Text

ff. 1a–349a · 697 folio sides

  1. 1a

    spros bral don gsal chen po'i rgyud ces bya ba bzhugs so//

  2. 1b

    rgya gar sa skr-i ta'i skad du/ ti la ka pra bstan pra ka Ta tan+t+ra ma hA nA ma/ bod skad du/ spros bral don gsal chen po'i rgud ces bya ba/ dpal rdo rje 'chang chen po thams cad mkhyen pa'i sku gsung thugs la phyag 'tshal lo// sum cu rtsa gsum gyi gnas brtsegs pa med pa'i khang bzang chen po na/ lha yi dbang po brgya byin zhes bya ba lha rnams kyi gtso bor gyur pa/ 'khor lha phran mang pos bskor nas bzhugs pa des lha ma yin gyi 'khrug pa chen po byed pa'i g.yul ngor bzlog nas bde ba la 'god pa'i man ngag d+harma sarba ti la a ka haM ru bi ti ka ya tri ru ka ru sa du pa hi na ma/ 'di skad bdag gis thos pa'i dus gcig na/ bcom ldan 'das rang rig rtogs pa mngon gyur gyi rdo rje 'chang chen po de/ sku ye shes

  3. 2a

    rtsal snang la rang bzhin med pa/ sku mdog sna tshogs su bzhugs pa/ cha lugs mnyam pa'i skyil mo krung la/ phyag rgya chos 'chad pa'i tshul du mdzad pa/ ye shes kyi sku yin pa'i phyir/ zhal phyogs bcu kun tu ma 'gags par thal le gsal ba/ gnas rang bzhin gyis rnam par dag pa pad ma bde gsal zhes bya ba/ ye shes kyi rtsal 'od du ma 'gags par shar ba las rgyu grub ste kha dog lnga yis rgyu byas/ dbyibs gru bzhir gyur pa/ rtsigs pa rin po che kha dog lngas byas pa/ pho brang zlum po/ 'khor lo rtsibs bzhi mu khyud kyis bskor ba/ gru chad dang bcas pa/ bar 'khyams lha mo dang ldan pa/ sgo bzhi rta babs dang bcas pa/ 'dod yon gyi snam bu la mkha' 'gro ma sna tshogs dang bcas pa/ mtha' rdo

  4. 2b

    rje'i rwa ba pad mas bskor ba/ de dag snang la rang bzhin med pa/ bar snang gi gzha' lta bu/ de lta bu'i gzhal yas khang chen po na/ ston pa bcom ldan 'das rdo rje 'chang chen po// 'khor ye shes kyi rtsal ma 'gags pa rigs lngar snang ba dang / gzhan yang ye shes kyi rtsal ma 'gags pa sems dpa' dang / sems ma dang / khro bo dang / khro mo dang / zhu ba po'i 'khor gsang ba'i bdag po phyag na rdo rje dang / sdud pa po'i 'khor dga' rab rdo rje dang / gzhan yang mkha' 'gro ma rnam pa lnga ste/ pur+Na nye bar zhi ba dang / rdo rje khro gdong ma dang / gtsug gi rgyan gcig ma dang / ro zan shAn+ti thod pa'i phreng ba can dang / rdo rje rlung gi ga shog pa can dang lnga ste/ de'i rang rang nye 'khor na mkha' 'gro ma grangs med pa dang bcas pas bskor nas bzhugs so// de'i tshe gsang ba'i bdag pos sna drangs te/ 'khor rnams kyis bskor ba lan bdun byas te mdun du 'dug nas ston pa la 'di skad zhus so// kye kye bcom ldan rdo rje 'chang chen po// rang rig don rtogs rtsal la dbang thob pa// sku gsum lhun grub longs sku'i tshul du bzhugs// rig pa spros dang bral ba chos skur rdzogs// 'gyu ba'i rtsal mi 'gag pas sbrul skur 'char// snang la rang bzhin ma grub longs sku'i tshul// 'khrul rtog gnyis ka bsal bas 'gro don 'byung // dus kyi snyigs ma dag la nye ba'i

  5. 3a

    tshe// theg dgu bgrod pa'i lam ni grub thag ring // nyon mongs dug lnga rgyud la shin tu smin// yid smon lta ba goms kyang blo yi chos// rang rig ji ltar yin pa'i don rtogs nas// rtsal gnyis ji ltar 'char yang rang grol ba'i// yul gyis gnod mi nus pa'i gdams ngag tu// tshig gi sgron mas don chen mtshon nas ni// tshig don 'brel ba'i gtan la phebs nges pa'i// bklags pas shes nas de yis don go bas// chos sku cig char bstan pa'i gdams ngag tu// spros bral don gsal rgyud chen man ngag zhu// ma rig mun pas chos sku bsgribs lags na// rang rig sgron mas chos sku bstan par zhu// zhe sdang ma yis rang rgyud bsregs lags na// ye shes bdud rtsis me chen bsad par zhu// ma rig mun pas shes rab rmongs lags na// ye shes sgron mas gti mug bsal bar zhu// 'dod chags lan tsha'i chu yis gdung lags na// ye shes bdud rtsis gdung ba bsal bar zhu// nga rgyal ri bos rang rig mnan lags na// rang rig don rtogs ri bo bsal bar zhu// phrag dog gcong rong lta bus bsdams lags na// spros bral don rtogs gcod rong bsal bar zhu// skye rgas na 'chi'i chu bo ma brgal na// ye shes gru yis chu bo bsgral bar zhu// srid pa'i la chen dag la ma bsgral na// rang grol srid pa'i la las bsgral bar zhu// 'khor

  6. 3b

    ba'i g.ye zang chen por bskyod lags na// ye shes brtson 'grus rta yis bsgral bar zhu// gzung 'dzin lcags sgrog rang rgyud bcings pa la// ye shes lde mig lcags sgrog dbye bar zhu// bdag tu lta ba'i brtson ra dam por chud lags na// thugs rjes sgo dbye bdag 'dzin dgrol bar zhu// ma rtogs 'khrul pa'i 'dam gyis zin lags na// ye shes chu bos 'dam rdzab bkru bar zhu// log rtogs 'dzin pa'i gcong nad zin pa na// ye shes sman pas gcong nad gdon par zhu// log rtogs chad pa'i mtha' ru lhung ba la// ye shes gsal cha'i ngang gi mtha' las gdon par zhu// theg dgus phyogs rtogs yang dag don ma rtogs// yang dag don chen ma nor bstan par zhu// chos rnams ldem dgongs blo sna stor ba la// nges don car phog dag tu bstan par zhu// rang ngo ma shes lta ba spyi sar las pa las// rang rig rang la car phog bstan par zhu// log snang rig par bsres pa'i grub mtha' la// sku gsum rtsal dang bcas pa'i man ngag zhu// zhi gnas mun pas ye shes 'thibs pa la// ye shes lhag mthong sgron ma 'degs par zhu// rtag pa ther zug nad kyis zin pa las// rang bzhin stong pas rtag pa gzhig par zhu// tshig tshogs tha snyad byed snying 'dzin pa la// rtsa ba rang rig snying po bstan par zhu// tshig gi sgron mas don gyi dper mtshon

  7. 4a

    nas// de rnams rtogs pa'i gdams ngag ched po ru// tshig dang don gnyis dus gcig ston pa yi// bklags pas shes shing bstan pas go ba'i chos// rin chen kun 'byung spros bral don gsal gyi// man ngag bshad pa'i rgyud chen bshad par zhu// sngar 'das shAka thub la sogs ston pa yis// rgyud drug nyon mongs kun gyi gnyen po ru// theg dgu la sogs brgyad khri bzhi stong rnams// rig pa car phog dag tu bstan pa med// rang rig car phog dag tu bstan par zhu// thugs rje mnga' bdag rdo rje 'chang chen gyis// dus kyi snyigs ma'i gdul bya'i don ched du// thos bsam sgom la rag ma las pa yis// rang rig snying po spros dang bral ba'i don// cig char car phog dag tu bstan par zhu// de skad zhus pa'i don gsan nas// gsang bdag la sogs 'dus pa'i tshogs rnams dang // ma 'ongs gdul bya rnams kyi don ched du// rang rig rang rtogs rdo rje 'chang chen ngas// 'dus pa'i tshogs dang ma 'ongs don ched du// sngar bshad gzhan gyis bstan pa med pa yi// thos bsam sgom par rag las med pa'i don// rang rig chos sku car phog bstan pa yi// tshig chung don che go bar sla ba'i chos// bstan pa tsam gyis blo dman kun gyis rtogs// chos rnams kun gyi snying po don chen yin// 'khor 'das theg pa kun gyi rtsa ba yin// lung mdo

  8. 4b

    man ngag cig char pa// rgyud kyi snying po rang rig car phog don// don 'dril mtha' gcod spros bral don chod bstan// zhes gsungs so// spros bral don gsal chen po'i rgyud las/ gleng gzhi dang gleng bslang ba'i le'u ste dang po'o// // kye gsang ba'i bdag po phyag na rdo rje/ rtse gcig gus pas nga la nyon/ bar snang gi ngo bo ma grub pa la/ gang zag la la la nam bsros/ la la la nyi ma shar/ nam bsros pa ni snang ba gsal ba med de/ mun pa'i smag chen por song / nyi ma shar ba ni mun pa'i skye mched dag nas nyi ma nub mi srid do// a dz+nyA na d+harma kA ya/ mun pa'i smag chen po de bsal ba'i thabs de gang gis bya ba dang / mun pa'i smag chen po de bsal nas nyi ma la nub pa med pa'i dgongs pa bstan pa'o// de la gang zag gi rgyud la 'char lugs ni/ dang po gzhi dus bstan pa dang / de nas rtogs dus bstan pa dang / de nas 'khrul dus bstan pa dang / de rtogs dus gom pas dag lugs dang / mtha' ru dag pa chen po bstan pa'o// zhes gsungs so// gsang ba'i bdag pos zhus pa/ kye kye bcom ldan rdo rje 'chang chen po// gang zag snod ldan phyi ma'i don ched du// bstan pas go zhing bklags pas shes pa'i rgyud// rtsa rgyud bshad rgyud gsang ba man ngag rgyud// gcig tu dril zhing zab cing rgyas pa zhu// bcom ldan rdo rje 'chang gis yang gsungs

  9. 5a

    pa// lnga brgya tha ma dus kyi snyigs ma la// nyon mongs rag pas sdug bsngal drag po 'byung // sdug bsngal drag pos dad pa rags pa bskyed// dad pa rags kyang rgyu 'bras chos la spyad dbang med// de dus bstan pa tsam gyis go ba yi// bka' rgyud kun gyi rtsa ba'i man ngag 'di// gdul bya drang phyir ston pa nga yis bshad// dang po gzhi yi gnas lugs bstan pa dang // bar du bzang rtsal ngan rtsal gnyis su 'char lugs bstan pa dang // ngan rtsal dag las 'gro la thabs thun mong khyad par bstan pa dang // grol nas rtsal 'char thim dus bstan pa'o// gzhi ni 'khor 'das gnyis ka'i gzhi yin te// de yi gnas lugs mtshon lugs rgyas par bshad// rtsal ni gzhi yi rtsal de rtogs 'khrul gnyis// rtogs pa longs sku'i sa zin thugs rje yis// 'gro ba'i don byas chos sku nyid du thim// ma rtogs rtsal ni 'khrul ba'i rgyu rkyen gyis// khams gsum 'khor ba'i gnas su dug lngas rang rgyud bsreg/ ngan rtsal de las bzang po'i rtsal dag gis// sgrol ba'i thabs su gnyen po theg pa'i bye brag bstan// de yang brgyad khri bzhi stong chos bstan kyang // bsdu na theg pa rim pa dgu ru 'dus// de dag kun gyi rtsa ba car phog rgyud chen 'di ru 'dus// 'di nyid khyad par grol thabs yin te shin tu zab/ grol zabs 'di la lta sgom spyod 'bras

  10. 5b

    bzhi yi cha rkyen du// man ngag bye brag mang du bstan gyis legs par yid la zhog/ grol dus longs skus gdul bya gzhan gyi don byas te// mtha' ru chos skur thim dus bstan pa'o// thim lugs chos sku'i sa na gnas lugs 'di ltar yod// rang gi rig pa gsal bar mi rtog dang // thim pa la ni ma rmugs dang // yod la bdag tu 'dzin pa med// so sor ma 'dres yongs su 'byed pa med// mtha' rnams kun dang bral bas phyogs su lhung ba med// mya ngan sdug bsngal bral bas bde ba rgyun mi chad// rang byung mtha' ru 'dug pas rkyen gyis 'jig bral med// 'bras bu mngon du byas pas re dogs gnyis dang bral// ma btsal lhun gyis grub pas gzhan la rag ma las// 'khrul pa rnam par dag pas 'khor bar ldog mi srid// rig pa'i rtsal ma 'gags pas thams cad mkhyen par shar// rang gi ngo bos stong pas bag chags bsag tu med// rdo rje 'dzin pa legs par zung zhig/ dang po gzhi yi gnas lugs bstan pa nas/ 'bras bu mthar thug pa'i bar du de ltar shes par bya'o// zhes bka' stsal to// spros bral don gsal chen po'i rgyud las/ spyi khog bsdus pa mdor bstan pa'i le'u ste gnyis pa'o// // a a a sarba dz+nyA na d+harma kA ya na ma/ nam mkha'i mtha' 'di spros dang bral ba la mun snang gnyis ka ma grub pa zhes bya ba ston te/ gsang

  11. 6a

    ba'i bdag pos yang zhus pa/ kye bcom ldan rdo rje 'chang chen po// 'khor dang myang 'das gnyis ka'i gzhir gyur pa// dngos po'i gnas lugs ji ltar gnas pa'i don// de las rtsal byung ji ltar 'byung ba'i rgyu// de dag rgyas bshad ji ltar phyi la bshad// bcom ldan rdo rje 'chang gis bshad par zhu// bcom ldan rdo rje 'chang gis gsungs pa'i don// dang po gzhi yi gnas lugs bstan pa dang // gnyis pa gzhi las rtsal gyi 'byung lugs dang // gsum pa gzhi yi bye brag bstan pa dang // bzhi pa gzhi yi mtshon dpe bstan pa dang // lnga pa gzhi yi brjod tshig bstan pa dang // drug pa gzhi yi mdor bsdus bstan pa dang // bdun pa gzhi yi ngos bzung bstan pa'o// dang po gzhi yi gnas lugs bstan pa ni// 'khor 'das rtogs 'khrul med pa'i gong rol na// rgyu rkyen gnyis las 'das pa rang byung ste// bde gshegs thugs rje dag las ma byung dang // sems can rnams kyi las kyis ma bskyed dang // phyi rol 'byung ba lnga yis ma bskyed dang // nang gi rnam rtog dag las ma grub dang // gang zag lam pa'i blo yis ma bcos pa'o// ming dang mtshan ma gang yang btags pa med// shes med rtog med ma rig 'khrul pa med// 'khrul dang bag chags rtog pa sna tshogs dang // ye shes rtsal snang 'bras bu'i chos rnams ni// rang byung gnas lugs gzhi

  12. 6b

    la dbye ba med// thog ma'i dus dang snga phyi grub pa med// bzang ngan blang dor sgrub bya gang yang med// mtha' dang dbus med phyogs dang ris su med// ngo bo ma bcos ma bslad gnyug mar gnas// so ma rang lugs ma byung ma skyes so// gnyis med mnyam nyid bzang ngan gar mi 'byed// bden rdzun yod med gar yang 'dzin pa med// bsam med rtog med nam mkha' dag pa 'dra// ngo bo gzugs dang dngos po'i mtshan ma med// gnas dang mi gnas snang dang stong pa med// rtag dang chad dang gcig dang du ma med// dga' dang mi dga'i rtsis gdab dag las 'das// mdor na mtha' dang phyogs 'dzin gang yang med// rigs drug sems can 'khrul pa sna tshogs dang // rgyal ba'i sku dang ye shes snang ba dang // rim dgu la sogs theg pa'i bye brag rnams// dngos po'i gnas lugs gzhi la grub pa med// ji bzhin ma bcos kun gyi gzhi yin te// rang byung lhun grub kun gyi 'byung gnas de// ma bslad snying po kun la khyab pa'i don// rang gnas byang chub kun gyi gzhi ma yin// ma phye mi 'byed rang gnas ngo bo ste// 'gro dang 'ong zhing 'byung 'jug kun las 'das// rtsang dang ma myang 'jug dang mi 'jug med// stor dang ma stor med pas btsal mi dgos// dngos med kun gyi snying po kun gzhi ste// chags dang ma chags bya byed kun dang bral// skye med 'gru

  13. 7a

    med snang ba'i yul las 'das// rang lus rang gnas ma bcos byang chub sems// gdod nas lhun grub rin chen kun gyi mdzod// rtog med mnyam nyid gsal cha'i rtsal ma shar// shes pa sgo lngar ma don nyams myong med// 'gyu ba rang snang ma bcos rnal mar gnas// nang gi rig pa'i rtsal ni sngar ma 'gyus// bsam 'phel rin po che las dgos 'dod 'byung ba bzhin// man shel rnam par dag las 'od lnga lhun grub bzhin// til 'bru la sogs mar khu lhun grub bzhin// snying po'i gzhi la rtsal gnyis lhun gyis grub// rtogs na gzhi la rtsal gnyis sku ru 'char// ma rtogs gzhi la 'khor ba rang kham// zhes gsungs so// spros bral don gsal chen po'i rgyud las/ gzhi'i gnas lugs kyi le'u ste gsum pa'o// // a a rat+na d+harma kA ya/ nam mkha' rgya mtsho me long can gyi gnas g.yu'i maN+Dal chen po khod snyoms pa'i steng na/ rin po che'i mchod rten khri 'phang lnga pa/ shel gyi za ma tog chen po'i nang na gnas pa la/ rlung gi rta phos bdag po byed pa'i man ngag gsang ba'i bdag po phyag na rdo rjes rdo rje 'chang la yang zhus pa/ gong gsungs gzhi'i gnas lugs de lags na// rtsal 'char gzhi dang gzhi snang don// 'dus pa'i 'khor la gsung du gsol// rdo rje 'chang gis bka' stsal pa// rigs kyi bu rgyud thams cad kyi don/ gzhi dang

  14. 7b

    gzhi snang chen po'i 'dug tshul nga yis smra yis ma nor yid la zung zhig/ ngo bo nyid kyi snang ba la/ ngo bo nyid kyi skur shar te/ chos sku thig le nyag gcig ma bcad pa'i yul can/ snying po bcud du 'dril ba/ dpe nam mkha' dang nyi ma lta bur gnas so// kye gsang ba'i bdag po nges par zung zhig/ ngo bo nyid kyi snang ba ni yul chos kyi dbyings/ sangs rgyas kyi zhing khams rnam par dag pa ste/ de la ni mtha' dang dbus med pa/ steng 'og phyogs mtshams med pa/ du ma dang rten pa med pa/ de rdos pa can gyi chos min pas mnan na nem pa snyam byed pa/ btegs na 'phar ba snyam byed pa/ gar yang gsal ba zang thal ba/ kun tu rgya ma chad pa/ spros bral gyi dbyings/ 'gyur med kyi klong ngo // ngo bo nyid kyi sku ni phyogs lhung med pa'i shes rab/ rgya ma chad pa'i ye shes/ lhun gyis grub pa'i sangs rgyas dngos med zang thal ba/ byed pa po'i mtha' thams cad las 'das pa/ ma bcos pa sgro skur gyi mtha' thams cad las 'das pa/ ma bslad pa skyon gyi mtha' rnam par dag pa/ dang po rgyu med pa/ bar du rkyen med pa/ tha ma gnyen po med pas mi 'gyur ba/ ma rig pa dang log par lta ba dang / ma dad pa dang le lo la sogs pa dri mar ma gyur pa rtag chad kyi mtha' dang / yod med kyi mtha' dang / bem rig dang gzung 'dzin gyi mtha' dang bral

  15. 8a

    ba'o// 'khor 'das kyi chos thams cad kyi don gyi ngo bor gyur pa'o// shar pa ni ye shes dbyings las shar/ dbyings rig pa dang ldan/ mtha' rnam par mi 'byed/ shes pas gud du mi gcod do// rig pas dbyings la khyab/ ye shes kun tu brdal/ chos nyid rig par 'dus so// rigs kyi bu de ltar ngo bo nyid kyi snang ba dang chos sku gnyis su brjod cing mtshon kyang / don gong ma bzhin du gnyis su med pas/ mtha' bla na med pa'i sbubs su 'dus shing / sbubs bla na med pas mtha' dbus yongs la khyab ste/ don gnyis med chos kyi sku thig le nyag gcig go/ de ci'i phyir zhe na/ ma bcad pa'i yul can yin pas so// de yang ma bcad pa'i rig pa la 'dzin rtogs ma skyes te/ yul du yang ma bzung / gzung 'dzin gnyis su med kyang / yul rang snang chen po de dang ldan pas/ ye shes 'od du gsal nus te/ yul can zhes ldan tshig go/ snying po bcud du dril ba ni/ dbyings kyi snying po rig pa'o// de'i snying po ni ye shes kyi rang gdangs lnga'o// de'i snying po ni ye shes kyi sku lnga'o// rigs kyi bu bcud dang yang de bzhin du sbyar ro// dril ba ni sgyu ma lta bus ye shes kyi snang ba yin pas so// dpe ci lta bu zhe na/ nam mkha' la nyi ma shar ba lta bu'o// rigs kyi bu ngo bo nyid kyi snang ba ni/ nam mkha' sprin dang bral ba lta bu'o// ngo bo nyid kyi

  16. 8b

    sku ni nyi ma'i snying po lta bu'o// zhes don gyi snying po dgos 'brel chen po dang sbyar nas gsungs so// spros bral don gsal chen po'i rgyud las/ gzhi dang gzhi snang chen po'i 'dug tshul bstan pa'i le'u ste bzhi pa'o// // de nas yang bcom ldan 'das rdo rje 'chang chen po gzhi'i mtshan nyid kyi ting nge 'dzin la snyoms par zhugs so// de nas yang gsang ba'i dag pos zhus pa/ kye bcom ldan rdo rje 'chang chen po// gzhi yi bye brag gsung du gsol// zhes zhus pas/ gzhi'i ting nge 'dzin las bzhengs te/ bka' stsal pa/ rigs kyi bu gzhi'i ngo bo ni gnyis su med pa'o// nges tshig ni thams cad 'byung bas na gzhi'o// yang na 'khor 'das gnyis kyi rten du gyur pa'o// mtshan nyid ni ye shes lnga'o// dbye ba ni gsum ste/ ye don gyi kun gzhi ni yang dag pa'i gzhi'o// sna tshogs bsags pa'i kun gzhi ni bag chags dang 'dres pa'i shes pa tshogs brgyad do// gnas lugs don gyi kun gzhi ni 'dug tshul brgyad kyi dpe'o// gzhan sel ni rig par 'dug pas bem po sel/ stong par 'dug pas dngos po sel/ gnyis med yin pas gnyis snang sel/ rang byung yin pas rgyu rkyen sel/ lhun grub yin pas re dogs sel/ yang dag yin pas dri ma sel/ med pas yod pa'i rtag mtha' sel/ yod pas med pa'i tshad mtha' sel/ kye rdo

  17. 9a

    rje 'dzin pa legs par zung zhig/ yang dag pa don gyi gzhi'i phyi mo ni/ rang dang rigs mthun pa las kyang log pa ste/ rig pa tsam du mthun pa tshogs brgyad las grol lo// de yang ji ltar grol zhe na/ 'phel 'grib med pas kun gzhi'i rnam shes las grol/ ngar 'dzin med pas nyon mongs pa'i yid las grol/ gzung 'dzin med pas yid kyi rnam shes las grol/ skye 'gag med pas sgo lnga'i rnam shes grol zhing log pa'o// gsang ba'i bdag po stong par rigs mthun las log ste/ rang bzhin dag pas nam mkha' kha dog dang bcas pa/ dbyibs dang bag rdul dang bcas pa 'di ma yin no// kye sems dpa' chen po// rigs mi mthun pa las kyang log ste/ rig pa dang rigs mi mthun pas bem po min/ stong pa dang ni rigs mi mthun pas/ phyi nang gnyis kyi 'byung ba bzhi las grub cing bskyed pa'i dngos po med do// rigs kyi bu don chen po des na/ gnyis ka las kyang ldog pa shes par bya'o// gnyis ka ma yin pa'i dngos por 'dzin pa dang bral ba'o// zhes gsungs so// spros bral don gsal chen po'i rgyud las/ gzhi'i bye brag bshad pa'i le'u ste lnga pa'o// // de nas yang mtshon pa dpe'i dgongs pa la bzhugs so// gsang ba'i bdag pos yang zhus pa/ kye kye bcom ldan rdo rje 'chang / de bzhin mtshon dpe gsung du

  18. 9b

    gsol// zhes zhus so// bcom ldan 'das kyis bka' stsal pa/ rdo rje 'dzin pa khyod nyon cig/ ngas gzhi dang gzhi snang chen po dpe dang brdas bshad par bya'o// mi g.yo ba rgya mtsho'i gting lta bu'o// stong pa khyab pa dang yangs pa nam mkha' lta bu'o// dri ma med pa man shel lta bu'o// dag cing gsal la ma reg pa me long gi gzugs brnyan lta bu'o// sna tshogs su snang yang dri mas ma gos pa pad+ma lta bu'o// 'gyur ba med pa glang po'am rdo rje lta bu'o// thams cad 'byung bas sa gzhi lta bu'o// dngos su mi snang la byin rlabs las 'byung ba yid bzhin gyi nor bu lta bu'o// rang gi ngo bo gsal la mi 'gag pa nyi ma'i snying po bzhin no// rgyun chad med pa chu bo bzhin no// brtan pa ri bo lta bu'o// gcig du mar snang ba nyi zla bzhin no// gcig kun la khyab pa chu'i lbu ba la byad kyi gzugs brnyan bzhin no// chos nyid la chos skur shar ba ni me long la nyi ma shar ba bzhin no// chos nyid la chos skus khyab pa ni 'o ma dang mar bzhin no// chos nyid kyi snying po rig par gnas pa ni nam mkha' dang nyi ma bzhin no// chos nyid mi rtog pa la chos sku'i rtsal gcod pa ni spu gri'i lhag pa dang so bzhin no// ma 'dres pa la rdzogs pa ni sa 'og gi gur khyim dang gzugs brnyan bzhin no// sna tshogs snang la gnyis su med pa ni shing gi grib ma bzhin no// gzhi las rtsal

  19. 10a

    'du 'phro ni rgya mtsho la chu bran 'du ba bzhin no// gzhi la sku gsum rdzogs pa ni/ nyi ma'i snying po la 'od zer ma 'gags pa bzhin no// ngo bo rang bzhin thugs rje gsum gyi dpe ni rma bya'i sgo nga'am nyi ma'am nam mkha'i sprin dang char bzhin no// yang na man shel bzhin no// 'khor 'das gnyis skyon yon du shar yang ngo bo gcig pa ni ga bur bzhin no// gnas lugs dang snang tshul ni mar me dang me long bzhin no// rig pa dang ye shes kyi dpe ni gser dang ser po bzhin no// sku gsum ngo bo rang nyid yin yang ngo ma shes pa rgyal bu dmangs su 'khyams pa bzhin no// rgyu rkyen gang gis ma byas pa bar snang 'dus ma byas pa lta bu'o// rang gi ngo bo dus gsum du 'gyur pa med pas gser lta bu'o// ming gang du yang ma thogs pas rgyus med kyi yul du phyin pa lta bu'o// dgos 'dod rang la yod kyang spyad par ma phan pa gyad kyi nor bu lta bu'o// gzhi snang chen po'i dpe la a zhes zer ro// dpe'i don rtags su 'byor pas/ dpe oM gyi sgra de bzhin rjes 'jug rnams kyis legs par dgongs/ 'bod skad thabs gsum don gyi khrigs sdeb la/ gar byung dpe dang don du 'byor par nges/ dpe kha gcig ni kun tu rgyug par bya'o// spros bral don gsal chen po'i rgyud las/ gzhi mtshon pa'i dpe bstan pa'i le'u ste drug pa'o// // de nas yang

  20. 10b

    bcom ldan 'das rdo rje 'chang chen po tshig don gsal ba'i ting nge 'dzin la snyoms par zhugs so// de nas yang gsang ba'i bdag pos zhus pa/ kye kye bcom ldan rdo rje 'chang / de yi brjod tshig ngos bzung gsung du gsol/ zhes zhus so// yang ston pas gsungs pa/ ngas bstan rgyud lung thams cad nas/ gzhi yi tshig tshogs mang gis kyang // mdor bsdus ngas bshad khyod kyis nyon// 'khor 'das kyi chos thams cad kyi ngo bor gyur pas na/ ngo bo nyid kyi sku'o// de rang snang yin pas na/ ngo bo nyid kyi snang ba'o// de yang rang gdangs chen po mi 'gag pas snang ba chen po'o// 'khor 'das kyi tha snyad las grol bas chos kyi sku'o// yon tan dus phyis 'bras bu chos skur gsal bas/ 'bras bu'i ming rgyu la btags pas chos kyi sku'o// ma rig pa dang bem po las log ste/ yang dag pa'i shes pa'i ngo bor gnas pa ni rig pa'o// rgyu rkyen las 'das pas rang byung ngo // glo bur du byung ba min te/ ye nas gnas pa'i rig pa'i bdag nyid du gyur pas na ye shes so// rang snang las gzhan snang med cing ngo bo mi 'gyur bas na/ snang ba rang snang por gsal ba'i thig le nyag gcig go/ de'i gong na gzhan med pas chen po'o// de bas snga ba gzhan med pas sngon byung ngo // thams cad de las shar cing snang bas kun byed do// 'khor 'das thams cad

  21. 11a

    de las snang bas gzhi'o// ngo bo gsal la mi 'gag pas zang thal te/ sgrib pa med pas kun gzhi me long lta bu'o// ye shes yul chos nyid stong pa dang / rig pa 'dus ma byas stong pa dang / stong pa dbyer med gsal ba zang thal gyi ngang na sku gnyis nang gsal du bzhugs shing 'du 'bral med de/ don dbyer mi phyed pa rdo rje 'chang ngo // sku lnga ngo bo nyid dang drug/ ye shes lnga mi gnas pa'i ye shes dang drug/ yul lnga bdag tu med pa'i klong dang drug/ rigs lnga a'i rigs dang drug/ 'od lnga rang bzhin gyi 'od dang drug/ 'byung ba lnga rang byung gi 'byung ba dang drug/ yul lnga dbyings kyi yul dang drug/ nyon mongs pa lnga khong khro ba dang drug/ 'gro ba rigs drug rnams don gnyis su med par bzhugs shing phyis yon tan du mi 'gag pas drug pa rdo rje 'chang ngo // gzugs sku'i sangs rgyas grangs las 'das pas/ thams cad de'i don rtogs pa las shar cing byung bas na/ sangs rgyas thams cad kyi mes po'o// rang gi ngo bo dri ma med cing ye shes kyi rang gdangs chen po mi 'gag par gsal bas/ de kun gyi gong du gyur pa dang / rig pa rang chas su mi 'gyur bas thog ma'i sangs rgyas 'od mi 'gyur ba'o// yon tan gyi bye brag cir yang snang ba las/ rang gi ngo bo la dbyer med pas thams cad gnyis med chen por ro gcig pas kun tu bzang

  22. 11b

    po'o// chos nyid gsal ba'i rang gdangs la// ye shes dag pa'i zer mdangs shar// 'gag med 'od kyi gzhal yas khang // snying po sku lnga nang na gsal bas na// gzhon nu'i sku'o// bgres pa mi mnga' bas gzhon pa'o// rig pa dang ye shes 'du 'bral med pas// thabs 'gag pa med pa'i ye shes dang / shes rab 'gyur ba med pas ye shes so// chos nyid kyi klong du rig pa grub cing rig pa'i klong du ye shes kyi rang gdangs lnga grub ste/ 'od kyi sbubs na sku lnga grub pas rang bzhin lhun gyis grub pa'i sangs rgyas so// ngo bo nyid kyi sku dbyer mi phyed pa'i ngang nas/ rang bzhin 'od kyi bum pa lnga gsal ste/ thugs rje'i snying po sku lnga phyag rgya ma sres pa'i tshul du gnas pas na ngo bo rang bzhin thugs rje gsum mo// zhes rdo rje 'dzin pas legs par zung zhig/ gzhan thams cad tha snyad yin la/ yang dag pa'i don de ltar gsal bas na// dang po'i gnas lugs so// rang byung gi ye shes yin pas na/ dang po'i sangs rgyas rgyu med pa/ sangs rgyas thog mtha' med pa'o// gzigs snang las 'das pa'i gsal ba mi 'gag pas ye shes kyi mig go/ gnyis su snang bas rtag chad dang yod med che chung mtho dman dang / yangs dog gzung 'dzin dgag bsgrub dang / dag dang ma dag phyi nang yang dog dang / blang dor yin min gnyis kyi chos/ de bzhin du

  23. 12a

    gnyis snang med pas gnyis med do// mi mthun pa'i snang ba med pas gcig go/ sgrib pa med pas zang thal lo// 'khor 'das thams cad de las 'byung zhing thug pas na rtsa ba'o// brjod med bsam gyis mi khyab kyang / don yang dag pa de las mi 'da' bas na brjod pa zhes bya'o// ma bcos par ngang gis gnas pas gshis so// thams cad de las byung bas rgyu'o// gzhi chen po de las thams cad bskyed cing 'brel pas sa bon no// ka dag pa'i ye shes yin te/ dri ma mi gnas pas rnam par dag pa'o// 'khor 'das thams cad de las 'byung bas na rin po che'o// rigs kyi bu gzhan yang 'di lta ste/ sna tshogs su snang zhing shar yang ngo bo mi rtog pas 'byed pa med pa'i shes rab bo// rang gi ngo bo rig pa dngos med ye shes ye dag zang thal du gnas la/ de rdos pa can gyi chos min pas/ yon tan gyi sgo yangs pa ni chos thams cad kyi 'byung gnas te/ ngo bo rgya ma chad pa'o// kye rdo rje 'dzin pa ngas bstan rgyud lung du/ tshig de rnams gang byung yang / gzhi mtshon pa'i tshig tu shes par gyis shig/ ngo bo nyid kyi sku zhes pa nas rgya ma chad do// zhes pa yan chad du bstan pa'i tshig 'di rnams ngas 'dir bstan cing bshad pa bzhin du/ rgyud lung thams cad du shes par gyis shig/ gzhan yang 'bod skad thabs gsum dang sbyar la gzhi mtshon

  24. 12b

    pa'i tshig tu 'gro ba la 'byung ba na de dang mthun par 'bru mnan no// zhes gsungs nas/ chos nyid mtshon pa'i tshig bka' stsal pa/ kye gsang bdag snang ba chen po zer na/ snang ba ni yul 'gag pa med par gyis shig/ chen po ni snang ba de ma byas pa dang / de'i gong na gzhan med pa dang snang ba gzhan las 'phags par shes par bya'o// rang snang zer na gzhan mi snang ste gzung 'dzin dang bral ba'o// snang ba rnam par dag pa zer na/ snang ba la du ma med par shes par bya'o// chos nyid zer na yul 'gyur ba med pa'o// dbyings zer na yul spros pa dang bral ba'o// klong zer na yangs pa chen po cha shas dang bral ba'o// stong pa 'gyur ba med par shes par bya'o// yul zer na bzhugs pa'i gnas dang de'i snang ba la shes par bya'o// stong pa zer na mtshan ma las 'das te dngos po med pa'o// yangs pa zer na gang la yang dog pa mi mnga' ste/ de nyid kyi khyad par dang de las snang ba du ma mi 'gag par 'char ba'i rten du shes par bya'o// dbyings rnam par dag pa ni/ snyigs ma'i 'byung ba ma grub pas bag rdul med cing ye shes kyi gdangs 'char nus pa la bya'o// pad+ma bde gsal zer na/ dri ma med pa'i snang ba la gnod pa mi skyel ste/ rang gsal 'dzin med du shes par bya'o// spros bral gyi dbyings zer na 'byung ba bzhi'i mtshan ma dang bral

  25. 13a

    ba'o// 'gyur med kyi klong zer na chos nyid la kha gting med pa'o// zhes gsungs so// spros bral don gsal chen po'i rgyud las/ gzhi dngos po'i gnas lugs dang snang tshul mtshon pa'i tshig ngos bzung ba'i le'u ste bdun pa'o// // gsang ba'i bdag pos yang zhus pa// kye kye rdo rje 'chang chen po// gzhi nyid rgyas par bshad pa de lags na/ gzhi nyid bsdus nas bshad pa dang / de don ngos bzung bstan pa dang / de la 'khrul rtog 'char lugs dang / yar la ji ltar grol lugs dang / grol nas thim dus bshad par zhu// de skad ces ni zhus pa dang // rdo rje 'chang gis bka' stsal pa// dang po gzhi yi bsdus don ni// gzhi nyid ma bcos ma bslad pa// rig pa gsal bas nam mkha' lta bur med// dngos por ma grub bem po med// rig pa gsal stong gnyis med zang thal yin// rig pa rlung bzhin 'gyu zhing spyod par nus// rtag chad la sogs mtha' brgyad dag dang bral/ rtogs dang ma rtogs shan ma phyed/ rig dang ma rig yengs dang ma yengs dang / yin min gang gi 'dzin pa ma zhugs ste// gong gi ming dang brda' ru btags pa med// shes rig tsam du yod kyang der ma shes// thams cad lhun gyis grub kyang 'byung ma nus// gzhi yi ngo bo rang byung stong gsal dag tu nges pa la// nges pa'i shes pa shar dang ma shar gnyis ma

  26. 13b

    phye// rtsal ni ma nges gang 'gyu nges pa med// dper na nor bu rin chen yon tan lhun grub ste// bsod nams che chung gnyis kyi rkyen gyis ni// dgos pa bzang snang ngan snang nges pa med// de lta bu yi gzhi de ni// tha mal rang rgyud da lha'i shes pa la// ngo yis tsir gyis bzung bar nga yis bstan// de ltar gzhi nyid nges par shes gyur na// lta sgom spyod 'bras nges pa dus gcig 'char// kun la spel ba'i snod mi ldan// theg pa gzhan du de ltar bstan pa med// gzhi yi ngo bo ma bcos ma bslad cing // so ma rang byung dngos po'i gnas lugs las// rang rtsal mi 'gags dang po gzhi ru 'char// dang po gzhi las rtsal de g.yo tsam 'byung // g.yo mi g.yo las yid tsam g.yos// de las shes pa rtsal 'grus pa// rang gzugs 'od du snang ba mthong // tshor bas yar chad mar chad byung // yar chad rang snang 'dzin med kyis// rdo rje 'chang chen yar la grol// mar chad 'dzin pa brtas pa yis// 'gro drug sems can mar la 'khrul// 'khrul pa rtog pa'i bye brag rnams// rgyas par 'og nas gsal bar bstan// snang ba rang snang 'dzin med ma shes pas// lhan cig skyes pa'i ma rig pa ru byung // de la brtags pas kun brtags ma rig yin// de ltar rgyu gnyis rkyen ni bzhi ru byung // phyi nang snod bcud dag tu ni// ye shes dang ni sems can gnyis su

  27. 14a

    chags// chos kyi dbyings la ye shes lnga las ni// ma rig ye shes dug lngar 'khrul// chos kyi sku yi rtsal las longs sku de las lus su 'khrul// de gnyis tshogs pa'i rtsal las ni// sbrul sku de las ngag tu 'khrul// phyi yi chos dbyings ma shes pas// 'gro ba rigs drug snang bar shar// de ltar 'khrul pas khams gsum sems can la// sku gsum ye shes rnam lnga lhun gyi grub// bag chags sbubs na sku gsum gnas pa la// bla ma'i gdams ngag rkyen gyis rtogs par bya// rtogs pa goms nas dag pa'i snang ba 'char// zag bcas lus dang bral na rin chen sbubs 'char te// longs sku'i 'gro don byas nas chos skur gsal// de las sku gsum lhun gyis 'grub// rgyas par 'og nas 'byung bas shes par gyis// zhes gsungs so// spros bral don gsal chen po'i rgyud las/ gzhi bsdus ste bstan pa dang dngos bzung 'i le'u ste brgyad pa'o// // shel gyi za ma tog gis ma thub par g.yu'i maN+Dal las mchod rten gyi gdangs phyi ru phyung ba ste/ gzhi'i man ngag lha tshogs lnga shar ba'i man ngag/ a b+hi ta da ka na pany+tsa pra pa rA pra ra ka la d+hA a ha ra/ de'i tshe ston pa rdo rje 'chang chen po// ye shes gsal ba'i ting nge 'dzin la snyoms par zhugs so// yang de'i tshe gsang ba'i bdag pos zhus pa// gong gsungs gzhi snang chen po de// glo bur

  28. 14b

    ma yin ye shes de// da lta ma 'ongs rjes 'jug la// ye shes don rnams gsung du gsol// zhes zhus so// ston pa ye shes gsal ba'i dgongs pa las bzhengs nas bka' stsal pa/ rigs kyi bu nyon cig/ ngas ye shes kyi don mdor bsdus la bstan no// ye shes kyi ngo bo dang // ye shes kyi nges tshig dang / dbye ba rnam grangs dang bcas pa dang / mtshon dpe dang sbyar la bshad de/ ye shes kyi ngo bo ni gsal la mi rtog pa'o// de yang rang bzhin rnam par dag pa gzhi gnas kyi ye shes dngos med zang thal lo// sku dang sbyar na chos sku'o// rig pa dang sbyar na ngo bo'o// rigs kyi bu 'dug tshul 'od du gnas pas/ sku dang sbyar na gzugs kyi sku'o// ye shes dang sbyar na mtshan nyid 'dzin pa'i ye shes lnga'o// snang tshul phyi nang med par snang bas sgrib med du gsal ba'i ye shes so// de yang rang bzhin rnam par dag pas rtag pa'i mtha' las 'das/ 'dug tshul 'od du 'dug pas chad pa'i mtha' las 'das/ snang tshul phyi nang med pas gzung 'dzin gyi mtha' rnam par dag pa ni ye shes kyi ngo bo'o// nges tshig ni ye nas yin pa'i don de ma nor bar shes pas ye shes so// dbye ba rnam grangs dang bcas pa ni rig pa dngos med ye dag zang thal chen po de las/ 'khor 'das thams cad snang bas na gzhi gnas kyi ye shes so// de stong par gnas pas na chos

  29. 15a

    kyi dbyings kyi ye shes so// stong pa de rig pa 'gag pa med par 'dug pas me long ye shes so// stong pa de nyid rig pa yin la rig pa de nyid stong pa yin te/ stong rig dbyer mi phyed pas mnyam pa nyid kyi ye shes so// stong pa dang rig pa gnyis su med pa so sor mkhyen pas so sor rtogs pa'i ye shes so// rig pa dngos med kyi ye shes rdos pa can gyi chos ma yin pa yon tan gyi sgo yangs pa ste/ rtsal phyogs med du gang la'ang ma thogs par 'byung bas bya ba grub pa'i ye shes so// de ltar tshig phyogs re nas brtags kyang / don phyogs cha dang bcas pa mi snang bas mi gnas pa'i ye shes so// kye ho rigs kyi bu de ltar shes pa ni/ rang gis rang rig pas rig pa'i ye shes so// de la byed pa po med pas rang byung gi ye shes so// de'i don las mi 'da' bas na/ 'da' ka thugs kyi ye shes so// dpe bstan na gzhi gnas kyi ye shes kyi dpe ni/ thams cad 'byung bas sa gzhi rin po che lta bu'o// chos kyi dbyings kyi ye shes ni nam mkha' lta bu'o// me long ye shes kyi dpe chu dngas pa'am me long g.ya' dag pa lta bu'o// mnyam pa da kyi ye shes kyis ni dus gsum mnyam pa nyid kyi dpe chu bo lta bu'o// gnyis su med pa'i ye shes kyi dpe ni/ gser dang ser po lta bu'o// so sor rtogs pa'i ye shes kyi dpe ni/ rgya mtshor gza' skar shar

  30. 15b

    ba lta bu'o// bya ba grub pa'i ye shes kyi dpe ni/ rlung dang nyi ma bzhin no// mi gnas pa'i ye shes kyi dpe ni chu zla bzhin no// rang rig pa'i ye shes kyi dpe ni man shel dang 'od bzhin no// rang byung ye shes kyi dpe ni rdo rje lta bu'o// 'da' ka thugs kyi ye shes kyi dpe ni/ rgyal po'i bka' khrims la gnas pa'i phyag rgya mo la mi yis glags mi 'tshol ba bzhin no// zhes gsungs so// spros bral don gsal gyi rgyud chen po las/ ye shes yongs su ngos bzung ba bstan pa'i le'u ste dgu pa'o// // de nas yang ston pas bka' stsal pa/ ngas bstan pa yi rgyud lung dag nas// thams cad 'byung bar smra na/ gzhi gnas kyi ye shes yin/ dngos med stong par brjod na chos kyi dbyings kyi ye shes yin/ 'gag pa med par brjod na/ me long lta bu'i ye shes yin/ gnyis su med par brjod na/ mnyam pa nyid kyi ye shes yin/ ma 'dres yongs su rdzogs par brjod na// so sor rtogs pa'i ye shes yin/ gang la thogs pa med par brjod na/ bya ba grub pa'i ye shes yin// mtha' dang bral bar brjod pa na// mi gnas pa yi ye shes yin// rig pa 'od gsal brjod pa dang // rang rig zhes su brjod pa na// rig pa'i ye shes chen po yin// 'gyur ba med dang 'dus ma byas// rdo rje lta bu'i tshig brjod na// rang byung ye shes chen por bshad// 'da' ru med pa dang

  31. 16a

    'da' mi srid pa dang mi 'da' ba ni 'da' ka thugs su 'bru rnams mnan/ zhes gsungs so// spros bral don gsal gyi rgyud chen po las/ ye shes mtshon pa'i tshig bstan pa'i le'u ste bcu pa'o// // nyi ma'i snying po la 'od zer mi 'gag pa'i man ngag/ dz+nyA na A sha ta rat+na/ kA la pra sa ha du/ bcom ldan 'das thugs rje rtsal gyi dgongs pa la zhugs so// yang gsang pa'i bdag pos dgongs pa mkhyen nas zhus pa/ chos sku gcig la tha dad snang / rig pa'i rtsal de shar lugs gsung du gsol/ zhes zhus so// ston pas bka' stsal pa/ rig pa dngos med zang thal la// stong pa mi 'gag dbyer mi phyed// der shes thogs pa med pa ni/ ye shes lnga ru rang shar ba'o// chos dbyings 'od kyi ye shes rang gdangs las// stong pa'i ngang nas mthing ga gsal// me long ye shes rang gdangs ni// 'gag med dang nas dkar por gsal// mnyam nyid ye shes rang gdangs ni// dbyer med ngang nas ser por gsal// kun rtogs ye shes rang gdangs ni// de shes dang nas dmar por gsal// bya grub ye shes rang gdangs ni// thogs med klong nas ljang gur gsal// de lnga chos nyid klong du shar// ye shes 'od du shar ces bya// rtogs pas sku dang ye shes snang // ma rtogs snod bcud gnyis su shar// dper na me long dag pa

  32. 16b

    la// gang 'phrad rkyen gyis snang mod kyang // snang ba'i dus nas gos pa med// gos pa med kyang de ltar snang // de bzhin rig pa chos sku la// yon tan ma 'gag sna tshogs shar// shar kyang rang rig gcig pur gsal// gcig pur gnas la du ma med// dus dang gnas skabs thams cad du// dngos med dag pa chen por gnas// sgrib med gsal ba zang thal gnas// gzugs sku gnyis kyi snang ba yang // rang la mi snang rnam par dag/ ces gsungs so// spros bral don gsal gyi rgyud chen po las/ rig pa'i rtsal 'byung ba dang / rtsal rnam par dag pa bstan pa'i le'u ste bcu gcig pa'o// // de nas yang gsang ba'i bdag po zhus pa/ des mtshon tshig rnams gsung du gsol/ zhes zhus so// ston pas bka' stsal pa/ ngas bstan rgyud lung thams cad du// rtsal zhes byung na 'di skad bshad// rig pa'i rtsal ni ye shes lnga// de yi rtsal ni 'od zer lnga// 'od lnga'i rtsal ni 'byung ba lnga// nam mkha'i rtsal ni sprin dang khu rlung gis go 'byed// rlung gi rtsal 'ur sgra dag bskyod pa'o// chu las shwa sgra dang rlan cing sdud pa'o// sa las gzugs dang snang rten byed pa'o// me las tsha ba dang bsreg pa smin pa'o// 'od dkar po las sha dang rus pa/ 'od ser po las mkhris pa dang chu ser/ 'od dmar po las khrag dang drod/ 'od ljang gu las dbugs/ 'od thing

  33. 17a

    ga las lus kyi skabs 'byed pa'o// 'byung ba lnga'i rtsal ni so sor shar// phyi nang gnyis su bstan pa yin// thig le phyi nang rtsal zhes bya// de ltar snang nus stobs su bshad/ de ltar 'byung bas rang byung ngo // gzhan las ma byung rang las rang byung bas// yon tan 'byung bas rang byung yin// de ltar shar bas rang shar yin// yon tan zhes bya de la bya// thams cad 'byung dang kun 'byung dang // mang po rags pa 'byung ba rnams// rig par shar bas rang shar yin// sku lnga rang snang yul lngar snang // de bzhin sems dpa' sems mar snang // de bzhin thugs rje'i mdzad spyod snang // de mtshungs snang ba sna tshogs snang // sgyu ma lta bur gsungs pa dang // snang la rang bzhin med pa dang // gsal la rtog pa med pa'o// zhes byung na/ rtsal la rang bzhin med par bshad/ thams cad rang snang rang shar yin// zhes gsungs so// spros bral don gsal gyi rgyud chen po las/ rig pa'i rtsal 'byung ba dang / de mtshon pa'i tshig bstan pa'i le'u ste bcu gnyis pa'o// // de nas yang gsang ba'i bdag pos zhus pa// ston pa thugs rje che mnga' ba// rtsal gyi ngo bo ji ltar lags// de'i nges tshig dbye ba ji ltar lags// de yi mtshon dpe ji ltar lags// zhes zhus so// ston pas bka' stsal pa/ ngo bo ni ma 'gags pa'o// rtsal gyi nges tshig ni//

  34. 17b

    'byung ba'i stobs dang ldan pas na rtsal lo// dbye ba ni rig pa 'khor 'das gnyis su snang ba'o// dper na nyi ma gcig du mar snang ba'am/ nyi ma la 'od dang 'od zer mi 'gag pa'am/ btsan dug gam/ ga pur ram glog 'gyus pa lta bu'o// zhes gsungs so// spros bral don gsal gyi rgyud chen po las/ rtsal bsdus nas bstan pa'i le'u ste bcu gsum pa'o// // gser gyi sor gdub la g.yu'i phra bcug pa'i man ngag/ dzaM a tra A na k+Sha la a haM/ de nas bcom ldan 'das chos nyid kyi rgyan ma 'gags par rol pa'i ting nge 'dzin la snyoms par zhugs so// yang de'i tshe/ gsang ba'i bdag pos zhus pa/ kye kye ston pa kun bzang rdo rje 'chang // sna tshogs rtsal du snang ba de// rgyan dang rol pa ji ltar lags// zhes zhus so// ston pas bka' stsal pa/ rgyan gyi ngo bo nges tshig dang // dbye ba mthun pa'i sgo nas bstan// rol pa la yang de bzhin bstan// ngo bo dbye ba'i sgo nas bstan// nges tshig mdzes pa'i rgyan zhes bya// dbye na/ chos nyid rgyan ni sku gsum yin// chos sku'i rgyan ni sku gnyis yin// mtshan nyid mtshon pa'i ye shes lnga// gnyis ka'i rgyan du de bzhin brjod// mtshon dpe gser la g.yus spras 'dra// nges tshig don gyi dbye ba ni// chos nyid dag la chos skus brgyan pa ni// stong la phyang chad gsal bas mdzes// chos kyi sku la ye shes

  35. 18a

    brgyan// yon tan 'gag pa med par mdzes// ye shes gsal la thugs rjes brgyan// 'gro drug rang sar 'dren pas mdzes// de phyir mdzes pas rgyan zhes bya// de nas rol pa'i don bstan pa// ma 'gags gnyis med sbyor ba ni// rol pa'i ngo bo yin par bstan// ci phyir rol par btags she na// rang las shar zhing rang las grol// nges tshig gtan tshigs bcas pa yin// dbye na rnam pa gnyis yin te// dag pa chos nyid rol pa dang // 'khor ba rang rgyud rol pa'o// dag pa chos nyid rol pa ni// ma bcos pa yi chos nyid dang // ma g.yos pa yi ngang nyid las// rang bzhin 'gag pa med par shar// bag dang bral ba'i nam mkha' la// 'byung ba bzhi yi gdangs shar bzhin// snang la rang bzhin med par shes// ma 'gags rang gdangs chen por gsal// 'khor ba rang rgyud rol pa ni// phyi nang snod bcud bsdus pa'i chos// gzugs su snang ba sku yin te// chu zla lta bur gzung du med// sgra skad thams cad gsung yin te// brag cha bzhin du rang bzhin med// dran dang rtog pa thugs yin te// chu la ri mo bris pa bzhin// 'dzin pa rang rgyud yod ma yin// de ltar gzugs snang thams cad sku yi rol pa yin/ sgra skad thams cad gsung gi rol pa yin// dran rtog thams cad thugs kyi rol pa yin// de ltar ma shes mtshan

  36. 18b

    ma rang rgyud 'dzin// de ni 'khor ba'i rol pa yin// gang zhig rnal 'byor rtogs ldan la// rgyan dang rol pa sna tshogs kun// sgyu ma'i dpe bzhin snang yang rang bzhin med// chos nyid chos sku mi snang rang bzhin yod// yod pas med par rtogs pas mtshan ma zil gyis gnon// med pas yod par rtogs pas rig pa rang sa zin// de yi ched du rgyan ti ka bkod pa bzhi ldan mdzes// kye kye gsang ba'i bdag po rgyan dang rol pa gar byung yang // ngas don gsal 'dir smras pa bzhin du shes par gyis/ zhes gsungs so// spros bral don gsal gyi rgyud chen po las/ rgyan dang rol pa bstan pa'i le'u ste bcu bzhi pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // des mtshon tshig rnams gsung du gsol// zhes zhus so// ston pas bka' stsal pa/ ngas bstan rgyud lung thams cad du// chos nyid ngang la chos sku gnas// de skad brjod pa'i tshig byung na// chos nyid la chos sku rgyas par bshad// rig pa'i mtshan nyid lngar bcad cing // de lnga ye shes lnga yi mtshan nyid dang // de yi gdangs su brjod pas na// chos kyi sku la ye shes brgyan par bshad// ye shes 'od lnga sku ru rdzogs lugs dang // rigs dang kha dog dbyibs brjod pa// ye shes dag la thugs rjes brgyan par bshad// rtsal dang rol pa rgyan dang mdzad spyod

  37. 19a

    dang // rim par bkod dang du mar snang // pad+ma can dang mdzes dang sdug/ ma 'gags shar dang thugs dang stobs// snang srid rgyan du bkod pa dang // lung rnams rgyan du bkod pa dang // man ngag rgyan du bkod pa dang // 'gro drug rgyan du bkod pa dang // de rnams brjod pa'i tshig tu mang yang bsdus pa yin// zhes gsungs so// spros bral don gsal gyi rgyud chen po las/ rgyan dang rol pa'i tshig mdor bsdus nas bstan pa'i le'u ste bco lnga pa'o// // de nas yang gsang ba'i bdag pos zhus pa/ de mtshon dpe rnams ji ltar lags/ thabs la mkhas pas gsung du gsol// zhes zhus so// ston pas bka' stsal pa/ nam mkha'i dkyil na nyi zla gsal bar gnas pa dang gcig/ rin chen gser la g.yu'i phra bcug pa dang gnyis// chos nyid chos sku'i brgyan pa'i dpe ru bstan/ rma bya'i sgo nga kha dog lnga ldan dang // man shes sku lnga 'od lnga mi 'gag pas// chos kyi sku la ye shes brgyan pa'i dpe// man shel rkyen 'phrad snang ba phyir 'byung dang // sgo nga'i byis phrug smin te phyir 'byung bya ba byed// nyi ma'i snying po 'od dang zer 'byung ba// ye shes dag la thugs rjes brgyan pa'i dpe// rgya mtshor chu bran 'phro zhing 'du ba dang // sgyu ma'i sbyor pas gzugs brnyan sna tshogs snang // yon tan ma 'gags rol pa cir yang 'byung // de yis

  38. 19b

    dpe rnams mang yang bsdus pa yin// zhes gsungs so// spros bral don gsal gyi rgyud chen po las/ rgyan dang rol pa mtshon pa'i dpe bstan pa'i le'u ste bcu drug pa'o// // yul yangs pa chen po pad+ma bde gsal gyi grong khyer bya ba na/ rgyal po nor bu 'od ldan zhes bya ba bzhugs pas/ khong la nor bu rin po che'i za ma tog chen po gcig rin po che phra mo mang pos bkang nas yod pa la khong phyi rol du zhabs 'chag cing yul gzigs su byon pa las/ rgan mo ling tog can bya ba dang 'phrad nas/ rgan mos sla'o la brid/ rkun mo mi lngas bar du za ma tog brkus/ sme sha can gyi grong khyer drug tu mun pa'i mi drug la btsongs/ mun pa'i mi drug gis nor bu la mchod pa dang bkur sti chag/ nor bu la yang dgos 'dod ma byung / khong yang yid cung the tsom zos so// phyis rgyal po la ldam po gcig byung // rgan mos sla'o la brid/ rkun ma mi lngas brkus/ sme sha can gyi grong khyer drug tu mun pa'i mi drug la btsongs so byas pas/ rgyal po thugs nur te/ rgan mo bsad/ grong khyer drug bcoms mun pa'i mi drug la chab bsal/ rkun mo lnga bran du bkol/ nor bu rin po che dang phrad nas yul bzung ba'i man ngag/ badz+ra a haM rat+na/ dz+nyA na pany+tsa pra pa ra a haM b+ha ti/ de nas yang bcom ldan 'das snang ba rnam par bkod pa'i ting nge 'dzin la snyoms par zhugs so// de'i

  39. 20a

    tshe gsang ba'i bdag pos zhus pa/ kye kye bcom ldan rdo rje 'chang // gong gsungs rtsal dang rol pa de// ma rtogs gzungs 'dzin 'khrul par snang // 'khor ba rang rgyud rol par byung // de yi 'khrul lugs gsung du gsol// zhes zhus so// ston pas bka' stsal pa/ rigs kyi bu legs par nyon cig/ gzhi 'gyur ba med par ye nas sangs rgyas pa// bcom ldan 'das rdo rje 'chang chen po yin pas// sngar yang 'khrul ma myong / da lta yang ma 'khrul/ phyis kyang 'khrul mi srid do// dper na nyi ma'i snying po de la/ mun pa'i gzhi med pa lta bu'am/ man shel la rkyen dang gang 'phrad de la snang yang / dag pa'i stobs kyis snang mod kyi/ kho la 'byar dang gos pa med// de bzhin du phyogs su lhung ba med pa'i shes rab ni// mgon po gzhi nas rdzogs sangs rgyas// bag chags 'khrul pa ka nas dag/ ma 'khrul pa yi sangs rgyas la// 'khrul pa'i tha snyad ga la yod// 'on kyang de ltar ma rtogs te// nyi ma gcig las med bzhin du// yul khams re na nyi ma re// mthong ba'i rtobs kyis snang ba ltar// rang rig gcig las med bzhin du// 'khor 'das gnyis la du mar snang // sman dug ga bur dbyer med kyang // sman dang dug tu snang ba bzhin// gnyis med gzhi snang chen po de// gnyis med ngang las ma g.yos kyang // yon tan stobs kyis

  40. 20b

    snang ba'o// du mar snang ba'i yon tan la// 'khrul par 'gyur bas yon tan skyon du 'char// gong ltar rtogs pas skyon nyid yon tan grol// 'on kyang 'khrul lugs rgyas par ngas bstan gyis// 'khrul pa'i gzhi dang rgyu dang dus// 'khrul pa'i rkyen dang 'khrul pa dngos// 'bring po rnams la ngas bstan nyon// dang po 'khrul pa'i gzhi bstan pa// de la yang ni rnam pa gsum// chos nyid yul gyi 'khrul gzhi dang // rig pa sems kyi 'khrul gzhi dang // 'od lnga lus kyi 'khrul gzhi bstan// dang po chos nyid ris med stong // bar du ye shes rnam par shar// tha mar 'dzin rtog bag chags bstas// de la snying po med bzhin snang // des ni yul gyi 'khrul gzhi bstan// da ni sems kyi 'khrul gzhi bshad// dang po rig pa 'gag med 'gyus// bar du gdangs la 'dzin pa skyes// tha mar sems kyi yid 'gyus pa// de las sems rtog du ma shar// sems kyi 'khrul gzhi der bstan to// 'dis ni lus kyi 'khrul gzhi bstan// dang po rig pa klong nas shar// bar du chos nyid klong du shar// tha ma de la bag chags pas// gzugs kyi phung po rdos bcas snang // lus kyi 'khrul gzhi des bstan to// kye kye gsang bdag nges par zung // gzhi gsum 'thad pa ngas bshad kyi// chos nyid yul gyi 'khrul gzhi 'thad// ci phyir rig med de la bem por snang // rig pa

  41. 21a

    sems kyi 'khrul gzhir 'thad// ci phyir rig tsam phyogs mthun phyir// 'od lnga lus kyi 'khrul gzhir 'thad// kha dog dbyibs su phyogs mthun phyir// phra dang rag pa'i khyad par las// gzhi dang dngos kyi khyad par bstan// des mtshon tshig rnams ngas bshad nyon// 'khrul pa zhes su bshad pa dang // rig pa zhes su brjod pa dang // 'od zer zhes su brjod pa dang // bskal pa dang por brjod pa dang // thog ma zhes su brjod pa dang // 'das dang ma 'ongs gong rol nas// zhes pa dang / nga med pa yi sngon rol na// sems can bya ba gdod nas med// sems can med pa'i sngon rol nas// 'byung ba chen po ye nas 'phags// 'byung ba med pa'i sngon rol nas// nam mkha' chen po ye nas 'phags// nam mkha' med pa'i sngon rol nas// chos nyid rnam dag ye nas 'phags// chos nyid rnam dag klong yangs nas// chen po lnga nyid ye nas rnam par dag/ chen po lnga yi snying po ru// nga nyid gcig pu sngon du byung // de phyir bskal pa 'bum khri 'bum stong sngon rol du// nga nyid gzhan pas snga bar byung ba'i phyir// zhes ngas bshad pa rnams ni/ 'bod skad kyis sdebs la 'khrul gzhir 'bru gnon/ rigs kyi bu zhib tu gzhi snang gi skabs su bstan pas 'dir ma brjod do// zhes gsungs so// spros bral don gsal chen pa'i rgyud

  42. 21b

    las/ yang dag pa'i gzhi la 'khrul pa med par bstan pa dang / yon tan gyi snang ba 'khrul pa'i gzhi gsum bstan pa'i le'u ste bcu bdun pa'o// // de nas yang gsang ba'i bdag pos zhus pa/ kye kye ston pa rdo rje 'chang / 'khrul pa'i rgyu ni gang gis byas// 'khrul pa'i dus tshod ji tsam lags// zhes zhus so// ston pas gsungs pa/ 'khrul pa'i rgyu ni ma rig pa// lhan cig skyes dang kun tu brtags/ ngo bo nges tshig dbye ba dang // mthun pa'i tshul du brjod tshigs bstan// rigs kyi bu ma rig pa'i ngo bo ni/ gti mug dang de ma yin la der 'dzin pa'o// nges tshig don la rmongs pa'i phyir na ma rig pa'o// dbye ba rnam gnyis te// lhan cig skyes pa'i ma rig pa dang kun tu brtags pa'i ma rig pa'o// lhan cig skyes pa'i ma rig pa de gang las gang du lhan cig tu skyes nas gang gi gang ma rig ce na/ rigs kyi bu gang las zhe na/ gzhi 'dzin pa'i rig pa las so// gang dang gang zhe na/ lhan cig skyes pa'i ye shes dang ma rig pa'o// gang zhe na bcos pas ma bcos pa'i chos nyid kyi klong du ma rig pa'o// gang gi gang ma rig ce na/ rang bzhin gyi 'od byad lta bus gzugs brnyan gyi 'od byad kyi rnam pa me long la snang ba lta bu ma rig pa'o// don de lhan cig skyes pa'i ma rig pa ces bya'o// kun tu brtags pa'i ma rig pa ni/ yul la rtogs pa phra rags su skyes

  43. 22a

    te/ skad cig ma snga phyi'i tshul lo// dpe rgan mo long ma dang 'dra'o// kye ma rigs kyi bu/ ma rig pa de yang dag par yod pa ma yin/ 'o na ji lta bu zhe na/ zo yor ram zag pa la mi bden pa bzhin du rgyurgyas med dam sngar sun pa'i mi la dgrar snang ba'am/ snang ba ma dag pa las thag pa la sbrul du snang ba lta bu'o// de ni yang dag par med bzhin du snang / snang bzhin du stong pa'o// rigs kyi bu dpe de bzhin du// ma rig dngos su med la nyams su yod pa'o// de ci las byung zhe na/ lus kyi tha ma rdzogs pas shes rab kyi rtsal ma rdzogs te/ shes rab kyi rtsal ma rdzogs pas mthong ba'i yul ye shes kyi rang gdangs lnga la shes pa'i dran pa ma sad do// de yang ma g.yos pa'i ngang kun tu bzang po las/ ngang gi rang bzhin ye shes kyi 'byung ba yul ma 'gags par snang ba la/ sngar mthong ma myong ba de las yid 'grogs te/ rang snang chen por rtogs pa'i mtha' mchod do// rigs kyi bu ma rig pa'i gtan tshigs so// ma rig pa dang / ma shes pa dang / gti mug dang / ma rtogs pa dang / ma goms pa dang / don ma mthong bas 'khrul pa dang / phyin ci log pa la sogs pa byung yang ma rig pa gnyis su bshad/ ces gsungs so// kye gsang ba'i bdag po 'khrul pa'i dus ni rang gi lus las shar ste 'dzin pa skye ba'i dus so// zhes gsungs so// spros bral don

  44. 22b

    gsal gyi rgyud chen po las/ 'khrul pa'i rgyu dang dus bstan pa'i le'u ste bco brgyad pa'o// // de nas yang gsang ba'i bdag pos zhus pa/ kye kye bcom ldan rdo rje 'chang / 'khrul pa'i rkyen rnams gsung du gsol/ zhes zhus so// ston pas bka' stsal pa/ rigs kyi bu ngas bshad khyod kyis yid la zung / rgyu dang rgyu yis rkyen du bstan// bdag po'i rkyen dang dmigs pa'i rkyen// mtshungs pa'i rkyen dang de bzhi'o// rgyu dang rgyu yis rkyen bshad pa'o// rgyu ni rig pa 'gag pa med/ rkyen ni chos nyid stong pa yin/ rig pa chos sku'i mtshan nyid ni/ rig stong dbyer med shes rab thogs pa med/ mthing ga dkar ser dmar dang ldang gu yis/ so so'i mtshan nyid 'dzin cing rang rang rgyur gnas pa'i// chos nyid dag pa me long lta bur shar/ ye shes 'byung ldan nam mkha'i gzha' ltar yal/ de yi skad cig phyi ma la/ de las de bzhin byad dang gzugs brtan bzhin// rang las byung ba'i rnam rtog bdag rkyen shar// de yi skad cig phyi ma la// dmigs pa'i rnam pa yul du snang // rkyen du 'dzin pa'i rtog pa byung // de la dmigs pa'i rkyen zhes brjod// de rnams mtshungs pas 'khrul rkyen byas// de la mtshungs pa'i rkyen zhes brjod// de dus gzung 'dzin rnam rtog gis// rang bzhin 'od lnga gsal ma nus// gzugs brnyan lnga la bag chags

  45. 23a

    pas// mtsho la dar chags zho la spris chags ltar// gling bzhi ri rab gling phran snang // de yi bcud la srid pa'i sgo nga dang // rtsi shing sman dang me tog nags tshal 'khrungs// rlan dang drod las skyes pa yin// de ltar bar gyi bskal pa las// snod kyi 'jig rten logs su bskal// shes pas ma bzung rlan dang drod las skyes// mchog tu pad+ma'i sgo nga grub// u dum+ba ra dag la brten// dri med ye shes brdzul nas skyes// 'byung ba lnga yi bdag nyid can// srid pa'i sgo nga ma dag ste// shed bu shed rigs de las skyes// chags sdang gnyis kyi bdag nyid can// de ni lus kyi rten yin no// zhes gsungs so// rigs kyi bu de la mtshon pa'i tshig bstan pa/ dang po gzhi mtshon gong du byung // sangs rgyas sems can 'og nas 'byung // de gnyis bar du rtsal 'phro ba// bar gyi bskal par bshad pa yin// rang gi sa la gnas pas na// mi bskyod pa zhes de la bya// de ma yin la der 'dzin gyis// 'od lnga 'grib cing rig pa stongs// mi bskyod rdo rje yin par bshad// 'gro ma nus pas 'phye bo yin// ngo bo gsal la mi 'gog pa// dngos su gsal ma nus pa yin// mi gsal gsal ba'i bdag nyid can/ gzhi las 'phags zhing sems can sangs rgyas dngos ma yin/ bar na myu gu ji bzhin no// myu gu 'byung zhes de la bya// de bzhin ngas bstan rgyud

  46. 23b

    lung du// gang byung de bzhin shes par gyis// zhes gsungs so// spros bral don gsal gyi rgyud chen po bshad pa'i rgyud bklags pas shes pa las/ 'khrul pa'i rkyen dang bar gyi bskal pa la yul gyi 'khrul pa lus kyi rkyen dang bcas pa bstan pa'i le'u ste bcu dgu pa'o// // de nas yang gsang ba'i bdag pos zhus pa/ snod kyi 'jig rten de ltar na/ bcud kyi rigs drug ji ltar chags/ zhes zhus so// ston pas bka' stsal pa/ rigs kyi bu ngas bstan gyi ma nor bar zung zhig/ nam mkha' stong pa la ni rlung 'gyu bzhin// yid kyi rlung yang glang chen kun tu rgyug/ spyan gyi sbyor bas srid pa'i sgo nga mthong // thugs kyi sbyor bas srid pa'i sgo nga legs shing mdzes par mkhyen// zhal gyi sbyor bas de la chags sems skyes// rig pa yid dang bcas pa zhugs// sems kyi rtsa ba pho mo gnyis su smin// skye ba bzhi las sgo nga yin// gzhi la chen po lnga yis phung po lnga grub cing // rten las 'byung ba lnga yi cha rdzogs pas// phung po khams dang skye mched grub// shed bu shed las rab tu grags// de las mnga' las skyes pa byung // mi mjed 'jig rten rim par chags// nyon mong rags shing 'bras bu ngan// mtha' ma mnar med gnas la thug/ ces gsungs so// spros bral don gsal gyi rgyud chen po las/ nang bcud kyi grub tshul bstan pa'i le'u

  47. 24a

    ste nyi shu pa'o// // de nas yang gsungs pa// kye kye rdo rje 'dzin pa khyod nyon cig/ nga yis rgyud lung thams cad du// bskal pa tha ma'i tshig brjod pa// tshogs brgyad ldan pa'i sems can yin// rgyu byed sbubs dang dbugs kyang bcas pa'i rtogs byed sems su bshad/ mang po 'dus pas phung po yin// 'dus pa'i phyir na de bzhin no// khams ni mtshan ma'i chos nyid can// mtshan ma bskyed phyir skye mched yin// so so dag gi sgo gsal zhing // rang rang yul la dbang byed dbang por bstan// gzugs ni kha dogs dbyibs su bstan// sgra ni rna ba'i yul du bstan// dri ni sna yi yul du bstan// ro ni lce yi yul du bstan// reg ni lus kyi yul du bstan// de yi phyir na de skad bshad// tshor ba du ma myong ba yin// 'du shes yul la mtshan mar 'dzin// 'du byed sems la g.yo bar byed// yid la byed pa dmigs pa ste// rig pa dag gis gang gcod pa'o// rnam shes rnam par rig pa'o// thams cad kun las byed phyir dang // rgyu rkyen las byung 'du byed yin// rlan las skyes pas glo bur yin// rdzogs par smin pas rdzus skyes yin// mnga' skyes rim par smin pa'o// sgo nga las skyes 'gyur te smin// dmyal ba gdung pa'i lam pa yin// yi dwags 'gog pa'i lam pa yin// byol song mun pa'i lam pa yin// mi yi lam ni 'dom

  48. 24b

    pa yin// lha yi lam ni g.yeng ba'o// gnas pa'i phyir dang bgrod phyir lam// rkyen dang rten pa mi 'bral ba// 'khor dang mya ngan 'das pa'i lam// dmyal ba'i gnas na bzod dang ldan// yi dwags gnas na yid dang ldan// byol song gnas na myos pa dang // mi yi gnas na 'dod dang ldan// lha min gnas na rtsod dang ldan// lha yi gnas na dga' ldan no// rten pa'i don phyir gnas su bstan/ rigs kyi bu de dag gi rgyu ni nyon mongs pa ste/ de yang rang rang sgra la 'jug pa'i rgyu mtshan dang / don gyi bye brag so sor phye na las rgyu 'bras dang / de kho na nyid kyi don ma shes pas ma rig pa'o// 'dod chags ni zhen pa'o// nga rgyal ni khengs pa'o// khong khro ba ni mnar sems pa'o// zhe sdang ni 'khrug pa'o// phrag dog ni mi bzod pa'o// de dag ni rgyu drug go/ de las ngo bo drug dang / 'bras bu drug smin pa'o// kye gsang ba'i bdag po// de dag ni/ 'gro ba drug la da ltar gnas pa'i chos te/ rgyud gar byung yang bskal pa tha ma'i chos su 'dir bshad pa ltar shes par gyis shig/ ces gsungs so// spros bral don gsal chen po'i rgyud las/ 'byung ba lnga mdor bsdus nas bstan pa'i le'u ste nyer gcig pa'o// de nas yang gsang ba'i bdag pos zhus pa/ 'khor ba rgyan dang rol par shar ba'i don de ltar lags na/ de ltar 'byung ba'i 'byung ba lnga bshad du

  49. 25a

    gsol/ zhes zhus so// ston pas bka' stsal pa// 'byung ba lnga yi ngo bo nges tshig dang // dbye ba dpe dang bcas pa rnams// ngas bshad khyod kyis yid la zung // ngo bo dbye ba'i sgo nas bstan// 'byung ba'i dngas ma lnga dang snyigs ma lnga// dngas ma lnga yi ngo bo ni// mtshan nyid 'dzin pa'i ye shes lnga// snyigs ma lnga yi ngo bo ni// sa chu me rlung nam mkha' lnga// 'byung ba lnga yis nges tshig bstan pa ni// rig pa'i rtsal du 'char ba dang // rtsal las 'khor 'das snang ba'o// dbye na mu bzhir shes par bya// dngas ma snyigs ma rnam pa gnyis// re re la'ang de bzhin te// rigs kyi bu khyod legs par zung zhig/ 'byung ba'i dngas ma 'od lnga'o// snyigs ma sa chu me rlung ngo // dngas ma'i snyigs ma sha dang rus la sogs// snyigs ma'i dngas ma 'ja' tshon rnam pa lnga// dpe ni nyi ma'i 'od zer dang // man shel dag la 'od snang bzhin// zhes gsungs so// spros bral don gsal chen po'i rgyud las/ 'byung ba lnga mdor bsdus nas bstan pa'i le'u ste nyer gnyis pa'o// / yang gsang ba'i bdag pos zhus pa// kye kye bcom ldan rdza 'chang // snyigs ma dngas ma lnga las ji ltar shar// dngas ma 'byung ba'i mtshan nyid ji ltar lags// chos nyid don la sbyar na ji ltar sbyar// snyigs ma dngas mar grol na ji ltar grol// zhes zhus pas/ ston

  50. 25b

    pas bka' stsal pa/ rdo rje 'dzin pa nyon cig/ sa yi mtshan nyid sra ba yin// chu yi mtshan nyid gsher ba yin// me yi mtshan nyid tsha ba yin// rlung gi mtshan nyid yang zhing g.yo// nam mkha'i mtshan nyid yangs shing go 'byed pa'o// rang rang las kyang de bzhin dbye// dngas ma'i sa las 'od zer dkar po byung // de las snyigs ma sa ru snang // de bzhin dngas ma'i 'byung ba las// 'od zer rnam pa bzhi ru byung // de la snyigs ma bzhi ru snang // dngas ma'i snyigs ma'i mtshan nyid ni// sra ba med par brtan pa dang // gsher ba med par sdud pa dang // g.yo ba med par bskyod pa dang // tsha ba med par bsreg pa'o// khyab pa med pa'i gdangs can yin// chos nyid chos sku 'gyur ba med// dbyer med sra ba med par brtan pa'i sa// chos nyid chos sku gnyis med de// dag pa zang thal dri ma med// thams cad de yi ngang du 'dus// gsher pa med par sdud pa'i chu// chos nyid chos sku dbyer med de// g.yo ba med par thogs pa med// g.yo ba med par bskyod pa'i rlung // ma song gnas su phyin pa'o// chos nyid chos sku gnyis med pas// ye shes chen po rang gi gdangs la bzhugs// gzhan du snang ba'i rnam par rtog pa mi mnga' bas// tsha ba med par bsreg pa med// gzhan snang med par rang gsal ba// khyad par ye shes gdangs dang bcas// nam mkha' khyab

  51. 26a

    pa med pas gdangs can yin// snyigs ma'i 'byung lnga 'od lnga'i nang du grol// 'od lnga dngas ma'i go ru thim// de bzhin rtags kyang rim par 'gyur// zhes gsungs so// spros bral don gsal chen po'i rgyud las/ 'byung ba'i mtshan nyid bstan pa dang / shar lugs thim lugs don dang sbyar nas bshad pa'i le'u ste nyer gsum pa'o// // de nas gsang ba'i bdag pos zhus pa/ kye kye bcom ldan rdo/ rje 'chang // 'byung ba lnga la gnas pa la// bskal pa zhes su grags pa ste// de yi don bshad gsung du gsol// zhes zhus so// de nas yang ston pas gsungs pa/ kye kye rdo rje 'dzin pa nyon cig/ bskal pa'i ngo bopo bstan pa ni// dang po ye shes yul shar ba// shar bya shar byed ltar snang bas// dang po dus su chos nyid bskal// ngar du 'dzin pa'i rnam rtog gis// ye shes snang ba nang du nub// snod kyi 'jig rten bskal zhes bshad// mtha' ma bzung 'dzin gnyis su bskal// sangs rgyas sems can de bzhin bskal// nges tshig gtan tshigs bcas pa yin// dbye ba rnam pa gsum yin no// yun du gnas pa'i bskal pa'i sgra// zhes gsungs so// spros bral don gsal gyi rgyud chen po las// bskal pa gsum bstan pa'i le'u ste nyer bzhi pa'o// / nam mkha'i mthong nas snang gsal gyi sgron me shar bas/ mtshan mo mun pa sel ba'i

  52. 26b

    man ngag/ a badz+ra haM ma rat+na kA ya oM dz+nyA na ka la ba ga be ku la ya san tsa hUM d+ha rma sa ra ke tu ha du ya A/ de'i tshe bcom ldan 'das rdo rje 'chang chen po// thugs rje 'byung ba sku gsum gyi dgongs pa la snyoms par zhugs so// de nas yang gsang ba'i bdag pos zhus pa/ kye kye bcom ldan rdo rje 'chang / 'khor ba'i rol par shar ba de ltar na// de yi 'dul byed gnyis po ru// dag pa chos sku chen po las// sku gnyis rol pa ji ltar shar// zhes zhus so// ston pas bka' stsal pa/ thugs rje'i skra gnyis snang ba yang // nam mkha' lta bu'i chos nyid la// man shel lta bu'i rig pa gsal// nyi zer lta bu'i thugs rje byung // nad pa lta bu'i rigs drug la// mun pa lta bu'i gti mug pas// dug gsum nad rnams sel bar byed// ces gsungs so// yang gsang ba'i bdag pos zhus pa/ kye kye bcom ldan mgon po rdo rje 'od dpag med// chos sku gzhi chen po la// 'bras bu longs skra ji ltar rdzogs// zhes zhus so// ston pas bka' stsal pa// thugs rje ska gnyis snang ba yang // gdul bya rnams la shar bar bzad// rang las shes rab skar snang bar// mtshan mar bcas pa'i sku mi snang // ye shes rang rig chen po la// mtshan ma gzhan snang rnam rtog med// yang gsang ba'i bdag pos zhus pa/ kye kye ston pa thugs rje che mnga' bas// shes rab sku

  53. 27a

    lnga gsung du gsol// zhes zhus so// ston pas bka' stsal pa/ rig pa gcig gis ngo bo las// thams cad 'char zhing snang ba'i phyir// kun snang chen po zhes kyang bya// rang rig yon tan ma 'gags pas// rang byung chen po zhes su bshad// thugs rje'i stobs dang ldan pas 'od dpag med// shes rab thogs pa med pas don yod grub// de nyid 'gyur ba med pas mi bskyod pa// stong pa rig pa gnyis med ye shes thogs pa med// shes rab sku lnga'i ngo bo yin// dbye ba yon tan sgo nas dbye// nges tshig shes rab la de ltar mkhyen pa ma 'gags pas shes rab kyi sku'o// yang na rang la shes rab ma 'gags la/ gdul bya la skur snang ba'i phyir na yang de skad ces btags so// yang gsang ba'i bdag pos zhus pa/ rang la sku mi snang ba'i gtan tshigs ji ltar lags/ zhes zhus so// kye gsang ba'i bdag po legs par zung zhig/ rang gi rig pa dngos med ye dag zang thal chen po yin/ de don rgyas par bstan pa ni// gzhan snang med pa'i rang bzhin gzhi// gzugs sku mtshan ma med pas rig pa dngos med yin/ spyan gnyis dag nas ye shes spyan mnga' ye dag zang thal yin/ de'i gong na gzhan med pas chen por bshad/ ces gsungs so// spros bral don gsal chen po'i rgyud las/ chos sku las thugs rje

  54. 27b

    gzugs sku gnyis 'byung bar bstan pa dang / chos sku nyid la rig par rang snang las sku gnyis med par bstan pa'i le'u ste nyer lnga pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // gdul bya zhes ni gang la bgyi// ska ru snang tshul ji ltar snang // zhes zhus pas/ ston pas gsungs pa/ gsang ba'i bdag po legs par zung zhig/ rnam dag stug po bkod pa yi// chos nyid chos skur dbyer med klong // ye shes rang gdangs bum pa lnga// ma 'gags pa yi myu gu snang // chos nyid dag pa'i snang cha lnga// mthings ga dkar ser dmar dang ldang // ma 'dres gsal ba'i ye shes rdzogs// de lnga'i nang nas sku lnga grub// phyogs bzhi dbus dang lngar gnas te// dbus ni kun snang ye shes la// bzhi po rnam snang kun tu zhal// mi bskyod rin 'byung chen po dang // 'od dpag med dang don grub chen por snang // phyag mtshan rang gi thugs la gnas// kha dog lnga yi bdag nyid 'dzin// gdan gsum ngang la yongs su rdzogs// gdul bya rigs bzhi'i sangs rgyas te// dag gtsang gsal ba'i me long la// byad kyi rnam pa shar ba ltar// mtshan rdzogs rdo rje 'chang gis ni// chos nyid dag pa'i snang ba la// mi bskyod rdo rje rin chen 'byung ldan dang // snang ba mtha' yas don grub shar// gdan gsum ngang la lhun gyis

  55. 28a

    rdzogs// rang rang phyag mtshan thugs la gab// dbyer med rdo rje skyil krung bzhugs// ye shes lnga yi sbubs na gsal// rang rang so sor chos nyid chen po las// lnga po so so'i sbubs na gnas// re re la yang bzhi bzhis bskor// ye shes lnga rdzogs rtsal gyi mtshan nyid 'dzin// gnyis med yul lnga lus dang grib ma bzhin// thabs dang shes rab gnyis med zhal sbyor gnas// rnam snang zhal gzigs dgongs pa gzigs mkhyen yang // rnam snang rang las gzhan snang med// rang byung rang snang rang shar rang gi mkhyen// rang rtsal rtse gcig 'byed pa med// ces gsungs so// spros bral don gsal chen po'i rgyud las// shes rab kyis gdul bya la sku phyag rgyar gsal lugs dang gdul bya'i skur rdzogs shing mkhyen par shar ba bstan pa'i le'u ste nyer drug pa'o// // de nas yang gsang ba'i bdag pos zhus pa/ kye kye bcom ldan rdo rje 'chang chen po// gnas dang gdan rnams gsung du gsol// zhes zhus so// ston pas bka' stsal pa/ gnas med gnas chen chos nyid rnam dag na/ ma bris dkyil 'khor 'gags med 'od du gsal// yang dag gsang ba'i dkyil 'khor mchog/ bzhugs gnas chen por der bshad do// der bzhugs gdan gyi khyad par gyis// rtags dang khyad par chos kyi gdan// rtags la rnam pa lngar

  56. 28b

    bshad de// sku gsum 'du 'bral med pa'i rtags// rtsal gsum rdzogs pa seng chen gdan// sku gsum chos nyid dang na gnas// mi 'gyur glang chen gdan du btings// dngos med brda' yin chos nyid ngang la bzhugs// sku gnyis chos nyid spyod pa'i rtags// bskyod pa'i shugs 'chang rta mchog gdan// mtshon pa'i brdar byed thugs rje'i shugs kyis bskyod// thugs rjes 'gro la mdzes pa'i don byed pas// mdzes pa rma bya'i gdan mchog bting // des mtshon dpe yis mthun par snang // rdzu 'phrul stobs kyis phrin las thogs med mdzad// de yi rtags su mkha' lding thogs med gdan// de rang ma yin chos mthun mtshon pa'i dpe// dngos su thugs rje rdzu 'phrul stobs dang ldan// thabs ma 'gags pa'i ye shes dang / shes rab 'gyur ba med pa'i chos nyid las// gnyis med sku dang ye shes gsal// de rtags nyi zla rnam gnyis gdan// brjod mtshon sgra ste stong pa'i ye shes dngos// rang rig khong nas ye shar dri mas gos pa med// des mtshon pad+ma'i gdan te dngos med don la sbyor// zhes gsungs so// spros bral don gsal gyi rgyud chen po las/ bzhugs gnas dang gdan bstan pa'i le'u ste nyer bdun pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // gdan gyi ngo bo nges tshig dang // dbye ba dpe

  57. 29a

    rnams gsung du gsol// zhes zhus so// ston pas bka' stsal pa/ ngo bo chos nyid 'gyur med yin// bsdus pa de las med mod kyi// dbye ba'i sgo nas mtshon nas kyang // rtags kyi gdan la rnam pa lnga// khyad par gdan la rnam pa gnyis// chos nyid gdan la'ang de dang mtshungs// rang rang don gyi ngo las sbyor// nges tshig de la bzhugs phyir gdan zhes bya// dbye ba rnam pa gsum yin te// rtags dang khyad par chos dang gsum// de las phye bas gong ma bzhin// dpe ni rgyal blon gdan la bzhugs pa bzhin// zhes gsungs so// spros bral don gsal chen po'i rgyud las/ gdan gyi don bshad pa bstan pa'i le'u ste nyer brgyad pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // gdan la rdzogs pa'i gtso bo las// 'khor gyi snang ba ji ltar shar// tshom bu'i dkyil 'khor ji ltar lags// rjes 'jug 'khor la bshad du gsol// zhes zhus so// bcom ldan 'das kyis bka' stsal pa/ bcom ldan rdo rje mi bskyod las// sa snying byams pa g.yas dang g.yon// thugs rje thabs kyi sku ru shar// yum chen sangs rgyas spyan dag las// lA s+ya puSh+pe g.yas dang g.yon// thabs dang thabs kyi cha 'dzin las// shes rab shes rab cha 'dzin pas// re re la'ang gnyis gnyis snang // tshom bu'i dkyil 'khor

  58. 29b

    gcig nang gsal// de bzhin rin chen 'byung ldan las// kun bzang nam mkha'i snying po gnyis// g.yas dang g.yon du shar cing gsal// mA ma kI las g.yas g.yon du// mA le d+ha pe gnyis su gsal// tshom bu'i dkyil 'khor chen po gcig/ bcom ldan snang ba mtha' yas las// spyan ras gzigs dang 'jam dpal gnyis// ma 'gags g.yas dang g.yon na gsal// yum chen na bza' dkar mo las// gI tI ma dang A lo ke/ g.yas dang g.yon du de bzhin gnas// tshom bu'i dkyil 'khor chen po gcig/ bcom ldan don yod grub pa las// phyag na rdo rje sgrib pa sel// g.yas dang g.yon du rnam par gsal// yum chen dam tshig sgrol ma las// nr-i tI gan+d+he g.yas dang g.yon// tshom bu'i dkyil 'khor ma chen po gcig/ yab rnams kun tu bzang po la// yum rnams kun tu bzang mo'o// de yis kun bzang yab yum gsal// de rnams phyin ci log bzhi yi// mtha' gnyis las ni rab 'das shing // rtag chad mtha' bzhi rnam par dag/ bsnol ba'i sgo ba yab yum brgyad// yon tan rtsal rdzogs ma 'gags bzhi bcu gnyis// mtshan dang dpe byad ma lus rdzogs// thugs rje'i mdzad spyod rgyan dang rol par shar// rnam rtog mi mnga' cir yang sa ler mkhyen// ye shes lus la chos kyi spyan mnga' bas// mngon par rdzogs pa'i sangs rgyas rnam

  59. 30a

    pa thams cad mkhyen// ma 'gags rang byung ye shes gsung ni 'gyur med yi ge drug/ thugs rje sbrul skur bya ba'i gzhi ma 'gags// zhes gsungs so// spros bral don gsal gyi rgyud chen po las// longs sku'i 'khor bstan pa'i le'u ste nyer dgu pa'o// / de nas yang ston pas gsungs pa/ de yis mtshon pa'i tshig rnams bshad kyis legs par zung zhig/ rgyud dang lung du ngas bshad pa'i// longs sku zhes su 'byung na de skad bshad// dkyil 'khor zhes su 'byung ba dang // gtso 'khor zhes su 'byung ba dang // lnga ldan rdzogs ldan zhes su 'byung ba dang // de bzhin gshegs pa zhes pa dang // rigs lnga'i sangs rgyas zhes pa dang // sems pa sems ma zhes pa dang // 'od gsal rang snang zhes pa dang // mtshan rdzogs rdo rje 'chang gis zhes pa rnams// tshig don mang yang mdor bsdus bstan pa yin// sku la mtshan dpes rab brgyan pas// mtshan rdzogs rdo rje 'chang zhes so// 'bod skad thabs gsum don gyis khog sdebs la// longs sku'i snang ba de bzhin bshad// ces gsungs so// spros bral don gsal gyi rgyud chen po las// longs sku mtshon pa'i tshig bstan pa'i le'u ste sum bcu pa'o// // de nas yang gsang ba'i bdag pos zhus pa/ ye shes sku ste rang byung ba// sangs rgyas sku lnga'i bdag nyid can// sum cu rtsa gnyis mtshan

  60. 30b

    'chang ba// longs spyod rdzogs sku sku yi rgyal// bzhi bcu rtsa gnyis 'od gsal ba'i// spyi yi mtshan nyid ji ltar lags// rang rang don la ji ltar sbyar// zhes zhus so// ston pa'i bka' rtsal pa/ spyi yi mtshan nyid bstan pa ni// mtshan nyid 'dzin pa'i ye shes lnga// byas pa med par rang byung bas// longs spyod chen po 'od kyi sku// grub tshul mtshon tshul bsdus pa yin// sangs rgyas sku lnga'i bdag nyid can// mtshan gyi rnam grangs gtso bor bsdus// rnam snang la sogs rigs lnga'i sgra// me long nang gis gzugs brnyan bzhin// snang la rang bzhin med pa'i sku// thun mong mtshan dang ldan pa'i sku// sku re la yang yongs rdzogs pa'i// thun mong spyi yi mtshan dpe bstan// longs spyod rdzogs pa sku yi rgyal// sku yi rngams dang gzi brjid kyis// sbrul sku'i mtshan ma zil gyis gnon// che ba'i yon tan mdor bsdus yin// bzhi bcu rtsa gnyis 'od gsal ba// rang rang lha yi don bshad na// sku gcig sku lngar gsal ba rnam par snang mdzad yin// de la 'gyur ba med pa mi bskyod pa// yon tan phyogs med 'byung bas rin chen 'byung ldan yin// dri mas ma gos thugs rje'i rtsal snang ni// 'od dpag med de pad+ma'i sku// gang la thogs med bdag gzhan don 'grub pas// phrin las mthar phyin don yod grub pa'i sku// yon tan chen po kun tu rgyas pa

  61. 31a

    dang // shes rab rnam gnyis kun bskyod longs spyod pas// thugs kyi rang bzhin 'khor lo rtsibs brgyad pa// sgra lnga ye shes lnga ldan mi 'gyur mi byed pas// thugs kyi rang bzhin rdo rje rtse lnga gsal// ngo bo mi 'gyur rang bzhin mi 'gag par// thugs rje'i yon tan thams cad 'byung bas na// thugs kyi rang bzhin nor bu rin chen gsal// rang gis ngo bo dri med rnam dag pas// thugs kyi rang bzhin pad+ma 'dab brgyad gnas// thugs kyi dgongs pa mtha' bzhi las 'das shing // tshad med ye shes phrin las rnam pa bzhis// 'gro don ma lus rdzogs mdzad pas// thugs kyi rang bzhin rdo rje rgya gram gsal// yum ni ye shes snang ba ste// sku mdog phyag mtshan yab dang mthun// gnyis med ye shes 'od du gsal// ma bcos rang bzhin yongs la khyab pa'i dbyings// yum gyur kun tu bzang mo'i don// rang bzhin mi 'gyur ngo bo 'gag pa med// yum chen sangs rgyas spyan gyi don la sbyar// yon tan mdor bsdus rang bzhin mnyam par sbyar// yum gyur mA ma kI yi don la sbyar// yon tan smin byed rang bzhin kun dro bas// 'od kyi mdangs dang ldan pas dri mas ma gos so sor sbyor// yum gyi rang bzhin gos dkar mo dang sbyar// rang bzhin skye ba med cing mi ldog gnas su sgrol// mi 'da' 'gyur med ngang la gnas pas

  62. 31b

    na// dam tshig sgrol ma zhes bgyi don la sbyor// zhes gsungs so// spros bral don gsal chen po'i rgyud las/ spyi'i mtshan nyid bstan pa dang / rigs lnga yum lngar sbyor ba bstan pa'i le'u ste so gcig pa'o// // de nas gsang ba'i bdag pos zhus pa/ kye kye bcom ldan rdo rje 'chang // 'khor rnams don la ji ltar sbyar// zhes zhus so// ston pas bka' stsal pa/ kye kye rdo rje 'dzin pa/ 'khor gyi rnam grangs mang mod kyang // yab kyi cha 'dzin yab la sbyor// yum gyi cha 'dzin yum la sbyor// yab yum gang yang gong du sbyar ba bzhin// zhes gsungs so// de nas gsang ba'i bdag pos zhus pa/ kye kye bcom ldan rdo rje 'chang // 'khor rnams don du sbyar ba gsung bar zhu// zhes zhus so// ston pas bka' stsal pa/ mi bskyod chen po'i zhal gzigs pas// me long ye shes don rig pa// sa yi snying po don kyi mtshan// gsal ba'i rten gyur ma skyes byams pa'i don// gzigs pa'i rnam pa ma 'gags pas// de gnyis dus mtshungs lA s+ya puSh+pe'i mtshan// rin byung chen po zhal gzigs pas// mnyam nyid ye shes rig pa kun tu bzang // gsal ba'i rten gyur ma skyes nam mkha'i don// don gyi dri gsal mA le d+ha pe'i don// 'od dpag med kyi zhal gzigs pas// so sor kun rtogs ye shes don rig pa// spyan ras gzigs kyi don dang

  63. 32a

    sbyar// gsal ba'i rten gyur ma skyes 'jam dpal don// skyes pa'i yum gyur gi tI ma// ye shes don rnams so sor bstan// ji ltar bskyed du mar me gsal// don grub chen po'i zhal mthong pab// bya grub ye shes lngar don yang gzigs pas// phyag na rdo rje'i don gyi mtshan// skye ba'i rten gyur ma skyes sgrib pa rnam par sel ba'i don// bskyed bya skyed byed dus des nr-i ti gan+d+he ma// brjod bya mang yang mdor bsdus pa'o// gnyis med dbyings dang ye shes kun bzang yab yum don// mtha' bzhi las grol bdud bzhi ngang gis bcom// phyin ci log las grol ba'i sgo ba bzhi// ye shes tshad med bzhi yi don mdzad sgo ma bzhi// sku lnga ngo bo nyid kyi sku dang drug/ ma 'gags thub pa drug gi don dang sbyor// zhes gsungs so// spros bral don gsal chen po'i rgyud las// longs sku'i 'khor gyi don ngo bo la sbyor ba bstan pa'i le'u ste so gnyis pa'o// // de nas yang gsang ba'i bdag pos zhus pa// kye kye bcom ldan rdo rje 'chang // longs sku shar lugs de ltar na// sprul pa sku yi zhing khams 'dir// ston pa byon lugs ji ltar lags// sprul pa'i sku rnams ji ltar shar// zhes zhus so// kye kye rdo rje 'dzin pa nyon cig/ chos sku'i 'od gyur longs sku bzhi bcu gnyis// de yis gsung las rol pa'i sbrul sku rnams// gdul bya drug la

  64. 32b

    so sor 'tshams par bshad pa'o// zhes gsungs so// yang gsang ba'i bdag pos zhus pa/ ston pa byon gzhi de ltar na// sku yi 'khrungs rten gang zhig gis// rtogs pa'i shes rab ji ltar skyes// zhes zhus so// ston pas bka' stsal pa// pha dang ma la ma rten par// bung ba me tog 'dzin pa ltar// u dum wa ra'i me tog la// rig pa'i ye shes las zhugs brdzus nas skyes// zhes gsungs so// yang bka' stsal pa// rdo rje 'dzin pa nyon cig/ ngas len ma myong ba'i lus blangs pas// mthong ma myong ba'i yul gnyis mthong // shes ma myong ba'i gtam cig shes// brjod ma myong ba'i tshig cig brjod// de tshe rtogs pa'i shes rab skyes// zhes gsungs so// yang zhus pa/ rtogs pa'i shes rab ji ltar skyes// zhus so// nga yi chos sku dag pa las// thams cad mkhyen pa'i ye shes shar// longs sku ma bskyed lhun rdzogs pas// rnam pa thams cad mkhyen par shar// da rang sprul pa'i grwa yin pas// chos rnams rang brang chen por shar// nga mi gzhi la dbang bzhi rdzogs// chu bo chen po bzhi ru bcas// de'i tshe rang dbang dang gis thob// thugs rdo'i sgo ma 'gags pas// gdul bya'i zhing dag thugs rjes zin// yid kyi rnam shes rang byung bas// shes rab 'byung ba'i gzhi ma 'gags// lce yi rnam shes sprul pa'i sku// tshig rnams rang rang don la sbyor// zhes

  65. 33a

    gsungs so// spros bral don gsal gyi rgyud chen po las/ sprul pa'i sku ji ltar 'jig rten du byung tshul bstan pa'i le'u ste so gsum pa'o// // de nas yang gsang ba'i bdag pos zhus pa/ kye kyekyi ston pa rdo rje 'chang // sku gsum gyi don bshad gsung du gsol// zhes zhus so// ston pas bka' stsal pa/ chos sku'i ngo bo ni phyogs lhung med pa'i shes rab dang gnyis su med pa'o// longs sku'i ngo bo ni/ mtshan nyid 'dzin pa'i ye shes gsal ba la mi rtog pa'o// sprul pa'i sku'i ngo bo ni/ thugs rje ma 'gags pa'o// chos sku'i nges tshig ni khyab pa dang rten byed pa'o// longs sku'i nges tshig ni/ zhing dag pa dang 'khor smin pa dang longs spyod pa'o// sbrul sku'i nges tshig ni ma 'gags pa'i thugs rje sna tshogs par sprul pa'i phyir sbrul sku'o// yun thung ba'i phyir sbrul sku'o// mthun par snang ba'i phyir sbrul sku'o// ma nges par snang ba'i phyir na sbrul sku'o// chos sku la dbye na gsum ste/ rig pa ngos bzung bral zhing mi 'gyur bas/ chos sku'i chos sku'o// rig pa shes rab kyis sku la mkhyen pa ma 'gags pas chos sku'i longs sku'o// gdul bya la snang ba'i sku lnga ni/ chos sku'i sbrul sku'o// rigs kyi bu de la ni ngo bo rang bzhin thugs rje gsum zhes kyang bya'o// gzhi la gnas pa'i sku gsum zhes kyang bya'o// 'bras bu gzhi la grub pa zhes

  66. 33b

    kyang bya'o// sku gsum dza log chen po zhes kyang bya'o// 'bras bu'i ngang la gnas pa zhes kyang bya'o// longs sku'i chos sku chen po ni rnam par snang mdzad chen po'o// longs sku'i longs sku rigs bzhi'o// longs sku'i sbrul sku ni sems pa dang sems ma'o// de rnams la mtshan gyi bye brag ni/ 'bras bu mngon du gsal ba zhes bya'o// sku gsum rnam par bzhag pa zhes bya'o// longs sku'i sku gsum mo// sbrul sku'i sku gsum ni/ rigs bzhi chos kyi sku'o// sems dpa' sems ma longs sku'o// thugs rje'i 'od zer sprul pa'i sku'o// kye sems dpa' chen po de la ni thugs rje 'byung ba'i sku gsum zhes kyang bya'o// sku gsum mtha' la bskyal ba zhes kyang bya/ de rnams rdo rje sems dpa'i thugs la gnas shing / ston pa'i don mdzad pas 'gro ba 'dul ba'i sku gsum zhes bya'o// kye gsang ba'i bdag po nges par zung zhig/ nga rdo rje'i sems pa ni sbrul sku'i chos sku'o// nga yi dbu yi tho tshugs dang / mdzod spu'i bu ga dang / shangs kyi sgrom la sogs pa rnams nas sku 'jam dpal dri med snying po la sogs pa rnams ni sbrul sku'i longs sku'o// thub pa drug dga' rab rdo rje la sogs pa rnams ni sbrul sku'i sbrul sku'o// zhes gsungs so// spros bral don gsal chen po'i rgyud las/ sku gsum bye brag bstan pa'i le'u ste so bzhi pa'o// // de nas yang gsang ba'i

  67. 34a

    bdag pos zhus pa/ kye kye bcom ldan rdo rje 'chang // de mtshon tshig rnams gsung du gsol// zhes zhus so// ston pas bka' stsal pa// kye gsang ba'i bdag po/ ngas bstan rgyud lung thams cad du/ ngo bo nges tshig dbye ba rnam grangs gang byung yang // ngas bstan gong bzhin shes par gyis shig/ yang gsang ba'i bdag pos zhus pa/ rnam grangs don rnam gsung du gsol// zhes zhus so// ston pas bka' stsal pa/ ngo bo ni ma byas pa/ ma bcos pa/ ma smad pa/ mi 'gyur ba rang bzhin rnam par dag pa/ 'dus ma byas pa'i ye shes chen po// nam mkha'i lta bu'i chos nyid/ stong pa rdo rje'i chos can/ rig pa dngos med ye dag zang thal chen po'o// rang bzhin ni gzhi gnas kyi ye shes chen po la/ mtshan nyid 'dzin pa'i ye shes lnga/ ma 'gags par ngo bo nang na 'od gsal ba'o// thugs rje ni snying po sku lnga/ phyag rgya mi 'gags par gsal ba'o// rigs kyi bu ngo bo chos kyi sku/ rang bzhin longs sku/ thugs rje sbrul sku ste/ thams cad kyi gzhi ma 'gags par gnas pas gzhi gnas kyi sku gsum mo// rgyu dag pa chos kyi sku la/ 'bras bu dag pa chos nyid gzugs sku gnyis nang gsal du gnas pa ni/ yon tan du grub pa ste/ gzhi la grub pa'i sku gsum zhes bya'o// sku gsum dza log zhes bya ba ni/ mtshan nyid sde gsum las dza log ste/ 'dus

  68. 34b

    byas kyi chos ka nas dag pa'i rang byung gi ye shes lhun gyis grub pa'o// sngags phyi pa las dza log ste/ rigs lnga gdul bya la snang bas sprul pa ste/ longs sku la sbrul sku rnga log go// rdzogs pa chen po la sogs pa phyi thun mong las dza log ste/ bdag gis ma bsgoms mi bsgom bdag nyid chen po'i dgongs pa dang mi 'bral bar gnas so// 'dug tshul dza log ste/ chos sku gzugs sku gnyis kyi bdag med bsam 'das kyi sku yin pas/ chos sku dza log go// longs sku sbrul skur dza log cing / sbrul sku longs skur dza log pas na dza log go// rigs kyi bu des na longs sku man chad nas ltos pa'i brjod tshig go// de la byed pa med par rang bzhin gyis de ltar gnas pas na chen po'o// sku gnyis rang gi gzhi'i ngang la gnas shing 'bras bu'i ngang la gnas pas na/ don 'gyur ba med par gnas so// kye gsang ba'i bdag po rnam snang la longs sku'i chos skur bzhag pa ni/ rnam snang la rigs bzhi 'byung zhing rnam snang gi yon tan gyis khyab pa ste/ rigs bzhi'i gzhi 'am shes byar gyur pa'o// rigs bzhi yang yang rnam snang gis thugs rnam par dag pa la longs spyod mar 'khor du smin pas sems dpa' dang sems ma la thugs rje spyod pa'o// des na rigs bzhi longs sku'o// de las thugs rje bye brag mi 'dra bar mkhyen pas sems dpa' sems mar

  69. 35a

    sprul pa'o// de bzhin chos sku sku gsum gyi bzhag lugs dang sbrul sku sku gsum gyi bzhag lugs kyang shes par bya'o// sku'i che ba yongs su rdzogs te gdul bya 'khor smin pa rnams la mngon par snang bas/ 'bras bu mngon par gsal ba'i dus shes par bya'o// thugs kyi mkhyen pas yar chos skur gsal zhing / spyan gyi sprul pas mar sprul skur gsal te/ bar na sku mchog gsal bas na/ rnam par bzhag pa'o// chos kyi spyan gyis rnam rtog mi mnga' bas gzigs la zhal gyi bar nas yi ge drug gis 'od 'phro bas/ 'dzam bu gling bye ba phrag brgya na rdo rje sems dpar gsal zhing / 'gro drug spyi'i snang na thub pa drug gnang bas/ thugs rje 'byung ba'i sku gsum ni/ thugs rje 'byung lugs par pa nas 'byung ba'i phyir ro// des sems can gyi don dngos mdzad pas sprul pa'i sku ste/ 'gro ba 'dul ba'i sku gsum mo// ma 'gags pa sprul pa'i sku ste/ rtsal lam thugs rje de ltar snang ba'o// de nas chos sku zhes pa dang / longs sku zhes pa dang / thugs rje zhes pa dang / sprul pa'i sku zhes pa dang / mgon po zhes pa dang / dpal zhes pa dang / skyabs zhes pa dang / ston pa zhes pa dang / 'jig rten gyi sgron ma zhes pa mdor bsdus nas bstan pa'o// zhes gsungs so// spros bral don gsal gyi rgyud chen po las/ sku gsum mtshon pa'i tshig dang

  70. 35b

    sku'i rnam grangs bstan pa'i le'u ste so lnga pa'o// // de nas yang gsang ba'i bdag pos zhus pa/ sku gsum ye nas sangs rgyas pa'i// sangs rgyas ngo bo nges tshig dang // dbye ba rnam grangs gsung du gsol// zhes zhus pas ston pas bka' stsal pa/ sangs rgyas kyi ngo bo dri ma med pa'i ye shes so// nges tshig ni nyon mongs pa'i dri ma dag cing / mkhyen pa'i ye shes rgyas pas na'o// dbye na gnyis te gzhi lhun grub dang / rtogs pa mngon gyur zhes bya'o// de la ni gong gi gzhi de'i mtshan dang ldan pas na/ sangs rgyas zhes bya'o// chos sku las longs sku mched cing / des sbrul skur ston pa ste/ sbrul skus 'gro ba la 'chad pa'i phyir na ston pa'o// rtogs pa'i shes rab kyis log par rtogs pa'i bdud bcom ste/ mkhyen pa'i stobs dang ldan zhing / gzung 'dzin gyi mtha' las 'das pas na bcom ldan 'das so// de ltar mkhyen pas rtogs pa bdag gis dpal lo/ kun gyi don byed cing 'chad pas na thugs rje gzhan gyi dpal lo// 'gro ba'i ma rig pa'i mun pa sel ba'i sgron ma'o// zhes gsungs so// spros bral don gsal chen po'i rgyud las/ sangs rgyas kyi ngo bo nges tshig dbye ba dang / mtshan mdor bsdus nas bstan pa'i le'u ste so drug pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // chos

  71. 36a

    sku'i bdud 'joms ji ltar lags// longs sku'i 'dud 'joms ji ltar lags// sbrul sku'i bdud 'joms ji ltar lags// zhes zhus so// ston pas bka' stsal pa/ chos sku 'gag pa med pas 'chi bdag gi bdud bcom/ mtshan ma med pas phung po'i bdud bcom/ de gnyis su med pas nyon mongs pa'i bdud dang lha'i bu'i bdud bcom/ de ni ngang gis bcom pa yin/ srog med sku lngas 'chi bdag gi bdud bcom/ ye shes sgyu mas phung po'i bdud bcom/ sems rtog med kyis nyon mongs pa'i bdud dang lha'i bu'i bdud bcom/ chos sku don ldan rtogs pa'i 'chi bdag gi bdud bcom/ rdo rje sems dpa' sprul pa'i sku'i don ldan rtogs pas nyon mongs bdud dang lha'i bu'i bdud kyang de bzhin bcom/ longs sku'i don ldan rtogs pa'i phung po'i bdud kyang bcom/ zhes gsungs so// yang gsang ba'i bdag pos zhus pa/ chos sku'i ldan lugs ji ltar lags// longs sku'i ldan lugs ji ltar lags// sbrul sku'i ldan lugs ji ltar lags// zhes zhus so// ston pas bka' stsal pa/ chos sku yon tan sgo yangs pas// ye shes lnga dang sku gnyis ldan// longs sku mtshan dang dpe byad ldan// dgongs pa ye shes lnga dang ldan// mngon par shes pa'i chos drug ldan// sbrul sku cho 'phrul rdzu 'phrul ldan// zur tsam bsdus nas bstan pa

  72. 36b

    yin// yang gsang ba'i bdag pos zhus pa/ sku gsum 'das lugs ji ltar lags// zhes zhus so// ston pas bka' stsal pa/ chos sku mtha' rnams kun las 'das// longs sku gzung 'dzin 'khor ba'i chos las 'das// sbrul sku shes rab chen po thugs rje'i thabs ldan pas// 'khor 'das gnyis ka'i mtha' la mi gnas 'das// 'das lugs mang yang bsdus nas bstan pa yin// zhes gsungs so// yang gsang paba'i bdag pos zhus pa/ chos sku'i sangs rgyas ji ltar lags// longs sku'i sangs rgyas ji ltar lags// sbrul sku'i sangs rgyas ji ltar lags// zhes zhus so// ston pa'i bka' stsal pa/ chos sku mtshan ma'i chos gnyis su snang ba thams cad sangs// rang gsal gnyis med ye shes rgyas// longs sku 'khor ba'i chos rnams sangs// rnam pa thams cad mkhyen nyid dang // sku yi che ba'i yon tan rgyas// sprul pa'i sku yi ma rig pa dang // logs par lta ba thams cad sangs// 'khor ba 'khrul pa'i snang ba sangs// shes rab thabs dang thugs rje rgyas// zhes gsungs so// yang gsang ba'i bdag pos zhus pa/ sku gsum dri ma ji ltar dag/ ston pas bka' stsal pa// chos sku ngo bo nyid kyi dri ma dag/ longs sku shes bya'i dri ma dag/ sbrul sku nyon mongs dri ma dag/ ces gsungs so// spros bral don gsal rgyud chen po'i rgyud las/ sku gsum gyi

  73. 37a

    bcom ldan 'das sangs rgyas dang dri ma dag tshul bstan pa'i le'u ste so bdun pa'o// // de nas yang gsang ba'i bdag pos zhus pa// sku gsum thugs rje ma 'gags pas// 'gro don mdzad tshul ji ltar lags// ston pas bka' stsal pa/ rigs kyi bung dang po byis pa lo brgyad lon pa'i tshad du skyes so// de nas lo brgyad kyi bar du shes rab kyi srog shing la ye shes lnga'i 'khor lo bskor nas/ rtogs pas bdag bsgral te/ dgongs pa nyid la nyid 'grel lo// de nas lo brgyad kyi bar du sprul pa mang du phyung nas 'gro ba'i don byas te/ lha gnas dang por 'khor rnams kyi sdug bsngal gyi gdung pa bsal te/ rin po che'i dar skud la mu tig gi phreng ba brgyus nas 'khor lo phyir bskor te/ thugs rje gzhan bsgral ba'i phyir/ ldem po'i don la dgongs nas theg pa thun mong rnams bshad do// de nas yang me ri 'bar ba'i rtse mo la sangs rgyas kyi bden pa nges par mthong nas/ snang ba stong pa'i chos rnams bshad do// de nas bya rgod phung po'i ri la/ rgyud chen po gsang ba rmad du byung ba rnams thugs las bkrol/ mgur gyi bum pa la 'dri la/ ljags kyi pad+ma la bskyon/ yon tan rnam pa lnga'i rnam par shes pas bkrams/ rig pa'i khu byug gsung dbyangs yan lag drug cu dang ldan pa gcig tu bshad de/ 'khor gyi blo'i the tshom dang spros pa bcad

  74. 37b

    do// lo nyi shu rtsa bzhin mya ngan las 'da' khar zhal chems rnam pa gsum bshad do// rjes 'jug gi don du spros bral don gsal dang gcig/ gcig shes kun grol dang gnyis/ rin chen kun 'dus dang gsum bshad do// nga'i rjes su ni 'jug la nga dang phrad pa'i skal ba med pa rnams kyi don du bzhag pa'o// nga'i sku gsum gyi gdung rten de bzhin du bzhag nas/ nga yongs su mya ngan las 'das so// zhes ma 'ongs pa'i don du de skad smros shig/ ces gsungs so// spros bral don gsal chen po'i rgyud las/ sbrul sku'i don 'dzad lugs bstan pa'i le'u ste so brgyad pa'o// // de nas yang ston pas mtshon pa bsam gyi mi khyab pa'i dgongs pa la bzhugs so// de'i tshe yang gsang ba'i bdag pos zhus pa/ kye kye bcom ldan thabs kyi bdag/ ldem po'i don la dgongs pa yi// theg brgyad don rnams gsung du gsol// zhes zhus so// rin po che mchod rten bang rim dgu pa'i steng nas ston pa g.yu'i bya khu byug skad lan bzhin 'don pa'i man ngag/ swA hA sarba yA na pra sa ra ya dus ya/ ston pas bka' stsal pa/ kye kye gsang ba'i bdag po legs par zung zhig/ nga dang nga yi sprul pa yis/ thun mong spyi dang khyad par gyi 'khor gdul bya rnam pa gnyis la/ ldem dgongs su bstan pa'o// ldem po'i lta ba 'di ltar te// nyan thos rang rgyal sems dpa'

  75. 38a

    dang // kri yog sde gsum bskyed rdzogs gnyis// bden pa phyogs re nas bzung nas// gza' gtad bcas pa'i lta ba brgyad// blo yul gnyis kyi mur 'dzin pas// rang rig ye shes la ma zlos// de bas phyin ci log pa yin// don las nyams dang gol ba'i phyir// zhe 'dod blo yi lta ba yin// kye gsang ba'i bdag po zhe 'dod chas pa'i lta ba brgyad/ gang zag bdag med rtogs kyang chos kyi bdag ma spangs// chos kyi bdag ni gzung 'dzin gnyis su snang // 'dzin pa'i rgyun rtog skad cig 'gags// rtags chad gnyis las 'das par blta// dper na chu bo gang+gA bzhin// gzung bya kun rdzob rnam par gsal// don dam rdul phran rdzas su 'dod// dper na g.yag rnga ni seng bzhin// mdo sde bye brag gnyis su 'dod// nyan thos zhe 'dod yin pas na// gnyis med bde chen don dang 'gal// gang zag bdag med gang mthun nges rtogs la// chos kyi khams la phyogs gcig bdag med lta// de gnyis mtshan mar nges 'dzin pa// rang rgyal zhe 'dod lta ba yis// gnyis med bde chen don las nyams// bdag gnyis bral bar blta zhing bden gnyis tshul du 'dod// don dam sems su blta ba dang // kun rdzob skur pa mi 'debs pa// dper na rmi lam smig rgyu bzhin// byang chub sems dpa'i lta ba yin// gnyis med ye shes don

  76. 38b

    las gol// mi rtog skye 'gag med pa'i ngang las ma g.yos kyang // sems dpa' rnam gnyis rje dang bran du blta// kri yA'i lta ba zhe 'dod dang bcas pas// kun bzang bde chen don dang 'gal// mi rtog dang las ma g.yos skye 'gag bral bzhin du// sems dpa' rnams gnyis spun dang grogs por blta// u pa yo ga'i 'dod pa yis// dbyer med ye shes bde chen don las 'gal// ma skyes 'gag pa med cing mi rtog g.yo ba med bzhin du// khams dang skye mched lha dang lha mor blta// ma hA zhe 'dod mtshan mar 'dzin// spros bral bde ba chen po'i don las gol// ma g.yos mi rtog skye 'gag med bzhin du// dbyings dang ye shes lha dang lha mor 'dzin// a nu'i zhe 'dod lta ba yin// dngos med zang thal rang snang bde chen don las gol// zhes gsungs so// spros bral don gsal chen po'i rgyud las// theg pa brgyad kyi grub mtha' bstan pa'i le'u ste so dgu pa'o// // de nas yang gsang ba'i bdag pos zhus pa/ kye kye ston pa rdo rje 'chang // theg pa brgyad du de ltar gsungs pa de// dgongs pa nyams su ji ltar len// zhes zhus so// ston pas bka' stsal pa/ rdo rje 'dzin pa legs par zung zhig/ dmigs gtad bcas pa'i bsgoms pa brgyad// rtsol ba'i blo yis yul bzung nas// nyan thos theg pas 'di ltar bsgom// rang lus rdos

  77. 39a

    bcas phung po la// mi gtsang rdzas su 'du shes bskyed// rnam par sngo dang bam pa dang // rul ba myags par bsgom pa ste// gzugs phung zhen pa'i mtha' las bzlog/ zhi gnas yan lag bcu gnyis ldan// tshogs drug yul dang rtog pa spang // rang rgyal 'dod pa 'di ltar bsgom// dang po ma rig la sogs nas// mtha' ma rga shir zug par bsgom// rang gi dpral bar sems gtad de// keng rus dkar po mtheb longs tsam// de la sems zin brtan pa dang // de las mched nas keng rus blta// de nas rim par 'gag par bsgom// byang sems 'dod pa 'di ltar bsgom// de yang blo yis 'dod pa yis// sems tsam sems nyid rang gsal bsgom// dbu ma bden pa dbyer med nam mkha'i dkyil ltar bsgom// kri ya'i 'dod pa 'di ltar bsgom/ stong pa'i lha tshogs sngon song nas// rigs gsum phyag rgya ldan par bsgom// yo ga'i zhe 'dod 'di ltar bsgom// byang chub rnam lnga sngon song nas// sum cu rtsa bdun phyag rgya bzhi dang ldan par bsgom// ma hA yo ga'i bsgom pa ni// ting 'dzin rnam gsum sngon song nas// zhi khro rab 'byams bsgom par byed// phyag rgya bzhi ldan bsgom pa'i mchog/ a nu yo ga'i zhe 'dod bsgom pa ni// snying po brjod pa sngon song nas// phung po lha yi phyag rgya bzhi// dper na chu las chu bur

  78. 39b

    dang // tshwa tshwa brkos phor nang nas bton pa bzhin// skad cig ma la gsal bar bsgom// bsam tan yan lag sngon song nas// dngos gzhi bye brag de ltar bsgom// dgos ched mthar phyin 'bras bu thob// ces gsungs so// spros bral don gsal chen po'i rgyud las/ theg pa brgyad kyi bsgom pa bstan pa'i le'u ste bzhi bcu pa'o// // de nas yang gsang ba'i bdag pos zhus pa/ rang rang don la bsgom dus su// spyod pa'i bye brag ji ltar spyad// ces zhus so// ston pas bka' stsal pa/ gsang ba'i bdag po legs par zung zhig/ theg brgyad rang gi spyod pa bstan// sdug bsngal rtsol bsgrub bcas par spyod// spyod pa blang dor med par ma rtogs pas// thun mong ma yin blang dor spyod// nyan thos spyod pa'i khyad par ni// ma byin len dang mi tshangs spyod// srog gcod rnam par spang pa ste// lus kyi spyod pa rnam par dag/ ngag gi spyod pa dag pa ni// rdzun dang ngag 'khyal phra ma dang // zhe gcod tshig rnams med par spyod// yid kyi spyod pa dag pa ni// brnab sems gnod sems log lta bral ba yin// dge bcu rnams ni rang gi don du spyod// rang rgyal ba yi spyod pa ni// rdzu 'phrul ya ma zung 'ga' yis// 'gro don shas tsam spyod par byed// byang chub sems pa'i spyod pa ni// tshad med bzhi dang bsdu ba bzhi// gtso ru gzhan gyi don du spyod// kri

  79. 40a

    ya pa yi spyod pa ni// phyi nang rdzas gsum dag par spyod// yo ga dag gi spyod pa ni// phrin las rnam pa bzhi dag dang // kho na nyid bzhi spyod par byed// ma hA yo ga'i spyod pa ni// thabs dang shes rab gnyis sgo nas// 'gro don mtha' ru phyin par spyod// a nu yo ga'i spyod pa'i gnas skabs ni// gnyis su med pa'i tshul gyis su// dbyings dang ye shes rnam pa gnyis// gnyis med gcig la yongs su spyod// ces gsungs so// spros bral don gsal gyi rgyud chen po las/ theg pa brgyad kyi spyod pa bstan pa'i le'u ste zhe gcig pa'o// // de nas yang gsang ba'i bdag pos zhus pa/ ston pa thugs rje zabs kyi bdag/ de yis 'jug sgo bsrung mtshams dang // sgrub pa'i thabs rnams ji ltar lags// so so'i 'bras bu ci ltar smin// zhes zhus so// ston pas bka' stsal pa/ rdo rje 'dzin pa nges zung zhig/ zhugs nas de yi don spyod pas// so so'i 'jug sgo spyod par bsdu// lta ba'i don las mi 'da' bas// so so'i dam tshig lta bar bsdu// so so'i lta ba goms pas bsgrub pa'i mchog/ de la de nyid der bsdus pa'o// theg pa so so'i 'bras bu ni// lta ba mngon du gyur pa 'bras bu'i mchog/ nyan thos dag gi 'bras bu ni// lha sgom spyod pa mthar phyin pas// 'bras bu zung bzhi ya brgyad smin// rang rgyal dag gi/

  80. 40b

    'bras bu yang // lha sgom spyod pa mthar phyin pas// dgos pa 'bras bu rnam gnyis thob// dper na ne tso bse ru bzhin// byang sems dag gi 'bras bu yang // lta ba sgom pa spyod pa rnams// mngon 'gyur sa bcu rim sbyangs nas// kun du 'od la gnas par 'dod// kri ya'i 'bras bu rdzogs pas ni// rang gi lha sgom dogs chod pas// rigs gsum sku gsum ngo bor 'dod// rdo rje 'dzin pa'i sa non pa'o// yo ga dag gi 'bras bu ni// lha sgom spyod pa'i byin rlabs kyis// sum cu rtsa bdun mngon rdzogs te// sku gsum rang bzhin lhun gyis grub// ma hA yo ga'i 'bras bu ni// lta ba la sogs mngon gyur nas// phyag rgya chen por mngon rdzogs pas// bcu gcig kun tu 'od kyi sa la mngon par 'grub/ a nu dag gi 'bras bu yang // lta ba dag gi dgos pa ni// rdo rje sems dpa' mtshan yongs su rdzogs pa'i sa mnon nas/ ma chag pad+ma can gyi sa la gnas/ zhes gsungs so// spros bral don gsal chen po'i rgyud las/ theg pa so so'i 'bras bu dang / 'jug sgo bsrung mtshams sgrub thabs gsum lta sgom spyod pa'i bsdu thabs bstan pa'i le'u ste/ zhe gnyis pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // theg brgyad lta sgom spyod pa dang // 'bras bu mthar phyin de ltar na// a ti'i don la 'jug pa yi// man ngag

  81. 41a

    rim pa ji ltar lags// 'gro ba sems can thams cad la// sku gsum ye shes rnam pa lnga// rang la rang chas yod pa la// gang zag lam du zhugs pa rnams// kun gyi mi rtogs ji ltar lags// phyi yi yul nyid chos nyid la// gzhan gyi sgrib pa med pa ste// mthong ba med pa ji ltar lags// rdo rje 'chang gis bshad du gsol// de skad ces ni zhus pa las// rdo rje 'chang gis bka' stsal pa// nyon cig gsang bdag zhu ba po// sku gsum ye shes lnga yi don// ngo bo gcig la mtshon tshul phye// de don gcig tu dril ba ni// rang rig chos kyi sku ru 'dus// rang rig rtogs par bya ba'i thabs// dus gsum sangs rgyas kun gyis kyang // brgyad khri bzhi stong chos bshad kyang // car gyis bstan pa'i gdams ngag med// de phyir lam du zhugs tshad kyis// rang gi rig pa chos kyi sku// rang la rang chas yod gyur kyang // rtogs par gyur pa ma yin no// rang rig chos skur ma rtogs pas// phyi yi 'byung ba rnam pa lnga// chos kyi dbyings nyid yin gyur kyang // 'byung ba rnam lnga rang gar bzung // de phyir chos nyid rtogs par dka'// de skad ces ni gsungs pa dang // gsang ba'i bdag pos yang zhus pa// ston pa rdo rje 'chang chen po// gang zag phyi ma'i don ched du// da lta nyid du rtogs pa yi// car gyis bstan pa'i gdams ngag ni// thugs

  82. 41b

    rjes 'khor la gsung du gsol// de skad ces ni zhus pa yis// rdo rje 'chang gis yang gsungs pa// tha mal rang rgyud shes pa ni// car gyis bstan pas rtogs pa'i chos// gang zag phyi ma'i don ched du// bstan kyang snod ni shin tu dka'// dper na u dum wa ra bzhin// brgya stong khri las re re zhig/ 'ga' tsam zung tsam 'byung srid na// de yis don du nga yis bstan// de skad ston pas gsungs pa dang // gsang ba'i bdag po yang zhus pa// ston pa rdo rje 'chang chen po// sangs rgyas kun gyi dgongs pa dang // sems can kun gyi gnas lugs don// car gyi bstan pas rtogs pa'i chos// sal gyis bstan pa'i go ba'i don// 'di don ston pa'i slob dpon de// car phog man ngag mkhas pa dang // slob ma'i snod rtogs mkhas pa dang // snod ldan thugs rje 'dzin pa dang // blta bsgom don la gnas pa dang // spyod pa rkyen gyis mi tshugs pa// de lta bu yi slob dpon de// gzhan gyi skyon snang mchis gyur kyang // lus ngag yid gsum dang ba yis// yang dag skye med don chen zhu// yang ni ston pas gsungs pa ni// yang dag skye med bstan pa'i snod// dad brtson brtul zhugs shes rab che// gtong phod mos gus brnags pa che// la zlo'i chos dang slob dpon dang // 'di nyid don la mos pa che// ser sna'i mdud khrol longs spyod

  83. 42a

    'bul// longs spyod med na rang lus 'bul// man ngag zhu ba'i don ched du// bu dang chung ma la sogs te// srog la bab kyang gtong nus na// yang dag skye med car gyis bstan// de skad ston pas gsungs pa dang // gsang ba'i bdag pos yang zhus pa// slob dpon man ngag ldan pa des// slob ma gong bzhin snod ldan la// car gyis bstan pa'i man ngag 'dis// lnga brgya'i dus la nye ba'i tshe// thos pa bya/ ru tshe tshad thung // dgon pa bsten du 'tsho ba nyams// spyi ru bshad pa'i man ngag 'dis// shes rab can dang thos pa can// ji srid cha yis rtogs srid kyang // rang gi mtshan nyid mthong ba med// thos chung shes rab chung ba yis// rtogs pa'i don dang mi ldan pas// thos pa che chung med pa dang // shes rab che chung med pa yis// rang gis mtshan nyid ma nor bar// bstan pa tsam gyis rtogs pa'i don// rdo rje 'chang gis gsung du gsol// e ma thugs rje bdag po lags// de skad ces ni zhus pa dang // rdo rje 'chang gis bka' stsal pa// nyon gcig gsang ba'i bdag po nyon// brgyad khri bzhi stong chos bstan kyang // gang zag blo dang sbyar ba las// nges don car gyi bstan pa med// brgyad khri bzhi stong theg dgur 'dus// theg pa rim dgu gsum du 'dus// mtshan nyid sde gsum rgyu yi chos// gsung gi sprul pa shAka thub kyis// gtan

  84. 42b

    la phab cing bstan pa'o// phyi rgyud sde gsum 'bras bu'i chos// sku yi sprul pa rnam snang gis// gtan la phab nas bstan pa yin// bskyed rdzogs rnam gnyis nang pa'i chos// thugs kyi sprul pa gsang bdag gis// gtan la phab nas bstan pa'o// theg brgyad rdzogs chen ming ma thob// de phyir gnas lugs ma rtogs phyir// sku gsung thugs gsum 'dus pa yi// sbrul sku dga' rab rdo rje yis// rdzogs pa chen pa'i chos rnams bshad// de ni rdzogs chen ming thob ste// de la bshad thabs rnam pa bzhi// bskyed pas snang ba'i spros pa chod// lung sde rgyud sde klong sde gsum// sems sde la sogs bzhi yis bshad// yul la spros gcod bskyed pa yin// bsdus pa'i lus sems shan ma phye// de yis don la spros gcod pas// sdud pa dag tu bstan pa yin// car phog dag gi man dag ni// rig pa dag la spyod gcod pas// car ba'i man ngag dag tu bstan// de yis 'khrul pa rtsad gcod mkhas// gzhan la ltos nas zab 'gyur te// car gyi bstan pa'i man ngag med// de phyir don gyi ngo ma 'phrod// ngo ma 'phrod pas drang don yin// yang dag don gyi nges don ni// tshig don gnyis su 'brel ba yis// car gyi bstan pas yer gyis rtogs// sal gyi bstan pas wal gyis rtogs// tshig don bstan pas rang ngo shes// de lta bu yi man ngag la// brten na ngo/

  85. 43a

    spyod gcig gis chog/ dbye na ngo sprod rnam pa bdun// spros bral don gsal gyi rgyud chen po las// a ti'i don ngo sprod pa zhus len dang bcas pa bstan pa'i le'u ste zhe gsum pa'o// // a d+harma ka ya/ mun pa'i smag rum chen po ru/ nyi ma shar bas mun pa'i smag gtan nas sangs par byed pa'i man ngag ces bya ba 'di// ngo sprod bdun gyis gtan la phab dgos so// zhes gsungs so// kye kye rdo rje 'chang chen po// ngo sprod rnam pa bdun po yi// dang po 'byung ba dngas snyigs ni// phyi la rang ngo sprad pa de// phyi rabs don du gsung du gsol// de skad ces ni zhus pa dang // rdo rje 'chang gis bka' stsal pa// 'byung ba dngas snyigs dbye ba yi// ngo sprod bstan pa 'di lta ste// dang po shan dbye skyon bsal dang // bar du spyi dang bye brag ngo yis bzung // tha ma sku dang dbyings su la bzla ba// dang po shan dbye skyon bsal ba// phyi yi yul dang nang gi shes rig gnyis// phyi yi yul ni 'byung ba rnam pa lnga// nang gi shes rig rnam pa bstan pa ni// rnam par shes pa'i tshogs brgyad yin// phyi yi 'byung ba rnam lnga bstan pa ni// chos kyi dbyings nyid ma shes gol ba ste// gar byung gnas dang gar 'gro ba// de don gong 'og rnams su shes par bya// 'khrul nas reg pa'i 'byung ba rnam pa lnga// phra ba ye shes 'od kyi kha dog lnga// chos nyid stong pa'i ngang du shar ba

  86. 43b

    ste// rtogs pa'i don ldan rnams la chos nyid yin// ma rtogs pa la 'khrul snang yul du shar// chos nyid ngo yis bzung na 'di lta ste// chos nyid stong pa nyid dang chos nyid ma 'gags pa// chos nyid gnyis su med dang chos nyid dri ma med// thogs pa med pa dang ni lnga ru bshad// yul gyi dngos po snang grag chos can 'di// chos nyid de la ma grub stong pa'o// chos nyid ngang du sku gsum ye shes lnga// mi 'gag pa ru 'char denyid do// chos nyid dag pa gnyis snang med pa yin// phyi dang nang gnyis zhes su bstan pa yin// chos nyid don la spros pa med par dag pa'o// chos nyid ngo bos khyab pas na// chos nyid thogs pa med par bshad// chos nyid bye brag shan dbye ngos bzung bstan pa ni// chos nyid skyon gyi mtha' bsal 'di lta ste// rnam rtog dag pas dri ma rags pa ste// 'byung ba rnam pa lnga ru brtas pa yin// dbus kyi ri bo mchog rab nas// rdo bran sa bran shing bran yan chad ni// 'byung ba sa yi dngos po brtas par rags pa yin// rgya mtsho chu klung chen po man chad nas// rlan tsam gsher tsam chu yi thigs pa yan chad ni// rnam rtog chu ru brtas pas rags pa yin// bskal pa'i me chen 'bar pa man chad nas// gtsub shing me stag phra mo yan chad pa// rnam rtog me ru brtas pas rags pa yin// rdo rje rgya gram rlung chen nas bzung ste// ser bu phra mo

  87. 44a

    yan chad rgyu ba rnams// rnam rtog rlung du brtas pas rags pa yin// 'byung ba rnam pa bzhi yis ni// chos nyid stong pa spros bral de la bsgribs// 'byung ba phra ba'i dri ma sel// ngan rtsal de ni chos nyid ngang du 'char ba yin// 'od dang gdangs dang ye shes rtsal la bsgribs// dri ma phra ba yul gyi rags pa ste// yul ni dngos po mtshan ma can// sna tshogs dag la spyod pa'i yul gyi rags// skye lugs rags pas yul gyi dngos po lnga// dbang po sgo lnga dngos po mtshan mar skyes pas rags// dbang po rnam lnga spyod pas rags// de yis gang la bsgrib gyur na// dbang po sgo lnga'i dbye bar bcas pa yis// 'byed pa med pa'i shes rab bsgribs// dngos po sna tshogs bdag tu 'dzin pa yis// dgongs pa 'dzin med nyag cig don la bsgribs// sgo lnga skye 'gag bcas pa des// skye 'gag med pa'i ye shes bsgribs// phra ba yid gnyis dag tu bstan pa des// yul gyis phra ste dngos po la mi spyod// skye lugs phra ste sna tshogs gzugs mi spyod// grangs kyis phra ste dbang po sgo lnga blta ru med// yid kyi rnam shes gzung 'dzin te// nyon mongs yid ni ngar 'dzin yin// sgo lnga'i rnam par shes pas yul la spyad pa ni// de yi rjes su rtog pas shes pa yid la wa le ba// de ltar shes pa de ni yid kyi rnam shes yin// de yis gzung 'dzin nyon mongs can

