bcom ldan thugs rje thabs kyi bdag/ dngos grub thob pa ji ltar grol// le lo can gyi gang zag la// bar do grol ba ji ltar lags// bka' stsal pa/ mkha' spyod dngos grub thob pa ni// ye shes sgyu ma'i snang ba la// gnyis med spyod pas mkha' spyod grol// bar do grol ba'i grol lugs la// 'khrul pa'i snang ba ji ltar 'gag/ rang la shes pa ji ltar 'jug/ 'chi rtags rim pa ji ltar 'byung // ye shes snang ba ji ltar 'char// dbang 'bring grol lugs ji ltar lags// bka' stsal pa/ 'jig rten 'khrul pa'i snang ba 'di// dang po rang la shar bas na// za ma rang gi ngang du grol// gzhan snang 'khrul pa 'gags dus su// mtshan ma rang sar grol gyur pa// 'byung ba'i rang rtsal bzhir 'dus te// yul lnga sgo lnga'i gnas su sdud// sgo lnga 'byung ba lnga la sdud// 'byung lnga yum lnga bum pa'i dbyings su sdud// gzung 'dzin sems rtog ye shes lnga la sdud// ye shes gzung 'dzin bral ba'i ngo bo chos kyi sku/ kha
- 73b
dog sna tshogs 'bar ba rang gdangs 'od du 'dus// mkha' la 'ja' tshon gsal ba lta bu de// ye shes gsal ba mtha' dbus med par khyab// de tshe rin chen nyi zla kha sbyor klong na bzhugs// 'byed med shes rab ye shes klong dril nas// skad cig dang po bag chags sbubs na gnas dus so// rig pa 'od la 'jug pa bstan pa ni// drangs ma 'byung ba rnam pa lnga// chos nyid snying po'i 'od la shar// phyi yi snang ba'i 'byung ba lnga// mi snang rang rang ngang du thim// rin chen rtsa nas rig pa ni// 'od la sgron mar zhugs nas kyang // bag chags sbubs ni zla ba lta bu nas// chos nyid nam mkha'i dbyings la ni// rang bzhin dkyil 'khor nyi ma lta bur 'pho// ye shes rang sa rtogs pa'i shes rab kyis// kun tu 'od la sku gsum mthar bskyal gces// nyi zla kha sbyor gdams pa rtogs par bya// seng ge sgra las/ snang ba 'gags pa dang rig pa sgron mar 'jug pa'i le'u ste don brgyad pa'o// / kye/ bcom ldan thugs rje thabs kyi bdag/ bag chags sha khrag sbubs nas ni// ye shes sbubs su 'pho ba la// rtags kyi rim pa ji ltar lags// bka' stsal pa/ lus kyi 'byung ba thim zhing 'du// sa nyid sa thim 'degs pa'i rtsal nyams te// lus lci shes pa thim pa yin// de nas chu la chu thim ste// sdud pa'i nus nyams kha sna skam la med// me la me thim drod nyams
- 74a
pa// lus kyi drod 'pho rkang pa grang // rlung la rlung thim g.yo ba'i nus pa nyams// lus kyi shes pa rdib cing skyod pa'i nus pa nyams// rnam shes nam mkhar thim nas tshor ba bde sdug rtog bral lo// 'byung ba thim pas 'khrul pa 'gag pa ni// 'degs pa sa yi rlung ni tshogs pa la gnas te// de nyid nyams pas 'degs pa'i nus pa med// chu yi rlung ni lus kun bkrag dang gzi mdangs gnas// de nyams bkrag dang gzi nyams mdangs med lus phra 'dar// me dang mnyam rlung pho bar gnas te drod 'chor zas mi 'ju// rlung gi rlung ni steng sgo 'og sgor gnas bcas nas// dngas snyigs 'byed de thig le dri chu mchil snabs 'dor// de nyams shas ldi shes pa bying la myos// snying rje med pa las kyi rlung zhes pa// 'khor rlung srog rtsa glo nas rgyu ba ste// srog 'dzin yin pas ji srid gnas par srog 'dzin no// rnam shes rig pa ye shes rlung // skrod pa tsit+ta skon mar skrod byed do// 'od lam dar skud rtsa nas skrod// rtags kyi gsang sgor phyin pa dang // dper na shar rir nyi shar bas// 'od nyid nub rir 'byung ba ltar// phyi yul zer 'od snang ba ni// rig pa ye shes sgron ma nas// chos nyid nam mkha' yul gsal 'od// ye shes 'od zer zang thal ba// thugs rje 'od kyi rgyun lam 'char// rang gi gdangs la zer 'phro ba// skar ma lha
- 74b
bu'i snang ba'am// srin bu me khyer du ba'am// 'ja' 'am smig spu lta bur zer phran 'char// zhes seng ge sgra las/ 'byung ba rtags kyi le'u ste don dgu pa'o// // kye/ bcom ldan thugs rje zabs kyi bdag/ 'byung ba'i 'chi rtags shar nas ni// dbang po so so snang ba yin// 'khrul pa yul snang ji ltar 'gag/ ye shes zhi la 'bros pa'i rtags// rlung rnams rim gyis zhi gyur nas// las kyi rlung gis ye shes mkha' la skyod// 'chi bdag rlung gi grong khyer nas// bdud kyi so pa chas sam brtag/ lus kyi dbang po sa yi rlung 'gags pas// spyod lam rnams 'gag ngo tsha bral bar byed// lce yi dbang po rlung nyams pas// zas kyi ro yi tshor ba 'gag/ sna yi dbang po me yi rlung nyams pas// dri yang tshor bar mi 'gyur la// dbugs kyang rab tu thung zhing brtsegs// rna ba'i dbang po rlung nyams pas// sgra yang mi thos log sgrar thos// rnam shes nam mkha'i rlung nyams pas// gzugs 'gag mi ngo shes par mi 'gyur ro// 'byung ba lnga yang drangs ma lnga la 'dus// drangs ma lnga nyid longs sku 'od la 'du// sa yi drangs ma nya mig tsam// rdo rje sems dpa' 'od zer dkar por thim// chu yi drangs ma bye'u len pa'i mgo tsam la// rin chen 'byung ldan 'od zer ser por thim// drod kyi drangs ma me long nyid 'od tsam// snang ba mtha' yas 'od
- 75a
zer dmar por thim// rlung gi drangs ma gser sa 'og dad pa tsam// don yod grub pa 'od zer ljang khur thim// 'byung ba 'od la 'dus te rigs lnga chos skur thim// de nas ye shes sku gsum 'dzin pa'i zer rlung dang // las rlung 'byung ba srog 'dzin snying rje med pa gnyis// zag pa zer du chad nas dbugs ni sna sgor 'das// rig pa chos sku sgron mar zer zhon nas// sgron ma 'od zhon chos sku chos nyid mkha' la bskyod// gcig skye gcig 'gag ye shes snang ba 'phreng ba brgyud pa'i tshul// de tshe chos nyid ngo bo nyid// rang bzhin dag pa'i nam mkha' dang // gnyis med gcig med don nyid khyab bdal lo// zhes seng ge sgra'i dgongs pa nyi zla kha sbyor las/ snang ba 'gag pa'i le'u ste brgyad cu pa'o// // kye/ bcom ldan thugs rje thabs kyi bdag/ ye shes gdangs kyi rim pa'i snang ba ji ltar 'char// bka' stsal pa/ chos sku sgron ma yul nas ye shes lam zhon nas// chos nyid bar dor rang snang rim par rdzogs tshul ni// dang po rang bzhin rim par 'char// zla 'od shar ba lta bu ste// sku yal ba'am dkar yal 'od 'char ro// de phyir rtog pa bzhi bcu 'gag par 'gyur// de nas mched pa'i 'od gsal ni// ye shes snang ba 'ja' ltar kha dog lnga// skad cig dang po mthing kha yul du 'char// rig pa ngos gzung bral ba chos kyi
- 75b
dbyings// ye shes rang shar snang ba gsal// de nas skad cig gnyis pa la// dkar po yul du snang ba'i tshe// rig pa 'gag min me long ye shes chod// skad cig gsum la ser po yul du snang // rig stong dbyer med mnyam nyid ye shes chod// skad cig bzhi la 'od gdangs dmar po yul du snang ba'i tshe// so sor rtog pa ye shes gdangs su chod// skad cig lnga la ljang khu yul du snang ba'i tshe// rang snang bya ba grub pa'i ye shes gdangs su chod// ye shes mched pa'i snang ba rim gyi skye ba nam langs 'dra// chos pa rtogs pa re re zad kar chod// gzung 'dzin rtog pa med pas shes bya gud gcod med// de nang rtog pa sum cu rtsa gsum 'gag pa'o// ye shes lnga yi snang ba rdzogs nas thob pa'i 'od gsal ni// shes rab kyi ngo bo mthar phyin pa// skad cig chos nyid 'od gsal dkyil 'khor na// thob pa'i ye shes 'od gsal sku gsum lhun mnyam pa// phyag rgya ma 'gags gzhi rdzogs chos kyi sku// ye shes sgo lnga ma 'gags nyi ma shar ba lta bur thob// thob pas gsang rtog bu bdun 'gags so// de nas chos nyid bar do thob pa'i 'od gsal zhes su bya// seng ge sgra sgrogs theg dman zil gyis gnon pa nyi zla kha sbyor rgyud las/ ye shes snang ba 'char ba'i le'u ste gya gcig pa'o// // kye/ bcom ldan thugs rje thabs kyi bdag/ chos nyid bar do de
- 76a
nyid las// rtogs pa'i shes rab skal ldan rang shar bas// bzhi bcu rtsa gnyis rdzogs sangs ji ltar rgya// bka' stsal pa/ chos sku kha dog sna tshogs 'od 'bar bas// ngo bo nyid kyi sku las ni// bopo nyid kyi skur shar ba// 'od bum lnga la rig pa'i ye shes bzhugs// mthong ba'i gzugs yod rig min longs sku lnga// tshom bu sems dpar bcas pa rim 'jug skad cig 'char// ngo bo nyid rang dang 'dra ba rdo rje sems dpar shar// ye shes snang ba me long lta bur rtogs// des skye med chos sku'i srog kyang bzung // rin 'byung snang la so sor rtogs pa shar// ye shes so sor gsal bas dpe byad brgyad cu dang // mtshan bzang sum cu rtsa gnyis stobs ni bco brgyad ldan// stobs lnga ni byang chub yan lag rdzogs// mtha' yas rang las shar bas mnyam nyid ye shes gsal// der sangs rgyas gzigs pa bsam gyis mi khyab gsal// rnam dag zugs shar zhing khams sku gsum bcas pa mthong // 'gro drug snang ba rdul dang rdul phran gzigs// rgya mtsho thigs par bgrang dang skye gnas sdug bsngal mthong // 'gro drug rnams kyi las dang bsam pa kun kyang mthong // ngo bo nyid las don yod grub pa shar bas ni// bya ba grub pa'i ye shes rang la shar// skad cig 'khor 'das gar 'gro 'phrin las grub// ngo bo nyid las rnam par snang
- 76b
mdzad shar// chos kyi dbyings kyi ye shes rang la rdzogs// des sku lnga ye shes lnga rdzogs rang la rang nyid snang // des sems dpa' sems ma sgo ba rang shar gnas// man shel lta bur sku gsum phyi nang med/ rang la snang bar mdzad pas rnam snang chen pos bya'o// rig pa'i lha mo'i sgo la 'jug pa'i tshe// ye shes rig pa ma pang bu rgyug 'dra// ye shes rang snang 'dam gyi pad+ma 'dra// rang sa zin pa nyi ma'i snying po 'dra// der mkhyen pa thob pa'i drug pa rdo rje 'chang // thugs rje 'byung ba yi ge drug gi 'gro don mdzad// thub drug 'gro don zad nas sems dpa' las zad nas// thugs rje mtha' zad ye shes klong du grol// zhes seng ge sgra'i dgongs pa las/ rnal 'byor mngon sangs rgyas par bstan pa'i le'u ste gya gnyis pa'o// // kye/ bcom ldan thugs rje thabs kyi bdag/ bar do ngo bo nges tshig dang // dbye ba bye brag ji ltar lags// bka' stsal pa/ bar do ngo bo ma 'dres sku gsum la// nges tshig sems can lnga lus bor// phyi ma sems de ma blangs pas// bar na sku gsum rang shar na// rgyu rkyen med pa snga phyir bar na sangs rgyas de bos bya// dbye ba mang yang chos nyid bar do srid pa bar do'o// mtshan nyid 'byung lnga mal zha rnam shes dbyings su thim// bag chags bag la nyal// gzung 'dzin gyi rkun sgor thon// byung tshor rgyun chad
- 77a
dge sdig cha mnyam// de dus chos nyid bar do rang bzhin ni// rang byung dkyil 'khor nam mkha' shar zhes bya// rnal 'byor rang ngo shes pa grol ba'i sa// yun dus ji tsam gnas ngan ni// sems can tshe bral dus su yang // zhag lnga bar du bde dang ldan// de yi dus na tshor ba bde sdug bral// khyung phrug dang ni seng phrug ltar// rnal 'byor lus rgya grol zhes bya// tshe bral skye gnas mod mi len// len na sems can nyid rgyud pas// bka' lung 'gro la phan mi thogs par 'gyur// rnam shes gzhir thim snga phyi lus ma blangs// lus med phyir na sems skye srog rtsa med// lus med phyir na sems rten tsit+ta med// de yi/ phyir na sems sam sgo gsum med// de phyir sems rnga dbugs kyang med// de phyir sems kyis 'gro drug gnas mi len zhes bya// des na chos nyid bar do ye shes dbyings kyi gzhi// skyon gyis ma gos spyi yi yon tan ni// sku gsum rtogs pa ma shar mkhyen pa'i sar mi gnas// bag chags mtshams ma sbyar bas par do la mi gnas// sa lam rang sa snga bas sa dang lam mi gnas// skye ba ma blangs 'gro drug la mi gnas// mi gnas gzhi yis sku gsum rang ngor gsal// snga phyi lus med sgrib pa ma sbyangs dag/ rnam shes gzhir thim nyon mongs ma spangs dag/ skye gnas ma blangs 'khor ba ma spangs dag/ rang byung dkyil
- 77b
'khor rang shar snang srid dag/ dag pa gzhi yis sku gsum dri med bstan// snga phyi lus kyi sgrib shing med// sku gsum chos nyid sgrib pa'i dbang ma song // rigs drug lus sems med pas nyon mongs dbang ma song // dge sdig sems ma bskyed pas bag chags dbang ma song // 'gro drug lus ma blangs pa las kyi dbang ma song // dbang du ma song gzhi yis sku gsum spyis bstan// 'gro drug ma blangs skye gnas bar ma gcad// bag chags mtshams ma sbyar bas par dor bas ma gcad// sa lam ma bgrod sa lam par mi gcad// bar ma gcad pas sku gsum dkyil 'khor rang sar bstan// de ltar bar do spyi yi yon tan ni// bco lnga yongs la khyab par bstan pa'o// zhes seng ge sgra nyi zla kha sbyor las/ bar do spyi yi bye brag rnam par bshad pa'i le'u ste gya gsum pa'o// // kye/ bcom ldan thugs rje thabs kyi bdag/ spyis par do ye grol gnas// gdams pa bar dor rang grol bstan// de yi gdams ngag ji ltar lags// rang bzhin gnas kyi bar do la// rgyud lung kun gyi don bkrol la// ngo sprod gsum gyis gtan la dbab// rang rig rtogs pas thag bcad nas// dgongs pa rang shar gsal ba dang // chos nyid bar dor ye shes ngos gzung la// longs sku rdo rje 'dzin par mngon sangs rgyas par bya// srid pa bar dor las kyi 'phro
- 78a
bzlog la// rdo rje sems dpar sems kyang gdab// blo dman skye ba phyi mar bag chags rjes grol bya// tshe bral mod du skye ba mi len pa// chos nyid bar do 'gro kun 'char nges der// skal ldan grol ba'i gdams pa bka' stsal pa// ye shes rang snang skyon med 'dam gyi pad+ma la// rig pa rang sa nyi ma'i snying po lta bur gzung // chos nyid gnas lugs snga phyi lus kyi sgrib pa med// sku gsum 'od gsal 'ja' tshon lta bu gcer bur gnas// yin lugs gzung 'dzin gzhir thim rig par gcer bu'i thugs// 'char lugs las rlung lus sems 'brel med 'od zer gcer bur gnas// gcer bu rnam gsum ma shes na// bag chags sbubs ni nyi zla gzas zin 'dra// 'khor du 'khor sa med pa gzhan snang dag pa'i rang snang shar// gol du gol sa med pa rang nyid dkyil 'khor shar// 'khrul du 'khrul sa med pa gdams ngag rtogs pa'i shes rab shar// gegs sel rnam gsum ma shes na// lam 'bras sa lam tshol byed pa// byang thang lus pa'i mgron bu 'dra// sku gsum 'od gsal ye shar bas// kun tu 'od la gnas pa'i sa// mi thob rang dbang med pa'i gnad// ngo bo sku gsum ye sangs rgyas// skye shi rgyun chod nges pa'i gnad// ye shes sgo lnga zang thal bas// mthong ba'i yul la gdams ngag rang ngo mi rtog dbang med
- 78b
gnad// gdams ngag gnad gsum ma shes na// gying ling sgrog tu bcug pa 'dra// 'bras bu rang sar ga la phyin// rang snang pho brang zer 'od gsal yang btab// sku gsum ngo bo'i snang bas gsal yang btab// rig pa gdams ngag rkyen du shar bas gsal yang btab// gsal 'debs rnam gsum ma shes na// me long g.ya' yis bsgribs pa 'dra// 'od zer lam ston yid ches rdeb pa'i gzer// sku gsum don chod 'khor ba ru log gzer// rang shar dgongs pa 'gyur med rgyun du bcas// ye shes sgo lnga rang ngo rang la mi gsal thabs med gzer// gzer bu rnam gsum ma shes na// ko sgyu med pa'i grub 'dra// rang snang chos dbyings pho brang ni// kun gzhi me long zad thal bas// phyi yi snang ba gzung yul med par mngon sangs rgyas// rang byung sku gsum dkyil 'khor ni// 'od gsal chos dbyings me long ste// zang thal shar bas lus kyi sgrib shing med// 'khor ba'i rtod phur med par mngon sangs rgyas// thugs kyi rig pa chos nyid rang shar bas// thugs rig pa'i me long gzung 'dzin bag chags dag/ 'gyur byed zang thal rig par mngon sangs rgyas// me long rnam gsum ma shes na// mun pa srod pa'i skar ma dang 'dra// de ltar don nyid bco brgyad kyis// rtogs pa'i shes rab thams cad mkhyen par 'char// rang
- 79a
gsal dkyil 'khor de la rgyu rkyen med// rang grol rig pa de la bcos ma bslad// rang shar dgongs pa sems kyis ma gzung ste// sku gsum rang sa dngos las 'bras bu'i spogs mi tshal// lhun grub ye shes de las 'pho 'gyur gnas mi sod// de yi gnad dang gzer gsum bstan pa ni// phyi yi snang ba chos nyid rang gdangs shar// 'khor bar lus sems 'tshogs sa med pa'i gzer// thugs kyi mkhyen pa ye shes gdangs su shar// gzung 'dzin sems su 'gyur mi srid pa'i gzer// gsung gi zer gdangs 'od zer zang thal bas// lus sems las kyi rlung gis sgra mi srid pa'i gzer// rang snang zad thal rtog sgrib med// rang rig rang gsal mkhyen par shar// sgo lnga 'od gsal sgrib med rang sar grol// bgrod du med pa'i grol ba'i gzer zhes bya'o// mkhyen pa longs sku ye shes rdzogs par 'char ba'i gzer bstan pa// rang gsal sku yi khyab bdal sku nyid mkhyen par shar// ngo bo nyid chos kyi sku las ni// ngo bo nyid kyi sku shar ba// rang dang mnyam bzhi lha bzhi bcur shar// rang shar thugs kyi khyab bdal rig pa'i rang gdangs mkhyen par shar// thugs dang mnyam pa'i rig pa ye shes longs sku khyab par zhugs// rang grol gsung gi khyab bdal zer gdangs chos kyi sgo mor shar// brjod med don dang mnyam pa'i sgra dang
- 79b
tshig/ zer 'od sgo mo brgyad khri bzhi stong 'char// sku gsung thugs kyi rnam dag mkhyen pa rnam dag phyogs med do// de ltar rnal 'byor grol ba'i sa tshad ni// chos nyid bar do srid pa'i la tshig yin// rnal 'byor rtog pa klong gyur dus mnyam bdun gyis grol// 'jug dang snang dang shes pa dang // thob grol mkhyen pa thugs rje mnyam// zhes seng ge sgra sgrogs theg dman zil gyis gnon pa'i rgyud las/ bar dor mngon sangs rgyas pa'i gdams ngag gdab pa'i le'u ste gya bzhi pa'o// // kye/ bcom ldan thugs rje thabs kyi bdag/ grol ba'i sku gsum mkhyen pa de// skyon bral dag pa ji ltar lags// bka' stsal pa/ ye shes sgrib med ma rig rang grol ba// 'od gsal zang thal shar bas rtsal gyi sgrib pa med// lhan cig skyes pa'i ma rig pa las grol// mthong ba'i yul la rtogs pa'i shes rab shar// des bag chags bsgribs pa med// bag chags rgyun med rmongs pa'i ma rig pa las grol// sku gsum dkyil 'khor rang shar bas// kun tu brtag pa ma rig pa las grol// ye shes sgo lnga zang thal shar ba yis// nyon mongs sgrib med ma rig pa las grol// sku gsum rang ngo shes pas 'khor ba yi// gting zag las dang las kyi sgrib med ces bya// sgrib pa med pa mkhyen pa rang sar bstan// de ni 'khor ba'i 'khrul pa zhig pa yin// rang snang sku
- 80a
gsum ye shes rtogs pas gzhan snang 'khrul pa zhig/ sku gsum skye 'jig med pas lus kyi 'khrul pa zhig/ gsung gi nyi 'od zer 'phro bas ngag gi 'khrul pa zhig/ thugs la mkhyen pa rig pas gzung 'dzin yid sems 'khrul ba zhig/ rlung gis sems sgral ba med pas 'byung ba'i 'khrul pa zhig/ srid par sbyor ba med pas skye gnas 'khrul pa zhig/ ye shes nyi ma shar bas gsal 'grib nyi nub 'khrul pa zhig/ zhag dang lo zla 'das pas dus kyi 'khrul pa zhig/ chos nyid pho brang thig ler 'khyil bas phyogs kyi 'khrul pa zhig/ ces seng ge sgra'i rgyud las/ grol ba mngon gyur sangs rgyas sgrib pa dag ste ma rig pa grol nas 'khrul pa zhig mkhyen pa thob pa'i le'u ste gya lnga pa'o// // kye/ bcom ldan thugs rje thabs kyi bdag/ gang zag skal ba zhan dang blo dman dang // theg dman blo yi bcos dang rtsol ba zhan// chos nyid par dor rtogs par ma gyur na// thabs kyi lam gyis ji ltar grol bar bgyi// bka' stsal pa/ kye rdo rje 'dzin pas nges par zungs shig/ shes rab rtogs pa'i blo can gyis// mchog gi 'od gsal chen po la// rig pa zang thal shar ba gces// de yis tshe 'dir bar do med par grol// skyes bu las dang skal ldan ni// mchog gi 'od gsal chung ngu de// chos nyid ma yi bar do la// mkhyen pa'i shes rab shar ba
- 80b
gces// srid pa'i bar do med par grol// blo dman par dor rim 'jug la// rig pa'i rang sa zin pa gces// des kyang sa lam med par grol// rigs drug 'khrul pa'i 'od drug la// rig pa 'gro ldog shes pa gces// de yis srid pa bar do ye shes sogs kyang thebs// de yis gdams ngag gsal 'debs dus// rig pa mngon du shar ba gces// de yis yi dam rdo rje sems dpa'i srog kyang zin// chos nyid bar do 'da' ba ni// ngo bo chos sku thugs kyi zer// yum gyi rang bzhin bum pa lnga la yid kyi 'gyu ba zhugs// dang po som nyi mtshams sbyor te// ci yin mnyam pa'i yid tsam 'grus// de nas bag chags rtog sgrib spogs 'debs te// dus kyi snyigs ma kha drag lam dang 'dra// srid pa'i skye gnas dug gi me tog 'dra// 'khor bar 'jug pa zo'i chu khyud mo 'dra// som nyi rang 'od zer las bar do 'od lus blangs// ci yin snyam pas yin min shes pa zhugs// chos nyid bar do nyi ma shar ba lta bu la// rtog pa phra ba gsang rtog bdun skyes pas// chos nyid ye shes snang ba dag pa la// nam mkha'i sprin lta bu yi srubs la byung // de las ngan rtog sum cu rtsa gsum ji rags snang // de nyid chos nyid bar do nyi ma rtog pas nam srod lta bur nub// de nas phyi rtog bzhi bcu spogs// mun pa srod pas skar ma shar ba ltar// 'gro drug grong khyer gsal
- 81a
ba rum cer byung // de la 'od gsal chung ngu gdams pa ye shes sogs gdab pa// 'di ni skal ba zhan dang blo dman le lo can// chos nyid bar dor rang grol ma thob na// gsang lam bsregs lam thabs kyis grol ba'i lam zhes bya// 'di la skyel bsu yin par shes pa gnad yin te// bla ma lung ldan gdams ngag skyel ma dang // rang gis nyams su longs te rtogs pa'i skyel ma dang // 'chi khar gsal 'debs grogs kyi skyel ma gces// zer gyi bsun mas 'od zer lam bstan nas// 'od lnga bsun mas zhing khams dag par skyel// sgra yi bsun ma sku gsum dkyil 'khor thob// chos nyid 'das pa yin par shes nas ni// srid pa bar do sngon gzugs srid pa'i sha gzugs can// dbang po kun tshang 'od kyi lus de la// yi chad drug 'byung shi ba dran nas skye gnas tshol// las kyi dge sdig gshin rje'i snang ba ston// de dus gdams pa yin par shes par bya// srid pa'i bar do de ni rang bzhin las// chos nyid bar dor rtogs pas ma grol na// nges par bar do 'od lus len dang gcig/ sngar gyi bag chags rtog pa dran dang gnyis// sngar dran phyis skye de rang shes pa'i shes rab gsum// yid lus 'od kyi sgo lngas 'gro drug mthong nges bzhi// sgyu ma ye shes lus yin dran gsal blo rno lnga'o// de yang sems de sku gsum brgyud
- 81b
nas brgyud mar gnas pa na// ci ste da ltar bag chags sbubs nas sbrul sku ste// skad cig mi grol ye shes lam la sbyangs// rin chen zang thal sbubs na chos skur gnas// skad cig dang po dang la dus mnyam rtog pas grol// longs sku sgyu ma 'od kyi sbubs la skad cig gsum gyis grol// sgyu ma 'od lus srid pa'i sha gzugs la// rtog pa rkun bu bag la nyal ba de// dran pa'i som nyi kun nas ldang ba'o// kun nas ldang ba'i yid sems de// snga phyi da lta'i rtog pa shes rab skyes pa'i dus// shin tu blo rno dran pa gsal bas na// de la grol ba'i gdams pa gsang lam bsregs lam btsal// gdams ngag nyams su blangs pa sngar shugs kyis// rang dbang dran pa mngon du 'gyur ba yin// de tshe rtogs pa khyad par skye dus yin// sngar gyi nyams len gdams ngag rnams// de tshe mi dran mi srid do// der sngar byas mi dran mi 'byung na// dge sdig las kyi 'bras bu mi 'byung dgos// las mi 'byung bar gyur pas na// las kyis 'gro drug mi 'khor 'gyur// des na bka' yi gdams pa dran par nges// khyad par rtogs pa nyams len dang ni la ba'i ngag/ dge sdig las ni shin tu gsal ba'i dus// bar do 'od lus yin pas thams cad rang gsal lo// gdams pas ji ltar lam btsal na// 'gro drug grong khyer dran pa dang // skye ba len sgo dgag
- 82a
pa dang // bar do yin pa dran gsal gdab// de rang sbru lus yin pa dran pa dang // gnyis med spyod pas spu lus bsgyur btub dran// des rdo rje sems dpa' yi dam lhar bsgyur ba dran pa'o// 'od lus sgyu mar shes pas gnyis su med// gar yang bsgyur du btub par shes pa'o// rdo rje sems dpar lus 'phos pas// lam pa'i rdo rje sems dpas bar do rang srog gzung // skye ba mi len bsam la skye ba 'phos pas khegs// der rdo rje sems dpa' de nyid 'od gsal sku// de rang shar dgongs pa zung zhugs pas// rdo rje rigs 'dzin sa la de nyid bsregs lam thob// sgo lnga ye shes zang thal 'od gsal las// gsang lam zung du bcug pas rdo rje lta bur thob// de la gsang lam dag pa'i gzer gsum ni// ye shes sgyu lus rdo rje sems dpa' de// rang rig gzhan rig rig pa'i thugs gsal bas// 'od gsal sgrib med ye shes spogs kyang thebs// sku gsum 'od gsal rang snang dkyil 'khor spogs kyang thebs// bla ma'i gdams pa rang shar dgongs pa spogs kyang thebs// de gang zhig rtogs se zhes pa na// byang chub sems lam rigs 'dzin sa yin pas// chos nyid can ni cha gang tshad du shar// mngon par shes dang mi rtog ting 'dzin yod// mngon par shes pas gdams ngag snga phyir shes// ting 'dzin rdo rje sems
- 82b
dpa' lam gyi srog kyang 'dzin// dgongs pas srog ni ji ltar 'dzin zhe na// mtshan bcas 'od lus lhar bsgyur nas// mtshan med rig pa'i 'od gsal rang grol chos// stong gsal rang shar 'gyur med dang la srog kyang gzung // 'gro drug grong khyer 'khor ba zang thal shes// des ye shes lus la skye ba gzhan mi len// bar do rten 'brel sgyu lus 'od gsal bas// 'dod pas len pa'i skye gnas gzhan mi tshol// sku gsum lhun grub rang la rtogs pa pas sa lam rang grol chod// des mchog gis 'od gsal spogs thebs mngon sangs rgyas// zhes seng ge sgra nyi zla kha sbyor las/ 'od gsal chung ngu ye shes sman du byung ba'i le'u ste gya drug pa'o// // kye/ bcom ldan thugs rje thabs kyi bdag/ chos nyid bar do ye shes lam la ma grol na// blo dman bag chags sad de skye ba brgyud nas grol lugs ji ltar lags// bka' stsal pa/ 'gro ba de yi skye gnas len lugs ni// zhag lnga skad cig lnga la chos nyid bar do la 'das na// skad cig drug la som nyi za bar byed// skad cig bdun na bar do 'od lus len// de nas yi chad shi ba rjes su dran// chos nyid bar do ye shes nyi ma'i dmar zag chad// bdun nam bcu bzhi nyi shu rtsa gcig par// kun tu tshol ba'i yid kyis dran nas thogs med skye gnas tshol// 'gyu byed nya mig tsam gyis 'khrul snang
- 83a
skar ma tsam pa mthong // ye shes mun srod 'gro drug 'od kyi lam// tshom bu dar 'phyang tsam lnga shar gyis 'byung // me 'od lam dmar po cog tu zhugs pa snang // mngal gyi grong khyer dug gi me tog 'dra// der tshud dga' dang bde ba las// 'dod pa'i bag la nyal nas 'dug tsa na// pha yi sa bon klad pa'i rtsa las babs// ma yi sa bon snying gi rtsa las dmar la drangs// dmar dwangs dkar 'dril srid pa'i lus la g.yogs// sngon 'byung srid pa'i lus de las kyi shugs kyis gon// pha la zhe sdang ma la chags gyur te// rang gi lus kyi chags lugs dang // dbang po don snying chags lugs shes// de ltar bar do lus zhig nas// nor bu rin chen rgya mtsho gting tu klog gis ltung // snying po'i don nyid sna tshogs 'bad pa'i sku// 'od lnga 'bar zhing zer la ldan// rig pa nyid las 'od lnga bum pa 'phro// ye shes rtsal ma rdzogs pas de la zer phran 'phro// zer nyid dkar po nya mig tsam las sa yi dwangs ma chags// zer nyid ser po chu yi dwangs ma bye'u len pa'i mgo tsam chags// brtan par byed pa sa yin te// sdud par byed pa chu yis byas// krug gis 'dres pa mar ma mer du gnas// zer nyid dmar po drod kyi drangs ma ni// me long nyi mas tshig pa'i ngang tsam byung // des lus kyi ngo bo rtsa 'dab brgyad du chags// de nas zer nyid sngon
- 83b
po las// rlung gi drangs ma gser sa 'og rlangs kyi ngad tsam byung // ngad de rtsa yi nang du zhugs gyur to// de nas 'og kyi drangs ma ni// dngul dkar zhun ma thigs pa 'dra ba gcig/ snying po'i don la 'ja' tshon lnga yis bskor// rtsa 'dab brgyad kyi dbus nyid du// snying po'i gnas su chags snga ba// sa yi dwangs sems snying chags so// de nas me yis dwangs mas pho mcher chags// de nas chu yi dwangs mas mkhal ma chags// rlung gi dngas mas glo mchin der chags so// tsit+ta dbus kyi rtsa ni gser gyi ba thag tsam// shel gyi sbu gu dkar 'jam khog stong nang // rig pa 'od gsal sgron mar rgyu bar byed// gro sog tsam gyi rtsa yis snying dang glo ba sgril// glo ba khog sbugs 'dod pa'i sgo gsum sbrel// kun gzhi sems kyi me long 'od lnga'i pho brang la// gzung 'dzin zer rlung zhon nas glo bar rgyu// don lnga rten bcas lus kyi khog sbubs chags par byas// de nas dbang po chags lugs bstan pa ni// snying po rig pa'i 'od zer ni// rig pa'i 'od lnga bum pa lnga ru shar// de yi zer dkar po yar 'phros pas// shel gyi sbu gus rtsa lam byas// skal pa'i rten la mig gnyis chags// dran rig zhe sdang rnam gnyis yar la rgyu// zer 'od dmar po mar la rgyus// tshor ba 'gro mdo'i rten la pho mos dbang rten chags// tshor ba'i 'dod chags gnyis ni mar la
- 84a
rgyus// yar mar rgyu gnyis tshom bu lte ba sbrel// snying po rig pa'i g.yas na yar// rtsa lam kham ser ngan ngan yar// lce yi rten chags nga rgyal rgyu// snying po rig pa'i g.yon na yar// rtsa lam ldang khu nang na yang // rna ba'i rten chags phra dog rgyu// snying po rig pa'i mdun na yang // rtsa lam mthing kha nang na yar// sna yi rten chags gti mug rgyu// de nas lus su grub pa ni// snying la gzugs kyi phung po skyed// pho mcher 'du shes phung po skyed// mkhal mas tshor ba'i phung po skyed// glo mchin 'du byed phung po skyed// mchin pas rnam shes phung po skyed// sa yi drangs mas rus pa chu rgyus skyed// chu yi drangs mas khrag las sha skyed do// me yis drod dang rlung gis srog rten skyed byed do// nam mkha' go phye 'byung ba'i lus su grub// rig pa'i zer 'gyus rlung gis sems kyi rta byas nas// 'byung ba'i lam rgyu rtsa byung sbubs nas dwadangs ma rgyu// snying po rig pa sems kyi sbubs tshud las rlung dbugs phyir rgyu// de ltar chu yi lha mo bum 'dzin ma yis gzugs su bsdus// me yi lha mo 'od gsal ma yis smin// rlung gi lha mo 'degs byed ma yis bteg nas gnas// de nas phyi rol mthong snang ma la skyes// sha khrag sbubs la brten nas dug gsum ngang la spyod// thugs rje lan cig las kyi 'phro sad nas// bcu bzhi lon nas dad pa rjes su
- 84b
dran// bla mas rjes su dran pas rgyal ba'i bka' dang phrad// lus ngag sku gsum dug lnga ye shes lnga ru rtogs// sum cu rtsa bzhi dag la chos sku chos nyid rgyas thebs te// longs sku rtogs pa'i don la rgya yis thebs// sbrul sku sgyu ma'i sa la mi rtog ye shes rgya yis thebs// grol ba'i dgongs pa rang la rang shar te// snang ba sgyu mar grol nas smig sgra tsam du bun tser 'char// nyon mongs rang grol lan tshwa chur zhu bzhin du ltems cer 'gro// sprin bral nyi ma bzhin du rig pa lhag cer 'char// shes rab spyan gyis phyir ltas snang ba'i yul ma bcings ma grol me long gzugs brnyan ltar// snang la rang bzhin med par 'dzin pa bral// shes rab spyan gyis nang du bltas pa'i tshe// nyid kyis nyid bshad nyid kyis nyid la bshad// nyid kyi ngo bor rtogs shing nyid kyis ngo bor grol// spyi mdun nam mkha' mtha' la ye shes lam du bkrol// gsang rdzogs phyag rgya chen po'i rang sa de// de nas tshe 'di'am bar do nas ni// grol ba sku gsum stobs che ba// ye shes 'od zer dag tu mya ngan 'das// 'gro ba sku gsum sa la grol bar nges// zhes seng ge sgra'i dgongs pa'i rgyud nyi zla kha sbyor las/ skye ba brgyud nas grol ba'i le'u ste gya bdun pa'o// // kye/ bcom ldan thugs rje thabs kyi bdag/ rab 'bring grol lugs ji ltar
- 85a
lags// bka' stsal pa/ ye shes nyi zla kha sbyor las// 'jug pa rim gyis 'ju ba las// 'char ba cig car 'char bar 'dod// zhi gnas ye shes la brten nas// rang shar lhag mthong 'char ba yin// dran rtogs de la brten byas nas// mi rtog ye shes mngon par 'char// des snying po chos min blo las 'das// 'khor 'das dag la brten byas nas// mya ngan 'das pa mngon du thob// dgongs pa dag la ma brten na// mkhyen pa'i ye shes thob mi 'gyur// tha ma grol lugs sku gsum lus rdzogs mthar// mthong ba'i yul la rtags pa'i shes rab shar// nga yi chos sku rnam dag la// thams cad mkhyen pa'i ye shes shar// longs sku ma bskyed lhun gyis rdzogs// chos sku rnam dag rang byung rtogs bral shar// 'bring gi grol lugs bstan pa ni// dang po phyi nang rtog pa 'gags// gnyis pa rang gdangs ye shes snang ba 'od du gsal// gsum pa de la skad cig gnas// bzhi pa rang snang de la shes rab skyes// bzhi bcu rtsa gnyis mngon sangs rgyas// nam mkha'i mthongs nas nyi shar ltar// rnam pa kun la mkhyen pa'i ye shes shar// rab kyi grol lugs bstan pa ni// skal ldan sprul pa'i sku yin pas// skad cig drug la mya ngan 'das// ye shes rlung gi stobs rnams kyis// gzugs sku'i ngang la chos skur skyod// tha ma gtso 'khor
- 85b
rim pas thim// sbrul sku 'byung lnga 'od lnga'i ngang du thim// de lnga ye shes lnga yi ngang du grol// dang po ma la shar bas ma yi ngang du zha// chos nyid ngang la shar bas ngang du thim// spyan gsum rnam dag 'gyur med gcig tu gsal// chos nyid rig pa'i ye shes gnas// phyi mi gsal ye shes nang gsal lo// bum pa nang gi mar me gsal ba bzhin// de tshe 'gyur med sku gsum rang sa zin// rab ni sbrul sku rdzogs ldan chen pos bya// 'bras bu rdzogs sangs rgyas pa'i la dor ro// zhes seng ge sgra'i dgongs pa las/ rab 'bring grol lugs kyi le'u ste gya brgyad pa'o// // kye/ bcom ldan thugs rje thabs kyi bdag/ sku gsum rol pa'i mkhyen pa ji ltar lags// mngon shes drug ldan spyan gsum 'char// chos kyi spyan gyis yar la chos sku rin chen lta bur gzigs// gzigs su med pa'i yul gzigs so// thad kar longs sku tshom bu snang ba gzigs// mar la sbrul sku gnas lugs rtogs// bag chags sbubs nas ji ltar gnas pa gzigs// snyan gyi mngon shes yar la ni// chos sku'i zhing na rtse gcig thugs kyi gleng ba gsan// thad ka longs sku brda yis gsung yang gsan// mar la sbrul sku'i zhing khams na// 'gro ba kun gyi sgra skad gsan// thugs kyi mngon par shes pa yis// yar la rin chen sbubs kyi chos sku// 'byed med
- 86a
shes rab 'dzin med rang gsal ba// rang snang rtog med rig pa'i 'od gsal mkhyen// zad ka tshom bu dgongs pa mi 'gag gsal// mar la sems de rtog pa so so thams cad mkhyen// gnas kyi mngon shes sku gsum bzhugs lugs ni// chos sku chos dbyings longs sku 'od snang dang // sbrul sku 'gro drug skye gnas mtho dman mkhyen// las kyi mngon par shes pa ni// sngon dang da lta phyis 'byung 'gro ba kun// ji ltar spyod 'byung las 'bras rnam smin mkhyen// spyan zhes pa yi brjod pa ni// gsal ba mi rtog 'gro don mdzad// thugs rje'i mngon par shes pa ni// 'gro drug rang rang mthun pa ru// sbrul sku yul gzigs thub drug 'chad// yi ge drug ldan sbrul sku 'char// ma sa sha a ha 'a dang drug/ rigs kyi yi ge drug ces bya// chos sku don du bzhugs pa las// longs sku spyan las yi ge sprul par 'phro// skal ldan lus dag 'du 'phro'i bar// dkar dmar rnam gnyis lus bsgyur byas// yi ge drug pos rig pa sems su brten// lus kyi rgyu la sems kyi rten shar ba// dkar dmar rig pa gnas pa ni// gnas la gnas gab lus la sems kyi tshul// des 'gro ba 'dren pa sbrul sku mdzad// 'gro ba ma lus thams cad la// rang rig ye shes khyab gnas pas// snying po 'gyur med ye shes 'gag pa med// de don nges pa'i chos kun 'gro
- 86b
la ston// thugs kyi dgongs pa 'gro ba kun la 'char// ston pa'i dgongs pa longs gyur nas// thugs la thugs 'dres bcud la bcud gab 'gyur// de nas 'gro bas rtogs nas grol bar 'gyur// zhes seng ge sgra'i dgongs pa las// mkhyen tshad dang thugs rje 'byung tshul gyi le'u ste gya dgu pa'o// / kye/ bcom ldan thugs rje thabs kyi bdag/ thugs rje sbrul sku mya ngan ji ltar 'da'// bka' stsal pa/ de nas skad cig drug pa la// ye shes rlung gi stobs ldan gyis// dang po gzugs sku chos skur skyod// de nas gtso 'khor rim par thim// ye shes rlung gi chos nyid ngang la spyod// de tshe 'byung ba mtshan ma rang sar grol// sbrul sku'i 'byung lnga 'od lnga'i ngang du thim// 'od lnga ye shes lnga yi 'byung lngar grol// dang po chos nyid ma la shar bas ma yi ngang du zhi// stobs ldan ma dang shugs 'chang ma// gnyis su med par sbyor bar byed// dper na nyi ma'i snying po ltar// rig pa'i rang rtsal sku dang ye shes shar// tha ma 'khor rnams gtso la sdud// gtso bo lnga yang chos sku rin chen sbubs su gshegs// rtsol dang bcas nas bskyod pa ma yin te// ngang gi 'gro ba phyir na shugs 'chang ngo // de dus chos sku rin chen lta bu ste// gdos pa can gyi chos med de// chos nyid nam mkha' lta bu dang // chos sku nam mkha' lta bu gnyis// gnyis med ye shes zang thal te// mi 'byed
- 87a
sang nga gnas pas 'dags byed ma// de tsam dus kya rnga ba na// rlung gis pa shes ma gsos brtan mas bya'o// de rnams mtshan nyid gcig la gnas pa'o// 'byung ba ma la zha ba'i mtshan nyid lnga// 'khrul pa'i sa chu me rlung lnga// ye shes 'byung lnga'i ye shes gdangs la 'dus// ye shes lnga yi 'od gdangs yang // rang byung 'byung ba lnga la 'dus// de tshe rdo rje gya gram bkod legs gdan// dus der g.yo ba med pa rgya gram ltar// des ni g.yos pa med par bskyod pa'o// chu shes 'khor lo brtsegs legs te// 'byed med shes rab klong gcig 'khyil// gsher ba med pa'i chu zhes bya// de nyid rnam dag dbyings nyid brtsegs legs so// dbyings kyi rnam dag yan lag ni// rig pa gsal stong dbyer med do// de yi sa na ye shes spyan ma 'gags// ye shes 'od gsal bum pa lngar shar ba// de yi snying po rigs lnga gsal bkram brdal// des na sra ba med pa'i sa brtsegs legs// kye rigs kyi bu nges par zung // rang gsal 'dzin med sa nyid la// sra ba med pa'i ngang du grol ba mi 'gyur ba// ma 'dres yongs rdzogs mchod rten ltar// bzang ngan yangs dog che chung khong snyoms pas// 'dug tshul sku yi ye shes las// snang tshul sku yi shes rab shar// rtogs pa gnyis med ye shes tshul// 'byed pa med pa'i tshul shes so// de yis dus
- 87b
nyid tsam na ni// tsha bcas ma yang tsha med me yi ngang du grol// rang rig ye shes gzhan snang rtog pa med// dri med rig pa 'gyur med gnas// me nyid pad+ma'i dra bas smin par byas// rig pa 'thung lnga 'das pa'i rang gdangs la// 'od las 'das pa'i ye shes dang // yid las 'das pa'i shes rab klong // nam mkha' khyab pa med pa'i gdangs can las// skye 'gag nub pa med gnas pa// rgyal mtshan rtse mo ltar du mthar bskyal lo// de ltar 'byung lnga dbyings dang ye shes dbyer med shar// de nyid de yi ngang du dag cing thim// so sor rtog pa'i ye shes las 'das shing // gzigs snang yul las 'das nas gnyis med pas// ye shes rtse gcig dang las gsal ba las// ye shes spyan gyi ngo bo rnam par dag/ de tshe shes rab spyan dang chos kyi spyan// ye shes spyan gsum ngo bo dag nas gcig tu 'khyil// kye rigs kyi bu nges par zung zhig/ ye shes dbyings su thim pa yang // stong pa byang chad ma yin te// chos dbyings ye shes thig le la// gsher med chus med nang du bsdus// sku dang ye shes nang gsal dang du gnas// shes rab mkha' la 'khyil ba zhes su bya// rgyas par bstan na mtshan nyid bzhi// sku dang ye shes dbyings thim nas// rig pa rang gsal dbyings na ma 'gags pa// ngo bo thim la ma rmugs pa zhes bya// ma rmugs sems rtog rnam
- 88a
dag ste/ rang snang ye shes 'od gsal la 'das na// gzhan snang rtog 'dzin mi mnga' dag/ 'byed pa med pa'i shes rab 'gag med pas// rig pa'i yon tan rang gi klong gsal ba// yum gyi bum pa lnga na ye shes sku lnga gsal// rang snang gzhan snang dag kyang ma 'dres so sor gsal// rig pa'i rang sar gnas pa chos sku'i ngang // stong nyid rdo rje lta bu'i sku thob nas// chos sku'i klong na ye shes longs sku ye shes spyan// ma 'gags gsal bas sku gnyis rgyan du che// g.yung drung lta bu tshe la ni// 'byed med shes rab klong gcig 'khyil// thun med thun chen gcig gi ngang du grol// rgyun gyi ting 'dzin rtse gcig ngadang la gnas// de tshe yul gnyis snang ba las grol nas// rang snang gzhan snang rtog pa ngo bor dag/ sku gnyis 'das nas rin chen sbubs nyid gcer bur gnas// sman gnyis 'das nas ye shes rtse gcig go/ shes rab mkha' la 'degs pa yis// ma bskyod shugs kyis bskyod pa yin// 'byung ba ma la zha ba yis// mtshan ma rang sar grol bar byas// ye shes dbyings su thim pa yis// rtsal stobs bzhi la thim par ston// shes rab mkha' la 'khyil ba yis// sku gsum ye shes nang gsal lo// rig pa rang sa zin pa yis// dgongs pa 'gyur med mtha' ru skyol// der sku gnyis chos skur mya ngan 'das// mya ngan 'das
- 88b
pa'i ngo bo ni// ngo bo mi gnas ye shes chen po yin// nges tshig sdug bsngal mtha' las 'das pa ste// mi rtog bde chen gnas pa'o// dbye ba zag bcas mya ngan 'das// zag med mya ngan 'das pa'o// mtshan nyid mtha' bzhi las grol 'das// 'khor ba'i chos la mi gnas grol ba'i ngo bor shar// grol ba rang ngo so so ste// rang gdangs chen por gsal ba yin// lus las grol ba'i ngo bo ni// rtog med rig pa'i gnas lugs yin// rig pa grol ba'i ngo bo ni// rtsol ba'i chos las rab 'das shing // 'khrul pa gsum gyis ma bcings grol// dper na sbrul mdud bor ba'am// rnga ma dag pa'i mdud pa bzhin// ngo bo nyid las ngo bor grol// sku gnyis ye shes klong bskyod pa// rdzogs sangs rgyas pa shes su bshad// seng ge sgra nyi zla kha sbyor las/ sbrul sku mya ngan 'da' bar bstan pa'i le'u ste dgu bcu pa'o// // gnas gsang chen dur khrod rol pa der// me ri 'bar ba'i brag phug na// gzhon du dpa' bo stobs ldan des// lag na rdo rje nyer gnas byas// rtse gsum mkha' 'gro rol mo dang // Da ma ru yi sgra dbyangs dang // ka pA la yis zhal bu dang // bdud rtsi lnga dang sha lnga longs spyod dang // rus pa'i rgyan gyis mtshon nas ni// 'khor gyi mkha' 'gro bsdu ba mdzad// byang chub sems dpa' rnam drug dang // mkha' 'gro phyi nang 'khor
- 89a
bsdus pa// mkha' 'gro pu rna nye bar zhi ba dang // mkha' 'gro tshangs pa dud mgrin ma dang // drang srong chen po zla 'od dang // khyung gi sder mo can dang bzhis// de rnams yon bdag byas nas ni// snang ba ston pa dam pa'i chos// bdud rtsi yang zhun thigs pa 'di bshad do// rgyud 'di ni seng ge sgra sgrogs dgongs pa theg dman zil gyis gnon par yang zungs shig/ ye shes zung 'jug nyi zla kha sbyor zhes bya bar yang zung / ngo spyod ston nyi snang ba'i sgron mar yang zung / sku gsum mngon rdzogs rgya rtag gser gyi me long bya bar yang zungs shig ces rgyud gtad pa'i le'u ste dgu bcu gcig pa'o// // mkha' 'gro rdo rje zhe sdang ma dang // nga rgyal rdo rje ma dang / gti mug rdo rje ma dang / 'dod chags rdo rje ma dang / phrag dogs rdo rje ma dang / byang chub sems dpa' 'khor shugs can dang / stobs kyi glang po dga' byed gzhon nu/ ting 'dzin bzang po/ lag na rin po che/ lag na cod pan// lag na rdo rje la sogs/ gser 'od dam pa sgra sgrogs pas thugs so sor tshim nas dga' mgu yi rangs te/ mgrin gcig tu thabs kyi rgyal pos yang gsang rgyud bshad pa/ e ma ho/ sangs rgyas ma bkag ma sbyangs par// ma btsal bde chen dang la grol ba ngo mtshar ro// 'di tshig kun la bshad pa'i thugs rje yis// thabs mkhas thugs rje
- 89b
stobs mnga' byams pa khyod la 'dud// e ma thugs rje thabs kyi bdag/ snying po gsang ba don gyi rgyud gsungs pas// snod kyi 'jig rten dbyings su dag/ bcud kyi sems rtog ye shes rig par grol// lus ngag yid gsum sku gsum ngo bor dag/ dug lnga ye shes lngar shar nas// bdag cag rnams kyang mi gnas ngang du mchi// zhes mi rtog pa'i ngang du gshegs so// ston pa rdo rje sems dpa' la/ zhu ba po phyag na rdo rjes zhus/ dga' rab rdo rjes mjug bsdus so// seng ge sgra'i dgongs pa nyi zla kha sbyor las/ rjes su yi rangs bstod pa'i le'u ste go gnyis pa'o// // paN+Di ta bi ma la dang lo tsa ba gnyigs ku mA ras mchim phu bre'u dge'ur bsgyur cing zhus te gtan la phab pa'i rgyud/ seng ge sgra'i dgongs pa nyi zla kha sbyor zhes bya ba'i rgyud/ yang gsang rmad du byung ba bklags pas go ba'i bshad rgyud rdzogs so// // gsang / gsang / gsang rgya rtags// /
- 90a
rgya gar skad du/ bo d+hi tsit+ta rat+na puSh+Ti ma hA su tra/ bod skad du/ byang chub kyi sems rin po che'i rgyud rgyas pa chen po'i mdo// bcom ldan 'das bde ba chen po'i ngang lhun gyis grub pa'i sku la phyag 'tshal lo// thog ma tha ma med pas kun gyi gzhi// tshig dang yum las 'das pa'i snying po nyid// dngos po mtshan ma dag las rnam par grol// rang bzhin lhun gyis grub pa'i thig le'i glong // ye khyab kun tu khyab pa bdag chen po// rmad du byung ba'i mdzod chen mi zad pa// gsang ba'i dkyil 'khor rgya yongs ma chad pa// chos dbyings pho brang brdal ba'i gzhal yas na// ye sangs rgyas pa'i ston pa kun bzang la// tha dad med pa'i rdo rje sems dpa' des// gleng ba'i gzhi med gleng gzhi kun gyi ming // rang bzhin bzhi lnga phun sum tshogs lnga'i ming // 'byung lnga byung lnga phun sum tshogs pa'i ming // byung nas gnas pa'i phun sum tshogs pa'i ming // phun sum tshogs pa'i ming btags ji lta bu// ye sangs rgyas pa'i ston pa kun bzang gis// tha dad med pa'i rdo rje sems dpa' la// gleng gzhi'i ming med gleng gzhi ming btags pa// rang bzhin chos sku 'gag med ston pa dang // rang byung ye shes ma 'gags ston pa gnyis// 'gag med ma 'gags gnyis med ston pa gsum// rang bzhin gzhi gcig ston pa phun sum tshogs// rang bzhin chos sku
- 90b
sdud med 'khor nyid dang // rang byung ye shes mi sdud 'khor nyid gnyis// sdud med mi sdud dbyer med 'khor dang gsum// rang bzhin gzhi gnyis 'khor gsum phun sum tshogs// rang bzhin chos sku rig med snod gnas dang // rang byung ye shes rang rig bcu gnas gnyis// rig med rang rig gnyis med gnas dang gsum// rang bzhin gzhi gsum gnas gsum phun sum tshogs// rang bzhin chos sku skye med dus nyid dang // rang byung ye shes ma skyes dus nyid gnyis// skye med ma skyes dbyer med dus dang gsum// rang bzhin gzhi bzhi dus gsum phun sum tshogs// rang bzhin chos sku dbyer med bstan pa dang // rang byung ye shes mi gsung bstan pa gnyis// gsung med mi gsung gnyis med bstan pa gsum// rang bzhin gzhi lnga'i bstan pa phun sum tshogs// rang byung yan lag ye shes ye shes zer// g.yo dang mi g.yo phra rab zer g.yos pa// zer gyi rang bzhin ma 'gags zer shes la// ye shes zer las byung ba'i ston pa 'byung // zer gyi chos sku 'gag med ston pa dang // zer gyi ye shes ma 'gags ston pa gnyis// 'gag med ma 'gags dbyer med ston pa gsum// 'byung ba'i bzhi gcig ston pa phun sum tshogs// zer gyi chos sku sdud med 'khor nyid dang // zer gyi ye shes mi sdud 'khor nyid gnyis// sdud med mi sdud gnyis med
- 91a
'khor dang gsum// 'byung ba'i bzhi gnyis 'khor gsum phun sum tshogs// zer gyi chos sku rig med gnas pa dang // zer gyi ye shes rang rig gnas pa gnyis// rig med rang rig dbyer med gnas dang gsum// 'byung ba'i gzhi gsum gnas gsum phun sum tshogs// zer gyi chos sku skye med dus nyid dang // zer gyi ye shes ma skyes dus nyid gnyis// skye med ma skyes dbyer med dus dang gsum// 'byung ba'i gzhi bzhi dus gsum phun sum tshogs// zer gyis chos sku brjod med bstan pa dang // zer gyi ye shes ma brjod bstan pa gnyis// brjod med ma brjod dbyer med bstan pa gsum// 'byung ba'i gzhi lnga bstan pa phun sum tshogs// yan lag zer gyi ye shes phra mo de// sngar g.yos ma myong yan lag g.yos pa'i yid// g.yos pa'i yid de ming med yid kyi ming // 'khor lo gsum du yid g.yos sems su byung // sems kyi chos sku 'gag med ston pa dang // sems kyi ye shes ma 'gags ston pa gnyis// 'gag med ma 'gags dbyer med ston pa gsum// byung ba'i gzhi gcig ston pa phun sum tshogs// sems kyi chos sku 'du med 'khor nyid dang // sems kyi ye shes mi 'du 'khor nyid gnyis// 'du med mi 'du dbyer med 'khor dang gsum// byung ba'i gzhi gnyis 'khor gsum phun sum
- 91b
tshogs// sems kyi chos sku rig med gnas pa dang // sems kyi ye shes rang rig gnas pa gnyis// rig med rang rig gnyis med gnas dang gsum// byung ba'i gzhi gsum gnas pa phun sum tshogs// sems kyi chos sku skye med dus nyid dang // sems kyi ye shes ma skyes dus nyid gnyis// skye med ma skyes dbyer med dus dang gsum// byung ba'i gzhi bzhi dus gsum phun sum tshogs// sems kyi chos sku bstan med bstan pa dang // sems kyi ye shes ma bstan bstan pa gnyis// bstan med ma bstan dbyer med bstan pa gsum// 'byung ba'i gzhi lnga bstan pa phun sum tshogs// byung dang byung nas gnas pa ming med la// byung dang byung gnas phun sum tshogs pa'i ming // ye shes sems byung byung nas gnas pa de// 'gag med ma 'gags gnyis med gnas ston pa// ye shes sems byung byung nas gnas pa yang // chos sku ye shes gnyis med gnas pa'i 'khor// ye shes sems byung byung nas gnas pa de// rig med rang rig dbyer med gnas pa'i gnas// ye shes sems byung byung nas gnas pa yang // skye med ma skyes gnyis med gnas pa'i dus// ye shes sems byung byung nas gnas pa yang // mtshon med mtshon gnyis med gnas bstan pa'o// byung nas gnas pa phun sum ming med la// gnas pa'i phun sum tshogs pa'i
- 92a
ming btags pa// rtsal gyi rang bzhin ston pa'i ston pa ni// yan lag rtsal gyi chos rnams thams cad kun// chos nyid de bzhin nyid du ston par byed// chos kyi ngo bo ston pa'i ston pa yang // yan lag rtsal gyi chos rnams thams cad kun// ston pa nyid kyi sku ru byung nas kyang // sku yi ngo bo de las med par ston// chos kyi sgra tshig ston pa'i ston pa ni// yan lag rtsal gyi don ni sgrar bsdus te// dngos por snang ba'i ma rig sems can la// don de sgra dang tshig gis bsdebs nas ston// byung nas gnas pa'i 'khor kyang rnam pa gsum// gnas pa'i rang bzhin rnam dag chos sku'i 'khor// longs spyod rdzogs sku rigs lnga'i ngo bo 'khor// rigs drug sems can sprul pa'i sku yi 'khor// byung nas gnas pa'i gnas kyang rnam pa gsum// yan lag rtsal gyi chos rnams thams cad la// skye med rang gnas chos kyi sku yi gnas// yan lag rtsal gyi chos rnams thams cad la// ye shes dang gnas longs spyod rdzogs sku'i gnas// yan lag rtsal gyi chos rnams thams cad kun// so so rang rang khyad par sprul sku'i gnas// byung nas gnas pa'i dus kyang rnam pa gsum// dus gsum dbyer med bstan pa chos sku'i dus// sku yi ngo bor bstan pa longs spyod rdzogs pa'i dus// sgra tshig so sor bstan pa sbrul sku'i dus// byung nas gnas pa'i
- 92b
bstan pa rnam gsum ni// yan lag rtsal gyi chos rnams thams cad kun// de bzhin nyid kyi chos sku bstan pa'o// yan lag rtsal gyi chos rnams thams cad kun// longs spyod rdzogs sku'i ngo bo nyid du bstan// yan lag rtsal gyi sems can so sor la// rang rang sbrul sku rang rang ngag gi sgras// rang rang yul la zhen pa de bzlog nas// so sor gang 'thad don rnams de bstan pa'o// phun sum tshogs pa ming med ming btags pa// ye shes sems ston 'gag med ma 'gags ston// ye shes sems kyi 'khor ni grangs med 'khor// snod bcud gnyis med gnas ni 'og min gnas// skye med ma skyes gnyis med dus ni dus gsum gcig/ bstan med ma bstan dbyer med bstan pa'o// ston 'khor gnas dus bstan pa phun sum tshogs// phun sum tshogs pa'i gleng gzhi'i chos rnams rdzogs// rin po che rgyas pa chen po'i mdo las// gleng gzhi'i le'u ste dang po'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// rang bzhin lhun gyis grub pa'i ngo bo 'di// spyi dang khyad par ngo bo ji lta bu// ston pa'i ston pa kun tu bzang po yis// sdud pa'i gsang dbang rdo rje sems dpa' la// spyi yi rang bzhin ngo bo rnam gnyis te// spyi yi spyi dang spyi yi khyad par ro// spyi yi spyi yi rang bzhin ngo bo yang // thams
- 93a
cad 'byung ba'i gzhir gyur kun gyi gzhi// kun gzhi byang chub sems kyi rang bzhin ni// mtha' dbus med cing phyogs dang bral bar gnas// don dam snying po stong pa'i rang bzhin can// thams cad go 'byed rgya yongs ma chad pa// nam mkha'i bdag nyid thig le chen po'i ngang // yongs la khyab pa'i chos dbyings kun gyi lam// kun gyi 'byung gnas yon tan mdzod chen po// zad med mi rlag mi zhum rin po che// rin chen mngon du gsal ba bstan du med// smrar med brjod med tshig gi yul las 'das// dngos po mtshan ma dag las rnam par grol// tshogs brgyad yul du ma gyur snying po can// rtag chad kun gyi mtha' dang rtsis las 'das// yod med stong dang mi stong rnam par dag/ bsam du med pa'i gzhal yas rmad du byung // rmad byung kun bzang rtog med yangs pa ni// nam mkha'i snying po rang gsal snang ba 'di'o// nam mkha' rgyu rkyen bral bas zag pa med// zag med nam mkha'i rang bzhin spu gri so// gcod dang mi gcod byang chub sems kyi dbyings// dbyings kyi bdag nyid lta ba kun gyi spyi// lta ba'i rang bzhin sangs rgyas kun gyi mchog/ spyi yi khyad par ngo bo bstan pa ni// chos sku rang byung ye shes dbyer med yang // lhun grub yan lag ngo bo gnyis snang ste// rang bzhin lhun grub chos sku'i ngo bo ni// rig med gsal
- 93b
gdangs 'gyur med 'gag med pa'o// rang bzhin lhun grub ye shes ngo bo ni// rang rig gsal gdangs mi 'gyur ma 'gags pa'o// rang bzhin lhun grub dbyer med ngo bo ni// rig med rang rig dbyer med gsal drangs pa'o// yan lag khyad par ngo bo bstan pa ni// dngos po mtshan ma'i rang bzhin gnyis snang ste// dngos po 'khor ba'i chos kyi ngo bo la// chos sku rig med gsal gdangs 'gag med dang // rang byung ye shes rang rig ma 'gags gnyis// dbyer med ngo bor snang ste gsal drangs pa'o// mtshan ma'i ngo bo theg pa'i khyad par la// chos sku ye shes dbyer med so sor mthong // rang bzhin lhun grub chos sku chen po dang // yan lag rtsal gyi chos sku 'gyur med gnyis// tha dad med de gcig gi rang bzhin la// yan lag dbang gis chos sku so sor mthong // de bzhin rang byung ye shes chen po yang // yan lag dbang gis ye shes so sor mthong // chos sku rang byung ye shes so sor mthong // yan lag dbang gis dbyer med so sor mthong // so sor mthong ba'i khyad par che chung gis// theg pa rnams kyi lta ba so sor lta// so sor lha ba'i theg pa de rnams kyang // rdzogs pa chen po'i rang bzhin rtsal snang ste// rdzogs pa chen po'i rang bzhin snang ba ni// nyi zer 'od dang shel gyi rgyus pa 'dra// nyi ma'i 'od dang shel gyi rang bzhin ni// rig med
- 94a
snod kyi tshul de chos sku 'dra// nyi ma'i zer dang shel gyi rgyus pa ni// rang rig bcud kyi tshul de ye shes 'dra// chos kyi sku dang rang byung ye shes gnyis// dbyer med gcig ste shel gyi brgyus pa 'dra// de 'dra de ni lta ba kun gyi mchog/ ltar med mthong bas gsal ba chen po'i lam// byas med zin pas bde ba chen po'i lam// bgrod med ma bgrod phyin pas bde ba'i lam// sgrub med ma bsgrubs bsgrubs pas bsgrubs pa'i lam// grub med ma grub grub pas 'bras bu'i lam// dag med ma dag dag pas dag pa'i lam// grol med ma grol grol bas grol ba'i lam// sangs med ma sangs sangs pas sangs rgyas lam// de 'dra byang chub sems kyi rang bzhin 'di// rang bzhin lhun gyis grub pas lhun gyis grub// rang bzhin lhun grub chos sku'i ngang nyid las// rang byung byung bas rang byung ye shes te// rang byung ye shes bdag nyid chen po ni// kun khyab ming med nam mkha' rang gsal lha// nam mkha' rang gsal kun gyi go 'byed pas// chos rnams thams cad nam mkha'i ngang las byung // nam mkha' las byung nam mkha' las ma 'das// nam ni rang gsal 'gyur med chos kyi sku// mkha' ni rang byung ye shes mi 'gyur ba// gnyis med nam mkha' chen po'i rang bzhin te// nam mkha' 'di nyid yin te lta ba'i mchog/ lta
- 94b
mchog 'di la su gnas sangs rgyas pa'o// rin po che rgyas pa chen po'i mdo las/ rang bzhin lta ba'i le'u ste gnyis pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// rang bzhin lhun grub chos sku ming med la// chos sku rang snang ming gdags ji lta bu// ston pa'i ston pa kun tu bzang po yis// sdud pa'i gsang dbang rdo rje sems dpa' la// rang bzhin lhun grub rang bzhin ming med la// chos sku rang snang rang bzhin ming btags pa// chos sku rig med 'gyur med g.yo ba med// 'gro med 'ong med song med byung ba med// bcings med grol med zhig med 'jig pa med// rtog med spyod med shes med go ba med// gzung med 'dzin med tshol med sdod pa med// sgrib med lta med dag med gol ba med// sgrub med bsgrubs med grub med thob pa med// gsung med smrar med tshig med brjod pa med// byas med zin med nus med thub pa med// log med ldog med shar med nub pa med// 'jigs med 'phrog med khyer med choms pa med// gnas med rten med 'dug med chags pa med// sgom med bsgom med dmigs med yengs pa med// byang med chub med sangs med rgyas pa med// 'gags med skye med bcos med spros pa med// bgrod med bsam med mtshon med 'khrul pa med// ston
- 95a
med bstan med sdud med bstod pa med// 'phel med 'grib med snang med stong pa med// blang med dor med gzhal med blugs pa med// zag med rtsol med thogs med g.yos pa med// 'jug med 'dzud med zhugs med bcug pa med// bya med bral med dgye med btud pa med// gang med blags med khengs med lud pa med// yangs med dog med 'chi med 'pho ba med// bsgribs med gsal med bslabs med byibs pa med// rmongs med 'khrugs med myos med bslad pa med// ngal med dub med chad med bsdad pa med// mgyogs med bul med phyin med slebs pa med// phra med rags med chung med che ba med// gnyis med gcig med 'gal med zab pa med// zhi med rgyas med dbang med drag po med// rgyan med bkod med tshad med khyab pa med// gos med gon med phud med 'bud pa med// zas med zos med lhad med las pa med// snga med 'phyi med spros med nangs pa med// rigs med rgyun med tshul med 'dra ba med// gcig med bskyed med shugs med brtsal ba med// rgyu med skrod med g.yor med bza' ba med// slob med gtams med phyin med 'dod pa med// len med gtong med bzod med bsrun pa med// dam med tshig med nyams med shor ba med// 'pham med rgyal med brnyas med dga' ba
- 95b
med// bsags med bsogs med dbye med 'dzin pa med// bde med sdug med dran med myos pa med// dma' med mtho med ring med thung ba med// phan med gnod med mgon med bskyabs pa med// phyogs med ris med lhung med lhung ba med// brkyang med bskum med phyar med brgyab pa med// 'gul med ldog med bskor med 'phyo ba med// dad med stobs med sbubs med thul ba med// byin med rnyed med phul med blangs pa med// dran med 'gyod med nor med bcad pa med// rgyun med bri med tshim med 'dris pa med// mngon med smos med sbed med sbas pa med// gsang med bsngags med gzungs med bzlas pa med// 'phangs med sbyin med brtson med song ba med// lci med yang med bcang med bcag pa med// smon med rgyud med 'gyur med bsgyur ba med// dkris med nyes med rgyu med 'das pa med// nyal med ldang med 'degs med gtad pa med// dar med rgud med chud med dkrugs pa med// rdzun med 'dres med bgrang med brdal ba med// grang med tsha med gsher med 'byar ba med// sdud med rlan med lus med brjed pa med// mthong med nyan med snom med myang ba med// reg med chos med gong med btag pa med// dkar med sngo med dmar med ser ba med// ldang med gnag med 'du med rdzogs pa med
- 96a
pa'o// rin po che rgyas pa chen po'i mdo las/ chos sku rang snang ba'i le'u ste gsum pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang bzhin lhun grub ye shes ming med la// rang byung ye shes ming btags ji lta bu// ston pa'i ston pa kun tu bzang po yis// sdud pa'i gsang dbang rdo rje sems dpa' la// rang bzhin lhun grub rang bzhin ming med la// rang 'byung ye shes rang snang ming btags pa// ye shes rang rig mi 'gyur mi g.yo ba// mi 'gro ma 'ongs ma song ma byung ba// ma bcings ma sgrol mi 'jigs ma zhig pa// mi rtog mi spyod mi shes mi go ba// ma gzung mi 'dzin mi tshol mi sdod pa// mi sgrib mi lta ma dag ma grol ba// mi sgrub ma bsgrubs ma grub ma thob pa// mi gsung mi smra mi tshig ma brjod pa// ma byas ma zin ma nus ma thub pa// ma log mi ldog ma shar ma nus pa// mi 'joms mi 'phrog ma khyer ma choms pa// mi gnas mi rten mi 'dug ma chags pa// mi sgom ma bsgoms mi dmigs ma yengs pa// ma byang ma chub ma sangs ma rgyas pa// ma 'gags ma skyes ma bcos ma spros pa// ma bgrod ma bsams ma mtshon ma 'khrul pa// mi ston ma bstan mi sdud mi bstod pa// ma 'phel mi 'grib mi snang mi stong pa// ma blang mi dor mi gzhal ma blugs pa// mi zag mi stsol
- 96b
ma thogs ma g.yos pa// mi 'jug mi 'dzud ma zhugs ma bcug pa// ma bya ma bral ma dgye ma btud pa// ma gang ma blugs ma khengs ma lud pa// mi yangs mi dog mi 'chi mi 'pho ba// ma bsgribs ma gsal ma bslabs ma byibs pa// ma rmongs ma 'khrugs ma myos ma bslad pa// ma ngal ma dub ma chad ma bsdad pa// ma mgyogs ma bul ma phyin ma slebs pa// mi phra mi rags mi chung mi che ba// mi gnyis mi gcig mi 'gal mi zab pa// ma zhi ma rgyas mi dbang mi drag pa// mi rgyan ma bkod ma tshad ma khyab pa// ma gos ma gon ma phud mi 'bud pa// ma zad ma zos ma lhag ma las pa// ma snga ma 'phyi ma spros ma nangs pa// mi rigs mi brgyud mi tshul mi 'dra ba// mi gcig ma bskyed ma shugs ma btsal ba// mi rgyu mi spyod mi g.yor mi bza' ba// mi slob ma gdams ma phyin mi 'dod pa// mi len mi gtong mi bzod mi bsrun pa// mi dam mi tshig ma nyams ma shor ba// mi pham mi rgyal mi brnyas mi dga' ba// ma bsags ma bsogs ma dbye mi 'dzin pa// mi bde mi sdug ma dran ma myos pa// ma dman mi mtho mi ring mi zung ba// mi phan mi gnod mi mgon ma bskyabs pa// mi phyogs mi ris mi lhung ma lhung ba// ma brkyang ma bskum ma phyar ma brgyab pa// mi 'gul mi ldog mi bskor mi 'phyo ba// ma dad ma stobs ma sbubs ma thul ba// ma byin ma rnyed ma phul ma
- 97a
blangs pa// mi drang mi 'gyod ma nor ma bcad pa// mi rgyun ma bri ma tshim ma 'dris pa// mi mngon ma smos mi sbed ma sbas pa// mi gsang mi bsngags ma gzungs ma bzlas pa// mi 'phangs mi sbyin mi brtson mi song ba// mi lci mi yang mi bcang ma bcags pa// mi smon ma rgyun mi gyur ma bskur ba// ma dkris ma nyes ma rgyu ma 'das pa// mi nyal mi ldang mi 'degs ma gtad pa// ma dar mi rgud mi chud ma dkrugs pa// ma rdzun ma 'dres ma bsgral ma brdal ba// mi grang mi tsha mi gsher mi 'byar ba// mi sdud ma brlan ma lus ma brjed pa// ma mthong mi nyan mi snom mi myang ba// ma reg mi 'chos mi gong ma btags pa// mi dkar mi sngo mi dmar mi ser ba// mi ldang mi gnag mi 'dug ma rdzogs pa'o// rin po che rgyas pa chen po'i mdo las/ rang byung gi ye shes rang snang ba'i le'u ste bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang bzhin lhun grub chos sku ye shes gnyis// dbyer med rang snang ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub rang bzhin ming med la// chos sku ye shes dbyer med ming btags pa// chos sku rig med 'gyur ba med pa dang // rang byung ye shes rang rig mi
- 97b
'gyur gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med g.yo ba med pa dang // rang byung ye shes rang rig mi g.yo gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'gro ba med pa dang // rang byung ye shes rang rig mi 'gro gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med 'ong ba med pa dang // rang byung ye shes rang rig ma 'ongs gnyis// dbyer med gcig dang nam mkha' nyid kyi ngang // gcig dang tha dad dag las grol bar gnas// chos sku rig med song ba med pa dang // rang byung ye shes rang rig ma song gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'byung ba med pa dang // rang byung ye shes rang rig ma byung gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bcings pa med pa dang // rang byung ye shes rang rig ma bcings gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'gro ba med pa
- 98a
dang // rang byung ye shes rang rig ma grol gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med zhig pa med pa dang // rang byung ye shes rang rig ma zhig gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'jig pa med pa dang // rang byung ye shes rang rig mi 'jig gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rtog pa med pa dang // rang byung ye shes rang rig mi rtog gnyis// dbyer med gcig ste/ nam mkha' nyid kyi ngang // gcig dang tha dad dag las grol bar gnas// chos sku rig med spyod pa med pa dang // rang byung ye shes rang rig mi spyod gnyis// dbyer med gcig ste nam mkha' nyid kyi dang // gcig dang tha dad dag las grol bar gnas// chos sku rig med shes pa med pa dang // rang byung ye shes rang rig ma shes gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med go ba med pa dang // rang byung ye shes rang rig mi go gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos
- 98b
sku rig med gzung ba med pa dang // rang byung ye shes rang rig ma gzung gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'dzin pa med pa dang // rang byung ye shes rang rig mi 'dzin gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med tshol ba med pa dang // rang byung ye shes rang rig mi tshol gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sdod pa med pa dang // rang byung ye shes rang rig mi sdod gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sgrib pa med pa dang // rang byung ye shes rang rig ma bsgribs gnyis// dbyer med gcig ste nam mkha' nyid kyi ngang // gcig dang za dad dag las grol bar gnas// chos sku rig med lta ba med pa dang // rang byung ye shes rang rig mi lta gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med dag pa med pa dang // rang byung ye shes rang rig mi dag gnyis// dbyer med gcig ste nam mkha' nyid kyi ngang // gcig dang tha dad dag
- 99a
las grol bar gnas// chos sgra rig med grol ba med pa dang // rang byung ye shes rang rig ma grol gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sgrub pa med pa dang // rang byung ye shes rang rig mi bsgrub gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sgra rig med sgrub pa med pa dang // rang byung ye shes rang rig ma bsgrubs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med grub pa med pa dang // rang byung ye shes rang rig ma grub gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med thob pa med pa dang // rang byung ye shes rang rig ma thob gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gsung ba med pa dang // rang byung ye shes rang rig mi gsung gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med smra ba med pa dang // rang byung ye shes rang rig mi smra gnyis// dbyer med gcig ste
- 99b
nam mkha' nyid kyi ngang // gcig dang tha dad dag las grol bar gnas// chos sku rig med tshig tu med pa dang // rang byung ye shes rang rig ma tshig gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med brjod du med pa dang // rang byung ye shes rang rig mi brjod gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med byas pa med pa dang // rang byung ye shes rang rig ma byas gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med zin pa med pa dang // rang byung ye shes rang rig ma zin gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med nus pa med pa dang // rang byung ye shes rang rig ma nus gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med thub pa med pa dang // rang byung ye shes rang rig mi thub gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med log pa med pa dang // rang byung ye shes rang rig ma log
- 100a
gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ldog pa med pa dang // rang byung ye shes rang rig mi ldog gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med shar ba med pa dang // rang byung ye shes rang rig ma shar gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med nub pa med pa dang // rang byung ye shes rang rig ma nub gnyis// dbyer med gcig ste nam mkha' nyid kyi dang // gcig dang tha dad dag las grol bar gnas// chos sku rig med 'joms pa med pa dang // rang byung ye shes rang rig mi 'joms gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'phrogs pa med pa dang // rang byung ye shes rang rig mi 'phrogs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med khyer ba med pa dang // rang byung ye shes rang rig ma khyer gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig
- 100b
med choms pa med pa dang // rang byung ye shes rang rig ma choms gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gnas pa med pa dang // rang byung ye shes rang rig mi gnas gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rten pa med pa dang // rang byung ye shes rang rig mi brten gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'dug pa med pa dang // rang byung ye shes rang rig mi 'dug gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med chags pa med pa dang // rang byung ye shes rang rig ma chags gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sgom pa med pa dang // rang byung ye shes rang rig mi sgom gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med bsgoms pa med pa dang // rang byung ye shes rang rig ma bsgoms gnyis// dbyer med gcig ste nam mkha' nyid kyi ngang // gcig dang tha
- 101a
dad dag las grol bar gnas// chos sku rig med dmigs pa med pa dang // rang byung ye shes rang rig mi dmigs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med yengs pa med pa dang // rang byung ye shes rang rig ma yengs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med byang ba med pa dang // rang byung ye shes rang rig ma byang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med chub pa med pa dang // rang byung ye shes rang rig ma chub gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sangs pa med pa dang // rang byung ye shes rang rig ma sangs gnyis// dbyer med gcig ste nam mkha' nyid kyi dang // gcig dang za dad dag las grol bar gnas// chos sku rig med rgyas pa med pa dang // rang byung ye shes rang rig ma rgyas gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'gag pa med pa dang // rang byung ye shes rang rig ma 'gags gnyis// dbyer med/
- 101b
gcig ste nam mkha' nyid kyi ngang // gcig dang tha dad dag las grol bar gnas// chos sku rig med skye ba med pa dang // rang byung ye shes rang rig ma skyes gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med bcos pa med pa dang // rang byung ye shes rang rig ma bcos gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med spros pa med pa dang // rang byung ye shes rang rig ma spros gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bgrod pa med pa dang // rang byung ye shes rang rig ma bgrod gnyis// dbyer med gcig ste nam mkha'i ngang nyid de// gcig dang tha dad dag las grol bar gnas// chos sku rig med bsam pa med pa dang // rang byung ye shes rang rig ma bsam gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med mtshon pa med pa dang // rang byung ye shes rang rig ma mtshon gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'khrul pa med pa dang // rang byung ye shes
- 102a
rang rig ma 'khrul gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ston pa med pa dang // rang byung ye shes rang rig mi ston gnyis// dbyer med gcig ste nam mkha'i ngang nyid de// gcig dang tha dad dag las grol bar gnas// chos sku rig med bstan pa med pa dang // rang byung ye shes rang rig ma bstan gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sdud pa med pa dang // rang byung ye shes rang rig mi sdud gnyis// dbyer med gcig ste nam mkha'i ngang nyid de// gcig dang tha dad dag las grol bar gnas// chos sku rig med bstod pa med pa dang // rang byung ye shes rang rig mi bstod gnyis// dbyer med gcig ste nam mkha'i ngang nyid las// gcig dang tha dad dag las grol bar gnas// chos sku rig med 'phel ba med pa dang // rang byung ye shes rang rig mi 'phel gnyis// dbyer med gcig ste nam mkha'i ngang nyid de// gcig dang tha dad dag las grol bar gnas// chos sku rig med 'grib pa med pa dang // rang byung ye shes rang rig mi 'grib gnyis// dbyer med gcig ste nam mkha'i ngang nyid de// gcig dang tha dad dag las grol bar gnas// chos sku rig med
- 102b
snang ba med pa dang // rang byung ye shes rang rig mi snang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med stong pa med pa dang // rang byung ye shes rang rig mi stong gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dor ba med pa dang // rang byung ye shes rang rig mi dor gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med blang ba med pa dang // rang byung ye shes rang rig mi blang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gzhal du med pa dang // rang byung ye shes rang rig mi gzhal gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med blugs pa med pa dang // rang byung ye shes rang rig ma blugs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med zag pa med pa dang // rang byung ye shes rang rig mi zag gnyis// dbyer med gcig ste nam mkha' nyid kyi ngang // gcig dang tha dad dag las grol bar
- 103a
gnas// chos sku rig med zag pa med pa dang // rang byung ye shes rang rig mi zag gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med btsal ba med pa dang // rang byung ye shes rang rig ma btsal gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med thogs pa med pa dang // rang byung ye shes rang rig ma thogs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med g.yos pa med pa dang // rang byung ye shes rang rig ma g.yos gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'jug pa med pa dang // rang byung ye shes rang rig mi 'jug gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'dzud pa med pa dang // rang byung ye shes rang rig mi 'dzud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med zhugs pa med pa dang // rang byung ye shes rang rig ma zhugs gnyis// dbyer med gcig ste nam mkha' nyid
- 103b
kyi ngang // gcig dang tha dad dag las grol bar gnas// chos sku rig med bcug pa med pa dang // rang byung ye shes rang rig ma bcug gnyis// dbyer med gcig ste nam mkha' nyid kyi ngang // gcig dang tha da dag las grol bar gnas// chos sku rig med bya ba med pa dang // rang byung ye shes rang rig mi bya gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bral ba med pa dang // rang byung ye shes rang rig ma bral gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dgye ba med pa dang // rang byung ye shes rang rig ma dgye gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med btud pa med pa dang // rang byung ye shes rang rig ma btud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gang ba med pa dang // rang byung ye shes rang rig ma gang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med blugs pa med pa dang // rang byung ye shes rang rig ma blugs gnyis// dbyer med
- 104a
gcig ste nam mkha' nyid kyi ngang // gcig dang tha dad dag las grol bar gnas// chos sku rig med khengs pa med pa dang // rang byung ye shes rang rig ma khengs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med lud pa med pa dang // rang byung ye shes rang rig ma lud gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med yangs pa med pa dang // rang byung ye shes rang rig ma yang sa gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dog pa med pa dang // rang byung ye shes rang rig mi dog gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'chi ba med pa dang // rang byung ye shes rang rig mi 'chi gnyis// dbyer med gcig ste nam mkha' nyid kyi ngang // gcig dang za dad dag las grol bar gnas// chos sku rig med 'pho pa med pa dang // rang byung ye shes rang rig mi 'pho gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bsgribs pa med pa dang // rang byung
- 104b
ye shes rang rig ma bsgribs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gsal ba med pa dang // rang byung ye shes rang rig mi gsal gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bslabs pa med pa dang // rang byung ye shes rang rig ma bslabs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med byibs pa med pa dang // rang byung ye shes rang rig ma byibs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rmongs pa med pa dang // rang byung ye shes rang rig ma rmongs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'khrugs pa med pa dang // rang byung ye shes rang rig ma 'khrugs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med myos pa med pa dang // rang byung ye shes rang rig ma myos gnyis// dbyer med gcig ste nam mkha' nyid kyi ngang // gcig dang tha dad dag las grol
- 105a
bar gnas// chos sku rig med bslad pa med pa dang // rang byung ye shes rang rig ma bslad gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ngal ba med pa dang // rang byung ye shes rang rig ma ngal gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dub pa med pa dang // rang byung ye shes rang rig ma du ba gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med chad pa med pa dang // rang byung ye shes rang rig ma chad gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bsdad pa med pa dang // rang byung ye shes rang rig ma bsdad gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med mgyogs pa med pa dang // rang byung ye shes rang rig ma mgyogs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bul ba med pa dang // rang byung ye shes rang rig ma bul gnyis// dbyer med gcig ste nam mkha' nyid kyi
- 105b
ngadang // gcig dang tha dad dag las grol bar gnas// chos sku rig med phyin pa med pa dang // rang byung ye shes rang rig ma phyin gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med slebs pa med pa dang // rang byung ye shes rang rig ma slebs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med phra ba med pa dang // rang byung ye shes rang dag mi phra gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rags pa med pa dang // rang byung ye shes rang rig ma rags gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med chung ba med pa dang // rang byung ye shes rang rig mi chung gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med che ba med pa dang // rang byung ye shes rang rig mi che gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gnyis su med pa dang // rang byung ye shes rang rig mi gnyis gnyis// dbyer med
- 106a
gcig ste nam mkha' nyid kyi ngang // gcig dang tha dad dag las grol bar gnas// chos sku rig med gcig pa med pa dang // rang byung ye shes rang rig mi gcig gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'gal ba med pa dang // rang byung ye shes rang rig mi 'gal gnyis// dbyer med gcig ste nam mkha' nyid kyi nga // gcig dang tha dad dag las grol bar gnas// chos sku rig med zab pa med pa dang // rang byung ye shes rang rig mi zab gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med zhi ba med pa dang // rang byung ye shes rang rig ma zhi gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rgyas pa med pa dang // rang byung ye shes rang rig ma rgyas gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dbang ba med pa dang // rang byung ye shes rang rig mi dbang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med drag po med pa dang // rang byung ye shes rang
- 106b
rig mi drag gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rgyan pa med pa dang // rang byung ye shes rang rig mi rgyan gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bkod pa med pa dang // rang byung ye shes rang rig mi bkod gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med tshad pa med pa dang // rang byung ye shes rang rig ma tshad gnyis// dbyer med gcig ste nam mkha' nyid kyi ngang // gcig dang tha da dag las grol bar gnas// chos sku rig med khyab pa med pa dang // rang byung ye shes rang rig ma khyab gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gos pa med pa dang // rang byung ye shes rang rig ma gos gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gon pa med pa dang // rang byung ye shes rang rig ma gon gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med phud pa med pa dang // rang byung
- 107a
ye shes rang rig ma phud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'bud pa med pa dang // rang byung ye shes rang rig mi 'bud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med zad pa med pa dang // rang byung ye shes rang rig ma zad gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med zos pa med pa dang // rang byung ye shes rang rig ma zos gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med lhag pa med pa dang // rang byung ye shes rang rig ma lhag gnyis// dbyer med gcig ste nam mkha' nyid kyi ngang // gcig dang tha dad las grol bar gnas// chos sku rig med las pa med pa dang // rang byung ye shes rang rig ma las gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med snga ba med pa dang // rang byung ye shes rang rig mi snga gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'phyi ba
- 107b
med pa dang // rang byung ye shes rang rig mi 'phyi gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med spros pa med pa dang // rang byung ye shes rang rig ma spros gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med nangs pa med pa dang // rang byung ye shes rang rig ma nangs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rigs pa med pa dang // rang byung ye shes rang rig mi rigs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med brgyud nyid med pa dang // rang byung ye shes rang rig mi brgyud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med tshul nyid med pa dang // rang byung ye shes rang rig mi tshul gnyis// dbyer med gcig ste nam mkha' nyid kyi ngang // gcig dang tha da dag las grol bar gnas// chos sku rig med 'dra ba med pa dang // rang byung ye shes rang rig mi 'dra gnyis// dbyer med gcig ste nam mkha' nyid kyi ngang // gcig dang tha dad dag las grol bar
- 108a
gnas// chos sku rig med gcig pa med pa dang // rang byung ye shes rang rig mi gcig gnyis// dbyer med gcig ste nam mkha' nyid kyi ngang // gcig dang za dad dag las grol bar gnas// chos sku rig med bskyed pa med pa dang // rang byung ye shes rang rig ma bskyed gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med shugs pa med pa dang // rang byung ye shes rang rig ma shugs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med btsal ba med pa dang // rang byung ye shes rang rig ma btsal gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rgyu ba med pa dang // rang byung ye shes rang rig mi rgyu gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med spyod pa med pa dang // rang byung ye shes rang rig mi spyod gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med g.yor du med pa dang // rang byung ye shes rang rig mi g.yor gnyis// dbyer med gcig ste nam mkha' nyid
- 108b
kyi ngang // gcig dang tha dad dag las grol bar gnas// chos sku rig med bza' ba med pa dang // rang byung ye shes rang rig mi bza' gnyis// dbyer med gcig ste nam mkha' nyid kyi ngang // gcig dang tha da dag las grol bar gnas// chos sku rig med slob pa med pa dang // rang byung ye shes rang rig mi slob gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gdams pa med pa dang // rang byung ye shes rang rig ma gdams gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med phyin pa med pa dang // rang byung ye shes rang rig ma phyin gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'dod pa med pa dang // rang byung ye shes rang rig mi 'dod gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med len pa med pa dang // rang byung ye shes rang rig mi len gnyis// dbyer med gcig ste nam mkha' nyid kyi ngang // gcig dang za dad dag las grol bar gnas// chos sku rig med gtong ba med pa dang // rang byung ye shes rang rig mi gtong
- 109a
gnyis// dbyer med gcig ste nam mkha' nyid kyi dang // gcig dang tha dad dag las grol bar gnas// chos sgra rig med bzod pa med pa dang // rang byung ye shes rang rig mi bzod gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bsrun pa med pa dang // rang byung ye shes rang rig mi bsrun gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dam pa med pa dang // rang byung ye shes rang rig mi dam gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med tshig pa med pa dang // rang byung ye shes rang rig ma tshig gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med nyams pa med pa dang // rang byung ye shes rang rig ma nyams gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med shor ba med pa dang // rang byung ye shes rang rig ma shor gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med
- 109b
'pham pa med pa dang // rang byung ye shes rang rig mi 'pham gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rgyal ba med pa dang // rang byung ye shes rang rig ma rgyal gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med brnyas pa med pa dang // rang byung ye shes rang rig ma brnyas gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dga' ba med pa dang // rang byung ye shes rang rig mi dga' gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bsags pa med pa dang // rang byung ye shes rang rig ma bsags gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bsogs pa med pa dang // rang byung ye shes rang rig ma bsogs gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med dbyer ba med pa dang // rang byung ye shes rang rig mi dbye gnyis// dbyer med gcig ste nam mkha' nyid kyi ngang // gcig dang tha dad
- 110a
dag las grol bar gnas// chos sku rig med 'dzad pa med pa dang // rang byung ye shes rang rig mi 'dzad gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bde ba med pa dang // rang byung ye shes rang rig mi bde gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sdug pa med pa dang // rang byung ye shes rang rig mi sdug gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dran pa med pa dang // rang byung ye shes rang rig ma dran gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med myos pa med pa dang // rang byung ye shes rang rig ma myos gnyis// dbyer med gcig ste nam mkha' nyid kyi dang // gcig dang tha dad dag las grol bar gnas// chos sku rig med dma' ba med pa dang // rang byung ye shes rang rig mi dma' gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med mtho ba med pa dang // rang byung ye shes rang rig mi mtho gnyis// dbyer med gcig ste
- 110b
nam mkha' nyid kyi ngang // gcig dang za dad dag las grol bar gnas// chos sku rig med ring ba med pa dang // rang byung ye shes rang rig mi ring gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med thung ba med pa dang // rang byung ye shes rang rig mi zung gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med phan pa med pa dang // rang byung ye shes rang rig mi phan gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gnod pa med pa dang // rang byung ye shes rang rig mi gnod gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med mgon nyid med pa dang // rang byung ye shes rang rig mi mgon gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bskyabs pa med pa dang // rang byung ye shes rang rig ma bskyabs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med phyogs gnyis med pa dang // rang byung ye shes rang rig mi
- 111a
phyogs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ris nyid med pa dang // rang byung ye shes rang rig mi ris gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med lhung ba med pa dang // rang byung ye shes rang rig mi lhung gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ltung ba med pa dang // rang byung ye shes rang rig ma lhung gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med brkyang ba med pa dang // rang byung ye shes rang rig ma brkyang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bskum pa med pa dang // rang byung ye shes rang rig ma bskum gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med phyar ba med pa dang // rang byung ye shes rang rig ma phyar gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med
- 111b
