Text

ff. 1a–188b · 708 folio sides

  1. 1a

    sangs rgyas mya ngan las 'das pa'i mdo zhes bya ba bzhugs so//

  2. 1b

    sangs rgyas mya ngan las 'das pa'i mdo// lung bam po gsum pa// man ngag snying po byang chub mchog gi phyag rgya can zhes bya ba/ bcom ldan 'das rdo rje sems dpa' la phyag 'tshal lo// lung snyan khung brgyud pa'i bam po dang pos chos ji ltar byung ba'i khungs bstan pa/ mngon du phyung ba'i lung bam po gnyis pas dgongs pa'i la bzlas/ yongs su grags pa'i lung bam po bco brgyad pas yid ches pa'i don gtan la phab pa'o// bcom ldan 'das rdo rje 'chang chen pos phyag 'tshal lo// rdo rje 'chang chen pos thugs mchog rig pa'i ye shes la// dgongs pa zab mo'i klong brtol te/ gsang ba'i rgyud mang du thugs kyi dkyil 'khor sgo phye nas gsung mi zad pa'i mdzod brtol te/ ljags kyi dbang po pad+ma

  3. 2a

    bkram pa'i 'od zer las/ shin tu zab cing dpag pa dka' ba'i chos nyid/ don bzang po khyad par can las/ tshig gsang ba ya mtshan rmad du byung ba/ dgongs pa nyag gcig bya btsal thams cad dang bral ba 'di/ 'og min gyi gnas chos kyi pho brang bde ba can du dpal rdo rje sems dpa' la bshad/ dpal rdo rje sems dpa' la phyag 'tshal lo// dpal rdo rje sems dpa' thugs mchog gi ye shes las/ dgongs pa zab mo'i klong brtol te/ thugs kyi dkyil 'khor sgo che ste gsung mi zad pa'i mdzod brtol te// ljags kyi dbang po pad+mo bkram pa'i 'od zer las// shin tu zab cing dpag par dka' ba'i chos nyid/ don bzang po khyad par can las/ tshig gsang ba ya mtshan rmad du byung ba spros te/ steng

  4. 2b

    lha'i gnas rin po che bkod pa'i dkyil 'khor dga' ba can du/ dpal dga' rab rdo rje la bshad/ bcom ldan 'das dpal dga' rab rdo rje la phyag 'tshal lo// dga' rab rdo rje thabs mchog rig pa'i ye shes la/ dgongs pa zab mo'i klong brtol te/ thugs kyi dkyil 'khor sgo phye nas gsung rig pa'i mdzod brtol/ ljags kyi dbang po pad+ma bkram pa'i 'od zer las/ shin tu zab cing dpag par dka' ba'i chos nyid/ don bzang po khyad par can la// tshig gsang ba ya mtshan rmad du byung ba'i don spros te// dbus 'gyur 'od ma'i tshal byang chub shing drung du// thugs rje che la thabs mkhas pa gang dang yang 'gran zla med pa// byang chub sems dpa' 'jam dpal bshes gnyen la bshad do// byang chub sems dpa' 'jam dpal gzhon nu la phyag 'tshal lo// 'jam dpal gzhon nus thugs mchog rig pa'i ye shes las// dgongs pa zab mo'i klong brtol te// thugs kyi dkyil 'khor sgo phye nas gsung rig pa'i mdzod brtol te// ljags kyi dbang po pad+ma bkram pa'i 'od zer las// shin tu zab cing dpag par dka' ba'i chos nyid// sangs rgyas kyi dgongs pa nyag gcig la zlas// tshig gsang ba ya mtshan rmad du byung ba// rdo rje gdan du slob dpan shri sing ha la bshad do// slob dpon shri sing ha la phyag 'tshal lo// shri sang has thugs rig pa'i ye

  5. 3a

    shes las/ dgongs pa zab mo'i klong brtol te/ thugs kyi dkyil 'khor sgo bye nas gsung rig pa'i klong brtol te// shin tu zab cing dpag par dka' ba'i chos nyid/ thun mong ma yin pa'i rnal 'byor gyi dbang phyug chen po/ dgongs su med pa'i dgongs pa 'du 'bral med par bzhugs pa/ lta ba khyad par gyi don las 'phags pa/ tshig 'bru bzang po don ma 'dres par ston/ rgyud lung man ngag chos dang ma 'dres pa/ tshig nyung la don 'thug pa/ shes rab sker bus mi zin pa/ brtags pas dben pa/ nad thams cad sems par byed pa'i sman chen po 'di/ dur khrod chen po bsil ba'i tshal du bi ma la mi tra la bshad do// slob dpon bi ma la mi tra la phyag 'tshal lo// bi ma la mi tras las 'phro dang skal bar ldan pa/ byang chub sems dpa' khri srong lde btsan dang // nang blon chen po ting nge 'dzin bzang po gnyis la/ byang chub kyi sems mi nub pa'i rgyal mtshan zhes bya ste/ bstan pa yongs kyi snying po// gsang sngags thams cad kyi se dar// rgyud thams cad kyi snying po/ lung thams cad kyi rgyal po/ man ngag thams cad spyi bcings/ dgongs pa thams cad kyi la zlo/ lta ba thams cad kyi zhe phugs/ sangs rgyas nyag gcig gi dgongs pa/ de bzhin gshegs pa thams cad kyi 'byung gnas/ don gyi gsang ba/ gsang ba bas kyang ches gsang ba/

  6. 3b

    rdo rje sems dpa' thugs kyi gsang ba/ sangs rgyas yongs su mya ngan las 'das pa'i dgongs pa/ tshig gcig gi rtog pa khyad par can la spyod pa la bshad do/ bcom ldan 'das dpal rdo rje sems dpa' gsang sngags kyi chos bsam gyis mi khyab pa cig gsungs kyang / bsdu na rin po che rnam pa gsum du 'dus te/ snying po byang chub kyi mchog lta ba'i yang rtse/ man ngag gi 'phyong / rtsol ba las 'das pa'i TI ka chen po/ rdo rje sems dpa'i mdzad spyod/ mtshon pa rgyud dang / lung dang / man ngag gsum du spyad nas/ de gsum gyi sgo nas byang chub sems dpa' kun tu bzang po nam mkha' lta bu'i dgongs brtogs par bya ba'i phyir// rgyud lung man ngag gi mtha' bkrol ba/ kun gzhi gsang ba dag pa'i dbyings nas rang shes rig gi rgyal yid byed pa po/ rdo rje kun tu bzang po smra brjod kyi yul las 'das nas yang / bcom ldan 'das dpal rdo rje sems dpa'i rjes su 'jug pa'i byang chub sems dpa' rnams kyi don du btsal ba'i rgyud lnga de'i 'grel du bstan par shes par bya// de'i yang 'grel du man ngag gi rgyud bzhin don gyi gtan la phab nas/ de'i steng du dgongs pa nges par 'brel ba'i rgyud bzhi ste bcu gsum gyis rdo rje lta bu'i ting nge 'dzin mtha' bkrol nas/ lung gi TI ka chen po bzhis mngon par rdzogs par sangs rgyas par bstan no// man ngag

  7. 4a

    gi mdo bam po gsum pas sangs rgyas yongs su myang las 'das par bstan pa'o// der ji ltar zhe na/ chos chen po yang gsang rmad du byung ba'i don nges par 'brel ba'i rgyud lung man ngag gsum la/ spyi'i don rnam pa drug gis dbu zhabs kyi don shes par bya'o// don rnam par drug gang zhe na/ lo rgyus kyi don dang gcig/ rtsa ba'i don dang gnyis/ tshig gi don dang gsum/ yi ge'i don dang bzhi/ dgongs pa'i don mthar thug pa dang lnga/ mjug dgos ched kyi don dang drug gis/ byang chub kyi sems mi nub pa'i rgyal mtshan chen po zhes bya ste/ dgongs pa nges par 'brel ba'i rgyud bcu gsum/ lung gi TI ka chen po bzhi ste bcu bdun/ man ngag gi mdo bam po gsum pa ste bco brgyad do// de rnams kyi snying po byang chub mchog gi phyag rgya'i rgyan du bkod pas/ dga' rab rdo rjes ston pa'i zhal nas gsungs pa'i lung ma nor bapabar dkar chag la gnas te/ rgyud lung man ngag tu bsdebs nas mdzad pas/ lung gi rgyud bco brgyad ces bstan to// lo rgyus kyi don la yang dbye na gsum ste/ byin gyis brlabs kyis bshad pa dang / rang gi ngo bos bshad pa dang / tshig sdebs sbyor legs pas man ngag khong khrag bshad pa'o// de la byin gyis brlabs kyis bshad pa ni/ bcom ldan 'das dpal do rje sems dpa'/ thugs ye shes kyi dgongs pa zab

  8. 4b

    mo/ kun gzhi gsang ba dag pa'i dbyings nas rang shes rig gi rgyal po yid byed pa'i rdo rje kun tu bzang pos/ lha gnas gsum du dga' rab rdo rje la bshad do// de yang tshul ji ltar bshad na/ gdul bya rnams kyi yang dag pa'i don phyin ci ma log par gdul bar gzigs nas/ 'khor sems can thams cad thar pa mya ngan las 'das pa'i go 'phang thob cing / bla na med pa'i byang chub kyi 'bras bu la gzugs pa'i don ched du/ thabs gnyis su gsungs pa ni/ dga' rab rdo rje ngas gsungs pa'i mdo/ ldem dgongs su gsungs pa ni/ lung rkyang pa bco brgyad du phye ste/ gdug pa can lha ma srin sde brgyad kyi gnas nas/ gtso bo nyi shu rtsa gsum rgyud pa/ zhe sdang gi shas che ba/ oM da tra yul gyi da he na ta lo dang / de'i sras dreg pa can thu bo rA dza ha ti dang / de'i sras 'dod chags kyi shas che ba sras mo par ni dang / lho'i 'dzam bu gling na gti mug gi shas che ba/ klu'i rgyal po 'jog po dang / ri rtse gsum gnod sbyin mo yon tan lag gi bu mo gnod sbyim mo byang chub dang / yul ga bu kyi gzhong nas kyi mkhan po ku ku ra dza dang / kha che'i yul nas skad la mkhas pa rab snang dang / ma hA rA dza dang / de ba rA dza dang / de ba tsan+da dang / klu grub snying po dang / ar+ya a ba lo ki dang / na gA rdzu na dang / sras mo go ma de byi dang / dge slong ma bud+ha sa ma la dang / 'jam dpal

  9. 5a

    dpal bzangs dang / khyi'i mkhan po da hu na dang / drang srong 'bag shi ta dang / sangs rgyas gsang ba dang / dge slong ma bdag nyid ma dang / dge slong ma kun dga' mo la sogs pa/ gdug pa can lha ma srin sde brgyad/ yul da he na ku sha'i 'du khang du tshogs nas dga' ra ba rdo rje la rang re'i rtogs tshad phul lo// mkhas pa nyi shu rtsa gsum po de rnams kyis yang dag pa'i don phyin ci ma log par rtogs te sangs rgyas so// de yang yongs su mya ngan las ma 'das so// bcom ldan 'das dga' rab rdo rje la phyag 'tshal lo// don dam pa'i dgongs pa'i lung bco brgyad sbag ma ru bstan pa/ de rnams kyi nang nas phyi rabs kyi rnal 'byor pa skal ba dang ldan pa rnams kyi don du/ ldem po dgongs pa las khyad par du 'phags pa/ lung gi rgyan chen po bco brgyad lags te/ yod min gyi lta bas gong chod de/ de dang lta ba 'dres kyi dogs pa'i phyir/ byang chub kyi sems ton men gyi lta ba las khyad par du bya ba'i phyir/ lung gi rgyan bco brgyad byang chub kyi shing drung du 'jam dpal bshes gnyen la gdams te/ rgyas btab nas sbas so// rgya de nas rdo rje gdan du shri sing ha la gdams te/ rgya de nas bi ma la mi tra la gdams te/ rgya lung bco brgyad tshig gis don don gting rdzogs par bya ba'i phyir/ tshig de la mkhas pa nyi shu rtsa gcig gis// ku sha'i

  10. 5b

    'du khang du brtsal du med pa'i sgom pa mthar btugs te/ kun gyi rtogs tshad dga' rab rdo rje la phul te/ dga' rab rdo rjes 'jam dpal bshes gnyen la phul te/ rgya/ de yan chad du byin gyis brlabs kyis bshad do/ rgya/ rang gi ngo bos bshad pa na/ phyi nang chos thams cad dus gsum du 'dus ma byas te/ 'gyur ba med pa'i mnyam pa chen po'i klong / 'dus ma byas pa'i snying po/ snying po byang chub kyi mchog/ bde ba chen po'i rang bzhin/ chos kyis ma byas pa'i shes rab kyi dkyus kun khong nas bde'o// rgya/ tshig sdeb sbyor legs pas bshad pa ni/ theg pa 'og ma ltar tshig tu mang la don du mi zab pa lta bu ma yin te/ lung sbaskrag ma bco brgyad mgo mjug tu tshig nyung du mas don zab gtan la 'bebs te/ dkyus kyi tshig re re'i yig 'bru sdeb sbyor legs pa las kyang / nges pa yang dag pa'i man ngag re re ston pa'i phyir sdebs sbyor legs pas bshad pa'o// gnyis su na tshig rkang bzhi bzhi bsdebs pa'i tshig shad re re la nges pa yang dag pa'i don dgongs pa la gcad pa re re ston pa'i phyir na/ tshig sdebs sbyor legs pas bshad pa'o// de la rtsa ba'i don ni gsum ste/ thig le nyag gcig yang dag pa 'di mgo 'jug tu lta ba mnyam pa dang / spyod pa mnyam pa/ thams cad ma lus pa'i don/ snying po byang chub mchog gi thig le ma 'dres yongs su

  11. 6a

    rdzogs par mnyam mo// gnyis su na rtsa ba'i tshig re re la/ lta bas zag gcad pa re re/ dgongs pa'i don re re/ ye shes skye lugs re re/ man ngag re re/ zhal chems re re/ ston pa de yang byang chub kyi rang bzhin nam/ mtshan nyid dam/ don ston pa'i phyir na rtsa ba'i don ces bya'o// rgya/ de la tshig gi don ni mgo 'jug tu/ dpe chung nyi shu rtsa gcig dang sbyar la don skor nyi shu rtsa gcig tu shes par bya'o// la lar yo ga'i don/ la lar dgongs pa'i don/ gnas skabs kyis bsnyad par shes par bya'o// de yang dgongs pa khong 'brel lo// yo ga'i don ces pas/ a ti yo ga rdzogs pa mthar phyin par bstan pas yo ga'i don ces pa'o// rgya/ dgongs pa'i don ni/ thog ma'i sangs rgyas nyag gcig la/ 'du 'bral med pa'i dgongs pa nyag gcig rtags kyi ye shes ma bzung bar zin pa'i bsam gtan chen po/ tshig gcig re re bstan pas dgongs pa'i don ces pa'o// rgya/ dgos ched kyi don ni/ da lta nyid du 'bras bu lhun gyis rdzogs par bstan pa dang / mnyam par gzhag pa dang ma bzhag pa gnyis med par bde ba chen pos bstan pa dang / skad cig ma gcig la grol bar bstan pa'o// de yang / gnyis med don gcig cha lugs kun nas skor/ spyod la ma chags rang bzhin gdod nas dag/ lta spyod ya char ma gyur rgyud lung kun

  12. 6b

    nas sprugs/ ston pa bdag med skye ba kun nas gsal// chos nyid dbyings na thugs rje byung ba'i phyir// ye shes nyid kyang tshig gi mtha' las 'das// bi ma mi tra mkhas pa'i skye mchog bdag/ 'bras bu'i nang nas 'bras bu'i chos la mkhas// gnyis med don gcig yang dag 'bras bu'i chos la mkhas// khams gsum 'das pas 'bras bu rin po ches// las 'phro skal bar ldan pa'i rje blon snying gi bu la bdag gtod pas// TI ka rtsa bas gcod sprug pa ma lus pa// slob ma dang ldan skal bar ldan pa ni// khyab pa chags yul 'di ni dkon ches pas// ngang tshul bzang zhing spu bzang yun ring bas// snying bzhin yun du byed pa'i slob ma snying dang 'dra ba la// myang ban ting 'dzin gdams ngag sbyin par byos// blo brtul 'phyon ma gtad med rnams la mi sbyin pas// rin chen gser ni rang tsam ster gyur yang // 'os la gsha' ba'i don gi mdo tsam las// ma lus rtsa ba med par ma sbyin cig/ man ngag 'di yi rtsa lugs las// mig gi 'bras ltar btsa' ba dang // khong gi snying ltar btsa' ba dang // yan lag mgo ltar gtsa' ba gsum// de gsum bzhin par 'phangs pa bzhin// bskal pa bgrangs par bstan pa min// rgyal khams chos lugs ngan pas slar yang gter du spros// zhes bka' bsdigs so// snyan khung brgyud pa'i lung bam po dang pos chos ji

  13. 7a

    ltar byung ba'i khungs bstan pa'o// dang po'o// sangs rgyas mya ngan las 'das pa'i mdo// gab pa mngon du phyung ba'i lung bam po gnyis pas dgongs pa la bzla ba'i man ngag/ bcom ldan 'das dpal rdo rje sems dpa' phyag 'tshal lo// rgya/ spros pa med pa'i klong rang bzhin rnam par dag pa'i pho brang nas/ rang byung gi bcom ldan 'das snying po byang chub na bzhugs pa'i sku// rnam dag ye shes kyi lus can zhes bya bas/ gsang ba rmad du byung ba'i mdo bam po gnyis pas rgyud thabs kyi snying po/ lung thams cad kyi mdo mdud/ man ngag thams cad kyi bcud/ chos thams cad kyi gnya' gnon// sangs rgyas thams cad kyi dgongs pa mthar thug pa/ lung man ngag thams cad kyi dur sa// sangs rgyas med par la bzla ba/ pradz+nyA ma hA pradz+nyA/ d+harmA ma hA dz+nyA na/ sarba bud+d+ha/ swa ha sa/ ma mA da thi thI/ sangs rgyas mya ngan yongs mi 'da'// bdag med bdag tu bdag snang ba// thugs rje'i bdag po rdo rje'i chos// tsun+da tsuR+Sha tra d+ha shag/ sangs mya ngan ma 'das na// nam mkha'i rdo rje med 'gyur ram// dpal ldan mgon po bdag snang ba// sangs rgyas kun gyi gtso bo yin// de phyir nam mkha'i rdo rje bdag/ kun tu bzang po mgon por grags// sangs rgyas chos las ma bya bas// tshig la mkhas pa tshig mtha' yas// mtha' yas mu med

  14. 7b

    don brjod pa// rtags kyi ye shes mkhas pa'i sgrags// tshig gcig mtshon pas don chen spungs// me long nang gi gzugs snang 'dra// rang bzhin dag pas shel sgong bzhin// dpe yi ye shes mkhas pas brtag/ don dam rang bzhin klong 'dus pas// phar blta tshur la mthong ba yin// shes rab me lce'i bdag nyid kyis// dus gsum gcig ste rtag par bzhugs// thabs mkhas thugs rje'i bdag nyid la// rdo rje sems dpa'i ye shes sku// rdo rje'i lus su mya ngan 'das// stong pa bdag med phyogs cha la// nga nyid sangs rgyas yin zer ba// mu stegs chad pa'i lam dang 'dra// nga nid dag pa'i sku mthong na// nga nyid yi ye shes chos kyi sku// sku gsung rang bzhin yongs gsal kyang // gsal ba bdag med mya ngan 'das// chos dbyings rnam par dag pa'i klong // sprin med mkha' la nyi shar te// nyi grib mtshams kyi me long la// btsal gzugs snang ba yongs gsal ba// rdo rje 'chang gi gzhal yas khang // ma bkod lhun gyis grub pa yin// bdag med phyogs bral phyogs snang ba// rdo rje sems dpa' mya ngan 'das// ya ta rgyal ba'i dkyil 'khor nas// ma ta dmyal ba'i gnas yan chad// bkod pa med par rgyan du snang // snang ba'i 'dzin med mya ngan 'das// kye sems dpa' chen po phyag rgya ma skyes pa'i sku// de bzhin gshegs pa rnams

  15. 8a

    ni// nga'i shes rab kyi bdag nyid ye shes kyi dbang du gyur pa ste/ rang bzhin rnam par dag pa'i dri ma med pa'i klong du yongs su mya ngan las 'da' bar 'gyur ro// thugs rje'i byin gyis brlabs kyi de bzhin gshegs pa ni nga rdo rje sems dpa' nyid yin te/ rigs lnga'i sangs rgyas dang mi phyed par bzhugs so// rtogs pa khyad par can gyi de bzhin gshegs pa ni/ slob dpon dga' rab rdo rje yin te/ rdo rje sems dpa' dang don so so ma yin tha mi dad par bzhugs so// rgyu mthun pa'i de bzhin gshegs pa ni/ byang chub sems dpa' 'jam dpal bshes gnyen la sogs te mkhas pa mi bzhi// shes rab kyi bdag nyid ting nge 'dzin kyi dbang du gyur te/ de bzhin gshegs pa ltar gsal ba kha grangs kyis mi bgrang dbye/ sangs rgyas mya ngan las 'das pa'i dus na dbugs kyi rta la mi zhon pas mi 'grang // shes pas shes so// 'jal byed med par ye shes pa'i dus na// bdag nyid chen po zhi ba mya ngan las 'das so// rku/ bcom ldan 'das gsang ba bla na med pa'i dgongs pa nyag gcig la snyoms pa bzhugs pa'i tshe// rgyu nyid rgyu la gnas pas rgyu ma spangs gnas su dag na// rgyu rdo rje la snying po ye shes gnas te// rgyu skyes pa med par mya ngan 'das so// snying po la snying po'i gnas te/ byang chub kyi snying po na rang byung bde ba chen po

  16. 8b

    'du 'bral med par bzhugs pa'i tshe/ dgongs pa 'du shes thams cad mi gnas pa'i ye shes chen po'i klong du mya ngan las 'das so// de bzhin gshegs pa la ye shes lnga'i 'od gsal ba'i dus su/ ye shes kyi bdag nyid shes rab kyi klong du zag pa med par mya ngan las 'das so// rgya/ bcom ldan 'das thugs rje chen po'i rtsal la snyoms par 'jug pa'i tshe/ seng ge lta bu'i dgongs pa mthar phyin te/ bsam gtan tonyon men gyis lta ba zil gyis mnan te/ sangs rgyas kyi sa nas sangs rgyas kyi zhing du stobs khyad par can gyi gom pa gcig gis snyoms par 'jug go/ re dogs med pa'i dgos pa mthar phyin te/ glang chen lta/ bu'i lta stangs kyis/ dgongs pa zab mo'i klong 'gyur ba med pas/ skyon yon dang theg pa'i mtha' gang la yang ma bcings ma bkrol ba'o// dgongs pa'i mtha' gang gis kyang bslad du med par ni/ 'dab chags kyi rgyal po khyung lta bu ste/ bya ba grub pa'i ye shes mthar phyin te/ rang bzhin rnam par dag pa'i mkha' la mi bskyod par bde bar gnas so// shes rab kyi stobs 'gag pa med par gsal ba ni/ snang gsal thugs rje 'od kyi me nam mkha'i mthongs na shar ba lta bu ste/ lhag mthong rig pa'i ye shes la/ chen po lnga'i sgron me bteg ste/ dus rtag tu sal le sang nge sal le lhang nge lhan ne bde ba chen po'i klong ni

  17. 9a

    'du 'bral med par zhi ba mya ngan las 'das so// rgya/ byang chub sems dpa' sems dpa' chen po shes rab kyi stobs kyis rtogs pa khyad par can la spyod pa ni/ las kyi sgrib tu med la/ zugs rjes skyab tu med de/ khyung phyug dang seng phrug gi tshul/ bdag sangs rgyas pa'i dus na chos nyid kyis ji tsam 'khor ba de bzhin du/ sgyu ma lta bu'i sku rnam par dag pa'i ye shes kyis gang rgyas par gyur te/ mi sngon gnas su phyin pas lam rgyal rtse mo'o// ma btsal lhun gyis grub pas dgongs pa'i rtse mo'o// blang dor gang yang med pas theg pa'i rtse mo'o// shes rab klong nas gsal bas lta ba'i yang rtse'o// 'dod yon dgag sgrub med pas bsam gtan zas kyi rtse/ 'od kyi gos dbang ldan pas rang byung chas kyi rtse// yul sems gnyis su med pas 'gyur med mkhar gyi rtse// sku gsum 'du 'gral med pas yengs med grogs kyi rtse// snying po rang las byung bas zad med gter gyi rtse/ rdo rje sems dpa' bdag nyid gcig pu nyid/ rnam par grol ba'i ye shes zag med pas/ mi snang rgyal ba'i dgongs par sangs rgyas pas/ rgyal mtshan rtse mo rtags kyi phyag rgyar gsal/ rgya/ bcom ldan 'das thugs rje chen po dang ldan pa/ thabs mkhas pa'i ye shes kyi mngon par sangs pa de ltar lags na/ de'i tshe de'i dus su sangs rgyas zhi ba mya ngan las ma

  18. 9b

    'das na mtshan ma'i skyon du 'gyur te/ bcom ldan 'das dgongs shig/ skye mched mu bzhi'i lha la yang sems gsal ma 'gags pa tsam dang / ye shes sgyu ma'i lus tsam yod de/ de ni zag pa dang bcas pa'i sgra lus yin no// de las khyad par du 'phags pa'i dgongs pa ji lta bar mya ngan las 'da' bar bgyi/ zhes gsungs pas/ de nas bcom ldan 'das kyi bka' stsal pa/ rigs kyi bu legs so// skye mched mu bzhi'i lha rnams la sems gsal ba ma 'gags pa tsam yod do// de nyid rang dri ma dang bcas pa rig pa la sems ces bya ba'i chos can/ 'khor ba'i rgyu ma rig pa kho na'o// ma rig pa'i dbang gis dang po ye shes kyi rgyu rig/ bar du gnas pa'i 'od la chags/ tha mar skul so'i gnas med de/ de ni zag pa dang bcas pa'i 'bras bu'o/ zhes gsungs nas/ rigs kyi bu chos thams cad rang bzhin med do// zhes bya ba la sogs pa'i lta bas/ byang chub sems dpa' rnams dga' bar byed cing / don nges par sems pa rnams ni lung gis 'khrul te/ dper na rgya mtsho'i gting du rin po che gser gyi pha bong 'dril ba lta bu ste/ shin tu byung bar bka' byang chub sems dpa' sems dpa' chen po de ni bsam gtan phyal bar go bas/ mu stegs chad lta dang khyad par med de/ lung 'khrul pa mi klogs pa'i dpe bya long nam mkha'i mtha' tshol ba lta/

  19. 10a

    bu'o// rigs kyi bu nga la dang po ye shes 'byung ba'i rgyu yod de/ so rtags kyi phyag rgyar rin po che'i yi ge 'bru lnga 'byung ba lnga'i ngo bo nas grub bar du dpe'i ye shes la brten nas rtags kyi ye shes gtan la phab/ 'dzin byed kyi lcags kyu dang sdud byed kyi dang sa mas/ mu stegs chad pas lta ba la sogs te/ dbu ma stong pa phyogs gcig par lta ba las grol te/ ye shes sgyu ma'i lus kyis khyad par du 'phags/ tha mar ye shes chos kyi sku la thim pa'i dus su/ rang bzhin rnam par dag pa'i klong du mi gnas pa'i ye shes gzhi la thim pa ni/ sku rnam dag ye shes med pa'i klong du mya ngan las 'das so// rgyu thams cad yi ge med pa'i klong du mya ngan las 'das so// tshig thams cad spros pa med pa'i klong du mya ngan las 'das so// sku thams cad ye shes zang thal chen po'i klong du mya ngan las 'das so// phyi snod kyi 'jig rten 'byung ba lngas bsdus pa thams cad/ sangs rgyas kyi zhing yongs su dag par mya ngan las 'das so// nang bcud kyi sems can mi dang mi ma yin pa thams cad rang byung gi ye shes chen po'i klong du mya ngan las 'das so// chos thams cad ma byas pa'i chos nyid kyi ngang du mya ngan las 'das so// 'das zhes bya ba'i tshig de nyid kyang bla dgas so// ma byas pa'i chos la btsal du med par rdo rje sems dpar bstan to// rgya//

  20. 10b

    rdo rje sems dpa' la bdud zhugs pa'i dus bstan pa/ rdo rje sems dpa'i sna thag ma shes na/ bsgom bya sgom byed pa la sgrib pa yin/ thugs rje rgyun gyi theg pa ye rtags chen por ma shes na/ rtsol ba'i mos sgom la sgrib yin/ sna khrid rdo rje sems dpar ma shes na/ snang ba chos skur 'dod pa nga la sgrib pa yin/ dgongs pa nyag gcig par mtshams med par ma shes na/ lung gi sangs rgyas nyag gcig tshig tu brjod pa nga la sgrib pa yin/ gdams ngag tshig gcig don gyi gnad du ma tshud na/ sgrib gnyis sbyangs shing tshogs gnyis bsag pa nga la bsgrib pa yin/ ma rig sgo nga'i sbubs 'byed pa// kun gzhi zo ba zhabs med du// gsal ba'i mar me rang shar bas// yang dag bde ba'i sku la snang srid gsal// ces gsungs so// rgya/ mngon du phyung ba'i lung bam po gnyis pas dgongs pa'i la bzlas nas/ rdo rje lta bu'i ting 'dzin thob bo// sangs rgyas mya ngan las 'das pa'i mdo lung bam po gnyis pa/ snying po byang chub mchog gi phyag rgya can zhes bya ba/ rdo rje sems dpa' yongs su mya ngan las 'das pa'i lung bam po gnyis pa'o// gter rgyaHbcom ldan 'das dpal rdo rje sems dpa' la phyag 'tshal lo// yongs su grags pa'i lung bam po gsum pa bco brgyad pas yid ches pa'i don gtan la phab pa ni/ dga' rab rdo rje khyod nyon

  21. 11a

    cig/ lung gi rgyan bco brad pa 'di ni/ rin po che snang lnga'i mchod rten la bya khyung gi gsung grogs po lta bu ste/ dpe las mtshan du gsol ba bya rje khu byug/ don las mtshan du gsol ba gsung rig pa'i khu byug/ rtag las matsan du gsol ba rdo rje tshig drug pa/ rgya/ zin pas rtsol ba'i nad spangs te/ lhun gyi gnas pas gzhag pa yin// zhes gsungs so// rgyud thams cad kyi mdo dgongs pa nyam gcig la rdzogs pa bsdu ba khong don no// i thi rgyaHa ti yo ga rdzogs pa chen po bya btsal dang bral ba ni/ dper ni gangs dkar gyi rtse seng ge'i sgra sgrog pa lta bu ste/ chos kyi sku thig le nyag gcig la/ theg pa mtha' dag gi rtsal rdzogs pa ni/ sgrub med rtsal sbugs smon pa med pa yi// bya med lhun rdzogs snga ma de bzhin nyid/ ces gsungs so// rgya mtsho chen por chu bran 'du ba bzhin// byang chub sems dpa' ye shes dpag med du// rtogs pa'i klong chen mi yengs don ston pa// rnam dag byang chub sems kyi sgom pa yin// zhes gsungs so// rgya/ khyung chen gshog rdzogs mkha' la lding ba ni// snang srid thams cad gsal zhing dgongs pa'i 'du shes med// bya bral zin pa'i bde ba 'dod pa med pas len// shin tu myur ba'i ye shes bsam pa kun dang bral// lam med lam du 'jug pa rnams kyi nang che ba/ phyin par 'dod pas ri dwags smig rgyu

  22. 11b

    snyeg pa 'dra/ nang gi rang bzin legs pas re pa thams cad skong / brtags na med la bzhag na legs pa 'byung ba che// yangs so che'o chos chen po// chu ngu rnams kyi gnyen po yin// zhes gsungs so// rgya/ ji ltar gling bzhi'i gyal po la// bran rnams 'du ba ji bzhin par/ byang chub sems chen rje btsan dam pa 'di// ston pa'i thugs las brtol te bstan pa yin// rje btsan dam pa'i byang chub sems// dmigs med don rtogs chos kyi rje// snang ba'i yul la gang gnas kyang / rje btsan sku la nyams de dman// zhes gsungs so// rgya/ ji ltar rgya mtsho chen po la// gru yi yan lag rdzogs gyur na// 'gro bas pha rol phyin par 'gyur// skye shi bral bas rang byung bde ba'i klong // 'gyur med lhun gyis grub pas smra bsam yul las 'das// 'gyur ba med pa'i a ti yo ga ru// 'gro ba thams cad skye shi med par bsgral// ces gsungs so// rgya/ ji ltar nor bu rin chen la// byi dor byas shing mchod par byas gyur na// dgongs pa thams cad rang bzhin yongs kyis 'du// bgrod pa med par grol ba'i lam ston pa// gzhan nas btsal bas rnyed pas mi 'gyur te// thig le chen pos kun tu khyab par gnas// rang byung ye nas ma bcos 'od gsal ba// gnyis med bde ba'i mchog ste lhun gyis grub// ces gsungs so// rgya/ rang bzhin

  23. 12a

    yongs kyi gsal ba'i nam mkha' la// snang gsal nyi ma shar bas snang srid kun tu gsal// chos nyid bde chen klong yangs brdal ba la// rang byung 'gyur med rig pa spros dang bral bas tig/ byang chub sems chen rgyal ba kun bzang la// dus gsum sangs rgyas gcig tu gnas pas tig/ 'khor ba yongs sgrol a ti yo ga la// snang srid thams cad ye sangs rgyas pas tig/ ces gsungs so// rgya/ ji ltar rgyal po'i pho brang du// bran rnams thams cad 'du ba bzhin// lte ba'i yang rdzogs a ti yo ga la/ theg pa brgyad rnams so sor don brjod nas// 'bras bu grub pa gcig tu nges par 'dus// rgyu la rag ma lus pas byang chub las// 'bras bu rang la rdzogs pas snang srid ye sangs rgyas// zhes gsungs so// skye med dag pa'i nam mkha'i cho 'phrul ci snang yang // nam mkha'i ngang la g.yos pa med// rdzogs pa'i yang rdzogs a ti yo ga la// theg pa ma lus rdzogs pas nam mkha'i ngang du gsal// 'khor ba rtsad nas gcod pa'i nam mkha'i rgyal po 'di// snang srid ma lus ye sangs rgyas pas gsal ba ste// don la btsal du med pas man ngag nam mkha'i rgyal po yin// zhes gsungs so// rgya/ ji ltar rgyal mtshan rtse mo la// 'gyur ba med cing nub pa med// rang bzhin nam mkha' chen po la// zad cing stongs pa'i dogs pa

  24. 12b

    med// nam mkha' chen po 'byung ba kun gyi rtse// rang byung ye shes chos rnams kun gyi rtse// skye 'gag med pas 'khor ba kun gyi rtse// dran rtog med na sgom pa kun gyi rtse// thams cad yongs las rgyal bas rtse mo byung rgyal yin// zhes gsungs so// rgya/ rnal 'byor nam mkha'i bya lam gnas// ngam grog g.yang sa med par gcod// ji ltar nam mkha'i mdung skor la// dog pa med par skor ba bzhin// bde 'byam lta bu'i nam mkha' la// don dam nyid du spros dang bral// rmongs pa'i mun pa sel ba'i don// zhes gsungs so// rgya/ ji ltar rgyal po'i btsun mo la// rin chen sna tshogs rgyan pa ni// yid du 'ong zhing tshul shes pas// 'gro ba yongs kyi skur gnas sa// bde ba chen po'i byang chub sems// 'gro ba'i don du phra bkod pa// ma skyes bde ba'i byang chub la// nyon mongs skyon gyis ma gos te// tshogs rnams bsags pa phra bkod rang bzhin rdzogs// zhes gsungs so// rgya/ nam mkha' dag pa'i dus na snang srid yongs gsal ltar// chu la rnyog ma drangs na nyi zla gza' skar gsal// khams gsum sgron mas ma rig mun pa sangs// rig pa rang la shar bas gzhan gyis bcos su med// don dam spros med yang dag dbyings kyi bla// btsal du med pas sgom pa'i tshig las 'das// zhes gsungs so// dpag bsam shing gi sdong po

  25. 13a

    la// yal ga lo 'dab me tog 'bras bu rnams// ma btsal bzhin du yongs kyis 'byung ba ltar// rgyu rkyen tshogs pa'i sdong bu la// myu gu don gyis 'byung ba ltar// spros med byang chub sems la sangs rgyas myu gu 'byung // rnam rtog spros bral byang chub sems zhes la// gzung 'dzin med pa'i bla med myu gu 'byung // 'byung ba lnga nyid ye nas sangs rgyas la// snang srid lha yi dkyil 'khor myu gu 'byung // lung la sgrib pa med pas man ngag myu gu yin// zhes gsungs so// ji ltar gcan gzan rgyal po seng ge la// rtsal gsum lus la tshangs pas gar yang thogs med 'gro// gdug pa'i nga ro phyung bas thams cad zil gyis mnan// yang rtsal stobs dang ldan pas gcig pu gangs la gnas// rdzogs pa spyi gcod a ti yo ga ni// theg dman ma lus kun gyi can chen po/ rtag chad mtha' la mi gnas ye shes bde ba'i klong // sna tshogs gzhi rtsa gcad du snang srid ye sangs rgyas// zhes gsungs so// rgya/ de yang chad du gdams pa'i rgyud bcu drug gi mdo dgongs pa spangs pa'o// i thiHbcom ldan 'das dpal rdo rje sems dpa' la phyag 'tshal lo// rdo rje sems dpa' nam mkha' che// kun bzangs yangs pa chos kyi dbyings// rnam dag ma chen kun sgrol phyir// mi skye mi 'gag cir mi da gongs// tshig gcig pu la don chen spungs// don chen

  26. 13b

    spungs pa ma shes na// rgyal ba mya ngan yongs mi 'da'// mgon po yis ni gsungs pa yin/ rgya/ 'byung ba chen po bcom ldan 'das// 'di las ma byung gang yang med// 'gro ba kun la rang bzhin gnas// che ba'i ye shes rnyed dka' ba// shes rab thabs la brtan pas 'grub// ming tsam gzhan la brten 'dra yang // mngon sum bde ba rang las 'byung // snang ba med pa'i chos nyid ni// ma btsal bzhag na sgom pa yin// mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang po kyang // de la brjod du rdul tsam med// ci ste las kyi dbang gyur na// rang byung ye shes yod ma yin// gdod nas snying po byang chub la// stsal ba'i bsam pas dbyings mi bskyod// yon tan chen po bsam gtan ni// bsam gtan nyid la bsam du med// ma bsam ma sbyangs chos bzhin du// rnam rtog nyid las ye shes skye// bde dang sdug bsngal rgyu mthun zhes// 'gro ba'i mgon po sems dpas gsungs// 'dod chags zhe sdang gti mug kyang // byang chub chen po'i lam las 'byung // kun spyod yon tan rnam lnga yang // chos nyid dbyings kyi rgyan du gsungs// gang nas gang du sa 'phar lam// bya bral chos dang mthun pa min// ci ste lam la bgrod gyur na// nam mkha'i mtha' bzhin thug pa med// de la de bstan de

  27. 14a

    yang thob// de las de 'byung ngo mtshar che// kun gyi mnyam nyid yin pa la// phyogs su bltas pas grub pa med// dus gsum gcig ste khad par med// sngon med phyis med gdod nas byung // chos skus khyab pa gcig pa'i phyir// che ba'i chen por rang bzhin gnas// rnam dpyod dus la ltos pa rnams// dus dang 'byung bar mi 'gyur te// ma bral smon pas spyod pas na// stong pa'i mtshan nyid gsungs pa yin// gcig ste rnam pa yongs kyis med// rnal 'byor nam mkha'i bya lam gnas// ma byung ma skyes snying po la// sgro btags chos kun ga la yod// mi g.yo ba ni sku yi rgya// mi spyod pas ni ye shes te// mi len pas na bdag med cing // mi 'dor tshig bral mnyam nyid do// 'di la brtul zhugs drag shul gyis// gnas su bya ba ming med do// rnam grangs brgya stong phrag yas pa// gang ltar spyad kyang me tog skye// gleng bral 'di la gnas pa yis// rnal 'byor de ni skal ba bzang // bdag dang gzhan don mi 'byed pas// sgyu ma lhun grub yul la rol// lhag ma med pas yongs su rdzogs// 'gyur ba ma yin drang por gnas// nam mkha' bzhin du mtha' mnyam zhing // gzhan la ltos 'gyur chos ma yin// lhun gyis gnas pa'i bde chen te// mtshungs pa med pa'i ye shes kyis// rang gi mthu yi rig pa las// chos ni gzhan las 'byung mi

  28. 14b

    'gyur// ngo mtshar rmad byung rol pa 'di// bya bral nam mkha' ji bzhin te// cir yang mi dmigs gti mug las// de ma thag tu rang las 'byung // de ni thams cad mtshungs pa'i lam// 'gro ba kun la rang bzhin gnas// go ba'i yul na bde ba che// de nyid rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges 'ja' tshon kha dog las// rigs kyi khyad par mngon par snang // mnyam pas rim pa bkod pa med// gcig pas phyogs su bsngo dang bral// lhun gyis gnas pas mi bsngo zhing // gdod nas dag pas bdud rtsi yin// yid kyi bsam pa yongs dag ste// bltas pa'i stobs kyis bkram pa'o// mthong bar gyur ba'i dngos grub la// de ni mnyam bzhag rdzogs pa'o// yud tsam bzung bas sbyor ba yin// dga' bar gyur bas dam tshig yin// thabs gyi gar stabs bskyod pa yin// gnyis med sbyor bas phul ba yin// mi gzus btang bas gtor ma yin// bya ba med pas las rnams 'grub// mi rtog ye shes bgegs bsal nas// mi gsung mnyam bzhag sngags tshig gi/ bla ma mchod dang bstod pa dang // de bzhin bsod nams thams cad kyang // ma chags mi g.yo'i stobs med na// byas na 'ching ba chen por 'gyur// de bas de lung de nyid las// de las de ltar sgrib

  29. 15a

    par 'gyur// de ltar de la de rtog na// de la de nyid grub pa med// ces lung dgongs pa la spungs pa'i mdo zab mo// ma hA a kaR+sha/ sha ka ri sha/ su tra/ bcom ldan 'das dpal rdo rje dpa' la phyag 'tshal lo// yongs su rdzogs pa'i mdo// lung gi rgyal po yang gsang rmad du byung ba'i lung / thig le rang byung nyag gcig po// nga yis bshad kyis nga la nyon// ye nyid nas ni 'khor ba med// de dbang gyur nas sangs rgyas nga // rdzogs pa'i bde chen ngo bo la// ngang du nyon mongs gcod pa'o// ma bcos mkha' 'dra lhun rdzogs te// nam mkha'i dang las g.yos pa med// lhun gyis grub pa'i chos chen po// shin tu med pas rdo rje 'chang // sems can rgyu gzhi sangs rgyas dang // 'khrul nas gzhan du tshol ba yi// stong pa mu yis don mi rnyed// gsang ba'i zhal gyis bzhes pa'o// 'gyur ba med pa'i bde chen ni// gzhan la ltos pa ma yin te// sangs rgyas nga las gzhan med pas// rmad byung byang chub par yang ngo // thig le gcig pas byang chub sems// mi 'byed sangs rgyas ngo bo dang // 'byung bas bskyed pas ye sangs rgyas// mtshon du med pa'i 'byung gnas pa// 'khor ba 'jig pa'i rang bzhin pas// nga la btud na sangs rgyas yin// yang dag pa'i le'u bstan to// bcom ldan 'das lung thams daca kyi bdag nyid// dpal rdo rje sems dpa'

  30. 15b

    rang byung gi rgyan bco brgyad kyis bkrol nas// dga' rab rdo rje la bzhag pa'o// sangs rgyas mya ngan las 'das pa'i mdo lung bam po gsum pa// snying po byang chub mchog gi phyag rgya can ces bya ba las/ bam po tha ma lung gis yid ches par bstan pa rdzogs so// nga yis bstan pa'i gsang gter 'di// gting dpag med pa'i rgya mtsho nas// srid pa gsum gyi rtse mo ru// nub pa med pa'i gter du bstan// ces rdo rje sems dpa' thugs kyi klong brtol nas// dga' rab rdo rje khyod la gtad// skye shis 'jig pa'i sems can la// rdo rje bcus khrag thon la gtad// de min par ni gsang bar gsungs// zhes gtad rgya'o// / rgya gar skad du/ a r+ya ma hA gu h+ya pra swa ra nA ma sU tra/ bod skad du/ 'phags pa gsang sngags chen po bsam gyis mi khyab pa'i mdo zhes bya ba/ bcom ldan 'das ting nge 'dzin gyi rgyal po la phyag 'tshal lo// 'di skad bdag gis thos pa'i dus gcig na// ku sha'i 'du khang na// bcom ldan 'das bskyed pa seng ge lta bu'i ting nge 'dzin la snyoms par zhugs te/ 'khor rnams la 'di skad ces gsungs so// kye ma byang chub 'dod na sdig pa'i las rnams cher spyod de don blo la bzhag/ gang yang snying rjer mi gzung su yang snying mno de ni gang yang med/ ces te srog med srog bcad sdig tu 'gro na ye nas chad pa su la sdig snying

  31. 16a

    rjes byang chub rlan du mi gter snying rjes su la gzung / gang la 'dzin pa yod pa de la lhag pa'i bsam pa yod kyang sdig/ 'dzin rtog khang 'gram gting nas tshugs pa med pa byang chub bde ba'i shugs// rgyal ba mi mchod sangs rgyas mi 'grub par// thar pa'i lam mi 'dod pa de// khab len rdo la lcags 'du bzhin// tshogs gnyis bsags mi dgos par 'du// mchod rten lha khang la sogs 'dus byas dge rtsa mi bya mnyam snyoms bzhag/ byas la sogs pa'i las ni byas pa mi zin byas shing rtogs pa'i rgyu// yul dang dbang po gang rtsogs ched du mi bya de bzhin gzhag par bya// rdo rje mi 'chang sngags rdzas mi 'chang dben par 'dug mi bya// mchod gtor sbyin pa'i phyogs ni gang yang mi btang mi bsngo su la bsngo// cho ga la sogs 'khrul pa'i las rnams spyod mi bya// rdzogs pa chen po'i rang bzhin kun gyi snying po yin te 'di la ci yang med// phag tu 'dug la sgom pa mi bya mi bya rdo rje lta bu'i chos nyid de la bsgom du med// dper na ri rab rtse la nyi ma stong shar bas// ye shes thugs la nyi ma gcig shar dro// rdo rje lta bu'i ye shes ni// nam mkha' lta bur dngos po med// go la sgrib rtag chad mtshan ma'i yul la gnas// gnyen pos mi shigs rkyen gyis dbang sgyur min// dge dang sdig pa de yi spyod yul min// rab dbang thabs kyis

  32. 16b

    rdzogs pas rtsal gsum lus la rdzogs// mtho dman klong du mnyam pas ye shes bdag med sku// sa lam mi bgrod ye shes mig gcig dri ma med// rtsol sgrub zil gnon bde 'byam ye shes sku// 'phags pa gsang sngags chen po bsam gyis mi khyab pa'i mdo las// bcom ldan 'das seng ge lta bu'i dgongs pa mthar phyin pa'i le'u ste dang po'o// bcom ldan 'das khyung chen gshog rdzogs zhes bya ba'i ting nge 'dzin la mnyam par gzhag nas/ chos thams cad nam mkha' dang mnyam par zlas te/ bka' stsal ba/ la bzla rdzogs pa chen po'i chos// ston min cig char 'jug pa'i kham po che// la rnams yebs kyis gcod pa'i 'tshongs po che// snang srid gsal bar byed pa'i shes rab che// don dam bskal par mi gtong brtson 'grus che// stong pa'i mu la gnas pas bzod pa che// kun gzhi rtsad nas gcod pa'i ting 'dzin che// gang gi 'gran zla med pas zil gnon che// 'gro ba thabs kyis sgrol ba'i stobs po che// shes rab thabs kyi pha rol rlabs po che// che ba dgu ldan ston med lta ba ni// theg pa kun gyi nang na mchog tu bsngags// gnyis su med pa'i chos nyid byang chub sems// brjod las 'das pas kun tu bzang po'i sku// 'gyur ba med pa'i bde chen lhun gyis rdzogs// mtha' dbus med pa'i mkha' ltar kun la snyoms// rang byung dbyings la

  33. 17a

    rig pa gsal shar ba// mtha' dbus med par kun la khyab pa la// 'jug dang mi 'jug gnyis su bcad pas gol// ye shes rgyal po'i tshig las 'das pa de// rang bzhin ma bcos lhun gyis rdzogs pa la// snang srid thad du khyod kyis mthong bas gol// srid gsum ma lus kun tu bzang po la// rig pa'i mdzad spyod mkha' ltar snoms pa yin// gsal dang mi gsal gnyis med mnyam pa la// gsal dang mi gsal khyod kyis shes pa gol// don dam bde chen 'gyur med byang chub sems// yang dag lhun rdzogs smra bsam yul las 'das// de nyid de bzhin ye nas gnas pa la// bskal par stong dang mi stong khyod kyis shes par gol// mi 'gyur rang byung dbyings la rig pa'i nyi ma shar// yang dag don de ji bzhin ye nas gsal// mi dmigs mkha' bzhin ye nas gsal// stong pa'i sgro skur bzod pa yod pas gos// chos nyid mi 'gyur rig pa ye shes la// gzung 'dzin yul las 'das pa'i bcom ldan 'das// mtha' dbus kun la khyab pa'i che ba'i bzhi// dus gsum mi 'gyur ba'i chos sku la// nga dang bdag tu khyod kyis bzung bas gol// rig pa 'gyur med bde chen byang chub 'di// nga dang bdag med kun la mnyam pa la// mtha' dang dbus med nam mkha'i klong na gnas// phyogs dang ris med kun tu bzang po'i

  34. 17b

    sku// yid bzhin nor ltar rang bzhin gnas pa la// sa lam rgyud bgrod skye med rtsad nas bcad// ting 'dzin chen por rim pas sbyor bas gol// snang srid thams cad yang dag sangs rgyas la// 'gro ba'i stobs kyis bsgral du ye sangs rgyas// rang byung lhun rdzogs grub pa'i sangs rgyas la// snang srid stobs kyis bsgral bas mthong bas grol// a ti yo gas bde chen byang chub 'di// brjod las 'das pas yang dag bstan pa'i sku// ston chen la sogs stong pa'i rlung gnas pa// 'jug sgo lta spyod khyad par che ste 'phags// lta phugs sgrog pas bye brag med kyis kyang // so so'i bzhed gzhung rol pa'i rgyan gyis 'phags// mnyam pa chen po mnyam pa khyod las 'phags// nga ni byang chub snying por gnas pa'i tshe// byang chub chos la byang chub bsgrub med mi gnas so// de bzhin gshegs pa rnams kyi ye shes la// sems can dag gi chos med mi gnas pa// a ti yo ga bya btsal 'das pa la// bzang ngan che chung mi gnas so// lung las 'das pa'i chos nyid yin// sems las 'das pa'i sangs rgyas la// kun gzhi las 'das chos sku yin// lta ba rlabs kyis spyod pa'i dgongs pa'o// 'phags pa gsang sngags bsam gyis mi khyab pa'i mdo las// khyung chen gshog rdzogs kyi dgongs pa bstan pa'i le'u ste gnyis pa'o// bcom ldan 'das

  35. 18a

    nam mkha' rnam par dag pas ting nge 'dzin la snyoms par zhugs nas/ bka' stsal pa/ rdo rje 'dus pa ye shes sku// tshig cig mtshon pas don chen gsung rnam par dag pas lam chen po// sangs rgyas nyid kyis yongs ma gsungs// bgrod med lam la rab gnas pa// ye shes lus can dri ma med// ma skyes gsang ba'i dkyil 'khor rdzogs// rnam dag lam la rab gnas pa// mgon po shes rab pha rol phyin// sangs rgyas nyid kyi dgongs pa 'di// kun gyis rig pa ma yin te// lha las rdzogs te 'gro ba rnams// byang chub sems dpa' mi rig ste// chos pa rnams kyi don mi rnyed// sangs rgyas lam la mi gnas te// lam la bgrod pa rtsol ba'i gnad// sangs rgyas nyid las 'bras bu med// 'bras bu bsgrub pa'i byang sems don mi rnyed// de phyin mgon po dri med ngas// thugs kyi dkyil 'khor rang byung ba// ye shes lhuldan rdzogs me long bzhin// sangs rgyas kun gyi ye shes sku// dri med rang byung 'od gsal bas// dus gsum gcig ste rtag par bzhugs// rang las byung ba'i ye shes lnga// gsang ba'i dkyil 'khor thugs kyi mchog/ mtshan nyid me chu sa rlung lnga// rang las byung ba'i chos nyid lnga// las la ma rmongs thabs kyi zhing // byed pa po nyid rdo rjes te// skye 'gag med pa'i ye shes yin// bye ba po nyid rang bzhin gyis// rnam par

  36. 18b

    dag nas sangs rgyas pas// 'dus byas chos ni ye nas med// nga yi shes rab rang bzhin gyis// rnam par dag pa nga yis chos// thams cad rnam par mi rtog yin// de nas bcom ldan rdo rje 'chang // nam mkha' la ni sprin bzhin du// sna tshogs snang ba ye shes sku// spros dang bral ba'i chos nyid la// ye shes kun gyi rgyan snang ba// nam mkha'i sprin dang char gyi tshul// e ma bde gshegs bcom ldan 'das// sangs rgyas kun gyi ye shes sku// rtag par dka' ba snying po'i don// rab tu mi rtog gnas med pa'o// e ma gzung 'dzin rnams yangs pa// tshig dang yi ge'i spyod yul min// chos bdag med pa'i mnyam pa nyid// rang rig gzod nas ma skyes pa'o// e ma rang rig mnyam pa nyid kyi klong // ming du btags pa'i chos rnams kun// mnyam nyid rtogs las gzhan med do// e ma chos kun rang rig ye shes te// nges pa med de dngos rtogs bral// de nyid dag pa'i rang bzhin pas// mkhas pa ci dgar sgom pas 'grub// e ma chos kun snang ba kun// rang rig ngo bo brjod du med// de nyid rang rig ye shes ni// mkhas pas rtogs pas sgom par 'gyur// e ma chos kun stong pa'i bdag/ rang gi ngo bo brjod du med// brjod med de nyid sna tshogs pas// chos rnams kun la khyab par gnas// e ma ho/ mi gnas ye shes dngos po'i mtha' dang

  37. 19a

    bral// sku dang ye shes rol pa'i mdzad spyod kun// nam mkha' dag par klong nas ci yang snang // zhes gsungs so// 'phags pa bsam gyis mi khyab pa'i mdo chen po las// nam mkha' rnam par dag pa'i dgongs pa bstan pa'i le'u ste gsum pa'o// bcom ldan 'das nyi zla kha sbyor gyi ting nge 'dzin la snyoms par bzhugs nas/ chos thams cad 'gag pa med pa'i de bzhin nyid du ngas bstan to// de nas bcom ldan 'das kyis de kho na nyid kyi ting nge 'dzin la bzhengs te bka' stsal pa/ shes rab ldan pa mkha' la khyung chen bzhin// rang gi ngo bo brjod du med// mi gnas mya ngan 'das pa'o// rdzu 'phrul ldan pa rgya mtsho'i lto 'gro bzhin// gangs la nyi ma shar ba 'dra// me long man shel bzhin te snying po med// rgyal ba mya ngan 'das pa'i dgongs pa yin// byang chub sems dpa' mi dmigs byang chub sems mi dmigs// rang byung ye shes rab kyis grol ba ni// sbrul gyi snying po bzhin te gzhan gyi spyod yul min// rang byung dbyings nas rig pa gsal shar ba// thabs dang shes rab gsal ba nyi zla kha sbyor// nam mkha'i sprin dang char gyi tshul// byas pa'i chos min me long ye nas gnas// thugs rje rtse gcig ye nas rnam par dag/ rus sbal mig gis nyi ma mi mthong ltar// chos rnams kun gyi de nyid mthong ba med// rtags kyi ye

  38. 19b

    shes tshon gang ba// rtog pa'i klungs su su 'dris pa// ye shes dri ma med pa yin// lung du bstan pa bde gnas pa// gol sgrib pa dar sha chod pa yi// chos la blo ni mi gnas na// rtag chad tshig las 'das pa yin// ma byung ma skyes 'od kyi snying po la// bkod pa lha yi dkyil 'khor rtsal mi dgos// rang snang bzhin rnam par dag pa'i chos sku la// khrus dang gtsang sgra me tog byug mi 'tshal// mkha' la nyi ma'i dkyil 'khor gsal ba las// 'od dang snang ba gzhan nas btsal mi 'tshal// shes rab rig pa bzhi nas shar ba la// rna bas nyan cing tshig phyir 'brang mi 'tshal// nor bu rin chen rang la yod bzhin du// gzhan la brten nas btsal bas don mi rnyed// dri ma med pa'i chos sku la// bkrus pas mi 'dag nas mkha' 'dra// rkyen dang bral ba'i snying po la// byang chub snying po yongs kyis med// rdo rje sems dpa'i byang chub ni// rang gi rig pa chen po mkhyen// rang rig nyid ma'i snying po bzhin// dus gsum gcig ste bstan par zhugs// byang chub sems dpa' sems dpa' chen po snang la mi gnas pa rnams ni/ ye shes kyi sku dri ma med pa'o// bkod pa med par snang ba can/ sangs rgyas kyi sku dri ma med pa thabs shes rab zung du 'brel ba'o// ma bkod par mtha' dang dbus med/ phyogs dang ris med/ mtho dman dang yangs dog med

  39. 20a

    par snang ba ni/ spros dang bral ba'i chos nyid klong yongs su dag pa'o// 'dod pa'i mtha' thams cad dang bral bas ni ting 'dzin gyis rtse gcig pa'i zas so// ye shes kyi sku dri ma med pa dang / klong kun tu bzang po 'du 'bral med par brtag par bzhugs pa ni grogs/ khyad par can no// dgos pa'i 'du shes thams cad dang bral ba ni dgongs pa nyag gcig/ rdo rje'i tshig gcig gis zag chod nas dgongs pa la dor// don klong du dril bdag nyid chen po kho na nyid do// 'phags pa gsang sngags chen po bsam gyis mi khyab pa'i mdo las/ nyi zla kha sbyor gyi dgongs pa mtha' gtugs pa'i le'u ste bzhi pa'o// bcom ldan 'das rin po che lta bu'i ting nge 'dzin la snyoms par bzhugs nas/ rang byung gi ye shes la yon tan thams cad 'byung ba ni/ zad mad rin chen gter gyi dbyig/ skye med klong na 'od gsal ba/ nam mkha'i mthongs nas nyi shar 'dra// dngos med gsal ba chu zla bzhin// bdag dang bdag nyid chen po'i thugs// snang la mi mngon 'ja' tshon 'dra// sku gsung thugs kyi rdo rje'i bdag/ tsu ta'i shing dang gel ba'i shing // lo ma me tog 'bras bur bcas// yon tan so so'i don byed pa// nad rnams kun gyi gsos su che// gnyen po gnyen po 'joms pa yis// nyon mongs lnga dang mtshams med lnga// de yis gnyen

  40. 20b

    po de yis 'joms// de nyid rnam par grol ba'i lam// sangs rgyas thog mtha' bdag med pas// gzung 'dzin gnyis med mya ngan 'das// phyi nang snod bcud rang grol ba// gzhan la ltos 'gyur chos ma yin// glang chen 'dam du bying ba la// skyes bu rang gis bcings pa gnyis// gzhan gyis yang dgag la 'gyur// bde ba chen po bde la rtag spyod pa// rnam par snang mdzad rtag pa kun tu bzang // ji ltar brjod pa tha snyad rtsol ba'i gnad// chos kyi yang dag don de brjod nus kyang // chos kyi yang dag don la gnas mi nus// de phyir chos spyod sangs rgyas don la sgrib// chos kyi blo yis the tshom kun gsal bas// chos la mi gnas tha mal shes par bzhag/ tha mal shes pa blo yis bcos pa min// bde dang sdug bsngal blo la rtog pa med// mgon po dri med sku ni de bzhin no// rnam par dag pa'i sku bde ba chen po la ye shes kyi grogs byar med do// ka dag pa'i ye shes rang rang snang ba la bslad par bya ba'i chos med do// thabs kyi rgyal por stobs kyi rig pa shar bas che ba'i yon tan gzhan gyis dpag tu med do// shes rab zab mo chu bo gang+gA'i rgyun bzhin mi 'chad pas thugs rje la 'bri bkol med do// yang dag par rdzogs pa'i sangs rgyas la sgrib pa sbrang du med do// cis te ngan song gi mtha' las grol ba'o// yang dag par rdzogs pa'i

  41. 21a

    sangs rgyas la lam med do// cis te bgrod par bya ba'i lam las 'das pa'o// yang dag par rdzogs pa'i sangs rgyas la tshogs bsag tu med do// cis te na dngos po'i mtshan ma gang la yang mi gnas pa'o// yang dag par rdzogs pa'i sangs rgyas la sgrib pa sbrang du med do// cis te nyi ma'i snying po la mun pa'i gnas med do// de'i phyir lhag mthong rig pa'i ye shes kyis// ma rig pa bdar sha bcad// chos spyi dang rang gi mtshan nyid kyis the tshom gyi bdar sha bcad// lam gyi ye shes kyis lam gyi bdar sha bcad// ces pa'o// 'phags pa gsang sngags bsam gyis mi khyab pa'i mdo las// yid bzhin nor bu rin po che'i dgongs pa mthar phyin pa'i le'u ste lnga pa'o// bcom ldan 'das rgya mtsho gdangs pa'i ting nge 'dzin la snyoms par bzhugs pa'i dus su/ chos thams cad thig le chen po'i klong du sangs rgyas te/ rgya mtsho la gza' skar bkra ba'i tshul du bshad de/ ji ltar rgya mtsho dngas ba la// nyi zla gza' skar shar ba yang // rang gi ngo bo ma 'dres so sor gsal// de bzhin chos nyid rnam dag spros dang bral ba la// rig pa ye shes chos rnams kun gyi bdag/ skye med klong na ma 'dres so sor gsal// sku gsum rgyal ba'i dgongs pa mthar phyin pa// a ti'i klong nas rang bzhin rnam par dag/ a ti yo ga bde chen byang

  42. 21b

    chub mchog/ ye shes lus la sprul pa'i skur bstan pa// rdo rje sems dpa' sangs rgyas kun gyi dngos// rig pa ye shes rang byung dbyings gsal te// skad cig gcig la bdag nyid sangs rgyas te// de phyir sangs rgyas chos la mi gnas so// chos ni sems can rnams kyi lta ba yin// mtshon pa'i byang chub chos yin kyang // rdzogs pa'i lta ba chos ma yin// thog ma'i mgon po dri med kyang // chos la brten pas ma yin/ te// mi bskyod dbyings nas rang byung ba'o// de phyir chos kyi sangs mi rgya// chos ni tshig phyir 'brang zhing don la g.yel// rang byung ye shes nyid ni tshig gi mtha' dang bral// de phyir yang dag don la tshig med yi ge med// sems can rnams ni thog ma'i chos la rab brten la// chos rnams kun gyi ma bcings ma bkrol ba'i// ye shes rgyal po tshig las 'das pa ste// smra ba'i khyu mchog gzhan gyi dring mi 'jog/ rang rig rgyal po tshig las 'das rtogs na// phyi nang snod bcud bdag nyid chen por ldog/ nga dri ma med pa ye shes kyi sku la// dge ba dang sdig pa gnyis med do// nga gdod nas snying po byang chub tu gnas pa la// 'bras bu thob pa dang ma thob pa gnyis med do// nga bstod pa chen po ye shes kyi snying po spyan du gnas pa la// bde ba dang sdug bsngal ba gnyis med do// nga rang rig pa'i ye shes chos nyid skye ba med pa'i dbyings

  43. 22a

    na// dus gsum 'du 'bral med par bzhugs pa la// gnas dbyen pa dang mi dbyen pa gnyis su med// chos kyi sku bde ba chen po'i ngang nas// ye shes kyi rtsal ma 'dres pas so sor gsal bas ni// rgya mtsho la gza' skar shar ba lta bu'o// zhes ston pa bcom ldan 'das kyis gsungs nas mi snang bar gshegs so// 'phags pa gsang sngags chen po bsam gyis mi khyab par bstan pa'i mdo las// rgya mtsho la gza' skar shar ba'i le'u ste drug pa'o// byang chub kyi sems ting nge 'dzin drug pa zhes kyang bya// man ngag gi dgongs pa la bzla zhes kyang bya'o// 'phags pa gsang sngags chen po bsam gyis mi khyab pa zhes bya ba theg pa chen po'i mdo rdzogs so// rgya gar gyi mkhan po bi ma la mi tra dang // bod kyi lo tsA ba gnyags dz+nyA na ku ma ras bsgyur cing zhus te gtan la phab/ slad kyis a tsar+ya bai ro tsa na dang / snrubs sangs rgyas ye shes kyis bsgyur te gtan la phab/ s+thi/ @#/ aH s+ya a// sangs rgyas 'dus pa man ngag gi rgyud ces bya ba/ Na sto b+ha ri/ dpag bsam gyi ljon shing la/ g.yu yi bya khu byug sgra sgrog pa'i man ngag/ bcom ldan 'das bdud rtsi ye shes kyi snying po la phyag 'tshal lo// bdag med shes rab 'od gsal ba// mkha' ltar dngos med ye shes sku// mi bskyod rdo rje byang chub sems// 'gro mgon rdo rje

  44. 22b

    sems dpar bshad// rdo rje sems dpas ye shes rang byung du bstan pa'i le'u ste dang po'o// mAp+ta ya n+ya Nar/ badz+ra aN dz+nya su prA Ti/ rang snang gi nam mkha' la gser gyi bya khyung lding ba'i man ngag/ spros med rang bzhin 'od gsal ba// sang sha rgyas kun gyi 'byung gnas te// nam mkha' la ni sgron ma bzhin// gcig tu rab tu che ba'i lha// rmongs pa'i mun pa sel ba'i 'ong // bdag nyid kun tu grags pa'i sku// rgya mtsho/ gting gi ltos 'gro ba/ gang la yid kyis rgyug pa bzhin// shes rab yid kyi rdung gcod pa// ma bskyod mkha' la de bzhin gshegs// gnas med gnas la 'od gsal ba/ ye shes sku de rang snang ngo // don la nges pa'i lung bstan pa// rtog pa'i sgra bsam yul las 'das// zag pa med pa'i ye shes rang snang ba'i le'u ste gnyis pa'o// a h+na sa sma hi Sh+Na pA ra rI/ lhun po'i rtse nas rin po che gser gyi nyi ma stong 'phro ba'i man ngag/ rnam dag rdo rje'i rtse mo la// rang byung ye shes 'od gsal ba// dga' bo gtsug gi nor bu ltar// yon tan thams cad 'byung ba ni// nam mkha'i sprin dang char gyi chu// gzhal yas rin chen rtse mo nas// mi bskyod rdo rje sems dpa'i sku// bgrod med rnam par grol ba'i lam ston pa// snang ba mtha' yas sbrul sku byang chub sems// nyi ma 'bum gyis 'od zer rab snang ltar// 'jig rten drug gi phyogs bcur

  45. 23a

    snang bar 'gyur// nyag gcig kun tu grags pa'i le'u ste gsum pa'o// g+haR+Ya yang nA ya na rA/ sAng g+ha/ traM dz+nyA Di/ bsam rtags kyi lha khang na/ rdza mkhan gyi bu mo/ rgyal mtshan gyi rtse la gsal shing gi sgron med 'jug pa'i man ngag/ rnam dag byang chub sems la bkod med ye shes gsal// ma rig sgo nga'i sbubs phye gsal bar bstan// rtog pa'i dra ba gcod pa'i shes rab mtshon// rdo rje'i rtse la ye shes rang gsal ba// nang med nang nang rang byung nyag gcig po// thob rgyu med pa'i 'bras bu nyag gcig po// shes rab pha rol phyin pa'i gom gcig po// btsal du med pa'i dgongs pa nyag gcig po// stobs kyi pha rol phyin pa'i gom gcig po// dri med klong du gyur pa'i bdag med ye shes sku// dri med shes rab klong na rab gsal ba'i// chos sku shes dgongs rang bzhin rnam par dag/ rig pa rang gi ngo bo bstan pa'i le'u ste/ bzhi pa'o// sma ya sa ha al/ khr-i g+ha ra b+ha ya b+ha T+ya/ lcags kyi ka rgu sgril la// gyang chen po lnga phong 'gran pa'i man ngag/ ye shes yongs su gcod pa'i la// byang chub sems kyi rnam par gcod pa// mtshon pa'i ye ge brda sbyong ni// rgyal ba'i zhal nas gsungs pa yin// me tog pad+ma'i snying po la// nyi ma'i 'od zer shar ba ltar// dri med dag pa'i chos sku la// dri med dag pa'i tshig brjod pas// don dam nyid du spros dang

  46. 23b

    bral// yang dag don gyi me long la// yang dag don gyi bdag snang ba// bdag gi bdag nyid de mthong 'gyur// bdag nyid chen po'i don brjod na// shes rab nyid kyis shes rab ltos// shes rab bdag med mya ngan 'das// rang byung gi ye shes chos las grol bar bstan pa'i le'u ste lnga pa'o// ya ka tsa a la n+ya/ mA nA a ha/ shwang lha/ rA ma ha/ yA Na/ chu bo g+ha g+ha la/ rgyal chen po gnyis stobs 'gran pa'i man ngag/ nam mkha'i mthongs nas snang gsal gyi nyi zla shar bas/ nyin mo dang mtshan mo gnyis med do// chos nyid kyi klong nas man ngag gi ti ka shar bas/ dgongs pa la mtshams med de// sgom du med pa'i lta ba nyid zhi gnas dang lhag mthong zung du 'brel ba'i dus su/ sangs rgyas kyi dgongs pa mthar phyin pa'o// byang chub sems dpa' chos la gnas shing blo yul du byed pa rnams ni/ yid kyi 'du shes yul la bsdus te btsal ba med pa la btsal ba'i 'du shes kyis tshig gi sgron ma nges pa'i tshad bzhag ste/ sems dang ye shes kham pa dang bum pa'i tshul du gnas pas/ bden pa la res 'jog 'byung ste/ mos pa spyod pa'i sa ste/ don dam pa'i da gongs pa ni ma yin no// zhes rdo rje sems dpa' nyid kyis gsungs so// sangs rgyas dang byang chub sems dpa'i dgongs pa shan dbye ba'i le'u ste drug pa'o// prA sA rA ma hA pra sA ra d+ha ra ma dz+nyA na/ rdzi

  47. 24a

    gser gyi rlung la/ rdzu 'phrul gyi lha mo zhags pas 'gugs pa'i man ngag/ yid rang byung gi ye shes rlung gi lha mo mig gcig ma la zhon te/ drang srong skar mda'i bu mo bde ba zag med kyi lam du byung nas/ ye shes kyi lha mo rgyan gyi nyi ma'i 'od kyi 'khor los bzung ba'i dus na/ rnam dag ye shes kyi lus can zhes bya ste/ mngon par rdzogs par sangs rgyas so// de'i tshe de dus su de nyid la chos thams cad kyi de bzhin nyid 'char te/ yang de'i tshe de'i dus su rnam pa thams cad mkhyen pa'i ye shes kyis/ grol bas grol ba'i lam ston par 'gyur ro// sangs rgyas pa'i thabs mchog tu gyur pa bstan pa'i le'u ste bdun pa'o// dAr N+ya r+ya bu mA NA dz+nyA ShI/ a pra ti nA ma/ g.yu'i lu ma la bram ze'i bu mo dngul gyi bum pa 'gengs pa'i man ngag/ byang chub sems dpa' sems dpa' chen po/ rgyal mtshan gyi rtse mo la nor bu rin po che btags te/ mi des yongs su mchod pa cher byas na/ don 'thun pa rjes su grub pa ltar/ snying po byang chub mchog gi thig le/ bka' lung gi phyi mor shes shing rig na/ chos thams cad kyi mdo dang rgyas par shes par 'gyur ro// lung thams cad las grol bar 'gyur te/ sems can gyi don 'jol tog tu spyad kyang / rang gi ngo bo mi 'gyur ba'i dpe rgya mtsho dang chu bran gyi tshul lo// byang chub kyi snying la byang chub kyi myu gu smin

  48. 24b

    pa'i dus su// mtshan ma thams cad rang grol du rang shar ba'o// dogs pa'i 'du shes thams cad rab tu nye bar zhi nas me long gi ngo la nyi ma shar ba lta bu'o// thugs rje la dbri dkrol med pa'i le'u ste brgyad pa'o// wa khra rA g+hAn+ya/ pA n+ta kA T+ya d+ha ShAm+b+ha/ gcan gtsan gyi rgyal po seng ge la/ ti pa ril bu lcags thag 'dogs pa'i man ngag/ byang chub sems dpa' rnams rab tu nyon cig/ thugs rje chen po nam mkha' klong yangs kyi rgyud ni dpangs mtho/ rdo rje brjed gnod kyi rgyud ni gting zab/ thig le dum dum khrigs kyi phyogs ni brtag dka'// gang zag rnams kyi chos ni dpe thog tu lus pas// rnam par grol ba'i ye shes thob pa ni shin tu dka' na/ gzugs kyi phung po phyi snod kyi 'jig rten ye shes kyi gzhal med khang rgyan ma bkod par bas// brten pa'i ye shes rang rdzogs te// sangs rgyas kyi sa nas sangs rgyas kyi zhing du bgrod du med pa'i lam la dbugs kyi rta la skad cig ma la seng ge mchod stabs lta bu'o// nang bcud kyi 'jig rten nyon mongs pa lnga rang byung gi sangs rgyas lnga// sku mdog dang phyag mtshan rgyan dang cha lugs mtshan dang dpe byad du mngon par sangs rgyas te/ thugs rje thams cad kyi 'byung gnas tshad med pa bzhi'i sgo rang byung du bstan pa'o// snod bcud gnyis su med pa'i ngang nas/ rang byung gi 'byung ba chen po ye

  49. 25a

    shes rang chas su gnas pas// sgyu ma lta bu'i sku rang snang gi 'od gsal bas// bde ba chen po chos kyi skus khyad du 'phags so// skyes bu snying stobs dang ldan pas rtogs pa khyad par can la spyod pa ni/ nam mkha' sgra nam mkha' la thim pa bzhin no// thig le nyag gcig rtog ge ba'i spyod yul min par bstan pa'i le'u ste dgu pa'o// A mya ha hu wa/ ma hA dz+nyA ya hAk+ta kA ya/ rgyal bu rtsibs kyi mu khyud/ nam mkha'i 'ja' zur du 'jug pa'i man ngag byang chub sems dpa' sems dpa' chen po/ chos thams cad la spyod pa'i mtha' ma skyes par/ rtog pa'i mtha' mi chod do// gang yongs su ma shes par gang gis yongs su sgrib bo// gang yongs su ma blangs pas/ gang gi mthar mi ltung ngo // gang gi mthar ma ltung bas/ kun gyi bdag nyid chen po zhes bya'o// 'dod pa med par nye bar len pa/ ye shes kyi phung po dang / 'jug pa med pa rdo rje'i snying po'i lam du 'jug pa/ gnas pa med pa kun tu bzang mo/ spros pa thams cad nye bar zhi ba/ bdag nyid med pa'i bdag nyid chen po/ snying po byang chub la mngon par bzhugs pa'o// shes bzhin du mi gnas par bstan pa'i le'u ste bcu pa'o// ta kha la a ka pa/ sarba tA thA g+ha DA ba dz+ra ha a U/ rdol ba lag sha na'i bu mo sma sha grong rgyun ma/ lha'i dbang po brgya byin la bag mar 'gro ba'i man ngag/ thog

  50. 25b

    ma rang bzhin lhun gyis grub pa'i sangs rgyas/ rgyu dang rkyen la rag ma lus pas/ tha ma rkyen dbang mi 'gro ste/ chos thams cad kyi thugs bo/ rtog pa mngon du gyur pa'i sangs rgyas chos kyi sku zhes bya ba ma bcos pa/ rang byung dang rang snang dus mtshungs pa/ rtsol ba'i nad thams cad spangs pa/ shes bya la thogs pa med pa/ gzhi de kho na nyid rang gi yul du byed pas/ rang byung dang rang byung gi ye shes gnyis chu dang lan tshwa'i ro lta bu'o// ma rig pa rig par shar ba'i le'u ste bcu gcig pa'o// b+hA t+ya tamya/ tsA tshA dza dz+nyA/ sman gyi chu mig mgo gsum la/ bye brag thams cad 'du ba'i man ngag/ lung ti ka chen po bzhi dgongs pa thams cad kyi phug bstim pas/ sangs rgyas thams cad dang mnyam par sbyor ba'i man ngag la/ rgyud thams cad kyi snying po sangs rgyas 'dus pa man ngag gi rgyud dang / lung thams cad kyi mdo lung bam po gsum pa dang / man ngag thams cad kyi de mas ti ka chen po bzhi'i bon po'o// dper na smra ba'i gung shing lta bu ste/ chos thams cad kyi snying po rdo rje sems dpa' thugs kyi gsang ba/ don gyi ye shes shes rab rang byung du bstan pa'o// phyi nang snod bcud sde snod thams cad 'di yi khongs su ma 'dus pa med pas/ bka' rdzogs pa chen po zhes bya/ bye brag chu la 'du ba lta bu ste/ brda dang don du 'byor ba'o// chos thams cad kyi

  51. 26a

    bdag nyid gcig par bstan pa'i le'u ste bcu gnyis pa'o// A sa a kha/ badz+ra pA ni prA sA rA ta NA tA 'du pra yA na ma hi/ g.yung drung gi ka ba bzhi steng na/ rin po che sna lnga'i mchod rten rang byung ste/ mu tig gi 'khor lo la/ rin po che byur bu'i rgyal mtshan btsugs nas/ g.yu'i bya khu byug skad lan gsum sgrogs pa'i man ngag/ thun mong ma yin pa'i dgongs pa khyad par du 'phags pa'i rgyud bzhi la/ man ngag gi rgyan lngas sbas te/ bshad rgyud gsum gyis shes pa'i mtha' bkrol nas/ sangs rgyas ye shes kyi lus can du rnam par grol ba'i dus na/ chos thams cad la ma rmongs pa'i shes rab lhag pa rang byung du skye bar 'gyur te/ brda dang sgra dang lung ston pa bde ba can las kyang gsung rig pa'i khu byug sgra sgrogs par 'gyur ro// chos can dang chos nyid mi 'gal bar bstan pa'i le'u ste bcu gsum pa'o// rta s+yag+ma/ m+ba d+ha laM'ahaM sa 'du d+hA hrI sAM b+ha saM b+ha/ ma pham gi mtsho la/ gser gyi nya mo 'gyu ba'i man ngag/ shes rab kyi bdag nyid ting nge 'dzin gyi dbang du gyur te/ thabs dang shes rab gnyis su med pa las/ chos kyi dbyings kyi ye shes rang bzhin gyis gsal ba'i dus na/ ngang kun tu bzang mo mkha' klong / rnam par dag pa'i klong na/ yid rang byung gi ye shes chen po/ nam mkha'i mthongs nas gsal ba'i sgron ma drag po shar ba'i tshul te/

  52. 26b

    de nyid rang byung rang zhi bar snang gi mthongs na 'byung ba'i rlung byung ba'i dus su/ 'byung ba'i dang snyigs dbye ba'i tshul du sems dang ye shes 'byed pa'i dus su/ bag mo dang reg pa'i tshul te/ rkyen 'jug pa'i mtshan nyid mkhas pas brtag go/ rtogs pa'i ngang la bzhag pa'i le'u ste bcu bzhi pa'o// b+hung b+ha 'du ma ha g+ha lI swa 'du d+har mA tsaN+Da lI d+harma krA ya shrI ny+dza swa pA rti A a ha/ gangs ti se'i kha nas chu bo chen po bzhi 'bab pa'i man ngag/ man ngag gi bka' chen po bzhis chos thams cad kyi de bzhin nyid gtan la dbab pa ni/ rig pa'i chos kyi sku rdo rje tshig gsum gyis gtan la phab ste/ dpe don rtags dang gsum gyis man ngag thams cad kyi mtha' gcad la/ rang gi mtshan nyid kyi yul du gzhag pa dang / chos thams cad blo'i yul du shes par byas te/ bsgom bya'i yul du mi gnas par bya ba dang / dgongs pa nyag gcig yul du snang ba'i dus su/ chos thams cad kyis ma bcings ma bkrol ba dang / rang byung gi ye shes dang rtogs pa'i ye shes mi phyed pa'i dus na/ bdag nyid chen po mi gnas pa'i ye shes su ma skyol dang // sangs rgyas kyi bden pa mthong ba'i dus su phyir ldog pa'i mtha' yod de/ bdag gi de kho na nyid brtag pa'i shes rab kho nas brtag go/ lta ba thams cad kyi mdo/ rgyud thams cad kyi phyogs/ sgra gcig gi brda bco lnga bstan

  53. 27a

    pa'i man ngag/ rin chen spungs pa'i mdo/ yang nas yang du sbas pa'i gter/ rje'i bla dpe po ti sbu gu bse khong nag gi glegs bam/ dga' rab rdo rje rgya'i bkra shis khri sgo nas ston nas nyid kyi thugs dam du bcangs nas/ baN+Di ta rim par brgyud pa'i gzhung / bi ma las rje'i phyag tu gtad de mkha' 'gro ma'i rgyas btab bo// rjes rta ngang pa gser sgong la/ za phug stan phab dngul gyi sgo gser gyi pa tra can btad nas/ kha gser dang kha g.yu dar zab dang / phra men gyi sgyogs su dkrugs pa phul te/ yang nas yang du zhus pa lags so// sangs rgyas 'dus pa man ngag gi rgyud le'u bco lnga pa rdzogs so// // rgya gar skad du/ shrI many+dzu tan tra du/ bod skad du/ 'jam dpal 'dus pa'i rgyud/ 'jam dpal ye shes sems dpa' la phyag 'tshal lo// 'di skad bdag gis zos pa'i dus gcig na/ 'og min du ni bzhugs nas ni/ sangs rgyas sems can rgyab gyis dus/ 'khor gyi rdo rje sems dpa' la/ yang ti nag po'i bstan pa shar/ sdud byed ro langs bde bas bsdus// gleng gzhi'i le'u ste dang po'o// de nas rdo rje

  54. 27b

    sems dpa' yis// kye ston pa kun tu bzang po lags// rdzogs pa chen po'i don chen la// dbang la bskur ba'i don rnams dang // lam sbyang bgrod tshogs bsag pa dang // sgrib sbyang dam tshig dkyil 'khor dang // lha sgom sngags bzlas ting 'dzin dang // sbyin dang tshul khrims smon lam dang // de rnams don kyang bshad du gsol// ces zhus so// 'jam dpal 'dus pa'i rgyud las/ zhus pa'i le'u ste gnyis pa'o// kun tu bzang pos bka' stsal pa// nyon cig rdo rje sems dpa' che// bla ma'i ngag/ rig pa gcer bu bzung ba dang // rig pa gos dang nga bral ba dang // gzung 'dzin zhags pa bcad pa'o// 'bring dang tha ma'i man ngag go/ rab kyi dpe yang rnam gsum ste// rgya mtsho sbu ba nam mkha'i sprin// ut+pal yi mdog bzhin no// yang na dpe cig 'di lta ste// pa na se'i 'bras bu bzhin// gzhi las 'das pa med pa'o// zhes gsungs so// 'jam dpal 'dus pa'i rgyud las/ gnas lugs la ngo sprod pa dang ma grol ba grol bar bya ba'i le'u ste bco lnga pa'o// de nas rdo rje sems dpa' yis// bcom ldan kun tu bzang po la// legs zhes ni rab bstod nas// bdag cag shin tu yi rangs te// rgyud chen 'di la ming 'dogs zhu// zhes gsungs so// kun tu bzang pos bka' stsal pa// nga'i byin bshad rgyud chen 'di// 'jam dpal ye shes

  55. 28a

    'dus par zung // thams cad gang yang ma lus rdzogs// thams cad 'dus pa'i rgyud du zung // sangs rgyas rang 'khrungs bstan pas na// sangs rgya 'dus pa'i rgyud du zung // ye shes rang la bstan pas na// ye shes khong shar rgyud du zung // lha sgom spyod pa sun 'don pas// lhun grub rang chas rgyud du zung // zhes gsungs so// zhu ba po rdo rje sems dpas zhus// bsdud pa po ro langs bde bas bsdus// 'jam dpal 'dul ba'i rgyud las// mtshan ma'i le'u ste bcu drug pa'o// yang ti nag po 'bru gcig pa rdzogs so// rgya gar skad du/ hri da ya dz+nyA na thu la du ta tra ta gu h+ya tan tra/ bod skad du/ snying po ye shes bcud 'dus thig le gsang ba'i rgyud/ thig le ka dag mthong brtol gsang ba'i ye shes la phyag 'tshal lo// 'di skad bdag gis ci yang ma thos gang du yang ma mtshon// bsam brjod dmigs las 'das pa yi// ming med mtha' stongs dus mtha' med pa na// chos dbyings ka dag klong na// snying po skye med ming med ston pa yis// ye shes gsal ba'i 'khor la thig le gsang rgyud bstan// dus kyi rgyal po thog/ mtha' med pa'i dus// sdud pa po ni gsal dag ni rin chen no// zhes phun sum tshogs pa'o// de nas ye shes gsal ba yis// thig le gsang ba'i ston la// phun sum tshogs pa'i don ni de ltar na// gnas

  56. 28b

    lugs ming med ji ltar gnas pa yin// snying po bya ba'i rang bzhin gang // de la ye shes gsal ba'i ngo bo ji ltar bshad// bcud spungs zhes ni gang la bgyi// thig le'i ngo bo ji ltar lags// gsang ba shes pa gang ltar lags// rgyud kyi ngo bo nges tshig ji ltar lags// thig le'i gnas ni gang na bzhugs// thig le'i 'khor ni ci yis bskor// thig le gsang ba'i rang bzhin gang la bgyi// thig le gsang ba'i rtog thabs gang // thig le gsang ba'i don rtogs na// rtsol sgrub bya btsal mi 'tshal lam// de skad ces zhus pa'o// zhes gsungs so// snying po ye shes thig le gsang ba'i rgyud las// 'khor gyis gleng bslangs pa'i gleng gzhi'i le'u ste dang po'o// // de nas ye shes gsal ba yis// thig le gsang ba'i ston pa la// gnas lugs ming med ji ltar yin// zhes zhus pa dang / ston pas 'khor la bka' stsal// ming med rang bzhin mtshan brjod las 'das kyang // 'khor gyi rtog pa bsal ba'i phyir// mun khung gser sgron lta bur bshad// de la gnas lugs mi med rang bzhin ni// thog ma tham med pa'i don// ming med blo 'das dngos po ci yang med// dngos med sna tshogs kun gzhi bskyod pa'i gzhi// rnam pa kun ldan gang du grub pa med// lhun grub phyogs lhung rgya chad med pa'o// rgyu yis ma bskyed rkyen gyis mi

  57. 29a

    'jig pa// gnyis snang brtags zhe na mtshon pa'i tshig las 'das// mi mngon mi snang bstan du dngos po med// skye med chos sku'i ming yang yod ma yin// gang yang ma grub cing yang mi snang dus tsam na// gzhi dang rlung gi ming yang med// 'od dang zer gyi ming yang med// snying po dang yan lag gi ming yang med// chos nyid dang chos can ming yang med// gzhi dang rtsal gyi ming yang med// ngo bo dang mtshan nyid kyi yang med// shes pa dang snang tshul gyi ming yang med// ngo bo rang bzhin thugs rje gsum gyi ming yang med// sku gsum yid 'khor gsum gyi ming yang med// shes dang ma shes ming yang med// rgyu dang rkyen gyi ming yang med// rig pa dang ma rig pa ming yang med// rang sa zin dang ma zin ming yang med// 'khrul lugs gsum gyi ming yang med// sems dang rig yid ming yang med// sems kyi gsal cha lnga yi ming yang med// 'od gzugs rigs gzugs bag chags sha gzugs min yang med// dug lnga sku lnga ming yang med// sangs rgyas zhing khams khams gsum 'khor ba'i ming yang med// de ni gang yang med pa'i sngon rol na// ming med blo 'das thog ma'i gnas lugs yin// mtshon brjod tshig las 'das pa ste// rnam pa kun ldan gang du grub pa med// thig le chen po mi g.yo mi 'gyur ba// tshig tu brjod pa'i yul ma

  58. 29b

    gyur// dper bya kun la 'das pa ste// sangs rgyas sems can gnyis kyi gzhi// thog ma'i gnas lugs ming med bstan pa'o// zhes gsungs so// snying po ye shes bcud spungs thig le gsang ba'i rgyud las// gnas lugs ming med bstan pa'i le'u ste gnyis pa'o// // de nas ye shes gsal ba yis// thig le gsang ba'i ston pa la// snying po ye shes rang bzhin ji ltar lags// zhes zhus pa dang // ston pas 'khor la bka' stsal pa// snying po rang bzhin brjod med kyang // 'khor gyi go ba bskyed pa'i phyir// dpe dang don du sbyar la bshad// 'khor rnams ma yengs yid la zung // dper na a ru ra dang mar gyi snying po bzhin// mar ni khal gcig bzhu brtul nas// bre bzhi bre gang dag tu bsdus pa mar gyi snying po yin// de bzhin nyon mongs brgyad khri bzhi btul nas/ skye med chos sku rtogs pa snying po yin// sman gyi rgyal po a ru ra'i snying po yin// a ru ra la phyi nang gsum yod de// de bzhin phyi nang gsang ba rnam pa gsum// phyi shun sprul pa'i sku yin no// nang shun longs spyod rdzogs pa'i sku// snying po gsang ba'i chos sku yin// skye med 'gyur med don gyi snying po'o// rang bzhin ji ltar yin zhe na// skye ba med pa'i rang bzhin yin// ma 'gags rtsal zer rang bzhin yin// gnyis med rang grol rang bzhin yin// rgyu rkyen skye 'jig med pa

  59. 30a

    yin// 'pho 'gyur bya btsal med pa rang bzhin yin// lhun grub brgya chad med pa yin// kun gyi 'byung gnas bskyed pa'i yin// 'khor 'das kun gyi bskyed gzhi ngo bo grub pa med// snying po rang bzhin ka dag chos sku'o// zhes gsungs so// snying po ye shes spyod spungs thig le gsang ba'i rgyud las// snying po rang bzhin bstan pa'i le'u ste gsum pa'o// de nas ye shes gsal ba yis// thig le gsang ba'i ston pa la// ye shes gsal ba'i ngo bo ji ltar shar ba lags// zhes zhus pa dang / ston pas 'khor la bka' stsal pa// ming med blo 'das ngang la skye 'gag gnyis med kyang // snying po'i rtsal las gsal ba'i ye shes shar// gzhi yi rtsal la rlung gi 'od zer 'das so// 'od de kha dog lnga ru shar// dkar po ser po dmar po// ljang gu mthing nag lnga yi 'od// de la zer mdangs lngar shar ro// zer de 'od de'i rtsal yin te// mdangs ni ye shes lnga yi mdangs// 'od zer dkar po me long ste// ser po mnyam nyid ye shes so// 'od zer dmar po kun rtog ye shes te// ljang ku nan tan ye shes yin// 'od mthing chos dbyings ye shes yin// mdangs ni gsal dag mdangs lnga'o// de yang ji ltar shar ba yin zhe na// ye shes zang thal ngo bo ste// gsal mdangs chen po'i rtsal du shar// 'od gsal chen pa'i rtsal du shar// gsal dag chen

  60. 30b

    po'i rtsal du shar// rang byung chen po'i rtsal du shar// rang slag ngang dwangs rtsal du shar// ngang dwangs rang sangs rtsal du shar// snang dag rang grol rtsal du shar// dbye bsal med pa'i rtsal du shar// gzung 'dzin med pa'i rtsal du shar// dgag sgrub spong len med pa'i rtsal du shar// snang srid 'khor 'das rtsis gdab med pa'i rtsal// snang brtags dngos po'i chos rnams nga'i ye shes rtsa du shar// zhes gsungs so// snying po ye shes bcud 'dus thig le gsang ba'i rgyud las/ ye shes gsal ba'i ngo bo ji ltar shar ba bstan pa'i le'u ste bzhi pa'o// // de nas ye shes gsal ba yis// thig le gsang ba'i ston pa la// bcud spungs zhes ni gang la bgyi// zhes zhus pa dang / ston pas 'khor la bka' stsal pa// bcud ni snying po skye ba med// spungs ni ka dag chen por spungs// bcud ni ming med mtha' bral te// spungs ni 'byed pa med par spungs// bcud ni gting mtha' yas pa ste// spungs ni mtha' mtha' grol bar spungs// bcud ni dngos med zad ka ste// spungs ni byar med blo 'das spungs// bcud ni ming med mtha' stongs te// spungs ni blo 'das chen por spungs// bcud ni mkha' klong rnam dag ste// spungs ni snang srid 'khor 'das spungs// bcud ni kun gyi 'byung gnas te// spungs ni skye 'gul yod med rtag chad spungs// bcud ni kun gyi spyi/

  61. 31a

    zab ste// spangs ni sgo 'gro'i sems can spangs// bcud ni chos nyid 'dus ma byas// spangs ni chos can mtshan ma spangs// bcud ni snang rtags dngos pa chos// spangs ni brtags snang gral bar spungs// bcud ni dngos po'i chos rnams kyi te// spungs ni dbye gsal dgag sgrub med par srungs// bcud ni yod med rtag chad snang ba'i chos rnams te// spungs ni rang grol rang sangs rtsis gdab med par spangs// bcud spungs zhes pa de la bgyi// zhes gsungs so// snying po ye shes bcud spungs pa'i thig le gsang ba'i rgyud las/ bcud spungs kyi nges tshig bstan pa'i le'u ste lnga pa'o// / de nas ye shes gsal ba yis// thig le gsang ba'i ston pa la// thig le'i ngo bo ji ltar gnas// zhes zhus pa dang // ston pas 'khor la bka' stsal pa// thig le'i ngo bo ngas bstan gyis// 'khor rnams ma yengs gus pas nyon// thig le'i ngo bo chos sku yin// thig le'i rang bzhin 'gyur ba med// thig le'i mtshan nyid phyogs ris med// thig le'i mtshan nyid mu mtha' grol// thig le las ni mtha' rnams gcod// thig le'i rtsal ni sna tshogs pa// thig le'i shugs ni rang grol sangs// thig le spros pa'i mtha' dang bral// thig le mtshon pa'i yul las 'das// thig le rang bzhin dngos med stong // thig le'ang ngo bo ka dag 'od

  62. 31b

    rab gsal// thig le'i thugs rje 'gag pa med// thig le yon tan shugs la 'char// thig le'i 'phrin las thogs pa med// thig le stong pa chos kyi sku// thig le 'od gsal longs spyod rdzogs pa'i sku// thig le 'gag med sprul pa'i sku// thig le'i yon tan dbyer med sku// thig le'i phrin las don dam bde chen sku// rang bzhin ngo bo thugs rje las// mchog gi dang po sku gsum 'chang // sangs rgya sku lnga'i bdag nyid can// zhes gsungs so// snying po ye shes bcud spungs thig le gsang ba'i rgyud las/ thig le'i dngos po bstan pa'i le'u ste drug pa'o// // de nas ye shes gsal ba yis// thig le gsang ba'i ston pa la// gsang ba'i rang bzhin ji ltar lags// gsang ba zhes pa gang la gsang // zhes zhus pa dang / ston pas 'khor la bka' stsal pa// gsang ba za ba mo'i bdag bstan pa// gsang ba'i bdag gam 'di bstan gyis// 'khor rnams ma yengs gus pas nyon// gsang ba ni bstan du med pa// mtshon du med pa/ tshig dang yi ge sa mtshon pa las 'das pa'o// gsang ba zhes pa'i rang bzhin ni ye gdod ma nyid nas dag pa/ gsal ba ma 'dres pa yongs su rdzogs pa'o// gsang ba zhes pa'i ngo bo ni// ye thog gdod ma nyid nas/ skye ba med pa ma 'gag pa/ mtshan nyid med pa/ dngos po med pa/ ngos gzung med pa/ ye dag

  63. 32a

    pa/ ye gsal ba/ ngo bo med pa/ mtshan ma med pa/ rgyu med pa/ rkyen med pa/ gnyen po med pa/ 'pho ba med pa/ 'gyu ba med pa/ brlag pa med pa/ mi zhum pa/ mi rgud pa/ gzhan snang las grol pabapa/ bdag gzhan gzung 'dzin grol te dbye gsal rtsi gdab/ 'dod rlom ming tshig bsam brjod blo'i yul las 'das so// gsang ba zhes pa'i mtshan nyid ni// gzhi dang rtsal kyang gnyis su med// snying po yan lag gnyis su med// 'od dang zer kyang gnyis su med// shes pa snang tshul gnyis su med// shes dang ma shes gnyis su med// rig dang ma rig gnyis su med// rtog dang ma rtogs gnyis su med// sangs rgyas sems can gnyis su med// 'khor ba myang 'das gnyis su med// 'khrul dang ma 'khrul gnyis su med// yul sems gzung 'dzin gnyis su med// snang la bzang ngan spong len dgag sgrub med// yin min dbye bas rtsis gdab med// dgra gnyen phyogs ris chags sdang med// snang srid dngos po'i chos rnams dbye gsal rtsi gdab med// de ni thig le gsang ba'i mtshan nyid do// gsang ba 'di ni gang lags zhe na// ston pa la zhus pa dang / ston pas 'khor la bka' stsal ba// thig le gsang ba'i gang zag ni// skal med shes rab chung ba dang // dad med brtson 'grus chung ba dang // dam med thos pa chung ba dang // blo

  64. 32b

    ngan sdig sbyong khrel med dang // nga rgyal che la ser snas bcings// 'dod chags gti mug zhe sdang me ltar 'bar// g.yo sgyu zong 'tshong grogs mched slu// rin chen med par thabs kyis 'dod// de rnams ldan pa'i gang zag la// thig le gsang rgyud gsang zhing gdam par gsungs// slob ma dam nyams las log dang // 'khus dang 'dus par 'ongs pa dang // dam dgra ngan pa'i ngang tshul can// bsgral ba'i zhing bcur gyur ba dang // sdig spyod dge smod slob dpon la mi gus// bla ma gsang zhing rang che 'byin// dad dang dam tshig shes rab med// nams kyang sbyin par gsungs so// bsgral ba'i zhing bcur gyur pa la// ye shes gsang ba'i tig le gsang ba 'di// nam yang bstan par ma gsungs so// snying po ye shes bcud spungs thig le gsang ba'i rgyud las// gang la gsang ba'i yul ngan pa la mi bstan pa'i le'u ste bdun pa'o// // de nas ye shes gsang ba yis// thig ler gsal ba'i ston pa la// thig le'i gnas ni ga na bzhugs// de na thig le gang gi bzhugs// thig le'i rang bzhin ji ltar gnas// thig le'i 'khor ni gang gi bskor// thig les 'dul ba'i zhing khams gang // thig le'i yon tan ji ltar lags// ces ston pa la zhus pa dang // ston pas 'khor la bka' stsal pam// thig le bzhug pa'i gnas bstan pa// phyi nang gsang

  65. 33a

    ba gsum yin no// phyi yi gnas ni mkha' klong rnam dag gzhal yas khang // nam mkhas gar khyab blo yis mkhyud tshad yul phyi gnas su bstan pa min// de na thig le rang byung zad thal rang grol bzhugs// 'od gsal rang sangs 'khor gyis bskor/ snang srid phyogs med rang grol 'dul// yon tan mu med mtha' yas stongs// 'bras bu mthong brtol snang dag go/ nang gi gnas ni bstan pa ni// tsit+ta rang na za ba ra'i gzhal yas khang // ngar dkar gur phub rtsa brgyad pad+ma'i dbus// chos nyid rtsa la rten bcas pa'i// thig le gsang ba'i yang snying bzhugs// ye shes lnga yi 'khor gyis bskor// dug lnga rnam rtog nyon mongs 'dul// yon tan thams cad sangs rgyas zhing // 'bras bu yang dag sangs rgyas yin// thig le gsang ba'i gnas bstan pa// gnas ni med gting mtha' yas// chos dbyings gsang ba'i pho brang yin// snying po ka dag gzhal yas khang // thig le snying po skye med ka dag mtha' bral bzhugs// phyi nang gsang ba 'khor gyis bskor// phyi yi 'khor ni rigs lnga ste// rnam par snang mdzad rdo rje sems dpa' dang // rin chen 'byung ldan dang // snang ba mtha' yas dang // don yod grub pa'i 'khor dang rnam pa lnga'o// nang gi 'khor ni 'od lnga ye shes lnga// mthing nag chos kyi dbyings kyi ye shes dang // 'od dkar po me

  66. 33b

    long lta bu'i ye shes dang // 'od zer po mnyam pa nyid kyi ye shes dang // 'od dmar po so sor kun tu rtog pa'i ye shes dang // 'od ljang gu bya ba nan tan grub pa'i ye shes dang lnga ste// nang gi 'khor ro// gsang ba'i 'khor ni/ mdangs lnga dang / dwangs ma lnga'i ye shes so// mdangs lnga'i 'khor ni/ chos sku'i mdangs dang / longs sku'i mdangs dang / sbrul sku'i mdangs dang / chos nyid kyi mdangs dang // snying po rang byung rol pa rtsal mdangs dang lnga'o// drangs ma lnga yi ye shes kyi 'khor ni// rang dwangs kyi ye shes dang // rang sangs rgyas kyi ye shes dang // ngang dwangs kyi ye shes dang / rang gsal dag rang grol gyi ye shes dang lnga'i 'khor te/ phyi nang gsang ba gsum gyi 'khor gyis bskor ro// 'dul ba'i zhing khams ni dug lnga nyon mongs kyi sems la sogs te/ mtha' yas mu mtha' grol gzhi snying pa'i klong du sdud cing / rang sa zin pa la 'khrul pa thams cad sangs par gcod par byed cing snying po'i klong du sdud do// 'bras bu ni bsam gyis mi khyab ste// rang rang rtogs pa'i shugs sam/ las sam yon tan thams cad btsal ba med par grub pa'o// zhes gsungs so// snying po ye shes bcud spungs pa'i thig le'i bzhugs gnas 'kharo 'dul ba'i zhing khams yon tan 'bras bu ru bcas pa'i le'u ste brgyad pa'o// / de nas ye shes gsal ba

  67. 34a

    yis// thig le gsang ba'i ston pa// thig le gsang ba'i rtogs thabs gang // zhes zhus pa dang / ston pas rtogs thabs thugs kyi bcud phung bshad// 'khor rnams ma yengs gus pas nyon// rad na pra bar bi da dz+nya tra ta dz+nyA na d+ha ra du ya/ thig le gsang ba'i yang snying rtogs thabs la/ bya btsal bcas spyos mi bya ste// bya ba thams cad btang ba ni// ri khrod dgon par gcig pur bsdad// tha ma spun zla nye drung yul dang rdzas kyi 'brel ba bcad// rang tsho'i rdzas khyer chos dang sems su bsre// bsre ba'i gdams ngag g+hu ru dag la zhus// kye ma e ma skal ldan kun// rang sod dam// yul phyin nam/ brlag gam/ rlung skur ram/ phyags mas 'thebs sam/ ri snyil lam/ rdza phyogs sam/ me sod dam/ chu bo che rgal lam/ drang ba dang sgrog nas khrol lam/ mun pa'i smag ru sol lam// gsal ba'i nyi zla shar du chug/ mtshon cha'i 'khor lo bskor la gang 'phrad sprad na sa chod// khyi phag bya sbrul khra dang spre'u sod// ri bo spang gis thob la rgya mtsho 'khrogs chod kyis// nam mkha' gos su gyon la sa gzhi stan du thing // sgron ma lag par thogs pa 'dza' tshon rgyal mtshan gyis// nor bu rin chen chongs la bdud rtsi khrigs chod kyis// zas kyi bcud zo gos kyi thag chod cig/ de yis thig le gsang ba rtogs// zhes gsungs so// de rnams

  68. 34b

    brda'i sgo nas rtogs thabs so// tshig gi sgo nas rtogs thabs ni// rnam pa gsum du shes par bya// snying po'i 'od dang rtsal zer ro// snying po skye med chos kyi sku// 'od 'di 'od gsal ka dag klong // rtsal zer ma 'gags kun tu khyab// de gsum ston yang 'di ltar ste// snying po'i dkyil 'khor na// thig le gsang ba'i nyi ma shar// 'od lnga gsal ba'i 'khor gyis bskor// rtsal zer gsal dag rang bzhin med// de yi gdams ngag ti ka 'di ltar ste// chos dbyings rnam dag gsang ba'i gzhal yas na// ka dag 'od lnga gsang ba'i gzhal yas na// thig le gsang ba'i yang snying bzhugs// 'od lnga gsal gdangs 'khor gyis bskor// yang snying gsang ba'i nyi ma rtogs pa las// rtsal lnga rang sar dwangs// gsal dag ngang dwangs gdams pa'i gnad mchog yin// zhes gsungs so// snying po ye shes bcud spungs thig le gsang ba'i rgyud las// tig le gsang ba'i yang snying rtogs thabs gdams ngag gi ti ka bstan pa'i le'u ste dgu pa'o// // de nas ye shes gsal ba yis// thig le gsang ba'i ston pa la// thig le gsang ba'i yang snying nges tshig ji ltar lags// zhes zhus pa dang // ston pas 'khor la bka' stsal pa// de yi nges tshig zab par bshad// 'khor rnams ma yengs gus pas nyon// thig ni snying po 'gyur ba med// le ni 'od

  69. 35a

    gsal ka nas dag/ gsang ba bstan du med pa yin// yang snying ming yang med pas mu mtha' yas// de phyir thig le gsang ba'i yang snying yin// thig ni snying po skye ba med// le ni 'od gsal 'gag pa med// gsang ba de gnyis gnyis med yin// yang snying dngos med zang ka yin// de phyir thig le gsang ba'i yang snying yin// thig le ni nyid 'pho 'gyur med// le ni rang byung rgyu rkyen med// gsang ba blo yi yul ma gyur// yang snying chos sku 'gyur med yin// thig ni skye med chos kyi sku// le ni 'gag med longs spyod sku// gsang ba ka dag dngos med sku// yang snying mtshon 'das blo'i 'das sku// de phyir sku bzhi dbyer med yin// thig ni mu med gting mtha' yas// le ni ngang dwangs snang grol// gsang ba chos nyid rtsis gdab med// yang snying bcud 'dus gtams pa'i gnad// de phyir thig le gsang ba'i yang snying yin// zhes gsungs so// snying po ye shes bcud sprugs pa'i thig le gsang ba'i rgyud las// thig le nges pa'i tshig bshad pa'i le'u ste bcu pa'o// // de nas ye shes gsal ba yis// thig le gsang ba'i don rtogs na// bya rtsal rtsol sgrub mi 'tshal lam// zhes zhus pa dang / ston pas 'khor la bka' stsal pa// gong ltar thig le gsang ba'i don rtogs na// bya btsal rtsol sgrub ci yang mi dgongs so// bya

  70. 35b

    btsal byed na theg pa 'og ma yin// spyan 'dren phyag mchod byed na theg pa 'og ma yin// dkyil 'khor lha bskyed dbang bskur theg pa 'og ma yin// lha sgom spyod 'bras bsgrub pa theg pa 'og ma yin// de'i phyir gsang ba 'di la bya btsal rtsol ba'i nad dang bral// bya btsal rtsol sgrub ci yang mi dgos so// lta ba lta byed rtsol ba med// sgom pa sgom med rtsol ba med// spyad bya spyod byed bya btsal med// bsgrub bya sgrub byed rtsol sgrub med// gtor tshogs mchod rtsol sgrub med// tsha tshwa chu gtor chos spyod rtsol sgrub med// 'khor ba bya ba'i las rnams la// bya btsal rtsol sgrub med de gcod la gzhag/ thig le gsang ba'i don rtogs na// bya ba btsal rtsol sgrub ci yang mi dgos so// zhes gsungs so// snying po ye shes bcud spungs thig le gsang ba'i rgyud las/ bya btsal rtsol sgrub ma dgos par bstan pa'i le'u ste bcu gcig pa'o// // de nas thig le gsang ba'i ston pa la// ye shes gsal ba'i 'khor gyis 'di skad zhus// rgyud kyi ngo bo nges tshig ji ltar lags// zhes zhus pa dang / ston pas 'khor la bka' stsal pa// rgyud kyi ngo bo nges tshig bstan pa ni// 'brel dang ma tshang med phyir dang // phun sum tshogs pa'i nges tshig dang // rgyud kyi rang bzhin ston pa ni// rang bzhin rgyun du gnas pa'i phyir// ye shes rgyun chad med pa'i rgyud// rgyud kyi dbye ba

  71. 36a

    bstan pa ni// don gyi klung dang chag glang rnam gnyis las// de las bya bas bsam gyis mi thab blang // re zhig bgrang na 'ad saH// zla ba'i klung dang spyad pa'i slad dang // rnal 'byar gyud// zan med pa'i rgyud dang // pha'i rgyud dang / ma'i rgyud dang / ma bla na med pa'i rgyud dang // snying po gong na med pa'i rgyud dang // sku'i rgyud dang / gsung gi rgyud dang / thugs kyi rgud dang / yon tan phrin las rgyud dang // rtsa ba'i rgyud dang / bshad pa'i rgyud dang / yan lag rgyud dang / bskol ba dum bu'i rgyud dang / bskyed pa rgyal po'i rgyud dang // btud pa bram ze'i rgyud dang // dgags pa man ngag rgyud dang / 'tshams sbyor gnyis med blon po'i rgyud dang // gsal ba nyi zla'i rgyud dang / yangs pa nam mkha'i rgyud// dgos 'dod 'byung ba nor bu rin po che'i rgyud dang // spyi ti rdzogs chen gnya' gcod rgyud sde ni// nyi zla 'bar bas gnam sa go 'byed pa khams gsum yongs sgrol gyi rgyud dang // rin po che'i nyi zlas mkha' klong rnam dag snang srid gsal dag rgyud dang // nyi zla 'bar ba'i rgyud dang / nyi zla sbyor ba kha mun dbyer med kyi rgyud dang // mkha' klong nyi zla'i 'od 'bar gti mug mun sel gyi rgyud dang // rgyud thams cad kyi spyi phud mkha' klong nyi zla'i 'od 'bar rgya mtsho'i klong gsal gyi rgyud dang // rgyud thams cad kyi spyi rjes nyi zla bkod pa nam mkha' dang

  72. 36b

    mnyam pa'i rgyud dang // ma rig ye shes go 'byed snang gsal nyi zla'i rgyud dang // nyi zla rgyal po stong khams 'od 'bar ba'i rgyud dang / nam mkha'i nyi zla rgyal po mu med mtha' yas kyi rgyu dang / rin po che nyi zla brtsegs pa'i rgyud dang // rin po che nyi zla 'od 'bar sgrib g.yogs mun sel mkha' klong rnam par dag pa'i rgyud dang // rgyud kyi rgyal po nyi zla 'od gsal ba'i rgyud dang // mkha' klong nyi zla'i 'do 'bar gnas go/ 'byed pa'i rgyud dang // de rnams ni yang ti nyi zla'i snying po gong na med pa'i rgyud de// gsal ba nyi zla lta bu'i rgyud do// yangs pa nam mkha' lta bu'i rgyud ni// rgyud kyi rtse rgyal nam mkha' lta bu'i rgyud ni// rgyud kyi rtse rgyal nam mkha' klong 'dus byar med blo 'das kyi rgyud dang / nam mkha' dbyings zab bdud rtsi bcud 'dus kyi rgyud dang // mkha' klong nyi zla'i 'od 'bar gnas sa pa'i go 'byed 'od nam mkha' dang mnyam pa'i rgyud dang / mun snang go 'byed pa snang srid 'od 'bar khams gsum yongs sgrol gyi rgyud dang // nam mkha' klong yangs kyi rgyud dang // bka'i bcud 'dus rgya mtsho klong gsal gyi rgyud dang // gti mug ka dngas 'od nam mkha' dang mnyam pa'i rgyud dang / mun snang ka dag 'gro drug rtsad gcod kyi rgyud dang / ma rig sgrib g.yogs ka dag pa'i stong khams 'od du 'bar ba'i rgyud dang / rgyud kyi rtse phud nam mkha'

  73. 37a

    mtha' yas kyi rgyud dang / rgyud kyi rgyal po nyi zla bkod pa'i stong khams bcud khengs kyi rgyud dang / snying po ka dag thugs kyi bcud 'dus pa'i rgyud dang / snying po ye shes bcud spungs thig le gsang ba'i rgyud dang / sgron ma 'bar ba'i rgyud dang / sgron ma brtsegs pa'i rgyud dang / sangs rgyas kun gyi dgongs pa'i bcud 'dus ra po brtsegs pa'i rgyud dang / snying po ye shes bcud 'dus spungs nam mkha' klong sa yangs kyi rgyud dang / gnam thog klong rgya mtsho klong 'babs chu srin nor bu'i rgyud dang / rin chen spungs pa'i rgyud dang / rin po che gter snying rgyud dang / rin po che spyi nad skyon sel gyi rgyud dang / rin po che snang gsal spu gri 'bar bas 'khrul snang rtsad nas gcod pa nam mkha' dang mnyam pa'i rgyud dang / rin po che rigs drug g.yang sa gcod pa'i rgyud dang / rin po che bcud kyi yang snying spros gcod rtsa ba'i rgyud dang / spros pa gcod pa sde lnga'i rgyud dang / snang srid la sbyor bdud rtsi bcud thigs 'khor ba thog mtha' gcod pa'i rgyud la sogs te/ rgyud sde ji snyed cig bzhugs pa'i rgyud kyi dbye ba'o// rgyud kyi dgos pa na thog mtha' gnyis kyi gras thag bcad pa'o// rgyud kyi phan yon ni nyon mongs dug lnga 'khor ba'i sdug bsngal sel zhing thar pa dang bde 'gro sangs rgyas kyi zhing khams rnam par dag par skye'o// rgyud kyi ldang tshad ni

  74. 37b

    brgyad do// rgyud kyi ngo bo ni snying po'i rang bzhin dus dang rnam pa thams cad du 'pho 'gyur med par gnas pa'o// rgyud kyi mtshan nyid ni khyab la 'brel ba nya'i rgya lta bu'o// dgos pa ni srang gi nyag ga lta bu'o// dbye ba ni lag pa'i sor mo lta bu'o// phan yon ni rtsi ma gi rta lta bu'o// rgyud mtshon pa'i dpe ni mi rgyud chu rgyud gzhung rgyud do// de rnams ni rgyud kyi rang bzhin bstan pa'o// zhes gsungs so// snying po ye shes bcud du spungs pa thig le gsang ba'i rgyud las// rgyud kyi ngo bo nges tshig dbye ba bstan pa'i le'u ste bcu gnyis pa'o// // de nas ye shes gsal ba yis// thig le gsang ba'i ston pa la// rgyud kyi mtshan dang gtan rgya ji ltar lags// zhes zhus pa dang / ston pas 'khor la bka' stsal pa// chos rnams snying po yang ti yo gar gsungs// snying po bcud kyi yang snying spungs// de phyir snying po bcud spungs// de phyir snying po bcud spungs rgyud du zung // ye shes gsal ba'i ngo bo thig le gsang rgyud las// ye shes thig le gsang ba'i rgyud du gsungs// theg pa'i bcud rnams bsdus nas bstan pa'i phyir// theg pa bcud 'dus bya bar zung // dgu rtse bcud 'dus rje rgyal bas// theg pa gnya' stsol rtse rgyal bya bar zung // zhes gsungs so// rgyud ni gtad pa'i slob ma ni// bla ma la gus shes rab che// dam tshig gzhung bsrung rnam

  75. 38a

    smin 'dzes// smras pa mi 'gyur gtong phod che// de la rgyud 'di gtad par bya// slob ma snod dang mi ldan slob bu ni// nga rgyal che la dam tshig med// brtse gdung chung la shes rab med// chags sdang che la gtong phod chung // le lo che la sdig la rngam// log lha skye zhing sgro skur 'dogs// slob dpon gsang zhing rang che byin// g.yo sgyu chos brel zong du 'tshong // khrel med dam nyams sdig can la// gser g.yu gter yang ma byin cig/ de la byin na dmyal bar skye// de bas snod kyi khyad par gces// zhes gsungs so// snying po ye shes bcud spungs thig le gsang ba'i rgyud las/ snod bzang ngan gyi khyad par bstan pa'i le'u ste bcu gsum pa'o// de nas thig le gsang ba'i sgron ma yis// 'khor la bstan pa 'byung ba'i dus bstan pa// lnga brgya dus yi tha ma la// rtsod pa'i 'dab rgyas byed dus su// de dus yang ti yo ga 'byung // sangs rgyas sku dang gsung gi bstan pa nub// thugs kyi bstan pa dar ba'i tshe// de dus yang ti yo ga 'byung // ma thub rnam gsum byung dus su// 'byung ba sa yi gter ma thub// skye 'gros blo gtad gnyen ma thub// mkha' 'gros sbas pa'i gter ma thub// de dus yang ti yo ga 'byung // zhes gsungs so// snying po ye shes bcud spungs thig le gsang ba'i rgyud las/ bstan pa 'byung ba'i dus bstan pa'i le'u ste bcu

  76. 38b

    bzhi pa'o// snying po ye shes bcud spungs pa thig le gsang ba'i rgyud rdzogs so// / rgya gar skad du/ sa ma re ta da ha ru ka ra da na b+ha tha ta na tra nA ma/ bod skad du/ rin chen rdzogs pa ye shes rang 'bar ba'i rgyud ces bya ba// bam po gcig pa/ bcom ldan 'das dpal kun tu bzang po la phyag 'tshal lo// 'di skad bshad pa'i dus na/ ma lus mi lus lus pa med pa'i rang shar ba'o// chos nyid klong chen brdal ba che// 'gyur med kun gyi snying po srog go/ dbyer med rab shar ye shes gtso// gsang ba dag mthar thug don gyi snying po shar// don gyi ngo bo sku gsum thig ler 'bar// yang dag ngo bo dbye gsal med pa la// ye shes rgyan gyi sgo nas gsum du bshad// dang po chos nyid bar do lam du khyer pa yang // don gyi go ba drug tu bshad par bya// dug gsum sgo gcod phyag rgyar skye// ye shes gsal gdangs sgron me 'bar bar gtad// rig pa'i 'od zer rlung sgrom hUM du dbyung // dbugs kyi rlangs pa a dkar spyi gtsug 'phros// 'chi ka bar do 'di ka'i man ngag gsum// srid pa bar do bag chags man ngag gsum// a ba d+ha ti stong sangs lam na yar// chos nyid rig pa 'od zer rang byung gsum// ye shes

  77. 39a

    gdangs gsal sgron me a ru 'bar// hUM gsum ye shes rtags te rlung sgrom hUM du 'gyur// a ni chos nyid rtags te sgron me gdangs gsal 'char// lam du 'gyer pa drug po bstan pa yang // dang po sku gsum gnas lugs bstan pa yang // de la gsum du shes par bya// sha khrag sbubs dang 'od kyi sbubs// rin chen gsang ba'i sbubs dang gsum// sha khrag sbubs la phyi nang gsang ba gsum// a ba d+ha ti dngos med gsang ba'i gnas te gzha' ru 'bar// 'khor lo bdun rnams nang gi gnas te spros med pad+ma 'bar// kha sna bug pa phyi yi gnas te sha khrag dngos po 'bar// sbrul sku gsang ba'i gnas nyid na// sprul pa'i chos sku gnas pa ste// de yang kun gzhi'i rtsal yin pas// a pa d+ha ti'i nang na yar// ye shes a dkar sdang la brgyus// rang grol chen por kra la la// spyi gtsug pu ga dbyings nas thon// stong sal chen por bya la la// sbrul ska nang gi gnas nyid ni// ye shes chen por bkrag shar ba// 'khor lo bdun rnams 'od du 'bar// thig le rnams ni a ru khrol// gsang ba'i dbang por a dkar 'babs// chos rnams thams cad pad+ma 'bar// bde ba stong rig lus la 'bar// tsog pur 'dug la 'og rlung bsdams// lus rnams a ru kra la la// de yang sbrul sku longs spyod sku// chos sku'i rtsal las ye

  78. 39b

    shes blangs// d+ha ti 'di 'od kyi rtsal shar bas// shangs kyi rlung sgrol 'bar ba nas// rang byung ye shes dbugs kyi rta// ma bcos rig pa hUM du byung // chos sku'i mdangs la ye shes bkrag/ srog pa rtsa yi nang na mar// zlog byed dbus kyi oM du grol// bde ba chen por phya la la// dbugs ni 'od rlangs rang byung la// oM hUM ye shes rang grol lo// de nas ye shes sprul pa'i sku// sbrul sku'i ngo bo hUM oM dbugs su 'byung // sbrul sku'i rang bzhin dngos med ye shes shar// sbrul sku'i mtshan nyid rang grol phyogs ris med// sprul pa'i sku la shes rab spyan 'char te// rig pa stong la dang pa ye shes sbrul sku'i spyan// bde gsal rang grol ye shes sbrul sku'i spyan// stong gsal chen por 'char bas ye shes sbrul sku'i spyan// sbrul sku'i spyan ni sna tshogs la// sgyu ma 'od kyi sbubs na phyi nang gsang ba gsum// mchog gi 'od gsal gsang ba'i gnas te ye shes 'od du 'bar// drangs ma lnga rnams nang gi gnas de sgrib med gsal bar shar// tsit+ta rin chen spyi yi gnas te nyi zla pad+mar 'bar// snying 'di kha phye pad+ma dngos yin te// snying tshil dkar dmar nyi zla pad+ma'i gdan// snying tshil dmar po ye shes bkrag ste phyogs med kun la gsal// snying tshil dkar po chos nyid rtsa ste kun la longs spyod byed// snying tshil dkar po 'od gsal bkrag ste bsam pa rang grol

  79. 40a

    yas// dwangs ma lnga yis rang bzhin dang // ye shes gdangs shar 'od kyi dwangs ma yang // dngos med dper bstan srin bu me khyer tsam// rtags ni sgron me 'bar ba'i rang 'od do// 'od gsal mdangs shar gnyis kyi drangs ma yang // dngos med dper bstan me long la nyi shar tsam// rtags ni lus kyi sgra dang khas spu'o// rtsa lnga rang shar dbugs kyi drangs ma yang // dngos med dper bstan dri med spos dud tsam// rtags ni rlung sgrom dbugs su 'gyur ba'o// thig le rang shar khrag gi dngas ma yang // dngos med dper bstan gser gyi sbu gu tsam// rtags ni lus kyi bkrag nyid do// 'bru lnga rang shar rtsa'i drangs ma yang // 'od du gnas de dar dkar skud pa tsam// rtags ni lus kyi bu ga tsam stong sangs so// a ba d+ha ti zhes ni brjod pa yang // chos nyid btsal de ye shes mdangs// dwangs ma'i bkrag de bde ba'i gnas// de yang dngos po ma grub ye shes 'od du 'bar// phra sbom tshad ni rta rnga brgyar bkas tsam// ring zung tshad ni bcu drug tshangs par 'thon// ngo bo stong gsal ye shes 'od du 'bar// rang bzhin sku gsum 'bras bu sku gsum du gyes// yal ga gsum du gyes te gdangs gsal rig pa'o// mtshan nyid rtsal dang rang grol rang byung gsum// de yang bshad cing bstan pa dngos por dbye ba med// mchog gi 'od gsal

  80. 40b

    gsang ba'i gnas nyid na// longs spyod rdzogs pa'i chos kyi sku bzhugs te// ye shes gdangs la phyi nang dbye ba med// ye shes bkrag la kha dog sgrib byed med// ye shes rang bzhin dngos po rdzas su med// gdangs gsal ye shes kun gyi dngos gzhir gyur// dwangs ma lnga yi gnas na longs spyod rdzogs sku bzhugs// spros pa med par kun la longs spyod byed// dngos med phyi nang kun tu gsal bar shar// gos med sdug bsngal sna tshogs nges med spyod// bdag med rtag la rgyu med rig pa shar// 'gyur med rang grol gdangs gsal long spyod sku// tsit+ta rin chen phyi'i gnas longs spyod rdzogs pa yis// sbrul sku bzhugs pas mno ba thams cad rang yal chen por gnas// bsam pa thams cad rang grol chen por gnas// bya ba thams cad rang grol nam mkha'i bya lam 'dra// gzung 'dzin thams cad nyi/ ma'i 'od zer 'dra// sgyid sdug thams cad rgya mtsho'i rba rlabs 'dra// 'khor 'das thams cad nam mkha'i rang bzhin 'dra// chos nyid can gyis sa phyogs med por gzigs// de yang chos sku'i rtsal la ye shes gdangs chen shar// ye shes gdangs la chos sku rtsal chen shar// ye shes gdangs la 'od gsal bkrag mdangs shar// 'od gsal bkrag las 'bru la rtsa lnga 'bar// 'bru lnga'i 'od las rtsa bran stong sangs

  81. 41a

    lam// rtsa bran rtse la rig pa rang 'od 'bar// sgo lnga'i 'od las snang ba sgyu ma 'char// de yang ma bcos 'das pa'i lam ste ye shes rlung nyid do// dbang po 'bru lnga bkrag shar drangs ma lnga ru shar// drangs ma lnga yi mdangs shar a ba d+hA tir shar// a ba d+hA ti rlangs shar dbugs dang rig pa 'gyur// dbugs dang rig pa'i lam nyid khas sna gnyis nas 'char// de yang rang byung las kyi rlung ste 'khor ba'i lam nyid do// dngas ma lnga yi rtsal shar don snying lnga ru shar// don snying lnga yi rtsal shar sha khrag rus pa smin// de yang las kyi dad pas 'byung ba'i snyigs ma'o// rin chen gsang ba'i gnas la phyi nang gsang ba gsum// kun gzhi klong yangs gsang ba'i gnas te chos dbyings chen por brdal// ye shes rtsa lnga nang gi nas te phyogs med spros dang bral// rin chen sgron ma phyi'i gnas te gdangs gsal dwangs ma sangs gzung 'dzin dmigs pa med pa'i gdung sel rin chen gnas// kun gzhi'i gnas nas chos sku'i chos sku rnams// sems la rgyu rkyen med pas 'khor 'das rtsa ba chod// sems la dngos po med pas dbyer med snying por shar// sems la 'gyur ba med pas kun gyi rten du gnas// sems la kha dog med pas kun gyi nyi mar shar// sems la spros pa med pas 'khor 'das thams cad khyab// ye shes rtsa lnga'i nang gi

  82. 41b

    gnas nyid na// chos kyi sku yi longs spyod rdzogs sku bzhugs// rtsa lnga nang gi a dkar rtsa gcig ni// gsal ba kha dog med par bar snang gdangs dang 'dra// snang ba rang bzhin med pa chu yi zla ba 'dra// grol ba dngos po med pa bar snang zer bu 'dra// de yang skye med stong gsal chen po'o// rin chen sgron ma phyi yi gnas nyid na// chos kyi sku yi sprul pa'i sku bzhugs te// snang la rang bzhin med pa ye shes sprul pa'i sku// gsal la rtogs pa med pa ye shes sprul pa'i sku// ye shes chen po'i spyan 'char te// chos nyid spyan la 'byed pa med par gsal// ma bcos rig pa'i spyan ni phyi nang 'gag med gsal// ma ltas ye shes spyan ni sgrib byed med par gsal// 'gyur med chos sku'i spyan ni khyab brdal chen por gsal// don gyi dwangs snyigs dbye ba bstan pa yang // sbrul sku'i drangs ma 'bru lnga'i rtsal te rang gsal 'bar ba'o// sbrul sku'i snyigs ma gzung 'dzin shes pa sna tshogs 'char ba'o// sbrul sku'i drangs ma snang ba a de stong sangs chen po'o// sbrul sku'i snyigs ma hUM hUM oM dbugs te// bde sdug 'char ba'o// sbrul sku'i dngas ma rang snang gsal ba phyi rol sgyu ma 'bar// sprul pa sku'i snyigs ma chags zhing chen pa dngos por snang ngo // longs sku'i dwangs ma 'od gsal gdangs// longs sku'i snyigs ma 'od gsal bkrag/ longs sku'i

  83. 42a

    dngas ma rtsa lnga'i gdangs// longs sku'i snyigs ma a dkar bkrag/ longs sku'i dngas ma gsal ba'i gdangs// longs sku'i snyigs ma snang ba'i 'od// chos sku'i drangs ma phyogs med klong // chos sku'i snyigs ma ston pa'i ngang // chos sku'i dngas ma stong gsal dbyings// chos sku'i snyigs ma spros med brdal// chos sku'i dwangs ma 'gyur med dgangs// chos sku'i snyigs ma snang med gsal// chos sku'i snying po kun gzhi'i klong // longs sku'i snying po 'od gsal gdangs// sbrul sku'i snying po 'bru lnga bkrag/ chos sku'i 'od zer bkrag/ longs sku'i 'od zer ye shes rtsal// sbrul sku'i 'od zer sgo lnga'i gdangs// don gyi ma bu sprad pa yang // sbrul sku'i ma ni rig pa'i bkrag/ sbrul sku'i bu ni yid kyi blo// sbrul sku'i ma ni sgo lnga'i gdangs// sbrul sku'i bu ni snang ba'i yul// sbrul sku'i ma ni gnas pa'i a// sbrul sku'i bu ni hUM dbugs// des na dbyer med longs sku'i rtsal// longs sku'i ma ni stongs sangs dbyings// longs sku'i bu ni phyogs med gsal// longs sku'i ma ni stong pa'i rtsal// longs sku'i bu ni ye shes 'od// longs sku'i ma ni dngas ma lnga// longs sku'i bu ni phung po lnga// des na longs sku rang 'od 'bar// chos sku'i ma ni 'gyur med klong // chos sku'i bu ni ye shes gdangs// chos sku'i ma ni stong pa'i rtsal// chos sku'i bu ni rig

  84. 42b

    pa'i 'od// chos sku'i ma ni sgron ma'i gdangs// chos sku'i bu ni snang ba'i gdangs// chos sku'i ma ni d+ha ti'i 'od// chos sku'i bu ni thig le'i rtsal// chos sku'i ma ni stong sangs lam// chos sku'i bu ni rtsa bran tshogs// des na thams cad chos sku'i 'od// don gyi ngo sprad bstan pa yang // 'od gsal lta ba'i thabs can ni// nyi ma phyed dus gyur pa'i tshe// gtan bde lus dang gan rkyal nyal// chos kyi sgron mas shes rab dgab// ye shes sgron mas thabs kyi sbubs su dril// lha ni stong gsal rig pas lta// nyi ma'i snying po steng la mer te mchog gi 'od gsal rtags// gsal ba'i gdangs la 'od kyi spus su 'khyil te 'od gsal thig le rtags/ gsal ba'i zer rnams phyogs med 'phro te ye shes rtsal lnga'i rtag/ de rnams da lta nyams su blangs pa dang // 'od kyi zer la rig pa bcings kyi 'jus la 'gro// da lta tshig rtsub ngang gis rang gis dor// 'od mdangs sbubs la bltas la nyams dga'i shes pas 'gro// snying po'i dkyil du phyin la phyogs med chen por lta// srid pa'i bar do lta sgom spyod pa'i thabs// bar do'i snang ba med par sangs rgyas so// de rnams rang grol shes na 'das pa'i lam// rin chen shes la ngo sprad na// skar khung nyi ma shar ba'i tshe// gdangs la gsal ba'i shel phyar te// grib ma'i gseb tu 'od lnga 'char// 'od lnga'i

  85. 43a

    mdangs la 'od kyang 'phyar// gdangs gsal shel ni d+hA ti'i rtags// 'od lnga drangs ma lnga yi rtags// 'od kyang 'phro ba sgo lnga'i rtags// 'od rang gsal 'dug pa la// sgom zhing btsal du med pa yin// gdangs gsal shes pa nyid sems nyid brtags// 'char ba'i 'od lnga 'od gsal rtags// 'od kyang 'phro ba rig pa'i rtags// gdangs gsal shel ni 'bru lnga'i rtags// 'char ba'i 'od lnga dug lnga'i rtags// 'od kyang 'phro ba'i 'khrul pa'i rtags// des na dug lnga 'khrul pa yang // spang du med de sems nyid rang // sgrub tu med de chos sku dang // btsal du med de ye shes gdangs// ye shes me long ngo sprad pa// me long nang du snang ba rgyun mi 'chad// me long ngos la gos shing 'gyur ba med// nam mkha' stong pa'i me long la// snang ba'i gzugs brnyan ci shar yang // nam mkha'i klong la gos shing 'gyur ba med// sgo lnga 'phrul gyi me long la// snang ba'i gzugs brnyan ci shar yang // sgo lnga'i klong la gos shing 'gyur ba med// 'bru lnga'i ye shes me long la// rig pa'i 'du 'phro ci shar yang // 'bru lnga mdangs la gos shing 'gyur shi med// kun gzhi snying po me long la// skye shi 'gyur ba'i chos can ci shar yang // kun gzhi'i klong la gos shing 'gyur ba med// me long gdangs gsal chos kyi sku// lha mkhan ye shes rig pa'i

  86. 43b

    gdangs// gzugs brnyan sprul pa'i sku yi sa// des na me long dag la 'phrul gyi sku// dang po 'chi ba'i ltas bstan te// nam mkha' g.yu 'brug sgra chad na// zhag ni nyi shu rtsa gcig thub// bar ni glog lcam 'od yal na// zhag ni bcu bzhi bcu drug thub// sa yi sems pa'i phra ngan na// zhag ni lnga'am bdun nas 'chi// de ni mtshan ma'i 'chi ltas te// de rnams zlog pa'i thabs chen yang // nam mkha' g.yu 'brug sgra chad na// thun mong zlog pa'i thabs chen yang // tshogs 'khor rab 'bring tha ma btang // khyad par zlog pa'i thabs chen yang // bde gshegs spyi gtsug steng du byon// byang chub chu rgun spyi bo'i gtsug tu thim// snang srid thams cad 'od kyi phung por zhu// dug gsum phung po 'od po che// bar gyi glog lcam 'od yal na// thugs kyi dkyil nas ye shes nyi ma shar// 'od zer thams cad pa spu'i gseb nas 'bar// ting nge 'dzin gyi bzlog thabs so// thun mong rdzas kyi bzlog thabs kyang // slob dpon rnams la gsar ba'i dbang bskur zhu// sa la sems pa'i pra ngan na// thun mong rdzas kyis ldog pa yang // mi rus khyi rus rta rus gsum// ras kyi thum bu'i khud du dril// phyi ru sreg cing che nges gdab// chos ston rab 'bring rgyu dang sbyar la bya// ting nge 'dzin gyi bzlog pa yang // phung po yi dam lha ru bsams// khog pa a dkar yig 'brus

  87. 44a

    gang // ba spu'i gseb nas a dkar yig 'bru 'phro// tshe dang longs spyod a dang yig 'brus bsdus// bdag la thim pas shin tu gsal bar gyur// cis te las dbang gyur na// 'pho ba'i thabs chen bstan pa yang // grong po grong 'jug 'pho thabs ni// bdag nyid 'od kyi phung po 'bar// nam mkha'i mthongs su bde gshegs sku bsgoms la// 'od kyi 'jam rnams bde gshegs thugs khar thim// yi dam lha yang gsal la 'gag med shar// 'du byed las kyi bskyod srid na// grong po grong 'jug 'pho thabs chen po yang // nang gi 'brel thag bcad na phyi yi stobs rnams 'chor// mkhal ma chu yi rtsa nyid mcher pa sa'i rtsa la thim// kha sna chu mang rkang lag 'dar zhing smad rnams lci ba'o// mcher pa sa yi rtsa rnams snying nyid me yi rtsa la thim// lus kyi stobs shor sha rnams shor nas 'gro// snying nyid me yi kha rnams mchin pa shing gi rtsa la thim// lus kyi sha khrag yal nas phyi ru drod rnams 'bar// mchin pa shing gi rtsa nyid glo ba rlung gi rtsa la thim// phyi nang rngam pa'i dgod cing sgyu ma'i zas dang bral// glo ba rlung gi rtsa rnams dngas ma lnga la thim// phyi ru rngam pa 'byung len nang du rngub mi shes// gsang ba'i mkhar lnga zhig na dbang po'i sgo lnga 'gags// rtsa yi drangs ma zhig pas lus rnams gtad dang 'byar// khrag gi dwangs ma yal bas dang po'i

  88. 44b

    mdog bzhin nyams// drod kyi dwangs ma yal bas lus kyi drod rnams yal// dbugs kyi dwangs ma yal bas dbugs kyi rgyu ba chad// 'od kyi drangs ma yal bas rig pa brgyal nas 'gro// brgyal ba sangs nas mchog gi 'od gsal 'jig pa'i 'od dpung mthong // de yang chos sku'i gdangs yin the tshom med pas 'gro// thig le rnams ni gdug pa'i gcad gzan mthong // de yang ye shes bkrag yin nyams nga med pa'i shes pas 'go// ye shes rtsa lnga bkrag pa'i mtshon char babs// de yang ye shes zer yin tsham tshom med pas shes pas 'gro// mi shes thig le drug rnams lam du 'char// dpa' bo 'bru lnga ye shes klong du mthong // da lta goms shing shes pas bya ba rtsigs su che// grong 'kho grong 'jug 'pho thabs ni// mdun du yi dam 'dra 'bag bzhag/ yi dam khong pa hUM gis dgang // rlung sgom nyid nas hUM 'phros te// yi dam thugs kha hUM la thim// hUM rdzogs lus dang thugs khar thim// stong gsal chen por me re re// dam nyams gshis ngan bdud byung na// lus rnams ye shes 'od du 'bar// mno ngar rtsa'u sor gnyis pa// lhag pa'i bdud khung nyid du brdeg/ dag pa sbrul sku'i 'pho thabs yang // lus po 'od kyi 'ja' ru bsgom// khog pa a dkar yig 'brus dgang // ba spu'i gseb nas a dkar 'phros// snang srid a ru me

  89. 45a

    re re// rig pa a ru bkra la la// thams cad stong par phya la la// nyin par nyams su blangs pa'i thabs// nyal khar nyams su blangs pa yang // snying gi dkyil nas shes rab nyi ma shar// ba spu'i gseb nas 'od zer phyogs bcur 'phros// dran rig thams cad stong par wa la la// ma yengs nyal bar nyams su blangs// chos kyi sku ru 'pho thabs ni// rig pa rin chen sgron med gtad// gsal ba thams cad ye shes sgron me yin kha dog med// dper na bar snang stong par nyi ma shar ba 'dra// snang ba thams cad sems nyid rang snang yin// dper na rgya mtsho nang gi chu gzugs 'dra// dngos po thams cad chos nyid kloslong // dper na nam mkha'i che 'phrul sprin dang 'dra// bcos pas mi 'chos kun gzhi 'gyur med klong // bltas pas mi mthong chos sku rang gsal bkrag/ sgom pas mi rnyed snying po byang chub sems// 'pho 'gyur med do bde chen klong // bgrod 'jug med do chos dbyings nyi ma brdal// nam mkha' mthong na stong nyid dran par gyis// smig sgyu mthong na sgyu ma dran par gyis// bar snang mthong na lta ba dran par gyis// chu gzus mthong na bsgom pa dran par gyis// sdug bsngal mthong na dge sbyor dran par gyis// sna tshogs mthong na nges med dran par gyis// sems can mthong na rang grol dran par gyis// na tsha mthong na yi dam dran