  88. 44b

    gyi yid// de ltar tshogs bdun sa bon te// bsags pa de la kun gzhi zhes bya'o// yid gnyis dag gis rang rig spros bral de la bsgribs// yid kyi rnam shes gzung 'dzin bcas pa des// 'dzin pa med pa'i rang gsal dag la bsgribs// nyon mongs can gyi yid ni ngar 'dzin bcas pa des// 'dzin pa med pa'i rig pa de la bsgribs// tshogs bdun gzhi'am rtsa ba phyed pa'i phyir// sbyor ba don gyi kun gzhi zhes su bshad// rnam shes tshogs bdun de dag gis// dge ba spyad na gzhi la dge ba 'phel zhing sdig pa 'grib// sdig pa spyad na sdig pa 'phel zhing dge ba 'grib// lung du bstan na lung du bstan pa rnam 'phel te// ma bstan spyad na ma bstan 'phel bar 'gyur// mdor na sbyor ba don gyi kun gzhi de// tshogs bdun spyod pas las rnams 'phel bar 'gyur// tshogs bdun ma spyad las rnams 'grib// tshogs bdun gzhi rtsa byed pa yi// kun gzhi de dag gis ni gang la bsgrib 'gyur na// rig pa'i mtshan nyid lnga ldan de la bsgribs// spyi yi ngos bzung rig pa'i mtshan nyid bye brag ni// sku gsum shan dbye skyon gyi mtha' bsal dang // spyi dang bye brag gnyis su ngos bzung ba'o// chos sku ngos bzung la shan dbye ba dang // skyon gyi dri ma bsal ba dang // 'byung ba'i dri ma phra rags gsum bral ba// chos nyid dag gsal me long gi dkyil

  89. 45a

    'khor g.ya' phyis pa lta bu la/ rig pa sems kyi dri ma phra rags gsum dang bral ba yi/ rang gsal 'dzin med mar me rlung gis ma bskyod pa lta bu ni/ chos nyid ngang du shar ba de// ye shes dbyings las shar ba yis// mtha' rnams rnam par mi 'byed do// 'phral du 'byung ba lta bu ma yin te// ye shar ye brdal chen po yin// chos sku mtshan nyid bdun ldan te// stong pa 'gyur ba med pa dang // yon tan 'byung zhing dri ma med// thogs pa med dang mtshan ma yi// chos dang bral bas stong pa'o// rang byung chos sku rkyen gyis mi shigs 'gyur ba med// sku dang ye shes mi 'gag pas// yon tan 'gag pa med pa'o// ngo bo skyon med pas ni dri ma med pa'o// rtsal mi 'gag pas phyogs gcig rgya chad med// mtshan ma'i chos can ma yin pas ni stong // car gyis bstan na mtshan nyid bzhi// rig pa chos sku rnam pa gnyis// ngo bo gcig par bstan pa yin// de yi mtshan nyid 'di bzhi yin// rang rig chos sku'i ngo bo stong // de ni chos nyid stong pa'o// ngo bo stong pa de nyid gsal// rang gsal dag tu gnas pa yin// gsal ba'i rtsal ni gnyis su 'byung // 'gyu ba rlung dang snang ba 'od// 'gyu ba'i dbang gis nyams su myong ba 'char// ye shes lnga shar rtsal du 'od lnga shar// de dag sku gsum rdzogs par rtog pa ste// chos

  90. 45b

    sku gsal la mi rtog pa'o// de nyid car gyis ngo sprad pa// dpe skyon gnyis su shes bya ste// dpe ni mun pa'i sgron ma yis// rin chen stor ba rnyed pa 'dra// skyon gyi mtha' gsal shan dbye ba// yod pa'i mtha' dang rtag mtha' yis// chos sku stong pa spros bral bsgribs// med mtha' dang ni chad mtha' yis// 'dzin pa med pa'i rang gsal bsgribs// der 'dzin shes pa cha phra 'dis// chos sku stong pa spros bral bsgribs// phra ba'i shin du phra ba yis// nam mkha' stong pa 'di yis ni// dri med rnam dag chos kyi sku la bsgribs// dri ma phra rags de rnams kyis// chos kyi dbyings la bsgribs pas na// chos sku ngo ma shes pas lhan skyes ma rig byung // rgyu rkyen gnyis kyis rnam rtog rags pa brtas// de yi skyon gyis sku gsum don ma gsal// chos nyid don kyang ma gsal rags par brtas// phyi yi yul nyid 'khrul pa dang // ma 'khrul pa yi bye brag de ltar byung // rig pa'i mtshan nyid sku gsum ye shes lnga yis don yin te// de yang mtshon tshul so sor dbye ba ni// rig pa chos sku longs sku sbrul sku dang // stong pa nyid la sogs pa'i ye shes rnam pa lnga// dang po rig pa la yang ngo yis bzung ba dang // shan dbye skyon gyi dri ma bsal ba'o// rig pa ngos bzung bstan pa 'di lta ste// mtshan nyid rnam pa lnga ru bstan pa yin// 'byed med 'dzin med rang gsal dang // rgya ma

  91. 46a

    chad pa'i ye shes dang // lhun gyis grub pa'i sangs rgyas dang // rang gi ye shes de la gzhan snang gi rtog pa med pa yis/ shan dbye ngos bzung skyon bsal ba'o// skyon gyi mtha' bsal ba 'di lta ste/ rig pa'i dri ma rnam pa gsum yin te// rags dang phra dang shin tu phra ba'o// rags pa dbang po'i sgo lngar shar ba'o// phra ba'i yid gnyis phra ba kun gzhi'o// dbang po sgo lnga rags par ci'i phyir na// yul dang skye lugs grangs dang gsum gyis rags pa'o// longs sku shan dbye skyon gyi mtha' bsal dang // bar du spyi dang rang gi mtshan nyid ngos bzung dang // mtha' ma sku dang ye shes dag tu la bzla'o// longs sku'i ngo bo bstan pa dang // chos sku dri med rnam dag pa// don la ye shes rnam pa lnga ru grub pa ste// chos sku rtsal byung ye shes lnga// ye shes lnga yi gdangs shar bas// longs sku'i mtshan nyid bstan pa'o// rang rig ye shes lnga ldan de// gdangs gnyis 'od lngar shar bas rigs lnga'i sku ru byung / 'od lnga gcig tu grub pas rnam snang chen po'i sku ru rdzogs/ yon tan rtsal lnga kha dog rnam pa lnga/ so so'i cha las rigs lngar shar ba yin// sku mdog phyag mtshan gdan khri la sogs pa// snang yang yang dag don du grub pa med// chos sku'i yon tan tsam du snang ba yin// rtsal dang mdangs su ma 'gags cha tsam shar ba yin// mkhyen pa'i shes

  92. 46b

    rab tsam las gsal ba yin// longs sku'i skyon gyi mtha' bsal ba// dri ma rags pa'i phung po rnam pa lngas// longs sku rigs lnga dag la bsgribs pa yin// dril bas longs sku rnam snang de la bsgribs// phra bas rigs lnga blo la bsgom pa dag gis kyang // longs sku rigs lnga chos sku'i rtsal can de la bsgribs// dngos su zhen pa phra mo de// longs sku bsgribs byed phra mo yin// longs sku mthong du mi ster sgrib byed dri ma'o// longs sku dang ni sgrib byed phyi la shan 'byed do// bar du spyi dang bye brag ngos bzung ba// spyi ni gong du smos pa bzhin// longs sku'i bye brag ngo yis bzung ba ni// chos sku gsal stong de nyid la// gsal cha rlung 'grus dus su 'od byung ba// de nyid longs sku kho na yin pa'o// mdor na gsal stong gnyis med chos kyi sku// lhun grub chos kyi sku zhes de la bya// ma rtogs dus na ngo bo nyid kyi sku// rtogs pa'i dus na chos sku kho na'o// chos sku'i rtsal mdangs 'char nas longs sgra sbrul sku'o// chos sku ngo 'phrod dus na longs sku sbrul sku gnyis ka 'phrod/ bye brag ngos 'dzin longs sku ngo sprod kho na'o// sku gsum la zlo gong 'og gzhan na gsal/ sbrul sku shan dbye skyon gyi mtha' bsal dang / bar du spyi dang rang gi mtshan nyid ngos bzung dang / mtha' ma sku gsum dag tu la bzla ba'o// dang po shan dbye skyon gyi mtha' bsal ba// chos

  93. 47a

    sku rang rig gsal stong la// 'od gdangs lhun grub shar ba longs sku ste// de gnyis rtsal shar gdul bya'i ngo la ni// 'od dang rig pa'i rtsal gyis skur snang ba// 'gro ba drug la mthun snang 'char ba de// thub drug la sogs sprul pa'i skur snang ngo // sgrib byed gzugs kyi phung po rags pas bsgribs// mdor na rig pa gsal stong de la ni// 'od dang rlung ma byung ba'i cha nas ni// chos sku'i ngo bo zhes ni de la bya// 'gyus te 'od byung sku dang thugs tshogs pa// de ltar rdzogs pa'i cha nas longs sku'o// sku dang thugs las byung ba'i cha nas sbrul sku'o// chos sku ngo 'phrod dus na sku gsum ngo 'phrod pa'o// ci'i phyir zhe na sku gsum lhun grub phyir// sku gsum ma rtogs lus ngag yid gsum ste// rtogs pa'i dus na sku gsum dus gcig 'char// chos kyi sku la gsum ga dus gcig rdzogs// ci yi phyir na lhun gyis grub pa'i phyir// skyon bsal ngos bzung la bzla rnams// rang rang skabs nas rdzogs par 'gyur// zhes gsungs so// spros bral don gsal chen po'i rgyud las/ chos kyi dbyings dang rig pa chos kyi sku la sogs pa sra gsum ngo sprod pa'i le'u ste zhe bzhi pa'o// // de nas yang gsang ba'i bdag po zhus pa/ kye kye bcom ldan rdo rje 'chang / ye shes lnga yi ngo spros gsung du gsol// zhes zhus pas/ rdo rje 'chang gis bka' stsal

  94. 47b

    pa// sku gsum don las ma g.yos kyang // mtshon tshul ye shes lngar byung bas// ye shes lnga yi ngo spyod bstan// shan dbye skyon gyi mtha' bsal dang // rang dang spyi yi mtshan nyid ngos bzung ba// tha ma ye shes lnga rnams la bzla'o// dang po shan dbye skyon gyi mtha' bsal ba// rig pa'i ngo bo stong par 'dug pas na// stong pa nyid kyi ye shes yin// rig pa stong pa de nyid ma 'gags gsal ba yis// me long lta bu'i ye shes yin// rig pa stong gsal gnyis su med par mnyam pa yis// gnyis med mnyam pa nyid kyi ye shes so// rig pa de yi ngo bo la// stong pa'i phyogs nas bltas na stong par gsal// gsal ba'i phyogs nas bltas na gsal bar 'dug/ gnyis med phyogs nas bltas na gnyis med de// de ltar so sor ma 'gags cha nas ni// so sor rtogs pa'i ye shes so// don de rtogs pa'i rtsal gyis ni// bya ba thams cad thogs pa med par 'grub// bya ba grub pa'i ye shes so// de lngar ma rtogs dug lngar shar// skyon gyi mtha' bsal 'di lta ste// ye shes lnga la sgrib byed de// rags pa nyon mongs dug lngas bsgribs// phra ba 'dzin byed phra mos bsgribs// shin du phra ba ngo ma shes pas bsgribs// sgrib pa'i phyir na dri ma'o// shan dbye ba ni 'di lta ste// ye shes lnga dang dug lnga dbye// skyon gyi mtha' ni dug lngar gsal// ngos bzung spyi ru

  95. 48a

    shes par bya// rang gi mtshan nyid ngos bzung ba// rang byung ye shes rang snang de// rang byung ye shes chen po zhes pa ste// dug lnga mngon du gyur pa ni// bcos pa'i shes pa zhes pa ste// ma bcos gnyug mar gnas pa'i don// de ni rang byung ye shes te// yon tan ye shes lnga ru 'char// la zlo lta sgom spyod par zlo// ye shes lnga po de dag dang // sku gsum don la dbye ba med// chos nyid stong cha rig gsal dang // gnyis su med pa'i cha yis ni// chos kyi sku yi ngo bo yin// sku gnyis rtsal mi 'gag pa ste// so sor ma 'gags cha nas 'od 'byung ba// longs sku'i ngo bo de nyid yin// thugs rjes 'gro ba'i don mdzad pa// sbrul sku bya grub ye shes yin// sku gsum ye shes lnga po de// chos sku'i ngangal lhun gyis grub// ces gsungs so// spros bral don gsal gyi rgyud chen po las/ ye shes rnam pa lnga ngo sprod pa'i le'u ste zhe lnga pa'o// // de nas yang gsang ba'i bdag pos zhus pa/ kye kye bcom ldan rdo rje 'chang / tshogs brgyad gtan la phab ste ngo sprad pa// phyi rab don du gsung du gsol// zhes zhus pas/ rdo rje 'chang gis bka' stsal pa/ tshogs brgyad gtan la phab ste ngo sprod 'di ltar shes par gyis/ tshogs brgyad grangs ni 'di lta ste/ sgo lnga'i rnam par shes pa dang / yid kyi rnam par shes pa dang / nyon mongs pa can gyi yid dang /

  96. 48b

    tshogs gsog pa'i kun gzhi dang brgyad yin te/ de dag ni 'khor ba'i chos yin no// de 'khor ba 'gro ba ni/ gzhi don gyi kun gzhi ngo ma shes pas/ rig pa'i rtsal gyis yul la 'jug pa yin te/ de'i phyir tshogs brgyad 'char ba yin te/ de la sgo lnga rig pa rtsal ma 'gags pa rten med de rten dbang po dang bcas pas mig gi yul du gzugs mthong / gzugs sdug mi sdug la chags sdang skye/ de bzhin du rna ba'i yul du sgra dang / sna'i yul du dri dang / lce'i yul du ro dang / lus kyi yul du reg bya la sogs spyad nas/ bran lta bur byas te/ yid kyi rnam par shes pa la bskul te/ jo bo la gtad pa lta bu'o// des nyon mongs pa can gyi yid la bskyal te/ de chags sdang la sogs pa'i nyon mongs pa yis dam par bzung ste/ khyos chung ma la gtad nas gnyer byas pa lta bu'o// des bag chags su song ste/ de gsog pa'i gzhi'am snod lta pra ste/ sna tshogs gsog pa'i kun gzhi'o// rig pa 'gru ba'i rtsal de rlung gis 'gyu ba yin te/ de la yid ces bya'o// yid de nyid las byed pa'i cha nas tshogs brgyad du zhugs pas yid de gsal cha mi 'gag par des yul lnga spyod pas kha phyir bltas te sgo lnga'o// yid de sgo lngas spyad pa'i nyon mongs pa bzungs su bzung ste/ kha nang du bltas pa'i cha nas nyon mongs pa'i yid de/ mdor na yid kha phyir bltas nas

  97. 49a

    yul spyod pa'i cha nas sgo lnga'o// nang du bltas nas bzung bas nyon mongs pa'i yid do// bsags pa'i gzhi'i cha nas sna tshogs gsogs pas kun gzhi'o// rig pas phyir bcad pa nang du skyel ba'i cha nas yid do// ma rtogs pa'i dbang gis de ltar byung // gzhi'i dngos po'i gnas lugs gong du smos pa te rtogs na ye shes lngar 'char te/ thams cad mkhyen pa 'byung ba yin/ rtogs pa'i thabs ni ngo sprospyod pa'i rtogs pa 'char te/ de ngo spyod kyi gdams ngag car phog tu bstan na gong gi tshig gis shes pa yin te/ gzhi'i skabs kyi rang byung gi ye shes de nyid car phog tu bstan na/ tshig don 'brel ba yin te// ngo 'phrod pa ni dbang po rno rtul med do// thogs pa med par rang ngo rang gis shes so// de mtshan nyid lnga dang ldan te/ ngo bo stong pa rang bzhin gsal ba/ mtshan nyid gnyis su med pa/ thugs rje 'gag pa med pa/ yon tan ma btsal lhun gyis grub pa ste// de la ye shes lnga zhes kyang bya'o// de ltar ngo shes pas ngo bo stong pa mi rtog pas 'dzin pa med pa'o// rang bzhin gsal ba ma 'gags pas sgo lnga'i rnam par shes pa dang bcas pa ste/ sems can gyi dus na yul rnam pa lnga la rang kha mar spyod/ rtogs ldan gyi dus na rang snang 'dzin med du grol/ sangs rgyas pa'i dus na thams cad mkhyen par 'byung ste stong pa'o// gsal ba

  98. 49b

    gzhi thog tu rang gsal lo// gsal ba'i rtsal rlung gis 'gyus na/ yul la spyod bzhin du mi 'dzin pa rtogs pa'i rtsal lo// gsal ba dang stong pa ye nas gnyis su med de// gsal ba'i rtsal las gdangs 'od lnga byung / gnyis med de las rtsal phrin las thogs pa med pa byung ste// des gdul bya'i don thams cad lhun gyis grub pa'o// 'od rnam lnga 'char bas snang ba lhun gyis grub pa'o// de ltar rtogs pas ngo 'phrod pa yin no// la bzla ba ni lta ba'i skabs su bshad do// gsang ba'i bdag po de ltar shes par gyis shig/ ces gsungs so// spros bral don gsal gyi rgyud chen po las/ tshogs brgyad gtan la phab nas ngo spyod pa'i le'u ste zhe drug pa'o// // de nas yang gsang ba'i bdag pos zhus pa/ kye kye bcom ldan rdo rje 'chang / tshogs brgyad phye ste ngo sprad de ltar na// thog mtha' bcad de ngo sprad pa// rdo rje 'chang gis gsung du gsol// zhes zhus so// rdo rje 'chang gis bka' stsal pa/ 'khor ba rgyud nas pa bdas mu nas rtsad bcad pas// snying po gzhi la zug gis zug/ gzhi nyid ngo yis tsir bzung bas// ngo sprod ces su bstan pa yin// gzhi nyid rtogs pa lta ba'i mchog/ ba bdas gyen la bdas pa ni// 'khor ba rang sar ldog pa ste// 'khor ba 'di dag ci las byung // 'khor ba rkyen dang rgyu las byung // 'khor ba'i rkyen gzhi bdas pas

  99. 50a

    ni// de ma zag pa'i skad cig 'phel// de yang dmigs pa'i rkyen las byung // dmigs pa yul la dmigs pa yin// yul dmigs bdag po'i rkyen las byung // bdag po yid kyi 'dzin bcas yin// bdag po rgyu yi rkyen las byung // rlung gis yid 'grus rgyu yi rkyen// 'khor ba'i rgyu gnyis 'di lta ste// ma rig rnam pa gnyis yin te// kun brtags ma rig 'od lnga brtags pas brtas// lhan skyes gsal cha 'od lngar snang ba la// rang snang yin par ngo ma shes pa'o// de dag 'gyu bas yid bzhi bskyed// g.yo dang 'gyu dang tshor ba dang // gcod pa yi ni yid bzhi ni// ma rig rgyu rkyen de las byung // spyod pa 'od las yul du spyod// tshor ba 'od kyi snang ba tshor// 'gyu ba rlung gis rig rtsal 'gyus// g.yo ba gzhi ni rlung gis g.yos// rlung ni rang gi rig pa'i rtsal// rlung gi mtshan nyid 'gyu ba ste// rig pa'i rtsal ni 'gru ba'i rlung // rlung las 'byung lnga lhun gyis grub// rlung de sdud pas chu yin no// rlung du smin pas me yin no// rlung du brtas pas sa yin no// re re dag la rdzogs pa'o// rig pa ye shes lnga ldan de'i// rtsal ni gdangs lnga 'od lnga shar// de dag phyi yi yul du brtags// gzhi nyid rgyas par bshad pa ste// rgyud kyis ston nas gsal bar bshad// nges bzung 'di ru bstan pa ste// ngo spyod car gyis bstan pa ste// yid dang

  100. 50b

    rgyu rkyen rtsa ba ni// 'khor 'das kun gyi gzhir gyur pa// de yi ngos 'dzin 'di ltar yin// had de sa le so le ba// de nyid las ni 'khor 'das thams cad 'byung // gzhi yi rang rtsal gnyis yin te// rlung dang 'od gdangs gnyis su byung // gzhi ni g.yo 'gul med pa la// rtsal ni ma 'gags rlung g.yos pas// g.yo ba yis ni 'gyu ba byung // 'grus pa'i 'od kyi snang ba tshor// 'od de rang snang ma shes pas// lhan gcig skyes pa'i ma rig byung // rang snang ma shes yul du bcad// gcod pa'i yid ces de la bya// 'od la brtags pas kun brtags ma rig byung // rtsal ni yid du 'gyus pa des// rgyu yang byas te rkyen yang byas// rgyu yis rkyen zhes de la bya// 'gyu ba'i yid ni rlung can des// 'khor ba bskyed nas 'khor ba'i bdag po byed// mya ngan 'das na de yis bdag po byed// gang bskyed bdag po de yis byed// de yis rkyen byas bdag po'i rkyen// 'gyu ba 'od la dmigs pa'i rkyen// de la 'khrul pas brtags byas nas// skad cig de ma zag pa'i rkyen/ de ltar 'khor ba bskyed pas te// gong du shin tu gsal bar bshad// gzhi nyid ngos 'dzin 'phrad pa'o// gzhi las gsal ba'i chos sku yis// spangs nas mya ngan 'das lugs ni// gzhan nas bsten pa de bzhin du'o// zhes gsungs so// spros bral don gsal chen po'i rgyud las/ 'khor ba

  101. 51a

    rgyu nas pa bdas mu nas rtsad bcad nas ngo sprod pa'i le'u ste zhe bdun pa'o// // gsang ba'i bdag pos yang zhus pa// kye kye bcom ldan rdo rje 'chang // dus gsum phye la ngo sprad pa// thugs rje can gyis gsung du gsol// de skad ces ni zhus pa dang // rdo rje 'chang gis bka' stsal pa// nyon cig gsang ba'i bdag po rdo rje can// dus gsum phye la ngo sprad pa// gang zag gcig gi shes rgyud la// shes pa bsam gyis mi khyab kyang // shes pa bzhi ru 'dus pa'o// dus gsum dag gi shes pa dang // dus med rtogs pa'i shes pa'o// dus gsum shes pa ngos bzung na// 'das pa rjes gcod shes pa dang // ma 'ongs sngon bsu shes pa dang // da lta nyid du 'phros pa yi// sgo lnga yul la shor ba'i shes pa'o// don dran rtog glo bur shes pa'o// 'das pa rjes gcod shes pa ni// sngar byas blo la dran pa'o// ma 'ongs sngon bsu'i shes pa ni// phyi ma blo la dran pa'o// da lta dran rtogs glo bur ba// sgo lnga yul la bskyed pa yis// de bzhin rtogs pa'i shes pa'o// de gsum 'khor ba'i chos yin te// de gsum glo bur shes pa yis// bdag med 'dzin grol dus gsum dag/ ma byas ma bcos ma smad pa// rang byung ye nas gnas pa ste// de nyid shes pas ye shes yin// de nyid lhag gis ngo sprad pa// had de wa le sal le ba nyid// de las rang byung ye shes

  102. 51b

    te// rgyu rkyen med pas rang byung ngo // de nyid shes pa'i ye shes yin// zhes gsungs so// spros bral don gsal gyi rgyud chen po las/ dus gsum phye nas ngo sprad pa'i le'u ste zhe brgyad pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // dus gsum ngo sprod de lags na// ngo sprod rnam bzhi gsung du gsol// zhes zhus pas// ston pa rdo rje 'chang gis bka' stsal pa// rdo rje 'dzin pa nges bzung zhig/ rang gi byad kyi mtshan nyid ni// me long dag la rab brten nas// ji ltar gtan la 'bebs pa ltar// sku gsum 'du bral med pa'i don// ye nas rang la lhun grub pas// brda' yis gtan la dbab par bya// kye gsang ba'i bdag po khyod nyon cig/ ngo sprod bzhi ru shes par bya// ci'i phyir yul bzhir nges pas so// bzhi po gang yin ji ltar yin// sku lnga rin po che'i sbubs dang gcig/ longs sku lnga ldan de dang gnyis// sbrul sku'i bar do de dang gsum// sku gsum 'du 'bral med par rdzogs ldan no// de bzhi mi rdzun nges pas the tshom dang bral ba'o// bden bzhi'i tshul gyi rnam pa can// ngo sprod bya ba'i shes pa ma 'gags pa'o// rigs kyi bu khyod legs par nyon// grangs ldan gtan tshigs bstan pa'o// bla mas gdams ngag sgrogs pa'i tshe// go rim gnyis su bstan pa ni// gzhi nyid lhun grub dag gi go rim

  103. 52a

    dang // rtogs pa mngon gyur dag gi go rim mo// kye gsang ba'i bdag po legs par nyon cig/ de la gzhi nyid lhun grub ni// dang po chos sku'i ngo sprod dang // de nas longs sku'i ngo sprod dang // de nas sbrul sku'i ngo sprod bstan pa dang // de nas sku gsum 'du 'bral med pa'o// sprad pa'i thabs la gnyis yin te// brda dang ngag tu bstan pa'o// mtshon pa'i brda la rnam pa bzhi// rdo rje sems dpa'i me long bstan pa dang // 'dra 'bag dag la brten pa dang // 'od khyim dag la brten pa dang // nyi ma dag la brten pa'o// brjod pa'i sgra la rnam bzhi ste// dang po chos sku mtshon pa'i tshe// kye snod ldan slob ma ngal nyon// thugs kyi me long man shel 'di// chos sku dngos ni ma yin te// 'di nyid ci 'drar shes par bya// man shel phyi nang med pa ltar// rang gi rig pa chos sku yang // phyi nang med par shes par bya// man shel mdun rgyab med pa ltar// chos sku yang ni mdun rgyab med// man shel zang thal gsal ba bzhin// chos sgra dri med dag pa zang thal yin// 'di na nang med nang na rkyen med 'od lnga gsal ba ltar// chos sku zang thal nang na ni// sku gsum nang gsal du ni gnas pa ste// stong pa ye shes snying po can du shes par gyis// dpe 'di'i nang nas 'od lnga phyi ru 'char ba ltar// chos kyi sku las gzugs sku gnyis// gdul bya

  104. 52b

    gnyis la snang ba'o// rigs kyi bu dag tshur nyon dang // longs sku dag la gdams pa ni// 'dra 'bag me long ngos la bstan pa'i tshe// me long dag cing gsal ba ltar// chos nyid dag cing gsal ba'o// me long nga gi gzugs brnyan snang la rang bzhin med pa ltar// chos nyid klong na skra lnga snang la rang bzhin med par gsal bar gnas// kye rigs kyi bu dag tshur nyon dang // sbrul skra brda' dang ngag tu sbyar dus su// ngag gi me long dag cing gsal ba ltar// chu yi sgron ma dag gi dbyings// me long ngos la sku lnga gsal ba ltar// rtags kyi ye shes sbrul sku 'od du gsal// sku gsum 'du 'bral med par brda dang ngag sbyor bas// kye ma gsang bdag nges zung zhig/ nyi ma'i snying po 'od zer bcas pa bzhin// chos kyi sku la thugs rje gzugs skur brgyan// nyi ma'i 'od zer nyid dang mi 'bral ltar// sku gsum ye nas 'du 'bral med par gnas// kye gsang bdag nges par zung zhig/ rtogs pa mngon gyur go rim ni// bar do man chad rtsi ba ste// sprul pa sku yi ngo sprod ni// chos nyid bar do'i ngo sprod yin// longs spyod rdzogs sku'i ngo sprod ni// lnga ldan dag gi ngo sprod yin// sku gsum 'du 'bral med pa ni// rdzogs ldan dag gi ngo sprod yin// chos sku dag gi ngo sprod ni// rdzogs ldan chen po'i ngo sprod yin// gdams ngag gong dang mthun pa la// dang

  105. 53a

    pau bar de'i ngo sprod bya// de rtogs sku ru snang bas na// de nas lnga ldan ngo spyod bya// de nas mngon shes la sogs pa'i// che ba yongs su rdzogs pas na// rdzogs ldan ngo spyod bya ba yin// thugs rje byung na mya ngan 'das// de bas rdzogs ldan chen po yin// ngo sprod gdams ngag gsal bar bstan// des ni gong gi brda' bzhi la// rtags ni byang chub sems yin te// ngo sprod bzhi yis 'gyur med bstan// don ni sku gsum 'du 'bral med// bden don rnam pa bcu gnyis yin// sprod pa'i yul bzhi gang bstan pas// de nyid rnam pa bcu drug rig/ de la dgongs pa rnam pa bzhi// lhun grub nges pa'i gdams pa bzhi// ngo spyod rtogs pas thob par 'gyur// mngon gyur yul gyi gdams pa bzhi// ngo sprod rtogs pa thob par 'gyur// de ni dgongs pa mdor bsdus yin// de yis mtshan nyid brgyad bshad na// thig le nyag gcig ngo sprod kyis// chos sku rang gsal don rtogs shing // rin chen sbubs kyi dgongs pa chod// ma hA yo ga'i ngo sprod kyis// ye shes lnga ldan dgongs pa chod// rdzogs pa chen po'i ngo sprod kyis// sbrul sku rang gnas don rtogs shing // chos nyid bar do'i dgongs pa chod// a nu yo ga'i ngo sprod kyis// sku gsum 'dul 'bral med par rang gnas don rtogs shing // rdzogs ldan dgongs pa chod pa

  106. 53b

    yin// ngo spyod rnam bzhi byas pa yis// yul bzhi rim par shar ba'i tshe// shes pa'i dran pa re re sad// so so'i grub mtha' rdzogs pa'o// mthong ba'i yul la shes pa'i dran pa sad// dran pa bzhi yi ting 'dzin rgyal// de tshe mngon par sangs rgyas shing // zhi ba mya ngan 'das pas na// rnam pa nyi shus byang chub pa'o// de ltar rtogs nas sangs rgyas pas// rnam pa kun rig sangs rgyas mchog/ ngo spyod bzhi yi dgongs pa yin// de rnams mi ldan ngo ma sprad pa'i skyon// rdo rje 'chang chen bdag gis bshad// ces gsungs so// spros bral don gsal gyi rgud chen po las/ ngo sprod bzhi bstan pa'i le'u ste zhe dgu pa'o// // kye kye bcom ldan rdo rje 'chang chen po// sku gsum lhun grub ngo sprod dang // dpe don rtags kyi ngo sprod la// mdo ru bstan pa de lags na// ngo sprod rnams ni la bzla'i phyir// phyi nang gsang gsum ngo sprod gsung du gsol// de skad ces ni zhus pa dang // rdo rje 'chang gis bka' stsal pa// nyon cig rdo rje 'dzin pa sogs// phyi nang gsang gsum so so'i ngo sprod ni// ngo sprod rnams la la bzla ste// lta ba'i don dang sbyar ba'o// de la phyi yi ngo sprod ni// snang ba chos dbyings ngo sprod do// nang gi ngo sprod bstan pa ni// gzugs sku gnyis kyi ngo sprod do// gsang ba'i ngo sprod bstan pa ni// rig pa chos skur ngo sprod do// kye kye rdo rje 'chang

  107. 54a

    chen po// phyi yi ngo sprod ci ltar sprod// nang gi ngo sprod ci ltar sprod// gsang ba'i ngo sprod ji ltar spyod// de dag dpe don gsung du gsol// zhes zhus pas// rdo rje 'chang gis bka' stsal pa// rig pa chos sku'i dpe bstan pa// man shel yongs su dag pa ste// gsal bar yod la ngos gzung med pa bzhin// 'od kyi gsal cha phyi ru 'byung // byung yang man shel dag pa la// rang rgyud pa ru grub pa med// gsal ba'i rtsal ni gnyis su 'byung // rig pa'i gsal cha sgo lngar shar// gzugs kyi gsal cha 'od lngar shar// rig pa'i ngo bo ma grub pa// man shel rnam par dag pa 'dra// de nyid mi 'gag gsal ba de// man shel rnam par dag pa 'dra// gsal stong gnyis su med pa la// gzugs sku gnyis su 'char ba de// man shel gsal ba sgo lnga dang // 'od lnga mi 'gag 'char ba 'dra// rig pa gsal stong gnyis su med pa la// sgo lnga ma 'gag gsal ba ni// chos sku sgo lnga tshang pa'o// rig pa'i cha nas chos kyi sku// 'od kyi cha nas longs sku'o// sgo lnga gsal ba'i cha nas sna tshogs 'gyu// de nyid sprul pa'i sku ru bstan// longs sku'i dpe bstan 'di lta ste// sprin med nyi ma shar ba la// man shel bstan cing bris sku dgram// man shel nyi ma'i ngos su phyar// bris sku 'od brdal dngos su dgram// shel dang bris sku gnyis ka la// ma yengs mig ni btsug la

  108. 54b

    blta// res mos blta zhing nam mkhar blta// man shel nyi ma'i 'od phog dang // bris sku kha dog dbyibs ldan par// mig btsug la ni blta bar bya// mig bsgrim nam mkha' stong par blta// bris sku gang yin kha dog dbyibs// dbang po mig gi mngon gsum du// snang la rang bzhin med pa 'byung // de bzhin longs sku rnam pa yang // chos sku gsal stong gnyis med la// yon tan ye shes lnga ru snang // de rtsal kha dog 'od lnga shar// 'od nyid longs skur bstan pa ste// 'od lnga gcig tu 'dril ba la// rnam par snang mdzad kun tu bzang // longs sku chen por bstan pa ste// mtshan dang dpe byad rdzogs pas spras// de dag phyogs re'i cha bzung ba// rigs lnga sems dpa'i tshogs su byung // de dag snang la rang bzhin med// gsal la rtog pa med pa ste// dper na bar snang 'ja' dang 'dra// sku ni 'od kyi sku yin te// thugs ni gsal stong chos sku de// gnyis med rtog bral chen po yin// sku dang thugs gnyis 'dus pa las// rtsal ni mi 'gag bdag nyid kyi// gdul bya gang dang mos phyogs su// gang la gang 'dod 'byung ba de// sprul pa'i sku yi gnas lugs yin// dpe ni sgyu ma mkhan po yis// rdzas dang sngags kyi rten 'brel gyis// lhas mo'i mi yi mig snga ru// gang 'dod gzugs su yod pa 'dra// de bzhin dpe ni sgyu ma yi// gzugs brnyan sna tshogs snang

  109. 55a

    ba 'dra// chos sku'i rtsal ma 'gags pa yis// gzugs sku gnyis su snang ba'o// rig pa'i cha nas chos kyi sku// de gsal gzugs cha mi 'gag pas// 'od snang cha nas longs sku'o// 'gru ba dran rig cha nas ni// sgo lnga yul du sna tshogs 'gru// de dag sprul pa'i sku yin te// sku ni longs skur bstan pa'o// gsung gi cha las sbrul sku'o// thugs kyi cha nas chos sku'o// de ltar sku gsum lhun gyis grub// chos kyi sku las gzugs sku gnyis// rtsal lam shugs las byung ba'o// de'i phyir chos sku ngo sprod pas// gzugs sku gnyis po shugs la 'phrod// gong bzhin chos sku'i gnas lugs de// ye nas bdag gi rang bzhin yin// de dag rang la ngos bzung ste// ngo bo rang gis mthong ba na// de dag ngo yis cir bzung nas// tha mal shes pa de nyid la// bya btang rtsol du bral dus su// dbang po yid ni had de ba// de dag gzhi yi ngo bo ste// ngo bo gnyis kyi sku zhes bya// lhun grub sangs rgyas zhes kyang bya// de nyid rtogs pa mngon gyur ni// phyi ltar dbye ba'i lta ba ste// de nyid rtogs pa zhi gnas yin// nang gi ye shes ma shar bas// stong pa btang snyoms cha nas ni// phyi yi nyon mongs zhi ba tsam// de la zhi gnas zhes su bstan pa yin// gong gi gzhi nyid ngos bzung ba// de la gsal cha brtan pa ste// lhag mthong rig pa chos sku yin// gsal cha gong

  110. 55b

    'og kun tu ni// shin tu zhib par bstan pa ste// stong pa'i cha dang gsal ba'i cha// gsal ba rang gsal dag dang ni// 'grus pas sgo lnga yul la gsal// rjes su mi 'dzin rtogs pa yin// gzugs rtsal 'od gdangs dag tu 'char// rang gi snang ba shar ba ste// de la mi 'dzin mi rtog pa'o// rang gi mtshan nyid rtogs pa yin// de ltar chos sku gsal stong la// sku gsum ye shes lnga rdzogs pa// lta ba'i dam pa kho na// gsal rtsal gang yang mi 'gag pa// mi 'dzin mi rtog mi 'brang ba// lta ba'i dam pa kho na'o// gsal ba'i rtsal dang mi ldan na// zhi gnas brtan po zhi ba las// gsal rtsal dag gis bogs dbyung ste// 'og nas gong du 'phar bar 'gyur// rtog pa gsal dang brtan pa yis// nyon mongs sgribs pa cha yis 'bral// don la ched du spang du med// bogs dang 'phar ba dag kyang med// rtog pa gsal dang gdengs ldan pas// nyon mongs cha yis 'gags pa la// lam gyi ming du btags pa tsam// ye nas gnas pas gzhi ru bstan// 'khor 'das 'byung phyir gzhi ru bstan/ de dag rang ngo ston pa la// ngo sprod zhes su ston pa yin/ de don rtogs pa lta ba yin// rgyud la gsal ba sgom par ston// rgyun du 'khyer ba spyod pa'o// mngon gyur 'bras bu'i gzhi mar rig/ dag pa chen po'i mthar thug pa'o// lta ba

  111. 56a

    mdor bsdus bstan pa ni// mtha' rnams kun dang ma spangs bral// mtha' bral chen po gyur pas na// phyogs su ltung ba gang yang med// ma bsngal lhun gyis grub pas na// rtsal rnams gang yang mi 'gag 'char// thams cad mkhyen pa de las rgyud// rtsa ba gsal stong chen po'o// rig pa chos skur ngo sprad pas// gzugs sku gnyis po shugs las 'char// gzugs sku gnyis po ngo sprad pas// sku gsum ldan gyis grub pas na// phyi yi chos dbyings bstan pa ni// stong par 'od gdangs shar ba'o// snang ba rang snang mi 'dzin pas// chos dbyings ngo ni 'phrad pa'o// ma rtogs 'khrul par rags par brtas// de la rtogs ldan gang zag gis// rang snang 'dzin med chags pa med// gang zag rtogs ldan chos dbyings yin// zhes gsungs so// spros bral don gsal gyi rgyud chen po las/ phyi nang gsang ba gsum gyi ngo sprod bstan pa'i le'u ste lnga bcu pa'o// // rdo rje 'dzin pa legs par zung zhig/ ngo sprod bdun gyis ngo sprad pas// rang gi mtshan nyid rtogs par 'gyur// zhes gsungs so// kye kye rdo rje 'chang chen po// ngo sprod rnams kyi ngo bo nges tshig dbye ba dang // brjod pa'i tshig rnams gsung du gsol// zhes zhus pas// ston pas bka' stsal pa/ gsang ba'i bdag po nyon cig/ ngo bo ni rang sems rang gi ngo bo'o// nges tshig ni

  112. 56b

    rang ngo rang la bstan ste sprad pas 'phrod pa'o// dbye ba ni bdun du bstan pa ste// gong du gsal zhing rgyas par bstan pa'o// brjod pa'i tshig ni ngo sprod ces kyang bya// ngo bo mthong ba zhes kyang bya/ rang ngo shes pa zhes kyang bya/ gzhi'i don shes pa zhes kyang bya/ rig pa chos skur rtogs pa zhes kyang bya/ don ma nor bar mthong ba zhes kyang bya/ rang gis mtshan nyid bstan pa'i gdams ngag ces kyang bya'o// zhes gsungs so// spros bral don gsal gyi rgyud chen po las// ngo sprod 'jug bsdu ba'i man ngag gi le'u ste nga gcig pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // ngo sprod gtan la dbab pa yis// bstan pa'i don 'di ji ltar lags// phyi rabs don du gsung du gsol// rdo rje 'chang gis bka' stsal pa// a kA ya tri dz+nyA na pany+tsa/ nyi ma'i snying po la 'od zer gsal bas/ mun pa gtan mi gnas pa zhes bya ba 'di gsungs so// bltar med lta ba'i don bstan pa// a ti'i lta ba gza' gtad bral// dngos med ye shes zang thal bas// rang rig ye shes lhun gyis grub// de las ma rtogs gzhan med pas// so sor rang rig ye shes la// cir snang ye shes chen po'i gdangs// ye nyid bcom ldan rdo rje 'chang // de bas gzhi snang rdzogs sangs rgyas// sangs rgyas yul med gzung 'dzin rnam par dag/ rang rig

  113. 57a

    ye shes rang gi gdangs la bzhugs// 'byung bzhi rang bzhin dag pa'i nam mkha' la// chos nyid don gyi nam mkhas ye nas khyab// chos nyid don gyi nam mkha' la// rang rig ye shes nyi ma shar// phyogs res med pa kun tu bzang // yid kyi rnam rtog ci 'gyu yang // ma 'gags rang bzhin med pa'i don// bltas shing gsal ba'i mthong rnyed la// phyi nang gnyis ka phyi nyid nang // zab pa'i cha shas rtogs yul bral// phyi nang snod bcud thams cad kun// byis pa'i skye bo rnams la snang mod kyi// lta ba rang rig ye shes dngos med zang thal ba// dngos po mtshan ma'i sgrib pa ye nas rnam par dag/ kun bzang zhal ni phyogs bcu kun tu gsal// yum gyi b+ha ga bde klong gcig tu 'khyil// de bas khams gsum ma lus spros bral chen por gcig/ lta ba rnam dag rang rig ye shes la// sangs rgyas med pas sangs rgyas ming yang med// sems can med pas khams dang 'byung ba med// man shel sku ltar rang gi rgyud dag pas// dri med zang thal dag pa chos kyi sku// sa chu me rlung nam mkhar snang ba yang // ma rtogs blo la tshad mar snang mod kyi// snang la rang bzhin med de ye shes gdangs su gsal// dper na mkha' la mdza' tshon gsal ba yang // mkha' las logs na med kyang logs par snang // mkha' yi ngang du gnas shing

  114. 57b

    mkha' dang mi phyed ltar// chos nyid chos sku dbyer med don gyi nam mkha' la// rang shar rang snang rang gsal ye shes gdangs// logs ltar snang zhing 'gags pa med par gsal// gsal la rtog med ye shes chos kyi sku// rang la rang snang snod bcud ye sangs rgyas// las dang thugs rje'i mtha' gnyis rnam par dag/ sa dang rnam thar byang chub mchog la ring // bgrod du med de chos nyid byang chub mchog/ bgrod par 'dod na ye shes mtha' la ring // ma bsags bzhin du tshogs gnyis ye nas rdzogs// ma sbyangs bzhin du sgrib gnyis ye nas byang // ma byung ma skyes 'od kyi dkyil 'khor la// bkod pa lha yi dkyil 'khor bsgom mi dgos// dkyil 'khor khro gnyer cha lugs kyis// khro bdag chen po'i skur bskyed nas// sku gsum thugs kyi bzlas pa dag/ chu yi rgyun ltar bzlas na yang // rang rig ye shes rgyab kyi phyogs// ye nas byas zin da gdod btsal ba med// ched du byar med ched du dgag tu med// mar me'i snying po rang gi 'od la gnas pa ltar// rang rig ye shes rang gi gdangs la gnas// 'das dang ma byon da lta'i sangs rgyas dang // gnyis med ro gcig chu la chu bzhag bzhin// zhes gsungs so// spros bral don gsal gyi rgyud chen po las/ blta ba spyi ru bstan pa'i le'u ste nga gnyis pa'o// // de nas yang gsang ba'i bdag pos

  115. 58a

    zhus pa/ kye kye bcom ldan rdo rje 'chang // de ltar lta ba bstan pa de// phyi ltar dbye bar 'dug pa na// rang gi mtshan nyid lta ba de// ma nor nges par bstan du gsol// zhes zhus pas/ rdo rje 'chang gis bka' stsal pa// phyi rabs dad ldan don ched du// rang gi mtshan nyid lta ba ni// ma nor nges par ngas bshad nyon// snang ba chos dbyings chos nyid dang // rang byung rang rig chos kyi sku// wal gyis rtogs pa'i lta ba yin// de nyid car gyis ngos bzung na// tha mal shes pa 'di nyid la// had de sa le so le ba// thig ge sa le sang nge ba// de nyid rang gi mtshan nyid yin// rig pa chos sku bzhi ldan yin// rang gi ngo bo ma grub pas// chos nyid stong pa'i cha yin no// ngo bo mi rtog pa zhes bya// stong pa de nyid rang gsal yin// rig pa rang gsal zhes bya ste// gsal ba'i dus na dngos po med// dngos med de nyid gsal bar shar// gsal stong gnyis su med pa'o// gsal ba la ni rnam pa gnyis// ye shes lnga ru ma 'gags te// de la gdangs lnga 'od lnga shar// de nyid ma rtogs dug lngar 'khrul// 'od lnga ma rtogs 'byung lngar 'khrul// ye shes lnga po ma shes pas// 'gyu ba'i rlung ni dug lngar shar// de bzhin gcig la tshang lugs yin// de la sku gsum rdzogs lugs ni// rang byung gsal stong gnyis su med// de gnyis mi 'dzin mi

  116. 58b

    rtog pas// rtog med chos kyi sku yin ste// chos sku de las gdangs byung bas// longs spyod rdzogs pa'i sku yin no// de gnyis rtsal ni mi 'gag pas// thugs rje sprul pa'i sku zhes bya// rang byung rig pa'i rtsal sa pas// skra gsum yongs su de ltar rdzogs// lta ba rang byung rig pa la// ye shes lnga yi rdzogs lugs ni// rig pa'i ngo bo ma grub pas// stong pa nyid kyi ye shes rdzogs// de nyid ma 'gags gsal bas na// me long lta bu'i ye shes rdzogs// de nyid gnyis med mnyam pas na// mnyam pa nyid kyi ye shes rdzogs// ma 'gags so sor gsal bas na// so sor rtogs pa'i ye shes rdzogs// rtsal ni sgo lngar bcas pa yis// thams cad grub par gyur pas na// bya ba grub pa'i ye shes rdzogs// rgyud dang rkyen gyis ma bskyed pas// rang byung ye shes zhes bya'o// rang rig gcig gi yon tan yin// rang gi rig pa chos sku la// yon tan thams cad lhun gyis grub// gang la thogs med zang thal yin// man shel dag pa'i dpe bzhin du// gsal dngas rtogs med zang thal lo// dper na mar me gsal ba bzhin// rang gsal dag gi ngo bor yod// snang ba chos dbyings lta ba ni// mtshan mar ma grub stong pa la// rig pa dag gi rtsal shar bas// gdangs dang 'od kyi rnam pa byung // rang snang dag tu shar bas na// rig pa rang sar grol ba

  117. 59a

    dang // snang ba rang sar dag pa'o// dper na nam mkha' stong pa la// nyi ma gsal zhing 'phyo ba bzhin// yul nyid stong pa'i chos nyid na// rang rig chos sku gsal stong 'phyo// gang zag rtogs ldan lam zhugs kyis// 'khrul snang 'di la de bzhin sbyar// thams cad rang nyid rtogs pas grol// rang sar bzhag pa'i lha ngos zin// zhes gsungs so// spros bral don gsal gyi rgyud chen po las/ lta ba rang gi mtshan nyid bstan pa'i le'u ste nga gsum pa'o// // kye kye bcom ldan rdo rje 'chang // ma 'ongs skal ldan don phyir du// lta ba rang gi mtshan nyid de ltar na// rgyas par bshad pa ji ltar lags// de skad ces ni zhus pa yis// rdo rje 'chang gi bka' stsal pa// phyi rabs rnal 'byor don ched du// lta ba rgyas pa nga yis bshad// lta ba'i rgyu rkyen ngo bo dang // nges tshig rang bzhin mtshan nyid dang // dbye bsdu dgos ched gol sa dang // skyon dag lhun gyis grub lugs dang // gtan tshig mtshon pa'i dpe dang ni// rtogs chad ma rtogs skyon bstan dang // gzhan sel rang ngo bzung ba dang // la bzla spros bral chen po'o// lta ba'i rgyu ni rang byung chen po yin// ci'i phyir rang byung chen po yin zhe na// rang rig chos sku rang la gnas pa de// sangs rgyas thugs rje dag las ma byung dang // sems can rnams kyi las kyis ma bskyed dang // nang gi ma rig

  118. 59b

    'khrul pas ma bskyed dang // phyi yi 'byung ba lnga las ma grub dang // gang zag lam pa'i blo yis ma bcos dang // sgra dang gtan tshigs dag gis gtan la ma phab dang // sngags dang phyag rgya'i byin rlabs dag las ma byung dang // rgyu yi ma bskyed rkyen gyis 'jig mi 'gyur// ma bcos ma bslad so ma rang byung chen po yin// de phyir rgyu med rgyu de rgyu yi mchog/ rkyen ni bla ma dam pa'i gdams ngag ste// ci'i phyir man ngag bla ma yin zhe na// bla ma dam pas gdams ngag bstan pa yis// rang byung gsal stong gnyis med don rtogs so// de phyir rkyen ni bla ma dam pa'i gdams ngag yin// ngo bo rang rig gsal stong gnyis med yin// de don rtogs pa lta ba'i ngo bo yin// lta ba'i nges tshig rang rig ye shes yin// gzhan la rag mi dgos pas rang zhes bya// bem po dag las log pas rig pa'o// dus ni glo bur ma byung ye zhes bya// de nyid don dang ngo sprod shes pa yin// lta ba'i rang bzhin gsal dngas chen po yin// rang rig gsal ba'i de rtsal 'od lngar shar// rang ni rang byung rig pa'i don yin te// gzhi las gsal rtsal 'od gdangs shar pa'o// de yi gong na gzhan med chen po yin// lta ba'i mtshan nyid ye shes lnga ldan yin// rang byung rig pa chos sgra de la ni// ngo bo ma grub stong nyid ye shes yin// ma 'gags gsal bas me long lta bu'i ye shes

  119. 60a

    yin// de nyid gnyis su med par mnyam pa yis// gnyis med mnyam pa nyid kyi ye shes yin// de rnams ma 'gags so sor gsal ba yis// so sor rtogs pa'i ye shes zhes bya'o// de lta bu yi ye shes de rtsal gyis// gsal ba ma 'gags gang yang grub pas na// bya ba grub pa'i ye shes zhes su bstan// de las gsal rtsal 'od lnga shar bas na// mtshan nyid 'dzin pa'i ye shes lnga zhes bya// lta ba'i dbye ba rnam pa gsum du bstan// rang gi rig pa chos skur bstan pa dang // bar gyi rig rtsal ma 'gag bstan pa dang // phyi yi snang ba chos dbyings bstan pa'o// nang gi rig pa rtogs na chos kyi sku// rtsal ni gzugs sku gnyis su snang ba'o// chos sku phye na ye shes lnga ru bstan// de yi rtsal ni kha dog 'od lngar shar// nang gi 'gyu ba sgo lngar bcas pa yin// phyi yi yul la spyod kyang rang sar grol// 'dzin rtog med pas 'gyu ba zang thal yin// phyi yi rang byung rig pa gsal gyur na// phyi yi yul ni chos dbyings stong pa la// 'od lnga shar bas 'byung ba lnga ru brtas// bar gyi gdangs ni rang rang lus su grub// ma rig las byung nyon mongs dug lnga ni// rang rig rang gsal 'dzin med ngo shes na// rang chas shar bas rang snang dag tu bstan// 'dzin pa 'gyus kyang gar 'gyus rang sar grol// phyi yi snang ba yul la ma zhen cing // nang gi rang byung rig

  120. 60b

    pa gsal gyur na// rang rig chos kyi sku zhes de la bya// stong gsal mi rtog bde ldan pas/ kun gyi don shes rjes su 'dzin pa med// rig pa chos kyi sku zhes de la bya// lta ba'i bsdus don bstan pa 'di ltar yin// rig pa'i ngo bo ma grub stong pa'i cha// de nyid gsal bar 'dug pas stong gsal chen po yin// gsal ba mi 'gag rtsal du bstan pa ni// 'gyu ba rjes med thams cad mkhyen pa'i rgyu// gsal cha gzugs mi 'gag pas 'od lnga'i gdangs// yul la 'dzin pa ma zhugs chos kyi dbyings// stong cha gsal cha snang cha 'grus cha bzhi// 'dzin med don gyi zin pas lta ba yin// lta ba'i dgos ched bstan pa na// lta ba mig dang 'dra ste thams cad gsal// lta med rgyud dag sangs rgyas thob mi srid// lha med ma rig mun pa sangs mi srid// lta med bsgom pa byas kyang don mi 'gyur// lha med spyod pa byas kyang spyod rgyu med// lta med 'khor ba'i gnas nas thar mi srid// lta med sdug sngal dag las grol mi srid// lta med bde ba chen po thob mi srid// de phyir lta ba dgos ched shin tu che// lta ba'i gol sa bcad par bstan pa ni// rang byung yin pas rgyu rkyen gol sa chod// stong par 'dug pas dngos po'i gol sa chod// gsal bar 'dug pas stong pa'i gol sa chod// rig pa zang thal shar bas gzhi gnas gol sa chod// gsal ba 'od du 'char

  121. 61a

    bas rig pa stong pa'i gol sa chod// ma bcos ma bslad gnas pas bskyed rim gol sa chod// 'du 'bral med par gsal bas bsgom pa'i gol sa chod// rang nyid yin pas gzhan la re ba'i go las chod// phyogs med 'char bas phyogs mtshams gol sa chod// kun gyi rtsa ba yin pas theg pa'i gol sa chod// bstan pa tsam gyis rtogs pas thos bsam gol sa chod// rang ngo rang gi shes pas gzhan du gol mi srid// skyon rnams dag par bstan pa ni// gol sa chod pas skyon rnams rnam par dag/ rtag mtha' dag la chad mtha' dag/ yod mtha' dag la med mtha' dag/ snang mtha' dag la stong mtha' dag/ gcig mtha' dag la du ma dag/ mtha' rnams thams cad dag pa ni// lta ba rnam dag chen po yin// chen po zhes ni ci phyir bya// rnam dag don la lhun grub pas// dag pa chen po zhes bya'o// lta ba lhun grub bstan pa ni// skyon rnams dag pas yon tan lhun gyis grub// de yang sku gsum ye shes rnam pa lnga// lhun gyis grub pas thams cad rdzogs pa yin// blta ba lhun grub chen po yin// dper na bsam 'phel nor bu la// dgos 'dod thams cad 'byung ba 'dra// skyon rnams dag pas ched du spangs pa ma yin te// rang gi ngo bo rtogs pas rkyen rnam dag/ dper na nyi ma shar bas mun pa mi gnas bzhin// yon

  122. 61b

    tan thams cad lhun gyis grub pa ni// bsgrubs pas grub pa ma yin te// rang ngo rtogs pas thams cad mkhyen par 'char// dper na rin chen rnyed pas dgos 'dod 'byung ba ltar// lta ba mtshon pa'i dpe bstan pa// rgyas par bstan na bsam gyi mi khyab ste// bsdu na mtshon dpe sum cu dag tu bstan// rnam par dag pa'i man shel dri med 'dra// lhun gyis grub pas nor bu rin chen 'dra// mtha' dang bral ba'i nam mkha' chen po 'dra// thams cad 'byung bas sa gzhi chen po 'dra// nyon mongs sdig sgrib bsreg pas me dang 'dra// mi gtsang ldan ljin 'khru bas chu dang 'dra// gang la thogs pa med pas rlung dang 'dra// ngo bo ma grub par snang stong ba 'dra// gsal la mi 'gag nyi ma'i zer dang 'dra// gsal la mi rtog me long man shel rkyen 'phrad 'dra// bde la mi rtog byang chub sems dpa' 'dra// gang gi skyon gyis ma gos me tog pad+ma 'dra// phyir mi ldog pas sems can dug zos tshe dang 'dra// rgyun mi 'chad pas chu bo'i gzhung dang 'dra// ngo bo gcig la rang rtsal mi 'gag pa// rgya mtsho chen po dag las rlabs 'char 'dra// 'od gdangs lhun grub man shel rkyen 'phrad 'dra// nyon mongs rang grol sbrul gyi mdud pa 'dra// rtog pa rang ngo rang gi shes pa ni// rgyal bu dmangs nas rgyal sar bton pa 'dra// dus gsum 'gyur ba med pas rin chen gser

  123. 62a

    dang 'dra// nang du gsal bas bum nang mar me 'dra// gcig gis phyi yi yul lnga spyod pas na// rin chen gser sbrul mig dang 'dra// zhe la yod kyang kha ru mi thon pa// dig pas kha ru bu ram myong ba 'dra// rang rig rtogs pas ma rig sel ba ni// sgron me bteg pas mun pa sel ba 'dra// phar la 'joms shing tshur la mi tshugs pas// mi 'gyur mi shigs rdo rje pha lam 'dra// ngo bo 'dus ma byas pas nam mkha' 'dra// rang rig don rtogs nyon mongs dag pa ni// nyi ma shar bas thams cad gsal ba 'dra// ma bsgoms gsal rtsal byad dang me long 'dra// ma bcos ma bslad rang rig gnyug ma 'dra// mtshon dpe sum cu tham pas lta ba'i don gyi phyogs re mtshon// lta ba blo dang 'thas pa'i yul las 'das pas na// 'di yin 'di dag kho na zhes su bstan pa shin tu dka'// don gyi zur tsam phyogs tsam mtshon pa yin// gtan tshigs mang bar bstan kyang gsum yin te// lung gis gtan la phab pa'i gtan tshigs dang // man ngag dag gi gtan tshigs bstan pa dang // de gnyis 'dzom pa'i rjes su rigs pa'i gtan tshigs so// lung gi gtan tshigs rdo rje 'chang gi bka'// man ngag gtan tshigs bka' lung bcud kyi don// rig pa'i gtan tshigs rang rig mngon sum don// lung dang man ngag gnyis kyis ngo sprad pa'o// lta

  124. 62b

    don rang rig mngon sum rtogs pa'i tshe// ngo spyod shes pas rang ngo shes pa ste// nyams su myong bas rang las 'byung ba'i don// nyon mongs dug lnga la sogs rang grol du// 'dod pa'i yon tan lnga la ma zhen dang // nyams rtogs thams cad rang las 'byung ba dang // dus gsum dag tu 'gyur ba med pa yis// bar du gcod pa'i bdud kyis tshugs mi 'gyur// nang gi rig pa chos kyi sku ru rtogs// gsal stong gnyis med spros dang bral ba'i gdengs// bar gyi rtsal ni 'gyu ba rang sar grol// rig pa zang thal ci spyod ye shes so// phyi yi snang ba bde sdug rang sar grol// ma bcos stong nyid chos kyi dbyings su grol// rig pa bstan pas rkyen rnams thams cad bral// de ltar shes na lta ba rtogs pa'i tshad// lta ba ma rtogs pa yi skyon bstan pa// dper na bye ma'i ri la mkhar brtsig 'dra// bye ma nyil nas mkhar sde 'jig pa ltar// yang dag ma rtogs byang chub lam zhugs pas// gnas skabs tsam las mthar thugs 'bras bu med// de phyir lta ba ma rtogs sangs mi rgya// lta ba'i ngos 'dzin ngo spyod skabs na gsal// ngo yis zin na 'phral du rtogs pa 'char// ci phyir zhe na car phog bstan pa yin// de phyir ngos 'dzin ngo spyod shin tu gces// lta ba'i dogs bcad shin tu gces// mi mthun pa yi rkyen las bzlog par 'gyur// de yang rnam pa gnyis su

  125. 63a

    bstan pa ste// mi mthun phyogs dang mthun pa'i phyogs las bzlog/ mi mthun phyogs las bzlog par bstan pa ni// rig pa yin pas bem po dag las bzlog/ mthun pa'i phyogs las ldog par bstan pa ni// nang gi rnam shes tshogs brgyad ldog pa'o// shes rig tsam du mthun snang gyur na yang // 'dzin pa'i rtogs pa yod med khyad par che// de yang sgo lnga'i rnam par shes pa ni// yul de snang bas shes par skye bar 'gyur// yul mi snang na shes pa skye mi 'gyur// de yang yul la 'dzin pa bcas nas skye// de phyir sgo lnga'i rtogs pa rang kha ma// rtog pa gsal na sgo lnga'i 'dzin pa 'gags// yid kyi rnam shes mtshan nyid bstan pa ni// phyi ru yul lnga spyod pa'i bdag po byed// nang du de las bzung ba'i nyon mongs yid// gzung dang 'dzin pa gnyis kyi bdag po yin// de phyir rnam par rtog pa rnams// rang gi rig pa dag gi rtsal yin te// 'dzin med gsal ba'i rig pa de nyid ni// rig pa 'grus kyang 'dzin pa'i rjes med de// phyi ru yul la spyad kyang ma bzung na// lta ba zang thal yin te yid las ldog/ nyon mongs yid kyi mtshan nyid ni// yul gyi rtog pa byed pa de dag ni// yid la bzung ba'i cha nas nyon mongs yid// 'dzin med rig pa gsal ba lta ba yin// don la rig pa'i rtsal ni ma 'gags pas// ma shes yul la gzung bas rtog

  126. 63b

    pa'i tshogs su shar// shes nas yul la 'dzin pa med pa ni// ye shes zang thal blta ba'i mthar zug yin// sbyor ba don gyi kun gzhi'i mtshan nyid bstan pa ni// tshogs bdun rtog pa'i gzhi la bya// tshogs bdun dag la rtog pa mi gsog na// sbyor ba don gyi kun gzhi de las bzlog/ mthun phyogs tshogs brgyad dag las de ltar bzlog/ nang rig pa'i tshogs brgyad dag las bzlog pa yin// phyi yi chos dbyings dag las bzlog pa yin// 'byung ba lnga ni rags pa rdos pa can// lta ba chos kyi dbyings ni stong pa la// 'od gsal dag ni rtsal gyi snang ba 'char// de phyir chos sku chos dbyings shar tsam na// 'khrul pa'i snang ba las ni bzlog pa yin// lta ba'i la zlo spros dang bral ba yin// ci phyir spros dang bral zhe na// spros pa'i mtha' ni mtha' lhung ste// de dang bral na spros bral lo// mtha' yang 'khor ba'i mtha' yin te// 'khor ba'i mtha' yang phyi nang gnyis yin te// phyi yi 'byung lnga rdos pa'i mtha'// 'byung ba lnga ni 'dus byas te// 'dus ma byas shing 'dzin pa med pas mtha' las grol// nang ni nyon mongs dug lnga 'dzin pa'i mtha'// 'dzin pa'i phyogs su ma lhung mtha' dang bral// phyi nang snod bcud mtha' las de ltar grol// gsal la 'dzin pa med pas chad pa'i mtha' las grol// mi rtog stong pas rtag pa'i mtha' las

  127. 64a

    grol// phyogs cha gang yang med pas rim dgu'i mtha' las grol// phyi nang snod bcud kun gyi mtha' las grol// sku gsum ye shes lnga ru 'dzin med pas// mya ngan 'das pa'i mtha' las grol// phyogs ris gang yang med pas mtha' rnams kun dang bral// 'dzin pa gang yang med pas phyogs su lhung ba med// blo yi yul las 'das pas brjod pa'i tshig dang bral// dogs pa med cing re gnas med pas sangs rgyas da lta nyid// re dogs kun dang bral bas 'bras bu da lta nyid// de ltar shes shing rtogs pa'i gang zag de// 'khor ba'i gnas su 'dug kyang 'bras bu sku gsum rdzogs// ye shes lnga yis don las 'gyur ba med// rang byung rig pa'i don de mngon du shar// yang bag tsha med pas khyung chen nam mkhar lding pa 'dra// zhes gsungs so// spros bral don gsal gyi rgyud chen po las/ lta ba rgyas par bshad pa'i le'u ste nga bzhi pa'o// // kye kye bcom ldan rdo rje 'chang // lta ba rgyas par bstan pa de lags na// phyi rabs gang zag snod ldan don ched du// lta ba rang gi mtshan nyid de dag la// gnad kyi man ngag mi 'khrul de dag gi// gcig srog gcig gis bzung ba bshad du gsol// zhes zhus pas/ de nas ston pas bka' stsal pa// rang rig chos sku gtan la dbab pa ni// rang rig yon tan brjod kyis mi

  128. 64b

    langs kyang // yon tan bcu ldan rang rig chos kyi sku// rgyu dang rkyen gyis ma bskyed rang byung cha// dngos po mtshan mar ma grub stong pa'i cha// rang rig rang gsal rig pa nang gsal cha// rig rtsal sgo lngar shar ba phyi gsal cha// sgo lnga'i rjes su 'jug pa 'gyu ba zang thal cha// rig rtsal 'od du shar ba gzugs kyi cha// gsal stong gnyis med don la gcig pa'i cha// yon tan ma btsal lhun gyis grub pas lhun grub cha// skyon rnams ma spangs dag pas rnam dag cha// yul rkyen rang sar grol bas 'dzin med cha// rgyu rkyen gnyis kyis ma bskyed rang byung ni// bde gshegs thugs rje dag las ma byung rang byung dang // sems can rnams kyi las kyis ma bskyed dang // phyi yi 'byung ba lnga yis ma bskyed dang // nang gis rnam rtog dag las ma byung dang // gang zag lam pa'i blo yis ma bcos pa'o// de phyir rang byung rgyu rkyen med pa'o// dngos po mtshan mar ma grub stong pa ni// glo bur ma yin gdod ma nas kyi stong pa dang // gsal ba'i ngo bo ma grub stong pa dang // blo yis ma bcos ma bslad pa yi stong pa dang // rdzas dang mtshan mar ma grub stong pa dang // nyon mongs bag chags ma grub stong pa'o// de phyir chos nyid stong pa nyid ces bya// rig pa nang gsal ngo bo bstan pa ni// gzhan la rag ma las par gsal ba dang // glo bur ma yin gdod ma nas kyi

  129. 65a

    gsal ba dang // gsal tsam nyid nas ngo bo ma grub gsal ba dang // gsal ba'i dus na bde yin gsal ba dang // yon tan lhun gyis grub pas gsal ba'o// de phyir rang rig rang gsal dag yin no// sgo lnga'i rig rtsal phyi gsal bstan pa ni// mig gi yul du gzugs rnams snang ba dang // rna ba'i yul du sgra rnams grag pa dang // sna yi yul du dri rnams snom pa dang // lce yi yul du ro rnams bro ba dang // lus kyi yul du reg bya tshor ba'o// sgo lnga de rnams rig pa dag la chang // sgo lnga'i rjes 'jug 'gyu ba zang thal yin// mig la brten nas gzugs kyi rnam par spyod// rna ba la brten sgra yi rnam par spyod// sna la brten nas dri yi rnam par spyod// lce la brten nas ro yi rnam par spyod// lus la brten nas reg bya'i rnam par spyod// spyod pa'i rjes su 'brang na 'khrul pa yin// yul la ma spyad rang sar grol bas zang thal yin// rig rtsal 'od du shar bas gzugs rtsal yin// stong nyid ye shes rtsal ni mthing gar shar// me long ye shes rtsal ni dkar por shar// mnyam nyid ye shes rtsal ni ser por shar// sor rtog ye shes rtsal ni dmar por shar// bya grub ye shes rtsal ni ljang gur shar// rtsal gnyis rang sar mi 'dzin mi rtog pa// rang snang rang sar grol ba rtogs pa'i tshad// gsal stong gnyis med don la cig car

  130. 65b

    ni// tha dad gnyis su ma grub gnyis med dang // gsal stong gnyis su ma grub gnyis med dang // gdod nas 'bral ma myong ba'i gnyis med dang // rang byung rgyu rkyen med pa'i gnyis med dang // bzang ngan med pas mnyam pa nyid kyi ye shes dang // gnyis med steng du 'dzin med lta ba'i mchog/ yon tan ma btsal lhun gyis grub pa'i lhun grub ni// rtsol ba gang gis ma btsal lhun grub dang // yon tan lhun gyis grub pas lhun grub dang // 'dod pa'i yon tan char bas lhun grub dang // glo bur ma yin gdod nas rdzogs pas lhun grub bo// de phyir ma bsgrub lhun grub chen po yin// skyon rnams ma spangs dag pa'i rnam dag ni// rang gi rig pa chos sku de la ni// rnam rtog mtshan ma thams cad rnam par dag/ dngos po rtag mtha' thams cad rnam par dag/ med mtha' dang ni chad mtha' rnam par dag/ drang don theg pa'i bkri drang rnam par dag/ ma rig gti mug blo ni rnam par dag/ yul rkyen rang sar grol ba'i mtshan nyid ni// don rtogs snang rkyen rang sar grol ba ste// rig pa chos sku lta ba'i don rtogs pas// yul rkyen ji shar 'dzin pa med par grol// mig gi yul du gzugs shar 'dzin med grol// rna ba'i yul du sgra byung 'dzin med grol// sna yi yul du dri byung 'dzin med grol// lce yi yul du ro myong 'dzin med grol// lus kyi yul du reg

  131. 66a

    tshor 'dzin med grol// don rtsal rang shar rig pa zang thal yin// rang rig chos kyi sku yi don rtogs na// snang ba rang snang 'dzin pa rang grol lo// de phyir rang snang rang shar zhes su bshad// de ltar yon tan bcu ldan de// gcig srog gcig gis bzung bas mthar mi ltung // la zlo spros pa'i mtha' rnams kun dang bral// de phyir rang rig blo yi yul las 'das// btags tshad ming yin bsam tshad blo// snang tshad yul yin byas tshad 'jig/ dus gsum rtog pa thams cad 'jig pas na// ma byung ma skyes rang byung chen po'i sku// ma bcos ma bslad ma bsgrubs ma zhen pa// mi rtog mi 'dzin mi zhen mi ltos so// rig pa'i gnas lugs de ltar gnas pa'o// lta ba rang byung rig pa'i don rtogs pas// snang ba chos nyid stong pa'i ngang las rig rtsal 'od lngar shar// ma rtogs pa las 'byung ba lnga ru brtas// rang gi rtsal snang blang dor mtha' dang bral// rang snang rang grol zhen pa kun dang bral// rang rig don rtogs 'gyu ba rang grol na// sgo lnga'i yul lnga dag gis gnod mi nus// rang byung ye shes lta ba'i don rtogs na// ma bslad ma byung ma byas ma btsal ba// mi 'khrul mi rtog mi ltos mi zhen no// ngo bo gcig la yon tan ldan lugs so// spros bral don gsal gyi rgyud chen po las/ lta ba gcig srog gcig gis bzung nas bstan

  132. 66b

    pa'i le'u steng lnga pa'o// // kye kye bcom ldan rdo rje 'chang // lta ba'i srog bzung de lags na// lta ba bsgom pa spyod pa gsum// gcig tu dril te bstan par zhu// rdo rje 'chang gis bka' stsal pa// lha sgom spyod pa dril ba ni/ rang gi rig pa chos kyi sku spros pa dang bral ba yin te/ de la dbye na gsum/ nang rig pa chos kyi sku dang / phyi snang ba chos kyi dbyings dang / bar du rig pa'i rtsal mi 'gag pa dang gsum mo// nang rig pa chos kyi sku ni rig pa gsal stong gnyis su med pa yin te// de yang rang gi rig pa ma bcos par sa le ba de nyid ci'i ngo bor yang ma grub pa de chos nyid kyi stong cha yin no// ma grub pa de ka rang rig pa sa le 'dug pas rang rig gi gsal cha'o// stong pa dang gsal ba tha dad du ma gyur pas gsal stong gnyis su med pa'o// de'i phyir na gnyis med kyi bde cha zhes bya'o// gnyis med la rtsal ma 'gags par 'gyu bas/ rtsal gyi 'gyu cha zhes bya'o// 'gyu cha med na zhi gnas ltengs po zhes bya ste/ thams cad mkhyen pa 'char mi srid do// rig pa'i rtsal 'grus pas de sgo lnga la brten nas/ yul gar byung yang shes pa 'char bas gsal ba'i cha yin no// so so skye bo ni rang kha ma yin te 'dzin pa dang bcas pa'o// rtogs ldan ni yul la 'gyu yang 'dzin pa rang sar grol te bag chags kyis gnod mi nus pa yin no// rig pa

  133. 67a

    gsal stong gnyis su med pa de'i rtsal gzugs su shar ba ni 'od kha dog lnga ru shar ba'o// bar gyi rtsal ma 'gags pa ni rig pa gsal stong gnyis su med pa de gsal ba'i cha'o// de ni phyi'i yul la 'gyu ba de yin te/ de yang 'gyu ba'i gsal cha mi 'gag pa la 'dzin pa med de 'dzin pa'i shes pa rang rgyud pa de grol ba'o// de yang 'gyu ba rang grol du song ba ste// bar gyi rtsal mi 'gags pa de ye shes zad thal zhes bya'o// rig pa chos kyi sku gsal stong gnyis su med par spros pa'i mtha' dang bral ba de lta bu gcig rang byung du rang gsal tsam na/ phyi'i yul mi 'gag rig pa 'gyu ba sgo lnga la brten nas 'gyur yang 'dzin pa rang sar grol ba'i yul de gsal rung mi gsal rung / snang rung stong rung yul chos kyi dbyings yin par la bcad do// de ltar rtogs pa de lta ba yin te/ de nyid rgyud la gsal ba de bsgom pa'o// de kho na 'gro nyal 'dug sdod mi 'bral bar ma yengs la yengs nas rnam rtog byung yang rang sar grol ba ni spyod pa'o// rtogs pa'i don dang mi 'bral ba 'bras bu'o// zhes gsungs so// spros bral don gsal gyi rgyud chen po las/ lha sgom spyod pa gcig tu dril nas bstan pa'i le'u ste nga drug pa'o// // kye kye bcom ldan rdo rje 'chang // gang zag spros pa bcad pa'i phyir// rang byung rig pa phyogs re

  134. 67b

    nas// yon tan bye brag brjod pa dang // spros pa'i mtha' rnams bcad pa'i phyir// rgyas bsdus spros dang bye brag mang bstan kyang // rang byung rig pa'i ngo bo de// don gyi la zlo ci ltar zla// de skad ces ni zhus pa yis// rdo rje 'chang gis bka' stsal pa// rang rig chos sku'i ngo bo de// lta ba ma nor dam pa yin// dpe dang gtan tshigs tha snyad dang // ngo sprod lta bsgom spyod 'bras dang // 'khrul dang rtogs dang goms pa rnams// blo dman lam gyi cha rkyen las// don la ma grub btags pa tsam// ngo bo rig pa chos sku'am// rang byung ye shes bya ba de// rang rig chos sku'i ngo bo las// 'khor ba med cing myang 'das med// gzhi med lam med 'bras bu med// theg pa med cing gang zag med// chos dang chos min gang yang med// 'khor ba'i rgyu dang 'bras bu med// rgyu ni ma rig gnyis bstan dang // rkyen gzhi la sogs gang yang med// 'bras bu 'dod chags zhe sdang dang // gti mug nga rgyal phrag dog med// dug lnga la sogs nyon mongs med// rigs drug 'khor ba'i sems can med// phyi yi 'byung ba lnga yang med// sa med chu med me rlung med// nam mkha' dag kyang btags pa tsam// de ltar snod bcud gang yang med// 'khor ba 'khrul pas btags pa tsam// 'khor ba med cing myang 'das med// rtogs pas sangs rgyas btags pa las// don gyi ngo bo chos

  135. 68a

    sku la// sangs med rgyas med gang yang med// bcom med ldan med 'das pa med// byang med chub med sems dpa' med// de bzhin med de gshegs pa med// dgra bcom zag pa zad pa med// spang bya spang zhing thob bya thob tu med// sangs rgyas bya ba rdul tsam ming yang med// des gsung lam dang theg pa med// lam lngas bcu la sogs med// theg dgu rgyu 'bras phyi nang med// thabs lam dang ni grol lam med// rim gyis dang ni gcig car med// bsgom dang mi bsgom spyod dang mi spyod med// lha dang dkyil 'khor ting 'dzin 'phro 'du med// yod dang med dang snang dang stong pa dang // gcig dang du ma rtag dang chad pa dang // dga' dang mi dga' snyan dang mi snyan dang // rnyed dang ma rnyed grub dang ma grub dang // sangs dang ma sangs rgyas dang ma rgyas dang // byed dang mi byed la sogs gang yang med// 'dod dang mi 'dod dbang gis gnyis su byung // don la gnyis med bya ba dag dang ni// blo yi yul la spang blang rdul tsam med// yod pa bkag nas med pa bsgrub tu med// med pa bkag nas yod pa bsgrub tu med// mdor na mtha' yi spros pa kun dang bral// yul la rtsal 'phros spros pa ste// phyogs su bzung bas mtha' zhes bya// yul 'phros zhen cing chags pa med// mtha' yi phyogs su ma lhung bas// spros pa'i

  136. 68b

    mtha' rnams kun dang bral// blo 'das yid kyi yul las 'das// lus kyis byas shing ngag gis smras pa dang // blo yis bsams shing yid kyis mno las 'das// rang rig chos sku bya ba yang // btags pa tsam las don la 'di 'dra med// sku gsum ye shes lnga sogs kyang // mtshon pa tsam du bstan pa yin// byang chub bsgrub bya bsgrub tu med// de dag rang gi ngo bo ste// rig pa chos sku tsam du btags// lta ba la zlo de bzhin yin// gdengs chen de la yid ches gyis// brjod med bsam med mtha' bral de// ye nas gnas pa'i cha nas gzhi// de ma rtogs las 'khrul pa byung // de rtogs mtshon dpe ngo sprod yin// ji ltar gzhi mthong lta ba yin// mthong don gsal bas bsgom pa yin// de nyid dus gsum rgyun khyer ba// spyod pa tsam du btags pa yin// mngon gyur 'bras bu zhes su bstan// lta ba lam 'khyer dus su ni// ngo bo rtsal dang bcas pa gsum// phyi yi yul rkyen 'byung ba'i cha// don la grub pa med pas na// rang snang rang grol dngos med yin// yul gyis don la gnod mi nus// gdengs chen la zlo de bzhin no// zhes gsungs so// spros bral don gsal gyi rgyud chen po las/ lta ba la bzla ba'i le'u ste nga bdun pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // bsgom du yod med ji ltar

  137. 69a

    lags// zhes zhus so// de nas ston pas bka' stsal pa// rdo rje 'dzin pa legs par zung zhig/ ngas bstan bde chen gnyis med la// bsgom du yod dang med pa yi// tha snyad thams cad rnam par dag/ shes rab stobs chen rang rig don rtogs pas// gnyis med bde chen ngang du 'du bral med// ma btsal bzhag pas ngang las ma g.yos kyang // rgyun chad med par chu bo gang+gA bzhin// dbang po yang rab don du de bstan to// rten gyi gang zag shes rab 'bring rnams la// mi bsgom bsgom par bstan pa yin// rnal 'byor shes rab rtsal chung la// ma bsgoms sangs mi rgya bar bstan// kye gsang bdag nges par zung zhig/ pad+ma 'dam na gnas kyang skyon gyis ma gos ltar// phyi nang 'khrul par shar kyang ni// rang rig ye nas gos pa med// ma 'khrul pa yi sangs rgyas yin// rigs kyi bu gzhi dag pa chos kyi sku la/ 'bras bu dag pa gzugs kyi sku gnyis kyi brgyan nas/ don sku gsum 'du 'bral med pa ni// bum pa'i nang gi mar me ltar// ye shes nang na gsal ba'o// rigs kyi bu gzugs kyi phung po phyi snod 'jig rten/ gzhal yas khang 'gro ba 'dul ba'i dkyil 'khor gyi nang na/ sku gsum gyi rang gdangs 'gag pa med pa'i ye shes kyi gzhal med khang du 'od gsal lo// de'i nang na sku bzhi sku gsung thugs dang ldan te// rang bzhin

  138. 69b

    rnam par dag pa'i dkyil 'khor 'gag pa med par gnas pa'o// de'i thugs rje he ru ka lngar snang ba mi 'gag pas/ thugs rje rang byung gi dkyil 'khor ste/ de ltar gnas pa ni ma 'khrul pa'i bud+d+ha'o// rigs kyi bu ma 'khrul pa'i bud+d+ha la/ ma byas pa'i chos nyid bstan pa ni/ thugs kyi me long yin te/ dper na zag bcas kyi phung po 'di byas pa'i me long gis gtan la pheb pa ltar/ zag pa med pa'i ye shes 'gag pa med par gsal ba/ kun gzhi me long lta bu'i ye shes gsal la dag pa/ thams cad 'byung ba'i gzhi ma 'gags pa'i don/ mgar ba'i lag gi 'du byed kyis ma byas pa/ snang ba mtha' yas kyi thugs kyi klong nas/ rang byung du rang shar ba'i shel gyi mchod rten khri 'phang lnga pa/ thugs kyi me long du gyur pa ste/ brdar bstan pa'i tshe zag bcas kyi sgrom bus zag med kyi ye shes mi thub par thugs kyi ye shes kyi me long la ji lta/ ba bzhin du snang ngo // de'i 'khrul gzhi man ngag ti ka chen po las gtan la phab pa'o// don rang byung gi ye shes chen po yin pas/ dus gsum du 'gyur ma myong ste/ mi 'gyur ba'i lta ba zod rgal chen po'o// de ni 'khrul pa log nas ye shes kyi de kho na nyid kyi ti ka chen po'o// des ni rtags kyi sgo nas mi 'gyur ba'i gzer btab pa'o// lung gi ti ka chen pos don la sbyor ro// bdag nyid chen po de kho na nyid kyi ti ka la

  139. 70a

    gzhi bcas pa'o// de'i don rtogs nas bsgom du med de yon tan no// de yang rang chas su gnas pas 'du 'bral med do// yul dang yul can/ bsgom bya dang sgom byed/ dngos po dang mtshan mar dmigs su med/ dper na gar sbyin la sbrang ma'i 'dab ma chag pa lta bu'o// chos nyid kyi don tha mal gyis mi rtogs pas/ so so'i skye bo tha mal gyis mi go ste/ gong ltar rtogs dgos pas/ yengs su med de skyon can no// nges par rtogs tsa na/ yengs pa med de yon tan no// yongs su med pa ni// 'dug kyang chos nyid rang snang gi ngang las ma g.yos pa tsam du 'dug la/ 'gro yang ye shes kyi rang gdangs la/ rang bzhin mi 'gag pa tsam du 'gro ste/ mar me'am nyi ma rang snang dang chas nas 'gro ba bzhin no// nyal yang dang las ma g.yos pa'i klong rig pa zang thal gyi ngang nas rtsal gzhi la 'dus te/ rang bzhin gzhi la zim mo// mtshan ma rang sar grol nas don la sbyor ba chen por 'gyur ro// langs kyang ngag ma g.yos pa las langs/ rig pa rang shar te rang bzhin ma 'gags par gsal lo// kye ma rigs kyi bu legs par yid la zung zhig/ spyod lam bzhi ci spyad kyang / rang gi gdangs las mi 'da' zhing / chos nyid dang las ma g.yos pa/ dper na bya yis gar 'phur kyang / mkha' las 'da' ba med/ nya yis gar

  140. 70b

    'phyos kyang chu las mi 'da' ba dang / mi yis gar phyin yang sa las mi 'da' ba bzhin/ rnal 'byor rtogs ldan dang las g.yos pa med/ rigs kyi bu bsgom bya yang dag par rdzogs pa'i sangs rgyas so// de yi don logs na med de/ rang rig chos kyi sku kho na'o// shar ba rnams thams cad ni rang shar ba ste/ rig pa chos sku stong pa dang 'gag pa med pa dang / de nyid dbyer med pa dang / de ltar shes pa'i shes rab mi 'gag pa dang / de la thogs pa med pa dang / mtshan nyid lngar shar ro// de lnga ye shes lngar shar ro// ye shes lnga 'od du shar ro// 'od lnga rigs lngar shar ro// rigs lnga sku lngar shar ro// sku lnga yum lnga mi 'gags so// yab yum la sems dpa' dang sems ma mi 'gags so// sems ma rnams las yul du shar ro// sems dpa' rnams las dbang po dang rnam shes su shar ro// des na rig pa rang shar gyi dgongs pas snang ba la rgyas gdab ste/ thams cad rang snang gi ye shes las gzhan snang gi rtog pa med do// 'gags pa'i dus su mtshan ma rang grol gyi dgongs pa rtsal gzhi la 'dug te/ yul lnga sgo lnga'i ngang du grol/ sgo lnga sems dpa' sems ma'i ngang du grol/ sems dpa' sems ma rigs lnga yab yum gyi ngang du grol/ de yang ye shes lnga ru grol/ ye shes lnga yang rig pa'i mtshan nyid lngar grol/ mtshan nyid lnga rig

  141. 71a

    pa 'dzin med rang gsal du grol ste/ dbang po gnad bsdus kyi man ngag 'byung ba ma la zha/ ye shes dbyings su thim pa'o// de ltar grol nas ngang las ma g.yos pa ni/ shes bya bum par chud pa ste/ chos nyid chos sku dbyer med zang thal gyi bum pa na/ rang rig pa'i ye shes mar me rlung gis ma bskyod pa ltar gsal ba/ shes bya bum 'jug gi man ngag/ gti mug gnyid la sogs pa shes rab kyi don de kho na nyid la 'byor pa'o// thams cad byung yang rang las byung / snang yang rang las snang / gsal yang rang las gsal/ dag cing grol yang rang gi ngang du grol bas na/ ye shes yang dag chen po'o// de ni ngo bo nyid kyi snang ba rang snang las gzhan snang med pa'o// sprin dang khu rlangs byung yang nam mkha' nas byung / snang yang nam mkha'i ngang la snang / gnas kyang nam mkha'i ngang la gnas/ dag kyang nam mkha'i ngang du dag/ grol yang nam mkha'i ngang du grol ba lta bu'o// zhes gsungs so// spros bral don gsal chen po'i rgyud las/ bsgom du yod med blo dang sbyar bar bstan pa ste/ blo 'bring la rgyun gyi ting nge 'dzin gtan tshigs dang bcas pa bstan pa ste le'u nga brgyad pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // bsgom du yod la bshad du gsol// zhes zhus pas/ ston pas bka' stsal pa/ rdo rje

  142. 71b

    'dzin pa nges zung zhig/ blo gzhan rnams la bsgom pa bstan// bsgom du med par ma shes na// ma tshor yid la byed pa dang // bya rtsol bral ba mi rtogs te// rgyun gyi ting 'dzin don mi gsal// bsgom du yod par ma shes na// skye bo rnams dang khyad par med// tha mal rang rgyud gol bar 'gro// mi bsgom bsgom pa'i don shes pas// sangs rgyas nyag gcig don du 'du 'bral med// bsgom pa mi bsgom don shes pas// dmigs gtad blo yi mtha' las bzlog/ gnyis su med pa'i don rtogs pas// phyogs rer 'dzin pa'i mtha' dang bral// bsgom du yod pa'i don bstan par// bslab thabs bslab bya lobs pa'i tshad// rnam pa gsum du bstan pa yin// bslab thabs rnam pa gsum du bstan// phyi dang nang dang gsang ba'o// phyi ni lus ngag yid gsum glod// bya ba btang la sdod pa yin// nang ni rtsa yi rlung sgo bsdoms// rang byung dbyings kyi thig le las// dang por lus kyi srid pa chags// de las yas mar rtsa gnyis shar// rtsa gnyis 'dus nas rtsa mdud lte bar gyur// de las rtsa bran rnams kyi lus byings bskyed// de nas snying la sogs pa'i nang khrol rgyas// de las dbugs yod de las rnam rtog shar// de la rtsa bar btags pa mig yin pas// ci snang rang snang yin gyi rnam rtog ma byed ce re ltos// rtags ma

  143. 72a

    bskul bas de nas rig pa rtsal mi 'gyur// rtsal dang ma 'grogs rlung dang ser bu bzhin// ma bsdus rang sar zhog cig 'phro mi nus// de bas rlung ces de la skyon mi blta// rlung yod rtogs pa'i shes rab yongs su rgyas// thabs kyi zin pas mi rtog rang sar gnas// skabs su ha dang phaT ces rlung ro 'bud// gsang bar bslab pa'i thabs gsum ste// rgyal po gdan la bzhag pa dang // blon po btson du bzung ba dang // dmangs rnams cham la shugs kyis phebs so// kye rdo rje 'dzin pa legs par zung zhig/ rgyal po ni rang rig dag pa chos kyi sku'o// gdan ni rang bzhin dag pa nam mkha'i yul du snang ba 'di'o// don ni dbyings kyi thig le yul snang ba 'di'o// de nyid kyi don bdag dang bral ba ni/ dbyings rnam par dag pa rig pa'i ye shes bzhugs pa'i gdan te/ da lta byang chub sems kyi sgron ma/ chu'i rang bzhin dag cing gsal ba la sbyar ro// de yang 'dug tshul gyis gnas pa dang / snang tshul gyis 'byams pa ste/ dper na bya khra gnas ri brag gi nang na gnas bcas nas/ sdod sa tshang sgor sdod pa bzhin/ dpe de bzhin du rig pa'i ye shes tsit+ta rin po chen bzhugs pa ste/ rang gi ngo bo rtags la mngon par gsal lo// gdan la bzhugs pa ye shes kyi snang ba ni/ de ni kun gzhi me long lta bu'i ye shes gsal ba zang thal

  144. 72b

    lo// de bas na dbyings rnam par dag pa'i thig le ni/ chu'i sgron ma'o// nang du tsit+ta gong bzhin du ye shes kyi snang ba 'od du gsal lo// gdan la bzhugs pa ye shes kyi snang ba ni/ ye shes chen po'i thig le ma 'gags par rang gsal lo// ye shes snying po rig par gnas shing / rig pa la ye shes gsal bas/ lhun gyis grub pa'i thig les mtshan ma dang / rnam rtog bcom pa'o// de ltar mi 'gyur bar gnas shing / rang snang las gzhan snang med do// de ni lhun gyis grub pa'i thig le ste/ don snang ba gsum sbyor du bstan na/ mthong bya rang bzhin dag pa'i nam mkha' ni// nam mkha' dag pa'i rang gdangs yin// de yi ngo bo dag pa dang // mthong byed chu yi sgron ma ni// chos nyid dag pa'i ye gdangs so// rig pa yul la shar ba'i snang ba ni// ye shes dag pa'i zer gdangs so// kye ma nam mkha' dag pa'i rang gdangs ni// mtsham mo'i nam mkha' lta bu'o// chos nyid dag pa'i ye gdangs ni// nam langs pa'i nam mkha' lta bu'o// ye shes chen po'i zer gdangs ni// nam mkha' la ni nyi ma shar ba lta bu'o// rgyal po gdan la bzhugs pa ni// spros bral gyis dbyings 'gyur med kyi ngang du rig pa ye nas dag pa ste/ de las ma g.yos par bzhag go// 'chi bdag bdud kyi sgo nas ye shes kyi rlung rgyu ba'i rtsa gsum gnas pas/ de gsum gtsun te/

  145. 73a

    bzhin gshegs pa'i dgongs pa la zug pa med de/ mtshan mar mi gnas pas/ spyan nam mkha'i dkyil du bltas te/ rtsa rlung gi sgo bsdams so// byang chub sems dpa'i ting nge 'dzin ni/ sangs rgyas sems can gyi bar na gnas pas/ spyan par snang du blta'o// mgrin pa cung zad gcus te/ dpung pa'i khar og ma bzhag go// rtsa gsum rlung gi 'gyu srang bcad pa'o// lha dang mi'i bsam gtan dang / sems 'dzin ni mtshan ma shas che bas gong ma gnyis po bas dka' ste/ spyan sa la blta'o// de ni mgrin pa cung zad bkug ste/ og ma brang la reg la khad du bya'o// de ni rgyal po gdan la bzhugs shing gdan thog tu btang ba'i thabs so// des rig pa rgyal po dang 'dra ste rang sa 'dzin pa'o// blon po ni sems te/ rig pa'i rtsal rlung thog tu ma shor bas/ rtog bcas su mi rgyu rtog med du gsal te/ dper na blon po btson du zin pas gros blo dang bya ba byed mkhan med pa lta bu'o// lus dang ma bral bar dbugs yod de/ rig pa la rta yod pas blon po lta bu'o// btson du zin pa 'dra ste/ rtog pa'i rlung yod la rgyu mi nus so// sgo lnga 'bangs dang 'dra bas las byed pa yin no// dus der gsal la rtog pa med do// de ni 'bangs cham la 'bebs pa lta bu'o// kye rigs kyi bu bslab par bya ba ni// ngang dngas rang bzhin bdag nyid

  146. 73b

    chen po'o// rang bzhin dag pa'i nam mkha' dang // chos nyid dag pa'i nam mkha' gnyis// rnam rtog bral ba'i rig pa gsum// dbyer med stong zhing mi rtog pas// ma bcos pa yi ngang zhes bya// rang rig ye shes gsal ba dang // 'byung bzhi gdangs su shar ba gnyis// rang bzhin ma 'gags ye shes gdangs// gsal bar snang la rang bzhin med// stong pa med na rang bzhin yod// dbyer med bdag nyid chen po'i don// mdor na rang rig ye shes yin// lobs pa'i tshad ni/ shes pa rkyen gyi dbang du mi 'gro zhing / rnam rtog rgyun bcad mtshan ma zil gyis gnon pa'o// drod rtags mi 'dod bzhin du 'byung // 'dus byas zhing lams chen por ldog/ lung ston rim par 'byung ba yin// bla ma yi dam mkha' 'gro las// dngos dang 'byung ba'i sgra la brten// de yis nges par rgyud la skye'o// zhes gsungs so// spros bral don gsal chen po'i rgyud las/ bsgom du yod par bstan pa'i dgongs pa dang / bsgom thabs rgyas par bstan pa'i le'u ste nga dgu pa'o// // kye kye bcom ldan rdo rje 'chang // bsgom du yod med sa mtshams yang // blo dang sbyor ba de lags na// rang gi mtshan nyid bsgom pa de// ma nor legs par bstan du gsol// zhes zhus pas/ ston pas bka' stsal pa// rang gi mtshan nyid bsgom pa de// rang gi rig pa chos kyi sku// ngo

  147. 74a

    spyod bdun gyis rtogs pa de// zhe la gdengs su chud gyur pas// de don rgyud du gsal gyur na// bsgom pa rang gi mtshan nyid yin// rig pa chos skur rtogs gyur na// sku gsum lhun gyis grub pa yin// ye shes lnga yang lhun gyis grub// rang rig chos sku de las ni// rnam rtog yul gyi rkyen gyur nas// 'khrul ba'i rtog pa byung gyur na// spyod lam gdams pa bzhin du khyer// ye nas gnas pa'i cha nas gzhi// de nyid rtogs pa lta bu'o// de gsal bsgom pa tsam du btags// rgyun du khyer ba spyod pa'o// mngon gyur 'bras bur bstan pa'o// zhes gsungs so// spros bral don gsal chen po'i rgyud las/ bsgom pa rang gi mtshan nyid bstan pa'i le'u ste drug bcu pa'o// // kye kye bcom ldan rdo rje 'chang // bsgom yod bsgom med bstan pa dang // bsgom par rang gi mtshan nyid bsgom// rgyas par bshad pa de lags na// theg pa brgyad kyi gol sa dang // spyi yi gol sa bstan pa rnams// rdo rje 'chang gis gsung du gsol// de skad ces ni zhus pa las// rdo rje 'chang gis bka' stsal pa// rim dgu bsgom pa'i gol sa dag/ gong 'og skabs nas gsal bar bshad// spyi yi gol sa 'di ltar bshad// zhi gnas stong pa'i gol sa lnga// lhag mthong gsal ba'i gol sa lnga// de nyid spyi yi gol sa gnyis// gol sa bcu gnyis dag tu

  148. 74b

    bshad// stong pa'i phyogs kyi gol sa lnga po ni// zhi gnas had po'i gaul sa ni// rnam rtog zhi gnas yin pas na'o// btang snyoms snying po'i gau la sa ni// rtsol ba med de dang gnas pa'o// stong pa chad po'i gol sa ni// bem rig gang yang mi 'dod pa'o// mi rtog 'thom pa'i gol sa ni// dran med gsal cha 'gags pa'o// 'dzin med had po'i gol sa ni// yul gyi rnam pa snang gyur yang // gang yang gtan la ma phebs pas// rang ngo ma shes 'dzin pa med// 'dzin pa med kyang gsal cha med// de phyir gol sar bstan pa'o// kye gsang ba'i bdag po nyon cig/ gsal ba lhag mthong gol sa ni// kun brtags lha yi gol sa dang // mtshan ma 'od kyi gol sa dang // rtsa rlung bde ba'i gol sa dang // gzung 'dzin yul gyi gol sa dang // 'khor ba sdug bsngal gol sa rnams// gsal ba dag las gol sa'o// ched du byas pa'i gol sa ni// ma tshor yid la byed pa'o// ma bsgoms 'khrul pa'i gol sa ni// skye bo rang khar 'dzin pa ste// 'khrul pa phyi ru shor ba yin// lta ba rtogs don gsal gyur na// gol sgrib sdug bsngal 'byung mi srid// ces gsungs so// spros bral don gsal chen po'i rgyud las/ bsgom pa'i gol sa bstan pa'i le'u ste re gcig pa'o// // kye kye rdo rje 'chang chen po// bsgom pa rang gi mtshan nyid ni// ma nor bstan pa de lags

  149. 75a

    na// de ltar ma shes bsgom pa'i skyon du 'gyur ba ste// de nyid mi gol gdams ngag ma nor gsung du gsol// de skad ces ni zhus pa dang // rdo rje 'chang gi bka' stsal pa// nyon cig gsang bdag rdo rje 'chang // rang gi rig pa chos sku de la ni// rgyu rkyen ma bskyed rang byung yin pas na// glo bur byas bsam dag gi gol sa chod// rang gi ngo bo stong par 'dug pas na// dngos po rtag pa la sogs gol sa chotshod// de nyid ngo bo gsal ba yin pas na// chad pa stong pa rnams kyi gol sa chod// gsal stong gnyis med gcig pa'i bdag nyid pas// ting 'dzin rnam gsum rig pa'i gol sa chod// yon tan thams cad lhun gyis grub pas na// 'bras bu gzhan nas re ba'i gol sa chod// thugs rje 'gag pa med par 'byung bas na// 'gro ba'i don med thugs rje rgyun chad gol sa chod// gsal ba'i rtsal gnyis mi 'gag pas// zhi gnas btang snyoms mi rtog gol sa chod// chod sku rang gnas bsgom mi dgos pa yis// lha sgom kun brtags bsgom pa'i gol sa chod// chos sku mtshan ma gang du mi gnas pas// mtshan ma 'od du bsgom pa'i gol sa chod// rig pa bde stong gsal la mi rtog pas// rtsa rlung thig le lus la brten pa'i gol sa chod// dngos po rang rgyud ma yin pas// 'jig rten dngos po rang gar 'dzin pa'i gol sa

  150. 75b

    chod// ye gsal chen po chu bo'i rgyun du gnas pas na// sems 'dzin thun bsgom rtsol ba'i gol sa chod// yul gnyis sems su bsdus nas mi bsgom pas// snang ba chos skur 'dod pa rnams kyi gol sa chod// da lta'i dus su chos sku rang shar bas// 'bras bu phyi nas thob pa'i gol sa chod// rtsa ba chos kyi sku la bdag 'dzin ma grub pas// 'dzin pa zhe 'dod can gyi gol sa chod// bsgom dang mi bsgom yengs dang ma yengs mtha' dang bral ba yis// ma tshor yid la byed pa'i gol sa chod// chos sku'i ngo bo rtag pa chen po las// smon lam 'dus byas dag la re ba'i gol sa chod// da lta nyid du 'bras bu mngon du gyur pas na// sa lam rim gyis bgrod pa'i gol sa chod// spyi yi gol sa bco brgyad yin// theg pa'i rim pa'i gol sa rnams// rang gi mtshan nyid mthong na gol mi srid// ces gsungs so// spros bral don gsal chen po'i rgyud las/ bsgom pa'i gol sa bcad pa'i le'u ste re gnyis pa'o// // gsang ba'i bdag pos yang zhus pa// kye kye bcom ldan rdo rje 'chang // spyod pa'i bye brag gsung du gsol// zhes zhus so// ston pas bka' stsal pa// rdo rje 'dzin pa nges zung zhig/ blang dor med pa'i spyod pa ni// sprad rgyu med pa spyod pa'i mchog/ chos nyid don gyi spyod pa ni// mtshan ma med pas nam mkha' bzhin// chos can mtshan mar mi blta

  151. 76a

    bar// rnal 'byor zag med rab kyis// dngos med nam mkha' bzhin du spyad// rang rig ye shes spyod pa ni// dper na rin chen me long bzhin// ye shes rang bzhin ma 'gags pas// rang shar rang snang chags sdang bral bar spyod// lta ba don gyi spyod pa ni// khyung chen mkha' la lding ba bzhin// bya bral lhun gyis rdzogs par spyad// dgongs pa don gyi spyod pa na/ dper na chu bo gang+gA bzhin// rgyun gyi rnal 'byor chen por spyod// 'bras bu don gyi spyod pa ni// nyi ma 'od zer bcas pa bzhin/ sku gsum 'du 'bral med par spyad// dgongs pa'i ngang las ma g.yos par// shes rab chen pos don la spyad// rnal 'byor yid kyi spyod pa yin// rnal 'byor ngag gi spyod pa ni// dper na brag cha sgra sgrogs ltar// sgra rnams zhen pa med par spyad// lus ngag yid gsum spyod pa ni// 'jig rten 'khor 'das chos 'di la// dper na me long gzugs brnyan bzhin// snang la zhen chags med par spyad// dran pa med pa'i spyod pa ni/ rnal 'byor tshul 'chos mi bya bar// glang chen smyon pa bzhin du spyad// bung ba me tog 'jib pa bzhin// gcig tu zhen med rnal 'byor gang bder spyod// thugs rje chen po'i spyod pa ni// dper na nyi ma'i snying po bzhin// lus ngag yid kyis 'gro don rdzogs par spyad// thugs rje gdung ba'i spyod pa ni// bu gcig pa yi ma

  152. 76b

    bzhin du// rnal 'byor pa yis 'gro don spyad// gnyis su med pa'i spyod pa ni// ched du mi dgag ched du bsgrub pa med// ched du mi spyad ched du mi spang ngo // ma bcos ngang la rang bzhin 'gags med spyad// ces gsungs so// spros bral don gsal chen po rgyud las/ spyod pa bsdus nas bstan pa'i le'u ste re gsum pa'o// // gsang ba'i bdag pos yang zhus pa// kye kye bcom ldan rdo rje 'chang // spyi yi spyod pa de ltar na// rang gi mtshan nyid spyod pa gang // rdo rje 'chang gis gsung du gsol// zhes zhus so// rdo rje 'chang gis bka' stsal pa// spyi yi spyod pa gong bzhin te// gang zag nyams su len pa la// rang gi mtshan nyid spyod pa ni// dbang po yang rab gyur pa la// lta ba lhag gis rtogs pa yi// de yi ngang las mi 'bral bas// lta sgom spyod pa dus gcig rdzogs// 'bras bu gzhan nas mi 'tshol bas// dus de nyid du cig car rdzogs// 'bring dang tha ma'i spyod pa ni// dus bzhi dag gi spyod pa dang // dus gsum gcig pa'i spyod pa'o// dus bzhi dag gi spyod pa ni// nyal khar rtsal lnga gzhi la bsdu// dbang po rnam lnga gzhi yi rtsal// gzhi yi gsal cha ma 'gags pas// dbang po la brten phyi yul spyod// gzung 'dzin gnyis snang dug lnga bskyed// de dag gnyid du 'gro kha ru// gsal cha gzhi yi steng du 'dus// tha mal gti mug nyid du 'gro// gang

  153. 77a

    zag rtogs dang ldan pa la// rmi lam med par song gyur nas// shes bya bum par chud pa yin// ma bsgoms rmi lam 'byung gyur yang // med pa'i bar du bum 'jug go/ rmi lam dag dang sad dus su// rig pa rang gsal gdams ngag tu// rmi lam dran rtog byung ba 'am// sad pa'i dran rtog byung ba na// don dran 'dzin pa rang grol bas// snang ba rang snang rang sar dag/ 'dzin pa grol bas snang ba dag/ goms pa brtas na rmi lam chad// 'dzin pa grol ba'i spyod pa ni// mar me bzhin du rang gsal lo// langs dus yul lnga rgyas btab ste// mig yul gzugs la rna yul sgra// sna yul dri la lce yul ro// lus yul reg bya la sogs pa// yul ni rnam pa lnga yang snang // rang snang zhes su bstan pa yin// bskyod par byed pas 'gyu ba rlung gi rtsal// yul dang snang ba gzugs tsam yin// rang snang yul la 'dzin zhen med gyur na// phyi yi yul la rgya yis thebs pa yin// snang ba rgya yis btab ces bya// rtog pa skyes nas don dran pas// 'dzin med skye bas 'dzin pa grol// grol 'dzin yul la rtog mi 'jug/ nyams blangs goms na rtog pa yal// dus bzhir 'gyu ba med par ni// rang rig chos sku rang gsal te// dper na nyi ma'i snying po de// gsal dang mi gsal 'grogs nas yod// rig pa chos sku de bzhin pas// dus bzhi

  154. 77b

    'gyur med gdengs kyis bzung // zhes gsungs so// spros bral don gsal chen po'i rgyud las/ spyod pa rang gi mtshan nyid dus bzhi mnyam sbyor gyi man ngag bstan pa'i le'u ste re bzhi pa'o// // de nas yang gsang ba'i bdag pos zhus pa/ kye kye rdo rje 'chang chen po// dus bzhi'i spyod pa de ltar na// dus gsum spyod pa ji ltar lags// zhes zhus so// rdo rje 'chang gis bka' stsal pa// gang zag snod ldan don ched du// dus gsum spyod pa 'di ltar spyad// rang rig chos sku dus gsum du// nyi ma gsal dang mi 'bral bzhin// rang rig gsal dang mi 'bral te// ngo ma shes pa'i stobs dag gi/ bag chags ngan pas gsal sgrib 'byung // de phyir dus gsum spyod pa gces// rang rig rang gsal mnyam bzhag dus// de las yengs pa rjes thob dus// dug lnga langs pa rnam rtog dus// de gsum chos sku mi 'bral ba// spyod pa'i la zlo yin par bshad// mnyam gzhag chos sku gsal ba la// de las yengs pa byung dus su// yul ni gang byung rtsal snang de// 'dzin byed rtog pa rang grol bas// rang rig chos sku rang dran pas// ngar 'dzin pa yi rtog pa stong // de phyir snang ba rang snang la// 'dzin byed rtog par rang sar grol// rags pa dug lnga skyes pa'i tshe// zhe sdang dgrar snang rang snang la// 'dzin byed dgrar snang rang grol yin// rang rig

  155. 78a

    chos sku'i don rtogs pas// 'dzin rtog phra rag rang sar grol// dug lnga gzhan la'ang de bzhin sbyor// rang rig chos sku'i rtsal las byung // zhi yang chos sku'i ngang du zhi// dper na nam mkha'i rang bzhin la// sprin dang du ba khu rlangs 'byung // byung yang nam mkha'i ngang las byung // zhi yang nam mkha'i ngang du zhi// rang byung rang snang rang bzhin nam mkha'i dang // phyi yi yul nyid snang ba la// nang gi rig pa rtsal shar ba// 'dzin pa dag gis bzung gyur na// rnam par rtog pa zang thal yin// 'khor ba'i sems can rnams kyi las// yul la 'gyu ba'i shes pa ma 'gags te// 'dzin byed rtog pa rang grol ba// ye shes zang thal rtog pa'i las// rang gi shes pas spyad kyang ni// rang snang rang grol 'dzin pa med// yul sems cha mnyam 'phrad gyur na// 'dzin pa grol ba dus mnyam dag/ snang ba dus mnyam dag pa yin// zhes gsungs so// spros bral don gsal chen po'i rgyud las/ dus gsum mnyam sbyor gyi spyod pa'i le'u ste re lnga pa'o// // gsang ba'i bdag pos yang zhus pa/ kye kye bcom ldan rdo rje 'chang // lha sgom spyod pa'i gdeng med par// bdud kyi spyod yul ji ltar 'byung // de yi bzlog thabs ji ltar lags// de skad ces ni zhus pa yis// rdo rje 'chang gis bka' stsal pa// lha sgom spyod pa'i gdeng dang ldan gyur na// bdud

  156. 78b

    kyi spyod yul mi 'byung ste// ji srid gdeng dang ma ldan na// bdud kyi spyod yul bco brgyad byung // lta ba gol zhing gdeng med na// gzung 'dzin nyon mongs dug lnga 'byung // bsgom pa gdeng med gol gyur pas// bying dang rgod pa'i bdud gnyis byung // spyod pa gdeng med gol gyur pas// spyod pa dag la bdud bdun byung // lta sgom spyod pa'i gdeng med pas// nyams kyi bdud ni bzhi 'byung ste// de ltar don dang mi ldan pas// bdud kyi spyod yul 'byung bar 'gyur// rang 'byung ye shes rang la yod gyur kyang // rgyal bu dmangs su 'khyams pa bzhin// rang ngo rang gi ma shes pas// gdams ngag med de rtogs pa ma shar bas// lta ba gdengs su ma gyur pa// dug lnga yul snang shar ba'i tshe// de la 'dzin pa'i shes pa 'jug par 'gyur// sgo lnga dag la brten nas 'jug/ zhe sdang gzung yul dgrar snang tshe// 'dzin pa yid kyi rnam rtog ni// mig gi yul du gzugs snang bar// zhe sdang bar ni skye 'gyur ro// rna bar tshig rtsub byung ba dang // yid 'dzin zhe sdang lhag gi bskyed// rang snang 'dzin med mi bden bdud// rang gar bzung na bdud kyi las// khams gsum 'khor ba'i gnas su 'khyams// de bzhin nyon mongs gzhan la yang // gzung 'dzin gnyis kyis log par spyod// bdud las bzlog phyir nyon mongs grol ba ni// dgra nyid rig pa'i

  157. 79a

    rtsal snang ba// rang gi ngo bo stong gsal yang // stong gsal 'dzin pa ma grub pas// zhe sdang 'dzin pa rang sar grol// de bzhin nyon mongs gang la yang // rang snang rang grol dag yin te// rang gi yul la phar dpyad na// rang gi rtsal shar rang sar grol// yul nyid tshur la mngon shar na// de la shes pa phar 'jug pas// rang snang 'dzin med rang sar grol// yul sems dus mnyam 'phrad gyur na// rang gsal yul gsal 'dzin med grol// chos sku rang gsal chen po las// dus gsum 'gyur ba med pa'o// rnam rtog 'gyu ba glo bur yin// yul la 'dzin pa gnyis ka ni// 'khrul rtsal yin pas glo bur yin// de ltar shes pas lta bdud chom// bdud chom sangs rgyas da lta nyid// lta ba gdeng dang ldan gyur na// sgom spyod nyams kyi bdud kyang chom// sgom pa'i bdud ni gnyis yin te// bying dang rgod pa rnam gnyis so// bying rgod bdud ni gang byung yang // bying rgod rang sar rang grol lo// ji ltar bying rgod byung gyur kyang // chos sku 'gyur med gdeng gis bzung // spyod pa man ngag ji bzhin no// rang byung rang snang rang gsal te// rang rig 'gyur med rtsal snang ste// nyi ma'i 'od bzhin gsal zhing 'bral ba med// rnam par rtog pa glo bur tsam// de ltar rtogs pa'i gang zag gis// bying rgod bdud las grol bar 'gyur// spyod

  158. 79b

    pa'i don las gol gyur pas// spyod pa'i bdud ni bdun du byung // 'du 'dzi longs spyod g.yeng ba'i bdud// shes bya yon tan g.yeng ba'i bdud// longs spyod bdud la rnam pa gnyis// 'dod pa'i longs spyod 'grub tu re ba dang // mi 'dod dgra ltar dgag pa'o// shes bya yon tan la yang gnyis su bstan// 'grub tu re dang ma 'grub dogs pa'o// gang la spyod pa gang la skye gyur yang // 'grub pa med de bdud du 'gyur// phyi ru tshul 'chos bdud dang ni// nang na nyon mongs rang gis spyod bdud drug/ bye brag yin te de las dbye na bsam mi 'khyab/ gang la ched du 'dzin pa de// bdud rnams kun gyi spyi yin te// ched 'dzin med na bdud mi 'byung // spyod pa'i bdud bdun gang la yang // rang las byung zhing rang las snang // de dag rang sar grol ba yis// gong gi lta sgom spyod skabs bzhin// gong gi gdeng bcas dus bzhin du// lta bar rang byung rang snang gdeng ldan pas// spyod pa'i bdud kyis mi tshugs te// mdor na bdud rnams gang byung yang // rang byung rang snang rang sar grol// de ltar rtogs na bdud dang bral// nyams kyi bdud bzhi bstan pa ni// lus ngag yid las byung ba dang // byin gyi rlob pa lung ston 'byung // dang po lus kyi bdud bstan pa// de bzhin gang yang yid la yang // mtshan ma rtags su 'byung ba ni// de la yang

  159. 80a

    dag 'dzin pa yin// de bzhin ngag dang yid la yang // mtshan rtags dam par blta ba ni// de nyid ngag dang yid kyi bdud// lus la bde ba la sogs 'byung // ngag la bde thob chos smra la sogs 'byung // sems la mngon shes la sogs 'byung // phyi ru byin rlabs lung bstan 'byung // de ltar dam par dgongs spyod du// bzung na nyams kyi bdud du 'gyur// de dag bdud las 'grol ba ni// de bzhin lta sgom spyod pa la// gdeng gis zin pa ji bzhin du// nyams bdun bzhi sogs ngos zin na// nyams la bden par 'dzin pa de// rang snang rang grol dag tu 'gyur// ched 'dzin rang sar grol gyur bas// nyams kyi rim pa ci byung yang // de ltar lta sgom spyod pa'i rtags// rang byung ye shes rang chas las// mtshan rtags ched du mi bsgrub ste// shugs las 'byung ba mi dgag go/ dper na rin chen dgos 'dod 'dra// zhes gsungs so// spros bral don gsal chen po'i rgyud las/ bdud kyi spyod yul bco brgyad bstan pa'i le'u ste re drug pa'o// // kye kye bcom ldan rdo rje 'chang // bdud kyi spyod yul grol gyur nas// the tsom gegs rnams sel gyur na// nyams kyi rim pa ji ltar 'char// rdo rje 'chang gis gsung du gsol// de skad ces ni zhus pa las// rdo rje 'chang gis bka' stsal pa// nyon cig gsang ba'i bdag po khyod// gang

  160. 80b

    zag phyi ma lta sgom dang // spyod pa dag la gnas pa la// nyams kyi rim pa 'byung ba ni// dbang po rab 'bring tha gsum las// rab ni rtogs pas grol ba ste// bdud dang the tsom gegs rnams sel// sgom spyod gnyis la sbyang mi dgos// rtogs grol sangs rgyas da lta nyid// nyams kyi rim pa brtsi ru med// tha mal lus dang ma bral kyang // dgongs pa sangs rgyas thugs ltar gnas// rang rig chos sku gsal stong 'phyo// thig le nyag gcig spros dang bral// ngo bo 'gyur ba med pa la// rtsal mi 'gag ste sgo lngar shar// de phyir rtsal ni zang thal 'dzin pa med// sku gsum 'gyur ba med par gnas// gang zag 'bring dang tha ma la// bdud dang the tsom gegs 'byung srid// de la gol sa gong ltar chod// gol sa chod pas nyams rtogs 'byung // bdud med nyams ni myur du 'byung // drod dang rtags dang nyams dang gsum// drod ni rang la gsal ba yin// rtags ni gzhan la gsal bar 'byung // gnyis ka la ni nyams su rtogs// de dag rnams kyi rim pa ni// lus ngag yid la 'byung bar 'gyur// 'og ma rnams dang cha bstun pa// g.yo thob goms brtan mthar phyin pa'o// de yang rtogs dang dag pa dang // dag pa chen po gsum du 'dus// dang po g.yo ba'i nyams bstan pa// ngo spyod gdams ngag zhu dus su// rang ngo 'phrod pas rtog pa

  161. 81a

    g.yos// rtogs pa lhag gis skye bar 'gyur// lus kyang bde ba de la 'byung // ngag kyang 'khrul gtam shas chung ngo // de nas thob pa'i rtags bstan pa// lta ba gdeng du gyur pa de// thob pa'i nyams ni yin par bstan// de phyir lta ba gdeng zin thob// lta ba gdeng gis zin pa ni// rang rig chos sku rtogs pa ste// rang byung ye shes yin pa'i phyir// dus gsum 'gyur ba med par go// 'gyus pa rang sar grol bas na// 'gyu ba ye shes zang thal yin// 'gyu ba'i srog ni chod pa'o// yid ni ched 'dzin bral bas sems bde ste// ngag kyang 'khrul pa'i gtam rnams 'gags// goms pa'i nyams ni 'di ltar 'byung // gong gi don dang ma bral ba// dus gsum rgyun du lam 'khyer bas// goms pa'i nyams su bstan pa yin// spyod pa'i man ngag ces pa ste// dus bzhi'am dus gsum gong ltar ro// de dag shin tu goms gyur na// yengs dang ma yengs med pa yin// mnyam bzhag rjes thob gnyis dang bral// yengs dang ma yengs gnyis ka med// rang rig chos sku'i ngo bo la// sku gsum ye shes lhun grub ste// rang yin dus gsum 'bral ba med// 'khrul pa'i snang ba 'byung gyur yang // 'dzin pa'i blo dang bral bas na// yul rkyen ci byung rang sar grol// rig pa de ltar shar ba'i tshe// lus sems 'khrul pa'i dbang mi

  162. 81b

    'gyur// rig pa mngon shes phra mo 'byung // ngag kyang bden pa thob par 'gyur// lus la na tsha sdug bsngal bral// dgra bgegs phyi nang srin 'bu rnams// de yi gnod pas tshugs mi 'gyur// ngag gis ma bslabs chos rnams smra// mkha' 'gro bde gshegs lung ston 'gyur// dgra bgegs gnyis la bden pa 'jug/ goms pa brtan pa'i nyams yin no// goms pa'i gzhug la brtan pa 'byung // goms pa shin tu gsal bar 'byung ba'o// de la dag pa'i snang ba shar// phyi yi 'khrul snang 'di dag ldog/ dag pa'i snang ba 'od snang 'char// lus dag pa ni 'od kyi lus// rig pa chos sku 'gyur mi srid// rnam par rtog pa rtsad nas chod// bdag tu 'dzin pa gzhi nas grol// mngon par shes pa lnga ga 'char// tha mal lus dang bral dus su// nad gcod skye shi'i sdug bsngal med// lus dang bral nas rin chen sbubs// longs sku'i snang ba 'char bar 'gyur// de dag gong 'og gzhan na gsal// mthar phyin nyams ni longs sku'i dus// yon tan brjod kyis mi langs so// bde ba dus gsum zad mi srid// nyams lnga lam lngar sbyar ba ni// tshogs lam sbyor lam dus na g.yo nyams 'byung // mthong ba'i lam la thob pa'o// bsgom pa'i lam dang goms nyams gcig/ brtan dang mthar phyin nyams gnyis kyang // mi slob lam dang ngo bo

  163. 82a

    gcig/ nyams dang lam du sbyor ba'o// rtogs pa don gyi ngo bo la// rang rig chos sku 'gyur ba med// de la rtags mtshan blo snang yin// 'bring dang tha ma'i blo dag la// rnam rtog dag gis bsgribs pa ste// rtog pa gsal zhing 'khrul pa 'gags// de la nyams kyi snang ba 'byung // zhes gsungs so// spros bral don gsal chen po'i rgyud las/ nyams bstan pa'i le'u ste re bdun pa'o// // de nas gsang ba'i bdag pos zhus pa// kye kye bcom ldan rdo rje 'chang chen po// dang po gzhi yi gnas lugs nas// 'bras bu'i don la thug gi bar// the tshom gegs rnams ji ltar sel// sel ba'i yon tan ji ltar lags// rdo rje 'chang gis gsung du gsol// de skad ces ni zhus pa las// rdo rje 'chang gis bka' stsal pa// gsang ba'i bdag po nga la nyon// gzhi nas 'bras bur thug par la// gegs bdun drag gis sel 'gyur te// gzhi yi gegs dang 'khrul pa'i gegs// lha sgom spyod pa nyams kyi gegs// 'bras bu'i gegs dang bdun gyis bstan// kye kye rdo rje 'chang chen po// gegs bdun rgyas par gsung du gsol// zhus pa'i don gsan bka' stsal pa// dang po gzhi yi gegs bstan pa// sangs rgyas sems can gnyis med de// dngos po'i don gyi gnas lugs de// ka dag yin nam lhun grub yin// sangs rgyas yin nam sems

  164. 82b

    can yin// sangs rgyas yin na 'khrul mi srid// ji srid sems can yin gyur na// nges pa yin nam ma nges yin// ji srid nges pa yin gyur na// spros bcas yin nam spros med yin// mtha' can yin nam mtha' bral yin// gzhi yi ngo bo lhun grub der// 'khor 'das thams cad lhun gyis grub// ngo bo nges pa chen po la// rtsal ni ma nges sna tshogs snang // mtshon tshul gang du shan ma phyed// gzhi yi the tshom de ltar chod// 'khrul pa'i gegs ni 'di ltar bsal// med la yod 'dzin 'khrul pa la// phyin ci log tu rtags pa yin// yang dag rtogs na 'khrul pa dag/ de yis 'khrul pa'i the tshom mchod// lta ba'i gegs ni gang sel na// rang byung chen po yin pas na// glo bur skyon gyis gos pa med// ngo bo 'gyur med gsal stong la// rtsal ni sna tshogs 'dzin med 'char// gang gi mtha' ru mi 'gyur bas// mtha' yi skyon gyis 'jigs med pas// lta ba'i the tshom de yis chod// gol sa gcod pa'i skabs na gsal// bsgom pa'i gegs ni gang sel na// bsgom du yod na 'og mar 'gyur// med na rtogs med sangs rgyas 'gyur// yang na so so skye bopor 'gyur// rang byung ye shes rang gnas pa'i// ngo spyod rang ngo shes tsam na// rang gis rang nyid gsal ba las// blo yis bsdu zhing bsgom du med// dbang po 'bring la dran pa tsam// chos sku gsal na dran pa

  165. 83a

    stong // ma bsgoms rgun du 'bral ma myong // bsgom dang ma bsgoms don la med// bsgom pa'i the tshom de yi chod// spyod pa'i gegs rnams gang sel ba// spyad pas grol lam ma spyad grol// ma sprad grol ba'i sgra mi 'jug/ sprad na ched sprad dag tu 'gyur// rig pa dang ni snang ba gnyis// rtsal mi 'gag pa'i stobs kyis ni// de gnyis phan tshun rol pa las// ched du spyad pas sprad rgyu med// 'o bo spros dang bral ba la// rtsal ni mi 'gag sna tshogs 'char// de yang yul la brten nas 'char// rang shar rang grol spyod pa ste// yul rkyen sna tshogs shar gyur kyang // 'dzin med rang sar grol ba yis// spyad rgyu med de shugs 'byung tsam// spyad med don dang mi 'bral tsam// ma 'gags zhen med spyod pa'i mchog/ spyod pa'i the tshom de yis chod// nyams kyi gegs ni gang sel na// rang byung chos sku 'gyur med ni// nyams myong mtha' las 'das pa ste// re zhig gang zag ma goms pas// bden pa gsal ni 'debs pa la// chos sku gsal zhing rtag pa 'grib// de yi nyams myong shugs las 'char// nyams la ched 'dzin 'dod pa med// sprin dengs nyi ma gsal ba 'dra// nyams kyi the tshom de yis chod// 'bras bu'i gegs ni gang sel na// 'bras bu rang byung chos sku de// gdod nas yod na btsal ma dgos// glo bur 'dus

  166. 83b

    byas 'jig par 'gyur// gdod nas rang byung chos sku de// rang ngo ma shes rtog pas bsgribs// de nyid ngo shes rtogs tsam na// dang po rang byung rang ngo 'phrod// rtogs pa grol nas mngon du 'gyur// rgyal bu dmangs 'khyams rgyal sar bton// rang sa zin pa ji bzhin no// 'bras bu'i the tshom de yis chod// rang byung rig pa chos sku de// gang gi ngo bor ma grub pas// mtshan ma 'dus byas the tshom chod// gsal la mi 'gag 'char ba yis// stong pa zhi gnas the tshom chod// rtsal ni 'od du snang ba yis// rig pa rkyang pa'i the tshom chod// gsal ba sna tshogs 'char ba yis// mi rtog ltengs po'i the tshom chod// gang la 'dzin pa med gyur pas// ma tshor yid la byed pa bral// zhes gsungs so// spros bral don gsal chen po'i rgyud las/ the tshom dang gegs bsal ba'i le'u ste re brgyad pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // de yis 'bras bu ji ltar lags// zhes zhus so// ston pas bka' stsal pa// rdo rje 'dzin pa legs zung zhig/ 'bras bu lta ba mngon gyur te// de yi gnas lugs bstan pa ni// chos nyid phyi nang med par gsal// rig pa phyi nang med par khyab// gnyis med chos sku rdo rje'i lus// rang gsal 'dzin med ngang du gnas// de las mkhyen pa ma 'gags pas// rang rig ye shes

  167. 84a

    longs spyod rdzogs pa'i sku// yul gyi rang bzhin ye shes spyan gyi bum pa lnga// snang la dngos med nam mkha'i 'ja' tshon bzhin// de yi ngang na sprul pa'i sku lnga gsal// gsal la mi rtog bum pa'i mar me bzhin// sku gsum nang gsal 'du 'bral med par gnas// rig pa rang snang gsal ba zang thal bas// sku gnyis yul du mi snang zhing // yon tan ma 'gags 'du 'bral med// sku gnyis ma 'gags yod pas med pa ste// chos sku mi 'gyur med pas yod pa ni// mkhar gzhong bcud dang me long gzugs brnyan bzhin// snang la rang bzhin med pas mtshan ma'i skyon dang bral// mi snang rang bzhin yod pas chad lta stong pa'i skyon las 'das// mtha' bzhi las grol 'khor ba rgya yis thebs// don la 'gyur med rig pa rang sa zin// zhes gsungs so// spros bral don gsal chen po'i rgyud las/ 'bras bu ji ltar 'byung ba bstan pa'i le'u ste re dgu pa'o// // de nas yang gsang ba'i bdag pos zhus pa/ theg pa'i ngo bo nges tshig dang // dbye ba dpe rnams gsung du gsol// zhes zhus so// ston pas bka' stsal pa/ rdo rje 'dzin pa legs zung zhig/ theg pa'i ngo bo shes rab snying rje yin// de gnyis che chung theg pa che chung snang // theg pa'i nges tshig 'degs dang bskyod pa yin// dbye na mang yang bsdu na gnyis las med// rgyu rkyen lam khyer

  168. 84b

    mtshan nyid theg pa dang // 'bras bu lam khyer gsang sngags theg pa gnyis// rgyal ba gru gzings mtshan nyid theg pa'i dpe// zam pa sa gzhi gsang sngags theg pa'i dpe// zhes gsungs so// spros bral don gsal chen po'i rgyud las/ theg pa'i don bshad bsdus te bstan pa'i le'u ste bdun bcu pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // theg pa so so'i lta bsgom dang // spyod pa 'bras bu'i don gsungs pa// de yi ngo bo nges tshig dang // dbye ba mthun dpe gsung du gsol// zhes zhus so// ston pas bka' stsal pa/ lta ba'i ngo bo so so'i dbye ba las bshad par bya'o// nges pa'i don lta ba rang rig ye shes kyi ngo bo ni/ phyogs lhung med pa'i shes rab po// nges tshig ni yang dag pa'i shes bya grub mtha'i mthar gyur pas na lta ba'o// dbye na gnyis so// yang dag pa'i lta ba dang / yang dag pa'i lta ba ma yin pa'o// yang dag pa'i lta ba ni a ti yo ga'o// yang dag pa'i lta ba ma yin pa ni a nu man chod do// lta ba'i dpe ni gnyis te/ yang dag pa'i dpe ni man shel dang snang ba lta bu'o// yang dag pa ma yin pa'i dpe brgyad do// rigs kyi bu legs par zung zhig/ nyan thos rang rgyal chu rgyun ne seng bzhin/ byang chub sems dpa'i dpe ni nam mkha' sgyu ma skra shad dang // chu zla la sogs med bzhin snang // kri

  169. 85a

    ya rje dang 'bangs lta bu'o// yo ga spun dang grogs po'i dpe// ma hA yo ga rgyal po mnga' dar bzhin// a nu yo ga pho mo snyoms 'jug bzhin// a ti yo ga khyung chen mkha' la lding ba bzhin// zhes gsungs so// yang zhus pa/ kye kye bcom ldan rdo rje 'chang // des mtshon pa'i tshig rnams gsung du gsol// zhes zhus so// ston pas bka' stsal pa// ngas bstan rgyud lung thams cad du// lta ba zhes pa'i tshig rnams dang // grub mtha' zhes pa'i tshig rnams dang // yang dag zhes pa'i tshig rnams dang // mthar zug pa dang mthar phyin dang // 'bras bu zhes pa gang byung yang // de mtshon tshig tu bsdus pa yin// so so'i gnas skabs shes par bya// kye sems pa chen po/ gzung 'dzin gnyis su 'dod pa nyan thos lta bar bshad/ 'dzin pa yod pas gzung du med do zer na rang rgyal lta bar bshad/ sems dang sems kyi rnam par smra ba dang / don dam dang kun rdzob tu smran/ byang chub sems dpa'i lta bar bshad/ don dam thams cad mthun pa la/ rigs gsum 'dod pa kri ya'i lta bar bshad/ cha gnyis 'dod pa u pa ya yi lta bar bshad/ sems dpa' rtsa bdun 'dod pa'i tshig byung na/ rnal 'byor yo ga'i lta bar bshad/ bzhi bcu rtsa gnyis lnga bcu rtsa brgyad sogs ma hA yo ga'i blta bar bshad/ ma bskyed rdzogs pa'i tshigs tshogs

  170. 85b

    dang // dbyings dang ye shes tshig byung na// a nu yo ga'i lta ba yin// bya rtsol 'das pa'i tshigs tshogs dang // rang byung ye shes tshig rnams dang // lhun grub ye sangs rgyas la sogs// 'di rnams rdzogs chen lta/ bar bshad// zur tsam mdor bsdus bstan pa yin// zhes gsungs so// spros bral don gsal chen po'i rgyud las/ lta ba'i don bshad pa dang mtshon pa'i tshigs bstan pa'i le'u ste don gcig pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // dgongs pa bsgom pa rnam phye ba// de yi don bshad gsung du gsol// zhes zhus so// ston pas bka' stsal pa/ rdo rje 'dzin pa legs par zung zhig/ ngo bo nges tshig dbye ba dang // mthun dpe brjod pa'i tshig tu bstan// ngo bo gcig tu gnas pa yin// bsgom pa'i nges tshig rnam pa bzhi// don la dmigs pa'i bsgom pa yin// ma yengs pas na bsgom pa yin// mi 'bral bas na bsgom pa yin// goms shing 'dris dang mi 'phro ba'o// dbye ba rnam pa gnyis su bstan// mtshan bcas mtshan med gnyis yin no// mtshan med la'ang gnyis yin te// rtsol bral chen po'i bsgom thabs dang // rtsol ba bral ba'i bsgom pa'o// mtshan bcas la'ang de bzhin no// mdor na bskyed rdzogs rnam gnyis te// bsgom pa mtshon pa'i dpe bzhi ste// mar khu

  171. 86a

    sdong bu gnas pa dang // chu dang 'o ma 'dres pa dang // nor bu chu dngas lta bu dang // bum pa'i mar me lta bu'o// kye gsang ba'i bdag po nges par zung zhig/ dgongs pa zhes pa gang byung yang // bsgom pa bsam gtan ting 'dzin dang // ma yengs ma 'phros 'du 'bral med// gnas dang goms dang 'dris pa dang // de rnams gang byung 'bod skad sdebs la bshad// ces gsungs so// spros bral don gsal chen po'i rgyud las/ bsgom pa'i don bshad pa mtshon pa'i tshig dang bcas pa'i le'u ste don gnyis pa'o// // de nas yang gsang ba'i bdag pos zhus pa// kye kye bcom ldan rdo rje 'chang // bsgom med don bshad gsung du gsol// zhes zhus so// ston pas bka' stsal pa/ lag na rdo rje nges zung zhig/ bsgom med ngo bo nges tshig dang // dbye ba mthun dpe brjod tshig bshad// ngo bo rang rig rgyun chad med pa yin// yid la mi byed de yi phyir na bsgom du med pa'i tshig/ ngang gnas mi phyed phyir dang bya mi dgos pa'o// bsgom med dbye ba rnam pa gnyis// mtshan bcas bsgom du med pa dang // mtshan med bsgom du med pa'o// re re la'ang rnam pa gnyis// gzhi la bsgom du med pa dang // rtogs pas bsgom du med pa'o// ma bsgoms rgyun chad med pa'i dpe// chu bo lta bur bstan pa yin// ma bsgoms don dang mi bral

  172. 86b

    bas// sbyor sbyin sbrang ma'i 'dab ma bzhin// ma bsgoms ngang gis gsal ba ni// gsal gdangs nyi ma'i snying po 'dra// kye gsang ba'i bdag po nges zung zhig/ ngas bstan rgyud lung thams cad nas// bsgom med zhes pa'i tshig rnams dang // gnas mi dgos pa'i tshig rnams dang // bsgrub tu med pa'i tshig rnams dang // 'du 'bral med pa'i tshig rnams dang // rang dngas rang bzhin bdag nyid chen po dang // ye nas 'du 'bral med pa dang // bya rtsol rnams las 'das pa dang // lam la bgrod du med pa dang // rtogs pa mngon gyur sangs rgyas dang // rang byung ye shes chen po dang // lhun grub ye sangs rgyas pa dang // yid la bya rgyu med pa dang // dmigs pa'i yul las bral ba dang // bsgom med blo bzhag ces pa dang / bsgom du med pa'i tshig thams cad ni/ 'bod skad kyis bsdebs langs 'dir bstan pa bzhin du shes par gyis shig/ ces gsungs so// spros bral don gsal chen po'i rgyud las/ bsgom med don bshad brjod pa'i tshig dang bcas pa bstan pa'i le'u ste don gsum pa'o// // de nas yang gsang bdag pos zhus pa/ kye kye bcom ldan thabs la mkhas// spyod pa'i don bshad gsung du gsol// zhes zhus so// ston pas bka' stsal pa/ gsang ba'i bdag po legs par zung zhig spyod pa'i ngo bo nges tshig

  173. 87a

    dang // dbye ba mthun dpe brjod tshig dang // bsdus te brjod pa'i don bshad pa/ spyod pa'i ngo bo ni/ spyod pa ma 'gags par don la sbyor ba'o// spyod pa'i nges tshig ni don so so dang mthun par 'jug cing longs spyod pas na'o// dbye na rnam pa gnyis yin te/ blang dor yod ces spyod pa dang // blang dor med ces spyod pa'o// dpe ni sna tshogs sgyu ma'i gar mkhan lta bu dang // gang ltar yang ba de don la sbyor shes pa'i dpe// bzo bo mkhas pa'i skyes bu lag gi 'du byed mkhan lta bu'o// kye gsang ba'i bdag po/ ngas bstan rgyud lung thams cad nas// spyod pa dang ni phrin las dang // bya ba byed pa'i tshig rnams dang // rnal 'byor rab 'bring tha ma dang // gzhi lam 'bras bu'i spyod pa rnams// gang byung yang ngas bstan pa bzhin du spyod// ces gsungs so// spros bral don gsal chen po'i rgyud las/ spyod pa bsdus nas bstan pa'i le'u ste don bzhi pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // 'bras bu'i don bshad gsung du gsol/ zhes zhus so// ston pas bka' stsal pa// kye rdo rje 'dzin pa legs par zung zhig/ 'bras bu'i ngo bo nges tshig dang // dbye ba mthun dpe brjod tshig rnams// bsdus pa nga yis nges par bshad// 'bras bu'i ngo bo ni/ so so'i lta ba yongs su rdzogs pa'o// nges

  174. 87b

    tshig ni/ grol smin rdzogs mthar phyin phyir mi ldog pa'o// dbye na zag bcas zag pa med pa'o// rim bzhin gcig char rdzogs pa'i dpe// shing rtog lo rtog smin pa'am// u dum wa ra'i 'bras bu bzhin// kye gsang bdag nges par zung zhig/ ngas bstan rgyud lung thams cad du// so so'i 'bras bu gar byung yang // 'di bstan bzhin du shes par bya// 'bras bu mtshon pa'i tshigs tshogs ni// mthar phyin pa dang rdzogs pa dang // smin pa dang ni grub pa dang // grol dang phyir mi ldog la sogs// dang po dgra bcom zhes pa nas// tha ma rang sa zin pa dag/ ngas bstan bzhin du shes par gyis// zhes gsungs so// spros bral don gsal chen po'i rgyud las/ 'bras bu'i don bshad pa'i le'u ste don lnga pa'o// // kye kye bcom ldan rdo rje 'chang // lha sgom spyod pa yongs rdzogs pa'i// theg pa dgu yi ming gi nges tshig gsung du gsol// zhes zhus so// ston pas bka' stsal pa// so so'i nges tshig ni// ngas bstan khyod kyis yid la zung // ston pas gsung pa'i don tshig rnams// rna ba'i dbang pos nyan zhing yid kyi dbang pos thos// rang rig khong nas mi 'char ba// ston pa'i gsungs la rag lus pa// de don gzhan la sgrog byed pa// nyan thos ming gi nges tshig yin// ston pa gzhan la mi ltos par// goms pa'i mthu yis bsgrubs pas rang