brgyab pa med pa dang // rang byung ye shes rang rig ma brgya pa gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'gul ba med pa dang // rang byung ye shes rang rig mi 'gul gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ldeg pa med pa dang // rang byung ye shes rang rig mi ldeg gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bskor ba med pa dang // rang byung ye shes rang rig ma bskor gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'phyo ba med pa dang // rang byung ye shes rang rig mi 'phyo gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dad pa med pa dang // rang byung ye shes rang rig mi dad gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med stobs nyid med pa dang // rang byung ye shes rang rig mi stobs gnyis// dbyer med gcig ste nam mkha' nyid kyi ngang // gcig dang tha
- 112a
dad dag las grol bar gnas// chos sku rig med sbubs pa med pa dang // rang byung ye shes rang rig ma sbubs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med thul ba med pa dang // rang byung ye shes rang rig ma thul gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med byin pa med pa dang // rang byung ye shes rang rig mi byin gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rnyed pa med pa dang // rang byung ye shes rang rig ma rnyed gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med phul ba med pa dang // rang byung ye shes rang ga ma phul gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med blangs pa med pa dang // rang byung ye shes rang rig ma blangs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med drang ba med pa dang // rang byung ye shes rang rig ma drang gnyis// dbyer med gcig ste
- 112b
nam mkha' nyid kyi ngang // gcig dang tha dad dag las grol bar gnas// chos sku rig med 'gyod pa med pa dang // rang byung ye shes rang rig mi 'gyod gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med nor ba med pa dang // rang byung ye shes rang rig ma nor gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bcad pa med pa dang // rang byung ye shes rang rig ma bcad gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rgyun nyid med pa dang // rang byung ye shes rang rig mi rgyun gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bri ba med pa dang // rang byung ye shes rang rig ma bri gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med tshim pa med pa dang // rang byung ye shes rang rig ma tshim gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'dris pa med pa dang // rang byung ye shes rang rig ma 'dris
- 113a
gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med mngon pa med pa dang // rang byung ye shes rang rig mi mngon gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med smos pa med pa dang // rang byung ye shes rang rig mi smos gnyis// dbyer med gcig ste/ nam mkha' nyid kyi dang // gcig dang tha dad dag las grol bar gnas// chos sku rig med sbed pa med pa dang // rang byung ye shes rang rig mi sbed gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med sbas pa med pa dang // rang byung ye shes rang rig ma sbas gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gsang ba med pa dang // rang byung ye shes rang rig mi gsang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bsngags pa med pa dang // rang byung ye shes rang rig mi bsngags gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig
- 113b
med gzungs pa med pa dang // rang byung ye shes rang rig ma gzungs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bzlas pa med pa dang // rang byung ye shes rang rig ma bzlas gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'phangs pa med pa dang // rang byung ye shes rang rig ma 'phangs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sbyin pa med pa dang // rang byung ye shes rang rig mi sbyin gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med brtson pa med pa dang // rang byung ye shes rang rig mi brtson gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med song ba med pa dang // rang byung ye shes rang rig ma song gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med lci ba med pa dang // rang byung ye shes rang rig mi lci gnyis// dbyer med gcig ste nam mkha' nyid kyi ngang // gcig dang tha dad dag
- 114a
las grol bar gnas// chos sku rig med yang ba med pa dang // rang byung ye shes rang rig mi yang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med btsang ba med pa dang // rang byung ye shes rang rig ma btsang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gcag pa med pa dang // rang byung ye shes rang rig ma gcag gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med smon pa med pa dang // rang byung ye shes rang rig mi smon gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rgud pa med pa dang // rang byung ye shes rang rig mi rgud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'gyur ba med pa dang // rang byung ye shes rang rig ma 'gyur gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bsgyur ba med pa dang // rang byung ye shes rang rig ma bsgyur gnyis// dbyer med gcig ste nam mkha' nyid
- 114b
kyi ngang // gcig dang tha dad dag las grol bar gnas// chos sku rig med dkris pa med pa dang // rang byung ye shes rang rig ma dkris gnyis// dbyer med gcig ste nam mkha' nyid kyi ngang // gcig dang tha da dag las grol bar gnas// chos sku rig med nyes pa med pa dang // rang byung ye shes rang rig ma nyes gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rgyu nyid med pa dang // rang byung ye shes rang rig mi rgyu gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'das pa med pa dang // rang byung ye shes rang rig ma 'das gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med nyal ba med pa dang // rang byung ye shes rang rig ma nyal gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ldang ba med pa dang // rang byung ye shes rang rig mi ldang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'degs pa med pa dang // rang byung ye shes rang rig mi 'degs gnyis// dbyer med
- 115a
gcig ste nam mkha' nyid kyi ngang // gcig dang tha dad dag las grol bar gnas// chos sku rig med gtad pa med pa dang // rang byung ye shes rang rig ma gtad gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dar ba med pa dang // rang byung ye shes rang rig ma dar gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med rgud pa med pa dang // rang byung ye shes rang rig mi rgud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med chud pa med pa dang // rang byung ye shes rang rig ma chud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dkrugs pa med pa dang // rang byung ye shes rang rig ma dkrugs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rdzun pa med pa dang // rang byung ye shes rang rig mi rdzun gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'dres pa med pa dang // rang byung ye
- 115b
shes rang rig ma 'dres gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bgrang ba med pa dang // rang byung ye shes rang rig mi bgrang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med bdal ba med pa dang // rang byung ye shes rang rig ma bad la gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med grang ba med pa dang // rang byung ye shes rang rig mi grang gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med tsha ba med pa dang // rang byung ye shes rang rig mi tsha gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gsher ba med pa dang // rang byung ye shes rang rig mi gsher gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'byar ba med pa dang // rang byung ye shes rang rig mi 'byar gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med
- 116a
sdud pa med pa dang // rang byung ye shes rang rig mi sdud gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med brlan pa med pa dang // rang byung ye shes rang rig mi brlan gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med lus pa med pa dang // rang byung ye shes rang rig ma lus gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med brjed pa med pa dang // rang byung ye shes rang rig ma brjed gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med mthong ba med pa dang // rang byung ye shes rang rig mi mthong gnyis// dbyer med gcig ste nam mkha' nyid kyi ngang // gcig dang tha dad las grol bar gnas// chos sku rig med nyan pa med pa dang // rang byung ye shes rang rig mi nyan gnyis// dbyer med gcig ste nam mkha' nyid kyi ngadang // gcig dang tha dad dag las grol bar gnas// chos sku rig med snom pa med pa dang // rang byung ye shes rang rig mi snom gnyis// dbyer med gcig ste nam mkha' nyid kyi ngang // gcig dang tha dad dag
- 116b
las grol bar gnas// chos sku rig med myang ba med pa dang // rang byung ye shes rang rig mi myang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med reg pa med pa dang // rang byung ye shes rang ri mi reg gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'chos pa med pa dang // rang byung ye shes rang rig ma 'chos gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gong na med pa dang // rang byung ye shes rang rig mi gong gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med btags pa med pa dang // rang byung ye shes rang rig ma btags gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med dkar ba med pa dang // rang byung ye shes rang rig mi dkar gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med sngo ba med pa dang // rang byung ye shes rang rig mi sngo gnyis// dbyer med gcig ste nam mkha' nyid kyi
- 117a
dang // gcig dang tha dad dag las grol bar gnas// chos sku rig med dmar ba med pa dang // rang byung ye shes rang rig mi dmar gnyis// dbyer med gcig ste nam mkha' nyid kyi dang // gcig dang tha dad dag las grol bar gnas// chos sku rig med ser ba med pa dang // rang byung ye shes rang rig mi ser gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med ldang ba med pa dang // rang byung ye shes rang rig mi ldang gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med gnag pa med pa dang // rang byung ye shes rang rig mi gnag gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med 'du ba med pa dang // rang byung ye shes rang rig mi 'du gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rig med rdzogs pa med pa dang // rang byung ye shes rang rig mi rdzogs gnyis// dbyer med gcig ste nam mkha' nyid kyi ngang // gcig dang tha dad dag las grol bar gnas// chos sku rang byung ye shes dbyer med snang // gnyis med rang snang ming dang tshig
- 117b
btags pa'o// rin po che rgyas pa chen po'i mdo las// chos kyi sku dang rang byung ye shes gnyis// dbyer med rang snang ba'i le'u ste lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// dngos po mtshan ma rnams kyi gzhi nyid dang // chos rnams thams cad 'byung ba'i rtsa ba gang // gang las byung dang ji ltar 'byung ba'i grangs// 'byung ba'i rtsal rnams ji ltar snang ba dang // snang ba'i chos la ming rnams ji ltar btags// brtas pa'i snod bcud mtshan ma ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rig pa rang bzhin skye ba med pa dang // rang byung ye shes rang rig ma skyes gnyis// gcig dang tha dad dag las grol bar gnas// dngos po mtshan ma kun gyi gzhi nyid de// gzhi rtsa med pa'i chos nyid chos dbyings 'di// chos rnams thams cad 'byung ba'i rtsa ba yin// rang byung ye shes yan lag zer phra mo// g.yo mi g.yo las phra rab zer g.yos pas// zer gyi rang bzhin ma 'gags dbyer med dang // dbyer med ngang las byung ba'i ye shes 'byung // 'byung ba'i ye shes yan lag drug 'byung ste// gang las gang dang tshad ci gang gis sgo// ji ltar byung nas 'byung ba cir 'byung ba'o// cir 'byung de ni rtsal shugs lngar 'byung ste// rig
- 118a
med rig ma skyes dang rig skyes pa// rtog lngar rigs mthun so so mos mthun pa'i// log ming brtas pa bzhi po de rnams kyang // yan lag rtsal te dbyer med gcig tu snang // rang bzhin ye shes cha shas yan lag zer// sngar g.yos ma myong yid tsam zer g.yos pas// rang byung ye shes yan lag rtsal gyi rnam pa las// kun tshol rnam gcod gtan la nges 'bebs pa'i// so so'i rigs mthun mos mthun log pa'i ming // btags pa'i bag chags brten pa brtas pa yin// rtas pa'i dngos po snod bcud gnyis snang ste// ye shes sems dpa' snod kyi dngos snang ste// nam mkha' sa chu me rlung yul la sogs// rig med rig ma skyes pa'i rtsal snang yin// bde gshegs sems can bcud kyi dngos snang ba// longs spyod rdzogs sku 'gro drug sems can dngos// rig ma skyes dang rig skyes rtsal snang yin// snod bcud gnyis med snang ba'i mtshan ma la// yan lag rtsal gyi 'khor lo gsum g.yos te// rtsal gyi chos rnams dag la ming btags pas// btags pa'i bag chags zhen pa so sor brtas// brtas pa'i khyad par theg pa so sor byung // byung ba'i 'bras bu so sor thob pa yin// rin po che rgyas pa chen po'i mdo las// chos thams cad kyi gzhi dang chos rnams 'byung ba'i rtsal ba'i le'u ste drug pa'o// // sdud pa'i gsang
- 118b
bdag rdo rje sems dpa' yis// ston pa'i ston pa kun tu bzang po la// rang bzhin lhun grub dngos grub dngos po ming med la// dngos po 'khor snang ming snang ji lta bu// ston pa'i ston pa kun tu bzang po des// sdud pa'i gsang dbang rdo rje sems dpa' la// rang bzhin rtsal gyi yan lag grangs med do// dngos po 'khor bar snang dang mi snang ni// phyi nang snod bcud dngos med dngos snang dang // 'byung ba lnga po dngos med dngos snang dang // nyon mongs rnam lnga dngos med dngos snang dang // dbang po rnam lnga dngos med dngos snang dang // 'dod yon lnga po dngos med dngos snang dang // phung lnga dngos med dngos por snang ba dang / kha dog rnam lnga dngos med dngos snang dang // dbyibs kyi bye brag dngos med dngos snang dang // pho mo ma ning dngos med dngos snang dang // phyogs mtshams dngos med dngos por snang ba dang // nyin mtshan dngos med dngos por snang ba dang // nyi zla gza' skar dngos med dngos snang dang // 'gro ba rigs drug dngos med dngos snang dang // ri rab gling bzhi dngos med dngos snang dang // rin chen sna lnga dngos med dngos snang dang // rtsi shing nags tshal dngos med dngos snang dang // longs spyod sna tshogs dngos med dngos snang dang // yan lag rtsal rnams dngos por byung ba la// rtsal gyis ming btags bag chags brtas
- 119a
pa yi// dngos snang mi snang 'khor bar snang ba'o// rin po che rgyas pa chen po'i mdo las// dngos po 'khor bar snang ba dang // dngos po ming btags pa snang ba'i le'u ste bdun pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// rang bzhin lhun grub nam mkha'i mtshan nyid de// phyi nang snod bcud dngos por snang ba dang // phyi nang snod bcud dbyer med ming btags 'di// gang gis gang la ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub dngos po mtshan med de// rang byung rtsal gyi yan lag grangs med pa// mngon bsdus yan lag lnga po 'di 'byung bas// lnga po dag la phyi nang snod bcud dang // phyi nang snod bcud ming dang dbyer med ming // lnga po dag las 'di ltar 'byung ba ste// rig med rig ma skyes pa'i yan lag la// phyi nang snod bcud dngos po ming med de// rang byung rtsal gyi yan lag rig skyes te// 'khor lo gsum du yid g.yos rtog langs pas// so sor rigs mthun mos mthun log pa'i ming // phyi nang snod bcud ming btags zhe na brtas pas// ming gis bsgribs nas phyi dang snod snang ste// snang bas rang yang phyi dang snod snang ba'o// rig ma skyes dang rig skyes yan lag
- 119b
la// nang dang bcud kyi dngos po ming med de// yan lag rig skyes sngar rtog ma myong bas// rig skyes dbang gis 'khor lo gsum g.yos te// so so rang rang rigs mthun mos mthun pa'o// nang dang bcud kyi ming btags zhen brtas pa// ming gis bsgribs nas nang dang bcud snang ste// snang bas rang yang bcud dang nang snang ba'o// rig med rig ma skyes pa'i dbyer med la// phyi dang snod bcud gnyis med ming med de// rtsal gyi yan lag rig par skyes pa ste// 'khor lo gsum du yid g.yos rtog skyes pas// so so rigs mthun mos pa mthun pa'i ming // phyi nang snod bcud dbyer med ming btags pa// zhen pa'i bag chags brtas nas ming snang bas// ming gis bsgribs nas dbyer med snang ba ste// snang bas rang yang dbyer med snang ba'o// rin po che rgyas pa chen po'i mdo las// phyi nang snod bcud dngos por snang ba dang // phyi nang snod bcud dngos por dbyer med snang ba'i ming btags pa snang ba'i le'u ste brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// 'byung ba rnam lnga dngos po mtshan ma yi// 'khrul pa'i gzhi dang 'khrul pa 'dra ba'i gzhi/ 'dra gzhi de la dngos po mtshan ma yi// gang gis ming btags 'byung ba ji lta bu// ston pa'i ston pa kun tu bzang po yis// sdud
- 120a
pa'i gsang bdag rdo rje sems dpa' la// rang bzhin lhun grub nam mkha' ming med 'di// chos sku rang byung ye shes dbyer med de// dngos po mtshan mar 'khrul pa'i kun gzhi yin// rang byung rtsal gyi yan lag g.yos pa de// dngos po mtshan mar 'khrul pa'i 'dra gzhi ste// 'khrul pa'i 'dra gzhi la yang rnam pa gsum// 'byung ba rang yang 'khrul pa'i 'dra gzhi dang // byung bas byas pas byung ba'i 'dra gzhi dang // rigs mthun mos mthun ming gi 'dra gzhi'o// byung ba rang yang 'khrul pa'i 'dra gzhi ni// rang byung yan lag grangs med byung ba la// 'dra mthun rigs mthun 'dra ba 'dus pa ste// rgyu rkyen dus dang mi 'gags 'khrul pa'o// byung bas byas pas byung ba'i 'dra gzhi ni// ji ltar rang gis gang ltar 'dod pa bzhin// snying po'i nang du de ltar byung ba'o// rigs mthun mos mthun ming gi 'dra gzhi ni// 'dra gzhi de la 'khor lo rnam gsum gyis// ming gi yan lag rang rang rigs mthun pa'i// 'dra mthun rigs mthun ming btags 'dra ba'o// rigs mthun dag la 'byung ba rnam lnga yi// ming gi bag chags brtas nas snang ba ste// nam mkha' 'dra mthun rigs mthun ming med la// nam mkha' rigs mthun ming btags snang ba ni// rang byung snying po yan lag rang gsal la// sang sang ming dang seng seng gsal ba dang // gdangs
- 120b
stong go 'byed 'dug snyam nam mkhar gzung // bzung bas rang la nam mkhar rang snang ba'o// sa yi rigs mthun ming btags snang ba ni// rang byung yan lag 'gyur med mi 'gyur la// brtas 'thas mkhrang dang sra ba brtan pa dang // 'degs 'dug sa yin snyam gzung sar snang bas// snang bas rang yang 'byung ba sar snang ba'o// chu yi rigs mthun ming btags snang ba yang // rang byung yan lag g.yo med mi g.yo la// ldem mer brlan dang sbrengs dang gsher ba yi// sdud 'dug chu yin snyam gzung chur snang bas// snang bas rang la 'byung ba chur snang ba'o// me yi rigs mthun ming btags snang ba ni// rang byung rtsal gyi yan/ lag snying po'o// rgya chad med dang rgya ma chad pa la// phrad dro tsha dang 'tshig sreg smin byed dang // me yin snyam nas mer gzung mer snang bas// snang bas rang la 'byung ba mer snang ba'o// rlung gi rigs mthun ming btags snang ba ni// rang byung yan lag 'gag med mi 'gags la// yang g.yo ldang dang 'gul ba ldeg pa dang // skyod par byed pa rlung yin rlung gzung bas// bzung bas rang la byung ba rlung snang ba'o// de ltar 'byung lnga dngos po snang ba yi// 'dra mthun rigs mthun 'dra 'dus ming med la// yan lag rigs mthun mos mthun ming btags pas// rang la 'byung lnga'i mtshan mar dngos por snang // snang ba'i yan lag
- 121a
dngos por snang ba'o// rin po che rgyas pa chen po'i mdo las/ 'byung ba rnam pa lnga dngos por snang ba dang / 'byung ba lnga'i ming btags pa snang ba'i le'u ste dgu pa'o// // sdud pa'i gas bdag rdo rje sems dpa' yis// ston pa'i ston pa kun tu bzang po la// rang byung ye shes rtsal gyi yan lag la// nyon mongs lnga dang 'dod yon rnam pa lnga'i// 'dra mthun ming med bag chags rtag snang la// 'dra mthun ming btags brtas snang ji lta bu// ston pa'i ston pa kun tu bzang po yis// sdud pa'i gsang dbang rdo rje sems dpa' la// yan lag rig med rig ma skyes pa de// chos nyid ngang gis ldem mer gnas pa la// rtsal gyi yan lag rig par skyes pa de// chos nyid ngang gis ldem mer dang song bas// song ba'i dbang gis chos nyid dga' ba skyes// rig par dang gnas shugs kyi slar langs pas// chos nyid ldem mer mer re dang gnas la// 'khor lo gsum gyi yid g.yos mor mthong bas// mthong bas mor snang mor 'gribs mo ru byung // rang gi rig pa phor gzung phor snang phor byung ste// de nas yan lag rig pa skyes pa ste// chos nyid ldem me mer re dang song bas// chos nyid mi rtog dga' ba'i bde ba de// pho mor gzung ba'i rig pas bde myong bas// pho mo'i 'dod chags spyod pa yin snyam sems// de nas rig pa slar la
- 121b
langs pa des// 'dod pa'i chags pa zin pa yin par mthong // de ltar 'dod pa'i chags pas 'dod chags su// gzung ba'i ming gis 'dod chags brtas snang ba'o// de yi ngang las rang byung yan lag gi// chos sku ye shes gnyis med gnas pa la// yan lag rigs skyes 'khor lo gsum g.yos pas// rang 'byung rig ma skyes pa'i rig pa de// pho gzhan mthong ste phor gzung phor snang des// gnyis med mi rtog dga' ba'i bde ba de// des spyad snyam nas de la zhe sdang skye// skyes pa'i bag chags zhe sdang brtas snang ba'o// de nas rang gi log rtog 'grib ma des// cung zad snying po'i ming gis bsgribs pa yis// bsgribs pas mnyam por mthong bas phrag dogs skyes// skyes pa'i bag chags phrag dogs brtas snang ba'o// de nas rang yang ming gi grib ma de// yan lag rtsal de shin tu 'gribs pa yi// gzhan pas bdag dbang che/ snyam nga rgyal skyes// skyes pa'i bag chags nga rgyal brtas snang ba'o// de ltar yan lag rtsal gyi rig pa des// log par rig pa'i bag chags brtas pa la// log par rig pa'i ming gi bag chags brtas// brtas pa'i bag chags ma rig 'khrul snang ba'o// de ltar nyon mongs rnam lnga'i bag chags de// yan lag rig skyes rang la bag chags bsgom// bsgoms pa'i bag chags nyon mongs snang ba'o// yan lag 'dod
- 122a
yon lnga yi rigs mthun dang // 'dra mthun 'dus pa'i 'dod yon ming med la// yan lag rtog skyes rigs mthun ming btags pa// nam mkha' gsal la drangs pa gzugs su 'dug/ lta ba'i yul yin snyam ste gzugs su gzung // bzung bas ming gi grib mas gzugs su snang // de nas rang gi log rtog skyes pa des// me la tsha ba dang dro ba smin pa de// mnyan pa'i yul yin snyam ste sgra ru gzung // bzung bas ming gi grib mas sgra ru snang // de nas rang gi log rtog yang skyes pas// chu la brlan dang gsher ba sbrengs pa 'di// ror 'dug myang rgyur 'dug snyam ro ru gzung // gzung bas ming gi bag/ chags ror snang ba'o// de nas rang gi log rtog yang skyes pas// rlung la yang zhing g.yo ba bskyed pa 'di// drir 'dug snom pa'i yul yin dri ru gzung // gzung bas ming gi grib mas drir snang ba'o// de nas rang gi rnam rtog yang skyes pas// sa la sra zhing brtags la 'degs pa 'di// 'jam rtsub 'dug snyam reg bya'i yul du gzung // gzung bas ming gi bag chags reg byar snang // de ltar 'dod yon rnam lnga'i bag chags de// snying po nyid dang yan lag sems la chags// chags pa'i bag chags 'dod yon lngar snang ba'o// rin po che rgyas pa chen po'i mdo las/ yan lag 'dra 'thun lnga'i rtsal snang ba la nyon mongs pa lnga'i
- 122b
ming dang 'dod pa'i yon tan lnga'i ming btags pa snang ba'i le'u ste bcu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// phung po lnga dang rten 'brel las byung ba'i// gzugs kyi khyad par dbyibs su snang ba dang // phyogs mtshams kha dog mtshan ma sna tshogs dang // khams gsum 'gro drug rigs mthun 'di// 'dra mthun mos mthun ming gi bag chags ji lta/ bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rtsal gyi rig med rig ma skyes pa la// yul lnga'i bag chags brtas nas snang ba yis// rang byung yan lag rig par skyes pa des// yul lnga de la rig pas reg pa yis// reg pas tshor te nyams su myong ba de// tshor ba yin snyam tshor ba yin par gzung // bzung bas ming gi bag chags tshor bar snang // rang gi yan lag tshor bar snang ba des// de la 'dod pa skyes te che chung ngu// mthong bas 'du shes yin snyam 'du shes su// bzung bas ming gi bag chags 'du shes snang // snang ba de la blang ba'i shes pa skyes// rnam pa sna tshogs 'du bar spyod skyes pas// 'du zhing byed 'dug snyam de 'du byed du// bzung bas ming gi bag chags 'du byed snang // snang ba kun la dbang byed bdag tu snang // 'di yin snyam ste yid du gzung ba yis// bzung bas
- 123a
ming gi bag chags yid du snang // snang ba'i 'od rnams kha dog gcig tu 'dus// 'dus pa'i bag chags brtas pas gzugs su gzung // gzung bas ming gi bag chags gzugs su snang // snang ba de la gcig tu 'dus pa la// phung po lnga yi ming btags brtas pa las// pho mo'i cha gzung 'od kyi gzugs su byung // rang rang bag chags ji ltar brtas mthong ste// rang rang lus la bzang dang ngan par mthong // la las cher mthong la las chung bar mthong // la las ring mthong la las thung bar mthong // la las zlum mthong la las sprad par mthong // mthong ba'i dbang gis rang rang lus su byung // byung ba'i rkyen gyis blang dang len par mthong // mthong ba'i rkyen gyis blang dang len pa byas// len pa'i dbang gis 'dod cing chags tshul spyad// spyad pa'i rkyen gyis rang byung yan lag gi/ rig pa gzhan rig 'khrul nas de byung ste// de byung de yang gong bzhin brtas pa de// srid pa spyad las 'byung snyam bur gzung skyes// skyes pa'i rkyen gyis bur gzung 'khrul pa de// chos nyid brlan gyis myal myal song ba la// skyes pa de rgas snyam nas rgas par gzung // bzung bas ming gi grib mas rgyas par snang // chos nyid ngang las thabs gcig ldan song bas// shi ba yin snyam shi ba yin par gzung // bzung bas ming gi grib mas shi bar snang // de
- 123b
ltar yan lag chos nyid dang song bas// na ba 'chi dang gnyid dang nyi ma nub// sa srod pa yi rnam par mthong bar snang // yan lag shes pa slar yang langs pa de// skyes dang gnyid sad nam langs nyi shar mthong // yan lag rtsal gyi 'byung ba'i 'od snang dang // rtsal gyi yan lag rig par skyes pa de// rang gsal mi rtog ngang song nub tu gzung // bzung bas ming gi bag chags nub tu snang // rtsal gyi yan lag byung ba shar du gzung // bzung bas ming gi grib mas shar du snang // yan lag rgya ma chad pa lho ru gzung // bzung bas ming gi grib mas lho ru snang // yan lag g.yo med mi g.yo byang du gzung // bzung bas ming gi bag chags byang du snang // yan lag 'gyur med mi 'gyur dbus mtshams gzung // bzung bas ming gi bag chags grib mas dbus mtshams snang // de ltar ming brtas phyogs dang ris su snang // yan lag rigs mthun 'dra mthun 'dus pa la// kha dog rnams kyi ming med ming btags pa// de nas yan lag log rtog yang skyes pas// yan lag rang gsal kha dog dkar por gzung // bzung ba'i ming gi grib mas dkar por snang // yan lag rang gsal mi g.yo sngon por gzung // bzung bas ming gi bag chags sngon por snang // yan lag rgya ma chad pas dmar por gzung // bzung bas ming gi bag chags dmar por
- 124a
snang // yan lag mi 'gyur gsal ba ser por gzung // bzung bas ming gi bag chags ser por snang // yan lag g.yo zhing 'gul ba ljang khur gzung // bzung bas ming gi grib mas ljang khur snang // de ltar yan lag bag chags brtas snang la// la la gnod mthong la la byams par mthong // mthong bas ming gi bag chags gnod byams snang // bzang mthong de la zhe sdang chags pa skyes// ngan mthong de la nga rgyal dregs pa skyes// mnyam mthong 'dra ba de la phrag dogs skyes// skyes pa'i bag chags bzang ngan mthong ba de// dge sdig spyad pa'i dbang las byung bar gzung // bzung ba'i grib ma dge sdig gnyis su snang // de ltar rang gi bag chags sna tshogs pas// rang byung chos sku gsal gdangs ngang nyid du// so sor rang rang gsal bar mthong bar snang // de ltar gzugs brnyan kha mig rna la sogs// mtshan dang dpe byad rgyan dang ldan pa yin// 'od kyi rang bzhin longs spyod rdzogs skur gzung // sku yi longs spyod 'od kyi 'dod yon spyod// rang byung rtsal gyi yan lag g.yos pa la// rtsal gyi yan lag 'khor lo gsum skyes pas// yod min med min sems kyi rigs mthun gzung // gzung ba'i rigs mthun sems can skyes shing mched// skyes shing mched pa'i sems can de rnams la// yod min med min skye mched ming du
- 124b
gzung // bzung ba'i bag chags yod min med min snang // rtsal gyi yan lag gzugs su med pa la// rtsal gyi yan lag 'khor lo gsum skyes des// ci yang med pa'i sems kyi rigs mthun gzung // bzung ba'i rigs mthun sems can skyes shing mched// skyes shing mched pa'i sems can de rnams la// ci yang med pa'i skye mched ming du btags// btags pa'i bag chags ci med skye mched snang // rtsal gyi yan lag rig par skyes pa la// rtsal gyi yan lag 'khor lo gsum skyes pas// rnam shes mtha' yas sems kyi rigs mthun gzung // bzung bas rigs mthun sems can skye zhing mched// skye zhing mched pa'i sems can de rnams la// rnam shes mtha' yas skye mched ming du btags// btags pa'i bag chags rnam shes mtha' yas snang // rtsal gyi yan lag stong par snang ba la// rtsal gyi yan lag 'khor lo gsum skyes pas// nam mkha' mtha' yas sems can rigs mthun gzung // bzung ba'i rigs mthun sems can skye shi mched// skye shi mched pa'i sems can de rnams la// nam mkha' mtha' yas skye mched ming du btags// btags pa'i bag chags nam mkha' mtha' yas snang // gzugs med khams kyi skye mched mu bzhi yi// snod bcud bag chags de ltar brtas snang ba'o// rtsal gyi yan lag 'od gzugs brtas pa
- 125a
la// rtsal gyi yan lag rtags par skyes pa yi// 'og min gzugs kyi rigs mthun gzugs su gzung // bzung ba'i bag chags 'og min gzugs snang ba'o// rtsal gyi yan lag 'od gzugs pa rtas pa la// rtsal gyi yan lag 'khor lo gsum skyes pas// gya nom snang ba'i 'od gzugs rigs su gzung // bzung ba'i bag chags gya nom snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// shin tu mthong ba'i 'od gzugs rigs su gzung // gzung ba'i bag chags shin tu mthong snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// mi gdung gzugs kyi rigs mthun gzugs su gzung // gzung ba'i bag chags mi gdung gzugs snang ba'o// rtsal gyi yan lag 'od gzugs brtas pa las// rtsal gyi yan lag 'khor lo gsum skyes pas// mi che'i gzugs kyi rigs mthun gzugs su gzung // gzung ba'i bag chags mi che'i gzugs su snang // gzugs khams rigs lnga'i bag chags brtas snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// 'bras bu che ba'i 'od gzugs rigs su gzung // gzung ba'i bag chags 'bras bu che snang ba'o// rtsal gyi yan lag 'od
- 125b
gzugs brtas pa la// rtsal gyi yan lag 'khor lo gsum skyes pas// bsod nams skye ba'i 'od gzugs rigs su gzung // gzung ba'i bag chags bsod nams skyes snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// sprin med gzugs kyi rigs mthun gzugs su gzung // gzung ba'i bag chags sprin med gzugs su snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// dge rgyas gzugs kyi rigs mthun gzugs su gzung // gzung ba'i bag chags dge rgyas gzugs su snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// tshad med dge ba'i rigs mthun gzugs su gzung // bzung ba'i bag chags tshad med dge gzugs snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// dge chung gzugs kyi rigs mthun gzugs su gzung // gzung ba'i bag chags dge chung gzugs su snang // rtsal gyi yan lag 'khor lo gsum skyes pas// 'od gsal gzugs kyi rigs mthun gzugs su gzung // gzung ba'i bag chags 'od gsal gzugs su snang ba'o// rtsal gyi yan lag 'od gzugs brtas pa la// rtsal gyi yan lag
- 126a
'khor lo gsum skyes pas// tshad med 'od kyi rigs mthun gzugs su gzung // gzung ba'i bag chags tshad med gzugs su snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// 'od chung gzugs kyi rigs mthun gzugs su gzung // gzung ba'i bag chags 'od chung gzugs su snang // rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// tshangs chen gzugs kyi rigs mthun gzugs su gzung // gzung ba'i bag chags tshangs chen gzugs su snang ba'o// rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// tshangs pa mdun na 'don pa'i gzugs su gzung // gzung ba'i bag chags mdun na 'don du snang // rtsal gyi yan lag 'od gzugs brtas pa la// rtsal gyi yan lag 'khor lo gsum skyes pas// tshangs ris gzugs kyi rigs mthun gzugs su gzung // gzung ba'i bag chags tshangs ris gzugs su snang // bsam gtan dang po'i bag chags brtas nas snang // de ltar gzugs khams gnas ris bcu bdun gyi// snod bcud bag chags brtas snang ba'o// rang byung yan lag dngos po brtas pa la// rtsal gyi yan lag rtog par yang skyes pas// gzhan 'phrul dbang byed rigs kyi
- 126b
gzugs su gzung // gzung ba'i bag chags gzhan 'phrul dbang byed gzugs su snang // rang byung yan lag dngos por brtas pa la// rtsal gyi yan lag rtog par yang skyes pas// 'phrul dga' ris kyi gzugs mthun gzugs su gzung // gzung ba'i bag chags 'phrul dga'i gzugs su snang // rang byung yan lag dngos por brtas pa la// rtsal gyi yan lag rtog par yang skyes pas// dga' ldan rigs kyi gzugs mthun gzugs su gzung // gzung ba'i bag chags dga' ldan gzugs su snang // rang byung yan lag dngos por brtas pa la// rtsal gyi yan lag rtog par yang skyes pas// 'thab bral ris kyi gzugs mthun gzugs su gzung // gzung ba'i bag chags 'thab bral gzugs su snang // rang byung yan lag dngos por brtas pa la// rtsal gyi yan lag rtog par yang skyes pas// sum cu rtsa gsum rigs kyi gzugs su gzung // bzung bas sum cu rtsa gsum gzugs su snang // rang byung yan lag dngos por brtas pa la// rtsal gyi yan lag rtog par yang skyes pas// rgyal chen bzhi yi rigs kyi gzugs su gzung/ bzung bas rgyal chen bzhi yi gzugs su snang // de ltar 'dod khams lha yi rigs drug gi/ snod bcud bag chags dngos por brtas snang ba'o// rtsal gyi yan lag dngos por cher brtas pa// rtsal gyi yan
- 127a
lag rtog par yang skyes pas// gling dang mi rnams rigs mthun so sor gzung // gzung ba'i bag chags dngos por cher zhen pa// gling dang mi rnams rigs 'thun so sor snang // yan lag dngos por cher brtas pas// yan lag rtog pa'i dngos po yang skyes pas// dud 'gro byol song rnams kyi rigs mthun so so dang // yi dwags rnams kyi rigs mthun so sor gzung // gzung ba'i bag chags byol song yi dwags rnams// dud 'gro byol song yi dwags dngos por so sor snang // rang byung rtsal gyi yan lag dngos po de// dngos por ngan pa'i bag chags cher brtas la// rnam rtog ngan pa'i mthar phyin yang skyes pas// dmyal ba rnams kyi rigs mthun tsha grang ba// yang sos thig nag bsdus 'jom du 'bod dang // ngu 'bod che dang tsha ba rab tu tsha// mnar med pa ste tsha ba'i dmyal brgyad rigs// chu bur can dang chu bur la ba dang // a chur zer dang so yang tham tham dang // kyi hud zer ba ut+pal ltar gas dang // pad+ma ltar gas pad+ma cher gas te// dmyal ba rnams kyi rigs mthun so sor gzung // gzung ba'i bag chags tsha grang so so rnams// rang rang rigs mthun sdug bsngal so sor snang // de ltar 'dod khams gnas ris nyi shu yi// snod bcud bag chags dngos po brtas snang ste// de ltar khams gsum ming bsdus 'khrul pa
- 127b
bzhin// so sor rgyas pa grangs med 'khrul snang ba'i// rtsal gyi yan lag rtog par skyes pa des// rtsal gyi yan lag dngos por brtas pa la// brtas pa'i bde ba'i longs spyod bde bar mthong // mthong ba'i longs spyod cher chags der g.yengs pas// der g.yengs de la rten pas le lor byung // le lo sngon btang le lo gtsor bzung bas// gzung ba'i bag chags mang po mthu brtas te// brtas pa'i bag chags 'gro/ ba ltar bzung snang // rtsal gyi yan lag rnam rtog skyes pa des// rtsal gyi yan lag dngos por brtas pa la// brtas pas dngos po'i bag chags ngan par mthong // mthong bas nga bzang snyam ste nga rgyal skyes// nga rgyal sngon btang nga rgyal gtsor bzung bas// gzung ba'i bag chags mang por mthu brtas te// brtas pa'i bag chags 'gro ba lha min gzugs// rtsal gyi yan lag rnam rtog yang skyes pas// rtsal gyi yan lag dngos po byung ba la// brtas pas dngos po 'dra mthun mnyam par mthong // mthong bas de la yod snyam phrag dog skyes// phrag dogs sngon btang phrag dogs gtsor bzung bas// gzung ba'i bag chags mang po mthu brtas te// brtas pa'i bag chags 'gro ba mi gzugs snang // rtsal gyi yan lag rtog par yang skyes des// rtsal gyi yan lag dngos por brtas pa la// brtas pas shes par ma mthong ma shes mthong // ma
- 128a
shes mthong bas ma rig gti mug skyes// skyes pa'i gti mug sngon btang gtsor gzung bas// gzung ba'i bag chags mang po mthu brtas pas// brtas pa'i bag chags 'gro ba byol song snang // rtsal gyi yan lag rnam rtog yang skyes de// rtsal gyi yan lag dngos por snang ba la// brtas pas rtsal gyi dngos po longs spyod mthong // mthong bas de la 'phangs snyam ser sna skyes// skyes pa'i ser sna sngon btang gtsor bzung bas// gzung ba'i bag chags mang po mthu brtas te// brtas pa'i bag chags 'gro ba yi dwags gzugs// rtsal gyi yan lag rnam rtog yang skyes des// rtsal gyi yan lag dngos por snang ba la// brtas pas ngan skyes gnod pa byed par mthong // mthong bas de gnod snyam nas zhe sdang skyes// skyes pa'i zhe sdang sngon btang gtsor bzung bas// gzung ba'i bag chags ngan pa mthu brtas pas// 'gro ba dmyal ba'i gzugs dang snod du snang ba'o// de ltar 'jig rten khams ni grangs med na// 'gro ba rigs drug 'khrul nas de bzhin snang // snang ba'i 'dra mthun bag chags 'khrul pa'o// rin po che rgyas pa chen po'i mdo las/ khams gsum 'gro drug rigs mthun dngos por snang ba la ming gi bag chags brtas pa snang ba'i le'u ste bcu gcig pa'o// // sdud pa'i gsang bdag rdo rje sems dpa'
- 128b
yis// ston pa'i ston pa kun tu bzang po la// rang bzhin lhun grub ngo bo mtshan med la// mtshan ma theg pa'i khyad par snang ba 'di// gang la gang gis ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub mtshan ma ming med de// rang byung rtsal gyi yan lag grangs med la// yan lag rtsal gyi 'khor lo yid g.yos pas// dbang po rab 'bring tha ma'i khyad par gyis// mu stegs nyan thos rang rgyal theg pa dang // rnam rig dbu ma kri ya u pa ya// yo ga ma hA yo ga'i theg pa dang // a nu yo ga'i theg pa chen po dang // a ti yo ga'i theg pa don mtshon dang // mdor bsdus ming btags 'di rnams snang ba'o// rin po che rgyas pa chen po'i mdo las// theg pa rnams kyi ming btags snang ba'i le'u ste bcu gnyis pa'o// / sdud pa'i gsang bdag rdo rje sems dpa' yis// ston pa'i ston pa kun tu bzang po la// mu stegs mtshan ma'i theg par 'khrul pa 'di// 'khrul pa'i gzhi dang 'khrul pa'i 'dra gzhi dang // 'dra gzhi de la mu stegs theg pa yis// gang gis ming btags 'khrul pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang byung ye shes dbyer med 'di// mu stegs theg par 'khrul pa'i gzhi yang yin// rang byung
- 129a
rtsal gyi yan lag byung ba de// mu stegs theg par 'khrul pa'i 'dra gzhi'o// 'khrul pa'i 'dra gzhi la yang rnam gsum ste// byung ba rang yang 'khrul pa'i 'dra gzhi dang // byung bas byas pas byung ba'i 'dra gzhi dang // rigs mthun ming mthun ming gi 'dra gzhi'o// byung ba rang yang 'khrul pa'i 'dra gzhi ni// rang byung yan lag grangs med byung ba la// 'dra mthun rigs mthun 'dra ba 'dus pa'o// byung bas byas pas byung ba'i 'dra gzhi ni// rang gis ji ltar gang ltar 'dod pa bzhin// yan lag 'gags med ma 'gags nang du yang // de bzhin de ltar byung nas 'dra 'dus pa'o// rigs mthun ming mthun ming gi 'dra gzhi ni// 'dra gzhi de la 'khor lo rnam gsum gyis// ming gi yan lag rang rang rigs mthun pa'i// 'dra mthun rigs mthun ming btags 'dra ba yi// 'dra mthun ming mthun ming gi 'dra gzhi la// mu stegs theg pa'i ming btags snang ba ni// spyi dang khyad par gnyis su snang ba ste// spyi yi ming btags snang bar 'dod pa ni// rang byung rtsal gyi yan lag byung ba la// rtsal gyi yan lag 'khor lo rnam gsum gyis// 'byung las byung dang byung ba snang bar 'dod// khyad par ming btags mdor bsdus rnam bzhi ste// rtag chad thun mong rig byed gtsang ma lnga'o// mu stegs rtag lnga 'khrul pa snang ba ni// rang byung yan lag/
- 129b
rang rig ming med de// rang rig yid du skyes pa rnam gsum ste// dang po ci yang yid du skyes pa dang // gnyis pa yin min yid du skyes pa dang // gsum pa yin gdeng yid du skyes pa'o// dang po ci yin yid la rnam gsum ste// rtsal la ci yin yid du skyes pa dang // 'dzin pa'i yid kyang ci yin yid du skyes// ci yin yid kyi ming gi grib ma des// yul de ci yin ming gi grib mas sgribs// 'gribs pas yid kyi ci yin ming du 'gribs// gnyis pa yin min la yang rnam gsum ste// yul de yin min yid du skyes pa dang // 'dzin pa'i yid kyang yin min ming du skyes// yin min ming gi rtsal gyi grib ma des// yul de yin min ming gi grib mas 'gribs// 'gribs pas yid kyang yin min ming du 'gribs// gsum pa yin de la yang rnam gsum ste// yul de rtag pa yin gdeng ming du skyes// skyes pas yid kyang rtag pa yin gdeng skyes// rtag pa yin gdeng ming gi grib ma des// yul de rtag pa'i ming gi grib mas 'gribs// 'gribs pas yid kyang rtag pa'i ming du 'gribs// ming du 'gribs pa'i rtag pa'i ngo bo de// dngos mtshan med pa'i rang rig rang gsal de// thams cad byed pa'i bdag po rtag par gzung // rtag par gzung ba'i mtshan ma'i dbyibs de yang // che na mthe bong 'bring la sran ma tsam// chung na nyung 'bru tsam zhig yod par
- 130a
'dod// rtag par gzung ba'i mi 'gyur bdag po las// shes pa skad cig mang por byung ba la// byung ba'i rdul phran dag tu de gzung ste// rdul phran byed pa'i bdag po de la 'gos// 'gos pas snod bcud mtshan ma sna tshogs dang // dri ma ngan pa'i sdug bsngal byung bar 'dod// ngan pa'i dri ma sna tshogs byung ba 'di// dge ba'i las byas dbang gis rdul dag bsam// rdul de dag nas bdag nyid rtag par 'dod// rdza ma'i nang du byi'u bcug kha bcad nas// rdza bcag rdza ma las te byi'u 'phur 'dra'o// mu stegs chad lta 'khrul pa snang ba ni// rtsal gyi yan lag 'khor lo gsum skyes pas// rtsal gyi yan lag dngos por mtshan med pa'i// rang rig rang gsal stong pa'i rang bzhin te// 'byung ba'i nam mkha' stong pa yin par mthong // mthong bas 'byung ba nam mkha' stong par snang // stong par snang ba'i 'byung ba nam mkha' la// 'byung ba lnga yi yon tan yod dmigs nas// 'byung lnga'i bcud las snod bcud dngos po dang // mtshan mar snang ba'i snang srid thams cad kun// 'byung lnga'i bcud las byung zhing dang zha bas// de phyir tshe 'dir rang la bde sdug ni// lus ngag yid kyi sgo nas dge spyad pa// 'bras bu bde skyid tshe 'di rang la 'ong // mi dge'i las byas rnam smin 'byung ba 'di// tshe 'di rang la sdug bsngal mi bde 'ong // tha ma 'byung
- 130b
lnga'i ngang la rang zha ste// phyi ma mi 'dod 'bras bu sangs rgyas 'dod// mu stegs thun mong rigs can 'khrul pa yin// rtsal gyi yan lag 'khor lo gsum skyes pas// yan lag rang rig rang gsal g.yo ba de// 'byung ba rlung yin snyam ste rlung du gzung // shes pa rlung gzung kun la khyab pa de// rtsa yin snyam nas rtsa ru gzung ste gnas// shes pa skad cig grangs kyi bsam 'das pa// rtsa yi grangs rnams yin snyam rtsa grangs su// gzung phyogs so sor gzung ba lha grangs 'dod// rlung g.yos mi bde ma g.yos bde ba yin// bde 'dod dbang gi rlung de 'gegs bsgom pa'o// rig byed gtsang mar lta ba rnam gnyis kyi// 'khrul pa la yang spyi dang so so gnyis// mu stegs rig byed spyi 'khrul snang ba ni// rtsal gyi yan lag 'khor lo gsum skyes pas// las kyi yan lag rang rig rang gsal la// 'byung lnga'i dwangs ma gcig yod gzung ba de// don dam rang bzhin snying po mi 'gyur la// mi shigs shes dka' rig pas shes sla ba// dngos med mtshan med yod med med pa med// stong dang mi stong rtag chad mtha' las 'das// kha dog dbyibs dang phyogs ris yi ge med// sku gsum mtshan ma brjod pa'i mtha' dang bral// nam mkha' skyon med 'dra ba gcig yod de// de bzhin nyid kyi de bzhin gzigs pa ste// sems can ming du btags pa ye nas
- 131a
nor// che bas che bar ye nas gnas pa'o// so sor 'khrul pa la yang rnam lnga ste// ku ta nga ri'i 'khrul pa snang ba ni// rtsal gyis yan lag 'khor lo gsum g.yos pas// rtsal gyi chos rnams 'di ltar snang ba la// 'di ka ltar ni 'byung ba snang yin pas// bcos su med de snying po rang bzhin can// sems can dngos por gzung ba'i rtog 'di spangs// bcos su med pa don dam yin par 'dod// snod bcud mtshan ma 'di ltar byung ba 'di// 'byung ba g.yo 'gul rgyun ma chad pa yis// snang srid mtshan ma 'di ltar snang ba ste// 'khor lo bskor ram mgal me klad bskor bzhin// snang la rang bzhin med ces dmigs med dang // bcos su med pa'i rang bzhin ngang la 'jog/ 'bras bu yod min med min gnas su gol// ra sma na yi 'khrul pa snang ba ni// rtsal gyi yan lag 'khor lo gsum g.yos pas// yan lag rgyal gyi chos rnams snang ba la// dngos po mtshan mar btags pa ci yang med// sangs rgyas sems can bya ba ming med pas// tha snyad kun dang bral ba'i dngas ma gcig/ gting na yod de don dam de yin pas// gzhan rnams thams cad 'khrul par 'dod pa'o// snod bcud mtshan mar snang ba byung ba yang // 'byung ba'i drangs ma yod pas byung ba ste// de yi g.yo 'gul rtsal gyi byin rlabs pas// snod bcud dngos
- 131b
po mtshan mar snang ba ste// chu yi nang du zla ba'i gzugs byung ba// zla ba'i dngos po yod pas byung ba la// med na gzugs brnyan 'byung bar ga la 'gyur// mtshan ma'i chos su snang ba thams cad kyang // don med tshig don rjes su 'brangs pa yis// thams cad ci yang med par sgom pa ste// 'bras bu ci yang med pa'i gnas su gol// rgyan gyi dra ba 'khrul pa snang ba ni// rtsal gyi yan lag 'khor lo gsum skyes pas// yan lag rtsal gyi chos rnams thams cad la// 'byung ba'i dngas ma gting na yod pa des// dngos po mtshan mar snang ba kun la yang // dngos med nam mkha' bzhin du khyab gnas te// de ni don dam yin par 'dod pa'o// dngos po snod bcud 'di ltar byung ba yang // 'byung lnga'i brlan de so sor 'dril ba las// snod bcud snang ba yin par 'dod pa ste// dper na brlan nas snod kyi kha chod la// zil pa chags pa bzhin du snang ba'o// nam mkha' lta bur mtha' dang bral ba yi// thams cad nam mkha' bzhin du bsgoms pa de// 'bras bu nam mkha' mtha' yas gnas su gol// ka ri sham pa 'khrul nas snang ba ni// rtsal gyi yan lag 'khor lo gsum skyes pas// rang byung yan lag g.yos pa'i mtshan ma la// rnam par shes pa'i ngo bo rig pa 'di// 'byung ba'i mtshan nyid yin par mthong ba ste// de mthong de ni don dam yin par
- 132a
'dod// snang ba'i chos rnams ci las byung ba ni// 'byung ba'i g.yo 'gul rtsal las dngos mtshan 'byung // dper na me long g.ya' dag gsal snang du// gzugs brnyan byung nas snang ba de bzhin du// dngos po gzhan zhig med na ga la 'byung // snod bcud thams cad sems su 'du shes pas// sems de 'byung ba'i ngo bo yin bsgoms pas// 'bras bu rnam shes mtha' yas gnas su gol// sha sna can de 'khrul nas snang ba la// rtsal gyi yan lag 'khor lo gsum skyes pas// rtsal gyi yan lag 'di ltar snang ba ni// 'byung ba'i chos nyid ye nas gnas par mthong // mthong ba'i dbang gis bskur du mi btub ste// dper na me tog na ning me tog sar// do cig me tog skyes sar gzhan mi skye// sran ma su bzlums tsher ma sus gzhogs te// de ltar chos gnas pa'i dbang gis na// dngos po mtshan mar snang ba 'di rnams kyang // 'byung ba'i chos nyid de ltar snang ba'o// gnas de bzhin du 'pho bar snang na yang // rang rang 'pho ba'i chos nyid yod par zad// rtog pa med par shes pa rgyun chad de// ci yang med ces don nyid bsgoms pa yis// 'bras bu skye mched mu bzhi gnas su gol// rin po che rgyas pa chen po'i mdo las/ mu stegs mtshan ma'i theg pa 'khrul pa ming btags nas snang ba'i le'u ste bcu gsum pa'o// // sdud
- 132b
pa'i gsang bdag rdo rje sems dpa' yis// ston pa'i ston pa kun tu bzang po la// nyan thos mtshan ma'i theg pa 'khrul pa 'di// gang las byung dang gang la bltas 'khrul dang // 'khrul nas gnas pa'i lha spyod khyad par dang // spyad pa'i 'bras bu nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang byung ye shes dbyer med las// rang byung ye shes mi 'gyur rang bzhin de// rang bzhin rig par gnas pa'i bdag nyid las// rig pa grangs med grangs las 'das pa yi// grangs kyi yan lag cha gcig 'byung ba yi// g.yo mi g.yo las phra rab zer g.yos pas// zer gyi rang bzhin ma 'gags ye shes las// ye shes byin rlabs rig par skyes pa de// rig skyes dbang gis 'khor lo gsum g.yos pas// rtsal gyi chos rnams dag la ming btags 'khrul// 'khrul pa'i snang lugs mdor bsdus rnam gnyis te// nyan thos bye brag pa dang mdo sde pa'o// nyan thos bye brag smra ba'i 'khrul pa ni// yan lag rtsal gyi 'khor lo gsum g.yos pas// rtsal gyi yan lag g.yos pa'i mtshan ma la// rig med rig pa phra rab byung ba las// 'byung ba'i rdul phran byung ba yin par gzung // bzung bas 'byung ba'i rdul phran rdul du snang // yan lag rig skyes skad cig rgyu ba de// 'byung ba'i sems
- 133a
yin snyam nas sems su gzung // gzung ba'i bag chags brtas nas sems su snang // 'byung ba'i rdul dang sems su snang ba gnyis// ma 'dres so sor snang ba gcig tu mthong // mthong bsam 'dres so sor snang ba de// gcig dang gcig ltos dbang gis snang bar gzung // gzung ba'i dbang gis ltos te gcig tu snang // g.yag rnga ni'u gsing tshul te gcig tu snang ba'o// nyan thos mdo sde 'khrul pa snang ba ni// yan lag rtsal gyi 'khor lo gsum g.yos pas// rtsal gyi yan lag g.yos pa'i mtshan ma la// 'byung ba'i rdul phran 'dus te sems gtums nas// 'dus pa'i gong bu snang ba yin par gzung bzung bas 'byung ba'i rdul 'dus gong bur snang // rdul phran snang dang gong bur snang ba des// sdug bsngal sna tshogs de yis bskyed mthong ste// tshogs drug bkag pas sdug bsngal zhi mthong bas// dge ba'i chos de ji ltar spyad pa bzhin// 'ong bar 'dug snyam dge ba'i spyad par mthong // mthong bas dge sbyong 'bras bu thob par 'dod// bden bzhi'i sgor 'jug dge slong la sogs khrims// bdag med rtogs dang sgom pa tshogs drug 'gegs// bdag don spyod cing 'bras bu nges pa ni// rab na bsam gtan dang po'i tshangs ris te// 'dod dang bral bas 'phags pa dgra bcom sa// zhing khams rnam dag ces su grags pa
- 133b
ste// dbang po 'bring na 'du shes med pa'i khrod// dbang po tha ma ngan song gsum 'khyam mo// rin po che rgyas pa chen po'i mdo las/ nyan thos kyi theg pa 'khrul pa'i le'u ste bcu bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang sangs rgyas kyi 'khrul pa snang ba ni// gang la bltas 'khrul 'khrul nas gnas pa la// lha spyod 'bras bu'i nges don ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang 'byung ye shes dbyer med pa'i// rang bzhin lhun grub chos sku cha med pas// rang byung rtsal gyi yan lag g.yos pa las// phyi dang nang gi rten 'brel ming btags la// phyi yi rten 'brel ming btags 'khrul snang ni// yan lag rang bzhin mtshan ma med pa las// rig med rig ma skyes pa byung ba las// yan lag rtsal gyi 'khor lo gsum g.yos pas// 'byung ba bzhi las rten 'brel byung bar gzung // gzung ba'i ming ni bag chags brtas pa de// phyi yi rten 'brel 'byung bar snang ba'o// nang gi rten 'brel ming btags 'khrul snang ni// yan lag rang bzhin rang rig mtshan med las// rang rig dbang gis rang rang byung la// yan lag rtsal gyi 'khor lo gsum skyes pas// log rtog byung ba ma rig pa ru gzung // yan lag skad
- 134a
cig g.yo ba 'du byed gzung // yan lag mtshan mar gzung ba rnam shes gzung // yan lag so sor gzung ba ming dang gzugs su gzung // phyi dang nang du gzung ba skye mched gzung // yan lag so sor phrad pa reg par gzung // reg rkyen nyams myong tshor ba yin par gzung // tshor rkyen de 'dod de la sred par gzung // sred rkyen dbang gis blang dang len par gzung // len pa'i dbang gis bya byed srid par gzung // srid pa'i rkyen gyis yan lag skyes pa de// skye ba'i yin snyam skye ba yin par gzung // yan lag skad cig 'gyur ba rgas par gzung // 'gyur ba'i nus mtha' zad pa shi bar gzung // de ltar yan lag skad cig rnam grangs la// rten 'brel 'byung ba'i 'khor lo'i ming du gzung // gzung ba'i bag chags brtas pa rten 'brel snang // snang ba'i dbang gis phyi nang snod bcud dang // sdug bsngal sna tshogs de yis bskyed par mthong // mthong ba'i bag chags sdug bsngal brtas nas gnas// gnas pa'i sdug bsngal spang phyir rang nyid kyis// rten 'brel bcu gnyis sgo nas rang 'jug ste// lugs dang mthun dang lugs la bzlog pa'o// rtogs lha gang zag bdag med rtogs steng du// chos kyi khams kyi phyogs gcig bdag med rtogs// bsrung ba'i tshul khrims nyis brgya lnga bcu srung // spyod pa'i 'phrin las rang don gzhan 'ga'
- 134b
tsam// tshogs drug yul 'gegs 'gog pa'i snyoms 'jug sgom// grub pa'i 'bras bu nges par thob pa ni// dbang po rab ni bsam gtan dang po yi// tshangs pa mdun na 'don gyi sa thob bo// dbang po 'bring ni 'du shes med pa'i khrod// dbang po za ma ngan song gsum 'khyam mo// rin po che rgyas pa chen po'i mdo las/ rang sangs rgyas 'khrul snang gi le'u ste bco lnga pa'o// // sdud pa'i gsang dbang rdo rje sems dpa' yis// ston pa'i ston pa kun tu bzang po la// sems su 'khrul pa'i 'dra gzhi gang las 'khrul// sems 'khrul de la sems tsam snang ba yi// lta spyod 'bras bu'i nges pa gang thob dang // phyi rol yul ltar snang ba'i dngos po 'di// gang gis ming btags snang ba ji lta bu// ston pa'i ston pa kun tu bzang po yis// sdud pa'i gsang dbang rdo rje sems dpa' la// chos sku rang 'byung ye shes ma rtogs pas// rang byung ye shes zer gyi yan lag ga/ ston pa'i rang bzhin rang rig ming med la// rtsal gyi yan lag 'khor lo gsum skyes pas// rang rig rang gsal sems kyi ming du gzung // gzung ba'i 'khor lo gsum kyang sems su gzung // sems su snang ba'i 'khrul lugs snang ba ni// rang rig rang gsal rgya ma chad pa de// kun gyi rten dang gsog pa'i gzhi gzung bas// gzung ba'i bag chags kun gzhi ming du snang // rang
- 135a
rig skad cig rig par skyes pa des// rang rig sems la nang du kha bltas te// nga yi yin snyam rang gzung ngar 'dzin te// ngar 'dzin de la nyon mongs yid du gzung // gzung ba'i bag chags nyon mongs yid du snang // yan lag rang rig rig par skyes pa des// nang dang phyi rol yul la kha bltas te// rtog cing dpyod pa'i shes pa skyes pa la// yid kyi shes pa yin snyam yid du gzung // gzung ba'i bag chags yid kyi shes par snang // yid kyi shes pa phyi rol yul skyes pas// yul gyi dbang gis sgo sgor skyes pa la// sgo lnga'i shes pa skyes pa yin par gzung // gzung ba'i bag chags sgo lnga'i shes par snang // de ltar sems su sems 'khrul snang ba'o// sems su snang ba'i lta ba'i rang bzhin ni// rang rig rang gsal rang rig nyams myong ba'i// gsal byed gzhan la ma ltos rgyu 'bras can// sems can dus na kun gzhi rnam shes de// skad cig mi rtag rgyun gyis rtag par 'dod// tshogs drug skye 'gag byed pas mi rtag ste// phyi nang gnyis ka sems su snang bar 'dod// sangs rgyas dus na mi rtog ye shes te// sna tshogs snang yang rtog pa med par 'dod// dper na lkugs pas ro myong ba dang mtshungs// bde gshegs dus kyi mi rtog ye shes la// sna tshogs snang ba'i rnam pa gnod byed pas// sna tshogs snang ba brdzun pa yin par
- 135b
'dod// rjes thob dus la rtog pa mnga' ba dang // pha rol yul ltar 'khrul nas snang ba ni// rig med rig ma skyes pa'i rtsal byung dang // yan lag rig skyes rig par byung ba la// 'khor lo gsum gyi rtog pa skyes pa las// 'byung ba lnga yi mtshan ma phra mor gzung // gzung ba'i bag chags 'byung ba lngar snang bas// snang bas rang rig rang sems bsgribs pa des// phyi rol yul med yul dang yul can du// med kyang 'khrul nas snang bar mthong ba de// dper na mig de rab rib tshod dang mtshungs// bden gnyis sgor 'jug bdag med rnam gnyis rtogs// bsrung ba'i tshul khrims sdom pa nyi shu srung // spyod pa'i 'phrin las gzhan gyi don du spyod// sum cu rtsa bdun pha rol bcu po sgrubs// sems kyi ngo bo rang rig rang gsal bsgom// sems tsam 'bras bu'i nges pa thob pa ni// dbang po rab ni mi che lha gnas rig/ rigs lnga sa yi dang por bstan pa ste// gtso bo don yod grub pa'i sku bzhugs pas// bde bar gshegs pa'i zhal ni mthong zhes bya// dbang po 'bring ni bsam gtan bzhi pa'i gnas// yang na bsam gtan gsum dang gnyis par skye// dbang po tha ma ngan song gsum 'khyam mo// rin po che rgyas pa chen po'i mdo las// sems tsam 'khrul snang gi le'u ste bcu drug pa'o// // sdud pa'i gsang bdag rdo rje sems dpa' yis// ston
- 136a
pa'i ston pa kun tu bzang po la// dbu mar 'khrul pa'i nges don ci las byung // dbu mar 'khrul pa'i 'dra gzhi gang las 'khrul// dbu mar 'khrul te dbu mar snang ba yi// don dam 'dod lugs kun rdzob 'khrul lugs kyi// lha spyod 'bras bu'i nges pa gang thob dang // gang gis gang la ming btags ji lta bu// ston pa'i ston pa kun tu bzang po yi// sdud pa'i gsang bdag rdo rje sems dpa' la// rang bzhin lhun grub nam mkha'i ngo bo yi// chos sku rang byung ye shes dbyer med pa'i// rang bzhin gnas pa'i gnas lugs ma rtogs pas// rang byung ye shes zer gyi yan lag gi/ rig med rig med skyes dang rig skyes dang // de rnams gcig tu mthong bar 'byung ba la// rig skyes yan lag 'khor lo gsum skyes pas// 'gyur med stong pa'i rang bzhin dbu mar gzung // gzung ba'i bag chags dbu ma'i mtshan mar snang // snang ba'i mthong lugs mdor bsdus gsum snang ste// mdo sde spyod pa'i dbu ma 'dod lugs ni// rig med rig ma skyes pas byung ba la// yan lag rig skyes 'khor lo gsum skyes pas// 'byung ba bzhi yi rdul phran rnams su gzung // gzung ba'i bag chags 'byung ba'i rdul du snang // rdul phran de dag gcig tu 'dus pa yi// phyi yi yul dang snod du song bar gzung // gzung ba'i bag chags yul dang snod du
- 136b
snang // yan lag sems de 'byung ba'i rdul gyis gtums// skad cig ma tsam yul la 'dzin par gzung // gzung ba'i bag chags yul la 'dzin par snang // de ltar phyi nang so sor snang yod kyang // don dam phyogs la dngos po cang med de// phyi nang skad cig phyogs kyi chas gshegs na// phyi nang dngos po'i ngo bo stong par snang // don dam stong pa'i rang bzhin bdag med 'dod// rnal 'byor spyod pa dbu ma'i 'dod lugs ni// rig ma skyes dang rig skyes byung ba la// yan lag rig skyes 'khor lo gsum g.yos pas// byung ba de yang 'byung ba lngar gzung bas// gzung ba'i bag chags 'byung ba lngar snang ste// 'byung ba rnam lnga phyi nang rgyur gzung bas// gzung ba'i bag chags phyi nang rgyu ru snang // yan lag sems de 'byung ba rnam pa lnga'i// phra mo mtshan ma cung zad las bskyod gzung // gzung ba'i bag chags cung zad skyes par snang bskyed par snang ba'i bag chags zhen pa de// 'byung ba khams kyi phra mo rlung gis bskyod// bskyod pa'i bag chags mang po brtas pa yis// phyi nang gzung 'dzin gnyis ltar snang ba ste// phyi nang so sor kun rdzob snang yod kyang // gzung 'dzin skad cig phyogs kyi chas gzhigs nas// gzung 'dzin dngos por ma grub stong snang bas// rang sems don dam nam mkha' ltar snang 'dod// dbu ma chen po'i 'dod
- 137a
lugs snang ba ni// yan lag rig med rig ma skyes pa dang // rig par skyes pa dbyer med byung ba la// yan lag rig skyes 'khor lo gsum skyes pas// rig med rig ma skyes pa 'byung ba la// byung ba de yang 'byung ba rnam pa lnga'i// phyi yi yul gyi 'byung lnga yin par gzung // gzung ba'i bag chags phyi yi 'byung lngar snang // yan lag rig par skyes pa 'byung ba la// byung ba de yang rang 'byung ba rnam lnga yis// nang gi 'byung ba rnam lnga yin par gzung // gzung ba'i bag chags nang gi 'byung lngar snang // dbyer med gcig tu mthong bar byung ba la// byung ba'i de rang 'byung ba rnam pa lnga'i// gcig tu mthong ba'i 'byung lnga yin par gzung // gzung ba'i bag chags gcig mthong 'byung lngar snang // de ltar 'byung lnga'i bag chags grib ma yis// phyi nang gnyis med gcig tu mthong bar snang // snang ba'i sgyu ma'i dngos po snang ba yang // phyogs cha skad cig cha shas gshegs pa yis// sgyu ma'i dngos po stong pa'i rang bzhin snang // stong pa'i rang bzhin stong par mthong ba yang // stong pa'i sgyu ma stong pa'i rang bzhin de// stong pa'i ming med rang bzhin rang snang bas// rang snang de nyid don dam yin par 'dod// bden gnyis sgor 'jug bdag med rnam gnyis rtogs// bsrung ba'i tshul khrims sdom pa nyi shu srung // tshad med bzhi dang bsdu ba rnam bzhi
- 137b
yis// 'gro ba drug gi sems can don du spyod// byang chub phyogs kyi sum su rtsa bdun dang // pha rol phyin pa bcu po sgrub pa ste// yul sems gnyis med stong pa'i rang bzhin sgom// dbu ma'i 'bras bu nges pa thob pa yang // dbang po rab ni mi che'i lha gnas ris// dbang po 'bring ni bsam gtan bzhi pa'i gnas// yang na bsam gtan gnyis dang gsum par skye// dbang po tha ma ngan song gsum 'khyam mo// rin po che rgyas pa chen po'i mdo las/ dbu ma 'khrul snang gi le'u ste bcu bdun pa'o// / sdud pa'i gsang bdag rdo rje sems dpa' yis// ston pa'i ston pa kun tu bzang po la// kri ya 'khrul pa'i nges pa ci las byung // kri ya 'khrul pa'i 'dra gzhi gang las 'khrul// kri ya 'khrul nas kri yar gnas pa yi// gnas pa'i lha spyod 'bras bu nges pa dag/ gang la ming btags snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang byung ye shes dbyer med pa'i// gnas pa'i gnas lugs rang bzhin ma rtogs pa'o// rang byung ye shes zer gyi yan lag gi// rig med rig ma skyes pa'i yan lag la// yan lag rig skyes 'khor lo gsum g.yos pas// gzung bar bya ba'i yul yin yul du gzung // gzung ba'i bag chags bya ba'i yul du snang // bya ba'i yul de gtsor gzung gtsor snang
- 138a
bas// bya ba'i rgyud kyi mtshan mar snang ba'o// yan lag rig skyes shes pa gsum po la// 'khor lo gsum gyi yid kyi ming btags pa// dang po ci yin yid la 'jam dpal ming // yin min yid la spyan ras gzigs kyi ming // yin gdeng yid la phyag na rdo rje'i ming // btags te lha yin snyam nas rigs gsum ltar// gzung ba'i bag chags rigs gsum lha ru snang // yan lag sems kyi snying po rje ru mthong // zer gyi log rtog rang sems bran du mthong // lha rje nger mthong rang nyid bran gzung bas// gzung ba'i bag chags rje dang bran du snang // rang rig rje la spyan drangs phyag 'tshal dang // mchod bstod la sogs bya ba byas pa yis// dngos grub de yis ster bar 'dod pa'o// 'jug sgo dag pa rnam gsum sgor 'jug ste// phyi dag dus tshod gza' skar bzang po dang // nang dag khrus dang gtsang sgra bshags pa dang // rdzas dag yo byad skyon gyis ma gos pa'i// kri ya bsrung ba'i dam tshig rnam gnyis te// rtsa ba dkon mchog gsum dang byang chub sems// sngags dang phyag rgya rdo rje slob dpon dang // rdo rje dril bu srog phyir mi spang ba'o// yan lag khri la mi nyal sha chang dang // sgog btsong za lcam la phug mi za zhing // dus bzhi dag tu khrus byas rgyun mi gcad// rtogs lta don dam chos nyid skye med pas// kun rdzob dam tshig
- 138b
sems dang ye shes gnyis// rje dang khol gyi tshul du lta ba'o// spyod pa'i 'phrin las 'phrin las rnam bzhi dang // dag cing gtsang bar spyad pa'i sgo nas ni// bdag dang gzhan gyi sgo nas spyod pa'o// sgrub pa'i thabs kyi yan lag ni// lha drug sgo nas bdag nyid sgom byas nas// dmigs pa gsum dang yan lag bzhis sgrub pa'o// kri ya'i 'bras bu nges par thob pa ni// rab na mi gdung snang ba mtha' yas zhing // mngon par shes pa tsam zhig mthong ba ste// dbang po 'bring na bsam gtan bzhi pa yis// dang po'i gnas su skye bar 'gyur ba ste// dbang po tha ma ngan song gsum 'khyam mo// rin po che rgyas pa chen po'i mdo las/ kri ya 'khrul snang gi le'u ste bco brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// u pa ya 'khrul ci las 'khrul pa dang // 'khrul pa'i 'dra gzhi gang las 'khrul pa dang // 'khrul nas gnas pa'i lta spyod 'bras bu 'di// gang las gang gis ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang byung ye shes dbyer med pa'i// rang bzhin lhun grub gnas pa ma rtogs pas// u pa ya yi theg par 'khrul pa'o// 'khrul pa'i 'dra gzhi gang las 'khrul pa ni// rang byung ye shes zer gyi
- 139a
yan lag gis// rig ma skyes dang rig skyes yan lag la// 'khor lo gsum du g.yos pa'i yan lag gi// 'dzin par byed pa'i sems yin 'dzin par gzung // gzung ba'i bag chags 'dzin pa'i sems su snang // byed pa'i sems de gtsor bzung gtsor snang bas// u pa ya yi theg par 'khrul snang ba'o// shes pa lhar 'khrul ming btags snang ba yang // kun gzhi yid gnyis sgo lnga shes pa bzhi'i// snying po bzhi la rigs bzhi'i lhar mthong ba// rdo rje sems dpa' rin chen 'byung ldan dang // snang ba mtha' yas don yod grub pa yi// rigs bzhi'i lhar mthong rigs bzhi'i lha bzung bas// gzung ba'i bag chags rigs bzhi'i lha ru snang // shes pa bzhin ni snying po dpon du gzung // gzung ba'i bag chags snying po nyid du gzung // zer gyi log rtog rang sems g.yog tu gzung // gzung ba'i bag chags rang sems g.yog du gzung // de ltar dpon g.yog lta bar snang ba yis// rang gi dpon la spyan drangs phyag 'tshal dang // mchod bstod la sogs bya ba byas pa yis// dngos grub de yis ster bar 'ong bar gzung // gzung ba'i bag chags dngos grub ster bar snang // kun rdzob tsam du de ltar snang mod kyang // don dam dngos la skye 'gag med par 'dod// de ltar 'khrul nas gnas pa'i u pa yis// 'jug sgo ting 'dzin gtsor bzung sgo
- 139b
nas 'jug/ spyod pa'i 'phrin las kri ya bzhin du spyod// srung ba'i dam tshig kri ya bzhin du yin mod kyang // thams cad kun tu bsdams pa ma yin te// thabs la rag lus thabs dang ldan pa yis// don chen yod na sha chang spang mi dgos// rtogs pa'i lta ba dpon dang g.yog tu lta// sgrub pa kri ya yo ga nges pa med// u pa ya yi 'bras bu thob pa ni// dbang po rab ni mi gdung shin tu mthong // dbang po 'bring na bsam gtan bzhi ru skye// dbang po tha ma ngan song gsum 'khyam mo// rin po che rgyas pa chen mo'i mdo las/ u pa ya 'khrul snang gi le'u ste bcu dgu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// yo ga ci 'khrul ci las 'khrul pa dang // 'khrul pa'i 'dra gzhi gang las 'khrul pa dang // 'khrul nas gnas pa'i lta spyod 'bras bu yi// thob pa sa yi 'bras bu ji lta/ bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang byung ye shes dbyer med pa'i// rang bzhin lhun grub gnas pa ma rtogs pas// yo ga'i mtshan ma'i theg par 'khrul pa'o// yo ga'i theg pa ci las byung ba ni// rang byung ye shes yan lag zer las byung // 'khrul pa'i 'dra gzhi gang las 'khrul pa ni// rang byung ye shes zer gyi yan lag gi/ rig par gnas kyang rig
- 140a
par ma skyes pa// rig par skyes pa'i yan lag byung ba la// rig skyes 'khor lo gsum du yid g.yos pas// rig par byed pa sems yin sems su gzung // gzung ba'i bag chags 'dzin pa sems su snang // byed pa'i sems de gtsor bzung gtso ru snang // yo ga'i theg par 'khrul nas snang ba'o// yan lag rtsal gyi shes pa ltar 'khrul ni// gsal dang mi 'gyur rgya ma chad pa dang // mi g.yo ma 'gags yan lag lnga po la// 'khor lo gsum gyi shes pas lhar bzung bas// rnam par snang mdzad rdo rje sems dpa' dang // rin chen 'byung ldan snang mtha' don grub pa// rigs lnga'i lhar bzung rigs lnga'i ming btags te// ming btags brtas pa rigs lngar snang ba yang // rnam par snang mdzad de bzhin rigs brgyud 'dzin// rdo rje sems dpa' rdo rje rigs brgyud 'dzin// rin chen 'byung ldan rin chen rigs brgyud 'dzin// snang ba mtha' yas pad+ma'i rigs brgyud 'dzin// don yod grub pa las kyi rigs brgyud 'dzin// de ltar rigs lnga'i brgyud 'dzin bzung ba yis// rang dang gzhan kyang rigs lnga'i brgyud 'dzin de// ji ltar brgyud du 'dzin pa snang zhe na// dang po de las byung ba yin pa dang // bar du de yi bya ba byed pa dang // tha mar de yi brgyud rnams 'dzin par byed// de yi phyir na rigs zhes grags pa yin// de ltar
- 140b
rigs lnga lha yi ming btags pas// btags pa'i bag chags rang yang lha lngar snang // lha lngar snang bas spun dang grogs por lta// rang gi spun la rang gis lha phyag dang // mchod bstod la sogs bya ba byas pa yis// dngos grub de yis ster bar 'ong bar mthong // mthong ba'i bag chags de yis ster bar snang // kun rdzob tsam du de ltar snang ba yi// don dam dngos la skye 'gag med par 'dod// de ltar 'khrul nas gnas pa'i yo ga yis// 'jug sgo ting 'dzin gtsor byas sgor 'jug ste// dam tshig dkon mchog gsum dang byang chub sems// dus gsum du yang spang bar mi bya zhing // rdo rje slob dpon lha yang dmigs pa dang // rdo rje spun dang ming srid brten pa dang // dbang ma thob par chos ni mi bshad cing // lta ba dman pa'i gang zag spang bar bya// rdo rje dril bu rtag tu bcang bya ste// rnal 'byor dam tshig nyams pa de nyid dang // lung pa gcig gi chu la btung mi bya'o// spyod pa'i 'phrin las bsdu ba rnam bzhi dang // 'phrin las rnam bzhi sems can don du spyod/ kho na nyid kyi sum cu rtsa bdun gyi// sgo nas sgrub pa'i thabs kyi yan lag ste// yo ga dag gis grub pa'i 'bras bu ni// rin chen 'byung ldan shin tu mthong ba thob// tshe yi rigs 'dzin thob ces grags pa ste// dbang po 'bring na bsam gtan bzhi gnas skye// dbang po tha ma ngan
- 141a
song gsum 'khyam mo// rin po che rgyas pa chen po'i mdo las/ yo ga 'khrul snang gi le'u ste nyi shu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// ma hA yo ga 'khrul pa ci yi 'khrul/ 'khrul pa'i gzhi dang 'khrul pa'i 'dra gzhi gang // 'dra gzhi de las ma hA yo ga yi// gang gis ming btags 'khrul nas gnas pa dang // gnas pa'i lha spyod 'bras bu ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rtsal gyi yan lag lngar skyes ma myong bas// rtsal gyi yan lag rig par skyes pa des// rang bzhin lhun grub ming med ma rtogs pas// rtsal gyi yan lag skyes la ming btags 'khrul// rang bzhin lhun grub nam mkha' ming med 'di// chos sku rang 'byung ye shes dbyer med de// ma hA yo ga'i 'khrul pa'i bzhi yang yin// rang byung rtsal gyi yan lag g.yos pa des// ma hA yo ga'i 'khrul pa'i 'dra gzhi yin// 'khrul pa'i 'dra gzhi la yang rnam gsum ste// yan lag 'dra mthun 'khrul pa'i 'dra gzhi dang // byas pas byung ba'i 'khrul pa'i 'dra gzhi dang // rigs mthun mos mthun ming btags 'dra gzhi'o// yan lag 'dra mthun 'khrul pa'i 'dra gzhi ni// rang byung rtsal gyi yan lag g.yos pa yis// rig med rig ma skyes dang rig skyes kyi// 'dra/
- 141b
mthun rigs mthun 'dra ba 'dus pa'o// bya bas byung ba'i 'khrul pa'i 'dra gzhi ni// rang byung rtsal gyi yan lag byung ba des// rang gis ji ltar bya ba byas pa bzhin// snying po'i nang du de bzhin byung ba'o// rigs mthun mos mthun ming btags 'dra gzhi ni// 'dra gzhi de la 'khor lo rnam gsum gyis// ming gi bye brag rang rang rigs mthun pa'i// 'dra mthun rigs mthun ming btags 'dra gzhi'o// rtsal gyi yan lag 'dra mthun rigs mthun la// ma hA yo ga'i 'dra mthun 'khrul pa ni// yan lag rig med rig ma skyes pa la// rig skyes 'khor lo gsum gyis ming btags pa// phyi dang snod yul gzung ba bya ba dang // stong pa mo dang shes rab rdzogs rim du// ming gi bye brag so sor ming btags pas// ming btags brtas pa de bzhin snang ba ste// snang bas de bzhin yid la snang ba'o// yan lag rang rig rig par skyes pa la// nang bcud yul can 'dzin par byed pa dang // snang ba pho dang zabs dang bskyed rim la// ming gi bye brag so sor ming btags pas// ming btags brtas pa de ltar snang ba ste// snang bas rang la de bzhin snang ba'o// rang byung zer gyi yan lag g.yos pa yis// rig med rig ma skyes pa'i dbyer med dang // rig skyes rig ma skyes pa gnyis med la// phyi nang snod bcud gzung 'dzin gnyis med dang // yul dang yul can
- 142a
snang stong dbyer med dang // bya ba byed dang pho mo dbyer med dang // thabs dang shes rab bskyed rdzogs dbyer med kyi// ming gi bye brag so sor ming btags pas// ming btags brtas pa dbyer med snang ba ste// snang bas rang yang dbyer med snang ba'o// rtsal gyi yan lag rigs mthun 'dra mthun la// ma hA yo ga lha dang skur 'khrul ni// rang byung yan lag skad cig g.yos pa la// 'khor lo gsum gyis sku dang lhar btags pas// yan lag dang po dmigs pa med pa la// chos kyi sku yin snyam nas chos skur btags// btags pa'i bag chags chos skur snang ba ste// yan lag de nyid de la longs spyod pas// longs spyod rdzogs sku yin snyam longs spyod btags// btags pa'i bag chags longs spyod rdzogs skur snang // yan lag de nyid cir yang sprul pas na// sprul pa'i sku yin snyam nas sbrul skur btags// btags pa'i bag chags sbrul skur snang ba'o// yan lag de nyid stong par snang ba la// mo yin snyam nas mo ru ming btags pas// btags pa'i bag chags mo ru snang ba'o// yan lag de rang chos nyid ngang song bas// chos nyid bde ba'i ro de myong ba yis// bde ba chen po'i sku ru ming btags pas// btags pa'i bag chags bde ba'i sku ru snang // yan lag de nyid snang stong dbyer med pas// zung 'jug
- 142b
yin snyam zung 'jug ming du btags// btags pa'i bag chags zung 'jug snang ba'o// yan lag de nyid 'gyur ba med pa la// ngo bo nyid kyi skur mthong sku ru btags// btags pa'i bag chags ngo bo nyid skur snang // yan lag de nyid rang rig rang gsal bas// ye shes yin snyam ye shes ming du btags// btags pa'i bag chags ye shes ming du snang // yan lag de nyid ma 'gags rang gsal bas// ston pa yin snyam ston pa'i ming du btags// btags pa'i bag chags ston par snang ba'o// yan lag de nyid rgyud ma chad pa la// thugs rje kun tu khyab cing skye ba mthong // mthong ba'i bag chags kun tu skye bar snang // yan lag de nyid rig par skyes pa yin// rig pas byas pa'i ming gi mtshan ma de// snying po'i nang du gsal bar byung ba la// gcig la gcig brten gnas par mthong ba ste// mthong ba'i dbang gis gcig la gcig brten snang // snang ba'i dbang gis lha dang gzhal yas khang // bskyed na 'ong bar 'dug snyam bskyed par mthong // bskyed pa thabs yin snyam nas thabs su gzung // gzung ba'i bag chags thabs su snang ba ste// thabs las bskyed pa'i rim pa byung bar mthong // mthong bas lha dang dkyil 'khor bskyed par snang // snang bas rang yang bskyed par snang ba'o// yan lag de nyid ma g.yos rang snang bas// ma bskyed
- 143a
rdzogs par 'dug snyam rdzogs par gzung // gzung ba'i bag chags rdzogs par snang ba ste// de ltar mdor bsdus ming btags 'khrul nas snang // gnas pa'i lta spyod 'bras bu nges pa ni// ye shes dkyil 'khor rang bzhin yod par mthong // mthong ba'i dbang gis rang yang ltar bskyed cing // spyan drangs phyag 'tshal la sogs byed pa dang // dngos grub de yis ster bar mthong ba yis// 'bras bu de bzhin grub par thob 'dod pas// phung po khams dang skye mched la sogs pas// ma skyes rang snang bskyed na lhar 'gyur bas// bskyed pa'i ma bskyed dngos snang thabs yin pas// yul sems rang bzhin stong pa shes rab bo// thabs la shes rab gnas pas rang bzhin stong // shes rab thabs su snang bas dngos po mthong // de phyir thabs dang shes rab gnyis su med// gnyis med sgor mthong gnyis med sgor 'jug nas// thabs dang shes rab gnyis su lta bas lta// bsrung ba'i dam tshig rtsa ba yan lag gi// sku gsung thugs dang nyi shu rtsa lnga srung // spyod pa'i 'phrin las ta na ga na spyod// sgrub pa'i thabs ni phyi nang gsang ba sgrub// sgrub pa'i 'bras bu nges par thob pa ni// rab na rdo rje sems dpa' gya nom snang // 'gyur med phyag rgya chen po'i sa 'dzin thob// 'bring na bsam gtan bzhi pa'i tha mar skye// tha ma ngan song gsum du skye
- 143b
bar 'gyur// rin po che rgyas pa chen po'i mdo las/ ma hA yo ga 'khrul snang gi le'u ste nyi shu rtsa gcig pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// a nu yo ga ci las 'khrul pa dang // ji ltar 'khrul dang 'khrul pa'i 'dra gzhi gang // 'dra gzhi de las a nu yo ga yi// gang gis ming btags 'khrul nas gnas pa la// gnas pa'i lha spyod 'bras bu ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// a nu yo ga ci las 'khrul pa ni// rang byung ye shes zer gyi yan lag de// sngar skye ma myong zer de skye las 'khrul// zer gyi yan lag ji ltar 'khrul pa ni// rang byung ye shes yan lag phra mo de// g.yo mi g.yo las phra rab zer g.yos pas// g.yos pa'i rang bzhin ye shes ma 'gags dang // ye shes ma 'gags rtsal las 'khrul pa'o// 'khrul pa'i 'dra gzhi gang las 'khrul pa ni// rtsal gyi yan lag lnga las 'khrul pa ste// rtsal gyi yan lag lnga po 'dra gzhi yis// a nu yo ga'i ming btags 'khrul pa ni// yan lag rig skyes 'khor lo gsum g.yos pas// rtsal gyi yan lag rig med gnas pa la// ye nas dag pa'i snod yin yul du gzung // gzung ba'i bag chags snod yin yul du snang // rig ma skyes dang rig skyes yan lag la// ye nas
- 144a
dag pa'i nang dang bcud du gzung // gzung ba'i bag chags nang dang bcud du snang // rig med rig ma skyes pa dbyer med la// snod bcud dag pa'i dbyer med yin par gzung // gzung ba'i bag chags snod bcud dbyer med snang // rig ma skyes dang rig skyes yan lag la// dbyings dang ye shes gnyis med 'khrul pa ni// snod de yi rdzogs gzhal yas khang du gzung // gzung ba'i bag chags gzhal yas khang du snang // bcud kyi rang bzhin ye rdzogs lhun grub la// lha yi rang bzhin ye nas rdzogs par gzung // gzung ba'i bag chags lha nyid rdzogs par snang // snod bcud dbyer med rang bzhin rdzogs pa la// gzhal yas khang du rang bzhin rdzogs snang dang // lha yi rang bzhin ye rdzogs snang ba gnyis// dbyer med gcig tu rdzogs par snang bar gzung // gzung ba'i bag chags dbyer med rdzogs par snang // de ltar dbyer med bag chags brtas pa la// yan lag rig skyes 'khor lo gsum g.yos pas// rang bzhin gzung med stong pa'i dbyings su bzung // gzung ba'i bag chags brtas pas dbyings su snang // bcud kyi rang bzhin lha ru snang ba la// rang gi rig pa ye nas lhun rdzogs pa// ye shes yin snyam ye shes yin par gzung // gzung ba'i bag chags ye shes yin par snang // ye shes rang bzhin gzung du med pa
- 144b
de// stong pa dbyings yin stong pa dbyings su gzung // gzung ba'i bag chags ye shes dbyings su snang // gzhal yas khang gi rang bzhin dbyings su snang // lha yi rang bzhin ye shes dbyings dang gnyis// dbyer med gcig tu 'dug pa yin par gzung // gzung ba'i bag chags dbyer med gcig tu snang // dbyer med gcig tu gzung ba'i bag chags kyis// dbyings las ye shes byung ba yin par gzung // ye shes dbyings su snang ba yin par gzung // gzung bas dbyings dang ye shes gnyis su med// gnyis su med par 'khrul nas gnas pa'o// gnas pa'i lha spyod 'bras bu nges pa ni// ye shes dkyil 'khor rang bzhin rdzogs mthong bas// phung po khams dang skye mched la sogs pas// bskyed mi dgos te gdod nas lhar gnas pa// dngos snang ye shes rang bzhin stong pa dbyings// stong pa'i dbyings las ye shes lha rnams snang // ye shes lha rnams rang bzhin stong pa'i dbyings// der gnas dbyings dang ye shes gnyis su med// rnam par dag pa'i sgor mthong sgor 'jug ste// bsrung ba'i dam tshig chos nyid snying rje srung // dbyings dang ye shes gnyis su med pa lta// spyod pa'i 'phrin las ma hA yo ga ltar// spyad legs ma spyad na yang nyes pa med// sgrub pa'i thabs ni yongs rdzogs ting 'dzin gyis// bdag nyid phung po khams dang skye mched
- 145a
kyi// lha yi dkyil 'khor ye rdzogs chen po bsgrub// a nu yo ga'i 'bras bu nges par ni// de dag gong na gzugs ni med pa ste// yon tan 'od dpag med pa'i mtha' yas pa// rab na rnam par snang mdzad 'og min gnas// bde bar gshegs pa'i go 'phang 'thob ces bya// 'bring na bsam gtan bzhi pa'i tha mar skye// dbang po tha ma ngan song gsum 'khyam mo// rin po che rgyas pa chen po'i mdo las// a nu yo ga 'khrul snang gi le'u ste nyi shu rtsa gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// A ti yo ga'i theg pa chen po 'di// 'khrul snang lags sam ma 'khrul snang ba lags// 'khrul snang lags na ji ltar 'khrul pa lags// ma 'khrul snang ba'i don de ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang byung ye shes yan lag rtsal g.yos pas// 'byung ba lnga dang rtsi shing nags tshal dang // nyi zla gza' skar 'od dang 'ja' tshon dang // glog dang sprin dang khu rlangs du ba dang // phyogs mtshams kha dog dbyibs kyi rnam pa dang // phung po lnga dang khams dang skye mched dang // nyon mongs lnga dang 'dod yon lnga po dang // phyi nang snod bcud dngos po mtshan ma kun// 'dra 'dus rigs mthun ming med la// 'dra 'dus
- 145b
rigs mthun ming btags snang ba dang // dngos po mtshan med ming med rang snang la// ming med ming btags snang ba 'khrul pa'o// ma 'khrul snang ba'i don gyi gnas lugs ni// chos sku rang byung ye shes dbyer med de// chos sku gnas pa'i gnas lugs ming med la// chos sku mtshon pa'i brda yi ming btags pa// rang bzhin lhun grub 'gyur ba med pa yi// gsal la drangs pa'i snying po 'gag med dang // dngos po mtshan ma med pa'i rang bzhin de// kha dog dbyibs dang bral ba'i bdag nyid can// rgyu dang rkyen gyis bskyed med phyogs ris med// tshogs brgyad yul du gyur med skyed med pa// yod med stong dang mi stong rtag chad med// mtha' dang dbus med tshig gi sgra las 'das// yi ges brjod du med pa'i ngo bo de// rang gsal rig pa med de rgya chad med// rang byung ye shes gnas lugs ming med la// rang byung ye shes mtshon pa'i ming btags pa// rang bzhin lhun grub rang rig rang gsal de// mi 'gyur ba yi snying po ma 'gags pa// dngos po mtshan ma med pa'i rang bzhin de// kha dog dbyibs dang bral ba'i bdag nyid can// rgya dang rkyen gyis ma bskyed phyogs ris med// tshogs brgyad yul du ma gyur ma skyes pa// yod med stong dang mi stong rtag chad med// mtha' dang dbus med tshig gi sgra las 'das// ming dang tha snyad kun las 'das
- 146a
pa yi// spyi yi rang bzhin rgya ma chad pa las// yan lag rang bzhin rgya chad ltar snang ba'o// chos sku ye shes dbyer med ming med la// chos sku ye shes dbyer med ming btags pa// chos sku'i rang bzhin rig pa med pa dang // rang byung ye shes rang rig gnas pa gnyis// gcig dang tha dad dag las grol bar gnas// de ltar ming med don la ming btags pa// ming btags de la don 'dod 'khrul pa'o// 'khrul par rtog pa'i A ti rnal 'byor des// gnyis med mnyam pa nyid kyi sgor zhugs pas// thams cad mnyam pa chen po'i rang bzhin la// bdag don gzhan don gnyis su mi 'byed de// kun tu mi gtong ba ni spyod pa la// de nas mi 'da' ba ni dam tshig yin// de la bslad du med pa ye shes yin// de la mi rtog pa ni lta ba'o// de la ma yengs pa ni sgom pa'o// de la bstan du med na sgom nyams yin// blang dor med par rtogs na rtogs tshad yin// btsal du med par bsgrub pa sgrub pa yin// 'khrul pa 'khrul gzhi gnyis med mthong ba de// grub pa'i dus te chos sku mthong ba yin// de la gnas shing g.yo ba mi mnga' la// rdzogs chen sangs rgyas sa la gnas pa yin// rang bzhin gnyis su med par lhun grub na// 'bras bu sangs rgyas sa ni thob pa'o// rin po che rgyas pa chen po'i mdo las/ A ti yo ga chen po don mtshan
- 146b
brdar snang 'khrul snang gi le'u ste nyi shu rtsa gsum pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// thog ma med pa'i dang po'i dus nyid na// sangs rgyas ming med sems can ming med la// sangs rgyas ming dang sems can gnyis kyi ming // 'di yi ming btags nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// thog ma med pa'i dang po'i dus tsam na// ye med stong pa'i rang bzhin stong pa med// stong dang mi stong snang ba'i ming yang med// ming yang med pa'i rang bzhin lhun grub pa// rang bzhin lhun gyis grub pa'i gnas lugs te// gnas lugs de la sangs rgyas sems can gyi// ming med sangs rgyas sems can ming btags pa// chos sku'i rang bzhin 'gyur med sangs rgyas dang // rang byung ye shes rang rig sems can gnyis// rang byung rtsal gyi yan lag lhun grub la// rtsal gyi rig pas sangs rgyas ming du btags// rtsal gyi yan lag rtog par skyes pa la// rtsal gyi yid kyis sems can ming du btags// bag chags brtas pas snang bar byung ba'o// rin po che rgyas pa chen po'i mdo las/ sangs rgyas sems can ming btags 'khrul snang gi le'u ste nyi shu rtsa bzhi pa'o// // sdud pa'i gsang bdag rdo rje sems dpa' yis// ston pa'i
- 147a
ston pa kun tu bzang po la// chos nyid rang bzhin gnyis su med pa la// phyi nang snod bcud gnyis su snang ba dang // 'khor ba mya ngan 'das par byung ba 'di// 'di yi nges don ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// phyi nang snod bcud 'khor ba myang 'das la// ming gi 'dogs lugs rnam pa gnyis snang ste// rang bzhin lhun grub/ dag la ming btags dang // rtsal gyi yan lag dag las ming btags pa'o// rang bzhin lhun grub de la ming btags pa// chos sku'i rang bzhin rig med 'od snang la// phyi nang yul dang rten dang snod du btags// chos sku'i rang bzhin 'gyur ba med pa la// dngos po mtshan ma rig pa med ldan pas// mya ngan 'das pa'i ming du btags pa'o// rang byung ye shes rang rig 'od zer la// nang dang bcud kyi ming du btags pa dang // chos sku rang las byung ba'i ye shes de// chos sgra rang la 'khor zhing rig ldan pas// 'khor ba'i chos kyi ming du btags pa'o// rtsal gyi yan lag dag gi ming btags pa// yan lag rig med rig ma skyes pa la// phyi yi yul dang snod kyi ming du btags// yan lag rig skyes rtog par skyes pa la// rnam rtog 'khor ba'i chos su ming btags pa'o// yan lag rig ma skyes dang rig skyes dang // nang dang
- 147b
bcud kyi ming du btags pa dang // rig skyes rab 'bring tha ma'i khyad par gyi// mya ngan 'das pa'i chos kyi ming btags pa'o// rin po che rgyas pa chen po'i mdo las/ phyi nang snod bcud 'khor ba mya ngan 'das pa'i ming btags snang ba'i le'u ste nyi shu rtsa lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// chos sku rang bzhin skye ba med pa la// longs spyod rdzogs pa'i sku dang sprul pa'i sku// ngo bo nyid dang bde ba chen po'i sgra// sgra ru byung dang sku yi ming btags pa// so so'i ming btags nges don ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// skye med ma skyes gnyis med lhun grub la// sku yi ming med sku ru byung med kyang // rang byung rtsal gyi yan lag byung ba yis// sku yi ming dang sku ru byung ba'i snang // ming btags skur byung la yang rnam gnyis te// rang bzhin lhun grub thig le chen po la// sku yi ming btags sku ru snang ba dang // rang byung rtsal gyi yan lag g.yos pa la// sku yi ming btags sku ru snang ba'o// rang bzhin lhun grub thig le chen po ni// sku lnga'i ming btags sku lngar snang ba yi// 'gyur med rang gsal rig pa med pa la// chos sku skye ba med pa'i ming du btags// rang byung ye shes rang rig rang gsal la// longs spyod rdzogs pa'i sku
- 148a
yi ming du btags// chos sku rang byung ye shes dbyer med pa// gnyis su med pa'i sprul pa'i sgra ru btags// gnyis su med pa'i jo bo ming med la// jo bo nyid kyi sku yi ming du btags// ngo bo nyid skur ming btags zag med la// bde ba chen po'i sku yi ming btags pas// sku lnga ming btags sku lngar byung ba'o// yan lag g.yos la sku yi ming btags ni// mdor bsdus ming btags 'di rnams snang ba'i ste// a nu ma hA yo ga'i 'dod lugs dang // yo ga u pa ya dang kri ya dang // mdo sde rang rgyal nyan thos 'dod lugs te// rang byung rtsal gyi yan lag g.yos pa la// a nus sku lngar ming btags snang ba ni// rtsal gyi rang gsal rig pa med pa la// dmigs su med pa'i chos kyi sku ru btags// rtsal gyi yan lag rig pa lhun grub la// longs spyod rdzogs pa'i sku yi ming du btags// rtsal gyi yan lag ma 'gags snang ba la// sprul pa'i sku yi ming du btags pa ste// sku gsum dbyer med gnas pa'i rang bzhin la// ngo bo nyid kyi sku yi ming du btags// ngo bo nyid sku brjod du med pa la// gsang ba'i sku ru ming btags snang ba'o// ma hA yo ga sku lngar ming btags ni// yan lag rig med rig ma skyes pa la// skye ba med pa chos kyi sku ru btags// yan lag rig par skyes pa'i ngo bo la// longs spyod rdzogs pa'i sku yi
