Text
ff. 1a–195a · 750 folio sides
- 1a
rdzogs pa chen po lta ba'i yang snying sangs rgyas thams cad kyi dgongs pa nam mkha' klong yangs kyi rgyud bzhugs so//
- 1b
rgya gar skad du/ mahA san+ti dr-iSh+Ta tI gar+b+ha/ sarba bud+d+ha sha ya/ ga ga nor+m+mi bi pu la tan+t+ra nA ma/ bod skad du/ rdzogs pa chen po lta ba'i yang snying / sangs rgyas thams cad kyi dgongs pa/ nam mkha' klong yangs kyi rgyud ces bya ba/ bcom ldan 'das rang byung ngo bo nyid kyi sku/ dpal kun tu bzang po la phyag 'tshal lo// 'di skad gsungs pa'i dus gcig na// bcom ldan kun rig rgyal po de// 'og min chos dbyings pho brang du// snying po byang chub sku bzhugs pas// rigs lnga'i 'khor la thugs gzigs te// ye shes 'khor lo'i dgongs pa las// g.yos pa med par lhun gyis grub// de tshe 'dus pa rnam bzhi yang // rnam gzigs gtsug tor thams cad skyob// 'khor 'jig bsod skyabs rin chen
- 2a
mang // mar me log par dad sel dang // 'od srungs rin chen snying po dang // dbang po zhi dang pad+ma brtsegs// gser thub dang ni shAkya thub// me tri mthu chen thob dang ni// spyan ras gzigs dang 'jam pa'i dpal// dri med phyag na dga' ba'i dbang // dus gsum sangs rgyas rnams kyang bzhugs// sems dpa' rdo rje snang ba dang // ye shes dpal dang yon tan snying // skyon med grags pa grub pa rtsal// ye shes spyan ma rdo rje dbyings// dpal 'bar ma dang dpal ldan bde// las kyi sems ma chen mo rnams// rang rang gtso la 'khyud nas 'khod// gzhan yang chos srung sprul pa'i tshogs// 'jig rten mkha' 'gro pho mo dang // dregs can dam btags zhal 'ches pa// rang dbang med par dad 'dus
- 2b
rnams// rang sems rtogs par 'dod pa'i phyir// lus ngag sems kyis zol med par// thabs cig rim par 'khod gyur te// de tshe rdo rje sems dpa' yis// dus gsum bde bar gshegs pa yi// thams cad sku gsung thugs dang ni// rdo rje las byung phun sum tshogs// kun rig rgyal po'i dgongs pa des// mngon par gzigs pa'i don go nas// rdo rje yid kyi don bskul ba// 'khor 'das ma rig rnal 'byor thugs// nam mkha' bzhin du ye gnas pas// ye shes rnam par grol ba'i thugs// ngo bo nyid kyi sku bskyod nas// thugs dam dbang gis bzhengs su gsol// de skad bskul ba mkhyen gyur nas// ngo bo nyid las gzugs skur bzhengs// gzugs sku rol pa'i mdzad spyod kyis// 'od zer spros pas nam mkha' khyab// thams cad kun tu snang mdzad pas// 'khor rnams ngo mtshar du gyur nas// rtse gcig lus ngag yid kyis kyang // rnal 'byor tshogs kyis phyag 'tshal nas// bden pa'i yid kyis yang bskul ba// 'khor 'das rtsa ba thugs kyi dbyings// shes rab chen por mnga' brnyes pas// sprul pa grangs med 'byung ba'i gnas// chos sku bde bas 'gro don gyis// de don bskul ba thugs chud nas// 'khor 'das ma reg don chen la// 'bral med dgongs par snyoms zhugs te// cang mi gsung bar lhun gyis bzhugs// de
- 3a
nas blo gros dam pa de// cang mi gsung bar ngo mtshar te// dpa' bo mgon por yang zhus pa// e ma nam mkha' lta bu yi// sku mchog khyab pa'i byin rlabs kyis// thogs med rol pa'i cho 'phrul gyis// bdud dpung gzi brjid zil gyis gnon// yid bzhin gsung mchog sgra snyan gyis// tshig gcig don go thams cad 'dus// gzung sla yan lag tshang ba'i gsung // seng ge'i sgra yis gsang sngags gsung // ye shes snying po rdo rje'i thugs// nyi zla lta bur rang gsal ba// 'khor 'das spros bral thig le'i thugs// ye shes rig par byin gyis brlabs// thugs rje kun gyi bdag po khyod// sangs rgyas rnams kyi yang mes po// rnal 'byor kun gyi dam pa'i lam// bdud rnams kun gyi bdud chen po// yon tan thams cad 'byung ba'i gnas// byang chub sems kyi mdzod chen po// ma rig mun pa bsal du gsol// de skad gsol ba'i don go nas// bcom ldan ngo bo nyid sku des// 'khor rnams la ni thugs gzigs nas// phyogs bcur zhal ni 'dzum mdzad de// dper na nyi ma'i snying po las// 'od zer kun tu bkye ba lngar// khyab par mdzad cing bka' stsal pa// 'khor 'das med pa'i gong rol du// nga rtogs kun tu bzang po byung // gzhan pa'i zhi gnas blos bsgoms pas// sangs rgyas nyid kyang gdeng med gol// phra mo'i
- 3b
rnal 'byor smos ci dgos// de skad bka' stsal gsungs ma thag/ 'khor rnams ma dga' yid 'drogs te// don la the tshom za gyur te// mya ngan yid kyis zin gyur nas// 'jig rten kun 'gul rab tu g.yos// lha mi mi ma yin la sogs// kun kyang skrag cing ya ngar gyur// de nas rdo rje sems dpa' yi// thugs kyis gzigs nas don rig pa// 'khor rnams zhi gnas bsam gtan la// zhen pa gsal bar yid gzigs nas// ting nge 'dzin gyis don gsol pa// 'jig rten mkhas pa rdzogs sangs rgyas// ye shes thugs rje chen po yis// chos nyid gnas lugs ji lta ba// ma nor ma bcos snying po'i thugs// 'khrul pa'i blo yis rtogs pa'i thabs// 'khor 'das ma rig lhag mthong don// dus 'dir bdag la bshad du gsol// rang byung ngo bo nyid sku des// don rig thugs kyis bka' stsal pa// sangs rgyas chos nyid ji lta ba// 'khor 'das ma rig snying po'i don// yang mes nga yis don bshad du// rdzogs chen skye med don zab kyang // ma rtogs pa la sdig mor che// nor bu rin chen rnyed dka' bzhin// phyi ma'i dus kyi mi ngan rnams// dar drag dang thung tshor rkyen la// bka' yi don la yid mi ches// gzhung mang sgrin tshig rtog pa za// byang chub pas ni khe grags bsgrub// le lo che bas grub rtags rings// 'jug la
- 4a
brtson nas 'dor ba skyen// nges pa'i don la gal chen 'jug/ bden pa'i tshig la sgro skur 'debs// tshig tu zhi ba la don tu rtsing // thos bsam pas ni ngom par rings// shes nas mi bsgrub yal bar 'dor// gong 'og gzhung ni bsres te bslad// bka' min mi chos don du byed// man ngag zab mo zong du 'tshong // tshig nyung zab mo gting phyin la// sha thang mi phyed sbom zhes smra// gdams ngag blos chud mi gson par// don nyid rtogs par byed pa la// yid mi ches pa'i rigs pa 'jug/ mang por bshad kyang don med la// mkhas pa yin zhes yon tan brjod// bla ma smod pa'i gang zag la// kho bden zer zhing rjes su 'jug/ gsang ba'i man ngag mgo bar// slob bus ma byas slob dpon 'khangs// khungs nas brgyud pa'i man ngag la// ma nor yin par mi brtsi bar// rang bzo kha tshabs bsres pa la// yid ches byed cing dam par 'dzin// lha dman rnams kyi ngo srung byed// de lta bu yi dus byung tshe// don bstan skad cig de nyid la// rgyud lung sangs rgyas skrag cing dngangs// nyan thos mdo sde brgyal cing 'bog/ lha dang lha min srin po'i tshogs// sgro skur 'dogs pa'i gang zag rnams// gtan du dmyal ba chen por ltung // 'di la tshe yi bar chad dang // 'jigs pa sna tshogs de la 'ong // mgo lus tshal pa stong du 'gas// rig 'dzin
- 4b
rnam kyis spongs par 'gyur// de phyir shin tu gsang ba'i don// snod ldan slob bu mi rnyed dkon// de skad bka' stsal don go nas// 'khor rnams mgrin gcig thal sbyar nas// yid kyis gdung ba'i don gsol pa// 'khor ba'i g.yang sar ltung ba la// thugs rje chen pos mi 'dzin nam// ri dwags 'dzin pa'i rgyar chud na// rnam rtog dra ba mi gcod dam// sems can las la thugs tshad kyang // 'gro don snying rje mi mdzad dam// ma rig mun pa'i smag rum du// dmus long bzhin du rang sems 'thibs// ye shes nyi ma mi 'char ram// zhe sdang me chen 'bar ba ni// las kyi rlung dmar chen pos bus// chos nyid rlan kyis mi 'jil lam// 'dod chags chu ltar brub pa yis// bse rtsi bzhin du zhen pa la// ye shes me yis ming bsreg gam// don stor lus kyi nang du stor// lam stor bdag la sa mkhan mdzod// dus 'dir 'dus pa rnams kyis kyang // 'gal sems rdul tsam med par ni// dad pas byang chub don la mos// nges shing dad pas yid bsdus so// de nas ngo bo nyid sku des// ye shes 'khor lo'i dgongs pa las// thugs ni mngon par bzhengs nas kyang // kun bzang chos sku'i rtogs don de// 'dus pa'i 'khor lo bka' stsal pa// legs so dad ldan 'khor rnams nyon// lhag mthong gsal bar ngas bshad kyi// legs par nyon la yid kyis
- 5a
zung // gol sa chod pa'i lta ba yi// gdeng du go 'gyur rnal 'byor pas// ched du mi bsgom rang yin te// sangs rgyas bcom ldan 'das rnams kyis// dbang po rang yan btang las byung // ma bsgoms ye shes shugs la 'char// gol med ye shes chos nyid klong // thugs kyi 'od zer stong gi cha// phyogs bcu kun tu rab spros pas// 'khor rnams sems la don shar nas// zhi gnas la ni lhag mthong du// rdul tsam du yang ma bsgoms par// phra mo cha tsam rtogs gyur nas// dga' ba'i yid kyis don bstod pa// 'khor ba'i nad 'byin sman pa'i mchog/ rab med sgrol ba chos kyi gru// 'jigs sar rten pa'i ye shes mkhar// drin med byams pa'i pha dang ma// 'dren mdzad khyod la phyag 'tshal bstod// ded dpon kun bzang chos kyi sku// 'khor ba'i lam med lam ston pa// rang rig ye shes byang chub klong // ye shes sku la yid kyis bstod// nam mkha' lta bur dngas pa yi// khyab gsal rab brjid skur ston cing // mkhas la rgya che shin tu gsal// e ma sangs rgyas bcom ldan gsung // shes rab gting phyin g.yos pa med// rgyun mi gcad la phyag 'tshal lo// ma rtsol bdud rnams 'dul mdzad pa// stobs ldan dpa' bo chen po ste// yon tan phrin las rdzogs mdzad pa// ci bsam 'grub la phyag 'tshal bstod// da ni khyod kyi
- 5b
'bangs su mchi// dpa' bo chen po bdag la dgongs// bka' las mi 'das yid kyis bzung // lta ba'i yang snying bshad du gsol// de skad gsol ba'i don gsan nas// bcom ldan ngo bo nyid chen des// gdod nas 'bral med ting 'dzin la// bde bar zhugs nas bka' stsal pa// yang snying lta ba'i rgyud chen 'di// yid kyis bshad pas rtogs pa'i don// ngas shes ye shes dam par gyis// bdud dang bar gcod thams cad kyang // nga nyid rol pa las gzhan med// nga ma shes par ci spyad kyang // 'bras bu brlag cing 'tshig par 'gyur// de skad gsungs nas sku gsung thugs// skye 'gag med pa'i ye shes kyis// rgyun mi chad kyi dgongs pa la// thugs ni shin tu thim gyur to// de nas rdo rje sems dpa' yis// 'dus pa'i tshogs la phan btags phyir// yid kyis nges don 'di skad gsol// dad pas bsgom dang rtogs pa yis// snod ldan snod ngan bye brag gi/ 'bras bu bstan pa bshad du gsol// kun rig rgyal pos bka' stsal pa// khyod kyi zhus pa ngas bshad nyon// nga yi ye shes lhun grub la// re zhig mos pa drang ba'i phyir// spyi yi mtshan nyid rtogs pa'i thabs// brda' tsam mtshon nas zhen grol ba'i// rang don sems kyi mos pa yis// theg pa kun la thos bsam gnas// dben pa'i dgon par gang bsgom pa// rang
- 6a
sems dmu rgod stong khams yin// mngal gyi sgrib g.yogs khang stong bsrung // bcos ma'i spyod pa sus bsgom pa// 'bras bu sangs rgyas thob 'dod pa// zhe 'dod yod phyir 'khor ba'i rgyu// snang ba sems su byas pa'i phyir// 'bras bu ye shes 'byung mi srid// de yang 'dus pa'i snying po nyon// 'khor 'das tshig tu brjod dka' ba// chos sku nam mkha' lta bu de// kun la gnas kyang rtogs par dka'// u dum wa ra'i me tog bzhin// brgya lam na yang re 'ga' zhig/ 'byung srid kun gyi thun mong min// don 'di kun la bshad kyis nyon// bla ma rdo rje slob dpon las// nyan bshad sgrub pa'i dbang mnos nas// mched la sring ltar gdung byed cing // thos bsam bsgom par 'dod pa'i phyir// byang chub srog dang bsngo ba yi// snod ldan ma nor phrad gyur na// 'tsho ba rang gi sbyar la yang // lta ba'i dgongs don 'di bstan te// ma mtshon go dang ma dpyad rtogs// don ldan man ngag rig pa'i blos// ma bsgoms rtogs pas nges par chog/ de yi 'bras bu da lta nyid// sangs rgyas rgyal po ye shes sku// thams cad mkhyen pa'i ye shes te// 'bras bu kun gyi mchog tu bshad// rdo rje sems dpa' da yang nyon// ngo bo nyid kyi chos sku la// 'das dang ma 'das mi mnga' yang // nga nyid dngos su mi bzhugs tshe// 'dzam gling dbus kyi shar
- 6b
phyogs su// skal ldan rigs kyi sprul pa gcig/ pha med bram ze'i rigs skyes nas// nga yi nges don lta ba 'di// gdams ngag mi 'chad ston pa 'byung // phyis kyi rnal 'byor 'jug 'dod pas// nga yi rgyud 'di rtogs par gyis// 'di shes bla ma dam par bzung // de bzung yon tan brjod mi langs// nges don 'di la gang mos rnams// bka' dang mthun par don go nas// rdul tsam du yang ma bsgoms kyang // sangs rgyas sa la smos ci dgos// de tshe dad ldan 'di la 'jug/ 'khor 'das ma rig chos sku'i don// las can kun gyi rtogs don chos// man ngag rdzogs chen bstan pa 'byung // de tshe nga yi 'khor rnams kyis// nges don lta ba 'chad pa la// lha dman tshul 'chos sde pa ni// sngags par khas 'che'i mu stegs dang // drang don theg pa la zhen rnams// zhe sdang byed pa'i dus byung tshe// kha zer 'phyar kha gtong ba dang // dug dang rdo/ dang mtshon sogs kyis// de la gsod par sems 'gyur zhing // sa phyogs mnga' ris 'gegs pa'i tshe// kun bzang lta ba nges don 'di// ngo bsrung tshul 'chos ma yin par// zhum med dam chos 'di 'chad pa// tsham tshom med pa dpa' bo'i mchog/ 'jigs med ma nor ston pa'i lam// bde gshegs rnams kyi byin gyis rlobs// mkha' 'gro chos skyong smos ci dgos// gnod pas mi tshugs bsod
- 7a
nams 'phel// de tshe mu stegs nyan thos sogs// rang rang brkam chags rtsod 'gyur nas// g.yul 'gyed byed cing ru tra 'dra// rims nad sna tshogs bkra mi shis// yon bdag rnams ni dad pa ldog/ 'og ma'i bstan pa 'jig pa'i rtags// phyi ma ngan song smos ci dgos// de yang 'dus pa'i snying po nyon// de lta bu yi dus byung tshe// gal te tshogs la chos 'chad na// nyams dang lkugs pa zhe 'khon rnams// yod med gsher la bshags su bzhugs// de mi nus par chos mi 'chad// dper na ldum rar dug skyes na// bdag pos dug tu shes ma thag/ rtsad nas phyung ste med par byed// de bzhin dam nyams mi mthong na// gang yin tshogs las bkar la btang // lta bshags ched du yid la bya// de ltar ma yin phyal bzhag na// rten med ma thug srog gcod bzhin// nyams grib skyon gyis na tsha 'byung // mkha' 'gros chad pa rims gyis gcod// de yang 'dus pa'i snying po nyon// gal te dad pas gdung sems kyis// dam tshig nyams pa'i skyon 'gyod nas// bskang bshags g.yo sgyu mi byed pa// gser dngul chag bcos phyir legs bzhin// don la brtson 'grus shin tu che// de ni snod kyi dam pa'i mchog/ man ngag yang snying rdzogs par bstan// de don shin tu btsal dka'i phyir// snod la brtag pa shin tu gces// bka' dang mthun
- 7b
pa'i don 'grub phyir// ma brtags rang 'dod chos mi 'chad// rdzogs pa chen po lta ba thams cad kyi yang snying / sangs rgyas thams cad kyi dgongs pa/ nam mkha' klong yangs kyi rgyud las/ bstan pa 'byung ba'i rgyu gleng gzhi bstan pa'i le'u ste dang po'o// // de nas 'dus pa'i 'khor rnams la// zhal gyis bzhes te bka' stsal pa// rgyud lung man ngag yul la blta// de phyir ma nor chos sku min// sems yin zer zhing snang bar 'chel// sems dang 'brel med brjod byas kyang // glang po phag dang 'dra ba bzhin// 'brel med don ni rtogs bya'i phyir// de phyir yul 'di sems 'dra yang // snang ba chos skur 'brel med pas// gzhi nyid rang sems rtogs par bya// de yang rdo rje sems dpa' nyon// yul gyi snang ba 'di nyid la// mtha' yas ming du btags pa yin// yod mthong snang grags chos rnams kun// bla dwags tsam du btags par zad// de la dngos gzhi ga la yod// med pa nyid na yod rtog pa// 'khrul pa rnams kyi shes pa la// sangs rgyas rnams kyis mi mkhyen phyir// phyi rol yul la don mi bzhag/ de phyir 'khor 'das 'byung ba kun// glo bur yin phyir gnas lugs min// de phyir 'dus pa'i snying po nyon// nga yi gsung gi 'od zer gyis// ma rig sems kyi mun khung du// sgron ma'i snang ba nyi bzhin 'char// yul dang ma 'brel
- 8a
chos kyi sku// rang la rang chas ye gnas pas// lung ldan rkyen gyis rtogs pa byung // rgyu 'bras rkyen rnams ngas bshad nyon// ngo bo gnas lugs chos sku dang // de las 'khrul pas 'khor bar 'khyams// ldog thabs snod bcud ldan pa yis// nges pa'i don mthun gdams ngag gis// the tshom gegs chen bsal ba dang // 'bras bu lhun rdzogs gdul bya 'byung // de skad gsungs pa'i don thos te// 'khor rnams dga' zhing yi rangs te// gus pa'i sems kyi chos nyan to// rdzogs pa chen po lta ba'i yang snying // nam mkha' klong yangs kyi rgyud las/ gsung bar zhal gyis bzhes pa'i le'u ste gnyis pa'o// de nas kun rig rgyal po yis// dad ldan 'dus pa'i 'khor rnams la// sems kyi rtog pa bsal ba'i phyir// ched du brjod pa'i don gsungs pa// 'khor 'das gnyis kyi gzhir gyur pa// ngo bo nyid kyi sku mchog ni// rang byung yin phyir thog mtha' med// 'dus ma byas kyi nam mkha' 'dra// de yang 'dus pa'i snying po nyon// ma mtshon go dang ma dpyad par// de nyid rtogs pa'i kun bzang la// mya ngan thog mtha' dus gcig gcod// ri bo ta la'i nyi shar 'dra// lung ldan rkyen gyi gdams ngag gis// thog ma'i gzhi shes rnal 'byor pas// 'khor ba'i mtha' ma shugs la chod// mun pa nam langs nyi shar 'dra// sems can
- 8b
rang sems 'khrul pa'i phyir// mtshon dpyad rtog pa 'khor ba'i chos// 'khrul pa yod phyir thog mtha' yod// phyi nang 'byung ba chags 'jig 'dra// de yang rdo rje sems dpa' nyon// 'khor ba'i gzhi ni zhen rtog yin// gzung 'dzin zhen pas 'khor bar snang // ras dkar la ni snum zhen 'dra// bag chags brtas phyir kun gzhi yin// de yang 'dus pa'i snying po nyon// ye shes mya ngan 'das pa'i rgyu// shes rab lhag mthong las byung ba// lung ldan rkyen gyis rtogs pa de// thig le chos sku de la bya// gnyis ka'i rgyu yi rgyu ru ni// rang byung ngo bo nyid kyi sku// chos rnams kun gyi gzhi yin phyir// ye shes rgyu zhes de la bya// rtogs ma rtogs la tha dad kyang // lung ldan rkyen gyi ye shes de// thams cad mkhyen pa'i rgyu yin phyir// rgyu yi ye shes de la bya// bya byed lam gyi 'bad rtsol gyis// rang byung byang chub gegs yin pas// shes pa rtsol med ye shes 'di// lam gyi ye shes dam par gsungs// rtogs pa'i ngang las ma g.yos par// theg brgyad lam gyi spong len dang // pha rol mdzad spyod 'di yis 'grub// yon tan stobs rnams ma lus 'byung // ye shes 'bras bu 'di shes pas// dbul po rin chen rnyed pa bzhin// phyi ma ma yin dus 'di rang // rtsol med rig pa mngon sangs rgyas// de yang 'dus pa'i snying po nyon// mi gnas chos sku'i don
- 9a
rtogs pa// 'ching grol dge sdig gnyis kyi chos// gzhi la gnyis ka gdod nas med// de phyir thig le nyag gcig go// de yang 'dus pa'i snying po nyon// nyi ma'i dkyil na mun med ltar// de bzhin don rtogs ma bsgoms kyang // skye med byang chub chos sku'i klong // gol sgrib dag la ya mi nga // dper na seng ge'i sgra grags pas// ri dwags phra mo 'byer ba bzhin// don 'di rnal 'byor gang yod la// lha dman sgro skur zil gyis gnon// dper na pad+ma 'dam gnas kyang // dri mas mi gos shin tu gsal// de bzhin rnal 'byor lus yod kyang // sgrib pas mi gos ye shes gsal// dper na 'khor los skyusbyar rgyal nyid// gling bzhi gling phran dbang du bsdus// de bzhin don 'di rtogs pa yis// pha rol phyin bcu'i dbang rnams kyang // rang bzhin ma btsal lhun grub rdzogs// rnal 'byor gdengs su de 'chang na// de la bsgrub pa ma byas kyang // gcig shes pas ni kun shes pas// 'bras bu sangs rgyas smos ci dgos// de las gzhan pa'i don med phyir// lhun gyis rdzogs pa'i chos sku la// skye shi'i sdug bsngal mi 'byung bas// gzhi las mi 'gyur gser bzhin no// de skad gsungs pa'i don go nas// rang sems rtogs par bya ba'i phyir/ rtse gcig dad pas gus gyur nas// la bzla ba la don gyis mos// rdzogs pa chen po
- 9b
lta ba'i yang snying // nam mkha' klong yangs kyi rgyud las// ched du brjod pas go bar bstan pa'i le'u ste gsum pa'o// // de nas kun rig rgyal po la// 'dus pa'i 'khor gyis don zhus pa// chos nyid rang byung gnas lugs kyi// dpe don khyad par gang gis dbye// yid ches pa yi gtan tshigs gang // kun bzang thugs ni ji ltar rtogs// zhus pa'i don gsan bka' stsal pa// dpe don khyad par ngas bshad kyis// nam mkhas gar khyab sems can gyis// nam mkha' dag la rig pa med// sems nyid ma bsgribs rig par gsal// de phyir nam mkha' byang chub dpe// 'degs byed rlung gi 'byung ba la// ye shes rlung gis byang chub khyab// dran rig dngos med byang chub dpe// chos nyid klong du mngon sangs rgyas// sdud pa'i chu la sems kyis khyab// chu nyid byang chub dngos ma yin// de bas rig pa sems kyi chu// byang chub skur ni mngon sangs rgyas// sra byed 'degs pa'i sa nyid la// rang sems snying po dngos med kyang // thams cad bskyed phyir byang chub dpe// 'gyur med sra phyir mngon sangs rgyas// drod snyoms tsha ba me 'di la// rang sems me yi gzhi med kyang // nyon mongs sreg byed dpe bstan pa// byang chub mer ni mngon sangs rgyas// 'byung ba lnga po 'di nyid kyang // don gyi sangs rgyas ma yin kyang // btags pa'i sangs rgyas yin pa'i