  90. 45b

    par gyis// 'byung ba mthong na 'od gsal dran par gyis// bred cing drangs par mthong na rmi lam dran par gyis// the tshom za ba mthong na bka' rgyud dran par gyis// rin chen rdzogs pa klong yangs che// rtsa rlung thig le rdzogs par bstan pas thig le gsum gyis bskor// ces rang la rang grag go/ rin chen rdzogs pa ye shes rang 'bar ba'i rgyud ces bya ba thig le gsum gyi 'bras bu mchog chen po rdzogs so// d+harma ka ya ma hA nA ma/ 'khor 'das thams cad chos dbyings chen po'i klong // snang srid thams cad ye shes chen po'i gdangs// snod bcud thams cad byang chub sems kyi ngang // skye shi thams cad rgyal ba chos kyi sku// bde sdug bsngal thams cad shes rab gsal ba'i gdangs// chags zhen thams cad rang byung rig pa'i rtsal// snang gsal thams cad rang byung ye shes bkrag/ gnyis snang 'khor ba spros pa byang chub sems// yul lngar 'bar ba drangs med shes rab gsal ba'i gdangs// khams gsum 'khor ba'i rig pa rang byung gi gdangs// skra dang ye shes shes rab kyi gdangs// 'jig rten 'khrul pa yid blo rig pa'i rlangs// 'das pa'i bsam blo shes rab rlangs// dngos med snang ba rgyal ba chos kyi sku// snang med gsal ba shes rab ye shes kyi 'od// phyogs med 'char ba rig pa rang byung gi 'gros// spros med

  91. 46a

    khyab pa byang chub sems kyi klong // lta ba'i mkhan po dngos med kun tu sla// dpe nam mkha' drangs pa dang 'dra// sgom pa'i mkhan po rang byung ye shes drangs te kun tu sgrib med kun tu shar/ dper nyi ma'i gnyen po dang 'dra// spyod pa'i mkhan po byang chub sems kyi ngang steng dus gsum rgyun chad med// dpe chu bo'i gzhung dang 'dra// yon tan gyi mkhan po rig pa rang byung klong ste// ma lus thams cad 'byung // dpe nam mkha'i cho 'phrul rang 'dra// 'bras bu'i mkhan po kun gzhi chos kyi dbyings te 'phel 'grib 'gyur ba med// dpe rin po che gser gling dang 'dra// chos sku'i rgyal po sna tshogs snang yang // ngos zung med pa'o// dper nor bu rin po che dang 'dra'o// shes rab rgyal pos thams cad mkhyen pa dang 'byed pa med pa'o// dpe nyi ma'i snying po dang 'dra// ye shes kyi rgyal pos thams cad gsal te kha ga med pa'o// dpe bar snang la nyi ma shar ba dang 'dra// bde ba'i rgyal po chos dbyings klong ste gos pa med pa'o// dpe rin po che shel gyi bum pa dang 'dra// rtag pa'i rgyal mo chos kyi sku ste dngos po med pa'o// dpe nam mkha'i klong lta bu'o// dngos por snang ba'i btsun mo stong nyid yum ste thams cad chos dbyings so// dpe chu dang 'khyag pa dang 'dra// ma rig rgyal po'i btsun mo rang byung ye shes yum ste thams

  92. 46b

    cad dbyer med klong // dpe rgya mtsho'i chu gzugs dang 'dra// sdug bsngal rgyal po'i btsun mo spros med chos dbyings yum ste rang bzhin grub med// dpe nam mkha'i cho 'phrul dang 'dra// re dogs 'dod pa'i btsun mo bdag med stong gsal yum ste phyogs med brdal ba'o// dpe rin po che gser gling dang 'dra// chags pas bsdams pa'i btsun mo dngos med rang gsal yum ste ma bcos sgrib med// dpe me tog 'dam nas skyes pa dang 'dra// nga bdag rgyal po'i btsun mo phyogs med klong yangs yum ste dngos po med pa'o// dpe nam mkha'i 'brug dang 'dra'o// chos kyi dbyings kyi blon po dus gsum sangs rgyas kyi sku'i dbyings te kha dog med pa'o// dpe skos phor nang gi tsha tshwa dang 'dra// kun gzhi stong gsal gyi blon po shes rab gsal ba'i bkrag ste dngos bsam rdzas su med// dpe me long nang gi gzugs brnyan dang 'dra'o// byang chub sems kyi blon po rig pa rang byung zer te rgyu rkyen grub pa med// dpe bar snang gi ser bu dang 'dra// gsal gdangs thig le'i blon po rnam par shes pa brgyad de phyogs dang rang bzhin med// dpe 'od dang zer dang 'dra// 'khrul pa yid blo'i blon po snang gsal sgo lnga'i gdangs te stong la sangs par gnas te// dper na bar snang la 'ja' shar ba dang 'dra ste// kun gzhi'i sras po tshangs pa'i

  93. 47a

    rig bya spros pa med pa'o// dpe shing bal gyi 'dab ma dang 'dra// ye shes kyi sras po sgron me'i gdangs te snang ba rang grol du shar// dpe chu dang gza' skar dang 'dra// sems nyid kyi sras po tsaka kra'i sgra ste stong la rang sangs so// dpe brag cha'i sgra snyan dang 'dra// shes rab kyi sras po pad+ma'i ro ste chags pa rang grol lo// dpe pho mo'i dga' bde dang 'dra// rig pa'i sras po rlung sgrom hUM ste rang byung 'char ba'o// dpe bar snang gi ser bu dang 'dra'o// yang chos kyi dbyings// ma byang rnam dag byang chub lam// thig le spros bral ye shes rtsal// thams cad rdzogs pa klong yangs che// bde ba byang chub sems kyi rgyud rdzogs so// / @#// rgya gar skad du/ dz+nyA na ga ya hi pa re/ bod skad du/ ye shes snang ba'i mdangs rang 'bar ba'o// bcom ldan 'das dpal kun tu bzang po la phyag 'tshal lo// 'di skad bshad pa'i dus na// thams cad mnyam pa nyid dbyer med par shar ba'o// brdal ba ye shes klong du dag/ 'gyur med chos kyi sku ru snang // dbyer med rang grol chen po dag/ thams cad ye shes rol bar gnas pa'o// de nas de bzhin gshegs pa thams cad kyis// thams cad ye shes kyi nyi mar lus pa med par sangs rgyas pa'o// de nas rdo rje kun tu bzang pos ye shes kyi mdangs phyung

  94. 47b

    nas// kye kye phyogs bcu'i ngo bo ye nas stong // 'khor ba thams cad dag pa'i zhing // sangs rgyas thams cad 'khor ba'i lam// bde ba thams cad sdug bsngal rgyu// lha sgom thams cad 'khrul pa'i gzhi// rtogs pa'i nyams myong thams cad bslu ba'i bdud// sa la thams cad 'khrul ba'i gnas// sku gsum 'bras bu ngan song rgyu// zhes gsungs so// de nas de bzhin gshegs pa thams cad kyis// yang dag pa 'di brjod do// 'gyur med snying po chos kyi sku// 'khor 'das kun gyi snying por shar// lta ru dngos po grub pa med// gtan du kha dog dbyibs las 'das// rtogs su snying po rang bzhin med// spyad du rdzas su grub pa med// des na 'gyur med chos kyi sku// ye shes snang ba'i mdangs las// gnad bstan pa'i le'u ste dang po'o// // de nas kun tu bzang pos brjod pas// chos sku'i rang 'od brdal ba che// ye shes nyi ma sgrib med shar// dbyings kyi rnam pa phyogs dang bral// klong chen yangs pa kun gnas ces brjod// de nas kun tu bzang pos brjod pa// phyogs ris med pas mtha' dang bral// yangs dog med pas tha snyad bral// ngos bzung med pas gnyis snang bral// byas pa med pas 'dus byas bral// zhes gsungs so// de nas rdo rje sems dpa' brjod pas// kun gzhi stong pa'i ngang nyid

  95. 48a

    las// dngos po snang ba ci ltar lags// chos sku snang ba 'gyur ba med pa la// skye shi 'byung ba ji ltar lags// ye shes kha dog med pa la// snang ba 'char ba ji ltar lags// sems nyid spros pa med pa la// 'khor 'das 'byung ba ji ltar lags// rig pa dngos po med pa la// gnyis snang 'byung ba ji ltar lags// chos nyid 'du 'bral med pa la// zhen chags 'byung ba ji ltar lags// kun gzhi stong pa'i ngang nyid las// bag chags sog pa ji ltar lags// ye shes snying po zang thal la// ma rig 'byung ba ji ltar lags// chos sku chos dbyings chen po la// dug lnga 'byung ba ji ltar lags// chos sku thig le nyag gcig la// sa lam 'byung ba ji ltar lags// ye shes snying po rang byung la// sdug bsngal 'byung ba ji ltar lags// ye nas snying po dbyer med la// 'bras bu 'byung ba ji ltar lags// zhes brjod do// ye shes snang ba'i mdangs las// dris pa'i le'u ste gnyis pa'o// // de nas kun tu bzang pos brjod pa// dngos po chos sku'i rang 'od yin// dngos po logs na yod gyur na// rig drug so la tha dad med// byang chub sems kyi rtsal snang yin// rang 'od sgro lnga'i ngo la snang // skye med ye shes rtsal shar la// sems nyid dbugs la rlangs su 'gyus// las rlung rtsal snang tha dad la// sha khrag chos sku'i rang 'od

  96. 48b

    yin// rang byung ye shes sgrib med la// snang ba sems kyi rtsal shar yin// sgo lnga'i ngo la tha dad kyang // sgo lnga ye shes rang 'od yin// ye shes 'od la tha dad med// byang chub sems la dngos po med// ye shes bkrag la las 'gyus// 'byung ba 'khor 'das tha dad kyang // sems nyid dbyings la dbye ba med// dngos med rig pa ye shes zer// ye shes zer la gnyis snang med// gnyis snang 'char ba rang 'od yin// chos nyid dbyings la 'du 'bral med// ye shes bkrag las zhen chags med// ye shes 'od la zhen chags kyang // thams cad ye shes rang 'od yin// stong nyid ye shes brdal khyab 'bar// ye shes rang 'od 'bar ba che// nam mkha'i sprin ltar dngos med par// tha dad med de chos kyi dbyings// ye shes snying po zang thal yin// ma rig ye shes 'od zer yin// tha dad med de ye shes rang // ye shes rgyal ba chos kyi sku// ye shes lnga yi rtsal shar yin// dug lnga ye shes rlangs chen yin// za dad med de ye shes 'bar// ye shes snying po bgrod med la// sa lam snang ba rig pa'i bkrag/ bgrod 'jug med pa ye shes zer// dper na nam mkha'i bya lam 'dra// ma bcos ye shes snying po yin// sdug bsngal snang ba chos nyid klong // tha dad med de ye shes zer// dper na thag pa sbrul mthong bzhin// ye shes 'bras bu chos kyi

  97. 49a

    sku// spangs thob med pa chos kyi dbyings// tha dad med pa ye shes lngas// 'du 'bral med pa chos kyi klong // tha dad 'dod pa ye shes rtsal// dbye ba med pa kun gzhi'i klong // dang po byung yang chos sku'i rtsal las byung // da lta snang yang ye shes zung du snang // tha ma grol kyang chos kyi dbyings su grol// chos sku 'gyur med ye shes de// ye nas rang byung rang shar la// bshad pas go ba ma yin no// ye shes snang ba rang drangs la// lan btab pa'i le'u ste gsum pa'o// de nas kun bzang mos gnyis su med pa 'di brjod do// kun gzhi stong pa'i ngang nyid la// dngos po sems nyid rtsal shar yin// dper na nam mkha' stong bzhin no// chos sku 'gyur ba med pa las// skye shi 'od gsal rlangs pa yin// dpe ni rgya mtsho'i rba rlabs 'dra// ye shes sgrib byed med pa la// snang ba rig pa'i rtsal shar yin// dpe ni me long gzugs brnyan 'dra// sems nyid spros pa med pa la// 'khor 'das 'char ba 'bru lnga'i rlangs// dpe ni rgya mtsho'i chu gzugs 'dra// rig pa dngos po med pa la// gnyis snang 'byung ba'i sgo lnga'i 'od// dpe ni chu dang 'khyag pa 'dra// chos nyid 'du 'bral med pa la// zhen chags 'byung ba ye shes bkrag/ dper bar snang la 'ja' shar ba dang 'dra// kun gzhi stong pa rang nyid la// bag chags 'byung ba rig pa'i zer// dpe rmi

  98. 49b

    lam bu snang la dang 'dra// ye shes sgrib med zang thal la// ma rig 'byung ba rig pa'i 'od// dpe zag pa sbrul du mtho ba 'dra// chos sku snying po 'gyur med la// dug lnga 'byung ba ye shes rtsal// dpe nam mkha'i sprin dang 'dra'o// chos sku'i thig le nyag gcig la// sa lam 'byung ba 'bru lnga'i bkrag/ dpe nam mkha'i bya lam dang 'dra// ye shes snying po rang 'byung la// sdug bsngal 'byung ba chos nyid bkrag/ dper na smig sku'i snang ba 'dra// chos sku 'gyur ba med pa la// 'bras bu 'byung ba rig pa'i rtsal// dpe nam mkha'i thog dang 'dra// zhes gsungs so// de nas ye shes de bzhin gshegs pa thams cad kyis gsungs pa// yangs so che'i chos chen po// rtogs so ye shes snying po'i sku// stong ngo byang chub sems kyi ngang // snang ngo ye shes rig pa'i gdangs// shar ro ye shes rig pa'i tshogs// gsal lo ye shes 'od gsal bkrag/ grol lo ye shes rtsa lnga'i lam// 'byung ngo las kyi rtsa bran bcu// rdo rje sems dpas brjod pa// dngos po gtan la ma phebs pa// 'gyur med rang 'byung kun gzhi'i klong // ye shes gtan la ma phebs pa// mchog gi 'od zer gsal sgrib byed med// sems nyid gtan la ma phebs pa// ye shes rtsa lnga dngas la sangs// rig pa gtan la ma phebs pa// rtsa bran par snang rtsa ru shar// kun gzhi'i klong la yangs

  99. 50a

    dog med// ye shes gdangs la phyi nang med// chos kyi sku la 'gyur ba med// rig pa'i mdangs la gsal 'grib med// sems nyid klong la 'du 'bral med// rang byung sku la rgyu rkyen med// chos sku'i bkrag la kha dog med// ye shes zer la spros pa med// chos sku'i rtsal la 'gag pa med// ye shes bkrag la sgrib byed med// rig pa'i rtsal la phyi nang med// sems nyid rtsal la tha dad med// chos sku'i 'gros la 'gyur ba med// ye shes 'gros la yangs dog med// rig pa'i 'gros la thog sdug med// kun gzhi'i 'gros la dbye gsal med// chos sku'i 'od las sna tshogs 'byung // ye shes 'od las sna tshogs gsal// sems nyid 'od las snang tshogs 'byed// rig pa'i 'od las tha dad byung // kun gzhi'i 'od las klong du 'khyil// ye shes rin chen rang 'bar ba las// theg pa chen po la bzla ba 'bras bu'i chos so// rdzogs so// // @#// rgya gar skad du/ dz+nyA na dza la b+ha mA la A hi b+ha A/ bod skad du/ ye shes bkod pa rang 'bar ba'o// bcom ldan 'das dpal kun tu bzang po la phyag 'tshal lo// 'di skad bshad pa'i dus gcig na/ thams cad tha dad med par brdal lo// phyogs med par shar ro// 'byed pa med par mnyam pa'i ngang nyid do// rang 'bar ba'i klong 'byed pa med pa'i

  100. 50b

    dang / snang ba med pa'i khyab pa/ yang dag pa'i dbyings so// 'gyur ba med pa'i sku/ dngos po med pa'i thugs rje/ ye shes chen po'i gdangs/ rang byung chen po rgyun no// dngos po med pa'i snang ba/ bdag med pa'i rig pa/ phyogs med pa'i gsal ba/ byas pa med pa'i rang shar ro// 'jig rten pa dang 'jig rten 'das// bag chags phung por snang ba 'di// zag bcas lus te skye shing snang // dbugs kyi 'gyu ba chad pa la// skye shi zhes ni brjod pa yin// 'jig rten pa zhes brjod pa yin// lta ba chags pa sgom pa 'dod pa'o// spyod pa sdug bsngal nges med kyi// skye 'gag na 'chi'i chu bo las// mi rgal mi 'da' 'jig rten pa// dngos med 'khor 'khyams sna tshogs spyod// bag chags lus la nges pa med// mya ngan 'das zhes spyod pa yang // lta ba bdag med sgom pa dngos med la// dkar po spyad pa bdag gzhan don du spyod// skye rgas na 'chi'i chu bo bzhi las kyang // rgal zhing 'das na 'jig rten 'das pa'o// ting 'dzin khyad par nges pa med// sems kyi snying po kun gzhi khyab chen la// tha dad tshig gi sgo nas phye na gnyis// phyi rol mu stegs nang pa sangs rgyas pa// 'dus byas thams cad mi rtag sprin ltar ro// 'khor ba'i chos ni sdug bsngal tshe 'byung 'dra// dngos por snang ba stong ste chu gzugs par// gzung 'dzin chos la bdag med nyi zer

  101. 51a

    'dra// de ltar shes shing rtogs na nang pa sangs rgyas pa'o// ma rtogs rtag chad mtha' la zhen na phyi rol mu stegs pa'o// mu stegs chos la lta na grangs med kyang // bsdu na rtag chad de gnyis so// rtag par 'dod pa'i lta ba grangs med kyang // bsdu na bdag rtag dngos po'i chos su grub// skad cig gnyis par mi 'gyur don byed bdag nyid can// de la rdo rje sems dpas brjod pa yang // rig pa byang chub sems nyid klong yangs 'di// rgyu rkyen med pa'i ye shes 'od re gsal// dngos po med pa'i rig pa 'od zer 'phro// de la bdag tu lta ba'i gang zag e ma 'khrul// ces brjod do// mu stegs chad pa'i lta ba grangs med kyang // bsdus na tshe 'di snga phyi med pa'i blo bur ba// las la dge sdig med la chos la rgyu 'bras med// dper na la khar me shi thal ba rlung khyer bzhin// sangs rgyas 'dod na bskal bar tshogs bsags dgos// blo bur tshe la bskal ba'i tha snyad med// des na sangs rgyas chos dang brdzun du snang // de la rdo rje sems dpas brjod pa// tshe nyid sngun ma yin pa'i gtan tshigs yin// bu chung mdangs skyes nu ma 'thung ba de// sngun ma 'asngon du song ba'i bag chags yin// sngon dus song glo bur yongs gyur na// sa rdo rnams la shes pa skye bar rigs// shes pa phyi ma 'byung ba'i gtan tshigs ni// khams gsum sems

  102. 51b

    can thams cad la// phyug stogs sgyid sdug nges med spyod pa yis// phyi ma 'byung ba nges pa'i gtan tshigs so// phyi ma mi 'byung skyid sdug spyod 'gyur na// nam mkha'i sprin yang skyid sdug yod par nges// ci phyir zhes ni spyod gyur na// nam mkha'i sprin yang blo bur 'byung ba yin zhes so// de nas kun tu bzang pos brjod pa// sems la dngos po med pas 'das pa'i sangs rgyas yin// rgyu rkyen med pa rang byung da lta'i sangs rgyas yin// gnyen po med pa rang byung ma byon sangs rgyas yin// snga phyi thog mtha' med pas brdal ba chos nyid klong // 'pho 'gyur 'jig 'bral med pas dus gsum sangs rgyas sku// blun rmongs spyod log khyed la rangs sangs thabs kyis chos// zhes brjod do// ye shes bkod pa rang 'bar ba las/ tha snyad rtsod pa'i le'u ste dang po'o// de nas de bzhin gshegs pas chos thams cad sgro 'dogs gcod pa 'dis gsungs so// ye nas snying po dbyer med la// theg pa thams cad gnyis su 'dus// sgro skur thams cad ye shes dbyings su grol// shes rab che ste chos nyid klong du 'byam// snying rje chos te phyogs ris med// de ltar shes shing rtogs na theg pa chen po yin// gang zag sems nyid stong par rtogs// chos kyi bdag nyid phyi rol stong par rtogs// de ltar shes shing rtogs na theg pa chen po'o// theg pa chung ngu

  103. 52a

    nyan thos rang rgyal gnyis// 'phags pa nyan zos lta ba grangs med kyang // mthong spangs dang ni sgom spangs gnyis su 'dus// mthong spangs phyi ni snang ba 'di// rags pa med de phra rab rdul// 'byar dang ma 'byar bar mtshams med// sil bur gnas te ne sing tshul// sgom spangs 'dzin byed shes pa 'di// dngos po med par 'char ba 'di// 'dzin byed rig pa'i 'od zer 'di// gzung bya phra rags rdul cha la// 'brel bcas 'brel med 'dzin par 'dod// nyi ma dang ni nyi zer dang // skam pa dang ni sla nga'o// yin ni snang dag rig pa'o// nyan thos spyad pa bstan pa yang // lus ni chos bdun sgo nas yang // sgyu ma'i zas rnams khad kyis bri// nyan thos sgom pa bstan pa yang // dbugs kyi rgyu ba nang du 'then// yid kyi rgyu ba rgyun bcad la// sna rtser hUM la shes pa gtad// mi g.yo ba yi ting nge 'dzin// rang rgyal lta ba bstan pa yang // phyi rol gdul bya logs na med// rig pa'i nyi 'od snang ba'o// rig pa phyi mas sngon ma bzung // dper na nyi 'od nyi zer bzhin// tha dad 'dod pa ma yin no// sgom dang spyod pa sngar dang mthun// rdo rje sems dpas brjod pa// phyi rol sems kyi rtsal snang la// sgyu mar rtogs kyis rmongs pa khyod// gdul char 'dod pas 'khrul pa yin// gzung med 'dzin pas nor pa yin// don la med pas

  104. 52b

    log pa yin// dper na smig sgyu bsnyeg pa 'dra// ye shes bkod pa rang 'bar ba las// gnyis su med par bstan pa'i le'u ste gnyis pa'o// de nas bde bar gshegs pas 'bras bu gnyis su med pa 'di brjod do// theg pa chen po dbyer med gnyis su bsdus// rgyu mtshan nyid kyi theg pa dang // 'bras bu rdo rje'i theg pa'o// the tshom thams cad chos kyi dbyings su grol// sems la sangs rgyas 'byung bar 'dod na rgyu yi theg pa yin// sems nyid 'gyur ba med par rtogs na 'bras bu'i theg pa'o// kun rdzob snang ba spang byar 'dod na mtshan nyid theg pa'o// don dam kun rdzob dbyer med rang shar 'bras bu'i theg pa'o// mtshan nyid theg pa dbu ma sems tsam bshad// sems tsam lta ba grangs med kyang // sems tsam rnam par bden pa dang // sems tsam rnam par rdzun pa dang // sgo lnga rtsal ba lta ba gsum// kha dog du ma cir snang kyang // shes pa cha med ngo bor yang // 'khor 'das thams cad byang chub sems su gsal// de yang rang rig gsal ba myong ba med// snang ba sna tshogs cir snang yang // rang rig rang gsal cha med do/ bor gcig/ sangs rgyas rdzu 'phrul cir snang yang // rang rig rang gsal brjod med ngo bor gcig/ kha dog dkar dmar cir gsal yang // ye shes 'bar ba'i rang 'od yin// rang rig rang gsal cha med

  105. 53a

    dang // kun gzhi stong pa'i rtsal shar yin// rang rig lta ba'i rmongs pa khyod// rig par 'dod na sdug bsngal rgyu// gsal bar 'dod na ngan song ltung // cha med 'dod na 'khor bar 'khyam// rang rig rgyal po phyogs med grol// ces gsungs so// dbu ma'i lta ba grangs med kyang // tshe med tshe men ston men gsum// don dam 'dod pa spros pa'i mtha' brgyad bral// yod mtha' med mtha' snang mtha' stong mtha' dang // gnyis ka'i mtha' dang gnyis ka ma yin mtha'// gcig dang du ma'i mtha' dang bral// de ni bsgrub bya yongs gcod don dam 'dod pa'o// kun rdzob 'dod pa rnam gnyis log pa'i kun rdzob dpe brgyad do// sab mo ltar mthong smig sku chur mthong dang // zag pa sbrul mthong tho yor mir mthong dang // nam mkha' skra 'dzag rmi lam longs spyod dang // rgya mtsho'i chu gzugs nam mkha'i 'ja' tshon rnams// med par snang bas log pa'i kun rdzob bo// yang dag kun rdzob gang yin pa'i// phyi rol 'byung chen lnga po 'di// rkyen las skyes la don byed nus// mthun par snang la brtags na dben// chos sku'i rtsal dang ye shes 'od kyi rkyen las skyes// sems can las kyi spyi mthun don byed nus// lha la bdud rtsi lha min go mtshon dang // mi la sa rdo byol song ngam grog dang // yi dwags rnag khrag dmyal ba me chur snang // de yang gcig/

  106. 53b

    snang ma yin tha dad par re snang // de yang chos sku'i rtsal la ye shes 'od// sems kyi bkrag shar rig pa'i yul yin pas// de nas thams cad brtags na dben pa'o// de yang dgag bya rnam gcod kun rdzob 'dod pa'o// rdo rje sems dpa' brjod pas// don dam kun rdzob dbyer med thams cad rang shar la// tha dad phyogs ris byed pa e ma rmongs pa 'khrul// thams cad chos dbyings 'gyur med brdal ba la// spros pa'i mtha' brgyad 'dod pa e ma rmongs pa gol// chos sku gting gsal ye shes klong yangs la// don dam kun rdzob dgag sgrub 'dod pa e ma rmongs pa mchog/ chos sku kun gzhi rmongs pa dngos med kun gzhir shar// khas mi len gyi lta ba e ma rmongs pa 'khrul// ces brjod do// ye shes bkod pa rang 'bar ba'i rgyud las// dbyer med par sun dbyung ba'i le'u ste gsum pa'o// de nas de bzhin gshegs pa thams cad kyis// rang shar ba 'di brjod do// skyon yon thams cad chos nyid klong du grol// 'bras bu rdo rje theg pa gnyis su bshad// phyi sa thub pa rgyud kyi theg pa dang // nang pa thabs kyi rgyud kyi theg pa'o// lta ba thams cad rang byung ye shes chen por gsal// sgom pa thams cad phyogs tshigs med pas spyan ras gzigs// snang ba dngos po med pas 'jam dpal nyid// rig pa 'du 'bral med pas phyag

  107. 54a

    rdor nyid// don dam kun rdzob gnyis su med par brdal// gtsang dang 'jigs pa'i brtul zhugs drag par spyod// 'du 'bral med pa'i ting nge 'dzin rang grol shar// 'gro ba'i don la thugs rje'i sbyor ba brtson// u pa ya nyid bdag gzhan mtha' yas 'das// don dam rnam dag chos nyid spros dang bral// 'byed pa med pa'i ting 'dzin phyogs dang bral// kun dzo ba rigs bzhi rdo rje 'bar ba 'phro// snang ba spyan ras stong pa 'jam// dbyer med phyag rdor rang grol rnam snang nyid// bden pa gnyis med thams cad rang shar 'bar// bde ba'i rgyal po ye shes 'bar ba'i gtso// yo ga'i lha spyod 'gro nyid ni// rnam par dag pa'i chos nyid rdul dang bral// blta ru med pa'i ting 'dzin nyams dang ldan// spyad du med pa'i rtsol bas bde ba 'byin// kun rdzob sangs rgyas rdza mo rlags pa tsam// mi mngon dbyings nas gnyis su med par zhugs// 'gro ba'i don la thugs rje rgya ma chad// ris dang sku mdog phyag mtshan nges med sna tshogs snang // gnyis su med pa'i sbyor bas khams gsum 'khor ba 'dren// rdo rje sems dpa' brjod pas// ye nas snying po dbyer med bde ba chen po la// don dam kun rdzob bzang rtog lta ba rmongs pa 'khrul// ye shes chos dbyings chen pos brdal khyab 'bar ba la// gnyis su med pa'i thus rje skye bo rmongs pa

  108. 54b

    gol// ye nas stong nyid klong chen 'byal pa la// gtsang dang lhar lha rmongs pa e ma 'khrul// ces brjod do// gsang ba bskyed rdzogs gsum gyi 'gro nyid do// skyon thams cad chos nyid klong du grol// grub mtha' thams cad bskyed rdzogs gsum du 'dus// re dogs thams cad ye shes klong du grol// gzhi ni sems nyid stong gsal la// snang ba lha dang lha mo'i dkyil 'khor chen por dag/ sems nyid rtsal snang thabs dang shes rab 'du 'bral med// snang ba lha'i dkyil 'khor la rang grol dbyings su dag pa dang // rig pa'i tshe 'phrul dbyings dbang dang ye shes 'gyur med bde bar lta// snang ba phyogs ris thams cad dang bral// snang bzhin mi gnas ngo bo nyid// rig pa rang snang thams cad 'gyur med klong chen brdal// dper na rgyal po rje dang 'bangs kyi tshul nyid do// ma hA yo ga bde chen dang las grol// snang stong dbyer med byang chub sems la rdzogs// thabs ni snang bzhi khro'i dkyil 'khor la// shes rab thams cad stong gsal sems su rdzogs// bde ba chen po thugs kyi dkyil du 'bar// shes rab chen pos rtogs tshod lta ru dag/ ting 'dzin rgyal pos stong gsal chen por dag/ u nu bde ba chen pos rang grol bas// snang ba thams cad dbyings kyi klong du grol// gsal ba thams cad ye shes ngang du dag/ rig pa thams

  109. 55a

    cad bde ba chen por shar// ting 'dzin thams cad rtsol sgrub med par dag/ spyod pa thams cad rang sangs chen por grol// lta ba thams cad rgya yan chen por 'byams// re dog thams cad chos nyid ngang du 'byam// skyon yon thams cad rang byung klong du dag/ zag med bde ba'i ngang du thams cad rdzogs// de la rdo rje sems dpas brjod pas// chos sku 'gyur med ye shes 'gyur med chen po la// snang stong 'dod pa e ma 'khrul// chos dbyings klong chen mu mtha' yas pa la// 'du 'bral med pa 'dod pa e ma bdag re gol// ye shes snying po gting gsal 'gyur med la// lha sgom sems nyid rtog pa e ma rmongs pa log/ ces brjod do// rdzogs chen a ti kun gyi dngos gzhir shar// dngos med rang byung nam mkha'i bya lam 'dra// gting gsal 'gyur med nam mkha'i gdangs dang 'dra// ma spros brdal khyab nam mkha'i mtha' dang 'dra// ma ltas ye gsal nam mkha'i dbyings dang 'dra// ma skyes ye rdzogs nam mkha'i klong dang 'dra// ye shes bkod pa rang 'bar ba las// gsang sngags bcud phyung ba'i le'u ste bzhi pa'o// de nas bde bar gshegs pas yang dag 'di brjod do// mi g.yo ba'i ting nge 'dzin dang // mi gnas pa'i ting nge 'dzin dang // mi 'da' ba'i ting nge 'dzin dang // mi bskyod pa'i ting nge 'dzin dang // mi

  110. 55b

    srong ba'i ting nge 'dzin dang // mi mnyam pa'i ting nge 'dzin dang // mi dmigs pa'i ting nge 'dzin dang // mi byed pa'i ting nge 'dzin dang // mi 'gyur ba'i ting nge 'dzin no// snang ba chos sku'i rang 'od las// chags zhen thams cad rol pa chen por shar// dngos po thams cad chos sku'i rtsal snang la// 'dod pa thams cad byang chub chen por shar// dbang po lnga nyid ye shes lam chen la// shar ba thams cad rang grol chen por shar// rig pa thams cad rang byung ye shes la// sdug bsngal thams cad ye shes rol par shar// chos sku 'gyur ba med pa la// skye shi thams cad stong nyid dang du 'jams// ye shes bkod pa'i rgyud 'bras bu'i chos rdzogs so// / @#// rgya gar skad du/ pan tsa pi ta gar+b+ha sU tra tan tra nA ma/ bod skad du/ mdo lnga snying po zhes bya ba'i rgyud/ bcom ldan 'das dpal kun tu bzang po bde ba chen po'i klong la phyag 'tshal lo// 'di skad bdag gis thos pa'i dus gcig na// bcom ldan 'das sems kyi gzhal yas khang na bzhugs te/ nyid kyi rang bzhin la gsal bar lta ba la/ rdo rje 'chang ba'i 'khor dag 'di lta ste/ rnal 'byor chen po rdo rje sems dpa' zhes bya ba'i 'khor dang // rnal 'byor chen po rdo rje 'byung ba zhes bya ba'i 'khor dang // rnal 'byor chen po rdo rje sdud pa zhes bya ba'i

  111. 56a

    'khor dang // rnal 'byor chen po rdo rje nam mkha'i don la dmigs pa zhes bya ba'i 'khor dang thams cad gcig go/ de nas yang bcom ldan 'das rgyud thams cad kyi don bsdus pa'i ting nge 'dzin la snyoms par zhugs nas/ rgyud thams cad kyi rgyal po'i don bsdus pa'i don rnam par dgrol ba'i ting nge 'dzin la dgongs pa mdzad/ yang de'i tshe rnal 'byor chen po rdo rje sems dpa' yang sems kyi rang bzhin gyi don gsal bar byed pa'i rgyud phun sum tshogs pa zhes bya'i ting nge 'dzin la snyoms par bzhugs nas/ sems kyi don gsal bar byed pa'i rgyu phun sum tshogs pa zhes bya ba'i ting nge 'dzin dgrol bar mdzad par dmigs te byin gyis brlabs chen pos nyid kyis rang bzhin du snang bar mdzad nas/ bcom ldan 'das dpal kun tu bzang po la cang mi gleng bar brdar gsal bar mdzad pa rnam pa gsum mo// mdo lnga snying po zhes bya ba'i rgyud las/ gleng gzhi le'u ste dang po'o// // de nas de nyid dgongs pa mngon du mdzad de/ dang por rgyu la sbyor ba'i don chen po 'di gsungs so// rgyu yi rang bzhin rgyu dang ldan// 'bras bu thabs su rnam par gnas// 'brel pa'i rang bzhin de las 'byung // de rgyu gsum du rnam par gnas// ci yang mi smra gleng dang bral// gleng slong ba yi dam pa yin// sbyor ba gnyis gsum rkyen du

  112. 56b

    bshad// 'du byed rkyen gyi 'bras bu 'dra// zhes gsungs so// de nas yang rnal 'byor chen po rdo rje sems dpas 'di skad ces gsol te// ma skyes lhun grub skye dang bral// ci yang med cing brjod med la// skye dang bskyed pa lta bu dang // gleng dang gleng bar sbyor ba gang // gleng gzhi'i rgyu la dbye ba du// gleng ba slar ba la rnam pa du// zhes gsol ba dang // de nas ston pa kun tu bzang pos 'di skad ces bka' stsal to// chos rnams ma brjod brjod dang bral// de don sgyu ma lhun grub la// rnam pa'i dbye ba gsal bral yang // 'brel pa'i tshul gyis thabs su bshad// thams cad ma lus rgyun rgyal gyis// snying po'i don la sdu ba bshad// bstan pa spyi dang thun mong dang // dgos pa'i don du bstan pa spyi// don gnyis su yang dag bstan// brjod don sgra yi rgyu la sbyor// g.yo dang bskyod dang 'dun pa dang // cang mi gsung ba sbyor ba ste// gleng slong ba yi sbyor bar bshad// skye med sgyu ma rang snang la// gleng gzhi sbyor bas bsdus pa ste// ston pa dus dang gnas dang 'khor// rang bzhin 'brel ba'i don dang ldan// gleng gzhi'i sbyor ba ye nas gsal// dgos pa'i don du bsdus pa yin// 'og min bde klong gnas kyi mchog/ gzhal yas khang du bstan pa ni// dus rnams kun nas 'dus 'gyur yang // yangs par gyur pa chos kyi dbyings// rgyud rnams

  113. 57a

    kun la sbyor ba ni// ston pa'i mchog tu rab bsngags te// dri ma dag pas kun tu bzang // mi 'gyur rdo rje gnyis med don// rtogs pa gsal ba rdo rje sems// rdo rje 'byung ba gtso 'khor bcas// 'khor du bshad pas rdo rje sems// chos kyi don la rab sbyar ba// bzhi pa don la rab sbyar zhing // 'bras bu che bar yang dag bcas// spyod pa dag pa rab bstan pa// gnyis kyi sbyor bas mngon sangs rgyas// bstan pa'i don la rab sbyar ba'o// mdo lnga snying po zhes bya ba'i rgyud las// phun sum tshogs mdo don bstan pa'i le'u ste gnyis pa'o// de nas rnal 'byor chen po rdo rje sems dpas// ston pa kun tu bzang po la 'di skad ces gsol to// rgyud rgyal ma lus bsdus pa'i don// gsang ba'i don du ji ltar bshad// gsang ba'i don la dbye ba du// gang gis gang la ji ltar gsang // zhes gsol ba dang / ston pa kun tu bzang pos 'di skad ces bka' stsal to// gang gis de la rtsol bcas pa// de don thams cad bral ba la// gsang ba zhes su bstan pa yin// dang po gnyis pa gzhi pa brgyad// dbye ba'i 'jug pa zhes su bshad// dang po cig la gnyis pa tshig/ de don bcu dang brgyad du bstan// rgyud la 'byor ba rtsol sgrub bcas// dag pa sbyang zhing rtsol ba sgrub// de don rnam par gsal bya ba// ye nas dag pa'i rang bzhin

  114. 57b

    pas// sbrang dang bral zhing rtsol ba med// rtsol ba ka nas dag pa lam// mi dmigs lam chen kun sprul ba'o// de ltar de ni kun gyi lam// shes bya kun la ma 'dres gsal// dus gcig cod pas rig pa 'char// mtshan ma'i rtogs pa ma lus nyid// rnam dag ngo bo nyid du shar// rnam rtog nyid las ye shes 'byung // sbyang du med cing bgrod dang bral// bzhi pa'i dang po brgyad pa gnyis// ye shes lha la dmigs pa gsal// rig pa'i stobs kyi rnam par goms// phyi nang gnyis la mnyam pa nyid// gang dag med pa gang gsal ba// 'du byed byis pa'i spyod pa 'dra// ye nas mnyam pas dri ma med// bltas pa'i stobs kyis bkram pa yang // rang bzhin don la mnyam par gnas// dben chad 'dzab la zhugs pa dang // 'phrin las bzhi la rten bcas nas// bsgom dang 'phrin las don la brtson// ye nas dag pas bya ba med// rnam par dag pa'i lam du bshad// mi rtog bgegs dang bral ba la// gsung dang bral bas mnyam par gnas// de ni sngags kyi tshig tu bshad// bzhi pa'i gnyis pa brgyad pa bzhi// byin rlabs rnam par gsal bya ste// gnyis dang gnyis su sbyor ba dang // 'phro dang gnas dang bskyed pa dang // sku ni sprul pa phyogs bcur 'gyed// ye shes 'od du rnam par zhu// yul dang yul can sbyor med cing // tha dad gnyis med sbyor bas

  115. 58a

    bshad// 'du 'bral med pa'i sbyor ba yi// thabs kyis gar thabs rab bskyod pas// gnyis med sbyor ba phul ba yin// snying po rang bzhin kun tu gsal// ye shes lha yi spyod yul la// rnam dag sgrib byang mngon sangs rgyas// thams cad sems kyi rang bzhin la// yang dag dngos po kun chub pas// rnam dag lam chen sgrol bar bshad// bzhi pa'i gsum pa brgyad pa'i drug/ thams cad sems kyi rang bzhin la// phyi yi rtsol ba phyi yi don// bde ba'i ye shes ro dang ldan// nang gi gsang bar rab tu bsngags// spros dang bral ba'i ye shes ni// rdzogs pa dag tu rab tu bsngags// thams cad rang snang ma 'gags shar// phyi nang med par shar ba ni// phyi nang gnyis ka phyi nyid nang // zab pa'i cha shas yul dang bral// rang bzhin rnam dag dbyings su 'du// dag pa'i rang bzhin 'bras bu ste// rdzogs pa'i rang bzhin 'bras bur shar// gang yang ma yin 'gyur ba med// lhag ma med pas rdzogs par bshad// bzhi pa'i bzhi pa brgyad pa'i brgyad// rgyud rnams kun gyis bsdus pa yis// gsang ba'i don du bsdus pa bshad// mdo lnga snying po'i rgyud las// thams cad gsang ba'i ye shes su bstan pa'i le'u ste gsum pa'o// // de nas rnal 'byor chen po rdo rje sems dpa' des// ston pa kun tu bzang po la 'di skad ces gsol

  116. 58b

    to// dngos rnams rab tu sbyar ba ni// rgyu las rtag tu grol ba ste// 'od kyi gong bu lta bu la// nyi ma'i 'od zer lta bu dag/ gol sgrib gtan nas dag pa la// bstan pa'i snying po rgyud rgyal bshad// de don rnam par gsal ba'i phyir// gol sgrib gsal pa bstan pa dang // de don rnam par gsal ba zhu// zhes gsol pa dang // ston pa kun tu bzang pos 'di skad ces bka' stsal to// dngos rnams rab tu sbyar ba ni// rgyud kyi don la 'jug pa'i phyir// gol sgrib dbye ba'i don gsal bya// rang sems rnam par dag pa la// gol sa sgrib pa ye nas dag/ rtag pa'i 'bras bu ye nas med// thams cad 'od gsal lhun gyis grub// rgyu nas 'jug pa'i sbyor ba la// brtags pa'i 'bras bu smin pa ste// zhen pa'i don gyis rnam par bcings// tha dad yul la dmigs bcas shing // rgyu dang 'bras bur rnam par rtog/ lta ba'i yul la rnam par zhe na// dge sdig gnyis ka rnam par sel// 'jig rten 'di las 'byung ngo zhes// spyod pa'i tshul du rnam par gzhag/ dkon pa'i yul las rnam par rol// chos rnams dag pa'i rgyu can la// byang chub yan lag lam du bsam// chu zla dang 'dra gsal rnyog med// ma gos pad+ma lta bu la// chags pa'i yul las rnam par 'das// lam gnyis rnam par bsam byas pas// dkyil 'khor zhi ba'i cha lugs dang // khro tshul

  117. 59a

    dbang po'i cha lugs 'dra// rang gis rang gis rang bcings kha bal bzhin// de la brten pa'i bde ba yang // de bzhin de dang 'dra bar bshad// a yi don la yang dag sbyar// de don pad+ma lta bu ste// rgyu dang 'bras bu rnam par gsal// lta ba dang ni dam tshig dang // las dang phra ba ye shes sogs// 'byung ba lnga yi rang bzhin dag/ phung po lnga nyid rigs lnga'i gtso// ye nas dag pa mngon sangs rgyas// dbyings dang ye shes gsal mthar phyin// bskyed pa dgu la rag ma las// 'bras bu'i tshul du mngon sangs rgyas// yul las skye ba'i ye shes ni// de la sgrib pas rnam par dag/ 'di la skye dang phyi nang 'byung // khyad par gong du gsol ba ni// tshad pa'i lam gyis bgrod byas na// tshangs pa'i lam du rnam par gnas// mi rtog don gyis sbyangs pa yang // ma bsam chad lha skyon du 'gyur// gang gis med la gang pa// med pa nyid kyi tha dad med// de la de med de dag snang // gang dag gang la mi 'dzin pa// tha dad zhen pa'i rtsol ba med// mi rtsol zhen med gtan la 'bebs// thams cad sems phyir de dngos 'grub// lhun grub ma skyes rang snang gsal// gang gis gang la ngo bo dang // rgyu mtshan dbye ba tha dad pa// rnam grangs khyad par dgongs pas bsdus// rgyud rgyal snying po ma lus pa'i// bsdus pa'i tshul du gsang

  118. 59b

    ba'i sngags// mdo lnga snying po'i rgyud las// gol sgrib rnam par dbye ba'i le'u ste bzhi pa'o// de nas yang ston pa kun tu bzang po la// rnal 'byor chen po rdo rje sems dpas 'di skad ces gsol to// de don de yi rang bzhin ni// mi 'gyur dbyer med dbye ba dag/ snying po'i don la 'jug pa'i phyir// de don gsal ba bstan par zhu// zhes gsol ba dang // ston pa kun tu bzang pos 'di skad ces bka' stsal to// cha shas gses pa'i yul dang bral// mtshan mar mi 'gyur nam mkha' 'dra// tha dad med cing dbye dang bral// de la skabs kyis dbye ba dang // 'gyur med rtsogs tshul rnam pa kun// chos tshul mi bzad nam mkha' bzhin// ye nas ma skyes dmigs pa med// rdzogs pa chen po'i rgya'o// ye nas btsal med lhun gyis grub// rgyu yi don dang mngon sangs rgyas// gang gis gang la tha dad med// gnyis pa med pa'i che ba'o// ngo bo nyid kyis sgrib pa dag/ 'od gsal lhun grub btsal dang bral// ye nas rgyud las ma skyes pa// brjod du med cing thos dang bral// 'od kyi stobs kyi rnam par gsal// thams cad kun tu bzang po'i brgyan// rang bzhin ci yang ma yin pas// mi btsal bya ba'i yul las 'das// thams cad ye nas mngon sangs rgyas// thob med re smon yul las 'das// rgyu rkyen gzhan la mi ltos shing // rig pa'i ye shes

  119. 60a

    ngang nas 'char// thams cad ma skyes rnam par dag/ gnyis med 'brel ba'i 'phrin las chad// gang gis gang la gang don mdzad// sgyu ma'i don la bde chags med// ye nas mi bsal rtog dang bral/ nam mkha' lta bur cing mi gsal// chos nyid ye nas btang snyoms pas// gzhan du mi ro smon dang bral// ye nas dag pas rkyen dang bral// de nyid de'i rang bzhin pas// mnyam nyid rlung las rang dbang bsgyur// kun tu bzang po'i rol pas khyab// 'gro ba kun la rang bzhin gnas// thugs rje 'brel pas bde ba len// de don de la mnyam par gnas// bde ba chen po thob par 'gyur// chos nyid ye nas rnam dag pas// gang ltar gnas kyang bde ba'i gnas// gang la mi rtog cir mi 'dzin// de yang 'dzin pa chags dang bral// ye nas dag pas btsal dang bral// phyogs kyi mun pa rnam par dag/ gang du ma yin rang lugs kyis// tshogs dang dkyil 'khor rdzogs par bstan// snod bcud ma lus phyi nang kun// kun bzang ngang du lhun gyis grub// rnam rtog dri ma blo bur ba// mi gsung sngags su mnyam par bzhag/ ye nas rang bzhin rnam dag kyang // bdag dang bcas pas rnam par bcings// skye med rdzogs las 'das pa la// lung gi 'grel pa ming brdar bstan// rtog pa bla med spyod pa dang // gnyis kyi tshul du rnam par

  120. 60b

    gnas// ming dang rang bzhin pa dag dang // che ba'i don du rnam par gnas// spyod pa thabs kyi yan lag ni// khyad par yan lag rnam pa lnga// snying po'i don bsdu ba yi// 'jug pa'i tshul du rnam par bshad// mdo lnga snying po'i rgyud las// phyag rgya bstan pa'i le'u ste lnga pa'o// // de nas yang rnal 'byor chen po rdo rje sems dpas// dpal kun tu bzang po 'di skad ces gsol to// rgyud rgyal snying po ma lus pa'i// bsdus pa'i brjod don thig le'i don// ngo bo dbye ba 'byung bcas pa// ma skyes brjod bral snang ba'i gzhi// skye dang bral ba'i rang bzhin gsal// snang ba'i dngos po dmigs su med// chos rnams kun gyi chos nyid don// rin chen lta bur 'byung ba'i sa// dgos pa bsdus pa snang ba byed// nyi ma'i 'od kyi stobs kyis 'jug/ rang snang ma lus 'byung ba'i sa// rang snang ma bcos rig pa tsam// ma bcos sgyu ma rig par gsal// nam mkha' lta bur ye nas brdal// ngo bo nyid kyis mun pa sel// snod kyi 'jig rten ye nas dag/ zin pa'i don la sbyang dang bral// ye nas zin pas rtsol ba'i nad// mkha' klong mi gnas brdal ba'i ngang // rnam par snang mdzad spros dang bral// rig pa rang bzhin nam mkha' 'dra// dbyer med mi gnyis rtag pa'i sku// ye nas mi bsam sgom dang

  121. 61a

    bral// ma bsam ma sbyangs rnam par dag/ sku gsum ye nas lhun gyis grub// ye shes lnga nyid btsal med ldan// che ba'i yon tan bsam yas pa// rgya mtsho lta bur zab pa'i chos// ye nas dag pas rang gsal zhing // dri med ka nas dag pa'i lam// tshul dang bcas pas rgya mtsho 'dra// ye shes rang gsal dag pa'i gzhi// 'bras bu skyed min che ba lnga// khyad par gyur pa chos kyi sku// zhes gsal to// mdo lnga snying po zhes bya ba'i rgyud las/ thig le bstan pa'i le'u ste drug pa'o// de nas yang rnal 'byor chen po rdo rje sems dpa' des/ ston pa kun tu bzang po la 'di skad ces gsol to// rig pa'i theg pa bgrod byas nas// de las gsal bar 'phags pa ste// dgongs pa'i don gyi khyad par 'phags// chos nyid ma bcos brdal ba ni// spros pa las 'das rnam par dag/ mi 'dzin rang rig brjod las 'das// cir yang mi dmigs mngon sum pa// mngon pa'i sangs rgyas che ba'o// mnyam pa'i don rig rang bzhin nyid// dbang sgyur phyir na gang gis kyang // rtsol ba'i lta bas 'phrogs mi 'gyur// de don de las gzhan nyid na// 'bras bu gzhan las 'byung mi 'gyur// yin pa'i don la ye sangs rgyas// ma bcos rang snang rig pa zhig/ stobs kyis bsgyur ba'i 'bras bu min// 'gro 'dul spyod pa bsam yas pa// rtsol

  122. 61b

    ba'i theg pa 'dren don du// yo ga'i spyod pa gsal bar bstan// gang yang ma spangs ye nas dag/ de men gnyen po rten med pas// che ba'i rgyan gyis ye nas brgyan// 'bras bu lta bur bsgrags pa'o// zhes sol to// mdo lnga snying po'i rgyud las/ che ba'i 'bras bu bstan pa'i le'u ste bcu bdun pa'o// de nas yang rnal 'byor chen po rdo rje sems dpas// dpal kun tu bzang po la 'di skad ces gsol to// 'di yi mtshan nyid rnam grangs gang // dgos pa'i don la 'jug pa gsal// rigs can rnams la phan pa'i phyir// brtse bas bstan pa gsal bar mdzod// ces gsol ba dang / ston pa kun tu bzang pos 'di skad ces bka' stsal to// thams cad rgyud kyis bsdus pa'i don// mdo yi mtshan nyid rnam grangs gang // mdo yi dum bu gsal bar grags// rgyud kyi rgyal po bstan pa'i rgyud// bka' yi rang bzhin gter gyi mdzod// sbas pa don gyi gong bu 'dra// de rgyu thabs dang 'brel ba'i don// dgos pa'i don la gsal bar 'jug/ shes rab bar pa can don du// gsal ba'i sgron ma byed par 'gyur// zhes gsungs so// mdo lnga snying po'i rgyud las// mtshan gyi don la 'jug pa'i le'u ste brgyad pa rdzogs so// rgya gar gyi mkhan po shrI sing hA dang // de ba shri dang // bod kyi lo ts+tsha ba dge slong be ro tsa nas rin po che sbas pa lta ba'i rgyud bzhi// nyams bde ba

  123. 62a

    zhes bya ba'i gnas su dus gcig gtan la phab bo// rgyud rgyal gsal rab byed pa yi// mun pa'i sgron ma'i byang phyogs su// rgyas par gsal 'gyur las can la// snang bar gyur la gzhan du min// gzhan du bstan na smin par 'gyur// rdzogs so// / @#// rgya gar skad du// san d+hi ma hA tsiSh+Na sa mA d+hi u pa de sha tan tra/ bod skad du/ rdzogs pa chen po snying khrid man ngag gi rgyud// med bcom stong ldan yod 'das 'gyur ba med pa'i ngang la phyag 'tshal lo// 'di skad pa dag gis thos pa'i dus gcig na// chos kyi dbyings kyi pho brang // mtha' dang dbus med pa'i gzhal yas khang na// stong pa kun tu bzang po la/ dpal rdo rje sems dpa' zhus pa/ kye ston pa'i ston pa kun tu bzang po lags// rang bzhin gnas lugs ji ltar lags// zhes zhus pas/ ston pa kun tu bzang pos bka' stsal pa// gzhi nas ma bcos ma bslad pa// nges phyir nges par phyag btsal nas// 'khor ba 'jug ldog gdams ngag bshad par bya// gzhi nas ma bcos ma bcings par grol// gzhi gnas grol dang 'khrul tshul dang // de yi gdams ngag bdag gis dgrol// rang bzhin dag pas rgya ma chad// bag chags ma bsags lus ma blangs// rtogs ldan mkhas pas ma bzhag ste// g.yo ba med pa'i rang bzhin

  124. 62b

    gyis// gzhi nas 'dul tshul gnyis yin te// gzhan dgag rang gzhung sgrub tshul gnyis// gzhi ma grub dang ma grub dang // ngo bo gcig la tshul gyi tha dad dam// gnyis ka'i rang bzhin dor ba nyid du bstan// rang gzhung grub pa'i gzhi dag ni// rgya zhes mnan dang bre kha bcad// dpe yis nges par mtshon pa yin// rang bzhin 'od kyi 'dug tshul ni// rgya ma chad de phyogs ma lhung // mthar ma red de 'gyur ba med// rang bzhin nam mkha' dag pa ltar// sangs rgyas sems can mnyam par gnas// zhes gsungs so// yang rdo rje sems dpas zhus pa// 'khrul pa'i 'khrul tshul ji ltar lags// kun tu bzang pos bka' stsal pa// lhan cig skyes dang kun tu btags// 'gyur ba med las yid tsam 'gyus// g.yo ba med las yid tsam g.yos// 'gro ba rigs drug rtag tu 'khor// 'khor bar 'jug pa lnga 'khrul las// snang bzhi/ 'od dang 'degs pa'i lus// gcod pa'i lus dang dngos pa'i lus// sha khrag 'khrul pa'i lus su byung // 'khor bar 'jug pa'i 'khrul 'khor yin// 'degs pa yid kyi rlung dag ni// g.yo ba med las yid tsam g.yos// 'gyu ba med las yid tsam 'gyus// gcod pa yid kyi lus dag ni// kun tu tshol ba'i yid dag dang // gtan la phebs pa'i yid dag ni// nges par 'jog pa'i yid dang gsum// gsum gyis

  125. 63a

    'khrul pa phra rags bskyed// yul ni ci yin dag tu 'dug/ shes pa ci yin dag tu skyes// shes pa ci yin de dag la// yul ni ci yin dag gi bsgribs// phra ba dag gi 'dzin pa skyes// kun tu tshol ba'i yid ces bya// yul ni yid med dag tu 'dug/ shes pa yin min dag tu skyes// yul ni yin min gnyis kyis bsgribs// gtan la 'bebs pa'i yid ces bya// yul ni yin nges dag tu 'dug/ shes pa yin/ nges de dag la// yul ni yin ngas dag gis sgribs// nges pa 'jog pa'i yid ces bya// 'khrul pa shin tu rags par bskyed// 'khrul pa bag chags lus dag ste// de dag ye grol yin mod kyang // gzhi la zhen par byas te bzhag/ de las 'khrul pa sha khrag lus// 'gro ba rig drug rtag tu 'khor// lha dang dmyal ba yi dwags dang // byol song mi dang lha min drug/ rtag tu 'khor bar gnas pa yin// so so skye bo mi shes pa// thos pa gsum po spangs pa'i phyir// sku gsum las ni rang du 'gyur// skye bo zhen rtog thug med rtsol// gang 'thad zhen med gdams ngag bstan// mu stegs mtha' 'dzin bcings pa la// mtha' med pa'i gdams ngag bstan// nyan thos gzung 'dzin dag gis bcings// gnyis med pa yi gdams ngag bstan// nga rgyal rten 'brel 'dzin pas bcings// 'dzin pa gcod pa'i gdams ngag bstan// sems tsam

  126. 63b

    dngos po'i 'dzin pas bcings// dbyings su bab pa'i gdams ngag bstan// dbu ma bden pa re 'jog pas// dbyer med zung 'jug gdams ngag bstan// kri ya dag pa'i chos nyid kyis// rang nyid bcings nas gnas pa la// gzhi cig pa yis gdams ngag bstan// u pa ya ni tha dad pa// lta spyod ya gal bdud kyis bcings// lta spyod zung 'brel gdams ngag bstan// yo ga byin brlabs cho 'phrul gyis// rang nyid bcings nas gnas pa la// rang nyid byin brlabs ngo bo la// rang la yod pa'i dngos grub bstan// ma hA ting 'dzin rim pas 'jug/ gong 'og rtsol bas bcings pa la// bzang ngan med pa'i gdams ngag bstan// a nu skad cig lhar gsal rtsol// rig pa rten med yul med bstan// gnas skabs gdams ngag grang thad la// gzer lnga lnga yi gdams ngag bstan// rgya zho mnan dang bre kha bcad// rgya ma chad de phyogs ma lhung // 'gro drug snang ba rang gi sems// rang sems sangs rgyas yin par bshad// grol mthar 'khor ldog bstan pa la// rang bzhin gnas dang ting 'dzin dang // rmi lam skye shi'i bar do dang // srid pa bar do thog mtha' bcad// gnas pa'i bar do'i mtshan nyid ni// ngo bo 'gyur med stong pa ste// rang rgyud 'dzin pa'i zhen pa grol// rgyu dang rkyen gyis ma bskyed pa// rang byung bas na rag ma lus// phya'am dbang

  127. 64a

    phyug byed pa med// gzhan la skyes nas rten yod min// rang snang ris med ye shes kyis// stong pa skur 'debs zhen las grol// phyi rol yul gyi snang ba dang // rnam rtog blo yi snang ba dang // ye shes rang snang 'dzin med gsum// dbyer med bde chen zung 'jug go/ bden brdzun res 'jog zhen pa grol// dus la snga phyi med pa dang // 'dug sa tha dad med pa dang // ngo bo bzang ngan med pa yis// gnyis med dag tu ngo sprod do// de ltar 'dug tshul gol ba ni// yon tan rnam gzhi rang la 'byung // 'byung rgyu med pa'i 'byung ba'o// ting 'dzin par do lnga zhen bcad// phyin ci ma log par ma chad// yun rings dag tu gnas pa ni// sngar zhen bag chags bcad pa de// gdams ngag dag gis gzer chen yin// rgod pa ma yin bying ba med// re pha ma yin dogs ma yin// rtag pa ma yin chad pa min// 'jams pa ma yin the tshom med// lto 'khor ma yin nyid 'brur med// shes pa re mtshor shor ba dang // shes pa nyid 'brur shor ba dang // sngar zhe na ma yin 'khrul rtog med// byung tshor ma yin bying rmug med// rig pa yul du mi byed cing // ting 'dzin ro la mi chags na// mi rtog rang ngo yin par bshad// bar ma chad du yun rings su// rtag tu rten med gnas par bya// byung na rig pa rjes med gang // mi 'gegs mi sgrub rtsol ba

  128. 64b

    med// gnad kyi gdams ngag yin par bshad// rmi lam par do gcig tu bsre// gdams ngag gis ni bsre ba dang // spyod lam khams kyi tshod dang sbyar// 'dre na bag chags 'dra 'dre dang // gnyen po stobs su 'gyur ba dang // bag chags dag la mi gnas na// gnyid kyi gdams ngag 'byongs pa yin// ye shes gcig tu 'dres pa ste// de la bdud kyi tshugs ma yin// gnyid kyi gdams ngag 'byongs pa'o// goms par gyur pa dag yin na// rkyen gzhan dag kyang dgos mi srid// ma sgoms brtan par ma gyur na// 'gu ru dag dang 'brel ba yin// gsal btang rkyen gyis sngar sor tshud// rig pa zang thal skyon ma gos// sngar zhen bag chags chod pa dang // blo bur 'khrul rtog chod pa yi// ye shes skyon med rang grol lo// phung po shes pa dag dang bral// dper na mun khung sgron med ltar// ye shes phyogs 'dzin rtog pa bral// thams cad mkhyen pa'i sangs rgyas ni// rang du mi rtog gzhan mi rtog/ mi rtog chos skur gnas pa'o// sku gsum ston pa'i sangs rgyas kyang // byin brlabs ngo bo tshig bsdebs nas// gang dang gang gis 'dul ba la// gang dang gang 'thad ston pa ni// gzhan don longs sku sbrul sku yin// shes pas bsgribs pa gcod pa dang // rnam par snang mdzad long sku yis// sgra dang tshig tu ma bsdebs te// rang gi ngo bos bstan pa'o// 'gro ba

  129. 65a

    drug dang cha bstun par// gang la gang 'thad gdams ngag ston// lha skad klu skad gnod sbyin skad// grul bum skad dang mi yi skad rnams dang // 'gro ba kun gyi skad rnams ji tsam par// thams cad skad du bdag gi chos// tshig dang yi ger sdebs nas ston// lha rnams 'dun pa bskyed pa'i phyir// pi wang chen po rab tu bsnams// 'thab rtsod sdug bsngal zhi ba'i phyir// mtshon cha go cha rab tu bsnams// mi rnams dad pa bskyed pa'i phyir// dge slong gseg shang par bu bsnams// ma rig mun pa bsal ba'i phyir// chos kyi po ti rab tu bsnams// bkres skom sdug bsngal zhi bya'i phyir// rin chen sgom bu phyag na bsnams// tsha grang sdug bsngal zhi bya'i phyir// me chu'i bsil dro phyag na bsnams// gang 'thad theg pa de la bstan// rdzogs pa chen po snying khrid man ngag gi rgyud// slob dpon dga' rab rdo rjes yi/ ger bkod pa rdzogs so// // rin po che gser gyi rgya mdud ces bya ba/ rang bzhin lhun gyis grub pa'i sgra/ dbyings kyi kun tu bzang po sangs rgyas 'od dpag tu med pa la phyag 'tshal lo// dpal rdo rje sems dpa' zhes bya ba/ rnam pa thams cad mkhyen pa'i ye shes dang ldan pa des// dbyings kyi kun tu bzang po zhes bya ba/ kun gzhi lhun gyis grub pa'i klong // chos nyid kyi nam mkha' chen po// chos kyi pho

  130. 65b

    brang // bai DUR+Ya zhun ma dang phyogs mthun pa/ tsan dan dkar po'i dri dang // gu gul dkar po'i dri dang // dkar gsum reng bu'i dri dang // dri zhim po de rnams dang phyogs mthun pa'i dri zhim po sna tshogs kyis brgyan pa/ gser la g.yu yis spras pa dang phyogs mthun pa'i chos nyid dag pa'i gzhal yas khang chen po de na// dpal kun tu bzang po chos nyid mnyam pa'i ngang la bzhugs pa la// dpal rdo rje sems dpa' zhes bya ba des// mos pa chen po sngon du btang nas// sems can gyi nyon mongs pa gzhom pa'i phyir bskor ba byas brkyang phyag 'tshal te// mdun du bzhug nas 'di skad ces zhus so// kye kye gsang ba'i bdag po lags// sems can dmyal ba'i sdug bsngal ha la mi bzad pa// rmi lam lta bu 'khrul pa'i snang ba la// khams gsum 'khor ba'i sdug bsngal mi bzad pa// dngos med dngos su snang ba 'di// thugs rje spyan gyis gzigs su gsol// ces zhus nas yang brkyang phyag 'tshal lo// rin po che gser gyi rgya mdud las// gleng gzhi'i le'u ste dang po'o// // de'i tshe de'i dus su/ gsang ba'i bdag po chen po de/ chos nyid mnyam pa'i ngang las bzhengs nas/ chos kyi sku'i pho brang / chos nyid dag pa'i gzhal yas khang de ru/ zhabs brkyang bskum gyi tshul du bzhugs/ thugs rje chos brtags kyi phyag rgya mdzad pa/ sku rin po che

  131. 66a

    las kyang 'od zer bye ba khrag khrig/ phyogs bzhi mtshams brgyad/ steng 'og rnams su sras so// gsal ba lnga yi ge ye shes 'phang bstod do// sku gsal ba'i gzi brjid dang ldan par bzhugs so// yang de'i tshe de'i dus su/ dpal rdo rje 'dzin pa zhes bya ba des// byin gyis brlabs kyi thugs kyi sprul par mdzad nas/ gsang ba'i bdag po de mnyes par bya ba'i phyi/ rin po che khyad par can brjod pas mi lang ba dang / me tog khyad par can dbyangs dang ldan pa dang / kha dog shin tu mdzes pa rnams dang / tsan dan dkar po la sogs pa dri zhim po sna tshogs pa dang // chos nyid rang snang don gyi me long du/ thugs kyi byin brlabs chen po mdzad nas/ mchod pa khyad par can brjod pas mi lang ba dang / thugs kyi sprul pa rnams kyis mdzad// bskor ba brjod kyis mi lang ba yang mdzod/ rkyang phyag btsal/ zhabs spyi bor blangs nas 'di skad zhus so// kye kye gsang ba'i bdag po lags// khams gsum 'khor ba'i sdug bsngal mi bzad pa/ gang las byung zhing ji ltar 'khrul ba lags// sangs rgyas che ba'i yon tan thams cad ma 'gags pa/ ji ltar byung zhing gang ltar 'khrul pa las/ mya ngan 'das pa'i byin brlabs 'gag med brjod pas mi lang bas/ gang las byung zhing ji ltar 'char ba lags/ gsang ba'i bdag pos bstan du

  132. 66b

    gsol// zhes zhus so// 'khor 'das kyi gleng bslang ba'i le'u ste gnyis pa'o// // yang de'i tshe de'i dus na/ gsang ba'i bdag po des/ gsal ba rnam pa lnga'i 'phang bstod do// dpal rdo rje 'dzin pas zhus pa ltar gzigs nas/ gzigs stangs rnam pa gsum byung ste/ de yang gsum gang zhe na/ sems can gyi sdug bsngal la gzigs pa dang gcig/ sangs rgyas kyi che ba'i yon tan la gzigs pa dang gnyis/ mya ngan las 'das pa'i sku mnyam pa la bzhugs pa gzigs pa dang gsum/ de'i tshe de'i dus na/ gsang ba'i bdag po dpal kun tu bzang po de yis/ khams gsum 'khor ba'i sems can rnams la/ thugs rje'i spyan gyis gzigs nas// sdud pa'i gsang bdag rdo rje 'dzin pa la// gsang ba bas kyang che gsang ba'i rgyud 'di gsungs te/ rgyud gang zhe na/ @#// rgya gar skad du/ Ar+ya rad na rdo rje'i tan tra nA ma thig le/ bod skad du/ 'phags pa rin po che gser gyi rgya mdud ces bya ba/ rgyud thams cad kyi snying po/ man ngag thams cad kyi nyid khu/ lung thams cad kyi mdo mdud/ dgongs pa khyad par can kun tu bzang po'i dgongs pa/ sdud pa po khyad par can dpal rdo rje sems dpas bsdus pa/ sgrogs pa khyad par can slob dpon chen po dga' rab rdo rjes bsgrags pa/ gnas khyad par can byang

  133. 67a

    chub kyi shing drung du/ nyan pa po khyad par can mkhas pa nyi shu rtsa gcig dang // bod kyi dge slong chen po/ brgyud pa khyad par can mnga' bdag khri slong lde btsan la brgyud nas 'phrin las khyad par can/ sku dang ye shes spyod pa'i spyod pa khyad par can/ shes rab lam du khyer ba sgom pa khyad par can/ ma bslad pa'i bzhag thabs/ lta ba khyad par can ting gsal la chen po ston pa/ man ngag khyad par can rtogs pa skad cig ma'i ye shes ston pa/ 'bras bu khyad par can rdo rje 'chang drug ston pa// yon tan khyad par can ma 'dres yongs su rdzogs par ston pa/ sa khyad par can gom pa gcig gis sa non pa// sku khyad par can sku gsum dbyer med par ston pa/ theg pa khyad par can tshegs chung la don che ba/ mtshan ma rang sar grol ba'i man ngag 'di/ de'i tshe de'i dus na/ gsang ba'i bdag po chen po des/ dpal rdo rje sems dpa' la gsungs so// rin po che gser gyi rgya mdud kyi mtshan bstan pa'i le'u ste gsum pa'o// // dpal bde ba chen po lhun gyis grub pa'i sku// dbyings kyi kun tu bzang po la phyag 'tshal lo// kye dpal rdo rje 'dzin pa khyod nyon cig/ rin po che gser gyi rgya mdud 'di la/ bka' chen gsum dang don gyi rkang grangs dgu/ rkang grangs dgu la theg pa'i nges 'byung gsum// gsum 'dus gcig po

  134. 67b

    spros pa'i mtha' dang bral// ces gsungs so// yang dpal rdo rje 'dzin pas zhus pa/ kye kye gsang ba'i bdag po lags// bka' chen gsum gyi ngo bo dbye ba bstan du gsol/ zhes gsungs so// gsang ba'i bdag pos gsungs pa/ dpal rdo rje 'dzin pa nyon cig/ bka' chen gsum gyi ngo bo dbye ba bstan pa ni/ rgyud kyi bka' dang lung go bka'// man ngag bka' dang gsum du bstan pa'o// rgyud kyi nges pa ma hA yo gas bstan// lung gi nges pa a nu yo gas bstan// man ngag gi nges pa a ti yo gas bstan// rgyud lung man ngag gsum la theg pa gsum ston te// sprul pa'i sku'i theg pa dang / longs spyod rdzogs pa sku'i theg pa dang / chos kyi sku'i theg pa'o// sbrul sku shan dbye ba ma ha yo gas bstan// longs spyod rdzogs pa'i sku la ngo sprad a nu yo gas bstan// chos kyi sku la la bzla a ti yo gas bstan/ gsum 'dus gcig pa brjod las 'das pa ni// chos nyid bya ba thongs pas spros pa'i mtha' dang bral// thams cad mnyam pa'i dkyil 'khor bde ba'i ngang la bzhugs// rang rig rag la gsal bas chad pa'i mtha' dang bral// reg bya'i thogs pa med pas dngos po'i mtha' dang bral// gsal bya gsal byed med pas yid kyi 'gyu ba chad// ngo bo stong par 'dug pas yon tan kun dang ldan// byin brlabs 'gag med 'char bas nyi ma'i snying

  135. 68a

    po 'dra// gnyis med ngang la gnas na don gyi lta ba'o// zhes gsungs so// bka' chen gsum bstan pa'i le'u ste bzhi pa'o// // yang dpal rdo rje 'dzin pas zhus pa// kye kye gsang ba'i bdag po lags// bka' chen gsum la rkang grangs dgus ston pa// rkang grangs dgu yi dbye ba bstan du gsol// zhes zhus so// gsang ba'i bdag pos gsungs pa// dpal rdo rje 'dzin pa nyon cig/ chos nyid gsal ba'i me long du// ye shes gsal bas 'phangs bstod nas// gsang ba'i bdag pos par bltas pas// mthong stangs rnam pa gsum yin te// de yang gsum gang zhe na// khams gsum 'khor ba'i ga bsngal mthong ba dang // sangs rgyas che ba'i yon tan mthong ba dang // myang 'das 'gyur ba med pa mthong ba'o// mthong lugs gsum la rgyud lung man ngag gsum du bstan// rgyud lung man ngag gsum la don gyi rkang grangs dgu// de yang dgu gang zhe na// rgyud kyis rgyud du bstan pa dang // rgyud kyi lung du bstan pa dang // rgyud kyi man ngag tu bstan pa'o// yang lung la rnam pa gsum yod de// gsum gang zhe na// lung gi rgyud du bstan pa dang // lung gi lung du bstan pa dang // lung gi man ngag tu bstan pa'o// yang man ngag la yang rnam pa gsum ste// de yang gsum gang zhe na// man ngag rgyud du bstan pa dang // man

  136. 68b

    ngag lung du bstan pa dang // man ngag gis man ngag tu bstan pa'o// rdo rje 'dzin pa khyod nyon cig/ rgyud gsum ma hA yo ga ste// lung gsum a nu yo ga yin// man ngag gsum ni a ti yo ga'o// rgyud lung man ngag gsum gyis mtshan nyid ma rtogs na// dper na ldongs pa nam mkha' snyeg pa 'dra// sku dang ye shes chod pa shin tu dka' 'o zhes gsungs so// don gyi rkang grangs phye ba'i le'u ste lnga pa'o// yang dpal rdo rje 'dzin pas zhus pa// kye kye gsang ba'i bdag po lags// khams gsum 'khor ba'i sdug bsngal mi zad pa// gang gis byas nas ji ltar 'khrul pa lags// sku gsum ngo bo ji ltar lags pa dang // theg pa gsum po ji ltar 'byor ba lags// zhes zhus so// gsang ba'i bdag pos gsungs pa// kye kye rdo rje 'dzin pa khyod nyon cig/ khams gsum 'khor ba'i sdug bsngal ji ltar gang gis 'khrul pa dang // sku gsum ngo bo theg pa'i sbyor lugs bstan pa ni// sku gsum dbyer med rang gi ngo bo rig pa la// spyi dang rang gi mtshan nyid ma phyed pas// stong pa nyid la stong pas bltas// 'gag med ma 'gags dbyer med so sor brtags// btags pa'i bag chags mthu brtas nas// 'khor lo gsum du yid g.yos yid kyi rtsal shugs kyis// sku gsum sangs rgyas zhing khams sprul pa'o// sku gsum ngo bo thag pa'i sbyar thabs ni// sprul

  137. 69a

    pa'i sgra las chos sku logs na med// sku gsum ngo bo sprul pa'i sku la tshang // longs spyod rdzogs pa'i sku la sku gsum ngo bo tshang // chos kyi sku la sku gsum ngo bo tshang // 'khor 'das spyi yi ngo bo mi gcig kyang // rang rang chos kyi sku yi ngo bo la// sku gsum dus gsum gcig ste 'du 'bral med// 'khrul pa'i shes pas mig gi rab rib mtshungs// dper na mtshon pa'i dpe yi nam mkha' la// zla ba gcig las med de rab rib mig gis gnyis su mthong // 'khrul pas zin na brtags pas slar la gsum du mthong // gsum du mthong kyang don gyi snang ba gcig/ de bzhin sku gsum ngo bo yang // blo chung shes rab dman pa la// 'khrul pas sku gsum tha dad du snang kyang // rgyud lung 'di'i sgom zhugs gang zag dam pa la// rang gi sku gsum dbyer med ngo bo gcig pa'o// theg pa gsum gyi sbyor lugs bstan pa ni// rgyud gsum sprul pa'i sku la sbyar ba dang // lung gsum longs spyod rdzogs pa'i sku la sbyar ba dang // man ngag gsum ni chos kyi sku la sbyor ba'o// rgyud gsum sprul pa'i sku la ma sbyar na// sems can rgya chad phyogs cha can du 'gro// lung gsum longs spyod rdzogs pa'i sku la ma sbyar na// sangs rgyas ngo bo mi rnyed che ba'i yon tan stor// man ngag chos kyi sku la ma sbyar na// sku dang ye shes mi rtogs chos nyid rnyed pa dka'

  138. 69b

    ba'o// zhes gsungs so// sku gsum theg pa gsum la sbyar ba'i le'u ste drug pa'o// // yang dpal rdo rje 'dzin pas zhus pa/ kye kye gsang ba'i bdag po lags// chos spyi dang rang gi mtshan nyid dang // sprul pa'i sku yi ngo bo la// rgyud kyi mtshan nyid ji ltar sbyar ba lags// zhes zhus so// gsang ba'i bdag pos gsungs pa// kye rdo rje 'dzin pa khyod nyon cig/ chos spyi dang rang gi mtshan nyid bstan pa ni// spyi dang khyad par la rnam pa gsum yod/ khyad par spyi dang gcig/ spyi'i khyad par gnyis/ khyad par gyi khyad par chen po dang gsum mo// de la khyad par gyi spyi ni chos nyid kyi nam mkha' chen po'o// spyi'i khyad par ni rang bzhin lhun gyis grub pa'i sku'o// khyad par gyi khyad par chen po ni// rtogs pa mngon du gyur pa'i sangs rgyas so// sprul pa'i sku la rgyud gsum sbyar ba'i bstan pa ni// nang gi rgyud a nu yo gas bstan pa dang / phyi'i rgyud ma hA gsang ba'i a ti yo gas bstan pa'o// rgyud gsum po sprul pa'i sku la ji ltar sbyor zhe na// 'gro drug gi sprul pa'i sku la/ rgyud rnam pa gsum du ston te/ de yang gsum gang zhe na// phyi'i rgyud/ nang gi rgyud/ gsang ba'i rgyud gsum mo// yang phyi'i rgyud la rnam pa gsum ste// de yang gsum gang zhe na// sku'i rgyud/ gsung gi rgyud// yon tan gyi rgyud dang gsum mo// yang nang gi rgyud la rnam pa

  139. 70a

    gsum// de yang gsum gang zhe na// gsung gi rgyud/ rtsa ba'i rgyud/ thig le'i rgyud dang gsum mo// yang gsang ba'i rgyud la rnam gsum ste// de yang gsum gang zhe na// sku dang ye shes kyi rgyud// gsal ba rnam pa lnga'i rgyud// yang dag pa'i 'phrin las kyi rgyud dang gsum mo// rgyud kyi dbye ba ma shes shing // mtshan ma rang sar ma khrol na// yang dag don dang 'jal ba dka'// zhes gsungs so// rgyud kyi dbye ba bstan pa'i le'u ste bdun pa'o// // yang dpal rdo rje 'dzin pas zhus pa// kye kye gsang ba'i bdag po lags// phyi yi rgyud gsum phra rags ji ltar lags// zhes zhus so// gsang ba'i bdag pos gsungs pa// dpal rdo rje 'dzin pa non cig/ phyi yi rgyud gsum phra rags bstan pa ni// phyi yi rgyud gsum gzhi ma chos nyid nam mkha' yin// gzhi yi lhun grub rol pa 'gag med de// snang srid 'khor 'das kun gyi gzhi ma yin// thog ma med pa'i dus nyid na// chos nyid nam mkha'i klong chen yangs pa na// rgyud rnams kun gyi ngo bo bzhugs pa ni// khyab brdal rgya ma chad du bzhugs pa la// stong pa rten med rlung gi g.yo 'gul gyis// gzhi dang 'bras bu sku yi ngo bo 'byung // gnas pa gsum gyis rtsal gsum sku la rdzogs// rtsal gsum lus la rdzogs pas 'ja' tshon sku// sku yi ngo bo de la gnas pa lnga byung

  140. 70b

    ste// gsal ba lnga ru byung yang rang gsal rtog pa med// gsal la rtog med mnyam par bzhugs pa la// sku yi ngo bo de la gnas lugs rnam gsum byung // thog ma gnas pa rang gsal rtog pa med// rang gsal rtog med 'gyur ba med pa la// stong pa rtog med ye shes rlung gis g.yo 'gul byung // rlung gi yo 'gul de yis rkyen byas nas// ye shes chen pa'i rtsal shugs phra rab zer tsam g.yo// zer gyi g.yo 'gul lnga phyi phyi mar rags// rags pa'i dbang gis yid kyis 'grub byung // 'gyu ba byung yang ming 'dogs ma nus zol gang ba// de ni yid du 'ong ba'i gnas lugs so// yang ye shes chen po'i rtsal shugs 'khor lo gsum g.yos pas// kun tu tshol ba'i yid dang gtan la 'bebs pa'i yid// nges par 'jog pa'i yid dang gsum po la// yid kyi ming 'dogs sems kyi snyam byed byung ba la// de ni sems su byung ba'i gnas lugs so// rang gsal yid dang sems kyi phra rags kyis// sku yi yon tan gting gsal chen por byung ba la// gting gsal de yi yon tan kha dog lnga ru shar// ye shes de yi yon tan sems nyid rno la gcod// 'gag med ma 'gags dbyer med yon tan de// yon tan chen po rang gis rang ma rig/ chos kyi sku la 'gyur ba med bzhin du// ma rig mun pa chen pos sngun bsu nas// khams gsum phra rags

  141. 71a

    'grims nas 'dod pa'i khams su 'khrul// 'dod pa'i khams su 'khrul kyang sku la chags grum med// 'dod pa'i khams su 'khrul kyang gsung la 'gag 'grib med// 'dod pa'i khams su 'khrul kyang thugs la skye shi med// 'dod pa'i khams su khrul kyang zhing khams stor ba med// chos kyi sku yi yon tan brjod pas mi lang ste// gti mug mun pa'i gling na rang nyid rang la gsang // rang gsang thabs kyis chod pas gti mug mun pa 'di// dpal rdo rje 'dzin pa khyod kyis khrol// ces gsungs so// phyi rgyud kyi yon tan gyi le'u ste brgyad pa'o// / yang dpal rdo rje 'dzin pas zhus pas// kye kye gsang ba'i bdag po lags// phyi rgyud yul gyi phra rags bstan du gsol// ces zhus so// gsang ba'i bdag pos gsungs pa// dpal rdo rje 'dzin pa nyon cig/ phyi rgyud yul gyi mtshan nyid brtan pa ni// sku dang ye shes gnyis med chen po de// gnyis med ngang la gnas na gzhi yi mtshan nyid yin// gnyis med rtog pa langs na sems can mtshan nyid yin// gnyis med mngon du gyur na 'bras bu chen po yin// sku dang ye shes gnyis med de// ma rtogs rang la gsang na 'khrul pa'i gzhi yang yin// sku dang ye shes gnyis med la// ming med ming du btags na 'khrul ba'i gzhi yang yin// ming gi bag chags brtas pa 'khrul ba'i 'bras bu

  142. 71b

    yin// sku dang ye shes gnyis med la// 'gag med ma 'gags gnyis med kyis// snang tshul tha dad rang bzhin gcig pa la// 'gag med ming gi bye brag tha dad btags// de yang ji ltar btags pa ni// sku yi yon tan kha dog rnam lnga la// ye shes rtsal gyi 'khor lo gsum g.yos pas// 'khor lo gsum rtsol shugs ming gi bye brag lnga// de yang lnga gang zhe na// gsal dang mi g.yo rgya ma chad// mi 'gyur g.yo 'gul lta bur btags// g.yo 'gul de yi rtsal shugs kyis// dang po ci yin mno ba'i yid// rab tu yin min lta bu'i yid// za ma yin gdeng yid du skyes pa'o// yang dang po ci yin yid la rnam pa gsum ste// de yang gsum gang zhe na// sku la ci yin skyes pa dang // yul la ci yin skyes pa dang // gsung la ci yin skyes pa'o// yang yin min yid la rnam gsum ste// de yang gsum gang zhe na// sku la yin min ming du lta ba dang // yul la yin min lta ba dang // gsung la yin min ming du lta ba'o// yang yin gdeng yid la rnam pa gsum// de yang gsum nga zhe na// sku la ming med ming du btagags pa la// ming la yin gdeng yid du skyes pa dang // yul la ming med ming du btags pa la// ming la yin gdeng yid du skyes pa dang // gsung la ming med ming du btags pa la// ming la yin gdeng yid du skyes pa'o// ming med ming du btags

  143. 72a

    pas ming gi bag chags brtas// ming gi bag chags mthu brtas pas// dngos med dngos su snang ba ste// de yang ji ltar snang ba ni// sku'i yon tan dkyil 'khor chen po la// kha dog lnga yi ming btags ming du 'khrul// ming du 'khrul nas dang po ming la spyod// yang ye shes rtsal gyi 'khor lo gsum g.yos pas// yid kyi rang bzhin g.yo 'gul bzhag sa med pa yis// dkyil 'khor chen po de la ming med ming du btags// de yang ji ltar btags pa ni// dkar po dang ni sngon po dang // dmar po dang ni ser po dang / ljang ku'i ming dang kha dog lnga ru 'khrul// kha dog lnga la spyod cing de la 'khrul pa'o// yang ye shes rtsal gyi 'khor lo gsum g.yos pas// 'gyu ba rten med lnga 'khrul ma myong ste// rten med yid kyi bag chags cher brtas te// dkyil 'khor chen po gsal la drangs pa la// dkar po shar la sngon po lho ru btags// dmar po nub la ser po byang du btags// ljang ku steng 'og phyogs mtshams bzhi yi ming btags pas// ming gi bag chags mthu brtas nas// de la gnas shing de la spyod pa'o// yang ye shes rtsal gyi 'khor lo gsum g.yos pas rtsal gyi bags chags cher rtas nas// skye mched mu bzhi'i gnas su 'khrul// mu bzhi'i gnas na gnas tsam na// ming gi bag chags cher brtas nas// ming gi mun pas sangs

  144. 72b

    rgyas zhing khams 'gribs// dbang po lnga yi yul du da rung ma gyur pas// chos nyid nyan shad med pas don dang 'jal ba dga'// gzugs med khams kyis sku'i ngo bo med pas thub pa'i gsung mi thos// yid kyi spyod pa phra rags spyod cing rtog pa tha mar brdal// yid kyi rang bzhin gzugs brnyan rang gi rang la sku// gzugs med 'dod pa ches pas gzugs med khams// gzugs med khams kyi phyi yi snang ba ni// tha dad ma yin gnas rigs bzhi// gzugs med yid la spyod cing de la gnas pa'o// yang ye shes rtsal gyi 'khor lo gsum g.yos pas// yid kyi ming 'dogs bag chags cher rtas te// gzugs khams 'od dang chas par 'khrul gzugs khams na yang lha rigs drug tu gnas// tshad med dang ni dge rgyas dang // 'thab bral 'od kyi phung po dang // rgyal chen rigs bzhi sum cu rtsa gsum lha// thag bzangs rigs dang drug tu 'khrul// gzugs khams na gnas rigs bco brgyad de don la cig/ gzugs khams gnas rigs bco brgyad na// mi mthun khyad par bsod nams che chung yod// che chung ji ltar gnas pa ni// rgyal chen rigs bzhi yan chod phyi yi snang ba gcig/ dper na gser la g.yus spras dngos mtshan med// sum cu rtsa gsum gnas na phyi yi snang ba gcig/ de yang ji ltar gcig pa ni/ ye shes rtsal gyi 'khor lo gsum

  145. 73a

    g.yos pas// yid kyi ming 'dogs bag chags cher rtas nas// kha dog lnga la ming btags dngos por smin// de yang ji ltar smin pa ni// dkar po dngul la sngon po lcags// dmar po zangs la ser po gser// sngon po bai DUR+Ya ru 'khrul// rin chen sna lngar 'khrul bas de la gnas shing spyod pa'o// yang zag bzang rigs kyi phyi yi snang ba ni// ri rab khong seng dpag bsam ljon pa'i shing // shin tu dri zhim rin chen gser gyi sa gzhi'o// yang ye shes rtsal gyis 'khor lo gsum g.yos pas// yid kyi ming 'dogs bag chags cher g.yos nas// 'dod khams gnas rigs nyi shu'i gnas su 'khrul// de yang ji ltar 'khrul zhe na// kha dog lnga la ming btags ming smin pas// ming gi bag chags brtas pas dngos med dngos su snang // de yang ji ltar snang ba ni// dkar po nam mkha' sngon po chu ru sna// dmar po me la ser pos ru snang // ljang ku rlung du btags pas 'degs shing g.yo ba de// 'byung ba lnga ru 'khrul nas lnga ru spyod pa'o// phyi rgyud yul gyi snang ba bstan pa'i le'u ste dgu pa'o// mang dpal rdo rje 'dzin pas zhus pa/ kye kye gsang ba'i bdag po lags// phyi yi 'khrul tshul ji ltar 'khrul ba lags// gsang ba'i bdag pos bstan du gsol// gsang ba'i bdag pos gsungs pa dpal rdo rje 'dzin pa khyod nyon cig/ sku yi 'khrul

  146. 73b

    tshul bstan pa ni// thog ma med pa'i dus nyid na// sangs rgyas sems can ming med de// rang byung sku yi ngo bo byung ba'i tshe// rang gsal rtog pa med pa la// che ba lnga yi yon tan rang byung tshang bar byung // che lnga tshang ba'i sku yi ngo bo la// 'gyu ba rten med ye shes rlung g.yos pas// g.yos pa de yi rtsal du yid kyi thol gang byung // thol gang ming med chu bur 'bur ba 'dra// thol gang ming med skad cig gang 'gyur te// grangs kyi snga phyi gnyis med gcig tu byung // gcig po de la yin men lta ba rnam gsum ste// dang po ci yin lta ba dang // bar du yin min lta ba dang // gzhug tu yin gdeng lta ba'o// de yang ji ltar bltas pa ni// yid bzhin sku yi ngo bo la// nang med nang na ye shes lnga ru gnas// ye shes lnga yi che ba'i yon tan la// ming med ming du btags pas ming gi bag chags brtas// de yang ji ltar brtas pa ni// ye shes rtsal gyi 'khor lo gsum g.yos pas// ye shes lnga yi ngo bo gsal ba la// yid kyi ming brtags ming gi bag chags brtas// me long lta bu'i ye shes la// gsal byed mgo ru btags pas yan lag mgo ru 'khrul// mnyam pa nyid kyi ye shes gsal ba la// mnyam pa'i lus su btags nas yan lag lus su 'khrul// so sor rtog pa'i ye shes gsal ba la// rgya ma chad du btags nas yan lag lag par

  147. 74a

    'khrul// bya ba grub pa'i ye shes 'gyur ba med pa la// 'gyur med mtshan mar btags nas srid pa'i mtshan mar 'khrul// dbyings stong pa'i ye shes gsal zhing yangs pa la// yangs zhing 'degs par btags pas 'degs pa rkang par 'khrul pa'o// kye dpal rdo rje 'dzin pa nyon cig/ sku dang ye shes gnyis med// gnas pa'i dus su gnas pa'i gzhi yang yin// 'khrul pa'i dus su 'khrul pa'i gzhi yang yin// rang nyid rangs spyod 'khrul pa ldog pa'i gzhi yang yin// rang nyid rang la bltam na rtog pa'i gzhi yang yin// sku dang ye shes chod nas 'bras bu mngon du gyur// rang gis rang bzhin mi rtogs blo yis bslad gyur na// gsal ba lnga yi yon tan ye shes rnam lnga la// snga bzhi btags pas dbang po lnga yang 'khrul// de yang ji ltar 'khrul pa ni// me long lta bu'i ye shes gsal ba la// gsal byed ming du btags pas dbang po mig tu 'khrul// mnyam pa nyid kyi ye shes gsal ba la// nyan byed rna ba btags pas rna ba'i dbang por 'khrul// so sor rtog pa'i ye shes sna yi dbang por 'khrul// bya ba grub pa'i ye shes lce yi dbang por 'khrul// dbyings stong pa'i ye shes lus kyi dbang por 'khrul pa'o// yang don snying lnga yi 'khrul tshul bstan pa ni// gsal ba dag pa snying du 'khrul// g.yo med dag pa glo bar 'khrul// rgya

  148. 74b

    ma chad pa mchin par 'khrul// mi 'gyur ba las mcher par 'khrul// g.yo zhing 'gul ba mkhal mar 'khrul pa'o// yang gsal mi g.yo rgya ma chad// 'khrul ba kun gyi gzhi yin te// de'ang ji ltar yin pa ni// gsal ba dag las pho sul gnyis su 'khrul// mi g.yo ba las long brod gnyis su ni// rgya ma chad las rgyu ma'i ming du 'khrul// mi 'gyur ba las gnye ma'i ming du 'khrul// g.yo zhing 'gul ba skrang pa'i ming du 'khrul pa'o// yang gsal dang mi g.yo rgya ma chad// mi 'gyur g.yo zhing 'gul ba de// 'khrul pa kun gyi gzhi yin// de yang ji ltar yin pa ni// gsal ba lnga las nad lngar 'khrul// gting gsal chen po g.yas g.yon med par gsal ba la// gsal ba de las rlung gi nad du 'khrul// mi g.yo ba las bad kan nad du 'khrul// rgya ma chad las khrag gi nad du 'khrul// mi 'gyur ba las mkhris pa'i nad du 'khrul// mi 'gyur g.yo 'gul lta bu la// nad kyi bye brag 'dus pa'i nad du 'gyur// mi 'gyur g.yo 'gul lta bu de// che ba'i yon tan yin te don gyi snang ba cig/ de yang ji ltar cig pa ni// ye shes rtsal gyi 'khor lo gsum g.yos pas// gsum du g.yos kyang gcod lugs gnyis las med// gsal ba lnga las ming btags thu la g.yos pa'i tshe// yid kyi rnam rtog 'khrul pa'i lam yin no// lam gyi bag chags

  149. 75a

    cher brtas ming la zhen pa ni// 'khrul pa'i 'bras bu dngos por smin pa'o// gsal ba lnga yi yon tan ye nas rgyas pa la// rgyud chen 'di yi sgor zhugs nas// 'khor lo gsum du yid g.yos don la g.yo ba ni// 'khrul ba ldog pa'i lam yin don dang 'jal bar nges// de yang ji ltar 'jal ba ni// gsal dang mi g.yo rgya ma chad// mi 'gyur 'gag pa med pa de// g.yo ba med na gzhi yi gnas lugs te// g.yo 'gul ming du btags na 'khrul pa'i lam// dngos po kun gyi bag chags dngos por smin pa de// rang sar khrol na 'bras bu chen po yin// rang sar khrol ba'i skyes bu chen po la// bsgom bya sgom byed gnyis med de// shes rab lam du khyer ba ni// rdo rje sems dpa' nyid dang mtshungs// gsal gdang dang la 'jog pa ni// kun tu bzang po nyid dang mtshungs// sangs rgyas che ba'i yon tan ni// nam mkha' bzhin du kun la khyab// kun la khyab kyang rang gsang thabs kyis chod// rang nyid rang la gsang ba'i mun pa 'di// rdo rje 'dzin pa khyod kyis sol// sprul pa sku'i phyi'i rgyud gsum// snang chung tha dad don gyi ngo bo gcig/ ri'i mtho dman lung pa'i yangs dog/ rtsi shing nags tshal g.yang sa dang // rin chen sna lnga ri rab khong seng dang // bye tshan mo dang me mar mo// gling bzhi mun pa'i dkyil 'khor dang // shan ma ri dang spu

  150. 75b

    gri so// tsha grangs la sogs ro myags 'dam la sogs// rtag pa ther zug don gyi snang ba min// smig sku'i cha rnams rab rib mig dang mtshungs// sku'i 'khrul pa'i snang ba ni// gzugs khams 'od dang chas pa dang // legs pa dang ni ma legs pa// phrad pa dang ni zlum pa dang // ring ba dang ni thung ba dang // rkang mangs dang ni rkang nyung dang // gnam la 'phur ba sa la 'dzul ba rnams// yang dag don gyi sku ma yin// 'gyur med don gyi ngo bo med// smig sgyu'i chu dang rab rib mig dang mtshungs// 'khrul snang mi bden don gyi snang ba 'gyur ba med// 'khrul snang mi bden sku la 'gyur ba med// 'khrul snang mi bden gsung la 'gag 'grib med// 'dod pa'i khams su ji ltar 'khor mod kyang // 'gyur med rgyan dang ldan pas na// yon tan rgya ma chad pa'i rgyud du bsten pa'o// phyi rgyud 'khrul snang sku dang sbyar ba'i le'u ste bcu pa'o// // dpal rdo rje 'dzin pas zhus pa// kye kye gsang ba'i bdag po lags// sprul pa'i sku yi ngo bo yi// nang rgyud 'khrul snang ji ltar lags// zhes zhus so// gsang ba'i bdag pos bka' stsal pa// dpal rdo rje 'dzin pa khyod nyon cig/ nang rgyud gsum gyi 'khrul tshul bstan pa ni// sku dang ye shes gnyis med chen po de// nang rgyud 'khrul pa'i gzhi yang yin// de yang ji ltar yin pa ni// gsal ba lnga yi

  151. 76a

    yon tan rang la gnas pa la// 'khor la gsum du yid g.yos yid kyi rtsal shugs kyis// gsal ba lnga la ming btags ming gi bag chags brtas// de yang ji ltar btags pa ni// gsal ba'i rtsa dang mi g.yo ba yi rtsa// rgya ma chad kyi rtsa dang mi 'gyur rtsa// ma 'gags g.yo zhing ldog pa'i rtsa dang lngar btags pa'o// yang rtsa'i don la gnas lugs rnam lnga ste// de yang lnga gang zhe na// gsal ba'i rtsa ni spyi bo'i btsug na gnas// g.yo ba med pa'i rtsa ni snying gi dkyil na gnas// rgya ma chad kyi rtsa ni lte ba'i dkyil na gnas// mi 'gyur ba'i rtsa ni mtshan ma'i dkyil na gnas// g.yo zhing 'degs pa'i rtsa ni rkang pa'i dkyil na gnas// rtsa yi gnas lugs mdor bsdus rnam lnga la// 'khor lo gsum du yid g.yos yid kyi rtsal shugs kyis// rang gi rnam rtog g.yo zhing 'gul ba la// rtog pa skad cig rtsa grangs ming du btags// de yang ji ltar btags pa ni// nyi khri chig stong ming btags dngos por smin// rtsa yi yan lag brjod pas mi lang kyang // rtsa yi ming rnams mi bden rtsa rnams rang sar grol// rtsa rnams rang sar ji ltar dgrol ba ni// rtsa yi gnas lugs mdor bsdus rnam lnga'o// gsal ba'i rtsa ni gting gsal chen por grol// mi g.yo ba'i rtsa ni gsal ba'i ngang la gnas// rgya chad med pa'i rtsa ni thams cad dbyer med

  152. 76b

    gnas lugs cig/ 'gyur ba med pa'i rtsa ni gnyis med 'bras bu che// g.yo zhing 'dogs pa'i rtsa ni ma 'gags yon tan che// rtsa yi rtsa ba che ba lnga ru 'dus// che ba lnga ni sangs rgyas kun gyi mtshan// che ba lnga yi don rtogs lnga la gnas gyur na// de ltar gnas na sangs rgyas kun gyi rje btsan yin// skyes bu'i gang zag blo dang rtsal ldan na// rtsa ba'i ming med rtsa ba'i ngang la zhog/ gsal ba'i ming med gsal ba'i ming yang blo yin pas// ming med gsal ba'i ming du myang 'das chen po'i sku// yang rdo rje 'dzin pa nyon cig/ yang dag don gyi 'bras bu ni// rtsa la sbyangs pas thob par mi 'gyur te// gting bsal chen po don rtogs 'gyur ba med pa la// bde stong gnyis med lam gyi phyag rgyar che// rtsa la 'byongs na nad kyi zug rngu choms// gtum mo lus la sbar na grang ba'i sdug bsngal zhi// bde ba lus la rgyas na sdug bsngal zhen pa ldog/ thig le 'bebs 'dril bde ba'i mtha' rgyas na// khams kyi zas la ma brten lus kyi gzi mdangs rgyas// bde stong dbyer med rlung gis 'degs shes na// rkyen gyi sdug bsngal mi 'byung tshe yi dngos grub thob// dper na nyi ma'i snying po bzhin// me chu'i bskal pa dar ba'i tshe// 'gyur med mkha' la nyi zla bzhin du gnas// rtog pa ma bskyed nang nas shin tu gsal bar 'char// shes rab nang nas shar ba'i

  153. 77a

    tshe// skad cig ma yis rdo rje 'dzin pa'i sa// rtsa yi 'dzin med bde ba'i chags med na// phung po lhag med mnyam pa chen po'i ngang // de yi phyi na rtsa dang thig le sbyar ba'o// nang rgyud rtsa'i gnas lugs bstan pa'i le'u ste bcu gcig pa'o// // yang dpal rdo rje 'dzin pas zhus pa// kye kye gsang ba'i bdag po lags// rtsa yi gnas lugs ji ltar gnas pa dang // gtum mo ji ltar spor ba dang // rlung gi gzhug lugs ji ltar bzhugs pa dang // thig le'i 'bebs 'dril ji ltar bgyid pa lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ ces pa rtsa yi gnas lugs ni// spyi bo'i gtsug na bde ba mi 'gyur ba'i rtsa// snying gi dkyil na g.yo med mnyam pa chen po rtsa// lte ba'i dkyil na rgya chad phyogs lhung med pa'i rtsa// mtshan ma'i dbyings na 'gyur med bde ba g.yo ba'i rtsa// rkang pa'i mthil na 'degs byed kun la khyab pa'i rtsa// rtsa lnga'i dbyings na thig le'i 'khor lo lnga gnas te// de yang ji ltar gnas pa ni// bde ba chen po 'khor lo spyi bo'i rtsa la gnas// longs spyod chen po'i 'khor lo'i tsit+ta'i rtsa la gnas// sprul pa chen po'i 'khor lo lte ba'i rtsa la gnas// sku gsum 'gyur med rtsa ni mtshan ma'i rtsa la gnas// sku gsum yon tan rtsa ni rkang pa'i mthil

  154. 77b

    na gnas// 'khor lo lnga yi mtshan ldan don la sbyar ba ni// spyi bo bde ba chen po'i 'khor lo ni// sku la 'gyur med thig le chen por gnas// snying kha chos kyi 'khor lo longs spyod rdzogs pa na// thig le 'gyur med 'phrin las don dang ldan// lte ba sprul pa'i 'khor lo na// thams cad bskyed pa'i 'khor lo yum gyi mchog/ mtshan ma 'gyur med bde ba'i 'khor lo na// thig le 'bebs 'dril bde ba chen pa'i mchog/ 'degs byed rlung gi 'khor lo na// bskyod pa'i thig le gtum mo me ru 'bar// de yang ji ltar 'bar ba ni// rdo rje 'dzin pa khyod nyon cig/ sku dang ye shes gnyis med de// yig 'bru'i rgyu las bskyed pa ma yin te// phung po lhag med don dang sprad pa'i phyir// shes rab thabs la 'gags med don dang mi 'gal bas// thig le 'bebs 'dri la gtum mo me ltar sbar// bde stong dbyer med snang ba'i zhen pa bzlog/ rgyu rkyen tshogs las 'das par lta ba'i rgyab shad bcad// gnyis med dpal gnas pas sangs rgyas kun gyi rje// mtshan ma rang sar grol bas 'bras bu bla na med// ma 'dres yongs su rdzogs pas yon tan bla na med// gnyis med rdo rje 'chang dang mjal ba'o// thig le'i gnas bstan pa'i le'u ste bcu gnyis pa'o// // yang dpal rdo rje 'dzin pas zhus pa/ kye kye gsang ba'i bdag po lags// rlung

  155. 78a

    gis ji ltar 'deg cing gtum mo ji ltar sbar// thig le ji ltar dbab cing bde ba ji ltar rgyas// nyon mongs ji ltar gzhom zhing rig pa ji ltar 'phel ba lags// zhes zhus so// gsang ba'i bdag pos gsungs// rdo rje 'dzin pa khyod nyon cig/ thabs dang shes rab ma 'gags pas// 'khor lo lnga yi dbyings nyid du// dkar dmar ldang la sos pa'i yig 'bru sgom// de yang ji ltar sgom pa ni// 'byung ba'i dngas ma rlung yin te// dang po chags kyang rlung gi rtsal las chags// tha ma 'jig kyang rlung gi rtsal gyis 'jig/ dper na seng ge'i 'khog pa rang gi 'jig pa bzhin// rlung gnad 'dis zin 'byung ba lnga yang 'jig/ 'byung ma zhig rang gis bshig pa ni// nyon mongs rtsad nas chod pas mtshan ma rang sar khrol// 'byung ba bshig pa'i man ngag bstan pa ni// 'byung ba kun gyi dwangs ma rlung yin pas// rtsa dang thig le rlung gi gnad zin nas// ji ltar dgug cing mda' ltar 'phang du yod// bsam gtan thabs kyi sbyor ba ni// rtsa yi yan lag brjod pas mi lang kyang // rtsa yi rgyal po a d+ha ti yin/ dper na dmangs dang rgyal po'i tshul du gnas// a wa d+ha ti'i gnas lugs ni// sog sbubs kha phye gzhung gi dbyings na ga nas// rtsa yi 'dab ma yan lag rtsa ba lnga// gnyis ni lag pa gnyis na gnas// gnyis ni

  156. 78b

    rkang pa gnyis na gnas// gcig ni mtshan ma'i dbyings na gnas// rtsa la rlung gis bskyod ni thig le rgyas par nges// de yang ji ltar rgyas pa ni// rkang pa'i mthil gnyis lag pa'i mthil gnyis dang // mtshan ma'i rtse mo spyi bo'i yang stengs su// yi ge yam bsam kha dog ljang khu'o// rlung gi rgyu lugs brjod pas mi lang pas// rgyu lugs mdor bsdus rtsa rnam gsum ste// de yang gsum gang zhe na// gyen du rgyu'i rlung thur du sel ba'i rlung // rtsibs la rgya ba'i rlung du bstan pa'o// de yang gyen du rgyu ba'i rlung la rnam gnyis te// de yang ga nyis gang zhe na// 'degs byed don gyi rlung dang snabs lud sel ba'i rlung // 'degs byed don gyi rlung ni shes rab chen po yin// snabs lud sel ba'i rlung ni kun la gnas pa'o// yang thur du rgyu ba'i rlung la rnam gnyis te// de yang gnyis gang zhe na/ zas rnams 'byed pa'i rlung dang ngan pa sel ba'i// yang rtsib la rgyu ba'i rlung ni rnams gnyis te// rlung gi rlung dang nad rnams sel ba'i rlung / rlung gi mdor bsdus spyi bo'i gtsug tu drang // de yang ji ltar drang ba ni// tshangs pa'i bu ga ma 'gags yang stengs su// yi ge hUM sgom kha dog ljang khu yin// yaM las rlung bskyod 'degs byed sdud pa'i rlung // rkang pa gnyis nas sbar zhing lag pa gnyis nas spu// mtshan ma'i dbyings nas rlung bskyod me ru 'bar ba ni// spyi bo'i

  157. 79a

    gtsug ni hUM ni 'dren cing 'phen pa'i rlung // 'og nas me 'bar steng nas drags byas pas// me dang rlung du gnyis med chen po de// rtsa yi rgyal ba'i nang bzhugs me 'bar spyi bo'i gtsug/ gtum mo me 'bar byin brlabs chen po des// spyi bo a bzhu thig le dkar lag dang // thig le rgyas shing babs pa'i yon tan las// thugs kha'i mthing la sbran par babs/ thig le gnyis med 'gyur ba'i yon tan las// 'phrin las brjod med gnyis med chen po'o// de las gnyis med thig le rgyas pa las// lte ba sprul pa'i 'khor lo dmar la gdangs par babs// gnyis med thig le chen po'i yon tan las// yab dang yum gyi tshul du byung ba ste// yab yum gnyis kyi byin brlabs las// sras kyi sprul pas 'gro ba'i sdug bsngal sbyang // yab yum gnyis med byin brlabs las// lus kyi yan lag bde ba phyogs bzhir rgyas// rtsa yi rgyal po thig le chen po'i dbus// yab yum gnyis med thig le rgyas pa las// mtshan ma'i thig le bde ba chen po'i rtsa// mtshan ma'i dbyings nas rtsa yi gnas lugs ni// ro ma dang ni rkyang ma dang // pad+ma can dang dung can ma// pho rtsa dang ni mo rtsa dang // rtsa'i shi sha ngan 'gro'i gnas// de ltar rtsa yi gnas lugs ni// rang sor bcu gnyis dbyings na ro ma gnas// ro ma mi slongs rnal 'byor don med

  158. 79b

    pas// phyag rgya ma yi don dang mi ldan no// sor brgyad dbyings na pad+ma'i rtsa gnas pas// rtsa yi mgo blang rtsa mdud gso byas nas// rnal 'byor ba yis su rung ba'o// sor bzhi'i dbyings na rkyang ma'i rtsa gnas te// rnal 'byor mtshan ldan bde ba skyong bar nges// mtshon gang dbyigs na dung can rtsa gnas te// dung can rtsa dang ldan pa'i phyag rgya ma// rnam 'byor las su rung ba nyid dang phrad// skal ldan las dang skal bar ldan pa'i rnal 'byor te// gnyis med bde ba chen po spyod// lus kyi nus pa mi 'tshor bde ba phyogs bzhir rgyas// gnyis med bde chen bying rmugs kun dang bral// shin tu gsal dang chags pa'i 'dzin med de// phyag rgya chen po'i rigs 'dzin thob pa'o// shi sha drod med las su mi rung bas// phyag rgya'i don dang mi ldan thabs kyi spang bar bya// pho rtsa drag la myur ba dang // mo rtsa dal la 'jal pa gnyis// rtsa yi rigs chatshad ma ning ma yin pa// rtsa rnams kun gyi gnas lugs yin// drag la myur ba 'dug na pho rtsa ste// rnal 'byor lus kyi bya byed bskyung // dal la 'jam na mo rtsa yin// rnal 'byor lus po thabs kyis bskul// bskul ba drag na thig le 'chor// thig le lus dang bral gyur na// rnal 'byor las su rung ba min// thig le bzlog cing gnas su bstim// de yang ji ltar bstim pa ni// rang gi rtsal shugs ting 'dzin

  159. 80a

    nyams dang sbyar// gtum mo lus la sbar ba'i tshe// bde ba lus la rgyas tsam na// ting 'dzin gzhan na spyi bo'i gtsug tu bsgril// de bas drag na chos kyi 'khor lor bsgril// de bas drag na sprul pa'i 'khor lor bskyil// nyams su longs na rdo rje rtsa ba bsgril// tshad du skyol na bum pa'i kha nas bzlog/ thig le'i gnas lugs babs sar mi bzhag par// stod kyi 'khor lo rnam pa gsum du bskyal// de yang ji ltar bskyal ba ni// hUM gi yon tan brjod mi lang // spyi bo'i gtsug gi yi ge hUM gnas pa// hUM gi yi ge sdud dang 'dren pa'i sgra// yam gyi yi ges 'degs dag spor ba'i sgra// yi ge gnyis kyi byin brlabs las// thig le 'bebs 'dril 'khor lo'i dbyings su bskyol// rtsa dang thigs le 'byongs shing nyams su long tsam na// phyag rgya mar rten rang gi bde ba spor// rdo rje 'dzin pa khyod nyon cig/ chos sku thig le nyag gcig po// gzhu ltar bkug la mda' ltar 'phang ba ni// spyi bo bde ba chen po'i 'khor lo na// yi ge a gnas thig le 'gyur med de// snying kha chos kyi 'khor lo yis// sku dang ye shes gcod pa'i phrin las mnga' bdag chen po des// thig le gzhu ltar bkug la steng gi rlung gis nan// tshangs pa'i bu ga'i yang stengs yi ge hUM gnas pa// 'dren pa'i rtsal dang ldan pa khung khar su ru gzhug/ sprul pa'i 'khor lo byin

  160. 80b

    brlabs chen po dang // rlung gi 'khor lo 'degs byed rtsal chen dang // 'khor lo lnga yi yon tan chen po dang // steng gi rlung drangs 'og gi rlung gis 'phang // chos kyi sku yi pho brang 'og min gnas dag tu// gting gsal chen po ngo bo gyur med de// gzhu ltar bkug la mda' ltar 'phang ba'o// nang rgyud rtsal dang thig le bstan pa'i le'u ste bcu gsum pa'o// // yang dpal rdo rje 'dzin pas zhus pa// gsang ba rgyud kyi ngo bo dbye ba bstan du gsol// gsang ba'i bdag pos gsungs pa// rdo rje 'dzin pa khyod nyon cig/ gsang ba'i rgyud gsum bstan pa ni// sku dang ye shes gnyis med 'di// gsang ba 'khrul pa'i gzhi yang yin// de yang ji ltar 'khrul zhe na// ye shes rtsal gyi 'khor lo gsum g.yos pas// yid kyi phra rags sems kyi rtog pa yis// gsang ba lnga yi yon tan 'gyur ba med pa la// ming med ming du btags pas ming gi bag chags brtas// gting gsal chen po yon tan rang gis rang la gsang // gting gsal g.yo ba med pa rang gis rang la gsang // gting gsal rgya chad med pa rang gis rang la gsang // gting gsal 'gyur ba med pa rang gis rang la gsang // gting gsal 'gag pa med pas rang gis rang la gsang // gting gsal chen po'i yon tan 'di// rgya chad phyogs lhung med pas kun la khyab

  161. 81a

    pa ste// rang gis rang la gsang las yon tan ming gis bsgribs// ming gi grib ma mun pa spros pa las// sprul pa'i sku yi ngo bo gnas shing ming la spyod pa'o// chos kyi sku yi ngo bo ni// rmi lam 'khrul ba'i bag chags brtas mod kyang // ltar nang mi bden ming gi grib ma yin// sku la 'gyur med rdo rje sems dpa'i sku// gsung gi 'gag 'grib kun dang ye nas bral// thugs kyi skye shi kun dang bral// yul ni mtho dman kun dang bral// gnyis med 'du 'bral kun dang bral ba la// rnam rtog lnga'i spyod yul gyis// 'gyur med 'gyur ba ltar du snang // 'gyu ba ltar du snang mod kyang // yang dag don la 'gyur ba med pas na// gsal ba rgya ma chad du bstan pa yin// gsal ba rgya chad med pa'i don rtogs na// rgyud rnams kun gyi rtsa ba yin// zhes gsungs so// gsal ba rnam pa lnga'i rgyud bstan pa'i le'u ste bcu bzhi pa'o// / yang dpal rdo rje 'dzin pas zhus pa// kye kye gsang ba'i bdag po lags// ye shes rgyud kyi ngo bo dbye ba bstan du gsol// zhes zhus so// dpal gsang ba'i bdag pos gsungs pa// yang dpal rdo rje 'dzin pa nyon cig/ ye shes rgyud kyi ngo bor dbye ba bstan pa ni// sku dang ye shes ngo bo gnyis med de// snang tshul tha dad rang bzhin gcig pa la// ye shes rtsal gyi 'khor lo gsum g.yos pas// gnyis

  162. 81b

    med gcig la tha dad ltar mthong bas// da lta tha dad tshul du 'bral ba ltar// 'bral ba ltar du snang yang don la 'gyur ba med// yid kyi phra rags sems kyi ming 'dogs kyis// ming gi phur pa ming gi 'dam la chags// ming gi 'khrul snang 'di la ma zhen na// chos kyi sku yi ye shes g.yo ba med pa dang // longs spyod rdzogs pa'i ye shes rno la gcod pa dang // sprul pa'i sku yi ye shes rtog pa'i dri ma gsum// dbyer med gcig ste rgya chad med pa la// rtog pa'i dbang gis ye shes tha dad ltar// tha dad ltar du snang yang don la 'gyur ba med pas// ye shes chen po'i rgyud du bstan pa'o// ye shes kyi rgyud bstan pa'i le'u ste bco lnga pa'o// // yang rdo rje 'dzin pas zhus pa// kye kye gsang ba'i bdag po lags// 'phrin las rgyud kyi ngo bo bstan du gsol// zhes zhus so// yang gsang ba'i bdag po gsungs pa// rdo rje 'dzin pa khyod nyon cig/ 'phrin las rgyud kyi ngo bo dbye ba bstan pa ni// sku dang ye shes gnyis med de// yang dag don dang sbyor ba la// gcod pa'i 'phrin las rnam lnga ste// de yang lnga gang zhe na// sku la lhag ma med par gcod pa'i 'phrin las dang // gsung la lhag ma med par gcod pa'i 'phrin las dang // thugs la lhag ma med par gcod pa'i 'phrin las dang // yul la lhag ma med par gcod pa'i 'phrin las dang // gnyis med lhag

  163. 82a

    ma med par gcod pa'i 'phrin las bstan pa'o// rdo rje 'dzin pa khyod nyon cig/ sku'i 'phrin las la yang rnam gsum ste// de yang gsum gang zhe na// kha dog dbyibs ldan reg bya med pa ste/ me long nang gi sku dang mtshungs// byed pas ma byas rgyu rkyen kun dang bral// nyi ma'i snying po nyid dang mtshungs pa'o// sku dang ye shes gnyis med de// man shel me long bur dag pa ste// blo 'og mun khyab med par kun tu gsal// ye shes 'gyur med 'od kyi phung po la// nang med pa yi nang nyid nas// yon tan phyir ru 'char bas na// man shel dag pa nyid du mtshungs// yang gsung gi 'phrin las rnam pa gsum ste// de yang gsum gang zhe na// sku'i ngo bo ston pa'i gsung gi 'phrin las dang // yul gyi ngo bo ston pa'i gsung gi 'phrin las dang // gnyis med ngo bo ston pa'i gsung gi 'phrin las so// yul gyi 'phrin las la yang rnam pa gsum ste// de yang gsum gang zhe na// chos kyi sku yi zhing khams spyod pa'i 'phrin las ni// phyogs lhung rgya chad med pa'i chos nyid nam mkha' de// gzhi yi lhun grub yon tan kun dang ldan// gser la g.yus sgras dag pa'i dbyings dang mtshungs// longs sku'i zhing khams gcod pa'i 'phrin las ni// ma bris dkyil 'khor ma 'dres yongs su rdzogs// shin tu gsal dang yon tan kun dang ldan// mkha' la 'ja'

  164. 82b

    tshon drangs pa nyid dang mtshungs// sprul pa'i sku yi zhing khams 'bod pa'i 'phrin las ni// 'byung chen lnga yi dkyil 'khor mtshan ma rang sar grol ba'o// yang thugs kyi 'phrin las rnam gsum ste// de yang gsum gang zhe na// chos kyi sku yi ye shes gcod pa'i 'phrin las ni// shin tu gsal zhing g.yo ba med pa dang // rag gsal 'gyur ba med pa'i yon tan te// dper na bum pa'i nang gi me dang mtshungs// yang longs sku ye shes gcod pa'i 'phrin las ni// dngos mtshan med pa'i ye shes skye ba ser rlung dang 'dra// shin tu gsal zhing gdang ba ni// dri med man shel dag pa 'dra ba ste// gcod kyi rang bzhin rang gri so dang mtshungs pa'o// sa bcu byang chub sems dpa' spyod pa'i 'phrin las ni// dad pa 'gyur med snying rje chen po dang // dge bcu gtsor byas nyon mongs gcod pa dang // lhang nge lhum me lhan ner gnas pa ni// me long g.ya' dag nyid dang mtshungs pa'o// yang gnyis med sbyin pa'i 'phrin las rnam gsum ni// de yang gang zhe na// sku dang ye shes gcod pa'i 'phrin las ni// gnyis med dang la gnas pa'i chos kyi sku// rang gsal rtog med sangs rgyas kun gyi rje// gnyis med sa le sbram dang mtshungs pa'o// yang lus sems gnyis med spyod pa'i 'phrin las ni// gnyis med gcod dang ldan pa yon tan kun gyi mchog rgya chad phyogs cha med pa

  165. 83a

    sangs rgyas kun gyi thugs// gnyis med 'gyur ba med pa nyi ma'i snying po nyid dang mtshungs// yang sems dang bag chags gcod pa'i 'phrin las ni// rang byung lhun grub yon tan chen po de// rang nid rang la mi ltos par// 'bad rtsol blo yi rol sgrub kyis// tshogs drug bkag nas yid kyi bya byed sbyang // tshogs drug khegs nas rnam rtog mi 'dug kyang // lnga 'khrul mchod dri med ma rtogs pas// rnam rtog bag la nyal ba chu'i rnyog ma dang mtshungs pa'o// yang rdo rje 'dzin pa nyon cig/ rgyud kyi ngo bo rgyud kyi dbye ba dang // rgyud kyi gtan tshigs rgyud kyi sgrub bya bstan pa ni// sku dang ye shes gnyis med rgyud kyi ngo bo yin// sku gsung thugs dang yon tan 'phrin las rgyud// de rnams kun gyi dbye ba yin// gnam la rdo rje zam ma chad pa dang // sa la dkyil 'khor bris ma yal ba dang // sems can kun gyi ngo bo la// don gyi snying pos kun la khyab pa ni// de rnams rgyud kyi nges tshig go/ gnyis med 'gyur ba med pa dang // sku gsum rang gi ngo bo cig pa'o// mtshan ma rang sar grol ba dang // rdo rje 'chang drug ma 'dres yongs rdzogs na// de rnams rgyud kyi bsgrub bya'o// sprul pa'i sku la rgyud gsum sbyar ba'i le'u ste bcu drug pa'o// / yang dpal rdo rje 'dzin pas zhus pa// lung gsum gyi ngo bo dbye ba bstan du gsol// gsang ba'i bdag pos

  166. 83b

    gsungs pa// rdo rje 'dzin pa khyod nyon cig/ lung gi ngo bo bstan pa ni// lung gi ngo bo nges pa rnam gsum ste// de yang gsum gang zhe na// phyi ngas pa'i lung dang // nang nges pa'i lung dang // gsang ba chen po nges pa'i lung ngo // yang phyi nges pa'i lung la rnam pa gsum ste// de yang gsum gang zhe na// gsal gdangs ma 'dres dbus kyi mchog/ yang nang gsum pa'i lung la yang rnam pa gsum ste// de yang gsum gang zhe na// dbyings dang kha dog gnyis su med pa'o// yang gsang ba chen po gsal ba'i lung la yang rnam pa gsum ste// de yang gsum gang zhe na/ kha dog dbyibs med gtses dang ldan pa'o// dpal rdo rje 'dzin pa nyon cig/ lung gsum longs spyod rdzogs pa'i sku la sbyar ba ni// ma 'dres yongs rdzogs rgya yongs ma chad pa// 'gyur med rdo rje 'chang ba drug po la// yon tan brjod med nam mkha'i mtha' dang bral// gdod med mkha' la me long nang gi sku// snang med mkha' la 'ja' tshon lta bu'i yul// dngos med mkha' la skye shi med pa'i thugs// gcig dang tha dad dag las grol ba ni// sangs rgyas kun gyi 'bras bu'i mchog/ yon tan brjod med skyon gyi mtha' dang bral// 'gyur med rgyan gyi phyag rgya don gyi mchog/ ces gsungs so// lung gsum longs spyod rdzogs pa'i sku sbyar ba'i le'u ste bcu bdun pa'o// // de nas yang dpal

  167. 84a

    rdo rje 'dzin pas zhus pa// kye kye gsang ba'i bdag po lags// man ngag ngo bo dbye ba bstan du gsol// ces zhus so// gsang ba'i bdag pos gsungs pa// rdo rje 'dzin pa khyod nyon cig/ man ngag ngo bo dbye ba bstan pa ni// gsang ba'i don la mdor bsdus rnam gnyis te// de yang gnyis gang zhe na// rang nyid rang la gsang ba'i rnam par rtog pa dang // rang gsang de nyid grol nas don dang 'jal ba'o// rang gis rang la gsang ba ni rnam par rtog pa ni// sangs rgyas che ba'i yon tan don gyi snang ba gsang // de'ang ji ltar gsang ba ni// sku'i don gsang ba dang // gsung gi don gsang ba dang // lus kyi don gsang ba dang // yul gyi don gsang gnyis med don gsang ste// de yang gang gis gsang ba ni// ye shes rtsal gyi 'khor lo gsum g.yos pas// ming med ming du btags pas rang gsang thabs kyis chod// rang gsang thabs kyi mun pa yi// rnam rtog bag la nyal nas yang dag don dang 'jal ba dka'// chos kyi dbyings kyi pho brang 'di// 'gyur med ming gis bsgribs pa ltar// ltar snang mun pa gsal ba'i phyir// rgyud lung man ngag gsum gyi sgor zhugs nas// don gyi snang ba gsang ba thabs kyis dgrol// de yang ji ltar dgrol ba ni// thabs la rnam pa gsum yod de// de yang gsum gang zhe na// rgyud kyi thabs

  168. 84b

    dang lung gi thabs// man ngag thabs dang gsum bstan pa'o// de yang don gyi gsang ba chen po ni// rang gsang thabs kyis chod pas rang sar dgrol ba ste// de yang ji ltar dgrol ba ni// sku la lhag ma med par rang sar dgrol ba dang // gsung la lhag ma med par rang sar dgrol ba dang // thugs lhag ma med par rang sar dgrol ba dang // gnyis med lhag ma med par rang sar dgrol ba dang // yul la lhag ma med par rang sar dgrol ba'o// gsang ba chen po don gyi go ba ni// gting gsang chen po'i ming las 'das pa dang // brag cha lta bu'i ming las 'das pa dang // ye shes chen po'i ming las 'das pa dang // dkyil 'khor chen po'i ming las 'das pa dang // gnyis med don gyi ming las 'das pa dang // thig le nyag gcig spros pa'i mtha' dang bral// dpe zla med pa'i nyag gcig po// dngos med don la stor ba med// mi gsal gsal ba'i bdag nyid can// kun tu bzang po'i dgongs pa de// shes rab can dang 'di mjal na// brjod med tshig gi smra ba dka'// don la stong med gsal ba chen po'i ngang // ltos chos shigs na chos nyid dbyings na gnas pa'o// man ngag chen po don bstan pa'i le'u ste bco brgyad pa'o// // yang rdo rje 'dzin pas zhus pa// kye kye gsang ba'i bdag po lags// lung gi ngo bo dbye ba

  169. 85a

    gtan tshigs bsgrub bya bstan du gsol// ces zhus so// gsang ba'i bdag pos gsungs pa// rdo rje 'dzin pa khyod nyon cig/ lung gi ngo bo bstan pa ni// kun tu bzang po dgongs pa dang // rdo rje sems dpa'i zhal chems dang // shel gyi khye tshung gsung bgros so// lung gi dbye ba bstan pa ni// sku yi lung dang gsung gi lung // thugs kyi lung dang yul gyi lung // gnyis med bde ba chen po'i lung bstan pa'o// lung gi nges tshig bstan pa ni// kun tu bzang po'i dgongs pa nges pa'i tshig tu bstan pa dang // rdo rje sems dpa'i zhal chems nges par 'dzin pa dang // shel gyi khye'u chung gsung bgros nges par 'dzin pa'o// // yang lung gi bsgrub bya bstan pa ni// kun tu bzang po'i dgongs pa ma bslad pa// ma btsal rang la bstan cing sgrub pa dang // rdo rje sems dpa'i mkhyen tshad ma bslad pa// ma btsal rang la ston cing sgrub pa dang // shel gyi bye chung gsung bgros ma bslad pa// ma btsal rang la ston cing sgrub pa'o// lung gi nges tshig bsgrub bya bstan pa'i le'u ste bcu dgu pa'o// // yang dpal rdo rje 'dzin pas zhus pas// kye kye gsang ba'i bdag po lags// man ngag gi ngo bo dbye ba gtan tshigs bsgrub bya bstan du gsol// ces zhus so// gsang ba'i bdag pos gsungs pa// dpal rdo rje 'dzin pa khyod nyon cig/ man

  170. 85b

    ngag ngo bo bstan pa ni// sku la 'gyur ba med pa man ngag ngo bo yin// gsung la 'gag 'grib med pa man ngag ngo bo yin// thugs la skye shi med pa man ngag ngo bo yin// yul la mtho dman med pa man ngag ngo bo yin// gnyis med 'du 'bral med pa man ngag ngo bo yin pa'o// man ngag dbye ba bstan pa ni// snang med mkha' la gdos med dag pa'i sku// sku yi ngo bo reg bya med pa la// 'gag 'grib med pa'i gsung gnas// sku yi ngo bo reg bya med pa la// snang med mkha' la 'ja' tshon lta bu'i yul// sku yi ngo bo reg bya med pa la// dngos med dngos med skye ba ser lta ku'i thugs// sku yi ngo bo reg bya med pa la// sku dang ye shes yon tan kun ldan te// de rnams man ngag dbye ba'o// man ngag ngo bo bstan pa ni// yi ge drug pa'i sgra 'gyur gnyis// kun tu bzang po'i dgongs pa yin// rdo rje sems dpa'i zhal chems yin// shel gyi khye chu gsung bgros yin// sprul pa'i sku yi mun sel yin// longs spyod rdzogs pa'i yon tan yin// zos dkar gang zag kun gyi thun mong yin// zos na go bla man ngag kun gyi rje// de rnams man ngag kun gyi nges tshig go/ yang man ngag bsgrub bya bstan pa ni// dpe yi ye shes don bstan nas// tshig gi ye shes shan bye ste// don gyi ye shes rang la sbyor// rtogs pa'i ye shes nang nas 'char// longs spyod rdzogs pa'i

  171. 86a

    ye shes sgrub// myang 'das chen po'i ngangal 'jog/ de rnams man ngag bsgrub bya'o// rdo rje 'dzin pa khyod nyon cig/ rgyud dang lung dang man ngag gsum// 'khor 'das gnyis kyi snying po yin// de yang ji ltar yin pa ni// ma ni thams cad bskyed pa'i yum// ha ni dgyes pa chen po'i tshig/ yo ni shin tu spros pa'i tshig/ ga ni don gyi snang ba cig/ yid ni thams cad 'brel ba'i tshig/ rgyud ni rgya chad med pa'o// de rnams rgyud yi mdor bstan yin// zhes gsungs so// yang rdo rje 'dzin pa khyod nyon cig/ yang lung ni nges pa 'dzin pa'i tshig/ a ni skye ba med pa'i tshig/ bu ni thams cad gso ba'i tshig/ yo ni shin tu spro ba'i tshig/ ga ni don gyi snang ba cig/ de rnams lung gi mdor bstan no// yang rdo rje 'dzin pa nyon cig/ yang ma ni shin tu 'gyur med dag pa'i tshig/ ngag ni spros med dag pa'i tshig/ a ni skye med dag pa'i tshig/ ti ni spros med gong na gzhan med tshig/ yo ni spros med mnyam pa'i tshig/ ga ni don gyi snang ba cig/ de rnams man ngag mdor bstan yin// zhes gsungs so// rgyud lung man ngag dbye ba'i le'u ste nyi shu pa'o// // yang dpal rdo rje 'dzin pas zhus pa/ kye kye gsang ba'i bdag po lags// khams gsum 'khor ba'i sdug bsngal mi bzad pa// gang gis bzlog cing ji ltar bstan pa dang // don gyi snang ba ji

  172. 86b

    ltar 'char ba lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ khams gsum 'khor ba'i sdug bsngal mi bzad pa// gang gis bzlog cing ji ltar bstan pa ni// man ngag 'di yi sgor zhugs nas// mtshan ma rang sar dgrol ba dang // srid pa rgyan sa gdeg pa dang // ltas ngan g.yang du gug pa dang // dri mo sman du bsdur ba dang // rnam rtog ye shes rgya ma chad pa'o// yang rdo rje 'dzin pa khyod nyon cig/ don gyi snang ba ji ltar bstan pa ni// ye shes gsum gyi sgor zhugs nas// yi ge drug pa sgra 'gyur gnyis// yi ge drug gi dbye ba dang // sgra 'gyur gnyis kyi bstan lugs kyis// yang dag don dang sbyar ba'o// de yang ji ltar sbyor ba ni// dpe yi ye shes ma bstan pas// yang dag don gyi snang ba ni// ngo ma shes/ yid ma ches/ thag ma chod pa'o// yang rdo rje 'dzin pa khyod nyon cig/ ngo shes yid ches zag chod pa'o// de rnams yi ge drug gi dbye ba bstan pa'o// yang sgra 'gyur gnyis kyi dbye ba bstan pa ni// ngo ma shes rtsol sgrub 'bad rtsol gyis// rang bzhin lhun gyis grub pa'i sku// rtsol sgrub kyi mtha' las 'das pa// yang dag don gyi snang ba// rang la rang chas su yod pa ngo ma shes// yid ma ches/ der snyams byed kyi shes pas// don gyi snang ba rtsol sgrub las 'das pa la// rnam par rtog pa blo yi yul na kha

  173. 87a

    drag pas// rang gi shes pas rang sar ma khrol bas yid ma ches pa'o// de ltar rang gi chos kyi sku'i ngo bo// rang bzhin du lhun gyis grub pa'i sku// yon tan kun dang ldan pa de// ye nas rang la rang chas su til la mar gis khyab pa bzhin du/ kun la khyab par gnas kyang / rnam par rtog pa blo'i bya byed kyis/ rang la rang yid ma ches pa'i dbang gis/ khams gsum du 'khor zhing rgyud drug tu smin pa'o// yang rdo rje 'dzin pa khyod nyon cig/ sgra thang log tu bsgyur nas don la sbyar ba ni// yang don gyi snang ba ngo shes/ snang ba de la yid ches/ yang snang ba de'i don thag chod pa'o// rdo rje 'dzin pa khyod nyon cig/ ngo gang gis shes par bstan pa ni// dpe yi ye shes kyis shes// yid gang gis ches par bstan pa ni// don gyi ye shes kyis ches// thag gang gis chod na ni// rtags kyi ye shes kyis chod pa'o// yang rdo rje 'dzin pa khyod nyon cig/ dpe'i ye shes kyis ji ltar shes par bstan pa ni// dpe'i ye shes la rnam pa drug pa ste/ de yang drug gang zhe na/ chos nyid mi 'gyur ba'i dpe dang / chos kyi sku mi 'gyur ba'i dpe dang / ye shes mi 'gyur ba'i dpe dang / sku dang ye shes gnyis med mi phyed pa'i dpe dang / gsung la 'gag pa med pa'i dpe dang / yul la mtho dman med pa'i dpe rung bstan pa'o// yang rdo rje 'dzin pa khyod nyon

  174. 87b

    cig/ dpe'i ye shes kyis ngo shes la/ don gyi ye shes kyis yid ches pa yin te/ de yang ji ltar yid ches pa ni/ chos nyid la mi 'gyur ba'i dpe yis/ dang po byung sa la yid ches/ chos kyi sku mi 'gyur ba'i dpe yis/ chos kyi sku'i ngo bo rnyed/ ye shes chen po'i dpe yis/ sku dang ye shes kyi don byed/ sku dang ye shes dbyer mi phyed pa'i dpe yis// 'bras bu rang bzhin lhun gyis grub// gsung 'gag pa med pa'i dpe yis// skyon gyi mtha' bsal// yul la mtho dman med pa'i dpe yis// yon tan gyi mtha' rgyas// man ngag 'di dang phrad pa'i gang zag rnams// dpe phyi ma 'breng yang dag don la sbyor// tshig phyir ma 'breng dpe dang don dang sbyor// 'dra ba'i phyir na dngos ma yin// mi 'dra ba ni dpe ma yin// dpe yis don mtshon tshig gi shan phye na// yang dag don dang 'dral bar nges// dpe dang don du 'jal nas dpe la ltos med tshe// tshig dang ngan ya ma yin te/ yid ches nang nas 'char ba nges pa'o// yang yid ches nang nas shar ba'i tshe/ zag chod rtags kyi ye shes 'byong par nges// de yang ji ltar 'byung ba ni// phyi'i rtags dang / nang gi rtags dang / gsang ba chen po rtags su bstan pa'o// yang rdo rje 'dzin pa khyod nyon cig/ phyi yi rtags la rnam gsum ste// de yang gsum gang zhe na/ snang ba gdos med na bun 'dra ba de// de ni zhen pa log

  175. 88a

    pa'i rtags// snang ba dngos med 'ja' tshon 'dra ba de// de ni 'khrul pa chod pa'i rtags// snang la dngos med ming dang bral ba de// de ni ltos chos zhig pa'i rtags su bstan pa'o// yang na nang gi rtags la rnam gsum ste// de yang gsum gang zhe na/ dgra gnyen gnyis med mnyam par rtogs pa ni// de ni zhen pa log pa'i rtags// snang la dngos med reg bya med pa'i sku// de ni 'khrul pa chod pa'i rtags// gsal la 'dzin med mnyam pa'i ngang la gnas// de ni don dang mjal ba'i rtags su bstan pa'o// yang rdo rje 'dzin pa khyod nyon cig/ gsang ba'i rtags la rnam gsum ste// de yang gsum gang zhe na// bdud kyi bar chad 'jigs pa'i cha byad la// sems kyi snyam byed yid kyi rnam rtog mi 'jug na// de ni bdud kyi kha nas thar pa'i rtags// sems kyi rnam rtog rmi lam bya byed la// bzang ngan gnyis su mi dzin sems kyi 'dzin med de// de ni snang ba log pa'i rtags// chos skyong yul lha mkha' 'gros lung ston pa// ngas rtogs snyam pa'i nga rgyal mi rnyed na// rdo rje 'dzin pa'i gral thob rtags// yang rdo rje 'dzin pa nyon cig/ yang gsang ba chen po'i rtags la ra nam pa gsum ste// phyi yi yul la 'dzin pa med par mnyam par 'jog pa dang // nang gi bcud la 'dzin med mnyam par 'jog pa dang // gnyis med 'dzin med

  176. 88b

    mnyam pa'i yon tan las// gti mug gnyid dang bral ba ni// de ni gsang ba chen po'i rtags// yang rdo rje 'dzin pa khyod nyon cig/ yid ches nang nas ma shar na// yang dag don dang 'jal ba dka'// don gyi ye shes ma bstan na// sangs rgyas che ba'i yon tan stor// rtags kyi ye shes ma bstan na// yid ches nang nas 'char mi srid// nga rgyal med pa'i yid ches 'di// kun tu bzang po'i dgongs pa yin// rdo rje sems dpa'i mkhyen tshad yin// shel gyi khye chung gsum bgros yin// yin ched nang nas ma shar na// snyam byed blo yi 'bras bus sangs mi rgya// nga rgyal med pa'i yid ches 'di// kun tu bzang po'i zhal chems yin// yi ge drug pa'i sgra 'gyur gnyis// yang dag don gyi ngo sprod yin// rin chen gsar gyi rgya mdud 'di// kun tu bzang po'i dgongs rgyud yin// zhes gsungs so// yi ge drug gi ngo bo dang dbye ba bstan pa'i le'u ste nyi shu gcig pa'o// // yang dpal rdo rje 'dzin pas zhus pa// kye kye gsang ba'i bdag po lags// nyams su len pa'i gang zag rnams// gang zhig dpe dang ma 'jal na// yang dag don dang mjal mi srid// dpe yi ye shes rkang grangs drug/ de yi mtshon pa ming btags ji ltar lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ dpe yi ye shes mtshon pa'i