  175. 88a

    sangs rgyas// rang rgyal ming gi nges tshig yin// spang dang ye shes thugs rje dang // phrin las phun sum tshogs ldan pas// byang chub sems dpa'i ming gi nges tshig yin// khrus dang gtsang sbra gza' dang rgyu skar gtsor bton pa// kri ya'i ming gi nges tshig yin// spyod pa mas 'dzegs lta ba yas 'bub pas// u pa ya yi ming gi nges tshig yin// rigs bzhi'i sangs rgyas don gyi rnal ma la// rang gi lus ngag yid gsum sbyor zhing gzhan don byed// yo ga'i ming gi nges tshig yin// ting 'dzin rnam gsum thabs dang shes rab gtsor bton pas// don la 'jug phyir ma hA yo ga'i ming gi nges tshig yin// ma bskyed rdzogs dang de yi don la 'jug pa'i phyir// rdzogs pa a nu'i ming gi nges tshig yin// snang zhing srid pa'i chos rnams kun// chos sku ye nas rdzogs sangs rgyas// gnyis med tshul gyi 'jug pa ni// rnal 'byor rdzogs chen ming gi nges tshig yin// zhes gsungs so// spros bral don gsal chen po'i rgyud las/ theg pa so so'i nges tshig dang / gtan tshigs bstan pa'i le'u ste don drug pa'o// // de nas yang gsang paba'i bdag pos zhus pa/ kye kye bcom ldan rdo rje 'chang // theg pa dgu yi khyad par ji ltar lags// zhes zhus so// ston pas bka' stsal pa/ rdo rje 'dzin pa legs zung zhig/ ma rtogs log rtogs gnyis las

  176. 88b

    nyan thos 'phags// de yang ci ltar 'phags zhe na// gang zag bdag med rtogs pas lta ba 'phags// dge bcu rang gis don du spyod pas spyod pa 'phags// bden pa bzhi yi sgo nas bsgrub pas sgrub pa 'phags// dgra bcom la sogs zung bzhi ya brgyad thob pas 'bras bu 'phags// nyan thos dag las rang rgyal 'phags pa yang // gzugs phung chos khams phyogs gcig la// bdag med rtogs pa'i lta ba 'phags// dge bcu'i steng du rdzu 'phrul ya ma zung 'ga' yis// 'gro don mdzad shas tsam pas spyod pa 'phags// dge ba'i bshes gnyen mi bsten par// goms pa'i shugs kyis bsgrub pas sgrub pa 'phags// ne tso bse ru lta bu'i 'bras bu khyad par 'phags// rang rgyal dag las byang sems 'phags pa yang // bdag med rnam gnyis rtogs pas lta ba 'phags// tshad med bsdu ba rnam bzhis don mdzad spyod pa 'phags// pha rol phyin bcu bsgrub pas bsgrub pa 'phags// kun tu 'od kyi sa non 'bras bu 'phags// byang sems dag las kri ya 'phags pa ste// don dam skye ba med par rab rtogs te/ kun rdzob bdag dang ye shes lha// rje 'bangs lta bur blta bas lta ba 'phags// dag pa rnam gsum spyod pas spyod pa 'phags// goms dang bsgyur dang byin rlabs sgo nas bsgrub pas sgrub pa 'phags// rigs gsum 'bras

  177. 89a

    bu thob pas 'bras bu 'phags// kri ya dag las u pa ya 'phags te// lha dang dpon g.yog blta bas lta ba 'phags// mtshan ma yod med bsgoms nas 'gro don mdzad pas spyod pa 'phags// de kho na nyid bzhi yi sgo nas bsgrub pas sgrub pa 'phags// rigs bzhi'i 'bras bu thob pas 'bras bu khyad par 'phags// u pa ya las yo ga 'phags pa yang // kun rdzob lha dang grogs por blta bas lta ba 'phags// phrin las rnam bzhi spyod pas spyod pa 'phags// phyag rgya rnam bzhi bsgrub pas sgrub pa 'phags// rigs lnga'i sangs rgyas nyid du bsgrub pas 'bras bu 'phags// yo ga dag las ma hA bzhis 'phags te// rang lus rgyal ba'i dkyil 'khor blta bas lta ba 'phags// sbyor sgrol gnyis kyis 'gro don mdzad pas spyod pa 'phags// thabs dang shes rab gnyis kyi sgo nas bsgrub pas sgrub pa 'phags// kun tu 'od kyis non 'bras bu 'phags// ma hA dag las a nu bzhis 'phags te// dbyings dang ye shes gnyis med rtogs pas lta ba 'phags// dbyings kyi longs spyod ye shes dag las spyod pa dang // ye shes longs spyod dbyings la spyod pas spyod pa 'phags// phung po lnga dang 'byung lnga rigs lnga yab yum bsgrub pas sgrub pa 'phags// ma chags pad+ma can gyi sa thob 'bras bu 'phags// a nu dag las a ti bzhis

  178. 89b

    'phags te// snang srid thams cad chos sku'i sangs rgyas blta bas lta ba 'phags// chos sku'i byin brlabs sgo nas 'gro don mdzad pas spyod pa 'phags// bya rtsol med par bsgrub pas sgrub pa 'phags// bcu gsum 'khor lo tshogs chen yan chad nas// nyi shu rtsa gcig man chad sa non 'bras bu 'phags// kye rigs kyi bu/ ngas bstan rgyud lung thams cad du// 'phags pa 'phags chen a nu dang // gong 'og shan dbye gang byung ba// 'dir bshad bzhin du shes par gyis// zhes gsungs so// spyod bral don gsal chen po'i rgyud las/ theg pa brgyad kyi 'phags lugs bsdus nas bstan pa'i le'u ste don bdun pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // 'phags pa'i don bshad gsung du gsol// zhes zhus so// ston pas bka' stsal pa/ ngas bshad khyod kyis legs par zung // 'phags pa'i ngo bo nges tshig dang // dbye ba zhes bya 'phags pa'i dpe// rnam pa bzhi ru bsdus la bshad// 'phags pa dag gi ngo bo ni// khyad par don chen mchog gyur pa'o// 'phags pa dag gi nges tshig ni// mi gnas ring por gang gyur phyir// nges tshig gtan tshigs bcas pa yin// dbye ba rnam pa gnyis yin te// gnas skabs 'gyur bas 'phags pa dang // 'gyur med mthar thug 'phags pa'o// re re

  179. 90a

    la'ang bzhi bzhi ste// lha spyod sgrub dang 'bras bu'o// dpe ni mchod rten khri 'phang bzhin// a ti ma 'dres yongs su rdzogs// gnyis med chos sku dbyer med shes rab la// bzang ngan che chung mtho dman mi gnas kyang // blo dang sbyar nas drang ba'i thabs su bstan// zhes gsungs so// spros bral don gsal chen po'i rgyud las/ 'phags pa'i don bshad pa'i le'u ste don brgyad pa'o// // de nas yang gsang ba'i bdag pos zhus pa// kye kye bcom ldan rdo rje 'chang // spros bral 'phags pa che ba ste// che ba'i bye brag gsung du gsol// zhes zhus so// ston pas bka' stsal pa// rdo rje 'dzin pa nges zung zhig/ gnas skabs 'gyur ba'i che ba rnams// theg pa so so'i che ba yin// mthar thug chen po rnam pa lnga// ye nas 'du 'bral med pa ni// phun sum tshogs pa rnam pa lngas// mngon par sangs rgyas che ba dang // bzhugs gnas dbyings kyi mtshan nyid lngas// chos dbyings sangs rgyas che ba dang // bdag nyid chen po rang la rdzogs pa yis// bdag nyid sangs rgyas che ba dang // gtan la 'bebs pa'i thabs chen lngas// de nyid sangs rgyas yin pas che ba dang // dri med rnam pa lnga yis 'phags pas che ba dang // thams cad sangs rgyas pas ni che ba rnam lnga yin// zhes gsungs so// yang gsang ba'i bdag pos zhus pa// kye

  180. 90b

    kye bcom ldan rdo rje 'chang // mngon par sangs rgyas che ba ji ltar lags// zhus pas// ston pas bka' stsal pa// bdag med sku ni ston pa che// rang rig ye shes bstan pa che// ma bris dkyil 'khor gnas su che// srog med sku lnga 'khor du che// ye nas lhun grub dus su che// zhes gsungs so// lag na rdo rje zhus pa/ chos dbyings sangs rgyas che ba ji ltar lags// zhes zhus so// yang ston pas bka' stsal pa// chos sku'i dkyil 'khor bzhugs pa'i gdan// rnam dag dbyings kyi thig le la// gcig la mtshan nyid lnga dang ldan// 'gyur ba med pa rdo rje dbyings// yon tan sdud pa rin chen dbyings// dri ma med pa pad+ma'i dbyings// thog med bstan pas las kyi dbyings// ma bsgribs gsal khyab nam mkha'i dbyings// rang rig ye shes gdangs shar bas// ye shes dbang gi bum pa lnga// skye med klong nas 'gag pa med// de yis dngal 'du 'bral med// sa chu me rlung nam mkha' lnga// de yi stsal du snang ba ste// chos nyid lnga ru ye sangs rgyas// ye shes lnga dang sku gsum gyi// bzhugs pa'i gnas te kun las khyad par 'phags// sa chu me rlung rnam par dag pas che// zhes gsungs so// lag na rdo rje yang zhus pa// bdag nyid sangs rgyas che ba ji ltar lags// zhes zhus so// ston pas bka' stsal pa/ sbrul sku'i snod gyur 'byung ba lnga// rang las byung

  181. 91a

    ba'i chos nyid pas// las la ma rmongs thabs kyis zhi// gzung 'dzin mi gnas rnam par dag/ bdag nyid ngang du mngon sangs rgyas pas che// phung po lnga rnams snang ba yang // rigs lnga'i sangs rgyas rnams kyi sku// sku lnga rin chen 'od du 'bar// ma btsal rang la ye nas lhun gyis grub// ye shes rang snang yin pas che// rnam shes brgyad du blta ba snang ba yang // sems dpa' brgyad du rang la rdzogs// gzhan ma yin par rang snang yin pas che// rnam par shes pa'i yul brgyad kyang // rang la snang ba'i sems ma brgyad// ma btsal rang la lhun gyis grub// ye shes rang snang yin pas bdag nyid chetsheche// rang las byung zhing rang las snang // rang snang yin pas yul dang bral// yul med rang snang chen po la// bgrod du med pas kun las che// rang chas yin pas btsal du med// ma btsal lhun gyis grub pas che// rang la rang chas grub pas na// ma bsgrubs rtsol bsgrub 'das pas che// rang bka' stsal pa/ de ltar gtan la 'bebs pa ni// mtshon pa'i brda bzhi kun las 'phags pa'i dpe ru che// sku gsum 'du 'bral med pas don du che// rgyang zhags chu la ye shes snang ba gsal bas rtags su che// brda bzhi dpe ru yin par nges// sku gsum 'du 'bral med pa don du nges// ye shes sgron ma rtags su nges// de bas

  182. 91b

    nges pa gsum gyis che// dang po ston pa la sogs tshogs nas gtan la phab pas gtan tshigs lnga yis che// zhes gsungs so// lag na rdo rje yang zhus pa/ thams cad sangs rgyas pas ni che ba ji ltar lags// zhes zhus so// ston pas bka' stsal pa/ rang rig 'gyur med chos sku la// ngos bzung med pas bsam las 'das// bsgom du med pas khyad par 'phags// chos sku dngos med zang thal la// dmigs par bya ba'i yul med pas// gnyis su med par khyad par 'phags// rig pa dngos med zhi ba las// spros pa'i dngos med mtshan ma med// rang gdangs chen po 'phags te che// rang rig chos sku gnyis med chen po la// mtshon du med pas 'phags te che// chos sku rang byung ye shes la// rgyu rkyen med pas 'dus byas med// 'gyur ba med pas 'phags te che// rang rig dri ma lnga dang bral bas thams cad ye sangs rgyas// zhes gsungs so// spros bral don gsal chen po'i rgyud las/ theg pa brgyad las che ba lngas 'phags pa'i le'u ste don dgu pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // theg pa rim dgu'i bye brag rnams// gdul bya'i yul dang sbyar nas gsungs// de yi gol sgrib ji ltar lags// zhes zhus so// ston pas bka' stsal pa// rdo rje 'dzin pa legs par zung

  183. 92a

    zhig/ theg pa dgu yi gol sgrib rnams// dbye na bsam gyis mi khyab ste// bsdu na sum cu rtsa drug yod// lha sgom spyod pa 'bras bu bzhi// mtshan nyid sde gsum sgrib pa mang // sum cu rtsa drug rtsa gnyis dang // rtsa brgyad gsum la rim pa yod// gol sa bcu gnyis brgyad dang bzhi gnas so// phyi pa sde gsum gol sgrib mnyam// sgrib pa bcu gnyis mun pas chod// ltung sa gol sa bcu gnyis yod// nang pa sde gnyis gol sa mang // so gnyis rtsa brgyad rim par yod// sgrib pa bcu dang drug tu gnas// rdzogs chen thig le nyag gcig la// gol dang ma gol gnyis su med// gol sa rang bzhin rnam par dag kun bral nyag gcig spyir ma spangs// a ti'i lha sgom spyod pa dang // 'bras bu ye nas gnyis med pas// gnyis su snang ba'i gol sgrib med// lha sgom spyod pa 'bras bu bzhi// ye nas rang byung ye shes gsal// rgyu rkyen 'dus pa'i gol sgrib med// rdzogs chen lta ba sgom pa dang // spyod pa 'bras bu lhun grub pas// sgom sgrub brtsol bsgrub re dog rtsol ba yi// gol sa sgrib pa rnam par dag/ nga yi gong na gzhan med pas// sgrib med gsal ba ye shes yin// theg brgyad 'og ma snang ba yang // nga yi thugs rje'i mdzad spyod yin// 'byed med shes rab dang la gnas// ngang las ma 'dres rdzogs pa'i ye shes pas// ltung ba'i

  184. 92b

    gol sa rnam par dag/ 'byed pa med pa'i shes rab rang gsal la// gol sa sgrib pa gnyis su dbyer med gsal// zhes gsungs so// spros bral don gsal chen po'i rgyud las/ gol sgrib theg pa brgyad la yod par bstan pa dang / a ti la gol sgrib med par bstan pa'i le'u ste brgyad cu pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // gol sgrib don bshad gsung du gsol// zhes zhus pas// ston pas bka' stsal pa/ rdo rje 'dzin pa legs par zung zhig/ ngo bo nges tshig dbye ba dang // mtshon dpe tshig dang bcas nas bstan// gol sgrib ngo bo ma rig pa// gol sgrib nges tshig bstan pa ni// gong ma'i don ma mthong bas sgrib pa yin// gong mas 'og ma'i don spyod gol ba yin// de phyir gol sgrib ming gi nges tshig yin// gol sgrib dbye na rnam grangs te// bsdu na rnam pa bzhi yin/ no// lta sgom spyod pa 'bras bu bzhi// re re la'ang gol sgrib gnyis// gol sgrib mtshon pa'i dpe ru bstan// byang du don gnyer lho ru phyin// lhor phyin byang gi don mi 'grub// gong ma'i don 'dod 'og ma spyad// 'og mas gong ma'i don mi gnyer// ces gsungs so// kye rigs kyi bu/ ngas bstan rgyud lung thams cad du// nor zhes zer na de skad bshad// ma shes ma rtogs byung na de skad bshad// gol sa sgrib

  185. 93a

    pa byung na de ltar brjod// gol sgrib med par bshad na de skad bshad// gzhan yang 'bod skad ngag gi khog sdebs la// don gsal nang 'dir bstan pa bzhin du spyad// ces gsungs so// spros bral don gsal chen po'i rgyud las/ gol sa bshad pa dang mtshon tshig bsdus pa bstan pa'i le'u ste gya gcig pa'o// // dkor mdzod gsum gyi sgo phye nas// gsal zhing sgron mes/ rgyal blon dmangs dang gsum gyis nor 'byin cing mun pa sel ba'i man ngag/ tan+ta a nu u pa ar+ha ka la sa ta hUM/ de'i tshe bcom ldan 'das gsang ba bla na med pa mtshon pa'i dgongs pa la bzhugs so// de nas yang gsang ba'i bdag pos zhus pa/ kye kye bcom ldan don gsal mkhyen// theg pa spyi yi mtshan nyid dang // rang gi don rnams de ltar na// rang don ma lus kun bshad pa'i// rgyud lung man ngag ji ltar bshad// rgyud kyi nga tshad ji ltar lags// de yi nang nas gsungs pa yi// sbyang ba med pa'i sa rnams dang // bgrod du med pa'i lam rnams dang // smad mi dgos pa'i pha rol phyin pa rnams// sgra mthun don dpag ji ltar lags// sbubs zhes spros pa ji ltar lags// snang ba zhes pa ji ltar lags// cha lugs rnam bzhi ji ltar lags// sems dang ye shes ji ltar lags// bar do bzhi ni ci la bgyi// grol dang ma grol ji ltar

  186. 93b

    lags// spyan zhes bya ba ji ltar lags// lus sems bral zhes bya ba ji ltar lags// lnga ldan rdzogs ldan ji ltar lags// thugs rje'i bye brag ji ltar lags// mya ngan 'da' lugs ji ltar lags// pas rgol rtsod pa ci ltar bzlog/ sna tshogs 'bru rnams ji ltar gzhom// zhes gsungs so// spros bral don gsal chen po'i rgyud las// zhu tshig nges pa'i sdom dang bcas pa'i le'u ste gya gnyis pa'o// // de nas ston pas bka' stsal pa// rdo rje 'dzin pa nges zung zhig/ rgyud ni phun sum tshogs pa rnam lngas bshad// de la dbye ba rnam gsum ste// chos sku phun sum tshogs pa dang // longs sku phun sum tshogs pa dang // sbrul sku phun sum tshogs pa'o// chos sku phun sum tshogs pa lnga// ston pa 'gyur med chos kyi sku// bstan pa mi nub rgyal mtshan ni// gsang ba rig pa'i rgyud chen lnga// 'dus pa'i 'khor tshogs gnyis las mi gzhan pa// rigs lnga bde gshegs 'od du 'bar ba lnga// bzhugs gnas skye med chos kyi dbyings// dus ni 'das dus ma byon sngon rol nas// rtog med ston pas byin gyi rlabs kyis bshad// nyid las mi gzhan sku lnga rang rang gis// rgyud chen byin gyi rlabs kyis go// de nas yang ston pas longs sku'i phun sum tshogs pa lnga gsungs so// ston pa rigs lnga bde bar gshegs pa lnga// bstan pa gsang ba'i rgyud chen

  187. 94a

    lnga// 'dus pa'i 'khor ni sems dpa' sems ma'i tshogs// bzhugs pa'i gnas ni ye shes gzhal med 'od kyi klong // dus ni de rnams rig pa yul du shar ba'i tshe// tshig dang yi ge'i sgo nas mi 'chad par// sku yi cha byad sgo nas ston// bde gshegs rnam par snang mdzad kyis// rigs bzhi'i sangs rgyas 'dus pa la// sku yi rgyud chen rang gi ngo bos bshad// bcom ldan rdo rje mi bskyod pas// rdo rje rigs kyi 'khor rnams la// thugs kyi rgyud chen rang gi ngo bos bshad// bcom ldan rin chen 'byung ldan gyis// rin chen rigs kyi sems dpa' sems ma la// yon tan rgyud chen rang gi ngo bos bshad// bcom ldan snang ba mtha' yas kyis// pad+ma'i rigs kyi sems dpa' sems ma la// gsung gi rgyud chen rang gi ngo bos bshad// bcom ldan don yod grub pa yis// las kyi rigs kyi 'khor rnams la// phrin las rgyud chen rang gi ngo bos bshad// thugs kyi dgongs pa ye shes rnam lngar gsal// bshad pa ma yin mnyan pa med// gtso ba'i zhal gzigs thugs kyi dgongs pa gsal// rang gi ngo bos bshad ces bya// ting nge 'dzin gyi dgongs pas bshad// ston pas sbrul sku'i phun sum tshogs pa lnga gsungs pa// ston pa rdo rje 'chang chen ngas// bstan pa'i snying po gsang ba'i rgyud chen lnga// de sogs phyi nang gsang

  188. 94b

    bas bsdus pa rnams// thugs kyi klong du shes rab chen pos bkrol// mgur gyi bum par ye shes rlung gis dril// zhal gyi ljags la ma 'dres gsal bar bkram// tshems kyi bar nas tshig don so sor bshad// yan lag drug cu sdeb sbyor legs par bshad// khyung chen lding thabs don gyi spyi khog phub// stag mo'i mchod stabs dkyus kyi sa chen bcad// rus sbal 'gros kyis tshig gi 'bru rnams bcom// seng ge'i gdangs skad lta bus theg brgyad zil gyis mnan// glag mo gzan 'dzum lta bus man ngag 'dril// 'dus pa'i 'khor tshogs sangs rgyas rabs bdun la// lha gnas gsum du bdud rtsi'i char chen phab// pad+ma brtsegs pa'i gnas mchog rnam gsum mo// zhes gsungs so// spros bral don gsal chen po'i rgyud las/ phun sum tshogs pa lnga yi le'u ste gya gsum pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // phun sum tshogs pa'i don bshad dang // de yi dgos pa gsung du gsol// zhes zhus pas/ ston pas bka' stsal pa// kye kye bcom ldan rdo rje 'dzin pa legs par zung zhig/ phun sum tshogs pa'i ngo bo dang // phun sum tshogs pa'i nges tshig dbye ba dang // phun sum tshogs pa'i dpe rnams bstan// dang po ngo bo bstan pa ni// rgyu ni ngo bo tshogs pa yin// dgos pa rgyu rkyen

  189. 95a

    tshogs par sbyor// ci phyir phun sum tshogs zer na// kun nas dgos pa tshang bas phun sum tshogs// nges tshig gtan tshigs bcas pa yin// dbye ba gong du bstan pa bzhin// dper na rgyal blon dmangs dang gsum// gang la gang tshogs bka' bgros 'byung // des mtshon phyogs gcig dper bstan pa'o// zhes gsungs so// yang gsang ba'i bdag pos zhus pa// phun sum tshogs pa rnam pa lnga// smos pa'i dgos pa ji ltar lags// ma bstan skyon tu ji ltar 'gyur// zhes zhus so// ston pas bka' stsal pa/ ston pa phun sum tshogs pa smos pa'i dgos pa ni// gang zag rig bcos ma yin par// sangs rgyas zhal nas gsungs pa yid ches te// mi bslu bden pa'i gtan tshigs dag tu 'gyur// bstan pa phun sum tshogs pa smos pa'i dgos pa ni// bab col ma yin don dang ldan par yid kyang ches// 'dus pa'i 'khor tshogs smos pa'i dgos pa ni// kun gyi thun mong ma yin pa'i// nges par ston pas gsungs par yid kyang ches// gnas kyi bye brag gsungs pa'i dgos pa ni// gzhan du bstan pa'i snying po ma gsungs par// nges pa'i gnas der gsungs par yid kyang ches// dus kyi phun sum tshogs pa smos pa'i dgos pa ni// gnas skabs snga phyi ma bskal bar// dus tshod mtshungs shing zin pas yid kyang ches// zhes

  190. 95b

    gsungs so// spros bral don gsal chen po'i rgyud las/ phun sum tshogs pa lnga'i don bshad dgos pa dang bcas pa'i le'u ste gya bzhi pa'o// // de nas yang gsang ba'i bdag pos zhus pa// kye kye bcom ldan rdo rje 'chang // rgyud rnams don bshad ji ltar lags// zhes zhus pas/ ston pas bka' stsal pa// rgyud kyi ngo bo nges tshig dang // dbye ba mthun pa'i dpe ru bshad// rgyud kyi ngo bo bstan pa ni// tshig gi rgyud kyi ngo bo dang // don gyi rgyud kyi ngo bo'o// don gyi rgyud kyi ngo bo ni// rang rig ye shes chen po yin// tshig gi rgyud kyi ngo bo ni// ma bsnan ma phris ma byas dgos pa tshang // glegs bam tshig gi tshogs su bstan// rgyud kyi nges tshig rnam pa lnga// 'brel dang ma tshang med pa dang // yongs su rdzogs dang dkrugs pa dang // phun sum tshogs pa'i phyir rgyud do// dbye ba tshig dang don rgyud gnyis// gong bshad bzhin du shes par bya// 'brel ba'i dpe ni dra ba bzhin// dgos pa tshang ba'i nor bu bzhin// yongs su rdzogs pa ljon shing bzhin// dkrugs pas zags kyi spyan bzhin no// ngas bstan rgyud rnams de ltar bshad// ces gsungs so// spros bral don gsal gsal chen po'i rgyud las/ rgyud kyi don bshad bstan pa'i le'u ste gya lnga pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // gong bshad rgyud kyi

  191. 96a

    ldang tshad bshad du gsol// zhes zhus so// ston pas bka' stsal pa// rdo rje 'dzin pa legs par zung zhig/ rgyud kyi ldang tshad rnam pa bcu// dbang dang dam tshig gnyis su bshad// dkyil 'khor phrin las gnyis su bstan// mchod pa rnal 'byor gnyis su bshad// sngags dang phyag rgya gnyis su bshad// bsnyen pa bsgrub pa gnyis su bstan// kye rdo rje 'dzin pa// dbang la rnam pa gsum du bstan// gzhi la rdzogs tshul bstan pa dang // rim pas babs lugs bstan pa dang // dbang gi dngos po bstan pa'o// dang po gzhi la rdzogs tshul ni// mi rtog 'gyur med chos sku la// mkhyen pa'i ye shes rnam lnga gsal// rang las mi gzhan snang ba ni// rin chen 'od 'bar skur gsal ba'i// nyid las mi gzhan dbang gi chu bo bzhi// ma skur gzhi la ye nas rdzogs// sku lnga'i thugs rje ma 'gags par// khrag 'thung he ru lngar snang bas// thugs rje rang byung dbang gi chu bo bzhi// ma btsal gzhi la ye nas rdzogs// de nyid ye shes lus can rang snang la// de nyid dang la gnas shing ngang du grol// ye shes chen po'i dbang gi chu bo bzhi// ma btsal ma bskur gzhi la ye nas rdzogs// des mtshon gsung gi ngo bo ni// rin po che yi yi ge lnga// ma btsal gzhi la ye gnas pas// dpa' bo 'bru lnga dbang gi chu bo bzhi// ma btsal ma bskur gzhi la

  192. 96b

    ye nas rdzogs// de lta bas na gzhi'i ye shes gzhan la rag mi lus shing rgyu rkyen gyi dbang du 'gro mi srid pa'o// rigs kyi bu rim pas babs lugs bshad pa ni/ shes rab kyi sku bzhis de bzhin gshegs pa kun snang gi ye shes la/ dbang bzhi rdzogs su gnas pa ste/ mkhyen pa'i stobs mi 'gags pas/ gzhi 'gyur ba med pa'i chos sku la/ shes rab 'gags pa med pa'i dbang thob pa'o// shes rab 'gags pa med pa'i sku bzhi las/ gdul bya la snang ba'i sku bzhi shar ba'i tshe/ nyid las mi gzhan pa'i sku bzhi'o// zhal gzigs pas thugs mkhyen te/ shes rab rig pa'i sku lnga la/ rang dbang yas babs su thob pa'o// de bzhin du rigs bzhi las/ sems dpa' sems ma rang dbang yas babs su thob pa'o// nga sprul pa'i sku shar te/ thugs kyi klong nas rang chas su gnas pas/ ngas mthong zhing gsal te/ de'i tshe ngas rtogs pa'i ye shes rang dbang skad cig ma la thob bo// de bzhin du khams gsum pa thams cad rang la dbang bzhi rdzogs su gnas pas/ rim pas rig pa rtsal gyi dbang 'thob par 'gyur bar ngas lung bstan to// zhes gsungs so// kye rdo rje 'dzin pa legs par zung zhig/ dbang gi dngos gzhi ni bskur thabs gnyis te/ khyad par gyi dbang rdzas bzhi shes rab la brten nas/ gzhi rdzogs rig pa rtsal dbang du bskur

  193. 97a

    ba dang / thun mong gi dbang rdzas bzhi la brten nas/ rdo rje slob dpon gyi gdams ngag dang sbrel te/ bskur zhing thob par byed pa'o// khyad par gyi dbang rdzas bzhi shes rab la brten nas gzhi rdzogs chen po rig pa rtsal dbang du bskur ba dang / rgyud 'dzin bum pa'i dbang lnga stong nyid du bskur te/ mkha' klong rnam par dag pa'i ngang na/ ye shes kyi spyan ma 'gags pa/ 'od kyi bum pa lngar gsal te/ de bzhin gshegs pa lnga bzhugs pa'i rten du gyur pas na/ bum pa zhes bya ste/ ngo bo dbyings stong pa nyid du bstan pa las/ don stong pa nyid du rig ste/ dngos po'i mtha' las log go// rgyal po rang rtags phyag rgya'i dbang bskur ni/ bum pa lnga'i klong na de bzhin gshegs pa lnga bzhugs lugs bshad de/ shes rab kyi bdag nyid ye shes lngar gsal zhing / thugs rje'i bdag nyid phyag rgya lngar gsal bas/ snod bcud dngos po dang mtshan mar snang ba thams cad phyag rgya ma bskyed pa'i de bzhin gshegs pa lnga dang / phyag rgya gsal ba'i de bzhin gshegs pa lngar 'gyur bas/ de bzhin gshegs pa yin pa la yin par rig ste/ dngos po dang mtshan ma ma lus par sku dang ye shes su dag pa ste/ mtshan ma zil gyis gnon to// rgyal srid rin po che sna bdun gyi dbang ni/ 'phags pa'i nor bdun te/ dper na rgyal po la rgyal srid nor bdun

  194. 97b

    yod pa 'dra bar/ rang gi ngo bo gang la yang mi gnas shing / yon tan cir yang snang bas/ sbyin pa'i pha rol tu phyin pa ste/ yid bzhin gyi nor bu rin po che lta bur rigs so// rang rig pa'i ye shes rang bzhin gyis rnam par dag pa thams cad 'byung ba'i gzhi ma 'gags pas/ yon tan 'khor 'das su 'byung zhing nyon mongs pa mi mda' bas/ tshul khrims kyi pha rol tu phyin pa dang ldan te btsun mo lta bur rigs so// rig pa chos sku la 'gran pa'i zla med do// rig pa sku lngar snang yang don gnyis su med pas/ yul gyi mtshan ma ngang gis bcom ste/ nyon mongs pa med pas bzod pa'i pha rol du phyin pa dang ldan pas// dmag dpon lta bur rigs so// rang rig pa'i ye shes bya rtsol mi mnga' bar yon tan rang la rdzogs te/ thugs rje shugs kyis 'char la/ brjed pa med pa'i gzungs thob pa'i brtson 'grus dang ldan te/ rta rin po che lta bur rigs so// rang rig pa'i ye shes de rang gi ngo bo las mi 'da' bas/ ngang las ma g.yos par gnas pas bsam gtan te/ glang po che lta bur rigs so// rig pa chos kyi sku de phyogs lhung med pas shes rab tu gnas shing / rtsal so sor rtog pa'i shes rab mi 'gag par dpyad pas shes rab kyi pha rol du phyin pa dang ldan te/ 'khor lo lta bur rigs so// rang rig pa'i ye shes de thabs ma 'gags

  195. 98a

    pas dang / stobs ma 'gags pas dang / thams cad du ro smon du 'gyur bas ye shes kyi yon tan te/ de bzhin du bshad pa'i yon tan dang / ye shes ldan te/ blon po lta bur rigs so// de ltar tshig dbang bskur bas rtogs pa rgyud la skyes te/ grub pa'i mtha' la yon tan gyi sgo ma 'gags pas yon tan skyon dang bral ba'o// de ltar rtogs pa'i spros pa chod de/ spros pa gcod pa'i chos bzhis/ rgyud kyi snying po gsum gyi lta ba la zlos pas/ don gyi dgongs pa bzhi la gnas pas ni/ don brgyad rdzas su bstan pa'i mthun mong gi rdzas la rag ma lus te/ thugs rjes sems can la 'od 'phro ba'o// rigs kyi bu des ni rig pa'i tshan nyid rtogs shing // rtsal ma 'gags par rtogs pas/ dbang ye shes bzhi rdzogs su thob pa'o// kye rdo rje 'dzin pa/ thun mong gi rdzas la brten nas dbang bskur ba thob pas tshig dbang rin po che ste/ phyir dbang rdzas la brten te bskur/ nang du bag chags lus la bskur/ sku gsum bzhi rdzogs su ngo bstan no// rigs kyi bu dbang ni ye shes spyi blug dang // rgyal rtags phyag rgya dang / rig pa rtsal gyi dbang gsum ste/ phyir rdzas kyi bum pa lnga la brten nas dbang bskur/ nang du longs sku rang la grub lugs dang lnga ldan gyi dgongs pa rdzogs par bshad do// phyir phyag mtshan drug la brten te dbang bskur/ nang

  196. 98b

    du da lta tshogs drug sprul pa shar lugs dang / rdzogs ldan gyi skabs su sbrul sku byon lugs su bshad do// phyir dbang rdzas bzhi la brten la dbang bskur/ nang du chos sku'i gnas lugs dang / rin po che'i sbubs bshad do// rin po che'i gdams ngag dang 'brel bar bshad do// de'i rim pa ni ngas bstan pa'i ye shes bla ma ru shes par bya'o// zhes gsungs so// spros bral don gsal chen po'i rgyud las/ rgyud kyi ldang tshad sdom dang / dbang bsdus nas bstan pa'i le'u ste gya drug pa'o// // da nas yang gsang ba'i bdag pos zhus pa/ kye kye bcom ldan rdo rje 'chang // dbang gi don bshad gsung du gsol// zhes zhus so// ston pas bka' stsal pa/ rdo rje 'dzin pa legs par zung zhig/ dbang gi ngo bo nges tshig dang // dbye ba mthun pa'i dpe bshad pa// dbang gi ngo bo rang byung gi ye shes gzhan dbang du ma gyur pa'o// dbang gi nges tshig ni/ 'khor 'das kyi chos thams cad la mnga' mdzad cing dbang bsgyur bas na'o// dbye na thun mong dang khyad par gong bzhin no// dpe ni rgyal po la glang po ches dbang bskur bas rgyal por rang dbang thob ste/ rgyal sa zin pa lta bu'o// zhes gsungs so// spros bral don gsal chen po'i rgyud las/ dbang gi don bshad pa gsal bar bstan pa'i le'u ste rgya bdun pa'o// // de nas yang gsang ba'i

  197. 99a

    bdag pos zhus pa/ kye kye bcom ldan rdo rje 'chang // dam tshig gsang ba bshad du gsol// zhes zhus so// ston pas bka' stsal pa/ rigs kyi bu nges par zung zhig/ dam tshig dbang las skye bas na// ma bskur pa yi dbang chen la// bsrung du med pa'i dam tshig bzhi// ma nyams ye bsrungs gdengs dang ldan// nga yi dam tshig gsang ba ni// rang rig ye shes chen po la// bsrung bya srung byed gnyis med pas// nyams dang ma nyams gnyis su med// theg brgyad bcos ma'i dam tshig grangs// mi bsrung bas na med ces bya// 'og ma'i dam tshig las grol zhing // rang gi sgo gsum yangs pas na// phyal pa zhes su btags pa yin// bsrung du med pa'i dam tshig la// 'da' mi srid pa'i bsrung thabs ni// rang rig ye shes gcig pu las// gcig pu zhes su btags pa yin// rang gi ye shes gcig pu la// bya btsal med par ye bsrungs pas// lhun grub ces su btags pa yin// zhes gsungs so// spros bral don gsal chen po'i rgyud las/ dam tshig bstan pa'i le'u ste gya brgyad pa'o// // de nas yang gsang ba'i bdag pos zhus pa// kye kye bcom ldan rdo rje 'chang // dam tshig don bshad ji ltar lags// zhes zhus so// ston pas bka' stsal pa// rdo rje 'dzin pa legs par zung zhig/ dam tshig ngo bo nges tshig dang // dbye ba mthun

  198. 99b

    pa'i dpe ru bstan// dang po ngo bo bshad pa ni// 'da' mi srid pa'i ngo bo de// blta ba rang rig ye shes yin// bsrung ba don gyi nges tshig yin// 'da' ru med pa'i dam tshig yin// ma nor nges pa'i dam tshig yin// de las mi 'da' bas na dam tshig go// dbye ba rnam pa gnyis yin te// bsrung mtshams bcas pa'i dam tshig dang // bsrung mtshams med pa'i dam tshig go// gong dang 'og tu shes par bya// dam tshig don la mi 'da' ba// thams cad nam mkha'i ngang las mi 'da' ltar// rang rig ye shes don las 'da' ba med// 'da' mi srid pa'i dam tshig yin// zhes gsungs so// spros bral don gsal chen po'i rgyud las/ dam tshig gi don bstan pa'i le'u ste gya dgu pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // dkyil 'khor phrin las ji ltar lags// zhes zhus so// ston pas bka' stsal pa// rdo rje 'dzin pa legs par zung zhig/ dang po dkyil 'khor bshad par bya// ngo bo dang ni nges tshig dang // dbye ba mthun pa'i dpe ru bshad// dbye na rnam pa gsum du bshad// mtshon pa brda' yi dkyil 'khor dang // dam tshig ting 'dzin dkyil 'khor dang // rang bzhin lhun gyis grub pa'i dkyil 'khor ro// ngo bo rnam pa gsum yin te// mtshon pa brda' yi dkyil 'khor ngo bo ni// bris dang 'bur du

  199. 100a

    btong ba yin// dam tshig ting 'dzin ngo bo ni// gang bsgom yid la gsal ba yin// rang bzhin lhun gyis grub pa'i dkyil 'khor ni// sku gsum rgyal ba'i dkyil 'khor yin// rig pa dkyil la ye shes 'khor// chos sku'i ngo bo nges tshig yin// gtso bo dkyil la sems dpa' yab yum 'khor// longs sku'i ngo bo nges tshig yin/ kun gzhi dkyil la tshogs brgyad 'khor// sbrul sku'i ngo bo nges tshig yin// dpe ni nyi zla gza' skar shar ba bzhin// brjod lugs mang yang bsdus pa yin// zhes gsungs so// spros bral don gsal chen po'i rgyud las/ dkyil 'khor bstan pa'i le'u ste dgu bcu pa'o// // de nas yang ston pas bka' stsal pa// rdo rje 'dzin pa legs par zung zhig/ ma bris ma bskyed ma bsgoms par// rang bzhin gsal ba'i dkyil 'khor la// bya rtsol 'das pa'i phrin las kyis// thog ma med par don mdzad de// sku gsum rgyal ba'i dkyil 'khor du// ston pas sku gsum don mdzad de// sku yi 'od dang gsung gi 'od zer las// ston pas sku gsum rtsal du grub// byin rlabs ngang gi tshig sbyor gyis// phrin las 'gro don thogs med mdzad// byas pa med par lhun gyis grub// ces gsungs so// yang gsang ba'i bdag pos zhus pa// phrin las don bshad gsung du gsol// zhes zhus

  200. 100b

    so// ston pas bka' stsal pa/ rdo rje 'dzin pa legs par zung zhig/ phrin las kyi ngo bo bya ba grub pa'i ye shes yin/ phrin las kyi nges tshig ni// rang bzhin bya rtsol las 'das pas// so so'i don mdzad phrin las yin// dbye ba rnam pa gnyis yin te// rtsol ba yod dang med pa'o// rtsol bral phrin las rnam pa bzhi// chos sku dngos med spros dang bral// rtogs pas spros pa thams cad zhi// zhi ba'i phrin las zhes su bya// yon tan nor bu bzhin du 'byung // rgyas pa'i phrin las zhes su bya// thams cad 'byung yang de las 'byung // thams cad gnas kyang de la gnas// thams cad thim yang de la thim// thams cad la yang dbang bskur pas// dbang gi phrin las zhes su bya// rig pa dngos med rdos pa'i chos med pas// phyogs med gang la'ang thogs pa med par 'char// thugs rje'i stobs kyis snang zhing bsdus pas na// drag po'i phrin las zhes su gsungs pa yin// bya rtsol med par nyi ma'i 'od zer gyis// khams gsum mtshan ma'i mun pa sel ba ltar// thogs pa med pa'i thugs rje chen po yis// bya rtsol med pa'i phrin las chen po yin// zhes gsungs so// spros bral don gsal chen po'i rgyud las/ phrin las kyi rang bzhin bya rtsol med pa'i don bstan pa'i le'u ste go gcig pa'o// // de nas gsang ba'i bdag pos zhus pa/ kye kye

  201. 101a

    bcom ldan rdo rje 'chang // mchod pa'i rnal 'byor ji ltar lags// zhes zhus so// ston pas bka' stsal pa/ rdo rje 'dzin pa legs par zung zhig/ chos nyid dag pa'i pho brang du// rang rig ye shes ma 'gags shar// ye shes dbyings la shar ba yis// dbyings dang ye shes gnyis med 'gyur// ye shes gnyis med mchod pa yin// mtshan rdzogs rdo rje 'chang gi sar// yab yum bzhi bcu rtsa gnyis 'phros// ye shes lnga yi dang la rol// ma 'gags gnyis med mchod pa yin// sbrul sku'i mchod pa rnam pa lnga// mchod rdzas gzugs sgra dri ro reg/ sems dpa'i khye'u chung lngas blangs nas// rig byed dang du gnyis med thim// rgya mtsho chu yi 'phro 'du bzhin// mchod pa rgyun mi chad pa'o// zhes gsungs so// de nas yang rnal 'byor gsungs pa// sku gsum 'du 'bral med pa ni// don la mos byed rnal 'byor yin// rnal 'byor chen po bsgom las 'das par rtogs// rtogs pa'i don la bya rtsol mi mnga' bar// rang gdangs chen po'i ngang las gnas pa yin// rnal 'byor dbang chen bya rtsol 'das pa yin// de don rang la gnas pa ni// rnal 'byor bla na med pa yin// rnal 'byor dag gi ngo bo yang // gnyis su med pa'i dgongs pa yin// rnal 'byor dag gi nges tshig kyang // blo dngos gnyis med 'byor pa dang // sku gsum

  202. 101b

    gnyis med 'byor pas 'byor zhes bya// dbye ba rnam pa gnyis yin te// ming dang don du nga yis bshad// don gyi rnal 'byor gong bstan bzhin// zhes gsungs so// spros bral don gsal chen po'i rgyud las/ mchod pa dang rnal 'byor bstan pa'i le'u ste go gnyis pa'o// // de nas yang gsang ba'i bdag pos zhus pa/ sngags dang phyag rgya ji ltar lags/ zhes zhus so// ston pas bka' stsal pa/ rdo rje 'dzin pa legs par zung zhig/ dang po sngags kyi don bshad pa// mchog tu gyur pa'i sngags don no// ngo bo nges tshig dbye ba bstan// dbye ba rnam pa gsum yin te// gsang sngags rig sngags gzungs sngags gsum// gsang sngags dag gi ngo bo ni// shes rab snying rje gnyis su bstan// rig sngags dag gi ngo bo ni// shes rab dang ni ye shes yin// gzungs sngags dag gi ngo bo ni// shes rab dang ni ting 'dzin yin// sngags gsum dag gi nges tshig ni// shes skyobs phyir na des brjod pa'o// sngags gsum dag gi phrin las ni// gzhi gnas bag chags sel ba dang // ma rig log lta sel ba dang // 'phral byung bag chags sel bar byed pa yin// zhes gsungs so// ston pas bka' stsal pa// phyag rgya chen po'i ngo bo ni// 'gyur ba med pa'i rang bzhin yin// phyag rgya chen po'i nges tshig ni// mi 'da' bas na phyag rgya

  203. 102a

    yin// dbye ba phye dang bsdus pa yin// phyag rgya bzhi dang rtsa lnga yod// 'di ru bsdus te bzhi bstan pa// chos nyid ma bral chos kyi sku// phyag rgya chen po yin par bshad// rang rig ye shes dbyings las shar// dbyings nyid rig pa dang ldan pas// dbyings dang ye shes gnyis su med pa ni// dam tshig phyag rgya yin par bshad// rang byung ye shes ma 'gags pa// gsal ba chos kyi phyag rgya yin// thugs rje'i sku gnyis mi 'gag pas// rtog med thugs rje'i don 'dzin pa// las kyi phyag rgyar ngas bstan pa'o// phyag rgya'i dpe ni nam mkha' dang // rgyal pos phyag rgyas btab pa la// de las 'da' bar mi nus bzhin// gsang sngags ma yin shes rab ma 'gags pa'o// phyag rgya ma yin thugs rje ma 'gags pa'o// zhes gsungs so// spros bral don gsal chen po'i rgyud las/ sngags dang phyag rgya bstan pa'i le'u ste go gsum pa'o// // de nas yang gsang ba'i bdag pos zhus pa// bsnyen pa bsgrub pa ji ltar lags// ston pas bka' stsal pa/ rdo rje 'dzin pa legs par zung zhig/ lta ba rang rig ye shes de// ngo sprod bzhi yi gtan la 'bebs// rang rig mtshan nyid nyams su myong // de ni bsnyen pa'i don du bstan// lam la gnas pa nye bsnyen yin// lam grol gyur pa bsgrub pa yin// lam gyi 'bras bu mthar phyin pas// bsgrub

  204. 102b

    pa chen por gyur pa'o// gsang sngags mi bzla' don la bzhag/ phyag rgya mi bsgom ma bskyed lhun gyis rdzogs// zhes gsungs so// spros bral don gsal chen po'i rgyud las// bsnyen bsgrub rnam pa gnyis bstan pa'i le'u ste go bzhi pa'o// // de nas yang gsang ba'i bdag pos zhus pa// kye kye bcom ldan rdo rje 'chang // zhal nas gsungs pa'i lung chen rnams// bshad pa'i thabs rnams gsung du gsol// zhes zhus so// ston pas bka' stsal pa// rdo rje 'dzin pa legs par zung zhig/ lung rnams che ba ngas bshad de// ston pa'i zhal nas gsungs pa las// gzhan gyi lung la ma brten par// lung gis yid ches pa'i che ba dang / ston pa'i thugs rnam par dag pa la/ dang po rgyu med par du rkyen med/ tha ma mi 'gyur bas/ 'gyur med nam mkha'i lung gis che ba dang / nyes pa zad pas rdzun gyi tshig smra bar mi byed pas rdzun med pa'i zhal nas gsungs pa'i bden pa'o// ston pa mkhas pa'i bdag nyid las// tshig dang 'bru gnyis don sdebs legs// de bzhin nyid las mi 'da' bas// yid ches lung gi che ba'o// ngas 'khor kun las 'phags gyur pa'i// dga' rab rdo rje'i don ched du// ston pas zhal nas gsungs pa la// lung ma nor bar bris pa ni// rin chen gser gyi glegs bam la// bai DU ra ya ni zhun ma yis// rang nan dag tu legs

  205. 103a

    bris pas// tshig gi lhag chad ma zhugs ste// des ni lung gi che ba'o// bskyed dang rdzogs pa rnam pa gsum// 'du 'bral med pa'i dgongs pa ni// lo ma me tog 'bras bu'i tshul// za mi dad du bstan pas ni// gsang sngags kun dang mthun gyur te// gsang sngags spyi lung mi 'gal bas// gsang sngags kun gyi bka' 'dus pas// lung gi yid ches che ba'o// zhes gsungs so// spros bral don gsal chen po'i rgyud las/ lung gi che ba lnga bshad pa'i le'u ste go lnga pa'o// // de nas yang gsang ba'i bdag pos zhus pa// kye kye bcom ldan rdo rje 'chang // lung gi don bshad gsung du gsol// zhes zhus so// ston pas bka' stsal pa// rdo rje 'dzin pa legs par zung zhig/ lung gi ngo bo nges tshig dang // dbye ba thun mong dpe rnams bshad// rigs kyi bu lung gi ngo bo ni/ dbye ba'i sgo nas bstan par bya ste/ don gyi nga gi ngo bo ni// mi 'gyur sems kyi lung zhes bya ste/ rig pa nyid do// tshig gi lung gi ngo bo ni// ston pa'i zhal nas gsungs pa las// ma bsnun ma phris ma byas pa'i tshig go// tshig gi lung la gnyis te/ snyan khung las rgyud pa dang / mngon du phyung ba'o// de la gnyis ste/ drang don dang nges don no// lung gi nges tshig ni/ tshig gi don mtshon pas lung zhes bya/ yid ches par bya ba'i phyir lung zhes bya/ zin pas lung zhes

  206. 103b

    bya/ bde blag tu rtogs par bya bas lung / bkyer bde bas kyang lung / kun dang 'brel du btub pas kyang lung ngo // dpe ni rgyal pos bka' stsal pa lta bu/ snod spyad lung nas zin pa lta bu dang / snod lung med bkyer mi bde ba las/ lung can bkyer bde ba lta bu dang / 'dams kyi phur pa lta bu'o// zhes gsungs so// spros bral don gsal chen po'i rgyud las/ lung gi don bshad bstan pa'i le'u ste go drug pa'o// // de nas yang gsang ba'i bdag pos zhus pa// kye kye bcom ldan rdo rje 'chang // man ngag bshad lugs ji ltar lags// zhes zhus so// ston pas bka' stsal pa/ rdo rje 'dzin pa legs par zung zhig/ man ngag don gyis bshad lugs ni// spyi don rnam pa lnga yis bshad// lo rgyus don dang rtsa ba'i don du bshad pa'o// tshig gi don du bshad pa dang // yo ga'i don du bshad pa dang // dgos ched kyi don du bshad pa'o// lo rgyus kyi don la gsum ste/ gang zag dag gis 'phral la byas pa ma yin par// dus gsum sangs rgyas kun gyi dgongs pa rgyud pas bshad// sangs rgyas zhal nas gsungs pa yid ches 'gyur// nges pa don gyi 'khor yin pas// rig 'dzin brda yi brgyud pas bshad// ldem po'i don la dgongs pa ma yin par// nges pa'i don du gsungs pa'i yid ches 'gyur// de bzhin bshad pa'i dus su gang

  207. 104a

    zag rna bar brgyud nas bshad// brgyud pa 'brel ma chad pas nges par yid ches 'gyur// rtsa ba'i don du bshad pa ni// rang rig ye shes chen por bshad// tshig gi don du bshad pa ni// byin rlabs ngo bo nges tshig bsdeb pa ste// sku gsum rgyal ba'i bshad lugs yin// mtshon byed tshig gis nges pa'i don bshad pas// gong du bshad pa bzhin du shes par bya// yo ga'i don du bshad pa ni// theg pa'i la shan phyi la bshad// de yang don gsal 'dir bstan bzhin// dgos ched don du bshad pa ni// 'khrul pa gsum po rab 'bring rim pas grol// rin chen sbubs su grub mtha' rdzogs par bstan// zhes gsungs so// spros bral don gsal chen po'i rgyud las/ man ngag dgos ched lngas bshad pa'i le'u ste go bdun pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // man ngag rnam gsum mdzod gyur ji ltar lags/ zhes zhus pas ston pas bka' stsal pa// rdo rje 'dzin pa legs par zung zhig/ sku dang gsung dang thugs dang gsum gyi mdzod// man ngag kun gyi gzhi yi gnas lugs dang // de brjod tshig gi man ngag dang // tshig dang don sbyor man ngag gsum// bsdus pa'i man ngag tshig gsum pa// sku gsung thugs kyi mdzod nas phyung // snying po gsum du shes par bya// zhes gsungs

  208. 104b

    so// yang gsungs pa/ man ngag don gyi ngo bo dang // ming gi nges tshig bstan pa dang // de yi bye brag ji ltar dpe dang bcas pa bstan// de yi dbye ba bstan pa ni// tshig dang don du shes par bya// don gyi man ngag ngo bo ni// khong nas gab sbas don 'byin pa// ston pa rdo rje thugs la gnas// gsal bar zhal du brjod pa'o// tshig gi man ngag ngo bo ni// zhal nas gsungs pa'i tshig don kun// ma nor don dang khrigs bsdebs nas// bde blag rtogs phyir dkar chag mnan// tshig don gsal bar byed pa yin// ngo bo dbye ba de bstan no// de yi nges tshig bstan pa ni// tshig chung don che'i man ngag go// nges don gdams ngag gang yin pa// brjod bral gsang phyir man ngag go// nges tshig gtan tshigs bcas pa yis// ma yis gdams pa bu la smras pa bzhin// spyir na rgyud lung man ngag gsum// rje blon 'bangs dang 'dra bar bshad// ces gsungs so// spros bral don gsal chen po'i rgyud las/ man ngag don bshad pa'i le'u ste go brgyad pa'o// // de nas yang gsang ba'i bdag pos zhus pa/ man ngag lung gi sa lam dang // pha rol phyin pa gsung du gsol// zhes zhus so// ston pas bka' stsal pa/ rdo rje 'dzin pa legs par zung zhig/ man ngag rdzogs pa chen po la// sa la sbyang du med pa yin// lam la bgrod du med pa yin// pha

  209. 105a

    rol phyin bcu spyad du med// 'on kyang theg pa spyi dang sgo bstan pas// sbyang du med pa'i sa rim dang // bgrod du med pa'i lam rim dang // spyod du med pa'i pha rol phyin pa spyad// ces gsungs so// de nas yang gsang ba'i bdag pos zhus pa/ sbrang du med pa'i sa rim gsung du gsol// zhes zhus so// rdzogs chen chos nyid sa gcig pa// yon tan rtogs tshul bco lnga brtsis// rgyud lung spri yi khog don kun bkrol nas// ngo sprod rnam bzhis tshe 'dir bden pa mthong // de la rab tu dga' ba'i sa zhes bya// man ngag don gyis blo yi the tshom bsal// rang gi rgyud la nges pa'i shes pa skyes// dri ma med pa'i sa ru btags pa yin// gsum pa 'od byed pa ni sems nyid ye shes su dbang du 'dus ste/ de nyid rtsal du shes pas don brjod rag ma lus// bzhi pa 'od 'phro de don kun tu sgrogs// lnga pa dug lnga dug gsum nang du dag/ drug pa sbubs gsum skabs kyi sku gsum gsal// bdun pa thegs brgyad don las rab tu 'phags// brgyad pa rang gi don las ma g.yos mkhyen// dgu pa yon tan rang la rdzogs par mkhyen// bcu pa chos rnams gang la'ang thogs med mkhyen// bag chags sbubs su rtogs pa skye lugs yin// rtogs ldan 'khrul pa'i snang ba 'gags pa'i tshe// chos nyid klong du ye shes 'od du gsal// bcu

  210. 105b

    rdzogs gcig la gnas pa kun tu 'od kyi sa// de nyid rang snang yin pas mkhyen pa khong nas shar// shes rab skyes pa'i stobs kyi skur gsal ba// tshom bu lnga pa chos kyi spyan drug shar// gsal la mi gnas pad+ma can gyi sa// gsung gi ngo bo rang byung yi ge drug/ ljags las 'od 'phros sprul pa'i skur gyur pas// bcu gsum yi ge 'khor lo tshogs chen sa// sprul pa'i sku yi 'gro don rdzogs mdzad pa// rdo rje 'dzin pa bcu bzhi'i sa ru bzhag/ ye shes sbubs su rdzogs sangs rgyas pa yis// thugs rjes gnas nas sgrol zhing rang rang gzhi la sbyor// gsang ba'i don gyis sbyor sgrol zhes su btags// rang byung tshig lnga zhi ba mya ngan 'das// rin chen sbubs su sku lnga klong nas 'khyil// dper na gnam stong zla ba yongs rdzogs kyang // nyi ma'i stobs kyis zla ba mi snang ba// tshes gcig dgong nas bco lnga rdzogs gyur te// de nas zla ba skye ba med pa ltar// rin chen sbubs su 'du 'bral med kyis kyang // 'khrul pa'i stobs kyis dngos su gsal ma nus// dang po'i sa nas bco lnga yongs rdzogs te// de las yar gshegs dgu la shul mi mnga'// nyi shu rtsa gcig sum cu rtsa sogs rnams// bco lnga'i 'dug tshul yon tan zur tsam yin// brtsi ba mas brtsi shes pa thad kar chod// gzigs pa ma 'gags yas gzigs te// rnam rtog mi mnga' sa ler mkhyen

  211. 106a

    pa'o// zhes gsungs so// spros bral don gsal chen po'i rgyud las// sa dang pha rol phyin pa/ lam lnga 'khrugs pa'i bsdeb dang / sa'i rim pa dngos bstan pa'i le'u ste go dgu pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // sa yi don bshad gsung du gsol// zhes zhus so// ston pas bka' stsal pa/ rdo rje 'dzin pa legs par zung zhig/ ngo bo nges tshig dbye ba dang // mthun pa'i dpe ru bsdus la bshad// kye rigs kyi bu sa yi don gyi ngo bo ni/ chos nyid mi 'gyur ba'o// mtho dman gyi ngo bo ni/ shes rab dang snying rje che chung ngo // sa yi dbye ba ni/ 'jig rten pa'i sa dang 'das pa'i sa'o// 'das pa'i sa la gnyis te/ theg pa chen po'i sa dang / theg pa 'og ma'i sa'o// theg pa chen po'i sa la thun mong dang khyad par ro// khyad par 'dir bstan pa'o// nges tshig ni mi 'gyur gnas pa'i phyir sa'o// dpe ni ma 'dres la rdzogs pa mchod rten gyi khri 'phang lta bu'o// zhes gsungs so// spros bral don gsal chen po'i rgyud las/ sa'i don bshad bstan pa'i le'u ste brgya zam pa'o// // de nas yang gsang ba'i bdag pos zhus pa// kye kye bcom ldan rdo rje 'chang // bgrod cing 'jug tu med pa yi// lam gyi rim pa gsung du gsol// zhes zhus so// ston pas bka' stsal pa// lag

  212. 106b

    na rdo rje nges par zung zhig lam med lam du 'jug pa rnams lam gyi nad che ba/ phyin par 'dod pa ri dwags smig rgyur bsnyegs pa 'dra/ de bas nges pa'i lam ma yin// bgrod med lam la rab gnas pa'i// 'du 'bral med pa'i dgongs pa las// ma nor nges pa'i lam chen gcig/ bgrod du med pa'i chos nyid byang chub sems// rtsol bas 'gro bas ye shes mtha' la ring // 'jug du med do rang rig ye shes lam// 'jug pa'i rtsol bas sdug bsngal mtha' ru lhung // 'on kyang ma bshad go bar mi 'gyur bas// bgrod med lam gcig rtogs pa'i thabs// sgra mthun don 'phags lam lnga bshad// bla mar bsnyen bkur yongs rdzogs nas// dam pa'i drung na gnas pa ni// tshogs kyi lam zhes de la bya// bla mas dam pa'i don bshad de// gdams ngag gnyis kyi don la sbyor// sbyor pa'i lam du nga yis bshad// ngo spyod rnam pa bzhi'i sgo nas// tshe 'dir nges pa'i bden pa mthong // mthong ba'i lam du nga yis bshad// bsgom du med pa'i bsgom pa dang // bsgom du yod pa'i med pa gnyis// 'du 'bral med par gnas pa ni// bsgom pa'i lam du nga yis bstan// sangs rgyas dgongs pa gdeng chen bzhi// mi gnas tshul gyis mthar phyin pas// mthar phyin lam du nga yis bshad// ces gsungs so// spyod bras la don gsal chen po'i rgyud las//

  213. 107a

    'bras bu nges pa'i lam lnga bstan pa'i le'u ste brgya dang gcig pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // lam gyi don bshad gsung du gsol// zhes zhus so// ston pas bka' stsal pa// gsang ba'i bdag po nges zung zhig/ lam gyi ngo bo nges tshig dang // dbye ba mthun pa'i dpe ru bshad// ngas bstan lam gyi ngo bo ni// 'du 'bral med pa'i rnal 'byor yin// lam gyi nges tshig bstan pa ni// gzhan du bgrod cing 'jug tu med// mi 'bral gnas pas lam zhes bya// dbye ba rnam pa gnyis yin te// rgyu yi lam dang 'bras bu nges pa'i lam// dpe ni/ 'jig rten lam dang 'dra// rtsol bral lam gyi mtshon dpe ni// mkha' la khyud chen lding ba 'dra// zhes gsungs so// spros bral don gsal chen po'i rgyud las/ lam gyi don bshad bstan pa'i le'u ste brgya dang gnyis pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // rtsol bsgrub dag las 'das pa yi// spyad med lhun gyis grub pa yi// 'bras bu pha rol phyin pa bcu// sgra mthun don 'phags gsung du gsol// zhes zhus so// ston pas bka' stsal pa/ rdo rje 'dzin pa legs par zung zhig/ pha rol phyin pa chen po bcu// zin pas rtsol pa'i nad spangs pa// lhun gyis gnas pas

  214. 107b

    bzhag pa yin// snying po ye nas sangs rgyas pas// rtsol ba'i bsam pas dbyings mi bskyod// bsam gtan ting 'dzin sangs rgyas sku la bsgribs// sangs rgyas sku ni ma sgribs kun tu gsal// lhun grub chen por ma rtogs pa// nges pa'i pha rol phyin pa min// yang dag nges pa'i don chen de// ngo bo nam mkha' lta bu la// yon tan snang ba phyogs med shar// shar yang rang rig rnam par dag/ de nyid sbyin pa'i pha rol phyin// dri med rnam dag tshul khrims pha rol phyin// 'gran zla med pas bzod pa'i pha rol phyin// brjed pa med pas brtson 'grus pha rol phyin// g.yo ba med pas bsam gtan pha rol phyin// 'gag pa med pas shes rab pha rol phyin// gti mug ma rig med pas de bzhin no// bya rtsol mi mnga' thabs kyi pha rol phyin// skad cig spyod pas stobs kyi pha rol phyin// yon tan rang la rdzogs pas smon lam pha rol phyin// gzhi gnas ye shes yin pas ye shes pha rol phyin// zhes gsungs so// spros bral don gsal chen po'i rgyud las/ pha rol tu phyin pa bcu'i spyod pa'i lam gzhi rdzogs su bstan pa'i le'u ste brgya dang gsum pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // don gyis pha rol phyin pa bcu// de yi don bshad ji ltar lags// zhes zhus so// ston pas bka' stsal pa/ rdo

  215. 108a

    rje 'dzin pa legs par zung zhig/ pha rol phyin pa'i ngo bo dang // nges tshig dbye ba mthun dpe rnams// bsdus te don du gsal bar bshad// dang po ngo bo bshad bya ba// rnam grangs nges pa'i don la bzhag/ dbye ba'i sgo nas shes pa yin// nges tshig gtan tshig bcas pa ni// mi gnas mthar rdzogs pha rol phyin// dbye ba rnam pa gnyis su 'dus// rgyu yi pha rol phyin pa dang // 'bras bu'i pha rol phyin pa'o// dper na don gnyer lam zhugs pas// 'dod pa'i yul du phyin pa'am// gru la brten nas mtsho las thar// skyes bu'i mtheb mos mda' bskyod bzhin// mthar phyin grub pa'i sa la gnas// zhes gsungs so// spros bral don gsal chen po'i rgyud las/ 'bras bu pha rol du phyin pa'i don bshad bstan pa'i le'u ste brgya dang bzhi pa'o// // de nas yang gsang ba'i bdag pos zhus pa// kye kye bcom ldan rdo rje 'chang // ston pas gsungs pa'i rgyud lung las// sbubs zhes gsungs pa ji ltar lags// zhes zhus so// ston pas bka' stsal pa// rdo rje 'dzin pa legs par zung zhig/ sbubs kyi ngo bo nges tshig dang // dbye ba mthun pa'i dpe yis bshad// dbye ba rnam pa gsum yin te// rin chen sbubs dang 'od kyi sbubs// bag chag sbubs dang gsum yin no// dang po mtshan nyid 'dzin pa ni// rnam dag zang thal mi rtog 'gyur ba

  216. 108b

    med// 'gag med kun gsal ye shes sku// phyogs gcig mtshan ma man shel bzhin// zhib tu gong bstan gzhi snang bzhin// rin chen sbubs zhes chos sku yin// bar pa'i mtshan nyid bstan pa ni// 'gag med ye shes 'od kyi sku// sum cu rtsa gnyis mtshan 'chang ba// tshom bu'i dkyil 'khor chen po lnga// gsal mtsher lhun sdug gzi brjid 'bar// 'od kyi sbubs de longs sku yin// tha ma'i mtshan nyid bstan pa ni// bag chags rnam bzhi yongs rdzogs pa// phung po khams dang skye mched bcas// tshogs brgyad sems dang bcas pa ni// bag chags sbubs su nga yis bstan// de la sbubs gsum ngo bo ni// gong bstan sku gsum yin par bshad// sbubs zhes bya ba'i gtan tshigs ni// zhugs pa'i rten du gyur pa yin// sbubs zhes bya ba'i brjod tshig ni// so so'i nges tshig bstan pa yin// yon tan kun 'byung rin chen sbubs// snang la rang bzhin med pa 'od kyi sbubs// chu zla me long gzugs brnyan dang // 'ja' tshon lta bu'i dpe yis bstan// rnam rtog mthu brtas bag chags sbubs// zhes gsungs so// spros bral don gsal chen po'i rgyud las/ sbubs bstan pa'i le'u ste brgya dang lnga pa'o// // de nas yang gsang ba'i bdag pos zhus pa// kye kye bcom ldan rdo rje 'chang // ston pas gsungs pa'i rgyud lung du// snang ba'i bye

  217. 109a

    brag gsungs pa rnams// de yi don bshad gsung du gsol// zhes zhus so// ston pas bka' stsal pa// rdo rje 'dzin pa legs par zung zhig/ snang ba'i ngo bo nges tshig dang // dbye ba so so'i dang ru bstan// dang po dbye ba rgyas bsdus gnyis// rgyas pa la yang rnam pa bzhi// 'gro drug zhen pa'i snang ba drug/ rgyu 'bras blo yi snang ba bcu// rtogs ldan don gyi snang ba gcig/ dbyer med kun tu bzang po'i snang ba bzhi// bsdus pa'i snang ba rnam pa gsum// ma dag 'khrul pa'i snang ba dang // dag pa 'jig rten pa'i snang ba dang // yang dag pa ye shes kyi snang ba'o// dang po snang ba rgyas bshad pa// 'gro drug zhen pa'i snang ba drug/ shes bya'i dkyil 'khor ma 'gags pas// snang ba'i dngos po 'di nyid la// dmyal bas tsha grangs gnyis su mthong // yi dwags gsum la snang ba gsum// phyi nang spyi mthun snang ba'o// phyi yis zas la rnag khrag dang // gos la tsher ma lta bu'o// gcig la zas snang srung mas bsrung // gcig la srung med zos pa dug/ de bzhin yi dwags gsum du snang // byol song gnyis la snang ba gnyis// byings na gnas pas mun pa ste// kha 'thor gnas pas gyen thur snang // mi la mthun snang 'di nyid ste// rang rang yul mi khyim tshes sogs// lha ma yin la go mtshon snang // lha la rin chen bdud rtsir snang // blo snang zhen pa'i

  218. 109b

    bag chags yin// rgyu 'bras blo yi snang ba bcu// mu stegs rtag pa'i snang ba yang // rtag pa'i dngos las gzhan mi snang // mu stegs chad pa'i snang ba yang // 'di yod phyi ma med pa ste// snang 'di glo bur byung ba dang // zhig pas 'byung lnga'i ngang du zha// chad par snang las gzhan mi snang // nyan thos g.yag rnga ne'u seng dang // gong bu cha shas med pa ltar// gzung 'dzin chos kyi bdag tu 'dzin// rang rgyal gong mthun phyogs gcig stong // phung po khams la phyogs gcig bdag med pa// mdo sde don dam stong pa nyid// kun rdzob sgyu ma tsam du snang // gsang sngags phyi nang gnyis ka yang // don dam mdo sde mthun pa la// kun rdzob snang ba so sor mthong // kri yas rigs gsum rje kho la mthong // u pas lha dang dpon g.yog mthong // yo gas spun dang grogs por mthong // ma hAs phung po lhar snang mthong // a nus dbyings dang ye shes mthong // kun gyis rgyu 'bras mi spangs shing // dngos po mi bden blo la snang // rgyu 'bras blo yi snang ba yin// rtogs ldan don gyi snang ba ni// rdzogs chen rtogs pa'i snang ba yin// thams cad chos spu'i ngo bo mthong // kun tu bzang po'i snang ba yin// gong ma dang mtshungs gnyis med snang // thog ma'i gzhi snang 'dug tshul yin// bsdus pa'i snang ba rnam pa gsum// ma dag 'khrul snang gong bstan rigs drug

  219. 110a

    yin// dag pa 'jig rten pa'i snang ba bcu ni byang chub sems// yang dag ye shes snang ba bzhi po gong dang mtshungs// snang ba'i dbye ba rgyas bsdus bstan pa'o// snang ba'i ngo bo bstan pa ni// dbye ba gong nas shes par gyis// 'og tu zur tsam brjod mi lang // yang dag nges pa'i ngo bo ni// chos nyid gdangs dang snang ba dag gi nges tshig ni// 'gag med yul du mthong bas snang bar btags// dpe ni dbye ba'i khog tu bstan// 'di ru nges pa'i dpe bstan pa// nyi ma dag las zer snang dang // mar me la sogs snang 'od bzhin// snang zhing rang gi gdangs la zhugs// de bzhin ye shes chen po las// ye shes rang gdangs zang thal snang // ye shes rang gi gdangs la zhugs// chos nyid dag pa'i dpe bstan pa// me long la sogs bzhin snang bzhin// gong du bshad pas 'dir ma brjod// bsdus pas gnas pa'i yul ma yin// zhes gsungs so// spros bral don gsal chen po'i rgyud las/ snang ba'i don bsdus gsal bar bstan pa'i le'u ste brgya dang drug pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // snang ba de la gnas pa yi// 'char lugs bzhi po ji ltar lags// zhes zhus so// ston pas bka' stsal pa/ lag na rdo rje legs par zung zhig/ dang po thugs rje rtsal gyi 'char lugs

  220. 110b

    ni// rig pa mtshan nyid lngar snang bas// rang byung ye shes 'od du gsal// de las gzung 'dzin rtog 'gyus pas// 'od de lus kyi rten du gyur// thugs rje rtsal gyi 'char lugs la// de ni 'khrul pa'i sems can la'o// thugs rje sbrul sku'i 'char lugs ni// longs sku yab yum zhal bar nas// yi ge drug pa 'od du 'phro ba'o// srid pa bzhi yi 'dzin lugs ni// dang po bag chags lus 'di la// brtags nas srid pa gzung ba'o// de nas lus byings bskyed pa'o// mig gnyis dag nas rtsa gnyis shar// de las rtsa yi mdud par gyur// de las lus bskyed rtsa yis yan lag rgyas// de yi nang du tsit+ta dang // glo ba la sogs nang khrol rnams// don snying so sor rdzogs par 'gyur// sdud byed lus kyi chags lugs yin// lus byings bskyed rdzogs g.yo bar byed// nang gi bcud kyi chags lugs ni// ma bu'i lte ba gnyis 'brel te// lte bas nang nas bskyed par byed// de yis stobs dang gzi mdangs 'phel// zhes gsungs so// spros bral don gsal chen po'i rgyud las/ chags lugs bzhi bstan pa'i le'u ste brgya dang bdun pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // rgyud lung kun nas gsungs pa yi// bar do rnam bzhi gsung du gsol// zhes zhus so// ston pas bka' stsal pa// rigs kyi bu legs

  221. 111a

    par nyon cig/ bar do rnam pa bzhi po ni// rang bzhin dag pa'i bar do dang // ting nge 'dzin gyi bar do dang // chos nyid 'od gsal gyi bar do dang // srid pa'i bar do dang rnam pa bzhi'o// de la rang bzhin bar do ni// da lta'i 'khrul snang 'di nyid yin// ting nge 'dzin gyi bar do ni// las su ma rungs bsgom dus yin// chos nyid par do zhes bya ba// 'khrul snang 'gags nas zhag lnga'i bar// rang rig ye shes 'od du shar// 'od la gnas pa bar do yin// srid pa'i bar do zhes bya ba// chos nyid 'od gsal snang ba yang // rtogs pa'i shes rab ma skyes pas// snga nas ye shes bag la zha// sngar gyi bag chags snang ba shar// dbang po kun tshang thogs med ldan// srid pa'i sha gzugs sngon du shar// rang dang rigs mthun lha mig mthong // lus dang 'dug sa tshol bar byed// ngo bo dbye bar bcas pa'o// nges pa'i don la mi gnas pas// rang sa ma zin par do yin// nges pa'i gtan tshigs zhes bya'o// dper na 'jig rten don gnyer ba// 'gro sar ma phyin zhag sa bzhin// rang bzhin gnas pa'i bar do la// rgyud lung kun gyi khog/ dgrol te// ngo spyod bdun gyis gtan la phab// rang rig lta bas zag chod pa'o// ting 'dzin par do gsal bar bya// chos nyid bar do ye shes ngos bzung ba'o// gal te de ltar ma gyur pas// srid pa'i bar do

  222. 111b

    las kyi 'phro mthud pa'o// zhes gsungs so// spros bral don gsal chen po'i rgyud las/ bar do bzhi bstan pa'i le'u ste brgya dang brgyad pa'o// // de nas yang gsang ba'i bdag pos zhus pa// kye kye bcom ldan rdo rje 'chang // chos nyid bar dor grol ba'i thabs// sems dang ye shes ji ltar dbye// zhes zhus so// ston pas bka' stsal pa/ rdo rje 'dzin pa nges par zung zhig/ sems dang ye shes rnam pa gnyis// gcig min tha dad ma yin te// dbye ba rab tu dka' ba'i chos// sems nyid ye shes rtsal yin te// sems kyi gzhi ma ye shes yin// de la sems dang ye shes gnyis// gcig pa dang ni tha dad pas// grol dang ma grol zhes bya'o// sems dang ye shes dbye ba ni// ngo bo'i sgo nas dbye ba dang // gnas kyi sgo nas dbye ba dang // lam gyi sgo nas dbye ba dang // 'byung ba'i sgo nas dbye ba dang // skyon yon so so'i sgo nas dbye ba'o// de la ye shes ngo bo ni// rang bzhin rnam par dag pa chos kyi sku// 'dug tshul 'od du 'dug pas gzugs kyi sku// snang tshul phyi nang med pas ye shes zang thal yin// sku gsum dbye med dngos po'i sgrib las 'das// zhib tu gong bshad 'dir ni ma brjod do// sems kyi ngo bo bstan pa ni// sbubs dang bcas pa'i gzung 'dzin yin// sems dang ye shes gnas bstan pa// ye shes chen po'i

  223. 112a

    bzhugs gnas yin// rnam dag dbyings kyi thig le yin// de ltar rin chen sbubs na bzhugs// 'dug tshul gnas dang snang tshul rnams// gong dang 'og tu shes par bya// sems ni rlung can grong na bzhugs// lam yang rnam pa gnyis su bstan// rin chen rgya mtshor 'brel ba yin// dkar 'jam khog pa stong pa'i rtsa// thig le khrag gis ma gang bar// ye shes chen po kun tu rgyu// de ni ye shes lam du bshad// mgrin pa sems kyi lam du bshad// de ni dbugs rgyu'i 'gyu srang yin// sgo ni rnam pa gnyis su bshad// ye shes sgo dang sems kyi sgo// ye shes sgo ni gnyis yin te// khyab pa mi snang sgo dang lkog gyur sgo// rnam pa gnyis su bstan pa yin// gsal ba'i bdag nyid zang thal bas// mngon gyur sgo de spyan du bstan// sems sgo 'dod pa'i sgo gsum yin// dbugs rgyu mi rgyu'i rnam shes dbye'o// ye shes yon tan kun snang rdzogs// sems kyi skyon ni 'khor ba'i chos// de dang de las byung ba'i rtsi// kye ma rig kyi bu legs par nyon cig/ don de zab mo'i brdar bstan na/ sngon ri rab kyi rtse mo rgya mtsho'i nyi ma can na// klu'i rgyal po nor bu 'od ldan bya ba bzhugs skad/ kho skyo nas yas mar gzigs pas/ rnam dag pad ma'i tshal bya ba na rin po che'i khang pa nyi zlas brgyan pa bya ba 'dug pa mthong / der khong yang byon te bzhugs

  224. 112b

    pa'i pho brang byas skad do// gong ma la mchod khang byas te bzhugs skad/ de nas mar gzigs pas rlung can gyi grong na/ blon po kun byed bya ba 'dug pa mthong ngo // der byon nas blon por bskos so// rgyal blon 'khrugs par gyur skad do// de nas blon pos bskyod pa shugs kyi rta la zhon nas/ kun tu rgyu'i srang du phyin te/ 'thab rtsod kyi sgo gsum du byon te/ rin po che rnam pa lnga btsal nas/ rgyal po la dpya phul bas/ rgyal po mnyes pa dang tshims par ma gyur te/ dmangs dang blon po yi mug ga chad nas/ rgyal blon 'thab pas/ rgyal pos blon po la chab bsal/ 'bangs cham la phabs nas/ rgyal blon bral bas mchod pa rgyun chad de/ rgyal po pho brang du bskyod de/ 'thab zla med pas shin tu so bsod do skad/ dz+nyA na tsit+ta pra be sha ya sa du a hA kA la/ zhes gsungs so// spros bral don gsal chen po'i rgyud las/ sems dang ye shes dbye ba bstan pa'i le'u ste brgya dang dgu pa'o// // de nas yang gsang ba'i bdag pos zhus pa// kye kye bcom ldan rdo rje 'chang // gang gsungs don rnams rtogs pa yis// 'khrul pa'i snang ba ji ltar 'gags// ye shes snang ba ji ltar 'char// rang rig shes pa ji ltar 'jug/ rtags kyi shes pa ji ltar 'byung // rab 'bring grol lugs ji ltar lags// zhes zhus so// ston pas bka' stsal pa// gsang bdag

  225. 113a

    nges pa'i don 'di zung // 'jig rten 'khrul pa'i snang ba 'di// dang po rang las shar ba'i phyir// mtha' mar rang gi ngang du grol// gang bstan rang shar rang grol bzhin// snang ba sems kyi dbang du 'dus// gzung bar bya ba'i yul dang bral// sems rtogs ye shes dbang 'dus pas// 'dzin par byed pa'i sems dang bral// gzung 'dzin bral ba'i rig pa la// ye shes rang dang sa 'od gsal ba// mkha' la 'ja' tshon gsal ba ltar// chos nyid klong na ye shes gsal// mtha' dbus med par kun tu khyab// de tshe shes pa de la 'jug/ dngas ma'i 'byung ba rnam pa lnga// chos nyid ngo bo nyid la shar// de la snang ba'i 'byung ba lnga// rang rang ngang du dag cing thim// 'byung ba'i skabs su bstan pa yin// dang po sa la sa thim pas// lus lci shes pa 'grib pa yin// de nas chu la chu thims pas// lus po kha sna skam pa yin// de nas rlung la rlung thim pas// lus dang shes pa lji zhing byings// de tshe me la me thim pas// lus ni drod dang bral ba yin// rnam shes nam mkha'i ngang du thim// tshor ba bde sdug rnam rtog bral// khyab pa med pa'i gdangs la gnas// chos nyid rang gi ngo bo lnga// thig le lnga yi bdag nyid can// rang bzhin dag pa'i nam mkha' dang // gnyis min gcig min don gyis gnas// ci yi phyir na logs na med// bag dang ma

  226. 113b

    bral kha dog dbyibs// de la de snang de yi ngo bo la// de phyir de la de skad ces brjod pa'o// ye shes gzhi la 'bros pa'i rtags// ri rab rtse nas nyi ma nub// rlung bzhi rim pas zhi gyur nas// las kyi rlung gis bskyod pa'i bdag/ 'chi bdag bdud kyi grong khyer nas// bdud kyi so ba mig gcig po// dus la bab dang ma bab blta// mang yang rtags kun bsdus pa yin// zhes gsungs so// spros bral don gsal chen po'i rgyud las/ grol sa spyi'i mtshan nyid bsdams pa dang rtags bstan pa'i le'u ste brgya dang bcu pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // gang zag lus sems 'bral mi 'bral// rtags kyi bye brag ji ltar 'byung // de skad zhus pa'i lan gsungs pa// nyon cig gsang ba'i bdag po khyod// gang zag lus sems 'bral mi 'bral// rtags kyi bye brag ngas bstan nyon// 'chi ltas bcu gsum dag tu bstan// gangs kyi rlangs pa yal ma yal// nyi ma'i ngos la rlangs pa yal ma yal// rlangs pa yal na lus sems 'bral bar 'gyur// gzhung rtsa nyams te rlangs pa med pa yin// gsal ba shel gyi me long gi/ gdangs de nub bam ma nub blta// me long btsir bas bltas pa der// mdangs shor gzhi 'dus 'chi bas rtags// dpags bsam 'dab ma chag gam ma chag

  227. 114a

    baH// s+thA dang bsgra log na mo 'dab bskams// rtsa zan nang du 'thams pas 'chi ba'i nags// mkha' 'gro'i sgra sngags chag gam ma chag brta// rna ba gcis btsar bas ni mngon pak+Sha/ gzhi la rtsal 'dus 'chi ba'o// gnam sa'i 'brel zag chad dam ma chad brtag/ lag dang mig sngar byar bas brtag/ chad na a ho li ka nyams te 'chi// thabs dang shes rab bral lam ma bral ni// sa thag gnyis kyi dbugs la blta ba ste// dbugs la ring thung byung na rtsa 'gags 'chi// rta mchog khang bzang gtib bam ma gtib brtag/ sna brag zhom na khang bzang gtib ste 'chi// don snying g+ho rtsa thams pas 'tshal// thag gi rgya mtsho ba rnams sam ma bskams pa// / mthar chos bkrag la bas te thams na 'chi// khrag rnams nang du 'dus pa yin// klog dbang ze 'am mthe lce la brtags// kye sdebs kya na 'thams pas 'chi// bcan po'i mkhar gyi sgo mchod dam mchod mtha// mchod rtsa nang du thos pas mchu ni bsam mi shes// ri rab skang nas bdud nag langs ma langs// mdzub pra kha sbyar zin lag bsdum// sbyin lag byed dam mya byed paste// byed na sbyang rgya 'dzums pas 'di// gzugs brnyan rgyo 'phrul yul mya yul// rang grib par snang gzugs la brgya// gzugs myed snang ba log pas 'tsho// dus ky-i ts+tsha

  228. 114b

    klung mal na nyal ma nyal// bla rtsa 'khyams po med na 'chi// de ltar 'chi ltas byung na ni// tshe yi 'du byed byer bar 'gyur// zhes gsungs so// spros bral don gsal chen po'i rgyud las/ 'chi ltas rgyas par bstan pa'i le'u ste brgya dang bcu gcig pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // gang zag rtogs shing goms ldan la// bar do'i snang ba ji ltar 'char// de nyid zhus pa'i lan gsungs pa// spyi dang bye brag gnyis su bstan// bye brag dbang po rab 'bring gi/ go rim bzhin du 'char bar 'gyur// rtogs ldan spyi ru 'di ltar 'byung // lus sems bral te sku gsum 'char dus su// 'khor ba'i chu bo bzhi las brgal// skye rgas na 'chi bzhi yin no// srid pa'i lam chen lnga las brgal// nyon mongs chags sdang rnams lnga'o// sems kyi rten phur phyung ba ste// bem rig bral ba'i dus yin no// mya ngan zang chen dag las brgal// 'jig rten 'di yi sdug bsngal lo// lhan cig skyes pa'i grogs dang bral// lhan skyes ma rig sangs pa yin// rtag pa'i yul dang bral bar gyur// 'jig rten snang ba 'di nyid 'gags// yun ring 'grogs pa'i grogs dang bral// 'jig rten 'di yi sems yin no// 'gyur ldog can gyi blo dang bral// gzung 'dzin rtog pa sna tshogs so// rtag tu na ba'i nad dang

  229. 115a

    bral// de ni 'khor ba'i sdug bsngal lo// dus kyi dmar zag chad pa yin// skad cig dus mtha' zad pa'i dus// dngas ma'i rang snang shar ba'i dus// rig pa rang ngo rang gi shes pa'o// 'dzin pa'i shes pa med pas na// snang ba'i rkyen gyis bskur mi tshugs// rang snang shar kyang rang sar grol// 'gyu ba mi shes zang thal yin// 'og 'gyu'i srog gcod dang ma sangs// rig pa rang sar zin pa yin// rig pa ma dang 'phrad de ldog mi srid// snang ba rang snang nyid du snang ba la// rig pa 'dzin med 'khrul mi srid// sku gsum lhun gyis grub pa la// 'bras bu gzhan nas mi 'tshol rtsol sgrub bral// longs skur byon nas gzhan don mtha' ru 'byung // gzhan don rdzogs nas chos sku nyid du thim// de nyid dus na gzhan don gzugs sku man chad nas// 'jig rten dag dang theg pa'i mtha' rnams bral// zhes gsungs so// spros bral don gsal chen po'i rgyud las/ bar do'i 'bras bus bstan pa'i le'u ste brgya dang bcu gnyis pa'o// // de nas yang gsang ba'i bdag pos zhus pa// kye kye bcom ldan rdo rje 'chang // spyi yi bye brag de ltar na// rab 'bring tha ma'i grol lugs rnams// ma nor rim pas gsung du gsol// zhes zhus so// ston pas bka' stsal pa// dbang po yang rab gyur pa la// ye nas zang thal chen po pas// bar

  230. 115b

    do med cing skad cig mar// de lta nyid du gnas pa yin// rang bzhin dag pa'i nam mkha' la// chos nyid dag pa'i ngo bo gnas// de la rig pa zang thal shar// shar ba ma yin gnas pa yin// dper na nam mkha' zang thal la// khang khyim byas pas nam mkha' gud du bcad// khang pa'i nang gi nam mkha' dang // rang bzhin dag pa'i nam mkha' gnyis// sgo 'am mthong na sgrib med pas// nam mkha' gnyis po sgrib med gsal// bag chags sbubs kyi rig pa dang // mkha' la gnas pa'i rig pa gnyis// ye shes sgo yis mtshams sbyar nas// bag chags lus kyis ma bsgribs par// gnyis med zang thal chen por gnas// rtogs pa'i don chen de ltar ni// seng ge'i mchongs pas sa chod ltar// ye shes zang thal chen po yis// bar do skye 'gags mi gnas par// rin chen sbubs kyi nang du gcod// de bas ye grol chen por gnas// de la rtsis gdab mi bya'o// ji ltar don brjod mi shes pa// dbang po dman pa'i gang zag la// grol lugs rtsis gdab bya ru med// byas kyang nges pa mi rnyed pas// skye ba gcig gis thogs par bshad// de nas de nyid 'phrad par 'gyur// 'bring la rab 'bring tha ma gsum// 'bring gi rab dang 'bring gi 'bring // 'bring gi tha ma rnam pa gsum// 'bring gi rab kyi grol lugs ni// skad cig gsum la

  231. 116a

    grol bar 'gyur// dang po snang ba tshul la 'jug/ sgo lnga'i rnam shes dag la'o// nang gi 'byung ba 'od la 'du// rnam shes lnga po de ltar 'jug/ rtsal snang bzhi la 'dus pa ni// tshon gyi gru gu bsdog pa bzhin// de tshe rlung bzhi rim bzhi nas// snying rje med pa'i las kyi rlung // srog pa rtsa nas ldang bar 'gyur// de tshig gnas nas lam du 'jug/ lam nas sgo ru myur du 'jug/ sgo yi snang ba chos nyid klong du 'char// thugs rje rgyun gyi theg pa zang thal la// zhon nas ye shes rang gi gdangs la 'jug/ de yi skad cig dang po la'o// de'i tshe skur snang shes rab skye// bzhi bcu rtsa gnyis mngon gsal ba// me long nang gi gzugs brnyan bzhin// ye shes lnga ldan dgongs pa yin// gong du zhib par brjod pa'i phyir// 'di ru brjod par mi bya'o// de las mngon shes chos spyan shar// sku gsum rnam par bzhag pa ste// yi ge drug po 'od zer 'phro// sprul pa'i skur 'gyur don rnams byed// de tshe rdzogs ldan dgongs pa rdzogs// de yi skad cig gnyis pa la'o// de nas mya ngan 'das gyur te// blo dang 'khor ba'i chos can las// 'das te mi gnas ngang du thim// ye shes spyan gcig 'gyur med gsal// rdzogs ldan chen po'i dgongs pa rdzogs// de yi skad cig gsum pa'o// 'bring gi 'bring gi grol tshul ni// dang po phyi nang 'khrul pa dag/ gnyis

  232. 116b

    par rang gdangs 'od du gsal// gsum par de la skad cig gnas// bzhi par rang snang shes rab skye// ma rig bdud bzhi nges bcom ste// bzhi bcu rtsa gnyis mngon sangs rgyas// 'bring gi 'bring gis lnga ldan dgongs pa rdzogs// mngon shes drug ldan rjes dran drug/ nam mkha'i mthongs nas nyi shar ltar// rnam pa kun mkhyen ye shes shar// 'a sogs yi ge rnam drug 'phro// de ni sbrul sku'i rgyu yin te// las dag gang zag rnam pa gnyis// 'du 'phro byed pa'i bar du 'phro// dkar dmar rnam gnyis lus kyi rgyu// yi ge drug pa'i byang chub sems// lus kyi rgyu las sems shar bas// dkar dmar klong du gnas pa ni// gnas la gnas gab lus dang sems kyi tshul// de nas lus kyi sprul pas 'gro don mdzad// 'gro ba ma lus thams cad la// rang rig ye shes ye gnas pa// snying po 'gyur med 'gag pa med// de don nges pa kun la sgrogs// thugs kyi snying po 'gro la 'char// ston pa'i dgongs pa longs 'gyur bas// yid 'dres bcud la bcud gab 'gyur// de yis nges par grol bar 'gyur// 'bring gis rdzogs ldan dgongs pa rdzogs// de nas skad cig drug pa la// sangs rgyas mya ngan yongs 'da' ste// ye shes rlung gi stobs rnams kyis// dang po chos skur gzugs sku bskyed// tha ma gtso 'khor rim pas thim gyur te// ye

  233. 117a

    shes rlung gis chos nyid ngang la spyod// de tshe 'byung ba'i mtshan ma rang sar thim// sbrul sku'i 'byung lnga 'od lnga'i nang du thim// de yang ye shes 'byung ba'i ngo bor grol// dang po ma las shar bsam yi ngang du zhi// dang po shar yang dbyings kyi ngang nas shar// bar du gnas kyang chos nyid ngang du gnas// tha ma thim yang chos nyid ngang du thim// spyan gsum rnam dag 'gyur med gcig tu gsal// chos nyid dang na rig pa'i ye shes gsal// phyir mi gsal la ye shes nang du gsal// bum pa'i nang du mar me gsal ba bzhin// de tshe 'gyur med sku gsum rang sa zin// 'bring gis rdzogs ldan chen po'i dgongs pa rdzogs// 'bring gi tha ma'i grol lugs ni// phyi yi 'byung ba rnam pa lnga// phyi yi snang byed sgron ma la tshur shar te// gzung ba'i yul dang bral ba'o// sgo lnga gsal ba'i sgron ma ni// ye shes dbang du 'dus pas 'dzin rtog bral/ nang gi 'byung ba rnam pa lnga/ rig pa'i sgron ma ye shes rtsal snang lnga la 'dus/ de ni rtsal gzhi la 'dus par bstan pa'o// de'i tshe thugs rin po che nyi zla kha sbyor gyi klong yangs na// 'byed pa med pa'i shes rab klong gcig du dril ba'o// de ni bag chags kyi sbubs rang sangs te// skad cig ma dang po la gnas so// de'i dus na 'byung ba bzhi bros pas/ rtags rim par 'byung ngo // snying rje med pa las kyi

  234. 117b

    rlung la sogs pa rlung lnga gnas par byed pa ni 'degs par byed pa'i rlung tshigs pa la gnas te/ lus yang zhing bskyod nus pa'o// de zhi bas lus mi theg ste/ de ni sa dang grogs pa'i rlung ngo // bkrag dang gzi mdangs skyed pa'i rlung lus la spyir khyab par gnas te/ de ni khyab byed kyi rlung zhes bya ste/ lus kyi snum bkrag dang gzi mdangs 'byin pa'o// shin tu yang bas rkyen phra mos kyang bskyod nus te/ lus mdangs dang bkrag 'chor ba'o// de ni chu dang 'grogs pa'i rlung ste/ zhi bas mdangs nyams pa'o// me dang dus mnyam pa'i rlung pho ba na gnas te/ der zas 'ju ba dang lus byings drod skye bar byed do// zhi bas drod 'chor bas zas mi 'ju/ de ni me dang 'grogs pa'i rlung ngo // dngas snyigs 'byed pa'i rlung ni steng sgo 'og sgo gnyis la khyab par gnas te/ de ni rlung gi rlung ste zas dngas snyigs 'byed pa dang / snyigs ma gyen mthur du sel bar byed/ thig le dkar dmar dang dri chu la sogs pa sel ba'o// de zhi bas pho ba brdzangs pa dang / shes pa dang lus bying ngo // snying rje med pa las kyi rlung ni/ rlung 'khor ba srog rtsa na gnas te/ srog 'dzin pa'i rlung yin pas/ ji srid gnas kyi bar du lus sems mi 'bral ba'o// de ni rnam par shes pa dang 'grogs pa'i rlung ste/ de bskyod pas snying nas lam rtsa dar dkar gyi skud pa 'dra ba der bskyod de/

  235. 118a

    rtags kyi gsang sgor phyin no// de'i tshe nyi ma shar gyi la khar phyin pas/ 'od nub ri la 'byung la/ bar na 'od zer zag pa bzhin du/ rig pa'i ye shes sgo lngar gnas la/ de'i snang ba yul chos nyid na gsal te/ ye shes zang thal yin te/ bar chad med pa thugs rje rgyun gyi zag pas sbrel te/ thugs rje rgyun gyi zag pa la zhon nas rang gi gdangs la 'jug go// ye shes kyi gdangs la zhag lngar gnas te/ shar ba cig car shar ba'o// yang ye shes kyi snang ba nam mkha' la 'ja' shar ba ltar snang ba'o// de la rtogs pa'i shes rab rim pas skye ste/ zhag dang po la 'od mthing ga gsal bas/ rig pa ngos bzung dang bral bas chos kyi dbyings kyi ye shes rang snang rang shar rang gdangs rang gsal du shes pas/ shes bya la gcod byed med do// zhag gnyis pa la chos dbyings ye shes gsal ba'i steng du me long ye shes shar ro// 'od dkar po yul du snang ba'i tshe/ de nyid rig pa 'gag pa med pa'i me long ye shes su zag chod do// zhag gsum pa la 'od zer ser po yul du snang ba'i tshe/ de nyid rig stong dbyer med rang snang mnyam pa nyid kyi ye shes gdangs su gsal lo// zhag bzhi pa la 'od dmar po yul du snang ba'i tshe// de nyid shes pa'i shes rab ma 'gags pa'i rang snang so sor rtogs pa'i ye shes kyi gdangs su gsal lo// zhag lnga pa

  236. 118b

    la 'od ljang gu yul du snang ba'i tshe/ de nyid bya ba grub pa'i ye shes kyi gdangs su gsal lo// skye ba rim pas skye bas zhag lnga la ye shes kyi snang ba re re gsal lo// chod pa zad kar chod pas/ snang ba re re la rtogs pa'i shes rab re re skye ste/ sems med pa'i shes pa skyes kyang gcod byed med do// zhag lnga la lus mtha' rdzogs pas shes rab mtha' rdzogs te/ skad cig ma la chos nyid 'od gsal gyi dkyil 'khor na// tshom bu lngar phyag rgya mi 'gag par gsal lo// des tha ma'i lnga ldan gyi dgongs pa rdzogs so// sku de rnams la mngon par shes pa drug 'char te/ spyan gsum las chos kyi spyan no// de ci ltar 'char na/ spyan gyi mngon par shes pas// yar gzigs su med pa chos sku rin po che'i sbubs nas// gzigs/ thad ka nas longs spyod rdzogs pa'i sku bzhi bcu rtsa gnyis ma 'gags par 'od du gsal lo// mar sprul pa sku'i zhing khams bag chags sbubs na ji ltar gnas pa thams cad gzigs so// snyan gyi mngon par shes pa ni/ yar dus gsum gyi sangs rgyas thams cad thugs rje ye shes rtse gcig pa la/ nyid la nyid gleng bslangs pa yang gsan/ thad kar longs spyod rdzogs sku tshom bu lnga gsal lo// mar sprul pa'i sku'i zhing khams na/ ji skad smra ba thams cad gsan no// thugs kyi mngon par shes pas/ yar chos sku rin po che'i

  237. 119a

    sbubs nas 'byed pa med pa'i shes rab 'dzin pa med pa'i rang gsal/ gzhan snang gi rnam rtog med par bzhugs par mkhyen no// thad kar rang gi dgongs pa ma 'gags par gsal lo// mar sems can gyi rnam rtog mngon du mkhyen no// gnas kyi mngon par shes pa ni/ sku gsum gyi zhing khams dang / chos kyi dbyings dang 'od kyi snang ba dang // 'byung ba bzhi la brten pa bca' lugs bzhin gyi rigs drug gi gnas gzhan ma 'gags par gsal lo// las kyi mngon par shes pa ni/ sngon rang gis ji ltar spyad pa dang / da lta 'gro ba gzhan ji ltar spyod pa mkhyen no// thugs rje byin rlabs kyi mngon par shes pa ni/ mthun pa'i sems can rnams la snang bas/ rigs drug mthun pas mthun par snang bas 'dul ba gzigs te/ sprul pa'i sku sa drug shar lugs mkhyen no// rigs kyi bu de la chos kyi spyan zhes ci'i phyir gdags she na/ sprul pa'i sku 'khor ba'i chos dang / chos sku rin po che mya ngan las 'das pa'i chos gnyis/ rnam rtogs mi mnga' bar gsal bas chos kyi spyan no// don la rnam par mkhyen pa ni lkogs su gyur pa mkhyen pa'o// spyan ni gsal la mi rtog pa ste/ gzugs brnyan la sogs pa bzhin no// de tshe rang byung gi yi ge drug 'char ba yang / 'a dang / a dang / ha dang / sha dang / sa dang / ma dang drug ste/ rigs kyi bu yi

  238. 119b

    ge drug po de gzhi chos sku la don ldan du bzhugs so// dbyings dang rig pa dang / ye shes dang / shes rab dang / mi 'gyur ba dang / mnyam pa nyid dang / dbye ru med par gnas pa'o// bag chags lus can sbrul sku la/ lus kyi gnas drug la gnas te/ gsung 'gag pa med par don la sbyar ba'o// longs sku'i ljags las 'phro ba ni/ thugs rje 'byung ba'i gzhi ma 'gags pa/ yi ge drug po las rin po che'i srad bu bsgril ba 'am/ snal ma'i tshon skud bsgril ma bzhin 'phros pas/ las dag pa sprul pa pho mo'i spyan nas 'jug/ sems can las kyi skye ba mngal nas 'jug pa'o// bde ba chen po'i gsang gnas nas/ 'od 'bar ba bde ba'i rta la zhon te/ bde chen yongs la khyab pa'i thig le la/ snod dang bcud kyi tshul du gab/ de sprul pa'i skur gyur nas sems can gyi don byed pa'o// don yod 'gro ba'i don byed pa'o// rtogs med du 'byung ba kun gyi don ma spangs pa'o// de bzhin gshegs pa snga ma las phyi ma 'char te/ de nyid sprul pa rgyun mi chad pas/ sangs rgyas sprul pa'i rgyud 'chang ba'o// phyogs gcig tu ma nges te/ gdul bya gang na gnas pa'i don mdzad pas na/ phyogs bcur sprul pa sna tshogs 'gyed pa'o// mthun pas mthun pa 'dul bar gzigs pas na/ ji bzhin 'gro ba'i don byed pa'o// dngos su thub pa drug gis 'gro ba dag gi

  239. 120a

    don byed pa'o// thugs rje'i lcags kyus zhing dag pa de yang dag pa'i sa la 'dzin pa'o// rdzogs ldan gyi dgongs pa'o// de nas bdag nyid chos skur grol bas ni/ mi gnas pa'i ye shes chen pos 'byed pa med pa'i mkha' klong du 'khod snyoms so// de bas tha mas rdzogs ldan chen po'o// zhes gsungs so// gsang ba'i bdag pos zhus pa/ mngon par rdzogs par sangs rgyas pa'i dpe ji lta bu lags/ ma rtogs pa la bar do na sems dngos su med par sems phyis 'char ba'i dpe ji lta bu lags/ sprul pa'i skus don byas nas rang grol ba'i dpe ji lta bu lags/ mya ngan las 'das pa'i dpe ji lta bu lags/ zhing khams gcig pa la snying po tha dad pa'i dpe ji lta bu lags/ rig pa gcig la rtsal so sor rdzogs pa'i dpe ji lta bu lags/ rang sa na grol zhing rang sa nas dbyer mi phyed pa'i dpe ji lta bu lags/ mu bzhi'i dpe ji lta bu lags/ ye shes rang la gnas pa'i dpe ji lta bu lags/ rtog pa med par bsgom pas mi grol ba'i dpe ji lta bu lags/ rin po che'i sbubs na dgongs pa gsal la gzhan gyis mi gzigs pa'i dpe ji lta bu lags/ dang po rin po che'i sbubs las 'khrul pa'i dpe ji lta bu lags/ phyis mi 'khrul pa'i dpe ji lta bu lags/ dpe'i ngo bo gang lags/ nges tshig gang lags/ dbye ba ji ltar lags/ dgos

  240. 120b

    ched ji ltar lags/ zhes zhus so// ston pas bka' stsal pa/ rigs kyi bu nges par zung zhig/ mngon par rdzog par sangs rgyas pa'i dpe ni/ nam langs pas ri klung med par gsal ba lta bu dang rgya mtsho la gza' skar shar ba lta bu dang chu zla lta bu'o// bar do la sems dang po med par phyis 'char ba'i dpe ni/ sa bon sgye'u la myu gu sngon po med par phyis 'byung ba lta bu'o// sbrul sku'i don byas nas rang grol ba ni/ chu bran rgya mtshor 'du ba lta bu'am nyi ma nub khar zer 'du ba bzhin no// mya ngan las 'das pa'i dpe ni 'ja' tshon nam mkhar thim pa lta bu'o// zhing khams gcig la rigs tha dad pa'i dpe ni/ mar me mang du btang ba'i 'od mi phyed par snying po so sor gsal ba lta bu'o// rig pa gcig la rtsal so sor rdzogs pa'i dpe ni/ sa bon gcig la sdong bu so sor gyes nas de la snying po so sor byung nas/ 'bras bu mang po rdzogs pa bzhin no// rang sa nas rang grol nas dbyer med du gnas pa'i dpe ni nam mkha' gud du bcad pa btang ba lta bu'o// mu bzhi'i dpe ni gcig dang tha dad las grol ba gser dang ser gyi ser po lta bu'o// ma grol ba smig sgyu chu zla lta bu'o// grol ba'i ma grol ba khams dang bum pa lta bu'o// ma grol ba'i grol ba nyi ma dang 'od lta bu'o// ye shes rang la gnas pa'i rtags kyi dpe ni chang 'thung bas ra ro ba lta/

  241. 121a

    bu'o// rtog pa med pa'i bsgoms pas mi grol dpe ni/ ri mo'am lder so lta bu'o// rin po che'i sbubs nas dgongs pa gsal ba gzhan gyis mi mthong ba'i dpe ni/ gnas khang yangs par mtshan mo mgron po snga phyi tshogs nas nyal ba lta bu'o// dang po rin po che'i sbubs nas 'khrul pa'i dpe ni/ byis pas me long du shar ba'i byad ngo ma shes par gzhan du mthong ba lta bu'o// phyi mas mi 'khrul pa'i dpe ni/ byis pas rang gi na rdzogs nas rang byad la rang gi ngo shes pa lta bu'am/ lo thog nas su smin nas nang par ldang bar mi 'gyur ba lta bu'o// rigs kyi bu dpe'i ngo bo ni/ so sor mtshon pa'i dpe ji bzhin pa'o// dpe'i nges tshig ni phyogs mthun 'dra ba'i sgo nas mtshon par byed pa'i phyir na'o// dbye ba ni gzhi mtshon pa'i dpe/ rtsal mtshon pa'i dpe dang / grol ba mtshon pa'i dpe dang / gnyis med mtshon pa'i dpe'o// dgos pa ni don rtogs pa'o// zhes gsungs so// spros bral don gsal chen po'i rgyud las/ dbang po yang rab la grol du med par bstan pa dang / 'bring la rab 'bring za gsum gyi dbye ba dang / lnga ldan rdzogs ldan zad kar ngos bzung ba dang / mngon shes drug zugs rje'i 'byung lugs dang bcas pa dang / rdzogs ldan chen po so sor phye ste bstan pa'i le'u ste brgya dang bcu gsum pa'o// // de nas yang

  242. 121b

    gsang ba'i bdag pos zhus pa/ kye kye bcom ldan rdo rje 'chang // de yi don bshad gsung du gsol// zhes zhus so// ston pas bka' stsal pa/ gsang ba'i bdag po nges par zung zhig/ so so ngo bo nges tshig dang // dbye ba ming dang mthun dpe bstan// 'khor ba'i chos la mi gnas par// mya ngan 'das pa'i don la gnas// grol ba spyi yi ngo bor bshad// rang rang so so'i ngo bor te// lus las grol ba'i ngo bo ni// rang gdangs chen po gsal ba yin// yul las grol ba'i ngo bo ni// rig pa dngos med rin chen sbubs// sems las grol ba'i ngo bo ni// rtog med dri dag rang gsal yin// grol ba zhes pa'i nges tshig ni// rtsol ba'i chos las rab 'das shing // 'khrul pa gsum gyis ma bcings pas// nges tshig gtan tshigs bcas pa yin// dbye ba ngo bo'i skabs su bshad// dpe ni sbrul la mdud bor dang // rnga ma dag gi mdud pa bzhin// thugs rje'i ngo bo nges tshig ni// ngo bo ma 'gags gzugs sku gnyis// ci'i phyir na thugs rje zhes bya na// ma 'gags gnod pa sel ba'i rtags// dbye na chen po chung ngu gnyis// rtog med dang ni rtog bcas so// 'dzin par byed pas lcags kyu bzhin// sgrol bar byed pa'i gru bzhin no// ma rig sel bas nyi zla bzhin// sdug bsngal nad sel sman dang sman pa bzhin// zhes gsungs so// spros bral don

  243. 122a

    gsal chen po'i rgyud las/ grol ba dang thugs rje'i don bstan pa'i le'u ste brgya dang bcu bzhi pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // bag chags sbubs na gnas pa'i dpe ji ltar lags/ sbubs 'pho ba'i dpe ji ltar lags/ 'dir rtogs pas bar dor shes pa skye ba ji ltar lags/ bag chag sbubs bor pa'i tshe ye shes dang mi 'bral ba'i dpe ji ltar lags/ 'khrul pa ldog pa'i dpe ji ltar lags/ rtogs pa can 'chi khar nad dang rkyen gyis dkrugs kyang / shes pa phyis mi 'khrul pa'i dpe ji ltar lags/ chos sku lus las ma byung bar ye shes sngon du 'char ba'i dpe ji ltar lags/ skad cig ma'i chos sku gsum du bsdu bar gsungs pa gang lags/ skad cig ma la grol ba'i dpe gang lags/ ye shes kyi gdangs la shes pa myur du 'jug pa'i dpe ji ltar lags/ chos nyid las ye shes kyi snang ba 'char ba'i dpe ji ltar lags/ phyir mi ldog pa'i dpe ji lta bu lags/ zhes zhus pas/ ston pas bka' stsal pa/ rigs kyi bu nges par zung zhig/ bag chags sbubs na gnas pa ni// seng phrug dang khyung phrug lta bu'o// sbubs 'pho ba'i dpe bye phrug sgo nga nas 'byung ba dang / sbrul skags pa dang bral ba bzhin no// 'di rtogs pas bar do chod pa ni/ sngar 'dris pa'i mi phyis ngo/

  244. 122b

    shes pa lta bu'o// sbubs 'pho khar ye shes dang mi 'bral bar 'grogs pa ni/ tshang bang nas me sgron phyir bton pas tshang bang mun par gyur te/ mi'i lag pa sgron me dang ma bral bas 'gro sar phyin pa lta/ bu'o// 'khrul pa ldog pa'i dpe gnyid sad pa lta bu'o// rtogs pa can 'chi khar nad dang rkyen gyis dkrugs kyang mi brjed pa'i gzungs thob ste/ snang gi yul ba'i dpe ni/ chu zla la rdo brgyab nas 'khrugs nas mi gsal kyang chu dngas pa'i 'phro la gsal ba lta bu'o// chos sku lus las ma byung bar ye shes sngon rol du 'char ba'i dpe ni/ nyi ma shar gyi la ka na 'dug kyang 'od nub ri la 'char ba lta bu'o// skad cig ma'i chos sku gsum ni/ 'dzin par byed pa'i lcags kyu'i 'od lngas ma bzung ba gzung bar 'gyur ba dang / sdud par byed pa'i dngas ma chos kyi ngo bo ye shes shar ba'i ngang du thim pa dang / mi brjed pa'i gzungs rgyun gyi thag pa dang gsum mo// skad cig ma gcig la grol ba'i dpe ni/ seng ge mchongs pa lta bu dang / bum pa chag pas mar me gsal ba lta bu dang / skar mda' nam mkha' la rgyug pa lta bu'o// ye shes la shes pa myur du 'jug pa ni gser gyi thur ma lta bu'o// chos nyid la ye shes kyi snang ba 'char ba'i dpe ni/ nam mkha' la 'ja' shar ba lta bu'o// phyir mi ldog pa'i dpe ni thog dang dpag chen gyi mda' bzhin no// zhes

  245. 123a

    gsungs so// spros bral don gsal chen po'i rgyud las/ dpe spyir dril nas don bshad dang bcas pa'i le'u ste brgya dang bco lnga pa'o// // de nas yang gsang ba'i bdag pos zhus pa// kye kye bcom ldan rdo rje 'chang // mya ngan 'da' lugs ji ltar lags// zhes zhus so// ston pas bka' stsal pa// sangs rgyas mya ngan 'da' ba'i tshul// zur tsam gong du ngas bstan yang // khyod kyi nges par ma shes na// rgyas par ngas bshad legs par zung // shes rab mkha' la 'degs pa yi// ma bskyod shugs ni bskyod par byed// 'byung ba ma la zha ba yi// mtshan ma rang sar grol bar byed// ye shes dbyings su thim pa yis// rtsal rtog bzhi la thim par ston// shes rab mkha' la thim pa yis// sku gsum ye nas nang gsal ston// rig par rang sa zin pa yis// dgongs pa 'gyur ba med par ston// zhes gsungs so// de nas yang gsang ba'i bdag pos zhus pa// kye kye bcom ldan rdo rje 'chang // rang byung tshig lnga'i dgongs pa de ltar na// so so'i mtshan nyid rnam grangs dang // dpe dang don gyi grol lugs rnams// da ltar gnas dang rjes 'jug la// thabs la mkhas pas gsung du gsol// zhes zhus so// ston pas bka' stsal pa// lag na rdo rje nges zung zhig/ shes rab mkha' la 'degs pa la// mtshan nyid rnam grangs rnam pa

  246. 123b

    bzhi// stobs ldan ma dang shugs 'chang ma// 'degs byed ma dang brtan ma bzhi// stobs ldan mas ni 'char ba dang // gnyis su med par sbyor bar byed// shugs 'chang ma zhes bya ba de// dang po rig pa'i rtsal du ni// sku dang ye shes 'char ba yang // rtsol ba med pa'i ngang gis shar// tha ma 'khor rnams gtso bo lnga la 'dus// gtso bo lnga yang rin chen sbubs su gshegs// gtso dang bcas te bskyod pa ma yin yang // ngang ngam shugs kyis grol ba'i phyir na shugs 'chang ma'o// de'i dus na chos sku rin po che lta bu la rdos pa can gyi chos med de// chos nyid nam mkha' lta bu dang / chos sku nam mkha' lta bu gnyis// gnyis su med pa zang thal ba// ma byed seng nge gnas pas 'degs byed ma// de tsam dus na ye shes rlung gis mi g.yo bas brtan ma'o// de rnams rlung gi mtshan nyid gcig la gnas pa'o// rigs kyi bu 'byung ba ma la zha ba'i mtshan nyid la lnga ste/ 'khrul pa'i 'byung ba rnam pa lnga// ye shes lnga yi gdangs la 'dus// ye shes lnga'i 'od gdangs kyang / rang byung 'byung ba lnga la 'dus/ de'i tshe na rlung gi rgya gram bkod legs te gdan du bting ba'o// de yang rlung ni ma bying ba'o// dus der rlung g.yo byed med par gnas pas kyang rgya gram lta bu'o// de ni g.yo byed min par bskyod pa lta bu'o// chu shel gyi 'khor lo brtsegs legs te/

  247. 124a

    'byed pa med pa'i shes rab klong gcig du dril te/ gsher ba med pa'i chu'o// de bzhin rnam par dag pa'i dbyings de brtsegs legs so// de yang dbyings rnam par dag pa'i ngang na/ rig pa gsal stong dbyer med do// de'i ngang nas ye shes kyi spyan ma 'gags par shar ba 'od kyi bum pa lngar gnas la/ de'i snying po rigs lnga'i sku gsal la ma 'dres par gnas so// des na brtsegs legs so// rigs kyi bu rang gsal 'dzin pa med pa'o// de'i dus su sra ba dang bcas pa'i sa/ sra ba med pa'i ngang du grol te/ don 'gyur ba med pa'o// de yang rang gi ngo bo 'gyur ba med pa'i ngang na/ gong ma bzhin ma 'dres par yongs su rdzogs par gnas pa mchod rten lta bu'o// de la bzang ngan dang che chung dang yangs dog med par gnas pas kun tu khod snyoms pa'o// 'dug tshul sku dang ye shes la/ snang tshul sku dang ye shes lngar shar bas/ rtogs tshul gnyis med chen por rtogs te/ dbye ba med pa'i tshul shes pa'o// rigs kyi bu dus der tsha ba dang bcas pa'i me tsha ba med pa'i ngang du grol te/ rang rig pa'i ye shes las gzhan snang gi rtog pa med pa'o// dri ma med pa'i rig pa la sku dang ye shes su gnas kyang / don gnyis su med par gsal te/ sa bon 'bras bur smin la 'bras bu 'gyur ba med par gnas pa ni/ me tog pad

  248. 124b

    ma 'dra bar 'od 'bar te/ ma smin pa smin par byas so// rig pa'i ye shes 'byung ba las 'das pa'i rang gdangs/ 'od las 'das pa'i ye shes yid las 'das pa'i shes rab dus thams cad du skye 'gags dang nub pa med par gnas pa ni/ nam mkha' khyab pa med pa'i gdangs can de/ rgyal mtshan gyi rtse mo lta bu'o// de ltar 'byung ba lnga po ma thog nas shar bas/ ma thog tu grol te/ mi gnas pas 'byung ba ma la zha'o// de yang dang po dbyings dang rig pa dbyer med kyi ngang la shar bas/ tha ma yang de'i ngang du dag cing thim pas ye shes dbyings su thim pa'i man ngag ye shes dbyings su thim pas so sor rtogs pa'i shes rab las 'das shing / gzigasami gnas pas ye shes rtse gcig par gsal ba ste/ ye shes kyi spyan rnam par dag pa'o// de'i tshe shes rab kyi spyan dang chos kyi spyan las grol ba'o// rigs kyi bu ye shes kyi dbyings su thim kyang / stong pa byang chad du ma gyur te/ dbyings kyi thig le gsher ba med pa'i chus/ nang med pa'i nang du 'dus te/ sku dang ye shes nang gsal du gnas pas/ shes rab mkha' la 'khyil ba'o// de yang rgyas par bstan na mtshan nyid bzhi ste/ sku dang ye shes dbyings su thim kyang // rig pa rang gsal dbyings na mi gnas pas/ thim pa la ma rmugs pa'o// ma rmugs kyang sems nyid rnam

  249. 125a

    par dag pa ste/ rang rig pa'i ye shes las gzhan snang rtog pa mi mnga' bas/ 'dzin rtog bral ba'i ye shes so// rigs kyi bu de ni gzhan ma yin te/ rang gi rig pa 'di nyid do// 'di nyid rtog pa ltar snang ba ni/ rkyen phra mos snang ba'o// don shes pa gnas 'gyur ma yin te/ dper na khyim kyi nam mkha' sgrib pas bcad kyang rgya mthongs na yar zang thal te/ nam mkha' dbyer med do// de bzhin du bag chags sbubs kyis bcad kyang / don ye shes zang thal te/ brtags na ma bsgribs par zang thal lo// de bas na yin pa la bdag med pa'o// de'i ngang la dus gsum gyi sangs rgyas bzhugs kyang / 'byed pa med pa'i shes rab rang gsal rtog pa med par bzhugs so// rig pa'i yon tan dang po klong nas shar ba/ tha mar mi 'gags pa rang gi klong na gnas te/ yum gyi bum pa ye shes kyi sku lnga so sor gnas te/ rang snang las gzhan snang med pa'o// don de so sor ma 'dres pa la mi 'byed par bzhugs so// dus der rig pa rang sa zin te/ gnyis med chos sku mi 'gyur bas/ stong pa nyid rdo rje lta bu'i sku thob bopo// gnyis su med pa chos sku'i ngang na rig pa ye shes kyi spyan 'gags pa med par gsal bas/ longs spyod rdzogs pa'i sku 'gags pa med pa'i gsung g.yung drung lta bu'i tshe'o// rigs lnga sprul pa'i sku ye shes

  250. 125b

    kyi spyan gyi ngang na gsal bas de gsum dbye ba med pa'i shes rab klong gcig du 'khyil nas thun med pa'i thun chen po gcig gi ngang du grol te/ rgyun gyi ting nge 'dzin rtse gcig gi ngang la gnas so// de'i tshe yul nyid las grol te/ rang snang las gzhan snang med do// spyan gnyis dag nas ye shes rang gsal gyi spyan rtse gcig pa'o// lus gnyis las 'das te/ rig pa rkyang pa rin po che lta bu dri ma dang bral te/ gcer bu ru gnas pa'o// zhes gsungs so// spros bral don gsal chen po'i rgyud las/ mya ngan las 'das pa'i dgongs pa dang / de mtshon pa'i tshig lnga'i don bshad pa'i le'u ste brgya dang bcu drug pa'o// // de nas yang gsang ba'i bdag pos zhus pa/ kye kye bcom ldan rdo rje mtha' las 'das// mya ngan 'das pa'i don bshad ji ltar lags// zhes zhus so// ston pas bka' stsal pa/ rigs kyi bu nges par zung zhig/ ngo bo nges tshig dbye ba dang // mtshan nyid dbye ba bzhi yi bshad// mya ngan 'das pa'i ngo bo ni// mi gnas ye shes chen po'o// nges tshig sdug bsngal gyi mtha' las 'das pa ste/ mi rtog pa'i bde ba chen po la gnas pa'i phyir na'o// dbye ba ni zag bcas kyi mya ngan las 'das pa dang / zag pa med pa'o// mtshan nyid ni mtha' rnam pa bzhi las 'das pa'o// zhes gsungs so// spros bral don gsal chen po'i rgyud las/ mya

  251. 126a

    ngan las 'das pa'i don bshad bstan pa'i le'u ste brgya dang bcu bdun pa'o// // de nas yang gsang ba'i bdag pos zhus pa/ kye kye bcom ldan rdo rje 'chang / rtog med gsal ba spyan gyi don rnams gsung du gsol// zhes zhus so// ston pas bka' stsal pa/ rgyud lung kun gyi nang na spyan zhes brjod pa ni/ ngas bstan 'di ltar shes par bya'o// ngo bo dbye ba bcas pa ni/ ye shes kyi spyan 'byed pa med pa ni rtse gcig tu gsal ba dang / chos kyi spyan rtog pa med par rnam par mkhyen cing gsal ba dang / shes rab kyi spyan rnam par dpyod cing don so sor gsal ba dang / lha'i spyan rnam par dag pa bag chags da pa la snang ba dang / sha'i sman rnam par dag pa ting nge 'dzin las su rung ba la gsal ba dang / chu bur gyi mig bag chags kyi lus can rnams la thun mong du snang zhing gsal ba'o// nges tshig ni don mthong zhing ma 'gags par gsal bas na'o// mtshan nyid spyi ni sgrib pa dang bral ba'o// dpe ni nyi ma'i snying po lta bu'o// zhes gsungs so// spros bral don gsal chen po'i rgyud las/ spyan gyi don bstan pa'i le'u ste brgya dang bco brgyad pa'o// // de nas yang gsang ba'i bdag pos zhus pa/ kye kye bcom ldan rnam par mkhyen// rgyud lung man ngag las byung ba'i// mu bzhi'i don yang bshad du gsol// zhes zhus

  252. 126b

    so// ston pas bka' stsal pa/ rdo rje 'dzin pa legs par zung zhig/ mu bzhi'i ngo bo nges tshig dang // dbye ba mthun pa'i dpe rnams te// dpe ni gong ltar shes par bya// ngo bo dbye ba bcas pa ni// mu bzhi rnam pa gnyis yin te// dus dang grol ba la sogs brtsi// dang po dus kyi mu dbye na// lus kyi mtha' rdzogs pa'i dus dang / shes rab kyi rtsal rdzogs pa'i dus dang / las kyi mtha' zad pas che ba'i ye shes mthar rdzogs pa'i dus dang / yang dag par rdzogs pa'i sangs rgyas la thugs rje'i rtsal zad pa'i dus so// grol ba'i mu bzhi ni/ gcig pa dang tha dad pa las grol ba'i thig le dang rang byung gi ye shes so// rigs kyi bu ci'i phyir na rang byung ye shes nyid thig le yin la/ thig le nyid kyang rang byung gi ye shes su gsal bas/ gcig dang tha dad du brjod pa las 'das pa'o// gcig pa dang tha dad pa las grol ba ni/ chos sku dang nam mkha'o// rigs kyi bu ci'i phyir na/ de gnyis tha dad pa'i phyir de/ rang bzhin dag pa'i nam mkha' ni/ kha dog dang dbyibs kyi bdag nyid dang / 'byung ba'i rang bzhin dag kyang / bag dang ma bral te ngo bo rig med stong pa yin pa'i phyir ro// chos sku thig le chen po ni/ stong par mthun kyang de rnams las ldog ste/ don des gcig pa dang tha dad pa las grol ba'o// grol ba'i ma grol ba ni sems dang ye shes

  253. 127a

    te// grol ba ni gzhi gcig pa'o// sems rtog bcas su gsal la/ ye shes rtog med du bzhugs pas/ don des rtsal gyi ngo bo nas ma grol ba'o// ma grol ba'i grol ba ni thig le dang yul te/ thig le'i rig pa 'gags pa med pa dang / yul med stong par gnas pas ma grol ba'o// grol ba ni chos thams cad tha dad pa lta bu ma yin pas/ stong pa dbyer med du gnas pas/ so sor brjod pa las 'das pa'i gsal ba zang thal lo// don des ma grol ba'i grol ba'o// zhes gsungs so// spros bral don gsal chen po'i rgyud las/ mu bzhi'i don bstan pa'i le'u ste brgya dang bcu dgu pa'o// // de nas yang gsang ba'i bdag pos zhus pa/ kye kye bcom ldan rdo rje 'chang // sgra yi don bshad gsung du gsol// zhes zhus so// ston pas bka' stsal pa// ngas bshad rgyud lung thams cad du// sgra rnams ji ltar snang mod kyi// sgra yi dbyings dang sgrub byed dang // gzhan sel phan pa'i rkyen can no// rnam pa bzhi ru bsdus la bstan// sgra yi dbyings ni 'a dang a'o// de gnyis kun gyi 'byung gnas yin// de yang ji ltar 'byung zhe na// de gnyis su med par ma byung ba'o// de gnyis mi 'gyur bas sa'o// de gnyis kyi bar du ye shes mi 'gag par rang byung bas ha'o// de las shes rab skye bas sha 'byung ba'o// de gnyis ka phyi mo yin pa dang /

  254. 127b

    de ltar snang ba'i sku gnyis thugs rjer 'byung bas ka'o// dbyings kyi ngang las mi 'da' zhing ngang gis nang na gnas pas na kha'o// de gnyis rgya ma chad pas ga'o// de gnyis su med pa la thams cad 'char pas nga'o// de gnyis kun gyi 'byung gnas yin pas tsa'o// de nyid gnyis su med par nyams su myang bas tsha'o// de ma 'gags par thugs rjes 'dzin par byed cing de gnyis 'du 'bral med pas na dza'o// a rig pa yin pas na ta'o// gzhi gnas mthar gyur pas na ba'o// de gnyis su med par byung na shes bya ma bcos pa ste nga'o// ye shes su 'byung bas na nya'o// ma rtogs pa sems su snang bas na'o// de gnyis su med pa chos kyi sku yin pas pa'o// thabs 'gag pa med pas pa'o// rtsal skur snang bas pa'o// de gnyis kyi thugs rje sku bzhi las grub pa ya'o// thugs rje dang mi 'bral bas ra'o// de gnyis las thams cad 'phro zhing 'dus pas la'o// de gnyis las rtogs ma rtogs ltar snang bas Ta log dang Da log pa'o// de bas na 'a dang a ni sgra yi dbyings so// de gnyis sgrub par byed pa ni/ a gnyis kyis yi ge thams cad dag par bsgrub pa'o// 'as thams cad spros pa dang bral bar bsgrub pa'o// de gnyis 'brel bar gyur pas rig pa ste// rgyun chad med par bsgrub pa'o// ha dang 'brel bas na chen po ste/ ma byas pa sgrub par byed

  255. 128a

    pa'o// ye shes rang brtsegs 'byung bas zug pa ste/ skye 'gag med par bsgrub pa'o// ha dang zhabs kyus kyang yi ge dang bar 'brel bas thung ba ste sdud pa'o// dza de'i phan pa'i rkyen can no// pa ra ta sa ra dang bcas pa ni spros par byed pa'i sgrub pa'o// sa dang ta ni de la phan pa'i rkyen can no// tha log thams cad thun mong ma yin pa'i bsgrub pa'o// rang ngo thams cad ni dbyings bsgrub pa'o// de bzhin du 'a dang a las shar ba thams cad don phyogs re dang ldan pas/ a'i don phyogs re bsgrub pa'o// de ni sgra'i sgrub byed du bzhag pa'o// de rnams kyi 'a dang a'i ming ma mthun pa'i phyir mthun pa'i phyogs sel cing / sgo so so'i mi mthun phyogs sel bas gzhan sel lo// de rnams kyi 'phrul lugs kyis rang rang gi don sgrub pa'i grogs su 'gyur ba dang / spyir gzhi'i yon tan bsgrubs pas don grogs su 'gyur pas na// sgra phan pa'i rkyen can no// zhes zhus so// spros bral don gsal chen po'i rgyud las/ sgra'i don bstan pa'i le'u ste brgya dang nyi shu pa'o// // de nas yang gsang ba'i bdag pos zhus pa// kye kye bcom ldan rdo rje 'chang // rgyud lung man ngag gang gsungs pa// tshig tshogs thams cad de ltar bshad lags na// 'bru rnams ji ltar gzhom pa gsung du gsol// ston pas bka' stsal pa// rdo rje 'dzin pa legs par zung

  256. 128b

    zhig/ rgyud lung man ngag gi don thams cad gong ltar bshad la/ gnas skabs thams cad 'bod skad kyis bsdebs la// gong du bshad pa 'bru mnan no// rigs kyi bu le'u zhes pa ni/ so so'i sa mtshams dang chos gzhan ma 'dres te/ gang mtshon pa'i don gtso bor bshad pa'o// skabs shes pa thams cad le'u don dang don 'byung ba'i gzhi ma 'gags par shes pa la bya'o// spros bral thams cad ni mi 'gyur ma 'gags par shes par bya'o// snang ba thams cad yul lo// yul thams cad bzhugs pa dang snang bar shes par bya'o// rig pa chos sku dang don mkhyen pa dang bem po las log pa dang ma rig pa las log pa'o// ma rig pa thams cad don ma shes pa'o// yon tan thams cad mthun pa'i phyogs dang / bzhi ldan pa dang ma 'gags par bshad do// skyon thams cad mtha' dang gzung 'dzin dang / ma rig pa dang log lta dang / don so so dang mi mthun pa dang / spang byar bshad do// grub mtha' thams cad blta ba dang 'bras bur bshad do// 'bras bu thams cad don mthar phyin pa'o// don ni tha dad do// dgongs pa thams cad ngadang dngas rang bzhin bdag nyid chen por bshad do// ngang ni ma bcos pa dang mi g.yo ba dang / mi 'da' ba dang mi gnas pa dang / mi 'gyur bar bshad do// rang rang ni ma 'gags pa dang / mi mthun pa dang so/

  257. 129a

    so'i chos nyid du bshad do// bdag nyid chen po ni thams cad rig pa dbyer med par bshad do// rang bzhin ni gzhan la rag ma lus pa'o// 'gru ba thams cad ni rtsal lo// sbubs med pa'i 'gyu ba rtog med kyi rtsal lo// sbubs can rtog bcas so// de ltar de bzhin de 'dra zhes pa ni gar byung yang tshig snga phyi'i dpe dang sbyar ro// de ni zhes pa thams cad ni snga ma 'og tu rgyas su bstan pa'o// da ni zhes pa ni snga ma bshad nas/ de dang de las bzlog pa gcig ston pa'o// 'di ni zhes pa ni thams cad don logs su bkar ba'o// can thams cad yon tan du snang ba dang sbyar ba'o// dpal dang stug pa dang mdzes pa ni mthu stobs dang byin rlabs so// 'di yang zhes pa thams cad don dbus ma gong 'og du bstun pa'o// ci phyir gang gis phyir na de phyir ni/ gtan tshigs su bstan pa'o// rnams dang ma lus pa dang thams cad dang kun dang de dag ni/ tshig gi don lhag ma ma lus par bstan pa'i tshig go// byang zhes pa rig pa chub pa ye shes so// byang ba chos sku chub pa longs sku/ sems dpa' sbrul sku'o// gzhi dang rtsal du yang bshad do// chos nyid mi 'gyur ba dang rang gi mtshan nyid dang dbyings su bshad/ shes rab ces pa ni phyogs lhung med pa dang / so sor dpyod pa dang ma 'gags par bshad/ sgron ma ni gsal byed do// mun pa ma

  258. 129b

    rig pa'o// shar ba yul la shar ba dang / rtog pa dang rtsal te/ don zad kar sbyar ro// rang byung ni 'dus ma byas pa dang rtsal lo// gnas skabs shes pa gces so// 'od snang la rang bzhin med pa dang / gsal la ma bsgribs pa'o// mtshon bya gzhir bshad do// mtshon byed thabs su bshad/ mu gnas pas ni mtha' dang bral bar bshad do// rnam par dag pa ni phyogs thams cad nas dag pa'o// mtshan ma'i chos las grol ba'o// bdag med pa ni bdag gnyis dang bral ba sems las grol ba'o// gzhi ni chos nyid dang chos sku dang // ye shes te skabs dang sbyar zhes pa'o// rtsal 'od dang 'khor 'das so// rol pa ni yul dang rnam par bshad/ mdzad spyod ni mthun par snang ba'o// rdzogs pa ni lhag ma ma lus pa'o// chen po ni ma byas pa dang / gong na med pa'o// ye shes nyid ni dang po'i shes pa'o// de nyid ni gzhi'o// de ltar rtogs pas grol ba'o// mkha' 'gro ma ni rdo rje dang ye shes dang las dang sha zar bshad do// 'gro ba ni rtogs pas mkha' la 'gro ba dang // thugs rje dang las dang shugs kyis 'gro ba'o// 'bar ba ni ma 'gags par gsal ba'o// mdzod ni zhugs gnas su gyur pa'o// sgo ni 'byung zhing 'jug pa'o// lde mig ni 'byed cing grol ba'o// dam tshig ni dbyer mi phyed pa'o// dpal ni bdag gzhan gnyis kyi'o// thugs rje ni thun

  259. 130a

    mong dang byin rlabs las byung ba'o// skyes bu ni don mchog tu gyur pas 'gro ba'i kha lo gyen du bsgyur ba'o// ma ni skye ba'i gzhi 'byung ba'i gnas so// mo ni shes rab kyi bdag nyid do// thabs ni don bsgrub pa'i rkyen no// yan lag ni gang yin pa las 'phro ba'i chos can no// med pa ni 'gyur ba'i don spyod med pa'o// gser ni mi 'gyur ba'o// gzhung ni gzhan dang ma 'dres pa'i lugs so// rang lugs ni ma 'dres pa'i don no// 'khor lo ni gcod pa dang cir yang snang ba'o// srid pa ni mi khegs pa dang med pa las yod par snang nus pa'o// 'chang ba ni 'du 'bral med pa'o// rgyun ni skad cig mas 'dab sbyor ro// tha snyad ni phyogs re nas spros pa'i chos so// ming ni mtshon pa'i sgra tshig go/ gdangs ni rang snang ba/ chos ni mtshan ma phra rags/ rtog tshogs gzung 'dzin chos las 'das pa'i sangs rgyas so// gzung 'dzin dang bral ba'i rig pa 'byung ba la 'das pa'i gdangs ni/ rig pa rang snang rang gsal zang zal/ sku las 'das pa'i ye shes chos sku mkhyen par shar ba/ tshig las 'das pa'i rang snang / brjod bral gzhan snang med pa'o// lam ni gnas pa dang 'jug pa'o// sems can ni ma shes pa'i rtog bcas so// 'khor ba ni gcig tu mi gnas par 'khrul pa'o// sems ni dran pa nges pa'o// bskyod pa ni gshegs

  260. 130b

    pa'o// bskyod du med pa ni mi bgrod pa'o// sdug bsngal las grol ba'i bde ba chen po yin pas byang chub pa'o// shes pa ni mkhas pas de don la ma rmongs pa'o// gnas pa ni rtsol bas ma song bar phyin pa'o// gru ni sgrol ba ste thabs so// ting nge 'dzin ni gsal ba ste rtse gcig pa'o// rab ni 'gran zla med de chen por gyur pa'o// mchog ni ngo mtshar ba ste 'phags pa'o// phul du phyin pa ni khyad par 'phags pa'o// bla na med pa ni de'i gong dang logs na med pa ste/ dbang byed pa med pa'o// rdo rje sems dpa' ni stong pa nyid dran pa nges pa ni mtshan ma sna tshogs pa'o// zab pa ni gting ring zhing dpag par dka' ba'o// gting dpag dka' ba ni phra bas na'o// chos ni mtshan nyid 'dzin pa dang / rnam par dkar ba dang gzhan la rten pa dang / kun 'byung bas na'o// byang chub sems dpa' ni/ bdag gzhan la sems dpa' dang sa non pa'o// phung po gsum ni/ sangs rgyas dang byang chub sems dpa' dang sems can no// byang chub sems dpa' ni/ yar sangs rgyas dang snang ba mi mthun la/ mar sems can dang mi mthun te/ gnyis ka ma yin pa'o// de yis phung po gsum du bzhag pa'o// bag chags ni gzhi gnas dang 'phral 'byung ngo // dag lugs ni rang dengs su 'gro ba dang / phra ba'i gdams pa la rag lus pa'o// dpe gangs la kha ba

  261. 131a

    babs pa dang / mtsho la dar chags pa dang / ras la dri mas gos pa bzhin no// gzhi gnas kyi dbye ba ni chu dang 'o ma lta bu'o// 'phral 'byung gi dpe chu dang zla ba'o// sel ba'i dpe ni ral gri lta bu dang lcags kyu lta bu'o// gsang ba ni gab pa'o// sangs rgyas ni mthar phyin pa'o// ma rig pa ni 'khrul pa'o// skyob pas na lha'o// mdzes pas na lha mo'o// byams pas na mgon no// mdzad pa sna tshogs pas na phrin las so// bdag po ni dbang chen po'o// yon tan ma 'gags pa'o// dri ma med pa dang / mi 'gyur ba dang / thams cad mkhyen pa'i thugs so// sna tshogs ston pas gsung ngo // gzi brjid ldan pas na sku'o// thabs dang shes rab 'dzin pas na yab yum mo// byang chub chen po dang ldan zhing bskyed pas sras so// de ltar ngas bstan pa'i rgyud lung thams cad du shes par gyis shig/ ngas bstan pa'i don de rnams la rtsod par gyur na gang rtsod pa dang / rje blon dmangs gsum dpang du bzhag la/ 'dri lugs dang dam bca' ma nor bar byas la/ sgrub byed kyis gang yin pa sgrub cing / gzhan sel gyis mi mthun pa'i phyogs thams cad spangs la/ phan pa'i rkyen kyis bstangs btab ste/ don mi 'gyur pa'i dbyings la bskyal lo// log lta can gyi sgrub byed la/ skyon gyis sgrub byed mi mthun pa'i phyogs btang ngo // khong gis