- 148b
ming du btags// yan lag mtshan dpes brgyan pa'i gzugs brnyan la// sprul pa'i sku yi ming du btags pa ste// sku gsum dbyer med gnas pa'i ngo bo la// ngo bo nyid kyi sku yi ming du btags// sku yi ngo bo zag pa med pa la// bde ba chen po'i sku yi ming btags pa'o// yo ga sku bzhir ming btags snang ba ni// yan lag rig par skyes pa'i ngo bo la// rnam par snang mdzad dmigs med chos kyi sku// rnam par snang mdzad longs spyod rdzogs pa'i sku// rdo rje sems dpa' mi g.yo gnas pa'i sku// shAkya thub pa sprul pa'i sku ru 'dod// u pa ya dang kri ya sku gsum ni// yan lag rig skyes ngo bo'i bdag nyid la// rdo rje sems dpa' dmigs med chos kyi sku// rdo rje 'dzin pa longs spyod rdzogs pa'i sku// shAkya thub pa sprul pa'i sku ru 'dod// mdo sde rang rgyal nyan thos sku gsum ni// yan lag rtsal gyi ngo bo dmigs med la// chos kyi sku yi ming du btags pa dang // yan lag rig skyes sku yi ngo bo la// mtshan dpes brgyan pa longs spyod rdzogs pa'i sku// yan lag thugs rje grangs med byung ba la// sprul pa'i sku yi ming du btags pa'o// rin po che rgyas pa chen po'i mdo las/ skur ming btags pa snang ba'i le'u ste nyi shu rtsa drug pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// snying po'i rang bzhin
- 149a
brjod du med pa la// gsung dang yig 'brus sgra rnams sna tshogs pa'i// bye brag grangs med so sor byung ba la// 'di yi nges don snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub snying po'i bdag nyid 'di// dngos mtshan med pa'i tshig dang sgra las 'das// brjod du med pa'i rang bzhin yi ge med// yi ge med pa'i rgyud kyi rang bzhin yang // 'gag med ma 'gags gnyis med ming med pa'o// rang byung rtsal gyi yan lag phrad pa las// sgra dang yi ge gsung rnams so sor 'byung // sgra yi bye brag so sor 'byung ba ni// yan lag rig med rig ma skyes pa las// snod kyi bag chags dngos por brtas pa dang // yan lag rig skyes bcud du skye ba las// bcud kyi bag chags dngos por brtas pa yi// 'dra 'dus rigs mthun phrad pa'i sgra rnams dang // ming 'dra mi mthun phrad pa'i sgra rnams kyang // rang rang so so'i bye brag sgra rnams so// yi ge bye brag so sor byung ba ni// yan lag rig skyes bcud du brtas pa yis// rig pa las byung ngag gi khyad par gyi// byas pa las byung phrad pa'i sgra rnams la// yi ge'i bye brag so sor byung ba'o// gsung gi bye brag so sor byung ba ni// bde gshegs sems can rnams kyi rang rang gsung // grangs med so sor byung ba rang rang
- 149b
gsung // rang rang gsung ni rang rang rang gi sgra// rang rang sgra ni rang rang rang gi ming // yan lag so sor rang rang phrad sgra dang // yan lag nyid dang snying po phrad sgra'o// rin po che rgyas pa chen po'i mdo las// gsung dang yi ge sgra rnam pa sna tshogs kyi bye brag so sor snang ba'i le'u ste nyi shu rtsa bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// ye shes rang bzhin rnam rtog med pa la// sems kyi rnam rtog grangs med byung ba rnams// 'di yi nges don snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub ngo bo ming med la// rang byung rtsal gyi yan lag g.yos pa yis// ye shes ming btags la ni rnam gnyis te// rang 'byung ye shes chen po'i ming btags dang // byung dang byung nas gnas pa'i ming btags pa'o// rang 'byung ye shes chen po'i ming btags ni// rang bzhin lhun gyi grub pa'i snying po dang // ma btsal ba yi ngo bor ngang gis byung // ma bcos snying po mi 'gyur rang bzhin ye// rang rig rang gsal mi rtog ngo bo shes// rang 'byung ye shes chen po'i ming btags pa'o// byung dang byung gnas ye shes ming btags ni// theg pa rnams kyi ye shes so so'i ming // sgo sgor rang rang so sor ming btags
- 150a
pa'o// ye shes ngo bo rang rig ye shes la// sems kyi ye shes rtog pa mi mnga' ste// rang byung ye shes yan lag grangs med pa// sngar skye ma myong rig pa rang dbang gis// rtsal gyi skad cig rig pa grangs med skyes// skyes pa'i dbang gis kun tshol rnam par gcod// rnam gcod grangs med gcod pas nges 'bebs skyes// skyes pa'i dbang gis rnam rtog grangs med pa// rtsal shugs dbang gis grangs med byung ba'o// rin po che rgyas pa chen po'i mdo las// ye shes las rnam rtog byung ba'i le'u ste nyi shu rtsa brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// snod kyi 'jig rten khams kyi snang ba yi// kha dog dbyibs kyi rnam pa sna tshogs kun// bye brag grangs med so sor byung ba dang // so sor ming 'khrul so sor snang ba rnams// 'di yi nges don snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang byung ye shes zer gyi yan lag la// rig med rig ma skyes pa'i rtsal shugs kyis// rigs mthun 'dra mthun 'dra/ ba 'dus pa las// kha dog rnam pa sna tshogs snang ba dang // dbyibs kyi bye brag sna tshogs snang ba'o// dkar po rigs mthun 'dra ba 'dus pa las// kha dog dkar po'i rnam par snang ba'o// ser po'i rigs
- 150b
mthun 'dra ba 'dus pa las// kha dog ser po'i rnam par snang ba'o// sngon po'i rigs mthun 'dra ba 'dus pa las// kha dog sngon po'i rnam par snang ba'o// dmar po'i rigs mthun 'dra ba 'dus pa las// kha dog dmar po'i rnam par snang ba'o// ljang khu'i rigs mthun 'dra ba 'dus pa las// kha dog ljang khu'i rnam par snang ba'o// dbyibs kyi bye brag sna tshogs snang ba ni// ring thung sbom phra zlum po gru bzhi dang // phya le ba dang phya le ma yin pas// dbyibs kyi bye brag snang ba sna tshogs kun// rigs mthun 'dra ba 'dus las byung ba dang // byung bas byas pa byung ba'i dbyibs rnams so// so sor ming 'khrul so sor mthong ba ni// rtsal gyi yan lag rig par skyes pa de// 'khor lo gsum du yid g.yos rtog langs pa'i// rigs mthun mos mthun ming btags 'dra ba yis// so sor ming 'khrul so sor snang ba'o// rin po che rgyas pa chen po'i mdo las/ kha dog dbyibs kyi bye brag so sor snang ba dang sa sor ming 'khrul bar snang ba'i le'u ste nyi shu rtsa dgu pa'o// // sdud pa'i gsang bdag rdo rje sems dpa' yas// ston pa'i ston pa kun tu bzang po la// bcud kyi 'jig rten sems can snang ba yi// pho mo ma ning dbyibs kyi rnam pa kun// grangs med so sor rang rang byung ba dang // thabs dang shes rab gnyis su med mthong rnams// 'di yi nges
- 151a
don snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub nam mkha'i mtshan nyid la// pho mo ma ning dngos po mtshan med kyang // rang byung rtsal gyi yan lag g.yos pa ni// dngos po mtshan ma sna tshogs kun snang ste// pho mo'i dbyibs kyi rnam pa snang ba ni// rtsal gyi yan lag rig par skyes pa de// rig pa'i dbang gis bya byed rig par skyes// bya ba'i pho rtsol drag por skyes pa la// rig skyes 'khor lo gsum gyis phor bzung bas// gzung ba'i bag chags pho yi rnam par snang // snang bas rang yang pho yi rnam par snang // byed pa'i rig pa rtsol bzhan skyes la// 'khor lo gsum gyi bag chags mor bzung bas// gzung ba'i bag chags mo yi rnam par snang // snang bas rang yang mo yi rnam par snang // bya byed par gyi btang snyoms rig skyes la// rtog skyes 'khor lo gsum gyis ma ning bzung // gzung ba'i bag chags ma ning snang ba'o// pho yi rig skyes rig pa thabs su mthong // pho yi rig med rig ma skyes pa la// pho yi stong pa shes rab mo ru mthong // rig pa stong pa gnyis su med pa la// pho yi thabs dang shes rab dbyer med mthong // pho yi rig skyes rig pa thabs su gzung // mo yi rig med rig ma skyes pa la// mo yi stong pa shes rab mo ru gzung // rig pa stong
- 151b
pa gnyis su med pa la// mo yi thabs dang shes rab dbyer med mthong // ma ning rig skyes rig pa thabs su gzung // ma ning rig med rig ma skyes pa la// ma ning stong pa shes rab ma ru gzung // rig pa stong pa gnyis su med pa la// ma ning thabs dang shes rab dbyer med mthong // de ltar mthong ba'i bag chags zhe na brtas pas// pho mo ma ning rang rang so so yi// dbyibs kyi bye brag so sor snang ba'o// rin po che rgyas pa chen po'i mdo las// bcud kyi sems can pho mo ma ning du snang ba'i le'u ste sum cu zam pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// 'jig rten khams 'di mtha' yas mu med na// rtsi shing nags tshal grangs med byung ba yi// rang rang rgyud du so sor byung ba rnams// 'di yi nges pa'i don rnams ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang byung ye shes snying po ma 'gags pas// yan lag zer gyi rtsal kyang ma 'gagags te// zer rtsal ma 'gags dbang gi rtsal byung ba// rig med rig ma skyes pa'i rtsal snang las// 'dra mthun rigs mthun 'dra ba 'dus pa yis// rtsi yi dbyibs kyi bye brag sna tshogs dang // shing gi dbyibs kyi bye brag sna tshogs skyes// skye ba'i dbang gis skye shing so sor skyes// so sor skyes pas
- 152a
so sor ma 'khrul bar// rang rang dbyibs su so sor snang ba'o// rin po che rgyas pa chen po'i mdo las/ rtsi shing nags tshal rang rang rgyud du byung ba'i le'u ste so gcig pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// stong gsum stong gi 'jig rten khams 'di na// 'jig chags gnas stongs bskal pa byung ba dang // 'phel dang 'grib pa sna tshogs 'char ba kun// 'di yi nges don snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub bdag nyid chen po la// 'jig chags gnas pa stongs pa med pa dang // dngos po mtshan ma'i 'phel 'grib med pa ste// rang byung rtsal gyi yan lag g.yos pa yis// snod bcud brtas pa'i dngos po mtshan ma 'di// byung ba'i nus mthu zad nas 'jig pa ste// rang byung rtsal gyi yan lag byung ba yi// 'dra mthun rigs mthun 'dra ba chags pa dang // nus mthu ma zad bar du gnas pa dang // nus mthu zad na 'jig rten stongs pa'o// rtsal gyi yan lag byung ba'i nus mthu las// 'byung ba lnga yi 'phel 'grib byung ba dang // 'gro drug sems can rnams kyi 'phel 'grib dang // nyin mtshan dus kyi 'phel 'grib byung ba dang // bde dang sdug pa'i 'phel 'grib byung ba dang // ston
- 152b
pa'i bstan pa 'char ba'i 'phel 'grib dang // ston pa med pa'i mun pa'i 'phel 'grib dang // phyi nang snod bcud sems kyi 'phel 'grib kun// rang byung rtsal gyi yan lag g.yos pa ste// thams cad nga las byung zhing nga yi rtsal// nga las ma byung gang yang med pa'o// rin po che rgyas pa chen po'i mdo las/ 'jig chags 'phel 'grib kyi le'u ste so gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// chos nyid dbyings su gnyis med gcig pa la// theg pa'i khyad par so so byung ba dang // so sor ming 'khrul rang rang rgyud snang ba// 'di yi nges don snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub chos sku chen po dang // rang byung ye shes chen po'i gnas lugs 'di// theg dman gzhan gyis ma mthong yan lag gi/ byung ba'i rang byung ye shes rtsal snang la// byung ba'i shes pas so sor mthong ba ni// mu stegs la sogs shes pa so so yi// dang po rang rang sgor 'byung sgor byung bas// bar du rang rang sgo sgor so sor gnas// so sor gnas pa'i dbang gis so sor bltas// bltas pa'i mthong lugs rang rang so sor 'dod// 'dod pa'i dbang gis so sor ming 'khrul pa'o// ming 'khrul dbang gi tha ma rang rang
- 153a
gi/ sgor mthong so sor rang sgo sgo ru 'jug/ zhugs pa'i 'bras bu rang rang so sor thob// rin po che rgyas pa chen po'i mdo las/ theg pa rnams so sor ming 'khrul rang rgyud snang ba'i le'u ste so gsum pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// chos rnams thams cad gzugs brnyan snang ba dang // snang ba'i me long rnam gsum ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// dngos po 'khor ba'i chos rnams snang ba dang // mtshan ma theg pa'i chos rnams snang ba kun// me long rnam gsum nang du snang ba ste// chos sku gsal la drangs pa'i me long du// rang byung ye shes rig pa rang snang ba// snang yang de la rang bzhin rtog pa med// med pa ma yin don rnams snang ba'i phyir// chos kyi dbyings kyi ye shes me long du// bde bar gshegs pa'i ye shes gzugs brnyan snang // snang yang de la rang bzhin rtog pa med// med pa ma yin don rnams snang ba'i phyir// rten gyi kun gzhi sems kyi me long du// 'gro drug sems kyi bag chags snang // snang yang de la rang bzhin rtog pa med// med pa ma yin don rnams snang ba'i phyir// me long rnam gsum gcig ste nam mkha'i ngang // las dbang dus kyi so sor snang ba ste// snang yang de la dngos
- 153b
po rang bzhin med// med pa ma yin don rnams snang ba'i phyir// rin po che rgyas pa chen pa'i mdo las/ me long rnam gsum gyi le'u ste so bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// sku gsung thugs dang dbyer med bzhi snang ba// bzhir byung snang ba'i nges don ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// nam mkha' 'gag med kun khyab ming med de// sku yi snying po ye shes bzhi 'gag med// sku ni ma 'gags gzugs brnyan 'gag med 'byung // snying po ma 'gags gsung ni 'gag med 'byung // ye shes ma 'gags sems ni 'gag med 'byung // bzhi ma ma 'gags brda ni 'gag med 'byung // ming med gcig la ngo bo bzhir snang bas// sangs rgyas sems can kun gyi rtsa bar gsungs// ngo bo bzhir 'byed dbyer med gcig la dbyer// chos sku rig sku 'gag med ma 'gags gnyis// rig med snying po rig pa'i snying po gnyis// rig ma skyes dang rig skyes ye shes gnyis// chos sku 'gag med ye shes ma 'gags gnyis// dbyer med gcig ste ngo bo bzhi ru gnas// 'gag med ma 'gags gnas pas bzhir snang ste// sku gsung thugs dang brda ste bzhir 'byung ba'o// yan lag dang po gzugs brnyan bum pa'i
- 154a
dbang // gzugs brnyan byung ba'i chos skur gsal ba'o// yan lag gnyis phrad sgra 'byung gsang ba'i dbang // phrad las byung ba'i chos rnam gsung yang yin// yan lag gsum pa shes rab ye shes dbang // rnam rtog las byung chos rnams sems yin te// bzhi pa brdar byung chos rnams brdar snang bas// snang ba'i chos nyid ming med 'gag med pa'o// rin po che rgyas pa chen po'i mdo las/ mdo bzhi rtsa ba'i le'u ste so lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// dbang gi ngo bo ji ltar gnas pa dang // dbang bskur byung ba'i rim pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// thog mtha' med pa'i dang po'i dus nyid na// yod med stong dang mi stong dbyer med pa'i// sangs rgyas sems can med pa'i rang bzhin yang // rang rig rang gsal nam mkha' ming med de// gzhi rtsa med pa kun gzhi snying po'i dbang // dbang ni chos rnams kun gyi rtsa ba ste// bskur bas skyon yon gnyis su byung bas na// dbang bskur nges pas ming gi 'bras bu thob// chos sku rang gsal phyi ste bum nyid snod// rang rig mi rtog nang ste bar nyid bcud// bum pa kun gyi gzhi mar ye gnas pas// dbang bskur thog mtha' med pas dang
- 154b
po'o// chos nyid rang gsal mo ste shes rab gsang // rig pa pho ste thabs nyid pa nyid pa// gsang ba ye nas lhun grub gsang ba'i dbang // thabs dang shes rab gnyis med bskur ba gnyis// chos nyid stong pa shes pa'i rab de mo// rang rig rig pa thabs te ye shes po// shes rab ye shes lhun grub gnyis med dbang // bde ba ming med bskur ba de gsum mo// ming med stong par gsal bas dngos mtshan med// rang byung kun la khyab pas gsal ba'i dbang // 'gag med ma 'gags dbyer med rin po che// dbang gsum lhun grub ming med bzhi pa'o// rang byung chos sku mi rtog rig pa nang // yan lag shes pa rtog par byung ba phyi// phyi nyid dngos po mtshan ma kun gyi gzhi// yan lag rig pa mtshan ma lhar gzung ste// bum pas dbang bskur dang por byung ba'o// yan lag rig pa chos nyid dang song bas// lhan lhun song ba byas pa byed par mthong // chos nyid ngang dang yan lag phrad pa'i sgra// gsang ba'i sgra byung gsang ba byung ba des// gsang ba'i dbang bskur gsang ba gnyis par gzung // bde ba de byung bde ba'i mchog nyid de// bde ba'i ngo bopo brjod du med pa la// shes pa'i rab ste shes rab stong pa nyid// ye shes ye nas de bzhin ye shes de// shes rab ye shes dbang bskur gsum pa yin// bde ba'i ngo bo ming med mtshon byed pa// rang byung yan
- 155a
lag sems kyi rig pa ste// rig pas sems nyid mtshon pa brda yin te// mtshon pa brda yi dbang bskur bzhi pa'o// chos sku rang byung ye shes dbyer med pa'i// zhal bstan dbang bskur sangs rgyas 'bras bu thob// theg pa 'og ma'i sgor zhugs rnal 'byor la// bag chags brtas pa'i bum pa'i dbang bskur dang // gsang ba'i dbang dang shes rab ye shes dbang // bag chags brda yi dbang bskur bzhi pa yis// mtho ris thar pa'i go 'phang thob pa yin// rin po che rgyas pa chen po'i mdo las/ dbang bskur gsang ba'i le'u ste so drug pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// gang gis gang la dbang bskur byin rlabs dang // chos sku rang byung ye shes dbyer med pa'i// zhal bstan 'bras bu nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub rang byung dbyer med pa'i// chos sku gsal drangs 'gag med ston pa des// rang byung ye shes ma 'gags ston pa la// rang bzhin lhun grub dbang bskur byin rlabs pas// rang byung thig le chen por sangs rgyas pa'o// rang byung ye shes ma 'gags stong pa des// rang byung zer gyi ston pa kun bzang la// rang bzhin lhun grub dbang bskur byin rlabs
- 155b
pas// gnyis med thig le chen por sangs rgyas pa'o// yan lag zer gyi ston pa kun bzang des// sdud pa'i gsang bdag rdo rje sems dpa' la// rang bzhin dbang bskur gnyis med byin rlabs pas// gnyis med thig le chen por sangs rgyas pa'o// chos sku rang byung ye shes nam mkha' la// kun tu bzang po ngang nyid nam mkha' 'byung // nga las nga byung ba nyid nam mkha' la// nga la nga nyid nam mkha' ngas bstan pa// chos sku rang rig med pa'i nam nyid dang // rang byung ye shes rang rig mkha' nyid gnyis// dbyer med gcig ste nam mkha' nyid kyi ngang // gcig dang tha dad dag las grol gnas pa'i// rang bzhin dbang bskur la yang rnam gnyis te// spyi yi rang bzhin lhun grub dbang bskur dang // khyad par rang bzhin lhun grub dbang bskur ba'o// spyi yi lhun grub dbang bskur rnam bzhi ste// rang bzhin lhun grub bum pa'i dbang bskur dang // gsang ba'i dbang dang shes rab ye shes dbang // dbyer med mtshon pa'i dbang ste bzhi pa'o// rang bzhin lhun grub bum pa'i dbang bskur ba// chos sku rig med phyi ste bum nyid dang // rang byung ye shes nang ste bar nyid gnyis// phyi nang gnyis su med pa'i bum pa'i dbang // rdzogs chen dbang po yang rab gyur pa la// rab bzhin gnyis med bum pa'i dbang bskur bas// gnyis med thig
- 156a
le chen por sangs rgyas pa'o// rang bzhin lhun grub gsang ba'i dbang bskur ba// chos sku rang gsal rig med shes rab gsang // rang byung ye shes rig pa zabs te ba// thabs dang shes rab gnyis med gsang ba'i dbang // rdzogs chen dbang po yang rab gyur pa la// rang bzhin gnyis med gsang ba'i dbang bskur bas// gnyis med thig le chen por sangs rgyas pa'o// shes rab ye shes lhun grub dbang bskur ba// chos sku rig med stong pa shes pa rab// rang 'byung ye shes rang rig ye nas shes// chos sku ye shes shes rab ye shes dbang // rdzogs chen dbang po yang rab gyur pa la// shes rab ye shes gnyis med dbang bskur bas// gnyis med thig le chen por sangs rgyas pa'o// bzhi pa rang bzhin lhun grub dbang bskur ba// chos sku rig med ming bral mtshon byed dang // rang byung ye shes ming med mtshon byed pa// mtshon pa gnyis med mtshon pa brda yi dbang // rdzogs chen dbang po yang rab gyur pa la// rang bzhin gnyis med brda yi dbang bskur bas// gnyis med thig le chen por sangs rgyas pa'o// khyad par lhun grub dbang bskur la yang bzhi// rang bzhin bum pa'i dbang dang gsang ba'i dbang // shes rab ye shes dbang dang mtshon pa bzhi'o// rang bzhin lhun grub bum pa la yang bzhi// chos sku rang byung ye shes
- 156b
dbyer med dang // dbyer med ming med mtshon pa'i bzhi pa'o// chos sku bum pa dbang bskur byin rlabs ni// skye med rang gsal 'gyur med ye nyid bum// bcos pa med pa'i rang bzhin rang gsal ba// skye med bcos pa med pa bum pa'i dbang // rdzogs chen dbang po yang rab gyur pa la// chos sku rang gsal bum pas dbang bskur bas// chos sku 'gyur ba med pa'i byin rlabs te// sangs rgyas chos kyi sku yis dbang bskur ro// rang byung ye shes dbang bskur byin rlabs te// ma skyes mi 'gyur ye shes ye nyid bum// ma bcos pa yi rang bzhin ye shes la// ma skyes mi 'gyur ye shes bum pa'i dbang // rdzogs chen dbang po rab tu gyur pa la// rang byung ye shes bum pa'i dbang bskur bas// rang byung ye shes mi 'gyur byin rlabs te// rang byung ye shes gsung gi dbang bskur ba'o// chos sku ye shes gnyis med bum dbang ni// skye med ma skyes gnyis med ye nyid bum// bcos med ma bcos gnyis med rang gsal ba// chos sku ye shes gnyis med bum pa'i dbang // rdzogs chen dbang po yang rab gyur pa la// skye med ma skyes gnyis med dbang bskur bas// gnyis med thig le chen por byin rlabs te// sku gsung thugs kyi gnyis med dbang bskur ba'o// ming med gsum mtshon bum dbang byin rlabs ni// chos sku ye shes gnyis med ming med
- 157a
brda// sku gsung thugs kyi dbyer med ming med brda// ming med gsum la mtshon pa brda yi dbang // rdzogs chen dbang po yang rab gyur pa la// ming med gsum mtshan brda yis dbang bskur bas// ming med gsum gyi ngang du byin rlabs te// ming med lhun grub brda yis dbang bskur ba'o// lhun grub gsang ba'i dbang la rnam bzhi ste// chos sku gsang ba'i dbang bskur byin rlabs ni// spros med rang gsal brjod med ye nyid gsang // brjod du med pa'i rang bzhin rang gsal ba// spros med brjod du med pa'i gsang ba nyid// rang bzhin lhun grub chos sku gsang ba'i dbang // rdzogs chen dbang po yang rab gyur pa la// chos sku rang gsal gsang ba'i dbang bskur bas// chos sku spros pa med pa'i byin rlabs te// chos sku gsang dbang chos sku'i dbang bskur ba'o// rang byung ye shes gsang ba'i dbang bskur ni// ma spros rang gsal ye shes ye nyid gsang // ma brjod rang bzhin rang gsal ye shes pa// ma spros ma brjod ye shes gsang ba nyid// rang bzhin lhun grub ye shes gsang ba'i dbang // rdzogs chen dbang po yang rab gyur pa la// rang byung ye shes gsang ba'i dbang bskur bas// ma spros ye shes chen por byin rlabs te// rang byung ye shes gsang ba'i dbang bskur ba'o// chos sku ye shes gnyis med gsang dbang ni// spros
- 157b
med ma spros gnyis med ye nyid gsang // brjod med ma brjod dbyer med rang gsang ba// chos sku ye shes gnyis med gsang ba nyid// rang bzhin lhun grub gnyis med gsang ba'i dbang // rdzogs chen dbang po yang rab gyur pa la// chos sku ye shes dbyer med dbang bskur bas// spros med ma spros gnyis med byin rlabs te// gnyis med gsang ba'i gsang ba dbang bskur ba'o// ming med gsum mtshon gsang dbang bskur ba ni// chos sku ming med gsang dbang mtshon pa dang // ye shes ming med gsang dbang mtshon pa dang // gnyis med ming med gsang dbang mtshon pa ni// ming med rnam gsum gsang dbang mtshon pa'i dbang // rdzogs chen dbang po rab tu gyur pa la// ming med gsang dbang mtshon pa'i dbang bskur bas// ming med gsum gyi ngang la byin rlabs te// ming gsum med pa'i brda yi dbang bskur ro// shes rab ye shes lhun grub dbang la bzhi// g.yo med rang gsal skye med shes rab ni// 'gyur ba med pa'i rang bzhin rang gsal ye// bcos pa med pa'i chos nyid bde ba shes// skye ba med pa'i shes rab ye shes gnyis// chos sku lhun grub shes rab ye shes dbang // rdzogs chen dbang po rab tu gyur pa la// chos sku shes rab ye shes dbang bskur bas// chos sku 'gyur ba med par byin rlabs te// chos sku bde ba chen po'i
- 158a
dbang bskur ba'o// mi g.yo rang gsal ma skyes shes rab nyid// mi 'gyur ba yi rang bzhin rang gsal yi// lhun grub ma bcos pa'i ye shes bde ba shes// ma skyes pa ye shes rab ye shes nyid// ye shes lhun grub shes rab ye shes dbang // rdzogs chen dbang po rab tu gyur pa la// lhun grub shes rab ye shes dbang bskur bas// ye shes mi 'gyur ba yi ngang du byin rlabs te// rang byung ye shes bde ba'i dbang bskur ba'o// g.yo med mi g.yo gnyis med shes rab nyid// 'gyur med mi 'gyur gnyis med rang bzhin yi// bcos med ma bcos dbyer med lhun grub shes// gnyis med lhun grub shes rab ye shes dbang // rdzogs chen dbang po rab tu gyur pa la// gnyis med shes rab ye shes dbang bskur bas// g.yo med mi g.yo gnyis med byin rlabs te// gnyis med shes rab ye shes dbang bskur ba'o// ming med gsum mtshon shes rab ye shes dbang // rdzogs chen dbang po yang rab gyur pa la// ming med gsum gyi brda yi dbang bskur bas// ming med gsum gyi ngang du byin rlabs te// ming gsum med pa'i brda yis dbang bskur ro// brda yi dbang bskur ba la rnam bzhi ste// chos sku ming med chos sku mtshon dbang dang // ye shes ming med ye shes brda dbang dang // dbyer med ming med brda dbang dang // ming
- 158b
med gsum la mtshon pa'i dbang bskur bas// ming med mtshon pa med par byin rlabs te// nam mkha' ming med brda yi dbang bskur ba'o// zhal bstan 'bras bu nges pa la gnyis te// spyi dang khyad par gnyis kyi zhal bstan pa'o// spyi yi rang bzhin chos sku'i zhal bstan pa// nam mkha' ming du ma btags nam mkha' yi// nam mkha'i snying por nam mkha' blta byas na// de tshe nam mkha' nyid du de nyid 'gyur// 'bras bu sangs rgyas nyid du nges thob pa'o// khyad par zhal bstan la yang rnam gsum ste// rang bzhin lhun grub chos sku'i zhal bstan pa// nam ni rig med chos sku'i rang bzhin la// chos sku rig med nam gyi rang bzhin te// lhun grub chos sku nam la bltas byas na// de tshe chos sku nam dang gnyis med pas// 'bras bu sangs rgyas chos sku nges thob pa'o// lhun grub rang byung ye shes zhal bstan pa// mkha' ni rang byung ye shes rang bzhin la// rang byung ye shes mkha' yi rang bzhin te// lhun grub rang byung ye shes bltas byas nas// de tshe rang byung ye shes gnyis med pa'i// 'bras bu rang byung ye shes des thob pa'o// chos sku ye shes dbyer med zhal bstan pa// nam ni rig med chos sku'i rang bzhin dang // mkha' ni rang rig ye shes rang bzhin gnyis// gcig dang tha dad dag las grol bar gnas// gnyis med ming med nang du bltas
- 159a
byas na// de tshe dbyer med gnyis su med par 'gyur// chos sku ye shes dbyer med des thob pa'o// rin po che rgyas pa chen po'i mdo las/ dbang bskur zhing 'bras bu sangs rgyas pa'i le'u ste so bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// lha spyod sgom pa 'bras bu dbyer med pa'i// spyi yi ming btags nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos rnams thams cad 'byung ba'i gzhir gyur pa// rig med rang rig stong pa'i rang bzhin can// mtha' dang dbus med don dam snying po'i ngang // brjod du med pa'i rang bzhin yul las 'das// dngos po mtshan ma med pa'i bdag chen po// 'gyur ba med pa ma bcos kun gyi lam// tha snyad kun dang bral ba thig le'i klong // sgro skur kun bral tshig gis mtshon du med// yod med stong dang mi stong gzhal du med// rgyu rkyen ma skyed zag pa med pa'i sku// kun la khyab pa'i rgya yongs ma chad pa// zad med rin chen gter gyi mdzod gyur pa// tshogs brgyad yul du ma gyur rmad du byung // rmad byung byang chub sems kyi rang bzhin 'di// gcod med mi gcod dbyer med shel brgyus 'dra// snang ba 'di nyid yin te mthong ba med// mthong med mthong ba lta ba'i lha mchog
- 159b
yin// rang byung rtsal gyi yan lag snang ba rnams// lta ba'i ngang du dbyer med spyod snang ba// rig med rang gsal stong pa'i ngang du spyod// rang rig rang gsal mtha' dang dbus med spyod// brjod med rang bzhin rtog pa yul la spyod// dngos po mtshan med dbyings kyi don la spyod// 'gyur med ma bcos kun gyi lam du spyod// tha snyad bral ba'i thig le chen por spyod// sgro skur bral ba'i dbyings kyi ngang du spyod// gzhal du med pa'i stong pa'i dbyings su spyod// rgyu rkyen ma zag med kun tu spyod// kun khyab rgya yongs ma chad pa ru spyod// zad pa med pa'i rin chen gter du spyod// rmad byung byang chub sems kyi rang bzhin 'di// spyod pa med pa'i ngang du spyod pa ste// spyod med spyod pa spyod pa'i spyod mchog yin// rtsal gyi yan lag chos rnams snang ba kun// bcos med ma bcos ji bzhin ngang la gzhag/ rig pa ma bcos ji bzhin nyid du gzhag/ bcos med ma bcos gsal ba'i ngang la gzhag/ gzhag tu dngos med dmigs pa'i ngo bo med// dngos po med pa'i rang bzhin gzhag sa med// gzhag sa med pa'i gzhag sar bzhag pa ni// sgom du med pa'i sgom pa chen po ste// sgom du med pa'i sgom pa chen po ni// sgom pa kun gyi nang na bsngags pa yin// yan lag rtsal gyi chos nyid snying po nyid// grub pa med pa'i grub pa lhun grub ste// lhun grub
- 160a
spangs thob med pa'i 'bras bu yin// spangs thob med pa'i 'bras chen 'bras bu yang // 'bras bu'i nang na 'bras bu'i mchog chen yin// lta ba'i lta ba bltar med lhun rdzogs yin// lta ba'i spyod pa rang bzhin yongs rdzogs yin// lta ba'i sgom pa dmigs su med pa yin// lta ba'i 'bras bu thob pa med pa yin// spyod pa'i lta ba rang bzhin yongs rdzogs yin// spyod pa'i spyod pa mtshan ma yongs rdzogs yin// spyod pa'i sgom pa rang bzhin rnam dag yin// spyod pa'i 'bras bu blang dor med pa yin// sgom pa'i lta ba dmigs su med pa yin// sgom pa'i spyod pa rang bzhin rnam dag yin// sgom pa'i sgom pa yongs su med pa yin// sgom pa'i 'bras bu spangs thob med pa yin// 'bras bu'i lta ba bltar med lhun grub yin// 'bras bu'i spyod pa spyad du med pa yin// 'bras bu'i sgom pa sgom du med pa yin// 'bras bu'i 'bras bu thob pa med pa yin// lha spyod grangs med bstan kyang dbyer med gcig/ dbyer med ming dang bral ba nam mkha' yin// rin po che rgyas pa chen po'i mdo las/ lha spyod sgom pa dbyer med pa'i le'u ste so brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// khyad par lta spyod sgom pa 'bras bu yi// dbyer med ming btags nges pa ji lta bu// ston pa'i ston pa kun
- 160b
tu bzang po yis// sdud pa'i gsang bdag rdo rje sems dpa' la// khyad par ming btags la yang rnam gnyis te// rang bzhin lhun grub nyid la ming btags dang // rtsal gyi yan lag nyid la ming btags pa'o// lhun grub nyid la ming btags rnam gsum ste// chos sku'i ming dang rang byung ye shes dang // chos sku rang byung ye shes dbyer med pa'o// rang bzhin chos sku nyid la ming btags pa// rang gsal rig med 'gyur ba med pa lta// skye ba med pa'i rtog med dang du spyod// yengs pa med pa'i rtog med chos sku sgom// thob pa med pa'i 'bras bu lhun grub thob// rang byung ye shes nyid la ming btags pa// rang rig rang gsal mi 'gyur lta ba lta// ma skyes pa yi mi rtog dang la spyod// ma yengs pa yi mi dmigs rang gsal sgom// 'bras bu rang byung ye shes lhun grub thob// chos sku rang byung ye shes dbyer med pa// lta spyod sgom dang 'bras bu'i ming btags pa// chos sku rig med rang gsal 'gyur med dang // rang byung ye shes rang rig mi 'gyur gnyis// gcig dang tha dad dag las grol ba yi// 'gyur med mi 'gyur dbyer med chen po lta// chos sku rig med rang gsal skye med dang // rang 'byung ye shes rang rig ma skyes gnyis// gcig dang tha dad dag las grol ba yin// skye med ma skyes dbyer med chen por spyod// chos sku rig med rang
- 161a
gsal yengs med dang // rang byung ye shes rang rig ma yengs gnyis// gcig dang tha dad dag las grol ba yi// yengs med ma yengs gnyis med chen po sgom// chos sku rig med rang gsal thob med dang // rang byung ye shes rang rig ma thob gnyis// gcig dang tha dad dag las grol ba yi// thob med ma thob dbyer med 'bras bu thob// rtsal gyi ming btags la yang rnam gnyis te// yan lag snying po nyid la ming btags dang // theg dman rnams kyi so sor ming btags pa'o// yan lag snying po nyid la ming btags gsum// yan lag chos kyi sku la ming btags pa// rig med rang gsal spros pa med pa dang rig med rang gsal skye ba med pa spyod// rig med rang gsal rtog pa med pa sgom// rig med rang gsal 'bras bu chos sku thob// yan lag rang byung ye shes ming btags pa// ye shes rang gsal rang rig ma spros lta// ye shes rang gsal rang rig ma skyes spyod// ye shes rang gsal rang rig ma yengs sgom// ye shes rang gsal rang rig 'bras bu thob// spros med ma spros gnyis su med pa lta// skye med ma skyes gnyis su med pa spyod// rtog med mi rtog gnyis su med pa sgom// chos sku ye shes gnyis su med pa thob// so sor ming btags dbyer med gcig pa dang // theg dman rnams kyis so sor ming btags
- 161b
pa// lta spyod sgom dang 'bras bu so so yi// so so rang rang rtog pa'i ming btags pa'o// rin po che rgyas pa chen po'i mdo las// khyad par lta spyod sgom pa'i ming btags pa'i le'u ste so dgu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// kun gyi gzhi ma lhun grub ming med la// sa chu me rlung nam mkha' 'byung lnga la// chos kyi sku dang rang byung ye shes kyi// dbyer med ming btags snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku 'gyur med 'degs pas sra bas sa// chos sku g.yo med sdud pa ldem pas chu// chos sku rgya chad med pa smin drod me// chos sku 'gag med bskyod med yang ba rlung // chos sku rang gsal 'byer med stong pa nam// ye shes mi 'gyur 'degs pa sra bas sa// ye shes mi g.yo sdud pa ldem pas chu// ye shes rgya ma chad pas smin drod me// ye shes ma 'gags ma bskyod yang bas rlung // ye shes rang gsal mi 'byed stong pa mkha'// chos sku 'gyur med 'degs pa sa nyid dang // ye shes mi 'gyur 'degs pa'i sa nyid gnyis// gcig dang tha dad dag las grol ba'i sa// chos sku g.yo med sdud pa'i chu nyid dang // ye shes mi g.yo sdud pa'i chu nyid gnyis// gcig dang tha dad dag las grol ba'i
- 162a
chu// chos sku rgya chad med pa'i smin me dang // ye shes rgya ma chad pa'i smin me gnyis// gcig dang tha dad dag las grol ba'i me// chos sku 'gag med bskyod med yang rlung dang // ye shes ma 'gags ma bskyod yang rlung gnyis// gcig dang tha dad dag las grol ba'i rlung // chos sku 'byer med stong pa'i nam nyid dang // ye shes mi 'byed stong pa'i mkha' nyid gnyis// gcig dang tha dad dag las grol ba'i nam mkha'o// rin po che rgyas pa chen po'i mdo las/ 'byung ba lnga la chos sku ye shes dang dbyer med pa'i ming btags pa'i le'u ste bzhi bcu tham pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang bzhin lhun grub ming dang bral ba la// 'dod chags zhe sdang phrag dogs nga rgyal dang // ma rig nyon mongs rnam pa lnga po la// chos kyi sku dang rang byung ye shes kyi// dbyer med ming btags snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku g.yo med bde ba'i rang bzhin 'dod// g.yo med bde ba'i rang bzhin dang na chags// chos sku 'gyur med rang bzhin dang na zhe// chos sku 'gyur med rang bzhin dang na sdang // chos sku 'gag pa med pa'i rang bzhin phrag/ 'gag pa med pa'i rang bzhin dang na dog/ chos sku'i
- 162b
rang bzhin rgya chad med pa nga // chos sku bcos med rang bzhin dang na rgyal// chos sku rang gsal spros med brdal ba ma// chos sku spros med rig med rang bzhin rig/ ye shes mi g.yo ngo bo bde ba 'dod// ye shes mi g.yo bde ba'i ngang na chags// ye shes mi 'gyur ba yi rang bzhin zhe// ye shes mi 'gyur ba yi dang na sdang // ye shes ma 'gags pa yi rang bzhin phrag/ ye shes ma 'gags pa'i rang bzhin dang na/ dog/ ye shes rgya ma chad pa'i rang bzhin nga // ye shes ma bcos rang bzhin dang na rgyal// ye shes ma spros rang gsal brdal ba ma// ye shes ma spros rang bzhin ngang gis rig/ g.yo med rang bzhin bde ba'i 'dod chags dang // mi g.yo rang bzhin bde ba'i 'dod chags gnyis// g.yo med mi g.yo dbyer med 'dod chags pa'o// chos sku 'gyur med rang bzhin zhe sdang dang // ye shes mi 'gyur rang bzhin zhe sdang gnyis// 'gyur med mi 'gyur dbyer med zhe sdang ba'o// chos sku 'gag med rang bzhin phrag dogs dang // ye shes ma 'gags rang bzhin phrag dogs gnyis// 'gag med ma 'gag dbyer med phrag dogs go/ chos sku rgya chad med pa'i nga rgyal dang // ye shes rgya ma chad pa'i nga rgyal gnyis// chos sku ye shes dbyer med nga rgyal lo// chos sku rang gsal spros med ma rig dang // ye shes rang rig ma spros ma rig
- 163a
gnyis// spros med ma spros dbyer med ma rig pa'o// rin po che rgyas pa chen po'i mdo las// nyon mongs pa lnga la chos sku ye shes dbyer med pa'i ming btags pa'i le'u ste zhe gcig pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang bzhin lhun gyis grub pa'i ming med de// gzugs sgra dri ro reg pa lnga snang la// chos kyi sku dang rang 'byung ye shes kyi// dbyer med ming btags snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang gsal rig med gsal ba gzugs// chos sku rgya chad med pa rang bzhin sgra// chos sku 'gag med skye ba med pa dri// chos sku g.yo ba med pa'i rang bzhin ro// chos sku 'gyur ba med pa'i rang bzhin reg/ ye shes rang gsal rig pa gsal ba gzugs// ye shes rgya ma chad pa rang bzhin sgra// ye shes ma 'gags ma skyes pa nyid dri// ye shes ma g.yos pa yi rang bzhin ro// ye shes mi 'gyur ba yi rang bzhin rag/ chos sku rang gsal rig med gsal gzugs dang // ye shes rang gsal rang rig gsal gzugs gnyis// rig med rang rig dbyer med gsal ba gzugs// chos sku rgya chad med pa'i sgra nyid dang // ye shes rgya ma chad pa'i sgra nyid gnyis// rgya chad rgya ma
- 163b
chad pa'i dbyer med sgra// chos sku 'gag med skye med dri nyid dang // ye shes ma 'gags ma skyes dri nyid gnyis// 'gag med ma 'gags dbyer med pa yi dri// chos sku g.yo med rang bzhin ro nyid dang // ye shes mi g.yo rang bzhin ro nyid gnyis// g.yo med mi g.yo dbyer med pa yi ro// chos sku 'gyur med rang bzhin reg nyid dang // ye shes mi 'gyur rang bzhin reg nyid gnyis// 'gyur med mi 'gyur dbyer med reg pa'o// rin po che rgyas pa chen po'i mdo las/ 'dod pa'i yon tan lnga la chos kyi sku dang rang byung ye shes dang dbyer med pa'i ming btags pa'i le'u ste zhe gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la/ kha dog rnam pa lnga ru snang ba la// chos kyi sku dang rang byung ye shes kyi// dbyer med ming btags snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang gsal sgrib med rang bzhin dkar// chos sku 'gyur med brdal ba'i rang bzhin ser// chos sku rgya chad med pa'i rang bzhin dmar// chos sku g.yo ba med pa'i rang bzhin sngo// chos sku 'gag pa med pa'i rang bzhin ldang // ye shes ma bsgribs rang gsal rang bzhin dkar// ye shes mi 'gyur brdal ba'i rang bzhin ser// ye shes rgya ma chad pa'i rang
- 164a
bzhin dmar// ye shes mi 'gyur g.yo ba'i rang bzhin sngo// ye shes ma 'gags pa yi rang bzhin ldang // chos sku sgrib med rang gsal dkar ba dang // ye shes ma bsgribs rang gsal dkar ba gnyis// sgrib med ma bsgribs dbyer med rang gsal dkar// chos sku 'gyur med rang bzhin ser ba dang // ye shes mi 'gyur rang bzhin ser ba gnyis// 'gyur med mi 'gyur dbyer med ser ba'o// chos sku rgya chad med pa'i dmar ba dang // ye shes rgya ma chad pa'i dmar ba gnyis// rgya chad rgya ma chad pa'i dbyer med dmar// chos sku g.yo med rang bzhin sngo ba dang // ye shes mi g.yo rang bzhin sngo ba gnyis// g.yo med mi g.yo dbyer med rang bzhin sngo// chos sku 'gag med rang bzhin ldang ba dang // ye shes ma 'gags rang bzhin ldang ba gnyis// 'gag med ma 'gags dbyer med ldang ba'o// rin po che rgyas pa chen po'i mdo las/ kha dog lnga la chos kyi sku dang rang 'byung ye shes dbyer med pa'i ming btags pa'i le'u ste zhe gsum pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// chos kyi sku la theg pa rnams kyi ming // chos kyi sku la ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku'i rang bzhin lhun grub ming
- 164b
med de// mtshan ma theg pa'i chos sku'i ming btags pa// chos sku 'gyur med rang gsal ye nyid mu// chos nyid bcos pa med pa'i rang bzhin stegs// chos sku rig med rang gsal ye nyid nyan// chos sku bcos pa med pa'i rang bzhin thos// chos sku bsgrubs pa med pa grub pa rang // chos nyid btsal du med pa ye sangs rgyas// g.yos pa med pa'i chos sku ye nas sems// chos nyid rang bzhin lhun gyis grub pa tsam// chos sku skye med mtha' dbus med pa dbu// chos sku bcos me yongs la khyab pas ma// chos sku rang bzhin bya ba med pas kri// chos sku grub med bya ba med pas ya// chos sku gzung du med pa brdal ba u// chos sku brdal ba'i rang bzhin khyab pas pa// chos nyid ye nas lhun gyis grub pa ya// chos sku 'gag med yongs la khyab pa yo// 'gag med snying po rtog med mthar phyin ga/ chos sku skye med kun la khyab pa ma// chos sku brdal ba bde chen dgyes pa ha// chos sku mtha' dbus med pas khyab pa yo// chos sku ming med bde ba mthar phyin ga/ chos sku spros pa med pa'i chos nyid a// chos nyid spros med 'du 'bral med pa nu// 'du 'bral med pa kun la khyab pa yo// kun la khyab pa chos sku'i rang bzhin ga/ chos sku skye med brjod du med pa a// skye med mtshon du med pa rdzogs pa ti// chos sku kun khyab lus med rdzogs pa yo// chos
- 165a
sku skye med kun khyab mthar phyin ka/ rin po che rgyas pa chen po'i mdo las/ theg pa rnams la chos kyi sku'i ming btags pa'i le'u ste zhe bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang byung ye shes theg pa rnams kyi ming // rang byung ye shes ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang byung ye shes rang bzhin ming med de// theg pa'i rang byung ye shes ming btags pas// ye shes ma bcos rang rig ye nyid mu// ye shes mi 'gyur rig pa mi rtog stegs// rang byung ye shes ma bcos ye nas nyan// ye shes mi 'gyur rig pa mi rtog zos// ye shes ma bsgrubs ye nyid grub pa rang // rig pa ma bcos ye shes dbyings nas sangs// ma g.yos pa yi ye shes rang rig rgyas// ye shes ma g.yos rang rig rig pa sems// ye shes sems kyi rang rig grub pa tsam// ye shes mi 'gyur mtha' dbus med pa dbu// rang byung ye shes kun la khyab pa ma// ye shes snying po ma byas rang rig kri// rang byung ye shes ma g.yos mthar phyin ya// ye shes ma bskyod rang gsal brdal ba u// ye shes brdal ba'i dbyings nyid rang rig pa// dbyings nas ma bskyod ye shes grub pa ya// ye shes mi 'gyur yongs la khyab pa
- 165b
yo// ye shes snying po rang rig mi rtog go/ rang byung ye shes kun la khyab pas ma// ye shes mi rtog bde ba dgyes pa ha// ye shes bde ba'i rang rig khyab pas yo// ming dang bral ba'i bde ba mi rtog ga/ ye shes rang rig ma skyes dbyings nyid a// rig pa'i ye shes ma skyes mi rtog nu// ma g.yos pa yi ye shes khyab pa yo// rang byung ye shes rang bzhin mi rtog ga/ rang byung ye shes ma skyes dbyings nyid a// rang byung ye shes kun la rdzogs pas ti// rang byung ye shes kun la khyab pas yo// rang byung ye shes lhun gyis grub pas ga/ rin po che rgyas pa chen po'i mdo las// theg pa rnams kyi ming rnams la rang byung ye shes kyi ming btags pa'i le'u ste zhe lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// chos sku rang byung ye shes dbyer med ming // theg pa rnams kyi ming rnams so/ so la// chos sku rang byung ye shes dbyer med ming // btags pa'i mi rnams snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku 'gyur med rang gsal mu nyid dang // ye shes mi 'gyur rang gsal mu nyid gnyis// 'gyur med mi 'gyur gnyis med rang gsal mu// chos sku bcos med rang bzhin stegs nyid dang // ye shes ma bcos rang bzhin stegs nyid
- 166a
gnyis// bcos med ma bcos dbyer med rang bzhin stegs// chos sku rig med rang gsal nyan nyid dang // ye shes rang rig rang gsal nyan nyid gnyis// rig med rang rig dbyer med rang gsal nyan// chos sku bcos med rang bzhin thos pa dang // ye shes ma bcos rang bzhin thos pa gnyis// bcos med ma bcos dbyer med rang bzhin thos// chos sku bsgrubs pa med pa rang nyid dang // ye shes ma bsgrubs grub pa rang nyid gnyis// bsgrubs med ma bsgrubs dbyer med rang bzhin rang // chos sku rtsol med ye sangs rgyas pa dang // ye shes ma btsal ye sangs rgyas pa gnyis// rtsol med ma btsal gnyis med ye sangs rgyas// chos sku g.yos pa med pa ye sems dang // ye shes ma g.yos pa yi ye sems gnyis// g.yos med ma g.yos dbyer med ye nas sems// chos sku rang bzhin lhun gyis grub tsam dang // ye shes rang bzhin lhun gyis grub tsam gnyis// chos sku ye shes dbyer med lhun grub tsam// chos sku skye ba med pa'i dbu nyid gnyis// skye med ma skyes dbyer med dbu nyid do// chos sku bcos med kun la khyab ma dang // ye shes ma bcos kun la khyab ma gnyis// bcos med ma bcos dbyer med kun khyab ma// chos sku byas med rang bzhin kri nyid dang // ye shes ma byas rang bzhin kri nyid gnyis// byas med ma byas dbyer
- 166b
med rang bzhin kri// chos sku bsgrub med bya ba med ya dang // ye shes mi sgrub mi bya med ya gnyis// bsgrub med mi sgrub dbyer med rang bzhin ya// chos sku gzung du med pa'i brdal u dang // ye shes mi gzung ba yi brdal u gnyis// gzung med mi gzung dbyer med brdal ba u// chos sku rig med rang bzhin khyab pa dang // ye shes rig pa rang bzhin khyab pa gnyis// rig med rig pa dbyer med rang bzhin pa// chos sku bya med grub pa ya nyid dang // ye shes ma byas grub pa ya nyid gnyis// bya med ma byas dbyer med grub pa ya// chos sku 'gag med yongs la khyab yo dang // ye shes ma 'gags yongs la khyab yo dang // ye shes ma 'gags yongs la khyab yo gnyis// 'gag med ma 'gags dbyer med khyab pa yo// chos sku rtog med mthar phyin ga nyid dang // ye shes mi rtog mthar phyin ga nyid gnyis// rtog med mi rtog dbyer med mthar phyin ga/ chos sku skye med kun la khyab ma dang // ye shes ma skyes kun la khyab ma gnyis// skye med ma skyes dbyer med kun khyab ma// chos sku g.yo med bde ba hA nyid dang // ye shes mi g.yo bde ba ha nyid gnyis// g.yo med mi g.yo dbyer med bde ba hA// chos sku rig med khyab pa yo nyid dang // ye shes rig pa khyab pa yo nyid gnyis// rig med rig pa dbyer med khyab pa yo// chos sku rtog med bde ba ga
- 167a
nyid dang // ye shes mi rtog bde ba ga nyid gnyis// rtog med mi rtog dbyer med bde ba ga/ chos sku spros pa med pa'i a nyid dang // ye shes ma spros pa yi a nyid gnyis// spros med ma spros dbyer med a nyid a// chos sku nub med rang bzhin nu nyid dang // ye shes mi nub rang bzhin nu nyid gnyis// nub med ma nub dbyer med rang bzhin nu// chos sku skye med kun la khyab yo dang // ye shes ma skyes kun la khyab yo gnyis// skye med ma skyes dbyer med kun khyab yo// chos sku mtshon med mthar phyin ga nyid dang // ye shes ma mtshon mthar phyin ga nyid gnyis// mtshon med ma mtshon dbyer med mthar phyin ga/ chos sku brjod med snying po a nyid dang // ye shes ma brjod snying po a nyid gnyis// brjod med ma brjod dbyer med snying po a// chos sku rig med rdzogs pa ti nyid dang // ye shes rig pa rdzogs pa ti nyid nyis// rig med rig pa dbyer med rdzogs pa ti// chos sku rang bzhin kun khyab yo nyid gnyis// chos sku ye shes dbyer med kun khyab yo// chos sku rang gsal 'bras bu ga nyid dang // rang byung ye shes 'bras bu ga nyid gnyis// chos sku ye shes dbyer med 'bras bu ga/ rin po che rgyas pa chen po'i mdo las// theg pa rnams kyi ming rnams la chos sku dang ye shes dang dbyer med pa'i ming btags pa'i le'u ste zhe drug
- 167b
pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// 'di ltar snang ba'i chos rnams thams cad la// rang byung ye shes yan lag rtsal 'khrul na// snod du 'khrul dang bcud du 'khrul pa yi// 'khrul pa'i gzhi dang 'khrul pa'i 'dra gzhi dang // gcig dang gnyis su ming btags ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku rang 'byung snying po 'od gcig la// snying po gcig ni 'khrul pa'i gzhi yang yin// yan lag gcig ni 'khrul pa'i 'dra gzhi ste// gcig ni gcig la 'khrul te gcig 'khrul ba'o// gcig tu 'khrul pa'i chos rnams thams cad kun// gcig 'khrul gcig snang gcig byung gcig tu gnas// gcig spyod gcig tu 'dod pa gcig 'khrul te// snod kyi ming med bag chags chags pa dang // yan lag rig pa ming med rig pa yis// snod kyi ming gcig btags pa snod 'khrul pa// yan lag rig med rig ma skyes pa yis// 'dra 'dus rigs mthun 'dra ba bag tsam chags// bag chags chags pa'i bag chags ming med la// rtsal gyi rigs pa 'khor lo gsum skyes pas// 'dra mthun rigs mthun ming btags 'khrul pa la// snod kyi ming btags bag chags brtas pa ste// bag chags brtas pa snod du 'khrul pa
- 168a
yin// snod du 'khrul pas snod du snang ba dang // snod du snang bas snod du byung ba dang // byung bas snod gnas snod spyod snod 'dod pa'o// de ltar ye shes snod dang sems can snod// snod kyi bag chags 'khrul nas snang ba'o// bcud kyi ming med ming gi bag chags la// yan lag zer gyi rig pa skyes pa de// rig pa'i yan lag bag tsam chags pa yi// 'dra 'dus rigs mthun rig pa bag chags chags// chags pa'i rig pa ming med byung ba la// rig skyes 'khor lo gsum gyi ming btags pa'o// 'dra mthun rigs mthun 'dra rnams shes pa yis// bcud kyi ming btags bag chags brtas pa yis// bcud du 'khrul te bcud du snang ba dang // bcud du snang bas bcud du byung ba ste// byung bas bcud gnas bcud spyod bcud 'dod pa'o// 'dod pas ye shes bcud dang sems can bcud// bcud kyi bag chags brtas nas 'khrul pa'o// dbyer med snying po gnyis ltar snang ba ni// nyi zer 'od dang shel gyi rgyus pa 'dra// gnyis med gnyis ni 'khrul pa'i rgyu yin te// yan lag gnyis ni 'khrul pa'i 'dra gzhi yin// gnyis ni gnyis la 'khrul te gnyis 'khrul pa'o// gnyis su 'khrul pa'i chos rnams thams cad kun// gnyis 'khrul gnyis snang gnyis 'byung gnyis su gnas// gnyis su spyod cing gnyis su 'dod
- 168b
pa'o// gnyis su 'khrul pa'i chos ni rnam gnyis te// snod kyi gnyis dang bcud kyi gnyis pa'o// snod kyi gnyis 'khrul gnyis pa 'khrul pa ni// rang byung rtsal gyi yan lag g.yos pa yi// rig med rig ma skyes pa gnyis pa'o// phra ba'i phra mo mang po skyes pa yis// 'dra 'dus rigs mthun 'dra ba'i bag chags chags// bag chags chags pa'i bag chags ming med la// yan lag rig pa'i 'khor lo gsum skyes pas// 'dra/ mthun rigs mthun ming gnyis bag chags brtas// snod kyi ming gnyis bag chags brtas pa ste// bag chags gnyis brtas snod du 'khrul pa yin// snod gnyis 'khrul pas snod gnyis snang ba dang // snod gnyis snang bas snod du byung ba dang // snod gnyis byung bas snod gnyis gnas pa dang // snod gnyis gnas pas snod gnyis spyod pa dang // snod gnyis spyod pas snod gnyis 'dod pa dang // de bzhin snod rnams grangs med snang ba dang // ye shes snod dang sems can rnams kyi snod// de bzhin bag chags brtas nas 'khrul snang ba'o// bcud kyi gnyis 'khrul gnyis pa snang ba ni// rig pa phra rab gnyis pa skyes pa de// rig pa'i yan lag grangs med bag tsam chags// chags pa'i 'dra 'dus rigs mthun bag tsam chags// chags pa'i rig pa ming med byung ba la// rig skyes 'khor lo gsum gyis ming btags
- 169a
pa// 'dra mthun rigs mthun rnams kyi shes pa yis// ming gnyis btags pa'i bag chags brtas pa'o// bcud gnyis bcud kyi ming gnyis 'khrul pa ste// gnyis 'khrul gnyis kyi ming gnyis 'khrul pa ste// 'khrul pas gnyis snang gnyis kyi ming gnyis snang // snang bas gnyis byung gnyis kyi ming gnyis byung // byung bas gnyis gnas gnyis kyi ming gnyis gnas// gnas pas gnyis spyod gnyis kyi ming gnyis spyod// spyod pas gnyis 'dod gnyis kyi ming gnyis 'dod// de bzhin bcud rnams grangs med snang ba yang // ye shes bcud dang sems can rnams kyi bcud// bcud kyi bag chags brtas pa snang ba'o// de ltar gsum dang bzhi la sogs pa yi// snod bcud grangs med 'khrul pa snang ba'o// rin po che rgyas pa chen po'i mdo las/ snod bcud 'khrul ba dang / snod bcud 'khrul pa'i ming dang / gcig dang gnyis 'khrul pa'i grangs mi 'khrul pa'i ming btags pa'i le'u ste zhe bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// chos rnams thams cad bsdun du ru 'dus// yan lag rtsal gyi byin rlabs 'bras bu dang // rang la ye shes ci yis 'char ba dang // shar ba'i byin rlabs 'bras bu ji lta bu// ston pa'i ston pa kun tu bzang po yis// sdud pa'i gsang bdag rdo/
- 169b
rje sems dpa' la// byang chub sems kyi kun gzhi lhun grub 'di// kun la khyab kyang thig le gcig pa'i phyir// chos rnams thams cad thig le gcig tu 'dus// rang bzhin lhun grub rang 'byung snying po 'di// chos sku ye shes gnyis su gnas pa'i phyir// chos rnams thams cad gnyis su 'dus pa'o// gnyis 'dus gnyis kyi ming btags snang ba ni// rang byung ye shes yan lag snying po gnyis// 'khor ba'i chos dang mya ngan 'das chos gnyis// ma 'dres pa dang yongs su rdzogs pa gnyis// 'khrul par snang dang ma 'khrul snang ba gnyis// dngos dbang bsam dbang gnyis dang snod bcud gnyis// phyi nang gzung 'dzin gnyis su snang ba la// ming btags gnyis snang gnyis su 'dus pa'o// nam mkha' rang bzhin kun khyab ming med 'di// ming gsum med pa'i ming gsum btags pa ste// ming gsum btags pa'i ming la gsum 'dus pas// chos sku rang byung ye shes dbyer med gsum// lhun grub thams cad lta ba yin par 'dus// 'khrul snang thams cad spyod pa yin par 'dus// gnyis med thams cad sgom pa yin par 'dus// yi ge med pa'i rgyu dang rten med lung // nges pa med pa'i man ngag gsum du 'dus// mtshan nyid yongs rdzogs rnam dag yongs rdzogs dang // rnam rtog yongs rdzogs rdzogs pa gsum du 'dus// rgyu dang
- 170a
lam dang 'bras bu gsum du 'dus// sangs rgyas chos dang dge 'dun gsum du 'dus// chos sku ye shes sems dang gsum du 'dus// lha sku spyod gsung sgom thugs gsum du 'dus// lta ba chos sgra sgom pa longs sku dang // spyod pa sprul pa'i sku ste gsum du 'dus// lta ba shes pa'i rab ste spyod pa zabs// sgom pa gnyis med dbyer med gsum du 'dus// lta ba zhi gnas spyod pa lhag mthong dang // sgom pa zung du 'brel ba gsum du 'dus// lta ba kun bzang mo dang spyod pa kun bzang po// sgom pa gnyis med yin pa gsum du 'dus// lta ba bka' la spyod pa bstan bcos dang // sgom pa man ngag gsum du 'dus pa ste// lta ba ston pa spyod pa bstan pa dang // sgom pa sdud pa phun sum tshogs pa'o// bzhi med bzhi ru chos rnams 'dus pa yang // chos kyi sku dang rang byung ye shes dang // sems dang bag chags bzhi ru 'dus pa'o// lnga med lnga ru chos rnams 'dus pa yang // rang bzhin ngo bo lnga ru 'dus pa'i phyir// rigs lnga lnga ru chos rnams 'dus pa'o// rang byung rtsal gyi yan lag byin rlabs las// dngos po 'khor bar snang ba'i 'bras bu dang // mtshan ma theg par snang ba'i 'bras bu grub// rang la ye shes ci yis 'char ba ni// 'khrul ba'i chos su snang ba thams cad kun// 'khrul pa'i rtsad gcad rtsa ba chod pa yis// rang byung ye shes
- 170b
rang rig grangs med pa// rang la ye shes rig pa grangs med skye// skyes pa'i byin rlabs 'bras bur byung ba ni// chos rnams thams cad ma bsam thugs su chud pa dang // chos rnams ma mnyan ston par byung ba dang // ma sgoms pa ru ye sangs rgyas pa dang // sngon ma mthong ba'i 'bras bur chos sku mthong // mthong ba'i byin rlabs 'bras bu sangs rgyas pa'o// rin po che rgyas pa chen po'i mdo las/ byin rlabs kyi 'byung khungs kyi le'u ste zhe brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// 'khrul pa'i rtsad gcad rtsad chod don mthong na// rtags dang mngon shes 'byung ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// dang po rtags ni 'di rnams 'byung ba ste// 'khor ba'i chos la skyo sems bskyed pa 'byung // sems can rnams la snying rje skye ba dang // rang gi lus dang gnas la mi chags shing // zag ring gzhan du 'gro ba 'dod pa 'byung // gnyis ka la ni rtags rnams 'byung ba yang // gos dang zas kyi 'du shes chung ba dang // nyon mongs la sogs chags sdang chung ba dang // snying rje phan sems rab tu che ba dang // rmi lam rtags ni mang du byung ba ste// gsum pa la yang 'di ltar 'byung ba yin// yo byad longs spyod thams cad
- 171a
'gog pa dang // dge mi dge la rnam par rtog pa med// nyon mongs sgrib pa rnam par dag pa dang // rmi lam rtags rnams sna tshogs 'byung ba dang // drod rtags mngon shes cho 'phrul sna tshogs 'byung // dbang po rab 'bring tha ma rtsal gyis 'byung // byung yang rang byung rtsal snang byung ba yin// re ba dogs pa kun spangs chos nyid dang // de dag chos nyid ngang du spyad par bya'o// rin po che rgyas pa chen po'i mdo las/ rtags dang cho 'phrul mngon shes 'byung ba'i le'u ste zhe dgu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang bzhin lhun grub brda yi rnam pa 'di// su la bstan cing gtad pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// theg chen sgor zhugs blo 'phangs mtho ba dang // ngang dge sgro ring snying rje phan sems che// nga rgyal khengs sems chung la dad pa che// dam tshig srung zhing pha rol spyod dang bstun// dgra la gzur zhing bla ma thabs kyis tshol// bla ma'i don la yid ches nges par 'jog/ bla ma khur zhing bla ma mchod pa de// nges mchod rtags su ser sna med par 'byung // byung ba'i rtags su gtong phod che ba ste// yul mkhar khyim dang bang mdzod 'bru rnams dang // gser dngul zangs lcags mu tig g.yul
- 171b
sogs// yo byad rnams la chags chung sems pa med par gtong // lus srog bu smad g.yog 'khor bcas pa yang // bla ma mnyes par bya phyir 'bul bar byed// de lta bu yi snod bzang ldan la bstan// skyo dub med pa'i dad pa can la bstan// gyong sems med pa'i mnyen lcug drang la bstan// rmongs pa med pa'i shes rab che la bstan// gsang tshig thub pa'i skyes bu chen po la// rang bzhin don mtshon brda yi rgyud 'di bstan// gdams ngag 'tsho shes rnal 'byor chen po la// sangs rgyas mtshon pa'i bstan pa'i rgyud 'di gtad// rang bzhin lhun grub kun tu bzang po dang // rang byung yan lag rdo rje sems dpa' gnyis// tha dad med de dbyer med gcig gi ngang // gcig la gtad cing bstan pa med par gtad// rin po che rgyas pa chen po'i mdo las// gtad rgya bstan pa'i le'u ste lnga bcu tham pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// 'di la ming btags nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos rnams thams cad 'di las 'byung ba'i phyir// 'byung ba'i 'byung khungs chen po zhes kyang bya'o// lam med lam du bgrod nas ston pa'i phyir// lam rgyus lam mkhan chen po zhes kyang bya// chos rnams thams cad 'khrul nas
- 172a
snang ba'i phyir// 'khrul snang chen po'i rgyud chen ces kyang bya'o// chos rnams thams cad ma lus 'dus pa'i phyir// rdzogs pa chen po'i rgyud chen ces kyang bya'o// ji ltar 'dod pa bzhin du 'byung ba'i phyir// rin po che rgyas pa chen po'i mdo zhes kyang bya'o// byang chub sems rin po che rgyas pa chen po'i mdo las// rgyud du ming btags pa'i le'u ste nga gcig pa'o// // byang chub kyi sems rin po che rgyas pa chen po'i mdo zhes bya ba rdzogs so// // @#// sdud pa'i gsang bdag rdo rje sems dpa' yis// ston pa'i ston pa kun tu bzang po la// gang gis gang la dbang bskur byin rlabs dang // chos sku rang byung ye shes dbyer med pa'i// zhal bstan 'bras bu nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub rang byung dbyer med pa'i// chos sku gsal gdangs 'gag med ston pa des// rang byung zer gyi ston pa kun bzang la// rang bzhin lhun grub dbang bskur byin rlabs pa// gnyis med thig le chen por sangs rgyas pa'o// yan lag zer gyi ston pa kun bzang des// sdud pa'i gsang bdag rdo rje sems dpa' la// rang bzhin dbang bskur gnyis med byin rlabs pa// gnyis med thig le chen por sangs rgyas pa'o// chos sku rang byung ye shes
- 172b
nam mkha' la// kun tu bzang po dang nyid nam mkha' 'byung // nga las 'byung dang nga nyid nam mkha' la// nga las pa nyid nam mkha' ngas bstan pa// chos sku rang rig med pa'i mkha' nyid dang // rang byung ye shes rang rig mkha' nyid gnyis// dbyer med gcig ste nam mkha' nyid kyi ngang // gcig dang tha dad dag las grol ba'o// rang bzhin dbang bskur la yang rnam gnyis te// spyi yi rang bzhin lhun grub dbang bskur dang // khyad par rang bzhin lhun grub dbang bskur ba'o// spyi yi lhun grub dbang bskur rnam bzhi ste// rang bzhin lhun grub bum pa'i dbang bskur dang // gsang ba'i dbang dang shes rab ye shes dbang // dbyer med mtshon pa'i dbang ste bzhi pa'o// rang bzhin lhun grub bum pa'i dbang bskur ba// chos sku rig med phyi ste bum nyid dang // rang byung ye shes nang ste bum nyid gnyis// phyi nang gnyis su med pa'i bum pa'i dbang // rdzogs chen dbang po yang rab gyur pa la/ rang bzhin gnyis med bum pa'i dbang bskur bas// gnyis med thig le chen por sangs rgyas pa'o// rang bzhin lhun grub gsang ba'i dbang bskur ba// chos sku rig med rang gsal shes rab gsang // rang byung ye shes rig pa thabs te ba// thabs dang shes rab gnyis med gsang ba'i dbang // rdzogs chen dbang po yang rab gyur pa la// rang bzhin
- 173a
gnyis med gsang ba'i dbang bskur bas// gnyis med thig le chen por sangs rgyas pa'o// shes rab ye shes lhun grub dbang bskur ba// chos sku rig med stong pa shes pa rab// rang byung ye shes rang rig ye nas shes// chos sku ye shes shes rab ye shes dbang // rdzogs chen dbang po yang rab gyur pa la// shes rab ye shes gnyis med dbang bskur bas// gnyis med thig le chen por sangs rgyas pa'o// bzhi pa rang bzhin lhun grub dbang bskur ba// chos sku rig med ming bral mtshon med dang // rang byung ye shes ming med mtshon byed pa// mtshon pa gnyis med mtshon pa brda yi dbang // rdzogs chen dbang po rab tu gyur pa la// rang bzhin gnyis med brda yi dbang bskur bas// gnyis med thig le chen por sangs rgyas so// khyad par lhun grub dbang bskur la yang bzhi// rang bzhin bum pa'i dbang dang gsang ba'i dbang // shes rab ye shes dbang dang mtshon pa bzhi'o// rang bzhin lhun grub bum pa la yang bzhi// chos sku rang byung ye shes dbyer med dang // dbyer med ming med mtshon pa'i bzhi pa'o// chos sku'i dbang bskur byin rlabs ni// skye med rang gsal 'gyur med ye nyid bum// bcos pa med pa'i rang bzhin rang gsal ba// skye med bcos pa med pa'i bum pa'i dbang // rdzogs chen dbang po rab tu gyur pa la// chos
- 173b
sku rang gsal bum pas dbang bskur bas// chos sku 'gyur ba med par byin rlabs te// sangs rgyas chos sku'i dbang bskur ro// ma skyes rang byung ye shes dbang bskur byin rlabs ni// ma skyes mi 'gyur ye shes ye nyid bum// ma bcos pa yi rang bzhin ye shes ye nyid pa// ma skyes mi 'gyur ye shes bum pa'i dbang // rdzogs chen dbang po rab tu gyur pa la// rang byung ye shes bum pa'i dbang bskur bas// rang byung ye shes mi 'gyur byin rlabs te// sku yi ye shes gsung gi dbang bskur ba'o// chos sku ye shes gnyis med bum dbang ni// skye med ma skyes gnyis med ye shes ye nyid bum// bcos med ma bcos gnyis med rang gsal ba// chos sku ye shes gnyis med bum pa'i dbang // rdzogs chen dbang po rab tu gyur pa la// skye med ma skyes gnyis med dbang bskur bas// gnyis med thig le chen por byin rlabs te// sku yi thugs kyi gnyis med dbang bskur ba'o// ming med gsum mtshon bum dbang byin rlabs ni// chos sku ye shes gnyis med ming med brda// sku gsung thugs kyi dbyer med ming med brda// ming med gsum la mtshon pa brda yi dbang // rdzogs chen dbang po rab tu gyur pa la// ming med gsum mtshon brda yis dbang bskur bas// ming med gsum gyi ngang du byin rlabs te// ming med lhun grub brda yi dbang bskur
- 174a
pa'o// rang bzhin lhun grub gsang ba'i dbang la rnam bzhi ste// chos sku gsang ba'i dbang bskur byin rlabs ni// spros med rang gsal brjod med ye shes ye nyid gsang // brjod du med pa'i rang bzhin rang gsal ba// spros med brjod du med pa'i gsang ba nyid// rang bzhin chos sku lhun grub gsang ba'i dbang // rdzogs chen dbang po rab tu gyur pa la// chos sku rang gsal gsang ba'i dbang bskur bas// chos sku spros pa med par byin rlabs te/ chos sku gsang dbang chos sku'i dbang bskur ba'o// rang byung ye shes gsang ba'i dbang bskur ni// ma spros rang gsal ye shes ye nyid gsang // ma brjod rang bzhin rang gsal ye shes pa// ma spros ma brjod ye shes gsang ba nyid// rang bzhin lhun grub ye shes gsang ba'i dbang // rdzogs chen dbang po rab tu gyur pa la// rang byung ye shes gsang ba'i dbang bskur bas// ma spros ye shes chen por byin rlabs te// rang byung ye shes gsang ba'i dbang bskur ba'o// chos sku ye shes gnyis med gsang dbang ni// spros med ma spros gnyis med ye shes ye nyid gsang // brjod med ma brjod dbyer med rang gsal ba// chos sku ye shes gnyis med gsang ba nyid// rang bzhin lhun grub ye shes gnyis med gsang ba'i dbang // rdzogs chen dbang po rab tu gyur pa la// chos sku ye shes
- 174b
dbyer med dbang bskur bas// spros med ma spros gnyis med byin rlabs te// gnyis med gsang ba'i dbang bskur ba'o// ming med gsum mtshon gsang dbang bskur ba ni// chos sku ming med gsang dbang mtshon pa dang // ye shes ming med gsang dbang mtshon pa dang // gnyis med ming med gsang dbang mtshon pa yi// ming med rnam gsum gsang dbang mtshon pa'i dbang // rdzogs chen dbang po yang rab gyur pa la// ming med gsang dbang mtshon pa'i dbang bskur bas// ming med gsum gyi ngang du byin rlabs te// ming gsum med pa'i brda yis dbang bskur ba'o// shes rab ye shes lhun grub dbang la bzhi// g.yo med gsal skye med pa shes rab nyid// 'gyur ba med pa'i rang bzhin rang gsal yi// bcos pa med pa'i chos nyid bde ba shes// skye ba med pa'i shes rab ye shes nyid// chos sku lhun grub shes rab ye shes dbang // rdzogs chen dbang po rab tu gyur pa la// chos sku shes rab ye shes dbang bskur bas// chos sku 'gyur ba med pa'i byin rlabs te// chos sku bde ba chen pos dbang bskur ba'o// ma g.yos rang gsal ye shes shes rab nyid// mi 'gyur ba yi rang gsal yi// ma bcos ye shes bde ba shes// ma skyes pa yi shes rab ye shes nyid// ye shes lhun grub shes rab ye shes dbang // rdzogs chen dbang po rab tu gyur/
- 175a
pa la// lhun grub shes rab ye shes dbang bskur bas// ye shes mi 'gyur dang du byin rlabs te// rang byung ye shes bde ba'i dbang bskur ba'o// g.yo med mi g.yo gnyis med shes rab nyid// 'gyur med mi 'gyur gnyis med rang byung yi// bcos med ma bcos dbyer med lhun grub shes// gnyis med lhun grub shes rab ye shes dbang // rdzogs chen dbang po rab tu gyur pa la// gnyis med shes rab ye shes dbang bskur bas// g.yo med mi g.yo gnyis med byin rlabs te// gnyis med shes rab ye shes dbang bskur ba'o// ming med gsum mtshon shes rab ye shes dbang // rdzogs chen dbang po ya rab gyur pa la// ming med gsum gyi brda yis dbang bskur ba'o// ming med gsum gyi ngang du byin rlabs te// ming gsum med pa'i dbang bskur ba'o// brda yi dbang bskur la yang rnam bzhi ste// chos sku med chos sku mtshon dbang dang // ye shes ming med chos sku mtshon dbang dang // ye shes ming med ye shes brda dbang dang // dbyer med ming med gnyis med brda dbang dang // ming med gsum la mtshon pa'i dbang bskur bas// ming med mtshon pa med par byin rlabs te// nam mkha' ming med brda yis dbang bskur ba'o// zhal bstan 'bras bu nges pa la yang gnyis// spyi dang khyad par gnyis kyi zhal bstan
- 175b
pa'o// spyi yi rang byung chos sku'i zhal bstan pa// nam mkha' ming du ma btags nam mkha' yi// nam mkha' snying por nam mkha' bltas byas nas// de tshe nam mkha' nyid du gyur pa yi// 'bras bu sangs rgyas nyid du nges thob pa'o// khyad par zhal bstan la yang rnam gsum ste// rang bzhin lhun grub chos sku'i zhal bstan pa// nam ni rig med chos sku'i rang bzhin las// chos sku rig med nam mkha'i rang bzhin te// lhun grub chos sku nam mkha' blta byas nas// de tshe chos sku nam dang gnyis med pas// 'bras bu sangs rgyas chos sku nges thob pa'o// lhun grub rang byung ye shes zhal bstan pa// mkha' ni rang byung ye shes la// rang byung ye shes nam mkha'i rang bzhin te// lhun grub rang byung mkha' la bltas byas na// de tshe rang byung ye shes nyid dang gnyis med pa'i// 'bras bu rang byung ye shes nges thob pa'o// chos sku ye shes dbyer med zhal bstan pa// nam ni rig med chos sku'i rang bzhin dang // mkha' ni rang byung ye shes rang bzhin gnyis// gcig dang tha dad dag las grol gnas te// gnyis med ming bral dang du bltas byas na// de tshe dbyer med gnyis su med par 'gyur// chos sku ye shes dbyer med nges pa'o// rin po che rgyas pa chen po'i mdo las/ dbang bskur ba rnam bzhis 'bras bu sangs rgyas pa'i zhal bstan pa'i le'u ste dang
- 176a
po'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// lta spyod sgom pa'i 'bras bu dbyer med pa'i// spyi yi ming btags nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos rnams thams cad 'byung ba'i gzhir gyur pa// rang rig rig med stong pa'i rang bzhin can// mtha' dang dbus med don dam snying po'i ngang // brjod du med pa'i rang bzhin yul las 'das// dngos po mtshan ma med pa'i bdag chen po// 'gyur ba med pa ma bcos kun gyi las// tha snyad kun dang bral ba thig le'i klong // sgro skur kun bral tshig gis mtshon du med// yod med stong dang mi stong gzhal du med// rgyu rkyen ma bskyed zag pa med pa'i sku// kun la khyab pa'i rgya yongs ma chad pa// zad med rin chen gter gyi mdzod gyur pa// tshogs brgyad yul du ma gyur rmad du byung // rmad byung byang chub sems kyi rang bzhin 'di// gcod med mi gcod dbyer med shes rgyus 'dra// snang ba 'di nyid yin te mthong ba med// mthong med mthong ba lta ba'i mchog tu yin// rang byung ye shes rtsal gyi yan lag snang ba rnams// lta ba'i ngang du dbyer med spyod snang ba// rig med rang gsal stong pa'i ngang du spyod// rang rig rang gsal mtha' dbus med
- 176b
la spyod// brjod med rang bzhin rtog med yul la spyod// dngos po mtshan med dbyings kyi don la spyod// 'gyur med ma bcos kun gyi lam du spyod// tha snyad kun bral thig le chen por spyod// sgro skur bral ba dbyings kyi ngang du spyod// gzhal du med pa'i stong pa'i dbyings su spyod// rgyu rkyen ma bskyed zag med sku ru spyod// kun kyang rgya yongs ma chad pa ru spyod// zag pa med pa'i rin chen gter du spyod// rmad byung byang chub sems kyi rang bzhin 'di// spyod pa med pa'i ngang du spyod pa ste// spyod med spyod pa spyod pa'i spyod mchog yin// rtsal gyi yan lag chos rnams kun// bcos med ma bcos ji bzhin ngang la bzhag/ rig pa ma bcos ji bzhin nyid du gzhag/ bcos med ma bcos gsal ba'i ngang la gzhag/ gzhag tu dngos med dmigs pa'i ngo bo med// dngos po med pa'i rang bzhin gzhag pa med// gzhag sa med pa'i gzhag pa ni// bsgom du med pa'i sgom pa chen po ste// bsgom du med pa'i sgom pa chen po ni// sgom pa kun gyi nang na bsngags pa yin// yan lag rtsal gyi chos kyi snying po nyid// bslab pa med pa'i lhun gyis grub pa rnams// lhun grub spangs thob med pa'i 'bras bu yin// spangs thob med pa'i 'bras bu chen po'i 'bras bu yang // 'bras bu'i nang na 'bras bu mchog chen yin// lta ba'i lta ba ltar med lhun rdzogs yin// lta
- 177a
ba'i spyod pa rang bzhin yongs rdzogs yin// lta ba'i bsgom pa dmigs su med pa yin// lta ba'i 'bras bu thob pa yin// spyod pa'i lta ba rang bzhin yongs rdzogs yin// spyod pa'i spyod pa mtshan ma yongs rdzogs yin// spyod pa'i bsgom pa rang bzhin rnam dag yin// spyod pa'i 'bras bu blang dor med pa yin// sgom pa'i lta ba dmigs su med pa yin// sgom pa'i spyod pa rang bzhin rnam dag yin// sgom pa'i bsgom pa yengs su med pa yin// sgom pa'i 'bras bu spang thob med pa yin// 'bras bu'i lta ba bltar med lhun grub yin// 'bras bu'i spyod pa spyad du med pa yin// 'bras bu'i bsgom pa bsgom du med pa yin// 'bras bu'i 'bras bu thob pa med pa yin// lta spyod grangs su bstan pa dbyer med gcig/ dbyer med ming dang bral ba nam mkha' yin// rin po che rgyas pa chen po'i mdo las/ lta spyod spyi'i dbyer med kyi le'u ste gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// khyad par lta spyod sgom dang 'bras bu yi// dbyer med ming btags nges pa ji ltar lags// ston pa'i ston pa kun tu bzang po yis// sdud pa'i gsang bdag rdo rje sems dpa' la// khyad par ming btags la yang rnam pa gnyis// rang bzhin lhun grub nyid la ming btags dang // rtsal gyi yan
- 177b
lag dag la ming btags pa'o// lhun grub nyid la ming btags rnam gsum ste// chos sku ming dang rang byung ye shes dang // chos sku rang byung ye shes dbyer med pa'o// rang byung chos kyi sku la ming btags pa// rang gsal 'gyur ba med pa lta// skye ba med pa'i rtog med ngang du spyod// yengs pa med pa'i rtog med chos sku sgom// thob pa med pa'i 'bras bu lhun grub thob// rang byung ye shes nyid la ming btags pa// rang rig rang gsal mi 'gyur lta ba lta// ma skyes pa yi ming rtog dang las spyod// ma yengs mi dmigs rang gsal sgom// 'bras bu rang byung ye shes lhun grub thob// chos sku rang byung ye shes dbyer med la// lta spyod sgom dang 'bras bu'i ming btags pa// chos sku rig med rang gsal 'bras bu dang // rang byung ye shes rang rig mi 'gyur gnyis// gcig dang tha dad dag las grol ba yi// 'gyur med mi 'gyur dbyer med chen po ste/ chos sku rig med rang gsal skye med dang // rang byung ye shes rang rig ma skyes gnyis// gcig dang tha dad dag las grol ba yi// skye med ma skyes dbyer med chen por spyod// chos sku rig med rang gsal yengs med dang // rang byung ye shes rang rig ma yengs gnyis// gcig dang tha dad dag las grol ba yi// yengs med mi yengs gnyis med chen por bsgom// chos sku rig med
- 178a
gsal thob med pa dang // rang byung ye shes rang gsal ma thob gnyis// gcig dang tha dad dag las grol ba'o// thob med ma thob dbyer med 'bras bu thob// rtsal gyi ming btags la yang rnam gnyis te// yan lag snying po nyid la ming btags dang // theg dman so so rnams kyi ming btags pa'o// yan lag snying po nyid la ming btags gsum// yan lag chos kyi sku la ming btags pa// rig med spros gsal spros pa med pa lta// rig med rang gsal skye ba med pa spyod// rig med rang gsal rtog pa med pa sgom// rig med rang gsal 'bras bu chos sku thob// yan lag rang byung ye shes ming btags pa// ye shes rang gsal rang rig ma spros lha// ye shes rang gsal rang rig ma skyes spyod// ye shes rang gsal rang rig mi yengs sgom// ye shes rang gsal rang rig 'bras bu thob// spros med ma spros gnyis su med pa lta// skye med ma skyes gnyis su med pa spyod// rtog med mi rtog gnyis su med pa sgom// chos sku ye shes gnyis su med pa thob// so sor ming btags bye brag gcig gi ngang // theg dman rnams kyi so/ sor ming btags pa// lta spyod sgom dang 'bras bu so so yi// so so rang rang rtogs pa'i ming btags pa'o// rin po che rgyas pa chen po'i mdo las/ khyad par lta spyod sgom pa'i ming btags pa'i le'u ste gsum
- 178b
pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// kun gyi gzhi ma lhun grub ming med la// sa chu me rlung nam mkha' 'byung lnga la// chos kyi sku ni rang byung ye shes kyi// dbyer med ming btags snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku 'gyur med 'degs pa sra bas sa// chos sku 'gyur med sdud pa snyems pas chu// chos sku rgya chad med pa smin byed dro ba me// chos sku 'gag med bskyod med yang bas rlung // chos sku rang gsal 'byed med stong pa'i mkha'// ye shes mi 'gyur 'degs pas sra bas sa// ye shes mi g.yo sdud pas snyems pas chu// ye shes rgya ma chad pa smin byed dro bas me// ye shes ma 'gags ma bskyod yang bas rlung // ye shes rang gsal mi 'byed stong pas mkha'// chos sku 'gyur med 'degs pa'i sa nyid dang // ye shes mi 'gyur 'degs pa'i sa nyid gnyis// gcig dang tha dad dag las grol ba'i sa// chos sku g.yo ba med pa sdud pa'i chu dang ni// ye shes mi g.yo sdud pa'i chu nyid gnyis// chos sku ye shes dbyer med grol ba'i chu// chos sku rgya chad med pa'i smin me dang // ye shes rgya ma chad pa'i smin me gnyis// gcig dang tha dad dag las grol ba'i me// chos sku 'gag med bskyod med
- 179a
yang rlung dang // ye shes ma 'gags ma bskyod yang rlung gnyis// gcig dang tha dad dag las grol ba'i rlung // chos sku dbyer med stong pa nam nyid dang // ye shes mi 'byed stong pa mkha' nyid gnyis// gcig dang tha dad dag las grol ba nam mkha' 'o// rin po che rgyas pa chen po'i mdo las/ 'byung ba lnga la chos sku ye shes dang dbyer med pa'i ming btags pa'i le'u ste bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// chos rnams thams cad bsdun du ru 'dus// yan lag rtsal gyi byin rlabs 'bras bu dang // rang la ye shes ci yi 'char ba dang // shar nas byin rlabs 'bras bu ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// byang chub sems kyi kun gzhi lhun grub 'di// kun la khyab kyang thig le gcig pa'i phyir// chos rnams thams cad gnyis su 'dus// gnyis 'dus gnyis kyi ming btags snang ba ni// rang byung snying po yan lag snying po gnyis// 'khor ba'i chos dang mya ngan 'das chos gnyis// ma 'dres pa dang yongs su rdzogs pa gnyis// 'khrul par snang dang ma 'khrul snang ba gnyis// dngos dbang bsam dbang gnyis dang snod bcud gnyis// phyi nang gzung 'dzin gnyis su snang ba la// ming btags
- 179b
gnyis su 'dus pa'o// nam mkha'i rang bzhin kun khyab ming med 'di// ming gsum med pa'i ming gsum btags pa ste// ming gsum btags pa'i ming la gsum 'dus pa// chos sku rang byung ye shes dbyer med gsum// lhun grub thams cad lta ba yin par 'dus// 'khrul snang thams cad spyod pa yin par 'dus// gnyis med thams cad sgom pa yin par 'dus// yi ge med pa'i rgyu dang rten med lung // nges pa med pa'i man ngag gsum du 'dus// chos sku mtshan nyid yongs rdzogs rnam dag yongs rdzogs dang // rnam rtog yongs rdzogs rdzogs pa gsum du 'dus// rgyu dang lam dang 'bras bu gsum du 'dus// sangs rgyas chos dang dge 'dun gsum du 'dus// chos sku ye shes sems dang gsum du 'dus// lta sgom spyod gsum sgom thugs gsum du 'dus// lta ba chos sku sgom pa longs sku dang // spyod pa sprul pa'i sku ste gsum du 'dus// lta ba shes pa rab ste spyod pa thabs// sgom pa gnyis med gsum du 'dus// lta ba zhi gnas spyod pa lhag mthong dang / sgom pa zung du 'brel pa gsum du 'dus// lta ba kun tu bzang mo spyod pa kun tu bzang po gnyis// sgom pa gnyis med yin pa gsum du 'dus// lta ba bka' la spyod pa bstan bcos dang // sgom pa man ngag gsum du 'dus// lta ba ston pa spyod pa bstan pa dang // sgom pa sdud pa phun
- 180a
sum tshogs pa'o// bzhi med bzhi ru chos rnams 'dus pa yang // chos kyi sku dang rang byung ye shes dang // sems dang bag chags bzhi ru 'dus pa'o// lnga med lnga ru chos kun 'dus pa yang // rang bzhin ngo bo lnga ru 'dus pa'i phyir// rigs lnga lnga ru chos rnams 'dus pa'o// rang byung ye shes yan lag byin rlabs las// dngos po 'khor bar snang ba'i 'bras bu dang // mtshan ma theg par snang ba'i 'bras bu dang // rang la ye shes ci yis 'char ba ni// 'khrul pa'i chos su snang ba thams cad kun// 'khrul pa'i rtsa gcad rtsa ba chod pa yis// rang byung ye shes rang rig grangs med dang // rang la ye shes rig pa grangs med skye// skyes pa'i byin rlabs 'bras bu ni// chos rnams ma bsags thugs su chud pa dang // chos rnams ma mnyan ston pa 'byung ba dang // ma bsgoms pa ru ye sangs rgyas shes pas// sngon ma mthong ba'i chos sku 'bras bu mthong // mthong ba'i byin rlabs 'bras bu sangs rgyas pa'o// rin po che rgyas pa chen po'i mdo las/ byin rlabs kyi 'bras bu 'byung ba'i le'u ste lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// 'khrul pa'i rtsa gcad rtsa chod don mthong na// rtags dang mngon shes 'byung ba ji lta bu// ston pa'i ston pa kun tu bzang po yis// sdud pa'i gsang bdag rdo/
- 180b
rje sems dpa' la// dang po rtags ni 'di rnams 'byung ba ste/ 'khor ba'i chos la skyo sems skye ba 'byung // sems can rnams la snying rje skye ba dang / rang gi yul dang gnas la mi chags shing // thag ring gzhan du 'gro bar 'dod pa 'byung // gnyis pa la yang rtags rnams 'byung ba yang // gos dang zas kyi 'du shes chung ba dang / nyon mongs la sogs chags sdang chung ba dang // snying rje phan sems rab tu che ba dang // rmi lam rtags ni mang du 'byung ba ste// gsum pa la yang 'di ltar 'byung ba yin// yo byad longs spyod thams cad 'gog pa dang // dge mi dge la rnam par rtog pa med// nyon mongs sgrib pa rnam par dge ba dang // rmi lam rtags rnams sna tshogs 'byung ba dang // rang rtags mngon shes cho 'phrul sna tshogs 'byung // dbang po rab 'bring ma rtsal gyi 'byung // byung yang rang byung rtsal snang byung ba yin// re dang dogs pa kun spangs chos nyid dang // de dag chos nyid dang du spyad bya'o// rin po che rgyas pa chen po'i mdo las/ rtags dang cho 'phrul 'byung ba'i le'u ste drug pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rang bzhin don mtshon brda yis bstan pa 'di// su la bstan cing gtad pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems
- 181a
dpa' la// theg chen sgor zhugs blo 'phang mthong ba dang // ngang dge spro zhing snying rje phan sems che// nga rgyal khengs sems chung la dad pa che// dam tshig srung zhing pha rol spyod dang bstun// dgra la 'dzur zhing bla ma thabs kyis tshol// bla ma'i don la yid ches nges par 'jog/ bla ma khur zhing bla ma nges mchod de// nges mchod rtag tu ser sna med pa 'byung // byung ba'i rtags su gtong phod che ba ste// yul mkhar khyim dang bang mdzod 'bru rnams dang // gser dngul zangs lcags mu tig g.yu la sogs// yo byad rnams la chags sems med par gtong // lus srog bu smad g.yog 'khor bcas pa yang // bla ma mnyes par bya phyir 'bul bar byed// de lta bu yi snod ldan bzang la bstan// skyo dub med pa'i dad pa brtan la bstan// gyong sems med pa'i mnyen lcug drang la bstan// rmongs pa med pa'i shes rab che la bstan// gsang tshig thub pa'i skyes bu chen po la// rang bzhin don mtshon brda yi rgyud 'di gtad// gdams ngag 'tsho shes rnal 'byor chen po la// sangs rgyas mtshon pa'i bstan pa'i rgyud 'di gtad// rang bzhin lhun grub kun tu bzang po dang // rang byung yan lag rdo rje sems dpa' gnyis// tha dad med de dbyer med gcig gi ngang // gcig la bstan cing brtan pa med par gtad// rin po che rgyas pa chen po'i
- 181b
mdo las/ gtad rgya bstan pa'i le'u ste bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// 'di la ming btags nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos rnams thams cad 'di las byung ba'i phyir// byung ba'i byung khungs chen po zhes kyang bya'o// lam med lam du khrid nas ston pa'i phyir// lam rgyus lam mkhan chen po zhes kyang bya'o// chos rnams thams cad 'khrul nas snang ba'i phyir// 'khrul snang chen po'i rgyud chen zhes kyang bya'o// chos rnams thams cad ma lus 'dus pa'i phyir// rdzogs pa chen po'i rgyud chen zhes kyang bya// ji ltar 'dod pa bzhin du 'byung ba'i phyir// rin po che rgyas pa chen po zhes kyang bya// byang chub sems rin po che rgyas pa chen po'i mdo las/ ming btags pa'i le'u ste brgyad pa'o// // byang chub kyi sems rin po che'i rgyud rgyas pa chen po'i mdo zhes bya ba rdzogs so// //
- 1a
byang chub sems yid skyob pa zhes bya ba bzhugs so//
- 1b
rgya gar skad du/ bo d+hi tsi ta man tra nA ma/ bod skad du/ byang chub sems yid skyob pa zhes bya ba/ sprul pa'i gang zag 'gro ba'i mgon la btud de phyag 'tshal nas/ khye'u snang ba bsam gyis mi khyab kyis skyob pa'i yi ge zhus pa/ e ma ho/ 'gro ba'i gzung mdzin skyob mdzad pa// skyob pa'i bla med thun mong ma yin skyob mdzad skyob pa dam pa khyod// 'gro ba ma rig mun nag 'thibs shing rnam rtog rlung gis bskyod pa la// bu gcig pa la ma bzhin dgongs pa thugs rjes skyabs chen gnod / gsang sngags don gyi ngo bo gang la bgyi// gzhi yi dngos po'i gnas lugs ji lta bu// de nyid rtogs thabs ji ltar rtogs par bya// rtogs nas nyams su blang na ji ltar blangs// blangs nas 'bras bu thob na ji
- 2a
ltar thob// 'bras bu khyad par 'phags na ji ltar spags// 'og ma rnams la skyon ni ci zhig mchis/ sems can sangs rgyas ngo bo gcig mi gcig/ gcig na 'khor 'das gnyis gsungs ji ltar lags// mi gcig 'brel ba med pa lags sam ci// sems can rnams la skyon ni ci zhig mchis// sangs rgyas rnams la yon tan ci zhig mnga'// sems can bya ba gang dang gang la bya// sangs rgyas bya ba gang dang gang la gdags// sangs rgyas sgrub na sgrub rdzas ci la bgyi// de yi bar chad bgegs chen ji ltar bsal// de yi lam gyi cha rkyen gang dang gang // yun ni ji srid gcig gis sgrub pa lags// gab pa bco brgyad dus 'dir dbyung du gsol// 'dod pa'i chu bo skems mdzad me chen
- 2b
ye shes dus 'dir dbyung du gsol// ma rig mun pa sel mdzad 'od chen dus 'dir dbyung du gsol// 'khor ba'i chu bo sgrol mdzad grub chen dus 'dir dbyung du gsol// rnam rtog rlung dmar zhi mdzad skyabs chen dus 'dir dbyung du gsol// gzungs 'dzin phur pa 'byin mdzad rkams pas dus 'dir dbyung du gsol// dug lnga 'joms mdzad thob pa dus 'dir dbyung du gsol// bdag 'dzin sgyu ma mkhan dug chen sel mdzad sman chen dus 'dir dbyung du gsol// sel mdzad sman chen dus 'dir dbyung du gsol// zhes pa la sogs pa'i tshig mang po dang // 'gro ba'i dpal mgon yon tan thams cad dbyung ba'i gnas// ma rig sel mdzad 'od chen snang ba thams cad dbyung ba'i gnas// mgon po khyed 'dra'i thugs rjes ma gzigs mi gzigs na// 'khor ba thar mtha' med pa'i sdug bsngal bzod brlags med pa dran gyur na// ldum bu brngas pa bzhin du mod la mi skam bzod pa thob pa'i sems can la// skyob dpal gcig gzhan ma mchis na// 'gro dpal thugs rje can gyis gzigs su gsol// zhes bstod tshig sme ba'i tshig mang po dang bcas nas skor ba byed cing // nyin mtshan du rin po che la sogs te gser dngul sku mi mngon par nub par phul bas/ e ma ho/ 'gro ba'i don la thugs rjes brtson pa'i byang chub sems dpa'
- 3a
khyod// dad dang brtson 'grus brtul zhugs drag pos 'gro ba'i don du gsol 'debs na// sangs rgyas dgongs pa nyag gcig bstan dka' ba// brgya la bstan kyang skal med ma mos na// 'jigs shing sngangs nas dmyal ba'i rgyur gyur yang // 'jam dpal bshes gnyen khyod langs bstan gyis// gzhan spel skal med dmyal bar gtang na ni// khyod kyang tshe 'dir rdo rje mkha' 'gros gnong // phyi mar rdo rje dmyal bar nam yang 'gro/ rab tu brtags la skal ldan re re la// gzhan du ma spel lus ngag yid gsum thud la nyon// dang po gsang sngags don gyi ngo bo ni// skyob pa'i don gyis gsang sngags don yin te// gzugs 'dzin gnyis las skyob pas gsang sngags yin// gnas skabs skyob pa gsang sngags ma yin no// ci ste gzung 'dzin 'khor ba'i mtshan nyid las// ma 'das skyob pa'i tha snyad gyin tsam// ji srid gzung 'dzin yod kyi bar du ni// rdo rje sems dpas skyob par ma gsungs so// gsang sngags gzung ba bral bas nyon mongs sgrib pa skyob// gsang sngags 'dzin pa bral bas shes bya'i sgrib pa skyob// gzung ba'i yul med chos kyi bdag med rtogs// 'dzin pa'i sems med gang zag bdag med rtogs// bsam pa'i yul med yid kyi g.yo ba bral// skyob pa bla na med par rdo rje sems dpas
- 3b