  177. 89a

    ming btags ni/ chos nyid nam mkha' mi zad mngon chen te// rgya chad phyogs lhung kun dang bral// dngos med mtshan med phyogs mtshams kun dang bral// de lta bu yi nam mkha' ming med de// gang zhig dpe yis mtshon pa ni// mtshon pa dpe yi nam mkha' gang zag rnams la mtshon// chos la dpe don gnyis las med// yang dag don la sbyor ba la// dpe yang mi 'tshal don gyi mchog/ rang bzhin lhun grub 'gyur ba med pa'i sku// dpe yis don mtshon nyi ma'i snying pos bstan// byed pas ma byas nyi ma'i snying pos bstan// kha dog dbyibs ldan nyi ma'i snying pos bstan// rkyen gyis mi shigs nyi ma'i snying pos bstan// skyon med dag pa nyi ma'i snying pos bstan pa'o// ye shes chen po'i dpe yis don mtshon pa// rno la gcod pa spu gri so yis bstan// dngos mtshan med pa skye ba ser rlung gis bstan// byed bsam byas nyi/ ma'i zer gyis bstan// skra dang ye shes gnyis med dpe yis don mtshon bstan pa ni// dbyer mi phyed pa gser dang ser pos bstan// snang tshul tha dad zer dang snying pos bstan// rang bzhin gcig pa shes dang rgyud pas bstan// gzhi dang 'bras bu dar dang ser bus bstan// nyams su myong ba chu dang lan tshwas bstan pa'o// yang gsung gi dpe yis don mtshon bstan pa ni// dngos med brda' ru mtshon pa brag cha'i skad

  178. 89b

    kyis bstan// 'gag med dngos mtshan med pa nam mkha'i dbyings kyis bstan// brjod med mnyam par bzhag pas sangs rgyas kun gyi rje// sangs rgyas zhing khams dpe yis don mtshan pa// mtho dman med pa rgya mtsho'i dbyings kyis bstan// gsal la ma 'dres 'ja' tshon drangs pas bstan// sku yi yon tan nyi zla'i 'od kyis bstan// 'gyur ba med pa rin chen gser gyis bstan pa'o// rdo rje 'dzin pa khyod nyon cig/ dpe yis ye shes rtogs tsam na// don gyi ye shes nyid dang 'jal// don gyi ye shes rang la 'byor tsam na// rtags kyi ye shes rang dbang med par 'byung // de yang 'di ltar shes par bya// dpe yis don mtshon tshigs gsum po// yon tan kun ldan man shel dag pa'i sku// snang la dngos med me long dag pa'i sku// byed pas ma byas nyi ma'i snying po mtshungs// yang dag don gyis dpe gsum po// dngos med gsal bar sbyor shes na// kun tu bzang po'i zhal cham yin// zhes gsungs so// dpe'i ye shes kyi ngo bo ming btags bstan pa'i le'u ste nyi shu rtsa gnyis pa'o// // yang dpal rdo rje 'dzin pas zhus pa// kye kye gsang ba'i bdag po lags// sku gsum ngo bo ji ltar gnas pa lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ sku gsum ngo bo bstan pa ni// a dang nam mkha'i rdo

  179. 90a

    rje gsum gyi bstan// de yang ji ltar bstan pa ni// a ni rang byung gnyis su med// nam mkha' rgya chad med par kun la khyab// rdo rje 'gyur ba med pa chos kyi dbyings yang zer// sku dang ye shes 'gyur ba med pa'o// yang rdo rje 'dzin pa khyod nyon cig/ a ni rang byung gnyis med bzhin// chos sku rang byung gnyis su med// nam mkha' rgya chad med pa bzhin// gting gsal chen pos kun la khyab// rdo rje 'byor ba med pa bzhin// sku dang yon tan 'gyur ba med pa'o// yang rdo rje 'dzin pa khyod nyon cig/ longs spyod rdzogs pa'i sku yi ngo bo ni// nyi ma pad+ma rgya mtsho'i 'dzings kyis bstan// de yang ji ltar bstan pa ni// nyi ma kun gyi ma ste phyogs ris kun dang bral// pad+ma byas pa med pa kha dog dbyings dang ldan// rgya mtsho mnyam pa med par mtho dman 'dzin pa med// yang rdo rje 'dzin pa khyod nyon cig/ nyi ma phyogs ris da pa bzhin// longs skrod rdzogs pa'i ye shes ni// phyogs ris kun dang bral ba'o// pad+ma kha dog dbyibs dang ldan pa bzhin// longs skra kha dog dbyibs dang ldan// pad+ma 'dam gyi skon dang bral ba bzhin// longs sku ngo bo 'khor ba'i skyon dang bral// pad+ma ma byas rang byung bzhin// longs sku rtsol sgrub mtha' dang bral ba'o// yang rdo rje 'dzin pa khyod nyon cig/ sbrul sku'i ngo bo bstan lugs ni// seng ge glang

  180. 90b

    chen phag mo gsum gyis bstan// de yang ji ltar bstan pa ni// seng ge'i lus la rtsal gsum rdzogs// seng ge'i lus kyi rtsal gsum po// snga phyi bar gsum stong pa med// glang chen rtsal dang ldan pa la// bdag pos gang ltar bsgyur ba bzhin// glang chen rtsal la bri ba med// gti mug phag rgod nyal ba la// ye shes chen po 'char bar dka' 'o// yang rdo rje 'dzin pa khyod nyon cig/ seng ge la rtsal rnam pa gsum// sems kyi rtsal du nam mkha' la mchod pa snyam byed pa// lus kyi rtsal la gangs dkar rtse nas snyil snyam byed pa// skad kyi rtsal du sems can thams cad skrag par byed pa// rgya gar gyi yul na glang po che mdog ris can de// glang gi rtsal du glang khyu ru 'jug pa lta bu/ glang po che mdog ris can nyam nga ba dang bag tsha ba med pa lta bu/ glang po che chu ru 'jug pa lta bu/ 'khyer ba'i bag tsha med pa/ thal yang bag tsha med par gyen la gshog pa'o// de bzhin du sprul pa'i sku la rtsal gsum rdzogs pa'o// rlung dang nam mkha' rig pa gsum du gnas pa'o// seng ge'i rgyal po rtsal gsum rdzogs pa bzhin// thog ma med pa'i dus nyid na// chos nyid nam mkha'i rtsal gsum po// yid bzhin sku la rdzogs pa'o// seng ge'i rtsal la bri ba med pa bzhin// gdod ma rtsal gsum rdzogs pa ste// sprul pa'i sku la stor ba med pa'o// yang glang chen rtsal dang ldan pa

  181. 91a

    bzhin// sprul pa'i sku yi ngo bo la// rtsal gsum stor ba med pas na// sbrul sku rtsal dang ldan pa'o// glang chen rtsal dang ldan pa la// bdag pos gang ltar bsgyur ba bzhin// rtsal la theg pa med pa bzhin// de bzhin sprul pa'i ngo bo yang // shin tu rtsal dang ldan pa la// rkyen gyis gang ltar bsgyur ba bzhin// thogs pa med par spyod pa'o// yang gti mug phag rgod la yang rnam gnyis te// gti mug bag la nyal ba dang // man ngag 'di yi sgor zhugs nas// rtsol med mnyam par spyod pa'o// yang gti mug bag la nyal ba ni// dpe yi ye shes ma bstan par// don gyi ye shes ngo ma shes// don gyi ye shes ma shes pas// rtags kyi ye shes thag mchod// yid ches nang nas ma shar na// sems kyi rnam rtog blo yi mun pa yin// blo yi mun pa'i bya byed kyis// lus kyi phung po mi sdod sdug bsngal spyod// lus kyi phung po ngal dub kyis// gti mug gnyid la spyod cig mun pa'i bag la nyal// des na gti mug phag pa'i cha dang ldan pa'o// yang man ngag 'di yi sgor zhugs nas// rtsol med phag rgod cha dang ldan pa ni// ye shes chen po shar ba'i yon tan gyis// shes shing rtogs pa'i sgo nas gtsang btsog med par spyod// des ni bstan pa thob pa'i ye shes yin// zhes gsungs so// sku gsum brda dang sbyar ba'i le'u ste nyer gsum

  182. 91b

    pa'o// // dpal rdo rje 'dzin pas zhus pa// kye kye gsang ba'i bdag po lags// sku gsum khang bu ji ltar lags pa dang // sku gsum sbubs kyi ngo bo dang // sku gsum ye shes gnas lags dang // sku gsum gsung gi gnas lugs ji ltar lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ sku gsum khang bu ji ltar lags pa ni// chos kyi sku yi khang bu'i don mtshon pa// bai DAR+Ya dang phyogs 'thun 'gyur med mthing la sbran// gser la g.yus spras me tog 'bur gyi tshul// rin chen khang bu dri zhim spos kyi tshul du gnas pa'o// longs spyod rdzogs pa'i sku yi khang bu ni// ma bris dkyil 'khor gsal zhing gdang pa la// gser la yus spras me tog 'bur gyi tshul// shin tu dri zhim spos kyi reng bu'i tshul// steng 'og phyogs mtshams bla 'og med pa na// spyan gyi rol mo sgyu ma'i tshul du gnas pa'o// sprul pa'i sku yi khang bu ni// 'byung ba lnga'i dkyil 'khor ri'i mthon dman dang // lung pa'i yangs dog zang gi che chung na// rtsi shing nags tshal 'byung ba'i me tog rgyan// nyams dga' ba yi pho brag dri zhim spos// che dkar brtso zhing sgrub par gnas pa'o// yang rdo rje 'dzin pa khyod nyon cig/ chos kyi sku yi sbubs kyi don mtshon pa// rang bzhin rnam dag gsal ba'i sbubs// rtog med mnyam pa ye shes nang na

  183. 92a

    gsal// ma btsal rang byung 'od kyi phung por gnas pa'o// yang longs spyod rdzogs pa'i sbubs kyi gnas lugs ni// shin tu gsal gdang 'gyur ba med pa la// kha dog dbyibs ldan mdzes pa'i rgyan gyis brgyan// snyan cha mgur chu phyag gdub zhabs gdub dang // mtshan dang dpe byad ma btsal lhun gyis grub// yon tan kun ldan bde gshegs ye shes sbubs// zhes gsungs so// yang rdo rje 'dzin pa khyod nyon cig/ sprul pa'i sku yi sbubs kyi don mtshon pa// ming med ming du btags pa ming gi bag chags brtas// de yang ji ltar brtas pa ni// dbang po lnga dang yan lag lnga// don snying lnga dang nang khrol lnga// bdud rtsi lnga dang nad lnga yang // 'gro ba rigs drug sems can rnams// 'gro drug bag chags sbubs su gnas pa'o// yang rdo rje 'dzin pa khyod nyon cig/ rang bzhin rnam dag ye shes sbubs na gnas pa ni// mi g.yo mi 'gyur rang gsal chen po gnas// bde gshegs ye shes sbubs na ye shes gnas pa ni// shin tu gsal gdang rnal 'byor spyod par gnas// 'gro drug bag chags sbubs na ye shes gnas pa ni// gcod dang ldan te ye shes cha yis gnas// de yang ji ltar gnas pa ni// rang gsal cha chung gzhan gsal cha che bas// rang gsal ye shes lnga dang ldan// gzhan gsal rnam rtog ming yin no// zhes

  184. 92b

    gsungs so// yang rdo rje 'dzin pa khyod nyon cig/ chos kyi gsung gi gnas lugs ni// sgra bsam brjod med kun la khyab par gnas// longs spyod rdzogs pa sku yi gsung gi gnas lugs ni// brag cha lta bu'i gsung la 'gag 'grib med par gnas// sprul pa sku yi gsung gi gnas lugs ni// 'byung ba ma sgom 'gag 'grib can du gnas pa'o// yang rdo rje 'dzin pa khyod nyon cig/ ngo bo rang bzhin thugs rje gsum// kun gyi rang bzhin thugs rje gsum// kun gyi rang bzhin yin gyis de la nan tan bskyod// de yang ji ltar yin pa ni// ngo bo chas kyi sku yi rtsal// rang bzhin dngos med dag pa'i sku// thugs rje ye shes chen po'i rtsal// gsum 'dus pa ni gcig gi ngang // gcig po ni brjod las 'das pa'o// zhes gsungs so// sku gsum gyi khang bu dang sbubs bstan pa'i le'u ste rtsa bzhi pa'o// // yang dpal rdo rje 'dzin pas zhus pa// 'gro ba rigs drug sems can gyis// 'di bor phyi ma ma blangs pa'o// bar do'i gnas lugs ji ltar gnas pa lags// zhes zhus so// yang gsang ba'i bdag pos gsungs pa// dpal rdo/ rje 'dzin pa khyod nyon cig/ bar do la yang rnam bzhi ste// de yang bzhi gang zhe na// rang bzhin par ma do dang rmi lam par ma do// skye shi bar ma do dang srid pa bar ma do ru bstan pa'o// yang nyon cig rdo rje 'dzin

  185. 93a

    pa khyod// rang bzhin bar ma do la 'khrul gzhi rtsad nas gcad// rmi lam par ma do la lta ba'i zag gcad// skye shi bar ma do la ye shes ngos gzung // srid pa bar ma do la las kyi 'phro 'thud// yang dpal rdo rje 'dzin khyod nyon cig/ rang bzhin bar ma do la 'khrul gzhi rtsad nas gcad pa ni// sku yi 'khrul pa bcad pa dang // gsung gi 'khrul pa gcad pa dang // thugs kyi 'khrul pa bcad pa dang // gnyis med 'khrul pa gcad pa dang // yul gyi 'khrul pa bcad pa'o// 'khrul gzhi rtsad nas ma bcad na// nyon mongs kun dang bral ba dka'// nyon mongs kun dang ma bral na// sangs rgyas zhing khams rnyed pa dka' ba'o// de phyir nyon mongs rang sar dgrol// de yang ji ltar dgrol ba ni// sku yi nyon mongs zag pa can gyi lus// yid bzhin sku ru khrol la de la gnas par gyis// gsung gi nyon mongs 'gag 'grib can gyi skad// brag cha lta bur khrol la de la gnas par gyis// thugs kyi nyon mongs dga' mi dga' yi sems// ye shes chen por khrol la de la gnas par gyis// gnyis med 'khrul pa'i lus sems bral ba 'di// gnyis med chen por khrol la de la gnas par gyis// yul gyi 'khrul pa 'byung chen lnga po 'di// dkyil 'khor chen por khrol la de la gnas par gyis// rdo rje 'dzin pa khyod nyon cig/ 'khrul pa

  186. 93b

    chod na don gyi dbyings su skyol// 'di ni bar do chen po ste// rang nyid rang gis thob pa'i lus// sangs rgyas sems can gnyis kyi bar// 'di ni 'khor 'das gnyis kyi bar// 'di ni mtho ris ngan song bar// bar do 'di la gang 'gro ba// rang dbang rang gis thob pa'i dus// des na bar do chen po'o// zhes gsungs so// rang bzhin bar do bstan pa'i le'u ste rtsa lnga pa'o// // yang dpal rdo rje 'dzin pas zhus pa// rmi lam par do ji ltar char ba lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ rmi lam par do rnam gnyis te// de yang gnyis gang zhe na// gnyid ma log pa'i rmi lam dang // gnyid log pa yi rmi lam bstan pa'o// gnyid ma log pa'i rmi lam ni// thog ma med pa'i dus nyid na// nam mkha' ming dang bral ba bzhin// rang gsal rtog pa med pa las// 'khor lo gsum du yid g.yos pas// dang thabs gcig la yid kyi ming 'dogs byung // dang thabs gnyis la sems kyi ming 'dogs byung // dang thabs gsum ngag gi ming 'dogs byung // yid kyi phra rags sems kyi rnam rtog gis// ming med ming du btags pas ming gi bag chags brtas// ming gi bag chags yang dag ming med pas// 'khrul pa'i dbang gis dngos med dngos po'i mthong // dngos med dngos su mthong ba

  187. 94a

    rmi lam ltar snang ste// de yi phyir na gnyid ma log pa'i rmi lam mo// yang rdo rje 'dzin pa khyod nyon cig/ gnyid log pa yi rmi lam bstan pa ni// gnyid log rmi lam rang bzhin ni// 'khrul pa'i bag chags brtas pa ste// de yang ji ltar rtas pa ni/ bde ba'i mal du tshogs drug 'gags pa'i gnyid log pas// yid kyi bya byed sems kyi rnam rtog las// byed pa med de rang brtson rang gis zung // de yang ji ltar gzung ba ni// pha med pha ru mthong ba dang // ma med ma ru mthong ba dang // gnyen med gnyen du mthong ba dang // zas med zas su mthong ba dang // nor med nor du mthong ba dang // dngos med dngos su mthong ba 'di// ma sad bar du 'di dang rang bzhin cig/ sad nas de la rang bzhin med// de bzhin 'di yi snang ba la// srid pa'i ri bo ma brgal tshe// ltar snang tshul du snang mod kyang // srid pa'i ri bo brgal ba'i tshe// 'di yang mi bden rang bzhin med// rdo rje 'dzin pa khyod nyon cig/ de bzhin gnyid log rmi lam na// ri yi mtho dman ngam grog g.yangs sa dang // mi bde gcong rong chu bo chen po'i gzhung // dgra yi rnam pa ha la srin po'i tshogs// bde dang mi bde rmi lam snang ba rnams// byed mkhan med de rang gi rnam rtog brtas// dngos med dngos su snang ba yin// sad pa'i gting la de yi rang bzhin med// de bzhin 'di

  188. 94b

    yi snang ba yang // dgra gnyen la sogs sems kyi sdug bsngal 'di// dngos med dngos su snang ba yin// ma rtogs tshe na bden pa ltar snang yang // man ngag 'di yi sgor zhugs nas// 'khrul pa chod pa'i gang zag dam pa la// 'di yi don rtogs 'khrul pa'i rang bzhin med// yang rdo rje 'dzin pa khyod nyon cig/ gnyid log rmi lam snang ba la// gri mdung la sogs mtshon cha yis// sems can srog gi phung po ji ltar bsad gyur kyang // ma sad bar du 'di la gnyis su med// bsad nas don du ma bsad dngos po med par rtogs// yang dag don la bsad med rmi lam lta bur rtogs// de ltar rtogs pa'i yon tan gyis// sgrib med rmi lam lta ba bzang po'o// de bzhin 'di yi snang ba la// khams gsum 'khor ba'i srog gi phung po rnams// rnal 'byor lta ba chun pa la// ji tsam bsad kyang sgrib pa'i skyon dang bral// de yang ji ltar bral ba ni// khams gsum 'khor ba'i sems can rnams// don la mi bden rmi lam snang bas mtshungs// yang dag don la bsad med rmi lam lta bur rtogs// mi bden pa yi snang ba la// dge bcu 'dzin par spyod pa dang // sdig bcu 'dzin par spyod pa gnyis// kun tu bzang po'i dgongs pa med// rdo rje sems dpa'i dka' dang 'gal// shel gyi khye'u chung gsung bgros min// bsgral ba bgrangs kyang sangs mi rgya// chags

  189. 95a

    med 'dzin med sems kyi brjod phur phyung // zhes gsungs so// rmi lam par do la lta ba'i zag gcad pa'i le'u ste nyer drug pa'o// // yang dpal rdo rje 'dzin pas zhus pa// kye kye gsang ba'i bdag po lags// skye shi bar ma do la ye shes ngo yis ji ltar 'dzin pa lags// zhes zhus so// gsang ba'i bdag pos gsungs pa// skye shi bar do'i man ngag bstan pa ni// lus kyi phung po snang ba'i zhing khams rnams// 'di la mi sdod 'bor ba'i tshe// ye shes ngos bzung ngo spyod gsal btab la// skye shi rtsad bcad chags pa med par 'gro// de yang ji ltar 'gro ba ni// yid bzhin sku dang 'grogs la 'gro// pra cha'i gsung dang 'grogs la 'gro// ye shes gsal dang 'grogs la 'gro// dkyil 'khor gsal dang 'grogs la 'gro// gnyis med don dang 'grogs la 'gro// 'khrul pa'i snang ba bzlog la 'gro// chags med 'khrul pa'i g.yag chags med par 'gro// mi gsal gsal ba'i dgongs pas 'gro ba'o// // skye shi bar do la ye shes ngos bzung ba bstan pa'i le'u ste nye bdun pa'o// yang dpal rdo rje 'dzin pas zhus pa// srid pa bar ma do'i mtshan nyid bstan du gsol// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ srid pa bar ma do'i mtshan gnas lugs bstan pa ni// bar mdo/

  190. 95b

    la grol sa rnam gsum ste// de yang gsum gang zhe na/ srid pa'i 'khor lo brgyad nyid la// grol sa rnam pa gsum yod de// de yang ji ltar yod pa ni// kye rdo rje 'dzin pa khyod nyon cig/ sems can kun gyi ngo bo la// sku dang ye shes kun la khyab pa dang // mi 'gyur yon tan skye 'gag tshul// yon tan 'gag med kun gyi sngon du 'byung // de yang ji ltar 'byung ba ni// srid pa'i ri bo brgal ba'i tshe// gcig 'gag gcig/ skye gcig la gnas pa'o// rdo rje 'dzin pa khyod nyon cig/ snang zhing srid pa'i sems can kun// skye ba'i sgo rnams ma khegs pas// 'chi ba'i sgo la khegs pa med// sems can kun gyi yon tan ni// 'khrul pa mi rtag 'bor ba yin// ma rig 'khrul pa'i srog chags la// yon tan ji ltar yin pa ni// sgyu ma'i phung po 'bor ba'i tshe// khams gsum sems can thams cad ma lus pa// bde gshegs snying pos kun la khyab pa dang // gnyis med 'gyur ba med pa'i yon tan gyis// srid pa'i ri bo brgal ba'i tshe// 'khrul pa'i snang ba ri yi mtho dman dang // lung pa yangs dog ngam grog g.yang sa dang // thang gi che chung rtsi shing nags la dang // pha ma la sogs gnyen gyi gdung sems dang // dgra yis 'dzin pa rdzas kyi chags pa rnams// 'khrul pa bor nas chos nyid dang nyal bas// 'khrul ba'i snang ba 'gag par 'gyur// gcig gam

  191. 96a

    gnyis dang gsum nyal nas// nyal ba de yi yon tan gyis// gcig pa nyal nas gnyis pa skyes pa'i tshe// 'khrul pa'i snang ba 'gags nas don gyi snang ba 'char// de yang ji ltar 'char ba ni// rig pa gnyis med skye 'gag tshul du gnas// dper na rmi lam snang ba'i gting gis mtshungs// skye 'gag bsnol mar kun la gnas pa yis// sangs rgyas zhing khams kun la lhag ma med par rdzogs// don gyi snang ba lhag ma med par rdzogs pa la// dbang po rab 'bring rnam pa gsum du gcod// de yang ji ltar spyod pa ni// ngo sprod byas pa'i dbang po yang rab la// snang ba de yis rkyen byas nas// skad cig tsam gyis ye shes chen por gcod// ngo sprod byas pa'i dbang po 'bring po rnams// skad cig tsam gyis grol bar ma gyur kyang // snang ba de la spyod cing mkha' 'gro'i gsung la nyan// zhag bdun bar du gdung ba'i sems kyis du gad ma byas na// zhag bdun 'das nas rdo rje lta bu'i ting 'dzin thob par nges// ngo sprod byas pa'i dbang po tha ma rnams// skye 'gag tshul gyis 'khor lo brgyad la 'grim// srid pa'i ri bo brgal pa'i tshe// zhag bdun tshun chad du gad byas pa na// rdo rje lta bu'i ting 'dzin ma thob pas// bar ma do ru 'khrul pa'i sa bon ldang // de yang ji ltar ldang ba ni// srid pa'i ri bo brgal ba'i gang zag la// nyon

  192. 96b

    mongs thug po mi mnga' don gyi snang bas mtshungs// gdung ba'i sems dang dra ba'i skad// gang zag de yis zos par 'gyur// gang zag de yis ngu ba'i skad zos nas// rdo rje lta bu'i ting 'dzin ma thos pas// gang zag ma yin gang zag tshul gyis bslus// ngu ba de yi skad kyis rkyen byas nas// pha dang ma dang bu dang zla grogs dang // dgra gnyen la sogs rdzas kyi rnam pa dran// 'khrul pa'i snang ba skad cig dran pa yis// don gyi snang ba 'gags nas 'khrul pa'i snang ba 'char// gang zag ma yin gang zag sems kyis bslus// ngo sprod byas pa'i dbang po 'bring dang za ma gnyis// grol long med par ngu ba'i rkyen gyis 'khrul// man ngag 'di dang ma phrad ngo spyod ma byas na// skye shi ji tsam spyad kyang rang yul mi rtogs pas// mtho ris thob kyang don dang 'jal ba dka'// bskal ba bgrangs kyang don gyi snang ba stor ba'o// bar do'i grol sa dang po bstan pa'i le'u ste nyer brgyad pa'o// // yang dpal rdo rje 'dzin pas zhus pa// kye kye gsang ba'i bdag po lags// bar do'i grol sa rnam gsum la// grol sa 'bring po ji ltar lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ srid pa bar do brgal ba'i tshe// skye 'gag tshul du 'khor lo brgyad la 'grim// de yang ji ltar 'grim pa ni// 'byung ba'i 'khor lo lnga dang

  193. 97a

    yon tan 'khor lo gsum// 'byung ba'i drangs ma snang ba'i 'khor lor thim par tshe// tshe 'das skam byed phung po la// pha dang ma dang zla rogs bu dang tsha// zhing khams la sogs dgra gnyen 'khrul pa'i snang ba dang // rdo rje slob dpon mched lcam la sogs dang // snyam byed tsam la ma ltos shin tu mthong // shin tu gsal yang mig gi mun pa yis// dngos med dngos su snang bas snyam byed lus dang snyam byed yul gyis bslus// shi bar mi mthong sngar gyi dngos su mthong // sngar gyi dngos su mthong yang dngos med bag chags srab// bag chags srab pa'i yon tan chen po yis// rdo rje slob dpon mched lcam gtsang ma yis// sngar gyi gdams ngag bshad cing ngo spyod bsgyur cing bya// de yang ji ltar bya ba ni// rnal 'byor de'i dgongs rgyud las// gtor ma la sogs tshogs kyi phung po dang // 'byor bshos mchod pa spyan gzigs sna tshogs bsag/ de ltar yo byad phun sum tshogs tsam na// rdo rje slob dpon la sogs mched lcam gdung ba'i tshogs// gting gsal chen po'i dgongs rgyud gsal bar bya// khams gsum 'khor ba'i sems can ma lus la// snying rje chen po'i sgom pa lhag ma med par sgom// mkha' 'gro rnam pa bzhi la 'phrin las drag tu bcol// de yang ji ltar bcol ba ni// chos nyid dag pa'i pho brang nas// dbyings kyi mkha'

  194. 97b

    'gro spyan drangs la// gtor tshogs la sogs mchod pa rnams yang dbul// tshe 'das de yi skyabs su gsol ba bya// dkyil 'khor 'di yi pho brang nas// ye shes mkha' 'gro spyan drangs la// sngar bzhin phul la tshe 'das skyab tu gsol// shar phyogs mnyam pa'i dkyil 'khor nas// rdo rje mkha' 'gro spyan drangs la// mchod pa sngar bzhin phul la tshe 'das skyab tu gsol// nub phyogs oM rgyan pho brang nas// las kyi mkha' 'gro spyan drangs la// mchod pa dbul zhing tshe 'di skyab tu gsol// slob dpon de yis byin brlabs drag tu bskyed// de yang ji ltar bskyed pa ni// mtshan dang ldan pa'i thod pa la// dkyil 'khor chen po'i gzhal yas khang du sgom// de yang ji ltar sgom pa ni// ma bris dkyil 'khor chen po la// gser la g.yus spras me tog 'bul ba sgom// me tog la sogs ri yi mchod pa bsam// rang gi thugs ka'i 'od zer las// dkyil 'khor de yi pho brang du// yi dam lha dang brgyud pa'i bla ma bsam// bde bar gshegs pa mkha' 'gro rnam bzhi bsam// yang rang gi thugs ka'i 'od zer las// bde gshegs la sogs bla ma'i byin brlabs dang // rang gi ting 'dzin sngags kyi 'du 'phro yis// tshe 'das bkug la thod pa'i dbyings su bstim// de yang ji ltar bstim pa ni// sngags kyi 'phro 'du dgug pa'i phyir mo ni// dza hUM baM ho/ de ltar

  195. 98a

    bzhi yis rnal 'byor ting 'dzin bskyed// de yang ji ltar bskyed pa ni// rnal 'byor de yi dgongs rgyud las// zhabs bskyang bskum pa'i tshul du bzhugs// phyag g.yas kyi 'dzu gu bkug la// lcags kyu'i tshul du bsam/ phyag g.yon chos brtags kyi phyag rgya mdzad la// rgyud drug gi sems can la snying rje chen pos zin par byas la// ting 'dzin gyis byin gyis brlabs la/ gting gsal chen po'i 'od zer la/ dza lcags kyu ma sku mdog gnag la 'tsher ba/ phyag g.yas na lcags kyu bsnams pa// phyag g.yon na gsal ba'i 'khor lo bsnams pa/ gcig thugs ka'i 'od zer las 'phros pas/ tshe 'das snyam byed kyi phung po can de/ lcags kyus gzung la 'khor los ngo sprod cing bkug par bsam mo// de nas yang rang gi thugs ka'i 'od zer las// hUM zhes brjod pas tshe 'das de'i thugs kar yang / hUM mthing ka shin tu gsal ba cig krong gis bsam/ thod pa'i dbyings su yang hUM de dang mthun pa cig bsam la/ yang hUM zhes brjod pas/ thod pa'i dbyings kyi hUM la thim par bsam/ de nas yang baM zhes brjod pas/ thod pa'i hUM dag gnyis su med par bsdams la/ ngo sprod gdams ngag gis gsal gdab bo// de nas rnal 'byor pa de'i byin rlabs las/ dbang la rnam pa gnyis yod de// de yang gnyis gang zhe na// lha dbang lus

  196. 98b

    la bskur ba dang // chos dbang sems la bskur ba'o// de nas rnal 'byor pa de'i byin brlabs las// tshe 'das snyam byed kyi phung po de la// lha dbang lus la bskur mi dgos// chos dbang sems la bskur la// 'og min gyi gnas chos kyi sku'i pho brang // chos kyi brdal ba'i gzhal yas khang de ru// mkha' 'gro rnam pa bzhi dang gnyis su med par// ho dgyes pa chen po'i sgras// gnyis su med par byin gyis brlabs la 'phang ngo // rdo rje 'dzin pa khyod nyon cig/ dza 'gugs pa'i sgra'o// hUM snyim pa'i sgra'o// baM sdom pa'i sgra'o// hor dgyes pa'i sgra'o// dza 'gugs pa'i phyag rgya'o// // hUM snyim pa'i phyag rgya'o// baM sdom pa'i phyag rgya'o// ho dgyes pa'i phyag rgya'o// rnal 'byor rtsal dang ldan pa yis// 'phrin las de ltar byas na// tshe 'das don dang 'jal ba'o// grol sa rnam pa gsum po'i grol sa 'bring po bstan pa'i le'u ste nye dgu pa'o// yang dpal rdo rje 'dzin pas zhus pa// srid pa'i 'khor lo brgyad po la// grol sa rnam pa gsum yod pa// grol sa tha ma ji ltar lags// zhes zhus so// gsang ba'i bdag pos gsungs pa/ rdo rje 'dzin pa khyod nyon cig/ grol sa tha ma bstan pa ni// srid pa'i ri bo brgal ba'i tshe// tshe 'das snyam byed phung po de// srid pa'i 'khor lo brgyad nyi la// snyam byed lus dang 'grogs nas 'grim// de yang ji ltar 'grim pa

  197. 99a

    ni// don gyi snang ba gsum po la// yon tan rang byung chen po yis// tshe 'das snyam byed phung po de// gcig pa la 'gag gnyis pa la skyes// gsum pa la gnas pa'o// yang rdo rje 'dzin pa khyod nyon cig/ gcig pa la ji ltar 'gag pa ni// snang ba reg pa'i 'khor lo la// tshe 'das phung po 'grim pa'i tshe// sems can gyis las kyi spyi thun gyis// rig pa rtog med pa la nyal// rtog med ngang la zhag bdun bsdad pa yis// rtog med ngang la bsad pa'i yon tan gyis// rtog med ngang la rig pa zol langs pas// 'khrul pa'i bag chags 'gags nas ming gi mun pa 'gribs// gnyis pa skye ba'i skye lugs bstan pa ni// chos nyid ngang la rig pa thol langs pas// 'khrul ba'i snang ba 'gags nas don gyi snang ba shar// de yang ji ltar shar ba ni// snang ba mched pa'i 'khor lo thim pa'i tshe// nyon mongs kun dang bral nas bde ba'i gling na gnas// bde ba chen po de yis rnal 'byor grogs byas nas// kun tu bzang po'i dgongs pa tshigs gsum po// rnal 'byor chen po de la shes rab chen por skye ba'o// gsum pa gnas pa'i gnas lugs bstan pa ni// gang zhig tshe 'das phung po de// de ltar de ru rtogs pa ma skyes kyang // 'od gsal 'khor lor thim pa'i tshe// don gyi snang ba lhag ma med par 'char// snang ba de yis tshe 'das rkyen

  198. 99b

    byas nas// yang dag don gyi ngo sprod tshig gsum po// rang gi rang la lham nas rang la 'tsher bar nges// rang la bltam nas rang la shar ba'i tshe// snang ba 'gyur med 'od gsal 'khor lor gnas// gsum pa gnas pa'i gnas lugs bstan pa'o// tshe 'das snyam byed phung po de// snang ba de yi rkyen gyis ma grol na// srid pa'i 'khor lo brgyad nyid la// skye 'gag tshul du sngar bzhin logs nas 'grim// sa yi 'khor lor thim pa'i tse// skye ba thogs pa med par len// ngo sprod byas pa'i gang zag de// dbang po dgu'i tha ma yin pas// grol sa gsum du grol bar nges// ngo sprod byas pa'i dbang po dgu tha de// de tshe rtogs pa ma shar kyang // man ngag 'di la mos pa'i yon tan gyis// dbang po lnga la skyon med par// yon tan mchog tu gyur pa'i mi lus gtsang ma thob// phyi mar gces pa'i 'bras bu chos dang 'jal bar nges// lo yi thun tshad bdun tsho lnga ru thub// bdud tsho lnga ru tshe la bar chad mi 'ong ngo // bdun tsho lnga po 'das nas su// srid pa'i 'khor lo rar brgal kyang // sngon gyi snang ba the tshom med par mthong ngo // rgyud lung man ngag gsum gyi sgor zhugs nas// ngo sprod 'di dang ma mjal na// bskal pa bgrangs kyang don dang 'jal ba dka'// srid pa'i 'khor lo brgyad nyid la// tshe 'das phung po 'khor ba'i tshe// ngo sprod kong du ma chud

  199. 100a

    cing // gdams ngag 'di dang ma mngal na// rtsa 'das yang dang yang du 'khor bar nges// grol sa thams cad bstan pa'i le'u rtsa sum rtsa ba'o// / yang dpal rdo rje sems dpas zhus pa// kye kye gsang ba'i bdag po lags// khams gsum 'khor ba'i sems can la// skye shi brjod pas mi lang ste// gang zhig rtog pa ma skyes pa// tshe la bar chod 'ong ba la// lus kyi na tshas snyam snyom 'ong ba la// dbang skur byin brlabs ji ltar bgyi// zhes zhus so// gsang ba'i bdag pos gsungs so// dpal rdo rje 'dzin pa khyod nyon cig/ tshe la bar chod 'ong ba dang // lus kyi na tshas nyams myong phrogs pa la// dbang bskur byin gyis brlabs pa ni// dbang la rnam pa gnyis yod do// de yang gnyis po gang zhe na// chos dbang sems la bskur ba dang // lha dbang lus la bskur ba'o// de la chos dbang sems la bskur ba ni// de yang dbang la rnam pa lnga'o// de yang lnga gang zhe na// yang dag don gyi dbang chen po lnga'o// yang dag don gyi dbang gis nges pa bstan pa ni// lha yi dbang dang bzhag thabs chen po'i dbang // spyod pa'i dbang dang 'bras bu chen po'i dbang // yon tan rgya chad med pa'i dbang du bstan pa'o// de yang dbang chen po lnga bstan pa ni// gting gsal chen po rang gsal mi 'gyur ba'i dbang // ting

  200. 100b

    gsal chen po'i ngo bo la// rig pa mi g.yo ba ru bzhag pa ni// bzhag thabs mi g.yo rang gsal gyi dbang ngo // gting gsal chen po'i ngo bo mi 'gyur ba la// ma btsal shugs las byung ba ni// spyod pa mi 'gyur rang gsal gyi dbang ngo // gting gsal chen po mi 'gyur ba la// sku yi ngang la rig pa rang la rang gsal bas// 'bras bu mi 'gyur rang gsal gyi dbang ngo // ting gsal chen po mi 'gyur ba de// rgya chad phyogs lhung med pa la// nga rgyal med pa'i yid ches 'char ba ni// yon tan mi 'gyur ba rang gsal ba'i dbang ngo // yang rdo rje 'dzin pa nyon cig/ lta ba mi 'gyur rang gsal chen po'i dbang ni/ dpe ci dang 'dra na/ rtogs pa skad cig ma'i man ngag skyes bu snying bton pa dang 'dra'o// skyes bu chen po rnams kyis ni// yan lag dang sor mo la sogs pa// mtshon cha rnon pos bcad pa ni// mi 'chi yang srid pa la// mtshon rnon pos skyes bu'i snying bton na mi 'chi mi srid pa yin no// dpe de bzhin du/ rang gi rig pa rno la gcod pa des// 'bad rtsol dang rtsol sgrub kyi chos dang / stong pa dang has po dang // dag pa phyogs gcig pas// sangs rgyas mi srid la/ ye shes chen po rno la gcod pa des// sku dang ye shes kyi don lhag ma med par bcad nas/ dper na skyes bu snying bton pa la mi 'chi mi srid pa bzhin du/ gting gsal chen po'i

  201. 101a

    don rtogs nas/ rtog pa skad cig ma'i man ngag gis shes rab lam du khyer na// sangs mi rgya mi srid pa'o// yang rdo rje 'dzin pa khyod nyon cig/ gzhag thabs mi 'gyur ba rang gsal chen po'i dbang ni dpe ci dang 'dra na/ ye shes kyi spyi lugs kyi man ngag/ rtsol sgrub kyi mtha' las 'das pa// ma btsal lhun gyis grub pa'i ngang // bying rgod kyi dgra dang bral ba// gsal ba rnam pa lnga'i yon tan// lhag ma med par sangs rgyas nas// me long gi logs la nyi ma shar ba lta bu'o// yang rdo rje 'dzin pa khyod nyon cig/ spyod pa mi 'gyur bar rang gsal chen po'i dbang ni// dpe ci dang 'dra na// tshogs drug lhug pa'i man ngag byed pa pos ma byas pa// 'dus byas kyi tshul gyis ma bcos pa/ gang zag gi rkyen gyis mi 'gyur ba/ tha mal gyi ngos bsrungs kyi ye shes kyi mgo mi non pa/ nyam nga ba dang bag tsha ba med pa// bgegs ma zhugs pa'i smyon pa chen po/ skyes bu nad kyis gzir ba lta bu'o// yang rdo rje 'dzin pa khyod nyon cig/ 'bras bu mi 'gyur ba rang gsang chen po'i dbang ni/ dpe ci dang 'dra na/ ma btsal lhun gyis grub pa'i man ngag/ byed pa pos ma byas pa/ rtsol sgrub kyi mtha' las 'das pa/ gshig cig gzhom pa'i dbang du ma gyur pa/ mi 'gyur rdo rje lta bum/ dper na nyi ma'i snying po lta bu'o// yon tan mi 'gyur ba rang gsal

  202. 101b

    chen po'i dbang ni// dpe ci dang 'dra na phyogs cha kun dang bral ba'i man ngag/ dper na nam mkha'i mtha' dang bral// yin min gnyis dang bral ba/ sangs rgyas dang sems can gnyis/ 'khor ba dang myang 'das gnyis/ blo dang dngos po gnyis/ zhi gnas dang lhag mthong gnyis sam/ gnyis 'dzin gyi dmigs pa'i mtha' dang bral nas/ dper na phyogs ris med pa nam mkha'i dbyings lta bu'o// yang rdo rje 'dzin pa khyod nyon cig/ sku dang ye shes gnyis med chen po de// sku gsum dbyer med rang gi ngo bo cig/ rang bzhin lhun grub bde ba chen po de// rgyu rkyen gyis ma bskyed pas rang byung du 'dug pa// rang byung du 'dug pas/ gzhan gang la yang ma ltos pa// byed pa po ma byas pas// 'dus byas min pa/ gnyen po gang gis kyang mi shigs pas/ ra ri ngo bos kyang mi 'jog pa'o// 'phral du ma bcos pas gshis su 'dug pa// gshis su 'dug pas bsgyur du mi btub bo// shin tu gcod dang ldan pa ni// ral gri so ma lta bu ye shes gcod dang ldan pa des/ man ngag 'di yi sgor zhugs nas/ gnyis med lhag ma med par gcod pa'i tshe// chos sku thig le nyag gcig po// skyon yon gnas kyi mtha' dang bral// myang 'das chen po gsal ba'i ngang gnas pa// mi g.yo mi ldeg spros pa'i mtha' dang bral// rang gsal rtog pa med pa'i man

  203. 102a

    ngag/ yang rdo rje 'dzin pa khyod nyon cig/ chos sku dbang gi mdor bsdus rnam pa lnga ste// dbang gi mdor bsdus rnam lnga'o// ji ltar phye nas gang ltar bskur ba ni// man ngag 'di yi sgor zhugs nas// rnal 'byor rtsal dang ldan pa yis// skal ldan rigs kyi bu tshal// chos nyid 'gyur ba med pa'i dpag sgyur nas// yang dag don dang sprad pa'i phyir// rnal 'byor de yi dgongs rgyud 'di ltar bya// ting gsal chen po'i sgor zhugs la// gnyis med lta bas chos par bya// yang dag don la yi ge mi bdog kyang // 'gro ba'i don du thugs rje ma 'gags pas// rnal 'byor pa yang yig 'bru'i phung por 'jug/ de yang ji ltar 'jug pa ni// rnal 'byor rtsal dang ldan pa de// lus la rtsa'i yig 'bru dgod// rtsa ba'i yig 'bru'i gnas bstan pa// spyi bo'i gtsug tu yig 'bru a// mgrin pa'i dbyings su yig 'bru au// lte ba'i dbyings su yi ge maM// rkang pa'i mthil du yi ge yaM// rnal 'byor rtsal dang ldan pa des// rang gis lus la yig 'bru lnga sgoms la// yig 'bru'i yon tan de nyid ma'i 'od zer dang mtshungs par bsam/ rigs kyi bu dang bu mo yang // dbang bskur byin brlabs 'dod pa de// mdun du bzhag la rang nyid lhar sgom du gzhug/ yig 'bru bcu yi 'od zer 'phros pa yis// bgegs dang log 'dren 'du ba'i nang rnams

  204. 102b

    dang // nyon mongs lhag ma med pa bsreg par bsam// yang rdo rje 'dzin pa khyod nyon cig/ rigs kyi bu dang rigs kyi bu mo de// dbang bskur byin brlabs nod pa'i tshe// rang gi mdun du bzhag la dbang bskur byin gyis brlabs pa ni// rtsa ba'i dbang chen yon tan kun dang ldan// gsal ba chen po'i dbang dang g.yo ba med pa'i dbang // rgya ma chad pa'i dbang dang mi 'gyur ba yid dbang // 'gag med yon tan chen po'i dbang dang lnga ru bstan pa'o// yang gsang ba chen pa'i dbang bskur byin brlabs bstan pa ni/ rigs kyi bu dang rigs su mo la// rnal 'byor rtsal dang ldan pa de'i// spyi bo'i gtsug tu phyag gi mthil bzhag la// sngags kyi byin brlabs 'di ltar brjod par bya// bud+d+ha rdo rje che ge mo a zhes brjod nas// rigs kyi bu dang rigs kyi bu mo des// chos nyid mi 'gyur ba'i dbang thob// de nas rnal 'byor pa de'i phyag gi khu tshur bud+d+ha rdo rje che ge mo oM zhes brjod pas/ rang bzhin lhun gyis grub pa'i ngo bo mi 'gyur ba'i dbang thob/ de nas rnal 'byor pa de'i phyag gi sor mo rnam pa lnga// rigs kyi bu'i snying khar bzhag nas/ bud+d+ha che ge mo hUM zhes brjod pas/ sku gsung thugs yon tan 'phrin las kyi dbang thob nas/ gsal ba lnga bde ba chen por rgyas pa'o// de nas rnal 'byor pa de'i phyag gi mthe bong dang mdzub mo sprad de/ pad+ma'i tshul du byas

  205. 103a

    te/ rigs kyi bu'i snying khar bzhag nas/ bud+d+ha rdo rje che ge mo aM zhes brjod pas/ thams cad skyed par byed pa'i ma// longs spyod rdzogs pa'i dbang thob pa'o// de nas rnal 'byor pa de'i phyag gi mthe'u chung rigs kyi bu'i bol tog tu bzhag nas/ bud+d+ha rdo rje che ge mo yaM zhes brjod pas/ 'degs byed rlung gi 'khor lo// rkang mgyogs kyi dngos grub thob pa'o// de ltar dbang gi byin brlabs kyis// rdo rje slob dpon mched dang lcam dral la// man ngag 'di yi sgor zhugs nas// dbang bskur byin brlabs byas pa rnams// tshe ring bde ba phun sum tshogs// nyon mongs sgribs g.yogs byang ba yis// shes rab chen po me ltar mched par nges// srid pa'i ri bo brgal ba'i tshe// yang dag don dam mjal bar nges pa'o// chos dbang sems la bskur ba'i le'u ste so gcig pa'o// yang rdo rje 'dzin pas zhus pa/ kye kye gsang ba'i bdag po lags// zhes zhus so// gsang ba'i bdag pos gsungs pa/ rdo rje 'dzin pa khyod nyon cig/ lha dbang lus la bskur ba la// lha yi rtsa ba gnyis yod de// de yang gnyis gang zhe na// sems kyi rnam rtog lha dang yang dag don gyi lha// rnam rtog sems kyi lha la rnam pa lnga yod de// de yang lnga gang zhe na// btags pa'i lha dang brten pa'i lha// 'go ba'i lha dang bsgrubs pa'i lha// sems kyi rtogs pa snga phyi la// snga ma

  206. 103b

    lha ru gzung nas phyi ma 'dre ru gzung // rtog pas rtog pa mchod cing // dngos grub nod pa rnams yang dag don gyi lha ma yin// rdo rje 'dzin pa khyod nyon cig/ yang dag don gyi lha la rnam pa lnga yod de// de yang lnga gang zhe na/ rdo rje rigs kyi lha dang rin chen rigs kyi lha// pad+ma rigs kyi lha dang las kyi rigs kyi lha// de bzhin rigs kyi lha dang lnga ru bstan pa'o// rdo rje 'dzin pa khyod nyon cig/ rigs lnga lha'i sangs rgyas ni// rigs kyi khyad par so so ma yin te// 'go ba la tshig tu mtshon pa'i tshig tu mnga'// sku dang ye shes gnyis med chen po de// sku la 'gyur ba med pas rdo rje'i rigs su bstan// gnyis med 'gyur ba med pa'i yon tan de// brjod pas mi lang nor bu rin chen 'dra// de yi phyir na rin po che yi rigs// sku dang ye shes gnyis med chen po de// brjod pas mi lang bsam pa'i mtha' las 'das// rang bzhin lhun grub snang la rang bzhin med// me tog pad+ma 'dab brgyad la// 'dam gyi bseb nas 'khrungs kyang 'dam gyi skyon med bzhin// de bzhin khams gsum sems can gyi// rang bzhin lhun grub bde ba chen po de// 'khor ba'i bseb na 'dug kyang 'khor ba'i skyon gyis ma gos pas// des na pad+ma'i rigs kyi lha ru bstan pa'o// yang sku dang ye shes gnyis med chen po de// sems can kun gyi ngo bo la// bzang ngan che chung med par

  207. 104a

    khyab pa'i yon tan gyi// gnyis med chen po de'i don lta nus na// ma rig rtog pa'i dbang gis sdig pa ci spyad kyang // gnyis med chen po 'di yi don rtogs na// las kyi dbang du mi 'gyur bas// las kyi rigs kyi lha dang mthun pa'o// sku dang ye shes gnyis med chen po de// lta bas thag chod nas gsal bar gnas pa'i tshe// yig 'bru la sogs thugs kha'i spro bsdu dang // lha yi sku dang khro bo'i cha byad rnams// 'gro ba'i don la cir yang mdzad pas na// rnam par snang mdzad de bzhin nyid kyi rigs// yang dag don gyi lha lnga 'di// tha dad ma yin rang gi ngo bor gcig/ sku la 'gyur ba med pas rdo rje sems dpa' yin// gnyis med gcod dang ldan pa la// ji ltar bsams pa 'byung bas na// des na rin chen 'byung ldan yin// chos sku kha dog dbyibs ldan te// dngos med mkha' la me long nang gi sku// snang la rang bzhin med pa de// ngo bo tha dad brjod pa'i mtha' las 'das// des na snang ba mtha' yas yin// sku dang ye shes gnyis med de// snyam byed med par chod gyur na// 'jig rten 'di yi don la rten pa ma yin te// gnyis med chen po rang la yod pa rang gis rtogs pa dang // yang dag don gyi 'bras bu grub pas na// des na don yod grub pa yin// gnyis med 'gyur ba med pa de rtogs nas// 'gro ba'i don la cir

  208. 104b

    yang mdzad pas na// des na rnam par snang mdzad yin// rigs lnga'i sangs rgyas don gyi ngo bo lnga// rang la ye nas tshang bas yang dag don gyi lha// de ltar rtogs na lha dbang lus la bskur// mtshan ma'i lha tshogs sems kyi cho 'phrul rnams// rtogs pa'i dus med nam mkha'i mtha' ma tshol// de yang rang gi don du bsgrubs na 'khrul// gting gsal chen po mchod pa'i rnal 'byor rnams// dbang bskur byin brlabs byed pa dang // snying rje thugs rjes 'gro don byed pa rnams// ji ltar bsgoms kyang thugs rje 'gag pa med// rang don 'dzin pa 'dug na sangs rgyas dgongs pa min// 'gro ba rnams la byin brlabs 'phog mi srid// chags med 'dzin med sems kyi gtod phur phyung // bdag don lhun gyis grub na gzhan don lhun gyis grub// rang gi re dogs ma chod na// sems can skyabs kyang mi skyobs pas// dbang bskur byas kyang don med 'gyur// zhes gsungs so// lha dbang lus la bskur ba'i le'u ste so gnyis pa'o// // yang dpal rdo rje 'dzin pas zhus pa/ kye kye gsang ba'i bdag po lags// drag po'i dbang dang zhi ba'i dbang // rgyas pa'i dbang dang gsum pa 'di// dmigs pa'i mtshan ma gang gis bskur bar bgyi// zhes zhus so// gsang ba'i bdag pos gsungs pa/ rdo rje 'dzin pa khyod nyon cig/ drag po'i dbang dang zhi ba'i

  209. 105a

    dbang // rgyas pa'i dbang dang rnam gsum gyi/ dmigs pa'i mtshan ma gang gis bskur ba ni// drag po'i dbang mi dmigs pa'i mtshan ma ni// rnal 'byor rtsal dang ldan pa des// yi dam lha dang khro bopo'i sku ru sgom// shin tu 'jigs shing rngam pa'i sku// sku mdog rigs kyi khyad par bsam// thod pa dum bu gsum po la// mkha' 'gro mnyes pa'i gtor mas dgang // khro bo mnyes pa'i zhal zas dang // bdud rtsi dmar la drangs par bsam// dgongs rgyud de ltar zin pa dang // rnal 'byor rtsal dang ldan pa des// slob ma'i tshogs kyang rang ltar sgom du gzhug/ gdug pa zil gyis non pa yis// khro bo sngags dgod 'di bgrang ngo // oM ha la ha la/ hu lu hu lu/ hUM hUM/ phaT phaT/ swA hA/ zhes brjod do// slob ma'i tshogs kyang brjod du gzhug/ de nas gtor ma mgo thog tu bzhag la/ drag po'i dbang bskur zhing oM hUM phaT/ ces brjod la/ khro bo chen po'i dbang thob par shog cig/ ces pa'i smon lam gdab bo// des nas drag pa'i dbang thob par 'gyur ro// zhi ba'i dbang bskur ba ni// rnal 'byor pa rtsal dang ldan pa de nyid kyis// gnyis su med pas chod pa la// gting gsal chen po'i ngang bzhag ste// lag pa'i mthil gyis dbang bskur la// gong gi yig 'bru brjod cing ting 'dzin gsal bar sgom// chos nyid nyon mongs zhi ba'i

  210. 105b

    dbang bskur ro// yang zhi ba'i dbang bskur dmigs pa'i mtshan ma ni// rin po che'i man shel dag pas bskur// yig 'bru dgongs rgyud gong dang mthun par byam// zhes gsungs so// dbang gsum nyid mnyam pa'i ngang la bzhugs nas/ chos rtags kyi phyag rgya mdzad nas/ tshig bshad 'di gsungs so// a a aHrin po che'i man shel dag pas bskur// yig 'bru dgongs rgyud dang mthun par bya// zhes gsungs so// dbang gsum gyi dmigs pa mtshan ma bstan pa'i le'u ste so gsum pa'o// // de nas yang gsang ba'i bdag po chen po dang / chos kyi sku'i pho brang / chos nyid brdal ba'i gzhal yas khang de ru/ chos nyid mnyam pa'i gang la bzhugs nas/ chos brtags kyi phyag rgya rgya mdzad mdzad nas// tshigs bcad 'di gsungs so// a a a/ rin chen gser gyi rgya mdud 'di// khams gsum 'khor ba'i sdug bsngal mi bzad pa// man ngag 'di yi byin brlabs kyis// kun gyi zug rngu choms par shog/ man ngag 'di yi byin brlabs kyis// sems can dmyal ba'i sdug bsngal mi bzad pa// skad cig tsam gyis rlag cing zhi bar shog/ yi dwags rnams kyi bkres skom dang // byol song rnams kyi gti mug dang // skye 'gro mi yi zhe sdang dang // lha ma yin gyi 'thab rtsod dang // 'don yon lha yi ltung ba rnams// skad cig tsam gyis zhi bar

  211. 106a

    shog/ 'khrul pa gcod pa'i sgron ma 'dis// khams gsum 'khor ba'i mun pa sel bar shog/ ces gsungs nas chos nyid mnyam pa'i ngang la bzhugs so// gsang ba'i bdag po chen po des smon lam btab pa'i le'u ste so bzhi pa'o// // yang de'i tshe de'i dus na/ dpal rdo rje'i 'dzin pa des/ thugs kyi sprul pa brjod pas mi lang ba bkye nas/ rin po che brjod pas mi lang ba dang / me tog brjod pas ming lang ba dang // mchod pa'i rdzas khyad par can brjod pas mi lang ba byin gyis brlabs nas/ sgra'i rol mo brjod pas mi lang ba sgrogs shing / bstod pa 'di dag gsungs so// kye kye gang ba'i bdag po lags// rin chen gser gyi rgya mdud 'di// 'gro ba'i don du gsungs pa ngo mtshar shin tu che// a la la ho/ sangs rgyas 'od dpag med la phyag 'tshal lo// mgon po thugs rje can la phyag 'tshal bstod// dngos med dag pa'i sku la phyag 'tshal bstod// brjod med dag pa'i gsung la phyag 'tshal bstod// sgrib med dag pa'i thugs la phyag 'tshal bstod// gsang ba'i bdag po chen po yi// sku gsung thugs la phyag 'tshal bstod// ces gsungs nas dgyes pa chen po mdzad do// gsang ba'i bdag po la bstod pa'i le'u ste so lnga pa'o// // rin chen gser gyi rgya mdud 'di// kun tu bzang ba'i dgongs pa

  212. 106b

    yin// rdo rje sems dpa'i zhal chems yin// shel gyi khye chung gsung bgros yin// be ro tsa na'i yid dam yin// khri srong lde btsan phyag bzhes yin// sgra dro skyer chu'i gter chos yin// dge bshes chos snying dngos grub yin// rnal 'byor nyi ma 'bar gyi rgyud pa yin// bskal ldan las 'phro can dang 'phrad par shog/ rin po che gser gyi rgya ma dud ces bya ba rdzogs so// // rgya gar skad du/ bo d+ho tsit+ta a ti b+h+ra ma na ma/ bod skad du/ byang chub sems gsang ba'i thig pa zhes bya ba/ bcom ldan 'das dpal rdo rje sems dpa' la phyag 'tshal lo// bdag med gnyis med mi shes sangs rgyas pas// zhen pa bzlog phyir rkyen bshad bsam yas kyang // chos nyid ngang la brjod bya brjod byed med// rtog dang lta sgom la sogs pa'i// bslab pa ma lus kun 'jig pa/ gsang ba ba yi/ slab pa yin// rtog pa la sogs su 'dod pa// de la de bsog nam yang med// skyes na 'gag cig 'gag na skye// de ni bdag bcas 'khrul pa'i blo// bdag med gang skye skye rgyu ci// ma skye mi 'gag cir mi rig/ bus pa ma rabs rtogs par 'dod// gang gis gang rtogs ji ltar rtogs// rtog pa bdag med skye med cing // bdag skye 'khor ba ci phyir min// blo dang blo yul ma yin pa'i// 'khor ba skye 'gag rgyu ci

  213. 107a

    zhig/ de bas rtogs pas 'khor bar 'chings// shes rtogs lta bu'i sdig pa ni// stong gsum ma lus srog bcad pas// sdig pas de brtul char mi phod// lha sgom 'bras bu de dang mtshungs// rtog bya rtog byed gnyis med cing // rtogs lha la sogs mi skye na// dgos chen rkyen du de bsogs gsungs// ma rtogs ma sgoms ma shes na// rdo rje kun tu bzang po yin// bdag med dmigs dang rnam shes ji ltar bskyed// dran bya dran byed med de shes dang mi shes bral// rtogs bya rtogs byed med de dgos ched de rtogs brjod// rtogs pa ma skyes pa ni rtogs pa'i mchog/ 'ching grol med pa grol ba'i dam pa yin// bcings na grol zhing grol na 'ching // yul sems gnyis su med pa ni// byang chub sems zhes bde gshegs gsung // yul sems gnyis su 'dod pa dang // yul med sems la gsal stong dang // yod med rtag chad 'khrul pa'i sems// 'khrul dang ma 'khrul gnyis med la// ma 'khrul dgos ched gnyis yod 'khrul// de de nyid dgos ched kyis// de mtshon 'khrul pa blo bur dang // med pa dang ni cir mi rung // skabs kyis re zhig brjod par zad// yul sems gnyis su med pa na// de man chos med gnyis su med// snod bcud rab 'bring tha ma yis// bshad du yod dang bshad du med// bshad bya bshad byed

  214. 107b

    gnyis su med// rtogs su yod dang rtogs su med// rtogs bya rtogs byed gnyis su med/ sgom spyod 'bras bu la sogs mtshungs// bya ba med pas grol ba grol// bya med lhun grub rdzogs pa che// rtog sgom 'bras bu 'dod pa dang // thar par 'dod pa'i yid can la// byang chub nam yang yod ma yin// rdo rje sems dpa'i gsang ba'i thigs pa 'di// dga' rab rdo rje'i thugs la dbyer med thim// zhes lta ba lhag pa byang chub sems kyi gsang ba'i thigs pa zhes bya ba ste dang po'o// // bcom ldan 'das dpal rdo rje sems dpa' la phyag 'tshal lo// 'khor 'das rnam pa gnyis la yang // chos can rtogs dang chos nyid rtogs// bya ba yod dang lhun gyis grub// don rtogs rtags rtogs 'dus ma byas// byang chub sems dang 'phrul pa'i sems// rang byung rten byung la sogs kyis// 'khor 'das gnyis su shes med shes// sman bdo tsam na dug bdo spang // sman bdo tsam na dug mi gnas// sman bdo tsam na dug kyang med// sman bdo tsam na dug ma spangs// de bzhin chos rnams thams cad kyang // snang bdo tsam na stong bad ste// snang bdo tsam na snang mi gnas// gnyis dang gnyis med la sogs dag/ kun yin gang yang ma yin dang // gang ma yin na kun mi gnas// kun yin na ni gang min man// de bas bya bral shes med

  215. 108a

    dang // brjod med kun bzang rdo rje dgye// shes brjod lta bu'i sdig pa med// brjod bya rjod byed la sogs dang // shes bya shes byed gnyis med na// tshad med thams cad lhun grub skra// mnyam nyid bsam 'das gnyis med du// rang nyid shes shing ma gyur na// tshig tu ji skad brjod gyur yang // dbul pos phyug po'i nor 'grangs 'dra// rang la ma phan gdung bas 'dzin// de bas rang nyid gnyis med na// shes bya shes byed la sogs med// sbyangs nas rtogs thob phyir 'dod dang // rtogs thob thabs la brten pa dang // bya ba ma bral thabs kyis kyang // yang dag 'bras bu thob pa med// bya med byed bral 'bras bu de// chos nyid don rtogs bde chen 'grub// 'dod pa ma zad 'bras bu dang // 'dod pas grub pa'i 'bras bu dang // 'dod pa med pas len pa ni// bya bral lhun grub shes par gyis// mdor na chos rnams thams cad ni// 'khor dang mya ngan 'das pa ste// 'khor ba'i sems rig 'khrul pa'i sems// mya ngan 'das rig byang chub sems// sems kyi yul dang rang rig yul// spyod yul dag dang ma dag gyis// 'khor 'das gnyis su rgyal bas man ngag/ spyod yul dag pa'i rnal 'byor ni// 'khor bar nam yang mi 'khor te// rtogs pa brten par ma gyur na// rten ni khams gsum gnas gyur kyang // sems

  216. 108b

    dgongs rnam dag rdzogs sangs rgyas// gal te brtan par ma gyur na// tshogs drug 'jug pa lhod pa yis// dmyal ba'i gnas su de mi skye// chos nyid rtogs dang ldan pa yis// byol song gnas su de mi skye// 'dod pa'i gdung ba lhod pa yis// yi dwags gnas su de mi skye// 'dod yon lnga la chags med cing // spyod kyang bstan por ma mthong ste// 'khrul zhig rang bzhin med rtogs pas// lha yi gnas su de mi skye// mi yi lus kyi rtogs mthu yis// gal te rten na mi lus te// gang du skyes kyang rnam dag gsal// gang du gsal yang mngon sangs rgyas// de la 'khor ba'i ming mi gdags// de bas gsang sngags bdag nyid che// don med sgra phyir de 'brangs nas// de ni 'thoms nas dmyal bar 'gro// de rtogs dmyal ba'i sa bon zad// de ring phan chod rgyal ba'i sras// gzung 'dzin dben pa rgyal ba ste// de na rtog pa'i sras zhes bya'o// rtog pa zad la rtogs zhes ste// rtog pa skyes na 'gag par nges// de ni skye 'jig 'khor ba'i chos// mngon par shes pa la yang gnyis// chos can mngon par shes pa dang // chos nyid mngon par shes pa ste// shes par bya byed gcig las med// gcig po'i don de 'di ltar ste// shes bya shes byed gnyis yod na// chos can yin de chos nyid min// de rang nyid la bye brag mang // theg pa re la lta ba re// de

  217. 109a

    re sgom re mngon shes te// chos nyid mngon par shes pa ni// shes dang shes bya gnyis med la// chos can shes bya yang dag ldan// de spangs na yang de med de// de yod na yang de med do// rnam pa dag na lam chen rnyed// gnyis su med na bde chen thob// gzung 'dzin dag na ye shes che// bya ba bral na rdzogs pa che// byed pa bral na lhun gyis grub// sems dang chos nyid ye nas gnyis med la// rtog par 'dod pas nam yang thar pa med// mdor na sems can sangs rgyas kyang // sems chos gnyis su yod med las// rdo rje kun bzang mi gsung ngo // sems dang chos ni gnis med na// lta rtogs la sogs gang gis kyang // de bas bya bral lhun rdzogs mod// de bas dman pa'i theg phran kun// sems kyi chos rtogs rtogs pas dman// de bas bya byed drang don mod// ces/ chos sems gnyis su med pa'i gsang thigs ste// // man ngag gnyis pa'o// bcom ldan 'das log par dad sel la phyag 'tshal lo// rtsod dang gdams dag bshad dang gsum// dbye ba 'di yis shes par bya// rang bzhin dag pa'i kun gzhi dang // rtogs pa dag pa'i kun gzhi dang // 'dzin pas bsags pa'i kun gzhi la// 'khor ba'i kun gzhi 'das pa'i gzhi// gnyis ka'i kun gzhi dbye ba yis// 'byung ba dang ni 'byung chen dang // 'byung chung

  218. 109b

    gzhi ste so sor dbye// 'byung ba chos nyid 'byung chen nam mkha' la// 'byung chung re re la yang lnga// chos nyid 'khor 'das kun gyi gzhi// byang sems 'das pa kun gyi gzhi// 'khrul sems 'khor ba kun gyi gzhi// sems dag sems las byung ba dang // sems dang sems las thim pa dang // 'khor 'das gnyis su mkhas pas rig/ ci yi phyir na sems shes na// sems byung ba yi sems zhes dang // sems thim pa yi sems zhes dang // sems 'dzin pa yi sems zhes so// gang ltar byung yang de de nyid// de de nyid kyang 'khor 'das gnyis// phyi dang nang gi mu stegs te// 'khor ba yin par rgyal bas gsungs// 'das pa gnyis te don dang rtags// drang don nges don zhes kyang gsungs// lam dang lam gyi grogs kyang gsungs// lam ni rnam par dag pa ste// de mtshon gal te srid pa yis// lam grogs a nu man chod la// nang gi mu stegs zhes bya ste// bsam yas bsdu na bzhi ru 'dus// phyal dang rgyang 'phan mu rdug dang // mu stegs bzhi ste rtag chad gnyis// phyal ba dge sdig rgyu 'bras dang // snga phyi mi shes kun tu rmongs// rgyang 'phan rgyu 'bras mi shes te// 'di yi btsan phyug mthu stobs bsgrub// mu drug pa yi rgyu 'bras med// snang srid 'di ni blo bur ba// dper na rlung chub lta bu'o// de bas thams cad chad par 'dod// mu stegs pa ni rtag

  219. 110a

    par 'dod// bdag rtag yod par 'dod pa dang // rgyu med 'bras yod 'dod pa dang // 'bras med rgyu yod 'dod pa dang // dbang phyug yod par 'dod pa'o// de ni ral pa can gyi lugs// dbang phyug mthu thogs med pa yis// 'gro ba dus gcig skyed par byed// bram ze grangs can gcer bu ba// dngos po rtag la rang bzhin 'gyur// skyes bu bdag gis gzhan mi skyed// gzhan gyis kyang ni bdag mi skyed// tsa ra ka pa rlung tshub 'dra// mu drug pa de chad par 'dod// de la 'di ltar rtag pa ste// blo bur nam du 'byung ba'i phyir// 'khor ba'i mtha' la thug pa med// yang na thim pa de 'byung ngam// de las gzhan zhag 'byung ba yin// de nyid 'byung na rtag par thal// de min 'byung na rgyu yod med// min par 'byung na rtsol don med// bem po las rig 'byung gyur na// rgyu 'bras mi mthun skyon bsam yas// ral can dbang phyug byed 'dod pa// dbang phyug de byed yod dam med// dbang phyug byed pa med pa ni// dbang phyug gis byed ci yi phyir// byed pa med la byed 'byung na// rtag pa las kyang chad 'byung zhing // chad pa las kyang rtag 'byung 'gyur// de 'byung nges med rtag mi btub// de la byed pa yod can// byed pa yod phyir mi rtog mod// grangs can dngos po rang mi rtag/ rang bzhin cir yang 'gyur ba

  220. 110b

    ste// bde dang sdug bsngal myong 'gyur na// dngos po rtag pa ci la phan// gal te cir yang mi 'gyur na// 'khor ba myang 'das rgya chad de// myang 'das rtag gam 'khor ba rtag/ 'khor ba rtag na mngon sum 'gal// 'das rtag nam mkha' ci la phan// gal te 'khor 'das gnyis med nas// dngos rtag rang bzhin 'gyur ba na// dmyal yang sangs rgyas sangs rgyas dmyal// skye bo nyid de khyad par med// de phyir rtag chad la sogs 'khrul// 'khrul nas de sogs snang du zad// de sogs gnyis med don dam chos// kun bzang thugs thig skal ldan blo la shar// zhes phyir rgol gcod pa'i gsang thig ste gsum pa'o// bcom ldan 'das bya bral dang la phyag 'tshal lo// chos sku spros bral lhun gyi grub pa la// rnam rtog bdag tu 'dzin pa de nyid 'khrul// 'khrul pa de nyid rang bzhin dag pa las// gang gis gang yang sbyang zhing thob tu med// yang na dag pa nyid kyis de nyid rtogs pa las// rtog bya rtog byed med de ngang gis dag/ lhun grub bya bral rdzogs pa chen po'i ngang // ye nas ma bcos rang byung rang zhi ste// bya dang byed med 'du ma byas pa la// byis pa'i blo can ldongs pas ma rtogs te// 'khor ba spongs shing byang chub sgrub par mthong // don la btsal zhing bsgrub par gang mthong ba// ldongs pas nam mkha' tshol te rnyed ma yin// gal te rnyed na de

  221. 111a

    nyid 'dus byas yin// ci phyir thob 'dod chos dang gang zag ste// don gyi don dam thob bam kun rdzob kyis// 'on te 'khrul gyis byang chub sa thob bam// byang chub kyi 'khrul pa thog/ don gyis don nyid thob na don ma yin// thob dang thob bya yod phyir rdzas yod mod// thob dang thob bya ngang gis dag pa la// byang chub thob ces rgyal bas gsungs pa las// sgra phyir 'brangs nas thob tu yod 'dod pa// ma rig de ni 'thoms te 'khor bar 'khyams// gal te kun rdzob nyid kyi don rtogs nas// rgyu 'bras mi mthun 'gal te rten 'brel yin// yang dag don rtogs nus phyir 'khrul ma yin// don la phan 'dogs kun rdzob ci phyir yin// gdags yod yang na don dam ci phyir yin// don dam nyid kyis kun rdzob rtogs gyur na// rtogs byed don dam ma yin rtogs yang kun rdzob mod// gal te kun rdzob cig gis rkyen byas nas// don de rtogs na de yang gnyen por 'jig/ kha cig rkyen med par ni rtogs 'gyur na// thog ma nyid du rtogs ci phyir min// rkyen la rkyen cig gam te yod min na// rkyen gyis med dus su zhig ci phyir min// de bas rtog bya rtogs byed dag pa la// yang dag don rtogs bde chen 'grub// ces gsungs/ byang sems chos rnams thams cad dbyer med la// ldongs pa bdag cig chos kyis sangs rgyas 'dod// rgyu

  222. 111b

    rkyen rten 'brel gnyen pos ci phyir min// bdag dang chos dang 'bras bur dbyer med dang // shes dang gnas dang brtan pa thob pa la// gzhi dang lam dang 'bras bur rgyal bas bsngags// shes bya shes byed nga gis dag pa dang // gnas bya gnas byed ngang gis dag pa dang // bdag gzhan 'du shes dag nas mi 'byung na// byang chub thob ces rgyal bas gsungs pa la// sgra phyir 'brangs nas thob dang rtogs 'dod pa// ldongs pas de yang 'khor ba'i chings mas bcings// de bas shes bya shes byed dag pa la// pha rol byin dang sa bcu lam lnga rdzogs// sku dang ye shes yon tan ma lus rdzogs// ma spangs mtshan dang mi gnas dpe byad rdzogs// de las gzhan ni ye shes ma yin te// gzung 'dzin sgrib pa ye shes ga la yin// bya byed 'du byas byed ye shes ga la yin// re dog dug gsum ye shes ga la yin// spyan dang ye shes don ni ma sgrib pa'i// sgrib pa'i don ni gzung 'dzin gnyis las med// don la lta dang mthong ba yod ma yin// 'khrul pa'i blo la blta dang mthong ba yod// bya byed med pa lta sgom la sogs mchog/ rtag par 'dod na 'khrul de rtogs mi 'gyur// rtag yul med par rtogs 'gyur ga la srid// dga' rab rdo rje thugs kyi dkyil 'khor du// rdo rje sems dpa'i thugs kyi thig pa babs// zhes brten 'brel bcad pa'i

  223. 112a

    gsang thig ste bzhi pa'o// bcom ldan 'das bde chen dang la phyag 'tshal lo// e ma 'khrul pa zad pa'i mkhas pa ngo mtshar che// ye shes gnyis te mtshan nyid rtags// mtshan nyid thog mtha' skye 'jig med// brtags pas 'khrul pa zad pa'o// rang byung de nyid thog med dang // blo bur byung ba gnyis yin no// thog med mi 'gag blo bur 'gag/ rtog pa'i ye shes 'gag ce na// rtog pa'i ye shes zhes bya ba// 'khrul pa zad pa rtsa ma ste// gang la skye dang 'gag pa med// zad yod 'phel ba yod ce na// don mthong zad dang 'phel ba med// ji srid tshig yod 'khrul pa'i sems// nyan bshad dgos pa med ce na// byang chub sems la phan gnod med// 'khrul sems dgos med ci yi phyir// 'khrul pa zad cing 'khrul la phan// kha cig sngags pa 'di skad zer// nyon mongs mi spongs 'phags par 'dod// snying rje ldan phyir byams phyir dang // sems dge ba la nyes pa med// chos 'phags la sogs ci phyir min// de nas nyon mongs lam zhe na// sngags pa dam tshig bsrung mi bsrung // nyams na dmyal bar 'gro mi 'gro// 'gro na nyon mongs med 'gro'am// yod 'gro nyon mongs ci phyir lam// de la de yang yod ma yin// de bas gsang sngags zhes bya ba// 'khrul pa zad dang blo yul min// bya ba bral dang 'bras bu'am// 'bras bu lam

  224. 112b

    du 'dod pa yang // 'dod na blo yul bya byed ni// brtags pa yin te yang dag med// bsam mi khyab la 'khrul pa byung // 'khrul pa zad la bsam mi khyab// de la 'bras bu zhes bya ste// mdor na bya bral 'bras bu ste// rnam par dag pa lam zhes te// 'bras bu lam zhes de la bya// bya byed yod pa ga la yin// dum bur gnas pa lam zhes te// dper na byol song kha cig gis// ma yi rum na gnyid log dang // ma rum phyir thon res 'jog dang // rdzus skyes lha 'ga' gnyid med bzhin// srod dang tho rangs nyin par bzhin// nam mkha' dngas la sprin 'byung bzhin// nam du 'byung 'gyur zhes na yang // ji bzhin pa de khyad par che// rig pa yod med dag ma dag/ 'dra ste mi 'dra bas nad pa// 'khor ba sangs rgyas brtag pa dang // chos nyid mi sbyor mi 'byed de// ci phyir de la rang bzhin med// sbyor dang 'byed pa lta ci smos// rang bzhin shes pas gnyis med mthong // chos nyid gnyis su med pa la// sangs rgyas zhes kyang bstod mi bya// sems can zhes kyang skyon mi brjod// don la gnyis med rtags tha dad// drangs pa'i dron 'khor 'das gnyis gsungs te// nges don ye nas thig le dbyer med la// dbyer med rtogs pas dbye ba'i blo zad de// sangs rgyas zhes te nges par gzhan med do// sangs rgyas yon tan de la brtsir mi rung // sems can

  225. 113a

    skyon kyang de la brtsi mi rung // sangs rgyas yon tan su 'dod pa// de la nam yang yon tan med// sems can skyon rnams su spongs pa// de ni skyon las grol mi srid// gnyis su med pas skyon yon brtag/ de la yon tan zhes bya'o// rmongs pa kha cig yon tan du// khas len pa de rmongs pa yin// chos nyid gnyis med spros bral la// skyon yon sus brjod rmongs pa yin// skyon yin dag na yon tan te// spros bral lhun grub chos kyi sku// de rtogs longs spyod rdzogs sku yin// ma spangs mi gnas sbrul sku'o// gzung 'dzin dag pa sangs pa ste// gnyis med don rgyas rgyas pa'o// byed pa med pa'i chos yin te// bya ba med pa nyid yin no// ye nas dag pa zhi ma mya ngan 'das// de rtogs sgrub pa lam gyi chos// dbye ba med pa 'dun pa ste// ma gos pa ni dge ba yin// gzung 'dzin rang dag gnyis med chub// ye don rtogs pas nyon mongs bcom// rang gis rang rig rang sangs rgyas// nyan byed med pas yang dag nyan// zos pa med pas chos nyid thos// skyon yon dag pas thams cad rdzogs// zhes yon tan bsam gyis mi khyab pa'i gsang thig ste lnga pa'o// // bcom ldan 'das bde ba'i 'byung gnas de la phyag 'tshal lo// theg 'phran ma lus thams cad kun gyis kyang // bde legs ji snyed ma lus kun gyis bsngos// bde

  226. 113b

    gshegs byang chub rtog pa nyid la 'dus// rtogs pa su 'dod de la byang chub med// rgyu rkyen 'dod pas nye ba'i sangs rgyas bsrings// kun kyang rtogs par 'dod pa khyad par med// thabs sgo du mas rtogs 'dod 'dod pas nyams// rgyu yi theg pa zhes kyang de la bya// theg chen 'di ni rtogs bya rtogs byed dang // thob bya thob byed la sogs dbyer med pas// bya bral lhun rdzogs bde ba chen po'i ngang // gnas dang dus ni gang dang gang du yang // rgyu dang rkyen ni ci dang ci byung ba// de ni rgyu yi theg par shes par gyis// rang byung ye shes gnyis med lhan cig skyes// gang la gang gis rag na ji ltar las// gang dang gang byung de de nyid// thams cad ma phyed yul dang bral// yul nyid yul bral rang gis dang // de ni 'bras bu'i theg pa'o// che lnga ldan par 'bras bur brtags// 'khrul pa gnyen pos zhig pa la// rtogs pa rkyen gyis skyes par mthong // ma skyes mi 'gag don la gol// rkyen gyis skyes pa thams cad 'jig rtogs las sangs rgyas gzhan med pas// sangs rgyas skye 'jig can 'dod pa// de yang rgyu ste byang chub med// 'khrul blo/ gnyis su med ces bya ba las// don la skye 'jig ga la yod// gzung 'dzin gnyis su mi byed pas// chad pa ma yin rtag pa yang // gnyis su gnas pa ma yin te// gzung 'dzin gnyis kyis blo grol bas// chos

  227. 114a

    nyid don rtogs bem po min// rig bya rig byed gnyis med pas// rig par mi 'gyur skyon ma gos// gzung 'dzin dag pa rang nyid la// sangs rgyas zhes su btags pa yin// 'khor 'das gnyis su med ces bya// sangs rgyas gang las ji ltar skye// rtog pa skye bar rmongs par 'dod// de ni 'bras bu'i theg pa min// rang gi gnyen por rang shar nas// gzung 'dzin rang dag lhun rdzogs che// de ni 'bras bu'i theg pa'o// 'khrul pa rang du rang zad dang // rtog pa 'khrul las skyes pa gnyis// ngo bo gcig ste khyad par che// gcig ni 'khor ba rang dag yin// gcig ni sangs rgyas rgyus bskyed yin// gcig ni khyad par shin tu che// 'khor ba rang nyid dag pa las// sangs rgyas 'dod pas blo chung bcings// dge ba dpag med byed pa dang // mtshams med lnga po byed pa yang // 'khrul pa gang dag nges med de// ma dag par du khyad par che// rgyu dang 'bras bu'i theg pa dang // rang nyid shar de byed pa med// thams cad du yang ngang gis byung // thams cad rang bzhin nyid kyis dag/ bdag nyid chen por lhun gyis grub// de ni gsang sngags zhes bya'o// ji srid blo ma zad par du// 'khor ba zad par su 'dod pa// de ni rgyu yi theg pa yin// rgyu yi theg pa gang yin pa// de ni rkyen gyi theg pa yin// rgyu rkyen gang dang gang yin pa// de la 'du

  228. 114b

    byas zhes brjod do// de las gzhan pa'i 'dus byas ni// mkhas pas nam yang rnyed pa med// ji srid bya ba yod par du// de ni 'bras bu'i theg pa min// de bas bya bral rdzogs pa che// de bas spros bral lta ba che// de bas 'dzin bral bsgom pa che// de bas bya bral spyod pa che// de bas thob bral 'bras bu che// zhes rgyu 'bras khyad par gyi gsang thig ste drug pa'o// // legs pa'i 'byung gnas shes rab pha rol phyin mchog dang la phyag 'tshal lo// legs pa'i 'byung gnas shes rab pha rol phyin 'di la// khyed bral shes rab pha rol phyin mchog med 'gyur na// pha rol phyin rgyu med cing lam med theg pa'ang med// phyag rgya sngags dang dka' thub sbyin sreg med// lha dang dkyil 'khor med cing dus gsum bde bde gshegs med// mchod bshags bstod pa med cing phyag dang bskor ba med// gzhi lam 'bras bu med cing lha sgom spyod pa med// thams cad yod pa ma yin 'khor ba'i 'ching ma yin// thams cad drang ba'i don te shes rab mchog la 'dren// shes rab pha rol phyin mchog ngo bo la// thams cad dus gcig rdzogs te lhun gyis grub// de yod kun yod de med kun med pas// pha rol phyin mchog rdzogs chen spags te che// mi 'byed mi g.yo mi 'dzin ma gos dang // skyon yon dag ste dus nyid thams cad pa'o// bya bral kun 'dus mi

  229. 115a

    g.yo 'dod pa zad// de med bzlog pa'i sgo nas thams cad bral// shes rab pha rol phyin mchog pa nyid la// sa lam thams cad lhun grub pa nyid yin// mi 'gyur kun gzhi'i sems kyi sa gzhi la// de nyid yang dag mthong ba rab tu dga'// de la gzung 'dzin dag pa dri ma med// de nyid rgya ma chad pa 'od byed pa'o// rtogs pa'i ye shes 'byung ba 'od 'phro ba// blo yi spyod yul ma gyur sbyangs dka' ba// rang gis ngo bor gyur pa mngon gyur pa// 'dod pa'i blo ma skyes pas ring du song // mi skye mi 'gag g.yo ba med pa'i sa// skyon rnams kun gyis ma gos legs pa'i blo gros// thams cad chos kyi dbyings las mi phyed sprin// thog ma tha ma med pa kun tu 'od// gang yang ma spangs pad+ma can// rnam rtog mtshan ma spyod cing thog med 'khor// thams cad thig ler 'byed med dbye ba med// sems dang chos su 'dres pas lhun gyis grub// ye nas thig ler dbyer med tshogs kyi lam// rtogs pa'i ye shes dbyer med sbyor ba'i lam// chos nyid don rtogs bde chen mthong ba'i lam// yid kyi g.yo ba zad pa sgom pa'i lam// bya byed med pa mthar phyin pa yi lam// rnam dag lam chen shes rab mchog med pa// bgrod pas 'khor ba'i lam ste grol mi srid// bzlog pa'i sgo nas de med thams cad med// ces shes rab pha rol phyin pa'i

  230. 115b

    gsang thig ste bdun pa'o// // rang rig lta ba'i ngang la phyag 'tshal lo// lha sgom spyod 'bras la sogs pa'i// byas pa'i chos rnams thams cad 'jig/ shes rab mchog gi chos rnams yin// de yod na ni chos rnams med// de med na ni chos rnams yod// bdag dang chos rnams nam mkha'i ngo bo shes// shes nas shes byed rnam dag na// shes rab pha rol phyin mchog ldan pa yin// chos ni byed pa bral ba yin// nyid ni bya ba bral ba yin// bya byed gnyis med chos kyi sku// bya bral dus su sku gsum rdzogs// de la mya ngan 'das zhes te// gzhan du theg smad bsam yas pas// rang rang 'bras bu sangs rgyas 'dod// 'dod pas 'khor ba ma rtogs te// 'khor ba'i mtha' las de ni mtha'// nges pa'i shes pa ma skyes shing // rang tshig tshad dang ma ldan te// gzung 'dzin mtshan ma ma grol bas// gang gi gar skye mi shes pa// 'ol phyir phyogs su gar bsgoms kyang // long ba'i gom pa bzhin te phyal bar gol// chos dang sems gnyis so sor mi 'gyur ba// de ni rtag pa'i mtha' ste grol ba med// thams cad gdod nas med pas blo yul med// de ni chad pa'i mtha' ste grol ba med// snang la rang bzhin med ces yul can nges med 'chings// nam mkha' lta bur chos rnams mtha' bral bsgom// mtha' bral 'dod pa mtha' ste nam mkha'

  231. 116a

    mtha' yas skye// gnyis med ma rtogs dran rtog med pa bsgom// 'du shes med pa'i khrod du de nyid skye// 'di bsgoms nges med gcig dang du ma bral// bsgom med blo yul ci yang med par skye// thams cad sems yin cing snang cir med na// rnam shes mtha' yas gnas su de skye nges// byang chub don gnyer lha yi dkyil 'khor bsgom// gzugs khams lha yi gnas su de skye nges// 'dod pa'i mngon song zab mo'i bskyed rim gyis// sna tshogs ci sgom 'dod khams gnas su skye// 'dod pa ma zad bar du khams gsum ste// drang ba'i don du rang rang grol bar gsungs// re res 'bras bu'i ming re btags nas su// thams cad grol bar theg pa kun smra yang // bya byed ma bral 'khor ba las mi 'da'// 'khor 'das gnyis las med par thams cad dgongs pa mthun// bya ba bral bas lhun grub sangs rgyas la// nye ring yod ces blo dman kha cig smra// pha rab rdul gyis gzugs 'dzin zug rngus kyang // 'khor ba 'ba' zhig mya ngan de mi 'da'// shes rab bral te mya ngan 'das pa med// mya ngan 'das na shes rab spyi phyir bral// theg pa che chung bstan pa yang // theg pa'i ngo bo 'dzin med pas// 'dzin pa chung na theg pa che// 'dzin pa chen theg pa chung // che grol chung grol nges med de// dper na mar me 'bar ba yis// mun pa che

  232. 116b

    chung 'joms par 'dra// dper na 'dod pa'i gnas su yang // nye 'gro ring 'gro nges med bzhin// theg sgo gang du zhugs gyur kyang // bya ba ma bral theg pa de// khams gsum gar skye nges med de// khams gsum rang rang khyad par che// gzugs 'dod gzugs med ji bzhin du// theg pa che chung re zhig 'dod// sde mtshan gsum gsum bstan pa yang // dug gsum lus ngag yid gsum dang // khams gsum sku gsum sku gsung thugs// de yi shes rab che chung ste// mdor na shes rab yod med gnyis// yod pa bya ba byed pa bral// med pa gzung 'dzin blo yul te// gzung 'dzin phra rags dbye na 'di'o// 'dzin pa bral ba shes rab ste// gzung ba lhod 'phra snying rje yin// gzung 'dzin gnyis med mtshan nyid la// 'phra ba tsam ni btags pa ste// btags pa'i grub mtha' thams cad kyis// yang dag rtogs la phan mi 'gyur// rang gi bde ba gnas skabs 'byin// kun rdzob shes pa shes pa ste// don dam shes pa shes rab yin// des zin mi rtog khyab pa rje// dbang po dman pa'i nyan thos kyis// yul ni phra rags shes pa skad cig rtogs// gang zag bdag med de yang rab 'bring gsum// khams gsum 'khor ba 'dod chags gzir// snying rje de yi gnyen por mi sdug sgom// 'bring gis rnam rtog gnyen por rlung 'gog

  233. 117a

    pa'o// rab ni bdag tshol bdag med stong pa sgom// mdo sde yul gyi gzugs brnyan dngos su min// bdag 'tshol ba las khyad par sems 'tshol te// khyim par gyur kyang skyon med rtse gsum sgom// kun rdzob yul sems so sor 'gro don rab brtson pas// de dang tshul mthun pas na mdo sde'o// rnal 'byor spyod pa kun rdzob sems su lta// rang rgyal gang zag bdag med khyad par du// chos kyi bdag ni yod med bsam mi khyab// rang gi rig pa gsal la ma zhe na bsgom/ sems tsam sems las yul yod ma yin te// sems gzhan ma ltos sna tshogs rang nyid gsal// de ni rnam bcas rnam med sna tshogs 'khrul// rang rig mtha' bral nam mkha' lta bur lta// gsal la mi rtog skyes la ma 'gags sgom// dbu ma yul sems so sor lha mi lta// mdo sde spyod dang rnal 'byor ba'i// rnal 'byor sgyu ma rab tu mi gnas pa'o// kun rdzob sems de don nam cir ma grub// gang du ma zhen mi 'dzin bsam gtan no// kri yas rang bzhin med par 'dra ba las// kun rdzob lha dang lha mor 'dod pa dang // de lta nyid du rtogs pas 'bras bu lam// de yang spyod pa'i sgo nas mngon sangs rgyas// gnyis kyi rgyud ni lta spyod 'dzom thob 'dod// rnal 'byor rtogs gtso spyod pa phan gnod med// ma hA thabs dang spyod pas rtogs pa btsan bcom

  234. 117b

    spags// a nu chos sku ye nas gcig pa la// gnyis su rang shar gnyis med rang mchod do// a ti spangs pa de yi bsogs dang bral// song gyur rgyas grub thob byang dbye ba med// nyan zos rang rgyal don dam sems can dmigs// mdo sde sems tsam gzhan don chos la dmigs// dbu ma yan chod don la bdag gzhan med// dmigs pa med de gnyis su shes par bya// zhes lta ba'i khyad kyi gsang thig ste brgyad pa'o// // bcom ldan 'das bya bral dang la phyag 'tshal lo// e ma bdag 'dzin ma bral bar du bu na// rtogs kyang 'ching la ma rtogs 'ching // sgoms kyang 'ching la ma sgoms 'ching // bdag 'dzin ma bral bar du ni// bskal pa'i bar du dka' spyad kyang // grol bar mi 'gyur rtsol bas rlags// gzung 'dzin gnyis su med pa na// sems chos 'dres te lhun gyis grub// bdag 'dzin grol ba rang nyid la// rtogs dang lta sgom la sogs rdzogs// gzhan ni ci yang yod ma yin// gal te yod na 'ching ba'i dngos// bdag med rtogs lta su yi sgom// bdag yod 'ching ba'i dngos po med// rang byung ngo bo bzhin gnas te// dang po ngang gis gnas pa'i gnas lugs kyang // gnas par bya dang byed med gnas rgyu med// gnyis pa 'khrul te 'khor ba sna tshogs kyang // 'khrul pa bya dang byed med 'khrul rgyu med// gsum pa

  235. 118a

    rang bzhin 'khrul te rang byung rtogs pa yang // rtogs par bya dang byed med rtog rgyu med// bzhi pa bdag nyid chen po'i 'bras bu yang // thob brtan bya byed med de brtan rgyu med// de ltar bzhi po gang du yang // bya ba yod na rkyen cig yod// byed pa yod na thabs cig yod// de ltar yod na de yod pas// de yod 'dus byas gnyen pos 'jig/ gzhi la bya ba med pa bzhin du// lam la bya ba yod pa yis// de bzhin nyid kyi don las gol// gzhi la byed pa med bzhin du// lam la byed pa 'dod pa yis// de bzhin nyid kyi don las gol// gzhi la bya rgyu med pa la// lam la bya rgyud 'dod pa yis// de bzhin nyid kyi don las gol// gzhi la med pa ci byung yang // de bzhin nyid kyi don las gol// de bas bya bral rdzogs chen spags// de bas byed bral lhun grub spags// de bas rgyu med rkyen bral che// bya med rkyen de gang gi rkyen// byed med thabs de gang gi thabs// de yod bya bral ci phyir yin// de min sangs rgyas ga la yin// gzhi la rtogs med rtogs don go la// zhen na rtogs zhes bya yang // 'khrul pa zad pa tsam la ste// gang gis ci rtogs rtogs don ci// gal te yod na gol ba mod// de bas rang byung 'di lta ste// 'khrul pa po nga 'khrul bya nga // rtogs pa po nga rtogs bya nga // bshad pa po nga bshad pa nga // rang nyid rang shar

  236. 118b

    rang nyid dag/ bya byed yod pa ga la yin// gal te yod do zhe na yang // byas pa thams cad mi rtag pas// sangs rgyas don med lhun grub cing // gzhi la med pa byung ba na// rang byung yin yang mi rtag ste// 'khrul pas bya byed rgyu rkyen mthong // gzhi nyid bsam gyis mi khyab pa// byung na ci byung mi rtag pa'o// rgyud ni gzhi yin 'brel bar ston// lung ni lam yin thog tu phebs// man ngag 'bras bu la zlos pa'o// gzung dang 'dzin pa'i rnam pa dag/ mtshan ma med cing rdul dang bral// de ni rdo rje sems dpa' yin// 'khor 'das kun gyi rang bzhin yang // ye nas mnyam nyid bya bral te// 'khrul nas dngos por snang ba yin// song gyur red pa ci yang med// dngos po'i gnas lugs 'gyur med yin// zhes de bzhin nyid las gol tshul gyi gsang thig ste dgu pa'o// bcom ldan 'das thams cad mkhyen pa'i ngang la phyag 'tshal lo// khams gtan gol sgrib bsal ba ni// rtag chad bem rig bzhi yin te// yul sems gnyis ka yod pa rtag/ yul med sems yod rig pa yin// gnyis ka ma grub chad pa yin// sems med yul yod bems po yin// bdag yod shes pa mi 'phro na// 'du shes med de bem po yin// shes pa sna tshogs dran pa yang // skye med skye ba ma 'gags pa// rig pa yin te de yang rtag/ mu rtug mu stegs rgyang 'phan phyal// skye mched

  237. 119a

    mu bzhi'i gnas su skye// phyi'i bskyed rim gzugs khams skye// nang zab bskyed rim 'dod khams skye// de yang rim pas 'jug par bya// dang por mngon par byang chub lngas// he ru ka ni yab yum sgom// rjes la thig le na da bsgom// de ni phyi nang bskyed rim mo// rdzogs dang yongs rdzogs ngo bo nyid// rim lnga'i tshul du mi 'gal dgod// dang po sems nyid rtsad bcad pas// gang du ma grub dang la bzhag/ 'du shes med de mu rtug chad// de nas shes pa sna tshogs te// skyed tsam nyid na rang bzhin med// thams cad sems te snang zhing stong // rnam shes mtha' yas mu stegs rtogs// chos rnams nam mkha' lta bu ste// sgro dang skur ba kun las 'das// sems su mi 'dzin yul mi rtog/ nam mkha' mtha' yas phyal ba chad// bdag gzhan yod med la sogs kyi// 'du shes gang du mi skye ste// mi skye bar kyang 'dod pa med// yod men med min mu drug chad// gang yang yod pa ma yin te// ji skad smras kyang sgro btags yin// don gyi ngo bo ci yang med// ci med skye mchod phyal ba chad// bskyed rim phyi nang rgyang ma chad// gzhi gnyis gnyis bem rig pa'o// gnyis ni rtag ste gnyis ni chad// gzhi ma gnyis gnyis thun rgyang bslab// de nas yang dag 'di lta ste// dang po dngos po'i gnas lugs la// gnas dang gnas bya gnyis med

  238. 119b

    de// thams cad de la dbyer med pas// gong gi thams cad blo yul yin// bdag 'dzin blo ni grol ba na// yod med gang gis gang la gdags// bdag gzhan yul sems gnyis med pas// rtag chad gnyis kyi mtha' las grol// bdag med bem po'i mtha' las grol// yul med rig pa'i mtha' las grol// de dag thams cad dbyer med pas// mtha' rnams ma spangs ngang gis dag/ lha sgom spyod 'bras lhun gyis grub// nam mkha' lta bu'i sgom pa dang // de tsam du med sgom pa dang // yod min med min sgom pa dang // bya bral lhun rdzogs de nyid do// e ma de dag thams cad 'khrul pa ste// sgom pa med du ma rung bas// kha cig gnyis ka yod par bsgom// kha cig yul yod sems med bsgom// kha cig yul med sems yod bsgom// kha cig gnyis ka med par bsgom// de yi bye brag mu bzhi ste// bdag med sgom pa dman pa ste// yul med sgom pa de bas dman// sems yod sgom pa de yang dman// gnyis ka med pa shin tu dman// lta sgom la sogs gang 'dod kyang // cung zam gnyis ka yod pa dge/ kha cig gnyis med zer nas sgom// de ni mun pa'i mtho yor yin// sgom dang bsgom bya grol ba yis// thams cad rang grol sgom pa'i mchog/ de dag thams cad kun grol na// de tshe mkhas pas sgom pa yin// skal ldan rang rig

  239. 120a

    mngon sangs rgyas// rang rig grol ba bde ba'i mchog/ de las gzhan ni yod ma yin// blun pos khyad par med 'dra yang // yul med yang dag ma shes te// sems nyid ma rnyed dang bzhag dang // thams cad sems de gang na gang // snang nyid stong la stong nyid snang // skyed tsam nyid na skye ba med// 'gro na thong la 'dug na zhog/ chos rnams nam mkha' lta bu la// sems nyid yul med sgro skur dang // snang stong gnyis dang gnyis med sogs// sgro skur thams cad 'di na med// nam mkha' lta bur su 'dod blo// kun rdzob yin te don dam min// skye med tsam yang ma yin te// 'dod dang mi 'dod ci yang min// ci yang min pa mtha' yin te// yon min med min gnyis ka dang // gnyis ka min pa yang min te// mkhas pas spyi yang ma dbye sgom// de kun sgom pa med ma rung // 'dir ni yod med gnyis kas 'ching // sems dang chos ni gnyis med na// sgom du yod med gnyis su med// yod dang med pa rmongs pa'i sgra// de yis yang dag don mi mthong // lta sgom la sogs bsam yas kyang // yang dag drug la yod ma yin// zhes rig pa'i nyi ma'i gsang thig ste bcu pa'o// // bcom ldan 'das yon tan lhun grub ngang la phyag 'tshal lo// srid gsum sems can thams cad la// rtogs dang yon tan bsam mi khyab// yod

  240. 120b

    pa zang phyir rim pa yis// thig bsgom nga du gsung 'gyur yang // rtog dang sgom pa ma lus pa// thams cad gsang sngags 'di yis 'jig/ de bas gsang sngags bdag nyid che// zhig pa dag nas lhun gyis grub// de yod pas na de med do// mun pa sna ba ji bzhin no// kun gyis de ltar ma rtogs pas// rtogs dang sgom pa zab cing 'phel// de yi 'khor ba 'phel 'gyur te// 'khor ba'i rang bzhin shes rtogs nyid// shes rtogs lta bu'i sdig pa med// shes rtogs zad pas 'khor bzang // shes rtogs zad pas chos nyid mthong // 'khor ba'i chos kun shes rtogs yin// shes rtogs zad na mya ngan 'das// rdo rje sems pa'i bdag nyid tshe// rang rig thabs kyi rgyal por shar// theg pa gsungs pa'i don dang ldan// bde bar gshegs pas 'gro don grub// 'khrul pa zad dang ma zad kyis// 'khor 'das rtogs dang ma rtogs dang // gnyis dang gnyis med rgyun dang du ma// blo de zad dang ma zad dang // ldang mi ldang la byas pa las// thams cad de yin gzhan na med// dper na nam mkha'i rang bzhin la// dngas dang ma dang sa ga la yod// sprin nyid byung dang ma byung gis// gsal dang mi gsal la sogs brjod// dper na nyi ma'i ngo bo la// grang dro la sogs med mod kyi// sprin nyid zad dang ma zad kyis// nyi ma grang dror mthong zhing brtags

  241. 121a

    de bzhin rnam dag ye shes la// skye 'chi'i rgyu rkyen yod min te// yid kyi g.yo ba yod kyis// rtogs brtan 'khor ba la sogs kun// mkhas pas de ltar shes par gyis// de yang thams cad rang byung ba'o// 'khrul blo zad dang ma zad kyis// dpe don khyad par shin tu che// mdor na chos nyid ces bya ba// rtag tu yod na rdzas su gol// rtag tu med na chad pa nyid// rig na sems yod ma rig ste// ma rig bem po nyid du 'gyur// de bas tshul ni bzhi sgo nas// mkhas pas 'di bzhin shes par byos// gnas tshul 'khrul tshul rtogs tshul rtogs pa brtan tshul dang bzhi la/ mkhas pas lugs bzhin 'di lta ste// chos dang chos min dbyer med cing // sems dang sems min dbyer med na// chos kyi dbyings sam bya chub sems// yin pas kun gyi rtsa ba yod// dbyer mi phyed pas rdzogs chen che lngas spags// shes rig rdul tsam byung na che lnga sangs rgyas bral// rig pa yod pas ma rig sangs// yul sems gnyis gnas mi gnas shing // yul sogs ltos sam ma ltos shing // rtogs lta la sogs rag las dang // bsgom du yod pas bya bral min// de bas thams cad dbyer med pas// lhan cig skyes la ci ci spong // dbyer mi phyed la gang gang gnas// de de nyid la ji ltar ltos// gnyis su med la rag ci las// bsgom du med la sangs

  242. 121b

    ci rgya// blo nyid rang grol 'khor bdag/ blun pos de ltar ma shes te// shes rig yod pa'i bdag med sgra// bdag med shes pa su yi yin// yul med ci zhig nyams su myong // nyams rtsong spros pa ci phyir bral// blun po de ni mun pa 'jal// de ni nam yang tha rang pa med// de bas skal ldan khyod kyis ni// ma bcos phyed lnga'i don la ltos// ma bsgribs ye shes don la ltos// 'gyur med gnas lugs don la ltos// sems med dmigs med don la ltos// zhes che ba lnga'i gsang thigs bstan pa ste bcu gcig pa'o// bcom ldan 'das bya bral gnyis med dang la phyag 'tshal lo// bya bral gnyis su med pa yang // gtan la cis 'bebs ci ye shes// gzhan gyi blo la ci yis sgrub// sgrub tu yod na bya bral min// med na gti chad ngal don med// zhes na gtan la dbab dang shes yod na// bya bral gnyis med nam du med// blo la grub par 'dod pa yang // 'dod pas bye bral gnyis med bsrings// ma grub rnam rtogs 'khrul pas bcings// bcings pa ci grol zhes na yang // rnam rtog rang byung rang zhi ste// blun pas de ltar ma rtogs pas// lung dang man ngag rang rig tu// sems dpas yid ches bskyed phyir bshad// gnyis med mi gnod rang snang yin// de bas 'di ltar shes par gyis// lung ni ngang ste man rang bzhin// rang rig

  243. 122a

    bdag nyid chen po'o// rang byung dang ste rang bzhin dang // gnyis med bdag nyid chen po'o// bya ba bral ba dang nyid de// byed pa bral ba rang bzhin no// gnyis su med pas bdag nyid che// shes bya yod pas ngang dang bral// 'bebs po yod pas rang bzhin bral// de gnyis yod pas bdag nyid bral// sku gsum bral bar mkhas pas rig/ rang byung la yang rnam gnyis te// 'byung bya 'byung byed yod pa dang // 'byung bya 'byung byed med pa yis// 'khor 'das gnyis su mkhas pas rig/ 'khrul pa yin phyir mi bden dang // dngos gshis yin phyir bden pa so// ma byung rang byung ci phyir na// bya byed med pas rang byung yin// 'khrul pa yang de dang 'dra zhes na// 'khrul pa shes bya shes byed yod// mdor na skyes pa'i rang byung dang // ma skyes pa yi rang byung ngo // skyes pa 'gag dang skye 'gag med// rnam rtog rang 'byung rang zhig/ 'khor 'das gnyis su btags pa las// gzhan ni ci yang yod ma yin// ma skyes pa yi rang byung la// chos nyid rang byung ye shes yin// blo skyes pa yi rang byung la// 'khrul pa zhes te 'khor ba yin// rnam rtog rang nyid zhib la// rtogs pa'i ye shes mya ngan 'das// rtogs med rtogs pa ci phyir na// don dang yang dag yin pa'i phyir// lta ba med par lta ba dang // rig pa med par rig pa ni// yang dag rig par

  244. 122b

    sems pas sngags// 'di ni sbrul gyi dug bzhin te// dbyung bar rig pa min par khog/ rang byung rang zhi ba rgyu dang gnyen po ci yang med// de bas mkhas pa blo ldan gyis// gcig po de nyid shes par gyis// gnyis pa thams cad 'khrul pa'i blo// rang gi ngo bo shes par gyis// de las gzhan yod ma yin no// zhes dang rang bzhin bdag nyid chen po'i gsang thig ste bcu gnyis pa'o// // bcom ldan 'das sku bzhi'i bdag nyid che la phyag 'tshal lo// ma 'dres yongs rdzogs tshul bzhi 'di la ste// rdzogs chen gnas tshul 'khrul tshul rtogs tshul tshul brtan tshul bzhi// sku bzhi'i ngo bor 'byung ba'o// mtshon tshod mi spong mtshon pa 'dus// gnas tshul yod par gnas pa dang // med par gnas dang gnyis kar gnas// dbyer med gnas pa rdzogs pa che// 'khrul tshul rnam rtog kun rdzob ste// rang bzhin rtogs dang ched byas rtogs// yang dag kun rdzob log pa rdzob// shes rab rnam gsum la sogs pa'o// rtogs tshul rtogs su yod pa dang // rtogs su med dang gnyis ka dang // gnyis ka med dang gnyis med do// rtogs yod rdzas de rtag pa nyid// rtogs med chad de rtug po'o// gcig yod gcig med bem po ste// gnyis ka yod na rig pa nyid// gnyis su med pa bya ba bral// de la mtshon na chos nyid rtogs// gzhan ni chos can

  245. 123a

    rtogs pa'o// 'khrul pas chos nyid rtogs nus na// 'khrul pa nyid kyang ci phyir yin// chos nyid chos nyid ji ltar rtogs// rtogs na spros bral ji ltar yin// brtan tshul la yang rnam gnyis te// blo yod pa yi brtan pa dang // blo med pa yi brtan pa ste// mdor na brtan du yod pa dang // brtan du med dag gnyis ka dang // gnyis ka ma yin dbyer med la// mtshon tshod brtag ces mkhas pas rig/ mdor na chos rnams thams cad kun// kun rdzob rnam gnyis 'khrul pa ste// yang dag 'bras bu thob pa med// don dam bden pa rnam gnyis la// rjes thob mnyam bzhag rnam gnyis te// mnyam bzhag mi 'gyur rgyun du gnas// rjes thob dum bu rgyun la sbyor// khyed kyis de ltar shes par gyis// zhes ma 'dres tshul bzhi'i gsang thig ste bcu gsum pa'o// // bcom ldan 'das skye med rdo rje'i sku la phyag 'tshal lo// med dang skye med gcig gam tha dad yin// gcig na chad de tha dad ji ltar dang // mi skye ba yi rgyu gcig yod dam med// med na chad de yod na rtag par thal// med dang skye med mtshon tshod mi gcig ste// chos nyid yod med gnyis su med pa la// lhan skyes zhes te mtshon tshod gnyis su med// 'khrul blo sna tshogs skye bar snang ba 'di// don la mi bden phyir na skye ba med// 'khrul ba yin phyir yod med gnyis med la// mtshon tshod

  246. 123b

    skye ba med ces de la gdags// skye ba'i rgyu yang ma rig gzung 'dzin te// de bas skye ba med pa las// thams cad skye ba 'khrul ba'i chos// skyes tsam nyid na don ma skyes// kha cig skye med rtogs skye zer// rtogs skye skye med ci zhig yin// rtogs med skye med yod dam med// med na skye med ci la gdags// yod na skye med rtag pa med// de bas mkhas pas 'di ltar ste// rtogs dang blo ma skyes pa skye med do// rtogs blo skyes na 'gag/ rtogs par byar yod bya bral na// nyan thos la sogs ci phyir min// bsgoms pas 'bras thob rdzogs chen na// nyan thos la sogs ci phyir min// brtan du byar yod brtan pa na// nyan thos la sogs ci phyir min// bya bral dang brtan nam mkha' bzhin// brtan dang ma brtan gnyis med brtan// mi 'gyur don gyi mtshon tshod brtan// rmongs pa kha cig 'di skad zer// chos nyid mi skye rtogs skye zer// skye dang mi skye so so'i phyir// gnyis ka rdzas su yod par thal// gnyis skye chos skye su yi lugs// yang na chos nyid mi skye ba// yod nas med skye med mi skye// yod na rtag ste med na chad// gal te bsam gyis mi khyab na// rtogs dag skye med dam bca' 'gal// rmongs pa tshad mas chos rtogs 'dod// tshad dang chos nyid gcig tha dad// tha dad gnyis ka rdzas su thal// gcig na rang rtogs tshad mas byed// gang gi dam bca'

  247. 124a

    'gal ba'o// gal te gcig min tha dad min pa na// 'bebs min mi 'bebs min par 'gro// don min kun rdzob 'bebs zer na// kun rdzob don dam phan mi phan// phan gdags kun rdzob ci phyir yin// ming kun kun rdzob bden med thal// rtogs bya rtogs byed lhan skyes la// bya byed med pas skye med rtogs// chos rnams gnyis su med pa la// rtogs bya'i dus su rtogs byed med// rtogs byed dus su rtogs bya med// 'khor ba'i dus su myang 'das med// myang 'das dus su 'khor ba med// 'khrul dang ma 'khrul de dang mtshungs// rtogs bya rtogs byed tha dad la// rmongs pa gnyis med rang byung zer// 'byung rgyu yod pas 'gag rgyu yod// de ni 'khrul pa'i rang byung ngo // rtogs par bya byed gnyis byung nas// gnyis med zer ba'i rmongs pa dang // thabs sgo du mas rtogs byas nas// rang byung bya bral zer ba dang // rmongs pa kha cig 'di skad zer// rtogs pa rkyen dang thabs la rab// rtogs pa'i zab ni bya bral zhing // rang byung yin no zer ba yod// rtogs dang rtogs don so so la// gcig ni rang byug gcig rkyen byung ba dang // gcig ni bya bral gcig byas pa// zer te de la 'di skad brtag/ de gnyis gcig gam tha dad brtags// tha dad gcig bem gcig rig ste// yang na gnyis ka rdzas su thal lo// yang na 'dus

  248. 124b

    byas 'dus ma byas// yang na rgyu 'bras 'gal ba'o// gcig ni rtogs rkyen rag las bzhin// chos nyid rkyen la rag las 'gyur// de la sogs pa'i rkyen rnams byung // de nas mi rtog zhes na ni// chos nyid ma rtogs grol med pas// 'khor ba ste chad nyid du 'gyur// don dam kun rdzob gnyis ka rtogs par med zer na// bem po nyid du 'gyur ba'o// yang na chos nyid bya ba bral ba bzhin du// rtogs pa yang bya ba bral bar thal// kun rdzob rtogs su yod dam med// don dam mi rtogs don dam kun rdzob gnyis kar bstan// e ma don nyid ye nas spros bral la// ltos pa gnyis la brten pa med// 'khrul yang 'khrul pa song 'gyur med// ltar snang rang ngor rang dag pas// 'das chos kun grub ltos pa med// khyod kyis de ltar shes par gyis// zhes skye ba med pa'i gsang thig ste bcu bzhi pa'o// // bcom ldan 'das rang rig dang la phyag 'tshal lo// rang gis rang rig ye shes dang // gzhan gyis gzhan rig rnam rtog gnyis// blun pas nam yang shes mi 'gyur// rig tu yod pa'i rang rig dang // gnyis med bya bral rang rig gnyis// sems kyi yul dang rang rig yul// 'khrul pa'i sems dang byang chub sems// sems min logs nas sems 'dod dang // sems dang sems nyid rtag tu 'dres// 'byung rgyu yod pa'i rang byung

  249. 125a

    ni// dung nyid dkar por rang byung la// bya dang byed pa ga la yod// chu nyid rang rlan la sogs la// bya dang byed pa yod dam med// yod na rang rlan ci phyir yin// blun po kha cig 'di skad zer// rig par bya dang byed pa yis// bya bral rtogs par byed do zer// bya dang byed po gnyis 'dus nas// bya ba la rtogs par byed pa na// 'dus nas byas te byas nas bya bral 'dod pa blun// rig pa byar med rig pa min zhe na// dper na dung gi dkar po yang // dkar bar byar med dkar min nam// de ni dkar po rang yod do// zhe na 'dir yang gnyis med ye shes dang // rnam par dag dang spyod yul dag/ la sogs mtshan tshod de la bya// rig par bya dang byed med na// bya ba bral phyir rang rig go/ gal te rig par bya yod na// rang byung rang rig ci phyir yin// rig pa rkyen gyis skyes pa na// rkyen zhes gnyen pos cis ma 'jig/ rang rig chos nyid don rtogs dang // rkyen rig chos can brtag rtogs gnyis// rtogs par 'dra ste 'khor 'das gnyis// rang rig rgyun tu ma gnas pas// rmongs pa kun la mi 'thad de// de la 'di/ skad brtag par bya// khyod rang nyid kyi gzhung ltar na// da ltar rtogs pa yod dam med// yod na rgyun du gnas mi gnas// gnas na gzung 'dzin yod dam med// yod na rtogs pa ci phyir yin// med na mngon

  250. 125b

    sum nyid dang 'gal// rtogs dang sangs rgyas gcig mi gcig/ gcig na sangs rgyas skye rgas can// ma rgyas ci gnod rgyas ci phan// mi shes mkhas pa 'di skad zer// rkyen gyis rtogs te rang rig yin// rtogs dgos bya bral sgom dgos lhun gyis grub// dper na 'jig rten chos la ni// me yin 'di las grang ba med// tshig de khyod la 'thad mi 'thad// de bas rang byung rten 'byung gnyis// rgyu 'bras 'khor 'das mkhas pas rig/ rang byung tha snyad yang dag rig/ tha snyad 'byung rgyu 'byung bzhi yod// de las de byung de ltar byung // de ni rten cing 'brel par 'byung // yang dag rang byung 'di lta ste// 'khrul blo zad pa tsam nyid la'o// mdor na dngos po'i gnas lugs ni// blo dang blo yul ma yin pas// lha sgom spyod 'bras dam tshig dang // shes rab snying rje blo yul min// de nas dngos po'i gnas lugs te// blo dang blo/ yul dag pa yis// dag pa yin te yang dag min// blo yul byung nas dag pa ni// dag pa yin zhing yang dag yin// gal te bzhi la blo yod na// blo de ji lta bu zhig gis// yul ni ji lta bu zhig gis// de min lam la ci yod kyang // de nyid ma yin de las gol// skyes pa dang ni rang byung yang // tshig 'dra 'dra yang don mi 'dra// 'khrul ba'i rang byung dag skyes cig/ chos nyid rang byung zhes bya ba// ma byung ma skyes snying po

  251. 126a

    ste// 'di las 'di 'byung 'di ltar 'byung // 'di yis 'di 'byung 'di dus 'byung // 'byung bya 'byung byed med pa yis// rgyu rkyen med par rang byung ste// gal te de rnams gang yod kyang // rang byung man te rten 'byung yin// mdor na rten 'byung dngos yin no// rang 'das chos yod ma srid cing // de bas blo bur blo dag pas// 'das pa'i chos rnams lhun grub ste// yul sems dmigs pa ci yang med// khyod kyis de ltar shes par gyis// zhes rang byung dang rten 'byung khyad par gyi gsang thig ste bco lnga pa'o// // bcom ldan 'das dang rig ngang la phyag 'tshal lo// theg pa'i bye brag bsam yas kyang // mdor bsdus gzhi lnga lam lnga yin// rig pa'i gzhi lnga 'di lta ste// shin tu so sor rig pa dang // so sor ma yin rang rig dang // so sor yang dag rang rig dang // so sor ma yin rang rig go/ gzhi ni bya ba'i rang rig ste// cig ni rang rig bya bral yin// gzhi ni 'dzin pas bsags pa ste// cig ni rtog pa dag pa'o// zhin bdag yod rang rig ste// gcig ni bdag med dngos zhi'i rig/ bdag dang rang dang rig dang gsum// chos nyid rig pa ma yin pa// gsum ni so so ma yin pa// blun pas bdag med rang rig 'dod// de ni mkhas te mi shes pa'o// de la lam lnga 'di lta ste// shin tu so so nyan thos spong // so so ma yin

  252. 126b

    rang rgyal 'gegs// phyed spyod phyed sgrub sems tsam ste// yul sems ma grub dbu ma sbyangs// yul sems gnyis med bya bral bsngags// lam lnga de ltar shes par gyis// rang rig lnga ni 'di lta ste// shin tu so so'i rang rig ni// don dam kun rdzob gnyis kar ni// yul sems so sor 'brel ba yod// yul nyid so so sems so so// de kun 'brel ba mtshungs par ldan// sems ni yang dag yul brjod bral// de yi 'brel pa gong dang mtshungs// so so yang dag rang rig ni// yul ni kun rdzob 'khrul snang ste// sems ni rag rig yang dag gsal// de yi 'brel ba rgyun dang ldan// so so yang dag rang rig ni// rang ngam gzhan zhes btags pa kun// btags pas rang gis stong // thams cad spros bral bdag nyid cig/ so so ma yin rang rig ni// yul sems so so ma yin te// thams cad so so ma yin pas// rig dang rig bya/ so so min// ngo bo gnyis su med par 'brel// gnyis ni rang rig rig pa ste// theg pa sems tsam rang gi rig/ theg pa dbu ma rang gis rig/ gzhan ni gnyis kyi bye brag ste// rig pa bya ba bral ba ni// chos nyid don rig lhun gyis grub// de ni che ba lnga dang ldan// sa bcu pha rol phyin bcu rdzogs// lam lnga gzungs dang ting 'dzin rdzogs// gzhi ni chos can cig chos nyid// gzhi ni rten 'byung cig rang byung // gzhi

  253. 127a

    ni skyes pa cig skye med// gzhi ni 'khor ba'i lam yin te// gcig ni rnam dag lam chen yin// re re la yang lam lnga ste// mdor sdus lnga ni 'di lta'o// shin tu so so tshogs kyi lam// so so ma ning sbyor ba'i lam// so so yang dag mthong ba'i lam// so so rang dag sgom pa'i lam// so so ma yin mthar phyin lam// 'bras bu lnga ni 'di lta ste// so so rang re'i 'bras bu lnga'o// so so'i 'bras bu dgra bcom pa'o// so so ma ning 'bras bu bse ru lta bu'o// so so yang dag 'bras bu shes dag pa ste// bla med byang chub pa'o// so so rang dag 'bras bu bdag nyid be ba'o// so so ma yin 'bras bu lhun grub pa'o// rig lnga lam lnga'i bye brag ni// nyon mongs lnga dang 'gro ba lnga// 'byung ba lnga dang phung po lnga// 'khor 'das kyi bsdus pa'i chos// rig pa'i gzhi lngar rgyal bas gsungs// de las gzhan pa'i chos med kyis// de yi bye brag shes par gyis// skal ldan blo la go bar gyis// zhes gzhi lnga lam lnga'i// gsang thig ste bcu drug pa'o// // bcom ldan 'das gcod byed rgyal po la phyag 'tshal lo// e ma 'ching bar ma byed dang // thong thong chags sdang thong // rtogs byed med kyis ma chags shig/ rtogs yul med kyis ma chags shig/ rtogs pa lta bu'i sdig pa med// sgom mkhan med pas ma chags shig/ sgom yul med kyis ma chags shig/ sgom pa

  254. 127b

    lta bu'i sdig pa med// sangs rgyas med kyis ma chags shig/ sangs rgyas lta bu'i sdig pa med// thams cad chos ni gnyis med la// rgya ba'i bdag med ma chags shig/ rgya ba'i yul med ma chags shig/ ma sdang sdang bas thams cad 'ching // chos rnams thams cad dbyer med la// 'khor ba ma spongs spongs yul med// spong ba'i bdag kyang yod ma yin// don la yul dang rnam rtog med// yod na sdang bas ci zhig phan// nyon mongs med kyis ma sdang zhig/ yod na sdang bas ci zhig phan// med na sdang ba bya mi dgos// de kun 'khrul pa'i snang ba yin// 'khrul pa yan phyir spangs sbubs med// bya dang byed pa 'khrul pa yin// 'khrul pa yin phyir bya byed med// bya dang byed pa 'khrul pa yin// 'khrul pa yin phyir bya byed med// thong 'khrul la dam par ma 'dzin dang // de kun dam par mi 'dzin na// yid kyi g.yo ba ji ltar 'byung // yid nyid dam pa ma yin na// g.yo dang mi g.yo su yi yin// yid gcig dam par yod mthong nas// g.yo la sdang zhing mi g.yo chags// blun po de yis don mi mthong // de bas chags sdug kun gyi gzhi// bdag gzhan legs par btang bar byos// don la btang bya btang byed med// de nyid legs par btang ba yin// thig le bdag gzhan yongs med kyis// yod na thig le yong min gyis// thong thong

  255. 128a

    nyes pa'i rtsa ba zong // bdag nyid grol na sangs rgyas gzhan med de// bdag nyid grol ba'i dus nyid du// de ma thag tu chags pa zad// de ma thag tu 'khor ba dag/ de ma zag tu mngon sangs rgyas// de bas skal ldan skyes bu yis// bdag nyid thong la ma rtogs cig/ bdag nyid thong la ma sgom zhig/ bdag gis chags sdang ma spongs par// bdag nyid btang bar byas na bde// de ni kun bzang rdo rje sems// chags sdang bral ba nam mkha' bzhin// bya bral lhun grub bde chen la// pha rol phyin bcu sa bcu rdzogs// lam lnga sku gsum ye shes rdzogs// dus gsum bde gshegs thams cad kyis// bya bral lhun grub rdzogs pas bsngags// e ma don la ye nas chags sdang med// chags sdang thams cad 'khrul ba'i blo// de bas chags sdang yod kyi bar// 'khor 'das gnyis su shes par gyis// zhes chags sdang gcod pa'i gsang thigs bstan pa ste bcu bdun pa'o// // bcom ldan 'das lhun grub bya bral dang la phyag 'tshal lo// 'jam dpal bshes gnyen gyis rang gi 'dod pa zad pa'i tshig don du brjod pa// des 'tshal des 'tshal des 'tshal lo// ji srid bdag dang 'dzin pa yod kyi bar du na// thams cad 'ching ba'i dngos por bdag gis so// ji srid bdag gzhan gnyis su med pa na// bya bral lhun rdzogs chos sku

  256. 128b

    nam mkha' bzhin// rang byung ye ses spros bral yin par go/ chos kyi sku la bdag gzhan med pa la// ma rig pa bdag dang gzhan du 'khrul par go/ bdag gzhan med pas 'khor ba zad par go/ de rang nyid la sangs rgyas gsung bar nges// de las gzhan pa'i sangs rgyas med par nges// lta sgom 'bras bu la sogs thams cad kyang // de rang yin ni gzhan ni min par rig/ de las gzhan pa thams cad grol bar nges// bya ba bral bas lhun gyis grub par nges// gzhan gyis rtogs mnyam bdag ni mi bgyid do// de ma rtogs na grol ba med par nges// de bas bya bral rdzogs chen che bar nges// yang dag don la rtogs 'bras sgrib par go/ sangs rgyas sems can gnyis su med pa la// sangs rgyas ming du btags pa yis// mi mkhas pa dag bcing bar nges// sangs rgyas med par bstan na yang // mi mkhas pa dag bkrag par nges// sangs rgyas sems can gnyis med la// bdag ni the tshom ma mchis so// bdag med the tshom su yi yin// yul med the tsom gang la za// de bas som nyi ma mchis so// bdag med chags dang rmongs pa 'dod// de ltar su 'dod bdag dang bcas// de lta bas na sangs rgyas dgongs pa yin// dug gi bum pa 'o ma'i kha// khro chu'i lus la btsan dug sems// rgyun can dmyal ba'i rgyu can la/ nam yang sbrel ba

  257. 129a

    bdag mi bgyid// ma rig rkyen gyis dbang song nas// gal te 'gal bar bstan gyur na// bdag 'jam dpal bshes gnyen gyis lus yang dum bur gyur cig/ mgo yang tshal ba stong du khos shig/ zas su khro chu skom du me mar du song zhig/ ces rang dam rang gis bcas te// chags sdang zad pa'i gsang thigs bstan pa ste bco brgyad pa'o// rdzogs so// rgya gar skad du// bo d+hi tsit+ta de shi ka e ka sha ma hA ko sha tan+t+ra nA ma/ bod skad du/ byang chub sems phyogs chen po nam mkha' mdzod kyi rgyud ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na/ chos kyi dbyings kyi pho brang du/ rig pa chos kyi skus/ rang gi rtsal shes rab longs spyod rdzogs pa'i sku rigs lnga'i bde bar gshegs pa rnams la/ ting nge 'dzin gyis bshad pa med par bshad pa'o// de nas rigs lnga'i bde bar gshegs pa rnams kyi/ 'og min lcang lo can gyi pho brang du/ sangs rgyas gzhon nu mtshan rab tu shes pa la/ ting nge 'dzin gyis bshad pa med pa bshad pa'o// de nas byang chub yid 'dres kyi tshul du/ sangs rgyas gdugs dam pa nyid kyi thugs las phyung ste ljags kyi rtse las spros nas/ rdzogs pa chen po nam mkha' mdzod kyi rgyud// chos nyid nam mkha' 'di

  258. 129b

    gsung bar mdzad do// de yang bskal pa bzang ba'i byang chub sems dpa' 'od zer zhi bas/ bcom ldan 'das la gsol pa/ thugs ye shes kyi dkyil 'khor rang byung du 'od 'bar ba/ mkhyen pa'i shes rab phyir mi ldog pa drug dang ldan pa/ seng ge lta bu'i lta stangs can/ gzi byin khong nas 'char ba/ dpal bde ba chen po la phyag 'tshal lo// sku gsung rgyal ba'i dgongs pa mthar phyin pa// yon tan dpag med sku la phyag 'tshal 'dud// mtha' yas mu med chos kyi don brjod pa/ shes rab mthar phyin rang bzhin rnam par dag/ bde chen 'gyur med sku la phyag 'tshal 'dud// mnyam nyid mi g.yo 'gyur med chos kyi sku/ thugs rje'i 'od zer spyan gsum rnam par dag/ yon tan rgyas pa gser gyi mdog 'dra la// nyi ma stong gi 'od zer 'phro ba'i tshe// byang chub myu gu sprul pa grangs med 'phro// 'gro don mthar phyin khyod la phyag 'tshal bstod// rdo rje rtse mo nam mkha'i mtha' dang mnyam// rdo rje'i gdan ni zab cing gting dpag dka'// rdo rje'i sku ni sna tshogs cir yang ston// rdo rje'i gsung ni rnam pa cir yang sgrogs// rdo rje'i thugs ni 'gyur med mya ngan 'das// bdag 'dra dman pas bstod par mi 'os kyang // nyid kyi zhal mthong gsung thos thugs mkhyen pas// 'gro ba mtha' med drang ba'i don slad du// kun bzang rdzogs chen sku la phyag

  259. 130a

    'tshal 'dud// ces dam pa'i dbu'i gtsug tor du bzhag nas/ bskal pa bang po'i byang chub sems dpa' sems dpa' chen po 'od zer nye bar zhi bas/ yi dam gyi lha la phyag 'tshal te smre sngags drag tu bton nas yi dam gyi lha la phul bas/ badz+ra sa ma ya dzA zhes mdun gyi nam mkha' la 'od kyi sku snang ba zer dang bcas par byon nas lung bstan pa// lta ba gcod par byed pa 'di lung ston to// kye ho byang chub sems dpa' sems dpa' chen po khyod rang gi 'od zer nye bar zhi ba ni/ byang chub snying po 'bri gu ta chen po bag chags kyi sbubs su nye bar zhi bas/ 'bri gu ta'i sgrib shing du bag chags nyer len gyi phung po 'byung bas/ snang ba sgrib shing du 'char gyis/ khyod 'di nas lha'i yul yangs pa chen po'i grong khyer bde ba can dang pad mo can gyi gnas su song la/ sangs rgyas mi 'khrugs pa zhes bya ba bzhugs kyi// de la brkyang phyag phul la zhus shig/ yang dag par rdzogs pa'i sangs rgyas mi phyed pa'i lta ba lung ston par 'gyur ro// zhes lung bstan pas/ de nas byang chub sems dpa' sems dpa' chen po 'od zer nye bar zhi bas/ lha'i yul yangs pa chen po grong khyer bde ba can pad+mo bde ba can du phyin pa dang / rang gi 'bri gu ta gyen du bgreng pa dang / bag chags kyi phung po ye shes kyi dbang du gyur te/ de ma thag tu sangs rgyas mi

  260. 130b

    'khrugs pa'i zhal mthong ste/ brkyang phyag phul nas thal mo sbyar te gsol ba btab pa/ yi ge dgu ldan/ rtogs pa drug ldan/ rang sa bzhi ldan/ mchongs sa lnga ldan/ ye shes cig chod/ snang ba rang log/ 'jug pa rang sa/ dus tshod rgyal sa/ chos chen po yang gsang ba rmad du 'byung ba bstan du gsol zhes gsol to// badz+ra sa ma dzaHzhes lung bstan pa/ kye ma ho byang chub sems dpa' nyon cig/ lta ba'i rdzong la grub mtha'i gter spos shig/ spyod pa rang byung gi rdzong la ye shes zug phrad kyi gter spos shig/ gzhi'i thig le bzang po la// lta ba'i yi ge dgu pa gces so// lam gyi thig le bzang po la// bde gshegs kyi nying khug gces so// 'bras bu'i thig le bzang pa'i rtse mo la// sgom nyams drug pa'i man ngag gces so// smin par byed pa bzang po'i rgyan la// gsang ba'i dkyil 'khor gsum gyi bsdus don gces so// bzang po rgyan dang ldan pa la// rkang med mkha' la 'gro ba gces so// ye shes zang thal gyi dgongs pa la// lam la bar chad kyi sgrib pa med do// byang chub kyi snying po la skye shi med pas 'khrul pa'i bar do med do// sku gsum rang bzhin gyis rnam par dag pa la/ las dge sdig gis phan gnod med do// de nas byang chub sems dpa' 'od zer nye bar zhi bas/ sangs rgyas mi 'khrug pa la bstod pa phul te zhus pa/ e ma ho

  261. 131a

    sangs rgyas bde chen skra// nyon mongs sgron gyis ma gos shes rab gsung // ma chags sgron gyis ma gos sku mdog dkar// theg pa kun gyi nang nas yangs che ba// glang chen gshibs pa'i gdan la skyil mo krung // thugs mchog rnam dag spros med thams cad mkhyen// dri med dag pa'i sku la phyag 'tshal bstod// ces zhus phyag phul nas/ byang chub sems dpa' 'od zer nye bar zhi bas/ lta ba'i rgyal po nam mkha'i mtha' dang mnyam pa 'di gsungs so// na mo bud+d+ha ya// na mo d+harmA ya/ na moHsaM g+ha yo/ zhes dkon mchog gsum la zhu phyag nas 'di dag zab tu gsungs so// thog ma'i rangs bstan pa'i phyir// lta ba'i yi ge dgu pa bshad// gzhi yi mtshan nyid bstan pa'i phyir// bde gshegs thugs kyi nying khu bshad// dgongs pa gtan la dbab pa'i phyir// bsam gtan rtse mo drug pa bshad// snang ba rang log 'byung ba'i phyir// 'byung ba lnga sbyor man ngag bshad// 'jug pa rang sar gnas pa'i phyir// 'jug pa bzhi sbyor man ngag bshad// dus tshod rgyal sa 'dzin pa'i phyir// rgyal po bka' yi brda chos bshad// ye shes zang thal yin pa'i phyir// mchongs pa lnga yi man ngag bshad// thams cad gtan la dbab pa'i phyir// sgom nyams drug pa'i man ngag bshad// kye kye byang chub sems dpa' rnams// zab mo'i don la 'jug pa ni 'di lta

  262. 131b

    ste// dam tshig chal pa snying rje med 'gyur na// kun tu bzang pa'i tshig 'dra smra ba yang // 'khrul pa'i sems kyi log 'dres dbang du 'gyur// zhes gsungs so// sems phyogs chen po nam mkha' mdzod kyi rgyud// chos nyid nam mkha' las/ gleng gzhi'i byung tshul gyi le'u ste dang po'o// // de nas yang dag par rdzogs pa'i sangs rgyas kyi dgongs pa mtha' thug par gsungs pa 'di la don dgus bstan te// dgu gang zhe na/ tshig lnga/ rtogs pa lnga/ yon tan gsum/ sbyor sgrol gnyis/ man ngag cig/ dgongs pa gzhi gnyis/ lo zla ba drug/ yid ches pa'i gtan tshigs bzhi/ yongs su gdams pa dang dgus bstan no// dngos po gzhi'i tshad/ sku las 'das pa'i ye shes/ shes rab khyad par gyi tshad/ chos las 'das pa'i sangs rgyas/ ngo bo nyid kyi sku/ snang ba dag pa'i tshad/ 'byung ba las 'das pa'i rang mdangs gzhal yas khang dang bcas pa/ dgongs pa dag pa'i tshad/ tshig las 'das pa'i skur snang / byed pa po'i mthar ma lhung ba'i tshad/ yid las 'das pa'i shes rab bo// gzhi mi 'gyur ba'i shes rab/ srog tu gyur ba'i rlung / ye shes mkhyen pa mi 'gog pa'i phyir gyen du rgyu ba'i rlung / thugs rjes rang byung du 'byung ba'i phyir/ mthur du rgyu ba'i rlung / 'bras bu 'byin pa'i phyir me dang mnyam du gnas pa'i rlung / rang byung stobs dang

  263. 132a

    ldan pa'i phyir kun tu khyab byed kyi rlung dang lnga'o// sku gsum yon tan dang ldan pa gsum las/ sku'i gzugs brnyan ri mo dang lder gzo// mtshan ma gdul bya la snang bar bstan pa'o// gsung gi sgra snyan rgyud lung man ngag/ phyi nang gi sgro 'dogs gcod pa'o// thugs kyi byin brlabs sbyor ba dang sgrol ba'o// de'i man ngag srog yod de rgyu ba med pa/ sku yod la gzugs brnyan med pa/ thugs yod de dran rtog med pa'o// sbyor ba'i man ngag bstan pa'i snying po cig 'byung bar bstan te/ sku gsum ye shes lnga ldan gyi mtha' ye shes rang byung gi mar med skya cig pa/ bdag dang bdag nyid za mi dad pa bzhugs pa/ rtogs sgom tha mi dad par bzhugs pa/ rgyu 'bras tha mi dad par bzhugs pa/ dus gsum tha mi dad par bzhugs pa'o// de'i phyir skye shi med pa'i srog 'dzin pa'i phyir/ mi 'gyur ba'i rdo rje'i sku blangs te// chos nyid rgya mtsho dang 'dra ba'i klong yangs par bsgral te stong / rgyal ba'i sku ni gzugs can ma yin la 'gro 'ong med pa/ dus thams cad pa/ rtag par bzhugs pa'i ye shes so// sangs rgyas thugs rje yas babs pas/ snang ba sum brtsegs yas babs pas/ mas chags chags ltar snang ngo // de'i steng du sku dang ye shes sum brtseg bzhi bzhag tu bzhugs so// bzhengs so// bzhengs bzhugs mi mnga' 'o// lo zla ba drug

  264. 132b

    la/ nga ni rig pa chos kyi sku/ snang med snang srid kun gyi bdag/ zab cing gting dpag dka' ba ste// chung che'i lto ba khengs pa med// de phyir snang srid lto ru zos kyang nga ma 'grangs// rig pa'i snying po til 'bru'i cha dang mthun// de yi rang lus mtshon pa spu ris tsam// de yi rang gdangs nam mkha'i mtha' dang mnyam// de yi snyigs ma 'khrul pa'i 'byung ba lnga// shes rab zab mo rtogs pa'i skyes bu yis// dang pa'i lus las 'byung ba rang sar thim// 'byung ba khyur mid byas kyang yangs dog med// rig pa'i gdangs ni nam mkha'i mtha' dang mnyam// rig pa dngos med yin par chos shes na// rang gdangs rang lus yin par rang gis shes// de na nam mkha' gos su gon yang nga ma g.yogs// 'gyur med chos kyi sku ni thams cad 'byung ba'i gzhi// sa gzhi lta bu'i chos nyid tha dad med// rang byung rang grol btsal med rang la rdzogs// de bzhin 'gyur med chos sku rang rdzogs la// phyi nang snod bcud snang srid 'khor 'das kun// rang gi thugs rjes rang gi rtsal du shar// skad cig ma 'gags chos nyid gdan du snang // de phyir sa gzhi gdan du gtings yang nga shong tsam// rang rig rgyal po ma 'gags yongs su gsal// thabs kyi ye shes ma bsgribs kun la shar// shes rab 'gyur med rgya mtsho gting dang mnyam// thabs dang shes rab gnyis

  265. 133a

    med sbyor ba las// thugs rje'i rol pa gang la cis 'dul ba// 'gro ba'i don du nyag gcig kun tu grags// chos pa rnams kyi tha dad mthong bas gol// de phyir nyi zla lag tu thogs kyang nga ma mthong // skye med nam mkha' lta bu'i mkha' klong nas// shes rab zab mo 'brug gi sgra ltar sgrogs// gangs dkar rtse la seng chen 'phyo ba ltar// nga ro drag po bar snang khams su sgrogs// skye med klong nas sgra chen rang byung bas// btsal med bgrod med thugs rjes dbyings su 'byin// theg dman blo chung 'khrug pa'i mun khung du// shes rab sgron ma bteg kyang rang gi bsgribs// shes rab blo chung theg pa mas bgrod rnams// rgod po gshog chag nam 'phangs mi chod ltar// btsal med chos la rtsol ba'i nad kyis zin// 'brug gi sgra skad grags kyang ngas ma zos// yon tan bzhi la/ kye sems dpa' chen po nyon cig/ nga'i rig pa chos kyi sku ye shes kyi mar me skra cig pa ni// nam mkha' ltar khyab pa'i ye shes ma 'gags pa'o// sa gzhi ltar thams cad 'byung ba'i gzhi ma 'gags pa'o// nyi zla ltar thabs shes rab kyi sgo ma 'gags pa'o// chu bo gang+gA'i rgyun bzhin du thugs rje da bri bsgom mi mnga' 'o// de nas byang chub sems dpa' sems dpa' chen pos shes rab kyi dbugs phyin te/ dngos po ye shes sbyor ba'i ting nge 'dzin las bzhengs