  262. 131b

    gzhan sel ni/ mi mthun pa'i sgrub byed btang ngo // phan pa'i rkyen la gnod pa'i 'gal rkyen btang ngo // rang rig pa'i ye shes dgag sgrub dang bral ba ni/ dbyings su bzhag ste btsan pa'i yul mkhar lta bu'o// de'i phyogs nas bsgrub pa'o// gtan tshigs gsum dang bzhis phan pa'i rkyen byas pa'o// gnod pa'i rkyen du yang de rnams bstan no// gzhi snang la sogs pa gang rtsod kyang / grogs de rnams kyis byas la// ngas bshad pa bzhin don gyi gnad dri ba dang lan gdab par bya'o// mthun na sgrub byed kyi dbyings la sbyar/ mi mthun na gzhan sel gyis brgal lo// don nges par byed pa dang / the tshom dang bral bar byed pa dang / shes bya gtan la 'bebs pas na gtan tshigs zhes bya ste/ de dang rjes su mthun par bshad do// des yid gnyis za ba dang bral bar 'gyur ro// zhes gsungs so// spros bral don gsal chen po'i rgyud las/ 'bru 'thor ba sdud pa dang / the tshom dang bral bar byed pa dang / skyon gyi mtha' bsal ba'i le'u ste brgya dang nyer gcig pa'o// // de nas yang ston pas rgyud kyi mtshan yongs su bstan pa'i le'u 'di gsungs so// gsang ba'i bdag po rdo rje 'dzin pa nyon cig/ don gyi man ngag rtsa ba car phog gi// de nyid spros bral don gsal bstan pa yi// man ngag rgyud kyi spyi 'grel chen po 'di// gsang bdag zhu ba'i

  263. 132a

    'khor dang dga' rab sdud pa'i 'khor// gzhan yang 'dir mos 'dir 'dus tshogs pa'i 'khor// nga yi spros bral don gsal rgyud chen 'dis// chos rnams kun gyi rtsa ba car gyis ston pas na// rtsa ba car phog rgyud chen zhes su zung // gcig shes kun tu grol bar ston pas na// yang tig lde mig chen po'i rgyud du zung // da lta bud+d+ha nyid dang mnyam sbyor bas// sangs rgyas mnyam sbyor chen po'i rgyud du zung // la zlo spros dang bral bar ston pas na// spros bral don gsal rgyud chen zhes su zung // rang ngo rang la ngo sprod ston pas na// gsang ba'i ngo sprod chen po'i rgyud du zung // gnas lugs ji ltar yin pa rdzogs par ston pas na// rdzogs chen nang nas yongs rdzogs chen po'i rgyud du zung // lha bsgom dri med dag pa chen po ston pas na// dri med ka dag chen po'i rgyud du zung // skyon rnams yon tan dag tu lhun gyis grub par ston pas na// lhun grub chen po'i rgyud chen zhes su zung // rang byung ye shes rang la 'char bar ston pas na// ye shes rang shar chen po'i rgyud du zung // ma rig mun pa rtsad nas smag rnams sel bas na// ma rig mun sel chen po'i rgyud du zung // 'khor ba thams cad dong nas sprugs pas na// dong spug chen po'i rgyud chen bya bar zung // 'khrul pa thams cad rtsad nas gcod pas na// 'khrul pa rtsad gcod rgyud chen bya

  264. 132b

    bar zung // 'khor ba'i chu bo gru yis sgrol bas na// gru sgrol chen po'i rgyud chen bya bar zung // nyon mongs gcong nad gting nas 'don pas na// sman pa che mchog rgyud ces bya bar zung // bdud bzhi rtsad nas 'joms par 'don pas na// bdud 'joms chen po'i rgyud chen zhes su zung // don chen lhag med sprugs nas ston pas na// rtsal chen sprugs pa'i rgyud ces bya bar zung // kye ma kye ma ma rig 'khrul pas snying re rje// 'khrul pa'i chos la bden par ma 'dzin par// 'di la skur ba ma 'debs don gsal rjes su 'brangs// rang byung ye shes 'gyur med ma shes nas// dngos po rdzas grub bden par ma 'dzin par// spros bral don gsal 'di yi rjes su 'brangs// 'on kyang mi 'gyur rtag pa rtogs par 'gyur// dngos med zhi pa chos sku ma rtogs par// stong pa cang med mtha' la ma 'dzin ka// don gsal 'di yi rjes su 'brengs pa na// 'on kyang stong nyid zhi ba rtogs te 'ong // gnas lugs snang lugs rnam gnyis ma rtogs pas// gnyis kyi mtha' la bden par ma 'dzin ka// skur pa ma 'debs don gsal rjes phyir 'brangs// 'on kyang gnyis med rang snang rtogs te 'ong // sku gsum 'du 'bral med par ma rtogs pas// blos btags bskyed rdzogs rnam gnyis bden par ma 'dzin ka// sgro skur ma 'debs don gsal rjes su

  265. 133a

    'brangs// 'on kyang ye nas lhun rdzogs rtogs te 'ong // don gyi spros bral don gsal ma rtogs par// tshig dang yi ge'i sgra la ma zhen ka// don gyi spros bral don gsal nyams su longs// 'on kyang ye shes don gsal rgyud la 'char// zhes gsungs so// de nas yang gsang ba'i bdag po la sogs te 'dus pa'i tshogs rnams kyis thal mo sbyar te bskor ba lan mang du byas nas// kye kye bcom ldan rdo rje 'chang // bdag cag 'dus pa'i tshogs rnams la// spros bral don gsal rgyud bshad pas// ma rig mun pa rgyud 'dis bsal// 'khor ba rtsad nas rgyud 'dis bcad// nyon mongs g.yul las rgyud 'dis bzlog/ chu bo bzhi las rgyud 'dis bsgral// ngan song dong nas rgyud 'dis sprugs// bag chags ldan ljin rgyud 'dis bsal// 'khrul pa thams cad rgyud 'dis bcad// rang ngo rang la rgyud 'dis sprad// gcig shes kun las rgyud 'dis grol// gnas lugs don chen rgyud 'dis go// log lta tshar chen rgyud 'dis bcad// theg dman shan thang rgyud 'dis phye// 'byung ba dngas snyigs rgyud 'dis phye// nyon mongs dug lnga rgyud 'dis bsal// lam la rtsol med rgyud 'dis byas// rang byung ye shes rgyud 'dis shar// 'khor ba dngas snyigs rgyud 'dis phye// log pa'i lam zhugs rgyud 'dis bzlog/ chos 'dis rtsa ba rgyud 'dis

  266. 133b

    bcad// man ngag rgyud sgrog chen po rgyud 'dis khrol// sku gsum yongs rdzogs rgyud 'dis thob// ye shes rnam lnga rgyud 'dis shar// ma mthong yul chen rgyud 'dis mthong // ma mjal zhal chen rgyud 'dis mdzal// ma thos gtam chen rgyud 'dis thos// 'byung ba ma la rgyud 'dis zha// grol zhing thim pa rgyud 'dis byas// 'khor ba'i la las rgyud 'dis bzlas// rtsol med 'bras bu rgyud 'dis thob// kye kye bcom ldan rdo rje 'chang chen po// dgos 'dod re skong nor bu rin chen lta bu khyod la bstod// ma rig mun pa sel mdzad nyi ma lta bu khyod la bstod// 'khor ba'i bag chags bsreg mdzad me dpung lta bu khyod la bstod// nyon mongs dri ma 'khrud mdzad chu bo lta bu khyod la bstod// rang gsal don nyid gsal mdzad me long lta bu khyod la bstod// rnam dag don chen ston mdzad man shel lta bu khyod la bstod// skyon gyis ma gos ston mdzad pad ma lta bu khyod la bstod// tshegs chung don chen don mdzad man ngag lta bu khyod la bstod// 'khor ba'i g.yul ngo bzlog mdzad dpa' bo lta bu khyod la bstod// 'khor ba'i gcong rnying 'don dzad sman pa lta bu khyod la bstod// 'gro drug bde bar sgrol mdzad thugs rje'i bdag po khyod la bstod// ces gsang ba'i bdag pos bstod do// spros bral don gsal chen po'i rgyud las// rgyud kyi mtshan

  267. 134a

    yongs su bstan pa dang / bstod pa phul ba'i le'u ste brgya dang nyi shu rtsa gnyis pa'o// // de nas yang rdo rje 'chang gis gsungs pa// nga yi spros bral don gsal rgyud chen 'di// bstan pas shes shing bklags pas go ba ste// da lta rang ngo rang gi shes te dus gsum 'gyur ba med// rig pa chos sku shes shing snang ba chos kyi dbyings su shes// gnyis med don chen rgyud la gsal ba yis// snying po'i gzhi rtsa chod pas 'khor ba'i g.yang sar lhung mi srid// dgos 'dod re ba bskang mdzad nor bu rin chen lta bu yi// rtsa rgyud bshad rgyud man ngag rgyud du bstan pa 'dis// snod ngan dam tshig med pa rnams la shor srid do// slob dpon gsang nas rang che 'byin pa rnams la shor srid do// rang gis nor ma shor bar gdams ngag 'dod pa rnams la shor srid do// 'jur bu rang 'dod can gyi mi la shor srid do// kha gsags g.yo sgyu can gyi mi la shor srid do// zog po rdzun po che yi mi la shor srid do// mthar zug la zlo'i chos la mos pa mi byed dang // rdo rje slob dpon gnyen par mi sems dang // lus kyi sgo nas dam tshig mi bsrung bar// bkur sti rim grol zhabs tog mi byad dang // ngag gi sgo nas dam tshig mi bsrung bar// snyan par mi smra slob dpon ming nas 'bod// yid kyi sgo nas dam tshig mi bsrung bar// mos gus chung zhing gdung

  268. 134b

    ba'i sems dang bral// ji srid de 'dra'i gang zag byung gyur na/ khong du sbrul zhugs snying la mi 'bar zhing // sko la gr-i gtub mgau la thog 'bebs kyang // dam med snod ngan rnams la shor srid do// gtses pa'i lus srog 'bral ba'i rkyen byung yang // dam med snod ngan rnams la shor srid do// chos skyong srung ma dam can rgya mtsho dang // e ka dza TI gu h+ya ral gcig mas// 'jig rten 'di ru tshe thung nad mang mi bde sna tshogs 'ong // dam tshig nyams pas phyi ma rdo rje dmyal bar skye// gzhan gyi rnam smin bde gshegs thugs rjes 'byangs// dam tshig nyams pas sangs rgyas bkas mi skyobs// de bas dam tshig gnyen po snying bas lhag par bsrung // lus ngag yid gsum dam tshig ldan pa yis// rgyud 'di rang gis snying bas lhag par chongs// snod ldan 'ga' tsam zung tsam ma gtogs par// snod med rnams la shor ba srid do ka// dam med rnams la shor ba 'ong ngo ka// dad med rnams la shor ba srid do ka// zhes gsungs so// zhu ba po'i 'khor gsang ba'i bdag po dang / sdud pa po'i 'khor dga' rab rdo rje la sogs pa rnams rjes su yi rang ngongo// spros bral don gsal chen po'i rgyud las/ rgyud gtad pa'i le'u ste brgya dang nyi shu rtsa gsum pa'o// // tan+ta rA dza ma hA/ sangs rgyas mnyam sbyor don gsal chen po'i rgyud mthong bas grol ba 'di yongs

  269. 135a

    su rdzogs so// // guh+ya/ gtad rgya rgya rgya/ i zi/ yang gsang ba man ngag gi rgyud chen po 'di sdud pa'i 'khor dga' rab rdo rjes bsdus nas tshig dang yi ger bkod nas gu ru 'jam dpal bshes gnyen la bshad/ des gu ru shrI seng ha la bshad/ des oM rgyan gu ru pad ma la bshad do// gu ru pad ma 'byung gnas ngas// lnga brgya dus kyi snyigs ma la// ldan gsum skyes bu'i don ched du// chos rnams kun gyi ma chen mo// kun bskyed rang gzhung tshugs shing rdzogs// spros bral don gsal rgyud chen sbas// sems can sangs rgyas mnyam sbyor don// thos bsam bsgom la mi ltos shing // bstan pas rtogs shing dran pas gsal// 'phrad pas dbang thob mthong bas grol// 'bras bu da lta thob pa'i chos// yid bzhin nor bu lta bu yin// thugs gter yang gter gsang mdzod 'dis// ma tshangs kha bskang shul tsho/ sdud// 'phral thog nyams su blang chog ma// snying nor yin no mig 'bras yin// bdag kyang thos chung ma yin te// rdo rje 'chang dang mkhyen pa mnyam// de phyir thugs kyi gsang gter 'di// gnam sa'i bar na gter gcig ma'o// las 'phro can dang 'phrad nas kyang // bco lnga lo bar yid la brnag/ gsang dam dam bsrung dus thal tshe// 'khor ba blos thong nges don 'tshol// bla ma la gus srog 'dor phod// gsum la

  270. 135b

    dpe gtod kun la min// dus la bab na 'gro don yong // snyan rgyud du thob la skal ldan skyongs// rgyud mchog bla med nub dogs nas// rgyud 'di gter kha gsum du sbas// gcig ni byang gter pra dun rtser// rnam snang thugs kar sbas te bzhag/ stag gi lo la 'byin par 'gyur// gcig ni yang gter 'dir sbas so// sbrul gyi lo la 'byin par 'gyur// gcig ni mkha' ri dge ri'i phug/ spre'u'i lo la 'byin par 'gyur// de yang 'dir ni ma bu tshang // yang gter rgyud gsum bu yi tshul// ci'i phyir ma yi bcud bsdus pa'o// don gsal rgyud mchog ma yi tshul// ci 'dod kun bskyed rang gzhung tshugs// de ltar zab phyir thugs gter yang // yang gter thims su 'di ma bstan// da lta sangs rgyas mnyam sbyor don// 'dis ston phyir na rgyud sor bzhag/ 'grel pa'i mun pas g.yog ta re// Ti ka'i sbar mos bsdam ta re// lung drangs lho tshil bslus ta re// de phyir bka' rgud rang sor zhog/ don 'grol dka' na snga ma bsten// tshogs brgya rtsa dang maN+Dal dbul// zhib tu dpe ltar don la dpyad// bltas pas grol ba kho na'o// shes rab blo ldan snying rje can dang 'phrad par shog/ ci'i phyir gsang sngags ngo bo shes rab yin// skr-i/ gu h+ye/ rgya rgya rgya/ e ma ho// bdag 'dra gter ston chos dbang la// dus gsum sangs rgyas

  271. 136a

    bka' 'babs te// snying po'i rgyud mchog 'di 'dra bdog/ chen ngo mtshar de che mod// sbrul sku chos kyi dbang phyug la// gzhu ste'i snang don dad seng gis// lho brag lnga bro dgon pa ru// sbrul gyi lo la zhus nas bris// de las byung ba'i dge ba yis// kun gyi rgyud 'di rtogs grol shog// rgya gar skad du/ sarba gra rA dzA ka sha dz+wa la tan+t+ra/ bod skad du/ rgyud thams cad kyi rtse rgyal nam mkha' 'bar ba'i rgyud/ ming med mtha' bral dngos med zang ka la phyag tshal lo// 'di skad ci yang ma thos bsam brjod dmigs pa'i yul las 'das pa'i dus mtha' med pa'i dus na/ gnas kyi rgyal po mu mtha' grol ba na// ston pa'i rgyal po ming med kun grol bzhugs// bstan pa'i rgyal po gting mtha' yangs pa 'di// 'khor gyi dam pa rang byung dang dngas snang tshad grol la bshad// dus kyi rgyal po thog mtha' med pa'i dus// sdud pa po ni gsang bdag rin chen no// de nas 'khor gyi rgyal por rang byung dang dngas kyis// ston pa'i rgyal po ming med kun grol la// pus btsug thal sbyar gus pas 'di skad zhus// phun sum tshogs pa'i don ni de ltar na// sems kyi rang bzhin ji ltar gnas// sems kyi ngo bo ji ltar gsal// sems kyi thugs rje ji ltar 'char// sems la yon tan ji ltar mnga'// sems kyi phrin las ji ltar

  272. 136b

    mdzad// sems 'di ye nas yod dam med// sems ni sangs rgyas yin nam min// yin na sems can ji ltar 'khrul// sems la ye nas dngos po yod dam med// sems la 'khrul pa yod dam med// sems can kun gyi sems 'di mnyam lags sam// sems la gti mug yod dam med// sems la dug lnga dug gsum yod dam med// sems la dbyibs dang kha dog yod dam med// sems 'di rtogs pas sangs rgyas sam// sems nyid rtogs pas sangs rgya'am// sems dang rig pa yid dang gsum la khyad par yod dam med// dbyibs dang skye med ye shes gsum la khyad par yod dam med// sku lnga ye shes lnga dang nyon mongs lnga la khyad par yod dam med// snying po stong pa rig pa gsum du chos rnams ji ltar grol// grol bar byed pa'i gdams ngag gang ltar bshad// sems kyi snang tshul sna tshogs pa// mdo don gcig tu ji ltar bsdu// sems kyi thag ni gang du bcad// sems kyi la ni gang dang gang du bzla'o// sems nyid phugs su ji ltar bskyal// skyol bar phyed pa'i gdams pa gang // sems kyi dpe ni gang du bstan// dpe yi thog tu phebs tshe phebs mi phebs// mi phebs dpe bstan dgos pa med// sangs rgyas sems can gzhi gcig gam// gcig na gnyis su 'ong ba ci// mi gcig 'khor 'das 'brel med dam// ma rig ye

  273. 137a

    shes ngo bo gcig mi gcig/ mi gcig 'brel pa med lags sam// 'khor 'das gnyis kyi gyes mdo gang tsam lags// blos btags chos rnams yod dam med// byar med blo 'das gang la zer// blo 'das zhes pa tshig gis btags mi btags// btags na blos btags chos dang khyad par cang yod dam// ma btags zer na blos btags gang nas byung // snang btags chos rnams gang du bsdu// chos med blo zad mtha' ru gang du bskyal// dngos po'i chos rnams la bzla ji ltar lags// zhes zhu tshig bzhi bcu rtsa gnyis po bdag cag 'dus pa'i 'khor rnams la shin tu zab par gsung du gsol// zhes zhu ba phul lo// nam mkha' 'bar ba'i rgyud las/ gling gzhi phun sum tshogs pa dang / 'khor gyis gleng slong zhus pa'i le'u ste dang pa'o// // de nas rang byung dang dngas kyis/ ston pa'i rgyal po ming med kun grol la// sems kyi rang bzhin ji ltar gnas// zhes zhus pa dang // ston pas 'khor la bka' stsal pa// sems kyi rang bzhin bstan tu ma mchis te// 'khor gyis rtog pa sel ba'i phyir// mun khung gser sgrom lta bur bshad// 'khor rnams ma yeng gus pas nyon// sems kyi rang bzhin gnas lugs bstan pa ni// rang bzhin stong pa lhun grub yin// rang bzhin rgyu rkyen med pa yin// rang bzhin 'pho

  274. 137b

    'gyur med pa yin// rang bzhin ci yang med pa yin// rang bzhin dngos po med pa yin// sems la dpe med zla med do yang med// sems kyi rang bzhin gnas lugs ni// stong gsal dngos med kha dog dbyibs dang bral// skye med ka dag phyogs med mu mtha' yas// dngos med zang ka gtad med gting mtha' yas// thig le chen po ming med blo 'das te// ming med mtha' stongs sna tshogs kun gyi gzhi// rnam pa kun ldan gang du'ang grub pa med// des na kun 'das blo yi spyod yul grol// zhes gsungs so// nam mkha' 'bar ba'i rgyud las/ sems kyi rang bzhin bstan pa'i le'u ste gnyis pa'o// // de nas rang byung rang grol gyis// ming med ston pa kun grol la// sems kyi ngo bo ji ltar gsal// zhes zhus pa dang / ston pas 'khor la bka' stsal pa// sems kyi ngo bo gsal bar bstan pa ni// sems kyi ngo bo ka dag 'od gsal yin// sems kyi ngo bo gsal dag yin// sems kyi ngo bo gting gsal yin// sems kyi ngo bo khong nas gsal// sems kyi ngo bo mkha' gsal yin// sems kyi ngo bo 'od du gsal// sems kyi ngo bo rtsal du gsal// sems kyi ngo bo zer du gsal// sems kyi ngo bo rol par gsal// sems kyi ngo bo snang bar gsal// sems kyi ngo bo dbang po lnga ru gsal// sems kyi ngo bo don snying lnga ru

  275. 138a

    gsal// sems kyi ngo bo yan lag lnga ru gsal// sems kyi ngo bo gzugs lnga yul lngar gsal// sems kyi ngo bo rnam shes tshogs brgyad gsal// sems kyi ngo bo dbang po lnga dang yid lngar gsal// sems kyi ngo bo yul grol rig/ sems de gsal dag klong du dag/ ces gsungs so// nam mkha' 'bar ba'i rgyud las/ sems kyi ngo bo gsal ba'i le'u ste gsum pa'o// // de nas rang byung dang dngas kyis// ming med kun grol ston pa la// sems la yon tan ji ltar mnga'// zhes zhus pa dang / ston pas 'khor la bka' stsal pa// sems kyi yon tan bstan pa ni// yid bzhin nor las dgos 'dod 'byung ba bzhin// sems la yon tan 'byung lugs bsam mi khyab// yon tan rnam grangs bshad pas mi langs te// re zhig bsdus te yon tan 'di ltar bshad// ma rig ye shes gsal bar byed pa'i yon tan mnga'// dug gsum sku gsum bsgyur ba'i yon tan mnga'// dug lnga ye shes bsgyur ba'i yon tan yod// sems can sangs rgyas bsgyur ba'i yon tan mnga'// 'khor ba myang 'das bsgyur ba'i yon tan mnga'// rigs drug g.yang sa gcod pa'i yon tan mnga'// khams gsum zhing khams bsgyur ba'i yon tan mnga'// nyon mongs phyags mas 'debs pa'i yon tan mnga'// rnam rtog chos skur bsgyur ba'i yon

  276. 138b

    tan mnga'// snang ba rang sar grol ba'i yon tan mnga'// rig pa rang rlag byed pa'i yon tan mnga'// sems nyid ming med rtogs pa'i yon tan mnga'// ji snyed ma lus mkhyen pa'i yon tan mnga'// ji lta ba bzhin mkhyen pa'i yon tan mnga'// rnam pa thams cad mkhyen pa'i yon tan mnga'// mchog mkhyen pa yi yon tan mnga'// ma spangs gnas su dag pa'i yon tan mnga'// ma bsgrubs yongs su grub pa'i yon tan mnga'// 'khor ba'i 'dam nas 'dren pa'i yon tan mnga'// bu bzhin kun la snyoms pa'i yon tan mnga'// snying rje kun la sman mdzad yon tan mnga'// sdug bsngal bde bar shes pa'i yon tan mnga'// nam mkha' bzhin du kun la yongs su khyab pa'i yon tan mnga'// thams cad ma lus sangs rgyas par// shes pa sems kyi yon tan yin// zhes gsungs so// nam mkha' 'bar ba'i rgyud las// sems kyi yon tan bstan pa'i le'u ste bzhi pa'o// // de nas rang byung dang dngas kyis// ming med kun grol ston pa la/ sems kyi phrin las ji ltar mdzad// ces zhus pas// ston pas 'khor la bka' stsal pa// sems kyi phrin las mdzad lugs bsam mi khyab// re zhig phrin las mdzad lugs bstan pa ni// ma rig mun pa sel ba'i phrin las byed// gti mug bag chags sel ba'i phrin las byed// sgrib

  277. 139a

    g.yogs mun pa 'joms pa'i phrin las byed// dug lnga rang sar grol ba'i phrin las mdzad// sems can sangs rgyas bskur ba'i phrin las mdzad// 'khrul gzhi rtsad nas gcod pa'i phrin las mdzad// 'khrul snang rang sar grol ba'i phrin las mdzad// snang ba'i dngos gzhi grol ba'i phrin las mdzad// 'khor ba'i gnas nas 'dren pa'i phrin las mdzad// sdug bsngal bde bar byed pa'i phrin las mdzad// thams cad sangs rgyas yin shes phrin las chen po mdzad// zhi rgyas dbang drag lta bu 'di yin no// zhes gsungs so// nam mkha' 'bar ba'i rgyud las/ sems kyi phrin las bstan pa'i le'u ste lnga pa'o// // de nas rang byung dang dngas kyis// ming med kun grol ston pa la// sems 'di ye nas yod dam med// ces zhus pas/ ston pas 'khor la bka' stsal pa// sems 'di ye nas med mod kyang // ma rig 'gyu ba'i rlung 'dis 'khor 'das gnyis// dper na nam mkha'i sprin dang me long g.ya'// gzhi la med kyang shugs las byung // zhes so// de nas 'khor gyis yang zhus pas// sems de ye nas yod na rtag par thal// ye nas med na chad par thal// rtag chad mtha' 'di gang gis sel// zhes ston pa la zhus pa dang / ston pas 'khor la bka' stsal pa// sems nyid gzhi la gzugs su grub pa med// de

  278. 139b

    yis rtag pa'i mtha' sel lo// rtsal la ma 'gags rol pa sna tshogs shar// 'od gsal yan lags rang snang bas// de yis chad pa'i mtha' sel lo// sems nyid gzhi la rtsal thim pas// rtag chad gnyis med mtha' sel lo// zhes gsungs so// nam mkha' 'bar ba'i rgyud las/ sems yod med gnyis med du bstan pa'i le'u ste drug pa'o// // de nas rang byung dang dngas kyis// ming med ston pa kun grol la// sems 'di ye nas sangs rgyas yin nam min// yin na sems 'di ye nas ji ltar 'khrul// min na 'khor ba lte chad 'gyur// zhes zhus pas// ston pas 'khor la bka' stsal pa// sems 'di ye nas sangs rgyas yin mod kyang // rtog pa'i dbang gis 'khor bar 'khyams// ma rig dbang gis 'khor bar snang // 'khor ba lte ba chad pa ma yin te// 'khor ba rtsad chod mya ngan 'das// zhes gsungs so// nam mkha' 'bar ba'i rgyud las/ sems ye nas sangs rgyas yin kyang dug lnga ma rig pa'i dbang gis 'khor ba'i le'u ste bdun pa'o// // de nas rang byung dang dngas kyis// ming med ston pa kun grol la// ye nas sangs rgyas yin na sems can ji ltar 'khrul// sangs rgyas 'khrul na thug pa med// sems de sangs rgyas min na sangs rgyas gang nas 'tshol// zhes zhus pa dang / ston pas 'khor la bka' stsal

  279. 140a

    pa// sems de rtogs pa mngon du gyur pa'i sangs rgyas min// sems de gzhi nas lhun grub sangs rgyas yin// gzhi rang bzhin lhun gyis grub pa la// rtsal dang rig pa zer 'khrul pas// dug lnga nyon mongs ma rig dbang gis sems can 'khrul// sus kyang ma lan rang ngo ma shes nyes// sangs rgyas gzhan nas mi 'tshol te// sems nyid rtogs pas sangs rgyas yin// 'khor bar ngo shes mya ngan 'das// sems nyid ngo shes 'khrul du med// ces gsungs so// nam mkha' 'bar ba'i rgyud las/ sems de ye nas sangs rgyas yin kyang ma rtogs pas gzhi lhun grub la 'khrul pa bstan pa'i le'u ste brgyad pa'o// // de nas rang byung dang dngas kyis// ming med kun grol ston pa la// sems la ye nas dngos po yod dam med// dngos po yod na sems de rtag par thal// dngos po med na chad par lhung // de nyid ngo bo ji ltar lags// zhes zhus pas/ ston pas 'khor la bka' stsal pa// khyod kyis nga la dris pa ni// gzhi la 'dri 'am rtsal la 'dri// chos nyid gzhi la 'dri ba na// sems kyi gzhi la dngos po med// sems kyi gzhi la gzugs su med// sems kyi gzhi la kha dog med// sems de cang med dngos med tha snyad med// ces gsungs so// rtsal la dri'o zer ba na// mtshan nyid ma 'gags sna tshogs 'char

  280. 140b

    ba'i phyir// snang srid dngos po'i chos rnams gzhi'i rtsal du shar// zhes gsungs so// nam mkha' 'bar ba'i rgyud las// sems kyi gzhi la dngos po med pa la/ rtsal la dngos po yod par bstan pa'i le'u ste/ dgu pa'o// // de nas rang byung dang dngas kyis// ming med ston pa kun grol la// sems la 'khrul pa yod dam med// 'khrul yod sems de skyon du 'gyur// sol ba nag po'i dpe bzhin no// sems la 'khrul pa med pa la// sems can thams cad grol bar rigs// de gnyis 'phrad de ji ltar bsal// zhes ston pa la zhus pas/ ston pas 'khor la bka' stsal pa// sems kyi gzhi la 'khrul pa med// rtsal la 'khrul snang ltar snang kyang // sems kyi gzhi la gos pa med// dper na man shel dag pa'i nang // dkar dmar sman dug bzang ngan gang snang yang // shel gyi gzhi la gang yang grub pa med// sman dug snang la grub pa med// sman mi sgrub la dug mi spang // shel gong nang du gnyis ka dag/ de bzhin sems kyi gzhi la yang // 'khrul snang cir yang snang mod kyang // bzang po mi bsgrub ngan mi spang // sems nyid ka dag dang du 'khrul pa dag/ 'khrul snang rang bzhin med de sems su dag/ ces gsungs so// nam mkha' 'bar ba'i rgyud las// 'khrul pa gzhi la med par bstan pa'i le'u ste bcu pa'o// // de nas rang byung dang

  281. 141a

    dngas kyis// ming med ston pa kun grol la// sems can kun gyis sems 'di mnyam lags sam// mnyam na bzang ngan 'ong ba dang // blo rno rtul shes pa che chung 'ong ba ci yis nyes// 'on te mi nyamam sems bdag bzang ngan tha dad bdog lags sam/ zhes zhus pas/ ston pas 'khor la bka' stsal pa/ 'khor gyi dri ba gnyis po de// chos nyid gzhi la dri 'am snang tshul zer la 'dri// sems kyi gzhi la 'dri ba na// ya tha rgyal ba'i dkyil 'khor nas// ma tha dmyal ba'i 'jigs tshogs su// sems can mtha' yas ma lus la// til la mar gyis khyab bzhin mnyam por gnas// dper na rgya zho mnan pa 'dra// sems la bzang ngan bye brag med// sems nyid gzhi la rno rtul med// shes pa gsal mi gsal du med// snang tshul zer la 'dri ba na// shes bya'i rang bzhin ma 'gags par// blo rno rtul bzang ngan shes pa gsal mi gsal du shugs las 'khrul// dper na zhing sa gcig pa la sa bon mnyam por btab nas// chu lud mnyam por btab kyang / bzang ngan nas rdog che chung shugs las 'byung / lcags rdo bzhu btul mnyam yang / rno rtul bzang ngan shugs las 'byung / zhes gsungs so// nam mkha' 'bar ba'i rgyud las/ sems can thams cad la sems de mnyam par bstan pa'i le'u ste bcu gcig pa'o// // de nas

  282. 141b

    rang byung dang dngas kyis// ming med kun grol ston pa la// sems la gti mug yod dam med// gti mug med na ye shes mi 'char ci yis nyes// yod na ye shes 'char ram zhes zhus pas// ston pas 'khor la bka' stsal pa// 'khor gyi dri ba gnyis po de// shes dang ma shes gang la 'dri// shes pa dag la 'dri ba na// rang sems shes pa'i 'od gsal dang // gti mug ma rig ye nas med// ka dag ye shes 'od 'bar gsal// de la bag chags sgrib g.yogs med// ma shes pa la 'dri ba na// rang ngo ma shes ma rig pas// gti mug bag chags sgrib pas bsgribs// ye gsal ma rtogs mun pa'i 'khor sgor chud// ces gsungs so// nam mkha' 'bar ba'i rgyud las/ rang ngo shes pa la ma rig gti mug med par bstan pa'i le'u ste bcu gnyis pa'o// // de nas rang byung dang dngas kyis// ming med kun grol ston pa la// sems la dug lnga dug gsum yod dam med// yod na spangs kyang mi spong pa ru 'dug/ med na 'gro drug sems can 'khor bar 'khyams pa mi rigs so// zhes zhus pas/ ston pas 'khor la bka' stsal pa// 'khor gyi dri ba gnyis po de// rtogs dang ma rtogs gang la 'dri// rtogs pa la ni 'dri ba na// dug lnga dug gsum ma spangs rang grol bas// dug gsum ka dag sku gsung thugs// dug lnga ming med ye shes lnga// zhes

  283. 142a

    gsungs so// ma rtogs pa la dri ba na// khams gsum sems can thams cad la/ dug lnga dug gsum rang chas ldan// de yis 'gro drug 'khor bar 'khyams// zhes gsungs so// nam mkha' 'bar ba'i rgyud las/ dug lnga rtogs pa la med cing ma rtogs pa la yod par bstan pa'i le'u ste bcu gsum pa'o// // de nas rang byung dang dngas kyis// ming med kun grol ston pa la// sems la dbyibs dang kha dog yod dam med// ces zhus pas/ ston pas 'khor la bka' stsal pa// sems la dbyibs dang kha dog med// sems la gzugs dang mtshan ma med// sems la yod med rtsis gdab med// yod par mthong ba 'khrul pa'i blo// zhes gsungs so// nam mkha' 'bar ba'i rgyud las// sems la dbyibs dang kha dog med par bstan pa'i le'u ste bcu bzhi pa'o// // de nas rang byung dang dngas kyis// ming med kun grol ston pa la// sems 'di rtogs pas sangs rgyas sam// zhus pas/ ston pas 'khor la bka' stsal pa// sems 'di rtog pa dang bcas pa'i// dran sems 'di yis sangs mi rgya// sems nyid chos sku yin pa'i phyir// sems nyid rtogs pas sangs rgyas so// sngon gyi rgyal ba rnams kyis kyang // sems nyid rtogs pas sangs rgyas so// zhes gsungs so// nam mkha' 'bar ba'i rgyud las/ sems nyid rtogs

  284. 142b

    pas sangs rgyas pa'i le'u ste bco lnga'o// // de nas rang byung dang dngas kyis// ming med kun grol ston pa la// sems dang rig pa yid dang gsum la khyad par yod dam med/ ces zhus pas/ ston pas 'khor la bka' stsal pa// 'khor gyi dri ba gsum po de// gzhi la 'dri 'am rtsal la 'dri// gzhi la 'dri na de gsum ngo bo gcig ste khyad par med// rtsal la 'dri na khyad par yod// bzang ngan yod pa ma yin te// tshogs pa rags mi rags su yod// rig pa skye med myong ba yod// yid du 'gyu bas dran pa 'byung // sems su gsal bas ming du btags// btags la zhen pas dga' mi dga' ru skye/ zhes gsungs so// nam mkha' 'bar ba'i rgyud las/ sems dang rig pa yid dang gsum bstan pa'i le'u ste bcu drug pa'o// // de nas rang byung dang dngas kyis// ming med ston pa kun grol la// snying po chos nyid chos sku gsum la khyad par yod dam med// zhus pas/ ston pas 'khor la bka' stsal pa// de gsum gzhi la khyad par med// yan lag rtsal dang ming 'dogs la// ming gi bye brag khyad par yod// snying po chos nyid dbyings la khyad par med// ces gsungs so// nam mkha' 'bar ba'i rgyud las/ de gsum gzhi la khyad par med par bstan pa'i le'u ste bcu bdun pa'o// // de nas rang byung dang dngas kyis// ming med

  285. 143a

    ston pa kun grol la// dbyings dang ye shes skyo med gsum la khyad par yod dam med// zhes zhus pas/ ston pas 'khor la bka' stsal pa// de gsum don la khyad par med// ming dang bye brag khyad par yod// dbyings ni chos nyid 'dus ma byas// skye med snying po chos kyi sku// ye shes ye shes zhes bya ba// ye nas yod pa'i shes pa yi// gsal 'grib med pa'i shes pa yin// zhes gsungs so// nam mkha' 'bar ba'i rgyud las/ dbyings dang skye med ye shes gsum la khyad par med par bstan pa'i le'u ste bco brgyad pa'o// // de nas rang byung dang dngas kyis// ming med kun grol ston pa la// sku lnga ye shes lnga dang dug lnga nyon mongs lnga la khyad par yod dam med// ces zhus pas/ ston pas 'khor la bka' stsal pa// rtogs shing grol ba'i dus na khyad par med// ma rtogs pa la khyad par che// zhes gsungs so// de nas yang 'khor gyis zhus pa// rtogs pa'i sku lnga ye shes lnga ni ji ltar lags// zhes zhus pas/ ston pas 'khor la bka' stsal pa// sku lnga'i dbye ba bshad pa ni/ snying po gting mtha' yas pa'i sku dang / sngon thog ming med mtha' bral gyi sku dang / ye dag ka dag skye ba med pa'i sku dang / dngos med zang ka'i sku dang / byar med blo 'das kyi sku dang lnga'o// ye shes lnga la ka dag skye ba med pa'i ye shes dang / 'od

  286. 143b

    gsal klong nas gsal ba'i ye shes dang / rang byung dang dngas gsal ba'i ye shes dang / rang gsal rang sangs rgyas pa'i ye shes dang / rang snang rang sar grol ba'i ye shes dang lnga'o// de ni theg pa gzhan nas ma bshad de/ yang ti nyi zla'i snying po sku lnga ye shes lnga'o// rtogs ldan la dug lnga nyon mongs lnga med de/ ye shes klong na 'phyo zhes so// ma rtogs dug lngas khams gsum 'khor bar 'khyams/ zhes gsungs so// nam mkha' 'bar ba'i rgyud las/ rtogs pa la dug lnga dang sku lnga dbyer med du bstan pa'i le'u ste bcu dgu pa'o// // de nas rang byung dang dngas kyis// ming med kun grol ston pa la// snang ba rig pa stong pa gsum du chos rnams ji ltar grol// zhes zhus pas/ ston pas 'khor la bka' stsal pa// snang tshad ye nas rang so la// dgag bsgrub spang len med par rang sar grol// 'gyu ba med pa'i rig yid la// ji ltar snang ba'i dngos po'i chos rnams la// mi 'gyu ming gi mi dran sems mi 'char// rig yid rgya la 'gyu yang dang dngas rang sar grol// gang skyes rang sar thims pas 'khrul pa rtsad nas bcad// rig pas rtsad nas bcad pa'o// kun gzhi rtsad nas bcad pa ni/ stong gsal dngos med bag chags sgrib g.yog med// 'dod rlom rtsis gdab med de sems nyid rtsad nas bcad// de gsum dril nas bstan pa

  287. 144a

    ni// gang snang yul rnams rang grol sangs// gang skyes rig pa rang rlags dang // gang dran dran sems rtsis gdab med par zhi// de gsum ji ltar grol zhe na// snang srid chos rnams stong par grol// yid rig dran blo rang byung rang sar grol// sems de kun gzhi'i klong na grol// zhes gsungs so// nam mkha' 'bar ba'i rgyud las/ snang ba stong pa rig pa gsum du chos rnams grol bar bstan pa'i le'u ste nyi shu pa'o// // de nas rang byung dang dngas kyis// ming med ston pa kun grol la// grol bar byed pa'i gdams ngag ji ltar bshad// ces zhus pas/ ston pas 'khor la bka' stsal pa/ snang ba rig pa stong pa gsum du grol ba'i gdams ngag ni/ de la snang ba'i chos rnams kun// rang gnas rang sor dbye bsal med par grol// rig skyes myang ba'i chos rnams kun// rig med 'dzin med zhen med gsum du grol// stong pa kun gzhi'i chos rnams kun// bag chags snyoms byed sgrib g.yogs med par grol// zhes gsungs so// nam mkha' 'bar ba'i rgyud las/ grol bar byed pa'i gdams ngag bstan pa'i le'u ste nyi shu rtsa gcig pa'o// // de nas rang byung dang dngas kyis// ming med kun grol ston pa la// sems kyi snang tshul sna tshogs pa// mdo don gcig tu ji ltar bsdu// zhes zhus pa dang / ston pas 'khor la

  288. 144b

    bka' stsal pa// sems kyi snang tshul bsam mi khyab// de yi snang tshul bsdus te bshad// snang tshul de rnams ni/ gzhi la rlung lnga sems kyi snang tshul yin// 'byung lnga 'od lnga sems kyi snang tshul yin// 'od lnga zer lnga sems kyi snang tshul yin// shes dang ma shes sems kyi snang tshul yin// rig dang ma rig sems kyi snang tshul yin// stong pa gsal ba 'gag med sems kyi snang tshul yin// rang bzhin stong pa thugs rje sems kyi snang tshul yin// dug gsum sku gsum yid 'khor rnams gsum sems kyi snang tshul yin// 'char sgo 'khrul sgo sems kyi snang tshul yin// yid rig so sor 'khrul pa sems kyi snang tshul yin// 'khrul 'bras gzugs lnga sems kyi snang tshul yin// rtogs dang ma rtogs sems kyi snang tshul yin// sangs rgyas sems can sems kyi snang tshul yin// 'khor ba myang 'das sems kyi snang tshul yin// snang srid snod bcud sems kyi snang tshul yin// skyes pa bud med rtsi shing nags tshal sems kyi snang tshul yin// yod med dngos po'i chos rnams sems kyi snang tshul yin// zhes gsungs so// mdo don gcig tu bsdu ba ni// brgyad khri bzhi stong theg pa rnams// rdzogs pa spyi gcod spyi tir 'dus// blos btags chos rnams thams cad kun// blo 'das ming med chen por 'dus// bsam gyis mi khyab chos 'di rnams// bsam med

  289. 145a

    chen po'i ngang du 'dus// snod bcud snang srid dngos po'i chos rnams kun// mu med gting mtha' grol bar bsdus// zhes gsungs so// nam mkha' 'bar ba'i rgyud las/ mdo don gcig tu bsdus pa'i le'u ste nyi shu rtsa gnyis pa'o// // de nas rang byung dang dngas kyis// ming med ston pa kun grol la// sems kyi zag ni gang du bcad// ces zhus pas/ ston pas 'khor la bka' stsal pa// skye med mtshon du med par zag bcad do// snying po 'pho 'gyur med par zag bcad do// chos sku rkyen dang bral bar zag bcad do// dngos med zang kar zag bcad do// byar med blo 'das zag bcad do// ming med brjod las 'das par thag bcad do// mu mtha' grol bar thag bcad do// gting mtha' yas par thag bcad do// chos nyid ka dag chen por thag bcad do// dngos po med par thag kyang bcad// ngos gzung med par thag kyang bcad// yul sems med par zag kyang bcad// dgag bsgrub spang len med par thag bcad do// zhes gsungs so// nam mkha' 'bar ba'i rgyud las/ sems kyi zag bcad pa'i le'u ste nyi shu rtsa gsum pa'o// // de nas rang byung dang dngas kyis// ming med kun grol ston pa la// sems kyi la ni gang du bzla// zhes zhus pas/ ston pas 'khor la bka' stsal pa// sems kyi la ni chos nyid

  290. 145b

    klong du bzla// sems kyi la ni snying po'i klong du bzla// sems kyi la ni dngos med zang kar bzla// sems kyi la ni ma bcos rnal mar bzla// sems kyi la ni dngos gzhi med par bzla// sems kyi la ni skye ba med par bzla// sems kyi la ni ming med blo 'das chen por bzla// sems kyi la ni sangs rgyas chos dang dge 'dun med par bzla// sems kyi la ni sku lnga ye shes lnga yang med par bzla// rig pa yid sems med par la bzla'o// theg chen chos med grub mtha' med par la bzla'o// snang med rig med 'gyu sems med par la bzla'o// zhes gsungs so// nam mkha' 'bar ba'i rgyud las/ sems kyi la bzla bstan pa'i le'u ste nyer bzhi pa'o// // de nas rang byung dang dngas kyis// ming med kun grol ston pa la// sems nyid phugs su ji ltar bskyal// zhes zhus pas/ ston pas 'khor la bka' stsal pa// 'khrul chod rtog sangs phugs su stsol// blo zad dran med phugs su stsol// chos med theg med phugs su sgrol// nyams rtags mngon shes med pa'i phugs su sgrol// rigs med sems rlag 'od gsal phugs su skyol// sngon thog dang po'i phugs su skyol// chos nyid gsang ba'i phugs su skyol// snying ngo chos sku lhun grub phugs su skyol// sngon thog ka dag phugs su skyol// thog ma 'od mi 'gyur ba'i phugs su skyol// 'od

  291. 146a

    bkol pa med pa'i phugs su sgrol// 'od 'phro 'du dang 'phel 'grib med pa'i phugs su sgrol// ming med mtha' stong phrags su sgrol// mu mtha' grol ba'i phugs su sgrol// gting mtha' yas pa'i phugs su skyol// mtha' bral blo 'das kyi phugs su skyol// yengs med gting med dngos med stong pa'i phugs su sgrol// zhes gsungs so// nam mkha' 'bar ba'i rgyud las/ sems nyid phugs su sgrol ba'i le'u ste nyer lnga pa'o// // de nas rang byung dang dngas kyis// ming med kun grol ston pa la// phugs su skyol bar byed pa'i gdams pa gang // zhes zhus pas/ ston pas 'khor la bka' stsal pa// phugs su skyol bar byed pa'i gdams pa ni// mu mtha' grol ba'i gdams ngag yin// gting mtha' yas pa'i gdams ngag yin// ming med mtha' stong gdams ngag yin// skye med ka dag gdams pa yin// dngos med zang ka'i gdams pa yin// gshis kyi 'dug tshul gdams pa yin// dngos po'i gnas lugs shes bya'i babs kyi gdams pa yin// snying po nges pa de kho na nyid kyi gdams pa yin// ma nor ma bcos de kho na nyid kyi gdams pa yin// byar med blo 'das gdams ngag yin// re med rang gnas gdams ngag yin// ming med mtha' bral gdams ngag yin// rtsad chod blo 'das rig med chos phor gdams ngag

  292. 146b

    yin// snying po mu med mtha' bral gyi phugs su sgrol// zhes gsungs so// nam mkha' 'bar ba'i rgyud las/ phugs su sgrol bar byed pa'i gdams pa bstan pa'i le'u ste nyer drug pa'o// // de nas rang byung nga dngas kyis// ming med ston pa kun grol la// sems kyi dpe ni gang du bstan// zhes zhus pa dang / ston pas 'khor la bka' stsal pa// sems kyi dpe ni nam mkha' bstan// dngos med stong gsal khyab la phyogs ris med// ces gsungs so// de yang snying po yan lag snang tshul 'khrul pa'i dpe bstan pa dang / zhing sa gser dang mtsho la dar chags gsum/ kun gzhi snying po chos nyid mtshon pa'i dpe ru bstan// tsan dan gla rtsi sgog pa gsum/ shugs 'byung 'gags med rig pa'i dpe ru bstan/ 'od dang rtsal dang zer gyi dpe ru ni/ nyi ma'i snying po 'od dang zer gyi dpe ru bstan/ ma nges ngo bo mi 'gyur ga pur dpe bzhin bstan// snang tshul dpe ni phug ron skad bzhin no// 'khrul dpe zag pa tho yor smig rgyu la// sbrul dang mi dang chur 'khrul dpe bzhin no// sems nyid rang grol sbrul gyi mdud pa'i dpe// 'khrul pa ldog pa'i dpe ni/ lan tshwa chur thim sha btson gdos grol 'dra/ sems dang chos 'dres dpe ni/ chu la chu bur rang thim rdo tshan kha ba 'dra/ ma bu dbye ba med pa'i dpe ni/ yur chus rgya mtshor slebs dang 'dra// chu dang 'o ma 'dres

  293. 147a

    pa 'dra// 'dra bzhi yod pas dpe yi thog tu babs// dngos gzhi med pas dpes kyang mtshon du med// 'dra ba'i sgo nas dpe dang tshul bstun dgos pa yod// ces gsungs so// nam mkha' 'bar ba'i rgyud las/ sems nyid dpe'i sgo nas bstan cing gtan la dbab pa'i le'u ste nyer bdun pa'o// // de nas rang byung dang dngas kyis// ming med kun grol ston pa la// sangs rgyas sems can gzhi gcig gam// gcig na 'khor 'das gnyis su 'ong ba ji ltar yin// mi gcig 'khor 'das 'brel med dam// zhes zhus pa dang / ston pas 'khor la bka' stsal pa// gzhi lnga mkha' klong rnam dag kun gzhi spyi/ sa ru// sangs rgyas sems can gzhi gcig pas// mnyam pa nyid du gnas pa yin// dper na mtsho la dar chags 'dra// zhes gsungs so// de nas 'khor gyis ston pa nyid la zhus pa/ gcig na gnyis su 'ong ba ci yin zhus pa dang / ston pas 'khor la bka' stsal pa// sangs rgyas sems can gzhi gcig kyang // kun gzhi'i rnam shes gzhi de la// 'gru ba rlung gi rgyu nyid las// ma rig sgrib g.yogs rkyen byas nas// mun pa'i 'khor sgo gnyis su 'khrul// gzhi de rtogs dang ma rtogs rnams gnyis las// sangs rgyas sems can gnyis su byung // 'khor ba myang 'das gnyis su snang // snang yang 'khor 'das 'brel yin te// 'khor

  294. 147b

    ba'i rang bzhin shes pa mya ngan 'das// rtogs ldan rnams la 'khor 'das dbyer med cing // 'brel med ma yin chos nyid dbyings su gcig/ ces gsungs so// nam mkha' 'bar ba'i rgyud las/ sangs rgyas sems can gzhi gcig par bstan pa'i le'u ste nyer brgyad pa'o// // de nas rang byung dang dngas kyis// ming med kun grol ston pa la// ma rig ye shes ngo bo gcig mi gcig/ mi gcig 'brel pa med lags sam// zhes zhus pas/ ston pas 'khor la bka' stsal pa// ma rtogs ma rig pa yin kyang // rtogs na ma rig ma yin te// de phyir rig pa'i ye shes yin// de phyir ma rig ye shes tha dad min// ma rtogs rtogs pas lam 'dir gcig/ 'brel med tha dad ma yin ngo bo gcig/ dper na ga bur gzhi gcig la/ nad tsha grang rkyen gyis tha dad gnyis snang kyang // tha dad bye brag gnyis med ga bur ngo bor gcig/ ces gsungs so// nam mkha' 'bar ba'i rgyud las/ ma rig ye shes ngo bo gcig la rtogs ma rtogs kyis tha dad par bstan pa'i le'u ste nyer dgu pa'o// // de nas rang byung dang dngas kyis// ming med kun grol ston pa la// 'khor 'das gnyis kyi gyes mdo gang tsam lags// zhes zhus pas/ ston pas 'khor la bka' stsal pa// 'khor 'das gnyis kyi gyes mdo ni// shes dang ma shes gyes mdo dang // 'gyu dang mi

  295. 148a

    'gru'i gyes mdo dang // zin dang ma zin gyis mdo dang // rig dang ma rig gyes mdo dang // 'char sgo 'khrul sgo'i gyes mdo yin// rtogs dang ma rtogs gyes mdo yin// sangs rgyas sems can gyegyis mdo yin// ldog bcas gnyis kyi gyes mdo dang // 'khrul ldog gnyis kyi gyes mdo yin// mdor na dbyings stong pa gsal ba 'gag med gyes mdo yin// ces so// nam mkha' 'bar ba'i rgyud las// sangs rgyas sems can gyi gyes mdo bstan pa'i le'u ste sum bcu pa'o// // de nas rang byung dang dngas kyis// ming med ston pa kun grol la// blos btags chos rnams yod dam med/ byar med blo 'das gang la zer// zhes zhus pa dang / ston pas 'khor la bka' stsal pa// 'khor gyi dri ba gnyis po de// rtogs dang ma rtogs gang la 'dri// ma rtogs pa la 'dri ba na// ji srid rnam rtog blo 'khrul ma zad par// blos btags chos rnams zad pa med pa yod// rnam rtog 'khrul pa ma zad par// blos btags chos rnams yod par gsungs// rnam rtog 'khrul pa zad pa na// blos btags chos rnams gcig kyang yod ma yin// blo zad blos btags chos rnams zad// ces gsungs so// de nas 'khor gyi ston pa la zhus pa// byar med blo 'das gang la zer// zhes zhus pa dang // ston pas 'khor la bka' stsal pa// blo dang dngos po 'phrad

  296. 148b

    nas chos dang sems 'dres tsam na/ rig rlag sems med yid kyi rnam rtog zad// bya ba'i yul med rtsol bsgrub sems dang bral// blo 'das don la blos btags chos rnams med// ces gsungs so// nam mkha' 'bar ba'i rgyud las/ blo btags chos rnams med par bstan pa'i le'u ste so gcig pa'o// // de nas rang byung dang dngas kyis// ming med kun grol ston pa la// blos btags chos de tshig gis btags ma btags/ btags na blo 'das chos dang khyad par cang bdog gam/ ci ste zhe na gnyis ka tshig gis mtshon cing ming du btags pa'i phyir/ zhes ston pa la zhus pa/ ston pas 'khor la bka' stsal pa/ blos btags chos dang blo 'das ming med gnyis// de gnyis tshig dang don la khyad par che// tshig khyad don khyad bstan gyis 'khor rnams nyon// 'khor gyi blo 'das chos de tshig gis btags ma btags/ zhes dris pa de khyed rang 'khor gyis dris shing nga yis mtshon pa las// 'khor gyi rtog pa bsal phyir go ba las// blo 'das tshig tu btags pa las// blo 'das nyid la mtshon bya mtshon byed med// blo 'das nyid la tshig gis gdags su med// ming med blo 'das don la ming tshig brda' chad med// ming med mtha' bral blo yi spyod yul grol// mu dang mtha' grol gting mtha' brjod pa'i tha snyad tshig gi yul las

  297. 149a

    'das// 'khor gyi rtog pa bsal phyir las// blo 'das nyid la dngos med ming tshig btags pa med// de phyir blos btags chos las khyad par 'phags// de yang ji ltar 'phags zhe na// a ti man chad blos btags chos rnams ni// blo yis rang rang grub mthar btags shing // blos btags grub pa'i mtha' la zhen// dngos med ming med blo 'das chen po la// de don ma rtogs theg pa rim dgu yi// lta ba blos btags tshig la zhe na// sgom pa blos bsgom ming tshig zhen dang bcas// spyod pa ched byas chags sdang zhen dang bcas// 'bras bu re dogs yid smon rtsol sgrub byed// rang ltar ming btags blos btags tshig la zhen pa'i theg dgu yis// blos btags grub pa'i mtha' la zhen nas gzhan lta rgyab kyis phyogs// dngos med blos btags rtog pa'i tshig la zhe na// snang btags gzung zhen blos btags theg pa yis// rang gam bzhag nas rgyang du btsal// btsal bas bskal pa brgyar yang rnyed mi 'gyur// dmus long nam mkha'i mtha' 'tshol 'dra// blos btags chos rnams ma zad na// bskal pa brgyar yang rnyed mi 'gyur// med cing stong pa'i chos la mtshon pa btags pa'i blos btags nas// tshig gi mtha' la zhen cing ming btags chos la chags// ming med mtha' stong blo zad ma rtogs na// nams kyang 'khor ba'i

  298. 149b

    'dam nas thon dus med// de phyir blos btags blo 'das gnyis kyi khyad par ro// dril gyis dril nas bstan pa ni// blo 'das ming med rang la zhen kyang blo chos yin// blos btags chos zad zhen cing chags pa med na blo 'das yin// blo 'das chos ni gting mtha' grol// blos btags chos ni blo yi btags shing grub pa'i mtha' la zhe na// de phyir blo chos blo 'das gnyis kyi khyad par ro// zhes gsungs so// nam mkha' 'bar ba'i rgyud las/ blo 'das tshig tu btags kyang mu mtha' grol zhing ming med mtha' stong blo 'das klong du gyur pa'i le'u ste so gnyis pa'o// // de nas rang byung dang dngas kyis// ming med ston pa kun grol la// snang btags chos rnams gang du bsdu// zhes zhus pa dang / ston pas 'khor la bka' stsal pa// snang ba'i chos rnams stong par bsdu// blos btags chos rnams ming med blo 'das ngang du bsdu// yang na snang srid chos rnams rang sar grol bar bsdu// ming btags chos rnams bstan du med par bsdu// yang na snang ba'i chos rnams bzang ngan dgag bsgrub med par bsdu// btags chags mtshon brjod med par bsdu// zhes gsungs so// nam mkha' 'bar ba'i rgyud las/ snang btags bsdu ba'i le'u ste so gsum pa'o// // de nas rang byung dang dngas kyis// ming med ston pa kun grol la// chos

  299. 150a

    med blo zad mtha' ru gang du bskyal// zhes zhus pa dang // ston pas 'khor la bka' stsal pa// chos rnams grub mtha' med pa theg pa'i phugs su skyol// blo zad rnam rtog zad pa chos nyid phugs su skyol// yid rig sems kyi chags sdang med pa dang dngas phugs su skyol// theg med 'jug sgo med pa yang ti'i phugs su skyol// ces gsungs so// nam mkha' 'bar ba'i rgyud las/ chos rnams mu mtha' yas la gting mtha' stong pa'i mtha' ru skyal ba'i le'u ste so bzhi pa'o// // de nas rang byung dang dngas kyis// ming med ston pa kun grol la// dngos po'i chos rnams la bzla ji ltar lags// zhes zhus pas/ ston pas 'khor la bka' stsal pa// dngos po'i chos rnams dngos med chen por bzla// dngos po'i chos rnams stong pa chen por bzla// dngos po sna tshogs dngos po med par grol// zhes gsungs so// nam mkha' 'bar ba'i rgyud las/ dngos po snang grags gi chos thams cad dngos med chen por la bzla ba'i le'u ste so lnga pa'o// // de nas rang byung dang dngas kyis// ming med kun grol ston pa la// kri yog man chad dgos pa med// bskyed rdzogs gsum dang spyi ti yang ti yi// ming gi nges tshig ji ltar lags// zhes ston pa la zhus pa dang / ston pas 'khor la bka' stsal pa// kri yog nyan thos yan

  300. 150b

    tshochod bshad mi bya// bskyed rdzogs gsum dang spyi ti yang ti bstan// 'khor rnams ma yengs gus pas nyon// de la bskyed pa ma hA yo ga ni// lha dang lha mor bskyed pa'i bskyed pa yin// ma ni skye med chos kyi sku// hA ni chos rnams lha dang lha mor gsal// yo ni 'gag med thabs yin te// ga ni dmigs med shes rab yum// snang srid lha dang lha mo ste// de snang la rang bzhin med pa yis// thabs dang shes rab gnyis med snang stong dbyer med do// rdzogs pa a nu yo ga ni// snying po dran pa tsam gyis lhar rdzogs pas// de phyir rdzogs pa zhes su bshad// a ni skye med dbyings kyi klong // nu ni 'gag med ye shes gsal// yo ni dbyings dang ye shes dbyer med dang // ga ni snang ba dbyings dang ye shes gnyis su med// de phyir a nu yo ga'o// rdzogs chen a ti yo ga ni// snang srid rdzogs pas rdzogs chen yin// a ti yo ga'i ming gi nges tshig ni// a a nu sarba d+harma na ta thA ga ta ya zhes pa ste// gza' gtad med pa'i lta ba bstan// ti ti ta zhes pa ni/ dmigs gtad med pa'i bsgom pa bstan/ yo yo ga tsan+ta ni// bya rtsol dang dgag bsgrub med pa'i spyod pa bstan// ga gar+b+ha hr-i da ya ni// spang thob med pa'i 'bras bu bstan// de phyir a ti yo ga yin// de las khyad par 'phags pa ni// dgu rtse spri ti yo ga ni// theg pa dgu yi dgu rtse

  301. 151a

    yin// a nu'i gong brgal a ti'i gnya' gcog yin/ spyi yis lta ba ti yis bsgom pa/ yo yis spyod pa/ ga yis 'bras bu yin no// de la a ti yo ga las khyad par gang gis 'phags zhe na/ s+thi ti yo ga 'phags tshul ni/ spyi ni theg pa dgu yi spyi rdol te/ skye med ka dag lta ba bstan/ ti ni theg dgu'i ti ka 'di nas ston pa ste/ dngos med zang ka'i bsgom pa bstan// yo ni theg dgu'i spyod pa'i phyags shing ste// byar med las zin spyod pa bstan// ga ni chos sku'i 'bras bu bcud bsdus te// re med rang gnas rang sangs rgyas pa'i 'bras bu'o// de bzhin 'og ma rnams las khyad par 'phags// de yang ngo mtshar che na gang gis spags zhe na// spri ti yo ga zhes pas 'phags// spyi ni bstan med lta ba yin// ti ni rtog med bsgom pa yin// yo ni byar med spyod pa yin// ga ni re med kyi 'bras bu yin// yang na s+thi ti yo ga ni// spyi gtad med zhe 'dod med pa'i lta ba'o// ti dmigs med rtog med bsam dang bral ba'i sgom pa'o// yo yo ga ji ltar snang zhing btags pa'i chos rnams la// gang la yang mi 'gyu mi spyod mi chags mi zhen gzung 'dzin dgag bsgrub spang len bzang ngan dbye bsal rtsis gdab bcos med de/ yo ni rnal 'byor skal ldan mos/ spyod pa rnal ma la// lkugs pa so ma zang ka lhod pa bag yang go bde ba'o// cir yang byar

  302. 151b

    med dal ba rang thang gyi na dngos po gshis kyi 'dug tshul gnas lugs gnas pa'o// gang snang rang grol dgag bsgrub med pa spyod pa'i mchog ces gsungs so// ga ni ngang gnas re med blo 'das kyi 'bras bu'o// de phyir s+thi ti yo ga ni// theg pa kun las khyad par 'phags// zhes gsungs so// nam mkha' 'bar ba'i rgyud las/ thog mar bskyed rdzogs s+thi ti ming gi nges don bstan pa'i le'u ste so drug pa'o// // de nas rang byung dang dngas kyis// ming med kun grol ston pa la// spyi ti las ni yang ti yo ga gang gis 'phags// zhes zhus pa dang / ston pas 'khor la bka' stsal pa// yang ti yo ga khyad par 'phags tshul bshad// yang ni mu mtha' grol ba'i lta ba'o// ti ni gting mtha' yangs pa'i sgom pa'o// yo ni ming med mtha' stong spyod pa'o// ga ni thig le spyi brtol 'bras bu'o// de phyir yang ti man chod theg pa kun las 'phags// zhes gsungs so// nam mkha' 'bar ba'i rgyud las/ yang ti yo ga'i nges tshig bstan pa'i le'u ste so bdun pa'o// // de nas rang byung dang dngas kyis// ming med ston pa kun grol la// rgyud 'di'i mtshan ni ji ltar gzung // zhes zhus pa dang / ston pas 'khor la bka' stsal pa// rgyud 'di'i mtshan gyi gzung thabs ni// rgyud rnams thams cad kun las khyad par 'phags shing rtse rgyal pas//

  303. 152a

    rgyud sde thams cad kyi rtse rgyal bya bar zung zhig/ grub mtha' blta bsgom kun las gong brgal phyir/ rgyud rnams kun gyi rgyal po bya bar gzung zhig/ nam mkha' lta bur go 'byed phyir// nam mkha' 'bar ba'i rgyud du zung // theg dgu'i rtse rgyal bcu yi gnya' gcog pas// dgu rtse bcu yi gnya' gcog bya bar zung // chos kun gnad ston gal 'gags 'phrang sel bas// gnad ston gal 'gags 'phrang sel rgyud du zung // zhes gsungs so// nam mkha' 'bar ba'i rgyud las/ rgyud kyi mtshan bzung ba'i le'u ste so brgyad pa'o// // de nas rang byung dang dngas kyis// ming med kun grol ston pa la// rgyud 'di skal ldan gang la gtad// ces zhus pa dang / ston pas 'khor la bka' stsal pa// rgyud 'di gtad pa'i gang zag ni// smras pa mi 'gyur dam tshig gzhung bzhin bsrung // bla ma gtsug khur 'dod yon nor rnams 'bral// dge ba'i sems ldan sdig pa'i las mi byed// nga rgyal ser sna chung la shes rab che// gdams ngag gter 'chang zang zing khar mi gtang // snod ldan skal bar ldan la rgyud 'di gtod// dam nyams snod med rnams la ma bstan cig/ ces gsungs so// nam mkha' 'bar ba'i rgyud las/ rgyud gtad pa'i snod bstan pa'i le'u so dgu pa'o// // rgyud thams cad kyi rtse rgyal nam mkha' 'bar

  304. 152b

    'i klud rdzogs so// rnal 'byor dbang phyug chen po blo rat+na brda gyis bshad cing / dpal he ru kas bskur ba'o// las 'gro can dang 'thad par shog/ d+hA N+ya g+ha// / rgya gar skad du// tar+tha sarba rbA T+Ta ra tsan+da byA ha ga ga na an+ta sa ma tan+t+ra/ bod skad du/ rgyud thams cad kyi spyi phud nyi zla bkod pa nam mkha'i mtha' dang mnyam pa'i rgyud/ bcom ldan 'das ka dag snying po chos kyi sku la phyag tshal lo// 'di skad bdag gis rtogs pa bshad pa'i dus gcig na/ chos nyid kyi klong / snying po ka nas dag pa'i gnas/ 'od gsal rnam dag rin po che snang gsal nyi zla'i dkyil 'khor na/ bcom ldan 'das snying po ka dag chos kyi sku bzhugs te/ 'khor kun rig gsal ba'i khye'u chung la// nam mkha'i mtha' dang mnyam pa'i bstan pa 'di gsungs so// zhes phun sum tshogs pa'o// de nas kun rig gsal ba'i khye'u chung gis// ston pa snying po ka dag chos sku la// phun sum tshogs pa'i don ni de lags na// sangs rgyas sems can gnyis kyi gzhi ni gang // de las 'khor 'das gnyis su ji ltar 'khrul// 'khrul pa rtsad nas gcod pa'i man ngag gang // chod nas de yi 'bras bu ji ltar 'thob// dbang po yang rab rnams kyi ji ltar rtogs// dbang po zod brgal dag gi skyes bu la// gzhi yi 'khrul pa rtsad chod cang 'tshal lam// 'khrul dang ma 'khrul zhes

  305. 153a

    bya cang bdog gam// ming med mtha' stong don ni gang gis rtogs// mu mtha' yangs par rtogs par byed thabs gang // byar med blo las 'das pa'i don rtogs na// bya zhing btsal ba'i rtsol ba mi 'tshal lam// theg pa'i lha sgom grub pa'i mtha' med par// yang ti yo ga ji ltar rtogs par 'gyur// bcu rtse yang tir rim dgu ji ltar rdzogs// yang tis ma bsgrubs 'bras bu ji ltar 'thob// ces zhus so// nyi zla bkod pa nam mkha'i mtha' dang mnyam pa'i rgyud las/ gleng gzhi phun sum tshogs pa dang / 'khor gyis gleng bslang zhus pa'i le'u ste dang pa'o// // de nas kun rig gsal ba'i khye'u chung gis// snying po ka dag chos sku la// sangs rgyas sems can gzhi ni gang // zhes zhus pas/ ston pas 'khor la bka' stsal pa// gzhi la bye brag ming med kyang // 'khor gyi rtog pa bsal phyir bstan// 'khor rnams ma yengs gus pas nyon// sangs rgyas sems can gnyis kyi gzhi// kun gzhi mkha' klong yangs pa yin// ya za rgyal ba'i dkyil 'khor nas// ma za dmyal ba'i 'jigs tshogs su// mtha' yas sems can thams cad la// til la mar gyis khyab bzhin gnas// de yang ji ltar gnas zhe na// rgyu rkyen 'pho 'gyur med par gnas// skye 'gag mtha' dbus med par gnas// lhun grub rgya chad phyogs lhung

  306. 153b

    med// dper na rgya mtsho gnam bzhin gnas// sa gser bang mdzod rin chen no// gnas lugs gzhi yi dpe ru bshad// ces gsungs so// nyi zla bkod pa'i rgyud las/ sangs rgyas sems can gyi gzhi bstan pa'i le'u ste gnyis pa'o// // de nas kun rig khye'u chung gis// snying po ka dag chos sku la// gzhi la mnyam par gnas pa la// khams gsum sems can ji ltar 'khrul// zhes zhus pa dang / ston pas 'khor la bka' stsal pa// gzhi la 'khrul dang ma 'khrul gnyis med kyang // rig pa skyes shing yid g.yos sems 'khrul pas// gnas pa'i don de ma shes ma rig te// rang sa ma zin rig pa'i mgo rlung langs// chos nyid ma 'phrad mun pa'i 'khor sgor 'khyams// de ma yin la der 'dzin 'khrul pa langs// rigs drug sems can thams cad de ltar 'khrul// gzhi la med de rtog pa'i yid skyes pas// gdug rtsub zhe sdang dbang gis srog bcad de// de yi las kyi rnam par smin pa yis// dmyal bar skyes pas tsha grang btso bsreg gi/ sdug bsngal dmyal khams bco brgyad gnas su myang // de ltar sems can dmyal ba'i gnas su 'khrul// gzhi la med de ser sna skyes pa las// yi dgas su skye bkres skom sdug bsngal myang // de ltar ser snas yi dwags gnas su 'khrul// gzhi la med de gti mug rmongs pa las// byol song

  307. 154a

    gnas skyes glen lkugs sdug bsngal myong // de ltar sems can byol song gnas su 'khrul// gzhi la med de nga rgyal skyes pa las// lha min gnas skyes 'thab rtsod sdug bsngal myang // gzhi la med de 'dod chags skyes pa las// lha yi gnas 'khrul ltung ba'i sdug bsngal myong // gzhi la med de phrag dog skyes pa las// mi ru skyes nas 'gyur ba'i sdug bsngal myang // de ltar 'gro drug sems can thams cad 'khrul// dper na thag sbrul smig rgyu chur 'khrul 'dra// gzhi la med de rnam rtog 'dzin pas 'khrul// zhes gsungs so// nyi zla bkod pa'i rgyud las/ 'khrul lugs bstan pa'i le'u ste gsum pa'o// // de nas kun rig gsal ba'i khye'u chung gis// snying po ka dag chos sku la/ 'khrul pa rtsad gcod gdams pa gang // zhes zhus pa dang / ston pas 'khor la bka' stsal pa// dbang po rab 'bring rnam gsum la// 'khrul pa gcod zabs rnam pa gsum// tha ma'i 'khrul pa gcod thabs ni// 'khrul snang yul gyi rtsad gcod dang // 'khrul gzhi kun gzhi'i rtsad gcod dang // sems dang bag chags rtsad gcod do// 'khrul snang yul gyi rtsad gcod ni// dngos por snang ba'i yul rnams la// dgag bsgrub spang len mi bya ste// dbye bsal med par rang sar bzhag/ snang la rang bzhin grub pa med// dper na chu yi zla ba

  308. 154b

    bzhin// cir snang der 'dzin med pas chog/ 'khrul rgyu yid rig rtsad bcad pa// rig med gang la'ang blo ma skyes// de yis rig pa 'khrul rtsad chod// snang srid 'khor 'das yod med sogs// yul snang bzang ngan gang la yang // mi 'gyu mi dpyod 'dzin zhen chod// des ni yengs 'khrul rtsad nas chod// sems kyi 'khrul rtsad bcad pa ni// dngos po rnam pa sna tshogs la// mi dpyod mi sems gzung 'dzin med// gang yang sems pa med pa ni// thig le nyag gcig rdo rje'i sku// 'khrul gzhi kun gzhi'i rtsad gcod ni// ye med ming med skye ba med// 'dod rlom rtsis gdab blo yul 'das// gti mug ma rig bag chags dang // sgrib g.yogs zhes bya'i ming yang med// de ni 'khrul gzhi rtsad bcad pa'o// 'khrul pa'i rtsa ba chod pa na// yan lag 'khrul pa shugs la chod// dug gsum ma spangs sku gsung thugs// dug gsum 'khrul pa shugs la chod// dug lnga ma spangs sku lngar grol// 'gro ba rigs drug sdug bsngal bcad// dbang po tha ma'i bcad thabs so// dbang po 'bring gi 'khrul bcad pa// cir snang rang sar grol bas chod// ci sems 'dzin sems med pas chod// snyam byed 'dod pa med pas chod// rtsis gdab blo yi yul las 'das// dbang po 'bring gi bcad thabs so// dbang po rab kyis bcad thabs ni// 'khrul dang ma

  309. 155a

    'khrul med de skye med ka nas chod// gcod bya gcod byed med pas 'khrul gzhi rtsad nas chod// ma rig ye nas ye shes gsal// 'khor ba nyid ni myang ngan 'das// 'khrul snang rang sar grol bas chos nyid gsal// sems can sems nyid shes pas yang dag sangs rgyas yin// zhes gsungs so// nyi zla bkod pa'i rgyud las/ 'khrul pa rtsad nas gcod pa'i gdams ngag bstan pa'i le'u ste bzhi pa'o// // de nas kun rig gsal ba'i khye'u chung gis// ston pa skye med ka dag chos sku la// 'khrul pa chod nas 'bras bu ji ltar 'thob// ces zhus pas/ ston pas 'khor la bka' stsal pa// blos brtags re dogs 'bras bu ngas ma bstan// thob pa med pa'i 'bras bu 'di ltar thob// 'bras bu'i rgyal po rang sems gdod nas dag/ 'bras bu'i rgyal po thig le mthong brdol 'thob// 'bras bu'i rgyal po thig le gsang lam yin// 'bras bu'i rgyal po skye med ka dag yin// 'bras bu'i rgyal po dngos med zang ka yin// 'bras bu'i rgyal po byar med blo 'das yin// 'bras bu'i rgyal po ming med mtha' stong yin// 'bras bu'i rgyal po sku gsum rang gnas yin// 'bras bu'i rgyal po sku lnga rang chas yin// 'bras bu'i rgyal po ye shes zang thal yin// 'bras bu 'di ltar rang grol rang sangs rgyas// zhes gsungs so// nyi zla bkod

  310. 155b

    pa'i rgyud las/ 'bras bu bstan pa'i le'u ste lnga pa'o// // de nas kun rig gsal ba'i khye'u chung gis// ston pa skye med ka dag chos sku la// dbang po yang rab rnams kyis ji ltar rtogs// zhes zhus pas/ ka dag ston pas 'khor la bka' stsal pa// yang rab skal ldan rnams kyis rtogs pa ni// ming med blo 'das chen po'i ngo bo rtogs// gting mtha' yangs la mu mtha' grol bar rtogs// byar med rtsol bsgrub bral ba'i ngo bo rtogs// chos rnams bya ba med pa'i ngo bo rtogs// lta ba'i rgyal po mu mtha' grol bar rtogs// sgom pa'i rgyal po gting mtha' yas par rtogs// spyod pa'i rgyal po byar med rnal mar rtogs// dam tshig rgyal po ka dag chen por rtogs// phrin las rgyal po rtsol bsgrub med par rtogs// sa yi rgyal po sbyang du med par rtogs// lam gyi rgyal po bgrod du med par rtogs// 'bras bu'i rgyal po sku gsum ldan grub rtogs// chos nyid rgyal po bcos su med par rtogs// nyams myong rgyal po bstan du med par rtogs// 'di ltar snang ba'i dngos po thams cad la// mi bsgrub mi spang rang sar grol bar rtogs// rig pa sems dang yid dang dran pa rnams// rang byung dang dngas chu rlabs lta bur rtogs// chos rnams dbye bsal blang dor med par rtogs// zhes gsungs so// nyi zla bkod pa'i rgyud las/ yang rab kyi rnal 'byor

  311. 156a

    bas zod rgal du rtogs par bstan pa'i le'u ste drug pa'o// // de nas kun rig gsal ba'i khye'u chung gis// skye med ka dag ston pa la// dbang po zod rgal skyes bu yis// gzhi 'khrul rtsad gcod cang dgos sam// zhes zhus pas/ ston pas 'khor la bka' stsal pa// dbang po thod rgal rnal 'byor gyis// gzhi 'khrul rtsad gcod mi dgos te// gzhi dang 'khrul pa shes pas chog/ gzhi yi don shes 'khrul du med// de ni ci yi phyir zhe na// gzhi de ming med mtha' stong yin// chos nyid gzhi yi ngo bo de// ye shes kyis gsal ma myong la// 'khrul pas 'grib ma myong ba'o// dper na shel sgong drung dag tu// bzang ngan sna tshogs gang bstan kyang // bzang ngan skyon yon gyis ma gos// gnyis ka shel sgong nang du dag/ de bzhin gzhi yi ngo bo yang // skyon yon gnyis ka klong du dag/ ma rig ye shes tha dad med// 'khrul dang ma 'khrul tha dad med// ma 'khrul rtogs pa'i lam du gcig/ ngo bo gcig la snang tshul gnyis// dper na ga pur lta bu ste// ga pur gzhi la gnyis med kyang // tsha grang rkyen gyis sman dug gnyis// ga pur ngo bo tha dad med// snying po ka dag mu mtha' grol rtogs pas// snam rtog 'khrul ba snang yang ga la 'grib// ces gsungs so// nyi zla bkod pa'i rgyud las/ gzhi 'khrul rtsad gcod ngo shes pas

  312. 156b

    'khrul pa dang ma 'khrul pa med par bstan pa'i le'u ste bdun pa'o// // de nas kun rig khye'u chung gis// snying po ka dag chos sku la// ming med mtha' stong gang gis rtogs// zhes zhus pa dang // ston pas 'khor la bka' stsal pa// ming med mtha' stongs rtogs 'dod na// bya ba thams cad btang ba yin// snang srid 'khor 'das chos rnams la// ci la mi bsam zhe 'dod med par bzhag/ dngos por snang ba'i chos rnams la// ming med zhe mtha' grol bar bzhag/ chos rnams theg pa sna tshogs la// bzang ngan blang dor med par bzhag/ grub mtha' gang snang rang sar grol// chos kun rtsol bsgrub med par bzhag/ 'brel pa chod la gcig pur sdod// bla ma'i man ngag gnad kyis zin par gyis// gang shes nyams su longs la chos dang sems su bsres// sems kyi rgyu 'grul ma mang rang sar sdod// so ma zang ka rnal mar sdod// longs spyod g.yengs pa'i bdud byung na// dgra dang tsher ma bzhin du spang bar bya// gnyen drung pha ma la sogs rgyab bor la// bya ba kun btang ri khrod dgon par sdod// rtsol bsgrub ci yang mi bya yid kyi bya pabapa btang // rig pa gang la'ang mi rgyu yid kyi 'khrul rtog med// dran sems gang la'ang mi 'jug gang snang yul ma chags// yid sems tha mal ma yin chos kyi dbyings su sdod// 'jigs sar dgra la ma bskur

  313. 157a

    rang gi de nyid ltos// dbang po 'bring gis 'di ltar shes par gyis// gtad med byar med mtha' las grol bar sdod// 'on kyang ming med mtha' stongs ngo bo rtogs// yang rab tu gyur zod rgal la// ming med mtha' stongs rtogs par byed pa'i thabs// bya ba btang nas blo 'das rtogs pa ni// nyon mongs dug lnga'i ming med mtha' stongs so// dug gsum zhes bya'i ming med mtha' stongs so// rnam rtog ming med mtha' stongs so// 'gro drug sems can ming med mtha' stongs so// khams gsum 'khor ba'i ming med mtha' stongs so// 'khrul pa zhes bya'i ming med mtha' stongs so// ma rig gnyis 'dzin ming med mtha' stongs so// snang ba chos sku stong par mtha' stongs so// rig pa chos sku rang grol mtha' stongs so// chos nyid rtsis gdab med par mtha' stongs so// lta ba yul med mtha' stongs so// sgom pa ming med mtha' stongs so// spyod pa la med mtha' stong so// 'bras bu rgyu med mtha' stongs so// re dogs sems med mtha' stongs so// chos med bshad med mtha' stongs so// theg med 'jug med grub pa'i mtha' stongs so// sems rig med pas rgyu mtha' stongs// yul sems gzung 'dzin mtha' stongs so// bzang med ngan med spang len stongs// dgra med gnyen med phyogs ris stongs// yin min dbye bsal mtha'

  314. 157b

    stongs so// zhes gsungs so// nyi zla bkod pa'i rgyud las/ ming med mtha' stongs rtogs thabs bstan pa'i le'u ste brgyad pa'o// // de nas kun rig khye'u chung gis// skye med ka dag ston pa la// mu mtha' yas par rtogs thabs gang // zhes zhus pas/ ston pas 'khor la bka' stsal pa// brda dang gnad kyi sgo nas bstan// 'khor rnams ma yengs gus par nyon// mu med mtha' yas rtogs thabs la// chos rnams blo yis zhe 'dod mi bya ste// snang grag chos rnams gang la yang // zhe 'dod bcas bcos chags sdang med par gzhag/ sna tshogs yul sems ma chags te// chos nyid rang grol lo// de yis mu med mtha' yas rtogs// kye ma rnal 'byor skal ba can// mu med mtha' yas rtogs 'dod na// gang la'ang ma sems ci la'ang zhe 'dod med par zhog/ rig pa rnam dag ye sangs rgyas// sna tshogs rang snang rang sar grol// brda yi sgo nas rtogs thabs ni// kye ho e ma rnal 'byor kun// mu med mtha' yas rtogs 'dod na// rgya mtsho'i klong du nyol la nam mkha'i dbyings su ltos// khyung dang seng ge zhon la nyi zla'i snying po ltos// shes rab gri thogs khyi phag bya sbrel gsod// sgron me lag thogs mun pa'i smag rum sel// 'ja' tshon rgyal mtshan gyis la na bun smug pa sol// chu gnyer kha ru tshugs la spre'u lag pas zung // rlung pho stod la non la rdo

  315. 158a

    tshan kha ba phyogs// ri bo'i rtse la 'dug la spang la gser phur thob// snang ba'i chos rnams dbye bsal med pa yis// de yi mu med mtha' yas rtogs par 'gyur// zhes gsungs so// blta bya lta byed med pas mu med mtha' yas rtogs// bsgom bya sgom byed med pas mu med mtha' yas rtogs// spyad bya spyod byed med pas mu med mtha' yas rtogs// bsgrub bya sgrub byed med pas mu med mtha' yas rtogs// ye shes nyi ma shar bas mu med mtha' yas rtogs// ma rig gti mug sangs pas mu med mtha' yas rtogs// dug lnga rang sar grol bas mu med mtha' yas rtogs// 'khrul sgo 'khrul snang med pas mu med mtha' yas rtogs// snang ste grub pa med pas mu med mtha' yas rtogs// rig kyi ngos gzung med pas mu med mtha' yas rtogs// sems kyang dngos gzhi med pas mu med mtha' yas rtogs// snang ba rang sor bzhag pas mu med mtha' yas rtogs// rig pa ming med rig med mu med mtha' yas rtogs// yid la 'gyu med 'dzin med mu med mtha' yas rtogs// sems la dran bsam med pas mu med mtha' yas rtogs// gzugs sgra dri ro med pas mu med mtha' yas rtogs// phung po lnga po med pas mu med mtha' yas rtogs// dbang po rnam lnga med pas mu med mtha' yas rtogs// rnam shes tshogs brgyad med pas mu

  316. 158b

    med mtha' yas rtogs// theg chos lta sgom med pas mu med mtha' yas rtogs// zhes gsungs so// nyi zla bkod pa'i rgyud las/ mu med mtha' yas rtogs thabs bstan pa'i le'u ste dgu pa'o// // de nas kun rig khye'u chung gis// snying po ka dag chos sku la// byar med blo 'das don 'dod na// bya btsal rtsol bsgrub mi 'tshal lam// zhes zhus pas/ ston pas 'khor la bka' stsal pa// chos dang sems su 'dres pa na// bya btsal ci yang mi dgos so// blo dngos 'phrad nas mu mtha' grol ba na// bya ba gang yin bya rgyu ci zhig spyod// lta byed gang yin blta bya gang na 'dug/ nam mkha'i dbyings su ltos dang ci ma 'dra// sgom byed gang yin bsgom bya gang na 'dug/ bsgom na dngos po bsgom mam stong pa bsgom// dngos po bsgom na ye nas grub zin pas// grub zin de la bsgom yang ci zhig dgos// gal te stong pa bsgom mo zhes 'dod na// ye stong yin pas da gdod stong mi dgos// lha dang lha mo gzhal yas phyi nang dang // rtsa dang thig le bsgom pa'i dmigs gtad med// bya ba btang bas las rnams dus gcig zin// dge sbyod chos spyod sdig pa bya rgyu med// dal ba lhug pa bag yangs rnal ma la// so ma zang ka ma bcos ma byas pas// ma btsal ye nas rtsol bsgrub las zin pas// da ni bya byed dgag bsgrub mi 'tshal lo// zhes

  317. 159a

    gsungs so// nyi zla bkod pa'i rgyud las/ bya btsal rtsol bsgrub mi dgos par bstan pa'i le'u ste bcu pa'o// // de nas kun rig khye'u chung gis// snying po ka dag chos spru la// theg pa'i lta sgom mu med par// yang ti yo gas ji ltar rtogs pa lags// zhes zhus pas/ ston pas 'khor la bka' stsal pa// theg pa'i rim pa lta sgom zhe 'dod yin// zhe 'dod yid smon chos kyis sangs mi rgya// grub mtha'i rtsol ba med pa'i chos gcig dgos// chos gcig yang ti yo gas 'di ltar rtogs// snang srid dbye bsal med pa'i chos gcig rtogs// yul sems gzung 'dzin med pa'i chos gcig rtogs// rig sems skye 'gag med pa'i chos gcig rtogs// lta sgom rtsol bsgrub med pa'i chos gcig rtogs// lta ba gtad med phyogs med mtha' grol rtogs// sgom med bsam med mu med mtha' yas rtogs// byar med rtsol med mtha' rnams yongs grol rtogs// re med dogs med 'di ltar sangs rgyas rtogs// theg pa'i rgyal po yang ti yo ga yin// mu med mtha' yas ming med blo 'das rtogs// rtsol bsgrub ci yang ma byas grol bar bshad// ces gsungs so// nyi zla bkod pa'i rgyud las/ yang ti yo gas ji ltar rtogs pa bstan pa'i le'u ste bcu gcig pa'o// // de nas kun rig khye'u chung gis// skye med ka dag chos sku

  318. 159b

    la// bcu rtse yang ti yo ga ru// theg pa rim bcu ji ltar rdzogs// zhes zhus pa dang / ston pas 'khor la bka' stsal pa// bcu rtse yang ti yo ga 'dir// theg pa dgu yi rdzogs lugs ni// gang zag bdag med mi 'dod pas// nyan thos lta ba yongs su rdzogs// bdag med phyogs cha mi 'byed pas// rang rgyal lta ba yongs su rdzogs// rang rig sems su ma grub pas// sems tsam lta ba yongs su rdzogs// bden pa gnyis su mi blta bas// dbu ma'i lta ba yongs su rdzogs// dag gsum rigs gsum bsgom med pas// kri ya'i lta ba yongs su rdzogs// mar spyod yar lha'i rtse gnyis med// u pa'i lta ba yongs su rdzogs// rigs lnga skye 'gag gnyis med pas// yo ga'i lta ba yongs su rdzogs// snang stong gnyis med mi bsgrub pas// ma hA'i lta ba yongs su rdzogs// dbyings dang ye shes gnyis med pas// a nu'i lta ba yongs su rdzogs// snang dang chos sku gnyis med pas// a ti'i lta ba yongs su rdzogs// ka dag ma dag gnyis med pas// s+thi ti'i lta ba yongs su rdzogs// yang ti ming med mtha' grol du// brgyad khri bzhi stong ma 'dres rdzogs// zhes gsungs so// de yang dpe yi mtshon tsam bstan pa ni// gnam sa gnyis su dngos po'i chos rnams rdzogs// nam mkha'i cho 'phrul nam mkha'i ngang du rdzogs// rgya mtsho'i klong du rgya mtsho'i chos

  319. 160a

    rnams rdzogs// zhes gsungs so// nyi zla bkod pa'i rgyud las/ rdzogs chen yang ti yo gar theg pa rim bcu rdzogs par bstan pa'i le'u ste bcu gnyis pa'o// // de nas kun gsal rig pa'i khye'u chung gis// skye med ka dag ston pa la// rdzogs chen yang ti yo ga yi// ma bsgrubs 'bras bu ji ltar 'thob// ces zhus pa dang / ston pas 'khor la bka' stsal pa// rdzogs chen yang ti'i 'bras bu la// thob dang ma thob gnyis med kyang // re zhig brod pa skye phyir bshad// gong du 'bras bu bshad zin kyang // mu mtha' yas pa'i 'bras bur bshad// gting mtha' grol ba'i 'bras bu yin// chos rnams zad sar sgrol ba 'bras bu yin// snying po klong du gyur pa 'bras bu yin// skye med ka dag rtogs pa 'bras bu yin// dngos med zang ka rtogs pa 'bras bu yin// byar med blo 'das rtogs pa 'bras bu yin// ming med mtha' bral rtogs pa 'bras bu yin// rang byung rang la rtogs pa 'bras bu yin// rang dngas rang la rtogs pa 'bras bu yin// gzhi med skye med chos sku'i 'bras bu yin// 'od gsal ka dag longs sku'i 'bras bu yin// dngos rnams dngos med sbrul sku'i 'bras bu yin// sku gsum dbyer med don dam bden med thob// ci yang ma grub 'di ltar sangs rgyas so// zhes gsungs so// nyi zla bkod pa'i rgyud las//

  320. 160b

    yang ti yo ga'i 'bras bu bstan pa'i le'u ste bcu gsum pa'o// // de nas kun rig gsal ba'i khye'u chung gis// skye med ka dag ston pa la// gong zhus don rnams de ltar na// mtshan dang gtad rgya gang la gtad// ces zhus pas/ ston pas 'khor la bka' stsal pa// rgyud rnams kun gyi spyi rje spyi phud pas// dgu rtse spyi phud rgyud kyi rgyal por zung // nyi zla bkod pas mun pa 'jom pa'i phyir// mun sel snang ba bkod pa'i rgyud du zung // snang gsal nyi ma 'od gsal zla ba'i rgyud// snang ba 'od gsal dag pa bkod pa'i rgyud du zung // mu med mtha' yas nam mkha'i mtha' mnyam phyir// nam mkha'i mtha' dang mnyam pa'i rgyud du zung // nam mkha'i chos 'phrul sprin char bu yug sogs// nam mkha'i klong dang nam mkha'i mtha' dang mnyam// de phyir nam mkha'i mtha' dang mnyam pa'i rgyud du zung // zhes mtshan bstan pa'i le'u ste bcu bzhi pa'o// // de nas kun rig gsal ba'i khye'u chung gis// rgyud 'di gang zag gang la gtad// ces zhus pas/ ston pas 'khor la bka' stsal pa// ri bo'i blo la rgya mtsho'i thugs// nam mkha'i dgongs pa nyi zla'i sems// ral gri'i shes rab spu gri'i blo// gla bring rgyud la shel sgong dam// bla ma la gus snying rje che// dam tshig gzhung bsrung rnam smin 'dzem// nga rgyal ser sna chung la gtong phod che// de la rgyud kyi

  321. 161a

    rgyal po gtad// dam nyams chos 'tshong sdig pa can// snod med rnams la ma sbyin cig/ ces gdams so// nyi zla bkod pa'i rgyud las/ rgyud gtad pa'i le'u ste bco lnga pa'o// // rgyud thams cad kyi spyi phud nyi zla bkod pa nam mkha'i mtha' dang mnyam pa'i rgyud rdzogs so// / rgya gar gyi slob dpon chen po pad ma 'byung gnas dang / bod kyi lots+tsha ba ska ba dpal brtsegs kyis bsgyur zhing gtan la phab pa'o// gter rgya/ sbas rgya/ gtad rgya// / rgya gar skad du// ga ga na gar+t+ti ta ra ba Na mai g+ha dz+yo tu be shor+m+mi swa mA dza sa mA n+ya dza ya mu dra gran+ma tan+ta/ bod skad du/ nam mkha' 'brug sgrogs thog babs klong 'dus spyi rgyal rgya mdud kyi rgyud// thig le kun 'dus la phyag tshal lo// 'di skad bdag gis cir yang ma thos/ cir yang ma mtshon/ tshig tu ma brjod/ dus med pa na/ skye med snying po'i klong na ka dag chos sku bzhugs// dngos med dang dngas 'khor la blo 'das byar med gsungs// sngon med phyis med dus gsum dbyer med dus// sdud pa po ni dngos med dang dngas so// de ni phun sum tshogs par bstan pa'o// de nas ngang dngas khye'u chung gis// skye med ka dag chos sku la// phun sum tshogs don de ltar na// sangs rgyas bya ba yod dam med// sems can bya ba ci la zer// de nyid ngo bo gcig mi gcig/ gcig na 'khor

  322. 161b

    'das gnyis byung gang // mi gcig 'brel pa med lags sam// zhes ston pa la zhus pa dang / ston pas 'khor la bka' stsal pa// sangs rgyas med pas sangs rgyas ming yang med// ka dag nyid la sangs rgyas yod ma yin// sems can bya ba 'gyu sems sdug bsngal can// de gnyis gzhi la grub pa gang yang med// med las byung bas ngo bor gcig pa ste// ngo bo gcig la snang tshul rnam pa gnyis// 'khor dang mya ngan 'das pa gnyis byung yang // tha dad ma yin ngo bor 'brel pa yin// zhes gsungs so// phun sum tshogs pa dang gleng bslong dang gleng gzhi'i le'u ste dang po'o// // de nas ngang dngas khye'u chung gis// ka dag nyid la 'di skad zhus// sems dang chos rnams yod dam med// sku dang ye shes gang la zer// dug lnga sku lnga yod dam med// ma rig ye shes ci la zer// 'khor ba myang 'das yod dam med// sangs rgyas sems can ci la zer// dge sdig bya ba yod dam med// mtho ris ngan song ci la zer// chos rnams nyan bshad yod dam med// theg sgo rab 'byams ci la zer// bag chags sgrib g.yogs yod dam med// las 'phro rnam smin ci la zer// zhes ston pa la zhus so// 'khor gyis gleng slong ba'i le'u ste gnyis pa'o// // de nas dang dngas khye'u chung gis// chos dang sems rig yod dam med// ces zhus pa dang / ston pas

  323. 162a

    'khor la bka' stsal pa// dngos med ka dag stong pa la// chos rnams ming yang yod ma yin// chos su snang ba 'khrul pa'i sems// chos rnams sems kyi 'khrul pa yin// byar med blo 'das chos rnams med// sems med rig med 'dzin rtog med// sems med ka dag klong du gyur// rig med dang dngas stong sang ngo // gsal gdangs cir yang brjod du med// ces gsungs so// sems dang chos med par bstan pa'i le'u ste gsum pa'o// // de nas dang dngas khye'u chung gis zhus pa/ sku dang ye shes ci la zer// zhes zhus pa dang / ston pas 'khor la bka' stsal pa// sku dang ye shes bla dgas yin// ka dag nyid la sku dang ye shes med// ces gsungs so// sku dang ye shes med pa bstan pa'i le'u ste bzhi pa'o// // ngang dngas khye'u chung gis zhus pa// dug lnga sku lnga yod dam med// ma rig bya ba ci la zer// zhus pas/ ston pas bka' stsal pa/ ka dag dri med dug med pas// dug lnga sku lnga gnyis ka med// 'dod chags zhe sdang gti mug med// nga rgyal phrag dog ka nas dag/ sku gsum dbyer med sku lnga med// ka dag stong gsal ma rig med// cang med ye gsal ye shes med// ma rig ye shes rnam gnyis kyang // ka dag ma dag rnam gnyis las// ma rig ye shes grub pa med// ces gsungs so// dug lnga

  324. 162b

    rig ye shes med par bstan pa'i le'u ste lnga pa'o// // ngang dngas khye'u chung gis zhus pa// 'khor ba mya ngan yod dam med// sangs rgyas sems can ci la zer// zhus pas/ ston pas bka' stsal pa// 'khor ba mya ngan blo yi yul// chags sdang blo yul ma zad par// 'khor ba zad par mi 'gyur ro// dngos med blo 'das 'khor 'das chos// rnam rtog rang sangs ka dag rgyas// ci yang mi 'gyur 'dzin/ rtogs sangs// sdug bsngal dang dngas bde chen rgyas// sems can rtog sangs ka dag rgyas// ka dag dngos med blo 'das la// sangs rgyas sems can yod ma yin// zhes gsungs so// 'khor 'das med par bstan pa'i le'u ste drug pa'o// // ngang dngas khye'u chung gis zhus pa// dge sdig mtho ris ngan song gang // zhes zhus pas/ ston pas 'khor la bka' stsal pa// ka dag rtogs na dge sdig med// gnyis ka/ byar med ma byas pas// mtho ris ngan song skye lhung med// dngos med ka dag rnal rtog pas// dge sdig mtho ris ngan song med// sdig pa mi spyod mi dge sbyod// ka dag re dogs khar mi 'tshong // zhes gsungs so// dge sdig med par bstan pa'i le'u ste bdun pa'o// // ngang dngas khye'u chung gis zhus pa/ skye med ka dag chos sku la// theg pa brgyad khri bzhi stong yod dam med// nyan bshad mtshon tshig ci la

  325. 163a

    zer// zhes zhus pas/ ston pas 'khor la bka' stsal pa// theg pa brgyad khri bzhi stong rnams// ma rtogs log rtogs drang phyir las// ka dag dang la chos kun med// med las sna tshogs med la thim// dbyer med gcig 'dres tha snyad med// blo 'das dngos med rtogs pa yin// mtshon pa'i tshig go rgya mtsho med// chos med bshad med nyan pa med// mtshon med dpe med zla med do// zhes gsungs so// chos sku la nyan bshad med par bstan pa'i le'u ste brgyad pa'o// // de nas ngang dngas khye'u chung gis// skye med ka dag chos sku la// bag chags sgrib g.yogs yod dam med// las 'phro rnam smin ci la zer// zhes zhus pas// ston pas 'khor la bka' stsal pa// stong gsal ka dag don rtogs na// bag chags sgrib g.yogs ma rig med// las 'phro rnam smin bsgrib mi srid// ka dag stong gsal dngas sang de// gsal dag klong na ci yang med// ci snang cir yang ma grub ste// rtsal snang rang byung nyid du dngas// dbyer med gdeng ldan sgrib g.yogs med// ci ste las kyi dbang gyur na// rang byung ye shes yod ma yin// byar med las med rnam smin med// ces gsungs so// bag chags las kyi rnam smin med par bstan pa'i le'u ste dgu pa'o// // de nas ngang dngas khye'u chung gis zhus pa// nam mkha' 'brug

  326. 163b

    sgrogs dpe yis mtshon nas ni// gnam thog rgya mtshor babs pa ji ltar bstan// chu srin nor bu rgya mdud dpe gang mtshon// zhes zhus pa dang / de nas ston pas 'khor la bka' stsal pa// mkha' klong phyogs med nam mkha'i klong yangs nas// ka dag spyi rje blo 'das 'brug sgrogs pas// dngos med klong nas stong gdangs 'brug stong ldir// spyi phud dgu rtse rnam dag blo 'das babs// 'khor ba'i rgya mtsho klong bcas nyon mongs rlabs// bya rtsal zhe 'dod med par chu srin mgrin par chud// dgos 'dod kun 'byung yid bzhin nor bu 'chang // dngos med rgya las blo 'das 'phrul gyi mdud// dus gsum mi 'gyur thig le nyag gcig rgyud// nyon mongs gtan brlag gnam thog klong bab rgyud// drag la myur bas rdug med thog babs pas// ka dag dngos med blo 'das yang gsang rgyud// nam mkha'i dpes bstan snying po chos nyid ston// phyogs med stong gsal gsal la dngos gzhi med// 'brug sgrog dpes mtshon ma bkag rtsal zer ston// snang stong grag stong rig stong dbyings su dngas// yid rig gar yang mi 'gyu snying po ma la thim// thogs bajug med pa'i gdams pa'i thog brgyabs pas// khams gsum 'gro drug nyon mongs dug lnga brlag/ rgya mtsho'i klong gi rus sbal nor bu mdud// dgongs pa mi 'gyur g.yo 'gul med pa'i

  327. 164a

    klong // rus sbal mkhar gzhong bcug pas gar mi brtol// ka dag dngos med rtog pa las gzhan med// med las sna tshogs cad med cir yang snang // gcig ni ma grub stong nyid las byung dngas sang nge// ye med dngos med stong gsal ngang gis dngas// gting gsal 'od gsal cang med bya btsal med// bsam med bsam gyis mi khyab mtshon tshig med// brtag med brtag dka' btsal med bzhag na gsal// tha snyad tsam yin sgra bsam yul las 'das// zhes gsungs so// nam mkha' 'brug sgrogs thog babs klong 'dus spyi rgyal rgya mdud kyi rgyud las/ rgyud kyi mtshon dpe bstan pa'i le'u ste bcu pa'o// // nam mkha' 'brug sgrogs thog babs klong 'dus spyi rgyal chu srin nor bu 'phrul gyi rgya mdud gyi rgyud rdzogs so// // u rgyan gyi slob dpon pad+ma 'byung gnas dang / lo ts+tsha ba ska ba dpal brtsegs kyis bsgyur nas lha sras khri srong lde btsan la gdams pa/ rin po che'i gter du sbas so// // rgya gar skad du/ dr-iSh+Ti ma hA ni ya ma rat+na dI pa mU la tan+t+ra/ bod skad du/ lta ba la shan chen po rin chen sgron ma rtsa ba'i rgyud/ ming med mtha' las 'das pa'i gsang bdag chen po la phyags tshal lo// 'di skad bdag gis thos pa'i dus gcig na/ ma byung ma skyes mnyam pa chen po/ chos dbyings rgya chad phyogs lhung

  328. 164b

    med pa/ rang bzhin gyi ming las 'das pa'i gnas nas/ snying po rang byung blo las 'das pa'i ston pa gsang bdag chen po la/ rang gi bzhin gyi 'khor rnam pa gsum gyis bskor nas/ thog par tha gsum gyi phyogs ris dang bral ba'i dus su/ snang tshul thams cad blo 'das su ston pa/ ming med mtha' grol gyi bstan pa 'di bkod do// de'i tshe 'khor gyi nang nas rang gsal sems dpal rdo rjes ston pa la zhus pa/ e ma ston pa gsang ba'i bdag po che// ming med mtha' grol blo 'das rang ngo 'di// ma rtogs gnyis 'dzin grub mthas bcings pa rnams// blos btags mthar 'dzin rang sar grol ba'i phyir// rgyu dang 'bras bu'i chos rnams la bzla ba'i// khyad 'phags don gyi rang bzhin yang tig gang // de yis 'dzin pa'i mtha' rnams ji ltar grol// zhes zhus so// blta ba la shan chen po rin chen sgron ma rtsa ba'i rgyud las// gleng gzhi'i le'u ste dang po'o// // de nas ston pa gsang ba'i bdag po de// chos thams cad dbyings las shar te dbyings su rang sar grol ba zhes bya ba'i ting nge 'dzin la snyoms par zhugs so// de la rang gsal sems dpa' rdo rjes zhus pa/ ma byung ma skyes thog ma'i sngon rol na// ming med don gyi dngos gzhi ji lta bu// zhes zhus pas/ gsang bdag ston pa chen po des ting nge 'dzin de las bzhengs te bka'

  329. 165a

    stsal pa// ma byung ma skyes thog ma'i sngon rol nas// sems nyid gting yangs don gyi gnas lugs ni// ming med shes med rtog med kun 'byung mdzod// mtha' stongs snying po don gyi rang bzhin la// ma rig ye shes 'khrul dang ma 'khrul med// stong las kun 'byung 'khrul rtog sna tshogs dang // byung sar rang grol rang snang ye shes yin// snying po gzhi yi ngang du dbye bsal med// ngo bo kun bral thog mtha' dge sdig dang // mtha' dbus phyogs ris blang dor ming yang med// ji bzhin cang med dbyings las ma g.yos kyang // 'on kyang rang bzhin ji ltar gsal bar snang // chos kun rtsa ba dngos med byang chub sems// med las mi zad 'byung ba'i mdzod chen po// rang bzhin ye nas ma bcos gting mtha' yas// ngo bo ci yang ma yin blo las 'das// mtshan nyid tha dad bsam yas cir yang snang // gnas lugs gting yangs don gyi ngo bo la// chos can chos nyid mi phyed mnyam pa nyid// bden rdzun 'khrul mtha' rang grol zhe 'dod med// gsal dag zang zal rin chen sgron ma 'di// ngo bo cir yang ma grub nam mkha' bzhin// rgyu las ma byung nam yang skye mi 'gyur// sangs rgyas sems can dbyer med ngo bo gcig/ gcig po bstan du med pa'i snying po ngo bo nyid// snang stong rtag dang chad pa'i mtha' las grol// spang bya gnyen po

  330. 165b

    blang dor dmigs 'dzin bral// rigs drug sems can 'khrul pa'i rtog pa dang // dus gsum rgyal ba'i ye shes dgongs pa gnyis// snying po ming med don gyi ngo bo mnyam// mnyam dang mi mnyam nyid kyang mtshon brjod med// mtshon brjod yod med nyid kyang gting mtha' grol// ma byung ma skyes rang bzhin bar don// sems nyid ngo bo mkha' dang 'ja' ltar gnas// ji bzhin ma bslad snying po kun gyi gzhi// ma phyed mi phyed 'gro 'ong med pa'i gnas// shes 'gyu myong rig med pa'i dngos gzhi can// ma byung ma btsal dmigs med dngos po med// byar med chags pa med pa bde ba'i ngang // 'gyur med rang gnas klong yangs tshig las 'das// zhes gsungs so// rin chen sgron ma rtsa ba'i rgyud las/ gnas lugs gtan la phab pa'i le'u ste gnyis pa'o// // de nas rang gsal sems dpa' rdo rje des/ blo 'das gsang bdag ston pa la zhus pa// gnas lugs rang bzhin de ltar gnas pa la// 'gro drug sems can 'di dag ji ltar 'khrul// 'khrul pa'i ngo bo gang yin 'khrul tshul gang // de yi nyes pa gang lags bka' stsol cig/ ces zhus pas/ gsang bdag don gyi ston pas bka' stsal pa// gnas lugs mnyam pa'i ngang las 'khrul tshul ni// stong pa'i ngang las 'gyu ba rlung g.yos pas// de las rig pa rang sar shar ba las// yin nam ma

  331. 166a

    yin snyam pa yid du myongs// snyams byed 'dod pas sems su gsal bar 'gyus// gsal ba kha dog lnga ru snang ba la// 'od kyi dngos po de yis rkyen byas nas// med las yod byung rigs drug sems can rnams// snying po ming med rang ngo ma shes 'khrul// dper na dmus long mdun na gzugs snang 'dra// med par yod snang dung la ser po bzhin// kun gzhi'i rnam par shes pas gzhi byas nas// tshogs bdun shes pa'i rtsal gyis rang ma shes// dper na rgan mo long ba'i mig dang 'dra// rtsal dang rang ngo rang gis ma shes pas// gzhi la 'khrul dus lhan cig skyes pa las// lhan cig skyes pa'i ma rig pa zhes bya// de nas nga bdag gzung 'dzin phyi nang zung // shing gi srin bzhin khams gsum sdug bsngal myangs// rang ngo rang gi ma shes bsgribs pas byung // rang las gzhan du btsal pas gol bar lhung // rtsol bsgrub gnyis 'dzin rgyas pas 'khrul pa brtas// rnam rtog btags chags gzugs gzhan gol ba dang // gdeng med tshig la 'byams pas gol ba dang // grub mtha'i lta ba bzung bas gol ba dang // spangs blangs spyod pa byas pas gol ba dang // bsgom chags nyams la zhen pas gol ba dang // blos byas 'bras bu bsgrubs pas gol ba yis// snying po ming med mtha' stong rtogs pa min// 'jig rten

  332. 166b

    rgyu 'bras rtsol ba mthar 'byin pas// yang dag snying po ming med rgyang du 'phar// cang med cir yang snang ba'i rkyen byas nas// rang rang 'dod pa'i don la zhen pa yis// yang dag don las 'khrul pas rtogs par bzung // kun tu brtags pa'i ma rig pa zhes bya// log rtogs khams gsum sems can thams cad ni// dus gsum gnyis 'dzin nad kyis rab gzir nas// yun ring 'khor ba'i gnas su sdug bsngal myangs// zhes gsungs so// rin chen sgron ma rtsa ba'i rgyud las/ sems can gyi 'khrul tshul bstan pa'i le'u ste gsum pa'o// // de nas rang gsal sems dpa' rdo rje des// blo 'das gsang bdag ston pa la zhus pa// de ltar ma rig 'khor ba'i sems can rnams// 'khrul tshul 'khor ba'i nyes pa de ltar na// yang dag sangs rgyas ngo bo 'byung tshul gang // zhes gsol pas/ blo 'das gsang bdag ston pas bka' stsal pa// ma byung ma skyes thog ma'i sngon rol na// ming med mnyam nyid phyogs lhung med pa las// rtsal gyi yan lag rtogs pa'i zer 'phros kyang // 'phro sa ma rnyed gzhi yi klong du thim// gzhi nyid ngo shes rtog pa'i gdangs ldan pas// sngon thog gzhi yi sangs rgyas zhes bya'o// dper na ga pur gzhi la gnyis med kyang // tsha grang rkyen gyi sman dug gnyis su snang // grang ba'i dug tu ngo shes za mi srid// de bzhin gzhi yi

  333. 167a

    ngang las kun 'byung bas// rtogs ma rtogs kyis 'khor 'das gnyis snang yang // ma rtogs 'khor ba rtogs pas gzhi shes nas// rtogs pa'i gdengs ldan 'khor bar 'khrul mi srid// des na spyi gzhi rgya chad med na yang // de nyid ngo shes sangs rgyas zhes bya ste// ma bu dbyer med ye sangs rgyas pa'o// de las snang ba gsum gyi dkyil 'khor nas// rtsal zer bstan pa gsum gyi skur snang bas// 'dod pa'i 'bras bu 'char gzhi 'di bstan to// gsal byed ming med rin chen sgron ma 'di// snang tshul sku gsum 'gro ba kun don du// 'dzad pa med pa'i thugs rje chen por snang // zhes gsungs so// rin chen sgron ma rtsa ba'i rgyud las/ sangs rgyas kyi 'byung tshul gtan la 'bebs pa'i le'u ste bzhi pa'o// // de nas sems dpa' rdo rjes yang zhus pa// sku gsum rgyu dang rang bzhin mtshan nyid dang // gzhi dang gnas dang gdul bya'i zhing khams dang // bstan pa gsung tshul brgyud pa dgos ched gang // zhes zhus pas/ blo 'das gsang bdag ston pas bka' stsal pa// chos sku'i rgyu ni kun gzhi'i rnam shes te// longs sku yid kyi rnam par shes las byung // sbrul sku sgo lnga'i rnam shes de las so// chos sku'i rang bzhin snying po skye ba med// longs sku'i rang bzhin 'gag med g.yo ba med// sbrul sku gnyis med rgyun par bzhugs pa'o// chos

  334. 167b

    sku'i mtshan nyid nam mkha' lta bu la// longs sku sbrul spro 'ja' mtshon chu zla 'dra// chos sku'i gnas ni dbyings nyid rnam par dag/ longs su 'og min sbrul sgra 'jam gling kun// chos sku'i gzhi ni stong nyid pa shes la// longs sku'i gzhi ni mnyam nyid ye shes te// so sor rtog dang nan tan sbrul sku'i gzhi// chos sku'i gdul bya sku gsung thugs sprul la// rang rgyud 'brel pa'i 'khor rnams 'dul bar byed// longs sku'i gdul bya phyi nang gsang gsum la// don gyis gcig pa'i 'khor rnams 'dul bar byed// sbrul sku phyi 'khor nang 'khor gsum las ni// 'dod pas 'dus pa'i 'khor rnams 'dul bar byed// chos sku'i zhing khams nam mkha'i mthas gtugs pa// longs sku'i zhing khams 'og min gnas thams cad// 'dzam gling bye ba phrag brgyar sbrul sku'o// chos sku'i bstan pa bskyed rdzogs rnam gsum ste// longs sku'i bstan pa phyi rgyud sde gsum yin// sbrul sku'i bstan pa mtshan nyid rnam gsum mo// chos skus byin rlabs longs sku'i ngo bos bshad// sbrul skus tshig gi sdebs kyis 'chad par byed// chos skus dgongs pa longs sku'i rig pas brgyud// sbrul skus rna ba nas ni rna bar ro// ston pa sku gsum bstan pa'i dgos pa ni// gdul bya dbang po rab 'bring gsum 'dul ba'o// zhes gsungs so// rin chen sgron ma rtsa ba'i rgyud las/ sku gsum

  335. 168a

    gtan la 'bebs pa'i le'u ste lnga pa'o// // rang gsal rdo rje sems dpas yang zhus pa// ming med mtha' 'das ston pa gsang ba'i bdag/ yang ti la shan rin chen sgron ma 'di// sku gsum bstan pa gsum gyis gsungs ma gsungs// gsung na theg pa'i chos dang khyad par gang // ma gsungs ston pas bstan pa gang ci zhig/ ces zhus pa dang / blo 'das gsang bdag ston pas bka' stsal pa// ma g.yos mnyam nyid ming med blo 'das las/ kun 'byung rim brgyud 'khor lo gsum rim gyis// gsal ba'i rnam pa gcig tu shar nas ni// gsal ba'i 'od las kha dog rnam pa lnga// med las yod par bzung bas rigs drug byung // mi zad gter mdzod kun 'byung rin po che// sku yi klong nas rang bzhin snang ba gsum// ston pa rnam gsum ngo bor shar nas ni// mos pa tha dad thugs rjes drang ba'i phyir// thabs kyi bye brag tha dad bsam yas pa// rgyu 'bras rim dgus bsdus pa'i chos rnams ni// snang tshul ston pa sku gsum rang byung nas// snying po rtogs par byed pa'i thabs su bstan// ming med blo 'das grub pa'i mtha' brlag pa'i// snying po nges don bla med yang ti 'di// sku gsum ston pa'i bstan pa ma yin te// blo chos mtshan mas grol bar mi ston pas// chos 'das la bzla chen por nga yis bshad// sku gsum ston

  336. 168b

    pa'i bstan par bcas pa can// ming med gting mtha' yas la mu mtha' grol// grub mtha'i 'dod pa grol bas khyad par 'phags// dgag bsgrub gnyis 'dzin mtha' stong ngo mtshar che// mtshon brjod blo yi yul du ma gyur kyang // tshig gi sgron mas blo ldan rnams la bstan// ces gsungs so// rin chen sgron ma rtsa ba'i rgyud las/ chos dang theg pa las 'das par la bzla ba'i le'u ste drug pa'o// // de nas rang gsal rdo rje sems dpa' des// gsang ba don gyi ston pa la zhus pa// theg pa'i chos rnams la bzla shan dbye'i phyir// kun brtags rim dgu'i 'dod pa ji lta bu// de las yang ti khyad par gang gis 'phags// zhes zhus pas/ blo 'das ston pas 'khor la bka' stsal pa// theg pa rnams kyi 'dod pa du ma rnams// blo yi spros pas bcad phyir bstan par bya// nyan thos rang rgyal byang chub sems dpa' gsum// bden bzhi rten 'brel bden gnyis sgo nas 'jug/ kri ya u pa ya dang yo ga gsum// dag pa gsum dang phyag rgya bzhi nas 'jug/ nang pa bskyed rdzogs gsum gyi 'jug sgo ni// ting 'dzin dbyings dang ye shes bka' tshogs bzhi// de ltar theg pa'i rim pa 'dod pa ltar// ched du 'jug pa'i ming med mu mtha' stongs// 'jug sgo mi dmigs ming med mu mtha' stongs// de ltar gnyis ka ming med mu mtha'

  337. 169a

    stongs// gnyis med nyid kyang ming med mu mtha' stongs// nyan thos rang rgyal nyis brgya lnga bcu bsrung // byang chub sems dpa'i sdom pa nyi shu ste// kri yas rtsa ba yan lag nyis sdom brgyad// yo gas rtsa ba yan lag nyis sdom bcu// rnal 'byor chen pos nyis sdom nyi shu brgyad// a nus dmigs pa bzhi yi dam tshig bsrung // a tis don gyi dam tshig rnam bzhi bsrung // de ltar rim par bstan pa thams cad ni// bsrung bya srung byed bdag 'dzin ma logs pas// bsrung nyams rtog pa'i nad kyis tshig par 'gyur// yang ti rgyud chen rin chen sgron ma 'di// de lta bsrung ba ched du mi 'geg ste// ched du bsrung ba bsgrub pa mi byed pas// dgag bsgrub gnyis med mtha' stong snying po la// gnyis med nyid kyang ming med mu mtha' stongs// spyod pa nyan thos rang rgyal byang sems gsum// yon tan bcu gnyis rdzu 'phrul ya ma zung // pha rol phyin drug gzhan gyi don du spyod// kri ya u pa ya dang yo ga gsum// gtsang sbra phrin las bzhi dang cho 'phrul bzhi// ma ha a nu a ti nang pa gsum// sbyor sgrol rdzogs longs ma bcos dang la spyod// de ltar rim par spyod pa'i rnam grangs rnams// ma rtogs blo can drang ba'i don du bstan// ming med ma rtogs ji ltar spyad kyang 'ching // rtsol bsgrub blang dor nad kyis rang tshi chad// yang ti la shan

  338. 169b

    rin chen sgrol ma 'di// de ltar spyod pa'i ming med mu mtha' stongs// spyod pa 'gag pa'i ming med mu mtha' stongs// dgag bsgrub gnyis ka'i ming med mu mtha' stongs// gnyis med nyid kyang ming med mu mtha' stongs// sgom pa nyan thos rang rgyal byang sems gsum// keng rus tshol ba'i dbang po'i sgo 'gegs pa// rten 'brel lugs 'byung lugs las bzlog pa dang // mnyam gzhag rjes thob rtog bcas rtog med bsgom// gsang sngags phyi pa kri u yo ga gsum// yan lag bcu gcig byang chub lnga rim gyis// rigs gsum rigs bzhi rigs lnga'i dkyil 'khor bsgom// nang pa ma hA a nu a ti gsum// ma hAs phung po khams dang skye mched rnams// lha dang lha mo'i dal du sgom par byed// a nus cho ga yan lag rnam gsum gyis// dam tshig ye shes gnyis med sgom par byed// a tis bsgom du yod med rnam pa gnyis// bsgom yod 'gro ba gsum gyi lam bsdoms shing // skyon can rnam pa gsum gyi 'brang bsal nas// dran rtog kun bral lta ba'i dpal 'jog/ bsgom med 'khor 'das gnyis med chos rnams kun// rang byung ye shes chos nyid rang yin pas// de la bsgom bya sgom byed gnyis med do// ci yang bsgom du med par rdzogs par 'dod// snying po nges don bla med yang ti 'dir// gnyis 'dzin blos byas bsgom pa ngas ma

  339. 170a

    bstan// bsgom yod bsgom med gang yang blo rtog ste// bsgom pa'i ming du btags pas btsongs pa yin// cang med ma yin klong du cir snang gi/ yan lag bu dang chos nyid ngo spyod de// 'gyu med nga du rang nyid rang thim pas// ma bsgoms dran bsam skye med snying po'i don// gang yang rang grol 'dzin bral ngo bo nyid// chags bral mu med gting yangs snying po 'di// rtsol bsgrub gnyis 'dzin blo yis rtogs mi 'gyur// shes med gsal ba'i ngo bor 'khrul snang dag/ yid gnyis mtha' stong brjod med gsung gis ni// blo 'das gting yangs gsang bdag dgongs pa ston// snying po mtha' stongs rin chen sgron ma 'dir// bsgom yod bsgom med mi 'dod mu mtha' stongs// gnyis ka ched du mi 'gag mu mtha' stongs// dgag bsgrub gnyis med mi bsgrub mu mtha' stongs// stongs dang mi stongs ming med mu mtha' stongs// lta ba theg pa chung ngu nyan thos pas// phyi yi yul dang sems nyid snang ba la// sems ni bdag med yul ni phra rags rdul// rang rgyal yul gyi rgyu ni snang ba la// sems ni rnam par rig byed ma yin no// sems tsam yul gyi rnam pa sems yin zhing // sems kyi ngo bo rang rig rang gsal 'dod// yul gyi rnam pa cir snang brdzun pa la// sems ni rig pa'i ngo bo bden par 'dod// dbu mas bden pa gnyis

  340. 170b

    su phye nas ni// yul ni kun rdzob 'khrul pa'i snang ba la// sems ni don dam spros dang bral bar blta// kr-i yas kun rdzob snang ba rigs gsum lha// don dam dag pa'i chos nyid du blta'o// u pas rigs bzhi dal dang skye 'gag med// yo gas rigs lnga skye 'gag gnyis med lta// ma hAs snang stong thabs shes gnyis med la// a nus rgyu 'bras dbyings dang ye shes lha// a tis ka dag lhun grub nges med lta// ming med gting mtha' yas pa'i ngo bo la// de ltar lta bar ming du btags pas nor// lta ba ma skyes lta ba ma 'gags te// lta ba gnyis med lta ba rang sar grol// nga yi yang ti rin chen sgron ma 'dir// theg dgu'i lta ba mi bsgrub mu mtha' stongs// lta ba ched du mi 'geg mu mtha' stongs// dgag bsgrub gnyis su ming med mu mtha' stongs// gnyis med mtha' grol ming med mu mtha' stongs// 'bras bu mtshan nyid sde gsum theg pa yis// dgra bcom bse ru sku gzhi thob par 'dod// phyi pa'i sngags kyis longs sku zhi ba'i sku// ma hAs sku lnga ye shes lnga bsgrub cing // a nu dbyings gcig ye shes gcig bsgrub dang // a tis sku gcig ye shes gcig tu bsgrub// de ltar blos btags theg pa'i rim pa yi// thob bya 'thob byed rang sar dag pa yis// thig le spyi brdol gting mtha' ma rtogs pas// 'bras bu sangs rgyas ming du

  341. 171a

    btags pas phung // bsgrub bya sgrub byed gnyis 'dzin skyes pas rlags// yang ti la shan rin chen sgron ma 'dir// 'khor 'das blang dor ma grub mu mtha' stongs// blang dor gnyis po mi 'geg mu mtha' stongs// blang dor gnyis med mi 'dod mu mtha' stongs// blang dor gnyis med mi 'gog mu mtha' stongs// de ltar snang srid 'khor 'das chos rnams la// ched du bsgrub dang ched du 'gegs pa dang // dgag bsgrub gnyis ka gnyis med gang gi yang // ming med mu mtha' stongs pa gnas kyi rdzong // gnyis 'dzin mtshan ma'i chos la bskor bar gyis// rim dgu blos btags theg pa'i rim pa las// ngo bo nyid kyis 'phags pa ngo mtshar che// zhes gsungs so// rin chen sgron ma rtsa ba'i rgyud las/ theg pa'i rim pa las khyad par 'phags pa'i rdzong bca' ba'i le'u ste bdun pa'o// // de nas rang gsal sems dpa' rdo rje des// blo 'das gsang bdag ston pa la zhus pa// rgyud ces bya ba'i rang bzhin ji lta bu// rin chen sgron ma 'di nyid gang gi rgyud// de yis dgos pa ji zhig sgrub par byed// ces zhus pas// gsang bdag ston pas 'khor la bka' stsal pa// rgyud ni dngos po lnga dang ldang tshad brgyad// nges tshig dgongs pa'i gzhi dang dbye ba'i don// mthun pa'i dpe dang dgos pa'i gzhi bstan pa'o// dngos po

  342. 171b

    lnga ni ngo bo nges tshig dang // dbye ba phan yon dgos pa dang lnga'o// ldang tshad dbang dang dam tshig 'brel pa dang // thabs dang shes rab lta ba spyod pa dang // 'bras bu mchog dang thun mong 'brel pa'o// 'brel dang ma tshang med pas rgyud ces bya// gdul dka' zab cing rgya ches 'dul bar dgongs// dbye na tshig dang don dang gnyis med rgyud// mthun dpe za 'og gur khyim thags dang 'dra// dgos pa'i gzhi ni myur du don sgrub byed// de yang yangs dang gsal dang zab pa dang // dgos 'byung thams cad yongs rdzogs rgyud lnga las// nga yi yang ti rin chen sgron ma 'di// thams cad yongs rdzogs rgya chad med pa'i rgyud// 'di yi dgos pa theg pa rim dgu yi/ kun brtags mthar 'dzin thams cad sel bar byed// ming med mtha' stongs chen por yongs su grol// zhes gsungs so// rin chen sgron ma rtsa ba'i rgyud las/ rgyud kyi don gtan la phab pa'i le'u ste brgyad pa'o// // de nas rang gsal sems dpa' rdo rje des// blo 'das gsang bdag ston pa la zhus pa// ming med mtha' stongs don gyi ngo bo la// dbang dang 'jug sgo la sogs ming med kyang // yongs rdzogs rgya chad med par ston pa'i phyir// ye rdzogs dbang gi rgyal po ji ltar lags// zhes zhus pas/ blo 'das ston pas 'khor la bka' stsal pa// dbang la thun mong khyad par

  343. 172a

    gnyis su bstan// thun mong dbang la rnam pa bzhi yin te// lha dbang lus la bskur ba bum pa'i dbang // rdzas dbang ngag la bskur ba gsang ba'i dbang // bde ba rgyud la skyes pa shes rab dbang // de nyid rang ngo sprod pa tshig dbang ste// bskur thabs spros pa'i mtshan ma la brten nas// dgos pa lus ngag yid gsum dag par byed// 'bras bu sku gsum sangs rgyas thob par 'dod// blo dman drang ba'i don du de yang bstan// bskur bya skur byed thob bya 'thob byed dang // gnyis 'dzin dbye bsal byung bas 'khor ba'i chos// khyad par chos dbang sems la bskur ba ni// dbang gi ngo bo nges tshig dbye ba dang // bskur thabs dgos pa 'bras bur bcas te bstan// ngo bo sems nyid ye nas skye ba med// mtshan ma'i dri bral ming med mtha' stongs so// nges tshig snying po ye nas rang dbang rang gis thob// dbye na phyi/ nang gsang ba kho na nyid// bskur ba'i thabs ni rig pa'i rtsal dang ste// shes med rang sar stongs pa bum pa'i dbang // mtshon brjod bstan du med pa gsang ba'i dbang // kun 'byung rang sar grol ba ming med gting yangs te// rgyud la 'dres pa shes rab ye shes dbang // zhe 'dod blo btags med pa brda' yi dbang // dbang bzhi bskur bas dri ma bzhi rang dag/ shes par 'dod dang mthong bar 'dod pa dang //

  344. 172b

    bzang ngan blang dor gnyis su 'dod pa dang // zhe 'dod 'bras bu 'dod pa'i dri ma dag/ stong las cir yang gsal ba bum pa'i dbang // gsal yang mthong yul 'das pa gsang ba'i dbang // gsal dag nyams su myong ba thabs shes dbang // nyams la zhen med mtha' stongs brda' yi dbang // dbang bzhi bskur bas dri ma rnam bzhi dag/ lhan cig skyes dang kun tu brtags pa dang // bsam brjod rtog tshogs zhen pa'i mtha' las grol// 'bras bu blo dngos mu mtha' rang grol nas// grol dang ma grol nyid kyang mtha' stongs te// bskur thob rang sar dag pa ngo mtshar che// yang ti rin chen sgron mar bstan pa yin// zhes gsungs so// rin chen sgron ma rtsa ba'i rgyud las// rig pa'i rtsal dbang bstan pa'i le'u ste dgu pa'o// // de nas rang gsal sems dpa' rdo rje des// ston pa gsang bdag chen po la zhus pa// yang ti la shan rin chen sgron ma 'di'i// rgyud kyi ldang tshad 'brel nas ji ltar rdzogs// zhes zhus pas/ blo 'das ston pas 'khor la bka' stsal pa// snying po mu mtha' kun grol dkyil 'khor du// 'dzin med 'jug pa dbang gi rgyal po yin// ming med gting yangs mtha' stongs ngo bo las// rtag tu 'da' ba med pa dam tshig yin// cir snang rang sar grol ba thabs yin te// grol bya grol byed blo 'das shes rab yin// ming

  345. 173a

    med mtha' yis stongs pa lta ba ste// de nyid 'du 'bral med pa spyod pa dang // yongs rdzogs 'gyur med 'bras bu kun gyi mchog/ ma btsal 'gro don rang byung thun mong gi// dngos grub bla na med par nga yi bshad// thams cad yongs rdzogs rin chen sgron ma'i rgyud// rtsol bral ming med yang ti'i ngo bo 'di// srog dang bral ba'i kha bzhin bsdam par gyis// zhes gsungs so// rin chen sgron ma rtsa ba'i rgyud las// rgyud kyi ldang tshad brgyad rdzogs par bstan pa'i le'u ste bcu pa'o// // de nas rang gsal sems dpa' rdo rje des// gsang bdag blo 'das ston pa la zhus pa// yang ti sems nyid rin chen sgron ma 'di// rtogs pa'i don la rtsis gdab dbyer med kyang // de nyid ma rtogs blo la mtshon pa'i phyir// gting yangs don dang rang ngo ji ltar sprad// ces zhus pas// blo 'das don gyi ston pas bka' stsal pa// stong las kun 'byung stong par rang yal ba'i// me long rnam pa gsum gyi ngo spyod bstan// skal ldan rnams kyi blo la gdags par gyis// kun gzhi phyogs med sems kyi me long dang // rig pa cir yang gsal ba'i me long dang // gsal ba rang dngas chos dbyings me long ngo // dang po kun gzhi sems kyi me long du// bde bar gshegs pa'i dgongs pa rang ngo sprad// sprad pas cad med cir yang snang bar

  346. 173b

    shes// de la snang ba grol ba'i rgya yis gdab// rig pa cir yang gsal ba'i me long du// 'khrul pa'i rtog pa bag chags rang ngo sprad// sprad pas me long gzugs brnyan lta bur rtogs// de la gsal dag rang grol rgya yis gdab// gsal bar rang dngas chos dbyings me long du// snang ba'i dngos po yul rnams rang ngo sprad// sprad pa'i snang yang ming med mtha' stongs rtogs// de la dbyer med gting yangs rgya yis gdab// de ltar bstan pa de yang mtshon pa tsam// sprad bya sprod byed gnyis dang gnyis med kyis// ming med mtha' stongs rang dag klong du grol// zhes gsungs so// rin chen sgron ma rtsa ba'i rgyud las/ me long rnam pa gsum du rang ngo sprad pa'i le'u ste bcu gcig pa'o// // de nas rang gsal sems dpa' rdo rje des// gsang bdag don gyi ston pa la zhus pa// yang ti sems nyid rin chen sgron ma 'dir// yang gsang don gyi gdams ngag la bzla gang // zhes zhus pas// blo 'das don gyi ston pas bka' stsal pa// lha sgom spyod pa 'bras bu rnam pa bzhis// sangs rgyas dgongs pa mtha' stongs klong du bzla// gtan tshigs tshad ma gsum gyis de nyid rtogs// ming gi 'dod pa lta sgom spyod 'bras rnams// thogs med don gyi ngang du la bzla'o// thog ma'i gnas dang mtha' ma'i gnad dag gis// 'khrul pa rtsad nas bcad cing

  347. 174a

    nyams su blang // snying po gnas lugs gzhi yi 'phrang chen du// sangs rgyas sems can thams cad la bzla'o// mtshan nyid rnam pa gsum po ngo sprad 'phrang // phyi nang gsang ba rnam gsum la bzla'o// 'khrul pa bzlog thabs rim pa gdams ngag 'phrang // 'gyu lugs gsum gyis dus mtshams la bzla'o// snying po'i chos 'das theg gcig sgron ma 'dis// kun brtags theg pa rim dgu la bzla'o// 'dod bral ming med mtha' stongs lta ba'i mchog/ bsam bral 'gyur med gting yangs sgom pa'i mchog/ rang lugs byang med 'dzin bral spyod pa'i mchog/ re med mu mtha' grol ba 'bras bu'i mchog/ 'khrul rtsad chod na lta ba'i ming yang med// dus gsum 'gyu med bsgom pas ci zhig bya// snying po ming med mngon gyur bsgom mi dgos// 'khrul pa bzlog thabs ma shes mun pa 'jal// snying po'i mtha' stongs shes med gsal dag 'di// dngos dang dngos med gnyis ka gnyis med yin// rig pa med la ji ltar skye bar 'gyur// bsgom du med pa'i don la ci zhig bsgom// brjod med dang la ci zhig bshad du yod// snying po ming med rang bzhin mthong ba med// rgyu 'bras mdo rgyud thos bsam bsgom bsgrub rnams// gzhan dag spro ba bskyed phyir rol par spyod// don du spyod pa de nyid 'khrul pa'i lam// dben

  348. 174b

    par lus ngag bya btang dgongs pa la// yid gdung ma byed gting yangs klong du zhog/ 'gyu dran skye med skyes kyang shar byung na// phyi nang 'khrul pa mtshon chen gcig gis chod// dbus mtha' kun bral snying po tshig las 'das// mtshon med mtha' stongs 'gyu med kun gyi lam// zhe 'dod 'dzin pa med pa thig le'i klong // ye stong ye bral sgro skur ming dang bral// kun khyab rgyu dang rkyen med rgya ma chad// mi zad gter mdzod snying po bstan du med// ngo bo cir yang ma mthong lta ba la// rtsal gyi yan lag lta ba'i rim pa rnams// rang 'dod so sor snang yang gcig las med// gcig po ma skyes bcos med nam mkha' 'dra// dbyibs dang kha dog gang yang ma grub pas// 'di 'dra mtshon du med pa'i byang chub sems// lus ngag yid gsum rtsol bral dang du spyod// 'khrul rtogs skyes dang skye med gnyis med spyod// mi 'gyur mi dmigs mtshon bral dang la bsgoms// 'gro 'ong yengs med bsgom bya sgom byed med// gzhan med rang sa snying po'i klong bsgom mchog/ gzhan nas thob med rang gnas 'bras bu'i rgyal// rgyu dang rkyen med chos sku mkha' mnyam mchog/ rang bzhin kun khyab mtshan nyid thams cad mkhyen// chos sku'i ngo bo 'di zhes bstan du med// thob bya 'thob byed ming med mu mtha' stongs// 'khrul zhen grol tshe bdag gzhan yod ma

  349. 175a

    yin// log pa'i rgyud las grol bas bde chen don// snying po 'khrul pa'i rkyen gyis rtogs par dka'// ldog thabs gnad kyis gang skyes thad kar gsal// snying po ma yi rtsa ba mtshon du med// 'khrul snang rang dngas ma bu ngo sprod mchog/ 'khor 'das chos rnams gang yang mthong med la// 'khrul pa'i rnam par rtog pa cir yang snang // snang ba grol bar shes pas bag chags stongs// mnyam rjes gnyis med mtha' stongs snying po rtogs// gnyis bsdus mtshan ma'i ming med mu mtha' stongs// zhes gsungs so// rin chen sgron ma rtsa ba'i rgyud las// chos thams cad yang tir la bzla ba'i le'u ste bcu gnyis pa'o// // de nas rang gsal rdo rje sems dpa' des// ston pa blo 'das gsang bdag la zhus pa// chos rnams thams cad snang grol kun brlag par// rtogs pa'i don la dbye bsal ming med kyang // cir snang ma spangs rdzogs phyir bar do gang // zhes zhus pas// blo 'das ston pas 'khor la bka' stsal pa// cang med cir snang snang tshul bsam 'das pas// bar do'i mtshan nyid bstan gyis bzung bar gyis// rang bzhin gnas lugs thog ma'i bar do ru// sangs rgyas sems can gnyis kyi 'byung gzhi btsal// rang bzhin dang ni rlung gi bar do ru// rlung dang 'gyu ba gnyis kyi gyes gzhi btsal// rtsal zer shes pa phra mo skyes