gsungs// de ni gsang sngags don gyi ngo bo'o// gsang sngags yin min gzung 'dzin yod med brtag/ drang don gsang sngags gzung 'dzin yod par gsungs// gzung 'dzin yod par bya byed yin par gsungs// bya byed yod pas 'dus byas yin par gsungs// nyan thos ngo bo dgra bcom mthar zug snang // de bzhin a nu'i theg pa man chod kyang // rang rang ngo la mthar thug 'bras bu snang mod kyang // bya byed 'bras bu 'dus byas yin par ni// rmongs pas ltas kyang the tshom za mi srid// de bas gsang sngags theg pa yang yin mod// de bas gsang sngags don gyi ngo bo de// slob dpon bka' gcog dam nyams lag tu shor ra re// 'gro rgyun chos skur 'thung zhing zan tshol khrel med lag tu shor ra re// 'dod pa ma phrel bar du sri zhu che zhing 'dod pa phral nas tshag mo yi// 'du shes bskyed de rgyab kyis phyogs pa'i lag tu shor ra re// slad kyis slob dpon mthong na mi dga' skye ba'i lag tu shor ra re// ngo dga' grags pa'i dbang gis snang 'tsho byed pa'i lag tu shor ra re// mdor na dkon mchog dbu 'phangs smod pa'i lag tu shor ra re// smras pa mi 'gyur ri rab lta bu la// chos skyong srung ma dbang por gzhag la sbyin// rdo rje mkha' 'gro dbang por gzhag la sbyin// blo ldan skal ba can dang 'phrad par shog/ ces gsang sngags don gyi ngo
- 4a
bo'i yi ge ste dang po'o// // gsang sngags ngo bo rang bzhin dbyings la phyag 'tshal lo// gsang sngags gnas lugs thig le nyag gcig ste// kun bral kun dngos ci spangs ci mi spangs// thig ni mi g.yo mi 'gyur ma nor spros dang bral// le ni kun dngos brdal khyab cir yang shar// nyag ni zab cing phra ste rtag par dka'// gcig ni ci dran ci smras yul sems bdag gi dbyings// kun bral bdag gi ngo bo phyogs dang bral// gcig tu zla bral do chad yin pa la// kun dngos de rang gzung 'dzin byung ba las// nyon mongs 'gro ba lnga dang 'byung chen lnga'o// ci spangs gcig las g.yos pa med pa'o// ci ma spangs pa de nyid cir yang 'byung // thig ni chos nyid nam mkha' nyid la bya// le ni sems nyid nam mkha' nyid la bya// nyag ni 'byung ba'i nam mkha' nyid la bya// gcig ni dbyer med gnas lugs gdod ma nas// gcig ste sus kyang ma byas byed pa med// kun bral phyogs rigs bdag gzhan rgyu 'bras spros dang bral// kun dngos ma rig cir yang shar// ci spangs rang rig rang rtogs thams cad rang du brlag/ ci ma spangs na snang srid ma bcos rang sar grol// gnas lugs chos nyid nam mkha' gcig pu la// gzung 'dzin rang byung nam mkha' gnyis byung bas// chos nyid nam mkha' ma mthong gnyis pos
- 4b
bsgribs// 'byung ba lnga dang 'gro ba rigs lnga po// gzung 'dzin nyon mongs lnga las sna tshogs snang // snang yang chos nyid rang byung g.yos pa med// dper na srid pa dang po chags pa yang // lte ba thig le'i cha shas med pa la// yan lag la sogs ma btsal rang nyid shar// sna tshogs gcig dang gcig gi mtshan nyid mi mthun te// lte ba'i thig le'i ngang la g.yos pa med// de bzhin chos nyid nam mkha' rang bzhin cir shar yang // chos nyid ngang la g.yos pa ci yang med// de bas dngos po'i gnas lugs gcig tu gnas pa la// gcig pu rang nyid cir yang shar ba ste// gcig gi kun gyi rnam pa 'dzin la gsungs// gcig pu 'khor 'das kun gyi dngos bzhi ste// ngo bo nyid ni rtogs dang ma rtogs kyi// byed pa med par rang nyid cir yang shar// dper na nam mkha'i ngo bo byed pa mi mnga' ste// rang gi ngo bo'i 'byung ba bzhir yang shar// 'byung ba bzhi yang sna tshogs bsam las 'das// 'das kyang nam mkha' ma g.yos byed pa med par shar// sems can bsam pa sangs rgyas dgongs pa yang // chos nyid gcig tu gzhan ni ci yang med// de bas gnas lugs gcig pa bsam mi khyab// de ni gsang sngags gnas lugs yin par go bar gyis// gzhan ni gnas lugs tha dad yin par 'dod// de ni gnas lugs gzung 'dzin can yin
- 5a
te// gtan la phebs kyang grol bar 'gyur mi srid// de ni sems can rnams kyi gnas lugs yin// gong gi gnas lugs kun gyi thun mong min// de bas kun la de ltar mi bstan te// lo bdun bar du mtshan nyid rtags la ni// skyo ba rdul tsam med na bstan par bya// rab kyi lus srog gtor na bstan par bya// blo che 'jigs pa med na bstan par bya// slob dpon snying ltar brtsen bstan par bya// ser sna nga rgyal med na bstan par bya// de las gzhan du khyod kyis bstan na ni// rgya mtshor dug g.yos sdig gi char mi phod// bka' yang ngas bstan tshul bzhin g.yeng ba med par spyod// slob dpon bka' gdams nyams pa byol song yin// nams kyang 'khor ba'i mtha' las thar pa med// ces gsungs so// zhes dngos po'i gnas lugs kyi yi ge ste gnyis pa'o// // rang sems chos sku che la phyag 'tshal lo// gnas lugs 'di yis 'di ltar rtogs par gyis// lung dang man ngag stobs kyis rang rig nges par 'char// gsang sngags don gyi tshad ma chen po 'di nyid kyis// da lta nyid du 'di ltar rtogs par gyis// phyi nang snang grags 'khor 'das snod bcud chos kun ni// ngo bo gcig ste gcig pu de ltar shar// su rtogs gcig par shes te thams cad bdag nyid do// bdag gi rnam pa dag na ye shes chen po yin// bdag gzhan
- 5b
gnyis su snang na mu stegs 'khrul pa yin// gcig yul gcig gis byas na gzung 'dzin rnam rtog yin// bdag med rnam dag ye shes ci phyir na// ye nas de ltar yin pas ye shes chen po yin// ma bsgribs thogs med cir gsal ye shes chen po yin// kun gyi bdag nyid 'dus ma byas pas ye shes chen po yin// thams cad gcig tu rtogs pas gcig pu bsam mi khyab// thams cad bdag tu rtogs pas nyon mongs skye yul med// bdag nyid bsam mi khyab pas nyon mongs skye mkhan med// nyon mongs ma gcad rang chod sangs rgyas dgongs pa ste// sku gsum ma bsgrub grub pas gsang sngags 'bras bu ste// lhun grub rdzogs chen yin par rdo rje sems dpas gsungs// thams cad gcig tu rtogs pas gcig pu des// rang gis rang la spyad par mi 'jug ste// rang nyid lhun grub bsgyur bas mi 'gyur te// rang gi ngo bo lhun grub gcig yin kyang // gcig tu rtogs pas chog mod cog ge zhog/ bcas bcos rtsis gdab mangs kyang rtsad mi chod// rgyal chod kyang lhun grub bskur du med// nam mkha' bsgyur bas 'gyur ba ma yin bzhin// bdag nyid chos nyid yin zhes thams cad rang rig shar// blo nyid dngos por gyur ces de la bya'o// sems dang chos sku 'dres te blo dngos phrad// sems de chos nyid ngang du 'gyur zhes bya// ci ste/
- 6a
chos nyid ye nas dngos po'i gnas lugs gcig pa la// gzung 'dzin blo yis tha dad blo yi chos// lung dang man ngag stobs kyi thams cad gcig tu rtogs// blo dngos 'phros pas sems dang chos su 'dres// blo nyid dngos 'dres 'gyur zhes rdo rje sems dpas gsungs// tshogs gnyis rdzogs shing sgrib gnyis byang zhes bya// yul sems gnyis med sangs rgyas dgongs par gsungs// gnyis med rang gi ngo bo gcig pu de// 'byed pa med pas smag gi mun rum bzhin// smag gi mun rum 'di 'dra 'byed pa med// shes pa med pa'i shes pa de byung na// gnas pa med pa'i gnas lugs rtogs pa yin// mthong ba med pa'i lta ba de mthong na// ci yang ma spangs cis kyang gos pa med// rig pa'i yul med rig pa'i mkhan po med// yul sems gnyis med yid kyi g.yo ba bral// rig pa med pa'i rig pa shar ba la// yang dag don rtogs med par rtogs// de las gzhan du theg pa dman// bdag gzhan 'dus shes ma log par// bdag med rtogs pa yin smra zhing // bya byed 'du shes ma log par// sangs rgyas theg pa yin par smra// re dang dogs pa ma log par// nyon mongs lhag par 'dod pa dang // sku gsum bsgrubs nas grub 'dod cing // bdag gis gzhan la spyod cing rtog/ sangs rgyas theg par bgrang ba med// de ni sems
- 6b
can bsam pa ste// kha cig ci yang ma yin zer// blo yi yul du byas nas ni/ kha cig gnyis su med ces smra/ kha cig yod min med min smra/ kha cig bsam 'das mtha' yas smra/ kha cig 'du shes med smra zhing / kha cig bsam pa'i yul min zer// la la kun yin gang yin smra// de lta de yi dus min te// nam zhig sbyangs nas 'byung shes smra// de la sogs pa mang smra yang // bdag gzhan 'du shes ma log par// sems can blo yi chos yin te// rang gis rang nyid ma rtogs par// gzhal bya'i yul la bdag gis ni// 'jal byed tshad mas gtan la 'bebs// yin min 'du shes nyon mongs bskyed// skyon yon gnyis kyi ye shes bskyed// 'khor ba'i mtha' las 'gro bar 'dod// de nyid 'khor ba'i rgyu yin mod// rang gi 'bras bu mi slu yang // yang dag 'bras bu de mi bgrang // ci ste bdag gzhan ma log par// bya byed yod pas 'dus byas chos// des na drang ba'i don du gsungs// rang byung ye shes gcig nyid kyang // rtog pa'i ye shes mi mnga' bas// tha dad 'du shes skye ba de// grub mthar bgrang ba ma yin pas// de bas blo ldan sems dpa' khyod// yang dag rtogs pas 'di mnos na// rang gi dam tshig thub par bsrungs// bdud kyi slu ba byung ba re// dam can chad pa byung nga re// sgribs te sgo ba ma g.yor cig/ ces gsungs so// gsang sngags
- 7a
tshad mas rtogs pa'i lta ba'i yi ge'i le'u ste gsum pa'o// // bka'i bu khyod kyang ni// da dung sa brgyad non yang log pa'i skyon yod pas// da yong nyen med tsam du ma rtogs ma sems par// shin du brtson 'grus bskyed de bstan par byos// mngon shis 'ong ba 'dra na shin tu bsgrims// rdzu 'phrul 'ong ba 'dra na shin tu bsgrims// skye ba 'dra mi 'dra na shin tu bsgrims// mkha' 'gro'i lung stong 'dra na shin tu bsgrims// bde ba 'bar ba 'dra na shin tu bsgrims// gter ma nor rnyed 'dra na shin tu bsgrims// de kun thams cad g.yeng rgyu bar chad yin/ kha cig de la khengs pa skyes nas ni// bdag la khyad 'phags gzhan ni dman par mthong // nga ni gdam ngag ma dran bdud kyi bslus sa re// bdud kyis bslus te gtan du 'khor bar 'khyams// bde ru re zhing las rnams sna tshogs spyod/ kha cig bzo dang rig pa sna tshogs byed/ kha cig mthu dang grags pa sna tshogs byed/ kha cig sman pa'i grub mtha' sna tshogs 'dzin// la la 'jig rten bu dang nor la 'chel// phal cher tshe dang longs spyod 'phel bar byed// nga yi gdams pa 'di dang bral ba na// nam yang thar pa ma yin no// bu khyod de 'dra'i sdug bsngal da dung byung ba re// de bas 'bad pas rtogs pa ma bral bar// skyes bu nad kyi gdungs pa ji bzhin du// rtog pa lhang nge
- 7b
rgyun du ma 'bral zhig/ rdo rje sems dpa'i ngo bo rang rig ngang la phyag 'tshal lo// rang sems kun bzang ngo bo chos nyid rtogs nas ni// blang du med pa'i nyams blang 'di ltar te// gcig tu rtogs nas blo dngos phrad tsam na// nyams su len pa su yin blangs pa gang // blo nyid dngos por gyur pas blang bya med// sems de chos nyid ngang du gyur tsam na// sgom mkhan gang gis bsgom pa gang zhig sgom// chos nyid ye khyab rtogs nas ma yengs pa// ye 'byam chos nyid dgongs pa yin par bshad// dper na mkha' la nyi ma shar ba yang // 'char ba'i yul gcig tshad ma'i blor gzhag nas// 'dir 'char 'dir ni mi 'char bar// 'char ba bdag tu dmigs pa ga la yod// chos nyid mkha' la rig pa'i nyi shar ba// chu la chu 'ur thim nas gnas pa las// 'di sgom 'di mi sgom par kun bzang ma gsungs so// sgom yul sgom mkhan bkag pa ma yin yang // blo dngos phrad pas chos nyid ngang du gsal// rtogs nas rang dbang med par sgom pa'i yul dang bral// 'di sgom 'di mi sgom par chos dang gang zag rtogs// skyon dang yon tan bral bas nyon mongs dug gsum log/ dug gsum ma gcad log pas sku gsum ma bsgrubs 'grub// de bas sgom du med pa sgom pa chen po'i mchog/ skyon yon bya byed re dogs med pas che// dgag sgrub yid kyi
- 8a
g.yo ba bral bas che// che ba lnga dang ldan pas nyon mongs lnga dang bral// lnga bral nyon mongs bya yi ming yang med// sku lnga lhun grub yon tan ma lus rdzogs// de bas sgom du med pa'i sgom pa che// de las gzhan du blo dngos ma phrad de// sems de chos nyid ngang du ma gyur par// sgom med skyon yon la sogs gong du smos bzhin smra// bdag gzhan 'du shes lhag pa'i mthu med par// tha mal tshig gi thad du nyon mongs rgyu// yul sems gnyis su med par ma rtogs par// ji skad smras kyang glang chen 'dam chu 'dra// grol bar 'dod pa de rang nyid kyi 'chi// 'dod pa med par 'dod pa der rang 'dod pa ste// nyon mongs thams cad de dus nyid du rdzogs// bdag gzhan 'du shes yod kyi bar du ni// ji ltar 'dod kyang 'ching ste mi 'dod na yang 'ching // skyon yon med par 'dod na de rang skyon yon yin/ nam yang 'khor ba'i mtha' las grol ba med// de bas yul sems gnyis med rtogs tsam na// nyams su ji ltar blangs kyang grol 'gyur zhes// rdo rje sems dpa' nges par gsungs pa yin// bdag gzhan 'du shes ngang gis dben pa na// snang srid rdo rje sems dpa'i dgongs pa yin// ye nas yin pa'i don de rab rtogs na// ji ltar rung rung skal ldan nyams su long // zhes gnang ba gnang ste// nyams su blang ba'i yi ge ste bzhi
- 8b
pa'o// // rnam dag ye shes ngang la phyag 'tshal lo// 'bras bus sangs rgyas 'dus ma byas yin te// chos nyid sems nyid ye nas 'dus ma byas// bsgrubs nas grub cing thob pa ma yin te// ye nas yin pa'i don de rab rtogs na// rtogs pas bstan pa de la 'bras bur gdags// rang 'byung ye shes ngang gis gnas pa la// rtogs pa'i ye shes rang bzhin shar ba yin// rtogs pa'i shugs kyis rlung du gnas pa la// stobs kyis bstan pa 'bras bu'i mchog tu bshad// ngo bo rang byung ye shes 'phel 'grib med// sangs rgyas gnas skabs gzhi ru dbye ba tsam// ci ste 'dus ma byas shing bdag gzhan dben// de bas thob tu med pa'i 'bras bu thob// dang po gnas su med pa'i lugs de la// gnyis pa rtags su med pa'i rtog pas rtogs// gsum pa blta ru med pa'i lta ba de// bzhi pa sgom du med pa'i sgom pas sgom// lnga pa thob tu med pa'i 'bras bu de// drug pa mkhyen du med pa'i mkhyen pa shar// rdo rje sems dpas 'bras bu mchog tu gsung // 'bras bu'i ngo bo ye nas yin pa la// rtogs pas thob ces rdo rje sems dpas gsungs// dper na ma he ra tshig bu bzhin no// the gu sbrul la sogs pa de bzhin no// ye nas gzung 'dzin dben zhing 'dus ma byas// yin pa ngang gis gzung 'dzin 'dus byas 'khrul// rang gi gzung 'dzin
- 9a
dag cing 'dus ma byas rig pas// spangs nas thob pa med de 'bras bu mchog tu gsungs// de yod sangs rgyas de med sems can med// de rtogs bstan nas yid kyi g.yo ba bral// tha dad 'du shes rdul tsam mi skye na// mthar thug 'bras bu thob tshul de ltar thob// dang po rtogs pa'i ye shes rang byung ste// nyi ma gcig la cha bcur gnas pa la// cha gcig ye shes cha dgu tha mal te// rim gyis ma spangs ma bsgrubs bcur 'gags bcur gnas pa// gsang sngags 'bras bu thob tshul de ltar thob// snang ba shar nas mun pa brlag pa bzhin// gnyis med rtogs nas gzung 'dzin log pa dang // lhun grub rtogs nas bya btsal log pa dang // gcig tu rtogs nas re dogs log pa dang // mnyam nyid rtogs nas dgag sgrub log pa dang // 'bras bu rtogs shes rdo rje sems dpas gsungs// de yang gzhan nas thob pa ci yang med// rang gi ngo bo ye nas de ltar gnas// gnas pa rtogs nas brtan pa thob pa la// mthar zug 'bras bu thob tshul de ltar shes par gyis// rang gis shes nas gzhan ni 'di lta ste// yang dag don 'di ston pa'i slob dpon de// lhan cig gnas na sri zhu smos ci dgos// yang na bzhugs pa'i yul phyogs dris nas kyang // phyogs der mchod cing phyag 'tshal bstod par byed// sngon du bzhugs pa'i grong ngam gnas
- 9b
khang la// skor ba la sogs phyag mchod dngos su byed// dran nam mthong na nad 'byang lus kyang yang // sngon gyi spyod lam dran na mos pa skye// nam yang 'bral ba'i bsam pa mi skye na// dgon par khrid la tshig re bstan// yun du bsrings la bags kyi bstan pa las// rdol chos lhug par zhu na bstan pa min// ngang gis snod dang sbyar la bstan par bya// zhes 'bras bu thob tshul gyi yi ge'i le'u ste lnga pa'o// // mnyam nyid ngang gi khro la phyag 'tshal lo// 'bras bu khyad par 'phags pa lnga yis 'phags// ma spangs mi gnas mi ltos rag ma lus// tha snyad kun dang bral ba'i 'bras bu de// rang byung lhun grub 'dus ma byas pas na// 'bras bu'i rgyal po khyad par 'phags te che// bya byed med de 'dus ma byas pas 'phags// re dogs med pas nyon mongs log pas 'phags// bdag gzhan med pas gzung 'dzin med pas 'phags// rgyu rkyen med pas gnyen pos mi 'jigs 'phags// blo dngos phrad pas gnyis med gsal te 'phags// chos nyid ye 'byam gnyis med gnad du chud// rang dbang rang gis thog ste gzhan mi gnas// che btsan 'gran zla med pa'i 'bras bu de// ye shes rtse mos thams cad 'jog ste 'phags// chos nyid ye 'byam gnyis med gnad// yid la ma bsam blo yis ma byas pas// rang dbang med pa'i 'bras bu rang byung
- 10a
che// gang na ma byung gang du ma phyin par// rang sar rang grol 'bras bu bde ba'i mchog/ yid kyi g.yo ba bral ba'i 'bras bu de// rdo rje sems dpas 'bras bu'i mchog tu gsungs// ji srid yid kyi g.yo ba ma bral bar// sangs rgyas 'dod pas sgrub pa'i gang zag de// 'khor ba'i mtha' las thar par ma gsungs so// des kyang rdzogs chen 'bras bu khyad par 'phags// yid kyi g.yo ba bral ba'i 'bras bu de// rdzogs pa chen po'i 'bras bu yin par bshad// yid kyi g.yo ba ma bral 'bras bu de// rdzogs pa chen po ma yin bskyed rim yin// bskyed rdzogs shan kyang de ru shes par gyis// re dogs ma zad 'bras bu bskyed rim yin// re dogs zad na 'bras bu rdzogs chen yin// gzung 'dzin ma zad 'bras bu bskyed rim yin// gzung 'dzin zad pa'i 'bras bu rdzogs chen yin// a nu man chad sems can blo yis chos// a ti rdzogs chen sangs rgyas dngos po'i chos// drang don nges don gnyis su shes par gyis// de bas 'bras bu rdzogs chen 'phags te che// rang 'byung ye shes ye nas gnas pa la// rtogs pa'i ye shes bstan pa rdzogs chen no// chos nyid dngos po'i gnas lugs rdzogs pa la// blo nyid dngos po 'gyur ba chen po yi// ye nas chos nyid gcig pas rdzogs pa la// gcig rtogs gzung 'dzin bral ba chen
- 10b
po'o// bya byed bral de lhun gyis grub pa de// rdzogs pa yin la chen po yin par shad// bya byed bsgrubs nas grub pa'i 'bras bu de// rdzogs pa yin yang chen po med pa gsungs// so so skye bo'i blo la gnas pa na// rdzogs pa ma yin chen po min par gsungs// dngos po'i gnas lugs ye nas gnas pa de// chen po yin yang rdzogs pa min par bshad// ci ste rtogs pa'i ye shes ma ldan pas// de ltar rang gi blo la go/ bar gyis// yang dag don gyi khyad par de tsam mo// rang gi shes rab rtsal gyis mchod na// mang du smras pas slar yang tshig gis sgrib// nga yis khyod la bstan pa'i tshig bcad 'di// su la bstan kyang ma rtogs mi srid de// skal ldan brgya la 'ga' dang phrad par shog/ skal med brgya la phrad par 'dod na yang // mkha' 'gros par chad sna tshogs bstan nas kyang // 'di dang skal med phrad par ma gyur cig/ rdzogs chen 'phags tshul gyi yi ge'i le'u ste drug pa'o// // lhun grub rdo rje'i sku la phyag 'tshal lo// a nu man chod skyon yang 'di lta ste// bdag gzhan gnyis kyi 'du shes ma bral ba// gzung 'dzin logs par 'dod pa shin tu dman pa ste// bya byed 'du shes sgoms nas sangs rgyas sgrub 'dod pa// skye bo phal pas ltas kyang rmongs par gsal// nyon mongs rtsa ba re dogs yin pa la// re dogs lam du khyer nas byang chub sgrub
- 11a
par 'dod// khong par dug zos lus la bde bar 'dod// 'dod kyang bde ba mi myong sdug bsngal myong bar 'gyur// re dogs ma zad bar du grol ba thob mi srid/ a nu dbyings dang ye shes sgor zhugs nas// gnyis med bde ba ji bzhin blo 'jog 'dod// de yang nyon mongs rdzogs chen mthong ba min// ma hA thabs dang shes rab sgor zhugs nas// bsnyen bsgrub bzhi yis sku lnga thob par 'dod// de yang nyon mongs rdzogs chen mthong ba min// yo ga cho ga dgu sgo nas// 'bras bu sangs rgyas thob par 'dod cing rtsol// u pa ya yi lta spyod ni// kri yar spyod cing yo ga sgrub// 'bras bu sku gsum ye shes sgrub// bya spyod pa yi kri ya ni// dag pa rnam gsum sgor zhugs nas// rigs gsum sangs rgyas grub par 'dod// mdo sde byang chub sems dpa'i theg pa ni// bden pa gnyis kyi sgor zhugs nas// kun tu 'od kyi sa thob 'dod pa'o// shes pa 'gegs pa'i rang rgyal ni// rten 'brel bcu gnyis sgor zhugs nas// yid bzhin bde ba mchog thob 'dod// sdug bsngal spong ba'i nyan thos ni// bden pa bzhi yi sgor zhugs nas// dgra bcom 'bras bu thob par 'dod// 'dod pa ma zad bar du ni// nyon mongs zad par mi 'gyur te// nyon mongs 'bras bu khams gsum yin// 'dus byas rten 'brel 'bras bu de// sangs rgyas theg/
- 11b
par bgrang ba min// de las skyon du shes par gyis// skyon gyi rtsa ba re dogs yin// re dogs gzung 'dzin ma yin pa'i// skyon zhes bya bar rnyed pa ni// rdo rje sems dpas ma gsungs so// ji srid bya byed re dogs kyi/ 'du shes log par ma gyur par// 'bras bu sangs rgyas thob par ni// rmi lam na yang mthong ba min// de bas khyed kyis de ltar shes par gyis// shes nas nyon mongs dbang gis ma yengs par// rang gi rtogs pa ji bzhin rlung du gyis// skal med mos pa bzlog pa'i sdig pa ri bas lci// skal ldan bzlog pa'i rgya mtshor char mi phod// de bas gsang sngags gdam ngag tshod gzung shin tu dka'// de bas yun du bsrings la gang zag brtag/ rtogs nas brtson 'grus bskyed la gdam ngag bstan// cis 'og ma skyon gyi rtsa ba dag ma bral ba'i yi ge'i le'u ste bdun pa'o// // bcom ldan 'das rnam dag sems kyi dbyings la phyag 'tshal lo// sems can sangs rgyas ngo bo gcig pa yin// don ni chos nyid ngang du gcig pa yin// dpe ni nam mkha'i ngang du gcig pa yin// rtags ni sems nyid ngang du gcig pa yin// dang po rgyu med pas na gcig pa yin// bar du rkyen med pas na gcig pa yin// tha ma gnyen po med pas gcig pa yin// dper na nyi ma'i snying po gcig pa la// 'od kyi 'jig rten khams gsum gsal
- 12a
gyur yang // nyi ma'i ngang la tha dad g.yos pa med// de bzhin chos nyid ngo bo gcig pa yang // byed pa med pas cir yang ma 'gags gsal// gsal yang chos nyid g.yos shing tha dad med// dper na nam mkha' ngo bo gcig pa la// byed pa med par 'byung chen bzhir yang shar// shar yang nam mkha' g.yos shing tha dad med// de bzhin chos nyid gnas lugs gcig pa la// snang grags chos su ma 'gags gsal mod kyang // chos nyid g.yos shing tha dad ci yang med// dper na lus kyi ngo bo gcig pa la// byed pa med par yan lag sna tshogs shar// shar yang lus la g.yos shing tha dad med// ngo bo rdo rje sems dpas gcig par gsungs// byed pa med par rang nyid rang du shar// dper na rgya mtsho chen po'i tshul bzhin no// bu khyod gcig pa'i don la ma smros shig/ tha dad 'du shes zhugs pa bdud kyi las// de bas gcig pa'i don la nan tan gyis// 'das pa'i sangs rgyas gcig pa nyid du rgyal// da lha'i sangs rgyas gcig pa nyid la gnas// slad kyis gdung 'tsho ba gcig par lung yang ston// de bas gcig pa'i don 'dis rtogs par 'gyur// 'khor ba'i nyon mongs ma gcad ngang gis log/ bka'i bu khyod ma yengs shig/ da dung bdud kyi slu ba byung ba re// zhes 'khor 'das ngo bo gcig pa'i yi ge'i le'u ste brgyad
- 12b
pa'o// // e ma ho/ don nyid ma btsal rdzogs la phyag 'tshal lo// gcig pa'i don la 'khor 'das gnyis su gsungs// rang byung ye shes gcig tu gnas mod kyang // rtogs ma rtogs kyi 'khor 'das gnyis su gsungs// dper na sman gyi rgyal po ga pur gcig pa la// tsha grang rkyen gyis sman dug gnyis su gnas// de bzhin chos nyid tshogs dang bral ba la// byed pa med par 'khor 'das gnyis su shar// de yang rtogs ma rtogs kyi bye brag go/ 'khor 'das rtogs ma rtogs las med par gsungs// sangs rgyas bsgrubs pas grub par ma gsungs so// 'khor ba spangs pas spangs par ma gsungs so// dper na nyi ma'i dkyil 'khor snang ba yang // nyi ma'i ngo bo gcig las ma g.yos par// chu bur zhag gi mig gis mun snang gnyis// mun pa spangs nas snang ba bsgrub pa med// de bzhin rang sems rgyal po chos nyid de// rtogs nas sangs rgyas ma rtogs sems can no// rtogs na mi rtogs ma rtogs rnam rtog go/ dug lnga ye shes lnga yang rtogs ma rtogs// rtogs ma rtogs kyang byas pa ma yin te// rang gi ngo bo dang gis de ltar ro// chos rnams thams cad ngang gis rang shar las// las so zer nas rgyu mtshan tshol ba na// blun rmongs de ni sangs rgyas theg chen min// nams kyang 'dus byas rkyen las de mi 'da'// khyod kyi 'khor
- 13a
'das rang byung shes par bya// gnyis kyang gcig gi ngo bor shes par gyis// gcig las gnyis kyi rang bzhin shes par gyis// rtogs ma rtogs kyi 'khor 'das gnyis su gsungs// de las 'khor 'das gnyis kyi rgyu mtshan ni// rdo rje sems dpas rnyed par ma gsungs so// zhes 'khor 'das gnyis su gsungs tshul gyi yi ge'i le'u ste dgu pa'o// // bcom ldan 'das thams cad mkhyen pa'i ngang la phyag 'tshal lo// sangs rgyas sems can gcig cing tha yang dad// sangs rgyas gang yin sems can yin// sems can gang yin sangs rgyas yin// sangs rgyas sems can lhan cig mi gnas te// sangs rgyas yod na sems can med// sems can yod na sangs rgyas med// gcig pa chos nyid yin pa la// ma rtogs 'khor ba'i sems can te// rtogs pas sangs rgyas dgongs pa yin// gong gi ma rtogs pa de nyid// phyis nas rtogs pa de nyid yin// de las gzhan med de kho na'o// don gyi ngo bo 'pho 'gyur med// re zhig gnyis su bgrang ba tsam// de yang 'gro bas rtogs phyir ro// 'khor 'das lhan cig mi gnas te// ma rtogs pa yi dus tsam na// rtogs pa yod par smra ba min// re zhig shas che'i sgo nas smra// mun pa yod na snang ba med// snang ba yod na mun pa med// re zhig gcig tu bstan pa tsam// de yang rtogs par
- 13b
bya phyir ro// 'o na don gyi ngo bo de// bsam mi khyab tu gnas pa yin// snang ba do tsam na stong pa bdo// stong bdo tsam na snang ba bdo// sman bdo tsam na dug kyang bdo// dug bdo tsam na sman yang bdo// sems can bdo na sangs rgyas bdo// nyon mongs bdo na ye shes bdo// gcig dang tha dad yin pas na// gcig dang tha dad grol bar gsungs// de bas 'khor 'das 'brel zhing rgya ma chad// mtha' dngos mtha' bral kun dngos kun dang bral// de bas yang dag lta ba gza' gtad bral// sems can sangs rgyas ngo bo nyid kyi 'brel// ma rig rkyen gyis tha dad par yang gsungs// de 'dra'i don ni skyes chen su 'chang ba// dge sdig gnyis ka ched du mi byed de// byas kyang chos nyid ngang la g.yos pa ci yang med// mi g.yo mi 'gyur yul med dbang pos stong // rtogs pa'i dus su mngon sangs rgyas// thob bya'i 'dod chags ngang gis bral// de mthong thams cad chos smra bas// dogs shing bag cha'i zhe sdang ka nas dag/ bshugs kyis dgra zin 'du shes ldog par snang // thams cad ngo bo rang gi dbyings// 'du shes thams cad zad par 'byung // byas pa thams cad ngang gis ldog/ de 'dra'i drod dang ldan tsam na// bdud dang thun mongs dngos grub che// ci 'dra'i nus pa 'byung 'gyur yang // bdud de chos nyid ngang du bstim// bar de nan tan shin
- 14a
tu 'bad/ kha cig de la spros skyes nas// zag pa zad par mthong ba na// de yang blo chung 'khor ba'i rgyu// khyod kyis de ltar shes par gyis// shes 'khor 'das 'brel don gyis yi ge'i le'u ste bcu pa'o// // spros bral chos kyi sku la phyag 'tshal lo// sems can skyon gyi rtsa ba gcig pa la// bdag tu 'dzin pa dug lnga rang las byung // sems can zhes kyang 'dzin pas brtags pa yin// nyon mongs ji snyed thams cad 'byung ba'i gnas// bdag tu 'dzin pas thog ma med pa nas// da lta'i bar du sdug bsngal 'dam du mnar// da dung gzung 'dzin phur ba ma thongs par// thar bar rdo rje sems dpas ma gsungs so// chos nyid gcig tu zla dang bral ba la// nga dang gzhan du gzungs pas gtan tu 'khyams// ji srid bdag gzhan 'du shes yod kyi bar// dka' ba ci spyad rang nyid 'ching ba'i rgyu// grol bar 'dod pas slar la rang nyid 'ching // sbur pa bal du chud pa ji bzhin no// bdag gzhan gnyis kyi go ba ma skyes na// bdag gzhan yul dang sems la bya ba ste// de gnyis yod pas bya ba byed pa dang // re dang dogs dang ma legs dang // bzang dang ngan dang rgyu dang 'bras bu dang // mtho ris ngan song thams cad yod par gsungs// ji srid yul sems gnyis med ma rtogs par// bdag gzhan gnyis med zer ba'i dmus long
- 14b
bya ra mkhan// bdag dang gzhan gyi shes pa mi 'dre bar// yul sems gnyis med zer ba rmongs pa yod// skyon gyi rtsa ba gzung 'dzin gnyis dang 'grogs/ kha cig grub mtha' 'di skad zer ba yod// nga dang khyod ni ye nas so so ste// bdag gi sems nyid btsal bas ma rnyed pas// yul sems gnyis med zer ba'i rmongs pa yod/ kha cig chos nyid tsam du gcig pa la// chos nyid tha dad pa ru 'dod pa yod// yul sems gnyis med zer ba'i rmongs pa yod// kha cig sems nyid tsam du 'dod pa la// sems nyid tha dad yul sems gnyis med zer/ kha cig don dang ma 'byor par// yid spyod tshig tu gcig go zer ba yod// yod kyang skyon gyi rtsa ba gzung 'dzin gnyis dang 'grogs/ nyes pa'i byung khungs de dang ma bral bar/ 'khor ba'i mtha' las grol bar gsungs pa med/ de ltar skyon gyi rtsa ba shes par gyis// rnam grangs rgyal bas mkhyen par ma gsungs so// re zhig brgyad khri bzhi stong ngo // de yang byed par med par rang byung che ba'i mchog/ de ltar khyod kyi gdeng du chud par gyis// yang dang yang du nyes pa'i rtsa ba ltos// nyes pa'i rtsa ba de dang ma bral na// rdzu 'phrul mngon shes ldan yang grol ba nam yang med// ci ste shes bya shes byed yod pas na// skyon gyi rtsa ba de dang kri le 'grogs// khyod la nga yis bstan du yod pa yang // rtogs pa'i ye shes
- 15a
dum bur gnas pas so// thams cad chos nyid don la sdud pas chu// yang dga' 'bras bu smin par byed pas me// rang gi ngo bo bstan par byed pas sa// 'khor ba sangs rgyas sa ru bskyod pas rlung // rang rig chos nyid gsal bar byed pas mkha'// 'byung chen 'dus pa'i man ngag thabs chen 'di// snying dang 'dra bar chos la shor ra re// yun du brtags la brgya la 'ga' la sbyin// 'di yi snod ldan 'dzam bu gling na dkon// snod ma rnyed na mi bstan gter du sba'o// zhes sems can skyon gyi rtsa bar bstan pa'i le'u ste bcu gcig pa'o// // rnam dag ye shes sku la phyag 'tshal lo// sangs rgyas legs pa'i 'byung gnas kun gyi gzhi// bdag nyid gnyis med rtogs pa'i pa chos kyi sku// gzugs sku rnam gnyis la sogs yon tan sku// mar me 'od kyi tshul de logs na med// re zhig drang po'i don du bye brag bgrang ba tsam// bdag tu 'dzin pa'i shes pa logs pa yis// skye rga na 'chi'i chu bo rtsad nas bcad// chos su gzung ba'i yul de logs na med// nyon mongs dug lnga ma gcad rang nyid chad// sku gzhi ye shes lnga nyid lhun gyis grub// sangs rgyas che ba'i yon tan bsam mi khyab// sku yi dngos po ci yang mi mnga' bar// stong gsum ma lus dbang sdud zil gyis gnon// gsung gi dngos po ci yang mi mnga' bar// bstan pa ma lus
- 15b
rgyas par sgrog/ thugs kyi dngos po ci yang mi mnga' bar// thams cad rang gi ngo bo chos skur mkhyen// mkhyen pa med pa'i mkhyen pa chen po de// rdo rje sems dpas mkhyen pa'i mchog tu gsungs// rnam rtog mi mnga' cir yang sal le mkhyen// nga dang gzhan du bya byed la sogs pa'i// rnam rtog mi mnga' chos sku sal le mkhyen/ de ni nges don thams cad mkhyen pa yin// de ni thams cad mkhyen pa'i mchog tu gsungs// sku gsung thugs kyang gcig gi ngo bor bzhugs// sku gsum ngo bo nyid kyi sku la bzhugs// thams cad thig le'i ngo bor bzhugs pa la// g.yos pa mi mnga' sal le mkhyen// de las gzhan du thams cad mkhyen pa'i bdud// drang don a nu man chod thams cad mkhyen pa de// bdag gi gzhan mkhyen mkhyen bya mkhyen byed de// bdag med rtogs pa'i mkhyen pa med// de ni da dung 'dus byas gzung 'dzin yin// de ni nga yi yon tan ma yin no// nga yi yon tan gong du smos pa de// khyod kyi blo yis gting du go bar gyis// de don go bas re dogs chad par gyis// de lta bu yi yon tan chen po de// bsgrubs nas gzhan nas byung ba ma yin te// rang gi ngo bo ye nas de ltar gnas// ye nas gnas pa rtogs nas bstan pa la// mthar zug sangs rgyas de la byas pa yin// de ltar rang gis rtogs nas bstan pa la// phyi nang snod
- 16a
bcud nga yi yon tan no// nga yi yon tan phyogs su ma chad pas// yon tan mchog tu gyur par rgyal bas gsungs// yon tan phyogs chad sangs rgyas yon tan med// de ni sems can blo yi yon tan yin// chos nyid bsam gyis mi khyab pa'i// don de rtogs nas sangs rgyas bstan pa ni// sangs rgyas sku gsung thugs yin no// thams cad nga yi dngos gzhi'i sku// nga yi thams cad 'brel bas gsungs// nga yi ngo bo mi byed thugs// nga nyid dngos por gyur tsam na// sku gsung thugs su phye ba med// chos nyid don gyi ngo bo de// ma byas spros bral chos kyi sku// ma 'gags rang byung longs spyod sku// chos nyid gcig las ma g.yos par// mtshan ma sna tshogs sprul pa'i sku// sems can chos su 'dres pa ni// sku gsung ngo bo phye ba med// phye ba med pa'i yon tan de// yon tan mchog tu rgyal bas gsungs// blo ldan khyod kyis de ltar zung // skal med gzhan la bstan gyur kyang // nges shes mi skye the tshom za// zos na gzhan yang bzlog/ de bas de yang nyes pa ni// rgya mtshor dug gi dkrugs pa yi// bye ba'i char yang mi phod do// rje'i dmyal lam lhun grub sku// gzhan gyis reg na phung 'gyur bas// btsan du gzhan du legs par btsal// zhes yon tan lhun gyis grub pa'i yi ge'i le'u ste bcu gnyis pa'o// // bcom ldan 'das bya
- 16b
bral dang la phyag 'tshal lo// chos sku ye nas rnam pas dben pa la// bdag dang gzhan du 'dzin pas sems can de// pa'am can ni ldan pa'i sgra// bdag tu 'dzin pa'i sems shes te// gzhan du gzung bas can zhes bya// sems la sems su 'dzin pas na// sems shes 'dzin pa'i don gyis so// de la gzung ba'i yul byung bas// yul la can zhes btags pa'o// bdag dang gzhan yod ji bzhin du// bya byed yod pas rgyal bas gsungs byed pa'i ngos nas sems zhes bya// bya ba'i ngos nas can zhes bya// bdag yod bar du phan gnod yod// bdag cha'i ngos nas can zhes te// 'dogs byes ngos nas sems zhes te// ji srid bdag yod bar du na// gzhan med zer ba blun pa ste// tshur ka med pa'i phar ka ni// rmi lam na yang mthong ba med// bdag ni shes bya'i sgrib pa ste// yul ni nyon mongs sgrib pa yin// sgrib pa can zhes de la bshad// sems can zhes su bstan pa yin// nyan thos a nu man chod du// theg pa'i bye brag bsam yas kyang // sgrub nas grub pa'i 'bras bu de// bsgrub bya bsgrub byed yod pas na// de yang yul dang yul can mod// re dogs blang dor ma ldog pas// re yang sems can blo yis chos// gong gi chos las ma 'das pas// bya byed yod pa ji bzhin du// sems can yin par rdo rje sems dpas gsungs// gzung 'dzin
- 17a
med pa'i bya byed dam// bdag gzhan med pa'i gzungs 'dzin nam// bdag med rtogs pa'i re dogs ni// sngar yang ma thos mi thos so// ci phyir ma gsungs mi gsung zhing // gsung bar gyur pa ma yin te// de lta ba'i chos can ni// yod par 'os pa ma yin no// phan gnod med pa'i slad du ni// smra bar nus pa ma yin no// pha ma med pa'i bu de yang // smra bar rig pa ma yin no// bdag gzhan bcas pa'i sangs rgyas sam// bya byed yod pa'i sangs rgyas sam// re dogs yod pa'i sangs rgyas kyang // kun rdzob a nu man chod du// drang ba'i don du bstan pa tsam// nges par smra bar byed pa ni// rgyu mtshan gang dang gang gi phyir// gal te bsgrubs pas grub pa ni// sangs rgyas rdzas yod mi rtog go/ don dam bsgrub tu med na yang // khyod rang nyid dam gzhan zhig yin// khyod rang nyid na sgrub ci dgos// gzhan zhig yin na 'brel ma 'brel// 'brel na 'brel ba rnam gnyis rtag/ ma 'brel 'bad pa don med 'gyur// de bas sems can chos kyang gsungs// sems can bya ba de dang de la bya// mdor na bya byed re dogs gnyis la bya// a nu man chad sems can chos su ni// rdo rje sems dpas dus 'di nyid du gsungs/ de bas kun gyis thob na lnga pa 'di// khyod kyis gzhan la spel bar mi bya'o// spel na gang zag skal med kyis// kun bzang
- 17b
dgongs pa 'di la gshe gyur na// nam mkha' ji srid bar du ni// shi ba'i 'og tu dmyal bar 'gro// zhes gzung 'dzin sems can du bstan pa'i yi ge'i le'u ste bcu gsum pa'o// // bcom ldan 'das che btsan rgyal ba'i sku la phyag 'tshal lo// bdag med rnam gnyis rtogs pa'i sangs rgyas de// bya byed re dogs bral bas sangs rgyas yin// bdag gzhan 'dzin pa chos sku'i ngang du sangs// shes pa med pa'i shes pa bstan pas rgyas// gzhi ni bdag gzhan dben pas sangs// de bzhin rang gi rig pa rgyas par bshad// rang byung chos sku spros pa bral bas sangs// spros bral rtogs pas gdeng du gyur pas rgyas// rnam rtog bdag tu 'dzin pa sangs pas sangs// mi rtog ye shes gnyis ni gsal bas rgyas// gzung 'dzin bag chags ma lus kun sangs nas// ye shes mkha' la nyi ma shar bzhin rgyas// sangs rgyas zhes kyang de la btags pa yin// rig pa med pa'i rig pa shar tsam na// skom du med pa'i sgom pa shugs kyis 'byung // thob tu med pa'i 'bras bu rang dbang med par thob// rang dbang med pa'i 'bras bu'i rgyal po de// rdo rje mas dpas sangs rgyas zhes su gsungs// yul sems 'khor ba'i sdug chen sangs pa yis// snang srid chos sku'i ngang du rang sangs rgyas// de las sangs rgyas zhes su sems dpas gsungs// bdag gzhan
- 18a
'du shes chos nyid ngang du sangs// bdag med rtogs pas lhag med chos skur rgyas// bdag gzhan 'du shes ngang gis log pa na// yid kyi g.yo ba rang dbang med par ldog/ yid kyi g.yo ba bral ba bstan pa las// gzhan du sangs rgyas sems dpas ma gsungs so// de las gzhan pa'i sangs rgyas yod par ni// nges rgyud kun tu btsal yang rnyed mi srid// drang don sangs rgyas rnam grangs bsam mi khyab// de ni sems can mos pa bskyed phyir gsungs/ de ni 'dzam gling bye ba phrag brgyar yang // sprul pa bsam yas 'gro don mdzad par gsungs// sems can rang rang mos pa ji ltar bar// chos ston pa la sogs pa 'tshal bar ston// de ni drang don sangs rgyas yin par gsungs// zhes sangs rgyas gdags gzhi dang bcas pa'i yi ge'i le'u ste bcu bzhi pa'o// // rnam dag sems kyi dbyings la phyag 'tshal lo// yang dag sangs rgyas sgrub pa'i sgrub rdzas su// rdzas kyi rgyal por rang sems khyad par 'phags// rang sems rdzas kyi rgyal po 'di rtogs na// phyi nang snod bcud snang srid thams cad kun// ma lus rdzas su gyur pas sgrub rdzas che// blo nyid dngos por gyur pa'i rnal 'byor la// snang stong bde sdug rnam rtog ci skyes kyang // thams cad de yi rdzas de gud na med// rang byung ye shes ye nas gnas pa la// rtog pa'i ye shes
- 18b
rdzas dang ldan// rang la gnas pas sgrub pa yin// rang gi rang rdzas rang la che// bya ba med pa'i thabs dag dang // byed pa med pa'i shes rab gnyis// gnyis med ye shes rtogs gyur na// snang ba sku yi sgrub rdzas yin// sgra rnams gsung gi sgrub rdzas yin// dran rtog thugs kyi sgrub rdzas yin// ye nas lhun gyis gnas pa la// rtog pas nor ram rdzas dang ldan// de nyid dang gnas sgrub pa'o// sgrub rdzas ldan zhes sems dpas gsungs// gal te sgrub rdzas de med na// rdzas rnams thams cad ci bsogs kyang // 'khor ba bsgrub pa'i rdzas su gsungs// sgrub rdzas bgrang bar rigs pa min// ye nas lhun grub spros dang bral// bsnyen pa yin te bsnyen pa'i mchog/ de rtogs nye ba'i bsnyen pa'o// ngang la gnas pa sgrub pa'o// mngon 'gyur sgrub pa chen por bshad// ye nas lhun grub spros bral de// sems dpas rdzas su gsungs pa yin// ma rtogs nor ram rdzas dang bral// rdzogs nas rdzas dang ldan zhes bya// rtogs pa'i rdzas mchog de rten na// rang gi ngo bo rdo rje'i sgra// mngon du gyur na sgrub pa yin// rdzas mchog spyi bcings de ldan na// lha yang gzhan nas bod mi dgos// sngags dang phyag rgya bsgyur ba med// dka' thub sbyin sreg de nyid do// de nyid mchod pa khyad par 'phags// khyod kyi rdzas kyi rgyal po de bsten na// yun du rdzas
- 19a
mchog 'di dang ma 'bral cig/ gal te rdzas mchog 'di dag bral na ni// bskal par sdug bsngal 'khor bar 'khyams sa re// sgrub rdzas kyi yi ge'i le'u ste bco lnga pa'o// // bdag med spros bral dang la phyag 'tshal lo// thig le spros bral dang la gnas tsam na// bdag gzhan spros pa'i rnam rtog bgegs chen de// phar la bsal bas sol ba ma yin no// thams cad chos skur rang gi ngo bor gzhom// thams cad chos skur ngo bo gcig pa la// bdag gzhan bar chad bgegs ched de byung bas// bgegs chen de yi thams cad dbang gyur pas// thams cad bgegs su ma gyur gang yang med// de bas bdag gzhan 'dzin pa'i bgegs de bas// gzhan du bgegs ni nams kyang yod ma yin// de yod pa na bgegs rnams de las byung // bdag gzhan gnyis kyi bgegs chen de// rang las byung zhing rang gis bdud// bgegs de nges par 'joms 'dod na// thabs dang shes rab ldan byas la// gnyis med ye shes chen po yis// mnyam nyid ngang du lhan cig/ ngang de nyid la lhan ne gzhag/ gnyis med ngang dang ma bral na// bgegs de sdang bar nus ma yin// de bas gnyis med ma yengs par// blo ldan bag dang ldan par byos// bgegs la sogs pa'i phyogs rnams thams cad kun// nam yang 'byung bar sems dpas
- 19b
na gsungs so// bgegs zhes bya ba'i ming yang mi srid de// snang srid ye shes// ye shes ma yin pa ni gcig kyang med// thams cad kun tu bzang po'i ngang du gsal// khyod kyis de ltar khong du chud par gyis// gal te thabs dang shes rab ma ldan na// ye shes chen po'i gnyis med bral na ni// rnam rtog bdud kyi bar du bcad nas ni// 'khor ba'i btson ra'i nang du bcug nas ni// gzung 'dzin gnyis kyi lcags sgrog bcug nas ni// re dogs gnyis kyi tsher lcag las su 'bral// zas su 'dod chags zhe sdang gti mug byin// nad du skye rga na 'chis snying la 'khor// gzigs mor khams gsum snang ba sna tshogs bstan// las su sdug bsngal sna tshogs thar med byed// zo chu'i khyud mo bzhin du gcig nas gcig tu 'khor// gnyis med skyabs chen de dang ma phrad na// thar pa'i dus mtha' nam yang mi 'byung ngo // de bas thabs dang shes rab ldan par byos// bar chad bgegs chen bdag gzhan gzung 'dzin de// gnyis med thabs dang shes rab me yi dbyings su bsreg/ blo ldan khyod kyis de ltar shes par gyis// de ltar shes nas bgegs dang bar chad brlag/ de las gzhan du bar chad sel 'dod pa// de nyid bgegs chen yin pas bgegs rnams thams cad 'byung // sems dpa' khyod kyis gnyis med ye shes sten// blo
- 20a
ldan khyod kyis bla ma rnam gnyis zung // dkon mchog gsum dang nam yang ma bral bar// yang dag mchod pa bla med mchod// rang gi dam tshig rtag tu srungs// grogs su rang gi brtson 'grub sten// gal te de las 'gal 'gyur te// rdo rje sems dpa'i dgongs pa 'di// khong khro sdug btsir ser sna che// rig pa rgyu dang thabs kyis 'tshol// rnyed na sri zhu rdul tsam med// tshig dang bsam pa tshe rol sgra// chos nyid don dang rtag tu 'gal// de 'dra'i sdig can lag tu btang na ni// dkon mchog gsum gyi dbu 'phangs smad// sangs rgyas bstan pa gnyen po bshig/ chos sgor zhugs nas dmyal ba bsgrubs// bdag gzhan gtan du brlag par byas// phung mkhan de dang ma spongs shig/ khams gsum dmyal ba ma sgrub cig/ rdo rje'i ri mo ma bshig cig/ ces par chad bgegs kyi mtshan nyid dam bsal thabs kyi yi ge'i le'u ste bcu drug pa'o// // bcom ldan 'das sna tshogs kun tu bzang la phyag 'tshal lo// bgrod du med pa'i lam gyi cha rkyen yang // bsam du med pa'i snang srid ngang gis rkyen// cha ni chos sku gcig pa la// rkyen ni 'khor 'das gnyis su snang // cha ni rang byung ye shes la// rkyen ni rtog pa'i ye shes shar// cha nyid rkyen la rkyen nyid cha// snang ba dang ni stong pa dang // bde ba dang ni sdug bsngal
- 20b
dang // mya ngan 'das dang 'khor ba dang // yod med gnyis dang gnyis med dang // mtha' rnams kun bzang dgongs pa'i rkyen// sprod dang spros bral dang gi lam// gzugs kun nga rang nyid kyi gzugs// sgra kun nga rang nyid kyi sgra// dran rtog nga rang nyid kyi sems// nga rang nyid kyi rol pa la// spang blang nga rang rang nyid shar// bzang ngan nga yi lam gyi grogs// nga nyid ma yin gcig kyang med// thams cad lam du sems dpas gsungs// thams cad ye nas rang gi rgyan// mtshon phyir de skad bstan pa tsam// thams cad nga yi rkyen yin te// gcig ma tshang na don mi 'grub// thams cad sel med cha dang rkyen// gang yang rung ngo ci yang yin// thams cad chos skur rang gi rang // kun kyang mnyam nyid yin pa la// kha cig yang dag don rmongs pas// ye nas rdzogs pa'i cha rkyen la// sdod kyi rdzas dang cha rkyen sogs// gza' dang rgyu skar dus tshigs dang // gnas dang dus dang bdag la sogs// tshogs pas 'bras bu grub par 'dod// bsags nas tshogs pa'i rdzas de dang // bsgrubs nas grub pa'i 'bras bu de// sangs rgyas theg par bgrang ba min// dpar na lus nyid gcig pa la// yan lag la sogs cha rkyen yang // rang gi stobs kyis rang la rdzogs// de bzhin snang srid sel med par// chos nyid cha rkyen ngang gis rdzogs// khams gsum srid
- 21a
gsum dus gsum du// chos sku rang gi ngo bo las// yod pas sems dpas ma gsungs so// gang yang dran mthong de kho na'o// sman gyi rgyal po ma gi tas// gang la rigs pas sman du 'gyur// rtogs pa'i gang zag skal ldan gyis// snang srid ye shes 'od du 'bar// 'khor ba bya ba'i ming yang med// khams gsum nyon mongs gtan nas zad// rigs lnga'i sangs rgyas don dang phrad// sku gsum yon tan 'phrin las kyang // bsam las 'das te tha snyan tsam// rtogs pa tsam las gdags pa las// phyogs dang ris su chad pa ni// kun bzang yod par mi gsung ngo // de 'dra'i rtags dang ldan pa la// lam dang cha rkyen ldan par ni// rdo rje sems dpas gsungs pa yin// don dang ldan pa'i skyes bu ni// dkon mchog gsum yang ngang du grol// 'gro ba'i srog kyang ngang du gcod// dge sdig gnyis kyang ngang du snyoms// rig kun ngang du rlag par byed// rig pa'i rgyun yang ngang du gcod// 'khor 'das ngang yang ngang gis gcod// blo yi chos kun zad pa na// don dang ldan de cha rkyen tshang // khyod kyi de ldan shes par gyis// mdor na 'di yi cha rkyen du// ma gyur mi 'gyur mi srid de// skal ldan brgya la 'ga' yis rtogs// kun gyi thun mong ma yin pas// rgya mtsho'i gting gi pha bong bzhin// srid pa 'khrugs kyang khar
- 21b
mi dbyung // gal te 'dul ba'i dus mthong na// zla ba re zhing tshigs bcad re// rim gyis snod dang sbyar la bstan// de las gzhan du blo dman gyis// 'dod pa cung zad rang don du// spel na gnyis ka dmyal bar 'gro/ gal te brgya la thar gyur na// ru dra sde gsum dag tu skye// de nas 'phags pa'i thugs rjes bskul// sngon gyi dam tshig rjes su dran// sdod kyi gsang sngags don la 'jug/ gsang sngags bka' mgo log pa yis// nyon mongs dug gsum rang dgar spyad// bskal pa stong phrag bcu gnyis su// rdo rje dmyal ba'i sdug bsngal myong // de nas de las thar pa na// ma trang kha traM a kar sha// mgo bo brgya la lus gcig gam// lus po brgya la mgo gcig gam// mthu dang rdzun 'phrul bsam mi khyab// tshangs pa'i 'jig rten man chod du// kun la gnod cing 'tshe bar byed// de nas badz+ra he ru kas// shin tu gdug cing gtum pa las// zhi bas phan par mi 'gyur te// shes rab thabs kyi ngo bo yis// khro bor de bzhin gshegs kun mdzad// dus der sngon gyi dam tshig dran// 'khor dang bcas pa zhi bar 'gyur// rang bzhin chos nyid ma rtogs par// sgra phyir 'brangs pa'i nyes pa'o// de bas gong gi don la ltos// zhes lam gyi cha rkyen yi ge'i le'u ste bcu bdun pa'o// // bcom ldan 'das rdo rje sems dpa' la phyag 'tshal lo// ye
- 22a
nas lhun gyis grub pa'i 'bras bu las// yun dang grub tshul bstan par mi 'os kyang // rtogs pa bstan pa'i nus pa 'di ltar mod// thogs med dus su grub pa'i 'bras bu la// rtogs ldan ye shes gang zag gzhi ru gsungs// yang rab rab dang 'bring dang tha ma bzhis// yang rab phung po lhag ma mi lus de// gzung 'dzin dben pa'i rtogs pa brtan pa yis// bdag gzhan mnyam por ngang gis ngang gi/ ni// chos sku mnyam nyid ngang du ban bun la// bdag gzhan snang srid thams cad chos skur bun gyis bran// 'byung ba lnga la sogs pa lhag gis shar// yang rab 'bras bu de ltar de yis 'grub// rab kyis thun mong ma yin gnyis med de// rtogs nas ngang gis gzung 'dzin ngang du dul// le lo phra mo snang ba ma 'gyur yang // 'chi ba'i srid pas rang gis gros byas nas// sa chu me rlung rnam shes rab gsal dang // gnyis med ngang du rim gyis thim gyur nas// lhun grub nam mkha'i dgos pa lhag gis 'char// rang gi ngo bo 'gyur ba med pa yang // rab kyi 'bras bu tha snyad de la gdags// 'bring gi zla bral don tshad gcig tu rtogs na ni// tha dad 'khrul par nges pa skyes nas ni// 'khrul pa 'khrul par nges pa'i mthu stobs kyis// bar ma do la bar do'i shes pa 'byung // bar dor bar do'i shes pa byung tsam na// rang gi dgongs pa
- 22b
nam mkha' lta bu dran// dran nas de yi ngang la gnas pa las// gzung 'dzin byed pas skye ba len par ni// rdo rje sems dpas gsungs pa ma yin no// tha ma 'di yi don la zhugs nas ni// rtogs kyang bstan par bya ba bskal med de// 'jig rten 'di yi zang zing 'khrul pa la// slu byed dam pa yin par ma gzung ste// 'dod pa yod pas skye ba phyi ma len// mos pa'i stobs kyi mi lus blangs nas kyang // bla med theg mchog 'di dang phrad gyur nas// de la phung po ma lus sangs rgyas par// rdo rje sems dpa'i zhal nas gsungs gyur yang // khyod kyi de la re ba skye gyur na// mngon shes gzhan yang bar chad 'khor ba'i rgyu// de bas khyod kyi 'di ltar shes par gyis// theg pa'i rgyal po bya ba bral ba'i thabs// bka' yi yang snying bya bral shes rab 'di// thabs dang shes rab zung 'brel sangs rgyas thugs// rgyu 'bras 'das pa'i chos su sems dpas gsungs// bya ba bral ba'i chos su rdo rje sems dpas gsungs// skye ba phyis mi len pa'i chos// yin par kun bzang rdo rje sems dpas gsungs// de bas 'di la ma yengs phyi mar re zag chotshod// dka' khyod zhu bar dpa' bar blo dang ldan 'dra yang // g.yeng ba'i dbang gis don la mi gnas na// bar du skye rga na 'chi la sogs kyis// bstan du khyod ni gyur ta re// snod med 'ga' la khyod kyis
- 23a
bstan na ni// kun bzang rdo rje sems dpa'i bka' yang khyod kyis bslus// nga yi bka' las 'gal te 'das gyur na// snang ba 'di dag thams cad mer gyur nas// nam mkha' gnas kyi bar du khyod nyid sreg/ snang srid kun yang khyod kyi gshed mar 'gyur// chos skyong srung ma la sogs thams cad kyis// khyod la mi bzang pa yi chad pas gcod// thar pa'i dus med 'o dod chen po 'bod// de 'dra'i rnam smin sa la mi smin par// rang la smin te 'ong bar go bar gyis// khyod kyis nga yi bka' las ma 'das na// rang gi yi dam chos nyid mi gtong zhing // kun bzang rdo rje sems dpa'i dgongs pa 'di// snod ngan dam nyams kun la mi spel te// dad pa ri rab lta bur mi 'gyur zhing // brtson 'grus chu dang rlan bzhin mi 'bral zhing // bzod pa sa rdo chu bur thob pa la// ma bzhag nan tan byas la 'ga' tsam las// gzhan la ma spel rten gyi tshul du sbyin// khyod kyis nga yi bka' las ma 'das na// rdo rje mkha' 'gro la sogs phyi nang bsrungs mas kyang // lus dang grib ma bzhin du 'grogs la bar chad zhi bar mdzod// dkon mchog gsum gyi byin rlabs thugs rje char bzhin phob// bdag gi smon lam mthu yang ngan sngags bzhin// rno bas khyod nyid rdo rje sems dpar tshe 'dir gsungs// zhes yun ni ji srid kyis 'grub pa'i yi ge'i le'u ste
- 23b
bco brgyad pa'o// // de nas 'jam dpal bshes gnyen khye'u snang ba bsam gyis mi khyab pa de yid rab tu dngas te// pha hA su ka ho ni// oM mA e ma// rdo rje sems dpa'i sku mchog 'gro dpal thugs dkyil nas bdud rtsi chu rgun byang sems bco brgyad 'bab// nyon mongs ko skam dag gi za ba la// mi bangs skams med 'gro kun grol mnyam sems// byang sems gab pa zhus pa'i yi ge 'di// bdag gi blo ba'i dkyil du sa ma ya// bde gshegs byin rlabs ma lus dus 'dir bdag la 'dus// 'gro ba'i dug chen sel mdzad sman chen mgon po sems dpas gsungs// skal ldan 'gro ba grol bar the tshom med// kun tu bzang po'i zhal yang dus 'dir mthong // rdo rje sems dpa'i zhal yang dus 'dir mthong // rigs gsum mgon po'i zhal yang de ring mthong // bde gshegs thugs kyi nyi ma da ltar shar/ khams gsum 'khor pa'i mun pa de nang sangs// 'khor 'das gnyis kyi zam pa de ring tshugs// khams gsum dug gsum nang nas skyes chen 'debs// zag pa zad cing bya ba de ring byas// de ring 'khor ba'i gdos dang bral// rdo rje sems dpa'i thugs kyi thigs pa 'di// bdag gis dam pa nyid du gzung bar bya// mgon po khyod kyi bka' las bdag mi 'da'// rdo rje sems dpa'i bka' las bdag mi 'da'// mkha' 'gro
- 24a
dam can bka' las bdag mi 'da'// rdo rje sems dpa' khyod kyi bka' stsal tshul bzhin bgyi// thugs rje can gyi bka' bzhin bdag bgyid do// dkon mchog gsum gyi bka' mi slu// nyi zlas la ltung ba srid du rung // sems dpa' khyod kyi bka' las 'da' mi srid// khyod kyi bka' drin yal bar bdag mi gtong // de bzhin gshegs pa'i dgongs pa'i yang snying 'di// dam nyams sdig can kun gyi lag tu bdag mi gtong // 'jig rten g.yeng ba'i lag tu bdag mi gtong // de bzhin gshegs pa kun gyi byin rlabs dang // mgon po sems dpa' khyod kyi byin rlabs kyis// bdag nyid 'khrul pa'i dbang du ma gyur cig/ mthu dang rdzu 'phrul dbang du ma gyur cig/ bar chod bdud kyi dbang du ma 'gro zhig/ srid pa'i 'tsho las 'gro ba 'don par shog/ rdzogs so// // rgya gar gyi mkhan po bi ma la mi tra dang // zhu chen gyi lo tsa ba dran pa'i ye shes kyis bsgyur cing zhus te gtan la phab nas// nyang ting 'dzin la gdams// des spra mo rgya le mtsho la gdams// des skra blo gros dbang phyug la gdams// des 'brom ye shes bla ma la gdams// des sras rgyal ba'i shes rab la gdams// des zhang dar ma ye shes la gdams// des shangs pa lce chung ba ye shes rgyal mtshan la gdams// des shud kye ston pa mi 'jigs la
- 24b
gdams// des sngon stog rgyal mtshan la gdams// des lce ston rdo rje gzungs la gdams so// snyan rgyud nges pa'i lde mig/ po ti se ru mthing shog can gyi rgyud rdzogs so// /
- 1a
thag ring du 'gro ba nam mkha' dang mnyam pa'i rgyud zhes bya ba bzhugs so//
- 1b
rgya gar skad du/ kha sa mu rtsa a ka kro ti ra tan tra/ bod skad du/ zag ring du 'gro ba nam mkha'i mtha' dang mnyam pa'i rgyud/ dpal kun tu bzang po la phyag 'tshal lo// 'di skad bdag gis thos pa'i dus gcig na// bcom ldan 'das chos nyid kyi bde klong brdal ba'i gnas// mi gnas pa'i mkha' klong // b+ha ga kun tu bzang po'i mkha' la 'khyil ba'i gnas nas mkha'i ri mo lta bu'i gzhal yas khang na thams cad dang ldan pa'i 'khor thabs cig la/ rang bzhin la rtog pa dang / rang bzhin la lta ba dang / rang bzhin la slob pa dang / nges pa med pa rnams dang / srid pas bsdus pa'i sems can thams cad 'byed pa mi mnga' ba'i thugs kyis dgongs nas thabs cig tu bzhugs so// de nas
- 2a
'khor de dag thams cad kyis ston pa kun tu bzang po la 'dud do// yongs su 'dud te/ de nas ston pa kun tu bzang po des 'khor thams cad gzigs nas/ nam mkha'i mtha' dang mnyam pa'i ting nge 'dzin la snyoms par zhugs nas/ nam mkha'i mtha' dang bral ba'i chos la dgongs pa mdzad cing / nam mkha'i mtha' dang mnyam pa'i chos grol ba'i dgongs pa mdzad do// de nas yang rnal 'byor pa thams cad kyi dbang phyug chen po de/ ston pa'i mdun na gus pa'i tshul du cang mi gsung bar 'dug par mdzad do// de nas ston pa kun tu bzang pos 'di skad ces bka' stsal to// nga yi rang bzhin nam mkha'i mtha' mnyam nam mkha'i rang bzhin mtha' dang dbus las grol/ khyed gnyis de yi rang
- 2b
bzhin de dang mnyam/ thams cad chos rnams nga yi tshul dang mthun// ces bka' stsal to// zag ring du bgrod pa nam mkha'i mtha' dang mnyam pa'i le'u ste dang po'o// // de nas rnal 'byor gyi dbang phyug chen po des 'di skad ces gsol to// chos rnams thams cad nam mkha'i mtha' mnyam pa// rin chen gter gyi 'byung gnas dgongs pa 'grub// skal ldan bcud du gyur pa rin chen sa// de nyid de yul phra ba'i mun sel mdzod// ces gsol pa dang / ston pa kun tu bzang pos 'di skad ces bka' stsal to// nam mkha'i mtha' dang 'dra ba'i mnyam pa nyid// mi len mi spong snying po snyam pa'i ngang // de nyid ma 'das rin chen gling dang mtshungs/ khams gsum mi lngas don la mnga' dbang skyes// mi spongs mi sbyong tshe chad rtog pa'i nad// de las mi 'gyur mi rtsol rgyu dang bral// lhun grub spros med ye nas rdzogs pa'i ngang // bsti nas dbang po'i rtsol bas rnyed pa'ang med// tha dad mi 'dzin 'dzin pa'i rtsal dang bral// rang rig bcos med bde ba chen po'i klong // re ba yul las 'byung zhing rtsol bas gol// de phyir gzhan nas mi btsal rnyed mi 'gyur// spros med ye shes rang bzhin cir yang brdal// bgrod par bya ba'i ma nor drang po yis// ye nas mi dmigs ma bcos rang byung gnas// rdo rje lta bu ye shes mi 'gyur mun pa med// tshol bas btsal
- 3a
du med de snying po'i don// snying po'i don la mi rtsol mi 'gyur brtan// nam mkha' che la mi gnas nam mkha'i lam// nam mkha' de nyid mi dmigs mi 'gyur brtan// ye nas grub pa'i rang bzhin ci mi dgongs// mi 'gyur rtag pa chen po kun tu bzang // chos kun ma sbyangs ye nas de yi rgyan// btsal yang med pa'i 'phrin las ye nas grub// rtsol dang bral ba'i rtog pa kun tu bzang // thams cad me 'byed don la ci mi dgongs// tha dad gnyis med bde ba'i ye shes ni// mi 'gyur lhun gyis grub ste ye nas che// goms pa'i shugs kyis rtag pa bde la spyod// bde ba chen po longs spyod ye nas rdzogs// tha da gnyis su mi 'byed kun la brgyan// rdzogs pa'i ye shes mi sgom de nyid yin// thag ring du bgrod pa nam mkha' dang mnyam pa'i rgyud las/ srid pa gsum sbyong bar byed pa'i le'u ste gnyis pa'o// // mun pa'i 'od zer 'ching ba'i rgya dang mtshungs// de don 'ching ba'i rgya dang grol// 'od kyi stobs kyis gsal ba ltar// mtshon byed thabs kyis rang bzhin 'brel pa tshang // bka' yi bdud rtsi sman gyi bcud kyis bsdus// sgrub byed rgyu yi rang bzhin mtshon byed thabs// gsal snang za dad mi 'byed ye shes thugs// sku gsung lhun gyis grub pa'i 'bras bu gcig/ bya byed mi bya med pas ye nas kun la khyab// thams
- 3b
cad byang chub zhing la tha dad med// dbyer med kun bzang mi 'gyur rtsol med pa// mtshon du gsang ba'i chos nyid ye shes che// brjod pa'i tshig dang tha snyad yul las 'das// nga med nga zhes bstan pas 'khrul cing nyams// mi dmigs dngos su mi snang phyogs cha'i yul// dmigs pa 'dzin pa rgyu med mtshan med dbyings// dngos po'i gnas la ma chags bya ba med// 'dzin pa'i yul la mi dmigs nam mkha' 'dra// chos nyid rtsal med mu med rgya dang bral// gnag pa'i don dam nges pa'i 'bras bu gcig/ gsal ba'i rang bzhin dgongs pa gcig tu bstan// mnyam nyid gsal ba'i don ni cir mi dgongs// mi rtog snying po'i ngang du 'du 'bras med// so sor rtog pa'i stobs kyis mi 'dres gsal// snying po'i rang bzhin don dam legs pa che// mnyam nyid nga bdag med pas phyogs ris med// 'dzin med mnyam pa'i rlung du nga gis gnas// rig pa lung gi man ngag khyad par che// bde ba'i sgron ma dag pa'i mun pa sel// thabs chen mdzad pas 'phrin las lhun gyis grub// thag ring du 'gro ba nam mkha'i mtha' dang mnyam pa'i rgyud las/ khyad par thabs kyis che ba bstan pa'i le'u ste gsum pa'o// // ma skyes ma btsal ye nas yin pa'i dpal// rig pa btsal gyi man ngag cir yang gsal// rdul 'bral mkha' ltar dag pa chos nyid
- 4a
dang // 'od gsal dor mdzad gnyis med lhun grub dang // rgyu yi rang bzhin dbyer med sku gsung thugs// rig pa'i ngo bo gnyis bral chos dbyings dang // sems kyi rgyu la sgrub pa'i 'bras bu gnas// yon tan 'dus pa'i rtsa ba srog dang rgyu// 'gro ba'i sdug bsngal lhun grub byang chub rgyud// dbri bkol med pa'i lam gyis lhun grub tu// ci la'ang ma yin nges snang mtha' las 'das// skye med mi gnas rdo rje 'jig pa med// dngos po'i yul can dmigs pa'i rgyu las grol// ye nas lhun grub mi dmigs byang chub sems// ltas pas ma grub skye med lhun gyis gnas// rig pa lhun grub gnyis med rang bzhin gsal// zla ba'i gzugs brnyan lta bu mi gnas pa// bde chen rig pa'i klong du ngang gis gnas// rgyu yi lus ngag yid gsum sku gsung thugs// mnyam pa'i rang bzhin mi gnas thugs su sbyor// g.yo dang mi g.yo rang snang skye 'jig bral// chos nyid brdal ba'i rlung du ngang gis phebs// 'od gsal mnyam pa'i rlung du ngang gi gnas// blo yi spyod yul ma yin myong zhing reg pa dka'// 'dus byas rtsa nas dag cing ye nas grol// mi gnas rgyal ba rnams kyi gsang chen zugs// 'khor ba ru zlog rgyud drug rtsad nas gcad// 'gro ba'i sdug bsngal chod nyid byang chub sems// ngo bo rang rig mi gnas mya ngan 'das// de la de
- 4b
nyid gsal bas 'ching ba grol// mya ngan 'das pa'i dam tshig skye ba med// ci yang ma yin dam tshig lu gu rgyud// chos nyid sems kyi rang bzhin ma mthong med// rgyu dang bral ba'i ye shes rig par dka'// dam bcas chos nyid gnyis su snang ba med// che ba'i yon tan 'byung zhing de la snang // de nyid ye nas ye shes gsang ba'i ngang // rang snang nyi ma'i 'od ltar dbri bkol med// ma skyes rnal 'byor nam mkha'i bya lam 'dra// skye med chos dbyings rin chen gter dang mtshungs// bung ba bcud len bde ba'i ro yis tshim// gti mug chen po chags med rang la gsal// skal ldan mi nub rnal 'byor yongs kyi don// rna brgyud thugs kyi gdeng chud rig pa'i klong // skal ldan rnal 'byor rnams kyi don du bzhag/ zag ring du bgrod pa nam mkha'i mtha' dang mnyam pa'i rgyud las/ sku gsung thugs srog tu bstan pa'i le'u ste bzhi pa'o// // ston pa'i bdud rtsi bka' yi bcud dang mtshungs// bung ba bcud len bde ba'i ro yis tsham// gti mug chen po chags pa rang las gsal// skal ldan mi nub rnal 'byor yongs kyi don// rna ba rgyud thugs kyi gdeng chud rig pa'i klong // skal ldan rnal 'byor rnams kyi don du bzhag/ lhun grub yul bral tha snyad yul las grol// rtog dang mi rtog phyi nang chos kyi dbyings// rang byung ye shes cho 'phrul
- 5a
'byung ba'i rgyu// rig pa gcig tu ngang gis mi 'byed cing // thams cad gcig gi ngo bo kun las 'das// de nyid de yin rgyu las rtag tu grol// ma sbyangs rnam par dag pa'i spyod yul sa// thob dang mi thob 'dzin pa'i rten las grol// sangs rgyas sems can gnyis med rig pa'i yul// yid la byed pa'i 'du shes nam mkha' 'dra// brjod par 'phrul pa'i chos yin de nyid bral// 'di la bsam pa med cing sgrub pa med// gnyen po lam gri bcos su ga la yod// de nyid ma yin snang ba rigs dang bral// rig pa rtsal sbugs bya byed smon pa med// lhun gyis rdzogs pa ye shes snga ma'i don// skye ba med pa'i chos nyid snga ma'i don// mi dmigs mi rgol bya btsal yul las 'das// rtog dang spyod yul ni gnyis med chos kyi dbyings// rtog dang spyod pa'i yul ye shes mi gnas don// rig pa mkha' ltar dag pa'i ye shes mi gnas gsal// rnam rtog blo yi spyod pas ci zhig bya// sprul pa'i chos la bsdad pa'i dmigs bu 'dra// mi gnas mi btsal rig pa'i mkha' klo brdal// zug rngu bral ba'i ye shes rdul bral 'jam// gnyen po ye shes 'khrul pa nor ba'i lam// de nyid de las bstan pas lam chen po// ye shes de las mi nyams gnyis su med pa'i ngang // chos rnams dag pa'i ngang du mnyam shes na// dag pa mnyam nyid sangs rgyas kun gyi
- 5b
rje// rig pa'i shes pa gdeng ldan bsam dang bral// spyod yul gcig pa'i ye shes bskal pa bzang // mi 'gyur gdeng med mtshon pa'i rjes su 'brangs// zab mo'i yul med 'dzin pa'i yul du bcas// nges pa med pa'i rang bzhin bya ba mang // de 'dra'i slob dpon spre'u 'dra snying dang mtshungs// rig pa'i mtshan mas ma bskyed nor ba'i lam// de 'dra'i lam bstan rtog pas zin ta re// rin chen gser gyi rang bzhin dri ma bral// nag tshur rkyen gyi rang bzhin slu bar dka'// de la de brten de yang thob// nam mkha' dang mnyam pa'i rgyud las/ log rtog ye shes sngags pa'i le'u ste lnga pa'o// // mnyam nyid gcig pa'i don la phyi nang bral// 'du 'bral med pa'i chos nyid bcom ldan 'das// kun tu bzang po'i rang bzhin ye nas dag/ gnyis med theg pa'i nges med bgrod med sa// sku gsung thugs kyi chos nyid bde chen po// bya bral bde ba'i klong du ngang gis phebs// mnyam nyid klong du 'du zhing thams cad 'byung // bde ba'i klong du sna tshogs mi gnyis kyang // tha dad bgrangs pa'i chos rnams rang bzhin gcig/ mtshon byed thabs kyi rang bzhin cha shas bral// de nyid spros bral bde ba chen po'i klong // zhi gnas zhen pa'i yul du mi rtog kyang // rnam par snang mdzad chos nyid kun tu bzang // che ba'i yon tan ma bkag rol par bsgrubs// kun tu
- 6a
bzang po'i rol pa nam mkha' che// nam mkha' mi bsam nam mkha'i yul las 'das// rtsol bas zin pa'i nad spangs nam mkha' 'dra// mi 'gyur lhun gyis grub pas bzhag pa yin/ kha sa mu dza nam mkha' dang mnyam pa'i rgyud las/ kun tu bzang po'i rang bzhin dbyer med par bstan pa'i le'u ste drug pa'o// // sems kyi mtshan nyid phyogs cha gcig tu bstan// de yi mtshan nyid 'di zhes bstan par dka'// de la skye med 'pho 'gyur gnas pa med// rang bzhin 'phrul pa'i rgyu drug med cing ston// rgyu yi rig pa med cing gnas pa med// gnas pa'i rgyu med rten pa'i rkyen dang bral// bri ba med cing skye ba'i phel ba med// su la phan med de nyid gnod mi 'gyur// 'di la snang ba med cing mun pa med// sangs rgyas med cing sems can yod ma yin// byang chub med cing lam yang yod ma yin// 'khor ba ma yin mya ngan 'das ma yin// nam mkha' ma yin nam mkha'i yul las 'das// shes rab med cing thabs kyang yod ma yin// dbyings dang ye shes gnyis kyang yod ma yin// yod med kun las 'das pa'i stong chen po// mi bsam mi brjod rig pa'i klong du brdal// ci yang med de med pa snying po'i don// lhun gyis grub pa'i mdzad pa cir yang snang // skal ldan lhun grub dgongs pa gsal bar 'grel// de nyid de yin che/
- 6b
ba'i spyod yul ldan// de bstan de med de yang yod ma yin// nga med gzhan med 'di zhes gdod nas med// stong nyid de yin de zlog lhun gyis rdzogs// nam mkha' phung po ma skyes ye gsal khyab// lhun grub mi 'gyur rtag pa med// nam mkha'i khams ltar khyab pas mi 'gyur brtan// tha dad snang yang de nyid ngo bo gcig/ thig le chen po sna tshogs yid kyi rgyun// cir yang ma g.yos tha snyad byang chub lam// 'du byed lag gis bskur ba'i ngo bo 'dra// tha snyad thams cad bgrod pa'i yul las 'das// de phyir dge sdig thams cad tha snyad lam// thig le spros bral thams cad khyad par cir yang mtshungs/ khyad par lam du bstan pas rnam par grol// de la de min gdod nas rnam par dag/ skye ba'i mun pa rgya mtsho'i gzings dang mtshungs// don med sgra phyir 'brang zhing gdeng mi ldan// de nyid de la rtog cing zab mo'i yul// dmigs med dbyings la ma reg long ba 'dra// dam tshig bsrung ba med cing bab tshol spyod// dkar po dge ba'i las spangs rnam par 'thoms// yag sha me dpal lta bu snying la gnas// mi gtsang dri ma bkrus pa yod ma yin// med pa'i dngos po ma bcos tshe chad 'dra// phyogs med dkar po'i rang bzhin nyi ma 'dra// de nyid khyad 'phags lhag par lha yi lha// mthar yi mun pa ye nas med par gsungs/ kha sa mun dza nam mkha'
- 7a
dang mnyam pa'i rgyud las/ byang chub kyi sems gsal bar mngon du bstan pa'i le'u ste bdun pa'o// // cis kyang mtshon med ma bgrod rang bzhin grol// mi gnas stong nyid ye nas dag pa'i don// btsal bas ma yin ma btsal rnyed ma yin// 'od gsal ye shes chen po nam mkha' 'dra// rgyu med rang gsal mi bsam bsam mi khyab// rnam par dag pa'i ngang la rtse gcig gnas// mtshan med spros pa skye med dbyings su brdal// 'dzeg pa'i rgyu ba gnas bcas ye nas stong // de phyir mi bsam mi rtog dbyings dang bral// yin pa'i don la rtog dang mi rtog bral// g.yo 'gul dag pa'i rang bzhin bsam du bral// rkyen gyi rang bzhin bde ba sdug bsngal rnams// mi gnas dbyings kyi theg pa the tshom bral// snang srid thams cad ma skyes rnam par dag/ rgyu 'bras chos las 'das pas dbyings phyug dag/ tha dad 'dzin dang yul med 'khor ba dag/ de 'dra gting dpag dka' ba rgya mtsho zab// rang rig rtsal du nyams la gsal bar zab// de nyid gang dang brjod med brjod las 'das// mtshon pa'i dpe las 'das shing rdul dang bral// rgyu yi yan lag ma nyams gsal gyur na// sangs rgyas gzhan na med de de nyid yin// mtshan ma'i dbyings su ma grub kha dog bral// tshig dang yi ge med pas brjod las 'das// dmigs pa'i rten
- 7b
dang bral bas cir mi bsam// cir yang mi dmigs mngon du bya ba med// gar yang ma yin de ltar mnyam gzhag na// rim par snang ba'i rten dang bral bas cir mi bsam// cir yang mi dmigs mngon du bya ba med// gang yang ma yin de ltar mnyam gzhag na// rim par snang ba'i blo la cir yang 'byung // lhag ma med pa'i 'bras bu nyid du 'grub// de yul spyod pa'i rnal 'byor dbang phyug rnams// rim gyis sa la ma 'dres gsal bar snang // de yis de la bstan pas de mi skul// de mthong 'dren pa'i 'od zer bsti gnas sa/ kha sa mun dza nam mkha' dang mnyam pa'i rgyud las/ ye shes kyi sa la bslab cing gnas pa'i le'u ste/ brgyad pa'o// // skye med chos rnams thams cad bsam mi khyab// bsam du med pas bsam pa'i nam mkha' che// kun la khyab pa'i nam mkha'i ngo bo med// chos nyid dbyer med ye nas nam mkha' che// de nyid de la mi rtog gnas pa med// bya bral bsam dang bral bas nam mkha' dag/ bsam du med pas de nyid de mi 'gyur// nam mkha' mi dmigs pa yang dmigs su med// dmigs dang mi dmigs de la de mi 'byung // nam mkha' yul du ma zhen sgom mi bya// de la de ming dpe yi nam mkha' dag/ nam mkha' mtshan nyid kun las 'das par gsung // de nyid tsam du de nyid de yang med// sgom dang mi sgom nam mkha'
- 8a
nyid du sgom// nam mkha' sgom du med pas nam mkha'i don// zlos dang mi zlos spros med bzlas par sbyor// lus dang bral ba'i nam mkha' sems dpa' med// nam mkha'i mtshan nyid kun dang bral bar sbyor// bdag gzhan tshig bzlas ma bkag mnyam pa nyid// mtshan med sgra yis mtshon zhing mtshon mi nus// de nyid mtshon par 'di zhes nus ma yin/ kha sa mun dza nam mkha' dang mnyam pa'i rgyud las// chos thams cad nam mkha'i dpes bstan pa'i le'u ste dgu pa'o// // brtan dang mi rtag zhi phyir rnam grangs bral// mtshon pa'i sgron me de yis der mi 'gyur// zhi ba'i chos nyid de yi phyogs dang bral// de nas dag pa'i zhi ba mtha' las 'das// ma skyes rang byung de yi rjes dang bral// ma skyes ye shes thog ma mtha' las 'das// mtha' dbus med pa'i ye shes skyon dang bral// rgya dang bral ba'i ye shes kun la khyab// ma bcos brdal khyab chen po chos kyi sku// re dogs med pa'i ye shes dgongs pa 'grub// ma thos ma mthong myong ba'i yul dang bral// ma skyes ye shes rig pa tshig mtha' bral// tshig tu 'dzin med ye nas rnam par zhi// gcig kyang ma yin du ma'i rang bzhin bral// gdod nas zhi ba'i rang bzhin len pa med// log lta mi 'byung de nyid de dang mtshungs// mi mthun chos la mi bskur mnyam pa nyid// 'di thos mi ldang
- 8b
gang mos nam mkha' bzhin// dngos med chos la zhi ba chad pa med// rtag chad mtha' las 'das shing sbyang ba med// kun tu khyab pas rtag pa'i mtha' las 'das// rtag chad mi snang ye nas thos pa med// kun tu khyab pa'i rig pa lhun gyis grub// snang med myong med rtag chad tshig dang 'bral// bdag tu brtags pas 'chi 'pho sbyong ba 'byung // don du mi 'dzin bdag mtha' ye nas med// rkyen gyi gzugs brnyan sbyor ba 'chi bar 'gyur// rtog pa'i rkyen dang bral ba bde ba'i nyams// 'byung 'jug med pa ye nas zin pa'i thabs// de med de bral nyams med grol ba med// ngo bo med pa'i sems la 'dzin med bral// phyi nang sgo phugs mi lta 'dzin dang bral// mtha' dbus kun gyi rang bzhin snying po bral// mnyam nyid gcig gi rang bzhin bde sdug bral// tshig gi mtha' nyid ye nas med// 'dzin med blo ni mi skye khyad par bral// zhi ba'i don la dngos med gzung ba med/ khyad par ma spangs gzugs med mi gnas don// sems nyid mos pas sems la dmigs pa med// ma bcos sems kyi rgyu ni kun la khyab// sems kyi rang bzhin mi dmigs sgyu ma'i mnga'// thog med gsal ba'i mar me lhun gyis grub// zhi ba'i 'od gsal mtha' bral snang ba med// ma bcos byang chub sems ni rtsol dang bral// mi gnas chags pa'i yul med 'ching ba'i
- 9a
gnas// rang bzhin tha dad rnam grangs gcig pa'i yul// rnam pa'i rang bzhin mi 'gyur don// sa bon mi dmigs 'od gsal dge ba'i rgyu// rgyu dang mi rgyu mnyam nyid 'byung ba med// dag pa ma yin btsal bas dbang pos stong // de nyid bstan pas der gnas smos ci dgos// mnyam nyid ro yi de ba mtshan ma dbyings// dbyer med bde la chags na sgom chags nad// 'das dang mi gnas rang bzhin dus gsum rgyu// mtshan ma'i 'ching ba mi len 'dzin dang bral// dus gsum ye nas dag pas rdo rjer che// gang la chags pa med pas gtor mar bshad// sgyu ma'i sbyor bas 'brel cing don du 'brel// rtsol ba'i sgyu mas skye med dbyings mi bskyod// sgyu ma'i rnam grangs bgrangs pas yul la 'khrul// sgro skur sgyu ma 'ching bas btsal mi bya/ kha sa mun dza nam mkha' dang mnyam pa'i rgyud las// rol pa sgyur mar bstan pa'i le'u ste bcu pa'o// // dbang po spyod yul bral phyir de rgyu med// de med de la mi rtog nam mkha' 'dra// 'dus byas thams cad rkyen gyi sgyu ma 'dra// de la spyod pa dud pa ser po 'dra// bar chad 'khrul na rtag tu don byed byas// sgyu ma'i don gyis bden 'gro drang bar gsungs// de la de nyid bstan pas nam mkha' 'dra// tshig med tshig la spyod pa las kyis 'khrul// byas dang ma byas bag tsam bstod sems che// rtag
- 9b
pa'i don bral de la chad pa med// mnyam pa klong du don bral legs pa che// skye 'gag med pa'i don la rtag tu gnas// ma skyes skye ba med pa rtag tu nyan// thos med bral ba med pa'i don la gnas// mtshon byed thabs kyi bkri thabs rgyal bas gsungs// de la de bstan de nyid de ma yin// tshad mar gzung ba'i don nyid 'dzin pa skyes// de la mtshan pas sems kyi rgyud kha 'khor// tshig med tshig gi don gyis khyab pa med// mtshon byed sgra yi rang bzhin brtags pa 'dra// snying po med pa'i don nyid dbus mtha' bral// legs nyes don la mi dmigs sgyu ma'i dmigs// med pa'i chos la spyod pa brten pa 'dra/ kha sa mun dza nam mkha' dang mnyam pa'i rgyud las/ tha dad par mtshon par gol ba'i le'u ste bcu gcig pa'o// // log pa'i rang bzhin byang chub de dang mtshungs// byang chub nyid la log pa dmigs dang bral// de nyid de yin de lta nga yis bshad// bsam gyis mi khyab mi bsam nam mkha' 'dra// bsam med nam mkha'i ngo bo skye dang bral// ma skyes brjod du med cing smon pa med// g.yo med mtha' la mi gnas dbu ma bzhin// mtshon du med pa'i rang bzhin nga yi lus// brjod pa'i shugs las mi 'byung stong pas dben// rgyu yi yul la mi gnas legs pa che// gcig gi ngang du 'dus pa rgya mtsho bzhi// bya med rtsol dang bral ba'i lhun grub
- 10a
sku// rgyu yi 'byung khungs bsam med 'bras bu 'byung // lhun grub dgongs pa skong ba rin chen 'dra// btsal ba med pa'i rig pa rang snang shar// bsam pa'i spyod dang bral bas rnam par dag/ de la len pa med pas ye nas bde// grangs kyi che ba bkri dang 'dren pa'i don// de nyid de las 'das pas nges pa'i don// de la de snang sgyu ma btsal du med// tha dad yul med gzugs med mthong ba gang // sgyu phyir mi 'brang de la rtog pa med// sgra dang rtog ge'i yul las rnam par dgrol// bsod nams sgyu ma nam mkha'i ri mo 'dra// 'phags pa'i sku dang dbyer med mi rtag 'jig/ sbyangs dang ma sbyangs sgyu ma lhun gyis grub// rnam par dag pa'i lam chen btsal med pas// bsod nams med kyang lhun gyis grub par 'gyur// dbyings la 'byung 'jug med cing blang dor bral// mi 'gyur spros bral cis kyang spyod pa med// cis kyang mi btsal kun tu khyab par gnas// ma skyes chos sku mi gnas dbyer med de// 'das dang ma 'ongs da ltar rgyal ba rnams// gcig tu 'dus nas bstan kyang 'byung mi 'gyur// dam tshig 'dus pa'i dbang du sprul ba'i sku// nam mkha'i mtha' klas sgyu ma'i ltad mo 'dra/ kha sa mun dza nam mkha' dang mnyam pa'i rgyud las/ tshogs thams cad lhun gyis grub par bstan pa'i le'u ste bcu gnyis pa'o// // rags pa'i
- 10b
yul gyis mi rnyed mthong ba dka'// de la de nyid de yul ma yin shes par dka'// mthong du med pa'i don nyid mthong ba yin// bgrod dang mi bgrod brtags na nam mkha' 'dra// ji bzhin 'byed med sa las ma 'das don// dngos po nam mkha' las kyang 'das par bshad// thabs mkhas lhun grub sa ni rtsol pa med// sgyu ma thabs kyis nam mkha'i dbyibs// nam mkha' btsal bas 'jug pa'i gnas ma rnyed// ye nas mi bcos rig pa gsal ba'i thabs// rtog 'das thabs chen de yis ci zhig bya// rang byung gnyis su med las mtshan nyid med// rtag pa'i sgyu ma ye nas med ces gsungs// lhun grub 'bras bu sgyu ma gar bsgyur yang // gnyis med lam du rgyal bas ma bsngags so// sgyu ma tsam du snang ba bkri drang thabs// sgyu ma'i yul la spyod cing rjes su 'brangs// sgyu ma nges pa'i don du blo la snang // rgyal ba'i lam du mi 'gyur chags pa'i gnas// sgyu ma'i mtshan ma brjod las rab 'das pa// dbu ma chen po mi brjod brjod par dka'/ kha sa mun dza nam mkha' dang mnyam pa'i rgyud las/ sgyu ma'i mtha' mi gnas par bstan pa'i le'u ste bcu gsum pa'o// // skyed pa'i rgyu ni snang ba phra rab rdul// de la de yong rgyun gyi 'khor lo 'dra// yid la byed pa'i 'dzin pa'i phur pa 'dra// de dang de gnyis mi gnas shin tu 'gal// dngos po tha dad
- 11a
btags pa'i zhen pa 'dra// bag la nyal ba'i phra ba nam mkha' bzhin// ma bcos 'od gsal rang snang 'od du brdal// dngos 'dzin med pa'i ye shes rgyu dang bral// rkyen gyis snang ba ye shes skad cig ma// brtags pa'i 'bras bu thig le chen por mnyam// phyi ma'i rig pa'i ye shes 'gyur med gsal// phra ba gcod pa rdo rje theg pa ste// 'dzin pa'i phur pa ma bcos rang snang gsal// de yi ngang du gyur pa dang du phebs// dngos po gsum dang bral bar che bar gnas// rgyu dang mi rgyu bral bas lhun gyis grub// de nyid de la gyur pa btags pa tsam// de nyid de las gyur ba klungs su phebs// thams cad las kyi 'od kyis bum pa gang // mtha' dang mun pa ye nas med par gzungs// mtha' gnyis gdod nas dag pa'i thig le yis// rang snang mun pa rkyen gyi chu dang mtshungs// de yi de las bsgral nas bde ba'i klong // bya bral rtsod pa'i ngang du rkyen gyis gnas// bya ba med pa'i ye shes sgom dang bral// sgom pa'i yul las 'das pas cir mi sgom// dmigs pa'i sgra la brten nas yid la byed// ril po'i shes pa lta bu yul la spyod// yul gyi myong ba med pas de dang bral// 'du shes nad kyis bdag nyid rgyas par byed// lhan cig mi gnas rkyen du rnam par rtog/ de nyid shin tu 'gal bas rnam par nyams// sgom pa sgom pa'i gnas
- 11b
su dag par rtogs// mun pa phra bar snang ba nam mkha' 'dra// gdeng du chud pa'i rnal 'byor skal ba bzang // bdag nyid chen po mi gzhan skyon dang bral// mi gnas chags pa med pas bya lam 'dra/ kha sa mun dza nam mkha' dang mnyam pa'i rgyud las/ rig pa sgras mtshon par bstan pa'i le'u ste bcu bzhi pa'o// // thams cad mnyam nyid don dam bral ba'i sku// thams cad mnyam nyid der 'dus rig pa brdal// chos sku ye nas dben pas rnam par dag/ dngos po rigs su mi zin mnyam nyid dpal// kun 'dus ye nas dag pas mnyam pa'i dpal// sems kyi rang bzhin chos kyi sku mi mnga'// sgra las 'das pas 'od gsal lhun gyis grub// rnam rtog blo yi 'khrul pa re dogs 'dra// de la de med de yi rnam par gsang // de yi rang bzhin de med de yis dben// thig le'i ngang du mi gnas bla dwags tsam// rtag chad gnyis kyi mtha' ni dbyings su gcig/ thig le ma spangs rnam par bral// mnyam nyid gcig gi rang bzhin de ltar snang // de yi ris su gzung zhing rnam par red// de nyid mtshan ma ma yin de la smra// snang 'dod rtsol sems byed pa rtsol ba'i nad// de yis longs spyod ma spangs rgyan du shar// thugs rje chen po nam mkha'i mtha' dang mnyam// thams cad kun la mnyam 'gyur til dang mtshungs// nam mkha'i mtha' ltar
- 12a
khyab pas rang la gsal// sgyu ma'i thabs chen rol pas 'dod dgur bsgyur// chags med spyod pas tshim pa kun tu bzang // bsam dang bral ba'i don la kun tu bzang // tir ya ka yi longs spyod kun tu 'dzin// tha snyad thams cad 'jig pa'i ngang du brdal// bden gnyis dbyer med snying po byang chub mchog/ mthar thug bzhin 'gyur snying po byang chub dang // dgongs pa nges par 'grel bar tha mi da// rtog pa'i gdeng du ldan pas bdag nyid 'grub// 'du shes bsam dang bral bas chags mi 'gyur/ kha sa mun dza nam mkha' dang mnyam pa'i rgyud las/ thugs rje chen po thabs kyi rang bzhin kun tu bzang po'i spyod pa'i le'u ste bco lnga pa'o// // rigs lnga rgyal ba kun gyi ma chen mo// dpa' bo 'bru lnga thabs kyi rang bzhin gnas// thabs kyi 'phro 'du thams cad de las 'byung // rgyal ba kun gyi dngos gzhi kun tu bzang // shin tu rnal 'byor las kyang lhag pa'i lha// mnyam lam 'dres yongs su rdzogs pa'i dpal// dus gsum kun tu bzang po'i rgyan du shar// mnyam nyid ma 'dres ngang du rig pa shar// rig pa mnyam nyid ma bcos dag pa la// 'dzin med chags dang bral ba ye shes brdal// ma bcos thabs kyis rnal 'byor kun gyi dpal// ma bcos lhun gyis grub pa rtsol dang bral// chags pa med pa'i chos nyid
- 12b
kun tu bzang // dmigs 'dzin zin chags med pa'i ngang du shar// rig pa'i sa la bgrod pa'i 'phags par bshad// de nyid de la bzhugs pas khyad par 'phags// thams cad dang las byung pas nga yi 'khor// 'jig rten tshangs pa rnams kyi mes su bshad// ya thog phul du gyur pas skyed pa'i ma// yab dang sras su 'jal bas bde klong mkha'// skye med chos kyi rgyu las byin rlabs snang // chos rnams kun gyi 'byung gnas rin chen gter// rig pa rang dbang gyur pas dbang phyug che// kun bzang bde ba'i ngang las spros pa med// mchog gi mchog tu gyur pas ye shes bla ma'i gnas// rje btsun dam pas spros med kun tu bzang // skye med rdo rje 'chang ni 'jigs pa'i skyabs// 'khor ba skad cig ma la phyags mas btab// nyams pa'i chad pa nyid dang skyon dang bral// de la gnas pa der gzhol mchod pa'i sprin// dmigs pa'i mchod pa med pas 'phags pa med pas mnyes// rgyu yi bsngo ba med pas nam mkha' 'dra// nam mkhar bsngo dang bral bas bsod nams rdzogs// mi ldog klungs su phebs pas sgrub pa'i thabs// bya ba kun la mi gnas theg pa che// 'du 'bral med pa'i chos nyid brtsal dang bral// de la tha dad med pas mdzes dang bral// nam mkha'i mtha' dang mnyam pa rig pa 'char// phyag rgya chen po 'du 'bral med pa'i rgya// zhi
- 13a
ba'i phyag rgya rgya mtsho'i du ba 'dra// 'phel 'grib med pa'i ye shes kun la khyab// phyogs bcu ma lus bde gshegs thugs kyi bcud// gsung rab ma lus bsdus pa'i don// tshig 'bru gcig gis brjod don bsam mi khyab// zab cing rgya che tshad med gting dpag dka'// yon tan bsam gyis mi khyab nam mkha' 'dra// bde gshegs rgyal ba rnams kyi yum yin pas// mngon sum sangs rgyas 'dra ba dad pas 'dun// rnal 'byor gang zhig 'di yi dbang gyur pa// kun bzang dbye ba med pa'i sa dang mnyam// mngon sum 'di dang mi 'bral skal ba bzang // ston pa dam pa bzhin du mchod pa bya// rig pa'i rnal 'byor rnams kyi bsti gnas pa// rig pa gsum gyi bcud kyi bdud rtsi len// bstan pa'i don la bsten cing rig pa skye// dbyer med sa la cig char lhun gyi 'jug/ 'du 'bral med pa'i ngang du ye nas bsnams// kha sa mun dza nam mkha' dang mnyam pa'i rgyud las/ yi ge la che ba bstan pa'i le'u ste bcu drug pa'o// // spros pa'i chos nyid snang ba ma bcos pa// mi 'gyur sku gsung thugs kyi bde chen po// mi phyed ma btsal mi gnas thugs kyi gter// blo yi spyod yul ma yin rang gsal lhun// lhun gyis grub pa'i ye shes gter gyi mchog/ nges pa'i gdeng dang ldan pas 'phel 'grib med// skye 'jig med pa'i mtshan nyid
- 13b
mtha' las 'das// chos nyid mtshon las 'das pas lhun gyis grub// bdag la rdzogs pa ma bkag rang bzhin gsal// 'dod dgur bsgyur ba'i ye shes rin po che// smon pa'i re dogs med par nam mkha' gsal// theg pa'i khyad par mi gnas sems la rdzogs// stong gsum nyung 'brur 'jug tshul bstan pa ltar// rig pa gnas pa'i ye shes bstan par dka'// thams cad rig pa'i ngang du 'dus pa de yi dpal// ngang gis gzhan bral bdag nyid chen po de yi don// kun nas 'dus pas mi 'chi srog gi mchog/ thams cad bcud kyi rang bzhin 'du 'bral med// de nyid don la 'jug pas zag pa med// spyod yul med pa'i ye shes rang las byung // ma 'dres snang bar gyur bas ma bkag ste// rang bzhin snying por gyur pas chos kyi dbyings// mtshan ma'i rang bzhin phyogs la dmigs su med// yul dang bral ba'i rig pa ye nas rdzogs// rtag pa chen po'i rang bzhin 'gyur ba med// chags med kun tu bzang po rgyun mi 'chad// bya ba med pa'i spyod pa lhun gyis rdzogs// skye ba yum gyi rang bzhin b+ha ga'i klong // brjod med zabs kyi rang bzhin ling ka ste// gnyis med 'byed pa med par rang la gsal// dbyer med 'dzin dang bral bas rdo rje'i don// mkha' ltar chags pa med pas pad+mar bshad// phra ba'i gzung 'dzin med pas gnyis dang
- 14a
bral// ma sbyangs rnam par dag pa'i zhing khams gsal// thugs pa med pa'i mtha' yas kun gyi zhing // dmigs med phra ba sbyangs pas don dang mnyam// mtshan ma re smon bral bas thugs kyi dbyings// mngon sum snang bas srid gsum dag pa'i zhing // ji bzhin go ba'i rang bzhin thabs su bshad// rtsol lam ring du 'gro bas rnyed mi 'gyur// man ngag lung dang rig pas sems la gtugs// phung po don la sbyangs pas mthar zug lam// snying po'i dkyil du gyur pas sems kyi mtha'// mtshon pa rten dang bral ba'i yi ge la// snang ba med pa'am hUM la brten pa bcas// hUM gis hUM la btsal bas thob pa med// thob pa med pa'i hUM la brten pa tsam// rnyed pa med pa'i don la sems kyis rtsol// sgrub byed rgyu yi rang bzhin thugs kyi hUM// nges pa med pa'i snying po'i yi ge hUM// hUM gis hUM la khyab pas kun gyi rgyu// spong len med pa'i rtags ni hUM gi rtags// gnyis med hUM gi rang bzhin ma bkag shar// tha dad rten pa med pas au du gnas// phyogs cha med pa'i oM gyis grub pa med// brjod pa med pa'i oM nyid mtshon dang bral// snying po med pa'i rang bzhin rgyu dang bral// mtshan ma gsum dang bral bas sku gsung thugs// 'dzin pa med dang bral bas kun tu brdal// yi ge drug gi rang bzhin phyogs la spro// mtshon byed sems kyi
- 14b
rang bzhin dbyings dang bral// bsam du med pa'i spyod yul bsam las 'das// bsam du med pa'i don rtogs bde dang ldan// stobs kyi che ba rig pa'i ngang du rtogs// ma lus 'byung ba'i rin chen bsdus pa'i sngar// lhun grub ma btsal 'byung ba rig pa'i rtsal// de la zhen pa med pas rig pa chags med rtsal// kun tu bzang po rol pa rig pa'i klong // ma lus 'byung ba'i rgyu ni rin chen sa// yod med sa las 'das pas lung du bstan// de la gsal ba med pas ye nas dag/ mtha' rnams dag pas dkar po'i don dang ldan// rig pa rang bzhin ma 'dres ye nas gsal// dngos gzhi'i sa la nges med 'gyur ba'i sems// ma skyes lhun gyis grub pas rnam par dag/ lta ba'i gdeng gis mi 'gyur rig pa sgom// rig pa rang la gsal na tshad ma'i don// rig pa gting du shar ba brjod bya'i don// dngos med dngos po rdzogs pas gnyis dang bral// 'gro ba dag pas man ngag bde chen nyid// thig le chen po'i ngang du dbyer med gcig/ mtshan ma mkha' la 'khyil bas spros pa dag/ sems la rig pa shar bas don la gtugs// chags pa la sogs spyod pa kun tu bzang po'i rgyun// dus gsum dmigs su med pas nam mkha' che// de la chags dang bral ba nam mkha'i lam// mi dmigs rnam par dag pas ma spangs
- 15a
bral// rang snang dmigs su med pa'i rgyan du shar// nam mkha'i dbyings nas byung ba'i dang ma 'dra/ kha sa mun dza nam mkha' dang mnyam pa'i rgyud las/ sku gsung thugs yi ge las 'das pa'i le'u ste bcu bdun pa'o// // bag chags stobs kyis 'bras bu 'byung ba'i dmigs// de yi rang bzhin de rgyu rnam par dag/ mtshan ma rang sar dag pas spang du med// 'khor ba thams cad kun tu bzang po'i rgya// bag la nyal ba ma bkag rang snang shar// rig pa don gyi lung la nges par gtugs// ma bgrod cir yang 'jug pa de ma zag/ nye ba'i lam du gyur pa thugs kyi dbyig/ rgyud dang bral bas rang byung rgyun du shar// snang srid thams cad rgyun gyi byang chub sems// 'khor ba thams cad mi gnas dbyings su bstan// sangs rgyas sems can gnyis med b+ha ga'i mkha'// 'dod chags la sogs 'gro ba'i sdug bsngal dag/ rmongs shing sbyong pa rag sha bdud kyi las// de yis de dag spangs pas mya ngan 'das rig bral// de yis de la ltas pas spyod yul gcig/ ming tsam bstan pa'i dngos po rdul tsam med// de la de yod ma yin chos kyi sku// gnyis med ngang du 'dus pas rgyan gyi mchog/ stong gsum 'jig rten rdzogs pa bla ma'i sa// rig pa'i skyes bu de dang mnyam par sbyor// skal ldan skad cig gis ni rdzogs sangs rgyas// rig pa
- 15b