  266. 133b

    te// chos kyi sku'i ye shes lnga dang / chos kyi dbyings kyi ye shes kyi 'byung ba lnga rang rang so so'i don byed kyang / gcig tu ma 'byor na thugs nam mkha'i mtha' dang mnyam pa mi 'byung ngo // zhes don thugs su chud nas sbyor ba mdzad do// rigs kyi bu nyon cig/ chos thams cad la shes par bya ba'i yul ni yod la/ spyad par bya ba'i chos ni med do// de ci'i phyir zhe na/ gzhi don gyi kun gzhi la bag chags bzang po'i sa bon btab pas/ chos thams cad ma bcings pa ste/ shes rab kyi rtsal sbyang du yod pa'o// spyad par bya ba'i chos ni gang lang med de// rang shes rig gi rgyal po 'ba' zhig tu zad do// lta ba rgya ma chad pa'i rig pa dngos med kyi ye shes yin la// 'bras bu nye bar grub pa chos thams cad kyi shes rab kyi yul du zin pa yin no// de yang dam tshig gi gzung shor cing thugs rje'i rlan med na theg pa chen po'i ming med do// zhes dga' rab rdo rjes rdo rje chos la gdams pa'o// // sems phyogs chen po nam mkha' mdzod kyi rgyud las/ lta ba'i yi ge dgu pa'i le'u ste gnyis pa'o// de nas rdo rje 'chang chen pos gsungs pa// bde gshegs thugs kyi nying khu 'di// sangs rgyas snying por bzhag pa yin// rgyu la 'bras bu rdzogs pa ste// 'bras bu snying por 'dril ba// snying po lam du khyer ba// rtogs pa rgyud la smin pa// rga med

  267. 134a

    mkha' la 'gro bar bya// bltar med sku la blta bar bya// grogs med gcig pur gnas par bya// 'di ni dgongs pa mdor bsdus yin// rang sa bzhi ldan bstan pa ni// 'das pa'i sangs rgyas bzhugs tshul ni// chos nyid rang snang sum brtsegs la// rang byung rig pa'i rgyal po nyid// dgongs pa rang snang don la bzhengs bzhugs so// de'i tshe rang snang rtogs pa'i 'khor rnams dang thabs cig tu bzhugs so// de'i tshe rang snang ba bsam bral gyi don la// so so go go'i gnas su ye shes kyi dkyil 'khor lnga la/ lha sum cu rtsa gnyis rdzogs par shes pa'i ngo bo gcig tu bzhugs so// de'i thugs rjes rang byung du bstan pa ni// sangs rgyas mnyam sbyor dgongs pa yin// de'i 'khrul rtog gcad pa ni// mya ngan 'das pa thog ma sangs rgyas kyi// gzhi dgongs pa rang gnas su 'byung bas/ da lta'i gang zag rtogs pa rgyud la smin na// tshig gi don mi 'byor ro// zhes byang chub sems dpa' sprin gyi shugs can gyis gsungs so// sems phyogs chen po nam mkha' mdzod kyi rgyud las/ bde gshegs thugs kyi nying khu rang sa bzhi ldan bstan pa ste le'u gsum pa'o// // de nas rdo rje 'chang chen pos/ bsam gtan rtse mo drug pa 'di gsungs so// sarba b+hi d+hu e kra b+hi b+hi/ chos thams cad kyi sgra dbyangs rnam pa gsum nas bcas te/ 'jig

  268. 134b

    rten yongs su bstan pa rgyas pa'o// thog me sangs rgyas nyag gcig mngon du 'byung ba'i dus su/ thugs rje'i byin gyis brlabs kyis rang byung ba ni/ nam mkha' rnam par dag pa'i klong nas/ ha kra ma zhes pa'i sgra'o// bar snang rnam par dag pa nas ka la ping ka'i sgra brag cha'i tshul du babs te/ de 'gro ba rnam par dag pas sgra 'gyur gsum pa man ngag tu bsgyur ba/ rgyud gnyis su grags te/ de la ni ha kra ma'i rgyud ces yongs su grags so// de la rgyud gnyis las/ sgra'i don rna ba nas brgyud pa ni/ kun tu bzang po'i sgoms nyams drug pa gzung ste/ de bzhin gshegs pa'i bsam gtan rtse mo drug par bstan pa gzung ngo // de yang ji ltar gzung na 'dzin par byed pa'i sgra drug gi man ngag dang // gzung bar bya ba'i man ngag tshigs gsum gyis bzung ngo // badz+ra ma Ni ma a tri sha badz+ra sa ma Na/ zhes pa'i sgras gzung ste/ sangs rgyas nyag gcig gi dgongs pa la yang bskyal lo// de yang ji ltar bskyal zhe na/ sarba b+hi hu rba zhes pa'i sgra ni/ phyi nang snod bcud 'khor 'das rgyu 'bras kun la 'jug pa'i sgra la bya ste/ sgra khyab pa'i bdag nyid can no// bai DUR+Ya zhes pa'i sgra ni/ stong pa'i sgra/ grags pa'i sgra/ dbu ma'i sgra'o// e ka ni rig pa chos kyi sku'o// b+ha b+ha ni rgyu gnyis su bgrags pa'o// de la b+hi d+har+ya dgongs pa la sbyar na// a ni stong dang mi stong

  269. 135a

    gi/ dbus dang mtha' gnyis yod ma yin// bar 'di dbu ma chen po ste// stong nyid ye shes chen po nyid// chos nyid mtha' gnyis ma spangs par// chos sku rang byung stong pa nyid// mtha' bzhi las ni grol ba yin// rtsa ba'i don dang sbyar ba ni// ha kra ma ni bya zhes bya// rgyud pa gnyis su bstan pa yin// de nas rgyas par bshad pa ni// de kho na nyid yongs su rgyas par bshad pa yin// de ni gsang ba smad du byung ba'i yi ger bkod pa ste// bstan pa dar zhing rgyas par bzhag go/ badz+ra ma Ni a shrI sh+yA ma rtse ti sho ta NaM/ zhes pa'i sgra las drangs na/ rdo rje sems dpa'i byang chub kyi snying po/ dri med dag pa'i rig pa chen po/ bsam gtan rtse mo drug pa zhes bya ba/ bcom ldan 'das drug pa rdo rje 'chang gis gsungs pa/ skabs dang po byung tshul bstan pa'o// de nas yang dag dgongs pa'i mchog/ thabs mkhas dag gis bstan pa ni// skye 'gag med pa'i shes rig la// rdo rje rtse mo rnam par 'phro// yang dag mtha' la lhun gyis grub// bsam gtan drug pa'i rtse mo ni// yongs su rdzogs pa'i rtse mo cig/ 'gyur med rdo rje'i gdan la bzhag/ ces gsungs so// skabs gnyis pa chos kyi 'byung gnas bstan pa'o// badz+ra ma hA tse ti sho ha/ saM d+harma d+hA tu/ zhes pa'i sgra las drangs nas bsam gtan rtse mo drug pa zhes bya ste// rang las byung ba'i chos

  270. 135b

    sku ni// sangs rgyas kun gyi rtse mo mchog/ rang las 'byung bas gzhan dbang med// bya btsal med pas rtse mo mchog/ yin tshul shes pas lta ba yin// 'gyur ba med pas rtse mo'i mchog/ gcig pur 'dug pas nyams blangs yin// btang bzhag med pas rtse mo mchog/ btang snyoms bzhag pas spyod pa yin// ye shes thug phrad rtse mo mchog/ phyir mi ldog pas 'bras bu yin// sku gsum rdzogs pa rtse mo mchog/ rdo rje 'chang gi thugs kyi mchog/ dgongs pa kun gyi rtse mo bshad// yongs su rdzogs pa'i skabs gsum pa'o// de nas byang chub sems dpa' rnams kyi don/ de yongs su rgyas par bshad nas/ rig pa chos kyi sku la tha dad du dbyer med kyang / shes rig gang zag gi blo la go bar bya ba'i phyir gnyis su bstan te/ rig pa dang rig pa las byung ba'i ye shes gnyis te/ de yang gang zag gcig gi rgyud la sbyar te bstan na/ rig pa'i rten dang / gnas dang / mthun pa'i dpe dang gsum yin no// yang rig pa las byung ba'i ye shes kyi rten dang / gnas dang / mthun pa'i dpe dang gsum mo// de la rig pa ngo bo nyid kyi sku'i rten ni/ bag chags kyi kun gzhi'o// gnas tsit+ta rin po che'i gzhal yas khang ngo // dpe ni nya'i mig lta bu'o// ngo bo ni 'gyur ba med pa'o// rang bzhin ni shes bya la 'gag pa med pa'o// thugs ni ye shes sgyu ma lta bu'i

  271. 136a

    sku'o// rig pa las ye shes kyi rten ni chos nyid kyi kun gzhi'o// gnas ni ri rab kyi khong seng na gnas so// mthun pa'i dpe ni 'ja' tshon lta bu'o// ngo bo ni snang la rang bzhin med pa'o// rang bzhin ni mi snang la rang bzhin yod pa'o// thugs rje ni ma 'dres la yongs su rdzogs pa'o// rig pa ngo bo nyid kyi sku dang // ye shes chos kyi sku gnyis// mar me dang 'od kyi tshul te// mthong bya dang mthong byed do// de'i 'bras bu yongs su smin pa ni// sku dag ye shes so// rig pa dang tha dad du grol ba'o// dngos po don gtan la dbab pa'i don bzhi bstan pa'o// nga ni gang zag gi rgyud las// 'bras bur smin par bya ste// chos nyid snang ba sum brtseg gi gdan la/ sku dang ye shes sum brtsegs su bzhugs pa ni/ lta ba dang grub mtha' tha mi dad par bzhugs so// dgongs pa ni ma bcas mnyam bzhag tu gnas par bya ste/ de yang phyi sgo bcad kyang rung ma gcad kyang rung ste/ gang ltar bde bar bya bcos med par bzhag go/ de ltar gnas pa'i dus na// rkang med mkha' la 'gro ba ni/ lta ba'i rgyab sha chod pa yin// bltar med sgra la lta ba ni/ 'bras bu'i rgyab sha gcod pa yin// grogs med gcig pur gnas pa ni// sgom pa'i rgyab sha gcod pa yin// rtogs pa nyams su blangs pa'i skabs lnga bstan pa'o// // 'bras bu'i dus tshod shes

  272. 136b

    pa ni// dus kyi sbyor ba nges pa ste// snang ba rang log byung ba'i tshe// 'byung ba lnga sbyor dran par gyis// 'jug pa rang sa byung ba'i tshe// 'jug pa bzhi sbyor dran par gyis// dus tshod rgyal sa byung ba'i tshe// ye shes tshig chod dran par gyis// bsam gtan rtse mo drug pa rgyas par bstan pa'i skabs drug pa bstan pa'o// zhes sems phyogs chen po nam mkha' mdzod kyi rgyud las/ bsam gtan rtse mo drug pa'i le'u ste bzhi pa'o// // de nas bcom ldan 'das rdo rje 'chang chen pos/ las kyi mtha' zad pa'i tshe/ snang ba rang log tu bstan pa ni/ dang po sangs rgyas rgyu med pas// rang byung dbyings nas ye shes sku// rang snang mkha' la 'od gsal bas// ye shes snang ba sum brtsegs shar// ma rig rtag tu rtogs pa'i blos// snyigs ma'i 'byung ba lnga ru log/ rtogs pa'i ye shes skad cig gis// log rtog mkha' la sprin dengs bzhin// ye shes snang ba rang sar log/ rang byung rang snang rgyal ba'i sku// bzhi bzhag rang grol dgongs pa yin// snang ba rang log gi dgongs pa bstan pa'o// de nas bcom ldan 'das rdo rje 'chang chen pos 'di gsungs so// 'byung lnga sbyor bas man ngag gi/ rang snang 'od du shar ba yis// 'khor ba'i grong khyer bzlog pa yin// sku mchog rdo rje 'od snang bas// ye shes lus la 'jug pa yin// chos kyi sku la gzugs

  273. 137a

    med pas// dag pa'i ye shes rin chen sku// 'ja' tshon lta bu'i kha dog kyang // rin po che yi sbubs su thim// 'jug pa'i mtshan nyid rnam gnyis te// yul dang gnas la 'jug pa dang // sku dang ye shes 'jug pa dang // yul gnas 'jug pa'i mtshan nyid ni// 'byung ba lnga sbyor man ngag ste// btang snyoms chen po thabs mkhas pas// khams gsum dbang du bsdu ba'i phyir// bcud kyi 'jig rten thams cad rgyu// bdag nyid cig pa'i 'brel bar ldan// rgyu drug sku dang ye shes sbyor// snod kyi 'jig rten thams cad rkyen// de las byung ba'i 'brel bar ldan// 'khrul snang rgyal ba'i zhing khams sbyor// phyi nang 'byung ba rnam pa lnga// pha ni rlung yin thams cad byed// ma ni sa yin kun 'byung gnas// bu ni me yin smin par byed// bu mo chu yin sdud par byed// snying pa'i 'byung ba rnam pa lngas// mthun snang dag sna dag la sbyor// sku dang ye shes 'jug pa ni// dus ma 'gyur bar snang ma 'gyur// man ngag gtan tshigs rnam pa gsum// snang ba yul gyi gtan tshigs brdas/ 'bras bu'i dkyil 'khor gtan la 'bebs// dgrags pa sgra yi gtan tshigs brtas/ seng ge nga ro lta bu yis/ lta ba ngan pa zil gyi gnon/ mtshon pa tshig gi gtan tshigs brdas// blo ngos gnyis su med par sbyor// zhes sems phyogs chen po nam mkha' mdzod kyi rgyud las//

  274. 137b

    snang ba rang log dang / 'byung ba lnga sbyor dang / sbyor ba'i man ngag bstan pa'i ste le'u lnga pa'o// // de nas 'byung ba rang sa'i man ngag 'di gsungs so// rgyu rkyen med pa'i ye shes la// mtshan ma'i dngos po tha dad 'byung // sku gcig drug tu 'byung ba'i phyir// yul drug rnam par spyod pa byung // phyi nang snod bcud thams cad kun// rgyu rkyen rang las byung ba'i phyir// 'jug pa'i mtshan nyid shes par bya'o// las la dge sdig med par shes// gnas la mtho dman med par shes// dus la snga phyi med par shes// chos nyid la ni bar do med// rig pa dag la skye shi med// ye shes skad cig ma med pas// lta ba dag gis thag bcad nas// dang po'i 'byung sar gnas bcas te// phyi nang snod bcud ma lus kun// ye shes chen po'i ngang du 'dus// rgyu rkyen bral ba'i chos skur gnas// thig le nyag gcig 'jug pa shes// zhes sems phyogs chen po nam mkha' mdzod kyi rgyud las// 'jug pa bzhi sbyor gyi man ngag gi le'u ste drug pa'o// // de nas bcom ldan 'das rdo rje 'chang chen pos// 'phags pa 'jam dpal 'phrul gyi gab tshe gsum bskor gyi man ngag bstan pa// pradz+nyA pa ra mi ta/ dus tshod rgyal sa bstan pa ni// snang gsal sgron ma nub pa'i tshe// 'khor 'das dang snyigs 'byed pa'i dus// dpa' bos rang sa

  275. 138a

    zin pa yin// chos nyid yangs pa'i bye thang la// lta ba mang po bang bsgre bas// mnyam nyid khyab brdal zangs kyis thal// gsang ba'i mdzod gsum lde mig dang bcas pa 'di lta ste/ nam mkha'i mthongs khungs sgo phye nas// lta ba rin po che nam mkha'i mtha' dang mnyam pa'i mdzod bstan/ sa'i ras ma sgo phye nas/ rang byung dbang gi chu bo chen po bzhi'i mdzod bstan/ 'khrul gyi bang mdzod bzhi'i sgo phye nas// sangs rgyas thams cad dang mnyam par sbyor ba'i mdzod bstan/ don gyi man ngag bzhir bstan te/ rgyal po'i pho brang gis rin po che'i rgyal sa bstan// rgyal po'i dkor mdzod gsum gyis rgyal ba'i bla nor bstan/ rgyal po'i bstan bka' chos bdun gyis yig tshang gser dang 'phra men bstan/ rgyal po'i brda chos bzhis rjes blon gyi mnga' ris bstan to// stong nyid nam mkha'i rdzongs/ nyi zla gnyis kyi skar khung bstod de/ rin po che'i gter sbas nas/ yon tan gyi sgo mo la rig pa 'phrul gyi sgo lcags bcu ste// re dogs med pa'i 'obs kyis skor te/ khye'u snang ba rigs byed kyi mkhar gyi rtse rje mdzad do// mgyogs kyi rta pho lngas mtha'i dgra btus te// dbang sgyur gyi blon po gnyis kyis gros kyi thag gcad de/ rgyal po rdzong la bzhugs so// skye med nam mkha'i mthongs su 'gyur med rig pa'i mdzod gsum sbas te/ lde mig mtha'i mon

  276. 138b

    bus khyere nas/ blon po grong kha yas pas/ rigs kyi bu rin po che'i skas la 'dzegs la/ mtha'i mon bu tsho la sgo phye zhig/ skye med nam mkha'i sago phye bas/ pad+ma stong gi dkyil 'khor rang snang 'od dang bcas pa/ rin po che dra ba'i mig tshags mthong bar 'gyur ro// sa'i ras ma'i sgo phye nas/ gser gyi me tog pad+ma 'dab ma stong dang ldan pa/ 'od zer bye ba 'bum dang ldan pa/ sprul pa bye ba khrag khrig sna tshogs du ma dang bcas pa/ zhing khams chen po lnga dang ldan par 'od gsal ba ni/ rnam dag stug po bkod pa'i zhing khams nas/ mtshon rdzogs rdo rje 'chang gi zhing khams su/ nyi ma stong gi 'od zer 'char ba ltar/ bltas pas mi skyo bar ngo mtshar gyur pa de kun bzang dbye ba med pa'i zhing khams su/ sprul pa bye ba 'bum dang ldan pa/ nyi zer gyi grangs lta bu la/ sku phra mo rngus phra rab las/ mtshan dang dpe byad rdzogs par gnas pa sha stag tu gyur te/ de bcu pa chos kyi sprin gyi zhing khams la snang bar 'gyur te/ de'i 'od zer re re'i rtse mo la sku phra mo yungs 'bru tsam la/ mtshan dang dpe byad rdzogs pa re re 'byung ste/ de rnams kyang zhing khams chen po gsum la snang bar 'gyur ro// de 'gro ba 'dul ba'i zhing khams drug la du mar snang ba'i dus na sprul pa'i skur gyur te/ thugs rjes sems can gyi don mdzad do// yang phra mo de rnams sems can la yang snang

  277. 139a

    zhing 'byung ba de// dag snang log nas/ 'khrul snang 'char ba'i dus su/ sems can gyi gzugs reg 'byar du yong ba yang de las 'byung ngo // sa'i ras ma sgo phye nas rang byung gi chu bo bzhi'i mdzod bstan pa ni/ rig pa rtsal gyi dbang dang / rgyal thabs spyi blugs kyi dbang dang / ye shes rang rdzogs kyi dbang dang / ye shes lhun grub kyi dbang dang bzhi ste/ rig pa rtsal gyi dbang ni mdzod gsum sgo phye'o// rgyal thabs spyi blugs kyi dbang ni/ gser gyi me tog bzhi yas shar nas/ zhing khams chen po gsum la spyod par dbang ngo // ye shes rang rdzogs dbang ni/ chos nyid kyi snang ba la sku gsum rang lugs su gnas par snang bar gnas pa'o// ye shes lhun grub kyis dbang ni/ 'bras bu phyir mi ldog par shes pa'o// 'phrul gyi yang mdzod bzhi'i sgo phye ba'i du su/ shes rab kyis chos la dbang byung ba ni/ 'phrul gyi yang mdzod bzhi/ de'i lde mig bzhi/ de la lta ba'i stobs bzhi ste bcu gnyis bstan pa'o// de nas rgyal po'i bla nor bstan pa/ san rnga ba ro ha na/ man ho'i sgra las drangs nas/ sang s+thi ta'i skad de/ sdig pa med pa'i shes rab kyis/ snying rje med pa'i sems can bsad de/ srog med pa'i sku la sbyar nas/ gnas med pa'i klong du bskyal te/ ljon shing gi myu gu tsha ba med pa'i mes bsregs te/ dpag bsam gyi ljon shing

  278. 139b

    gtan nas bskams so// shwa Tas ri sha o a/ dus tshod rgyal sa 'dzin pa'i phyir// rgyal po bka' yi brda chos bshad// rgyal po pho brang na bzhugs pa'i dus su/ rgyal po'i chos bzhi ste/ rgyal po gdan sa 'dzin na/ btsun mos gros kyi gzhi gzung zhig/ rgyal bus nang blon gyis shig/ blon pos phyi blon gyis shag/ dmangs longs spyod la zhugs shing // rgyal po btsun mo la snyoms par 'jug na/ rgyal bus sgo srungs shig/ blon po btson du zung zhig/ rgyal po'i mnga' ris la dgra rkun mi yong gis// phyi sgo sdoms la zhog cig/ dmangs bde ba la khod cig/ rgyal po dmangs la dpya sdud na/ btsun mo sa gzhi gzung zhig/ rgyal bus mtha' skyongs shig/ blon pos shags thob cig/ dmangs zhabs tog la chos shig/ blon po mthar sprugs shig/ rgyal po gnad sa 'kho na/ btsun mo gzhi la bzhugs shig/ rgyal bu'i g.yul bkyes shig/ dmangs rang shi zabs brlag la zong zhig/ de bas na rgyal pos rgyal sa zin to// blo bde'o// rgya nag po'i gab rtse/ mkhyen rab kyi bdag po 'phags pa 'jam dpal gyis/ thugs rin po che'i klong du bskor bas/ 'phrul gyi gab tshe gsum bskor gyi man ngag/ chos bzhi dang ldan par rgyas par bstan pa'o// zhes sems phyogs chen po nam mkha' mdzod kyi rgyud las/ rgyal po'i chos bzhi bstan pa ste le'u bdun

  279. 140a

    pa'o// // de nas bcom ldan 'das rdo rje 'chang chen po// ye shes tshig chod du bstan pa/ rgyu las 'bras bu rdzogs pa sku gsum ye shes lnga'i bdag nyid// sku gsum gyi snying por spyan gsum rdzogs te/ spyan gsum bag chags kyi bdag la rdzogs pa'i phyir// sangs rgyas kun gyi ye shes sku// mya ngan 'das med 'khor ba med// bdag med ye shes rdzogs pa'i sku// 'gro ba kun gyi snying por shar// sangs rgyas lam du khyer ba'i phyir// 'gro drug srang la mtho dam med// rang byung dga' ba'i dbyings na gsal// de yang chos thams cad kyi 'byung gnas// dgos pa'i mdor bsdus rnam pa bzhir 'byung ste// gang zhe na/ rgya chad phyogs lhung med pa'i lta ba/ lta ba thams cad kyi thugs rang byung // gsal ba bcos su med pa'i dgongs pa// chu bo rgyun gyi ting nge 'dzin rang byung / rang byung byas pa med pa'i spyod pa// bde ba chen pa'i nyams bag gis gnas pa rang byung // sku gsum phyir mi ldog pa'i 'bras bu/ nyi ma zer 'od dang btsas nas rang byung / de ni lta ba'i tshul bzhi zhes bya'o// rkang med mkha' la 'gro bas snang ba rgya yis btab/ ma bgrod par phyin pa'i sa la 'dug go/ bltar med sku la bltas pas 'bras bu tshad dang ldan/ lta ba chos nyid stong pa dag/ grub mtha' sku gsum rang byung gi dgongs pa la 'dug go/ grogs med

  280. 140b

    gcig pur gnas par snang ba grogs su 'char// snang ba thugs phrad la shes rab thugs phrad skyes// bag chags kyis gos pa med par 'dug go/ rtogs pa rgyud la smin pas mngal gyi man ngag go/ sgo bzhi rang las 'byung bas sgo gsum rgyud la skyes// snang ba ye shes kyis bag la zha ba'i man ngag go/ mthong snang rim gyis 'char gyis gcig pur dal bar sdod// phung po sgribs shing yin gyi snang ba'i sgrib shing sol// dgongs pa rtse gcig pa'i man ngag go/ sangs rgyas kyi las la bgrod mi dgos kyis/ rje blon bral bas chog/ chu zla rkyen dang spyod la nam mkha' gud du chod/ sems dang ye shes phye nas snang bas chog/ kun tu 'od kyi sa la sbyangs mi dgos kyis// 'khrul snang 'gags pas chog/ 'bras bu grub mi dgos kyis/ sku gsum 'du 'bral med pa nam mkha' nyi ma lta bu'o// sgrib pa sbyang mi dgos kyis/ rgyu rkyen med pa'i ye shes la dri ma med de/ man shel dang snang ba'i tshul lo// sangs rgyas rang la 'byung gi gzhan du ma tshol cig/ chos la sangs rgyas med par bstan pa skra shad dang sol ba lta bu'o// de nas sangs rgyas gzhon nu mtshan rab tu shes pas yar gzigs pas sangs rgyas gzhon nu bum pa'i sku mthong / mar gzigs pas 'gro drug gi sdug bsngal mthong // thad kar gzigs pas sems can gyi de bzhin gshegs pa'i

  281. 141a

    sgra gsung thugs mkhyen nas/ ye shes tshig tshad du gsung ba'o// zhes sems phyogs chen po nam mkha' mdzad kyi rgyud las/ sa shes chag tshad du bstan pa rtswa la'u brgyad pa'o// / de nas mchongs pa lnga bshad pa ni// rdo rje sems dpa' 'gro drug me long la gzugs brnan shar ba bzhin mkhyen te/ las dge sdig las 'das pa 'di gsungs so// 'khor ba zhe la mnan pa'i phyir// mchongs pa lnga'i man ngag bshad do/ kun tu bzang po'i sku'i sprul pa bstan pa/ rin chen shel gyi mi bo cig/ dang po 'gag med klong nas yongs// bar du bgrod med lam la gnas// za mar skye med dang du 'gro// goms pa lnga yis pha rol phyin// rin chen shel gyi mi bo de// khrung chen gshog rdzogs rta ru zhon// rtsol ba med par dbyings su phyin// g.yon na glang chen 'gyur med 'dur// glang chen 'gyur med khri steng sa na// btsun mo rgyan bzang 'od du 'bar// shes rab dbyings na thabs ldan rdzogs// g.yas na seng lham dkar mo mchod // seng lham dkar mo'i gdan steng na// gzu yi maM po zur phrad can// rkang med mkha' la stobs kyis 'gro// phyin pa med par dbyings su gcod// 'grod med lam du 'jug tsam na// rig pa'i ye shes gzhu bdungs nas// shes rab mda' lnga stong la rgyus// mda' gcig nam mkha'i mthongs su 'phen// nam

  282. 141b

    mkha'i mtha' la thug pa med// pha ni thabs mchog dpag tu med// skye 'gag med pa'i ye shes yin// mda' gcig rgya mtsho'i gting du 'phen// zab cing gting dpag dka' ba'i dbyings// ma ni shes rab brjod las 'das// 'gyur ba med pa'i chos nyid yin// mda' gcig nyi zla'i bar du 'phen// nyi zla gnyis kyis brjid mnyam pas thabs dang shes rab zung du 'brel// mda' gcig 'gro drug yongs la 'phen// 'gro drug srang la btab tsam na// 'gro drug srang la mtho dman med// rang byung bde ba'i dbyings su bskul// mda' gcig 'jig rten khams su 'phen// ye shes snang bas rang log yin// bde gsal chen po'i sa la bkod// goms pa lnga yis pha rol phyin// 'khrul snang 'di la 'goms mchongs byed// dag pa'i snang ba yod pa'i phyir// sems can 'di la 'goms mchongs byed// sangs rgyas dam pa yod pa'i phyir// lha rnams kun la 'goms 'chongs byed// 'phags pa'i dang po yod pa'i phyir// byang chub sems la 'goms mchongs byed// lhun grub ye shes yod pa'i phyir// dam pa'i chos la 'goms mchongs byed// chos las 'das pa yod pa'i phyir// skad cig goms pa lnga rdzogs pas// yul ni rnam par dga' ba'i zhing // mkhar ni 'gyur ba med pa'i mkhar// grogs ni 'du 'bral med pa'i grogs// gdan ni pho

  283. 142a

    'gyur med pa'i gdan// gos ni dngas ma lnga yi gos// zas ni zag med ting 'dzin zas// sku ni shes rab 'gyur med sku// rdo rje rgya gram khri stengs nas// dpa' bo chen po bdag nyid sku// mtshan ma'i gzugs med gzugs kyi sku// ngo mtshar rmad byung rol pa'i thugs// sgra bsam brjod med shes rab gsung / rtogs pa'i ye shes skad cig rdzogs// zhes sems phyogs chen po nam mkha' mdzod kyi rgyud las/ mchongs pa lnga'i man ngag bstan pa'i le'u ste dgu pa'o// // de nas bcom ldan 'das rdo rje 'chang chen pos// sgom nyams drug pa'i man ngag 'di gsungs so// sa ma a ti bi tsa ra/ badz+ra na ma Ni bi hu ru ru/ stong pa chen po'i ye shes sku'i bdag nyid gsang ba yang khol du byung ba/ bdag dang bcas pa'i dpal rdo rje sems dpas/ thugs kyi man ngag zab mo bstan pa// dag pa chos kyi sku ni ma bsgribs yongs su gsal// shes rab rig pa'i sku ni zab cing gting dpag dka'// rang byung thugs rje'i sku ni mtshan dang dpe byad ldan// thugs rje 'od zer sku ni 'gro ba kun la snang // rgyu rig pa chos kyi sku/ 'bras bu sku dang ye she me long dang byad kyi tshul du/ rgyu chos kyi sku la shar bas rgyu 'bras bur smin no// de nas yang rgyu'i dus na 'bras bu lhun gyis rdzogs 'bras bu rgyu'i ngang du shar te/ rgyu dang 'bras bu tha mi dad pa zhes

  284. 142b

    bya'o// de yang rang gi rgyud la sbyar na// chos nyid dga' ba'i sa nas rang shes rig gi rgyal po rdo rje kun tu bzang po/ ngang gi g.yo bar yongs kyis 'od gsal bar bzhugs pa ni/ rgyu rdo rje dbyings kyi dkyil 'khor ma btsal lhun gyis rdzogs// 'bras bu ye shes kyi dkyil 'khor ma bsgribs par yongs su gsal// thugs rje byed pa med pa'i shes rab kun la snyoms so// mi nub rgyal mtshan lta ba nam mkha'i rgyal po// rang rig rgyal po grub mtha'i gter du bzhag pa/ sems kyi gter du dgongs pa'i gnas bstan pa/ snying po'i yang snying rin po che gsang ba'i sbubs bstan pa/ 'bras bu rin po che lhun gyis grub par bstan pa/ de'i skyon dang yon tan bstan pa dang / man ngag gis yid ches par bstan pa'o// dang po lta ba rang gi ngo bor bstan pa ni/ 'og min gyi gnas chos kyi dbyings kyi pho brang na/ rin po che gsang ba'i pho brang na// rin po che gsang ba'i sbubs phyi nang med par gsal ba'i dang na/ rang shes rig gi rgyal po rdo rje kun tu bzang po/ ngang gis mi g.yo ba yong gi 'od gsal ba/ rgyu rdo rje dbyings kyi dkyil 'khor rang rdzogs// rgyu 'bras bur smin pa ye shes kyi dkyil 'khor rang shar/ thugs rje 'byed pa med pa'i shes rab rang byung ba ni/ rgyu rang byung gi ye shes zhes bya ba'o// sku gsum ye shes gsum brtsegs kyi dgongs pa yas babs

  285. 143a

    pa/ chos nyid snang ba gsum gyi zhing khams mas chags pa'i phyir/ theg pa chen po snang srid gzhi bzhag dang / gzhi bzhengs su bstan pa ni/ mi nub rgyal mtshan lta ba nam mkha' rgyal po zhes bya'o// 'gag pa med pa'i lta ba nyid nam mkha' dang nyi ma'i tshul du bzhugs so// grub mtha'i gter du bzhag pa ni/ rang gi rgyud la sbyar te bstan na lta ba rin po che'i gter// snying po ye shes sgron ma'i mchog/ bder gshegs rnams kyi ye shes sku/ rgyal ba rnams kyi gter du bzhag/ ces sems kyi gter du snying po ye shes kyi sku bzhag go/ de yang mnyam bzhag gi dus su/ 'bras bu ye shes kyi dkyil 'khor nyid/ rgyu rdo rje dbyings kyi dkyil 'khor la/ kha nang du bltas pa'i dus su/ mnyam pa nyid gnyis su med pa'i dgongs pa zhes bya ste/ ngang kun tu bzang po ma bcos par bzhag/ de'i dus su mig gi yul 'gyur bzlog pa'i man ngag gis bcos pas shes pa bstan par 'gyur ro// yang yid rtog pa'i rjes su 'brangs nas/ yid kyi yul 'gyur ba bcad pas/ rnam rtog rgyun gcod par byed do// yang rgyu rdo rje dbyings kyi dkyil 'khor nyid// 'bras bu ye shes kyi dkyil 'khor la kha phyir bltas pa'i dus su snang ba rgyas 'debs// mtshan ma zil gyis gnon te// thugs rje 'byed pa med pa'i shes rab kun la snyoms so// sgom pa'i

  286. 143b

    gnas bstan pa ni/ 'dir mtshan ma'i gnas cig ston te/ rtogs pa dang ldan pa rnams so// rtsa ba rang gi rig pa 'gyur ba med pa'i ye shes de/ kun gzhi sems kyi brag phug tsit+ta'i gzhal yas khang du sgom par bstan pa'o// sgom pa'i dmigs pa bstan pa ni/ sgo nga dkar po kha nang du bstan pa'i dus na/ ye shes sems pa'i snying po'i dkar po dang bcas par bsgom pa ni/ sku gsung thugs phyag rgya'i dkyil 'khor bcas par sgom pa de ni sku rdo rje yin/ 'bras bu ye shes kyi dkyil 'khor nyid rgyu rdo rje dbyings kyi dkyil 'khor la kha nang du bstan pa'i dus na/ snying po byang chub kyi sku gsal ba rnam pa gsum dang ldan par bzhugs pa ni/ sangs rgyas thams cad dang mi phyed par bzhugs pa'i dgongs pa'o// yang rgyu rdo rje dbyings kyi dkyil 'khor nyid 'bras bu ye shes kyi dkyil 'khor la kha phyir bltas pa'i dus na/ thugs rje 'byed pa med pa'i shes rab kun la khyab de// nam mkha'i mthongs nas nyi ma'i snying po shar ba lta bu'o// de la thugs rje yon tan du 'byor bar bstan pa ni/ thugs rje 'byung ba'i sgo bzhi/ 'char sgo gsum nas 'char te/ thugs rje 'byung ba'i sgo bzhi ni/ snying po byang chub mchog gi sku la mnyam par bzhag pa'i tshe/ shes rab 'gag pa med par shar ba ni/ yon tan rin po che ma rdzogs pa'i rtsal rang snang ba ni/ sbrul sku rin chen

  287. 144a

    'byung ldan gyi sku dang ye shes la snang ngo // yang dag par rdzogs pa'i sangs rgyas kyi zhing khams nas/ ma tha dmyal ba'i 'jig tshogs yan chad/ stong gsum gyi stong chen po 'jig rten gyi khams 'khor bu dang / kun khyab dang / spangs thon dang / nye ring med par snang ba ni/ 'od dpag tu med pa'i zhing khams te/ snang ba mtha' yas kyi sku dang ye shes la snang ba'o// bgrod pa med par lhun gyis grub pa'i sa rnams non pa ni/ don grub chen po'i zhing khams te/ don yod grub pa'i sku dang ye shes la snang ba'o// rang shes rig gi rgyal po rdo rje kun tu bzang po/ dus gsum du po 'gyur med par bzhugs pa la/ las kyis sgrib tu med/ thugs rjes skyab tu med/ bdud dang mu stegs kyis bar du bcad du med/ phya dang dbang phyug gis grogs byar med/ de ni mi bskyod pa'i zhing khams de/ rdo rje sems dpa'i sku dang ye shes la snang ba'o// thams cad 'byung ba'i gzhir rang byung ba ni/ snying po lnga dang drangs ma lnga las thams cad 'byung ba'i phyir rang byung ba'o// thams cad smin par byed pa ni/ sku yod pa las ye shes 'char/ ye shes thugs rje che ba'i stobs kyis dgongs pa la mnyam par bzhag pa'i dus su/ nyams su myong ba'i shes rab khyad par can rang gi rgyud la skye bar 'gyur ro// de'i 'char sgo gsum la/ rgyu las 'bras bu kha nang

  288. 144b

    du bltas pa'i dus na/ snang ba ldog ste 'char ba dang / rig pa chos nyid la kha nang du bltas pa'i dus na 'char ba dang / shes pa phyin pa la 'char ba dang gsum mo// de'i skyon dang yon tan bstan pa ni/ stong pa nyid la lta nyes na/ shes rab chung rnams phung bar 'gyur// rgyal ba rnams kyi stong nyid ni/ lha kun nges par 'byin pa de/ me long nang gi gzugs brnyan bzhin/ rgyal ba rnams kyi ye shes sku// rgyu gnyis 'bras bu rang shar bas/ 'bras bu rgyu ru mi ldog pa'o// de yang gang zag stong pa nyid la lta ba dang / de ni gso ru mi rung zhes bshad pas// ci stong pa nyid ni bslan dka'o// rtog pa ni gzhi la blo'o// 'o na sgom pa des rtogs par mi 'gyur ram zhe na/ rtogs par mi 'gyur ba'i don ni/ shes rab kyi sku reg bya min pas ni gzhi la sla ba'o// rang bzhin ma 'gags pas ni mtha' bzhi rtogs pa dang bral ba/ bsgoms pas de yang ma hA yo ga ltar ting nge 'dzin dang / cho gas bskyed pa ni ma yin te/ rgyu dag pa'i dbyings nyid nas 'bras bu ye shes kyi dkyil 'khor rang snang ba'i dus na/ rnam pa thams cad mkhyen pa'i ye shes sems can la dgongs te rim gyis 'char ba dang / thams cad mkhyen pa'i ye shes sangs rgyas nyag gcig gi snang ba ste/ tshig chod du 'char ba dus mtshungs su 'byung bar 'gyur ro// de la man ngag gis yid ches par byed pa

  289. 145a

    bzhi ste/ rigs 'dzin rnams brdas brgyud pa las/ gzhi klong du gyur pa'i man ngag dang / rkyen gdeng du gyur pa'i man ngag dang / thugs rjes nyams su blangs pa'i man ngag dang / rjes 'jug 'da' dkar thugs kyi man ngag dang bzhi las/ ngang kun tu bzang po chos nyid kyi klong nas bsam pa gsum rtog med gnas pa'i dus na/ gzhi klong du gyur pa'i man ngag go/ sprul pa'i sku rdo rje sems dpa'i thugs kha nas/ sku gsum rang rdzogs su shar ba'i dus na/ rang gi shes bya la rang dbang sgyur bas/ rkyen gdeng du gyur pa'i man ngag go/ dga' rab rdo rjes sems dpa'i zhal mthong ba'i dus su/ 'chang med rdo rje'i lung bstan pa'i chos nyams su blangs pas/ bka' dang mthun pa'i don thugs su chud de/ dga' rab rdo rje'i nyams kyi man ngag go/ phyis rjes su 'jug pa'i byang chub sems dpa' rnams kyis tshul gong ma bzhin gnas par byas te/ bka' ji bzhin par spyad pas 'bras bu yang mngon du 'byin nus te/ bka' de las mi 'da' bas/ 'da' ka thugs kyi man ngag go/ bder gshegs rnams kyi dgongs pa mdor bsdus te bstan pa'o// zhes sems phyogs chen po nam mkha' mdzod kyi rgyud las/ sgom nyams drug pa'i le'u ste bcu pa'o// de nas gsang ba'i bdag po rdo rje snying po dang / dga' rab rdo rjes mgrin

  290. 145b

    gcig tu 'di skad ces dri'o// rgyu dag pa las 'bras bu rdzogs pa 'byung / 'bras bu gnyis su med pa las/ thugs rjes 'od zer gyi sku smin pa 'byung ba'i chos/ lhun grub yongs su rdzogs pa'i lta ba la/ sgom zhing bsgrub tu med par ma spyad na de'i man ngag gang gis gzung / rtogs pa'i don la sgom du med kyang / gang zag gi rgyu la sgom sgrub nyams su blangs nas/ bde bar gshegs pa'i spyan rnam pa lnga rang gi rgyud la 'char nus na/ de ci'i rgyu/ de ci'i rkyen/ lus ma bor bar rin po che gsang ba'i sbubs su sangs rgyas na/ de'i gnad man ngag gang gis zin/ 'khrul pa'i snang ba ma spangs par/ skad cig ma la chos nyid snang ba rnam par dag na/ de'i man ngag gang gis ston/ zhes zhus pa las/ rgyal ba'i bka' dam pas gnad bzhi gsungs/ rang byung ye shes sku gsum ye shes lnga ldan mtshon nges par shes pa dang / sgoms nyams drug gi man ngag dang / rkyen nyams su blangs pas/ dus ma 'gyur bar snang ba 'gyur ba dang / snang ba gzhi bzhag gi man ngag gis gnad gcad par bya'o// zhes sems phyogs chen po nam mkha' mdzod kyi rgyud las// gnad bzhi rgyal ba bka'i le'u ste bcu gcig pa'o// // de nas ston pa rdo rje 'chang chen pos 'di skad gsungs so// yi ge dgu pa ma shes na/ gzhi stongs pa'i skyon du 'gyur ro// thugs kyi nyid khu ma

  291. 146a

    shes na// gzhi'i mtshan nyid mi shes so// rtse mo drug pa ma shes na// dgongs pa gtan la mi phebs so// snang ba rang logs shes na/ tha dad kyi skyon du 'gyur ro// 'jug pa rang sa ma shes na/ grub mtha' slar log gi skyon du 'gyur ro// dus tshod rgyal sa ma shes na/ theg pa gzhan dang cha mi phyed do// mchongs sa lnga ldan ma shes na/ ye shes zang thal mi rtogs so// sgoms nyams drug pa ma shes na// dgongs pa'i don 'chal bar 'gyur ro// gnad kyi bka' bzhin ma shes na/ gnad mi chod do// zhes gsungs nas/ 'khor rnams dgyes nas rjes su yi rangs te/ chos kyi dri ma med pa chen po'i ngang du thim mo/ sems phyogs chen po nam mkha' mdzod kyi rgyud las/ don ma lus par bsdus nas bstan pa rjes su yi rang pa'i le'u ste bcu gnyis pa'o// sems phyogs chen po nam mkha' mdzod las/ chos nyid nam mkha' mdzod kyi rgyud ces bya ba rdzogs so// @#// rgya gar skad du/ a ti ma hA bo d+hi tsit+ta koSha d+harma/ mA la A kA sha data dz+nyA na a kA sha nA ma/ bod skad du/ rdzogs pa chen po byang chub kyi sems mdzod kyi chos/ rtsa ba nam mkha' gnyis pa las/ ye shes nam mkha' zhes bya ba/ bcom ldan 'das bdud kyi stobs rab tu 'joms pa la phyag 'tshal lo// 'di skad bdag gis thos pa'i dus

  292. 146b

    gcig na/ 'og min gyi gnas mchog dam pa ru// rigs lnga bde gshegs sangs rgyas dang // ye shes mkha' 'gro rnam lnga dang // sprin gyi shugs can byang sems bdun// kun tu bzang pos lung bstan nas// lho phyogs yid 'dres tshal dag tu// gzhon nu rab tu dang ba yis// lung bstan sems phyogs chen po'i mdzod// bskal pa dang po'i thog ma la// 'khor 'das sa bon tshul du gnas// de nas bar gyi bskal pa la// myu gu'i tshul du 'byung ba'i dus// bskal pa tha ma rgyab gyes pa// til gyi 'bru tsam dge ba'i las// ma bsags kun bzangs rang sar grol// til gyi 'bru tsam sdig pa'i las// ma byas 'gro drug khams gsum 'khor// dge sdig nang nas gang che ba// gzhi snang rtogs dang ma rtogs yin// mdzod chen gcig gi ngo bo bas// che ba lnga yi ka ba btsugs// thig le drug gi gdung ma bres// snang bcu bdun gyi phyam gyis phub// brgyad khri bzhi stong mig tshags byas// sku dang ye shes nor gyi dbyig/ phyag rgya bzhi yis rgyas btab ste// phyogs bzhi sgo mo gsal ba la// gzung 'dzin gnyis kyi sgo lcags bcug/ lde mig mtha' yi mon bus khyer// mdzod 'di gang gis mthong gyur pa// de tshe sangs rgyas nyag gcig rtogs// nor rdzas bzhi la longs spyad nas// dbul ba bral ba'i bdag po bzhin// yid la bsam pa yongs rdzogs nas// 'dod

  293. 147a

    pa thams cad rab tu 'grub// de phyir skal ldan rnal 'byor gyi// dbang phyug chen po 'bad par bya// dbus na chos 'byung chen po'i mdzod// oM gyur sngags kyi sdong po can// e ma gsang ba rmad du byung // mi zad rgyan gyi 'khor lo sku// shar nas thig le chen po'i mdzod// mi rtog hUM gi ngo bo nyid// e ma gsang ba rmad du byung chos// chos sku rang byung 'od gsal sku// lho na srid pa chos nyid mdzod// gsung mchog a yi rnam pa can// e ma gsang ba rmad byung chos// ye shes dbyings na 'od gsal sku// dbying na kun gzhi snying pa'i mdzod// ha ni 'phrin las kun gyi bdag/ e ma gsang ba rmad du byung chos// rdo rje mgon po thugs kyi mchog/ kun gzhi'i mdzod chen kha phye nas// g.yas na chos nyid rang byung rtsa// g.yon na yon tan dang 'byed rtsa// mdun na ye shes rang byung rtsa// rgyab na rang rgyud las kyi rtsa// dbus na rtsa brgyad 'dus par gnas// mi zad rgyan gyi 'khor lo'i sku// bde gshegs kun gyi sku gsung thugs// 'dod khams rigs drug sa bon dang // gzugs khams bsam gtan oM gyi sku// gzugs med skye mched yi ge a// ma lus sems can thams cad la// gnas pa rtsa yi dkyil 'khor dang // rten pa bdud rtsi thig le khams// grub pa sngags kyi ngo bo nyid// snying po rlung gi las rnams rdzogs// mngon sum sangs rgyas che

  294. 147b

    ba ni// 'byung ba lnga po bcom ldan 'das// bdag nyid sangs rgyas che ba ni// rang lus 'byung ba bcom ldan 'das// chos dbyings sangs rgyas che ba ni// 'byung ba lnga nyid chos kyi dbyings// de yin sangs rgyas che ba ni// de min sangs rgyas gzhan na med// thams cad sangs rgyas che ba ni// 'khor 'das ma bcos sangs rgyas nyid// stong pa gsum gyi spros bral drug/ de ni chos nyid thig le nyid// ma 'gags kun shar spros med dag/ dbyings kyi thig ler rang gi gnas// dbyings nyid rnam par dag pa yis// thig le gzung 'dzin dri ma bral// ngang gis 'od gsal yongs ma bcos// ye shes chen po'i thig ler gnas// thams cad kun nas rang gnas pas// kun tu bzang po'i thig le yin// 'khor 'das btsal ba med pa ni// lhun gyis grub pa'i thig le yin// 'gro drug zhen pa'i snang ba drug/ mu stegs log pa'i snang ba dang // rgyu 'bras blo yi snang ba dgu/ dbyer med kun bzang snang bar gcig/ nyon mongs brgyad khri bzhi stong gi/ gnyen por de snyed chos rnams gsungs// dgu dang lnga dang bzhi dang gsum// mdor na skra gsum kho na yin// stong nyid me long mnyam pa nyid// so sor rtog pa bya ba grub// chos sku dngos med phyag rgya che// longs sku'i 'od 'bar dam tshig rgya// rang byung ye shes chos kyi rgya// thugs rje sbrul sku las kyi

  295. 148a

    rgya// theg pa ma lus thams cad kun// phyag rgya bzhi yis rgyas gdab bo// mun pa'i 'khor sgor snang ba ni// 'gro ba drug dang mu stegs gnyis// spyod pa'i 'dren sgor snang ba ni// sbrul sku'i dam chos nyan rang sems// thabs kyi sbyor stor snang ba ni// kri ya u pa yo ga nyid// nges pa'i gsang sgor snang ba ni// bskyed dang rdzogs dang rdzogs pa che// sgo bzhi dag nas zhugs pa yis// mnyam pa'i spyi mdzod chen por 'gro// gzung ba yul gyi bang ba'i nang // 'dzin pa sems kyis gzer sgo yis// thams cad kun la khyab mod kyang // tha rams sgo lcags phyed par dka'// mtha' yi mun bu spyi 'dum gyis// ma bslabs shes pa'i rtsal 'chang ba// lha yi bi shwa kar ma ltar// bde gshegs byang chub sems dpa' dang // sprul pa'i rigs 'dzin ma lus pa'i// dgongs brda ngag gi lde mig khyer// bla ma mnyes par byas gyur na// lde mig btsal ba'i dus la bab// mdzod 'di mthong bar bya ba yang // dbus kyi lte ba mdzod chen las// mu khyud brda dgra nges pa gsum// gling bzhi srid pa rang byung nyid// khang khyim bco brgyad thugs rjes bskor// khang khyim bzhi yi rtsa ba can// grong khyer bzhi yi mu khyud mdzes// ma hA yo ga'i ngo sprad dang // a nu yo ga'i ngo sprad dang // a ti yo ga'i ngo sprad dang // gsang sgor dpe don rtags gsum gyis// ngo

  296. 148b

    sbrad thob pa'i rnal 'byor pas// chos sku thig le nyag gcig rtogs// lta ba gnas lugs ma nor ba// chos sku zang thal chen po yin// spyod pa ma bcos lhug pa nyid// shugs 'byung 'gag pa med par spyad// sgom pa dgongs pa ma nor ba// bying rgod med pa'i ngang la bzhag/ 'bras bu thog ma'i rang sa nyid// 'khrul pa gzhi yi thog tu sangs// lha la dpag bsam shing bu dang // gnod sbyin bum pa bzang po dang // klu la yid bzhin nor bu dang // snod 'dzin grub pa lag pa bzhin// rnam rtog bag chags sbubs 'di na// ma rig sgo nga'i sbubs phye bas// rig pa'i ye shes rnyed par 'gyur// rang bzhin par dor bden pa mthong // ting 'dzin par dor brtan pa thob// chos nyid bar dor dran pa sad// srid pa'i bar dor ye shes sbubs// srid pa'i dra ba 'joms pa'o// sprul pas yid la bsam pa rdzogs// 'gro don ma lus rdzogs pa ni// sngar 'dris mi dang 'phrad bzhin 'gyur// ma ni kun khyab chen mo ste// bu ni rig pa gser bu nyid// sngon gyi bag chags goms dbang gis// dud 'gro'i bu ltar nu ma 'tshol// yang na rang bzhin srog zon byed// ma yi pang du bu 'gro ba// ma bu brda 'jal man ngag 'dis// rin chen gsang ba'i sbubs nang du// 'dod pa thams cad rab tu 'grub// thog ma'i rang sar sleb ces bya// sngon las 'phral rkyen

  297. 149a

    brtson 'grus kyis// skal ldan rigs kyi bu mchog yin// 'jig rten bya ba btang byas la// zos bsam sgom pa sna tshogs kyis// thig le gsang skor bslab par gces// phyi rabs kun la gdams par bzhag/ ces sems phyogs chen po mdzod kyi rgyud/ ye shes nam mkha' las/ mdzod rtsa ba'i le'u ste dang po'o// // de nas bcom ldan 'das kyis brda nges pa'i ting nge 'dzin la bzhugs nas 'di gsungs so// 'di ltar sangs rgyas bcom ldan 'das// rdzogs pa'i sangs rgyas a las byung // a ni yig 'bru kun gyi mchog/ don chen yi ge dam pa yin// khong nas 'byung ba skye ba med// tshig tu brjod pa spangs pa ste// brjod pa kun gyi rgyu yi mchog/ tshig kun rab tu gsal bar byed// yi ge a yi sgra 'di ni// ji snyed chos kyi rtsa bar gsungs// ma rig sgo nga'i sbubs 'byed pa// srid pa'i dra ba 'joms po// nyon mongs ma lus zhi byed pa// 'khor ba'i rgyu mtsho pha rol phyin// sbubs zhes bya ba'i brda 'di yis// 'khor ba 'di las grol gyur nas// mya ngan 'das pa'i go 'phang thob// nges pa'i don du bshad pa ni// dang por rnam rtog bag chags sbubs// sku ni rnam pa gsum du gnas// ye shes bzhi ru gnas pa dang // shes rab spyan dang ldan pas na// ma dag 'khrul pa'i snang ba la// longs sku 'dra 'bag phyed sku

  298. 149b

    yis// ma hA yo ga'i ngo sprod bya// bar dor lnga ldan rtogs par byed// sbrul sku 'od khyim kha sbyor gyis// a nu yo ga'i ngo sprod bya// chos nyid bar dor rdzogs ldan rtogs// chos sku rin chen man shel gyis// a ti yo ga'i ngo sprod bya// rin chen sbubs su dgongs pa skyal// thig le gsang skor ngo sprod kyis// sku gsum 'du 'bral med pa'i don// nyi ma'i snying po dag la sprad// rdzogs ldan chen po'i dgongs pa chod// don gyi ngongo spyod thag chod la// rtags kyi ngo sprod yid ches te// dpe yi ngo sprod ngo shes pas// blo yi the tshom chod pa ni// grol ba'i dgongs pa dam pa'o// bar du ye shes sgyu ma'i sbubs// sangs rgyas bzhi bcu rtsa gnyis sku// chos kyi spyan gyi 'khor 'das gzigs// dag pa 'jig rten snang ba 'dir// sprul pa'i skye gnas 'gro don mdzad// 'khor ba dag las grol ba yin// rgyu lus mngon du gyur pa yin// 'khor 'das mngon sum gzigs pa yin// chos sku rin chen gsang ba'i sbubs// ye shes mig gcig dri ma med// chos las grol bas dgongs pa ni// rgyun chad med par gnas pas na// bsam gtan bsam bya blo ldan mchog/ ting 'dzin lus can lus kyi mchog/ yang dag ye shes snang ba yin// phyi dang nang dang gsang ba dang // gsang chen ma lus bshad pa dang // rtsa bar gyur pa ma lus kun// bcu gnyis man ngag 'dus pa

  299. 150a

    yis// brda sgra nges pa'i dza log tu// mu khyud brda sgra nges pa dang // dza log bshad pa'i gnad du bstan pa// zhes sems phyogs chen po mdzod kyi rgyud// ye shes nam mkha' las// gdams pa'i rgyud skor bzhi bstan pa'i le'u ste gnyis pa'o// // de nas bcom ldan 'das kyis thig le gsang skor gyi rtsa ba'i rgyud bzhi thig le gsang ba chen po'i mdzod nas phyung ngo // dang por slob ma dad ldan gyis// bla ma dam pa bsten par bya// srid pa'i dgon pa las rgal ba// ston pa gcig pu 'gro ba'i bla// 'jig rten phyogs bcur rab grags pa// chos kyi sbyin bdag chen po ste// byams pa'i go cha bgos pa ste// snying rje yi ni ya lad bgos// de nas bla ma dam pa ni// mtshan nyid ldan pa smos ci dgos// nam yang bla mar gyur pa la// dad gus mos pa bya ba yang // mchod 'os bsto 'os phyag gi gnas// rtag tu ri mor bya ba'i 'os// bkur 'os rjes par bya ba'i mchog/ phyag byar 'os pa bla ma'i bar// de nas bla ma dam pa la// dbang bskur zhu bar bya ba yang // rig pa rtsal gyi dbang bskur las// phyi yi dbang bskur bya ba ni// rdo rje rin chen dbang bskur dpal// rin chen kun bdag dbang phyug ste// 'jig rten dbang phyug kun gyi bdag/ rdo rje 'chang ba kun gyi rje// nang gi dbang bskur bya ba ni// sku gsung thugs la byin gyis

  300. 150b

    brlabs// sangs rgyas kun gyi thugs che ba// sangs rgyas kun gyi thugs la gnas// sangs rgyas kun gyi sku che ba// sangs rgyas kun gyi gsung yang yin// gsang ba'i dbang bskur byas pa yis// don gyi thig le dkar dmar rtogs// rdo rje nyi ma snang ba che// rdo rje zla ba dri med 'od// chags bral la sogs chags pa med// kha dog sna tshogs 'bar ba'i 'od// dbang bskur ba yi 'bras bu yis// bdag kyang sangs rgyas rdzus skyes thog/ rdo rje skyil krung rdzogs sangs rgyas// sangs rgyas 'gro ba'i chos 'dzin pa// dpal ldan sangs rgyas pad+ma skyes// kun mkhyen ye shes mdzod 'dzin pa// de ltar mthar thug 'bras bu ni// thob nas theg chen gzhan don mdzad// 'khor ba'i sdug bsngal sel 'gyur ba// dper na sman pa ltar 'gyur ba// sman pa che mchog gtso bos te// zug rngu 'byin pa bla na med// sman rnams ma lus ljon pa'i shing // nad do cog gi dgra che ba// de ltar rtsa ba'i rgyud chen ni// khang khyim gcig gi nang du bshad// de nas 'gro don mdzad pa'i sku// 'jam dpal dgongs pa 'dus pa ni// gzugs sku ma lus 'dir 'dus pas// zhi khro rnam pa gnyis su gsungs// rin chen smug po'i gzhal yas na// zhi ba'i sangs rgyas bzhugs pa dang // klad pa dung khang gzhal yas na// khro bo'i sangs rgyas gnas pa dang // ye shes dbang bskur

  301. 151a

    cod pa Na can// rdzogs pa'i sangs rgyas rgyan du thogs// sdug bsngal gsum gyi sdug bsngal zhi// gsum sel mtha' yas grol gsum thog/ 'jam dpal dgongs pa 'dus pa ni// khang khyim gcig gi nang du gsungs// de nas gdams ngag bsgom par bya// rang bzhin lhun grub chos sku las// longs spyod rdzogs sku rtsal du shar// gdul bya 'dul byed sprul pa'i sku// byed pa sems can kun don byed// phan 'dod sems can mnyes gshin pa// bzang ngan shes shing 'dus shes la// khyab bdag dam shes dam tshig ldan// dus shes sems can dbang po shes// rnam grol gsum la mkhas pa po// sku gsum ye shes lnga rtogs pas// rtogs pa mngon gyur chos skur gnas// nyams len 'jam dpal ye shes brgyan// khang khyim gcig gi nang du bshad// de nas mtshan don dgongs pa yis// 'jam dpal don yang rab bshad na// ye shes lus can 'jam dpal gyi// ming brjod pas ni don che ba// dag par byed cing sdig sel ba// mtshan ni yang dag brjod par bshad// zhi ba rdo rje 'dzin pa dang // khro bo'i dgongs pa 'dus pa ni// rdo rje zab mo 'dzin na dzig/ rdo rje blo gros don bzhin rig/ sa dang pha rol phyin pa yis// dgongs pa 'dus par gyur pas na// pha rol phyin pa kun rdzogs pa// sa rnams kun gyi rgyan dang

  302. 151b

    ldan// dgongs pa phyi nang kun 'dus pas// 'jam dpal dgongs pa 'dus pa'i mtshan// chos kyi sku la longs skus brgyan// longs sku ye shes rnam lngas brgyan// ye shes thugs rje sbrul skus brgyan// sku gsum ye shes lnga ldan cing // 'khrul tshul grol tshul bstan pa ni// 'jam dpal ye shes rgyan du bshad// mtshan gyi don rnams ston 'gyur zhing // rgyud kyi dgongs pa mtshan gyis rdzogs// mtshan don ston pas 'jam dpal ni// khang khyim gcig gi nang du bshad// ces sems phyogs chen po mdzod kyi rgyud/ ye shes nam mkha' las/ rtsa ba'i rgyud skor bzhi bstan pa ste le'u gsum pa'o// // de nas bcom ldan 'das kyi nang skor rtogs pa ye shes kyi 'khor lo 'di thugs kyi gsang mdzod chen po nas gsungs so// dpal ldan rdo rje sems dpa' yis// thig le mthar thug dgongs pa yis// gzhi bcas thugs rje'i lcags kyus bzung // ye shes gsang ba 'khor lo che// sangs rgyas mnyam sbyor dgongs par bcas// srid pa'i 'khor lo dang po yin// 'jam dpal dri med snying po yis// rgyud lung man ngag khog phub nas// gzhung du dril bar bya ba yang // sangs rgyas 'dus pa man ngag rgyud// rgyud rnams man ngag thugs kyi gter// srid pa'i 'khor lo bshad pa las// dri med snying po'i dgongs pa yin// sbubs gsum dgongs pas gzhi bzung

  303. 152a

    nas// de bzhin gshegs pa'i chos lnga dang // byang chub sems dpa'i chos bdun dang // ting 'dzin lta bu'i srog shing drug/ spyan ras gzigs ni seng ge sgra// srid pa'i 'khor lo gsum pa yin// seng ge 'khyil ba'i dgongs pa las// phyi nang gsang ba sgrub pa ni// rtag bzhi bdud bzhi rgyas gdab bzhi// gangs la nyi ma shar ba dang // thog dang gzer dang khyung dang ni// skar mda' lta bu'i man ngag gis// phyag na rdo rje me lce'i 'phreng // srid pa'i 'khor lo bzhi pa yin// rigs gsum rigs khyab spyi dang bzhis// mu khyud grong khyer bzhi yis mdzes// zhes sems phyogs chen po mdzod kyi rgyud// ye shes nam mkha' las/ nang gi rgyud skor bzhi gtan la phab pa'i le'u ste bzhi pa'o// // de nas bcom ldan 'das dpag bsam gyi shing ljon shing rgyas pa'i ting nge 'dzin la bzhugs nas 'di gsungs so// dpag bsam yongs su sa brtol shing // rtsa ba rnam pa lngar zur pa// pad+ma 'khyil pa sku yi rgyud// chos dbyings ye shes bstan par byed// rdo rje rtse mo gsung gi rgyud// so sor rtogs pa'i ye shes gcod// rin chen dpung pa thugs kyi rgyud// me long lta bu ye shes gsal// bsod nams byams pa brtsegs pa ni// mnyam nyid ye shes yon tan rgyud// 'phrin las mkha' gsal nyi ma ni// bya ba grub pa'i ye

  304. 152b

    shes yin// dpag bsam shing gi rtsa ba lnga// sdong po gcig tu dril nas gnas// lta ba'i ngo bo rang shar bas// ye shes bla ma chen po'i rgyud// lta ba'i gnad rnams yongs spyod pa// 'khor ba dong dkrugs chen po'i rgyud// chos nyid don la sgom du med// gang zag blo la sgom du yod// mnyam par gzhag pas bsam gtan bsgom// rjes kyi shes pa spyod par byed// rnal 'byor rab 'bring tha mas bcad// rma bya 'jing bsnol rgyud chen gnyis// 'bras bu sku dang 'od zer ni// mdzes pas lha mo 'od zer can// dpag bsam ljon shing chen po la// yal ga skyes nas lo 'dab rgyas// lta ba 'gyur ba med pa ni/ rgyal mtshan rtse mo lta bur gsal// bsgoms pas nyon mongs dri ma med// nor bu chu 'dangs lta bur gnas// sangs rgyas spyod pas tshe dbang bskur// dbang bskur bla ma rin po che// 'bras bu mngon par sangs rgyas rtags// sku gdung ring bsrel chen po'i rgyud// dpag bsam shing chen rgyas pa la// me tog rab tu gsal ba ni// gzhi rnams rab tu ldings pas na// mtshan nyid bzhi dang ldan par bya// mdzod dang lde mig nor rdzas spyod// zhal chems gsum par bzhag pa yin// dpe don rtags gsum ngo spyod pas// sku dang gsung dang thugs tig gsum// dgongs pa mya ngan chos skur 'da'// bdud rtsi yang zhun lta bur

  305. 153a

    bzhugs// dpag bsam ljon shing chen po la// 'bras bu rab tu smin pa ltar// brgyud pa rigs 'dzin 'bras bu dang // mya ngan 'das pa gang zag 'bras// bco brgyad ches 'bras man ngag lung // bam po gsum pa'i lung chen gsungs// zhes sems phyogs chen po mdzod kyi rgyud// ye shes nam mkha' las phyis skor thugs rje chos kyi 'khor lo bstan pa'i le'u ste lnga pa'o// // de nas bcom ldan 'das kyis rgyud thams cad kyi mdud pa yongs su 'grol ba'i ting nge 'dzin la bzhugs nas 'di gsungs so// mkhas par gyur pa paN+Di tas// ngo bo nges tshig dbye ba yis// don bshad mdzes pa'i spyi don dgongs// de phyir thig le kun gsal bshad// rnal 'byor pa ni ku su lus// rang don nyams su len gyur pas// dgongs pa ma nor gsol ba ni// de phyir thig le kun 'dus bshad// rgyu don ma lus mngon par rtogs// dgongs pa'i don rnams cho ga ltar// las kyi bya ba tshang gyur pas// A tsa r+ya slob dpon bzhin// de phyir thig le kun rig rgyud// bya ba byed pa dag la'ang bshad// rnal 'byor pa ni sems nyid la// zhib mor lta zhing spyod 'gyur ba// dbang po tha mar gyur pa rnams// sgom gyi gnad dang thun tshod 'dzin// rim pas don la 'khrid byed cing // gdams pa'i gnad kyis ston byed pas// blo dman gang

  306. 153b

    zag grol bya'i phyir// de phyir thig le kun spyod bshad// ces sems phyogs chen po mdzod kyi rgyud ye shes nam mkha' las/ bshad rgyud chen po bzhi'i mdzod bstan pa ste le'u drug pa'o// // de nas bcom ldan 'das kyis sgo rnams rab tu 'byed par byed pa 'di phyi rabs kyi rnal 'byor pa la lung rab tu gsal bar gsungs so// phyi yi lcags rin po la// zla gam gcig pa'i sgo gnas pa// tsaN+Da log spyod can gyis bsrungs// de yi lde mig bstan pa ni// don la khog dbugs stong thun dang // dkyus las spyad bsdus don dang // tshig gi 'bru 'joms lde mig gsum// sgo 'di phye nas bshad pa ni// gang zag bzhi yi don du dgongs// bshad pa'i rgyud rnams grol bar byed// khang khyim bco brgyad phyi sgo bdun// sgo ba sprin gyi shugs can bdun// de 'byed pa yi lde mig gsum// rgyud dang man ngag lung gsum gyis// phun sum tshogs pa rnams lnga dang // dgos don lnga dang mdo gcod bdun// rgyud lung man ngag gsal bar byed// gling bzhi srid pa rang byung la// tshad med bzhi yi sgo shar nas// dam pa dpal bzhi'i sgo srungs can// lde mig bzhi yis 'byed 'gyur ba// rigs gsum mgon po'i dgongs pa can// rigs khyab rdo rje sems dpa' yi// dgongs pa thig le mthar thug pa// rang byung srid pa'i 'khor lo 'byed// khang khyim bzhi yi rtsa ba

  307. 154a

    la// bdag gzhan bgrod pa'i sgo gnyis na// phyag na rdo rje'i sgo ba bzhugs// ston pa gnyis kyi lde mig ni// phyi nang dag pa'i gang zag la// phyi yi ston pa shAkya thub// nang snang dag pa'i gang zag la// nang gi ston pa rdo rje 'chang // dus gsum sangs rgyas dgongs pa yis// 'jam dpal sgyu 'phrul dra ba yi// rtsa rgyud sdebs bzhi'i khong sdebs na// yang dag don la dril nas 'byed// mu khyud brda sgra nges pa dang // dza log gsum gyis brgyan pa la// sgo med sbas pa'i gter khyim de// shin tu gsang nas rna rgyud 'byed// dbus kyi lta ba mdzod chen la// mun pa'i 'khor sgo la sogs bzhi// theg pa bzhi yi lde mig gis// phye nas mdzod du 'jug pa yang // mkha' 'gro ma bzhi'i sgo srungs la// mnyes nas gter chen bstan pa ni// dang po shar du ngo sprod rgyud// sku gsum snang ba gsal bar ston// lho ru rin chen 'od gsal ba// dri med rnam par dag pa'i rgyud// nub tu lhun grub ji bzhin ma// rnam par dag pa'i rgyud chen mdzod// byang du dri med rnam dag pa// sangs rgyas dgongs pa 'dus pa'i rgyud// dbus na mdzad chen dgongs pa ni// dur khrod phung po 'bar ba'i rgyud// bye brag rgyud lnga'i mdzod chen rnams// spyir ni gcig shes kun grol ba// chos sku thig le nyag gcig la// gnas tshul sku gsung yon tan las// stong gsal bde yon mi

  308. 154b

    'gag de// ngo bo stong par gnas pa dang // rang bzhin gsal bar shar ba dang // rnam pa bde bar go ba dang // yon tan cir yang mi 'gag la// 'phrin las thogs pa med par 'char// 'byung ba lnga ru snang ba ni// ngo bo stong pa nam mkha' la// rang bzhin gsal ba sra ba'i sa// rnam pa bde bar 'bar ba'i me// yon tan mi 'gag 'byung ba chu// 'phrin las thogs pa med pa rlung // snod kyi 'jig rten zhes bya bapa// sems can kun gyi gnas dang rten// spyod pa'i myu gu gyur pas na// gzung ba'i yul zhes bya ba yin// shes pas ma zin bdud snang ba// stong pas 'dus pa'i rtse shing snang // gsal bas nus pa lci ba dang // bde bas tsha zhing rno ba dang // mi 'gag pa las bsil ba dang // thogs pa med pas yang ba'o// ro yang rnam pa lngar snang ba// stong pas ro rnams 'dus pa dang // gsal bas sa ni mngar bar 'gyur// bde ba las ni tsha zhing sbyar// mi 'gag pa ni lan tshwa'i ro// thogs med rlung ni bska ba'o// skye ba rnam pa bzhi gnas pa// ngo bo stong pas sgong skyes la// rang bzhin gsal bas mngal skyes te// bde dang mi 'gag drod gsher skyes// thogs pa med pas rdzus skyes yin// 'gro ba drug tu snang ba ni// stong pa lha dang lha ma yin// gsal ba mi yi skye gnas la// bde ba dug 'gro byol song yul// mi 'gag pa ni yi

  309. 155a

    dwags gnas// thogs pa med pa dmyal ba nyid// rdzu 'phrul nang du snang ba ni// stong pa las ni 'dus pa'i nad// gsal bas bad kan lci ba dang // bde bas mkhris pa'i nad yin la// mi 'gag pa ni ldan pa ste// thogs pa med pa rlung gi nad// lha srin yi dwags snang ba yang // ngo bo stong pa gza' yi nad// rang bzhin gsal ba sa bdag klu// rnam pa bde bas ma mo'i rims// yon tan mi 'gag gnod sbyin 'gegs// 'phrin las thogs med rgyal 'gong btsan// snang srid lha srid ma lus rnams// rtsa ba 'di las srid par 'gyur// de las mthu lngar ldan pa ni// stong pa gti mug gtad yin la// gsal bas srogs mthu zhe sdang can// bde ba 'dod chags nor sgrub de// mi 'gag nga rgyal thog ser dang // thogs med phrag dog nang rgyas rnams// dug lnga dag las snang ba yang // rtsa ba 'di las byung bar zad// stong pa gti mug don la rmongs// gsal ba mnar sems zhe sdang nyid// bde bas 'dod cing chags pa la// mi 'gag mngon pa'i nga rgyal de// thogs pa med las phrag dog snang // ji snyed nyon mongs ma lus kun// thams cad 'di las snang bar 'gyur// rnal 'byor lam la gnas 'dod pas// 'gro drug sems can kun ldan pa'i// dug lnga rang shar rang grol du// lam du rtogs par byang ba yang // stong pas gti

  310. 155b

    mug lam du bya// mchod pa chen po gti mug che// gti mug blo ste gti mug sel// byol song gnas las nges par grol// gsal bas zhe sdang lam du bya// mchod pa chen po zhe sdang che// nyon mongs kun gyi sgra che ba// dmyal ba'i sdug bsngal grol bar byed// de bas 'dod chags lam du bya// mchod pa chen po 'dod chags che// sems can thams cad dga' bar byed// mi yi gnas las nges par grol// mi 'gag nga rgyal lam du bya// de nyid khong khror 'gyur ba yin// mchod pa chen po chags pa che// chags pa thams cad sel bar byed// ser sna yi dwags gnas las grol// mchod pa chen po bde ba che// dga' ba che po mgu ba che// khong khro lha min yul las grol// thogs med phrag dog lam du bya// mchod pa chen po khro ba che// khro ba chen po dgra che ba// phrag dog lha yi gnas las grol// rigs lnga bde gshegs skur snang ba// stong pa rdo rje sems dpa'i sgra// gsal ba rnam par snang mdzad nyid// bde ba snang ba mtha' yas la// mi 'gag pa ni rin chen 'byung // thogs med don yod grub pa nyid// rigs lnga'i sangs rgyas 'di dag rnams// sems nyid ngang du snang ba yin// yul chen lngar ni snang ba yang // stong pa nam mkha'i dbyings phyug ma// gsal ba sa ni sangs rgyas spyan// bde ba me ni gos dkar mo// mi 'gag chu ni mA ma ki/ thogs

  311. 156a

    med rlung gi dam tshig sgrol// sems dpa' sems ma'i tshogs chen ni// sras kyi tshogs su snang ba yang // stong pa khro bo sgo bar snang // gsal ba sa yi snying po la// bde ba spyan ras gzigs dbang nyid// mi 'gag nam mkha'i snying po dang // thogs med phyag na rdo rje'o// stong pa gshin rje khros pa nyid// gsal ba lha mo sgeg mo la// bde ba pi wang glu len ma// mi 'gag pa ni 'phreng ba ma// thogs pa med pa gar mkhan nyid// stong pa khro bo stobs po che// gsal ba byams pa'i sku ru snang // mi 'gag sgrib pa rnam par sel// thogs pa med pa 'jam dpal nyid// stong pa khro mo stobs chen ma// gsal ba lha mo spos ma nyid// bde ba lha mo mar me ma// mi 'gag pa ni me tog ma// thogs pa med pa dri chab ma// stong pa rta mgrin chen po la// gsal ba rta mgrin yul yin te// bde ba bdud rtsi 'khyil ba la// mi 'gag pa ni yul du gnas// thogs pa med pa sgo ba'i las// stong pa lta dang lha min thub// gsal pa mi yi thub pa ste// bde ba yi dwags thub pa la// mi 'gag pa ni byol song thub// thogs med dmyal ba'i thub pa'o// stong pa kun tu bzang po la// gsal ba kun tu bzang mo ste// bde ba yab yum 'du 'bral med// mi 'gag dkyil 'khor lha tshogs rnams// thogs pa med par 'byin pa'o// stong pa rnam shes phung po la// gsal ba

  312. 156b

    gzugs kyi phung po nyid// bde ba 'du shes phung po la// mi 'gag pa ni tshor ba ste// thogs pa med pa 'du byed do// stong pa lus kyi dbang po la// gsal ba mig gi dbang po nyid// bde ba lce yi dbang po nyid// mi 'gag pa ni sna yin la// thogs pa med pa rna ba'o// stong pa nyid la gsal ba 'tsher// bde ba mchin pa mi 'gag mkhal// thogs pa med pa glo ba'o// stong pa rang byung ye shes rtsa// gsal ba rtsa bzhi 'dus pa'i mdo// bde ba rang byung las kyi rtsa// mi 'gag rang byung chos nyid rtsa// thogs pa med pa yon tan rtsa// stong pa nam mkha'i dwangs snyigs 'byed// gsal bas yi dwangs ma'i rtsa// bde ba me yi dwangs ma la// mi 'gag chu yi dngas ma ste// thogs med rlung gi drangs mar shar// stong pa srog 'dzin rlung yin la// gsol ba sa dang 'dres pa'i rlung // bde ba me dang drod mnyam la// mi 'gag chu dang 'grogs pa'i rlung // thogs med rlung gi rlung du bshad// stong pa lus la nam mkha'i rlung // gsal ba rna la sa yi rlung // bde ba mig la me yi rlung // mi 'gag lce la chu yi rlung // thogs med rna bar rlung gi rlung // stong pa nam mkha'i rtsa gsum nyid// nyi ma zla ba rA hu la// gsal ba sprul pa'i dkyil 'khor la// bde ba mgrin par longs spyod pas// mi 'gag snying bar chos 'khor nyid// thogs pa med pa bde chen kyi// gnas pa rtsa yi

  313. 157a

    dkyil 'khor gyis// lus kun la ni khyab par gnas// stong pa byang chub sems yin la// gsal ba dri chen bdud rtsir gnas// bde ba pad+ma rak+ta nyid// mi 'gag sha chen dam rdzas la// thogs med dri chur gnas pa rnams// sangs rgyas rigs lnga'i dam rdzas de// khams kyi bdud rtsi chen po nyid// rnal 'byor 'dus pa kun rdzob gnas// stong pa mi yi sha ru bshad// gsal ba glang po'i sha yin la// bde/ ba ba glang sha yin te// mi 'gag pa ni rta yi sha// thogs med pa 'am khyi shar bshad// khams dgu 'dus pa'i drangs ma ni// rnal 'byor pa yis nyams su blang // bdud rtsi gtor ma'i mchod pa ni// rigs 'dzin bka' bsrungs zhi khro mchod// de nas gdams ngag gdab par bya// stong pa hUM gi rang bzhin la// gsal ba yi ge oM yin te// bde ba a yi rnam pa la// mi 'gag pa ni swa ru gnas// thogs pa med pa yi ge stong pa lha dang lha ma yin// a dkar su ser gnas pa yin// gsal ba byol song dud kha'i du// bde ba yi dwags tri dmar la// mi 'gag mi yi ni ljang ste// thogs med dmyal ba'i dri nag po// stong pas nyams ni sems la 'char// gsal bas gar ni lus la 'char// bde bas sngags ni ngag las 'char// mi 'gag mthong snang yul la 'char// thogs med bag chags rmi lam 'char// rnal 'byor nyams ni snang

  314. 157b

    ba yin// thams cad ma lus 'khor 'das kyi// nyams snang 'di ru 'dus par bshad// stong pas thugs kyi mngon shes dang // las kyi mngon shes 'char ba yin// gsal bas lus kyi rdzu 'phrul 'char// bde bas spyan gyi mngon shes 'char// mi 'gag gnas kyi mngon shes dang // thogs med snyan gyi mngon shes dang // mngon par shes pa rnam drug gis// gdul bya'i yul du gzigs pa yin// stong pas chos kyi sku yin te// gsal bas longs spyod rdzogs pa'i sku// bde bas longs sku yul dang ldan// mi 'gag sprul pa'i sku ru snang // thogs pa med pas 'gro don mdzad// stong pas chos dbying ye shes la// gsal ba me long lta bu ste// bde bas so sor rtog pa la// mi 'gag pas na mnyam pa nyid// thogs med bya ba grub pa'o// stong pas rtag pa'i mtha' dang bral// gsal bas chad pa'i mtha' dang bral// bde bas rtag chad gnyis su med// mi 'gag med pa'i mtha' dang bral// thogs med yod pa'i mtha' dang bral// stong pa yul nyid snang stong dang // gsal ba sems nyid gsal stong dang // bde ba yul nyid bde stong dang // mi 'gag stong par mi gnas skye// thogs med snang ba ther zug med// stong pa yul las grol ba dang // gsal ba sems las grol ba dang // bde ba lus las grol ba ste// mi 'gag stong pa rkyang ba

  315. 158a

    yin// thogs med snang ba a 'thas min// stong pa bur rna nye bar zhi// gsal ba rdo rje khro gdang ma// bde bar zan shan tang nyid// mi 'gag gtsug gi rgyan cig ma// thogs med rlung gi gshog pa can// stong pa rdo rje mchu can gyis// thog dang 'dra ba'i man ngag yin// gsal ba 'dab chags rgyal po yi// khyung dang 'dra ba'i gdam ngag yin// bde ba tshangs ma dung mgrin ma// mi 'gyur gser gyi gdam ngag yin// mi 'gag par ni 'char ba yang // skar mda' lta bu'i gdam ngag yin// thogs pa med par 'byung ba ni// gangs la nyi ma shar ba yin// stong pa ngo sprad yul bzhir bden// ma hA yo ga'i ngo sprod dang // a nu yo ga'i ngo sprod dang // a ti yo ga'i ngo sprod dang // sku gsum dbyer med ngo sprod bzhis// bden bzhi tshul gyi rnam pa can// gsal ba ngo sprod brda bzhi ste// longs sku 'dra 'bag phyed skur sprasmad// sbrul sku 'od khyim kha sbyor sprad// chos sku rin chen man shel sprad// 'du bral med pa nyi ma yi// snying po nyid la sprad par bya// brda dang dag gis bstan pa ni// shes rab brgyad po rtogs pa 'chang // bde ba sprad pa'i dgongs pa ni// sku gsum 'du 'bral med pa yis// bag chags sbubs kyi dgongs pa chod// longs skus lnga ldan dgongs pa chod// sbrul skus rdzogs ldan dgongs pa chod// chos skus rdzogs ldan

  316. 158b

    chen po chod// bden don rnam pa bcu gnyis ldan// mi 'gag pa la sprad pa'i skyon// sngar 'dris mi bzhin mi rtogs pas// skyon bzhi dag dang ldan pas na// de nyid rnam pa bcu drug rig/ thogs pa med pas mtha' bzhi bral// rtag mtha' dang ni chad mtha' dang // yod mtha' dang ni med mtha' dang // mtha' bzhi dag dang bral ba ni// rnam pa nyi shu byang chub pa// ngo sprod rtogs pa thob pa yin// ngo bos stong pa yi ge e// rang bzhin gsal bas yi ge baM// rnam pa bde ba yi ge ma// yon tan mi 'gag yi ge ya// 'phrin las thogs pa med pas khyab// stong pas e ni chos kyi dbyings// gsal bas baM ni ston par shar// bde bas ma ni 'khor dang ldan// ma 'gag ya ni bstan pa de// thogs pa med par yongs la spro// phun sum tshogs pas rgyud kun gsal// yi ge bzhi yi mthu las byung // stong pas e ni chos kyi dbyings// gzhi snang chen po'i gnas lugs yin// gsal bas baM ni rtsal du shar// rtogs dang ma rtogs 'khor 'das 'byung // sangs rgyas sems can rgyab gyes so// bde bas ma ni lam du bshad// lta ba sgom pa spyod pa yi// lam la bgrod med don gyis 'jug/ mi 'gag ya ni 'bras bu nyid// thogs med tshe gcig sangs rgyas thob// ces sems phyogs chen po mdzod kyi rgyud las// ye shes nam mkha'i le'u ste

  317. 159a

    bdun pa'o// // de nas 'khor tshogs dpag med pas// ston pa la ni rab tu bstod// mdzod chen drug gi dgongs pa ni// mdzod dang brda sgrangs rgyud bskor// rtsa rgyud gsang ba'i 'khor lo dang // thugs rje chos dang bshad rgyud rnams// gcig shes kun grol mdzod du thim// khyab bdag khyod la phyag 'tshal bstod// ces byas nas ston 'khor chos nyid du thim mo// sems phyogs chen po nam mkha' mdzod kyi rgyud/ ye shes nam mkha' las/ rjes su yi rang ba'i le'u ste brgyad pa'o// ye shes nam mkha' mdzod kyi rgyud rdzogs so// rgya gar gyi paN+Di ta bi ma la mi tra dang / lo tsA ba gnyigs dz+nyA na ku mA ra dang / ka cog gis bskur ba'o// // @#// rgya gar skad du/ sa ma pA ta na ma/ bod skad du/ khregs gcod bdun pa zhes bya ba/ bcom ldan 'das mtha' bzhi rang grol ba'i mgon po rdzogs sangs rgyas pa'i bla ma la phyag 'tshal lo// de nas ston pa rdo rje 'chang // phyogs bcu 'jig rten rab 'byams su// zhal gyi dkyil 'khor gsal byas pas// ljags kyi dbang po'i rtse mo la// 'od zer brgya phrag du ma 'phros// 'od kyi zer las sangs rgyas ni// nyid dang 'dra ba'i gtso 'khor ni// stong phrag brjod kyis mi lang ba// du ma 'phros pas sems can gyis// don byas nyid kyi thugs kar

  318. 159b

    'dus// rang bzhin dgongs pa lcog gzhan las// tshig min don gyi dgongs pa 'phros// kye ma sems dpa' chen po nyon// snang ba rang gis rang bcad pas// khregs gcod rnams kyi dang por byung // byas pa med pa'i chos nyid la// byung ba med pa'i gnad mthong na// byas dang byung ba rang sa chod// 'khor bzhen mtha' rang gnas pas// 'khrul pa bden pa rang gnas te// dus gsum rgyal ba'i dgongs pa rnyed// 'di la rang gnad mtha' yal te// nga yis chud rtsa'i ro brgyad rnyed// thog ma rang dang rang bzhin las// bdag nyid chen po'i lta stangs las// mthong ba med pa'i yul rnyed pa// bshad par bya ba'i chos rnams zad// thos bsam bsgom pa'i nyer len stongs// du ma 'dus pa'i tshang bshig pas// gcig par gnas pa'i ye shes mthong // de mthong tsam gyis 'khor ba'i las// ma byas gzhi la thams cad 'grub// 'dis ni byung ba'i bdag po zin// de la yon tan brgya phrag rnyed// de snyed chos la 'jig pa med// 'jig med lam du su zhugs pa// 'di la ldog pa yod mi srid// srid bral ming bzhi stongs pa'o// khyab bdag nam mtha' rnyed pa// dbyings su tshud pas phyi nang chod// sa chu me rlung 'byung ba yi// gzhi dang lam dang 'bras bu zad// lta dang sgom dang spyod pa bzhi// rang sar dag pas 'khor rgyun

  319. 160a

    chod// bde sdug snyoms pa'i dga' bde yis// 'dod pa dag pas rang 'dod thob// de la gang gis brnyas pa med// 'di ni de la khyab byas pa'o// sems kyi byung ba'i sa med pas// bar do 'gro ba'i lam 'gag pa// tha ma rtogs tshogs 'bras bu stor// rnyed pa med pa'i dbyings su thim// de la btsal bas rnyed mi 'gyur// ma rnyed chos la brjod pa chad// des ni byang chub myu gu bcad// gcad bya'i yul dang shes byed mtha'// gnyis 'dzin bral ba'i ngang du chod// de yi 'brel pa zad pas stongs// stongs pa'i chos la bcad gzhi yas// yas pa 'di la sus dris pas// sangs rgyas 'bum phrag grangs med pa'i// zhal mthong 'di dang gnyis su med// byas med snang ba'i rtsal chod pas// de ni spyad bya'i rtogs pa 'gags// de ni mi 'gyur lam zin pas// sangs rgyas rnams kyis ma byas pa'o// yang nyon sems dpa' chen po khyod// de la nges pa ma thob na// phyi nang 'dus pa'i snang ba la// rang dbang byas la phyogs gnad bsgyur// 'di ltar byas pas spyod pa ni// seng ge bu bzhag lta bu la// phyogs dang 'dzin pa med par rgyu// 'di la las dang bag chags kyis// nyon mongs 'gyu ba'i rta chad nas// 'gro dang 'ong ba'i lam dang bral// bem po 'dub pa'i gzugs rnams la// blang bar bya ste bzhag par min// de la sems kyis

  320. 160b

    ma yengs na// sems 'dus rtog pa khregs kyis chod// dran pa 'dus pa'i phung po gang // de nyid gang byung sar bzhag na// sdug bsngal 'dus pa'i phung po bzhig/ slar la bslang ba'i sa med pa// yang ni mig gis gzugs shes na// stong pa'i chos 'di sa longs spyod// de ltar 'dod yon brlabs bcad nas// rdzogs pas 'di las bshad du med// sgra med bsam pa'i gzhi zad pas// dus gsum 'bral ba med pa yi// grogs 'di gzhan dang mnyam pa min// gong na med pa'i sgra dang dri// ro dang reg pa'i dngos po stor// rnyed pa'i mchog ste dgos 'dod phrad// 'di ni chos med sems zad pas// sems 'dus yid kyis spyod pa las// 'di ni cung zad tsam thal lo// rgyal bas 'pham pa'i lam gsal nas// byas nas byung ba dum bur chod// 'dis ni 'khor ba'i mtha' ma chod// de chod yul la phar spyod pas// sbyang bya sbyong ba'i gzhi med pas// theg pa rnams las dris pa med// 'di ni ring thung mdo 'dus te// sems kyi yul de btsal bas ni// sdug bsngal rnams kyi rtsa ba chod// khyab ma yin dus mtshungs pas// 'khrul gzhi dag pa'i me long mthong // de mthong sde snod chos rnams shes// lo rgyus chen po rmad byung bas// ma byas thos bsam gzhi la rdzogs// sgrib bral bde ba'i lus thob nas// 'jig pa brgyad las 'jigs med

  321. 161a

    par// slar la gzhan gyi las rnams 'joms// 'di ltar spyad par 'bral med pa'i// mtha' la tshud na ldog pa med// spyod pas pha rol bde thob nas// sdug bsngal phyags mas 'debs pa'o// bskal bar bsags pa'i las kyi mtha'// 'dir spyad gzhan las ma ltos pas// rang gi shugs la rang sa zin// 'di la gang gis glags ma rnyed// sra ba'i gos gyon mtshon nus zad// 'khor dang 'das pa'i 'brel bcad pas// sngon gyi yul yang da ltar mthong // rdo rje 'dzin pa zhes bya ba// sngags kyi theg pa'i mthar thug pa'o// lam 'brel dus kyi gnas shes pas// 'di la spyad dang spyod pas stongs// rang bzhin mi gnas sos dal bas// nga bdag rnams kyi khog pa stongs// 'khor rkyen rgyu 'bras rtsa ba rul// 'di la lo 'dab skye mi srid// des na ngas ni nga rang mthong // sangs rgyas rnams kyis spyod pa ni// bya ba'i gzhi med byed med pas// 'di la 'das pa'i lam bral te// 'bras bu rnams kyi re gnas sa// stong min sems kyi goms spyad nas// ngo shes 'di la 'dod bral ba// nor med longs spyod chen po la// bya bral gnas pa'i snying po'o// ltas pas dus gsum dus gcig gsang // lta ba'i yul mthong lta mkhan mthong // gdos bcas rang dag zag pa med// 'byung ba'i lus zad nyon mongs stong // de yis yul la bsam

  322. 161b

    mi khyab// bsam mi khyab pas bsam med la// byas med byung med 'gro sa med// nga med gzhan med 'khrul pa med// mthong du yod pa'i gzhi la mthong // rgyun chad rkyen 'gag 'bras bu klag/ 'gro 'ong las kyi 'khrul 'phrug med// de don sems la rang bzhag pa'o// de ltar gsum shes gnyis med la// gzhi sogs grangs kyi mtha' med pas// gsum la 'khrul sa rang bzhag pas// 'gyur zhing 'phrug pa med par bsdams// 'khrul du med pas gcig shes la// gnyis su 'dzin pa mi srid pas// 'khrul zhes 'khrul pa'i steng bzhag pas// bya byed thams cad rgyun chad do// sems dpa' yis ni yang gsol pa// 'khor ba'i snying po de ltar na// rang bzhin ji ltar rnam par dag/ 'di nyid ston pas yang gsungs shig/ de nas rdo rje 'chang ba yis// rang bzhin gnas pa'i tshig 'di gsungs// gsang bdag sems dpa' yang nyon cig/ 'di ltar snang dang stong pa yis// bsdus pa'i chos rnams ji tsam pa// rang bzhin gyis ni rnam par dag/ 'bad rtsol dri ma las 'das pas// spyod bral sgom dag lta yul stongs// ma byas rang gis sar bzhag pas// de dag rang dag bzhag yas dag/ rgyu dag rkyen dag 'bras bu dag/ chos dag sems dag 'khrul pa dag/ dngos dag yul dag 'gyu 'brel dag/ dag nas sems kyi snang dag pas// de rang gcad

  323. 162a

    par bya ba ma yin no// de ltar dag pa'i snang ba la// bems spyad kham du bslangs pa yis// sa chu me rlung dag par snang // dag pa'i lugs dang dag pa yis// dag pa'i yul dang dag pa'i dus// dag pa'i tshad dang dag la gnas// de ltar bems po'i lam du yang // su yi slob par shes pa ni// bslangs pas long dang longs lugs dang // len pa'i dus dang longs pa'i tshad// bslangs pa'i 'bras bu skye dang skyes// nges par skyes pa rnams nas ni// phyi yi snang ba chos kyi skur// gnas pa mthong bar 'gyur bas na// mthong ba de la gang goms pa// sku gsum rgyal ba'i zhing khams mthong // 'di ni mthong ba'i lam la gnas// 'brel ba dag pa nges thob pas// dngos su spyod pa nyid las so// nang gi sems dang sems las byung // sems kyi snang ba gnyis dag la// rang sar bzhag dang rang grol dang // rang byung rang shar rang gis yul// rang gi rtse la rtsa ba bcad// rang gnas rang gis thob pa la// sems rgyan stongs dag med pa dang // 'gro 'ong 'byung 'jug shes pa yis// 'gyu ba yal ba'i bar phye dang // gzung dang btang dang glod pas shes// sbyor ba dang yang 'bral ba dang // stor dang bsdu ba'i gnas bstun nas// sems kyi me long gzugs brnyan 'dra// snang yul gzung bar med pa ni// ye nas de ltar gnas pa la// shar ba

  324. 162b

    rnams kyi thog ma la// byung ba rnams kyis bar gsal bas// shes pa rnams kyi tha mar snang // de yang 'bras bu'i dus las ni// gnad la phab pas nges gzung bya'o// phyi nang bcud dang bar dkrugs dang // nang du gnad la bor ba dang // gang yul gang mthong gang gnas pa// gang gi mthong dang gang gi tshor// gang la shar dang gang thob dang // 'khrul pa rnams kyi tha ma la// 'khor ba'i thog ma shes pas gsal// snang byed bsdu dang rmugs pa dang // yul las dkar dang gnas su bzhag/ lam du bzhag dang gzhi la bskyal// bltas mthong med pas snang ba la// bsgyur dang bcad pa'i las rnams 'grub// zas dang gos dang 'gro ba'i rta// bcud du dril bas shes pas na// 'gyur gyur thob rnams las nyid dang // yang dag pa ni las kyi mtha'// khregs kyi gcad pas bya ba rdzogs// rang gi dpal dang gzhan gyi gegs// tshad ldan bla mas mkhyen pa la// legs par dris shig dad sems can// 'dis ni 'khor ba'i zad dus shes// bya ba rdzogs pa'i rnal 'byor pa// de nas gsang bdag sems dpa' che// ston pa nyid la yang zhus pa// kye kye ston pa rdo rje 'chang // rang bzhin dag pa de ltar na// snying po lam du ji ltar blang // 'di la bdag ni zhu ba bgyid// ston pas gsungs pa sems dpa' chen// yang ni 'di ltar ya mtshan can// snying po thams

  325. 163a

    cad 'dus pa'i gnad// sangs rgyas gzhan gyis ma gsungs pa'i// don 'di ngas bstan khyod kyis nyon// spyi dang rang gi khyad par las// theg pa rnams kyi the tshoms// 'di las byas byung med rtogs pa'i// sems las 'gyu ba yang zad na// sems kyi 'gyu sa gzhig pa dang // de yis rjes la gar song gnas// snying po 'dus pas sgros zad pa// tshig la gnas pa med pa ni// gnas pa'i dus na glod pa yis// rlung la mkhas pa kho na'o// dran pa 'gyus pa'i snying po ni// rang sor bzhag pa kho na'o// yul rnams bsdus pa'i snying po ni// thad kar bcad pa kho na'o// gnas lugs bsdus pa'i snying po ni// sems byung btsal ba kho na'o// grol lugs bsdus pa'i snying po ni// byas pa med pa kho na'o// shar lugs rnams kyi snying po ni// bltas pas mthong ba kho na'o// de ltar de ni 'bras bu'o// lam ni ched du byed pa dang // shugs las byung ba nyid dang ni// rang bzhin gnas pa nyid dag go/ ched la yang ni bya bas byas// lus dang ngag dang yid kyi yang // gnad dang de yi bya ba bla ma'i lung gis shes// lus ni 'dug dang langs pa'i khyad par las// bya ba dang ni byed pa'i las la brtson// ngag ni a li kA li mnyam sbyor bas// sgra dbyangs tshig gi 'brel gyi sbyar// yi ni 'phang dang dgug dang bsgrogs pas ni// so so'i dus dang

  326. 163b

    sbyar bas rgyal ba'i dgongs pa 'grub// shugs 'byung lam ni bzhag pa tsam gyis 'grub// de la 'bad cing rtsol ba rlung sgo dgag/ rang bzhin gnas pa'i lam ni byung gyur te// g.yo dang 'gyur dang bsgyur ba'i las mtha' can// de la rang gi bya ba med pas legs bzhag pa'o// slong ba'i dus dang bslang bar bya ba'i gnad// 'gyur ba'i sems la mtshan med chos gsal ba// g.yo dang 'byal dang 'phrig pa'i dus kyis shes// 'di la rang bzhin bzhag dang byas pa'i gnad gnyis las// lam la byung dang gdeng du chud pa la// rtogs pa'i lung dang de yi mtha' yis phye// gnyis su yod pas de yi mtha' gsal ba// bar dang dang po nyid las gsal phye ba// de yis lus dang yan lag so so'i dus// 'di ltar sbyar ro rnal 'byor sems dpa' che// rig pa gnas pas de la nyes spyod pa// lus la gnas dang yul dang 'gyu ba las// rab dang 'bring dang tha ma yi// 'jug pa'i rnal 'byor pas mthong na// gang la mthong ba tsam gyis 'khrul pa'i 'khor rgyun gcod// rang gi gnas pa mig gi byed pa can// mngon sum pa dang de yis 'gyur shes ni// goms pa'i shugs ni rang gis las so// yang ni rdzogs sangs rgyas pa la// gnas pa tsam gyis thig le'i dril lugs zhus// ston pas gsungs pa 'di la legs nyon cig/ chos nyid gnas pa tsam

  327. 164a

    las rang byin brlab pa ni// 'khrul pa'i 'du byed khyad par gnas pa la// rgya yis gdab dang khungs su btsud pa yis// de ma yin las de yi snang shar ba// de la lus gnad sems gnas mtha' la gnas pas bdag/ 'khor dus 'brel dus rang gnas pas spyad// ming gi gnas pas 'di dang mnyam par sbyar// chos gnas de la gang zag gnas pas shes// gnas thabs gsum gyi gnas pa sbyar ba nyid// de yi gnas pa mgon pos gnas// 'di las 'gyur ba'i sa med kho na'o// gong ma'i zla mthong gsang bas che ba dang // dang po las kyi grangs kyis che ba dang // ye nas gnas pas rang bzhin che ba dang // snga ma las 'gyur don gyi che ba nyid// rang gis mthong dang gzhan la bslabs pa yis// gong ma'i bde nas 'og ma'i zla dang bral// thad ka dus kyis 'gyur la nges phye bas// rdzogs nas de yis don las chen por gsal// 'gyu dang yul la mi gnas chen po nyid// bde ba 'dod bral nam mkha'i yul gnas pa// 'di ni rdzogs pa chen po'i rnal 'byor du// spros dang zug rngu bral ba'i thig le la// 'di ni gcig tu gnas pas zla dang cha shes bral// gcig tu bsdoms pas du mchod// 'di la ming gis mtha' rnams zad// 'di ni nyag las gcig tu dril// spros pa med pa'i bde chen gnas// rtsa yi gnas nas 'phra 'gyur

  328. 164b

    'khrig/ sgon ma las ni dngos su'o// yul la zla dang bcas pa nyid// mngon du gyur nas 'phel rnams rdzogs// 'di la zad pa'i las zad pas// 'gyu ba'i rlung de khrig pa thig/ khyab pa dngos po thig le'i yul// 'di las mangs dang nyungs pa dang // 'phel 'grib rnams kyis dang po la// bya ba bral ba'i mngon du ltos// 'di nas mched dang yas pa dang // 'byams dang rlung du gyur pa las// sangs rgyas kun gyi yul mthong ba'o// sgron ma stong las snang bar 'gyur// sems kyis bya ba las 'das nas// bde dang sdug bsngal gcig bral bas// nga dang rang bzhin 'od dang ni// kha dog so sor gsal ba las// rig pa'i dbyings dang 'brel bas na// 'di la rnam par phye ba yis// gzhi yis byed 'gyur mig dang 'brel// khungs ni bzhi la byung ba la// da lta sems can lus la gnas// lam ni 'khrig pa rtsa las yang // du ma brtsegs pa'i rang bzhin can// 'dis ni 'khor ba'i mun pa sel// dang po med las yod par snang // bar du 'ong dang thig le nyid// tha ma sku dang ye shes so// de las stong par gyur pa las// zad pa rnams kyis 'bras bu ste// 'khor ba'i thog mtha' des chod nas// rdzogs pa'i rtse mo mthar phyin pas// de las phyogs med thugs rjes 'gros// kun don ma lus rdzogs byas nas// rang gi sa la gsan pas

  329. 165a

    stongs// cig car ba dang rim gyis so// rdo rje 'chang la yang zhus pa// rtse gcig pa las chos nyid lam// khregs kyis gcod pa ji ltar lags// thugs rje can la bdag nyid 'tshal// de nas ston pa rdo rje 'chang // nges pa'i 'bras bu lam zhugs phyir// rtse gcig 'dus pa'i dgongs pa gsungs// chos nyid rtse mo dal ba yis// 'khor ba 'dus pa'i rtog pa gcod// rang sems 'dus pa'i rtse mo yis// 'das pa'i mnyam pa'i don rnams gcod// rang gnas 'dus pa'i rtse mo yis// chos rnams zad par gcod par byed// sku mer rang dag rtse mo yis// bya byed 'bad rtsol thams cad gcod// rtse mo'i ngos la 'od 'phros pas// 'khor 'das gnyis ka dus gcig gsal// stong ba rtse mo gcig pa la// rtog dang mi rtog dus gcig mthong // gnas pa'i las mtha' rdzogs pa'o// lus la rtsa rnams 'dus pa yis// lus rdzogs gnas dang 'phel dang nyams// 'gyur dang 'jig dang 'pho bar byed// chos nyid ye shes 'phen pa dang // 'phar dang 'gug dang 'dzin pa dang // 'gril dang gong 'og sdebs rnams byed// ngag la sgra don 'dus pa yis// yin dang min dang yod dang med// mthong dang ma mthong shes ma shes// gnyis ltos rnams kyis byed pa can// sems la 'khor 'das gnyis 'dus pas// sangs rgyas

  330. 165b

    sems can rgyu 'bras dang // chos dang chos min rim pa dang // bde dang sdug bsngal gzhi ma byed// de ltar 'dus pas rnam par gyis// 'di la bsam gyis mi khyab pa'o// gang la rtog pa'i mtha' shes na// de las chos nyid yul gnas pas// 'bral ba med pa'i don nyid las// chos dang gang zag mtha' che bas// 'phrul pa'i rtogs pa dus gcig 'gag/ lus kyi mi rtog de la rten pas// rtogs pa rnams kyi 'brel ba chod// ngag gi mi rtog smra gcad pas// brjod med don gyi gzhi ma rnyed// sems kyi mi rtog rang sa bzhag/ des ni rkyen rnams chos nyid 'gyur// gsum sdoms sku gsung thugs la gnas// de yi 'bras bu bde skangs pa'o// bsam pa 'phro dag 'dus pa dang // mched dang yas dang 'bar ba dang // rtog dang mi rtog 'du mched can// yul la 'jug dang gnas pa dang // de las 'phros dang mched pa yi// dran bsam rnams kyis gzhi ma byed// rang bzhin 'gyur dang glo bur bas// rkyen rnams du ma sogs par byed// de las bde sdug phung por 'gyur// 'khor ba'i sa bon 'bras bur ro// de nyid bstan par 'dod pa yis// tha mal so so'i las bzlog ste// lus dang ngag dang yid kyis gnad// gzhan la bzlog pa rnal 'byor bas// bya dang byed pa med pa las// rang bzhin dus na cog pu la// mtshan nyid bzhi dang ldan pas

  331. 166a

    bya// gnyid la 'khor lo lta bu la// 'gro na nam mkha' lding gi lugs// 'dug na g.yas dang g.yon du'o// bye brag gzhan la mkhas pa yis// ji ltar rigs pa sbyar bas 'grub// ngag ni rang bzhin smra dang bral// nyal na yi ge 'brel ba bzlas// 'gro na rlung gis yi ge brten// 'dug na a yi rnam pa la// bye brag gzhan la mkhas pa sbyar// yid ni rang bzhin thun mong la// gar song phyi lam rjes rnams gcod// nyal na tsit+tar 'jug par rmis// 'gro na rmi lam mkha' la sbyar// 'dug na thig le dra bar gzhug/ bye brag gzhan la mkhas pa yis// gang la mos pa man ngag gis// gnas rnams bsgyur ba rnal 'byor bas// de yis dngos gzhi 'brel sbyar ba// 'gyu ba'i yul dbyung dran pa gsad// bsam pa'i yul lha sems rgyun gtod// yul dang shes pa sbyar bas shes// 'phro las mched pa'i dus mtha' bcad// gang snang rang gis thog tu dbab// gcig gi 'brel pa gcig gcad na// de la nyams kyis shes pa skye// dag pa chen po gzhi nyid la// bde ba sum cu rtsa gnyis 'char// de las 'bar dang bde las shes// thob pas 'khor lo can la 'jug/ 'gro dang 'ong ba'i shugs rgyun 'gag/ de la sogs kyis rnams 'phel bas// phar dang gzhan gyis bya ba bde// log dang ma log spor gnas dang // ji ltar 'gyur ba

  332. 166b

    grangs las shes// bsod nams las kyi bye brag rnams// ji ltar 'dod pa shes pa dang // 'chi 'pho skye ba'i grangs nyid kyang // 'phen dang sdud pa las shes nas// de yi rang bzhin rnal 'byor pa yis yang // yid gzhungs dran pa gsal po yis// rgyun du rtsis pas mngon par gsal// bsam gtan nyid kyi yon tan no// zhes bkod pa chen po a ti rdzogs pa'i rgyud las// khregs gcod las kyi mtha' gcod pa'i skabs// bskal pa dum bu'i rgyud las man ngag tu phyung ba khregs gcod bdun pa zhes bya ba rdzogs so// // dge'o// /

  333. 1a

    ye shes 'khor lo gsang ba'i rgyud ces bya ba bzhugs//

  334. 1b

    rgya gar skad du// rdza na tsa gra kra h+ya na dan+t+ra nA ma// bod skad du// ye shes 'khor lo gsang ba'i rgyud ces bya ba// rang snang rig pa'i rgyal po la phyag 'tshal lo// 'og min gyi gnas rgyan bkod par snang ba zhes bya bar// 'di skad bdag gis bdag nyid chen po la thos pa'i dus gcig na// bcom ldan 'das rig pa'i rgyal po dgongs pa rang 'byung gi don la bzhugs so// de'i tshe rang snang rtogs pa'i 'khor dang dgongs pa rang gnas kyi don la thabs cig tu bzhugs so// de'i tshe rig pa'i rgyal pos rang gnas bsam gtan gyi don la bzhugs so// de'i 'khor rnams dang shes pa gcig tu bzhugs las// rdo rje sems dpa' bzhengs pa'i stan la bzhengs nas// rang rig pa'i rgyal po la 'di skad ces

  335. 2a

    zhus so// rang snang rnam dag rang bzhin la// sna tshogs byung ba ji ltar lags// zhes zhus so// rig pa'i rgyal pos bka' stsal pa// rang snang rnam dag rang bzin la// sna tshogs snang bar shes rig yul// ngo bo nyid la gzung 'dzin med// ces gsungs so// de nas rig pa'i rgyal pos// rdo rje sems dpa' la 'di skad ces gsungs so// rgyu rkyen med pa'i rang 'byung rnam dag 'di// 'dzin pa'i yul med zhes pa'i mtha' las grol// blo yis ma sbyang rang bzhin don dang ldan// rig pa'i yul med rang 'byung 'dzin med pa// rnam rtog med pa'i mnyam nyid chos kyis sku// zhes gsungs so// de nas rdo rje sems dpas 'di skad ces gsungs so// khyod ni smras pa'i sgo mo ste// rang snang rtogs pa'i don

  336. 2b

    ldan pas// spros bral med pa gsung du gsol// ces zhus so// rig pa'i rgyal pos bka' stsal pa// rang snang rtsol bral theg pa 'di// 'dzin pa'i spyod yul ma yin gyis// khyod kyis go ba shin tu dka'// zhes gsungs so// rdo rje sems dpas zhus pa// rtsol bral theg pa'i mtshan nyid de// de yi rtogs tshul ji ltar lags// zhes zhus so// rig pa'i rgyal pos bka' stsal pa// rtsol bral theg pa'i rtogs tshul 'di// 'dzin med rang byung ngo bor rtogs// zhen pa med pa'i rang byung la// gza' gtad med pa'i ngo bor rtogs// rgyu rkyen med pa'i ngo bo ni// rgyu 'bras 'das pa'i ngo bo rtogs// ltos pa med pa'i ngo bo ni// 'dzin pa'i rgyu 'bras gang yang med// rtsol bral theg pa'i ngo bo 'di// mtha' yas sems can thams cad la// dbyer med tshul gyis gnas med kyang // gzugs 'dzin blo yi dri mas bcings// 'dzin pa'i rtog pas rang rgyud mthong // bsam bral sna tshogs zhen pas slad// rnam bral shes pa rang gnas pa// zhes pa med par mthong bar gyis// brjod pa'i mnyam pa nyid dang mtshungs// ma rtogs pa yi tshig sgo nas// gang mos mthun pa'i sgo nas ni// blo dang mthun pa ston par grags// drang don blo yi sgo nas ni// rang rang nyams dang mthun par grags// rang byung rnam dag ngo bo ni// mtshon bya mtshon byed gang yang

  337. 3a

    med// btsal med rang bzhin nyid kyis rtogs// tha mal rang rgyud shes pa yin// bka' yi don gyis grags byas nas// stsol ba med pa'i ngang la bzhag/ re 'dod stsol ba'i mtha' ru 'gyur// zhen med rang byung sman chen gyis// 'dzin pa 'khor ba'i nad rnams sel// zhen pa 'khor ba'i nad dang bral// rang snang dag pa'i ngo bo 'di// bgrod pa'i lam gyis thob pa med// stsol med 'bras bu rang 'byung nyid// bgrod med dgongs pa rang la rdzogs// gdod nas 'dzin med lhun gyis grub// khyung chen mkha' la ldings pa bzhin// spro bsdu med pas stsol ba med// blo yis ma sbyar re 'dod bral// shes 'dod tha med lhun gyis grub// ye shes bsam du med pa 'di// 'gyur med rang 'byung ngo bo yin// ces gsungs so// ye shes 'khor lo gsang ba'i rgyud las// gleng gzhi'i le'u ste dang po'o// // de nas rdo rje sems dpa' la// rig pa'i rgyal pos gsung pa// rang byung 'gyur med snying po la// mi 'gyur ye shes mkha' ltar khyab// ces gsungs so// rdo rje sems dpas zhus pa// rang byung ye shes rnam dag la// 'khor ba'i shes rab ji ltar 'byung // zhes gsol to// rig pa'i rgyal pos bka' stsal pa// rang byung ye nas rnam dag kyang // ma rtogs 'khor ba sna tshogs 'byung // zhes bka' stsal to// rdo rje sems

  338. 3b

    dpas zhus pa// ma rtogs 'khor ba sna tshogs de// de yi 'khrul tshul ji ltar lags// zhes gsol to// rig pas bka' stsal pa// de yi 'khrul tshul 'di ltar lags// rgyud rkyen ston pa'i rkyen bzhis 'khrul// dper na rab rib mig bzhin du// mkha' la 'ja' tshon skra shad 'dzings// ma smin log rtog 'khrul pa byung // lhan cig skyes gnyis dus mtshungs par// sangs rgyas nyid las sems can byung // zhes gsungs sa// rdo rje sems dpas gsol ba// ma rig pa yi 'khrul pa de// gzhi la yod dam med pa lags// zhes zhus pa dang // rig pas stsal pa// don gyi ngo bo 'khrul med kyang // sna tshogs 'dzin pa'i rtog pa byung // dper na thag pa sbrul mthong ba// thag pa'i ngo bo sbrul med sa kyang // rgyu rkyen dmigs pas sbrul du mthong // zhes gsungs so// rdo rje sems dpas gsol pa// ma rig pa yi 'khrul pa de// de yi mtshan nyid ji ltar lags// bka' stsal pa// de yi mtshan nyid glo bur ba// dper na me long gsal ba la// gang bstan rkyen de 'ong bar nges// de bzhin rang gsal chos nyid la// ye shes snang ba glo bur ba// bdag snang gzhan snang gnyis snang ba// bdag 'dzin 'khrul pa'i rtog pas bslad// 'dzin rang rgyud du mar mthong // chos nyid nam mkha' lta bu la// glo bur gzugs brnyan sprin gyis bsgribs// chos nyid 'bab chu lta/

  339. 4a

    bu la// glo bur rtog pa'i dmigs pas bslad// bag chags log pas 'khrul tsam na// zo yor mi ru snang ba bzhin/ zo yor mi nyid ma yin gyi// ji ltar de la mi ru mthong // tho yor mi nyid yin pa na// yang dag rnams kyis cis mi mthong // rgyu rkyen 'khrul pa snang tsam na// sna tshogs yang dag zhes pas sbyor// ces gsungs so// ye shes 'khor lo gsang ba las// ma rig 'khrul pa ston pa'i le'u stag nyis pa'o// // rdo rje sems dpas zhus pa// ma rig pa yi 'khrul pa de// de yi ldog tshul ji ltar lags// thams cad rig pa'i rgyal pos bka' stsal pa// ma rig pa yi ldog tshul ni// dgag sgrub med pa'i snang ba des// dmigs pa'i yul ni rkyen las ldog/ rang gsal 'dzin med chos nyid de// snyam byed rgyu yi rkyen las ldog/ 'dzin pa rang grol dag pa yis// dus mtshungs 'khrul pa'i yul las ldog/ rim med cig char rdzogs pa yis// rgyu 'bras gnyis kyi mtha' las ldog/ dgongs pa rang bzhin don ldan pas// blo btags phra mo'i chos las ldog/ nges pa'i theg gcig snyoms pa 'dis// rang 'dod brgyad kyi mtha' las ldog/ rgya chad phyogs lhung med pa 'dis// rang 'dod gnyis kyi mtha' las ldog/ rnam rtog blo la gang byung ba// rang byung rig pa thad kar gcod// bag chags rgyu las gang zhen pa// zhen

  340. 4b

    med sgrol bral ngo bos ldog/ 'dzin med rang 'byung sman chen gyis// 'khor ba gcod rong nad las ldog/ ces gsungs so// ye shes 'khor lo gsang ba las// 'khrul pa ldog tshul gyi le'u ste gsum pa'o// // de nas rig pa'i rgyal pos rnam dag rang byung gi lta ba 'di gsungs so// mnyam nyid rnam dag brdal ba'i klong // mtha' bral ye shes lhun gyis grub// rang byung rgyu rkyen med rtogs pas// gzhan nas 'byung ba'i chos ma yin// dngos grub bde ba rang la 'byung // ye shes ji bzhin gnas pa la// rtsol ba'i rgyu 'bras spyad du med// rim stsol blo yi theg pa rnams// drang ba'i don du bshad pa yin// zhen rtog gis ni g.yos gyur kyang // rang byung ngo bo g.yos pa med// dbye gsal med pa'i lta ba'i chos// rgyud 'bras 'das pa'i ngo bo yin// gdod nas gnas pas bya mi dgos// rkyen med par mar rang byung dag/ ma 'gags ngo bo rdzogs pa che// stsol med rang byung lus chen gyis// thams cad ngo bo gtan la 'bebs// des na stsol med rig pa'i lung // don dang mi ldan gra cha na// ne tso mi skad smras pa 'dra// de nas lud dang ldan ma yin// snying po don gyi ngo bo ston// sgra tshig zhen pa'i yul las grol// rang rtogs pa yi gdeng ldan na// yid ches bshes pa'i mtshan nyid do// yin pas nga yis bka' dang mthun// ces

  341. 5a

    gsung so// ye shes 'khor lo gsang ba las// lta ba'i le'u ste bzhi pa'o// // de nas rig pa'i rgyal pos// rdo rje sems dpa' la ting nge 'dzin rang gnas 'di gsungs so// stsol med rang snang ma bcos pas// ye shes lhun grub rang bzhin gnas// dgongs pa ma bcos rang so la// sna tshogs snang ste zhen pa med// sgom med don la blo bzhag med// rang byung rtog med mnyam nyid la// zhen pa'i sgro skur dang gis med// blos gzhan sgom pas grol 'dod pa// 'dzin sems dag gis lcags sgrol 'dra// chos nyid zang ma thag byung la// rang byung ye shes mnyam nyid thugs// bcom med rtsol bral rang byung gsal// rnam rtog 'dzin pa ci byung yang // rang bzhag bsam bral nyid du bde// rnam par rtog pa rgyu ba yang // sems kyi sgo bcad dang du shes// rig pa dus gsum rgyun chad med// 'bab chu rgyun gyi dpe yis bstan// de yid rtogs pa'i don bral na// ma bral rang gnas dgongs par gnas// snying po mnyam nyid ngo bo ni// dbang sgyur rgyal ba'i thugs dang mnyam// 'dod pa'i tshogs la yid mi 'jug/ rdzogs pa'i dgongs pa rnam dag la// dus gsum 'da' med blang dor med// bsam med 'dzin med ting 'dzin rkyen las grol// ma g.yos ma bcom nyid du bde// snang ba med pa'i chos nyid ni// btsal med rang so nyid du bde// brjod

  342. 5b

    du med pa'i chos nyid la// sgra tshig zhen pa'i yul las sdog/ ces gsungs so// ye shes 'khor lo gsang ba las// ting nge 'dzin rang gnas kyi le'u ste lnga pa'o// // de nas rang rig pa'i rgyal pos// rnam dag zhen med kyi spyod pa 'di bka' stsal to// nam mkha' rdo rje'i sbyor ba 'di// sbyor bzhi ma chags spyod pa'i mchog/ rang bzhin ye shes sbyor ba la// sgo gsum yangs pa'i lhug pa nyid// spyod pa blang dor gnyis med dang // pad+ma 'dam na gnas bzhin du// 'dam gyi skyon gyis gos pa med// sna tshogs snang bar spyod med kyis// snang ba'i skyon gyis gos pa med// stsol med rang gnas rtogs pa'i klong // rgyu 'bras ltos pa'i stsol ba med// nyi ma'i 'od ltar kun tu khyab// khyab bdag lhun grub ye bdal la// zhen med tshul gyi 'jug na bde// kun gsal chos nyid don rtogs pas// rna brgyud sgra la rag ma lus// sku gsum rtogs pa'i don ldan na// thugs rje rin chen bzhin du 'byung // rang byung gcig las ma g.yos kyang // rim stsol rgyu 'bras theg pa rnams// drang don mthun pa'i thabs su bstan// rang byung ye shes rtogs pa'i lha// 'dzab dang bsnyed pa dbul mi dgos// mtha' dbus med pa'i snying po la// gzung 'dzin 'khrul pa ngang gis dag/ sbrul gyis 'dud pa rang grol bzhin// mtshan ma sna tshogs rang grol 'gyur// mi rtog

  343. 6a

    rang byung rdo rje'i don// 'gyur med ye shes rang grol 'gyur// zhes gsungs so// ye shes 'khor lo gsang ba las// spyod pa bstan pa'i le'u ste drug pa'o// // de nas rig pa'i rgyal po la// rdo rje sems dpas zhus pa// rdzogs chen thig le nyag gcig la// yon tan snang tshul ji ltar lags rig pas bka' stsal pa// rdzogs chen thig le nyag gcig la// yon tan snang tshul bzhi ru 'byung // 'gro drug zhen pas snang ba dang // rgyu 'bras blo yi snang ba dang // rtogs ldan don gyi snang ba dang // kun tu 'azang ba'i snang ba'o// yang zhus pa// rdzogs chen dgongs pa'i rang bzhin la// yon tan rdzogs lugs bstan du gsol// rig pa'i rgyal pos bka' stsal pa// sna tshogs ma yengs pa yi ngang du rdzogs// zhen pa med pa'i ngang las 'da' ba med// 'khor ba ma spangs pa yi ngang du rdzogs// dogs pa med pas ngang du 'da' ba med// rgyu 'bras ma spangs pa yi ngang du rdzogs// rtog pa med pas ngang las 'da' ba med// ces gsungs so// yang zhus pa// rdzogs chen thig le nyag gcig la// mtshan nyid rnam grangs ji ltar lags// bka' stsal pa// de bzhin nyid du rdzogs pa'i rdzogs chen dang // lta ba yongs su rdzogs pa'i rdzogs chen no// rim pa tshul gyis rdzogs pa'i rdzogs chen no// zhes gsungs so// ye

  344. 6b

    shes 'khor lo gsang ba las// yon tan gyi snang tshul bstan pa'i le'u ste bdun pa'o// // de nas rdo rje sems dpa'// rig pa'i rgyal po la 'di skad ces gsol to// rang snang rnam dag rgyal po khyod// mi 'gyur sku yi bdag nyid can// mi 'gag gsung gi rol bar shar// mi rtog thugs kyi rol par mkhyen// sku gsum dang ldan thugs rje'i bdag/ mos pa'i 'khor tshogs 'dus pa la// dam tshig gsang ba bshad du gsol// zhes zhus pa dang // rig pa'i rgyal pos bka' stsal pa// rang snang lhun grub chen po la// bcom ma grangs kyi dam tshig dang // rang byung stsol med dam tshig ni// 'khor ba'i mtsho las bsgral ba'i gru// mi 'gyur rdo rje lta bu la// phyi nang gsang ba'i dam tshig med// ma bcos rang snang dam tshig ni// med pa 'phyal pa gcig pu dang // lhun gyis grub pa'i dam tshig go/ 'dzin pa med pa'i chos nyid kyis// bsrung du med pa'i ngang du bzhag/ bsgrub med rang byung chen po la// bsrung med dam tshig rang gnas na// phyogs 'dzin med pa'i ngapal gnas// rang byung ma bcos gcig pu la// ye shes rang byung mi 'da' na// dus gsum sangs rgyas thams cad la// dam tshig 'di las mi 'da' bas// lhun grub dam tshig chen po yin// ces gsungs so// ye shes gsang ba las// dam tshig gi le'u ste brgyad pa'o// rig

  345. 7a

    pa'i rgyal pos rdo rje sems dpa' la bka' stsal pa// rang snang rgyal po gang 'dod pa// rang byung drangs snyigs phye la ltos// theg pa'i bye brag bsam yas kyang // rig pa'i rgyal po rdo rje'i bdag/ nges par byung don 'di shes nyon// sangs rgyas kun gyi rang byung ba// bla na med pa rtogs gyur na// de nyid rang snang mnyam par lta// gang gi rang byung rtogs pa'i mchog/ rang snang rtsol bral don shes na// 'dren pa'i tshogs kyis ma bkrol yang // rang byung yon tan bsam mi khyab// ces gsungs so// rdo rje sems dpas yang zhus pa// rnam rtog 'dzin pa'i 'khrul ba de// gnyen pos bsgom du yod dam med ces gsol ba dang // rig pas bka' stsal pa// rnam par rtog pa'i gnyen por rnam par rtog pa'o// mi rtog sgom pas rtogs pa chen por song // sgo gcad la 'das ma bu sprad pa na// chu bo rgyun gyi dgongs pa chen po yin// tshe gcig byang chub thob nas rgyu 'bras stsol ba med// rang byung ye shes lam gyi dam pa yin// bya lam mkha' la rjes med 'dra// rang byung rtsol med don po che// sems kyi sgo gcod shes gyur na// rang byung mkha' la sprin drangs 'dra// ji bzhin nam mkha'i rang bzhin la// nyi ma'i snying po shar ba bzhin// yengs pa med pa kho nar zad// chos nyid spros dang bral ba la// rang byung rig pa'i rgyal po

  346. 7b

    shar// rnam rtog rgyu 'jug shes pas shes// zhen med rang byung nyid kyis grub// gang zhig shes rab rtogs shes na// dus gsum nga yi chos dang mthun// rab tu rtsal na ma dmigs chos// rang byung nga yi chos dang 'gal// ces gsungs so// ye shes 'khor lo gsang ba las// yin tshul bstan pa'i le'u ste dgu pa'o// rig pa'i rgyal pos// rdo rjes sems dpa' la// rgyu 'bras la zla ba'i don gsungs pa// bdag tu nges bzla 'dod pa yang // rang byung bdag med 'khrul pas bsgrib// phra rab yul du mthong ba yang // rang byung yul min phyin ci log/ rten 'brel bcu gnyis 'dod pa yang // rtog med rtogs pas phyin ci log/ dngos po rnam par 'dzin pa yang // rang byung dngos med phyin ci log/ dmigs pa med pa'i stong pa yang / rgyu 'bras lam gyi gol pa yin// dgag pa dang ni gnyis su lta// 'dod pa stobs kyis bsgrubs gyur kyang // bgrod med 'bras bu thob pa med// rnam gsum byin rlabs 'dod pa yang // skyes med stsol bas rang byung bslad// thabs dang shes rab bde ba yang // stsol bsdams pas stsol med bcings// dbyings dang ye shes lta ba yang // 'dzin med lhun grub don dang 'gal// mi gnas ye shes rang bzhin ni// phyogs ris med pas zhes pa grol// bya bral rdzogs pa chen po ni// rang snang rtogs pas

  347. 8a

    zhen pa ldog/ dran pa kun yang ye shes rang sar gnas// mnyam nyid rang grol chen po yin// zhes gsungs so// ye shes 'khor lo gsang ba las// theg pa'i bye brag la bzla ba'i le'u ste bcu pa'o// // rig pa'i rgyal pos// rdo rje sems dpa' la gsungs pa// gzhi bzhag rang byung chen po la// bag chags 'khrul pa ka nas dag/ 'dzin pa'i zhen pa bya ba btang // sna tshogs blos bzung lta ba dang // ma tshor yid la byed pa dang // btang snyoms ltengs pa'i mun pa dang // zhi 'dod yid la byed pa kun// 'brel med nam mkha' lta bu'i don// zhen med rang byung ye shes la// zhen pa med pas bya ba btang // ye nas rang bzhin dag pa yi// gzhi la 'khrul pa'i bya ba btang // dbang po bzung ba'i yul dang ni// dmigs pa rkyen gyi bya ba btang // yin tshul blo yis bya ru med// snang tshal rkyen gyis ji ltar snang/ rtogs tshul rang bzhin med par rtogs// grub mtha' blo yis bya ba btang // dper na nyi ma'i snying po yang // mun med 'od kyis rang bzhin yin// de bzhin sangs rgyas rang bzhin yang // stsol med 'khrul pa gzhi nas dag/ snang med don dang ldan pa ni// rdo rje sems dpa'i dgongs pa yin// dus gsum 'gyur ba med pas mnyam gzhag rjes thob med// thig le nyag gcig gcig las med pa la// brgyad

  348. 8b

    khri bzhi stong nga yi cho 'phrul yin// sna tshogs nga yis byas pa ste// nga yi rang bzhin byed pa kun las rgyal// ces gsungs so// ye shes 'khor lo gsang ba las// rdzogs chen bya ba btang ba'i le'u ste bcu gcig pa'o// // de nas rig pa'i rgyal pos bka' stsal bas// rdzogs chen rang snang chos nyid 'di// dgongs pa kun gyi mchog yin pas// 'dod pa'i stsol bas sgrub tu med// 'dod pa'i rang bzhin sgrub dod ba// rdo la gser du 'dod pa'o// gser 'dod rdol re ba med// rtog pa ma chod bde ba yang // rtog med ngo bo mthong ba med// 'dzin pa du ma rang grol na// yang dag stsol bas sgrub tu med// stsol med don la gnas pa ni// byang chub mchog la gnas pa yin// slong len med pa'i snang ba rang so la// dbus mtha' mi dmigs rnam par rtog dang bral// ye shes rnam dag lhun grub chen po la// re dogs med par chos nyid rang la gsal// rang byung rig pa sangs rgyas yin shes na// gzhan la rten cing bsgrub pa 'khrul pa'i lam// sangs rgyas nyid kyis sangs rgyas nyid tshol ba// rgya mtsho'i nang nas smig sgyu'i chu la 'gro// des na gsang rgyas re 'dod gzhan na med// dbye gsal blang dor med pa dam pa yin// chos sku ye nas rnam par dag pa la// snang ba zhen pa med pa'i spyod pa mchog/ theg chen nam mkha'i klong nas nyi

  349. 9a

    shar bas// gdul bya'i gang zag rnams kyi don du snang // don gyi ngo bo gdul dang mi 'dul gnyis mi mnga'// rig pa'i rgyal po ye shes nye zer gyis// mtha' yas sems can rnams la snang bar sgron ma ston par shog/ ces gsungs so// rang byung gi rdo rje sems dpas srid pa'i 'khor chen po 'di// nyid las mi zhan pa'i 'khor sangs rgyas byams pa kun gzigs la bshad na// 'khor nye ba'i sras mchog dam pa dga' rab rdo rjes bsdus pa'o// ye shes 'khor lo gsang ba'i rgyud las// stsol ba dang bral ba'i le'u ste bcu gnyis pa'o// / rgyud thams cad kyi dbu ye shes 'khor lo gsang ba'i rgyud// rang shes rig gi rgyal po rdo rje kun tu bzang po dang po dang // rigs lnga'i bde bar gshegs pa dang // sprul pa'i sgra sangs rgyas 'od srungs rnams dang // rtsa ba'i rgyud chen po bshad pa rdzogs so// nyams su mi len gang zag la// srog dang bral ba'i kha bzhin pa rnams// n+ya n+ya N+yaH/

  350. 9b

    rgya gar skad du// dz+nyA tsa kra gu h+ya hri da ar+tha tan tra// bod skad du// ye shes 'khor lo gsang ba snying po don gyi rgud// rang snang rig pa'i rgyal po la phyag 'tshal lo// 'di skad bdag gis thos pa'i dus gcig dus gcig na// chos kyis mkha' dbyings nyid kyi klong // 'og min gyi gnas rang snang rig pa'i gzhal yas na// bcom ldan 'das rig pa'i rgyal po dgongs pa rang byung go don la bzhugs so// de'i tshe rang snang rig pa'i 'khor dgongs pa rang snang dang thabs cig tu bzhugs so// 'khor gyi dam pa rdo rje sems dpas zhus pa// rang snang rnam dag rang bzhin la// sna tshogs 'byung ba ji ltar lags// zhes zhus so// rig pa'i rgyal pos bka' stsal pa// rang snang rnam dag rang bzhin la// sna tshogs 'byung ba blo yi yul// ngo bo nyid la gzung 'dzin med// ces gsungs so// de nas rig pa'i rgyal po yis// rdo rje sems dpa' la 'di skad ces gsungs so// rgyu rkyen med pa'i rang byung rnam dag ni// 'dzin pa'i yul med zhen pa'i mtha' las grol// blo yis ma bcos rang bzhin ldan// rig pa'i yul med rang byung 'dzin med dang // rnam rtog med pas mnyam nyid chos kyi sku// zhes gsungs so// de nas rdo rje sems dpa' yis 'di skad ces gsol to// khyod ni smra ba'i seng ge ste// rang snang rtogs pa'i don ldan/

  351. 10a

    pas// rtsol bral theg pa'i ngo bo 'di// gsung du gsol zhes zhus pa las// rig pa'i rgyal pos bka' stsal pa// rang snang rtsol med theg pa 'di// 'dzin pa'i spyod yul ma yin pas// khyod kyi go pa shin tu dka'// zhes gsungs so// rdo rje sems dpas zhus pa// rtsol bral theg pa'i mtshan nyid kyi// de yi rtogs tshul ji ltar lags/ zhes zhus so// rig pa'i bdag pos bka' stsal pa// rtsom bral theg pa'i rtog tshul 'di// 'dzin med rang byung ngo bor rtogs// shes pa med pa'i rang byung sems// gza' gtad med pa'i ngo bor rtogs// rgyu rkyen med pa'i byang chub sems// rgyu 'bras med pa'i ngo bor rtogs// rtogs pa med pa'i ngo bo 'di// 'dzin pa'i rgyu 'bras gang yang med// rtsol bral theg pa'i ngo bo 'di// mtha' yas sems can thams cad la// dbyer med tshul tshul gyis gnas mod kyang // gzung 'dzin blo yi dri mas bcings// 'dzin pa'i rtog pa rang rgyu mthong // bsam bral sna tshogs zhen pas bslad// rnam byang shes pa rang gnas pa// zhen pa med par mthong bar gyis// brjod pa snyan pa nyid dang mtshungs// ma rtogs pa yi tshig sgo nas// gang mos mthun pa'i sgo nas ni// blo dang mthun par bstan par grags// rang byung rnam dag ngo bo ni// mtshon bya mtshon byed gang yang med// rtsol med rang byung nyid kyis

  352. 10b

    rtogs// tha mal rang rgyud shes pa ni// dka' yi don gyi grangs byas nas// rtsol ba med pa'i ngang la bzhag/ re dogs rtsol ba'i mtha' ru med// zhen med rang byung sman chen 'di// 'dzin pa 'khor ba'i nad rnams sol// rang byung rnam dag ngo bo 'di// bgrod pa las gyis thob pa med// rtsol med rang byung 'bras bu nyid// bgrod med dgongs pa rang la rdzogs// gdod nas 'dzin med lhun gyis grub// khyung chen nam mkhar lding ba bzhin// spro bsdu med pas rtsol ba med// zhen la rtsol ba'i 'dod pa bral// blo yis ma spyad re 'dod med// shes rgya chad phyogs lhung med// ye shes bsam du med pa 'di// 'gyur med rang byung ngo bo yin// zhes gsungs so// ye shes 'khor lo rang snang gi rgyud las// gleng gzhi'i le'u ste dang po'o// // de nas rdo rje sems dpal la// rig pa'i rgyal pos yang gsungs pa// rang byung snying po 'gyur med la// mi 'gyur ye shes mkha' ltar khyab// ces gsungs so// rdo rje sems dpa' yang zhus pa// rang byung ye nas rnam dag la// 'khor ba'i shes pa ji ltar 'byung // zhes gsungs pa dang // rig pa'i rgyal pos bka' stsal pa// rang byung ye nas rnam dag dang // ma rtogs 'khor ba sna tshogs 'byung // zhes gsungs so// rdo rje sems dpa' yang zhus pa// ma rtogs 'khor ba sna tshogs te// de yis 'khrul

  353. 11a

    tshul ji ltar lags// rgyu rkyen rtog pa'i sgron gzhi'i 'khrul// dbor na rab rib mig bzhin du// mkha' la skra shad 'dzag pa bzhin// log rtog rgyu rkyen 'khrul pa bzhi// 'khrul pas ma rig 'byung ba yin// rdo rje sems dpas yang gsol pa// ma rigs gzhi la yod dam med// ces zhus so// rig pa'i rgyal pos bka' stsal pa// don gyi ngo bo 'khrul med dang // sna tshogs 'dzin pa'i rtog pa byung // dper na thag pa sbrul mthong la// thag pa'i ngo la sbrul med dang // rgyu med dmigs pa sbrul du mthong // zhes gsungs so// rdo rje sems dpas yang gsol pa// ma rig pa yis 'khrul pa ste// de yi mtshan nyid ji ltar lags// bka' stsal pa// de yi mtshan nyid blo bur ba// dper na me long gsal ba la// gang bstan rkyen de blo bur ba// de bzhin rang gsal chos nyid la// 'dzin pa'i snang ba blo bur ba// bag chags log pas dkrugs tsam na// bdag 'dzin 'khrul pa'i rtogs pas slad// 'dzin pa rang rgyud du mar snang // chos nyid nam mkha' stong pa la// blo bur gzugs brnyan sprin gyis bsgribs// chos nyid 'dab chu lta bu la// blo bur rnyog pa dmigs pas slad// bag chags log pas dkrugs tsam na// tho yor mi ru snang ba bzhin// tho yor mi nyid ma yin te// de lta de la mi ru mthong // tho yor mi nyid yin pa na// yang dgas

  354. 11b

    rnams kyu rtse mi mthong // chu rkyen 'khrul pa snang tsam na// sna tshogs yang dag zhen par sbyor// ces gsungs so// ye shes 'khor lo gsang ba'i rgyud las// ma rig khrul tshul gyi le'u ste gnyis pa'o// // rdo rje sems dpa' yang zhus pa// ma rig pa yi 'khrul tshul nyid// de yi bzlog tshul ji ltar lags// rig pa'i rgyal pos bka' stsal ba// ma rig pa yi bzlog tshul ni// dgag sgrub mang ba'i snang ba des// dmigs pa'i yul gyi rkyen las bzlog/ rang gsal 'dzin med chos nyid de// mnyam byed rgyu yi rkyen las bzlog/ 'dzin pa rang grol dag pa yi// dus gsum 'khrul pa'i rkyen las bzlog/ ris med cig gar bgrod pa'i sa// rgyu 'bras gnyis kyi ma las bzlog/ dgongs pa rang gzhan don ldan pas// blos brtags phra ma'i chas las bzlog/ nges pa'i theg chen snying po 'di// rang 'dod brgyad kyi mtha' las bzlog/ rgya chad phyogs lhung med pa yi// rang 'dod nyid kyi mtha' las bzlog/ rnam rtog blo la rang snang ba// rang byung rig pas thad kar gcod// bag chags rgyu la gang zhen pa// zhen med sgrol bral ngo bos bzlog/ ces gsungs so// ye shes 'khor lo gsang ba'i rgyu las// 'khrung pa bzlo tshul gyi le'u ste gsum pa'o// / de nas rig pa'i rgyal po yis// rnam dag rang byung lta ba 'di gsungs

  355. 12a

    so// mnyam med rnam dag rda la ba'i klong // nam mkha' ye shes lhun gyis grub// rang byung yul ma rtogs pa yis// gzhan nas 'byung ba'o// chos ma yin// dngos grub pa de ba rang las byung // ye shes ji bzhin gnas pa la// rtsol ba'i rgyu 'bras spyad du med// rim rtsol blo yi theg pa rnams// drang ba'i don du bshad pa yin// zhes rtog blo yis g.yos gyur na// rang byung ngo bo g.yo ba med// dbye gsal med pas lta ba'i mchog/ rgyu 'bras 'das pa'i ngo bo yin// gdod nas rnam par bya mi dgos// skyon med pad+ma rang byung dang // ma 'gags zhen med rdzogs pa che// rtsol med rang byung lung gis ni// thams cad ngo po gtan la 'bebs// des na rtsom med sems kyi lung // don dang mi ldan sgra tshig ni// ne tso mi smra chos bshad 'dra// des na lung ldan bla ma'i chos// snying po don gyi ngo bo ston// sgra tshig zhen pa'i yul las 'das// rang byung rtogs pa'i don ldan pas// yid ches shes pa'i mtshan nyid do// min pa nga yi bka' dang mthun// zhes gsungs so// ye shes 'khor lo gsang ba'i rgyud las// lta ba'i le'u ste bzhi pa'o// // de nas rig pa'i rgyal po yis// rdo rje sems dpa' la ting nge 'dzin rang gnas kyi don 'di gsungs so// rtsol med rang snang ma bcos pa// ye shes lhun grub rang bzhin gnas// dgongs