  350. 175b

    pa la// rags pa skye ba'i gzhi ma btsal bar bya// yan lag snang tshul rig pa'i bar do ru// yar mar 'char sgo 'khrul sgo'i gzhi ma btsal// snang ba rnam pa gsum gyi bar do ru// ston pa sku gsum 'byung ba'i gzhi ma btsal// kha dog rnam pa lnga yi bar do ru// gzugs brnyan 'od kyi gzhi ma btsal bar bya// 'od lnga gzugs lngar 'char ba'i bar do ru// rigs drug 'khrul pa'i gzhi ma btsal bar bya// thos dang bsam pa shes rab bar do ru// mar gyi sems can 'khrul tshul rtsad nas bcad// da lta shes pa snga phyi'i bar do ru// 'khrul pa bzlog thabs rnam gsum nyams su blangs// skye dang shi ba srid pa'i bar do ru// snying po mtha' grol klong du gnas par gyis// zhes gsungs so// rin chen sgron ma rtsa ba'i rgyud las/ bar do'i le'u ste bcu gsum pa'o// // de nas rang gsal sems pa rdo rje des// blo 'das don gyi ston pa la zhus pa// yang ti la shan rin chen sgron ma 'dir// phyi rab gtad pa'i snod kyi khyad par gang // zhes zhus pas/ gsang bdag ston pas 'khor la bka' stsal pa// dgos 'dod kun 'byung nam mkha'i mtha' dang mnyam// gsal ba'i go 'byed thams cad yongs rdzogs pas// theg pa la zlo shan 'byed yang ti 'di// lha mi'i 'jig rten gnas su dar ba'i tshe// rin chen lta bur snod ldan gcig la gtod// nam mkha' lta/

  351. 176a

    bur klong yangs gcig la gtod// nyi zla lta bur b+h+r-i gsal gcig la gtod// ma 'ongs bstan pa'i sgron ma byed par 'gyur// zhes gsungs so// lta ba la shan chen po'i rin po che'i sgron ma rtsa ba'i rgyud las/ rgyud gtad pa'i le'u ste bcu bzhi pa rdzogs so// // lta ba la shan chen po rin po che sgron ma rtsa ba'i rgyud/ u rgyan gyi gu ru chen po pad+ma 'byung gnas dang / bod kyi lo ts+tsha ba ska ba dpal brtsegs kyis mnga' bdag rgyal po'i don du bsgyur ba'o// gtad rgya/ sbas rgya// // kun bzang rdzogs pa'i sangs rgyas kyis// thig le nyag gcig sku la phyag tshal lo// rtsa rlung thig le'i rgyud bshad pa// kye thog ma lhun gyis grub pa'i gnas// ston pa thig le nyag gcig sku// 'khor ni rang byung chen po la// dus gsum dbye ba med pa'i dus// bstan pa gnyis snang med par bshad// ces gsungs so// rtsa rlung thig le'i rgyud las/ gleng gzhi'i le'u ste dang po'o// // kye gsang bdag rdo rje sesam dpa' nyon// rtsa rlung thig le gzhi la gnas// ngo bo tha dad rang bzhin gcig/ thugs rje'i rol pa rang shar ro// shar tshul snang tshul gnyis su[:]snang // de ni[:]gzhi yi rang rtsal las// 'gag pa med pa'i rang byung shar// shar ba yin pas nges pa med// ces gsungs so// rtsa rlung thig le'i rgyud las//

  352. 176b

    gleng slong ba'i le'u ste gnyis pa'o// // rdo rje sems dpa' khyod nyon cig/ rang shar chen po'i rtsa rlung ni// phyi ru shar ba'i rtsa lnga dang // nang du shar ba'i rtsa lnga dang // gsang bar shar ba'i rtsa lnga dang // yang gsang yang ti'i rtsa lnga dang // de kho na nyid gsang ba chen po'i rtsa lnga'o// de las phyi ru shar ba'i rtsa lnga ni// dbyings kyi thig le lnga yin te// thig le lnga ni stong gsal du// snang gsal chen po'i rgyas gdab po// rig gsal dang du ngo 'phrad pas// thig le lnga yang gcig tu 'dril// 'byung ba lnga ni rig stong gsal// 'byung ba lnga ni ngo sprad de// sa dang chu dang me dang rlung // mkha' khyab dngas pa'i ngang du ni// tshogs drug rol pa'i ngo sprad pas// 'dod yon lnga dang chags sdang lnga// rang byung rang grol rang shar gsal// bde gsal ngang du ngo sprod do// zhes gsungs so// rtsa rlung thig le'i rgyud las/ dbyings rang sar grol ba'i le'u ste gsum pa'o// // rdo rje sems dpa' khyod nyon cig/ nang du shar ba'i rtsa lnga ni// ye shes rol pa'i rtsa lnga ste// gsal byed shes rab rgyas btab pas// nang gi rtsa lnga gcig tu 'khyil// shes rab chen po gcig tu gsal// ye shes lnga po dbyings su grol// dbyings lnga rig pa'i klong du grol// rang grol rang shar ngo shes pas// de ni rang grol rnam lnga yin// zhes gsungs so// rtsa rlung thig le'i rgyud las/ nang

  353. 177a

    rang sar grol ba'i le'u ste bzhi pa'o// // rdo rje sems dpa' khyod nyon cig/ gsang bar shar ba'i rtsa lnga ni// thig le nyag gcig rol pa lnga// rang byung yin par ngo shes pas// sgom bsgrub med pa'i rang shar la// de lta sgom sgrub byed pa ni// nga yi gzhi las 'tshol ba ste// shes rab chung ba'i gol sa yin// lta ba rang shar chen po la// sgom pa rang grol chen po yin// spyod pa tshogs drug lhug pa la// 'bras bu yul snang med pa yin// ye shes zang thal chen po la// bar do med pa rang grol yin// zhes gsungs so// rtsa rlung thig le'i rgyud las/ gsang ba rang grol gyi le'u ste lnga pa'o// // rdo rje sems dpa' khyod nyon cig/ de kho na nyid kyi rtsa lnga ni/ gnyis snang med pa'i shes rab la// thogs pa med pa'i shes rab kyis// 'gag pa med pa'i rig pa la// rang rig ye shes zang thal du// lhangs kyis shes pa shes rab yin// zhes gsungs so// rtsa rlung thig le'i rgyud las/ yang gsang rang grol gyi le'u ste drug pa'o// // rdo rje ses ma dpa' khyod nyon cig/ rgyas par rtsa la bsam mi khyab// bsdu na rnam pa gnyis su 'dus// chos rnams tshig gi rtsa dang ni// yang dag don gyi rtsa gnyis so// 'di ni yang dag don gyi rtsa// zhes gsungs so// kun tu bzang pos gsungs pa yi// ye shes rtsa yi rgyud chen 'di// kun tu bzang

  354. 177b

    po'i thugs kyi bcud// rdo rje sems dpa'i srog gi thigs pa// dga' rab rdo rje'i srog gi 'khor lo/ srog gi tshan ma/ srog gi bcud chen po/ thugs kyi reg chod/ rig pa srog gi 'khor lo zhes gsungs so// rtsa rlung gi le'u ste bdun pa'o// // 'jam dpal 'dus pa'i rgyud las bsdus pa rdzogs so// // sangs rgyas thig le nyag gcig la// chos sku brdal khyab la rtogs par bya ba dang btsal ba'i chos med de// gang zag blo'i ngos nas gnyis su yod par rtogs dgos pa las/ rtsa rlung thig le'i gdams pa bshad par bya// de nas gdams pa ni// rtsa dang rlung dang thig le'i gnad gsum rang grol du shes dgos te// thig le chen po'i rtsa 'di ni phyi nang gsang ba gsum du 'dus so// de la thig le phyi ltar bshad pa/ phyi 'byung ba lnga ni ngo bo gsal te rang gsal du gnas pa rang byung ye shes so// de ni phyi yi thig le'o// nang gi thig le ni/ ngo bo rig pa'i ye shes rang shar ngo shes pa'o// gsang ba'i thig le ni/ bsgoms pas ma rnyed/ ma bsgoms pas ma stor/ ye shes rang las ma gtogs pa med de// phyi gsal ba 'byung ba lnga ni rang snang chen po'o// nang rig pa'i ye shes kyi mdangs te/ me long dang byad lta bu'o// gnyis su med pa'i thig le chos sku brdal khyab chen po dang / ye shes brdal khyab gnyis su med pa'o// thig le gsang ba gsum

  355. 178a

    po 'di rtogs shig/ rtogs pas sangs rgyas kyi dgongs pa khong du chud pa zhes bya'o// rlung la yang phyi nang gsang ba gsum ste/ thog ma'i gnas nas rig pa bskyod pa gzhi la gnas so// phyi yi rlung ni gling bzhi 'degs pa dang / rang byung du bskyod pa'i rlung ngo // nang gi rlung ni 'gro dang skad 'don pa dang bskyod pa'o// gsang ba'i rlung ni 'gyu ba dang snyam byed dang dbugs 'byung ba'o// rlung gsum po de yang ye shes kyi rlung du rtogs na sku gsum thob bo// rtsa la yang phyi nang gsang gsum ste// phyi yi rtsa ni chos nyid rang byung gi rtsa ste/ 'od lnga ste stong pa rang snang du shes pa'o// nang gi rtsa ni rnam rtog rang rig pa'i ye shes rang shar ba ste/ rig pa'i ye shes so// gsang ba'i rtsa ni dbugs dang 'gyu ba stong pa nyid kyi ye shes dbyer med pa'i chos sku zang thal lo// rtsa dang rlung dang thig le gtan la phab pa/ sku gsum lkog bzhengs kyi dgongs pa/ bstan ma thag tu lta sgom la rag ma lus pa las sangs rgyas kyi dgongs pa skad cig ma la thob pa zag bcas phung po'i nang du/ sangs rgyas kyi dgongs pa dang mjal ba/ lam ma bskyod par rang sar slebs pa/ sku gsum gyi dgongs pa dus gcig la thob pa/ 'khor ba'i mngal kha dus gcig la rgyas theb pa zhes bya ba'i man ngag/ mdzod kyi gdams pa/ rtsa rlung gi thig le gtan la phab pa/ rtsa rlung gi rtsa ba

  356. 178b

    rdzogs so// // dpal kun bzang sku la phyag 'tshal nas// rdzogs chen bsgom pa'i rgyud zhus pa/ kun tu bzang pos bka' stsal pa// nyon cig rdo rje sems dpa' che// chos nyid lhun grub pho brang du// rig pa 'gag med 'khor rnams la// sangs rgyas sems can dbyer med 'dus// rang shar chen po'i bstan pa la// bsgom pa srog gi spu gri'i rgyud// zhal nas rang byung chen por 'thon// bsgom pa'i srog la rnam bzhi ste// sems phyogs yongs grags bsgom pa'i srog/ rdzogs pa chen po bsgom pa'i srog/ a ti chen po bsgom pa'i srog/ yang ti 'bru gcig bsgom pa'i srog/ ces gsungs so// sems phyogs yongs grags bsgom pa ni// bsgom yod bsgom med gnyis su 'dod// yod par 'dod pa rtag pa'i mtha'// med par 'dod pa chad pa'i mtha'// mtha' gnyis mu stegs rtag chad du// gol phyir yang ti nag po bsten// rdzogs pa chen po bsgom pa na// thams cad rang la rdzogs par 'dod// bsgom bya skyon la bsgom med skyon// gnyis su med par 'dug pa ni// de la ye shes ma shar bas// so so skye bo'i khyu ru gol// a ti chen po'i bsgom pa ni// rig pa rang snang rang gsal la// snang ba rang snang gnyis su med// de yi don la gang rtog pa// ma hA a nu sems rtsal du// 'gro ba yin par bshad pa'o// yang ti nag po'i

  357. 179a

    bsgom pa ni// shan dbye la bzlar 'dod pa ste// shin tu 'di rnams skur bar bya// rig pa gsal ba'i nyams kyi pha rgyud du// bde ba'i nyams ni ma rgyud du// stong pa nyams ni dbus ma ru// 'od gsal nyams kyi longs sku ru// gol ba yin phyir yang ti bstan// da ni la bzla bstan pa ni// yul dang yul can du mi bsgom// bsgom pa phar la mi bsgom rang shar shes// bde ba mi bde yid bder shes// rig pa'i sku la phyi nang med// mkha' khyab yul la snang ba med// ye shes lus la phyi nang med// sprul pa'i sku la sku gsum med// phyi ru snang ba longs skur bsgom// nang nas shar ba sbrul skur bsgom// thig le nyag gcig chos sku la// chos sku'i bsgom pa rdzogs pa'o// phyi ru bsgom pas longs skur gol// nang du bsgom pas sbrul skur gol// gnyis med bsgom pas dbu mar gol// chos kyi sgo mo brgyad khri bzhi stong yang // dang po thig le'i ngang las byung // bar du thig le'i ngangal gnas// za mar thig le'i ngang du rdzogs// bsgoms nyams ji snyed byung ba yang // dang po bka' yi rgyud las byung // da ni nyams la mi brten te// yang ti nag po'i bsgom pa'o// bsgom pa srog gi spu gri'o// srog gi 'khor lo'i rgyud rdzogs so// // bcom ldan 'das dpal kun tu bzang po la phyag 'tshal lo// 'di skad bdag/

  358. 179b

    gis thos pa dus gcig na// chos kyi dbyings kyi pho brang du// ston pa kun tu bzang po yis// thugs kyi sprul pa chen po la// dus gsum khyad par med pa'i phyir// nyid las mi gzhan 'khor rnams la// rdzogs pa chen po'i bstan pa shar// zhes gsungs so// lta ba la thal chen po'i rgyud nyid kyi zhal nas byin rlabs su/ rang bzhin dag pa rnams la babs// chos sku thig le nyag gcig la// 'khrul pa med pas sems can med// sangs rgyas sems can gnyis su med// blo dang dngos po gnyis su med// chos can chos nyid gnyis su med// 'khor ba myang 'das gnyis su med// dbyings dang ye shes gnyis su med// rnam rtog ye shes gnyis su med// sangs rgyas sems can gnyis med de// lam gyis bcos su ga la yod// ye nas grol ba'i chos sku la// lha sgom spyod pa 'ching ba'i rgyu// ye grol chen po phyogs med la// phyogs su 'dzin pa 'khrul pa'i lam// lha sgom spyod pa nor ba'i lam// 'bras bu thob 'dod ltos pa'i chos// ye grol chen por shar ba la// rtsol bsgrub byed pa 'khrul pa'i lam// thams cad rang snang chen po la// bsgom du med par bsgom pa ni// de ni nam mkhar snyegs pa 'dra// ye nas chos skur gcig pa la// bar dor chos nyid skye 'dod pa// de ni lam gyi gol sa yin// thams cad ye nas lhun grub la// bar dor 'bras bu

  359. 180a

    'dod pa ni// de ni sa yi gol sa yin// rig pa rang byung ye shes la// rgan po mkhar thogs bsgom pa dang // rgan mo mdzub tshugs bsgom pa dang // gzhon pa bde ba bsgom pa ni// nyams myong re la phyogs ltos med// nyams myong rkyen gyis bsgyur ba'i phyir// ye shes skye ba rkyen khar thal// phyogs la ltos nas rten 'cha' bas// de ni nyams myong gol sa yin// rdzogs chen yang ti nag po las// phyogs 'dzin mi spang mi 'geg la// ched du gang yang mi bsgrub pas// des na ltos pa'i chos med de// de yi ming ni lhun grub yin// de yis mtshan ni rdzogs chen yin// gsang mtshan yang ti 'bru gcig yin// yang gsang lta ba la thal gyi rgyud/ kun tu bzang po'i srog gi spu gri/ rdo rje sems dpa'i thugs kyi reg chod ro langs bde ba'i thugs kyi srog gi thigs pa/ brgyud pa gsum pa/ lta ba la thal gyi rgyud rdzogs so// // thig le nyag gcig sku la phyag tshal nas// bcom ldan kun tu bzang po yis// chos nyid brdal ba'i pho brang du// 'khor gyi rdo rje sems dpa' la// rig pa phyi nang med pa'i dus// thabs dang shes rab bstan pa shar// zhes gsungs so// thig le'i ngang dang byin rlabs las// spyod pa gtan la pheb pa yis// thabs dang shes rab rgyud chen 'di// byin gyi rlabs kyis shar ba'o// spyod pa'i don gnyis rnam

  360. 180b

    gsum te// sems las byas pa'i spyod pa dang // chos las byas pa'i spyod pa dang // yang ti nag po'i spyod pa'o// sems kyi spyod pa rnam gsum te// mdo sde 'dul ba mngon pa gsum// de yang sems kyi spyod pa yin// ma hA a nu sems phyogs gsum// de yang sems kyi spyod pa gsum// chos kyi spyod pa rnam pa gnyis// lta ba sgom pa spyod pa yang // de yang chos kyi spyod pa yin// thos dang bsam dang bsgom pa yang // de yang chos kyi spyod pa yin// zhes gsungs so// yang ti nag po'i spyod pa ni// shes rab chen por 'dod pa ste// snang ba mi 'gegs zug phrad khyer// 'od gsal 'khor lo rgyas 'debs spyod// 'dzin pa rig pa rang grol bas// yid kyi 'dzin pa'i rgyas 'debs spyod// yul dang yul can gnyis med pas// dbyer med chos sku rgyas 'debs spyod// de ni yang ti phyir spyod do// yang ti nang spyod bstan pa na// rang lus 'byung ba'i yid phung la// dbyer med chos sku'i rgyas 'debs spyod// 'od gsal 'khor lo bskor ba yis// chos sku shes rab dang du 'char// gzung 'dzin rig pa'i klong du dag/ de ni nang gi spyod pa'o// yang ti sang skrod bstan pa ni// rig pa bkag pas mi khegs te// rang shar dgag bsgrub med par thong // rig pa gcer bur slar gyis phyungs// snang ba bsgom pa sman por shor// thig le'i ngang du lhangs kyis

  361. 181a

    pa// ye bzhengs chen po zhes kyang bya// gzhi bzhag chen po zhes kyang bya// ye grol chen po zhes kyang bya// yang ti nag po zhes kyang bya// gser gyi 'bru gcig zhes kyang bya// thig le'i ngang du shar ba yi// thabs dang shes rab kyi rgyud// srog gi thigs pa/ bdud rtsi'i bum pa/ snang byed spu gri'i rgyud rdzogs so// // bcom ldan kun tu bzang po yis// 'khor gyi rdo rje sems dpa' la// phyi nang med pa'i chos dbyings su// 'bras bu thob pa med pa'i dus// thams cad ye grol bstan pa la// yang ti nag po'i 'bru gcig shar// byin gyi rlabs kyis byung ba yi// 'bras bu ye grol chen po'i rgyud las// ngang la shugs kyis shar ba'o// 'bras bu la yang rnam bzhi ste// phyi yi 'bras bu bstan pa dang // nang gi 'bras bu bstan pa dang // gsang ba'i 'bras bu bstan pa'o// phyi yi 'bras bu bstan pa ni// phyi yi 'byung ba lnga po ye shes lnga// nang gi 'bras bu bstan pa ni// rtags kyi ye shes tshon gang la// yang gsang 'bras bu gnyis yin te// ngo bo rang bzhin thugs rje dang // rig pa'i ye shes kho na'o// re re la yang bzhi bzhis bskor// mtshan nyid 'dzin pa dbus gnas te// thams cad ye shes chen por shar// thams cad mkhyen pa'i ye shes las// thams cad 'byung yang rang byung la// thams cad 'gags kyang rang 'gags

  362. 181b

    la// thams cad grol yang rang grol las// 'bras bu thob pa'i sa med de// dper na rgya mtsho'i nya mo bzhin// gar phyin rgya mtsho'i nang du gnas// lhun gyis grub pas thob pa med// pad ma nor bu rin po che// thams cad gcig las rang byung bas// de ni lhun grub chos sku'o// dbang po rab kyi chos yin te// 'bring dang tha ma 'khyams par mchi'o// rdzogs chen gnad du ma phebs par// chos spyod gang dgar btang ba ni// de ni rdzogs chen rgyun chad yin// rdzogs chen rtag cing ma chad par// dge sdig 'chol bar spyod pa ni// de ni rdzogs chen drang zad yin// rdzogs chen rgyud la ma thebs par// thos bsam bsgom sgrub mi byed pa// de ni rdzogs chen phyal pa yin// ye shes gnad du mi 'dzin par// sems 'dzin phra mo brtsam pa ni// de ni sgron ma'i yid smon yin// sems 'dzin gcig la yid 'cha' ba// de ni long ba'i lam sna yin// gdams ngag phyogs re ma rdzogs par// rgan mo mdzub tshugs bsgom pa ni// dam par zhen pa'i bsgom pa yin// zhe 'dod gcig la rten 'cha' bas// rgad po mkhar thogs bsgom pa ni// de ni long ba'i lam rgyus yin// bde ba'i nyams myong la brten nas// gzhon pa bde ba bsgom pa ni// de ni gzhon pa'i rmi lam yin// zhes gsungs so/ kun tu bzang po srog gi thigs pa/ 'bras bu ye grol chen po'i rgyud

  363. 182a

    rdzogs so// // bcom ldan kun tu bzang po yi// lhun grub sgra la phyag btsal nas// thig le mthong brdol rgud gsungs pa// ston pa kun tu bzang po yis// gnas ni thig le mkha' khyab tu// 'khor ni rang byung ye shes la// dus ni thams cad rang byung dus// bstan ni gnyis med thig le'o// zhes gsungs so// kun tu bzang pos bka' stsal pa// 'khor gyi rdo rje sems dpa' khyod// thig le mthong brdol rig pa'i 'khor lo bskor// phur bu chen po thob la sgrol// srid gsum dbang du bsdus la sbyor sgrol gyis// zhes gsungs so// yang bka' stsal pa/ rig pa 'gags pa med pa la// shes rab 'gags pa med pa yis// snang srid byung thob srog gi rtsa ba chod// thugs kyi reg chod spu gri tsho// 'dzin med zhags pa chod la thong // zhes gsungs so// yang bka' stsal pa/ thig le mthong nas brdol ba ni// tsit+ta'i nang du rab brtags pas// rig pa stong par gsal ba ni// de ni thig le spyi brdol yin// nyams myong 'dres pa'i bde gsal ni// de ni thig le nang brdol yin// zhes gsungs so// yang bka' stsal pa/ thig le mthong nas ma brdol na// rig pa'i gnad du brdeg par bya// tshogs drug rol ba har sangs la// rig pa'i bde ba rang shar ltos// 'di ni thig le nang brdol yin// dkar po'i dus su rab tu

  364. 182b

    sbyar// khong nas yid kyi 'gru ba la// 'gru bas 'gyu ba'i dus tshod du// bde gsal nyid du lhang nge blta// de ni thig le nang brdol yin// gnyis su med pa'i ye shes la// rgyu dang rkyen gyis ma skyed par// rang bzhin nyid du shes pa gsal// de ni phyi brdol nang brdol yin// zhes gsungs so// yang bka' stsal pa/ rig pa gnad kyi ngos bzung dang // bde stong nyid du cur kyis dbyung // bde ba nyid la lta stangs bya// 'od gsal nyid du stongs kyis 'byung // zhes gsungs so// thig le mthong ba rdol gyi rgyud/ rig pa cur 'byin gyi brda'/ srog gi tshan pa/ yang ti nag po'i rgyud rdzogs so// // rgya gar skad du// tan+ta gra rA dza sUR+Ya tsan+da pra d+ha tsA la A ka shA ban+d+ha bi shud+d+ha sa mu drA bar+t+ta pra ka Ta tan+t+ra nA ma/ bod skad du/ rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud ces bya ba/ sngon thog ma'i sangs rgyas skye med ka dag la phyag 'tshal lo// 'di skad bdag gis ci yang ma zos pa gang du yang mtshon brjod las 'das pa'i dus med pa na/ bkol med gnas su ka dag ston pa des// 'od gsal 'khor la skye med bstan pa bshad// dus ni dus gsum gcig ste snga phyi med pa'i dus// sdud pa po ni gsal dag rin po che'o// de nas gsal dag rin chen gyis// skye med ka dag ston pa la// phun sum tshogs pa'i don ni de

  365. 183a

    ltar na// dngos po gshis kyi gnas lugs ji ltar gnas// 'od gsal rtsal gyi yan lag ji ltar shar// snying po'i klong du 'od gsal ji ltar grol// de gnyis dbyer med gdams ngag ji ltar lags// thod rgal theg pa ji ltar bshad// nyi zla'i snying po spyi ti yo ga la// grub mtha'i blos btags yod dam med// rtsis gdab blo bral bstan pa la// bya btsal blo chos mi 'tshal lam// rtsol sgrub 'das pa'i theg pa la// lta sgom spyod 'bras dgos mi dgos// theg dgu spang ngam ji lta bgyi// dkyil 'khor dbang dang dngos grub la// re bar bya ba'am ye nas rdzogs// tshogs dang gtor ma ma btang bar// tshogs bsags smon lam ji ltar rdzogs// nyi zla'i snying po spyi ti yo ga la// gol sgrib 'khrul pa yod dam med// ma rig ye shes yod dam med// 'char sgo 'khrul pa ci la zer// rtogs dang ma rtogs yod dam med// sangs rgyas sems can ci la zer// dge sdig las 'phro yod dam med// mtho ris ngan song ci la zer// rdzogs chen s+thi ti yo ga yis// ma bsgrubs 'bras bu ji ltar thob// zhus tshig nyi shu rtsa gcig de// ston pas 'khor la bka' stsol cig/ shin tu zab par gsung du gsol// zhes zhus so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ phun sum tshogs pa dang zhus

  366. 183b

    tshig nyi shu rtsa gcig gi gleng slong bstan pa'i le'u ste dang po'o// // de nas gsal dag rin chen gyis// skye med ka dag ston pa la// dngos po gshis kyi gnas lugs ji ltar gnas// zhus pas/ ston pa'i rgyal po skye med ka dag gis// 'khor gyi dam pa gsal dag rin chen la// rdzogs chen rgyal po nyi zla'i snying po bshad// 'khor rnams ma yengs gus pas nyon// don dam mtshon dang brjod las 'das mod kyang // rtsal gyi rig pa blo dang sbyar nas bstan// dper na mun nag rdzas stor la// lag nom rtsal ba'i rnyed par dka'// snang gsal sgron me la brten nas// btsal bas rnyed par the tshom med// de bzhin ma rig mun nag tu// chos nyid nor bu stor ba de// tha snyad tshig gi rnyed par dka'// ma nor bla ma'i zhal dran gyis// rin chen brda yis rnyed par 'gyur// a la la ho ngo mtshar che ba'i bka'// dngos po gshis kyi gnas lugs ni// gti mug chos skur ye nas gnas// zhe sdang longs skur ye nas gnas// 'dod chags sprul pa'i sku ru gnas// nga rgyal sku gsum dbyer med yin// phrag dog don dam bde ba'i sku// sdug bsngal ma spangs sku lngar grol// dug gsum ma spangs sku gsung thugs su grol// ma rig ma spangs ye shes chen por grol// sgrib g.yogs ma spangs 'od gsal chen por grol// rnam rtog ma spangs chos nyid chen

  367. 184a

    por grol// sems can ma spangs sangs rgyas bsgrub med chen por grol// 'khor ba ma spangs myang 'das chen por grol// snang ba ma spangs zhing khams chen por grol// sdug bsngal ma spangs brda ba chen por grol// phyi nang ma spangs yul sems gnyis med grol// bzang ngan ma spangs dgag sgrub med par grol// gzung 'dzin ma spangs dbye bsal med par grol// dngos po gshis kyi gnas lugs ni// ye nas skye med chen por gnas// dus gsum skye bar ma gsungs so// ka dag chen por ye nas gnas// blo bur sgrib g.yogs ma gsungs so// gnyis med chen por ye nas gnas// gnyis 'dzin rtog par ma gsungs so// rgyu rkyen med par ye nas gnas// thog mtha' yod par ma gsungs so// gnyen pos bcos bsgyur med par gnas// rtsol bas 'grub par ma gsungs so// dngos med chen por ye nas grol// zang thal chen por ye nas grol// spyi phud zod rgal chen por gnas// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ dngos po gnyis kyi gnas lugs bstan pa'i le'u ste gnyis pa'o// // de nas gsal dag rin chen gyis// skye med ka dag ston pa la// 'od gsal rtsal gyi yan lag ji ltar shar// zhus pas/ ston pas 'khor la bka' stsal

  368. 184b

    pa// dngos po gshis kyi rtsa zer gnyis med kyang // 'khor gyi rtog pa bsal phyir shar tshul bshad// mkha' klong rnam dag gnas lugs klong dkyil nas// ma 'gags 'od gsal rtsal rnam shar// gzhi rlung nga yi rtsal du shar// 'od gsal nga yi rol pa'i rtsal// shes rig ma 'gags rol pa'i rtsal// ngo bo rang bzhin nga yi rtsal// dus gsum yid 'khor nga yi rtsal// ma rig ye shes yan lag rtsal// 'char sgo 'khrul sgo nga yi rtsal// kun gzhi rig yid nga yi rtsal// 'khrul lugs rnam gsum nga yi rtsal// 'khrul smin phung lnga nga yi rtsal// btang bzung zhen pa nga yi rtsal// phyi nang snod bcud nga yi rtsal// yul sems gnyis ka nga yi 'phrul// dgag bsgrub gnyis 'dzin rol pa'i rtsal// spang len dbye bsal yan lag rtsal// bzang ngan rtsis gdab yan lag rtsal// 'khor ba myang 'das yan lag rtsal// bde dang sdug pa nga yi rtsal// dgra gnyen phyogs ris nga yi rtsal// phyogs mtshams kha dog yan lag rtsal// kun btags rim dgu yan lag rtsal// 'gro ba rigs drug nga yi rol par shar// rtag chad rnam gnyis rol par shar// grub mtha' rnam gnyis rol pa'i rtsal// grub mtha'i lha sgom rol pa'i rtsal// zhe 'dod bya rtsal yan lag rtsal// 'grus tshad rig tshad yan lag rtsal// rtags tshad ma lus rol pa'i rtsal// 'chad tshad brjod tshad thams cad

  369. 185a

    nga yi rtsal du shar// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ 'od gsal rtsal dang yan lag bstan pa'i le'u ste gsum pa'o// // de nas gsal dag rin chen gyis// skye med ka dag ston pa la// snying po'i klong du 'od gsal ji ltar grol// zhus pas/ ston pas 'khor la bka' stsal pa// mkha' klong rnam dag chos dbyings snying po ru// gzhi rlung 'od lnga snying po'i klong du thim// rtsal lnga zer lnga snying po'i klong du grol// stong gsal 'od 'bar snying po'i klong du grol// shes rig dran pa snying po'i klong du grol// rang bzhin ngo bo snying po'i kloslong du grol// ma rig ye shes snying po'i klong du grol// 'char sgo 'khrul sgo snying po'i klong du grol// gti mug ma spangs mi gnas klong du grol// ma rig ma spangs mi gnas klong du grol// sgrib g.yogs ma spangs mi gnas klong du grol// 'gro drug ma spangs mi gnas klong du grol// snang srid snod bcud snying po'i klong du grol// 'khor dang mya 'das snying po'i klong du grol// bde dang sdug bsngal snying po'i klong du grol// bzang ngan spang len snying po'i klong du grol// yin min dbye bsal snying po'i klong du grol// dgra gnyen phyogs ris snying po'i klong du grol// rtag chad gzung 'dzin snying po'i klong du grol// rig tshad 'gyur/

  370. 185b

    tshad snying po'i klong du grol// dran tshad bsam tshad snying po'i klong du grol// dug lnga sku lnga snying po'i klong du grol// rnam rtog bag chags snying po'i klong du grol/ kun btags rim dgu snying po'i klong du grol// grub mtha'i lha sgom thams cad snying po'i klong du grol// mtshon tshad btags tshad snying po'i klong du grol// bya btsal rtsol bsgrub ma byas par// rang bzhin shugs kyis de ltar grol// klong nas rtsal zer klong du grol// stong las kun 'byung stong par grol// med las sna tshogs med par grol// zol byung yid rig byung tshad grol// wal byung dran rtog snying por grol// gzugs su snang tshad bde gshegs sku ru grol// sgra skad thams cad grags stong gsung du grol// dran rtog thams cad sangs rgyas thugs su grol// khams gsum sems can lus ngag yid gsum de// dus gsum sangs rgyas kun gyi sku gsung thugs su grol// snang srid 'jig rten 'khor 'das thams cad kun// sangs rgyas zhing khams 'od gsal chen por grol// zhe 'dod rtsol sgrub byas nas grol ba ma yin te// thog ma nyid nas ma spangs mi gnas grol// nyon mongs brgyad khri bzhi stong grol// blos btags chos sde brgyad khri bzhi stong grol// dper na sbrul gyi mdud pa bzhin// 'ching mkhan grol mkhan med par grol// de bzhin rtag chad chos rnams ma

  371. 186a

    lus kun// ma bcings ma grol snying po'i klong du grol// dper na rnga ma'i mdud pa bzhin// mtshan ma sna tshogs rang grol nyid// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ snying po'i klong du 'od gsal grol bar bstan pa'i le'u ste bzhi pa'o// // de nas gsal dag rin chen gyis// skye med ka dag ston pa la// snying po'i yan lag gnyis med ji ltar lags// zhes zhus pas/ ston pas 'khor la bka' stsal pa// chos nyid mkha' klong snying po'i klong dkyil du// 'od gsal rtsal zer yan lag ma lus thim// snying po rtsal zer gnyis med thog mar ye sangs rgyas// bya btsal rtsol bas ma bsgrubs par// mkha' la 'ja' tshon thim pa 'dra// nam mkhar cho 'phrul thim pa dang // 'o ma chu dang 'dres pa dbyer mi phyed// de bzhin gzhi rlung gnyis su 'dres pa dbyer mi phyed// rlung lnga 'byung lnga gnyis med dbyer mi phyed// 'od lnga zer lnga gnyis med dbyer mi phyed// shes pa snang tshul 'gyu med dbyer mi phyed// rang bzhin ngo bo thugs rje dbyer mi phyed// dus gsum sku gsum gnyis med dbyer mi phyed// yid 'khor 'khrul 'khor gnyis med dbyer mi phyed// ma rig ye shes gnyis med dbyer mi phyed// 'khrul dang ma 'khrul gnyis med dbyer mi phyed// rtogs dang ma

  372. 186b

    rtogs gnyis med dbyer mi phyed// sangs rgyas sems can gnyis med dbyer mi phyed// 'khor ba myang 'das gnyis med dbyer mi phyed// sangs rgyas 'gro drug gnyis med dbyer mi phyed// snang srid snod bcud gnyis med dbyer mi phyed// dug lnga sku lnga gnyis med dbyer mi phyed// dug gsum sku gsum gnyis med dbyer mi phyed// rnam rtog chos nyid gnyis med dbyer mi phyed// nyon mongs brgyad khri bzhi stong dang // chos sde brgyad khri bzhi stong gnyis su med// phyi nang yul sems dbye ba gnyis su med// gzugs lnga sku lnga gnyis med dbye ru med// dbang lnga yul lnga dbyer med gnyis su med// sgo lnga gzugs lnga dbyer med gnyis su med// yid lnga gsal dbang dmigs 'dzin gnyis su med// rig sems ming 'dogs nyon mongs gnyis su med// 'gyu dran glo rtog 'dzin zhen gnyis su med// ci la spyod kyang ma zhen ma chags gnyis su med// sdug bsngal bde ba gnyis su dbye ru med// bzang ngan spang len dbyer med gnyis su med// yin min dbye bsal dbyer med gnyis su med// dgra gnyen phyogs ris gnyis med dbye ru med// phyi nang yul sems dgag sgrub gnyis su med// dper na rgya mtsho chen po ru// chu bran 'di yin 'di min dbyer mi phyed// de bzhin sems kyis brtags pa'i chos rnams kun// snying po'i klong du thim

  373. 187a

    nas blo las grol tsam na// chos rnams 'di yin 'di min dbyer mi phyed// ci'i phyir zhe na chos dang chos nyid 'phrad nas blo dngos 'dres tsam na// yin rgyu gang yin min rgyu gang blo zad// theg pa grub mtha' stongs tsam na// yin min dbye bsal med de ka dag chen por grol// sangs rgyas gzhan nas mi re blos btags chos rnams zad// skye med ka dag dngos med dang // rnal ma blo 'das ngo bo nyid// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ snying po dang rtsal zer dbyer med bstan pa'i le'u ste lnga pa'o// // de nas gsal dag rin gyis// skye med ka dag ston pa la// blo 'das theg pa ji ltar bshad// zhus pas/ ston pas 'khor la bka' stsal pa// blo 'das rang la brjod med kyang // 'khor gyi rtog pa bsal phyir bshad// yang ti nyi zla'i snying po theg pa'i spyi phrad 'di// theg pa'i gong brgal rdzogs chen gnya' gcog yin// nyi zla'i snying po theg dgu zod rgal 'di// 'di go kun go'i chos su bshad// 'di rtogs kun rtogs chos su bshad// 'di shes kun shes chos su bshad// 'di gsal kun gsal chos su bshad// 'di bcangs kun yod chos su bshad// 'dir zhugs kun gyi sgor bzhugs yin// 'di bris chos kun bris par

  374. 187b

    bshad// ci'i phyir zhe na chos rnams kun gyi rtsa ba'i rgyud sde yin// theg pa kun gyi spyi phud rtse rgyal yin// brgyad khri bzhi stong gsal bar ston pa'i nyi zla yin// theg pa kun gyi gter mdzod lde mig yin// btags chag kun gyi zhing sa yin// thams cad bskyed pa'i yab yum mkha' klong b+ha ga yin/ kun gyi sa bon gzhi ma rtsa ba yin// kun gyi rtsa ba gcig rtogs pas// kun la dbang bsgyur thob pa yin// yang ti 'di yis chos rnams gtan la phebs pa'i phyir// bstan pa'i yang snying 'di thos pas// 'di thos gang zhig thos pa'i mchog/ dper na mchog rab rtse nas ri[:]bran thams cad gsal// 'byung chen nam mkhar 'byung ba thams cad gsal// gnam sa gnyis su skye 'gro thams cad gsal// za 'og snam bur dang sna sna tshogs gsal// bsam 'phel nor bur rin chen sna tshogs gsal// dkyil 'khor chen por sa tshon rnam lnga gsal// phyi yi rgya mtshor chu bran sna tshogs gsal// de bzhin chos kun rtsa rgud nyi zla'i snying por gnas// sems kyi btags pa'i chos rnams ril por gsal// a ho nga yi bka' chen 'di lta bu// gzhan nas mi 'byung a la la// rang byung ngo mtshar khyad par can// dug gsum sku gsum yin par bshad// dug lnga sku lnga yin par bshad// ma rig 'od gsal chen

  375. 188a

    por bshad// gti mug ka dag chen por bshad// rnam rtog chos nyid chen por bshad// mtshan ma'i chos rnams gzigs mor bshad// bya btsal med pa'i chos su bshad// rtsol sgrub med pa'i chos su bshad// zhe 'dod med pa'i chos su bshad// lta sgom spyod 'bras med pa'i chos su bshad// dngos grub yid smon med pa'i chos su bshad// sku dang ye shes rang la tshang ba'i chos su bshad// blo zad grub mtha' stongs pa'i chos su bshad// mtshon brjod dmigs las 'das pa'i chos su bshad// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ blo 'das bshad thabs bstan pa'i le'u ste drug pa'o// // de nas gsal dag rin chen gyis// skye med ka dag ston pa la// nyi zla'i snying po yang ti yo ga la// grub mtha'i blos btags yod dam med// ces zhus pas/ ston pas 'khor la bka' stsal pa// grub mtha'i blos btags blo yi yul// blo yi yul la nges pa med// blo yul ma zad sangs mi rgya// de phyir yang ti nyi zla'i snying po'i rtogs pa la// theg pa dgu yi chos mi dgos// 'on kyang yang ti ma rtogs gang zag la// theg pa dgu yi lha bsgom bstan// mu stegs nyan thos rang rgyal dang // sems tsam dbu ma byang sems dang // kri yA yo ga u pa ya// ma hA a nu a ti

  376. 188b

    dgu// de yi grub mtha' blos btags ni// rang rang dkyus na gsal phyir ro// blos btags tha snyad 'dir ma bstan// nyi zla'i snying po rtogs pa la// de rnams blo yin dgos pa med// 'on kyang 'khrul rmongs mi shes blo can la// re zhig tshig gi sgron mes don gyi dper mtshon pa// dngos po'i chos can gcig la ni// mu stegs rtag lta bas ni shes shing rig pa'i ngo bor btags// de yang rdzas su grub par 'dod// rtag 'dod kha dog dbyibs kyi tshad// rang rang lus dang sbyar nas ni// snying dkyil nyung 'bru sran tsam pa// kha dog dkar tsher snum la 'dril// zhes gsungs so// mu stegs chad pa'i lta ba ni// rgyu med 'bras bu med par 'dod// mi shi thal ba rlung khyer bzhin// slar 'tsho ba dag ga la yod// ces gsungs so// nang pa sangs rgyas theg pa ni// chos can gang rung gcig la ni// nyan thos phra rags rdzas su grub par 'dod// bye brag pa ni bskor ba bar dang bcas par 'dod// de yang gzhung las phyi yi yul// yul ni phra rab rdul du snang // zhes gsungs so// rang sangs rgyas kyi 'dod pa ni// rdul min yul gyi rnam pa stong // rnam par rig byed ma yin 'dod// ces gsungs so// sems tsam pa yi 'dod pa ni// rnam bden rnam rdzun rnam gnyis te// sems tsam rnam bden lta ba ni// dkar dmar sna tshogs sems kyi snang bar 'dod// 'jig

  377. 189a

    rten khams ni sems tsam mo// zhes gsungs so// sems tsam rnam rdzun lta ba ni// yul gyi rnam pa med pa ru// rang rig rgyun gyi rtag par 'dod// snga ma snga mas rgyu byas nas// phyi ma phyi ma 'bras bur 'dod// de yang gzhung las kyang // shes pa bden te rnam pa rdzun// mi rnams la ni phyi rol snang // 'jig rten pa la sems tsam mo// sems ni yang dag dngos ma yin// sems tsam du ni ngas bshad do// zhes gsungs so// dbu ma pa yi lta ba ni// sems tsam spyod pa'i dbu ma dang // rnal 'byor spyod pa'i dbu ma'o// de yang rnam par snang ba 'di dag ni// sgyu mar 'dod dang rab tu mi gnas pa// sgyu ma lta bu'i lta ba ni// yul gyi rnam pa mi rtag mi bden sgyu ma'i tshul// chos rnams rmi lam lta bu la sogs pa// sgyu ma'i dpe brgyad bzhin du'o// rnal 'byor spyod pa'i lta ba ni// yul gyi rnam pa gang snang yang // phyogs char bshigs pas gcig ma grub// gcig ma grub pa'i gtan tshigs kyis// mtha' bzhi bral lo stong par gnas// stong pa bco brgyad spros pa'i mtha' brgyad 'das// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ mtshan nyid sde gsum gyi grub mtha' bstan pa'i le'u ste bdun pa'o// // de nas gsal dag rin chen gyis// skye med ka dag ston pa la// phyi

  378. 189b

    rgyud sde gsum theg pa ji ltar lags// ston pas 'khor la bka' stsal pa// kri yA pa yi lta ba ni// yul gyi rnam pa snang ba ni// rigs gsum lha yi sku ru 'dod// mtho dman 'jam rtsub rigs gsum mgon// u pa ya yi theg pa ni// kri yar spyod la yo gar blta// gnyis ka'i rgyud las gzhung tshugs med// yo ga pa yi theg pa ni// phyi yi yul du snang ba de// rigs lnga lha yi snang bar 'dod// skye 'gag gnyis su snang ba la// de yang spun dang grogs po'i tshul// zhes gsungs so// nang rgyud sde gsum theg pa la// ma ha yo ga'i theg pa ni// snang ba thams cad lha dang lha mo'i dkyil 'khor du// phung po lnga ni rigs lnga'i lha ru bsgom// rnam shes tshogs brgyad sems dpa' brgyad// 'byung lnga rigs kyi yum lngar bsgom// gzugs sgra dri ro mchod pa'i lha mo bzhi// yan lag rnam bzhi sgo ma bzhi// sgal tshigs rtsa brgyad dbang phyug ma// phung po khams dang skye mched lha dang lha mo'o// thabs kyi rang bzhin skye rim tshul// shes rab rang bzhin rdzogs rim 'dod// de yang gzhung las// snang ba mi 'gag thabs yin te// rang bzhin med pa shes rab yin// zhes gsungs so// rdzogs pa a nu'i lta ba ni// yul gyi rnam pa chos dbyings gzhal yas khang // snying po dran tsam ma bskyed rdzogs pa'i lha// sa chu me rlung snod bcud bcas// kun kyang ma bskyed

  379. 190a

    yongs rdzogs la// zhes gsungs so// rdzogs chen ya ti'i lta ba ni// chags zhen la sogs yul gyi rnam pa rnams// chos nyid rol pa'i snang bar 'dod// stong gsum 'jig rten de rnams ni// skra gsung thugs kyi rol par shar ba'o// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ gsang sngags theg pa'i grub mtha' phyi rgyud dang nang rgyud bskyed rdzogs gsum bstan pa'i le'u ste brgyad pa'o// // de nas gsal dag rin chen gyis// skye med ka dag ston pa la// gong brgal s+thi ti ji ltar lags// zhes zhus pas/ ston pas 'khor la bka' stsal pa/ e ma ho ngo mtshar khyad par 'phags// theg pa dgu rtse spyi ti yo ga 'di// gzhan nas mi rnyed rang las rnyed// theg mchog ngo mtshar khyad par can// rdzogs chen spyi ti'i lta ba ni// snang srid 'khor 'das ma lus pa// ka dag rten med chen por grol// yin min rtsis gdab med pa'i dgongs pa shar// bya btsal rtsol sgrub med pa ru// zang ka rnal mar gnas pa'o// skye med dngos med 'bras bu blo las 'das// e ma ngo mtshar rmad byung chos// gzhan las mi 'byung a las byung // a la la ho/ ma lus ril por ka dag chen por grol// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal

  380. 190b

    gyi rgyud las/ spyi ti'i theg pa bstan pa'i le'u ste dgu pa'o// // de nas gsal dag rin chen gyis// skye med ka dag ston pa la// de las yang ti gang gis 'phags// zhes zhus pas/ ston pas 'khor la bka' stsal pa/ a ti tra b+h+yo ya thu la d+har+m+ma d+hA tu/ a a tha thi/ yang ti nyi zla'i snying po 'di// lha sgom spyod 'bras bsgrub tu med// gtad med dmigs med so ma blo las grol// snang ba thams cad ming med chen por grol// ka dag skye med dngos po'i chos rnams med// s+thi ti nyid la gang gis 'phags zhe na// snang ba'i rnam pa gang la yang // ming 'dogs med par thig le spyi brtol yin// dag dang ma dag med par gti mug chen por grol// khams gsum sdug bsngal med par 'di ka lta bur grol// sangs rgyas sems can 'gro drug gnas med par// blos btags ming 'dogs med par grol// chos zad blo stor mtshon brjod bsam las 'das par grol// sarba d+harmA b+h+yo ha zla la mu la a// cang med cir snang ming med chen por grol// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ rdzogs chen gnya' gcog spyi ti gong brgal yang ti bstan pa'i le'u ste bcu pa'o// // de nas gsal dag rin chen gyis// skye med ka dag ston pa la// spyi 'das blo bral bstan pa la// bya btsal blo

  381. 191a

    chos mi 'tshal lam// zhes zhus pas/ ston pas 'khor la bka' stsal pa// yang ti nyi zla'i snying po la// bya btsal rtsol sgrub mi dgos te// ma btsos rang sar grol bas mchog/ chos rnams thams cad spros bcad la// lus ngag yid gsum dal bar sdod// spyod lam rnam bzhi cir spyod kyang // spyod bzhin ma chags bde ba'i mchog/ blta mi blta yi lta ba med// lta ba rtsol bas sgrub tu med// bsgom mi bsgom gyi sgom pa med// bsgom pa rtsol bas bsgrub tu med// spyod mi spyod kyi spyod pa med// spyod pa rtsol bas bsgrub tu med// bsgrub mi bsgrub kyi bsgrub tu med// 'bras bu rtsol bas bsgrub tu med// phrin las rtsol bas bsgrub tu med// dam tshig rtsol bas bsrung du med// sa lam rtsol bas bgrod du med// cir snang cir srid lta ba la// lha dang mi lha'i rtsol sgrub med// rig tshad 'grus tshad grol ba las// thun du bcad pas bsgom du med// gang gang snang snang spyod pa las// rtsol bas ched du sprad du med// ka dag 'od gsal dam tshig las// ched du bsrung zhing bsdam du med// sbyang bgrod ye med grol ba las// sa lam sbyangs shing bgrod du med// 'bras bu ye klong mtha' stongs pas// yid smon re dogs rtsol ba med// yang ti nyi zla'i snying po la// zhe 'dod bya rtsol mi byed de// byar med lhug par bzhag pas chog/ ma bcos

  382. 191b

    rnal ma rang sar zhog/ ched du rtsol bsgrub gang yang med// 'gro yin 'gro yin rang sar grol// sdod kyin sdod kyin rang sar grol// nyal kyin nyal kyin rang sar grol// za yin za yin rang sar grol// sdug gin sdug gin rang sar grol// skyed kyin skyed kyin rang sar grol// gang na gnas kyang ma chags rang sar grol// ci la spyod kyang ma zhen rang sar grol// ji skad smras kyang grag stong grol// ci thos gang yang ma nyan grol// gang la reg kyang ma btang ma bzung grol// sgo lnga gsal ba'i shes pa la// yid lnga ma bsgrubs zang thal grol// yid rig 'grus kyang ma bzung grol// skye med 'gag med sna tshogs kyang // sna tshogs skye med klong du grol// dngos med dngos po ji snyed kyang // ngang dngas dngos med klong du grol// cang med cir snang de kar grol// stong pa'i klong nas kun 'byung stong pa dang du grol// rtsa zer rig sems 'od gsal chen por grol// 'gyu ba dran pa blo dang rtog pa yang // ngang dngas rang sangs snying po'i klong du grol// blos btags chos rnams thams cad kyang // ched du dgag bsgrub rtsol bas ma spangs par// ka dag dngos med skye med byar med blo las 'das// gnas lugs snying po tshig chod pa// chos nyid yang dag nges pa ma nor ba// tshig chod chos sku lhun grub zang thal ye nas grol// ye dag ye gsal ye grub ye gnas

  383. 192a

    so// yang ti nyi zla'i snying po la// da gdod bya btsal rtsol sgrub ga la yod// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ spyi 'das yang ti la bya btsal blo chos mi dgos par bstan pa'i le'u ste bcu gcig pa'o// // de nas gsal dag rin chen gyis// skye med ka dag ston pa la// rtsol bsgrub 'das pa'i theg pa la// lha sgom spyod 'bras dgos mi dgos// zhes zhus pas/ ston pas 'khor la bka' stsal pa// yang ti rtsol bsgrub 'das pa las// lta sgom spyod 'bras blo yi yul// blo yi yul las nges pa med// blo yul ma zad sangs rgyas chos mi zad// des na yang ti nyi zla'i snying po la// zhe 'dod lta ba'i sems dang bral// dmigs pa sgom pa'i sems dang bral// bya rtsol spyod pa'i sems dang bral// re dogs 'bras bu'i sems dang bral// thig le mthong brtol sems dang bral// zhe 'dod gza' gtad lta ba med// ka dag 'od gsal bsgom pa la// dmigs gtad yid gzungs bsgom pa med// dngos med byar med rnal ma la// bya btsal med pas spyod pa med// gsang ba'i yang snying blo 'das la// gzhan nas rnyed pa'i sangs rgyas med// ye nas sku gsum lhun grub la// re dogs 'bras bu yongs kyis med// ming med phyogs bral rtogs pas lta ba med// ka

  384. 192b

    dag skye med rtogs pas sgom pa med// dngos med rnal ma rtogs pas bsam du med// so ma lhug pa bag yangs rtogs pas spyod pa med// ye nas rang 'khrungs rtogs pas 'bras bu med// rtag chad blo las grol bas lha sgom med// blo zad nyon mongs ye brlag yid smon sangs rgyas med// yang ti yo ga rtogs pas na// rig med sems med chos rnams med// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti rtsol sgrub 'das pa la lha sgom spyod 'bras mi dgos par bstan pa'i le'u ste bcu gnyis pa'o// // de nas gsal dag rin chen gyis// skye med ka dag ston pa la// theg dgu spang ngam ji ltar bgyi// zhes zhus pas/ ston pas 'khor la bka' stsal pa// yang ti nyi zla'i snying po la// theg dgu spangs pas rdzogs mi 'gyur// theg dgu spangs len med par rdzogs// yul sems gnyis su ma bzung bas// nyan thos lta ba ngang gis rdzogs// rten 'brel rnam par rig med pas// rang rgyal lta ba ngang gis rdzogs// yul sems gnyis med ma bzung bas// sems tsam lta ba ngang gis rdzogs// don dam kun rdzob gnyis med pas// dbu ma'i lta ba ngang gis rdzogs// dag pa rigs gsum mgon med pas// kri ya'i lta ba ngang gis rdzogs// mar spyod yar lha'i sems med

  385. 193a

    pas// u pa'i lta ba ngang gis rdzogs// rigs lnga skye 'gag gnyis med pas// yo ga'i lta ba ngang gi rdzogs// nang rgyud ma hA'i theg pa ni// thabs dang shes rab gnyis med pas// ma hA'i lta ba dang gis rdzogs// dbyings dang ye shes gnyis med pas// a nu'i lta ba ngang gis rdzogs// rig pa 'gyu ba'i shes pa la// rang rgyud med pas zhen med pa// a ti'i lta ba ngang gis rdzogs// chos nyid ka dag chen po la// dag dang ma dag gnyis med pas// s+thi ti'i lta ba ngang gis rdzogs// mkha' klong rnam dag chos nyid snying po la// blos btags chos rnams ma lus yongs su rdzogs// rdzogs chen yang ti yo ga la// spang na dug lnga spang kyang spang len yin// bsgrub na sku gsum bsgrub kyang rtsol bsgrub yin// spang len med pa nyi zla'i snying po yin// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti nyi zla'i snying por theg pa dgu ma spangs ngang gis rdzogs pa'i le'u ste bcu gsum pa'o// // de nas gsal dag rin chen gyis// skye med ka dag ston pa la// dkyil 'khor dbang dang dngos grub la// re bar bya ba'am ye nas rdzogs// zhes zhus pa dang / ston pas 'khor la bka' stsal pa// yang ti nyi zla'i snying po la// 'jug pa'i dkyil 'khor re ba'i dngos grub med// chos nyid byang chub

  386. 193b

    sems kyi dkyil 'khor ni// gdod nas gsal bas 'drir mi re// mkha' klong rnam dag chos dbyings dkyil 'khor na// rang byung snying po'i lha tshogs ngang gis gsal// da gdod mi bskyed ye nas rdzogs pa'i lha// spyan 'dren mchod bstod mi byed ye nas rang la rdzogs// dngos grub gzhan nas mi re rang gi sems la grub// dkyil 'khor gzhan nas mi bri sems la rdzogs// sa tshon dkyil 'khor 'dus byas yin// 'dus byas dkyil 'khor thams cad 'jig/ de phyir rang byung sems kyi dkyil 'khor ni// rang bzhin ngo bo thugs rje gsum// thog ma dang po'i dkyil 'khor yin// 'dod chags zhe sdang gti mug gsum// bde gshegs gsum gyi dkyil 'khor yin// sems can lus ngag yid gsum kyang // sku gsung thugs kyi dkyil 'khor yin// snang srid snod bcud 'jig rten rnams// ma bris 'od gsal dkyil 'khor yin// skye 'gro snang srid sems can rnams// ma skyes yongs rdzogs lha tshogs yin// snang ba sku yi dkyil 'khor yin// sgra grag gsung gi dkyil 'khor yin// dran rtog thugs kyi dkyil 'khor yin// stong gsum 'jig rten ma lus kun// ye gdod ma nyid nas ka dag yin// rang byung 'od gsal chen po de// gsal dag sgrib med dkyil 'khor yin// dkyil 'khor de ltar rdzogs pas bskyed mi

  387. 194a

    dgos// snying po chos dbyings dkyil 'khor la// rang byung skye med gtso bo bzhugs// 'od gsal shar phyogs dkyil 'khor la// ka dag sgrib med lnga tshogs gnas// lho phyogs rang bzhin dkyil 'khor la// rang byung sangs rgyas lha yang bzhugs// nyon mongs rnam rtog nub pa'i nub phyogs na// ngang gsal khye'u chung ye nas ma bskyed bzhugs// blos brtags brgyad khri bzhi stong byang ba'i byang phyogs na// blos brtags mtshan ma grol ba'i lha yang bzhugs// ma bskyed yongs su rdzogs par bzhugs// rigs lnga cha mthun khyad par 'phags// rtsol bsgrub byas nas bzhugs pa ma yin te// ye thog ma nyid nas bzhugs pa yin// ye nas bzhugs pas spyan mi 'dren// gdod nas dag pas sgrib mi sbyang // ka nas dag pas da mi mchod// ye nas bzang bas bstod mi dgos// rang la rang gnas gshegs bzhud med// gong du bshad pa'i don rtogs na// de las mi 'da' dam tshig yin// ka dag skye med don rtogs na// de las mi mda' dam tshig yin// ming med brjod 'das don rtogs na// de las mi 'da' dam tshig yin// dngos med zang thal don rtogs na// de las mi 'da' dam tshig yin// byar med blo 'das don rtogs na// de las mi 'da' dam tshig yin// yang ti nyi zla'i don rtogs na// 'og mar mi spyod dam tshig

  388. 194b

    yin// dam tshig dam tshig ces bya ba// skye med ka dag dam tshig yin// dper na chu dang shel sgong 'dra// phyi nang skyon med ka nas dag/ de la ched du bsrung zhing bsdam du med// dngos grub gzhan nas re ba med// rang gi sems la ye nas grub// dngos grub dngos grub zhes bya ba// dngos ni skye med snying po ste// grub pa ka dag 'od gsal lo// dngos ni dngos med zang thal te// grub ni blo 'das byar med grub// des na dngos grub ces su bshad// gong gi dkyil 'khor nges tshig kyang // dper na ri bo mchog rab dkyil// gling bzhi gling phran 'khor yin no// 'byung ba rim brtsegs dkyil yin la// gling phran bcu gnyis 'khor yin no// de la lcags ri mu khyud bskor// kha dog lnga yi sa tshon ye nas bkod// phyogs bzhi mtshams bzhi sgo bzhi ye nas gnas// snod kyi 'jig rten dkyil 'khor na// bcud kyi sems can lha tshogs yin// rang bzhin lhun grub bud+d+ha'i lha tshogs so// bya btsal rtsol bsgrub med par ye nas rdzogs// dkyil 'khor dkyil 'khor zhes bya na// dkyil ni snying po'i klong yin no// 'khor ni ka dag skye med yin// dkyil ni ye nas gzhi yin te// 'khor ni snang srid 'khor 'das yin// dkyil ni chos kyi dbyings yin te// 'khor ni gsal dag 'od gsal yin// zhes gsungs so// rgyud kyi rtse rgyal nyi zla 'od 'bar

  389. 195a

    mkha' klong rnam dag rgya mtsho klong gsal gyi rgyud las/ yang ti gnas lugs kyi dkyil 'khor bstan pa'i le'u ste bcu bzhi pa'o// // de nas gsal dag rin chen gyis// skye med ka dag ston pa la// dkyil 'khor chen po de ltar na// dbang bskur byin brlab 'tshal mi 'tshal// zhes zhus pas/ ston pas 'khor la bka' stsal pa// rdzogs chen yang ti rtogs pa la// byin brlab dbang skur mi dgos te// rang sems gdod dag skye med nam mkha' la// thig le mthong brtol ka dag nyi zla shar// ma rig las dang nyon mongs ye nas brlag/ de dag 'od gsal chen po'i dbang rdzogs so// snying po 'dus ma byas pa'i dkyil 'khor du// rig gsal dang dngas khye'u chung la// thig le khong gsal bcud bsdus dbang bskur bas// rang grol zang thal dbang thob bo// mkha' klong rnam dag chos dbyings dkyil 'khor du// sems rig dang dngas khye'u chung la// zol byung dang dngas dbang skur bas// rang byung dang dngas dbang thob bo// rin chen gsal dag 'od kyi dkyil 'khor du// rig pa dang dngas kun byed khye'u chung la// bya med rtsol bsgrub 'das pa'i dbang bskur bas// blo zad chos med gting rdzogs mtha' yas dbang thob bo// dbang bskur dbang bskur byar med de// rang sems ka dag ngang la rdzogs pa la// rdzas dang bum pa'i

  390. 195b

    rten med kyang // byar med blo 'das dbang bskur bas// rtsol bral ming med dbang thob bo// dbang ni rang sems skye ba med// bskur ba ka dag chen por bskur// thob ni 'pho 'gyur med par thob// dbang ni nga dngas gsal dag ste// bskur ni dngos med rnal mar bskur// thob ni zang zal rang byung thob// dbang ni stong pa kun tu 'byung // bskur ni 'dzin pa rang dag bskur// thob ni rnam dag ye shes thob// gzhan gyis bskur ba'i mkhan po med// rang gi sems la ye nas rdzogs// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ rdzogs chen yang ti rtogs pa la dbang dang byin brlab gzhan nas re mi dgos par bstan pa'i le'u ste bco lnga pa'o// // de nas gsal dag rin chen gyis// skye med ka dag ston pa la// tshogs dang gtor ma ma btang bar// tshogs bsags smon lam ji ltar rdzogs// zhes zhus so// ston pas 'khor la bka' stsal pa// rdzogs chen yang ti yo ga la// tshogs dang gtor ma mi dgos te// tshogs gsog gtor ma dgos na yang ti min// ci phyir rtsol sgrub yid smon yin// yid smon chos kyis sangs mi rgya// de bas yang ti yo ga la// tshogs dang gtor ma ye nas rdzogs// ye nas rang la rdzogs lugs ni// tshogs ni snang srid 'khor 'das

  391. 196a

    te// phul ni ka dag chen por phul// dgyes ni rang byung skye med dgyes// tshogs ni dug lnga dug gsum ste// phul ni sku lnga sku gsum phul// dgyes pa don dam 'gyur med dgyes// tshogs ni mtshan ma'i rnam rtog ste// phul ni rtsis gdab med par phul// dgyes ni chos dbyings klong chen gyis// gtor ni blos btags chos rnams gtor// ma ni chos nyid rnal ma yin// gtor ba grub mtha'i lta sgom gtor// ma ni lha spyod bsgrub pa med// tshogs gnyis ma bsags ye nas rdzogs// sgrib gnyis ma sbyangs ye nas dag/ tshogs dang gtor ma ma btang bar// ka dag snying po'i klong du gyur// tshogs gsog byas pas der mi sleb// smon lam zhes pa'i rang bzhin kyang // 'dir btab phyi mar mi re'o// smon lam gang yin yid smon te// smon lam zhes pa'i tha tshig yin// smon pa'i sangs rgyas rang la rnyed// de nyid thar lam 'gro ba'i lam// de na smon lam zhes su bshad// ka dag skye med klong gyur pas// smon lam ma btab ye nas rdzogs// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti nyi zla'i snying po la tshogs gtor smon lam mi dgos par bstan pa'i le'u ste bcu drug pa'o// // de nas gsal dag rin chen gyis// skye med ka dag ston pa la/ yang ti nyi zla'i

  392. 196b

    snying po la// gol sgrib 'khrul pa yod dam med// zhes zhus pas/ ston pas 'khor la bka' stsal pa// yang ti nyi zla'i snying po rtogs pa na// gol sgrib 'khrul pa gang yang med// ye nas thog ma'i don rtogs gol du med// skye med ka dag rtogs pas sgrib pa med// bya med blo 'das rtogs pas 'khrul du med// ye shes spyi blugs rtogs pas theg pa'i gol sgrib med// yang ti yo ga rtogs pas na// gol sgrib nyis stong lnga brgya yang // tshig gi gong 'og theg pas gcig tu chod// gol sgrib chod pas 'khrul pa gang yang med// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti nyi zla'i snying po rtogs pa la gol sgrib 'khrul pa med par bstan pa'i le'u ste bcu bdun pa'o// // de nas gsal dag rin chen gyis// skye med ka dag ston pa la// ma rig ye shes yod dam med// 'char sgo 'khrul sgo ci la zer// zhus pas/ ston pas 'khor la bka' stsal pa// yang ti nyi zla'i snying po la// ma rig ye shes gang yang med// dper na nyi zla'i snying po la// mun pa yod par ma gsungs so// de bzhin ka dag ston pa yi// 'od gsal de la ma rig med// bag chags sgrib med 'khrul sgo med// ye dag rang gsal ye shes la// snying po klong du gyur pas 'char sgo med// thig le mthong brtol gsal

  393. 197a

    med la// ma rig yod par ma mthong ngo // ma rig ye shes rnam gnyis kyang // rnam rtog blo la gnyis snang te// yang ti'i don rtogs gnyis ka med// ma rig ye shes tha dad med// ma rtogs rtogs pas lam du gcig/ 'char sgo 'khrul sgo gang yang med// thig le spri brtol rtogs pas na// 'char sgo med la 'khrul sgo med// dper na mtshan mo'i mun nag la// sUR+Ya gsal ba'i nyi shar bas// mun pa ma spangs 'od du gsal// 'od dang mun pa nam mkhar gcig/ de bzhin ma rig sgrib g.yogs la// thig le gsal dag nyi shar bas// ma rig ma spangs ka dag chen por gsal// bag chags sgrib g.yogs 'od gsal chen por gsal// gti mug chos sku rang bzhin gcig/ rgyu rkyen 'pho 'gyur med pa'i don rtogs nas// snying po yang dag ma nor nges pa'i lam// skye med ka dag bya med blo 'das yin// dngos med zang thal ming med don rtogs pas// 'char sgo 'khrul sgo gnyis ka med// de phyir thog mar ye sangs rgyas// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti nyi zla'i snying po rtogs pas ma rig ye shes 'char sgo 'khrul sgo med par bstan pa'i le'u ste bco brgyad pa'o// // de nas gsal dag rin chen gyis// skye med ka dag ston pa la// rtogs dang ma

  394. 197b

    rtogs yod dam med// sangs rgyas sems can co la zer// zhes zhus pas/ ston pas 'khor la bka' stsal pa// yang ti ts+tsha zla'i snying po la// rtogs dang ma rtogs pa skad b+h+r-i// bru~M phral ma bad grol mo thog/ rtogs dang ma rtogs snying po gcig/ ye yin glo bur mngon sangs rgyas// ka dag mi 'bral rtogs pa la// blo yul med kyis ma rtog cig/ rtog mkhan med kyis ma rtog cig/ shes rtogs med kyis ma shes shig/ shes yul med kyis ma shes shig/ shes rgyu med kyis ma shes shig/ shes mkhan med kyis ma shes shig/ gang gi gang rtogs ci zhig rtogs// rtogs na sems de ji ltar 'dug/ shes na gang shes cis ci shes// shes pa'i rgyu ni ci zhig 'dug/ ston pas 'khor la bka' stsal pa// thams cad rtogs pas rtogs rgyu med// cang med ngang dngas chen po yin// tha snyad tsam ste mtshon rgyu med// rtogs pa po ni dngos med grol// shes med kun shes shes rgyu'i dngos po grol// skye med ka dag dngos po'i blo las 'das// tshig gis shes rtogs gang yang yod ma yin/ kun shes kun rtogs gang yang ma btags bzhag/ rten med ka dag 'od gsal blo 'das so// zhes gsungs so// rang grol rang gsal klong gyur pas// sangs rgyas sems can gnyis ka med// stong pa kun 'byung stong par sangs// rang byung rang grol rang sangs rgyas// gti

  395. 198a

    mug mun pa ka dag rgyas// sangs rgyas gzhan na med kyis ma re zhig/ ye yin klong gyur ngo shes pas// sems can 'khor ba med kyis ma dogs shig/ gnyis med gnyis su dbyer med pas// sems can sangs rgyas gnyis med gnyis ka med// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ rtogs ma rtogs sangs rgyas sems can gzhi la dbyer med par bstan pa'i le'u ste bcu dgu pa'o// // de nas gsal dag rin chen gyis// skye med ka dag ston pa la// dge sdig las 'phro yod dam med// mtho ris ngan song ci la zer// zhus pas/ ston pas 'khor la bka' stsal pa// rdzogs chen yang ti yo ga la// dge ba mi bsgrub sdig mi 'gegs// rang sar grol zhing skye med rtogs// dge ba ched du mi byed mtho ris skye ru med// sdig pa ched du mi byed ngan song skye ru med// dge sdig gnyis po ched du ma byas pas// mtho ris ngan song re dogs g.yang sa med// las 'phro mi len 'di ka lta bur grol// ci ste las kyi dbang gyur na// rang byung ye/ shes ga la yod// mtho ris ngan song bla dwags yin// yang dag don la mtho ris ngan song med// skye med ka dag rtogs pa la// ngan song ltung ba'i rgyu yang med// thig le khong gsal don rtogs pas// mtho ris

  396. 198b

    ngan song rgyu yang med// ye yin rang sar grol gyur pas// las 'phro mi len mu mtha' yas// ka dag ming med don rtogs pas// mtho ris ngan song skye ltung med// dge sdig las 'phro'i khar mi 'ong // rgyu rkyen chos la blo mi gtod// dge sdig gnyis la rten mi 'cha'// rgyu 'bras gnyis la rag ma lus// bya rtsol zhe 'dod re dogs med// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti nyi zla'i snying po la dge sdig mtho ris ngan song med par bstan pa'i le'u ste nyi shu pa'o// // de nas gsal dag rin chen gyis// skye med ka dag ston pa la// sangs rgyas bya/ ba yod dam med// dmyal ba bya ba ci la zer// zhus pas/ ston pas 'khor la bka' stsal pa// thig le mthong brtol don rtogs pas// sangs rgyas med pas sangs rgyas ming yang med// rnyed par 'dod pas bskal pa brgyar mi rnyed// sangs rgyas gang yin bla dgas yin// bla dag tshig la sangs rgyas med// sangs rgyas gang yin zhe 'dod yin// zhe 'dod sangs rgyas dgos pa med// sangs rgyas yod 'dod yid smon yin// yid smon sangs rgyas dgos pa med// sangs rgyas med pas sangs la rgyas rgyu med// 'dod pas mi myong re dogs yin// sangs rgyas med kyis ma re cig/ dmyal ba med kyis ma dogs shig/ re dogs

  397. 199a

    gnyis med mtha' chod cig/ ye shes gting rdzogs mthong brtol bas// dmyal bar skye ba'i rgyu med do// dmyal ba'i gnas med ka dag klong // dngos la dmyal ba'i rgyu med pas// dmyal ba me lce'i phreng ba yang // byang chub sems kyi zhing khams yin// 'dod chags sprul pa'i sku ru rdzogs// lha ru skye ba'i g.yang sa bcad// zhe sdang longs spyod rdzogs skur rdzogs// dmyal bar skye ba'i g.yang sa bcad// gti mug chos skur chen por rdzogs// byol song skye ba'i g.yang sa bcad// nga rgyal ngo bo gnyis kyi sku// lha min skye ba'i g.yang sa bcad// phrag dog don dam bde ba'i sku// mi ru skye ba'i g.yang sa bcad// ser sna dbyer med sku ru rdzogs// yi dgas skye ba'i g.yang sa bcad// ka dag ming med blo 'das rtogs// dmyal ba la sogs 'gro drug med// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti nyi zla'i snying po rtogs pa la sangs rgyas dmyal ba med par bstan pa'i le'u ste nyer gcig pa'o// // de nas gsal dag rin chen gyis// skye med ka dag ston pa la// rdzogs chen yang ti yo ga yis// ma bsgrubs 'bras bu ji ltar thob// zhes zhus pa dang / ston pas 'khor la bka' stsal pa// nyi zla'i snying po yang ti la// 'bras bu thob dang ma thob

  398. 199b

    gnyis med kyang // rtsol bas 'bras bu mi 'grub ste// re zhig 'khor la brod pa bskyed phyir bshad// re dogs 'bras bu ngas ma bshad// yid smon 'bras bu ngas ma bshad// zhe 'dod 'bras bu ngas ma bshad// bya btsal 'bras bu ngas ma bshad// tshogs bsags 'bras bu ngas ma bshad// gzhan nas 'bras bu re ba ngas ma bshad// gzhan nas 'bras bu thob pa ngas ma bshad// sngon thog ye nas rang la rang chas ldan// gnyis med klong du ka dag rang grol la// thig le spyi brtol gsang ba'i yang snying bsgrub// stong gsal 'od 'bar klong dkyil du// thig le yang gsang bcud bsdus pas// thig le khong gsal 'bras bu'o// chos nyid gsang ba'i pho brang du// ye shes gting rdzogs ka dag pas// gting mtha' yas pa'i 'bras bu'o// mkha' klong rnam dag dkyil 'khor du// skye med ka dag blo 'das pas// mu mtha' yas pa'i 'bras bu'o// bya btsal rtsol bas ma bsgrubs ma byas pas// yod med dbye bsal med pa ste// ming med chen por rang grol lo// ka dag skye med dngos po med// byar med 'bras bu blo las 'das// bya btsal zhe 'dod ma bsgrubs pas// gsang spyod 'phrul gyi snying po yang snying 'di// rang byung rang grol rang sangs nyid du grol// bde gshegs gsang ba'i snying po'i bcud 'di rtogs// re dogs blo yis ma bsgrubs

  399. 200a

    pas// ye med gting med yod rgyu ci yang med// thig le khong gsal ye shes zang thal lo// stong pa'i klong nas kun 'byung bas// ngang dngas rang sangs rang grol lo// bya btsal rtsol bas ma bsgrubs par// 'di ka rang du grol ba thob// bsgrubs nas gzhan nas thob pa'i 'bras bu min// re zhig 'bras bu'i ming btags gong ltar ro// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ yang ti nyi zla rtogs pas ma bsgrubs 'bras bu thob par bstan pa'i le'u ste nyer gnyis pa'o// // de nas gsal dag rin chen gyis// skye med ka dag ston pa la// rgyud kyi mtshan bshad ji ltar bshad// ces zhus pas/ ston pas 'khor la bka' stsal pa// rgyud gsum rtse rgyal nyi zla'i rgyud du 'dus// rgyud rnams kun gyi rtse mo byung rgyal bas// rgyud sde kun gyi spyi phud rtse rgyal yin// de phyir rgyud kyi rtse rgyal rgyud// nyi zla 'od 'bar rgyud chen dang // mkha' klong rnam dag rgyud chen dang // rgya mtsho klong gsal rgyud chen dang // de gsum rgyud kyi rtse rgyal spyi phud yin// de nas 'khor gyis zhus pa la// nyi zla 'od 'bar rgyud kyis don ni gang zhig bstan// mkha' klong rnam dag rgyud kyis don ni gang zhig bstan// rgya mtsho klong gsal rgyud kyis don ni gang zhig bstan// zhes zhus pas/ ston pas 'khor la

  400. 200b

    bka' stsal pa// nyi zla 'od 'bar rgyud kyis ni// nyi mas gsal ba'i go yang 'byed// snang gsal go 'byed 'od gsal rgyud// snying po ka dag ston pa ste// ye shes gsal dag mtshon pa'i rgyud// 'od chen rab tu 'bar bas ni// gti mug ma rig mun pa sel// bag chags sgrib g.yogs ka dag rgyud// mun pa'i smag rum sangs te rang sar grol// gsal ba'i go 'byed nyi ma'i rgyud// tsan+da zla ba'i rgyud kyis ni// mtha' yi mun sel 'od 'bar rgyud// ma rig mun pa sel ba yin// ma rig ka dag ye shes gsal// rmongs pa'i mun pa sel ba'i rgyud// zla ba'i 'od 'bar ma rig gti mug sangs// nyi ma'i 'od 'bar snang gsal ye shes rgyas// de phyir nyi zla 'od 'bar rgyud// zla ba'i 'od 'bar thabs kyi rgyud// nyi ma'i 'od 'bar shes rab rgyud// de phyir thabs dang shes rab gnyis med rgyud// mkha' klong rnam dag rgyud kyis ni// mkha' ni rig pa'i 'od gsal mkha'// klong ni snying po chos nyid klong // rnam dag 'khrul pa rnam par dag/ de phyir mkha' klong rnam dag rgyud// mkha' ni rtsal zer 'od gsal la// klong ni snying po ka dag klong // rnam dag blo sa btags chos rnams 'gags// de phyir mkha' klong rnam dag rgyud// mkha' ni snang gsal nam mkha' la// klong ni chos nyid dbyings kyi klong // rnam dag chos can cho 'phrul dag/ sprin dang khu rlangs char

  401. 201a

    ser kun// nam mkha'i klong du ye nas dag/ de bzhin snying po mkha' klong du// yan lag rtsal zer ma lus dag/ de phyir mkha' klong rnam dag rgyud chen yin// rgya mtsho klong gsal rgyud kyis ni// blta ba rgya mtsho klong na gsal// bsgom pa rgya mtsho klong na gsal// spyod pa rgya mtsho klong na gsal// 'bras bu rgya mtsho klong na gsal// dam tshig rgya mtsho klong na gsal// sa lam rgya mtsho klong na gsal// man ngag rgya mtsho klong na gsal// rgyud lung rgya mtsho klong na gsal// ye shes rgya mtsho klong na gsal// rgya ni snying po 'gyur ba med// mtsho ni chos nyid yangs pa'i mtsho// klong ni mtshon med brjod las 'das// gsal ni skye med ka nas gsal// de phyir rgya mtsho klong gsal rgyud// rgya mtsho klong gsal bya ba ni// rgya mtsho snying po skye med yin// klong ni chos nyid thig pa'i klong // gsal ni ka dag 'od 'bar gsal// de phyir rgya mtsho klong gsal rgyud// rgya ni gtad med rten med bstan// mtshos ni dmigs med g.yo med bstan// klong ni byar med spros bral bstan// gsal bas ye dag sgrib med bstan// des na rgya mtsho klong gsal rgyud// rgya mtsho skye med ka dag lta ba bstan// klong gis g.yo med rnal ma'i sgom pa bstan// gsal gyis lhug pa bag yangs go bde ba// byar med spros bral spyod pa bstan// rgyud kyi thog ma bar

  402. 201b

    mtha' ru// ye shes rgyun du gnas pa'i phyir// snying po rgyun chad med pa'i rgyud// sngon thog dus nas tha ma ru// skye med rgyun du gnas pa'i phyir// skye med ka dag snying po'i rgyud// gzhi rlung dus nas da lha'i bar// 'od gsal rgyun du gnas pa yis// snang gsal 'od 'bar gsal dag rgyud// ces gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ rgyud kyi mtshan bshad bstan pa'i le'u ste nyer gsum pa'o// // de nas gsal dag rin chen gyis// skye med ka dag ston pa la// rgyud 'di bstan pa'i skal ldan ji lta bu// zhes zhus pas/ ston pas 'khor la bka' stsal pa// dper na seng ge'i 'o ma yang // rin chen gser zor blugs pa las// snod ngan phal du bzhos gyur na// bcud kyang 'bo la snod kyang chag/ de bzhin nyi zla yang ti yang // snod ldan 'ga' la bstan pa las// snod med dag la bstan gyur na// chos kyang shor la rang yang brlag/ des na snod kyi khyad par gces// rgyud 'di bstan pa'i skal ldan ni// smras pa mi 'gyur ri rab lta bu'i blo// snying rje phan sems che zhing dkon mchog mchod// bla ma gtsug khur gdams ngag snying la 'chang // dam tshig gzhung bsrung rnam smin las la 'dzem// rgyud 'jam ngang ring skyo du ba med la gtad// nga rgyal ser sna chung la chos phyogs

  403. 202a

    gtong // rin chen la sogs zang zing nor// chags med ser sna med par gtong // de la yang ti'i rgyud 'di gtad// rang rgyud ngan la grogs mched bslu// dam tshig med la brtse gdung chung // che dga' sdig spyod chags sems can// g.yo sgyu khrel med thabs kyis bslu// logs lta byed cing sgro skur 'debs// slob dpon gsang nas rang che 'byin// g.yo dang thabs kyis man ngag 'brid// lag tu thob/ nas zong du 'tshong // de lta bu yi snod ngan la// yul mkhar ster kyang mi sbyin no// de lta bu la byin gyur na// gnyis bsdong g.yang la lhung ba bzhin// gnyis ka rdo rje dmyal bar 'gro// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud las/ rgyud gtad pa dang snod kyi khyad par bstan pa'i le'u ste nyer bzhi pa'o// // gu ru la bstan pa 'byung ba'i dus ji tsam na lags/ zhus pas/ nga yi yang snying nyi zla 'di/ sku dang gsung gi bstan pa nub// gsang sngags thugs kyi bstan pa dar// lnga brgya dus kyi tha ma la// dus ngan zer zhing spyod ngan byed// rgya bod bye zhing rgyal khrims 'jig/ chos su rdzogs chen dar/ ban+de rnal 'byor dar/ gos su re thul khyi thul dar la lag cha dbyug pa mi mgo dar// da lta sangs rgyas yin zer nyon mongs kha ma bri// zongs su chos 'tshong nyams myong glu ru

  404. 202b

    len// spyod pa bab chol gling kun tho cos 'gengs// man ngag grong bskor rna ba rdzun gyis 'gengs// rnal 'byor zas nor 'dod phyir srang khar sbyang ste rgyu// ri khrod 'grims pa'i lad mo grong rgyu'i rnal 'byor byed// brtul zhugs gsang sngags med par spyod pa tho cos sgra skad 'gengs// de ltar byas pas tshe thung nad kyang mang // mi thub drug po 'byung ba'i dus// bde gshegs byin rlabs mi thub dus// 'byung ba sa yis gser mi thub// mkha' 'gros bcol ba'i gter mi thub// skye 'gros gtad pa'i blo mi thub// nyan thos 'dul ba'i khrims mi thub// btsun mas rang gi lus mi thub// btsun pas mda' rgyag byed pa'i dus// pha spun nang rgyas byed pa'i dus// phyi yi so kha nang du zug/ lan gcig de lta bu yi dus gcig mchi// zhes gsungs so// rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud chen/ rdzogs pa chen po yang ti/ u rgyan gu ru pad+ma dang // lots+tsha ba ska ba dpal brtsegs kyis bsgyur cing zhus te gtan la phab pa'o// // pad+ma gsal ba'i brag phug nang du sbas/ mnga' bdag nying ral pa can dang ske mo zhu yas gnod sbyin 'bar gyis bton/ gter rgya/ gsang rgya/ gtad rgya/ zab rgya/ rgya rgya rgya/ gsang ngo / zab bo// / rgya gar skad du// badz+ra sa twa sha ta a k+Sha ra ka a b+hi She kot+ta ma rA dza tan+t+ra nA

  405. 203a

    ma/ bod skad du// rdo rje sems dpa' yi ge brgya pa dbang mchog rgyal po'i rgyud ces bya ba bcom ldan 'das dpal rdo rje 'chang chen po la phyag tshal lo// 'di skad bdag gis thos pa'i dus gcig na/ de bzhin gshegs pa thams cad 'og min rdo rje'i gnas kyi dang po na bzhugs te/ thugs rdo rje byams pas 'gro ba rnams la gzigs pa dang / byang chub kyi myu gu bskams pa'i sems can rnams gzigs te/ de'i tshe de'i dus na/ phyogs bcu kun nas rgyal ba 'dus// bka' bgros thugs rje'i don bsgo ba// rdo rje sems dpa' rdo rje 'dzin// 'jig rten 'dod khams dam tshig skyon// nyes byas rnam smin rgyu las bzlog/ de'i gnyen po khyod nyid yin// ces bsgo'o// rdo rje 'chang ba rdo rje 'dzin// nyid dang sprul pas 'di skad gsungs// dus la bab bam de bzhin bgyi// nyes byas rnam smin spyad pa ni// ngan song na rag gnas nas drangs// de nas ston pa kun bzang dang // kun rig rnam par snang mdzad rnams// mi g.yo mnyam pa'i ngang la bzhugs// phyogs bcu'i zhing khams de bzhin no// de nas ston pa rdo rje sems// gnas kyi dang po 'og min du// lag na rdo rje rgyal sras 'khor// 'khor ba zugs rje bzung ba'i dus// 'khor ba dong spug 'gyod tshangs gsungs// rgyud mchog rdo rje brgya pa dang // dbang mchog rgyal po'i rgyud 'di

  406. 203b

    gsungs// slob dpon slob mas nyes byas pa'i// gcer bu lus srul na ra ka/ pre ta ka dang tir+ya ka/ rim pa bzhin du don byed de// nr-i dang de ba a su ra// drug gi gnas nas don byed pa'i// dbang mchog rgyal po'i bstan pa 'byung // zhes gsungs so// rdo rje sems dpa' dbang mchog rgyal po'i rgyud las/ gleng gzhi phun sum tshogs pa'i le'u ste dang po'o// // de nas rdo rje sems dpa' dang // sprul pa lag na rdo rje yis// 'jig rten rgyal ba rab 'byams dang // rgyal sras sprul pa 'dus pa rnams// dam tshig rtsa ba nyams pa yi// slob mas slob dpon nyes byas de// 'dul dang 'dren pa'i dus bab bam// 'gro 'dul thugs rjes gzigs lags na// nyes skyon sngon byung ci yi rgyu// zhes mkhyen bzhin du smras pa dang // kun bzang rdo rje rnam snang gis// sprul pa gnyis la bka' stsal pa// rgyal sras 'khor 'dus sngon byung ni// 'jig rten mi mjed zhing sa khams 'dir// bram ze dung gi phreng ba can// rgyal ba rnams la snyen bkur ba'i// rig pa'i gnas la mkhas pa yi// byang chub sems dpa'i rigs can gcig/ bas mtha'i dur khrod gnas na bsgrub// mkhas pa kun gyi seng ger gyur// yul khams skyong ba'i rgyal po'i bus// bslabs sbyangs rig pa rdzogs byas pas// rgyal bu'i gong na bram ze gnas// rgyal bu phrag dog sems ngan

  407. 204a

    skyes// bla ma bram ze sgrub pa la// mkha' 'gro'i tshogs kyis brda' bstan pa// rnal 'byor gser snod dug g.yos pa// dug can snod la 'bros par 'os// nyes skyon lus sems 'bral bar nges// zhes bya'i dam tshig brda' gtong byas// rnal 'byor pa ni bsgom la bzhugs// de nas rgyal bus bram ze bos// myos chang blud nas rngan byas pa// dbang po'i dngas ma mig la yang // lcags kyi thur ma phra mos gtsag/ tshig sgo gsal byed lce yang ni// lcags kyus drangs te spu gris bcad// lus ni rus sbal khrag gis byugs// btsog la sme ba'i bud med kyis// lus la brdzi bcag mnye bar byas// rkang pa'i skyid pa mtshon gyis bcad// lag pa'i sran tsho de bzhin breg/ de lta rngan byas bzhag pa na// bram ze dran pa sangs pa las// mig med smra ru lce yang med// 'gro ba'i rkang med lus stobs bral// 'gul ba'i stobs med bud med brdzis// rus sbal khrag byugs chu bur dang // rkang pa la sogs nad rnams byung // dran pa rang yang rab rib 'dug/ rtabs te bram ze bsam pa la// 'di ltar bdag la 'di byung ba// snga ma'i las kyi rnam smin nam// 'on te gzhan gyi phrag dog gam// mnyam par bzhag ste bltas pa las// rang gi rgyal bus rngan byas mthong // de nas bram ze dmod pa bor// kye ma kye hud rgyal bu khyod// lo dang zla bar

  408. 204b

    bslabs sbyangs nas// rig pa'i gnas la mkhas byas pa'i// lan du 'di 'dra mngan byed pa// khyod ka skye ba gcig 'dir yang // tshe thung nad kyis lus gzir la// sems can srul po gcig tu skyes// dmus long lkugs pa mdze lkog dang // shab kra bal ldag chu bur dang // rkang lag zha 'khums dbul po dang // lus la sha za'i tshang 'char shog/ tshe 'phos nas kyang na rag gnas// kha 'khor sdug bsngal thar med shog/ de las thar nas pre ta ka/ tir+ya ka yi kha 'khor shog/ dus dang tshe rabs thams cad du// 'phags pa'i zhal ni mi mthong zhing // byang chub myu gu sngo bskam shog/ ces dmod pa bor ro// nyes byas dam nyams rgyal po de// de nas tshe ni myur du yang // lus la nad sna mang pos 'phos// rang gi nyes byas rnam smin dang // bram ze'i dmod pa smin lam gyis// sems can lus srul gcer bur skyes// lus la nad sna sna tshogs byung // sha za stong gis tshang yang bcas// byang chub myu gu sngo bskams nas// na rag gnas na sdug bsngal spyod// tsha grang brdung btsog gsheg gtubs las// de bzhin pre ta tir+ya 'khor// rnam smin sdug bsngal de spyod pas// rdo rje sems dpa' rdo rje 'dzin// thugs rje chen po de las drongs// zhes gsungs so// rdo rje sems dpa' yi ge brgya pa dbang mchog rgyal po'i rgyud las/ sngon byung gi rgyu rkyen gtam rgyud kyi

  409. 205a

    le'u ste gnyis pa'o// // de nas rdo rje sems dpa' dang // lag na rdo rje stobs chen gyis// skad mthun chog sgo gcig pa yis// rgyal ba'i tshogs la 'di skad brjod// de ltar 'dul ba'i dus yin na// thabs mchog gang gis drang bar bya// slar gsol pa de bstan du gsol// zhes zhus pa las/ kun bzang rdo rje rnam snang gis// sprul pa nyid la bka' stsal pa// legs so sems dpa' rdo rje 'dzin// mkhyen par gyur kyang zhus pa legs// rig pa 'dzin pa rigs kyi bu// gsang sngags dam tshig nyams pa la// na rag dong nas sprug pa yi// 'gyod tshangs bshags pa'i rgyal po sgrogs// chos nyid don gyi sgron ma theg/ lus ngag yid kyi brtson 'grus phyung // sku gsung thugs kyi tshangs pa thob// ngan song dong spug sku gsum mthong // phyi nang gsang ba'i dbang bskur gyis// rgyud drug gnas nas nges par drongs// ye shes lnga ldan chos sku thob// yul med ming gi sgro 'dogs chod// gsang sngags bla med rdo rje la// thabs mchog bla na med pa bzhugs// nyan thos rang rgyal lta bu min// dper na nyan zos 'dul khrims ni// rdza gsar so ma btang pa 'dra// chag par gyur na gso thabs med// gsang sngags rdo rje theg pa 'di// rin chen gser 'dra rgyu mchog bzang // gser dngul snod 'dra zhoms yang bcos// sngon ma

  410. 205b

    bzhin du legs par sos// de bzhin gsang sngags dam tshig gi// nyams chag byung yang gso thabs yod// sbrang thabs yangs so thabs sgo mang // rnal 'byor spyi khrus ngan song dong sprug brjod// dbang mchog rgyud drug skye sgo chod// yul med sgro 'dogs gnyis med chod// ces lung bstan no// rdo rje sems dpa' yi ge brgya pa dbang mchog rgyal po'i rgyud las/ nyams pa gso thabs lung bstan pa'i le'u ste gsum pa'o// // de nas rdo rje sems dpa' dang // lag na rdo rje 'dzin pa yis// sangs rgyas stong la 'di skad gsol// kye kye rgyal ba rgya mtsho'i tshogs// gsang sngags bla med rdo rje la// dam tshig bsdus rgyas ji ltar lags// bsrung sdom nyams pa ji ltar bskang // zhes mkhyen bzhin du zhus so// rgyal ba 'dus pas bka' stsal pa/ rdo rje sems dpa' rdo rje 'dzin// gsang sngags 'bras bu'i theg pa la// dam tshig rtsa ba rnam pa gsum// sgra dang gsung dang thugs gsum mo// yan lag dam tshig nyi shu lnga// mi spang lnga dang blang ba lnga// shes par bya ba lnga dang ni// spyad bya lnga dang bsgrub bya lnga// gzhan yang nying lag bsam las 'das// 'bum sde la sogs dam tshig kyang // rtsa ba yan lag shes par bya// bsnyen bsgrub rnam bzhi'i sgor zhugs pas// dam tshig de dag bsrung bar bya// slob dpon yi dam slob ma mched// legs par

  411. 206a

    bsrung dang bsrung du med// yan lag nyi shu rtsa lnga yang // rtsa ba'i dam tshig gsum du 'dus// lus ngag yid gsum bag yod bya// chag nyams thams cad gsum las byung // sku gsung thugs kyi lus ngag yid// byin brlab bshags sbyang spang bsgrub dang // rang 'khrungs rdo rje gser nyid do// yid kyi sgo nas chag nyams byung // thugs kyi lta bas bshags par bya// lta ba log pa nyams pa che// yin pa med pa lta ba'i mchog/ yid kyi bshags thabs chen po yin// lus kyi sgo nas chag nyams na// phyag rgya sku yi bsgoms pas bshags// phyogs su 'dzin pa nyams pa che// yengs pa med pa sgom pa'i mchog/ de ni lus kyi bshags thabs yin// ngag gi sgo nas chag nyams na// sngags dang 'don brjod spyod pas bshags// tshul 'chos spang blang nyams pa che// yin min med pa spyod pa'i mchog/ mdzad spyod dag gi shags thabs yin// de ltar dam tshig gsum bshags na// nyi shu rtsa lnga ma byung ma skyes te// yan lag dam tshig bshags su med// ci ste bsrang bya srang byed med// skye med dam tshig shes par gyis// zhes gsungs so// dbang mchog rgyal po'i rgyud las/ dam tshig mtshon pa'i le'u ste bzhi pa'o// // de nas rdo rje sems dpa' dang lag na rdo rje srul po de'i gam du byon nas mnar med nyam zag de la 'di skad

  412. 206b

    ces bsgrags so// na ra ka b+hU ta tsak+Shu pra bai sha ya a a zhes bsgrags pas/ de nas las ngan sems can des// sngon gyi las ngan dran gyur te// sdug bsngal gnong nas 'gyod pa skyes// rdo rje gnyis la ngo skad de// kye ma kye hud kyi hud nongs// 'gro mgon thugs rjes bdag skyobs shig/ thabs mchog rgyal po bsgrag tu gsol// slad nas mi 'chab mi bgyid do// zhes smre sngags phyung ba las/ de nas sangs rgyas rdo rje sems dpas sems can las ngan de'i rna lam du 'gyod tshangs kyi rgyal po na rag dong spug 'di bka' stsal pa/ nyon cig las ngan sems can khyod// 'gyod sems phyung la yid gtod cig/ ngag sgo gsal brjod brkyang phyag 'tshol// zhes gsungs nas 'di brjod do// dus gsum 'jig rten rab 'byams kyi// rgyal ba rgya mtsho rnams la phyag 'tshal lo// chos rnams rnam dag ye nas lhun grub cing // bya ba byed dang yid chos rnam par dag/ kun bzang yab yum gnyis la phyag 'tshal lo// chos sku nam mkha' bzhin du dbyer med kyang // gzugs sku 'ja' tshon bzhin du so sor gsal// thabs dang shes rab mchog la mnga' brnyes pa// rigs lnga bde bar gshegs la phyag 'tshal lo// ngo mtshar pho brang bde bar gshegs pa'i yum// dus gsum rgyal ba thams cad bskyed mdzad ma// rigs lnga'i yum gyur rnams la phyag 'tshal

  413. 207a

    lo// rnam shes dbang po dag pa'i thugs dang gsung // bde bar gshegs pa kun gyi sras mchog ste// sems dpa' chen po brgyad la phyag 'tshal lo// sgeg mo phreng thogs rin chen glu gar can// mkha' mnyam mchod pas rgyal ba rgya mtsho mchod// byang chub lha mo'i tshogs la phyag tshal lo// me tog bdug pa mar me dri chab kyis// rgyal ba rgya mtsho rnams la 'tshod 'bul ma// mchod pa'i lha mo rnams la phyag 'tshal lo// drag shul thabs kyis 'gro ba 'dul mdzad pa// tshad med bzhi ldan sgo bzhi thub par srung // ta kr-ita sgo ba bzhi la phyag 'tshal lo// rtag chad mthar phyin gsang ba yum gyi ngang // lcags kyu zhags pa lcags sgrog dril bu ma// rdo rje sgo ma bzhi la phyag 'tshal lo// steng 'og phyogs bzhi'i 'jig rten 'dul ba'i gtso// nyon mongs drug 'joms rgyud drug dag par sbyong // bcom ldan thub pa drug la phyag 'tshal lo// gsal 'tsher lhun sdug gzi brjid 'od zer 'phro// mnyen lcags 'khrim ldem gzhon tshul zhi ba'i tshogs// rgyal ba bzhi bcu gnyis la phyag 'tshal lo// de ltar gus pas phyag 'tshol zhig/ rang bzhin sku 'phrul lha tshogs la// gang zhig gus pas phyag btsal na// nyams chag kun kyang byang bar 'gyur// zhes gsungs so// dbang mchog rgyal po'i rgyud las/ zhi ba'i le'u ste lnga pa'o// // yang bka' stsal pa//

  414. 207b

    brtson 'grus phyungs shig las ngan sems can khyod// 'di rnams dbang du gsol la phyag/ tshig gsal lus gus mos pas 'tshol// sgyu 'phrul chen po'i dkyil 'khor ni// zhi ba chos nyid ngang las ma g.yos kyang // phrin las mthar phyin thabs mchog khro bo'i tshul// 'bar ba khro bo'i tshogs la phyag 'tshal lo// ho rang rig thabs kyi rgyal po mchog/ sangs rgyas spyi dpal khro bo'i rje// che mchog he ru ka la phyag 'tshal lo// 'jig rten 'das pa'i dus na mngon 'byung ba// gdug pa 'dul phyir dus las mi mda' ba'i// dpa' chen he ru ka la phyag 'tshal lo// rang bzhin dag pa'i dbyings nyid las// dpal 'bar rngam pa'i cha lugs can// khro mo gnam zhal ma la phyag 'tshal lo// khro mo dbang phyug sku la 'khril mdzad cing // mkha' 'gro mi bzad 'bar ba'i sprin 'phro ma// gdug pa 'dul mdzad khro mo rnams la phyag 'tshal lo// bskal pa me ltar 'bar ba'i dkyil 'khor na// ye shes sku mchog 'jigs byed rgyan gyis bzhugs// khro mo chen mo brgyad la phyag 'tshal lo// nam mkha'i lus can gar yang thogs med cing // 'dod dgur bsgyur ba'i gzugs can 'phrul pa mo// phra men chen mo brgyad la phyag 'tshal lo// rdo rje gdong mo pho nya mgyog ma bzhi// shar lho nub byang sgo bzhi thub par srung // sgo skyong khro mo bzhi la phyag 'tshal lo// dpal gyi 'khor

  415. 208a

    tshogs badz+ra a ral+li// mkha' la shugs 'gro ma tshogs dbang phyug ma// rnal 'byor nyi shu brgyad la phyag 'tshal lo// phyogs bcu'i dreg pa bsnol ba'i gdan steng na// ye shes bskal pa me dpung 'bar ba'i klong // bdud 'dul khro bo'i sku la phyag 'tshal lo// khro rgyal sku la gnyis med tshul 'khril ma// pha rol phyin bcu sa lam dge rdzogs ma// 'jigs byed rngam pa'i khro mo bcu la phyag 'tshal lo// dmigs med thabs kyi khro bo'i sku gzugs ston// sku mdog phyag mtshan cing yang sprul zhing bsgyur// rol pa khrag 'thung rnams la phyag 'tshal lo// zhes gsungs so// dbang mchog rgyal po'i rgyud las/ thabs mchog khro bo'i le'u ste drug pa'o// // yang bka' stsal pa/ las ngan sems can khyod/ lus ngag yid gsum brtson 'grus phyung // dkyil 'khor lha rnams dpang gsol la// gus pas dkyil 'khor lha la mthol// dmigs med chos kyi sku la phyag 'tshal lo// longs spyod rdzogs pa'i sku la phyag 'tshal lo// cir yang sprul pa'i sku la phyag 'tshal lo// mi 'gyur rdo rje'i sku la phyag 'tshal lo// mngon par byang chub sku la phyag 'tshal lo// thabs mchog 'jam dpal dmar nag sku la phyag 'tshal lo// skyon med sgra sgrog pad+ma'i gsung la phyag 'tshal lo// nyes pa'i nad sel bdud rtsi sman la phyag 'tshal lo// dus

  416. 208b

    gsum rgyal ba kun gyis bsgrubs pa yi// tshogs gnyis rdzogs nas yon tan mthar phyin pa'i// sku dang ye shes tshogs la phyag 'tshal lo// 'byung ba lnga la mnga' brnyes pa// rtag pa'i rgyal mo lnga la phyag 'tshal lo// rang bzhin dbyings nas grub pa mo// dbyings phyug lnga la phyag 'tshal lo// rgyu 'bras byang chub sems dpa'i sprul pa ste// mkha' 'gro sum cu gnyis la phyag 'tshal lo// ga Na pa ti'i sprul pa ste// ging po rnams la phyag 'tshal lo// lha mo dpal mo'i sprul pa ste// ging mo rnams la phyag 'tshal lo// 'jig rten khams la mnga' mdzad ma// 'jigs byed dpal 'bar ral pa can// 'dod pa'i ro la chags pa mo// ma mo'i tshogs la phyag 'tshal lo// legs nyes ltang 'dzin dam tshig rjes gcod cing // bka' bzhin sgrub pa'i grogs mdzad pa// dam can rgya mtsho'i tshogs la phyag 'tshal lo// zhes gsungs so// dbang mchog rgyal po'i rgyud las/ nongs pa dpang gsol phyag gi skabs las/ dkyil 'khor 'dus pa'i le'u ste bdun pa'o// // bka' stsal pa/ gang gis sgyu 'phrul khro bo yi// dkyil 'khor lha la phyag 'tshal na// nyams chag kun kyang byung 'gyur te// mtshams med lnga yi sdig kyang byung // na rag gnas kyang dong sprugs te// rig 'dzin rgyal ba'i zhing du grags// de skad ces bsgrags pa dang // dmyal ba'i gnas kyi

  417. 209a

    sems can do// dran pa slar ni rnyed par gyur// sdug bsngal skabs de zhi ba las// rdo rje sems dpas 'di skad gsungs// zhing khams rgyal ba rgya mtsho dgongs// dus gsum sangs rgyas thams cad kyi// mtshams med nyes byas rnam smin byang // gsang sngags dam tshig so ru chud// mi dge phal pa smos ci dgos// gang zhig gnad kyis nyen gyur kyang // sdug bsngal de las nges par grol// 'go ba'i nad rims byung ba'i tshe// bdag nyid yi dam gsal ba yis// snying po 'di brjod des mi tshugs// gang zhig ngan sngags mtshon brdeg kyang // snying po 'di brjod rang la ldog/ don gnyer lam 'gro 'di brjod na// 'jigs pa'i dgra las nges par grol// gdon 'jigs bgegs kyis 'tshe ba'i phyir// rig pa 'di brjod gdon de 'jil// sems can gang zhig bu 'dod kyang // rig pa 'di las rabs de zin// nyon mongs dbul zhing phongs pas kyang // snying po 'di brjod rin chen rnyed// gang zhig 'khor sdud 'di brjod na// srid pa gsum yang 'khor du 'du// phrin las rnam bzhi nges par bgrub// nyams sgrib thams cad 'dag byed pa'i// yi ge brgya pa bdag gis brjod// chag nyams thams cad 'di yis bskangs// zhes smras te// ngan song dong nas sprugs pa 'di brjod do// oM AHhUM swA hA/ oM badz+ra satwa sa ma ya/ ma nu pA la ya//

  418. 209b

    badz+ra satwa/ tre no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+him+me pra yats+tsha/ sarba karma su tsa me/ tsit+ta shre ya ku ru hUM/ ha ha ha ha ho/ b+ha ga bAn/ sarba ta thA ga ta badz+ra ma me mra ny+tsa badz+rI b+ha ba/ ma hA sa ma ya sa twa a/ 'di ni dus la bab pa'i tshe// gsum mam bdun nam bcu bzhi'am// nyi shu rtsa gcig brgya rtsa brgyad// lha bsgom gsal bas brjod byas na// chag nyams thams cad bskang bar byed// ngan song gsum las thar bar 'gyur// yid dam dag tu 'di brjod na// dus gsum rgyal ba'i sras su 'gyur// zhes gsungs pas/ las ngan sems can dmyal ba rnams kyis// mgon po sems dpa' a la la ho/ zhes smras so// de nas dus gsum gyi sangs rgyas rnams kyis/ rdo rje sems dpa' la/ thugs kyi yang snying brjod pa khyod/ shin tu legs so// bshags pa'i rgyal po brjod pa legs so legs so// zhes gnang ba byin no// dbang mchog rgyal po'i rgyud las/ yang snying gsang sngags bshags pa'i le'u ste brgyad pa'o// // de nas phyag na rdo rje yis// las ngan sems can de la ni// sngags kyi snod du rung bya'i phyir// dang po sems bskyed dad byas nas// bum pa'i lha yi dbang bskur dang // na raka gnas nas drang ba yi// gsang ba sngags kyi dbang bskur ro// bum pa rdzas dang ldan thogs

  419. 210a

    nas// las ngan de yi gtsug tu bzhag/ rig pa'i tshigs bcad 'di brjod do// hUM/ kun bzang yab yum bum pa na// rgyal bzhi khro'i lha tshogs bzhugs// sems can khyod la dbang bskur bas// na ra ka sdug bsngal bral bar shog/ du da ha da ha sarba na ra ka ga te he hUM hUM phaTaHhUM badz+ra satwa sa ma ya/ ma nu pA la ya/ badz+ra satwa twe no pa tiSh+Tha dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga bAn/ sarba ta thA ga ta// badz+ra mA me muny+tsa/ badz+rI b+ha ba ma hA sa ma ya/ badz+ra satwa a/ hUM badz+ra a b+hi Shiny+tsa hUM zhes dbang bskur bas/ dus der na raka gi gnas de sprugs par 'gyur ro// dbang mchog rgyal po'i rgyud las/ na ra ka dong sbugs kyi le'u ste dgu pa'o// // de nas sems can las ngan de// yi dgas gnas su yang skyes te// phyi nang gnyis ka'i sdug bsngal myong // rnam smin yi dgas chen por gnas// de nas lag na rdo rje yis// yi dgas de yi rtsar phyin nas// las ngan de la 'di skad bsgrags// pre ta ka tsak+Shu pra be sha ya a/ de skad rna bar bsgrags pa yis// sngon gyi las ngan yongs su dran// kye ma kye hud mgon po yis// thugs rjes zungs la bdag skyobs shig/ bdag lus sgrol la bde la 'khod// mgon pos myur du

  420. 210b

    mgon skyabs mdzod// ces gsol ba btab bo// de nas lag na rdo rje yis// rin chen sgrom bu phyag thogs nas// las ngan de yi gtsug tu bzhag/ rig pa'i tshigs bcad 'di brjod do// oM rin chen sgrom bu'i bum pa na// sangs rgyas zhi khro'i lha tshogs bzhugs// sems can khyod la dbang bskur bas// pre ta'i sdug bsngal bral bar shog/ pre pa tsa pa tsa sarba pre ta ka ga te he hUM hUM phaT/ AHpad+ma satwa sa ma ya/ ma nu pA la ya/ bAk+khatA twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ pad+ma shre yaM ku ru hUM hUM/ aM aM/ a a/ hUM ho he/ b+ha ga bAn/ sarba ta thA ga ta/ pad+mA me muny+tsa/ bAg+h+na ba/ ma hA sa ma ya bA ga satwa a/ AM a b+hi Shiny+tsa A/ zhes dbang bskur bas/ dus der yang yi dgas rigs gsum las// rgyu ba gnas pa rnam par smin// phyi nang gnyis ka'i sgrib pa can// yi dgas gnas de nyid las thar// mthong log sdug bsngal las grol lo// dbang mchog rgyal po'i rgyud las/ pre ta dong sbugs kyi le'u ste bcu pa'o// // de nas las ngan sems can de// byol song gnas su yang skyes so// byol song rigs bzhir yod pa las// gor ma rdo yi 'bu ru skyes// sngon gyi yan lag bcad la sogs// de yi rnam par smin las byung // rigs bzhi'i ming la dpag tu med// bsdus

  421. 211a

    pas sum 'bum nyi khri yod// shin tu bsdus pa rigs bzhi yin// de dag kun tu skye ba na// de nas lag na rdo rje yis// sems can de yi gam du byon// las ngan de la 'di skad bsgrags// tir+ya ka tsak+Shu pra be sha ya A/ de skad sems can des zos pas// sngon gyi las ngan de dran nas// kye ma kye hud bdag 'dra zhig/ las kyi rnam smin rang la smin// mgon po thugs rjes bdag sgrol cig/ zhes gsol ba btab pa dang // de nas lag na rdo rje yis// las ngan sems can byol song la// shes rab po ti lag thogs te// las ngan de yi gtsug tu bzhag/ rig pa'i bden tshig 'di brjod do// oM shes rab rigs pa'i po ti 'di// dus gsum sangs rgyas zhi khro'i gsung // sems can khyod la dbang bskur bas// tir+ya'i sdug bsngal grol bar shog/ su ma tha ma tha sarba tiR+Ya ka ga te he tuM hUM phaTaHoM bud+d+ha satwa sa ma ya/ ma nu pA la ya/ bud+d+ha satwa te no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+him+me pra yats+tsha/ sarba karma su tsa me/ karma shre yaM ku ru hAM/ ha ha ha ha ho/ b+ha ga bAn/ sarba ta thA ga ta/ b+hud+d+ha ma me muny+tsA/ bud+d+ha b+hA ba/ ma hA sa ma ya/ bud+d+ha satwa a/ oM a b+hi Shiny+tsA a/ zhes dbang bskur ba dang / yang de'i dus su byol song gi glen lkugs bsad bcad dang / nying sha nying gis za ba las thar te/ 'khor byol song

  422. 211b

    khri sum stong gis bde ba rnyed do// las ngan sems can de yang / rdo rang zhig ste byol song gi mun pa las thar ro// dbang mchog rgyal po'i rgyud las/ tir+ya ka ngan song dong sbugs kyi le'u ste bcu gcig pa'o// // de nas las ngan sems can de// lha min gnas su skyes te yang // 'gro la gnod sems mtho ris 'khrug/ 'thab rtsod las la dga' zhing nad rims gtong // mi dge'i las ngan par gcod gtong / sgra gcan nag po bya bar skyes// lha la khong khro 'khrug pa byed// dpung gi stobs kyis thams cad bred// lha yul dmag 'dren bsam gtan 'khrugs// de nas lag na rdo rje yis// las ngan de la 'di skad bsgrags// a su ra tsak+ShA pra be sha ya a// sgra gcan nag pos de thos nas// sngon gyi las ngan dus der dran// mgon po nyid la ngo dma' zhing // gdung ba'i smre sngags 'di smras so// e ma bdag 'dra'i sems can zhig/ sngon gyi las ngan dus 'dir byung // kye ma kye hud mgon po yis// bdag lus ngan pa bsgral du gsol// sngar byas 'gyod do mthol bshags bsdam// thugs rjes zung la dbang bskur skyoslongs// slad nas byang chub mchog thob mdzod// ces gsol ba yang btab bo// de nas phyag na rdo rje yis// phyag na go mtshon thogs nas ni// las ngan de la dbang bskur bsgral// rig pa'i bden tshig 'di

  423. 212a

    brjod do// hA shes rab don mtshon ral gri dang // bdud kyi mtshon rdug go cha ni// dus gsum sangs rgyas rnams kyi sbyor sgrol te// zhi khro rgyal ba rnams kyi phyag mtshan 'dis// sems can khyod la dbang bskur bsgral// a su ra yi sdug bsngal bral bar bya// tri sarba du ga sarba karma pra be sha hUM phaTaHhA karma satwa sa ma ya/ ma nu pA la ya/ karma satwa/ twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ karma shre yaM ku ru hUM/ ha ha ha ha ho/ b+ha ga wAn/ sarba ta thA ga ta/ karma mA me muny+tsa/ karma b+ha ba/ ma hA sa ma ya karma satwa a/ hA karma a b+hi Shiny+tsa a/ zhes dbang bskur bas lha ma yin gzhan rnams kyang byams pa'i sems rang skyes/ snying rje tshad med pa la gnas so/ 'thab rtsod thams cad dus der zhi'o// sgra gcan nag po dus der lag na rdo rjes bsgral lo// lha ma yin gzhan rnams kyang dga' ba'i sems la gnas te/ skye ba gnyis pa dang gcig pa sha stag tu gyur to// dbang mchog rgyal po'i rgyud las/ sgra gcan nag po'i le'u ste bcu gnyis pa'o// // de nas sngar gyi sems can de// lha yi gnas su skye ba blangs// lha gnas rnam pa gsum las ni// 'dod khams sum cu rtsa gsum gyi// dge ba'i ngang tshul bya bar skyes// lha mo bdun dang lhan cig 'grogs// 'dod yon

  424. 212b

    chags pa can de la// lag na rdo rjes 'di skad bsgrags// de ba tsak+Shu pra be sha ya a/ dge ba'i ngang tshul de thos nas// sngon gyi las ngan skye ba dran// rang gi rgyan bkrol lag na thogs// 'gro mgon nyid la ngo dma' zhing // kye ma kye hud thugs rje che// bdag 'dra rmongs pa'i 'du 'dzi can// dam tshig rtsa ba nyams pa'i skyon// ngan song mtho ris gnas na 'khor// mi 'chab 'thol bshags me tog bzhes// dbang bskur lha yi gnas las sgrol// zhes rang gi rgyan phul lo// de nas lag na rdo rje yis// nga rgyal phrag dog 'joms byed pa'i// pi wang lag tu thogs nas ni// dge ba'i ngang la dbang bskur nas// rig pa'i bden tshig 'di brjod do// a longs spyod 'du 'dzi g.yeng 'joms pa'i// pi wang snyan pa'i don byed 'dis// de ba khyod la dbang bskur bas// skye ba gcig gi las rdzogs shog/ a sarba ta thA ga ta bi d+han+da na khaD+ga ts+tshin d+ha/ sa nyas sa pa/ mnu phal pa/ raHmnyanyan pa/ sa#ma/ raHma@# ha ha ha ho/ b+ha ga bAn/ sarba ta thA ga ta/ rat+na mA me muny+tsu/ rat+na b+ha ba ma hA sa ma ya/ rat+na satwa a/ A a b+hi Shiny+tsa a/ zhes dbang bskur bas/ lha rnams gzhan yang dge ba la brtson 'grus dang ldan par gyur te/ skye

  425. 213a

    ba gcig pa sha stag byung bar gyur to// dge ba'i ngang tshul lha'i 'pho ltung las dus der grol bar gyur to// dbang mchog rgyal po'i rgyud las/ lha'i bu'i le'u ste bcu gsum pa'o// // de nas las ngan sems can de// gling mchog 'dzam gling mi ru skyes// skye ba gcig pa'i byang chub sems// rig 'dzin gsang spyod rnal 'byor te// sngar byas las kun dran pa can// rig pa'i blo can sngon sbyangs stobs// 'gyod sems drag pos dka' thub spyod// 'phags pa bla ma mnyes par byed// gsang bdag lag na rdo rjes kyang // ngan song sbyong ba'i rgyud dbang bskur// bum pa thabs shes gsang tshig gis// dbang mchog bsgrub pa de la bskur// 'gro drug skye sgo gcad pa'i phyir// rang rgyud sbyong ba'i sngags brjod pa// hUM ni bi sha mu tsa la ts+tshin+da ts+tshin+da hUM phaTaHde nas dam tshig nyams pa gso bya'i phyir// bshags pa'i rgyal po yi ge brgya pa bshad// yi dam lha ni gsal byas la// 'phro 'dus 'gyod sbyang tshar bcad bya// rgyal bzhi khro dbang gsol nas// phyag 'tshal mos gus bshags byas la// gsang sngags 'bru brgya'i bshags pa babashad do// hUM badz+ra satwa sa ma ya/ ma nu pA la ya/ badz+ra satwa/ twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM hUM/

  426. 213b

    ha ha ha ha ho/ b+ha ga bAn/ sarba ta thA ga ta/ badz+ra mA me muny+tsa/ badz+rI b+ha ba/ ma hA sa ma ya/ badz+ra satwa a/ hUM badz+ra a b+hi Shiny+tsa a/ oM bud+d+ha a b+hi Shiny+tsa a/ sA rat+na a b+hi Shiny+tsa a/ AM pad+ma a b+hi Shiny+tsa a/ hA karma a b+hi Shiny+tsa a/ zhes phyag mtshan du rin chen par bu dang / gseg shang dang / rdo rje dang / 'khor lo dang / rin po che dang / pad+ma dang / rgya gram dang / ral gri la sogs pas dbang bskur ro// bden pa'i tshigs bcad 'di'o// hUM rin chen par bu'i bum pa na// rgyal ba zhi khro'i lha tshogs bzhugs// rigs kyi bu la dbang bskur bas// lha dbang lus la thob par shog/ hUM gseg shang sil khrol sgra sgrog 'di// thugs rtags zhi khro'i lha'i brda'// rigs kyi bu la dbang bskur bas// a ba d+hA tI'i dbang thob shog/ rdo rje 'khor lo rin chen dang // pad+ma rgya gram thugs kyi rtags// rigs kyi bu la dbang bskur bas// 'khor lo lnga yi lha rdzogs shog/ ces sngags dang ting 'dzin tshigs bcad kyis// rig 'dzin de la dbang bskur bas// lha dbang lus la thob par gyur// rang lus rgyal ba'i skur rdzogs kyang // mya ngan 'das pa'i don ma rtogs// rtog bcas lha yi dbang zhes bya// zhes gsungs so// dbang mchog rgyal po'i rgyud las/ lha dbang lus la bskur ba'i le'u ste bcu bzhi pa'o// // de nas rdo rje 'dzin pa yis// snod ldan skyob bu de la

  427. 214a

    ni// thabs kyi dbang bskur brda' ru bstan// shes rab dbang bskur shes sam bltas// gsang ba'i dbang bskur rang nyams bstan// tshig gi dbang bskur med par bstan// thabs kyi dbang bskur bstan pa ni// phyi nang snod bcud thams cad kyi// snang ba yod med brda' ru bstan// gcig las sna tshogs bsgyur byas pa// snang ba yod med bstan pa yin// shes rab dbang bskur bstan pa ni// sna tshogs bsgyur ba'i ming gis mtshon// ri rab gling bzhi'i dkyil 'khor dang // bum pa sku dang ye shes dang // 'khor lo rin chen pad+ma dang // rgya gram ral gri rtse gsum dang // phur pa mda' dang gzhu dang ni// me long dbyibs dang kha dog tu// bla mas ming du btags pa ni// slob ma'i shes rab lta ba min// dpe yi don de shes na shes rab yin// gsang ba'i dbang bskur bstan pa ni// rang la rang gsang smras pa yin// rang ngo shes na gsang ba thos// gcig ngo shes na thams cad de// mnyam pa nyid ni ngo mtshar che// yod na yod par ye nas mnyam// med na med par ye nas mnyam// bde na bde bar ye nas mnyam// rdzun na rdzun par ye nas mnyam// stongs na stong par ye nas mnyam// dngos na dngos por ye nas mnyam// mnyam pa nyid du shes pa ni// gsang ba'i dbang bskur thob pa yin// tshig gi dbang bskur

  428. 214b

    rang med bstan// nga bdag 'dug na nams kyang 'khor// rang med ro dang bral ba ni// tshig gcig tshig med dbang gi mchog/ nga med bdag med snang ba med// ces gsungs pas/ rig 'dzin dge mthong dang // 'khor du 'dus pa'i las dang po pa rnams dang / theg pa brgyad pa rnams brgyal nas/ sa la 'gyel bar gyur te/ la la ni ngu zhing smre ngag 'don/ la la ni skrag ste sngangs par gyur nas skur pa 'debs/ la la dag mos pa log ste kha na ma tho ba smra/ la la yi chad de byas pa don med pa/ kye ma kye hud gsang bdag rdo rje ma gsungs zhes gleng ngo // yid gnyis pa rnams ni de bas na mu stegs pa bden no zhes smra'o// de nas lag na rdo rjes 'khor de dag yang dag la yid ches par bya ba'i phyir/ bos shing bsdus te 'di skad ces gsungs so// 'dus pa rnams the tshom bcad par bya'o// rdo rje sems dpa'i zhal dang phrad kyis longs shig/ chos sku dang mjal du 'ong ngo zhes gsungs so// 'khor rnams slar 'dus te/ rdo rje sems dpa'i drung du bskor ba dang mchod pa'i tshogs kyis mchod de 'khod do// dbang mchog rgyal po'i rgyud las/ gsang ba chos nyid la yid ma ches pa'i le'u ste bco lnga pa'o// // de nas lag na rdo rje yis// rdo rje 'chang la 'di skad gsol// kye kye rdo rje sems dpa' mchog/ gsang sngags gsang ba mnyam mi

  429. 215a

    mnyam// nga bdag rang dbang yod dam med// chos sku dngos med bden nam rdzun// bag chags ro dang 'bral mi 'bral// zhes zhus pas/ rdo rje sems dpas bka' stsal pa// stobs chen rdo rje'i 'khor kun nyon// chos nyid chos sku'i dgongs mtshan ni// mnyam pa nyid du mkhyen pa min// mnyam pa nyid la gnyis med de// dper na chos can dngos po gcig/ phyi rol ka ba bum pa dang // dper na rdo rje lta bu 'di// ming gis yin nam gzugs kyis yin// mtshon pas yin nam las kyis yin// 'dus pas yin nam 'bral bas yin// mdog gis yin nam dbyibs kyis yin// bsam pas yin nam gang gi/ yin// rdo rje 'dzin pa'i 'khor tshogs kun// rdo rje'i ming gis yin pas na// ming du gang grags rdo rje'am// gzugs kyis rdo rje yin pa na// gzugs su gang snang rdo rje'am// 'dus pas rdo rje yin pa na// sems can thams cad rdo rje'am// mdog gis rdo rje yin pa na// dkar dmar la sogs rdo rje'am// dbyibs kyis rdo rje yin pa na// zlum po la sogs rdo rje'am// bsam pas rdo rje yin pa na// yid smon thams cad rdo rje'am// de ltar rgyu yis yin pa min// rdo rje bya ba gang la zer// nyon cig blo rtog skyes pa rnams// dper na chos can rdo rje 'di// ming gis yin no nges par 'jug/ gzugs kyis yin no

  430. 215b

    sgo nga ral// mtshon pas yin no chos can 'di// las kyis yin no chos bdun ldan// 'dus pas yin no 'bral ba yis// mdog gis yin no zhi rgyas kyis// dbyibs kyis yin no de bzhin no// bsam pas yin/ no chos can dngos// de ltar dgu yis yin pa ste// snang srid thams cad rdo rje yin// rdo rjer ma gyur gang yang med// de ltar rdo rje mtshon pa 'di// yin na yin par ye nas mnyam// min na min par ye nas mnyam// chos can yod na yod par ye nas mnyam// med na med par ye nas mnyam// bden na bden par ye nas mnyam// rdzun na rdzun par ye nas mnyam// stong na stong par ye nas mnyam// dngos na dngos por ye nas mnyam// snang na snang mnyam mnyam pa nyid// mnyam nyid nam mkha' 'dra'o gud na med// dper na gser gzugs chu yi ro// dug mchog ha la 'bar ba dang // sman mchog ga pur dkar po gnyis// sman dang dug tu gnyis ka mnyam// zhes gsungs so// dbang mchog rgyal po'i rgyud las/ chos nyid mnyam pa chos sku'i le'u ste bcu drug pa'o// // de nas lag na rdo rjes 'di skad gsol// kye kye rdo rje sems dpa' che// nga bdag snang ba la sogs yod dam med// chos can snang ba bden nam rdzun// mi dge sdang du yod dam med// zhes zhus pas/ rdo rje sems dpas bka' stsal pa// nyon cig rdo rje 'dzin

  431. 216a

    pa sogs// rang med ro dang phrol cig 'khor tshogs khyed// nga dang snang ba gnyis pa med// nga med nga gcig su la 'dug/ snang med snang ba su la bden// chos can dngos po gang la 'dus// dge dang mi dge mnyam pa nyid// nga med bdag med nga bdag gang // su la nga bdag yod la 'khor// gang zhig the tshom sus za ba// nga bdag tshol cig nga la ltos// btsal kyang 'dun da rung tshol// tshol mkhan tshol cig tshol mkhan med// bltas kyang ma mthong lta mkhan ltos// lta mkhan ltos shig lta mkhan med// dper na chos can rdo rje de// rdo rje dngos po gang gis byed// bum pas byed dam pad+mas byed// steng ras byed dam 'og rus byed// 'dus pas byed dam rdo rje gang // de bzhin nga bdag dngos po yang // lus kyis byed dam sems kyis byed// lus kyis byed na lus po gang // mgo dang rkang lag dbang po dang // don snying nang khrol sha lpags rus// rtsa dang ba spu skra sen gang // des na lus kyi dngos po med// sems kyis byed na gsal stong dang // 'grus dran 'dzin chags dag gis byed// lus sems dngos po 'di zhes pa// rdo rje sems dpa' ngas ma rnyed// mtshon pa tsam du nga zhes bya// ming tsam 'di zhes bstan pa ni/ kun tu bzang pos bstan du med// rdo rje sems dpa' mtshon du med// snang ba med do snang ba gang // snang ba yul

  432. 216b

    gcig su la bden// yul du bden rdzun gcig la ltos// dper na 'byung ba chu lta bur// 'gro drug mu stegs rtag chad dang // rim dgu mthong snang tha dad pa// ming du bden pa gcig kyang med// dper na rgya bod zhang zhung 'dra// ming du bden pa gcig kyang med// ming tsam 'di zhes bstan pa ni// rdo rje sems dpas mtshon du med// snang ba yod med 'khrul ma 'khrul// 'khrul na 'khrul pa bden nam rdzun// bden na 'khrul pa su la bden// 'khrul pa rdzun na de kas med// ma 'khrul pa la snang zer su// zer na zer mkhan 'khrul pa yin// des na chos can dngos po med// yod na dngos po gtan la phob// gtan la phabs nas dngos po gang // dngos por 'dod pa blo phrags can// blo phugs gang ltar byas kyang 'khrul// blo phrags gtib cig skal ldan bu// dge dang sdig pa ye nas mnyam// ci phyir blo phrags grol phyir ro// bzang dge bas gtong du med// sdig pas gnod pa sbrel pa med// ci ste mtshan ma med pas smon pa med// stong pa nyid la phan gnod med// bag chags bzang rtog ngan rtog yin// rtog pas nams kyang 'khor bar byed// 'khor ba'i nang nas khyad par che// dge ba spyod cig rigs kyi bu// bag chags ro dang bral bar gyis// bag chags ro dang ma bral na// 'khor ba'i gzungs thag mi chod do// skye ba'i rten phur phyung re

  433. 217a

    kan// zhes gsungs so// dbang mchog rgyal po'i rgyud las/ rtog pa the tshom gyi gegs bsal bas chos sku'i zhal mthong ba'i le'u ste bcu bdun pa'o// // de nas yang bka' stsal pa// nyon cig rdo rje 'dzin pa'i 'khor// dper na snang ba sna tshogs kyang // sgyu ma'i cho 'phrul ji bzhin no// sgyu ma'i dngos po gang gis byed// sgyu ma rten 'brel skye ba med// dper na skyes bu gnyid log na// rmi lam dge sdig cho 'phrul ni// dngos por snang ba ji bzhin rmi// nyin par bag chags mtshan byung ba// de la dngos po yod dam med// dper na gong gi rmi lam na// skyes bu mtshon thogs mang po yis// bdag gsod 'thab mkhon ri la ded// bred sngangs ngal chad shi nyer bros// sad par gyur na de cir snang // de phyir snang ba'i dngos po 'di// ri rab gling bzhi 'byung ba kun// dgra gnyen chags sdang sngags bsngal kun// sgyu ma'am rmi lam ji bzhin no// yod nas mi snang med nas snang // mthong ba'i chos kun yod pa med// med pas yod bzung 'khrul pa yin// 'khrul ba'i dus na yod pa med// kun rdzob tsam du yod zer na/ kun rdzob tsam du su la bden// bden nam bden na 'gro ba kun// thams cad snang ba mthun par rigs// de bas phyogs mthun tsam yang med// dper na dngos po chu lta bur// rigs drug rtag chad theg pa rnams// phyogs

  434. 217b

    mthun tsam yang mi snang phyir// des na med pa snang ba yin// zhes gsungs so// dbang mchog rgyal po'i rgyud las/ snang ba'i gnad bsal ba'i le'u ste bco brgyad pa'o// // de nas lag na rdo rje yis// ston pa la 'di skad ces gsol to// kye kye ston pa rdo rje 'chang // med nas snang ba'i dpe don gsungs// 'khor rnams tshig chen des skrag gnas// yang dag gnas la log lta 'byung // zhes zhus pas// ston pa rdo rje chos sku yis// rdo rje 'dzin la bka' stsal pa// nyon cig 'dus pa'i 'khor tshogs khyod// 'khrul pa'i snang ba sna tshogs 'di// yod nas mi snang med nas snang // dper na sgyu ma'i dpe brgyad 'dra// skyes bu gnyid log rmi lam na// bu dang chung ma nor phyugs kun// shin tu longs spyod sgyid ldan la// go mtshon dmag mang dgra dag gis// bu bsad nor bcom sdug bsngal rmi// skyes bu de yi rmi lam de// yod nas snang ngam med nas snang // sad par gyur nas ji snyam sems// 'khrul pa'i chos de bden nam brdzun// bden na bden par kri le mnyam// brdzun na brdzun par kri le mnyam// de bzhin sgyu ma'i mkhan po yi// sgyu ma'i skyes pa bud med dang // khang khyim rol mo gcan gzan kun// yod nas mi snang med nas snang // sgyu ma shes pas sgyu ma med// sgyu ma bden rdzun sgyu mas shes// de bzhin 'khrul pa'i dngos po 'di// 'khrul

  435. 218a

    pa bden rdzun 'khrul pas shes// sgyu ma'i chos dang kri le mnyam// dngos po 'khrul pas bden pa med// de bzhin sprul pas sprul pa rnams// yod nas mi sprul med nas sprul// sprul pa yin pas yod pa med// de bzhin 'khrul pa'i las rnams kyang // sprul pa nyid dang kri le mnyam// de phyir 'khrul pa zer bas chog/ de bzhin gzugs brnyan chu zla 'dra// krong nge 'dug kyang zla ba med// de bzhin dngos por snang ba 'di// krong nge 'dug ste snang ba med// yod na snang ba mthun nam ci// snang ba gcig la mthun pa med// gzugs brnyan nyid dang kri le mnyam// de bzhin sgra brnyan lta bu ste// yod nas ma btags med nas btags// yod na ming btags gcig par rigs// gcig la ming btags don mthun med// sgra brnyan nyid dang kri le mnyam// des na brag cha nyid dang khyad par med// yod pas mi snang med pas snang // dper na dri za'i grong khyer 'dra// krong nge 'dug pa'i dus na med// snang ba rang gis med pa yin// med na sems kyi cho 'phrul ltos// sgyu ma'i chos nyid mthong na lta ba yin// mthong med mthong na yin pa med// lta ba yin pa med pa yin// ces gsungs so// dbang mchog rgyal po'i rgyud las/ sgyu ma'i chos bdun gyi snang ba med par thag bcad pas blta ba rtogs pa'i le'u ste bcu dgu pa'o// // de nas yang

  436. 218b

    bka' stsal pa// rdo rje 'dzin pa'i 'khor 'dus nyon// mthong ngam mthong ngam mthong bar ltos// ma mthong ba ni ci zhig bsgom// dper na dmus long 'ga' dag gis// glang chen rtsal ldan lag noms nas// sna dang mjug ma rkang lag rgyab// dang por gang reg bsgom pa 'dra// de bas mkhas pas legs par ltos// rmi lam ltos shig mthong ba na// rmi lam bsgom pas bsgom pa yin// rmi lam shes nas rmi lam bsgom// sgyu ma mthong nas sgyu ma bsgom// sgyu ma'i gzugs dang sgyu ma'i sgra// sgyu ma'i dri dang sgyu ma'i ro// sgyu ma'i reg dang sgyu ma'i chos// sgyu ma legs par mthong ba na// sgyu ma 'dris pa bsgom pa yin// goms par gyis shig sgyu ma las// sgyu mar spyod shes sgyu ma yin// sgyu ma 'bras med 'bras bu yin// de bzhin rmi lam smig rgyu rnams// de ltar mkhas pas legs par ltos// mthong med mthong na lta ba yin// de dag goms na bsgom pa'o// gnyis med spyod pas spyod pa yin// 'du 'bral med na 'bras bu'o// zhes gsungs so// de nas rig 'dzin rgyal po dge mthong des// sangs rgyas rdo rje sems dpa' dang // mgon po rdo rje 'dzin pa la// 'dzum pa'i mdangs phyung gus btud nas// rgyal ba'i tshogs la 'di skad gsol// drug gi dkyil 'khor gnyis 'dus lhar// bdag dra ma rig dregs pa yis// yang dag nyid la

  437. 219a

    log bltas nas// rtsa ba'i dam tshig nyams pa sogs// mi 'chab mi sbed mthol lo bshags// slan chad bsdam mo dbang mdzod cig/ snga rabs gong du ci bgyis pa// lus ngag yid gsum 'bad rtsol gyis// pha rol phyin drug nyams blangs la// 'gyod tshangs dpang gsol zhi khro'i lhar// lus ngag yid gsum mos nas bshags// byin rlabs sngags mchog brgya pa ni// bdun gsum nyi shu rtsa gcig gam// brgya rtsa brgyad du bshags par bya// smre 'gyod mthol lo gdung ba'i tshig/ brkyang phyag gus byas tshig gis bshags// sems bskyed las brtson 'gro ba'i don// smon lam bkra shis dge ba bshags// thams cad yul med ming bral mthong // rtogs pa mnyam nyid lta bas bshags// e ma bdag gi phung po'i khams dang skye mched rnams// 'dod pa'i yon tan lngar gyur te// phyi nang gsang ba'i mchod par bzhes// ba spu rdul phran re res kyang // 'gro ba'i don rnams byed par shog/ ces phyi nang gsang ba gsum gyi mchod pa phul lo// dbang mchog rgyal po'i rgyud las/ sgyu ma bshags mchod smon lam gyi le'u ste nyi shu pa'o// // de nas 'khor 'dus pa de dag gis// rdo rje sems dpa' dpal mgon lags// rgyud chen 'di yi dpe mtshon ci// gang gi dus su dar bar bgyi// zhes zhus pas/ rdo rje sems dpas

  438. 219b

    bka' stsal pa// nyon cig lag na rdo rje sogs// nga yis rgyud chen rgyal po 'di// dper na nyi mas mun pa 'dra// mun khung sgron me'i rgyud du zung // dper na nad dang sman lta bu// sman mchog rgyal po'i rgyud du zung // dper na rtsi shing me lta bu// bskal pa'i me chen rgyud du zung // dam pa rigs brgya'i lha gsal bas// gsang chen rigs brgya'i rgyud du zung // de nyid rigs lnga'i lhar bsdus nas// yi ge brgya pa'i sngags brjod pas// yi ge brgya pa'i rgyud du zung // nyams chag thams cad 'dis skong pas// bshags pa chen po'i rgyud du zung // 'gro drug gnas nas 'dis drangs pas// 'khor ba dong sbugs rgud du zung // thams cad sgyu mar la zlos pas// sgyu ma mnyam nyid rgyud du zung // snang srid lha dang dkyil 'khor du// bsnyen bsgrub bskyed rdzogs dam tshig sngags// phyag rgya dbang dang rgyud lung dang // 'khor 'das thams cad bltas pas mthong // lta ba dbang mchog rgud du zung // mthong nas bsgom du med pas na// sgom pa dbang mchog rgyud du zung // spyod nas spyad du med spyod pas// spyod pa rgyal po'i rgyud du zung // mthong bas 'du 'bral med mthong bas// 'bras bu dbang mchog rgyud du zung // nyams sgrib thams cad 'dis 'dag pas// dam tshig khrus lung rgyud du zung // 'khor tshogs 'dus pa khyed rnams kyis// dbang mchog rgyal

  439. 220a

    po'i rgyud 'di ni// dus ngan tha ma'i dus dag tu// sngags pas dam tshig mi bsrung bas// las kyi 'bras bu ngan song 'khor// zang zing nor gyis mig brid nas// na rag gnas su 'khor byed pas// de dus nga yis rgyud 'di 'byung // dper na nor bu rin chen 'dra// dbul dang nad dang 'jigs pa med// thar pa'i lam skas byed par nges// dper na mkha' la nyi shar 'dra// mun pa'i smag la gsal ba'i rkyen// nyi zla lta bu rtogs byed nges// dper na me dang shing lta bu// shing nyid me yi grogs su nges// kye ho nam mkha'i mthong na 'byung ba gnas// sa chu me rlung gang yang snang // thams cad nam mkha'i ngang du thim// zhes gsungs nas mi snang bar gyur to// rig 'dzin rgyal po dge mthong la sogs pa'i 'khor rnams kyis mngon par bstod de rjes su yi rang ngo // sprul pa rnams ni mngon par bsdus te/ rdo rje'i sbrul sku la gtad do// yi ge brgya pa dbang mchog rgyal po'i rgyud ces bya ba le'u nyer gcig pa rdzogs so// // dge legs so// // rgya gar skad du/ badz+ra satwa sha tA k+Sha rA ka a b+hi She kot+ta ma hA ra dza tan tra nA ma/ bod skad du/ rdo rje sems dpa'i yi ge brgya pa dbang mchog rgyal po'i rgyud ces bya ba/ bcom ldan 'das dpal rdo rje mtshang chen po la phyag tshal lo// 'di skad bdag gis thos pa'i dus gcig na/ de bzhin