kloslong du shar bas g.yang sa bral// gol sgrib nyid kyang dbyer med byang chub lam// dus gsum rnam par dag pas 'bras bu'i sa// spyod pa'i khyad par 'gro nyal 'dug sdod pa// ji ltar spyad kyang 'bras bur gsal// 'ching bar mi 'gyur rnam par grol bar 'gyur// nam mkha'i dbyings su gter ldan rnal 'byor pa// ma bkab 'od gsal yon tan cir yang 'char// nyi ma'i 'od ltar rang bzhin dngos med kyang // cho 'phrul gzung du med pa bsam yas snang // dngos med rig pa'i dngos dang bral bar gnas// thugs rje'i 'od zer nyi ma lta bur brdal/ kha sa mun dza nam mkha' dang mnyam pa'i rgyud las/ nges pa'i don la 'jug par bstan pa'i le'u ste bco brgyad pa'o// // rtsol pa bral ba'i byang chub sems chen po// 'chi 'pho skye dang bral ba'i thig le shar// rig pa'i yul la gol med grub pa med pas rtsol// rus sbal spu la gos su zags thags mtshungs// bya bral rdzogs pa'i tshul dang de gnas nas// byang chub chen po ye nas btsal med grub// yul la spyod pa'i tshad mas bstan pas 'khrul// tshad mar snang ba'i chos rnams ma lus kun// che ba'i rgyan du byed pas mi len dor mi byed// mthar zug snying po'i rig pa byang chub lam// dmigs pa med pa'i ye shes rgyan du shar// chos rnams thams cad mnyam nyid ye nas
- 16a
rdzogs// mtshan ma'i rnam par med dgos yul la rol// ltar snang dmigs su med pa'i klong du shar// chos la chos nyid rol pa kun tu bzang po'i thabs// thabs chen mdzad pas rig pa'i klong du shar// rnam dag lam chen thabs kyi thabs chen po// yin pa'i don la gnas pa'i thig le che// rig pa'i tshad mar ma skyes tshig phyir 'brengs// 'khrul pa'i rgyu la spyod pas rig pa nyams// 'dzin pa'i rtogs pas brtags shing nges par 'dzin// lhun gyis gnas pas bde chen lung las gol// de nyid de la spyod pa blun po 'dra// bya med rtsol dang bral bas ye nas zin// lhun grub bde ba'i ngang du ye nas grub// rig pa rang la 'char ba nga yis bshad// rgyu rkyen rten dang bral bas ye nas grub// kun gyi gzhir gyur khyab pa'i snying po nyid// ye nas rnam grol gzung 'dzin yul dang bral// de dang rnam pa de yi dbang mi 'gyur// 'gyur med g.yung drung ye nas grol ba'i lam// btsal ba med pa'i sdug bsngal nad rnams 'joms// bde ba chen po nam mkha'i mtha' bzhin gnas// thig ler gdod nas dag pas kun la khyab// spro zhing bsdu ba med pas dag pa'i ngang // rig pa mkha' ltar dag pas gsal bas dag pa che// sa bon med cing skye ba'i rgyu yang med// rkyen gyi dbang du mi 'gyur g.yung drung sku// mtshan ma'i yul la mi
- 16b
gnas bsam las 'das// mi rtog btsal dang bral bas sangs rgyas so// bgrod pa med pa'i rig pa chos nyid mkha'// mi gnas mnyam pa'i klong du rig pa 'char// spros pa'i yul las 'das pas mtha' dbus bral// mtha' gnyis mya ngan 'das pas bde chen sku// chos la chos kyis ston pa sgron mar bsngags// gsal bar gyur pas rdul bral 'jam pa'i ngang // don dang ldan pas 'jam dpal gzhon nu nyid// bde skyid chos rnams ma lus lam la sogs// rgya mtsho lta bu'i gzhir gyur 'phel 'grib med// ma sbyangs rnam par grol bas rdzogs pa'i lam// phra rab rdul gyi rang bzhin brten par dka'// mi gnas dmigs dang bral bas bsam las 'das// bstan cing brtag par dka' bas brjod las 'das// sngon gyi drang srong grub pa'i lam du 'jug/ rig pa nyams kyi tshor ba sgom chags na// rtsol ba'i nad kyis zin pa 'khrul pa'i nad// med la spyod par byed pa smig sgyu 'dra// sems nyid rig pa mtshon pa med pa brjod dang bral// dag dang ma dag rig pa'i ngang du mtshungs// dbye ba med pa'i ye shes gti mug dang // rig pa thogs pa med pa bsam dang bral// rmugs shing mi g.yo rig pa'i mkha' la 'khyil// ci yang mthong ba med pa mngon du gsal// ma btsal phyin pas thams cad mkhyen pa'i sku// rig pa mtha' dang mnyam pas
- 17a
kun tu brdal// spong len 'dzin dang bral bas mnyam pa'i rgyan/ kha sa mun dza nam mkha' dang mnyam pa'i rgyud las/ chos thams cad spros pa dang bral bar bstan pa'i le'u ste bcu dgu pa'o// // 'dus ma byas pa'i khyab pa rdo rje che// mi bsam don la dgongs pa'i che ba lnga// ma 'dres yongs su rdzogs pa'i kun tu bzang // mi gnas bya dang bral bas chos kyi dbyings// mi gnas brtsal dang bral bas rnam dag lam// ye nas dag pa'i rang bzhin kun grol ba'o// mi gzung mtha' las 'das pas cir mi dgongs// cir yang mi skye mi 'gag bya ba spangs// tshad med bzhi yi chos nyid cir mi mdzad// chos nyid che bas thams cad zab mo'i zhing // mya ngan 'das pa'i snying po mnyam nyid zhing // btags pa'i chos dang bral bas bsngags pa med// bya ba'i yul las 'das pas don mi bskyod// rnal 'byor chen po grol nas grol ba'i lam// mtha' dang bral bas bcom ldan 'byung ba che// phyin ci log tu btags par rang nyid grol// grol ba kun gyi lam chen thams cad mtshungs// 'gro ba'i sdug bsngal bslad pa byang chub sems// kun tu chud pas mnyam nyid rnam par rol// ci yang bskyod pa med pas nam mkha'i mtha' dang mnyam// bla dgas ming du mthong bas ci yang mtshungs// kun tu bzang po'i bde ba mtshungs pas
- 17b
len/ khyad par las kyi chos ni rnam par dag/ gang zhig de yi dbang gyur rang bzhin med// byang chub sems kyi rgyu nyid rdo rje rkyen// ma skyes 'dzin pa med pas byang chub lam/ kha sa mu dza nam mkha' dang mnyam pa'i rgyud las/ kun tu bzang po'i rgyu nyid las su ma grub par bstan pa'i le'u ste nyi shu pa'o// // 'dod chags la sogs zhen pa'i dbyings kyis brgyan// 'dod chags zhe sdang zhags med kun bzang brgyan// che ba'i yon tan ye nas sku gsung thugs// dmigs su med pa'i ye shes byang chub lam// dmigs med gti mug chen po rang las byung // gang yang mi 'gog dmigs pa nam mkha' 'dra// 'khor gsum yongs su rdzogs pas chos nyid rgya// skye med nam mkha' lta bur rtog pa bral// de nyid yul las 'das pas cir mi 'gyur// cir yang mi chags dngos med nam mkha' 'dra// gang yang bsngo ba med pas rang don 'byung // dmigs pa'i yul dang bral bas mnyam nyid sku// snang ba mi 'gog zla ba'i gzugs dang 'dra// rang bzhin dmigs su med pas kun tu brdal// sgra yi rol ba ma 'gag chub par gnas// thams cad sgyu ma'i spyod pas dmigs med dag/ dgag sgrub bral bas rol pa nam mkha' 'dra// thung ngu'i sgra yis de mtshon rtag tu bstan// thugs rje'i mdzad pa mi gtong 'gyur dang bral// thabs kyi
- 18a
yul du 'byed pa snying rje'i dbyings// gnas su bskyod pa'i don ni kun dang mthun// de la de don mdzad pa chags pa med// ma skyes a yi rang bzhin mdzes pa dang // A li ka li ye nas zab par bstan// tha dad yul la 'dzin pa'i rang bzhin gsal// ma skyes gnas kyi mthu ni shugs las byung / kha sa mun dza nam mkha' dang mnyam pa'i rgyud las/ thams cad kun tu bzang po'i rol par bstan pa'i le'u ste nyer gcig pa'o// // thams cad mnyam nyid yongs su rdzogs pa'i dpal// de la de bzhin bstan pa de yang thob// de bzhin bstod pa ngo mtshar rab tu che// dus gsum rkun gyi chos ni de yi gnas// ye nas 'gyur ba med pas che ba'i don// sngon med phyis med ye nas khyab par gnas// de ltar bstan pa sangs rgyas yongs kyi lam// skye ba med pa skye ba chu zla 'dra// gang la zur dang bral bas brten bcas med// kun tu mnyam nyid ye nas grub pa la// rang bzhin phyogs tsam bstan pas grub pa med// skye ba 'di la 'byung dang phyi ma'i bde// gsal pa ye shes mngon sum rgyab nas byung // len med thob dang bral bas chags pa med// de yang dmigs pa ma yin rnam pa med// gang yang phyogs kyi skyon yon rten mi bya// gdod nas yong ba'i snying po'i snying po mchog/ 'du 'bral med pa'i dus gsum khyad par
- 18b
bral// sngon med phyis dang bral bas gdod nas byung // nam mkha' mtha' ltar khyab pas gcig tu bsdus// che ba'i chen po dpal gyi rang bzhin 'byung // mi brtsal gzhan la bstan med smon lam bral/ khams gsum gang na spyod pa ming tsam med// mi gnas sprul pa sgyu mar snang ba ste// rnal 'byor dus las ltos pa 'byung mi 'gyur/ kha sa mun dza nam mkha' dang mnyam pa'i rgyud las/ dus gsum rgyun dang bral ba'i le'u ste nyer gnyis pa'o// // cir yang mi gzung nam mkha'i mtha' dang mnyam// chags dang 'das pas 'dzin med gtor mar bshad// gang gis gang la dngos pos 'khrul pa'i nad// spros pa'i bya ba med pas las rnams 'grub// dkyil 'khor rim par gsal zhing las rnams byed// nam mkha'i khang pa lta bur ston dang bral// las kyi rang bzhin ye nas nam mkhar gsal// nam mkha'i las la mi sgom nam mkha' med// nam mkha'i don dang ldan pas nam mkha' che// che'o don ldan 'bras bu lhun gyis grub// de las ma nyams 'bras bu ye shes sa// mi rtog rtog pa med pas bgegs dang bral// gzung 'dzin mtha' las mnyam nyid cang mi gsung // zab mo brjod pa sngags kyi tshig/ brtsal ba'i las dang bral bas las rnams 'grub// sangs rgyas gzhan du 'dod mi bya// rig pa nang du bsams pas mchog sbyin bya// 'dzin
- 19a
pa'i stobs chen bsod nams thams cad kyang // 'dzin med mi g.yo stobs kyis ma zin na// bsod nams byas kyang bde ba rnam par nyams// rtsol ba byas na 'ching ba chen por 'gyur// ma bcos lung ni de nyid dag pa las// de las rtsal ba de nyid sgrib par 'gyur// thams cad rtsol bral yul la de rtog na// rtog pa de las de nyid grub pa med/ khas mun dza nam mkha' dang mnyam pa'i rgyud las// las thams cad dag par bstan pa'i le'u ste nyer gsum pa'o// // dbang po yi sgo brtul zhugs drag po yis// mi bskyod gnas kyis ming med brjod pa med// rnam par dag pas sgyu ma'i bde ba skye// rnam par spros pa'i rol pa chags pa med// a dang po'i rnam par zung du 'brel// thams cad gcig tu nges pa med// bltas pa'i stobs kyis bsam pa de ltar snang // skyed pa'i rgyu yi yan lag 'jug pa'o// cha lugs gsal bar bsgoms pas chu zla 'dra// dmigs snang rtsol dang bral bas yul dang ldan// de dang de la sgom pa byis pa'i yul/ khro gnyer chen po'i cha lugs gsal snang yang // zhi ba mthong dang bral bas rnam par nyams// 'jug pa'i sgo yi rnam grangs phrag yas pa// gang ltar btsal ba byas kyang yin rtog skye// de la de don bstan pa rnam par dag/ rang bzhin gcig gi ngang las rnam pa med// gling bzhi kun la mi
- 19b
sbyor nam mkha'i lam// mnyam nyid klungs su phebs pas rnal 'byor te// bgrod med phyin pa'i yul ni bya lam 'dra// mtha' las 'das pas ma skyes snying po'i don// mtshan ma rnam par dag pas sgro btags bral// phyi nang rgyu la sogs pa gnyis ka na// zab mo'i cha shas rtogs pa'i yul dang bral// srid pa lta bu chags pa ming tsam yin// log pa'i stobs kyis yang dang yang du 'khrul// 'byung ba lnga yi rang bzhin ye nas zab mo yis// tha tshigs med dang bral bas nam mkha' 'dra// dus gsum ye nas bral ba'i ting 'dzin lam/ kha sa mun dza nam mkha' dang mnyam pa'i rgyud las/ brtul zhugs kyi dri ma dag par bstan pa'i le'u ste nyer bzhi pa'o// // byang chub sems kyi rang bzhin rdo rje sems// thugs rje chen po'i yon tan nam mkha' 'dra// yag sha rag sha bden pa'i stobs kyis 'dul// thabs rbad kun la bran ltar bag yangs nyan// bstod dang bsngags pa kun las bden pas nyams// mchod bstod gsol pa mi gdab g.yeng ba'i rgyu// dkon mchog gsum yang mi bkur bstod mi bya// sems dang chos ni ye nas rnam par dag/ bsngo las 'das pas rang bzhin rtsol ba med// 'di 'dra gzhan la mi brjod thob mi 'gyur// mi bsam sgom dang bral bas yengs pa med// rtog pa yul las 'byung ba nam mkha' 'dra// nyid kyi ngang las
- 20a
mi g.yo chos kyi sku// stobs su gyur na 'jig rten chu zla 'dra// mi gnas thugs kyi sprul pa kun la khyab// 'bras bu mdzad pa spros med nam mkha' 'dra// zhes rtog pa dam pa brjod na yang // rnal 'byor gyi dbang phyug des/ ston pa kun tu bzang po la 'di skad gsol to// rnal 'byor chen po'i don la bslab par sems pas mtshan gyi rnam grangs khyad par ji ltar blta bar bya zhes gsol ba dang // ston pa kun tu bzang po des 'di skad ces bka' stsal to// 'di nyid rtogs pa thabs kyi don yongs su sdud pa zhes bya ba dang // kun tu bzang po mkha' klong du thams cad 'khyil pa zhes bya ba dang // sangs rgyas thams cad kyi rang bzhin ye shes mun pa med pa zhes bya ba dang / thag ring du bgrod pa nam mkha' dang mnyam pa'i rgyud ces bya bar yang zung zhig kha sa mun dza nam mkha' dang mnyam pa'i rgyud las// mtshan gyi don gtad pa'i le'u ste nyer lnga pa'o// // de nas yang ston pa nyid snang ba thams cad nam mkha'i ri mo'i gzhal yas khang du bsdus nas bzhugs so// de nas rnal 'byor gyi dbang phyug chen po de dang // nam mkha'i mtha' dang mnyam pa'i 'jig rten gyi khams nas 'dus pa'i rnal 'byor gyi dbang phyug thams cad yi rangs par gyur to// kha sa mun dza nam mkha' dang mnyam pa'i rgyud rdzogs so// //
- 1a
byang chub sems thigs pa nyi shu rtsa gnyis pa'i rgyud zhes bya ba bzhugs so//
- 1b
@/ rgya gar skad du/ bo d+hi tsit+ta bi na ba ra tan+t+ra ma/ bod skad du/ byang chub sems theg pa nyi shu rtsa gnyis pa'i rgyud ces bya ba/ mkhyen ldan ston pa'i sku la phyag 'tshal lo// 'og min chos kyi dbying dag tu// mkhyen ldan kun tu bzang po yis// sems dpa' la sogs 'khor rnams la// byin gyi brlabs kyi bshad pa yis// byang sems phyi ma'i rgyud snyan pa// nges pa gcig la bzhag phyir bstan// bstan pa'i don ni rnam pa gnyis su bshad// lta ba don gyi thigs pa nyag gcig la// man ngag don gyi thigs pa dbab par bstan// spyi yi thigs pa rnam pa gnyis su bshad// dgos kyi thigs pa nyi shu rtsa gnyis bstan// man ngag don gyi thigs pa nyag gcig ma// phyi nang gnyis med ye nas de bzhin
- 2a
nyid// kun gyi rang bzhin bla med zhi ba'i chos// sgrub med btsal med smon pa med pa'i sa// rnal 'byor lam mchog nyi shu rtsa gnyis don// gnyis med bde chen yongs kyi dag pa la// rnal 'byor lta spyod 'dzin sdom de bzhin gnas// de ltar gnas pa'i rnal 'byor dam pa ni// ye nas sangs rgyas yin te rgyal po che// rtog spyod rnam dag nyid de chos kyi dbyings// bstan pa'i lam 'di la ni gnas// sgro skur bcings grol spangs pa'i chos kyi dbyings// log rtog byis pa'i spyod pas ci zhig bslad// rgyu 'bras gnyis med sangs rgyas sems can med// kun gyi rang bzhin gzhi rtsa med pa la// 'khrul pas nor pa'i lam du btags pa yang // bstan pa'i lam chen 'di las gzhan med pas// mnyam
- 2b
par shes na sangs rgyas kun gyi rje// zhes gsungs so// byang sems thigs pa phyi ma'i rgyud las/ mnyam pa don gyi thigs pa ste thigs pa dang pa'o// de nas yang ston pas/ 'khor rnams la gsungs pa/ mchog tu rmad byung phyi nang kun gyi ngang // ye nas rnam par dag pa'i spyod yul la// sangs rgyas ma rgyas med de skal can dbang // bdag gzhan brtags pas mu stegs 'khrul pa'i lam// byis pa slu phyir byis pa'i chos la 'dzud// phyin pa'i dus med rtogs pa'i mtha' yang med/ ston pa'i ston pa nor bu rin chen bzhin// dmigs pa med cing 'gyur ba mi byed pas// rang bzhin dmigs par re ba thams cad skong // bdag med gzhan nas mi 'gyur legs pa che// dran dang shes bzhin brda 'am snying rjes bstan/ bla med byang chub snying po grol ba'i lam// de lta bu yi chos sku thob pa med// chos sku med phyir thob bya'i yul yang med// sangs rgyas sems can chos sbyar btags pas nor// sangs rgyas gzhan nas thob byed nor pa'i lam// rang rig rdo rje sems nyid chos kyi sku// zhes gsungs so// byang sems thigs pa phyi ma'i rgyud las// rdo rje don gyi thigs pa ste// thigs pa gnyis pa'o// // de nas yang ston pas/ 'khor rnams la gsungs pa/ khyung chen nam mkhar ldings te 'gro ba bzhin// rdo rje sems ni ci la'ang thogs pa
- 3a
med// sangs rgyas bde ba'i spyod yul dag pa la// skye shi 'pho ba'i gnas med de bzhin nyid// rgya mtsho lta bur sems can ye gnas la// chos rnams sna tshogs ma lus 'byung ba'i rgyud// bshad pa'i tshig tu btags pa'i chos kun las// rnyed par mi 'gyur rang gi sems las med// 'khrul pa rnams kyi sgo tsam nyid du ni// tshig dang yi ger bstan te bshad pa yin// rang rig byang chub snying po chos kyi dbyings// chos dbyings gzhan nas mi rnyed de bzhin nyid// mkhas pa rnams kyis de bzhin shes par bya// zhes gsungs so// byang sems thigs pa phyi ma'i rgyud las/ rang bzhin lta ba'i thigs pa ste/ thigs pa gsum pa'o// // de nas yang ston pas/ 'khor rnams la gsungs pa/ mi gnas dmigs pa med pas mi rtog chos kyi lam// rtog sgom chos kyi sku ni khyad par don med pas// rang byung ye shes mi rtog kun tu ji bzhin gnas// bya bral yul la mi gnas gnyen pos bcos su med// lhag pa'i don med 'di yi rang bzhin las// sku ni rang byung bas na chos sku gzhan na med// mngon sum kun tu mi rtog yangs pa'i snying po la// rtag tu 'dug par 'dod pa'i sgom mkhan de// rnam dag lam der zhugs na mnyam pa'i rgyal po thob// gang la thob par mi rigs bshad pa kun dang bral// chos dang chos bzhin rtag tu 'dres pa'i dbyer
- 3b
med la// chos nyid don dam lhag pa'i gnas zhes bshad pa'ang med// byang chub lam de rtogs pas brtags pas thob pa med// byang chub lam chen tshig gi mtha' las 'das// 'di dang sangs rgyas 'dres pas thams cad mkhyen// mi byed bzhugs phyir bsam pa kun dang bral// de nyid de bzhin nyid du bzhugs pa yin// ces gsungs so// byang sems thigs pa phyi ma'i rgyud las// rtog med lam gyi thigs pa ste// thigs pa bzhi pa'o// // de nas yang ston pas/ 'khor rnams la gsungs pa/ lam med lam du zhugs na 'khrul pas nad che ste// btsal bar 'dod pas ri dwags smig sgyu snyegs pa 'dra// rnyed pa'i yul med btsal bas de mi 'byung // gang la'ang ma 'gags ye shes dbyings las 'das// sa bcur ltos pas gnas kyang bla med nyid la sgrib// de phyir dad pas brtson la bsgom par bya// mi btang rang bzhin dran pa shin tu bskyed// mi g.yo rang bzhin gnas pas sman chen ma byas na// mtho ris bgrod pa'i rgyud pas nyon mongs slar zin 'gyur// zhes gsungs so// byang sems zigs pa'i rgyud las/ mi g.yo sgom pa'i thigs pa ste/ thigs pa lnga pa'o// // de nas yang ston pas/ 'khor rnams la gsungs pa// lam med lam chen 'dod pas 'bras bu mi rnyed de// chus gdungs glang chen smig snu chu snyegs
- 4a
'dra// bskal par bgrod yang rnyed par rab tu dka'// rgya chen rab zab theg chen rgya mtsho'i don// mi gnas mnyam pa chen po'i klong na gnas// mi rtog btang snyoms dang du rab bzhag pas// mi gzung mi zin sgom pa'i yul dang bral// rtog med btang snyoms dang du rab bzhag pa// de nyid yin te gzhan du ci yang med/ 'dzin pa'i bzung ba spangs pasam bzun bzung // chos kyi sku ni ye nas mtshon du med// de phyir dbyings la bcos med de bzhin mod// sems dang chos sku dbyings su gcig pa'i phyir// don dang las yin sgoms pas gang du'ang grub// ces gsungs so// byang sems thigs pa phyi ma'i rgyud las// bzhag thabs don gyi thigs pa ste// thigs pa drug pa'o// // de nas yang ston pas// 'khor rnams la gsungs pa// snang srid ye rgyas btab nas gcig tu bzhugs// lhun rdzogs thabs mkhas 'khor ba'i lto ba can// khyung dang seng ge'i bu dang rgyal po'i bu// mngal nas gnyen po'i tshul du gzhan zil gnon// gnyen pos ma bor bsgrubs pa ye nas gnyen por gnas// mi gnas gnas med dmigs pa med pa'i lam// rgyu 'bras gnyis med mnyam pa'i rgyal po 'di// 'khor ba mya ngan 'das pa'i gnyen po yin// gnyen por ma bsgrubs ye nas gnyen por gnas// 'phur rkyen bya ni sgong chag mkha' la 'phyo// lus la
- 4b
mi ltos yi ges mtshon med pa'i// nye lam bde rdzogs bya bral lhun grub nyid// 'jug pa'i lam la mi ltos ye sangs rgyas pa yin// khyung chen gshog rgyas mkha' la mi chags ltar// theg pa kun rgyas bla med yangs pa'i sa// zhes gsungs so// byang sems thigs pa phyi ma'i rgyud las// gnyen po stobs kyi thigs pa ste// thigs pa bdun pa'o// // de nas yang ston pas// 'khor rnams gsungs pa// khyung phrug sgo nga'i nang nas lus rgyas ltar// skye med de bzhin nyid ni rang bzhin nyid// chos nyid thig le'i klong na de bzhin rgyas// byed bya byed ma'i chos nyid ma mthong bar// bla med bde ba'i chos sku thob mi srid// ces gsungs so// byang sems thigs pa phyi ma'i rgyud las// ye sangs rgyas pa'i thigs pa ste// thigs pa brgyad pa'o// // de nas yang ston pas/ 'khor rnams gsungs pa// kun 'dus kun klong kun gyi yid bzhin nor// mi dmigs mi skye mi 'gag snang ba med// sangs rgyas mi 'tshol sangs rgyas mi bsam na// thams cad rang rig ye nas bya byed bral// ye shes lhun grub sa nyid rtogs pas// gnas med de la mi gnas gnas dang bral// lam med lam du 'dod pa'i 'gro sa 'khrul// 'bras bu thob tu re ba 'jog pas don med mthong // yang dag mtha' stag don dang gol// de bzhin dbyings su 'dod pas bde mi
- 5a
rnyed// 'dod pa'i yon tan spangs pas byang mi chub// 'khor ba rgyab phyogs mya ngan yong mi 'da'// sa dang pha rol phyin la zad mtha' med// snang srid phyag rgyas sgom pas sangs mi rgyas// zhes gsungs so// byang sems thigs pa phyi ma'i rgyud las// lhun gyis grub pa'i thigs pa ste thigs pa dgu pa'o// // de nas yang ston pas// 'khor rnams la gsungs pa// byang chub sems lung yang dag dam pa'i lung // lung rgyal 'di yis gtan la ma phab na// tshig 'chal mu cor smra bas don mi rnyed// gang la'ang mi gnas gnas nyid las kyang 'das// smig sgyu chu rum mthong bas chu mi rnyed// bden pa gnyis 'dzin yi ges don mi rnyed// 'phur rkyen bya'am rgyal po'i phrug gu ltar// gzhan nas mi rnyed ye nas de bzhin nyid// tshad mas mi shigs lung gi tshad ma yin// 'khrul pa'i tshad mas rtog pa'i lung la phab// byis pa slu ba'i chos la de yod las// bla med lam 'dir de mi dgos te tshad med lung // shes rab chung bas 'di spogs byed cing lam bgrod byed// 'di 'dod pa la 'di mi gnas te rtogs pa'i rlung // yang dag mi srid byang chub gting nas med// kun khyab ye sangs rgyas te sgo phugs med// ces gsungs so// byang sems thigs pa phyi ma'i rgyud las// brjod med don gyi thigs pa ste// thigs pa bcu pa'o// // de nas yang
- 5b
ston pas// 'khor rnams la gsungs pa// rdo rje 'gag pa med pa de kho na// mjug lta bsrung 'dzin phyir sogs la sogs shing // phyag rgya lha yi dkyil 'khor kun rdzogs pa// rang bzhin nyid kyis ye nas rdzogs pa la// btsal nas bsdus te rdzogs pa ma yin pas// lhun rdzogs tha snyad ma yin pa'i// gzugs sku ji ltar rdzogs par rang bzhin rdzogs// kun rdzogs snying po 'di ni nor bu'i tshul// 'di ma mthong gi rnal 'byor ni// rgya mtsho gang+gA'i 'gram du skom drir shi ba bzhin no// zhes gsungs so// byang sems thigs pa phyi ma'i rgyud las// ye rdzogs chen po'i thigs pa ste// thigs pa bcu gcig pa'o// // de nas yang ston pas// 'khor rnams gsungs pa// rnam par mi rtog ye shes snying po 'di// theg pa yongs kyi chos la sbas pa med// bgrod rtsol lam la sbyangs pas rnyed me 'gyur// mi len mi spong rdo rje spyod pa la// rnam pa kun tu rang bzhin gnas// chos rnams ro gcig bsgoms dang ma bsgoms gnyis su med// sems nyid ye nas chos nyid kho nar bas// rang byung ye shes nam mkha' lta bu'i yul// de nyid gzhan nas rtogs rnyed ga la 'gyur// rmi lam bde sdug sad nas ga la yod// rtog dang mi rtog shes rig ngang du mnyam// nam mkha' mtshan med sgom par ga la 'gyur// sems nyid ma skyes sgom pa'i tha snyad spangs// btang snyoms chen
- 6a
por ma bcos dang bzhag pa// sgom pa'i rgyal po blo dman spyod yul min// ces gsungs so// byang sems thigs pa phyi ma'i rgyud las// spang blang med pa'i thigs pa ste// thigs pa bcu gnyis pa'o// // de nas yang ston pas// 'khor rnams la gsungs pa// dmigs pa'i gza' gtad zhi ba'i byang chub la// ye shes rig pas chos nyid bsgom mi bya// ting 'dzin ro la chags med thig ler dag/ gar mkhan rol mo sna tshogs bsgyur ba yang // lus las ma bkod gzhan gyi yid sdug ltar// thabs kyi rgyal po lung gi snying po 'di// ngo bo nyid las ma g.yos kun gyi 'bras// sgrub pas 'grub pa'i 'bras bu kun yid tshim// zhes gsungs so// byang sems thigs pa phyi ma'i rgyud las// sgom du med pa'i thigs pa ste// thigs pa bcu gsum pa'o// // de nas yang ston pas// 'khor rnams la gsungs pa// sgrib pas gnon dang chos spongs lam gyi sgrib pa 'phra// rten cing 'brel ba 'di yin gting mi rnyed// chos nyid tshig gi tshogs yang dag par 'gyur// snying rje rgyun chad sems can ma mthong sems can med// thams cad mnyam nyid kun tu bzang po'i sku// gnyis med de bzhin nyid du cig pa'i chos nyid yin// rtog pa can gyi chos man gnyen pos bcos su med// ting 'dzin brtan pas sgom pa'i gzung yul
- 6b
bral// shes rab gsum gyis 'di sbyar ga la yod// ces gsungs so// byang sems thigs pa phyi ma'i rgyud las// tha dad med pa'i thigs pa ste// thigs pa bcu bzhi pa'o// // de nas yang ston pas// 'khor rnams la gsungs pa// thams cad mnyam pa'i dkyil 'khor kun gyi rang bzhin la// rang byung ye shes de la mthar phyin ni// so so ma yin gcig gi ngang ste rgyu 'bras rnam par dag/ thugs rje zhing du byin gyis brlabs chen nyid du 'gyur ba las// thams cad sangs rgyas mchog tu ma gyur med// ces gsungs so// byang sems thigs pa phyi ma'i rgyud las// rnam par dag pa'i thigs pa ste// thigs pa bco lnga pa'o// // de nas yang ston pas// 'khor rnams la gsungs pa// ci yang mi dgos bsrung ba'i ye nas rnam par dag pa'i sman chen po// ji bzhin rang bzhin gnas pa'i sman chen ma byas na// 'khrul rtog lam la gnas pa'i thig dman rnams// dug gsum dug lnga'i nad kyis gso blags med// ye nas sa rdzogs lam gyi bgrod pa gdod nas dag/ chos sku gdod nas thob bya ci yang med// tshig gis mi phebs dbyings dang kha dog med// brtan cing rtag par dka' la brjod du rdul tsam med// mi dmigs mi gnas bsam pa kun dang bral ba yin// ces gsungs so// byang sems thigs pa phyi ma'i rgyud las// rnam par dag
- 7a
pa'i thigs pa ste// thigs pa bcu drug pa'o// // de nas yang ston pas// 'khor rnams gsungs pa// 'di zhes bstan pa'i don med gcig med du ma med// bdag dang gzhan du mi 'dzin chos mkhan rin chen mdzod// gcig pu lhun gyis grub pa'i sems nyid rdo rje'i sku// dkyil 'khor kun gyi bdag nyid gtso bo 'di// rlabs chen khams gsum kun gsang zhing du mi bskyod dag pa yin// dge sdig mthong ba'i chos lam gang spyod pa// chos lam des ni bla med bskal ba'i mthar yang rnyed par mi 'gyur bya rjes 'tshol 'dra yin// ces gsungs so// byang sems thigs pa phyi ma'i rgyud las// gnyis su med pa'i thigs pa ste// thigs pa bcu bdun pa'o// // de nas yang ston pas// 'khor rnams la gsungs pa// gang yang shes par mi 'gyur ci yang shes med la// rnam pa de bzhin ma yin de yi de ma yin// gzhan nas yod 'ongs ma yin ye nas de bzhin nyid// ye shes mi gnas gnas pa'i yul yang med// rtag dang mi rtag mtha' gnyis 'dzin pa'i lam// mtha' med mtha' la spyod pas dbus mi mthong // bsam gtan bsam gtan nyid la 'jug par yang // 'jug sgo lam sgo gzhan zad cig car 'jug/ dbang po rtul po ma rabs rims kyis 'jug/ dam pa rnams ni cig car de bzhin nyid du gnas pa yin// rims kyis
- 7b
gnas pa bsgrub pa chen por gsungs// zhes gsungs so// byang sems thigs pa phyi ma'i rgyud las// 'jug pa thabs kyi thigs pa ste// thigs pa bco brgyad pa'o// // de nas yang ston pas// 'khor rnams la gsungs pa// dug gi rigs shes pas ni dug mthong na// za bar mi byed de ni skrag par byed// kha ru mi stong lhan cig gnas mi byed// ltas ngan spyod pa zhib pa'i theg dman rnams// sa bcu theg pa chen po'i lam spyod pa// rgyu 'bras theg pa mnyam nyid ma yin mchog gi lam// ye grol mnyam gnas sgros dang skur zhi ba'i// ye nas byar med 'di yi don mthong na// 'jug par mi nus 'di yis skrag 'gyur na// chud par mi byed lhan cig 'grogs mi byed// ces gsungs so// byang sems thigs pa phyi ma'i rgyud las// gsang ba don gyi thig ste// thigs pa bcu dgu pa'o// // de nas yang ston pas// 'khor rnams la gsungs pa// lta ba bzang ste ye khyab kun la brdal// spyod pa bzang ste glang chen chur zhugs bzhin// ci la'ang mi spyod de bzhin bde bar gnas// phyi dang nang med ye shes yangs pa'i rlung // gdod nas dag pas bdud rtsi de ltar gnas// rnam rtog 'khor ba rtsad bcad bde ba'i lam// rgyu 'bras ro gcig mnyam gnas mchog tu gsungs// zhes gsungs so// byang sems thigs pa phyi ma'i rgyud las// bde ba chen
- 8a
po'i thigs pa ste// thigs pa nyi shu pa'o// // de nas yang ston pas// 'khor rnams la gsungs pa// gang la mi gnas byang chub sems la gnas// rgyu dang rkyen las ma byung skye shi med// rang bzhin 'od gsal bdud rtsi chen po 'di// su yis rtogs pa dngos grub chen por gsungs// mchog gi dngos la mchog gyur gang gnas pas// rgyal mchog lhun gyis grub pa'i dngos grub pas// lha klu mthu chen rnams kyis 'phrog tu med// 'jig rten 'das dang 'jig rten 'di nyid kyis// dgos pa thams cad 'di las 'byung bar 'gyur// 'jig rten dngos grub la sogs ci ru rung // dngos grub gzhan nas bdud rtsi med par grags// byang sems thigs pa phyi ma'i rgyud las// dngos grub mchog tu bcas pa'i thigs pa ste thigs pa rtsa gcig pa'o// // ngo mtshar rmad byung e ma khyad par can// ston pa'i ston pa kun tu bzang po la// nyid dang 'dra ba'i 'khor la rgyud 'di bstan// sems can don du ma gsungs rdo rje sems dpa' gtso ru ston// e ma ho sangs rgyas lhun gyis grub pa yi// rigs 'dzin 'bras bu'i don la gnas pas kyang // ngo mtshar 'bras bu'i don 'di bstan par mi bya'o// nyid kyis nyid bshad re mdzes mchog/ yang dag nyid la nyid gsungs pa// yang dag nyid du snang ba mchog gi don// 'di 'chang klog dang kha ton
- 8b
sems dpa' yis// skal ldan nyag gcig rnal 'byor de la bstan// de bzhin rjes mthun ma rabs tha ma la// 'di la gang mos sems can la sogs pa// yang dag bshes gnyen kun la 'phags// a ti don 'di thugs kyi dkyil du thim// a ho sa ma ya so phag shi thabs// zhes gsungs so// thigs pa nyi shu rtsa gnyis pa'o// // bde bar gshegs pa'i thugs mngon du ston pa'o// des pa'i thig le/ rgya rgya rgya// // @#// bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yis// rig pa thabs kyi brgyud pa 'di// lta ba khyung chen lding ba'i rgyud// 'khor rnams kun la bstan pa ni// khyung chen gshog drug rdzogs nas snang srid mkha' la lding // phyogs bcu sa phyogs gang la'ang nyam nga med// snang srid khyung chen gshog rdzogs mkha' la bde// gshog drug lus la rdzogs pas ltung ba'i nyam pa med// de bzhin man ngag snying po byang chub sems// thams cad rdzogs pas thig le chen po'i ngang // 'di la gcig med thig le chen po'i ngang // 'di la gcig med du ma med pa'i don// snying po nyid du gyur pas de bzhin nyid du bde// 'di la sangs
- 9a
rgyas sems can gnyis pa gdod nas med// lta ba gshog rdzogs mkha' la lding zhes pa'o// byang chub sems kyi man ngag khyung chen lding ba'i rgyud// rdo rje tshig gi yang dag don bstan pa/ khyung chen gshog rdzogs mkha' lding gang la nyam pa med// rdzogs pa'i rdzogs pa byang chub snying po nyid// thams cad rang bzhin nyid de gang la nyam pa med// ma bcos thig le gcig pas snang srid ye sangs rgyas// don gyi khyung chen chos kyi dbyings na lding // thig le dang ste gang la nyam nga med// snangs srid phyi nang rang bzhin kun sangs rgyas// gdod nas ma bcos snying po de bzhin nyid// gdags pa'i tha snyad kun la gang yang spangs pa med// 'di zhes bstan pa'i don med ston pa cang mi gsung // lta ba khyung chen lding ste gang la nyam pa med// lta bas bltar med yid la 'di bzhag med// sgom du cang med gzung 'dzin yul mi gnas// ma bcos de bzhin nyid nas man ngag don gyi klong // gang la ngang gis gnas par rig pa rang la gsal ba'i zer// man ngag khyung chen lding ste gang la nyam nga med// snying po mchog tu gyur pa'i byang chub sems nyid ni// gdod nas rnam dag gang ltar 'char mi mdzad// mi spong mi len bkag dang ma bkag med// mnyam pa chen po mdzad spyod rnam par dag/ spyod pa khyung chen lding ste gang la nyam nga med// gzhi
- 9b
rtsa thig le gcig pas gsal ba'i tha snyad med// dam tshig khyung chen lding ste gang la nyam nga med// ma btsal lhun grub rang bzhin ye sangs rgyas// rang byung ye shes thig le nyag gcig ma// gzhan nas btsal du med de ye nas snying po byang chub sems// thams cad 'di nyid 'di las gzhan min pas// 'phrin las khyung chen lding ste gang la nyam nga med// mi g.yo ma yengs gang la sems pa med// mi 'dzin mi rtog de bzhin nyid du gsal// rig pa rgyun chags gsal ba ngang gi gzer// gang du mi 'gyur de bzhin nyid du gnas// sgom pa khyung chen lding ste gang la nyam pa med// chos rnams ngo bo snying po byang chub sems// gting dpag gcad dka' nam mkha' rgya mtsho'i klong // yon tan kun 'byung yid bzhin nor bu'i tshul// snying po gcig ste chu zla'i nyi zer 'dra// kun kyang yongs brdal thugs rje chen po'i ngang // thugs rje byung chen lding ste gang la nyam pa med// snying po mchog tu gyur pa'i byang chub sems nyid ni// rgyu la rag ma lus pas rkyen gyis 'jig mtha' med// kun gyi rgyu nyid 'bras bu'i mchog gyur pas// tshogs gnyis ma bsags rang bzhin lhun gyis rdzogs// rgyu 'bras khyung chen lding ste gang la nyam nga med// nges pa'i khyung dgu lding pas snang srid ye sangs rgyas// 'khor ba rtsa ba bcad kyang mya ngan 'das pa med// sa lam sgo phugs med par
- 10a
khyab gdal thig le'i ngang // 'di zhes bstan du med pas yang dag rgyud kyi mchog/ khyung chen lding ba man ngag don gyi rgyud// nges pa'i don ston kun grol thugs kyi gter// bag chags sgrib sel rnam dag chu bo'i rgyun// nyon mongs bdud 'dul bdud rtsi chen po'i bcud// rgyud dang ston par bcas la bstod phyag 'tshal// gang la sems gnyis med cing chags pa kun bral 'di// yang dag thugs kyi sras mchog khyod la gtad// nges par 'di bzung thugs la thugs kyi chongs// zhes bstod do// byang chub kyi sems man ngag khyung chen lding ba'i rgyud// sa ma ya so phag shi thams/ rdzogs so// // bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yi// rig pa thabs kyi brgyud pa yis// man ngag seng chen mchongs pa'i rgyud// 'khor rnams kun la bstan pa ni// seng ge rtsal rdzogs gang dkar rtse la mchod // phyogs bcu kun bde gang la thogs pa med// rtsal gsum lus la rdzogs pas de bzhin kun tu mchod // gang la thogs pa med pas de bzhin kun tu bde// de bzhin man ngag snying po byang chub sems// ye shes rtsal drug rdzogs pas gang la nyam nga med// thams
- 10b
cad thig le gcig pas de bzhin ngang la mchod // de la thogs pa med pas dor med kun tu bde// gang la thogs pa med pas man ngag seng chen mchong // zhes so// byang chub kyi sems man ngag seng chen mchongs pa'i rgyud// don rdeg tshig gi yang dag don bstan pas// seng ge rtsal rdzogs gang la thogs med ltar// man ngag don rdzogs byang chub snying po nyid// gang ltar mchod yang thogs med kun tu bde// gang la blo mi gnas pas thogs med sa la 'dug/ man ngag seng chen mchongs te gang la thogs pa med// byang chub myu gu nyid la dran rtog rgyu ba med// dran bde shes pa'i snying po de don gyis// brdas mtshon dam pas ngang la dang nyi bzhag/ man ngag chen mchongs te gang la thogs pa med// ma yengs btang snyoms rab ldan shes pa'i mchog/ gzung 'dzin gnyis bral snying po'i don la bzhag/ ji ltar yang dag ma yin/ gang ltar mi 'jog pa// man ngag seng chen mchongs te gang la thogs pa med// gang la mi sems sems pa'i don dang bral// cir snang cir med 'di zhes bstan pa med// mi g.yo gang yang mi sems nyams kyi myong chags med// nam ngag seng chen mchongs te gang la thogs pa med// 'gyur med dbyings na thogs med ye shes mchongs// mi rtog mi 'dzin bsgom par bya ba'i yul dang bral// ji ltar yang 'jig pa med pa
- 11a
bde ba chen po'i ngang // man ngag seng chen mchongs te gang la thogs pa med// gang la chags med spyod med snang ba rang bzhin med// de bzhin blo gnas ma yengs rtog dang bral// ngang la dang gnas bde ba'i ngang la gnas// man ngag seng chen mchongs te gang la thogs pa med// sems la sems lha gang la mthong med gsal// ma mthong mthong ba de don rnam par dag/ rig pa rgyun gsal dang la dang gnas pas// man ngag seng chen mchongs te gang la thogs pa med// gsal la gsal lo rtog pa las 'das shing // gsal rtog med de ma yengs dang gnas pa// rig pa lhun chags bde ba chen po'i mchog/ man ngag seng chen mchongs te gang la thogs pa med// lta ba ltar med man ngag bzhag pa med// 'di zhes mthong med don nyid sgom du med// bde ba'i ngang la dang gnas dgongs pa'i mchog/ man ngag seng chen mchongs te gang la thogs pa med// seng chen dgu mchongs man ngag don gyi dbyig/ gdeng chen man ngag don ldan yang // thugs rab gsal ba'i dkyil 'khor 'dir bcangs na// skye ba 'di la 'bras bu mngon sangs rgyas// 'di gzung thugs kyi dkyil du gter du chongs// zhes bstan to// byang chub sems kyi man ngag seng chen mchongs pa'i rgyud// i thi/ rdzogs so// //
- 11b
bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yi// rig pa thabs kyi rgyud pa yi// man ngag dang mo 'gros kyi rgyud// 'khor rnams kun la bstan pa ni// dang mo'i 'gros rdzogs rin chen 'dam la 'gro// 'brel te ma chad 'grus med gnas su 'gro// gang du phyin kyang don grub kun tu bde// de bzhin man ngag snying po byang chub sems// dngos dang dngos med gang ltar cir yang snang // thams cad thig le gcig pas byang chub sems kyi ngang // phyogs su ma chad yongs su 'brel bar gnas// gang ltar gnas kyang de bzhin nyid du bde// man ngag dang mo'i 'gros te 'brel bar thogs pa med par 'gro// byang sems man ngag dang mo 'gros kyi rgyud// don rdeg tshig gis yang dag don bstan pa// dang mo 'gros kyi 'brel bas phyin pa ltar// yang dag man ngag snying po byang chub 'di// phyogs su ma chad kun gyi rang bzhin ni// yongs su 'brel te snying po thig le gcig/ dpal dang gnas man ngag dang mo'i 'gros// snang srid ye sangs rgyas pas sems med pas// thig le gcig tu 'brel pas man ngag dang mo'i 'gros// lta spyod gnyis med gdod nas rnam dag pas// thig le gcig tu gnas pas
- 12a
man ngag dang mo'i 'gros// dbyings dang ye shes gnyis med rtags pa'i tha snyad med// ye nas gcig tu gnas pas man ngag dang mo'i 'gros// thabs dang shes rab gnyis med 'brel bas shes pa'i dngos gzhi med// thig le gcig tu gnas pas man ngag dang mo'i 'gros// rtsol sgrib gnyis med 'brel bas lta don rnam par dag/ thig le gcig tu gnas pas man dang mo'i 'gros// bshad brjod gnyis med 'brel pas tha snyad kun dang bral// thig le gcig tu gnas pas man ngag dang mo'i 'gros// gzung 'dzin gnyis med 'brel bas lha don rnam par dag/ thig le gcig tu 'brel bas man ngag dang mo'i 'gros// bsam sgom gnyis med 'brel bas lhun grub bde ba'i ngang // thig le gcig tu gnas pas man ngag dang mo'i 'gros// dngang mo 'gros dgu thig le gcig tu 'brel// phyogs su ma chad yongs su 'brel ba'i thig le gcig/ thams cad rdzogs pas dbyer med bde chen dang // kun tu bzang po yongs su khyab brdal bas// gcig dang du ma'i rnam grangs gdod nas dag/ gdags pa'i tha snyad kun bral thig le gcig/ sus kyang gdod nas ma bcos de bzhin nyid du gnas// gang la yang blo gnas shing ci la yang bsam pa yin// mi g.yo dang la gsal zhing rgyun bzhag la// man ngag dang mo'i 'gros te rig pa rang
- 12b
nyul shar// thugs rab sras mchog dam pa yang rab kyi// thugs mchog dam pa 'di gzung dang gnas na// yun du mi thogs myur du mngon sangs rgyas// zhes bstan to// byang chub sems dang mo 'gros kyi rgyud// sa ma ya so phag shi thams/ rdzogs so// // @#/ bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yis// rig pa thabs kyi rgyud pa yi// man ngag rig pa'i khu byug gsung gi rgyud// 'khor rnams kun la bstan pa yin// rig pa g.yu ri khu byug gsung snyan mkha' la sgrogs// gang ltar ci byed sgrags snyan dor bar byed// lhang lhang grags pas kun kyang spro ba skye// gang du mi skyal de bzhin nyid du spro// de bzhin man ngag snying po byang chub sems// gdod nas sangs rgyas nyid de rang bzhin kun la khyab// rang bzhin med pas dor med snying po'i ngang // brjod med rang bzhin med pas yang dag de bzhin don gyi gsung // ma bsgrags bsgrags pas kun spro dang ba skye// bsgrags pa'i tha snyad la yang dor ba med// rig pa khu byug gsung snyan mkha' la sgrogs// zhes pa'o// byang chub sems man ngag khu byug gsung gi rgyud// don rdeg tshig gis yang dag don
- 13a
bstan pa// khu byug gsung gis kun sgro dang skye ltar// snying po'i don mchog byang chub sems kyi man ngag 'di// yod na yod par gsung snyan thig le gcig tu yod// yod pa'i khu byug gsung snyan mkha' la sgrogs// med na med pa'i gsung snyan dbyibs dang kha dog med// med pa'i khu byug gsung snyan mkha' la sgrogs// gnyis med khu byug gsung snyan mkha' la sgrogs// snying po don mchog byang chub sems kyi man ngag 'di// gang ltar brjod pa de la gsung snyan dor ba med// tshig gi khu byug gsung snyan mkha' la sgrogs// gang ltar bstan pa de bzhin de nyid pas// yi ge'i khu byug gsung snyan mkha' la sgrogs// gnyis med khu byug gsung sgrogs kun la snyan// snying po don mchog byang sems man ngag 'di// ye nas ji bzhin gnas pas thig le chen po'i ngang // thog ma'i khu byug gsung snyan mkha' la sgrogs// da lta nyid du gnas pa tha ma dus kyi ngang // tha ma'i khu byug gsung snyan mkha' la sgrogs// gnyis med khu byug gsung sgrogs kun la snyan// snying po'i don mchog byang sems man ngag 'di// rdo rje sku ru gnas pas dus gsum 'gyur ba med// rtag pa'i khu byug gsung snyan mkha' la sgrogs// 'khrul rtog rtsad nas bcad pas nyon mongs gnas su dag/ chad pa'i khu byug gsung snyan mkha' la sgrogs// gnyis med khu byug
- 13b
gsung sgrogs kun la snyan// snying po don mchog byang sems man ngag 'di// kun gyi rgyu ste 'bras bu kun tu smin// skye ba'i khu byug gsung snyan mkha' la sgrogs// ma rtogs gab pas rang bzhin nyid kyis gab// gab pa'i khu byug gsung snyan mkha' la sgrogs// gnyis med khu byug gsung sgrogs kun la snyan// snying po'i don mchog byang sems man ngag 'di// dngos dang mtshan ma cir snang de bzhin nyid rtogs pas// rtogs pa'i khu byug gsung snyan mkha' la sgrogs// de bzhin dpal de bzhin 'dzin pas na// 'dzin pa'i khu byug gsung snyan mkha' la sgrogs// gnyis med khu byug gsung sgrogs kun la snyan// snying po'i don mchog man ngag 'di// thig le gcig tu gyur pas du ma'i tha snyad spangs// spangs pa khu khyug gsung snyan mkha' la sgrogs// ngang gis dang blangs dus gsum 'du 'bral med// len pa'i khu byug gsung snyan mkha' la sgrogs// gnyis med khu byug gsung sgrogs kun la snyan// snying po don mchog byang sems man ngag 'di// thig le gcig tu gyur pas bdag nyid chen po'i ngang // ngang dang rang bzhin gnyis med ye nas dag/ bdag nyid khu byug gsung snyan mkha' la sgrogs// thams cad rang bzhin ye sangs rgyas pas gzhan// gzhan gyi khu byug gsug snyan mkha' la sgrogs// gnyis med khu byug gsung sgrogs kun la
- 14a
snyan// snying po don mchog byang sems sgom pa 'di// mtshan dang mtshan med ma bcos gdod nas dag/ rnam par dag pa thig le gcig gi dang // mtshan ma'i khu byug gsung snyan mkha' la sgrogs// ngang dang ngang gis zhugs pas bde chen lhun la gnas// dmigs pa'i khu byug gsung snyan mkha' la sgrogs// gnyis med khu byug gsung dgus gang yang spang ba med// gang ltar ci skrag de bzhin nyid du snyan// gang yang spangs pas snying po thig le nyid// de bzhin mi g.yo dang la dang gnas pas// man ngag sgom pa'i thabs te gang yang mi spong mi len dpa la gnas// ngang la ngang gis gnas pa'i skal can rnams// rig pa rang shar nus pa'i dus med pas// yun du mi thogs 'bras bu myur du thob// ces bstan pa'o// byang chub kyi sems man ngag rig pa'i khu byug gsung gi rgyud// sa ma ya so phag shi tham// rdzogs so// // @#/ bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yis// rig pa thabs kyi rgyud pa yin// man ngag gser gyi ru sbal bskum pa'i rgyud// 'khor rnams kun la bstan pa ni// gser gyi ru sbal rgya mtsho'i gting du
- 14b
bskum// rang la gsal kyang gzhan gyis mthong ba med// bdag gzhan gnyis su med pas bde ba'i bag la nyal// gang du mi g.yo de bzhin nyid du bde// de bzhin snying po byang chub sems// chos nyid dbyings nas sems nyid sku bzhugs pa// rang la rang gsal gzhan gyis mthong ba med// bdag dang gzhan med bde ba bag la gzims// gang du mi g.yo de bzhin nyid du gnas// gser gyi ru sbal rgya mtsho'i gting du bskum// zhes pa'o// byang sems man ngag gser gyi ru sbal bskums pa'i rgyud// don rdeg tshig gis yang dag don bstan pa// ru sbal rgya mtsho'i gting du bskum pa mthong ba dka' ba ltar// byang sems man ngag snying po'i don mchog 'di// thig le'i klong la thig le'i sku bzhugs pa// kun gyis mthong dka' de bzhin nyid du bde// gang du mi g.yo dang la dang gsal mthong // gsal ba rang shar nub pa'i dus mtha' med// bu yi blo bzhin gsal bas kun don grub// rang rig gsal ba'i ye shes chen po ste// gang la mi g.yo de bzhin nyid gnas pa// man ngag ru sbal bskums te kun gyis mthong bar dka'// rang rig gsal ba'i ye shes chen po de// ma yengs gsal ba'i ngang la ngang gnas pa// man ngag ru sbal bskums te kun gyis mthong bar dka'// rang rig gsal ba'i ye shes chen po de// mi rtog bde ba'i bag la rab
- 15a
gnas pa// man ngag ru sbal bskums te kun gyis mthong bar dka'// rang rig gsal ba'i ye shes chen po de// dran sems med pa'i ngang la dang gnas pa// man ngag ru sbal bskums te kun gyis mthong bar dka'// rang rig gsal ba'i ye shes chen po de// gang la mi dmigs mi 'gyur rab gnas pa// man ngag ru sbal bskums te kun gyis mthong bar dka'// rang rig gsal ba'i ye shes chen po de// mi g.yo ma bcos bde ba'i ngang la gnas// man ngag ru sbal bskums te kun gyis mthong bar dka'// rang rig gsal ba'i ye shes chen po de// mnyam pa chen po'i ngang la dang gnas pa// man ngag ru sbal bskums te kun gyis mthong bar dka'// rang rig gsal ba'i ye shes chen po de// mi g.yo btang snyoms dngapa la rab gnas pa// man ngag ru sbal bskums te kun gyis mthong bar dka'// rang rig gsal ba'i ye shes chen po de// gang la yang blo mi gnas pa'i ngang la dang gnas pa// man ngag ru sbal bskums te kun gyi mthong bar dka'// de bzhin man ngag bskums thabs dgus// byang chub sems kyi btsal thabs thig le gcig khar dbyung ma yin blo yi gting du'o// mnyam chen bde ba'i ngang la yun gnas pa// mngon sum bde ba'i rig pa myur du 'char// bsgrub med btsal med 'bras bu mngon sangs rgyas
- 15b
pa'o// 'di yang don la ma yengs na// gang la rnam rtog mi skye'o// lta ba khyud chen ldings pa yin// kun bzhi byang chub sems la sel med na// dam tshig shel gong phyis pa yin// ci yang chags sdang ma skyes na// nang rtags phyi ru phyin pa yin// byang chub sems kyi don rtogs na// rang byung ye shes rnyed pa yin// blang dor gtsang sme mi lta na// spyod pa glang po chur zhugs yin// byang chub sems kyi spyi lung chen po rdzogs pa'i rgyud// byang chub sems lta ba'i man ngag gi bu lnga// lta ba don gyi bca' bzhi rdzogs so// // rgya rgya rgya/ @#// dpal kun tu bzang po la phyag 'tshal lo// 'di skad bshad pa'i dus gcig na// rang byung ji bzhin bde chen po// zab mo rang rig bsam mi khyab// ma bcos gsang ba rdzogs pa'i bdag/ lhun grub dang la bzhugs par gyur// sangs rgyas sems can thams cad dang // snang srid rjes lha mtha' yas pa// dus gsum 'byed med gcig pa'i phyir// thig le rdzogs par 'dus te gnas// de tshe sems dpa' rdo rje yis// rab tu gsal la mi g.yo bas// mi rtsol ji bzhin 'dun pa las// bsam gyis mi khyab dgongs par zhus// bde chen rig pa'i rgyal po nyid// ji bzhin ma bcos dgongs pa'i brdas// skal ldan don du gtan la phab// 'da' med bde chen dam la gnas// dang
- 16a
por rna rgyud gdams pa'i lung // rin chen gus pas nod par bya// rin chen 'od kyi bstan pa'am// rtsi bcud bung bas bzhibs pa ltar// ma lus snying po thugs chud nas// de nas so bzhag nyams pa med// don mthong rig pa cha sbyangs pas// snang gsum rdzogs chen rgyas btab la// thig le rdzogs par gnas par bya// rang sems nges pa'i don rtogs pas// nges par don la 'da' med pa'o// gdams pa'i rnam grangs ci bstan pa// kun gyi nges don ston pa yin// bla ma'i gdam ngag lung med cing // rna brgyud dgongs pa mi ldan pas// gang bstan log pa'i khams su 'gyur// de bas gdams ngag thob par bya// nges par thob par shes pa yis// de dag don las mi 'da' yang // rin chen gling la bgrod pa'am// mun pa 'od dang phrad pa ltar// gzhi gcig stobs kyis khyad par 'phags// du bzhi thog ma dang po nas// 'khrul bcad brtags pa rnam par bzlog/ dbang po goms pa che chung gis// mi gnas pa dang cung zad gnas// yun rings dal bas 'bab chu 'dra// de la ye shes ma btsal na// bar chad med pa'i brtson 'grus kyis// 'bab chu lta bur gnas gyur na// rgya mtsho lta bur mi g.yo ba// mkha' gsal 'od kyis brdal ba ltar// dus 'tshams med par gnas par 'gyur// dus gcig
- 16b
'jug pas rnal 'byor pas// man ngag nges pa'i lung thob nas// rgya mtsho 'od kyis phog pa'am// mkha' la nyi 'od 'bar ba ltar// de ma zag par lhun gyis grub// thag gu sbrul mthong sel ba ltar// nges pa thob pas dbugs chen phyin// ma btsal lhun bzhag rnal 'byor pas// thun dang mnyam gzhag rtsir med pas// dus gcig mi g.yo rnal 'byor thob// 'on kyang ma yengs gzhi gcig la// rnam pa'i bye brag cir 'gyur ba// ye shes srog gsum 'gyur ba med// mtshan ma chu dang rlabs bzhin nam// bcud dang snying po rnam pa'am// mkha' yi cho 'phrul ji lta bar// ma btsal rang bzhin g.yo mi 'gyur// gang dag thugs rje'i ngang yin pas// gang la dga' ba'i don ched du// ye shes mtshon sgor ma gyur pa// cung zad tsam yang yod ma yin// kun kyang ye shes nyid rtogs pas// lcags la thabs kyis mdzad pa ltar// man ngag thabs kyis pha rol phyin// gang yang g.yang sa lam du bde// bde sdug gang yang mi 'dor na// de dag len par ga la yin// dang po rang bzhin bstan pa ste// gnyis pa rig pas phrad pa yin// gsum pa gzungs dang ldan pa ste// bzhi pa gtang snyoms chen po yin// lnga pa 'bab chu lta bu ste// drug pa mkha' la nyi shar bzhin// mi 'da' 'byed pa med pa'o// bdun pa rin chen gling phyin te// brgyad pa rin chen lhun
- 17a
rdzogs sam// nyi ma'i 'od dang snying po ltar// bdag gzhan don kun rdzogs par gnas// rin chen gzhi la 'gyur med kyang // dbang po shes rab goms tshul gyis// rin chen sel dang bral ba ltar// goms pa'i shugs kyis grub pa yin// dang por mos dang ldan pa ste// gnyis par mi g.yo rtse gcig pa// gsum pa 'brel bas bar chad med// bzhi pa rang yang lhug pa yin// lnga pa gang yang 'brel med spyad// drug pa glang po dogs med nyid// srog ldan nyam nga re dogs med// bdun pa thams cad dag pa'i phyir// bya dang mi bya cung zad med// brgyad pa lhun rdzogs spyod pa ste// srog ldan ji bzhin rnal 'byor pas// thabs ldan rig stobs khyad par du// gang gyur ma yengs spyad par bya// mi 'gyur bral na rang bzhin btang // nges bral rtsol tha mal sems// ngos can mthar 'dzin log sred can// ched byas rtsol dang grub pa dang // zin chags blang dor dgag sgrub dang // zhen dang 'gog dang phyal ba dang // btang snyoms yod dang med pa dag/ mi dor rgyu med rang bzhin btang // thogs chags med pa'i ye shes kyis// phyogs bral ye shes chen pos rgyas// rig pa rdzogs pa gting dpag med// myong ba bde ba'i rang bzhin te// rtog spyod rgyu ba bral ba yis// bsam med dran med sal le ba// ting 'dzin shes rab rdzogs
- 17b
pa ste// lhag pa'i slab pa kun rdzogs pa'o// nam mkha' rdo rje 'gro 'dul thabs// ji snyed spyod pa mdor bsdus pa// dang po nas gzung mthar thug par// khyab pas dgongs pas spyod pa yin// ji snyed rgyal ba thams cad kyi// sku gsung thugs kyi ngo bo ni// bde chen rig pa'i ye shes te// ma lus mkha' ltar khyab pa yin// 'di dag nges par thugs phrad du// nges par bstan gyis shes par gyis// de dag rtogs goms de phyin chad// bul po gter dang phrad pa ltar// bde bar gnas nas bcings par grol/ khyung phrug sbubs dang bral ba'am// seng ge dong zag bkrol ba ltar// nyi 'od sprin dang bral ba ltar// phyin chad stobs dang ldan pa yin// 'dod pa'i dngos po gang mthong tshor// bde chen rdzogs pa'i ngo bor gnas// 'di dag ye shes rdzogs pa'i phyir// ma nyams rig pa'i ngang las spyod// shes rab ma lus gcig la rdzogs// gcig po rig pas ngos bzung na// theg pa'i rnam grangs ma lus pa// dus gcig rdzogs par rtogs gyur nas// ma yengs gzhag pas grol ba yin// 'dul ba'i dus na bsams pa bzhin// thugs rje 'gro 'od med par bad la// dngos grub thogs med lhun rdzogs kyis// zhes bcom ldan 'das bde ba chen po rig pa'i rgyal po rdo rje sems dpas gsungs nas de bzhin nyid du gnas par gyur to// man ngag
- 18a
rig pa klong rdzogs kyi rgyud rdzogs so// // dge slong be ro tsa na la// rdo rje sems dpa'i thugs kyi gter// mkhas pa'i gdams ngag brgyud pa 'di// rdo rje yang dag rtsal la sogs// skal ldan re las ma gtogs pa// gcig la mi sgrub gnyis la mi spel te// thugs kyi gter du bcang zhing sems la bslan// / @#/ rgya gar skad du// a ti yo ga d+harma ma hA tan tra// bod skad du// rdzogs pa chen po rnal 'byor chos nyid kyi rgyud// bcom ldan 'das dpal rdo rje 'chang chen po la phyag 'tshal lo// de nas yang de'i tshe bcom ldan 'das kyis// dpal rdo rje sems dpa' 'di skad ces bka' stsal to// bdag gzhan gdod nas med pa yi// lhun gyis rdzogs pa'i ngang nyid la// 'chi 'pho 'gyur ba'i chos med de// mi 'gyur brtan pa'i gser bzhin no// dge ba'i phyogs dang sdig pa sogs// tha dad tsam yang yod ma yin// rnal 'byor rnam par 'ching ba nyid// gnyis po 'di dag gdod nas med// gang gis de ltar ma rig pa'i// don med sgra phyir de 'brangs nas// dge ba'i phyogs spong sdig pa spyod// de nyid 'thoms pas dmyal bar 'gro// dkar bas dkar pa'i nyi ma med// gnag pa'i mun pa dag kyang med// 'khor ba med cing myang 'das med// rig pa med cing gnas pa
- 18b
med// bri ba med cing gang ba med// 'grib pa med cing 'phel ba med// su la'ang phan med gnod mi 'gyur// snang ba med cing 'gyur ba'ang med// shes rab med cing thabs kyang med// lam med byang chub yod ma yin// dran pa med cing yid byed med// dmigs pa med cing yul kyang med// med pa ma yin snying po'i don// skal ldan rnal 'byor pa nyid kyis// the tsom rmugs pa rab sol la// don rtogs gting du go ba nyid// gdeng du chos 'di su 'chang ba// thabs cad sgom sgrub dge ba'i chos// dkar po'i phyogs dang sdig tu mnyam// ci yang mi 'dzin shes pa nyid// gang ltar spyad kyang me tog skye// rnal 'byor rdzogs pa chen po chos nyid kyi rgyud rdzogs so// // slob dpon pad+mas sgra rang 'gyur du bsgyur ba'o// / @#/ rgya gar skad du// shrI he tan tra nA ma// bod skad du// dpal ldan dgyes pa'i rgyud ces bya ba// ngo mtshar tshe dang dgyes pa'i thugs// gnyis su med la phyag 'tshal lo// bstan pa ston pa 'khor gnas dus// bde ba thams cad 'byung ba'i gnas// ngo mtshar chen po'i tshig dgu la// dgyes pa'i thugs kyis thabs dgur bzhad// sangs rgyas sems can rgyu gcig par// ngo mtshar chen po rmad du byung ha ha// phyi nang snod bcud rang bzhin gcig pa ha ha// ye shes 'khrul pa gzhi la gcig
- 19a
pa ha ha// bde dang sdug bsngal ngo bo gcig pa ha ha// dge sdig las kyi 'bras bu gcig pa ha ha// gser dngul lugs kyi dkyil 'khor dang // sa rdo ri brag don la gcig pa ha ha// thub pa'i mdzad pa bcu gnyis dang // rdzogs chen rol pa las gcig pa ha ha// drug gi bstan pa'i log chos dang // rgyal ba'i bka' rgyud bdud rtsi gnyis// byang chub sems kyi ngang du gcig pa ha ha// dngos po gcig la snang tshul bcu dgur gsal// chos kyi dbyings su rang bzhin gcig pa yongs kyis mnyam// ngo mtshar che ha ha// ngo mtshar chen po'i tshig dgu la// dus gsum rgyal bas lan dgur bzhad// he he he// tshig tu 'dus la don du rgyas// rgya mtsho chu bo'i 'phro 'du bzhin// nam mkha' rdo rje a las byung // bde ba chen po'i mchog 'di la// mtshon du yod pa ma yin te// mtshon du med pa'i chos nyid ni// brjod du med pa'i bde chen yin// brjod du med pa'i bde chen la// brjod du med pa'i tshig brjod nas// brjod du med don gyi ngo bo ston// mtshon med brjod las 'das pa yi// byang chub sems kyi bde chen la// dgongs pa'i dbang gis rgyal ba rnams// nga dang bdag ces gsungs pa ni// de bzhin pa yi dbang gis ni// chos sgo brgyad khri bzhi stong gsungs// gsungs kyang gnas lugs gcig las med// bstan pa'i snying po bde chen
- 19b
mchog/ gnas lugs yin par shes par bya'o// byang sems bde ba chen po la// rgyal sras gang 'dod dbang phyug skal ldan gyis// nges par rtogs la thugs kyi dkyil du chongs// slad ma gzhan dang byis pa phyogs ris can gyi mi go bas// don la 'gred la tshig la 'phyar// gnad la ma thebs nyon mongs rags// man ngag med par rdzob rkyen che// de 'dra'i lag tu de bskur na// gdon sbyin lag na mtshon thogs dang // mon mo'i lag na dug spyod 'dra// rgyal khams me yis gtong ba yin// med thung med par 'di 'chang na// rgya mtshor gser sgra ma shor ba dang // ri gzar kha nas rbab shor 'dra// gyen du bzlog pa'i thabs med phyir// rgyal khams phung ba'i thabs yin pas// gdams pa rgya dang ldan par gyis// rang rig byang chub sems kyi 'khrul dgu la// dus gsum rgyal ba'i thugs kyis dgyes dgur rol// rnal 'byor don rtogs sems kyi dga' dgur spyod// rang na gu h+ya si d+hi kan// zhang drung dri med zla shar rgya// ku ma ra yis rgya bod grags// dz+nyA na bu yis gdeng ldan gyis// ngo mtshar che ba'i tshig dgu smras// dpal ldan dgyes pa'i rgyud rdzogs so// //
- 20a
rgya gar skad du// tra ta ke rA dza tan tra// bod skad du mngon shes rig pa'i rgyal po'i rgyud// he ru ka dpal 'jam pa'i dbyangs// gsang bdag che la phyag 'tshal nas// mngon shes rig pa'i gnas dgu 'di// dus gsum rgyal ba'i thugs gter bas// rdza shing snod la yongs mi bstan// u rgyan yul gyi thor cog can// brtse gdung lhun grub pa'i gnas// d+ha na ko sha'i gling gong du// gu lang gser gzo'i don du bshad// gzhi mo'i don la mkhas pa dang // chos dang chos nyid 'byed dus dang / chos nyid zla la len 'debs dang / 3/ byabs kyis chod pa'i lta ba dang / klong du gyur pa'i sgom pa dang / gdeng gis zin pa'i spyod pa dang / brdar sha chod pa'i gol sgrib dang / thabs kyis zin pa'i dam tshig dang / rang la rnyed pa'i 'bras bu dgu/ mngon shes rig pa'i gnad yin pas// skal ldan las 'phro can gyi gter// gzhi mo'i don la mkhas pa ni// ma byung ma skyes sngon rol na// sems kyi ngo bo ji ltar gnas// mkha' dang 'ja' tshon tshul du gnas/ 1/ chos dang chos nyid 'byed dus ni// mkha' dang 'ja' tshon gcig pa la// gzha' tshon yul du bcas pas 'khrul// med las yod gzung rgyu nyid kyis// rmi lam tshul du sdug bsngal myong // rigs drug skye 'gul de las byung // chos nyid zla/
- 20b
la lan 'debs ni// gdod nas dag pa'i rang bzhin nam mkha' la// bskal pa stong du bsags pa'i mun nag thibs po yang // rig pa'i rgyal po ye shes nyi zer gyis// skad cig yud tsam cig gis dengs pa bzhin// gsal stong dus gcig rtogs pas bde ba shugs la 'byung // dper na dom phrug ma dang phrad pa bzhin/ 3/ byabs kyis chod pa'i lta ba ni// snang srid 'khor 'das thams cad la// sems las ma gtogs chos med phyir// rang sems bde bar ngo shes pas// snang srid bde bar shar ba yin// gcad bya gcod byed gnyis med pas// mkha' la nyi ma shar ba 'dra// klong du gyur pa'i sgom pa ni// yul rnams kun la 'jug byed pa// mtshan ma'i bye brag thams cad la// bde ba chen po'i ros khyab phyir// gser 'gyur rtsi yi snying po 'dra/ gdeng gis zin pa'i spyod pa ni// tshogs drug spyod yul thams cad la// me tog bung ba phrad pa bzhin// gang 'phrad bung bas sbrang rtsi rnyed// snang srid bde bar shar ba yin// gdar sha chod pa'i gol sgrib ni// gcig la gnyis su snang ba'i phyir// grod pa phyi nang bzlog pa 'dra// thabs kyis zin pa'i dam tshig ni// 'ching ba'i las rnams spyad pa yis// grol bar 'gyur ba'i thabs zhes bshad// dug la sngags kyis bsad pa 'dra// rang la rnyed pa'i 'bras bu ni// thog ma med pa'i
- 21a
dus mtha' nas// rang la rang chas yod pa'i phyir// rang ngo shes shing rtogs pas chog/ rmi lam sad pa'i dus bzhin no// mngon shes rig pa'i rgyal po'i rgyud// rig pa'i gnad dgu zhes bya ba rdzogs so// / @#// rgya gar skad du// til si ta pe du di'u ra na tan tra nA ma// bod skad du// bskal pa dum bu 'bar ba sgron ma snang ba'i rgyud ces bya ba// dpal kun tu bzang po bde ba rang rig pa'i rgyal po chos las 'das pa'i sku la phyag 'tshal lo// 'di skad bdag gis thos pa'i dus gcig na// bcom ldan 'das ting nge 'dzin sgron ma 'bar ba zhes bya ba las bzhengs te// gsang ba'i bdag po rdo rje sems dpa' dang thabs cig pa'i byang chub sems dpa' rnams la sogs pa// lag na rdo rje dang // rdo rje 'dus pa dang // rdo rje kun du bzang po rnams la bka' stsal pa// rang bzhin gyis rnam par dag pa lhun gyis grub pa'i gnas 'di nyid na// bya sna tshogs skad snyan pa sna tshogs sgrog pa// nyams dga' ba'i phyogs 'dir rang bskal ba dum bu'i rgyud bshad par bya'o// zhes gsungs pa dang // gsang ba'i bdag po la sogs pa rnams shin tu yi rang ste// sus mo g.yas pa'i lha ngas la gtsugs te phyags 'tshal nas// legs so legs so bcom ldan 'das// bdag cag mkha' 'gro ma rnams
- 21b
dang // sa la gnas pa'i byang chub sems dpa' la// bdag cag grol bar bya ba'i phyir// bskal ba dum bu bshad par zhu// zhes zhus pas// ngas gsungs pa la ma skrag par// rab tu legs par yid la zung // zhes gsungs so// gleng gzhi'i le'u ste dang po'o// // de nas kun tu bzang po yis// gsang bdag rdo rje sems dpa' rnams// thog mtha' med pa'i lhun grub la// rgya chad phyogs lhung med pa'i dbyings// kun gyi mnyam nyid yin pa la// lhun grub 'gag med rlung chen gyis// srid pa 'phrul gyi me long mthong // snang srid gsal ba'i me long du// nga nyid mnyam bzhag phyag rgyas btab// rang grol rang shar gyi bdag po yin// phyogs lhung med pa'i shes rab dang // gnyis su med pa'i shes rab dang // bdag 'dzin med pa'i shes rab kyis// rang grol nyid kyi dgongs pa thob// ces gsungs so// bskal pa dum bu'i rgyud las// kun tu bzang po rang grol gyi le'u ste gnyis pa'o// // de nas yang thig le chos men gyi klong bya btsal dang bral ba'i ngang nas// rdo rje sems dpa' la sogs pa la bka' stsal pa// kye kye gsang ba'i bdag po nyon cig/ zhe sdang drag po'i las kyi 'bras bu ni// mtshams med lnga spyad mi dge bcu spyad pas// tsha grang brgyad gnyis nyi tshe nye 'khor te// las kyi 'bras bu dmyal ba'i kha brgyad
- 22a
las// dam tshig nyams pa'i rdo rje dmyal ba rnams// dmyal dpon chos kyi rgyal pos skyob bam ci// gal te mi skyob thub par ci la grags// skyob na dmyal ba'i 'bras bu tsha grang rdzun// me nyid chur grub khro chu zhun ma dang // chu nyid mer gyur grang ba'i chu rnams dang // rlung nyid brag gyur rdo rje rgya gram rnams// rang snang rkyen gyis bsgribs pas dmyal bar snang // rang snang dag pa'i rdo rje sems dpa' la// dmyal ba'i me chu zhing khams rnam dag yin// 'dzin pa rnam dag tsha grang gnas nas drang mi dgos// chos sku thug phrad skyes pas myong mthong rnam par dag/ des na de yi dmyal dpon thub pa yin// rang grol rang snang shar nas thub pa'i rgyal po yin// ces gsungs so// bskal pa dum bu'i rgyud las// dmyal ba'i gnas na thig le chos min du bstan pa'i le'u ste gsum pa'o// // yang thig le chos min gyi klong nas// gsang ba'i bdag po la bka' stsal pa// kye gsang bdag rdo rje sems dpa' nyon// 'dod chags drag po las kyis mtshams med skrad// ser snas bcings te mi dge bcu yang sprad// skrad pa'i 'bras bu yi dwags rnam gsum du// myong ba rgyu mthun 'bras bu so sor smin// phyi yi sgrib pa nang gi sgrib pa dang // gnyis ka'i sgrib pa rab tu gdungs pa la/ kha 'bar rgyal mos skyob bam ci// skyob na sgrib pas mnar ba
- 22b
ga la srid// mi skyob thub par gdags pa'i rgyu mtshan ci// snang ba rang sar dag na thub pa'i thugs rje rdzun// mos pas drang phyir thub pa tsam du btags// rang grol rang shar shes tsam na// yi dwags gnas na bde chen thig ler 'bar// 'bar ba'i rgyal po 'di la grol dang ma grol med// thig le chos min sku sgrib pa ye nas dag/ myong ba'i rgyu 'thun 'bras bu gdod nas rnam par dag/ rgya chad phyogs su ma lhung thig le chos men sku// rang byung gdod nas dag pas btsal ba'i blo las 'das// ngo bo rang sar grol bas sgrib pa ga la yod// gdod nas rang byung rdzun min rnam dag rdzun// ces gsungs so// bskal ba dum bu'i rgyud las// yi dwags rang byung gdod nas dag pa'i le'u ste bzhi pa'o// // de nas yang thig le chos min gyi klong nas bka' stsal pa// gsang ba'i bdag pos legs par zung zhig gti mug mi rig dbang gi ni// las kyi 'bras bu byol song rigs bzhi 'khrul/ ngam 'grog gcod rong zab mo'i g.yang sa dag tu bzung ba yang // gti mug dbang gis de ltar mthong ba yin// glang mgo'i thugs rjes mi gtong ste// rang snang rnam dag ye shes 'od ldan pa'i// byol song tsam du ming du btags pa las// de nas byol song rgyud du 'grub pa med// thig le chos men ye shes zang thal yin// snang srid rang byung skye 'gag gdod nas
- 23a
dag/ nam mkha' bzhin du mtha' dbus grub pa med// rgya chad phyogs su ma lhung don gcig ma rtogs na// blo chung phyogs rtogs mkhan po de// dam par zhan nas bdud du song bar 'chi'o// zhes gsungs so// bskal ba dum bu 'bar ba'i rgyud las// byol song rang dag gi le'u ste lnga pa'o// // yang thig le chos men gyi klong nas bka' stsal pa// gsang ba'i bdag po nyon cig/ nga rgyal rang rgyud drag pos rgya byas nas// ma rig gling bzhir bcad kyin phye ba yang // bcom ldan thub pa'i sku yi thugs rje de// 'ga' tsam 'drongs sam thams cad yongs mi 'drongs// 'dren pa'i thub pas 'drongs su dus dang // gnas skabs 'ga'// dus la bab kyang rang grol ma shes na// gnas skabs tsam gyi 'bras bu sangs mi rgya// 'dren pa'i thar par 'bras bu 'khor bar 'khyams// rig pas btsun pa'i gdams pa'i la chems ni// rgyud pa mang du gdams te go ba dka'// snod ngan zhabs rdol la sogs la// rna bar 'ga' tsam blags pa'i 'bras bu yis// phyi mar sbrul skra thob nas sangs rgyas pa// thabs kyis skrod pas bstun gyin bkri bar bya// tshogs gnyis ma rdzogs sgrib gnyis ma sbyangs kyang // rdo rje lta bu'i ting 'dzin thob par 'gyur// rig pa skyang sgom snang ba stong mi bsgom// dngos po sgom pas 'dus byas zang ka/
- 23b
ma// med pa mi sgom yid smon blo yi chos// rang rgyud dag tu mi 'chor ye shes bltas pas grol// gling bzhi mi rigs klong la thig ler bdal// re dogs gzung 'dzin mtshan ma med// rgya chad phyogs su ma lhung lhun grub 'gag med yin// yin par ngas ma shes pas rgyal po rkang 'khyams 'dra// 'dra ba ngos ma zin 'khor bar 'khyams// sbrul sku thug phrad 'di la sgom du gdod nas med// ces gsungs so// bskal pa dum bu'i rgyud las// gling bzhi mi rigs ye grol du bstan pa'i le'u ste drug pa'o// // yang bka' stsal pa// gsang ba'i bdag po nyin cig/ khong khro drang zad drag po'i 'bras bu yis// lha ma yin dang dpag bsam ljon pa rnams// 'thab rtsod bzhir gyur 'pham rgyal sna tshogs kyang // thig le chos min klong nas bde la yangs// 'thab rtsod rang grol thig le ye shes gsal// til gyi gang bu bzhin du ye nas par mtshams med// rig pa rang grol mtshan ma'i blo las 'das// ye shes khong gsal mtshan ma rang sar grol// thig le phyi nang med par ya mtshan che// srog gi se dar drag po'i spu gri 'bar ba de// tsan da log spyod can gyis bdag gsod gzhan sgo ltar// 'khor ba'i dras thag bcad nas gzhan bsgral te// mtshan ma rang sar sgrol bas gzhan yang bsgral// ces gsungs so// bskal ba dum bu'i rgyud las// lha ma
- 24a
yin ye nas rang grol ba'i le'u ste bdun pa'o// // yang bka' stsal pa// nyon cig gsang ba'i bdag po khyod// phrag dog drag po'i las kyi 'bras bu yis// lha yi gnas su 'bras bur 'khrul ba ni// 'dod khams gzugs khams gzugs med khams gsum mo// dbang po brgya byin thub pa'i sbrul sku de// lha yi ltung ba ma 'drongs thugs rje rdzun// thams cad 'drongs par ngas ma mthong ste de bas ltung ba mang // de yi thugs rje bden na thams cad 'drongs// 'ga' tsam 'drongs pa 'dra ba mkhar che stegs par 'gyur// thams cad 'drongs thub pa'i thugs rje rdzun// thug rje dbri bkol ye nas med pa phyogs rtogs tsam du rang gis bzung ba yin// thig le chos min klong nas 'gro drug yangs kyang yangs// rang rgyud 'dzin pa tsam la srid gsum dog kyang dog/ thig le chen po'i rigs la ye nas yangs kyang yangs// blo chung sman pa rnams la sems 'dzin tsam yang dog/ rang grol rang shar shes na srid gsum gdod nas dag/ sems 'dzin phra mo rtsom pa ni// sangs rgyas thugs rje phyogs med dog/ 'dzin pa ma 'gags sangs rgyas thugs rje yin// rol pa ma 'gags sangs rgyas rgyan du shar// snang ba ma 'gags snang srid thig ler bad la// khyab gad la klong na ye shes yangs kyang yangs// rgya ma chad cing phyogs su ma
- 24b
lhultung bas// sangs rgyas thugs rje dmyal ba'i tsher lhang nas// 'dod 'jo'i ba la dbye ba ye nas med// thun du bcug la sgom du ye nas med// 'dzin pa mi 'gegs thugs rje yin// thugs rje 'gegs na ye shes rgyud gcod dam// rang la rtsal du rang byung 'gag par gsungs// dbyer med sgrub tu gnyis snang kha ru 'chor// sangs rgyas yid smon byed na ye nas rang chas rdzun// ces gsungs so// bskal ba dum bu 'bar ba'i rgyud las// 'gro drug rang sar grol ba'i le'u ste brgyad pa'o// // de nas yang bcom ldan 'das kyis// gsang ba'i bdag po la bka' stsal pa// kye gsang ba'i bdag po nyon cig/ snang ba'i gdams pa bstan gyis zhes gsungs te// nyid kyis bka' stsal du gsol ces zhus pas// bka' stsal pa// 'gro ba rigs drug mu stegs rtag chad dang // theg pa rim brgyad dag la 'jig rten pa'o// snang ba bsdus pa rnam pa bzhi yin te// 'gro ba rigs drug dag gi snang ba ni// thugs rje sku gsum sprul pa'i rang snang la// log par mthong bas ngan 'gro bde 'gro yi// snang ba drug tu phye yang rang snang rnam dag chos sku yi// byin brlabs dbri bkol med par ma shes na// 'gro drug rang grol 'ong ba'i dus mi mchi// mu stegs rtag chad lta ba'i snang ba de// rang snang dbyer med ma shar na// rtag chad snang ba log nas 'khor bar
- 25a
'khyam// kun brtags rim dgu'i snang ba so sor 'byed// blo chung snang ba phyogs med ma rtogs na// yang dag rang sar grol ba'i dus mi mchi// kun brtags lha yi snang ba sgyu ma tsam// sgyu ma rang grol rang shar ma shes na// bde chen rang snang dag pa'i dus mi mchi// gsang ba'i bdag po nyon cig/ 'gyu ba phyogs med yi ge 'bri ba la// klog mkhan ma byed mkhyen pa sbyangs// rang snang gdangs shog gsal ba la// 'gyu ba'i yi ge 'bur du bkod pa 'di// rdo rje sems dpa' khyod kyis kyang bshig par dka' 'o// don 'gyur ba med pa'i rang snang la// shes rab rtsal gyis gzo byas snang ba de// nga kun tu bzang pos rnyed par dka'// dus gsum 'gyur ba med pa'i ye shes de// rang rig blo bu rkun mas khyer ba ni// phya he les spyad gting yang mi rnyed do// rtag tu 'grogs pa'i rang rig de// dpral chung gi chu bo'i rba la g.yengs pa mtshor na// rtag tu lta sgom byas kyang slu ste mchi'o// rigs kyi bu nyon cig/ go bar dka' ba'i tshig don de// zab mo'i sgra ru brjod pas bcas// phyogs su lhung zhing rgya yang chad// dbri bkol med pa'i ye shes la// lha sgom spyod pa'i lhad kyis bslad// shes bya gshis kyi 'dug tshul la// phyogs re tsam la rten byas nas// ye shes skyes so zer ba rgod re bro// skyes pa 'gag pas ye shes 'dus byas la// rang
- 25b
snang khyab gad la phyogs lhung med pa la// nyams myong shar ro zer ba rgod re bro// shar ba nub pas nyams myong 'dus byas thal// gnyen po sgoms pas 'bras bu thob cer zer ba de// gnyen po zug med 'bras bu 'dus byas 'gyur// rgyu 'bras ro mnyam ye shes chos kyi sku// rtog spyod yul las 'das pa'i dgongs pa ni// kun tu bzang po'i dgongs pa ste// rang snang ye shes 'ba' zhig go// zhes gsungs so// bskal ba dum bu'i rgyud las// snang ba thams cad rang snang du bstan pa'i le'u ste dgu pa'o// // de nas gsang ba'i bdag pos zhus pa// snang 'dzin gnyis la ngo spyad bstan du gsol// zhes zhus pas// thig le yangs pa'i klong nyid nas bka' stsal pa// thun mong ma yin pa yi chos 'di ni// brgyud pa'i brda de dag gis mtshon pa ni// snang ba'i brda ni rnam pa bzhi// rang snang rang grol gsal ba'i me long bas kyang gsal ba 'di// 'dzin pa so sor mthong ba 'di// ji lta bur kyang snang ba 'di// ma nges kha dog dkar dmar gyis// bar ma do la snang ba 'gyur// snang 'dod rtsol ba'i nad kyis 'dzin// snang ba 'gyur bas lus sems 'gyur// rang snang log pa'i ngo sprod 'di// da lta chos thob snang ba'i zhags pa la// 'dzin pa'i rtod phur mchod kyis// gnas lugs khyab gdal chen po la/ khungs 'byin pa ni phung bar mchi'o// sgom pa 'byams
- 26a
dang ltengs pa dang // gug pa dang ni rmugs dang 'phro// 'gyu ba yig nag ma lhogs na// bar ma do ru yi ge 'dri// 'dri mkhan btson du ma gzung na// ji tsam sgoms kyang sdug bsngal rgyu// 'byams lteng gug par byed pa ni// gang du mi 'chor yi ge ltos// rmugs dang 'phro ba sgom pa ni// blo chung kun gyi thun sgom yin// zhen pa cher gyis rang mthong che bar gyis// rmugs na gsal la 'phro na skye// zhes gsungs so// bskal ba dum bu'i rgyud las// 'gro drug gi snang ba log la rang snang gi rgyas btab pa dang // 'dzin pa rang grol du btang ba'i le'u ste bcu pa'o// // de nas yang bka' stsal pa// snang ba'i brda la ngo sprod de// 'gyu ba'i snang ba sna tshogs las// ma byas pa yi 'bras bu la// ma byas pa'i dgongs pa ston te// mi 'gyur ba yi don ston no// de yang dpe ngo sprod kyis don mtshon te// thog ma man shel zhir bzhag nas// chos lnga dag dang ldan pa ni// gsal ba stong pa thogs pa med// 'gag med mi 'gyur ba dang lnga// chos men rgyu rkyen med pa yis// gnyen po gang gis mi choms te// sangs rgyas ma byas sems can gyis ma bcos// byed pas ma byas ye nas lhun grub la// rgyud la ma byung lung gis kyang ma mtshon// man ngag gtan la ma phab rigs lngas lung ma bstan// dngos po'i gnas lugs shes bya'i gshis
- 26b
su grub// de ni rtags yin don ni 'di lta ste// rig pa chos men ye shes rgyu rkyen med// byed pas ma byas ye nas lhun gyis grub// dpe dang ldan pa'i rtags rnams ye nas yin// yin par shes pas sangs rgyas thob du med// de phyir 'bras bu ye nas rang grol yin// blo dngos shan 'byed ye shes zang ma yin// blo dngos shan ma phyed na 'khor ba zang kha brgyud// rang snang thig le yin par ma shes na// snang ba stong sgom byas pas skye mched mu bzhi las// nam mkha' mtha' yas skye mched lha ru gol// 'gyur ba rig pa'i rtsal du ma shes na// 'gyu ba rkyang sgom byas pa'i 'bras bu ni// ci yang med pa'i skye mched gol ba yin// ces gsungs so// bskal ba dum bu'i rgyud las// blo dngos shan 'byed kyi le'u ste bcu gcig pa'o// // de nas yang bka' stsal pa// dngos po'i rtags su rtags kyi yi ge byung // rang byung snang srid gsal ba'i me long 'di// mtshon gang tsam las ma rtogs pa// de man zla yang chu bur blo yi chos// blo dngos bar na snang ba 'gag med 'char// ngo bo thig le chos men ye shes de// rgyu rkyen la sogs de dag gong dang 'dra// de yang rtags yin don du 'brel bas na// rtsa yi rgyal po shel gyi sbu gu can// tshe rabs thog ma med pa nas// tshe lha'i rten dang gzhi ma byed// de nang 'od kyi sgron ma lnga/ mu tig tshar la brgyus pa
- 27a
'dra ba de// tshe yi rta ni 'gyur ba yin// snying nas longs spyod 'khor lo 'brel ba yin// de nas 'jungs pa'i nang du song nas ni// bde chen gzhal yas khang na ka ba btsugs pa 'dra// gdung ma lta bur mdzod bu'i bu gar byung // sus kyang mi khegs rang byung rtags su gsal// rmi lam grong khyer rnam shes grong kha yin// dus gsum nyid kyi gdams ngag shin tu gces// bar ma do ru gdon mi za ste dpa' bopo yin// ka ba'i mgo la nyi zla gnyis yod pa// bde gsal stong pa'i skar khung nang du ni// gser gyi spangs pa lta bu ni dbugs med pa// ye shes 'gag pa med pa'i rtags yin te// rab kyi gsang lam yin par shes par bya// gzhung pa mgo nas rtsa yi ba zag tsam// gnyis su gyes te mthil gyi me long gnyis su shar// shes rab 'gag pa med pa'i me long yin// phar la lha mi dgos te rang la bltas pas chog/ gsal bzang thal 'di la lta shes na// 'bring dang tha ma'i gsang sgo yin par shes// gdung ma la yang mgo bo bsnol mar byung // mnar med skye ba bdud sgo dag nas 'byung // de yang rtsa yi rten gyi gsang lam yin// srog gcod bdud po legs na med de rang chas gnas// 'chi ba'i srog rten bya ba de na yod// de ni 'chi 'bras drag tu rlan pas 'chad// de chad bdud du byung bas na// 'chi bdag bdud du byung ba
- 27b
yin te// gsod byed gzhan na med// mdzod pu'i thugs rje 'gag med rang shar las// bdag 'dzin med dang gnyis snang med// phyogs lhung med pa'i shes rab chen po yis// dus gsum gcig tu bstan pa ni// dbang po rab mgo gsang ba yin par shes// lam ni rtags kyi gsang lam rtsa yi nang // don gyi gsang lam 'gyu ba'i yig nag yin// zhen pa'i sgom pa chags sdang kha ru shor// sems dang 'gyur ba yin/ pas blo dngos 'brel pa med// dbugs med zang thal thogs pa med pa yin// thams cad kun la 'jug pas gsang lam chen po// don gyi gsang sgo dbye ba dang // rtags kyi gsang sgo mtshon pa dang // nges pa'i gsang sgo rnyed pa ni// rgyal po rgyal sa bzung ba 'dra// 'gyu ba'i yi ge lta shes na// rus sbal 'khar gzhong bcug pa 'dra// 'gyu ba'i yi ge klog shes na// dbul pos rin chen gter rnyed 'dra// 'gyu ba'i log rtog sel ba na// yid bzhin nor bu rnyed pa 'dra// 'gyu ba ma shes sems sgom rtsom// rta rgyags sgrog tu bcug pa 'dra// zhes gsungs so// bskal pa dum bu'i rgyud las// ngo sprod brjod pa'i le'u ste bcu gnyis pa'o// // de nas yang bka' stsal pa// rtsa la rtsa rgyud rnam gnyis te// stod kyi rtsa dang smad kyi rtsa// rnam pa gnyis su shes par bya// smad kyi rtsa rnams thams cad kyang // srog pa rtsa ru 'dus pa ste// dbugs
- 28a
med rgyu ste gti mug rtsa// lte ba sprul pa'i 'khor lo la// drug cu rtsa bzhir gyes pa yang // dbus na gti mug 'byed med rtsa// zhe sdang 'dod chags mtha' rten can// g.yas kyi phyogs nas zhe sdang rtsa// sum cu rtsa gnyis rgyu ba'o// g.yon gyi phyogs nas 'dod chags rtsa// sum cu rtsa gnyis rgyu ba nas// drug cu rtsa bzhir bshad pa yin// de gsum gtso bo d+hU ti yin// srog pa rtsa yi nang du ni// dbugs med 'gyu ba'i rtag po byed// rtsa rnams thams cad 'phar ba yang // dbugs med rgyu ba 'phar ba yin// gsang ba'i gnas na rtsa gnas pa// 'dod chags zhe sdang rtsa rta phol// bde ba stong pa'i mi pho zhon// nyams la chags na rta dang bral// 'phye bo rta dang bral ba yis// rta yi zhen pa 'dud pa grol// ces gsungs so// bskal pa dum bu'i rgyud las// smad kyi rtsa rgyud mdor bstan pa'i le'u ste bcu gsum pa'o// // de nas nga bka' stsal pa// gsang ba'i bdag po legs par nyon cig/ stod kyi rtsa rgyud bshad par bya// stod kyi rtsa rnams thams cad kyang // shes rab 'gag pa med pa'i rtsa// rtsa yi rgyal po shel gyi sbu gu can// shes rab 'gag pa med pa'i rtsa// snying nas gyen du 'brel ba yang // thams cad 'gag med shes rab rnam gsum rtsa// g.yas na myur ba'i rtsa gnas te// g.yon na thogs pa med pa'i rtsa// dbus na zab pa'i rtsa
- 28b
gnas te// 'gyur ba 'gag med thogs med rtsa// bsnol mar 'gro 'ong 'phel 'grib byed pa yi// rus sbal 'khar gzhong bcug gi gdams ngag mang shes na// rtag tu sgoms kyang bde ba'i nad kyis 'dzin// mgrin pa longs spyod rtsa la rnam pa bcu drug yod// 'od gsal zung 'jug gnyis med gsum du 'dus// spyi bo bde ba chen po'i rtsa ni sum cu so gnyis te// de yang 'od gsal zung 'jug gnyis med gsum du 'dus// zhes gsungs so// bskal pa dum bu'i rgyud las// stod kyi rtsa rnams 'dus pa'i le'u ste bcu bzhi pa'o// // de nas yang bka' stsal pa// rang snang rang rgyud bsam gyis mi khyab ste// gzhi la lhun grub rtsa yi gnad gcod pa// thogs pa med pa'i snang ba rgyas pa yin// thig le'i snang ba bsam gyis mi khyab ste// rang gsal yan lag 'gag med rgyas pa yin// rlung gi snang ba bsam gyis mi khyab ste// 'gag med rang snang yan lag g.yos pa yis// lam gyi dus su rtsa rgyud thig le rlung // stod rgyud smad rgyud gnyis su phye ba tsam// 'bras bu'i dus su sku gsum lhun gyis grub// rang grol zhen 'dod med pa 'di rang yin// ces gsungs so// bskal pa dum bu'i rgyud las// gzhi lam 'bras bu lhun grub kyi le'u ste bco lnga pa'o// // de nas gsang ba'i bdag po de stan las langs te// phyag btsal te bskor
- 29a
ba byas nas// mdun drang por 'khod pa dang // kye bcom ldan 'das bdag mkha' 'gro ma rnams la bka' stsal pa'i// rgyud 'di la ji ltar gdags par bgyi// zhes zhus pas// thams cad dum bur ston pas na// bskal pa dum bu'i rgyud du zung // dum bu ye shes rab 'bar bas// dum bu 'bar ba'i rgyud du zung // ngo sprod dngos su 'byin pas// thig le rjen ston rgyud du zung // zhes bka' stsal pa// gsang ba'i bdag po rjes su yi rang ngo // rgyud kyi rgyal po bskal pa dum bu 'bar ba'i rgyud// mkha' 'gro ma'i lag nas byung ba rdzogs so// // @#// rgya gar skad du// rad na bi sha tig sna tan tra// bod skad du// rin po che sna tshogs ral gri'i rgyud// bcom ldan 'das lhun gyis grub pa'i rgyal po la phyag 'tshal lo// 'byung ba rtsa ba ston pa'i dus dag tu// 'og min yangs la snang ba'i gnas dag tu// ston pa'i ston pa kun tu bzang po des// sdud pa po rdo rje sems dpa'i 'khor rnams la// bya ba las kyi rim pa 'di bshad do// yan lag rtsal gyis snang ba'i dngos po la// rgyud dang 'bras bu tha da 'dod pa la// dge sdig las kyi 'bras bu so sor byed// gnyis med gnyis kyi dngos po so sor bshad// gleng gzhi'i le'u ste dang po'o// // ston pa'i ston pa kun tu bzang po la// sdud pa'i gsang
- 29b
bdag rdo rje sems dpas su// rtsal grub pa yi gnas 'di gang du bshad/ 1/ rtsal gyi maN+Dal gang la ji ltar dbul// rtsal gyi maN+Dal tshad de ji tsam bya/ 8/ rtsal gyi maN+Dal rgyan ni ci yis bya// rtsal gyi maN+Dal phul ba'i dgongs pa gang // ston pa'i ston pa kun tu bzang po des// rtsi shing nag tshal me tog brgyan pa'i gnas// nyams dga' yid 'ong dben pa'i gnas de ru// 'tshogs pa'i yid 'ongs bsags pa'i pho nya dang // 'phrul pa'i lha mchod lha yi rdzas rnams dang // 'bol ba'i stan la 'dus nyid legs 'dug ste/ 1srog chags med pa'i sa gzhi snum pa la// ba yis rnam lngas legs par rab brdzis la/ kha dog nag po khru gang tshad du bya// zlum zhing mtho ba gra zur med par bya/ cha mnyam yid 'ong mdzes pa'i maN+Dal la// sman lnga spos lnga snying po rnam lnga yis// rin chen lnga dang legs par byugs byas la// gser dngul me tog rin chen rnam lnga 'am// chu dang zang skyes mdzes pa'i me tog kun// chos sku spros bral de la dbul ba'i phyir// tshom bu lnga ru legs par mnyam la dgod// ye shes lnga yi ngo bor sbrul la dbul// sangs rgyas dkon mchog sngags 'dis dbul bar bya// na mo b+hud+ha ya maN+Dal pu dza sa ma ye hUM// mdzes pa'i me tog rim pa dgur bkod do// theg pa'i grangs dang rim par sbyar byas la// bstan pa'i
- 30a
chos rnams kun la dbul// na mo d+harmA ya maN+Dal pu dza badz+ra sa ma ye hUM// me tog tshom bu gsum byas la// dge 'dun bden pa rnams la dbul// na mo sang g+hA ya maN+Dal pU dza sa ma ye hUM// dmaN+Dal phul ba'i dgos pa 'di 'byung ste// maN+Dal rnam gsum rim gyis phul ba yis// sgrib pa rnam gsum rim gyis 'byang bar 'ong// pha rol phyin drug dbang du rdzogs pa'o// sa dang lam nye myur du thob par 'gyur// dkon mchog gsum gyi rtsal 'di spyad pas// sku gsum dbyer med chos sku don rtogs 'gyur// rtsal snang maN+Dal bya zhing dbul ba'i le'u ste gnyis pa'o// // ston pa'i ston pa kun tu bzang po la// sdud pa'i gsang bdag rdo rje sems dpas su// yan lag rtsal du snang ba'i chos rnams la/ sems nyid gzung ba'i thabs ni du zhig mchis/ sems nyid bzhag pa'i thabs ni du zhig mchis/ sems de zin 'i tshad ni ji lta bu/ ston pa'i ston pa kun tu bzang po de// sems nyid gzung pa'i thabs ni 'di gsum ste// dang po sems kyi zhi la phar brtsal bas// sems de cir yang grub pa med par shes// grub med nga la rtag tu gnas par bya// sgrub pa med pa'i sems nyid de// phyi rol yul la phar ltas pas// yul de dngos po stong par shes// stong dang la gnas par bya// stong pa'i rig pa chen po des// phyi nang
- 30b
kun gyi chos rnams la// dngos zhan dngos rtogs mi skye na// dngos bral dang la gnas par bya'o// sems nyid gzhag pa'i thabs gsum ste// dngos med mkha' la gzhag pa dang // rig med sems la gzhag pa dang // spros bral yul la gzhag pa'o// zin pa'i tshad ni rnam gsum ste// tshogs brgyad yul la bltas tsam na// yul la mi 'jug zin pa yin// tshogs brgyad nang du bsdus tsam na// ming mi 'dogs na zin pa yin// tshogs brgyad rang sor gzhag tsam na// g.yos pa med na zin pa yin// sems su gzung ba'i thabs te gsum pa'o// // ston pa'i ston pa kun tu bzang po la// sdud pa'i gsang bdag rdo rje sems dpa' yis// yan lag rtsal snang 'khrul pa'i sems can la// rnam rtog che ba'i sgom pa ji lta bu// 'dod chags che ba'i sgom pa ji lta bu// zhe sdang che ba'i sgom pa ji lta bu// gti mug che ba'i sgom pa ji lta bu// nga rgyal che ba'i sgom pa ji lta bu// ston pa'i ston pa kun tu bzang po des// rnam rtog che ba'i sgom pa chen po ni// rnam rtog dbugs kyi rta la rten pa'i phyir// dbugs kyi rta la sems nyid par btang la// phyi ru spros yang mi gdag par bzhag/ nang du rngub kyang rtog pa mi skye'o// sems nyid stong pa dbugs kyang stong par sgom// 'dod chags ldan pa'i sgom pa chen po ni// 'dod chags yul las skyes pa'i phyir// yul
- 31a
grub// bdag gis las kyang 'di 'drar rnam par sgom// zhe sdang ldang ba'i sgom pa chen po ni// dang po zhe sdang kha yis bsgrubs// bar du 'dod chags ma yis bskyed// tha mar rang 'dus zhes sdang grub// zhe sdang rang mnyam rgyu las skyes// rang yang pha ma'i rtsis las grub// gzhan yang pha ma'i rtsog las grub// ngan pa'i yul las zhe sdang skye mi dgos// skye ba'i rgyu med nang du sgom pa'o// gti mug che ba'i sgom pa ni// chos nyid ma gsal shin tu bying ba la// lus kyang legs 'dug sems kyang gzengs bstod la// chos nyid nam mkha'i ngang la blo bzhag ste// yengs pa med pa'i sems kyis blta bar bya'o// nga rgyal che ba'i sgom pa'i gzhag thabs ni// nga rgyal rang gi yon tan brjod pa ste// yon tan ma yin rang gi sems kyang yin// sems de yon yan brjod kyang cir yang grub pa med// brjod pa'i sgra dag sems la 'brel ba med// 'bral med dang du rtag tu bsgom par bya'o// nyon mongs lnga sgom pa'i le'u ste bzhi pa'o// // ston pa'i ston pa kun tu bzang po la// sdud pa'i gsang bdag rdo rje sems dpas su// snang ba cher phrad sgom pa ji lta bu// snang ba rtag pa'i sgom pa gang lta bu// snang ba bsgyur ba'i sgom pa ji lta bu// snang ba 'dzin pa'i sgom pa ji lta bu// ston pa'i ston pa kun tu bzang pos su// dbang po drug gi yul du gyur pa
- 31b
la// sna tshogs snang yang ngos bzung med par bzhag/ sna tshogs grags kyang 'tshig pa med par zhi// sna tshogs sgom yang rtog pa med par bzhag/ sna tshogs myong yang brjod bya med par bzhag/ sna tshogs reg kyang zhen chags med par zhe na// sna tshogs rgyu yang mi dogs med par bzhag/ snang ba dngos po ci dang cir sang yang // de nyid ka na chos sku ngang du sgom// rig rtog shes pa ci dang ci rgyus kyang // de nyid ka nas ye shes ngang du sgom// snang ba rtags pa'i sgom pa chen po ni// 'khor dang mya ngan 'das pa'i chos kun yang // de rnams mtshan nyid stong pa'i rgyu yin te// stong pa'i ngang las mtshan nyid kun ma 'das// sku yi rgya mtsho/ chu yi phung po yang // thigs pa'i ngang las de kun yongs ma 'das// thigs pa de kun gcig tu grub pa med// gling bzhi ri rab sa yi dkyil 'khor yang // phra rab rdul gyi dngos po dag las grub// phra rab rdul gyi chos zhig na// rdul de dngos po gcig tu grub pa med// nang gi rig pa shes pa'i rnam pa yang // sna tshogs rig gi sna tshogs mi 'dogs kyang // dngos po 'di yin brtags na grub pa med// snang grags chos kyi dngos po thams cad kun// brtags na cir yang grub pa med par sgom// snang ba bsgyur ba'i sgom pa chen po ni// sna tshogs bskyed pa'i chos rnams thams cad kun// kun gzhi rnam shes g.yos pa med pa