  356. 12b

    pa ma spangs ma spyod la// sna tshogs snang ste zhen pa med// sgom med don la blo gzhag med// rang byung rtog med mnyam nyid la// zhen pa'i sgro skur ngang gis med// 'dzin sems dag gis lcags dkrol dang // blo bzhag bsgom pas bcings dang 'dra// sems nyid zang thal ma phyung la// rang byung ye shes mnyam nyid thugs// bcos med rtsol bral byung la// rnam rtog 'dzin pa ci byung yang // rang bzhag bsam bral nyid du bde// rnam par rtog pa'i rgyu ba bral// dus gsum rgyun chad med par gnas// 'bab chu rgyun gyi dpe dang 'dra// de nyid rtogs pa'i don ldan na// bsam bral rang gnas dgongs par gnas// snying po mnyam nyid ngo bo nyid// dbang sgyur rgyal po'i thugs dang mnyam// 'dod pa'i tshogs la yid mi 'jug/ rdzogs pa'i dgongs pa rnam dag la// dus gsum blang dor med par bsam// 'dzin med ting 'dzin skyon las grol// ma g.yos ma bcos nyid du bde// snang ba med pa'i chos nyid ni// ma btsal rang bzo nyid du bde// brjod du med pa'i chos nyid ni// sgra tshig zhen pa'i yul las 'das// zhes gsungs so// ye shes 'khor lo gsang ba'i rgyud las// ting nge 'dzin gyi le'u ste lnga pa'o// // de nas rig pa'i rgyal po yis// rnam dag zhen med kyi spyod pa 'di gsungs so// nam mkha' rdo rje'i spyod pa 'di// spyad bzhin ma

  357. 13a

    chags spyod pa yin// rang bzhin ye shes spyod pa la// sgo gsum bag yangs lhug pa nyid// spyod pa blang dor gnyis med dang // pad+ma 'dam na gnas bzhin du// 'dam gyi skyon gyis gos pa med// sna tshogs snang bar spyod mod kyang // snang ba'i skyon gyis gos pa med// rtsol med rang gnas rtogs pa'i klong // rgyu 'bras ltos pa rtsol pa med// nyi ma'i 'od ltar kun la khyab// khyab gdal lhun grub ye brdal la// zhen med tshul gyis 'jug pa med// kun gsal chos nyid don rtogs pas// rna brgyud sgra la rag ma lus// sku gsum rtogs pa'i 'don ldan na// thugs rje rin chen bzhin du 'byung // rang bzhin gcig las ma g.yos dang // rim rtsol rgyu 'bras theg pa rnams// drang don snyan pa'i thams su bstan// rang byung ye shes rtogs pa'i lha// 'dzab dang brnyen pa bya mi dgos// mtha' dbus med pa'i snying po la// gzung 'dzin 'khrul pa rang grol 'gyur// ye shes 'khor lo gsang ba'i rgyud las// spyod pa bstan pa'i le'u ste drug pa'o// // de nas rig pa'i rgyal po la// rdo rje sems dpas yang gsol pa// rdzogs chen thig le nyag gcig la// yon tan snang tshul ji ltar yin// rig pa'i rgyal po'i bka' brtsal ba// rdzogs chen thig le nyag gcig la// yon tan snang tshul bzhi ru snang // 'gro ba rigs drug snang tshul

  358. 13b

    la// rgyu 'bras blo yi snang tshul dang // rtog pa don gyi snang tshul dang // kun bzang nga yi snang ba'o// rdo rje sems dpas yang zhus pa// rdzogs chen thig le nyag gcig la// yon tan rdzogs tshul bstan du gsol// rig pa'i rgyal pos bka' stsal pa// sna tshogs ma spangs nga yi ngang du rdzogs// chags zhen med pa nga yi ngang du rdzogs// 'khor ba ma spangs nga yi ngang du rdzogs// dogs pa med pas nga la 'das pa med// rgyu 'bras ma spangs pa yi ngang du rdzogs// rtog pa med pas nga las 'das pa med// ces bka' stsal to// yang zhus pa// rdzogs chen thig le nyag gcig la// mtshan gyi rnam grangs ji ltar lags// rig pa'i rgyal pos bka' stsal pa// de bzhin nyid du rdzogs pa'i rdzogs chen dang // lta ba yongs su rdzogs chen dang // rig pa yongs rdzogs pa'i rdzogs chen no// zhes gsungs so// ye shes 'khor lo gsang ba'i rgyu las// yon tan snang tshul gyi le'u ste bdun pa'o// // de nas rdo rje sems dpas// rig pa'i rgyal po la 'di skad ces gsol to// rang snang rnam dag rgyal po khyod// mi 'gyur sku yi bdag gnyis can// mi 'gag gsung gi rol par shar// mi rtog thugs kyis ngo bor shar// sku gsung thugs ldan thugs rje'i bdag/ mos pa'i 'khor tshogs 'dus pa las// gsang ba'i dam tshig bshad du gsol// zhes gsol to// rig

  359. 14a

    pa'i rgyal pos bka' stsal pa// rang snang ldan grub chen po la// bcos ma grangs kyis dam tshig med// rang byung rtsol med dam tshig ni// 'khor ba'i mtsho las sgrol ba'i gru// mi 'gyur rdo rje lta bu la// phyi nang gsang ba'i dam tshig med// ma bcos rang snang dam tshig ni// med pas bya ba gcig pu dang // lhun gyis grub pa'i dam tshig go/ 'dzin pa med pa'i sems nyid ni// bsrung du med pa'i ngang du gdams// bsgrub med rang byung chen po ni// bsrung med dam tshig rang gnas na// phyogs 'dzin med pa'i ngang la gnas// sems nyid rang byung mi 'da' na// dus gsum sangs rgyas thams cad la// dam tshig 'di las yongs mi 'da'// lhun grub dam tshig chen po yin// zhes gsungs so// ye shes 'khor lo gsang ba'i rgyu las// dam tshig gi le'u ste brgyad pa'o// // rig pa'i rgyal pos bka' stsal pa// rang snang rgyal po gang 'dod pa// rang gi sems la btsal bar gyis// theg pa'i bye brag bsam yas dang // rang byung rtogs na gcig las med// nges par rang byung don 'di nyid// sangs rgyas kun gyi rang byung sems// bla ma med pa rtogs gyur na// de nyid rang snang mnyam par lta// gang gis rang byung rtogs pa'i mchog/ rang snang rtsol bral don rnyed na// 'dren pa'i tshig gis mang bshad kyang // sems la yon tan

  360. 14b

    bsam mi khyab// ces gsungs so// rdo rje sems dpas yang zhus pa// rnam rtog 'dzin pa'i 'khrul pa la// gnyen pos sgom du yod med zhus// rig pa'i rgyal pos bka' stsal pa// rnam rtog gnyen por mi rtog sgom// mi rtog 'dod na rtog pa chen po yin// 'dzin pa'i zhen pa grol nas gnyen pos sgom du med// tshe gcig byang chub thob na rgyu 'bras btsal du med// sems ni don dam lam yin pas// bya lam nam mkha' rjes med 'dra// mi gnas rgyun du grag gnas na// rang byung btsal med don chen po// rnam dag don ni ma rtogs na// rtsol sgrub 'dzin pa ci sprad kyang // 'khrul pa blo la zhen pa yis// ji bzhin nam mkha' rang bzhin la// ma 'ongs rang snang kho nar zad rnam rtog rig pa'i rgyal po la// sgro skur spros pa gnyis mi mnga'// zhen pa rang grol nyid kyis grub// gang zhig sems la rtog med na// dus gsum nga yi bka' dang mthun// rang byung rang btsal ma dmigs na// sems nyid dngos por ma grub pas// rang byung ngo bor rtogs pa'o// zhes gsungs so// ye shes 'khor lo gsang ba'i rgyud las// yin tshul bstan pa'i le'u ste dgu pa'o// rig pa'i rgyal pos// rdo rje sems dpa' la rgyu 'bras la zla ba'i don 'di gsungs pa// bdag tu nyes bzung 'dod pa spang // sems la bdag med 'khrul pas bsgribs// phra rab rdul du

  361. 15a

    mthong ba yang // sems la sbrul med phyin ci log/ rten 'brel bcu gnyis 'dod pa yang // rtog med rtog pas phyin ci log/ sems kyi dngos por 'dzin pa yang // sems la dngos med phyin ci log/ gnyis par med pa stong pa'i blo// sems la gzhi med 'dzin pa'i blo// dag pa dang ni gnyis su blta// 'dod pa'i stobs kyi sgrub pa yi// sgrub byed 'bras bu thob pa med// rnam gsum byin rlabs 'dod pa yang // skye med rtsol bas rang byung bslad// thabs dang shes rab lta sa yang // rtsol bas gdams pas rtsol med bcings// dbyings dang ye shes lta ba yang // phyogs 'dzin med pas lhun don 'gal// mi gnas sems kyi rang bzhin ni// phyogs ris med par zhen pa ldog/ bya bral rdzogs pa chen po ni// rang bzhin rtogs pas zhen pa ldog/ dran pa kun spangs ye shes rang bzhin gnas// rang 'dod rang gnas chen po yin// zhes gsungs so// ye shes 'khor lo gsang ba'i rgyud las// theg pa'i bye brag gleng pa'i le'u ste bcu pa'o// // rig pa'i rgyal pos// rdo rje sems dpa' la bka' stsal pa// rang bzhag rang byung chen po la// bag chags 'khrul pa ka nas dag/ 'dzin pa zhes pa'i bya ba btang // sna tshogs blos bzung lta ba yang // rgyu 'bras zhen dang ma tshor yod// btang snyoms lteng ba'i mun pa dang // zhe 'dod yid la

  362. 15b

    byed pa dang // 'brel med nam mkha' lta bu'i don// zhen med rang snang don rtogs pas// zhen pa med pa'i bya ba btang // ye nas rang bzhin dag pa yis// gzhi las 'khrul pa'i bya ba dang // dbang po bzung ba'i yul dag na// dmigs pa rkyen gyi bya ba btang // yin tshul blo yis bya ru med// snang tshul mig gi cir snang yang // rtogs tshul zhen pa med par rtogs// grub pa blo yis bya ba btang // dper na nyi ma'i snying po yang // mun pa gzhin na sa dag cing 'od kyi rang bzhin med// de bzhin rtsol med sangs rgyas don rtogs na// 'khrul pa gzhin na sa dag pa yin// snang ba med dang ldan na kun tu bzang por dag pa yin// dus gsum 'gyur med mnyam bzhag rje thob med par thob// kun tu bzang po nga yi rang bzhin yin// yod ni gcig las med pa las// brgyad khri bzhi stong nga yi spyod yul yin// nges par nga yi rang bzhin ni// sna tshogs nga yi byas pa ste// nga yi rang bzhin byed pa kun las rgyal// ces gsungs so// ye shes 'khor lo gangs pa'i rgyud las// bya ba btang ba'i le'u ste bcu gcig pa'o// de nas rig pa'i rgyal pos// rdo rje sems dpa' la bka' stsal pa// rdzogs chen rang snang chos nyid ni// dgongs pa kun gyi mchog yin pas// gang 'dod rtsol ba sgrub tu med// 'dod pa'i rang bzhin grub 'dod

  363. 16a

    pas// rdo la gser du grub pa'o// gser 'dod rdo la re ba med// zhen pa mchod bde ba yang // zhen med ngo bor zongs pa med// 'dzin pa du ma rang grol na// yang dag rtsol bas sgrub tu med// rtsol med don la gnas pa ni// byang chub lag tu gtod pa yin// spong len med pa'i snang ba rang sol// dbus mtha' ma gzigs rnam par rtog dang bral// ye shes rnam dag lhun grub chen po la// re dogs med pas chos nyid rang la gsal// ye nas lhun grub sangs rgyas mngon gyur na// gang nas kun la sangs rgyas re ba med// sangs rgyas nyid kyis sangs rgyas nyid tshol ba// dper na ri dwags smig sgyu snyeg pa 'dra// des na sangs rgyas re dogs gzhan na med// dbye gsal blang dor med pa'i lung // chos nyid ye nas rnam dag la// 'khor ba'i rnam rtog blang dor yul spangs nas// snang la zhen med gar bder spyod pa'i mchog/ theg chen nam mkha'i dbyings na nyi ma shar// gdul bya gang zag rnams kyis don du snang // don dam ngang la 'dul dang mi 'dul med// rig pa'i rgyal po ye shes nyi zer ni// mtha' yas sems can thams cad la// snang gsal sgron ma rtogs par shog/ ye shes 'khor lo gsang ba'i rgyu las// rtsol bral thugs rje'i le'u ste bcu gnyis pa'o// // de nas rig pa'i rgyal pos// rdo rje

  364. 16b

    sems dpa' la bka' stsal pa// rang snang rig pa'i ye shes la// ma rtogs bdud kyi spyod yul ni// stong pa byang chub lta ba'i bdud// had po bogs med sgom pa'i bdud// rtog med rang dga' spyod pa'i bdud// thug med 'dod pa 'bras bu'i bdud// phra mos chog shes thos pa'i bdud// 'du 'dzi longs spyod g.yeng ba'i bdud// grub mtha' log pa chos kyi bdud/ mi thub dam bca' dam tshig bdud// rim pa bskyod pa dbang gi bdud// rtsol bas brin pa 'phrin las 'did// bar dor snang ba 'od kyi bdud// grags pa brgyad po dgra yi bdud// rnam rtogs 'phrin po nyid kyis bdud// kha shags don la bred pa'i bdud// mkhas pa mdo med shes rab bdud// rtog 'dzin zhes pa bag chags bdud// rang rig 'khrul par snang ba yi snang ba sna tshogs 'khrul pa'i bdud// thams cad bdud snang shes tsam na/ bdud las nges par grol ba yin// ma rtogs pa ni bdud yin te// rtogs na bdud kyi rtsi ru 'gyur// dug la sman du shes pa bzhin// de las gzhan du shes mi 'gyur// ye shes 'khor lo gsang ba'i rgyud las// bdud kyi le'u ste bcu gsum pa'o// // de nas rig pa'i rgyal bka' rtsal pa// lta ba bdag tu 'dzin pas gol// nga yis rang bzhin bcu po las// gol sa sgrib pa drug drug bcu// sum brgya drug cu phrag yas so// rdzogs

  365. 17a

    pa chen po @#// sa gcig pa// gang gis de rtogs de yi sras// lam ni rnam pa lnga dag kyang // sa bcu bgrod pas gol ba'i lam// gdod nas ma skyes snying po la// tha tshig ming du btags pas gol// rang bzhin lhun grub chen po la// 'phrin las rnam bzhi dod nas rdzogs/ bag chags rmi lam bsdu brid dang // rigs drug gzugs sgra'i bsdu brid dang // 'dod yon 'tsho ba'i bsdu brid dang // 'drin pa'i thabs dgu dang la rdzogs// bag chag nyid 'tshams sbyar ba dang // sems nyid nying 'tshams sbyar ba dang // phung po nyid 'tshams sbyor ba gsum// nga yi rang bzhin rnams gsum yin// nga yi rang snang chen po rgyud// theg pa kun gyi la zlo ba// chos rnams mdangs skyel ba yi// ye shes 'khor lo gsang ba 'di// 'khor gyi nang na dam pa ste// rdo rje sems dpa' khyod pa gtad// khyod ni mi nu stobs dang ldan// nga las mi gzhan 'khor yin pas// thugs kyi dkyil du mnyam par zhog/ thugs rje'i gser ka phyogs bcur 'char// lan cig snyigs ma lnga dus na// nyi zla bzhin du dar bar shog/ nam mkha' khyab pa'i 'jig rten du// sgron ma bzhin du rgyas par shog/ 'khor ba ldongs pa'i mun pa rnams// ye shes 'od kyis gang bar shog/ rgyud drug 'khrul pa'i sems can rnams// sangs rgyas sa la grol bar shog/ ces gsungs so// ye

  366. 17b

    shes 'khor lo gsang ba snying po don gyi rgyu las// rgyud kyi gtad rgya bstan pa'i le'u ste bcu bzhi pa'o// / ye shes 'khor lo gsang ba'i snying po don gyi rgyud ces bya ba// la zlo ba chen po man ngag gi rgyab rtan rdzogs so// sems phyogs kyi stan brgyud oM thi// / rgya gar skad du// tri kA ya bany+tsa dz+nyA na tan tra many+dzu shrI dz+nyA na a laM sa ma ti nA ma// @#// bod skad du// sku gsum ye shes lnga ldan gyi rgyu 'jam dpal ye shes rgyan gyi dgongs pa zhes bya ba// 'jam dpal ye shes kyi sku bde ba chen po lhun gyis grub pa la phyag 'tshal lo// 'di skad bdag gis thos pa'i dus gcig na// bcom ldan 'das thugs rje chen po dang ldan pa de// lcang lo can gyi gnas ri bo chen po de na// rdo rje rnam 'byor ma lnga dang thams cig tu bzhugs so// de'i tshe sems dpa' chen po gsang ba'i bdag pos 'di skad ces gsol to// kye kye bcom ldan 'das thugs rje dang thabs su ldan pa// bdag cag rdo rje mkha' 'gro ma dang bcas pa la// sku gsum ye shes lnga'i don bshad du gsol// zhes zhus so// de nas bcom ldan 'das kyis bka' stsal pa// gsang ba'i bdag po nyon cig/ sku gsum ye shes lnga'i dgongs pa don phyin ci ma log pa 'di// mkha' 'gro ma lnga la bshad par bya'o// sku gsum ye shes lnga'i rgyud 'jam dpal ye shes rgyan gyi dgongs pa las// gleng

  367. 18a

    gzhi'i le'u ste dang @#/ po'o// // de nas yang gsang ba'i bdag pos 'di skad ces gsol to// kye kye thugs rje chen po// chos sku rin po che lta bu bshad du gsol zhes zhus so// bcom ldan 'das kyis bka' stsal pa// rigs kyi bu go bar dka' ba'i tshig 'di yid la zung zhig/ d+harma ka ya rat+na ma la A// snang ba chen po gsal ba che// dag pa'i nam mkha' mtha' dang bral// spros bral chos nyid 'gyur ba med// mtha' dang dbus med phyogs cha kun dang bral// rang snang chos dbyings dag pa'i zhing // dang po'i sangs rgyas rgyu med pas// sangs rgyas thog ma tha ma med// stong pa ye shes snying po can// mtha' la mi gnas rdo rje'i sgra// ye shes mig gcig dri ma med// nor bu chen po rin chen rtog/ spros dang bral ba'i chos nyid la// gzung 'dzin bral ba'i rig pa gsal// ngo bo rang bzhin thugs rje'i bdag/ ye nas sku gsum 'od du gsal// rang bzhin lhun gyis grub pa'o// zhes sku gsum ye shes lnga'i rgyud// 'jam dpal ye shes rgyan gyi dgongs pa las// chos sku'i gnas lugs bstan pa'i le'u ste gnyis pa'o// // de nas yang gsang ba'i bdag pos zhus pa// kye kye bcom ldan rdo rje 'chang // longs sku'i snang ba ji ltar shar// bdag cag rnams la bshad du gsol// zhes zhus so// bcom ldan 'das

  368. 18b

    kyis bka' stsal pa// chos sku rnams dag dbyer med kyang // ye shes sku ste rang byung ba// sangs rgyas sku lnga'i bdag nyid can// mtshan nyid so so'i tshul 'dzin pa// shes rab stobs bcu ye shes sku// bzhi bcu rtsa gnyis mtshan 'chang ba// sku gcig kun tu khyab pa'i sku// 'byung ba'i thig le 'od du gsal// kha dog lnga yi bdag nyid can// rigs lnga'i sangs rgyas yum dang bcas// mtshan nyid 'dzin pa'i tshom bu lnga// chos nyid mkha' la 'od gsal ba// gsal 'tsher lhun sdug gzi brjid 'bar// gsal dang dro dang bsil ba dang // yang dang khyab pa'i bdag nyid can// rnam rtog mi mnga' cir yang sa le mkhyen// mngon shes drug ldan chos kyi spyan// yi ge drug pa rdo rje'i sgra// sa yi snying po 'gro ba 'dzin// mkha' la nyi shar mun pa sel// bya btsal med pa'i ngang du skyel// sarba ta thA ga ta ku la pany+tsa maN+Dal la d+hA tu// zhes sku gsum ye shes lnga'i rgyud// 'jam dpal ye shes rgyan gyi dgongs pa las// longs sku'i grub tshul bstan pa'i le'u ste gsum pa'o// de nas gsang ba'i bdag pos zhus pa// kye kye bcom ldan thugs rje can// sbrul sku snang ba ji ltar grub// sprul pa'i sku nyid ji ltar shar// bdag cag rnams la bshad du gsol// zhes zhus so// bcom ldan 'das kyis bka' stsal pa// ye shes lnga yi mtshan nyid las// 'byung ba'i dwangs ma 'od du

  369. 19a

    gsal// de yi snang ba#snod du grub// snyigs ma'i 'byung ba zhes su grags// mkha' la rlung brten de la chu yi phung po'i brten// de las sa chen po 'di brten srid pa'i sgo nga grub// rkyen rnams tshogs nas las kyi 'khrul 'khor rab tu 'byung // sna tshogs gzugs can yid las skyes// sbrul sku'i zhing khams so sor gsal// ma rigs 'khrul 'khor 'di la zad cing 'bri ba med// sangs rgyas 'gro ba'i tshul 'dzin pa// dpal ldan sangs rgyas pad+ma skyes// sprul pa'i 'khor lo sna tshogs 'chad// bsod nams tshogs dang ye shes lnga ldan drug/ 'dul ba'i phyag mtshan so sor tha dad snang // kun tu bzang po blo gros bzang // dngos po kun gyi rang bzhin 'dzin// rnam grol gsum la mkhas pa'o// skye med chos te sna tshogs ston// mgon po sems can kun gyi mchog/ sems can thams cad rab sgrol byed// rgya mtshor chu bran 'du ba bzhin// thams cad rang sar dbyer med thim// a hriM ma yang d+ha du ma la a seng // zhes sku gsum ye shes snga'i rgyu 'jam dpal ye shes rgyan gyi dgongs pa las// sbrul sku'i snang ba shar tshul bstan pa'i le'u ste bzhi pa'o// // de nas yang gsang ba'i bdag pos mkhyen bzhin du zhus pa// kye bcom ldan 'das thugs rje dang thabs su ldan pa// sku gsum snang ba bshad pa legs// ye shes lnga rnams bshad

  370. 19b

    du gsol// ces zhus so// bcom ldan 'das kyis bka' stsal pa// ye yis shes pa gcig yin kyang // mtshan nyid rnam pa lnga dang ldan// nga la rang bzhin med pas na// chos dbyings ye shes lhun gyis grub// la yon tan mi 'gag pas// me long ye shes lhun gyis grub// nga la skye 'gag med pas na/ mnyam nyid ye shes lhun gyis grub// nga yi shes rab spyod pas na// so sor rtogs pa'i ye shes yin// nga la thog pa med pas na// bya ba grub pa'i ye shes yin// stong pa ye shes rtsal snang ba// mtshan nyid 'dzin pa'i ye shes lnga// rig pa'i klong nas 'od gsal pa// dkar dang dmar dang ser dang ldang // mthing kha rnam par ye nas grub// snang la dngos med me long bzugs brnyan 'dra// nam mkha' me long chu bo dang // spu gri so dang rlung bzhin no// sarba dz+nyA pany+tsa ka la d+ha tu a// zhes sku gsum ye shes lnga'i rgyud// 'jam dpal ye shes rgyan gyi dgongs pa las// ye shes lnga'i 'dug tshul bstan pa'i le'u ste lnga pa'o// // de nas yang gsang ba'i bdag pos mkhyen bzhin du zhus pa// kye bcom ldan 'das kun tu bzang // sku gsum ye shes lnga yi bdag po de// bag chags sbubs ji ji ltar gnas// bdag cag rnams la legs par gsungs// zhes zhus so// de nas bcom ldan bdas kyis bka' stsal pa// gsang ba'i bdag pos zhus pa

  371. 20a

    legs// thugs rje rtsal gyi 'char lugs dang // srid pa bzhi yi 'dzin lugs dang // sdang byed lus kyi 'chag lugs dang // gso byed bcud kyi 'chag lugs bzhis// dngos po gdos pa can 'di grub// sprul pa'i sku ru snang ru snang ba'o// de la ji ltar gnas she na// zla ba'i gdan la nyi ma'i dbu rgyan can// rin chen gur phub zur gsum re thag bzhi// rtog med rig pa chos kyi sku// ye shes lnga yi gzhal yas na// longs spyod rdzogs pa'i sku ru bzhugs// thugs rje 'od kyi kun tu khyab// rtags kyi sgron ma sprul pa'i sku// mchog gi dang po sku gsum 'chang // rnam par rtog med lhun gyis grub// bsam gtan chen po'i ting 'dzin gnas// ye shes bzhi yis bdag gnyid can// khyung phrug sgo nga'i tshul du gnas// ma rig sgo lnga'i sbubs 'byed pa// ngo bo gnas dang lam dang sgo// skyon dang yon tan rnams kyis dbye// don gsum ze tshom med pa'i blo sa// rang gi mtshan nyid nyams la sbyar// dus bzhi mnyam sbyor dgongs pa ni// ngang dang rang bzhin bdag nyid chen pa'i don la bzhag/ ces sku gsum ye shes lnga'i rgyud// 'jam dpal ye shes rgyan gyi dgongs pa las// bag chags sbubs bstan pa'i le'u ste drug pa'o// de nas yang gsang ba'i bdag po'i zhus pa// kye kye bcom ldan mkhyen gsal rig/ sprul pa'i sku yi zhing khams

  372. 20b

    nas// longs sku'i zhing du ji ltar grol/ bdag rnams la gsung du gsol// zhes zhus so// de nas yang gsung pas srid pa'i sgom pa las rgal ba// skad cig thams cad bye brag phyed// grol ba thar pa rnam grol lus// 'jug dang snang dang shes rab grol// don gyi ngo la gnas pa dang // 'gag dang skye dang gnas dang shes// thugs rje 'byung dang rang sar gshegs// yul gyi mtshan ma rnam shes nyid las grol// shes pa lnga ni 'od zer lnga la 'du// 'od zer lnga po rig kyi sku la 'du// sku lnga ye shes lnga yi ngang du grol// ye shes lnga nyid mtshon gyi drug bu bzhin// bzhi po rim bzhi gcig gis skyod pa yis// gnas dang lam du byung ste/ sgo ru 'thon// de yi snang ba rim min cig car 'char// skye ba rim skye shes pa thad kar chod// longs sku 'od gsal thugs rje sbrul sku 'byung // sku yi 'od dang gsung gi zer// rnam grol zhi ba zhi ba nyid// ces sku gsum ye shes lnga'i rgyud// 'jam dpal ye shes rgyan gyi dgongs pa las// grol tshul bstan pa'i le'u ste bdun pa'o// // de nas yang zhus pa// kye kye bcom ldan 'das mtha' las 'das// longs sku'i zhing nas chos skur ji ltar grol// bdag cag rnams la bshad du gsol// bcom ldan 'das kyis bka' stsal pa// nam mkha' las byung rang byung ba// shes rab ye shes mi bo che// gzi brjid phung po lta na

  373. 21a

    sdug/ longs spyod rdzogs sku kun gyis rgyal// mya ngan 'das pa mya ngan 'das// legs par mya ngan 'das dang nye// bde sdug gsal nas mthar gyur pa// mi mngon mi snang gsal byed min// mi 'gyur kun 'gro khyab pa po// kye sems dpa' chen po// ye shes rlung gi shes rab mkha' la 'degs// snyigs ma lnga po dwangs ma'i ngang du grol dwangs ma lnga po rang rang ma la gnas// shes rab spyan gsum rnam par dag/ ma rmugs gsal ba'i rtogs mtha' bral// rang rig ye shes yin pa la// bag chags lus kyi rtog pa med// rdo rje zla ba dri med 'od// 'byed pa med pa'i shes rab gsal// rnam par dag pa bdag med chos// sdug bsngal gsum gyi sdug sngal zhi// yang dag mtha' la rnam par gnas// chos sku chos nyid dbyer med pa// ye shes spyan ni longs skur gsal// srog med sku lnga sbrul skur gnas// dbyer med shes rab dang la gsal// ces sku gsum ye shes lnga'i rgyud// 'jal dpal ye shes rgyan gyi dgongs pa las// chos sku'i ngang du gzugs sku gnyis grol ba'i le'u ste brgyad pa'o// // gsang ba'i bdag pos yang zhus pa// bcom ldan mgon po 'du 'bral med// yul sbubs gzags can grol ba bzhi// gcig las gcig rdzogs bdag cag rnams la shod// ces zhus so// bcom ldan 'das kyis bka' stsal

  374. 21b

    pa// ma rtogs 'khrul pa'i snang ba yin// rigs ma 'byung ba lnga yi ngo bos stong // drangs ma lnga po 'od gsal pa// chos nyid snang ba de las med// rang las snang zhing rang bzhin med// rang snang rnam par dag pa yin// nyon mongs las grub gdos pa can// ma rtogs bag chags sbubs su bshad// de nyid stong zhing ye shes gsal// bzhi bcu rtsa gnyis lhun gyis grub// bum pa nang gi mar me bzhin// 'od kyis sbubs su nga yis bshad// byung yang rig pa rang las byung // thim yang rig pa'i ngang du thim// gnas kyang rig pa'i ngang du gnas// chos sku phyin nang mdun rgyab med// rin chen sbubs su nga yis bshad// so sor rtogs pa'i shes rab kyis// gcod pas shes rab spyan zhes bya// phyi nang chos kyi don rtogs pa// chos kyi spyan na so sor gsal// de dag stong zhing ye shes gsal// 'gyur ba med pa'i ngang gnas// ye shes spyan du nga yis bshad// sems kyi rtogs pa chod pa ni// blo yis mtha' las grol ba yis// 'khrul pa'i snang ba ngo bos stong // ma grub mi gnas dag pas na// 'khor ba'i mtha' las grol ba yin// gzung 'dzin mi gnas gnyis med mya ngan 'das// chos kyi mtha' las grol ba yin// zhes sku gsum ye shes lnga'i rgyud// 'jam dpal ye shes rgyan gyi dgongs pa las// yul sbubs gzigs can grol ba bzhin nyid du bstan

  375. 22a

    pa'i le'u ste dgu pa'o// // de nas mkha' 'gro ma zhe sdang rdo rje ma dang // nga rgyal rdo rje ma dang // 'dod chags rdo rje ma dang // phrag dog rdo rje ma dang // gti mug rdo rje ma dang lnga dgyes nas 'di skad ces brjod do// e ma ho bde gshegs bcom ldan 'das// snying po don gyi rgyud gsungs// snod kyi 'jig rten dbyings su grol// sems kyi rtogs pa chos skur grol// dug gsum sku gsum ngang du grol// dug lnga'i ngo bo ye shes lnga ru grol// bdag cag mkha' 'gro rnams kyang // mi gnas pa'i ye shes kyi ngang du mchi'o// e ma ho gsang ba rmad du byung ba'i chos// ma spangs ma sbyangs ma bsgyur bar// bde chen ngang la gnas pa ngo mtshar che// thabs mkhas thugs rje'i bdag po khyod la 'dud// ces brjod nas// mkha' 'gro ma mi rtogs pa'i ngang du gshegs so// ston pa rdo rje sems dpas bstan// zhu ba po phyag na rdo rje zhus// nyan pa po mkha' 'gro ma lngas mnyan// sbas pa po me ri 'bar ba'i kha la sbas so// de bzhin gshegs pa gser 'od dam pas// ro langs bde ba la lung bstan te mjug bsdus so// sku gsum ye shes lnga'i rgyud// 'jam dpal ye shes rgyan gyi dgongs pa las// rjes su yi rang ba'i le'u ste bcu pa'o// // sku gsul ye shes lnga ldan gyi rgyud 'jam dpal ye shes rgyan gyi dgongs pa zhes bya ba rdzogs

  376. 22b

    so// // @#// rgya gar skad du// ma Ni ran+ta tan tra// bod skad du// nor bu rin po che'i rgyud// dpal yid bzhin lhun grub kyi rgyal po la phyag 'tshal lo// ston pa rdo rje sems dpa' yis// gnas ni chos dbyings pho brang du// 'khor gyi ro langs bde ba la// dbyer med dus mnyam rang gsal dus// rin chen 'bar ba'i bstan pa shar// ces gsungs so// nor bu rin po che'i rgyud las// phun su 'tshogs pa'i ngo sprad pa'i le'u ste dang po'o// // 'khor gyi ro langs chen po yis// ston pa rdo rje sems dpa' la// rin po che yi dbye ba dang // thig le snang bar dbye ba dang // rig pa snang bar dbye ba dang // rang gi 'dug tshugs bstan du gsol// zhes bzhus so// ston pa rdo rje sems dpa' yis// zhus pa'i don 'di shin tu legs// ngas gsungs pa la ma bkag par// khyod ni shes rab rtse gcig nyon// zhes gsungs so// zhus pa dang lan gyi le'u ste gnyis pa'o// // de nas rdo rje sems dpas bka' stsal pa// nor bu rin po che dang man shel rin po che// nor bu rin po che ni klu chen po brgyad la yod// nor bu rin po che bsam 'phel ni longs sku la yod// yid bzhin gyi nor bu rin po che ni sbrul sku la yod// nor bu rin po che bsam grub ni chos sku la yod// nor bu rin po che bsam 'phel ni spyis na

  377. 23a

    yod// nor bu rin po che lnga po de dag ni nang ltar du bstan pa'o// rin po che brgya ni lha'i dbang po brgya byin la yod// rin po che in+d+ra nI la ni byang chub sems dpa' la yod// nor bu rin po che mching bu ni u rgyan na yod// nor bu rin che bkrun ma ni rgya bod kyi mtshams na yod// nor bu chu dwangs ni bod na skal ldan la yod// de rnams nang du bstan pa'o// nor bu rin po che yongs su grub pa dang // nor bu rin po che bsam 'das dang // nor bu rin che snang gsal dang // nor bu 'phrul gsal dang // 'dod pa grub pa'i rin po che ni gsang bar bstan pa'o// rdo rje sems dpas nor bu rin po che'i rgyud dbye bstan pa'i le'u ste gsum pa'o// // de nas yang rdo rje sems dpa' bka' stsal pa// ro langs chen po khyod nyon cig/ rin chen man shel bstan pa ni// rin po che rdo rje shel ni gangs dang g.ya'i mtshams na gnas so// rin po che chu shel dang me shel ni 'byung ba'i bcud la gnas so// rin po che mtshon shel ni rgya mtsho'i gting gi 'dam la gnas so// rin po man shel ni kun tu bzang po'i thugs ka na gnas so// de rnams ni phyi ltar bshad pa'o// rin po che rdo shel ni sde snod gsum mo// me shel dang chu shel ni yo ga gsum mo// rin po che mtshon shel ni// ma hA na sems phyogs gsum du ngo spras do// rin po che man shel

  378. 23b

    ni// kun tu bzang pa'i dgongs par ngo sprad do// de rnams ni nang ltar bshad pa'o// rang gis rang la ma ltas te// rag grol ba'i rin po che rig pa'i ye shes su ngo sprad do// rang grol rang byung lhun grub kyi nor bu ni// rang byung ye shes su ngo sprad do// gang la yang mi ltos te yid bzhin du grub pa'i nor bu ni// rang rig pa'i ye shes su ngo sprad do// yongs su grub pa'i nor bu rin po che ni// rnam pa thams cad mkhyen pa'i ye shes su ngo sprad do// nor bu rin po che snang byed ni// thams cad mkhyen pa'i ye shes zang thal du ngo sprad do// zhes gsungs so// rdo rje sems dpas mi yi byang chub sems dpa' la// man shel la ngo sprad rnam pa bstan pa'i le'u ste bzhi pa'o// // de nas yang rdo rje sems dpas bka' stsal pa// thig le nyag gcig bstan pa ni// ngo bo rtsal dang las dang gsum// ngo bo thabs cad mkhyen pa'i ye shes so// rtsa ni ye shes chen po yin// las ni rang grol nyag gcig go/ snang ba chen po thig le'i rtsal// 'gyur ba med pa'i shes rab dang // 'gag pa med pa'i shes rab dang // bdag 'dzin med pa'i shes rab bo// shes rab gsum la ngo sprad pas// da lta nyid du zad thal yin// zhes gsung so// nor bu rin po che'i rgyud las// thig le dang snang ba ngo sprad pa'i le'u ste lnga pa'o// // de nas rdo rje sems dpa' bka' stsal pa// rang rig ngo bo

  379. 24a

    'du tshul las dang gsum// ngo bo rang rig rang gsal lo// 'dug tshugs rang bzhin med pa'o// las ni shes rab rnam gsum mo// thog pa med pa'i shes rab dang // rgyun gyi btegs pa'i shes rab dang // shes rab zang thal rnam gsum mo// shes rab gsum la ngo sprad pas// rig pa ye shes chen po grol// zhes gsungs so// nor bu rin po che'i rgyud las// rig pa'i ngo sprad pa'i le'u ste drug pa'o// rdo rje sems dpas bka' rtsal pa// nyon cig 'phro ba kun gyi mgon// rig pa'i snang ba bstan pa ni// ye shes lnga dang sku lnga dang lha sgom spyod pa 'bras bu dang // tshul khrims sdom pa dam tshig dang // 'jug sgo la sogs grub pa'i 'bras bu rnams// yang dag don dang mthun pa med// 'og ma kri phyir bstan pa yin// lnga dang bzhi dang gsum du 'dod pa rnams// rgyu lam 'bras bu dza log pas// ri dwags smig sgyu rnyeg pa 'dra// dper na rnal 'byor kha T+wAM kas/ mig gcig la ni rgyab na ni// rma bug gsum du 'byung ba las// rma gcig 'byung bar ga la 'gyur// de bzhin thig le nyag gcig la// lha sgom spyod pa 'ching ba'i rgyu// ni lam gyi gol sa yin// sku lnga ye shes lnga 'dod pa// de ni 'bras bras bu'i gol sa yin// kun gzhi chos skur 'dod pa ni// de ni gzhi yi gol sa yin// gcig po 'di ltar shes par gyis// rig pa'i ye shes

  380. 24b

    rang grol la// shes rab zang thal rang gsal ba// dang po 'jug pa'i sgo med pas// mtshan ma'i lam du de mi gol// bar du lnga gsum mi 'dod pas// 'bras bu re dogs nga mi gol thig le nyag gcig rig pa la// sa dang lam la bgrod med pas// theg pa rim dgur nga mi gol// tha ma nyag gcig rang yin pas// skyon yon gnyis la rbad kham thong // zhes gsungs so// nor bu rin po che'i rgyu las// rang rig pa'i snang ba dang thig le nyag gcig la ngo sprad pa'i le'u ste bdun pa'o// // rdo rje sems dpas bka' stsal pa// byang chub sems dpa' nyon cig/ rang gi 'dug tshul bstan pa ni// nga ni rdo rje sems dpa' ste// me tog pad+ma'i 'dab ma las// nga nyid rdzus te longs skur skyes// yar la chos sku'i zhing khams gsal// mar la khams gsum ma lus gsal// thugs khar bud+d+ha zhi gnyis gsal// thams cad nga las byung yin// thams cad nga las skyes pa yin// nga med pa yi sngon rol na// chos sku bya ba'i ming yang med// ces gsungs so// nor bu rin po che'i rgyud las rdo rje sems dpa' ngo sprad pa'i le'u ste brgyad pa'o// / de nas kun tu bzang po'i rang gi 'dug tshugs bstan pa ni// ha har nga ni kun tu bzang po yin// spyan la ye shes zang thal gsal// snyan na 'gro drug 'khor lo gsal// ljags la longs sku'i zhing khams

  381. 25a

    gsal// thugs la thil le nyag gcig gsal// thams cad nga yi snang ba yin// thams cad nga yi rol pa yin// thams cad nga yi 'dug tshugs yin// thams cad dbyed med nga yi sku// thams cad 'gag med nga yi gsung // thams cad zad thal nga yi thugs// gnyis snang med pa'i shes rab 'chang // ha ha sarba yo gi ni a sing gu h+ya sa ma ya s+t+waM// zhes gsungs so// nor bu rin po che'i rgyud las// kun tu bzang po'i ngo sprod kyi le'u ste dgu pa'o// // de nas mi'i byang chub sems dpa' dga' rab rdo rjes// rang gi 'dug tshugs gsal btab pa// e ma ho e ma ho 'dus pa'i tshogs// tsit+ta'i dkyil 'khor chen po na// ye shes zang thal chen po gnas// lha sgom spyod pas ci bgyir mchis// ljags la rig pa'i ye shes gnas// ye shes lnga yis ci bgyir mchis// snyan la rang grol ye shes gnas// thos bsam sgom gsum ci bgyir mchis// mig la lhun grub ye shes gnas// ye shes lnga yis ci bgyir mchis// sna la thig le zang thal gnas// sku gsum sku lngar ci dgyir mchis// lus la thams cad mkhyen pa gnas// tha snyad tshig gis ci bgyir mchis// yid ma rang byung ye shes gnas// bla ma'i rgyud pas ci bgyir mchis// thams cad nga la bsten pa yin// nga med pa yi sngon rol na// sgra 'gyur bya ba'i

  382. 25b

    ming yang med// nga med pa yi sngon rol na// sngags 'gyur bya ba ming yang med// nga med pa sngon rol na// brda 'gyur bya ba'i ming yang med// nga ni rang 'gyur rang gdangs rang snang ba'o// dngos med dngos su snang bas dza log go/ 'dug tshugs gnyis su snang bas dza lo go/ 'bras bur rang chas yin bzhin du// btsal bya rtsol ba byed pas dza log go/ bsgrubs pas ma byung shes pas grol// btsam pas ma byung mthong bas gro la// bsgyur bas ma byung rig pas grol// sbyangs pas ma byung bskul bas grol// bkag pas ma byung shar bas grol// e ma ho// d+harma sarba a a ma la ma ma la// hUM hUM hUM// zhes gsungs so// // nor bu rin po che'i rgyud las// dga' rab rdo rje la ngo sprod kyi le'u ste bcu pa'o// // kun bzang rdo rje sems dpa' yis// dga' rab rdo rje la gdams pas// rjes su yi rang ngo // rdzogs so//

  383. 26a

    rgya gar skad du// ma Ni rat+na sa du ma le tan tra// bod skad du// nor bu rin po che 'od 'bar ba'i rgyud// dpal rdo rje sems dpa' la phyag 'tshal lo// ston pa rdo rje sems dpa' yis// chos nyid skye med pho brang du// 'khor gyi ro langs bde ba la// dus mnyam thig le dbyer med du// chos nyid 'od gsal bstan pa'o// nor bu 'od 'bar ba'i rgyud las// phun sum tshogs pa'i le'u ste dang po'o// // kye ho gsang ba'i mnga' bdag khyod// chos rnams spyi dang rang gi mtshan nyid de// ye shes dbye ba mdzad du gsol// zhes zhus so// gsang ba'i mnga' bdag chen po des// tshig bshad 'di rnams zhal nas thon// kye ho ngas gsungs pa la sems dpa' nyon// spyi yi ye shes rang gi mtshan nyid dang // ting 'dzin drug dang me long drug/ bar do drug dang ngo spyod drug/ snang ba drug dang srid pa drug/ sems dang ye shes dbye ba drug/ yi ge drug dang sgra 'gyur dang // brda 'gyur drug dang sbyar la bshad// ces gsungs so// zhus pa dang len gyi le'u ste gnyis pa'o// // rdo rje sems dpa' bka' stsal pa// mi yi byang chub sems dpa' nyon// ye shes dbye ba 'di lta ste// chos dbyings me long ye shes dang // mnyam nyid kun rtog ye shes dang // bya ba nan tan ngo bo nyid dang drug/ de ni spyi yi bye brag go/ spyi yi gtan la

  384. 26b

    phebs mi srid// rang gi mtshan nyid 'di lta ste// snying po nyid dang rang byung ye shes dang // rig pa'i ye shes rang gis rang rig dang // rnam mkhyen thams cad mkhyen pa'i ye shes dang // des ni thig les gtan la dbab// gsang ba'i ye shes de las grol// zang thal chen po'i ye shes so// ye shes zang thal nyag gcig la// drug tu 'dod pas don mi mthong // ye shes mig gcig dri med du// mgon po nga yis bshad pa yin// ces gsungs so// rin po che'i 'od 'bar ba'i rgyu las ye shes la bzlas pa'i le'u ste gsum pa'o// // 'gro ba'i mgon pos bka' stsal pa// mi yi bo d+hi sa twa nyon// ting 'dzin drug pa'i don bstan pa// kun tu mi 'gag snang ba la// ngo spyod chen po'i ting 'dzin dang // sgom pa yengs sa med pa yis// khyung chen rang 'bar ting 'dzin dang // shes rab thobs pa med pa yi// seng ge lta bu'i ting 'dzin/ dang // chos sku zhe la 'dod med pa'i// rin chen rang 'bar ting 'dzin dang // ye shes zang thal rang gnas pas// ye shes rang 'bar ting 'dzin no// mgon po nga yi ting 'dzin yin// zhes gsungs so// rin po che 'od 'bar ba'i rgyud las// ting nge 'dzin rang la ngo spyod pa'i le'u ste bzhi pa'o// // cang shes mgon pos bka' stsal pa// mi yi sgyu ma'i sprul ba nyon// me long drug gi don bstan no// chos nyid gsal

  385. 27a

    ba'i me long du// 'gro drug sprul pa'i ngo sprod bstan// chos dbyings rnam dag me long du// longs spyod rdzogs sku'i ngo sprod bstan// ye shes gsal ba'i me long du// chos kyi sku yi ngo sprod bstan// thams cad gsal ba'i me long du// dus bzhi mnyam sbyor ngo spyod bstan// lhun grub chos sku'i me long du// ye shes rang rkyen ngo sprod bstan// ye shes rang gnas me long du// sna tshogs rol pa'i ngo sprod bstan// cang shes mgon pa'i me long yin// rin po che 'od 'bar ba'i rgyud las// me long drug pa sprod pa'i le'u ste lnga pa'o// // mkhyen pa'i rgyal pos bka' stsal pa// mi yi skyes bu khyod nyon cig/ kun gzhi drug gi don bstan na// gdod nas snang ba'i kun gzhi ni// chos nyid thig ler ngo sprod do// 'khrul pa lam gyi kun gzhi ni// ye shes thig le ngo sprad do// ye shes lhun grub kun gzhi de// lhun grub thig le ngo sprad do// mkhyen pa'i rgyal po kun gzhi yin// zhes gsungs so// rin po che 'od 'bar ba'i rgyud las// kun gzhi drug la ngo sprad pa'i le'u ste drug pa'o// longs sku skyes bus bka' stsal pa// 'dod pa med pa'i sems dpa' nyon// phung po drug gi don bstan no// bag chags gzugs kyi phung po las// tshogs brgyad lhug pa'i ngo sprod gyis// rmi lam sgyu lus phung po la// 'gyur ba ye shes ngo spyod gyis// ting 'dzin/

  386. 27b

    nyams myong phung po la/ 'dzin pa'i ngang la ngo sprod kyis// phyi nas ye shes phung po la// ye shes rdung chen ngo sprod kyis// chos nyid 'ong gsal sgyu lus phung po la// rgyas gdab a yi ngo sprod gyis// srid pa sngon blangs yid kyi phung po la// 'gag med rlung gi ngo spyod gyis// skyes bu nga yi phung po yin// ces gsungs so// rin po che 'od 'bar ba'i rgyud las// phung po drug la ngo sprad pa'i le'u ste bdun pa'o// // skyel bu dam pas bka' stsal pa// las kyis sems dpa' khyod nyon cig/ bar do drug gi don bstan no// rang bzhin par do zhes bya ba// snang ba gzugs la rten pa 'di// thig le gcig tu ngo sprad do// ting 'dzin par do zhes bya ba// yengs pa med par ngo sprad do// skye shi bar do zhes bya ba// gnyis snang med par ngo sprad do// skad cig par do zhes bya ba// zang thal chen po'i ngo sprad do// chos nyid bar do zhes bya ba// rang snang chen por ngo sprad do// srid pa'i bar do zhes bya ba// rgyu rkyen med par ngo sprad do// gnyen po med par ngo sprad do// skyes bu nga yi bar do yin// zhes gsungs so// bar do drug la ngo spyod drug bstan pa'i le'u ste brgyad pa'o// // chos kyi bdag pos bka' stsal pa// 'gro ba 'dul byed legs par nyon// snang ba drug drug gi don bstan no// sems kyi snang ba rnam gnyis te// bzang

  387. 28a

    snang ngan snang gnyis su snang // snang ba med par ngo sprad do// shes rab snang ba gnyis yin te// phyi sprod snang dang nang spyod snang // rig pa'i snang ba gnyis nyid de// bdag rig snang dang gzhan rig snang // lha sgom spyod pa 'bras bu ni// ye shes chen po'i snang ba'o// chos kyi sku dang longs sku snang // ye shes rang snang yin// snang ba med par ngo sprad do// dang po srid pa lhun grub srid// stong ra chen por ngo sprod do// bar du srid pa rang rtsal srid// skye med stong par ngo sprad do// 'gro drug srid pa 'gag med srid// rol pa chen por ngo sprad do// drang don nges don gnyis su srid// thig le gcig tu ngo sprad do// 'khor ba myang 'das gnyis su srid// gnyis sna med par ngo sprad do// tha ma 'bras bu 'dod srid// zang thal chen por ngo sprad do// chos kyi bdag po'i snang srid yin// ces gsungs so// rin po che 'od 'bar ba'i rgyud las// snang srid ngo spyod kyi le'u ste dgu pa'o// // sems nyid bdag pos bka' stsal pa// nyon cig sems dag skyes bu khyod// sems kyi ngo bo ma rig pa// rtsal ni gnyis 'dzin mi 'gag ma// las ni 'ga' mi 'ga' la spyod/ rig pa'i ngo bo zang thal lo// rtsal ni shes rab chen po yin// las ni gnyis su med par spyod// 'dus ma byas su ngo sprad do// rgyus ma bskyed par ngo sprad do// sems nyid

  388. 28b

    bdag por ngo sprad do// zhes gsungs so// rin po che 'od 'bar ba'i rgyu las// sems dang rig pa ngo sprad pa'i le'u ste bcu pa'o// // mgon po sems dpas bka' stsal pa// rig pa'i sprul pa nga la nyon// yi ge drug dang sgra 'gyur ni// ma ni ye shes yi ge la// skyed byed chen por ngo sprad do// a ni dbyings kyi yi ge la// rol pa chen por ngo sprad do// ha ni gnyis med yi ge la// snang ba chen por ngo sprad do// sha ni dbyer med yi ge la// gcod byed chen por ngo sprad do// 'a ni rang snang yi ge la// 'gag med chen por ngo sprad do// sa ni 'gyur med yi ge la// 'gro drug 'gyur med ngo sprad do// gsal ba'i sgra dang stong pa'i sgra// 'gag med sgra dang 'gyur med sgra// rang gdangs sgra dang gnyis med sgra// mgon po sems dpa'i sgra 'gyur yin// ces gsungs so// rin po che 'od 'bar ba'i rgyud las// yi ge sgra 'gyur gyi le'u ste bcu gcig pa'o// // badz+ra sa twas bo d+hi sa twa la// brda 'gyur drug gi don bstan pa// chos nyid brda dang rang gdangs brda// rol pa'i brda dang gcod pa'i brda// thig le'i brda dang snang ba'i brda// brda 'gyur drug la a yi ngo s+tha da bstan// ces gsungs so// byang chub sems dpa' mi yi dga' rab rdo rje// badz+ra sarba la rin po che 'od 'bar ba'i rgyud zhus pa// rdzogs par gsungs pas b+ho d+hi satwa

  389. 29a

    rjes su yi rang ngo // ston pa rdo rje sems dpa' la/ zhu ba po mi yi byang chub sems pas zhus pa// rin po che 'od 'bar ba'i rgyu las// le'u ste bcu gnyis pa'o// rdzogs so// rgya gar skad du/ bod skad du// ma ni bi ma la tan+t+ra nA ma// nor bu dri ma med pa'i rgyud// dpal ye shes gsang ba la phyag 'tshal lo// 'di skad bdag gis thos pa'i dus gcig na// 'og min gyi gnas chos kyi dbyings kyis pho brang na// gnas phun sum tshogs pa ye shes kyi gzhal med khang // rgya yongs su ma chad pa// phyi nang med par ye shes kyis gang ba'i gnas na// ston pa phun sum tshogs pa// 'jam dpal gsang ba// 'khor phun tshogs pa rigs lnga'i bde bar gshegs pa// mdzad spyod phun sum tshogs pa byang chub sems dpa' bcu drug/ chos phun sum tshogs pa gsang ba'i rgyu lnga'o// de rnams kyi snying po bsdus pa byang chub kyi sems nor bu dri ma med pa'i rgyud ces bya ba// sangs rgyas kyi dgongs pa dang gnyis su med par bzhugs so// de nas ston pa 'jam dpal gsang bas// rig lnga'i bde bar gshegs pa rnams la bshad kyang ting nge 'dzin gyis bshad// mnyan kyang ting nge 'dzin gyis mnyan// de nas rdo rje dbyings kyi dkyil 'khor du// bde gshegs rnams kyis rigs kyis 'dul ba'i 'khor rnams

  390. 29b

    dang ting nge 'dzin gyi sgo nas mnyan bshad do// de nas rdo rjes sems dpas rdo rje dbyings kyi dkyil 'khor du// rnam par snang mdzad kyi 'khor sa bcu'i byang chub sems dpa' rnams la byang chub mchog tu sems bskyed nas// rig pa'i ye shes kyis yar bltas pas// chos kyi dbyings kyi pho brang du rigs lnga bde bar gshegs pa'i zhal mthong // de nas rigs lnga'i bde bar gshegs pa rnams dang snyoms par zhugs nas// 'chi med rdo rje'i lung nod do// mnyam pa'i rgyal po kun rig chos kyi rje// 'og min rdo rje dbyings kyi dkyil 'khor du// rdo rje sems dpas rang sems rtogs bya'i phyir// bla med ngo mtshar che ba'i sangs rgyas 'di// rmad dang rtsa ba gcad pas sangs rgyas sems las byung // sems kyi dam pa bdag la bstan du gsol// zhes zhus so// rang byung dbyings nas rig pa rang shar bas// 'gro ba rnams la sems dang sems su snang // rig pa'i rtsal chen dz+nyA na pany+tsa ka ra a// gang zhig sems kyi dam pa rtogs 'dod pa// sems dang ye shes chu dang rnyog ma bzhin// ma skul bzhag na dwangs snyigs 'byed pa bzhin// bde ba 'dod na bsam gtan ting 'dzin gces// sems dang ye shes chu dang 'o ma bzhin// brtan par mi bzhag pas phyed dang ma'i chu bzhin du// sems ye shes yod kyang bag chags nyid kyis bslad// 'gro ba rnams

  391. 30a

    la ye shes sems kyis bslad// rten pa'i byang chub 'dod na chu dang rnyog pa gzhin// rtogs pa'i ye shes 'dod na chu dang 'o ma bzhin// sems dang ye shes dbye ba'i man ngag bstan// zhes ye shes dri ma med pa'i rgyud las// dus gsum gyi sangs rgyas dgongs pa rgyud pa'i le'u ste dang po'o// // de nas bcom ldan 'das dpal rdo rje sems dpas// 'og min lcang lo can gyi pho brang du seng ge lta bu'i sgras bshad// zhus pa po rdo rje 'dzin pas gsang chen rol pa'i dur khrod me ri 'bar bzhes bya ba// nyin zhing du ba 'thul pa// mtshan mo me 'bar ba ma mo dang // gshin rje dang // gnod sbyin mang po 'du ba'i gnas de nam mnyan no// kye rdo rje 'dzin pa nyon cig/ ngas phyogs bcu'i dus gsum gyi bde bar gshegs pa thams cad kyi thugs kyi klong brtol ba// nor bu dri ma med pa'i man ngag gi rgyud 'di bstan par bya'o// de yang dang por lung las 'das pa'i chos// gzhi'i 'dug tshul ngo bstan pa dang // gnyis pa'i lung dang man ngag gis yid ches par byed pa'i chos// sku gsum gyi 'dug tshul ngo bstan pa dang // gsum pas sangs rgyas kyi rgyud lngas blo'i the tshom dang shes pa'i zag gcad pa'i don du// rgyud kyi man ngag gi sbyor mtshams kyi don bstan pa'o// chos kyi sku ngo sprad pa la bzhi ste// gzhi shes pa chos

  392. 30b

    kyi sku// 'bras bu longs spyod rdzogs pa'i sku// rdzogs sku ngo sprad pa la bzhi// sbrul sku ngo sprad pa la gsum// de yi man ngag la yi ge drug/ ngo ma shes// yid ma ches/ zag mchod/ de shes/ yid ches/ zag chod// yig gi drug la sgra 'gyur gnyis// de bzhin gshegs pa'i phyag rgya can// de las 'das na rnam par grol// rgyun klong du 'das/ lung klong du 'dus/ man ngag klong du 'das so// rig pa mi 'gegs/ snang ba mi sgrub sems can mi 'gegs// sangs rgyas mi sgrub/ dug lnga mi 'gegs/ ye shes mi sgrub/ 'dod yon mi spong / chos mi sgrub/ yod pa mi 'gegs/ yod pa la mngon par ma zhe na/ byas pa mi 'gegs/ byas pa la skyon du mi lta/ med pa mi slu/ med pa la zhe 'dod mi bskyed/ ngo sprad pa dang rtogs pa thob pa dus mnyam mo// rtogs pa thob pa dang chos bom pa dus mnyam mo// dbugs chad pa dang sangs rgyas pa dus mnyam mo// sangs rgyas pa dang thugs rje 'byong pa dus mnyam mo// zhes nor bu dri ma med pa'i rgyud las// sangs rgyas kyi gdams par bzhag pa'i le'u ste gnyis pa'o// // de nas sdud pa po rdo rje chos kyi dbus 'gyur 'od ma'i tshal// sangs rgyas 'byung ba'i byang chub shing drung du bsdu ba rnam pa bzhi zhus pa// kye rdo rje 'dzin pa chen po// bsdu ba'i dngos po bzhi bshad du gsol// zhes zhus pas// rigs kyi/

  393. 31a

    nyon cig/ yang dag pa'i sangs rgyas la/ sangs rgyas dang sems can gnyis med pas// sangs rgyas 'ba' zhig tu bsdu'o// byang chub sems dpa' rnams la rdzu 'phrul gyi rkang pa bzhi la sogs te// stobs dang mi 'jigs pa dpag tu med pa yod kyang // chos thams cad kyi de bzhin nyid ma mkhyen pas// sems can gyi sder bsdu'o// sems can rnams kyi rkyen khyad par can dang phrad na rtogs pa skad cig ma la skye ba'i thabs yod pas// sangs rgyas kyi sder bsdu'o// de bzhin gshegs pa'i bka' dri ma med pa'i rgyu 'di ni// ston pa rdo rje 'chang gis bstan// zhu ba po rdo rje 'dzin pas zhus te// bsdus pa po rdo rje chos bsdus pa// kye kye rdo rje 'chang thabs mchog tu gyur pa legs so legs so// zhes bsdus pa'o// kye sdud pa po rdo rje chos legs par nyon cig/ 'khor ba'i chos ni rgya chad pa yin no// chos kyi sku bde ba chen po ni rgya chad pa yin gyi// ci ste 'khor ba rgya chad pa mtha' la zug med// chos sku rgya chad rtogs na 'gyur ba med// sangs rgyas ye shes rang snang rtogs 'dzin mtha' las 'das// 'khor 'das gnyis med sems can don mi gzigs// sems can yul las snang nas sangs rgyas zag bcas yin// byang chub sems dpa' rnams ni sa nas sa ru bgrod pas rtsol sbyong don mi spong // sa nas sa ru bgrod kyang ye shes rang snang

  394. 31b

    yin// bgrod tshe sgra dang sa g.yos 'byung // 'gro ba rnams kyi yang dag sangs rgyas gzigs// sangs rgyas mtshan ma'i yul las rang 'das kyang // rang gi shes rab blo la snang bas bla ma'i ngag/ de 'gro ba rnams kyis yang dag sangs rgyas gzigs// zhes bya'o// sdud pa po rdo rje chos gang zhig rtogs pa mngon du gyur pa'i dus su// rang mngon du gyur pa mtshan ma'i blo la snang na// snang ba'i dus de nyid du zag pa dang bcas pa'o// mngon du gyur pa'i dus na snang ba 'dzin med na/ rang byung dbyings rig pa'i ye shes brdal ba cig gsungs so// thugs kyi rgyud dam pa rin po che spungs pa'i rgyud kyi snying po'i bcud phyung ba// byang chub kyi sems nor bu dri med pa'i rgyud rdo rje sems dpa' 'jam dpal gsang ba'i thugs klong nas phyung ba las le'u ste gsum pa'o// / rdo rje 'chang chen pos thabs mchog tu gyur pa legs so legs so// zhes bsdus pa'o// rdzogs so// /

  395. 32a

    rgya gar skad du/ badz+ra yo gi DA ni sa nu kro kro tan+t+ra nA ma/ bod skad du/ rdo rje rnal 'byor ma'i rgyud/ mkha' 'gro ma 'di skad ces bya ba// dpal rdo rje sems dpa' la phyag 'tshal lo// ston pa rdo rje sems dpa' zhes bya ba la// 'khor rgyal sras sprul pa'i 'khor dang / nyid las mi zhan pa'i 'khor dang / dbang med dad pas bsdus pa'i 'khor dang thabs cig tu bzhugs te// 'og min gyi zhing khams pad+ma can dang bde ba can zhes bya ba na gnas te// dus der byang chub sems dpa' dga' rab rdo rjes// ston pa rdo rje sems dpa' lags// bdag cag mkha' 'gro ma rnam pa lnga 'khor dang bcas pa la yang dag pa'i don thig le'i dgongs pa bstan du gsol/ zhes zhus so// bcom ldan 'das rdo rje sems dpas bka' stsal pa/ rgyu yi byang chub sems dpa' dpa' mo rnams// 'bras bu byang chub sems dpar la zla bar bya'o// dus nam zhig na dam pa'i chos nyi ma shar ba dang 'dra ba 'ong ste/ de nas dam pa'i chos thams cad nub ste mi snang bar 'gyur ro// de'i dus su mun snang gi bskal ba bya ba 'byung ngo // de nas nga'i bstan pa rgya theb shakya thub pa'i bstan pa nub kha ru dam pa'i rgyud de dar bar 'gyur// gyur nas kyang 'byor pa'i lam du re sngon slongs du 'gyur ro// zhes rdo rje sems dpa' bka' stsal pa lo// rdo rje rnam 'byor ma'i rgyud

  396. 32b

    las// gleng gzhi'i le'u ste dang po'o// / de nas ro langs bde bas/ rdo rje sems dpa' la zhus pa// thog ma 'khrul pa ji ltar lags// zhes zhus pas// bka' stsal pa// thig le lhun grub mi 'gog 'od gsal ba// gzhi la 'gag med lhun grub rlung // rlung g.yos rang sar 'das pa dang // 'phrig dang 'gul dang 'gyu ba 'byung // de nas ma ning rlung zhes grags// 'dar 'phrig 'khrul pa yid du grags// rang nyams stong ba snang bar grags// de las ma dmigs 'gyur ba sna tshogs shar// rang snang ma mthong gzhan snang mthong / rlung chen de las kyi rlung // lhun grub yi ge a las byung // mgo dang dpung pa lag pa dang // rkang pa rkang rten lnga ru snang // mtshon pa tsam du brjod pa las// thig le chen po yi ge med// stong pa chen po yi ge lnga// a ni yig 'bru kun gyi mchog/ don chen yi ge dam pa yis// de yi rtsal las yi ge ha// rtsal gyi yi ge zhes su grags// de yi gdangs las yi ge ma// thams cad skyed par byed pa'o// de yi rol ba yi ge 'a// gcod par byed pa byed pa zhes su grags// gcod par byed pa de nyid 'gyur ba med pa'i phyir// ma nu zhes su rab tu grags// de la 'od lnga rab tu 'bar// ma ni 'od zer dkar por 'phro// a ni 'od zer mthing khar 'phro// ha ni 'od zer ljang khur 'phro// 'a ni 'od zer dmar po

  397. 33a

    'phro// sa ni 'od zer ser por 'phro// kha dog sna tshogs 'bar ba'i 'od// gzi brjid phung po lta na sdug/ ces gsungs so// lhun grub rang sa bstan pa'o// rdo rje mkha' 'gro ma'i rgyud las// gzhi bstan pa'i le'u ste gnyis pa'o// de nas yang gsol pa// bcom ldan 'das rdo rje dpa'// thig le 'khrul pa'i 'od gsal de// ma ning rlung la ma shes rmongs pa ste// sems can chags pa ji ltar lags// zhes zhus pas// yang gsungs pa// las shes bya ba sna tshogs byed// dang po bskyed la tha mar grol// dper na dug sbrul mdud grol 'dra// snang ba chen po gsal pa che// 'od kyi sku dang yid kyi lus// mnyam byed mtshan dang dpe byad rdzogs// thog ma yid kyi sku yin snyam// byed de bstan pa mnyam byed 'dzin// de yang a yi ngo bor gnas// de las 'phros pas 'od du snang // 'od kyi lus la yid kyi 'dzin// 'od kyi gzugs brnyan zhes su grags// de las rtags pas 'od kyi sku// mtshan dang dpe byad rang chas la// 'dzin pa brag cha'i sgra ltar 'khrul// 'dod yon lnga la longs spyad pas// lha dang lha ma yin du 'khrul// de ltar ma shes chags par 'khrul// yi dwags dag tu 'khrul pa'o// de yang rang ngo ma shes sdang bas chags// dmyal ba dag tu 'khrul pa'o// da lta nga rgyal chen po skyes// des na mi ru 'khrul

  398. 33b

    pa'o// des ni chags ldang rlung chen byung // chags sdang lnga yang a las byung // brjod pa kun gyi rgyu yi mchog/ ces gsungs so// rdo rje rnal 'byor mi'i rgyud las 'gro drug tu 'khrul pa'i le'u ste gsum pa'o// / de nas rol langs bde ba yis// rdo rje sems dpa' la zhus pa// kun tu bzang pa'i rtogs tshad dang // khams gsum ma nu'i dgongs pa de// gcig gam tha dad ji ltar lags// zhes zhus pas/ rdo rje sems dpas bka' rtsal pa// kun bzang gzhi nas 'khrul pa ni// blo gros bzang ste grol ba dang // rdo rje sems dpa' sgyu ma lnga mkhyen pa// khams gsum ma nu'i 'khrul pa gnyis// rgyu las dbyer med lcags dang 'dra// rgyu las dbyer med gser dang 'dra// 'bras bu tha dad rang shar de// kun tu bzang po rnams gnyis yin// 'bras bu kun tu bzang po de// yid kyi gzugs brnyan sbrul sku shes// 'od kyi gzugs brnyan longs skur shes// mtshan dang dpe byad chos skur shes// shes rig yul las 'das pa'i// snang la rang bzhin med pas yul las grol// gsal la rtogs pa med pas yid las grol// mi snang rang bzhin med pas lam las grol// dbyer med rang sar grol bas tha dad dang du grol// ye shes sku ster rang byung bas// mtshan ma rang sar grol pas dbye ba med// rang sar grol ba tha dad ngang du gro zhes de la

  399. 34a

    bya// rtogs pa mngon du gyur zhes de la bya// 'bras bu kun tu bzang po la ngo sprad pa'i le'u ste bzhi pa'o// // de nas longs sku'i ngo sprad bstan du gsol/ zhes zhus pas/ yang bka' stsal pa// mtshan dang dpe byad rdzogs pa la// sgyu ma lhun grub yul la rol// sku ni sgyu ma lta'o// snang la rang bzhin med pa'i sku// kun tu zhal ni phyogs bcur gzigs// ye shes lus can de bzhin gshegs// gsung ni brag cha lta bu'i gsung // tshangs pa'i gsung 'dra snyan par sgrogs// thugs ni sgyu ma sprul par gsal// sgyu ma rang gsal gzhan yang gsal// ji rnyed pa dang ji lta mkhyen pa yin// shin tu 'du ba rnams pa thams cad mkhyen pa'o// yul ni snang la rang bzhin med pa ste// kha dog sna tshogs 'bar pa'i 'od// sgyu ma lta bu'i zhing khams gsal// bteg na phar la mnan nem// 'khor ni rang snang chen po ste// rdo rje skyil krung rdzogs sangs rgyas// shar phyogs zhal ni mthil kha'i rtsal// rdo rje sems dpa' la sogs pa// thams cad ma lus mthing khar snang // lho phyogs zhal ni ser pa'i gdangs// rin 'byung la sogs ser por snang // nub phyogs zhal ni dmar po ste// snang ba mtha' yas la sogs pa// thams cad ma lus dmar por snang // byang du zhal ni ljang khur gsal// kun tu lta ba mchog tu dga'// kun kyang

  400. 34b

    'od kyi phung por gnas// kha dog sna tshogs 'bar ba'i 'od// nyi ltar gsal zhing mkha' ltar dwangs// zhes gsungs so// sku yi 'od la bzhugs shing gsung gi zer la 'phro// zhes gsungs so// longs sku'i ngo sprad pas zhing khams rnam par dag par rang grol du bstan pa'o// ma bsgoms thug phrad kyi zhing khams// ma bskyed rang 'khrungs kyi sku// sku rgyan gyi 'khor lo// gsung rgyan gyi 'khor lo// thugs rgyan gyi 'khor lo// ngo sprad pa'i le'u ste lnga pa'o// / de nas yang bka' stsal pa// rgyu yi kun tu bzang po de la ngo sprad bstan pa ni// dpe ma nor ba dang // don ma nor ba dang // rtags ma nor bar ngo sprasmad pa'o// dpe ma nor ba ni rnam pa gsum ste// khyung dang seng ge rna ba yi// rnal 'byor rgyu yi dpe gsum yin// khyung phrug sgo nga'i nang du ni// gshog ru rgyal te phyir ma 'thon// dper na rnal 'byor rtogs ldan de// 'gyur ba 'gyur te 'gyur ba med// dper na khyung phrug phyir 'thon pas// sgong nga bcag pas ma dang mnyam// 'og ma rnams la nyam mi nga // 'bad rtsol med par mkha' la lding // ma dang mnyam ste dbye ba med// rno zhing gso yi khar ma lus// dper na nor bas don dang mjal// zhes gsungs so// dper na rtogs pa'i rnal 'byor de// rtags ma nor ba 'di lta ste// 'og ma'i chos rnams don la rdzogs// yang dag

  401. 35a

    mtha' ste yi ge med// ma rig sgo nga'i sbubs 'byed pa// rtogs pa nang nas rgyas pa yis// phung po bor nas gzhi dang mjal// zhes gsungs so// seng phrug mngal nas ma dang mnyam// mnyam yang seng ger ming ma thogs// rtogs ldan rig pa khong nas grol// grol yang mnga' rgyas ming ma thogs// mngal sgor 'thon nas seng ger btags// gzhi la sleb pas sangs rgyas gral du thob// ces gsungs so// dben na rna phrug mngal du gnas// bral la thar pa'i sgra ma zhugs// thar ta thar te phyin pa med// ma yi mngal nas 'thon pa dang // ma yis brag la phyin pa dang // thus kyang the tshom med par thar// des na rnal 'byor chen po de// rig pa don gyi tho grol bas// sangs rgyas sems can ming yang med// rtog pa yod de 'gyur pa med// sangs rgyas sems can spyis ba// 'khor ba myang 'das sbyis pa// mngon 'gyur lhun grub sbyis pa// de yi ming ni ma ning yin// rlung gi ming ni ma ning rlung // snang ba ma ning 'dzin pa ma ning yin// snang ba ma ning 'dzin pa sbyis pa// dgongs pa sang rgyas sa ma sleb// ltar snang phung po na tsha yod// thugs kyi rtsal gyi bde sdug 'byung // go ba'i yul na bde ba che// 'di nyid 'jig rten rnam dag yin// grol na grol ba'i lam yang ston// zhes gsungs so// rdo rje mkha' 'gro ma'i rgyud las// rgyu'i kun

  402. 35b

    tu bzang po la ngo sprad pa'i le'u ste drug pa'o// // de nas yang rdo rje sems dpas// rig pa khong grol gyi dgongs pa dang // rig pa gzhi thog tu grol ba'i dgongs pa bstan pa ni// rig pa khong du grol ba'i dgongs pa bstan pa ni// da ltar rang rig rang gsal 'di// ngo ma shes pas sangs rgyas dgrar langs// rig pa bdud du babs te rang gsal zhe sdang // de la chags pas 'dod chags gnyis med de// las gnyis su snang bas gti mug/ de la ngar bzung bas nga rgyal// nga de la 'gyur pas phrag dog/ des sangs rgyas dgrar langs// rig pa bdud du babs// chos sku rgyab log byas// sbrul skus pa slus// longs skur gol sar chud// e ma ho sems can snying re rje// de ni rig pa khong gsal du grol// rang gsal ma bcos chos kyi sku// rang shar de ni longs spyod sku// rang grol de ni sbrul sku la// 'du 'bral med pas thig le'o// rig pa rang gsal lta ba'i mchog/ rang shar gnad du grol na sgom pa'i mchog/ cir snang rang byung shes pas spyod pa'i mchog/ rgyun chad med pa 'bras bu'i mchog/ shugs 'byung rang shar shes pas rig pa khong du grol// zhes mkha' 'gro ma'i rgyud las// rig pa khong grol du bstan pa'i le'u ste bdun pa'o// // de nas yang rig pa gzhi thog tu grol ba ni// lus kyi mtha' dang bral

  403. 36a

    te sngon du gyur pa'i dus// rnam 'byor rab ni rnam gsum ste// phung po lhag ma med pa ru// sgra dang chas te sangs rgyas so// 'bring ni 'di ru grol ba ste// dbugs chad pa yis grol ba'o// za ma bar dor zhag gsum gnas// chos las 'das nas grol ba'o// 'bring ni rnam pa gsum yin te// rab ni rgyas gdab rnam gsum ste// chos nyid bar dor grol ba'o// 'bring ni srid pa'i 'khor lo la// snang ba 'khor lor grol ba'o// za ma 'od gsal 'khor lo la// rang dbang med par grol ba'o// tha ma'i rab ni snang ba chen po la// 'od gsal mthong nas grol ba'o// 'bring ni 'od gsal 'khor lo la// rang dbang med par sangs rgyas pa'o// tha ma tshe gcig sum cu rtsa lnga la// rig pa rang grol rang rdol bas// de nyid du ni grol bar 'gyur// zhes gsungs so// rdo rje mkha' 'gro ma'i rgyud las// rig pa gzhi thog tu grol ba'i le'u ste brgyad pa'o// / de nas rdo rje sems dpas bka' stsal pa// sangs rgyas pa yi 'bras bu ni// nyi ma'i snying po lta bur gnas// zer la sbrul sku 'gag med 'byung // 'od la longs sku 'gag med byung // de bzhin thig le nyag gcig de// gdangs gsal longs skur gsal ba'o// 'od la 'du 'bral med par rtsal// sbrul sku zam ma chad par 'gyur// gnyis med 'du 'bral med pa las// chos sku rgyun chad med par

  404. 36b

    'gyur// thig le 'du 'bral med pa las// khams gsum ma lus 'khrul par bzung // e ma sems can las dang bag chags dang // bde gshegs sku dang ye shes mnyam// rtogs pa'i rnal 'byor rtsal du snang // thig le nyag gcig rang snang ba// thugs rje'i 'od zer sku ru snang // zhes gsungs so// rdo rje mkha' 'gro ma'i rgyud las// sa'i 'bras bu byung tshul bstan pa'i le'u ste dgu pa'o// de nas rje btsun rnal 'byor mas// ro langs bde ba dang // byang chub sems dpa' bsam gyis mi khyab pa dang // thabs gcig pa'i byang chub sems dpa' dang // thams cad dang ldan pa'i 'khor de dag la// thig le'i brta rgyud kyi le'u 'di gsungs so// thod pa tshal gsum 'phreng ba la// ru tra pho ma'i dbyug pa btsugs// zhag gi zor ris thig ler bris// 'khor lo 'bar ba'i rang nan can// ral gri lta bu'i rgyan cha btags// kha T+wAM ga yis mtshon par bya// shing lo skam pos nam mkha' g.yogs// dung gis sems can sgrol bar byed// nya yis rgya mtsho lam du gcod// me long snang srid gsal bar byed// gdugs kyis me tog gsal ba'o// bum pas sems can skom pa sel// 'khor los thugs kyi dpal be'u gcod// rgyal mtshan gyis ni brda ston no// ba dan gyis ni skyel bar byed// ces gsungs so// rdo rje mkha' 'gro ma'i rgyud

  405. 37a

    las// brta bstan pa'i le'u ste bcu pa'o// / de nas byang chub sems dpa' rab rdo rjes mkha' 'gro ma rnams la// nga'i rgyu 'di thams cad gsal ba'i rgyud du zung // snang bzang thal 'dzin pa byang chub sems dpa'i dgongs pa ston// dgongs pa 'dus pa'i rgyud du bzung // bar do'i gdams ngag ston pa la// 'da' ka 'chi brod rgyud du bzung // snang ba zang thal// 'dzin pa rang grol// sems rang grol ye shes rang 'bar// sku gsum thug phrad// ye shes rang snang // mngal kha rgyas 'debs// 'khor ba dong sprugs// srid gsum rnam dag/ khams gsum yongs sgrol gyi rgyud gsungs pas// rdo rje mkha' 'gro ma rnams rjes su yi rangs so// rdzogs so// @#// rgya gar skad du// ka ya tri de kalpa pra b+ha tan+ta// bod skad du// sku gsum dza log bskal pa 'od ldan gyi rgud// bcom ldan 'das rang snang dag pa'i rgyal po la phyag 'tshal lo// 'di skad bdag gis bshad pa'i dus gcig na// mkha' 'gro nye bar zhi ba dang // gsang ba'i bdag po dang // phyag na rdo rje la sogs rnams kyis bskor ro// rang snang rnam dag pad+ma brtsegs pa'i gdan la zhugs te// snang ba thams cad kyang rnam dag rang snang gi mkha'// nam mkha' lta bu rgya yongs chad pa// phyi nang med pa'i gnas chen po pad+ma brdal ba'i

  406. 37b

    gzhal yas khang zhes bya ba na zhugs so// de'i tshe de'i dus na// gzigs snang rnam dag gi tshal ces bya'o// de nas gsang ba'i bdag pos// bcom ldan 'das la zhus pa// sku gsum dza log bskal pa 'od ldan gyi rgyu bshad du gsol// zhes zhus pas// nyid kyis zhus pa legs so legs so// nyon cig ngas bshad do// sku gsum dza log bstan pa dang // lta sgom dza log bstan pa dang / thog pa dza log bstan pa dang // lus sems rnga logs bstan pa thugs rje'i byin rlabs dza log bstan par bya// zhes gsungs so// bskal pa 'od ldan gyi rgyud las// gleng gzha'i rtsa ba'i le'u ste dang po'o// // de nas sku gsum dza log bstan pa thugs zhes gsungs so// ston pas bka' stsal pa// sems la rten pa'i sku gsum dang // chos la rten pa'i sku gsum dang // rig pa'i ye shes sku gsum mo// de la sems la rten pa'i chos sku ni// brjod pa dang bral ba yis// ngo bo nam mkha' lta bu'o// longs sku 'ja' tshon lta bu la// ngo bo rnam par snang mdzad do// sprul pa'i sku ni des med la// ngo bo thugs pa drug tu 'dod// sku gsum 'du 'bral med pa la// sems kyi gsum po rmya chad pas// phyogs su[:]lhung ba'i go la sa yin// zhes gsungs so// bskal pa 'od ldan gyi rgyud las// sems kyi sku gsum 'brel ba med pa'i le'u ste gnyis

  407. 38a

    pa'o// // yang bka' stsal pa'o// // chos kyi gsum 'bral med gsum po dza log dgos te// de yang nam mkha' lta bu dag la dza log pas// lta ba rang bzhin med do na// skye 'gag med cing dbri bkol med// mtha' dang dbus med yengs pa de// de ni chos kyi sku ru 'dod// de nas thabs dang shes rab kyis// nyams su blang ba'i sgom snang de// rnam snang dza log dag tu 'dod// gtan la 'bebs pa'i shes rig de// ngo bo thub drug rnga log yin// gnyen po rtag pa'i chos yin pas// de yang yid smon blo chos yin// yul dang yul can yin pa'i phyir// ji ltar spyad kyang 'dus par 'gyur// zhes gsungs so// bskal pa 'od ldan gyi rgyud las// chos las byas pa'i sku gsum yid smon 'dus byas su bstan pa'i le'u ste gsum pa'o// / de nas bka' stsal pa// 'dus byas 'dus ma byas su dza log ste// rig pa'i ngo bo chos gsum la// rgyu rkyen ka nas ma grub pas// chos sku dza log chen po yin// rig pa'i thig le chos min sku// 'gag pa med par rang shar bas// sbrul sku dza log chen po yin// rig pa thig le chos min sku// bsam ngo'i yul las 'das pas gdangs// rang snang grol ba'i me long 'di// longs sku dza log chen po yin// ces gsungs so// bskal pa 'od ldan gyi rgyud las// rig pa'i sku

  408. 38b

    gsum 'dus ma byas su ngo sprad pa'i le'u ste bzhi pa'o// // de nas yang bka' stsal pa// lam pa'i sku gsum bstan pa yi// rang grol sku gsum dza log ni// snang ba mi 'gag longs skur shar// 'dzin pa mi 'gag sbrul skur shar// thig le ma 'gag chos skur shar// ye nas yin pa'i thig le la// sku gsum rtsa ba lam pa'i chos// gzhi las 'das pa'i thig le la// sku gsum ka nas ma grub pas// rgyu lam 'bral bu nga yi dur// rig pa'i sku gsum chos las grol// lha sgom spyod pa nga yi dur// nga yi sgrib shing lta sgom yin// lta ba srog gi rtsa ba mchod pas// rig pa'i ye shes sgrib pa yin// sems kyi sku gsum ma bstan na// gol sgrib ma shes skyon du 'gyur// chos kyi sku gsum ma bstan na// gol sgrib 'dus byas skyon du 'gyur// thig le'i gsum ma bstan na// 'bras bu rang chas med pa'i skyon du 'gyur// sku gsum snang bar ma bsgyur na// theg pa spyil bogs mi zon// ces gsungs so// bskal pa 'od ldan gyi rgyud las// sku gsum gtan la dbab pa'i le'u ste lnga pa'o// // de nas yang bcom ldan 'das kyis bka' stsal pa// gsang ba'i bdag po khyod nyon cig/ lta ba dza log bstan pa ni// lta ba ni kun kyang mthun te kun ka min// so ma rnal ma ma bcos pa// phyi yi lta ba yin par bshad// stong pa khyab par mi 'gyur ba// nang gi

  409. 39a

    lta ba yin par bshad// rang bzhin mi 'gyur ngo bo gsal// rgyu rkyen med pa'i don de ni// gsang ba'i lta ba dza log yin// kun tu bzang po'i lta ba ni// shes bya gshis kyi 'dug tshugs la// rgya chad phyogs zhen rang grol te// thig le khyab bdal chen po yin// zhes gsungs so// bskal pa 'od gyi rgyu las// lta ba dza log tu bstan pa'i le'u ste drug pa'o// yang bka' stsal pa// sgom pa dza log bstan pa ni// sems kyis sems la lta ba dang // gnyen pos chags sdang 'gegs pa dang // mi gtsang rus thig la sogs pa// gnyen po rten nas sgom pa ni// phyi yi sgom par shes par bya// rtsa rlung thig le 'bebs pa dang // rig ma dngos dang 'od kyi rig/ rang lus thabs su sgom pa dang // gtum mo sbyor ba rlung gi las// gsang ba'i sgom par shes par bya// lha dang lha mo sgom pa dang // yi ge 'phro 'du'i sgom pa ni// nang gi sgom pa yin par bstan// sgom pa dza log 'di lta ste// 'gyu ba phyogs med 'gro 'ong la// thugs rje gzungs kyi thag pa yin// rten gyis 'then pa'i rten sgom dang // rtsen rter ltas pa'i lta sgom ni// kor kor skong pa'i steng sgom ni// thams cad lam du byas 'gyur na// sgom pa ma yin ye shes yin// ye shes blo las 'das pa de// 'char ram mi 'char bltas pas chag/ de yang dper na tsan dan gyi nags tshal me sbar

  410. 39b

    bas// shing ma zad kyi bar du me ma shi zer te// dpe de dang 'dra bar// thugs rje gzungs kyi thag pa me lta bu de// sgom mnyam pa'i blo la yar btang bas// blo ma zad kyi bar du ye shes rtag tu 'bar te// blo zad pas ye shes kyang 'bar ma nus so// chos rnams rnga log dag tu bstan pas na// dpe yang dza log dag tu bstan pa ni// dper na dmyal ba'i gnas chen na// lcags kyi khro chu chen po la// shing gi gzhi dag ga la grub// chu la me 'bar ga la sri// lcags kyi khro chu me ru 'bar// chu yis me la skol ba med// me srid de srid pa'i dza log yin// kun tu bzang po rang grol shes rab slob dpon med// ces gsungs so// bskal pa 'od ldan gyi rgyud las// lha sgom spyod pa dza log tu bstan pa'i le'u ste bdun pa'o// de nas bka' stsal pa// theg pa dza log bstan pa ni// phyi ltar bshad pa sems kyi chos// rgyu mtshan nyid kyi theg pa dang // nang chos la brten pa'i theg pa dang // sngags phyi ba thub pa'i rgyud// gsang ba zabs la rten// ma hA a nu bskyed pa dang rdzogs pa'i chos thams cad// dza log dag tu bstan pa ni// 'jug pa'i sgo med mthong yul kyang med// sgrub pa'i thabs la ma brten te// grub pa'i 'bras bu rang byung tha dad 'dod// dus dang gnas skabs dag gi 'bras bu 'dod// yang dag don las gol ba yin// de la dza log 'di lta

  411. 40a

    ste// 'jug pa'i sgo med ye shes khong nas shar// bsrung dang sdom pa dam tshig dza log ste// gnyis med zang thal med pas gang dang ci yin bsrung du med// dam tshig chen po bsrung ba'i khar mi 'bab// rtogs par bya ba'i yul med thabs re ltos khar mi snang // thabs kyi rgyal po rang grol chen po yin// 'bras bu rang byung lhun ye gnas la// btsal kyang sgrub pa'i 'bras bu 'phel 'grib 'gyur// thams cad 'dug tshul ye nas bcos med yin// rtog pa shar ba'i dus na ye shes thog babs yin// rang shar grol ba'i dus na ga pur sman 'gyur 'dra// zhes gsungs so// bskal pa 'od ldan gyi rgyu las// theg pa rim dgu dza log tu bstan pa'i le'u ste brgyud pa'o// de nas lus sems dza log bstan pa ni// thog ma'i lus ni zang ma stong pa yin// bar gyi lus ni 'od du gyur ba yin// 'od lus 'gyur bas sha khrag lus su tshud// 'od kyi dus su 'od kyi 'dzin pa ni// 'od kyi lus su 'dzin pa'i sems su snang // yid kyi snang ba gyur pas sha khrag 'dzin pa ltar// sha khrag lus dang rten 'brel pa// sems kyi mtshan ma 'di ltar shes par bya// rgyu ni pha yi sred pa ma yi len pa'i rkyen// gnyis 'dus sems kyi sred pa de ltar chags// chags pa'i rkyen gyis tshor ba ma rig pa// yid dang rnam shes dbugs dang bag chags

  412. 40b

    brtas// bag chags 'gyur ba sems kyi dza log yin// 'od lus yid dang sha khrag lus// bar dor ma tshud bar du sha khrag lus la gnas// gnas skabs bag chags lus sems bden 'dra ste// brtan du mi bden bag chags dkar nag brje// gzhan nas rje ru med de rang gis rang la skrod// sems kyi dza log 'gyu ba ma shes shing // lus kyi dza log 'od gsal ma shes shing / lu kyi dza log lhun grub ma shes na// rtag tu chos spyod byas kyang 'bras bu gtan mi bde// zhes gsungs so// bskal pa 'od ldan gyi rgyud las// lus sems dza log tu bstan pa'i le'u ste dgu pa'o// // de nas yang bka' stsal pa// thugs rje'i byin rlabs dza log bstan pa ni// sku gsum rang snang thugs rje ste// sprul pa'i sku'i thugs rje'i byin brlabs ni// 'char tshul rnam pa gsum du 'byung // bdag rig gzhan rag thams cad pa/ spyi ru sprul nas 'gro ba 'dren// dpal ldan sangs rgyas pad+ma skyes// rgyas sku lnga'i bdag nyid can// de ni thun mong sbrul sku yin// byin gyis brlabs su snang ba'o// khyad par rang snang sbrul sku ni// mchog gi dang po sku gsum 'chang // sangs rgyas sku lnga'i bdag nyid can// lus mtha' dus mtha' srid mtha' rtogs// lus kyi mtha' ni rtogs pa'o// srid gsum dag pa chen po pa// dus gsum gcig ste khyad par

  413. 41a

    med// de nas rang grol sbrul sku'i snod las sprul pa'i sku byung bas// 'byung ba chen po bcom ldan 'das// phyin ci log tu rnam brtags kyang // grol ba rang 'byung 'di nyid yin// don byed ma 'gags sprul pa'i sku// 'di nyid yang dag sbrul sku yin// zhes gsungs so// bskal pa 'od ldan gyi rgyu las// thugs rje sbrul sku'i byin rlabs dza log tu bstan pa'i le'u ste bcu pa'o// de nas bka' stsal pa// longs spyod rdzogs sku'i thugs rje yang // rnam pa gsum du rig par bya// thun mong khyab par longs sku dang // sgrub pa'i yid kyi longs sku dang // ngo bo nyid kyi longs sku gsum// sangs rgyas rnam mdzad che// ye shes skar ma lham me pa// gzhi la gnas pa'i sku lnga po// 'gro ba rgyud la char ltar snang // yig 'bru spro bsdu'i byin rlabs kyis// thugs rje mi bde sel ba ni// sgrub pa'i yid kyi longs sku yi// byin rlabs yin par shes par bya// 'byung chen rnam lnga longs skur snang // snang ba chen po gsal ba che// byin rlabs yum lngas 'gro don byed// phyi yi ngo bo longs skur shar// de ni thun mongs longs sku'o// khyad par rang snang longs sku yin// rig pa'i ye shes rang gdangs la// 'gyu ba'i longs spyod rtag tu byed// rtag lta khong khro longs sku yin// bar do longs sku dngos su 'char// sangs rgyas sku lnga'i bdag por snang // de

  414. 41b

    ni rang snang longs sku yin// zhes gsungs so// bskal pa 'od ldan gyi rgyud las// longs sku dza log tu bstan pa'i la le'u ste bcu gcig pa'o// // chos sku rngadza log bstan pa ni// thun long chos sku rnam gsum// dbyings med kha dog med pa dang // gnyis med dbye ba med pa dang // dbyer med chos sku rnams gsum ni// dpe ni nam mkha' dang 'dra ste// sprin dang char gyi tshul gyis ni// sku gnyis byung nas don byed pa// phyi yi sku gsum thugs rje yin// khyad par rang snang thugs rje byin rlabs ni// rnam pa gnyis su shes bya ste/ rig pa'i ye shes rang gdangs la/ 'gyu ba 'gag pa med pa de// byin rlabs 'gag pa med pa yin// gnyis pa rang snang rang grol te// ye shes zang thal ye yin pas// longs sku 'gag pa med pa yin// thugs rje dza log ma shes na// thugs rje 'od kyi re ba ni// de ni phyi dus btab pa yin// rnam grol gsum pa la mkhas pa'o// shin tu zad pa sad pa'i bdag/ ces gsungs so// bskal pa 'od ldan gyi rgyud las// chos sku dza log tu bstan pa'i le'u ste bcu gnyis pa'o// // yang bka' bstsal pa// dza log rnam gsum lam du dkyer ba ni// thig le chos med zad thal chen po las// rang byung ye shes rgya ma chad pa yi// snang 'gag pa med par shar ba de// rang byung rang snang yin par ye shes na// yin par shes pas

  415. 42a

    rgya chad phyogs lhung med// yin par ma shes rgya chad phyogs su lhung // rang snang dag pas lus bzhi'i khar mi 'gro// zhes gsungs so// bskal po 'od ldan gyi rgyud las// rang snang lam khyer gyi le'u ste bcu gsum pa'o// // de nas bka' stsal pa// rang rig ye shes lam du bkyer ba ni// rang gi 'gyu ba phyogs med 'char ba de// rig pa khyab gdal chen po'i rtse la du shes par bya ba ni// 'gyu ba skyes tshad ye shes grogs su 'gyur// 'gyu ba rig pa'i rtsal du ma rtogs na// zhi gnas bsam gtan ye shes ga la skye// bsam gtan ye shes 'gyur ba rang grol yin// phyogs lhung med pa'i rang rig rang gis ltos// ma ltas mthong ngo zer ba glen pa'i nga rgyal yin// bltas nas ma mthong zer na rkun po smyon pa 'dra// zhes gsungs so// bskal 'od ldan gyi rgyud las// rang rig lam khyer gyi le'u ste bcu bzhi pa'o// // de nas yang bka' stsal pa// gsang ba'i bdag po khyod nyon cig/ chos sku thugs rje dza log bstan par bya// chos sku'i thugs rje dza log pas// snang dang mthong dang 'dzin ma dag/ 'ug mig srin bya'i mig dang ni// thig gu sbrul du mthong ba bzhin// chos sku'i thig le tsha grang la sogs 'gro drug gis// bdud du 'khrul pas sems can sbyong // thub drug mthong yang chos kyi rgyal po sogs// 'dren du 'ong

  416. 42b

    bas slar la srog gcod mthong // rigs lnga'i phyag mtshan mthong bas ni/ spu gri la sogs rang lus gshog la sogs// phyag mtshan sku mdog slar yang bdud du che// rab bdud dgongs pa sgrags pas ni// rtog song chos la sogs pa'i sgra ru 'gyur// snang 'dzin mthong ba log pa'i 'bras bu yin// da ltar snang 'dzin rang las 'dud du che ba med// med par ma shes sangs rgyas dgra ru langs// chos sku rgyab log byas shing rig pa bdud du babs// 'gyu ba phung mkhan dbugs med zang thal de// rang srog rang gis mi chod ci la srid// 'gyu ba srog gcod gdams ngag ma shes na// ngo sprod kha 'jam rang gi byas chos yin// rig pa'i chos nyid ye shes sku mkhar nas// shes rab 'gag med pa'i mi po yis// 'gyu ba'i mig la mda' gcig ma brgyab na// rtag tu ngo spyod byas kyang sangs rgyas dgra ru sdang // zhes gsungs so// bskal pa 'od ldan gyi rgyud las// thugs rje dza log 'gyur ba mda' bsdig gi le'u ste bco lnga pa'o// // de nas yang bka' bstsal pa// 'gro ba'i bla ma ston pa yin// sprul pa'i sku ste sku yi mchog/ longs spyod rdzogs sku'i bdag nyid can// chos sku dngos su ston pa yin// bla ma chen pos bstan pa ni// sku gsum rang lus mtha' yang rtogs// sprul pa'i sku ru shes par bya// dus kyi mtha' dang gnas skal mtha'// rab 'bring tha ma

  417. 43a

    yang rab kyis// mtha' gsum mtha' ni gcad pa'i phyir// dus gsum dus med rtogs pa'o// dad la rang lus dus kyi mtha'// 'gyu ba phyogs med 'gro ba de// rang rig ye shes lhag mthong gis// lhangs kyis ltos dang sal gyi 'byung // lus ni sngar zhen sgrib pa yin// nyon mongs sgrib pa rang grol du// lhangs kyis ltas na lus mtha' rtogs// rtog ge kha 'jam shor ba dang // mas 'dzeg chos spyod lhaldan pa can// lus kyi mtha' ni ma rtogs so// gnas kyi mtha' ni bar do la// las kyi sgrib pa rang grol ba'i// 'gyu ba rkyang pa bya sgro 'dra// lhun grub lhung po g.yos tsam na// lus bzhi sgrog skyibs byed pa 'dra// bya sgo rlung gis khyer tsam na// grog po'i nang du 'gro ba ltar// dus kyi mtha' ni bar do ru// sangs rgyas kun tu bzang po de// thog ma'i 'khrul pa bar do brda// tha ma 'jig rten shes nas ni// rang grol rang snang rang shar nas// gyi lugs dag tu sangs rgyas dang // 'gyu pa rkyang pa 'di gnyis la// bar na ci yang med pa yin// thugs rje dza log shes par gyis// dus kyi mtha' ru shes par gyis// kun bzang dgongs pa bstan pa ni// gnas skabs skad cig ma yongs yin// skad cig thams cad byed brag phyed// skad cig gcig la rdzogs byang chub// shes bya'i sgrib pa der grol nas// thig la chos ming yangs pa'i

  418. 43b

    klong // snang 'dzin dag pas mngon sangs rgyas// zhes gsungs so// bskal pa 'od ldan gyi rgyud las// dza log skor gsum le'u ste bcu drug pa'o// kye rigs kyi bu// go bar dka' ba'i tshig 'di zung zhing // bya bla ba'i las 'di gyi shig/ thig le chos min yangs pa chen po'i klong na// nga rig pa chos min gyi sku ni// dus thams cad du bltar med pa yin no// bltas na bdud la bsgoms par brlag go/ spyad na 'chal la sbubs na gtor// thams cad du ma bsgribs pa'i ye shes de// ka nas pa'i ye shes la// rgyu rkyen gyi 'khrul pa'i pa'i tshig mi 'jug/ rgyu rkyen med par rag ma lus// gnyen pos chom pa'i gnas skabs da/ gzhi yi thig le chos min gyi sku de// bral bzo'i khar ma gtong zhig/ ye nas gzhi lam dbyer med 'di// 'bad rtsol chu la ma bskur cig/ thams cad ye nas grol ba 'di// thun du chug la ma sgom zhig/ snang ba rang grol gyi thig le ye brdal 'di// gnyis snang gi kha ru shor te mchi'o// zhes gsungs so// skal pa 'od ldan gyi rgyud las// go bar dka' ba brda'i le'u ste bcu 'dun pa'o// // de nas yang bka' stsal pa// gsang ba'i bdag po legs par nyon cig/ thig le yangs pa'i klong rum nas// snod bcud thams cad ye shes su dril bas na// 'byung brda lnga dus gcig la zad pas// btso sreg la

  419. 44a

    sogs pa'i khar 'grongs med do// de'i klong bya btsal dang bral bas// ye shes kyi rang lugs la phung po ma grub pas// na tsha bkres skom gyi sdug bsngal rang grol bas// chos spyod bcu'i las byar med do// chos las 'das pa yin pas// ye shes chos kyi sku zhes bya'o// rig pa chos min gyi ye shes ka dag pa la// sku gsum ka nas ma grub pas// chos sku nam mkha' lta bu la re stos med na// ye shes khong shar gyi rang grol yin no// 'byung ba lnga zad phung po lnga las grol// rang rig pa'i ye shes khong nas shar// 'di la bya btsal rtsol sgrub ci yang med// med pas thig le chos med yin// zhes gsungs so// bskal pa 'od ldan gyi rgyud las// rang grol rang shar gyi le'u skabs bco brgyad pa'o// / de nas yang bka' stsal pa// gsang ba'i bdag po nyon cig/ thig le chos kyi sku yi snang ba la// re zhing sgrub dang 'bras bu 'dod// de ni nga yi gol sa ste// nga yi gzhi las 'chos pa de// thig le chos min dam tshig 'das// 'gyu ba phyogs med 'char ba ni// thig le chos min nga yi lam// de yi ngang du lta ba de// de ni thig le chos min lta stangs yin// ye shes zang thal rang shar la// dus med rtag tu lta ba de// de ni nga yi dam tshig yin// rang las 'gyus pa rang grol bas// de ni nga yi dgongs pa yin// ye nas yin par shes pa de// de ni nga

  420. 44b

    yi mkhyen tshad yin// rang las rang grol rang sad pa// de ni nga yi 'bras bu yin// lhun grub thig le chos min la// gnyen pos btsun la sgom du med// de ni nga yi grub mtha' yin// de ni kun gyi rang grol du// lhangs kyi rtogs pa'i ngo bo ni// stong gsal kun khyab sna tshogs 'byung // kun gyi gzhi mar gnas pa'o// thams cad kyi bdag nyid du 'dug pa'o// thun mong ma yin pa'i 'dug tshul// yin tshul dbye ba med pa// rtogs tshul thig le chos min du rtogs pa// shar tshul rnam rtog ye shes su 'char ba// grol tshul rig pa chos min gyi ye shes// rig pa khong grol du rang shar ba// thob tshul thig le dang ye shes mkhyen tshang thob pa'o// zhes gsungs so// bskal pa 'od ldan gyi rgyud las// rig pa ye shes gtan la dbab pa'i le'u ste bcu dgu pa'o// / de nas yang bka' stsal pa// rdo rje sems dpa' nyon cig/ rang rig pa'i ye shes la dpes bstan gyis// zhes gsungs nas// rig pa chos min gyi ye shes de la// sgrib g.yogs gdod nas dag pas// dpe shel sgong dag pa lta bu'o// ma brtsal ba grub pas nor bu rin po che lta bu'o// sna tshogs su snang yang rang bzhin med pas// chu zla lta bu'o// de'i rtsal mi 'gag pas// rlung lta bu'o// rgya gar yang ma chad cing // phyogs gar yang ma lhung bas nam mkha' lta'o// 'bad rtsol med pas

  421. 45a

    khyung chen lta bu'o// skad cig la rang sa non pas seng ge mchongs pa lta bu'o// snang ba thams cad rang grol du snang ba ni zag pa sbrul lta bu'o// phyogs ris med pa nyi ma phyed kyi dkyil lha bu'o// zhes gsungs so// bskal pa 'od ldan gyi rgyud las// rang rig pa'i ye shes la dpe ngo sprad pa'i ste nyi shu pa'o// yang bka' rtsal pa/ gsang ba'i bdag po khyod nyon cig/ lta ba kha 'jam shor ba dang // thig le chos min klongs pa gnyis// 'dra 'dra 'dra ste nor bar mchi// sgom pa sems 'dzin spyod pa dang // 'gyu ba lam du slongs pa gnyis// 'dra 'dra 'dra ste nor ba mchi// ye shes lha yi lung ston dang // bar chod bdud kyi khung ston gnyis// 'dra 'dra 'dra ste nor ba mchi// tshogs drug lhug pa'i rnal 'byor dang // rang rgyud lhug pa'i rnal 'byor gnyis// 'dra 'dra 'dra ste nor ba mchi// snang ba lam du khyer ba dang // zhe 'dod lam du khyer ba gnyis// 'dra 'dra 'dra ste nor bar mchi// gsang spyod byed pa'i smyon pa dang // gnod gyis brlams pa'i smyon pa gnyis// 'dra 'dra 'dra ste nor bar mchi// bka' rgyud dad pas gdungs pa dang // chos pa 'og rus byed pa gnyis// 'dra 'dra 'dra ste nor bar mchi'o// zhes gsungs so// bskal pa 'od ldan gyi rgyud las/ 'dri min ngor bzung ba'i le'u ste nyer cig pa'o// de nas yang bcom

  422. 45b

    ldan 'das kyi bka' stsal pa// gsung dri ma med pa'i gsung // thugs dri ma med pa'i thugs// sku dri ma med pa'i klong nas bshad pa// thams cad rang grol du 'byin pa'i thugs la tshong dang // kha sbub dang / dug can dang // zhabs rtol dang // gzhog ral dang bzhi la// shes rab bzhis sgo phye// ye shes gsong gi sgo ston// thabs kyi 'dren sgor phyung // nges pa'i gsang sgo brtol// rig pa ye shes kyi gsang lam du chug/ ces bka' stsal to// bskal po 'od ldan gyi rgyud las// lung bstan pa'i le'u ste nyer gnyis pa'o// // de nas bka' stsal pa// sgom pa'i srog gcod lta ba'i btod phur phyung // spyod pa gnyis med rang snang rang grol du// gtan la 'bebs pa'i yul du ma gtan rang grol shes par gyis// 'bras bu ye nas yin pas thob pa'i sa med do// byin brlabs thugs rje'i phyogs ris med pa la// re stos ma byed 'dzin snang rang sgo ltos// rig pa ye shes thig le chos las ma byas pas// de phyir chos las 'das pa yin// phyogs med rgya ni ma chad pas// de ni nam mkha' med pa yin// ye shes thig le ye nas rnam dag bas// de ni 'byung lnga rang grol yin// snang srid sku gsum thig le khong nas 'bar// de phyir srid gsum rnam dag yin// 'gro drug sprul pa'i thubs rje sha ka/ seng la sogs pa snang ba rnams// ye nas thig le

  423. 46a

    chos min rang rtsal yin// ye nas 'gro drug g.yang sa gcad du med// ces gsungs so// bskal pa 'od ldan gyi rgyu las// rang grol gnas lugs kyi lung bstan pa'i le'u ste nyer gsum pa'o// de nas gsang ba'i bdag po stan las langs te// skor ba lan gsum byas te// a ma ho// e ma ho mgon po bcom ldan 'das// sna tshogs rang grol sku la phyag 'tshal bstod// thig le chos min sku la phyag 'tshal bstod// bskal pa 'od ldan 'chang la phyag 'tshal bstod// ye shes rang 'bar sku la phyag 'tshal bstod// ces bstod de phyag lan gsum btsal nas// bcom ldan 'das kyi g.yas logs su bzhugs nas rjes su yi rang ngo // ston pa rdo rje sems dpas zhus nas// lag na rdo rje dang // mkha' 'gro mas bsdus pa le'u ste nyer bzhi pa'o// bskal pa 'od ldan gyi rgyud rdzogs so// @#// rgya gar skad du/ tri ka ya tan+t+ra/ bod skad du/ sku gsum dza log gi rgyu chen po/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ phun sum tshogs pa lnga dza log dang / ye shes lnga'i dza log dang / sku lnga'i ka log dang / rigs lnga'i dza log dang / mdzod lnga'i dza log dang / ngo sprod gsum gyi dza log dang / gzhi'i dza log dang / 'khrul pa'i dza log dang / 'bras bu dza log dang /

  424. 46b

    lhalta sdom spyod pa'i dza log dang // 'khrul pa'i 'bras bu dza log dang / dug lnga'i dza log bstan pa'o// rtsa ba mdor bsdus pa'i le'u ste dang po'o// // phun sum tshogs pa dza log tu bstan pa ni// ston pa kun tu bzang po dza log/ chos kyis sku'i ye shes// 'khor rigs lnga rnga log/ rang byung ye shes chen po dus dza log/ rig pa khong 'char chen so nas dza log/ chos sku kun khyab rang snang gi dkyil 'khor chen po bstan pa dza log/ rang gi 'dug tshul chen po// phun sum tshogs pa lnga'i dza log gi le'u ste gnyis pa'o// // ye shes lnga'i dza log bstan pa ni// me long ye shes dza log/ gzhi gnas kyi rang gsal chen po// mnyam nyid ye shes rnga log/ don 'gyur ba med pa'i mnyam pa chen po// kun rtog ye shes rnga log/ thugs rje rol pa chen po// nan tan ye shes rnga log log/ 'phrin las kyi rol pa chen po// chos dbyings ye shes lnga dza log/ ye shes rnga log tu bstan pa'i le'u ste gsum pa'o// // sku lnga'i dza log bstan pa ni// chos sku dza log/ 'byed pa med pa'i gti mug longs sgra dza log/ 'dod chags chen po sbrul sku log/ zhe ljang chen po rdo rje lta bu'i sku dza log nga rgyal chen po mngon par byang chub pa'i sku dza log/ phrag dog chen po sku lnga dza log gi le'u ste bzhi pa'o// rigs lnga dza lo bstan pa ni// zhe ljang dza

  425. 47a

    log rdo rje'i rigs// 'dod chags dza log pad+ma'i rigs// gti mug dza log de bzhin nyid kyi rigs// nga rgyal dza log rin po che'i rigs// phrag dog dza log las kyi rigs// rdo rje'i rigs rnga log dmyal ba// pad+ma'i rigs dza log yi dwags// de bzhin rigs dza log chen po// nga rgyal dza log 'gro ba mi// phrag dog dza log lha dang lha ma yin// rigs lnga dza log tu bstan pa'i le'u ste lnga pa'o// // mdzod lnga dza log bstan pa ni// sa rin po che'i mdzod dza log rang snang gi 'od ser po// chu rin po che'i mdzod dza log rang snang gi 'od dkar po// me rin po che'i mdzod dza log rang snang gi 'od dmar po// rlung rin po che'i mdzod dza log rang snang gi 'od ljang khu// nam mkha' rin po che'i mdzod dza log rang snang gi 'od mthing kha// mdzod rnam pa lnga dza log/ rang snang dbyed med kun khyab kyi dkyil 'khor chen po// mdzod dza log gi le'u ste drug pa'o// ngo sprod dza log tu bstan pa ni// ngo sprad du med par ye nas dza log pas// mdzod la ngo sprad du med par dza log/ snang ba med pa'i chos nyid// rig pa la ngo sprad du med par dza log/ rig pa khong gsal chen po// gnyis med la ngo sprad du med par dza log/ ye nas dbyer med mi phyed pa ngo sprad pa'i le'u ste bdun pa'o// // gzhi'i dza log bstan pa ni// gzhi rnga

  426. 47b

    log pas bzang du ma song // lam dza log pas bgrod du med pa// 'bras bu dza log thob tu med pa'o// khrul pa dza log/ 'khrul ma myong rang rtsal rang shar ba yin pas so// de ltar rang rtsal yin pas so// de ltar rang rtsal yin pas 'khrul myong bar dza log ste// thams cad rol pa'i rol lugs shes pas// thog mar ma 'khrul// bar du ma 'khrul// tha mar 'khrul// phyis kyang 'khrul bar mi 'gyur ro// 'khrul pa dza log tu bstan pa'i le'u ste rgyad pa'o// // lta ba dza log bstan pa ni// lta ba dza log lta ba'i lta stangs dza log/ ye lha chen po'i sgom pa dza log sgom nyams dza log ste// ye sgom nyams chen po spyod pa dza log gnyis snang med par dza log/ dbyer med kyi gnas lugs chen po// 'bras bu dza log thob sa med pas dza log ste ye nas thob zin pa chen po// lha sgom dza log gi le'u ste dgu pa'o// // 'bras bu dza log bstan pa ni// dmyal ba dza log me long lta bu'i ye shes// yi dwags dza log kun rtog ye shes// byol song dza log dbyings stong pa'i ye shes// mi dza log mnyam pa nyid kyi ye shes// lha dang lha ma yin dza log rang gsal la mi gnas ye shes// snang ba rnam pa lnga dza log dbyings rnam par dag pa'i ye shes// rgyu rnam pa lnga dza log gzhi gnas kyi ye shes chen po// bzhi rnam pa lnga dza log ye shes chen po'i thig

  427. 48a

    le// 'khrul pa dza log gi le'u ste bcu pa'o// // dug lnga dza log bstan pa ni// gti mug dza log chos kyi sku// 'dod chags dza log sbrul sku// zhe sdang dza log longs sku// nga rgyal dza log rdo rje lha bu'i sku// phrag dog dza log mngon par byang chub pa'i sku// gti mug chos kyi sku'i ye shes// 'dod chags rang byung gi ye shes// zhe sdang snying po'i ye shes// nga rgyal rig pa'i ye shes// phrag dog kun tu mi 'gag par rang shar chen po// rig khong gsal chen po// dug lnga dza log tu bstan pa'i le'u bcu gcig pa'o// / sku gsum dza log gi rgyud chen po 'di// phyag nas phyag tu rim brgyud pa'i// gang zag blo yis ma shigs pas// kun la bstan na skur pa 'debs// de yi 'bras bu don nyid la// skur pa btab pa'i dbang gis ni// ngan song gsum du 'khyam par mchi// de bas blo ldan brtags la sbyin// snod med gcig dang ma sprad cig/ ro langs bde bas tshigs su bcad pa'o// le'u bcu gnyis pa'o// / rdzogs so//

  428. 48b

    rgya gar skad du// dz+nyA na tsakra sa di ma ha tan+t+ra// bod skad ba du// ye shes 'khor lo gting rdzogs chen po'i rgyud// dpal kun tu bzang po la phyag 'tshal lo// tshig mang rab tu bsdus nas ni// theg pa'i yang rtse man ngag kun gyi bcud bsdus pa// rgyud rnams kun gyi snying por bshad// 'khrul pa zlog pa'i thabs su bdag gis brjod// 'di skad bdag gis bshad pa'i dus gcig na// gsang bdag che la bka' stsal pa// 'og min chos dbyings pho brang du// rang grol mkhyen pa rig pa'i 'khor// byin rlabs 'jug pa'i bstan pa yin// zhes gsungs so// gsang ba'i bdag pos rab zhus pa// thog ma med pa'i dus nyid gang // de las 'khrul pa ji ltar lags// dge sdig so mtshams ci yis bzung // sangs rgyas sems can khyad par ci// gzhi dang 'khrul ba'i so mtsham gang // 'khrul pa ma rig so mtshams gang // lus kyi sgong rgya ji ltar chags// lus dang rnam shes so mtshams ci// las dang bag chags so mtshams dang // 'gro drug ma dag 'khrul snang dang // longs sku dag pa 'jig rten dang // yang dag ye shes snang ba gsum// gcig pa lags sam tha dad lags// zhes gsungs so// ye shes 'khor lo gting rdzogs chen po'i rgyu las// gleng gzhi'i le'u ste dang po'i// // kun bzang rdzogs pas bka' stsal

  429. 49a

    pa// thog ma med pa'i dus nyid na// sangs rgyas sems can ming med pa'i// nyi zla gnyis su lung ma bstan// spyis kun gzhi chen po yin// rgya chad phyogs lhung med pa'o// gzhi nyid lhun grub dbyer med pas// nam mkha' nor bu rin po che// ga pur nyi ma lta bus mtshon// zhes gsungs so// ye shes 'khor lo gting rdzogs chen po'i rgyud las// gzhi mtshon pa'i le'u ste gnyis pa'o// // de nas 'khrul pa ngas bstan to// legs par nyon cig gsang bdag che// lhun grub yon tan phyogs med pa// lhun grub rtsal las phyogs med pa'i// 'gag pa med pa'i rlung chen grub// sa mtshams ma ni rlung du byung // 'khor ba 'jug ldog snang ba shar// 'gyu yig 'jug yin spyod pa'i yid// 'khor lo mtshon cha med dpung 'dra// rang snang 'od lus grub par nges// khams gsum rtsa ba de ru smin// 'gyur ba rlung gi gshog pa can// mdzes pa'i lha mo phyogs med gzigs// lha mo 'od 'chang zhes su bshad// lha mo nor bu bum pa'i sku// gzigs snang med par mkha' la lding // sbyor ba gsum gyi pha rol 'gro// zhes gsungs so// ye shes 'khor lo gting rdzogs chen po'i rgyu las// gzhi dang 'khrul pa so mtshams mtshon pa'i le'u ste gsum pa'o// // de nas yang bka' stsal pa// rtse gcig nyon cig gsang bdag khyod// dge sdig

  430. 49b

    so mtshams mtshon par bya// dge sdig gnyis kyi sbyis pa// rnam rtog med pa'i lhun grub yin// de yi so mtshams bstan pa ni// yid gsum 'jug ldog yin par shis// kun tu bzang pos skye med rtogs// dang po sangs rgyas rgyud med pa// ye shes ye shes khyad par che/ khyab brtal chen po ye shes che// cho 'phrul chen po dka' ba med// dge las ma byung rang byung sel// gzhan las ma byung yon tan ci mi gzigs// gnyis med rang grol mtshan ma bde bar shar// rnam rtog skyes nas slar la ye shes gsal// phyi nang med pas chos nyid rlan gyi btsas// ma rnyed rang la shar bas nyi ma stong pas gsal// lhun po'i rtse nas gdugs 'dra brdal// zhes gsungs so// ye shes 'khor lo gting rdzogs chen po'i rgyud las// dge bar rang sar grol ba'i le'u ste bzhi pa'o// // de nas yang bka' stsal pa// sdig pa log nas grub pa med// lhun grub rgya chad med pa'i rtsal chen de// rab tu 'jug pa'i lus gsum shar// 'gyu brdung gi gshog pa can// mdzes mar bltas pas chags pa skye// gzhan du mthong bas zhe ldang 'bar// rang ngo/ ma shes gti mug 'thibs// lha mor mthong bas nga rgyal skyes// nga rgyal khong khro phrag dog lnga// rnam rtog med pa'i lam du byung // chags zhen lnga po rang la bshad// dge sdig gnyis po de nas sel// srid pa

  431. 50a

    gsum po dga' ba de// 'khor ba'i rgya mtsho'i nang du bying // 'dod chags me ltar 'bar ba dang // zhes sdang brag chen gtams pa dang // gti mug mun ltar gtibs pa dang // nga rgyal chu ltar 'khrug pa dang // phrag dog rlung 'tshubs pa yis// ngan 'gro bde 'gro'i gnas 'khyam// rang gis rang bdud gcod pa yis// thar ba'i dus ni dka' bar mchi// zhes gsungs so// ye shes 'khor lo gting rdzogs chen po'i rgyud las// dge sdeg rang grol dang rang bcings spyis bstan pa'i ste lnga pa'o// de nas yang bka' stsal pa// sangs rgyas sems can khyad par bstan pa ni// 'gyu ba lhun grub rlung gi gshog pa tsam// rlung gi 'khor lo rta pho la// zhon nas phyogs su 'gro 'dod pa// des ni chags sdang skye ba'i gzhi// rig pa rang sa mi zin pas// ma rig pa yi mun pa 'thibs// nyon mongs pa yi dbang gis su// ma shes 'khor ba'i 'dam du bying // 'khor ba logs na med de rang gi bgrod// sems ni chags sdang skyed par byed// des na sems ni rtogs pas 'bras bu 'dus byas 'gyur// sangs rgyas rig pa rang grol yin// bar snang gnyis med thig le 'bar// 'bar ba chen po 'di la dbyer med rang sa zin// zhes gsungs so// ye shes 'khor lo gting rdzogs chen po'i rgyud las// sangs rgyas sems can khyad par mtshon

  432. 50b

    pa'i le'u ste drug pa'o// // de nas yang bka' stsal pa// 'khrul pa ma rig so mtshams bstan pa ni// 'gyu ba thogs med las kyi rlung chen des// 'od kyi snang bas gsal ba ma 'dres pa// rang snang yul du mthong bas bag chags lus su 'khrul// lus kyi snang ba dag la snga ba ni// bag chags lus la dus lnga rgyas pa yin// dka' dmar snang ba dag la snga ba yang // thog ma bzhi yi rang gdangs snang ba yin// de la chags na bag chags sgris pas bslad pa yin// de dag rang snang zad thal la// 'od du mthong bas 'di lus grub pa yin// 'od la gzugs snang dngos su ma grub ste// yid la yod pa snyam du ma grub pas// de ni yid kyi lus su 'khrul pa yin// 'od lus yid lus sred len dus dang mtshungs// skad cig gcig la byed brag phyed// sha khrag lus su gyur pa na// lus kyi snang ba rgyas pa'o// zhes gsungs so// ye shes 'khor lo gting rdzogs chen po'i rgyud las// ma rigs 'khrul pa lus kyi so mtshams mtshon pa'i le'u ste bdun pa'o// // de nas yang bka' stsal pa// nyon cig gsang ba'i bdag po khyod// lus kyi sgong rgya'i chags lugs ni// pha yi sred pa ma yi len pa yis// dkar po dmar po mthing kha gsum// seng po dmar po ljang khu lnga// rgya dang nya yi tshul du nas pa la// nya mo rgya yis zin pa bzhin// 'gyu ba lhun grub rang

  433. 51a

    snang las// rang snang ma mthong gzhan snang mthong // 'gyu ba dus gsum 'od dang thug/ 'byung du zabs med ri dwags rgyar chud 'dra// mngal kha'i nang du 'gyu ba tshud// dkar dmar sgo nga gcig tu 'khril// de ni mdzod pur chags pa yin// de la thig phran gnyis su chags// mig gnyis thig le 'od du 'bar// de las rtsa gnyis rnam par chags// chos nyid me long dag tu gnas// de las rtsa gnyis gyes pa las// sna gnyis dag tu chags pa yin// de las rtsa gnyis gyes pa las// mid pa ol kong gnyis su chags pa yin// de las mid pa ol kong las// snying dang glo bar srid pa yin// shel gyi spug gus rab tu 'grel// gzhi 'dus pa ni 'brel bar chags// snying dang srog pa rtsa ru 'brel// glo ba ming pa ol gong dag tu 'brel// dbugs can dbugs med dag tu 'brel// sems dang sems las byung bar 'brel// rig pa thig le dag tu 'brel// 'khor ba mya ngan 'das par 'brel// blo dang dngos po dag tu 'brel// 'brel pa sha dang rtsa dang ni// rkang dang lpags pa chu rgyus dang // phyi nang gzugs su 'brel su 'brel pa'o// zhes gsungs so// ye shes 'khor lo gting rdzogs chen po'i rgyu las// lus kyi sgong rgya ngo sprad pa'i le'u ste brgyad pa'o// yang bka' stsal pa// nyon cig sems can chen po khyod// lus dang rnam

  434. 51b

    shes so mtshams ni// mdzod bu'i snang ba 'gyu ba'i so mtshams yin// don gyi gsang lam chen pos thams cad mkhyen// mig dang rna ba rna rtse dang // yid dang kun gzhi rnam shes brgyad// sgo lnga drug dang brgyad du 'brel ba las// bar na thog pa med pa'i rnam shes 'char// rnam shes 'gag pa med pa'i mtshams yin// de nas rang byung chos gos gon// thugs rje rang byung dge 'dun rtags// thugs la rtog pa med par spyod// byin gyis brlabs kyi dge slong yin// ngo bo nyid ni gzhi ru shes// ngo bo nyid kyi dge 'dun yin// de nas ma yi rum nas byung // rtog med shes rab rang gsal bas// sa la gnas pa'i byang chub sems dpa' yin// 'dod pa'i 'dod chags chen po de// de ming thugs rje 'byung mi srid// phyi dang nang gsang ba yi// 'dod dang chags pas brgyan pa'o// zhes gsungs so// ye shes 'khor log gting rdzogs chen po'i rgyud las/ sbrul sku 'byung ba'i le'u ste dgu pa'o// // de nas yang bka' stsal pa// sems dpa' chen po nyon cig/ las dang bag chags so mtshams bstan pa ni// las ni rnam rtog dge dang sdig pa'i las// lung ma bstan gyi las zhes bya// bzang rtog ngan rtog las su phye yang don la 'byed med pas// 'gyu ba'i rlung gis phye ba las// dngos su las zhes grub pa med// dkar nag las dang las kyi 'bras

  435. 52a

    bu ni// gnas skabs 'bras bu tsam du yo la snang // gtan du mi bden blo yis byas pa yin// bag chags blo chos 'gyur bas na// rtag tu bden par ngas ma gsungs pa yin// 'od lus yid lus sha khrag lus// bsdus pas 'khrul pa bag chags lus su 'dus// bag chabs lus mi btsan te dkar nag rje// gzhan gyi ma yin rang ga bag chags 'gyur// chags pa rang byung ye shes yin par ma shes na// rtag tu bzang rtog spyod pa rtsol ba'i nad// ces gsungs so// ye shes 'khor lo gting rdzogs chen po'i rgyud las// las dang bag chags shan dbye ba'i le'u ste bcu pa'o// de nas yang bka' stsal pa// sems dpa' chen po ngas bstan no// snang ba rnams gsum dag pa ni// za dag mthong bas 'khrul pa yin// ma dag pa yi snang ba la// yon tan phyogs med ngo sprad de// gong gis sha khrag lus po las// phung po lnga dang dug lnga dang // 'byung lnga sgo lnga la sogs pa// phung po lnga po bstan pa ni// gzugs la sogs pa lnga med na// sangs rgyas chad pa'i skyon du 'gyur// gti mug mun nag med pa na// chos skus khyab pa'i don mi rnyed// zhe sdang ri bo med pa na// chos sku'i mkhyen tshad du yis rtogs// 'dod chags chu bo med pa na// thugs rje 'gag med rgyun chad 'gyur// nga rgyal brag chen med pa na// sangs rgyas che ba su

  436. 52b

    yis mtshon// phrag dog rlung chen med pas na// thugs rje mkhyen pa'i ye shes dang // ye shes spyan gyi dngos grub dang // lhag mthong ye shes 'char sa med// 'byung ba lnga po ma grub na/ zhing khams rang snang su la 'char// sgo lnga rnam shes ma grub na// ye shes lus su su khas len// dag pa'i phung po rnam lngar 'dus// chags med spyan lnga rang la 'char// ye shes lnga pos ye nas khyab// khyab brdal chen po rang snang la// ma dag 'khrul par 'dzin pa 'khrul// zhes gsungs so// ye shes 'khor lo gting rdzogs chen po'i rgyud las// ma dag pa 'khrul pa'i don mtshon pa'i le'u ste bcu gcig pa'o// // de nas bka' stsal pa// nyon cig rdo rje sems dpa' che// dngos po dag dang rang grol dang // de gnyis rang rgyud pa dang gsum// rang rgyud dug lnga mtshams mar 'dzin// dngos po kun la dga' ba ni// phung po lnga la sku lnga dang // dug lnga ye shes lnga dang ldan// 'byung lnga kha dog 'od lnga dang // sgo lnga spyan lngar 'dod pa ni// don dam kun rdzob sgo nas su// sems dpa' sems ma la sogs pa// rdo rje phung po s+phu ru snang // snang srid longs spyod rdzogs pa'i sku// 'byung ba yum gyi klong du rgyas// phung po rnam lnga sku lngar rgyas// dug lnga ye shes lnga ru rgyas// rnam shes lnga po spyan lngar rgyas// mtshan ma'i dngos po sangs pa dang // yon tan mtshan dang

  437. 53a

    dpe byad rgyas// grags chen sangs rgyas yin par bshad// shes rab dag pa'i sangs rgyas min// shes rab gol ga sangs rgyas min// phyogs ma rtogs pa dngos po'i mtha'// zhes gsungs so// ye shes 'khor lo gting rdzogs chen po'i rgyud las/ dag pa 'jig rten pa'i ngo sprad pa'i le'u ste bcu gnyis pa'o// // de nas yang bka' stsal pa/ nyon cig rdo rje sems dpa' che// dag pa 'jig rten dag dang ni// ma dag 'khrul pa gnyis kyis su// yang dag ye shes snang ba ni// mun mtha' med pa'i mkha' ltar gsal// phyogs ris med pas rgya ma chad// thig le yin pas khyab cing brdal// rang sar grol bas lhag ma med// sna tshogs thig le'i rang sgo la// phyogs med nor bu rin chen 'dra// yon tan phyogs med rgya ma chad// nyi ma'i snying po bzhin du snang // stong pa gsal dang mi 'gag pa// phyogs ris med par rgya ma chad// de dang 'dra ba'i thig le yin// gsal ba rang shar chad pa'i ming ma grub// stong par gnas pas rtag pa'i gzhi ma grub// 'gag pa med pas phyogs med snang // dbyer med gzhi yi rang snang las// tha dad 'don pa don mi mthong // zhes gsungs so// ye shes nyi ma rang shar bas// grib pa'i mtshan ma rang sar grol// ye shes khyab brdal thig ler 'bar// sna tshogs thig ler rang sar grol// ngo bo

  438. 53b

    nyid kyi thig ler 'bar// khyab brdal ye shes phyogs ris med// khyab brdal ye shes thig le yin// sangs rgyas yul med nga yin pas// ngas ni thig le nyag gcig dgongs pa yin// rig pa phyi nang med pa yis// yul med zang thal yin pa la// phyogs su 'dzin pa snying rje'i yul// snying rje'i chen po thabs kyi mchog/ thig le kun khyab kun 'gro yin// thig ler rang grol chen po dang // thig le kha sbyor chen po gnyis// dbyer med rang grol shar tsam na// 'bras bu'i zhen pa rang sar grol// zhe 'dod ma yin ye gzhi gsal// rang grol ye shes thig ler 'bar// 'bar ba chen po snang srid thig ler 'bar// zhes gsungs so// ye shes 'khor lo gting rdzogs chen po'i rgyud las// yang dag pa ye shes kyi thig le rang snang rang grol gyi le'u ste bcu gsum pa'o// // de nas bka' stsal pa/ nyon cig gsang ba'i bdag po khyod// snang ba rnam pa gsum po ste// 'brel dang ma 'brel ngas bstan gyis// rgyud drug khams gsum sems can la// dug lnga phung po lnga la sogs// rang rgyud bzung ba'i sems can la// ngo bo gzhi yi yin lugs kyis// khyab cing 'brel par ye nas snang // rtog par nga grol rang shar la// dbyer med thig le rang shar 'bar// ma rtogs las dang bag chags kyang // yin lugs rtsal las g.yos pa med// des

  439. 54a

    na rtsal dang rol pa dang // rgyan gyis khams gsum dag tu 'khrul// ye shes ngo spyod chen po 'dis// gzung 'dzin yul las grol bar byed// gti mug rang grol chos kyi sku// dbyer med thig le khyab brdal lo// chags pa rang grol sbrul sku'i don// sna tshogs rang grol thugs rjes khyab// khyab brdal thig le dbri bkol med// zhe sdang mtshan ma longs sku yin// rgyan dang snang ba thig ler gsal// rang snang zang thal yul med pas// chos ku gzigs snang mtha' las grol// 'byung lnga 'od lnga rang sar grol// sangs rgyas yul med zang thal la// zhing khams yul du 'dzin pa 'khrul// longs sku zhing khams rang sar grol// grol ba dbyer med rang snang thig ler 'bar// 'bar ba'i rgyal po 'di la dbye ba ye nas med// ces gsungs so// ye shes 'khor lo gting rdzogs chen po'i rgyud las// dbyer med thig ler rang snang rang grol gyi le'u ste bcu bzhi pa'o// // de nas gsang ba'i bdag po chen po des/ bcom ldan 'das la zhus pa/ kye bcom ldan 'das lta ba ting 'dzin spyod pa dang // de yis 'bras bu ji ltar thob// gol gzhi gol sa shan dbye dang // la zla ngo sprod ji ltar bgyi// chu bo bzhi la ngo sprod dang // lam gyi gdams ngag ye shes ngos bzung dang // rig pa'i mchog 'di gang gis sgrub// de lung nges

  440. 54b

    pa gang gis bzung // gags thar klong du gang gis slebs// zhes zhus pas// kun tu bzang pos bka' stsal pa// lta ba lhun grub phyogs med la// phyogs rtogs yang dag nyid ma rtogs// don dam kun rdzob gnyis ni mu// rang bzhin stong pa gcig gi ngo // gnyis med rang grol gcig gi mtha'// kun rdzob don dam dbyer med la// gsum gyi mtha' ru brjod pa yin// phyogs gsum ma lhung rgya ma chad// mtshan ma rang sar grol ba yi// shes bya gshis kyi 'dug tshul de// chos las 'das pa'i zang thal dang // rang snang dag pa'i ye shes de// rgya ma chad pa'i ye shes yin// phyogs lhung med pa'i thig le la// lhun grub gzhi yi gnas lugs ni// phyogs med rang sar grol ba de// rgya ma chad kyi chos sku yin// ye shes zang thal phyogs med gsum// khyab pa'i ye shes mi 'gag par// thogs pa med par mkha' ltar gsal// ye shes chos kyi sku zhes brjod// dbyer med thig le'ub chub de// sku dang ye shes dbyer med pas// ye shes nyi ltar gsal ba'o// chos sku mkha' 'dra khyab cing brdal// dpe zla med pa'i nyag gcig po// ye shes chos sku'i ngo spyod yin// spyi dang bye brag khyad par che// 'dug tshul snang tshul dbyer med pas// mtshan mar rang grol ngo spyod yin// thig le ngo spyod rang gsal bas// blo yis zhen pa'i yul las grol// snang zhen grol

  441. 55a

    bas mngon zhen grol// skye rgyud chad pas 'chi rgyun chod// 'khrul pa zlog na gzhi nas ldog/ ma rig pas ni 'khor bar 'khyams// ma rig bzlog na gzhi nas bzlog/ gzhi ni lhun grub phyogs med yin// phyogs med grol bas thams cad mkhyen// phyogs med shar na zang thal yin// phyogs med grol na chos med sku// mtshan ma rang sar grol gyis de la bya// zhes gsungs so// lta ba rang gi mtshan nyid dang dbyer med du bstan pa/ ye shes 'khor lo gting rdzos chen po'i rgyud las/ mtshan ma rang grol gyi le'u ste bco lnga pa'o// // yang bka' stsal pa/ gsang ba'i bdag po nyon cig/ ting 'dzin ting 'dzin zhes bya ba// spyi dang bye brag shes pa gces// spyi ni thabs kyi bye brag go/ rang gi mtshan nyid 'di lta ste// ting 'dzin rtse gcig dgongs pa ni// dper na bya rgyal khyung chen ltar// rtsol ba med pas phyogs med slebs// 'bad pa med par dgung mtha' yin// 'og ma'i g.yang la nyi mi nga // ye shes gting rdzogs zang thal te// khyung chen gshog rdzogs ting 'dzin gyis// chos min yangs pa'i klong du slebs// rnam rtog ma sbyangs rang sar grol// 'khor ba'i snang ba rang sar grol// ye nas phyi dang nang med pa'i// thig le yangs pa'i klong chen de// rtag par rgyun gyi thugs rje yin// dbri bkol med pa'i ting 'dzin shar// rtag tu ye

  442. 55b

    shes gting nas rdzogs// rang rig thugs kyi nyi ma brdal// khyab brdal ye shes ye nas brdal// bsam gtan nyid kyang ye shes zang ka ma// bar do med pa'i tshil chod gsal// phyi nang dus gsum mnyam par gnas// nyag gcig rtog ge'i nyams las 'das// thams cad ngo bo nyid du brdal// bar mtshams med pas nyag gcig po// bsam gtan chen po ting 'dzin yin// zhes gsungs so// ye shes 'khor lo gting rdzogs chen po'i rgyud las// rtse gcig bying rgod rang grol sgom chag nad dang bral ba'i le'u ste bcu drug pa'o// // de nas yang bka' stsal pa/ sems dpa' chen po nyon cig/ spyod pa spyod pa zhes bya/ ba// lhag mthong rig pa'i ye shes de// gtan la 'bebs pa'i thabs chen gyis// snang ba ma 'gags shes rab che// 'gyu ba ma 'gag shes rab che// byed da tshogs gnyis dus gcig rdzogs// 'du 'bral med pa'i tshogs chen po// bsags pa ma yin rang la rdzogs// thabs dang shes rab khyer ka yi// gzung 'dzin rig pa'i yul las grol// 'dzin pa grol ba rgyu yi tshogs// snang ba grol ba bsod nams tshogs// dbyer med grol ba 'bras bu'i tshogs// chos las ma byung ye shes tshogs// 'du 'bral med pa'i zang thal de// skad cig gcig la rdzogs pas na// tshogs gnyis dus gcig rdzogs pa

  443. 56a

    yin// de don khyer ka sus nus pa// sku lnga 'du 'bral med par gsal// de lnga lam du slong ba ni// lam lnga skad cig ma la rdzogs// des na don la gang gnas pa// sa rnams ma bgrod rang sar yin// 'du 'bral med pa'i ye shes te// 'od gsal chen po'i dgongs pa 'dis// thams cad rang sar grol bas na// dum bu'i 'khrul pa rang sar grol// dug gsum ma rig rang grol bas// rgyun gyi 'khrul pa rang sar grol// rgyun dang dum bu'i 'khrul pa gnyis// gnyis 'dzin mtshan mar rang grol bas// ye shes zang thal 'ba' zhig sku// rtsol sgrub med pas rang grol yin// zhes gsungs so// ye shes 'khor lo gting rdzogs chen po'i rgyud las/ spyod pa'i gdams pa bstan pa'i le'u ste bcu bdun pa'o// // de nas yang bka' stsal ba/ sems dpa' chen po nyon cig/ 'bras bu'i dgongs bzhi dgos pa'i don// spyi dang bye brag dbye ba gces// mu stegs 'gro drug theg pa dgu// sku gsum rang snang 'bras bu'o// sku gsum 'bras bu bstan pa yang // spyi dang bye brag dbye ba gces// 'di ni mchog gi sku gsum yin// thun mong 'bras bu bsam mi khyab// rang gi mtshan nyid 'di lta ste// thams cad thig le rang grol la// 'bras bu'i sa dang thob bya'i don// ngas don ltar ma shes so// thams cad ye shes zang thal

  444. 56b

    la// yul med pa la gnas pa med// phyi nang med pas thob sa med// bar mtshams med pas thob yul med// gnyis med dbyer med thig le la// 'bras bu thob pa'i yul med pas// dus la ltos pa'i chos min pas// dus gsum ye shes phyi nang med// dper na nor bu rin chen de// yon tan 'phral la grub pa min// ye nas gzhi la rdzogs pas na// nor bu rnams kyi mchog tu bshad// don ni thig le nyag gcig de// ye nas 'du 'bral med pas na// 'bras bu thob pa ngas ma shad// 'dus byas 'bras bu ngas ma shad// thig le ltos chos ma yin pas// snang srid thams cad nga yi yul// nga nyid thig le ye brdal yin// zhes gsungs so// ye shes 'khor lo gting rdzogs chen po'i rgyud las// 'bras bu rang chas 'du 'bral med pa'i le'u ste bco brgyad pa'o// // de nas yang bka' stsal pa/ sems dpa' rdo rje khyod nyon cig/ gol gzhi gol sa bstan pa ni// gzhi nyid rang bzhin zang thal de// ngo ma shes pas sgrib pa yin// stong par bsgoms pas gol ba yin// gzhi nyid rang gsal chen po de// ngo ma shes pas sgrib pa yin// rang gsal bsgom pa gol sa yin// gzhi nyid thugs rje chen po yin// ngo ma shes pas sgrib pa yin// bde gsal bsgom pa gol sa yin// gzhi nyid thog pa med pa yin// ngo ma shes pas sgrib pa

  445. 57a

    yin// gzugs can gzugs ni nyams su len// bde ni gol sa rab tu che// gol sgrib 'bras bu bstan pa ni// yid lus 'od lus gnyis su skye// des na 'bras bu'i la shan dang // nyams kyi la shan rab tu gces// la zla'i mtshan nyid bstan pa ni// thig le blo las 'das pa yi// mtshan ma rang grol phyogs med la// phyogs su 'dzin pa gol ba yin// de nyid ma shes sgrib pa yin// ye nas zang thal gzhi ma de// rang grol mun mtha' las 'das pa// de ni ye shes phyogs med yin// gol dang sgrib pa rang sar grol// de nyid slar la grogs su shar// phyi nang med pas man shel 'dra// dpe zla med pas nor bu 'dra// phyogs lhung med pas nam mkha' 'dra// rgya ma chad pas nyi ma 'dra// nyin mtshan med pas lce spyang 'dra// zhes gsungs so// ye shes 'khor lo gting rdzogs chen po'i rgyud las/ gol gzhi gol sa shan dbye la zla ba'i le'u ste bcu dgu pa'o// // de nas yang gsungs so// sems dpa' chen po nyon cig/ dbang gi chu bo bzhi po bstan// ga ga pags shu si ta dang // ne ran dza ra lta bu yi// dpe yi don ni dza log nas// chu bo ye shes zang thal la// 'gag pa med pa'i thig le'i rtsal// dbang gi chu bo dza log yin// ye shes chu bo rgyun ltar 'char// bar chad med pa'i dbang bskur yin// rig pa rtsal gyi dbang thob