- 10a
phyir// 'di la dgag sgrub ci yang med// da yang 'dus pa'i snying po nyon// ma dros mtsho dkyil me 'bar ba// mthong nas gsal ba chu yis ni// bskal par de la gnod mi nus// de bzhin ma rig ye shes kyis// thog mtha' rtsa ba mchod na// myang 'das yon tan mi 'byung phyir// 'khor ba zil gyis ci la non// bya khyung rgyal po rlabs chen gyis// rin chen nam mkhar thon pa'i tshe// rgya mtsho nyid kyang bdud rtsir 'gyur// de bzhin bla ma'i gdams ngag gis// rang byung snying po rtogs tsam gyis// sdug bsngal nyid kyang bde chen 'char// tshig dang yi ges mtshon pa rnams// ming du btags pa'i chos kun nor// 'khrul rkyen dpe yis bstan pa'i phyir// dpe don dbye ba shin tu gces// rdzogs pa chen po lta ba'i yang snying / nam mkha' klong yangs kyi rgyud las/ mtshon pa'i dpe don ma yin par bstan pa'i le'u ste bzhi pa'o// // de nas 'dus pa'i tshogs rnams la// kun rig sems kyi rgyal po yis// don gyi dbye ba bka' stsal pa// sangs rgyas pas kyang sems can gnyen// sems can dus nas ma rtogs na// dug lnga rang grol ci la 'ong // mnyam bzhag pas kyang rjes thob gces// rjes thob lta bar ma shes na// thun mtshams bsgom pas sangs mi rgya// lus la brten nas rtogs pa yi// dus bzhi'i gdams ngag ma shes
- 10b
na// ye shes 'bral med ci la 'char// de yang sems dpa' chen po nyon// skye shi gnyis kyi bar dor ni// lung bstan rkyen gyi gdams ngag zhu// 'khor 'das gnyis kyi bar dor ni// chos nyid gnas lugs rtogs par bya// yul sems gnyis kyi bar dor ni// phyi yi gol sgrib bcad par bya// mnyam bzhag rjes thob par 'dor ni// rnam rtog ye shes blang bar bya// srid pa dag gi bar dor ni// sangs rgyas rgyal po ye shes sku// byang chub sems dpa' thams cad la// nges don 'di rtogs khyad par 'phags// de yang 'dus pa'i snying po nyon// don rtogs pas ni 'dzin rtog nub// nyi ma shar nas mun pa med// lung 'di rtogs pas rtog pa bros// 'khor 'das 'byung ba rnam rtog bcom// spong sdud gnyis po 'chor med bzung // rtag chad gnyis po rdul du brlag/ zhen len gnyis po phyer mar btag/ bzang ngan 'dzin pa sprin/ ltar dengs// sangs rgyas sems can gcig tu byas// mtho ris ngan song rdzun du song // 'khor ba chos nyid ngang du brlag/ chags sdang skyes shing ting 'dzin gsal// g.yeng ba chen bde chen rgyas// skye shi med pa'i g.yul ngo rgyal// rig 'dzin rnams kyi thugs ngan sangs// rdzogs pa chen po blta ba'i yang snying / nam mkha' klong yangs kyi rgyud las/ don gyi dbye ba bstan pa'i le'u ste lnga pa'o// // de nas kun rig
- 11a
rgyal po yis// 'dus pa'i 'khor la bka' stsal pa// 'gro drug sems can thams cad la// rang sems snying po ye shes ni// rtogs dang ma rtogs med par gnas// de yi chos nyid mtshon pa'i dpe// bar snang rkyen gyis mi tshugs ltar// rang sems stong pa'i ye shes ni// snga phyi med pa'i chos sku la// 'khor ba'i rnam rtog gzung 'dzin med// khyung phrug sgo ngar gshog rgyas ltar// rnal 'byor rang sems rtogs pa'i mi// mngal gyi sgrib g.yogs ma bral kyang // rang byung ye shes thugs la gnas// khu byug bya bran zil gnon ltar// chos sku sems la ngos zin pas// theg brgyad gol sgrib zil gyis gnon// de phyir 'khor ba ming yang med// seng phrug mngal du rtsal rdzogs ltar// lung ldan gdams ngag bstan ma thag/ sgrib gnyis ma spangs shugs la dag/ rtog pa mngon gyur sangs rgyas yin// pad+ma 'dam gyis ma gos ltar// dug lnga'i nang nas rang byung gsal// nyon mongs nyid kyang rang sar grol// ye shes don la 'du 'bral med// dngul rdos rang chos mi 'gyur ltar// dang po shes bzhin lung ma bstan// bar du nges pa'i don rtogs pas// da lha'i shes pa 'di nyid la// nges don chos skur rang gsal nyid// dus gsum mi 'gyur ye nas gsal// de yang 'dus pa'i snying po nyon// rang bzhin gzhi nyid spros bral bas// brjod du
- 11b
med par yid ches pas// yul la mi ltos don go'i phyir// dgos don gzhi nyid ye nas bden// ngo bo nyid kyi lta ba de// rtogs ma rtogs kyi khyad par las// 'khor 'das gnyis su shar ba yi// gang yang gnyis med yid ches pas// rig pa lta bar bzhag pa yin// chos nyid rang gi mtshan nyid ni// mi g.yo gsal ba'i ting 'dzin gyi// 'khor 'das gnyis la rtsa ba gcig/ de phyir ma yengs bsgom pa'i mchog/ ye nas rang sems 'gyur med pas// de dang mthun par rtogs pa yis// 'khor 'das ma rig 'bras bu la// re dogs med par lhun gyis grub// de yang 'khor gyi snying po nyon// chu nyid rkyen gyis 'chang 'gyur ltar// bla ma'i man ngag don stobs kyis// ci spyod rang byung shar ba las// thog ma ma yin tha ma min// da lta'i shes pa 'di nyid las// bzang por song ba gang yang med// rdzogs pa chen po lta ba'i yang snying / nam mkha' klong yangs kyi rgyud las/ yid ches pa'i gtan tshigs kyi le'u ste drug pa'o// // de nas 'dus pa'i tshogs rnams la/ kun rig sems kyi rgyal po yis// don gyi gnas lugs bka' stsal pa// chos sku gzhan dang ma 'brel phyir// phyi nang snod bcud kun gyi gong // sangs rgyas sems can gnyis pas snga// bltar med ngo bo kun gyi gzhi// rang byung snying po chos sku dang // sangs rgyas rnams
- 12a
kyis nga ma mdzad// sems can rnams kyis nga ma bcos// 'byung ba lnga la rag ma lus// de yang 'dus pa'i snying po nyon// thig le chos sku'i gzhi nyid nas// rgyu rkyen gnyis las 'das pa dang // gnyen po cis kyang mi tshugs shing // dus gsum mi 'gyur yang dag yod// da yang 'dus pa'i snying po nyon// nam mkha' mtha' dbus med pa ltar// rang sems phyogs bcur dmigs dang bral// dmigs med chos skur shes shing rig/ de tsam nyid nas zhen med bde// nyi ma ma bsgribs gsal ba ltar// sgo lnga gsal la rtog pa med// rtog med snying po ye shes thugs// 'khor ba'i 'dzin pa kun dang bral// rin chen yon tan 'byung ba bzhin// don rtogs 'bras bu chos sku la// sangs rgyas che ba'i yon tan kun// ma btsal lhun gyis rdzogs pa 'byung // sa gzhi spyad pa'i gzhi yin ltar// rang byung ngo bo nyid kyi sku// 'khor 'das kun gyi gzhir gyur pa// rig dang ma rig khyad par las// rgyu 'bras rnams ni de las byung // rgya mtsho g.yo ba med pa ltar// snying po rtogs pa'i ye shes kyi// ting nge 'dzin la g.yo ba med// de nyid ye shes chos nyid sku// ri bo 'gyur ba med pa ltar// yul med rig pa nges pa'i gzhi// rkyen gyis mi 'gyur byang chub sems// ma bsams 'du 'bral med par gnas// de yang 'dus pa'i snying
- 12b
po nyon// dus gsum sangs rgyas kun gyi ni// rtog pa nga dang 'bral ba med// ma bral chos skur rtogs pa la// 'khor med yon tan bsam mi khyab// rnal 'byor dam pa las can gyis// yid kyi don rtogs ngo shes pas// kun bzang chos sku da lta nga // dman pa'i lus la sangs rgyas yin// rdzogs pa chen po lta ba'i yang snying / nam mkha' klong yangs kyi rgyud las/ kun tu bzang po'i thugs brtol ba'i le'u ste bdun pa'o// // de nas rdo rje sems dpa' yis// ngo bo nyid kyi kun bzang la// bden pa'i tshig gis 'di skad gsol// chos nyid ngo bo gnas lugs dang // thog mar 'khor ba gang nas byung // tshogs brgyad chos sku ji ltar min// theg brgyad 'khrul gzhi ci las byung // ma rtogs bsgoms na ji ltar gol// lha spyod nyams pa'i nyes pa gang // rnam smin lus kyis ji ltar bsgribs// 'khor ba'i bag chags gang na gnas/ kun rig rgyal pos bshad du gsol// de skad gsol ba'i don gsan nas// sems can 'khrul tshul thugs rje yis// 'dus pa'i 'khor la bka' stsal pa// gzhi la 'khrul pa byung ba ni// thog ma'i dus kyi mtha' drug ni/ kun gzhi rnam shes tshogs brgyad kyang // rang sems yin te chos sku min// yar ldan mar 'khrul 'khor 'das byung // da yang 'dus pa'i snying po nyon// nyi ma 'char ka'i mdangs bzhin
- 13a
du// dang po shes bzhin lung ma bstan// chos nyid dag pa'i rtsal yin kyang // lung ma bstan pas rkyen dbang gyur// ma rig rgyu la log rtog rkyen// rkyen bzhi dag gis bskyed gyur pas// ma rig rnam pa gnyis su tshang // zung du 'dzom nas kun gzhir grub// de yang 'dus pa'i snying po nyon// yod med la sogs ma rig pas// thog ma med nas bden 'dzin pas// 'khor ba lugs 'jug phyir 'byung rtags// thag sbrul tho yor mi bzhin du// dbang po yul la rtag tu yengs// thar lam mi thob skye zhing 'chi// 'khor ba'i rgyu ni rtog pa ste// lta bas ma bsgyur yul la zhe na// chos brgyad gzung 'dzin dam par blta// skye shi sdug bsngal mi 'jig phyir// bag chags mtshan mas rkyen byas nas// khams gsum 'khor ba'i 'khor lor 'khyams// thar med 'khor bar kun gzhis byas// de phyir 'khor ba 'ba' zhig yin// rdzogs pa chen po lta ba'i yang snying / nam mkha' klong yangs kyi rgyud las/ 'khor ba dang po gang nas byung bar bstan pa'i le'u ste brgyad pa'o// // de nas 'dus pa'i 'khor rnams la// kun rig rgyal pos bka' stsal pa// 'khor ba rnams kyi rtsa ba ni// yul dang sems ni gnyis su 'dus// yul kyang rang sems 'khrul pa ste// sems ni rnam shes tshogs brgyad la// sems las 'byung ba lnga bcu
- 13b
gcig/ rtsa ba kun gzhi nyid du 'dus// sems can kun la gnas lugs ni// phyi blta ba dang nang blta ba// gnyis kar bltas pa'i shes pa dang // bcos dgos pa dang mi dgos su// rtag chad bral don ngo bor gnas// yang dag yod dang byin rlabs su// lan du phye nas bstan pa'i don// tshogs brgyad sems su bstan pa yang // 'khor ba'i bag chags brtas pa'i phyir// nges don snying po ma yin no// de yang sems dpa'i snying po nyon// sgo lnga'i rnam shes ngo bo ni// yul snang tsam nas shes pa skye// yul mi snang tsam shes pa 'gag/ yid kyi rnam shes ngo bo ni// yul la sna tshogs sems pa'i phyir// chags sdang log rtog dag tu 'dzin// rnam rtogs sna tshogs ngo bor gnas// nyon mongs yid kyi ngo bo ni// nang du zhen pa dam par ni// rtag tu 'dun pa ngar 'dzin pa'o// kun gzhi'i rnam shes ngo bo ni// ma rtogs tha mal dus tsam na// rtog pa rgyas shing rig pa bsgrib// rtogs pa mngon du gyur tsa na// ma rig bsgribs shing ye shes rgyas// gzhan du de dang mtshungs par ni// tshogs bdun skyes nas 'phel bar snang // tshogs bdun 'gags na bsgrib par snang // des na shes pa'i tshogs brgyad kyang // yang dag ma yin 'khor ba'i chos// de yang 'khor gyi sems dpa' nyon// sems can mos pa tha dad pas// gang zag blo yi rim pa la// gnas 'gyur chos su
- 14a
bstan pa yang // bkri drang ldem dgongs tsam du bstan// de yi skyon yon khyad par ni// 'byung ba me chu'i dpe bzhin du// ye shes log rtog khyad par gyis// shes pa kun gzhi'i mtshan nyid ni// rgyu rkyen gnyen pos 'jig pa dang // dus gsum mi rtag 'gyur ba dang // bag chags mtshan ma'i rten byas pas// yang dag ma yin 'khor ba'i gzhi// rdzogs pa chen po lta ba'i yang snying / nam mkha' klong yangs kyi rgyud las/ tshogs brgyad chos sku min par bstan pa'i le'u ste dgu pa'o// // de nas kun rig rgyal pos yang gsungs pa// log lta mu stegs rnam gnyis dang // phyi rol yang dag gsang sngags dang // gsang chen 'khrul tshul ngas bshad nyon// ngo bo chos sku gnyis med des// gzhi byas pha rol rgyu 'bras med// 'byung ba lnga byung rang zhi ste// chad par 'dod pa 'khrul pa yin// dngos med ngo bo mi 'gyur // gzhi byas rang sems dngos po dag/ kha dog dbyibs su grub pa la// rtag pa ther zug 'dod pa 'khrul// da yang 'dus pa'i snying po nyon// snang ba chos kyi dbyings nyid kyis// gzhi byas sems la tha dad pas// phra rags 'dod yon rnam lnga'i yul// don dam bdag med 'dod pa 'khrul// drang don sgor zhugs skye bo dang // tshig la khyad yod don la med// de phyir nyan thos theg pa bas// rang sems ma rtogs shin
- 14b
tu gol// de yang 'dus pa'i snying po nyon// ngo bo dngos med rig pa des// gzhi byas snang ba rang sems su// blos byas rig pa skad cig de// gong 'og mtha' bral shes dag 'khrul// rang sems rgyun gyi rtag par 'dod// bdag tu khas len mu stegs dang // tshig la khyad yod don la med// snang ba sems su 'dod pa'i phyir// sgro 'dogs sems tsam don la gol// da yang 'dus pa'i snying po nyon// rig pa ngo bo gnyis med des// gzhi byas yul sems chos gzhig nas// skad cig ma de ma grub 'dod// stong par btags de don la 'khrul// mu stegs chad par lta ba dang // tshig la khyad yod don la med// yul sems gnyis la skur btab phyir// dbu mar 'dzin pa don las gol// de yang sems dpa' chen po nyon// 'gro drug sems can thams cad dang // nyan thos rang rgyal mdo sde bcas// nga nyid 'grogs pas ngo ma shes// de phyir blun po'i sbyor yul min// rdzogs pa chen po lta ba'i yang snying / nam mkha' klong yangs kyi rgyud las/ rgyu mtshan nyid kyi 'khrul tshul bstan pa'i le'u ste bcu pa'o// // de nas 'dus pa'i gas rnams la// kun rig sems kyi rgyal po yis// gsang sngags 'khrul tshul bka' stsal pa// dag dang ma dag gzhi gcig pa// yul med rang sems dag par 'dod// chos nyid ngang las bzang ngan
- 15a
'byung // dngos grub gzhan la re phyir 'khrul// de yang 'khor gyi snying po nyon// rje 'bangs tshul du spyod pa'i phyir// gtsang sbra spyod pa'i bram ze dang // tshig la khyad yod don la med// de phyir dag byed kri ya gol// gzhi la gnyis med ngo bo la// lta spyod gong 'og gnyis 'dod pas// lta spyod ya cha bdud kyi las// lta bas khyad par 'phags 'dod 'khrul// de yang rdo rje sems dpa' nyon// yul dang ma 'brel ngo bo las// dbyer med chos dbyings 'dod pa de// spun grogs tshul du mnyam zer nas// ting 'dzin gtsor byed tha dad 'khrul// de yang 'dus pa'i snying po nyon/ kun rdzob yig 'bru lhar bskyed 'dod// don dam ma grub zer ba de// kri yog rnam gsum lta ba ste// mtshan nyid lta ba rnam pa gnyis// tshig la khyad yod don la med// de phyir kri yog don la gol// yo ga man chad nga yi gtam// ji snyed brjod sa nga mi rnyed// snang ba lha ru 'dod pa'i phyir// mtshan ma rags phyir nga mi rtogs// rdzogs pa chen po lta ba'i yang snying / nam mkha' klongs yangs kyi rgyud las/ phyi rgyud rnam gsum gyi 'khrul tshul bstan pa'i le'u ste bcu gcig pa'o// // de nas 'dus pa'i 'khor rnams la// kun rig rgyal pos bka' stsal pa// 'khor 'das ma rig chos sku la// yul sems snang stong dbyer med 'dod// rtog tshogs
- 15b
bzang ngan lhar gyur bsgom// bzang ngan 'byung phyir ma hA 'khrul// de yang blo gros dam pas nyon// rang byung ngo bo nyid kyi sku// skye med mkha' klong stong pa las// snang ba kun bzang rol par 'dod// gnyis med bde chen sras su bsgom// rtsol bas bsgom phyir a nu 'khrul// don dam kun rdzob gnyis ka'i chos// mtha' dbus med pa'i dbu ma dang // khyad med rgyud lung don ma rig/ de phyir rgyud lung lta ba gol// de yang 'dus pa'i snying po nyon// rgyud lung rnal 'byor chen po las// nga tshol pas 'khor nga mi rnyed// nga ma rnyed pas snang ba 'chol// de phyir nga nyid rtogs mi 'gyur// rdzogs pa chen po lta ba'i yang snying / nam mkha' klong yangs kyi rgyud las/ bskyed rdzogs rnam gnyis kyi 'khrul tshul bstan pa'i le'u ste bcu gnyis pa'o// // de nas 'dus pa'i tshogs rnams la/ kun rig rgyal pos bka' stsal pa// don gyi gnas lugs ngo bo ni// 'khor 'das par dor ma shes par// gang bsgoms ma rig rmongs pas gol// rang sems ma rtogs rtsol ba ste// yul gyi 'byung bar sems bsdus nas// gsal stong mnyam bzhag don tshol ba// dug lnga bsgoms pa'i gang zag de// bying rgod phrag dog bya ra mkhan// lta bar ma shes gti mug ste// gsal la mi rtogs 'dod chags bsgoms// de la zhen pa'i nga rgyal can// nyon mongs spong ba'i zhe sdang
- 16a
gis// rtsa dang thig le'i thabs sgo nas// yul la dmigs pa'i bsgom pa po// rtog pa bzang ngan sems su byas// bsgoms kyang yul la 'gyur med phyir// ji bzhin ma nor don dang bral// da yang rdo rje sems dpa' nyon// dpyid dus so nam ma byas par// ston dus rtsa ru 'gro ba bzhin// rang sems don nyid ma rtogs par// bsgom du 'gro ba snying re rje// rgyal ma sbyangs pa chur 'jug 'dra// de bzhin ma rtogs su bsgom pa// 'bras bu mi 'byung bdud kyi las// rgyu mthun bag chags blor brtas pas// ljon shing bzhin du sdug bsngal rgyas// rang sems snying po ma rtogs pas// bsgom chen yin zhes phug la 'dug/ ma rtogs bsgom pa'i tshul ni ston// dmus long chung ma mdzes ma bzhin// ngo bo nyid ni ma rtogs par// 'khor 'das chos la ci bsam kyang // bsgom pas grol bar mi 'gyur ro// de yang rdo rje sems dpa' nyon// phra rab rdul ni gnyen pos spang // ris su 'dzin pa dbye ba spong // yod med 'chel bas rgyu 'bras spong // ched du spong pa'i rtog pa yis// blo yis gzhi nyid 'chos pa'i phyir// 'khor ba'i mtha' las thar pa med// rdzogs pa chen po blta ba'i yang snying / nam mkha' klong yangs kyi rgyud las/ bsgoms pa gol bar bstan pa'i le'u ste bcu gsum pa'o// // de nas 'dus pa'i 'khor rnams la// lha
- 16b
ba'i dam tshig nyams pa'i skyon// kun rig rgyal pos bka' stsal pa// chos rnams kun gyi rtsa ba ni// bla ma dag la ma brten par// gsang sngags gsang ba'i sgor zhugs nas// rang dbang ma thob gzhan dbang bskur// mkhas la smod cing gzhan la 'gran// rang la don gyi gdeng med par// dregs shing nga rgyal mkhas 'dod nas// tshig tsam lung las khungs phyungs nas// rtsal bshad tho chos gzhung nyams byed// dmyal bar nges 'gro gtan du 'khyams// de yang rdo rje sems dpa' nyon// nong pos blon gral mi 'dzin bzhin// nyan pa'i dbang ni ma nos par// gsang sngags rgyud chen mnyan pa rnams// srog gi bar chad tshe thung 'gyur// sngar mas dpa' bo mi nus bzhin// 'chad pa'i dbang ni ma bskur par// rgyud dang sgrub thabs gang 'chad pa// lce la zhing rmod dmyal bar skye// gdol pas rgyal sa mi zin bzhin// bsgom bsgrub dag gi dbang med na// dam rdzas 'dre bkren nyod par 'gyur// rang nyid gling bar mun par skye// de yang 'dus pa'i snying po nyon// dper na rgyus med dug 'thung bzhin// sku yi dam tshig nyams pa ni// sum ldan rdo rje slob dpon la// brnyas shing ngan sems bskyed byas na// rdo rje dmyal ba chen por ltung // ngo ma shes nas gnyen gsod bzhin// gsung gi dam tshig nyams pa ni// snod med chos bshad lha mi dga'// 'bras
- 17a
bu mi thob spro 'bog 'byung // don ma rig par mna' za zhing // thugs kyi dam tshig nyams gyur na// gsang mi thub cing 'dzag pa yis// lkugs pa'i dmyal ba chen por skye// de yang 'dus pa'i snying po nyon// nar ma phyin na shed mi rdzogs// gong 'og la shan ma phyed cing // lta ba'i snying po don med na// gol sa mi chod rgyud mi grol// dbang med gros zag mi chod bzhin// don gyi gdeng med rkyen mi thub// gdams ngag med pas sems mi rtogs// lus ngag chos spyod sangs mi rgya// gshog ma rgyas par 'phur mi nus// nyams su ma blangs kha tshig gis// chags sdang zil gyis mi non te// skye bo rang rgyud pa ru gol// de yang 'dus pa'i snying po nyon// dper na spun ngan rang sdug bzhin// gang yang goms par ma byas par// zhi gnas las su mi rung phyir// snang ba'i zhen pa ci la zlog/ mun sros lam ni stor ba bzhin// lhag mthong gsal bar ma rtogs par// gzugs sku rnam gnyis mi 'byung bas// sems can 'gro don byed mi nus// 'bras bu lo nyes lto bkres bzhin// lta bsgom gcig tu ma shes na// res 'jog thun mtshams bsgom pa de// 'bral med rgyun gyi rnal 'byor min// rdo rje sems dpa' de yang nyon// gos gon mi shes dral ba bzhin// lus kyi spyod pa ma bsrungs nas// tho tsho spyod pa'i las byas
- 17b
na// 'bras bu sdug bsngal rgyu ru 'gyur// za mi shes pas brnangs pa bzhin// ngag gi spyod pa ma bsrung nas// gzhan gyi chos la skur pa 'debs// phyi ma tsha ba'i dmyal bar skye// 'thung ma shes nas 'bo ba bzhin// yid kyi spyod pa ma bsrung na// bdag du rtog pas gzung 'dzin skyes// phyi ma mun pa'i dmyal bar skye// da yang 'dus pa'i snying po nyon// rgyus med ngo mi shes pa bzhin// las kyi go rim ma shes na// gsang sngags mdzad spyod nyams pa yin// mthu dang byin rlabs med par 'gyur// mig med lam mi mthong ba bzhin// phyag rgya ye shes ma gsal na// ye shes lha yi don rtags med// mchog gi dngos grub thob mi 'gyur// gru med chu ni mi sgrol bzhin// bdag dang gzhan gyi don gyi phyir// ting 'dzin gsal bar ma gyur na// gnas ma 'byongs shing bgegs su skye// de yang 'dus pa'i snying po nyon// dbang dang dam tshig la sogs pa// nyams par byed pa'i gang zag de// skyes bu'i lag par brkyang bskum tsam// skad cig gcig la dmyal bar ltung // de yi sdug bsngal brjod mi langs// de las 'jigs shing thar 'dod kyang // rang sems snying po ma rtogs par// ma hA yo ga man chad kyis// bskang bshags gzhung du byas gyur kyang // lta ba nyams pa bskang ba med// rdzogs pa chen po lta ba'i yang snying / nam mkha' klong yangs kyi