- 32a
yin// g.yos pa med pa rtag tu sgom par bya// snang ba'i 'dzin pa sgom pas ni// sna yi rtse la sems phab ste// g.yos pa med par sgom par bya// yul du byas pa'i dmigs pa la// ming mi 'dogs par rang dgar sgom// sgo lnga rnam shes rang sor bzhag pa ste// rtog pa med na snang yang sgom pa yin// nam mkha' g.yos pa med pa la// rang sems g.yos pa med par bzhag/ snang ba sgom pa'i le'u ste lnga pa'o// // ston pa'i ston pa kun tu bzang po la// sdud pa'i gsang bdag rdo rje sems dpas su// rtsal gyi dngos po dag la grub pa'o// lus ngag yid gsum dul ba'i thabs ni gang // ston pa'i ston pa kun tu bzang po des// lus ni lha yi phyag rgya chen pos 'dul// rang nyid mos pa lha ru gsal ba la// phyag mtshan cha lugs lha bzhin du// dngos por ma grub 'od kyi tshul du sgom// 'gro 'dug spyod lam rnam bzhi'i dus su yang // g.yos pa med par lha yi ngang du sgom// ngag de byang chub sngags kyis dul bar bya// gsang sngags 'phro 'du gnyis med rig pa gzung // snang grags chos kyang byang chub sngags su shes// sngags kyi dbang phyug bden pa'i lam la mkhas// ngag gi bden pa 'gro ba 'dul ba'i mchog/ yid kyi rnam shes ming la mkhas pa de// ming med nam mkha'i ngang du dul bar bya// nam mkha'i ngo bo ming gi bden pa
- 32b
de// yid kyi rnam shes ming gi bden par sgom// lus ngag yid gsum ngang gis dul ba'i thabs// phyogs bcur mi 'gro lha yi phyag mtshan sgom// sna tshogs mi smra gsang sngags 'khor lo bzlas// sna tshogs mi bsam gnyis med rig pa sgom// de ltar byas na 'bras bu khams gsum spangs// sku gsum don byed bde ba'i zhing khams skye// lus ngag yid gsum 'dul ba'i le'u ste drug pa'o// // ston pa'i ston pa kun tu bzang po la// sdud pa'i gsang bdag rdo rje sems dpa' yis// rtsal las grub pa'i sems can ma lus la// dmigs med tshogs bsog bya ba ji lta bu// zas kyi rnal 'byor bya ba ji lta bu// ston pa'i ston pa kun tu bzang po des// yul med lha yi tshogs rnams bsag par ni// bde gshegs zhing khams ma lus thams cad la// dmigs pa med pa'i mchod pa chen por bsngo// shes rab thabs kyis zin pa'i mchod pa chen po'o// snang ba'i yul du byas pa'i sems can la// thugs rje phyogs ris med par shes byas la// gnyis med ngang gis phan pa'i don bya'o// lha yi rnal 'byor sgom pa'i rim pa ni// stong pa'i ngang las gsal ba'i lhar bskyed la// 'gro ba'i don bya kha dog cir yang gsal// yul du byas kyang g.yos pa med par sgom// rgyud kyi nyon mongs zhi na lha yi sku yin te// nyon mongs mi sku kha dog ci yang rung // rang
- 33a
sems ma bcos tshad ma ci yang rung // ma bcos ngang gis grub pa lha sgom mo// zas kyi rnal 'byor mchod sbyin bya ba ni// snying po med pa'i lha yi lus 'di la// ro dang ldan pa'i zas mchog 'di rnams la// ro la chags shing rgyags phyar mi bza' 'o// kheng grags dga' phyir mi 'gro'o// rang lus snying po med pa'i mchog yin te// bde gshegs kun gyi snying po mchog yin no// bde gshegs mchod bya rang gi zas bza' 'o// rang la gnas pa'i srin bu 'bum chags la// srin bu lus rgyas sbyin pa chen por bsam// zas de za yang rang bzhin med par bzhag/ tshogs gnyis bsag cing lha sgom zas kyi rnal 'byor gyi le'u ste bdun pa'o// // ston pa'i ston pa kun tu bzang po la// sdud pa'i gsang bdag rdo rje sems dpa' yis// rgyud 'di gang la ji ltar gtad pa yin// ston pa'i ston pa kun tu bzang po des// nyid las mi zhan sdud pa po la gtad// sdud pa'i gsang bdag rdo rje sems dpa' des// brgya byin lha yi bu la gtad// brgya byin lha yi bu des rgyud kyi rgyal po 'di// lha dang mkha' 'gro rnams la gtad// lha dang mkha' 'gro de rnams kyis// mchod pa'i rten du rab mthong ste// rin chen gser gyi glegs bam la// bai DUr+ya yi zhun mas bris// rang byung mchod rten de la gtad// gsang ba gnyis su med pa'i 'khor lo bskor
- 33b
te// rin po che ral gri'i rgyud gtad pa'i le'u ste brgyad pa'o// // rin po che sna tshogs ral gri'i rgyud rdzogs so// // @#// rin po che shes rab kyi rgyal po la phyag 'tshal lo// lnga phung yan lag thams cad ni// 'bru lnga bzhag pa'i byang chub ste// oM dang sku 'drar 'brel bas byang chub nyid las byung // spyi ni brjod pas thams cad ming tsam yin te a// a nyid mngon rdzogs rgyal po dbyings kyi ngang // skye 'jig nyid na yi ge a// de nyid byang chub sems yin te// mi dmigs byang chub mchog 'byung ba'i// gsum char lnga 'bar bcur 'byor pa'i// zad med rin chen gter yin te// mngon shes drug ldan mtshan gsol dpags// de nyid phung po rdzogs pa'i don// gnyis med ye shes byang chub sems// mi dmigs ye shes thig ler gsal// spros med ye shes nam mkha'i dbyings// 'gyur med ye shes rgyas pa la// rgyas 'debs chen po bdag nyid che// a ho phyogs bcu rgyal ba'i dkyil 'khor kun// des pa'i don bkrol bzhi bcu rtsa lngar gsungs// bsdus pa'i don du ye shes 'bru lngar gsungs// lnga po nyid kyang 'bru gsum nang du bsdus// gsum po nyid kyang yi ge ar 'dus te// a nyid ma skyes mngon rdzogs nyid la thim// dbyings nyid ye nas rin chen lus la gsal// rin chen lus nyid ye shes bcud la
- 34a
gnas// hUM ni bde chen thugs kyi dbyings// skye 'gag med pa'i g.yung drung dbyings// gang gis rtogs pa rin po che// rdo rje spu gri gnon po ste// gsang chen bde ba'i thig btab pas// ma gos lam zhes bgrod du med// de nyid dur khrod dpal chen te// thugs ni he chen dpal gyi ngo bor bstan// oM badz+ra shrI he ru ka hUM// dbyings dang mnyam pa'i tshogs la phyag 'tshal lo// a la spros shing bsdu ba ni/ gsang ba'i thig le nyid kyi dbyings// nam mkha'i dbyings nas sbyin byung ste// sa las 'bras bu sna tshogs smin// gcig pu'i ngang las bsam mi khyab// byin rlabs yon tan chen po 'byung // yon tan rin chen 'byung ldan che ho// gcig gi ngang las bsam mi khyab// dbyings las mi zhan yon tan thig le'i ngang // ye nas dbyings nyid che ba'i tshul// snang byed nyid la bya byed med par gnas// ye shes brdal khyab rin po che// phyi mar gar 'gro bstan pa ni// rnam shes sems kyi rgyal po la// ting 'dzin thugs la byin gyis brlabs// mi skyes sems kyi me long la// mi 'gog sku yi ngo bor gsal// skye 'gag med pa'i chos dbyings las// bde ba chen po'i 'od zer gsal// de yi ngang las nges pa'i don// mngon rdzogs rgyal po'i dbyings la rol// bde chen rgyal ba'i thugs la shar// rin chen sprul pa spros pas khams gsum
- 34b
dbyings la rol// chags med thugs la shar bas srid pa'i dpa' bo mdzad// rtsa brgyad lus la rdzogs pas dpag tsam sku yi brgyan// thig le dbyings la sbyor bas nyes pa'i skyon mi mnga'// shes rab mchog dang rnam bral ba// dug dang 'khor ba mthong ba yi// rang sems bslus pa'i sems can la// nam yang spel bar yong ma gsungs// rin po che 'od 'bar ba rdzogs so// bcom ldan 'das dpal mngon rdzogs rgyal po la phyag 'tshal lo// de la bdag gi rgyu ji lta bu zhe na// rgyu dang rkyen dang rten dang len// des ni mngon par yod ma yin// shes pa gsum la zhen pa yi// yul dang dwangs ma 'khor ba'i lam// nag po gsum dang mngon par gnas// nag po gsum gyis 'phen po yin// de la bdud kyi tha ma ni// dmar nag gdong la o shol dbyings// de ni blo rmugs snod yin te// shes pa gsum la snyom par 'gebs// de las gnas 'gyur mnyam pa nyid// shes pa gsum gi mtshan nyid ni// dbyibs dang kha dog la sogs te// rang gi gnas 'gyur sna tshogs pa// sdud kyis bsdus te bdud bzhi bsgral// gcig las gcig tu gzhu 'dul byas// rang rig lhums nas mngon par phyung // thugs kyi sras su bzhag pa yin// ye shes rang gsal chen po yin// dgyes nas bstod pa bgyis
- 35a
nas su// chos rnams gcig du 'dus pa'i don// mngon rdzogs rgyal pos bshad du gsol// zhes gsol ba dang // de nas bla med he ru ka yab yum gnyis pos// dgyes pa'i 'phro 'du mdzad pa dang // yab yum gnyis su med par gyur te// dgyes pa'i ye shes kyi mdangs kyis// thig le chen po la bzhengs te// chos thams cad kyi don gcig tu 'dus par rdo rje'i ljags brkyang ste bka' stsal pa// chos rnams thams cad cir bstan kyang // yang dag don ni gcig tu 'dus// lnga phung yan lag gcir bstan kyang // brgya phrag stong gi 'jig rten na/ khams gsum khyab pa'i ngang nyid na// srid pa'i 'jig rten rab 'byam na/ khams gsum he yi ngang nyid ni// srid pa'i khrag gi rang bzhin nyid// gling bzhi bskor ba'i 'dzam gling na// skye 'gro hUM gi ngang nyid de// 'khor ba'i lam lnga sgo bcad de// thabs la mkhas pa'i bye brag gis// theg pa'i rim pa bsam yas par// gnas dang gnas kyi khyad par yang // sa yi khyad par bcu dang gsum// gcig ces bya ba'i don rtogs na// ci byas cing spyad skyon med pas// srid pa bsgral yang sdig mi yod// de phyir gcig po spyad mi rigs// 'bru gsum gser gyi sgrom bu na// shes pa gsum gyi bcud bsdus rgyal po khyod// nyes pa'i skyon spangs mngon rdzogs rgyal po bzhugs// ye shes rab rdzogs so//
- 35b
dpal mngon rdzogs rgyal po la phyag 'tshal lo// mi gnas bde ba'i dkyil 'khor la// rtse la rgya gram 'phra bkod pas/ kha dog sna tshogs so sor gsal// thig le chen po mdor 'brel ba// gnas bzhi 'dzin pa'i sa bon las// phab pa'i 'od chen 'phro 'du yis// 'bur bzhi mdzes ldan rgyud bskul bas// bar gyi sa bon 'od la bsdu// de nas rig pa hUM las gzung // hUM nyid sa yi lam zhugs te// 'od kyis 'jig rten khengs par spros// mya ngan las 'das pa'i sgron ma rdzogs so// // @#// sde rgyud chen po bzhi yi gang la yang // gsang bar thugs kyi dgongs pa ste// dus phyis lus par gzigs nas ma bstan to// rgyud chen po bcu bdun yod par grags pa las phal cher snang ba ni// 'ga'i spyod yul tsam ste// bde byas sdug bsngal dbyings phyug b+ha ga la// dbyer med lhun rdzogs dbyings nyid che skyed pa// mi 'da' ye shes rin po che// bya ba med pas lhun rdzogs thig le che// thams cad ma 'gags dbyer med bdag gi rgyud// skye med dbyings las thams cad skyes// don dam nyid du sems dpa' chetshe// bsgrub tu med pas ye nas gnas// btsal du med pas mngon sum dbyings// smon du med pas rang la rdzogs// tha snyad med pas rnal 'byor bdag/ go 'phang chod pas kun gyi dbyings// las rnams spyad
- 36a
cing ci spyad kyang // thig le nyid pas spang du med// 'dod chags zhe sdang gti mug kyang // spang du med pas bdag gi rgyud// gti mug nyid pas bsam du med// rnam grangs nyid pas dbyings nyid klong // gzugs rnams med pas byang chub sku// thig le ye nas dam tshig gsang // dam tshig ming du btags pa med// 'chi ba med pas bdud rtsi dbyings// khyad par nyid las ye shes che// ri rab rtse la nyi ma stong shar bas// ye shes thugs kyi nyi ma shar ro// shar ba nyid na nub pa med// sgom pa nyid pas sgom du med// sgom pa dmigs su med pa'o// sgom pa gzhan nas chos mi rnyed// rdo rje rin chen 'bar ba ltar// thams cad kun kyang de bzhin no// 'gyur ba med pas bal nag bzhin// bsgyur du btub pas bal dkar bzhin// brtags na bal nag nyid kyi dbyings// lhun gyis gnas pas go 'phang chod// gdod nas dag pas pad ma bzhin// 'gyur ba med pas thig le bde// bya ba med pas thig le bde// dus gsum med pas thig le bde// btsal du med pas thig le bde// btsal bar 'dod pas dbyings mi bskyod// dra ba nyid pas mu khyud bde// thig le nyid pas thig phran bde// rtse rgyal rtogs na gnas chen bde// thogs med yongs su sbyangs pa'i b+ha ga la// dbyer med lhun rdzogs thig le dbyings nyid che// sku
- 36b
gsung thugs shar mu khyud dkyil// rnam par dag pas byang chub rgyu// 'gro ba'i lam che nam mkha' dbyings nyid// thig le ye nas rdo rje dbyings// thig le nyid pas 'du 'bral med// de bas thig le bdal ba'i dbyings// bdal ba nyid na nub pa med// byang chub sems klong yangs pa'i dkyil 'khor rdzogs so// // @#// rgya gar skad du/ a ra li dri ku sha na hi tan tra na ma// bod skad du// a ra li rnyog pa med pa'i rgyud ces bya ba// dpal rdo rje 'dzin pa nyid la phyag 'tshal lo// 'di skad bshad pa'i dus gcig na// rang byung rig pa'i rgyal po nyid// sangs rgyas kun gyi bdag nyid de// zab mo rnyog pa med pa'i sku/ lhun gyi grub pa'i ngo bo nyid// rig pa lhun grub gzhal yas khang // dpag med rgyal ba'i gnas chen na// rang bzhin rnyog pa yod med kyis// rgyal ba kun dang lhan cig bzhugs// de nas rig pa'i rgyal po nyid// rnam dag bde chen kun bsgral phyir// kun 'dus rang rig rnam par dag/ zab mo rdzogs lung gnyis su med// ji snyed chos kyi rnam grangs kyi// snying po gcig tu rdzogs pa'i lung // rin chen chu zla ji bzhin ltar// a ra li ste bdag nyid che// rdzogs pa mkha' la 'gro ba'i mchog/ rnyog pa kun bral ye shes lung // sgo dang skur pa rnam par gcod// dri med nam mkha'i rang
- 37a
bzhin ltar// gsal la dmigs 'jug spangs pa'o// 'jig rten log pa'i bsam gtan pa// kun kyang drangs ma'i blo dang bral// ma bcos rdzogs pa'i rang bzhin las// dung las ser por 'dzin pa ltar// rnyog pa gsum gyis rnyogs pa las// rang gsal rnyogs pa'i 'dam du bying // rdzogs pa'i don la gnyis med na// brnyogs pa'i blo yis gnyis su phye// rnyogs pas rnyogs par long btags pas// 'khor ba thog mtha' med par gnas// kun kyang rnyog med chos kyi dbyings// dri med gsal ba'i bde chen po// rang rig ma bcos bsam mi khyab// dngas ma'i chu ltar rang bzhin gnas// chu de rnyog pa'i rang bzhin nam// rnyog pa chu yi rang bzhin nam// tha dad yin nam ma yin cha// rtogs pa'i ngo la chu rnyog cing // ye shes rtogs pa'i rnal 'byor la// de nyid de yi rang bzhin te// mi mkhas blo la tha dad snang // rtogs pa'i blo la gnyis su med// rten med bde chen chags mchog nyid// rgyas btab ye rdzogs brten par gnas// mi mkhas rten bcas bde mchog la// dang po de ltar goms nas ni// phyi nas rdzogs pa nyid du 'gyur// stong dang bde chen gnyis med pas// skal ldan rgyal sras thugs la btab// 'da' med mi g.yo brtan par gnas// sku gsung rdzogs pa'i don med na// rtsol sgrub dka' thub thabs chen
- 37b
gyis// re dogs mtshan ma'i 'byung 'jug gis// sku gsung lhun rdzogs don dang 'gal// bde chen longs spyod don bral na// btang snyoms dbu mar don gol nas// ye shes longs spyod mi myong zhing // bde ba chen po srog dang bral// stong chen mi gnas rgya med na// rjes chags 'jig rten nyid du 'gyur// stong gsum bral ba'i thabs med na// rtag chad dbu ma'i mtha' mi sel// bde chen rang rig mi rtog pa// mi rtsol g.yo med ci dgar gnas// lus ngag sems kyi bya ba kun// drangs ma'i chu ltar ma rnyogs gsal// rdzogs pa'i ye shes klong du thim// lhun gyis grub pa'i don la 'jug/ thams cad rang sems gnyis med na// rnyog pa'i dri ma kun gyis stong // rang bzhin dag pa'i sems nyid la// sgom pa slad phyir sgom mi bya// thabs las byung yang gzhan min pas// gzhan gyis bsal yang rang la rdzogs// ma rnyogs dang ma'i brnyan ma ltar// gsal yang 'du shes kun dang bral// bde chen nyams myong rjes su dpags// nam mkha'i khams dang rab mnyam pa'i// bde ba mchog gi don la zhugs// bde chen rig pa'i rgyas thebs na// rtog pa'i zug rngu g.yo mi 'gyur// rang rig rang byung gsang ba'i nyams// gsal bar shes shing rig pas go/ rgyu ba med de mngon par rtogs// snang srid ye shes rang gsal bas// ji bzhin rig pa'i ngo bo
- 38a
gsal// a ra li rnyog pa med pa'i rgyud las// bde ba chen po dang phun sum tshogs pa'i le'u ste dang po'o// de nas rang byung rgyal po des// ji bzhin don la mngon 'jug pa// rang rig gsal ba'i nyams// ye shes gsal ba bsam mi khyab// ma bcos thabs la brten pa yis// rnal ma'i don la sbyor bar nus// dngos la thams cad gcig pa dang // rol pa'i don la blang dor med// rtogs pa'i don la gcig pa'i phyir// gang mtshon thabs kun de nyid yin// rtogs pa'i don la zhen pa dang // phyogs 'dzin chos la zhen pa dang // dngos 'dzin stug po'i zhen pa yis// dngos po'i rnyog par 'dod pa yis// yod pa'i chos ldogs gzhig pa yis// stong zhes gang dmigs med par zhe na// mtha' 'di dngos med rnyog pa nyid// bde chen don dang bral ba yis// stong snang gnyis med nyams myong 'phra// zhen dang 'du shes mi gnas pa// btang snyoms dbu ma'i rnyog pa yin// 'di ldan ting 'dzin ma rabs sems// bral bas rig pa gtar dang ldan// rtag dang chad dang mi gnas dang // drang srong ltung dang 'du shes med// ma rabs tha mal 'du shes yin// bde ba chen po'i lus nyid dang // stong pa chen po'i lus nyid dang // rang rig ye shes chen po lus// gcig la rdzogs so khyad par che// dang po de la gnyis med
- 38b
na// zhen 'dzin zer zug nyid du lta// bems po ye shes rig med pas// de nyid myong med nyid du 'gyur// gnyis la gnyis med chad pa dang // ye shes med pas nam mkha' nyid// bden bral btang snyoms nyid du 'gyur// 'di yang log pa'i shes pa yin// gsum la gnyis pa'i chos med na// rnal 'byor spyod par ltung ba dang // yang dag nyid du grub pa dang // bde chen bral ba'i sangs rgyas nyid// longs spyod med pas btang snyoms 'gyur// bde chen rig pa'i ngo bo la// lus gsum dus gcig rdzogs pas na// 'bras bu ma btsal lhun gyis rdzogs// drangs pa'i dus dang snyigs pa'i dus// 'phra men ngos 'dzin man ngag bstan// rten dang bcas rung ma bcas rung // thams cad snying por thim pa'i phyir// bde mchog byang chub sems kyis so// bde chen rig pa'i klong du 'khyil// rten pa las kyi rlung zin na// gnyis med rig pa 'char bar 'gyur// ma rtogs bsam pa tha dad kyang // 'di yang rang rig ye shes yin// bskyod pa rlung gi phyag rgya yis// rin chen phung po rtsi bskyod pa// bcos mar ngos bstan rnal 'byor nyid// ma bcos gsang ba'i rang bzhin yin// phyag rgya chen po spangs rgyud sbyor// bde chen klungs su zhugs pa nyid// rtse nas rtse ru shar ba'i 'od// nam mkha' khyab pa'i 'od du 'bar// 'di dag sman pa'i sbyor ba yis// dman
- 39a
pa nyid du sbyor ba yin// dman pa dam pa sbyor ba'i lung // ngo mtshar ma mtshan thabs chen yin// gang yang phyogs kyi zhen pa yis// thabs kyi sems dang thabs kyi rim// bcings pa mthar 'dod bcings pa ltar// ched du byas pa'i rnyog pas bsgribs// rang gsal rol pa'i sems med na// bag la nyal ba'i zhen pa yis// mngon par mi rgyu 'phra bar gnas// rtog med rang bzhin rnyog pa yin// gang du'ang mi 'dzin dbu ma'ang spangs// ro med bde sdug myong tshor med// mi gsal mi gnas rgyu bral ba// btang snyoms rnyog pa nyid du 'dod// rnyog pa kun bral ye shes ni// ma spangs kun bral rdzogs pa yin// ji bzhin rig pa'i phyag rgyar sbyor// a ra li rnyog pa med pa'i rgyud las// rnyog pas brnyogs pa'i le'u ste gnyis pa'o// // de nas rang byung rgyal po nyid// rig pa gsal bar glod pa'i sems// ma bcings ma grol dngas ma'i yid// bde chen phyag rgya btab ste gnas// dngas pa'i chu la rkyen ldan na// de bral bar du 'khrigs pa yin// ma brnyogs bzhag na dngas pa yin// de bzhin rin chen rdzogs pa'i sems// lus ngag sems kyis gang btsal ba// brnyogs pas drangs pa'i blo dang bral// bde chen rang rig mi g.yo ba// ma btsal rang bzhag 'byung bar 'gyur// dang po ma bcos don ldan pas// ma btsal gyi
- 39b
nar bzhag pa yin// thams cad ye shes gsal ba'i tshe// bzhed du byas pa'i zhi ba yin// rol pa snang la mi g.yo ba// ngos gzung ma yin phyogs rigs med// thams cad ma 'dres mkhyen pa'i tshe// rang bzhin rnyog pa'i zhi ba yin// bde ba chen po gnyis med pa// rang rig ye shes gcig tu 'brel// bar ma'i sems de bstan du med// btang snyoms rnyog pa sel ba yin// rang rig ye shes sku gsung rdzogs// rtog med ma bcos chos kyi sku// bde chen nyams myong longs spyod rdzogs// ye shes rol pa sbrul sku yin// rang rig bde chen phyag rgya yis// btab pa med par lhun gyis rdzogs// ji ltar gnyis snang 'dzin pa'i yid// ye shes gcig tu rang snang ba// dri ma dus gcig chad pa yin// tho rangs thun mtha' dang po'i tshe// cha mnyam rnyog pa kun gsal te// lus gsum ldan par rdzogs pa yis// ma btsal ma rnyog chu bzhin du// ma bcos bde chen dran par bzhag/ mtshan ma'i 'du shes gang byung ba// ye shes rdzogs pa nyid du lta// yengs pa med pa'i rab zhi ba// rtsol ba'i dri ma rnam par dag/ rin chen gsal ba'i 'od kyis khyab// rang rig ye shes 'od gsal gyis// ma lus ye shes snying por gsal// rnyog pa med pa'i dus nyid dang // ma btsal lhan gyis grub pa'i dus// rol pa phyogs med shar ba'i dus// nges par rtags de zin par
- 40a
bya// dang po glen pa'i spyod pa bya// de nas bag yangs rgyal po ltar// smyon pa'i spyod pa gza' gtad med// rang byung thabs kyi spyod pa yis// dang po'i dus su sbyor bar bya// rnyog pa'i dus su spyod lam nyid// 'phra men rigs byed nges pa bstan// 'di ltar rjes su gsung ba yin// ma btsal ba dang ma yengs pa// mi 'jug pa nyid gces pa yin// mi bden gang dgar bzhag pa'i sems// ma byas rang bzhin rdzogs par ldan// dus mtha'i cha la mngon par rtogs// a ni ma skyes chos kun stong // ra ni chags pa bde mchog sems// li ni rang rig ye shes nyid// gcig la gsum rdzogs lhun gyis grub// ngo mtshar chos sku a ra li// rnyogs med ye shes drangs ma'i yid// nyi ma'i dkyil ltar gnas pa yi// thabs kyis bstan pas sems kyis rtogs// skal ldan cig gi don du gsungs// a ra li rnyog pa med pa'i rgyud las// ye shes ngos bzung ba dang rnyog pa sel ba'i le'u ste gsum pa'o// // de nas rig pa'i rgyal po nyid// ma bcos rdzogs chen rang bzhin nyid// chos rnams 'dus pa'i snying po yin// rin chen 'phrul gyi khyad par gyis// gcig don rtogs pas kun don rtogs// bde chen rol pa nyid du shar// rin chen 'phrul gyi lde mig gis// brtag pa'i zhen pa rnam par bzlog/ brjod pa'i tshig gi dang po la// chos
- 40b
rnams byang chub sems su bsgyur// tha mal zhen pa dag par byas// sems nyid rdzogs pa'i thig ler brtag/ brjod pa sgra tshig bar gyi brdas// brjod bral yul med phyag rgya yis// sgro skur bsam pa kun bcad pa'i// sems nyid chos nyid don du bsgyur// brjod pa'i tshig sgra tha ma'i brdas// thun mong chos nyid zhen bcad nas// rtag stong bde mchog phyag rgyas btab// chos nyid bde ba chen por sprad// dkyil 'khor gsum la 'jug pa yi// skad cig gsum ldan gang zag gis// dus gcig phrad pa'i don gyi lam// ma yengs rnyog med chos nyid klong // mtha' thug med par rang bzhin gzhan// snying po rang byung rdzogs pa la// ma lus ye shes rdzogs par mthong // dri med rang byung a ra li// snying po rdzogs pa'i nam mkhar gcig/ nam mkhar 'gro ba'i ye shes nyid// a ra li zhes grags pa ste// bsgribs pa med cing rnyog pa med// nam mkha'i dri med lta bur gzung // rtog spyod zhi bas nam mkha'i lam// dri med sems kyi nam mkha' la// bde chen rig pas khyad par 'phags// rdzogs dang khyab dang stong gnas dang // bsam med bsam mi khyab sbyor ba// rdzogs pa dri med snying po la// rnyog pa'i dri ma rang bzhin dag/ rang gsal yul la mi rtog pas// rang rig snying po nyi ma shar// phyogs ris med pa'i ye shes 'od// rang bzhin kun tu
- 41a
khyab par 'char// ma skyes phyag rgya chen po yis// rgyal ba'i dgongs pa rdzogs par ston// rnyog pa'i dri ma gang snang ba// ye shes dag pa'i mig gis lta// ma bcos rdzogs pa'i phyag rgya yis// snang ba ye shes snying po bstim// rol pa rol snang phyogs ris med// ston ka'i nam mkha' ji bzhin du// dri med gsal ba'i bsam gtan bya// rang sems rdzogs pa gnyis med la// ma yengs gom par gnas pa yin// a ra li rnyog pa med pa'i rgyud las// bsgyur ba gsum bstan pa'i le'u ste bzhi pa'o// // de nas rang byung rgyal po nyid// bsam gyis mi khyab chos kyi dbyings// phyag rgya chen po'i dgongs pa bstan// gnyis med gsang ba rang gi ro// bsam brjod bral ba'i 'du shes kyis// brjod bral rang bzhin go bar bya// byung tshor mtshan ma'i snang ba kun// ma bcos dbyings la thim par bya// zhi ba rang byung ye sangs rgyas// rtog pa tsam ldan lhun gyis grub// shes bya rig pa'i rtsal rdzogs na// gdam ngag lung dang bral gyur na// mtshan ma'i sgra tshig 'chal ba yis// ngan 'gro log pa'i g.yang sar 'gro// rang sems ye shes kun gyi bdag/ lung chen zab mo kun dang 'brel// rna brgyud lung gi rjes 'brangs nas// nges pa'i don la de ma thag/ ma btsal rang byung thugs las 'char// dbang po yul las yin par zhog/ chos dang
- 41b
chos nyid dbyer med pas// rang sems 'od gsal bde mchog la// rtsol sgrub 'khor ba'i log chos yin// rang sems ma bcos bde mchog la// skyon yon zad rdzogs lhun grub pas// sems nyid sangs rgyas kun gyi rje// btsal med gdod nas rang 'khrungs yin// longs spyod rol pa rang las 'char// ma lus kun gyi bdag nyid pas// tshogs dang longs spyod thams cad yin// tshogs dang longs spyod rang 'khrungs yin// rang sems bstan pa kun gyi bdag/ brjod bral rig pa'i sgo mo las// byin brlabs bstan pa rgya cher 'chad// bstan pa rang 'khrungs rdzogs pa'i lung // rang sems rdzogs pa'i rang bzhin ni// bsam sbyor blo dang bral ba yin// de dag gnas tshul nges pa ni// gang yang thog med cir mi 'jug/ spro bsdu med pas snying por rdzogs// snang ba mi 'gag rang bzhin nyid// rnyog med bder bzhag ma btsal bas// rang bzhag nyid kyi go ba ste// dus gcig rdzogs par gnas pa yin// ma bcos de bzhin bzhag pa dang // ma yengs 'du 'bral med pa dang // ma btsal rnyog sel lhun gyis grub// rang bzhin bzhag pas bzhag pa yin// bde chen stong nyid rang rig sems// 'da' ba med pa'i dam pa gsum// spyod lam sems nyid dgongs pa dag/ bcos med rang sems snying por thim// gsal bas rnyog pa kun
- 42a
bral zhing // 'du shes med pas dbyings la rdzogs// 'byung 'jug spangs pas yengs pa med// dus gcig gsal bas rim pa med// a ra li rnyog pa med pa'i rgyud las// rna brgyad gdams pa'i le'u ste lnga pa'o// // de nas rang byung rgyal po ste// dus gsum rgyal ba kun gyi bdag/ rdzogs pa'i rang bzhin gnyis med nyid// ma brjod rang bzhin gsal bar 'chad/ gang phyir rnyog pas rnyog pa ste// dngos po nyid kyang rnyog pa ste// de med de yang de dang mtshungs// gnyis ka'i mtha' 'das de nyid rnyogs// 'dzin pa ma lus rnyog pa yis// dri ma rnyog pa'i ngo bo nyid// bde chen nam mkha'i khams ltar gsal// rnyog pa med pas gsal du'ang med// dgra med 'jigs pa spang med tshul// sngon du bla ma nyes pa yis// rang sems dri med ngos bzung nas// ye shes rdzogs pa'i ngo bo la// glo bur rtsol bas rnyog mi bya// dngas par 'dod tshol rnyog pa ltar// de bzhin dri med rin chen sems// rang bzhin ches byas rtsol bas rnyogs// de dag bral ba'i thabs bstan pas// dri med 'od gsal lhun grub 'gyur// bde chen khyab pa'i ros gang zhing // gsal la 'byung 'jug spyad pa'i sems// gang du ma btsal gyi nar bzhag/ 'di ni rin chen gnyis med sems// rang rig 'od gsal rnam par dag/ ye shes lhun gyis rdzogs pa
- 42b
la// gdod nas rnyog pa'i dri ma med// de ltar lhun gyis grub pa yis// phyi nas smad pa mi 'byung des// nyi ma'i dkyil dang mun pa ltar// rnyog pa log rtog snang ba yin// de nyid shes pas de ldog pas// mngon du gyur pa nyid kyis gsal// 'di ltar nges pa'i thabs med na// rtsol ba'i zhan pas ci spyad kyang // bskal ba stong phrag bsam yas su// lhun grub 'bras bu mi rnyed de// blun pos bu khur ji bzhin du// log pa'i lta bas brnyogs pas bsgribs// phyin ci log gi g.yang sar lhung // rin chen 'bar ba'i gter dang bral// ched byas zhen pa'i tha ram bcug/ rang gis ched byas zhen pa'i tha rams bcug/ rang gis ched byas rang gis 'jig/ re ba 'jog cing dmigs pas sbyong // sa la bgrod cing lam la brten// dag pas dag pa bsgrub tu med// ma dag dag par 'gyur mi srid// dag pas dngas pa'i nam mkha' ltar// rang sems gnyis med shes par gyis// a ra li rnyog pa med pa'i rgyud las// dri ma rnyog pa'i le'u ste drug pa'o// // de nas rang byung rig rgyal// ye shes chen po a ra li// rnyog bral bde mchog gsang ba'i thugs// ma skyes snying po brda yis bstan// rig pa'i thig le bde bas brgyan// rang sems rdzogs pa kun gyi thugs// rang rig nyams myong rnam par dag/ gnyis snang ma yin rol pa nyid// snang ba ma
- 43a
bkag 'dzin pa 'gags// shes pa mi 'gag rtag pa 'gag/ brtag med rang snang 'du shes med// mi rtog rnam grol bde chen thugs// bskyod pa med pa ci dgar zhog/ 'jug med rang byung gsal ba'i yid// rnyog bral bsam pa'i ngo bos stong // thig le chen po 'du 'phro med// gsang ba rang rig bsam mi khyab// ye shes gsang ba rig pa'i nyams// bdag la gnas pa gzhan gyis gsal// gzhan med rig pa bde chen sems// bdag gzhan rnam rtog 'khrul ba'i sems// 'khrul med sems la bdag gzhan med// 'khrul pa bcad pa'i ye shes nyid// rang byung rol pa nyid du snang // snang brtags zhan pa ma lus pa// ye shes rig pa'i stobs kyis dag/ rang rig mi skye 'gag pa med// bsam pa kun zad zag pa med// ye shes goms pa'i klong na gnas// thugs rje byin rlabs mkha' ltar khyab// ye shes chos kyi dbyings la sbyor// zhen pa ma lus kun bcad pas// ye shes phyogs med gsal bar 'char// ti ni gsal ba rig pa'i lung // rjes su zhugs pas rang bzhin grol// bcings med grol ba thabs kyi lam// gang ltar bsam pa phyin ci log/ gang ltar rtogs pa log pa'i lam// bcings pa med pas grol ba med// rang bzhin rig pas grol ba med// rnyog bral ye shes gsal gyur na// ye shes spyod pa spong len/
- 43b
med// thugs rje'i spyod pa phyogs ris med// 'jig rten kun gyis spangs pa'i chos// thabs ldan skyes bus gang spyad pa// ye shes mchog tu gcig pa'i phyir// ye shes rdzogs pa'i spyod par bshad// dngos dbang ji bzhin don rtogs na// bsam pa'i phyag rgya 'dul dbang du// ma nges de ltar ci yang rung // ye shes rol pa mchog tu nges// a ra li rnyog pa med pa'i rgyud las// de bzhin nyid la gnas pa dang spyod pa'i le'u ste bdun pa'o// // de nas rang byung rgyal po nyid// chos kun rang sems rdzogs pa'i lung // a ra li la rdzogs par gnas// thog ma tha ma med pa'i dngos// sprin med mkha' ltar gsal ba nyid// ye shes rgyas 'debs bdag nyid la// snyoms 'jug nyid du rig par bya// rnyog bral drangs pa'i ye shes nyid// khyab pa chen po chos kyi sku// nam mkha'i mtha' ltar snyoms par gnas// dang por ye shes ngos bzung nas// phyi nas rang byung g.yo med gzhag/ yengs pa med pa'i rang bzhin nyid// lhun gyis gnas pa rdzogs pa yin// thogs pa med pa'i ye shes kyis// kun kyang rang byung snying por mthong // bde mchog rtsol bral byang chub sems// ci dgar bzhag kyang g.yo ba med// rang byung g.yo med ye shes nyid// thams cad spyod yul bde chen du// dbang bskur gang de'i thabs thob pa// de phyin chad ni lhun grub
- 44a
nyid// mtha' bral ye shes gang rtogs na// mtha' dbus 'du shes cir mi 'jug/ sems las gzhan med ye shes las// lhun gyis gnas pas btsal du med// ma yengs bar chad med pa'i lam// 'du 'bral med par gzhag par bya// 'di ltar rang bzhin zhi ba la// bsam pa'i 'du shes rgyu ba chad// yal ba phyal ba 'du shes med// btang snyoms stong pa ched byas sogs// rdzogs pa'i ye shes chen po la// de dag ma lus kun gyis stong // de dag rjes su gang 'jug pa// log pa'i bsam gtan nyid du 'gyur// gang bsgoms rtog dpyod kun brtags pa// sgom pa'i log pa'i lcags kyis bsdams// rang bzhin rtogs pas sgom mi dgos// gang dgar bzhag kyang mi g.yo ba// rang byung rdzogs pa'i drod tshad yin// dus gsum rdzogs pa'i ngo bo la// ji bzhin gsal bar gnas pa yin// btsal med mar med chu bo ltar// de bzhin sel med sangs rgyas nyid// yengs shing brtags pas sems can no// gdod nas rdzogs la de med pas// mtha' dbus snying po cir mi dgongs// gang ltar yin pa de ltar yin// snang brtags kun bral dwangs ma'i yid// yengs med gsal bas bsam gtan yin// ma bcos rdzogs pa'i ngo bo la// ma bslad rig pa rang bzhin zhog/ mi 'jug mi 'byung yul dang bral// thig le nyid las spro bsdu
- 44b
med// de ltar dus gsum ma yengs pas// bde chen rdzogs pas sangs rgyas so// bde ba'i yul chen 'od 'bar ba// rgyu rkyen bral bar thabs kyis rtogs// rten 'brel shes pa glod pas grol// bsgrims par 'ching 'gyur gzhan du min// bkag pas mun pa 'gog pa nyid// zhen pas tha mal 'du shes nyid// btang snyoms rnyog pa bde rigs me// de dag ma gsal bral bar gnas// bsgoms shing btsal bas rtsol rnyog rgyu// ma btsal tha mal gling nyid gsum// bsam gtan gzugs med byol song gnas// 'di dag rang bzhin kun dag nas// kun kyang legs par smin par bya// rnyog med dag pa'i chu bzhin no// a ra li rnyog pa med pa'i rgyud las// bde ba chen po nyid las mi g.yo ba'i le'u ste brgyad pa'o// // de nas rang byung rgyal po nyid// rnyog med bde ba'i don la bzhugs// ngo mtshar gnyug ma snying po nyid// dwangs snyigs med par gnas par bya// gang zhig rgyu dang mi rgyu las// drangs snyigs blo ni gsal bar 'byung // rnam par rtog bral rin chen sems// gang btang 'gyur med dbyings la bzhugs// gar bzhag g.yo med bde ba'i sems// gang ltar bzhag kyang btang bzhag bral// brnyogs dang ma brnyogs cir brtags kyang // ma bcos sems la de dag med// gsal la mi g.yo thig ler gsal// 'byung 'jug med par
- 45a
gsal bar gnas// zab mo brtag par dka' ba'i sems// ji bzhin ma bcos de ltar gnas// rang byung thugs rje'i byin brlabs las// ji ltar 'dod pa de ltar snang // 'dod pa'i dngos po mthong tshor rnams// de dag rol par snang ba yin// rang sems mthong snang ye shes dag/ de dag gang dang gang 'thad par// rin chen gsang ba'i gter sprad pas// 'bad pa med pas grol ba yin// gtang dang bzung dang gang dgar bzhag/ dus gcig rdzogs na grol bar 'gyur// chos sku a ra li dag nyid// byin brlabs ma bskyed rdzogs pa yin// de yod kun rdzogs ye nas gnas// de med rin chen gter dang bral// gter med mthongs las yengs pa med// btang gzung bral ba'i rang bzhag sems// mi g.yo byin brlabs 'od ltar 'phro// ma btsal rdzogs pa'i rang bzhin sems// dngas snyigs med pa'i snying por zim// 'dres pas dag pa'i 'od kyis khyab// bde chen gsang bral rtog bral blo// ce dgar nas kyang g.yo ba med// rten med sems kyi rang bzhin las// brten dang rten par dbyer med de// bde chen nam mkha'i khams su gsal// bskal pa thog mtha' med pa ru// yengs pa med par ci dgar zhog/ las dang dri ma'i bag chags kun// rang dag lhun rdzogs snying por gsal// a ra li rnyog pa med pa'i rgyud
- 45b
las// ma bcos bde bar gnas pa'i le'u ste dgu pa'o// // de nas rang byung bde ba'i rgyal// ma bcos rdzogs pa'i a ra li// thams cad gsang ba'i klong chen nyid// bdag nyid rtsol bral don la bzhugs// rnyog bral drangs ma'i snying por ni// ma lus gcig dang tha dad min// dus gsum rgyal ba'i dgongs pa'i don// rna brgyad dgongs pa'i tshig bkrol nas// rtogs pa'i klong chen yongs brdal ba'o// rig pa rdzogs chen zab mo la// gol dang sgrib pa'i chos med pas// ma brnyogs dag pas drangs pa ltar// ma lus 'byung yang tha dad yin// de dag rang bzhin gang yin pa// rgyas btab dbyer med dus na gsal// ma lus sangs rgyas dbyer med med de// de dag shes dang ma shes las// blo yi khyad par gsal bar 'byung // bde mchog ma yengs brtan par gnas// de dag tsam gyis rdzogs pa yin// rnyog med rig pa bde ba'i sems// bcings med bder bzhag nyid dang mtshungs// 'bad med rang bzhag goms pa'i tshul// gser ltar mi 'gyur gdams pa'i lung // btsal bas 'ching 'gyur btang na grol// thams cad de ltar gnas pa yin// bde chen thig ler mtshams sbyar nas// ma yengs gnas na lhun grub ste// bdag nyid rnam grol mkha' la 'gro// gdams ngag legs par thob 'dod pas// rin chen phung po phul
- 46a
byas pas// brda don bkrol nas rgyal gral bzhag/ bde chen dbang phyug phun sum tshogs// dang por nges pa'i don thob nas// rin chen bla ma sna rtse'i rim// bgrod med rin chen sems kyi lam// sgom du yod med brda bkrol nas// dbu ma drang ba'i lam la sbyar// bka' bzhin rjes su nan tan bya// rin chen lam gyi stobs med na// tha mal gnas dang mtshungs 'gyur na// bgrod rtsol 'jig rten lam 'gyur zhing // mi 'gal rnal ma'i don la sbyar// de nas bar chad med pa yis// dri med gsal ba'i bsam gtan bya// lhag pa'i bsam pa dri med sems// ma bcos lhug par gnas pas rdzogs// dbang po gang yang nub 'gyur zhing // nyams myong rim pa bsam mi khyab// gdod nas btsal med don rtogs pas// tha mal pa ni mi rtag rkyen du gyur pas te// mi rtag rkyen gyis shi ba'i ro dag la// dang po 'di nyid 'dod chags rgyu yis las rnam grol zhing // gang yang ma bkag rdzogs pas na// 'gog dang chad pa'i mtha' dang bral// bde chen nyams myong don ldan pas// btang snyoms mtha' dag bsal ba yin// stong dang snying rje rgyas btab pas// rang rig sems pa'i mtha' dang bral// gdod nas phyogs ris mi gnas pas// phyogs med 'od gsal lhun grub yin// mi rtsol de bzhin gcig pa'i phyir// sa lam theg skyon dus
- 46b
gcig bral// ma bcos don las 'da' mi bya// a ra li rnyog pa med pa'i rgyud las// mtha'i skyon med par gnas pa'i le'u ste bcu pa'o// // de nas rang byung a ra li// rnyog med thig le rdzogs pa'i sku// a ti yo ga sems kyi lung // sgro skur bcad pa sems nyid klong // bstan pa'i snying po dus gcig rdzogs// bsam gtan dri med rdzogs pa'i rgyud// thos pa tsam gyis kun grol nas// 'bad med lhun rdzogs sa la sbyor// brda don bkrol bas bcings pa bcad// bde chen mthong bas rdzogs sangs rgyas// 'jigs pa med pas bdud rnams btul// ma brjod bstan pa rgya mtsho'i klong // rig pa mkha' 'gro ye shes rdzogs// rin chen lhun rdzogs snying po 'di// dad dang dam tshig ldan pa dang // chos la phyogs ris med pa dang // bla ma srog tu 'dzin pa dang // lus srog rdzas la 'phangs med dang // ting 'dzin shes rab rdzogs pa dang // man ngag gter du 'dzin pa dang // dam pa'i don las ma yengs dang // sgro dang skur pa zhi ba dang // rtogs nas don la sgom pa la// gsang ba'i gter kha dbye bar bya// gang zhig yon tan mi ldan zhing // skyon ldan dam med slob ma la// brtag dang dam tshig mi shes par// rgyal thabs gsag pa'i dbang bskur zhing // rna brgyud thugs kyi lung byin te// rdzogs chen klong dgu'i rgyud bshad na// 'dam shod
- 47a
gling gi dur khrod du// mkha' 'gro rna nyan 'dus pa ltar// lhung zhing srog gcod phung bar 'gyur// a ra li rnyog pa med pa'i rgyud las// bstan pa dam pa la gdams pa'i le'u ste bcu gcig pa'o// // a ra li rnyog pa med pa'i rgyu zab mo rdzogs so// // @#// rgya gar skad du// d+harma rbAr+tha de sha// bod skad du// chos thams cad kyi don bstan pa// ka dag ye rdzogs dang la phyag 'tshal lo// 'di skad bdag gis bstan pa'i dus gcig na// gnas 'og min chos kyi pho brang du// ston pa rig stong kun tu bzang // longs sku rdo rje 'chang du sprul// zhal phyag rnam par sku bzhengs nas// 'khor ni zhi khro sangs rgyas dpag tu med// khyad par sku yi 'khor ni 'di lta ste// rdo rje rigs dang rin chen rigs// pad+ma'i rigs dang las kyi rigs// bde gshegs rigs la sogs pa dang // sangs sa chos dang dge 'dun dang // byang chub sems dpa' dpag tu med// phyi ba'i 'khor ni 'di lta ste// dbang phyug chen po dang // mu stegs mur thug rgyang 'phen dang // lha dang lha min dri zas bskor// gsung gi 'khor ni 'di lta ste// nyan thos rang rgyal byang chub sems// kri ya u pa yo ga dang // ma hA a nu a ti dang // rdul dang rdul phran snying stobs gsum// phyi yi rtag chad mu bzhis bskor// thugs kyi 'khor ni 'di lta
- 47b
ste// gsal stong dang ni snang stong dang // bde stong dang ni grags stong dang // rig stong dag dang rnam lngas bskor// thabs cig tu ni bzhugs pa'i tshe// bcom ldan rdo rje 'chang chen ni// mi g.yo ba yi ngang nyid las// lhang nge lham me lhan ner bzhugs// de tshe de yi dus nyid du// 'khor rnams kun nas lhags pa'i lha// gzhon nu nyid ni khro gnyer can// bla gos phrag pa kha la bkal// pus g.yas lha nga sa la btsugs// ston pa nyid la 'di skad zhus// chos rnams kun gyi mthar thug ni// theg pa rnams la thug pas na// 'di yi ma brjed dbye ba ni// bdag cag rnams la gsung du gsol// de skad ces ni zhus pa dang // de nas ston pas bka' stsal pa// kye ma gsang bdag legs par nyon// ngas bstan yid kyi rtog pa sel// khyod ni rtse gcig yid kyis nyon// des na ye shes klong yangs las// 'od kyi yul dang rig pa'i gnas// sku yi mkha' la gsung gi zer// thugs kyi dbyings nas shes rab pho brang du// de skad ces ni rab tu gsung // 'di skad bdag gi thos pa yi// dus dang dran pa'i tshe na ni// theg pa dbye ba 'di lta ste// mdo dang rgyas pa chen po dang // shin tu rgyas pa chen po'o// brgyad khri bzhi stong bsam mi khyab// rgya che grangs mang chen po ste// bsam mi khyab ste gzhal du med// brjod med bsam 'das chen po'o// rgyas pa
- 48a
chen po 'di lta ste// dbye ba rnam pa dgu ru 'dod// nyan thos dang ni rang rgyal dang // de bzhin byang chub sems dpa' 'o// kri ya dang ni u pa yi// de bzhin yo ga dag dang gsum// ma hA a nu yo ga dang // de bzhin rdzogs chen a ti'o// de ltar rnam pa dgu pa ni// chos rnams kun gyi bstan pa chen po yin// de skad ces ni bdag gis zos// yang cig gzhon nu khro gnyer can// ston pa nyid la 'di skad zhus// kye ma ston pa rdo rje 'chang // theg pa'i rnam grangs de ltar na// theg pa'i bshad lugs gsung du gsol// ston pas lan du bka' stsal pa// kye ho gzhon nu khro gnyer can// nga yi theg pa bsam yas kyang // bshad lugs rnam pa gnyis su 'dus// 'khor ba dang ni myang 'das so// de yang 'khor ba 'di lta ste// log lha dang ni dag lha gnyis// dang po log pa'i theg pa bshad// 'jig tshogs gsum brgya drug cur 'dod// sum brgya dbyings las bshad par bya// drug cu'i lta ba 'di lta ste// legs par rnam grangs yid la zung // grangs can log par smra dang gcig/ bye brag rang gi rgyur sgra gnyis// ku ma ra yi grub mtha' gsum// gol ba dag tu sgra dang bzhi// rna ma phug par 'dzin dang lnga// gsang ba me lnga bstan dang drug/ me ras til mar lus bsreg bdun// mdung rtse gsum pa'i dka' thub brgyad// tshong dang tshogs
- 48b
pa'i dka' thub dgu// sha khel lus la bya thog bcu// khyi yi cha byad spyod pa dang // mngon shes phra mo gtsor byed dang // sangs rgyas byin rlabs cir snang dang // log pa'i dka' thub spyod pa dang // byed pa rgyur smra dag dang bco lnga'o// byed pa lam du 'khyer ba dang // rtag pa don mtshon chen po dang // ther zug 'gyur med smra ba dang // gnas skabs rtag par lta ba dang // 'bras bu rtag par 'dod dang nyi shu'o// rtag pa lam la ltos pa dang // spyod pa rtag par 'dod pa dang // don la rtag med chad lha dang // tshad med ngan sngags gtsor byed dang // mo dang pra la gtsor byed dang // rdzu 'phrul mo la gtsor byed dang // rtsod pa lhu ru len pa dang // log pa'i dka' thub spyod pa dang // 'jig rten 'di la zhen pa dang // rang gi bya ba 'dzin pa dang sum cu pa'o// la ba can dang so gcig go/ mi pham ras gos can dang ni// phyag mtshan gtso bor byed pa dang // bya ba ltos par smra ba dang // rig pas pha rol sun 'byin dang // rgyu med chad par smra ba dang // lam chad ye shes chad lha dang // tshad med zer zug chen po dang // lam chad 'bras bu gtan chad dang // log pa'i sems kyi gtan chad dang bzhi bcu pa'o// chad pa stong pa chen po'o// rig byed gsang bar smra ba dang // cha mthun gol ba'i mu stegs dang // 'khrul ba snang ba'i mu stegs dang // zhe sdang bskyed pa'i mu stegs
- 49a
dang // cha byad sems kyi mu stegs dang // 'dzin pa don med mu stegs dang // kha tshig gol ba'i mu stegs dang // rtag pa don med mu stegs pa dang lnga bcu pa'o// ka ni kha yi grub mtha' dang // ser sna pa dang nga gnyis so// b+ha sir dang nga gsum mo// si d+ha ra dang nga lnga'o// d+ha si pa dang nga drug go/ ka pi ra dang nga bdun no// sang pa ba dang nga brgyad do// she ka ri dang nga dgu'o// rdo sha dang drug cu tham pa'o// de ltar lta log sum brgya drug cu yod pa'o// sum brgya de yi khongs su 'dus// drug cu tham pa'i rkang grangs legs par bstan pa ste spyi sdom gleng gzhi le'u ste// rdo rje 'chang gis legs par bshad// 'khor rnams rjes su yi rang ste// bcom ldan 'das kyis gsungs pa la mngon par bstod/ a ta thA ba ba// spyi sdom gyi le'u gcig pa'o// sa ya ya// gter rgya// sbas rgya// zab rgya// bya rmaza2/ lha log sum brgya drug cu grangs med par bstan kyang // mdo rnam pa gnyis su 'dus pa'o// de'ang rtag par lta ba gcig/ chad par lta ba dang gnyis su 'dus pa'o// de las 'jigs tshogs kyi 'dra ba grangs med 'phro so// 'ji tshogs kyi lta ba 'di rnams ni// lha mi'i lta ba ste// 'jig rten pa'i theg par rtog pa'o// rigs kyi bu dad pa dang ldan pa rnams ni// log pa'i lam du zhugs kyis dogs pa'i
- 49b
phyir// 'jig tshogs kyi lta ba bsdus te bshad pa'o// 'jig rten theg pa'i le'u ste gnyis pa'o// // yang cig gzhon nu stobs ldan gyis// ston pa nyid la 'di skad zhus// kye kye ston pa rdo rje 'chang // lha log sum brgya drug cu yi// rang rang 'dod gzhung gsung du sol// de skad ces ni zhus pa'i lan// rdo rje 'chang gis lan gsungs pa// ngas bstan legs par yid la zung // lha log drug cu'i thog ma ni// grangs can log par smra ba'i 'dod gzhung 'di lta ste// rdul dang mun pa snying stobs gsum// rtag pa log par 'dzin pa'o// de yang gti mug gis gzhi byed par 'dod// 'dod chags kyis bde ba skye bar 'dod// zhe sdang gis bdud dpung bzlog par 'dod pa'o// de ni grangs can log par smra ba'i 'dod gzhung ste// lha log le'u gcig pa'o// // bye brag rang gis rgyur smra ba// de yi 'dod gzhung 'di ltar ro// phyi yi phung po khams dang skye mched kun// rdul dang rdul phran dag tu lta// de yang dngos po 'dzin pas gzungs nas// rdul dang rdul phran du bgrang nas// 'di ni 'jigs pa'i rgyu ru 'dod// 'di ni stong pa ci yang med rgyu can no// 'di ni stong pa'i rgyu med rgyu can no// lus po 'di ka bor ba dang // sems ni nam mkha'i bag la zha// lus 'di 'byung ba'i bag la zha// cang med stong pa'i mu la gnas// byung yang nam
- 50a
mkha' rang las byung // zim yang nam mkha' rang la thim// thams cad stong pa byang chad do// bye brag pa yi 'dod gzhung ngo // lha log le'u gnyis pa'o// // ku ma ra'i grub mtha' 'di ltar 'dod// sems med pa'i lus su 'dod// lus la sems med// de sems med// thon dus lus kyang med do// lus sems gnyis ka med tsam la// stong pa ci yang med par 'dod// sems med pa yi dus su lus 'dug gam// sems med lus kyang yod ma yin// ces so// ku ma ra yi 'dod gzhung ngo // lha log le'u gsum pa'o// // gol bar smra ba'i grub mtha' ni// lta spyod sgom sgrub thams cad kun// 'gyang pa can du 'gro ba ste// lta ba lta rgyu med pa'o// sgom pa bya rgyu med pa'o// spyod pa spyad rgyu med pa'o// 'bras bu byas med byung med yin// yar sangs rgyas la mi re// mar 'khor bar mi dogs// bar dge sdig gis phan gnod mi byed pa'o// 'di ni gol ba'i 'dod gzhung ngo // lha log le'u bzhi pa'o// // rnam phug pa'i grub mtha' 'di lta ste// snang ba 'di la gnas skabs kyi rtag par mthong la// don dam pa la snang ba 'di mi rtag par 'dod pa'o// tshe phyi ma'i snang ba la phya'ang dbang phyug gi 'khor du rtag par 'dod pa'o// rnam phug pa'i 'dod gzhung ngo // lha log le'u lnga pa'o// // gsang ba me lnga bstan pa'i grub mtha'
- 50b
ni// sangs rgyas rnams kyis sprul pa'i zhing 'dir gnas pa'i gang zag gis// zhen pa med pa mer btang bas// ye shes lnga'i snang sangs rgyas par 'dug pa// mngon par shes pa phra mos mthong ste// me lnga la spyod pa'o// de yang tsan dan gyi sdong po la til mar gyis byugs nas// me'i phung po'i phyogs bzhi dbus dang lngar btang nas// rang lus 'od bsreg byas pas// gang gi phyogs su 'gyel ba de la ye shes re re'i 'bras bu thob par 'dod pa yod do// de ni me lnga pa'i 'dod gzhung ngo // lha log le'u drug pa'o// // me ras pa'i grub mtha' 'di ltar ro// ras yug til mar nang du snab pas// rang lug dril nas me yang sbar// dbang phyug rten gyi drung du langs// 'bras bu 'od gsal thob pa dang // rang lus gces 'dzin bral bar 'dod// me ras pa yi 'dod gzhung ngo // lha log le'u bdun pa'o// // mdung rtse gsum pa'i grub mtha' ni// kha T+wAM rtse gsum sa la btsugs// g.yangs kyi kha nas de ru mchongs// g.yas pa sku g.yon sbrul sku// bar ma zug na chos sku thob// gsum ka zug na sku gsum thob// mdung rtse gsum pa'i 'dod gzhung ngo // lha log le'u brgyad pa'o// // tshong dang 'tshogs pa'i grub mtha' ni// tshong dus sam mi 'tshogs chen po'i dus// rang lus ngag dang yid gsum la// chags zhen e 'dug ltos shig
- 51a
thar// thag la mtshangs nas rang zas rmag/ mi dbang thug 'bar duH// tshang dang chags pa'i 'dod gzung ba/ !mag man dgu pa la// / 'tshal pa 'i grub mapa' 'ad ro// log pa'i cha 'dzin spyod pa ni// rang gi dpung pa g.yas g.yon dang // spyi gtsug sha 'khol me long tsam bton nas// rang lus dong na bcug nas ni// dur bya'i rigs kyis za ru 'jug/ sbyin pa'i pha rol byin par 'dod// lha log le'u bcu pa'o// // khyi yi cha byad spyod pa ni// log pa dud 'gro'i spyod pa ste// khyi yi chas su zhugs nas ni// khyi yi spyod pa sna tshogs spyad// gtsang sgo'i rtog pa lam du khyer bar 'dod// log par spyod pa'i le'u bcu gcig pa'o// // mngon shes phra mo'i grub mtha' ni// dper na shing mkhan mkhas pa yi// skyes pa dang bud med kyi gzugs 'di ltar tha dad par mngon par sprul nas// bya ba'i las thams cad byed pa ltar// chos la sogs pa kun kyang rang gis mngon shes kyi bya ba byas nas// phya'am dbang phyug gi 'khor du skye bar 'dod pa'o// lha log le'u ste bcu gnyis pa'o// // sangs rgyas byin gyis rlabs cir snang ba'i grub mtha' ni// mthu dang // stobs dang // nus pa dang // rdzu 'phrul dang // 'od dang // 'od zer thams cad sangs rgyas pas lhag pa'i yon
- 51b
tan// rtsol sgrub mi dgos par 'byung ba dag kyang yod do// sangs rgyas kyi byin rlabs cir snang yang // 'di las lhag pa med do// zhes pa'o// lha log le'u bcu gsum pa'o// // log pa'i grub mtha' 'di lta ste// rdzu 'phrul stag la sogs dud 'gro ru sprul nas// sangs rgyas yon tan 'di rang yin zer nas// dud 'gro'i spyod pa sna tshogs spyod pa dag kyang yod do// dud 'gro log pa'i 'dod gzhung ste// lha log le'u ste bcu bzhi pa'o// // byed pa rgyur smra'i grub mtha' 'di lta ste// dper na snang srid 'khor 'das kun// bsgoms so bya yi byas pa yin// bskos bzhag thams cad phya yi byas// de bzhin da lta'i chos la sogs// sku dang zhing khams thams cad kyang // byas pas phya'am dbang phyug gi 'khor du skye bar 'dod pa'o// lha log le'u ste bco lnga pa'o// // byed pa lam du khyer ba'i grub mtha' ni// 'jig rten 'di la khyim la sogs pa'i spyod pa spyad pas// phya'am dbang phyug gis rang gi mdun bsu nas// ri rab kyi bang rim la gnas par byed pa'o// lta ba log pa'i le'u ste bcu drug pa'o// // rtag pa don mtshon grub mtha' ni// don rang gis rtag par 'dzin la// gzhan la chad pa phyam chad du ston pa'o// de ltar go log bshad pa ste// rtag pa don mtshon 'dod gzhung ngo // lha log le'u bcu bdun pa'o// // zer zug 'gyur
- 52a
med grub mtha' ni// don rtag pa 'gyur med chen po// rang bzhin ma nges par 'dod pa'o// lha log le'u bco brgyad pa'o// // gnas skabs rtag par lta ba'i grub mtha' ni// rgyun chad pa la gnas skabs kyis rtag par lta ba ni// rgyu rtag par lta ba ste// rang gi snying gi dkyil du rgyu'i dngos po ste// dbyibs zlum pa/ kha dog dkar ba// che chung gi tshad sran ma tsam// pha'i rgyu las ma byung zhing // ma'i rkyen gyis ma bskyed par// dus thams cad du rtag par lta ba yod do// lha log le'u bcu dgu pa'o// // 'bras bu rtag par 'dod pa'i grub mtha' ni// rgyu mi rtag ste sems la dngos po med// 'bras bu rtag ste phyi'am dbang phyug yod zer ba'o// lha log le'u nyi shu pa'o// // rtag pa lam la ltos pa ni 'di ltar ro// rgyu mi rtag ste sems dang dngos po med// 'bras bu mi rtag ste phya'am dbang phyug gi sar grogs med par mi phyin te// lam rtag phya'am dbang phyug gi lam ni ri rab kyi steng na gnas te// de ltar lam rtag nas rgyu 'bras gnyis mi rtag par 'dod pa'o// lha log le'u ste nyer gcig pa'o// // spyod pa rtag par 'dod pa'i grub mtha' ni// rgyu dang 'bras bu mi rtag ste// spyod pa rtag pas sangs rgyas par 'dod de// yul dang khang pa thams cad rtag pa'i dngos po yin// snang ba 'di gang yang rtag par 'dod
- 52b
pa'o// spyod pa rtog pas thams cad spyod pas rtag pa'o// lha log le'u nyer gnyis pa'o// // don la rtag med chad mtha'i grub mtha'i grub mtha' ni// don la chad par lta bas te// 'di nyid la rtag pa'i grub mtha' spyod do// lha log le'u nyer gsum pa'o// // don la rtag med chad mtha'i grub mtha' ni// ngan sngags gcig pu la gtsor ston nas phung ba'i las drag po byed pa ni// nag po gcig tsugs su smra ba ste// de la mngon par zhen cing 'bras bu 'dod pa dag kyang yod do// lha log le'u nyer bzhi pa'o// // mo dang pra la gtsor byed ni// 'jig rten 'di'i bde ba 'ba' zhig la zhen nas// phyi gang byung la rgyab gtod pa dag kyang yod do// lha log le'u ste nyer lnga pa'o// // rdzu 'phrul phra mo byed pa'i grub mtha' ni// 'jig rten 'di'i mig 'phrul la sogs pa// dmag dpung la brten pa dang // gzi brjid la brten nas// phyi ma'ang dmag dpung dang rdzu 'phrul gyis zil gyis mnan nas// phya dang dbang phyug gi 'khor du skye bar 'dod pa yang yod do// lha log le'u nyer drug pa'o// // rtsod pa lhu ru len pa'i grub mtha' ni// rang gi bden pa khongs su bcug ste// pha rol gyi bden pa sun 'byin pa dag kyang yod do// lha log le'u nyer bdun pa'o// // log pa'i dka' thub spyod pa ni// srog rnams bcad nas dge bar
- 53a
'dod// rdzun du smas nas bden par 'dod// log nor spyod pas chos par 'dod// blo rnams brkus nas drang por 'dod// bdag bstod gzhan la smod pa yi// zhun 'bu la yi byang sems spyod// lha log le'u nyer brgyad pa'o// // 'jig rten 'di la zhen pa'i grub mtha' ni// 'jig rten rgyang 'phen zhes bya ba ste// bya ba thams cad tshe 'di'i bya ba spyod// rang gi bden pa khongs su bcug nas su// gzhan rnams khyad du sod par byed// lha log le'u nyer dgu pa'o// // rang gi bya ba 'dzin pa'i grub mtha' ni// gzhan la phan pas khas blangs nas// don la rang don rtse gcig sgrub pa// la la rku phrog rlom sems 'chang // gzhan la mi dgos par rang la dgos// mu stegs log pa'i lta ba ste// le'u sum cu ru bshad// // la ba can gyi mu stegs grub mtha' ni// cha lugs dag gis don tshol te// ral pa ring po dag gis ni// mgo la la thod dag tu bcings// rgyan dang chas gos bzang po dang // sma ra ag tsom bshad pa ni// don gyi snying po yod par sgom// tshad pa'i yul du ras rkyang re// nga la nang la bde drod yod zer// mu thug gom pa'i ras gos dang // rdzas la brten pa'i ras rkyang byed pa dag kyang yod do// lha log le'u so gnyis pa'o// // phyag mtshan gtsor byed grub mtha' ni// kha T+wAM kha dang DA ru dkrol// rang
- 53b
gi rang gzengs bstod nas su// nga ni rtogs ldan sbrul sku yin no zer// phyag mtshan can gyi 'dod gzhung ngo // lha log le'u so gsum pa'o// // bya ba bltos par smra ba ni// khyod kyi dge ba ci byas pa// nga la phan no zer zhing du// don nyid de la tshol ba yod// lha log le'u so bzhi pa'o// // rig pas pha rol sun 'byin grub mtha' ni// rang gis rig pas pha rol gyi rig pa sun phyung nas// nga'i bya ba yin no zer zhing // don de la bltos pa yang yod do// lha log gi le'u so lnga pa'o// // rgyu med chad par smra ba'i grub mtha' ni// rgyu chad de nam mkha' lta bur phyam chad do// phyam chad de rang lus yang stong ngo // zer ba dag kyang yod do// rgyu yang chad// 'bras bu yang chad pa ni// rgyu chad de sems can dngos por gzung du med// 'bras bu chad de phya dang dbang phyug med zer ba dag kyang yod do// lha log le'u so drug pa'o// // lam chad ye shes chad lha'i grub mtha' ni// yang lam chad de sun ma med// ye shes chad de sangs rgyas med pa'o// lha log le'u so bdun pa'o// // chad pa zer zag chen po'i grub mtha' ni// rgyu yang med la 'bras bu dag kyang med de stong ngo // phyam chod zer ba dag kyang yod do// lha log le'u so brgyad pa'o// // lam chad 'bras bu chad pa'i grub mtha' ni// lam la gnas skabs kyi chad pa de
- 54a
la 'bras bu yang gtan nas chad zer ba dag kyang yod do// lha log le'u so dgu pa'o// // log pa'i sems kyi srog bcad nas// de la don go 'byung bar 'dod// mi yi khrag gis khrus byas nas// de yis dri ma dag par 'dod// bsad pa thams cad phya dang dbang phyug gi 'khor du skye bar 'dod pa dag kyang yod do// lha log le'u bzhi bcu pa'o// // chad pa stong pa chen po grub mtha' ni// chad pa thams cad stong pa yin// cis te khyod yang chad lang yang chad pa'i phyir// stong pa can med ming dang kha dog tshad bzung thams cad dang bral lo// zer ba dag kyang yod do// lha log le'u zhe gcig pa'o// // rig byed gsang bar smra ba'i grub mtha' ni// don dam stong pa ji bzhin du// stong pa phyam chad de yod par dngos por med// chab gcig yod de// dbang po la snang du rang ba ni gang yang med do// zer ba dag kyang yod do// lha log le'u zhe gnyis pa'o// // cha mthun gol ba'i mu stegs kyi 'dod gzhung 'di ltar ro// nang pa sangs rgyas pa dang cha mthun pa las gol te// nang pa sangs rgyas pa'i grub mtha' las log pa sha stag go/ ci'i phyir na// cha lugs thams cad nang pa dang mthun la// don go log tu spyod pa'o// lta log le'u zhe gsum pa'o// // mngon snang sems kyi mu stegs grub mtha' ni// thams
- 54b
cad mngon snang sems kyi cho 'phrul lo// zhes bya bar rtogs te// thams cad sems kyi cho 'phrul zhes bya bar ston pa dag kyang yod do// lha log le'u zhe bzhi pa'o// // 'khrul snang ba'i mu stegs grub mtha' 'di ltar 'dod// 'khrul pa'i snang ba 'di dag bden pa yin la// don dam med pa'i phyir zer bdag kyang yod do// lha log le'u zhe lnga pa'o// // zhe sdang bskyed pa'i mu stegs grub mtha' 'di ltar ro// zhe sdang drag pos 'byung po tshar gcod pas// rigs kyi bu zhe sdang la gnas par bya'o// zer ba dag kyang yod do// lha log le'u zhe drug pa'o// // cha byad sems kyi mu stegs grub mtha' 'di ltar ro// cha byad du sems 'di rang sangs rgyas yin// 'di la bcos su med zer ba dag kyang yod do// sems sangs rgyas su 'dod pa'i le'u ste zhe bdun pa'o// // 'dzin pa don med mu stegs grub mtha' 'di ltar 'dod// lha'i sku bsgom pas su// 'byung bzhi'i brten cir bsgom yang chog/ lha yang 'byung bzhi las grub pa yin la// dmigs brten gang la byas kyang chog/ zer ba dag kyang yod do// lha log le'u zhe brgyad pa'o// // kha tshig gol pa'i mu stegs grub mtha' ni// nga mu stegs yin pas mu stegs kyi nus pa thams cad dang ldan pa yin no// mu stegs rgod po lta smra ba dag kyang yod do// lha log le'u zhe dgu pa'o// // rtag pa don
- 55a
med mu stegs ni// rtag pa 'di kho na yin pas// 'di la cir yang byar med do// bzo dang bcos ma mang na don dang 'gal ba yin// ces pa yang yod do// lha log le'u lnga bcu pa'o// // ka ni ba'i grub mtha' 'di ltar 'dod// don dam pa 'di la phyal bar 'dod pa// kun rdzob don can du 'dod pa'o// lha log le'u nga gcig pa'o// ser sna ba'i mu stegs grub mtha' 'di ltar 'dod// snang ba 'di zad cing stongs kyis dogs pa'i sdug bsngal dang ldan pa'o// lta ba log le'u nga gnyis pa'o// // b+ha pa ri'i grub mtha' ni// mchog khyad par gyi don ni gang yang med// thun mong gi don ci yang yod par 'dod pa'o// lha log le'u nga gsum pa'o// // ka b+hi sha'i grub mtha' ni// thun mong don ci yang med pa la// khyad par mchog gi don ci yang yod par 'dod pa'o// lha log le'u nga bzhi pa'o// // si d+ha ra'i grub mtha' ni// thun mong khyad par gnyis ka la don ci yang med par 'dod pa'o// lha log le'u nga lnga pa'o// // d+ha pis pa'i grub mtha' ni// thun mong khyad par gnyis ka la don ci yang yod par 'dod pa'o// 7 log le'u nga drug pa'o// // ka b+haM pa zhes bya ba'i grub mtha' ni// don ci yang yod pa la dbugs chad pa dang don thams cad chad par 'dod pa'o// lta log le'u nga bdun pa'o// // sang g+ha pa'i grub
- 55b
'tha' 'di ltar 'dod// nga dge 'dun gyi cha byad la zhugs pa rang gis chog/ don ci yang byar med do// zer ba dag kyang yod do// lha log le'u nga brgyad pa'o// // sha ka ra'i grub mtha' ni/ rmams par mi rtag bden pa'o// lus rnams par mi rtag par mi rtag bden pa ni// phya 'am dbang phyug bden pa'o// lha log le'u nga dgu pa'o// mdo sha ka yi grub mtha' ni// thams cad kyi mdo phya dang dbang phyug chen po la ma 'dus pa med do// 'di gnyis la ma 'dus pa gcig kyang med do// phya dang dbang phyug chen po ri rab kyi kha la yod nges zer ba dag kyang yod do// de ltar na lta log drug cu thams cad kyi 'dod gzhung dang // grub mtha' bstan pa'i le'u ste drug cu zam pa'o// sa ma paHgter rgyaHsbas rgyaHzab rgyaHspyi sdoms khog dbub kyi le'u ste gsum pa'o// 6N+ya ya kaHra// rgya lha log drug cu zam pa yang // bsdu na rnam pa gnyis su 'dus// rtag pa dang ni chad pa'o// chad par lta ba'i don ni 'di ltar ro// phyam chad mu med thams cad stong pa che// rgyun chad nam mkha' stong pa bzhin// chad par rang bzhin med par lta// chad pa'i don ni stong pa'o// rgyu dang 'bras bu gnyis ka chad// lan dang su ma med par chad// thams cad phyal ba nyid du 'dod// stong pa med pa'i rtag pa ni// rtag pa'i grub mtha' 'di ltar 'dod// rgyu rtag dngos po 'di ltar
- 56a
ro// rang gi snying gi dkyil shed du// pha yi rgyu las ma byung zhing // ma yi rkyen las ma brten par// che ste chen sran ma tsam// chung ste chung na yung 'bru tsam// yang chung sgra yi rtse mo tsam// snum la 'dril la dkar la dwangs// de bzhin rgyu 'am rang bzhin te// ye nas mi 'gyur rtag par 'dod// de yang bag chags phung po 'di// mi 'bral gcig tu gnas pas na// rgyu yang rtag pa'i grub mtha' yin// 'bras bu rtag pa 'di ltar ro// phya dang dbang phyug chen po ni// brten cing mchod pa'i yon tan gyis// dang po'i lus 'di bor nas kyang // rang rang sa la skye bar byed// phya 'am dbang phyug chen po ni// byas te 'bras bu rtag par 'dod// rtag dang chad pa rnam pa gnyis// rang rang don la mi mthun pa'i// de la sogs te lta log rnams// rnam pa bzhi ru 'dus par bshad// mu stegs dang ni mur thug gnyis// rgyang 'phen pa dang phyal ba bzhi// de yang bshad pa 'di lta ste// mu stegs rtag pa ther zug go/ mur thug phyed rtag phyed chad do// phyal ba chad pa phyam chad do// rgyang 'phen 'bras bu chad pa'o// de ltar sum brgya drug cu yang // rnam pa bzhi ru 'dus pa'o// de yang rtag chad gnyis su 'dus// de yang don med phyal bar 'dus// 'jig rten theg pa'i rkang grangs so// rkang grangs gong du bshad na yang // bsdus don zur tsam bshad lags
- 56b
kyang // rgyas par 'dod gzhung rim par bkrol// de yang bca' ba bzhi ru bstan// de yang rtag chad gnyis su bstan// de yang stong nyid chad ltar bstan// gang zag lam sna nor dogs nas// 'jig rten lha mi'i theg par bshad// 'jig rten theg pa'i rnam grangs kyi le'u ste bzhi pa'o// sa ma yaHgter rgyaHsbas rgyaHgtad rgyaHyang cig gzhon nu stobs ldan gyis// rdo rje 'chang la yang zhus pa// 'jig rten theg pa de ltar na// rim dgu'i theg pa bshad du gsol// de skad ces ni zhus pa'i lan// rdo rje 'chang gis bka' stsal pa// kye ho gsang ba'i bdag po nyon// gzhon nu stobs ldan khyod nyid kyis// theg pa'i sgo rnams yid la zung // nga yi don bsdus khyod la bstan par bya// nyan thos theg pa 'di lta ste// 'jug pa'i sgo ni bden pa bzhi// nyan thos spyi yi 'jug sgo yin// de yang dbye ba gnyis su 'dod// bye brag pa dang mdo sde'o// bye brag pa yi lta ba ni// phung po khams dang skye mched la// g.yag rnga ne'u gsing tshul du 'dod// rang gi blo yi bltas gyur na// rdul dang rdul phran tshul du 'dod// de bzhin rnam pa gzhig nas ni// stong pa nyid du bsgom pa'o// mdo sde pa yi lta ba ni// kha thon byas pa'i rang bzhin dang // thos pa bsam pa bsgom pa gsum// shes rab rnam gsum goms pa yi// sa bcu'i 'bras bu thob par 'dod// nyan thos phyi yi
- 57a
bsgom pa ni// bden pa rnam pa bzhi bsgom zhing // 'bras bu rnam bzhi 'dod pa'o// de yang bsgom lugs 'di lta ste// 'gog pa bsgom par 'dod pa la// kun 'byung spang bar 'dod pa'o// 'gog pa bsgom lugs 'di lta ste// phyi yi 'byung ba 'di dag la// mi chags gnas su zhugs nas ni// dang po zas la goms par byed// zas la goms par gyur pa dang // bsam gtan ting 'dzin sgom par byed// bsam gtan mi rtog gcig tshug bsgom// rgyal ba byams pa'i bstan pa la// 'bras bu thob par 'dod pa'o// kun 'byung spong ba 'di ltar ro// zas kyi 'du shes bral ba dang // kun 'byung rgyun thag gcod par 'dod// de yang zhe sdang gnyen por sgom// nyon mongs thams cad spongs pa'o// sal sgom pa 'di lta ste// 'dod chags gnyen por bsgom pa dang // gti mug gnyen por bsgom pa dang // de bzhin lam gyi sgom pa ni// sdug bsngal spong bar 'dod pa'o// lam gyi sgom lugs 'di lta ste// 'dod chags gnyen por 'di ltar sgom// rang gi dpral ba'i dkyil 'khor du// keng rus dkar po mthe bong tsam// dkar po 'od chags sgom pa las// de la bskyed nas mgo bo tsam// de nas lus po tsam pa sgom// de nas rang gi tho phyi tsam// de nas cer snang thams cad sgom// de ltar stong gsum dkar pos te// de
- 57b
lta dkar por goms gyur na// 'dod chags sdug bsngal spongs pa'o// gti mug sdug bsngal spongs pa ni// rang gi spyi bo'i gtsug tu yang // mar me gsal la drangs pa gcig/ sgom pas shes pa gsal pa dang // sems ni stong par 'dod pa'o// des ni gti mug sdug bsngal spongs// de ltar rnam bzhi sgom pa yin// 'bras bu rnam pa bzhi thob ste// 'bras bu rnam bzhi gang yin na// 'gog pa bsgoms pa'i 'bras bu ni// rgyun du zhugs pa thob pa ste// sa dang po rab tu dga' ba nas// de yang sa bdun man chod do// kun 'byung bsgoms pa'i 'bras bu yi// lan cig phyir mi 'ongs pa thob// sa brgyad man chad thob pa'o// lam bsgoms pa yi 'bras bu ni// dgra bcom 'bras bu thob pa ste// sa bcu mthar phyin thob pa'o// sa dang lam la gnas pa'i tshe// nyan cing thos par byed pa'o// sa bdun man chad sems dpa' ni// rang rang dpon la nyan pa'o// sa brgyad man chad sems dpa' ni// sprul pa'i sku la nyan pa'o// de yang dngos por mthong med do// byin gyis brlabs kyis thos pa'o// rgyud chen dri med zla shel las// nyan thos theg pa'i grub mtha' ste le'u ste lnga pa'o// // de nas gzhon nu stobs ldan gyis// rdo rje 'chang la 'di skad zhus// kye kye bcom ldan theg chen bdag/ nyan thos theg pa de ltar na// rang
- 58a
rgyal theg pa gsung du gsol// ces zhus so// de nas ston pas bka' stsal pa// kye ho gzhon nu stobs ldan nyon// rang rgyal mdo sde'i grub mtha' ni// 'jug sgo rten 'brel bcu gnyis so// rtogs pa'i lta ba 'di lta ste// gang zag bdag tu med pa ste// chos la bdag tu med par lta// tshul khrims gnyis brgya lnga bcu bsrungs// bsgom ni mi rtog chos nyid bsgom// phyi dang nang gi rten 'brel rnams// goms nas mtha' ru phyin pa dang // 'bras bu mthar phyin tshad du 'dod// de yang dpe mtshon 'di lta ste// dper na dur khrod mi ro bzhin// rim pa ltar du khrid pa ni// rang gi bu slob rjes 'jug rnams// dur khrod chen por khrid nas su// ro rnams bstan la 'di skad do// ro 'di dang po gang las 'byung // bar du gang ltar gnas pa yin// da ltar 'di yi dngos po ci// zer nas dpe yi mtshon pa dris// de yang byung lugs 'di lta ste// ro 'di dang po ma rig pa las byung // ma rig pa las 'du byed do// 'du byed rnam par shes pa'o// rnam par shes las ming byung zhing // ming las gzugs kyi rang bzhin byung // gzugs la skye mched rnam drug byung // skye mched drug las reg pa byung // reg pa las ni tshor ba byung // tshor ba las ni sred pa byung // sred pa dag las len pa byung // len pa las ni srid pa byung // srid pa
- 58b
las ni skye ba byung // skye ba las ni rgas pa byung // rgas pa las ni na ba byung // na ba las ni shi ba byung // de bzhin rten 'brel bcu gnyis bsgom// de ltar bsgoms pa'i yon tan gyis// sa bcu'i sa ni 'bras bu thob// 'jug sgo gcig la 'di ltar ro// mi sdug rnam pa brgyad sgom ste// dur khrod chen por phyin nas su// rang gi lus la 'di ltar bsgom// dang po rnam par bsngo bar bsgom// de nas thams cad dmar bar bsgom// de nas thams cad brnag par bsgom// de nas thams cad rul bar bsgom// de nas thams cad 'bu zhugs bsgom// de nas 'thor nas dngos med bsgom// de nas thams cad gcig la bsdu// de nas thams cad dkar por bsgom// de bzhin 'dod chags gnyen po ru// mi sdug rnam pa brgyad bsgom mo// nyan dang zos pa med pas te// de phyir rang rgyal grub mtha' yin// rgyud chen dri med zla shel las// rang rgyal theg pa'i grub mtha' ste// rgyud tshig le'u drug pa'o// // yang cig gzhon nu stobs ldan gyis// rdo rje 'chang la 'di skad zhus// kye kye bcom ldan rdo rje 'chang // rang rgyal theg pa de ltar na// byang chub sems dpa'i grub mtha' dang // theg pa'i 'dod gzhung ji ltar lags// zhus pa'i lan du bka' stsal pa// kye ho gzhon nu stobs ldan nyon// ngas bstan legs par yid la zung // byang chub sems
- 59a
dpa'i grub mtha' ni// 'jug pa'i sgo ni rnam pa gnyis// don dam dang ni kun rdzob bo// bsrung ba'i tshul khrims yan lag ni// sdom pa brgyad cu rtsa lnga bsrung // rtogs pa'i lta ba 'di lta ste// stong pa nyid kyi ye shes bsgom// don dam kun rdzob 'di lta ste// kun rdzob rnam pa gnyis su 'dus// log pa dang ni yang dag go/ log pa'i kun rdzob 'di lta ste// rtag par snang ba thams cad dang // mthun par snang bas don byed nus// brtags na ngo bo nyid kyis dben// don ni med pa ltar snang ngo // de ni log pa'i kun rdzob bo// yang dag kun rdzob 'di lta ste// dge ba bcu yi las rnams dang // dkar por gyur pa'i bsam pa dang // mos pa'i bsam pa ji snyed pa// yang dag kun rdzob chen por 'dod// sbyin pa la sogs tshul khrims dang // de bzhin ting 'dzin la sogs rnams// yang dag kun rdzob chen po'o// don dam la yang rnam pa gnyis// mtshan ma tshig gi don dam dang // yang dag sems kyi don dam mo// mtshan ma tshig gi don dam gyis// thams cad sun 'byin rtsod pa'o// de yang mtshan ma'i rig pa la// gang de nyid la de ltar snang // tshig gi stong pa chen po la// don la stong zhing ma rtogs pa'i// mtshan ma tshig gi don dam mo// yang dag sems kyi don dam ni// stong pa cad med sgom par 'dod// dper na nam mkha' stong pa
- 59b
las// stong pa'i don nyid de bzhin no// stong nyid phyam chad mu med do// zhes ni spyod cing lags pa'o// lam ni 'di ltar 'dod pa ste// sa lam sbyong bar 'dod pa'o// de yang drod rtse bzod pa dang // rtse mo 'jig rten chos mchog go/ drod la rnam pa gsum gyis bstan// phyi dang nang dang gnyis ka'o// phyi yi drod skyes 'di lta ste// sa gnyis dri ma med pa la// dang po'i snang ba stong par skye// de ni ting 'dzin nyams len te// sa gnyis dag la skye bar 'gyur// nang gi drod ni drug pa la// stong pa rig byed dag tu rtogs// gnyis ka'i drod ni 'di lta ste// sa bdun dag la skye bar 'gyur// sa brgyad bzod pa thob pa ste// sa dgu rtse mo mthar phyin no// sa bcu ting 'dzin chos kyi mchog/ de bzhin sa bcu thob par 'dod// de ni byang chub theg pa ste// stong pa tshig med yi ge med// cang med stong par 'dod pa'o// rgyud chen dri med zla shel las// byang chub sems dpa'i theg pa ste// rgyud tshig le'u bdun pa'o// // yang cig gzhon nu stobs ldan gyis// ston pa nyid la 'di skad zhus// kye ho ston pa rdo rje 'chang // mtshan nyid byang sems grub mtha' dang // theg pa'i bye brag de ltar na// kri ya'i theg pa gsung du gsol// zhus pa'i lan du 'di ltar ro// kri ya theg pa'i grub mtha' ni// 'jug pa'i sgo ni dag pa gsum// khrus dang gtsang sgra mchod pa'o// srung
- 60a
ba'i dam tshig 'di ltar ro// lung gcig chu la mi 'thung zhing // ma yengs ngang la spyod pa'o// bya ba dag pa rnam gsum byed// dag pa rnam gsum gang zhe na// lha dang dkyil 'khor dag pa dang // rdzas dang yo byad dag pa dang // sngags dang ting 'dzin dag pa'o// rtogs pa'i lta ba 'di ltar ro// lha dang rnal 'byor dag pa gnyis// rje dang 'bangs kyi tshul du lta// spangs pa'i rim pa 'di lta ste// nya dang sha dang sgog pa dang // de bzhin chang la sogs pa spangs// ting nge 'dzin la zhen pa'o// rgyud chen dri med zla shel las// kri ya'i grub mtha' bstan pa dang // u pa ya yi spyod pa bstan pa ste// rgyud tshig le'u brgyad pa'o// // yang cig gzhon nu stobs ldan gyis// rdo rje 'chang la 'di skad zhus// a ho ston pa rdo rje 'chang // kri ya'i theg pa de ltar na// u pa'i theg pa gsung du gsol// zhus pa'i lan du 'di skad do// gzhon nu stobs ldan legs par zung // u pa'i theg pa 'di ltar ro// lta ba yo ga dang mthun// spyod pa kri yar spyod pa'o// de phyir gnyis ka'i rgyud ces grags// u pa gnyis ldan de la zer// rgyud chen dri med zla shes las// u pa ya yi grub mtha' dang // gnyis ldan gyi le'u dgu pa'o// // lha dang bdag nyid dpon g.yog lha// lus ngag yid gsum phyag rgya bsgom// rang bzhin mi dge bcu po spangs// 'bras bu rdo rje 'chang gi sa// u pa gnyis
- 60b
ldan grub mtha' 'o// sa ma yA// yang cig gzhon nu stobs ldan gyis// kye kye ston pa rdo rje 'chang // u pa'i grub mtha' de ltar na// yo ga'i grub mtha' gsung du gsol// zhus pa'i lan du bka' stsal pa// kye ma gzhon nu stobs ldan nyon// yo ga'i grub mtha' 'di ltar ro// 'jug pa'i sgo ni byang chub lnga// lha dang bdag gnyis spun grogs lta// bsrung ba'i dam tshig ma khrel rnam gsum bsrungs// spyod pa dgag sgrub med par spyod// mngon byang byang chub lnga po ni// gdan gyi sgo nas byang chub dang // sku yi sgo nas byang chub dang // phyag mtshan sgo nas byang chub dang // bskyed pa'i sgo nas byang chub dang // yig 'bru'i sgo nas byang chub ste// de ltar byang chub lnga la spyod// ma khrel gsum po 'di lta ste// yi dam lha yi ma khrel dang // slob dpon mched kyi mkhrel dang // rang gi sems kyi ma khrel gsum// dam tshig yin pas dam du bsrungs// lha dang rnal 'byor bdag nyid kyang // spun dang grogs po'i tshul du 'dod// lha yi dkyil 'khor thams cad kun// bdag dang gnyid med gcig tu bsgom// lha nyid rang la rang nyid lha// de ltar bdag dang lha yi 'phro 'dur 'dod// de ni yo ga'i grub mtha' 'o// rgyud chen dri med zla shel las// yo ga'i theg pa bshad pa dang // grub mtha'i le'u ste bcu pa'o// // yang cig gzhon nu stobs ldan gyis// ston pa nyid la yang zhus pa// kye ho ston pa rdo rje 'chang // yo ga'i grub mtha' gsung na yang // ma hA'i grub mtha' gsung du gsol// zhus
- 61a
pa'i lan du 'di skad do// ma yengs legs par yid la zung // ma hA'i grub mtha' 'di lta ste// de bzhin nyid kyi ting 'dzin sogs// 'jug sgo ting 'dzin rnam gsum mo// rtogs pa'i lta ba lha dang lha mor lta// bsrung ba'i tshul khrims rtsa ba gsum yin te// lus ngag yid dang gsum du 'dus// 'bras bu thabs shes gnyis su med// ting 'dzin rnam gsum 'di lta ste// de bzhin nyid kyi ting nge 'dzin// rtog med sang nge sal le'o// kun tu snang gi ting nge 'dzin// gsal la yengs pa med pa sgom// de bzhin rgyu yi ting nge 'dzin// hUM las sems dpa' gsum brtsegs sgom// bdag nyid dam tshig sems dpa' la// phun sum tshogs pa bzhi dang ldan// ting 'dzin yig 'bru'i sems dpa' la// gsal ba rnam pa gsum dang ldan// ting 'dzin sems dpa' 'di lta ste// zhi ba dang ni khro bo yin// rgyu yi ting 'dzin 'di lta/ ste// yaM las rlung gi dkyil 'khor bsgom// raM las me yi dkyil 'khor bsgom/ khaM las chu yi dkyil 'khor zlum// ra las ra k+ta'i rgya mtsho 'khyil// sum las gser gyis gzhi bad la// ke las rus pa'i ri rab steng // b+h+rUM las rat+na'i gzhal yas khang // paM las pad+ma 'dab stong ldan// a las zla ba'i dkyil 'khor rgyas// ma las nyi ma'i dkyil rgyas// sang ha ra na hUM zhes pas tshur la bsdus shing bstim pa'o// pha ra na
- 61b
phaT kyis phar la 'phros// yig 'bru 'od zer bsam mi khyab// rab tu sprul nas nga rgyal ldan// rnam pa lha dang stong gsal lo// de ni ting 'dzin gsum du 'dod// dam tshig rnam gsum 'di lta ste// lus kyi sgo nas srog gcod pa// ma byin len dang mi tshangs spyod// de ni sku yi dam tshig yin// ngag gi sgo nas brdzun dang phra ma spangs// de ni gsung gi dam tshig yin// yid kyi brnab sems gnod sems dang // log lta bsam ngan spang bar bya// de ni thugs kyi dam tshig yin// thabs dang shes rab 'du 'bral med par rtogs// de ni hA'i grub mtha' yin// rgyud chen ni dri med zla shel las// ma hA yo ga'i 'dod gzhung ste// rgyud tshig le'u bcu gnyis pa'o// // yang gcig gzhon nu stobs ldan gyis// ston pa nyid la yang zhus pa// kye kye ston pa rdo rje 'chang // ma hA'i grub mtha' de ltar na// lung chen a nu'i grub mtha' gang // zhus pa'i lan du bka' stsal pa// kye ho rdo rje 'dzin pa nyon// lung chen a nu'i theg pa'i grub mtha' ni// dbyings dang ye shes rnam pa gnyis// 'du 'bral med pa'i rdo rjer 'dod// 'jug sgo cig car rims kyis gnyis// rtogs pa'i lta ba 'du 'bral med// cig car 'jug sgo gang zhe na// lha rnams ma bskyed snying po dran pas rdzogs// rim kyis 'jug pa gang zhe na// dbyings dang ye shes rim zhugs nas// rdor 'dzin sa
- 62a
la 'bras bu thob// bsrung ba'i dam tshig 'di ltar ro// gsang sngags don ston rtag tu bstod// ci 'byor pa yi mchod pa 'bul// slob dpon dang ni de bzhin gshegs// khyad med gcig gi ngo bor gnas// mdor bsdus dbyings dang ye shes so// lung chen a nu'i grub mtha' 'o// rgyud tshig a nu'i le'u ste bcu gsum pa'o// sa ma yAHyang cig gzhon nu stobs ldan gyis// rdo rje 'chang la yang zhus pa// a nu'i grub mtha' gsungs na yang // a ti'i grub mtha' gsung du gsol// zhus pa'i lan du 'di skad gsungs// nyon cig gzhon nu rdo rje 'dzin// rdzogs chen a ti'i grub mtha' ni// theg pa mdor bsdus bshad par bya// lta ba phyin ci ma log pa// rdzogs chen a ti yo ga la// gcig rdzogs gnyis rdzogs thams cad rdzogs// gcig byung gnyis byung thams cad byung // gcig skyes gnyis skyes thams cad skyes// gcig med gnyis med thams cad med// de bzhin rdzogs chen a ti la// byas pa'i chos ni ka nas dag/ bya dang byed pa med pa'o// rdzogs pa chen po'i don nyid la// dam tshig bsrung du med pas te// ye nas bsrung dang bral ba'o// med pa phyal ba lhun grub che// nyag gcig zang thal nyid du'o// gsang sngags kun gyi dgongs pa che// rdzogs chen a ti yo ga ni// dper na gcan gzan seng ge
- 62b
bzhin// rang rig gtan la phebs pa ste// theg dman zil gyis gnon pa'o// rang byung rang la thim pa'i sku gsum don// skye med dbyings las sgom med chen po'o// bsgom bya sgom byed gnyis dang bral// 'dzin pa med pa'i rang grol ni// dper na sbrul gyi mdud pa bzhin// rang grol rang sangs chen po'o// de bzhin mtshan ma'i bsam pa rnams// rang grol rang sangs chen po'o// rdzogs chen a ti'i theg pa la// re dang dogs pa ga la yod// re dogs yod na ltung ba'i rgyu// de bzhin 'dzin med rang grol lo// dper na mtshan mar snang ba yang // rang las byung zhing rang la thim// de bzhin rdzogs chen a ti la// sgrub med sgrub dang bral ba'o// byas med byung sa med pa'o// 'gag med khyab gad la 'ub chub bo// 'gyur med klong yangs chen po'o// chos med sangs rgyas med pa'o// gnas med ye shes med pa'o// sems med yid med sangs rgyas med// de ni a ti'i grub mtha' 'o// rgyud chen dri med zla shel las// theg pa rim dgu'i 'dod gzhung dang // don rnams bsdus nas dbye ba bstan// theg pa rin chen don bsdus kyi// phyi dang khyad par bstan pa yi// rgyud tshig le'u bcu bzhi pa'o// ston pa nyid kyi bstan pa'o// sa ma yA/ gter rgya sbas rgya zab rgya/ rgyab ma#/ tang pa @[।]de nas gzhon nu stobs
- 63a
ldan gyis// ston pa rdo rje 'chang chen la// 'di skad ces ni zhu ba phul// kye ma ston pa rdo rje 'chang // theg pa'i dbye ba bstan na yang // grub mtha' mdor bsdus bshad na yang // sems can rnams kyis mi go bas// ma grub thog ma'i gong dag tu// kun khyab ye shes gnas pa la// 'khrul med 'khrul dang gnas pa'i tshul// lam dang 'char sgo yul gang gsal// nyams len gong 'phel grol ba'i rtags// rkyen dang bar chad su dang 'phrad// ston pa nyid kyis legs par gsungs// de skad ces ni zhus pa'i lan// ston pa nyid kyis bka' stsal pa// nyon cig gzhon nu dpa' bo che// stobs dang ldan pa tshur nyon cig/ ma grub thog ma'i gong dag tu// kun khyab ye shes 'di ltar ro// thog ma'i ka dag gsal stong khyab// ngo bo stong la rang bzhin gsal// thugs rje kun tu snang nus pas// de yang ye shes chen po nyid// thog ma'i ka dag gsal stong la// rang bzhin nyid ni 'di lta bu// sus kyang ma byas rang gsal nyid// ye nyid nas ni rang bzhin khyab// rang byung ye shes rang las byung // ma bcad pa yi yul can yin// sngar 'das phyis 'byung da lta med// las dang bag chags ma rig med// yid dang 'khor ba shes rab med// myang 'das dag kyang yod ma myong // rig pa nyid kyang yod ma yin// ye shes su yang snang ba
- 63b
med// kye ma rig stong nyag gcig nyon// rang byung ye shes srog med pas// dge sdig gnyis kyi mtha' las 'das// rang byung ye shes byed dang bral// dbyings rig gnyis las 'das pa'o// rang byung ye shes mi g.yo bas// snang ba'i rtog pa chod pa'o// rang byung ye shes 'du 'bral med// sku dang ye shes mngon snang nyid// rang byung ye shes snang mtha' bral// yul dang yul can kun las 'das// rang byung ye shes rtsis med pas// gzung 'dzin gnyis las 'das pa'o// rang byung ye shes phyi nang med// skyon dang yul can lan las 'das// rang byung ye shes 'khrul pa med// ka dag yin min mtha' las 'das// rang byung ye shes chos med mtha' las 'das// rang byung ye shes 'gyu byed shes rab med// rang byung ye shes chen po'i snang ba la// stong pa snang ba ma spangs rdzogs// ngo bo nyid kyi snang ba la// ngo bo nyid kyi sku shar te// chos sku thig le nyag gcig go/ ngo bo nyid kyi snang ba ni// ye shes lhun grub chen por bzhugs// de yang 'di lta nyid du gnas// rgya chad med pa'i ye shes dang // lhun gyis grub pa'i ye shes dang // spros dang bral ba'i sa nyid dang // mtha' dang bral ba'i rig pa dang // dag pa chen po'i snang ba dang // phyogs lhung med pa'i lta ba dang // spang thob med pa'i 'bras bu dang // yangs pa gsal ba mi 'gyur ba// zang thal ye shes ma
- 64a
'gags pa// mi 'khrul pa yi chos nyid do// phyi yi rgya yang ma ral pa// nang du 'od lnga ma 'gags pa// sku dang ye shes 'du 'bral med// ngo bo stong pa chos kyi sku// rang bzhin gsal ba lhun grub sku// dgongs pa yangs pa ye shes sku// thugs rje kun khyab sprul pa'i sku// bzhi ldan chos sku'i tshul du bzhugs// de ltar chos sku ka dag ni// nam mkha'i dkyil ltar 'pho 'gyur med// ri bo lta bur g.yo 'gul med// rgya mtsho lta bur kha gting med// gser dngul lta bur 'gyur ba med// 'di nyid chos sku ka dag yin// de yi snying po ye shes ni// ye shes zang thal nyid du gnas// ye shes zang thal bkrag mdangs gsal// rang byung ye shes 'od skur shar// dper na nyi ma'i snying po 'dra// de yang chos sku ye shes la// mdun rgyab med par zad thal le// ye shes lus can de bzhin gshegs// ye shes lus te lus kyi mchog/ ye shes lus la sha khrag med// rin chen 'od 'bar sku ru bzhugs// ye shes spyan la gsal 'grib med// gsal dag zang thal chen por khyab// ye shes 'od la phyi nang med// ye gsal zang thal nyid du gnas// ye shes thugs la yangs dag med// stong gsal gdang lnga nyid du bzhugs// de yang dngos por ma grub pas// rtag pa ther zug can du min// rgya chad du yang ma yin te// rang bzhin 'od gsal tshul
- 64b
du bzhugs// stong gsal yin pas gnyis mtha' zad// rtag chad gnyis kyi mtha' las 'das// ngo bo nyid kyi snang ba ni// rang bzhin bkrag mdangs me re re// gsal 'tsher lhun sdug ce re re/ nor bu 'od 'bar tshul du bzhugs// gsung ni rang gsal don gyi gsung // grags stong chos kyi sku ru gnas// thugs ni rtogs med ngang la gnas// nga dang bdag tu 'dzin pa med// dbang po lnga la rag ma lus// nyon mongs pa yi yid ma skyes// bde sdug myong tshor med pa'o// yid kyi rnam par shes pa med// rig pa sgo lnga dag la yan// rnam par shes pa tshogs brgyad bral// nyon mongs ma skyes chos nyid ka nas dag/ sgrib med ye shes gsum dang ldan// ngo bo ka dag ye shes dang // rang bzhin lhun grub ye shes dang // thugs rje rang snang ye shes gsum// 'bral med gcig gi ngo bor gnas// ngo bo ka dag ye shes ni// ma rig rtog pa kun dang bral// rang bzhin lhun grub ye shes ni// 'khrul pa tshig gi tha snyad bral// thugs rje rang snang ye shes ni// thams cad dbyings rig gcig tu snang // ye shes rang la rang gnas phyir// gsum gyi tshul du dbyer med do// rnam grangs kun gyi mtha' las 'das// rnam pa thams cad mkhyen pa yi// ye shes chen po gcig tu bzhugs// ye shes de yi 'phrin las ni// sku lnga dang ni ye shes lnga// 'od lnga dang ni zhing lnga
- 65a
'phrin las lnga// rigs lnga yum lnga la sogs te// lnga mtshan sum cu so lnga ni// ye shes gcig gi ngo la rdzogs// chos sku'i klong nas thog med shar// longs sku'i ngos nas ma 'gags shar// sbrul sku'i ngos nas sna tshogs shar// mi mdzad sna tshogs 'char ba'i sgo// mdzad pa ltar snang ngo bor rdzogs// de yang gnas lugs 'di lta ste// rig pa'i ngo bo sku lngar bzhugs// sku lnga'i snying po ye shes lnga// ye shes bkrag mdangs 'od lngar shar// bzhi yi mtshan nyid ye shes lnga// sku lnga dag ni 'di lta ste// thig le nyag gcig sku dang gcig/ 'od zer mi 'gyur sku dang gnyis// rig pa kun bzang sku dang gsum// rang bzhin lhun grub sku dang bzhi// gzhon nu bum pa'i sku dang lnga// snying po ye shes rnam lnga ni// chos sku'i ngo bo stong pas na// chos kyi dbyings kyi ye shes zer// stong pa'i rang mdangs gsal bas na// me long lta bu'i shes zer// stong gsal gnyis su med pas na// mnyam pa nyid kyi ye shes zer// yon tan thams cad so sor shar bas na// so sor rtogs pa'i ye shes zer// de dag thams cad bzhi la grub pas na// bya ba grub pa'i ye shes zer// de yi bkrag mdangs 'od lngar shar// chos sku mi 'gyur 'od zer mthing // rig pa dri med 'od zer dkar// rig pa 'od ldan 'od zer ser// rig pa bde gsal 'od zer dmar// rig
- 65b
pa 'gag med 'od zer ldang // 'od zer de dag snang tshul ni// phra la dwangs shing gsal la 'tsher// rang bzhin bkrag mdangs ma nyams pas// sos ka'i smig sgyu lta bu ru// rgya mtshor gza' skar shar pa 'dra// bltas pas mi ngom mtshan dper ldan// ye shes 'od dang kha dog lnga// bco lnga gcig tu 'dus pa la// ka dag babs kyi sangs rgyas zer// de yi gnas tshul shes pa la// ye ji bzhin pa'i sangs rgyas zer// de yi mtshan nyid shes pa la// rang bzhin lhun grub sangs rgyas zer// de yis rtogs tshul shes pa la// rtogs pa mngon gyur sangs rgyas zer// ngo bo nyid kyi snang ba la// ngo bo nyid kyi skur shar bas// ye ji bzhin pa'i sangs rgyas zer// thams cad gshis la grub pas na// sangs rgyas sku lnga'i snying po can// rtag chad gnyis kyi mtha' las 'das// rang grol mtha' bzhi'i dri ma sangs// rgyu rkyen kun las 'das pa'o// lhun grub re dogs kun las grol// ka dag yin phyir kun las grol// ngar 'dzin med pas nyon mongs grol// gzung 'dzin med pas rnam shes grol// skye 'gag med pas sgo lnga grol// bcos bslad med pas rtog pa grol// dri ma med pas 'byung bzhi grol// 'od gsal stong pas sku lngar ldan// de ni gzhi yi bzhugs tshul yin// chos sku ye shes chen po ni// mtshan nyid rnam pa gsum dang ldan// ngo bo rang
- 66a
bzhin thugs rje gsum// chos kyi sku yi mtshan nyid yin// mi 'jigs gdangs dang gsal ba dang // bya ba thams cad rdzogs pa ni// chos kyi sku yi nges tshig yin// 'gyur med 'gag med khyab pa gsum// gsal dang mdangs dang ma 'dres gsum// chos kyi sku yi yum yin no// dpag med dmigs med 'dzin pa med// chos kyi sku yi gnas yin no// 'gag med zhen med chags pa med// chos kyi sku yi spyod pa yin// lhan ne lhang nge yengs pa med// chos kyi sku yi sgom pa yin// ltar med bltas zin lta ba rdzogs// chos kyi sku yi lta ba yin// byas med byung med byung sa med// chos kyi sku yi 'bras bu yin// sgrub med sgrub zin sgrub dang bral// chos kyi sku yi 'phrin las yin// gcig byung gnyis byung thams cad byung // chos kyi sku yi yon tan yin// 'gags med gsal dang ngo bo stong // chos kyi sku yi snang ba yin// phyi med nang med dbyibs su med// chos kyi sku yi rang lus yin// 'gro med 'ong med gnas pa med// chos kyi sku yi rang rtags yin// nyi zla pad+ma rgya mtsho bzhi// chos kyi sku yi mtshan dpe yin// chos sku ye shes de ltar gnas// longs sku'i ye shes lnga ldan ni// dbye ba bsam gyis mi khyab kyang / kha dog med par so sor gsal// mtshan dang dpe byad 'od zer 'dra// yab yum sku yi cha lugs 'dzin// longs spyod rdzogs sku'i