  446. 57b

    pas// ral gri kha mangs lta bu'i dpe// sbrul sku thug phrad dbang yang thob// ye shes rtsal gyi dbang bskur bas// mtshan mar rang sar grol ba'i phyir// khyung chen sgong rgya tshogs pa 'dra// rtsol ba med par mkha' la lding // rgyal thabs spyi blugs dbang bskur bas// mtshan ma rig pa'i ye shes la// rgyas 'debs phyi nang med pa'i dbang thob pas// phyi nang dbang bskur thams cad 'dus// ye shes thog babs dbang bskur bas// rnam rtog skyes pa'i dus nyid na// ye shes zang thal phyogs med shar// ces gsungs so// ye shes 'khor lo gting rdzogs chen po'i rgyud las// dbang thams cad ye nas gzhi la grub pa'i le'u ste nyi shu pa'o// // de nas yang gsungs pa/ sems dpa' chen po nyon cig/ lam gyi gdams ngag ye shes ngos bzung bstan pa ni// 'khor ba'i rtsa ba ma rig pa// chags sdang lnga yi lo ma can// nyon mongs brgyad khri bzhi stong sprin// thig le rtsa ba rang sgo rig pa'i mchog/ ye shes lnga yi lo 'dab rgyas// chos kyi sgo mo brgyad khri bzhi stong smin// de gnyis bar na 'brel ba zam ma chad// blo dngos gnyis kyi bar na gcod byed gnas// nyams kyi rgyal po tshogs drug lhug pa yin// ye shes rgyal po zang thal yin// theg pa'i rgyal po thig le ye brdal yin// lam gyi rgyal po 'gyu ba lam khyer yin// sngags kyi rgyal po thig le stong pa

  447. 58a

    yin// rtsa yi rgyal po shel gyi sbu gu yin// rtags kyi rgyal po sku gsum thug phrad yin// yid ches rgyal po 'gyu ba dngas sangs yin// 'bras bu'i rgyal po thig le chos min yin// sangs rgyas rgyal po sku gsum rang grol yin// thugs rje'i rgyal po sku gsum rang snang yin// byin rlabs rgyal po phyogs med rang shar yin// gnad kyi gdams pa thig le gdung ba yin// spyan gyi dam pa bla med 'gyu ba'i spyan// 'gyu ba'i spyan la ngo sprad na// longs sku'i snang ba dngos su wa le gsal// thig le nyag gcig rgyas gdab gces// bar mtshams med na zang thal yin// khyer kha ston na 'gyu ba'i ngo sprod gces// gcod pa'i yid dang shes rab chen po gnyis// bar na khyer ka gcig las med// med par shes na sangs rgyas ngo spyod yin// bar do bya ba blo yin blangs pa yin// blo las grol na bar do'i ming yang med// ces gsungs so// ye shes 'khor lo gting rdzogs chen po'i rgyud las// lam dang 'bras bu thugs rjes mtshon pa'i le'u ste rtsa gcig pa'o// // de nas yang bka' stsal pa// sems dpa' chen po nyon cig/ 'gyu ba khong du khrol tsam na// 'gyu ba bun gyis song ba'i dus// de dus sbrul sku'i rig pa yin// 'gyu ba 'od gsal shar ba de// longs spyod rdzogs sku'i rig pa yin// 'od las 'das pa'i zang thal

  448. 58b

    de// chos kyi sku yi rig pa yin// thams cad gtan la 'bebs pas na// rig pa'i mchog tu de bshad do// de don thugs la gang gnas pa// lung gi rgyal po de bshad do// gags kyi gdams ngag bstan pa ni// yin lugs ma rtogs sems 'dzin gegs// khyer ka ma shes sgom pa'i gegs// zang thal ma shar lta ba'i gegs// chos min ma shar 'bras bu'i gegs// rang bzhin gcig tu grol gyur na// gags thar ye shes klong du grol// thams cad rang sar grol tsam na// thig le phyi nang med pa yin// thams cad lam du klong tsam na// ye shes khong nas shar ba yin// mtshan ma rang grol spyod pa yin// zhes gsungs so// ye shes 'khor lo gting rdzogs chen po'i rgyud las/ rig pa dang lung gags mtshon pa'i le'u ste nyer gnyis pa'o// // de nas bcom ldan 'das kun tu bzang pos/ rdo rje sems dpa' bka' stsal pa/ ngas bshad pa yi rgyud chen 'di// ye shes gting rdzogs dag gi rgyud// thams cad rang grol ston pas na// mtshan ma rang grol rgyud du zung // ye shes zang thal ston pas na// ye shes khong 'char rgyud du zung // thams cad thig le chos min klong du ston// lhun grub rang grol rgyud du zung // zhes gsungs so// zhu ba po rdo rje sems dpas zhus pa/ sdud pa po dga' rab rdo rjes bsdus pa'o// ye shes 'khor lo gting rdzogs chen

  449. 59a

    ba'i rbad las/ man mtshan nas brtan pa'i mtshan par gsum pa'o// / rdzogs pa// @// rgya bar rkang du N+Dal gra rba binad+haSh+ThAnA ma/ du/ thig le gsang ba yang gter gyi rgud ces bya ba/ rdo rje mkha' 'gro ma la phyag 'tshal lo// dpal ldan rdo rje mkha' 'gro ma// 'gro ba slob la phyag 'tshal nas// 'jam pa'i dpal gyur 'gro ba'i mgon// tshogs pad+ma'i mdog 'dra ba'i// dbyibs legs phyag mtshan rdo rje dang // gri gug thod pa rab tu bsnams// stag dang glang chen na bza' bstabs// dred mo'i sham thabs rab ru mdzes// rab tu 'jigs pa'i dur khrod na// rus pa sha dang ro yi tshogs// nus pa 'bral 'brel la sogs pa// mkha' 'gro sna tshogs 'dra ba'i gnas// 'khor yang mkha' 'gro dri med sogs// 'dus pa'i tshogs la rab tu 'chad// 'dre skad brda skad rang skad kyis// ming dang tshig dang yi go'i tshogs// brgyad pa bar ma chad pa'i chos// phun sum tshogs pa'i dus de ru// ngo bo nyid kyi mkha' 'gro bsdus// te la gu sh+ya'i 'chad pa'i dus// byi nang dur khrod 'bar bar bshad// ces gsungs so// thig le gsang ba yang gter gyi rgyud las/ mkha' 'gro ma'i tshogs las phun sum tshogs pa'i le'u ste dang po'o// // de nas mkha' 'gro dri med kyis/

  450. 59b

    mkha' 'gro zla ba'i 'od zer can la/ kye kye rdo rje mkha' 'gro ma// bdag cag mkha' 'gro'i tshogs rnams la// thig le kha sbyor bshad du gsol// zhes zhus pas/ rdo rje mkha' 'gro mas bka' stsal pa/ nyon cig rdo rje dri ma med// thig le kha sbyor bshad par bya// thog ma med pa'i dus nyid na// sangs rgyas sems can ming med pa'i// 'khor 'das gnyis kyi gzhi ma de// ming dang tshig las 'das pa yin// sangs rgyas bya/ ba'i ming yang med// sems can 'khrul pa'i 'bras bu med// chos nyid ma bu phrad pa med// grol dang ma grol gnyis su med// dag dang ma dag la sogs te// phyi nang snod bcud ming yang med// 'khor 'das 'bras bu gnyis ma grub// shes dang shes bya'i yul las 'das// 'byung ba chen po rgyu yi gzhi// thams cad sprul pa'i gzhi ma de// spyi sa chen po de yin no// zhes gsungs so// thig le gsang ba yang gter gyi rgyud las// gzhi sa bstan pa'i le'u ste gnyis pa'o// // yang dri ma med kyis zhus pas/ gnyis su snang ba ji lta bu// phyi nang snod bcud ji ltar lags// gnyis su med pa'i don de la// gnyis su 'khrul pa ji ltar lags// zhes zhus pas/ dper na chos nyid nam mkha' la// sprin dang khu rlangs 'ja' tshon dang // nyi zla gza' skar lhun gyis grub// rgyu las rgyu 'phrul byed pa min// dpe de bzhin du// lhun grub thig

  451. 60a

    le'i klong dkyil nas// thig le'u rtsal gsum rang snang de// dbyings dang ye shes thig le gnyis// kha sbyor tshul du gnas pa yin// bar na thig le rtsal gyi 'bar// rtsal de g.yos pa'i dus nyid na// gnyis su snang ba'i thig le de// gsal dang stong pa gnyis su snang // phra ma mkhan gyi dbye ba byas// dbyings la ye yid shes pa yin// stong pa'i 'gyu ba wal gyis 'byung // de yis dus na bzung ba yi// yul ni stong pa mnyam du 'phrul// 'gyu ba so de 'phral ba las// shes pa'i rnam par 'phrul pas na// de dus phra ba mkhan gyi lan// phra ma mkhan de rab tu bzhad// gnyis snang phra ma der zhugs las// gnyis med phra ma mkhan gyis lan// zhes gsungs so// thig le gsang ba yang gter gyi rgyud las// gzhi nas phra ma mkhan ngos bzung ba'i le'u ste gsum pa'o// // yang bka' stsal pa/ zer gyi thig le bstan par bya// zer ni rnam pa gnyis su 'khrul// snod kyi zer dang bcud kyi zer// dbyings kyi thig le stong pa las// 'od kyi snang ba lnga ru 'khrul// ye shes thig le gsang ba las// dug lnga ma rig bcud kyi zer// phra ma mkhan gyi bar du zhugs// chags sdang lnga ru 'khrul ba yin// 'dod yon lnga yis rkyen byas nas// phra ma lnga btsan dbang che las// dug lnga rgyud la skyes pa yin// zhes gsungs so// thig le

  452. 60b

    gsang ba yang gter gyi rgyud las// zer gyi thig le'i le'u ste bzhi pa'o// // yang bka' stsal pa/ rtsal gyi thig le bstan par bya// rtsal gyi thig le gnyis yin te// dbyings dang ye shes gnyis kyi rtsal// dbyings dang ye shes gnyis kyi rtsal du bstan pa ni// 'od lnga'i rnam par 'khrul pa las// 'byung ba lnga sogs 'gro drug rnams// rang snang yul du thams cad 'khrul// zhes gsungs so// ye shes rtsal de bstan pa ni// gong gi 'dod yon chags sdang la// lus dang sems su 'khrul pa na// sred len gnyis kyi rgyu rkyen las// ma rig dbang gis sman la sbyar// 'gro drug gzugs dang yid la sogs// rtsal gyi thig ler bshad pa yin// zhes gsungs so// thig le gsang ba yang gter gyi rgyud las/ thig le kha sbyor ya bral gyi le'u ste lnga pa'o// // yang bka' stsal pa/ ma dag 'khrul pa de lags na// dag pa 'jig rten thig le bshad du gsol// zhes zhus pas/ bka' stsal pa/ kun tu bzang po'i thig le dang // kun tu bzang mo'i thig le dang // gnyis med ye shes thig le gsum/ phra ma mkhan de rdo rje sems// yab yum sras dang gsum du shar// rtsal gyi thig le bstan pa ni// bzang mo'i zer las 'od lnga shar// bzang po'i zer du ye shes lnga// bzang mo'i zer du spyan sogs lnga// bzang po'i rtsal du rigs lnga'o// phung po lnga dang

  453. 61a

    'byung ba lnga// rigs lnga yab yum lnga ru grags// rdo rje phung po'i yan lag ni// rdzogs pa'i sangs rgyas lnga ru snang // sa chu la sogs 'byung lnga ni// spyan ma la sogs yum du grub// ces gsungs so// thig le gsang ba yang gter gyi rgyud las/ thig le kha sbyor gyi le'u ste drug pa'o// // yang bka' stsal pa/ dag pa 'jig rten snang ba de lags na// yang dag ye shes snang ba bshad du gsol// zhes zhus pas/ bka' stsal pa/ yang dag ye shes snang ba bstan pa ni// kun bzang gzhi yi thig le de// chos sku'i zhing khams gnas lugs yin// kun tu bzang mo'i thig le de// ye shes brdal khyab chen po yin// rdo rje sems dpa'i thig le ni// rig pa ye shes zhes su bshad// lta ba kun tu bzang mor bstan// sgom pa kun tu bzang por bstan// spyod pa rdo rje sems dpar bstan// 'bras bu thig le kha sbyor bstan// rig pa rdo rje sems dpa' yin// ye ni kun tu bzang po yin// shes ni kun tu bzang mor bshad// de gsum ngang la shar tsam na// lha sgom spyod pa gang 'dod pa// de ni bsam pa yid smon yin// zhes gsungs so// thig le gsang ba yang gter gyi rgyud las/ thig le rang brdol bstan pa'i le'u ste bdun pa'o// // yang bka' stsal pa/ zer gyi kun tu bzang mo ni// ye shes lnga yi ngo bo de// lhag mthong

  454. 61b

    rig pa'i ye shes yin// ye shes lnga drug gang 'dod pa// de ni grangs kyi gol sa yin// lhag mthong sprul pa'i sku rgyud bshad// rig pa rtse gcig zang thal lo// ye ni ye shes lngar ma grub// shes pa rtsa gcig yin pas na// grangs kyi gol sa'i 'khrul pa grol// dper na dug sbrul mdud pa de// mdud pa mang yang rang gis shigs// rag gi mdud pa grol tsam na// sbrul gyi ngo bo zangs mar snang // mdud pa'i grangs las grol ba'o// ye shes lnga por rig pas btags// dug lnga 'dogs pa ma rig pa// gnyis med lhag mthong rang shar bas// grangs kyi gol sa'i rtog pa med// des na zer gyi thig le de// sprul pa'i sku ru bstan pa'o// zhes gsungs so// thig le gsang ba yang gter gyi rgyud las/ zer gyi thig le bstan pa'i le'u ste brgyad pa'o// // yang bka' stsal pa/ rtsal gyi thig le bstan pa ni// rang byung ye shes bstan pa yin// yab yum kha sbyor rang byung yin// longs sku'i ngo spyod bstan par bya// rang ni rgyal ba yab lnga'o// rgyal ba yab lnga rigs lngar shar// yum lnga rang las byung bas na// rang byung zhes ni de la bya// ye ni gnyis su med pa'o// shes pa rang du grol bas na// rang ni spyod pa'i mchog tu bshad// byung ni gom pa chen po yin// ye ni 'bras bu kho na la// shes pa lta ba'i dbyings su bstan// rang byung ye shes gnyis med

  455. 62a

    pas// lha sgom spyod pa 'ching ba'i rgyu// shes pa rang du grol bas na// rigs lnga yab yum gol sa gcad// dag pa 'jig rten 'jig pas na// dag pa 'jig rten pa zhes bya// sku ni ye shes sgyu ma'i sku// ngag dang thugs dang bral cha rlung // yul ni ma bris dkyil 'khor la rten nas// 'jig rten zhes bya'i ting 'dzin ni// mkhyen pas shes pa rgyu rkyen mtshungs// rgyu rkyen 'bras bu 'jig pas na// dag pa 'jig rten zhes su bshad// dper na 'byung bzhis bskyed pa yis// dngos su sa gzhi 'di dang 'dra// ma dag 'gro ba drug 'khor bas// ma dag 'khrul zhes de la bya// yang dag gnyis po dag las grol// yang dag ces kyi de la bya// thig le kha sbyor ma bshad na// 'bras bu med pa'i skyon du 'gyur// zer gyi thig le ma bshad na// byin rlabs med pa'i skyon du 'gyur// rtsal gyi thig le ma bshad na// ye shes 'gag pa'i skyon du 'gyur// zer dang rtsal du ma bshad na// ye shes thugs rje rgyun chad 'gyur// dbyer med rang grol ma bshad na// phyis kyang 'khor ba'i skyon du 'gyur// dpe yang pa 'dra'i sa bon 'dra// zhes gsungs so// thig le gsang ba yang gter gyi rgyud las/ rtsal gyi thig le bstan pa'i le'u ste dgu pa'o// // yang bka' stsal pa/ nyams len gdams pa bstan du gsol// zhes zhus pas/ bka' stsal pa/

  456. 62b

    nyams kyi man ngag bstan pa ni// zung gsum ya drug gdams pa ni// gnyid dang 'chi ka zung du bstan// rmi lam par do zung du bstan// ye shes dngos dang 'khrul pa gnyis// zung gsum ya drug ces su bstan// phar lta tshur lta shes par gyis// gnyid dang dus mnyam shes tsam na// bar do gdon mi za ste dbang po yin// thig le snang ba bstan par bya// zhes gsungs so// phyi bar do// nang bar do// gsang ba bar do/ 'khrul pa'i gnyid// lung ma bstan gyi gnyid// ye shes chen po'i gnyid// ye shes la ye shes rol pa'i gdams ngag/ rig par rang sar grol ba'i gdams ngag/ 'khrul pa rang grol rmi lam gyi snang ba'o// dper na nyin mo drag tu spyad pa lam dang 'dra'o// chos sku longs sku sprul pa'i sku// shes rab kyi spyan// thabs kyi spyan/ ye shes kyi spyan/ chos kyi dbyings kyi ye shes// me long lta bu'i ye shes/ kun rtog ye shes// phyi'i shes rab/ nang gi shes rab/ gsang ba'i shes rab dang gsum mo// de yang ya drug zung gsum dag la 'dus par bshad pa shin tu gces pas na// ya drug zung gsum dag gi nyams kyi skye tshul bstan// ces mkha' 'gro mas gsungs so// thig le gsang ba yang gter gyi rgyud las/ lhug pa nyams kyi gdams ngag bstan pa'i le'u ste bcu pa'o// // de dag mdor bsdus bstan par zhu// zhes zhus

  457. 63a

    pas/ bka' stsal pa/ sngar gyi thig le gsal ba de// gnyid log pa yi dus nyid du// gnyid las grong khyer bkag nas ni// seng ge lta bu'i nyal thabs kyis// mdzub mo gnad du btsugs nas kyang // seng ge rnam par rtse ba'i phyag rgya zhes su bstan pa yin// rmi lam rnam pa gsum yin te// dran pa lnga pa'i rmi lam dang // de nyid ye shes snang ba dang // 'khrul pa cho 'phrul snang ba'o// de nyid log pa'i dus su yang // dran pa rgya chen bstan pa nam mkha' 'dra// gsal ba gangs la nyi shar 'dra// zab pa rgyun mi 'chad pa rgya mtsho drangs pa 'dra// shes pa yul du btang nas ni// dran pa smer rtse bzhag tsam na// 'tsheg dang sems dang 'dar ba 'byung // gnyid mi 'ong ba'i rtags yin pas// snying khar til chen bskum mnye bya// des kyang khugs par ma gyur na// mthil bzhi gtsug dang lnga ru bya'o// de ni log non ces su bshad// de nas yang ni gong dang 'dra bar spyod lam bya// de nas gnyid ni nges par 'byung // rig pa'i 'pho ba shes par bya// rig pa 'phos pa'i dus su ni// srog dbus lus sems bcas pa nyid// bzang po'i khri la nyal ba de// sprul pa'i sku yi snang ba yin// rig pa'i ngos gsal lam du 'gro ba de// longs sku sgyu ma'i snang ba yin// 'od gsal dang las ye shes gsal// chos sku'i snang ba yin par nges// don zag

  458. 63b

    gcig tu gcod pas na// rig pa 'od gsal lta ba de// sbrul sku dngos su shar ba yin// 'od la bltas pas shar ba de// longs sku dngos su shar ba yin// ngang du ye shes shar ba de// chos sku dngos su shar ba yin// gnyis snang med pa'i ye shes de// thig le klong nas rdol ba yin// sbrul sku dngos su shar tsam na// spyod pa'i sgong rgya bral ba yin// 'od gsal dngos su shar tsam na// sgom pa'i sgong rgya srol ba yin// chos sku dngos su shar tsam na// lta ba'i sgong rgya srol ba yin// thig le dngos su shar tsam na// 'bras bu'i sgong rgya srol ba yin// yang na gdams pa 'di la ltos// sems la ltas pas rnyed pa dka'// zhes gsungs so// rdo rje mkha' 'gro ma zla ba 'od zer can gyis de skad ces bka' stsal nas/ rdo rje mkha' 'gro ma nam mkha'i glog ma sprin gyi gam du/ gnam stong gi nyin mo zla ba nya'i zer la chibs nas/ rdo rje mkha' 'gro ma glog 'gru'i gam du gshegs so// rdo rje mkha' 'gro ma dri ma med rjes su yi rang ngo // thig le gsang ba yang gter gyi rgyud las/ gdams pa bstan pa'i le'u ste bcu gcig pa'o// // thig le gsang ba yang gter gyi rgyud// spros pa spyod pa zhes bya ba rdzogs so// /

  459. 64a

    rgya gar skad du/ gu h+ya b+hin d+hu tan+t+ra/ bod skad du/ gsang ba yang gter gyi rgyud/ dpal kun tu bzag po la phyag 'tshal lo// bcom ldan 'das dpal rdo rje sems dpas chos kyi dbyings kyi pho brang du/ 'phags pa'i 'od zer rab tu 'phro ba zhes bya ba dang / bdud 'dul ba'i dus na/ yid ma la ya'i bstan pa la gnas so// de'i tshe de'i dus na 'phags pa 'od zer rab tu 'phro bas// bcom ldan 'das rdo rje sems dpa' lags/ b+ha ga ban kun tu bzang po'i dgongs pa dang / khams gsum gyi ma nu 'di rgyu ci las 'khrul cing ji lta bu lags/ gsang ba chen pos bdag la bstan du gsol/ ces zhus pas/ rdo rje sems dpa' chos kyi dbyings kyi ngang las rnal lo// de las bzhengs nas 'di skad ces bka' stsal to// nyon cig legs par yid la zung zhig/ ces bka' stsal lo// spyi dang 'khrul pa lam dang ni// gol ba gnas lugs ngo sprod dang // 'bras bu mthar phyin ngas bstan to// zhes gsungs so// gsang ba yang gter gyi rgyud las/ gleng gzhi'i le'u ste dang po'o// // de nas yang 'phags pa 'od zer rab tu 'phro bas/ rdo rje sems dpa' la zhus pa/ spyi sa chen po ni gang lags/ zhes zhus pas/ yang bka' stsal pa/ kye kye nyon cig spyis zhes bya ba ni/ ngas khyod la bstan par bya yis// thog ma sangs rgyas sems can ming

  460. 64b

    yang med// sangs rgyas rnam par rtog las byung ba'i phyir// rnam par rtog pa rang du yang ma 'khrul te// de'i tshe de'i dus na/ chos kyi dbyings zhes bya'o// sangs rgyas kyi gzhi zhes bya'o// sems can sangs rgyas kyi 'byung gnas zhes bya'o// 'khrul pa'i gzhi zhes kyang bya'o// thams cad bskyed pa'i ma zhes kyang bya'o// kun gyi gzhi zhes bya'o// sems can 'khrul pa'i phyi mo zhes bya'o// 'gro drug med do// 'byung ba lnga med do// dug lnga med do// sgo lnga med do// chags sdang bcur med do// phung po lngar med do// lam med do// nyon mongs pa med do// sgrib pa med do// sbyangs pa med do// nyon mongs pa med do// byang ba med do// sangs rgyas med do// chos med do// dge 'dun med do// dgra med do// brda med do// yi ge med do// 'od med do// sku lnga med do// ye shes lnga med do// spyan lnga med do// mngon shes lnga med do// rigs lnga med do// yum lnga med do// 'dre med do// lha med do// thob pa med do// ma thob pa med do// rtogs pa med do// ma rtogs pa med do// nyi ma zla ba med do// de ni sangs rgyas byung yang de las med do// des nam 'khrul pa zhes bya'o// ma ni gzhi ma de rang bzhin no// lhun gyi grub bo// dpe ga bur dang 'dra'o// rgya ma chad do// lhun gyis grub pa// kun tu 'char ro// mtha' gang la yang mi gnas so// zhes gsungs

  461. 65a

    so// gsang ba yang gter gyi rgyud las/ gzhi gtan la dbab pa'i le'u ste gnyis pa'o// // de nas yang 'phags pa 'od zer rab tu 'phro bas/ de lta bu gang yang ma mchis na/ khams gsum ma nu bud+ha ji ltar lags/ zhes zhus pas/ dper na rin po che 'chang ba'i mi de la/ g.yu dang gser dang rin po che sna lnga med do// rin po che de las thams cad 'byung ngo // de bzhin du gzhi spyis nas thams cad du 'khrul lo// de ji ltar 'khrul/ zhes zhus pas/ gzhi de la sgo rnam pa lnga yod de/ lhun grub 'gag med kyi sgo dper na ga pur dang 'dra'o// thams cad 'byung ba nor bu rin po che dang 'dra'o// rnon po'i sgo me shel dang 'dra'o// rtul po'i sgo chu shel dang 'dra'o// ma ning gi sgo glang chen gar chang myong ba dang 'dra'o// zhes gsungs so// sgo lnga ni ye she 'char ba'i sgo yang yin// ma rig pa skye ba'i sgo yang yin/ rlung lngar 'byung ba'i sgo lnga yin/ yul du byung ba'i sgo lnga yin/ pho mo gnyis su byung ba'i sgo yang yin no// ma ning du 'byung ba'i sgo yang yin no// dper na ga pur de sman dug kha zas gsum du byung ba yang / rin po che de rin chen sna lngar 'byung ba bzhin/ sgo lngar snang yang thams cad 'byung ba'i gzhi yin no// gsang ba yang gter gyi rgyud las/ 'khrul pa'i dpe bstan pa'i le'u ste gsum pa'o// // de nas

  462. 65b

    yang 'phags pa 'od zer rab tu 'phro bas/ sgo lnga'i bshad tshul bstan du gsol ces zhus pas/ bka' stsal pa/ rigs kyi bu nyon cig/ sgo lnga dag po lhun grub 'gag med sgo de nas/ lhun grub kyi rang bzhin rlung g.yos pas/ rnon po'i sgo rig pa gsal la rtog pa mad 'dra ba cig byung bas/ drod du byung bas rig pa gcod nus pas/ gcad rgyu ma rnyed do// bar der nga snyam pa cig skyes so// yid kyis wal gyis byung ngo // bar der shes par 'gyur ro// 'byung ba byung ste rang snang la lta nus so// rnon po'i sgo ma 'gags pas rang snang dmar por shar ro// rtul po'i sgo ma 'gags pas rang snang dkar por shar ro// lhun grub kyi sgo ma 'gags pas rang snang bas rang snang mthing khar shar ro// thams cad 'byung ba'i sgo ma 'gags pas rang snang ser por shar ro// ma ning gi sgom 'gags pas rang snang ljang khur shar ro// de yi dus su rno ba las mig gi dbang po/ lhun grub las yid/ rtul po las rna ba/ lhun grub las lus/ thams cad byung ba las ste/ ma ning las lce/ dbang po lnga dang ldan pa de las/ rang snang 'od lngar mthong ste/ sgo lnga las ni 'di ltar 'khrul lo// gong du shar ba'i snang ba lnga las spyod nus so// 'od las spyad pas gzugs khams su skye'o// 'gyu ba ni 'dod pa'i khams su gnas so// yid ni gzugs med pa'i khams su gnas

  463. 66a

    so// de ngo ma shes pas khams gsum du 'khor ro// rgyud drug tu 'khyams so// 'od la stong pa'i rgyas thebs na lam lnga las grol te/ dang po kun tu bzang pos lam ma sbyangs so// 'gyu ba 'od gsal 'khor lo bskor bas/ sgom pa'i ming ma thob bo// gzhi sgo lnga ngo shes pas 'khrul pa'i bzhi sad do// sgo bzhi la rgyas thebs so// sangs rgyas so// thams cad mkhyen pa thob bo// gsang ba yang gter gyi rgyud las/ 'khrul pa dmar khrid kyi le'u ste bzhi pa'o// // de nas 'od zer rab tu 'phro bas/ 'khrul pa'i gdams ngag bstan du gsol/ zhes zhus pas/ khams gsum snod dang bcud du 'khrul pa bstan par bya// zhes gsungs nas/ 'khrul pa lam gyi dus na ni// rang 'od lnga 'od du mthong // mthong bas chags pa rab tu skyes// des na 'dod chags zhes su 'khrul// rig pa gzhi la lhan gyis song // rang snang kha dog ma mthong bas// de la zhe sdang rab tu 'khrul// des na zhe sdang zhes su 'khrul// gnyis su med par ma shes pas// des na gti mug ces su 'khrul// de nga dang nga yi mnyam pa'i yul du bzung // des na nga rgyal zhes su 'khrul// nga rgyal cha las khong khro byung // 'gyu ba cha ni phra mo de// gzhi la thim nas 'od mi snang // de nas 'od mthong phrag dog dag tu 'khrul// rnon po'i sgo las pho ru bzung ste zhe sdang

  464. 66b

    skyes// mngal du 'grims pas po ru 'khrul// rtul po'i sgo las pho ru bzung ste 'dod chags skyes// ma ning sgo las gnyis kar bzung // mngal du 'grims pas ma ning 'khrul// pho mo ma ning de nas 'khrul// chags pa skyes nas yi dwags dang // zhe sdang skyes pas dmyal ba dang // gti mug skyes pas byol song dang // khong khro phrag dog lha min lha// skyes pas 'gro drug 'khrul// 'dod chags zhe sdang gti mug sogs// sgo lnga dag las 'byung bar 'gyur// zhes gsungs so// sgo lnga snang ba ma 'gags pas// 'od du bzung bas gzugs kyi phung por 'khrul// nyams su myong bas tshor ba'i phung por 'khrul// dkar dmar lnga ru phye ba 'du shes phur por 'khrul// mngal du tshul pas 'du byed phung por 'khrul// sgo lnga chags pas rnam par shes pa'i phung por 'khrul// zhes gsungs so// de nas mngal nas skyes pa'i tshe// rig pa gsal bas ma 'gags pas// snang ba sal gyis byung mthong bas// 'byung ba lnga yi ming ma thogs// des na rnon po'i sgo las mthong mig tu 'khrul// kha dog sna tshogs 'bar ba'i 'od// thams cad 'dus pa'i rtags chen yin// rtul po'i sgo las sgra cig byung // da lta rna ba'i rnam shes 'khrul// 'dren pa'i sgo las dri ru byung // da lta sna yi rnam shes 'khrul// thams cad sgo nas ro ru byung // da lta lce yi rnam shes

  465. 67a

    'khrul// lhun grub sgo nas reg tu byung // da lta las su 'khrul pa'o// zhes gsungs so// gsang ba yang gter gyi rgyud las/ bcud du 'khrul pa bstan pa'i le'u ste lnga pa'o// // de nas yang 'od zer rab tu 'phro bas/ phyi'i snod 'di bstan du gsol/ zhes gsungs pas/ bka' stsal pa/ phyi'i 'byung ba lnga dang / phyi'i ri rab dang / phyi'i gzhal yas khang dang / phyi'i 'dre dang / nang gi 'dre dang / phyi'i lha dang / nang gi lha dang / phyi'i lam dang / nang gi lam dang / phyi'i phung po lnga dang / nang gi phung po lnga dang / phyi'i sgo lnga dang / nang gi sgo lnga dang / gsang ba bla na med pa yang gter dmar khrid du bstan pa'o// zhes gsungs so// dbang po yang rab de don gyis 'gyur yang // bdag gis ma go rgyas par bshad du gsol// zhes zhus pas/ yang bka' stsal pa/ phyi'i 'byung ba lnga ni/ sgo rnam pa lnga las/ bar gyi bskal pa la 'od lnga rang 'khrul lo// tha ma 'byung ba lnga ru 'khrul te// rnon po'i sgo las mer 'khrul// rtul po'i sgo las chur 'khrul// ma ning sgo las nam mkhar 'khrul// lhun grub kyi sgo las sa ru 'khrul lo// thams cad kyi sgo las rlung du 'khrul lo// phyi 'byung ba lnga'o// nang gi 'byung ba lnga ni/ rnon po drod/ rtul po las khrag/ ma ning las sems/ lhun grub las sa/ thams cad kyi sgo la dbugs su 'khrul lo// de nas ri rab gling

  466. 67b

    bzhir 'khrul te/ rnon po las nub/ rtul po las shar/ ma ning las dbus/ lhun grub las lho/ thams cad las byung ngo // dbus kyi ri rab las kyang rnon po las kyang nub ra ga/ rtul po las shar gangs ri/ lhun grub las lho bai DUR+Ya/ thams cad las byang in+d+ra ni la/ de ni phyi'i ri rab bo// da ni nang gi ri rab ni/ mthil bzhi gling bzhi lus ri rab/ mgo bum pa'o// phyi'i lha khang ngo // rgyal ba rigs lnga la sogs pa 'bur dang ris su bris pa'o// nang gi lha khang ni/ rang lus rigs lnga'o// nang gi lam lnga ni/ sgo lnga'i rnam shes so// phyi'i 'dre lnga ni/ mgon po dang nag po'o// shar dang dkar mo/ dmu dang ser mo/ btsan dang dmar mo/ sna tshogs rgyu ba pho mo rnam pa lnga'o// nang gi 'dre lnga ni/ gzugs sdug pa mi sdug pa zhe sdang dug gsum gyi 'dre phung po'i bdud/ gcod pa'i 'dre/ sgra snyan pa dang mi snyan pa dug gsum gyi 'dre/ nyon mongs pa gti mug gi 'dre/ dri zhim pa dang mi zhim pa nga rgyal yid la byed pa'i bdud/ nga rgyal gyi 'dre/ ro zhim pa dang mi zhim pa 'dod chags lha'i bu'i bdud/ chags pa'i 'dre/ lus reg bya 'jam pa dang / rtsub pa dang / phrag dog dang / khong khro'i bdud srog gcod pa'i bdu/ 'dre lnga phyi nang du bstan pas rig pa ngos bzung du bstan pa'o// phyi'i lam lnga 'od lnga/ nang gi lam lnga sgo lnga/ rnam shes lnga'o// phyi'i phung po lnga ni

  467. 68a

    'byung ba lnga/ nang gi phung po lnga ni gzugs la sogs pa'o// phyi'i gzhal yas khang ni phyi'i 'byung ba lnga/ nang gi gzhal yas khang dang 'og min gnas/ zhes gsungs so// gsang ba yang gter gyi rgyud las/ phyi nang snod bcud du 'khrul pa'i le'u ste drug pa'o// // de nas yang 'od zer rab tu 'phro bas/ 'byung ba lnga la ni rig par mi snang yang mdangs dang me tog 'byung ba la/ sems su mi snang ba ji lta bu lags/ phung po yang gdos par snang ba la/ gdos pa'i sgo nas mnyam na khyad che bas 'di ji ltar lags/ zhes zhus pas/ yang bka' stsal pa/ thog ma lhun gyis grub pa dbye ba med pa la/ rlung rnam pa lnga lhun gyis grub ste/ dper na nor bu rin po che dang 'dra ste/ thams cad 'byung ba'i gzhi ma de/ rlung rnam pa lnga ni skyed par byed pa'i rlung dang / g.yo bar byed pa'i rlung dang / smin par byed pa'i rlung dang / 'gag pa med pa'i rlung dang / sel ba'i rlung ngo // de yang rgya ma chad/ phyogs su ma lhung / lhun gyis grub bo// de'i tshe de'i dus na/ rnon po'i rlung dang / rtul po'i rlung dang / 'dres pa'i rlung dang / ma ning gi rlung dang / sel ba thugs rje'i rlung dang lngar byung ngo // rnon po rlung las pho/ rtul po rlung las mo/ 'dres pa las gnyis ka/ ma ning las ma ning sel ba la gsum/ thugs rje la rnam pa de ltar 'khrul lo// de rnon po rlung ni

  468. 68b

    sgo lnga la gnas so// rtul po ni 'byung ba lnga la gnas so// 'dres pa ni spyi sa la gnas so// ma ning ni kun gzhi la gnas so// sel ba ni yid la gnas so// de yang rgya chad phyogs su ma lhung ba'o// rnon po ni rig par byung ba'o// rtul po ni 'byung ba lngar snang ba ste/ de la yang smin pa me'i rlung gis mdog dang dbyibs legs/ sdud pa chu'i rlung gis bskyed nus/ g.yo ba'i rlung gis 'bras bu 'byin nus/ 'degs pa sa'i rlung gis rdzogs par bskyed nus/ yongs la khyab pa nam mkha'i rlung gis 'bras bu 'byin nus te/ dgun ni g.yo ba rlung gis g.yo ba'o// dpyid ni 'degs pa sa'i rlung gis bskyed nus dbyar ni sdud pa chu'i rlung gis lo 'dab rgyas nus/ ston ni smin pa me'i rlung gis 'bras bu 'byin nus/ thams cad 'dus pa nam mkha'i rlung gis 'bras bu gzhi la thim mo// gsang ba yang gter gyi rgyud las/ rlung lnga dus bzhi sbyor ba bstan pa'i le'u ste bdun pa'o// // de nas yang 'od zer rab tu 'phro bas/ chos thams cad rang gi mtshan nyid du dril ba ste zhu/ zhes gsungs pas/ bka' stsal pa/ kye 'od zer rab tu 'phro ba nyon cig/ rang gi mtshan ma shes na// lung ston nang gi rlung po 'dra// rang gi mtshan nyid 'di lta ste/ rnon pos zhus nas bzhis bskor te/ rnon po ma'i mngal du 'jug/ g.yo ba'i rlung gis g.yos pas rig pa gsal

  469. 69a

    nus/ smin pa'i rlung gis tshol nus/ sdud pa'i rlung gis nus/ 'deg pa'i rlung gis bskyed nus/ yongs la khyab pa'i rlung gis 'bras bu 'byin nus te/ sprul pa'i skur snang ngo // bltam mo// des na ma nges te/ 'chi zhes bya ba 'byung ba'i dus su g.yo ba'i rlung grol bas 'gro ba'i stobs shor// smin pa'i rlung gtor bas drod stor/ sdud pa'i rlung shor bas mdangs shor dri ldog/ 'degs pa'i rlung shor bas mi ngo shes te/ yongs la khyab pa'i rlung gis 'bras bu dbyings su bskyal lo// de nas 'chi zhes bya ba'i sgra byung bas/ dmar khrid yang dag pa 'di dgos te/ rig pa zhes bya ba ni ye shes zang thal ngo shes pa la bya'o// ma rig pa zhes bya ba ni ye shes ngo ma shes pa la bya'o// ma zhes bya ba ni kun gzhi'o// ma rig pa ni thugs ka la gnas so// kun tu brtags pa dang lhan cig skyes pa'i ma rig pa gnyis ni/ blo sgang gnyis la gnas so// gnas dang lam dang sgo dang ni// skyon dang 'bras bu yon tan dag tu bshad// rig pa snying na gnas pa ste// shes rab ces su rab tu grags// ngo bo rtsal dang las dang ni// gnas dang lam dang sgo dang ni// yon tan 'bras bu rnam pa brgyad// ces gsungs so// yang bka' stsal pa/ de rnams ma shes ma rig pa// 'gro ba 'khrul pa ru smig sgyu snyeg pa 'dra// zhes gsungs so// gsang ba yang gter gyi rgyud

  470. 69b

    las/ rig pa dang ma rig pa'i so mtshams bstan pa'i le'u ste brgyad pa'o// // de nas yang 'od zer rab tu 'phro bas/ rig pa ma'i lam du gzud pa dang / 'bras bu ji ltar thob pa lags/ shes zhus pas/ bka' stsal pa/ rig pa 'od gsal bas 'khor lo bskor dang ye shes zang thal 'char// rgyus ma bskyed cing rkyen la rag ma lus// ye shes zang thal ye nas gnas pa la// mtshan ma'i yul gyis rnam pa skyes pa'i tshe// 'od gsal dang du shes pas mtshan ma skor// gzung 'dzin spros pa chos na ye shes gsal// de yang dmar khri dag las shes par bya// gsal ba'i tshad ni til gyi mar me 'dra// gzung 'dzin spros pa slar la grogs su 'gro// dper na me la bud shing bsnan pa 'dra// dper na 'khor lo gyen du drag bskor na// 'khor lo'i nang du chud pa'i sems can rnams// dngos med thal bar song nas 'khor lo'i grogs su 'gro// mtshan ma med na 'khor lo ci la bskor// 'khor lo bskor nas mtshan ma brlag par 'gyur// de bzhin gzung 'dzin ma skyes 'od gsal 'khor lo ci la bskor// gzung 'dzin 'od gsal bskor bas 'od gsal grogs su gyur// sgo lnga rnam shes par na ye shes zang ma gnas// ye shes zang ma yin pas sangs rgyas dgongs pa thob// rnam shes yul gyi bar na ye shes zang thal gnas// ye shes

  471. 70a

    zang thal mthong na tshogs drug bde ba rgyun mi 'chad// yid dang yid kyi rnam shes par na// rang byung ye shes 'khor lo gnas// rang byung 'khor lo bskor na ye shes rgyun mi 'chad// yid dang rnam shes med na rang byung gang nas btsal// yid dang rnam shes rol na gzung 'dzin rgyun mi 'chad// 'bras bu 'gro drug 'khyams te thar pa'i dus mi mchi// snying po ye shes zang thal chos min sku// thogs pa med pa'i ye shes ma mthong na// spyod pa mang po 'bras bu mthar mi phyin// ces gsungs so// gsang ba yang gter gyi rgyud las/ rig pa lam khyer gyi le'u ste dgu pa'o// // de nas yang 'phags pa 'od zer rab tu 'phro bas/ rig pa lam du bkyer ba'i man ngag/ de'i 'bras bu bstan du gsol/ zhes zhus pas/ yang bka' stsal pa/ phyi yi sku gsum nang gi sku gsum gsang ba'i sku gsum dang // phyi yi shes rab nang gi shes rab dang // gsang ba'i shes rab rnam gsum mo// phyi yi sku gsum 'brel pa med// nang gi sku gsum 'dus byas yin// gsang ba'i sku gsum 'du 'bral med// phyi yi shes rab rnam gsum spros gcod yin// nang gi shes rab yid smon yin// gsang ba'i shes rab rang grol yin// de la gsang ba'i shes rab rnam gsum la// thogs pa med pa'i shes rab kyis// tsit+ta'i nang du lhag gis ltas pas/ myur ba'i

  472. 70b

    shes rab glog lta bu de mthong ste/ ye shes khong gsal du lhangs kyis mthong ste/ zab pa'i shes rab rgya mtsho lta bu des khyab ste/ phyi nang med par lhang nge sang nge zang thal du gsal ba ni// nang gi sku gsum shes rab gsum mo// rig pa 'od gsal du lhag gis skor ba thog pa med pa'i shes rab/ ye shes zang thal du lhang nge gsal ba ni myur ba'i shes rab/ phyi nang med par zad thal du gsal ba ni zab pa'i shes rab bo// de la phyi'i sku gsum la snang ba 'od gsal du thogs pa med par thig gis skor ba ni/ thogs pa med pa'i shes rab/ shes pa zang thal tu lhangs kyis gsal ba ni myur ba'i shes rab/ gnyis su med pa'i hrig ge ha le char phog pa lta bu ni zab pa'i shes rab bo// sku gsum lam du bkyer ba shes par bstan pa'o// zhes gsungs so// gsang ba yang gter gyi rgyud las/ man ngag dmar khrid kyi le'u ste bcu pa'o// // 'phags pa 'od zer rab tu 'phro ba dga' mgu rjes su yi rang ngo // sprul pa'i skur sprul pa'i sku la brgyud pa/ gdams pa yang dag pa/ yang ti nag po gser gyi 'bru gcig pa/ dmar khrid sde skor don skor ma lus par bstan pa/ sel med pa'i man ngag rdzogs so//

  473. 71a

    rgya gar skad du/ dz+nyA na ti la tan+t+ra/ bod skad du/ ye shes thig le zag thal gyi rgyud/ bcom ldan 'das dpal kun tu bzang po la phyag 'tshal lo// 'di skad bdag gis zos pa'i dus gcig na/ shes zhing khams dag pa'i gnas// ston pa kun bzang rdzogs pa'i sku// gsang bdag rdo rje sems dpa' la// ye shes zang thal bstan pa la// bcom ldan 'das kyi sku bstan te// gsang bdag che la bka' stsal pa// gzhi ni phyogs med chen po la// rgyun du phyogs med 'char ba'i gzhi// ngo bo rang bzhin rol par shar// 'phrin las cir yang thogs pa med// sna tshogs snang zhing 'gyur ba med// thogs med 'gag pa med pa las// thams cad snang ba'i gzhi ma yin// zhes gsungs so// gsang ba'i bdag po chen po des// bde chen stan las bzhengs nas kyang // bcom ldan 'das la 'di skad zhus// ma dag 'khrul pa dag pa jig rten dang // yang dag ye shes snang ba gsum// de yi gnas lugs ji ltar lags// ngo spyod sdud pa ji ltar lags// ye shes dbye ba bshad par zhu// zhes gsol pas/ bcom ldan 'das kyis bka' stsal pa// legs par nyon cig gsang bdag che// ngas bshad pa la ma skrag cig/ ces gsungs so// ye shes zang thal gyi rgyud las/ gleng gzhi'i le'u ste dang po'o// // bcom ldan 'das kyis bka' stsal

  474. 71b

    pa// legs par nyon cig gsang bdag che// kun gzhi spyi dbyings lhun grub la/ lhun grub gzhi mi rdung lnga las// rtsal shugs ma ni rdung 'gyu sreg/ rig pa'i shes pa phra ba la// rang sna stong pa'i snang ba ltas// yid la 'gyus pa'i rang snang gsal// kha dog sna tshogs rang gsal 'bar// 'bar ba'i klong na phyi nang snang byed gsal// 'od la rig pa'i ye shes rang shar nas// thig le ye shes zang thal chen por shar// rang shar yin pas chos las 'das pa'i sku// phyi nang med pa'i ye shes zang thal la// rgyu rkyen gnyen po rang sar grol bas na// khams gsum kun gyi gnyen gcig po// phyi nang med pa'i dur khrod du// kun tu bzang po dur du zhugs// dur gyi ming ni yangs pa can// khrod kyi ming ni pad+ma can// shing gi ming ni ljon pa ste// mkha' 'gro'i ming ni rdo rje mtsho// mchod rten ming ni rdo rje rtsegs// ri yi ming ni sa ri'i ro// sgom chen ming ni nor bu'i 'od// nor gyi ming ni rin po che// phyi nang med pa'i dur khrod yin// ces gsungs so// ye shes thig le zang thal gyi rgyud las/ sangs rgyas dur du zhugs pa'i le'u ste gnyis pa'o// // de nas bcom ldan 'das kyis ni// thugs rje chen po'i klong yangs na// sems dpa' che la bka' tsal pa// ming ma thogs kyi spyi dbyings nas// sems can 'khrul pa'i mtshan nyid ni// sna

  475. 72a

    tshogs rang snang kha dog las// mthing kha dkar po ser le brgan// ye shes che ba'i rtsal snang bas// du ma yul dang 'khrul pas na// 'dod chags zhe sdang gti mug dang // nga rgyal khong khro phrag dog dang // gzhi yi dus na mtshan nyid 'dzin// lam gyi dus na dngos su shar// 'bras bu'i dus na mtshan ma grol// rang grol ma shes snang bas sgribs// mi shes rmongs pas 'dam du bying // 'khor ba'i chu bos rtag tu g.yeng // chu bo bzhi ni rtag tu 'bar// dug sogs sngon por grub pa yis// rang rang lhun gyis mtshan nyid 'dzin// zhen pa blo yi 'khrul pa brtas// nyams kyi snang bas lus su bzung // lus kyi ming ni 'gro/ drug lus// gnas kyi ming ni 'khor ba'i gnas// dur khrod ming ni mu kha'i dur// gnyis med pa la gnyis 'dzin pas// sgom chen grong kha yan du rtags// kha drag lam du tshogs pa'i tshe// ye shes gsang lam ma shes pas// de tshe ma rtogs ma rig rmongs pa yis// 'khor ba rnam par rtog las byung // rnam rtog med na sangs rgyas mig yang med// 'gro drug med na sku drug ming yang med// dug drug med na ye shes chen po drug/ ye shes bya ba ming yang mi thogs so// phung po lnga po'i snang ba dag/ med na rigs lnga'i ming yang ma grub// 'byung ba lnga po med pa na// yum chen lnga po ga la grub// bcings pa med na rgya chad yin// phyogs

  476. 72b

    med rtogs na rang grol yin// tshogs brgyad tshogs drug med pa na// sems dpa' sems ma thub pa drug/ sgo ba sgo mar grub pa ci la rung // de la rang rgyud ma yi 'khrul pa ni// 'gro drug rang so'i mtshan nyid dbus gnas so// lnga lngas bskor bas 'khrul 'khor zhes su bstan// ces gsungs so// thig le ye shes zang thal gyi rgyud las/ 'gro drug rang sa ngo sprad pa'i le'u ste gsum pa'o// // de nas yang bka' stsal pa/ kye sems dpa' chen po nyon cig/ dag pa 'jig rten 'khrul pa rnam pa gnyis// yar ldan dag dang nges pa med pa yis// longs spyod rdzogs pa sku yi zhing khams bstan pa yang // 'byung lnga rang sar ma 'khrul pa'i// 'od lnga dang po'i dus yin te// spyod yul dang po 'jug pa'i dus yin te// 'byung ba lnga ru ming ma thogs pa yi// 'od gsal snang ba 'ja' tshon drangs pa 'dra// 'gru gcod yid spyir 'grus pa 'dra// gzhi yi yon tan rgya mtsho drangs pa 'dra// sgyu ma lta bu'i rdo rje sems dpa' de// la ka'i mi reng 'dra ste rtag pa dka'// chos nyid dang snang me long g.ya' dag 'dra// 'khrul snang longs sku chu zla'i dkyil 'khor lta// gsal la ma 'dres phyi nang med par gnas// 'gyu ba thogs med smig sgyu lta bu dang // sku yi che ba mtshan dang yon tan rgyas// de 'dra'i 'khrul snang longs spyod rdzogs sku yi// che ba'i yon tan rang

  477. 73a

    rang 'khor gyis bskor// mtshan nyid 'dzin pa rang rang ste choms sbyor// rang rtags phyag mtshan tha dad so sor snor// 'khor lo pad+ma'i zhing khams bde ba gsal// shes rab dag pas rdo rje sems dpa' dang // 'bras bu mthar zug rdo rje sems dpa' dang // 'khrul snang longs sku rdo rje sems dpa' dang // ming du rdo rje sems dpar mnyam pa las// sgra mthun don la man ngag rgyas par ston// zhes gsungs so// ye shes thig le zang thal gyi rgyud las/ 'khrul snang rdo rje sems dpa'i zhing khams la ngo sprad pa'i le'u ste bzhi pa'o// // de nas yang bka' stsal pa// 'bras bu mthar thug rdo rje sems dpa' yi// de yi mtshon pa'i gdams ngag ngo sprad bstan// 'byung ba lnga ru ming du btags pa dang // tshogs brgyad drug dang sgo lnga phung po lnga// 'byung ba lnga ni rnam pa gnyis su snang // nang 'byung phyi 'byung rnam pa gnyis su snang // phyi yi 'byung ba rnam pa lnga po dang // mtshan nyid 'dzin pas brdas mtshon te// 'od lnga yul lnga re re la yang snang // rang snang rang grol yul dang gzhal yas khang // ma bris dkyil 'khor sgom mi dgos// phung po dag la rten bcas pa// sha khrag drod dbugs sems kyi mtshan nyid 'dzin// yum lnga 'od lnga dag tu ngo sprod pas// yum dang 'od du sgom pa bya mi dgos// phung po lnga po sku lnga rigs lngar ngo sprad

  478. 73b

    pas// sku lnga rigs lnga sgom pa bya mi dgos// rnam shes tshogs brgyad sems dpa' brgyad// de yi ngo spyod byas pa yi// tshogs brgyad gnas gyur sems dpa' sgom du med// yul brgyad rang snang sems ma brgyad// sems ma'i ngo spyod byas pa yi// gnas 'gyur sems ma sgom du gdod nas med// tshogs drug thub pa drug tu ngo sprad pas// gnas su gyur thub pa sgom du ye nas med// de ltar bsgom bya sgom pa'i mtshan nyid kyang // phyin ci log bzhi rtag chad mu// gnas ma bsgyur bar ngo sprad pas// sgom pa sgom ma sgom du ye nas med// phra rab dag gi rdul la yang // dag pa 'jig rten snang ba ye nas rdzogs// rdzogs par shes nas bskyed du ye nas med// ma shes bskyed pas spang blang 'du 'bral can// mthar thug rdo rje sems dpa' zhes kyis de la bya// zhes gsungs so// thig le nyag gcig ye shes zang thal gyi rgyud las// 'bras bu rdzogs par ngo sprad pa dag pa 'jig rten pa'i snang ba bstan pa'i le'u ste lnga pa'o// // de nas yang bka' stsal pa/ yang dag ye shes snang ba bstan pa ni// phyi nang gnyis su dbyer med pas// ye shes zang thal chen po dug lnga rtsi ru rang sar grol// sku lnga rtsi ru dngos po med// dbyer med ye shes zang thal la// phyi nang med pa'i ye shes bsam// ma dag snang ba rang rgyud pa// rang rgyud mtshan mar

  479. 74a

    rang sar grol// sbrul gyi mdud pa lnga mdud 'dra// dri mas dri ma 'khru ba dang // klus kus kyus ku 'byin pa ltar// dug lnga lam du phyer ba dang // dug lnga ngo sprod byas pa yis// ye shes zang thal khong nas 'bar// nam mkha' dag lar ral gri skor pa ltar// dug lnga phyogs med rang grol gyis// srog gi spu gri so brdebs kyis// bdag gsod gzhan sgrol shes par bya// nyi ma zla ba'i rta la zhon// thog gi zla ni brdeg par bya// glog gi zhags pas bcing bar bya// 'ja' tshon phub chung stan du bting // nam mkha' stong pa gos su gon// rlung gi 'khor lo gong du bskor// dmigs pa can la 'phreng bar bya// snang gsal ral gri phyag tu long // skye 'gro'i rtse shing gcad par bya'o// ye shes stong gsal chen po la// thugs rje nyi ma'i snying po ltar// thams cad sel ba'i 'od po che// bdag gsod gzhan sgrol thabs la mkhas// byang chub sems dpa' shes rab dag pa'i rdo rje sems dpa' la ngo sprad pa'o// zhes gsungs so// ye shes zang thal thig le'i rgyud las/ dag pa 'jig rten pa bskang la ngo spyod pa'i le'u ste drug pa'o// // de nas yang bcom ldan 'das kyis rdo rje sems dpar sku sprul nas/ nyid kyis nyid la bka' stsal pa// ye shes chen po zang thal la// 'dus byas dag gi sgra mi 'jug/ rang snang gsang

  480. 74b

    mdzod snang ba la// bar do 'od kyi sgra mi 'jug/ blo dngos gnyis med rang grol la// sgom par bya ba'i blos mi bslad// shes rab dag pa'i ye shes yin// dbugs med spyan gsum rang grol la// bar dang do yi sgra mi 'jug/ chos las grol ba'i zang thal la// rgyud ces bya ba'i lhad kyis bslad// 'gyu ba rang grol ye shes la// bsam zhes bya ba tshig gis bcos// rang grol ye shes yin pa la// thob ces bya bas spang blang byung // mtshan ma rang grol gyi dgongs pa de// rgyud las bskyed par bya ba min// lhag mthong rig pa'i ye shes shar// gzung 'dzin rnam rtog sgrib pa dag/ sgrib pa kun las rab tu grol// sku gsum shes rab ngang las 'khrungs// 'khrul pa'i mtshan ma rang sar grol// ma dag dag la 'jig rten pa'i// snang ba rnam gnyis rang sar grol// phyi nang med par thig les khyab// khyab brdal thig le ye nas brdal// ma rig pa yi rtsa ba ni// dang po thugs sar gtugs pa la// 'khrul pa ba des shes par bya// bar du 'dug sar gnas pa la// snang ba rnam gsum rab tu gces// tha ma 'grol bar btang ba la// 'gyu ba sna tshogs 'gro 'ong la// gnyis med shes rab khyer ka gces// dus gsum gcig tu bsre ba la// thig le chos chen klong chen du// bya btsal med pa'i rta pho la// 'gyu ba'i khye'u chung zhon nas su// nyi zla gnyis kyi lcags

  481. 75a

    chen de// skad cig ma la rang sar zim// d+ha thi ma d+ha zim/ zhes gsungs so// ye shes zang zal thig le'u rgyud las// byin gyis brlabs kyis bshad pa'i tshul mtshon pa'i le'u ste bdun pa'o// // de nas yang bcom ldan 'das kyis bka' stsal pa/ gsang ba'i bdag po legs par nyon// ngo sprod bsdus pa bdag gis bstan// ngo sprod rnam pa gsum yin no// dpe dang rtags dang don du bsdu// dpe ni man shel drangs pa ste// dang po spyi sa'i gzhi ru bzhag/ chos lnga dag dang ldan pa ste// kun gyi gzhi sa'i dpe mtshon bstan// snang ba rnam gsum de ru bsdu// de nas rtags la ngo sprad pa// 'od dang zer dang 'gyur ba'i dpe shel dang rnam pa bzhi ru mtshon// dag dang ma dag yang dag gsum// bar skabs de nas 'phros pas na// ngo spyod rnam gsum de ru 'dus// zhes gsungs so// ye shes thig le zang thal gyi rgyud las/ dpe'i ngo sprod kyi le'u ste brgyad pa'o// // sar a d+ha thim d+ha thim/ de nas yang bka' stsal pa/ phyi yi dpe don rtags kyi brda// gsang bdag che la bstan pa ni// rang lus dpe don rtags kyis brda// ngo sprod bdag gis bstan par bya// mig ni dpe yi ngo sprod yin// dag dang ma dag yang dag gsum// rnam shes 'od dang zang thal gsum// re re la yang lnga lngas bskor// ngo sprod gsum gyi dpe ru

  482. 75b

    mtshon// zang thal thig le chos min sku// 'di ni longs sku'i zhing khams so// mtshon gang nang na sgyu ma'i sku// kun tu mi 'gag thugs yin te// de ni longs sku'i ngo spyod do// thig le nyag gcig ngo sprod yin// rnam shes 'gag pa med pa la// dug lnga rang bzhin rang shar ba// 'gro drug smin pa'i rgyu rkyen tshang // ma dag 'khrul pa'i dpes mtshon yin// zhes gsungs so// ye shes thig le zang thal gyi rgyud las// nang rang lus kyi brda'i ngo sprod pa'i le'u ste dgu pa'o// // ma ha lha ma ha lha/ bcom ldan 'das kyis bka' stsal pa// sems dpa' chen po khyod nyon cig/ gsang ba rtags kyang ngo sprod bstan pa ni// rtsa yi rgyal po shel gyi spug ma can// chos gsum 'gag pa med pa'i lam du shar// snang srid gsal ba 'od srungs chen pos mdzod// 'od gsal 'khor lo thig le rang la 'bar// thig le snang la phab tsam na// lce spyang mig 'dra e yi 'od gsal te// bar do'i mtshon pa brda yi ngo sprad de// phyi mar mi gdod da lta nyid du gsal// gsal ba zang zal 'di la 'du shes na// sangs rgyas sa yang skad cig gcig la rdzogs// 'od gsal 'khor lo skor ba dang // gnas kyi btsan thabs chen po bstan pa gces// de yang rtags kyi ngo sprod yin par shes// rtsa yig gnad dang phyag rgya'i gnad// sgom pa 'od gsal 'khor

  483. 76a

    bskor shes na// bar do med pa'i ye shes zang zal 'char// zhes gsungs so// ye shes thig le zang thal gyi rgyud las/ thig le btsan zabs su bstan pa dang 'od gsal 'khor lo bskor ba'i le'u ste bcu pa'o// // de nas yang bka' stsal pa/ sems dpa' chen po nyon cig/ yang na rtags la ngo sprod 'di lta ste// rtsa yi rtsal po shel gyi spug ma can// nyi ma zla ba'i nang na zug nas gnas// don gyi ngo bo thig le chos min sku// gangs ri brtsegs pa'i gnas dang 'brel ba yi// nub dus 'char dus thim dus ma shes na// chags sdang blo yi yul las 'da' mi srid// skye ba gcod pa gnas pa gsum// 'du 'bral med par 'khor ba'i rtsal du 'char// de yi rtsal du dbugs kyi 'gro 'ongs kyang // gsum du byung bas sems kyi rtags su shar// gangs ri gnyis la yob chen lta bu'i rtsa// snying dang rtsa yi bar na gong dang 'dra// de gnyis 'brel ba'i rtsa yi nang nas ni// 'gag med thogs med dbugs med pa'i// zang thal phyogs med 'gro ba yi// gnad kyi gdams pa yin par ma shes na// thig le nyag gcig khas len smon pa yin// dga' rab rdo rje'i rig pa'i gsang lam dang // rdo rje sems dpa' ye shes gsang lam du// kun tu bzang po'i thig le chos min sku// thag chod don gyi ye shes ma shar na// dpe yi ngo sprod tshig gi na ya

  484. 76b

    yin// 'gro drug 'khrul pa'i 'dam nas thon pa dka'// rten gyi gsang lam rtags kyi gsang lam dang // ye shes gsang lam bzhi po ma phyed na// thig le ye brdal ci khyab blo yi yul// sems 'dzin sgom chags zhi des lha yi chos// rang rgyud chags sdang rang kha blo yi chos// chos spyod bcu dang mi dge kyang // thig le chos klong zhal mi mthong // shes rab rig pa ma rig yid dang bzhi// gnad kyi gdams ngag dam pa ma shes na// ye shes thug phrad 'char ba'i dus mi mchi// rnam rtog ye shes zang thal ngo sprod ma bstan na// sku gsum 'du 'bral med pa'i ngo mi 'phrad// gzung 'dzin zang thal 'gro ba'i gnad med na// thig le nyag gcig 'char ba'i dus mi mchi// zhes gsungs so// ye shes thig le zang thal gyi rgyud las/ rtags kyi ngo sprad dang don gyi ye shes ngo bo sprad pa'i le'u ste bcu gcig pa'o// // de nas yang bka' stsal pa/ nyon cig rdo rje sems dpa' che// ye shes dbye ba bstan pa ni// gzhi gnas ye shes lhun grub ni// rgya ma chad pa'i ye shes bzhi// 'gag pa med pa'i gzhi yin no// ma dag 'khrul pa'i ye shes ni// 'khrul pas ye shes ming ma thogs// lam gyi ye shes rnam pa bzhi// rang byung rang rig lhag mthong dang // ngo bo nyid kyi ye shes ni// shes rab dag pa'i ye shes yin// dag pa 'jig rten ye shes ni// me long ye shes la

  485. 77a

    sogs lnga// ji lta ba dang ji snyed mkhyen// ngo bo nyid kyi ye shes dang // rnam pa brgyad du rig par bya// yang dag ye shes snang ba ni// yul dang ye shes zang thal dang // phyogs lhung med pa'i ye shes dang // ye shes khyab brdal chen po dang // ngo bo nyid kyi ye shes dang / rnam pa bzhi ru 'dus pa yin// ye shes ye shes khyad par 'phags// ye shes zang thal khyad par che// phyi nang med par snang srid brdal// yangs so che yi ye shes che// zhes gsungs so// ye shes thig le zang thal gyi rgyud las/ ye shes kyi dbye ba'i le'u ste bcu gnyis pa'o// // de nas yang bcom ldan 'das kyis ting nge 'dzin de las bzhengs te/ gsang ba'i bdag po la bka' stsal pa/ nyon cig sems dpa' rdo rje 'dzin// phyogs 'dzin med pa'i thig le de// 'gag pa med pa'i ye shes yin// ye shes ngo sprod bstan pa ni// ye shes zad thal chos las 'das// 'khor bar 'dogs par 'gyur pa yin// myang 'das 'dogs pa'ang 'gyu ba phye// blo dngos gnyis kyi bar mtshams su// phyi nang gnyis kyi ltang 'dzin pa// gzung 'dzin gcod pa'i shes rab kyis// phyi nang med pa'i zang thal la// phyi nang gnyis su 'byed pa ni// thig le nyag gcig kun khyab la// dus la ltos pa 'khrul pa'i blo// rdzogs chen thig le zang thal la// phyogs mtshams steng 'og

  486. 77b

    'dod pa gang // thams cad ma bsgrubs rdzogs chen la// dgag sgrub bya na gol ba yin// e ma ho rigs kyi bu// ngas bshad pa la ma skrag cig/ chos rnams thams cad thig le ye brdal yin// yin par shes pas 'khor du 'khor sa med// thams cad phyi nang med pa'i chos min klong // sangs rgyas 'khrul pas ming du btags pas nor// thig le phyogs med ye shes zang thal la// lha sgom 'dod pas kun tu brtags pas bslus// phyi nang med pa'i ye shes zang thal la// 'bras bu phyi dus mi 'debs da lta nyid du grub// thig le bar mtshams ma grub zang thal la// bar do'i gdams pa rdzogs chen lam pa'i chos// lam la reg na bag chags las la re// las la re na rang byung ye shes brdzun// sangs rgyas thugs rje dbri bkol med pa la// thub drug 'byung bar 'dod pa yid smon blo yi yul// rdzogs chen blo las grol ba'i chos min yin// thugs rje dbri bkol med pa yi// thams cad sku gsum rol par ma shes na// thugs rje dus la ltos na 'khrul pas 'khrul pa rgyud// ces gsungs so// ye shes thig le zang zal gyi rgyud las/ thig le'i rang sgo la ngo sprad pa'i le'u ste bcu gsum pa'o// // de nas bcom ldan 'das kyis/ yangs pa can gyi gnas nas bzhengs nas/ byang chub sems dpa' badz+ra satwa la bka' stsal pa/ sku gsum dbye

  487. 78a

    pa bstan par bya yis/ sems dpa' chen po nyon cig/ chos sku'i chos sku longs sku dang // sprul pa'i sku ru dbye bar bya// longs sku'i chos sku longs sku dang // sprul pa'i sku yi dbye ba dang // sprul sku'i chos sku longs sku dang // sbrul sku'i dbye ba bshad par bya// chos sku nam mkha' lta bu la// longs sku sprin gyi tshul du snang // sprul pa'i sku ni char lta bu// chos sku mkha' khyab zang thal yin// chos sku'i longs sku thig le rang gsal yin// chos sku'i sbrul sku thugs rje phyogs med yin// 'gag med thig le sprul pa'i sku de// ngo spyod thugs rje can la gdab// thugs rje phyogs ris med pa yin// phyogs ris med pa'i zang thal chos min sku// thig le chos min yangs pa'i rang sa na// rig pa chos min ye shes chen po de// thig le ngo spyod 'di la spyad nus na// thig le sgrib med ye shes chos min sku// bar mtshams med pa'i thig le khong nas shar// lam gyi gdams ngag 'gyu ba mi dgag par// phyogs lhung med pa'i shes rab chen po yis// chos kyi sku gsum ngo spyod chen po yin// de las 'da' dus sangs rgyas yul med mthong // rig pa yul med 'di la ngo sprod na// sangs rgyas rang chas yin pas yul med yin// ces gsungs so// ye shes thig le zang thal gyi rgyud las/ sku gsum dbye ba'i le'u ste bcu bzhi

  488. 78b

    pa'o// // kun tu bzang pos bka' stsal pa// sems dpa' chen po khyon nyon cig/ longs sku'i dbye ba 'di lta ste// nor bu rin chen lta bu de// thugs rje 'dod yon 'char ba'i gzhi// yon tan so sor snang ba ltar// longs sku'i chos sku bstan pa ni// ji lta ba yi ye shes yin// longs sku sgyu ma'i gzugs sku yin// sbrul sku ji snyed ye shes yin// sgyu ma lhun grub 'od kyi phung po la// sku lnga la sogs bsam gyis mi khyab pa// 'jig rten 'di 'am thams cad na// til gyi gang bu bzhin du ni// yongs su gang zhing bar mtshams med// ye shes sgyu ma'i sbubs kyi ngo sprod 'dis// ma hA yo ga'i gol gzhi gol sa dang // a nu yo ga'i gol gzhi gol sa gnyis// dbyer med rang sar ma shes sgrib pa yin// rang lus thig le brdungs pas gol sa chod// phyi nang med pa'i thig le chos nyid klong // 'bras bu ma btsal rang la grub pas nor bu rin chen 'dra/ ye nas yod pa mthong bas dbul mo gter rnyed tshul// sangs rgyas thig le phyogs med sku// gzugs sku mnyam la ma 'dres pa// nor bu rin chen yon tan 'dra// sbrul sku so sor shar ba ni// nor bu rin chen thugs rje 'dra// nor bu rin chen phyogs med de// gnyis med chos sku'i ngo sprod yin// ces gsungs so// ye shes thig le zang thal gyi rgyud las// longs sku'i dbye ba ngo sprad pa'i le'u ste bco lnga

  489. 79a

    pa'o// // de nas yang bka' stsal pa/ sems dpa' chen po khyod nyon cig/ sprul pa sku yi dbye ba bstan pa ni// nyi ma 'od dang zer dang gsum// yon tan phyogs med mthun par grub// sprul pa sku yi chos sku ni// thig le chos min kun gyi gzhi// dmyal ba'i gnas na lhun gyis grub// rgya chad phyogs su ma lhung bas// don ni lhun gyis grub pa yin// 'gro drug chos kyi sku yi gzhir// lhun gyis grub par bshad pa yin// rgya ma chad pas lhun gyis grub// nyi ma'i snying po stong gsal de// shar gling la sogs rgyu ba'i dus// rgya ma chad pas gar yang snang // phyogs su ma lhung gar yang rgyu// ngo bo rtog med zang thal de// kun la dbri bkol 'byed pa med// rtog med mnyam par lhun gyis grub// zer ni phyogs med 'char ba'i rgyu// dbri bkol med pas yongs la snang // snang gsal yangs pa'i zer du shar// sprul pa'i sku yi/ longs sku ni// snang ba 'gag med rang du gsal// rang gsal rang gdangs chen po 'di// rtag tu 'di ltar lta spyod na// longs sku'i ngo spyod chen po yin// sprul pa'i ngo sprod bstan pa ni// nyi ma'i 'od kyi snang ba de// nyi ma phyed kyi dus dag na// rang rang mthongs kyi dbyings su grub// bsam pa mi 'dra sna tshogs shar// nyon mongs brgyad khri bzhi stong smin// rtsa ba dug lnga dag la 'dus// de yang gsum 'dus gsum po

  490. 79b

    gcig/ gcig po ma rig de nyid ci las grub// rtsa gcad rtse gcad skad gcod kyi// thog ma bar dang mthar gcod pa'i// ye shes ngo bzung ngo sprod ston// gcig po mtshan ma rang sar grol// gnyis med thig le zang thal sku// phyogs lhung med pa'i ye shes shar// rgya ma chad kyi chos skur gsal// lhun gyis grub pas rang sar grol// rang snang dag las med tsam na// rig pa yul med ces kyang bya// chos la bdag med ces kyang bya// sangs rgyas yul med ces kyang bya// gzigs snang mtha' las grol ba yin// zhes gsungs so// ye shes thig le 'khor lo khong 'bar gyi rgyud las/ le'u skabs te bcu drug pa'o// // sarba ma la da dA a sing sha ShaM tsa la A/ de nas yang bcom ldan 'das kyis bde chen rang 'bar gyi ting nge 'dzin las bzhengs nas/ rdo rje sems dpa' la bka' stsal pa/ kye/ sems dpa' chen po khyod nyon cig/ sku gsum dbyer med bstan pa ni// rgya mtsho drangs pa'i dus nyid na// dar dang rlabs dang sbu ba dang // chab rom sna tshogs cir snang yang // chu bo dag las 'das pa 'am// rgya chad phyogs su lhung ba ni// phra rab rdul tsam ma mthong ngo // de bzhin 'gro ba rigs drug dang // longs spyod rdzogs pa sgyu ma'i sku// sna tshogs mtshan mar snang ba rnams// thig le lhun grub ye brdal yin// dbye rgyu rdul yang

  491. 80a

    mi rnyed de// rgya ma chad par rtogs tsam na// rtogs pa rang grol zhes kyang brjod// phyogs med ye shes rang la shar// rang shar rang snang zhes su bshad// dbyer med klong nas rang grol bas// phyi nang snang srid dub chub brdal// thig le kun khyab ces su bstan// dper na zag pa sbrul 'khrul grol// 'khrul pa 'jug ldog rang grol yin// dbyer med 'du 'bral med ces bya// snang srid thig ler brdal bas bar mtshams mtshon par dka'// thig le 'gag med yin par rol pa cir yang 'char// rol pa rang sar grol bas mtshan ma'i yul ma mthong // blo chung byis pas phyogs su bzung ba 'khrul// phyogs med rang grol snang srid thig ler 'bar// 'bar ba'i rgyal po 'di la dbye ba ye nas med// ces gsungs so// thig le 'khor lo 'bar bzang thal gyi rgyud las/ sku gsum 'du 'bral med pa'i klong bya btsal dang bral bar bstan pa'i le'u ste bcu bdun pa'o// // ma ha lha a ste/ de nas yang bka' stsal pa/ sems dpa' chen po nyon cig/ ye shes rlung chen ngo spyod bstan pa ni// dpe don gnyis su ngo sprad de// khyung chen nam 'phangs gcod pa de// rtsol dang rlom pa ma yin te// gshog pa thang lhod med pa yin// skad cig ri rab khang steng ltar// ma rig 'gag med gzung 'dzin klong // chags zhen gnyis kyi rtsa ba

  492. 80b

    can// rlung gis thams cad smin par byed// dngos po med pas dgung mtha' sleb// bgrod pa med par stong gsum 'gro// 'ong pa med par rang sar ldog/ 'gyu ba rlung gi rta pho can// rlung gi rta pho sgrol ba na// 'phye bo rta dang brel ba yin// long ba rta dang bral ba ltar// ye shes rlung chen gcod pa'i yid// gzugs sogs len par byed pa de// 'phye bo rta bral man ngag gis// gzugs sogs rang snang dpal gyi mgon// ye shes lus la rig pa 'jug/ sbyong bar byed pa rlung yin pas// rlung gi ngo sprod bstan pa yin// ces gsungs so// ye shes thig le zang thal gyi rgyud las/ rlung gi ngo sprod bstan pa'i le'u ste bco brgyad pa'o// // ha ya ka rA/ de nas bcom ldan 'das kyis/ rdo rje sems dpa' khyod nyon cig/ rlung gi thams cad sbyong ba yin// rlung rtogs can gyi dpe bstan pa// gzhi dang lam dang 'bras bu dang // de nyid rang sar grol ba gzhi// de yi mtshon pa bstan pa ni// dper na bya khyung rum du 'jug pa'i dus// pha ma gnyis kyang rlung las grub// bu yang rlung gi rgyu ru gnas// pha ma sred len sbyor ba'i tshe// gzhi rlung 'dus pa bu yi rlung du sbyar// khyung mo'i mngal kha'i nang du ni// rlung gi sgo nga zhabs rdol grub// zhabs rdol ma yi mngal sgor gtad// sgo nga'i dbyibs ni rgya mdud 'dra// mdog ni ljang khu thal khar

  493. 81a

    gnas// pha ma gnyis ni rlung za bas// gzan ma mi dgos de ltar yin// rtsol ba med par mkha' la lding // tshang gi ming ni ma thogs so// khrung la yul med de lta yin// bu yang rlung za chen por byung // mngal gyi sbug gu'i rlung gis ni// bu yi gsos su 'gyur bas na// khyung phrug mngal du gshog rdzogs pas// rlung chen 'goms pa byung ba yin// khyung phrug mngal nas tshar ba dang // bu gu'i nang nas ngam grog dang // bar snang stong pa'i g.yang mthong bas// khyung phrug gshog pa zang gcod pas// sgong rgya chag pa de ltar yin// khyung phrug ma dang mnyam pa dang // rtsol ba med par mkha' la lding // mis ma mthong ba de ltar yin// de yi don ni 'di lta ste// dang po lhun grub 'gag med rlung // 'khrul pa'i gzhi rlung zhes su bshad// de nas 'khrul pa lam gyi rlung // phyogs med g.yo ba'i rlung chen yin// 'jug pa'i rlung dang g.yo/ 'i rlung // gcod pa'i rlung du byung bas ni// mtshan ma lam pa'i rlung zhes bya// khams gsum rlung gi srid pas na// lhun grub rlung ni 'khor ba yin// pha dang ma ni lhan grub 'gag med yin// de las bu ni phyogs med shar// gzung 'dzin gnyis su sbyor bas ni// rlung chen 'gag pa med pa des// 'khor ba'i sa bon bskyed pa yin// 'khor ba smin pa rlung gis bya// rlung gis sna tshogs grub par byed// khams gsum

  494. 81b

    sems can dag tu 'grub// des na rlung la ngo sprad pas// rlung gsum rtsa ba gcig tu 'dus// gcig po ye shes zang thal rlung // zang thal rlung du ngo sprad pas// 'gyu ba zhabs rdol rlung bral des// dbugs med za thal thogs med pas// 'byung ba lnga yi ma grub pas// ye shes zang thal yin pa'i rtags// phung po lngas ni ma bsgribs pas// thig le lhun grub yin pa'i rtags// chu bo bzhis ni khyer ma nus// ye shes 'ba' zhig yin pa'i rtags// rgyu rkyen ka nas ma grub pas// sku gsum 'du 'bral med pa'i rtags// rlung las ye shes ngo sprad nas// thig le nyag gcig rang 'bar bas// ye shes rang grol yin pa'i rtags// rgyu lam 'bras bu dbyer med pas// gzhi ni lhun gyis grub pa'i rlung // lam ni rang byung rlung du shar// 'bras bu mtshan ma sna tshogs gcod pa'i rlung // rlung chen de la ngo sprad na// gzhi lam 'bras bu dbyer med pas// ye shes ngos bzung rlung du bshad/ ces gsungs so// ye shes thig le zang thal gyi rgyud las// ye shes rlung la ngo sprad pa'i le'u ste bcu dgu pa'o// // bcom ldan 'das kyis bka' stsal pa// sems dpa' chen po khyod nyon cig/ go bar dka' ba brda yi don// zab mo dgra ru brjod pa nyams// ye shes zang thal phyi nang med pa'i mkha'// gzhan snang med pas sgrib pa'i ming yang

  495. 82a

    med// lce sbyang mig can rlung las grub pa'i sku// nyi zla'i 'od tsam byin rlabs 'gag med sku// seng ge'i rtsal can mtshan ma zil gyis gnon// rtsal gsum lus la rdzogs pas sku gsum 'du 'bral med// thog med dpa' ba stag mo tshang ma ltar// dpa' brtul ye shes thogs med gcad pa gces// dngos med g.yo ba las kyi rlung dang 'dra// 'jig rten chags 'dzin rlung gi rtsal las shar// 'khor ba mya ngan rtog pa rlung gis gdams// skye 'chi'i rgyun gyis rlung gis rtag tu 'debs// dbugs dang bral bas gnyis med zang thal 'char// yar ldan yon tan mar ldan skyon du 'char// gnyis med zang thal phyi/ nang thig ler brdal// ye shes zang thal 'ub chub 'du 'bral med// ces gsungs so// ye shes thig le zang thal gyi rgyud las/ gnas lugs la ngo sprad pa'i le'u ste nyi shu pa'o// // de nas yang bcom ldan 'das bde ba can gyi gnas/ rin po che pad+ma'i gdan las bzhengs nas/ rdo rje sems dpa' la bka' stsal pa/ kye kye ho/ ngas bshad pa yi rgyud chen 'di// ye shes thig le 'du 'bral med// zang thal yin pas chos min sku// phyi nang med pas thig le'i rgyud du zung // ye shes zang thal rang la shar// ye shes rang shar rgyud du zung // 'bras bu phyi nang dus mi 'debs pas// thob med nor bu'i

  496. 82b

    rgyud du zung // zhes gsungs so// yang bka' stsal pa/ 'khor ba rang grol ye shes bstan// ye shes 'khor lo'i rgyud du zung // ye shes gsang ba rang la shar// 'khor ba mtshan ma rang sar grol// gsang ba 'khor lo'i rgyud du zung // zhes gsungs nas/ mya ngan las 'das so// de nas rdo rje sems dpa' thugs mya ngan gyi zin nas/ kye ma kye hud/ thugs rje chen po mya ngan las 'das so// bdag la ni skyabs med do// mgon dang dpung gnyen med do// kyi hud ces brjod pas/ rin po che'i shog bu la/ rin po ches bris pa'i rgyud 'di rang snang rnam dag gi nam mkha' la babs so// byin gyis brlabs nas bshad pa'i rgyud// ye shes thig le zang thal 'di// rdo rje sems dpa' la byin gyis brlabs kyis rjes su yi rang ba'i le'u ste nyer gcig pa'o// // rdzogs so// / @#// rgya gar skad du/ gu h+ya tsi li ti la tri kA ya tan+t+ra/ bod skad du/ gsang ba yang gter sku gsum gyi rgyud/ dpal kun tu bzang po la phyag 'tshal lo/ 'di skad bdag gis bstan pa'i dus gcig na/ bcom ldan 'das rdo rje mkha' 'gro mas/ sna tshogs mkha' 'gro'i gnas su ni// thugs rje 'byung ba'i dus de ru// mkha' 'gro ma rnams khros par bshad// rdo rje'i gdan la rdzogs sangs rgyas// mkha' 'gro'i tshogs rnams ngo mtshar skyes// skyes

  497. 83a

    bu thig le'i klong yangs nas// byin rlabs rgyun chad med par 'byung // chu rgyun lta bu'i thugs rje mnga'// thig le brdal khyab sku la phyag 'tshal lo// zhes gsungs so// gleng gzhi rtsa ba'i le'u ste dang po'o// // de nas zhus pa/ thugs rje'i rim pa ji ltar lags// zhes zhus pas/ phyi nang gsang ba gsum du byung // yang gsang don la 'byung 'gag med// ces gsungs so// de nas yang sangs rgyas par bstan du gsol// zhes zhus pas/ bka' stsal pa/ phyi yi thugs rje'i chos 'khor dang // nang gi thugs rje'i chos 'khor dang // gsang ba'i thugs rje'i chos 'khor ro// yang gsung thugs rje'i byin rlabs so// zhes gsungs so// gleng bslang ba'i le'u ste gnyis pa'o// // mi phyed rdo rje 'chang gi sku// phyi yi thugs rje bstan pa ni// phyi yi sku gsum bstan par bya// 'byung ba lnga por sprul nas ni// sems can rnams la snang bar nus// sprul pa'i sku yi ngo bor bstan// longs spyod ma 'gags rol par shar// longs spyod rdzogs sku dngos su bstan// dngos po chos sku skye 'jig med// chos sku'i thugs rje bstan pa yin// 'gro ba rigs drug snang ba la// nyon mongs brgyad khri bzhi stong dang // rtog pa sum brgya drug cur 'khrul// thub pa drug gi chos 'khor bskor// nyon mongs khams rnams dag par byas// sprul pa'i sku ru

  498. 83b

    bstan pa yin// zhes gsungs so// phyi thugs rje chos kyi 'khor lo'i le'u ste gsum pa'o// // mi phyed rdo rje 'chang gi skus// nang gi chos kyi 'khor lo bskor// nyon mongs ma lus gsal ba'i phyir// bsam pa'i khyad par ji bzhin du// nyon mongs brgyad khri bzhi stong la// theg pa rim dgu'i chos 'khor bstan// bcom ldan phyag na rdo rje dang // rdo rje sems dpar sku sprul nas// thugs rje chos kyi 'khor lo bskor// sprul pa'i sku yi sgo nas ni// drang don nges don gnyis su bskor// rgyud lung man ngag gsum du bskor// mi phyed rdo rje 'chang gi lung yang bstan// sems dpa' chen po ngas bshad yin// sems can nyon mongs sbyang ba'i phyir// bag chags bcas pa thams cad la// snying rje che dang shes rab kyis// thabs kyi sgo nas bstan pa'o// zhes gsungs so// phyi nang gnyis sems la chos kyi 'khor lo bskor ba'i le'u ste bzhi pa'o// // mi phyed rdo rje 'chang gi sgras// rtog pa ye shes 'khor lo'i bskor ba yang // dpal ldan sangs rgyas pad+ma skyes// bdag rig gzhan rig thams cad pas// mchog gi dang po sku gsum bstan// sems ni sprin dang 'dra ste blo bur bas// dbugs ni na bun 'dra ste gtan mi gnas// yid ni zil pa 'dra ste yong mi sdod// rnam rtog pa mo 'dra ste gtan mi 'grogs// rig pa nam mkha' 'dra ste 'gyur/

  499. 84a

    ba med// thugs rje nyi ma 'dra ste yongs la khyab// khyab pas ma phan mthong ba log/ snang ba log pa 'dzin pa brtas// snang 'dzin gnyis kyi kha na nyi ma gnas// nyi ma rgya chad phyogs lhung med pa la// lta stangs so sor phye ba yin// rgya chad phyogs lhung de nas byung // nam mkha' nyid ni mtshan ma rang sar grol// rgya ma chad de phyogs su ma lhung ngo // dper na nyi ma shar bas mun pa mthong // mthong ba log ces de la bya// mthong ba log pas snang ba log/ mun pa'i snang bar gnas pa'o// 'dzin pa log pa mun par bzung // dper na sbrul kyi phung po mthong ba yang // zag pa phyogs su ma lhung ste// snang ba log pas sbrul du 'khrul// 'dzin pa log pas sbrul du 'khrul// mthong ba log pas sbrul du mthong // ral grol rang shar gyi man ngag go/ dper na 'byung ba lnga yang de dang 'dra// dug lnga sku lnga ye shes lnga// rang 'khrungs nga grol gyi gdams pa'o// ngo spyod phyogs lhung gi mdud pa la// rang shi rang grol gyi gdams ngag gis// lce sbrang lta bu'i brda dang ni// nam mkha' lta bu'i brda yis ni// thig le phyogs lhung med par bstan// thang shing kha nas rlung 'phro ba// bzung bas zin par ga la 'gyur// nam mkha' klong na khyung lding ba// ltung ba'i shes pa ci la 'byung // nyag gcig tha dad rang grol bas// gol ba'i phyogs lhung ga la

  500. 84b

    'gyur// 'khor ba grol ba'i thig le la// mya ngan 'das pa'i zhe 'dod med// rang gi rang bcing rang du grol// bcings pa'i dus na thag sbrul 'dra// grol bas zag pa'i zhe 'dod med// rtogs pa ye shes kyi 'khor lo de// nor bu rin chen rnyed pa ltar// 'dod pa thams cad phun sum tshogs// dug la sngags kyis thebs tsam na// kha tsir ma yang sman du 'gyur// 'khor ba rang grol shes tsam na// dmyal ba'i gnas na thig le 'bar// bde ba chen po 'dod rgyu med// ces gsungs so// rang grol rang shar gyi le'u ste lnga pa'o// // mi phyed rdo rje 'chang gi skus// thugs rje chos kyi 'khor lo bskor// rang grol rang 'khrul du bstan pas ni// mkha' 'gro ma rnams rab tu dges// nor bu rin chen gter nas bton// mkha' 'gro ma yi lag tu gtad// mkha' 'gros ma bzod stor gyi dogs// de dus khyur gyis mid ba las// 'dod pa thams cad rab grub nas// nor bu'i rin chen gling du slebs// phyi nang med par nor bur 'dug/ nor bu'i re dogs de ru nub// bla ma'i gdams ngag rang grol gyis// byi nang med par thig ler grol// 'khor 'dus re dogs de dus grol// zhes gsungs so// rdo rje mkha' 'gro rjes su yi rang ba'i le'u ste drug pa'o// // rdzogs so//

  501. 85a

    rgya gar skad du/ ti la pra sa la ra d+ha du hi ma gu h+ya han+ta/ bod skad du/ thig le spros pa gcod pa'i rgyud/ gsang ba yang gter gyi rgyud ces bya ba/ bcom ldan 'das dpal kun tu bzang po la phyag 'tshal lo/ 'di skad bdag gis thos pa'i dus gcig na/ bcom ldan 'das thig le'i klong du gyur pa'i dgongs pa la zhugs te/ thams cad rang thig le rang grol gyi bstan ces bya/ 'od zer bye ba phrag mang po spros te chos 'chad pa'i dus de ru/ bcom ldan 'das snying sku rdo rje sems dpa' sprul nas sangs rgyas gang+gA'i klung gi bye ma snyed la chos bstan pas/ de'i tshe de'i dus na/ zhu ba po mi'i byang chub sems dpa' dga' rab rdo rje sa gsum gyi mnga' bdag ces bya ba des/ bcom ldan 'das bdag cag sangs rgyas sa la gnas pa'i byang chub sems dpa' bsam gyis mi khyab ste/ bdag gi la 'di la shin tu zab pa rgya che ba gcig gsungs so// thig le spros pa gcod pa'i rgyud las/ gleng gzhi'i le'u ste dang po'o// // de nas bcom ldan 'das ting nge 'dzin de las bzhengs nas 'di skad ces bka' stsal to// sangs rgyas dang byang chub sems dpa' thams cad nyon cig/ zang thal lnga dang gdangs dbyangs lnga// dbang dang dam tshig sdom pa la sogs te// bar do med dang bar do yod// dbang po rab sogs dang sbyar te// rgyun dang

  502. 85b

    dum bu la sogs pa// de ni bdag gis bshad par bya// zhes gsungs so// thig le spros pa gcod pa'i rgyud las/ bsdus nas bka' stsal pa'i le'u ste gnyis pa'o// // de nas lag na rdo rjes zhus pa/ zang thal lnga po bshad du gsol// zhes zhus pas/ yang bka' stsal pa/ kun gzhi'i snying po yid// sgo lnga rang thal zang thal te// de ni bdag gis bshad par bya// kun gzhi zang thal gyi dpe ni// dpe rgya mtsho chen po dang 'dra ste/ rgya mtsho de la ni nyin mo rnyog pa med par drangs// rnyog ma'i skyon gyis ma gos te/ mtshan mo zla ba dang gza' skar thams cad 'char te/ rgya mtsho dang gza' skar dbyer med phyed do// dpe de bzhin du mtshan mo dang 'dra ba'i kun gzhi'i dbugs dang bcas kyi bar du/ kun gzhi rgya mtsho 'dra ba de la/ bag chags gza' skar dang 'dra ba de dbye bas mi phyed do// gza' skar des kyang rgya mtsho zang thal du 'dug pa de la/ gza' skar gyis phan yang ma thogs gnod pa yang ma stsal lo// zhus pa/ bag chags dang kun gzhi dbyer mi phyed na/ khams gsum du 'khor ba las mo thar ro// zhes zhus pas/ dper na nyin mo nyi ma shar ba'i dus na/ nyi ma shar ba tsam gyis gza' skar a cang yang ches/ zla ba'i 'od kyang shi nas/ rgya mtsho yang mi snang la rnyog ma thams cad dang bral te/ dpe de dang 'dra bar da lta ye shes sgrib pa dang /

  503. 86a

    dri ma thams cad dang bral ba'i ye shes thams cad mkhyen pa zang thal du shar bas/ dbugs chad pa'i dus dper na nyi ma shar ba dang 'dra ste/ rnam rtog thams cad sangs nas sangs rgyas so// zhes gsungs so// kun gzhi zang thal la ngo sprad pa'i le'u ste gsum pa'o// // yang bka' stsal pa/ snying po zang thal gyi dpe ni/ man shel dang mthun te/ man shel drangs pa de la/ dper na zer ma 'gag pa dang / 'od kha dog lnga mi 'gag ste/ zer du shar yang ni shes par mi gnas pa/ yid dang rtog par mi gnas/ 'od du shar yang ni gzung ba'i yul du mi gnas te shes pa zang thal zer yang thal/ 'od nga thal lo// dpe de bzhin du snying po'i ye shes de yang / sgrib g.yogs kyis ma gos par zang thal/ zer dang 'dra bar yin du shar yang rtog pa med/ rang snang ma 'gags gzung ba'i yul du mi 'dzin/ de gang la ngo sprad pa zer phung 'tshengs kyi mkhan po de dmigs pa'i mig dang 'dra ste/ ma rtogs pa'i dus na zer te/ snang 'dzin thams cad dug lnga ru 'char ro// dmigs pa'i mig gis chu mthong ba// ngoms shing tshim pa dang 'dra ste// zer des snying po lta thabs kyis bltas pas mthong ste/ mthong ba tsam gyis grol lo/ zhes gsungs so// snying po zang thal la ngo sprad pa'i le'u ste bzhi pa'o// // yang bka' stsal pa/ yid

  504. 86b

    zang thal ni/ dper na rlung dang smig sgyu dang 'dra ste/ dper na rlung de yang mi snang ste/ don byed nus te thams cad bskyod pa'i rlung yin pa dang 'dra bar/ yid ma g.yos na rtog pa med do// g.yos na phung 'tshengs la spyod do// phung 'tshengs de zang thal du gnas kyang thams cad la dbang sgyur nus te/ ngan pa sna tshogs kun gzhi las gsog go/ bsags kyang zang thal lo// ci dang 'dra ste/ smig sgyu de rta dang / mi dang / chur snang yang / ngo bo shes nas 'dug pa'i dus thams cad zang thal du 'char ro// zhes gsungs so// yid zang thal du ngo sprad pa'i le'u ste lnga pa'o// // de nas yang bka' stsal pa/ sgo lnga rang drangs zang thal gyi dpe/ me long du skyes bu'i byang ltas pa dang 'dra ste/ dper na me long gi nang sgo lnga yul me long gnyis wa le snang ste/ snang stong dbyer med du 'dug pa bzhin du/ de rang snang du shes pas/ sgo lnga zang thal du yul me long du snang ste/ zang thal lo// dpe dang 'dra bar/ sgo lnga zang thal rig pa'i ye shes rang snang rang byung ye shes gnyis dbyer med par shar bas/ sgo lnga rang thal zag thal ces bya'o// de yang bltas pa'i dus na 'char ro// zhes gsungs so// sgo lnga rang snang zad thal ngo sprad pa'i le'u ste drug pa'o// // de nas yang bka' stsal pa/ gdung zhes bya ba'i sreg pa yi// de ni bdag gis bshad par

  505. 87a

    bya// gdung zhes bya ba ro sreg ste// kun gzhi bag chags kyi ro dang / 'khrul pa rnam rtog gi ro dang / bskyed rim ting nge 'dzin gyi ro dang / rdzogs chen lta sgom spyod pa'i ro dang bzhi'o// de la kun gzhi bag chags kyi ro'i dpe ni/ dper na gnyid log pa'i dus na nor bsam gyis mi khyab pa rnyed nas longs spyad pa lta bu ste/ kun gzhi dngos po med pa'i gzhi de dag la/ rtog pa bzang ngan sna tshogs la longs spyod de/ de yang chags shing zhen pas 'khor ba las thar pa'i dus med pa/ kun gzhi bag chags kyi ro 'di/ thams cad mkhyen pa'i hom khung du shes rab chen po'i me sbar te/ bag chags kyi yam shing la rig pa ye shes kyi me sbar te/ thig le brdal khyab tu sbyangs nas btang ngo // de nas 'khrul pa rnam rtog gi ro bsreg par byas te/ 'khrul pa rnam rtog gi ro bsregs pas/ 'khrul pa'i sgyu ma rig pa ye she kyi hom khung du shes rab chen pos bsreg par bya'o// rnam par rtog pas 'khrul pa'i rkyen rang byung ye shes mes thig le hom khung du sreg/ thig le'i ngang du sbyang bar bya'o// bskyed rim gyi lha la chags pa/ sa bag chags mtshan ma'i ro ye shes khong gsal gyi hom khung du/ thabs 'gag pa med pa'i ro// thig le kun khyab tu bsreg byang bya'o// lta sgom spyod pa mtha' gsum gyi ro// lta ba rang bzhin med par chad pa'i ro// sgom pa

  506. 87b

    nyams myong 'dod pa brtag pa'i ro// nyams la chags sdang skyes pa spyod pa dug lnga'i ro// lhag mthong rig pa'i ye shes kyi hom khung du/ rang 'bar ba thig le nyag gcig gis mes bsreg par bya'o// zhes gsungs so// sbyangs sa bstan pa'i le'u ste bdun pa'o// // de nas yang dbang gi gdams ngag bka' stsal pa/ bum pa thabs dang gsang sngags dang // tshig dbang rnam pa bzhi ru bstan// bum pa'i dbang la rnam pa bzhi// sems nyid 'od gsal phyi yi bum pa yin// rig pa 'od gsal nang gi bum pa yin// ye shes 'od gsal gsang ba'i bum pa yin// thig le 'od gsal dbyer med bum pa yin// zhes gsung so// thabs dang shes rab dbang du bstan pa ni// rang snang thabs su shes na thabs kyi dbang // snang ba rang grol du rtogs pa shes rab dbang // zhes gsungs so// gsang ba'i dbang la bzhi ste/ rig ma lam brten dga' ba bzhi// de ni phyi yi gsang ba'i dbang // rang snang gsal skyes pas dga' ba yin// rig pa zang zal skyes pa mchog dga' yin// gnyis med ye shes zang thal ba// lhan cig skyes pa'i dga' ba yin// dbyer med thig le grol ba dga' bral chen po yin// zhes gsungs so// tshig gi dbang ni rnam bzhi ste// 'byung ba lnga yis ngo sprad pas// rang byung ye shes tshig gi mchog/ dug lnga dag gis ngo/

  507. 88a

    sprad pas// rig pa'i ye shes tshig gi mchog tu brjod// 'gyu ba mi 'gag zol thol skye ba la// lhag mthong rig pa'i ye shes ngo sprod ngo sprod mtshon// tshig gi dbang po chos kyi spyan la sprad// bum pa'i dbang ni rang snang 'od la sprad// thabs dang shes rab dbang ni tsit+ta'i nang du sprad// ye shes chen po'i dbang ni ye shes spyan la sprad// thams cad rang la yod pas dbang zhes bya// de rnams bla mas ston pa'i tshig thob nas// rab tu gces pas dbang zhes bya// zhes gsungs so// dbang rang la sprad pa'i le'u ste brgyad pa'o// // yang bka' stsal pa/ dam tshig srung ba zhes bya ba// ma nor ma bcos dam tshig yin// shes rab chen po ma nor bas// thig le ma bcos rang sar grol// de ni dam tshig nyams med yin// bsrung bya byung na nyams te mchi// bde chen thig le rnam par dag/ de ni sdom pa rang dag yin// gzung rgyu byung na 'chor bar mchi// zhes gsungs so// dam tshig sdom pa la bzlas pa bstan pa'i le'u ste dgu pa'o// // de nas yang bka' stsal pa/ 'dus byas 'dus ma byas kyi bar// bar na rtog med chos sku gnas// rtog med rtogs na bar do med// sgyu ma 'ja' tshon gnyis kyi bar// bar na thig le nyag gcig gnas// nyag gcig rtog na bar do med// 'gro drug rang snang gnyis kyi bar// 'gro/

  508. 88b

    drug par na rang byung sku// sbrul sku rtogs na bar do med// sems dang chos dang rnam rtog chags sdang la sogs pa'i// gzung 'dzin thams cad sems yin pas// de sol yin pas rtogs pa'o// sems las 'byung bar yang ni rtogs// sems de mi rgyu dgu la rgyu// mi bsam dgu la bsam// dbyibs gzugs kha dog snang yang sems// thams cad sems su shes kyang sangs mi rgya// zhes te gzung 'dzin mi 'chad pa'i phyir// cis te ji srid sems yod sems la spyod na gzung 'dzin la spyod pa'i phyir// sangs rgyas gang la zer ces zhus pas/ thig le nyag gcig po de la gong ma rnams las log pa ste/ snang ba'i yul med pas// 'dzin pa'i shes pas bzung du mi btub/ 'dzin pa'i shes pa rang byung bas/ shes rig blo las 'das pas thig le/ phyi nang dbye ba med pas nyag gcig/ thig le'i dgongs pa rang gnas so// sangs rgyas med pa rang yin pas/ chags sdang skyed med dug lnga rang gi lam du khyer/ ma rig pa dang 'dangs sangs ma rig pa med pas/ rig pa gzhi la 'gro sa med/ gzhi rang yin pas/ rnam rtog la rgyun du song / chad sa med// rnam rtog mi mnga' bas so// zhes gsungs so// bar do mnyam sbyor ngo sprod pa'i le'u ste bcu pa'o// // bar ma do yi don bshad kyang // rgyun dang dum bu bshad du gsol// zhes zhus pas/ bka' stsal

  509. 89a

    pa/ dum bus rgun mthong dum bur rgyun du song // rgyu ni dug lnga rang snang ma 'gags pas// dug lnga rgyun du snang ba'o// 'gru ba phyogs med gcod pa dum bu'o// dum bus sangs pa med pas rgyun du song // dum bu spyad pas rgyun du 'khor ba la gnas// des na dum bu 'bras bu rgyun du grub// rgyun dang dum bu lam du khyer ba bstan pa ni// 'gyu ba phyogs med 'gyu ba'i dum bu ste// 'phags pa 'jam dpal lta stangs dang // thugs rje chen po'i lta stangs des// rdo rje 'chang gi lta stangs kyis// lta stangs phyogs med byas pa yi// dum bu phyogs med rgyun du song // rgyun ni thig le khong nas 'bar phyi 'bar// dbyer med du 'char nang du 'char ro// 'bar pa gsum la re lan gsum// gsum mnyam dus mnyam du 'char ro// 'bar chen po'i klong dang dug lnga 'gyu ba spangs so// thig le spros pa gcod pa'i rgyud/ khongs la du sangs rgyas so tsam du bstan pa'o// de nas bcom ldan 'das thig le'i ngang du nyid sangs rgyas nas/ mi snang bar gyur to// lag na rdo rje la sogs pa thams cad rjes su yi rang ngo // thig le spros pa gcod pa'i rgyud gsang ba yang gter zhes bya ba/ zhu ba po rdo rje sems dpas zhus/ sdud pa po phyag na rdo rjes bsdus/ thams cad rang gi 'dug tshul du bstan no// rdzogs so// //

  510. 89b

    thog ma'i sangs rgyas 'od dpag tu med pa la phyag 'tshal lo// rgyud thams cad kyi snying po/ lung thams cad kyi rtsa ba/ man ngag thams cad kyi nying khu/ gsang ba bas kyang ches gsang ba/ kun tu bzang po ma 'khrul pa'i dgongs pa/ gzhi 'dug tshul 'khor ba dong sbugs su ston pa/ rgyud nyi shu rtsa lnga'i rtsa ba/ man ngag sum brgya rtsa gnyis kyi rtsa ba/ phyi nang gsang ba gsum gyi yang zhun/ thig le 'dus pa sangs rgyas 'od dpag tu med pa dang / 'od srungs dang / mar me mdzad gsum kyi dgongs pa gcig tu bstan pa/ sangs rgyas thams cad kyi dgongs pa bsdus pa/ thig le 'dus pa'i rgyud ces bya ba/ 'khor brgya theg tu bstan pa'i phyir/ sgrub pa ma hA yo ga la ngo sprad pa dang / lung a nu yo ga la ngo sprad pa dang / man ngag a ti yo ga la ngo sprad pa dang / yang dag pa'i man ngag thig le 'dus pa ma bu la ngo sprad pa dang / rtsa dang / rlung dang / thig le la ngo sprad pa dang / brda'i ngo sprad pa dang / 'khrul gzhi'i ngo sprad pa dang / gnas pa'i ngo sprad pa dang / ldog pa'i ngo sprad pa dang / ldog pa rang gi mtshan nyid gnas lugs la ngo sprad pa'i ngo sprad pa'o// rtsa ba mdor bsdus pa'i le'u ste dang po'o// // thog ma med pa'i dus nyid na// gnas med ngo bo nyid kyi gnas// ston pa lhun grub 'bar ba ste// 'khor rnams rang gdangs chen po

  511. 90a

    la// bstan pa rang shar chen po yin// zhes gsungs so// ngo bo rang bzhin thugs rje gsum du gnas// ngo bo ston pa 'od mi 'gyur ba zhes bya/ rang gsal brdal khyab 'dus ma byas su gnas so// thugs rje'i ston pa mar me mdzad ces bya ba/ 'gag med brdal khyab 'dus ma byas su gnas so// rang bzhin gyis ston pa 'od srungs zhes bya/ gnyis med brdal khyab 'dus ma byas su gnas so// gzhi gtan la dbab pa'i le'u ste gnyis po'o// // ston pa gsum la sras rnam pa gsum 'khrungs pa ya cha/ lhun grub rlung chen ma 'gags pas rig pa rang gsal chen por bskyod/ stong pa rang dngas 'od du bzung sras gsum dus med rtag tu 'thab pa ya cha/ 'byed pa med pa'i chos sku la sku gsum snang ba gsum du shar/ sku gsum rang bzhin 'dug tshul gcig pa la dug gsum dbang gi 'khor ba ya cha/ sras gsum 'gag pa med pa las/ rang gdangs yul la stod sha byed pa ya cha/ brda'i ngo spyod kyi le'u ste gsum pa'o// // sgrub pa ma hA yo ga'i ngo sprad pa ni/ snang la rag bzhin med pa'i sku me long logs la ngo sbrasprad/ yul gsal la ma 'dres pas nam mkha'i 'ja' tshon la ngo sprad/ gnyis su med pa chu'i zla ba la ngo sprad/ ma hA yo ga'i ngo sprod gsum po 'dis ni ma bsgrubs par sangs rgyas par bstan pa'o// lung nu yo

  512. 90b

    ga'i ngo sprad pa bstan pa ni/ 'dzin pa'i rig pa ni kun tu bzang po/ yul rang gdangs ni kun tu bzang mo/ gnyis su med pa ni bde ba 'gag med du ngo sprad pa rtsol ba med par sangs rgyas par bstan pa'o// ma hA dang a nu ngo sprad pa'i le'u ste bzhi pa'o// // man ngag rdzogs chen kha 'byam la ngo sprad pa ni/ rang bzhin lhun gyis grub pa'i sku/ brdal khyab chen po la sgom dang ma sgom gnyis su med ye shes sangs rgyas chen por bstan no// man ngag a ti yo ga kha 'byam gyi ngo sprad pa'o// yang dag pa'i ngo sprad pa'i thig le 'dus pa'i ngo sprad pa ni gsum ste/ phyi snang ba thams cad rang bzhin 'od gsal ba zhes bya ba gzhi'i rang gdangs su ngo sprad pas sgrub pa ma hA yo ga'i rtsol sgrub dang bral bar bstan no// rig pa sna tshogs su mi 'gag pa ye shes kyi rtsal las ma 'das par ngo sprad pas lung a nu'i rtsol sgrub dang bral bar bstan no// phyi nang snod bcud thams cad 'khrul pa'i dus su ye shes kyi btsal du snang la grol ba'i dus na btsal du snang ba ngos zin la/ 'chi kha'i dus su ye shes khong gsal du sangs rgyas par bstan pa'o// 'bras bu bar dor thob tu med par bstan pas thams cad rang grol rang sangs rang shar gnyis 'dzin las 'das te/ de'i tshe de'i dus na rang grol ba'i sangs rgyas kyi dgongs pa 'dus pa zhes bya'o// yang dag pa'i

  513. 91a

    man ngag thig le 'dus pa'i ngo sprad bstan pa'i le'u ste lnga pa'o// / rtsa dang rlung la ngo sprad pa ni/ sems can dran zhing tsad+ha'i dkyil// chos gsum 'od kyang bor shad// bskal pa bar ma la sangs rgyas 'od srungs kyis thog ma'i sangs rgyas 'od mi 'gyur ba'i zhal ma tshol ba ya cha/ rtsal yang phyi nang gsum du 'dus ste/ phyi chos nyid rang byung rang gdangs chen po'i rtsa dang / nang rig pa stong pa'i rtsa dang / gsang ba thig le rten pa'i rtsa'o// rgyas pa'i rtsa ni nyi khri chig stong yang // bsdus pas ngo spyod gsum du 'dus// rlung la yang phyi nang gsang ba gsum// phyi rlung thams cad nang rlung snang ba yin// nang rlung ye shes rlung gi rtsal// gsang ba'i rlung chen ngos zin na// 'khor ba dong nas sprugs pa yin// thig le la yang phyi nang gsang ba gsum// phyi yi thig le rang byung ye shes yin// nang gi thig le rig pa'i ye shes yin// gsang ba'i thig le chos sku mkha' khyab dngas pa yin// yang gsang thig le ye shes khong gsal yin// gnad du 'dzin pa rig pa'i ye shes yin// gnyis med lhangs kyis rtogs pa ye shes rlung du shes// gzung 'dzin gnyis su spyod pa ma rig rlung du shes// rtsa rlung thig le la ngo sprad pa'i mtshan ma lam pa'i rtsol sgrub la mi rten pa'i le'u ste drug pa'o// // ston pa gsum 'khor bar dus gcig la

  514. 91b

    'khyams pa ya mtshan che/ 'byed pa med pa gti mug rang bzhin gyi ston pa/ 'gag pa med pa'i zhe sdang ngo bo nyid kyi ston pa/ rang snang chen po'i rtsal mi 'gag pa 'od chags thugs rje'i ston pa/ rtsal 'gag pa med pa dug lnga thugs rje'i rol pa ma 'gags pa 'gro drug/ rag bzhin chos sku/ ngo bo longs sku/ thugs rje sbrul sku/ sku gsum 'khor bar 'khyams kyang snying po la 'gyur ba med/ 'gyur ba med par gnas pa'o// gnas lugs la ngo sprad pa'i le'u ste bdun pa'o// // bskal pa tha ma la sras gsum gyis 'thabs pas skad cig ma la 'khor ba thams cad dus gcig tu srog bcad nas me chen gyis bsregs/ rlung chen gyis phyags pa de ya cha/ ye shes chen po'i spyan gnyis 'dzin med par rang gsal/ chos kyi spyan par do med par rang gdangs/ thabs dang shes rab kyi spyan cir snang cing 'dzin ye shes/ ma bsgrubs ma btsal yin pa'i spyan gsal lo// spyan gsum la sku gsum ngo sprad pa ni/ ye shes kyi spyan chos skur ngo sprad/ chos nyid kyi spyan longs skur ngo sprad/ thabs dang shes rab kyi spyan sbrul skur ngo sprad/ ngo spraspyad pa man ngag gi rgyud kyi 'dug tshul ni/ ngo bo rang bzhin thugs rje gsum las ma 'das/ spyan gsum rang la gnas pa ni ye shes kyi spyan ni rig pa'i ye shes lhangs kyis rtogs pa'o// chos kyi spyan ni sgro

  515. 92a

    'dogs gcod pa'o// thabs dang shes rab kyi spyan ni thams cad rang gi 'dug tshul las ma 'das par shes pa'o// spyan gsum khong du chud pas theg pa rim pa brgyad kyi rtsol sgrub kyi chos dang mu stegs rtag chad dang / rdzogs chen kha 'byam bzhi la dgongs pa las kyi dbang mi btsan zer ba las shan phye ste/ chos sku mkha' khyab drangs pa spyan gsum 'dug tshul gcig tu bstan pas grol ba mthar phyin pa'o// ldog pa'i ngo sprad pa'i le'u ste brgyad pa'o// // log pa rang gi mtshan nyid ni/ 'das pa gsum du ngo sprad pa ste/ sku las 'das pa'i ye shes khong gsum/ yul las 'das pa'i chos sku mkha' khyab drangs pa/ gnyis med las 'das pa'i rin po che man shel drangs pa'i mchod rten lta bu/ ston pa gsum gyi 'khor bar 'khyams pa tshor nas chos sku btsal bar bsam rdugs kyi lha khang du sleb nas 'gro sa ma rnyed pa de ya cha/ thog ma'i ston pa 'od mi 'gyur bas gcung po gnyis la bos pa/ kye kye grogs po bsam rdugs kyi lha khang du sleb pas 'gro sa med pa ya cha/ chos sku mkha' khyab drangs pas btsal ba ya cha// chos sku bsgrubs pas 'bras bu stor ba ya cha/ rtsol sgrub mang po byas pas dri mas gtums pa de ya cha/ de skad ces gsungs pas/ ston pa 'od srungs kyi zhal nas/ rang rig pa rang la shar bas chos las 'das

  516. 92b

    pa ya cha/ ye shes khong gsal rtogs pas bsam du med pa ya cha/ chos sku mkha' khyab drangs par chas yin pas btsal du med pa ya cha/ bsgrubs pas ma rnyed rang la yod pa ya cha/ ye shes rang grol du shar nas ston pa gsum dus gcig la rtsol sgrub pa ma rten par sangs rgyas pa ni ya cha gsung ngo // ston pa mar me mdzad kyi zhal nas/ nga ni mtha' gnyis zad pa ste 'byung ba 'od du snang ba ni rang gi gdangs yin pas// nyon mongs bag chags las kyi sgrib pa'i mtha' zad pa de ya cha/ 'dzin pa ye shes khong gsal chen po'i rtsal du shes pas/ shes bya'i sgrib pa las kyi mtha' zad pa de ya cha/ chos sku mkha' khyab drangs pa rang chas yin/ las kyi sgrib pa mtha' zad pa ya cha/ phung po bor bas dus kyi mtha' zad pa ya cha/ bar do med par ye shes khong gsal du thim pas/ las kyi mtha' zad pa ya cha gsungs so// ston pa gsum gyi dgongs pa mdor bsdus pa'i le'u ste dgu pa'o// // rtsa ba thams cad rang byung la 'dus pas rtsol sgrub las 'das pa bstan pa yin/ ye shes khong gsal du rtogs pas mtshan ma chos la 'das pa yin/ chos sku mkha' khyab tu 'dus pas 'bras bu ma bsgrubs par sangs rgyas par bstan pa'o// phyi'i snang ba lha dang lha mo/ bum pa bskyed pa'i rim pa rang snang thogs med du ngo sprad pas/ phyi'i dbang thams cad dus gcig

  517. 93a

    tu thob pa yin/ nang rig pa khong gsal du shes pas thabs dang shes rab kyi spyan gsal bas/ thabs dang shes rab kyi dbang skad cig ma la thob pa yin/ gsang ba phyi nang med par chos sku mkha' khyab tu rtogs pas/ gsang ba ye shes kyi dbang skad cig ma la thob pa yin/ de rnams bla mas bstan na mi go mi srid par bstan pas tshig dbang rin po che'i dbang dus gcig la thob pa yin no// dbang bskur ba'i le'u ste bcu pa'o// // rang byung ye shes chen po la// rang gdangs sna tshogs rigs lnga snang // snang ba yin par thag chod pas// lha yi bskyed rim skad cig gis rdzogs// ma bris dkyil 'khor rang snang bas// dkyil 'khor gzhal yas khang sgom pa skad cig tsam la rdzogs// rdzogs pa'i ngang la mi 'da' bas// dam tshig thams cad dus gcig bsrungs// ye shes khong gsal mi 'gyur dran// sngags kyi 'dzab 'dren dus gcig thon// de yi don la ye gnas gsal// bsrung mtshams thams cad dus gcig bsrungs pa yin// lha rnams bskyed dang dkyil 'khor sgom pa dang // dam tshig bsrung dang sngags kyi 'phro 'du dang // bsrung ba mtshams kyi 'khor lo bstan pa'i le'u ste bcu gcig pa'o// // ston pa gsum gyi rdza mkhan gyi bu mo thams cad srog gcad nas gcig pu rab tu che ba'i lha'i gam

  518. 93b

    du bskul ba de ya cha/ srog gcad pa dang bdud gcad pa'o// kun tu bzang po la bdud zhugs pa'i dus su/ 'khrul snang longs skur 'khyams pa tshor nas/ ston pa 'od srungs dang bsgos pas mi thub par gzigs nas rang srog rang gis gcad/ rang bdud rang gis bcad nas mkha' khyab dngas pa'i dur sar nga phung po lhag ma med par mya ngan 'das phyi 'ong ma nus pa ya cha/ de nas dpal rdo rje sems dpa' zhes bya ba dang / sangs rgya 'od srungs mjal nas bsgos pas khong gnyis grogs po byas pas ston pa'i sa bzung nas 'khor rigs lnga la chos ston pa ya cha/ de nas slob dpon dga' rab rdo rje zhes bya ba rdo rje sems dpa'i sprul pa khye'u snang ba dam pa zhes bya bas/ ston pa 'od srungs zhes bya ba de bar du ngo ma shes nas lta sgom zhe zhes spyad pas 'gro drug tu 'khyams pa ya cha/ de nas ston pa dga' rab rdo rjes kun tu bzang po'i lung bstan thob nas/ ston pa 'od srungs dang mar me mdzad gnyis kyi zhal gzigs nas ston pa gnyis la ma chags par spyad kyis song ba ya mtshan che/ sangs rgyas thams cad kyi dgongs pa 'dus pa/ thig le 'dus pa man ngag gi rgyud/ ston pa gsum drug gi bdar sha bcad pa/ khams gsum sems can la ngo sprod byas pas lta sgom la rag ma lus pa sku gsum bkog bzhengs 'khor ba dong sprugs/ mngal kha rgyas

  519. 94a

    'debs/ brda chos yang dag pa zang bcas phung po la sku gsum ngo sprod nas 'jog pa/ bar ma do med par sangs rgyas khong gsal du sangs rgya ba 'bras bu dus zad pas thob pa/ las kyi mtha' zad pas sangs rgya ba/ thams cad du ngo sprod du bstan pa/ gzhi dang / 'khrul tshul/ gnas tshul/ ldog tshul/ log pa rang gi mtshan nyid bstan pa/ thig le 'dus pa'i rgyud rdzogs so// // rgya gar skad du/ ti la gu h+ya nA ma tan+ta bo d+hi sa twa tsak+Sha tan+t+ra nA ma/ bod skad du/ thig le gsang ba yang gter zhes bya ba'i rgyud/ byang chub sems dpa' spyan gyi rgyud ces bya ba/ dpal kun tu bzang po la phyag 'tshal lo// 'og min chos kyi dbyings bde ba can dang pad+ma can gyi gnas/ mngon par dga' ba'i tshal/ byang chub mtha' yas kyi phug/ 'jigs su rung ba spyi bung zhes bya ba na/ dpal rdo rje sems dpa' zhes bya ba de sprul nas/ rdo rje mkha' 'gro ma me long gdong zhes bya ba dang / gtsug gi rgyan cig ma dang / ti rti ka dag/ rdo rje mkha' 'gro ma 'od ldan dang / ro za thod pa'i 'phrog dang / zla ba'i 'od zer dang / dri ma med dang / dung skyong ma dang / 'od 'bar ma dang / kun gyi 'gram du byon nas/ la la ni slab pa 'dzin du bcug/ la la ni sangs rgyas kyi sa la bkod// la la ni 'gags pa'i rnal 'byor la bkod/

  520. 94b

    de'i tshe de'i dus na/ gnas kyang mkha' 'gro gling / dur khrod 'bar ba'i gzhal yas khang du/ nyid mngon par sku sprul te/ chos nyid bden pas bka' bsgo ba mdzad pas/ thams cad chos nyid la bkod/ la la ni rdo rje mkha' 'gror sku lham/ la la ni las kyi mkha' 'gror zhal gyis bzhes/ la la ni pad+ma'i mkha' 'gror zhal gyis bzhes/ la la ni sha za'i mkha' 'gror zhal gyis bzhes/ la la ni dam tshig mkha' 'gror zhal gyis bzhes so// de nas ston pa rdo rje sems dpa' yis dbang rim par bskur ro// oM bud+d+ha DA ki ni badz+ra oM AHhUM/ oM badz+ra DA ki ni oM a.AHhUM/ oM rat+na DA ki ni oM AHhUM/ oM pad+ma DA ki ni oM AHhUM/ oM karma DA ki ni oM AHhUM/ zhes dbang bskur ro// thams cad mkha' 'gro ma'i dbang dam pa dang ldan nas/ la la ni bro rdung / la la ni gar byed do// rdo rje sems dpa' spyan gyi rgyud las/ mkha' 'gro ma la dbang bskur ba'i le'u ste dang po'o// // de nas mkha' 'gro ma rnams kyis yang zhus pa/ byang chub sems dpa' chen po nyid// brda dang brda ru brgyud pa'i chos// nyid kyi zhal nas byin rlabs su// bdag cag mkha' 'gro ma'i tshogs rnams la// nges par myur du bshad par zhu// zhes zhus pa dang / rdo rje sems dpa' bka' stsal pa/ kye kye mkha' 'gro ma rnams nyon cig/ nyi ma 'bum du gsal ba'i dkyil 'khor na// rig

  521. 95a

    pa'i khye'u chung nyi ma'i zer ltar 'phro// 'gag sgrib med par yong ba la// sprin nag chen po cig byung nas// khye'u chung gi rkang pa bkag zer ba de ya mtshan che// thig le khong gsal chos min sku// rig pa'i zer gyi thig le phyogs bcur 'phro// phyogs ris med par yongs la khyab pa la// ma rig 'khrul pas mun pa tsam du sgribs// bdag blo 'khrul pas 'khor ba'i 'dam du tshud// thig le chos min/ khong gsal ngo ma shes// sgom dang sgrub pa ka nas ma grub la// rgya chad phyogs lhung med pa blo re bde// zhes gsungs so// rdo rje sems dpa' spyan gyi rgyud las/ thig le khong nas gsal ba dang ma rig pa'i zer du ngo sprad pa'i le'u ste gnyis pa'o// // yang bka' stsal pa/ 'dod pa'i rgyal po bu drug ma ma gnyis/ rgya mtsho'i gling na nor bu rin po che 'od 'bar ba'i bseb na rta cig 'tsho yin yod pa la/ rta de pho spad kyis ma thub pas/ phyi'i lha mo lnga'i gam du shor bas/ phyi'i lha mos kyang ma thub/ der rta tshoms kyis 'tshoms pas/ khye'u lo gcig las ma lon pa gcig gis rta de thub nas nor du song ba de ya mtshan che'o// rin po che 'od 'bar ba'i thig le ngo ma sprad na tshogs drug lhug pa'i gdams pa chad do// tshogs drug rol pa'i gdams pa chad nas// zhi ba chos kyi sku'i ngang la sgom pa'i nyan thos 'gog pa dang khyad med do// rin po

  522. 95b

    che 'od kyi thig le chos min gyi sku'i ye shes la/ sgom sgrub ka nas ma grub pa'o// rin po che yin pas thams cad rang la lhun gyis grub po// 'od kyi gong bu lta bu ni ma yin te yon tan thams cad rang la gnas so// thig le yin te rgya ma chad phyogs su ma lhung ngo // yid bzhin yin te mtshan ma rang sar grol lo// zhes gsungs so// rdo rje sems dpa' spyan gyi rgyud las/ rin po che 'od kyi thig le la ngo sprad pas tshogs drug lhug pa gdams pa'i le'u ste gsum pa'o// // yang bka' stsal pa/ rig pa dbugs med kyi thig le la ngo sprad pa bstan pa ni/ sngon tsam na drang srong dri ma med pa'i grong khyer na shel gyi mchod rten cig yod de/ 'od kyis phyogs thams cad khyab pa cig yod pa las/ drang srong de'i yul mis 'od la blta blta nas/ shel gyi mchod rten ma mthong zer te/ mig rdul lam de ji ltar yin de ngo mtshar che/ de nas ri rab tu song ba na drang srong de'i nye gnas pa cig byung nas/ mchod rten de yul mi kun la bstan pas de phan chad mchod rten mthong bas 'od zer thams cad mchod rten la tshur 'dus so// rig pa dbugs med chen po'i thig le la/ thig pa chos min gyi ye shes las/ 'gyu ba phyogs med du shar ba las/ snang ba 'gag pa med pa la yin pas sgom grub dge ba'i rtsa ba ci byas kyang yul yin pa yin te/ dngos chos can las ma

  523. 96a

    'das so// rig pa dbugs med kyi thig le de sgom sgrub 'dus byas kyi chos dang tshogs gnyis rdzogs pa ni ma yin te/ dus thams cad du chos las 'das pa'i sku yin no// 'byung ba chen po lngas mi bskyed pas rgyus ma bskyed pa yin pas na/ chos las 'das pa'i sku yin no// dus gsum du bde bar gshegs pa thams cad pas snga bas rigs lnga la sogs pa'i sangs rgyas thams cad kyis stong ma nus pas rang snang ba'i thig le yin no// dus gsum du chu bo'i rlabs kyis khyer ma nus pas rgyu rkyen gyis phan gnod ma nus pa yin no// sems kyis gtan la ma phebs pas sems las ma byung ba'i yin no// sems ni 'du 'bral skyon can yin no// ma rig pa yid rnam shes bag chags 'dus nas kun gzhi zhes bya ba dbugs can yin te/ kun gzhi chos can yin no// skye 'jig can yin no// des na gzhis dus thams cad gnod pa bskul lo// rig pa dbugs med la phan gnod cir mi btub bo// ce ste rkyen khar mi snang ba'i phyir ro// zhes gsungs so// rig pa dbugs med kyi thig le dang sems dbugs can du ngo sprad pa'i le'u ste bzhi pa'o// // yang bka' stsal pa/ rig pa 'od kyi thig le bstan pa ni/ pad+ma 'dab ma stong dang ldan pa'i yu ba la nyi zla gnyis kha sprad nas nyal bas/ bar nas gza' lhag pa cig byung nas par snang

  524. 96b

    stong pa bskor bas/ dus de thams cad du nyi mo dang mtshan mo ngo ma shes pa cig gi snang ba cig byung ngo // dus thams cad kyi mun pa skad cig ma la dngas te 'od kyi gdangs las ma 'das pa cig byung zer ba de ya mtshan che/ rig pa skyon med kyi ye shes la 'od zer gyi phung po phyogs thams cad du 'phro yo// de'i rtsa ba thabs shes rab zung du 'brel pa lhag mthong rang rig pa'i ye shes kyis brgyan pa cig ngo shes pas chog par bstan te/ de la ngo sprad na snang grags kyi chos chos kyi sgo mo brgyad khri bzhi stong thams cad rig pa 'od kyi thig ler 'dus te/ de yang thabs shes rab tu 'dus te/ de yang zung du 'brel bar 'dus/ de yang lhag mthong kho nar 'dus// lhag mthong su sgom su lta spyod// 'bras bu thob par 'dod mkhan 'khrul gyis/ 'dod mkhan 'khrul/ sgom mkhan 'khrul pa las/ 'o na gzhan du 'khrul/ mi sgom sgom na mnyam pa nyid las gol/ mi lta bltas na rig pa la zhe 'dod 'ong bas gol/ mi spyod spyad na dmigs bya byung bas gol/ 'bras bu mi 'dod 'dod na rang ma yin pas skyon du che bas gol/ re dogs kyi rta la nyams myong gi lcag gis brabs pas/ brtson 'grus kyi 'dun pa mngon du btang nas/ thig le yangs pa'i bya thang la/ phyogs ris su bcad pa'i thang ka la phyin te bor bas rang sdug rta chad nas yam khar shi nas dur rgyags

  525. 97a

    med par 'chi'o// rig pa 'od kyi thig le la sgom ye nas shar bas/ yul snang du ma grub pas mi spyod/ rang yin pas 'bras bu mi 'dod/ chos min gyi sku la bogs mi 'byin/ dbyung du 'gyur sa med/ yod na thug med do/ zhes gsungs so// rig pa 'od kyi thig le rang grol du// ston pa'i dbugs med nyag cig dgongs pa'i mchog/ lta ru 'dod na rnam par dag/ sgom du blo yi yul las grol// spyad du gnyis snang mtha' las 'das// 'bras bu thob tu ye nas gtor bral med// snang srid khyur gyis ming du gre ba med// 'gro drug g.yang sa bcad du yul snang nyag gcig po la ye nas zhen pas 'dod rgyu med// bal nag ye nas gnag pa la// nag po 'phral la sgrub rgyu med// yod na nag po yin par thal// tha snyad tshig gis mtshon du med// tha snyad nyag gcig ngang du gtor// zhes gsungs so// rdo rje sems dpa'i spyan gyi rgyud las/ rig pa 'od kyi thig le ngo sprad pas/ nyag gcig rang snang du bstan pa'i le'u ste lnga pa'o// // yang bka' stsal pa/ rigs kyi bu 'khor 'das thig le rang gsal bstan par bya zhes gsungs te/ 'khor 'das thig le brda bstan pa/ oM rgyan gyi yul 'don nags 'od ma'i tshal zhes bya ba ya ki na/ pha bong nag po gnam babs kyi 'og na/ mkha' 'gro ma mtsho skyes rdo rje zhes bya ba/ spyan

  526. 97b

    mig g.yas pa chos nyid 'khrul gyi me long du 'bar ro// spyan mig g.yon par byung 'khrul gyi me long du 'bar te/ mkha' 'gro ma gzhan gyis bltas pa'i tshe/ res gang mthong res gang mthong lo// mo rag gis bltas tsam na res gang la lta res gang la lta/ gong ma la bltas tsam na snang srid thig le gcig tu mthong / 'og ma la bltas tsam na 'khor ba'i snang ba mthong / bsnol mar gcig gi nang du gcig la ltas tsam na/ 'dug pa gnyis ka 'dug pa la/ mos su dbyer ma phyed nas/ ci tsug yin the tshom zos/ res thig le nyag gcig bden pa ka 'dra/ res 'khor ba bden pa ka 'dra/ res gnyis ka bden pa 'dra nas mo the tshom zos pas/ dus nam zhig na o rgyan gyi yul gyi shar phyogs na/ ri kha la me 'bar gyi gnas na dur khrod kyi bdag mo lnga'i gtso mo me long gdong zhes bya ba cig byung nas/ mo la khyod the tshom zos pa bden no// de cis lan byas pas/ me long gdong na re/ khyod rang la me long gnyis yod pas lan/ nga yi byad la me long gnyis yod pas nga ni the tshom mi za/ nga'i me long la khyod ltos/ khyod kyi me long la ngas lha yis byas pas/ rung zer nas lta res byas pas/ me long gdong gis bltas pas/ me long gnyis po zil gyis non nas/ me long gcig tu grol bar mthong // mtsho skyes kyis bltas pa mo'i me long gcig po de'i nang

  527. 98a

    na mo'i me long gnyis ka 'dug/ mo'i me long gnyis por mo'i me long gcig mi shong bar 'dug par mthong nas/ me long gcig po blangs nas byin nas/ phyis mo'i me long gnyis po ma dgos zer te/ de ngo mtshar che/ 'khor 'das gnyis po ltos chos la// ltos chos chos med thig le zang thal sku// thabs dang shes rab dag la rten bcas nas// gnyis snang yod do zer ba snying re rje// bya bral yul la mi rten zang thal sku// phyi nang med pa'i zang thal don gcig ma rtogs na// the tshom zos nas 'khor bar 'khyams par mchi'o// chos la ma rten shes rab bdag med sku// dbyer med zang thal chen por ma shes na// rtog sgom chos sku 'dod pa don mi rnyed// gnyen po med pa'i shes rab zang ma'i sku// re dogs med pa'i shes rab ma rtogs na// phyogs lhung rgya chad yul du song bar mchi// zhes gsungs so// rdo rje sems dpa' spyan gyi rgyud las/ 'khor 'das thig le 'od gsal du bstan pa'i le'u ste drug pa'o// // yang bka' stsal pa/ sangs rgyas 'od gsal thig le bstan pa ni// oM rgyan gyi yul gyi byang phyogs na/ mkha' 'gro ma rdo rje'i 'od zer zhes bya ba gcig yod pa de la/ nor du lce spyang nag po gcig yod de/ de ni mo'i rta yin no// dus nam zhig na mos tsan dan gyi pho brang du phyin nas mkha' 'gro ma'i tshogs ltar phyin

  528. 98b

    nas/ tsan dan gyi gseb sleb pas/ rta'i mig la tsan dan gyi tsher ma gnyis zug nas rta shi/ mo rang zang stong pa la las nas/ mi rang gi gnas nas ni 'phags/ mkha' 'gro ma'i gseb tu ma slebs nas yod pa la/ sngun du bdud ha ling nag po byung nas/ bza' byas pas bu khye'u drug/ bu mo drug ste bcu gnyis zhag gcig la skyes te/ ha ling nag po dang mo gnyis la dpog pa'i nor med nas/ drug rdo rje gdan gyi steng du sprugs pas/ drug 'og klu'i yul du skyugs pas/ steng du 'ong ma nus 'thur la 'bab ma nus pa de ya mtshan che'o// rdo rje lta bu'i thig le chos min sku// 'od zer phyogs bcu kun tu 'phro ba la// ma rig dbang gis ye shes dri med bsrubs// 'dod chags zhe sdang gnyis su 'dus pa las// dug drug yul drug dag gi snang ba shar// ngan 'gro rnam gsum snang ba gsum du chad// mtho ris rnam gsum snang ba gsum du chad// 'gro drug snang ba logs na med de rang gi bsgos// thig le chos min sku yi klong de rang gis bsgribs// 'od gsal zang thal yod pa ma rig pas// dug lnga'i thang la thar pa'i dus kyang med// sangs rgyas sems can 'khrul pa'i thig le yin// rang 'khrul shes pas rang grol ma shes na// seng ge'i mig bzhin rgyun du mi sdod pa// las kyi lus blangs gar 'gro shes sam bya bral yul la kun tu rgyug/ 'byung ba rang

  529. 99a

    byung yin te sprin gyi nam mkha' bsgribs// rgya mtsho kha ru dar chags 'dra bar 'khrul// 'dod pas gdungs pas phye leb mes tshig 'dra// 'gro drug g.yang la rtag tu rnam rtog ltung // nyams myong skyes te bzod pa'i glags med na// rnam par smin pa'i lus de yang bor yang len na// bor bas ma phan bag chags rtas pas lan// bag chags 'khrul par 'og pa ci las spros// nam mkha' sprin dang 'dra ste yang dang yang du dgos// zhes gsungs so// rdo rje sems dpa' spyan gyi rgyud las/ sangs rgyas 'od gsal 'khrul pa'i le'u ste bdun pa'o// // yang bka' stsal pa/ 'khrul pa yin pas grol bar bstan pa ni// oM rgyan yul gyi lho phyogs na mkha' 'gro ma rdo rje 'od zer skyong gis 'khyam du phyin pa la/ lam ka na me tog legs pa gcig dang phrad nas/ mos snying du sdug grangs nas/ 'chos na phan snyam nas 'chos pas de me tog tu mo nad kyis thebs so// der mos khyim du 'ongs nas za mo la ngan byas pas/ sman pa btsal lo// sman pa brgyad yod nas/ rim pa kas bstan pas so shi sha mdangs ma phyed do// de bas ring ba nas sman pa de tsho yi yang mes po gcig yod nas bkag nas bstan pas/ sman pa de na re/ khyod kyis zos pa'i me tog de lta bu zhig tshol cig zer nas/ gzhan gyis ma rnyed nas/ mo rang gi 'gogs te phyin pas//

  530. 99b

    snga ma'i sa nas me tog zos pa de la yang gcig skyes nas 'dug/ khyer 'ongs pas sman pa na re 'di dug yin pas spyad log dgos zer nas de min gyi dug kyang mang du sbyar nas btang bas/ 'di btang na nga 'chi sman pa de min kun mkhas par 'dug khyod kyis mi 'od zer ro// 'o na nga'i tsha bo bsang mkhas kyin dug 'di la dum gcig 'thungs pas/ mo dang ka bde nas yid ches so// der yod tshad 'thungs pas skad cig ma la sos te/ rdo rje'i lus bzhin du gyur te// 'di ngo mtshar che// 'khrul pa rang gis rang grol ma shes na// gzhan gyis grol bar ci la nus// skye med rang byung rang grol ma shar na// rgyu rkyen 'dus pa'i 'bras bu'i 'ching bar 'gyur// dper na khyi khus khyi khu 'byin dang mtshungs// theg brgyad spang blang chos kyi 'bras bu 'byin mi nus// 'od zer gcig thob pa 'dra yang 'dus byas 'bras bu yin// 'dus byas 'bras bu btsan btsan 'dra ste yong mi btsan// rang grol 'ub chub 'bras bu ma rtogs na// phyogs rtogs tsam gyis yang dag don mi rnyed// 'khrul pa phyogs med shar ba'i sdug bsngal rnams// rang 'khrul rang grol nyid du ma shes na// mtshan ma lam pa'i chos kyi 'khrul pa ci la zlog/ bag chags tsham zlog pa 'dra ste gnyen po rten pa yin/ gnyen po ma rten 'khrul pa'i kha na 'dug/ yid smon blo chung rnams la rdzogs chen mi shong

  531. 100a

    ste// thabs dang zur gyis rdzogs chen ma bstan na// re dogs kha nas sems can snying rje bas// thabs dang zer gyis dbang po chug gin ston// 'dus byas dge rtsa bsam gyis mi khyab byas pa pas// skad cig rdzogs chen rna bar grags pas char mi phod// ces gsungs so// rdo rdo sems dpa' spyan gyi rgyud las/ thams cad rang grol du bstan pas sangs rgyas mngon du gyur pa bstan pa'i le'u ste brgyad pa'o// / 'bras bu rang grol bka' stsal pa/ nor bu rin po che de mi gcig gis rnyed pa dang 'dra'o// dbugs med rig pa chos min sku// thig le ye shes sku la thams cad rdzogs// rang grol nor bu rin chen rnyed pas rdzas la yid mi smon// thig le chos min shes pas 'bras bu zhe 'dod med// ces gsungs so// rdo rje sems dpa' spyan gyi rgyud las 'bras bu rang grol du bstan pas rjes su yi rang ngo // rdo rje sems dpa' spyan gyi rgyud las le'u dgu pa rdzogs so//

  532. 100b

    rgya gar skad du/ ti la e ka tan+t+ra/ bod skad du/ thig le nyag gcig gi rgyud/ gsang ba yang gter zhes bya ba/ thig le rang byung chen po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po/ ye shes kyi pho brang thig le chen po khyab brdal na bzhugs pa'i dus na/ rang snang bde ba chen po'i bstan pa la gnas so// de'i tshe de'i dus na/ mkha' 'gro ma 'od zer rab tu bkye ba zhes bya bas/ g.yas ngos nas lan gsum bskor nas mdun drang por bzhugs te/ thal mo rab tu sbyar te/ kun tu bzang po'i spyan snga na bzhugs so// de nas rdo rje mkha' 'gro ma dri ma med dang / mkha' 'gro ma mtsho skyes dang / bkrag ldan ma dang / mkha' 'gro ma mdzes ma dang / mkha' 'gro ma ye shes ldan dang / gar ma dang 'phreng ma la sogs pa/ phyi'i mkha' 'gro lnga dang / gsang ba'i mkha' 'gro lngas zhus pa/ kye kye bcom ldan 'das/ bdag cag mkha' 'gro ma rnams la/ thig le nyag gcig gsang ba yang gter bla na med pa bshad par zhu/ zhes gsol pas/ thig le nyag gcig gsang ba yang gter gyi rgyud las/ gleng gzhi'i le'u ste dang pa'o// // de nas bcom ldan 'das kyis/ thig le nyag gcig gi dgongs pa las bzhengs nas/ mkha' 'gro ma'i tshogs dang bcas pa la 'di skad ces bka' stsal pa/