- 18a
rgyud las/ lha spyod nyams pa'i skyon bstan pa'i le'u ste bcu bzhi pa'o// // de nas 'dus pa'i 'khor rnams la/ kun rig rgyal pos bka' stsal pa// rnam smin lus dang ma bral bar// sangs rgyas yon tan 'byung mi srid// mtshan dang dpe byad stobs dang ni// mi 'jigs chos ni bco brgyad kyang // da ltar mi 'byung lus kyis bsgribs// khyung chen sgo ngar shog rgyas kyang // ma bcag bar du 'phur mi shes// de bzhin sems rtogs rnal 'byor pas// lus 'dis che ba'i yon tan bsgribs// de yang 'dus pa'i snying po nyon// rgyud lung slob dpon spre'u 'dra bas// nga yi drang don rtsed mo la// tshe yi dngos grub thob 'dod pas// thun mong sman gyi sbyor ba yi// bcud len ri lu rgyun ldog dang // 'o mas lus gsos bkrag rgyas tshe// dug mtshon la sogs tshugs mi 'gyur// bya bzhin 'phur ba byung nas kyang // rmi lam mngon shes phra mo 'ong // lha dang bgegs la dam par 'dzin// rang sems ma rtogs 'khor ba'i phyir// lus 'di phyi rol yul yin pas// gnas skabs 'bral med yod mod kyang // thabs sbyor mi grol shin tu 'ching // de bas blo gros dam pa nyon// sems can lus dang ma bral bar// sangs rgyas yon tan ci la 'byung // lus bcas 'bras bu thob 'dod pa// shin tu gti mug smad pa'i gnas// de yang 'khor gyi
- 18b
snying po nyon// bcom ldan 'das kyang rtsa mchog tu// rang lus bor nas par do la// 'og min gnas su mngon sangs rgyas// sems can kun la smos ci dgos// rdzogs pa chen po lta ba'i yang snying / nam mkha' kloslong yangs kyi rgyud las/ lus dang ma bral bar sangs mi rgya bar bstan pa'i le'u ste bco lnga pa'o// // de nas 'dus pa'i 'khor rnams la// kun rig rgyal pos bka' stsal pa// ma rtogs par dor 'khyams pa ni// thog mar 'khrul pa'i gzhi gnas kyis// 'dod chags gnyid dang 'jig tshogs rnams// sngar gyi skye ba blangs pa'i rtags// de phyir gzhi gnas bag chags yin// de yang blo gros dam pa nyon// ma rtogs tshe 'phos par do ni// sprin dang ling tog mun pa yis// chu bur mig ni sgrib pa bzhin// ma rig ngo bo nyid sku bsgribs// mig phyung long ba'i bag chags bzhin// de tshe sngon gyi gnas dran ste// gos dang gnyen 'dun dran pa 'byung // lus kyi mig bral 'thoms nas sdug/ dper na 'dab chags mkhar 'gro yang // 'dod pa'i dbang gi rnyis 'dzin bzhin// dbang po kun tshang grol ba'i phyir// ma rig dbang gis rkyen 'gyur 'jug/ lta ba'i shes rab mig med phyir// lus ngag dge ba ci spyad kyang // rdul tsam mi phan don med 'khyam// bar do'i gnas su don dran med// gcig gam tha dad gang len
- 19a
pa// char sogs sdug bsngal nyen gyur pa// bra ga spyil bu khyim sogs su// dbang med shugs kyis mngal du 'jug/ lta ba'i shes rab mig med phyir// de yang 'dus pa'i snying po nyon// ma rig bag chags rnam gnyis kyis// mi shes bzhin du skye ba'i gnas// rnam bzhi gang rung las kyi skye// mtho dman gnas la gdam dbang med// rdzogs pa chen po lta ba'i yang snying / nam mkha' klong yangs kyi rgyud las/ srid pa bar do'i bag chags bstan pa'i le'u ste bcu drug pa'o// // de nas 'dus pa'i tshogs rnams la// kun rig sems kyi rgyal po yis// 'khor ba'i sa mtshams bka' stsal pa// dper na mun pa'i smag rum du// rang gi mgo bo zug pa ltar// phyis 'byung ma rig rkyen gyis bslang // nyon mongs rang rgyud rim gyis skye// lang tsho bab pa'i skyes bu ni// 'gro ba bzang mos bslus pa bzhin// 'jig rten kha brid nyon mongs pa// zhen pa'i dbang gis sems la 'chang // dper na rgya mtshor nor len pas// nga rgyal gyis ni sa 'khor bzhin// brtsam pa'i rjes su nyon mongs pas// skye rga na 'chir thar pa med// da yang 'dus pa'i snying po nyon// dang po sems kyi kun gzhi de// rgyu rkyen ngan pas bskyed pas na// min pa'i chos la yid 'dzin pas// nyon mongs thams cad bskyed par byed// khams gsum 'khor ba'i sa
- 19b
bon yin// bar ma bag chags kun gzhi de// snga ma'i rjes su 'brang byed cing // rang byung mi nus rkyen la ltos// skyed pa'i rkyen ni rnam bzhi'o// tha ma lus kyi kun gzhi de// chags sdang lnga la dngos su spyod// de yi sdug bsngal 'bras bu ni// skye rga na 'chi bsam mi khyab// sems can kun la gnas pa yis// kun gzhi 'khor ba'i gzhi yin pas// chos kyi sku yi gzhi nyid min// de phyir kun gzhi 'dus byas la// rkyen gyi dbang gis 'khor ba ste// chu bo bzhi yi mtha' la chud// ma bsgral bar du zar mi srid// rdzogs pa chen po lta ba'i yang snying / nam mkha' klong yangs kyi rgyud las/ 'khor ba da lta gang na gnas pa bstan pa'i le'u ste bcu bdun pa'o// // de nas rdo rje sems dpa' yis// kun bzang nyid la 'di skad gsol// 'khrul pa bzlog pa'i thabs chen gyis// snod bcud dag pa'i rtogs thabs gang // rang byung ye shes ci ltar dbye// tha ma 'khor ba ji ltar brlag kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// 'khrul pa bzlog pa'i thabs chen de// dad pa brtson 'grus dam tshig gsum// rtogs pa'i thabs su shes par bya// de yang 'khor gyi snying po nyon// bram ze zla dpal ji bzhin du// bla ma dam pa don ldan la// lus dang srog la mi blta bar// gus ldan man
- 20a
ngag gnang bar gyur// dper na drang srong rlung nad can// sman pa'i ngag ni nyan pa bzhin// 'khor 'das gcig tu bstan pa la// skrag cing yang med par zhu// gzhan gyis ma bslad bud med la// dus tshod zin pa'i bu bzhin du// the tshom med par dad pa yis// rang sems don gnyis rtogs par gyis// de yang 'dus pa'i snying po nyon// 'khor 'das rtsa ba gcig pa'i phyir// seng ge lta bu'i brtson 'grus kyis// sngags dang mtshan nyid ma rig pa'i// 'khor 'das rtsa ba'i gdams ngag zhu// glang chen mi ldog dgra 'joms bzhin// bla ma'i spyod pa mi rtogs par// chos nyid gdams ngag don la brtag/ brtson 'grus mi ldog the tshom gcad// sa ku tse yi rkang lag bzhin// bdag nyid spyod lam thams cad du// don la yengs pa med par ni// yid la rgyun du dran par bya// da yang 'khor gyi snying po nyon// brtse gdung dam tshig chen po ni// ma med bu ni mi 'byung bzhin// rang sems ma rtogs sangs rgyas ni// dus gsum btsal yang mi rnyed pas// tha mal 'di las btsal mi bya// gzugs spangs grib ma mi rnyed bzhin// dug lnga spangs pa'i pha rol na// sangs rgyas bya ba'i ming yang med// de nyid rtogs na chos sku yin// dper na zangs lcags la sogs la// gser 'gyur rtsi yis thebs pa bzhin// rang gi sems
- 20b
kyi dug lnga la// man ngag rtsi yis thebs pas rtogs// dug la sngags btab dpe bzhin du// dug ma bsal bar sman 'gyur bzhin// dgag bsgrub med pa'i don gyis na// dug lnga ye shes ngo bor shar// nor bu rin chen rnyed pa'i mis// 'jig rten so nam mi dgos bzhin// ma bsgoms sems kyi don rtogs nas// de las mi 'da' dam tshig yin// rdzogs pa chen po lta ba'i yang snying / nam mkha' klong yangs kyi rgyud las/ 'khrul pa bzlog pa'i dus thabs bstan pa'i le'u ste bco brgyad pa'o// // de nas 'dus pa'i 'khor rnams la// rang byung ye shes chen po yis// yin min dbye ba ngas bshad kyi// yid kyis nyon la legs par zung // ye shes ma yin rang byung de// sems can kun la yod mod kyang // ma rtogs phyir na ye shes min// long ba mig mkhan ma rnyed 'dra// rang byung med pa'i ye shes de// gnas 'gyur ye shes lngar 'dod pa// rkyen gyis 'gyur phyir rang byung min// ra gan gser du 'dzin pa 'dra// ye shes rang byung ma yin pa// yid gnyis kun gzhi glo bur rkyen// yid 'khrul phyir na gnyis ka min// ri bong ra yi kha dog 'dra// rang byung ye shes yin lugs ni// shes rab lhag mthong las byung ba// ye nas gnas pa'i rang byung de// lung ldan rkyen gyis rtogs pa'i phyir// rang byung ye
- 21a
shes 'dzom pa ni// mar gyi yang zhun lta bur gsungs// rdzogs pa chen po lta ba'i yang snying / nam mkha' klong yangs kyi rgyud las/ rang byung gi ye shes kyi dbye ba bstan pa'i le'u ste bcu dgu pa'o// de nas 'dus pa'i 'khor rnams la// kun rig rgyal pos bka' stsal pa// lung ldan bla ma'i gdams ngag gis// rang sems snying po chos sku ni// bstan na de ma zag tu shes// ma bstan bar du shes mi srid// de yang 'dus pa'i snying po nyon// rang rig ye shes 'od po che// 'gro 'od med par 'khor ba brlag/ ma rig log pas ye shes skyed// 'khor ba ru bzlog mya ngan 'das// ye shes ma bsgoms lhun gyis grub// don dang mthun par nyams myong skye// bsgoms kyang de nyid ye shes skye// de phyir rtog pa rab tu gces// rdzogs pa chen po lta ba'i yang snying / nam mkha' klong yangs kyi rgyud las/ tha ma 'khor ba rang brlag tu bstan pa'i le'u ste nyi shu pa'o// // de nas rdo rje sems dpa' yis// kun rig sems kyi rgyal po la// yid kyi dran pa 'di skad gsol// nges pa'i don mthun gdams ngag gis// ngo bo nyid kyi sku mchog gang // snang ba chos dbyings ji ltar lags// rang sems chos sku ji ltar spyad// 'bral med mthun 'jug ji ltar spyad// gsang ba rnam bzhi'i gnang bkag gang // bsgom med la ni ji ltar bzla// mnyam
- 21b
pa'i rgyal pos bshad du gsol// zhus pa'i don gsan bka' stsal pa// nga yi chos nyid gnas lugs ni// sems can med pa'i gong rol du// bag chags ma bsags lus ma blangs// sangs rgyas med pa'i sngon rol du// rtogs pa ma bzhag byang ma chub// 'khor 'das ma rig kun gyi gzhi// de yang rdo rje sems dpa' nyon// dngos med sems kyi snying po ni// 'dus ma byas pa'i gnyug ma la// bzang ngan rnam rtog gting nas med// rgyu rkyen med pa'i snying po yin// ma rig med pa'i rang 'byung ni// mi srid phung po ga la skye// lus med chos sku 'gyur med de// rang 'byung sangs rgyas yang dag yod// tha snyad ming bas nga snga'i phyir// yod cing rtag par sgro ma 'dogs// stong pa nyid pas nga snga'i phyir// nga la med par skur ma 'debs// 'byung bzhi ma 'brel rig pa la// sgrib byed med par rang gsal 'di// dus gsum gcig pa shes pa'i rgyun// ma byung ma skyes da lta nyid// de yang 'khor gyi snying po nyon// rang byung sku la skye 'chi med// de phyir 'khor ba ltung ma myong // don ma rtogs pa'i sangs rgyas med// de phyir mya ngan 'das ma myong // rang gsal nga nyid kun gyi mes// de yang 'dus pa'i snying po nyon// dngos po med pas nam mkha' 'dra// mi 'gyur sra bas rdo rje 'dra// skye ba med pas a dang 'dra// don ma yin phyir dpe 'di bstan// ngo bo nyid kyi
- 22a
sku mchog ni// dngos po mtha' bral nyon mongs ldog/ stong pa'i mtha' bral ngo bo nyid// gnyis ka las bzlog chos kyi sku// de yang 'khor gyi snying po nyon// mtshan nyid phyir bltas 'dra ba med// rgyal po gdung chang bu bzhin du// kha dog 'di 'dra mtshon mi nus// gdod nas dpe med chos kyi sku// nang du bsam pa'i yid med de// nam mkha' lcags kyis byug pa bzhin// rig tshor rnam pa cir yang snang // dran pa nyid ni ye shes klong // yul gyi snang grag 'di nyid la// nyi ma shar nas mun med ltar// da lta'i rang sems chos kyi sku// de la 'khor ba'i rang bzhin med// 'gro drug sems can thams cad la// til la mar gyis khyab pa bzhin// rang sems ye shes byang chub sems// bder gshegs snying po chos skus khyab// ye nas don dang mi bral ba'i// lung ldan rkyen gyis rang sems rtogs// nor bu rin chen 'od bzhin du// ye shes dag pa 'char nub med// 'khor ba dag gi mtshan nyid kyang // min pa tsam gyi mi spangs par// yang dag don du mi bya'i phyir// dgag bsgrub med pa tsam du bzhag/ mya ngan 'das pa'i chos kun kyang // yin pa tsam gyis mi blang bar// sems can gdul phyir ma gtogs par// ched du mi bsgrub btang snyoms bzhag/ rdzogs pa chen po lta ba'i yang snying / nam mkha' klong yangs kyi rgyud las//
- 22b
rig pa ma bslad ngo bo nyid kyi sku bstan pa'i le'u ste nyi shu rtsa gcig pa'o// // de nas kun rig rgyal po yis// snang ba'i mtshan nyid bka' stsal pa// rnam bzhi'i phyi la bar snang nang // gsum bral snang ba chos kyi dbyings// gcig las tha dad dngos 'dzin pas// nyi ma'i zer dang 'char dogs bzhin// dgag bsgrub med phyir chos kyi dbyings// de yang 'dus pa'i snying po nyon// dred mo gdos thag ma chod par// brid pa sdig gnyis kyis mi phan bzhin// yul dang gol sa mchod par// ci bsgom don med 'khor bar 'khyams// 'khrul pa las ni yul med kyang // 'byung ba chen po lnga nyid la// rang sems rig pa'i don med par// rang byung yin phyir ye shes min// de yang 'dus pa'i snying po nyon// gser dang ser po'i tshul bzhin du// byis pa tha dad zhen zlog phyir// bdag nyid gcig pa'i 'brel ba yod// de phyir yul 'di spang mi dgos// phyi yi 'byung bar sems sdud pas// zer mthong snying po ma mthong bzhin// gnyis med snang stong khas mi len// yul la rtsod phyir don mi rtogs// bden pa mthong ba'i dge slong ni// 'khor 'das longs spyod mi sdud bzhin// gzhi la snang ba med pa'i phyir// yul 'di sems su blos mi sdud// me dang du ba'i tshul bzhin du// snang ba 'di la rang rgyud du// rang sems yul du 'khrul pa yis// bdag tu
- 23a
rtog pa'i zhen pa zlog/ kun du rgyu ba'i skye lam bzhin// mthar zug 'brel pa med pa yis// za dad gcig tu mi bsam pas// snang ba 'di la don mi bzhag/ da yang 'dus pa'i snying po nyon// dper na khyung chen mkha' lding la// chu klung gyen thur nyams mi nga // bar snang khams kun lam du bde// dmigs pa'i sa phyogs yud kyis phyin// de bzhin snang ba ma bcos pas// sna tshogs mdun na snang bzhin du// snang tsam nyid nas spang sdud med// zhen med rnal 'byor spyod yul la// 'khrul pa'i rtog pas gzhi mi 'gyur// btsal ba'i bsam pas dbyings mi bskyed// de yang 'dus pa'i snying po nyon// nyi ma lta bu'i chos kyi sku// thig le'i rtsal ni ma 'gags pas// sgo lnga gsal ba nyi zer 'dra// ngo bo gcig phyir dgag bsgrub med// de phyir chos kyi dbyings zhes bya// rdzogs pa chen po lta ba'i yang snying / nam mkha' klong yangs kyi rgyud las/ snang ba ma bcos chos kyi dbyings bstan pa'i le'u ste nyi shu rtsa gnyis pa'o// // de nas 'dus pa'i 'khor rnams la// kun rig sems kyi rgyal po yis// chos sku ngo spyod bka' stsal pa// rnam smin lus dang bcas pa yis// tha mal kun gzhi gzhi cha la// snga phyi rang bral chos sku gsal// chu dngas rnyog med dpe bzhin no// de yang 'dus pa'i snying po nyon// yang dag zab mo chos sku ni// skye ba
- 23b
med cing 'gag pa med// rnam rtog mtshan ma gzhi nas med// nyon mongs ngar 'dzin rnams dang bral// 'phel 'grib skyon rnams ngang gis med// de yi ngang la gnas thabs ni// snga phyi gzhi la med shes pas// sems can dus na chos kyi sku// yid kyi yul du ma bsgoms kyang // rang byung rig pa'i ting 'dzin gsal// de yang rdo rje sems dpa' nyon// rang gi thig le'i don lta na// rab 'bring tha ma'i blo tshad du// rim gyis bsgoms par ngas bshad kyis// gzhan du ma yengs yid la zung // tha ma rnal 'byor sgom pa pos// snga phyi med pa'i gnyug ma la// ma 'phros ma bying rang lugs tsam// de la rgyun du ma yengs bsgom// chags sdang dbang gis 'phro gyur na// don dam dgag bsgrub med pa'i phyir// rang byung snying po rang shar bas// ba mor nyi shar ji bzhin no// gti mug dbang gis bying ba ni// rang sems shes pa gzengs bstod la// phyi rol yul la mi spyad par// dbang po sgo dbye yan du gzhug/ 'bring gi rnal 'byor sgom pa pos// chos sku nam mkha' lta bu la// ji bzhin pa yi ye shes de// brjod med rgyun mi chad par ltalha// gal te byung tshor rtag chad rnams// rnam rtog ye shes bskul mar shes// me la shing bsnan ji bzhin du// de tsam nyid nas bsgom pa gsal// sgo lnga shes pa rmugs gyur na// nyams gsum bsres pa'i don
- 24a
dran pas// chos nyid ye shes klong du bying // bum nang rin chen gter dang 'dra// dbang po rab kyi bsgom pa la// nyams dang mi nyams med pa'i phyir// 'bral med don la bcos mi dgos// sprin med nam mkha' ji bzhin no// de yang blo gros dam pa nyon// nyi zla gzas zin dpe bzhin du// dbyings dang chos sku dus mnyam phyir// chos nyid rang gsal rang gnas pas// ye shes mi 'bral rdzogs pa yin// rdzogs pa chen po lta ba'i yang snying / nam mkha' klong yangs kyi rgyud las/ rang sems chos skur ngo sprod pa'i le'u ste nyi shu rtsa gsum pa'o// // de nas 'dus pa'i 'khor rnams la// 'bral med spyod pa bka' stsal pa// rang sems lta ba rtogs pa yis// mnyam rjes dug lnga gcig tu shes// de tshe nyon mongs ci spyad kyang // ngo bo nyid la 'phel 'grib med// de yang 'dus pa'i snying po nyon// de tsam nyid na ngo bo nyid// de don mi brjed rtogs pa'i phyir// ched du byas la bsgom mi bya// ma gi ta la gang reg 'dra// yul nyid sems su mi bsgom pas// dran rig chos nyid byang chub sems// de nyid spyod pa'i yul las 'das// de phyir don la nyams pa med// de yang 'khor gyi sems dpa' nyon// gnyid nyid bsgom par gsal thebs nas// ldog ka sad ka'i dus dag tu// de tshe chos sku'i don dran na// rin chen ga 'ur bcug/
- 24b
pa 'dra// gshog rno rdul med tsha grang snyoms// mi 'tshub chu yi nya bzhin du// rmi lam 'brel thabs med par 'byung // tshogs drug 'gags kyang chos skur gnas// de yang 'khor gyi sems dpa' nyon// 'chi ka/ bar do'i don dran na// gnad gcod sdug bsngal ci byung yang // 'jigs pa brgal 'dod mi bzhin du// ched du dran pa shin du gces// na ba ta yi mig gnyis 'dra// rtsa drod yod la srog dang bral// rtsa med drod bcas bkrag ma nyams// chos kyi sku ni dran pa'i rtags// na tsha byung na smos ci dgos// da yang 'dus pa'i snying po nyon// dbang po 'bring gi rnal 'byor pas// gzhi shes mngon du ma gyur pas// lus su zhugs kyang don dran te// rtogs pa yin phyir mngal na bsgom// tshe 'phos nas ni mngon sangs rgyas// tha ma phyi rol brtags pas brjed// dran tshe rkyen dang phrad pa'i phyir// skad cig zur tsam brda' yis ni// the tshom med par don go nas// skye ba gcig gis sangs rgyas 'grub// de yang 'dus pa'i snying po nyon// de ltar ma rtogs rnal 'byor pas// ji ltar bsgoms kyang don med 'khyams// 'khor ba lugs kyi nad du 'jug/ de tshe lus kyi bza' bgo ni// mi dgos gnyid mi 'ong zhing bde// gsal la yul gyi rtog pa med// dus la ma bab bar du ni// mkhas kyang lta sgom bstan thabs med// bum pa nang gi mar me 'dra// de
- 25a
yang 'dus pa'i snying po nyon// sangs rgyas sems can rnal 'byor pas// so sor snang ba ma yin te// ma 'khrul ma rtogs gong rol gyi// ngo bo nyid kyi sku dang ni// ma 'khrul rtogs pa'i kun bzang thugs// 'khrul nas ma rtogs sems can sems// 'khrul kyang rtogs pa'i rnal 'byor zugs// ngo bo gcig phyir gol sa med// de tshe chos sku zad ka ma// mi 'gyur brtan pas gser bzhin no// rdzogs pa chen po lta ba'i yang snying / nam mkha' klongs yangs kyi rgyud las/ dus bzhi rigs spyod bstan pa'i le'u ste nyi shu rtsa bzhi pa'o// // de nas 'dus pa'i 'khor rnams la// kun rig rgyal pos bka' stsal pa// mthun 'jug thabs kyi spyod pa yi// tshogs chen ma lus rdzogs pa yis// 'gro don thugs rje mthar dbyung phyir// rdzogs chen shin tu rnal 'byor pas// bla med go 'phang mchog brnyes par// sems can gnas phyir bla ma bkur// bla ma bsgom na chos sku bsgom// lha sku'i 'bum phrag stong bsgoms pa'i// bsod nams de yi char mi phod// de phyir dkar po'i chos spyod kyi// nyan bshad bsgom dang 'dzin pa dang // mchod gtor la sogs gang byed kyang // sngon du 'gro ba'i las byed phyir// bla ma dus gsum sangs rgyas dpal// dkyil 'khor sgor zhugs thams cad kyi// 'bral med yi dam lha tshogs dang // man
- 25b
ngag rgyud don rang rig lha// rtsol med 'bras bu'i chos dang ni// don ldan rnal 'byor mkha' 'gro la// lus ngag yid kyis phyag 'tshal nas// bla med mchod gtor gtong ba'i tshe// phyi yi 'jig rten snod nang du// bdud rtsi'i rgya mtsho gting zab gyur// de steng 'bru yi phye btab pas// gser gyi sa gzhi chen por gyur// me tog sna tshogs gtor bas na// 'dzam gling bye ba phrag brgyar bsam// rin chen sna lnga brdar bas ni// rin chen ri bdun ma bskyed rdzogs// snying po rnam lnga blugs pa yis// mi brjed dran pa'i gzungs thob 'gyur// sman lnga 'bru lnga blugs pa yis// nad dang mu ge'i bskal pa thar// lta bas byin gyis brlabs pa'i phyir// mgron bzhir rim pas bsngo mi dgos// de yang 'dus pa'i snying po nyon// bsngo ba med pa'i bsngo ba ni// bla med mya ngan 'das pas na// 'jig tshogs dmyal ba yan chad du// bla med mchod sbyin 'di bsngos pas// sems can bsam pa 'grub gyur nas// lhun grub sa la gnas par shog/ rdzogs pa chen po lta ba'i yang snying / nam mkha' klong yangs kyi rgyud las/ phyi'i mchod gtor btang ba'i le'u ste nyi shu rtsa lnga pa'o// // de nas 'dus pa'i 'khor rnams la// kun rig rgyal pos yang gsungs pa// nang gi mdzad spyod tshogs chen ni// phrin las rnam pa bzhi yi chos// don ldan dbang bskur byed la