- 66b
mtshan nyid yin// skye med 'chi med rdo rje'i sku// 'od lnga sku lnga ye shes lnga// yab lnga yum lnga tshom bu lnga// zhing khams rtogs pa lnga dang ldan// gzhi lnga lam lnga 'bras bu lnga// gnas lnga yul lnga ngo bo lnga// longs spyod rdzogs sku'i ngo bo yin// chos nyid ngang la gnas pas longs// gsal la ma 'dres khyab pas longs// ye shes lnga dang ldan pas longs// thabs shes gnyis su med pas longs// 'dzin med rang sar rol pas spyod// sal le sing nge snyam pas spyod// gnas shing sprul pa 'gyed pas spyod// skra don mthar phyin rol pas spyod// rang byung rang la byung zhing spyod// bya byed kun las 'das pas rdzogs// dmigs med don la gnas pas rdzogs// phyogs lhung 'gro 'ong med pas rdzogs// byas pa med pas rang byung rdzogs// gsal stong ye shes rdzogs pas pa// rgyan dang cha lugs 'dzin pas pa// 'dzin med rang sar dag pas sku// kun snang thugs rje 'char ba'i sku// lhun grub longs sku'i bzhugs tshul lo// thugs rje sbrul sku'i bzhugs tshul ni// bya ba rdzogs dang bya ba byed// phyi nang bya ba rdzogs pas te// bya ba rdzogs pas sprul pa'i sku'i// gang la gang 'dul tshul du ni// de la der ston mthun par snang // thugs rje nyi 'od kun la khyab// 'gro ba yongs la snang nus pas// sprul pa sku yi bzhugs tshul lo// ye shes rang
- 67a
rtsal phyogs bcur khyab// sku gsum ngo bo gcig gi ngang // ye shes gsum gyi rang bzhin can// gzhi yi gnas lugs de ltar ro// gzhi la mang du bshad lags na// ngo bo nges tshig dbye ba mthun dpe bzhi// ngo bo thig le nyag gcig yin// nges tshig gzhi la rtsal rdzogs pas// kun gyi kun gzhi zhes kyang bya// dbye ba rnam pa gsum yin te// ye don dang po'i kun gzhi dang // sna tshogs sogs pa'i kun gzhi dang // sbyor ba don gyi kun gzhi'o// 'di ni ye don kun gzhi ste// mtshan nyid bzhugs tshul dbye ba dang // sku gsum ye shes gsum ldan du// nyag gcig rang gnas bzhugs lugs so// 2@// gzhi gnas chos sku ka dag la// rig rtsal rdzogs lugs bshad par bya// rlung dang rig pa nam mkha' gsum// bya ba grub pa'i ye shes bzhi// dbyer med gcig gi tshul du bzhugs// ye shes rlung ni g.yo 'gul med// rig pa dri med gcer bur bzhugs// nam mkha' stong la bsnan phri med// bya ba grub pa'i ye shes ni// ye shes lnga yi dwangs ma ste/ 'od ni ljang gu khra ldems ldems// rig pa'i ngo bor gnas pa'o// gzhi la g.yo 'gul med pa ste// bya grub ye shes nang la gsal// shes pa bcud du dril ba ste// rlung dang rig pa'i rtsal la spyod// rdzogs ldan chen por bzhugs pa'o// da ni gzhi yi mthun dpe
- 67b
bshad// stongs pa yangs pa khyab pa ste// nam mkha' lta bur gnas pa'o// dri med gsal dag zang thal le// man shel dri med lta bur gnas// ma grub thog ma'i gong dag tu// kun khyab ye shes gnas tshul dang // thogs ma'i spyi gzhi 'dug tshul ste// rgyud tshig le'u bco lnga pa'o// sa ma yA/ gter rgya/ sbas rgya/ zab rgya// a hata rga ga d+ha ma nan \u0f7fde nas gzhon nu stobs ldan gyis// rdo rje 'chang la 'di skad gsol// thog ma'i spyi gzhi bstan pa dang // kun khyab ye shes gnas lugs bshad// legs par rgyas par gsung na'ang // 'khrul med 'khrul tshul gsung du gsol// de skad ces ni bshad pa'i lan// rdo rje 'chang gis bka' stsal pa// nyon cig gzhon nu stobs dang ldan// gong ltar gzhi la 'khrul med kyang // 'khor 'das gnyis su 'khrul pa yi// gzhi yi klong nang 'gyus lugs bstan// gzhi yi ye shes rang rlung dang // gzhi yi rig pa gcer bu dang // gzhi yi nam mkha' gsal stong dang // gzhi yi bya grub ye shes bzhi// dbyer med gcig gi rang bzhin te// rgya zho chags pa lta bur gnas// 'di la g.yo 'gul 'di ltar 'byung // ye shes rlung gis rig pa bteg/ rig pa'i sgo ni nam mkhas phyes// bya grub rig rtsal ma 'gags te// g.yo 'am mi g.yo bag tsam g.yo// 'gyu 'am mi 'gyu bag tsam 'gyu// gzhi la g.yo 'gul
- 68a
med mod kyang // rig pa'i rtsal las g.yo 'gul byung // 'gyu ba de la yid ces zer// de yang ye shes rig rtsal yin// rig rtsal ci tsam 'grus pa de// gser sa 'og yod pa yi rlangs pa 'am// bye'u chung gi kha rlangs tsam// bya phod rkyen med 'gul ba'am// rta rnga brgya gshegs cha tsam gcig/ rig pa nyid kyang yid du 'grus// rig pa de la mthong snang ni// phra rag rtog pa mang po shar// 'od khyim kha dog lnga ldan ni// nam mkha' stong pa'i klong du shar// rig pa 'gag ste yid du 'gyus// 'od khyim de la rtag dpyad btang // rtog pa phra mo mang po skyes// 'od khyim pa gi nga yin nam// pha gi nga las byung ngam ci// nga nyid pha gi yin nam ci// gnyis 'dzin rtog pa mang po shar// ye shes nyid las ma rig 'khrul// rang snang rang gis mi rig pas// lhan cig skyes pa'i ma rig pa// gang du skyes nas chos sku'i klong du skyes// su yi/ su nyid ma rig na// dper na me long dkyil 'khor la// bdag po rang gis bltas pa'i tshe// rang gzugs yin par ma rig ste// 'od byed yul snang so sor bzung // 'od byed yul snang rtog dpyod rnams// dus gcig snga phyi med pa ste// lhan cig skyes pa'i ma rig dpe// de bzhin nam mkha' stong pa la// rig dang ma rig 'od snang dang // rig pa ye shes rtsal nyid rnams// snga phyi med par lhan cig
- 68b
skyes// lhan cig skyes pa'i ma rig pa// yul dang yul can gnyis su 'khrul// ye shes gsal ba'i yul drug la// gnyis 'dzin sems de byung ba'o// dung la ser po mthong ba dang // gser la nag por mthong ba rnams// gnyis snang rtog pa'i cha las 'khrul// ngo bo rang bzhin thugs rje gsum// dngos su yod kyang ma rig pas// rgyu rkyen 'bras bu gsum du byung // yul snang chos nyid ma rig 'khrul// mdor na 'khrul pa rtsad gcod la// rgyu yi rkyen dang dmigs pa'i rkyen// bdag po'i rkyen dang mtshungs pa'i rkyen// rkyen bzhi 'dus pa'i 'khrul pa ni// rgyu yi rkyen ni chos nyid dang // dmigs pa'i rkyen ni 'od snang nyid// bdag po'i rkyen ni rig pa nyid// de gsum dus mtshungs mtshungs pa'i rkyen// 'khrul pa de ma zag ces zer// 'khrul pa'i dus ni 'di ltar ro// rig dang ma rig gnyis 'dzin gnyis// chos nyid yul la shar dus 'khrul// ye shes kha dog 'byung ba lnga// gdod nas ye shes rtsal nyid du// 'bral ba med de ma rig 'khrul// 'od khyim kha dog rnam lnga la// rtog dpyod byas pas 'byung lngar 'khrul// gzhi dag pa me long ye shes la// rtog dpyod byas pas chu ru 'khrul// gzhi dag pa mnyam nyid ye shes la// rtog dpyod byas pas sa rdor 'khrul// gzhi dag pa sor rtog ye shes la// rtog dpyod byas pas me ru 'khrul// gzhi dag pa bya grub
- 69a
ye shes la// rtog dpyod btang bas rlung du 'khrul// gzhi dag pa chos dbyings ye shes la// rtog dpyod btang bas nam mkhar 'khrul// ye shes lnga yo gzhi yin te// rtog spyod byas pas yul lngar bzung // ming med ming du bos pa ltar// 'byung lnga med bzhin rim gyis chags// phyi yi 'byung lnga dag la ni// nang gi sems kyi nga dang bdag/ gnyis su bzung bas 'od lnga ni// gsal bar ma nus 'byung bzhis sgrib// ma rig pa de sems yin te// de las byung ba 'byung ba'o// sems la dran bsam byung bas na// ngo bo nyid kyi rtog pas btum// da ni bcud kyi 'khrul lugs ni// 'khrul gzhi ye shes rnam lngas byas// 'khrul rgyu ma rig gnyis kyis byas// 'khrul rkyen skad cig lnga yis byas// 'khrul pa'i 'bras bu yid kyis byas// ye shes ma rig yul la bzung // der 'dzin rlung sems 'dus pa las// 'byung ba lnga yi sbubs su chud// rlung sems yid du 'gyus pa las// shugs ldan sna tshogs rgya gram rlung // de las ye shes drod rlan 'byung // rgya mtsho chen po de nyid las// chan la phab rtsi btab pa ltar// sa yi rnam pa snyoms par chags// de la dud rlangs lag ngar tsam// de yi dwangs ma 'od skor ni// spa phu ba tsam pa gsum du byung // 'od gcig snang la rang bzhin med// de la skye mched mu bzhi chags// 'od gnyis mtho ras gnas
- 69b
bcu chags// de nas yid kyis rtog dpyod btang // yid kyi spyan gyi gzigs pas na// srid pa 'od kyi sgo ngar mthong // de nyid mdzes par mthong nas su// yid kyis sbyor ba byas pa las// mdzes pa'i chags sems sgo ngar 'thum// nyi ma rab snang drod byas te// nor bu dri med rlan byas so// phyi ltar shed bu shed la rog/ nang ltar 'dod chags bya sgong dang // zhe sdang sbrul gyi sgo nga zer// gsang ba ltar na zabs shes gnyis// de dus za ba'i zas med pas// 'dod pa'i yon tan lnga la spyod// sa la brten nas gzugs rnams byung // chu la brten nas sgra rnams byung // me la brten nas dri rnams byung // rlung la brten nas ro rnams byung // nam mkhar brten nas reg rnams byung // de nas rig pa'i kha lo de/ kha lo la phyir bltas pa yis// 'dod yon lnga la yul lngar song // shes pa nang du log pa yis// dug lnga dag la brten pa las// nang gi 'dzin pa'i sems su song // nyon mongs lnga dang dug lngar shar// sa la brten nas gti mug byung // chu la brten nas 'dod chags byung // me la brten nas zhe sdang byung // rlung la brten nas phrag dog byung // mkha' la brten nas nga rgyal byung // de nas dug lnga'i rtsal la ni// 'gro ba rigs drug dpag med smin// zhe sdang cha las bsad bcad byas// 'bras bu tsha grang dmyal ba myong // 'dod chags cha las ser sna
- 70a
phrag dog byas// 'bras bu yi dag bkres skom byung // gti mug cha las le lo blun rmongs byas// 'bras bu byol song glen lkugs byung // nga rgyal cha las nga bdag 'dzin pa byas// 'bras bu brel 'phongs lha mi byung // phrag dog cha las khong khro nga rgyal byas// 'bras bu lha ma yin du smin// 'gro ba rigs drug de dag la// snang srid lha 'dre thams cad byung // lha med pa la lha ru mchod// 'dre med pa la 'dre ru bkar// ming med rnams la ming du btags// rnam rtog 'dre ru bzung bas byung // dmyal ba rnams la gshin rje byung // yi dwags rnams la mo 'dre byung // pho 'dre thams cad zhor las byung // byol song rnams la klu gnyen byung // mi la gnod sbyin thams cad byung // lha la phya dang dbang phyug gza' skar byung // lha ma srin la gza' srin byung // 'gro ba rigs drug de dag la// tshe tshad lus tshad longs spyod dang // bde sdug skye ba rnam bzhi dang // nad rigs bzhi brgya rtsa bzhi dang // bgegs rigs stong phrag brgyad cu dang // nyon mongs brgyad khri bzhi stong byung // rgyud chen dri med zla shel las// phyi snod nang bcud 'khrul lugs kyi// rgyud tshig le'u bcu drug pa'o// yang cig gzhon nu stobs ldan gyis// ston pa nyid la 'di skad zhus// kye kye ston pa rdo rje 'chang // 'khrul med 'khrul tshul gsungs na'ang // 'byung ba dwangs snyigs dbye ba dang // gnas
- 70b
tshul ye shes gsung du gsol// zhus pa'i lan du bka' stsal pa// nyon cig gzhon nu stobs dang ldan// 'byung ba dngas snyigs dbye ba dang // phyi dang nang dang gsang pa gsum// dwangs snyigs 'di ltar phye bar bya// phyi sa rdo ri brag snyigs ma yin// de yi dwangs ma nyi ma rtse shing nags tshal dang // 'bras bu rtsi thog drangs ma yin// 'byung ba chu 'di snyigs ma yin// de yi drangs ma chu zla yin// 'byung ba me 'di snyigs ma yin// de yi drangs ma nyi ma yin// 'byung ba rlung 'di snyigs ma yin// de yi drangs ma rang sgra yin// nam mkha' stong pa snyigs ma yin// drangs ma 'ja' dang gza' skar yin// da nang gi 'byung ba dngas snyigs dbye// sha rus spu lpags snyigs ma yin// de yi dngas ma ka ti tsa// shel dkar skud pa snying la gnas// khrag dang chu ser snyigs ma yin// de yi dwangs ma khrag thig ni// mthe bong tsam cig snying nang gnas// lus po'i drod 'di snyigs ma yin// de yi dwangs ma rang drod ni// nyi 'od tsam cig snying du gnas// 'byung 'jug dbugs 'di snyigs ma yin// drangs ma rta rnga tsam cig snying du gnas// byang khog rtsa sbuskugs stong pa 'di// snyigs ma'i tshul du 'dod pa'o// dwangs ma thig le khra yi mig/ stong gsal snying gi dkyil du gnas// gsang ba'i dngas snyigs dbye ba ni// nang ye shes rnam lnga dwangs ma yin// phyi ru shar
- 71a
ba'i 'od snang lnga// snyigs ma ming du btags pa yin// don la sku lnga ye shes lnga// 'od lnga kha dog lnga dang ldan// dbyer med snying gi dkyil du gnas// rgyud chen dri med zla shel las// 'byung lnga dngas snyigs dbye ba dang // gnas tshul zur tsam bshad pa ste// rgyud tshig le'u bcu bdun pa'o// sa ma ya/ ba 6/ yang cig gzhon nu stobs ldan gyis// ston pa nyid la 'di skad zhus// kye ma ston pa bcom ldan 'das// 'byung lnga drangs snyigs dbye ba dang // gnas tshul zur tsam bshad na yang // sems can rnams kyis mi go bas// gnas tshul chags tshul rgyas par zhu// de skad ces ni zhus pa dang // ston pa nyid kyis lan gsungs pa// nyon cig gzhon nu stobs dang ldan// lhun grub ye shes rig pa dang // rang byung lus kyi gnas lugs ni// legs par bshad kyis yid la zung // brten bzhi lus kyi cha lugs ni// rang dbang can du 'khor ba dang // rang dbang med par 'khor lugs so// rang dbang can gyi 'khor lugs ni// 'od zer mthing kha phyi la thon// ljang khu nang du log pas te// ye shes khong gsal chen por gnas// de ni chos sku lhun grub yin// dran bzhin skye ba len pas te// longs spyod rdzogs pa'i 'khor lugs so// dran bzhin 'gro don byed pas na// sprul pa'i sku yi 'khor lugs so// me tog la
- 71b
sogs rdzus te skyes// dag pa'i mngal du dran bzhin 'jug/ de rnams rang dbang can yin no// rang dbang med pa'i 'khor lugs ni// dge ba can ni yar la 'khor// sdig pa can ni mar la 'khor// de yang sdig can 'khor lugs ni// rlung dang rnam shes snang ba 'di// las kyi dbang gis gzugs snang shar// dbang po kun ldan phyogs med du// zas dang skom dang skyabs gnas tshol// stong gsum thams cad se gol gcig la 'khor// sdug bsngal tshor ba mang po myong // de la skye ba rnam bzhi ste// mngal skyes sgong skyes drod gsher skyes// rdzus te skyes dang rnam pa bzhi// ma yi mngal du 'di lta ste// bar do'i rnam shes 'khyam pa dang // pha ma'i 'dod sred rten 'brel 'dzom// bsod nams mthun cing las 'brel ldan// rgyu rkyen phun tshogs mngal du 'jug/ 'jug sgo dag dang ma dag gnyis// lnga 'dus mtshan ma sbyor ba la// nyon mongs lnga dang yid drug dang // ye shes lnga yi bdag nyid do// ye shes rang ngo ma shes te// der 'dzin dri mas 'byung ba 'dus// de nas lus grub rga shi'i bar// 'khor bar 'khyam zhing 'byung ba 'dus// chos nyid bar do/ ngo ma shes// der 'dzin dug lnga dug gsum rgyas// yul drug dag gis 'dzin pa yis// pho mo sbyor ba byed pa la// der 'dzin skyes pas ye shes rtsal// rig pa yid du 'gyu ba de// pha ma bde ba gnyis mnyam
- 72a
dus// der 'dzin 'dres pas mngal rgyar 'thum// de yang 'thum lugs 'di lta ste// pha yi thig le zla ba'i tshul// ma yi khu khrag nyi ma'i tshul// nyi zla ga'u kha sbyar bar// bar do'i rnam par shes pa 'di// yi ge a yi tshul du tshud// chu la chu bzhag tshul du thim// dran pa'i byung tshor thams cad 'gags// bde ba chen po'i ngang la gnas// sems yid thogs pa can du song // mi lus len pa rlung sems dang // pha ma'i sa bon bzhi po 'dres// rgyu rkyen de bzhi 'dzom pa rnams// 'byung ba bzhi yi las su song // de yang byed las 'di lta ste// zhag ni bdun phrag dang po la// srub byed rlung gi rab srub nas// nyi zla ga'u de dag ni// mer mer zho rlan lta bu ste// yungs 'bru brgya yi cha tsam chags// 'byung ba chu yi byed las so// zhag ni bdun phrag gnyis pa la// nur nur zho dang khrag 'dres tshul// 'byung ba bzhi yi yi ge dang // rang bzhin yi ge bzhi bcu ni// rta rnga bcu yi cha tsam chags// thig le yungs 'bru'i cha tsam chags// 'byung ba sa yi byed las so// zhag ni bdun phrag gsum pa la// 'byung ba me yi bskyed pas te// gor gor po ni zho ltar chags// rang bzhin yi ge rtsa yi tshul// rnam pa brgyad du snang bar 'gyur// thig le yungs 'bru'i bcu cha tsam// gor gor po ru chags pa'o// zhag ni bdun phrag bzhi pa la// 'byung ba rlung gi rab tu
- 72b
gtor// ltar ltar dngul chu lta bu ste// yungs 'bru phyed kyi tshad du byas// de dus rtsa rnams rags par bskyed// zhag ni bdun phrag lnga pa la// mkhrang gyur chu yi rab bsdus te// brten par yungs 'bru tsam cig byas// de dus rtsa 'dab bcu drug chags// rtsa yi rtse mor thig le ni// nya yi mig tsam gcig tu chags// de la brten nas snying kha ru// de nas lte ba sprul pa yi// 'khor lo yis ni gzhi ma chags// zhag ni bdun phrag bdun pa la// me rlung gnyis kyi smin par byas// yungs 'bru gnyis kyi cha tsam cig/ khyab 'jug nya yi tshul du chags// de dus rtsa dkar rtse mo la// thig le nya mig tsam cig chags// de la brten nas snying kha ru// chos kyi 'khor lo'i gzhi ma chags// zhag ni bdun phrag bdun pa la// 'byung ba char gyis bsdus pa yis// yungs 'bru gsum gyi cha tsam bskyed// mer mer rus sbal lta bu ste// chu yis bshig cing sa yis mnan// me yis sdud cing rlung gis gtor// yang cig 'byung bzhi 'dus pa yi// nyi shu rtsa bzhi yi ge dang // lte ba dag nas bskyed pa yi// ro ma rkyang ma kun dar ma// rta rnga tsam du yar chad nas// snying khar 'khris nas mgrin pa ru// longs spyod 'khor lo'i tshul du chags// de nas rtsa gsum rtse mo la// thig le nya mig tsam pa la// brten nas spyi bo bde chen chags// de la brten nas mig gnyis chags// 'byung ba
- 73a
bzhi yi dwangs ma bzhi po ni// snying gi dkyil du 'gyur med bzhugs// zhag ni bdun phrag brgyad pa la// chu yi rab tu bsdus pa las// sran ma bcu cha tsam du byas// de dus snying gi dwangs ma lnga// rtsa chen lnga po phyir shar te// nang gi don snying rnam lnga chags// thig le'i dngas ma snying yang chags// snying rtsa yar song rtse chags so// de las gyes nas mgo bo chags// rtsa chen bzhi ni snying du 'dus// mcher pa'i rtsa la mchu chags so// de la bsten nas lus chags so// de nas lag pa g.yas pa chags// de nas mkhal ma g.yas g.yon chags// mkhal rtsa yar song snyan gnyis chags// de nas rkang pa g.yas pa chags// de nas mchin rtsa mchin pa chags// mchin rtsa yar song spyan gnyis chags// de nas lag pa g.yon pa chags// rlung gi drangs ma glo ba chags// glo rtsa yar song sna gnyis chags// de nas rkang pa g.yon pa chags// de nas smad kyi nang rol chags// lus kyang sbal pa lta bu'o// zhag ni lnga bcu nga drug ste// bdun tshan brgyad du lus rnams bskyed// 'khor lo bzhi yi rtsa 'dab dang // rang bzhin yi ge spyan dang bcas// lus kyi sha rus thams cad ni// cha rnams tshang bar chags pa'o// zhag ni bdun phrag dgu pa la// 'khor lo bzhi dang rtsa chen brgyad// rnam shes rmi lam lta bu chags// 'byung ba sa yi sra bar
- 73b
byas// zhag ni bdun phrag bcu pa la// lus la srin bu'i grong khyer dang // phyi rol sha lpags par rnams kun// rtsa yi dra ba dra phyed kyi// thams cad 'brel ba'i rnam pa chags// gong gi de dag thams cad kun// rims kyis bskyed cing rim kyis chags// gal te pha ma skyon can nam// dbang po ma tshang lus skyon zhugs// de la chags lugs 'khrul pa'o// 'khor lo bzhi la spyan gnyis gnyis// thabs shes tshul du spyan brgyad chags// zhag ni bdun phrag bcu gcig la// ma la rmi lo 'di ldangs te// mgon skyug bro dang 'ga' 'gag/ rtsa rnams dra ba lta bur chags// gzugs kyang sbal pa lta bu ste// mtho gang dag tu rag par chags// 'byung ba chen po 'dus pa yi// rlung gis phyis shing chu yis bsdus// sa yis bzung zhing me yis smin// rtsa gsum 'khor lo bzhi la sogs// lus kyi rten 'brel tshang mar chags// zhag ni bdun tshan bcu gnyis la// lte ba sprul pa'i 'khor lo yi// rtsa mdud thams cad rdzogs par chags// zhag ni bdun phrag bcu gsum la// pha yi sa bon rus pa chags// zhag ni bdun phrag bcu bzhi la// ma yi sa bon sha rnams bskyed// zhag ni bdun phrag bco lnga la// sha rus drangs ma rkang mar chags// zhag ni bdun phrag bcu drug la// lpags pa kris ma thams cad chags// zhag ni bdun phrag bco brgyad la// lus kyi yan
- 74a
lag gsal bar dod// zhag ni bdun tshan bcu dgu la// nya sum thams cad sbrul ltar 'khyil// zhag ni bdun phrag nyi shu la// rtsa rnams dra ba'i tshul du g.yogs// zhag ni bdun tshan nyer gcig la// me khams snying ni bra bo tsam// zhag ni bdun tshan nyer gnyis la// lcags khams glo ba gangs ri chags// zhag ni bdun phrag nyer gsum la// shing khams mchin pa nags ltar chags// zhag ni bdun phrag nyer bzhi la// mcher pa sa khams spang ltar chags// zhag ni bdun phrag nyer lnga la// ku ya dar gyi yol ltar chags// zhag ni bdun phrag nyer drug la// klad pa zho phor lta bur chags// zhag ni bdun phrag nyer bdun la// rgyu ma 'dom pa gsum du chags// zhag ni bdun phrag nyer brgyad la// rgyu ma'i khug pa tshil bu dang // shin tu rags par chags pa'o// zhag ni bdun phrag nyer dgu la// pho ba rang gi snyim gang chags// zhag ni bdun phrag sum cu la// grod pa rang gi byin pa tsam// zhag ni bdun phrag so gcig la// long ka rang gi lag ngar tsam// zhag ni bdun phrag so gnyis la// lte ba sprul pa'i rtsa kha dbye// ma yi zas skom bu la phan// zas kyi drangs ma pho bar song // lte ba sprul ba'i 'khor lo nas// srub byed rlung gis dngas snyigs phyes// drangs ma me yi khams la ni// mkhris pa rang gi khyor gang chags// snyigs ma bad
- 74b
kan chu yi khams// khyor ba gang ni pho bar chags// zhag ni bdun phrag so gsum la// rlung mkhris bad kan gsum gyis ni/ khams kyi nus pa skyed par byed// brten pa sa yi khams kyis ni// lus zung thams cad gso bar byed// rlan pa chu yis lus zung bsdus// g.yo ba rlung gis lus zung sdom// dro ba me yi lus rnams smin// zhag ni bdun phrag so bzhi la/ khams kyi drangs ma 'char ba ste// snying ni me khams yin/ pas na// ro yi myong ba tshor bar byed// glo ba lcags kyi khams yin pas// drangs ma rna ba gnyis kyi ni// sgra yi don kun tshor bar byed// mchin pa shing gi khams yin pas// drangs ma mig gnyis gzugs snang shar// mcher pa sa yi khams yin pas// drangs ma sa yi dri rnams tshor// mkhal ma chu yi khams yin pas// drangs ma rdo rje pad+ma yi// bde ba thams cad myong bar byed// zhag ni bdun phrag so lnga la// rtsa yi lam rnams dod par byed// zhag ni bdun phrag so drug la// rlung dang rnam shes 'phrad par byed// zhag ni bdun phrag so bdun la// bde sdug myong tshor drag po skyes// zhag ni bdun phrag so brgyad la// lus kyi stobs rnams skyed par byed// zhag ni bdun phrag so dgu la// rnam shes byung tshor phyi la 'brangs// zhag ni bdun phrag bzhi bcu la// skye ba snga phyi thams cad dran// de ltar bdun phrag bzhi bcu la// zla ba dgu dang zhag
- 75a
po brgyad// spyir na zla dgu ngo bcu la// mngal 'di btsog pa'i 'du shes shar// phul byed rlung gis mar la bdas// mgo mjug log nas phyi la zon// de ltar mngal gyi rgya dang bral// sngar gyi bag chags srab tu song // phyis kyi nyer len ngo ma 'phrad// shes pa sngar bas mi gsal cing // rtsa rlung kun gyi stobs ma skyes// khams kyi drangs ma ma byed pas// nad gdon mi mthun phyogs rnams sdang // de nas khams kyi zas zos pas// dwangs mas khams kyi nus pa bskyed// snyigs mas lus kyi stobs bskyed nas// rim kyis lus rnams bskyed par 'gyur// de ltar rdzogs ldan mi lus la// rus dum sum brgya drug cu yod// sha ni sbar tshad lnga brgya yod// khrag ni rang gi snyim pa drug/ rtsa ni ni khri chig stong yod// nya sul chen po drug yod do// klad pa rang gi snyim pa gang // rgyu ma rang 'dom gsum yod do// dbu sgra brgyad khri bzhi stong yod// ba spu bye ba gcig yod do// so ni sum cu rtsa gnyis yod// skal tshigs nyi shu rtsa brgyad yod// rtsibs ma bcu drug la sogs te// 'dom gang gru bzhi'i lus la rdzogs// rang lus rgyal ba'i dkyil 'khor 'di// shubs nas thon te sprul pa'i sku// 'byung ba lnga las lus grub ste// thabs shes sku ni 'du 'bral med// bdun tshan rnams ni rtags tshad de// zla ba dgu ni theg pa dgu// zla ngo bcu ni sa rnams
- 75b
bgrod// ces so// rgyud chen dri med zla shel las// 'byung bzhi lus kyi chags tshul te// rgyud tshig le'u bco brgyad pa'o// tha kyar h+ya ta byan rtsardzaH// yang cig gzhon nu stobs ldan gyis// ston pa nyid la 'di skad zhus// kye ho ston pa rdo rje 'chang // lus kyi grub tshul gsungs na yang // rtsa yi gnas lugs gsung du gsol// zhus pa'i lan du 'di skad do// kye ma gzhon nu khro gnyer can// dril gyi dril nas 'di ltar ro// ma rig gnyis snang 'dzin pa yin// ye shes rtsal kyang 'byung bzhir 'dus// 'byung bzhi las kyi gzugs su grub// lus dang mnyam por rtsa rnams grub// rtsa dang dus mnyam thig le grub// thig le grub pas sku dang ye shes grub// thams cad dbyer med lhun grub yin// de yang lus dang dus mnyam du// 'byung bzhi lus kyi rtsa rnams grub// spyir na ba spu'i grangs dang mnyam// grangs can rtsa ni stong phrag brgyad cu gnyis// de yang bsdu na 'di lta ste// lus kyi 'khor lo bzhi ru 'dus// skyed byed drug cu rtsa bzhi gnas// dran pa sum cu rtsa gnyis gnas// ro 'dus brgyad gnyis bcu drug gnas// rnam bkod sum brgya drug cu gnas// spyir ni 'khor lo bzhi po la// rtsa yi grangs ma bshad pa ni// bzhi brgya bdun cu rtsa gnyis ldan// de ni bsdus te grangs can no// 'khor lo bzhi po de yi dbus// rtsa gsum ka ba'i tshul du gnas// shel
- 76a
rlung gis bskyed// shel sbugs can ni me yis bskyed// ro ma lte ba'i g.yon du ni// byang sems 'bab pa'i rten byed do// rkyang ma snying rtse g.yon pa nas// mgrin pa'i rtse nas sna gnyis nus pa phyes// rtse chung gnyis nas thod pa ru// dar skud pa men rwa 'dra'i cha// rtsa ni mig gi 'bras la zug/ ye shes snang ba 'char ba'i lam// kun dar ma ni dbus su gnas// rtse mo gsum du yar song nas// g.yas g.yon rna ba gnyis la zug/ dbus ni tshangs pa'i gnas su zug/ rtsa yi mdud pa de dag tu// rang bzhin yi ge 'od dang bcas// rlung lnga ye shes rnam lnga dang // thig le 'od 'bar tshul du gnas// de ni rtsa yi spyi bshad yin// da ni so so'i rtsa gnas bshad// dang po skyed byed lte 'khor gyis// srid pa chags pa'i gzhi ma byas// dgongs pa'i don ni rnal du phebs// mgrin pa longs spyod 'khor lo yis// snang stong gnyis la longs spyod do// spyi bor bde chen 'khor lo yis// bde ba chen po'i rnal du 'jog/ de yang mi 'gyur 'di lta ste// lus mi 'gyur rtsa yi thems su bzhugs// ngag mi 'gyur yi ge'i thems su bzhugs// rtsa yig rnams ni lus ngag yid// de rnams lte ba dag nas bskyed// da ni skyed byed rtsa gnas bshad// de la rtsa dang yi ge'o// rtsa 'dab brgyad cu rtsa bzhi dang // rang bzhin yi ge de dang mthun// yi ge 'od kyi gong bur
- 76b
gnas// 'od kyi nang du rang bzhin smra// kun tu bzang po so gnyis dang // kun tu bzang mo so gnyis ni// thabs dang shes rab gnyis su med// de las thams cad skyed par byed// skyed byed bya ba de la zer// sgron ma'i spyan dang 'byung bzhi'i spyan// sa dang sa yi mtshan mar gnas// khyad par lus srog smin pa'i rtsa// grangs can nyi shu rtsa brgyad yod// thig le'i spyan rtsa bcu drug yod// sgron ma'i rtsa ni bcu gnyis yod// de la yi ge re re gnas// a ra a ha u nya raM naM na dza de sa kha raM yaM pho mo'i rtsa bcu drug yod// yA ha Sh+Ta Ta pham k+Sha hi dza pha su dza hAM// sgron ma me yi thig rtsa bcu gnyis ni// yi ge 'od kyi gong bur gnas// lte bar 'byung ba'i sa bon te// yi ge su ser tshul du gnas// dbu ma ro ma rkyang ma gsum// rtsa gsum ka ba'i tshul du gnas// de nas lte ba sprul pa'i rtsa// 'dab ma drug cu rtsa bzhi ni// ljon shing yal ga gyes 'drar gnas// de ni skyed byed de yi gnas lugs so// sa ya ur+g+ha hUM da ni dran byed 'khor lo bshad// lte ba dag nas so brgyad par// snying kha'i rtsa rnams yal ga'i tshul// rtsa 'dab sum cu rtsa gnyis ni/ rang bzhin yi ge dag dang bcas// 'od dang thig le'i tshul du gnas// 'khor lo de yi lte ba ru// chu yi yi ge khams dkar gnas// yab yum yi ge ni dang hri// 'od kyi gong bu'i tshul du gnas// rtsa yig
- 77a
rnams ni 'di ltar ro// kha tsa ta ta pa ya sa ta/ ka g+ha b+ha dz+ha te d+ha ra tsaH/ lhag ma rnams la a gnas so// de ni kun bzang yab yum yin// sa ma ya u rgya'o// // da ni ro 'dus longs spyod kyi// rtsa dang yi ge'i gnas lugs bshad// rtsa 'dab grangs ni bcu drug la// rang bzhin yi ge re re gnas// dbus su me yig raM dang ni// yab yum yi ge re dang rtsa// 'od kyi gong bu'i tshul du gnas// rtsa yig rnams ni 'di ltar ro// ra tA li lI e a A A a A e A a A// da ni rtse mo rnam bkod kyi// rtsa dang yi ge'i gnas lugs bshad// rtsa 'dab sum brgya drug cu yod// de yang bsdu na sum cu gnyis// rang bzhin yi ge re re gnas// dbus su yi ge yaM ljang dang // yab yum yi ge ha dang ra// 'od kyi gong bu'i tshul du gnas// rtsa yig rnams ni 'di ltar ro// pha phA phi pI// mi mI ba bA bi bI nya ny+ra nyi nyi kha khA ga g+ha tsa tsha tshwa da d+ha tha thA sa sA na mA a a// rtsa 'dab rnams ni gdugs rtsibs ltar// rtsa yi gtso bo gsum las gyes// de ltar lus kyi 'khor lo bzhir// rtsa dang yi ge'i gnas lugs rdzogs// rgyud chen dri med zla shel las// lus la brten nas rtsa 'khor bzhi// gnas tshul bstan pa'i rgyud tshig le'u bcu dgu pa'o// 51 gyur nga \u0f7f/ sa ma yAHyang cig gzhon nu stobs ldan gyis// ston pa nyid la 'di skad
- 77b
zhus// kye ma ston pa rdo rje 'chang // rtsa yi gnas lugs gsungs na yang // ye shes rlung gi gnas sa gsum// legs par yang dag nyid du gsungs// zhus pa'i lan du 'di skad do// ye shes rlung gis kun la khyab// rlung la rnam grangs mang na yang // las kyi rlung dang ye shes rlung // ye shes rlung ni sems dang 'dres// sems ni las kyi rlung dang 'dres// rlung sems gnyis su med pa ste// de phyir rlung gis las kun byed// rlung ni rtsa gsum nang du rgyu// sa rlung lnga stong bzhi brgya dang // me chu gnyis kyang de tsam cig/ nyi khri tshig stong drug brgya 'gyu// gyen rgyu thur sel las rnams byed// snang srid thams cad rlung la brten// thams cad rlung gi byed las so// sa la rlung gis ma khyab na// 'degs pa'i rtsal shugs ga la yod// chu la rlung gis ma khyab na// 'bab pa'i rtsal shugs ga la yod// me la rlung gis ma khyab na// 'bar ba'i rtsal shugs ga la yod// rlung la rlung gis ma khyab na// 'gro ba'i rtsal shugs ga la yod// nam mkhar rlung gis ma khyab na// bkrag dang yon tan ga la 'char// spyir na 'di ltar shes par bya// rtsa dang rlung dang sems dang gsum// tha dad bshad kyang gcig tu 'dus// ye shes med na sems mi 'byung // sems 'di med na rlung mi 'byung // sems gcig byung na ye shes grub// ye shes rtsal las ma 'gag 'char// rtsa
- 78a
rlung thig le ye shes med na sems// thams cad dbyer med gcig tu 'dus// de ltar ma shes so sor bzung // ming med ming du song ba ltar// ye shes lnga dang 'byung ba lnga// dug lnga nyon mongs la sogs pa// gcig la mang por bzung bas 'khrul// yang dag don la nye ba med// spyir na thams cad ye shes rlung gi rtsal// dbyer med gcig tu shes pa ni// rang sems nyid las rang grol te// zag bcas nyid kyang mi snang bar// ye shes klong du sangs rgyas so// ye shes rtsal gyi lus nyid la// rlung ni spyi dang bye brag gnyis// mang du bshad kyang lnga ru 'dus// 'degs byed rlung zhes bya ba ni// 'od dmar tshul du snying la gnas// mcher pa'i rtsa nang phar song ste// lus rnams kun la khyab par chags// khyad par lha tshigs bzhi la gnas// sha dang rus pa'i stobs rnams bskyed// bkrag dang gzi mdangs bskyed pa'i rlung // 'od zer tshul du snying du gnas// mkhal ma'i rtsa mar song nas// lus kyi mgo mjug kun la khyab// khyad par smin 'phrag bar la gnas// khrag dang chu ser bkrag mdangs bskyed// drod 'bebs me dang mnyam pa'i rlung // 'od dmar tshul du snying la gnas// mchin pa'i rtsal phar song ste// lus kyi mgo mjug kun la khyab// khyad par pho ba'i nang du gnas// zas rnams 'ju zhing lus drod bskyed// dwangs snyigs 'byed pa'i
- 78b
rlung zhes pa// 'od ldang tshul du snying la gnas// glo ba'i rtsa nas phar song ste// lus rnams kun la khyab par gnas// khyad par kha gnyis par la gnas// zas rnams dwangs snyigs gnyis su phye// drangs mas phung khams skye mched bskyed// snyigs ma dri chen dri chur phye// snying rje med pa'i las rlung ni// 'od mthing tshul du snying nas gnas// rig pa dag dang gnyis su med// de rtsal srog pa rtsa la zhugs// lus rnams kun la khyab par gnas// khyad par srog rtsa lce la gnas// gsal stong 'chang ba'i gzhi ma'o// de ni rlung lnga ye shes lnga// dbyer med gcig tu gnas tshul bstan// da ni bye brag 'khor lo bzhir// rlung lnga'i gnas tshul bshad par bya// dang po lte ba skyed byed du// rlung gi dbyibs ni 'od ma'i gzhu// chang zung til gyi sgang bu ltar// rab tu rgyas te thig les brgyan// spyan gyi rnam pa lta bu ste// de ni srog 'dzin rlung yin no// chang zung 'og tu snying rje'i rlung // bye'u lan ma yi ltar gnas// de yi g.yas su me rlung mnyam// thig le sprin gyi rnam par las/ byi ba'i kha rlungs lta bur gnod// de yi g.yon du khyab byed rlung // chu la bu bor rdol tshul gnas ma// gzhu rgyud dkyil du dwangs snyigs rlung // lcags tshags spyan gyi rnam par gnas// 'di ni thog mar chags pa ste// srid pa chags byed lte ba yis// rlung lnga ye shes gnas tshul lo// da ni dran pa
- 79a
'dus pa ru// rlung lnga ye shes gnas tshul bsten// tsit+ta rin chen zur brgyad tshul// dbus su srog 'dzin rlung zhes pa// thig le sran sgang lta bur gnas// de yi 'og tu las kyi rlung // mtshon drug tshul du gnas pa'o// de yi rtse mor thig le sku yi tshul// kun la khyab par gnas pa'o// de yi g.yas su dngas snyigs rlung // thig le sku yi gang bar gnas// de yi g.yon du khyab byed rlung // thig le yab yum tshul du gnas// me mnyam rlung ni thig le dang // thig phran tshul du gnas pa'o// da ni ro 'dus rlung lnga bshad// rlung gzugs lce sbrang lce 'drar gnas// dbus su srog 'dzin rlung zhes pa// thig le spyan mig dgu brtsegs gnas// de yi 'og tu las kyi rlung // nya yi mig ltar gnas pa la// phyogs bzhi mtshams bzhir thig le brgyad// sgra yi chun thag brgyangs pa ltar// g.yo 'gul med par gnas pa'o// g.yas su me dang mnyam pa'i rlung // thig le lnga brtsegs mu khyud lngar// dar lce phyar ba lta bur gnas// g.yon du drangs snyigs 'byed pa'i rlung // thig le thig phran spungs par gnas// 'og tu kun tu khyab byed rlung // thig le dra ba'i ris su gnas// rtse mo rnams bkod rlung lnga ni// 'khor lo rtsigs lnga mu khyud lnga// lte bar srog 'dzin rlung zhes pa// thig le zhal gsum phyag drug gnas// de yi 'og tu las kyi rlung // khro bo zhal gsum
- 79b
phyag drug pa// me rlung nang du bzhugs par gnas// phyogs mtshams brgyad du thig le brgyad// re zag 'then 'drar gnas pa'o// 'khor lo'i rtsibs ni gnyis pa la// thig le rma bya'i mdongs ltar gnas// g.yon gyi rtsibs la dwangs snyigs 'byed pa'i rlung // thig le nya yi mig ltar gnas// lhag pa'i rtsibs ni gnyis pa la// thig le za 'og gur khyim gnas// rtsibs mtshan rnams su lhag pa'i rlung // smig sgra lug rgyud tshul du gnas// lte bar sa yi rlung gnas so// dran pa chu yi rlung gnas so// ro 'dus me yi rlung gnas so// rtse mor rlung gi rlung gnas so// rgud chen dri med zla shel las// khyad par 'khor lo bzhi yi rtsar// rlung lnga ye shes gnas lugs kyi// rgyud tshig le'u nyi shu pa'o// sa ma yAHgter rgya/ sbas rgya/ yang cig gzhon nu stobs ldan gyis// ston pa nyid la 'di skad zhus// kye ho ston pa rdo rje 'chang // rlung lnga'i gnas tshul bshad na yang // thig le'i gnas lugs gsung du gsol// zhus pa'i lan du bka' stsal pa// kye ma gzhon nu stobs ldan nyon// ye shes rtsal gyi lus grub pas// de la rtsa grub de la thig les khyab// rgyu yi thig le yi ger gnas// de la sku dang ye shes kyis// thig le dag ni gnas pa'o// de yang spyi dang bye brag go/ spyi ni 'od ltar gnas pas te// rtsa re'i nang du rlung re gnas// rlung dang ye
- 80a
shes thig le ni// yungs 'bru tsam gyis rtsa rnams khyab// pho la thig le dngos su 'bab// mo la snyoms 'jug khams rgyas dus// sna'u g.yas su 'bab par 'gyur// kun rdzob thig le de nyid ni// 'byung ba lnga yi dngas ma yin// yum chen lnga po dngos dang mthun// mkha' 'gro rnams kyi srog yin no// de la ye shes thig le gnas// don dam kun rdzob thig le gnyis// dbyer med gcig gi rang bzhin no// klad pa rkang mar rus pa rnams// pha yi thig le dkar po bskyed// rus pa rtsa dang chu rgyus dang // zhag dang tshil lu thams cad bskyed// sha khrag chu ser spu lpags rnams// ma yi thig le dmar pos bskyed// de nas lus rnams rdzogs pas te/ kha mig rna ba can du byon// bye brag thig le'i gnas lugs ni// khyad par 'khor lo bzhi yi rtsa mdud du// pha ma'i thig le yungs 'bru tsam// dngul chu rgya skag mdog ltar gnas// de yang kha dog lnga dang ldan// yi ge'i gzugs su gnas pa'o// de yang 'khor lo bzhi dang mthun// grangs can rtsa dang grangs med rtsa// ba spu'i bu ga thams cad du// pha ma gnyis kyi thig le khyab// thig le gnyis kyang ye shes rtsal las byung // 'byung lnga 'dus pa'i dwangs ma ni// 'das ma 'das gnyis kyi srog yin no// sku dang thig le gnyis su med// rang lus kun la khyab par gnas// thig le de
- 80b
dag ngo sprod ni// ma yengs 'di ltar shes par gyis// phyi rab rnams kyis nyams su long // phyi nang gsang ba yang gsang nyid// phyi ltar 'byung ba rnam lnga yin// nang ltar yum chen rnam lnga yin// gsang ba ltar na ma rig lnga// yang gsang ltar na ye shes lnga// phyi ltar 'od zer lnga yin no// nang ltar thig le lnga yin no// gsang ba ltar na yi ge lnga// yang gsang ltar na ma rig lnga// phyi ltar dbang po lnga yin la// nang ltar nyon/ mongs dug lnga yin// gsang ba ltar na sku lnga ste// yang gsang ltar na ye shes lnga// de ltar yin pa'i yon tan gyis// rgyu yi thig le ma spongs bsgrub// rgyu yi thig le spangs gyur na// gsang sngags dam tshig nyams nas su// bskal pa 'bum khrir na rag spyod// de phyir thig le ma nyams srungs// rgyu yi thig le nyams gyur na// mkha' 'gro khri 'bum du skad 'don// mi mthun rkyen dang bar chad 'byung // de phyir thig le ma nyams srungs// thig le ma nyams srungs gyur na// 'das dang ma 'das thams cad kun// dbang du 'gyur bar the tshom med// 'khor 'das kun gyi srog yin no// de phyir thig le ma nyams par// mtshan ldan ma la bde ba bskul// phab zlog 'dren dang 'grem pa dang // bcu drug phyed phyed thig le sbyangs// phung po khams dang skye mched kun// rgyal ba'i dkyil 'khor chen por sgom// dbang po'i 'dod yon thams cad
- 81a
kun// phyi ru mi 'bul nang du 'bul// de ltar mi shes blun po rnams// yi dam phyi nas sgom pa dang // ye shes phyi ru tshol ba dang // thig le spong dang thabs shes bral// tshogs mchod 'dod yon phyi la 'bul// lha sgom spyod gsum phyi nas tshol// sangs rgyas phyi la re ba rnams// bskal pa zhing gi rdul snyed du// bsod nams bsags kyang grol mi 'gyur// ci phyir ye shes rang gsal ni// rang la rang gsal yod pa'i phyir// rang lus rgyal ba'i dkyil 'khor du// sku dang ye shes thig le rnams// sku gsum rang la rang chas gnas// de phyir rang la rang spyod do// rgyud chen dri med zla shes las// thig le'i gnas lugs bstan pa ste// rgyud tshig le'u nyer gcig pa'o// sa ma yA/ gter rgya/ sbas rgya/ zab rgya/ ta/ ta tsa/ yang cig gzhon nu stobs ldan gyis// ston pa nyid la yang zhus pa// kye ma ston pa rdo rje 'chang // thig le'i gnas lugs bshad na yang // byis pa rnams kyis mi go bas// ye shes gnas lugs gsung du gsol// bzhugs tshul mtshan nyid ji lta bu// zhus pa'i lan du bka' stsal pa// nyon cig gzhon nu bum pa can// lus la ye shes gnas tshul ni// dag dang ma dag rnam pa gnyis// ma dag nyon mongs gnas tshul dang // dag pa sku dang ye shes kyi// gnas pa'i tshul dang ngo sprad pa// rnam pa gnyis su
- 81b
ngas bshad do// dang po nyid ni 'di ltar ro// ma dag nyon mongs gnas tshul ni// rlung can glo ba'i grong khyer du// ma rig pa dang sems dang yid// rnam pa gsum du gnas pa'o// de yang ma rig pa zhes pa// dngos po'i gshis la sgrib par byed// sems kyis ye shes nyid la sgrib// yid kyis rig snang nyid la sgrib// de la nyon mongs bag chags dang // kun gzhi dang ni 'dzin pa 'byung // nyon mongs dag la rnam lnga ste// gnas lugs don go ma shes na// gti mug mun pa lta bus 'thib// de yang ma grub med bzhin du// sems ma rig pa'i cha la zhe sdang byung // rang gzhan don la sgrib pas na// nga rgyal brag ri lta bu rgyas// bde ba'i don la sgrib pas na// 'dod chags rang kha ma ru song // gzhan la 'gran pas phrag kyang dog/ de la de rten nyon mongs ni// brgyad khri dang ni bzhi stong byung // bag chags 'thug po'i sbugs su chud// bag chags nyid ni 'di lta bu// sngar zhen bag chags rmi lam 'dra// phyis 'byung bag chags sgyu ma 'dra// da lta'i bag chags gar phyin 'dra// ci phyir bag chags mtshan nyid ni// las rnams kun gyi 'tshams sbyor cing // 'go ba sla zhing 'gog pa dka'// kun gzhi la yang rnam pa gsum// ye don kun gzhi bya ba ni// rig pa'i snang ba sdud cing sogs pa dang // sbyor ba don gyi kun gzhi ni// nyon mongs sna
- 82a
tshogs sog par byed// sna tshogs sogs pa'i kun gzhi ni// phung khams rnams la brten byas nas// nyon mongs dug lnga'i rten gnas byed// dper na rigs ngan khye'u bzhin// 'dzin pa dang ni dbang po yi// sgo lnga'i yul la sems kyi gzung // snang yul du ma nyid du gzung // de phyir khams gsum khang pa ru// 'khor ba nyid nas 'khor bar 'khyams// gzung 'dzin zag pas dam du bsdams// the tshom dbang gi rgyu 'bras log/ dung la ser por mthong ba'am// thag pa sbrul du mthong ba'am// mtho yor mi ru mthong ba 'am// rgyal bu rkang 'khyam sbrang por 'khrul/ 'di rnams ma dag gnas lugs so// @63\u0f7f/ dag pa ye shes gnas lugs ni// chos sku ye shes chen po de// tsit+ta rin chen zur brgyad du// kun khyab ye shes ngo bo ni// sa bon yi ge'i tshul du gnas// de yang gnas lugs 'di lha ste// zas rnams kun gyi drangs ma ni// rgya mtsho gser gyi nyi ma can// drangs ma lnga 'dus dbus na bzhugs// bzhugs tshul ji ltar bzhugs pa ni// chos sku ye shes chen po ni// ngo bo rang bzhin thugs rjer ldan// ngo bo ye shes zang thal te// stong pa ye shes snying po can// gsal ba 'od kyi snying po can// rang byung rig pa'i snying po can// sgrib g.yog med par zad thal le// phyogs mtshams med par khyab gdal
- 82b
te// gsal 'grib med par dang sang de// ngos lkog med par rjen che re// stong gsal khyab pa chen por bzhugs// de yang lnga ldan chen por bzhugs// stong pa ye shes snying po can// yang dag rdzogs pa'i sangs rgyas te// thig le nyag gcig sku ru bzhugs// gsal ba 'od kyi snying po can// thog ma'i sangs rgyas 'od mi 'gyur// 'od zer snying gi sku ru bzhugs// rang byung rig pa'i snying po can// rig stong kun bzang chos skur bzhugs// bag chags sgrib pa med par zad thal le// ye shes chen po'i rang bzhin du// rang bzhin lhun grub sku ru bzhugs// chos sku'i klong du gzugs sku zhing khams rgyas// ma 'dres yongs su rdzogs pa ru// rgya mtshor gza' skar shar ba 'dra// sos ka'i smig rgyu thang bkram bzhin// sku dang ye shes 'od dang gsum// 'du 'bral med par bzhugs pa yin// gzhon nu bum pa'i sku zhes pa// de yang thog ma'i ka dag ste// thog ma'i ka dag ye shes lnga// de la dbyer med sku lnga ste// de gsal 'od lnga de yum lnga// rlung lngas bskyod pas 'byung ba lnga// 'byung lnga de yi drangs ma lnga// de la phung po drangs snyigs lnga// yi ge mkha' 'gro shes rab lnga// de yang gzhi gnas ye shes lnga// phyi nang gsang ba gsum du bshad// de yang gzhi lam 'bras gsum mo// dang po gzhi yi ye shes lnga// rang thog nyid du ngo sprad pas// gzhi yi rig pa gcer bu
- 83a
'di// 'khor 'das gang yang ma grub ste// dri med kun khyab ma 'gags gsal// de ni me long ye shes yin// skyon gyis ma gos rang gdangs ni// 'od zer dkar po'i tshul du gsal// de lta bu yi ye shes de// ngo bo gang du ma phye zhing // grub pa med par kun la snyoms// de ni mnyam nyid ye shes yin// de yi yon tan rdzogs pas su// 'od zer ser po'i tshul du gsal// ngo bo mnyam nyid de nyid la// blo yi bye brag so sor shar// de ni sor rtogs ye shes yin// de la rang rtsal drod dang ldan// 'od zer dmar po'i tshul du gsal// gang ltar shar ba'i yon tan rnams// bya btsal med par rang la grub// bya ba grub pa'i ye shes yin// 'gag pa med pa'i rang gdangs ni// 'od zer ljang ku'i tshul du gsal// ye shes bzhi po de dag kyang // thams cad chos nyid dbyings su 'dus// thams cad chos dbyings stong pa yi// rang rtsal nyid las ma 'das te// de ni chos dbyings ye shes yin// 'gyur med 'od zer chen po ni// mthing kha nyid du gsal ba'o// de lam dang sbyar na 'di ltar ro// rig pa'i ye shes zang thal 'di// dri med long g.ya' dag ltar// gsal la dri med sing nge ba// yengs pa med pa'i sgom pa 'di// me long ye shes 'jug pa'i lam// de la che chung 'pho 'gyur med// mtho dman nye ring mtha' dbus med// brjod bya kun dang
- 83b
bral ba de// bla ma nyid kyis ngo sprad nas// rig pa tshad phebs srang la chur// phyogs lhung med par sgom pa ni// mnyam nyid ye shes 'jug pa'i lam// ngo bo mnyam nyid de nyid kyi// gsal cha so sor snang ba rnams// gang shar 'dzin med sgom pa 'di// sor rtogs ye shes 'jug pa'i lam// de ltar 'char tshul bsgom pa la// dka' thub chen po mi dgos te// thams cad ngang la grub pas na// bya grub ye shes 'jug pa'i lam// bsgom bya sgom byed bral ba ni// chos dbyings ye shes 'jug pa'i lam// de ni lam dang sbyar ba'o// 'bras bu ltar du bshad pa ni// de ltar 'byung lnga'i drangs ma ste// ye shes rig pa zhes bya ba// phyi/ ltar 'byung ba lnga ru snang // nang ltar phung po lnga ru snang // gsang ba ltar na dngas ma lnga// yang gsang ltar na yi ge lnga// bla med ltar na ma rig lnga// de ltar du mar phye gyur kyang // rig pa ye shes nyid la rdzogs// shes rab drug tu ngo sprad na// rig pa nyid las 'khor 'das gzhi byung bas// ma phye ba yi shes rab yin// de yang rig pa nyid yin pas// sdud pa'i shes rab ces kyang bya// rig pas kun la khyab pas na// kun tu khyab pa'i shes rab yin// de nyid gsal cha ye shes gsal// rlung gis bskyed par nus pas na// skyed par byed pa'i shes rab yin// 'khor 'das gnyis ni ye shes su// rang srog gcod par yin/
- 84a
pas na// sgrol bar byed pa'i shes rab yin// thams cad ye shes rang yin pas// rang byung ye shes rig pa'o// khams gsum sems can thams cad la// snying po ye shes gsum brtsegs nas// gsum du dbye yang gcig tu rdzogs// rig pa rtog med chos sku yin// rig pa 'gag med longs sku yin// rig pa cir yang snang bas te// sprul pa sna tshogs sku yin no// du mar bstan kyang lus sems gcig/ lus can sems kyis khyab pa'i phyir// sangs rgyas ma yin/ sems can med// 'khor 'das chos rnams thams cad kun// lus sems gnyis la tshang ba'o// lus ni sku gsum lus yin te// sku gsum yi ge gsum dang ldan// khyad par rin chen zur brgyad na// sku dang ye shes 'od dang gsum// sku ni mi 'gyur rang bzhin don// 'phro ba yangs pa mi g.yo ba// zhi ba'i sku ni yungs 'bru tsam// mtshan dpe'i spyan ni phul thag tsam// sna tshogs gcer grol nyid du gnas// thabs shes gnyis med yab yum tshul// yab kyi cha 'dzin sems dpa' brgyad// yum gyi cha 'dzin sems ma brgyad// sgo ba yab yum brgyad dang thu ba drug go/ kun bzangs yab yum rigs lnga yab yum bcu// bzhi bcu rtsa gnyis bum sku'i tshul// lnga ldan tshom bu'i dkyil 'khor rdzogs// de rtsal klad pa dung khang du// khrag 'thung lnga bcu rtsa brgyad bzhugs// he ru
- 84b
yab yum bcu po la// ke'u ri brgyad dang sing ha brgyad// sgo ma bzhi dang dbang phyug nyer brgyad do// khrag 'thung lnga bcu rtsa brgyad ni// sku ni yungs 'bru tsam pa la// mkhyen spyod ma 'gags mtshan dpe'i spyan// phul zag tsam ni phyi nang med// zang zal rtog med ye shes khyab che'o// 'od ni mtshan nyid dngos po bral// 'byung lnga'i drangs ma kha dog lnga// ma 'dres rang gsal nyid du ste// sku la ye shes 'od du byung // rig pa'i sku ni bum sku 'dra// ye shes bum nang mar me 'dra// 'od zer mar me'i 'od dang 'dra// gnas tshul 'od kyi gong bur bzhugs// de dag sku dang ye shes 'od// gsum brtsegs tshul du bzhugs tshul lo// rgyud chen dri med zla shel las// gzhi dngos po gshis kyi gnas lugs kyi// snying po rang rig ye shes 'di// 'di ltar ngo yang sprad par bya// ye shes sku lngar ngo sprad pa// de yang rig pa'i ye shes 'di// rnam pa sna tshogs snang bas na// rnam snang chen po'i sku yang yin// rig pa'i don mi 'gyur bas// mi bskyod rdo rje'i sku yang yin// rig pa dgos 'dod 'byung bas na// rin chen 'byung ldan sku yang yin// thugs rje kun tu snang bas na// snang ba mtha' yas sku yang yin// shes bya thams cad rang grub pas// don yod grub pa'i sku yang yin// rang gi rig pa ye shes 'di// rigs ni lnga ru ngo sprad na// gzhi yi
- 85a
rig pa gsal stong 'di// sangs rgyas kun gyi gshegs shul te// de bzhin gshegs pa'i rigs kyang yin// rig pa mi 'gyur brtan pas na// sra brtan rdo rje'i rigs kyang yin// rig pa yon tan ldan pas na// rin chen 'bar ba'i rigs kyang yin// rig pa skyon gyis ma gos pas// ma chags pad+ma'i rigs kyang yin// rig pa rtsal shugs ldan pas na// las kyi rigs kyang yin pa'o// rang rig ye shes gsal stong 'di// spros pa'i mtha' dang bral bas na// chos kyi dbyings kyi ye shes yin// rig pa'i gdangs lnga gsal ba 'di// me long lta bu'i ye shes yin// chos rnams thams cad gnyis med mnyam// mnyam pa nyid kyi ye shes yin// rang rig snang stong gnyis su gsal// so sor rtogs pa'i ye shes yin// chos rnams 'bad rtsol mtha' las 'das// bya ba grub pa'i ye shes yin// rang rig 'od lnga ro// dang ngo sprad na// rang rig ye shes dri ma med// 'od zer dkar po'i tshul du shar// rig pa yon tan rdzogs pas na// 'od zer ser po'i tshul du gsal// rang gi ma btsal bzhag pas na// 'od zer dmar po'i tshul du shar// bya ba thams cad rdzogs pas na// 'od zer ljang ku'i tshul ku shar// rang rig mi 'gyur khyab pas na// 'od zer mthing kha'i tshul du shar// rang rig ye shes gsal stong 'di// yul lnga dag dang
- 85b
sbyar ba na// rang rig snang bzhin ma grub pa'i// gsal cha ma 'gags shar ba 'di// ye shes snang stong gzugs kyi yul// rna bar sgra rnams ma 'gags thos// thos kyang mtshan nyid grags stong dang // sgra grags stong pa rna ba'i yul// sna yi yul du dri sna tshogs// gang ltar bro yang rang bzhin stong // drir 'dzin stong pa sna yi yul// lce yi yul du ro sna tshogs// gang ltar bro yang gzung yul stong // ro snang stong pa lce yi yul// lus la reg bya gang snang yang // 'dzin byed shes pa'i rang bzhin stong // sems la bde sdug gang shar yang // rang shar rang grol nyid du ste// shar grol dus mnyam yid kyi yul// bde sdug thams cad dran stong yul// thams cad gcer grol phyi nang yul// rang rig ye shes gsal stong ni// 'byung ba lnga dang sbyar ba na// rang sems cir yang ma grub ste// 'byung ba nam mkha' nyid dang 'dra// sems kyi gsal cha sna tshogs g.yo// rang rtsal rdzogs pas rlung dang 'dra// ye shes 'char bas me dang 'dra// yon tan skye bas chu dang 'dra// ngo bo brtan pas sa dang 'dra// rang rig ye shes zang thal 'di// rlung lnga dag dang sbyar ba na// rig pa ye shes drod dang gnyis su med// me dang mnyam pa'i rlung yang yin// rig pa 'khor 'das srog yin pas// srog 'dzin pa yi rlung yang yin// rig pas 'byung ba dwangs snyigs 'byed// dwangs snyigs
- 86a
'byed pa'i rlung yang yin// rig pas 'khor 'das gnyis su phye bar byed// rig pas kun la khyab pas na// kun tu khyab byed rlung yang yin// rig pas 'khor ba'i srog bcad nas// myang 'das sa la skyel bas na// snying rje med pas skal pa yi// las rlung drag po zhes bya'o// rang gi dwangs ma lnga yang yin// rig pa gsal stong dang gnas phyir// nam mkha'i khams ni dwangs ma yin// rig rtsal 'gyu ba dngas sangs pas// 'byung ba rlung gi dwangs ma yin// rig pa rang bzhin bag dro bas// 'byung ba me yi drangs ma yin// rag pa bde drod ldan pa ste// 'byung ba chu yi drangs ma yin// rig mdangs kha dog lnga ldan te// 'byung ba sa yi dwangs ma yin// rang rig ye shes gsal stong 'di// lus dang grib ma'i tshul du ni// dag pa ye shes gnas lugs dang // ma dag 'khor ba'i gnas lugs gnyis// so sor phye ste ngo sprad dang // khyad par rin chen zur brgyad mdzod// sku dang ye shes 'du 'bral med// zhal phyag rdzogs pas bum sku'i tshul// lhun grub 'od kyi gong bu ru// rang chas nyid du bzhugs tshul dang // gnas lugs gtan la phab nas su// ngo sprod nyid du yang yang bstan// kun tu bzang po'i dgongs tshig rnams// ston pa rdo rje'i thugs la gnas// rdo rje 'dzin pas nges zhus nas// legs par gtan la phab pas te// rgyud tshig
- 86b
le'u nyer gnyis pa'o// sa ma yaHgter rgya/ sbas rgya/ zab rgya/ zab rgya ba kya t+ya/ p+la sha sh+yaHyang cig gzhon nu stobs ldan gyis// ston pa nyid la yang gsol ba// sems can kun gyi rang rgyud la// dag pa ye shes gnas lugs dang // ma dag 'khor ba'i gnas tshul dang // khyad par snying la gnas tshul rnams// legs par gong du bshad gyur kyang // sems can rnams kyis mi go bas// de ltar gnas pa'i ye shes de// lam ni gang la zhugs pa yin// zhus pa'i lan du bka' stsal pa// a ho gzhon nu stobs ldan nyon// snying la gnas pa'i ye shes de// lam ni rtsa bzhi yin lags kyang // khyad par ka ti shel spug can// rtsa ni dar dkar skud pa 'dra// khrag dang chu ser med pa ru// snying gi rtse mor yar zug nas// skal pa'i 'dab ma g.yas pa nas/ kha phrag gnyis su yar gyes te// rtse chung g.yas g.yon gnyis na yar// rna 'dab g.yas nas klad par zug/ klad rgya'i nang nas mig la 'brel// rtsa sna rgyal mo gnyis la zug/ rgyal mo'i ming ni 'di skad do// rgyang zhags chu yi sgron me zer// ye shes snying gi dkyil du gnas// dar dkar skud pa lta bu yi// rtsa yi lam la ye shes 'char// ye shes de yi rang 'od ni// me long dkyil 'khor lta bu dang // dper na nya yi mig bzhin gnas// snang bar nus pa'i 'gyu byed rlung // ro rkyang gnyis po rlung gi lam// kun
- 87a
d+ha ra ma ni byang chub lam// shel sbugs can ni sgron me'i lam// 'od dang zer du 'char ba'o// de ni dag pa'i ye shes lam// yang dag pa ni ston pas gsungs// ma dag 'khor ba'i rtsa lam ni// srog gis bsdus pa'i sems can la// nyon mongs ma rig shas che ste// brten ni gzugs phung lus la brten// glo snying gnyis kyi bar shed du// rtsa srog dmar po bya ba ni// sogs spug rtsam gyi nang nas yar// rig pa rkyang pa ma yin te// sems zhes bya ba chags sdang can// yid ces bya ba rtog pa can// gsum du 'dus pa ma rig pa// dug lnga dug gsum bcas pa rgyud// rtsa de skal tshig g.yon pa nas// rtsel chung g.yon pa dag nas yar// dbugs zhes rlung gi rta la zhon// sgo ni kha dang sna la rgyu// de la shes pa sna tshogs 'char// nyon mongs 'khor ba'i rmang rdo byed// de ni ma dag pa yi lam// 'jug sgo yin par ngas bshad do// rgyud tshig le'u nyer gsum pa'o// sa ma ya rgya rgya rgya gta rba ha haHyang cig gzhon nu stobs lnga gyis// ston pa nyid la 'di skad zhus// kye kye ston pa rdo rje 'chang // dag pa ye shes lam dang gcig/ ma dag 'khor ba'i lam dang gnyis// legs par yang dag gsungs na yang // phyi rabs rnams kyis mi go bas// dag pa ye shes 'char ba yi// sgo ni gang yin legs par gsungs// ma dag sgo yang
- 87b
zhar 'byung zhu// de skad ces ni zhus pa dang // ston pas lan du 'di skad gsungs// kye ho rdo rje 'dzin pa nyon// ye shes 'char ba'i sgo nyid ni// lus bcud sgo la kun 'dus pa'i// tsak+Shu zhes pa'i sgo la gsal// 'khor 'das gnyis kyi snang ba ston// dar skud pa man rwa 'dra'i ba// a 'bras zhes byas dkar nag phyed// nam mkha'i mthongs su bgrad pa yin// ye shes snang ba lhug par 'char// shes pa'i rang rtsal rdzogs par ston// 'di ni mngon sum mthong bas te// sgron ma bzhi yang 'di la 'char// mig gnyis rgyang zhag chu sgron yin// gzugs sogs ngo bo nyid du sdud// don rnams rig cing go bar byed// shes rab rang byung sgron ma'o// theg pa rnams kyi the tshom gcod// yin ni nam mkha' stong pa yin// chos rnams mnyam pa nyid du ni// bsdus te rang snang 'dzin par byed// 'di ni bag chags 'brel rgyun gcod// dbyings kyi dwangs ma sdud pa dang // chos nyid mngon sum snang ba 'char// thig le stong pa'i sgron ma yi// 'khor 'das bsre ba'i 'tshams sbyor byed// 'dis ni las kun byed pas te// mig la brten nas 'ja' 'od 'char// rlung gis bkrag dang gzi mdangs bskyed// bsgyur cing ye shes snang ba ston// dag pa dbyings kyi sgron ma yi// rnal 'byor nyams kyi sa bon 'debs// 'od snang zhing khams nyid du
- 88a
'char// sgron ma'i mtshan nyid mang bshad kyang // mngon sum mthong ba nyid yin no// snang ba yis ni 'char byed lam// rkyen gyis ma bsgribs sems can mig/ rgyal mo'i dkyil 'khor sgo nas ni// nyi ma'i dkyil 'khor bzhin du yangs// rang gi 'od kyi zer bzhin du// rang chas bzhin du rnam par snang // chos nyid mtshan nyid ye shes lnga// kha dog ma 'dres mtshan nyid ldan// sku dang ye shes snang ba ni// rang bzhin snang ba ma 'gags shar// rig pa'i sku ni lha khang 'dra// sgron ma bzhi ni mthong khung 'dra// rang rig ye shes mar me 'dra// sgron ma bzhi yang dbyings su 'dus// gnyis kyi dbyings la 'dus pa'o// rgyang zhig gis ni gzugs rnams 'dzin// shes rab kyis ni don rnams shes// thig le dbyings dang gnyis su med// 'od snang thams cad rim bzhin 'char// de dag ye shes 'char sgo'o// ma dag nyon mongs 'char ba'i sgo// kha sna gnyis dang rna ba'o// khyad par kha sna gnyis po ni// las dang nyon mongs bag chags sdud// rnam g.yengs bag chags thams cad sdud// de ni ma dag 'khor ba'i sgo// rgyud chen dri med zla shel las// 'khor 'das 'char ba'i 'char sgo bstan// khyad par ye shes 'char ba'i sgo// yang dag bstan pa'i rgyud tshig le'u nyer bzhi pa'o// yang cig gzhon nu stobs ldan gyis// ston pa nyid la yang
- 88b
zhus pa// de ltar 'char ba'i ye shes de// yul ni gang du 'char ba la// zhus pa'i lan du bka' stsal pa// kye ho yang dag legs par nyon// yul rkyen bral gsum la 'char// bdag rkyen gzhan rkyen 'byung bzhi'i rkyen// khyad par nam mkha' drangs pa la// rlung dang ser bu khu rlung med// dbyar ma ston dang dgun byung dus// 'dzin pa med pa'i bar snang la// 'od dang kha dog dbyings nyid dang // ye shes lnga yi rang snang 'char// zhe 'dod med pa'i sgron ma ni// thig le stong pa'i sgron ma shar// gnyis med gcig gi rang mdangs la// thig le sku dang ye shes nyid// 'khrul snang dag pa'i zhing khams ni// ngo bo rang bzhin gnyis med par// stong gsal 'gag pa med pa ru// rdzogs ldan chos sku'i snang ba mthong // rdzogs ldan 'od kyi mu khyud zin// yul bral sgyu ma gzugs kyi sku// rigs stong gsal ba chos longs rdzogs// 'pho 'gyur med par lhang nger shar// rang rig rang gsal ngo mtshar che// lta ba rang byung ye shes te// sgom pa dbyings rigs rang ngo zung // spyod pa sgron ma bzhi ldan spyod// 'bras bu sku gsum rang ngor rdzogs// phyi dbyings nam mkha' stong pa las// nang dbyings rig pa ye shes shar// sgron ma bzhi ni lam du 'dod// don gyi snying po gang yin pa// rkyen bral nam mkha' nyid la brtag/ dbyings rig 'du 'bral med pa yi// rig pa
- 89a
rdo rje lu gu rgyud// dbang po'i sgo nas legs don te// chos nyid mngon sum snang ba ni// rkyen bral gsum la gsal bar 'gyur// sus kyang byas pa med pa yi// gsal dag chen po'i rang dbyings las// phyi nang med par ngo mtshar che// stong pa chen po'i 'byung gnas las// ye shes chen po'i 'od zer 'bar// kun la yod pa'i 'od po che// nyi ma'i dkyil 'khor dngas pa la// 'od zer kha dog shar ba ltar// rnam dag stong pa'i nam mkha' la// don gyi snying po ma 'dres pa// tshom bu lnga yi dkyil 'khor la// ma bskyed rdzogs pa'i tshul du gsal// 'od phung nam mkha'i mtha' dang mnyam// bag chag gzugs la rab brten nas// thig le stong pa'i ye shes ni// dag pa dbyings kyi ngang la sbyor// ye shes sgron ma rang snang 'od po che// ye shes sgron ma ldan pa kun gyi gzhi// ye shes sgron ma yul snang rnam par dag/ 'di ni yid dpyod ma yin pas// mngon sum rang thog phab pa'o// ci phyir mngon sum zhes pa ni// sgo dang yul dang rig pa gsum// 'du 'bral med par gnas pa'o// chos nyid mngon sum snang ba 'di// mthong ba tsam gyis shes pa dang // shes pa tsam gyis rtogs pa dang // rtogs pa tsam gyis grol ba dang // grol ba tsam gyis phyir mi ldog/ rig pa ye shes lu gu rgyud// ye nas gzhi la gnas mod kyang // bar du rkyen med rkyen
- 89b
gyis gsal// mngon sum rang thog nyid du phebs// 'di ni yang dag don nyid do// rig pa'i ngo bo lu gu rgyud// 'das dang ma 'ongs da ltar bar// sus kyang byas pa med pa ru// ye nyid nas ni rang gsal lo// rig pa rdo rje lu gu rgyud// lu gu rgyud kyi mtshan nyid ni// rnam par rtog pa kun dag nas// ma grub pa yi sangs rgyas so// mngon sum bstan pa'i skal ldan la// khams gsum 'khor ba'i ming med pas// srid gsum gdar sha chod pa'o// rang gi rdo rje lu gu rgyud// 'di la yon tan bsam mi khyab// mdo don zab mo'i ngang du bsdu// snang ba rang lugs 'char bas na// yul snang 'dzin pas ci zhig bya// rang bzhin snang ba'i ngo bo la// chos kyi sku yi mun pa sangs// chos kyi sku ni gcig yin pas// bya byed dri ma gnyis las 'das// rig pa'i snang ba rang rdzogs pas// chos kyi me long nyid du snang // gsal ba'i 'od snang sna tshogs 'byung // dri ma'i skyon dang 'di bral bas// sku gsum rang rdzogs nyid du snang // bya byed bral bas rang sar grol// chos sku dri ma mi gnas pas// 'dzin pa sad pa'i thig ler shar// thig le nyag gcig snang ba la// rtog pa'i yid ni ga la yod// dbyings kyi sgron ma rgyan bzang bas// chos nyid yul gyi snang ba la// sna tshogs snang ba bsam mi khyab// chos nyid rgyan bzang a la la// nga yi chos la tshig med
- 90a
pas// stong pa nyid la bdag med lta// chos sku'i snang ba ngo mtshar che// rtog pa'i blo snang bsam yas te// chos sku'i snang ba gcig las med// sna tshogs sku ni bsam yas kyang // ye shes sku gcig bstan pa yi// thams cad rang gi grogs su 'gyur// ye shes 'od 'bar snang ba yi// sku yi don ni bsam las 'das// mtshan ma'i yul ni ka nas dag/ dri ma'i phyogs kyis nga mi sgrib// nga la skye dang 'chi med pas// dge ba'i phyogs kyis nga mi skyob// nga la lus sems gnyis med pas// sdig pas nga yi sku mi 'grib// rang rig ye shes 'od gsal bas// 'khor ba'i mun pas nga mi sgrib// nga la zhe sdang sems med pas// zhi gnas lhag mthong ci zhig bya// nga la 'dzin pa'i sems med pas// rtog pa'i bsam pas nga mi rnyed// chos med pa la chos nyid 'byung // yul med pa yul ltar snang // thams cad zhing khams rgyas pa la// dran byed yul du med pa'o// chos 'das chos sku ma shes na// lu gu rgyud kyi sku la ltos// ye shes rnam lnga ma shes na// rig pa lug rgyud mkha' la ltos// rig pa'i spyan lnga ma shes na// rig pa rdo rje lu gu rgyud la ltos// ye shes sgron ma bzhi ldan mthong // de yang sha yi spyan gyis mthong // mthong snang ma 'gags shar bde// phyi dang nang gi don shes te// dngos po thams cad rtogs pa ni// shes rab spyan gyi mthong
- 90b
ba'o// de yi dang la phyi nang gi/ chos rnams rdzogs shing shar ba ni// chos kyi spyan gyis mthong ba'o// de yi don la ma 'gags par// chos kyi mtshan nyid shes pa ni// mkhyen pa'i spyan gyis thams cad gzigs// de yang mi gnas rig pa'i sku// mngon sum ngang las ma yengs par// rnam par grol ba'i spyan gyis gzigs// de ltar spyan lnga'i gzigs snang rnams// rig pa lug rgyud nyid la thug/ skye shi med pa'i srog 'dzin na// lu gu rgyud kyi sku la ltos// 'gags med rang sar grol 'dod na// lu gu rgyud kyi snang ba ltos// dran med chos sku lta 'dod na// lu gu rgyud kyi dngos po ltos// phyi nang chos rnams shes 'dod na// rig pa lug rgyud 'gyu ba ltos// gnas med chos sku lta 'dod na// rig pa lug rgyud snang ba ltos// mtshan chos rang snang lta 'dod na// chos nyid lug rgyud sku la ltos// sangs rgyas thugs dgongs ldan 'dod na// lug rgyud sku dang 'bral ma byi// lta sgom spyod gsum ril 'dod na// lu gu rgyud la rgyun par ltos// lta ba rgyun gyi rnal 'byor pas// legs par yang dag nyid du ni// sdom tshig 'di rnams yid la zung // gsang sngags kun gyo gnas tshul ni// rin chen zur brgyad gzhal yas dang // lta byed mig gi gzhal yas dang // mkha' nyams thig le'i gzhal yas dang // rnam dag dbyings kyis gzhal yas su// gsang sngags kun gyi gsang chen
- 91a
gnas// rang rig sku la 'gyur ba med// lha sgom lam du rab bzhugs nas// mkha' mnyam stong pa nyid la sbyar// don gyis ye shes cir yang snang // ngang las rdzogs shing ngang las byung // gnas tshul chen po de nyid las// lta ba'i don ni lu gu rgyud// chos can lta ba grangs mang yang // chos nyid lta ba gcig las med// lta ba rgyun gyi rnal 'byor bas// de yi don la 'gyur med lta// de yang lu gu rgyud kyi sku// mngon du snang zhing gzung ba dka'// rig pa'i ngo bo de nyid las// 'gag med zang thal gnas pa'i dpe// dper na rgya mtsho dngas pa las// gza' dang skar ma shar ba bzhin// sna tshogs zang thal chen por shar// lta ba rgyun gyi rnal 'byor pas// de yi don la ma yengs na// rang snang chos nyid rol pa che// spyod pa rgyun gyi rnal 'byor pas// lu gu rgyud kyi ngo bo dang // dus bzhi nyid du ma bral na// spyod pa rgyun gyi rnal 'byor yin// rang gis sgom pa'i rgyu med kyang // sgom pa rgyun gyi rnal 'byor byung // dus dang dus min thams cad du// lu gu rgyud dang ma bral na// sgom pa rgyun gyi rnal 'byor yin// rang snang rig rgyud med mod kyang // rang rig khyer sor bstan pa'o// rgyud chen dri med zla shel las// snang ba gzhi yi char tshul dang // ye shes yul snang sgron ma bzhi// sgo dang yul gyi mtshan nyid rnams// legs par gtan la phab
- 91b
pas te// rgyud tshig le'u nyer lnga pa'o// sa ma ya/ rgya rgya/ kya ha ha ga AHyang cig gzhon nu stobs ldan gyis// ston pa nyid la yang zhus pa// kye kye ston pa rdo rje 'chang // sems can rnams kyi rang rgyud la// dag pa ye shes gnas tshul dang // lam dang 'char sgo yul gang gsal// legs par gtan la phab na yang // sems can blo la the tshom pas// lha sgom rnams kyi gol sa dang // ma dag 'khor ba'i yul gang lags// de skad ces ni zhus pa'i lan// ston pa nyid kyis bka' stsal pa// e ma gzhon nu stobs ldan nyon// lha sgom spyod pa'i rnal 'byor la// gol sa rnam pa gsum yod de// stong pa nyid la 'thas pas na// gzugs med skye mched mu bzhir gol// dngos po can du 'thas pas na// gzugs khams gnas rigs bcu bdun dang // bems po lta bur gol bar 'gyur// lu gu rgyud kyi snang ba la// rtag pa can du 'thas pa na// chags pa chen pos bcings par 'gyur// 'gro drug gnas su gol ba'o// yang ci gol sa gsum yod de// 'di ltar snang ba thams cad la// smyon pa lta bur spyad gyur na// nam mkha' lta bur mtha' yas gol// don la kha chos nyams len med// mu stegs lta bar gol bar 'gyur// sgom pa rgyun gyi rnal 'byor la// gol sa rnam pa gsum yod de// btang snyoms bdag med bsgom byas na// stong snang
- 92a
mun snang nyid du gol// ting 'dzin yig 'bru bsgom byas na// dgas nas 'khor ba'i gnas su gol// mi rtog stong pa bsgom byas na// chad pa'i mu stegs nyid du gol// gol ba'i rgyu la bsam 'das kyang // gol sa chen po de las med// lu gu rgyud la gol sa med// lam pa'i rgyud la gol bar snang // don la gol sa gcig kyang med// rgyu dang 'bras bu brtags pa yang // gol sa gcad phyir gsungs pa'o// gnas ngan yul ngan grogs ngan gsum// de yang gol sa che shos yin// kha ngan khog gyong rang rgyud ngan// dug lnga dug gsum lo 'dab rgyas// de rnams gol sa che shos yin// lha spyod sgom gsum byed pa la// gol sa de rnams chod pa gces// yang cig gzhon nu stobs ldan nyon// sems ni bag chags rtsa ba ste// sems can kun gyi dri ma yin// sems ni rlung dang 'dra ba ste// bag chags thams cad gnas su de yang sems can dri ma yin// dbugs 'di chu dang 'dra ba ste// bag chags kun gyi gnas sa yin// de yang sems kyi dri ma yin// dug lnga me dang 'dra ba ste// snang ba'i yul la me mched de// ma rig pa yi yul rnams ni// tshogs drug snang ba thams cad dang // rnam g.yeng sogs pa'i yul rnams yin// bdag rtog gzhan rtog thams cad kun// nyon mongs sogs pa'i yul du 'dod// rgyud chen dri med zla shel
- 92b
las// 'khrul med 'khrul dang bcas pa'i tshul// lam dang 'char sgo yul gang gsal// nor 'khrul gol sa bcad pa dang // rim pa bzhin du ston pas gsungs// khyad par lta sgom spyod gsum gyi// gol sa dag ni bcad pa dang // ma dag 'khor ba'i yul dang ni// legs par gtan la phab pa ste// rgyud tshig le'u nyer drug pa'o// sa ma ya/ gter rgya/ sbas rgya/ zab rgya/ 'a khakya \u0f7fta/ kya data/ gya/ ston pa rdo rje sems dpa' la// phyag na rdo rjes yang zhus pa// kye ma ston pa rdo rje sems// gong du bshad pa'i yon tan rnams// nyams su len na gang ltar len// legs par yang dag nyid du gsungs// de skad ces ni zhus pa'i lan// ston pa nyid kyis 'di skad gsungs// kye ho 'dus pa'i 'khor rnams nyon// sku gsum lam du khyer ba la// phun sum tshogs pa lnga dang ldan// chos sku'i gnas ni chos kyi dbyings// longs sku'i gnas ni sdug bkod zhing // sbrul sku'i gnas ni kun khyab zhing // ston pa phun sum tshogs pa ni// chos sku'i ston pa kun tu bzang // longs sku'i ston pa gang chen mtsho// sbrul sku'i ston pa rdo rje 'chang // zhu ba phun sum tshogs pa ni// chos sku'i 'khor ni dran rig yin// longs sku'i 'khor ni zhi khro'i tshogs// sbrul sku'i 'khor ni sangs rgyas stong // bstan pa phun sum tshogs pa ni// chos sku'i bstan pa thog mtha'
- 93a
med// longs sku'i bstan pa rgyud 'di nyid// sbrul sku'i bstan pa dbang bzhi'i don// dus tshod phun sum tshogs pa ni// chos sku'i dus ni 'das pa'o// longs sku'i dus ni da lta'o// sbrul sku'i dus ni ma 'ongs pa// phun sum tshogs pa gzhi ma'o// lam gyi phun sum tshogs pa ni// rnam pa lnga ru ngas bshad do// gnas mchog phun sum tshogs pa ni// rang lus 'dom gang gru bzhi yin// ston pa phun sum tshogs pa ni// rang shes rig pa'i rgyal po yin/ khu 'khor phun sum tshogs pa ni// rnams par shes pa'i tshogs brgyad do// bstan pa phyi nang rten 'brel tshang ba yin// dus tshod phun sum tshogs pa ni// dbyar ma ston dang dgun chung dus// nyin mtshan dus bzhi la sogs yin// de ni lam gyi phun sum tshogs pa'o// khyad par phun sum tshogs pa ni// sa gzhi yon tan ldan pa ni// ri mtho sa gtsang byin chags pa// grub thob rim pas bcags pa'i gnas// mi rgod la sogs gcor pa med// phun sum tshogs pa'i gnas nyid du// bdag nyid 'khor spang gcig pu ru// lus ngag yid gsum bya ba btang // 'khrul pa'i dbang du ma song bar// lus klod ngag bsdam sems mi spro// rtse gcig nyid du chos la dril// khams kyi rten gso yo byad bsags// 'tsho ba zas kyi yo byad dang // dug 'jom sman gyi yo byad dang // bar chod dgra bzlog yo byad
- 93b
dang // thugs dam bskang ba'i yo byad dang // bsgrub pa rdzas kyi yo byad dang // mthun rdzas thams cad tshang bar bsags// g.yog 'khor phun sum tshogs pa ni// rdo rje rgyal theb rdo rje bya rog dang // rdo rje spyan po karma las mkhan dang // rdo rje byin po rdo rje ging chen dang // rdul phyag skyes bu la sogs bsag/ lo zla zhag dang za ma dang // gza' dang skar ma nyi ma dus// bzang gsum 'dzom pa kun la gtad// bstan pa phun sum tshogs pa ni// rgyud gzhung lag len 'di nyid do// rgyud chen dri med zla shel las// lam mchog nyams su len pa la// phun sum tshogs pa'i mtshan nyid de// rgyud tshig le'u nyer bdun pa'o// // man+tha g+hu r+ya// ston pa rdo rje 'chang chen la// rdo rje 'dzin pas yang zhus pa// phun tshogs rim pa gsungs na yang // nyams len gsal sgron gsung du gsol// zhus pa'i lan du bka' stsal pa// thog mar nyams su len pa la// phun sum tshogs pa'i gnas nyid du// nyams su len pa'i rnal 'byor pa// nang tshangs can gyi gdan la bzhugs// rkang pa rdo rje skyil krung bcas// lag pa gnyis po mnyam gzhag bsnol// lus po mda' sdug bzhin du bsrang // dpung pa rgod gshog lta bur brgyang // 'jing pa gzhu mo ltar du bkug/ lus khog phag ze yar la stod// mig rtse sna rtse sems rtse bstun// de ni lus kyi
- 94a
'khrul 'khor te// rnam snang chos bdun zhes su grags// rgyud tshig le'u nyer brgyad pa'o// // skal bzang thar pa 'dod pa'i lam// lam mchog dam par 'jug pa la// sems bskyed gnyis dang tshe tshad bzhi// smon 'jug gnyis la 'bad par bya// 'khor dang 'das pa'i chos rnams kun// mnyam nyid bde ba chen po'i ngang // ye nas sangs rgyas yin mod kyang // de ltar ma rtogs 'khor ba rnams// sdu bsngal chen po snying re rje// bzod glags med pa'i sems shugs kyis// thams cad rdzogs pa'i sangs rgyas nyid// thob par bya phyir sems bskyed do// de nas don dam sems bskyed ni// rang sems rig pa hur po 'di// ye shes lnga yi rang bzhin du// stong gsal 'gag pa med par bsgom// oM badz+ra ma hA shUn+ya tA dz+nyA na badz+ra swa b+hA ba A da ma ko&haM// phyi dang nang gi chos rnams kun// thams cad mnyam nyid bde chen ngadang // 'gyur med dbyings su gdod ma nas// gsal stong ngos gzung bral ba ru// snang ba rang bzhin med pa'i ngang // ngo bo rang bzhin thugs rjer ldan// ye shes lnga yi bdag nyid sgom// oMHthig le stong nyid yi shes che// zla tshes me long ye shes dang // na ro mnyam nyid ye shes ste// A ni sor rtog ye shes so// 'a ni bya grub ye shes mtshon// de ltar rig stong ye shes ni/ yi ge oM gyi ngang du rdzogs// badz+ra dus gsum
- 94b
'pho 'gyur med// ma hA ye shes chen po ste// shu n+ya tA brjod pa med pa'o// dz+nyA na gsal stong 'gag pa med// badz+ra gsal stong 'pho 'gyur med// swa b+hA wa chos dbyings rnam par dag/ Ad ma kony+dza haM rang snang gsal// lta ba ye rdzogs byang chub sems// dmigs med zang thal klong du bskyed// ces don dam pa byang chub mchog tu sems bskyed pa'i le'u nyer dgu pa'o// // de ltar ma rtogs pa'i gang zag rnams la// gnyen po bsten nas sgom pa ni 'di ltar ro// 'di yang don dam sems bskyed do// stong pa nyid snying rje chen po'i ngang // khams gsum tshad med bzhi yi bdag/ ye shes chen po cir mi dgongs// stong gsal bya rdzogs chen po'i ngang // bdag nyid skad cig dran rdzogs su// mdun gyi nam mkha' stong pa la// sna tshogs pad+ma nyi zla'i steng // hUM las bla ma rdo rje sems// dri med dkar mdangs rig pa'i sku// skyil krung rdo rje dril bu bsnams// mdzes pa'i rin chen rgyan gyis spras// che chung tshad med mtshan dper ldan// lta bas mi chog mtha' dang bral// ye nas rang yin gsal kyang gdab// bdag nyid de ltar gsal ba yi// mdzod bu mgrin pa snying kha ru// sku gsung thugs kyi dkyil 'khor ni// dkar dmar mthing ka thig le gsum// ye shes lnga yi mu khyud ldan// mdzod bur thig le oM dkar sgom// 'od 'phros snang srid oM du
- 95a
gru// oM nyid bzlas pas lus sgrib dag/ ma hA sku yi dbang thob shog/ mgrin par thig le AHdmar bsgom// 'od 'phros snang srid A ru gyur// a nyid bzlas pas ngag sgrib dag/ a nu gsung gi dbang thob shog/ snying khar thig le hUM mthing bsgom// 'od 'phros snang srid hUM du gyur// hUM nyid bzlas pas yid sgrib dag/ a ti thugs kyi dbang thob shog/ bzlas bsgom de'i ngang nyid du// ma yengs gsal ba'i spyi bo ru// sna tshogs pad+ma rin chen lnga// zla nyi brtsigs pa'i gdan stengs su// bla ma zhi khro yab yum sku// kun bzang sku lnga brgyad par bcas// bla ma yi dam mkha' 'gro dang // chos skyong srung ma dam tshig can// dkon mchog gsum dang gnyis su med// dngos grub can gyi bdag nyid du// sbrang nge thibs se bzhugs par bsgom// rang nyid sku gsung thugs srog las// oM AHhUM gsum gyi byin brlabs las// 'od dang 'od zer phyogs bcur phog/ phyogs bcu'i sangs rgyas dkyil 'khor du// sangs rgyas byang chub sems dpa' dang // bla ma yi dam mkha' 'gro'i tshogs// chos skyong srung ma dam can rnams// rang nyid lhar bskyed nam khar rdzogs// de ni dus gsum sangs rgyas yin// dbyings dang ye shes zhi khro'i tshogs// gsal stong dbyer med 'jam dpal sku// grags stong dbyer med pad+ma gsung // rig stong dbyer med yang
- 95b
dag thugs// bde stong bdud rtsi yon tan lha// snang stong phur bu 'phrin las so// mi rtog stong pa ma mo'i tshogs// ma 'gag rang rtsal dregs pa yin// tshogs drug yul dag mchod rten lha// snang la rang bzhin med pa ru// rol mo'i sgra dang bcas pa ni// mdun gyi nam mkhar bkra lam me// 'ja' dang 'od kyi dkyil 'khor du// sprin dpung lta bur gtibs nas kyang // spyi gtsug lha dang gnyis med bzhugs// gzugs snang thams cad lha yi sku// sgra grags thams cad oM AHhUM// dran rtog thams cad spros bral dang // ye nas bdag dang gnyis med bsgom// de ltar bsgoms pa'i lha tshogs dang // dkon mchog gsum gyi bdag nyid can// bla ma kun bzang yab yum gyi// sku gsung thugs kyi yi ge las// bdud rtsi dkar po'i rgyun babs nas// bdag dang sems can thams cad kyi// lus ngag yid gsum sdig sgrib dag/ shel sgong phru ma phus btab ltar// phyi nang med par gsal la dag/ de ltar bsgoms pa'i rkang mthil dang // spyi gtsug man chad khengs pa rnams// bar mtshams med par bdud rtsis gang // oM las sku yi bdud rtsi dkar// a las gsung gi bdud rtsi dmar// hUM las thugs kyi bdud rtsi mthing // bdud rtsi gsum gyis byin rlabs kyi// ye shes gsum gyi rang bzhin du// 'pho 'gyur med par byin gyis brlabs// dbang
- 96a
bzhi thob nas rgyud bzhi grol// sku bzhi mthar phyin rdzogs sangs rgyas// dmigs med zang thal chen por bsgom// oM oM oM/ dus gsum sangs rgyas thams cad kyi// yab kyi snying po oM yin te// yum gyi snying po yi ge AHyab yum gnyis med snying po hUM// dus gsum sangs rgyas thams cad kyi// sku sgrub oM la gsung sgrub AHthugs kyi sgrub pa hUM yin no// bdag dang sems can thams cad kyi// sku la oM gyi rgyas btab pas// sku mi 'gyur dag par dbyings kyi ngang // oM/ ye shes lnga ldan dbang thob shog/ AHyi ngag la rgyas btab pas// ngag sgra brjod yul 'das chos sgra'i dang // AHgrag stong chos sgra'i dbang thob shog/ hUM gi sems la rgyas btab pas// thugs mi 'gyur ye shes chen po'i ngang // hUM/ yang dag rdo rje'i dbang thob shog/ oM ni bde la A ni gsal// hUM ni mi rtog nam mkha' 'dra// rang dbang med pa srog gi gnad// 'bru gsum sngags kyi rgyal po 'di// ma byung mi 'byung 'byung mi 'gyur// oM gyi snang srid g.yo zhing 'gul// A yi 'gro ba dbang du sdud// hUM gi skye med sa lam chod// oM gyis thig le gsal bar byed// A yis gong 'phel zhing khams rgyas// hUM gis gnyis med mngon sangs rgyas// oM dag pa dbyings su sgrol// yang dag rdo rje'i don rtogs shog/ gnyen po bsgom pa'i don dam sems bskyed de// rgyud
- 96b
tshig le'u sum cu pa'o// // de nas kun rdzob byang chub mchog tu sems bskyed pa ni// oM badz+ra sa ma hUM dzaH/ de ltar yig 'bru bdun brjod pas// bdag nyid tha mal pa yi sems// stong gsal la bdag 'dzin bral ba las// bdag nyid snying gi dkyil 'khor nas// dza las lha mo lcags kyu ma// dmar gsal grangs las 'das pa'o// mdun gyi bar snang stong pa ru// sangs rgyas byang chub sems dpa' dang // bla ma yi dam mkha' 'gro dang // chos skyong srung ma dam tshig can// rtsa ba brgyud pa'i bla ma rnams// pad+ma'i gdan la bzhugs su gsol// kun kyang stong gsal rig pa'i sku// 'ja' dang 'od du khyi li li// sku dang thig le shig se shig/ bkrag dang gzi mdangs ya la la// ye shes 'od 'bar lam se lam// zhi khro sprul pa yang sbrul rnams// snang la rang bzhin med par bsgom// de ltar lha tshogs thams cad la// bdag gi lus ngag yid gsum 'di// bskal pa zhing gi rdul snyed du// mchod pa'i lha rdzas mang por sprul// 'phags pa'i tshogs rnams kun la 'bul/ bdag sogs sems can thams cad kyi/ shangs pa mchod pa'i lha 'phro nas// lag gnyis gar bsgyur sde me ma/ 'phags pa rnams kyi shangs la 'bul// bdag sogs sems can thams cad kyi// spyan la mchod pa'i lha 'phros nas// lag gnyis gar bsgyur me long
- 97a
ma// 'phags pa rnams kyi spyan la 'bul// bdag sogs sems can thams cad kyi// snyan la mchod pa'i lha 'phros nas// lag gnyis gar bsgyur pi wang ma// 'phags pa rnams kyi snyan la 'bul// bdag sogs sems can thams cad kyi// ljags la mchod pa'i lha 'phros na// lag gnyis gar bsgyur zhal zas ma// 'phags pa rnams kyi ljags la 'bul// bdag sogs sems can thams cad kyi// sku la mchod pa'i lha 'phros nas// lag gnyis gar bsgyur na bza' ma// 'phags pa rnams kyi sku la 'bul// bdag sogs sems can thams cad la// thugs la mchod pa'i lha 'phros nas// lag gnyis gar bsgyur chos 'chad ma// 'phags pa rnams kyi thugs la 'bul// bdag sogs sems can thams cad la// ba spu'i bu ga thams cad nas// d+hA pe ma dang pu dam pa// A lo ke dang gan+d+hem// lA s+ye mA le gi ti ma// na rti ma dang rnam pa brgyad// 'phags pa'i tshogs rnams thams cad la// phyin gsang ba mchod pa'i sprin// sku gsum rdzogs ldan lha la 'bul// dbang bskur byin gyis rlab tu gsol// sku gsung thugs kyi nyams chags bshags// 'gro kun byang chub myur thob shog// na mo 'phags pa dkon mchog gsum la phyag 'tshal lo// dkon mchog gsum la skyabs su mchi// dkon mchog gsum la mchod par
- 97b
'bul// sdig pa mi dge so sor bshags// 'gro ba'i dge la rje yi rang // sangs rgyas byang chub yid kyis bzung // byang chub mchog gi sems ni bdag gis bskyed par bgyi// sems can thams cad bdag gi mgron du gnyer// byang chub spyod mchog yid 'ong spyad par bgyi// 'gro la phan phyir sangs rgyas 'grub par shog/ ces kun rdzob byang chub mchog tu sems bskyed pa'i// rgyud tshig le'u so gcig pa'o// // de ltar sems bskyed pa la dgos ched ci yod na// don dam sems bskyed kyi gsal stobs rgyas thebs pa'i dgos pa yod// dmigs pa la brten nas sku gsum 'du 'bral med par rgyas thebs pa'i dgos pa yod// kun rdzob byang chub mchog tu sems bskyed pa'i gtan tshig ni// na mo zhes pa ni// phyag 'tshal lo zhes zer te// gang gis 'tshal na// rig pa'i ye shes kyi chos dbyings la 'tshal ba'o// 'phags pa zhes pa ni// khams gsum 'khor ba las 'phags pa'o// dkon mchog ces pa ni// 'jig rten gyi khams su sangs rgyas chos dge 'dun gsum dkon pa'o// la phyag 'tshal lo zhes pa ni// yang dag pa'i don la lus ngag yid gsum gus pa'i sgo nas btsal ba'o// dkon mchog gsum la skyabs su mchi// zhes pa ni// bdag dang sems can thams cad 'khor ba ngan song du mi lhung ba'i skyabs
- 98a
btsal ba'o// dkon mchog gsum la mchod par 'bul// zhes pa ni// bdag sogs thams cad kyi rgyu tshogs rdzogs lam sgrib pa sbyang ba'i ched du'o// sdig pa mi dge so sor bshags zhes pa ni// 'phags pa rnams kyi spyan lam du sngar byas pa'i sdig sgrib thams cad bshags shing // phyis mi byed par dam bca' ba'o// 'gro ba'i dge la yi rang zhing // zhes pa ni// dge ba'i rtsa ba ci dang ci thams cad bdag dang gzhan la yi rang zhing rlom sems dang bral bar bsngo ba'o// sangs rgyas byang chub yid kyis bzung // zhes pa ni// dkon mchog gsum dang 'phags pa'i tshogs cad dus rgyan chad med par yid la dran pa'o// byang chub mchog gi sems ni bdag gis bskyed par bgyis// zhes pa ni// bdag dang sems can thams cad kyi don du gyur pa cig byung na lus srog la mi lta bar don rgya chen po sgrub pa'o// sems can ma lus bdag gi mgron du gnyer// zhes pa ni// dkar po'i las kha ci byed pa thams cad ni// bdag dang sems can gnyis ka'i don du gnyer ba'o// byang chub spyod mchog yid 'ong spyad par bgyi// zhes pa ni// bdag gzhan gnyis ka'i don cig 'ong na// gang la yang ma chags par mthun pa'i don ci nus su bsgrub pa'o// 'gro la phan phyir sangs rgyas 'grub par shog/ ces pa ni// bdag nam zhig sangs rgyas nas
- 98b
kyang // 'gro ba'i don byed par shog ces pa'o// de ltar sems bskyed pa la yang tshang med bzhi dang ldan dgos pa ni// rang shugs las 'byung ba'o// de ltar byang chub mchog tu sems pa dang gcig/ oM AHhUM gis rgyas btab pa dang gnyis// kun rdzob byang chub mchog tu sems bskyed pa dang gsum// spyan 'dren bzhugs gsol mchod pa 'bul ba'o// yan lag bcu pa'i gtan tshig ste// rgyud tshig le'u so gnyis pa'o// s+ya na/ 6\u0f7fda ni maN+Dal 'bul ba ni chos sku'i maN+Dal ngo bo'i zhing // longs sku'i maN+Dal rang bzhin zhing // sbrul sku'i maN+Dal thugs rje'i zhing // sku gsum rdzogs ldan lha la 'bul// sku gsum maN+Dal 'bral ba yi// rgyud tshig le'u so gsum pa'o// naga'u rag la16/ da ni gsol ba btab pa ni// brgyud pa nye brgyud ring brgyud dang // mos pa'i sgo nas gdab pa'o// khyad par gsol 'debs yan lag ni// au/ stong gsal snying rje'i sems shugs kyis// ma dang bu yi 'du shes dran// bdag gzhan sems can thams cad kun// 'khor ba'i 'dam nas drang ba'i phyir// skyabs dkon mchog gsum la skyabs su mchi// dkon gsum la phyag 'tshal lo// dkon mchog gsum la mchod par 'bul// dkon mchog gsum la sdig pa bshags// dkon mchog gsum la yi rang ngo // dkon mchog gsum gyis thugs rjes
- 99a
bzung // dkon mchog gsum gyis bar chod sol// dkon gsum gyis lam sna drongs// dkon mchog gsum gyis sprin grol shog/ ces gsol ba btab pa'i yan lag ste// rgyud tshig le'u sa bzhi pa'o// // da ni sdig pa bshags pa ni// tsha tshwa gtor gsung rnams 'don// tshogs sogs sdig sbyangs btags grol klag/ bsgom bzlas yig brgya oM AHhUM bgrangs// rgyud chen dri med zla shel las// nyams len sngon 'gro'i le'u brgyad tshig so lnga pa'o// // de nas rdo rje 'chang chen la// phyag na rdo rjes zhus pa// kye ma ston pa rdo rje 'chang // nyams len sngon 'gro gsungs na yang // dngos bzhi'i rim pa gsung du gsol// zhus pa'i lan du bka' stsal pa// nyon cig rdo rje 'dzin pa nyon// nyams su ji ltar blangs pa ni// bla ma mtshan nyid ldan pa yis// slob ma snod dang ldan pa la// 'khor ba'i chos las bzlog nas kyang myang 'das lam du 'jug pa la// skyabs 'gro sems bskyod sdom pa blangs/ lus ngag yid gsum nyams chags bshad// de nas spros bcas nus dbang bskur// de nas theg pa rim bzhin khrid// de nas dbang gsum rim bzhin khrid// dbang gi don bsdus 'di ltar ro// rang byung rol pa chen po'i dbyings rum du// 'khor 'das chos rnams thams cad dbang gi dkyil// rang rig bdag 'dzin
- 99b
bral ba'i ngang nyid du// dbang bzhi byang chub sems kyi chu rgyun 'bab// srid pa'i rtsa ba bdag 'dzin sangs pa'i ngang // phyi nang kun brtags ye grol stong // snang srid sems su shes pa bum pa'i dbang // srid bcud lha ru grol grol ba gsang ba'i dbang // gnyis med zang thal shes rab dbang // thams cad ngar 'dzin gsang ba tshig gi dbang // gnyis med zang thal rtogs pa rig rtsal dbang // bya btsal kun las 'das pa'o// sems can snang ba phyi ltar bskur// bsgom pa sems 'dzin nang ltar bskur// ngo sprod nyer gcig gsang ba'i dbang // khrog chod thod rgal yang gsang dbang // gdeng bzhi mthar phyin bla med dbang // dbang rnams de yi dang du rdzogs// dbang bzhi dri med rang byung khyung chen lding // dbang rnams thams cad rig pa'i ngang du rdzogs// dbang gi sdom tshig bstan pa ste// rgyud tshig le'u so drug pa'o// gagag111/ nga nyams su len pa'i dngos gzhi// gzhi khregs chod pa dang // lam thod rgal ba dang // 'bras bu skra gsum ye rdzogs dang gsum mo// de la dang po thog ma ru// gzhi khregs tshod gtan la phab la// lta ba gtan la phab par bya// 'khor ba'i lam rgyun gcad 'dod pas// bya byed rdzogs pas rdzogs pa'o// mtha' dang bral bas dbus mi gnas// yongs su rdzogs pas mtha' dbus med// lhag ma med
- 100a