  440. 220b

    gshegs pa thams cad 'og min rdo rje'i gnas kyi dang po na bzhugs te/ chos nyid 'byed pa med pa'i ngang las/ thugs rje byams pa chen pos 'gro ba rnams la gzigs pa dang / byang chub kyi myu gu skams pa'i sems can dag mthong ste/ de'i tshe de'i dus na/ phyogs bcu kun nas rgyal ba thams cad 'dus nas bka' 'gros te thugs rje'i don bgro ba/ kye ma rdo rje sems dpa' rdo rje 'dzin// 'jig rten 'dod khams dam tshig skyon// nyes byas rnam smin rgyu las bzlog/ de yi gnyen po khyod nyid yin// zhes bgro'o// rdo rje 'chang ba rdo rje 'dzin// de nyid sprul pas 'di skad gsungs// dus la bab bam de bzhin du// nyes byas rnam smin la spyod pa'i// ngan song na raka gnas nas 'dren// zhes pa zhal gyis bzhes pa dang // de nas ston pa kun bzang dang // kun rig rnam par snang mdzad sogs// mi g.yo mnyam pa'i ngang la bzhugs// phyogs bcu'i zhing khams de bzhin no// de nas ston pa rdo rje sems// gnas kyi dang po 'og min du// lag na rdo rje rgyal sras 'khod// 'khor ba zugs rjes bzung ba'i dus// 'khor ba dong sdug 'gyod tshangs gsungs// rgyud mchog rdo rje rgyal po dang // dbang mchog rgyal po'i rgyud 'di bstan// slob dpon slob mas nyes byas pa'i// gcer bu lus srul na ra ka/ pre ta ka dang tir+ya ka// rim pa bzhin du

  441. 221a

    don byed de// nr-i dang de wa a su ra// drug gi gnas nas 'dod byed pa'i// dbang mchog rgyal po'i bstan pa 'byung // zhes gsungs so// rdo rje sems dpa'i yi ge brgya pa dbang mchog rgyal po'i rgyud las/ gleng gzhi phun sum tshogs pa'i le'u ste dang po'o// // de nas rdo rje sems dpa' dang // sprul pa lag na rdo rje yis// 'jig rten rgyal ba rab 'byams dang // rgyal sras sprul pa 'dus rnams la// dam tshig rtsa ba nyams pa yi// slob mas slob dpon nyes byas te// 'dul te drang ba'i dus babs sam// gdul byar thugs rjes gzigs pa dang // nyes skyon sngon byung ci yi rgyu// ces pa mkhyen bzhin smras pa dang // kun bzang rdo rje rnam snang gis// sprul pa nyid la bka' stsal pa// rgyal sras 'khor 'dus sngon byung ni// jig rten zhing khams mi mjed 'dir// bram ze dung gi phreng ba can// rgyal ba rnams la bsnyen bkur bas// rig pa'i gnas lnga la mkhas pa// byang chub sems dpa'i rigs can gcig/ bas mtha'i dur khrod gnas na bsgrub// mkhas pa kun gyi seng ger gyur// de lta bu yi slob dpon la// yul khams skyong ba'i rgyal po'i bus// blo sbyong rig pa rdzogs byas nas// rgyal po'i gong na bram ze gnas// rgyal bu phrag dog ngan sems skyes// bla ma bram ze sgrub pa la// mkha' 'gro'i tshogs kyis brda' brtan pa// rnal

  442. 221b

    'byor gser snod ngan dug g.yo// dug can snod la bros par 'os// ma bros nyes skyon lus sems 'bral// ces pa dam tshig brda' bstan yang // rnal 'byor pas ni bsam gtan mdzad// de nas rgyal bus bram ze bos// myos chang blud nas rngan byas pa// dbang po'i dngas ma gsal byed mig/ lcags kyi zur ma phra mos gtsags// tshig sgo gsal byed smra ba'i lce// lcags kyus drangs te spu gris bcad// lus la rus sbal khrag gis byugs// mi gtsang dme ba'i bud med kyis// lus la brdzi bcag nye bar byas// rkang pa'i skyid pa mtshon gyis bcad// lag pa'i sran tsho de bzhin bregs// de ltar rngan byas bzhag pa na// bram ze dran pa sad pa las// mig dbyer mig med lce yang med// 'gro ba'i rkang med lus stobs bral// bud med kyis brdzis 'gul stobs med/ rus sbal khrag byugs chu bur dang // rkang pa la sogs nad rnams byung // dran pa rang yang rab rib 'dug/ rtabs te bram zes bsams pa la// 'di ltar bdag la 'di byung ba// sngon ma'i las kyi rnam smin nam// 'on te gzhan gyis phrag dog byas// mnyam par bzhag ste bltas pa las// rang la rgyal bus rngan byas mthong // de nas bram ze dmod pa bor// kye ma kye hud rgyal bu khyod// lo dang zla bar bslabs sbyangs nas// rig pa'i gnas la mkhas byas pas// lan du 'di ltar

  443. 222a

    rngan byed pa// khyod ka skye ba gcig gis su// sems can srul po gcig tu skyes// tshe thung nad kyis lus gzir ba// dmus long lkugs pa mdze lkog dang // sha bkra bas ldag chu bur dang // rkang lag zha grum dbul po dang // lus la sha zas tshang 'cha' shog/ tshe 'phos nas kyang na ra ka gnas// kha 'khor sdug bsngal thar med shog/ de las thar yang pre ta ka/ tir+ya ka yi kha 'khor shog/ dus dang rabs thams cad du// 'phags pa'i zhal ni mi mthong zhing // byang chub myu gu sngo bskam shog/ ces pa ngan sems dmod pa bor// nyes byas dam nyams rgyal bu de// de nas myur du lus dag la// nad rnams kun phog tshe dus byas// rang gi nyes byas rnam smin dang // bram ze'i dmod pa smon lam gyis// sems can lus srul gcer bur skyes// lus la nad sna sna tshogs byung // sha za stong gi tshang yang bcas// byang chub myu gu sngo bskams nas// na ra ka gnas na sdug bsngal spyod// tsha grang gshegs gtubs la sogs myong // de bzhin pre ta tir+ya 'khor// rnam smin sdug bsngal de spyod pas// rdo rje sems dpa' rdo rje 'dzin// thugs rje chen pos de las drongs// zhes gsungs so// rdo rje sems dpa' yi ge brgya pa dbang mchog rgyal po'i rgyud las/ sngon byung rgyu rkyen gtam rgyud kyi le'u ste gnyis pa'o// // de nas rdo rje

  444. 222b

    sems dpa' dang // lag na rdo rje stobs chen gyis// skad mthun tshig sgo gcig pa yis// rgyal ba'i tshogs la 'di skad pa brjod// de ltar 'dul ba'i dus yin na// thabs mchog gang gis drang bar bya// slar gsol ba de bstan du gsol// ces pa rgyal ba la zhus pas// kun bzang rdo rje rnam snang gis// sprul pa nyid la bka' stsal pa// legs so sems dpa' rdo rje 'dzin// mkhyen par gyur kyang zhus pa legs// rig pa 'dzin pa rigs kyi bu// gsang sngags dam tshig nyams pa la// na ra ka dong nas sprugs pa yis// 'gyod tshangs bshags pa'i rgyal po sgrogs// chos nyid don gyi sgron ma theg/ lus ngag yid gsum brtson 'grus phyung // sku gsung thugs kyi tshangs pa thob// ngan song dong sbugs sku gsum mthong // phyi nang gsang ba'i dbang bskur gyis// rgyud drug gnas nas nges par drongs// ye shes lnga ldan chos sku thob// yul med ming gi sgro 'dogs chod// gsang sngags bla med rdo rje la// thabs mchog bla na med pa bzhugs// nyan thos rang rgyal lta bu min// dper na nyan thos 'dul khrims ni// rdza so ma btang chag pa 'dra// chag par gyur na gso thabs med// gsang sngags rdo rje theg pa ni// rin chen gser 'dra rgyu mchog bzang // gser dngul snod 'dra zhoms kyang bcos// snga ma bzhin du legs par sos// de bzhin

  445. 223a

    gsang sngags dam tshig ni// nyams chag byung yang gso thabs yod// sbyang thabs mang la thabs sgo mang // spyi khrus ngan song dong sbugs mdzod// dbang mchog rgyud drug skye sgo chod// yul med sgo 'dogs gnyis med chod// ces lung bstan to// rdo rje sems dpa' yi ge brgya pa dbang mchog rgyal po'i rgyud las/ nyams pa gso thabs lung bstan pa'i le'u ste gsum pa'o// // de nas rdo rje sems dpa' dang // lag na rdo rje 'dzin pa yis// sangs rgyas kun la 'di skad gsol// kye kye rgyal ba rgya mtsho'i tshogs// gsang sngags bla med rdo rje la// dam tshig bsdus rgyas ji ltar lags// srung sdom nyams pa ji ltar bskang // zhes pa mkhyen bzhin du zhus pas// rgyal ba 'dus pas bka' stsal pa// rdo rje sems dpa' rdo rje 'dzin// gsang sngags 'bras bu'i theg pa la// dam tshig rtsa ba rnam pa gsum// sku dang gsung dang thugs gsum mo// yan lag dam tshig nyi shu lnga// mi spang lnga dang blang ba lnga// sprad bya lnga dang bsgrub bya lnga// gzhan yang nying lag bsam las 'das// 'bum sde la sogs dam tshig kyang // rtsa ba yan lag shes par bya// bsnyen bsgrub rnam bzhi'i sgor zhugs nas// dam tshig de dag bsrung bar bya// legs par bsrung dang bsrung du med// yan lag nyi shu rtsa lnga yang // rtsa ba'i dam tshig gsum du 'dus// lus ngag

  446. 223b

    yid gsum bag yod bya// chag nyams thams cad gsum las 'byung // sku gsung thugs ni lus ngag yid// byin brlab bshags sbyang spang sgrub dang // rang 'khrungs rdo rje gser nyid do// yid kyi sgo nas chag nyams na// thugs kyi lta bas bshags par bya// lta ba log pa nyams pa che// yin pa med pa lta ba'i mchog/ yid kyi bshags thabs chen po yin// lus kyi sgo nas chag nyams na// phyag rgya sku yi bsgom pas bshags// phyogs su 'dzin pa nyams pa che// yengs pa med pa bsgom pa'i mchog/ dge las lus kyi bshags thabs yin// ngag gi sgo nas chag nyams na// sngags dang bzlas brjod spyad pas bshags// tshul chos spang blang nyams pa che// yin min med pa spyod pa'i mchog/ mdzad spyod ngag gi bshags thabs yin// de ltar dam tshig gsum bshags na// nyi shu rtsa lnga bshag pa rnams// thams cad ma byung ma skyes te// yan lag dam tshig bshags su med// ci phyir bsrung bya srung byed med// skye med dam tshig shes par gyis// zhes gsungs so// rdo rje sems dpa' yi ge brgya pa dbang mchog rgyal po'i rgyud las/ dam tshig mtshon pa'i le'u ste bzhi pa'o// // de nas rdo rje sems dpa' dang // lag na rdo rje sems can lus srul po'i de nyid kyi mdun du byon te/ mnar med nyam thag de la 'di skad ces smras so// na ra ka bud+d+ha

  447. 224a

    tsak+ShA a be sha ya a/ zhes bsgrags pas/ de nas las ngan sems can des// sngon gyi las ngan dran gyur te// sdug bsngal gnong nas 'gyod pa skyes// rdo rje nyid la ngo smad de// kye ma kye hud kye hud nongs// thugs rjes 'gro ba bdag la skyobs// thabs mchog rgyal pos bsgral du gsol// slad nas mi 'chab mi bgyid do// zhes gdung ba phyung ba las/ de nas rdo rje sems dpas/ sems can las ngan de yi rna lam du 'gyod tshangs kyi rgyal po na rag dong spug 'di bka' stsal to// nyon cig las ngan sems can khyod// 'gyod sems phyung la yid gtod cig/ ngag sgo gsal brjod brkyang phyag 'tshol// zhes gsungs nas bka' stsal pa// ho dus gsum 'jig rten rab 'byams ma lus kyi// rgyal ba rgya mtsho rnams la phyag 'tshal lo// chos rnams rnam dag ye nas lhun grub cing // bya ba byed dang yid chos rnam par dag/ kun bzang yab yum gnyis la phyag 'tshal lo// chos sku nam mkha' bzhin du dbyer med kyang // gzugs sku 'ja' tshon bzhin du so sor gsal// thabs dang shes rab mchog la mnga' brnyes pa'i// rigs lnga bde bar gshegs la phyag 'tshal lo// ngo mtshar pho brang bde bar gshegs pa'i yum// dus gsum rgyal ba thams cad bskyed mdzad ma// rigs kyi yum gyur rnams la phyag 'tshal lo// rnam shes dbang po dag pas

  448. 224b

    sku gsung thugs// bde bar gshegs pa kun gyi sras mchog ste// sems dpa' chen po brgyad la phyag 'tshal lo// sgeg mo phreng thogs rin chen glu gar can// mkha' mnyam mchod pas rgyal ba rgya mtsho mchod// dbang phyug lha mo'i tshogs la phyag 'tshal lo// me tog bdug spos mar me dri chab kyis// rgyal ba rgya mtsho rnams la mchod 'bul ma// mchod pa'i lha mo rnams la phyag 'tshal lo// drag shul thabs kyis 'gro ba 'dul mdzad pa// tshad med bzhi ldan sgo bzhi thub par srungs// ta kr-ita sgo ba bzhi la phyag 'tshal lo// rtag chad mthar phyin gsang ba yum gyi ngang // lcags kyu zhags pa lcags sgrog dril bu ma// rdo rje sgo ma bzhi la phyag 'tshal lo// steng 'og phyogs bzhi'i 'jig rten 'dul ba'i gtso// nyon mongs drug 'joms rgyud drug dag par sbyang // bcom ldan thub pa rnams la phyag 'tshal lo// gsal mtsher lhun sdug gzi brjid phyogs bcur 'phro// mnyen lcags 'khril ldem gzhon tshul zhi ba'i tshogs// rgyal ba bzhi bcu gnyis la phyag 'tshal lo// rang bzhin sgyu 'phrul zhi ba'i lha rnams la// gang zhig lus ngag gus pas phyag 'tshal na// nyams chag kun kyang ma lus byang bar 'gyur// de bas de la gus par phyag 'tshol zhig/ zhes gsungs so// dbang mchog rgyal po'i rgyud las le'u ste lnga pa'o// // de nas rdo rje sems

  449. 225a

    dpas bka' stsal pa// brtson 'grus phyung zhig las ngan sems can khyod// 'di ltar rgyal ba dbang du gsol la phyag/ lus gus tshig gsal mos gus ldan pas 'tshol// ho/ rang bzhin sku 'phrul chen po'i dkyil 'khor ni// zhi ba chos nyid dang las ma g.yos kyang // phrin las mthar phyin thabs mchog khro bor ston// 'bar ba khro bo'i tshogs la phyag 'tshal lo// ho/ rang rig ye shes thabs kyi rgyal po mchog/ sangs rgyas kun gyi spyi dpal khro bo'i rje// che mchog he ru ka la phyag 'tshal lo// rang bzhin rnam dag chos nyid dbyings gnas pa// yum chen dpal 'bar rngams pa'i cha lugs can// khro mo gnam zhal ma la phyag 'tshal lo// 'jig rten 'das pa'i dus na sngon byung ba'i// gdug pa 'dul phyir dus las mi 'da' ba'i// dpal chen he ru ka la phyag 'tshal lo// khro mo dbang phyug sku la 'khril mdzad cing // mkha' 'gro'i mi bzad 'bar ba'i sprin 'phro ma// gdug pa 'dul mdzad yum la phyag 'tshal lo// phyogs bcu'i dgra bgegs ma lus bsgral ba'i phyir// gdug pa'i tshogs 'joms khro rgyal tshogs su sbrul// ye shes mtshon chas dgra bgegs kun sgrol ba// bdud 'dul khro bo bcu la phyag 'tshal lo// phyogs bzhi'i sgo gcod ye shes bzhi yi dang // gdug pa'i tshogs rnams ma lus 'dul byed pa// phyag rgya bzhi

  450. 225b

    yis 'gugs 'chings sdom zhing gtogs// sgo skyong khro mo bzhi la phyag 'tshal lo// dbang mchog rgyal po'i rgyud las/ khro bo che mchog gi le'u ste drug pa'o// // de nas yang ni sems dpas bka' stsal pa// ho/ khro gtums 'jigs byed dpal chen he ru ka/ dregs pa ru dra 'dul ba'i thabs mnga' ba// khrag 'thung rigs lnga'i tshogs la phya tshal lo// khro mo dbang phyug kro d+hi yum chen lnga// khro rgyal sku la gnyis med dgyes skoslong ma// khrag 'thung yum chen rnams la phyag 'tshal lo// bskal pa me ltar 'bar ba'i klong dkyil nas// ye shes sku mchog 'jigs byed rgyan gyis brgyan// khro mo chen mo brgyad la phyag 'tshal lo// nam mkha'i lus can gar yang thogs med cing // 'dod dgur bsgyur ba'i gzugs can 'phrul mo che// phra men chen mo brgyad la phyag 'tshal lo// rdo rje gdong mo pho nya mgyogs ma bzhi// shar lho nub byang sgo bzhi thub par bsrungs// sgo skyong khro mo bzhi la phyag 'tshal lo// dbang mchog rgyal po'i rgyud las/ yang dag gi le'u ste bdun pa'o// // de nas yang cig sems dpas bka' stsal pa// ho/ mi gnas mi dmigs chos skur dag pa las// bdud 'dul khro bo mchog gi skur bstan pa// thugs rje'i gzi ldan gdug pa thabs kyis 'dul// khro mchog gshin rje'i tshogs la phyag 'tshal lo// chos dbyings skye med ngang las ma g.yos

  451. 226a

    kyang // gdug pa 'dul phyir gshin rje'i sku la sbyor// sbyor sgrol khro mo'i tshogs la phyag 'tshal lo// chos nyid spros bral zhi ba chen po las// gdug pa 'dul phyir khro bo'i skur bstan pa// phyogs skyong gshin rje'i tshogs la phyag 'tshal lo// chos nyid dbyings nas sku bskyed yum gyi tshul// gshin rje'i sku la so sor dgyes par 'khril// phyogs skyong yum gyi tshogs la phyag 'tshal lo// thugs nyid mi rtog yang / dag ye shes kyis// 'khor ba 'jig dang mi gtong dbyings su sgrol// gshin rje'i sgo ma bzhi la phyag tshal lo// zhes gsungs so// dbang mchog rgyal po'i rgyud las/ 'jam dpal gshin rje'i le'u ste brgyad pa'o// // de nas yang cig sems dpas bka' stsal pa// ho/ dbang chen kun 'dus rta 'grin dbang gi lha// shes rab gzi ldan e ka dza TI ma// dbang sdud sras dang bcas la phyag tshal lo// srid gsum sa 'jig rten rab 'byams 'dir// 'jig rten 'das dang ma 'das dbang bsnga phyir// drag po'i tshul gyis ma lus gzir zhing gnon// zil gnon khro bo brgud la phyag 'tshal lo// shes rab sems ma yum gyi gzhal yas 'dir// rang byung ye shes thugs las sku sprul pa// zil gnon khro mo brgyad la phyag 'tshal lo// 'khor ba'i las nyon drag cing rtsub pa la// thabs ldan 'phrul gyi phyag mtshan sna tshogs

  452. 226b

    kyis// 'gro drug gnas nas 'dren pa'i don mdzad pa// ye shes sgo ma bzhi la phyag tshal lo// zhes gsungs so// dbang mchog rgyal po'i rgyud las/ pad+ma dbang gi le'u ste dgu pa'o// // de nas yang cig sems dpas bka' stsal pa// ho/ thabs ldan shes rab gnyis med byang chub sems// phyogs bcu'i khro bo kun gyi 'byung gnas yum// dpal chen yab yum gnyis la phyag 'tshal lo// phrin las rnam bzhis dgra bgegs 'dul mdzad cing // ye shes phur pas thams cad dbyings su 'debs// sras mchog rigs bzhi'i tshogs la phyag 'tshal lo// phyogs bcu'i dregs pa stsol ba'i gdan steng na// hUM dang phaT kyis srid gsum 'khor ba 'jig/ phyogs bcu'i khro bo bcu la phyag 'tshal lo// bde chen dbyings las khro mo'i tshogs su bstan// khro bo'i sku la so sor dgyes par 'khril// pha rol phyin bcu'i sa la bskyed rdzogs sbyor// ye shes khro mo bcu la phya 'tshal lo// 'bar ba'i pho nya mche gshog sprul pa'i tshogs// ci bgyi'i bka' nyan yang sbrul las byed pa// 'jig rten kha lo bsgyur ba'i pho nya mchog/ za byed pa bcu'i tshogs la phyag 'tshal lo// drag po'i las mdzad phra men mgo brnyan can// mi bzad rngam pa za byed mgyogs ma'i tshogs// thugs kyi sprul pas phyag rgya sna tshogs ston// gsod byed ma bcu'i tshogs la phyag 'tshal

  453. 227a

    lo// snying rje ma bral las byed rdzu 'phrul can// thogs med kun tu rgyu ba'i pho nyar bstan// sgo bzhi'i las mdzad rnams la phyag 'tshal lo// dbang mchog rgyal po'i rgyud las/ phrin las phur pa'i le'u ste bcu pa'o// // de nas yang cig thabs sgo bka' stsal pa// chos dbyings yum gyi ngang las sku sprul pa// pha rol phyin drug ye shes drug gi dang // thugs rjes sems can ma lus don la dgongs// dbyings kyis yum drug tshogs la phyag 'tshal lo// dgongs spyod rgya mtsho dpag gi mi longs kyang // thugs rjes sems can ma lus don la dgongs// snying rje'i dbang gis ji ltar 'dul mdzad ma// rje mo bcu bzhi'i tshogs la phyag 'tshal lo// 'gro ba'i don phyir sna tshogs skur ston cing // zhing chen gsar rnying tshogs la longs spyod pas// gnod byed bgegs kyi tshogs dpung 'joms mdzad ma// srid pa ma mo'i tshogs la phyag 'tshal lo// mi srin la sogs dbang phyug nyi shu brgyad/ kun kyang dus las mi 'da' dam tshig can// gdug pa thams cad ma lus 'dul mdzad ma// dbang phyug nyi shu brgyad la phyag 'tshal lo// gdug pa'i dgra bgegs ma lus bsgral ba'i phyir// sku mdog phyag mtshan gcig tu ma nges te// phrin las rnam bzhis bka' yi bstan pa bsrung // bka' nyan las byed tshogs la phyag 'tshal

  454. 227b

    lo// zhes gsungs so// dbang mchog rgyal po'i rgyud las/ ma mo'i le'u ste bcu gcig pa'o// // de nas yang cig thabs sgo bka' stsal pa// gang la gang 'dul de la der bstan nas// so so'i sgrub mchog yi dam rtags 'chang ba// sgrub pa'i rig 'dzin rnams la phyag 'tshal lo// lhun grub phyag rgya rnam smin tshe la dbang // so so'i rigs su rig 'dzin phyag rgya brnyes// rigs kyi rig 'dzin rnams la phyag 'tshal lo// rig 'dzin sa la gnyis med lhun gyis grub// rdo rje 'dzin pa kun gyi ngo bo nyid// rdo rje chos mchog yon tan 'byung ba'i gtso// rdo rje slob dpon rnams la phyag 'tshal lo// zhes gsungs so// dbang mchog rgyud po'i las rig 'dzin rnams kyi le'u ste bcu gnyis pa'o// // de nas yang cig sbyangs thabs bka' stsal pa// dmigs med zabs kyis sna tshogs sku gzugs ston// sku mdog phyag mtshan cir yang sprul zhing bsgyur// sangs rgyas bstan pa bsrung ba'i las mdzad pa// 'jig rten bstan srung rnams la phyag 'tshal lo// rgyal ba'i bstan pa bsrung bar zhal bzhes nas// legs nyes ltangs 'dzin dam tshig rjes gcod cing // bka' bzhin rjes su bsgrub pa'i grogs mdzad pa// dam can rgya mtsho'i tshogs la phyag 'tshal lo// 'jig rten las las grub pa'i dregs pa can// las kyi dbang gis dregs pa'i stobs

  455. 228a

    brnyes shing // dam tshig dbang gis bka' yi bstan pa srung // sngags bdag dam can tshogs la phyag 'tshal lo// zhes gsungs so// dbang mchog rgyal po'i rgyud las bstan srung gi le'u ste bcu gsum pa'o// // de nas yang cig sbyangs thabs bka' stsal pa// las ngan sems can nyes byas khyod// lus ngag yid gsum gus pas brtson 'grus phyung // dkyil 'khor lha tshogs dpang du gsol la mthol// dmigs med chos kyi sku la phyag 'tshal lo// longs spyod rdzogs pa'i sku la phyag 'tshal lo// cir yang sprul pa'i sku la phyag 'tshal lo// mi 'gyur rdo rje'i sku la phyag 'tshal lo// mngon par byang chub sku la phyag 'tshal lo// thugs rjes zhi mdzad lha la phyag 'tshal lo// thabs mchog dmar nag 'jam dpal sku la phyag 'tshal lo// skyon med sgra sgrog pad+ma'i gsung la phyag 'tshal lo// yang dag don ldan khrag 'thung thugs la phyag 'tshal lo// nyes pa'i nad sel bdud rtsi sman la phyag 'tshal lo// phrin las drag po phur pa'i tshogs la phyag 'tshal lo// mkha' 'gro rnam bzhi ma mo'i tshogs la phyag 'tshal lo// sa dang lam rdzogs rig 'dzin tshogs la phyag 'tshal lo// bstan pa bsrung mdzad dam can tshogs la phyag 'tshal lo// dgra bgegs sgrol mdzad sngags bdag tshogs la phyag 'tshal lo// zhes gsungs so// rdo

  456. 228b

    rje sems dpa' yi ge brgya pa dbang mchog rgyal po'i rgyud las/ nongs pa dbang gsol phyag 'tshal rten gyi skabs las/ dkyil 'khor bsdus pa'i le'u ste bcu bzhi pa'o// // rdo rje sems dpas bka' stsal pa// gang gis rgyal bzhi khro yi// dkyil 'khor lha la phyag 'tshal na// nyams chag ma lus lta ci smos// mtshams med lnga yi sdig kyang 'byang // na ra ka gnas kyang dong sprugs te// rig 'dzin rgyal po'i zhing du grags// de skad ces pa bsgrags pa dang // dmyal ba'i gnas kyi sems can rnams// dran pa slar ni rnyed par gyur// sdug bsngal skabs der zhi ba las/ rdo rje sems dpas 'di skad gsungs// zhing khams rgyal ba rgya mtsho dgongs// dus gsum sangs rgyas thams cad kyi// thugs kyi yang snying bdag gis brjod// kun nas byin gyis brlab par mdzod// kye kye ston pa sangs rgyas rnams// dus gsum rgyal ba'i yang snying 'dis// 'tshams med nyes byas rnam smin byang // gsang sngags dam tshig so ru chud// mi dge rnams la smos ci dgos// gang zhig nad kyis nyen gyur kyang // sdug bsngal de las nges par grol// 'gro ba'i nad rims byung ba'i tshe// bdag nyid yi dam gsal ba yis// snying po 'di brjod des mi tshugs// gang zhig ngan sngags mtshon brdeg kyang // snying po 'di brjod rang la bzlog/ don gnyer lam 'gro 'di brjod

  457. 229a

    na// 'jigs pa'i dgra las nges par grol// gdon 'jigs 'gegs kyis 'tshe ba'i tshe// rig pa 'di brjod gdon de 'jil// sems can gang zhig bu 'dod kyang // rig pa 'di bzlas rabs des zin// nyon mongs dbul zhing phongs pas kyang // snying po 'di brjod rin chen rnyed// gang zhig 'khor bsdu 'di brjod na// srid pa gsum yang 'khor du 'du// phrin las rnam bzhi nges par 'grub// nyams sgrib thams cad dag byed pa'i// yi ge brgya pa bdag gis brjod// nyams chag thams cad 'di yis skongs// zhes smras te ngan song dong nas sprugs pa 'di gsungs so// oM AHhUM swA hA/ oM badz+ra satwa sa ma ya/ ma nu pA la ya/ badz+ra satwa te no pa tiSh+Tha/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+ta shre yaM ku ru hAM/ ha ha ha ha hau/ b+ha ga wAn sarba ta thA ga ta badz+ra mA me muny+tsa/ badz+rI b+ha wa ma hA sa ma ya badz+ra satwa a/ 'di ni dus la bab pa'i tshe// gsum mam bdun nam bcu bzhi'am// nyi shu rtsa gcig brgya rtsa brgyad// lha bsgom gsal bas brjod byas na// nyams chags thams cad skong bar byed// ngan song gsum las thar bar 'gyur// yi dam dag tu 'di brjod na// dus gsum rgyal ba'i sras su 'gyur// de nas las ngan sems can dmyal ba pa rnams kyis// mgon

  458. 229b

    po sems can la dgongs pa a la la ho// zhes smras so// de nas dus gsum sangs rgyas rnams kyis rdo rje sems dpa' la gsungs pa/ thugs kyi yang snying brjod pa lags so// zhes ched du brjod de gnang ba byin no// dbang mchog rgyal po'i rgyud las/ yang snying gsang sngags bshad pa'i le'u ste bco lnga pa'o// // de nas badz+ra pA Ni yis// las ngan sems can de la ni// sngags kyi snod du rung ba'i phyir// dang po'i sems bskyed dad byas nas// bum pa lha yi dbang bskur dang // na ra ka gnas nas drangs pa yi// gsang ba'i sngags kyis dbang bskur ro// bum pa rdzas dang ldan thogs nas// las ngan de yi gtsug tu bzhag/ rig pa'i tshigs bcad 'di brjod do// hUM kun bzang yab yum bum pa na// rgyal ba zhi khro'i lha tshogs bzhugs// sems can khyod la dbang bskur bas// na ra ka sdug bsngal bral bar shog/ du da ha da ha sarba na ra ka ga te he tun hUM phaT/ hUM badz+ra satwa sa ma ya/ ma nu pA la ya/ badz+ra satwa twe no pa tiSh+Tha/ dr-i D+ho me b+ha wa/ su toSh+ya b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga wAn/ sarba ta thA ga ta badz+ra ma me muny+tsa/ badz+rI b+ha wa ma hA sa ma ya badz+ra satwa a/ hUM badz+ra a b+hi Shiny+tsa a// zhes dbang bskur bas// dus der na rag gi gnas dong sprug par

  459. 230a

    gyur to// dbang mchog rgyal po'i rgyud las// na rag dong sprug pa'i le'i ste bcu drug pa'o// // de nas sems can las ngan de// yi dwags gnas su yang skyes te// phyi nang gnyis ka'i sdug bsngal myang // rnam smin yi dwags chen por gnas// de nas lag na rdo rje yis// ye dwags de yi rtsar byon nas// las ngan de la 'di skad bsgrags// pre ta ka tsak+Shu pra be sha ya a// de skad rna bar bsgrags pa yis// sngon gyi las ngan yongs su dran// kye ma kye hud mgon po yis// thugs rjes zung la bdag skyobs shig/ bdag lus sgrol la bde la 'khod// mgon pos myur du bdag skyobs shig/ ces pa gsol ba btab pa dang // de nas badz+ra pA Ni yis// rin chen sgrom bu lag thogs nas// las ngan de yi gtsug tu bzhag/ rig pa'i tshigs bcad 'di brjod do// A/ rin chen sgrom gyi bum pa na// rgyal bzhi khro'i lha gas bzhugs// sems can khyod la dbang bskur bas// pre ta'i sdug bsngal bral bar shog pre pa tsa pa tsa/ sarba pre ta ka ga te he tuM hUM phaT/ AHpad+ma sata sa ma ya ma nu pA la ya/ pad+ma sata te no pa tiSh+Tha/ dr-i D+ho me b+hA wa/ su toSh+yo me b+hA wa/ a nu rak+to me b+hA wa/ su poSh+yo me b+hA wa/ sarba sid+d+him+me pra yats+tsha/ sarba karma su tsa me tsit+taM shre yaM ku ru hUM/ AM au a a hAM ha ho/ b+ha ga wAn sarba ta thA ga ta pad+mA mA me muny+tsu/ pad+mA b+hA wa ma hA sa ma ya/

  460. 230b

    pad+ma sata aHpad+ma a b+hi Shiny+tsa a/ zhes dbang bskur bas/ dus der yi dwags rigs gsum la// rgyu ba gnas pa rnam par smin// phyi nang gnyis ka'i sgrib pa can// yi dwags gnas ngan de las thar// mthong log sdug bsngal las grol lo// dbang mchog rgyal po'i rgyud las// pre ta ka dong spug gi le'u ste bcu bdun pa'o// // de nas las ngan sems can de// byol song gnas su yang skyes so// byol song rigs bzhi yod pa las// gor ma rdo yi 'bu ru skyes// sngon gyi las ngan bag chags kyis// de yi rnam par smin pa byung // rigs bzhi'i byol song dpag tu med// bsdus pas sum 'bum nyi khri yod// shin tu bsdus pas rigs bzhi yin// de dag kun tu skyes pa la// de nas lag na rdo rje yis// sems can de yi gam du byon// las ngan de la 'di skad bsgrags// tir+ya ka tsak+tA pra be sha ya AHde skad sems can des thos pas// sngon gyi las ngan de dran nas// kye ma kye hud bdag 'dra sogs// las kyi rnam smin rang la smin// mgon po'i thugs rjes bdag sgrol cig/ zhes gsol ba btab pa dang / de nas badz+ra pA Ni yis// las ngan sems can byol song la// shes rab pu sti lag thogs nas// las ngan de yi gtsug tu bzhag/ rig pa'i bden tshig 'di brjod do// oM shes rab rig pa'i pusti 'di// dus gsum sangs rgyas zhi khro'i

  461. 231a

    gsung // sems can khyod la dbang bskur bas// tir+ya'i sdug bsngal bral bar shog/ su ma tha ma tha sarba tir+ya ka ga te he tu hA hUM phaT/ oM bud+d+ha satwa sa ma ya/ ma nu pa la ya/ bud+d+ha satwa twe no pa tiH/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me tsit+taM shre yaM ku ru hUM/ ha ha ha ha ho/ b+ha ga wAn/ sarba ta thA ga ta bud+d+ha mA me muny+tsa bud+d+ha b+ha wa ma hA sa ma ya/ bud+d+ha sahA aHau a b+hi Shiny+tsa a/ zhes dbang bskur ba dang / yang de'i dus su byol song glen lkugs dang / bsad bcad dang / nying sha nying gis za ba las thar te/ 'khor der byol song khri sum stong bde ba rnyed do// las ngan gyi sems can de yang rdo rang zhig ste// byol song gi mun pa las thar ro// dbang mchog rgyal po'i rgyud las/ tir+ya ka rang grol ngan song dong sbugs kyi le'u ste bco brgyad pa'o// // de nas las ngan sems can des// lha min nas su skyes te yang // 'gro la gnod sems mtho ris 'khrug/ 'thab rtsod las la dga' zhing nad rims gtong // mi dge'i las byed dge la bar chod gtong // sgra gcan nag por bya bar skyes// lha la khong khros 'khrug par byed// dpung gi stobs kyis thams cad bred par byed// lha yul dmag 'dren bsam gtan 'khrugs// de nas lag na rdo rje yang // sems can de yi gnas

  462. 231b

    su byon// las ngan de la 'di skad bsgrags// de ba a su ra tsak+ShA pra be sha ya a// sgra gcan nag pos de thos pas// sngon gyi las ngan de ru dran// mgon po nyid la ngo dma' zhing // gdung ba'i smre sngags 'di skad smras// e ma bdag 'dra'i sems can zhig/ sngon gyi las ngan dag las byung // kye ma kye hud mgon po yis// bdag lus ngan pa bsgral du gsol// sngar byas 'gyod de mthol bshags bsdam// thugs rjes zung la dbang bskur sbyongs// slad nas byang chub mchog thob mdzod// ces gsol ba mang du btab po// de nas phyag na rdo rje yis// phyag na go mtshon thogs nas su// las ngan de la dbang bskur bsgral// rig pa'i bden tshig 'di brjod do// hA/ shes rab don mtshon ral gri dang // bdud kyi mtshon drug go cha 'di// dus gsum sangs rgyas rnams kyi sbyor sgrol te// zhi khro rgyal ba rnams kyi phyag mtshan 'dis// sems can khyod la dbang bskur bsgral// a su ra yi sdug bsngal bral bar shog/ tri sarba du kha sarba karma pra be sha hUM phaT/ ha karma satwa sa ma ya/ ma nu pA la ya/ karma satwa tre no pa tiH/ dre D+ho me b+ha la/ su toSh+Tha me b+ha la/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha// sarba karma su tsa me/ karma shre yaM ku ru hUM/ ha ha ha ha ho/ b+ha ga wAn/ sarba ta thA ga ta/ karma mA me muny+tsA/ karma b+ha wa/ ma hA sa ma ya/ karma satwa a/ hA a bi

  463. 232a

    Shiny+tsa aHzhes dbang bskur bas lha ma yin gzhan rnams kyang byams pa'i sems skyes te/ snying rje tshad med pa la gnas so// 'thab rtsod thams cad dus der rang zhi'o// sgra gcan nag po de badz+ra pA cis bsgral lo// lha ma yin gzhan rnams kyang dge ba'i sems la gnas te/ skye ba gnyis pa dang gsum pa sha stag tu gyur to// dbang mchog rgyal po'i rgyud las/ sgra gcan nag po bsgral ba'i le'u ste bcu dgu pa'o// // de nas sngar gyi sems can des// lha yi gnas su skye ba blangs// lha gnas rnam pa gsum las ni// 'dod khams sum bcu rtsa gsum gyi// dge ba'i ngang tshul bya bar skyes// lha mo bdun dang ldan cig 'grogs// 'dod yon chags pa can de la// badz+ra pA Nis 'di skad bsgrags// de wa tsa k+Sha pra be sha ya aHdge ba'i ngang tshul de thos nas// sngon gyi las ngan skye ba dran// rang gi rgyan bkrol thogs nas ni// 'gro mgon nyid la ngo dma' zhing // kye ma kye hud thugs rje che// bdag 'dra rmongs pa 'du 'dzi can// dam tshig rtsa ba nyams pa'i skyon// ngan song mtho ris gnas na 'khod// mi 'chab mthol bshags me tog bzhes// dbang bskur lha yi gnas nas drongs// zhes gsol rang gi rgyun phul lo// de nas lag na rdo rje yis// nga rgyal phrag dog 'joms byed pa'i// pi wang lag tu thogs nas ni// dge

  464. 232b

    ba'i ngang la dbang bskur nas// rig pa'i bden tshig 'di brjod do// sra/ longs spyod bdud kyi g.yengs 'joms pa'i// pi wang snyan pa'i don byed 'dis// de ba khyod la dbang bskur bas// skye ba gcig gis las rdzogs shog/ a sarba ta thA ga ta bid+han+ma khaD+ga ts+tshin+da ts+tshin+da hUM phaT/ swa rat+na satwa sa ma ya/ ma nu pA la ya/ rat+na satwa te no pa tiSh+Tha/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga wAn/ sarba ta thA ga ta rat+na mA me muny+tsa/ rat+na b+ha wa ma hA sa ma ya/ rat+na satwa a/ sA rat+na a b+hi Shiny+tsa aH/ zhes dbang bskur bas/ lha gzhan mas kyang dge ba la brtson 'grus dang ldan par gyur te/ skye ba gcig pa sha stag du byung bar gyur to// dge ba'i ngang tshul lha yi 'pho ltung las dus der grol bar gyur to/ dbang mchog rgyal po'i rgyud las/ lha yi le'u ste nyi shu pa'o// // de nas las ngan sems can de// gling mchog 'dzam gling mi ru skyes// skye ba gcig pa'i byang chub sems// rig 'dzin gsang spyod rnal 'byor de// sngar byas las kun dran pa can// rig pa'i blo can sngon sbyangs stobs// 'gyod sems drag pos dka' thub spyod// 'phags pa bla ma mnyes par byed// gsang bdag phyag na rdo rjes kyang // ngan song sbyong ba'i rgyud dbang bskur// bum

  465. 233a

    pa thabs shes gsang tshig gis// dbang mchog bsgrub pa de la bskur// 'gro ba'i skye sgo bcad pa'i phyir// rang rgyud sbyong ba'i sngags rjod pa// hUM bi sha mu tsa la tsan d+ha tsan d+ha hUM phaTaHde nas dam tshig nyams pa gso ba'i phyir// bshags pa'i rgyal po brgya pa brjod// yi dam lha ni gsal byas la// 'phro 'dus 'gyod sbyongs tshar bcad bya// rgyal ba zhi khro dpang gsol la// phyag 'tshal mos gus bshags pa bya// gsar sngags 'bru brgya'i bshags pa brjod/ hUM hUM badz+ra satwa sa ma ya/ ma nu pA la ya/ badz+ra satwa twe no pa tiSh+Tha/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga wAn/ sarba ta thA ga ta/ badz+ra mA me muny+tsa/ badz+ri b+ha wa ma hA sa ma ya/ badz+ra satwa a/ hUM badz+ra a b+hi Shiny+tsa aH/ oM b+huSh+Ta a b+hi Shiny+tsa aH/ sA rat+na a b+hi Shiny+tsa aH/ AM pad+ma a b+hi Shiny+tsa aHhA karma a b+hi Shiny+tsa aH/ zhes phyag mtshan du/ rin po che'i par bu dang / gseg shang dang / rdo rje dang / 'khor lo dang / rin po che dang / pad+ma dang / rgya gram dang / dril bu la sogs pas dbang bskur te/ bden pa'i tshigs bcad 'di yang brjod/ hUM rin chen par bu'i bum pa na// rgyal bzhi khro'i lha tshogs bzhugs// rigs kyi bu la dbang bskur bas// lha dbang lus la thob par shog/

  466. 233b

    gseg shang drang srong sgra sgrogs 'di// thugs rtags zhi khro'i lha yi brda'// rigs kyi bu la dbang bskur ro// a ba d+hU tI'i dbang thob shog/ rdo rje 'khor lo rin po che// pad+ma rgya gram thugs kyi rtags// rigs kyi bu la dbang bskur bas// 'khor lo lnga la dbang rdzogs shog/ ces sngags ting 'dzin tshigs bcad kyis// rig 'dzin de la dbang bskur bas// lha dbang lus kyis thob par gyur// rang lus rgyal ba'i skur rdzogs kyang // mya ngan 'das pa'i don ma rtogs// rtog bcas lha yi dbang zhes bya// zhes gsungs so// dbang mchog rgyal po'i rgyud las/ lha dbang bskur ba'i le'u ste nyer gcig pa'o// // de nas rdo rje sems dpa' yis// blo ldan slob bu de la ni// thabs kyi dbang bskur brda' ru bstan// shes rab dbang bskur shes sam blta// gsang ba'i dbang bskur rang nyams bstan// tshig gi dbang bskur med par bstan// thabs kyi dbang bskur bstan pa ni// phyi nang snod bcud thams cad kyi// snang ba yod med brda' ru bstan// gcig las sna tshogs bsgyur byas pas// snang ba yod med bstan pa yin// lha tshogs bskur ba ming gis mtshon// ri rab gling bzhi dkyil 'khor dang // bum pa sku dang rdo rje dang // 'khor lo rin chen pad+ma dang // rgya gram ral gri tse gsum dang // phur bu mda' dang gzhu dang ni// me longs dbyibs dang

  467. 234a

    kha dog tu// bla mas ming btags de la ni// slob ma'i shes rab lta ba min// dpe yi don de shes na shes rab yin// gsang ba'i dbang bskur bstan pa ni// rang la rang gsal bstan pa yin// rang ngo shes na gsang dbang thob/ gcig pa shes na thams cad de// mnyam pa nyid ni ngo mtshar che// yod na yod par ye nas mnyam// med na med par ye nas mnyam// bden na bden par ye nas mnyam// rdzun na rdzun par ye nas mnyam// stong na stong par ye nas mnyam// dngos na dngos por ye nas mnyam// mnyam pa nyid du shes pa ni// gsang ba'i dbang bskur thob pa yin// tshig gi dbang bskur rang med bstan// nga bdag 'dug na nams kyang 'khor// dbang med ro dang bral ba ni// tshig gcig tshig med dbang gi mchog/ nga med bdag med snang ba med// ces gsungs so// rig 'dzin dge mthong dang // 'khor 'dus pa mang po dang / theg pa brgyad po'i las dang po pa rnams brgyal te/ sa la 'gyel bar gyur to// la la ngu zhing smre sngags 'don/ la la ni skrag cing spangs par gyur nas skur pa 'debs/ la la ni mos pa log ste kha na ma tho ba smra/ la la ni yi chad de byas pa la don med pa kye ma kye hud/ gsang bdag rdo rje ma gsung zhig/ ces gleng ngo // yid ma rang ba rnams ni mu stegs pa bden no// zhes rang rang

  468. 234b

    smra'o// de nas lag na rdo rjes 'khor de dag la yid ches par bya ba'i phyir/ bos shing bsdus te 'di skad ces gsungs so// 'dus pa rnams the tshom bcad par bya'o// rdo rje sems dpa'i zhal dang spyod kyis longs shig/ chos kyi sku dang mjal te 'ong ngo // zhes gsungs te/ 'khor rnams slar 'dus te rdo rje sems dpa'i drung du bskor ba dang / phyag dang mchod pa'i tshogs kyis mchod de 'khod do// dbang mchog rgyal po'i rgyud las/ gsang ba'i chos nyid la yid ma ches pa'i le'u ste nyer gnyis pa'o// // de nas badz+ra pA Ni yis// rdo rje 'chang la 'di skad gsol// kye kye rdo rje sems dpa' mchog/ gsang sngags gsang ba mnyam mi mnyam// nga bdag rang snang yod dam med// chos can dngos gcig bden nam rdzun// bag chags re dogs 'bral mi 'bral// zhes zhus pas// rdo rje sems dpas bka' stsal pa// stobs can rdo rje 'khor 'dus nyon// chos nyid chos sku'i dgongs tshad ni// mnyam pa nyid du mkhyen pa yin// mnyam pa nyid la gnyis med de// dper na chos can ngo bo gcig/ phyi rol ka ba bum pa dang // dper na rdo rje lta bu 'di// ming gis yin nam gzugs kyis yin// mtshon pas yin nam las kyis yin// 'dus pas yin nam 'bral bas yin// mdog gis yin nam dbyibs kyis

  469. 235a

    yin// bsam pas yin nam gang gis yin// rdo rje 'dzin pa'i 'khor tshogs kun// ming gis rdo rje yin pas na// ming gi gang grags rdo rje 'am// gzugs kyis rdo rje yin pas na// gzugs su gang snang rdo rje'am// 'dus pas rdo rje yin pa na// sa rdo bong ba rdo rje'am// bral ba'i rdo rje yin pas na// 'dus byas thams cad rdo rje'am// mtshon pas rdo rje yin pas na// dpe bkod thams cad rdo rje'am// las kyis rdo rje yin pas na// sems can thams cad rdo rje'am// mdog gis rdo rje yin pas na// dkar dmar thams cad rdo rje'am// dbyibs kyis rdo rje yin pas na// zlum pa la sogs rdo rje'am// bsam pas rdo rje yin pas na// yid smon thams cad rdo rje'am// de ltar rgyu yis yin pa med// rdo rje bya ba gang la zer// nyon mongs rtogs pa skyes pa rnams// dper na chos can rdo rje 'di// ming gis no nges par 'jug/ gzugs kyis yin no sgo nga ral// mtshon pas yin no chos can 'di// las kyis yin no chos bdun ldan// 'dus pas yin no 'bral ba yin// mdog gis yin no zhi rgyas kyis// dbyibs kyis yin no de bzhin no// bsam pas yin no de bzhin no// de ltar rgyu yis yin pa ste// snang srid thams cad rdo rje yin// rdo rjer ma gyur gang yang med// de ltar rdo rje mtshon pa 'di// yin na

  470. 235b

    ye nas yin par mnyam// chos can ye nas yod par mnyam// med na med par ye nas mnyam// bden na bden par ye nas mnyam// rdzun na rdzun par ye nas mnyam// stong na stong par ye nas mnyam// dngos na dngos por ye nas mnyam// snang na snang bar ye nas mnyam// mnyam nyid mkha' 'dra gud na med// dper na gser gzugs chu yi ro// dug mchog ha la 'bar ba dang // sman mchog ga pur dkar po gnyis// sman dang dug tu ye nas mnyam// zhes gsungs so// dbang mchog rgyal po'i rgyud las/ chos nyid mnyam pa chos sku'i le'u ste nyer gsum pa'o// // de nas yang lag na rdo rjes 'di skad ces gsol to// kye kye rdo rje sems dpa' che// bdag snang log pa yod dam med// chos can snang ba bden nam rdzun// mi dge sdang du yod dam med// ces zhus pas/ rdo rje sems dpas bka' stsal pa// nyon cig rdo rje 'dzin pa sogs// nga med ro dang phrol cig 'khor tshogs khyed// nga dang snang ba gnyis pa med// nga med nga gcig su la 'dug/ snang med snang ba su la bden// chos can dngos po gang na 'dug/ dge dang mi dge mnyam pa nyid// nga med bdag med nga bdag gang // su la nga bdag yod pa 'khor// gang zhig the tshom sus za ba// nga bdag ltos shig nga bdag ltos// btsal kyang 'dug na da rung tshol// tshol mkhan tshol bas

  471. 236a

    tshol mkhan med// bltas kyang ma mthong lta mkhan med// lta mkhan ltos shig lta mkhan med// dper na chos can rdo rje de// de yi dngos po gang gis byed// bum pas byed dam pad+mas byed// steng ras byed dam 'og rus byed// 'dus pas byed dam rdo rje gang // de bzhin nga bdag dngos po de// lus kyis byed dam sems kyis byed// lus kyis byed na dngos po gang // mgo dang rkang lag dbang po dang // don rnying nang khrol sha lpags rus// rtsa dang ba sgra skra sen gang // des na lus kyi dngos po med// sems kyis byed na gsal stong dang // 'gyu dran 'dzin chags gang gis byed// lus sems dngos po 'di zhes pa// rdo rje sems dpa' ngas ma rnyed// mtshon pa tsam du nga zhes bya// ming tsam 'di zhes bstan pa ni// kun tu bzang pos bstan du med// rdo rje sems dpa' mtshon du med// snang ba med dam snang ba gang // snang ba yul gcig su la bden// yul du bden rdzun gcig la ltos// dper na 'byung ba chu lta bur// 'gro drug mu stegs rtag chad dang // rim dgu mthong snang tha dad pas// ming du bden pa gcig kyang med// dper na rgya bod zhang zhung 'dra// ming tsam 'di zhes bstan pa ni// rdo rje sems dpas mtshon du med// snang ba yod med 'khrul ma 'khrul// 'khrul na 'khrul pa bden nam rdzun// 'khrul pa bden na su la

  472. 236b

    bden// 'khrul pa rdzun na de lta med// ma 'khrul pa la snang zer su// zer na zer mkhan 'khrul pa yin// des na chos can dngos po med// yod na dngos po gtan la phob// gtan la phebs na dngos po gang // dngos por 'dod pa blo phugs can// blo phugs gang ltar byas kyang 'khrul// blo phugs gtib dang skal ldan bu// dge dang sdig pa ye nas mnyam// ci phyir blo phugs grol phyir ro// blo bzang dge bas gtong du med// sdig pas gnod pa bskyal ba med// ci ste mtshan ma med pas smon pa med// stong pa nyid la phan gnod med// bag chags bzang rtog ngan rtog yin// rtog pas nams kyang 'khor ba byed// 'khor ba'i nang na khyad par che// dge ba spyod cig rigs kyi bu// bag chags ro dang bral bar gyis// bag chags ro dang ma bral na// 'khor ba'i gzung zag mi chod do// skye ba'i rten phur phyung re kan// zhes gsungs so// dbang mchog rgyal po'i rgyud las/ rtog pa the tshom gyi gegs bsal ba chos sgra zhal mthong gis le'u ste nyer bzhi pa'o// / de nas yang bka' stsal pa/ nyon cig rdo rje 'dzin pa'i 'khor// dper na snang ba sna tshogs kyang // sgyu ma'i cho 'phrul ji bzhin no// sgyu ma'i dngos po gang gi byed// sgyu ma'i rten 'brel ci yis byed// dper na skyes bu gnyid log na// rmi lam dge sdig cho 'phrul

  473. 237a

    ni// dngos por snang ba ji bzhin rmi// nyin par bag chags mtshon pa la// de la dngos po yod dam med// dper na mdang gis rmi lam na// skyes bu mtshon thogs mang po yis// bdag gsod 'thab mkhon ri la ded// bred sngangs ngal chad shi med bros// sad par gyur na de cir snang // de bzhin snang ba'i dngos po 'di// ri rab gling bzhi 'byung ba kun// dgra gnyen chags sdang sdug bsngal kun// sgyu ma rmi lam ji bzhin no// yod nas mi snang med nas snang // mthong snang chos kun yod pa med// med la yod gzugs 'khrul pa yin// 'khrul pa'i dus na yod pa med// kun rdzob tsam du su la bden// bden nam bden na 'gro ba kun// thams cad ma lus mthun par rigs// des na phyogs mthun tsam yang med// dper ba dngos po chu lta bu// rigs drug rtag chad theg pa rnams// phyogs mthun tsam yang mi snang phyir// des na med nas snang ba yin// zhes gsungs so// dbang mchog rgyal po'i rgyud las/ snang ba'i gnad bsal ba'i le'u ste nyer lnga pa'o// // de nas lag na rdo rje yis// ston pa nyid la 'di skad gsol// kye kye ston pa rdo rje 'chang // med nas snang ba'i dpe don gang lags/ bka' stsal pa/ nyon cig 'dus pa'i 'khor tshogs khyed// 'khrul pa snang ba sna tshogs 'di// yod nas mi snang med nas

  474. 237b

    snang // dper na sgyu ma'i dpe brgyad 'dra// skyes bu gnyid log rmi lam na// bu dang chung ma nor phyugs ldan// shin tu longs spyod sgyid ldan la// go mtshon dmag mang dag gis ni// bu bsad nor bcom sdug bsngal rmi// skyes bu de yis rmi lam de// yod nas snang ngam med nas snang // sad par gyur na ci snyam sems// 'khrul pa'i chos de yod dam med// de bzhin da lta'i 'khrul snang yang // yod nas snang ngam med nas snang // rmi lam tshul du kri le mnyam// rmi lam chos de bden nam rdzun// bden na bden par kri le mnyam// rdzun na rdzun par kri le mnyam// de bzhin sgyu ma'i mkhan po yis// sgyu ma'i skyes pa bud med dang // khang khyim rol mo gcan gzan kun// yod nas snang ngam med nas snang // sgyu ma shes pas sgyu ma med// sgyu ma bden rdzun sgyu mar shes// de bzhin 'khrul pa'i dngos po 'di// 'khrul pa bden rdzun 'khrul pas shes// sgyu ma'i chos dang kri le mnyam// de bzhin smig rgyu chur snang ba// yod nas mi snang med nas snang // dngos po'i chu yang de bzhin no// smig rgyu nyid dang kri le mnyam// cis te bden pa med pa'i phyir// de bzhin mig skyon mig yor kyang // yod nas mi snang med nas snang // skra lo bal 'dab khab tsam kun// yod nas mi snang med snang phyir// kun rdzob dngos dang kri ler mnyam// dngos po 'khrul pa

  475. 238a

    bden pa med// de bzhin sprul pa'i sprul pa yang // yod nas mi sbrul med nas sprul// sprul pa yin pas yod pa med// de bzhin 'khrul pa'i las rnams kyang // sprul pa nyid dang kri le mnyam// ci phyir 'khrul pa zer bas chog/ de bzhin gzugs brnyan chu zla 'dra// krong nge 'dug kyang snang ba med// yod na snang ba mthun no cog/ snang ba gcig la mthun pa med// gzugs brnyan nyid dang kri le mnyam// de ltar sgra brnyan lta bu de// yod nas ma btags med nas btags// yod na ming btags gcig par rigs// gcig la ming mang don mthun med// sgra brnyan nyid dang kri le mnyam// des na brag cha nyid dang khyad par med// yod nas mi snang med nas snang // dper na dri za'i grong 'khyer 'dra// krong nge 'dug pa'i dus na med// snang ba rang gis med pa yin// med na sems kyi cho 'phrul ltos// sgyu ma'i chos nyid mthong na lta ba yin// mthong med mthong na yin pa med// lta ba yin pa med pa yin// zhes gsungs so// dbang mchog rgyal po'i rgyud las/ sgyu ma dang chos mthun gyis snang ba med par zag bcad pa'i lta ba bstan pa'i le'u ste nyer drug pa'o// // de nas yang bka' stsal pa/ rdo rje 'dzin pa'i 'khor 'dus nyon// mthong ngam mthong na mthong bas ltos// mthong ba med na ci zhig bsgom// dper na dmus long 'ga' dag

  476. 238b

    gis// glang chen rtsal ldan lag noms nas// sna dang mjug ma rkang lag rgyab// rang rang gang reg bsgom pa 'dra// bsgom pas glang chen ring du spangs// lta ba'i gnas lugs ma rtogs par// sgom pa byed pa'i blun po rnams// dmus long glang chen bsgom pa 'dra// de bas mkhas pas legs par ltos// rmi lam ltos shig mthong ba na// rmi lam shes nas rmi lam bsgom// rmi lam goms pa bsgom pa yin// sgyu ma mthong na sgyu ma bsgom// sgyu ma'i gzugs dang sgyu ma'i sgra// sgyu ma'i dri dang sgyu ma'i ro// sgyu ma'i reg dang sgyu ma'i chos// sgyu ma legs par mthong ba na// sgyu ma 'dris pa bsgom pa yin// bsgom par gyis shig sgyu ma las// sgyu mar spyod shig sgyu ma yin// sgyu ma 'bras med 'bras bu yin// de bzhin rmi lam smig rgyu rnams// de ltar mkhas pas legs par ltos// mthong ngam mthong na lta ba yin// de dag goms na sgom pa'o// gnyis med sprad na spyod pa yin// 'du 'bral med pa 'bras bu'o// zhes gsungs so// de nas rig 'dzin dge mthong des// sangs rgyas rdo rje sems dpa' dang // mgon po rdo rje 'dzin pa la// 'dzum pa'i mdangs phyung gus btud nas// rgyal ba'i tshogs la 'di skad gsol// drug gi dkyil 'khor gnyis 'dus lhar// bdag 'dra ma rig rtog pa yis// yang dag nyid la log bltas nas// rtsa ba'i dam tshig

  477. 239a

    nyams pa'i tshogs// mi 'chab mi sbed mthol lo bshags// slan chad bsdam mo dbang mdzod cing // snga rabs gong du ci bgyis pa// lus ngag yid kyi 'bad rtsol gyis// pha rol phyin drug nyams blangs nas// 'gyod tshangs dpang gsol zhi khro'i lhar// lus ngag yid gsum mos phyag bshags// byin rlabs sngags mchog brgya pa ni// bdun gsum nyi shu rtsa gcig gam// brgya rtsa brgyad du bshags pa bya// smre 'gyod mthol ba gdung ba'i tshig/ brkyang phyag gus phyag tshig gis bshags// sems bskyed la brtson 'gro ba'i don// smon lam bkra shis dge bas bshags// thams cad yul med ming bral mthong // rtog pa mnyam nyid lta bas bshags// e ma bdag gi phung po khams dang skye mched rnams// 'dod pa'i yon tan lngar bsgyur te// phyi nang gsang ba'i mchod par bzhes// ba spu rdul phran re res kyang // 'gro ba'i don rnams byed par shog/ ces gsol nas/ phyi nang gsang ba gsum gyi mchod pa phul lo// dbang mchog rgyal po'i rgyud las/ sgyu ma bshags mchod smon lam gyi le'u ste nyer bdun pa'o// // de nas 'khor de dag gis/ rdo rje sems dpa' mgon po lags// rgyud chen 'di yi dpe mtshon ci// gang gi dus su dar bar bgyi// zhes zhus so// rdo rje sems dpas bka' stsal pa// nyon cig

  478. 239b

    badz+ra pA Ni sogs// nga yi rgyud chen rgyal po ni// dper na nyi ma mun pa 'dra// mun khung sgrol ba'i rgyud du zung // dper na nad dang sman lta bu// sman mchog rgyal po'i rgyud du zung // dper na rtsi shing me lta bu// bskal pa'i me chen rgyud du zung // dper na dmangs dang rgyal po 'dra// dbang mchog rgyal po'i rgyud du zung // dam pa rigs brgya'i lha gsal bas// gsang chen rigs brgya'i rgyud du zung // de nyid rigs lnga'i lhar bsdus nas// yi ge brgya pa'i sngags brjod pas// yi ge brgya pa'i rgyud du zung // nyams chag thams cad 'dis bskang bas// bshags pa chen po'i rgyud du zung // 'gro drug gnas nas 'dis 'dren pas// 'khor ba dong sbugs rgyud du zung // thams cad sgyu mar la zla bas// sgyu ma mnyam nyid rgyud du zung // snang srid lha dang dkyil 'khor dang // bsnyen bsgrub bskyed rdzogs dam tshig sngags// phyag rgya dbang dang dam tshig dang // 'khor 'das thams cad bltas pas mthong // lta ba dbang mchog rgyud du zung // mthong nas bsgom du med pas na// sgom pa dbang mchog rgyud du zung // ci yang spyad du med pas na// spyod pa rgyal po'i rgyud du zung // mthong bas 'du 'bral med mthong bas// 'bras bu dbang mchog rgyud du zung // nyams grib thams cad 'dis dag pas// dam tshig khrus lung rgyud du zung // 'khor tshogs 'dus pa

  479. 240a

    khyed rnams kyis// dbang mchog rgyal po'i rgyud 'di ni// dus ngan tha ma'i dus dag tu// sngags pas dam tshig mi bsrung bas// las kyi 'bras bu ngan song 'khor// zang zing nor gyis mig brid nas// na raka gnas su 'khor byed pa// de dus nga yi rgyud 'di 'byung // dper na nor bu rin chen 'dra// dbul dang nad dang 'jigs pa med// thar pa'i lam skal byed par nges// dper na mkha' la nyi shar nas// mun pa'i smag nyid gsal ba'i rkyen// nyi zla lta bur don byed nges// dper na me dang shing lta bu// shing nyid me yi grogs su nges// kye ho/ nam mkha'i dbyings na 'byung ba gnas// sa chu me rlung gang yang snang // thams cad nam mkha'i ngang du thim// zhes gsungs nas ston pa nyid mi snang bar gyur to// de nas rig 'dzin gyi rgyal po dge mthong la sogs pa 'khor rnams kyis mngon par bstod de rjes su yi rang ngongo// sprul pa rnams ni mngon par bsdus te/ rgyud 'di rdo rje sbrul sku pad+ma byung gnas la gtad do/ yi ge brgya pa dbang mchog rgyal po'i rgyud las/ rgyud kyi mtshon dpe dang yongs su gtad pa'i le'u ste nyer brgyad pa'o// // le'u'i grangs ni nyi shu brgyad// dbu zhabs don ni gsum du 'dus// yang dag don gyi man ngag 'di// sgyu ma mnyam pa nyid la blta/ u rgyan gyi mkhan po pad+ma byung gnas dang / bod kyi lots+tsha ba

  480. 240b

    nam mkha'i snying pos bsgyur ba'o// // rgya gar skad du/ badz+ra satwa sha tA k+Sha ra a b+hi She ka tot+ta ma rA dza tsit+ta karma sarba sa ma ya tan+t+ra nA ma/ bod skad du/ rdo rje sems dpa' yi ge brgya pa thugs phrin las thams cad kyi dam tshig gi rgyud ces bya ba/ bcom ldan 'das dpal rdo rje mtshang chen po chos kyi sku la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po 'og min gnas kyi dang po rdo rje dbyings na bzhugs te/ de'i tshe de'i dus na/ rdo rje 'chang ba yab yum dang / rdo rje sems dpa' la sogs te/ bud+d+ha rdo rje dang / rin chen rdo rje dang pad+ma rdo rje dang / karma rdo rje dang / sangs rgyas spyan la sogs te/ 'byung ba'i yum lnga dang / sa yi snying po la sogs te/ sems dpa' brgyad dang / lA s+ya la sogs te/ sems ma brgyad dang / rnam rgyal la sogs te/ sgo ba bzhi dang / lcags kyu la sogs te/ sgo ma bzhi dang / brgya byin la sogs te/ thub pa drug rnams kyis rdo rje 'chang chen po ston pa la g.yon phyogs nas bskor ro// badz+ra khrag 'thung la sogs te/ rigs kyi khro bo lnga dang / badz+ra kro d+hi la sogs kro d+hi ma lnga dang / go rI la sogs te/ ko rI brgyad dang / sing+ga mu kha la sogs te/ phra men brgyad dang / lcags kyu ma la sogs te/ sgo ma bzhi dang / srin mo smug nag la sogs te/ ye shes kyi dbang phyug ma nyi shu

  481. 241a

    rtsa brgyad kyis ston pa rdo rje 'chang la g.yas rol nas bskor te bzhugs so// gzhan yang dkyil 'khor gyi lha tshogs bsam gyis mi khyab pa phur pa pad+ma bdud rtsi ma gshin la sogs pas yongs su bskor ro// tshangs pa la sogs pa'i lha dang / klu dang / lha ma yin dang / khyab 'jug la sogs pas yongs su bskor ro// rdo rje drag mo la sogs pa mkha' 'gro ma bsam gyis mi khyab pas bskor te/ bskor ba dang mchod pas mchod cing gnas so// gtso 'khor de rnams thams cad kyang yin min spang blang med pa'i ting nge 'dzin rdo rje snying po rgya chad med par gnas pa la/ 'khor de dag gi nang nas rdo rje sems dpas khro bopo phyag na rdo rje mngon par sprul te/ ston pa rdo rje 'chang ba la g.yas phyogs su bskor ba lan gsum byas te yan lag lnga sa la gtugs nas pus mo g.yas pa'i lha nga sa la btsugs te/ thal sbyar rdo rje bzung ste/ rdo rje 'chang ba chen po la 'di skad ces gsol to// kye kye ston pa rdo rje 'chang // rdo rje'i dbyings na kun bde ste// khams gsum 'gro drug kun 'khor ba// mthong log gzung 'dzin dug lnga yis// chags sdang dge sdig las spyod nas// bde gshegs snying pos yongs la khyab// thugs rje chen pos mi gzigs sam// sngon gyi nyid kyi thugs dam ci// de bas 'khor ba thugs rjes zung // zhes zhus pas/ de nas ston pa rdo/

  482. 241b

    rje 'chang de ting 'dzin yin min med spang blang med pa'i nyid de las bzhengs te/ glang po che'i lta stangs kyis ni gzigs/ seng ge'i sgra 'di skad ces bsgrags so// nyon cig rdo rje dbyings sogs 'khor// badz+ra pA Nici rtse gcig gtod// gsang sngags gsang ba'i snying po hUM// gsang ba sngags kyi spyi gzhi yin// snying po de yis kun la khyab// rgya chad phyogs lhung ka nas med// rgyu rkyen mtshungs pa 'khor 'das tshul// mya ngan 'das pa nga nyid kyis// 'khor 'das 'gro ba skal ldan la// brda rtags sgra don thugs rjes bzung // zhes zhus pa'i lan gnang ba'o// rdo rje sems dpa' yi ge brgya pa thugs phrin las thams cad dam tshig gi rgyud las/ phun sum tshogs pa'i zhus lan gyi le'u ste dang po'o// // de nas phyag na rdo rje yis/ rdo rje 'chang la zhu ba med pas 'di skad ces gsol to// gsang sngags gsang ba'i snying po la// brda rtags sgra don khog phub nas// ye shes rang byung ci ltar 'char// sdig pa mtshams med mi dge bcu// tshul khrims dam tshig ji ltar lags// phrin las kha tshar ji ltar bsgrub// chos nyid la ru ji ltar bzla// zhes zhus pa dang / rdo rje 'chang gis bka' stsal pa// nyon cig badz+ra pA Ni khyod// snying po la yang rnam gsum ste// so so'i rigs kyi snying po dang // sku gsung thugs su thams cad 'dus// des na rang byung snying po hUM// de

  483. 242a

    dag don la snying med de// tshig lam rkyen gyis ma mtshon na// rang byung snying po'i don mi rtogs// mtshon byed brda dang ngag gis mtshon// thams cad 'dus pa'i snying po hUM// snyan brgyad pra khrid gdams ngag gis// yod med gnyis kyi mjug khrid bstan// gsang sngags snang srid 'khor 'das chos// brda ru bstan pas yod med shes// dang po brda yis de mtshon pas// rang lus zag bcas rtags su rdzogs// phyi nang thams cad nang du srid// dkyil 'khor bum pa skur rdzogs rtags// ming btags rtog 'dzin srog gi gzhi// brda btags grol na srog med rtogs// gang snang ming du btags pa kun// yi ger 'dus pa tshig gi gzhi// rang byung hUM gi brda yis btags// sgra btags thams cad snying po hUM// rang la rang gsang gsang ba'i sgra// rang gsang zos nas ming med sgrol// srog snying gnyis med rang byung bas// yul med ming bral don gyi mchog/ chos min chos nyid rang byung rang // de bzhin nyid de ci yang med// lta ba mtha' chod yin pa med// sgom pa rang byung min pa med// spyod pa mnyam nyid spang blang med// 'bras bu rang chas re dogs med// don gyi mchog ces khog tu dbubs// snying po ye nas de ltar yin// gzhi dang dngos po'i don rtogs pas// kun gyi gzhi yin dngos rtsal srid// srid pa rang grol gzhi

  484. 242b

    rang // gzhi las 'das pas phyir mi ldog/ ye shes rang byung rang grol yin// sku gsung thugs rje rang byung 'chang // sdig bcu'i bsrung bsdom bshags thabs dang // 'phrin las rim bzhi'i las kha dang // chos nyid la zla nga yi bstan// zhes gsungs so// rdo rje sems dpa' yi ge brgya pa'i rgyud las zhus len khog phub pa'i le'u ste gnyis pa'o// // de nas yang badz+ra pA Nis zhus pa/ kye kye ston pa rdo rje 'chang // 'khor 'das de don khyod yin na// 'gro drug khyad par dge sdig dang // nyams dang nyams pa'i 'bras bu gang // zhes gsol pa dang / chos sku rdo rjes bka' stsal pa// nyon cig lag na rdo rje nyon// 'khor 'das gsang ba sgrol ma sgrol// gsang ba'i snying po spyi la yin// rang bzhin rang brtags mya ngan 'das// nga sogs mthar mkhyen sku gsung yin// ye shes rang byung rang rig yin// rang bzhin ma rig chags sdang bas// rgyu 'bras 'dzin chags dug lngar 'khor// mtho ris ngan song phra rags khyad// gzung 'dzin lus ngag yid kyis sdig/ mi dge bcu dang mtshams med lnga// rig drug las kyi rnam smin bsags// 'dod log ma byin srog bcad dang // mi tshangs spyod dang rdzun dang ni// phra ma ngag 'khyal log lha dang // brnabs sems gnod sems rnam pa bcus// phra rags gnas kyi khyad par las// dug lngas

  485. 243a

    gtso byas mi dge bcus// 'gro drug gnas na sdug bsngal nyon mongs so// rang rang las dang tshe tshad gzugs bong ni// khams gsum sems can de bzhin no// lho phyogs 'dzam gling mi rigs la// 'gro dang ltung ba'i gling 'di yin// snying po'i don la mjal zhing rtogs nus na// rigs dang na tshod rgan gzhon med// dbul phongs yin kyang mchog tu 'gyur// sprang pos rgyal po'i srid zin 'dra// thams cad snang ba snying por 'gyur// mar me gcig gi byin rlabs kyis// bskal pa'i mun nag sel ba bzhin// snying po'i don rigs skad cig mas// bskal par bsags pa'i sgrib pa byang // nor bu rin chen bsrel ba'i mir// dbul ba'i 'jigs pa med pa ltar// mtshams med lnga dang sdig pa bcu// snying po'i don go skad cig gis ni byang // lhung gnas 'khor ba'i 'jigs pa med// snying po'i don 'dus sus mthong ba// sbyin dang tshul khrims brtson 'grus bzod// bsam gtan smon lam stobs dang thabs// shes rab ye shes rnam pa bcu// sa dang dge bcu pha rol rdzogs// don gsang snying po'i tshig tsam gyis// nyan thos la sogs dbu ma dang // phyogs lha'i theg pa zil gyis gnon// rgyud lung man ngag snying po'i chos// seng ge'i sgra grags gzhan 'bros bzhin// sdig sgrib nyon mongs byang bar nges// lus ngag par med dang bar

  486. 243b

    gsal// snying po'i don la yongs med par// lus ngag 'gyu dran rang byung bas// sdig sgrib rang grol ye shes rang // 'gro ba kun la rang bzhin gnas// de la de bstan de yang thob// ces gsungs so// yi ge brgya pa'i rgyud las snying po'i don rtogs na sdig bcu rang dag gi le'u ste gsum pa'o// // de nas yang lag na rdo rjes gsol pa/ kye kye ston pa rdo rje 'chang // gsang ba gsang ba'i snying po yis// gsang sngags dam tshig skyon yon gang // dam tshig bsrung sdom bshags thabs zhu// zhes gsol pa dang / rdo rje 'chang gis bka' stsal pa// nyon cig badz+ra pA Ni sogs// gsang sngags gsang ba'i sgor 'jug na// sbrul ni sgyug dong zhugs pa 'dra// gsang sngags gsang ba'i don ston la// bu dang chung ma nor gyi dbyig/ rab tu gces dang yid 'thad dbul// sku gsung thugs kyi dam tshig bsrung // lus mig srog ltar bkur bar bya// rgyud lung khong khrol slob dpon la// dam tshig lus la tshad btsugs bkur// dbang bskur srog gi slob dpon la// dam tshig dpral gyi mig ltar bsrung // man ngag blta bsgom slob dpon la// dam tshig srog ltar bsrung ba yin// yid dam lha dang mi 'bral bsgom// lcam dral phrag dog ngan sems spang // pha spun sring la dpya' mi bya// sku yi dam tshig bsrung sdom yin// sngags dang bla ma'i gsung mi bcag/ chos

  487. 244a

    la mi bcos sel mi gzhug/ rdzun sogs ngag gi skyon rnams spang // gsung gi dam tshig bsrung sdom yin// gsang ba'i man ngag spel mi bya// dam tshig gnod sems sems la spang // gdams pa'i don las gzhan mi brnab// thugs kyi dam tshig bsrung sdom yin// gzhan yang yan lag nyi shu lnga// shes par bya dang bsgrub par bya// thob par bya dang dang du blangs// mi spang dam tshig bsrung ba yin// yan lag stong dang rtsa brgyad kyang // de bzhin shugs las bsrung ba yin// lus ngag yid gsum sdom pa'i don// dam tshig yid bzhin rin po che// 'khor ba'i rgya mtsho sgrol ba'i gru// snying po goms 'dres rtogs pa ni// bsrung sdom med dang phyal ba yin// yul med ming dang bral phyir ro// dam tshig mi ldan gang zag ni// gsang sngags bla med bslab pa'i phyir// bka' brgyud don la mkhas gyur kyang // be sbrel g.yang du ltung ba bzhin// bdag gzhan gnyis ka na ra ka nas// de nyid ngan song rdo rje'i gnas// de bas dam tshig tshul bzhin bsrungs// rgyal po bram ze gsang sngags 'brel// rgyal pos phrag dog bram ze'i rngan// ltung nas 'khor ba'i sdug bsngal gyis// dam tshig skyon du gyur pa yin// de la mchog gyur thugs rjes gzigs// bka' 'gros thugs rjes drangs pa yang // don mchog dong sbugs yi ge brgya pa yin// zhes gsungs

  488. 244b

    so// rdo rje sems dpa' yi ge brgya pa'i rgyud las dam tshig rtsa ba yan lag skyon yon mtshon pa'i le'u ste bzhi pa'o// // de nas yang badz+ra pA Ni bzhin 'dzum mul te gsol pa/ kye kye ston pa 'gro ba'i mgon// bla med gsang sngags dam nyams nas// na ra ka ngan song gnas ltung ba// ngan song dong nas gang gi sprugs// ces zhus pas/ nyon cig gsang bdag 'khor tshogs khyod// mtshams med rtsa ba yan lag gis// na ra ka ngan song rdo rje'i gnas// tsha grang nye 'khor rdo rje dmyal ba yang // don mchog dong spug brgya pas thar// rgyu gnas rnam smin yi dgas kyang // don mchog dong spug brgya pas 'dren// rkang med rkang gnyis rkang bzhi dang // rkang mang khrag can rnag can byol song yang // don mchog dong spug brgya pas thar// don mchog snying po 'bru gcig la// yon tan yig 'bru brgya tshan lnga// rdo rje sems dpa' lnga tshan yin// lnga gsum gcig tu bsdus rgyas yin// thig le chen po yi ge brgya// dam pa rigs brgya gsang chen lnga// rigs gsum gcig tu byas pa yin// dkyil 'khor chen po yangs pa yin// zhi ba sku yi dkyil 'khor dang // rgyas pa yon tan dkyil 'khor dang // dbang mchog gsung gi dkyil 'khor dang // karma phrin las dkyil 'khor dang // thugs mchog thugs kyi dkyil 'khor dang // lha brgya pa yi dkyil 'khor

  489. 245a

    yin// sku yi lha brgya yig 'bru brgya// gsung gi lha brgya yig 'bru brgya// thugs kyi lha brgya yig 'bru brgya// yon tan lha brgya yig 'bru brgya// phrin las lha brgya yig 'bru brgya// bsdu na rdo rje rigs lngar bsdu// de nyid sku gsung don gcig 'dril// 'khor lo lnga dang dkyil 'khor sdeb// bshags pa'i rgyud lnga dug lnga nyon mongs brgya// bshags pa'i dbang po rigs lnga brgya pa'i lha// bshags byang tshangs pa'i yi ges yul ming med// don mchog snying po chos ming lta ba'i gdeng // gang snang grogs su gyur pa bsgom pa'i gdeng // mnyam nyid spang blang med pa spyod pa'i gdeng // re dogs phyi dus med pa 'bras bu'i gdeng // zhes gsungs so// thugs mchog yi ge brgya pa'i rgyud las brgya tshan rgyas bsdus bshags byang gi le'u ste lnga pa'o// // de nas badz+ra pA Ni yis// rdo rje 'chang la 'di skad zhus// kye kye rdo rje 'chang ba che// de ltar na[:]rag dong nas sprug/ thugs kyi dkyil 'khor badz+ra yi// lha brku'i yig 'bru brku pa gang // zhes gsol pas/ rdo rje 'chang gis bka' stsal pa// nyon cig badz+ra[:]pA Ni sogs// thugs mchog rdo rje sems dpa' yi// thugs kyi snying po 'bru gcig las// rang byung yi ge 'phros pa brgya// rdo rje sems dpa' seng ges bsgrags// 'khor tshogs khyed kyis legs par zung // hUM hUM

  490. 245b

    badz+ra satwa sa ma ya/ ma nu pA la ya/ badz+ra satwa twe no pa tiSh+Tha/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me// tsit+taM shre yaM ku ru hUM hUM/ ha ha ha ha ho/ b+ha ga bAn/ sarba ta thA ga ta/ badz+ra mA me muny+tsa/ badz+rI b+ha ba/ ma hA sa ma ya/ badz+ra satwa a/ kun bzang yab yum rigs lnga dang // yum lnga sems dpa' sems ma dang // sgo ba sgo ma thub drug sogs// bzhi bcu rtsa gnyis rdo rje dbyings// khrag 'thung lnga dang kro d+hi lnga// ko ri brgyad dang sid+ha brgyad// sgo ma bzhi dang dbang phyug sogs// khro bo khro mo bcu gnyis te// lnga bcu rtsa brgyad rdo rje'i lha// rdo rje rigs kyi lha brgya yin// sku mdog phyag mtshan rang rtags 'dzin// sbyor ba dngos gzhi rjes kyis bshad// dang por smon 'jug sems bskyed la// tshad med bzhi dang ting 'dzin gsum// sems dpa'i don gsal spro bsdu bya// mchod sbyangs dregs pa tshar bcad la// srog dang snying po'i don rtogs byas// ye shes rang rig rang byung gnas// yul med ming dang bral na tshang // mtshan ma med dang smon pa med// stong pa nyid dang 'khrul pa bzlog/ 'gyus dran 'dzin chags par med pas// rtag chad mtha' med rang byung rang // blta bsgom dam tshig ye shes la// dpa' bo tshig sgrub brgya rdzogs yin// zhes gsungs so// badz+ra brgya bshags kyi

  491. 246a

    rgyud las rdo rje sems dpa' rigs brgya'i le'u ste drug pa'o// // rdo rje 'chang gis bka' stsal pa// nyon cig lag na rdo rje'i 'khor// rdo rje rigs kyi skur bstan pa// rnam par snang mdzad rnga rje'i sku// lha brgya srog gi snying po brgyas// ma rigs gti mug bshags pa'i chos// zhi bar byed pa'i brgya pa ni// bdag nyid smon 'jug sems bskyed la// sbyor ba'i don rdzogs 'jug pa ni// ting 'dzin gsum las sems dpa' gsum// spyi bo mgrin pa snying ga dang // lte ba gsang sngags 'khor lo ltar// 'khor lo pad+ma rdo rje dang // rin chen rgya gram zhi rgyas dang // dbang drag rdo rje snying po'i dbus// dpa' bo 'bru lnga dpa' mo g.yon// sku ltar spro ba'i brgya pa yin// 'khor lo phreng skor nyi zla'i steng // sangs rgyas rnam par snang mdzad ces// seng ge'i sgra bsgrags legs par zung / oM bud+d+ha satwa sa ma ya/ ma nu pA la ya/ bud+d+ha satwa twe no pa tiSh+Tha/ dr-i D+ho me b+ha wa/ su toSh+yo me b+ha wa/ a nu rak+to me b+ha wa/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM hUM/ ha ha ha ha ho/ b+ha ga bAn/ sarba ta thA ga ta/ bud+d+ha mA me muny+tsa/ badz+rI b+ha ba/ ma hA sa ma ya/ bud+d+ha satwa aH/ oM la shan+ti ku ru gdags/ oM shan+ti ku ru swA hA// 'khor lo sku ste rnam snang dbus// spyi gtsug zlum por rigs brgya'i lha// oM las 'od zer dkar po

  492. 246b

    'phros// mchod sbyangs tshar bcad sku ltar bshags// gti mug ma rig dag par nges// srog snying snang rtags rang byung gnas// yul med ming bral tshangs pa'i tshad// lus ngag yid gsum gcud la bor// srog dang snying po ar la gtad// snang ba yod med 'khrul ma 'khrul// 'khrul pa bden rdzun 'khrul pa'i chod// mtho dad zag par mi sbrul med// sgyu ma'i chos la mthong stobs med// ces gsungs so// rdo rje brgya bshags kyi rgyud las sku ltar bshags pa zhi ba'i le'u ste bdun pa'o// // rdo rje mtshang gis bka' stsal pa// nyon cig lag na rdo rje 'khor bcas kun// rdo rje rigs kyi yon tan te// rin chen rdo rje rdo rje'i sku// lha brgya srog gi snying po brgyas// nga rgyal kun slong bshags pas tshangs// tshe dang bsod nams longs spyod dang // chos dang ye shes sems dang mthu// sman dang 'bru dang bu tsha dang // 'khor dang phyugs dang bsam pa kun// 'phel bar 'gyur te the tshom med// sbyor ba dngos gzhi rjes gsum bya// byams dang snying rje sngon btang la// sems dpa' gsum gyi don la 'jug/ dngos gzhi chos 'khor spro bsdu bya// mchod sbyangs dregs pa tshar bcad yin// rjes su la'ang rtogs pa'i gdeng // dmigs pa med par sgro 'dogs bcad// rin chen rin chen 'byung ldan ches// seng ge'i sgra bsgrags legs par zung // swA rat+na satwa sa ma

  493. 247a

    ya/ ma nu pA la ya/ rat+na satwa te no pa tiSh+Tha/ dre D+ho me b+ha wa/ su toSh+yo me b+ha ba/ a nu rak+to me b+ha ba/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga bAn/ sarba ta thA ga ta/ rat+na mA me muny+tsa/ rat+na b+ha ba ma hA sa ma ya/ rat+na satwa a/ sA la puSh+Ti ku ru gdags/ sA puSh+Ti ku ru swa hA// sid+d+hi don gyi gdams thabs so// rin chen kun 'byung rin chen dbus// lte ba gru bzhir rigs brgya'i lha// sna las 'od zer ser po 'phros// mchod sbyangs dregs pa tshar bcad do// sid+d+hi bsdu ba'i ting 'dzin gsal// sA la brgya pa'i phreng bskor te// g.yas g.yon bskor ba pho mo'i tshul// yon tan rigs brgya'i bshags pa yin// mnyam nyid ye shes rang byung rig/ yul med ming bral tshangs pa'i dbang // yul du bden rdzun gcig la ltos// gcig la mthong snang tha dad pas// gcig tu bden pa gcig kyang med// ming du bden rdzun gcig la zung // gcig la ming du bden pa med// de la ming du ci la 'dren// bden mnyam rdzun mnyam ming med yin// snang mnyam stong mnyam yul med yin// bshags pa'i don mchog tshang ba yin// zhes gsungs so// rdo rje brgya bshags las yon tan gyi le'u ste brgyad pa'o// // de nas yang bka' stsal pa// nyon cig badz+ra pA Ni sogs// rdo rje rigs

  494. 247b

    kyi gsung mchog ni// rdo rje pad+ma snang mtha' yas// gsung mchog sbrul sku gsung gi lha// lha brgya gsung gi yi ge brgya// 'dod chags ser sna'i bshags tshangs byed// 'jig rten 'das dang 'jig rten pa// 'byung ba dgra bgegs dbang du gyur// sbyor ba dngos gzhi rjes gsum las// srog dang snying po la bzla'i tshad// sbyor ba'i don la rnam gnyis te// sems bskyed pa dang 'jug pa dang // dngos gzhi chos nyid bshad pa dang // spro bsdu ting 'dzin gsal pa ste// oM las brgya pa'i phreng bskor te// g.yas g.yon 'gal me gnyis bskor bzhin// mchod sbyangs dregs pa dbang du bsdu// rjes su shes par bya ba yin// srog snying yul med dmigs med do// snang ba mtha' yas mtha' yas chos// gsung mchog seng ge'i sgra bsgrags gsung // oM pad+ma satwa sa ma ya/ ma nu pA la ya/ pad+ma satwa te no pa tiSh+Tha/ dr-i D+ho me b+ha wa/ su toSh+yo me b+ha ba/ a nu rak+to me b+ha ba// su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM/ ha ha ha ha ho/ b+ha ga bAn/ sarba ta thA ga ta/ pad+ma mA me muny+dza/ badz+ri b+ha ba/ ma hA sa ma ya/ pad+ma satwa a/ oM la ba shaM ku ru gdags// hrIHba shaM ku ru swA ha/ dbang gi don du gdags pa yin// pad+ma zla gam mgrin pa'i skor// snang mtha' dbus la rigs brgya'i lha// pho mo gnyis ni g.yas g.yon no// AHlas 'od

  495. 248a

    zer dmar po 'phros// a las 'od 'phros dmar po gtso// mchod sbyangs dregs pa dbang du bsdus// dbang bsdu'i ting 'dzin nga rgyal ldan// so so'i don rtogs gcig tu gyur// 'di yi don rtogs gcig kyang med// shes pas rang byung yul med rang // so sor ma rig gcig pu rang // yul med ming bral ye shes nyid// gcig ni kun gyi rang bzhin yin// ma 'dres rgya mtsho'i gza' skar 'dra// zhes gsungs so// badz+ra brgya pa'i rgyud las gsung gi le'u ste dgu pa'o// // de nas yang bka' stsal pa// nyon cig rdo rje rigs kyi 'khor// rdo rje karma las kyi sku// don yod grub pa drag po'i lha// mngon par byang chub bya ba grub// phrin las brgya pa ngan sngags brgya// khong khro phrag dog bshags tshangs byed// bdud dang bar gcod dgra dang bgegs// dge la bar gcod gang byed kun// bsad mnan bsreg dang bskrad dang bzlog/ drag po'i las rnams thams cad 'grub// sbyor ba dngos gzhi'i rjes gsum ste// snying rjes bsgral ba'i dam tshig ni// sbyor ba'i don la zin par bya// nga rgyal khro mchog sku gsung thugs// seng ge'i yid la 'brug gi skad// khro bo'i lus la mtshon cha'i thog/ dngos gzhi don la shes pa'i gdengs// spro bsdus mchod sbyangs dregs pa 'dul// ting 'dzin glog dang 'brug ltar

  496. 248b

    sbyar// rjes su yul med ming bral lo// go rim bzlog dang yig 'bru bzlog/ khog tu tshangs pa khog tu dkrugs// don yod grub pa don chen sgrub// las rnams seng ge'i sgra sgrogs zung / badz+ra satwa A/ ma hA sa ma ya/ badz+ri b+ha ba/ badz+ra mA me muny+tsa/ sarba ta thA ga ta/ b+ha ga bAn ho/ ha ha ha ha/ hUM hUM/ tsit+taM shre yaM ku ru/ sarba karma su tsa me/ sarba si d+d+hi m+me pra yats+tsha/ su poSh+yo me b+ha ba/ a nu rak+to me b+ha ba/ su toSh+yo me b+ha ba/ dr-i D+ho me b+ha ba/ twe no pa tiSh+Tha/ badz+ra satwa/ ma nu pA la ya/ karma satwa sa ma ya/ ha karma satwa sa ma ya/ ma nu pA la ya/ badz+ra satwa twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaM ku ru hUM hUM/ ha ha ha ha ho/ b+ha ga bAn/ sarba ta thA ga ta/ badz+ra mA me muny+tsa/ badz+rI b+ha ba ma hA sa ma ya/ badz+ra satwa a/ bsnyen pa'i las la bya'o// ma sa Ta sa ma ya/ ma nu pA la ya/ dza ba saT/ Te No pa tiSh+Tha/ dr-i D+ho tsa ba Ta ba/ ar+d+ha rak+to me b+ha ba/ su boSh+yo tse baT ba/ sarba sid+d+hi ts+yai pra ya ts+tsha sarba ka tse su ma tse/ tsiT+Ti She ra yaM ku ru/ rbu N+ya rba/ rtswa rtsa rdzo rje/ baT kha ban sarba Ta za kha Ta/ dz+ra pa tsa tsa ny+tsa rba/ dza ba b+ha ba/ tsa Ta sa tsa ya sa Ta a/ 'di ni log pa'i/ 'di dag rnyed na bsdur dgos/ yi ge bcu par snang / gsod pa'i las su shes par bya'o// ha ha tsit+taM shre yaM ku ru sarba/ ta thA ga ta hUM hUM/ b+ha ga bAn/ ma

  497. 249a

    hA sa ma ya/ ma nu pa la ya/ sarba karma su tsa me/ twe no pa tiH/ badz+ra ma me muny+tsa/ dr-i D+ho me b+ha ba/ su toH me b+ha ba/ a nu rak+to me b+ha ba \u0f7fho/ karma satwa sa ma ya/ sarba sid+d+hi m+me pra yam+ba/ badz+ra satwa ya/ sgrub pa chen po las la sbyar zhes bya// srog snying la shan phyed nas las rnams zin zhes bya// yul gyi sgro 'dogs chod na las sbyor yin// blo phugs gting nas grol na las sbyor yin// bag chags gting zag chotshod na las sbyor yin// rang dbang rang gi thob na las sbyor yin// rang bzhin 'gyur med ma 'gags las rtogs na// lta ba grub mtha' sa lam dge sdig med// ces gsungs so// rdo rje brgya pa'i rgyud las phrin las drag po'i le'u ste bcu pa'o// // de nas yang dag bshad bya yis// rdo rje rigs kyi lha tshogs nyon// phrin las drag po 'di yi mchod // ngan sngags brgya pa nga yis bstan// bsad mnan bsregs pa bzlog pa dang // byol song dgug dang las la sbyar// ngan sngags mtshon cha 'di ltar yin// mA ra ya/ mA ra ya rbad/ mA ra ya/ mA ra ya staM b+ha ya nan/ mA ra ya/ mA ra ya dza la raM/ mA ra ya u tsa ta ya phaT phaT/ ya ma nA ga bzlog rbad/ ya ma nA ga b+ho b+ho rbad/ rnal ma gdong bzlog dkrugs bzlog la/ sham bu'i sngags su gdag pa yin// gsang gnas gru gsum rgya gram gnas// hA las 'od zer ljang dmar

  498. 249b

    'phros// mchod sbyangs dregs pa bsad mnan bsreg/ rjes su phra rags mchod pa dbul// stong gsum 'jig rten rab 'byams kyi// rgyal ba rdul snyed mnyam par mchod// phrin las rigs brgya'i bshags pa yin// khong khro phrag dog la sogs te// dug lnga chags sdang byang 'dag nges// 'dod khams gzugs khams gzugs med khams// lha gnas rnam gsum dong spug yin// thugs ltar bshags pas na raka/ gnas// tsha grang rdo rje dong spug yin// gsung ltar bshags pas rgyu rnams smin// yi dwags rigs gsum dong spug yin// sku ltar bshags pas ma nges gnas// rkang rdzogs rnag khrag dong spug yin// yon tan ltar bshags gling bzhi'i mi// rigs bzhi mi yi dong spug yin// bya ba'i las grub ye shes pas// gzhan med rang chas rang byung shes// byar med bya ba grub pa'i ye shes yin// don grub mngon par byang chub sku// re dog med pas las rnams zin// zhes gsungs so// rdo rje brgya pa'i rgyud las sngags bdag mchong gi le'u ste bcu gcig pa'o// // de nas yang ni bka' stsal pa// nyon cig rdo rje rigs kyi 'khor// de dag zhi rgyas dbang drag las// zhi ba'i las rnams bsgrub pa ni// nyams dga' sa dkar shar bltas par// dkar gsum 'bras bu dkar po'i shing // tsan dan me tog dkar po sogs// dung dang ma

  499. 250a

    dngul gzhong snod nang du// dkar gtor 'bras chan brgyan pa bsham// maN+Dal zlum po hom khung zlum// ra ba bzhi yi tshes gcig brgyad// til dkar ka ra mar bsregs na// thams cad zhi 'gyur dmyal bar 'gro re kan// shAn+tiM ku ru brgya sngags gsham// rigs brgya bzhi yis bstod byas mthar// lhag chad spangs pa'i brgya pa mchog/ rgyas pa'i las la 'jug pa na// gser dngul zangs lcags rin po chetsheche// 'bru sna gtsang ma sna tshogs dang // bkra shis pa yi rdzas brgyad dam// shing ser me tog ser po dang // gser ram ser po'i snod nang du// gtor ma gru bzhi rin po che// rin chen lnga bdar chan dang sman// nyams dga' sa ser lhor bltas sar// maN+Dal gru bzhi gser mdog bya// tshes brgyad nya khar las rdzogs bya// nyung dkar til dmar bsregs byas na// rgyas pa'i las 'grub ngan 'gror mi skye'o// dbang gi las la 'jug pa'i tshe// mi rta khyi dang ba lad sha/ khrag sna rnam pa tshogs tshad dang // tsan dan dmar po seng ldeng dang // mtshal dang gur gum dar dmar ram// zangs sam dmar po'i snod nang du// dbang gi gtor ma zla gam sham// sha chen khrag chen rab brgyan la// me tog dmar pos brgyan par bya// tshil chen spos la tsan dan grogs// yid 'ongs brag ri dmar po ru// maN+Dal zla gam dmar po

  500. 250b

    la// hom khung zla gam dbus su bya// thod chen la sogs thun gyi snod// nub phyogs kha bltas sa dmar bya// dmar po'i shing sogs bsreg pa'i rdzas// mar nag dag gis sbyin bsreg til dmar po// dbang gi las 'grub dbang du 'gyur// yi dwags gnas su 'gyur re ka na// drag po'i las ni byed pa'i tshe// sha khrag rnam pa sna tshogs dang // dug sna sa sna sna tshogs bsog/ phur pa la sogs mtshon kun bsog/ srin po khros 'dra drag po'i ri// drag por 'jug pa'i gnas mchog tu// lcags sam nag po'i snod nang du// sha khrag dug gi gtor ma bsham// dug shing la sogs gdug pa'i shing // gu gul zhun mar til mar bsreg/ e 'dra ral gri rgya gram bsnams// nyams 'jigs byang du kha bltas bar// maN+Dal nag po gru gsum bya// rdo rje rgya gram gsum gyi dbus// hom khung gru gsum lte bar ro// dmigs pa gsal bya ling+ga bsreg/ gang yin dmigs pa the tshom med// drag po'i las de 'grub par 'gyur// lha dang lha min skye mi byed// thugs mchog thugs kyi bsgrub pa ni// sbyor ba dngos gzhi gzhung bsrang ste// sems dpa' rnam gsum gsal ba yis// lus ngag yid gsum da la mi bya// 'gugs 'dren yengs med dal med bzlas// mchod sbyin las kyang ci nus bya// rjes la la bzla dgos tshad do// thugs sgrub zin las rnam bzhi

  501. 251a

    la// na raka dong sprug gdon par bya// kun kyang de ru 'dus pa yin// lha brgya sngags brgya bshags pa tshang // zhes gsungs so// rdo rje brgya pa'i rgyud las phrin las bzhi'i dgos pa'i don dang / thugs sgrub don gyi bsdu ba dang nang gi spang skong kun la gces par bstan pa'i le'u ste bcu gnyis pa'o// // de nas badz+ra pA Nis zhus pa/ kye kye ston pa rdo rje 'chang // thugs mchog yi ge brgya pa 'dis// mchod sbyin gtor ma gtang ba dang // sku gdung tsha tsha gdab pa dang // ro bsreg bdun tshigs byed pa yang // rmongs pas ma 'tshal bshad du gsol// zhes zhus pas/ yang bka' stsal pa/ nyon cig rdo rje rigs kyi 'khor// mchod sbyin las la 'jug 'dod na// don mchog yi ge brgya pa yis// gtor ma'i las kun rdzogs pa la// sbyor ba dngos gzhi rjes su bsdu// dang po sems bskyed rnam pa gnyis// smon pa dang ni 'jug pa'o// bdag dang sems can byang chub smon// pha rol phyin drug 'jug pa'o// sbyor ba zhes pa tshig la sbyar// ting 'dzin rnam gsum khog phub la// rgyu yi yi ge hUM de las// bdag nyid rdo rje sems dpar bskyed// zhal gcig phyag gnyis sku mdog mthing // g.yas pas rdo rje g.yon pas dril// seng ge nyi zla pad+ma'i gdan// brkyang bskum skyil krung gang gsal bskyed// de ni dam tshig sems dpa' ste// de

  502. 251b

    yi thugs kar nyi zla pad// dkyil na rdo rje sems dpa' nyid// gong ma ci 'dra tshon gang bsgom// de ni ye shes sems dpa' la// de yi thugs kar nyi zla pad// gser gyi rdo rje rtse lnga ni// 'greng ldabs bum pa'i dkyil na hUM// de ni yig 'bru'i cho ga yin// sgo srog gnyis kyi spro bsdu bya// gzhi yi yi ge 'gyur med las// dang po rgyu yi spro bsdu ni// snod dang bcud ces grags pa'i don// gzhi po'i hUM las paM gcig 'phros// pad ma 'dab brgyad rin chen snod// mkha' dang mnyam par dmigs pa'o// bcud ni dpa' bo 'bru lngas bskyed// gzhi po'i 'bru ni 'grib med pas// badz+ra satwa ces pa brgyas// snod bcud thams cad sbyangs pa yin// swA dang brgya pas spel ba yin// oM dang brgya pas mos par bsgyur// ha sogs brgya pas mchod sbyin byed// so sor thob par bya ba yin// hUM dang brgya pas dbang du bsdus// dbang bsgyur chen po'i ting 'dzin bya// de ltar sbyangs spel mos bshags la// mgron rnams rim par spyan drangs te// hUM las dza spros 'di skad brjod// rdo rje 'chang ba 'di skad gshegs// rdo rje 'chang la phyag 'tshal lo// mi 'jigs pad+ma'i gdan la bzhugs// rdo rje 'chang la mchod pa 'bul// mya ngan mi 'da' 'gro don mdzod// gsang sngags 'khor lo bskor du gsol// phyi nang sgrib pa sbrang du gsol// yid la snying po thob par

  503. 252a

    smon// yang dag snying po'i don rtogs shog/ badz+ra sa ma ya zhes brjod// mgron bzhis nam mkha' khengs par bsam// de nas mchod sbyin bkye byas te// so sor thob par bya ba'i brgya pa la// ba ling i daM khA hi gdags// de nas rang don dbang du bya// de nas tshig bcad bsngo ba ni// hUM byin brlabs dmigs med gtor ma chen po 'di// sri zhu bla ma rgyal ba 'khor bcas dang // yon tan phyi nang chos skyong 'khor bcas dang // snying rje 'gro drug gnyon mongs sems can dang // lan chags bgegs rigs sngar chags thams cad la// 'dod yon mchod sbyin gtor ma 'di bsngos pas// mchod mnyes thugs dam skong gyur cig/ rkyen bzlog sdug bsngal byang nas su// lan chags phyi nang sgrib pa dag gyur cig/ kun gyis yang dag don rtogs shog/ ces dang de nas yang ni brgya pa gdon// lha brgyar phyag 'tshal bshags pa bya// zhes gsungs so// rdo rje brgya pa'i rgud las mchod sbyin gyi le'u ste bcu gsum pa'o// // yang ston pa bka' stsal pa// nyon cig rdo rje rigs kyi 'khor// mchod rten sku gdung gdab pa ni// sbyor ba'i don dang dngos gzhi'i don// rjes kyi las kyi don dang gsum// sbyor ba smon 'jug sems bskyed de// tshad med bzhi ldan rnal 'byor pas// bskyed rdzogs sku gdung gdab par bya// 'jug pa lha ste sems bskyed

  504. 252b

    do// dngos gzhi zhes pa las rim ste// byin brlabs gdab dang ting 'dzin no// byin brlabs las rim 'byung ba lnga// 'jug pa'i las rim bya ba yin// thig dang phur pa gdab pa yin// sa rko ba dang brdung ba dang // spos chus byug dang man+ta gzhug/ 'bi 'bi bya dang na bza' snum// byin rlabs sngon 'gro'i rim pa ste// rnal 'byor pa yis shes par bya// gdab pa'i las rim gnyis su dbye// 'byung ba lnga dang 'jim pa dang // gang snang lam du 'debs pa'o// 'byung ba lnga las nam mkha' dag la gdab pa ni// bdag nyid sems dpa'i sku gsal bas// brkos phor byin gyis brlabs byas la// gzhi yi yi ge nyid las spros// ngag tu brgya pa 'don gyin gdab// sku gsung thugs kyi dkyil 'khor dmigs// me chu rlung yang de bzhin gdab// 'jim pa dag la gdab pa ni// 'bi 'bi brkos phor nang bcug la// yig 'bru brgya pa brjod gyin du/ b+harma kA ya a zhes gdab// badz+ra satwa'i lha ni bzhugs// dkyil 'khor chen po'i mchod rten la// lha brgya la sogs kyis bskor bar// bskor ba mchod pa byed par bsam// de yang 'di ltar shes par gyis// gdab pa la yang gnyis yin te// gson dang gshin du shes par bya// gson po la yang gnyis yin te// byang chung don dang rkyen bzlog gnyis// byang chub don ni gong ltar te// rkyen bzlog phrin las

  505. 253a

    rnam bzhir gdab// dang po zhi bar gdab pa ste// zhi ba bud+d+ha rdo rje dmigs// brkos phor b+h+rUM gyis byin brlabs la// oM bud+d+ha satwa sa ma ya nas a zhes brgya pa'i sngags brjod la// che ge mo shan+tiM ku ru gdabs// mchod rten dkar po zlum po phyi// nang du zhi mdzad rdo rje dbyings// 'od zer dkar pos gang reg pa// zhi bar 'gyur te zhi bar byed// rgyas pa rin chen rdo rjer dmigs// brkos phor b+h+rUM gyis gru bzhir brlabs// swA rat+na satwa zhes pa nas// a la thugs pa'i rgyas pa nas// che ge mo puSh+TiM ku ru gdags// mchod rten gru bzhi ser po phyi// nang du rdo rje rgyas mdzad dbyings// 'od zer ser pos kun la khyab// tshe dang bsod nams dpal rnams rgyas// dbang la pad+ma rdo rjer dmigs// brkos phor zla gam byin brlabs la// AHpad+ma satwa sa ma ya nas/ a zhes yi ge brgya pa brjod// hrIHpa shang ku ru gdags// mchod rten dmar po zla gam phyi// nang du dbang bskur pad+ma dbyibs// dmar po lcags kyu'i 'od zer gyis// dbang du bya ba gang yin pa// mos shing thams cad dbang du sdud// drag po dag gi las bsgrub na// karma rdo rjer dmigs bsams la// brkos phor b+h+rUM gyis e ru brlabs// hA karma satwa zhes pa nas// a zhes brgya pa rdzogs par brjod// che ge mo mA ra ya phaT gdags// hom khung nag po gru gsum

  506. 253b

    gyi// nang du las mdzad khro bo'i dbyings// 'od zer nag po me mtshon gyis// dmigs pa gang yin sgrol bar byed// thams cad sgrol te the tshom med// las ni gang bsgrub thams cad la// srog snying bris shing khong par gzhug/ de ltar btab ste gang yang 'grub// ces gsungs so// rdo rje brgya pa'i rgyud las gson ltar gdab pa'i le'u ste bcu bzhi pa'o// // de nas yang bka' stsal pa// nyon cig 'khor tshogs rdo rje khyod// tshe 'das don du gdab pa ni// thar lam mkhyen pa nga yis bstan// rus pa'i phye ma zhib par bsre// don mchog yi ge brgya pa la// a nr-i su tri pre du drug btags pa'i// ngan song sbyong ba'i snying po'am// yang na 'di btags gdab pa yin// da ha da ha sarba na ra ga ka te he dun hUM phaT/ ma tha ma sarba tir+ya ka te he dun hUM phaT/ pa tsa pa tsa sarba pre ta ka ga te he dun hUM phaT/ zhes pas/ tshe 'das ngan song gnas nas drang // hUM gis brkos phor nang bstims la// phaT/ kyis rgyal ba'i dbyings su 'phang // rgyud drug sa bon 'od bsregs la// sgrib sbyang rdo rje'i dbyings su bskyal// da ni rab gnas cho ga yang // dam tshig mchod rten ci btab grangs// ye shes mchod rten spyan drang bstim// bde gshegs snying pos snyan gsan dbab// gshegs su gsol zhes spyan drangs la// sa mA dza zhes brjod par byon// ting nge 'dzin gyis

  507. 254a

    bstim par bya// 'khor ba ma stongs bar du bzhugs// rnam dag sgyu ma'i tshigs bshad brjod// a ti pu ho zhes phyag btsal la// de nas mchod pa rim par bya// phyag zhabs bsil zhing dri dang ni// me tog mar me ar+g+ha dang // zhal zas rol mo yan lag bdun// kun bzang mchod pa spyi khyab yin// de nas dgos bstod smon lam gdab// na ra ka dong sbugs gdon byas te// kun gyi las rnams rdzogs pa yin// zhes gsungs so// rdo rje brgya pa'i rgyud las gshin ltar gdab pa'i rab gnas mchod pa'i le'u ste bco lnga pa'o// // yang bka' stsal pa/ nyon cig rdo rje rigs kyi 'khor// ro bsreg phung po sbyang ba ni// sa gdon med pa'i sa phyogs su// maN+Dal 'dom gang mda' gang bya// shin tu cha mnyam chag chag gdab// dbus su hom khung bru bgyi ste// phrin las rnam bzhi'i hom khung kun// yang gting gru gsum de steng zla gam bya// de steng gru bzhi yang thog zlum pos bskor// sor bzhi dpangs dang rgya ru bya// de steng ka bzhi'i thog gi steng // shing brtsegs phyogs bzhir skar khung re// ro kha shar du bstan te bzhag/ ro yi snying gar pad+ma 'khor lo brgya ldan la// brgya rdzogs lha yig bris pa gdags// 'khor lo'i steng nas gzungs sdug gdags// las kyi mkhan pos de bzung la// ting 'dzin sems dpa' gsal byas

  508. 254b

    nas// thugs mchog brgya pa bzlas byas la// spro bsdu bya ba shin tu gces// gtso bo dpa' bo 'bru lnga las// ye shes me dpung me lce brgya dang bcas// mchod sbyangs dregs pa tshar bcad nas// ro nyid phung po bsreg par bya// phyogs bzhi'i skar khung re nas gzungs// rigs lha brgya pa'i bzlas brjod bya// sngon 'gro sbyor ba dang po nas// dngos gzhi'i las rnams kun byed dang // rjes kyi las mtha' rdzogs pa ni// na raka dong spug shes par bya// dang po bum chus ro bkrus nas// gshed dang bral ba dge bcu ste// khro bo bcu la phyag 'tshal yin// 'gro drug gnas nas drang ba ste// thub pa drug la phyag 'tshal bya// sa lam pha rol phyin bcu ste// khro mo bcu la phyag 'tshal yin// me lha zhi ba bzhi bcu gnyis// me lha khrag 'thung khro tshogs yin// dbang bsgyur bskur ba rang chas yin// rigs lnga go seng sems dpa' sems ma dang // phyag 'tshal zhi khro rtsa ba'i lha// brgya tshan lnga brjod chos kyi 'khor lo yin// zhi khro'i lha la phyag 'tshal bzhi bstod sbyin bsreg yin// rtsa ba yan lag dam tshig nyams pa bshags pa yin// mjug tu smon lam gdab pa rjes kyi las mtha' yin// gzhan yang kha skong zhi khro yis// go rim byas pas skyon med gdul bya yin// de bzhin me lha spyan drang kha bskang bya// zhes gsungs so// rdo rje brgya pa'i rgyud las ro sreg gi le'u ste bcu

  509. 255a

    drug pa'o// // de nas yang bka' stsal pa// nyon cig rdo rje rigs kyi 'khor// de nas tshe 'das bdun tshigs ni// phung po sha khrag dbugs dang bral ba'i tshe// zhag gsum zhag lnga zhag bdun du// ro mi bskul bar tsen nar bzhag/ shes pa brgyal te mi rtog yod// ngu skad spangs te chos rnams bsgrags// grogs dang slob dpon slob mas chad// grogs su gyur pas las rnams bya// dang por gshed dang phral bya ba// khro bcu brgya pa drag pos dbral// thub drug a nr-i su tri pre du yis// 'gro drug gnas nas drangs pa yin// brgya pa'i zhabs su yig 'bru re// de nas lam bstan khro mo bcur// phyag 'tshal mchod pa'i rim pa bya// mchod sbyin btang zhing sku gdung gdab// yan lag bdun pa'i go rim bya// mar me smon lam de bzhin bya// zhi khro'i lha la phyag 'tshal sdig pa bshags// brgya pa bton te ming yig gdag/ de ltar tshul bzhin byas bsgrubs na// bar do'i gnas ni a cang ches// skye gnas sbubs nas nges par 'drongs// rab ni bdun tshe dang pos 'drongs// 'bring ni bdun gsum nyi shu gcig/ tha ma bzhi bcu zhe dgus 'drongs// dam tshig rtsa ba gsum dang nyi shu lnga// nyams par gyur kyang nges par 'drongs// mtshams med lnga dang rtsa ba bzhi// de bzhin nges par 'byangs par 'gyur// mi dge phal rnams smos ci

  510. 255b

    dgos// zhes gsungs so// rdo rje brgya pa'i rgyud las/ bdun tshigs kyi le'u ste bcu bdun pa'o// // de nas yang bka' stsal pa/ nyon cig rdo rje'i 'khor rnams kun// lag na rdo rje legs par zung // nga yi rgyud kyi rgyal po 'dir// thams cad 'brel te rdzogs pa yin// sku gsung thugs dang yon tan las// thams cad ma lus bstan pas mang po 'dus// gtso dang 'khor du bstan pas dkyil 'khor yin// rang la rang chas bstan pas dbang yang yin// rtsa ba yan lag bstan pas dam tshig yin// dam pa rigs brgya bstan pas lha yang yin// 'bru mchog brgya pa bstan pas sngags kyang yin// rnal 'byor las su bstan pas rnal 'byor yin// brtson 'grus yengs med bstan pas bsnyen bsgrub yin// mchod bstod gnyis med bstan pas mchod pa yin// zhi rgyas dbang drag bstan pas phrin las yin// yengs med rgyun pa bstan pas bsgom pa yin// lus ngag yid gsum spyod pas spyod pa yin// yin min phyogs dang bral bas lta ba yin// 'brel dang ma tshang med pa dang // yongs su rdzogs pas 'bras bu yin// rgyud kyang yin la 'brel rdzogs mchog/ nga yi lung bstan khyod kyis zung // lung yang yin la 'khyer bde mchog/ tshegs chung ba la don chen bstan// man ngag yin te gnad kyi mchog/ thabs mchog thos nas sgrub byed pa// sgrub thabs

  511. 256a

    yin te gzer ka'i mchog/ ces gsungs so// rdo rje brgya pa'i rgyud las rgyud 'brel gyi le'u ste bco brgyad pa'o// // de nas yang bka' stsal pa// nyon cig badz+ra rigs kyi 'khor// 'khor lo lnga la yig 'bru brgya// lha brgya rang bzhin gnas pa yin// snying ga chos kyi 'khor lo na// rtsa 'dab chen po brgyad du gnas// chos 'byung zlum po stong dang dgu// snying dkyil nyi zla pad+ma'i steng // ye shes sems dpa'i thugs ka na// rdo rje bslang ba 'greng ba'i tshul// rdo rje bum dbus hUM du gnas// stong pa'i nang na hUM dang badz+ra satwa'o// Ta dang a yang gnas pa yin// de nas nu g.yon rtsa 'dab la// sa dang ma gnyis gnas pa yin// de nas nu g.yas rtsa 'dab la// ya dang ma gnyis gnas pa yin// de nas rtsa 'dab gsum pa la// nu dang pa gnyis de bzhin nas// bzhi pa la dang ya gnas te// lnga pa badz+ra satwa gnyis gnas so// drug par tA dang te gnyis gnas// bdun pa no dang pa gnyis gnas// brgyad par ti dang Sh+Tha gnyis gnas// de nas mgrin par longs spyod 'khor lo na// rtsa 'dab bcu drug gnas pa la// dang po rtsa 'dab dr-i D+ho gnyis// gnyis pa la ni me dang b+ha// gsum pa la ni ba dang su// bzhi par to dang Sh+yo gnyis// lnga pa la ni me dang b+ha// drug pa la ni ba dang a// bdun pa nu dang raka gnyis yin// brgyad par to dang me

  512. 256b

    gnyis gnas// dgu par b+ha dang ba gnyis gnas// bcu par su dang po gnas te// bcu gcig pa la Sh+yo dang me// bcu gnyis pa la b+ha gnyis yin// bcu gsum pa la sa dang rba// bcu bzhi pa la sid+d+hi ste// bco lnga pa la ma me gnyis// bcu drug pa la pra dang ya// sems dpa' ko rI yi ge yin// spyi bo bde chen 'khor lo la// yig 'bru sum cu rtsa gnyis po// de ltar shugs kyis gnas pa yin// rtsa nas badz+ra sum cu gnyis// ts+tsha/ sar/ ba/ kar/ ma/ su/ tsa/ me/ tsi/ t+ti/ shre/ yang / ku/ ru/ hUM/ hUM/ ha/ ha/ ha/ ha/ ho/ b+ha/ ga bAn/ sar/ ba/ ta/ thA/ ga/ ta/ ba/ dza/ lte ba sprul pa'i 'khor lo la// rtsa 'dab drug cu rtsa bzhi ste// drug po la ni yig 'bru re// thub pa drug tu gnas pa yin// mA/ me/ mu/ ny+tsa/ badz+ri/ b+ha/ gsang ba gsang ba'i 'khor lo ni// rtsa chen bzhi ru 'dus pa yis// sgo ba bzhi ru gnas pa yin// ba// ma// ha/ sa/ de nas dbang po'i sgo bzhi ste// rna ba mig dang sna lce la// sgo ma bzhi ru gnas pa yin// ma ya badz+ra satwa a/ snying dkyil kun bzang yab yum don// snying nas gyes nas snying du 'dril ba'o// zhi khro gnyis kyi mtshon pa yang // snying dkyil pad+ma 'dab bzhi brgyad// tshogs drug yan lag lnga po bzhi bcu gnyis// bud+d+ha zhe gnyis pad+mas mtshon// snying ni 'khor lo rtsibs chen brgyad// mgrin par gyes nas bcu drug

  513. 257a

    la// spyi bor 'khor lo sum bcu gnyis// lnga bcu rtsa brgyad 'khor los mtshon// 'khor lo lnga gsum rtsa rlung las rdzogs yin// zhes gsungs so// rdo rje brgya pa'i rgyud las brgya tshan lus la rdzogs lugs kyi le'u ste bcu dgu pa'o// // de nas yang bka' stsal pa// badz+ra pA Ni khyod nyon cig/ zhi rgyas dbang drag mtshon pa yang // 'di ltar bcas shing bsam par bya// dang por zhi ba'i mtshon pa ni// zlum po'i dkyil du rdo rje oM// de mtha' 'khor lo rtsibs bzhi'i tshul// mtha' ni mu khyud zlum pos bskor// bum pa'i oM la bud+d+ha sa ma ya la sogs// a la gtugs pa'i phreng bskor yin// de yang zlum por ro// sham bu oM la shAn+ti gdags// zhi ba'i lha dang mchod rten kun// 'od zer dkar po 'phro ba yis// zhi bar 'gyur te the tshom med// de nas rgyas pa'i mtshon bsam yang // rin po che yi lte ba la// rdo rje dkyil gnas bum par swA// mtha' ma gru bzhi lte ba yi// bum pa'i sA las 'phros pa ni// sta rat+na sa ma ya// A zhes phreng bas bskor du'o// gru bzhi'i gru bzhir lham pa ru// sham bu sA la puSh+Ting gdags// rgyas pa'i lha dang mchod rten kun// 'od zer ser po 'phros pa yis// rgyas par 'gyur te the tshom med// de nas dbang gi mtshon bsam yang // pad+ma 'dab brgyad lte ba la// rdo rje'i bum pa'i lte bar

  514. 257b

    AH/ mthar ni zla gam lam pa yin// bum par aMHlas 'phros pa ni// hrIHpad+ma satwa sa ma yA// a la thug pa'i phreng bas bskor// zla gam zla gam sgor sgor ro// sham bur hI la ba shaM gdags// dbang gi lha dang mchod rten kun// 'od zer dmar po 'phro ba yis// dbang du 'dus te the tshom med// drag po'i mtshon byed bsam pa yang // e brtsegs dbus su rgya gram la// rgya gram lte la hA gnas te// mtha' ni gru gsum drag por 'khor// bum pa'i hA las 'phro lugs bzhi// rnal mar bskor dang go rim bzlog/ yig 'bru bzlog dang 'dug sa spo// gru gsum e ru bskor ba yin// hA dang karma satwa nI// a zhes drag pos bzlas pa yi// sham bur mA ra ya rbad rgud// nan dang raM dang bzlog phaT b+h+yo// drag po'i sngags kun gdags par bya// brlag par 'gyur te the tshom med// phrin las lha dang mchod rten kun// gru gsum nag po 'phros pa yis// brlag par 'gyur te the tshom med// ces gsungs so// rdo rje brgya pa'i rgyud las phrin las bzhi'i bsam pa dang / mtshon pa'i bri lugs kyi le'u ste nyi shu pa'o// // de nas yang bka' stsal pa/ nyon cig rdo rje 'dzin pa khyod// bstan pa dus ngan byung ba'i tshe// mu stegs nag po dgrar langs sam// sngags mkhan nang rgyal byung ba'am// sri can drag po langs pa'am// lha 'dre drag po dang 'gras na// don

  515. 258a

    mchog thugs sgrub brgya pa yis// phrin las rnam bzhi mchod rten dang // bsgrub pa chen po'i mchod rten bzhengs// dang po dbang gzugs bshags sbyang phyir// zhi ba'i mchod rten zlum por bzhengs// chu gtor dkar gtor gtong zhing bshags pa ci 'gyur bya// shar gyi phyogs su bzhugs su gsol// zhi bar bya ba'i las yin pas// brgya par shan+ti ku ru gdags// zhag bdun bar du bzlas par bya// dgra bgegs ngan sngags zhi bar byed// zhi bar bya ba'i las su bshad// dkar gsum bza' zhing khrus la 'bad// maN+Dal bum pa dkar po la// gzungs zag dkar po bum rdzas dkar// dong sbugs bklag cing khrus la 'bad// zhi bar 'gyur te the tshom med// de nas bsod nams spel ba'i phyir// rgyas pa'i mchod rten gru bzhi bzhengs// gser skyems gtong zhing gtor ma gtang // 'bru sna rin chen dar zab/ sa// mngar gsum rtsi sman sna tshogs bsog/ gser g.yu gnyis ni mgul du gdags// brku par A yuHpuSh+Ti ku ru sA ha// sarba puN+ya puSh+Ti ku ru sA ha/ zhes gdags/ mngar gsum bza' zhing bum ser bkru// dong spug gdon zhing sid+d+hi bsgrub// tshe dang bsod nams 'phel ba yin// mchod rten lho yi phyogs su bzhugs// rgyas par 'gyur nges the tshom med// de nas dbang du bsdu ba'i phyir// dbang gi mchod rten

  516. 258b

    zla gam bzhengs// sman rag sha chen gtor ma bshams// brgya par ba shang ku ru gdags// hrIHdang yi ge shin tu gces// dgra bgegs ngan sngags dbang du sdud// nya nas nyi shu gnyis bsgrubs te// maN+Dal zla gam bum pa dmar// srog dang srog gi snying pos bsgrub// mchod rten nub phyogs bzhugs su gsol// dmigs pa gang yin dbang du 'gyur// tshar bcad rtsad nas bcad pa'i phyir// drag po'i mchod rten gru gsum bzhengs// sha khrag dug dang gtor ma bshams// mtshon cha sna tshogs lag tu blangs// bskor ba phyi log nang log bya// ling+ga nag mo'i zag pa'i gdags// dmigs rten 'brub khung rtsang gi bskor// gru gsum nag po'i nang du bsad// ming rus dmigs pa'i rten yang blangs// gsher thun skam thun mtshon gyis brab// brab brdeg dmigs pa gsal bar bya// gu gul rgya tshil tshil chen bdug/ dug dang dug chus bran dang byugs// gdug pa'i dug shing tsher ma can// hom chen bcas la bsregs pa yin// thod pa ngan pa'i nang du mnan// byang phyogs mchod rten bzhugs su gsol// dmigs pas brlag ste the tshom med// rnal bzlog dkrugs dang yig 'bru bzlog/ de sham che ge mo mA ra ya rbad// nan dang ri dang rbad la sogs pa gdags// rdzas dgu b+h+yo dang ya dang phaT// drag po'i las kyi rno ngar yin// ming

  517. 259a

    rus thal pa lang+gi kun// mchod rten gru gsum nag po yi// 'og tu gru gsum dong nang mnan// mchod rten rab gnas byas pa ni// bdag nyid sgrub pa'i dkyil 'khor gyis// phyogs bzhir dkyil 'khor de ltar bzhugs// zhes gsungs so// rdo rje brgya pa'i rgyud las phrin las mchod rten bzhi'i le'u ste nyer gcig pa'o// // de nas yang ston pas bka' stsal pa// rdo rje 'dzin pa legs par zung // mchod rten chen po'i bzhengs lugs la// bsgrub gnas mthong ba'i sa blangs la// 'jim pa bzang po dag dang sbyar// gser dngul zangs lcags sman rnams blug/ dkar gsum pa yi chu yis sgra// dang po bum pa'i 'jim pa bya// shar lho nub byang sa bzhi blang // kha dog bzhi bzhi'i sa dang spol// 'jim pa bzang po dag dang sbyar// phyogs bzhi mgur chu bang rim sa// ba chu spos chus sbyar bar bya// mi bsad yul bkyekyis phung shul sa// nag po re ba'i nang blangs la// khrag sna dug sna pod chus sgra// rmang dang 'brub khung rgyu yin no// mchod rten bang rim bzhi pa bzhengs// bum pa mgur chu bre phul ldan// 'khor lo gdugs dang bya ru tog/ dar phyang dril bu me long kun// shog shog dag la bya ba yin// mchod rten na bza' 'di ltar gsol// rin chen pre phul mthing gar gsol// bum pa mgur chu dkar por bya// shar phyogs ba

  518. 259b

    rim de bzhin dkar// lho phyogs ser la nub phyogs dmar// byang phyogs bang rim ljang gur gsol// rmang ni gdug byed nag por gsol// 'khor lo bcu gsum rdzogs par bya// tog ni nor bu rin chen bya// gdugs gnyis thabs dang shes rab tshul// dar 'phyang thugs rje chen po yin// srog shing dpag bsam shing bla yin// mchod rten phyogs bzhir rgyag par bya// bum pa lto ba zlum por bya// ras sam gro ga shing shun nam// shog shog dag la brgya pa bri// rang gi ming rus kun kyang bri// bsten bsgrubs 'go ba'i lha yang bri// bum pa srog shing snying la gdags// snying po lnga dang sman lnga dang // 'bru lnga dri lnga rin chen lnga// dar zab ras kyis gtums la gzhug/ de nas bang rim bzhi'i nang du// lha srin sde brgyad srog snying gzugs// bris la bang rim bzhi par ro// de nas rming dang 'brub khung du// gang yin dmigs pa'i ling+ga la// nag mo nag po'i zag pas dkris// ling+ga ming dang bcas pa yang // 'bru nag sa sbyin dug khrag gzugs dang sbyar// thod pa nag po'i nang 'og tu// tshon skud sna lngas bcings la bzhag/ rgya gram 'khor los kha nas bcad// de nas sgrub po bdag nyid kyis// mchod rten rab gnas dbang bskur bya// brgya pa'i sngags dang rten 'brel sdeb// brgya phrag bdun gsum rten 'brel bcas// rab tu gnas pa rgyas par

  519. 260a

    bya// brgya pa rten 'brel gnyis gsham la// ka ya d+harma oM zhes brjod// mchod rten chos kyi skur dmigs la// sku yi dbang bskur rab gnas yin// brgya pa dang ni rten 'brel sham nyid du// hrIHwAka d+harma AHzhes brjod// mchod rten chos sgra sgrogs par dmigs// gsung gi dbang bskur rab gnas yin// brgya dang rten 'brel der 'jug la// hUM tsit+ta d+harma badz+ra hUM zhes brjod// mchod rten ye shes lnga ldan dmigs// thugs kyi dbang bskur rab gnas yin// bde gshegs thugs dang sku gsung gnas// dbang bskur rab gnas rdzogs pa yin// ka ya wA ka tsit+ta tiSh+Tha badz+ra zhes brjod// 'khor ba ma stongs bar la bzhugs par bsam// mchod rten sku gzugs kun la de bzhin sbyar// yi dam nar ma ma chag par// thugs mchog yi ge brgya pa bzlas// zhi ba'i dus su zhi ba ltar// rgyas pa'i dus su rgyas pa dbang gi dus su dbang ltar dang // drag po'i dus su drag po ltar du bzla'// zhi bar nam phyed chu dang sgrar// rgas pa nyi ma'i dkyil 'khor ltar// dbang ni chu rlabs rlung 'tshub sbar// drag po'i dus su 'brug glog thog ltar bzlas// na ra ka dong spug nyid la brtson par bya'o// tsha tsha chu gtor de bzhin no// sri'u gson gtsug tor rnam bzhi sgrogs// mu stegs sngags pa nag po dang // sri dang lha 'dres tshugs re

  520. 260b

    kan// zhes gsungs so// rdo rje brgya pa'i rgyud las bsgrub pa chen po mchod rten las rdzogs kyi le'u ste nyer gnyis pa'o// // de nas yang bka' stsal pa/ rdo rje 'dzin pa'i 'khor thams cad nyon cig/ de dag thams cad la zlos shig/ ro dang phrol cig rang med do// zhes gsungs pas 'khor rnams phan tshun bltas te brgyal bar 'gyur te// de nas lag na rdo rje langs nas 'di skad ces gsol to// kye kye ston pa rdo rje 'chang // dngos cag gis bskyed rdzogs spros bsnga la zlos shig/ ro dang phrol cig/ rang med do// zhes gsungs pa ma rtogs so// bka' stsal thugs rjes zung zhig zhu 'tshal lo zhes zhus pa dang / bka' stsal pa/ lag na rdo rje 'khor rnams slongs shig/ gsang sngags kyi de kho na nyid ma shes na lha gnas gsum dang longs sku mthong mi srid do zhes gsungs pa dang / de nas lag na rdo rjes/ kye kye 'khor rnams langs la shog/ gdod ston pa la don zhu ba zhu yis// ma zhus par dpa' ba'i sems kyi nyon/ gus pas zud cig ces smras pas 'dus pa brgyal ba sangs pa dang / rdo rje chos skus gsol ba/ kye kye ston pa rdo rje 'chang // gsang sngags kyi de kho na nyid gsungs 'tshal zhes zhum pas/ yang ston pas bka' stsal pa/ 'khor rnams ma skrag par nyon cig/ gsang sngags kyi de kho na nyid ni ci yang ma yin no// kye gsang ba'i rdo

  521. 261a

    rje ci'i phyir ci yang ma yin zhe na/ nyon cig chos gang la yang 'di yin 'di min med pa'i phyir te/ chos gcig gtan la phob dang / yin par yang med la/ min pa yang med pa'o// de yang spang ba yang med/ blang pa yang med/ re ba yang med/ dog pa yang med de med pa'o// zhes gsungs pas/ 'khor rnams ngus te 'gre ldog gi na/ kyi hud kyi hud bdag cag gis bskal pa nas bskal par de ma mthong bas ston pa nyid thugs rje dang bral ba'o// zhes zhus pas/ rdo rje 'chang gis bka' stsal pa// rdo rje'i rigs kyis legs par nyon cig/ nga ni yin min med pa'i phyir// spang blang re dogs med par bshad do// khyed rnams kyis rang gis rang ma shes so// ngas kyang bskal pa nas bskal par ma shes so// de ltar du rig pas nga yang mya ngan las 'das pa yin no// rdo rje 'dzin sogs legs zungs shig/ nga yi lta ba yin pa med// phyogs lhung rgya chad med pa'i phyir// phyogs lta 'dor ba lta ba'i srog/ phyogs dang phrol cig med pa yin// bag chags ro la ci yin ltos// lta ba med do med pa yin// khyed rtogs lta ba de ltar yin// de rtogs sgom pa min pa med// gang snang grogs su ro mnyam phyir// de shar spyod pa yin min med// spang bya blang bya yul med phyir// de mthong ba la re dogs med// gzhan la ltos pa'i chos med phyir// de la lta/

  522. 261b

    ba'i yul mi srid// med dang gcig pu phyal ba yin// yul med ming dang bral ba'i phyir// de la bya rtsol ci la srid// rang byung yul snang med pa'i phyir// yul med srog gcod dge sdig med// ming med bden rdzun sgro 'dogs chod// ces gsungs so// yang bka' stsal pa/ de ni gsang sngags zhes bya gzhi zhes bya/ mnyam pa nyid ces bya/ chos kyi sku zhes bya/ rtogs pa'i lta ba zhes bya/ chos nyid ces bya/ chos rnams kyi de bzhin nyid ces bya/ dgongs pa zhes bya/ spyis chos kyi dbyings zhes bya/ gsang sngags kyi de kho na nyid ces bya'o// ye shes ye shes yin no// ci'i phyir rang byung du shes pa dang / rang rig pas kyang shes so// lhag par de kho na nyid rtogs pas ye shes zhes bya'o// gsang sngags rang gi dgongs pa ni/ yul med ming dang bral ba yin// rang byung ye shes dgongs tshad yin// rang rig ye shes dgongs tshad yin// lhag mthong ye shes dgongs tshad yin// zhes gsungs so// rdo rje brgya pa'i rgyud las la bzla de kho na nyid kyi le'u ste nyer gsum pa'o// // yang bka' stsal pa/ nyon cig rdo rje rigs kyi 'khor// srog dang snying po gsang sngags bstan// gang snang ba yi chos kun la// mtshan mar snang bas srog ces bya// ci'i phyir 'dzin pas bzung ba'i phyir// srog gi ngo bor 'dzin pa yin// nges tshig 'dus

  523. 262a

    byas mi rtag pa// dbye ba dbugs can dbugs med srog/ dpe ni ra shing 'dus pas bstan// gang snang ba yi yul de la// ming btags 'bod pas snying po yin// ci phyir de la nyes 'dzugs phyir// des na btags pa med na gang la gzung // snang ba de la ming gis 'bod// des na srog rang snying po yin// srog ni gzugs te snying po ming // gzugs nas bzung la snying por phod// srog kyang med la snying po med// dper na 'byung ba chu lta bu// gcig la kun tu snang bas mtshon// des na de ltar bden pa med// des na de la med pa gang // dper na chos can bum pa la// yin min gnyis ka'i chos can med// 'o na chos can gcig po de// gzugs kyis yin nam ming gis yin// mdog gis yin nam bsam pas yin// 'dus pas yin nam 'bral bas yin// mtshon pas yin nam las kyis yin// rdo rje 'dzin pa spobs pa skyed// lag na rdo rje lan gsol pa// kun gyis yin te kun gyis min// yin pa min pas min pa med// ma spangs ma blangs mnyam pa med// rang yin re dogs med par khums// legs so legs so rdo rje 'dzin// gsang sngags bla med de bzhin nyid// kho na nyid ni de ltar ro// ye nas yin shes yi shes yin// zhes gsungs so// rdo rje brgya pa'i rgyud las chos can ro mnyam la bzla de kho na nyid kyi

  524. 262b

    le'u ste nyer bzhi pa'o// // de nas lag na rdo rjes gsol pa// kye kye ston pa thugs mchog gtso// rdo rje rigs kyi brgya pa de ltar na// de bzhin gshegs dang rin chen rigs// pad+ma'i rigs dang las kyi rigs// 'bru mchog brgya ldan bstan du gsol// zhes gsol pas/ thugs mchog rdo rjes bka' stsal pa// nga yis gtso byas rdo rje'i rigs// brgya pa de ltar gong bstan pas// rdo rje rigs kyi lha bstan yin// mtshan nyid 'dzin pa dbus gnas te// re re la yang bzhi bzhis bskor// sku gsung thugs dang yon tan las// dkyil 'khor dkyil 'khor bya ba yin// nyon cig rdo rje 'dzin pas zung // rnam par snang mdzad brgya pa ni// oM bud+d+ha satwa sa ma ya/ ma nu pA la ya/ bud+d+ha satwa tre no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha wa/ sarba sid+d+hi m+me pra yats+tsha/ sarba karma su tsa me/ kA ya shre yaM ku ru hUM/ ha ha ha ha ho/ b+ha ga wAn/ sarba ta thA ga ta/ bud+d+ha mA me muny+tsa/ bud+d+ha b+ha ga ma hA sa ma ya/ bud+d+ha satwa a/ sku yi brgya pa de ltar yin// gsung ni snang ba mtha' yas yin// oM pad+ma satwa sa ma ya/ ma nu pA la ya/ wAka satwa te no pa tiSh+Tha/ dre D+ho me b+ha ba/ su toSh+yo me b+ha ba/ a nu rak+to me b+ha ba/ su paSh+yo me b+ha ba/ sarba sid+d+hi m+me pra yan+na/ sarba karma su tsa me/ wAka shre/ yaM ku ru AHha ha ha ha ho/ b+ha ga bAn/ sarba ta thA ga ta/ wAka mA me mun+ta/