- 26a
sogs// tshogs mchod rim pa gang byed kyang // yid mthad pa yi gnas dag tu// dam tshig sel med 'khor tshogs bcas// dkyil 'khor maN+Dal gzhung bzhin du// ye shes tshogs chen bsags pa'i phyir// dga' ldan lha yi longs spyod dang // 'byor ldan mi yi longs spyod dang // dgongs ldan 'phrul gyi longs spyod rnams// yid dang dngos su bsags bsams la// sngon du 'gro ba'i las byas te// gnas khang byin gyis brlabs pa dang // ting 'dzin zhal zas sgro bskyed nas// dam can 'du bar bsgo ba dang // thugs dam bskul dang tshar bcad nas// gsang ba'i lha mos mtshams bcad de// rnal 'byor nongs bshags byas nas ni// dkyil 'khor bskyed dang dbang bskur dang // don rtogs byin gyis brlabs mi dgos// ma rtogs sngags dang yig 'brus brlab// de yang 'dus pa'i snying po nyon// yid kyi mdun gyi nam mkha' la// dus gsum bzhugs pa'i sangs rgyas dang // bla med khrag mthung rigs lnga'i tshogs// rig 'dzin rje btsun bla ma rnams// mkha' 'gro 'khor bcas spyan drangs nas// ci 'byor pa yi tshogs drangs nas// de nas rnal 'byor dad ldan gyis// snang ba gzugs kyi mchod pa dang // sgrogs pa sgra yi mchod pa dang // thabs dang shes rab bde ba yis// ye shes lha la rdzogs par mchod// lhag ma rol
- 26b
la lha bshags dang // skye shi dus kyi smon lam btab// de yang rdo rje sems dpa' nyon// de ltar tshogs chen gnyis rdzogs mi'i// stong gsum sangs rgyas sar shes kyang // grong yul gnas la chags mi bya// ci spyod rgyal ba'i mdzad spyod kyang // 'du 'dzi g.yeng phyogs dbang med gtang // rnam smin lus dang ma bral kyang // sems la chos sku shin tu gsal// nyin dang mtshan mo dbye ru med// ci spyod rang byung ye shes la// ma chags dang du blang ba med// rtog pa skyon du 'bor ba med// dka' thub tshul gyis bsdam pa med// gang yang blo yi rten med kyang // 'on kyang ma go drang ba'i phyir// re zhig tsam du dkar chos spyod// rdzogs pa chen po lta ba'i yang snying / nam mkha' klong yangs kyi rgyud las/ gsang sngags kyi tshogs 'bul ba'i le'u ste nyi shu rtsa drug pa'o// // de nas 'dus pa'i 'khor rnams la// kun rig rgyal pos bka' stsal pa// chos rnams kun gyi rtsa ba ni// srog ni rnam pa gnyis su 'dus// ma rig thar pa gang spyod pa// de yi bye brag ngas bshad nyon// thar pa mya ngan 'das pa'i chos// sems gsang lta nyams rang srog gcod// nyon mongs dbang du gyur pas na// 'dus byas chos kyis mi skyob ltung // de yang rdo rje sems dpa' nyon// dug lnga 'khor ba'i rtsa ba ni// ma rig kun gzhi yin pa'i phyir// lus can srog ni bcad
- 27a
mi 'gyur// kun bzang shes rab mtshon rnon gyis// thog mtha'i bar du ma rig bsad// de yang sems can srog 'di la// lus 'di gnas skabs 'brel yod kyi// lus can srog ni bcad mi bya// gal te zhe sdang srog gcod na// rang sems ma rtogs tha mal te// skyabs 'gro nyams phyir dmyal bar ltung // skye bo bdun 'gyur sdig pa che// de yang blo gros dam pa nyon// nam mkha' me yis mi tshig bzhin// de bzhin don rtogs rnal 'byor pas// slob dpon sku dgra la sogs pa// bsgral ba'i zhing bcu bsgral 'gyur kyang // sgrib par mi 'gyur tshogs su 'gyur// ngo bo nyid kyi skur dran na// ma rig srog ni bcad pa'i phyir// srog gi nang na dam pa'i mchog/ de dang mi 'bral mngon sangs rgyas// de yang 'dus pa'i snying po nyon// gzhan gyi mi dang mi ma yin// rgyud bzung nor ni dngos po'i rdzas// gsang sngags sgor zhugs rnal 'byor pas// rku ba'i sems kyis blang mi bya// de phyir bdag nyid rdzas la yang // ma byin blang sems dran na ni// yi dwags gnas su skye 'gyur gsungs// gzhan gyi rdzas la smos ci dgos// de yang blo gros dam pa nyon// rgya mtsho sgyogs kyis mi 'grib ltar// don rtogs rnal 'byor gdeng ldan pas// ser snas bcings pa'i rdzas rnams ni// g.yo sku'i thabs kyi nor blangs la// bla ma dkon mchog tshogs su
- 27b
'bul// bla ma nges pa'i lung ldan gyis// de la gsang ba'i sku lnga byin// de phyir ma byin blangs na grol// da yang 'khor gyi snying po nyon// gnas skabs 'brel ba'i lus yod pas// 'tsho ba'i bza' bgo dgos pa'i phyir// log 'tsho'i g.yo sgyu ma yin par// chos kyis 'tsho ba'i rdzas rnams btsal// de yang lam gyi rnal 'byor pas// bung ba bcud len zhen med ltar// khyim pa sun ni ma phyung bar// 'tsho ba'i yo byad tshod zin bya// de yang rdo rje sems dpa' nyon// lus la pho mo yod pa'i phyir// sems can las kyi chags spyod tshe// 'khor ba'i 'bras bu ma smin na// don zin bde ba grogs su che// de phyir snga phyi ma song ba'i// ye shes chos sku rang yin pas// de la skyon gyis mi gos phyir// thabs dang lta bas zin par bya// de yang blo gros dam pa nyon// bdag nyid ma yin gzhan dag la// chags sems tsam yang mi bya la// dam tshig sdom pa srung ba dang // rgyal rigs mo dang bslab srung dang // bdag po can gyi bud med ni// rtsa ba yan lag dam tshig gi// nyams par byed pa'i bzhi yin phyir// ro myags ngu 'bod dmyal bar ltung // bag chags zhen pa'i rgyu yin pas// blta bas ma zin rtag tu spang // zhen med chos sku'i spyod par bshad// de phyir 'khor spangs rab tu gces// de yang 'dus pa'i snying po nyon// 'jig rten 'khor ba rdzun gyi chos// yod
- 28a
med skyon la dam par blta// ma rig 'khrul par the tshom med// mi bden rdzun par shin tu smra// de yang blo gros dam pa nyon// 'du shes bsgyur nas rang 'dod kyis// mi chos bla ma'i rdzun sogs blos// rang sems bcos phyir don dang 'gal// de bzhin lce rmod dmyal bar ltung // de yang rang sems rtogs pa'i don// 'khor ba mya ngan 'das pa'i chos// gnyis kas 'bras bu mi 'byin na// dug lnga rang grol rgyal ba'i thugs// rtogs la drang po ma bcos pa// sangs rgyas mdzad spyod de go bas// g.yo sgyu med pa dam pa'i don// de ltar rnal 'byor dam pa'i lam// rdzogs pa chen po lta ba'i yang snying / nam mkha' klong yangs kyi rgyud las/ gsang ba'i spyod pa bstan pa'i le'u ste nyi shu rtsa bdun pa'o// // de nas kun rig rgyal po yis// ma bsgoms 'brel med bka' stsal pa// sems nyid bsgom du med pa'i dpe// nam mkha' bsgom du sems dang bral// de bzhin sems kyi sems bsgom du// chos nyid spyad pa'i yul las 'das// sems kyi gzhi shes bsgom mi dgos// don gnyis tshig tu 'byung ba'i phyir// tshig la don med zer ba 'khrul// de yang rdo rje sems dpa' nyon// rgyun du 'bral med chos kyi sku// nyams myong med pa nyams kyi mchog/ ci yang yid la mi byed na// gol dang sgrib par ga la 'gyur// bsgom pa'i
- 28b
mchog tu de gsungs so// rnal 'byor spyod lam thams cad du// lta ba'i dam tshig chen po ni// ma nor ma bcos dam tshig gis// de rtogs de las mi 'da' bas// rgyal ba rnams kyi thugs dam yin// skye med don la sems zhugs pa'i// nam mkha' lta bu'i rnal 'byor de// de las mi 'da' dam tshig ni// rang rig chos sku dam pa'i mchog/ brjod pa med pa'i dam tshig yin// bsrung du med pa'i ngang du bsdam// de nyid dran pa'i rnal 'byor pas// spyod lam rnam bzhi gang byed kyang // 'ching bar mi 'gyur grol bar nges// de yang 'dus pa'i snying po nyon// snying po chos sku rang gsal don// ma bsgoms 'bral med ye shes klong // rang sems shes pa sna tshogs pa// ye shes las ni gzhan med pa// tha mal rang sems chos nyid ni// de yang mi 'gyur ngo bo ston// dag dang ma dag gzhi gcig phyir// dus dang spyod lam thams cad du// gnyid dang bar dor bsgom pa ni// da ltar wal le snang ba rnams// ma rtogs bar du 'khrul pa ste// rtogs na de nyid chos sku yin// de yang 'dus pa'i snying po nyon// thig le ma btsal lhun gyis grub// ye nas rang byung chos sku ni// yul nyid sems su mi bsgoms phyir// sgom pa po yang med par 'gyur// gang gis gang la bsams shing bsgom// de phyir gnas lugs bsgom du med// ma rtogs thabs kyis ci zhig
- 29a
bya// dbang po rab kyis btsal du med// tha mal mi rtog gdams ngag med// rdzogs pa chen po lta ba'i yang snying / nam mkha' klong yangs kyi rgyud las/ bsgom du med par la bzla ba'i le'u ste nyi shu rtsa brgyad pa'o// // de nas rdo rje sems dpa' yis// dad ldan 'khor la phan don du// kun rig ston pa chos rje la// bden pa'i yid kyis 'di skad gsol// 'bral med rkyen thub ting 'dzin gyis// ye shes bde ba rkyen thub dang // sdug bsngal zhi byed rkyen thub dang // btang snyoms lhag mthong rkyen thub dang // rmi lam klong thim rkyen thub dang // dug lnga rang grol rkyen thub dang // skye phyis mi len rkyen thub rnams/ kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// bde ba nang nas phyir bstan pa// nang gi zhi gnas bde ba ste// gang zag bdag med bde ba dang // chos la bdag med bde ba dang // 'jig rten mi g.yo'i bde ba yin// de yang 'dus pa'i snying po nyon// pho mo lus kyi bde ba dang // rang sems rtogs pa'i bde ba dang // thabs zin 'phrang gi bde ba dang // thabs med 'dod chags bde ba'o// de yang 'dus pa'i snying po nyon// phyi 'dzin longs spyod bde ba yang // zas nor 'khor gyi longs spyod dang // 'dod yon lnga la ci bder spyod// zhen pa'i
- 29b
dbang gis chog shes med// de yang rdo rje sems dpa' nyon// nang gi zhi gnas bde ba ni// gang zag bdag med 'gags pa ru// mi gol rkyen gyi gdams ngag gis// sgo lnga mi 'gag rang gsal la// yid la lhag mthong dran pas bzung // rkyen thub 'bral med ye shes yin// de yang 'dus pa'i snying po nyon// chos la bdag med bde ba ni// dbu ma sems tsam bsgom pa ste// der mi gol ba'i gdams ngag ni// bden gnyis sems su blo mi bsdu// rig pas mi gzhig rang sa la// yul med shes pa rang byung shes// yengs pa mi 'byung rkyen thub rnams// de phyir 'bral med ye shes yin// de yang 'dus pa'i snying po nyon// 'jig rten mi g.yo'i bde ba ni// bsam gtan gsum sogs bde ba de// zhen pa yod phyir 'khor ba'i rgyu// der mi gol ba'i gdams ngag ni// lung ldan rkyen gyi gdams ngag rgyun// shan phyed ngos zin la zlos phyir// bde ba zhen med rkyen thub pa'i// yid ches gdeng gis zin pa'i phyir// 'gal rkyen mi 'byung chos skur gsal// de yang rdo rje sems dpa' nyon// phyi 'dzin longs spyod yul la zhen// der mi gol ba'i dmams ngag ni// yul rig par du bdag gzhan gyi// ngar 'dzin bden 'dzin dam par ni// snang bar zhen pa med pa'i phyir// phyi yi yengs pa'i rkyen rnams thub// de phyir snang ba chos kyi dbyings// rdzogs pa
- 30a
chen po lta ba'i yang snying / nam mkha' klong yangs kyi rgyud las/ bde la zhen med ye shes su rkyen thub par bstan pa'i le'u ste nyi shu rtsa dgu pa'o// // de nas 'dus pa'i tshogs rnams la// kun rig ston pa chos rje yis// sdug bsngal zhi byed bka' stsal pa// sems can kun la gnas pa yi// phyi yi sdug bsngal zhi gyur pa'i// lus kyi sdug bsngal nad yin te// bzhi brgya rtsa gcig 'du ba bzhi// mi bde sna tshogs bskyed par byed// de yang 'dus pa'i snying po nyon// nang gi sdug bsngal bdag gzhan la// byams bral sdang 'phrad dogs pa dang // yod skyong med tshol zhen pa kun// phyi yi sdug bsngal yin par gsungs// de yang 'khor gyi snying po nyon// rang lus na tsha bzod dka' ste// rkyen dbang mi gol gdams ngag ni// gang na blo yis ma bzung bar// bzod dka' rang rig chos skur shes// snga phyi ma btang da lta yi// bde sdug bdag kyang chos skur gsal// sdug bsngal rang zhi ye shes 'char// yi chad kha bzhi'i rkyen rnams thub// de yang rdo rje sems dpa' nyon// phyi yi sdug bsngal rnams bzhi la// zhen pa rang rgyud mi gol ba// yul sems par do'i gdams ngag ni// nges don dran pas rkyen mi tshugs// sdug bsngal ye shes dang du shar// rnam rtog mi byed chos kyi sku// de yang 'dus pa'i snying po nyon// de dag sdug
- 30b
bsngal phyi nang gnyis// rtsa ba ma rig blos byas te// lung ldan rkyen gyis ma rig 'bral// ye shes rang rig chos skur shes// sdug bsngal bya ba'i ming yang med// rang 'byung rtogs pas mngon sangs rgya// rdzogs pa chen po lta ba'i yang snying / nam mkha' klong yangs kyi rgyud las/ sdug bsngal zhi byed chos sku rkyen thub par bstan pa'i le'u ste sum bcu pa'o// // de nas 'dus pa'i tshogs rnams la// kun rig chos kyi rgyal po yis// ma rig las byung btang snyoms la// lhag mthong rig pas bka' stsal pa// bde sdug ma dran btang snyoms ni// zhi gnas ma rig gti mug ste// gang la blo yang ma zhugs pas// dge sdig gnyis su lung ma bstan// de las bag tsam cha phra las// lung ma bstan pa rnam gsum byung // bde sdug skyed pa'i rgyur ni gsungs// de yang 'dus pa'i snying po nyon// shes bzhin lung ma bstan du ni// mi gol ba yi gdams ngag ni// thog mar rang byung ngo shes nas// ma rig med phyir nges lung bstan// de phyir rang rig chos sku rtogs// btang snyoms lhag mthong rig par shar// kun gzhi dag phyir rkyen thub pas// 'gyur med ye shes chos kyi sku// de yang 'dus pa'i snying po nyon// btang snyoms lhag mthong rang byung de// shes pa gsal la mi rtog pa// chos sku mi g.yo don gyis zin// de phyir lung ldan chos skur
- 31a
gsal// gsal tsam nyid na rkyen thub phyir// rang byung thugs la 'gyur ba med// da yang 'dus pa'i snying po nyon// nges pa'i lung bstan gdams ngag gis// dge sdig ma dran chos skur dran// de phyir lhag mthong rig pa la// thig le nyag gcig de la bya// rang byung snying po yul las 'das// sems kyi spyod yul ma yin phyir// rtogs pa'i cho ga la bsgom mi dgos// nor bu rin chen rnyed dang 'dra// de yang 'khor gyi snying po nyon// tha ma shes pa btang snyoms 'di// kun bzang rgyal po'i dgongs par shes// de tshe yul sems gnyis las 'das// rang byung chos skur ji ltar gsal// de la 'gal ba'i skyon mi 'byung // 'dus ma byas ni nam mkha' 'dra// rdzogs pa chen po lta ba'i yang snying / nam mkha' klong yangs kyi rgyud las/ btang snyoms lhag mthong rig pas rkyen thub par bstan pa'i le'u ste so gcig pa'o// // de nas 'dus pa'i tshogs rnams la// kun rig ston pa chos rje yis// rmi lam klong thim bka' stsal pa// rnal 'byor dam pa gnyid byung tshe// rmi lam dge sdig lung ma bstan// bag chags mtshams sbyor ltas bstan pa'i// rmi lam sna tshogs byung dus su// ye shes klong thim shes par bya// de yang 'dus pa'i snying po nyon// tshe stod sngar byas gang rmis pa// bag chags rmi lam yin shes pas// de rjes
- 31b
mi gcod don dran phyir// bag chags rmi lam rang stong nas// ye shes klong thim rkyen thub tshe// 'di la ma mthong med ma myong // gang rmis pa yi mtshams sbyor bas// bag la nyal du shes pa'i phyir// kun brtags med pa'i lhag mthong gis// mtshams sbyor rang zhi rkyen rnams thug/ de yang rdo rje sem dpa' nyon// 'jig rten lhas byas lung bstan pa'i// rmi lam bzang ngan gang byung yang // bslu ba'i bdud du shes pa'i phyir// dam par gtad med gang bzhag pa// bslu med rkyen thub chos skur gsal// de yang 'dus pa'i snying po nyon// rnal 'byor dam pa gnyid log tshe// dge sdig lung ma bstan pa'i tshe// gang dmigs gang yang ma bsam par// chos nyid ngang la gnas par bya// gang yang rtog pa ma zhugs na// bzang ngan zhen pa rang zhi ste// ye shes klong thim rkyen rnams thub// de phyir nges don gdams ngag che// rdzogs pa chen po lta ba'i yang snying / nam mkha' klong yangs kyi rgyud las/ gnyid ye shes klong thim du rkyen thub par bstan pa'i le'u ste so gnyis pa'o// // de nas 'dus pa'i dad ldan la/ kun rig ston pa chos rje yis// dug lnga rang grol bka' stsal pa// nyi shar mun sgrib med pa bzhin// lung ldan ma rig rtsad gcod nas// ngo bo rig pa chos skur gsal// ma rig med pas gti mug sangs// da yang 'dus pa'i snying po nyon// ldum bu
- 32a
sad kyi bsad pa ltar// zhe sdang yul med don shes pas// log gnon dran pa bsal ba'i phyir// zhe sdang rang grol rkyen rnams thub// rmi lam 'dod chags 'chal med bzhin// snga phyir ma song dus de ru// pho mo 'dod chags ci spyod kyang // de tsam nyid na skyon mi gos// de yang rdo rje sems dpa' nyon// ri bo chen po'i khar phyin ltar// nga rgyal chen po'i rtog pa 'chang // lhag mthong rig pa'i ye shes kyis// nga rgyal rang sar rkyen thub grol// lta ba ma nor gdeng gi 'phrang // gol sgrib med pa'i chos sku la// phrag dog rang sar rkyen thub phyir// ba mo la ni nyi shar 'dra// da yang 'dus pa'i snying po nyon// nges don shes pas gti mug 'joms// rang rig dran pas zhe sdang brlag/ bde ba zhen med 'dod chags bral// yid ches 'dzin med nga rgyal grol// chos sku dran pas phrag dog dag/ de yang rdo rje sems dpa' nyon// don gyi ngo bo gnas lugs la// sgro skur gnyis kyi skyon med pas// dug lnga kun brtags rang sar grol// de phyir chos sku snying por gsungs// rdzogs pa chen po lta ba'i yang snying nam mkha' klong yangs kyi rgyud las/ dug lnga rang grol rkyen thub bstan pa'i le'u ste so gsum pa'o// // de nas 'dus pa'i tshogs rnams la// kun rig ston pa chos rje yis// bar dor rkyen thub bka' stsal pa// nges don rtogs
- 32b
pa'i rnal 'byor pas// dus kyi tha ma byung ba'i tshe// snang ba skye dang mched pa dang // snang ba 'gyur zhing thob pa'i dus// lung ldan nges pa'i gdams ngag gis// bar dor skye ba mi len pa'o// rkyen thub 'bras bu sangs rgyas 'byung // de yang 'dus pa'i snying po nyon// snang ba 'gyur zhing spang ba'i dus// bar dor lus gsum mi len pa'o// nges don gdams ngag don dran pas// gzhi gnas ma rig med pa'i phyir// rkyen bzhis ma bskyed lus mi len// shes pa chos sku 'gyur med brtan// mngon shes drug dang rjes dran drug/ sangs rgyas sa yi yon tan kun// thogs pa med par dus gcig rdzogs// de phyir rkyen thub sa zin pas// ma rig sangs la ye shes rgyas// thams cad mkhyen pa'i ye shes dang // sangs rgyas yon tan kun rdzogs phyir// 'gro don gzugs sku dus gcig 'byung // de yang 'dus pa'i snying po nyon// de tshe ye shes snang ba las// bag chags bral bas chags sdang med// snang ba med pas zhen pa grol// rig pa gsal ba chos skur shes// lus can gang yang med pa'i phyir// pho mo ma mthong mngal mi 'jug/ de phyir skye ba mi len nges// de yang 'dus pa'i snying po nyon// nges pa'i 'bras bu sangs rgyas ni// rnam dag chos sku gcig gcig la// nges don 'bras bu logs na med// drang don sangs rgyas grangs mang yang // mthar thug
- 33a
chos sku yin pa'i phyir// bsgrub pa bas kyang rtogs pa gces// rdzogs pa chen po lta ba'i yang snying / nam mkha' klong yangs kyi rgyud las/ srid pa bar ma do la skye ba phyi ma mi len par bstan pa'i le'u ste so bzhi pa'o// // de nas kun rig rgyal po la// 'dus pa'i 'khor gyis yang gsol pa// the tshom gegs rnams bsal ba'i phyir// gdams ngag rnam dbye ji ltar dbye// 'khrul pa log pa'i rtags chen gang // thig le'i la shan ji ltar dbye// nges par the tshom ji ltar bsal// de skad zhus pa'i don gsan nas// kun rig rgyal pos bka' stsal pa// lha sgom spyod pa 'bras bu yi// dbye ba rnam pa drug drug gi// dbye ba bstan gyis legs par nyon// lta ba'i ngo bo shes rab ste// mos pa'i blo yis gang bzung ba// dbye ba rang gnas ngo bo ni// stong par khyab pas nam mkha' 'dra// nges tshig chos skur lta ba yin// gol sa ma rig rtag chad gnyis// skyon ni yul sems bsre byed pa// de yang 'dus pa'i snying po nyon// sgom pa'i ngo bo mi rtogs pa// dbye ba mthun pa 'bral med de// til gyi mar me dud med 'dra// nges tshig dbang po ma yengs pa// gol sa bying dang rgod pa'o// skyon ni nan gyis glen bsgom byed// da yang 'khor gyi snying po nyon// spyod pa'i tshul ni ma bcos pa// dbye ba rig gsang mthun pa'i thabs// tshom med
- 33b
glang chen chur 'jug 'dra// nges tshig shugs 'byung blang dor med// gol sa rang rgyud nyon mongs spyod// skyon ni chos brgyad yul la zhe na// da yang 'dus pa'i snying po nyon// 'bras bu nges pa'i gdeng zin pas// dbye na gnas skabs mthar thug 'grub// rin chen rgyan gyi yon tan 'dra// nges tshig bslu med rang yid ches// gol sa 'bad pa don med 'khyams// skyon ni phyis 'byung re dogs blo// de yang rdo rje sems dpa' nyon// de dag dbye ba tha dad kyang // ma rig rmongs pa bstan pa la// ngo bo rang byung nyid 'di las// gzhan du g.yos pa rdul tsam med// rdzogs pa chen po blta ba'i yang snying / nam mkha' klong yangs kyi rgyud las/ gdams ngag gi dbye ba bstan pa'i le'u ste so lnga pa'o// // de nas 'dus pa'i 'khor rnams la// kun rig rgyal pos bka' stsal pa// 'khrul ldog rtags bdun ngas bshad kyis// legs par zung la yid kyi nyon// chos rnams kun gyi gzhi shes pas// 'khor 'das glo bur 'khrul par shes// re dogs med pa gzhi shes rtags// mtha' drug rkyen bzhi 'dzin med pas// yid ches gdeng gi don zin nas// lhan cig ma rig log pa'i rtags// thog ma'i rang byung ngo shes pas// dus gsum gcig tu shes pa'i phyir// 'khrul pa'i dus las log pa'i rtags// yul ni ma nges sna tshogs