  533. 101a

    kye ma rdo rje mkha' 'gro ma// slob dpon slob ma'i mtshan nyid dang // de la gdams pa'i man ngag dang // ngo sprod snyan rgyud bshad par bya// zhes gsungs so// thig le nyag gcig gsang ba yang gter gyi rgyud las/ lan btab pa'i le'u ste gnyis pa'o// // de nas mkha' 'gro ma 'od zer bkye bas/ slob dpon mtshan nyid ji ltar lags// zhes zhus pas/ thig le'i klong nas bka' stsal pa// rdo rje slob dpon lnga yin te// 'dren pa'i slob dpon pha ltar bkur// nyams chags skong ba'i slob dpon ma ltar bkur// rgyud smin dbang gi slob dpon ni// dpral gyi mig ltar bkur ba'o// gdams ngag ston pa'i slob dpon ni// khong gi snying ltar bkur bar bya// ngo sprod ston pa'i slob dpon ni// byang chub sems dang rin chen srog ltar bkur// ces gsungs so// thig le gsang ba yang gter gyi rgyud las// slob dpon gyi mtshan nyid bstan pa'i le'u ste gsum pa'o// // de nas yang zhus pa/ mched kyi mtshan nyid ji ltar lags// bka' stsal pa/ dam tshig 'dres pa phyi yi mched// spun dang ming po sring mo ltar// rdo rje spun dang mar gyur med pas ni// de ni ma ltar bltar bar bya// de ni phyi yi mched lcam mo// dbang bzhi rdzogs pa'i rnal 'byor spun// de ni khong gi snying ltar lta// dbang la ma rten gdams pa'i

  534. 101b

    mched// de ni dpral gyi mig ltar lha// de ni nang gi mched lcam mo// ngo sprod byas pa ye shes mched// de ni rin chen srog ltar lta// de ni gsang ba'i mched gsum yin// zhes gsungs so// thig le nyag gcig gsang ba yang gter gyi rgyud las// slob ma'i mtshan nyid bstan pa'i le'u ste bzhi pa'o// // yang zhus pa/ gdams pa'i man ngag bstan du gsol// zhes gsol pas/ bka' stsal pa/ gdams pa la ni rnam gnyis te// phyi ba dang ni nang pa'o// phyi yi mtshan nyid bstan par bya// mu stegs lta ba sum brgya drug cu yang // phung po bzhi ru 'dus pas te// snga ma rjes dpag shes pa dang // da lta'i rjes su dpag pa dang // phyi ma rjes su dpag pa dang // mngon sum rjes dpag shes pas phung // de yang bsdus nas snga ma las// lto sa brgya dang nyi shu// da lta las ltos brgya dang nyi shu// phyi ma la ltos brgya nyi shu ste// sum brgya drug cu yin// de yang drug cu gnyis su 'dus pa ste// rtag pa dang ni chad pa'o// de yang bsdus na phung po rnam bzhi ste// mngon par shes pas phung ba dang // rgyu la gsum gyi phung ba dang // rtag chad gnyis kyi phung ba dang // dka' thub dag gi phung po'o// rgyu ltas sa gsum gyi phung po ni// phyi dang rang bzhin dngos po'i sdang ba 'di la rgyu ltas phung // thig le nyag gcig gsang ba yang gter gyi rgyud las/ phyi rol pa don log

  535. 102a

    pas phung ba'i le'u ste lnga pa'o// // yang zhus pa/ nang pa'i gdams ngag bstan du gsol// ces zhus pas/ bka' stsal pa/ rtsa rlung thig le gdams pa dang // sna rtsa gsum gyi gdams pa dang // brtul zhugs spyod pa'i gdams pa dang // chos 'byung mdzod kyi gdams pa dang // thig le nyams kyi gdams pa dang // bsgrub bya thabs kyi gdams pa dang // thabs dang shes rab gdams pa dang // mthar thug 'bras bu'i gdams pa dang // byin brlab dbang gi nus pa bshad par bya// zhes gsungs pas// de la rtsa rlung thig le gdams pa dag bshad pa ni/ gnas pa rtsa'i dbang du byas nas bshad na/ rtsa bye ba phrag brgyar gnas kyang / ming du btags pa rtsa stong phrag drug cu rtsa bzhir gnas/ de yang bsdus na 'khor lo bzhi dang / rtsa 'dab brgya nyi shur 'dus/ de yang gsum du 'dus/ rkyang ma ro ma kun dar ro// de yang a ba d+hU tir 'dus te/ de la mi rtog pa'i ye shes gnas bde skye bar bya ba'i phyir/ rlung gis rtsa 'gengs pas na/ g.yo ba rlung gi dbang du bshad na/ spyir dbugs nyi khri chig stong drug brgya 'gyu yang / rlung gsum du 'dus/ drangs snyigs 'byed pa'i rlung / shes pa rten srog 'dzin pa'i rlung / lus zungs bcud kyi rlung ngo // dwangs snyigs 'byed pa'i rlung ni pho ba kha na gnas/ rgyu ba gyen du rgyu// zas dwangs snyigs

  536. 102b

    'byed de dwangs ma gsos su 'gyur ro// shes pa'i rten srog 'dzin pa'i rlung ni/ snyig khog 'od gsal na yum kun tu bzang mo gzugs kyi phung po 'byung ba nam mkha'/ yum kun tu bzang mo'i ngang du sangs rgyas so// gzugs kyi phung po kun tu bzang po'i ngang du sangs rgyas so// de gnyis ka chos kyi dbyings kyi ye shes su sangs rgyas so// me long lta bu'i ye shes kyi snang ba las/ rdo rje sems dpa' yab yum sangs rgyas spyan/ rnam par shes pa'i phung po 'byung ba sangs rgyas spyan du bud+d+ha/ rnam shes phung po rdo rje sems dpar bud+d+ha/ gnyis ka me long lta bur sangs rgyas so// mnyam pa nyid kyi ye shes kyi snang ba las/ rin chen 'byung ldan yum mA ma ki/ tshor ba'i phung po 'byung ba chu/ chu mA ma kir bud+d+ha/ tshor ba rin chen 'byung ldan du bud+d+ha/ gnyis ka mnyam pa nyid kyi ye shes su sangs rgyas so// so sor rtog pa'i snang ba las/ snang ba mtha' yas gos dkar mo/ 'du shes kyi phung po 'byung ba me/ me gos dkar mor bud+d+ha/ 'du shes snang ba mtha' yas su bud+d+ha/ gnyis ka so sor rtog pas sangs rgyas so// bya ba grub pa'i snang ba las/ don yod grub pa dam tshig sgrol ma 'du byed kyi phung por 'byung ba rlung sgrol mar bud+d+ha/ 'du byed don yod grub par sangs rgyas so/ zhes gsungs so// thig le gsang ba yang gter gyi rgyud las/ mdzod kyi le'u ste dgu

  537. 103a

    pa'o// // thig le nyams kyi man ngag bstan du gsol// ces zhus pas/ bka' stsal pa/ gzhi'i thig le 'gag pa med pa// las kyi thig le rang rtsal yin// 'khrul pa'i thig le rang snang yin// rang grol thig le shes rab chen po yin// 'bras bu'i thig le khyab brdal yin// zhes gsungs so// thig le nyag gcig gsang ba yang gter gyi rgyud las/ thig le gtan la dbab pa'i le'u ste bcu pa'o// // yang zhus pa/ bsgrub pa bya thabs kyi man ngag bstan du gsol// ces zhus pas/ bka' stsal pa/ thabs kyi rnam pa bzhi yin te// shes rab thabs la brten pas 'grub// thabs la 'tsheng ba rnam pa bzhi byung ste// byed pa por rgyur lta ba las log ste// shes rab kyi ye shes ngos bzung bas 'tshengs// mngon par shes pa las log ste/ ye shes zang thal thig le nyag gcig tu shes pas 'tshengs/ rang bzhin rgyur lta ba las log ste/ rig par rang grol du rtogs pas 'tshengs/ chad pa rgyur lta ba las log ste/ rang byung ye shes lam du slongs pas 'tshengs zhes gsungs so// yang gter las/ bsgrub bya thabs kyi gdams ngag bstan pa'i le'u ste bcu gcig pa'o// // yang zhus pa thabs dang shes rab gdams ngag bstan du gsol// ces zhus pas/ bka' stsal pa/ thabs dang shes rab lam du bkyer ba

  538. 103b

    ni// rnam spyod yongs gcod dbyer med gcod// rnam spyod thabs dang shes rab lam du bkyer ba bsten te/ bskyed pa'i rim pa 'khrul pa'i snang ba rnams// rang snang 'od gsal shes pa thabs kyi mchog/ de nyid zang thal shes pa shes rab chen po yin// yongs spyod thabs dang shes rab bstan pa ni// lta ba yongs su spyod pa dang // spyod pa sgom pa yongs su spyod pa'i phyir// ston pa chen po nga nyid chos kyang nga // nyan pa'i gas ldan nga yin te// lta sgom spyod pa po yang nga // lha sgom spyod pa rang grol shes na thabs kyi mchog/ de la chags pa med na shes rab chen po yin// zhes gsungs so// yang gter las/ thabs dang shes rab gdams ngag gi le'u ste bcu gnyis pa'o// // yang zhus pa/ mthar zug 'bras bu'i gdams ngag bstan du gsol// ces zhus pas/ bka' stsal pa/ 'bras bu'i don ni 'di ltas ste// snang ba 'od gsal shes pas chos kyi 'bras bu yin// rig pa 'od gsal shes pas shes rab 'bras bu yin// ye shes 'od gsal shes pas thig le'i 'bras bu yin// phyi nang med pas shes rab 'bras bu yin// de yi don la grol na dbang dang thugs rje rgyun mi 'chad// ces gsungs so// de nas b+ha ga wan gyis thig le khyab brdal du/ mkha' 'gro ma 'od zer 'phro ba dang bcas nas gshegs so// mkha' 'gro ma thams cad dga'

  539. 104a

    mgu rjes su yi rang ngo // rdzogs so// // @#// thig le nyag gcig sku la phyag 'tshal lo// shin tu rnal 'byor brgyud pa'i rgyud// man ngag thig le phyi rgyud las// thig le nyag gcig bstan pa ni// ston pa kun tu bzang po yis// rdo rje sems dpa' nyid la bshad// de nas dga' rab rdo rje la// tshig rgyud gsal bar byed pa'i don// byin gyis brlabs kyis bshad pa'i don// chos kyi dbyings dang 'og min gnas// rdo rje gdan du gsungs pa'i rgyud// nyid las mi zhan rgyal sras sprul// dbang med dad pas 'dus pa'i 'khor// ngo bo nyid kyi bstan pa dang // thugs rje rang shar bstan pa dang // tha dad mos pa'i bstan pa dang // rang snang 'byed pa med pa'i dus// thugs rje 'gag pa med pa'i dus// 'gro ba med pa'i dus gsum du// thig le 'dus pa'i rgyud du bstan pa'o// zhes gsungs so// de nas ro langs bde ba yis// rdo rje sems dpa' la/ ngo spyod rgyud phyi ma dang / phyi ma'i phyi ma rnams su bshad pa'o// ngo spyod sbas pa bdag la zhu// zhes gsungs so// de'i tshe de'i dus na/ rnal 'byor dbang phyug dga' rab rdo rje la// rdo rje sems dpas lung bstan pa'i rgyud// dam pa'i ngo sprod yang dag bshad// ces gsungs so// thig le 'dus pa'i phyi ma'i rgyud las/ gleng gzhi'i le'u ste dang

  540. 104b

    po'o// // de nas yang dag bshad bya ba// nyon cig thugs rje 'gro ba'i mgon// thig le 'dus pa'i phyi rgyud 'di// theg pa thams cad kyi yang rje// lta ba thams cad kyi yang rab// lung thams cad kyi rgyal po/ rgyud thams cad kyi spyi 'grel/ man ngag thams cad kyi bcud phyung ba/ theg pa thams cad kyi yang rtse'i/ gdams pa mthar thug rjen par ston pa'o// zhes gsungs so// de'i tshe ro langs bde ba rjes su yi rang nas/ gdams pa'i don 'di bshad du gsol// ces zhus pas/ theg pa kun gyi yang rtse ni// rgyud lung thams cad kyi don dam 'di'o// rdo rje sems dpa' ngo bos bshad// rgyud lung thams cad brda yi don// don 'di rtogs na theg pa thams cad kyi yang rtse'o// lta ba thams cad kyi yang rab ni/ theg pa 'og ma pa la sogs pa gzhan ni dmigs yul yin/ 'di ni dmigs par bya ba'i yul min pas// bsam pa'i yul las grol ba yi// rig pa'i ye shes rang du 'char// des na lta ba thams cad kyi yang rab// lung thams cad kyi rgyal po ni/ lung ni a nu yo ga la bya ste/ lung de 'dzin pa'i don rig pa'i ye shes su 'dus pas/ des na lung thams cad kyi yang rab bo// rgyud thams cad kyi spyi 'grel ni/ tan+ta sde bsam gyis mi khyab kyang / thig le'i don 'du 'bral med pas na/ rgyud thams cad kyi spyi 'grel lo// man

  541. 105a

    ngag thams cad kyi bcud ni/ nyams blangs rig pa'i ye shes su// thams cad ma lus 'dus pa na// man ngag thams cad kyi bcud do// theg pa'i yang rtse ni rim pa dgu'o// yang rtse ni rig pa phyi nang med pa'i don bstan pa'o// zhes gsungs so// thig le 'dus pa las/ yid ches nges pa lta ba'i le'u ste gnyis pa'o// // de nas yang dag bshad bya ba// nyon cig thugs rje 'gro ba'i mgon// ngo sprospyod rkang grangs bstan pa ni// sgrub pa ma hA yo ga lo ngo sprad pa dang // lung a nu yo ga la ngo sprad pa dang // rdzogs chen la ngo sprad pa dang // sems phyogs la ngo sprad pa dang // a ti la ngo sprad pa dang // 'khrul pa la ngo sprad pa dang // 'khrul pa gzhi la ngo sprad pa dang // kun tu bzang po la ngo sprad pa dang // rdo rje sems dpa' la ngo sprad pa dang // dga' rab rdo rje la ngo sprad pa dang // 'gro ba rigs drug la ngo sprad pa thub pa drug la ngo sprad pa dang // skyugs gsum spyan gsum la ngo sprad pa dang // grol ba'i dgongs pa la ngo sprad pa dang // de nas yang de'i tshe de'i dus na/ rol langs bde ba rjes su yi rang ba skyes nas// legs par gdams pa bstan du gsol// ces zhus so// thig le 'dus pa'i phyi rgyud las/ dga' rab rdo rje la lung bstan pa ni// snang la rang bzhin med pa sgyu ma'i sku// sgyu ma'i sgra dang sgyu ma'i

  542. 105b

    gsung // sgyu ma'i thugs la rol pas na// btsal ba med par lhun gyis grub// phyi nang du ye shes gsal// rgyu rkyen sgyu ma yul la rol pa ya cha// rdo rje sems dpa' yi dam lha med pas// rdo rje sems dpa' rtogs pa'i gang zag la// rtsol grub chos la ma brten pa ya cha// rig pa chos la ma rten sgyu ma'i sku// 'od la thogs rdugs med pa ya cha// zhes gsungs so// thig le 'dus pa'i phyi rgyud las/ sgrub pa ma ha yo ga la ngo sprad pa'i le'u ste bzhi pa'o// // de nas yang dag bshad bya ba// ro langs bde ba chen po nyon// a nu yo ga'i ngo sprod ni// rdo rje sems dpa' rang rig rtogs// btsal du med pas yul las grol// 'dzin pa med pas sems las grol// skye 'gag med pas rang sar grol// phyi nang med pas thig ler gsal// phyi nang med pa'i thig le la// rig par rang grol gnyis snang med// phyi nang med pas thig le chos min te// rgyu las ma byung ye shes gsal// lung las ma byung 'dzin pa med pa ya cha// zhes gsungs so// thig le 'dus pa'i phyi rgyud las/ lung a nu yo ga la ngo sprad pa'i le'u ste lnga pa'o// // de nas yang dag bshad bya ba// ro langs bde ba chen po nyon// rdzogs pa chen po'i ngo sprad pa// thig le 'gag med ma rtogs na// rnam par rtog pa ngo ma shes// yon tan chen por ngo sprad

  543. 106a

    pas// thams cad rang la rdzogs par 'dod/ thig le brtul khyab ngo sprad pas// skyon dang yon tan rnam rtog ni/ thams cad rang la rdzogs par 'dod// bsgom bya sgom byed sun 'don te// so so skye bor gol te ya cha// skyon dang yon tan rnam btags te// skyon yon phye ba med pas lung ma bstan// ces gsungs so// thig le 'dus pa'i rgyud phyi ma las/ rdzogs pa chen po la ngo sprad pa'i le'u ste drug pa'o// // de nas yang dag bshad bya ba// nyon cig ro langs bde ba chen po khyod// sems phyogs ngo sprad bstan pa ni// sems can chu dang 'dra ste thams cad sdud// rig pa me dang 'dra ste thams cad gcod// shes rab rlung dang 'dra ste dngos med grol// sems ni dbugs la rten te mchi// rig pa yid la gnas te rang byung shes// skye 'chi med pas rang byung yin// sems la sangs rgyas re ba phung ba ya cha// rig pa skye 'chi med pa ya cha// sems kyi snang ba 'byung lnga yin pas ya cha// 'byung lnga 'chag 'jig yod pa ya cha// rig pa'i snang ba 'od lnga yin pa ya cha// 'od la thog rdug med pa ya cha// sems ni chags sdang lnga la brten pa ya cha// rig pa ye shes lnga la gnas pa ya cha// sems ni skye 'gag yod pa ya cha// rig pa 'du 'bral med pa ya cha// sems la ye shes zer nas bsgrub pa ya cha// bsgrubs pas gol ba ya

  544. 106b

    cha// spyad pas 'chal pa ya cha// sems la brten pa ya cha// sems la brten pa'i 'bras bu ni// chags sdang lnga yi ngo bo ste// 'gro drug rgyu las thar pa ya cha// zhes gsungs so// thig le 'dus pa phyi ma'i rgyud las/ sems phyogs la ngo sprad pa'i le'u ste bdun pa'o// // de nas yang dag bshad bya ba// dga' rab rdo rje khyod nyon cig/ a ti'i don la ngo sprad pa// a ni skye med thig le la// ti ni 'gyur med 'od gsal bas// a ni snang lugs chen po ste// ti ni chos nyid snang lugs so// snang ba 'od gsal thogs rdugs med// rig pa 'gyur med rang bzhin snang // skye med rtogs pa'i rnal ma la// ngang gis ma bcos chos skur gsal// rig pa 'gyur med ti ru snang // skye ba med pas a ru snang // ti ni yin par gsal bar ya cha// a ni skye ba med pa ya cha// ti ni 'od gsal 'gag pa med pa ya cha// zhes gsungs so// thig le 'dus pa phyi ma'i rgyud las/ a ti la ngo sprad pa'i le'u ste brgyad pa'o// // de nas yang dag bshad bya ba// dga' rab rdo rje khyod nyon cig/ 'khrul pa'i gzhi la ngo sprad pa ni// thog ma med pa dus kyi dbyings// sgrub rtsal ming yang ma grub pa'i// chos dbyings dam pa zad med pa'i// rol pa la 'gags pa med pa las// rang shar chen po'i ston pa 'khrungs pa ya cha// rang shar chen po'i ston de/ rnon po'i ston

  545. 107a

    pa zhes su grags// rig pa rno la gcod pa ya cha// 'gru ba zol gang ston par shar// ston pa 'od srungs su sgra 'khrungs pa ya cha// ston pa 'od srungs kyis nad kyis bslus pa ya cha// 'dod la chags sdang skyes pa ya cha// 'dod la chags sdang 'khrul pa'i rgyu ru 'khrul pa ya cha// gzhi 'od gsal 'gag pa med pa ya cha// 'dod la chags pas lus su grub pa ya cha// skye med rang 'od yin pa la// dkar dmar lnga rgyur snang ba yis// bung ba me tog phye leb me ru ru smig sbrus bslus pa ya cha// zhes gsungs so// thig le 'dus pa phyi ma'i rgyud las/ 'khrul pa 'khrul gzhi la ngo sprad pa'i le'u ste dgu pa'o// // de nas yang dag bshad bya ba// nyon cig ro langs bde ba khyod// kun bzang ngo sprod bstan pa ni// phyi nang gsang ba gsum du ngo sprad ces gsungs so// phyi yi kun bzang ngo sprad pa// grags pa sgra yi kun bzang ngo // nang du kun bzang ngo sprad pa// rig pa'i ye shes kho na'o// gsang ba'i kun bzang ngo sprad pa// thig le gnyis snang med pa'o// rang gi mtshan nyid 'di lta ste// rna ba chos nyid kun bzang phyi// rig pa'i shes rab kun bzang nang // phyi nang med par shar ba la// kun tu bzang po gsang ba ste// phyi chos nyid 'dod pa des// kun bzang mthong ba med pa ya cha// mthong ba ma yin rang chas yin pa ya

  546. 107b

    cha// thig le bar mtshams med pa ya cha// zhes gsungs so// thig le 'dus pa'i phyi rgyud las/ kun tu bzang po phyi nang gsum du ngo sprad pa'i le'u ste bcu pa'o// // de nas yang dag bshad bya ba// nyon cig ro langs bde ba khyod// rdo rje sems dpa'i ngo sprod bstan pa ni// phyi nang gsang ba gsum du bshad// phyi ltar bshad pa de nyid do// nang du rang byung ye shes la// gsang ba thig le rang shar ro// phyi yi chos la rtog spyod pa// de ni nga yi don med rnyed// rang grol shes nas rtogs pa ya cha// rang gi mtshan nyid lta ba ni// rtag gi ye shes sems dpa' phyi// don ni rang rig ye shes nang // phyi nang med de gsang ba'o// nga ni rang byung ye shes khyod nyon yin pa ya cha// zhes gsungs so// thig le 'dus pa'i phyi ma'i rgyud las/ rdo rje sems dpa' ngo spyod kyi le'u ste bcu gcig pa'o// // de nas yang dag bshad bya ba// nyon cig/ ro langs bde ba khyod// rang gi mtshan nyid ma shes na// spyi yi dgongs pa 'dug ge na// 'dug na spyi dang khyad par med// med na gcig rtogs kun kyang grol// des na rang gi mtshan nyid la// ngo sprod gser la nag tshur 'dra// dper na ne tsos chos bshad 'dra// mig ni kun tu bzang po la// rnam shes dga' rab rdo rje la// snang ba rdo rje sems dpa' 'o// rna ba kun tu bzang po la// rnam shes dga' rab rdo rje'o// dgra

  547. 108a

    ni rdo rje sems dpa' la// sna ni kun tu bzang po'o// rnam shes dga' rab rdo rje la// dri rnaM rdo rje sems dpa' 'o// rtse ni kun tu bzang po la// rnam shes dga' rab rdo rje'o// ran rdo rje sems dpa' la// lus ni kun tu bzang po'o// reg ni dga' rab rdo rje la// chos ni rdo rje sems dpa' 'o// yid kyi rnam shes dga' rab rdo rje la// yul ni rdo rje sems dpa' 'o// dbyer med kun tu bzang po la// yid ni dga' rab rdo rje'o// rnam shes rdo rje sems dpal la// dbyer med kun tu bzang po'o// kun gzhi kun tu bzang po la// rnam shes dga' rab rdo rje ste// yid kyi rnam shes rdo rje sems dpa' 'o// sgo lnga ye shes rnam pa lnga// longs sku'i ngo spyod bstan pa'o// yid dang yid kyi rnam shes ni// sprul pa sku yi ngo spyod bstan pa'o// kun gzhi chos sku'i ngo spyod bstan pa'o// thod rang gi 'dug tshul yin pa la// snang ba la sgrub pa ya cha// sems la re ba snying re rje// zhes gsungs so// thig le 'dus pa'i rgyud phyi ma las/ kun tu bzang po// rdo rje sems dpa'/ dga' rab rdo rje/ ston pa gsum rang la ngo sprad pa'i le'u ste bcu gnyis pa'o// // de nas yang dag bshad bya ba// nyon cig ro langs bde ba khyod// 'gro ba rigs drug ngo sprad ni// dmigs pa'i yul dang mthun pa ni// dmigs pa'i 'od zer ser po la// chags pas

  548. 108b

    mi yi lus su skye// dmigs bya'i 'od zer ljang khu la// chags pas lha dang lha ma yin// dmigs pa rang snang 'od zer mthing kha la// chags pas byol song skyes pa'o// dmigs pa rang snang dmar po la// chags pas yi dgas skyes pa'o// dmigs pa 'od zer dkar po la// chags pas dmyal bar skyes pa'o// spyi yi mtshan nyid bstan pa ni// dug lnga chags pa'i rgyu yin te// 'od lnga 'byung ba lnga po'o// rang gi mtshan nyid bstan pa ni// lus ni 'od zer ljang khur 'phro// sna ni 'od zer ser por 'phro// mig ni 'od zer mthing khar 'phro// rna ba 'od zer dkar por 'phro// lce ni 'od zer dmar po'o// de la chags nas 'gro drug la// rol ba 'gag med bsam mi khyab// sgo lnga grol na 'od las grol// rnam shes grol na rgyud las grol// ngo bo grol na gzhi las grol// sgo lnga zang thal chen po yin pa ya cha// rnam shes rang grol yin pa ya cha// dbyer med thig le bsam bya min pa ya cha// zhes gsungs so// thig le 'dus pa phyi ma'i rgyud las/ 'gro drug rang grol ngo sprad pa'i le'u ste bcu gsum pa'o// // de nas yang dag bshad bya ba// nyon cig dga' rab rdo rje khyod// thub pa drug gi ngo sprad pa// dbang po brgya byin bya ba grub pa'o// zag bzangs ris ni rang rig ye shes so// shAkya thub pa mnyam nyid ye shes so// kha 'bar so sor rtog

  549. 109a

    pa'o// rta mchog stong nyid ye shes so// glang mgo me long ye shes so// de yang spyi yi mtshan nyid yin pa ya cha// dbang po brgya byin rab lus yin pa ya cha// zag bzangs yid du snang ba ya cha// shAka thub sna ru snang ba ya cha// kha 'bar lce ru snang ba ya cha// rta mchog mig la gnas pa ya cha// glang mgo can rna ba yin pas ya cha// thub drug gzhan nas tshol ba de// de yang yid smon blo yi chos// zhes gsungs so// thig le 'dus pa'i rgyud phyi ma las// thub pa drug la ngo sprad pa'i le'u ste bcu bzhi pa'o// // de nas yang dag bshad bya ba// nyon cig dga' rab rdo rje khyod// sbubs gsum dag la ngo sprod bstan pa ni// phyi nang gsang ba gsum du bstan// ces gsungs so// phyi yi sbubs ni 'od gsal ba// longs sku'i sbubs ni snang ba'o// nang gi sbubs ni rang lugs so// snang gsum rang rtags snang ba'o// gsang ba'i sbubs ni rig pa la// ye shes gsung thugs rang grol lo// phyi yi spyan gsum bstan pa ni// g.yas pa thabs dang g.yon pa shes rab spyan// dbus na ye shes spyan gnas pa// de ni phyi yi spyan gsum bstan pa ni// nang gi spyan gsum bstan pa ni// snying khar thabs la dmar por shes// zung du 'brel ba ye shes spyan// gsang ba'i spyan gsum bstan pa ni// thig le ye gsal thabs kyi spyan// de nyid

  550. 109b

    dngos med shes rab spyan// 'du 'bral med pa ye shes spyan// spyan gsum rang chas yin pa la// gzhan nas thob tu re ba ya cha// grol ba'i dgongs pa phyi nang gsang ba gsum// 'od las grol ba zal thal yul// lus las grol ba ye shes spyan// rig pa grol ba ye shes te// de ni sol ba rnam gsum yin// zhes gsungs so// thig le 'dus pa'i rgyud phyi ma las/ grol ba'i dgongs pa bstan pa'i le'u ste bco lnga pa'o// // de'i tshe de'i dus na/ ro langs bde bas// rdo rje sems dpa' la rgyud 'di ni yi ge ma bu la ma brten pas/ 'di la tshig tsam du ji ltar rtags par bgyi/ zhes zhus pas/ rgyud 'di ni srid gsum gsal bar byed pas thig le 'dus par zung zhig/ ye shes rab 'brangs rdo rje'i rgyud du zung // thig le zang thal rgyud du zung // thig le rjes ston rgyud du zung // zhes gsungs pas/ ro langs bde ba rjes su yi rang ba'i le'u ste bcu drug pa'o// // tshig dang yi ge la 'jam dpal shrI sing has bris pa'o// ngo bo'i rgyud/ thugs rje'i rgyud/ tshig dang yi ge'i rgyud la/ 'di tshig dang yi ge'i rgyud do// rdzogs so// /

  551. 110a

    thig le 'dus pa'i rgyud phyi ma'i phyi ma/ thog ma'i ston pa 'od mi 'gyur ba la phyag 'tshal lo// 'od srungs zhes bya ba'i ston pas// ston pa mar me mdzad la gdams pa'i rgyud// thog ma med pa'i dus nyid na// ston pa 'od mi 'gyur ba mya ngan las 'das so// de'i zhal sbyin du yang 'od srungs skyes so// kye ston pa mar me mdzad la gdams pa bstan te// thog ma sangs rgyas sems can dang // nyi ma zla ba'i ming yang med// 'khrul pa med pa'i dus nyid na// ston pa gsal ba thugs rje'i rang bzhin can// 'khrul pa smin pa'i thugs rje can// lhun grub g.yo ba'i rlung chen des// thams cad lhun grub skyod par byed// rgyab gyes pa yi dus nyid de// ma ning rlung du gcod par byed// snang ba srid pa bskal pa gsum// snang ba 'od du snang ba'o// srid pa'i sgo nga lnga ru srid// bskal pa rnam pa gsum du srid// ces gsungs so/ rtsa ba'i snang ba srid pa'i bskal ba dang // rlung gi snang ba srid pa'i bskal pa dang // thig le snang ba srid pa'i bskal pa dang // nga yis khyod la lung bstan no// zhes gsungs so// thig le 'dus pa'i rgyud phyi ma'i phyi ma las/ 'od srung kyi lung bstan pa'i le'u ste dang po'o// // de nas ston pa mar me mdzad ces bya ba des/ zhus pa ma yin par lung bstan pa 'di ltar ro// ye shes kyi snang ba ni 'od ma'i 'od mi

  552. 110b

    'gyur ba ste// snang ba ni 'od du snang ba'o// srid pa ni rtogs pa mngon du gyur pa srid pa'o// bskal pa ni lhun grub 'gag med kyi bskal pa'o// zhes gsungs so// thog ma'i snang ba srid pa bskal pa la ngo sprad pa'o// zhes gsungs so// thig le 'dus pa'i rgyud phyi ma'i phyi ma las/ thog ma'i sangs rgyas 'od mi 'gyur ba ngo sprad pa'i le'u ste gnyis pa'o// // de na ston pa 'od srungs kyi snang ba na/ 'od lnga snang la rang bzhin med pa'o// yid ni ji lta ba dang ji snyed pa mkhyen pa/ yid ni rnam shes lnga mi snang la rang bzhin yod pa'o// lus ni snang la rang bzhin med pa'o// de'i gdang las ye shes lnga'i snang ba/ rigs lnga'i snang ba khye'u lnga ni/ snang la rang bzhin med pa'o// yul lnga snang la rang bzhin med pa'o// yul 'od lnga snang la rang bzhin med pa'o// yid rang byung gi ye shes su rang shar ba'o// de ni ston pa 'od srungs nyid rang sa zin/ pa la ngo sprad pa'o// zhes gsungs so// thig le 'dus pa'i rgyud phyi ma'i phyi ma las/ ston pa 'od srungs la ngo sprad pa'i le'u ste gsum pa'o// // de'i byin rlabs las/ thugs rje'i ston pa rnam pa bdun 'khrungs pa ya cha/ 'dod chags kyi ston pa dang / zhe sdang gi ston pa dang / gti mug gi ston pa dang / nga rgyal gyi ston pa dang / khong khro'i ston pa dang / phrag dog gi ston pa dang // dga' rab rdo rje dang bdun ni/

  553. 111a

    ston pa rnam bdun no// yang ston pa rnam pa bdun ni/ gti mug gi ston pa kun tu bzang po/ 'dod chags kyi ston pa snang ba mtha' yas/ zhe sdang gi ston pa rdo rje sems dpa'/ nga rgyal gyi ston pa rin chen 'byung ldan/ phrag dog gi ston pa don yod grub pa/ khong khro'i ston pa mi pham mgon po/ ngo bo nyid kyi ston pa dga' rab rdo rje dang bdun no// ma btsal lhun gyis grub pa'o// snang ba ni ye shes lnga'o// srid pa ni rigs drug ngo bo dang bdun/ bskal pa ni rang snang ngo ma shes pa'o// zhes gsungs so// ston pa drug 'gro drug nas thig le'i klong rang grol ba ya cha/ zhes gsungs so// thig le 'dus pa'i rgyud phyi ma'i phyi ma las/ 'gro drug ngo sprad kyi le'u ste bzhi pa'o// // de nas yang dag bshad bya ba// nyon cig ston pa mar me mdzad// sgo nga lnga yi don bshad pa// sha yi sgo nga gti mug phag dang sbrul// rus pa'i sgo nga bya yi rgyu// 'od kyi sgo nga gzugs kyi rgyu// thig le'i sgo nga mi yi rgyu// snang ba'i sgo nga dmyal ba'i rgyu// sgo nga lnga la ngo sprad pas// sha yi sgo nga thugs rje'i sku// rus pa'i sgo nga rdo rje'i sku// 'od kyi sgo nga mngon byang sku// yid kyi sgo nga longs spyod sku// thig le sgo nga chos sku'o// thig le gcig tu ngo sprad pas// sgo nga lnga po sku lngar grol// ces gsungs so// thig le 'dus pa'i rgyud phyi ma'i phyi ma las/ srid pa'i sgo nga rang

  554. 111b

    grol ngo sprad pa'i le'u ste lnga pa'o// // de nas yang dag bshad bya ba// rtsa yi snang ba bstan pa ni// rtsa zhes bya ba stong pa'o// srid pa rnam pa lnga yin te// spyi gtsug bde ba chen po'i rtsa// 'khor lo lta bu'i dbyibs su srid// sum cu so gnyis dag tu skal// skal bar byed pa ma rig rlung // mgrin pa longs spyod chen po'i rtsa// rgya gram lta bu'i dbyibs su srid// grangs ni bcu drug dag tu srid// ma rig rmongs pas bcu drug bskal// snying kha chos kyi 'khor lo'i rtsa// rin chen zur brgyad dbyibs su srid// grangs ni rnam pa brgyad du grags// ngo ma shes pas brgyad du skal// lte ba sprul pa'i 'khor lo'i rtsa// pad+ma lta bu'i dbyings su srid// grangs ni drug cu rtsa bzhir grags// ma rig ngo ma shes te// drug cu re zhi bskal// gsang ba ye shes 'khor lo'i rtsa// dbyings ni rdo rje pad+mar srid// grangs ni rnam pa bzhi ru grags// ngo ma shes pas bzhi ru bskal// rlung gi rtsa ni spyi bo'i gtsug na gnas// sa yi rtsa ni mgrin pa na// chu yi rtsa ni snying kha na// nam mkha'i rtsa ni lte ba na// me yi rtsa ni gsang ba na// de las spros pa bsam mi khyab// rlung gi rtsa las 'khor lo lta bu'i rtsa// dbral ba'i 'ji'u rus pa la// grangs kyang sum cu rtsa gnyis yod// ltag khur 'gram pa g.yas g.yon na// gong dang 'dra ba rtsa dang rlung // thig le rnams ni rab tu gsal// shar na/

  555. 112a

    sa la lho na chu// nub na me la byang nas rlung // dbus na nam mkha' ji bzhin no// mgrin pa'i rtsa las 'phros nas ni// mkhur tshos g.yas na sa yi rtsa// g.yon na chu yi rtsa gnas so// ol skong g.yas na me yi rtsa// g.yon na rlung gi rtsa ste rgya gram 'dra// dbus na nam mkha' de bzhin no// snying kha'i rtsa las 'phros pa ni// an gong g.yas pa sa yi rtsa// g.yon pa chud de dpung g.yas me// dpung g.yon rlung la dbus na nam mkha'i rtsa// rin chen zur brgyad dbyibs su snang // zhes gsungs so// lte ba sprul pa'i rtsa bas ni// 'phro ste phyi g.yas sa yi rtsa// g.yon pa chu la dpung mo g.yas pa me'i rtsa// g.yon pa rlung gi rtsa// dbus na de bzhin nam mkha'i rtsa// gsang ba'i rtsa las 'phros pa ni// rtsi ba ma g.yas pa sa ste g.yon pa chu// bum pa'i rtse mo me yi rtsa// rtsa ba rlung gi rtsa ru snang // thig le brod 'bebs de nas byung // rlung la bde bas yod pas na// bde ba rgyas pa de las byung // rtsa yi ngo bo bstan pa ni// bde ba stong pa de nas byung // thig le'u ngo bo 'od gsal las// ye shes ngos bzung de nas byung // zhes gsungs so// thig le 'dus pa'i rgyud phyi ma'i phyi ma las/ rtsa dang rlung thig le spyi'i rnam par bstan pa'i le'u ste drug pa'o// // de nas yang dag bshad bya ba// rgyas pa'i rtsa la la bsam mi khyab// bsdus pa rnam pa lnga yin

  556. 112b

    no// spyi gtsug bya ba grub pa'i rtsa// rlung yang bya ba grub pa'i rlung // thig le bya ba grub pa'o// mgrin pa me long lta bu'i rtsa// snying kha mnyam pa nyid kyi rtsa// lte ba stong pa nyid kyi rtsa// gsang ba so sor rtogs pa'i rtsa// thams cad 'dus pa'i ngo bo'i rtsa// gnyis po zung du 'brel ba'o// zhes gsungs so// thig le 'dus pa'i rgyud phyi ma'i phyi ma las/ rtsa rtags la ngo sprod pa'i le'u ste bdun pa'o// // de nas rang gi mtshan nyid bstan pa na// rig pa'i zang thal chen po'i thig le yin// de nyid stong pa rtsa zhes bya// de las g.yo ba rlung zhes bya// rgod na rtsa las ngo sprad kyis// byas pas bsam pa drug pa ya cha// bying na rig pa'i rang sgo las// bsam rdug lha khang ltad mo che ba ya cha// 'phro na rig pa zang thal ltos// 'gro sa med pa ya cha// rtsol na rang byung ye shes ltos// rtsol bas gtor ba ya cha// sgrub na lhun grub 'phong ra ltos// bsgrub pas brlag pa ya cha// sbyar na rtsa dang rlung la ltos// rang grol yin pa ya cha// sbyong na kun bzang ltad mo ltos// sbyang bas stor ba ya cha// 'gegs na ye shes khong 'char ltos// bkag pas 'od gsal rtor pa ya cha// zhes gsungs so// thig le 'dus pa'i rgyud phyi ma'i phyi ma las/ rang gi mtshan nyid la ngo sprad pa'i le'u ste brgyad pa'o// // de nas yang dag bshad bya ba// thig le snang ba srid pa dang /

  557. 113a

    bskal pa rnams ni 'di lta ste// phyi nang gsang ba gsum du bshad// snang ba thig le lnga yin te// dbyings kyi thig le rnam lnga'o// srid pa nang gi thig le lnga// bskal pa chag sdang bcu ru bskal// ces gsungs so// thig le 'dus pa'i rgyud phyi ma'i phyi ma las/ thig le kha sbyor gyi gdams ngag gi le'u ste dgu pa'o// // gsang ba'i thig le bstan pa ni// snang ba zang thal thig ces bya// thugs rje mi 'gag le zhes bya// gnyis su med pas nyag ces bya// lhun gyis grub pas thig ces bya// snang ba 'od gsal le zhes bya// rig pa zang thal thig ces bya// 'gyu ba mi 'gag le zhes bya// dbyer mi phyed pas nyag ces bya// lhun gyis grub pas gcig ces bya// zhes gsungs so// thig le 'dus pa'i rgyud phyi ma'i phyi ma las/ thig le nyag gcig ngo sprad pa'i le'u ste bcu pa'o// // de nas yang dag bshad bya ba// rig pa'i le dang sems kyi le// sems kyi le ni chags sdang ngo // blangs pas 'khor bar 'khyams pa ya cha// rig pa'i le ni shes rab chen po ste// sku gsum rol bar shes pa ya cha// blangs pas zang thal chen por gnas// zhes gsungs so// thig le 'dus pa'i rgyud phyi ma'i phyi ma las/ rig pa dang sems kyi snang ba bstan pa'i le'u ste bcu gcig pa'o// // de nas yang dag bshad bya ba// nyon cig/

  558. 113b

    ston pa mar me mdzad// rlung gi snang ba srid pa skal pa gsum// snang la ljang khu 'gag med la// dbyings ni 'od ma bkug par srid// skal pa phyi nang gsum du bskal// gling bzhi 'deg pa 'byung lnga'i rlung // yang zhing g.yo ba rlung gi rlung // rlan zhing sdud pa g.yo ba chu yi rlung // drod 'bebs g.yo ba med yi rlung // sra zhing g.yo ba sa yi rlung // stong khyab g.yo ba nam mkha'i rlung // lnga ni rtsa ba 'byung lnga'i rlung // zung du 'jug pa bcu ming can// rang byung ye shes 'gag med rlung // phyi yi rlung du bshad pa'o// zhes gsungs so// thig le 'dus pa'i rgyud phyi ma'i phyi ma las/ phyi rang 'byung gi rlung la ngo sprad pa'i le'u ste/ bcu gnyis pa'o// // nang gi rlung lnga bstan pa ni// 'khor lo lnga na rlung lnga gnas// sa yi rlung dang chu yi rlung // me yi rlung dang nam mkha'i rlung // rlung gi rlung ste rtsa ba yi// rlung lnga dag yan lag lnga// lnga yi bdag nyid bcu ming can// nang gi rlung la ngo sprad pa'i le'u ste bcu gsum pa'o// // gsang ba'i rlung la ngo sprad de// rig pa g.yo ba rlung gi rlung // de nyid sdud pa chu yi rlung // rig pa smin pa me yi rlung // rig pa bstan pa sa yi rlung // kun la khyab pa nam mkha'i rlung // zung du zhugs pas bcu min can// thugs rje mi 'gag rlung gi rlung // rig pa khong gsal me yi rlung // smin nas bstan pa sa yi

  559. 114a

    rlung // thams cad sdud pa chu yi rlung // mkha' khyab drangs pa nam mkha'i rlung // de ni gsang ba'i ngo sprod do// thig le 'dus pa'i rgyud phyi ma'i phyi ma las/ rlung lnga la ngo sprad pa'i le'u ste bcu bzhi pa'o// // de nas ston pa mar me mdzad kyis rjes su yi rang nas mngon par bstod pa// ston pa'i rgyal po 'od srungs kyis// rgyud kyi rgyal po rtsa rlung rgyud// thams cad phyi nang la bzla bstan pa// lta sgom spyod pa la bzlas nas// rang gi 'dug tshugs ngo sprad pa// e ma ho ngo mtshar che'o// zhes gsungs so// thig le 'dus pa'i rgyud phyi ma'i phyi ma las/ rjes su yi rang ba'i le'u ste bco lnga pa'o// // rdzogs so// // @#// thig le 'dus pa'i bu'i man ngag/ gzhan don du bstan pa/ 'chi kha ma las kyi rin po che/ slob dpon dga' rab rdo rjes smras pa/ byang chub sems dpa' khyod lam du 'jug pa'i tshe/ gsang ba'i sgo dgu pa'i gnad dgu la// yi ge ma bu'i sbyor bas dgag/ gsang ba'i sgo dgu ni// snying kha lkog ma kha mig gnyis// nor 'bud sna yi rtse mo ru// sngags bris pa ni gdags par bya// bsam gtan ye shes khong gsal bskyed// da ni gsang ba'i sgo gsum dbye// 'jug pa de yi thor to nas// tshangs pa'i skud pa sum sgril la// bdag nyid lha yi srin lag la// btags te sngags 'di stong

  560. 114b

    bzlas na// bcu gnyis bcu gnyis gsang sgo nas// bdag nyid ye shes sems dpa' la// me long lta bu'i gzugs brnyan no// de yang ye shes khong gsal du// sgom pa chos sku mkha' khyab thob// gsang gi sgra yis bos pa'i tshe// bdag dang gnyis med thugs khar thim// de yang ye shes khong gsal du// de ni skye ba med pa'i lam pa'o// rig pa lu gu rgyud du drang ba ni// gang zhig gnas nas thon pa'i tshe// sgo gsum sgo/ gsum sgo sprad de// dbugs re hUM re dran par bya/ 'jug pa'i dbugs ni a ru thim// a ni skye med chos kyi sku// mkha' khyab dngas par rab tu bstan// ye shes khong gsal dang du bstim// de la gnyen po gzhig tu med// de ni yang dag rdogs pa'o// 'chi ka ma las kyi rin po che// rig pa lu gu rgyud du grang pa// thig le 'dus pa'i bu gzhan don rdzogs so// // @#// thig le 'dus pa'i bu/ kun tu bzang pos sgra gsum bsre ba'i man ngag/ chos thams cad chos sgra mkha' khyab da ngas par la bzla ba ni/ rig pa khong gsal gyi sgo nas ye shes yon tan du bstan pa dang / ye shes yon tan gyi sgo/ nas thugs rje'i rtsal snang bar bstan pa'o// chos kyi sku la rig pa'i rtsal ma 'gags pas/ me long lta bu'i ye shes/ de las 'phro 'gyur med pas mi 'gyur bas// chos sku la thams cad mkhyen pa'i ye shes dang

  561. 115a

    ldan pas// sangs rgyas spyan zhes bya ba'i spyan zhes bya'o// chos kyi sku'i shes rab mi g.yo bas mnyam pa nyid kyi ye shes// ye shes de thugs rje'i rlan dang ma bral bas chu// thams cad la thun mong khyab pas mA ma ki zhes bya'o// chos kyi sku kun la khyab pas so sor rtog pa'i ye shes// ye shes des thams cad skyob par byed cing thugs rje smin par byed pa me// sems can kun gyi drod la khyab par gnas pas na gos dkar mo zhes bya'o// chos kyi sku la ma btsal bar mkhyen pa'i ye shes lhun gyis grub pas// bya ba grub pa'i ye shes// ye shes de'i thugs rje'i dbang gis thams cad sgrol bas rlung // phyir mi ldog pas dam tshig sgrol ma zhes bya'o// chos kyi sku'i ye shes longs sku la rdzogs pas chos kyi sku'i ye shes// ye shes des kun la khyab pas thams cad kyi gzhi ma lta bu ste nam mkha' chos nyid de dus gsum du mi 'gyur bas kun tu bzang mo zhes bya'o// de chos kyi zung lnga ya bcu dang ldan pa de// rtsal gyi sgo nas yon tan du bstan pa'o// yon tan gyi sgo nas rtsal du bstan pa ni// longs spyod rdzogs pa'i sku lnga la// rigs re re la 'dul ba'i ngo gang tha dad pa re re byung bas ni// dper na nyi ma'i snying po gcig la yul gyi dbang du rtsis pa lta bu ste// yul re re na nyi ma re re snang ba dang 'dra ste// de bzhin du chos kyi sku gcig gi kun la khyab

  562. 115b

    par bstan pa ni// yon tan gyi sgo nas rtsal du bstan pa'o// ye shes lnga lus lnga la thim pa'i dus na/ ye shes lus can no// ye shes lnga'i snang ba 'od lnga ru 'char ro// de la 'gro drug tu skye ba'i rgyu drug dang / lam lnga dang / yul drug dang / 'bras bu drug tu smin pa ni// bar dor gdams ngag las shes par bya'o// bar dor 'khrul pa ldog pa'i rkyen gsum 'char te// bla ma'i gdams ngag rkyen du 'char ba dang // rang snang rkyen du 'char ba'o// de gsum yang gdams ngag las shes par bya'o// da lta ni chos sku mkha' khyam nyams su myong ba yin no// dper na khyung sgo nga na gnas pa 'dra'o// sgong rgya ral bas ma dang mnyam mo// dpe de bzhin du ye shes khong gsal nyams su myong ngo // dbugs chad nas rkyen gsum 'char bas dngos su sangs rgyas so// de yang gdams ngag las shes par bya'o// da ni sbyin par nyi ma lta bu// da lta na nyams thogs na gnas so// mngon du bar ma dor 'gyur// 'khrul pa ldog pa'i thabs ni da lta yin// sangs rgyas mngon du 'gyur ba'i dus par do yin// sangs rgyas nas 'bras bu ni gdams ngag las shes par bya'o// gzhi 'khrul gzhi gdeng // ldog pa'i thabs gsum gyis bstan// gnas lugs la mtha' yas// 'gro drug g.yang sa gcad// gnas lugs las 'dod khams gzugs// gzugs med khams

  563. 116a

    gsum// longs spyod sku'i gnas lugs// spyi ni 'od srungs chen po yin// dgos ni 'od srungs chung ngu yin// thig le 'dus pa'i snyan brgyad 'di// ston pa gsum dang // rigs 'dzin gsum gyi byin rlabs// lce btsun bdag la thugs kyi bcud thigs pa// dbang chen thob pas chos sgro 'ong ste mchi// zas skom mi la tshol yang gdams ngag gcig ma shor// dgos dgu mi la tshol yang gsang gter 'di ma shor// nyal sa mi la tshol yang thugs kyi bcud ma bstan// grong sbrang rtag tu byed kyang kha ru 'byin ma myong // thugs la gab bo// thig le 'dus pa'i snyan brgyud rdzogs so// // thig le 'dus pa'i man ngag/ 'chi ka ma las rin po che/ 'khor ba'i mtha' bcad pa/ skye ba'i sgo dgag pa mngal kha rgyas 'debs 'di mchog tu gsungs so// bdag nam 'chi ba'i dus su// rlung rnam pa lnga rim gyis zhi nas/ phyi 'byung ba lnga nang gi 'byung ba lnga la thim nas/ nang gi 'byung ba lnga yul lnga mkha' klong rnam pa lnga la thim/ yul lnga rigs kyi yum lnga la thim ste/ yab so so'i 'bras bu lnga la thim nas/ yig 'bru lnga ye shes lnga la thim/ ye shes lnga 'od kyi gong bu mtshon gyi gru gu brdogs pa bzhin du gnas so// de ye shes kyi rlung gis bskyod nas/ nas g.yas g.yon du 'byung ste/ 'chi ka ma'i gdams ngag dran

  564. 116b

    par byas la/ 'dzub mo g.yon pa'i rtse la yi ge a gcig bsam zhing / nas g.yas g.yon dgag par bya'o// de'i dus su phyir mi ldog pa'i gdams ngag dran par bya'o// bar do'i man ngag rkyen gsum dang ldan na mngon par rdzogs par sangs rgyas so// ye shes khong gsal dran par bya'o// de'i yon tan ni chos sku mkha' khyab dang ldan no// rdzogs so// // @#// sangs rgyas thig le nyag gcig la/ chos sku brdal khyab/ rtogs par bya ba'am/ btsal ba'i chos med do/ gang zag blo'i ngos nas gnyis su med par rtogs dgos pa las/ rtsa rlung thig le'i gdams pa bshad par bya/ de nas gdams pa ni/ rtsa dang thig le'i gnad gsum rang grol du shes dgos te/ thig le chen po'i rtsa rlung 'di ni phyi nang gsang ba gsum du 'dus pa'o// de la thig le phyi ltar bshad pa/ phyi 'byung ba lnga ni ngo bo'i 'od gsal de rag gsal du gnas rang byung ye shes so// de ni phyi'i thig le'o// nang gi thig le ni ngo bo rig pa'i ye shes rang shar ngo shes pa'o// gsang ba'i thig le ni sgom pas ma rnyed/ ma bsgoms pas ma gtor/ ye shes rang las ma rtogs pa med do// phyi gsal ba 'byung lnga ni rang snang chen po'o// nang rig pa'i ye shes kyi gdangs ni/ me long dang byad lta bu'o// gnyis su med pa'i chos sku brdal khyab chen po dang / ye shes brdal

  565. 117a

    khyab gnyis su med pa'o// thig le gsang ba gsum po 'di rtogs shig/ rtogs pa sangs rgyas kyi dgongs pa khong du chud pa zhes bya'o// rlung la yang phyi nang gsang ba gsum ste/ thog ma gnas nas rig pa bskyod pa gzhi la gnas so// phyi'i rlung ni gling bzhi 'degs pa dang / rang byung du bskyod pa'i rlung ngo // nang gi rlung ni 'gro ba dang / 'don pa dang / bskyod pa'o// gsang ba'i rlung ni 'gyu ba dang / mnyam byed dang / dbugs 'byung ba'o// rlung gsum po de yang ye shes kyi rlung du rtogs na sku gsum thob bo// rtsa la yang phyi nang gsang ba gsum ste/ phyi'i rtsa ni chos nyid rang byung gi rtsa ste/ 'od lnga ste stong par rang snang du shes pa'o// nang gi rtsa ni rnam rtog rang rig pa'i ye shes rang shar ba ste/ rig pa'i ye shes so// gsang ba'i rtsa ni dbugs dang 'gyu ba stong pa nyid kyi ye shes dbyer med pa'i chos sku zag thal lo// rtsa dang rlung dang thig le gtan la phab pa/ sku gsum bkog gzhengs kyi dgongs pa/ bstan ma thog tu lta sgom la rag ma lus pa las/ sangs rgyas kyi dgongs pa skad cig ma la thob pa/ zag bcas phung po'i nang du sangs rgyas kyi dgongs pa dang mjal ba/ lam bgrod par rang sar sleb pa/ sku gsum gyi dgongs pa dus gcig la thob pa/ 'khor ba'i mngal kha dus gcig la rgyas thebs pa zhes bya ba'i man ngag/ mdzod kyi

  566. 117b

    gdams pa/ rtsa rlung thig le gtan pa rtsa rlung gi rtsa ba rdzogs so// // @#// gsang skor gyi man ngag la/ rtsa dang rlung dang thig le gsum lam du bkyer ba'i thabs la/ da ltar nga dang mthun pa'i chos gsum la/ snying stobs pa'i nang na khrag gi dwangs ma tig le 'od du gnas so// dbugs kyi drangs ma drod la gnas so// thig le'i drangs ma gsal la drangs par gnas so// de gsum ni thams cad 'byung ba'i gzhi'o// de la rtsa bzhir gyes pa na/ chos nyid rang byung rtsa dang gcig/ gnyis su med pa ye shes kyi rtsa dang gnyis// blo bur rgyud la 'dzin pa'i rtsa dang gsum// skyon yon dbang po drangs ma 'byed ces kyang bya// rtsa bzhir gyis so// rtsa de rnams kyi kha dog ni/ chos nyid rang byung gi rtsa ni dkar por gnas// gnyis su med pa ye shes kyi rtsa ni mthing kha ru gnas so// blo bur rgyud la 'dzin pa dmar por gnas// skyon yon dbang po dang 'byed kyi rtsa ba ni ser por gnas so// rtsa de rnams kyi rgyu lugs ni/ chos nyid kyi rtsa ba ni rlung la rgyu// blo bur rgyud la 'dzin pa'i rtsa ni bag chags la rgyu'o// skyon yon drangs 'byed rtsa ni dbang po lnga la rgyu'o// de rnams rnam par shes pa la rgyu ba bstan pa ni// chos nyid kyi rtsa ni kun gzhi rnam shes la rgyu/ gnyis su med pa'i rtsa ni yid kyi rnam shes la rgyu/ blo bur rgyud la 'dzin pa'i rtsa ni

  567. 118a

    nyon mongs pa'i yid la rgyu'o// skyon yon dbang po dngas 'byed kyi rtsa ni sgo lnga'i rnam shes la rgyu/ rtsa de rnams kyi mdog chos gsum du 'dus so// de yang kha dog ni dar dkar gyi skud pa dang 'dra ba/ sbom phra'i tshad ni rta rnga bcur gshegs pa tsam mo// de la nyon mongs pa can zhe sdang rgyu'o// 'od dmar po las 'dod chags rgyu'o// 'od ljang khu las phrag dog rgyu'o// 'od ser po las nga rgyal rgyu'o// 'od mthing ka las gti mug rgyu'o// de rnams kyi dbus na dran pa thams cad du 'char ba/ thig le 'dus pa'i rgyud las/ sems can dran zhi tsit+ta'i dkyil// sems nyid 'od kyi thig ler gsal// chos gsum ngo bo 'od du shar// zhes pas so// de ni kun gzhi'i rnam shes kyi rten yin// kun gzhi cha phra mo yang de las byung // nyon mongs pa'i yid kyang de las byung // rnam par shes pa'i tshogs kyang de'i cha las byung ngo // de rnams rig pa'i ye shes yin par rtogs na mngon du 'gyur ro// nga ni ngo sprad do// chos nyid rang byung gi rtsa ni chos kyi dbyings kyi ye shes su ngo sprad/ gnyis su med pa ye shes rtsa ni rang rig pa'i ye shes su ngo sprad/ blo bur rgyud pa'i rtsa ni rig pa'i ye shes kho na'o// skyon yon dbang po dang dbye rtsa ni 'bras bu chos kyi sku'i ye shes su ngo sprad do// 'od lnga las rtsa lnga dug lnga 'byung ba'i ngo sprad pas/ 'od dkar po me long lta bu'i ye

  568. 118b

    shes su ngo sprad/ 'od dmar po 'dod chags so sor rtog pa'i ye shes su ngo sprad/ 'od ser po nga rgyal mnyam pa nyid kyi ye shes su ngo sprad/ 'od ljang khu phrag dog bya ba grub pa'i ye shes su ngo sprad/ 'od mthing ka gti mug chos kyi dbyings su ngo sprad/ de nas phyi nang bar do ngo shes nas// tshe rten srog rten chod mchod pa zhes bya'o// don gsum du gnas pa de ni kun gzhi zhes bya ba'o// dbyings dang ye shes zhes bya'o// rtags thabs dang shes rab tu yang ldan la// 'bras bu sku gsung thugs rdzogs pas// chos kyi sku ru rtogs pa zhes kyang de la bya'o// thig le sgom pa'i rim pa la// a'i rgyas gdab sems can dbugs las rgyu// rtog pa sna tshogs skye// gzung ba'i yul du snang ngo // des 'gro drug tu 'khyams so// de la dbugs ltas 'gyu ba bgral// a'i rgyas gdab ngo sprad// de nas byang chub sems ni rtsal zhon nas phrag la rgyu// dbugs kyi rta la 'gyu ba rnam par rtog pa skye/ rtogs pas ma rig pa sna tshogs gcod ces gsungs so// da ni 'gyu ba klong dus bsad de/ chos gsum a'i gnas su dag/ 'gyu ba dbugs kyi bsgral// sems dang 'gyu ba klong du bsad ces bya'o// rnam rtog rig pa'i phug gtib// chos gsum a'i gnas su dag/ 'od la rnam rtog skye ba ma rig pas bcas pas// 'od lnga a'i rgyas gtab// gtab pas

  569. 119a

    rig pa'i phrag gtib pa'o// 'od gsum gyi rtsal la kha dog lnga ru snang bas// thams cad yul du snang bar byed// bsdus pas chos gsum a'i rgyas gdab// snang ba'i rtsa ba bcad ces bya'o// dug gsum chos gsum du sbyor ba dang sgrol ba yang yin// dbugs dang 'gyu ba ye shes rlung du sbyor ba dang sgrol ba yang yin// rnam rtog dang rig pa'i ye shes kyi rtsal du sbyor bas sgrol ba yang yin// thob ma myong ba'i lus thob pa yang yin// ye shes rang sa zin pas// myong ma myong ba'i yul mthong ba yang yin// chos nyid ma dang mjal bas// shes ma myong ba'i gtam shes pa yang yin// rang dbang rang gis thob pas// rtogs ma myong ba'i don rtogs pa yang yin// sku gsum thig ler rdzogs pas// sbyor sgrol mchod pa chen po'i// thig le yang gsang sgor phra mo'i gdan bsdus pa// chos gsum lam du sdus pa/ yang gsang skor rdzogs chen a ti lam med lam chen po/ ston pa gsum gyi byin brlabs/ rigs 'dzin gsum gyi byin rgyud rdzogs so// // thig le skor dang dza tog gi bsam pa ma bu ma lus pa snyan du rgyud pa'i dpe'i skor ro// snyan rgyud ye shes ngos bzung thig le rjen par ston no// dpe'i rgyud dang snyan rgyud ngo sprod gnyis// spang chen zho lhag bde chen gyi dben tsha ru// dpe yang rdzogs nas gdams pa gnang ba lags so// spel na

  570. 119b

    rdo rje dmyal bar 'gro// rgyas btab po// rgya rgya rgya// @#// rgya gar skad du/ a ti san+ni ma hA tan+t+ra/ bod skad du/ a ti rdzogs pa chen po'i rgyud/ dpal kun tu bzang po la phyag 'tshal lo// 'di skad bdag gis zos pa'i dus gcig na/ byang chub shing drang gnas mchog tu// sbrul sku dga' rab rdo rje ni// me tog pad+ma'i gdan la bzhugs// sangs rgyas lus kyi rgyan yang rdzogs// phyag mtshan 'gyur med rdo rje bsnams// zhi dang khro bo'i mtshan mchog mnga'// snying rje chen pos gzhan don mdzad// chos dang yul la dmigs pa yis// snying rjes 'gro ba'i don yang mdzad// thabs kyi sgo nas thams cad 'dul// byin brlabs nyi ma'i 'od ltar 'tshar// khu byug gsung 'dra dus tshod 'dzin// thams cad rang la rdzogs pa'i dus// brda dang sgra dang tshig dang don gyis bsdus// e ma ho yang gsang rmad du byung baba'o// a ti rdzogs pa'i rgyud las/ ston pas gleng spang ba'i le'u ste dang pa'o// // de nas 'jam dpal bshes gnyen gyis// kye ston pa dga' rab rdo rje lags// rgyud kyi ngo bo bstan du gsol// ces zhus pas/ thugs rgyud zhal brgyad zhus lan gsum gsal// dgongs te gsum nyid rnam par gsungs// chos gsum phun sum tshogs pas rgyud ces bya// zhes gsungs pas/ de'i don 'di bstan du

  571. 120a

    gsol// ces zhus pas/ thugs su rgyud pa kun bzang rgyud// zhal nas gsungs pa'i rgyud dag ni// rdo rje sems dpas gsungs pa'o// zhus lan phra med 'phel rgyas rgyud// dga' rab rdo rje bdag gis bshad// byin rlabs nyi ma'i 'od ltar shar// skyes bu'i thugs la gang shar ba// kun tu bzang po'i thugs rgyud rdzogs// snang la rang bzhin med pa'i don// chu zla'i dkyil 'khor lta bur bshad// sgyu ma lta bu'i gsung gi brgyud// rdo rje sems dpa'i zhal brgyud rdzogs// dpal ldan sangs rgyas pad+ma'i nang // skyes pa'i tshul gyis skur bstan pa// byin rlabs dug la sngags ltar shar// 'phel rgyas phra min rgyud 'di rdzogs// zhes gsungs so// a ti rdzogs pa'i rgyud las/ rgyud kyi zhus lan gyi le'u ste gnyis pa'o// // de nas yang zhus pa/ rgyud lung 'brel bar bshad par zhu// zhes gsungs pas/ gsung gi bsgyur zhing gang mtshon pa// skyes bu rgyal po'i bka' lung rdzogs// byin gyis brlabs kyi thugs dag la// nges pa'i shes pa skyes pa 'di// skyes bu'i rgyal po'i byin lung rdzogs// skyes bus gdams pa'i lung phog pas// nges par byin rlabs phran min lung yang rdzogs// snying po'i don la bkol ba med// rang byung ye shes 'pho 'gyur med// rig pa'i ye shes g.yo ba med// rang rig ye shes 'gag pa med// thig le'i

  572. 120b

    ye shes skye 'gag med// don de thugs la gang 'dzin pa// skyes bu nga yi bka' lung rdzogs// rgya chen lung la zab pa rgyud// rgya che rig pa'i snang ba la// zab pa ye shes ngos bzung bshad pa yi// de don nges par bstan pa yin// zhes gsungs so// a ti rdzogs pa'i rgyud las/ rgyud lung skrag tu bshad pa'i le'u ste gsum pa'o// // de nas bka' stsal pa/ thig le nyag gcig tu bshad pa dang / gnyis su bshad pa dang / gsum du bshad pa dang / bzhi dang lnga ru bshad pa bstan du gsol// zhes zhus pas/ bka' stsal pa/ thig le nyag gcig gcig tu bshad pa ni// thig le nyag gcig ye shes chen po ste// rgya che lta ba la zla'i don du bshad pa yang // gzhi ma dngos po'i gnas lugs la// rtogs dang ma rtogs gnyis su med// sangs rgyas sems can gnyis su med/ dag dang ma dag gnyis su med// snang dang ma snang gnyis su med// bsgom dang ma bsgom gnyis su med// skyon dang yon tan gnyis su med// thabs dang thig le rang snang la// gnyis su 'dzin pa 'khrul pa yin// rgya che nam mkha' lta bu yin// phyogs mtshams bsgrubs pas ga la grub// thams cad phyogs med khyab brdal la// rnam rtog blo yi ga la smod// ldongs pas nam mkha' ga la snyegs// grang nad can gyi skyes bu la// ga pur dug tu nges par 'gyur// blo chung shes rab

  573. 121a

    chung ba la// nyag gcig bstan pas skur par 'gyur// e ma'o thams cad gcig pa la// sgro btags chos kun thig ler gcig/ sna tshogs thig le nyag gcig dang // zhes gsungs so// a ti rdzogs pa'i rgyud las/ thig le rgya che ba ru bshad pa'i le'u ste bzhi pa'o// // thig le zab par bshad par zhu// zhes zhus pas/ bka' stsal pa/ zab cing yangs la rgya che ba// zab mo sangs rgyas dgongs pa ste// de dag nyams su len pa la// thig le gnyis su bshad par bya// snang ba ma 'gags thig le'i rgyan// rol pa yin par shes par bya// rig pa ye shes ma 'gags rtsal// 'gag pa med par shes par bya// snang ba thig le'i gnad du ma shes pa// mngal kha rgya yis gang la thebs// snang ba stong par bsgoms pas bsam ngo yid smon yul// rig pa ye shes gnad du ma shes na// 'gyu ba stong par bsgoms pas rig pa rkyang sgoms yin// nyan thos gang zag bdag med rtogs dang khyad par med// 'gro drug g.yang sa chod par ga la 'gyur// rta brgyugs 'drog la me tog chod pa bzhin// gang ltar bltas pas ye shes shar na sangs rgyas dgongs pa yin// thabs dang shes rab gnyis ni btsun mo zo chu khyud mo 'dra// rnam rtog ye shes gnyis ni me la shing bsnan 'dra// ye shes gnad du gzir na rgya mtsho nya mo 'dra// ye shes byin

  574. 121b

    rlabs mun pa nyi ma 'dra// ma 'dres rang sar gnas pa za 'og snal bu 'dra/ zhes gsungs so// a ti rdzogs pa'i rgyud las/ ye shes dang rnam rtog gnyis brdar bstan pa'i le'u ste lnga pa'o// // thig le gsum du bshad pa ni// gzhi dang lam dang 'bras bu gsum// gzhi lam rnam gsum shes bya ste// dbyings kyi thig le stong pa la// ye shes thig le gsal la 'tsher// rtsal gyi thig le ldang la sbram// 'du 'gro las kyi thig le// dkod pa rgyan gyi thig le// gnyis med rang gsal gyi thig le// lam gyi thig le rnam gsum ste// rang snang 'od zer gyi thig le la// chags pa sna tshogs skye ba e ma ho// rig pa rtsal gyi thig le la// zhen pa dngos por shar ba e ma ho// dbyer med snying po'i thig le la// gnyis snang nyams su myong bas 'bras bu sna tshogs su grub pa e ma ho// 'bras bu'i thig le rnam gsum ste// lhun grub rtogs pa'i thig les thams cad mkhyen// rang byung rang la snang ba'i thig les bde chen rang la shar// rang rig ye shes rgyun gyi thig les byin rlabs la rgyun chad med// snang ba rnam shes yid dang gsum// 'khor ba sangs rgyas gnas lugs gsum// rgyud dang lam dang 'bras bu gsum// byin brgyud snyan brgyud thugs brgyad gsum// snying po 'od dang zer dang gsum// rno dang myur dang zab dang gsum// bstan dang rgya che phra

  575. 122a

    dang gsum// man ngag gdams ngag snyan rgyud gsum// thig le gsum du bshad pa'o// zhes gsungs so// a ti rdzogs pa'i rgyud las/ zab mo gsum du bshad pa'i le'u ste drug pa'o// // yang bka' stsal pa/ zab mo bzhi ru bstan pa bshad du gsol// zhes zhus pas/ bka' stsal pa/ dngos po gcig la bzhir dbye ba// le'u dag gi dpe bzhin no// dpe dang don dang tshig dang ni// brda yi nga grol bar bshad pa'o// chos kyi sku yi don dang ni// rang snang longs spyod rdzogs pa'i sku// spyir yang sprul pa'i sku la ngo sprad pas// de yi yon tan ngo bo nyid kyi sku// ye shes bzhi yi don kyang rang sor 'brel// 'byung ba lnga ni chos sku'i brda// shing spangs ma ni ga la 'byung // rnam rtog med na ye shes ga la skye// rnam rtog ye shes yin na bka' rgyud zab mo gang la dgos// 'bad pa med par ye nas grol// sprul pa'i sku la rnam rtog skyes nas ye shes gsal// dper na me la shing bsnan 'dra// zung du zhugs pas longs spyod rdzogs pa'i sku// ji ltar sbrang kyang zad pa med// ngo bo nyid kyi sku yi gang du gnas// ye grol bzhi yi sku bzhi de// rgya che ba yi don du bshad pa yin// zab mo nyams su len na rang grol sku bzhi'i ngo sprod na// rnam rtog wal gyi skyes pa'i dus nyid na// rang rig ye shes ngo sprod kyis// rnam

  576. 122b

    rtog drangs nas ye shes gsal// 'gyu ba med na ye shes ga la gsal// 'gyu ba drangs pas ye shes gsal// rang grol sprul pa'i sku yi ngo sprod yin// rang grol longs sku'i ngo sprod ni// 'gyu ba drangs nas 'od gsal la// lhan ne brtan par gnas pa de// de ni longs sku'i ngo sprod do// 'gyu ba 'od gsal gnyis su med// gang gi phyogs su ma lhung ba// de ni chos sku'i ngo sprod yin// thig le ye shes zang thal la// rgyu dang rkyen gyis ma bskyed par// rang bzhin shugs kyi shar ba de// ngo bo nyid kyi sku yi ngo sprod yin// zhes gsungs so// a ti rdzogs pa'i rgyud las/ thig le bzhi sbyor ngo sprod kyi le'u ste bdun pa'o// // de nas yang bka' stsal pa/ thig le lnga sbyor bshad pa ni// dbyings kyi thig le 'od gsal ba// rang byung ye shes lam du gzhug/ ye shes thig le chen po de// rig pa'i ye shes ma bu smad// gnyis su snang ba'i ye shes de// lhag mthong rig pa'i ye shes kyis// gzung 'dzin zag pa gcad par bya// de ni lhun grub thig le yin// snying po g.yo med ye shes kyis// dang du phrad na gzung 'dzin 'chad// dbyings nyid rnam dag thig le na/ ye shes zang thal chen por bzla// blta ba'i sgong rku ral pa yin// lhan gyi gnas pa'i thig le yin// sgo lnga chags sdang mdud ba la// lhag mthong rig pa'i ye shes kyis// ral gis bcad de gtang bar

  577. 123a

    bya// snang ba 'od gsal gi ngo sprod do// dkar dmar 'dod chags kyi mdud pa la// rang byung rang snang gi ye shes kyis// lcags kyus bzung ba gtang bar bya// chos sku 'od gsal gyi ngo sprod do// sems 'gyu ba rnam rtog gi mdud pa las// nyams myong sgom pa'i sgong rgya ral// rang rig ye shes kyi ngo sprod byas// snying po ye shes snang med kyis// chags 'dzin sgom pa'i zhen pa spangs// rang snang thig le'i ngo sprod do// yid 'grus bag chags kyi mdud pa la// 'od gsal gsang lam gyi ngo sprod kyis// rgyas 'debs spyod pa'i sgong rgya ra la// rang la shar ba'i 'od gsal skyes// mtshan ma lam gyi gol sa chod// kun gzhi zang thal gyi thig le dang // mtshan ma rang snang gi thig le gnyis// bsres pa med par dkrug gis 'dres// 'bras bu spangs thob dus kyi sgong rgyal e ma ho// zhes gsungs so// a ti rdzogs pa'i rgyud las/ thig le lnga sbyor du bshad pa'i le'u ste brgyad pa'o// // de nas yang bka' stsal pa/ 'gag gi rnam pa bstan par bya// zhes gsungs so// sems 'dzin phra mo rtsom pa ni// ye shes zang thal skye ba'i 'gag/ tshogs drug bkag nas dbugs la gtong // chos nyid 'od gsal skye ba 'gag/ dbugs la gtod cing rlung la sbyong // rang byung ye shes skye ba 'gag/ phung po lha dang lha mor bsgom// sku yis

  578. 123b

    dam tshig rten pa des// chos sku 'od gsal skye med 'gag/ ngag gi bzlas brjod 'phro 'du sbyong // gsung gi dam tshig rgyun du spyod// des ni rang rig ye shes 'gag/ dam rdzas rnam lnga rgyun du rten// thugs kyi dam tshig rgyun mi gcod// lhag mthong rig pa'i ye shes 'gag/ rgya che lta ba kha 'gyang khyer// 'gyu dwangs ye shes skye ba 'gag/ 'gag med thig le le 'di yin gyis// thub par mos la sbyar par gyis// zhes gsungs nas/ chos nyid rang snang gi dbyings su gshegs so// a ti rdzogs pa'i rgyud las le'u dgu pa'o// // a ti rdzogs pa'i rgyud rdzogs so// // @#// rgya gar skad du/ a ti la b+he da/ bod skad du/ a ti spyi gcod kyi rgyud/ dpal rdo rje sems dpa' la phyag 'tshal lo// ro langs bde ba rangs pa na// pan tsa a mri ta bin du pra sha bin tu/ na ma shrI pha la mun+na man+ta e ka 'du ti ha li na ma/ rol pa rgyun gyi thig le'i klong nas// byang chub shing drung du sku sprul nas// de yis 'jam dpal bshes gnyen dag la brgyud// mthing ka shu gu dag la bris pa'i glegs bam 'di// 'jam dpal bshes gnyen khyod la gdams par bya// zhes gsungs so// gleng gzhi'i le'u ste dang po'o// // thog ma'i sangs rgyas 'od mi 'gyur ba/ rtogs te sangs rgyas ma byung / ma rtogs te sems can ma byung ba'i dus na//

  579. 124a

    gzhi dngos po'i gnas lugs ji ltar lags/ snang ba ni ji ltar snang / ming du 'dogs na ji ltar 'dogs/ de las 'khrul pa ji ltar lags/ zhes zhus pas/ a ti spyi gcod bstan par bya// zhes gsungs so// a ti spyi gcod kyi rgyud las/ gleng gzhi'i le'u ste gnyis pa'o// // de nas bka' stsal pa/ snang ba ni rang bzhin gyi snang ba zhes bya'o// dus de tsam na gnas pa'i rtogs med kun gzhi zhes kyang bya'o// ming du 'dogs na mi zad pa'i mdzod kyang bya'o// spyi sa chen mo 'khor ba'i gzhi la/ sems can gyi thug pa/ chos nyid spangs pa'i klong zhes kyang bya/ rang snang gi nam mkha' zhes kyang bya'o// de'i rtsal las shes pa rkyang pa khyab pa'i shes pa/ rgyu ba'i shes pa/ mi rgyu ba'i shes pa/ lung ma bstan gyi shes pa zhes kyang bya ste/ dus de tsam na thog mtha' med pa'i snying po zhes kyang bya'o// zhes gsungs so// a ti spyi gcod kyi rgyud las/ gleng gzhi'i le'u ste gsum pa'o// // g.yo ba ni spyis chos kyi sku rtog med kyi sbubs nas g.yos/ sgo ni gsum nas 'byung ste/ gsal ba rtog med kyi sgo/ stong pa mtshan med kyi sgo/ gsal stong btsad med kyi sgo nas/ rnon po'i sgo byed nas khyab pa'i rig pa byung ste/ rig pa rkyang pa de la 'gro ba'i sgo med pas/ ma ning gi sgo bya/ rgyu ba'i rig pa'i phyir thon/ rtul po'i sgo phye/ mtshan ma'i rig pa

  580. 124b

    shar/ rno btul gnyis med kyi sgo 'gags pas// myong ba'i rig pa smin no// yan lag sgo dbye/ rig pa smin te/ chos dbyings rang byung gi sbubs zhes bya ste// sna tshogs la 'jug go/ zhes gsungs so// a ti spyi gcod kyi rgyud las/ rig pa dngos su smin nas 'khrul pa'i dpe ste le'u bzhi pa'o// // de nas mtshan dang dpe byad longs skur 'khrul pa bka' stsal pa/ gsal ba snod kyi sgo/ stong pa bcud kyi sgo/ 'dzin pa ma zhugs pa'i sgo/ kha dog gsal ba yan lag gi sgo/ mtshan ma rig par shar/ myong ba'i rig pa skyes/ rgyu ba'i rig pa yul 'od lnga la shar te/ dang po ci yin mnyam du shes pas/ bar du yin min gyi shes pa/ tha mar yin gdengs kyi shes pas gcad pas/ yid 'khor lo gsum zhes te de la bya'o// dus de tsam na yar sangs ma rgyas/ mar 'khor bar ma 'khyams pas lung ma bstan gyi sgo zhes bya'o// bar der kun tu bzang pos rig pa ye shes kyi lde mig cig/ 'phags pa blo gros mi zad pa zhes bya ba mun pa smag tu gyur pa khang pa dgu rim gyi nang na yod do// de lta ru phyin pa/ khang pa dag po na mun pa gnag la 'jigs// gnyis pa na yam nag po za tshul gyi dbu// gsum pa na bdud lha sbyin gyis srog gcod/ bzhi pa na srin po'i rgyal po'i dbugs len/ lnga pa na ging la dkar po phyag na dung gi 'khar ba bsnams nas

  581. 125a

    brdeg cing gsod/ drug pa mun pa'i nang na me rlung gi ma bskyod par 'dug/ bdun pa nyi zla phrug gcig la shar nub med par 'dug/ brgyad pa na nor bu rin po che lha'i bu rnams rtse zhing snang / dgu par phyin pas yid bzhin gyi nor bu rin po che 'od 'bar ba'i rtsar 'phags pa blo gros mi zad pa zhugs nas/ kun tu bzang pos bka' stsal pa/ 'gro ba'i lam nor thar pa'i go yang 'gag/ ma rig rmongs pa thugs rje'i zhags pa bzung // 'phrul gyi sgo ma phyed pas mun pa'i nang du 'khyams// zhes zhus pas/ 'phags pa blo gros mi zad pas bka' stsal pa/ thams cad 'byed pa 'khrul gyi lde mig 'di// yid bzhin nor bu'i nang nas ston la sbyin// nyi zla'i sgo phye snang stong dbyer med 'byung // shes rig sgro btags dgra la ltos// me mar 'od la lha nam mkha' gser gyi sgron ma ltos// zhes gsungs nas/ 'phags pa blo gros mi zad pa mi snang bar 'gyur ro// mtshan dang dpe byad las kun tu bzang por sangs rgyas pa'i le'u ste lnga pa'o// // khams gsum gyi sems can sems can du 'khrul pa gsungs pa ni/ gzhi rin po che gser gyi sgron ma nas/ mi zad pa'i nor la spyad pas/ kun la snyoms pa'i zang ma la sbyin/ las kyi lus blangs rgyu rkyen dus kyang mtshungs// ma rig le los snyoms las dmar la sbyar// srid len gnyis kyi dus

  582. 125b

    mtshungs rig pa yul dang mtshungs// 'byung du thabs med ri dwags rgyar tshud 'dra// ma rig rmongs pa'i sems chags sdug bsngal med skyes dang // las kyi phyir thon bag chags sna tshogs ltas// pha dang mar bltas dgra dang gnyen du bzung // yul khang khyim khang dag la rten bcas nas// ma bcad yul la nga dang bdag gir gzung 'dzin// mi sdod dbugs chad gar 'gro shes par gyis// 'gro drug las kyi sdug bsngal cha mchis sam// 'gro drug rtag tu 'khyams pas don dang rtsang phrad de// de bas man ngag gdams pa 'di la ltos// zhes gsungs so// a ti spyi gcod kyi rgyud las/ khams gsum du 'khrul ba'i le'u ste/ drug pa'o// // man ngag gdams pa bstan du gsol// bka' stsal pa/ phyi'i me long ltas tsam na// 'gro drug srid pa wa le gsal// 'gro drug snying po sbubs na gnas// ma dag 'khrul pa'i snang ba de// rang grol yin par rtogs tsam na// rang byung ye shes dgongs pa thob// nang gi me long ltas tsam na// rgyud drug chags sdang wa le gsal// rgyud drug rang gi sbubs su gsal// rgyud drug rang grol du shes tsam na// rang rig ye shes kyi dgongs pa thob// gsal ba'i me long ltas tsam na// 'gyu ba thogs med du wa le gsal// rang shar ye shes kyi sbubs su gsal// 'gyu ba rang grol du shes tsam na// lhag mthong ye

  583. 126a

    shes kyi dgongs pa shar// lhun grub srid pa'i me long gi nang na thams cad gsal// ye shes dri med kyi dkyil 'khor du thams cad rgyas// mtshan ma sna tshogs kyi me long du thams cad mchi// chos sku me long gi nang na rtog pa skye mi srid// sbrul sku me long gi nang nas// 'gyu ba med na ye shes gsal mi srid// 'bras bu thig le nyag gcig la// sku gsum 'grub mi srid// rnal 'byor ye shes ngos zin dus su shes pa rgyun gnyis su 'char mi srid do// zhes gsungs so// a ti spyi gcod kyi rgyud las/ me long gnad du brdeg pa'i le'u ste bdun pa'o// // yang bka' stsal pa/ rig pa chos nyid kyi sku'i don rtogs na// 'gru ba nyag thal bcad pas dmyal ba yang rdzogs pas phyir gcad// thig le rang grol du shar bas lha ma yin rdzogs te spyir bcad// byang chub sems kyi 'od gsal rin po che la longs spyad pas lha rdzogs te spyir bcad/ 'gro drug rang grol du shes na/ khams gsum lus dang bag chags 'khrul te mchi'o// zhes gsungs so// a ti spyi gcod kyi rgyud las/ 'gro drug g.yang sa bcad pa'i le'u ste brgyad pa'o// // yang bka' stsal pa/ 'od gsal du bu bcad nas rig pa la stegs bcas pas/ mu stegs kyi lta ba spyir bcad/ thig le zang thal yid la 'dogs pas/ yi dgas rdzogs te phyir bcad/ thig

  584. 126b

    le sbyor ba las byol nas zang thal du song bas/ byol song rdzogs te phyir bcad/ de la zhen pa mi mnga' bas/ mi yang rdzogs te phyir bcad/ rang don 'od gsal zab mo la spyad pas/ rang sangs rgyas sangs rgyas kyi lta ba spyir bcad/ sgrib pa thams cad zad thal du byang nas/ 'od gsal du sems dpa' byang chub sems dpa'i lta ba spyi bcad/ kri ya ni 'od gsal du bkri nas yang dag pa'i don rtogs pas/ kri ya'i lta bu spyir bcad/ 'od gsal rgya chung du ma yin te snang srid yo ga 'od gsal du rtogs pas/ yo ga'i lta ba spyir bcad// thams cad ma lus par 'od gsal chen po'i ngang du rdzogs pas yo gsal bas// ma hAha yo ga'i lta ba spyi bcad/ skye ba med pas a gnyis su med pas nu rtses byas te/ thams cad gnyis su med pas/ a nu'i lta ba spyir bcad/ thams cad 'od gsal dang rdzogs pas// lta ba thams cad che bas na// rdzogs chen gyi lta ba spyir bcad pas// bde bar gshegs pa sku dang ye shes su 'khrul pa'i gol sa bcad/ ces gsungs so// a ti spyi gcod kyi rgyud las/ mtshan ma lam gyi gol sa bcad pa'i le'u ste dgu pa'o// // yang bka' stsal pa/ ye shes ngos bzung bshad par bya// zhes gsungs so// de nas 'gag pa med pas ye shes kyi skye ba bshad pa/ dang po ye shes ngos bzung ba la gsum ste/ 'gyu ba de la

  585. 127a

    zhag gcig tu blta ba dang gcig/ nub gnyis pa 'od gsal thun du bcug la bskor ba dang gnyis/ nub gsum pa 'od gsal gyi lam du gzud pa dag gsum mo// dang po zhag gcig tu ltas pas/ 'gyu ba bun long gi song nas/ mtshan ma zhi ba ni zhi gnas rtse gcig gi bsam gtan zhes bya ste/ gang zag bdag med nyan thos dang khyad med do// snang ba 'di stong pa la me long gi skor ma ltar mthong ba ni// chos kyi bdag med kyi bsam gtan de/ des kyang sangs mi rgya bas/ phal cher lta ba kha rkyangs dang de gnyis na gnas so// dbu ma'i lta bar kyang ma bslebs so// nub gnyis pa 'od gsal du bskor ba la gsum ste// snang ba 'od gsal du thun gsum du bskor bas ni phyi nang rang snang du ngo sprad de/ rta dkyus pa'i 'drog la me tog chad pa dang 'dra'o// thun gsum tshogs bdun bskor bas nang snang bar rang grol te// dug la sngags kyi thebs pa dang 'dra'o// thun gsum du 'gyu ba gsang lam 'od gsal du bskor bas gsung snang bar grol du shar te/ ga pur tsha ba nad kyis zos pa dang 'dra'o// de ni thun tshad bzung ba bstan pa'o// da ni 'od gsal lam du bzud pa bstan te/ nub tha ma la thun gong du bshad pa 'khor lo de bskor ba'i gting la ji tsam gnas lta ba shin tu gces te/ 'khor lo dang gnas pa gsum cha gsum gnyis

  586. 127b

    mgo la 'char ram/ phyed 'char ram/ bzhi car 'char ram/ lnga cha'am/ drug cha'am/ ji tsam 'char ba ni/ lam du 'dzud pa yin te/ dbang po rab 'bring rtags dang sbyar/ mi 'khor ba'i dbang med pa'i thabs ni gong ma snang ba bun ne bde lam bzhag par/ mig rtsa mthong byed du gyur pa la snang ba gtad pas/ 'gyu ba de kyus tser byung ba'i dus su/ 'bras bu dril sku la bskor bskul/ snang ba la yan du chug/ yang bskul gyin bskor/ btsun mo zo chu rgyud ma 'dra ba mi dmigs// skyi ser 'dra ba'i 'gyu ba/ 'khor lo lta bu'i nyams/ nyi zla lta bu'i don/ dper na 'khor lo sbyar ba'i rgyal po de rin po che gser gyi khang pa la sogs pa dang / rin po che'i steng rnams nas 'gro ba las thog mi 'gro ba bzhin/ 'gyu ba 'od gsum du bskor na 'od gsal gyi ma la las mi 'dra'o// gsal gdab sgrar 'gyur du bskor/ wal gyi byung ba'i dus su mal du gzhug/ chu bo rgyun gyi rnal 'byor ces kyang de la bya// rdzogs pa spyi gcod ces kyang de la bya// zhes gsungs so// ye shes ngos bzung ba'i le'u ste bcu pa'o// // yang bka' stsal pa/ rtags kyi rim pa bshad par bya/ 'gyu ba ngos zin na ye shes mi 'char mi srid de/ dang po lus 'dar snyam byed pa dang / 'gyu ba de ngos zin pa'i rtags/ de nas lus 'gul mi shes pa snyam byed pa 'am thang nga ma 'ong ste/ 'gyu ba de

  587. 128a

    sangs te 'ong ba'i rtags/ de nas 'dag pa la sgor por btab pa'am/ spos dang spos rgya lta bu 'ong ste/ ye shes 'char ba'i rtags// 'gru ba de la 'khor lo ma bskor kyang 'od gsal skam du zhugs pa ni/ 'od gsal lam du chud nas brtan pa thob pa'o// bkrag shes mdangs gsal rig pa khong nas grol// skran dang nad kyang 'byang bar byed pa'i gdams pa 'di// rnal 'byor nyams su len pa 'ga' rnams la// bla ma dam pa'i rkyen du shar nas kyang // myur du gdams pa 'di dang phrad par shog/ ces gsungs so// 'jam dpal bshes gnyen rjes su yi rang ba'i le'u ste bcu gcig pa'o// // a ti rdzogs pa gsang ba spyi gcod kyi rgyud las/ nyams kyi gdams ngag lhug pa rin po che sgron me zhes bya ba a ti spyi rgyud de rdzogs so// // @#// rgya gar skad du/ be hwA te tsakra tan+ta/ bod skad du/ rtsod pa'i 'khor lo'i rgyud/ bcom ldan 'das ro langs bde ba la phyag 'tshal lo// rin po che rtsod pa sgra'i 'khor lo// 'jam dpal bshes gnyen la bshad pa// gnas ni byang chub shing drung du// ston pa dga' rab rdo rje yis// 'khor ni paN+Di ta nyis brgya la// dus ni rtsod pa sgra yi dus// bstan pa d+ha he na'i 'du khang du// rtsod pa'i 'khor lo 'di bstan to// rtsod pa'i gzhi la gnyis su 'dus// gzhi yi

  588. 128b

    don la rtsod pa dang // lam gyi chos la rtsod pa'o// rdzogs pa chen po'i rtsod pa 'di gzhi chos nyid thig le nyag gcig tu dam bca'// gtan tshigs ci yi phyir zhe na// gnyis snang med pa'i phyir zhes bya// gnyis su snang ba'i skyon gtong la// khyod rang la gnyis su snang ngam// nga yi grub mtha' la skyon gtong // nga la skyon gtong na// rig pas gtong ngam// tshad ma'i gzhal byas gtong // rig pas gtong na// chos nyid kyi rig pas gtong ngam// 'thad pa sgrub pa'i rig pas gtong ngam// bya ba byed pa'i rig pas gtong ngam// ltos pa'i rig pas gtong // chos nyid kyi rig pas gtong zer na// chos dang chos nyid rig pa gsum du 'dod dam// gcig tu 'dod dam// zhes par 'bri'i// rig pa'i rgyab gnon par la bya'o// gsum du 'dod na// rig pa las chos byung ngam// chos las rig pa byung // nyid las rig pa dang chos byung // de gsum khyod rang yin nam logs pa yin// zhes 'dri ste/ gang yang khas mi len na// gong du ma bcas// swA ha/ chos las rig pa byung zer na rgya chad pa dang // yul las rig pa byung ba'i skyon// 'gal lo nyid las rig pa byung zer na// rgya chad pa'i skyon btang ngo // ci ste zer na/ nyid kyi go ba 'dri'o// nyid la rgyu rkyen yod nas byung ngam med na byung 'dri'o// rgyu rkyen yod na nyid ma yin pa'i skyon 'byung ngo // rgyu rkyen med na

  589. 129a

    med nas 'byung na// nam mkha' la me gtong bar 'byung bar thal lo// ci ste gzhi med pa las 'byung ba'i phyir ro// de bas kyang 'di lta bar 'dri'o// rig pa khyod gnyis gcig nas gtan la 'bebs sam// mi gcig kyang gtan la 'bebs// gcig zer na rig pas rig pa gtan la 'bebs// 'bebs na thug med du thal lo// rig pas rang gtan la 'bebs na 'brel med du thal lo// gcig la 'bebs mkhan med par thal lo// tha dad na 'brel ba med de dbab tu mi 'dod par thal lo// 'brel pa yod zer na// bdag nyid gcig gam 'dri'o// bdag nyid gcig na// bdag rig pa gcig gam// rig pa bdag tu gcig/ bdag rig pa gcig na// gong skyon 'ong // de las byung ba'i 'brel ba yod zer na// rgya chad pa'i skyon 'ong ngo // de las byung na rig pa bdag las byung ngam// bdag las rig pa byung // byung ba'i skyon 'ong // sbrul shugs nas byung ba'i 'brel pa dang 'dra ste// ldog tu mi 'dod pa'i skyon 'ong ste rgya chad par thal// mi shi ba'i lus la rig pa mi 'byung ba dang 'dra ste// phyis don byed mi nus pa'i skyon 'byung ngo // yang na bdag nyid las rig pa byung na byung ba'i nad kas// 'brel med du thal lo// rig pa las bdag byung na// shes rig rdzas su thal lo// rang gi shes par bya ba ni// thig le lhun grub

  590. 129b

    chos can zhes dam bca'// ci'i phyir ma 'gags rag shar ba'i phyir// thig le rdzas yod du thal zer na// lhun grub rdzas yod ma spangs pa'i phyir// 'jig par thal zer na lhun grub 'jig ma bkag ces bya// khyod lhun grub min nam zhes 'dri// yin zer na 'dod thog/ min zer na mu stegs rtag chad du thal zhes 'gal lo// sgra'i 'khor lo las brgal ba dang po'o// // 'thad pa sgrub pas gtor zer nas// snang ba 'di rang mi shar du 'thad de// 'thad pas 'o na 'thad pas snang ba shar mang du 'byung bar thal// bya ba byed pa'i rig pas gtong zer na// 'khrul pa'i shes pa la zag pas sbrul gyi bya ba byas nas 'khrul te// rten du sbrul gyi bya ba byed par thal// ltos pa'i rig pas gtong zer na// 'phang las ltos na mdung ring // mdung las ltos na mda' rgyang ring ste// nges pa med par thal lo// rgyud kyi gtan la 'bebs zer na// rgyud rang yin nam logs pa gcig dri'o// rang yin zer na gtan la dbab pa dang 'bebs pa mi rung ste/ ral gri ral gri rang gis so la chod pa thal lo// gnyis yin gong du 'brel rtag go/ de yang lung yang de 'gro'o// mtshon pa gnyis pa'o// // tshad mas gtan la 'bebs zer na/ tshad ma de rang yin nam min ces 'dri'o// rang yin zer na gtan la dbab tu mi btub skyon gtang

  591. 130a

    ste// gser gyi ser po gtan la 'bebs pa dang // ser pos gser gtan la 'bebs pa dang ces 'byung ngo // tshad ma logs cig yin no zer na/ chos tshad ma dang // don tshad ma dang 'jal bya'i shes pa cig/ gzhal bya'i yul mang du smra na 'di skad bya'o// 'ub kyi bsdus nas yul la 'jal lam// shes pa la mjal// gnyis ka la 'jal ces 'dri// yul la 'jal na yul nyams su myong nas 'jal lam// ma myong nas 'jal// ma myong nas 'jal na mo gsham bu che chung // ri bong rwa rno rtul kyang shes par thal// shes so zer na dbang po'i mngon sum gyis gsal// ces skyon btang ngo // nams su myong nas 'jal na// chu bo'i ro myong yang // chu bo'i rol tshol ba dang 'dra ste thug med du thal lo// shes pa la 'jal na shes pa dngos po yod nas 'jal lam med kyang 'jal// dngos po yod zer na mngon sum gyis gsal// med nas 'jal na ri bong rwa la mtho tshad gzhal du btub par thal// yod rung med rung 'jal na// lung du ma bstan par thal lo// mtshon pa gsum pa'o// // de ltar sgros btags cham la phebs nas// rang gi mtshan nyid bstan par bya// rang snang du rang shar bas// yul las gzhal du med// rang byung ye shes shar bas// nang la gzhal du med// 'du 'bral med pas yul dang yul can du gzhal

  592. 130b

    du med// thams cad ye nas rang sar grol bas 'brel ba rtsir med// shes rig gi yul las grol bas// rgyud lung rig pas gtan la dbab sa med// ces gsungs so// mtshan pa bzhi pa'o// // shes pa 'khrul te// rgyal ba rigs lnga 'od dkar dmar lnga rten pas 'khrul// bsgrubs pas gol te// rang sna chos sku la bde ba 'dod cing sgrub pas 'khrul// sgom pas rlag/ ye nas rang gsal sgoms pas rang gsal stong pas rlag/ yul can gyi gol te spang blang gi lan no// snang ba sgrib g.yogs kyi chod// snang ba rang gsal la 'byung ba ltar mthong bas chod// rang byung min te ye shes med// chos nyid yin te sku min// snying po yin te ye shes min// de ltar shes pa ni rang byung yin la ye shes yin// chos sku yin/ snying po yin/ thig le yin/ nyag gcig yin/ zhes gsungs so// 'da' he na'i 'du khang du// mkhas pa 'jam dpal bshes gnyen la thig le nyag gcig grub mtha' bstan// rtsol ba'i sgra'i 'khor lo 'di// chu srin pir gyi gre ba ru// ru sbal nag po'i chud pa bzhin// bskal pa khrugs kyang khar ma dbyung // zhes gdams so// rmongs pas mi go dris lan khong du chud// sbyangs pa'i sgra dang song 'gyur 'byung ba dang // byung ba can dang sgra skyon rnams brgyud// man ngag khong du bcas te 'ga' tsam bris pa'o// mtshon cha'i 'khor lo dum

  593. 131a

    bu bzhi pa rdzogs so// / @#// rgya gar skad du/ a b+hi Shiny+tsa gu ru rat+na tan+t+ra/ bod skad du/ dbang bskur bla ma rin po che'i rgyud/ bcom ldan 'das dpal rdo rdza sems dpal la phyag 'tshal lo// dbang bskur bla ma rin po che'i rgyud 'di la spyi don gsum gyis bstan te/ de la dang po rdo rje sems dpa'i tshe bsgrub bstan pa dang / gnyis pa dbang rin po che bskur bar bstan pa dang / gsum pa sangs rgyas kyi gdams pa bstan pa'o// de yang dang por tshe bstan te/ tshe bsgrub la yang gsum ste/ maN+Dal bri zhing rgyan dgod pa dang // rdzas dang yo byad sogs par bstan pa dang // ye shes lha'i sngags dang phyag rgya sa tshe dgu gcing ba stim par bstan pa'o// // dang po maN+Dal 'dom gang gru ba ni// de la shar du sor bzhi stod de lha'i pho brang bkod// oM AHhUM swA hA zhes cha ga cha ga gdab// phyi ma'i thig ni zhi ba'i dkyil 'khor bzhin// dbus su pho brang zlum po la rdo rje rgya gram gri bar bya// phyogs bzhi mtshams brgyad rin po che// de yi phyi rim pad+ma drug/ gru chad sgo byung ldan par bri// de nas b+his dang yo byad bkod// dbus kyi pho brang zlum po la// gser gyi bum pa bzang po ru// dza gad chang gis gtam la bzhag/ a mri ta dang rin po che// gser gyi sku ya gtsug la bzhag/ de yi mgul pa dar gyis

  594. 131b

    bcings// gzungs zag rna bzhi phyogs bzhir gdags// tsan dan shing gis kha brgyan la// dbus su rma bya'i rgyal mtshan gzugs// 'brang rgyas gru bzhi rgyas pa la// dbus kyi tshe ni zlum por bya// mar gyis legs par byugs byas la// rtse mor rnam par rgyal bar gzugs// 'du ba rnam bzhi'i na da sel lo// de ting rma bya'i rgyal mtshan gzugs/ 'byung po gdon bgegs zhi bar byed// de'i gting me long rgyal mtshan gdags// ye shes kun tu gsal ba'i rtags// de ni dbus kyi pho brang ngo // phyogs bzhi rin chen 'khor lo la// rin chen bum pa bzhi bkod de// bgegs bskrad byin brlabs byas nas ni// bum pa'i yo byad blugs par bya// kha rgyan mgul chings gong bzhin bya/ rang rang lha yi sngags kyis mtshan// de nas tshe yi snying po ni// 'bru bcud 'di dag rtag par bzlas// oM tshe ku ru dz+nyA na pany+tsa badz+ra satwa hUM/ rtag par zlos na dngos grub 'byung // rdo rje sems dpa'i tshe dang ldan// oM tshe ku ru dz+nyA na pany+tsa rat+na mA le tre/ oM tshe ku ru dz+nyA na pany+tsa pad+ma d+ha ra d+hI/ oM tsha ku ru dz+nyA na pany+tsa sa man d+ha ra ha/ zhes lha mo so so'i bsnyen pa dbul lo// de nas sa ma ti bskul ba 'di skad do// hUM bcom ldan mgon po ye shes tshe dpag med// thugs rje yon tan sku mchog bsam mi khyab// sku mdog dkar la gangs ri 'tsher ba 'dra// rin chen rgyan dang do shal se mo

  595. 132a

    do// yid bzhin rin chen dbu rgyan 'phreng ba bsnams// g.yas pa skyabs sbyin phyag rgya kun la snyoms// g.yon pa mchod sbyin phyag rgya bum pa bsnams// 'gro ba yongs kyi tshe la dbang sgyur zhing // rnal 'byor tshe yi dbang grub stsal// hUM badz+ra d+h+r-ig/ ces bdag rdo rje sems dpar gyur te/ shar phyogs rdo rje brtsegs pa'i zhing khams na// rdo rje mi bskyod yab yum rang byung ba// phyag na rin chen dngul gyi bum pa 'dzin// bdud rtsi'i chu rgyun rgyun gyi ting 'dzin gyis// sems can zhe sdang las kyi bag chags 'khyud// 'gro ba yongs kyi tshe dpal bskyed mdzad pa// 'gyur med tshe yi dngos grub stsal du gsol// lho phyogs rin chen brtsegs pa'i zhing khams nas// rin chen 'byung ldan yab yum rang byung ba// phyag na rdo rje bair+ya'i bum pa bsnams// bdud rtsi'i chu rgyun rgyun gyi ting 'dzin gyis// sems can nga rgyal las kyi bag chags 'khrud// 'gro ba yongs kyi tshe dpal bskyed mdzad pa// 'gyur med tshe yi dngos grub stsal du gsol// nub phyogs pad+ma brtsegs pa'i zhing khams na// snang ba mtha' yas yab yum rang byung ba// phyag na rin chen byi ru'i bum pa bsnams// bdud rtsi'i chu rgyun rgyun gyi ting 'dzin gyis// sems can 'dod chags las kyi bag chags 'khrud// 'gro ba yongs kyi tshe dpal bskyed mdzad pa// 'gyur med tshe yi dngos

  596. 132b

    grub stsal du gsol// byang phyogs rgya gram brtsegs pa'i zhing khams na// don yod grub pa yab yum rang byung ba// in+d+ra nI le'i bum pa phyag na bsnams// bdud rtsi'i chu rgyun rgyun gyi ting 'dzin gyis// sems can phrag dog las kyi bag chags 'khrud// 'gro ba yongs kyi tshe dpal bskyed mdzad pa// 'gyur med tshe yi dngos grub stsal du gsol// ces brjod pas phyi snod kyi 'jig rten 'byung ba lngas bsdus pa thams cad bum pa chos kyi dbyings su bsdus/ nang bcud kyi 'jig rten 'gro ba rigs drug gi sems can thams cad rigs lnga sangs rgyas kyi sku skye shi med pa'i tsher bsdus te gnas so// de nas rigs drug gi sems can gyi tshe bum pa'i lha la bsdus pa de/ bdag gi phung po khams dang skye mched la bsdus te/ sems can gyi rig pa byang chub kyi sems dang / bdag gi rig pa byang chub kyi sems gnyis su med par/ bdag gi tsit+ta rin po che gur phub pa'i nang bstims pa'i dus na/ 'gyur med rdo rje lta bu'i tshe zhes bya ba'o// 'gro drug byang chub sems de yang // bdag gis byang chub sems su gcig/ ces 'byung ste/ tshe dgug pa/ hUM bcom ldan mgon po ye shes tshe dpag med// thugs rje sku mchog yon tan bsam mi khyab// sku mchog dkar ser gser gyi ri bo 'dra// rin chen brgyan 'phreng do shal se mo do// yid bzhin rin chen dbu rgyan 'phreng bas

  597. 133a

    brgyan// g.yas pa skyabs sbyin phyag rgya kun la snyoms// g.yon pa mchod sbyin phyag rgya bdud rtsi'i bum pa bsnams// 'gro ba yongs kyi tshal dbang sgyur zhing // tshe zad tshe nyams mod la 'tsho bar mdzod// tshe dpag med kyi yum chen lots+tsha ni// tshe yi dbang po rgyud 'phel tshogs pa'i spyan// dkar mo mdog bzang 'gro ba'i tshe gso ma// phyag na rin chen shel gyi bum pa bsnams// 'jig rten rigs drug gnas nas tshe khug la// tshe zad tshe nyams mod la 'tsho bar mdzod// na mo b+ha ga wa te/ a pa ra mi ta/ A yu dz+nyA na/ san dar san dar/ su pa ri sho ra tsam ya/ ta thA ga tA ya/ tad ya thA/ oM ma hA sa ma ya/ be re be re swA hA/ tshe zad mod la gsos shing dar cing rgyas par gyur cig/ rdo rje sems dpa' la tshe bslang ba ni/ hUM bskal pa grangs med 'das pa'i sngon rol nas// tshe bsags pas/ skye shi las 'das rnal 'byor chen po'i mthu// rgyal bas rtogs dka' de nyid sku gsung thugs// bcom ldan tshe yi dngos grub 'dir stsol cig/ kun tu bzang po bzang mo'i sbyor ba yis// byang chub sems ni cir yang bsgyur du btub// sna tshogs cir yang bsgyur ba'i tshe 'phel ma// bcom ldan tshe yi dngos grub 'dir stsol cig/ khro bo khro mo'i thugs ka nas// lcags kyu dkar dang dmar gyi tshogs bkye nas// bde bar gshegs pa'i thugs kha man

  598. 133b

    chad nas// mthu chen lha klu gnod sbyin gang yang rung // gshin rje dmar po lag nas tshe drongs shig/ bcom ldan 'das tshe yi dngos grub stsal du gsol// oM A yu dz+nyA na bruM ni dza/ oM badz+ra A yu She a/ A yu dz+nyA na brapra ti ku ru tra/ oM badz+ra aM ku sha hUM/ sarba ta thA ga ta hri da ya/ badz+ra a d+hi tiSh+Tha tAM/ tshe la 'tshe ba'i bgegs bskrad pa dang / dbang bskur ba/ byams dang ldan pa gsang ba rigs kyi yum// tshe la dbang bskur byin gyis rlob par mdzod// rta mgrin khro bo chen pos bgegs tshogs bskrad// mi 'gyur brtan par dbang bskur byin gyis rlobs// bud+d+ha lo ts+tsha na oM/ badz+ra lo ts+tsha hUM/ rat+na lo ts+tsha na traM/ pad+ma lo ts+tsha hri/ karma lo ts+tsha na a/ zhes dbang bskur ro// tshe snyim pa/ dbang gi rgyal po rta mchog dpal// gsang ba yum bzhi'i mkha' dbyings nas// rigs kyi yum dang rol pa mdzad// rgyas 'debasams ni rgyas btab nas// ji ltar rgyal po'i phyag rgya la// bran rnams 'da' bar mi byed ltar// bdag nyid gsang bas rgyas btab pas// su yang 'da' bar mi byed cig/ tshe 'dzin mas ni tshe zung zhig/ bdud dang gshin rje gang la yang // tshe dpal mi shor dam du zung // sbed byed mas ni tshe spos shig/ sbed byed gzung ba'i tshe sbas nas// mthu chen gshin rje gang gis kyang // tshe la ye 'brog byed 'gyur med// spel byed mas ni tshe spel cig/ spel byed gsang bas tshe

  599. 134a

    spel na// tshe dang gzi byin rgyas par spel// tshe'i bum pa bstan pa/ bcom ldan mgon po ye shes tshe dpag med// mkha' dbyings rnam dag yum gyi gzhal yas na// rdo rje ye shes dpal gyi g.yung drung sku// byang chub bde mchog rol pa thabs kyi gtso// gnyis med rol ba thugs kyi dkyil 'khor nas// byang chub sems rgyud ye shes thugs rje yis// skal ldan rnams la tshe yi dngos grub stsol// spros pas 'jig rten kun gyi bkrag dang ldan// mnan pas khams gsum yongs kyi mdangs dang ldan// bsdus pas srid pa gsum gyi dbang dang ldan// bcings pas 'bral med rdo rje lu gu rgyud// brtan pas mi 'gyur rdo/ rje lhun po 'dra// bdag ni skal ldan rdo rje bde chen te// khams gsum brjid mchog tshe yi dngos grub stsal du gsol// de nas tshe brtan zhing bkra shis par bya ba'i phyir/ rdo rje sems dpa'i tshe sgrub gzhung dang mthun par byas nas/ rnal 'byor che'i po ti thob par byed pa ni/ rdo rje sems dpa'i tshe bsgrub bstan pa'o// zhes ye shes bla ma rin chen bstan pa'i rgyud dang po'o// rdo rje sems dpa'i tshe sgrub bstan pa'i le'u ste le lag dang po'o// // de nas byang chub sems dpa' sems dpa' chen pos dbang bskur ba'i thabs bstan cing bkru dang bstan dang rdzogs pa dang // mthar phyin pa yi gdams ngag go/ zhes 'byung ste//

  600. 134b

    slob ma snod dang ldan bya'i phyir// ye shes bdud rtsi chen po yis// phyi nang gsang ba'i khrus kyang zhes 'byung ste/ lus ngag yid gsum gyis khrus kyi cho ga byas te/ snod dag par byas nas/ gsang sngags kyi snod du rung bar byas la/ dbang bskur bar bya'o// de yang ye shes spyi blugs kyi dbang rdzogs par bya ba la/ longs spyod rdzogs pa'i sku lngas dbang bskur te/ shar gyi bum pa blangs te/ hUM/ shar phyogs chos dbyings dngul gyi bum pa ni// rdo rje mi bskyod yab yum sku bstan pa// byang chub sems dpa'i 'khor dang bcas// snying po don gyi bcud bsdus nas// spyi bo nas ni dbang bskur bas// zhe sdang 'khor ba'i rgyun bcad nas// me long lta bu'i ye shes kyis// dbang mchog des ni dbang bskur ro// badz+ra ka la sha a b+hi Shany+tsi hUM/ lho phyogs chos dbyings gser gyi bum pa na// rin cha ne 'byung ldan yab yum sku bstan pa// rin chen sems dpa' 'khor dang bcas// snying po don gyi bcud bsdus nas// spyi bo ni dbang bskur bas// nga rgyal 'khor ba'i rgyun bcad nas// mnyam pa nyid kyi ye shes kyis// dbang mchog des ni dbang bskur ro// rat+na ka la sha a b+hi Shany+tsi traM/ nub phyogs chos dbyings zangs kyi bum pa ni// snang ba mtha' yas yab yum sku bstan pa// pad+ma'i sems dpa'i 'khor dang bcas// snying po don gyi bcud bsdus nas// spyi bo

  601. 135a

    nas ni dbang bskur bas// 'dod chags 'khor ba'i rgyun bcad nas// so sor rtog pa'i ye shes kyis// dbang mchog des ni dbang bskur ro// pad+ma ka la sha a b+hi Shany+tsi hri/ byang phyogs dbyings in+d+ra'i bum pa na// don yod grub pa yab yum sku bstan pa// las kyi sems dpa'i 'khor dang bcas// snying po don gyi bcud bsdus nas// spyi bo nas ni dbang bskur bas// phrag dog 'khor ba'i rgyun yang gcad// bya ba grub pa'i ye shes kyis// dbang mchog des ni dbang bskur ro// karma ka la sha a b+hi Shiny+tsa a/ dbus phyogs chos dbyings rnam dag zhing khams na// bcom ldan kun bzang yab yum sku bstan pa// tshom bu lnga yi 'khor dang bcas// snying po don gyi bcud bsdus nas// spyi bo nas ni dbang bskur bas// gti mug 'khor ba'i rgyun bcad nas// chos kyi dbyings kyi ye shes kyis// dbang mchog des ni dbang bskur ro// bud+d+ha ka la sha a b+hi Shany+tsi oM/ de ring phan chad bu khyod ni// rgyal ba'i sras su dbang bskur bas// nyon mongs lnga dang mtshams med lnga// de nas rang byung dag pa'i sku// mi gnam mya ngan 'das pa yi// dbang bskur dam pa thob par shog/ ces longs spyod rdzogs pa'i sku lngas dbang bskur ba bstan pa'o// bar 'dir rin po che sna bdun gyi dbang dang / bkra shis rdzas brgyad kyi dbang bskur ro// de nas

  602. 135b

    rgyal rtags phyag rgya'i dbang bskur ba la gnyis te/ byang chub sems dpa' drug gi phyag mtshan gyis dbang bskur ba dang / sangs rgyas kyi gdung brgyud 'dzin pa a tsar+ya mi bzhis 'dod pa'i yon tan lngas dbang bskur ba bstan pa'o// de la phyag mtshan gyis dbang bskur ba ni/ sngon sum cu rtsa gsum dga' ldan gyi gnas rnam par rgyal ba'i khang bzangs su/ lha'i dbang po brgya byin gyi btsun mo bzhin// sras nye dbang sum cu rtsa gnyis la/ shing gi rgyal po yongs 'du sa brtol 'bras bu smin pa'i dus su/ lha rdzas kyi me tog dang / 'bras bu dang / snying po dang / sman dang / rtsi thog dang / 'bru bcud dang / gdugs dang / ba dan dang / rgyal mtshan dang / dung dang / pi wang dang / gling bu dang / sil snyan dang / glu dang / gar dang / rol mo dang / rtse 'jos dbang bskur te/ lha'i rgyal srid thob par byas so// de bzhin du rigs kyi bu khyod la dbang bskur bas/ lha'i dbang po brgya byin lta bu'i dbang thob par 'gyur ro// de nas lha ma yin gyi gnas mi pham rgyal bas byin pa zhes bya bar/ lha ma yin gyi rgyal po thags bzangs rigs zhes bya bas/ shing gi rgyal po yongs 'dus brtol gyi me tog rgyas pa'i dus su/ dpal be sa 'dzin pa dang / lag na be con dang / khros pa'i rkan brdebs dang / rno ba rdo rje mchu can no// de rnams ni dmag dpon du dbang bskur

  603. 136a

    ro// phyi ma rnams ni dmag mir dbang bskur ro// 'khor gyi gyad chen po bzhi la sogs te/ dka' ba spyod pa'i skyes bu rnams la/ go mtshon dang / sta re dang / mchog gi ha ta dang / lcags kyu zhags pa dang / ber ka dang / mda' gzhu la sogs te/ ma he'i sha dang / stag dang / dom dang / dred dang / lce spyang dang / kang ka dang / mi dang / khyi dang / rta la sogs pa'i sha dang / khrag dang / dbang pos dbang bskur te/ dmag dpon du dbang bskur ro// dmag byin po rnams ni gtor ma dang / myos pa'i chang dang / 'bru'i chang dang / btsong dang / la phug dang / sgog sku yan yad kyi dbang bskur te/ dmag mir dbang bskur ro// de bzhin du rigs kyi bu khyod la dbang bskur bas/ 'jig rten dang 'jig rten las 'das pa thams cad dbang du 'dus par 'gyur ro// de nas lho'i 'dzam bu gling mi mjed kyi 'jig rten gyi khams dbus chen po rdo rje gdan du/ mi'i ston pa shakya seng ges shing gi rgyal po yongs su sa brtol gyi lo 'dab rgyas pa'i dus su/ 'khor sa bcu'i byang chub sems dpa' rnams dang / 'phags pa nyan thos dgra bcom pa rnams la/ de bzhin gshegs pa lnga'i bum pa dang / seg par dang bla gos dang / sangs rgyas kyi sku gdung rin po ches dbang bskur ro// de bzhin du rigs kyi bu khyod la dbang bskur bas/ 'gro ba rnam

  604. 136b

    par 'dren pa'i stobs dang ldan par 'gyur ro// de nas bdag ma yin pa'i 'jig rten gyi khams su/ byol song gi rgyal po a ba glang mgo can zhes bya bas/ byol song gi gtso bo lnga la sogs te/ gti mug gi bdag tu 'dzin pa rnams la/ shing gi rgyal po yongs su sa brtol dbugs 'byin pa dus su/ shes rab kyi po ti dang / lha'i rol mo dang / sgra snyan dang / bden pa'i tshig gis dbang bskur ro// de bzhin du rigs kyi bu khyod la dbang bskur bas/ shes rab ma rmongs pa dang / lha dang mi'i mdzad spyod thams cad la longs spyod par gyur to// de nas 'jig rten gyi khams tir ka zhes bya ba na/ yi dwags rgyal mo kha 'bar ma zhes bya bas/ shing gi rgyal po rgyud pa'i dus su/ 'khor gyi pre ta ka zhes bya gsum la/ rin po che sgrom bu dang / 'dod pa'i yon tan lngas dbang bskur ro// de bzhin du rigs kyi bu khyod la dbang bskur bas/ 'jig rten gyi snying po byang chub la ma gnas kyi bar ru/ yi dwags kyi sdug bsngal las grol bar gyur to// de nas 'jig rten gi khams rme sha can zhes bya ba na/ gshin rje chos kyi rgyal pos/ 'khor gyi mgo brnyan chen po bzhi la/ dpag bsam gyi shing dang / khrus kyi rdzing bu dang / ye shes kyi mar me dang / snyan pa'i tshig gis dbang bskur ro// de bzhin du rigs kyi bu khyod la dbang bskur bas/ dmyal khams bcu drug gi

  605. 137a

    sdug bsngal/ bde ba chen po longs spyod du gyur to// de yan chad thub pa drug gi phyag mtshan gyis dbang bskur bar bstan pa'o// // de nas paN+Di tas dbang bskur ba ni/ gnam la rdo rje zam ma chad// sa la dkyil 'khor rigs ma yal// bar na gdams ngag zam ma chad// ces 'byung ste/ slob dpon dga' rab rdo rjes/ 'jam dpal bshes gnyen la sogs pa rim par dbang dang 'brel ba'i chos bstan pa'i tshe/ slob ma bkrag dang gzi mdangs bskyed cing / lha'i longs spyod thob par bya ba'i phyir/ 'dod pa'i yon tan lngas dbang bskur te/ tshe dang / gal phyi dang / dza ga dang / dza ga ti dang / bla god dang / zla rgyas dang / zla khrom dang / zla tshes dang / drag po dang / kun tu rgyu la sogs te/ 'dod pa'i yon tan lngas dbang bskur ro// de bzhin du rigs kyi bu khyod la dbang bskur bas/ longs spyod phun sum tshogs pa la longs spyod par gyur cig/ ces ye shes bla ma chen po'i rgyud las/ dbang bskur bla ma rin po che'i rgyud phyung ste/ ye shes spyi blugs su dbang bskur bar bstan pa'i le'u ste gnyis pa'o// // de nas byang chub sems dpa' sems dpa' chen pos/ sangs rgyas mar me mdzad stong gi gtsug phud rin po che la phyag btsal nas/ byang chub sems dpa' sems dpa' chen po/ ma 'ongs pa'i sems can rnams

  606. 137b

    la sangs rgyas kyi 'bras bu smin par bya ba'i thabs ni/ dbang dang 'brel pa'i chos 'phags na/ dbang gi 'bras bu mthar phyin pa'i bya btsal dag bral ba'i chos ji ltar lags/ bstan du gsol ces zhus te/ de nas sangs rgyas mar me mdzad stong gi gtsug phud dang rin po che tshad med pa bzhi'i ting nge 'dzin las bzhengs te/ zhal 'dzum pa mdzad nas/ ro langs bde ba lha'i bu nyon cig/ nga la phyogs bcu dus gsum gyi sangs rgyas thams cad kyi dbang rin po che rdzogs pa yin te/ dbang thams cad kyi snying po rig pa rtsal gyi dbang gis skad cig ma gsum la grol ba 'di la bskur thabs lnga ste/ ye shes kyi mar me dang / rin po che gser gyi thur ma dang / me long dang / sangs rgyas kyi mtshan dang / rdo rje dril bu dang lnga'o// de nas tshig 'di bsgrags te/ dkyil 'khor la bskor ba byas la/ sgo la dar gyi yol ba bres la/ bad+ha bri bar bya'o// kye ma hA su ka rigs kyi bu khyod yongs su mya ngan las 'das par 'dod dam bya'o// na mo bud+d+ha ya ho/ 'o na khyod sa gzhi 'o ma shi sa shi'o// rigs kyi bu d+ha hi kan/ d+ha hi kan ma lA ma lA/ ma hA su kha ri sid+d+hi ho/ de bzhin rim pas bstan pa ni// man ngag thabs kyi rgyal po yin// de ni bden par bstan par bya'o// mar me lag tu bskur ba/ rigs kyi bu 'jig rten gyi khams su nga ma 'ongs pa'i tshe/ gyad yul shing sa

  607. 138a

    la chen po'i snying po me tog pad+ma kha stong dang ldan pa'i sbubs nas 'than te/ sku yongs su rdzogs pa'i dus su/ rang gi snying po byang chub kyi sems gsal ba'i sgron mer shar te/ ngas mthong ma myong ba'i yul mthong ngo // rigs kyi bu de bzhin du ye shes kyi mar me gsal ba'i sgron ma 'dis dbang bskur bas/ ma rig pa'i ling tog bsal nas/ sangs rgyas kyi bden pa mthong bar 'gyur ro// rigs kyi bu rang rig pa'i ye shes la 'gyur ba med cing / rnam rtog gis ma bslad pas/ yid gang du yang 'jug pa med do// rigs kyi bu de bzhin du rin po che gser gyi thur mas dbang bskur bas/ 'gyur ba med par rnol myur ba'i stobs dang ldan par gyur to// rigs kyi bu sangs rgyas kyi zhing yongs su dag pa'i yul du snang ba'i dus su/ gzung 'dzin gyi mtha' las 'das so// rigs kyi bu de bzhin du me long lta bu'i ye shes 'dis dbang bskur bas/ sangs rgyas kyi zhing yongs su dag pa snang bar gyur ro// rigs kyi bu rang byung gi ye shes la 'gag pa med par shar ba'i dus su/ sku gsum gyi snang ba mngon du gyur te/ ye shes kyi gzugs brnyan la thim pa'i dus su/ len ma myong ba'i lus blangs te byang chub kyi snying po la byang chub kyi snying por shar ro// rigs kyi bu de bzhin du 'od gsal ba 'dis dbang bskur bas/ snying po byang chub

  608. 138b

    btsal dang bral ba'i sku thob par gyur to// rigs kyi bu rdo rje lta bu'i sku dus gsum du mi 'gyur bar bstan pa'i dus su/ spros pa'i mtha' las 'das te/ thugs rje 'byung ba'i sgo ma 'gags pas/ sprul pa'i sku gsung rig pa'i khu byug tu bsgrags so// de bzhin du rtags kyi rdo rje dang dril bus dbang bskur bas/ rigs kyi bu rdo rjes ni 'gyur ba med pa la/ dril bus ni thugs rje'i rtsal 'gag pa med pa'i dbang thob par gyur to// kye rigs kyi bu ma 'ongs pa'i sems can rgyud dag pa rnams la ngas bstan pa bzhin byos shig/ ces bka' bsgo nas/ dga' rab rdo rje de bzhin du mdzad pa ni/ gnam la rdo rje zam ma chad de lta ba mi 'gyur ba la bzhag/ sa la dkyil 'khor rigs ma yal te/ rtogs pa'i ye shes rang gsal/ bar na gdams ngag zam ma chad de/ dus gsum gyi sangs rgyas dgongs pa brgyad pa dang / rigs 'dzin brdas brgyud pa dang / gang zag rna bas brgyud pa/ rgyud man ngag tu dril nas gter du sbas so// sangs rgyas mar me mdzad stong gi gtsug phud rin po che/ rig pa rang shar gyi dgongs pa/ rig pa spyi blugs kyi dbang du bstan pa/ ye shes bla ma chen po'i rgyud las/ dbang bskur bla ma rin po che'i rgyud bstan pa'i le'u ste le'u'i lag gsum pa'o// // de nas byang chub sems dpa' sems dpa' chen pos yang zhus

  609. 139a

    pa/ kye kye thugs rje chen po ma 'ongs pa'i sems can rnams la/ tshe dbang rin po che gdams pa'i dus su/ slob ma'i skyon yon bstan pa dang // dus dang gnas kyi skyon yon gang // rdo rje 'chang gis bstan du gsol// ces zhus te/ rdo rje 'dzin pa nyon cig/ slob ma'i skyon yon rnam gnyis te/ spang bar bya ba'i slob ma bzhi// dang dung blang ba'i slob ma bzhi// blo dman shes rab chung ba dang // bud med lus ni dmad pa dang // gsang dbang med par rdzob pa la// rgyud kyi rgyal po don mi bshad// bshad kyang blo rgyud ma grol bas// de bas zhib tu bstan pa med// seng ge dkar mo'i 'o ma 'di// rin chen gser gyis 'dzin gyur gyi// snod ngan gzhan du blags pa na// snod 'jig 'o ma 'bo bar 'gyur// zhes gsungs so// dad ldan brtson 'grus che ba dang // bla ma la ni gus pa'o// blo brtan 'gyur med sgom sran che// rtag tu snying rje ldan gyur pa// de ni sgrub pa po ru bzhag/ sgrub pa brtson zhing dam tshig che// zhe gnag khong gdug brtan par smra// bstan pa bsrung ba'i snod du bzhag/ bud med mgo 'gar shes rab zab// dad pa brtan zhing theg chen mos// de ni snying rje'i slob mar bzhag/ kye rdo rje 'dzin pa nyon cig/ tshe dbang rin chen rdzogs phyed pa'i// dus kyi sbyor ba bstan pa ni// rnam pa bzhi ru shes bya ste// de yi mdo ni bsdu ba

  610. 139b

    gces// ngas bstan khyod kyis yid la zung // dbyar dgun ston dpyid bcu gnyis la// dpyid zla gsum ni srin bal gyi phung po lta bu'o// dbyar zla gsum ni pad+ma lta bu'o// ston zla gsum ni rin po che lta bu'o// dgun zla gsum ni rdo rje lta bu'o// de yang shing gi rgyal po yongs su sa brtol dang sbyar na/ rtsa ba dang / sdong po dang / myu gu dang gsum/ lo 'dab dang / me tog dang / 'bras bu'o// de yang ston zla ra ba la rdzas bsags/ ston zla 'bring po la bsgrub pa bya/ ston zla tha chung gi nya la dbang bskur/ dgun zla ra ba'i nya la gdam ngag gi gzhug rdzogs par bya'o// de ni sbyor ba dang po'o// de yang thub pa drug ltar byas na/ tsan+da bcu gnyis 'bring po la// brgyad la zhugs la rgyal par rdzogs// de ni sbyor ba 'bring po'o// de yang paN+Di ta'i bskur thabs ni// zla ba bcu gnyis gang yang rung // bcu gcig bco lnga'i bar gyis rdzogs// de ni sbyor ba za ma yin// dus tshod tshes grangs bzang po la// bkra shis brjod cing dbang bskur na// tshe dang longs spyod rgyas 'gyur zhing // bu tsha rigs rgyud 'phel bar 'gyur// zhes dga' rab rdo rjes gsungs so// de nas byang chub sems dpa' chen pos zhus pa/ thugs rje chen po tshe dbang rin po che bskur ba'i dus su/ gnas pa'i yon tan bstan du gsol// ces zhus te/ rdo rje 'dzin pa nyon

  611. 140a

    cig/ bkra mi shis pa'i dbang gnas dang / ya ga bar chad kyi gnas dang de la rme sha can gyi grong khyer du gtugs pas/ zin pa'i grong khyer du/ lha 'dre drag po rgyu srang dang // bsod nams zad pa'i grong khyer dang // mgar ba lham mkhan yug sa mo// grong khyer chen po'i dbus dag tu// rnal 'byor pa yis don mi 'grub// ces gsungs so// ri gsum 'dus pa'i rtse mo dang // rtsi shing sman ljongs bya skad snyan// rgyab mtho mdun gzhol gzhog skyab pa// gzhan yang bkra shis nyams dga' yid 'thad dang // bsod nams grub pa'i dgon pa dang // grong zad mtha' dang nags tshal du// dam pa'i don de sgrub par gsungs// zhes ye shes bla ma chen po'i rgyud las/ dbang bskur bla ma rin po che'i rgyud// sangs rgyas mar me mdzad stong gi gtsug phud rin po ches mdzad pa las le'u bzhi pa'o// // A tsar+ya bi ma la mi tra dang / bod kyi lo tsa ba ska cog zhang gsum gyis bsgyur cing zhus te gtan la phab pa'o// // rdzogs so// // tha ras rgya yis btab bo// sngon du 'gro ba'i bsten pa ste sta gon cho ga rdzogs pa'o// dang po la ni sgrub pa 'byung // ting 'dzin sngags dang 'phro 'du bya// gnyis pa tshe dbang bskur bar bya// gsum pa ye shes spyi blugs dang // bzhi pa sangs rgyas rab bdun dang / lnga pa rig pa rtsal gyi dbang // rim pa

  612. 140b

    bzhin du las la sbyar// rdzogs dang rgyud lung man ngag bshad// nga yis bstan pa'i tshe dbang 'di// ma bskur bar du bshad pa min// ces dga' rab rdo rjes 'jam dpal la gdams pa'o// zhes ye shes bla ma'i le'u lag rdzogs so// // s+thi/ @#// rgya gar skad du/ de wI ma ri ts+yai ta tan+t+ra/ bod skad du/ lha mo 'od zer can gyi rgyud/ bcom ldan 'das dpal rdo rje sems dpa' sku gsum ye shes lnga'i bdag nyid du snang ba/ byang chub sems kyi lha mo gsal ba'i sgron ma mar me mdzad gtsug gi rgyan gcig ma la phyag 'tshal lo// chos kyi sku mtshan ma'i yul las 'das kyang / gzugs kyi sku mngon par snang bas/ sangs rgyas kyi bden pa mthong bar byed pa/ lha mo 'od zer can gyi rgyud 'di grol bar bya'o// rigs drug gi sems can la chos kyi sku rang bzhin gyi gsal ba lnga yod de/ de yang yang dag par rdzogs pa'i sangs rgyas la 'od dpag tu med par gnas so// byang chub sems dpa' rnams la dpag tu yod par gnas so// lha rnams la gzhal du yod par gnas so// mi rnams la mtshon du yod par gnas so// ngan song gsum las sems rang gsal ba tsam du gnas so// mdzod bu'i 'od zer ma 'gags mkhyen mnga' ba// mgon po spyan ras gzigs la phyag 'tshal lo// lha mo 'od zer can gyi rgyud 'di la le'u gsum

  613. 141a

    gyis bstan te/ le'u dang po chos kyi sku la 'od zer 'byung bar bstan pa dang / le'u gnyis pa 'od zer rnam par dag par bstan pa dang / le'u gsum pa sems can thams cad la mtshon pa'i ye shes 'od rang chas su bstan pa dang / gsum gyis bstan to// de nas rgyud dag pa'i rdo rje 'chang chen pos mdzod spu'i bu ga nas 'od zer lnga bkye bas 'jig rten gyi khams snang bar byas te/ 'od zer de'i byin gyis brlabs las/ sangs rgyas bde ldan mgon po spyan ras gzigs zhes bya ba/ sku mdog dkar po 'od zer gyi 'phreng bas skor ba/ phyag g.yas pa skyabs sbyin gyi phyag rgya dang ldan pa/ g.yon pa pus mo la rten pa/ pad+ma'i gdan la bzhugs pa gcig rang byung du mdun du lhag ste/ kye kye thugs rje chen po sems can gyi nyon mongs pa'i dug lnga gdul du gsol/ mdzod spu'i bu ga nas 'od zer rnam pa lnga 'phros nas 'jig rten gyi khams snang bar mdzad na/ bdag gis sems can gyi don du 'od zer lnga mi spro ba ci ste/ yang dag par rdzogs pa'i sangs rgyas la sku rnam par dag pa'i 'od lnga 'phros pa 'di ci'i rgyu ci'i rkyen/ chos kyi sku ni rang bzhin gyi stong na/ gzugs kyi sku ye shes sgyu ma'i lus su 'byung ba 'di ji lta bu lags/ zhes zhu ba zhus te/ de nas bcom ldan 'das ting nge 'dzin las bzhengs te/ zhal 'dzum pa mdzad nas ljags kyi

  614. 141b

    pad+mo las 'od zer lnga spros te/ byang chub sems dpa' chen po khyod kyis dri ba gsum dris pa de legs so// yang dag par rdzogs pa'i sangs rgyas la sku rnam par dag pa ye shes sgyu ma lta bu'i sku 'byung ba ni/ ye shes lnga'i rtsal ma 'gags par 'char te/ de yang shes rab 'gag pa med pa stong pa/ ye shes kyi snying por gsal ba dang / shes rab mi g.yo ba mnyam pa nyid du gnas pa dang / shes rab rgyun mi 'chad pa bye brag tha dad du shes pa dang / shes rab zag pa med pa lhun gyis grub pa dang / shes rab 'gyur ba med pa rang bzhin rnam par dag pa dang lnga bya btsal med pa'i bdag/ sangs rgyas kun gyi rang lus yin// gcig pu rab tu che ba'i lha// nam mkha' nyi ma'i tshul du gnas// rdo rje lta bu'i ting 'dzin la// 'du 'bral med par rtag par bzhugs// zhes bka' stsal pas/ mgon po spyan ras gzigs nyid ye shes kyi snang bar gang rgyas te 'od zer lnga phyogs bcur khyab par shar to// zhes dri ba dris pa gsung pas mgon po spyan ras gzigs kyi bden pa mthong ngo // don thugs su chud do// zhes lha mo 'od zer can gyi rgyud las/ chos kyi sku la 'od zer 'byung bar bstan pa'i le'u ste dang po'o// // de nas byang chub sems dpa' chen pos rdo rje 'dzin gyi mdun du bka' nod pa'i tshul du thal mo sbyar nas/ thugs rje chen po

  615. 142a

    yang dag par rdzogs pa'i sangs rgyas kyi ngo bo dang / rang bzhin ni dpag pa'i mtha' las 'das na/ thugs rje sprul pa'i sku 'od zer du snang ba'i tshul du bden nam/ 'on te snang tshul dpag pa las 'das/ dpag pa las 'das na thugs rje'i tshul du byung ba 'gag gam mi 'gag/ de bdag gis ma shes ma 'tshal to// ji ltar lags bcom ldan 'das kyis bstan du gsol/ ces dri ba dris so// de nas yang bcom ldan 'das mnyam pa'i ting nge 'dzin las bzhengs nas/ zhal 'dzum pa mdzad nas bri ku ta gyen du 'greng ste/ ljags kyi pad+mo las 'od zer lnga spros nas/ byang chub sems dpa' khyod nyon cig/ sngon byung gi dus na/ nga ma 'ongs pa'i sngon rol na thog ma'i sangs rgyas 'od mi 'gyur/ rang byung gi gzhal yas khang chen po dang 'du 'bral med par bzhugs pa/ snying po byang chub na bzhugs pa/ snying po byang chub na bzhugs pa'i sku/ 'od zer gyi phung por gzhi nas gnas te/ 'gog pa med kyang / 'od zer gyi phung po de nyid rtag pa yang ma yin/ mi rtag pa yang ma yin/ ci ste 'od nyid chos kyi sku las 'byung ba'i phyir/ chos sku de nyid yang dag par yod pa yang ma yin/ med pa yang ma yin no// de bzhin du 'od zer gyi phung po de snang ba yang ma yin/ mi snang ba yang ma yin te/ snang ba dang mi snang ba'i mtha' las 'das pa'o// de ci'i

  616. 142b

    phyir zhe na/ 'od zer de la rang bzhin med pas nam mkha'i mtha' dang mnyam la/ 'od de ma 'dres la yongs su rdzogs par gnas pas/ dper na nam mkha' dang ri mo'i tshul du gnas so// de'i phyir byang chub nyid snying po'i rang bzhin du 'od du gsal/ snying po rnam dag ye shes 'od gsal ces gsungs so// de yang thugs rje 'byung ba'i dus su sgo thams cad nas 'od zer lnga lnga 'byung ste/ sems can la bstan pa'i snying po re re 'byung ngo // kye sems dpa' chen po ngas sems can gyi don du sku gsum gyi thugs rje bsam gyis mi khyab par bstan kyang / don brjod pa las 'das pa'i chos sangs rgyas med pa'i klong du la bzlas na/ bskyed rdzogs rnam pa gsum du 'du bral med par ma bstan na/ sangs rgyas kyang thugs rje 'byung ba'i sgo 'gags pas/ dper na u dum pa ra'i me tog gi tshul du bstan to// sku de ltar bstan kyang bsdu ba gcig tu ma bsdus na/ chos thams cad kyi mdo mi 'dus te/ de'i phyir rigs lnga 'byed par 'das/ sku lnga ngo bo nyid kyi skur 'das/ yum lnga mkha' 'gro klong rnam par dag par 'das/ ye shes lnga mi gnas pa'i ye shes chen por 'das/ phyi nang gi 'byung ba lnga nam mkha' chen por 'das/ 'od lnga rang byung gi 'od chen por 'das/ zer lnga thugs rje'i rtsal du 'das/ rgyud thams cad kun tu bzang po rtsa ba'i rgyud chen po yi

  617. 143a

    ge med pa'i rgyud du 'das/ lung thams cad snying po byang chub sems su 'das/ man ngag thams cad bya btsal med par 'das/ de dag thams cad kyang chos yin te/ chos thams cad rnam par grol ba'i ye shes kyi klong du 'das/ sangs rgyas thams cad sangs rgyas med pa'i klong du 'das so// 'das zhes bya ba'i tshig de dag thams cad kyang / chos kyi rgyan du spros pa yin te/ de tsam las kyang 'das na/ rigs kyi bu chos thams cad ni tshig gi bla dwags so// rigs kyi bu byang chub kyi snying po la snying po yod med kyi mtha' las 'das so// sku gsum du gnang bar bstan pa yang // dngos po med par rang bzhin gyi rdul shes bya la ma rmongs pa'o// gang gis gang la dris pa de/ de yis de la de bstan pa// de yi rnam par grol ba'o// de thob de mthong de mi gnas// de grol de yi thams cad shes// de med par yang de'i 'byung ngongo// zhes lha mo 'od zer can gyi rgyud las/ 'od zer rnam par dag par bstan pa'i le'u ste gnyis pa'o// // de nas byang chub sems dpa' sems dpa' chen pos yang dag par rdzogs pa'i sangs rgyas la/ sgyu ma lta bu'i sku dang thugs rje'i 'od zer 'byung ba lags na khams gsum gyi sems can la 'od zer ji ltar gnas/ snying po byang chub kyi sems su ni gcig na/ 'od zer med na thugs rje'i rgyun thag ma