  525. 263a

    ka b+ha ba/ ma hA sa ma ya/ wak+khatra a// gsung gi brgya pa de ltar yin// yon tan rin chen 'byung ldan yin// sA rat+na satwa sa ma ya/ ma nu pA la ya/ rat+na satwa twe no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ rat+na shre yaM ku ru swA/ ha ha ha ha ho/ b+ha ga wAn/ sarba ta thA ga ta/ rat+na ma me muny+tsa/ rat+na b+ha ba/ ma hA sa ma ya/ rat+na satwa a/ de ni yon tan brgya pa lags// phrin las don yod grub pa che// hA karma satwa sa ma ya/ ma nu pa la ya/ karma satwa tre no pa tiSh+Tha/ dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma su tsa me/ karma shre yaM ku ru hUM/ ha ha ha ha ho/ b+ha ga bAn/ sarba ta thA ga ta/ karma mA me muny+tsa/ karma b+ha ba/ ma hA sa ma ya/ karma satwa A/ don yod yi ge brgya pa yin// sU yi brgya pas gti mug bshags// gsung gi brgya pas 'dod chags bshags// yon tan brgya pas nga rgyal bshags// phrin las khong khro phrag dog bshags// thugs mchog zhe sdang gtso byas bshags// zhes gsungs so// rdo rje brgya pa'i rgyud las rigs lnga brgya tshan gyi le'u ste nyer lnga pa'o// // de nas phyag na rdo rje yis// rdo rje 'chang la 'di skad gsol// kye kye ston pa rdo rje 'chang // de ltar lha brgya'i don gsungs na// nyams sgrib

  526. 263b

    bshags par byed pa'i tshe// lha la mchod pa ji ltar dbul// nyams dang sdig sgrib ji ltar bshags// zhes gsol pas/ ston pa rdo rjes bka' stsal pa// nyon cig rdo rje 'dzin pa che// de ltar mchod bshags bya/ ba ni// nya'am stong ngam tshes brgyad la// dus bzang gza' dang rgyu skar 'dzom// pad+ma brgya ldan dkyil 'khor bzhengs// yang na maN+Dal tshom bu bya// gtor ma chen po brgya 'am lnga'am gsum mam gcig/ dpal gyi gtor ma bshags pa ni// rin chen rgya chen snod nang du// dang po dpal bshos chen po bzhugs// khams phor gtor chen brgya yis bskor// lha bshos brgya 'am mar me brgya// tshom bu brgya 'am rnam res bzhag/ gong gi gtor ma chen po yang // bsgrub pa'i sman dang khrag shas brgyan// dkar gsum chan yang de bzhin no// dkar gtor gcig dang dmar gtor gcig/ chos skyong phyi nang gnyis la bsham// 'byor pa'i rdzas tshogs ci ldan bsham// spos dang me tog ar+g+ha dang // mchod pa'i rgyu ni thams cad bsags// thugs mchog brgya pa rgyun par bzlas// zhag drug dag la dus drug tu// na raka dong sbugs 'don par bya// phyag dang bskor ba ci nus bya// kha yar zhag grangs mtshams gcad bya// nyams dang mtshams med sdig pa kun// dper na sol ba dung por 'dra// zla ba yar ngo mar ngo 'dra// zhes gsungs so// rdo rje brgya

  527. 264a

    pa'i rgyud las nyams bshags mchod pa'i le'u ste nyer drug pa'o// // yang bka' stsal pa/ nyon cig rdo rje 'dzin pa sogs// thugs mchog yi ge brgya pa ni// dper na nyi ma mun pa 'dra// shar bas sangs pas brgya pa yin// dper na nam mkha' lta bu yin// thams cad go yang rgya chad med// dper na nor bu rin chen 'dra// thams cad mi 'byung gang yang med// yon tan thams cad rdzogs pa yin// dper na 'dzam bu'i gser dang 'dra// gang ltar byas pa de nyid do// sgyu ma mkhan gyi dpe dang 'dra// med las thams cad sprul par snang // dper na nad dang sman lta bu// dper na dug dang bdud rtsi 'dra// dper na zangs lcags gser dang 'dra// dper na me dang rtsi shing 'dra// dper na mun pa sgron me 'dra// dper na rgya mtsho gza' skar 'dra// dper na shel dang za 'og 'dra// dper na thag pa tho yor dra/ zhes gsungs nas/ yang bka' stsal pa/ lag na rdo rje 'khor tshogs nyon cig/ ngas bshad thugs kyi rgyud chen 'di// sangs rgyas kun gyi dgongs pa yin// dgongs pa 'dus pa'i rgyud du zung // rgyud lung zhi khro lha brgya pas// lha brgya pa yi rgyud du zung // bskyed par byed pa'i yi ge brgya// yi ge brgya pa'i rgyud du zung // rang gi nyams bshags mdzad gsol pas// bshags pa chen po'i rgyud du zung // zhi rgyas dbang

  528. 264b

    drag las rdzogs pas// phrin las 'dus pa'i rgyud du zung // dbang dang dam tshig dkyil 'khor dang // lha bsgom sngags dang kun 'brel bas// 'brel pa chen po'i rgyud du zung // rtsa ba gsum dang yan lag dang // sdig sgrib thams cad 'dis bshags pas// bshags pa chen po'i rgyud du zung // ngan song thams cad dong sprugs pas// dong sbugs chen po'i rgyud du zung // rdo rje sems dpa'i thugs bstan pas// badz+ra brgya pa'i rgyud du zung // yang bka' stsal pa// legs par zung zhig thub par chongs// nyam par gyur na na raka gnas// rgyu gnas rnam par smin pa ni// rigs bzhi byol song lkugs pa'i gnas// mi bzad bdud mo'i grogs kyis mtshon// dbang po ma tshang dbul rmongs zhan// ma nyams rdo rje'i sku gsung thugs// 'gro la phan 'dogs skur gnas sa// longs spyod 'khor ldan lha mi'i sa// dman lus 'dzin 'chang nor bu 'chang // brag dang chu gzhung chu bo yis// dus ngan mgo mthong rgyas par gyis// zhes gsungs so// rdo rje brgya pa'i rgyud las dpe mtshon btags pa'i le'u ste nyer bdun pa'o// // de nas ston pa nyid mya ngan las 'das so// 'khor du 'dus pa'i sgyu 'phrul zhi khro'i lha tshogs rnams dang / yang phur/ bdud rtsi/ ma gshin/ dbang dang dkyil 'khor gyi lha rnams dang / tshangs pa dang / brgya byin dang / 'jog

  529. 265a

    po dang / zag bzangs ris dang / sde brgyad dang / phyogs skyong bcu dang / rdo rje drag mo la sogs te// mkha' 'gro ma rnams kyis lag na rdo rjer yi rang ste mngon par stod nas/ thugs rtse gcig pas badz+ra pA Nis bsdus te/ sbrul sku pad+ma byung gnas la gtad do// rdo rje sems dpa' yi ge brgya pa'i thugs phrin las thams cad dam tshig gi rgyud ces bya ba rdzogs so// sbrul sku pad+ma 'byung gnas dang / dge slong nam mkha'i snying pos bsgyur pa'o// // @#// rgya gar skad du// ma hA san+ti ni ya mar+tha sa mA ha tan+ta dr-iSh+Ti sarba gar+b+ha rat+na b+hA ha na ma/ bod skad du/ rdzogs pa chen po nges don 'dus pa'i rgyud/ lta ba thams cad kyi snying po rin po che rnam par bkod pa zhes bya ba/ bcom ldan 'das mnyam pa nyid kyi rgyal po dpal kun tu bzang po la phyag 'tshal lo// 'di skad gsungs pa'i dus gcig na/ kun rig sems kyi rgyal po des// 'og min chos kyi dbyings gnas na// nges pa'i don la rab bzhugs te// rdo rje sems dpa' la sogs pa'i// 'khor rnams 'dus nas rab tu 'khor// de tshe 'dus pa rnam bzhi yang // rdo rje gsang ba rin chen snying // dri med grags pa las rab grub// rgyal ba'i dbang po bsod nams snying // zhi ba'i bden dang nyi ma'i 'od// nam mkha'i snying po 'bum gzigs dang // phyogs bcu'i

  530. 265b

    sangs rgyas rnams kyang bzhugs// rig 'dzin sems dpa' chen po dang // blo gros stsol dang rnam dag dang // dam pa'i yon tan 'od rlabs can// shes rab bla ma rgyal mtshan dang // rnam par grol ba'i ting 'dzin dbang // chos dbang dang ni spobs pa brtsegs// bdud 'joms dang ni seng ge'i sgra// rin chen mthong dang brtse ba can// dbang phyug gtso dang yid dge dang // mthong na dga' dang bden mos dang // gsung brtsegs la sogs 'khor rnams kun// rang rang gtso la bskor nas ni// rgyal sras sprul pa'i 'khor rnams kyang // tshangs pa brgya byin rgyal chen bzhi// thag bzang ris dang gang ba bzang // chos kyi rgyal po rta mgo can// zur phud lnga pa nor srung dang // mgrin bcu dang ni klu rgyal dang // de 'khor la sogs kun kyang gnas// mkha' 'gro sde lnga srin mo'i tshogs// ye shes mkha' 'gro rig pa 'dzin// rdo rje mkha' 'gro rigs kyi yum// rin chen mkha' 'gro 'dod dgur sbyar// pad+ma mkha' 'gro bde chen rgyas// las kyi mkha' 'gro lus sgrib sbyong // 'jig rten mkha' 'gro dam btags pa'o// 'khor gyi gtor zan po mo kun// snying rje med par gsod la dga'// rkyen mthong tsam na chad pas gcod// kun kyang srin po'i cha byad can// rngams pa'i nga ro 'jigs tshul gyis// bstan pa bsrung phyir dus der 'dus// sbrul skur snang

  531. 266a

    ba'i 'khor rnams ni// dad nyan lha mi las can kun// mos shing dad pas 'dus pa yis// las dang thugs rje 'joms nas 'khod// de tshe rdo rje sems dpa' yis// 'dus pa'i 'khor la phan gdag phyir// gus pa'i tshul gyis thal sbyar te// bden pa'i yid kyis 'di skad gsol// rtsa ba gcig pa'i chos nyid la// sangs rgyas chos rnams ji ltar gsungs// chos nyid gnas lugs ji ltar yin// snod kyi rim pa gang la bstan// chos rnams gtan la ji ltar dbab// mnyam pa'i rgyal pos bshad du gsol// de skad zhus pa'i don gsan nas/ kun rig ston pas bka' stsal pa// legs so 'dus pa'i 'khor rnams kun// dad ldan bu la ngas bstan gyis// legs par nyon la yid la zung // dus gsum sangs rgyas thams cad kyang // rtsa ba rang sems rtogs pa'i phyir// gzi ldan nor bu rin chen bzhin// chos sku'i ston pa kun bzang ngas// thams cad ye shes chen por mkhyen// de don rang rig chos kyi sku// tshig dang yi ge brjod las 'das// rang byung ye shes thugs la gsal// drang srong mngon shes dpe bzhin du// rang byung ngo bo nyid kyi sku// dus gsum bde gshegs 'khor rnams la// yid la bstan pa'i don nyid shar// nges don rtogs phyir yang sangs rgyas// rang rig chos sku'i byin brlabs shar// de tshe nges pa'i

  532. 266b

    don chen 'di// rdo rje sems dpas don rig nas// gtsang rigs lha yi gnas chen du// brtser dgongs dus la bab gyur nas// rig 'dzin 'khor la dbang bskur te// gsang sngags rang gi ngo bos bshad// dus der snying po sems dag gis// phyogs bcu'i 'dus pa'i sangs rgyas la// zhu ba zhus nas the tshom bcad// de nyid mngon dga'i phug tu zhugs// de bskul sprul pa 'dzam gling du// byang chub mo yi bur skyes nas// rig pa'i gnas lnga thams cad mkhyen// ya mtshan can du kun tu grags// spyan drangs gnas su don zhus te// bdud btul tshar bcad dam la btags// de nas shAkya thub sbrul de// bkra shis bde ldan gnas dag tu// da lta dus kyi deng sang na// gsang bdag sprul pa dad nyan la// sdeb sbyor legs pa'i tshig tu gsungs// da yang rdo rje sems dpa' nyon// shes rab blo yi khyad par las// sku gsum chos rnams ci gsungs pa'i// bshad lugs rnam pa de dag kun// gdul bya'i 'khor la tha dad kyang // dus gsum gcig phyir khyad med pas// don la dbyer med ngo bo gcig/ rdzogs pa chen po nges don 'dus pa'i rgyud rin po che rnam par bkod pa las/ nges don 'byung ba'i rgyud gling gzhi bstan pa'i le'u ste dang po'o// // de nas 'dus pa'i 'khor rnams la// kun rig ston pa chos rje yis// chos nyid gnas

  533. 267a

    lugs bka' stsal pa// 'khor ba mya ngan 'das pa'i chos// gzhi la yang dag med pa'i phyir// rang rig rtogs pa'i chos sku la// snang ba gzugs brnyan mi 'gog pa// chos nyid nges pa'i gnas lugs yin// ye nas rang byung rig pa 'di// ye nas yang dag ngos zin cing // bya ba med cing bsgrub tu med// de yang chos nyid gnas lugs yin// ye nas rang la gnas pa'i don// gzhan nas mi 'byung chos kyi sku// rgyu las ma byung bdag med pas// de yang chos nyid gnas lugs yin// rang byung ngo bo nyid kyi sku// ma bcos ma bslad don yin phyir// ma nor ji bzhin ma 'gags pa// de yang chos nyid gnas lugs yin// dus gsum gcig par nges pa'i phyir// ma skyes mi nub ye shes ni// mi 'byung mi 'gro ye gnas pa// de yang chos nyid gnas lugs yin// rang byung rig pa rang gsal te// kun la khyab pa mi byed blta ru med pas tha snyad med// de yang chos nyid gnas lugs yin// dngos med rang rig ye shes de// mtshon du dpe med rtog las 'das// bsam du med pa bsam mi khyab// de yang chos nyid gnas lugs yin// ngo bo rang byung snying po de// rgyu las ma byung rkyen med pas// dngos po ma yin rtag chad med// de yang chos nyid gnas lugs yin// snang ba rang gsal chos dbyings la// spros dang bral bas sgro

  534. 267b

    skur med// mtha' dbus med pas rgyu 'bras med// de yang chos nyid gnas lugs yin// de yang rdo rje sems dpa' nyon// gzhi gcig gang yang mi 'gal ba// sangs rgyas rnams kyi gnas lugs yi// rdzogs/ pa chen po nges don 'dus pa rin po che rnam par bkod pa las/ don chos nyid kyi gnas lugs bstan pa'i le'u ste gnyis pa'o// // de nas 'dus pa'i tshogs rnams la// kun rig rgyal pos bka' stsal pa// don ldan snod bcud rim pa ni// yang dag nges pa'i sangs rgyas don// gsang sngags kun gyi rtsa ba yin// dbang rnams rim par rdzogs byas nas// chos kyi gzhung dang mi 'gal bar// thos sbyangs kun la rab sbyangs nas// nges don bka' rgyud gsang ba yi// dam pa'i mdzod kyi gter ldan zhing // srid par zhus kyang tshad med pa'i// bla ma rdo rje slob dpon de// tshul 'chos med par gdeng ldan pa'i// dpe ni nags kyi seng ge bzhin// gcig pur gnas kyang don ldan la// sangs rgyas dgongs pa thugs la gsal// da yang rdo rje sems dpa' nyon// skal ldan slob ma'i mtshan nyid ni// bla ma la gus dad ldan pas// ser sna chung la brtson 'grus che// brtse gdung dam tshig mi 'gal bsrung // don gsang thugs la shes rab zab// tshul shes ngang bzang rnams kyi don// yon tan zad med rin chen gter// thams cad

  535. 268a

    'byung ba'i gzhi ru bstan// da yang 'dus pa'i snying po nyon// de dang mi ldan 'di bstan na// sangs rgyas rnams kyi bka' bcag ste// mtshams med sdig pas char mi phod// dmyal ba'i 'og gzhi byed par gsungs// rdzogs pa chen po nges don 'dus pa rin po che rnam par bkod pa las/ snod bcud bstan pa'i le'u ste gsum pa'o// // de nas 'dus pa'i tshogs rnams la// kun rig chos kyi rgyal po yis// chos rnams gtan la dbab pa'i phyir// don gyi snying po 'di gsungs pas// yang dag nges don rtogs pa'i thabs// 'dus pa[:]lnga yi don mtshon phyir// sun 'don bdun gyis shan phye ba// skabs dbye lnga yi sgo phyes nas// rtsa ba bzhi yi mdor bsdus la// 'phrang chen drug gis gtan la dbab// nges don bdun gyis nyams su blangs// nges pa gsum gyis khyad par 'phags// che ba lnga yi dngos 'dzin dag/ gnyis med gsum gyis la bzla la// gtan tshigs bzhi yis yid ches byas// 'bras bu dgu yis mtha' ru gtug/ rtogs pa bzhi yis gdengs ldan bya// rdzogs pa chen po nges don 'dus pa las chos rnams gtan la phab pa mdor bsdus te bstan pa'i le'u ste bzhi pa'o// // de nas 'dus pa'i snying po yis// dad ldan 'khor la phan gdags phyir// kun rig chos kyi rgyal po

  536. 268b

    la// bden pa'i don ni 'di skad zhus// sangs rgyas dgongs pa gang du 'dus// rgyu 'bras nges tshig ji ltar 'dus// snying po 'dus pa'i khyad par gang // dpe dang don du ji ltar 'dus// rdzogs chen rang gzhung ji ltar 'dus/ kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// sangs rgyas kun gyi dgongs pa'i chos// nges don bla ma dam pa yi// gdams ngag khyad par can du 'dus// dpe yis 'dus la don gyis 'dus// rtags dang gtan tshigs mthun par 'dus// don ni rang byung chos skur 'dus// de yang rdo rje sems dpa' nyon// kun tu bzang po'i dgongs 'dus pa// 'pho 'gyur med pa'i blta ba la// skye 'gags med pa'i bsgom pa shar// blang dor med pa'i spyod pa la// re dogs med pas 'bras bu gnas// rigs lnga'i sangs rgyas dgongs 'dus pa// rang byung skye med rang gsal de// 'gags med mi 'gyur rig pa de// rdo rje sems dpa'i dgongs pa ste// mi shigs ye nas rdo rje'i sku// chos nyid ma bcos ma bslad pa// mi zad gter gyi dgongs pa ste// 'du 'bral med pa'i ye shes thugs// rin chen 'byung ldan dgongs par 'dus// chos nyid mtha' yas brdal khyab pa// ma byung ma skyes snying po la// 'phel 'grib med par rang gnas pa// snang ba mtha' yas dgongs par

  537. 269a

    'dus// sangs rgyas ye shes da lta nyid// de rtogs rang byung chos nyid gsal// don yod grub pa'i dgongs pa ste// de las 'gyur med sangs rgyas thugs// ye shes lus can sangs rgyas sku// de ldan snang ba'i yul rnams la// zhen med rang byung ye shes gsal// rnam par snang mdzad dgongs par 'dus// de yang rdo rje sems dpa' nyon// dpe ni kun dpe nam mkhar 'dus// rtags ni byang chub sems su 'dus// gtan tshigs rang byung snying por 'dus// da yang 'dus pa'i snying po nyon// dus gsum sangs rgyas dgongs 'dus pa// 'dus ma byas pa'i ye shes de// rgyu dang rkyen gyis ma bskyed par// chos rnams kun gyi snying po ru// rang byung lhun gyis grub pa'i sku// sangs rgyas kun gyi dgongs par 'dus// dgongs pa de dag mtshon pa'i phyir// rang sems bla mar gsungs pa la// dbye ba rnam pa gsum yod de// sems nyid rgyu yi bla ma dang // 'bras bu ye shes bla ma dang // snang ba chos dbyings bla ma'o// da yang 'dus pa'i snying po nyon// sems nyid rgyu yi bla ma ni// log sred can ni ma yin te// lung rigs ldan pa'i gang zag gis// 'khor 'das chos rnams blos brtags pas// bde dang sdug bsngal gnyis su mthong // bde sdug gnyis la don brtags pas// dge sdig gnyis las byung bar nges// dad pa brtson 'grus

  538. 269b

    shes rab kyis// rnam pa'i rtog pa'i blo sbyang phyir// drang ba'i don la dgongs nas ni// sgrib spyang tshogs bsags bya bar gsungs// dade yang 'khor gyi snying po nyon// 'bras bu ye shes bla ma ni// nges pa'i don la dgongs pa'i phyir// 'khor 'das 'byung bas ma reg pa'i// ye shes ngos zin ma bcos pa// rang rig chos sku dang ldan thugs// ngo bo longs spyod rdzogs skur ldan// thugs rje sprul pa'i sku ru 'byung // gzhi ni chos sku nyag gcig las// gdul byar ston pa gsum du 'byung // de yang 'dus pa'i snying po nyon// snang ba chos dbyings bla ma ni// 'byung chen lnga ni bla ma ste// 'dod yon lnga sogs chos rnams ni// tshig dang yi/ gis mi mtshon par// ldem dgongs rang gi ngo bos ni// snang ba chos kyi dbyings su bstan// rdzogs pa chen po nges don 'dus pa las sangs rgyas chos kun bla ma dam pa'i gdams ngag la 'dus par bstan pa'i le'u ste lnga pa'o// // de nas 'dus pa'i 'khor rnams la/ kun rig ston pas bka' stsal pa// 'khor 'das gzhi ni gcig mod kyang // sems kyi snang ba mi 'dra ste// snod kyi rim pa dang sbyar nas// dbang po rab 'bring gsum du byung // dade yang 'dus pa'i snying po nyon// dbang po tha ma'i don du ni// dge sdig las kyi rgyu 'bras kyis// 'bras bu bde dang sdug bsngal la// gnyen po dge bas rgyu byas

  539. 270a

    nas// chos spyod lam du khyer bas phyir// sde snod gsum gyi chos bstan pas// rgyu yi theg par btags shing 'dus// de yang rdo rje sems dpa' nyon// dbang po 'bring gi don du ni// 'bras bu rdo rje theg pa ste// kri yog rgyud lung man chad chos// phyag rgya'i dkyil 'khor lam byas nas// 'bras bu de nyid ye shes sku// rang gi lus ngag yid gsum ni// sku gsung thugs su sbyor ba'i phyir// rdo rje theg par btags shing 'dus// de yang 'dus pa'i snying po nyon// dbang po rab kyi don du ni// bstan pa tsam gyis rtogs pa'i chos// thig le nyag gcig chos kyi sku// shes pa tsam gyis sangs rgyas nges// pa na sa yi 'bras bu bzhin// rgyu 'bras ro gcig theg par 'dus// rdzogs pa chen po nges don 'dus pa las rgyu 'bras 'dus pa'i nges tshig bstan pa'i le'u ste drug pa'o// // de nas kun rig ston pa yis// 'dus pa'i 'khor la bka' stsal pa// kun gyi gzhi ni nam mkha' la// mun par nam langs nyi shar bzhin// gzhi sems rig pa'i ye shes ni// gcig pa ma yin khyad par che// de don ngas bshad legs par nyon// 'khor 'das bzhi ni ngo bo nyid// de las bskyed pa'i chos rnams byung // de tsam nyid nas ngang gis stong // gzhi la dngos med nam mkha' 'dra// de yang 'khor gyi snying po nyon// ma rig las skyes chags

  540. 270b

    sdang sems// de phyir 'khor ba'i rtsa ba ste// nyon mongs bag chags bskyed par byed// sems ni tshogs brgyad mun pa 'dra// de 'dra lung gi slob dpon gyis// rig pa'i gtan tshigs rnam bzhi ni// yul gyi snang ba 'di nyid la// gzhig par rang bzhin med par shes// gsal la mi rtog gang bsgom pa// thos pa'i shes rab yin pa'i phyir// rig pa yin te ye shes min// de yang 'dus pa'i snying po nyon// sems dang rig pa'i bar du ni// lung ldan nges pa'i gdams ngag gis// snang ba gtan tshigs ma gzhigs pa// 'khor 'das ma rig chos kyi sku// gzhi shes nang gi rig pa de// bsam pa'i shes pa yin pa'i phyir// rang byung yin la nges shes min// nam langs mun pa med pa 'dra// da yang rdo rje sems dpa' nyon// ye shes chos sku'i bar du ni// rnal 'byor rig pa'i blo ldan pas// sems can rgyu ba rgyun gcod pas// ye shes 'gag/ pa med par gsal// bsgom pa'i shes rab yin pa'i phyir// mnyam gzhag ngang la yengs pa med// rjes thob ma yengs rting bzhin du// ye shes ngang las chos sku btsal// de shes gdeng gis zin pa ni// nyi shar mun grib med pa 'dra// de yang 'dus pa'i snying po nyon// sems kyi snying po rig pa dang // sangs rgyas snying po ye shes dang // chos kyi snying po rdzogs chen dang // 'byung ba'i snying po nam mkha' dang // 'khor

  541. 271a

    'das snying po ngo bo nyid// de don rnam par dbye ba ni// kun bzang rgyud du ngas bshad kyis// dad ldan phyi rab rtog par gyis// rdzogs pa chen po nges don 'dus pa las snying po nges don 'dus par bstan pa'i le'u ste bdun pa'o// // de nas 'dus pa'i 'khor rnams la// kun rig ston pa chos rje yis// dpe dang don du bka' stsal pa// dper na wA ra NA sI'i ras// tshon gyi rkyen gyis bskur byas nas// kha dog sna tshogs cir snang yang // ras su dbyer med ngo bo gcig/ sems kyi snang ba sna tshogs pas// yul dbang rkyen gyis so sor snang // de yang 'khrul pa'i sems su snang // de phyir snang ba nges med yin// shel sgong dag gi nang du ni// kha dog sna tshogs ras bzhag pas// kha dog sna tshogs cir yang snang // snang yang shel la 'gyur ba med// de bzhin rang byung ngo bo la// gzung 'dzin rkyen gyis ris drug 'byung // 'khrul pa'i ngo la cir yang snang // snang yang gzhi la 'gyur ba med// da yang 'dus pa'i snying po nyon// gser bzo'i lag gis bsgyur byas nas// chol zangs dri chu'i snod byas na// gser kyang ngan pa'i rdzas su snang // de bzhin 'khrul pas brtags tsam na// yul kyang ma dag 'jig rten khams// ngam grog g.yang sa tsher dong snang // gser sku mchod rten byas tsam na// tshogs bsags rten du 'gyur ba'i

  542. 271b

    phyir// gser kyang bzang po'i rdzas su mthong // ye shes can gyi ngo gang la// yul kyang zhing khams rnam par dag/ rin chen gser gyi ngo gang la// gser gyi rgyu la bzang ngan med// de bzhin chos sku'i ngo bo la// snang dang mi snang gzhi la med// da yang 'dus pa'i snying po nyon// sna tshogs dar gyi tshogs rnams la// za 'og snam bu byas tsam na// sna tshogs dar gyi ming dang bral// za 'og snam bur gcig pa ltar// chos sku rang gi sems yin kyang // lung ldan rkyen gyis bstan tsam na// sna tshogs 'dzin pa'i sems dang bral// thig le nyag gcig chen por 'dus// dper na sman dug gzhi gcig la// la la'i sman la la la'i dug/ de bzhin nges don chos 'di la// la la'i byang chub la la'i dmyal// ha la nag po'i dug dag kyang // thabs mkhas bza' legs sman gyi mchog/ de bzhin 'dod chags zhe sdang yang // nyon mongs rang sar grol tsam na// de ni rang byung ye shes yin// sman gyi rgyal po'i bcud len kyang // thabs la mi mkhas bza' nyes na// ha la nag po'i dug dang 'dra// rang la gnas pa'i chos nyid kyang // lung med 'khrul pa'i dbang song tshe// 'dod chags la sogs dug lnga yin// da yang rdo rje sems dpa' nyon// sa 'og gnas pa'i rin chen gser// ngo ma shes na rdo dang 'dra// de bzhin rang la yod pa'i don// rtogs pa

  543. 272a

    med pa'i 'khrul rtog sems// ngo shes phrad na mi zad gter// dgos 'dod re ba de las byung // nges don chos sku rtogs tsam na// byin rlabs nor bu'i tshul du 'byung // de yang 'dus pa'i snying po nyon// mkha' la gza' skar shar ba dang // chu nang dag gi gzugs brnyan ni// gcig pa ma yin so so min// de bzhin rig pa'i rgyal po dang // rig pa'i rtsal du snang ba gnyis// ldog bcas tha dad ngo bo gcig/ rdzogs pa chen po nges don 'dus pa las dpe don 'dus pa bstan pa'i le'u ste brgyad pa'o// // de nas 'dus pa'i 'khor rnams la/ kun rig rgyal pos bka' stsal pa// rgyu rkyen ma bskyed rang byung la// gsal 'grib med pa ye shes yin// rtsol sgrub dag las ma byung bas// rang byung lam la rag ma lus// yul las ma byung ye gnas te// lung ldan rkyen gyis rtogs pas chog/ da yang rdo rje sems dpa' nyon// yang dag chos sku 'dus pa 'di// rang la yod kyis gzhan ma blta// chos nyid ngang las thugs ma bcos// lta ba'i don la brjed ma ngas// sgom pa'i ngang la dran ma gsal// spyod pa'i chos la bcos ma bslad// dam tshig gzhung la 'tshur ma rkyen// 'bras bu'i chos la rtags ma ring // da yang 'khor gyi snying po nyon// 'gro sa med kyis cen ner 'dug/ ye nas yin gyis gzod ma 'tshol// 'khor ba'i chos la ngos

  544. 272b

    ma 'dzin// snang ba'i yul la zhen ma che// 'jig rten gtam la blo ma rno// nam mkha' dag la bgos ma byed// rgyal ba'i bka' la shed ma byung // slob dpon dag la 'gras ma 'jug/ rdzogs pa chen po nges don thams cad 'dus pa las/ don gyi bsdu ba bstan pa'i le'u ste dgu pa'o// // de nas rdo rje sems dpa' yis// 'dus pa'i 'khor la phan gdags phyir/ kun rigs sems kyi rgyal po la// yid kyi dran pas 'di skad gsol// mtshan nyid theg pa ji ltar 'khrul// phyi nang gsang sngags sgrib pa gang // thabs med yon tan ji ltar rdzogs// theg chen kun dang mi 'dra gang // rdzogs chen rang gzhung dbye ba dang // lam dang 'bras bu'i khyad par gyis// theg pa gzhan sun ji ltar gdon// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// 'gro drug sems can thams cad la// phung po lnga yis kun khyab ste// spyi dang rang gi mtshan nyid ni// so so'i dbye ba ngas bshad kyis// dang po spyi yi mtshan nyid kyis// phung po lnga ru 'dod pa'i gzhung // sems tsam theg chen pa na re// phung po lnga la ma gtogs pa'i// chos ni gzhan nas yod min phyir// phung po lnga ni yang dag yod// de yang 'dus pa'i snying po nyon// rgyu yi phung po lnga rnams kyang // lhar ni ma shes dad pa yis// sa

  545. 273a

    dang pha rol phyin pa yi// lam la rim gyis bgrod byas nas// rnam par mi rtog ting 'dzin gyis// sgrib pa rnam pa gnyis sbyang ste// thabs dang shes rab gnyis ldan ni// rang gi don dam nges pa yin// 'bras bu thob pa'i dus na ni// sku gsum ye shes bzhi ru 'dod// de yang rdo rje sems dpa' nyon// phung po lnga ru 'dod pa de// yang dag don dam ma yin te// du mar snang yang rkyen gyis bskyed// gnyen pos bcos shing bskur yod phyir// kun rdzob sgyu ma tsam yod par// yang dag don du 'dod pa 'khrul// mi dang tho yor zag sbrul bzhin// 'khrul pa yin par the tshom med// de yang rdo rje sems dpa' nyon// phung po lnga yi dbye ba dang // mtshan nyid so sor tha dad pa'i// sems tsam gzhung du zhi ba bstan gyis// nges don skabs su ngas ma bshad// rdzogs pa chen po nges don 'dus pa las/ sems tsam sun 'don pa bstan pa'i le'u ste bcu pa'o// // de nas 'dus pa'i 'khor rnams la// kun bzang ston pas bka' stsal pa// gsang sngags phyi nang 'dod pa'i gzhung // phung po khams dang skye mched rnams// sangs rgyas yin par blos bsgyur nas// ye shes sems dpa' mchod la sogs// tshogs gnyis bsod nams bskyed nas ni// chos nyid sgrib pa bral dus na// 'bras bu 'byung bar nges pa ni// sku gsum ye shes lngar 'dod

  546. 273b

    pas// rang rig chos sku nges don bsgribs// da yang rdo rje sems dpa' nyon// a nu yo ga'i 'dod pa ni// phung po lnga sogs rtog tshogs kun// ma bskyed rdzogs par 'dod pa de// 'bras bu ye shes lnga dang ni// sku lnga lhun grub 'dod pas bsgribs// yang dag 'dus pa'i snying po nyon// rang bzhin lhun grub sangs rgyas ni// dus gsum dag tu mi 'gyur cing // gnyen pos bcos shing bsgyur du med// thabs ni gang la'ang mi brten phyir// rang byung kun tu bzang po bya// de yang 'khor gyi snying po nyon// phung po rnam pa lnga las kyang // sku lnga ye shes lnga ru 'dod// phung po gcig las med pa la// 'bras bu tha dad 'byung ba yis// gnas 'gyur du ni sangs rgyas nas// rigs lnga'i yon tan rdzogs 'dod pas// shin tu mi 'thad 'gal ba'i phyir// ma rig rmongs pas rang la bsgribs// de don dgongs shing bsgrib pa ni// rgyud gzhan du ni zhi ba bstan phyir// nges don skabs su ngas ma bshad// da yang rdo rje sems dpa' nyon// ming gi rnam grangs du bstan yang // don gyi ngo bo gcig tu 'dus// rtsal shugs tshul du gnyis su snang // don la dgos med tshig dang bral// de phyir byis pa'i sprin tshig 'dra// phung po khams dang skye mched kun// sems su byas shing blo yis bcos// de phyir yang dag phung po min// don dam chos la smos ci dgos// de phyir

  547. 274a

    ma rig rmongs pa kun// gnas 'gyur sangs rgyas 'dod pas phung // gtan du 'khyams pa snying re rje// rdzogs pa chen po nges don 'dus pa las/ gsang sngags phyi nang gi 'dod gzhung sun 'don pa bstan pa'i le'u ste bcu gcig pa'o// // de nas 'dus pa'i 'khor rnams la// kun rig ston pas bka' stsal pa// mu stegs chad 'drar bskur btab kyang // nges don snying po ma mthong phyir// gtan gas sgo skar skon bkal kyang // don dang mthun par mi 'gyur ro// da yang rdo rje sems dpa' nyon// theg pa 'og ma'i chos kun bzhin// shes rab thabs la brten dgos na// byas pa yin phyir gnas lugs min// sku dang ye shes 'byung mi srid// de phyir thabs la rag lus med// rang byung snying po chos sku ni// nyi ma dang ni 'od bzhin du// shes rab chos sku gcig pu la// sku dang ye shes kun ka rdzogs// da yang 'dus pa'i snying po nyon// nges don bka' yis drang don kun// sun bton sgro 'dogs chod pa yin// nges don bka' la sun 'don med// de phyir drang don bka' 'di gol// nges don yang ti'i gzhung gis ni/ dngos su snang yang 'byung ba med// don dam rang bzhin ngo bor gnas// don du bya ba ma dmigs kyang // rang byung yon tan thugs la rdzogs// chu zla'i dkyil 'khor lta bur snang // rang byung lhun gyis grub

  548. 274b

    pa yis// rang byung ngang la shugs kyis 'byung // de yang rdo rje sems dpa' nyon// phung po'i dbye ba 'dus lugs kyang // thun mong theg par sgo bstun phyir// kun dang mi mthun bstan pa yang // drang don yin phyir yang dag min// yang dag nges don yang ti ni// dper na shing thog smin pa la// 'bras bu shugs kyis 'byung ba ltar// chos sku sgrib pa med pa la// sku gsum ye shes lnga rnams kyang // ma btsal rang bzhin lhun gyis rdzogs// rigs lnga'i sangs rgyas don gyi tshang // thams cad mkhyen pa'i ye shes kun// ma lus thogs pa med par mkhyen// rdzogs pa chen po nges don 'dus pa las thabs la ma brten par yon tan thams cad rang la rdzogs par bstan pa'i le'u ste bcu gnyis pa'o// // de nas 'dus pa'i 'khor rnams kyis// kun rig sems kyi rgyal po la// theg pa gzhan dang sgo bstun phyir// phung po rgyu 'bras don zhus pa// phung po rnam pa lnga po de// yang dag yod dang byin rlabs su// rtag chad bral dang ngo bo gnas// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rnam shes phung po yang dag yod// phung po bzhi ni byin rlabs byung // rtag chad bral ba'i rnam shes ni// kun gzhi rang gis ngo bo yin// rtag chad ngo bor gnas pa ni// phung po gzhan dang tshogs

  549. 275a

    bdun yin// de yang 'dus pa'i snying po nyon// de yi 'bras bu sku lnga dang // ye shes lnga rnams yod tshul ni// 'dus ma byas kyi nam mkha' bzhin// dus gsum 'du 'bral med par ni// chos sku ye shes yang dag yod// sku dang ye shes gzhan dag ni// byin gyis brlabs las 'byung ba ste// gza' skar rgya mtsho ji bzhin du// rtsol du med par shugs las 'byung // chos sku me long lta bu ni// rtag chad gnyis dang bral bar gnas// ngo bo rang bzhin lhun gyis grub// de phyir dus gsum 'pho 'gyur med// sku dang ye shes gzhan dag ni// rtag chad gnyis kyi ngo bor gnas/ theg pa gzhan du zhib bstan gyis// nges don skabs su ngas ma bshad// rdzogs pa chen po nges don 'dus pa las// theg pa spyi dang rang gi 'gal bar bstan pa'i le'u ste bcu gsum pa'o// // de nas 'dus pa'i 'khor rnams la// yang ti rang gzhung bka' stsal pa// rang byung ye shes chos sku la// me long lta bu'i ye shes kyang // yang dag don du mi 'dod phyir// ye shes gzhan la smos ci dgos// de yang rdo rje sems dpa' nyon// rang byung ye shes chen po ni// dus gsum dag tu mi 'gyur la// me long lta bu'i ye shes kyang // thog ma med kyang tha ma yod// de phyir rkyen las byung ba yin// khams gsum 'khor ba'i dus tsam na// kun gzhi rnam par shes pa

  550. 275b

    la// gnyen pos bskyed pa'i gnas 'gyur gyi// ye shes bya ba'i ming yang med// nges don yang ti'i gzhung gis ni// khams gsum 'khor ba'i dus na yang // rang byung ngo bo nyid kyi sku// chos sku khyab pa ye gnas phyir// sangs rgyas 'bras bu thob dus na// ye shes chos kyi sku ni gnas// de phyir don dam chos sku la// chos ni gzhan na yod mi srid// de yang rdo rje sems dpa' nyon// 'o na khyod kyi 'dod pa de// sems can las ni sangs rgyas pas// de nyid 'gyur ba ma yin nam// nges don 'gyur ba ma yin te// ma rtogs bag chags bcas pa dang // rtogs pa bag chags bral ba'i phyir// khyad par tha dad snang gyur kyang // don la rgyu 'bras rim gyis med// ngo bo gzhi yi chos sku dang // rtogs pa ye shes chos sku gnyis// ngo bo'i gzhi la tha dad med// nyi ma rang gi ngo bo la// mun grib grang ba gang yang med// glo bur sprin gyis bsgribs tsam na// nyi 'od med pa ma yin te// ngo bo 'phel 'grib med pa ltar// rtogs ma rtogs pa'i khyad par las// sems can sangs rgyas gcig pa'i phyir// gzhi la dus gsum 'gyur med yin// de yang rdo rje sems dpa' nyon// lung ldan bstan pas thams cad mkhyen// de dus 'bras bu sangs rgyas phyir// ngo bo dag la 'phel 'grib med// ske 'gag med par rgyun du gnas// sems can dus kyi chos skra las// de las

  551. 276a

    'phel ba rdul tsam med// de phyir yang dag ngas bshad nyon// de yang 'dus pa'i snying po nyon// 'o na dus gsum mi 'gyur cing // thams cad chos skur 'dod pa de// lung rig gnyis dang 'gal ba dang // sdud pa'i rtogs par 'gyur ba'i phyir// 'o na rtag dang khyad ci yod// de yang don dang mi 'gal te// thams cad chos skur 'dus pa de// bsdus nas 'dus pa ma yin te// nyi 'od bu ram mngar ba bzhin// dus gcig rdzogs pa chos kyi sku// rang bzhin ngang gis gnas pa bzhin// rgyu rkyen tshogs 'dus ma yin pas// lung dang rigs par ci la 'gal// kha dog dbyibs su med pa la// rtag pa'i skyon gyis ci la gos// mi 'gyur ye nas gnas pa la// rtag ces zer na rtag dka' bas// chos sku rgyun du ye yod phyir// chad pa'i skyon gyis nga ma gos// dngos po mtshan ma med pa'i phyir// rtag pa zer zug pa la med// de phyir skyon med gnyis kar gnas// de yang rdo rje sems dpa' nyon// chos nyid mchog tu gsang ba'i phyir// sgo lnga dag gi spyod yul min// de phyir chos sku brjod las 'das// btags pa'i tha snyad kun dang bral// de phyir sems kyi yul las 'das// rang byung rig pa'i ye shes la// tshig gi mtshon pa thams cad nor// rdzogs pa chen po nges don 'dus pa las/ yang ti rang don shan dbye ba bstan pa'i le'u ste

  552. 276b

    bcu bzhi pa'o// // de nas kun rig ston pa yis// 'dus pa'i 'khor la bka' stsal pa// nyan thos lam dang 'bras bu'i gzhung // tshe 'di'i snga ma yang snga la// dge sdig las ni gang byas pas// da lha'i lus 'di blangs pa la// bde sdug gnyis ka dus 'dir 'byung // phyi ma 'khor bar lhung dogs nas// sdig spang dge ba spyad byas na// 'bras bu lha mi'i go 'phang thob// da yang 'dus pa'i snying po nyon// rgyu rkyen tshogs pa'i dge spyad nas// las de'i 'bras bu thob dus ni// gzhan don mthar phyin grub pa las// 'bras bu sangs rgyas thob par du// mtho ris 'bras bu gnas rten bcas// lha dang mi yi them skas la// rim par 'dzegs nas sangs rgyas 'byung // de yang 'dus pa'i snying po nyon// khyod ni yang ti rdzogs chen pa// rtogs pa gcig pus chog zer na// rgyu rkyen ma tshogs 'bras bu 'dod// stong pa nyid kyis mtha' ru lhung // lung rigs gnyis dang shin tu 'gal// de bas dge ba tshogs par spyad// 'bras bu lha dang mi yi ni// 'bras bu thob par bya ba la// rang sems rtogs pas mi chog ste// bsod nams tshogs ni bsags nas kyang // mya ngan 'das pa'i mtha' brten te// ting 'dzin rtse gcig bsgom gyur na// 'bras bu thams cad mkhyen pa yi// ye shes thob par 'gyur ba la// khyod ni yang ti rdzogs chen pa// 'khor ba

  553. 277a

    las ni thar gyur nas// mya ngan 'das pa'i mtha' ru blta// lam de'i 'bras bus sangs mi rgya// de bas 'bras bu bla med pa'i// byang chub thob par bya ba la// chu ni sa dang pha rol phyin// lam la rim gyis bgrod gyur na// gzhan don 'bras bu phun sum tshogs// gzugs sku rnam gnyis 'thob par 'gyur// shes rab mi rtog rtse gcig tu// ma yengs don la bsgom gyur na// bdag don chos sku 'grub par gyur// de yang 'dus pa'i snying po nyon// 'bras bu bdag dang gzhan don gyis// phun sum tshogs pa thob pa ni// 'di las thabs chen nges pa'i lam// chos ni gzhan la yod do zer// de dag dbye ba'i tshogs bsags thabs// snying rje chen po sa gzhir bzung nas// theg pa gzhan du zhi ba bstan phyir// nges don skabs su ngas ma bshad// de yang rdo rje sems dpa' nyon// gsang sngags phyi nang 'dod pa'i gzhung // lam dang 'bras bu'i khyad par ni// thabs dang shes rab zung 'brel nas// bde ba'i yon tan rnyed par 'gyur// 'bras bu thams cad mkhyen pa yi// ye shes thob par bya ba la// thabs dang shes rab 'dzom pa dgos// de phyir thabs ni gang zhe na// phung po khams dang skye mched kun// lha dang lha mor gnas 'gyur bar// rim gyis bskyed dam ma bskyed rdzogs// cho ga gsum mam bdun gyis ni// bskyed cing bsgyur byas

  554. 277b

    ye shes sems// spyan drangs bstim dang mchod la sogs// gzhung dang ldan par byas gyur pas// mthar phyin 'bras bu thob dus na// gzugs sku rnam gnyis 'byung nas kyang // byang chub sems dpa' man chad nas// sems can dmyal ba yan chad kyis// 'gro don mthar phyin grub pa la// stong nyid ting 'dzin bag chags sbyangs// chos sku thams cad mkhyen pa yi// ye shes bde ldan thob par 'gyur// de yang rdo rje sems dpa' nyon// 'di las lhag pa'i nges don chos// rdzogs chen yang ti khyed la med// de phyir thabs la brten nas ni// shes rab lta bas thag bcad de// 'bras bu nges par 'byung bar 'dod// rdzogs pa chen po nges don 'dus pa las/ sngags dang mtshan nyid kyi lam dang 'bras bu dbye ba'i le'u ste bco lnga pa'o// // de nas 'dus pa'i tshogs rnams la// kun rig ston pas bka' stsal pa// theg brgyad lam gyi gol sa ni// khyed cag blo dman ma rig pas// thabs dang shes rab 'brel dgos zer// 'khrul pa brtas pa'i rtog pa yin// de yang 'dus pa'i snying po nyon// dper na mar 'dod pa la ni// chu bsrubs pas ni mar med ltar// thabs kyi mtshan ma dngos su spyad// zhen pa'i sems kyis byang chub 'dod// dper na nyi ma'i snying po la// sprin ni dkar nag gnyis kas sgrib// de bzhin thabs la brten pa yi// gang

  555. 278a

    zag kun gyis dngos por bzung // de phyir lam gyi gegs su gsungs// da yang rdo rje sems dpa' nyon// dper na skyes bu mi rnams kyis// sngags med pa yi dug zos na// a shu ka yi rkyen yin/ phyir// che chung gang zos gnyis ka 'chi// nges pa'i lung ldan don med phyir// thabs ni che chung gnyis kas bsgribs// rtsol ba byas pas thams cad gol// de phyir rang rig chos sku ni// sems kyi gzib na ngos zin na// thabs ni gang la'ang brten pa med// de phyir man ngag snying po'i chos// de yang 'dus pa'i snying po nyon// khyed cag theg pa 'og ma pa// mtshan ma dngos su spyad sgo nas// 'bras bu thams cad mkhyen pa yi// ye shes thob par 'dod pa ni// shin tu gti mug smad pa'i gnas// kun brtags bsgom pa'i chos pa kun// lam gyi gegs ni thabs yin phyir// gol sa yin par kun nas bshad// de phyir thabs la brten mi dgos// de yang 'dus pa'i snying po nyon// sangs rgyas nyid du 'gro ba yi// nges pa'i lam ni gang yin phyir// thog mar blta ba'i gdengs dang ni// ting 'dzin spyod lam dus gcig tu// rang byung snying po'i don rtogs phyir// brjod pa'i tha snyad kun dang bral// thig le nyag gcig chos kyi sku// shes dang sangs rgyas dus mnyam phyir// de las lhag pas chos gzhan med// de yang rdo rje sems dpa' nyon// khyed

  556. 278b

    ni theg pa 'og ma pa// bye ma las ni mar btsir bzhin// bem po 'byung ba rnam bzhi las// sangs rgyas 'dod pa'i snying rul kun// bskal par bsgrub kyang 'grub mi srid// bem po rang yang sems yin/ na// yul la 'pho 'gyur yod pa'i phyir// sems la skye shi yod par 'gyur// de phyir rang byung ye shes min// rdzogs chen las ni ji ltar 'dod// yang ti don dam chen po ni// khyung chen nam mkhar lding ba bzhin// dran pa tsam gyis chos skur gsal// de tsam nyid nas btsal mi dgos// de phyir ma bskyod pa yi lam// dper na nor bu rin chen bzhin// rtogs pa tsam gyis chog pa'i phyir// bdag gzhan don ni lhun gyis grub// de phyir nges don ya mtshan che// da yang rdo rje sems dpa' nyon// khyed cag theg pa 'og ma pa// dper na til la mar yod kyang // ma btsir bar du mar mi 'byung // de bzhin rang la yod mod kyang // ma bstan bar du shes mi srid// bskal pa 'bum phrag brgya yi bar// 'dus byas chos spyod byas gyur kyang // 'bras bu ngas rgyas 'byung ba med// de yang 'dus pa'i snying po nyon// de dag shes byed lam mang yang // rang la yod pa ma shes na// gzhan la tshol ba rmongs pa'i chos// de phyir tshol med don 'di gces// rdzogs pa chen po nges don 'dus pa las/ theg pa gzhan sun 'don pa'i le'u ste bcu drug

  557. 279a

    pa'o// // de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i tshig gis 'di skad gsol// ma rig ye shes dbye ba gang // yul sems gzhi la gcig mi gcig/ rgyu 'bras don gyi dbye ba gang // bsgom du yod med ji ltar yin// rtogs ma rtogs kyi khyad par gang // kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// sems can kun la gnas pa'i don// ma rig ye shes khyad par ni// nga yi bshad kyis da nyon cig/ dang po 'khor 'das par do la// shes bzhin lung ma bstan du yod// de nyid rang du ngo ma shes// de phyir gang gi blo yis 'jug/ de ni gti mug 'khor ba'i gzhi// de la dpyad kyang mi shes pa// gzhi gnas ma rig pa zhes bya// de yang 'dus pa'i snying po nyon// de la yul med 'dzin pa ni// bag la nyal ba'i cha phra byung // de phyir rang la rang gis bsgribs// lhan cig skyes pa'i ma rig pa// rgyu yi rkyen zhes de la bya// rgyu de shin tu myur bar ni// de ma thag tu 'dzin pas brtags// bag nyal ming la zhen 'dzin cing // de ma thag pa'i rkyen zhes bya// rgyu dang de ma thag pa yi// rkyen gnyis zung du 'dzin pa'i phyir// lhan cig skyes pa'i ma rig yin// da yang 'dus pa'i snying po

  558. 279b

    nyon// des bskyed shes pa mngal du 'jug/ ngar 'dzin chags sdang phra mo skye// nang gi bzung ba kun tu brtas// de phyir dmigs pa'i rkyen zhes bya// khong nas phyung nas phyi rol gyi// bag chags yul gyi snang ba la// rang gi yid kyi ngan rtog zhugs// yul la chos brgyad kun tu brtags// nga bdag ngan rtog 'dzin bltas zhe na// mngon rgyu chags sdang kha tshang phyir// dmigs pa bdag po'i rkyen gnyis tshang // kun brtags ma rig pa zhes bya// de yang 'dus pa'i snying po nyon// lhan cig kun brtags gnyis 'dzom pas// kun gzhi'i rnam par shes pa yin// des bskyed tshogs brgyad kha tshang bas// 'khor bar 'khyams zhes de la bya// de yang 'dus pa'i snying po nyon// sangs rgyas kun gyi ye shes ni// rang sems ngo bo rtogs las byung // yang na rang byung kun gyi gzhi// shes nas lung ldan nges pa'i don// zung du 'dzom phyir ye shes yin// sman dang sman pa 'joms pa 'dra// rdzogs pa chen po nges don 'dus pa las/ ma rig pa dang ye shes dbye ba bstan pa'i le'u ste bcu bdun pa'o// // de nas kun rig rgyal po yis// yul sems dbye ba bka' stsal pa// snang zhing srid pa'i chos rnams kun// 'khrul sems bag chags brtas pa'i phyir// snang ba zhen pa sna tshogs pa// ngo bo yul du grub pa med// de phyir snang ba log 'khrul yin// de yang

  559. 280a

    'dus pa'i snying po nyon// rang gi sems ni 'khrul pa'i dpe// zag sbrul tho yor mi bzhin du// med la yod 'dzin kun tu brtags// sa chu me rlung 'byung ba bzhi// 'khrul pa'i bag chags brtas pa'i phyir// dngos su snang yang don du med// de yul 'di ni gtan med la// rmongs pa kun gyis dam par 'dzin// log pa'i rjes su 'brang bas ltung // smre 'dra'i lung gis bslad pa yin// de yang rdo rje sems dpa' nyon// rang rig chos sku ye shes la// ma rig rkyen bzhis ma bskyed pas// kun gzhi med phyir sems kyang med// yul sems gnyis ka gzhi la med// de phyir sems min chos sku la// rang rig ye shes blo/ ldan pas// snang ba med phyir 'dzin pa bral// gsal la 'dzin med mi g.yo ba// sangs rgyas kun gyi dgongs par bshad// de yang rdo rje sems dpa' nyon// rang sems yul du 'dzin pa'i rgyu// 'khor ba'i sa bon ma rig pas// rgyu rkyen byas nas sdug bsngal 'byung // de phyir rang 'khrul rmongs pa'i sems// gzung 'dzin bying rgod zhen pa'i rgyu// yul la brten nas chags sdang skye// 'khor ba'i rgyu ni chags sdang gnyis// gcig dang mi gcig rtsol ba'i bar// 'khor ba'i mtha' la zad pa med// de phyir rang rig don rtogs nas// sems med yul 'di ci la srid// de bas rang sems snying po 'di// sems kyi yul las

  560. 280b

    'das pa'i phyir// gcig dang mi gcig brjod kyi bar// ma rig blo la yul sems yod// log lta can rnams dam par 'dzin// de phyir sgra dang mtshan ma'i chos// sbrel 'dra'i lung gi blos btags nas// yul sems rtsol ba'i chos kun 'byung // ngas lung man ngag bstan pa yis// yang dag nges pa'i sangs rgyas la// rang rig chos sku sems dang bral// de phyir yul med rig pa gtso// nga'i lung go bas yul sems brlag/ da yang 'dus pa'i snying po nyon// de yang rtsa ba mdor bsdus na// nyi shar mun grib med pa bzhin// rang byung chos sku'i don rtogs pas// gol sgrib yul sems gzhi nas dag/ de phyir rang byung ye shes sku// dus gsum 'pho 'gyur med pa'i phyir// 'khrul med yang dag mngon sangs rgyas// de phyir nges don rtogs pas chog/ rdzogs pa chen po nges don 'dus pa las/ yul sems gzhi la skabs dbye ba bstan pa'i le'u ste bco brgyad pa'o// // de nas 'dus pa'i tshogs rnams la// kun rig sems kyi rgyal po yis// rgyu 'bras skabs dbye bka' stsal pa// yang dag nges don snying po la// mdzad spyod 'byung bas ma bslad phyir// rgyu dang 'bras bu ngo bo gcig/ rang byung rig pa'i chos nyid ni// dper na nor bu rin chen la// dgos 'dod 'bras bu dus gcig rdzogs// de bzhin chos sku'i nges don la// rtogs pa tsam gyis

  561. 281a

    yon tan rdzogs// de yang 'dus pa'i snying po nyon// theg gzhan chos kun rgyu 'bras te// dus gcig ma yin rim gyis tshol// rtsol bsgrub yod phyir 'khor ba'i rgyu// gnas skabs bde thob mthar thug med// rgyu 'bras bskyed rim gol bar gsungs// dper na byas pa'i rdzas rnams kun// mi rtag myur du 'jig pa bzhin// rgyu rkyen byas pa'i chos kun nor// 'bras bu mi 'byung chu shing 'dra// de yang 'dus pa'i snying po nyon// bden don rtsa ba mdor bsdus na// tak+Sha ka yi rgyan bzhin du// rgyu 'bras mthar phyin gzhi nas rdzogs// de bzhin chos sku'i snying po la// bde ba'i yon tan rang la 'char// rgyu 'bras gcig phyir lhun gyis grub// rdzogs pa chen po nges don 'dus pa las/ rgyu 'bras don gyi skabs dbye ba bstan pa'i le'u ste bcu dgu pa'o// // de nas kun rig rgyal po yis// bsgom du yod med skabs dbye ba// ched du dgongs te bka' stsal pa// des don ma nor 'phrad 'dod na// ma bsgoms sangs rgyas da lta nyid// rang byung chos sku ye yin la// byang chub snying po bsgom du med// de yang 'dus pa'i snying po nyon// de phyir chos nyid gdod nas dag/ kun bzang nga yi yang snying rgyud// ma nor gdams ngag rnam pa lngas// tshegs med rang sems snying po'i don// skal ldan rnams kyis rtogs par gyis// de yang rdo

  562. 281b

    rje sems dpa' nyon// sangs rgyas dgod pa ji lta ba// sems can blo yis rtogs pa'i thabs// dpes mi mtshon phyir ma bshad par// gdams ngag bstan pa tsam gyis ni// ma bsgoms da lta nyid du yang // nges don rtogs phyir bsgom med don// ma bsgoms 'bral med sangs rgyas thugs/ kun bzang thugs dang mnyam par ni// bde ba'i 'khor lo'i rgyud chen du// bsgom du med par ngas bshad kyis// de yang rdo rje sems dpa' nyon// de don gdams ngag skal med la// zhi gnas blo ni ma yengs pa// bsgom du yod pa gnas pa'i thabs// 'khor la bstan gyis yid kyis nyon// bsgom du med la su skrag pa// mtshan nyid dbang gsum rim gyis bstan// de don nyams su myong ba la// yid ches gdeng dang ldan par 'byung // de phyir rang sems dgon pa brten// de gnas shes rab shin tu 'phel// nyams ni phyi nang rim gyis 'byung // de byung dga' brod sems mi bya// da yang rdo rje sems dpa' nyon// rnam grangs mtshon pa'i tshig rnams las// bzlog ste brjod med rang la bzhag/ tha mal rjes su ma 'brangs pa// bsgom du yod pa'i mchog tu bshad// de phyir ma yengs bsgom pa ni// nyid las mi gzhan 'khor rnams kyang // don gyi sgo nas shes par gnang // rig 'dzin sems dpa' rnams kyang ni// ting 'dzin goms pas brtan

  563. 282a

    pa thob// 'khor na gnas pa'i dad nyan kyang // mos pa'i lta ba goms par byed// shes rab dman pa'i rnal 'byor pa// gnas dang mi g.yo lhun grub 'dod// de phyir rang sems rtogs par dka'// rdzogs pa chen po nges don 'dus pa las/ bsgom du yod med skabs bstan pa'i le'u ste nyi shu pa'o// // de nas 'dus pa'i tshogs rnams la// kun rig rgyal pos bka' stsal pa// ye nas yod pa'i chos kyi sku// rtogs ma rtogs kyi khyad dbye ba// legs par nyon la yid kyis zung // rang sems ma rtogs sems can gyis// 'khor ba gang nas gang du 'khrul// ces 'khrul ldog thabs ma shes pas// yod med gzung 'dzin bla dgas la// 'khrul pa rnams ni dam par 'dzin// 'khor 'das chos la brtags pas lan// de yang 'dus pa'i snying po nyon// gang la'ang rtog pa ma shes phyir// log lta gang zhig nor ba'i lam// gnyis med don la ma reg 'khrul// de phyir gnyis med ma rtogs nas// lus ngag stsol ba sdug bsngal snon// de phyir nges don lung med na// theg dgu shes kyang grol mi srid// de yang rdo rje sems dpa' nyon// ye nas yod pa'i chos nyid la// lung ldan nges pa'i don phrad na// rtogs dus da lta'i tshe 'di la// rang sems snying po rtogs par gyis// kun bzang ngang la thog mtha' med// dus gcig chod phyir mngon

  564. 282b

    sangs rgya// 'das pa'i sangs rgyas kun gyis kyang // da yod phyir na thog ma yod// skye ba mi len tha ma byung // da ltar ma byon sems dpa' yis// thog mtha' mchod rtsol bar byed// de phyir rang sems rtogs par dka'// sems can kun la smos ci dgos// de yang 'dus pa'i snying po nyon// de phyir nges pa'i lung bstan gyis// 'khrul pa ldog thabs shes pa des// nges don tshig gi gdams ngag ni// bstan pas don rtogs skad cig mar// sangs rgyas kun dang dgongs pa mnyam// thog mtha' chod phyir thams cad mkhyen// de phyir nges pa'i rgyud don 'di// rtogs pas chog phyir ya mtshan can// des na tshegs med don chen po// chos rnams kun gyi mchog tu bshad// rdzogs pa chen po nges don 'dus pa las/ rtogs ma rtogs kyi khyad par skabs dbye ba bstan pa'i le'u ste nyi shu rtsa gcig pa'o// // de nas kun rig rgyal po la// rdo rje sems dpas don zhus pa// lha sgom spyod pa 'bras bu yi// rtsa ba'i mdo ni ji ltar bsdu// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// dngos med rig pa'i lta ba ni// rang byung sku nyid rgyu yin phyir// lta ba'i nang nas dam pa'i mchog/ de phyir don la rig par blta// de yang rdo rje sems dpa' nyon// shes pa rang gsal lta ba ni// ngo bo dbye

  565. 283a

    ba rnam drug gis// rang gi mtshan nyid de yin pas// de nyid lus med chos kyi sku// phyi nang med pa rnam dag dbyings// nyi ma shar nas mun med gsal// rang byung ngo bo rig par shar// de tsam nyid nas da lta'i thugs// gsang ba dam pa lta ba'i mchog/ de yang 'dus pa'i snying po nyon// rang byung rig pa'i lta ba la// de la ma nor nges shes te// skyes kyang dam par mi 'dzin phyir// 'di mnyam 'dzin rtog med par gsal// yang dag blo la gol sa med// de phyir dngos med 'dzin bral gyis// yang dag lta ba'i dgongs pa 'di// ma nor lung dang mthun gyur na// kun bzang nga dang lta ba mthun// de yang rdo rje sems dpa' nyon// gzhi nges pa dang ma nges pa// gar mkhan lag pa ji bzhin du// sna tshogs snang yang gzung du med// de tsam nyid nas gzhi mi 'gyur// de don ma nor rtogs pa na// rang gi mtshan nyid rtogs pa na// rang gi mtshan nyid 'gyur ba med// ji skad btags kyang don dang mthun// rang byung nges pa'i lta ba yin// rdzogs pa chen po nges don 'dus pa las/ lta ba nges pa mdor bsdu ba bstan pa'i le'u ste nyi shu rtsa gnyis pa'o// // de nas 'dus pa'i 'khor rnams la/ kun rig ston pas yang gsungs pa// rang rig ye shes gsal ba yi// don dang mi 'bral ting 'dzin ni// gsal la mi rtog mi g.yo ba// ngo bo la

  566. 283b

    sogs dbye ba yis// brgyad tshan gsum gyi man ngag gis// gnyis gsum bsres pa'i chos nyid ni// ye shes rang byung chen po la// mi rtog ye shes lhun grub na// rtsol bsgrub 'das pa'i byang chub sems// gsal tsam nyid nas dmigs pa med// de bzhin nyid du kun rig pas// des khyab gar gnas sangs rgyas yin// de yang 'dus pa'i snying po nyon// nam mkha'i ngang du sprin sangs ltar// nga yi chos sku ngos zin na// thog ma med nas bsags pa yi// rnam rtog phung po dpag med pa'i// dngos de chos sku rig pa las// rnam rtog stong pa'i ngang du sangs// 'di shes rang rig sgom pa'i mchog/ chos sku snying po byang chub la// mtshon du med par rkyen dang bral// de bzhin nyid du kun rig nas// des khyab chos sku rang gsal 'dis// kun la dbang bsgrub thob pa yin// rdzogs pa chen po nges don 'dus pa las/ nges don sgom pa bsdu ba bstan pa'i le'u ste nyi shu rtsa gsum pa'o// // de nas 'dus pa'i 'khor rnams la// kun rig ston pas bka' stsal pa// bya ba med pa'i spyod pa ni// da lta'i lus 'di blangs pa'i tshe// spyod pa'i dbye ba rnam drug gis// don rtogs spang blang med pa'i phyir// theg pa kun las khyad par 'phags// de yang rang sems rtogs pa'i gdeng // dus dang rnam pa thams cad du// rang gsal rig pa

  567. 284a

    'di nyid las// de las gzhan du bogs mi 'don// da yang rdo rje sems dpa' nyon// da lta lus ngag yid kyis kyang // gzhan du ma tshol don 'di la// ma yengs rig spyod don dran na// 'khor ba med pa'i mdzad spyod yin// gang yang rung ba ci la yang // skyon yon dgags bsgrub med rtogs pas// 'jig rten tha snyad 'dzin pa nub// don gsal brjed ngas chags pa chung // rtsing chos nga rgyal chos mi 'byung // de phyir spyod pa'i gdeng du bshad// de yang 'dus pa'i snying po nyon// shes rab blta ba'i gdeng spyod kyis// dug lnga rang grol ye shes kyi// gang du skyes tshe 'di nyid gsal// rang byung rig pa'i gol sa med// de phyir rnal 'byor spyod pa ste// 'du shes rtogs pa thabs kyis kyang // ngos zin nges pa'i gdeng ldan phyir// rkyang pa dus mnyam yul snang la// nyi zla gzas zin ji bzhin du// ye shes spyod pa'i mchog tu bstan// rdzogs pa chen po nges don 'dus pa las/ spyod pa mdor bsdus pa bstan pa'i le'u ste nyi shu rtsa bzhi pa'o// // de nas kun rig rgyal po yis// 'dus pa'i 'khor la bka' stsal pa// nges pa'i gdeng ldan yid ches pa'i// dbye ba rnam pa drug pos ni// phyi ma ma yin dus 'dir ni// ye shes mngon gyur 'bras bu yin// de yang rdo rje sems dpa' nyon// dper na chu dngas rnyog med bzhin// re dogs med

  568. 284b

    pa'i 'bras bu la// gol sgrib bya ba'i ming yang med// nyam nga med pa'i gdeng gis zin// zhe 'dod med pa'i nyams zhig 'byung // nyams med rig pa nyams kyi mchog/ de don yid ches 'bras bu'i mchog/ dper na rtsi 'tshal yod pa'i phyir// 'bras bu gser la smos ci dgos// de bzhin nges pa'i gdeng ldan na// 'bras bu sangs rgyas smos ci dgos// nges don byang chub dus 'dir 'grub// de yang 'dus pa'i snying po nyon// chos sku gzugs brnyan 'byung ba'i dpe// nyi zla gza' skar rtsol med par// rgya mtshor gzugs brnyan 'char ba ltar// sems can mos pa tha dad par// gzugs sku rnam gnyis dus gcig 'byung // rdzogs pa chen po nges don 'dus pa las/ 'bras bu nges par bsdu ba bstan pa'i le'u ste nyi shu rtsa lnga pa'o// // de nas rdo rje sems dpa' yis// 'dus pa'i 'khor gyi don ched du// kun rig sems kyi rgyal po la// bden pa'i yid kyis 'di skad gsol// rtsa ba gcig pa'i chos nyid la// 'gro drug sdug bsngal ci las byung // mu steg rtag chad ji ltar 'khrul// theg pa'i rim pa gang las byung // mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// 'gro drug sdug bsngal 'byung ba ni// lhan cig ma rig rgyu nyid las/ kun brtags ma rig rkyen byas

  569. 285a

    nas// zag pa sbrul du 'dzin pa bzhin// dbang pos yul la der sems pas// le lo snyoms las dman la sbyar// chags sdang lnga la longs spyod pas// de yi rnam smin 'bras bu 'byung // da yang 'dus pa'i snying po nyon// dmyal bas rang sems me sogs mthong // yi dwags mi gtsang mthong yul sdang // byol song ngam grog gyen thur snang // mi yis mthong yul bzhi ru snang // lha ma yin gyis go mtshon mthong // lha yis rin chen sna bdun mthong // de dag 'gro drug sdug bsngal yin// rdzogs pa chen po nges don 'dus pa las/ 'gro drug sdug bsngal 'byung tshul bstan pa'i le'u ste nyi shu rtsa drug pa'o// // de nas 'dus pa'i 'khor rnams la// mu stegs 'khrul tshul bka' stsal pa// yod mthar 'dzin pa'i lta ba ni// 'gyur ba bzhi dang rtag pa lnga// thams cad bdag gis byas par 'dod// rgyu 'bras log pa'i brtul zhugs kyis// thar lam mi thob 'khor bar ltung // mar 'dod bye ma btsir ba 'dra// da yang 'dus pa'i snying po nyon// ye med chad pa'i 'dod pa ni// phung pos bsdus pa'i chos rnams kun// rdul phran dag las byung ba'i phyir// 'byung ba lnga zhig rang thim nas// me shi thal ba rlung khyer 'dra// da yang 'dus pa'i snying po nyon// gnyis ka gzhir 'dod mu stegs ni// rig byed smra ba'i lta ba ste// gzhi ni nges pa med pa

  570. 285b

    la// snang ba gang yang mi 'gog 'dod// gdon gyis zin pa'i smyon pa 'dra// de yi 'bras bu nges pa ni// sems kyi rtsa ba ma shes pas// 'byung chen gtos kyi mun pa bzhin// thugs rje'i nyi zer zhags thag chad// dmyal ba'i 'bras bu the tshom med// rdzogs pa chen po nges don 'dus pa las// mu stegs 'khrul tshul bstan pa'i le'u ste nyi shu rtsa bdun pa'o// // de nas 'dus pa'i 'khor rnams la// theg pa'i rim pa bka' stsal pa// gzhi ni ngo bo nyid sku ste// mthun dpe me long lta bu la// gzugs brnyan theg pa rim dgu byung // de rnams don gyi dbye ba ni// dang po nyan thos lta ba yang // mdo sde pa dang bye brag gnyis// mkhan slob sdom pa'i khyad par gyis// dka' thub lus gdungs bzod pa des// sems kyis lus ngag btson bzung yang // rdul dang shes pa gnyis 'dod pas// glang chen 'dam du bying ba ltar// lus ngag las kyi rtsol ba yis// 'bras bu mi thob snying rje'i gnas// de yang 'dus pa'i snying po nyon// bla ma dag la mi brten par// rang sems don la blo sbyangs phyir// rten 'brel phyi nang rtsad bcad nas// stong pa nyid la rten 'cha' ba// btsan par mi 'gyur nyams pa'i phyir// nor bus rgyal srid bsgom pa 'dra// de yang 'dus pa'i snying po nyon// chos rnams sems su 'dus nas ni// kun rdzob dang ni don dam du//

  571. 286a

    sor rtog pa'i shes rab kyis// bden pa gnyis su rnam par phye// gcig bor nas ni gcig tshol ba// chu bzhag zla ba ngos 'dzin 'dra// de yang 'dus pa'i snying po nyon// thams cad rtsa ba gcig pa yi// rang gi sems kyi snying po'i don// zab la rgya che mi shes pas// bsam du med dang gang 'jog pa// byis pa de ni blun pa ste// mun pa'i skye mched nyid du 'gyur// rdzogs pa chen po nges don 'dus pa las/ rgyu mtshan nyid kyi lta ba bstan pa'i le'u ste nyi shu rtsa brgyad pa'o// // de nas 'dus pa'i 'khor rnams la/ kun rig ston pas bka' stsal pa// chos nyid stong pa'i ngang las ni// dag pa bzhi yi sgor zhugs nas// yo byad phyi la gtsor 'dzin cing // kun rdzob lha yi dkyil 'khor du// rgyud dag pa yi ting 'dzin gyis// sku ni gzugs brnyan phyag mtshan dang // bzlas brjod gtsang sbra dus tshigs kyis// rgyu rkyen tshogs pa'i nus mthu yis// rigs gsum dkyil 'khor lhar gsal kyang // dngos grub gzhan la re ba yis// khyi rgan 'dab chags bsnyegs pa 'dra// de yang 'dus pa'i snying po nyon// rang sems dbye ba med pa la// u pa ya yi theg pa yang // gong 'og lha spyod gnyis 'dzin pa// ne tso mi ltar 'chos pa 'dra// da yang 'dus pa'i snying po nyon// yo ga rnal 'byor sems dpa' yis// phyag rgya bzhi yi sgor zhugs nas// yo

  572. 286b

    byad gtso ru mi 'dzin par// don dam skye 'gag med pa la// lha yi dkyil 'khor 'phags pa'i sku// rnam par snang mdzad chen po yi// chos dbyings dag pa'i byin brlabs las// lha dang bdag tu mnyam pa yis// dam tshig ye shes lhar gsal kyang // rgyal srid med pa'i blon po 'dra// de yang 'dus pa'i snying po nyon// bla ma'i don med nan brtags kyis// dmigs pa can la sems gtad kyang // rnam par grol bar mi 'gyur te// nam mkha' dag la 'dzin pa bzhin// rdzogs pa chen po nges don 'dus pa las/ phyi rgyud kyi theg pa'i lta ba bstan pa'i le'u ste nyi shu rtsa dgu pa'o// // de nas 'dus pa'i 'khor rnams la// kun rig ston pas bka' stsal pa// 'khor 'das ye nas sangs rgyas la// sems kyi rnam rtog ci skyes kyang // mtshan ma'i dngos por ma grub par// dper na nam mkha'i ser bu 'dra// da yang 'dus pa'i snying po nyon// yod med dbus la mi gnas pas// sku gsum ye shes lhun grub kyi// yul sems dbye ba med par 'dod// de phyir bden pa gnyis med gzhi// de yang 'dus pa'i snying po nyon// de don lam gyi rim pa ni// thabs dang shes rab bskor zhugs nas// ting 'dzin gsum gyis lha bsgoms pas// grib ma gzugs su bsgyur ba 'dra// da yang rdo rje sems dpa' nyon// byas pa'i chos rnams ma lus kun// yid

  573. 287a

    dang kun gzhi gnyis 'dus pas// kun gzhi mkha' klong rnam dag tu// rnam rtog mtshan ma gang spyod kyang // nam mkha' gza' skar rtsol med bzhin// kun bzang bde chen thabs kyi gtso// kun tu bzang po gnyis med mkhar// 'du 'bral med pa chos kyi sku// bde chen gnyis med rig pa'i rtsal// nges pa'i gsang sgom shes pas// kun bzang spyod pas don mi rtogs// nyi ma sprin gyis bsgribs pa 'dra// de yang 'dus pa'i snying po nyon// sems nyid rtsol ba med pa la// bsam pa'i dbang gis bsgyur byas nas// 'khor ba'i rgya mtshor g.yeng gyur te// mi shes pa la de ltar snang // rdzogs pa chen po nges don 'dus pa las// bskyed rdzogs gnyis bstan pa'i le'u ste sum bcu pa'o// // de nas rdo rje sems dpa' yis// 'dus pa'i 'khor la phan don du// kun rig rang byung ston pa la// bden pa'i yid kyis 'di skad gsol// spyi yi a ti rdzogs chen ni// chos rnams sems su ji ltar 'dus// sems 'dod lta ba ji ltar gol// rang sems nges don ji ltar min// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// sems sa chos rnams gcig pa ni// 'khor ba mya ngan 'das pa'i chos// sgyu ma rnam gnyis spyod yul te// rnam rtog ye shes tha dad kyang // sems kyi chos

  574. 287b

    nyid ngang du gcig/ da yang rdo rje sems dpa' nyon// de yang de nyid mtshon pa'i dpe// sprin dang 'ja' tshon khu rlangs dang // 'byung ba'i cho 'phrul sna tshogs la// nam mkha'i ngang du ro gcig bzhin// yul gyi tha da mtshan ma rnams// rang gi sems kyis brtags pa'i phyir// phyi nang chos rnams ma lus kun// rigs rgyud med phyir sems su gcig/ rdzogs pa chen po nges don 'dus pa las/ chos rnams sems su 'dus par bstan pa'i le'u ste so gcig pa'o// // de nas 'dus pa'i 'khor rnams la// sems 'dod gol bar bka' stsal pa// sems kyi chos sku bsgribs pa'i phyir// 'khor 'das gnyis kyi bar do na// thog mtha' gcod ni ma shes na// skye rgas na 'chi las mi thar// sa mkhan med pa'i tshong pa 'dra// skye 'chi gnyis kyi bar do na// chos skur ngo spyod ma shes na// ma rig mun pa sangs dus med// sgron me med pa'i mun khung 'dra// de yang rdo rje sems dpa' nyon// yul sems gnyis kyi bar do na/ gol sa gcod ni ma shes na// nyon mongs nyen las ldog mi srid// dred mo gdos kyis zin pa 'dra// mnyam bzhag rjes thob par do ru// rgyun du 'bral med ma shes na// lha bsgom gnyis kyis rkyen mi thub// chu bran than pas bskams pa 'dra// srid pa dag gi bar do na// sangs rgyas 'byung dus ma shes na// gzugs sku rnam gnyis 'byung mi

  575. 288a

    srid// rin chen 'dam khung stor ba 'dra// bdag gzhan rtsod pa'i bar do na// gal mdo tshig gi 'phrang med na// theg pa gzhan las khyad mi thon// g.yul ngor pham pa'i blon po 'dra// da yang 'dus pa'i snying po nyon// de dag gdams ngag med pa'i skyon// sems kyi rtsa ba ma rig pas// 'khrul pa sna tshogs 'byung ba'i phyir// 'khor ba'i rtsa ba chags sdang lngas// ngan song gsum du rtag tu 'khor// de phyir ma rig sems kyis 'khrul// de yang rdo rje sems dpa' nyon// sems kyi 'dod lugs rnam pa bcus// nan brtags lta ba log par bstan// de phyir snang ba sems su byas// nges don ma shes blo yis bcom// yang dag sems med chos ma shes// de phyir lung med rigs pas dpyad// yul sems rig par blo yis bsres// de yang 'dus pa'i snying po nyon// bde gshegs snying po ma mthong bar// lung ldan nges pa'i don chen 'di// ma rnyed bar du sangs mi rgyu// de phyir chos kun rtsa ba ni// chos sku rang gi sems kyis bsgribs// de yang 'dus pa'i snying po nyon// sems ni don med 'khrul pa'i phyir// chos sku'i gol sa sems yin pas// rang byung chos nyid sems dang bral// sems bral rang byung ye shes sku// de yang rdo rje sems dpa' nyon// gang yang rung ba ci la yang // yid kyi sgo lnga'i rjes 'brangs pas// lta bsgom ma yin/

  576. 288b

    ma rig sems// rigs drug bskyed pa sems yin phyir// ma rig 'khrul pa sems las byung // de phyir sems ni gol bar gsungs// da yang 'dus pa'i snying po nyon// rang byung 'dus pa'i snying po la// tshogs brgyad med phyir sems dang bral// sna tshogs sems ni gzhan gyi dbang // rang gi sems zhes de la bya// skyon gyi rtsa ba sems yin pas// de phyir sems kyis sangs mi rgya// sems kyi rgyu rkyen skyes pa'i phyir// nges don ma yin 'khrul pa'i blo// de yang 'dus pa'i snying po nyon// nges don a ti'i gol sar bshad// de phyir sems ni gol ba'i chos// dmus long rin chen mi mthong 'dra// rdzogs pa chen po nges don 'dus pa las/ rang sems gol sa yin par bstan pa'i le'u ste so gnyis pa'o// // de nas 'dus pa'i 'khor rnams la// kun rig ston pas bka' stsal pa// sems ni 'khor ba'i rtsa ba ste// yul ni sna tshogs snang ba la// sems kyi rtog pa sna tshogs zhe na// de phyir sems ni 'khor ba'i rgyu// rtag chad 'dzin pa sems yin pas// lta ba'i gol sa sems las byung // gang dran rang sems 'khrul pa ste// sems las byung ba'i rnam rtog gis// chags sdang thams cad bskyed par byed// 'khor 'das re dogs sems kyis byas// de phyir 'khor ba'i rgyur sems gol// de yang 'dus pa'i snying po nyon// sems kyis byas pa

  577. 289a

    rtog pa yis// skye ba brgyud pa grangs med pa// sems 'dis byas phyir rang byung min// de phyir sems ni glo bur 'khrul// de ltar chos brgyad dam par zhe na// de yang rdo rje sems dpa' nyon// nges don ma mthong glen pa kun// sems las ma gtogs chos med zer// de phyir rmongs pa'i blo re nor// glen bsgom mun pa bsgom pas phung // gang dran sems kyi chos 'di log/ yid la byed pa'i lam ngan kun// blang dor sems 'di shin tu 'chal// drang don sems su bstan pas phung // 'bad rtsol byas pa'i sems kyis dkrugs// mkhyen du re ba'i sgrim tshig gis// nges don ma nor bka' 'di bslang // da yang 'dus pa'i snying po nyon// ma rig rmongs pa'i gang zag kun// chos sku rang yang sems yin zer// de phyir tshig las don ma go// ming las nges don shes pa dkon// de phyir sems kyis byang mi chub// de nyid btsal ba'i mthun dpe ni// rjes btsal bas ni glang po rnyed// sems kyi phyogs nas don btsal bas// rang rig rgyal po ye shes rnyed// de rnyed sems kyi 'dzin pa bral// 'dzin bral sems med rang rig sku// de don 'bral med byang chub klong // sems bral ting 'dzin rgyun du gnas// de yang 'dus pa'i snying po nyon// sems la sangs rgyas 'dod pa ni// mo gsham bu dang gnyen byed bzhin// snang ba sems yin/

  578. 289b

    zer ba de// ra gan gser du byed pa 'dra// de bas lung ldan don rnyed nas// rang byung snying po'i don rtogs nas// rang rig sangs nas rang sems brlag/ de phyir chos sku 'gyur ba med// rdzogs pa chen po nges don 'dus pa las/ rang sems nges don min par bstan pa'i le'u ste so gsum pa'o// // de nas 'dus pa'i don ched du// rdo rje sems dpas don zhus pa// snang ba chos dbyings blta ba gang // don gyi 'gyur med gnas lugs ci// mtha' 'bral gzhi nges bshad du gsol// de skad zhus pa'i don gsan nas// kun rig ston pas bka' stsal pa// rang byung chos sku gcig gcig la// yon tan thams cad 'byung ba ni// dper na nor bu rin chen ltar// de ni lhun grub kun gyi gzhi// da yang rdo rje sems dpa' nyon// 'khor ba'i rgyu ni zhen rtog ste// lung ldan grub mthas blo ma bskur// dbang po yul la rtag tu yengs// chos brgyad gzung 'dzin dam par zhen// chu bo bzhi yis mi 'jigs bzhin// 'khor bar 'khyam pa'i gtan gzhi yin// de yang rdo rje sems dpa' nyon// phra rags yul ni gnyen pos spong // ris su 'dzin cing dbye ba spong // yod med 'chal pas rgyu 'bras spong // blo yis gzhi nyid 'chos pa'i phyir// nyan thos rang rgyal gol bar bshad// de yang 'dus pa'i snying po nyon// chos rnams sems su bsdu ba'i

  579. 290a

    phyir// yul sems gnyis med 'dod pa dang // sems nyid rang snang yin 'dod pas// sems nyid stong pa yin blta dang // cis kyang khas mi len pa'i phyir// dbu ma sems tsam blta ba yis// sdud pa'i rtog pas gol ba'i phyir// de yang 'dus pa'i snying po nyon// phyi yi 'byung ba rnam lnga ni// gzhan 'byung yin phyir ye shes min// de phyir mi spong gnod mi nus// sems su mi bsdu phan mi thog/ de phyir kho nar zhen med na// snang ba'i yul ni cir snang yang // sgro skur mi gdag rang gsal pa// chos kyi dbyings zhes de la bya// rdzogs pa chen po nges don 'dus pa las/ gol med chos kyi dbyings bstan pa'i le'u ste so bzhi pa'o// // de nas 'dus pa'i 'khor rnams la// kun rig kun tu bzang po yis// gnas lugs 'gyur med bka' stsal pa// chos sku khyab pa'i phyi nang chos// mtha' dbus med pa thams cad kyi// gnas dang gzhi yi rten byed pa// rang byung thig le nyag gcig ste// 'di ni bde gshegs thams cad kyi// thugs kyi dam pa'i dkyil 'khor yin// de yang rdo rje sems dpa' nyon// rang byung snying po 'gyur med la// blo yis bcos pas gzhi mi 'gyur// de phyir rkyen gyis bcos su med// ma bcos ye nas kun gyi gzhi// rang byung ngo bo nyid kyi sku// chos rnams kun gyi rtsa ba'i gzhi// dus gsum sangs rgyas kun gyis

  580. 290b

    gsungs// de phyir gzhi la 'pho 'gyur med// de yang rdo rje sems dpa' nyon// rang byung lhun gyis grub pa'i phyir// sangs rgyas nyag gcig chos kyi sku// 'di ni 'khor 'das gnyis kyi rgyu// ma rtogs dus na 'khor ba las// rtogs na mya ngan 'das zhes bya// gzhi la sangs rgyas sems can med// de phyir gnyis med gcig gi ngang // thams cad de yi ngo bor gnas// de yang 'dus pa'i snying po nyon// 'khor 'das gnyis pas gzhi snga'i phyir// blo yis ma bcos 'khor 'das med// bag chags ma brtas 'byung ba med// gang yang med phyir kun gyi rgyu// rang byung rtogs pa'i bcom ldan 'das// sa rnams ma bskyod ngang gis rdzogs// lam la mi brten lam dang bral// med pa ma yin ye shes nyid// rdzogs chen mnyam nyid kun tu khyab// chos rnams kun gyi chos chen po// thams cad ngo bor lhun gyis grub// des bskyed chos rnams thams cad 'byung // 'khrul bral rtog med gzhi dang mthun// de phyir lung ldan rkyen gyis ni// blo dngos gcig pa'i dgongs pa la// gzhi shes pa la rtogs zhes bya// de yang 'dus pa'i snying po nyon// chos kyi rgyal po rab sngags phyir// 'khor 'das 'byung ba thams cad kyang // rtsol ba med par shugs las 'byung // de phyir kun gyi gzhi 'gyur zhes// kun bzang nyid kyi gsungs pa yin// rdzogs pa chen po nges don

  581. 291a

    'dus pa las/ gnas lugs 'gyur ba med pa bstan pa'i le'u ste so lnga pa'o// // de nas 'khor gyi tshogs rnams la// kun rig ston pas bka' stsal pa// nang gi sgrib pas bsgrib med don// da lta'i chos sku 'di la ni// 'dus ma byas phyir rtag chad med// ye shes rnam pa nyid yin no// de yang 'dus pa'i snying po nyon// kun gzhi mnyam nyid rgyal ba'i thugs// ma lus sems can thams cad la// rtag med bdag bral chos skur gnas// dngos med khyab pas nam mkha' 'dra// chad pa ma yin gnyug mar gnas// 'dzin med ye shes ngang gis gsal// dngos por med pa chos sku yod// rang byung nyi ma'i snying po 'dra// dbu mar mi gnas ye shes ni// ci yang ma yin nyon mongs sel// mtha' gsum bral ba'i chos nyid ni// mi 'gyur 'joms pas rdo rje 'dra// bla mas don bstan rnal 'byor pas// the tshom med par rang sems rtogs// yul dang chos sku ma 'dres pa// ka shi'i ras kyis rin chen 'dra// da yang 'dus pa'i snying po nyon// nges don rtogs par yid ches pa'i// chos sku 'gyur med rang la gsal// de tsam nyid nas gdeng gis zin// long ba mig phyed gsal po 'dra// dper na nam mkha'i nyi ma bzhin// ma rig mun pa 'joms pa'i thabs// blta ba gzhi nges don nyid la// ma nor rig pa gcig yin te// 'bras bu

  582. 291b

    lhuldan grub gcig tu bstan// rdzogs pa chen po nges don 'dus pa las// mtha' bral lhun gyis grub pa'i lta ba bstan pa'i le'u ste so drug pa'o// // de nas rdo rje sems dpa' yis// 'khor gyi don du yang zhus pa// mtshan ma zil gyis ji ltar mnan// 'gro drug g.yang sa ji ltar bcad// ye shes spyi blugs ji ltar bsgom// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// mtshan ma zil gyis mnan pa'i phyir// ma rig mun pa lta bu la// rig pa ye shes bstan pa'i thabs// rig pa'i dbang chen bka' stsal pa// de yi dang po dpe bstan pa// bram ze gtsang mas khrus gsol te// rgyal srid dag la dbang bskur bzhin// don gyis zin nas rang byung 'char// de don nges par drang thabs kyi// 'dus ma byas kyi nam mkha' la// rang gi tshad dang ldan pa la// sems ni drag tu gtad par bya// dper na gyi ling rta 'dul bzhin// rang gi shes pa ma yengs par// drag gzhan bar nas rtsol bas gdon// tshad zin don la gnas par bya// de'ang khams dang sbyar byas la// khams bde thun ni ring bar bya// mi bde yun ni thung bar bya// yang na langs la cung zad bcag/ rtags ni lus sems gnyis 'byung ste// lus ni 'dar zhing mchi ma 'byung // sems ni bde la btang dka' ste// ting

  583. 292a

    'dzin rtsal gyi rtags rnams 'byung // rtog pa med par gnas pa ni// bya ba btang ba'i skye bu bzhin// ci yang med pa'i rang bzhin la// ma yengs gsal bar lhug par bzhag/ rgod na nam mkha'i sprin bzhin du// byung yang gzhi la gnod med ltar// sems kyi rtsol ba tshad zin na// rtog pas mi bsgrib bcos mi dgos// de yis bsgom nyams bstan pa ni// dmigs pa'i don la sems gtad kyang // shes pa gtad du mi chud par// yul la mi rtog bde bar gnas// zhen pa'i rtog pa skye na yang // ba mo la ni nyi shar bzhin// rjes su mi 'brang lhun gyis 'gro// de tshe zhe la yid ches 'byung // de dus nyid du rang mnyam ni// snang med 'khrul pa log pa tsam// snang bcas don zin de nyid nyams// de nyid goms pas nyams su bde// rdzogs pa chen po nges don 'dus pa las/ nam mkha' mtshon pa nyid la rig pa rtsal gyi dbang bskur ba'i le'u ste so bdun pa'o// // de nas 'dus pa'i tshogs rnams la// 'gro drug g.yang sa bcad pa'i phyir// rtsa ba sems las 'das pa yi// ye shes ngos bzung bka' stsal pa// kun gzhi gzhi cha ngo bo la// chos sku ngos bzung mthun dpe ni// rtsa chu brtags nas ngos zin pa// sman pa mkhas pa ji bzhin dang // nor bu chu 'dangs dpe bzhin no// byang chub sems kyi rig pa'i don// snga ma 'phro ba

  584. 292b

    yid yin te// phyi ma skye ba nyon mongs yin// sgo lngar skye ba rtog pa ste// dmigs 'dzin med par ngang gi gsal// gnyug mar gnas pas 'phel 'grib med// ye shes zang thal nyid yin te// rang gi ngo bo chos kyi sku// shes pa rtsol med drang por 'jug/ dper na thi bya tshang 'jug bzhin// rang gi ngo bo chos sku la// bsgom du med pa'i dgongs pa bya// de don rtags ni dngas zhing bde// shes pa mi 'gyur bkri mi 'dod// chu las mi 'da' nya bzhin du// don las mi 'da' chos nyid rtags// de rtags ldan pa'i rnal 'byor pas// rgyal pos mnga' byas btsun mo bzhin// snga phyi gnyis po skyes pa'i tshe// de rjes mi gcod chos sku ste// dper na rkun po tshor ma thag/ ma bskrad rang bzhin dengs pa ltar// rang rgyud rtsol ba med pa la// mi g.yo mnyam pa'i don la bzhag/ de don rtogs pa'i rnal 'byor nyams// shing bal lta bur lus yang zhing // phyi nang 'byung 'jug dbugs rnams snyoms// chos nyid bde chen gsang ba'i nyams// rdzogs pa chen po nges don 'dus pa las/ sems kyi sems nyid la rig pa rtsal gyi dbang bskur ba'i le'u ste so/ brgyad pa'o// // de nas kun rig ston pa yis// ye shes spyi blugs bstan pa'i phyir// rang byung chos sku gsal ba yi// ye shes spyi blugs bka' stsal pa// ye shes chen po'i mthun dpe ni// rang byung ngo bo

  585. 293a

    nyid khyab phyir// mtha' dbus med pas nam mkha' 'dra// de don rang byung ye shes la// snang srid bsal ba sgo lnga'i yul// rtog pa gsal ba chos kyi sku// 'dzin pa med par lhun gyis grub// khrung chen nam mkhar ldings pa'i tshe// 'phur rlabs 'og tu kun chud ltar// nges don rtogs pas sku gsum rdzogs// 'byung 'jug med par gzhag par bya// ji bzhin nyid kyi gnas lugs ni// rnam par mi rtogs le ba// sa le ba la rtog pa med// de ni rang byung ye shes yin// nor bu rin chen yon tan la// dgos 'dod thams cad shugs kyis 'byung // de bzhin ye shes ngos zin na// bying rgod mi 'byung chos nyid gsal// dper na dug la sngags btab pas// nad rnams sel cing sman 'gyur ltar// chags sdang la sogs dug rnams la// chos nyid gsal thebs rang sar grol// de rtags sgra zos rmi lam zang // gzugs rnams mthong zhing bskor ba byed// bdud rtsi 'dren cing chos ston pa// bdud kyi cho 'phrul bcwo brgyad 'byung // da yang 'dus pa'i snying po nyon// rtog pa bzang ngan ci skyes kyang // blang dor dga' brod sems mi bya// snang ba mi 'gag rang zhir 'gro// 'khyag rom chur log ji bzhin du// dgongs pa ma g.yos dam pa'i rtags// rdzogs pa chen po nges don 'dus pa las/ ye shes spyi blugs kyi chos

  586. 293b

    nyid la rigs pa rtsal gyi dbang bskur ba'i le'u ste so dgu pa'o// // de nas kun rig rgyal po la// rdo rje sems dpas don zhus pa// ma bsgoms ye shes ji ltar gsal// rtog pa rang sar ji ltar grol// the tshom gegs rnams ji ltar bsal/ kun rig ston pas bshad du gsol// zhus pa'i don ni bka' stsal pa// ma bsgoms don dang mi 'bral la// thig le nyag ma gcig tu rdzogs// kun gzhi gzhi cha sa sku la// sna tshogs snang yang 'gyur ba med// de yang rdo rje sems pa nyon// sems nyid bsgom du med pa'i dpe// nam mkha' bsgom du med dang 'dra// de bzhin sems kyis sems bsgom du// chos sku sems kyi yul las 'das// stong nyid rig pa'i ye shes la// nges par 'gyur med blta ba'i gzungs// don du mi brjed ting 'dzin la// rang sems rtogs phyir bsgom mi dgos// de yang rdo rje sems dpa' nyon// rang byung chos sku'i don zin na// shes pa gtad la bsgom mi dgos// de phyir rang byung nang nas gsal// chos nyid ma bsgoms 'bral ba med// yang dag sangs rgyas dgongs pa la// 'pho 'gyur med phyir 'dus ma byas// de rtogs rnal 'byor skal ldan gyis// ma bsgoms chos nyid rang byung shugs// de la rtogs pas bskyod mi byed// de yang rdo rje sems dpa' nyon// da lta'i shes pa 'di nyid la// ma bcos rang

  587. 294a

    gsal chos skur shes// de tsam nyid nas zhen med gsal// de phyir gnyen pos bsgom mi dgos// dung nge ma yengs rang lugs la// ma yengs pa zhes btags pa tsam// don la chos sku de nyid yin// de phyir ma yengs 'bral ba med// gar gnas shes pa 'di nyid las// gzhan du g.yos pa rdul tsam med// de phyir chos nyid rgyun du gnas// shes pas chog phyir rtsol ba med// de yang 'dus pa'i snying po nyon// lung ldan nges pa'i don zin nas// thams cad rang byung nyid kyi don// mkha' ltar khyab cing nyi ltar gsal// gsal tsam nyid nas nub pa med// dngos med kun khyab chos sku bde// med pa ma yin shes shing rig/ rig tsam nyid nas ngang gis stong // stong pa nyid na mtha' dbus med// de yang 'dus pa'i snying po nyon// ye shes lhun grub chen po la// bying rgod zhen 'dzin skyon bral bas// gsal bde stong pa chen po la// ngang du bzhag pa ci yang med// mnyam gzhag med pas rjes thob med// thams cad rang byung chen po las// gzhan du g.yo ba rdul tsam med// de yang 'dus pa'i snying po nyon// de ltar rtogs pa'i rnal 'byor pas// lam med lam lngar ma bgrod cig/ sa med sa bcur ma sbyor cig/ rten med dmigs pa ma 'cha' zhig/ sgrib med sgrib gnyis ma sbyong zhig/ yul med tshogs gnyis ma gsog cig/ nges don 'di

  588. 294b

    rnyed bsgrub mi dgos// rdzogs pa chen po nges don 'dus pa las/ ma bsgoms don dang mi 'bral bar bstan pa'i le'u ste bzhi bcu pa'o// // de nas 'dus pa'i tshogs rnams la/ kun rig chos kyi rgyal po yis// rnam rtog rang grol bka' stsal pa// dper na nyi ma'i snying po la// gzhan gyis ma byas rang gsal bzhin// thams cad ye shes chos sku gsal// ma rig mun pa gdod nas sangs// da yang rdo rje sems dpa' nyon// dper na rgyal po mthong ba'i tshe// mnyan zhing gus pa'i blo skye bzhin// chos nyid dran pas rtog pa med// rig pa rgyun chags dag tu gnas// da yang 'dus pa'i snying po nyon// dper na nam mkha'i sprin bzhin du// rang byung ngang gis gnod med ltar// ma rtogs rang grol 'dzin med phyir// ye shes ngo bo chos skur gsal// da yang 'khor gyi snying po nyon// dper na dgun zla 'bring po la// spang la me mched ji bzhin du// ci dran chos slar 'od gsal bas// thams cad ye shes nyid du gsal// da yang 'khor gyi snying po nyon// dper na rin chen gser gling du// sa rdo btsal gyis mi rnyed ltar// gang yang chos nyid rang gsal phyir// ting 'dzin dag la 'byung 'jug med// de yang 'dus pa'i snying po nyon// 'khor ba mya ngan 'das pa'i chos// thams cad chos nyid 'gyur ba las// bsgom pa'i tha snyad bral ba'i don// rang rig ye

  589. 295a

    shes nyid du gsal// rdzogs pa chen po nges don 'dus pa las/ rnam rtog thams cad rang grol du bstan pa'i le'u ste zhe gcig pa'o// // de nas 'dus pa'i 'khor rnams la// kun rig ston pa kun bzang gis// the tshom ga la 'gags bka' stsal pa// rtsol ba tshig gi 'phrang chen ni// gzhi nges snang ba ma nges phyir// lung dang man ngag mi 'gal ba'i// gtan tshigs chen por bzhag pa'o// dper na nyi/ ma'i snying po la// mun snang gnyis ka mi 'gal bzhin// gzhi gcig gang yang mi 'gal la// de nyid dus na ngos bzung med// de yang 'dus pa'i snying po nyon// chu bran rgya mtshor gcig pa bzhin// gang dran ye shes chen po la// byis pa rnams kyis tha dad bzung // de phyir blo yi snang ba yin// 'byung ba nam mkha' 'dus pa bzhin// chos rnams sems su 'dus pa las// blo bzhag theg pa rim dgu byung // gzhi la chos sku gcig las med// da yang rdo rje sems dpa' nyon// yul nyid sems la sdug bsngal 'byung // rang sems yul la bem por 'gyur// gcig na skye shi med par rig/ 'chi 'pho 'ong phyir blo 'phel yin// gnyis ka yul sems bsre par 'gyur// thams cad ma lus sems yin na// sems tsam ka ta rim par gol// da yang 'dus pa'i snying po nyon// phar 'gel tshur 'gel sems pa ni// de shes ma 'phan/

  590. 295b

    'khor ba rang // de phyir sems rtog rtsis su che// de phyir lung ldan gdams ngag dgos// da yang 'khor gyi snying po nyon// nga yi nges don chos 'di la// bsgom du yod med 'khor ba'i chos// sems can sangs rgyas gcig pa'i phyir// rgyu 'bras dbyer med lhun gyis grub// rtogs nas 'bral med ma bsgoms phyir// chos sku rang byung de nyid ni// dus gsum dag tu 'bral med blta// de phyir nges don bsgom mi dgos// de yang 'dus pa'i 'khor rnams nyon// phung po sangs rgyas sna tshogs ni// bsgom pas ma phan rnal 'byor 'ching // snang ba bor nas sangs rgyas na// rtog tshogs lha ru ci la yin// de ltar chos sku ma shes na// gsang sngags man ngag ci la che// de phyir bstan shes bsgom mi dgos// de yang 'dus pa'i snying po nyon// sangs rgyas sems can 'brel ba yang // med na thugs rjes phan mi nus// yod na sems can ci la 'khor// gnas skabs 'brel pa med pa la// mthar zug ci phyir 'brel ba yod// rgyu 'bras tshul ni 'og ma'i chos// de gnyis ltos pa'i rgyu 'bras med// gzhi ma gcig la snang lugs gnyis// don la gnyis ka yang dag med// de phyir 'khor 'das ma rig chos// lam pa'i chos ni dgos med phyir// 'khor ba'i rnam rtog ci la yod// ma spangs grol phyir bsgom du med// de yang 'dus pa'i snying po nyon// gzhi

  591. 296a

    nas bsam gtan nyams myong ba// yid la nyams su myong ba na// zhi gnas yin phyir lhag mthong med// nyams myong med na gdeng dang bral// de phyir blun po'i spyod yul min// gzhi nyid rtogs na nyams mi dgos// de phyir rtogs pa shin tu gces// gang ltar dran pa nyams kyi mchog/ de la 'di shes smra mi shes// de phyir ma bsgoms nga yi nyams// de yang 'dus pa'i snying po nyon// 'khor 'das gnyis pas nga snga'i phyir// sangs rgyas kun pas lung 'di snga/ kun tu bzang po 'di rtogs pas// sangs rgyas thams cad phyi nas rgyas// de phyir sangs rgyas ma gsungs chos// sangs rgyas sems can nga las byung // gzhi la 'khor 'das med pa'i phyir// sems can tha mal lus srog la// ye shes spyod spang la sogs med// pho tshod blta ba bdud kyis bslus// de yang 'dus pa'i snying po nyon// rang byung ye shes rtsa ba ni// dngos po med la shes pa yod// yid snang sems kyi rang bzhin la// nges don bka' dang drang don las// ngo bo gzhi gcig mi 'gal kyang // rnam snang shA ka thub zhing khams bzhin// drug gi snang ba tha dad pa// gtan tshigs bzhi yi rang bzhin las// snang ba zhen pas gang 'gog pa// lta ba'i yul ni rnam bzhi yis// thams cad blo yi snang ba ste// gang yang ma yin zhen pa 'gog/ de phyir nges don gdams ngag che// de bas

  592. 296b

    rang sems rtogs pa'i thabs// kun gzhi gzhi cha ngos zin na// ye shes lhun grub rdzong chen du// rang rig rgyal po ye shes 'phyo// ma rtogs log rtogs dgag pa'i phyir// mdo sde dang ni rgyud sde la// tshad ma bzhi yi gtan tshigs kyi// theg pa gong 'og khyad par gyis// ming dang tha snyad bsam yas kyang // zhen pa bzlog pa'i thabs su bshad// rdo rje theg pa 'di las med// de yang rdo rje sems dpa' nyon// snang ba mi 'gog chos dbyings la// zhen pa med pas ye shes te/ kun gzhi rang bzhin ma bcos pa// de nyid don dang gang ldan pa// mi yi lus la sangs rgyas yin// rdzogs pa chen po nges don 'dus pa las/ the tshom gegs bsal ba'i le'u ste zhe gnyis pa'o// // de nas rdo rje sems dpa' yis// 'dus pa'i 'khor la phan don du// bden pa'i yid kyis 'di skad gsol// nges pa bdun gyis nams blangs pa'i// lta ba sgom pa spyod pa dang // dam tshig phrin las 'bras bu dang // rang gis nyams su blangs pa'i thabs// kun rig ston pas bshad du gsol// de skad zhus pa'i don gsan nas/ kun rig ston pas bka' stsal pa// gzhi nges lta ba nyams blangs pa'i// sangs rgyas rgyal po chos sku la// 'khor 'das med pa rig pa'i klong // gzhi la 'gyur med blta ba'i gdeng // yul la mi ltos rang byung sku// ye shes nam mkha'i mtha'

  593. 297a

    dang mnyam// don la 'gyur med rang byung ste// skyon gyis ma gos lta ba'i gzungs// 'gyur med chos nyid brdal ba'i klong // da yang rdo rje sems dpa' nyon// mi skye mi 'gag lta ba la// bsgoms pas mi rnyed rtogs pas chog/ 'bral med da lta kun bzang thugs// dus dang rnam pa thams cad du// skye shi med pa lta ba'i mchog/ don du ye shes mthar phyin lam// re dogs med phyir ltung mi srid// gdod nas snying po 'gyur med gzhi// de nyid rang rig chos sku la// rang rig rang bltas ngos mtshar che// de phyir chos sku sangs rgyas thugs// rdzogs pa chen po nges don 'dus pa las/ gzhi nges pa'i lta ba nyams su blangs pa'i le'u ste zhe gsum pa'o// // de nas kun rig ston pa yis// don dang mi 'bral ting 'dzin ni// 'dus pa'i 'khor la bka' stsal pa// chos nyid mi 'gyur ye shes klong // ma bcos ye nas gnas pa ste// rgyu rkyen ma bskyed rang byung sku// dngos med rang gsal 'bras bu la// rkyen bral snying pos gzhig tu med// bsam du med pas bsgoms mi dgos// de yang 'dus pa'i snying po nyon// dbyibs dang bral bas byang chub sems// kha dog med pas mtshon du med// sems kyi yul las 'das pa yis// skye shi med pas 'gyur ba med// rtag chad med pas 'khor ba bral// mtho dman med pas kun gyi rtse// che chung med

  594. 297b

    pas dmigs dang bral/ kun gzhi med pas chos sku'i klong // yangs dog med pas bzang mo'i mkha'// mtha' dbus med pas kun la khyab// ye shes zang thal phyi nang med// mtshon du med pas tshad dang bral// 'dus pa'i snying po de nyon cig/ snang ba med pa'i chos nyid ni// ma bcos ye nas ngang gis gsal// rtsol bsgrub ces kyang btsal du med// rtog pa'i dgongs nyams blang ba ni// ma bcos chos sku dag pa'i klong // 'bras bu sangs rgyas de nyid yin// da yang 'dus pa'i snying po nyon// gdod nas 'gyur med ting 'dzin la// rang byung rig pa'i ye shes kyi// ma bcos rang gsal dang bzhag pas// nyams su blangs pa'i dgongs pa ste// de la rnal 'byor gang gnas pa// da lta nyid nas sangs rgyas thugs// rdzogs pa chen po nges don 'dus pa las/ don dang 'bral med kyi dgongs pa bstan pa'i le'u ste zhe bzhi pa'o// // de nas 'dus pa'i 'khor rnams la// kun rig ston pas bka' stsal pa// skyon med yon tan kun ldan pas// shes rab thabs kyi spyod pa yis// phyi nang chos rnams rdzogs par ni// nga yis bshad kyis sems dpa' nyon// lha sgom nges pa'i don gnas pa'i// rnal 'byor nges pa'i skal ldan de// dad pas kun nas bslangs pa yis// snying rje'i rlan dang ma bral bas// sems bskyed rnam gnyis de

  595. 298a

    la rdzogs// gang la'ang mi rtog rang gsal ba'i// chos nyid ngang du rang gnas pas// bying rgod gnyis kyi skyon bral gnas// zhi gnas bde ba de la rdzogs// phyi nang chos rnams ma lus kun// so sor rtogs pa'i shes rab kyis// sgyu ma lta bur shes pa'i phyir// dngos med rtogs pas lhag mthong rdzogs// de yang rdo rje sems dpa' nyon// lta ba'i ngang la mnyam bzhag pas// ser sna 'dzin pa'i sems med pas// chos dang bdag tu ma mthong phyir// sbyin pa'i pha rol phyin pa rdzogs// nges don rtogs pa'i rnal 'byor pas// lus ngag yid kyi spyod pa yis// mi dge nyes byas mi 'byung bas// tshul khrims pha rol phyin pa rdzogs// rang byung rig pa'i rnal 'byor pas// lta ba nges pa'i gdeng zin pas// chos kyi dbyings su kun shong phyir// bzod pa'i pha rol phyin pa rdzogs// nges pa'i don la yid ches nas// rang byung rig pa shes pa yis// lta ba'i don la ma yengs pas// brtson 'grus pha rol phyin pa rdzogs// snga phyis ma bslad gnyug ma la// gzhan du 'dzin bral rang byung sku// chos nyid don las mi g.yo phyir// bsam gtan pha rol phyin pa rdzogs// thos pa'i shes rab blo sbyang nas// nges pa'i don ni mthar phyin pas// chos rnams lta bas thag chod phyir// shes rab pha rol phyin pa rdzogs// de yang rdo rje sems dpa' nyon// lung ldan nges

  596. 298b

    pa'i gdams ngag gis// chos kyi dbyings su shes pa'i phyir// snang ba gang yang mi 'gog pas// thabs kyi pha rol phyin pa rdzogs// sngon nas dge ba'i tshogs bsags pas// bla ma sangs rgyas kun dang phrad// mi gnas bla med don rtogs pas// smon lam pha rol phyin pa rdzogs// thog mtha' ma rig sangs pa las// lung bstan rang gi don shar bas// ma rig mun pa kun bcom phyir// stobs kyi pha rol phyin pa rdzogs// rang byung ngo bo nyid kyi sku// chos sku'i rtsa ba rab rtogs pas// yon tan ma lus kun 'dus phyir// ye shes pha rol phyin pa rdzogs// da yang 'dus pa'i snying po nyon// sangs rgyas kun gyi mdzad spyod la// tha mal spyod pa'i ming med pas// lus ngag dge ba mi mnyam phyir// tshogs chen ma lus rnam gnyis rdzogs// rdzogs pa chen po nges don 'dus pa las/ chos rnams rdzogs pa'i mdzad spyod bstan pa'i le'u ste zhe lnga pa'o// // de nas 'dus pa'i tshogs rnams la// kun rig rgyal pos bka' stsal pa// sems can dus na sangs rgyas spyod// gang yang ma bcos de bzhin nyid// chos sku rtogs nas 'gro don du// cir yang snang ba sprul pa'i sku// mdzad pa bcu gnyis mthar phyin pa// thugs rje'i sprul pa'i kun 'dul yang // blo yi 'du shes rdul tsam med// da yang 'dus pa'i snying po nyon// bdag tu rtog pa

  597. 299a

    med pa'i phyir// gnyis med don gcig chos kyi sku// mthun 'jug spyod pa rgya mtshor ni// spyod pa sna tshogs ci bder spyod// pad+ma'i skyes 'dam yin te// de la skyon gyis gos med ltar// chos nyid blang dor med par rtogs// ting 'dzin nyams pa rdul tsam med// thun mong ma yin rnal 'byor pas// 'ching grol med phyir gol sa med// da yang 'dus pa'i snying po nyon// de dag rig spyod lta ba'i gzungs// rgyun du mi 'bral don mdzad pa// sangs rgyas mdzad spyod dus 'dir 'grub// de phyir rtsol med sangs rgyas yin// rdzogs pa chen po nges don 'dus pa las/ spyod pa 'ching grol med pa nyams su blangs pa bstan pa'i le'u ste zhe drug pa'o// // de nas 'dus pa'i tshogs rnams la/ kun rig ston pa kun bzang gis// dam tshig bsrung dang nyams med pa// nges pa'i don du bka' stsal pa// gdeng ldan nges pa'i ye shes kyis// bsrung du med pa'i dam tshig ste// ye bsrung chen po'i ngang du bsdam// sdom pa phyi nang dam tshig kyang // gdul bya ji ltar 'dod pa ston// tha snyad tsam du 'dul mod kyang // dam du bca' ba rdul tsam med// chos sku thugs kyi mtshan nyid de// de yi ngang dang mi 'bral na// ye bsrung gdeng dang ldan pa'i phyir// dam du bcas kyang skyon med phyir// dngos po med pa nam mkha' 'dra// de yang rdo rje

  598. 299b

    sems dpa' nyon// nga yi chos nyid dam tshig ni// ma bcos mkha' la nyi shar 'dra// mun pa med par rang gsal ba// lhangs kyis rtogs na lta ba yin// rang gi shes pa gnyug ma yis// don la ma yengs ting 'dzin la// snang ba'i yul la ma zhen pa// gang yang ma bkag spyod pa'i phul// nges don rtogs pa'i chos nyid la// mi 'da' dam tshig bsrung ba ste// bsrung du med pas nyams pa med// de phyir ye shes 'bral med pa'i// dbyings nas rig pa rang la shar// sna tshogs bsags pa'i kun gzhi yi// snga phyi grub pa ga la yod// da yang 'dus pa'i snying po nyon// lung ldan nges pa'i don bstan pa'i// sems rtogs ma brjed lta ba la// rgyun du 'bral med dam tshig blang // rang byung chos sku chen po la// brtson 'grus ma yengs gus pa'i thabs// lung ldan nges pa'i gdams ngag la// shes rab go cha dad pa'i lam// yid ches gdeng gis 'gyur ba med// de yang rdo rje sems dpa' nyon// de nyid goms shing brtan pa'i tshe// shes rig ma nyams gsal ba'i rtags// de ldan chos nyid mngon du rtogs// de phyir dam tshig kun gyi mchog/ de lta'i rnal 'byor gang rung gis// spong sdud zhen pa med pa'i phyir// yul ni ma 'gags chos kyi dbyings// bla ma rdo rje slob dpon la// g.yo sgyu med pa'i dam tshig gis// 'gal sems rdul tsam med pa'i phyir// spyod

  599. 300a

    par ma chags khong khro med// mched dang lcam dral la sogs pa'i// brtse gdung chos byed mi 'gyod pa// nges don rtogs pa'i ye shes la// rig pa so thub dgon pa'i mchog/ de yang 'dus pa'i snying po nyon// dus dang spyod lam thams cad du// rgyun du gsal thebs chos spyod yin/ dam tshig chen po'i chos nyid la// rgyun du mi 'bral lha dran phyir// mtshams med byas kyang nges pa'i don// de ldan nyes pa rdul tsam med// rdzogs pa chen po nges don 'dus pa las// dam tshig bsrung nyams med pa'i le'u ste zhe bdun pa'o// // de nas 'dus pa'i 'khor rnams la// kun rig ston pa kun bzang gis// phrin las rdzogs par bka' stsal pa// dper na yid bzhin nor bu la// dgos 'dod thams cad 'byung ba bzhin// ye shes rig pa'i dbang thob phyir// phyi nang dbang rnams de la rdzogs// phyogs bcu ye shes lhun grub pas// mi rtog ye shes gegs bsal nas// gnod byed mtshams brtol med pa'i phyir// phyi nang mtshams kun de la rdzogs// rang bzhin dag pa'i ngo bo la// 'khor ba'i skyon gyis ma gos phyir// ma rig rnam rtog sgrib med pas// don gyi bshags pa de la rdzogs// ye nas rang byung chos sku la// 'khor 'das gzhi la med pa'i phyir// gnyis med don la blo gnas pas// byin chen dbab pa de la rdzogs// dug

  600. 300b

    nyid sbyor shes sman gyi mchog/ dug lnga rang grol ye shes kyis// nyon mongs bdud rtsi chen po la// ye shes byin brlabs de la rdzogs// bag chags brtas pa'i snang ba la// mos pa'i ting 'dzin dbang bsgyur ba// 'byung ba lnga yis kun khyab pa// dbang chen rim pa'i phrin las rdzogs// phyogs bzhi rang bzhin lhun grub pas// rin chen lnga las byas pa yi// gzhal yas khang chen phrin las rdzogs// rtog tshogs lha ru gnas bsgyur bas// 'khrul snang med par gnas pa'i phyir// rig tshor don gyis lhar gsal bas// ye shes lha rnams de la rdzogs// 'khor 'das gzhi la med pa'i phyir/ kun tu bzang po'i ngo bo las// sangs rgyas sems can gnyis med phyir// spyan drangs bstim pa de la rdzogs// ye nas gnas pa'i rang byung de// rang chas yod phyir ma btsal ba'i// chos nyid don la mi 'gyur bas// brtan par bzhugs pa'i phrin las rdzogs// gzhi la skyon yon med pa'i phyir// rang byung phyi nang med pas na// bzang ngan blang dor mi byed pas// zil gyis mnan pa'i phrin las rdzogs// yang dag sangs rgyas dgongs pa la// dbyer med gcig tu rdzogs pa yis// thams cad 'dren pa chen po ste// nan tan phyag rgya de la rdzogs// ye shes lha yi nga rgyal gyis// lus ngag yid kyi bya ba kun// bskul bskyod thams cad ye shes rol// phyag rgya'i mchod

  601. 301a

    pa de la rdzogs// blta ba shes rab ngo bo la// bsgom pa thabs kyis rol pa'i phyir// sems dang chos su don sbyor bas// sbyor sgrol mchod pa de la rdzogs// chos kun rang byung rig par 'dus// gang la smon du med rtogs pas// yon tan thams cad lhun gyis grub// mthar phyin smon lam de la rdzogs// rang byung chos sku'i don rtogs pas// ma brjod dgongs pa gtsor byas pas// sku gsung thugs kyi don tshang phyir// bzlas brjod 'phro 'du de la rdzogs// dga' ldan 'byor ldan nges don ni// snang srid bde ba rol rtogs pas// tshogs chen snod bcud ye yin phyir// tshogs kyi phrin las de la rdzogs// gtso dang 'khor du mi 'byed pas// rang rig bzang ngan ming med phyir// bde chen gnyis med ngo bo la// lhag ma'i phrin las de la rdzogs// bya ba med pa'i las rnams ni// gang yang 'dzin med rang gsal ba'i// mi bzung ye shes chen po la// gtor ma'i phrin las de la rdzogs// 'khor ba mya ngan 'das pa'i chos// ye shes rang byung rang gsal gyi// thig le gcig tu 'das pa'i phyir// dkyil 'khor bsdu ba'i phrin las rdzogs// rang byung ye shes rdo rje yis// rang byung lhar ni don gsal bas// ye shes lhun grub don ldan phyir// bka' nan lus bsrung phrin las rdzogs// ma rig rkyen bzhi med pa'i phyir// gnyis

  602. 301b

    med don du sangs rgyas pas// ma rtogs don du nges pa'i don// dge rtsar bsngo ba'i phrin las rdzogs// rdzogs pa chen po nges don 'dus pa las/ mdzad pa'i phrin las nyams su blang ba'i le'u ste zhe brgyad pa'o// // de nas 'dus pa'i tshogs rnams la// kun rig ston pas bka' stsal pa// ngo bo rang bzhin nges pa'i don// gang yang rung ba ci la yang // dngos por med phyir brtag tu med// med pa la ni yod rtog pa// 'khrul pa rnams kyis shes pa las// dam pa kun gyi mi mkhyen no// de yang rdo rje sems dpa' nyon// nam mkha' dngos med sems dang bral// de phyir rang byung ngo bo nyid// kha dog dbyibs med sems las 'das// de phyir rang byung rtogs pa dka'// chos sku skye med rig pa'i sku// yid kyi yul du bsam du med// gang yang ma spang rig pa de// yon tan kun 'byung rang rig sku// da yang 'dus pa'i snying po nyon// de la las dang rkyen gyis tshugs// de phyir rang byung ji bzhin la// bcos pa med phyir rang lugs chos// 'dus ma byas pas nam mkha' 'dra// chos nyid rang bzhin dmigs pa med// de don rang byung rig par nges// sems kyi kun gzhi rtsad bcad nas// bag chags kun gzhi sprin ltar dengs// lus kyi kun gzhi len mi srid// de phyir rang byung rtogs pas chog/ de yang 'dus pa'i snying po nyon// de la btsal du

  603. 302a

    med pa'i don// dus gsum 'gyur med ye shes klong // yang dag sangs rgyas dgongs pa yin// de yang 'dus pa'i snying po nyon// rang bzhin rnam dag chos nyid la// spros pa med pa nyams su longs// de blangs 'bras bu sangs rgyas thob// de phyir rang bzhin rtogs pa gces// rdzogs pa chen po nges don 'dus pa las/ rang bzhin nyams su blangs pa'i le'u ste zhe dgu pa'o// // de nas kun rig rgyal po yis// 'dus pa'i 'khor la bka' stsal pa// rtsol ba med pa'i 'bras bu ni// gol sgrib med pa'i chos sku la// dbye na rnam pa bcu tshan gsum// yid la mi byed gol sgrib med// de phyir nges pa'i 'bras bu yin// da yang 'dus pa'i snying po nyon// snga phyi zhen pa'i rtogs pa yis// byung tshor rjes su ma 'brangs pas// 'jig rten phal pa'i sar mi gol// de yang nges pa'i 'bras bu yin// de yang bdag med don rtogs phyir// yod med yul du ma bsgoms pas// rtag chad mthar ni de mi gol// de yang nges pa'i 'bras bu yin// rgyal ba'i bka' las man ngag gis// shes rab zab mo'i don zin pas// lung du ma bstan de mi gol// de yang nges pa'i 'bras bu yin// lhag mthong rig pa'i gdeng yod pas// zhi gnas ro la ma chags phyir// 'jig rten bsam gtan sar mi gol// de yang nges pa'i 'bras bu yin// dbyings dang ye

  604. 302b

    shes gnyis med phyir// 'gro drug rnam shes mi 'gegs pas// 'du shes med par de mi gol// de yang nges pa'i 'bras bu yin// spang ba'i rtog pa med pa'i phyir// rnam rtog ma spangs rang zhi bas// nyan thos 'gog par de mi gol// de yang nges pa'i 'bras bu yin// rten 'brel bcu gnyis yul med phyir// rtog bkag stong par ma bsgoms pas// rang rgyal sems su de mi gol// de yang nges pa'i 'bras bu yin// de yang 'dus pa'i snying po nyon// snang ba sems su mi sdud pas// rang rig gsal bar mi bsgom phyir// sems tsam par ni de mi gol// de yang nges pa'i 'bras bu yin// de yang 'dus pa'i snying po nyon// bden pa gnyis su mi dbye phyir// mtshan ma stong par mi bsgoms pas// dbu ma gnyis su de mi gol// de yang nges pa'i 'bras bu yin// pho mo rtsa dang thig le yi// thabs kyi bde ba ma bsgoms pas// chags pa'i lam du de mi gol// de yang nges pa'i 'bras bu yin// tshogs gnyis rtsol ba med pa'i phyir// rgyu 'bras rkyen la med ltos pas// 'dus byas chos su de mi gol// de yang nges pa'i 'bras bu yin// bag chags bzang ngan ming med phyir// dge sdig re dogs rtsol med pas// las kyi dbang du de mi gol// de yang nges pa'i 'bras bu yin// snang stong gzhi la med pa'i phyir// dbye ba bstan pa'i yul med pas// phra ba'i lam du de mi

  605. 303a

    gol// de yang nges pa'i 'bras bu yin// gzhi la gong 'og med pa'i phyir// lam lnga rim gyis ma sbyangs pas// sa bcu nges par de mi gol// de yang nges pa'i 'bras bu yin// rdzogs pa chen po nges don 'dus pa las// rgyu mtshan nyid kyi gol sa dang sgrib pa med par bstan pa'i le'u ste lnga bcu pa'o// // de nas 'dus pa'i 'khor rnams la// kun rig ston pas bka' stsal pa// bdag dang ye shes gnyis med phyir// dag pa'i lhar ni ma bsgoms pas// kri ya'i theg par de mi go la// de yang nges pa'i 'bras bu yin// gong 'og gnyis su mi blta'i phyir// lta spyod ya char mi 'gal bas// u pa yar ni de mi gol// de yang nges pa'i 'bras bu yin// yang dag nges pa'i don rtogs phyir// byang chub rnal ma ma bsgoms pas// yo ga sems par de mi gol// de yang nges pa'i 'bras bu yin// 'khrul snang gzhi la med pa'i phyir// rnam rtog lha ru ma bskur bas// ma hA yo gar de mi gol// de yang nges pa'i 'bras bu yin// dbyings dang ye shes gnyis med phyir// 'du 'bral med 'jogs yid med phyir// a nu yo gar de mi gol// de yang nges pa'i 'bras bu yin// snang ba sems nyid min pa'i phyir// chos nyid mtshon du mi rtog pas// mtshan ma'i skyon du de mi gol// de yang nges pa'i 'bras bu yin// phyi nang gsang ba'i chos kun

  606. 303b

    gyi// brtul zhugs gang yang mi dgos pas// blang dor spyod par de mi gol// de yang nges pa'i 'bras bu yin// rnam rtog gzhi la med pa'i phyir// gnyis med don la mi ltos pas// phyogs can lta bar de mi dgos// de yang nges pa'i 'bras bu yin// tshogs brgyad gol sar shes pa'i phyir// sems nyid don la ma rtsol bas// mnyam nyid don las mi 'gyur phyir// chos kyi sku la gol sa med// rdzogs pa chen po nges don 'dus pa las/ sngags phyi nang gi gol sa med pa'i 'bras bu bstan pa'i le'u ste nga gcig pa'o// // de nas 'dus pa'i 'khor rnams la/ kun rig ston pas bka' stsal pa// sgrib pa med pa'i 'bras bu de// nges pa'i lung ldan bla ma yis// ye shes chen por ngos zin phyir// skabs dbye'i sgrib pa de la med// de yang nges pa'i 'bras bu yin// nam langs mun sgrib med pa bzhin// ma rig bag chags med pa'i phyir// bslad pa'i sgrib pa de las med// de yang nges pa'i 'bras bu yin// gang yang dam par blta med phyir// ched du byas nas bsgom med pas// phyogs lhung sgrib pa de la med// de yang nges pa'i 'bras bu yin// gang dran chos skur rab shes pa'i// lta ba nges pa'i gdengs zin pas// tshogs kyi sgrib pa de la med// de yang nges pa'i 'bras bu yin// gsang sngags mdzad spyod thams cad la// bya ba med pa'i don/

  607. 304a

    rtogs phyir// las kyi sgrib pa de la med// de yang nges pa'i 'bras bu yin// 'khor 'das chos ni gang la yang // ma chags mi g.yo'i stobs ldan phyir// mchod pa'i sgrib pa de la med// de yang nges pa'i 'bras bu yin// yang dag sangs rgyas rnams gsungs pa'i// nges pa'i lung la yid ches pas// the tshom sgrib pa de la med// de yang nges pa'i 'bras bu yin// de yang 'dus pa'i snying po nyon// gol sgrib med pa'i don shes na// rgyal ba nyid dang dgongs pa mnyam// de phyir chos sku da lta'i thugs// sangs rgyas zhes ni de la bya// rdzogs pa chen po nges don 'dus pa las/ sgrib pa med pa'i 'bras bu nyams su blangs pa'i le'u ste nga gnyis pa'o// // de nas rdo rje sems dpa' yis// 'dus pa'i 'khor la phan gdags phyir// kun rig ston pa chos rje la// nges pa'i don dgongs 'di skad gsol// sems las ma byung sangs rgyas dang // rgyu las ma byung 'bras bu dang // lung la ma brten man ngag rnams// kun rig ston pas bshad du gsol// de skad zhus pa'i don gsan nas// kun rig ston pas bka' stsal pa// nges pa gsum gyis khyad 'phags pa// khyod la legs par bshad kyis nyon// yid la zung la nges par chongs// da yang rdo rje sems dpa' nyon// sems las ma byung sangs rgyas ni// rang byung ye shes chos sku

  608. 304b

    de// sangs rgyas kun gyi nges pa'i don// rnal 'byor kun gyi dam pa'i lam// thams cad mkhyen pa'i ye shes mchog/ de yang 'dus pa'i snying po nyon// mtshan nyid sems su 'dod pa yis// ma rig chos ni bden gnyis su// blo yis nan brtags sems kyis bcos// tshogs bsags sgrib sbyangs kun brtags pa'i// sems bral rang byung chos kyi sku// sems las ma byung sangs rgyas 'di// theg pa kun las khyad par 'phags// phyi nang gsang sngags bskyed rdzogs ni// ting 'dzin gsum gyis lhar bsgoms nas// phrin las rnam bzhi'i mdzad spyod kun// 'bras bu mi thob kun brtags pas// yid smon dkyil 'khor lha tshogs kun// drang don yin phyir 'khrul pa'i sems// gsal brtan ting 'dzin goms gyur kyang // sems las ma byung sangs rgyas min// de yang 'khor gyi snying po nyon// yang dag nges don sangs rgyas ni// yid kyis ma bsgoms ma bskyed pas// rtsol med rang byung gsal ba 'di// sems las ma byung sangs rgyas yin// snang med rang byung chos nyid la// yul du byas pa med pa'i phyir// lha med bsgom rgyu ci la yod// de phyir sems ni kun brtags yin// gang yang ma bsgoms chos nyid ni// sems kyi yul las 'das pa'i phyir// sems las ma byung rang byung ste// sangs rgyas kun gyi dgongs pa yin// de yang rdo rje sems dpa'

  609. 305a

    nyon// sems ni ma rig mun pa yin// sangs rgyas sems bral ye shes sku// ma rig sems spangs sgrib pa dag/ thams cad mkhyen pa'i ye shes rgyas// rtag chad 'dzin pa ma rig sems// gsal brtan ting 'dzin goms gyur kyang // sems las ma byung sgrib pa bral// rtag chad sems med chos kyi sku// sems las ma byung sangs rgyas yin// sangs ni 'dzin pa'i 'khrul pa sangs// rgyas ni chos sku mi g.yo/ rgyas// sangs ni sems su 'dzin pa sangs// rgyas ni rang byung ye shes rgyas// sangs ni gol sgrib sems ni sangs// rgyas ni mi rtog ye shes rgyas// sangs ni bying dang rmugs pa sangs// rgyas ni lhag mthong ye shes rgyas// de phyir sems las ma byung ba'i// ye shes rang gsal sangs rgyas yin// de yang 'dus pa'i snying po nyon// sangs ni rgod 'phrog yengs pa sangs// rgyas ni rang rig ye shes rgyas// sangs ni 'khor 'das 'dzin pa sangs// rgyas ni chos sku gsal ba rgyas// sangs ni bag chags nyon mongs sangs// rgyas ni rang rig bde chen rgyas// sangs ni bdud bzhi'i cho 'phrul sangs// rgyas ni zil gnod blta ba rgyas// de phyir rang byung rig pa 'di// sems las ma byung sangs rgyas yin// de yang 'dus pa'i snying po nyon// dus gsum sangs rgyas sems dang bral// tshogs brgyad med phyir sems dang bral// rang byung snying

  610. 305b

    po chos kyi sku// sems las ma byung sangs rgyas yin// ma rig las byung sems can kun// sems su 'dzin phyir sdug bsngal byung // de phyir sems bral spros pa med// spros bral chos nyid rang byung sku// rang sems bral bas dmigs pa med// dmigs med chos kyi sku zhes bya// sems la dus gsum yod pa'i phyir// tshe la snga phyi da lta 'byung // sems la 'pho 'gyur yod pa'i phyir// de phyir lus la skye 'chi 'byung // na tsha bde sdug sna tshogs pa// rang sems yin phyir 'khor bar smin// de phyir sems ni sangs rgyas min// de yang 'dus pa'i snying po nyon// skye shi med phyir sems dang bral// skye med rang byung ye nas gnas// de nyid lam gyi ye shes ni// thog mtha' chod na dus gsum gcig/ chos sku gcig phyir 'pho 'gyur med// snga phyi med par rang byung sku// sems las ma byung sangs rgyas yin// 'pho 'gyur med pas sdug bsngal bral// brjod med rang gi ngo bo la// tshor ba bde sdug gang yang med// de phyir chos nyid bden pa'i ngang // sems las ma byung sangs rgyas yin// de yang 'dus pa'i snying po nyon// dus dang spyod lam thams cad du// nges don 'bral med sems las 'das// de phyir lta ba 'gyur ba med// 'gyur med chos dbyings rang byung klong // ma yengs yengs med de lta nyid// sgom pa kun gyi mchog tu ni// kun bzang rgyal bas

  611. 306a

    gsungs pa de// sems las ma byung sangs rgyas yin// de yang 'dus pa'i snying po nyon// nges don sangs rgyas khyad par can// kun gzhi med phyir snang ba med// de phyir sems med rig pa 'di// sems las ma byung sangs rgyas yin// sems bral lhag mthong chos nyid la// de la yid ches nges pa'i gdeng // sangs rgyas dgongs pa ma nor ba// dam pa'i thugs la gsal ba 'di// sems las ma byung sangs rgyas yin// theg dgu'i chos las khyad par 'phags// rdzogs pa chen po nges don 'dus pa las/ sems las ma byung ba'i sangs rgyas bstan pa'i le'u ste nga gsum pa'o// // de nas 'dus pa'i tshogs rnams la// rgyu las ma byung 'bras bu ni// kun rig ston pas bka' stsal pa// rgyu rkyen med pa'i mthun dpe ni// nor bu rin chen kun ldan gzhi// chos sku rgyu la rag ma lus// rkyen la mi ltos smos ci dgos// de yang 'dus pa'i snying po nyon// rgyu ni 'dus byas mi rtag phyir// gnyen pos 'jig phyir rkyen khar 'gro// de phyir rkyen gyis ma bskyed pa'i// rang byung chos sku 'gyur med de// chos rnams kun gyi snying po yin// phyi nang chos kun bag chags kyi// rgyu rkyen ngan pas bskyed pa'i phyir// 'khrul pa yin par the tshom med// de phyir 'khor 'das ma rig pa'i// nges don chos sku'i snying po ni// rgyu las ma byung rang byung

  612. 306b

    sku// rkyen gyis ma bskyed 'bras bu yin// de yang 'dus pa'i snying po nyon// ma rig rgyu las ma skyes pa'i// rang byung ngo bo nyid kyi sku// kun brtags rkyen gyis ma bskyed phyir// 'byung ba bzhi la brten mi dgos// nam mkha' stong pa rgyu med phyir// rig pa stong pa rgyus ma bskyed// nam mkha' 'byung bzhi'i rkyen mi tshugs// de bzhin chos sku 'gyur ba med// de phyir rkyen gyis ma bskyed pa'i// 'bras bu nges par yod pa yin// da yang 'dus pa'i snying po nyon// rgyu med 'bras bu yod nges pa'i// rgya mtsho'i gser la rgyu med ltar// rig pa rang gsal rgyus ma bskyed// gser de g.ya' yis ma gos ltar// chos sku rkyen gyis mi 'gyur bas// de phyir rgyu las ma byung ba'i// 'bras bu nges par yod pa yin// sems can rgyu las ma skyes pa'i// kun bzang sangs rgyas yod par nges// sngon gyi sangs rgyas rgyus ma bskyed// rkyen med rang byung yin pa'i phyir// ye nas sangs rgyas yin par bshad// da yang 'dus pa'i snying po nyon// drang don sangs rgyas rgyu rkyen ni// thabs dang shes rab yin zhes zer// ji srid thabs la brten gyi bar// chang dang dug bsres 'chi ba 'dra// de phyir rang byung thabs mi dgos// thabs ni ma rig drang ba tsam// ye shes zang thal rgyus ma bskyed// rgyu med 'bras bu shes pas chog/ da yang rdo rje sems dpa' nyon// rang byung

  613. 307a

    stobs kyis 'byung ba'i dpe// lha yi pany+tsa li ka bzhin// rgyu rkyen ma bskyed rang byung sku// sus kyang ma byas byas pa med// de phyir chos nyid brdal ba'i sku// rang byung ye shes rgyus ma bskyed// rkyen med rang gsal rgyun mi chad// gnyen po'i rkyen gyis bcos su med// rgyu las ma byung 'bras bu yin// de yang 'dus pa'i snying po nyon// skye med rang byung don rtogs nas// tshogs gnyis ma bsags khyad par 'phags// de phyir tshogs bsags rtsed mo 'dra// drang don tshogs bsags g.yengs pas phung // gzugs sku tshogs gnyis las ma byung // de phyir chos sku rtogs gyur nas// tshogs ma bsags pa'i gzugs sku 'byung // de phyir rgyu med 'bras bu yin// da yang rdo rje sems dpa' nyon// ngo bo gcig la tha dad med// byad dang me long gzugs brnyan bzhin// chos sku'i rtsal ni gzugs sku gnyis// tshogs ma bsags par shugs las 'byung // sku gsum 'gro don tha dad kyang // rgyu rkyen ma bskyed ye nas gnas// de phyir chos sku'i rang rtsal 'di// mthong stong sna tshogs cir yang 'char// de tsam nyid nas rgyu rkyen bral// dper na nam mkha' ji bzhin no// rdzogs pa chen po nges don 'dus pa las/ rgyu las ma byung ba'i 'bras bu bstan pa'i le'u ste nga bzhi pa'o// // de nas 'dus pa'i tshogs rnams la// kun rig chos kyi rgyal po