- 34a
kyang // chos brgyad zhen pa med pa'i phyir// kun brtags ma rig log pa'i rtags// zag pa rang du shes tsam na// sbrul du 'dzin pa rang sar grol// dpe las don du log pa'i rtags// rdzun la bden par mi 'dzin pas// bsgom du med pa rang sar grol// 'khrul pa'i ngo bo log pa'i rtags// ma rig med phyir bag chags bral// blang dor gnyis sogs don dran pas// lugs su 'jug pa log pa'i rtags// rang gi sems la dbang thob pas// shes bzhin skye ba drang don phyir// skye shi'i sdug bsngal log pa'i rtags// shes rig rang sems snying po ste// glo bur ma yin ye gnas pas// shes rig dus gsum mi 'gyur phyir// chad pa'i 'khrul pa log pa'i rtags// rang byung ngo bo nyid kyi sku// dngos po yul las 'das pa de// shes rig rang sems snying po ste// kha dog dbyibs med gnyug mar rtogs// rtag par 'dzin/ pa'i 'khrul log rtags// de yang 'khor gyi snying po nyon// 'jig rten 'khrul pa de dag dang // ma rig dbang gi log lta ba// nam langs mun pa med pa bzhin// de nyid rtogs pas 'khrul pa sangs// rdzogs pa chen po lta ba'i yang snying / nam mkha' klong yangs kyi rgyud las/ 'khor bar 'khrul pa log pa'i rtags bstan pa'i le'u ste so drug pa'o// // de nas 'dus pa'i 'khor rnams la// kun rig rgyal pos
- 34b
bka' stsal pa// myang 'das 'khrul pa log pa dang // yul sems tha dad mi 'dod cing // ye nas gnyug ma'i gzhi shes pas// 'gro don snying rje mi 'bral na// nyan thos 'khrul pa log pa'i rtags// snang ba sems su mi sdud cing // don dam skad cig mi 'dod pas// 'phel 'grib med pa'i don rtogs na// sems tsam 'khrul pa log pa'i rtags// bden pa gnyis su mi rtog cing // yang dag stong par mi 'dod pas// rang byung ye shes 'gyur med de// dbu ma'i 'khrul pa log pa'i rtags// yul med sems su mi 'dod cing // sngags dang yig 'bru lhar mi skyed// re dogs dngos grub mi 'tshol bas// kri yog 'khrul pa log pa'i rtags// bden pa dbyer med mi 'dod cing // ting 'dzin rim gyis mi bsgom pas// rtsol ba med pa'i don rtogs pas// ma hAr 'khrul pa log pa'i rtags// mkha' klong rol par mi 'dod cing // snying po dran tsam lhar mi bsgom// ngang 'jog mi dgos don rtogs pas// a nur 'khrul pa log pa'i rtags// de rtags brgyad ldan skyes bu ni// mi yi lus la sangs rgyas sras// rig 'dzin gdung 'tsho ba sprul pa'i sku// de yi yon tan brjod mi langs// rdzogs pa chen po lta ba'i yang snying / nam mkha' klong yangs kyi rgyud las/ theg pa 'og ma pa'i 'khrul pa log pa'i rtags bstan pa'i le'u ste so bdun
- 35a
pa'o// // de nas 'dus pa'i 'khor rnams la/ kun rig ston pas bka' stsal pa// phyi nang ma bcos mya ngan 'das// myang 'das don ni chos kyi sku// chos kyi dbyings na chos sku'i 'od// snying po 'bras bu ye shes sku// snying po kun la khyab cing 'dus// thugs kyi nying khu yin pa'i phyir// thig le 'gyur ba med pa'i phyir// kun bzang rdo rje'i byin gyis brlabs// tshig tu ma bkod thugs la brgyud// don gyi gting phyin bstan pa'i phyir// tshig nyung don la rdzogs pa yis// thig le la shan dbye ba ni// mtshan nyid btags pa'i thig le dang // gsang sngags gzhi yi thig le dang // rdzogs chen spyi yi thig le dang // yang ti thig le nyag gcig dang // re re la'ang bzhi bzhi ste// ngo bo dpe dang gtan tshigs kyis// 'gro sa la shan dbye ba yang // rtsal gyi sgo nas gsum bstan pa// snang ba chos kyi dbyings las rdzogs// de yang 'dus pa'i snying po nyon// btags pa ming gi thig le ni// mtshan nyid theg pa rnam gsum ste// ngo bo rnam shes tshogs brgyad la// dpe ni dmus long g.yu rdo 'dra// gtan tshigs nges pa gang yin pa// thig ni tshogs brgyad sems su gcig/ le ni khams gsum yongs la khyab// 'gro sa srid pa'i yang rtse yin// gol sa skye mched mu bzhi lags// gzhi yi thig le bstan pa ni// gsang sngags phyi rgyud rnam pa
- 35b
gsum// ngo bo kun gzhi'i rnam shes la// dpe ni sa dang chu 'dres 'dra// gtan tshigs nges pa gang yin pa// thig ni kun gzhi sems kyi gzhi// le ni 'gro drug yongs la khyab// 'gro sa 'das dang ma 'das pa// don gyi thig le bstan pa ni// rdzogs chen a ti spyi yi gzhung // ngo bo kun gzhi lung ma bstan// dpe ni zho dang 'o ma 'dra// gtan tshigs nges pa gang yin pa// thig ni kun gzhi gnyug ma la// le ni thams cad sems su snang // 'gro sa gar 'gro nges pa med// de yang 'dus pa'i snying po nyon// de ltar thig le bzhi bstan pa// theg pa kun gyi sgo bstan phyir// shan gyi sgo nas bstan pa yin// don la dbyer med do/ bor gcig/ rdzogs pa chen po lta ba'i yang snying / nam mkha' klong yangs kyi rgyud las/ thig le shan dbye ba'i le'u ste so brgyad pa'o// // de nas 'dus pa'i 'khor rnams la// kun rig sems kyi rgyal po yis// la bzla ba yi thig le gsungs// nang ni rig pa chos sku la// sgra mthun don dpag gtan tshigs kyis// don gyi ngo bo gnyis su 'dus// la bzla gcig gis ngang du rdzogs// de yang rdo rje sems dpa' nyon// rtag pa'i thig le la bzla na// ngo bo snang la rang bzhin med// dpe ni nyi ma'i 'od brda la la// gtan tshigs nges pa gang yin pa// thig ni dngos po yul dang bral// le ni thams cad rgyal ba'i
- 36a
zhing // 'gro sa thig le phyi ma'i rtsal// gzhi yi thig le la bzla na// ngo bo rang gi mthu dang bral// dpe ni dug nyid sman gyi ngang // gtan tshigs nges pa gang yin pa// thig ni thams cad mkhyen pa'i rgyu// le ni 'gro drug yongs la khyab// ye shes kun gyi rtsal du 'gro// spyi yi rdzogs chen la bzla na// ngo bo sku gsung thugs kyi rgyu// dper na nor bu rin chen 'dra// gtan tshigs nges pa gang yin pa// thig ni ma nor drang po'i lam// le ni brdal ba chen po'i ngang // 'gro sa thig le phyi ma'i rtsal// yang ti rdzogs chen la bzla na// 'khor 'das ma rig rang byung zhing // ngo bo thig le nyag gcig nyid// dpe ni nyi ma'i snying po 'dra// gtan tshigs nges pa gang yin pa// thig ni bag chags skyon dang bral// le ni nyon mongs rnam par dag/ 'gro sa kun bzang sangs rgyas nyid// de yang 'dus pa'i snying po nyon// phyi nang med par thig le la// 'khor 'das med par nyag gcig ma// snang stong med par phra la zab// thams cad thig ler sangs rgyas pas// steng 'og mtha' dbus med pa dang // phyi nang 'khor 'das med pa kun// thams cad thig le chen po las// gzhan gyi chos ni rdul tsam med// de yang 'dus pa'i snying po nyon// nga yi sku gsung thugs la tshang // ye sangs rgyas pa'i rang bzhin las// yon tan nam mkha'i mtha' las 'das// gzhan yang
- 36b
chos kyi dbyings kyi klong // rdzogs ni lhag ma med par rdzogs// 'khor ni dus gsum rgyal bar ldan// thams cad kun tu bzang po'i sa// skad cig rtogs pas mngon sangs rgyas// rtogs thabs bzhi ni bstan par zad// de las mang du 'byed pa ni// thig le ma yin 'chal tshig yin// rdzogs pa chen po lta ba'i yang snying / nam mkha' klong yangs kyi rgyud las/ thig le nyag gcig la la bzla ba'i le'u ste so dgu pa'o// / de nas kun rig rgyal po yis// 'dus pa'i 'khor la bka' stsal pa// zung lnga ya bcu bdud gyi gegs// rim par bshad kyi yid kyis nyon// 'khor 'das gnyis kyi gzhir gyur pas// rtag chad ma yin chos sguskur nges// snang ba nges med yin pa'i phyir// yul dang gol sa bcad pa gces// de yang 'dus pa'i snying po nyon// rang sems yul dang yul nyid sems// gnyis ka ma yin gnyis med min// tha dad ma yin mi bsdu bar// zhen med rang sar grol ba'i phyir// snang ba ma bcos chos kyi dbyings// rtogs dang ma rtogs khyad par gyis// sangs rgyas sems can rnam pa gnyis// so sor ma yin gcig pa ste// gnas skabs 'bral med mthar thug yod// las dang thugs rje tha dad phyir// gdams ngag med la phan mi nus// de yang 'khor gyi snying po nyon// 'khor 'das 'byung ba rtog pa yin// log rtogs ye shes tha dad kyang // ngo bo
- 37a
nyid kyi gzhi la med// snang lugs zhen ngor ci yang 'char// rnal 'byor nyams su blang zabs kyis// bsgom du yod med gnyis ka 'gal// yod par sgro btags rtag par 'gyur// med par skur btab chad par 'gyur// de phyir nges don snying po ni// ma bsgoms 'bral med dgongs pa gces// zung lnga ya bcu de la bya// de yang 'dus pa'i snying po nyon// ma nor nges pa'i lung chen ni// sangs rgyas sems can gnyis kyi gzhi// ngo bo nyid kyi kun bzang gis// tshig med don gyi rtogs shar bas// don nyid tshig tu 'byung ba'i phyir// nges pa yi ni lung du bshad// kun bzang nga yi byin rlabs kyis// thugs nas snyan du gsung brgyud pa// tshig med don chen rtogs pa'i phyir// tshig la brten nas don go bas// bla ma slob dpon khyad par che// de yang 'dus pa'i snying po nyon// nyams myong yod med gnyis ka skyon// gang yang mi 'gal gdams ngag gi// don gsal yul la ma yengs pa// nyams myong dam par nga yi bshad// rnam rtog tha mal glo bur pa// bcos na thul ba'i zhi gnas yin// ma bcos bka' la dgos med phyir// bcos med dran pa chos skur gsal// mdo rgyud nges don gang yang rung // drang ba'i don la khyad che yang // gzhi rtogs byed pa'i thabs la 'dra// nges pa'i don la khyad par med// de yang 'khor gyi snying po nyon// nges
- 37b
don chos skur ba nyid la// yod med 'gal ba med na yang // yod kyang ma rtogs sems can la// lung ldan rkyen gyi gdams ngag ston// de phyir mthar zug 'brel pa yod// gzhi nyid 'khrul lugs blos bcos pas// ma rig 'khrul ngor bden 'dzin kyang // yar ldan mar 'khrul gzhi la med// de phyir 'khrul med don 'di gces// bdud kyi gegs ni de la bya// de yang rdo rje sems dpa' nyon// de dag 'gal bgegs rnam mang yang // blo yis byas pa thams cad min// ngo bo nyid sku ngos zin na// the tshom thams cad shugs la chod// rdzogs pa chen po lta ba'i yang snying / nam mkha' klong yangs kyi rgyud las/ the tshom gyi gegs bsal ba'i le'u ste bzhi bcu pa'o// // de nas 'dus pa'i rgyal po la// 'dus pa'i 'khor gyi 'di skad gsol// thig le gcig tu 'dus pa yis// phyi nang chos rnams ji ltar rdzogs// gol sa sgrib pa ji ltar med// nyams rtogs don ldan ji ltar 'byung // mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// thig le gcig du rdzogs pa yi// rang sems snying po byang chub des// snying rje bya med don zin pas// sems bskyed gong 'og de la rdzogs// dad pa sngon du dran byas pas// mi dmigs don la ma bltas kyang // bying rgod
- 38a
gnyis kyi rkyen bral bas// zhi gnas bsam gtan de la rdzogs// phyi nang chos rnams thams cad kun// so sor rtog pa'i ye shes kyis// sgyu ma lta bur rab shes pas// rang bzhin med pa'i lhag mthong rdzogs// 'jig rten gol bar don rtogs pas// ser sna 'dzin pa'i don med phyir// re ba med pa'i bsam pa yis// sbyin pa'i pha rol phyin pa rdzogs// ma nor khrims las mi 'da'i phyir// lus ngag yid kyi las rnams kun// mi dge nyes byas mi 'byung bas// tshul khrims pha rol phyin pa rdzogs// zab la rgya che'i lta ba yis// yin dang min pa'i chos rnams kun// chos kyi dbyings su kun shong bas// bzod pa'i pha/ rol phyin pa rdzogs// ngo bo nyid las 'bral med phyir// ched du mi bsgom da lta nyid// lta ba'i don la yengs med pas// brtson 'grus pha rol phyin pa rdzogs// gzhi gsum dus gsum 'bral med pas// ye shes kun tu rgyun mi chad// snying po'i don las ma g.yos pas// bsam gtan pha rol phyin pa rdzogs// dang po 'khor ba rtsad gcod pa// ye shes rig pa'i ngos zin phyir// yid ches gdeng gis thag chod pas// shes rab pha rol phyin pa rdzogs// da yang 'dus pa'i snying po nyon// de phyir yul gyi rnam pa la// spong sdud zhen pa med pa'i phyir// snang ba gang yang mi 'gog pas// thabs kyi pha rol phyin pa rdzogs// tshe rabs
- 38b
sngon nas sbyangs pa'i phyir// mi gnas bla med don rtogs pas// da lta'i nyid du rang yid ches// smon lam pha rol phyin pa rdzogs// rang sems snying po rtogs pa'i phyir// ma rig sgrib pa zil gnon par// lus ngag rtsol ba mi dgos pas// stobs kyi pha rol phyin pa rdzogs// 'khor 'das gnyis med gong rol du// skye shi med par thag chod de// byang chub sems la 'gyur med pas// ye shes pha rol phyin pa rdzogs// lta ba rtogs pa'i rnal 'byor pas// lus ngag don las ma nyams pas// phyi nang spyod pa'i don zin phyir// tshogs chen ma lus de la rdzogs// rdzogs pa chen po lta ba'i yang snying / nam mkha' klong yangs kyi rgyud las/ pha rol tu phyin pa'i chos rnams rdzogs par bstan pa'i le'u ste zhe gcig pa'o// // de nas 'dus pa'i tshogs rnams la// kun rig rgyal pos yang gsungs pa// las can rnal 'byor don ldan gyis// ye dbang snying po sems nyid don// chos nyid rig pa'i dbang thob pas// phyi nang dbang rnams de la rdzogs// lta ba nges pa'i gdeng zin pas// mi rtog ye shes gegs bsal bas// rnam par rtog pa'i bgegs med phyir// phyi nang mtshams bcad de la rdzogs// ye nas ngo bo nyid sku las// bsgrub tu med pa'i chos nyid la// ma rig rnam rtog sgrib pa med// don gyi bshags pa de la rdzogs// sangs rgyas sems
- 39a
can gnyis med phyir// yul dang dbang po mi 'byed pa// gnyis med don gyi klong khyab pas// byin chen dbab pa de la rdzogs// rang byung ye shes kun khyab phyir// dug lngar rang grol don rtogs pas// nyon mongs bdud rtsi chen po la// ye shes byin rlabs de la rdzogs// dbang po yul gyi rnam pa la// dngos po 'byung ba'i rtsa ba de// sa chu me rlung kun khyab pas// dbang chen rim pa de la rdzogs// gdan dang yig 'bru la sogs pa// rang gi sems kyi cho 'phrul te// phyogs bcur rang bzhin lhun grub pas// zhal yas khang chen de la rdzogs// 'khor 'das bzang ngan mi 'byed par// rig tshor don gyi lha yin pas// ma btsal lhun gyis grub pa las// ye shes lha rnams de la rdzogs// ngo bo nyid kyi snying po la// sangs rgyas sems can rgyu gcig pas// ched du byar med rang rig phyir// spyan drangs bstim pa de la rdzogs// gzhi la snang ba med pa'i phyir// rang gi dran rtog cir snang yang // skye med chos las mi 'da' bas// zil gyi gnon pa de la rdzogs// thams cad 'dres pa chen po la// rnam par grol ba mtshon pa'i phyir// rig pa'i don 'di gsal thebs pas// nan tan phyag rgya de la rdzogs// lus ngag las kyi rnam pa la// drang ba'i don gyis zin pa'i phyir// bskul bskyod thams cad ye shes la// phyag rgya'i mchod pa de la
- 39b
rdzogs// ye shes snying po byang chub la// blo dang dngos po gcig pa'i phyir// sems dang chos sku'i don 'byor pas// sbyor sgrol mchod pa de la rdzogs// ye nas gnas pa'i don go bas// skye shi med par thag bcad phyir// yon tan thams cad lhun grub pas// mthar phyin smon lam de la rdzogs// sangs rgyas che ba'i yon tan rnams// da lta nyid du rtogs pa'i phyir// sku gsung thugs kyi don tshang bas// bzlas brjod 'phro 'du de la rdzogs// dga' ldan lha dang 'byor ldan tshogs// nges pa'i lta bas gdeng zin pas// snod bcud ye nas tshogs yin phyir// tshogs kyi mchod pa de la rdzogs// gtso 'khor bzang ngan mi 'byed/ pas// phud dang lhag ma ngo bo gcig/ bde chen gnyis med rang sems la// lhag ma'i mchod pa de la rdzogs// bya ba med pa'i ting 'dzin gyis// mi bzung ye shes chen po la// rang gi rig pa gsal thebs pas// gtor ma'i mchod pa de la rdzogs// 'khor ba mya ngan 'das pa'i chos// thig le gcig tu 'dus pa'i phyir// ci spyod rang gi lus ngag la// dkyil 'khor bsdu ba de la rdzogs// de rtogs rnal 'byor chen po la// ye shes chen po rdzong gi lus// ye shes lhun grub go ldan pas// bka' nan lus bsrung de la rdzogs// ye nas sangs rgyas yin pa'i don// rang gi sems kyis shes pa'i phyir// gnyis med don du sangs
- 40a
rgyas pas// dge ba bsngo ba de la rdzogs// chos kyi sku la mnga' brnyes pas// yon tan thams cad rang las sbrul// gzhan don bya ba smos ci dgos// ye nas lhun grub de la rdzogs// rdzogs pa chen po lta ba'i yang snying / nam mkha' klong yangs kyi rgyud las/ phrin las mdzad spyod rdzogs pa'i le'u ste zhe gnyis pa'o// // de nas 'dus pa'i 'khor rnams la// kun rig rgyal pos bka' stsal pa// 'khor 'das ma rig rdzogs chen la// gol sgrib med par bstan pa yang // bcu gnyis dgu yis don bstan pa// yid la ma brgyus gol sa med// de yang rdo rje sems dpa' nyon// phyi rol yul gyi tha snyad la// dam par zhen pa'i rtog pa yis// byung tshor rjes su ma 'brangs pas// 'jig rten phal pa'i sar mi gol// rang gi sems kyi snying po 'di// dran rtog blo yi rnam pa yis// yod med yul du ma bsgoms pas// rtag chad mthar ni de mi gol// lung rig man ngag la brten nas// thos bsam lta bas yid ches pas// shes rab bzang mo'i don zin pas// lung du ma bstan der mi gol// mi dmigs pa la blo gtod cing // bying rgod rnam gnyis bsal ba yis// zhi gnas ro la ma zhen pas// sems 'dzin bsam gtan sar mi gol// phyi rol yul gyi snang ba la// rang gi sems dang ma 'brel phyir// sgo lnga'i rnam shes mi
- 40b
dgag pas// 'du shes med par de mi gol// rang byung rang snang 'di nyid la// sems kyi rtsol ba'i gnyen po yis// rnam rtog ma spangs rang zhi bas// nyan thos 'gog par de mi gol// phyi rol rten 'brel bcu gnyis la// brten nas sems kyi rgyu ba yis// rtog dgag stong par mi bsgom pas// rang rgyal sems su de mi gol// yul med sems su blos bsdus pas// don dam rang gi shes pa'i don// rang rig skad cig mi bsgom pas// sems tsam lta bar de mi gol// yul 'di kun rdzob blos byas te// gtan tshigs dag gis gzhig byas nas// mtshan ma stong par mi bsgom pas// dbu ma gnyis su de mi gol// re dogs las kyi rtsol ba yis// dge ba bcu yi snying po la// rgyu 'bras rkyen la mi ltos par// 'dus byas chos su de mi gol// rang sems snying po ngo bo nyid// rtog pa'i rkyen gyis mi 'gyur phyir// 'khor 'das gnyis la mi dpyod pas// las kyi dbang du de mi gol// spong sdud sems kyi rtog pa la// skyon yon gnyis su mi blta zhing // mi rtog dben pa'i yul med pas// phra ba'i lam du de mi gol// smon 'jug gnyis la mi brten cing // tshogs gsogs dam par mi lta bas// lam lnga rim gyis ma sbyangs phyir// sa bcu 'grod par de mi gol// rdzogs pa chen po lta ba'i yang snying / nam mkha' klong yangs kyi rgyud las//
- 41a
bsam gtan gyi gol sa med par bstan pa'i le'u ste zhe gsum pa'o// // de nas kun rig rgyal po des// 'dus pa'i 'khor la yang gsungs pa// chos nyid dag pa'i ngang las ni// rigs gsum dkyil 'khor ltar ma bskyed// dag gzhi'i ting 'dzin mi bsgom pas// kri ya'i theg par de mi gol// lta ba yo gar blta ba dang // spyod pa kri yar spyod pa dang // rnam gnyis 'dzin par mi bsgom pas// u pa yar ni de mi gol// chos nyid dbyings kyi ye shes kyi// cho 'phrul lha yi nga rgyal gyis// byang chub rnam lnga mi bsgoms pas// yo ga'i sems dpar de mi gol// phung po khams dang skye mched kyi// rtog tshogs dgra rnams mang po yis// rnam rtog lhar ni ma bsgyur bas// ma hA yo gar de mi gol// las kyi phyag rgya gzhir bzhag nas// rtsa dang thig le bde ba yi// thabs kyis 'dzin pa ma bsgoms pas// chags pa'i lam du de mi gol// kun gzhi dag pa'i mkha' klong du// bde chen gnyis med rig pa'i rtsal// 'du 'bral med 'jog yid med pas// a nu yo gar de mi gol// 'khor 'das gnyis kyi rnam pa la// yin dang min pa'i chos rnams kun// sems kyis mtshon du med rtogs pas// mtshan ma'i rkyen du de mi gol// rnal 'byor spyod pa rnam gsum gyis// zhum pa med pa'i sems nyid kyis// brtul zhugs phyi nang mi
- 41b
dgos pas// re dogs spyod par de mi gol// snang ba rang gi blos byas pa'i// yul sems bsre ba'i lta ba yi// gnyis med don la mi gtod pas// phyogs can lta bar de mi gol// rang sems snying po chos kyi sku// lta ba rtogs pa'i don nyid las// de las gzhan du mi rtsol bas// gol sgrib bya ba'i ming med do// rdzogs pa chen po lta ba'i yang snying / nam mkha' klong yangs kyi rgyud las/ gsang sngags gol sa med par bstan pa'i le'u ste zhe bzhi pa'o// // de nas 'dus pa'i tshogs rnams la// kun rig rgyal pos bka' stsal pa// sgrib pa dag pa'i mtshan nyid ni// bla ma dam pa'i gdams ngag gis// ye shes chen por ngos 'dzin pas// skabs 'byed sgrib pa de la med// kun gzhi gzhi cha rang gsal la// snga phyir rjes su ma 'brengs pas// rang sems chos sku ngos zin pas// bslad pa'i sgrib pa de la med// kun brtags ma rig rkyen byas pas// 'khrul pa dag gi yul rnams ni// snga phyi glo bur dngos med pas// phyogs lhung sgrib pa de la med/ kun bzang nyid kyi bka' nyid las// bla ma'i gdams ngag ma chad cing // lta ba nges pa'i gdeng zin pas// tshogs kyi sgrib pa de la med// zhi rgyas dbang dang drag po dang // sa ma ti yi dgongs pa yis// bla na med pa'i don rtogs pas// las bzhi'i sgrib pa de la med// 'khor 'das ma rig ngos zin