pas cha shas min// gcig tu ma yin gnyis mtha' zad// du mar gnas gcig mtha' zad// mtha' yang mi gnas rang sangs nyid// brjod du med pas tshig gi gzhi// dngos bral stong pa snying po'i don// phyogs su ma lhung lta ba'i don// 'di shes 'khor ba'i lam rgyun 'gag/ lta ba lta ru med de gcer grol dang // sgom pa bsgom rgyu med de rang babs klong // spyod pa spyod rgyu med de bdag 'dzin bral// 'bras bu thob rgyu med de rgyu 'bras zad// chos sku mtshan ma'i yul dang bral// longs sku gzung 'dzin yul dang bral// sbrul sku chags pa'i yul dang bral// rtog med rang sangs rnyog pa med// 'dzin med rang grol phyogs ris med// snang ba rtog med mkha' la rol// skye med chos nyid mnyam pa nyid// yang dag chos la sgro btags med// bsam 'bras brjod med ngo bo ni// rnam rtog phyogs su ma lhung ba// rtog med sku la yang dag blta bar bya// sgom med sgom bral nyid kyi ngo bo bzung // 'da' med bsrungs mtshams bral ba'i dam tshig bsrungs/ chos med rang bzhin bdag med pas// dngos po med pas 'du shes sgom// rang snang yi dpyod dag pa la// blo 'das rang gi ngang la spyod// spang thob med pa'i 'bras bu la// re dogs med pa'i rgyu 'bras yal// gzugs snang thams cad stong pa nyid// stong pa thams cad gzugs snang
- 100b
ngongo// stong dang mtshan ma med par spong shes na// spros med dag pa'i ye shes yin// blo shes rtog pa byang chub tshol mi bya// gang zhig de ni pha rol phyin// khrig chod nga yi lta ba la// ngo bo rang thog phab pa yin// rig pa ye shes snang med pas// bem po'i snang bas nga mi sgrib// stong pa'i chos nyid yul med pas// stong pa nyid la nga mi gnas// mtshan mar 'dzin pa dngos dag pas// 'dzin pa'i chos la nga mi gnas// shes rab chen po rang byung bas// sde snod chos la mi gnas pa// nga la dge dang sdig med pas// 'khor ba'i chos la nga mi gnas// khrig chod bzhi yi lta ba la// thams cad nga yi ngo bor rdzogs// nga ni stong pa tshig dang bral// nga la mun pa'i chos med pas// nga ni rang snang 'od po che// nga la snang ba'i rkyen med pas// nga ni rtags kyi sku lngar gsal// nga la byas pa'i chos med pas// nga ni ye nas rkyen dang bral// nga la byung ba'i chos med pas// nga ni sna tshogs rkyen dang bral// nga la rtog pa'i mtha' med pas// nga ni yid ches chos dang bral// nga la 'dzin pa'i tshig med pas// nga ni chad pa'i chos dang bral// nga la dngos po'i yul med pas// nga ni rtag pa'i yul du med// nga la 'dzin rtog gnyis med pas// nga ni rtag chad yul las 'das// nga la dran byed sems med pas// nga ni 'khor ba'i sdug bsngal chos las thar//
- 101a
la gnyis snang med pa yis// nga ni dge sdig gnyis dang bral// nga la phyogs lhung med pa yis// nga ni 'khrul ba'i sems dang bral// nga la byas pa'i chos med pas// nga ni rang byung lhun gyis grub// nga med snang ba chen po nyid// nga rang byung ye shes lta ba la// nga la bcad pa'i yul med do// nga la sngar bas 'das pa med// nga la phyi rabs 'byung ba med// nga la da lta'i snang ba med// nga la las dang bag chags med// nga la ma rig pa yang med// nga la yid kyang yod ma yin// shes rab 'khor ba gnyis ka med// 'khor ba myang 'das gnyis ka med// rig pa nyid kyang yod ma yin// ye shes su yang snang ba med// rang byung ye shes srog med pas// dge sdig kun las 'das pa'o// rang byung ye shes gzhi med pas// snang ba'i rtog pa chod pa'o// nga la 'du 'bral gnyis med pas// ye shes sku nyid mngon par snang // nga la gzigs snang mtha' dang bral// yul snang kun las 'das pa'o// nga rang byung ye shes rtsis med pas// gzung 'dzin gnyis las 'das pa'o// nga rang byung ye shes phyi nang med// skyon dang yon tan gnyis las 'das// nga rang byung ye shes ka nas dag/ yin min gnyis kyi mtha' las 'das// nga rang byung ye shes chos med pas// thabs shes gnyis las 'das pa'o// nga rang byung ye shes 'gyu byed
- 101b
bral// shes rab kun las 'das pa'o// nga la skye dang 'chi med pas// 'gag pa'i chos rnams yongs su rdzogs// nga la phyi nang med pas// gsal ba'i chos rnams yongs su rdzogs// nga la stong dang dngos med pas// snang ba'i chos rnams yongs su rdzogs// nga la dmigs pa'i yul med pas// mthong ba'i chos rnams yongs su rdzogs// nga la lus dang sems med pas// rang snang chos ni yongs su rdzogs// nga la bdag dang gzhan med pas// rig pa'i chos lnga yongs su rdzogs// nga la byed pa'i rgyu med pas// bsam gtan chen po yongs su rdzogs// nga la phyi yi yul med pas// rang snang yul ni yongs su rdzogs// nga la phyogs dang ris med pas// gsang ba'i chos rnams yongs su rdzogs// nga la snang ba 'gag med pas// dbyings kyi chos gsum yongs su rdzogs// nga la gcig dang gnyis med pas// thig le'i chos rnams yongs su rdzogs// nga la mun pa'i snang med pas// mngon par snang ba'i chos rnams rdzogs// nga la bdag gzhan rtog pa med// stong pa'i chos rnams yongs su rdzogs// nga la dri ma gnyis med pas// gsal ba'i chos mas yongs su rdzogs// nga la sku lnga rang snang pas// zhing khams chos rnams yongs su rdzogs// nga la spro bsdu gnyis med pas// ye shes don rnams yongs su rdzogs// chos sku'i snang ba 'gag med pas// nga la
- 102a
ye shes yod ma yin// nga la skye ba nyid med pas// yi ge a ni ye nas med// nga la 'gag pa'i gnas med pas// yi ge mo ni ngang gi med// nga la 'du 'bral gnyis med pas// yi ge hAM ni shin tu zad// sku yi snang ba sna tshogs pas// yi ge ming ni ngang gi stong // ngo bo rang bzhin thugs rje gsum ldan pas// stong pa phyogs cha med pa'i ye shes ltos// a ti'i khreg chod lta ba la// gsod byed las dag snang ba chen po gsal// sems can gsad na rang snang ma dang phrad// rgyu 'bras rtsad bcad na rgyud drug rtsa gsum 'byongs// dge ba'i rgyun thag bcad na lu gu rgyud dang nye// phyi nang bya ba btang na snang ba rgya yis thebs// sems 'dzin lta sgom med na chos sku dngos po yin// gsal la rang bzhin med na longs sku'i rang bzhin yin// bya byed kun dang bral na sbrul sku'i rang bzhin yin// gcig pu rang la bsdad na rtsa gsum lus la 'byongs// thad ka grogs su shes na cog gzhag gcig gi ngang // de la rgyun du gnas na de la ci zhig bya// snang ba chen po kun la yang dag gnas// gsang sngags kyi khrig chod 'di nyid do// a ti'i khrig chod lta ba la// srog ma bcad na dge mi 'phel// chos ma spangs na sangs mi rgya// bstan pa ma sgrub na zhing mi rgya// dmyal ba yi dwags mchod na// dngos grub dad pas slong mi nus// sdug bsngal dang
- 102b
du ma blangs na// bde ba gtan nas pheb mi srid// thams cad skyes par ma gyur na// skye ba med pa'i don mi rtogs// nyon mongs med na shes rab med/ 'khor ba spel na sangs rgyas thob// snying rje med na thugs rje 'char// gti mug med na ye shes 'char// ma rig med na rig pa med// rtsa ba med na rtse mo med// sangs rgyas rnams kyi slob dpon ni// dmyal ba yin par shes par bya// srog rnams bcad na dge ba 'phel// sangs rgyas pas su shan pa bzang // rbab tu lhung na bde bar sleb// bsdad cing phyin na mgyog par sleb// kun bzang nya shor gnyis su med// gzhi med rtsa bral nam mkha'i snying po ltos// khreg chod lta ba'i brda tshig go/ rdzogs chen a ti yo ga la// 'khrul pa las bzlog khrig chod ni// rdo rje 'chang gis legs par bstan// rtog pa med pa chos kyi sku// mtshan ma med par rang sar grol// 'gyur med a ti'i ngo bopo la// bya dang byed pa'i chos med de// a ti rdzogs pa chen po la// gcig rdzogs gnyis rdzogs thams cad rdzogs// rdzogs chen a ti'i ngo bo la// phyi nang gsang ba'i chos rnams rdzogs// dge ba byar med sdig pa spang du med// dge sdig gnyis dang bral bas rig pa chos kyi sku// dge ba mi bya byas na sangs rgyas men// sdig pa mi spang spangs na sangs rgyas 'grub mi 'gyur// khams gsum sems can gsad na
- 103a
mngon sangs rgya bar 'gyur// pha ma gsad na ye shes thob par 'gyur// srog gcod sdig tu ga la 'gyur// srog gcod sdig tu gyur na sangs rgyas med par 'gyur// srog gcod spangs na sangs rgyab kyis phyogs// dus gsum sangs rgyas srog gcod grol bar 'gyur// srog ma bcad na sangs rgyas 'byung mi 'gyur// bdag nyid lha yi dkyil 'khor rang rdzogs pas// yi dam lha la mchod pa mi 'bul lo// 'bul na 'bul mkhan 'ching bar 'gyur// mchod pa phyag rgya la sogs rgyal ba'i sku la sgrib// phyag rgyas bsgyur na rin chen brlag par 'gyur// dkyil 'khor bris na rang gi de nyid yal// sangs rgyas dgongs pa bya byed bral ba'o// bsam gtan ting 'dzin la sogs rgyal ba'i sku la sgrib// sgom zhing bsgrub pa byas na 'khor ba'i bsam gtan yin// sangs rgyas mi sgrub bsgrubs na rtsol bar 'gyur// 'khor ba mi spang spangs na sangs mi rgya// sangs rgyas gzhan du med do rig pa yin// 'khor ba gzhan du med do rang sems yin// 'dus byas dge rtsa byas na 'ching ba'i rgyu// mchod rten lha khang la sogs 'du byas dge rtsa yang // byas pa'i chos ni byas pas mi zin bzhag pas zin par 'gyur// bya ba btang bas rnal 'byor mi spongs pa de bzhin gshegs// yang dag sangs rgyas lam ni kun la de bzhin gshegs par bya// yang cig
- 103b
'dus pa'i 'khor tshogs nyon// nga med pa yi gong rol du// sangs rgyas sems can gnyis med de// lam dang grub pa ga la yod// nga la ma byung gcig kyang med// nga ni stong pa chen po'o// nga la 'byung ba rnam lnga bskyed// ba ni 'byung bdag chen po'o// nga ni sangs rgyas kun gyi mes// nga med pa yi sngon rol du// sangs rgyas bya ba'i ming med de// nga ni thabs kyi pha rol phyin// nga la mtshan ma'i chos med pas// nga yi sems la g.yo ba med// nga ni sangs rgyas kun gyi dur// 'gyur med dur sa ma nga la btab// nga ni sems can kun gyi gnas// bag chags lus ltar snang ba'o// nga ni dbyer med shes rab bo// nga la phyi nang gsang ba rdzogs// nga ni rdo rje snying po'i sku// nga la sangs rgyas bskyed pa'o// nga ni skye med rig pa'i don// nga ni dngos po'i chos dang bral// nga la mtshan ma med pa'i phyir// nga ni sems can dur can 'don// nga la thugs rje 'chang ba'i phyir// nga ni stong pa'i tshig las 'das// nga la gsal cha 'byung ba'i phyir// nga ni mun pa snang bar 'gyur// sgron ma rnam gnyis yod pa'i phyir// nga ni phyogs su lhung ba med// nga la 'dzin pa med pa'i phyir// khrig rnams rang rang chod pa'o// khreg chod a ti'i lta ba la// sangs rgyas med pas sangs rgyas ming yang med// ston pa sangs rgyas ming su 'dogs pa'i sangs rgyas 'khrul// yang dag don la sangs rgyas
- 104a
sems can med// rang rig stong par mi gnas bde chen sa la gnas// rig pa 'dzin pa med pas stong // sangs rgyas kun gyi rje btsun ni// rang rig yin pas shes par bya// rang snang rig pa'i rgyal po 'di// kun la yod de kun gyis rtogs pa med// rang snang rig pa'i sgron ma 'di// kun la snang yang gsal bar dka'// mtshungs med rtog pa med pa yi// rang gsal chos nyid dag pa 'di// dge sdig med la don gdeng ldan// sangs rgyas kun gyi yang gsang bcud// dus gsum sangs rgyas thams cad la// dgongs pa gcig las med pa'o// sangs rgyas kun gyi rig pa ni// sems can kun gyi rang yul yin// 'od lnga'i mu khyud zlum por gnas// sems can gyin gyi ngo bo ni// 'gyur med chos sku'i ngo bo yin// sangs rgyas sems can thams cad la// rang rang thugs la dkyil 'khor tshang // nga nyid gcig pu dkyil 'khor lha// nga nyid rdo rje rkyen dang bral// nga nyid dpa' bo gcig pu nyid// nga nyid bya ba thams cad byed// gsang sngags rgyal po tshig las 'das// tshig dang yi ger ston pa'i gang zag 'khrul// gsang sngags kun gyi gsang ba yang bcud 'di// snod dang ldan pa'i skyes bu rnams la snang // rdzogs chen a ti yo ga ni// dper na gcan gzan seng ge bzhin// gangs dkar rtse nas sder can zil gyis gnon/ de
- 104b
bzhin rdzogs chen a ti ni// sna tshogs don chen ston cing theg dman zil gyi gnon// seng ges rang skad 'don pas sder chags thams cad skrag/ rdzogs chen rang skad 'don pas theg dman thams cad brgya la// kun dang mi mnyam rdzogs chen a ti'i don// sangs rgyas kun gyi gsang ba yang gsang yin// 'di ltar dri med zla shel las// lta ba gtan la phab nas su// khreg chod snying po'i don la sbyar// de nas thod rgal gtan la dbab// de nas 'bras bu sangs rgyas bstan// 'khrul nas 'khrul pa ma la bzlog/ rdzogs chen khrig chod don la sbyar// chos rnams kun gyi mdud pa ni// khreg chod nyid la zug pa'o// rgyud chen dri med zla shel las// lta ba khreg chod bstan pa ste// rgyud tshig le'u so bdun pa'o// sa ma yAHgter rgya/ sbas rgya/ zab rgya// // ston pa rdo rje 'chang chen la// gsang bdag nyid kyis 'di skad zhus// e ma ston pa rdo rje 'chang // khreg chod lta ba de ltar na// gzhi nyid de la brten byas nas// zod rgal lam du ji ltar 'jug/ ston pa nyid kyis zhib rgyas gsungs// zhus pa'i lan du bka' stsal pa// e ma 'dus pa'i 'khor tshogs nyon// khrig chod dag la brten byas nas// thod rgal lam du 'di ltar gzhug/ yid 'thun pa yi sa cha ni// dngas shing mtho ba'i sa chu ru// dge sdig rkyen dang bral ba'i sar// lus ngag
- 105a
yid gsum bya ba btang // lus phyi'i bya ba so nam 'du byed spangs// nang gi bya ba phyag bskor dang // gsang ba'i bya ba 'khrul 'khor spangs// ngag phyi'i bya ba ngag 'khyal dang // nang gi bya ba kha ton dang // gsang ba'i bya ba lha bsnyen spangs// sems phyi'i bya ba spro rtog dang // nang gi bya ba lha bsgom dang // gsang ba'i bya ba mi rtog bsgom// 'di ltar bya ba dgu phrug btang // nam mkha' rkyen da bral ba'i dus// bde ba'i gdan la skyil krung bca'// lus ni rnam snang chos bdun bca'// rlung ro lan gsum phyir la 'bud// steng rlung bsdam la 'og rlung bskum// mig gnyis smin phrag mkha' la gtad// mdun gyi nam mkha' stong pa la// chos nyid rnam par dag pa yi// ngo bo stong pa dmigs gtad bral// rang bzhin gsal dag chos kyi dbyings// rnam par dag pa'i lu gu rgyud// dbyings dang 'du 'bral med par 'char// de ni chos sku stong pas te// skye ba med pa'i rang bzhin yin// ma 'gags 'od du gsal bas na// 'gag pa med pa'i rig pa yin// rig pa rdo rje lu gu rgyud// phra zhing rta rnga'i mdud pa 'dra// bar bar thig le yungs 'bru tsam// che chung tshad med cir yang 'char// 'gro dang 'ong ba'i bdag nyid can// de yang 'od lnga'i nang du 'char// thig le dag ni rkyang pa dang // gnyis 'brel gsum 'brel la sogs 'char// dpe ni rgya mtsho'i sbrang char
- 105b
dang // lcags tshags za 'og sbar ma 'dra// de ni rang gi ngo bo ste// che chung thig le nyag gcig go/ chos nyid mngon gsum snang ba yin// dus gsum sangs rgyas thams cad dang // bde bar gshegs pa thams cad dang // rigs lnga'i sangs rgyas rigs gsum mgon// sku dang ye shes zhing khams dang // thams cad mngon sum mjal ba yin// las dang sdig sgrib zad pa yin// dug lnga ye shes rang log yin// 'khor ba dag dang rgyab gyes yin// dbang bzhi thams cad rdzogs pa yin// sangs rgyas stong dang mjal ba yin// mngon sum 'di dang ma bral cig/ thog mar bzhugs stangs 'di la bslab// thod rgal khyi yi 'dug btang ste// bzhugs stangs kun gyi thog ma'o// rgyud tshig le'u so brgyad pa'o// kat+ya bya30/ gong ltar bzhugs stangs rab rdzogs na// rtsa ba'i bzhugs stangs gsum la bslab// bya ba dgu phrug dag tu btang // nang tshangs can gyi gdan stangs su// seng ge nyal ba lta bu yi// dran pa rnams kyi zag pa bcad// chos sku'i bzhugs stangs seng ge yi// 'khrul pa'i 'jigs pa rang bral nas// mi 'gyur rdo rje'i mig gis mthong // de yi bzhugs stangs 'di ltar ro// pus mo gnyis po sa la btsugs// yid tsam phyir la bgrad par bya// rting pa gnyis po 'phongs la sbyar// lag gnyis pus mo'i phyi logs su// cung zad bgrad la sa la btsugs// sgal tshigs bsrang
- 106a
la mjing pa dgyed// mig gnyis smin phrag mkha' la bgrad// dbyings dang rig pa'i lta stangs kyis// sgrib byed bral ba'i nam mkha' lta// dbyings kyi nang nas lu gu rgyud// rnam pa gzhug cing 'bral mi bya// de ltar su yi mthong ba'i mis// thog ma'i kun tu bzang po dang // skal ba nyid ni mnyam pa'o// glang chen nyal ba la brten nas// chos nyid rnams la longs spyod de// pad+ma'i spyan gyis mthong bar 'gyur// de yi bzhugs stangs 'di ltar ro// kha sbub drang por nyal byas nas// grub mo gnyis po sa la btsugs// lag mthil gnyis kyi o rkong brten// pus mo gnyis po brang la sbyar// mjing pa bteg la rgyab tu bor// mig gnyis smin phrag mkha' la gtad// zur gyis g.yas dang g.yon du khrid// g.yo 'gul med par dal la brten// sku gsum 'bras bu mngon du blta 'dod na// bcud kyi snying po'i ye shes ltos// ye shes rang snang lhag pa nyid du 'char// ma bcos cog bzhag rgyal po rang grol nyid// sku gsum 'du 'bral med par longs spyod do// sbrul sku'i bzhugs stangs drang srong gis// rang gi snang ba gtan la phebs// drang srong tsog bu la brten nas// chos nyid rnam par rang sprul nas// chos nyid mig gis mthong bar 'gyur// gzhan yang rtsa dang 'khrul 'khor gyis// rang bzhin gnas pa'i ye shes lnga// chu bur mig
- 106b
gis mthong bar 'gyur// de yi bzhugs stangs 'di ltar ro// tsog bur rkang pa gnyis po gshib// gsus pa skal la yid tsam sbyar// pus mo gnyis po brang la sbyar// gru mo gnyis po pus mgor bkal// lag mthil 'gram pa'i zur gnyis btod// zim bu'i mig gis par snang lta// nyi ma'i g.yas dang g.yon du lta// har po dag dang skabs su lta// sbrul sku'i zhing khams mthong bar 'gyur// de ni chos nyid mngon sum ste// sku gsum 'du 'bral med pa yin// rgyud chen dri med zla shel las// rtsa ba sku gsum bzhugs stangs dang // gzigs stangs gsum dang bstan pas te// rgyud tshig le'u so dgu pa'o// // da ni yan lag gzhugs stangs bshad// skyes bu gan rgyal har po lta// 'byung bzhi'i grib ma mtshams la phebs// wa mo khyi tshugs bcus la lta// sgo lnga'i yul rnams rgya yis thebs// lcags sdong lta bu'i srin langs kyis// sgo lnga'i shes pa gcig tu sdud// 'di gsum lan yag 'dug stangs te// rgyud tshig le'u bzhi bcu pa'o// // gzhugs stangs drug po gang byed kyang // rlung gnad shin tu dal ba la// yid tsam phyir la 'dur bar bya// so gnyis bar du nas thar tsam// mig gnyis smin phrag mkha' la gtad// zer gnyis bar du khyad par lta// nam mkha' rkyen dang bral dus gsal// nyin par sUr+ya blta bar bya// nub mo tsan dra blta bar
- 107a
bya// mngon sum 'di dang 'bral mi bya// bzhugs stangs de rnams gang byed kyang // seng ge lta bu'i lta stangs kyis// 'khrul pa'i yul rnams gcig tu lta// glang chen lta bu'i lta stangs kyis// dbyings rig gnyis po gcig tu lta// drang srong lta bu'i lha stangs kyis// snang ba rnams kyi tshad kyang 'dzin// skyes bu lta bu'i lta stangs kyis// rig pa'i snang ba mched pa mthong // mda' srong wa mo lta stangs kyis// rig pa mi 'gyur srang du gzhug/ lcag sdong khra yi lta stangs kyis// phyi yi chos can dum bur lta// lce spyang lta bu'i lta stangs kyis// nyin dang mtshan mo med par lta// lta stangs re dang bzhugs stangs bstun// da ni lus ngag yid gsum po// bslab dang sbyang ba'i rim pa ni// mdud pa lta bur gcig tu dril// lcags kyu lta bur rlung sems khug/ mdung shing lta bur gcig tu dril// gcud phur lta bur lus sems gtsun// rgyal mtshan lta bur lug rgyud byor// me long lta bur rang nyid ltos// ma rig la sogs nyon mongs drug/ bzhugs stangs gsum gyis gtsun par bya// lta stangs drug gis rtsad bcad nas// dpe don drug gis gtan nas brlab// rgyud chen dri med zla shel las// lha stangs rlung gnad gtsun pas te// rgyud tshig le'u zhe gcig pa'o// // e ma ho// chos nyid mngon sum snang ba 'di// rang babs ngang las
- 107b
gsal ba'i khong // legs par bshad do yid la zung // dngos gzhi'i bzhugs stangs lta stangs dang // rtsa ba'i bzhugs stangs dang // yan lag bzhugs stangs lta stangs dang // 'di rnams rlung gnad dag dang bstun// rig pa lug rgyud mngon sum mthong // 'dis ni chos nyid snang bas te// 'di la yon tan bsam mi khyab// rang snang gsal ba 'di ltar ro// sangs rgyas kun gyi ye shes ni// gang gi phyogs su ma lhung ngongo// dper na sbrang dang sbyin snod ni// chu yis bkrus nas dag par 'gyur// rig dang ma rig rtog pa yin// chos nyid ye shes nam mkha' la// rig pa ye shes ma yengs par// 'dzin med ngang du bzhag gyur na// ye shes mthong lam shes shing rig/ ma 'gag 'khrul pa'i chos la sogs// bsam med chos sku spros bral ni// bar snang stong pa'i yul du gsal// sangs rgyas kun gyi lus nyid ni// rtog pa med pa'i ngang du gsal// 'dzin med dag sgom chen po la// rdo rje sems dpa'i rig pa gsal// gsal stong dag pa'i ye shes la// mtshan ma med pa chos nyid gsal// zhe 'dod med pa'i sgom pa la// btang snyoms med pa'i ting 'dzin gsal// spang thob med pa'i lta ba la// rtog pa med pa'i mthong ba gsal// bcos bslad med pa'i spyod pa la// byas pa med pas byung ba gsal// bsam dang bral ba'i chos sku la// 'gag pa med
- 108a
pa'i longs sku gsal// mtshan ma med pa'i chos nyid la// thams cad 'dren pa'i sbrul sku gsal// phyir mi ldog pa'i sku gsum la// gzung 'dzin med pa'i rig pa gsal// yang dag sangs rgyas lam rgyal la// sbrang du med pa'i dkyil 'khor gsal// bskyed pa med pa'i yig 'bru la// 'du 'bral med pa'i lha tshogs gsal// bstan du med pa'i lung chen la// shes su med pa'i chos sku shes// brjod du med pa'i man ngag la// bzung du med pa'i rig pa zin// bshad du med pa'i chos nyid la// thob tu med pa'i 'bras bu thob// yi ge med pa'i rgyud chen la// bshad du med pa'i sangs rgyas gsal// bsgrub tu med pa'i 'phrin las la// bya tu med pa'i mchod pa gsal// chos nyid mi 'gyur snang ba la// lha dang bral ba'i rig pa gsal// stong pa nyid kyi chos nyid la// bde ba zag med thig le gsal// yang dag don gyi chos sku la// rtog med gsal ba'i ye shes gsal// 'gyur med rang gsal ngo bo la// rtog med mnyam pa'i thig le gsal// rnam rtog dbyings kyi thig le la// brjod med lam gyi thig le gsal// sa la mi gnas sku mchog la// btang snyoms ye shes dal ba gsal// bya btsal bral ba'i chos nyid la// dkyil 'khor lnga yi 'du 'phro gsal// rtog pa lam gyi sangs rgyas la// bya ba rgyu yi sangs rgyas gsal// grol ba 'bras
- 108b
bu'i sangs rgyas la// smin pa rtags kyi sangs rgyas gsal// bya byed bral ba'i rig pa la// 'dzin med rdo rje'i lug rgyud gsal// kun la khyab pa'i ye shes la// rang gsal chos nyid rtog med gsal// 'dzin pa med pa'i chos nyid rang sa gsal// rtog med chos ni nam mkhar gsal// 'dzin med chos ni rang sar dag/ rtog med rang grol bde ba'i shugs// yengs pa med par kun la khyab// chos nyid bde chen sa la gshegs// rgyud chen dri med zla shel las// ye shes snang ba lam me ba// rig pa rdo rje lu gu rgyud// khreg chod ngang la thod rgal gsal// chos rnams rang bzhin gsal ba yi// rgyud tshig le'u zhe gnyis pa'o// // da chos nyid rang snang gsal ba la// kha dog 'od zer 'di ltar ro// rab tu dkar bar snang ba dang // shin tu dkar bar snang ba dang // mchog tu dkar bar dag dang ni// tshad med pa ru dkar ba dang // de bzhin du ni ser po dang // rab tu ser dang shin tu ser// mchog tu ser dang tshad med ser// de bzhin du ni dmar po dang // rab tu dmar dang shin tu dmar// mchog tu dmar dang tshad med dmar// de bzhin du ni ljang gu dang // rab tu ljang dang shin tu ljang // de bzhin du ni mthing ka dang // rab tu mthing dang shin tu mthing // mchog tu mthing dang tshad med mthing // gser dngul shel gyi kha
- 109a
dog dang // mu tig mu men mdog ltar dang // ngang pa'i sgo nga lta bu dang // rin chen mthon mthing mar rgad dang // pad+ma rA ga be DUr mdog/ rma bya ne tso zer mo'i sgro// phu ron ske mgul lta bu dang // ri skeg shul po lta bu dang // seng ge'i dpral ba lta bu dang // khra dang bya yi mig ltar dang // dug gi rlangs pa lta bu dang // brgya byin lag pa lta bu dang // 'brong bya'i gshog pa lta bu dang // thig le dag ni thig phran dang // 'od zer kha dog lnga ldan ni// gyen 'greng dang ni rtsib shar dang // mdung rtse ris dang pad+ma ris// mchod rten ris dang dra ba ris// rdo rje ris dang tsa kra ris// ral gri ris dang 'jug gi ris// dra bas dra ba phyed pa dang // 'od kyi dum bu lta bu dang // dar sna lnga yi snam bu dang // rin chen mig tshag mig mang ris// nya mig ris dang mkhar thabs ris// za 'og gur khyim lta bu dang // nyi zla gza' skar dwangs pa dang // pad+ma stong ldan lcags tshags dang // skrag pa ltar dang nyi zla lta// mchod rten ris dang re lde ris// tsha tshwa ltar dang spa phub ris// me long g.ya' dag phyis pa'am// me long snum phyis byas pa 'am// kha dog 'bar ba me lce ris// rin chen gdugs brtsegs 'bru phung ris// smig sgyu ris dang cho long ris// rta rnga mdud pa bsgrigs pa dang // thig le thig phran bse phub ris// 'od skor 'od 'khyud sna
- 109b
tshogs pa// 'od lngas lung pa khengs pa dang // bems po'i snang ba med pa ru// ye shes lnga yi 'od zer rgyas// mu khyud thig le lnga ldan dang // de yi nang du rdo rje sems// sku la thig le thig phran brgyan// rdo rje sems dpa' phyed sku dang // sku rkyang dang ni zung 'brel dang // thig le de dag re re'i nang // thig le lnga lnga tshom bu'i nang // rigs lnga yab yum tshom bur bcas// sa rdo ri brag rang sar dengs// zhi ba'i sku dang khro ba'o sku// sems dpa' sems ma la sogs rnams// chos nyid mngon sum yul la 'char// byas pa med par rang byung yin// bzhugs stangs gsum dang lta stangs gsum// mngon sum 'di la su goms pa// chos nyid snang ba rim bzhin 'char// ye shes lnga la longs spyod do// rgyud chen dri med zla shel las// mngon sum gsal ba'i kha dog dang // rig pa lug rgyud 'dug tshul dang // 'od zer 'phro 'du yul snang dang // legs par mngon sum bstan pa ste// rgyud tshig le'u zhe gsum pa'o// // yang cig ston pa nyid la ni// rdo rje can gyis yang zhus pa// ston pa nyid kyis gsungs pa'i tshogs// mngon sum nyid la bslab pa la// bzhugs stangs gsum dang gzigs stangs gsum// sgo yul rlung gnad gtsun pa dang // yul la chos nyid gsal tshul dang // de yi 'od zer 'phro 'du rnams// legs par yang dag gsungs na
- 110a
yang // rnal 'byor nyams su len pa la// gong gi snang ba thams cad kun// rim pa bzhin du 'char tshul dang // snang ba bzhi yi 'char tshul dang // rtags tshad rim kyi 'byung ba dang // nyams kyi snang ba 'phel tshul rnams// legs par yang dag nyid du gsungs// de skad ces ni zhus pa'i lan// ston pa nyid kyis bka' stsal pa// nyon cig lam gyi rnal 'byor nyon// thod rgal nyams su len pa la// rtags tshad 'di ltar 'char ba yin// dang po chos nyid mngon sum gyi// nyams snang nyid ni 'di ltar ro// rnam dag dbyings kyi sgron ma ni// 'od zer kha dog mthing ka ni// yi ge na ro lta bu 'am// 'ja' tshon rta rnga'i mdud pa 'dra// de la thig le yungs 'bru tsam// phrom phrum za zil khyag khyug dang // gya gyu phrag phrig khyag khyug dang // sos ka'i smig sgyu lta bur 'char// de nas nyi ma'i phyogs su ni// nam mkha' rkyen dang bral dus su// zim bu ma yengs brten par bya// rlung dang shes pa dal la bslab// yid la gya gyu med par bya// nyi ma drug bdun song ba dang // snang ba de rnams brtan par 'gyur// rig pa rdo rje lu gu rgyud// shin tu yang shing 'gro 'ong byed// sngar lam dam dum gsal ba la// 'ja' tshon lnga yi brgyan pa 'char// da rung nyams su blangs pa yis// 'od lnga'i snang ba re lde tsam// lug rgyud lcags thag 'dra ba
- 110b
las// thig le sran ma tsam gyis brgyan// lcags tshags nya mig lta bu dang // chu yi gnyer ma lta bu dang // mtsho nang rdo ba bor ba dang // ri mo phub ltar 'khyil 'dra 'char// snang ba rnams kyang dal bar snang // 'od khyim kha dog rnam lnga mthong // de ni chos nyid mngon sum yin// kha dog mthing ka mthong ba ni// chos dbyings ye shes ngo bo yin// nyon mongs gti mug rnam par dag/ 'od zer dkar po mthong ba ni// me long ye shes ngo bo yin// nyon mongs zhe sdang rnam par dag/ 'od zer ser po mthong ba ni// mnyam pa nyid kyi ye shes yin// nyon mongs nga rgyal rnam par dag/ 'od zer dmar po mthong ba ni// so sor rtog pa'i ye shes yin// nyon mongs 'dod chags rnam par dag/ 'od zer ljang khu mthong ba ni// bya ba grub pa'i ye shes yin// nyon mongs phrag dog rnam par dag/ 'di ni chos nyid mngon sum yin// mngon sum 'di las sbyang bar bya// rim gyis kha dog lnga la bslab// rgyud chen dri me zla shel las// chos nyid mngon sum snang ba ni// da lta nyid du bstan pa ste// rgyud tshig le'u zhe bzhi pa'o// da ni nyams snang gong 'phel bshad// de yang gnyis su 'dus pa ste// snang nyams gong du 'phel ba yi// de la brten nas shes nyams 'char/ [।]6s+ya6/ da rung mngon sum sbyangs pa ni// sems can rnams la snying rje
- 111a
dang // bya ba gzhan la mi yengs shing // mngon sum 'di la lta snying 'dod// 'od kyang rang gi zo phyi tsam// mdun rgyab dag tu gsal ba'o// de yang nyin mtshan med par 'char// thig le me long 'phang lo tsam// 'od khyim kha dog cir yang 'char// rtsibs shar mdung rtse pad+ma ris// mchod rten dra ba rdo rje dang // tsa kra ral gri dra phyed dang // mig mang mig tshag za 'og ris// me long re lde tsha tshwa ris// rin chen 'od 'dra dpal be'u ris// 'od shar 'od sgor 'od zer 'bar// rma bya'i mdongs dang phu ron ske// pad+ma stong ldan dra ba ris// thig le thig phran mu khyud bcas// rnam pa sna tshogs nyid du 'char// de ni snang nyams 'phel ba yin// shes nyams dge sdig ngo bo shes// lus la 'bu srin shig mi 'byung // de ltar rtags tshad ldan gyur kyang // da rung nyams su blangs pa yis// 'od kyang yul gru tsam pa mthong // thig le phor pa tsam du 'gro// rig pa sha ra rgyug pa tsam// lus la skra dkar gnyer ma med// zas skom yid la mi 'byung ngo // mngon sum lug rgyud 'bras mi nus// bar snang khams su 'gro snyam byed// mi dang 'phrad snying mi 'dod cing // 'khrul gtam mi 'dod lkug pa ltar// 'od snang thams cad brtan pa dang // gsal 'tsher lhun sdug nyid du'o// thig le bse phug tsam par 'gro// da rung nyams su blangs pas su// 'od
- 111b
kyang yul khams tsam du gsal// thig le yul khams gang ba la// thig le de dag re re la// 'od lnga'i mu khyud dag dang bcas// de yi dkyil du pho rkyang sku// zhal phyag dod dang ma dod 'char// da rung nyams su blangs pas su// dpa' bo re la yum re 'char// sa rdo'i snang ba mi snang zhing // rang gi lus la sku dang thig le 'char// khra shig shig pa'i snang ba 'char// rig pa bung ba tsam du 'gro// de dus rang la rang rgod phro// sngar med pa yi chos kyang shes// ci smras thams cad chos su 'ong // dgra gnyen yid la mi 'byung ngo // gang gis 'od la su goms pa// rang gis mthong ba'i spyod yul du// sa dang chu dang me dang rlung // 'byung bzhi'i snang ba rang nub ste// rim gyis kha dog lnga la spyod// snang nyams shes nyams gnyis ka 'phel// 'od dang kha dog thig le 'phel// de phyir gong 'phel snang ba gces// nyams kyi rtags tshad nyid du bkod// rgyud chen dri med zla shel las// nyams snang gong 'phel snang ba ste// rgyud tshig le'u zhe lnga pa'o// // da ni rig pa tshad phebs kyi// snang ba nyid ni bstan par bya// de yi rtags tshad 'di ltar ro// 'od zer stong gsum khyab par gsal// thig le chen po gcig la ni// mu khyud rim pa lnga yis bskor// kha dog lnga ldan 'od zer 'phro// de yi nang du tshom bu lnga// re re la yang bzhi bzhis bskor// thig le de dag re
- 112a
re'i nang // rigs lnga yab yum rdzogs par 'char// lu gu rgyud kyi bar dag tu// zhi khro'i lha tshogs dpag med 'char// nyin dang mtshan mo med pa ru// zhi khro'i dkyil 'khor rdzogs par 'char// sa rdo ri brag la sogs pa// gdos bcas thams cad rang dag nas// thams cad rgyal ba'i zhing du 'char// rang lus kun kyang 'od kyi sku// thig le thig phran shig se shig/ phyogs dang phyogs mtshams thams cad kun// gang du bltas kyang longs sku'i zhing // 'di dang 'bral ba med pa'i rtags// gzhan gyis mthong ba'i spyod yul du// smyon pa ji bzhin thog med par// gang la chags pa med pa dang // ri brag rnams la zang thal dang // 'byung ba lnga la rtsal sbyong nus// sa gting la yang 'dzul ba dang // chu rnams la yang mi bying zhing // lus la gos sogs med pa ru// gcer bu gang la thogs med cing // zas nor 'dod pa kun dang bral// 'dis ni snang ba 'di nyid la// 'byung ba rang sar dwangs nas ni// zag bcas phung po mi snang bar// 'bras bu thob par the tshom med// rig pa tshad la phebs pa'i rtags// rang snang ci la bcug kyang tshud// bem po kun yang 'gul bar nus// rlung gis 'gyu ba'i tshad zin pas// lus kyi rdul phran mthong ba dang // cir snang gzugs skur rdzogs pa dang // de la yab yum
- 112b
'khril ba dang // lnga lnga yab yum sbyor ba dang // kun kyang mu khyud zlum po la// rnal 'byor lus kyang 'od du gsal// 'gro dang 'ong dang 'dug pa dang // thams cad rig pa tshad la phebs// lus kyang tshad la phebs pa ni// bar snang 'od kyi skar khung gsal// de la 'od zer lcags kyu'i dbyibs// 'khril zhing 'khril ba'i snang ba 'dzin// rang lus dngos po rang 'gags nas// zang thal dri med 'od kyi lus// dbus su yi ge A dang bcas// smin phrag 'od zer 'dom gang tshad// thor tsugs rlung gis gang bar snang // rang gi lag pa'i sor mo la// 'od zer 'phreng ba rnam par 'khrig/ mgo bo thod pa'i gzhal yas su// he ru ka rnams rdzogs par gsal// de dus rang lus tshad la phebs// sku gsum zang thal nyid du gsal// 'di ltar su la ldan pa'i mi// rig pa tshad la phebs pa yin// rgyud chen dri med zla shel las// rig pa tshad la phebs pa yi// rtags tshad legs par bstan pa ste// rgyud tshig le'u zhe drug pa'o// // yang cig lam gyi rnal 'byor nyon// chos nyid zad pa'i snang ba ston// la ra rig pa tshad la phebs gyur na// blo yi chos rnams zad pa yin// yin kyang snang ba gtan la phebs// sangs rgyas grangs las 'das pa yi// lung rnams gcig tu dril nas bstan// tshig gi rgyal po 'di dag kun// rnal 'byor rnams kyi yid la zhog/ mi
- 113a
rtog ye shes las byung ba'i// ma btsal bzhag pa'i man ngag gi/ ye yod dang po'i sangs rgyas snyed// 'di tshe nga ni snang ba dag/ dag pa'i rtags tshad chos rnams zad// chos rnams zad na 'khor ba stongs// 'khor ba stongs pa'i rtags tshad ni// rigs drug gzugs rnams mi snang ngo // bam po'i snang ba 'od sku shar// 'gro dang 'ong dang 'dug pa dang // ji ltar ji bzhin sgra rig pa// 'di ni chos nyid bden pa'o// bden pa mthong ba'i rnal 'byor ni// sus ma rnyed pa'i nor bu rnyed// sus ma mthong ba'i snang ba mthong // chos can thams cad dum bur chod// chos nyid rang rig sbar mos zin// sangs rgyas pas kyang sngar sangs rgyas// yang dag rdzogs pa yang sangs rgyas// sprul pa rnams kyang der sangs rgyas// chos nyid bden pa'i dkyil 'khor la// su yi lta bar nus pa'i mi// rigs rnams kun gyi gtso bor 'gyur// dpal ldan tshogs kyi bdag po yin// khyad par 'khor los sgyur rgyal 'gyur// mi de ngan song gsum 'das na// phyir mi ldog pa'i sangs rgyas te// 'das pa'i sangs rgyas thams cad kyis// 'di la lung rnams ston par 'gyur// bden pa'i yon tan bsam mi khyab// sgra bzhi gom pa'i rnal 'byor pas// lus kyi rtags rnams mngon du 'byin// rnal 'byor 'od la 'dris pa yi// sa rdo ri brag rang sar
- 113b
dag/ thig le dag la su gom pa// nyag gcig dgongs pa'i rtsad kyang chod// sku la goms pa'i rnal 'byor pas// rigs drug gzugs kyang longs sku gsal// rig pa nyid la su goms pa// 'di ni chos rnams zad par 'gyur// nges par 'di la gang sgom pa// chos kun ma bslabs pa la shes// ma bsgoms pa ru ting 'dzin thob// lung dang rig pa dus gcig rdzogs// sngags dang phyag rgya dkyil 'khor lha// chos dang dbang dang dam tshig ni// ma btsal bzhag pa'i tshul du thob// 'das dang ma 'ong da lta rnams// skad cig cha la dus gcig rdzogs// sa dang lam dang tshogs rnams ni// bgrod cing sbyang dang bsag med par// rnal 'byor sems la dus gcig rdzogs// gzhi dang lam dang 'bras bu ni// ji ltar gnas pa'i tshul du snang // ngo bo rang bzhin thugs rje ni// rnyog med rang sangs nyid du gnas// chos sku longs sku sprul sku gsum// ma bskyed rdzogs pa'i tshul du thob// lta ba sgom pa spyod pa gsum// ma brten 'char ba'i tshul du rdzogs// sangs rgyas chos dang dge 'dun gsum// ye rdzogs rang gi lus la gnas// snang dang stong dang dbyer med ni// ma byas ye rdzogs nyid du gnas// sa dang chu dang me dang rlung // nam mkha' te rdzogs tshul du gnas// gzung 'dzin med pa'i lta ba ni// chos nyid zad pa'i snang ba yin// 'di yi mtshan nyid
- 114a
sus rig pa// stong gsum kun kyang yungs 'bru tshud// rgya mtsho chen po hub kyis thebs// ri rab kun kyang srang la 'jal// khams gsum po ni gting nas bzlog/ srid gsum thams cad gdar sha bcad// sems can ma lus srog bcad nas// sangs rgyas rnams dang dbyer mi phyed// kun tu bzang po'i byang chub sems// mi snang mi 'gyur lam rig gsal// blo bral 'di la 'dris pa'i mi// brjod med rang dag rnyed pa'o// 'di ni yon tan bsam las 'das// dpag med sangs rgyas rnams dang mnyam// chos nyid zad pa'i snang ba la// lta ba bya ba gtan nas med// lta ba med phyir snang ba zad// kun bzang chos nyid yangs pa che// de bzhin sgom pa nyid kyang med// sgom pa med phyir snang ba zad// spyod pa zhes ni brjod du med// spyod pa med phyir lus 'byung zad// zad pa 'di la mtha' brten nas// mi de mi snang snang med// lha dang srid pa'i bdag po kun// chos nyid zad pa'i yul snang la// 'di la skrag cing dngangs pa ni// 'jig rten blun po'i gzugs gzungs nas// 'phags pa'i bden pa nyid dang bral// 'khor ba'i dpung la mngon par zhe na// des na rig snang yul la ltos// rig snang 'di la su 'dris pa// thog ma'i kun tu bzang po dang // skal ba nyid ni mnyam pa'o// de phyir chos nyid zad pa'o// chos nyid zad pa'i snang ba
- 114b
ni// thams cad rang gi rig par 'dus// rig pa dgag bsgrub kun dang bral// chos rnams thams cad rang rig yin// rang gi ngo bo rten pa yin// dpe bral mtshon du med pa yin// 'di ltar chos nyid brjod med la// tha snyad tshig gi gzhi mar shar// tshig brjod rim pa rnam dag pas// da lta brjod med rang la gnas// de phyir tshig mtha' zad pa'o// chos nyid zad pa'i snang ba la// rtags ni rang la 'char ba yin// tshad ni gzhan la gsal ba yin// zad ces ming gi tha snyad do// sangs rgyas kun gyi rtags tshad ni// dpe yi ye shes rnams la gsal// rtags kyi ye shes rtags tshad ni// thig le stong pa'i sgron mar gsal// don gyi ye shes rtags tshad ni// mngon sum gsal ba'i snang bar gsal// mi rtog bsam gtan rtags tshad ni// yan lag 'du byed rnams la gsal// sgra don shes pa'i sgra tshad ni// 'byung ba'i cho 'phrul nyid la gsal// A li ka li'i rtags tshad ni// gnas dang 'byung ba nyid la gsal// 'khrul pa rnams kyi rtags tshad ni// rmi lam bya byed rnams la gsal// bag chags 'thug pa'i rtags tshad ni// gang zhen yul gyi rkyen la gsal// ma 'khrul ye shes rtags tshad ni// sprin med nam mkha'i mdangs la gsal// ye shes 'od kyi rtags tshad ni// man shel snying po nyid la gsal// thig le rnams kyi rtags tshad ni//
- 115a
dra ba mig tshags bar du gsal// rnal 'byor gom pa'i rtags tshad ni// rig pa tshad la pheb dus gsal// spros mod rang dag rtag tshad na// sgrub rgyu rnams dang bral dus gsal// bde ba rang gnas rtags tshad ni// gnyis 'jug mkha' mnyam par du gsal// phyag rgya chen po'i rtags tshad ni// snang srid phyag rgya'i zhing du gsal// rig pa rtsal dbang rtags tshad ni// gzhi bskyed lus ngag bdal ba la// dbang srog dam tshig rtags tshad ni// gdeng ldan ye bsrungs nyid la gsal// tha snyad grub mtha'i rtags tshad ni// thig le spros bral dang du gsal// theg pa rang spyi'i rtags tshad ni// rig pa mkha' lding nyid la gsal// dran pa nyid kyi rtags tshad ni// sgo lnga'i shes pa nyid la gsal// bsam pa rnams kyi rtags tshad ni// yul rkyen grol ba'i mtshams su gsal// rtogs pa nyid kyi rtags tshad ni// dran pa yengs pa'i dus su gsal// 'dzin pa kun gyi rtags tshad ni// 'dod pa'i yon tan lnga la gsal// ma rig rtsa ba'i rtags tshad ni// yod med gnyis kyi mtshams su gsal// nyon mongs rnams kyi rtags tshad ni// blo bur rkyer gyi dus su gsal// 'gyu byed yid kyi rtags tshad ni// gang bsam yul gyi snang bar gsal/ bdag 'dzin blo sa'i rtags tshad ni// 'gyu byed 'gyu ba'i mtshams su gsal// shes rab chen po'i rtag tshad
- 115b
ni// yul rkyen chos pa'i bar du gsal// rtog med rang sangs rtags tshad ni// phra rag bral ba'i mtshams su gsal// dwangs ma lnga yi rtags tshad ni// byung ba dag pa'i dus su gsal// ye shes rnams kyi rtags tshad ni// rang snang yul snang rgyas dus gsal// chos kyi sku yi rtags tshad ni// gnod pa'i rkyen dang bral dus gsal// longs sku nyid kyi rtags tshad ni// chos nyid ma bu 'phrad dus gsal// sprul pa sku yi rtags tshad ni// 'khor 'das phyed de mtshams su gsal// bla ma'i man ngag rtags tshad ni// 'byung ba drangs pa'i dus su gsal// snying po don gyi rtags tshad ni// thig le 'dus pa'i dus su gsal// lus kyi bde drod rtags tshad ni// res 'jog bral ba'i dus su gsal// gsung rnams rang sgra'i rtags tshad ni// srid pa gzhi bzhengs bar du gsal// rang snang mi 'gyur rtags tshad ni// 'byung ba zad pa'i dus su gsal// ye shes thugs kyi rtags tshad ni// snang ba gzhi bzhag dus su gsal// dgongs pa rnams shes rtags tshad ni// rig pa srang la chur dus gsal// ting nge 'dzin gyi rtags tshad ni// 'du shes gsum dang bral dus gsal// chos nyid mi spro'i rtags tshad ni// mnyam pa nyid kyi dus su gsal// lhag mthong nyid kyi rtags tshad ni// bla ma'i man ngag nyid la gsal// sgom med rang grol rtags tshad ni/ khrig chod thod rgal
- 116a
mtshams su gsal// lus gnad ye shes rtags tshad ni// 'dug stangs rnams kyi dus na gsal// 'bad med rang grol rtags tshad ni// blo 'dzin dri ma dag dus gsal// yid ches goms pa'i rtags tshad ni// nyams myong goms pa'i dus su gsal// sku gsum 'bras bu'i rtags tshad ni// chos rnams zad pa'i dus su gsal// thugs rje gzhan don ngo sprod ni// ye shes mkhyen pa'i dus na gsal// kha dog dbyibs zad tshad 'dzin pa// phyi nang gnyis kyi mtshams su brtag/ de ltar rtags tshad brtags pa yis// don rnams kun la yid ches 'gyur// rdo rje 'chang chen nga yis bshad// chos nyid zad pa'i snang ba yis// yul snang thams cad gcer grol nyid// stong pas stong pa'i tshad zin te// grub mtha'i zhen pa dus gcig chod// 'khor 'das gnyis su med pa'o// 'byung ba thams cad rang sar dag/ chu yi snang ba dri ma da/ kun khyab chen po'i stong pa ste// rlung lnga'i snang ba rang byung bas// khyab brdal chen po'i stong pa rnyed// me yi snang ba rang byung bas// rang gsal chen po'i stong pa rnyed// rlung gi snang ba rang byung bas// bskyed pab chen po'i stong pa rnyed// nam mkha'i snang ba rang byung bas// dag pa yul gyi stong pa rnyed// de ltar chos nyid stong pa nyid// gsal ba chen po rang byung bas// stong gsal gnyis kyi mtha' las 'das// ye nas
- 116b
med pa'i stong nyid la// 'byung ba zad pa'i 'od snang gsal// bya byed bral ba'i stong nyid la// sku gsum mtshon pa'i 'od snang gsal// 'byung ba zad pa'i stong nyid la// rnal 'byor brten pa'i 'od snang gsal// rgyun du gnas pa'i stong nyid la// rang snang bzhag pa'i 'od snang gsal// mtha' mi gnas pa'i stong nyid la// rang rig sgrib bral 'od snang gsal// rnal 'byor 'od snang goms pa yi// 'byung ba thams cad bag la zha// thams cad stong gsal dang du rdzogs// chos nyid zad pa'i snang ba 'di// stong gsal 'gag pa med pa ste// dri ma kun las 'das pa ste// 'od zer dkar po'i tshul du shar// yon tan thams cad rdzogs pa'i brda// 'od zer ser po'i tshul du shar// chos rnams ma btsal bzhag pa ste// 'od zer dmar po'i tshul du shar// bya ba thams cad rdzogs pa'i brda// 'od zer ljang khu'i tshul du shar// mi 'gyur kun la khyab pa'i phyir// kha dog mthing ka'i tshul du shar// de ltar sku yi gsal cha yi// rig pa dri ma med pa mthong // thig le stong pa'i gsal cha yi// rig pa thig le nyag gcig mthong // ye shes lnga yi gsal cha yi// rig pa nyid kyi kha dog mthong // rnam dag dbyings kyi gsal cha yi// rig pa'i rang yul thams cad mthong // sgron ma bzhi ldan gsal cha yi// rig pa nyid kyi rang ngo mthong // 'od zer lnga yi gsal cha
- 117a
yi// rig pa nyid kyi kha dog mthong // shes rab lnga yi gsal cha yi// rig pa rang snang 'dug tshul mthong // rig pa nyid la su goms pa// 'di ni rang lus rang sar dengs// de yi tshad la su goms pa// chos nyid kun kyang zad pa'o// rgyud chen dri med zla shel las// chos nyid zad pa'i snang ba dang // spyir na snang ba bzhi yi lam// rtags tshad snang stong gsal cha dang // snang stong gnyis med ngang tshul dang // chos rnams zad pa'i snang ba ste// rgyud tshig le'u zhe bdun pa'o// // de nas ston pa rdo rje la// phyag na rdo rjes 'di skad gsol// kye ma ston pa chen po gsan// de ltar nyams su len pa la// snang ba bzhi ni gang ltar rdzogs// 'bras bu thob tshul gang ltar thob// legs par yang dag nyid du gsungs// de skad ces ni zhus pa'i lan// rdo rje 'chang gis yang gsungs pa// kye ma rig pa'i 'khor tshogs nyon// chos nyid mngon sum snang ba ni// rig pa lug rgyud ngo bo rdzogs// nyams snang gong 'phel snang ba ni// rig snang thams cad dbyings su rdzogs// rig pa tshad phebs snang ba ni// lhun grub chen po'i ngang du rdzogs// chos nyid zad pa'i snang ba ni// snang stong dbye gsal med par rdzogs// rang rig yin phyir snang ba rdzogs// rang byung yin phyir gzhi yang rdzogs// snang ba yin phyir lus kyang rdzogs// rang grol yin/
- 117b
phyir rang rig rdzogs// rang dag yin phyir lam yang rdzogs// rang rig yin phyir shes bya rdzogs// rang khyab yin phyir 'bras bu rdzogs// rang sangs yin phyir rgyu rkyen rdzogs// rang rtogs yin phyir chos nyid rdzogs// rang byung yin phyir rgyud lung rdzogs// rang rdzogs yin phyir dus gcig rdzogs// rang shes yin phyir gdam ngag rdzogs// rang gzhan yin phyir bsam gtan rdzogs// rang chas yin phyir dus gcig rdzogs// nga yon tan 'bras bu thob tshul ni// thob tu med pa'i 'bras bu thob// rgyas su med pa'i sangs chung rgyas// 'da' ru med pa'i mya ngan 'das// ka nas dag pa dri ma zad// thog mar byung bas rgyud pa zad// lta dang bral bas rtsis las 'das// dug lnga'i rgyu rkyen bde ba che// brjod pa'i rgyu med smra bsam 'das// ye nas rang rig rnam par dag/ zag pa zad pas gdos bcas min// dngos po zad pas stong par gnas// gnyis kyi 'phel med ngo bo nyid// chos dang bral bas mtha' las 'das// rtog med gsal bas 'gyu ba sangs// bem rig gnyis po tshogs gnyis rdzogs// dran pa'i zla med cog bzhag rang // bcos pa'i tshig med kun la khyab// bsam med sems med dran pa gsal// so ma ma yin gnyug med dang // ma bcos cog bzhag rang grol nyid do// lkog med pa gdos nas dag/ 'gyur ba ma yin
- 118a
drang por gnas// yongs la khyab pa'i sems gcig pu// grub mtha' rdzogs pa'i spyi phud yin// thog ma bar dang za ma grub// de ltar 'bras bu 'khrul med gzhi// rang rig ye nas 'od re gsal// sku gsum ye nas ma bskyed rdzogs// 'bras bu rang gnas chen po la// chos nyid ye nas bcos su med// grub mtha' ye nas skyabs dang bral// dug lngas ye nas gos pa med// 'khor 'das 'du 'bral ga la yod// mngon sum gsal ba brjid re che// snang ba sna tshogs lhun re sdug/ chos sku ngo sprod dang re spro// ngo bo zang thal yangs pa che// rang bzhin kun khyab brdal ba che// thugs rje kun khyab bskyed re che// khyab pa ye dwangs bkrag re bzang // gnas la thog med bang re mgyogs// rig pa rang snang 'od re gsal// stong pa kun 'byung ngo re mtshar// snang srid gzhi bzhengs dpangs re mtho// kha dog lnga ldan bris re legs// gzhi snang chen po ngo mtshar che// 'khor 'das gnyis po 'brel re mkhas// sku lnga ye shes rtsig pa mkhas// rang bzhin gnas pa'i bar do la// sangs rgyas med cing sems can med// ma rig med cing 'khrul ba med// sems med yid kyang yod ma yin// dgra med bshes med rgyu rkyen med// phung po med cing khams kyang med// yul med 'dzin pa bya ba med// dbang po med cing yul yang med// gzung bar
- 118b
bya zhing 'dzin pa med// dmigs med gzhal yas khang yang med// lha med mchod pa'i yul kyang med// gzhi la goms pa'i rnal 'byor pas// rang gi gnas kyang stongs par 'gyur// lam la goms pa'i rnal 'byor pas// 'byung ba rags pa'i dri ma zad// 'bras bu dag la su goms pa// ka dag sa la 'di yis phyin// sangs rgyas 'bras bu 'di yis thob// sangs rgyas la yang grangs mangs kyang // rnam pa lnga ru 'dus pa'o// ngo bo ka dag sangs rgyas dang // rang bzhin lhun grub sangs rgyas dang // thugs rje kun khyab sangs rgyas dang // 'bras bu rgyu dag sangs rgyas dang // mtshan ma yongs grol sangs rgyas so// de yang rnam pa gnyis su 'dus// yang dag rdzogs pa'i sangs rgyas dang // mngon par rdzogs pa'i sangs rgyas gnyis// yang dag rdzogs pa'i sangs rgyas ni// ngo bo sku ru rgyas pa dang // rang bzhin 'od du rgyas pa dang // thugs rje'i zer du rgyas pa'o// mngon par rdzogs pa'i sangs rgyas ni// sku dang gdung dang 'ja' dang 'od// mngon sum gsal nas sangs rgyas pa'o// thog mar ma rig pa yi sems// rig pas bskyed pa'i lus sems 'di// ye shes dag gis bskyed pas na// 'byung lnga ye shes lnga la thim// lhag ma med par sangs rgyas so// de yi thugs rje'i cha tsam las// gzhan don dpag tu med pa 'byung // rgyud chen dri med zla shel
- 119a
las// rdzogs dang 'bras bu thob tshul te// chos zad gdod nas sangs rgyas so// rdzogs rim 'bras bu'i rgyud tshig le'u zhe brgyad pa'o// sa ma ya// shag ga yang cig rdo rje 'chang chen la// rdo rje na gyis yang zhus pa// kye ma ston pa rdo rje 'chang // yon tan 'bras bu bshad lags kyang // sems can rnams kyis mi go nas// 'khor ba dag tu 'khyams gyur na// dbang po tha ma nyams len med// de la bar do 'char bas na// bar do'i rim pa gsung du gsol// zhus pa'i lan du bka' stsal pa// nyon cig rdo rje 'dzin pa che// ngas bshad legs par yid la zung // bar do'i rnam grangs bzhi ru 'dus// dang por skye gnas bar do ni// ma las skyes nas ma shi'i bar// thos pas phyi yi sgro 'dogs bcad// sgom pas nang gi sgro 'dogs bcad// khreg chod gsang ba'i sgro 'dogs bcad// nyams len khrig chod thod rgal nyid// rtags tshad gdengs bzhi'i rnal 'byor ro// bar do ma bu lam sbyor nyid// grol sa nyid ni khrig chod do// gang zhig lam gyi rnal 'byor rnams// nyams su len par byed pa la// bar chod bdud kyis khyer bas na// bdud kyi gol sa bcad pa gces// e ma lam gyi rnal 'byor nyon// rtog pa mtshan mas bcings pa'i bdud// bsam gyis mi khyab grangs mang zhing // brjod du med pas bsam mi khyab// rnam rtog
- 119b
mtshan mas bcings gyur na// thams cad bdud kyi rang bzhin te// de yang mdor bsdus 'di lta ste// gzung 'dzin yul chags phyi yi bdud// rnam rtog 'khrul bar spyod na nang gi bdud// dregs pa kha 'jam bdud kyis bslus pa yin// lus la rgyan bzang thogs pa bdud kyis bslus// gnyen gyi kha 'jam bdud kyis bslus pa yin/ dgra la chags na bdud kyi bsdus pa yin// bdag rgyu dreg na bdud kyi bsdus pa yin// 'dzin pa'i yul la chags na bdud kyi bsdus pa yin// ting 'dzin ro la chags na nang gi bdud// snang ba'i yul la chags na yul gyi bdud// yin min the tshom skyes na rtog pa'i bdud// bya byed g.yeng bas khyer na 'khor ba'i bdud// longs spyod 'khor la chags na g.yeng ba'i bdud// rtog pa khong du chud na sems kyi bdud// gzung 'dzin chos la chags na yid kyi bdud// 'khor ba'i chos la chags na 'ching ba'i bdud// rtsod pa'i gtam la chags na nyon mongs bdud// snying sdud ro la chags na lha yi bdud// khro gtum dpa' rngams chen 'chi bdag bdud// sgom pa'i lha la chags na 'ching ba'i bdud// chags sdang lnga la chags na ngan song bdud// chos spyod bcu la spyod na gnas pa'i bdud// 'khor ba'i lam la chags na rmongs pa'i bdud// chos la smod pa 'dzud na phrag dog bdud// gzhan la sun
- 120a
'byin khyer na nga rgyal bdud// pha rol spong bar byed na skyon gyi bdud// chos pa rnams la chos ma bdud// chos ma rnams la chos pa bdud// gnyis ka'i bdud ni 'dod chags yin// de bzhin bdud kyis bslus pa bsam mi khyab// brjod kyi mi langs grangs mang yang // rtsa ba bdud bzhi chom gyur na// bdud rnams gzhan gyis glags mi rnyed// gzhan yang nor 'khrul thams cad kun// bdud kyi dbang du song ba yin// rnyog pa med pa'i rang sems dang // rtog pa med pa'i rang sems gnyis// 'dra 'dra 'dra ste nor ra re// nor na bdud dbang song ba yin// ma sgrib gting gsal snang ba dang // 'gro ba'i sems rgyud zhen pa gnyis// 'dra 'dra 'dra ste nor ra re// nor na bdud dbang song ba yin// ma btsal bzhag pa'i sgom pa dang // chos ma nus kyi btang snyoms gnyis// 'dra 'dra 'dra ste nor ra re// nor na bdud dbang song ba yin// dran med rig pa'i yul snang dang // dran bsam 'gro drug 'khrul pa gnyis// 'dra 'dra 'dra ste nor ra re// nor na bdud dbang song ba yin// chos nyid dag pa'i bar do dang // yi dam lha yi sku lus gnyis// 'dra 'dra 'dra ste nor ra re// nor na bdud dbang song ba yin// rang bzhin sbrul sku'i zhing khams dang // theg pa bgrangs pa'i zhing khams gnyis// 'dra 'dra 'dra ste nor ra re// nor na bdud dbang song
- 120b
ba yin// sku gsum 'bras bu mthar zug dang // sna tshogs ma nges lhun grub gnyis// 'dra 'dra 'dra ste nor ra re// nor na bdud dbang song ba yin// rig pa mngon sum lta ba dang // spyod lam blo yi the tshom gnyis// 'dra 'dra 'dra ste nor ra re// nor na bdud dbang song ba yin// rtsol med rig pa'i yul snang dang // mtshan bcas sgom pa'i gzugs brnyan gnyis// 'dra 'dra 'dra ste nor ra re// nor na bdud dbang song ba yin// rig pa'i mdzad spyod rol pa dang // 'gro drug 'khrul pa'i spyod pa gnyis// 'dra 'dra 'dra ste nor ra re// nor na bdud dbang song ba yin// rang bzhin rnam dag thig le dang // rlung bzungs mtshan bcas thig le gnyis// 'dra 'dra 'dra ste nor ra re// nor na bdud dbang song ba yin// chos sku sha dag snang ba dang // mya ngan 'das pa'i grong khyer gnyis// 'dra 'dra 'dra ste nor ra re// nor na bdud dbang song ba yin// rang rig bsam pa bral ba dang // sems kyi byung tshor sna tshogs gnyis// 'dra 'dra 'dra ste nor ra re// nor na bdud dbang song ba yin// shes rab rang rtsal rdzogs pa dang // yid kyi dran pa phyir shor gnyis// 'dra 'dra 'dra ste nor ra re// nor na bdud dbang song ba yin// gsang chen nges pa'i bden tshig dang // ldem dgongs gtsun pa'i gal tshig gnyis// 'dra 'dra 'dra ste nor ra re// nor na bdud dbang song ba
- 121a
yin// nges pa'i bcud gsum man ngag dang // mtshan ma dpe yi bslu brid gnyis// 'dra 'dra 'dra ste nor ra re// nor na bdud dbang song ba yin// chos pa ri khrod 'grim pa dang // nor rdzi ri khrod 'grim pa gnyis// 'dra 'dra 'dra ste nor ra re// nor na bdud dbang song ba yin// sgom chen spyod pa skyong ba dang // chang snyon tho cho spyod pa gnyis// 'dra 'dra 'dra ste nor ra re// nor na bdud dbang song ba yin// chos pa zhen med chags med dang // khram pa ngo tsha btang ba gnyis// 'dra 'dra 'dra ste nor ra re// nor na bdud dbang song ba yin// rang bzhin skye gnas bar do dang // da lta nyid du zag chod pas// bdud kyi dbang du ma song bar// 'dra 'dra'i 'phrang rnams chod par bya// rig pa ye shes chen po 'di// nam mkha'i ngang du shes par bya// gang gi phyogs su ma shor bar// rang nyid chos skur rtogs gyur na// bdud ces bya ba rang sar grol// chos sku spros dang bral ba la// mtshan ma'i bdud kyi phyogs dang bral// da bdud las thar par byed pa la// nyams su 'di ltar blang bar bya// shin tu dben pa'i gnas nyid du// bla ma mtshan nyid ldan pa yis// slob ma snod dang ldan pa la// dbang gis rgyud rnams smin par bya// snang ba sems su dbang yang bskur// sems nyid rig par dbang yang bskur// rig pa chos nyid
- 121b
dbang bskur ro// de nas dam tshig 'di ltar ro// snang ba yul gyi dam tshig dang // rtogs byed lta ba'i dam tshig dang // spyad rgyu nges pa'i dam tshig dang // bsrung mtshams bral ba'i dam tshig bzhi// lam zhugs rnams kyis bsrung bar bya// dam tshig dam tshig ces bya ba// gud na yod pa ma yin te// rang rig snang ba'i don rtogs na// dam tshig rgyal po zhes bya'o// sangs rgyas kun la dam tshig med// sems can dus na skyon yon byung // yang dag rig pa'i don rtogs na// nyams dang ma nyams gnyis las 'das// bsrungs dang ma bsrungs phyogs las 'das// ye bsrung chen po'i don la ltos// gsang ba lam gyi rnal 'byor pas// gol sa bcad na dbang dam ldan// de la spyod pa gal che bas// rnal 'byor rnams kyis 'di ltar spyod// 'dzin pa yul gyi spyod pa dang // rang snang thabs kyi spyod pa dang // zhen med chags bral spyod pa dang // rtog med lam gyi spyod pa dang // rtsol sems snang ba'i spyod pa dang // brtul zhugs dbang gi spyod pa dang // gzung 'dzin 'khor ba'i spyod pa dang // rnam pa bdun du bshad pa'o// 'dzin med yul gyi spyod pa ni// dper na smyon pa lta bur bstan// rang snang thabs kyi spyod pa ni// dper na ri dwags lta bur bstan// zhen med chags bral spyod pa ni// dper na bu chung lta bur bstan// rtog med lam gyi spyod pa ni// rgya
- 122a
mtsho gza' skar lta bur bstan// rtsol sems snang ba'i spyod pa ni// glang chen smyon pa lta bur bstan// brtul zhugs dbang gi spyod pa ni// dper na stag mo lta bur bstan// gzung 'dzin 'khor ba'i spyod pa ni// nam mkha'i mdung bskor lta bur bstan// lta ba lam gyi rnal 'byor bas// chos nyid yul gyi lta ba dang // spyod pa thabs kyi lta ba dang // rang rig rgyun gyi lta ba dang // ma nor lung gi lta ba'o// chos nyid yul gyi lta ba ni// chos nyid dang ni chos can no// spyod pa thabs kyi spyod pa ni// sgron ma bzhi yi lta stangs so// rang rig rgyun gyi lta ba ni// rig pa ye shes snying po ste// ye nas yod pa'i lta ba yin// ma nor lung gi lta ba ni// rdzogs chen a ti yo gar grags// rnal 'byor pa yis de ltar ltos// da ni sgom pa'i mtshan nyid bshad// rnam rtog rgyun gyi sgom pa dang // stong pa mtha' med sgom pa dang // mtshan ma gzung 'dzin sgom pa dang // rtsol bral bzhag thabs sgom pa'o// rnam rtog rgyun gyi sgom pa ni// dper na sprin bu lta bur bstan// stong pa mtha' med sgom pa ni// bya long nam mkha'i mtha' 'tshol 'dra// mtshan ma gzung 'dzin sgom pa ni// me la chu ru bsgyur ba 'dra// rtsol bral bzhag thabs sgom pa ni// seng ge gangs dkar zin pa 'dra// 'bras bu khreg chod ngo bor bshad// rgyun chen dri med zla shel
- 122b
las// rang bzhin gnas pa'i bar do la// gol sa bcad dang lta sgom spyod// rim pa bzhin du bstan pas te// rgyud tshig le'u zhe brgyad pa'o// sa ma yA/ de nas ston pa nyid la ni// khro gnyer can gyis yang zhus pa// kye kye ston pa rdo rje 'chang // rang bzhin bar do bshad na yang // 'chi kha'i bar do gsung du gsol// zhus pa'i lan du bka' stsal pa// nyon cig gzhon nu khro gnyer can// gang zhig rnal 'byor lam pa rnams// 'byung 'khrug dbang gi sgyur lus nyams// de dus rang gi nyams len dang // bla ma'i gdams pa dran par bya// 'di dus gang zag rab 'bring gsum// rab ni phung po lhag med du// 'di nyid rang du rdzogs sangs rgyas// rang bzhin gnas pa'i bar do tshod// 'bring ni lus sems bral ma thag/ rang ngo 'phrod nas sangs rgyas so// chos nyid bar do chod pa'o// tha ma mngal sgo ma 'grims pas// pad+mo lnga la rdzus te skyes// srid pa'i bar do chod pa'o// mngon par rdzogs par sangs rgyas so// gang zag lam gyi rnal 'byor pas// lu gu rgyud la su goms pa// rig pa rnam shes srang la thebs// de yi 'bras bu sku gsum la// 'di nyid rnams ni rang rig pas// rang bzhin gnas pa'i bar ma dor// 'di rnams goms pa'i skyes bu ni// 'byung ba rnams ni rang dengs su// 'od lus thob par the tshom med// sa ni sa la rang thims
- 123a
pas// lus ni lci zhing zas mi len// langs 'dug 'gro ba'i stobs kun zad// chu ni chu la thim pa'i tshe// kha chu sna chu 'dzag par byed// de bzhin me la me thim pas// kha sna dag ni rab tu skam// lus ni mtha' yi drod rnams 'chor// de bzhin rlung la rlung thim pas// dbugs ni rang rang yan lag 'phrad// mig kyang gyen la zlog pa'o// rtags 'di su la byung ba de// 'jig rten 'di nas pha rol tu// nges par ru ni 'gro bas na// de tshe bla ma'i gdams ngag rnams// rang gi rgyud la 'dris par bya// de ltar 'chi kha'i bar do ru// skyel ma 'di ltar khrid par bya// rigs drug 'bros khung bcad pa dang // 'khor ba dong nas sprug pa dang // 'khrul snang gzhi la bzlog pa dang // ye shes rang mdangs bstan pa dang // rang rig rang sar grol ba'i phyir// rigs drug dbyangs yig don bdun gyis// thig le 'khor lo tshom bu lnga// bstan pa gang la bab pa yi// rin chen bzhu ba'i khu bas bris// dar snas dril la mgul du btags// 'di ni 'chi kha'i skyel ma yin// chos nyid bar dor grol bar nges// rigs drug 'khor ba 'jom pa yi// btags grol 'khor ba rgyan gtsad bstan// rgyud chen dri med zla shal las// rigs drug 'khor rkun gcod pa ste// rgud tshig le'u zhe dgu pa'o// tham ga sa ga' ma byag pa lags yig
- 123b
drug rdo rje sgra chen 'di// mthing shog dag la gser gyis bris// lus sam mgul du thogs pa la// de nyid grol bar the tshom med// 'di yi bri thabs bstan pa ni// gser gyi rdo rje rtse lnga la// lte bar sku gsung thugs yig bri// ra drug dag la thig le drug/ de ru yig drug bkod par bya// oM aHhuM/ a Sha ha sha sa ma// 'a a ha sha sa ma// 'a a sha sa ma ha// yig 'bru drug so 'di dag la// sku gsum dgongs pa gsum du yod// de phyir 'dra min gsum du byung // yin kyang ngo bo gcig la 'dus// 'khor ba dong sprug yig drug 'di// 'a yi shes bya stong par byed// a yi shes bya gsal bar byed// sha yi shes bya mtha' gnyis dag/ sa yi shes bya 'gyur ba med// ma yi shes bya kun la snyoms// ha yi shes bya rang sar dag/ yang cig yig drug 'bru bshad na// rdo rje 'chang chen nga yis bshad// a ni chos nyid skye ba med// 'a ni 'gag pa med pa'i don// ha ni skye 'gag gnyis su med// sha ni dag pa dbyings su sgrol// sa ni 'gyur ba med pa ste// ma ni ma bskyed rdzogs pa che// yi ge drug pa'i don rtogs na// gsang sngags gsang ba'i rgyud chen grol// yig drug don la gnas na skyes bu mya ngan 'da'// rtogs byed rgyal po yin no sgra 'gyur drug la rdzogs// a yis lha yi 'khor sgo chod// 'a yis lha min 'khor sgo chod// ha yis mi yi 'khor sgo
- 124a
chod// sha yis byol song 'khor sgo chod// sa yis yi dwags 'khor sgo chod// ma yis dmyal ba'i 'khor sgo chod// yig 'bru drug gis rigs drug dong nas sprug/ oM gyis lus kyi skye gnas dag/ a yis ngag gi 'khrul tshig dag/ hUM gis sems kyi 'khrul snang dag/ 'bru gsum sku gsum rang sar grol// rang byung rdo rje'i rang sgra 'di// 'khor ba dong nas sprug par byed// 'khor ba dong spug btags grol rgyud// legs par gtan la phab pa ste// rgyud tshig le'u lnga bcu pa'o// sa ma yaHmaN+Da 'gyu/ \u0f7fdrug pa rdo rje 'chang chen gyis// chos nyid rang sgra dag pa'i tshig/ drug 'gyur rdo rje'i glu tshig gis// rig pa lu gu rgyud du grol// rigs drug klong du grol ba yi// btags grol tshig bar nyer drug 'di// rigs drug klong grol zhes su grags// de yi rgyud tshig 'di ltar ro// e ma ki ri ki ri// mas ta b+ha li b+ha li// sa mi ta su ru su ru// kun d+ha li ma su ma su// e ka la su li b+has ta ye// tsa ka ra b+ha li ti lU ye// sa mun ta tsar+ya su g+ha ye// b+ha ti san b+hu gu li ye// sa ka ri 'du ka ni// ma ta ri b+he ta na// pa ra li hi ba na// la khar te ka/ la na// saM b+hu ra ta me ke tsar tam pa// su r+ya g+ha ta ra e pa shan// na phar na b+hi ti sa g+hur la sa// ma smin pa g+hu ti rta ya sa// g+hu ra g+hu ra pag khe ra na// laM nar na ra i tha ra pa ta laM// ser na sir na b+he ra sa pa
- 124b
lam// b+hud d+ha b+hud d+ha b+hUd sha sa gye laM// sA sA/ rI rI/ le le/ i I/ ma mA/ ri rI sA ha/ yab cig kun tu bzang po'i dgongs pa 'dis// nad gdon sdig sgrib rnam rtog dang // 'jigs pa brgyad la sogs pa yi// las dang sdig sgrib thams cad kun// rig pa'i ngang du zhi ba shan ting ku ru ye swA ha/ tshe dang bsod nams dpal 'byor rnams// rig pa'i ngang du rgyas par gyur ci/ su Sh+ya ku rgyu ye swA hA/ sangs rgyas chos dang dge 'dun dang // 'khor 'das thams cad rig pa'i ngang du dbang du sdus// pa shang ku ru ye swA hA// dug lnga dug gsum gnod byed dang // dgra bgegs 'byung po ma rung rnams// rig pa'i ngang du mA ra ya sod sod// oM aHhUM/ oM aHhUM/ rgyud tshig le'u nga gcig pa'o// // mtshan nyid 'dzin pa'i rig pa nyid// gzhi med rtsa bral nyid du grol// kun bzang yum gyi dgongs pa ste// tshig par nyer brgyad rdo rje'i sgra// rang byung rang shar nyid du grol// e ma ki ri ki ri/ mas ta b+ha li/ sa mi ta su ru su ru// kun d+ha li ma su ma su/ e ka ri la b+ha ta ye/ tsa ta b+hu li ta lce ye// sa mtshan tsar+ya su g+ha ye/ b+ha ti si na b+ha g+ha ye/ ki ri d+ha ki na/ d+ha ka ma ha be ra/ tan pa bar li d+ha/ sa naM kha ra ta ke lan/ e tsa ra sa taM/ ta sa sur+ya g+ha ta ra a/ ma na sa ra b+hi ho/ ting gur/ ma smin pa gu ti la// ta ya g+hur gyur d+ha pa na kha
- 125a
sa// ra na laM/ na ra na ra laM// i tha sa za laM// sir rna sir rna b+he sa ras pa laM// ka se laM sa sa// ri rI/ li lI/ i I/ ma mA/ ra rA/ rgyud tshig le'u nga gnyis pa'o// / Sha a ha sha sa ma/ thig le drug pa'o// rgyud tshig le'u nga gsum pa'o// // yab yum gnyis su med pa'i dgongs pa ste// tsheg par brgyad pa zhes su grags// a A/ i I/ u U/ r-i r-I/ l-i l-I/ e ai/ o o/ aM aH/ skye 'gag gnyis su med pa yi// dgongs pa tshig bar brgyad pa bshad// ka kha ga g+ha nga // tsa tsha dza dz+ha nya// Ta Sha Da D+ha Na// ta tha da d+ha na// pa pha ba b+ha ma// ya ra la wa sha Sha sa ha// k+Sha/ rgyud tshig le'u nga bzhi pa'o// // bstan pa mi 'gyur dgongs pa ni// tsheg bar bcu gnyis pa ru grags// ye d+harma he tu bra b+ha bA// he dun te// ShA na ta tha ga to// h+ya ba dad te ShAn+na yo ni ro d+ha e baM/ bA di ma hA shra ma Na ye sA nad gdon sdig sgrib rnam rtog rnams// rig par zhi ba shan ting ku ru ye swA ha// tshe dbang bsod nams longs spyod dang // kha rje dbang thang thams cad kun// rig pa'i ngang du rgyas par gyur cig/ puSh+Ting ku ru ye swA hA// sangs rgyas chos dang dge 'dun dang // khams gsum srid gsum thams cad dang // gzugs can gzugs med thams cad kun// rig pa'i ngang du dbang sdus shig/ pa shang ku ru ye swA hA// dug
- 125b
lnga dug gsum gnod byed dang // dgra bgegs 'byung po thams cad kun// rig pa'i ngang du ma ra ya sod// rgyud tshig le'u nga lnga pa'o// / btags grol 'di yi ming nyid ni// rig pa klong grol zhes pa'o// sa ma yA/ rgya rgya rgya/ rig stong gnyis su med pa yi// thig le nyi shu rtsa lnga pa// btags grol 'di yi ming nyid ni// snying thig srog gi yang bcud yin// bcu bdun rgyu dang zla shel rgyud// yang gsang bla med snying po'i bcud// yongs su dril bas thig le che// gang zag lam gyi rnal 'byor rnams// shi ka'i dus la bab tsam na// skyel ma lam mkhan 'di nyid do// 'di las zab pa'i btags grol ni// 'jig rten khams su yod re skan// de'i rgyud tshig le'u nga drug pa'o// / yang dag pa ni 'di nyid do// dbang po'i zhen pa bzlog pa'i phyir// karma rag+sa 'gri haM hi// phung po'i zhen pa bzlog pa'i phyir// b+he ga ra na so gang gling // yul kun zhen pa bzlog pa'i phyir// bu ga ri la b+ha d+hA ti// sems kyi dngos po sbyar ba'i phyir// raM pa ka la sa mi khye// byung tshor gnas su bcad pa'i phyir// ma tang pha pher ras mi te// 'dus tshogs snang ba ngos bzung phyir// kha Ta re ka sa mig rlung // rig pa btson rar gzhug pa'i phyir// e ka ra da na b+he tshag sha/ 'khrul pa'i rang rgyud khungs bcad phyir// ya ri mu ta sa g+ha li// rigs drug rim gyis bsgral ba'i phyir// ya sing
- 126a
ra rlung pa la ya// 'khor ba dong nas 'don pa'i phyir// laM pa ko li sa man ta// chos can thur du gzhug pa'i phyir// g+ha ring yaM pa re maM ti// rol pa'i 'byung khungs spur pa'i phyir// bu ga sing ha pha g+ha la// zhen pa'i 'phreng zag bcad pa'i phyir// ra mi si si khe ta pa// lug rgyud ar la gtad pa'i phyir// bi khu ma la ba taM ki/ lha yi phyag rgya blta ba'i phyir// sa ma nyi ra d+he ra pa// lha sgom log pa dag bya'i phyir// badz+ra sa tra tri tro me// sa lam dus gcig bcad pa'i phyir// g+he pa su g+har rnam ye// yid spyod lta ba khung bcad phyir// d+harma pa ti sa g+hA li// sku gsum lam du bslang ba'i phyir// ras rmi pa la kha rgad tshe// snang ba dngos su blangs pa'i phyir// ru ba sa mi mi ta lam// sgra yi zhen pa mtha' bcad phyir// nga tig pa ya ka li sa// bsam gtan chen po'i sa non phyir// ga tshang sa yab i tau// 'phrin las mtha' ru 'byung ba'i phyir// karma e ka ma nu sa// sangs rgyas mngon zhen bzlog pa'i phyir// sang kri ma ma karma ta// rgyal sras rnams kyi gnas btsa' phyir// nga la khe pa ki li sa// rig stong gnyis su med pa'i phyir// dbyings nas rang byung tshig tu grags// kun bzang yab yum gnyis med kyi// dgongs pa rang byung rang shar nyid// re res grol bar nus pa ni// chos nyid rang sgra rang shar bas// thig le nyi shu rtsa lnga pa// btags grol thig
- 126b
le chen por grags// rgyud kyi khong snying dam pa ste// rgyud tshig le'u nga drug pa'o// sa ma yAH1ta/ thig le chen po'i bri thabs bstan// mthing shog sngon po gru bzhi pa// mtho gang sor bzhi yod pa la// mtha' mar mu khyud lnga ldan bskor// de yi nang du mu khyud gcig/ rten 'brel tsheg par bcu gnyis bri// de yi nang du yang gcig bskor// de la A li tshig bar brgyad// bar 'dir mu khyud sor gnyis bskor// thig le'i yul lo// de yi nang du mtheb gang bskor// la kun bzang yum gyi sngags// tshig par nyer brgyad sham bu bri// de yi nang du mtheb gang la// kun bzang yab kyi dgongs pa ste// rgyud tshig tshig bar nyer drug bri// de yi nang du mu khyud lnga yis bskor// de yi nang du lnga ldan rdo rje bri// rdo rje'i lte bar 'bru gsum yi ge bri// g.yas g.yon yig 'bru bri bar bya// bar khyam sor gnyis bskor bar bya// thig le nyi shu rtsa lnga nang // tshig dang sngags su bsdeb pa ni// nyi shu rtsa lnga bri bar bya// de yang zung du bsdeb pa'o// de rnams rin chen sna lngas bri// khyad par gser dang dngul gyis bri// dus tshod tshes grangs bzang po la// bsrung ba rab tu gnas par bya// mchod gtor bsham zhing gsol ba gdab// bla ma yi dam mkha' 'gro dang // sangs rgyas byang chub sems dpa' dang // 'phags pa'i tshogs rnams spyan drangs la// 'khor
- 127a
lo de la bstim par bya/ 'khor lo'i sngags rnams brgya rtsa bklag/ ma grub nyer gcig bklag par bya// de nas lte ba la dar snas dril// dbang bskur rgyud bkrol dbu la btags// 'di ni btags grol thig le che// rgyud tshig kun gyi snying phyung pa// le'u nga bdun pa ru grags// sa ma yaHgter rgya/ sbas rgya ga ca kya/ aH/ thams cad chos// thams cad nam mkha' rnam par dag pa// sarba d+harma// sarba a ka ma ni// btags grol thig le klong rdzogs zhes bya ba// brdal ba rang byung chen po la phyag 'tshal lo// kaHaHkhaHtsaHtshaHdzaHwaHtaHthaHTaHTaHTaHraHthaHdaHnaHnaHpaHphaHpaHmaHyaHraHlaHshaHsaHhaHkAHk+ka/ g+ha dz+ha d+ha b+haH'i auHspuHzhus+ya rtaHA k+Shi khamaHgaHg+haHd+haH\u0f88\u0f90\u0f7ftsha dzuHdz+haHdz+haHTaHthasaHt+ta haHNaHtiHthadaHtadz+nya na rna pa sa pha ka pra b+ha m+ma tha ya tha/ R+Ya lpa sha b+ha sa ha h+ma k+ka/ mtsham maH \u0f7f[।\u0f7f]btags grol thig le glong rdzogs 'di// yig 'bru dgu bcu go dgu yod// tshan pa rnam pa gsum du yod// thig le 'phreng gcig ma ru bris// lus sam mgul du thogs par bya// rgyud tshig le'u nga brgyad pa'o// sa ma yA 'dzin med rang grol snying po'i sgra// rang rig mngon par gtan la phebs// thugs rje mthong grol zhes su grags// de yi yang snying 'di dag go/ aHhaHlaHshaHmaHauHAHhUMHAHmaH'aHsaHshaHnaHd+harmaHsarba/
- 127b
kamaHb+hi naHsarbaHg+ha taHd+ha si raHsarbaHswa shoHd+ha ni[:]sAHsa ma'u b+haHd+ha duHsha haHswarbaHba na ti pa raHsarbaHTa du NaHyIHsarbaHAHoHka duHp+laHauHsa ra sho ta ni/ thugs rje mthong grol zhes bya ba// thugs kyi yi ge zhe drug yod// 'phreng gcig ma ni gser gyis bris// mgo 'jug ma log lus la btags// rab gnas sna tshogs gos kyis dril// 'di yang zab pa'i man ngag go/ rgyud tshig le'u nga dgu pa'o// / yang cig rdo rje 'chang chen gyis// rdo rje'i tshig drug btags grol bstan// 'di btags 'khor ba rkang drug 'joms// rigs drug yul stongs 'khor rgyun chad// de yi gsang 'khor ma bu gsum// kha sbyor mgo mjug ma log par// dam tshig ldan pas lus la bcangs// sa ma ya/ sarba a ba ma la gser gyis bris la 'di gnyis kha sbyar ro// dbyings mi 'gyur dbu rgyan nga'i brda yig go/ d+ha thim// b+he tra a lo ka/ a naM pa laM ke/ sarba ma ni sha/ a y+Ya/ sma a m+ma/ a ka sar na h+ya rgya ram/ sgron ma dbyings kyi btags grol 'di bar du chug cig/ sa ma ya/ rdo rje 'chang gi rgyud tshig ni// klong gsal 'bar ba gsum gyi srog/ rdo rje tshig drug btags grol te// rgyud tshig le'u drug cu pa'o// / e ma ston pa thugs kyi gter// las zad skal ldan snying gi bu// dus gsum sangs rgyas thams cad la// thun mong man ngag bsam 'das kyang // mchog gi
- 128a
man ngag khyad par can// gang zag shi kha'i bar do ru// btags pas grol bas btags grol rgyud// rang byung rang shar rang grol nyid// rgyud kyi rnam grangs 'di ltar ro// btags grol 'khor ba na gcod dang // 'khor ba dong spug rdo rje'i sgo// rnam pa gnyis ni ma bu'i tshul// thig le chen po rgyud lnga dang // thig le klong rdzogs ma bu gsum// thugs rje mthong grol zhes drug pa// rdo rje tshig drug 'khor lo gsum// spyi ru dri lan drug tu 'dod// 'di las zab pa yong re skan// 'di yi bri thabs bstan pa ni// mthing shog dag la gser gyis bris// dus tshod tshes grangs bzang la gtad// rang gnas mchod bstod da kyang bklag/ rang nyid rgyal bzhi khror bsgom// rgyud rnams la yang bstim par bya// de nas las ldan bu nyid kyi// sku gsung thugs la dbang yang bskur// ye shes gsum gyis rgyas btab bo// gzhan gyi don chen bya 'dod na// phyogs dang mthun pa'i phyag mtshan gces// mtshan ma byung ba'i dus su bgrangs// des kyang rang gzhan thams cad grol// 'chi kha bar do med par 'gyur// zhal gdams rgyud tshig le'u ste re gcig pa'o// / da rung yang dag bshad par bya// btags pas grol bas btags grol 'di// skal ldan su yis bcangs pa'i mi// sangs rgyas rnams kyi gdung 'dzin yin// 'di nyid 'das tshe gdung bsregs
- 128b
na// dben pa'i gnas su spur khang brtsigs// steng du spur bzhag slas zed la// tsan dan rgya shug 'bru mar sbyar// bu slob dam tshig ldan pas bsregs// gsol 'debs mchod bstod rol mo 'bul// de la rtags ni 'di ltar 'byung // 'ja' 'od zer dang me 'od dud pa'i rtags// sbur khang mthongs su 'ja' 'khyil dang // dud pa sngo bsang gyen la bslangs// g.yas su 'khyil cing me 'od dkar// g.yo 'gul med cing me lce ring // drang por mda' ltar gyen la 'bar// de ni me 'od dud pa'i rtags// nam mkha' drangs shing rlung dmar med// yang na 'ja' 'od sna lnga 'khrig/ de la gdung rigs lnga 'am gcig/ gang rung cig ni 'byung bar 'gyur// rnal 'byor phyir mi ldog pa'i rtags// rdo rje rin chen pad+ma'i gdung // las dang de bzhin gshegs pa'i gdung // sha khrag lus dang yan lag bzhi// 'byung 'dus lnga la 'di ltar 'byung // chu ri raM ni khrag las 'byung // ba ri raM ni sgal las 'byung // nya ri raM ni yan lag rkang // pany+tsa raM ni snying las 'byung // byung bas 'bras bu gang thob na// sha ri chu yi ba ri yis// skye med yon tan longs sku thob// nya ri pany+tsa raM gyis su// sprul pa'i sku lnga nges par thob// yang na sha ri raM gyis skye med thob// chu ri raM gyis yon tan 'phel// ba ri raM gyi longs sku thob// nya ri raM gyis sbrul sku thob// pany+tsa raM gyis sku
- 129a
lnga thob// sangs rgyas sku lnga sangs rgyas ye shes lnga// rgyud 'di bcangs shing klog pa 'am// snying po btags grol btags pas thob// gdungs tshad mang nyungs nges pa med// gang zag nyams len zhen pa 'am// mngon sum don la lta nan chung // le lo snyoms las can rnams la// btags grol 'di nyid btags par bya// chos nyid mngon sum ngo yang sprad// shi dus dbugs la sleb kyang cho ga/ bsreg dus sbuspur dang mnyam por bsreg/ yang na snying khar bsreg par bya// rgyud chen dri med zla shel las// gang zag shi kha'i bar do las// grol bar bya ba'i man ngag bstan// gzhan yang grol bar bya ba'i thabs// gdams pa sna tshogs nyid du ston// shi kha ma yi bar do ste// rgyud tshig le'u re gnyis pa'o// / Tha Sh+ya ba/ yang cig ston pa rdo rje la// phyag na rdo rjes yang zhus pa// kye ma ston pa rdo rje 'chang // shi kha'i bar do gsungs na yang // chos nyid bar do gsung du gsol// zhus pa'i lan du bka' stsal pa// kye ho rdo rje 'dzin pa nyon// ngas bstan legs par yid la zung // chos nyid bar do zhes bya ba// da lta'i snang ba 'di nub ste// phung po med cing zag bcas bral// snang ba thams cad bden pa'i zhing // rang snang dag pa'i skur snang ste// 'di la the tshom sus za ba// rgyal ba rnams kyi sku la sgrib// 'di la dngangs skrag ma skye
- 129b
zhig/ ji ltar mthong ba'i yul snang kun// sa rdo'i snang ba rang nub ste// snang ba thams cad 'od snang lnga// de yi nang du chos nyid sgra// 'brug stong ldir ba tsam du 'char// 'od zer nyi ma 'bum stong 'gyed// rgyal ba zhi khro'i lha tshogs rnams// che ba nam mkha'i mtha' dang mnyam// chung ba yungs ma'i 'bras bu tsam// 'bring ba rnams ni ri rab tsam// de la 'jigs par ma byed cig/ rang snang yin par thag chod cig/ mi 'gyur gser gyi thur ma ltar// rang rig yin par thag chod cig/ dpag chen mda' ltar tshul ma log/ shar ba ma yin rang nyams su// ma bu gnyis po ma 'jol cig/ 'di ni dran pas chog pa ste// 'di la gang zag dbang po dbye// rab ni skad cig gsum las grol// 'bring ni zhag po lnga la grol// 'di ni rang gi rnam shes nyid// 'od gsal tha med pa la thim// rig pa 'od kyi yul can no// tha ma rnams ni sbrul sku'i zhing // bar do med par sangs rgyas so// 'di ni chos nyid bar do ste// rgyud tshig le'u re gsum pa'o// / yang cig ston pa nyid kyis gsungs// de ltar gnad rnams ma shes te// 'od la 'jigs shing zer la dngangs// sku la rtog pa zos gyur na// dbang po mar la kha 'khyal na// srid pa'i bar do nyid du chud// yad yud phyed phyod nyid du ste// rigs drug gar skyes las la spyod// chos nyid ma mthong ma rig cing // rang
- 130a
snang dgra ru langs pa rnams// 'khor ba mngal gyi sgor tshud nas// pha dang ma yi rgyu rkyen las// mer mer po dang nur nur po// gor gor po dang nya lta bu// ru sbal bzhin dang sbal pa bzhin// de bzhin zhag ni bdun phrag brgyad// lte ba dag nas lus rnams bskyed// zla ba dgu dang ngo bcu nas// lus rdzogs ma yi mngal nas don// de ltar gzugs ni tha dad du// 'khor ba nyid nas 'khor ba'o// de yang 'khor lugs 'di lta ste// dga' ldan rtsod ldan myong ldan gsum// sdug bsngal bkres ldan sdug bsngal che// rnam pa drug tu res 'jog 'khor// ma rig 'khrul pas dbang du'o// rgyud chen dri med zla shel las// bar do rnam pa bzhi ru bstan// khyad par srid pa'i bar do bshad// 'di la 'khrul grol rnam pa gnyis// 'khrul grol zur tsam bshad pa ste// rgyud tshig le'u re bzhi pa'o// sa ma yA/ gter rgya/ sbas rgya/ zab rgya/ drug pa rdo rje 'chang chen la// phyag na rdo rjes yang zhus pa// kye kye ston pa rdo rje 'chang // bar do'i rim pa gsungs na yang // grol tshul rim pa gsung du gsol// zhus pa'i lan du bka' stsal pa// nyon cig rdo rje 'dzin pa nyon// chos nyid bar do shar kyang rung // sngon gyi nyams len 'byongs kyang rung // mngon sum rang snang chod kyang rung // rang ngo shes pa'i gang zag rnams// yar la 'gro lugs 'di
- 130b
ltar ro// phyi nang med par zadang thal grol// spyi snod 'byung ba lnga po yang // rang shar rang grol nyid du grol// nam mkha' nyid ni khyab stong pas// nam mkha' ni dngos po grol// rlung ni gzung yul med snang bas// dngos po sdud pas las su grol// me ni smin byed zas za bas// bskyed cing drangs snyigs 'byed par grol// sa ni skyob byed 'gegs pas na// dngos med mtha' yas stong par grol// chu ni sdud byed rlan pas na// sred byed smin pas las su grol// 'byung ba nyi shu rtsa lnga yang // ye shes rnam pa rtsa ba lngar grol// gzugs su snang ba thams cad kun// rang bzhin med pa'i ngang du grol// gzugs med rnams ni dngos por grol// chos ni chos kyis grol ba'o// med pa la ni med pas grol// gcig ni gcig gis grol ba la// gnyis su snang ba gnyis kyis grol// chos nyid snang ba rang lugs la// bem po rnams kyang rang grol nyid// rgyud chen dri med zla shel las// phyi snod grol tshul bstan pa ste// rgyud tshig le'u re lnga pa'o// // yang cig ston pa drug pa ngas// nang bcud sems can grol lugs bstan// kye ma yang cig gsang bdag nyon// 'bad pas grol ba ma yin te// ye nyid nas ni grol bar gnas// thabs dang shes rab sbyor ba la// pha dang ma yi rgyud nyid dag/ 'phen byed rlung gis bskyod pa ni// byang chub rang gi bden pa'o// 'byung
- 131a
lnga'i rgyu las sa bon ni// stong nyid yul las snang ba shar// bza' mi gnyis kyi snyoms 'jug ni// thabs las byung ba'i shes rab nyid// mngal gyi nang du chud pa ni// rang rig zhi gnas lhag mthong shar// bdun tshan rnams ni rtags tshad do// zla dgu ngo bcu sa dang lam// bzhugs gnas don te sprul pa'i sku// thams cad chos nyid stong par grol// de ltar nang bcud sems can rnams// 'bad pa med par rang grol lo// spyod par ma gyur snang ba grol// sgom pa ma btsal chos can grol// lta ba ma rtogs chos nyid grol// 'bras bu ma bcings rang lus grol// snang ba thams cad rgyas thebs so// rgyud chen dri med zla shel las// nang bcud sems can grol lugs te// rgyud tshig le'u re drug pa'o// // rang ngo shes pa'i mi rnams ni// ngo bo sku ru rgyas te grol// rang bzhin 'od du rgyas te grol// thugs rje zer du rgyas te grol// sku gsum 'dzin pa rang sangs nas// thog ma nyid nas ka dag la// rang sa zin nas chos zad do// chos med chos ni ming min no// thog ma nyid nas ka dag la// 'khrul med tsam du brjod pa med// de bzhin ma 'khrul ba yang ci// de ltar 'khrul pa gdod nas dag/ gzhi snang chen po de nyid las// ma rig ces ni ming med pas// 'khrul par grub pa yod ma yin// chos zhes ming du ma grags
- 131b
pas// bla dgas 'khrul pa ga la yod// thams cad rang grol chen po'o// gnad kyis grol bas 'bad rtsol zad// ye nas grol bas skyed mi dgos// rang grol yin pas gnyen po med// gcer grol yin pas mthong sar yal// yongs su grol bas rang bzhin bzhag/ dus kyi grol bas bsgom mi dgos// rang bzhin grol bas ma bcings so// grol lo zhes pa tha snyad do// rtogs dang ma rtogs su yi chos// de la grol zhes su la dmigs// khams su 'jug pa ga la srid// srid mtha' bral ba'i chos nyid do// ye grol yin pas khyad par 'phags// rang grol yin pas yul rkyen zad// gcer grol yin pas rang sar dag/ mtha' grol yin pas mu bzhi 'gag/ gcig grol yin pas du ma stong // thams cad grol bas gcig tu 'dus// rkyen rnams rkyen gyis grol bas na// dmigs pa'i chos la nga mi gnas// yul rnams yul gyis grol bas na// tha snyad tshig la nga mi rtog/ sems nyid sems kyis grol bas na// mtshon byed blo la nga mi gnas// dri mas dri ma bkru ba bzhin// de bzhin dag pas dag pa grol// dug gis dug rnams 'jom pa'am// lcags kyis lcags rnams gshag pa 'am// rdo yis rdo rnams gcog pa 'am// shing gis shing rnams bsreg pa 'am// rang rang dgra rnams rang gis byed// rigs mi mthun pas grol mi
- 132a
'gyur// de phyir gzhi gnas rig pa la// gzhi 'am 'bras bu thams cad rdzogs// rang rig nyid kyi rang rig grol// yul snang nyid kyi yul snang grol// sgrib pa kun las nges par grol// mkha' ltar mnyam pa nyid la gnas// nyon mongs dri ma kun las 'das// dus gsum dus med rtogs pa po// sangs rgyas thog ma tha ma med// dang po'i sangs rgyas rgyu med pa// ye shes mig gcig dri ma med// ye shes lus can de bzhin gshegs// phung po lnga don dus gsum du// skad cig gcig gis bye brag phyed// skad cig gcig gis rdzogs sangs rgyas// sangs rgyas kun gyi rang bzhin 'chang // lus med lus te lus kyi mchog/ lus kyi mtha' ni rtogs pa'o// thams cad rig pa'i ngang du rdzogs// mngon sum thabs la gang goms pa// 'di ni skyes bu mda' 'phangs bzhin// tshur la log par ga la 'gyur// yang dag rdzogs pa'i sangs rgyas ni// lhag ma med par sangs rgyas so// mngon par rdzogs pa'i sangs rgyas ni// rtags dang mtshan mar sangs rgyas so// don la thams cad rig pa rdzogs// rgyud chen dri med zla shel las// yar la grol lugs bstan pa ste// rgyud tshig le'u re bdun pa'o// // sna tshogs rig pa'i rtsal yin phyir// rig pa stong pa nyid du grol// rig stong ngo bo chos kyi sku// de la snang ba ma 'gags
- 132b
gsal// gsal stong rjen pa sangs rgyas yin// bya ba med pas 'khrul pa sangs// rtog pa med pas nyon mongs sangs// 'dzin pa med pas rang byung sangs// zhen pa med pas rnam rtog sangs// chags pa med pas ma rig sangs// sku gsum ngo bo gcig rdzogs dang // rtog pa med pa'i rig pa la// 'od lnga gsal ba ye shes rgyas// rig pa bya byed bral ba las// dmigs gtad med pa'i sku gsum rgyas// rig pa 'od med snang ba las// 'dzin pa'i yul med 'od lnga rgyas// rig pa ye shes chen po la// don ldan rang snang 'bras bu rgyas// de phyir rig pa sangs rgyas yin// sangs rgyas gzhan du btsal du med// sku gsum sku lnga la sogs pa// bskal pa zhing gi rdul snyed rnams// rig pa ye shes ngang du rdzogs// de la grol zhes ming du btags// rgyud chen dri med zla shel las// rang rig sangs rgyas yin pa'i tshul// ngo sprod shes par bya ba'i phyir// legs par gnad rnams bkrol pa ste// rgyud tshig le'u re brgyad pa'o// // rgyud chen dri med zla shel las// rdzogs chen rang skad 'di skad do// dri med rdzogs chen byang chub sems// mkha' mnyam rdo rje'i sku la bskyod// stong pa nyid kyang lus la rdzogs// sems sogs 'dzin pa'i chos las grol// skye med yang dag ngo bo rnyed pa gsungs// ma bskyed mkha' la rig pa gsal// skye med
- 133a
klong med klong du yang 'dus// 'gag med klong du de bzhin gshegs// sems sogs 'dzin pa'i chos las grol// rnam dag spyan ldan mngon sangs rgyas// 'bar ba'i 'bar ba ye shes mchog/ stong pa stong pa'i yul la gnas// dag pas dag pa'i dkyil 'khor rnyed// rgyud chen dri med zla shel las// rdzogs chen rang skad smra ba'i tshig/ le'u ri dgu pa ru bshad// de nas rdzogs rim bshad par bya// de nyid khrig chod dgongs pa'o// e ma rang snang rig pa nyon// ngo bo chos rnams stong par rdzogs// rang bzhin chos rnams gsal bar rdzogs// thugs rje'i chos rnams ma 'gags rdzogs// sku gsum rang rig gzhi snang la// rang byung chen po'i gzhi rnams rdzogs// snang ba yin phyir yul yang rdzogs// rang dag yin phyir sa lam rdzogs// rang rig yin phyir shes bya rdzogs// rang khyab yin phyir 'bras bu rdzogs// rang sangs yin phyir rgyu rkyen rdzogs// rang rtogs yin phyir chos nyid rdzogs// rang gnas yin phyir rgyud lung rdzogs// rag rdzogs yin phyir dus gcig rdzogs// rdzogs pa chen po'i ngo bo la// rang rdzogs rang grol rang sar rdzogs// brjod bya ji snyed ci yod kyang // rang rang don la sgrib pas ni// mdo don zab mo gcig tu sdud// gnas lugs bsam gyis mi khyab kyang // stong gsal 'gag pa med
- 133b
pa'o// 'khrul gzhi rnam pa mang bshad kyang // rkyen bzhi 'dus pa'i 'khrul 'khor ro// rang gnas rig stong ye shes lnga// gnas sa thugs dang dung khang ngo // lam ni rtsa bzhi 'gyu byed rlung // 'char byed sgo ni mig sogs nyid// rkyen bral gsum gyi yul la 'char// nyams len khrig chod zod rgal nyid// rtag tshad sna bzhi'i gdeng bzhi yin// bar do ma bu lam sbyor ba// grol ba nyid ni ka dag go// zhes tshigs rkang bcu bdun gyis don bsdus te zhabs bsdams pa'o// de skad ces rig pa rdo rje rnon pos bka' stsal pa// phyag na rdo rje la sogs te rigs lnga'i sangs rgyas dang // rigs gsum mgon po dang // lha dang / lha ma yin dang / dri zar bcas pa rnams rjes su yi rang ste// rdo rje 'chang chen po la mngon par bstod do// rgyud thams cad kyi yang snying // lung thams cad kyi rtsa ba// klong gsal skor gsum gyi spyi rgyud// rgyud chen dri med zla shel gyi rgyud ces bya ba// rgyud tshig le'u bdun cu pa'o// / gza' dang khros mar gdong mas/ rgyal ba'i bka' 'di srungs shig sa ma yA/ rgyud chen dri med zla shel gyi rgyud ces bya ba rdzogs so// // gter rgya/ sbas rgya/ zab rgya/ 'di las zab pa yod re skan/ [।]/