  614. 307b

    yis// lung la ma brten man ngag 'di// dad ldan 'khor la bka' stsal pa// sangs rgyas kun gyi ye shes sku// rang byung ye shes rtogs las byung // 'dus ma byas pa nam mkha' 'dra// gang yang med pa'i sngon rol du// rang byung ngo bo nyid kyi gzhi// lung la ma brten man ngag chos// rang gi rig pas rang rtogs phyir// 'khrul ma myong la rtogs ma myong // de tshe 'khor 'das 'byung ba med// gzhi shes rang byung rig pa la// gzhi nas ma rig med pa'i phyir// rkyen gyis sngar 'khrul ma myong bas// lung ldan gyis ni bstan mi dgos// de phyir lung las ma byung chos// ya mtshan rmad du byung ba'i bka'// sangs rgyas thams cad de las bskyed// da yang 'dus pa'i snying po nyon// rang byung kun tu bzang po la// yul med 'dzin pa med pa'i phyir// ye nas rig pa rang la shar// dus de nyid du ma rig sangs// de phyir lung las ma byung ba'i// nges don snying po chos zhes bya// de yang 'dus pa'i snying po nyon/ kun bzang slob dpon med pa'i phyir// phyi nang chos kun bshad lung med// de phyir gzhan la ma brten par// rang gi rig pas shes pa'i phyir// lung la ma brten man ngag chos// rgyal ba rnams kyi rtogs tshul yin// de yang 'dus pa'i snying po nyon// lung la ma brten chos sku la// 'khor ba btsal gyis mi rnyed pas// sangs rgyas kun tu bzang po

  615. 308a

    bya// bag chags gang yang ma gos phyir// rtogs pas myong phyir ye shes rgyas// lung la ma brten dam chos yin// de phyir dus gsum sangs rgyas kun// bskyed par byed pa'i mes po yin// de yang 'dus pa'i snying po nyon// kun bzang sprul pa rnam gsum gyis// sku gsung thugs kyi sgo nas ni// theg pa'i chos rnams bshad pa yang // lung la ma brten chos 'di ni// byin gyi rlabs kyis byung ba yin// zhal nas nges par brgyud pa yi// man ngag snying po 'di rtogs na// rtogs pa mngon gyur sangs rgyas yin// de med chos rnams ma lus kun// smre 'dra'i lung gis bslad pa'i phyir// theg dgu'i chos rnams rkyen gyis bskyed// de phyir nges don bka' ma yin// der brten sgrub thabs bstan bcos kun// byas pa'i chos kun shin tu nor// the tshom mkhas pa yin zer nas// bstod ra lo rgyus mang bshad kyang // smre 'dra'i lung gis dam chos bslad// chu dang 'o ma 'dres pa 'dra// de phyir smre 'dra lung ngan la// brten pas lam nor rtog pas zin// de phyir sdug bsngal sna tshogs myong // rdzogs pa chen po nges don 'dus pa las/ lung la ma brten pa'i man ngag bstan pa'i le'u ste nga lnga pa'o// // de nas rdo rje sems dpa' yis// 'dus pa'i 'khor la phan gdags phyir// kun rigs sems kyi rgyal po la// bden pa'i yid kyis 'di skad

  616. 308b

    gsol// che ba rnam lnga dbye ba yi// dbang gi che ba ji ltar lags// chos sku'i 'khor ni ji ltar dag/ longs sku'i 'khor gyi rol pa gang // sbrul sku'i 'khor gyis rtogs thabs ci// byang chub che ba ji ltar 'byung // kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// sangs rgyas rnams kyi blta ba ni// nam mkha' nyi ma rgya mtsho bzhin// ma spros ma bsdus rang snang la// chos sku gsal la ma g.yos pa'i/ kun la khyab pa'i rig pa gsal// de yang 'dus pa'i snying po nyon// rang rig chos sku gsal ba'i don// nye bar rig pa rang dbang thob// de la rtsol bsgrub bya mi dgos// de phyir sangs rgyas chos kyi sku// 'bab chu mar me dug sngags bzhin// dmigs pa drag da la sgo lnga gsal// rnam rtog nyid kyang ye shes gsal// gsal ba nyid tsam nub pa med// de yang 'dus pa'i snying po nyon// rgyal thabs spyi blugs che ba yis// mtshan ma zil gyis gnon pa'i phyir// rig pa'i dbang chen dang po yis// 'dod khams nyi shu zil gyis gnon// sa gzhi chu zla gang gA bzhin// sna tshogs snang ba gzung du med// che ba'i ye shes rgyun mi chad// med la mi zad 'byung ba'i gter// da yang 'dus pa'i snying po nyon// rig pa rang gsal che ba yis// 'gro drug g.yang sa bcad pa'i phyir// rang byung chos sku ngos

  617. 309a

    zin pas// gzugs khams bcu bdun der mi gol// khyung dang rin chen klu gdug bzhin// lung ldan nges pa'i gdams ngag gis// chos sku rang rig ngos zin phyir/ kun gzhi dus gsum rtsad nas bcad// de phyir rang byung don 'di che// de yang rdo rje sems dpa' nyon// ye shes spyi blugs che ba yis// gol sa phyi nang chod pa'i phyir// nges pa'i don la bsgom mi dgos// gzugs med khams bzhir de mi skye// de yang 'dus pa'i snying po nyon// rgyun du 'bral med dam tshig gis// ye shes chen por la zlos pas// sa bcu rim gyis des mi bgrod// de phyir ngas lung rab tu gces// de yang 'dus pa'i snying po nyon// nges pa'i dbang gsum gcig tu rtogs// de phyir ma bcos chos nyid kyis// bcos pa'i mtshan ma zil gyis gnon// dmigs pa med pa'i nam mkha' yis// dmigs pa'i 'byung ba zil gyis mnan// skye ba med pa'i ye shes kyis// skye ba'i phung po zil gyis mnan// de yang 'dus pa'i snying po nyon// rig pa'i chos kyi sku nyid ni// dus gsum sangs rgyas thams cad kyi// 'byung gnas thams cad nga yi thugs// 'di las ma gtogs sangs rgyas med// rang rig nges don dbang chen ni/ sangs rgyas kun gyi mes po yin// 'di las ma byung sangs rgyas med// de phyir dbang gsum rab tu sngags// rdzogs pa chen po nges don

  618. 309b

    'dus pa las// rig pa dbang gi che ba bstan pa'i le'u ste nga drug pa'o// // de nas 'dus pa'i tshogs rnams la// kun rig rgyal pos bka' stsal pa// chos sku'i 'khor gyi che ba ni// bsgom pa'i skyon ni rnam dag pas// rang rig ye shes ngos zin phyir// chos sku rtog pa med pa'i ngang // 'byung ba'i 'dod yon lnga spyod tshe// longs spyod rdzogs pa'i sku yi dang // 'gro drug gzugs su snang ba'i tshe// sbrul sku thub pa chen po'i ngang // da yang rdo rje sems dpa' nyon// dper na zangs lcags rnam pa la// gser 'gyur rtsi yis btab 'gyur na// thams cad gser du 'gyur ba las// zangs dang lcags su mi 'gyur bzhin// ma rig rtog pa'i mtshan ma la// ye shes chos sku'i rtsis thebs na// khams gsum 'khor ba ming med cing // gdod nas ma spangs ye sangs rgyas// rtsa ba med par ye nas grub// de yang 'dus pa'i snying po nyon// mi nub pa la don gsal phyir// de nyid lhun grub don rtogs nas// rtag na ye shes chen po rtag/ chad na 'khor ba rtsad nas chad// ldan na sku gsung thugs su ldan// snang na rang rig ye shes snang // yin na ye nas sangs rgyas yin// min na khams gsum 'khor ba min// dag na rnam rtog mtshan ma dag/ de yang 'dus pa'i snying po nyon// gol na chos kyi sku ru gol/ rnying rgyud ka dum po drug pa// 'phros na chos kyi dbyings su

  619. 310a

    'phros// bying na ye shes klong du bying // gsal na rang byung chos skur gsal// 'phyon chos nyid klong du 'phyo// de rtogs yon tan skyon rnams kun// chos skur 'dus pa'i don rtogs na// rnam rtogs nyid kyang ye shes yin// da yang rdo rje sems dpa' nyon// rang byung ye shes chos sku la// ma bsgoms ye shes chen po'i don// brjod pa med pa'i shes rab la// dmigs pa med pa'i ting 'dzin gsal// shes pa drang zad so ma la// 'du shes mi bsgyur brtul zhugs bskyed// ci yang mi bsgom gang yang min// ye shes zang thal nyid du bzhag/ rdzogs pa chen po nges don 'dus pa las// chos sku'i 'khor gyi che bas snang ba dag par bstan pa'i le'u ste nga bdun pa'o// // de nas 'dus pa'i 'khor rnams la// kun rig ston pas bka' stsal pa// longs sku'i 'khor gyi snang ba ni/ kun bzang rol par dag pa'i phyir// sdug bsngal sna tshogs skyes pa'i tshe// ye shes bde ba chen po'i ngang // phyi nang sgra skad sna tshogs pa// gsang sngags gsung gi 'khor lo yin// rkyen gyis chags sdang skyes pa'i tshe// rang byung ye shes shar ba yin// shwa dang ser ba la sogs pa// kun bzang thugs rje'i rol pa yin// ngam grog tsher dong g.yang sa yang // rnam par dag pa'i zhing khams yin// da yang 'dus pa'i snying po nyon// mtshan ma

  620. 310b

    spangs pa'i pha rol na// bsgom pa bya ba logs na med// sdug bsngal spangs pa'i pha rol na// bde ba bya ba logs na med// gti mug spangs pa'i pha rol na// rang rig ye shes logs na med// 'dod chags spangs pa'i pha rol na// bde zhing skyid pa logs na med// zhe sdang spangs pa'i pha rol na// snying rje bya ba logs na med// 'khor ba spangs pa'i pha rol na// mya ngan 'das pa logs na med// da yang 'dus pa'i snying po nyon// rang rig spangs pa'i pha rol na// sangs rgyas zhes pa'i ming yang med// chos can spangs pa'i pha rol na// chos dbyings rnam dag logs na med// chos nyid ye nas bsgom pa med// sems la dmigs pa med pa'i phyir// rang gsal dam pa'i snying po 'di// sangs rgyas kun gyi nges pa'i don// yang dag rang byung chos sku ni// mi dmigs par yang bsgom du med// bya bral nam mkha' ji bzhin no// rdzogs pa chen po nges don 'dus pa las/ longs sku'i 'khor gyi snang ba grol bar bstan pa'i le'u ste nga brgyad pa'o// // de nas 'dus pa'i 'khor rnams la// kun rig rgyal pos bka' stsal pa// sprul sku'i 'khor gyi che ba ni// rtog med yang dag ngas bshad kyi// legs par nyon la yid la zung // rang byung snying po nges don 'di// lung ldan rtogs pa'i ye shes kyis// gal te mtshan ma rgyun yang // dran rtog

  621. 311a

    dgag bsgrub med pa'i phyir// rnal 'byor spyod lam thams cad du// ma dran gnyid dang dub la sogs// gar dgar song tshe de nyid la// ngo bo nyid dran gnod mi nus// de yang rdo rje sems dpa' nyon// gdam ngag rkyen dang phrad tsam na// dbang po rab kyis btsal du med// tha mas mi rtogs gdams ngag min// sgyu ma'i lus la spyod pas 'khrul// dang po kun bzang thugs rjes kyang // don nyid tshig tu phyung ba'i phyir// tshig gi don ni mtshon par nus// tshig nyid don min zer ba 'khrul// de yang 'dus pa'i snying po nyon// gang zag bkri don bden gnyis bral// yang dag snying po'i chos nyid la// bsgom du yod dang med pa yi// tshig tu 'dzin med ye nas bden// snang ba'i yul la rtog med phyir// sems la gtad cing gzung du med// ji srid bar du gtad yod na// de srid bar du 'khrul pa yin// de phyir gtad dang gzung du med// de la skyon gyis gos pa med// de yang 'dus pa'i snying po nyon// rang rig chos sku'i dgongs pa 'di// sems las 'das pa'i sangs rgyas la// gang yang ma spangs rig par gsal// de don sangs rgyas dgongs pa yin// sems med chos sku rtogs pa'i phyir// yul nyid sems su mi bsgom pas// bsgom pa po yang med par 'gyur// gang gis gang la bsam zhing bsgoms// de phyir rang sems rtogs

  622. 311b

    pas chog/ de yang 'dus pa'i snying po nyon// rang gsal snang la zhen med pas// rgyun du yod pa'i chos nyid la// ma yengs don la gang gnas pa// de ni rnal 'byor dam pa'i lam// rdzogs pa chen po nges don 'dus pa las/ sprul pa'i sku 'khor gyi che bas mtshan ma'i rnam rtog dag par bstan pa'i le'u ste nga dgu pa'o// // de nas kun rig rgyal po yis// byang chub sems kyi che ba'i don// 'dus pa'i 'khor la bka' stsal pa// ma rtogs bsgom skyon rnam dag pa'i// snying po don gyi 'bras bu'i chos// gang zhig snod dang ldan pa yis// shes nas de la gang gnas pa// rang rig nyid la dbang thob phyir// skye ba gzhan du mi len par// sangs rgyas rigs can 'dzin pa thob// de yang rdo rje sems dpa' nyon// rang byung chos sku de nyid ni// ji bzhin ma bcos ma bslad pa// de bzhin nyid du blong bzhag nas// ye shes de nyid ma yin/ pa// bsgrub dang grub pa ga la yod// de yang 'dus pa'i snying po nyon// de phyir ye shes mngon gyur na// med la mi zad rin chen gter// khams gsum rin chen rnyed pa'i mi// ji ltar 'dod pa bzhin du 'gyur// de bzhin ye shes chos sku 'di// rtogs pas chog phyir rang byung sku// che ba'i yon tan rgyun mi 'chad// cir yang kun 'byung chos kyi gter// de bzhin nyid du kun rig na// 'khor ba dang ni mya ngan

  623. 312a

    'das// so sor yod pa ma yin te// de bzhin nyid de rtogs nges na// de la 'khor ba'i rang bzhin med// de yang rdo rje sems dpa' nyon// byang ni nyon mongs bag chags byang // chub ni chos sku thig ler chub// sems ni skyon bral 'gyur ba med// che ba rang byung ye shes che// de phyir byang chub sems zhes gsungs// de yang 'dus pa'i snying po nyon// ma bcos pa yi man ngag gis// lta ba spangs pa'i nam mkha' la// 'dzin rtog med pa'i ye shes brdal// gang yang ma spangs lhun gyis grub// mi g.yo mi rtog de la blta// de mthong mun pa rnam dag sangs// sangs rgyas kun gyi mchog tu bshad// rdzogs pa chen po nges don 'dus pa las/ byang chub sems kyi che ba bstan pa'i le'u ste drug bcu pa'o// // de nas rdo rje sems dpa' yis// 'dus pa'i 'khor la phan don du// kun rig ston pa chos rje la// bden pa'i yid kyis 'di skad gsol// gnyis med gsum gyis la bzla ba'i// sangs rgyas sems can ji ltar gcig/ skyon yon gzhi la ji ltar med// 'khrul pa ma rig gang ltar dag/ kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// la bzla ba yi gtan tshigs ni// dus gsum sangs rgyas thams cad ni// yang dag rtogs pa'i ngo bor gcig/ des na rtogs

  624. 312b

    pa ye shes yin// de yang 'dus pa'i snying po nyon// sems can kun gzhi la gnas pa'i// bde gshegs snying po chos sku de// kun khyab ngo bo rang byung thugs// de phyir sangs rgyas sems can gcig/ rig dang ma rig gnyis ka'i gzhi// rang byung ngo bo nyid kyi sku// de phyir gnyis su med pa ni// nges pa'i don du la bzla'o// de yang rdo rje sems dpa' nyon// rang gi ngo bo kun gyi gzhi// sangs rgyas sems can gnyis la gnas// de phyir ngo bo gcig pa ni// rgyal ba kun gyis rab tu sngags// chos kyi snying po rang byung sku// 'khor 'das rtsa ba de yin phyir// de las sangs rgyas sems can byung // de phyir rang byung kun gyi gzhi// dper na mar me stong btang yang // 'od kyi ngo bo gcig las med// de bzhin sangs rgyas rnams la yang // thugs ni thig le nyid du 'dus// sems can rnams kyi rnam smin ni// ma rig rkyen gyis bskyed pa'i phyir// skye 'gro gzugs sogs mang gyur kyang // don ma shes pas sems can de// bskal par 'khyams kyang stong bral med// de phyir sangs rgyas sems can gcig/ gcig las 'khor 'das sna tshogs bskyed// de phyir rang byung ngo bo de// rtogs par bya ba shin tu gces// de yang 'dus pa'i snying po nyon// sangs rgyas thugs dang sems can sems// so sor snang ba ma yin te// rtswa bya chos skur+ya ro gcig

  625. 313a

    pas// gnyis su med par la bzla'o// rdzogs pa chen po nges don 'dus pa las/ sangs rgyas sems can gzhi gcig par la bzla bstan pa'i le'u ste re gcig pa'o// // de nas 'dus pa'i 'khor rnams la// kun rig ston pas bka' stsal pa// skyon yon gzhi la med pa'i don// 'khor ba dag gi sdug bsngal ni// nyon mongs brgyad khri bzhi stong dang // nad ni bzhi brgya rtsa gcig dang // ye 'brog sum brgya drug bcu yang // skye rga na 'chi bzhi ru 'dus// sangs rgyas rnams kyi che ba ni// dpe byad bzang po brgyad cu dang // mtshan ni sum cu rtsa gnyis dang // stobs dang mi 'jigs la sogs pa// thig le chos sku rtogs par 'dus// da yang rdo rje sems dpa' nyon// bsod nams tshogs bskyed 'bras bu ni// sangs rgyas che ba'i yon tan yin// ma rig pa la sogs pa yis// sems can lus dang bag chags yin// dge sdig gnyis kyi 'bras bu ni// drang don chos la bden 'dzin kyang // gzhi la skyon yon gnyis med phyir// blang dor med par la bzla'o// de yang 'dus pa'i snying po nyon// dper na 'khrul pa'i snang ba yang // gtsang dang mi gtsang gnyis ka'i gzhi// lud pa la sogs gang rung la// bya khyi gnyis kyis zas su mthong // mi rnams kyis ni mi gtsang mthong // de phyir snang ba ma nges phyir// don la blang dor med pa

  626. 313b

    yin// da yang 'dus pa'i snying po nyon// gzhi la snang ba med pa yang // rang gi rang sems 'khrul pa'i phyir// 'jig rten chos la blang dor byas// de phyir ma rig rmongs pas nor// de bas snang zhing grag pa'i chos// med la yod 'dzin bag chags blos// chos brgyad bzang ngan gtsang sme la// spang sdud blang dor med par ni// ma zhen dam par blta med na// snang ba rang sar grol ba'i phyir// blang dor med par la bzla'o// de yang 'dus pa'i snying po nyon// yang dag chos sku gcig gcig la// gang yang med phyir blang dor med// de phyir nges don snying po la// bsgom du yod med 'bral ba med// nges don sangs rgyas dgongs pa la// nyi shar mun pa med pa ltar// nges don rtogs pas skyon yon med// de phyir blang dor med pa yin// de yang 'dus pa'i snying po nyon// chos sku ye shes ngos zin na// gang yang rang byung lhun grub chos// de las gzhan pa'i chos med phyir// blang dor med par la bzla'o// rdzogs pa chen po nges don 'dus pa las/ skyon yon gzhi la med par la bzla ba'i le'u ste re gnyis pa'o// // de nas 'dus pa'i tshogs rnams la// kun rig ston pas bka' stsal pa// chos sku gzhi nges rtogs pa la// ma rig med pas dug lnga grol// thams cad rang byung chos sku gsal// lung ldan rkyen gyis ma rig dag/ dug lnga byang chub

  627. 314a

    lam yin phyir// sku lnga lhun grub ye nas rdzogs// 'dod chags longs spyod rdzogs pa'i sku// zhe sdang sbrul sku ye sangs rgyas// gti mug chos sku ma rig sangs// nga rgyal ngo bo nyid skur dag/ phrag dog gsang ba'i sku ru rdzogs// dug lnga gcig shes byang chub sku// da yang 'dus pa'i snying po nyon// ye shes yod na ma rig med// de phyir lung ldan nges pa'i don// bka' brgyud chos 'di sangs rgyas gsung // ma rig sel ba'i sgron me yin// nyi zlas de la 'gran mi nus// ma rig med phyir sangs rgyas 'grub// ye shes shar bas thams cad mkhyen// da yang rdo rje sems dpa' nyon// thig le rtogs pas gang yang 'grub// kun gzhi brlag pas yon tan rdzogs// snang ba med pas zhing khams dag/ sems dang bral bas chos sku gsal// ma rig med pas gzhi dang phrad// rten pa med pas re ba med// gol sa med pas lhultung ba med// 'khor ba med pas dogs pa bral// de yang 'dus pa'i snying po nyon// bsgom du med pas yengs mi srid// skye 'gag med pas bying rgod sangs// rang byung rig pa'i ye shes 'di// sus kyang ma byas byas pa med// de phyir chos kyi snying po yin// rdzogs pa chen po nges don 'dus pa las/ ma rig pa gzhi la med cing dag par bstan pa'i le'u ste re gsum pa'o// // de nas rdo rje sems dpa' yis//

  628. 314b

    'dus pa'i 'khor la phan don du// kun rig sems kyi rgyal po la// bden pa'i yid kyis 'di skad gsol// chos rnams skye ba ji ltar med// rol pa 'gag med ji ltar 'byung // mtshan nyid gnyis med gtan tshigs gang // rang blo ngo bor ji ltar grol// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rang bzhin skye med gtan tshigs ni// gzhi la snang ba med pa'i phyir// chos rnams thams cad spros dang bral// de phyir rang bzhin skye ba med// tshig tu smra brjod yul las 'das// brjod med don la yid ches phyir// rang gsal skye med chos kyi sku// de don nges par rtogs pas chog/ de yang 'dus pa'i snying po nyon// chos sku stong pa'i rang bzhin la// ngo bo nyid kyis dmigs su med// de phyir ye shes klong gi lam// rtog pas smra bsam yul las 'das// dngos gzhi med phyir skye ba med// skye med don de sus rtogs pa// de ni rnal 'byor dam pa'i thugs// skye med don la yid ches pa'i// rang byung thugs la ye shes lus// kha dog dbyibs su med pa'i phyir// dngos po yul gyi mtha' las 'das// skye med don ni de bzhin gshegs// rang gi ngo bo brjod du med// rgyu med phyir na skye ba med// rkyen med phyir na 'jig pa med// de phyir sems dang bral ba'i thugs// de yang 'dus pa'i snying

  629. 315a

    po nyon// rang bzhin skye med spros dang bral// brjod du med par rang yid ches// rgyu rkyen ma bskyed don gyi phyir// lhun gyis grub par zag chod do// rdzogs pa chen po nges don 'dus pa las/ rang bzhin skye ba med pa'i gtan tshigs bstan pa'i le'u ste re bzhi pa'o// // de nas 'dus pa'i 'khor rnams la// kun rig ston pas bka' stsal pa// rol pa gang yang mi 'gag pas// skye med skye ba'i chos 'phrul 'byung // de phyir rol pa 'gag med pas// sangs rgyas kun gyi che ba bshad// da yang 'dus pa'i snying po nyon// phyi nang 'byung ba sna tshogs pa// snang stong dbyer med kun khyab mnga'// mtha' dbus med las thams cad 'byung // de phyir nam mkha' kun gyi gzhi// rtsi shing nags tshal thams cad bskyed// theg chen po la kun gnas pa// byang chub dper ni bstan pa'i phyir// nges ni rol pa 'gag pa med// thams cad sdud par byed pa'i phyir// gzhi gnas rnam dag chu chen pos// mi gtsang gol sgrib 'khrud pa'i dpe// de phyir rol pa 'gag pa med// gang yang chags pa'i rten med phyir// shes byar thogs med ye shes rlung // ma rig rnam rtog 'thor ba'i dpe// de phyir kun bzang rol par bstan// thams cad ma lus kun bsreg phyir// lhag mthong ye shes 'od 'bar me// bying rgod mthar 'dzin 'joms pa'i dpe// de phyir

  630. 315b

    rol pa 'gags pa med// da yang 'dus pa'i snying po nyon// chos sku ngo bo nyid kyi rtsal// snang ba 'di ni chos kyi dbyings// de yang rang gsal chos nyid rtsal// 'byung ba ye shes lnga ru dag/ de phyir 'gag med rol pa yin// de yang rdo rje sems dpa' nyon// theg pa'i chos rnams thams cad ni// ma 'dres yongs rdzogs gsal stong gzugs// cir yang snang ba sprul pa'i sku// de phyir rol pa 'gag med yin// snang srid 'byung ba'i sgra skad kun// khyad gsal rang bzhin go ba'i sgra// gsang sngags gsung gi 'khor lor shar// de yang 'gag med rol pa yin// da yang 'dus pa'i snying po nyon// rang gis nges pa'i ye shes kyi// dad pas tshims byed chos kyi dri// lhag mthong tshor ba rang byung sku// de yang chos nyid rol pa yin// chos sku thig le nyag gcig la// rtsal ni chos nyid nyams su myong // myong yang don du 'dzin pa med// de yang 'gag med rol pa yin// rang byung sangs rgyas ye shes de// bde mchog don la rig pa'i chos// de rtsal don la 'gyur ba med// de yang 'gag med rol pa yin// de yi don la 'gyur ba med// 'gags med nga yi rol pa yin// nges pa'i lung ldan gdams ngag gis// gdeng nyams che ba'i don nyid la// ye shes nga rgyal bdag nyid che// nges pa'i don dang 'bral mi phod// sdug bsngal gang yang med pa'i phyir// bde chen rang

  631. 316a

    bzhin snying rje chags// zhen pa gang yang med pa'i phyir// de yang 'gag med rol pa yin// gol dang ltung ba med pa'i phyir// chos nyid gzhan dang phrag dog med// de phyir rang byung chen por shar// de yang 'gag med rol pa yin// da yang 'dus pa'i snying po nyon// 'byung ba 'dod yon dug lnga yang // thams cad ye shes chos skur shar// kun gzhi rang byung de shes pas// kun la dbang bskur thob pa yin// rdzogs pa chen po nges don 'dus pa las/ rol pa 'gag med kyi gtan tshigs bstan pa'i le'u ste re lnga pa'o// // de nas kun rig ston pa yis// 'dus pa'i 'khor la bka' stsal pa// mtshan nyid gnyis med gtan tshigs kyi// nges don rtsa ba chos sku la// lung ldan rkyen gyis yid ches bya// sangs rgyas sems can ngo bo la// rang byung yin phyir gnyis su med// de yang rdo rje sems dpa' nyon// de nyid rtogs pas 'khor 'das dag/ de phyir mtshan nyid gnyis su med// phyi dang nang dang snod dang bcud// mtho ris ngan song dge dang sdig/ dag dang ma dag gtsang rme dang // yin dang min dang nga dor dang // bya dang mi bya skyon yon sogs// tha snyad gnyis su gsungs pa kun// dper na ri bong rwa bzhin du// tshig tu yod la don la med// de phyir mtshan nyid gnyis med pa'i// gtan tshigs chen por bzhag pa yin// de yang 'dus pa'i snying po nyon// mtha' dang bral ba'i chos sku 'di// med pa ma yin dran dang tshor// chad pa ma yin rig cing gsal// rtag pa ma yin dngos po med// gnyis su ma song zla bo

  632. 316b

    med// gcig tu ma song kun la yod// de yang rdo rje sems dpa' nyon// chos can rang gi mtshan nyid ni// gdod nas gnyis su med pa yi// chos rnams rtsa ba gcig pa'i don// gtan tshigs dag gis yid ches bya// gnyis med ces su btags pa ni// 'dres pa'i don gyis ma yin te// gang dang ma 'dres rang byung sgra// chad dang gnyis med ma yin te// sangs rgyas snying po chos sku yod// de phyir gzhi la 'khor 'das med// gnyis ka med phyir mthar ma rig/ rang byung chos sku nam mkha' 'dra// rdzogs pa chen po nges don 'dus pa las// mtshan nyid gnyis su med pa'i gtan tshigs bstan pa'i le'u ste re drug pa'o// // de nas 'dus pa'i 'khor rnams la// kun rig ston pas bka' stsal pa// ngo bo nyid du sngo grol ba// gtan tshigs nges par yid ches don// lus ngag rtsol ba med pa'i phyir// rang byung jo la 'ching grol med// de phyir ngo bo nyid du gnas// de yang rdo rje sems dpa' nyon// gzung 'dzin skyon gyis ma gos pas// rnam rtog jo ni rang sar grol// de phyir nges don ye shes klong // rgyu dang rkyen las ma byung bas// rang byung ngo bo nyid kyi sku// de nyid rtogs pas chos skur grol// yang dag sangs rgyas 'di las med// de yang rdo rje sems dpa' nyon// chos nyid dus gsum mi 'gyur phyir// las kyi dbang du gzhi mi 'gyur// de phyir chos sku rtogs pas grol// de las sogs pa gang yang med// nges pa'i lung ldan yid ches pa'i// nges pa'i gdeng rnyed rnal 'byor pas// mi yi lus ni 'di nyid

  633. 317a

    las// sangs rgyas 'bras bu da lta thob// de phyir rang blo ngo bo nyid// dus 'dir rtsol bas btsal du med// 'dzin med gsal bas sgom du med// de phyir yang dag dgongs pa'i gdeng // de dang su ldan rnal 'byor mchog/ da yang 'dus pa'i snying po nyon// byang chub sems ni rnam dag pas// de don rang byung don rtogs pas// sangs rgyas gzhan du bsgrub mi dgos// de phyir lung ldan gdams ngag gces// chos nyid dag tu blo grol phyir// nyon mongs dug lnga rang sar grol// de la skyon gyis ma gos te// rang byung lus la ye shes thugs// sems can rang blo 'dzin pa med// de phyir nyams pa rdul tsam med// de yang 'dus pa'i snying po nyon// 'jig rten ma lus thams cad kun// bsam gyis mi khyab tshig gyur kyang // nam mkha' tshig par mi 'gyur bzhin// nges don rtogs pa'i rnal 'byor la// lha srin mkha' 'gros dgrar langs kyang // gnod pas mi tshugs ji bzhin byed// de phyir lung ldan shin tu gnyen// rdzogs pa chen po nges don 'dus pa las/ rang blo ngo bo nyid du grol ba'i gtan tshigs bstan pa'i le'u ste re dun pa'o// / de nas kun rig ston pa la// 'dus pa'i 'khor gyi don ched du// rdo rje sems dpas 'di skad gsol// nges don gdul bya 'bras bu yi// sku gsum ston pa ji ltar 'byung // de 'khor las can gang la gsungs// 'gyur med rgyun gyi dpe don gang // mnyam pa'i rgyal pos bshad du gsol// de skad zhus pa'i don gsan nas// kun rig ston pas bka' stsal pa// sangs rgyas ngo bo sku gsum

  634. 317b

    las// chos skur rang byung rig pa de// dus gsum dag tu skye 'gag med// 'gro 'ong med par ye nas gnas// de yang 'dus pa'i snying po nyon// nges don chos sku'i mthun dpe ni// 'dus ma byas pa'i nam mkha' che// dngos med kun khyab dus gsum gcig/ mtha' dbus ris su dbye ru med// de don rang byung ngo bo de// tshig tu brjod med rang rig sku// thugs la gsal phyir nges shes pas// de phyir kun bzang chos kyi sku// zhing khams chos nyid bde ba'i klong // rang bzhin 'og min byang chub thugs// de las 'gyur ba rdul tsam med// rang byung rig pa rnam par dag/ snying po chos sku thugs sgo na// rgyu 'bras gzhi la med pa'i don// chos nyid rtsol bral snying po yis// 'khor 'das ma rig lhun rdzogs chos// chos sku ston pa kun bzang gis// dgongs pa'i nges don byin brlabs kyis// phyogs bcu'i nyid las mi gzhan 'khor// dus gsum sangs rgyas nyid la bshad// rdzogs pa chen po nges don 'dus pa las/ chos sku'i gdul bya bstan pa'i le'u ste re brgyad pa'o// // de nas 'dus pa'i 'khor rnams la// kun rig rgyal pos bka' sprul pa// sangs rgyas longs spyod rdzogs pa'i sku// de yi gdul bya nges par 'byung // de don legs par bshad kyis nyon// longs sku 'byung ba'i mthun dpe ni// nam mkha' dngos med stong pa la// gzha' tshon rnam lnga ma 'dres gsal// de tsam nyid nas dngos med yin// de bzhin rang gi ngo bo yang // skye med chos sku nyid kyi rtsal// rigs lnga sku mdog brgyan pa 'byung // de phyir longs sku'i sangs rgyas

  635. 318a

    yin/ kun gzhi chos sgra'i gzhi cha la// snga phyi bag chags med par gsal// 'byung lnga'i rol pa sna tshogs kyang // zhen pa med phyir chos nyid dbyings// yang dag nges pa'i 'bras bu rnyed// longs spyod rdzogs pa'i sku'i sgo nas// ldem dgongs phyi nang gsang ba'i don// sa bcu'i rig 'dzin sems dpa' la// gsang sngags rang gi ngo bos ston// rdzogs pa chen po nges don 'dus pa las// longs sku'i 'khor gyi gdul bya bstan pa'i le'u ste re dgu pa'o// // de nas 'dus pa'i tshogs rnams la// kun rig ston pas bka' stsal pa// sprul pa'i sku yi sangs rgyas ni// ji ltar ston phyir sprul pa'i sku// 'gro ba'i don phyir gdul bya la// ci rigs par ni don mdzad do// da yang 'dus pa'i snying po nyon// gzhan don sbrul sku'i mthun dpe ni// nges med brag cha khyung dang ni// seng ge chu zla gzugs brnyan dang // u dum wa ra'i me tog 'dra// sbrul sku rang gi ngo bo ni// thub pa drug tu sku sprul te// mi yis shAkya thub par mthong // lha mi rnams kyi ston pa yin// da yang rdo rje sems dpa' nyon// zhing khams gsum kyi nas 'di yi// 'gro drug sems can las dag nas// tshogs gnyis bsag thabs la brten nas// sgrib skrangs 'bras bu rim gyis 'byung // sbrul skra'i gsung gi sgo nas ni// gang la gang 'os drang don du// dge sdig rgyu 'bras gnyis kyi chos// sdeb sbyor legs pa'i tshig tu ston// rdzogs pa chen po nges don 'dus pa las/ sbrul sku'i 'khor gyi gdul bya bstan pa'i le'u ste bdun cu pa'o// // de nas 'dus pa'i 'khor

  636. 318b

    rnams la// kun rig ston pas bka' stsal pa// 'bras bu nges par mthar thug phyir// che ba'i yon tan gtan la dbab// de don legs par ngas bshad nyon// 'khor 'das gnyis kyi gzhi gyur pa// rang byung ngo bo nyid kyi sku// de las 'khor 'das thams cad skyes// gzhi la 'khor 'das grub pa med// 'khrul ngor bden gyis don la med// de phyir rang byung kun gyi gzhi// de la bskyed par nus pa med// de yang rdo rje sems dpa' nyon// dper na gser rgyu gcig pa la// dbyibs dang gzugs ni tha dad pa// byas pa de dag ming re grags// grags kyang gser gyi ngo bo gcig/ de bzhin 'khor 'das sna tshogs la// blun po rnams kyis tha dad bzung // de la spang sdud zhen pa byas// gzhi la ngo bo gcig las med// de yang 'dus pa'i snying po nyon// dper na nor bu rin chen ltar// rnyed pa yod la stor ba med// rang byung ngo bo rtogs pa la// ma btsal yon tan thams cad byung // de phyir chos sku nyid kyi rtsal// rtogs pa'i byin rlabs sku gsum byung // chos sku kun bzang nges don la// rtogs pas phyogs phyir ye sangs rgyas// de yang 'dus pa'i snying po nyon// sku yi sprul pa snang mdzad kyis// dag pa spyod pa'i rnal 'byor la// phyi rgyud rnam gsum chos bstan te// rdo rje 'dzin pa'i sa ru btags// dper na gser sbrul mig gis ni// 'dod pa'i yon tan rnam lnga yang // dus gcig nyams su myong ba yin// dar ya kan gyi sman mchog bzhin// sku dang ye shes ma lus pa'i// che ba'i yon tan 'byung 'dod pas// gzhan don smon lam mthar phyin pa// longs spyod

  637. 319a

    rdzogs sku'i 'gro don byed// de yang 'dus pa'i snying po nyon// thugs kyi sprul pa byung ba ni// rdo rje sems dpa' nyid yin te// snod dang ldan pa'i rig 'dzin la// rgyud lung gnyis kyi nges pa'i sa// skye ba gcig tu bsgrub gyur na// rdo rje 'chang gi sa la 'dug/ da yang 'dus pa'i snying po nyon// sman mchog rgyal po chen po ni// lha yi bdud rtsi ma gi tas// shi ba kun bslang sman gyi mchog/ gang la reg pas 'tsho ba ltar// yang tig thig le nyag gcig la// nges pa'i lung ldan don bstan na// lus ngag rtsol ba mi dgos phyir// bstan dang sangs rgyas dus mnyam byung // de phyir man ngag shes pas chog/ de yang 'dus pa'i snying po nyon// gsung gi sprul pa shAka thub kyis// sems can skye bo las dag la// sde snod rnam pa gsum gyi chos// bskal pa grangs med rnam gsum na// 'bras bu bcu gcig sa gnon 'dod// da yang 'dus pa'i snying po nyon// dper na dpag bsam ljon shing las// bsod nams che chung rim pa yis// 'bras bu sna tshogs rab 'bring 'byung // de phyir las dang rkyen las 'byung // de bzhin drang don chos rnams kun// gang zag blo yi rim pa la// ci rigs pa yi chos bstan pas// 'bras bu lha dang mi ru skye// da yang 'dus pa'i snying po nyon// drang don chos kyis sangs mi rgyu// a mra'i 'bras bu smin mi srid// ma rtogs chos kun ci spyad kyang // rnam par grol bar mi 'gyur ro// rdzogs pa chen po nges don 'dus pa las/ rang rig 'bras bu mthar thug pa'i le'u ste don gcig pa'o// // de nas 'dus pa'i 'khor

  638. 319b

    rnams la// 'gyur med don gyi dpe don ni// kun rig ston pas bka' stsal pa// chu bo chen po'i dpe bzhi yis// mi 'gyur don chen des mtshon pa// bshad kyang 'khor rnams legs par nyon// chu gzhan skye 'bri yod mod kyi// chu bo chen po gang gA la// dbyar skye dgun 'bri med par ni// rgyun mi chad par rtag pa bzhin// rang byung skye med rnal 'byor la// dus dang rnam pa thams cad du// lta ba 'phel 'grib med par ni// ye shes chen po rgyun mi chad// da yang 'dus pa'i snying po nyon// chu gzhan mtsho rab yod mod kyang // chu bo chen po pak+Sha la// gting la ring thung med 'bab cing // drag da la med par snyoms pa bzhin// theg gzhan res 'jog yod gyur kyang // nges don chos kyi ting 'dzin la// thun mtshams med par rgyun du gnas// de phyir 'byung 'jug med par gsal// de yang 'dus pa'i snying po nyon// chu gzhan 'gyur 'gyur yod mod kyang // chu chen ni rany+dza na la// kyag kyog med par da la 'bab cing // drang por 'gyur ba med pa bzhin// theg gzhan dzang dor ched byed kyang // nges don yang ti rdzogs chen la// bzang ngan che chung med par mnyam// 'gyur med dzang dor med par spyod// da yang 'khor gyi snying po nyon// chu gzhan sman dug gnyis yod kyang // si ta chu bo chen po la// dug med sman gyis nad kun sel// kun la phan pa'i sman mchog bzhin// nges don rtogs pa'i 'bras bu ni// gol sgrib lhad med nges pa'i chos// 'gro ba kun la phan pa'i chos// phyi ma ma yin dus 'dir 'byung // da yang rdo rje sems dpa' nyon// chu bo bzhi 'dus rku

  639. 320a

    mtsho ru// chu bran mang po kun 'dus phyir// rgya mtsho chen por ro gcig kyang // chos sku thig le nyag gcig tu// lha sgom spyod pa 'bras bu 'dus// de phyir rang rig chos sgra nyid// de rtsal snang ba chos dbyings la// gang yang ma 'gags lhun gyis grub// rdzogs pa chen po nges don 'dus pa las/ 'gyur ba med pa'i dpe don mthar thug bstan pa'i le'u ste don gnyis pa'o// // de nas rdo rje sems dpa' yis// 'dus pa'i 'khor la phan gdags phyir/ kun rig chos kyi rgyal po la// nges pa'i dgongs don 'di skad gsol// mtshan nyid sangs rgyas ji ltar bzhed// kri ya sangs rgyas ji ltar 'dod// bskyed rdzogs gnyis kyi sangs rgyas gang // yang ti sangs rgyas ji ltar gnas// kun rig ston pas bshad du gsol// de skad zhus pa'i don gsan nas// kun rig ston pas bka' stsal pa// nyan thos rang rgyal mdo sde ni// bskal pa grangs med gsum du ni// tshogs ni rnam pa gnyis bsags te// lam lnga rim gyis dgrod byas nas// dka' thub mthar phyin 'bras bur nges// bud med lus bor pho lus thob// bden bzhi spang blang nyan thos kyi// sa rnams gnon pa'i 'bras bu ni// dgra bcom chen po sdug bsngal bral// tshangs par spyod pa dge slong tshogs// bde sgyid ldan pa sbrul sku'i tshul// bya ba byas shing b+ha ra han// zag pa med cing 'khor ba stongs// de yang 'dus pa'i snying po nyon// yang ti rdzogs chen la ltos na// 'gro don mi byed thabs dang bral// chos sku ma rtogs shes rab bral// lung ldan nges pa'i don mi mthong // thabs

  640. 320b

    dang shes rab bral ba'i phyir// nyan thos rang rgyal nyid du ltung // de phyir nges pa'i sangs rgyas min// de yang rdo rje sems dpa' nyon// byang chub sems dpa'i 'bras bu yang // byang chub mchog tu sems bskyed nas// 'gro ba'i don du dka' spyad kyi// thabs kyi pha rol phyin pa bcus// sgrib gnyis sbyang nas tshogs gnyis rdzogs// da yang 'dus pa'i snying po nyon/ kun tu 'od kyi sa la ni// mi lus med par longs sku'i tshul// mtshan dang dpe byad thams cad ldan// don dam rang bzhin med pa'i phyir// sangs rgyas che ba'i chos kun mkhyen// gdul bya 'khor gyis longs sku mthong // da yang 'khor gyi snying po nyon// byang chub sems dpa'i sangs rgyas kyang // yang ti rdzogs chen la ltos na// nges don snying po ma mthong phyir// gzhi na ma rig yod pas na// rtsol ba byas pas chos sku bsgribs// de phyir yang dag sangs rgyas min// rdzogs pa chen po nges don 'dus pa las/ rgyu mtshan nyid kyi sangs rgyas bstan pa'i le'u ste don gsum pa'o// // de nas kun rig rgyal po yis// 'dus pa'i 'khor la bka' stsal pa// kri ya lha dang lha mo dang // pho mo gnyis kyi tshul du gnas// ma sring lcam dral tshul du yod// thabs dang shes rab bde ba yang // lha yi tshul du bltas pas tshim// mi tshe bdun du bsgrubs pa'i mthus// drang srong rig 'dzin sa thob tshe// skye ba med pa'i rdo rje 'dzin// rigs gsum mgon po sangs rgyas pa// bram ze'i tshul du gtsang spyod pas// dag pa'i sangs rgyas 'ba' zhig 'dod// da yang 'dus pa'i snying po nyon// kun kyang longs spyod rdzogs sku

  641. 321a

    la// gzugs brnyan chu zla lta bu des// 'gro don smon lam stobs kyis byed// de phyir dag pa'i sangs rgyas 'dod// de yang rdo rje sems dpa' nyon// yo ga rnal 'byor sems dpa' yis// 'bras bu phyag rgya bzhi bsgrubs te// 'bras bu stug po bkod pa'i sar// chos kyi dbyings su sangs rgyas 'dod// da yang 'dus pa'i snying po nyon// thabs dang shes rab bde spyod ni// lha dang lha mo kun kyang ni// longs spyod rdzogs pa'i cha byad can// sems dpa' sems ma mang po kun// 'jig 'bral med la ye shes lha// chags pa'i tshul gyi bteg pa'i tshul// lag bcangs 'khyud pa tsam gyis kyang // bde ba chos kyi dbyings su smin// gsang sngags thabs chen 'bras bu'i mchog/ sangs rgyas sa na 'ja' tshon bzhin// rang bzhin med pa skye shi bral// rnam par snang mdzad la sogs pa'i// sangs rgyas bde skyid kun ldan phyir// gzhal yas dkyil 'khor zhing khams rnams// bsam pa tsam gyis rang bzhin 'byung // dper na 'phrul dga'i longs skrod 'dra// da yang 'dus pa'i snying po nyon// de dag kri yog sangs rgyas kyang // yang ti rdzogs chen la ltos na// rtsed mo 'dra ste la ta slob// yang dag nges don ma shes pas// re dogs yod phyir lhun grub min// rdzogs pa chen po nges don 'dus pa las/ gsang sngags phyi rgyud kyi sangs rgyas bstan pa'i le'u ste don bzhi pa'o// // de nas 'dus pa'i 'khor rnams la// kun rig ston pas bka' stsal pa// rnal 'byor chen po'i sangs rgyas ni// phung po khams dang skye mched sogs// ye nas sangs

  642. 321b

    rgyas yin pa'i phyir// dkyil 'khor ma lus rang la rdzogs// de yang rdo rje sems dpa' nyon// de bsgrubs sangs rgyas skye ba 'dis// rdo rje 'chang gi sa non tshe// thabs dang shes rab bde spyod pa// dga' 'dus pho mo'i dpe bzhin du// 'khrig pa'i sbyor bas thabs kyis ni// sangs rgyas thams cad skyed par byed// da yang 'dus pa'i snying po nyon// zhi khro'i lha tshogs rgyan dang bcas// 'dod chags 'khrig pa'i tshul du gnas// bde skyid sangs rgyas ngo bo la// ye nas lha yi dkyil 'khor nyid// grangs kyis mi langs pho mo kun// 'gro don ma lus dus gcig byed// de yang 'khor gyi snying po nyon// chos rnams rnam rtog dbyer med pas// nam mkha' stong 'byung sna tshogs bzhin// skye shi med pa smos ci dgos// dus 'dir 'byung bas khyad par 'phags// de phyir thabs la brten pa'i mis// 'bras bu byang chub chud mi 'dza'// thabs kyi nang na dam pa'i mchog/ da yang rdo rje sems dpa' nyon// rjes su rnal 'byor sangs rgyas ni// ma bskyed rdzogs pa'i ye shes klong // lha yi dkyil 'khor rang byung sku/ kun bzang rol pa thabs kyi yab// kun tu bzang mo shes rab yum// bde chen gnyis med rig pa'i rtsal// 'ja' mtshon ris 'dra dngos med gsal// thugs ni rig pa'i ye shes can// phyi nang rtsal du gang yang shar// nam mkha'i dkyil du nyi zer tshul// rang la rdzogs pas bskyed mi dgos// btsal du med pas skye shi med// 'du 'bral med pa'i sangs rgyas la// kun tu bzang po'i sa zhes gdags// da yang rdo rje sems dpa' nyon// de dag rgyud lung

  643. 322a

    sangs rgyas kyang // yang te rdzogs chen la ltos na// rang byung nges don ma shes pas// ched du byed pa'i rtsol bas bsgribs// radogs phra ma yod pa'i gyur// des lung ma shes snang bar 'chol// gzugs can sangs rgyas 'dod pa'i phyir// chos sku'i sangs rgyas don la bsgribs// rdzogs pa chen po nges don 'dus pa las/ theg dgu'i rgyud lung gi sangs rgyas bstan pa'i le'u ste don lnga pa'o// // de nas 'dus pa'i 'khor rnams la// kun rig ston pas bka' stsal pa// thig le nyag gcig mngon phyung nas// lung bstan nges pa'i don phyir du// rnam smin lus dang bral ma zag/ thog mtha' med pa'i sangs rgyas che// skad cig gcig la ma rig sangs// lus med rig pa'i ye shes rgyas// rang byung thugs la skye shi med// thams cad mkhyen pa'i ye shes ldan// nam mkha' nyi ma'i snying po 'dra// da yang 'dus pa'i snying po nyon// ye shes lus can sangs rgyas la// sems can med phyir don mi dgos// rang byung rig pa'i chos sku la// rang la yod pa ngo shes phyir// ched du rtsol bas bsgrub mi gos// rang byung rig pa'i chos sku la// dus gsum 'khrugs kyang 'pho 'gyur med// stong gsum zhig kyang nyams mi srid// rang byung chos sku kha mig can// de yi gzugs brnyan gzugs sku gnyis// ma btsal 'byung ba chos kun ston// da yang rdo rje sems dpa' nyon// rgyud lung nyan thos yan chad na// 'bras bu gzugs sku 'byung mi srid// yid smon gyis ni sangs rgyas kyang // nges don yang tig sangs rgyas

  644. 322b

    min// dus dang rnam pa thams cad kyang // 'dus ma byas pa'i sangs rgyas ni// dngos med rang byung rig pa'i sku// de don chos sku shes pa la// drang ba'i don du gzugs sku 'byung // thabs la mi brten yon tan rdzogs// rdzogs pa chen po nges don 'dus pa las/ yang dag par nges don sangs rgya bar bstan pa'i le'u ste don drug pa'o// // de nas rdo rje sems dpa' yis// 'dus pa'i 'khor la phan gdags phyir// kun rig ston pa chos rje la// bden pa'i yid kyis 'di skad gsol// rig 'dzin sems dpa'i don ched du// sangs rgyas rtogs pa bshad du gsol// rgyal sras sprul pa'i don ched du// rig 'dzin/ rtogs pa bshad du gsol// mkha' 'gro rnams kyi don ched du// rgyal sras rtogs pa 'dir gsungs shig/ dad nyan rnal 'byor don ched du// mkha' 'gro'i rtogs pa 'dir smros shig/ de skad zhus pa'i don gsan nas// kun rig ston pas bka' glal pa// de yang 'dus pa'i 'khor bzhi kun// phyi rabs rnal 'byor don ched du// rang sems chos sku'i don rtogs pas// rang rang thugs la mnga' ba yis// tshig tu mtshon pa 'dir smros shig/ de skad gsungs pa'i don go nas/ kun rig ston pa'i spyan snga ru// 'khor rnams 'dus pa'i tshul gyis ni// rang rang rtogs pa brjod pa'i phyir// nyid las mi gzhan phyogs bcu nas// rdo rje gsang ba'i rin chen snying // dri med grags pa las rab grub// zhi ba bde dang nyi ma'i 'od// nam mkha'i snying po 'bum gzigs rnams// go rim bzhin du rtogs brjod phyir// nges pa'i dgongs

  645. 323a

    don 'dir gsungs pa// rang sems dngos po med pa la// rig pa stong pa'i ngang la gnas// de phyir rang byung chos kyi sku// de la skyon gyis gos pa med// da ni dgongs don 'dir gsungs pa// rang byung rig pa'i ye shes la// dngos po mtshan ma med pa'i phyir// gang la 'du shes med 'jug pa// rtog med gsal ba sgom pa'i mchog/ yang ni dgongs don 'dir gsungs pa// dus gsum skye 'gag med pa'i phyir// rang rig chos sku ye shes gsal// lnga phyi da lta med par gnas// de las mi 'da' chos nyid la// de don mi rtog dgongs pa'i mchog/ yang ni dgongs don 'dir gsungs pa// sangs rgyas thugs ni chos kyi sku// phung po med phyir rgud pa med// skye shi med pa rang byung sku// de nyid rtogs pa blta ba la// de don yengs med bsgom pa'i mchog/ yang ni dgongs don 'dir gsungs pa// ngo bo ye nas sangs rgyas phyir// 'khor 'das med par rnam par dag/ skye shi med pa'i rig pa 'di// dus gsum mi 'gyur dgongs pa yin// yang ni dgongs don 'dir gsungs pa// rgyu rkyen ma skyes 'bras bu la// lung las byu ye shes shar// sems las ma byung chos sku rtogs// de dang mi 'bral dgongs pa'i mchog/ yang ni dgongs don 'dir gsungs pa// chos nyid ngang las dngos po med// de phyir mtshan ma rang sar grol// de phyir thig le nyag gcig la// yengs med 'bras bu sangs rgyas nyid// yang ni dgongs don 'dir gsungs pa// sems kyi yul 'das byang chub thugs// rang la bltas pas ye shes mthong // de don

  646. 323b

    dngos med byang chub sku// de las ma yengs nges don mchog/ yang ni dgongs don 'dir gsungs pa// dngos por ma mthong chos skur mthong // bsgom dang mi bsgom tha snyad bral// gang la'ang mi gnas rig par shar// de don sangs rgyas dgongs pa yin// yang ni dgongs don 'dir gsungs pa// nges pa'i rang rig ye shes la// gang yang mi bsam dran med de// yid ches gdeng dang ldan pa mchog/ de la 'gyur med chos kyi sku// rdzogs pa chen po nges don 'dus pa las/ phyogs bcu'i sangs rgyas kyi rtogs pa brjod pa'i le'u ste don bdun pa'o// // de nas kun bzang spyan dzar ni// rig 'dzin rtogs pa brjod pa'i phyir// rdo gros gtso dang rnam dag snying // dam pa'i yon tan 'od rlabs can// shes rab dza ma rgyal mtshan 'dzin// rnam par grol ba ting 'dzin dbang // chos dbang dang ni bsod nams brtsegs// bdud 'joms dang ni seng ge'i sgra// rin chen mthong dang brtse ba can// dbang phyug gtso dang yid dge dang // mthong dga' bden mos gsung brtsegs rnams// rang rang rtogs pa brjod pa'i phyir// nges pa'i gdong nyams brjod pa ni// rtsa ba chos sku'i don btsal bas// btsal bas ma rnyed bzhag pas rnyed// de don rang byung don btsal ba// ma bsgoms sangs rgyas da lta nyid// yang ni gdeng nyams 'dir gsungs pa// nyon mongs ma spangs dug lnga skye// spangs na rtsol ba'i gol sgrib yin// spang sdang med pa'i don rtogs na// nges don dgongs pa de las med// yang ni gdeng nyams 'dir gsungs pa// gsal la ma yengs chos kyi

  647. 324a

    sgra// ma bsgoms 'bral med ting nge 'dzin// dmigs su med pas nam mkha' 'dra// 'du 'bral med pas rgyun du gnas// yang ni gdeng nyams 'dir gsungs pa// sems la gnyen po med pas ni// bsam pa'i yul las 'das pas na// gzhan nas ma 'ongs rgyun mi chad// de nyid rang rig chos skur rtogs// yang ni gdeng nyams 'dir gsungs pa// rang byung rig pa rang shar phyir// ma rig mun pa rtsad nas gcod// de la gnyen pos bcos su med// gdod nas rang byung sangs rgyas thugs// yang ni gdeng nyams 'dir gsungs pa// chos nyid ye nas ma bcos pa'i// de nyid nam mkha'i rang bzhin ltar// skye med rang gsal chos nyid la// rgyun du 'bral med byang chub klong // yang ni gdeng nyams 'dir gsungs pa// rang byung dag pas pad+ma 'dra// 'khor ba'i skyon gyis ma gos pa// de phyir chos nyid ngang la ni// 'bral med byang chub sems su gsal// yang ni gdeng nyams 'dir gsungs pa// zab mo'i ming ni cir btags kyang // dpes kyang mtshon med brjod las 'das// dmigs pa'i yul bral chos kyi de las mi 'gyur nyams kyi mchog/ yang ni gdeng nyams 'dir gsungs pa// rang byung chos sku mtha' dbus med// de las ma yengs rtsol bsgrub 'das// mtshon du med pas rkyen mi tshug/ de phyir dus gsum 'bral ba med// yang ni gdeng nyams 'dir gsungs pa// snying po chos sku'i rig 'dzin de// lhun gyis grub phyir ye shes klong // de yi ngang la 'khor ba med// de phyir sangs rgyas dgongs pa yin// yang ni

  648. 324b

    gdeng nyams 'dir gsungs pa// 'byung bzhi zhig pa'i nam mkha' bzhin// chos nyid snying po rig pa ni// ye shes rang gsal 'gyur ba med// de phyir bsgom med byang chub sku// yang ni gdeng nyams 'dir gsungs pa// mtshan ma'i yul med byang chub lam// de las ma btsal rang bzhag na// yang dag don gyi dgongs pa ste// de nyid mi 'bral bsgom pa'i mchog/ yang ni gdeng nyams 'dir gsungs pa// mngon sum mi gnas chos sku la// tha dad bral bas ye shes klong // de las mtshon pa'i ming ma rnyed// de las ma g.yos bsgom pa yin// yang ni gdeng nyams 'dir gsungs pa// rang byung ngo bo nyid kyi sku// bsgoms pas rnyed par mi 'gyur te// ma bsgoms pas kyang stor bral med// de phyir chos nyid 'bral ba med// yang ni gdeng nyams 'dir gsungs pa// rang byung chos nyid nam mkha' 'dra// de bzhin ting 'dzin spros med gsal// de la gnyen pos bcos su med// de phyir 'bral med dgongs pa yin// yang ni gdeng nyams 'dir gsungs pa// yul gyi mtshan ma sna tshogs pa// de tsam nyid nas rang bzhin shes// de phyir sems rtogs chos skur gsal// de la skyon du rdul tsam med// yang ni gdeng nyams 'dir gsungs pa// ma btsal pa yi chos nyid las// rtog dpyod med pa bsgom pa ste// nyams ni shes rig gsal ba la// de las ma yengs bsgom pa yin// yang ni gdeng nyams 'dir gsungs pa// gang yang ma spangs skyon ma gos// 'gro 'ong med par rgyun du gnas// bying rgod rkyen gyi dbang mi 'gro// de las sgrib med sangs

  649. 325a

    rgyas thugs// yang ni gdeng nyams 'dir gsungs pa// ma btsal rang las rnyed pa'i phyir// lhag mthong dran pa blta ba'i gzungs// de phyir mi 'bral bsgom pa'i gdeng // ye nas yod pas stor bral med// yang ni gdeng nyams 'dir gsungs pa// bsgom med dmigs dang bral ba'i phyir// phyag rgya bsgyur mi dgos par nges// gsung med rig pa'i dgongs pa yin// ye shes thugs la 'gyur ba med// gzhan yang rig 'dzin sems dpa'i tshogs// bsam gyis mi khyab grangs las 'das// rang rang gdeng nyams 'dir gsungs pa// de don nges pa chos skur gcig/ rdzogs pa chen po nges don 'dus pa las/ rig 'dzin sems dpa' rnams kyi rtogs pa brjod pa'i le'u ste don brgyad pa'o// // de nas rgyal sras sprul pa'i tshogs// tshangs pa brgya byin rgyal po bzhi// thag bzang ris dang gang ba bzang // mkha' lding rgyal po rta mgo can// zur phud lnga pa nor srungs dang // mgrin bcu dang ni klu rgyal rnams// rang rang rtogs pa brjod pa'i phyir// nges don rtogs pa 'dir gsungs pa// rtsol bsgrub bral byang chub thugs// re dogs med pas gol sa med// de don ma bral chos nyid la// rgyun du 'bral med ye nas yod// yang ni rtogs don 'dir gsungs pa// snang ba chos dbyings rtog med las// sgo skur bral ba chos kyi dbyings// de nyid dus mnyam rang gsal ba// sangs rgyas kun gyi dgongs par go/ yang ni rtogs don 'dir gsungs pa// gol sa med pa'i lta ba la// bying rgod bral ba'i bsgom par

  650. 325b

    gsal// phrag dog med pa'i spyod pa de// de nyid ye shes chos nyid klong // yang ni rtogs don 'dir gsungs pa// nor bu chu dngas dpe bzhin du// dran pa tsam gyis ma rig sangs// btsal du med pas ye shes rgyas// de dus nyid na gzugs sku 'byung // yang ni rtogs don 'dir gsungs pa// nges don lung la yid ches pas// the tshom med las rang byung gsal// rig pa mi 'gag bde chen klong // de las mi 'gyur dgongs par shes// yang ni rtogs don 'dir gsungs pa// yul gyi mtshan ma cir snang yang // yid kyis dgag sgrub med par ni// chos dbyings gdeng ldan nges don la// spang dang sdud pa'i zhen med do// yang ni rtogs don 'dir gsungs pa// lung la yid ches dgongs pa med// zab la rgya che dgongs pa gsal// de don rtogs goms 'bras bu la// sangs rgyas nges pa de la bya// yang ni rtogs don 'dir gsungs pa// tshe rabs kun tu mthu brtas pas// snga phyi zhen pa'i rtog pa la// ma yengs chos nyid rang gsal ba// de las bsgom pa rdul tsam med// yang ni rtogs don 'dir gsungs pa// rang byung nges don rgyun mi 'chad// de la rtag tu yid brtas na// bag chags sgrib pa shugs la dag/ ye shes tshogs chen sangs rgyas yin// yang ni rtogs don 'dir gsungs pa// dus dang rnam pa thams cad du// chos sku'i don dang mi 'da' phyir// yang dag ting 'dzin rgyun mi 'chad// de phyir nges shes 'gyur ba med// yang ni rtogs don 'dir gsungs pa// 'khor bas ma bslad ting 'dzin la// ma bsgoms chos nyid da lta'i thugs// bsgom

  651. 326a

    dang mi bsgom ci phyir 'jug/ mnyam rjes med par rgyun du gnas// yang ni rtogs don 'dir gsungs pa// rang sems ma bcos rang lugs la// ma bcos rang bzhag bsgom pa ste// brjod du med pa'i nyams myong gsal// de don rang sems rtogs pa yin// yang ni rtogs don 'dir gsungs pa// de don chos nyid 'gyur med la// blo yis brtags pa thams cad med// gang yang ma spangs rang byung la// de la bsgom du rdul tsam med// rdzogs pa chen po nges don 'dus pa las/ rgyal sras sprul pa'i 'khor gyi rtogs pa brjod pa'i le'u ste don dgu pa'o// // dad nyan 'khor la phan don du// mkha' 'gro sde lnga 'khor dang bcas// rang rang rtogs pa brjod pa'i phyir// nges pa'i don du 'dir gsungs pa// gti mug mun pa 'thibs pa la// thog mtha' chod pas ma rig sangs// yul 'di ma bshigs chos kyi dbyings// de rnyed rang sems rtogs pa yin// yang ni rtogs don 'dir gsungs pa// zhe sdang kha dog yul la skye// phyi yi gol sa gcod shes na// zhe sdang rang grol rgyal ba'i thugs// de dus nyid na chos kyi sku/ yang ni rtogs don 'dir gsungs pa// rtogs don bde ba'i ye shes shar// rgyal po ngo bo nyid kyi sku// de don mi 'bral chos skur gsal// de la skyon gyis gnod mi tshugs// yang ni rtogs don 'dir gsungs pa// pho mo 'dod chags ci spyad kyang // gol med ye shes rgyun mi 'chad// snga phyir ma song zhen med phyir// bde chen longs spyod chen por bshad// yang ni rtogs don 'dir gsungs pa// lha dman chos

  652. 326b

    la phrag dog kyang // gol ba yin phyir nyes med dge/ de phyir byang chub bde ba'i klong // de la skyon gyis gos mi srid// de yang 'dus pa'i snying po nyon// sangs rgyas rig 'dzin spyan snga ru// 'jig rten mkha' 'gros 'di skad gsol// dam bcas don las bdag mi 'da'// bka' bzhin bgyi ba'i don ched du// nges don 'dus pa'i don chen 'di// mi nub pa ru bdag gis bsrungs// 'di la 'gal byed sdig can kun// myur du bsgral la zhal du rdung // da yang ston pa'i 'khor kun nyon// bdag cag yid kyis dam bcas pa'i// sangs rgyas bstan pa bsrung ba'i phyir// sdig can bsad kyang grol bar nges// rnam smin srog la longs spyod kyis// sangs rgyas rig 'dzin rnams kyis kyang // rang sems chos skur byin gyis rlobs// de skad brjod pa'i don gsan nas// kun rig ston pas 'khor rnams la// rtsa ba nges pa'i don 'di gsungs// legs so dad ldan 'khor rnams nyon// shes rab sngo yi khyad par las// tshig tu mtshon pa sna tshogs kyang // don la dbyer med ngo bo gcig/ de phyir 'khor rnams chos skur rtogs// sangs rgyas 'bras bu de nyid yin// rdzogs pa chen po nges don 'dus pa las// mkha' 'gro'i rtogs pa brjod pa'i le'u ste brgyad cu pa'o// // de nas 'dus pa'i 'khor rnams la// kun rig ston pa chos rje yis// lta ba'i snying po'i don gtad pa// chos kyi rgyal po kun rdzogs 'di// skal ldan 'dus pa rnams kyis kyang // yid la brnag cing bcang bar gyis// de yang 'dus pa'i snying po nyon// nga yis bstan pa'i snying

  653. 327a

    po 'di// sangs rgyas kun gyi gsang ba'i chos// rig 'dzin rnams kyi thugs la spos// chos skyong rnams kyis gter ltar srungs// de don nam ngag nges don 'di// log sred zhen chags ma nges la// nam yang bstan par ma byed cig/ nyam thos la sogs lha dman la// bstan kyang go bar mi 'gyur la// mi theg khal chen bkal ba bzhin// don ma go bas ngan song ltung // de yang 'dus pa'i 'khor kun nyon// de bas rang sems sngon sbyangs pa'i// rnal 'byor dad ldan 'khor rnams la// 'chi ka'i snying po don mtshon nas// nges don rgyud 'di rtogs par gyis// de yang rdo rje sems dpa' nyon// yang gsang nges don khyad par can// 'bras bu nges pa'i gdams ngag 'di// bla mar mi gus nga rgyal can// tshul 'chos byed cing slob dpon smod// nor phongs gzhogs slong kha gsags can// g.yo sgyu'i thabs kyis chos 'dod la// rgyud kyi snying po'i lta ba ni// nam yang bstan par ma gsungs so// rnyed 'dod rang bzor nges don chos// gal te snying po'i don bstan na// 'phags pa rnams kyang dgrar ldang na// mkha' 'gro dam can smos dgos// rang gi srog bcad mnar med ltung // da yang 'dus pa'i snying po nyon// nges don 'dus pa'i rgyud chen 'di// mar me shi kha'i 'od bzhin du// bstan pa 'jig pa'i dus dag tu// kun bzang thugs rje'i byin rlabs kyis// rnal 'byor skal ldan rnams la 'byung // de tshe nges don 'bras bu 'di// gu lang gser bzhin mi nub tsam// snod ldan 'ga' la bstan pa las// snang dgu rnams kyi spyod yul min// kun

  654. 327b

    kyang nges pa'i don la zhog/ da yang 'dus pa'i snying po nyon// de ltar ma rtogs dman rnams kyis// lam lnga sbyangs shing tshogs bsags kyang // nges don ma shes 'bras bu chung // de bas rang byung snying po 'di// lung ldan rnams la rtogs par gyis// de rtogs 'bras bu sangs rgyas 'byung // 'gro ba'i mgon pos 'di skad gsungs// de yang rdo rje sems dpa' nyon// gsang ba'i man ngag rgyud chen 'di// lan gcig dus kyi deng sang na// snod ldan kun la chos 'di 'byung // de tshe theg dman sgo skur 'debs// rang gis rang bslus 'khor bar ltung // 'di la mos shing 'dzin pa la// sangs rgyas kun gyis byin gyis rlobs// bsod nams mi zad gter dang ldan// phyi ma'i 'bras bu dus 'dir 'byung // kun tu bzang pos de skad bshad// rdzogs pa chen po nges don 'dus pa las/ rgyud bshad cing bzung bar bstan pa'i le'u ste brgyad cu rtsa gcig pa'o// // rdzogs pa chen po nges don 'dus pa lta ba thams cad kyi snying po rin po che rnam par bkod pa zhes bya ba rdzogs so// // rgya gar gyi mkhan po bi ma la mi tra dang / bod kyi lots+tsha ba A tsar+ya dran pa ye shes kyis bsgyur cing zhus te gtan la phab pa'o// /

  655. 328a

    rgyu gar skad du/ ma hA san+ti rat+na saM sA ra mU lats+tshed na tan+t+ra nA ma/ bod skad du/ rdzogs pa chen po rin po che 'khor ba rtsad gcod kyi rgyud ces bya ba/ bcom ldan 'das dpal rang byung gi ngo bopo nyid ye shes kyi sku dang ldan pa la phyag 'tshal lo// 'di skad bdag gis gsungs pa'i dus gcig na/ bcom ldan 'das 'og min gyi gnas na/ sku byang chub kyi snying po la bzhugs pas/ rdo rje sems dpa' la gzigs nas// ye shes 'khor lo'i dgongs pa las// g.yos pa med par snyoms par zhugs// de'i tshe dus gsum sangs rgyas dang // rdo rje 'chang gi rig 'dzin dang // dpal chen khrag 'thung ma 'i tshogs// gzhan yang lha mi la sogs pa// dang ba'i dad pas 'dus pa rnams// rang sems gdod nas dag pa'i phyir// dang ba'i yid kyi yengs med par// thabs cig rim par 'khod gyur to// de nas thugs kyis gzigs pa'i don// rdo rje sems dpas don rig ste// 'khor rnams la ni brtser dgongs nas// ting nge 'dzin gyis don gsol ba// 'jig rten mgon po rdzogs sangs rgyas// ye sa thugs rje chen po yis// chos nyid gnas lugs ji lta ba// ma nor ma bcos snying po'i thugs// 'khrul pa'i blo yis rtogs pa'i thabs// dus 'dir bdag la bshad du gsol// rang byung ngo bo nyid ska ste// don ldan chos rjes bka' stsal pa// sangs rgyas chos nyid ji lta ba// 'khor 'das ma rig snying po'i don// yang mes nga yis don bshad du// rgyud lung sangs rgyas skrag cing sngangs// nyan thos mdo sde brgyal

  656. 328b

    zhing 'bog/ lha min 'jig rten srin po'i tshogs// sgro skur 'dogs pa'i gang zag rnams// gtan du dmyal ba chen por ltung // de la tshe yi bar gcod dang // 'jigs pa sna tshogs kun kyang 'od // mgo lus tshal pa stong du 'gas// rig 'dzin rnams kyis spong bar 'gyur// de ltar bka' stsal don go nas// sems kyi gdung ba'i yus bton to// 'gal sems rdul tsam med pa ni// dad pas byang chub don la mos// nges tshig bstan par yid bsdus so// de tshe ngo bo nyid sku des// ye shes 'khor lo'i dgongs pa las// thugs rjes mngon par gzigs nas kyang // kun bzang chos sku rtogs 'dod de// don du bsdus pa bka' stsol pa// legs so dad pa'i 'khor rnams nyon// don rnams gsal bar ngas bshad kyis// legs par nyon la yid kyis zung // 'khor 'das tshig tu brjod dka' ba// chos sku nam mkha' lta bu de/ kun la gnas kyang rtogs par dka'// mngon sum du yang mi gnas phyir// srid gsum sems can thams cad ni// bkrir dang don gyis 'dul ba las// nges pa'i don gyis 'dul ba min// nges pa'i don gyis 'dul ba ni// u dum wa ra'i me tog bzhin// rgya lam las ni res 'ga' zhig/ 'byung srid kun dang thun mong min// de phyir snod ldan 'phrad gyur na// ma mtshon go dang ma dpyad rtogs// don ldan dag tu rig pa'i blos// ma bsgoms bstan pas nges par chog/ da yang rdo rje sems dpa' nyon// bla ma rdo rje slob dpon la// dad pa skyo ngal med pa dang // mched la sring ltar

  657. 329a

    gdung ba dang // 'khor ba'i sdug bsngal 'joms pa'i phyir// byang chub srog dang bsngo ba la// don 'di khyod la bshad kyis ston// de dang mi ldan 'di bstan na// phyi ma'i dus kyi snod med rnams// gnam lcags sa la bying ba bzhin// mkha' 'gro rnams 'joms pa'i phyir// byang chub srog dang bsngo ba la// don 'di khyod la bshad kyis ston// de dang mi ldan 'di bstan na// phyi ma'i dus kyi snod med rnams// gnam lcags sa la bying ba bzhin// mkha' 'gro rnams kyis srog bcad nas// thar med dmyal ba'i gnas su ltung // rdzogs pa chen po rin po che 'khor ba rtsad nas gcod pa'i rgyud las/ don gyi gleng gzhi bstan pa'i le'u ste dang po'o// // sems dpa' chen po khyod nyon cig/ nga yi chos nyid gnas lugs ni// dus gsum med pa'i gong rol du// 'khor 'das gnyis ka/ gdod nas med// nga nyid de tshe gdod nas gnas// bstan pa med pa'i ston pa'i thugs// nga rang nyid las ma gtogs pa// sangs rkus sems can ming yang med// 'byung ba lnga dang srid pa'ang med// mi srid phung po gang las skyed// bag chags ma bgos smos ci dgos// don rtogs sangs rgyas med pa'i phyir// de bstan rtogs pa shar ba med// de phyir 'khor 'das nga la bslad// gzugs med sems kyi snying po la// sgo lnga med phyir yul yang med// bzang ngan rnam rtog gting nas med// nga nyid gcig pu sngon du byung // rang gsang nga nyid kun gyi mes// rgyu rkyen med pa'i snying po yin// da yang 'dus pa'i snying po

  658. 329b

    nyon// nga yi mtshan nyid mthun dpe ni// dngos po med pas nam mkha' 'dra// mi 'gyur sra bas rdo rje 'dra// skye ba med pas a dang 'dra// don la yin phyir dpe mi bstan// de phyir snying po'i thig le 'di// chos nyid med pa'i sngon rol du// stong pa nyid las nga snga phyir// nga la stong par skur ma 'debs// gdags pa med pa'i sngon rol du// ming dang tshig bas nga snga phyir// yod cing rtag par sgro mi gdags// nga ni 'gyur med snying po la// skye shi med par yid ches pas// 'khor 'das ma rig nga snga phyir// rig gnyis log phyir gdod nas dag/ skyon gyis ma gos chos kyi sku// kun bzang glo bur sangs rgyas te// rab tu che mchog ye sa sku// don gyi sangs rgyas rtogs pa'i phyir// mi ske mi 'gag nam mkha' 'dra// nga ma rtogs pa'i sangs rgyas med// de phyir sangs rgyas kun gyi mes// sangs rgyas kun gyi bla ma nga // nga ma 'khrul pa'i sems can med// sems can pha ma nga nyid yin// nga las 'khrul pa'i rkyen gyis su// sangs rgyas sems can nga las byung // phyi yi 'byung ba nga yi rtsal// nam mkha' stong pa nga yi dpe// phyi nang mtshan ma nga 'khrul rtags// 'khor 'das rtsa ba nga nyid yin// dus gsum sangs rgyas thams cad kyis// nga la bshad cing mtshon mi mkhyen// mdzad pa'i chos nyid smos ci dgos// bskal par 'khyams kyang skye ba med// shi med nor mchog kun gyi gzhi// rang byung snying po kun la khyab// don la 'gyur ba rdul tsam med// gdod nas 'gyur med byang chub la// ji skad brjod kyang mthun pa med// de phyir blo yi spyod yul min// mdzad spyod

  659. 330a

    'byung ba 'khor ba'i chos// de la dam par gang 'dzin pa// nam mkha' dag la 'dzin pa 'dra// sangs rgyas rnams ni spyod mi mdzad// ma byung ma skyes pa nyid yin// rdzogs pa chen po rin po che 'khor ba rtsad gcod kyi rgyud las/ don chos nyid kyi gnas lugs bstan pa'i le'u ste gnyis pa'o// // da yang sems dpa' chen po nyon// nga las 'khrul pa byung ba ni// thog ma'i dus kyi mtha' drug gnyis// kun gzhi ma rig mun gseb na// gcig la snang ba gnyis su 'byung // yar mar 'khrul 'khor 'khor ba'i chos// thag sbrul tho yor ji bzhin du// ma rig pa las 'khrul pa brgyad// dmus long lta bur rang bsgrubs pas// mi shes log pa'i 'khor bar 'khyams// de bas sems dpa' chen po nyon// 'og ma'i lung ldan rkyen phrad nas// blos 'jal lta ba rnam pa bzhi// yo ga man chad nga yi gtam// ji snyed mdzad kyang nga mi rnyed// mtshan ma rags shing nga mi rtogs// rgyud lung rnal 'byor chen po las// nga tshol pa 'khrul nga mi rnyed// nga ma rnyed pa'i snang ba zhen// 'gro don theg pa rnam pa brgyad// gzhi nyid ma shes 'khrul pa'i phyir// brgyad gnyis mi sgrol shin tu 'ching // de yang rdo rje sems dpa' nyon// 'khor ba'i rgyu ni rtog pa yin// gzung 'dzin zhen pa mtshan mar snang // bag chags brtas phyir kun gzhi yin// ye shes mya ngan 'das pa'i rgyu// mi rtogs gzhi gnas nyid brdal ba// 'bras bu zung 'brel lhun grub pa// gnyis ka'i rgyur gyur gzhi nyid ni// rang byung ngo bo nyid kyi sku// de nyid ma rtogs dman rnams kyis// snang ba de nyid

  660. 330b

    gzhir 'dod pas// smig rgyu chur mthong 'thungs 'dod bzhin// 'khor 'das glo bur rkyen yin phyir// ngo bo gnas lugs chos sku yin// rdzogs pa chen po rin po che 'khor ba rtsad gcod kyi rgyud las// de las 'khrul tshul bstan pa'i le'u ste gsum pa'o// // kye sems dpa' rdo rje nyon cig/ ma rig 'khrul pa ldog 'dod rnams// 'khor 'das gnyis kyi ma rig 'dod// rang sems snying po rtogs pa'i thabs// lus srog mi lta dad pa yis// skrag cing yang med sems kyis// the tshom yid gnyis med par ni// 'khor 'das rtsa ba'i ngo bo nyid// dpa' brtul chen po'i brtson 'grus kyis// phyir mi ldog cing yid ches pas// yengs par mi 'byung rgyun mi 'chad// sems nyid ma rtogs don mi btsal// dug lnga mi spang chos nyid du// de shes mi bsgom dgos pa med// da yang 'dus pa'i 'khor rnams nyon// 'khor das gnyis kyi sgo skur gyis// ma gos ngo bo nyid kyi sku// chos rnams kun gyi gzhi yin phyir// rgyu yi ye shes de la bya// rtogs pa'i rkyen gyis chos kyi sku// thams cad mkhyen pa'i rgyu yin phyir// ma rtogs sems can thams cad kyang // bla ma'i rkyen gyis ye shes 'byung // 'khor 'das lam gyi 'bad rtsol gyis// bla med byang chub gegs yin phyir// bsgom rtsol med pa'i ye shes 'di// lam gyi mchog ni dam par gsungs// de nyid rtogs pa'i shes rab kyis// theg brgyad spang len zil gyis gnon// sems rtogs snying po de nyid nas// stobs rnams ma btsal yon tan rdzogs// de lta'i ye shes 'bras bu ni// phyi ma ma

  661. 331a

    yin dus 'di ru// dbul pos rin chen rnyed pa bzhin// btsal med rig pa mngon sangs rgyas// da yang rdo rje sems dpa' nyon// rang byung ye shes chen po yi// yin min dbye ba ngas bshad kyis// yid kyis nyon la legs par zung // ye shes chen po rang byung de// sems can kun la yod mod kyang // ma rtogs phyir na ye shes med// mig mkhan ma rnyed long ba 'dra// rang byung med pa'i ye shes de// gnas 'gyur ye shes lnga 'dod pa// rkyen gyis 'gyur phyir ye shes min// rdo la gser du 'dzin pa ltar// ye shes rang byung ma yin te// yid gnyis kun gzhi glo bur skyed// gzhi 'khrul phyir na gnyis med min// ri bong rwa yi kha dog 'dra// rang byung ye shes yin pas na// shes rab lhag mthong rang byung ba// ye nas gnas pa'i rang byung de// lung ldan rkyen gyis rtogs pa'i phyir// rang byung ye shes 'dzom pa ni// mar gyi yang zhun lta bur gsungs// rdzogs pa chen po rin po che 'khor ba rtsad gcod kyi rgyud las/ don rtogs par bya ba'i thabs bstan pa'i le'u ste bzhi pa'o// // de nas rdo rje sems dpa' yis// zil gyis gnon pa'i ting 'dzin la// snyoms par zhugs nas yang gsol pa/ kun bzang ngo bo nyid kyi skus// tshegs med gdams ngag ma bslad par// khyod kyi mdzad spyod ji lta ba// don dang mthun par mdzad du

  662. 331b

    gsol// don gsan ston pas bka' stsal pa// gzhi nyid rtogs par bya ba'i phyir// don gyi lta ba ngos bzung ste// rnam gzhi phyi ma bar ma nang // gsum bral bzhi ldan chos sku gsang // gcig las tha dad ngos zin pas// nyi ma'i zer dang 'char ngos bzhin// dgag bsgrub med phyir chos kyi dbyings// de phyir rang sems snying po 'di// rtogs pas sangs rgyas lam du bde// rang sems bsgoms pa ye shes lam// nam mkha' 'byung ba'i lam yin no// dper na khyung chen mkha' la lding // chu klung gyen mthur ya mi nga // bar snang khams kun lam du bde// dmigs pa'i sa phyogs yid kyis phyin// lta ba rtogs pa'i lam yin/ pas// de bzhin ye nas rnal 'byor thugs// ma bsgoms ye shes da lta nyid// rtogs phyir rang sems bsgom du med// de las mi 'da' lhun gyis grub// de phyir ma bcos lta ba yin// dmigs med sems kyi ye shes gsal// btang bzhag med pa'i lta ba la// gol sa rdul tsam med pa'i phyir// bsgom med ye shes chen po 'byung // de yang rdo rje sems dpa' nyon// sgro skur gcod pa'i man ngag bstan// rang sems chos skur ngo sprad nas// lus bcos kun gzhi gzhi cha la// snga phyi dang bral ye shes gsal// chu dngas rnyog med dpe bzhin du// chos sku kha mig rna ba can// 'byung 'jug med phyir bsgom mi dgos// stong nyid tshig

  663. 332a

    tshod dus mnyam phyir// dran rig rgyu ba ci byung yang // bzhi la med phyir ma bsgoms kyang // sems can dus na chos kyi sku// sgro 'dogs mchod sus bsgoms pa// dper na bum nang nam mkha' bzhin// tshe gcig bsgoms kyang ye shes med// rnal 'byor ma bsgoms rtogs par gyis// de yang 'dus pa'i sems dpa' nyon// yul gyi rkyen gyis rtog byung tshe// phyi yi dus bzhi don gsal ba// ye shes ma bsgoms bral ba min// ba mo la ni nyi shar bzhin// yul nyid sems su mi bsgom pas// dran rig chos nyid byang chub sems// de nyid spyad pa'i yul las 'das// de nyid don las nyams pa med// rang sems bying rgod rum gnas tshe// nang gi dus bzhi don dran pas// tshogs drug 'gags kyang chos skur gsal// bum pa'i nang gi mar me 'dra// 'jigs pa brgal 'dod mi bzhin du// nyams med rig pa'i don 'di las// nad gcod sdug bsngal ci byung yang // man ngag dran pa gces par gsung // sangs rgyas sems can gnyis ka'i gong // gsang ba'i dus gcig nyid du shes// gol sa rdul tsam mi 'byung bas// de tshe chos sku zang ka ma// mi 'gyur brtan pas gser bzhin no// de phyir skye ba'i rgyu med pas// tha ma 'chi zhing 'pho ba med// de ltar rig pa rgyun mi 'chad// lus ngag yid gsum sku gsung thugs// rdzogs pa chen po rin

  664. 332b

    po che 'khor ba rtsad nas gcod pa'i rgyud las/ gdams ngag mngon du bstan pa'i le'u ste lnga pa'o// // sems dpa' chen po de yang nyon// nga yi rtogs pa la bzla na// 'dod chags zhe sdang gti mug kyang // spang du med de byang chub lam// 'dod yon lnga ni longs spyod rgyan// lus la pho mo yod pa'i phyir// chags pa spyod tshe don gyis zin// gsal thebs chos sku'i snying po nyid// de tshe bde ba longs spyod rgyan// gzhi la 'ching grol med pa'i phyir// dkar po'i chos dang sdig la sogs// gnyis ka'i 'bras bu mi 'byung bas// sems nyid ye nas rtogs pa yin// de phyir dge sdig byed mkhan med// gnyis ka skyes bu'i log rtogs tsam// don la spyod spangs gnyis ka med// de phyir zhe sdang yul mi dmigs// 'jig rten tshor ba bsal ba ni// gti mug rmongs par ngas bshad pas// rtogs nas mi 'byed rang sems 'di// ci spyad blta bar rab shes pas// 'dod yon lnga la ci spyod kyang // bcing bar mi 'gyur grol bar 'gyur// rdo rje sems dpa' da nyon cig/ chos 'di zos pas 'dzin rtog nub// rgyud 'di go bas rtog pa zhi// 'khor 'das 'byung ba rnam par dag/ spang sdud zhen pa rdul tsam med// rtag chad gnyis po rdul du brlag/ 'khor 'das bzang ngan sprin ltar dengs// zhen pa'i chos rnams gting nas

  665. 333a

    med// sangs rgyas sems can gcig tu byas// mtho ris ngan song rdzun du song // 'khor ba chos nyid ngang du brlag/ nyes pa dag pas sgrib pa med// gnyis su med pas shes rab gsal// gzhi ni mi 'gyur gser bzhin du// ye shes mi 'gyur bstan pa che// de ltar rtogs pas ye shes nyid// 'bras bu gzhan nas btsal mi dgos// gdod nas byung ba'i ngo bo nyid// 'bras bu su la mi ltos pa// lus dang bral ba kun bzang thugs// gzhi gnas bag chags mi gos pas// rnam lnga mi g.yo ye shes sku// rdzogs pa chen po rin po che 'khor ba rtsad nas gcod pa'i rgyud las/ rang byung gi ye shes chen por la bzla ba'i le'u ste drug pa'o// // sems dpa' rdo rje da nyon cig/ nga yi mdzad spyod chen po ni// stong gsum 'jig rten thams cad ni// nga yi bzhugs gnas gzigs mo'i sa// gzugs nyid sku la sgrar snang gsung // dran rtog thams cad nga yi thugs// snang srid kun gyis nga ma mthong // mtha' yas ming du btags pa rnams// nga yi rol pa las gzhan med// nga yi snang ba sna tshogs pa// don la med phyir gzhig mi dgos// spros kyang nga la bsdus kyang nga // nga yi sku gsung thugs la ni// 'khor ba gdod nas med pa ste// de yang rdo rje sems dpa' nyon// ye nas gnas pa'i gzhi nyid ni// chos kyi sku yi thugs su bstan// de

  666. 333b

    nyid rtogs pa'i ye shes de// chos kyi sku yi longs spyod thugs// dran rtog don du shes pa de// chos kyi sku yi sprul pa'i thugs// de nyid rtogs pa'i ye shes te// don ldan gzugs kyi phung po 'di// longs spyod rdzogs pa'i chos kyi sku// dbang po ma 'gags gsal ba de// longs spyod rdzogs pa'i longs spyod sku// bskul bskyod yan lag gang yin ni// longs spyod rdzogs pa'i sprul pa'i sku// don ldan tshig tu brjod pa de// sprul pa'i sku yi chos skur gsung // dngos med tshig tu gsal ba de// sprul pa'i sku yi longs spyod gsung // tshig la brten nas don go bar// sprul pa sku yi thugs yin phyir// thugs kyi thugs te thugs la rol// sku yi sku ste sku la rol// gsung gi gsung ste gsung la rol// de yang sems dpa' chen po nyon// nga yi sku gsung thugs nyid las// gang yang med de ye nas gong // nga yi mdzad spyod ci spyad pa// rnam smin lus dang ma bral kyang // pad+ma dang ni 'dam bzhin du// nyes pa kun gyis gos pa med// phyi ma'i mdzad spyod chen po yang // rang sems rtogs pa'i rnal 'byor par// dus 'di ma yin phyi ma yi// bar dor mngon sangs rgya ba nyid// mngal gyi sgrib g.yogs med pa'i phyir// kun tu bzang po gud na med// thugs ni chos sku nyid kyi thugs// sku ni ye shes chen po'i sku// ye shes lus can thams cad mkhyen// sangs rgyas kun

  667. 334a

    dang mnyam las lhag/ de phyir gsang sngags 'bras bu che// tshe gcig 'bras bu nges par 'byung // de bas rang sems ye shes sku// de yi yon tan brjod mi langs// de nyid ston pa'i ye shes kyis// gzugs med rig pa'i ye shes de// sangs rgyas rgyal po chos kyi sku// yon tan thams cad ma btsal rdzogs// gdul bya ma nges gzugs rnams 'byung // de tshe sems can thams cad la// yid bzhin dbang por gang 'thad ston// 'byung ba zhig pa'i nam mkha' la// lus dang bral bas sgrib mi gos// sprin dang khu rlangs 'byung mi srid// de bzhin rang sems snying po la// sems can don phyir ci spyad kyang // sgrib pa gnyis kyis mi gos pas// chos sku dag la nyams pa med// ces gsungs so// de nas dus gsum sangs rgyas dang // rigs gsum 'dus pa'i rgyal sras 'khor// dad ldan la sogs dkyil 'khor gyis// rang sems lhag mthong mngon gyur nas// dga' ba'i sems kyi yi rang ste// rang rang sems la gsal ba'i don// rtogs pa brjod pa'i don mthun nas// 'dus pa'i 'khor gyis tshig 'di gsol// 'bras bu sangs rgyas da lta myangs// rang sems ma dang thug gis sprad// de phyir da lta kun bzang nyid// rdo rje sems dpa' dge ba che// 'dren mdzad khyod la bdag phyag 'tshal// de skad gsol ba'i

  668. 334b

    tshig go nas// rdo rje sems dpas yang gsungs pa// sangs rgyas thugs kyis byin brlabs pa'i// dgongs pa ma lus bcud 'dus pa'i// dus gsum sangs rgyas thugs kyi don// gdams ngag tshad med nyid khu 'di// dad nyan 'khor la ngas bshad kyis// don 'di rgyud la shin tu spos// yang dag nyid du sems kyis dpyad// thig le nyag gcig mngon phyung ba// chos kyi gter gyi 'byung gnas 'di// snod ldan rnal 'byor don gyi mchog/ de yang dad nyan 'khor rnams nyon// gal te phyi rabs rnal 'byor ba// don 'di ston cing bshad pa'i tshe// dus gsum sangs rgyas dbang du gzug/ mkha' 'gro rnams la chos srungs bcol// ging la dam med bshan par bskos// rgyal po bzhi ni mtshams par bcug/ man ngag gsang rgyud 'di ston tshe// las can slob ma dad ldan la// gzhan la mi ster mna' bor te// man ngag snying po tshang bar bstan// tshogs kyi mchod pa ci nus bya// de ltar ma byas par chod 'ong // zhes gsungs so// rgyud gtad pa dang mdzad spyod bstan pa'i le'u ste bdun pa'o// // rdzogs pa chen po rin po che 'khor ba rtsad gcod rdzogs so// // @#// rgya gar skad du/ ma hA san+ni saM swa ra mU lats+tshe da na d+harma ka ya a nut+pan+na bid+yA tan+t+ra nA ma/ bod skad du/ rdzogs pa chen po 'khor ba rtsad nas gcod pa chos sku skye

  669. 335a

    med rig pa'i rgyud ces bya ba/ bcom ldan 'das dpal rang byung ngo bo nyid ye shes kyi sku dang ldan pa la phyag 'tshal lo// 'di skad gsungs pa'i dus gcig na/ bcom ldan 'das 'og min gyi gnas byang chub kyi snying po na bzhugs pas/ rigs lnga la ni sku gsung thugs gzigs nas/ ye shes 'khor lo'i dgongs pa las g.yos pa med par snyoms par gnas so// de tshe dus gsum sangs rgyas dang // rdo rje 'chang gi rig 'dzin dang // phyi nang dam btag chos skyong dang // gzhan yang lha mi la sogs pa// dbang med dad pas 'dus pa rnams// rang sems rtogs par 'dod pa'i phyir// dad pa'i yid kyis sems dmad nas// thabs gcig rim par 'khod 'gyur te// de nas thugs kyis gzigs pa'i don// rdo rje sems dpas don rig ste// bskul don gsol btab brtser dgongs nas// ting nge 'dzin gyis gsol btab pa// 'jig rten mkhas pa rdzogs sangs rgyas// ye shes thugs rje chen po yis// zhi gnas la ni 'bral med don// chos nyid gnas lugs ji lta ba// 'khrul pa'i blo yis rtogs pa'i thabs// nges don chos sku rang chas pa// dus 'dir bdag la bshad du gsol// rang byung ngo bo nyid sku des// don gsan chos rjes bka' stsal pa// sangs rgyas dgongs pa ji lta ba// 'khor 'das ma rig snying po'i

  670. 335b

    don// yang mes nga yis don bshad du// rdzogs chen skye med don zab kyang // snod ngan rnams la sdig mor che// lan cig deng sang mi rnams ni// dam chos spangs pa'i rgyu bdun ni// 'jig rten drug gis rkyen byas te// shes rab 'chal pa'i skyon bzhi la// ma go ba yi rtog gsum gyis// lha gdeng nyams pa'i skyon bdun 'byung // de tshe snod ldan kha cig las// rgyud lung sangs rgyas skrag cing sngangs// nyam thos mdo sde brgyal zhing 'bog/ lha dang lha min srin po'i tshogs// sgro skur 'dogs pa'i gang zag rnams// rtag tu dmyal ba chen por ltung // 'di la tshe yi bar chad dang // 'jigs pa sna tshogs kun kyang 'ong // mgo lus tshal pa bdun du 'gas// rig 'dzin rnams kyis spang bar 'gyur// de phyir snod ldan shin tu dkon// de skad bka' stsal don go nas// sems kyi gdung ba'i yus bton te// 'gal sems rdul tsam med par ni// dad pas byang chub don la mos// nges shing dad pas yid bsdus so// de cho ngo bo nyid sgra des// ye shes 'khor lo'i dgongs pa las// thugs rjes mngon par bzhengs nas kyang // kun bzang chos sgra'i rtogs don de// don bsdus rtsa ba bka' stsal pa// legs so dad ldan 'khor rnams nyon// lhag mthong gsal bar ngas bshad kyis// gdeng su go gyur rnal 'byor pas// da lta'i shes pa 'di nyid la// yul med

  671. 336a

    rang yan btang pa las// gol med ye shes shugs la 'char// de skad gsungs pa'i don go nas// 'khor rnams dga' mgu yi rang ste// don gzhi'i sgo nas bstod byas nas// snod ngan dad pas bsgom pa dang // skal ldan rtogs pas chog pa yi// bye brag ston pas bshad du gsol// don gsan 'khor la bka' stsal pa// ma rtogs dad pas ci bsgoms kyang // rang sems rmu rgod stong khams yan// mngal gyis sgrib g.yogs khang stong bsrung // ma rtogs bsgoms pas mi grol 'ching // de yang 'dus pa'i snying po nyon// yang dag don gyi nges don 'di// 'khor 'das tshig tu brjod dka' ba// chos sku nam mkha' lta bu de// kun la khyab kyang rtogs par dka'// u dum wa ra'i me tog bzhin// brgya lam 'ga' la res 'ga' tsam// 'byung srid kun gyi thun mong min// de phyir snod ldan phrad gyur nas// bla ma rdo rje slob dpon la// nyan bshad bsgrub pa dbang nos nas// mched la sring ltar gdung byed cing // zos bsam bsgom par 'dod pa'i phyir// byang chub srog dang bsngo ba la// nges don ma nor gdams ngag 'di// ma mtshon go dang ma dpyad rtogs// don ldan man ngag rig pa'i blos// bstan te go bas nges par chog/ de phyir lung bstan bzhin du ston// de yang rdo rje sems dpa' nyon// lan cig dus kyi deng sang

  672. 336b

    na// rdzogs chen nges don yang snying la// dad ldan rnams ni 'di la 'jug/ de tshe rdzogs chen bstan pa 'byung // de dus nges don 'chad pa la// lha dman la sogs dgra lnga 'byung // nyes pa bzhi yis gnod bsams kyang // tsham tshom med par 'chad nus na// bde gshegs mkha' 'gros byin gyis brlabs// gnod pas mi tshugs bsod nams 'phel// de tshe mu stegs la sogs rnams// rang rang brkam chags rtsod 'gyur bas// bkra mi shis shing rang brlag nas// 'og ma'i bstan pa 'jig par 'gyur// de lta bu yi dus byung tshe// gal te tshogs la chos 'chad na// nyams dang lkugs pa zhe 'khon rnams// yod med bsher la bshags su gzhug/ nyams su len par dam bca' la// gdams ngag yang snying tshang bar bstan// de lta min la 'di bstan na// gnam lcags sa la bying ba bzhin// mkha' 'gro srog bcad nges par ltung // de phyir ma brtags chos mi bshad// rdzogs pa chen po 'khor ba rtsad nas gcod pa chos sku skye ba med pa rig pa'i rgyud las/ don gyi gleng gzhi bstan pa'i le'u ste dang po'o// // da yang rdo rje sems dpa' nyon// nga yi gsung gi 'od zer gyis// ma rig sems kyi mun sel ba// sgron me'i snang ba nyi bzhin shar// yul dang ma bral chos kyi sku// nges don ma nor gdams ngag drug/ lung ldan ston pa ngas bshad

  673. 337a

    nyon// chos nyid gnas lugs ngo bo la// rang byung yin phyir thog mtha' med// 'khor 'das gnyis la thog mtha' yod// dus gcig chod par ta la bzhin// 'khrul dang rtog pa yod pa'i phyir// mun dang chags 'jig nam langs 'dra// da yang 'dus pa'i snying po nyon// 'khor ba'i rgyu ni rnam gnyis te// gzung 'dzin zhen rtog gzhi ru snang // ras dkar la ni snum zhen 'dra// bag chags brtas phyir kun gzhi yin// ye shes mya ngan 'das pa'i rgyu// lung ldan rkyen gyi gdams ngag gis// shes rab lhag mthong las byung ba// thig le chos kyi sku zhes bya// de yang rdo rje sems dpa' nyon// gnyis ka'i rgyu yi rgyu ru ni// rang byung ngo bo nyid kyi sku// ye shes rgyu la sogs pa lnga// mi gnas ye shes don rtogs pas// 'ching grol dge sdig gnyis kyi chos// gzhi la gnyis ka gdod nas med// de phyir thig le nyag gcig go// rnal 'byor gdeng du de 'chang na// de la bsgom bsgrub ma byas kyang // gcig las shes pa kun shes pas// 'bras bu sangs rgyas smos ci dgos// de las gzhan pa'i don med phyir// lhun gyis rdzogs pa'i chos sku la// skye shi'i sdug bsngal mi 'byung bas// gzhi las mi 'gyur gser bzhin no// rdzogs pa chen po 'khor ba rtsad nas gcod pa/ chos sku skye med rig pa'i rgyud las/ gsung bar zhal gyis bzhes te ched

  674. 337b

    du brjod pa'i le'u ste gnyis pa'o// // de nas kun rig rgyal po la// 'khor gyi snying pos 'di skad gsol// rang byung don gyi gnas lugs kyis// dpe dang don gyi khyad par dang // yid ches mi 'gyur gnas lugs gang // mnyam pa'i rgyal pos bshad du gsol// de skad zhus pa'i don gsan nas// kun rig sems kyi rgyal po yis// dpe don khyad par bka' stsal pa// 'byung lngas gar khyab sems kyis khyab// 'byung ba lnga la rig pa med// de phyir 'byung lnga byang chub sems// phyogs 'ga' 'dra ba dpe ru bstan// rgya mtsho'i dkyil nas me 'bar ba// gcig gis gcig la gnod mi nus// de bzhin ma rig ye shes kyi// thog mtha' rtsa ba ma chod na// myang 'das yon tan mi 'byung phyir// 'khor ba zil gyis ci la non// dper na khyung chen rin chen gyis// mtsho nyid bdud rtsir gyur pa ltar// sangs rgyas pas kyang sems can gnyen// sems can dus na ma rtogs na// dug lnga rang grol ci la 'ong // mnyam bzhag pas kyang rjes thob gtso// rjes thob lta bar ma shes na// thun mtshams bsgom pas sangs mi rgya// lung la brten nas rtogs pa yis// dus bzhi'i gdams ngag ma shes na// ye shes 'bral med ci la 'char// de phyir lung ldan gdams ngag gis// bar do lnga yi don rtogs pas// sangs rgyas rgyal po ye shes sku// 'di don rtogs

  675. 338a

    pas 'dzin rtog nub// lung don rtogs pas rtog pa bros// 'khor 'das 'byung ba rnam dag bcom// spang sdud gnyis po 'chor med bzung // rtag chad zhen pa rdul du brlag/ mtho ris ngan song rdzun du song // chags sdang skyes shing ting 'dzin gsal// g.yeng ba chen bde chen rgyas// de yang 'dus pa'i snying po nyon// shes rab lta ba 'di med na// 'gro don snying rje ci spyad kyang // byas pa don med bdud kyi las// tshogs su mi 'gyur tshe chad gnas// de phyir rtogs pa shin tu gces// rdzogs pa chen po 'khor ba rtsad nas gcod pa// chos sku skye med rig pa'i rgyud las/ dpe don khyad par gyi le'u ste gsum pa'o// // da yang rdo rje sems dpa' nyon// 'gro drug sems can thams cad la// rang byung ye shes snying po ni// rtogs dang ma rtogs med par gnas// de yi de nyid mtshon pa'i dpe// bar snang khyung phrug khu byug dang // seng phrug pad+ma dngul rdo bzhin// ngos gzung med la rkyen mi tshugs// mngal na chos sku ye shes gnas// ngos zin lha dman zil gyis gnon// bstan ma thag tu ye shes sku// nyon mongs nang nas rang byung gsal// rtsol med rang chas ye nas gnas// de phyir gzhi ni 'gyur ba med// de yang rdo rje sems dpa' nyon// sangs rgyas dgongs pa brtag dka' yang // sems can blo yis don rtogs thabs// dgos

  676. 338b

    don gzhi yi man ngag gis// ci spyod rang byung ye shes shar// thog ma ma yin tha ma med// da lta'i shes pa 'di nyid las// bzang por song ba gang yang med// yid ches chos sku kha mig can// de phyir 'khor 'das ma bral phyir// phyi nang snod bcud kun gyi gong // sangs rgyas sems can gnyis pas snga// bltar med ngo bo kun gyi gzhi// nam mkha' nyi ma rin po che// sa gzhi rgya mtsho'i ri bo bzhin// mtha' dbus ma dpyad rang gi sems// gsal la ma bsgribs chos kyi sku// yon tan 'byung ba lhun gyis grub// 'khor 'das bskyed phyir kun gyi gzhi// g.yos pa med pas bsam mi khyab// 'gyur ba med phyir 'du 'bral med// da yang 'dus pa'i snying po nyon// rnal 'byor dam pa'i las can gyis// yid kyi ngo shes don rtogs pas/ kun bzang chos sku da lta dang // dman pa'i lus la sangs rgyas yin// rdzogs pa chen po 'khor ba rtsad nas gcod pa/ chos su skye med rig pa'i rgyud las/ don chos nyid kyi gnas lugs bstan pa'i le'u ste bzhi pa'o// // rdo rje sems dpas yang zhus pa// chos nyid ngo bo gnas lugs las// tshogs brgyad 'khor ba gang nas byung // mu stegs phyi rol yang dag dang // gsang sngags gsang chen ji ltar 'khrul// glen bsgom spyod pa'i nyes pa gang // las sgrib 'khor ba gang na gnas// kun rig rgyal pos bshad du

  677. 339a

    gsol// zhus pa'i don gsan bka' stsal pa// de las 'khrul pa byung ba ni// thog ma'i dus kyi mtha' drug gnyis// kun gzhi'i rnam shes tshogs brgyad kyang // rang sems yin te chos sku min// yar ldan mar 'khrul 'khor 'das byung // de yang 'dus pa'i snying po nyon// nyi ma 'char ka'i mdangs bzhin du// dang po shes bzhin lung ma bstan// chos nyid bdag gi rtsal yin kyang // lung ma bstan phyir rkyen dbang gyur// 'khor 'das 'byung ba'i dang por ni// 'khrul pa'i gzhi la sogs pa yis// ma rig las 'khrul rnam pa brgyad// rkyen bzhis gzung 'dzin blos btags pas// rgyu rkyen zung du 'dzom pa yis// rang byung rig pa'i ngo bo nges// dmus long lta bur rang bsgrib pas// mi shes 'khrul pas 'khor bar 'khyams// de yang rdo rje sems dpa' nyon// sgo lnga la sogs tshogs brgyad gyis// rtog pas bye brag 'dzin skyong bzhin// 'khor ba'i bag chags brtas par byed// de phyir rnam shes tshogs brgyad dag/ yang dag ma yin 'khor ba'i chos// gnas 'gyur chos su bstan pa yang // bkri drang ldem dgongs bstan par zad// de phyir kun gzhi 'dus byas te// gnyen po gzhi yis 'jig pa dang // bag chags chags pa'i rten byed pas// yang dag ma yin 'khor ba byung // rdzogs pa chen po 'khor ba rtsad nas gcod pa/ chos sku skye

  678. 339b

    med rig pa'i rgyud las/ 'khor ba dang po gang nas byung ba bstan pa'i le'u ste lnga pa'o// // da yang rdo rje sems dpa' nyon// lha log mu stegs rnam gnyis dang // phyi rol yang dag gsang sngags dang // gsang chen 'khrul pa ngas bshad nyon// ngo bo nges med gzhi byas nas// las kyi rgyu 'bras med 'dod 'khrul// don de mi 'gyur gzhi byas nas// kha dog rtag par 'dod pas 'khrul// da yang rdo rje sems dpa' nyon// 'og ma'i lung ngan rkyen phrad nas// blos 'chel blta ba rnam pa bzhis// nyan thos rang rgyal yan chad nas// yo ga man chad nga yi gtam// mtshan mar 'khrul phyir nga mi rtogs// rgyud lung rnal 'byor chen po las// nga tshol pas 'khor nga mi rnyed// nga ma rnyed pas snang ba 'jol// grol 'dod theg pa rnam pa bcus// snang ba'i rang bzhin shes pa las// rang sems don gyi snying po yi// gzhi nyid ma shes 'khrul pa'i phyir// ma rtogs mi grol shin tu 'ching // rdzogs pa chen po 'khor ba rtsad nas gcod pa/ chos sku skye ba med pa rig pa'i rgyud las theg pa 'og ma pa'i 'khrul tshul bshad pa'i le'u ste drug pa'o// // da yang rdo rje sems dpa' nyon// rang byung snying po'i chos nyid ni// ma rtogs ched du dug lnga bsgom// rgyu thun sdug bsngal ljon shing bzhin// spangs pa'i rtog pa rnam gsum gyis// rang sems

  679. 340a

    snying po ma rtogs par// bsgom du 'dod pa snying re rje// rgyal ma sbyang bar mtshor 'jug phung // da yang 'dus pa'i snying po nyon// dmus long chung ma mdzes ma bzhin// ngo bo chos sku ma rtogs par// 'khor 'das chos la ci bsams kyang // bsgoms pas grol bar mi 'gyur ro// de phyir ma rtogs ci bsgoms kyang // snang ba 'di nyid gzhir 'dod pas// smig rgyu chur mthong 'thung 'dod bzhin// 'khor 'das glo bur rkyen yin phyir// ngo bo gnas lugs chos sku min// rdzogs pa chen po 'khor ba rtsad nas gcod pa chos sku skye med rig pa'i rgyud las/ ma rtogs par bsgoms na gol bar bstan pa'i le'u ste bdun pa'o// // da yang rdo rje sems dpa' nyon// chos rnams kun gyi rtsa ba yi// bla ma dag la mi brten par// gsang sngags zab mo'i sgor zhugs nas// nyan bshad bsgrub dbang med pa yis// rang dbang med par gzhan dbang bskur// nong po sngar ma gdol pa bzhin// tho tsho bka' gzhung nyams par byed// bar chod gnod pa lcer rmod lhung // da yang 'dus pa'i snying po nyon// dug dang gnyen gsod mna' za zhing // sku gsung thugs kyi dam nyams na// 'bras bu smyo 'bogs lkugs pa dang // phyi ma rdo rje dmyal bar ltung // nar ma dbang chung ma rgyas bzhin// shan ma phyed pas rgyud mi grol// gdams ngag gdeng med

  680. 340b

    sems mi rtogs// nyams su ma blangs zil mi gnon// da yang 'dus pa'i snying po nyon// yul ngan mun sros lo nyes bzhin// zhi gnas lhag mthong ma 'brel na// res 'jog 'bras bu gsum mi 'byung // de phyir 'brel med rnal 'byor min// 'dral dang brnangs pa 'bo ba bzhin// lus ngag yid kyi spyod rtsing pas// sdug bsngal sgro skur gzung 'dzin 'gyur// phyi ma las ngan rU trar ltung // rgyus med long ba gru med bzhin// phyag rgya sngags dang ting 'dzin nyams// nyes skyon gsum byung don med 'khyams// de phyir gsang sngags spyad par dka'// rdzogs pa chen po 'khor ba rtsad nas gcod pa chos sku skye med rig pa'i rgyud las/ lha spyod nyams pa'i nyes pa bstan pa'i le'u ste brgyad pa'o// // rdo rje sems dpa' yang nyon cig/ 'khor 'das dag gi sa mtshams ni// rgyud lung sgre 'dra'i slob dpon sems// drang don grub pa thob 'dod nas// sman gyi sbyor ba la sogs kyis// thun mong yon tan lnga ldan yang // rnam smin lus dang ma bral bar// sangs rgyas yon tan rdzogs 'dod pa// shin tu gti mug smad pa'i gnas// bcom ldan 'das kyang rtswa mchog tu// rang lus bor nas sangs rgyas na// rnam smin lus dang bcas pas ni// 'bras bu mi thob smos ci dgos// rdzogs pa chen po 'khor ba rtsad nas gcod pa chos sku skye med rig pa'i

  681. 341a

    rgyud las/ rnam smin gyi lus dang ma bral bar sangs mi rgya bar bstan pa'i le'u ste dgu pa'o// // da yang 'dus pa'i snying po nyon// de phyir 'khor ba'i mtshan nyid ni// gzhi gnas bag chags rnam pa bzhi// ltung rkyen 'phral 'byung bag chags lngas// rang dbang med par mngal du 'jug/ de rgyu nyon mongs rnam gsum gyis// kun gzhi rnam gsum sdug bsngal 'byung // thar lam mi thob skye zhing 'chi// de yang 'dus pa'i snying po nyon// sems can kun la gnas pa yi// kun gzhi 'khor ba'i gzhi yin yang // chos kyi sku yi gzhi nyid min// de phyir kun gzhi 'dus byas la// rkyen gyi dbang gis 'gro ba ste// chu bo gzhi yi mtha' la chud// ma bsgral bar du thar mi srid// rdzogs pa chen po 'khor ba rtsad nas gcod pa/ chos sku skye med rig pa'i rgyud las 'khor ba da lta gang na gnas pa bstan pa'i le'u ste bcu pa'o// // rdo rje sems dpas yang zhus pa// 'khrul pa ldog pa'i thabs chen ni// dad pa brtson 'grus dam tshig dang // rang byung ye shes dbye ba yis// za ma 'khor ba gang du 'gro// kun rig rgyal pos bshad du gsol// zhus pa'i don gsan bka' stsal pa// ma rig 'khrul pa ldog 'dod rnams// 'khor 'das gnyis kyis ma reg don// rang sems snying po rtogs pa'i thabs// lus srog mi blta dad pa

  682. 341b

    yis// skrag cing ya nga med sems kyis// the tshom yid gnyis med par ni// 'khor 'das rtsa ba ngo bor zhus// dpa' brtul chen po'i brtson 'grus kyis// phyir mi ldog par yid ches nas// yengs pa mi 'byung rgyun mi chad// da yang 'dus pa'i snying po nyon// sems las ma rtogs don mi btsal// dug lnga ma spangs chos nyid shes// de shes mi bsgom gol sa med// da yang 'dus pa'i snying po nyon// rang byung ye shes yin min gyis// dbye ba rnam pa bzhi yi don// lung ldan bla ma'i gdams ngag gis// rang sems snying po chos sku ni// bstan na de ma thag tu shes// ma bstan par du shes mi srid// da yang 'dus pa'i snying po nyon// rang rig ye shes 'od po che// 'gro 'ong med par 'khor ba brlag/ ma rig log pas ye shes skye// 'khor ba ru bzlog mya ngan 'das// de shes ma bsgoms lhun gyis grub// don dang mthun pa'i nyams myong/ gis// bsgoms kyang de nyid nges shes skye// de phyir rtogs pa rab tu gces// rdzogs pa chen po 'khor ba rtsad nas gcod pa chos sku skye med rig pa'i rgyud las/ 'khrul pa ldog pa'i thabs bstan pa'i le'u ste bcu gcig pa'o// // 'khor gyi snying pos yang gsol pa// nges dpa'i don dang mthun pa yi// phyi nang dus mnyam blta ba gang // chos sku nyams su blang thabs dang // rigs gsang mthun 'jug la bzla

  683. 342a

    ba'i// nges don spyad pa ji ltar spyad// mnyam pa'i rgyal pos bstan du gsol// de skad zhus pa'i don gsan nas// 'dus pa'i 'khor la bka' stsal pa// nga yi chos nyid gnas lugs ni// don gyi snying po rang byung la// bag chags ma gos rtog med phyir// 'khor 'das 'byung ba gdod nas med// rgyu rkyen ma bskyed la sogs pa'i// rang gi ngo bo bzhi ldan pa// snying po nga nyid bsgrub mthar phyin// skye 'chi med pa rang byung sku// de phyir 'khor 'das ltung dogs med// rang gsal ngo bo kun gyi gzhi// rang sems snying po mtshon 'dod pa'i// nam mkha'i rdo rje nga yi dpe// skye ba med phyir a dang 'dra// don ma yin phyir dper ni bstan// de yang 'dus pa'i snying po nyon// ngo bo nyid kyis chos sku la// yod dang med pa'i rigs gnyis yod// tshogs brgyad yul las ldog pa'i phyir// ye shes ngo bo rang byung sku// chos nyid dag pa'i mtshan nyid ni// phyi ru 'dra min la sogs pa'i// rang gi mtshan nyid lnga 'dra'i phyir// skyon gyis ma gos chos kyi sku// gang yang rung ba ci la yang // sems can 'dul phyir ma gtogs pa// yang dag don du mi bya'i phyir// dgag bsgrub med par btang snyoms bzhag/ de yang 'dus pa'i snying po nyon// phyi rol yul gyi rang bzhin ni// rnam bzhi phyi la bar snang nang // gsum bral snang ba chos dbyings la// gcig pa tha dad

  684. 342b

    ngos zin pas// nyi ma zer dang 'char ngos zin// dgag bsgrub med phyir chos kyi dbyings// dred mo gdos thag chod pa bzhin// 'brel pa yod med rnam pa bzhis// log rtogs zhen pa lnga log nas// nyam nga med pa'i brtul shugs 'byung // dper na khyung chen mkha' ldings pa'i// 'phur rlabs 'og tu kun chud ltar// phyi rol yul gyi rnam pa ni// sna tshogs mdun du bzhag pa bzhin// snang tsam nyid nas spang sdud med// zhen med rnal 'byor chos dbyings la// 'khrul pa'i rtog pas gzhi mi 'gyur// rtsol ba'i sems las dbyings mi bskyod// rdzogs pa chen po 'khor ba rtsad nas gcod pa chos sku skye med rig pa'i rgyud las// nges pa don gyi lta ba bstan pa'i le'u ste bcu gnyis pa'o// // da yang rdo rje sems dpa' nyon// rang sems chos sku ngo sprad na// lus can kun gzhi gzhi cha la// snga phyi ma bral ye shes gsal// chu dngas rnyog med ji bzhin no// de yang 'dus pa'i snying po nyon// yang dag zab mo chos sku ni// skye ba med cing 'gag pa med// rnam rtog mtshan ma gzhi nas dag/ nyon mongs ngar 'dzin rnams dang bral// 'phel 'grib skyon rnams ngang gis med// de yi ngang la gnas thabs ni// tha ma 'bring gi rnal 'byor pas// stong pa gsal ba ma yengs bsgoms// gal te bying rgod skyon byung na// gdams ngag bcos pa'i thabs gnyis

  685. 343a

    kyis// dgag bsgrub med pa'i rang bzhin la// gzengs bstod dbang po yan du gzhug/ me la shing bsnan rin chen gter// rnam rtog ye shes bskul mar shes// de tsam nyid nas chos nyid gsal// dbang po rab kyi lha sgom la// bcos dang mi bcos med pa'i phyir// sprin med nam mkha' ji bzhin du// rtogs pa'i gdeng dang 'bral ba med// de yang blo gros dam pa nyon// nyi zla gzas zin mnyam papa bzhin// dbyings dang chos sku dus mnyam phyir// spyod lam rnam pa bzhi ldan pas// 'bral med ye shes rdzogs pa yin// rdzogs pa chen po 'khor ba rtsad nas gcod pa chos sku skye med rig pa'i rgyud las/ bsgoms 'bral med mngon du bstan pa'i le'u ste bcu gsum pa'o// // da yang 'dus pa'i snying po nyon// yul gyi rkyen byas rtogs byung tshe// las dang dus bzhi don gsal ba// ye shes ma bsgoms 'bral ba med// ba mo la ni nyi shar 'dra// yul nyid sems su mi bsgom pas// dran rig chos nyid byang chub sems// dgag bsgrub med pa'i rang bzhin las// de nyid spyad pa'i yul las 'das// de phyir don las nyams pa med// rang sems dbyings 'gags rum gnas tshe// rkyen byung dus bzhir don dran pas// tshogs drug 'gags kyang chos skur gsal// bya na pa ti'i mig zhags 'dra// 'jigs pa 'gal 'dod mi

  686. 343b

    bzhin du// nyams med rig pa'i don 'di la// nad gcod sdug bsngal ci byung yang // gdams ngag dran pa gces par gsungs// sangs rgyas sems can gnyis ka'i gong // rtogs dang 'khrul pa'i bye brag gis// mu bzhi ya brgyad gcig tu shes// gol sa rdul tsam mi 'byung bas// de tshe chos sku zang ka ma// mi 'gyur brtan pas gser bzhin no// da yang rdo rje sems dpa' nyon// 'jig rten dman pa'i spyod pa ni// srog gcod ma byin len pa dang // mi gtsang spyod dang rdzun du smra// re re la ni gnyis gnyis dang // gnang dang bkag pa yod pa'i phyir// blang dor skyon gyis ma gos te// gzhi la 'ching grol med pa'i phyir// dkar po'i chos dang sdig la sogs// gnyis ka'i 'bras bu mi 'byin na// dug lnga ye shes shar ba yin// rdzogs pa chen po 'khor ba rtsad nas gcod pa chos sku skye med rig pa'i rgyud las/ rig pa'i spyod pa gsang bar bstan pa'i le'u ste bcu bzhi pa'o// // da yang 'dus pa'i 'khor rnams nyon// ched du bsgom du med pa'i dpe// nam mkha' bsgom du 'dzin pa 'dra// de bzhin yod med yul las 'das// de phyir gzhi shes bsgom mi dgos// 'gro don 'byung ba'i chos nyid kyi// rnal 'byor spyod lam thams cad du// nam mkha' lta bu'i rnal 'byor de// don la mi 'da' dam tshig srung // rang rig ma yengs

  687. 344a

    dam tshig mchog/ de yang 'dus pa'i 'khor rnams nyon// snying po chos sku rang gsal don// ma bsgoms 'bral med ye shes klong // rang sems shes pa sna tshogs pas// gang yang ye shes las gzhan med// tha mal rang sems chos nyid ni// da yang mi 'gyur ngo bor son// dag dang ma dag gzhi la med// dus dang spyod lam nyid du yang // kri le yi ni rnam bzhi ni// rtogs pa'i gdeng dang mi 'bral na// mi rtog thabs kyis ci zhig bya// rdzogs pa chen po 'khor ba rtsad nas gcod pa chos sku skye med rig pa'i rgyud las/ bsgom du med par la bzla ba'i le'u ste bco lnga pa'o// // da yang 'dus pa'i snying po nyon// rdzogs chen shin tu rnal 'byor pa// bla med go 'phang mchog brnyes pa'i// bla ma dus gsum sangs rgyas dpal// dkyil 'khor sgor zhugs 'bral med lha// man ngag rgyud don rang rig lha// rtsol med rnal 'byor mkha' 'gro la// lus ngag yid kyis phyag 'tshal te// dgongs pa don gyis brlabs pa'i phyir// ched du rtsol ba mi dgos te// phyi yi mchod gtor gtong ba'i tshe// byin brlab drug dang smon lam btab// nyan bshad kha ton la sogs rnams// dkar po'i chos spyod gang byed kyang // blta ba dran pas tshogs su 'gyur// da yang 'dus pa'i snying po nyon// nang gi mdzad spyod tshogs chen ni// yid

  688. 344b

    'thad pa yi gnas dag tu// dam tshig sel med tshogs 'khor de// sngon 'gro las drug rdzogs byas nas// dkyil 'khor bskyed dang spyan drangs te// byin gyis brlabs la tshogs drangs nas// mchod pa rnam gsum rdzogs par 'bul// lha gshegs lhag mar rol pa dang // skye shi dus kyi smon lam yang // lta ba'i ngang du rdzogs par bya// de phyir tshogs gnyis dus gcig rdzogs// de yi yon tan brjod mi lang // rdzogs pa chen po 'khor ba rtsad nas gcod pa chos sku skye med rig pa'i rgyud las/ mthun 'jug thabs kyi spyod pa bstan pa'i le'u ste bcu drug pa'o// // rdo rje sems dpas yang zhus pa// the tshom gegs rnams bsal ba'i phyir// gdams ngag don rnams dbye ba dang // 'khrul pa bzlog pa'i rtags gnyis gang // thig le la shan gegs gsal ba'i// yon tan don la ji ltar rdzogs// kun rig rgyal pos bshad du gsol// zhus pa'i don gsan bka' stsal pa// lha sgom spyod pa 'bras bu yi// gdams ngag dbye ba nyi shu bzhi// ngo bo la sogs drug drug tu// dbye ba gcig tu rtogs pa'i tshe// mi yi lus la sangs rgyas thugs// de yi yon tan bsam mi khyab// de yang 'dus pa'i snying po nyon// dang po 'khrul pa'i gzhi shes bya// ma rig ngar 'dzin 'khrul pa ste// ma spangs rang sar grol ba'i phyir// 'khrul ldog rtags

  689. 345a

    brgyad ldan pa la// nges pa'i sangs rgyas rtsol med 'grub// de yang 'khor gyi snying po nyon// phyi rol yang dag rnam pa bzhi// gsang sngags gsang chen phyi nang lngas// yul nyid sems su 'dzin pa de// lung ldan rkyen gyi gdams ngag gis// 'byung bzhi'i lus dang 'bral med shes// 'khrul pa logs pa'i rtags brgyad gnyis// de ldan rnal 'byor gang yang rung // sangs rgyas sras la rgyal ba'i thugs// rig 'dzin gdung 'tsho ba sprul pa'i sku// yon tan nam mkha'i mtha' dang mnyam// rdzogs pa chen po 'khor ba rtsad nas gcod pa chos sku skye med rig pa'i rgyud las/ man ngag gi dbye ba'i sgo nas 'khrul pa ldog pa'i yon tan bstan pa'i le'u ste bcu bdun pa'o// / kun bzang nga yi byin brlabs kyis// tshig tu ma bkod thugs las brgyud// don gyi gting phyin bstan pa'i phyir// tshig nyung don du rdzogs pa yis// thig le la shan dbye ba ni// mtshan nyid brtags pa'i thig le dang // gsang sngags gzhi yi thig le dang // rdzogs chen spyi yi thig le dang // yang ti'i thig le nyag gcig la// re re la ni bzhi bzhi ste// ngo bo dpe dang gtan tshigs kyis// 'gro sa la shan dbye ba yang // rtsal gyi sgo nas gsum bstan pa// snang ba chos dbyings la sogs pa// dbye ba'i sgo nas bzhi ru snang // da yang 'dus pa'i snying po

  690. 345b

    nyon// nang gi rig pa chos sku la// sgra mthun don dpags gtan tshigs kyis// thams cad thig le yin mod kyang // grangs ni bzhi yi mtshan nyid la// ngo bo la sogs bzhi bzhi'o// phye nas bstan pa'i rtogs pa'i tshe// don gyi ngo bo gnyis su 'dus// la bzla gcig gi ngang du rdzogs// da yang 'dus pa'i snying po nyon// phyi nang yul la sogs rnams kyi// the tshom gegs rnams bsal ba'i phyir// zung lnga ya bcu bdun gyis ni// mi 'gal shes pa'i rnal 'byor des// nges pa'i gdeng ldan ston pa'i mchog/ rdzogs pa chen po 'khor ba rtsad nas gcod pa chos sku skye med rig pa'i rgyud las/ the tshom gyi gegs bsal ba dngos bstan pa'i le'u ste bco brgyad pa'o// // da yang rdo rje sems dpa' nyon// de nyid rtogs pa'i yon tan ni// sems bskyed gong 'og rnam pa dang // zhi gnas lhag mthong rdzogs pa yis// pha rol phyin bcu dbang la sogs// sngags kyi mdzad spyod thams cad rdzogs// da yang 'dus pa'i 'khor rnams nyon// rang sems rtogs pa'i ye shes la// gol sgrib med par bstan pa yang // bcu gnyis gsum dang bdun bstan pa// snga phyi'i rtogs pa gsum du 'dus// gang yang yid la ma byas na// gol med chos sku shugs la gnas// de yang 'dus pa'i snying po nyon// yang dag don gyi nying khu'i don// ye nas chos sku 'bral med

  691. 346a

    don// nyams kyi rim pa lnga ldan pas// rtags chen gsum gnyis shugs las 'byung // de tshe bdud kyi spyod yul ni// bzhi gsum drug 'byung zil gnon na// nges pa don gyi rtags yin pas// de phyir bar dor sangs rgyas 'grub// rdzogs pa chen po 'khor ba rtsad nas gcod pa chos sku skye med rig pa'i rgyud las/ gegs sel ba'i yon tan bstan pa'i le'u ste bcu dgu pa'o// // sems dpa' chen pos yang gsol pa// 'bras bu yon tan gdul bya ni// lha dam nyams pa skong thabs dang // rtsa ba gcig pa'i bden rtogs na// sangs rgyas mdzad spyod ji ltar spyad// kun rig rgyal pos bshad du gsol// de skad zhus pa'i don gsan nas// 'khor rnams la ni bka' stsal pa// lta spyod la sogs nyams bskang ba// nyes 'gyod yid la byas nas su// bla ma mkhas pa'i don ldan nas// dbang rnams rim par mnos nas ni// rang sems dbang btsug don zhus nas// rgyun du mi gtong gus pas mchod// de la rtag tu gnas par bya// de bskang gdeng chen bdun ldan pas// da lta nyid du sangs rgyas thugs// gser sbrul mig gis 'dod yon lnga// dus gcig nyams su myong ba bzhin// ci spyod sangs rgyas ye shes thugs// sems can 'gro don btsal mi dgos// mi lus ldan pa de nyid la// lha mis phyag 'tshal mchod par 'gyur// rdzogs

  692. 346b

    pa chen po 'khor ba rtsad nas gcod pa chos sku skye med rig pa'i rgyud las/ lha spyod nyams pa bskang ba'i tshad bstan pa'i le'u ste nyi shu pa'o// // da yang 'dus pa'i 'khor rnams nyon// 'khor 'das 'byung ba'i rtsa ba ni// pha ma med pa'i bu bzhi yin// de yang gdod nas gcig las gnyis// gsum las 'brel yod gcig la med// rtsa ba bzhi yi don shes pas// skal ldan rnams kyis rang rig pa// bden mthong snang med rtogs dus 'dir// tshig tu brjod par mi nus kyang // sems la gsal por yod pa'i phyir// rig pa'i ye shes chos nyid mthong // dus gsum dag tu skye 'gags med// mtshan mar mthong ba ci yang med// rin chen 'dam khung stor gyur kyang // de yi yon tan mkha' la 'byung // de bzhin rang sems ngo bo nyid// mngal du rang sems bying gyur kyang // rang byung gdod nas rang gsal phyir// ye shes chen po rgyun mi chad// da yang rdo rje sems dpa' nyon// lus kyi nang na chos sku gsal// nang sgo lnga yi 'od shar bas// snang ba grogs su 'ong ba rnams// de tshe yul dang 'brel pa med// cang shes reg 'jam nam mkha' lding // rgya mtsho gser dang mchog rab bzhin// sems kyis gar phyin chos skur gsal// yul gyi gzung 'dzin skyon mi gos// rig pa zo thub bag zon ldan// 'khor bar gnas kyang gol sa med// de phyir chos

  693. 347a

    nyid mi 'gyur brtan// de ltar don la ye gnas phyir// 'bras bu rig pa da lta nyid// de nyid ma brjed rgyun gsal na// mi gnas mya ngan 'das zhes bya// rdzogs pa chen po 'khor ba rtsad nas gcod pa/ chos sku skye med rig pa'i rgyud las/ snang med sems kyi rig pa rtogs dus bstan pa'i le'u ste nyer gcig pa'o// // da yang rdo rje sems dpa' nyon// nga yi mdzad spyod chen po ni// sku med gzugs skur 'byung ba ni// thams cad zil gyis gnon par byed// tshig med rig pa'i gsung gis ni// sangs rgyas bstan pa rgyas par byed// rnam par rtog med ye shes zugs// cir yang sa le thams cad mkhyen// stong gsum 'jig rten gsum po yang // nga yi bzhugs gnas gzigs mor 'os// sku gsung thugs kyi rol pa ste// re re la ni gsum gsum dang // dbye ba rnam pa dgu yis ni// da lta chos sku kha mig can// lus dang bral ba'i skad cig la// sangs rgyas rgyal po ye shes sku// gzugs sku rnam gnyis shugs la 'char// sems can bsam pa'i khyad par las// yid bzhin dbang po gang 'thad ston// rdzogs pa chen po 'khor ba rtsad nas gcod pa chos sku skye med rig pa'i rgyud las/ yon tan gyi gdul bya bstan pa'i le'u ste nyer gnyis pa'o// // de nas kun rig rgyal po yis// 'dus pa'i 'khor ni rnam bzhi

  694. 347b

    la// nges pa'i dgos ched bka' stsal pa// rang rang rtogs pa 'dir smros shig/ de skad gsungs pa'i don gsan nas// rnam par gzigs la sogs pa yi// sngon byung sangs rgyas rnam bdun gyis// rang rang rtogs pa'i don brjod pa// rig pa 'gag med chos kyi sku// rtogs pa brjod med rang yid ches// ma btsal rang sar 'gyur ba med// dran pa skyon bral dang du bzhag/ snang med rang sems chos skur gsal// rang lus da lta nyams pa med// dngos med rig pa stong par gsal// log par dad sel la sogs pa'i// da lta'i sangs rgyas rnam bdun gyis// rang rang rtogs pa yang gsungs pa// rang byung kun khyab ye shes gsal// sal le mi rtog da lta nyid// nang gsal yul la ma yengs pa// dngos med gsal ba bsgom mi dgos// rang lus rang sems chos nyid don// ngo bo 'gyur med ma bcos pa// tha mal snying po rtogs pa'i sku// byams pa la ni sogs pa yi// ma byon sangs rgyas rnam pa bdun// rang rang rtogs pa yang gsungs pa// shes pa 'dzin med ye shes grub// cir snang dgag bsgrub med par zad// snga phyi yengs med ye shes rgyun// rnal du rig pa 'gyur ba med// skye med rtogs pa byang chub sku// brjod med ting 'dzin 'byung 'jug med// rang sems ma bcos don la zhog/ dus gsum sangs rgyas de dag

  695. 348a

    gi/ dgongs pa gcig phyir ye shes thugs// rdo rje yengs med la sogs pa// rig 'dzin sems dpa' yab yum bcu// rang rang rtogs pa'i don brjod pa// ye shes 'dzin med rig pa stong // rtog pa'i dran pa 'gyur ba med// spros bral lta ba yengs pa med// ye shes 'chi med zhe sdang bral// rang sems ci spyod snying po'i don// ma skyes nga rgyal ngo bo nyid// dngos med ye shes zhi la yod// 'dod chags gol med ye shes rgyun// lta ba rtsol ba med pa'i klong // gsal ba zhen med nyams kyi mchog/ de yang 'dus pa'i snying po nyon// rgyal sras sprul pa da nyon cig/ rang sems 'gyur med rig pa gsal// re dogs med par lam du rtogs// de skad ces ni gsol pa dang // thugs la dgongs nas bka' stsal pa// shes pa blo yi khyad par las// tshig tu mtshon pa sna tshogs kyang // don la dbyer med ngo bo gcig/ sangs rgyas dgongs pa khyod kyis rtogs// rdzogs pa chen po 'khor ba rtsad nas gcod pa chos sku skye med rig pa'i rgyud las/ 'khor gyis rtogs pa brjod pa'i le'u ste nyer gsum pa'o// // de skad ces ni gsungs pa dang // de tshe 'dus pa rnam bzhi yang // rang sems rtogs pa mngon gyur nas// dga' ba'i sems kyis yi rang nas// rdo rje sems dpar don gsol pa// rtogs pa brjod pa'i don

  696. 348b

    mthun pa// 'bras bu'i sangs rgyas da lta myong // rang sems ma dang thug gis phrad// de phyir da lta kun bzang nyid// rdo rje sems dpa' dga' ba che// 'dren mdzad khyod la phyag 'tshal lo// de skad gsol ba'i don go nas// rdo rje sems dpas yang gsungs pa// sangs rgyas thugs kyi byin rlabs las// dgongs pa ma lus bcud bsdus pa// dus gsum rgyal ba'i thugs kyi don// gdams ngag tshad med nying khu ni// dad ldan khyod la ngas bshad pas// don 'di rgyud la shin tu spos// yang dag nyid khu sems kyi bcud// thig le nyag gcig mngon phyung ba// chos kyi gter gyi 'byung gnas 'di// snod ldan rnal 'byor rnams kyis kyang // gal te phyi rabs don ston na// sangs rgyas chos skyong dbang du tshugs// gzhan la mi spel mna' bor nas// snod ldan man ngag tshang bar bstan// tshogs kyi mchod pa ci nus bya// de ltar ma byas chos bstan na/ slob dpon tshe zung bar chad 'ong // bka' rku bla ma sprod pa la// mi tshe 'di nyid da lta'i dus// nad dang kha yog sna tshogs 'ong // de phyir man ngag yang snying 'di// 'jig rten grags pa nor 'dod phyir// nams kyang ma spel sems la chong // rdo rje sems dpas de skad gsungs// rdzogs pa chen po 'khor ba rtsad nas gcod pa chos sku skye med rig pa'i rgyud las/ rtogs pa'i mdzad spyod dang rgyud gtad

  697. 349a

    pa'i le'u ste nyi shu bzhi pa'o// // rin po che gter gyi 'byung gnas zhes bya ba rdzogs so// rgya gar gyi mkhan po bi ma la mi tra dang / A tsar+ya dran pa ye shes kyis bsgyur cing zhus te gtan la phab pa'o// / @// rdza 'gyur klud 'bram rin po che phyogs bsgrags bzhugs so// 9rtswa 'gyur gyud 'bram rin po che phyogs bsgrigs las mi'i mtshan pa/ / gtso smrig gzhon pa/ thub bstan nyi ma/ bstan 'dzin blo gros/ zla ba bstan 'dzin/ thub bstan 'od zer/ dpyid sa dpal bzang / blo bzang chos 'phel/ dkon mchog bsam gtan/ phur bags rab thas pang shes par du ba bas/ tha bzang can pa tha'an nye bar 'dabs pam thas par bcag par than pa/ zhu nab bdu pa/ ba ngan 'angan paganag ma thang can da mags zla dang dang brtan na bgrangab san ba dang ga bca napa ma da/ ma'i mra a par bar gzhi dang pa bsdigs/ yo zla a par bar zangs dang po btab/ spad 'tham ma chang mchen gror/ brtan 'angan rab rgyas/ grags pa mthar byed/ rdo rje cha dbang / 'dam dbyangs che 'bral sags dpal thal bshad gra' skab dpan dang b+har dpon zla bcan rnams/ ###glog klang lag rtsal ba/ skal bzang lha mo/ zhe skyed/ byams pa chos sgron/ pad dbyangs/ ye shes/ chos 'jom/ bstan 'dzin/ bsod nams tshe smon sogs/ ###@###@#@ ma@ # ##@###@#@#@## sa[]@# #@##@#@#[]@#