- 42a
pas// ma bsgoms don dang mi 'bral phyir// ma chags mi g.yo stobs ldan pas// mchod pa'i sgrib pa de la med// rang rig rtogs pa'i nyams dang ni// sangs rgyas bka' dang mthun pa'i phyir// nges pa'i don la yid ches pas// the tshom sgrib pa de la med// de la sogs pa'i gol sgrib rnams// brgya dang brgyad cu grangs mang yang // spong sdud zhen pa gsum du 'dus// de las gzhan pa'i gol sgrib med// rdzogs pa chen po lta ba'i yang snying / nam mkha' klong yangs kyi rgyud las/ ma rig rtsol ba'i sgrib pa med par bstan pa'i le'u ste zhe lnga pa'o// // de nas 'dus pa'i tshogs rnams la// kun rig rgyal pos yang gsungs pa// yang dag sems kyi nying khu'i don// ye nas chos sku 'bral med phyir// nyams kyi rim pa lnga gsungs pa// dang po mkha' la nyi shar bzhin// ma rig sgrib pa med rtogs pas// rang rig chos skur yid ches don// tshig mthas ma reg rang gsal nyams// gser 'gyur rtsi yis thebs pa bzhin// rtogs dang mi rtogs thams cad du// lta ba sems kyi sems nyid gsal// rang rgyud zil gyis gnon pa'i nyams// skyes bu bya ba btang ba bzhin// snang ba'i gzugs sogs gang la yang // brtag dpyad ma byas sgo lnga gsal// snang ba chos nyid gdeng ldan nyams// 'byung ba nam mkha' mi 'gyur ltar// yul gyi
- 42b
bde sdug sgra skad kyis// gnod med chos sku mi 'gyur phyir// yengs pa rang sar grol ba'i nyams// rin chen gling du phyin pa bzhin// dus dang rnam pa thams cad du// ci dran lhag mthong rig par 'gyur// 'byung 'jug med phyir 'bral med nyams// de dag lnga ldan sangs rgyas nyid// de yang rdo rje sems dpa' nyon// sprin las char rgyun 'bab pa bzhin// rang rgyud zhen med chags pa chung // gcig pur dga' la 'du 'dzi spong // g.yo ba las su rung ba'i rtags// 'bab chu da la drag snyoms pa bzhin// ngang ngam shugs kyis ye shes gsal// 'khor ba'i chos la shin tu skyo// goms pa'i rtags chen yin par bshad// rgya mtsho'i gting ni mi g.yo ltar// 'khor 'das dngos po cir ma mthong // de phyir nyon mongs yul med pas// brtan pa thob pa'i rtags su bstan// drang srong bzod ldan dpe bzhin du// lus kyis bzod pa thob pa dang // gnyid kyi rtog pa choms pa'i phyir// phyi nang dbugs kyi cha snyoms pas// 'jig rten chos brgyad bral ba rnams// bar dor mngon sangs rgya ba'i rtags// rdzogs pa chen po lta ba'i yang snying / nam mkha' klong yangs kyi rgyud las/ nyams dang rtags bstan pa'i le'u ste zhe drug pa'o// // de nas rdo rje sems dpa' yis// 'dus pa'i tshogs kyi don gyi phyir// yid la dran pas 'di skad
- 43a
gsol// 'bras bu yon tan gdul bya yi// lta ba'i dam tshig nyams pa gang gis bskang // rtsa ba gcig pa'i bden pa gang // snang med rig pa'i rtogs dus nam// rtogs pa'i mdzad spyod ji ltar spyod// kun rig rgyal pos lung bstan gsol// de skad zhus pa'i don gsan nas// 'dus pa'i 'khor la bka' stsal pa// lta ba nyams pa skong thabs ni// nyes 'gyod yid la byas nas su// bla ma mkhas pa don ldan la// dbang rnams rim par nos nas ni// rang sems dpang btsug don zhus nas// rgyun du mi gtong gus pa'i chos// lta bas sems rtogs ma brjed pas// rgyun du mi 'bral sgom pa'i mchog/ rtags ni shin tu gsal ba'i nyams// brtson 'grus ma yengs gus pa'i thabs// shes rab go ba dad pa'i thabs// rang sems gdeng ni 'gyur ba med// yul ni ma 'gags chos kyi dbyings// spyod pa ma 'gags khong khrel med// g.yo sgyu med pa'i dam tshig gis// brtse gdung chos byed mi 'gyod pa// rig pa so thub dgon pa'i mchog/ bag chags rjes med shes rab ste// rgyun du gsal 'debs chos spyod yin// the tshom mi za bskangs pa'i tshad// des bskang gdeng chen ngas bshad nyon// rang bzhin dag pa'i ngo bo la// ming gi tha snyad 'dzin med pas// yul la mi zhen rang sar grol// bsam gtan btsal med nyams kyi gdeng // phan
- 43b
gnod byed pa gang 'phrad kyang // byams sdang gnyis ni skyes pa'i tshe// mnyam nyid rig pas gsal thebs na// blo dngos gnyis med nyams kyi gdeng // kun bzang gshin rje gang 'ongs kyang // gzhi la med cing 'khrul par rtogs// gnyis ka spang len med rtogs na// lta ba gdeng ldan nyams kyi gdeng // theg pa'i bye brag ci gsungs kyang // bzang ngan sgo skur med rtogs na// yid ches don la blo gnas pas// chos la bzod pa thob pa'i gdeng // lus kyi bde sdug ci byung yang // skyon yon med pa'i don dran na// snga phyi ma bslangs don ldan pas// chos nyid rang gsal nyams kyi gdeng // gnod par byed pa nad dang bgegs// rtog pas btags pa yin shes nas// mi gtong don ldan rnal 'byor pas// dngos grub btsal med nyams kyi gdeng // sems la skye shi med pa'i phyir// 'jig rten gnas ni gar 'dug kyang // skye 'gag med pa'i don la gnas// 'bral med dgongs pa nyams kyi gdeng // rtags chen gdeng ldan rnal 'byor pas// ci spyad sangs rgyas ye shes thugs// mi lus rin chen 'di nyid la// lha mis phyag 'tshal mchod par 'gyur// rdzogs pa chen po lta ba'i yang snying / nam mkha' klong yangs kyi rgyud las/ lta ba nyams pa bskangs pa'i tshad bstan pa'i le'u ste zhe bdun pa'o// // de nas 'dus pa'i 'khor rnams
- 44a
la// bcom ldan 'das kyi bka' stsal pa// 'khor 'das 'byung ba'i rtsa ba ni// pha ma med pa'i bu bzhi yod// de yang gdod nas gcig las gnyis// gsum la 'brel yod gcig la med// bden mthong snang med rtogs dus yin// de yang 'dus pa'i 'khor rnams nyon// gcig ni nam mkha'i mthongs su tshar// ming ni 'byung ba rnam pa lnga// snang srid kun gyi mes por snang // phyi nang snod bcud de las bskyed// gcig ni chos kyi dbyings su tshar// ming ni chos sku kun tu bzang // sangs rgyas kun gyi mes por grags// theg pa'i chos rnams de las byung // gcig ni ma rig mun par tshar// ming ni 'gro drug sems can te// chags sdang lnga la longs spyod pas// 'khor ba'i sdug bsngal de la smin// gcig ni 'khor 'das gong du tshar// ming ni ngo bo nyid kyi sku// 'khor 'das rabs chad yang mes po// de rtogs gdod nas skye shi med// de yang rdo rje sems dpa' nyon// skal ldan rnams kyi rang rig pa// tshig tu mtshon par mi nus kyang // sems la rtogs pa yod pa'i phyir// don chen yi ge dam pa'i mchog/ lta ba rang sems ngo bo nyid// 'khor 'das gnyis las 'das pa'o// sgom du med pa yid las dran// rang sems snying po rtogs pa'i thabs// de phyir sems kyis sems rtogs nas// de yang dngos por cang ma
- 44b
mthong // rig pa ye shes chos nyid ni// dus gsum dag tu skye 'gag med// sngar ma mthong ba'i don mthong ba// blo la rgyurgyas pa kho nar zad// de ltar rig pa'i don mthong na// mtshan mar mthong ba ci yang med// rin chen ngan khung stor gyur kyang // de yi yon tan mkha' la 'byung // de bzhin rang sems ngo bo nyid// mngal du rang sems bying 'gyur kyang // rang gsal ye shes rgyun mi 'chad// rdzogs pa chen po lta bapaba'i yang snying / nam mkha' klong yangs kyi rgyud las/ nges pa'i bden pa mthong bar bstan pa'i le'u ste zhe brgyad pa'o// // de nas 'dus pa'i tshogs rnams la// kun rig sems kyi rgyal po yis// snang med rig pa bka' stsal pa// bum pa'i nang gi mar me bzhin// lus kyi nang na chos sku gsal// nang nas sgo lnga'i 'od shar bas// snang ba grogs su 'ong ba snyam// de tshe tha mal lus 'di la// brten pa'i rnal 'byor las can kun// snang med rig pa rgyun mi 'chad// de nyid sangs rgyas de las 'byung // de sems ma bcos ngang gis gsal// gsal yang yul la zhen med grol// lus kyi nang na sangs rgyas gnas// de phyir lus la smad mi bya// dper na cang shes rta pho yis// yid kyis bsam sar lus kyis phyin// de bzhin gang dran chos skur gsal// sgrib pa nub pa bya ba med// de phyir ci spyod ye shes la// 'phel 'grib
- 45a
med par rang sems rtogs// de don rtogs pa'i mchog yin pas// sangs rgyas kun dang dgongs pa gcig/ de yang 'dus pa'i 'khor rnams nyon// dper na reg 'jam spu yis ni// gang reg 'jam zhing sbrus mi gos// de bzhin rnal 'byor yul phrad kyang // de la skyon gyis gos pa med// de phyir dus rnams kun tu ni// 'bral med ye shes thugs la gsal// de tshe rang nyid rtogs pa'i thabs// dus 'di nyid du rtogs par gsungs// de yang 'dus pa'i snying po nyon// dper na nam mkha' ldings chen ni// bdag gzhan kun la mdzes pa bzhin// rnal 'byor so thub bag zon can// gol sa med cing sgro skur spang // dper na chu gting rgya mtsho'i gser// bskal par bzhag kyang g.yas mi gos// de bzhin don rtogs rnal 'byor pas// 'khor bar gnas kyang gos pa med// de yang 'dus pa'i snying po nyon// dper na dbus kyi mchog rab ni// 'gyur ba med par brtan pa ste// de phyir rang byung ma bltas gsal// de phyir chos nyid mi 'gyur brtan// de la rtog pas mi gos te// da lta nyid du rtogs pa'i thabs// des na tshegs med don po che// bsam pa tsam gyis 'grub pa'i mchog/ de yang 'dus pa'i snying po nyon// rang sems rtogs pa'i 'bras bu la// bstun te cig car 'jug nus na// bsgom pa'i thun la ring zung med// nam
- 45b
'grub snyam pa'i khar ma lus// mnyam pa'i don la ye gnas pas// 'bras bu rig pa da lta nyid// de nyid mi brjod don ldan pas// myang 'das zhes ni de la bya// rdzogs pa chen po lta ba'i yang snying / nam mkha' kloslong yangs kyi rgyud las/ snang med kyi rig pa'i rtogs dus bstan pa'i le'u ste zhe dgu pa'o// // de nas 'dus pa'i 'khor rnams la// kun rig rgyal pos bka' stsal pa// nga yi mdzad spyod chen po ni// sku med gzugs skur byung bas ni// thams cad zil gyis gnon par byed// tshig med rig pa'i gsung gis ni// sangs rgyas bstan pa rgyas par sgrogs// rnam par rtog med ye shes thugs// cir yang sa le thams cad mkhyen// stong gsum 'jig rten thams cad ni// nga yi bzhugs gnas gzigs mo'i sa// de yang 'dus pa'i snying po nyon// spros kyang nga la bsdus kyang nga // nga yi sku gsung thugs las ni// 'khor ba bya ba gdod nas med// de yang rdo rje sems dpa' nyon// ye nas gnas pa'i gzhi nyid ni// chos kyi sku yi thugs su bstan// de nyid rtogs pa'i ye shes de// chos kyi sku yi longs spyod thugs// dran rtog don du shes pa de// chos kyi sku yi sprul pa'i thugs// don ldan gzugs kyi phung po 'di// longs spyod rdzogs pa'i chos kyi sku// dbang po ma 'gags gsal ba de// longs spyod rdzogs pa'i longs spyod sku// bskul bskyod yan
- 46a
lag gang yang ni// longs spyod rdzogs pa'i sprul pa'i sku// don ldan tshig tu brjod pa de// sprul pa'i sku yi chos sku'i gsung // dngos med tshig tu gsal ba de// sprul pa'i sku yi longs spyod gsung // tshig la brten nas don go bas// sprul pa'i sku yi gsung yin phyir// da lta'i chos sku kha mig can// de yang 'dus pa'i snying po nyon// lus bral skad cig de nyid la// bar dor mngon sangs rgya ba nyid// mngal gyi sgrib bskyod yan lag gang yang ni// longs spyod rdzogs pa'i sprul pa'i sku// don ldan tshig tu brjod pa de// sprul pa'i sku yi chos sku'i gsung // dngos med tshig tu gsal ba de// sprul pa'i sku yi longs spyod gsung // tshig la brten nas don go bas// sprul pa'i sku yi gsung yin phyir// da lta'i chos sku kha mig can// de yang 'dus pa'i snying po nyon// lus bral skad cig de nyid la// bar dor mngon sangs rgya ba nyid// mngal gyi sgrib g.yogs med pa'i phyir/ kun tu bzang po gud na med// gzugs med rig pa'i ye shes de// dus gsum dag tu 'gyur med pas// rgyal ba sangs rgyas chos kyi sku// lus ni ye shes chen po'i lus// thugs ni ye shes thams cad mkhyen// gzhan don ci bsam 'grub pa yis// gzugs sku rnam gnyis shugs las 'byung // de yang rang rang 'khor rnams las// gang gis gang la ci rigs
- 46b
su// sems can bsam pa'i khyad par las// yid bzhin dbang po gang 'dod ston// rdzogs pa chen po lta ba'i yang snying / nam mkha' klong yangs kyi rgyud las/ yon tan gyi gdul bya bstan pa'i le'u ste lnga bcu zam pa'o// // de nas 'dus pa'i 'khor rnams la// kun rig rgyal pos bka' stsal pa// sangs rgyas rnams dang rig 'dzin tshogs// mkha' 'gro chos skyong dad ldan rnams// nga yi byin gyis ba rlabs pa yis// rang rang rtogs pa 'dir spros shig/ de skad ces ni gsungs pa dang // rnam gzigs gtsug tor thams cad skyob// bsod skyob 'khor 'jig rin chen mang // sangs rgyas mar me mdzad rnams kyis// rang rang dgongs pa las langs nas// go rim bzhin du rtogs pa brjod// skye med rig pa 'di nyid la// 'gag med rig pa rang shar bas// gsal la rig pa byang chub rgyun// ma bsgoms gol med chos kyi sku// nges pa'i lung dang mthun pa yi// rtog pa'i ye shes ma 'gags gsal// brjed med rig pa 'di nyid la// ngos gzung med pas rang yid ches// ma btsal rig pa byang chub sku// kun gzhi gzhi cha de nyid las// rang gsal ngo bo bde chen klong // yid ches don la 'gyur ba med// gsal dran stong pa chen po la// bying rgod zhen 'dzin skyon bral bas// ngang du bzhag pas ci yang med// de tsam nyid na lta sgom
- 47a
gcig/ snang ba med pa'i ye shes 'di// rgyu rkyen ma byas rang sems don// yin la rang sems chos skur gsal// ma rig rtog pa gdod nas sangs// shes pa rang lugs 'di nyid la// ci yang mi bsgom da lta nyid// 'du shes ma bzung don gsal ba// ye shes zang thal nyams med rtags// dngos med lta ba shes shing rig/ rig tsam nyid nas ngang gis stong // rig stong gsal ba mtha' dbus med// gang dran ngo bo ye shes thugs// ye shes sku ni yang ston cig/ log dad sel dang 'od srung dang // rin chen snying po dbang po zhi// pad+ma brtsegs dang gser thub dang // shAkya thub rnams go rim bzhin// rang rang rtogs pa 'di brjod pa// nam mkha' lta bur khyab pa yis// rang byung ye shes chos kyi sku// snang srid gsal la spong sdud med// rig pa gsal ba ye shes yin// phyi rol yul gyi snang ba yis// 'khor 'das mi rtog sa le ba// gnyen pos mi bsgom da lta nyid// rang byung de nyid chos sku yin// rang la gnas pa'i don rtogs pas// ma bsgoms rig pa 'di nyid la// nang gsal phyi la ma yengs pas// rkyen bzhis mi shigs rdo rje 'dra// dngos med sems kyi ye shes 'di// gsal la 'dzin pa rdul tsam med// 'dzin med rig pa 'di nyid la// de la ched du bsgom mi dgos// chos nyid gnas lugs zhes bya ba// skye bo rang sems yin/
- 47b
rtogs na// gzhan du mi bsgom da lta'i sems// de nyid las ni bogs mi 'don// dang po'i ngo bo nyid kyi sku// de rtogs chos sku 'gyur med la// ma bcos rang gsal 'dzin med pas// de las gzhan pa bsgom du med// rgyun gyi gdams ngag don rnyed pas// tha mal lus dang bcas pa yis// rang sems snying po rtogs pa'i phyir// da lta'i chos sku kha mig can// lus kyi nang na ye shes bzhugs// de yang kun bzang nges par gson// me tri mthu chen thob dang ni// thugs rje can dang 'jam pa'i dpal// dri ma med dang phyag na rdor// dga' ba'i dbang po rnams kyis ni// rang rang rtogs pa'i don brjod pa// da lta'i shes pa 'di nyid las// gzung 'dzin med pa'i byang chub sems// de la yid ches rig pa'i rgyun// lhun gyis grub ces de la bya// 'khrul pa'i rtog pa cir snang yang // don gyi dgag bsgrub ma zhugs na// zab cing cha phra rtogs don de// rgyal ba rnams kyi dgongs pa yin// snga phyi zhen pa'i yul rnams la// rtog pa ma zhugs yengs med don// bsgom du med par ye nas shes// de tsam nyid na rgyun mi 'chad// dus dang gnas skabs thams cad du// rang sems rnal du rig pa la// rgyun mi 'chad du ye shes gsal// de nyid don la 'gyur ba med// skye shi med par rang gi sems// de rtogs bsgom du rdul tsam med// de nyid rig pa byang
- 48a
chub sku// ma bsgoms 'bral med bde ba'i mchog/ brjod du med pa'i shes rab las// dmigs pa med pa'i ting 'dzin gsal// ma bsgoms ye shes da lta nyid// 'byung 'jug med pa rgyun du gnas// rang sems snying po 'di nyid ni// ci yang ma bcos rang rig gsal// de nyid rang rig byang chub sems// de la mi btsal don la bzhag/ dus gsum sangs rgyas de dag gis// rang rang rtogs pa brjod pa'i phyir// de don sangs rgyas thams cad kyi// dgongs pa gcig phyir ye shes mthun// rdzogs pa chen po lta ba'i yang snying / nam mkha' klong yangs kyi rgyud las/ dus gsum sangs rgyas rnams kyi rtogs pa brjod pa'i le'u ste nga gcig pa'o// // de nas rig 'dzin sems dpa' ni// rdo rje snang ba ye shes spyan// ye shes dpal dang rdo rje dbyings// yon tan snying po dpal 'bar ba// skyon med grags dang dpal ldan bde// grub pa rtsal dang las kyi sems// go rim bzhin du rtogs brjod pa// thog ma'i ye shes 'di nyid ni// dmigs 'dzin med par ngang gis gsal// 'gag pa med la rig pa stong // de las mi 'da' sangs rgyas thugs// rin chen 'od kyis mun sel ltar// rang sems rtogs pa'i don 'di la// dran pa ma yin ma rig med// gang yang ma bsam 'gyur med don// spros bral gnyug ma'i sems 'di
- 48b
la// gol sa lta bar shes pa'i phyir// btsal du med de yul las 'das// bsgom du med phyir yengs pa med// 'dus ma byas pa'i ye shes ni// skye shi med pa rang gi sems// zhe sdang skyon gyis mi gos te// don ldan phyir na rang sar grol// da lta'i rang sems 'di nyid la// 'gag pa med pas rig pa stong // ci spyad don las mi 'da' bar// snying po'i don la 'gyur ba med// ji bzhin pa la ma skyes phyir// nga rgyal skye med ngo bo nyid// de phyir mi dmigs chos kyi sku// btsal bas mi 'gyur bde chen klong // dus gsum med de rang sems las// dngos med ye shes gsal ba'i phyir// gzung du med par zhe ma gcod// ci spyod chos nyid longs spyod rgyan// lnga phyi ma song don gsal don// pho mo chags pa ci spyad kyang // gol med ye shes rgyun mi chad// bde chen longs spyod chen por shar// re dogs med pa'i lta ba la// rtsol med pa yi ting 'dzin gsal// rang yid ches la khar mi thon// de nyid byang chub bde ba'i klong // nor bu chu dngas dpe bzhin du// snang srid gsal la zhen med do// dran pa tsam gyis ye shes gsal// de phyir nyams kyi dam pa yin// de yang 'dus pa'i snying po nyon// rgyal sras sprul pa dad ldan gyis// rang rang rtogs pa'i don brjod pa// zhal mthong sprul pa bdag gis ni// dus gsum rang sems 'gyur med de// mtha'
- 49a
dbus med par rig pa gsal// gang yang ma spangs gnas su dag/ de nyid rtogs pa chos kyi sku// dad ldan rnal 'byor bdag cag gis// chos sku rang chas don rtogs pas// nges pa'i lta ba'i gdeng ldan pas// rtsol zhing sgrub pa'i nad dang bral// re dogs med par lam du rtogs// de skad brjod cing gsal ba'i don// thugs kyi dgongs pa bka' stsal pa// legs so don ldan 'khor rnams nyon// shes rab blo yis khyad par 'phags// tshig tu mtshon pa sna tshogs kyang // don la dbyer med ngo bo gcig/ gcig la rtogs tshul kun gyi ngang // don la 'gyur ba rdul tsam med// rdzogs pa chen po lta ba'i yang snying / nam mkha' klong yangs kyi rgyud las/ 'khor gyis rtogs pa brjod pa'i le'u ste nga gnyis pa'o// // de nas dus gsum sangs rgyas dang // rig pa 'dus pa'i rgyal sras 'khor// dad ldan la sogs 'khor rnams kyis// rang sems rtogs pa mngon 'gyur nas// dga' ba'i sems kyis yid rangs te// kun tu bzang la 'di skad gsol// 'bras bu'i sangs rgyas da lta nyid// rang sems ma dang tug gis phrad// de phyir chos sku da lta nyid// sems dpa' rdo rje dge ba che// 'dren mdzad khyod la phyag 'tshal lo// de skad gsol pa'i don go nas// rdo rje sems dpas yang gsungs pa// sangs rgyas thugs
- 49b
kyis byin brlabs pas// dgongs pa ma lus bcud bsdus pa'i// man ngag tshegs med nying khu 'di// gal te phyi rabs rnal 'byor pas// don 'di 'chad cing ston srid na// dad pa rab ldan brtson 'grus che// dul zhing gus par bla ma 'khur// dam tshig gzhung ldan dbang rnams rdzogs// blo rno chags med bzod pa che// gtad pa dang len chud mi gsan// gdung ba'i sems dang mi 'bral zhing // phyi ma byang chub don du gnyer// dka' dgu bsngos nas zhus pa'i tshe// dus gsum sangs rgyas dpang btsug la// ging chen dam med shan par bsgo// rgyal chen bzhi ni mtshams par btsugs// gzhan la mi spel mna' bor te// chos kyi gter gyi 'byung gnas 'di// man ngag snying po tshang bar bstan// tshogs kyi mchod pa ci nus bya// de ltar mi nus snod ngan na// dper na don med g.yengs pa wa// gzhan la khro zhing gtum pa dom// rtag tu dran myos glang chen skyon// med pa za 'dod lce spyang kha// kha 'jam don 'khri reg 'jam spu// bslab pa mi nyan dud 'gro phyugs// byi la mnog chung 'tshang rdzogs la// snying sgor phyung yang mi bstan no// srog chad pa yi kha bzhin sdoms// de lta bu yi snod ngan la// man ngag zab mo ci bstan kyang // dad chung man ngag kun la spel// bla ma smod cing rang che 'byin// de lta bu yi mi ngan la// 'di spel tshe thung nad