  618. 143b

    chad dam/ yod na ji ltar gnas bstan du gsol/ bshad du gsol/ zhes zhus te/ de nas yang bcom ldan 'das 'od zer gyi phung po lnga'i ting nge 'dzin las bzhengs te/ rigs kyi bu snying po byang chub kyi sku dri ma med pa'i ye shes so so ma yin tha mi dad pas/ 'gro ba yongs la khyab pa'i phyir/ de bzhin gshegs pa la la stobs dang mi 'jigs pa ji ltar gnas pa de bzhin du 'gro ba yongs la khyab ste/ dper na skyes bu'i byad rang la yod kyang me long ma bstan par rang gi bzhin mi mthong ba de bzhin du/ stobs dang mi 'jigs pa yod kyang seng ge'i bu ma'i mngal du btsas pa bzhin 'don ma nus te/ ye shes snang ba'i bag la zha bapas/ thabs mkhas pas bstan par bya'o// khyod nyon cig/ byang chub sems dpa' dpag tu yod pa'i 'od zer lnga rang chas su gnas te/ shes bya'i sgrib pa shes rab kyi dpag tu yod do// lha rnams la gzhal du yod pa'i 'od lnga rang chas su gnas te/ de yang mos pa'i spyod pa'i bsod nams las grub pas mngon du snang ba'o// mi rnams la mtshon du yod pa'i 'od lnga rang chas su grub pas/ de yang shes rab zab mo bstan dka' ba// zag med kyi snying po byang chub sems// mtshon gang 'od kyi dkyil 'khor// snying po byang chub sems kyi sku// zab cing cha phra 'gag med rang bzhin gsal// zhes 'byung ste/ seng phrug ma dang

  619. 144a

    bral nas 'phro ba ltar// bdag dang bral bas ye shes dbyings na gsal// zhes gsungs so// ngan song gsum la rang byung gi ye shes yod kyang 'byin mi nus te/ shes pa rang gsal ba tsam mthun pa'i lam snang ste/ bsod nams kyi stobs chung bas bden pa la spyod ma nus so// kye sems dpa' chen po sangs rgyas thams cad la zag med kyi ye shes nam mkha' dang nyi ma'i tshul du gnas so// rtog pa'i mtha' shes rab rang bzhin med pas shes par bya'o// thugs rje'i bye brag chu bo gang+gA'i rgyun bzhin mi 'chad pa nyi ma'i zer lta bur shes par bya'o// sems can la khyab pa'i nyi ma'i 'od bzhin khyab pas bde ldan phun sum tshogs so// zhes sangs rgyas la 'od zer 'byung ba dang / sems can la 'od zer 'byung ba bstan pa/ ston pa rdo rje sems dpas bstan/ zhu ba spyan ras gzigs kyis zhus/ sdud pa dga' rab rdo rjes bsdus so// zhes lha mo 'od zer can gyi rgyud las/ sangs rgyas ye shes lus can du bstan pa'i le'u ste gsum pa'o// // rgya gar slob dpon bi ma la mi tra dang / bod kyi lo tsA ba ska cog gsum gyis bsgyur cing zhus te gtan la phab pa/ lha mo 'od zer can gyi rgyud rdzogs so// //

  620. 144b

    rgya gar skad du/ badz+ra DA ki ni dud laM ma hA tan tra nA ma/ bod skad du/ rdo rje mkha' 'gro ma'i 'dre rgyud chen po zhes bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan kun tu bzang po dang // dpal ldan rdo rje sems dpa' yis// byin rlabs mkha' 'gror sku sprul te// mkha' 'gro'i tshogs la brda yis bshad// brda dang don rnams bstan pa'i dus// dur khrod 'bar ba'i gnas chen du// dpal ldan pad+ma'i sku cig skyes// mkha' 'gro ma rnams rab tu dgyes// he he bcom ldan longs sku'i gtso// bdag cag mkha' 'gro 'khor bcas la// thog ma med pa'i sngon rol na// de yi gnas lugs ji ltar lags// brda dang bcas pa gsung du gsol// ces zhus so// de nas ston pas bka' stsal pa// sngon byung gzhi yi dus nyid nas// grong khyer gsum gyi bdag po de// nor bu rin chen 'bar ba yi// nor bu kun gyi 'byung gnas de// kun gzhi skyed pa'i ma ru gnas// mdzes ma rlung gi rkang pa can// rkang pa med par 'gro yang srid// dgung mtha' sleb pa ngo mtshar che// zhes brda de gsungs so// don ni khams gsum spyi sa de// kun gzhi srid pa'i mdzod chen yin// sku gsum 'char ba'i gzhi yin te// rlung gis sku gsung 'grub par byed// myur mgyogs shes rab rlung gi

  621. 145a

    gzhi// dngos med zang thal nam mkha' 'dra// 'khor ba thog ma'i gzhi ma de// rnam par rtog pa med pa la// rtog pa mi srid srid pa'i chos// rang shar rnam drug gzhi shar bas// thams cad rang shar ngo mtshar che// zhes gsungs so// 'dre rgyud chen po las/ phun sum tshogs pa lnga dang gzhi bstan pa'i le'u ste dang po'o// // de nas zla ba'i 'od zer gyis// bcom ldan rdo rje sems dpa' la// de la shar lugs ji ltar lags// ston pa nyid kyis gsung du gsol// ces zhus so// ston pas bka' stsal pa/ a ni yig 'bru kun gyi mes// ma ni yig 'bru kun gyi phyir// ha 'gyu rten med yi ge de// dbyings dang ye shes rtsal gsum gyi// spyi sa'i gzhi las grub pa yi// rlung gi rta po bzhi la shar// ston gsum rtsa ba 'dug gi mi// khams gsum srid pa gsum la dbang // myur mgyogs rlung gi rkang pa can// za 'og mdzes 'i sgra bstad nas// mthing gi mu tig srab mthur shar// 'khor lo 'bar ba'i glo rmed bcug/ srid pa gsum la rgyug pa'i rtags// zhes gsungs so// brda don bshad pa bstan pa ni// rlung lnga gzhi la ye nas grub// rlung gsum rtsa ba dug gsum po// khams gsum srid par byed pa'i gzhi// thogs pa med pa'i rlung po shar// 'od lnga rang snang gsal ba la// ma rig gzung 'dzin gnyis su shar// 'gro drug rtsa ba de yi

  622. 145b

    rgyu// srid gsum rtse mo zhes kyang bya// khams gsum rtsa ba zhes kyang bya// 'gro drug mes phyi zhes kyang bya// kun gyi blon po zhes kyang bya// srid pa'i rgyal mo sde brgyad mo// tshom bu lnga yi rtsa ba yin// dkyil 'khor gsum gyi brda rtags shar// rang shar gsal ba'i me long yin// rgyu las rkyen shar nam mkha'i 'ja' ltar shar// ces gsungs so// swa ya kA ya d+harmA d+ha tu b+ha/ zhes brda'i don gsungs so// thig le 'dre rgyud chen po las/ gzhi las rang shar bstan pa'i le'u ste gnyis pa'o// // de nas zla ba'i 'od zer gyis// bcom lnga rdo rje sems dpa' la// sku gsum shar lugs ji ltar lags// zhes zhus so// ston pas bka' stsal pa/ sngon 'byung chen po kun gyi mes// yang rtse gzhi la lhun gyis grub// nor bu rin chen gzhi nas 'phags// nor bu rnams kyi mes po yin// nor bu sna tshogs skyed pa'i ma// 'gag pa med pa'i nor bu 'chang // bcom ldan kun tu bzang po yis// thog ma gzhi mo'i don la mkhas// bar du rgyu rkyen gnyis la mkhas// tha mar rang shar rang grol mkhas// mkhas pa chen po bcom ldan 'das// sra yang ka ra'i don rtogs mkhas// chos sku gzhi nas rang la shar// sangs rgyas kun gyi yang mes po// chos sku thig le nyag gcig yin// d+harma ka ya ti la e ka'i don// byin rlabs ston pa rdo rje sems dpa'

  623. 146a

    'ang // longs spyod rdzogs sku kun gyi mes// sbrul sku zla ba'i 'od zer khyed// 'gro ba'i don la zhu tshul ston// brda yi don rnams nga yis bshad// ces gsungs so// thig le 'dre rgyud chen po las// sku gsung shar lugs bstan pa'i le'u ste gsum pa'o// // de nas zla ba'i 'od zer gyis// dpal ldan rdo rje sems dpa' la// 'gro drug srid pa ji ltar chags// phyi nang snod bcud ji ltar 'khrul// ces zhus pa/ ston pas bka' stsal pa// swa yang ka ra'i don ma rtogs// ha li nag mo lha mo lnga la bzhugs// rgyu rkyen 'dus pas 'gro drug 'khrul// dug lnga khong khro dag ni rgyu// rang snang 'od lnga rang gdangs rkyen// gnyis 'dzin ma 'gag 'bras bu yin// dug lnga shugs la shar ba yis// 'bras bu 'gro ba ris drug 'khyams// dug lnga 'byung ba lnga yi mes// rang snang rang la gsal ba 'byung lnga'i phyi mo yin// gling bzhi gling phran 'khrul pa yin pa ngo mtshar che// 'khrul pa'i 'bras bu phyi nang gnyis su shar// rang shar 'khrul pas 'khor ba yin// mi 'khor mi srid shar ba srid pas lan// phyi nang gnyis la ltos nas skal pa'o// skal pa rang shar rang gis skal ba yin// 'khrul pa'i 'bras bu las dang bag chags yin// bag chags rang shar rang grol ma rig ngo mtshar che// swa A ma b+ha ra ha/ zhes gsungs so// thig le 'dre rgyud

  624. 146b

    chen po las/ phyi nang snod bcud rang shar gyi le'u ste bzhi pa'o// // de nas zla ba'i 'od zer gyis// lus kyi mes po ji ltar lags// skyed pa'i phyi mo ji ltar lags// zhes zhus pas/ ston pas bka' stsal pa/ gzhi yi rang shar 'byung ba de// rang gdangs 'byung ba 'od du shar// de 'khrul de shar ma rig 'byung ba lnga// de yis rkyen byas phyi 'byung lus la rgyas// 'byung ba ma rig 'dus pa'i lus 'khrul pa// lus kyi phyi mo 'byung ba rang gdangs yin// lus kyi mes po rlung chen rang shar yin// rlung dang rang dwangs 'dus pas sgra tshig sna tshogs smin// lung bstan lung ma bstan gyi sgra dang ni// ngo bo nyid sgra ru thams cad 'dus// rang shar sgra dang phrad pas gsung tshig mes po yin// rang gdangs sgra ni rlung gi rtsal las shar// rlung yang tsha glang rlung gis lus po skyed// ma rig rgan mo long ma mu lto ma// rten 'brel bcu gnyis lta bu'i tshul du grub// des na 'khor ba grub tshul brda dang sbyar// dper na nam mkha' 'byung ba kun gyi mes// 'od lnga 'byung ba lnga yi phyi mo las// rang gdangs 'od kyi dkyil 'khor nas// 'byung ba lnga yi rtsa ba smin// de yis brda bstan 'byung ba'i dpe// bar snang glog 'gyus snang srid gsal ba 'gyu ba'i dpe// dus mtshungs 'khrul ba zag pa sbrul lta bu// yon tan phyogs med 'char ba nor bu rin chen gling // 'khrul

  625. 147a

    pas 'khrul pa rgyud pa zo chu brgyud ma 'dra// 'gro drug lus kyi bag chags smin pa ljon shing 'dra// 'khor ba rang shar nam mkha'i sprin gyi tshul// sa chu me rlung nam mkha'i rang gdangs yin// yid 'gyu ma rig gzhi nyid zer ltar shar// zer dang rang gdangs rol pas rang la shar// rol pas ma 'gags 'khor ba'i rtsa gcig pu// gcig bu ma rig 'khrul pa rang la snang // 'jig rten rten 'brel bcu gnyis phyi nang skyed// 'khor 'das gnyis kyi spyi sa ba// lhun grub rang snang rang shar phyogs med yin// lo ka karma e ka'o// zhes gsungs so// 'dre rgyud chen po las/ 'byung ba lus kyi don bstan pa'i le'u ste/ lnga pa'o// // de nas yang zla ba'i 'od zer can gyis/ ston pa rdo rje sems dpa' lags// 'dre yi 'khrul pa ji ltar lags// zhes zhus pas/ ston pas bka' stsal pa/ nyon cig rdo rje mkha' 'gro ma// phyi yi 'dre dang nang gi 'dre// gsang ba'i 'dre dang gsum du shar// phyi yi 'dre ru shar ba ni// rang gdangs 'byung ba dang po'i dus// chags sdang lnga yi tshogs lngar shar// sde brgyad 'byung ba lnga la shar// bdud dang rgyal po btsan dag dmu// gza' dang klu dang ma mo gnod sbyin dang // gshin rje 'dre tshogs rang gdangs shar// phyi yi 'dre de gzhi yi 'dre// brda yis zil gyis gnan par bya// nang gi 'dre ni rlung mkhris bad

  626. 147b

    kan dang // 'dus pa nad bsngo ba'i 'dre ru shar// de yang dbang du bsdu ba'i brda dang rtags bstan pa yin// gsang ba'i 'dre ni rnam shes zhon// mig dang rna ba sna dang lce// yid dang rnam shes kun gzhi las// tshogs brgyad 'dre ru shar ba lam du bkyer// 'dre kun ngos 'dzin mo ma 'phrul gyi mi// yang gsang 'dre de kun gyi ma mthong bas// thams cad 'dre chos 'dre bsdums byed// 'dre la dbang bskur gtang rag gtong // 'dre la tshogs sogs mchod pa byed// 'dre yis mchod gnas byed cing rtag tu khur// 'dre yis 'dre bsreg 'tshig par ga la 'gyur// 'dre des dpon byas gnya' khung khur// 'dre de kun la gnod pas rab tu gnod che ste// 'dre ru rang shar 'dre de ngo mtshar che// rang gis rang srog gcod pas bdud// zhe sdang rgyal po me rlon mig gcig pa// 'dod chags kha yan btsan gyi 'dre// nga rgyal rang shar 'gyur med dmu// kun tu rgyu yid sleb pas gza'// yid du byung bas nyams chags pas klu// kun tu rgyu zhing rang la snang bas ma// thams cad 'dus pas gnod sbyin no// rang shar rang gis za bas gshin rje'o// sde brgyad gnya' gnon tshangs pa dung gi thor tshugs can// sde brgyad dpon po bdud rgyal nag po gnyis// thod rus 'bar ba rtsa brgyad gdan stengs na// dpag bsam shing gi me tog la// yal ga gnyis la 'jus

  627. 148a

    pa yis// bdud rgyal nag po de na yod// de yi zhal ltos sman du rang la shar// shel sgong sum brtsegs dag gis gnas// rma bya mdongs kyi phug shed na// nyi zla gnyis kyi dkar khung byas// bde ba chen po gdan du bting // gzhon nu gtsug phud can zhes bya// de la bstod pa mi bya 'grogs pa gces// de yi ming ni 'od mi 'gyur// chos sku rang la shar ba ngo mtshar che// de yi sprul pa rang shar ba// shel gyi ga'u sgrub pa'i gnas// nyi zla gnyis ni gdan du bting // 'ja' tshon sna lngas sgo yang byas// gzhon nu bcu drug lon pa'i sku// de yi ming ni 'od srungs yin// longs sku rang la shar ba ngo mtshar che// de yi gsung gi sprul pa'i sku// 'od zer sna lnga'i gnas na bzhugs// rma bya gnyis ni gdan du bting // shel gyi rta pho sgo ba byas// lo brgyad lon pa'i khye'u chung sku// de yi ming ni mar me mdzad// sbrul sku rang la shar ba ngo mtshar che// dbang du sdud na de ltar mdzod/ zil gyis gnon na de ltar gnon// lam du khyer na de ltar khyer// tshogs sogs gtang rag gtor ma dang // dbang dang sbyin sreg bya mi dgos// lha de logs nas ma byung 'dre de gzhan nas min// zhes gsungs so// 'dre rgyud chen po las/ lha 'dre ngos gzung ba'i le'u ste drug pa'o// // rdo rje mkha' 'gro mas zhus pa// kye kye rdo rje sems dpa' lags// longs sku rang

  628. 148b

    shar ji ltar lags// zhes zhus pas/ ston pas bka' stsal pa/ nyon cig rdo rje mkha' 'gro ma// rang lus rgyal ba'i dkyil 'khor 'di// sgo lnga tshogs brgyad phung po lnga// ma hA da la'i ngo bor shar// rang la rang shar ngo mtshar che// rin chen zung brgyad rtse sor bzhi// si ra shel gyi maN+Dal na// dbus na rnam par snang mdzad bzhugs// phyogs bzhi'i sems dpa'i ngo bor shar// de yi snang ba rang gdangs las// sems dpa' sems ma thub pa drug/ longs sku rang la shar ba ngo mtshar che// rin chen rtsibs brgyad 'bar ba'i gnas// si ra bzhi yi dbus na ni// 'od mi 'gyur ba chos skur shar// 'od srungs longs spyod rdzogs skur shar// mar me mdzad ni sbrul skur shar// 'du 'bral med pa'i sku gsum mo// rang la shar ba ngo mtshar che// ltad mo bsam sdug lha khang che// skyo grogs rig pa'i khye'u chung bzang // zas su bde chen rang shar bza'// rang shar za ba nyams re zab// zab mo mthar phyin tshad yin no// rang shar ngo shes nyams kyi gdeng // rang shar gdan shes gdams pa'i gdeng // tshad la phebs pa yid ches gdeng // tshad las 'das na sgrib pa yin// tshad ma zin pa sgrib pa yin// gol sgrib tshad shes shin tu dka'// ka ya ra ha sa ya/ zhes gsungs so// 'dre rgyud chen po las/ phyi nang dkyil 'khor sku gsum ngo sprad chen po'i le'u ste bdun

  629. 149a

    pa'o// // de nas rdo rje mkha' 'gro mas zhus pa/ ston pa rdo rje sems dpa' lags// snang srid 'dre de zin gyi mnan pa dang // sku gsum rgyal ba'i dkyil 'khor la// bdag cag mkha' 'gro 'jug pa'i tshe// dbang gi gdams pa bdag la zhu// zhes zhus pas/ ston pas bka' stsal pa/ nyin cig rdo rje mkha' 'gro'i gtso// lha dbang lus la bskur ba dang // chos dbang sems la bskur ba dang // brtul zhugs rig pa'i byin rlabs dbang // nga yis khyod la dbang bskur ro// rig pa ye shes me tog la// rin chen sna lngas spros byas te// gus pa'i tshul gyis zhu bar gyis// sgo lnga rigs lnga'i dbang bskur 'di// 'di bskur rang lus byin gyis rlobs// tshogs brgyad rgyal ba'i dkyil 'khor 'dis// dbang bskur bde chen dngos grub thob// phung po lnga po rigs lnga yis// dbang bskur nges pa'i lha mchog thob// rang lus rgyal ba'i dkyil 'khor 'di// ma bskur thob pa'i dbang ma yin// bskur bas rang byung ngo mtshar che// byin rlabs nus pa bsam mi khyab// dbang bskur thun mong ma yin no// lha dbang lus la bskur ba yis// lus byin brlabs pa'i dbang bskur yin// ye shes sku yi dkyil 'khor 'di// rang la shar ba ngo mtshar che// lha ni thun mong ma yin rang shar lha// rang shar phung po lnga po la// lha dbang

  630. 149b

    lus la bskur ba yis// skye rga na 'chi bzhi las grol// grol ba rang byung ngo mtshar che// skye ba med pas 'chi las grol// na ba med pas rgas las grol// rang grol rang shar dbang mchog 'di// go 'phang dbang gis bgrod phyir gsungs// 'dir 'jug lam gyi mchog tu bshad// ye shes lnga yis ye nas khyab// khyab par rang byung ye shes sku// ye shes sku yi dbang bskur 'di// ye shes lus las rang shar ba// rang byung dbang bskur ngo mtshar che// a bi She ka u b+han d+he sha/ zhes gsungs so// thig le 'dre rgyud chen po las/ lha dbang lus la bskur ba'i le'u ste brgyad pa'o// // de nas yang mkha' 'gro mas zhus pa/ kye/ ston pa rdo rje sems dpa' lags// chos dbang sems la bskur ba bstan par zhu// zhes zhus pas/ ston pas bka' stsal pa/ dbang dang man ngag bshad pa ni// snod ldan ngang tshul ldan la bshad// dbang dang man ngag ma thob par// de ni ngal ba don med yin// dbang dang man ngag 'dod pa'i mis// srog lus 'phangs pa med par gtong // de ni dbang gi snod du rung // dbang ma thob pas chos 'chad pa// de yi lce la zhing rmo'o// dbang ma thob par sgom par byed// de ni phag tshod yid smon mkhan// nga yis bshad kyis legs par nyon// sngon yul yangs pa can gyi gnas// dngul gyi me long rang gdangs gling // skyes pa

  631. 150a

    bud med 'tshogs pa'i gnas// byad kyi lta ba'i gzhi ma byed// me long phyogs ris med pa la// rgad po rmi ma rag sha gdong // byad bzhin sba la grub pas bltas// byad kyi rnam pa ma mthog bar// skra gri gang na 'dug pa de// de ga byad yin snyam nas 'dug/ rgan mo de yi rtsa shed na// khye'u chung mdzes pa kun ldan byung // me long bltas pas byad bzhin mthong // rgan mos bltas pas kho yi byad mthong bas// rgan mo'i byad la yid 'byung nas// kho yis byad la bltas pas su// rgan mo lto ma myong nas shi/ chos nyid me long g.ya' dag gsal// theg pa rim dgu rgan mo 'dra// rdzogs pa chen po khye'u chung 'dra// ma rig rgan mo long ma 'dra// dbang bskur khye'u chung mdzes ldan 'dra// lta ba rig pa rang rtsal dbang // nyan thos gang zag bdag med lta// rang rgyal chos kyi phyogs gcig lta// byang sems bden pa gnyis su lha// kre ya rje dang khol du lta// yo ga spun dang grogs por lta// ma hA thabs dang shes rab lta// a nu dbyings dag ye shes lta// a ti yo ga phyogs med lta'o// zhes gsungs so// thig le 'dre rgyud chen po las/ lta ba stong rdzogs dbang gi le'u ste dgu pa'o// // de nas mkha' 'gro mas zhus pa/ kye kye ston pa rdo rje sems dpa' lags// sgom pa rig pa'i dbang zhu 'tshal// ces zhus pas/ ston pas bka' stsal pa/

  632. 150b

    nyon cig rdo rje mkha' 'gro ma// sgom pa'i mtshan nyid bstan pa ni// nyan thos gzung 'dzin bkag nas ni// tshogs drug bkag nas sgom pa yin// phung po mi gtsang rus thigs bsgom// rang sangs rgyas kyi sgom pa ni// rten 'brel bcu gnyis 'khor lo sgom// dbu ma dag gi sgom pa ni// sgyu ma'i dpe brgyad lta bu sgom// kri ya rigs gsum mgon po bsgom// yo ga sku lnga'i dkyil 'khor sgom// ma hA rigs lnga'i lha ru sgom// a nu rig pa'i lhar sgom pa'o// a nu yo ga sgom las 'das// bla na med pa'i thig le 'di// rin po che ni khong nas 'char// sgom sgrub rang la rang shar grol// nyan thos bdag med kho na spyod// rang sangs rgyas ni gnyis ka spyod// dbu ma pha rol phyin bcu spyod// kri ya 'phrin las rnam bzhi spyod// yo ga 'phrin las rnam bzhi spyod// ma hA sbyor sgrol spyod pa byed// a nu ma hA'i spyod pa'o// A ti snang srid gzhi bzhengs spyod// gsang ba yang gter spyod pa ni// 'dzin rgod bying rgod med pa yi// rang grol ye shes 'od gsal spyod// nyan thos 'bras bu dgra bcom pa// rang sangs rgyas kyi 'bras bu ni// ne tso bse ru lta bu'o// dbu ma'i 'bras bu spros mtha' bral// kri ya'i 'bras bu snang mtha' yas// yo ga tshe yi rig 'dzin thob// ma hA phyag rgya chen por 'dod// a nu rnam snang sa chen 'dod// bla na med pa'i thig le 'di// rgyu

  633. 151a

    'bras dbyer med thig le'i don// tshe gcig dag gis thob pa'o// ma hA ka ru lo ka ti la dz+nyA na A/ zhes gsungs so// thig le 'dre rgyud chen po las/ grub mtha'i 'bras bus dbang bskur ba'i le'u dang / theg pa'i sgo la 'chings pa'i le'u ste bcu pa'o// // de nas yang mkha' 'gro mas zhus pa/ rdo rje sems dpa' chen po lags// brtul zhugs dbang bskur gsung du gsol// ces zhus so// ston pas bka' stsal pa/ nyon cig rdo rje mkha' 'gro ma// gangs kyi rgyal po ti tse la// srog chags chen po bzhi gnas so// chu bo bzhi 'bab dbang gi brda// rgya mdud dbang gi dkyil 'khor na// shel gyi ga'u kha sbyar na// srog chags rnam bzhi dbang gi rtags// rtags dang don du 'brel ba yin// rin chen zur brgyad pho brang na// rig pa'i rgyal po zang thal gnas// brtul zhugs dbang gi don yin te// srog chags srog rtsa gcad pa gces// dbang rtags rang la yod kyis phyir ma tshol// brda don rnam gsum nyi ma'i snying po 'dra// don gsum rang la gnas pa ngo mtshar che// e ma rang shar ltad mo che// phyi nang gsang ba dbang gi brda// rang chas yin pas btsal du med// tshol na gser gyis gser tshol 'dra// tshol na shin tu rnyed par dka'// dbang rdzas dbang bskur thob lugs ni// nor bu rin chen gzhan gyi 'od 'phrog 'dra// rang la

  634. 151b

    rang shar bas dbang gi rgyal po yin// rang gi thos pas dbang bskur rgyal po yin// dbang lnga shes rab rig pa ye shes dbang // lam du slongs na dbang lnga lhan cig skyes// de shes par chad med pa'i brda ni bum nang mar me 'dra// dbang po rab kyi brda ni nyi shar dus tshod 'dra// 'bring dang tha ma'i brda bstan pa// nor bu rin chen skungs bcug 'dra// bar chad med na dbang gi rgyal po yin// rgyun mi 'chad pas dbang gi bskur thabs yin// a bi She ka na ma hUM/ zhes gsungs so// thig le 'dre rgyud chen po las/ dbang gi gdams pa bstan pa'i le'u las// bka' sgo dras thag gcad pa'i le'u ste bcu gcig pa'o// de nas yang rdo rje mkha' 'gro mas// kye kye bcom ldan gsang ba'i bdag/ bla mas thabs mang bstan pa ni// gang gi don du gsungs pa lags// nges pa'i don la gcig tu 'dus// sna tshogs bstan pa ji ltar lags// zhes zhus pas// rdo rje sems dpas bka' stsal pa// nyon cig rdo rje mkha' 'gro ma// ngas ni thams cad gcig tu bstan// slob dpon tshad mar mgo dang // slob mas tshad mar mgo na// de ni bka' bsgo lam la 'chings// gdams ngag tshad dang ma ldan par// slob dpon tshad mar khas len dang // rdo la gser chu bskus pa 'dra// slob mas tshad mar ma shes pa// rtsa ba rul pa'i lo ma 'dra// 'bras bu smin

  635. 152a

    pa'i dus mi 'chi// lta ba stong pa'i rdzong la 'chings// lta ba nam mkha'i khungs tshol pa// 'bras bu skye mched mu bzhi las// nam mkha' mtha' yas skye mched gol// spyod pa cir snang thabs kyis 'chings// gzung 'dzin gnyis kyi thag mchod// 'bras bu 'khrig spyod lta ru gol// sgom pa nyams myong rtags kyis 'chings// blo snang nyams myong 'gyur bas ye shes don mi phrad// ye shes bsgoms pas mi 'char rang snang ngo sprod gces// 'bras bu rnam spyod dus kyi 'chings// 'bras bu yul can dus la ltos pa ni// 'bras bu thob dus mi 'ong sar chud// rang grol rang shar shes na 'bras bu'i rgyal po yin// bka' bsgo lam rgyus med pa'i slob dpon gyis// rna bar shub shub slu bar byed// gdams pa tshad mar ma phyin pas// long bas long ba khrid pa 'dra// 'jug sgo theg pas 'chings pa ni// rims brgyad kun brtags 'jug pa'i sgo// tshul khrims sdom pa dam tshig la sogs kyis// rang rang grub mtha' 'chings nas phyogs ltos byed// nam mkha' gung du gcad pa'i phyogs ris can// de yi grub mthas 'chings pa gol// ces gsungs so// thig le 'dre rgyud chen po las/ 'ching ba drug gi gdams ngag bstan pa ste le'u ste bcu gnyis pa'o// // de nas mkha' 'gro mas zhus pa// ston pa rdo rje sems dpa' lags// 'chings pa'i

  636. 152b

    dras thag gcad pa bstan par zhu// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// lta ba'i rkun bus khyer ba'i mi// dper na nam mkha' stong pa la// phyogs bcu gcad nas sgrub par byed// nam mkha' phyogs med rang shar la// phyogs ris gcad nas rkun bus khyer// stong pa nyid ni khas len pa// dngos po ma shong phyogs ltos byed// rdzogs chen khas len stong nyid can// dbu ma'i lta ba'i rkun bus khyer// rdzogs chen rol pa'i don ma rtogs// stong nyid phyi dus 'debs pa ni// 'bras bu'i dras zag mchod pas// thig ler rang snang sgrib pa yis// 'bras bu rang grol dus mi 'chi// de na dras zag gcad pa ni// snang srid rang grol rang shar 'di// gol sgrib gnyis kyi don rtogs pas// dbu ma'i don rtogs rdzogs chen yin// phyogs med shar nas rang grol yin// ye shes rin chen 'bar ba 'di// khong nas shar bar 'bras bu'i dras zag chod// 'bras bu'i dras zag mchod na// phyogs rtogs 'bras bu thob mi srid// ces gsungs so// thig le 'dre rgyud chen po las/ lta ba'i rkun bu ngos gzung ba dang dras thag gcad pa'i le'u ste bcu gsum pa'o// // de nas yang rdo rje mkha' 'gro mas zhus pa/ kye/ gsang bdag rdo rje sems dpa' lags// sgom pa'i rkun bu ji ltar lags// de yi dras thag ji

  637. 153a

    ltar gcad// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// sgom pa'i nyams len bstan pa ni// rlung gi shas che rgod cing 'tshub// 'phro dang rgod pa'i rkun bu 'ong // rang bzhin shugs kyi rgod pa dang // ched du byas dang rten 'brel rdzas kyi rgod// nying gung mtshan gung bsgom par bya// rten 'brel rdzas dang dus tshod dang // stong nyid thun tshad dbye ba gces// bad kan shas che lci zhing bying // rang bzhin shugs kyis bying ba dang // ched du byas dang rten 'brel rdzas// nyin dgung mtshan gung bor byas la// srod dang tho rangs thun tshad dang // 'od gsal thun tshad khams dang sbyar// rten 'brel man ngag 'brel pa gces// mkhris pa shas che ba yang brtan// bsam gtan phyogs med 'phel ba'i yin// rdzas dang rte 'brel thun tshad ni// rab tu snyoms pas 'grub pa'o// khrag gi shas che shes rab che// bsam gtan gang yang 'phel 'gyur te// grang ba'i rdzas dang thun tshad gces// 'dus pa'i rang bzhin kun nas snyoms// stong nyid ye shes rang bzhin 'chang // rdzas dang thun tshad dbye bar bya// nga bdag zhi ba'i sgom pa yin// thig le khas len nyan thos gol// sgom pa'i rkun bu spyod kun yin// de yis dras thag gcad pa ni// ye shes blo las grol ba ni// phyi nang dbyer med zang thal la// sgom pa

  638. 153b

    ni nad kyi rkun bus khyer// 'bras bu skye mched mu bzhir skye// 'bras bu'i rkun pa zhes su bshad// thig le ngo sprod zang thal 'di// gzhi lam 'bras bu dbyer med pas// nyag gcig sgom pa'i blo las grol// rten 'brel rdzas la rag ma lus// rang grol ye shes rang la shar// e ma rang snang chen po 'di// rtsol sgrub nad dang ma bral na// ji ltar sgom pas 'dus byas yin// thig le rang sgo ngo sprad pas// sgom mkhan sgom yul 'bras bu gsum// rang grol nyid du mkhyen pa'o// zhes gsungs so// thig le 'dre rgyud chen po las/ lha sgom spyod pa 'bras bu'i rkun bu bstan pa'i le'u ste bcu bzhi pa'o// // de nas rdo rje mkha' 'gro mas zhus pa/ gsang bdag rdo rje sems dpa' chen// dbus kyi ri rab gling bzhi gling phran brgyad// ri bdun mtsho bdun shing chen lnga// lcags ri nag po ji ltar 'khrul// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// gzhi dang lam dang 'bras bu gsum// gzhi la chos lnga ldan pa yin// lam du 'od lngar 'khrul pa yin// 'bras bu rin chen sna lngar 'khrul// phyogs bzhi dbus dang lnga ru 'khrul// kha dog ser po ri bdun 'khrul// dkar po rol mtsho bdun du 'khrul// dkar po shar sogs gling du 'khrul// mthing ka lcags ri nag por 'khrul// chos lnga shing chen lnga ru

  639. 154a

    'khrul// rang snang 'khrul pa shar ba la// phyogs dang gling du phye ba yin// des na rang gdangs 'khrul par shar// phyi yi snod kyi cha lugs so// 'od zer dkar po grang ba'i snod// 'od zer ljang khu nyi tshe'i snod// mthing ka rdo rje dmyal ba'i snod// 'gyur ba med pas rdo rje 'dra// mthing ka byol song snod du shar// ser po mi yi snod du shar// ljang khu lha dang lha ma yin// phyi snod kyi 'jig rten 'khrul pa yin// rang gdangs 'khrul pa ngo mtshar che// zhes gsungs so// thig le 'dre rgyud chen po las/ phyi snod kyi 'jig rten 'khrul pa'i le'u ste bco lnga pa'o// // de nas rdo rje mkha' 'gro mas// rdo rje sems dpa' ston pa'i mchog/ nang gi grub tshul bshad du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// gzhi lam 'bras bu gsum du 'khrul pa'i don// gzhi ni chen po lnga ru gnas// phyi ltar lhun grub nang ltar chos nyid la// gsang ba kun gzhi spyi sa yin// lam du rang gdangs 'od du shar// 'bras bu phung po lnga ru shar// de ni rang gdangs nang gi yul du grub pa'i ri rab 'khrul// gling bzhi mthil bzhi gling phran rkang chen brgyad// ri bdun mtsho bdun tshogs bdun snang ba bdun// shing lnga sgo lnga lcags ri pags par 'khrul// de ni nang gi grub tshul yin// gsang ba'i grub tshul

  640. 154b

    bstan pa ni// dbus kyi ri rab tsit+ta la// gling bzhi mthil bzhi gling brgyad thel brgyad don// ri bdun zil bdun mtsho bdun zur// shing lnga rtsa lnga lcags ri snying // rtsa nag chen po yin par bshad// yang gsang grub tshul bstan pa ni// rtsa yi rgyal po ri rab la// rtsa bzhi rtsa brgyad gling phran brgyad// chags sdang drug dang ngo bo ni// ri bdun yin par rag gdangs so// drug drug ngo bo bdun ni mtsho// gti mug 'byed med ma rig lcags// sgo lnga rtsa lnga shing du 'khrul pa'o// me long snang bzhi spyi sogs bzhi// phyi yi sgo lnga mngon du shar// nang gi sgo lnga snying la grub// gsang ba'i sgo lnga rtsa ru shar// yang gsang sgo ni 'gyur ba'i mig/ mdzod tshang g.yos cha rgan rgon bu rmad tshang // tshang bang mun khang zhes su bshad// yul dang srid pa kun gsal na// me long gcig la 'od byung bas// phyogs med 'od kyis khengs pa ngo mtshar che// zhes gsungs so// thig le 'dre rgyud chen po las// phyi nang gsang ba yang gsang grub tshul gyi le'u ste bcu drug pa'o// // de nas rdo rje mkha' 'gro mas// gsang ba'i bdag po la zhus pa// thog ma gling bzhi chags lugs las// phyi snod grub pa de ltar na// mi dang glang sogs go mtshon dang // nor gyi rnam pa ji ltar grub// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// mi la

  641. 155a

    rgyal po blon po dang // dmangs dang bram ze mi rigs lnga// rgyal po rin chen rgyal po rigs// blon po rin chen blon po'i rigs// thams cad 'phel byed btsun mo rin po che// glang po rin po che las byol song sogs// thams cad 'byung bas glang po rin po che// dmag dpon rin po che las grub pa ni// ma blas phub dang ma brdungs mtshon// ma rgyus khrab la sogs pa 'byung bas rin po che// rta mchog cang shes rin chen rta mchog grub// nor bu rin po che las nor gyi tshogs rnams grub// rdzas rnams kun gyi mchog tu bshad// bcud du grub pa rin chen sna bdun yin// 'khor lo rin po che las 'gro drug 'khrul pa'o// rarna lo ka karma bu d+ha s+tha sa ra da du/ zhes gsungs so// thig le 'dre rgyud chen po las/ bcud bstan pa'i le'u ste bcu bdun pa'o// // de nas rdo rje mkha' 'gro mas zhus pa// kye kye rdo rje sems dpa' lags// rnal 'byor bar chod 'byung ba la// de yi bzlog thabs ji ltar lags// 'chi ltas rnam pa du zhig mchis// zhes zhus pa// rdo rje sems dpas bka' stsal pa// 'chi ltas rnam pa gsum yin te// bar chad gdon dang 'dus pa nad// las kyi rnam smin gsum du bstan// nyon cig rdo rje mkha' 'gro ma// rnal 'byor bar chod bzlog pa dang // 'chi ba slu ba bstan par bya// de la dang po bstan pa ni// rnal 'byor

  642. 155b

    'dre ni rlung la 'jug ba spu'i bu ga'i khung bu nas// rlung yang de dang 'dra bar rgyu// bug pa dgu yi rlung dgu nas// rnam shes rlung yang dgu rgyug ste// rlung la 'dre zhon nad du 'gyur// dmar na btsan dang ma mo'i gdon// mthing na bdud dang nag mo'i gdon// ser na dmu dang bsen mo'i gdon// dkar na rgyal po dkar gdon// ljang na 'dre gdon sna tshogs so// steng rlung 'og rlung rang las grub// 'dre lnga rlung lnga rang las grub// bcos thabs so so'i sgo ru bstan// nud pan ni ka zhes gsungs so// tsan dan gyi nags tshal la me tog ha lo la sad byung ste// slar gso ba'i brda bstan pa'o// zhes gsungs so// thig le 'dre rgyud chen po las/ bar chod gdon ngos gzung ba bstan pa'i le'u ste bco brgyad pa'o// // de nas rdo rje mkha' 'gro mas zhus pa/ gsang ba'i bdag po chen po lags// 'dus pa'i nad kyis 'chi ba ji ltar lags// zhes zhus so// ston pas bka' stsal pa// nyon cig rdo rje mkha' 'gro ma// nad la bsam gyi mi khyab ste// nyon mongs brgyad khri bzhi stong dang // rtogs pa brgya dang brgyad cu la// de la nad rnams 'jug par byed// bsdus pas 'byung ba lnga yi nad// ser na mkhris pa dmar na tsha ba nad// mthing na bad kan dkar na rlung // ljang na 'dus pa'i nad yin te// 'byung ba lnga yi khams dang sbyar// rgyu dang rkyen

  643. 156a

    las bcos thabs rdzas sbyor gces// so so rang re'i gnyen po sbyor bas bcos// 'dus pa nad kyis 'chi ba bslu ba yin// gangs dkar gyi rtse mo la// u dum wa ra'i sad bsrung ba'i man ngag/ brda dang don gyis bstan pa'o// zhes gsungs so// thig le 'dre rgyud chen po las// 'dus pa nad kyi 'chi ltas kyi le'u ste bcu dgu pa'o// // rdo rje mkha' 'gro mas zhus pa// kye/ bcom ldan rdo rje sems dpa' lags// las kyi rnam smin 'chi ba yi// bar do ngan 'gro 'khor bas na// de yi gdams ngag bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro/ ma// bar do'i 'bras bu bzlog pa ni// rin po che'i za ma tog 'od 'bar ba de la/ thob shas byas pas nam sros mun rum du chud de 'gro bas/ bar do'i rin chen sna lnga'i me mar bteg pa'i brda// drod dang yi ge mdog gsum po// dkar po rkang mthil yi ge du// dmyal ba 'gro ba'i snga ltas yin// dmar po gsang ba'i yi ge bri// yi dwags 'gro ba'i snga ltas yin// mthing ka lte ba yi ge su// byol song 'gro ba'i snga ltas yin// ser po snying kha yi ge Ni// mi ru 'gro ba'i snga ltas yin// ldang nag mgrin pa'i yi ge a// mi ma yin gyi snga ltas yi// spyi bo ljang khu yi ge a// lha ru 'gro ba'i snga ltas so// dmyal ba tsha grang sdug bsngal

  644. 156b

    dang // yi dwags bkres skom gyis gdungs pa// byol song glen lkugs chos byol nas// lha ma yin gyi rtsod 'gyur dang // lha yi gnas nas lhung bas na// mi yi rgyu rkyen bstan par bya// 'bras bu nges par thob par 'gyur// rgyu rkyen gdams pas 'chi ltas gdab// yul 'od zer can gyi ldum ra na/ gser gyi mchod rten skur bzhugs pa'i brda bstan pa'o// zhes gsungs so// thig le 'dre rgyud chen po las/ rnam smin bzlog pa'i le'u ste nyi shu pa'o// // de nas rdo rje mkha' 'gro mas zhus pa/ snang ba sgyur thabs med pa ji ltar lags// de yi brda don gsung du gsol// ces zhus so// ston pa rdo rje sems dpas bka' stsal pa/ nyon cig rdo rje mkha' 'gro ma/ sngon byung ba'i spos ri zhes bya ba na/ rin po che sna lnga'i 'od yod pa la/ cang shes kyi rta la zhon nas brgyugs pas/ myur mgyogs kyi rta kha ma thub nas mun pa smag gi brag phug tu chud do// bar do snang ba bsgyur thabs med pa ni// mtshams med lnga byas rdo rje slob dpon bsad// snang ba bzlog pa'i thabs med de// dper na ri bo'i rtse mo nas// 'od zer phyogs med 'char ba la// sus kyang khegs par ga la 'gyur// mnar med rang snang rang la shar ba de// gzhan gyis bzlog tu rang byung ci la zlogs// 'chi ltas ma byung bar du ngo spyod byas gyur na// mnar med de yi snang ba chos

  645. 157a

    min thig ler 'bar// 'bar ba'i rgyal po rin chen khong nas 'char// zhes gsungs so// skyes bu gyad pa gcod byed bya bas// btsun mo legs mo cig la mda' btsugs pas/ mdas btsun mo zang thal du song nas bsad do// de ngo mtshar che/ thig le 'dre rgyud chen po las/ snang ba bsgyur du mi btub pa dang rnam smin ngo sprod pas grol ba'i le'u ste nyer gcig pa'o// // de nas rdo rje mkha' 'gro mas zhus pa/ ston pa rdo rje sems dpa' lags// thun mong 'chi ltas de ltar lags// khyad par 'chi rtsis bstan du gsol// ces zhus pas/ ston pas bka' stsal pa/ nyon cig rdo rje mkha' 'gro ma// khyad par 'chi ltas bstan pa ni// yul khyab byed 'byung ba'i me long du// sprin sna tshogs snang ba'i gzugs can la// drang srong gi chad pa gsal ba ni// kun tu bzang po'i thugs kyi 'od// rdo rje sems dpa'i sku yi mdangs// dga' rab rdo rjes lung bstan te// sa dang nam mkha' gnyis la brtag/ mkha' la bag rdul med pas dus// dngul gyi gzhong pa lta bu yi// de yi nang na rang gdangs gsal// mdog sku rang gis grib ma brtag/ grib ma rnam pa gsum yin te// 'dus pa nad dang bar chad gdon// las kyi rnam par smin pa'o// de rnams go rim ji bzhin du// mtshan ma rtags kyi rang gdangs la// rang dang 'khor gyi rtags

  646. 157b

    bstan te// nyin mo nub lha mtshan mo shar// zla ba nyi ma'i grib ma brtag/ de tshe maN+Dal ma byas na// cho 'phrul log par 'gyur// de nas gsol ba gdab par bya// de nas mchod pa rnam lnga dbul// maN+Dal pu tsa ma ha ho// zhes gsungs so// 'dre rgyud chen po las/ sngon du bya ba bstan pa ste nyer gnyis pa'o// // de nas mkha' 'gro mas zhus pa/ rdo rje sems dpa' ston pa kun gyi rje// grib ma'i mtshan ma bstan du gsol// ces zhus pas/ rdo rje sems dpas bka' stsal pa// grib ma'i mtshan nyid bstan pa ni// ljon shing phung po rgyas pa la// yal ga sdong po so so gyes// gyes pa slar la bsdu ba ni// rdo rje sems dpa'i me long bstan pa ni// dngul gyi mtsho mo gser gyi nya mo'i lus brtags pas// dga' rab rdo rje lung bstan pa// ro balhums 'dra na zla gcig na// rnal 'byor pa ni brlag par 'gyur// mgo mjug log na gnyis na 'chi// mgo bo chad na gsum na 'chi// gdugs sogs po ti mtshan ma brtags// slob dpon slob ma 'chi bar 'gyur// lag pa g.yas pa chad pa na// pha spun ma spun bzhi nas 'chi// lag pa g.yon pa chad gyur na// bu dang chung ma bzhi na 'chi// rkang pa g.yas pa chad gyur na// ma dang bu mo sring mo dag/ bzhin 'chi bar 'gyur ba yin// rkang pa g.yon pa chad gyur na// pha spun mo dang ma spun mo// zla ba bzhin nas

  647. 158a

    'chi bar 'gyur// zhes gsungs so// thig le 'dre rgyud chen po las// rang gdangs brtags pa'i le'u ste nyer gsum pa'o// // rdo rje mkha' 'gro tshogs kyis su// bcom ldan rdo rje sems dpa' la// gdon dang nad dang rnam smin gsum// de yi rang gdangs bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// gdon gyi gdangs bstan pa ni// brda dang don du bstan par bya/ khyab brdal mthing gi me long du// 'od kha dog lnga rang gdangs su gsal lo// de la bltas na rang gi lus dngos su ston no// de la 'dre dag zhugs 'gyur na// 'dra 'bag dkar dmar sna lnga yis// rang srog rang gi gcod 'gyur bas// 'bag de ngo yis gzung bar bya// ngos zin de la mdos bsngos la// srog gi glud ni sbyin byas nas// 'bag de dngos su mkha' la 'gro// rdo rje mkha' 'gro'i 'bag bslus yin// me yi 'bag ni dmar po des// rang gdangs lus la khyab byas nas// mgo bo la sogs go rim bzhin// 'bag gi gdon de mthong ba na// rdo rje klu btsan smug mos ni// rang gi srog la bar chad byed// de bzhin pha spun la sogs brtags// nam mkha'i 'dra 'bag mthing ka dag/ mgo la sogs pa go rim bzhin// bdud dang nag mos srog la rku// de yang gong du shes par bya// 'chi

  648. 158b

    bdag bdud de gsal bar bya// chu yi 'bag ni dkar po dag/ mgo bo la sogs lus la zhugs// go rims bzhin du rab tu brtag/ rgyal po dkar mo'i gdon du bstan// sa yi 'bag ni ser po dag/ lus la sogs pa'i gdon du bsal// de yis bar du gcod pa na// dmu dang ser mor shes par bya// rlung gi 'bag ni ljang khu dag/ mgo lus dag la zhugs pa gsal// de ni spyi bdud par chod yin// sna tshogs 'dre ru shes par bya// bar chod gdon gyi bcos thabs dang // rten 'brel rdzas kyi bcos thabs gces// zhes gsungs so// thig le 'dre rgyud chen po las/ gdon ngos gzung ba'i le'u ste nyer bzhi pa'o// // rdo rje mkha' 'gro ma'i tshogs kyis// bcom ldan rdo rje sems dpa' la// las kyi rnam smin bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// rang dang don gyi ngo sprod bstan par bya// rang snang rnam dag me long la// btsun mo mdzes ma sna tshogs mdog/ de yis bstan pa'i dus gcig na// mo yi rang gis mdangs stor bas// sus kyang mi rnyed rlags par 'gyur// las kyi me long gsang ba nang // srid pa 'byung ba'i lus po gsal// rtag tu ltas na cho 'phrul mthong // ma ltas par chad zlog mi 'gyur// des na brtag pa rab tu gces// lus kyi rang

  649. 159a

    gdangs mi snang na// maN+Dal mchod pa phul la bkra// des ni gsal bar ma nus na// lus kyi mtha' na zad pa yin// cha zad par ni shes par bya// dza sprod dbang bskur bya bar shes// de ltar ma byas 'khor bar 'khyam// 'khrul 'khor rang grol rang snang yin// rang grol rang byung rang shar ba'i// gnad kyi dam pa shes par gyis// sngon mkha' gsal ba'i nang na bdud ha li ka ngo bzhin de// kho'i snang ba g.yu'i me long la gsal te/ dus dus dag tu lta ba la/ dus nam zhig na kho'i ngo bzhin de/ bdud srid pa'i ngo bzhin gyis khyer bas/ kho mya ngan gyis zin kyang phan med do// de la mya ngan gyis mi phan pa ngo mtshar chetsheche/ ma lha nud ti sha ha a/ zhes gsungs so// thig le 'dre rgyud chen po las/ las kyi rnam smin bstan pa'i le'u ste nyer lnga pa'o// // rdo rje mkha' 'gro la sogs kyis// bcom ldan rdo rje sems dpa' la// 'chi ba bslu ba gsung du gsol// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// zab mo brda yi ngo spyod bstan par bya// nyi zla gnyis la rtse nus na// 'chi ba bslu bar gdon mi za// drang srong chen po nye nag de// rang gi dngul dkar me long la// nang nub gnyis su blta ba la// kho yi byad la 'dre gdon zhugs// 'dre de bslu bar bya ba ni// lta ba'i stobs kyis bslu ba

  650. 159b

    dang // spyod pa'i stobs kyis bslu ba dang // sgom pa'i stobs kyis bslu ba dang // rten 'brel rdzas kyis bslu ba'o// mkha' 'gro ma yi tshogs rnams nyon// gangs dkar rtse yi seng ge la// rtsal gsum rdzogs pas sder chags zil gyis mnan// zin gnon stobs kyi 'dre de bslu// rin chen thig le rang 'bar la// bskyed rdzogs rnam gsum zil gyis mnan// zil gnon stobs kyis lta ba ni// rgyu rkyen med pas chos min yin// phyi nang med par thig le'i don// rang grol ye shes 'bras bu ste// gnyis med ye shes thig le la// gnyis snang gdon gyis 'dre de bslus// chos las ma byung 'bras bu yang // mi srid srid pa'i chos yin no// kun bzang slob dpon ma brten pa// mi srid srid pa'i sangs rgyas yin// dmyal ba'i gnas kyi sdug bsngal sogs// rang grol shes pas sangs rgyas pa// mi srid srid pa'i chos min yin// sdug bsngal sangs rgyas rang snang ba// mi srid srid pa'i ye shes yin// khyung chen gzan ma mi dgos pa// mi srid srid pa'i srog chags yin// zhes gsungs so// thig le 'dre rgyud chen po las/ lta ba'i bslu ba'i le'u ste nyer drug pa'o// // de nas rdo rje mkha' 'gro mas// rdo rje sems dpa' kun rig rje// spyod pa'i stobs kyis bslu ba gsung du gsol// ces zhus pas/ rdo rje sems dpas bka' stsal pa// nyon cig rdo

  651. 160a

    rje mkha' 'gro ma// rma bya rgyal po gser 'od kyis// ma zos pa yi zas med pas// dug la kham gcig za ma myong // lan cig nags khrod gnas su phyin// dug gi rgyal po ha lo de// kha dog lnga dang ldan nas 'dug/ de la kham gcig zos pa dang // rma bya'i rgyal po gser du snang ba de// spu kha lnga dang ldan par 'gyur// rang skad kring kring sod ces bya// de nas rma bya'i rgyal mo yis// dug gi rgyal po de la zos// rang skad gdangs dang chas pa yis// rma bya rgan rgon gsos su gyur// dug gis 'tsho ba'i rma bya rnams// de yang mi srid srid pa'i chos// zhes gsungs so// theg pa'i rgyal po 'dre rgyud 'dis// grub mtha'i rgyal por rang shar bstan// spyod pa'i rgyal po dug lnga rang shar la// lam gyi rgyal po rang shar rang grol bstan// nyams kyi rgyal po snang srid thig ler brdal// 'dod chags zhe sdang rang rgyud grags su 'gyur// theg brgyad kun brtags rnams ni dug lnga spong // theg chen rgyal po 'di ni mnyams nyid grogs su 'gyur// zhes gsungs so// thig le 'dre rgyud chen po las/ spyod pa'i stobs kyis bslu ba'i le'u ste nyer bdun pa'o// // de nas rdo rje mkha' 'gro mas// bcom ldan rdo rje sems dpa' la// sgom pas bslu ba gsung du gsol// ces zhus so// rdo rje sems dpas bka' stsal pa// nyon cig rdo rje mkha'

  652. 160b

    'gro ma// drang srong dur khrod dag na gnas pa la// stag dang dom gyis mi sdug byas// drang srong snying rlung zhugs nas ni// de nas sman pa btsal ba las// sman pa'i rgyal po gzhon nu khugs// snying rlung can de'i sman du ni// sman chen lnga po gcig tu sbyar// drang srong de la gtang ba las// snying rlung zhi nas bde ba skyes// bde ba'i nyams kyis gzung ba ni// rgod drug rnyi la zin pa 'dra// sgom pa'i stobs kyis bslu ba ni// rig pa drang tshugs bde gsal de// zhe sdang gti mug bsgom par bya// rlung gis bde ba bskyed pa'i phyir// rlung gzung bde ba bsgom par bya// dug lnga rang gsal mi rtog sgom// ma rig rlung ni zhi gnas rlung la gnas// rlung zin pas ni bslus par 'gyur// phyi rlung glod la nang rlung bsdam// mkha' la gtad pas rtog pa zhi// zhi gnas bsgoms pas bslu bar 'gyur// zhes gsungs so// thig le 'dre rgyud chen po las// sgom pas bslu ba'i le'u ste nyer brgyad pa'o// // de nas rdo rje mkha' 'gro mas// bcom ldan rdo rje sems dpa' la// rten 'brel rdzas kyis bslu ba bstan par zhu// zhes zhus so// rdo rje sems dpas bka' stsal pa// nyon cig rdo rje mkha' 'gro ma// rten 'brel rdzas kyi bslu ba ni// mi rta khyi yi rus pa la// rang gi dri mas byugs nas ni// ngar glud khru gang tshad du bya// gang gi gos kyang de la bskon// sa

  653. 161a

    phyogs rgya gram dag tu ni// khung bu brus te sba bar bya// mi de 'chi ba zlog par 'gyur// de yis rang gdangs ma gsal na// 'khor gsum yongs su dag pa bya// des kyang thub par ma gyur na// tshogs kyi 'khor los bslus par 'gyur// 'byung po'i gtor ma btang bas kyang // 'chi ba bslus par 'gyur pa yi// tsha tshwa 'bum du btab pas kyang // 'chi bas bslus par 'gyur ba yin// chu yi gtor ma 'bum btang na// des kyang bslus par 'gyur ba yin// de rnams dag gis ma bslus ni// las kyi rnam par smin pa yin// rnam smin rtags de gong du shes// zhes gsungs so// thig le 'dre rgyud chen po las// 'chi ba sbyor bas bslu ba'i le'u ste nyer dgu pa'o// // de nas rdo rje mkha' 'gro mas// bcom ldan 'das rdo rje sems dpa' lags// 'pho ba'i gdams ngag gsung du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// 'pho ba'i gdams ngag bstan pa ni// dbang po rab 'bring tha ma gsum// sku gsum rang lugs shes nas ni// rab ni skad cig gsum la 'pho// dbugs chad pa yi skad cig ma// rang snang shar ba'i skad cig ma// mngon du gyur ba'i skad cig ma// rang grol 'ub chud skad cig ma// dus bzhi mnyam par sbyar nas ni// rab kyis 'pho ba'i dus yin

  654. 161b

    te// dus gsum gcig ste khyad par med// dus bzhi rang grol dgongs pa'i mchog/ skad cig rnam pa bzhi po de// mthun pa kri ya'i tshul tsam yin// rang shar rang grol 'du 'bral med// 'ub chub byang chub klong du gsal// thig ler brtsegs pa'i rtse mor phyin// sa rnams ma bgrod rang sar sleb// lam rings ma sbyangs rang sa non// 'du 'bral med pa'i ye shes shar// dbang po rab kyi 'pho ba yin// dbus kyi ri bo mchog rab de// rin chen sna lngar shar ba yis// mun pa bya ba yul na med// nyi zla zung gcig 'du 'bral med// ces gsungs so// thig le 'dre rgyud chen po las/ dbang po rab kyi 'pho ba'i le'u ste sum cu pa'o// // rdo rje mkha' 'gro mas zhus pa// bcom ldan rdo rje sems dpa' lags// 'bring po'i 'pho ba bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// rin chen gser gyi bum pa ni// zhugs mar 'bar ba rtag tu gsal// gser gyi bum pas zhun mar bsgribs// kha phye bltas na zhun mar gsal// nang gsal phyi mi gsal ba la// bum pa'i gzer bu chad pa dang // phyi rol 'od kyi snang bas khebs// brda yi rtags ni 'di lta ste// phyi lus bum pa'i nang shed na// rang rig thig le rtag tu gsal// rang lus bum pa'i rang snang bsgribasam// gdams ngag thebs pas

  655. 162a

    mthong bar 'gyur// blo yi pad+ma kha phye nas// don gyi ye shes rtag tu gsal// thig le ye shes khong gsal yin// dbugs chad pa yi dus nyid na// bar dor rang gdangs 'od du gsal// 'od de longs sku 'gyu ba sprul pa'i sku// gnyis med rang shar shes pa chos kyi sku// sku gsum 'du 'bral med par 'bab// bar ma do ru sangs rgyas pas// 'pho ba zhes su bshad pa yin// zhes gsungs so// thig le 'dre rgyud chen po las/ dbang po 'bring po'i 'pho ba'i le'u ste sum cu so gcig pa'o// // de nas rdo rje mkha' 'gro mas// bcom ldan rdo rje sems dpa' la// tha ma'i 'pho ba bstan du gsol// ces zhus pas/ rdo rje sems dpas bka' stsal pa// tha ma'i 'pho ba bstan pa ni// drang srong gcig dang bram ze gnyis// kho yi yul na bde chen gling // de na nor bu rin chen yod// drang srong yul ni skyo med yin// de ru gnyis po tshogs pa las// bram zes drang srong rgad po la// nor bu rin chen gtam byas pas// drang srong nor bu'i mching bu la// yid byung kho la nga khrid byas// bram ze dag gi zhal na re// nga ni sna la 'gro ba yin// khyod ni phyogs nas 'od dgos zer// yid ches pa yi rtags dgos byas// nga yi yum gyi drang lam na// 'jig rten zam pa kun rgyu yod// de yi zam pa'i dkyil du ni// nor bu rin chen sbas la bzhag/ de

  656. 162b

    mthong bas ni nga dang 'phrad// ces brda ru gsungs so// slob ma slob dpon rnam pa gnyis// sangs rgyas sa dang 'khor ba'i gnas// sangs rgyas yon tan 'khor ba'i skyon// dbyer med yin te ngo ma phrad// snga ma phyi ma gnyis su gzung // 'di dang bar do gnyis su bstan// bar do sems can thams cad 'grim// 'od lnga'i zam la thams cad 'byung // sku gsum ngo spyod shin tu gces// des shes pas ni mngon sangs rgyas// rig pa 'gyu bar ngo sprad pas// 'gyu ba'i rlung ni sbrul sku yin// 'od kyi gdangs ni longs sku yin// dbyer med rang snang chos kyi sku// gzer gsum btab pas rang sar grol// rdo rje brtsegs pa'i rtse mor phyin// mu mtha' med cing khyab brdal lo// nor bu rin chen gling du sleb// zhe 'dod mdud pa de ru grol// ces gsungs so// thig le 'dre rgyud chen po las// dbang po tha ma'i le'u ste so gnyis pa'o// // de nas rdo rje mkha' 'gro ma// bcom ldan rdo rje sems dpa' la// ngo sprod ma byas ji ltar 'pho// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// 'od lus yid lus sha khrag lus// rang rang rgyu mthun las kyi 'pho// rgyu nyid rdo rje rkyen gyis 'pho// nyi ma stong pas gsal ba'i dkyil 'khor de// 'ug rtsogs mig la mun mthong 'dra// zag pa sbrul 'dzin rang gdangs

  657. 163a

    so// rgad po gter stengs nyal te ltogs drir shi/ rgan mo grong kha 'grims kyang 'grangs ma myong // bu tshas stong khams 'phyos kyang ltad mo'i zag mchod// rgod po rnyil zil pa ngo mtshar che// zhes gsungs so// thig le 'dre rgyud chen po las// ngo sprod ma byas pa 'khor bar khyams pa'i le'u ste so gsum pa'o// // de nas rdo rje mkha' 'gro mas// bcom ldan rdo rje sems dpa' la// de ltar 'gro ba'i gdams ngag de// srid pa lags sam ji ltar lags// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// rang gdangs mkha' la snang ba de// mi srid srid pa'i chos cig/ yin// rang 'dre dngos su ston pa de// mi srid pa yi srid pa yin// sdig ma byas par 'khor ba de// mi srid pa yi srid pa yin// dge ba ma byas mtho ris thob// mi srid pa yi srid pa yin// chos ma byas par sangs rgyas pa// mi srid pa yi srid pa yin// bskyed rim ma byas longs sku de// mi srid pa yi srid pa yi// slob dpon med pa'i ston pa de// mi srid pa yi srid pa yin// rtogs pas chog pa'i byin rgyud 'di// mi srid pa yi srid pa yin// sgom pa byas pas 'khor bar 'khyams// mi srid pa yi srid pa yin// rtogs pas grol ba'i ngo spyod la// dge sdig gnyis kyis phan gnod med// mi srid pa yi srid pa yin// sa yi me mar

  658. 163b

    stong btang kyang // nyi ma dag la stong ma nus// rgya mtsho'i steng du dar chags kyang / chu las 'das pa rdul tsam med// dug lnga'i sdong po rang rig kyang // rtogs pas dug lnga grogs su 'gyur// shing phung chen me phung che// gzung 'dzin chen rtogs pa sla// mi srid pa yi srid pa yin// khyung phrug mngal thon ma dang mnyam// mi srid pa yi srid pa yin// seng phrug mngal 'tshar ma dang mnyam// mi srid pa yi srid pa yin// zhes gsungs so// thig le 'dre rgyud chen po las// rtogs sgom khyad par gyi le'u ste so bzhi pa'o// // de nas rdo rje mkha' 'gro mas// bcom ldan rdo rje sems dpa' la// srid pa lus kyi chags lugs bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// sngon tshe dbus kyi ri bo mchog rab te// rgya mtsho chen po'i dbus su srid// dpag tshad brgyad khri bzhi stong yang // rgya mtsho chen po'i steng du byung // dpag tshad brgyad khri bzhi stong yang // 'og gi rgya mtsho'i gting du srid// srid pa rang snang zhes su bshad// kha dog lnga las grub pa'i ri// sra sra 'dra ste 'jig pa yin// las kyi rlung dang nyi ma yis// skad cig tsam la brlag par 'gyur// de ni brda yi bshad pa'o// don ni 'di ltar shes par gyis// 'gyu ba kun gzhi'i dbus nas 'khrul// kha dog lnga las grub pa'i

  659. 164a

    lus// kun gzhi dag las gnas bcas nas// 'byung ba lnga las grub pa'i lus// pha dang ma yi thig le de// dang po mdzod spu'i bu gar chags// de las rtsa gnyis chags pa ni// rang snang me long gnyis su shar// de las rtsa gnyis gyes pa ni// kun gzhi'i dbus su grub pa yin// stod na rtsa phran brgyad khri bzhi stong gnas// chos kyi sgo mo brgyad khri bzhi stong brda// chos kyi sgo mo brgyad khri bzhi stong yang // rang las shar bar bstan pa yin// smad nas rtsa bran brgyad khri bzhi stong shar// nyon mongs brgyad khri bzhi stong yang // rang byung 'khor ba'i brda ru shar// stod smad gnyis su shar ba yang // 'khor 'das gnyis kyi brda ru bsnan// stong du sgo dgur shar ba yang // theg dgu rang la grub pa'i brda// rtsa yi 'then thag bcu gcig kyang // bcu gcig sa rnams bgrod du med pa'i brda// mgrin gnas rtsa chen bcu drug kyang // bcu drag sa rnams rang la rdzogs pa'i brda// kha sna gsum gyi rtsu ru 'dug pa ni// dbugs kyi rgyun srang gcig yin pas// theg dgu gsum 'dus ngo bo gcig/ rtsa gsum 'du 'bral med par 'khril// sku gsum spyan gsum 'du 'bral med pa'i brda// zhes gsungs so// thig le 'dre rgyud chen po las// lus kyi rdzogs lugs bstan pa'i le'u ste so lnga pa'o// // rdo rje mkha' 'gros gsol

  660. 164b

    pa// rdo rje sems dpa' ston pa'i gtso// sku gsum rdzogs lugs bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// gangs ri brtsegs pa'i rtse mo na// srog chags rgyal po seng ge de// rtsal gsum lus la rdzogs par gnas// sder chags mang po'i 'khor gyis bskor// u dum 'bar ba zas su za// nyin mo mtshan mo ming ma thogs// ltogs 'khyags gnyis ni ma grub bo// um dum 'bar ba zas kyi cho ga/ gangs dkar brtsegs pa gnas kyi mchog/ seng ge dkar mo srog chags mchog/ ces brda bstan pa'o// spyi bo bde chen gzhal yas khang // klad pa gangs ri brtsegs pa'i steng // de yi dbus na chos min rgyal po'i thig le gnas// sku gsum rang grol bde chen rdzogs// gzugs sku gnyis kyi 'khor gyis bskor// rtsa 'dab sum cu rtsa bzhi la// thig le chos min khyab cing brdal// khyab brdal chen po'i 'khor lo yin// phyi nang med dpas chos min sgra// gnyis med zang thal 'ub chub skra// snang zhing srid pa rnam dag pas// 'khor bar rang grol chos las min// bde ba chen po gnas kyi mchog/ ye shes zang thal bdud rtsi'i mchog/ thig le chos min 'bras bu'i mchog/ ces gsungs so// thig le 'dre rgyud chen po las// thig le chos min rang la rdzogs pa'i le'u ste so drug

  661. 165a

    pa'o// // de nas rdo rje mkha' 'gro mas zhus pa// ston pa rdo rje sems dpa' lags// longs sku'i rdzogs lugs bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// dug gi dpon po ha la'i tshal// nam mkha'i 'ja' tshon gnas mchog na// rma bya rgyal po rab dga' gnas// spu kha lba dang rab tu ldan// ha la 'bar ba'i sngags btab za// srog chags rgyal po rma bya yi// zas kyi rgyal po bong nga yin// gnas kyi rgyal po ha la'i tshal// 'khor ni rma bya rnams kyis bskor// ces brda bstan pa'o// de yi don ni 'di lta ste// mgrin pa longs spyod 'khor lo na// dug lnga'i khang bzangs bya ba'i gnas// ston pa'i rgyal po rdo rje sems dpa' gnas// kha dog lnga yi bdag nyid can// dug lnga ye shes lnga dang ldan// longs sku'i rgyal po rang chas yin// lam gyi rgyal po dug lnga yin// gnas kyi rgyal po longs spyod 'khor lo yin// rtsa chen bcu drug sems dpa' sems ma yin// longs sku sgom pas yid smon 'dus byas yin// zhes gsungs so// thig le 'dre rgyud chen po las/ longs sku rdzogs lugs kyi le'u ste so bdun pa'o// // de nas rdo rje mkha' 'gro mas// bcom ldan rdo rje sems dpa' la// sbrul sku'i rdzogs lugs bstan du gsol// ces zhus pas/ rdo rje

  662. 165b

    sems dpas bka' stsal pa// legs par nyon cig mkha' 'gro ma// rgya mtsho chen po'i klong dkyil na// brag dang gangs kyi sa mtshams su// 'dab chags rgyal po khyung chen gnas// zas kyi rgyal po klu chen za// 'khor kyang klu za mang pos bskor// mtsho bran drug gi dbus shed na// srid pa drug gi mtsho dkyil na// khyung gi rgyal po de na bzhugs// ngo mtshar che ste mthong ba nyung // zhes gsungs so// de yi don ni 'di lta ste// kun gzhi srid pa'i mtsho mo la// snying ga rin chen zur brgyad na// 'khor ba mya ngan 'das sbyor ba// 'gag pa med pa'i shes rab shar// nyams myong rgyal po ye shes rlung // sbrul sku thugs phrad thams cad gsal// thub pa drug gi gtso bo ste// kun gzhi phyogs med zang thal na// thig le zang thal rang gsal gnas// ye shes rlung gis 'thor bar 'gyur// rtsa brgyad thig le'i yon tan las// thig le ye shes brgyad gnas so// 'bras bu rang shar ngo mtshar che// zhes gsungs so// thig le 'dre rgyud chen po las/ sprul pa sku'i rdzogs lugs bstan pa'i le'u ste so brgyad pa'o// // de nas rdo rje mkha' 'gro mas// bcom ldan rdo rje sems dpa' la// sku gsum 'brel ba ji ltar lags// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// sngon yul yangs pa can zhes bya ba na// srid

  663. 166a

    pa'i rgyal mo me long gdong zhes bya ba gser gyi nor bu rin po che rgyan sna tshogs 'phro ba cig yod de/ de la ming btags pas/ srid pa'i mun sel 'od 'bar ba zhes bya bar btags so// dus nam zhig na nyi ma nub pas/ nor bu la nyi ma stong shar bas/ mun pa smag rung grol lo// zhes brda bstan to// de yi don ni 'di lta ste// kun gzhi rin chen dpe dang 'dra// chos sku longs sku sbrul sku gsum// nyi ma 'od dang zer bzhin gsal// 'du 'bral med pa'i byin rlabs brgyud// bde chen mdzod na snying po gnas// de yi zer la longs skur gnas te mgrin// de yi 'od las sbrul sku snying // rtsa yi rgyal po rten gyi thag pas sbrel// rang chas sku gsum ngo sprod bstan pa yin// zhes gsungs so// thig le 'dre rgyud chen po las/ sbrul sku rdzogs lugs bstan pa'i le'u ste so dgu pa'o// // de nas rdo rje mkha' 'gro mas// bcom ldan rdo rje sems dpa' la// de ltar ma rig ji ltar lags// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// sngon yul yangs pa'i dur khrod du// rgan mo long ma gcig la rta rlung gi gshog pa can bya ba cig yod pas/ sngar rgan mos zhon te 'ongs pas// rgan mos rta ma thub nas rgan mo phyi'i rgya mtshor bskyal lo// der rgan no sdug bsngal gyis zin no// zhes brda bstan

  664. 166b

    pa'o// kun gzhi 'phrul gyi me long nas// ma rig pa yi 'dzin pa rgyas// srid gsum rlung gis rta pos bskyod// srid gsum rtsa ba de ru smin// rlung ngo ma shes 'khor ba smin// sdug bsngal chu bo gzhung dang 'dra// lte bug rtsa dang gsang ba'i rtsa// 'og sgo'i rtsa ni brgyad khri dang // bzhi stong dag tu srid pas na// nyon mongs brgyad khri bzhi stong smin// gsang ba'i bug pa gsum shar ba// ngan 'gro rnam gsum sgo ru shar// ces gsungs so// thig le 'dre rgyud chen po las/ ngan 'gro rang lus la ngo sprod pa'i le'u ste bzhi bcu pa'o// // rdo rje mkha' 'gro mas zhus pa// sgra yi gdams pa gsung du gsol// ces zhus pas// rdo rje sems dpas bka' stsal pa// nyon cig rdo rje mkha' 'gro ma// sgra yi don ni 'di lta ste// sngon yul gsal ldan zhes bya ba na// rgyal po gcig la rin po che'i 'phreng ba gcig yod pas/ de la ngo sprad na dgos dgu 'byung ngo // ka kha ga g+ha nga/ tsa tsha dza dz+ha \u0f7f/ ta tha da d+ha na/ Ta Tha Da D+ha Na/ pa pha ba b+ha ma/ ya ra la wa/ sha Sha sa ha/ k+Sha/ a ma Ta tha Da Na/ dz+ha be hAM b+he/ de la sgra phyi ltar bshad pa dang / nang ltar bshad pa dang / gsang ba ltar bshad pa dang / rang gi ngo bo ltar bshad pa'o// de yang sgra'i dbyings dang / skra'i sgrub byed dang / skra phan pha'i rkyen can dang // sgrub par byed pa'i tshad ma'o// zhes gsungs

  665. 167a

    so// thig le 'dre rgud chen po las// sgra 'dus pa'i le'u b+ha zhe gcig pa'o// // de nas rdo rje mkha' 'gro mas// gsang ba'i bdag po chen po la// sgra yi 'khor la ji ltar lags// zhes zhus pas/ rdo rje sems dpas bka' stsal pa// nyon cig rdzo rje mkha' 'gro ma// ka ni sku gsung 'byung ba'i sgra// 'phrin las kun gyi bdag po bsgrub// sku gsum yin pa de sel// yi ge zhe gnyis dbyings su bshad// grogs ni 'dogs dang gong 'og btsan// sgrub byed sku gsum 'du 'bral med// mthun rkyen nyi ma'i snying po'o// a ni skye ba med pa sgrub// dbyings ni yi ge rtsa bzhi po// phan pa'i rkyen ni bzhi stong ngongo// bsgrub bya rang gi so la bzhag/ gzhan sel skye ba can du bshad// ma ni mnyam nyid chen pos sgrub// mi mnyam pa yi sgra dag sel// grogs ni rang gi 'dogs las shes// dbyings ni yi ge'i 'khor lor shes// shas ni shes rab sgrub par byed// shes rab ma yin gzhan sel te// phan pa'i rkyen ni gong 'og ltos// dbyings ni gong du shes par bya// has ni thig le 'gag med sgrub// mi 'gag pa yi thig le sel// grogs dang dbyings ni gong du bstan// ces gsungs so// thig le 'dre rgyud chen po las/ gzhi'i yi ge'i 'khor lo bstan pa'i le'u ste zhe gnyis pa'o// // de nas rdo rje mkha' 'gro mas// gsang

  666. 167b

    ba'i bdag po chen po la// sgra yi lhag ma gsung du gsol// ces zhus pas/ bka' stsal pa/ nyon cig rdo rje mkha' 'gro ma// ka kha la sogs pa thams cad kyang // dbyings ni rang rang tshom bu gcad// sgrub byed 'a mos 'bod pa yin// phan rkyen 'dogs kyis shes par gyis// gzhan sel gnod pa mi mthun pa// yi ge nyi shu rtsa lnga dang // kha yar yi ge drug po ni// dbyings kyi khyud nas ran tu 'brel// ces gsungs so// thig le 'dre rgyud chen po las// ka kha la sogs rkyang pa'i le'u ste zhe gsum pa'o// // de nas rdo rje mkha' 'gro mas// bcom ldan rdo rje sems dpa' la// 'dogs kyi sgra rnams gsung du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// sha ta ma le ka ra/ ga yi sgra las grub pa ni// gi gu yin par shes par bya// ra dang na las sgrub pa ni// na ro yin/ par shes par bya// nga yi sgra las sgrub pa ni// 'greng bu yin pa shes par bya// zha yi sgra las phul ba ni// zhabs bskyed dag tu rab tu bstan// ya yi sgra las sgrub pa ni// ya tag dag tu shes par bya// ra yi sgra las sgrub pa ni// ra ta'i sgra zhes bshad pa yin// a yi mig gi sgra yis ni// yi ge'i mig tu byung ba yin// dpung pa brtsegs dang rkang pa bshad// lag pa ber ka ris sgrub// ces gsungs so// sngon gangs

  667. 168a

    dkar gyi ljongs na srog chags mang po gnas so// srog chags dbyings su rab tu bshad// de nang sgrub pa'i srog chags ni// seng ge dkar mo zhes su grags// pha rkyen g.yu yi ral pa can// gzhan sel dbye las sogs pa'o// de ni sgra yi tshad ma'o// zhes gsungs so// thig le 'dre rgyud chen po las/ sgra'i le'u ste zhe bzhi pa'o// // de nas rdo rje mkha' 'gro mas// ston pa rdo rje sems dpa' la// log dang 'thug dang ring po dang // che dang thung ba'i yi ge dang // pho yig mo yig bshad du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// Ta log rig pa rang grol lo// tha log thig le rang la shar// na log rtog pa rang sa zin// d+ha log dus gsum gcig tu rtogs// Na log mnyam nyid rang snang ngo // rang rang brtsegs pa 'thug po ste// thig le ye khyab rtsol da yin// gang la 'a brgyan ring po ste// ye shes rgyun chad med pa yin// gang la has brgyan chen po'i sgra// chos sku 'du 'bral med pa'o// hUM zhes bya ba thung ngu ste// chos min klong du 'dus pa'o// zhes gsungs so// thig le 'dre rgyud chen po las/ sgra rang so'i le'u ste zhe lnga pa'o// // de nas rdo rje mkha' 'gro mas// bcom ldan rdo rje sems dpa' la// de rnams sgrub byed sel ba rnams// go rim nges pa bstan du

  668. 168b

    gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// 'dren dang 'brel gcod mkhyen pa'i sgra// stod kyi grogs su shes par gyis// sdud dang 'brel dang khyab pa'i sgra// smad kyi grogs su shes par gyis// sgrub byed dbyings dang phan rkyen dang // gnod pa can sel tshad ma'i sgra// rang rang grogs kyi skabs su sbyar// ces gsungs so// thig le 'dre rgyud chen po las/ 'dogs kyi sgra'i le'u ste zhe drug pa'o// // de nas rdo rje mkha' 'gro mas// ston pa rdo rje sems dpa' la// ye shes rgyal po rtog 'das pa'i// gnas lugs bdag la bshad du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// rang byung ye shes chos min la// rang rig ye shes sa le gsal// lhag mthong rig pa'i ye shes kyis// snang srid stong gsum thig les khyab// 'brel khyab drangs pa nam mkha'i dpe// chos las ma byung 'byung ba'i sems// rgyud las ma bsten ngo bo'i sku// lung dang ma 'brel kun khyab la// man ngag rtog ge'i tshad ma ci// mngon dang lkog gis don mi mthong // mngon sum 'khrul pa rang ga 'di// 'di nyid rang shar thig le yin// dkon gyur bar don 'di rang shar// sgom pas lkog gyur mun pa 'jil// mngon sum rang shar sgom mi dgos// tha snyad tshig gi

  669. 169a

    sgra las grol// nyams myong phyogs rtogs tshad ma ci// nyams grol gyur na tshad ma'i don// dbyer med stong par dbu ma'i sgra// phyogs cha ma grub phyogs med la// de ni thig le ye brdal yin// rgya mtsho dar dang rlabs nang chu// sprin dang char pa mkha' snang nyid// dug lnga rgyud drug thig ler brdal// ma rig pa nyid ye shes gzhi// zhes gsungs so// thig le 'dre rgyud chen po las/ gnas lugs rang shar gyi le'u ste zhe bdun pa'o// // de nas rdo rje mkha' 'gro mas// rdo rje sems dpa' ston pa'i rgyal// de yi lam ni bstan par zhu// zhes zhus pas// rdo rje sems dpas bka' stsal pa// nyon cig rdo rje mkha' 'gro ma// ma rtog ma rigs ma rtogs pas// de yi rang shar lam gyi mchog/ thun tshad gzung dang sems sgom rnams// de ni lam gyi gol sa yin// rang grol lam gyi rgyal po la// 'jug rtsol byed pa lam sgrib yin// gong du thob 'dod sgrib pa gnyis// de nyid ma shes gol pa yin// gol dang sgrib pa rang shar la// rang grol rang shar lam chen po// rig pa'i gsang lam bzhi shes nas// de ni rang grol rang byung yin// thig le chos min rang la gnas// rang gnas rdo rje gsang ba'i lam// 'pho ba dus kyi gdams ngag yin// 'pho ba rang grol mya ngan 'das// gzhan las ma byung rang las shar// zhes gsungs so// rnam

  670. 169b

    rtog dug lnga ye shes lnga ru sprod// rgyu rkyen dpe las 'das par ma shes na// dpe las 'das pas don gyi dpe de 'gog/ dpe zla med pas nyag gcig po// ma bcos phung po rdzogs chen sku lngar rdzogs// spyan lnga sku lnga ye shes lnga// a nu man chad dag las grol ba yi// rang sgo'i thig le'i ngo sprod rab tu gces// zhes gsungs so// thig le 'dre rgyud chen po las/ lam gyi le'u ste zhe brgyad pa'o// // de nas rdo rje mkha' 'gro mas// ston pa rdo rje sems dpa' la// 'bras bu'i don ni ji ltar lags// zhes zhus so// zhus pas ston pas bka' stsal pa// nyon cig rdo rje mkha' 'gro ma// spyi dang rang gi mtshan nyid gnyis// spyi ni lkog gyur mun pa 'jil// ci phyir phyi dus 'debs pa'i phyir// log rtog phyi dus 'debs pa dang // phyogs rtogs phyi dus 'debs pa gnyis// 'khor ba rnam pa bzhi yin te// rgyu ltar 'khor ba mu stegs dang // ma rtogs pa yi 'bras bu'o// mtshan nyid sde gsum dkar por 'khor// mtho ris thar pa'i lam yang gnas// rgyu ltar 'khor ba thog ma'i dus// 'bras bu ltar 'khor gsang sngags pa// longs sku'i 'bras bu thob pa yin// dag pa yang dag ma dag gsum// yang dag 'bras bu yang dag gsum// snga ma phyi ma da lta gsum// sgom mkhan bsgom bya sgom dus gsum// spyod mkhan spyad bya spyod dus gsum// thob

  671. 170a

    mkhan thob bya thob dus gsum// gnas sa rtogs sa gol sa gsum// gzhi dang lam dang 'bras bu gsum// rang yin rang snang rang sgrol la// rang shar rang byung rang rig yin// dus gsum dbyer med chen po yin// bsre ba 'dres pa'i 'dres tshad gsum// rang sgo zang thal chos min gsum// ma rig gzung 'dzin chags sdang gsum// bag dang chags dang 'khor bar gsum// mtho ris ngan song rnam pa gsum// sangs rgyas sems can spyis gsum// chos dang sdig pa slob dpon gsum// de gsum gang snga 'brel pa gces// zang thal dbyer med chos min gsum// shes rab ye shes thig le gsum// rang byung rang gnas rang rig gsum// nyi ma 'od dang zer dang gsum// byin dang rlabs dang rgyud pa gsum// ston pa bstan pa 'khor dang gsum// gnas dang dus dang chos dang gsum// lung dang rgyud dang man ngag gsum// sdig pa bag chags las dbang gsum// dge ba las dbang 'bras bu gsum// sgom pa brtan pa las 'bras gsum// thog ma tha ma bar do gsum// sangs rgyas chos dang dge 'dun gsum// tshul khrims sbyin sogs mi lus gsum// mtshams med dmyal ba'i las 'bras kun// 'khrul pa'i don dang gnas lugs gces// 'khrul pa 'khrul gzhi dngos po'i don// thams cad 'di ru shes par gyis// rang

  672. 170b

    gzhi rang 'khrul rang dngos gsum// gzhi dang lam dang 'bras bu gsum// thams cad rang shar yin gyis de ltar shes par gyis// zhes gsungs so// thig le 'dre rgyud chen po las/ gnas lugs 'khrul pa 'bras bu'i le'u ste zhe dgu pa'o// // de nas bcom ldan rdo rje sems dpa' yis// thun mong dngos grub bstan pa ni// rdo rje slob dpon smod pa dang // sangs rgyas bstan pa 'jig pa dang // rnal 'byor dam sri byed pa la// 'gal ba chan la dbab pa gsungs// de dag dgug par bya ba ni// rkang rjes sa dang ro ras la// rgya mtsho chu yis gzugs bris la// rlung gis khyer ba'i shing lo la// de la gong dang 'dra bar bris// nub nas byung ba'i rlung mar la// nyi ma nub tu nye ba la// lcags kyus khrid nas dgu yi nub// rang gi 'og tu bcug gyur na// de dag khugs par gdon mi za// de nas gsad par bya ba ni// de yi nang par bton nas ni// dug gi shing bu sna tshogs dang // phur bu lcags phur snying khar gzugs// gnas lnga dag tu btab la bzhag/ gu gul dud pas myos su gzhug/ yungs kar dug chus yang yang bran// de nas gzugs de thig btab la// nyi shar dus tshod mtshon gyis gtubs// pho mo'i mtshan ma zad kar gtub// des ni snying 'gas 'chi bar 'gyur// de nas mnan pa'i las bya ste// rnga la sbrul dang sbal pa

  673. 171a

    g.yogs// rdo rje bya khyung thugs kar btags// rta mchog gtsug gi kha la'o// rang lus phyag na rdo rje'o// gong gi ling ga ming rus bcas// rnam snang dag dang bcas pa yis// ri lu brgya dang rtsa brgyad byas// chu mig re ru dor byas na// mnan gtad brgya dang rtsa brgyad yin// kha ral zhab mas rkang pa dkri// nyin mo nub nas mtshan mo 'dres// chu dang grib ma bstun par bya// de nas bskrad pa'i las bya na// rta dre'u gnyis kyi mtshul pa la// dgra yi ming rus gzugs su bri// nyi shu lnga la 'thab tu gzhug/ dug chus bran nas chu la ni// shar rlung dag dang bcas la bskur// des ni skrod par gdon mi za// dbye bar bya ba'i las dag ni// 'ug pa'i mgo dang bya rog mgo/ gnyis par ming rus gzugs byas la// dmar zag chad pa'i dus dag tu// thod pa gnyis po 'thab tu gzhug/ dgra bo dbye bar gdon mi za// bcing ba dag gis las bshad pa// gro ga'am yang na ro ras la// dgra yi ming rus gzugs su bri// lcags kyu'i phyag rgyas bsdams byas nas// zhags pa'i phyag rgyas sngon dmar bsdam// gu gul nag pos bdug par bya// nyin mtshan gung gi dus tshod la// rang gi rkang pas khrid nas ni// dong khung nang du bcug byas na// nges par 'gro mi shes par 'gyur// gal te skams pa'i las byas na// dug dang ske tshe lan tshwa dang // 'bru

  674. 171b

    mar shing mar rab bsregs la// thod pa dum bu drug pa ru// dgra gzugs bcug la bzhag nas ni// dug gi tsher mas gzugs la dbug/ gong mas thod pa dgang bar bya// tsher ma'i me yis bskam byas la// dgra yi sgo 'am rgya ram mnan// nges par skams par 'gyur ba yin// zhes gsungs so// da ni brtul zhugs brtan par bya// pha dang khu bo mes po de// rab bstun myur du bsgral byas na// rdo rje sems dpa'i zhal yang mthong // ma dang sring mo bu mo de// 'dod chags rab tu sbyar byas na// snang ba mtha' yas dngos grub thob// tshangs pa chen po'i tshe tshad thub// rdo rje slob dpon dag la ni// brdzun tshig sna tshogs smras pa na// nges par skye med dngos grub thob// rdo rje slob dpon ma mched lcam// gsad gcad tshig tu brjod pa ni// don yod grub pa'i dngos grub thob// khyim tshes slob ma'i nor brkus na// rin chen 'byung ldan dngos grub thob// rig pa brtul zhugs chen po byas// thig le nyag gcig dngos grub thob// rang rig ye shes brtul zhugs byas// 'gro drug rang grol dngos grub thob// snang ba rgya yan brtul zhugs skrad// skye ba med pa'i dngos grub thob// rig par rang grol brtul zhugs spyod// 'chi med rdo rje'i dngos grub thob// chos nyid 'od gsal brtul zhugs smad// skye ba med pa'i dngos grub thob// 'khor

  675. 172a

    ba rang snang brtul zhugs spyad// thams cad mkhyen pa'i dngos grub thob// gzung 'dzin gnyis kyi brtul zhugs spyad// theg pa chen po'i dngos grub thob// tshes brgyad srog la 'ug mig blangs// mig la byugs na mi med mthong // 'ug pa'i mig dang srin bya dang // byi ba'i mig gsum bsres byas la// mngar gsum dag la ri lu bya// srod la zla gcig sran tsam mur// mun pa thams cad mthong bar 'gyur// sa g.yos byung ba'i dus su ni// rang gi 'doms nas sa blangs te// gnas lngar gtor bar byas 'gyur na// tshe ni 'dab tu 'gyur ba'o// nyi ma shi ba'i dus dag tu// skyobs su 'gro byas 'chi las thar// chos ston sbyin pas phyug por 'gyur// snying rje skyes na sems bskyed na// tshe ring mtho ris thob par 'gyur// zla ba shi na'ang de bzhin no// mdo bton pas ni dgra las grol// lce sbrang mig dang 'ug pa dang // byi la pha wang ri bong dang // nub mo mthong ba'i mig dag la// mngar gsum dang sbyar ri lu byas// gnam stong dag nas bzung nas su// zla ba gcig tu zos 'gyur na// skye ba snga phyi dran pa dang // mun pa'i 'jigs las grol bar 'gyur// chu yi byi ba sngon mo blangs// a mu ka yi dri chu dron mo blugs// g.yag po ru ru'i rang bcug na// dri chu 'gags nas 'chi bar 'gyur// rta dang dre'u khyi'i 'bras bu dang // mdzo

  676. 172b

    dang rtol gyi mkhris par sbyar// dgra la byin na skye brgyud chad// skye ba snga phyi dran pa'i mig/ nub mo so sor 'chi ba'i snying / u rings thod pa'i mig phyung nas// sla nga byi rling nang du btso// de zos rims nad thams cad thub// mi yi tshil bu rta tshal dang // khyi tshil rtsi bo che dang sbyar// gla rtsi mu zi sbyar byugs na// 'brum bu'i gdon dang sa bdag thub// ces gsungs so// thig le 'dre rgyud chen po las/ thun mong khyad par sbyor ba'i le'u ste lnga bcu pa'o// // de nas rdo rje mkha' 'gro ma rnams kyis bskor ba lan mang du byas nas// rdo rje sems dpa' ston pa kun gyi rje// bdag cag mkha' 'gro'i gas rnams la// 'dre rgyud chen po bshad pa legs// sangs rgyas pa yi 'bras bu thob// bdag cag rab tu yi rang ngo // mgon po gsang ba'i bdag po khyod nyid kyis// 'gro ba rnams kyi don du gsungs pa yi// 'dre rgyud chen po bstan pa 'di// bdag gis legs par gzung bar bya// ston pa rdo rje sems dpa' yis// mkha' 'gro rnams la bka' stsal pa// yang gter bla na med pa'i chos// gsang ba bla na med pa mngon du gyur pa'i rgyud/ ngas khyod la bstan to// legs par bstan to// rab tu legs par chongs shig/ legs par zung zhig/ bsgrub pa'i chos ma yin pa khong du chud par gyis shig/ ces gsungs nas/ mi mngon dbyings su gshegs

  677. 173a

    so// thig le 'dre chud chen po las/ yongs su gtad pa'i le'u steng gcig pa'o// // yongs su gtad pa'i rdzogs so// // rgya rgya rgya/ thig le 'dre chud rin po che spangs pa zhes bya ba bla ma ngom bi was/ gu ru rnal 'byor pa ram rta 'dam la/ lho stag tshang ser ger brgyad/ des rnal 'byor pa la brgyad do// des sta ston brgyad do// b+h+rUM// / rgya gar skad du/ A r+ya many+dzu shrI a ti ti la tan tra ma hA nA ma/ bod skad du/ 'phags pa 'jam dpal lta ba thod rgal chen po'i rgyud ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan kun tu bzang po dang / 'khor gyi rdo rje sems dpa' dang / mkha' 'gro rab tu mdzes ma nyi ma'i 'phreng ba dang thabs cig pa'i mkha' 'gro ma rnams dang / bcom ldan 'das 'phags pa spyan ras gzigs dbang phyug dang / byang chub sems dpa' dpa' bar 'gro ba dang thabs cig tu bzhugs so// gnas ni chos kyi dbyings rgya ma chad pa zhes bya'o// bstan pa ni rab tu mdzes pa dri med 'byung ba'o// dus ni rang byung tshogs pa rang snang gi dus so// de'i tshe mkha' 'gro ma nyi ma'i 'phreng bas/ bcom ldan 'das kun tu bzang po dang / 'jam dpal dri ma med pa dang / phyag na rdo rje

  678. 173b

    dang / spyan ras gzigs dbang phyug dang / lag na be con can dang / don yod zhags pa dang / mi g.yo ba dang / sgrol ma dang / de dag la sogs pa'i gtso bo kun tu bzang po la bskor ba lan du ma byas te/ pus mo g.yas pa'i lha nga sa la btsugs nas/ thal mo sbyar te phyag byas nas/ lha rdzas man da ra ba la sogs pa/ phyi nang gsang ba'i mchod pa phul lo// ston pa kun tu bzang po la// phyi yi mchod pa rin po che// snang srid rnam dag mchod pa phul// mkha' 'gros byin gyis brlab tu gsol// skye med rang snang dngos grub gsol// nang gi mchod pa rin po che// snang srid rnam dag mchod par 'bul// rang grol thig le'i dngos grub gsol// gsang ba'i mchod pa rin po che// rang byung bdud rtsi mchod par 'bul// rang snang ye shes dngos grub gsol// yang gsang mchod pa bla na med// tshe srog sbyor sgrol mchod par 'bul// thig le rang snang dngos grub gsol// bcom ldan kun tu bzang po la// 'jam dpal bdag la lta ba zod rgal zhu// mkha' 'gro ma yi mchod pa bzhes// zhes mchod pa bsam gyis mi khyab phul// de yi byin gyis brlabs dag las// ti la tan tra ma hA zhes pa'i sgra// kun tu bzang po'i byin rlabs bstan// ces gsungs so// 'jam dpal lta ba thod rgal gyi rgyud las/ gleng gzhi'i le'u ste dang po'o// // de nas

  679. 174a

    rdo rje mkha' 'gro dang // dbyings kyi mkha' 'gro la sogs pas// bcom ldan kun tu bzang po dang // 'jam dpal dri med nyid la ni// lta ba zod rgal ji ltar lags// spyod pa zod rgal ji ltar lags// sgom pa thod rgal ji ltar lags// 'bras bu thod rgal ji ltar lags// go 'phang dbang la rag lus pas// dbang bskur thod rgal ji ltar lags// dam tshig thod rgal ji ltar lags// zhes zhus pas/ kun tu bzang pos bka' stsal pa// 'jam dpal dri ma med pa dang // mkha' 'gro'i tshogs rnams legs par nyon// dri med dbang bskur bstan pa ni// rgyal po kun gyi 'byung gnas te// rgyal rigs chen pos dbang bskur bas// mtshan dang dpe byad rang las byung // nor bu rin chen mdzes pa de// mdzod spur shar bas mun pa choms// nor bu'i rang gdangs 'bar ba yis// nyin mo mtshan mo'i snang ba nub// ces brda bstan no// mkha' 'gro nyi ma'i 'phreng ba des// kun tu bzang pos brda dgrol zhu// kun tu bzang pos bka' stsal pa// rgyal po kun gyi 'byung gnas ni// chos sku rang la yod pa'i rtags// rgyal po chen por dbang bskur bas// thig ler rang grol dbang gi rgyal po yin// mtshan dang dpe byad rang byung bas// chos sku'i dbang thob sku gnyis 'byung // nor bu rin chen mdzes pa ni// thugs rje'i byin rlabs

  680. 174b

    phyogs med yin// mdzod spur shar bas mun choms pa// thig le rang grol 'khor ba grol// nor bu rang 'od 'bar ba de// rang byung ye shes khong nas shar// nyin mtshan med par gsal ba de// chos min ye shes zang thal yin// dbang bskur rgyal po rang byung dbang // lam gyi rgyal po ye shes sku// rlung dang thig le rtsa gsum po// lhan cig skyes pa dbang gi rtags// de yi bskur thabs rang byung dbang // de yi thob/ tshul rang rig dbang // rang dbang yin pas gzhan mi tshol// rang byung dbang gi rgyal po yin// rang la dbang bas gsang dbang yin// ma lus 'du 'bral med par shes// de ni thabs kyi dbang bskur yin// rig pa snang ba rang grol shes// de ni shes rab dbang bskur yin// rang la rdzogs pas bum pa'i dbang // tshig gcig bstan pas dbang thob pa// de ni tshig dbang rin po che// zhes gsungs so// 'jam dpal lta ba zod rgal gyi rgyud las/ dbang gi le'u ste gnyis pa'o// // de nas rdo rje mkha' 'gro rnams kyis ni// bcom ldan kun tu bzang po lags// dam tshig bsrung lugs gsung du gsol// zhes zhus pas/ kun tu bzang pos bka' stsal pa// nyon cig mkha' 'gro 'khor tshogs rnams// blon po kun gyi bshes gnyen la// seng ge dkar mo'i rta yod de// blon pos zhon nas phyin pa la// seng ge rtsal gsum

  681. 175a

    rdzogs pa yin// gom pa gcig la sa gcad pas// blon pos skad cig sa gcad pas// blon pos skad cig don sar sleb// ces brda gsungs so// blon po kun gyi bshes gnyen ni// bla mas rang nga ye shes ston// seng ge dkar mo'i rta po ni// dper na rin chen man shel ltar// dam tshig sel med rang byung bas// de ni dam tshig rtsa ba yin// blon pos de la zhon pa ni// rang byung ye shes rang gis bsrungs// seng ge rtsal gsum rdzogs pa ni// chos sku rang snang rdo rje 'dra// de las 'das ni 'tshig par 'gyur// longs sku rang snang pad+ma 'dra// de las 'das ni 'ching bar 'gyur// sbrul sku rang snang rin chen 'dra// de las 'das na brlag par 'gyur// gom pa gcig gis sa gcad pa// chos sku rtsod bral dam tshig yin// skad cig don sar sleb pa ni// ma bsrungs mi 'da'i dam tshig thub cing bsrung du grol// dam tshig shel gyi 'phreng ba 'di// thams cad dri med zang thal la// nyams dang bskang ba bya mi dgos// ci ste rang la mi 'da' bas// rgyal po rang rtags dam tshig yin// rin chen shel gyi 'phreng ba yin// zhes gsungs so// dam tshig shel 'phreng lta ba thod rgal gyi rgyud las/ dam tshig shel 'phreng gi le'u ste gsum pa'o// // de nas mkha' 'gro ma'i 'phreng bas// bcom ldan kun tu bzang po la// lta ba thod rgal

  682. 175b

    gsung du gsol// ces zhus pas/ kun tu bzang pos bka' stsal pa// nyon cig rdo rje mkha' 'gro ma// phyi yi lta ba thod rgal dang // nang gi lta ba thod rgal dang // sbas pa bla na med pa'o// de ni nga yis bstan par bya// legs par nyon cig mkha' 'gro ma// phyi yi lta ba zod rgal ni// snang ba rang grol ngo bo'i sku// rgyu rkyen med pas mkha' ltar gsal// rang byung chos sku kho na la// lta ba stong nyid thod rgal bas// 'od gsal chos nyid don gyis 'phags// gnyen po med pas rang byung sku// nam mkha' gdangs dang chas pa ltar// rang byung chos sku 'od las grol// rang snang thig les khyab pas na// phyi yi lta ba zod rgal yin// 'byung ba skyes pa bud med sogs// rgya mtsho dar dang rlabs sna bzhin// thig le dag las 'das pa ni// phra rab rdul yang mi rnyed do// lta ba thod rgal rang byung shar// stod kyis byung bas rtse mor phyin// nyi zla brtsegs pas grib ma med// 'og ma'i grub mtha' yas rgal bas// seng ge dkar mos 'og rta byed// theg dgu'i rtse mor phyin pa yin// zhes gsungs so// lta ba zod rgal gyi rgyud las/ phyi lta ba zod rgal gyi le'u ste bzhi pa'o// // de nas rdo rje mkha' 'gros gsol ba/ bcom ldan kun tu bzang po lags// nang gi lta ba thod rgal ji ltar lags// zhes zhus pas/ kun tu bzang pos bka' stsal pa// me long

  683. 176a

    g.ya' dang bral ba la// ji ltar gnas pa'i gzugs snang ngo // tshogs drug rang snang gsal ba 'di// rgyu dang rkyen gyis ma skyed pas// lha la sogs pa'i rigs lnga kun// rang snang thabs su grol tsam na// sku gsum brtsegs pa'i rtse mor phyin// spyan snga rang sa'i rgya las grol// ye shes mig gcig rtse mo sleb// mthong bya yul de rang grol bas// sangs rgyas sdud pa rin po che// dbang bskur brtsegs pa dbang gi mchog/ dbang mchog rang byung thig ler brdal// 'byung ba lnga dang rigs lnga 'od// dug lnga la sogs snang ba kun// 'khyags pa'i dus na chu nyid la// chu nyid 'khyags pa'i ngo bor snang // rang snang chu yi thod rgal yin// 'byung ba lnga sogs gang snang ba// rang snang thig ler rang byung yin// rang byung ston pas thod rgal yin// spyan gsum rnam dag rgal ba de// ye shes mig gcig thod rgal yin// dug gi rgyal po ngo bo yis// dug nad can la btang gyur na// dug gi nad las grol bar 'gyur// ji ltar tshogs drug rang sar bzhag/ 'khor ba'i nad las grol bar 'gyur// ma bcings pa ni chos min sku// ma bslad pas na ye shes te// ma sgrubs pas na 'bras bu'o// lta ba gol bas thod rgal min// rang sa ma shes man ngag min// 'dus byas 'bras bu gnas skabs chos// ma byas rang sar ma shes na// lta ba thod rgal dam tshig

  684. 176b

    nyams// zhes gsungs so// lta ba thod rgal gyi rgyud las/ nang lta ba'i thod rgal gyi le'u ste lnga pa'o// // bcom ldan kun tu bzang po yis// mkha' 'gro rnams la bka' stsal pa// sbas pa'i lta ba 'di lta ste// btsun mo bde ba skyong ma la// mtshan mo skyes pa brgyad khri dang // bzhi stong dag gis chags pa spyad// slar la 'dod pa skyes nas su// ji tsam spyad kyang ma tshim nas// slar la bde ba tshol du phyin// yul ni glang chen rin chen gling // gser gyi nyi ma bya ba yod// de na mtshan mos stong gsum sleb// sngun du su byung rang sar sbyor// de dang mo gnyis phrad pa las// pho mtshan mthong bas yid 'byung ngo // de bde don ni 'di lta ste// btsun mo kun gzhi sbyangs ma la// skyes pa nyon mongs brgyad khri dang // bzhi stong las gyur pa yi// chags pa 'khor ba'i snang ba'o// slar 'dod skyes pa 'gro ba drug/ ji tsam 'khor kyang mi grol te// skye shi zo zhing rgyud nas tshol// chos nyid klong chen sku gsum gnas// 'gyur med ye shes gser lta bu// phyi nang med pas kun tu khyab// bla mas don bstan rang la shar// rang shar ye shes ngo shes pas// rang sgo mthong bas zhe 'dod med// tshogs drag rol pa rang grol las// ye shes thig le rgyun chad med// chags sdang 'dod yon 'ub chub kun// rtse gcig dgongs pa rang sar sleb// thig le brtsegs

  685. 177a

    pa'i rtse mo na// rang byung ye shes chos min la// lta bzod rgal rdo rje brtsegs// chags sdang rang byung rang grol bas// nyams myong drod rtags rang sar grol// gal te gser 'dod rnyed pa la// gser 'dod sla ba dag la rten// me nyid 'dod pas med dang phrad pa na// du ba'i rnam pa med stong mi 'gyur// rang grol thod rgod rang shar bas// lta rtogs stong pa nyid la rag ma lus// zhes gsungs so// lta ba zod rgal gyi rgyud las/ gsang lha'i le'u ste drug pa'o// // bcom ldan kun tu bzang po yis// mkha' 'gro'i tshogs la bka' stsal pa// bla med zod rgal bstan gyis nyon// ces gsungs so// de la ston pas bka' stsal pa// sangs rgyas sems can gnyis med pas// lta ba stong pa'i yul las grol// rang bzhin dag pa'i nam mkha' ni// 'byung ba kun gyi mes po yin// rang byung thig ler rang shar bas// lta ba kun gyi mes po yin// dbyings dang ye shes gnyis med pas// snang srid kun gyi mes po yin// thabs dang shes rab dbyer med pas// rgyal ba yab yum mes po yin// sems dang yid dang rnam shes rnams// de med rnam rtog ma grub pas// sems can mes po yin// rtog pa grol ba'i yul med pas// sangs rgyas kun gyi mes po yin// rgyu dang rkyen las ma byung bas// 'dus ma byas kyi mes

  686. 177b

    po yin// snang srid 'khor 'das pa'i gdams// snang srid kun gyi mes po yin// 'bras bu thod rgal yul med rang grol yin// spyod pa thod rgal snang srid gzhi bzhengs yin// bsam gtan thod rgal bying rgod rtsal gcod yin// lam rnams thod rgal rang snang rnam dag yin// zhes gsungs so// lta ba thod rgal gyi rgyud las/ bla med thod rgal gyi le'u ste bdun pa'o// // de nas rdo rje mkha' 'gro mas// ston pa kun tu bzang po lags// spyod pa thod rgal gsung bar zhu// zhes zhus pas/ kun tu bzang pos bka' stsal pa// nyon cig mkha' 'gro nyi ma'i 'phreng // spyod pa thod rgal bstan pa na// ma byas spyod pa rang byung thod rgal ni// phyi nang 'od la spyod shes na// longs sku rang gdangs phyogs med spyod// spyod pa rang shugs la shar// ma bkag rang byung spyod pa thod rgal yin// rang snang lus skye med spyod shes na// chos sku rang phyogs med spyod// spyod mkhan rang snang spyod yul grol// ma bsgrubs rang shar spyod pa thod rgal yin// gsang snang 'gyu ba yid dag la// rang shar spyod pa sbrul sku khong nas shar// spyad rgyu rang gdangs 'od gsal phyogs ris med// spyod pa thod rgal cir snang sprul pa'i sku// thams cad spyod par shar bas 'khrul pa'i mig ma thogs// spyod pa thod rgal thabs la re mi ltos// rang grol thabs la mi brten pas// spyod

  687. 178a

    pa zod rgal zhes su bshad// ces gsungs so// lta ba zod rgal gyi rgyud las/ spyod pa zabs la ma byung ba'i le'u ste brgyad pa'o// // de nas rdo rje mkha' 'gro mas// sgom pa zod rgal gsung du gsol// ces zhus pas/ kun tu bzang pos bka' stsal pa// nyon cig rdo rje mkha' 'gro nyi ma'i 'phreng // sgom pa thod rgal bstan pa ni// sgom nyams las thod rgal bas// rang byung ye shes kun tu brdal// sgom mkhan 'gyu bar rang gdangs pas// rang rig ye shes khong nas shar// sgom rgyu'i gdams ngag thod rgal bas// lhag mthong rang byung khong nas shar// sgom pa'i yul med thod rgal bas// gnyis med ye shes khong nas 'bar// sgom pa'i 'bras bu thod rgal bas// thig le nyag gcig khong nas 'bar// nyams myong thod rgal bying rmugs med// ye shes thod rgal snang srid thig le 'bar// zhes gsungs so// lta ba thod rgal gyi rgyud las/ sgom pa thod rgal gyi le'u ste dgu pa'o// // 'bras bu thod rgal bstan pa ni// 'bras bu thod rgal rnams spyod dus las grol// re dogs thod rgal rang snang thig ler 'bar// snang srid thod rgal bar do'i yul las grol// 'khor 'das thod rgal thig le rang sa zin// bar mtshams thod rgal thig le gcig bzhag sku// thob mkhan thod rgal yul med rang la shar// thob

  688. 178b

    rgyu thod rgal ye nas rang sar grol// thob bya thod rgal snang srid thig ler brdal// phyi nang med pas nyag gcig yin// zhes gsungs so// lta ba thod rgyal gyi rgyud las/ 'bras bu'i rang sgo'i le'u ste bcu pa'o// // de nas mkha' 'gro mas bskor ba du ma byas nas/ bcom ldan kun tu bzang pos/ 'jam dpal dri ma med pa lta ba zod rgal bstan pas/ bdag cag rjes su yi rang ngo // sdud pa po 'jam dpal dri ma med pa/ zhu ba po mkha' 'gro ma nyi ma'i 'phreng bas zhus pa/ lta ba zod rgal gyi rgyud ces bya ba rdzogs so// // rgya rgya rgya/ gsang ngo // / rgya gar skad du/ badz+ra pA Ni tra tha thi la du ta tan tra nA ma/ bod skad du/ phyag na rdo rje drag po lta stangs ye shes thog 'bebs kyi rgyud ces bya ba/ dpal kun tu bzang po la phyag 'tshal lo// rang bzhin gyi ni byin gyis brlabs// ston pa kun tu bzang po'i sku// bde gshegs kun gyi ngo bo'i sku// rang bzhin dag pa'i nam mkha' la// phyogs lhung med pa'i dgongs pa shar// rang gi dgongs pa ma bcos dang // bya btsal med pa'i klong du khyab// khyab par rang byung sprul pa'i sku// rdo rje sems dpa' rang byung sku// bde gshegs kun gyi gtso bo sku// sku mdog dkar po gangs ri 'dra// g.yas pa rdo rje rtse lnga bsnams// ye shes

  689. 179a

    lnga dang ldan pa'i rtags// g.yon pa dril bu bsnams pa ni// thabs dang shes rab 'brel ba'i rtags// sku stod dar dkar rgyan gsol ba// yon tan kun dang ldan pa'i rtags// sku smad pa ti tsi gu ni// nyon mongs skyon gyis ma gos rtags// de yi ngang las rang byung ba// sbrul sku phyag na rdo rje ni// sku mdog ljang khu'i 'od zer lnga// g.yas pa rdo rje rtse dgu ni// sa dgu rang sar non pa'i rtags// g.yon pa dril bu bsnams pa ni// gsang yum dbyings na gnas pa'i rtags// na bza' ljang khu gsol ba ni// 'phrin las 'gro don mdzad pa'i rtags// zhal mdog mthing khar bstan pa ni// chos sku 'gyur ba med pa'i rtags// bde gshegs de yi byin brlabs las// mkha' 'gro rnam pa lnga sprul te// rdo rje mkha' 'gro sku mdog dkar// rdo rje rang rtags sdigs mdzub dang // lcags kyu thogs nas 'gro ba 'dren// dbyings kyi mkha' 'gro sku mdog ser// rdo rje zhags pas rnam rtog 'ching // dam tshig mkha' 'gro lcags sgrog gis// gzung 'dzin 'ching zhing 'gro ba sgrol// las kyi mkha' 'gro sku mdog dmar// rdo rje lcags sgrog rnam rtog sdom// sha za'i mkha' 'gro'i sku mdog ldang // rdo rje dril bu sdug bsngal 'joms// ye shes mkha' 'gro sku mdog mthing // rdo rje thod khrag 'khor ba rngub// gtso bo mkha' 'gro rnams la ni// las byed

  690. 179b

    mkha' 'gro mang pos bskor// dam nyams chad pa gcod par byed// kun tu bzang po'i chos skyong ma// rdo rje dza ti ral pa can// g.yas na spu gri g.yon na ban d+ha'o// rdo rje mkha' 'gro ma tshogs rnams// sha za khrag 'thung 'khor gyis bskor// bde gshegs de yi byin brlabs las// ma gcig mkha' 'gro drag mo yi// lhums nas dga' rab rdo rje sbrul// mkha' 'gro ma rnams rab tu dgyes// mkha' 'gro ma yi tshogs rnams kyis// drag po lta stangs thog 'bebs zhus// de nas rdo rje sems dpa' yis// drag po kun 'dul ting 'dzin la// snyoms par zhugs nas 'di skad zhus// drag po drag mo 'dul ba yi// thabs mchog bla med nga yis bshad// ces gsungs so// phyag na rdo rje drag po lta stangs ye shes thog 'bebs kyi rgyud las/ gleng gzhi'i le'u ste dang po'o// // de nas mkha' 'gro rnams kyis su// dpa' bo rdo rje sems dpa' khyod// bdag cag mkha' 'gro ma rnams kyis// de yi 'dul ba'i chos zhu 'tshal// zhes zhus pa/ he he rdo rje mkha' 'gro'i tshogs// ye shes rgyal po thog 'bebs 'di// mkha' 'gro'i tshogs la nga yis bshad// rtse gcig nyon cig mkha' 'gro ma// za 'og gur khyim bla re la// ri mo'i rnam pa bsam yas kyang // bsdus pas za 'og gur khyim yin// kha dog sna tshogs 'ja' gsal ba// chos sku longs sku sprul pa'i

  691. 180a

    sku// 'du 'bral med na dgongs pa yin// 'khor ba rang byung 'gro drug 'di// thig le ye shes gzugs snang yin// dmyal ba'i me lce 'bar ba dang // rang snang 'khrul pa'i rnga bo ni// chos sgra thig le rang snang yin// rnam par snang mdzad la sogs dang // sbrul sku thub pa drug po ni// 'gro drug drang phyir lung bstan yin// rang byung rdo rje sems dpa' de// mkha' 'gro ma yi snying la gnas// chos sku kun tu bzang po de// rdo rje mkha' 'gro'i gtsug na gnas// sbrul sku dga' rab rdo rje de// mkha' 'gro ma yi mdun na gnas// mkha' 'gro rig pa'i ye shes de// chos min rtsol sgrub blo las grol// lta ba thod rgal nyam nga med// spyod pa thod rgal thabs snang grol// sgom pa blo grol ye shes shar// 'bras bu rang byung lhun gyis grub// ces gsungs so// ye shes thog 'bebs kyi rgyud las/ ye shes thog tu dbab gsung ba'i le'u ste gnyis pa'o// // de nas rdo rje mkha' 'gro mas// he he ston pa rdo rje sems dpa'i sku// bdag cag mkha' 'gro tshogs rnams la// dri med ye shes thog 'bebs gsung du gsol// zhes zhus so// ston pas bka' stsal pa/ nyon cig rdo rje mkha' 'gro ma// sngon klu'i rgyal po dga' bo yis// drang srong dri med bltar phyin pas// shel gyi sgo khang nang du tshud// nor bu rin chen de ru rnyed// nor bu de la 'od byung

  692. 180b

    bas// 'dod pa sna tshogs de ru grub// bsam gtan sgom pa ma yin te// dri med ye shes zang thal de// ngo shes pa yis dri med sha// rang byung ye shes dri med rnyed// yon tan phyogs med rang snang bas// chos kyi spros pa de ru chod// ces gsungs so// ye shes thog 'bebs kyi rgyud las/ ye shes dri med rang chas su bstan pa'i le'u ste gsum pa'o// // de nas mkha' 'gro rnams kyis su// ston pa rdo rje sems dpa' la// sbyor sgrol mchod pa dbul lags na// bzhes te dngos grub bdag la stsol// gzugs la rnam gsum zhes bya ba// de nyid chos skur sbyor sgrol nas// gzugs kyi dbang mchog dam pa 'dis// bcom ldan spyan la mchod par 'bul// sgra la rnam gsum shes byas nas// de nyid longs skur sbyor sgrol nas// sgra yi dbang mchog dam pa 'dis// bcom ldan snyan la mchod par 'bul// ro la rnam gsum shes byas te// de nyid sbrul skur sbyor sgrol na// ro yi dbang mchog dam pa 'dis// bcom ldan ljags la mchod par 'bul// dri la rnam gsum shes byas nas// ngo bo nyid kyi sku ru sbyor sgrol te// dri la dbang ba'i mchog yin te// bcom ldan shangs la mchod par 'bul// reg la rnam gsum shes byas nas// ngo bo nyid kyi sku ru sbyor sgrol te// dri la dbang ba'i mchog yin te// bcom ldan shangs la mchod par 'bul// reg la

  693. 181a

    rnam gsum shes byas te// mngon byang sku ru sbyor sgrol nas// reg gi dbang mchog dam pa yin// sku la mchod 'bul bzhes su gsol// yid la rnam gsum shes byas te// de nyid ye shes sgra ru sbyor zhing sgrol// yid la mchod 'bul bzhes su gsol// zhes gsungs so// ye shes thog 'bebs kyi rgyud las/ sbyor sgrol mchod pa'i le'u ste bzhi pa'o// // de nas rdo rje mkha' 'gro rnams kyis su// ston pa rdo rje sems dpa' dang // bcom ldan phyag na rdo rje la// dkyil 'khor maN+Dal dbul ba ni// 'byung lnga dbus kyi dkyil 'khor du// rin chen sna bdun tshom bu bkod// mkha' 'gro rnams kyis byin brlabs na// rdo rje sems dpa' nyid la dbul// skye med dngos grub stsal du gsol// rtsa 'dab lnga yis dkyil 'khor du// thig le rlung gi sa tshon la// rang byung ye shes sa tshon bkod// rdo rje sems dpa' nyid la dbul// rang byung dngos grub stsal du gsol// zhes gsungs so// ye shes thog 'bebs kyi rgyud las/ dkyil 'khor maN+Dal phul ba'i le'u ste lnga pa'o// // rdo rje mkha' 'gro rnams kyis su// bcom ldan rdo rje sems dpa' la// tshogs kyi 'khor lo bskor ba ni// snang srid tshogs pa'i gzhal yas na// rang byung bdud rtsi sna tshogs gsog/ gnyis su med pa'i chos sku rdzogs// gnyis med rang byung 'khor lo

  694. 181b

    na na tu shA

  695. 182a

    mkha' 'gro ste// rang grol thub chub byin gyis brlabs// nga ni dbyings kyi mkha' 'gro ste// ye shes rang snang byin gyis brlabs// rang rig rang byung byin rlabs 'di// mkha' la nyi ma shar ba 'dra// rang las byung ba'i byin rlabs 'di// nam mkha'i dkyil nas glog 'gyu 'dra// rang las 'bar ba'i ye shes 'di// ha li 'bar la me byung 'dra// rang la snang ba'i thig le 'di// me mar 'od dang chas pa 'dra// rang las shar ba'i zang thal 'di// bar snang 'ja' tshon drangs pa 'dra// rang las byung ba'i 'gyu ba 'di// bu chung skad dang chas pa 'dra// rang la rdzogs pa'i sku lnga 'di// dkyil 'khor gsal dang chas pa 'dra// rang las shar ba'i byin rlabs 'di// man shel 'od dang chas pa 'dra// zhes gsungs so// ye shes thog 'bebs kyi rgyud las/ rang las byin gyis brlabs pa'i le'u ste bdun pa'o// // de nas mkha' 'gro ma rnams kyis// ston pa spyan sngar dgongs pa phul ba ni// mkha' 'gro med pa'i sngon rol na// lha sgom spyod pa'i ming yang med// 'bras bu rang grol bar mtshams med// mkha' 'gro med pa'i sngon rol na// 'byung ba lnga po ye nas med// rang byung dbyings kyi dgongs pa bstan// rgyun chad med na lam gyi mchog/ bar chad med na 'bras bu 'phags// snang srid rang gsal gzhi las grol// 'khor ba rang byung

  696. 182b

    gnas kyi mchog/ snang bar 'od 'bar longs sku'i gtso// rig pa 'od gsal sbrul sku'i gtso// 'du 'bral med pas kun khyab sku// dbyer med rang grol 'od gsal ye shes sku// 'gyu ba rang grol rdo rje'i sku// shes rab dag pa rdo rje'i sku// 'du 'bral med pas kun khyab sku// theg dman sku dang ye shes rnams// phyogs su lhung ba'i gol sa yin// rdzogs chen rang grol rang snang sku// ye shes rang byung khyad par che// snang srid rnam dag ngo mtshar che// snang ba 'od las grub pa yi// mkha' 'gro lnga ni ngo mtshar che// rang byung lus las grub pa yi// rdo rje mkha' 'gro ngo mtshar che// rig pa sems las grub pa yi// rang shar kha' 'gro ngo mtshar che// 'gyu ba 'od las grub pa yi// rang rig mkha' 'gro ngo mtshar che// rang rig thig le mkha' 'gro ma// si ra lnga yi dbus na 'gying // snang ba dbyibs kyi gtor ma za// bdud rtsi rnam lnga'i gtor ma za// rang byung 'dod yon gtor ma za// rang grol bde ba'i gtor ma za// snang srid thig le'i gtor ma za// gtor zan mkha' 'gro dam la gnas// dam la gnas kyi dam la thogs// mchog dang thun mong dngos grub stsol// zhes gsungs so// ye shes thog 'bebs kyi rgyud las/ dgongs pa bstan cing gtor ma rag las byung ba'i le'u ste brgyad pa'o// // e ma ho mkha' 'gro ma rnams// gar gyi

  697. 183a

    mchod pa gsung du gsol// zhes ston pas slar gsungs pas/ mkha' 'gro ma yis gar byas te// rdo rje mkha' 'gro gar gyi glu// hUM h+na h+na badz+ra DA ki n+na ta he ta na ts+tsha pra d+ha rmA/ rdo rje rtse lnga spyi gtsug bzhag/ dril bu gsang ba'i kha ru bstan// mkha' 'gro ma yi gar byas te// thabs dang shes rab brda ru bstan// hUM hUM hUM rat+na DA ki hUM te te te na bu d+hA hUM/ rin po che ni snying khar bzhag/ snyan pa'i pi wang rna bar gtad// rin chen spyan gsum brda ru bstan// hUM hUM hUM pad+ma DA ki hUM te te te na bud+d+ha hUM/ pad+ma mdog gsal gsang bar bzhag/ sna tshogs zhal snod kha la gdengs// skyon med rnam dag brda ru bstan// hUM hUM hUM karma DA ki hUM te te te na hUM bud+d+ha hUM/ rgya gram rkang pa'i mthil du bzhag/ chos kyi dung ni lte bar bstan// rang byung rang grol brda ru bstan// hUM hUM hUM bud+d+ha DA ki hUM te te te na hUM/ 'khor lo 'bar ba snying khar bstan// rdo rje dril bu snying khar bstan// rang byung 'khor ba rang grol dang // kun kyang bskyed pa lte ba na// phyag rgya gar rtags 'gro ba 'dul// rang byung 'byung po 'dul ba yi// thabs kyi phyag rgya cing yang bstan// gzugs kyi sku ni nges med pa// rang byung nyon mongs ma nges brda// rang grol ston pa'i thabs chen yin// zhes gsungs so// ye shes thog 'bebs kyi rgyud las/ gar thabs brda'i le'u ste dgu pa'o// // bcom ldan

  698. 183b

    rdo rje mkha' 'gro mas// rdo rje sems dpa' ston pa'i gtso// bdag gis rtogs pa 'di bzhes shig/ dug gsum ye shes thig ler snang // rang snang bdud rtsi ngo mtshar che// sdug bsngal thig le bde bar shar// rang grol rgyal po ngo mtshar che// nyon mongs rang byung ye shes 'bar// cho 'phrul sngon 'byung ngo mtshar che// lus po cho 'phrul chos skur snang // rang las snang ba ngo mtshar che// ngag gi cho 'phrul longs skur shar// rang las byung ba ngo mtshar che// sems kyi chos 'khrul sbrul sgra 'bar// rang la shar ba ngo mtshar che// ma rtogs pa la sku gsum gsang // rang gsang thabs kyi chod pa e ma ho// rtogs pas thig le chos min la// rtsol sgrub rang grol e ma ho// spyod pa tshad las 'das pas snang srid thig ler grol// sgom pa tshad las 'das pa ye shes rgyun mi 'chad// lta ba tshad las 'das pas dbyer med rang sgor gsal// 'bras bu tshad las 'das pas 'pho ba'i yul ma rnyed// rang byung tshad las 'das pas rtsol ba'i gnad dang bral// ma rig tshad las 'das pas skye 'chi dag las grol// rig pa tshad las 'das pas sangs rgyas yul med shar// ye shes tshad las 'das pas thig le khong nas rdol// nyams myong tshad las 'das pas 'gyu ba dkar nag sangs// bde ba tshad las 'das pas tshogs drug rang sar grol// rtogs

  699. 184a

    pa tshad las 'das pas thig le chos min shar// zhes gsungs so// phyag na rdo rje drag po lta stangs ye shes thog 'bebs kyi rgyud las/ dgongs pa'i le'u ste bcu pa'o// // ston pa kun bzang rdo rje sems// phyag na rdo rje'i byin brlabs las// mkha' 'gro ma yi brdar shar bas// rdo rje sems sogs rab tu dges// zhes gsungs so// ye shes thog 'bebs phyag na rdo rje drag po lta stangs kyi rgyud las/ rjes su yi rang ba'i le'u ste bcu gcig pa'o// // phyag na rdo rje drag po lta stangs kyi rgyud ye shes thog 'bebs kyi rgyud ye shes thog 'bebs zhes bya ba rdzogs so// // rgya gar skad du/ Ar+ya bo tra lo ka tra ta tan tra nA ma/ bod skad du/ 'phags pa mi g.yo ba 'khor ba dang grol gyi rgyud ces bya ba/ dpal kun tu bzang po rtogs pa rang byung gi rgyal po la phyag 'tshal lo// 'di skad bdag gis thos pa'i dus gcig na/ bcom ldan kun tu bzang po dang / 'phags pa mi g.yo ba dang / dur khrod bdag po gdong rings ma dang / bdud mo kun dga' brgya byin dang / mkha' 'gro ma glog gi 'phreng ba dang / spyan ras gzigs dang / 'jam dpal dang / phyag na rdo rje dang / dga' rab rdo rje dang / sa la gnas pa'i rigs 'dzin kun// bcom ldan kun tu bzang po'i spyan sngar 'khor// bskor ba

  700. 184b

    phyag byas rig pa'i me tog phul// chos kyi dbyings kyi pho brang du// rang byung rang shar chos zhu 'tshal// zhes zhus so// bcom ldan 'das kyis bka' stsal pa// mkha' 'gro glog gi 'phreng ba rnams// legs par zung zhig mkha' 'gro ma// gzhi snang chen po lhun grub la// 'od lnga rang shar rang grol dang // 'gro drug rang shar rang grol dang // sku lnga rang shar rang grol dang // yum lnga rang shar rang grol dang // ye shes rang shar rang grol dang // chos sku rang shar rang grol dang // spyan gsum rang shar rang grol dang // thig ler rang shar rang grol dang // khams gsum rang shar rang grol lo// zhes gsungs so// 'khor ba rang grol gyi rgyud las/ gleng gzhi zhus lan gyi le'u ste dang po'o// // de nas kun tu bzang po yis// gzhi nyid rang shar bstan pa ni// ngo bo kun gsal rang bzhin stong // thugs rje mi 'gag mi 'gyur dang // 'phrin las cir yang thogs pa med// gzhi lnga rang shar ngo bo gcig/ gcig po kun shar kun gzhi yin// ji ltar snang ba gzhi las shar// rang shar gzhi yi don la mkhas// mkhas pa chen po gsal ba che// ngo bo rang shar chad pa ston// rang bzhin stong pas rtag pa ston// thugs rje mi 'gag rang byung bas// rol pa cir yang 'char bar ston// yon tan mi 'gyur zad med ston// 'phrin las thogs med rang shar

  701. 185a

    ston// ston pa kun gzhi'i phyi mo yin// rang shar gnad shes gzhi yi gdeng // zhes gsungs so// 'khor ba rang grol gyi rgyud las/ gzhi rang shar rang grol gyi le'u ste gnyis pa'o// // kun tu bzang pos bka' stsal pa// nyon cig mkha' 'gro glog 'phreng ma// lhun grub rang shar 'od du shar// ngo bo dkar po'i gdangs su shar// rang bzhin mthing kha'i gdangs su shar// thugs rje dmar po'i gdangs su shar// yon tan ser po'i gdangs su shar// 'phrin las ljang khu'i gdangs su shar// gzhi nyid 'od lnga'i ngo bor shar// gzhi shar shes pas 'od las grol// 'od kyi 'khrul pa rang shar bas// rang shar rang grol ngo mtshar che// zhes gsungs so// 'khor ba rang grol gyi rgyud las/ 'od lnga rang shar grol gyi le'u ste gsum pa'o// // de nas bcom ldan kun tu bzang po yis// nyon cig mkha' 'gro glog greng ma// gzhi mo'i don la mkhas pa ni// kun gyi thun mong ma yin no// dug lnga rang shar bstan pa ni// ngo bo zhe sdang rang shar yin// rang bzhin gti mug rang shar yin// thugs rje 'dod chags rang shar yin// yon tan nga rgyal rang shar yin// 'phrin las khong khro phrag dog rang shar yin// rang shar gzhi shes ngo mtshar che// rang grol dug lnga gnas su dag/ gnas su dag pas rang sar grol// gzhi las rang

  702. 185b

    shar bsgyur bas min// spyi gzhi mkhas na mkhas pa yin// tshig la mkhas pa ne tso 'dra// zhes gsungs so// 'khor ba rang grol gyi rgyud las// dug lnga rang shar rang grol gyi le'u ste bzhi pa'o// // de nas bcom ldan kun bzang gis// mkha' 'gro glog gi 'phreng ba la// 'gro drug rang shar rang grol bstan pa ni// ngo bo rang shar zhe sdang dmyal ba// rang bzhin rang shar gti mug byol song // thugs rje rang shar 'dod chags yi dwags// yon tan rang shar nga rgyal mi// 'phrin las rang shar khong khro lha ma yin// 'phrin las rang shar phrag dog de ba'o// gzhi nyid rang shar 'byung lnga 'od// go rim rang shar shes gzhi'i rtsal// dug lnga sgo la gzhi nyid rang shar yin// ngo bo rna bar rang bzhin mig/ thugs rje lce la yon tan sna// 'phrin las 'og sgo gnyis su shar// gzhi nyid rang shar byed pa byas pa med// gzhi med rang shar ngo mtshar rmad du che// zhes gsungs so// 'khor ba rang grol gyi rgyud las/ 'gro drug rang shar rang grol gyi le'u ste lnga pa'o// // bcom ldan kun tu bzang po yis// sku lnga yum lnga rang shar bstan pa ni// ngo bo longs sku rang shar ro// rang bzhin chos sku rang shar ro// thugs rje sbrul sku rang shar ro// yon tan rdo rje'i skur shar ro// 'phrin las mngon byang sku ru shar// ngo bo sangs rgyas spyan du shar// rang

  703. 186a

    bzhin nam mkha'i dbyings byug ma// thugs rje gos dkar ma ru shar// yon tan mA ma kI ru shar// 'phrin las dam tshig sgrol mar shar// gzhi nyid rang shar ngo mtshar che// bsgrub mi dgos par rang shar yin// nyi ma 'od du rang shar bzhin// gzhi mo rgyal ba yab yum shar// rang shar grol ba ngo mtshar che// rtsol sgrub ma byas gzhi la mkhas// yon tan rang shar bsam gtan thun tshad cig/ ces gsungs so// 'khor ba rang grol gyi rgyud las/ rgyal ba yab yum rang shar gyi le'u ste drug pa'o// // bcom ldan kun tu bzang po yis// mkha' 'gro glog gi 'phreng ba la// ye shes rang shar bstan pa ni// ngo bo gsal ba dngos med pa// me long ye shes rang shar yin// rang bzhin stong pa yul med de// chos kyi dbyings kyi ye shes shar// thugs rje sna tshogs gcod pa de// so sor rtog pa'i ye shes shar// yon tan kun la snyoms pa de// mnyam pa nyid kyi ye shes yin// 'phrin las cir yang snang ba de// bya ba sgrub pa'i ye shes yin// gzhi nyid dbyer med rang snang bas// ngo bo nyid kyi ye shes shar// ye ni gzhi mo'i don la mkhas// shes pa gzhi yi yon tan no// gzhi snang chen po shes pa ni// ye shes rang shar rang sar grol// rang grol ye shes ma shar na// lkog gyur ye shes phyi dus 'debs// ye shes rang shar shes nas sgom pa'i

  704. 186b

    nad dang bral// snang 'dod ma yin ye nas rang shar la// rang shar ye shes ngo mtshar che// zhes gsungs so// 'khor ba rang gi rgyud las/ ye shes rang shar rang grol gyi le'u ste bdun pa'o// // bcom ldan kun tu bzang po yis// chos sku rang shar rang grol dgongs pa bstan pa ni// gzhi mo ye nas zang thal bas// chos sku rang shar zang thal yin// gzhi mo'i rgyu rkyen ma bskyed pas// chos sku rten med rang shar yin// gzhi mo 'dus byas ma yin pas// chos sku 'dus ma byas su shar// gzhi mo ye nas mi 'gag pas// chos sku yon tan phyogs med shar// gzhi mo rtsol sgrub ma byas pas// chos sku rang shar rtsol sgrub min// gzhi mo phyogs med rang shar rgya ma chad// chos sku rgya mchad pa dang // phyogs med chen por rang shar ro// gzhi mo gnyis su med pas na// gnyis med chos kyi sku ru shar// gzhi la dbyibs dang kha dog med// gnyis med dbyibs med chos kyi sku ru shar// gzhi la yon tan tshangs pas na// ngo bo 'od du bstan pa yin// 'od la yon tan ma 'gags pas/ longs sku gzugs snang rang shar ro// chos sku gzhi mo ma 'gags pas// sbrul sku dngos su rang shar ro// gzhi yi mtshan ma rang grol pas// sku gsum rang shar rang grol yin// zhes gsungs so// 'khor ba rang grol gyi rgyud las/ chos sku rtsol sgrub ma byas rang shar

  705. 187a

    rang grol gyi le'u ste brgyad pa'o// // de nas bcom ldan kun tu bzang po yis// mkha' 'gro glog gi 'phreng ba la// thig le rang shar bstan pa ni// gzhi nyid zang thal thig tu shar// thugs rje mi 'gag le'ur shar// rang bzhin stong pa nyag gcig shar// de ni gzhi yi thig le yin// gzhi yi yon tan 'od du shar// de ni lam gyi le'ur shar// ngo bo 'od gsal thig tu shar// de nyid zang thal nyag gcig shar// de ni dang po'i thig le yin// 'gro ba rigs drug le'ur shar// ngo bo gzhi snang thig tu shar// de nyid zang thal nyag gcig shar// snang ba mi 'gag le'ur shar// rig pa rang gsal thig tu ra/ de ni bar gyi thig le rang shar yin// rtsa lnga skud pa le'ur shar// 'gyur ba dngos med thig tu shar/ ngo bo stong pa nyag cig shar// de ni tha ma rang shar yin// rang shar mi 'gags le'ur shar// de nyid rang grol thig tu shar// dbyer med rang snang nyag gcig shar// zhes gsungs so// 'khor ba rang grol gyi rgyud las/ thig le rang shar gyi le'u ste dgu pa'o// // de nas bcom ldan kun tu bzang // mkha' 'gro glog gi 'phreng ba la// spyan gsum rang shar bstan pa ni// gzhi nyid rang gsal chen po ste// de nyid chos kyi spyan du shar// gzhi nyid thugs rje ma 'gags pas// thabs dang shes rab spyan

  706. 187b

    du shar// gzhi yi rang bzhin stong pa ste// de nyid ye shes spyan du shar// de ni gzhi yi rang shar yin// 'od lnga chos kyi spyan du shar// 'gyu ba shes pa spyan du shar// yid gsum ye shes spyan du shar// de ni lam gyi spyan gsum yin// rna ba chos kyi spyan du shar// snying kha shes rab spyan du shar// mig ni ye shes spyan du shar// de ni rtags kyi spyan gsum yin// 'gyu ba chos kyi spyan du shar// yid ni shes rab spyan du shar// mdzod spu ye shes spyan du shar// de ni don gyi spyan gsum yin// rin chen man shel zang thal te// de ni ye shes spyan du shar// ngo bo gsal ba chos kyi spyan// zer mi 'gag pa shes rab spyan// de ni gzhi yi spyan gyi dpe// 'od ni chos kyi spyan gyi dpe// thig le shes rab spyan du bstan// zer ni ye shes spyan du bstan// de ni don gyi spyan gsum yin// zhes gsungs so// 'khor ba rang grol gyi rgyud las/ spyan gsum rang shar gyi le'u ste bcu pa'o// // bcom ldan kun tu bzang po yis// mkha' 'gro glog gi 'phreng ba la// khams gsum rang shar bstan pa ni// gzhi mo stong pa rang shar ba// de ni gzugs med khams su shar// gzhi mo ngo bo gsal ba de// de ni 'dod khams rang shar yin// gzhi mo thugs rje mi 'gag pa// de ni gzugs khams rang shar yin// 'od lnga gzugs su rang shar ro// 'gyu ba 'dod pa'i

  707. 188a

    khams su shar// yid ni gzugs med khams su shar// de ni lam gyi rang shar ro// gzugs khams gnas ris bsam yas pas// 'od kyi lus pa 'gyur ba yin// 'dod khams gnas ris bsam yas pa// 'gyu ba lo ma rang shar yin// gzugs med skye mched mu med pa// yid 'gyu rten med rang shar yin// de ni 'bras bu rang shar yin// zhes gsungs so// 'khor ba rang grol gyi rgyud las// khams gsum rang grol gyi le'u ste bcu gcig pa'o// // de nas bcom ldan kun tu bzang po yis// rdo rje mkha' 'gro glog 'phreng khyod// rang shar gzhi mo ma shes na// lam rgyus med pa'i mgron po 'dra// gzhi mo rang grol ma shes na// grang nad can gyi ga bur 'dra// gzhi mo'i skyon yon ma shes na// long ba byang thang las pa 'dra// gzhi mo'i rtsa ba mchod na// rtsa ba rul pa'i lo ma 'dra// gzhi mo'i don la khas pa ni// nor bu rin chen rnyed pa 'dra// zhes gsungs so// 'khor ba rang grol rgyud las/ skyon yon rnam par phye ba'i le'u ste bcu gnyis pa'o// / 'phags pa mi g.yo ba 'khor ba rang grol gyi rgyud chen po las ston pa kun tu bzang po/ zhu ba po mi g.yo ba/ zhu ba mkha' 'gro mas zhus pa/ rjes su yi rang ba'i le'u ste bcu gsum pa'o// // rang grol gyi rgyud rdzogs so// // lho stag tshang seng ge

  708. 188b

    ru/ ldom bi chung ram la brgyud/ des myang ston la/ des dbus pa ston pa la brgyud pa lags so//