- 50a
mang dang // yid du mi 'ong rkyen rnams 'byung // dam gri langs pa ma yin te// sangs rgyas rnams kyi bka' chad 'byung // de phyir shin tu klung 'di sngos// chos stong yod pa'i gtsug lag khang / 'dre yod pa'i brag dkyil du// smon lam btab nas sbas la bzhag/ rdzogs pa chen po lta ba'i yang snying / nam mkha' klong yangs kyi rgyud las/ rgyud gtad pa'i le'u ste nga gsum pa'o// // rdzogs pa chen po lta ba'i yang snying rdzogs so// // rdzogs pa chen po lta ba'i yang snying / sangs rgyas thams cad kyi dgongs pa nam mkha' klong yangs kyi rgyud ces bya ba/ gser gyi dril shing can 'di/ dang po ngo bo nyid kyi skus/ rgyal ba kun tu bzang po la bshad/ des rdo rje sems dpa' la bshad/ des dga' rab rdo rje la bshad/ des bram ze bde mchog snying po/ des shrI sing ha la bshad/ des bi ma mi tra la bshad/ des myang ting 'dzin bzang po la bshad/ des gter du sbas pa/ 'bro ma ye shes bla ma'i bu/ 'bro ma ye shes snying pos bton nas/ des myang shes rab mchog gi sras/ des shangs kyi ston pa lce chung ba ye shes rgyal mtshan la bshad/ des bla ma gnyen chung la gnang ba'o// // rgya gar gyi mkhan po bi ma la mi tra dang bod kyi lots+tsha ba dran pa ye shes kyi bsgyur cing gtan la phab nas/ myang ting 'dzin bzang pos/ bram ze'i rgyud drug
- 50b
gdams pa dang bcas pa/ bse sgom smug por bcug nas/ dbu ru gzong phug mo'i brag la mkha' 'gro ma rdo rje rgyan gcig ma dang / badz+ra sA d+hA legs pa rtsal la gtad nas sbas pa rdzogs so// rgya gar skad du/ san+ni ma hA bud+d+ha sarba sa mA d+hi/ d+har+m+ma kA ya e ka sa mu dA ya ka thA sam+ba tar+tha rat+na gu Na sa mu da ya tan+t+ra na ma/ bod skad du/ rdzogs pa chen po sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud ces bya ba/ dpal kun rig chos kyi sku de kho na nyid ma nor bar rtogs pa'i don dang ldan pa de la brjod med nan tan rig pa'i klong du phyag 'tshal lo// 'di skad bdag gis gsungs pa'i dus gcig na/ rang byung rig pa'i ston pa de// 'og min klong gi gnas mchog na// nyid las mi gzhan rtogs pa'i 'khor// don gcig bstan pas mngon gyur to// de tshe chos kyi snying po de// bzhengs pa med pa'i ngang las bzhengs// rang rig ye shes 'gyur med don// brjod med snying pos bka' stsal pa// rang byung ngo bo rnam dag 'di// 'dzin pa'i yul med mtha' las grol// blo yis ma bcos don dang ldan// rtog med mnyam nyid chos nyid don// de skad don gyi bka' stsal pa// ji bzhin sems dpas don rig nas// rang gi yid kyi rtog bsal phyir// ting
- 51a
'dzin dang las 'di skad gsol// don chen smra ba'i seng ge khyod// chos kyi sgo mo bsam yas kyang // btsal med zug med brjod du med// de don bdag la bshad par mdzod// de skad zhus pa'i don gsan nas// mnyam pa'i don las rab bzhengs nas// brjod med don du bstan pa'i phyir// don gyi byin rlabs bka' stsal pa// brjod bya tshig don dgos pa yi// nyid dgos 'brel bcas don ldan pa// rgyud rnams kun la tshang ba gces// de phyir nges don bshad pa yin// de yang rdo rje sems dpa' nyon// ye nas gnas pa'i ngo bo la// yin min brtags pa'i the tshom de// rtog bral shes pa rang gnas phyir// re dogs med pa'i don mthong gyis// de skad don gyis gsungs pa dang // 'dus pa'i snying po sems dga' nas// ji bzhin las kyi rgyud dag tu// rang gi rtogs pa mngon gyur nas// kun bzang rig pa'i ston pa la// bden pa'i dgongs don 'di skad gsol// rtsod bral yang ti'i rtogs tshul ni// yul med rang byung ye shes la// zhen pa med pa'i rig pa shar// gza' gtad med pa'i ngo bor rtogs// de skad ces ni zhus pa dang // de yi bsam pa thugs chud de// kun rig ston pas bka' stsal pa// de ltar rtogs pa'i byin rlabs kyis// phyogs bcu dus gsum ma lus pa'i// sangs rgyas ji snyed gang bzhugs
- 51b
pa// chos nyid chos skur dgongs pa gcig/ gzhan na sangs rgyas rdul tsam med// de skad gsungs ma thag tu ni// de tshe dus gsum sangs rgyas dang // rdo rje 'chang gi rig 'dzin dang // rgyal sras sprul pa'i mgon po dang // dam btags mkha' 'gro sde lnga dang // dad ldan lha mi las can kun// khab len la ni lcags 'du bzhin// mos gus dad pas 'dus nas ni// las dang thugs rjes 'dus nas 'khod// rdzogs pa chen po sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyu las/ dpe don ched du gsungs pa'i gleng gzhi'i le'u ste dang po'o// // de nas kun rig rgyal po la// 'dus pa'i 'khor gyi don ched du// rdo rje sems dpas don zhus pa// sems can ma rig bsal ba'i phyir// gdul bya'i bsam pa'i khyad par las// ci rigs par ni bka' bgros la// nges don snying po bshad du gsol// zhus pa'i don gsan bka' stsal pa// nga yis byin gyis brlabs pa yis// sangs rgyas ma lus 'dir 'dus pa// sku med gzugs skur mngon bzhengs la// gsung med rig pa'i don sgrogs pas// rang sems snying po rtogs pa'i thabs// chos nyid gnas lugs gang yin pa// rtog med thugs rjes bka' bgros la// sems can don du byin gyis
- 52a
rlobs// de skad ces ni gsungs pa'i don// sangs rgyas sems dpa' kun gyis kyang // gang zhig zhu bar ma spobs nas// mnga' bdag rdo rje sems dpa' yis// phyi rabs dang ldan don ched du// nges pa'i dgongs don 'di skad gsol// dus gsum sangs rgyas ma lus kun// nges don mnga' bdag khyed yin pas// rtsol bcas chos ni mthar bton pas// rtsol med theg pa mi gsungs pa// blon gyi thugs dam yal lam ci// ma nor chos nyid bshad du gsol// de skad ces ni zhus pa yis// sangs rgyas 'ub chub 'dus kun nas// rang rang dgongs pa'i don bsdur nas// bka' yi bgro ba mang du bgyis// zhus pa'i don gsan bka' stsal pa// gzhi nyid rtogs pa lam gyi mchog/ de nyid ma bral mngon gyur pas// 'bras bu sangs rgyas da lta nyid// skye ba gzhan du btsal mi dgos// de yang rdo rje sems dpa' nyon// ma nor sangs rgyas dgongs pa nyid// nga yis nga nyid bgros pa las// sangs rgyas sems can ma lus kyi// nga yi bka' ni bgro nus med// ma gsungs rgya cher bshad pa 'dra// de yang 'dus pa'i snying po nyon// rgya cher ma gsungs don de ni// yul la zhen pa med pa'i phyir// shes pa rang gsal rig pa la// yid la dran dang ma dran pa// gang gi phyogs lhung med pa'i phyir// ma bsgoms ye nas 'bral ba
- 52b
med// gang yang yin phyir gol sgrib med// de yi yon tan brjod mi langs// de skad ces ni gsungs pa dang // rdo rje sems dpas don go nas// ma rig sangs pas chos sku rgyas// de phyir rtogs pa mngon du gyur// rang bzhin lta ba gdeng ldan pas// 'bras bu'i sangs rgyas da lta 'byung // sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ bka' bgros pa'i le'u ste gnyis pa'o// // de nas kun rig ston pa yis// phyi rabs rnal 'byor don ched du// bcud dang snod du rim pa yis// 'dus pa'i 'khor la bka' stsal pa// bla ma don ldan nges pa'i bcud// phyi nang dbang rnams rdzogs nas ni// thun mong ma yin khyad 'phags pa'i// rang rig ye shes dbang gsum ni// dad pas mnos pas bden pa mthong // bla ma de yi yon tan ni// chos rgya che la gdams ngag zab// bka' yangs snying rje rab tu ldan// mi brjed pa yi gzungs ni thob// nges pa don gyi gdeng yod phyir// gcig pur gnas kyang skyo ba med// lta ba rtogs pas bdud mi tshugs// ting 'dzin yengs med khams mi ldog/ tshul 'chos med cing drang por mdzad// chags chung ci byed chos dang mthun// ngo dgar mi btang snod la rtog/ dad pa can la gdams ngag yangs// sangs rgyas dgongs
- 53a
pa thugs la 'chang // de yang rdo rje sems dpa' nyon// slob ma'i snod kyi mtshan nyid ni// dad ldan khyad 'phags shes rab can// 'og ma'i rjes su mi 'brangs par// gsang sngags bka' la rtog pa mkhas// man ngag chos la shin tu mos// bla ma la gus phyi thag ring // chags med dbul nus dad pa brtan// chos kyi gzhung 'dzin spyod pa mkhas// lag tu bstod cing yon tan brjod// gzhan gyi sgro skur zi la gyis gnon// thabs la mkhas pas mis mi sdang // gtad pa dang len chud mi gzon// de ldan slob ma 'byung srid na// 'bral med ye shes rang shar don// rgyud drug yang snying yin pa'i phyir// bstan ma zag tu rtogs pa'i chos// snod ldan gsang thub 'ga' la bstan// sangs rgyas thams cad kyi dgongs pa chos sku gcig tu 'dus par bka' bgros pa'i don rin po che yon tan kun 'byung gi rgyud las/ snod bcud bstan pa'i le'u ste gsum pa'o// // de nas 'dus pa'i tshogs rnams la// rtsa ba mdor bsdus bka' stsal pa// chos rnams kun gyi rtsa ba ni// 'khor 'das gzhi yi ngo bo nyid// de ma shes par lung ma bstan// de las 'khrul pas 'khor bar smin// de yang 'dus pa'i snying po nyon// phyi ba mu stegs rnam gnyis dang // nang pa sangs rgyas khas 'che ba'i// nyan thos rgyud lung yan chad kyis// gzhi nyid ma shes
- 53b
'khrul pa'i phyir// bsgom gol bdud bslus par dor 'khyams// de yi ldog chos shes pa dgos// 'khor 'das ma rig nges pa'i don// bka' rtags lnga yi don bsdus pa// dad ldan 'khor la ngas bshad kyis// rang gi sems la nges par chongs// de yang 'dus pa'i snying po nyon// rig 'dzin grub thob bka' rtags ni// sras la rgyal srid gtad pa bzhin// lung ldan nges pa'i gdams ngag ni// slob ma dad ldan 'ga' la gtad// rig pa byin rlabs bka' rtags ni// rin chen gser 'gyur rtsi bzhin du// tha mal shes pa 'di nyid las// rang rig chos skur byin gyis brlabs// nyams su sbyong ba'i bka' rtags ni// bde ba snying la zhen pa bzhin// rang rig chos skur ngo sprad pas// zhen med nyams dang 'bral mi phod// la zlo spyod pa'i bka' rtags ni// mar gyis 'o ma 'thungs pa bzhin// ci spyod 'bral med chos skur shes// gol med la zlos don mi 'bral// 'bras bu mthar phyin bka' brtags ni// nor bu rin chen rnyed pa bzhin// chos rnams chos skur gcig shes pas// 'khor stongs sangs rgyas smos ci dgos// de yang 'dus pa'i snying po nyon// bka' rtags lnga ni gcig shes na// rang sems rtogs pas gzhi dang phrad// de phyir chos sku 'bral med lam// 'bras bu 'gyur med sangs rgyas yin// de yis de nyid mtshon pa'i
- 54a
dpe// mdzub mo la brten zla ba mthong // gdams ngag la brten lhag mthong shar// don rtogs klong nas ye shes 'phyo// rig pa chos sku rnam pa gnyis// tha dad med de nyi zer tshul// don la dbyer med chos kyi sku// rgyu rkyen ma bskyed ye nas yin// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las// gdams ngag rtsa ba gcig tu 'dus par bstan pa'i le'u ste bzhi pa'o// // de nas rdo rje sems dpa' yis// 'dus pa'i tshogs la phan gdags phyir// kun rig chos kyi rgyal po la// bden pa'i dgongs don 'di skad gsol// 'khor 'das gzhi ni gang gis bgyis// ma rig gzhi ni gang gis btsal// de las 'khrul pa ji ltar byung // de skad zhus pa'i don gsan nas// 'dus pa'i 'khor la bka' stsal pa// ye nas gnas pa'i gzhi nyid ni// skye ba ma blangs dus na yang // rgyu rkyen ma skyes ye yod phyir// sgro skur bral dang ma bral ba'i// rtogs dang 'khrul pa gang yang med// rig dang ma rig shan ma phyed// yengs dang ma yengs ngos ma zin// rang rig had de tsam yod kyang // gang gi 'du shes ma zhugs pas// bya ba btang ba'i mi bzhin du// 'dzin med don gyi ma zin pas// rang bzhin lus su ming btags te// gzhi nas ma
- 54b
rig med pa'i phyir// bag chags ma gos 'khrul ma myong // rtogs pas ma bzhag sangs ma rgyas// phyi yi 'byung ba ma chags phyir// rgyu dang rkyen gyis 'dus ma byas// de yang 'dus pa'i sems dpa' nyon// rang bzhin gzhi yi mtshan nyid ni// rtogs dang ma rtogs cha med phyir// 'khor ba myang 'das gnyis kyi gzhi// kun la yod pas gzhi zhes bya// sangs rgyas thams cad kyi dgongs pa chos sku gcig tu 'dus par bka' bgros pa'i don rin po che yon tan kun 'byung gi rgyud las/ 'khor 'das kyi gzhi bstan pa'i le'u ste lnga pa'o// // de nas kun rig rgyal po yis// ji ltar 'khrul tshul bka' stsal pa// dang po 'khor 'das par do la// ji zhig ltar la yengs tshul gyis// 'khrul gzhi med las 'khrul pa byung // med las byung ba ya mtshan che// de yang 'dus pa'i snying po nyon// rgyun tsam ci zhig dran pa snyam// ji zhig dran dang ma dran gyis// gang blo mi 'jug don mi shes// ma rig gzhi ni lung ma bstan// 'khrus gzhi med pa'i 'khrul pa de// rang bzhin lus de gya gyu yis// med las yod dran yud tsam byung // de nyid rang brjed rim gyis bsgribs// de nyid dus mnyam lung ma bstan// de yang 'dus pa'i snying po nyon// 'khor 'das gzhi ni ma shes rtsal// 'khor ba'i gzhi ni de yin phyir// gya gyu tsam du dran yod kyang // de ma shes pa de kho nas// ma
- 55a
rig sgo lnga'i rten byed phyir// 'khor bar skye ba'i gzhi ma yin// nyi nub nam ni ma gros 'dra// rdzogs pa chen po sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ 'khor ba'i gzhi shes lung ma bstan pa'i le'u ste drug pa'o// // de nas 'dus pa'i 'khor rnams la// ji ltar 'khrul pa bka' stsal pa// 'khrul gzhi med pa'i 'khrul pa de// gong 'og drug 'dzom gti mug nges// ma rig bskyed pas rgyu byas nas// mig la ling tog byung ba bzhin// lhan cig ma rig gsum du smin// de nas ma rig sbubs nang nas// pho mo ma ning ma yin pa'i// rgyu 'dra gzugs nyid rdzus skyes byung // 'jig rten me dang ma rig rgyas// zla drug lon nas pho mor smin// des sbyar 'bru drug dug lngar skyed// de la skye ba rnam bzhi yis// 'gro drug sems can tshang bar byas// 'khrul gzhi thog ma de las byung // de yang 'dus pa'i snying po nyon// med pa la ni yod 'dzin pas// 'khrul gzhi las ni 'khrul pa byung // dper na tho yor mir mthong tshe// tho yor mi ni ma yin te// ji zhig ltar la mi ru mthong // de bzhin gzhi la ji zhig ltar// glo bur rkyen gyis bskyed pa yis// sems dang bag chags kun gzhi byung // de yang 'dus pa'i snying po nyon// med pa la ni yod par
- 55b
rtogs// 'khrul pa rnams kyis shes pa las// rgyal ba kun gyis mi mkhyen phyir// nges don gzhi la 'khrul pa med// glo bur sems las 'khrul pa byung // zag pa sbrul du 'dzin pa bzhin// de las skyes pas 'khor bar 'khyams// de yang rdo rje sems dpa' nyon// da lta gang na gnas pa'i tshe// 'khrul gzhi yod la kun brtags gsum// byung tshul ma shes gti mug gis// de phyir thog mtha' med par gnas// de nyid ma shes tha mar ni// nges don med pa'i sngags btsun kun// chu bo bzhi las thar pa med// 'khor ba'i sdug bsngal bsam thag chad// de phyir gdeng med rtag tu 'khyams// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ 'khor ba'i byung tshul bstan pa'i le'u ste bdun pa'o// // de nas rdo rje sems dpa' yis// 'dus pa'i 'khor la phan gdags phyir// kun tu bzang la 'di skad gsol// phyin ci log tu blos bsgyur ba'i// mu stegs rtag chad ji ltar 'khrul// phyogs tsam kha 'dzin theg pa dgu// rang gi gzhi las ji ltar 'khrul// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// mu stegs rtag pa'i 'khrul dpe ni// sman ni dug tu 'dzin pa bzhin// dbye ba drug gi don
- 56a
mtshon de// ngo bo mi 'gyur gzhi byas nas// kha dog dbyibs can dag tu 'khrul// log pa'i dka' thub dmyal bar ltung // rig pas brtags pas bdag ma grub// de nyid la zlos chos sgra nyid// de las gzhan pa'i sangs rgyas med// de yang 'dus pa'i snying po nyon// mu stegs chad pa'i dbye ba ni// kha dog dbyibs med chad gzhi byas// snga phyi rgyu 'bras med par 'khrul// skur btab dmyal ba chen por lhung // chad du min te rig pa yod// de phyir gzhi la gol sa med// rang byung ye shes klong na gnas// de yang 'dus pa'i snying po nyon// spre'u 'dras log par khrid kyang ni// gzhi nyid rtag chad mthar mi ltung // bcos shing bsgyur bas gzhi mi 'gyur// de phyir lung ldan gdams ngag gces// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ mu stegs kyi 'khrul tshul bstan pa'i le'u ste brgyad pa'o// // kun rig ston pas yang gsungs pa// nges don gzhi yi phyogs cha tsam// theg dgu 'khrul par ngas bshad nyon// nyan thos 'khrul pa'i dbye ba ni// snang ba phra rag yul gyi gzhi// gang zag bdag med chos bdag yod// zhi ba phyogs gcig thar mi thob// lhag mthong med phyir skye bo rang // snang ba spang med don shes pas// zhen med yul snang
- 56b
chos kyi dbyings// de yang rdo rje sems dpa' nyon// sems can kun gzhi'i rtog pa de// gong 'og shes dag skad cig 'dod// rig pa rang rkyang skad cig gol// rtag dang khyad med sgro 'dogs nor// chos sku rang rig 'gyur ba med// de yang 'dus pa'i snying po nyon// dbu ma pa yi 'dod gzhung de// ngo bo dngos med gzhi byas te// yul sems gzhi pas stong par 'khrul// ci yang med pa'i skye mched ltung // chad dang khyad med stong par gol// stong rig shes pas chos sku yin// de yang 'dus pa'i snying po nyon// yang dag mtha' tshig rnam gsum yin// phyogs tsam rtogs pas gzhi ma shes// de phyir nges don mi mthong bas// tshig tu bden te don la gol// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ rgyu mtshan nyid kyi 'khrul tshul bstan pa'i le'u ste/ dgu pa'o// // de nas 'dus pa'i tshogs rnams la// kun rig rgyal po chos sku des// phyi rgyud 'khrul tshul bka' stsal pa// nam mkha' smig rgyu'i dpe bzhin du// dag pa chos nyid kri ya'i gzhi// bzang ngan gtsang sme dngos grub re// grub pa mi thob byol song rgyu// gtsang spras mi grol rtog pa nyid// spyod pa ma yin gzhi dag sku// de yang 'dus pa'i snying po nyon// yo ga rnal 'byor sems dpa' yis// dbyer med
- 57a
chos dbyings gzhi byas nas// byang chub rnam lnga 'dod pa 'khrul// bsgom pas ma grol 'dod khams lha// sems tsam pa dang khyad med gol// la zlo rig pa chos skur shes// de yang rdo rje sems dpa' nyon// de dag kri yog rnam gsum yang // gzhi nyid ma nges blo 'gyur cing // nam mkha' dag la 'dzin pa bzhin// don la 'khrul par the tshom med// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgud las/ phyi'i 'khrul tshul bstan pa'i le'u ste bcu pa'o// // de nas 'dus pa'i tshogs rnams la// kun rig chos kyi rgyal po yis// bskyed rdzogs rnam gsum 'khrul pa yi// don gyi dbye ba bka' stsal pa// nam mkha' sprin dang khu rlangs bzhin// rnal 'byor ma hA yo ga yis// bden pa dbyer med 'dod pa'i gzhis// rtog tshogs lha ru bsgom pas 'khrul// don med bgegs dang ru trar ltung // dbu ma dang 'dra 'bras bus gol// lam la mi brten rtogs pa'i mchog/ de yang rdo rje sems dpa' nyon// a nu yo ga'i dbye ba ni// kun gzhi mkha' klong gzhi byas nas// snang ba kun bzang rol par 'khrul// yod min med min skye mched ltung // mkha' klong dbu ma chad dang 'dra// la zlo chos kyi dbyings nyid yin// man ngag a ti'i 'khrul tshul ni// spyi dang kha
- 57b
'byams lung tshig spang // de dag gol sar ngas bshad nyon// rin chen gser sbrul mthong ston bzhin// spyi tsam la ni brten pa'i gzhi// mkhas su re nas tha snyad 'dogs// don med nam mkha'i mtha' tshol 'dra// tshig tu shes pas don ma rtogs// tshig dang don yin zer bas 'khrul// de yang rdo rje sems dpa' nyon// kha 'byams pa yis 'khrul pa de// snang ba sems rgyud gzhi ru byed// kun brtags lhun grub bcu ru 'khrul// 'bras bu mi 'byung log par gol// gzhi dang ma mthun lung rigs 'gal// gzhi nyid ma shes skye bo rang // de yang 'dus pa'i snying po nyon// tshig zin lung gi 'khrul pa de// tshig tsam lung khungs gzhi ru byed// dgongs pa rnam gsum ma shes 'khrul// tshig tsam lung gis don mi rtogs// lung med don go ye sangs rgyas// de yang 'dus pa'i snying po nyon// de dag rgyud lung man ngag gsum// 'khor 'das gzhi ni[:]ma shes phyir// nyi ma sprin gyis bsgribs pa bzhin// don dang bral phyir gdams ngag dgos/ sangs rgyas thams cad kyi dgongs pa chos sku gcig tu 'dus par bka' bgros pa'i don// rin po che yon tan kun 'byung gi rgyud las/ bskyed rdzogs rnam gsum 'khrul tshul bstan pa'i ste bcu gcig pa'o// // de yang rdo rje sems dpa' nyon// de dag 'khrul pa bzlog 'dod phyir/ mi rtog thabs
- 58a
kyi bsgom gol bas// lhag med gzhi gnas zhen pa las// bdud 'byung bar chad zhen las byung // yon tan skyon du ma shes pas// bar dor 'khyams par nges pa'i phyir// de yi dbye ba ngas bshad nyon// gdams ngag med pa'i lus ngag 'di// rtog bkag rtse gcig gang bsgom pa'i// rgyud lung man ngag bsgom pa de// 'khor 'das snang ba sems bsdus nas// rig pas rtag chad mtha' bsal te// mi dmigs tsam la bsgoms pa'i thabs// bying rgod gnyis kyi mtha' bsal nas// bde la mi rtog lhang nge tsam// de tshe ma rig dug lnga ni// ma rig bzhin du bag la nyal// bsgom btang dug lnga skyes pa'i tshe// byams dang snying rjes zil mnan nas// dad pa dang ni brtson 'grus kyis// yang nas yang du bsgom par byed// de yang 'dus pa'i snying po nyon// mthun 'jug thabs kyi spyod pa yang // 'og ma'i chos dang sgo bstun nas// dge sdig shan thang phyed par spyad// de la mi dmigs don zin bya// blta bsgom spyod gsum 'dzom pa'i tshe// 'bras bu tshogs gnyis nam rdzogs na// sgrib gnyis byang nas sangs rgyas 'dod// de las lhag pa'i chos med zer// gzhi ni ma rtog bag nyal te// ji tsam bsgom kyang bag med gol// nan tan rtsol bas ci 'bad kyang // ri dgas smig rgyu bsnyeg 'drar 'khrul// de yang 'dus
- 58b
pa'i snying po nyon// thabs kyis rig pa byin brlabs pas// sman dang yi ge'i dbang gis 'dus// rtsa dang thig le bde bsgom pas// shes pa 'gyur nas de la zhe na// de phyir mi grol shin tu 'ching // mi rtog thabs kyi bde 'dod gol// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ ma rtogs par bsgom pa gol bar bstan pa'i le'u ste bcu gnyis pa'o// // kun rig ston pas yang gsungs pa// rnal 'byor lta med nyams zhen pas// bdud kyi cho 'phrul mngon shes 'byung // de tshe lta sgom spyod nyams bdud// bar du bcad nas 'khor bar 'khyams// de yang 'dus pa'i snying po nyon// de bzlog don du gdams ngag gis// ye nas gzhi la bdud med kyang // rang sems 'khrul pas bdud du byung // de phyir mi bslu'i gdams ngag dgos// dang po lta dman blo dman la// snang ba 'od dang grag pa sgra// 'jigs pa'i gzugs dang bslu ba'i rdzun// re re la ni drug drug tu// phye la bstan gyis nges par zung // de yang 'dus pa'i snying po nyon// snang ba 'od kyi bdud byung na// lha med mun las snang byung bas// dge sdig mthong ba'i snying rje zhugs// 'gro don bya mno ting 'dzin btang // nges med lhag mthong mi g.yo dran// gzhi la mi 'gyur 'ja'
- 59a
mtshon 'dra// dmyal ba'i gnas kyang sangs rgyas zhing // de yang 'dus pa'i snying po nyon// grag pa sgra yi bdud byung na// mkha' la sgra dang chos ston 'byung // dga' bas ngom nas ting 'dzin/ btang // bka' 'gal chos brgyad 'khor bar ltung // lta bas gdeng zin sgra dang bral// sgra brnyan rtag med rjes mi 'brang // 'tsher lhang gsung gi 'khor lor bde// 'jigs pa'i gzugs kyi bdud byung na// rmi lam dngos dang 'jigs pa'i gzugs// mi dge'i don dran mo chog byed// sems ngan tshe zung yi mug byung // snang gzugs gzhi la med par shes// snying po med ces nyam mi nga // de nyid thub drug sku ru mthong // de yang 'dus pa'i snying po nyon// bslu ba rdzun gyi bdud byung na// dus gsum legs nyes ston pa 'byung // bden dang mi bden tha ma rdzun// mngon shes drug pas zhe sdang cha// tshig las 'das phyir rdzun ma grub// rmi lam bzhin du 'khrul par shes// don rtogs ci smras rgyal ba'i bka'// de lta bu yi bdud bzhi yang // 'khrul ngor yod kyang don la med// gdams ngag can la gnod mi tshugs// de phyir rang sems rtogs pas chog/ sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ lta ba'i bdud
- 59b
zil gyis gnon par rtogs pas chog par bstan pa'i le'u ste bcu gsum pa'o// // kun rig ston pas yang gsungs pa// bsgom pa'i bdud bzhi dbye ba'i phyir// bying ba bsal ba'i bdud bstan pa// bsgom med nan tan 'bad nas bsgom// myos pa'i dbang gis gsal ba byed// gnyen pos bsal bas don dang bral// gnyid gsum bsre shes gti mug brlag/ chos nyid klong du gnyid thim shes// sangs rgyas ye shes klong du thim// de yang 'dus pa'i snying po nyon// rmugs pa bde ba'i bdud byung na// nges don chos sku ngos mi zin// shes pa mun sangs lhag mthong med// bsgom pa byas kyang gti mug 'phel// rang rig dran pas ye shes gsal// lta bas zin phyir chos kyi sku// 'bras bu 'gyur med ye shes klong // de yang 'dus pa'i snying po nyon// rgod pa mi rtog bdud byung na// gdams ngag med phyir 'dun par dga'// don btang nas ni mi chos byed// spong sdud zhen pas yul la zhe na// spang phyir rig pa'i don zin pas// ba mo nyi shar bzhin du stongs// gdeng zin chos dbyings gnas kyi mchog/ 'phro ba mi g.yo'i bdud byung na// don la goms par ma byas pas// rig tshor dran pa phra mo rgyu// don med rkun bu yang yang rgyu// mi brjed pa yi gzungs kyis zin// rnam rtog rang zhi rig pa gsal// thams cad chos skur 'bras
- 60a
bu mchog/ de dag bsgom pa'i bdud bzhi yang // lhag mthong med las byung ba la// gdeng ldan nges pa'i rnal 'byor la// bsgom du med cing bdud rnams stongs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun byung gi rgyud las/ bsgom pa'i bdud zil gyis mnan pa'i le'u ste bcu bzhi pa'o// // kun rig ston pas yang gsungs pa// spyod pa'i bdud bzhi byung ba yang // snang ba'i yul la zhen pa ni// yon tan skyon du ma shes phyir// 'du 'dzi longs spyod bdud byung na// gdams ngag med par tshul 'chos byed// mi rnams smon 'dod gzhan sems 'dzin// don por bdag 'dzin phrag dog lhung // de dag dgrar shes zhen pa chung // bu bzhin chags med don gyis zin// longs spyod rang grol rol par rtogs// de yang 'dus pa'i snying po nyon// zhen chags gnas kyi bdud byung na// thos chung khang chen nyams dga' brtsigs// bkra shis 'dre med lha yod zer// 'dre brten mthu yod gzhan la sdig/ gnas la ma chags nges med shes// bdag gnas gzhi la med rtogs pas// gang na 'dug pa 'og min gnas// de yang rdo rje sems dpa' nyon// yon tan g.yeng ba'i bdud byung na// rig pa lnga ldan bkur stir zhe na// don por gzhan don rang rgyud
- 60b
gol// zhen log don dran zil gyis mnan// bdud med ye shes bskul mar shes// g.yeng ba bdag gzhan chos skur 'grub// 'khor ngan sems 'khrugs bdud byung na// blta dman 'khor la gdung drags pas// 'gran sems chog shes med par 'dod// dad logs bskur 'debs zhe sdang skye// gdung sems bsnyungs la 'brel sems bcad// bdud ni chos skur shes pa las// spangs shing dor du rdul tsam med// de yang 'dus pa'i snying po nyon// spyod pa'i bdud ni de dag kyang // snang ba yod na bdud kyang yod// de phyir yul dang 'brel pa bcad// 'brel med sems la bdud mi 'byung // sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ spyod pa'i bdud zil gyis mnan pa'i rtags bstan pa'i le'u ste bco lnga pa'o// // de yang rdo rje sems dpa' nyon// nyams kyi bdud ni drug gsungs pa// mkha' 'gros lung ston bdud byung na// khyod ni ma 'dug phan gdags zer// 'dod pa snying zhugs zhen pa tshol// mi 'grub dka' ba sna tshogs byed// zhen pa nyid nas 'dod pa stongs// lung ston bslu ba'i rdzun du shes// gzhi la med shes re dogs bral// de yang 'dus pa'i snying po nyon// nyams myong zhen pa'i bdud byung na// mi rtog zhen pa'i bde/
- 61a
la// 'phel 'grib yod par nges med pas// don la zin pas lung ma bstan// lhag mthong dran pas gdeng dang ldan// don la 'gyur med nam mkha' bzhin// dam par blta med sgrib gnyis dag/ de yang rdo rje sems dpa' nyon// zhe 'dod tshul 'chos bdud byung na// gdams ngag med par bsgom tshul ston// dbul po rnams la mtshams bcad zer// dad ldan glen pa thabs kyi bslus// chags chung tshul 'chos sdig po che// gzhi nyid ma bcos drang por gces// zhe 'dod med pas tshul 'chos bral// 'dod med gdeng ldan 'bras bu mchog/ de yang rdo rje sems dpa' nyon// brkam chags bde ba'i bdud byung tshe// 'dod chags 'bar la byang chub re// rang gi zhen pas 'dod chags srid// don du mi shes byang mi chub// rang rig don las dbang mi dgos// 'dod spyod rkyen thub chos skur shes// bgegs med ye shes sangs rgyas yin// de yang 'dus pa'i snying po nyon// yon tan phrag dog zhe sdang byed// de la lan 'debs rmongs pa ni// mkhas la skur 'debs dmyal bar 'gro// gzhi rtogs don la skur dang bral// zhe sdang rang grol chos nyid rtags// de nyid dus na bdud med shes// de yang 'khor gyi snying po nyon// nga rgyal sgro 'dogs bdud byung tshe// gang zag smad phyir chos la smod// che chung byed cing bka' rkun byed// bsod
- 61b
nams chung ba dmyal bar 'gro// man ngag gsang thub zil gyis gnon// yid ches rang rig gdeng ldan pas// da lta nyid du bden pa mthong // de dag bdud kyi dbye ba yang // lta med rnams la 'byung ba las// lung ldan kun gyi yon tan te// sangs rgyas chos ni bco brgyad yin// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ nyams kyi bdud zil gyis mnon pa'i rtags dang 'bras bu bstan pa'i le'u ste bcu drug pa'o// // de nas 'dus pa'i tshogs rnams la// yon tan skyon du gyur pa ni// kun rig ston pas bka' stsal pa// lung ston mngon shes rdzu 'phrul dang // bde chen stobs dang gter rnyed dang // ma mthong mthong dang ma bslabs shes// de dag brgyad kyis gtan la dbab// de yang 'dus pa'i snying po nyon// 'jig rten 'das dang ma 'das lha// gzhan gyis lung ston byung srid na// mi 'grub dka' ba sna tshogs byed// rang bslu bar chod 'khor bar 'khyams// snga phyi dran pa'i mngon shes ni// sngon gyi bag chags langs pa'i phyir// dga' dang mi dga'i bdud yin te// de tshe chags sdang rang rgyud gol// de yang 'dus pa'i snying po nyon// myur mgyogs rdzu 'phrul ldan gyur kyang // rnam shes rlung zhon bdud yin te// yang bde kun tu
- 62a
lus phyin yang // lus bral bar dor phan mi nus// lus la bde ba 'bar gyur kyang // zhen pa'i 'dod chags bdud yin te// lus ni gnas skabs 'brel pa tsam// rkyen mi thub phyir shin tu gol// gzhan gyi zil gnon stobs ldan kyang // ma rig zil gnon stobs med na// nga rgyal dbang gis nyon mongs 'phel// de phyir 'khar ba 'ba' zhig ltung // gter dang gzhan gyi nor rnyed na// zhen pa'i bdud kyis rang bslus te// g.yeng ba'i bsam pa sna tshogs 'phel// sdug bsngal 'ba' zhig bde ba med// sngar ma mthong ba'i yul la sogs// da lta'i mig gis mthong gyur na// yid kyi rnam rtog bdud yin te// ye shes spyan gyi gol sar gsungs// ma bslabs rig pa lnga ldan pa// shes kyang g.yeng ba'i bdud yin te// zhen pa'i dbang gis brtson gyur na// de phyir bsam gtan gol sar bshad// de dag bdud du shes gyur nas// gang yang yon tan ltar med na// re dogs bral ba'i gdeng dang ldan// don gyi gnas lugs rtogs pa yin// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun byung gi rgyud las/ yon tan skyon du bstan pa'i le'u ste bcu bdun pa'o// // de nas 'dus pa'i tshogs rnams la// kun rig ston pas bka' stsal pa// srid pa bar do rnam
- 62b
bzhi yi// ma rig 'khrul pa'i bar do ni// rgyu ni ma rig rnam gsum la// rkyen ni bag chags gnyis kyis gol// gol sa bar dor lus su len// sdug bsngal sna tshogs nyams su myong // skye rgas sdug bsngal zad dus med// de yang 'dus pa'i snying po nyon// de las thar cing ldog 'dod pas// kun brtags dge rtsa 'dir byas pas// dge bcu sbyin sogs dad pas spyad// phyi mar 'bras bu 'dod pas sems// rgyu mthun bag chags mthu brtas pas// lha dang mi yi go 'phang tsam// smon lam btab pa'i dbang btsan yang // dge ba'i stegs zad 'khor bar 'khyams// de yang 'dus pa'i snying po nyon// gnas 'gyur lha yi bar do/ la// rtogs dang lha gnyis dus mnyam pas// dus gsum gcig la gcig tshang nas// 'bras bu'i sangs rgyas dus de nyid// ma rtogs lha bsgom ru trar skye// de yang 'dus pa'i snying po nyon// rnam shes rlung zhon bar do la// phyi nang rlung gi bde bsgom pas// phag mo la sogs 'pho ba bdun// 'od gsal ye shes skur 'dod pas// drang don yin gyi nges don min// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ srid pa bar dor 'khyams pa bstan pa'i le'u ste bco brgyad pa'o// // de nas rdo rje sems dpa' yis// 'dus pa'i 'khor
- 63a
gyi don ched du// kun rig ston pa chos rje la// bden pa'i dgongs don 'di skad gsol// lung ldan nges pa'i gdams ngag gis// bdud de zlog chos dpe don gang // ma rig rgya mdud ji ltar bzlog/ phyi nang la zlo'i gtan tshigs gang // snang ba yul gyis gol sa gang // mnyam pa'i rgyal pos bshad du gsol// de skad zhus pa'i don gsan nas// de yi zlog chos bka' stsal pa// dpe las 'khrul med zlog chos dang // don gyi 'khrul med zlog chos dang // rtags kyi 'khrul med zlog chos rnams// nga yis bshad kyis legs par nyon// de la dpe yis bzlog chos ni// zag pa sbrul du 'khrul srid kyang // tho yor sbrul du 'khrul mi srid// lung ma bstan pas 'khrul srid kyang // rang bzhin gzhi la 'khrul pa med// zag pa mi ru mi 'khrul bzhin// rtogs pa'i gzhi la 'khrul pa med// de yang 'dus pa'i snying po nyon// rnga mo rta ru 'khrul srid kyang // bya ni rta ru 'khrul mi srid// yul ni sems su 'khrul srid kyang // rig pa bem por 'khrul mi srid// 'byung ba lnga la rig pa med// de phyir yul sems 'brel pa med// de yang rdo rje sems dpa' nyon// don gyi zlog chos bstan pa ni// shes pa lung ma bstan pa la// 'gro drug sems can 'khrul pa byung // lhun grub sangs rgyas 'khrul ma myong // de phyir gzhi la 'khrul pa med// ri bong rwa ni
- 63b
med shes bzhin// don go log rtogs 'khrul mi srid// 'dra ba las ni yod 'khrul pa// sems ni yul du 'khrul pa yis// gzung 'dzin zhen pa sna tshogs 'byung // de tsam nyid nas don la med// de tsam don gyi zlog chos yin// da yang 'dus pa'i snying po nyon// rtags kyi zlog chos nges pa 'dis// nges pa'i lung ldan rnal 'byor pas// tha mal 'khrul pa 'byung mi srid// sangs rgyas mtshan dang dpe byad kun// tha mal lus su 'khrul mi srid// thams cad mkhyen pa'i ye shes 'di// ma rig rmongs par 'khrul mi srid// lung ldan nges pa'i gdams ngag 'dis// khams gsum 'khor bar 'khyams mi srid// gzhi dang mthun par nyams myong phyir// skye ba phyi ma len mi srid// gnyid ni klong thim don shes na// bar dor mun pa 'byung mi srid// ma btsal gzugs sku 'byung ba la// sngon du dge rtsa bya mi dgos// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ nges don rtags kyi zlog chos bstan pa'i le'u ste bcu dgu pa'o// // de yang 'dus pa'i snying po nyon// ma rig zlog pa'i ye shes ni// dgag bsgrub med pa'i rig pa la// gzhi la phyogs su zhen pa bzlog/ snyoms byed the tshom za ba ni// lta ba'i gdeng gis zin pas bzlog/ gdams ngag rang grol dran pa
- 64a
yis// lnga phyi dus gsum 'khrul pa bzlog/ chos sku gcig tu rdzogs pa yis// rgyu 'bras gnyis 'dzin mtha' las bzlog/ dgongs pa'i ngang la blo gnas pas// kun brtags phra mo'i chos las bzlog/ de yang 'dus pa'i snying po nyon// yang ti thig le nyag gcig gis// theg dgu'i 'dod pa'i chos las bzlog/ rgyun chad phyogs lhung med pa yis// rang 'dod nga rgyal mtha' las bzlog/ 'dzin med rang byung sman chen gyis// 'khor ba'i gcong rong nad las bzlog/ da yang 'dus pa'i snying po nyon// 'khrul med dbye ba rnam brgyad kyi// zhen 'khrul thams cad gzhi nas dag/ de phyir chos nyid gcig shes pas// 'khrul rmongs thams cad dus gcig stongs/ bud+d+ha thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ ma rig bdud 'dzin 'khrul pa bzlog par bstan pa'i le'u ste nyi shu tham pa'o// // de nas 'dus pa'i snying po nyon// thun mong phyi rtags gtan tshigs ni// nam mkha' rang bzhin skye med phyir// gdod nas rang byung stong pa nyid// rkyen gyis gzhig cing gzhom du med// de phyir rang byung skye med yin// de yi ngang las 'byung chen bzhi// rol pa ma 'gags cir yang snang // las dang rkyen dang bag chags brtas// phan gnod dge sdig gnyis su
- 64b
mthong // 'byung ba ma 'gags nam mkha' bzhin// snang stong gnyis med dbyer med phyir// de phyir mtshan nyid gnyis su med// ye nas gnyis med ngang gis stong // de ltar rtogs pas rang gi blo// yul gyi 'byung lnga rig pa med// de phyir gzung 'dzin rang sar grol// ngo bo nyid kyis dmigs su med// de yang rdo rje sems dpa' nyon// thun mong ma yin nang bltas pa'i// rang sems skye med stong pa la// kha dog dbyibs kyi mtshan ma med// de phyir rang byung skye ba med// rang byung ma skye ye gnas yin// de la dran rig ma 'gags pa'i// rig pa gsal ba rgyun mi 'chad// gang dran rol pa ma 'gags shes// de tsam nyid nas chos skur shar// sems nyid stong dang rig pa gnyis// so so ma yin gcig gi ngang // de phyir mtshan nyid gnyis su med// de la tha dad dbyer med cing // ye shes rang byung ngo bo nyid// sems dang rol pa rang sar grol// gang yang gzhi la med pa'i phyir// rang gi blo gros ngo bor gnas// de yang 'dus pa'i snying po nyon// khyad 'phags la zlo'i gtan tshigs ni// nyi ma dang ni zer bzhin du// phyi nang gnyis ka gzugs dang sku// yang dag nyid na skye ba med// ma skyes rig pa dngos med gsal// gang yang ye shes ma 'gags shar// de tsam nyid nas zhen med rig/ rig pa gang dran chos skur shar// de phyir rnam rtog rdul
- 65a
tsam med// dper na mar dang sngam bzhin du// chos nyid rang gi mtshan nyid ni// rig pa chos sku gnyis su med// bsres pa ma yin ye gnas yin// phyi nang med par rang grol phyir// chos nyid zhen pa gzhi nas dag/ de phyir rang byung mthar ma ltung // de nyid ye shes rang grol gsungs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ phyi nang la zlo'i gtan tshigs bstan pa'i le'u ste nyer gcig pa'o// // de nas 'dus pa'i tshogs rnams la// kun rig ston pas bka' stsal pa// snang ba med pa'i gzhi nyid la// spong sdud zhen pas 'khrul pa'i sems// med pa la ni yod 'dzin la// rmongs pa kun gyis shes pa las// sangs rgyas kun gyis mi mkhyen no// de yang 'dus pa'i snying po nyon// lus sems bar na rang dbugs rgyu// dbugs ni sems kyi rta yin phyir// dbugs la brten nas sems rgyas pas// snga phyi'i zhen pa sna tshogs byas// de ma rig pas shin tu gol// spong sdud zhen pa sna tshogs kyang // bsdu yis mi 'dus gcig mi srid// spang gis mi spangs 'bral bar dka'// zhen pas mi zhen 'dre mi srid// gzhi la med par ma shes pas// 'khrul pa'i chos la bden par 'dzin// snang ba chos dbyings gol bar
- 65b
gsungs// bud+d+ha thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ snang ba'i yul gyi gol sa bstan pa'i le'u ste nyer gnyis pa'o// // de nas kun rig ston pa yis// de nas 'dus pa'i snying po la// rig 'dzin grub pa thob pa yi// bka' rtags ched du bka' stsal pa// sangs rgyas kun gyi nges pa'i don// don gyi khyab dang rtogs pa yis// byin gyis brlabs dang brda'i tshig don// snod ldan blo dang ldan pa la// ma nor nges par ngas bshad kyis// brjed med dad pa'i sems kyis nyon// sangs rgyas snying po chos sku ni// 'gro drug sems can thams cad la// rang byung ye shes ngo bo yod/ kun la khyab pas nam mkha' 'dra// de yang 'dus pa'i snying po nyon// de tshe 'og min gnas mchog tu// sngon gyi sangs rgyas rigs lnga la// tshig tu ma bstan don du shar// rang gi rig pa rtogs nas rgyud// dpal gyi dpal gyur kun bzang gis// rgyud bdag rdo rje sems dpa' la// nges don gdams ngag don bstan pas// de phyir byin gyis brlabs zhes bya// de yang 'dus pa'i snying po nyon// sbrul skus brda' yis bstan pa yang // tshig don lus dang rtags kyi brda'// rig 'dzin sprul pa bzhad rtsal gyis// lha gnas mi yi yul du byung // de tshe nges pa'i don tshig
- 66a
gi// lag na rdo rje'i sprul pa las// yang dag gdams ngag sngon byung nas// rdo rje mi 'gyur rtsal la ni// sdeb sbyor legs pa'i tshig gis ni// don dang mthun par bkrol nas bshad// de tshe nges don gdams ngag ni// rnam gzigs sprul pa sgrub mchog la// tshig nyung don 'brel gdams ngag zab// go sla gdeng du gyur par bstan// de yis byams mgon sku'i sprul pa// mi brjed gzungs thob grogs btsal la// bstan pa tsam gyis sangs rgyas pa'i// rang byung chos sku mngon du go// de dus sgrol ma'i sku sprul pa'i// rin chen rtsal la mngon bstan pas// dug lnga rang grol mngon gyur nas// sgrib gnyis ma sbyangs mngon sangs rgyas// de yang 'dus pa'i snying po nyon// rgyud gsum ma nor gdams ngag ni// sras la rgyal srid gtod pa bzhin// yang ti gdams ngag ma nor pa// bar mchod cing ma bslad don// shes rab blo ldan snod la yin// de nyid mngon du phyung ba bstan// bud+d+ha thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ rig 'dzin grub pa thob pa'i bka' rtags dngos bstan pa'i le'u ste nyer gsum pa'o// // de nas 'dus pa'i tshogs rnams la// kun rig sems kyi rgyal po yis// lam lnga rdzogs par bka' stsal pa/ cig char rdzogs la
- 66b
rim pa ni// dad pa yis ni lung ldan la// yid 'thad 'bul nus tshogs kyi lam// bsam pa bzang po gser 'dra grub// bla mas gnad phyin the tshom med// de dus mkha' 'gro mchod byas nas// sbyor ba me 'dra gang yang 'grub// de phyir sbyor ba'i lam du gsung // lung ldan gdams ngag gdengs ldan pas// blo ldan yid ches gdengs ldan phyir// long ba mig phyed gnam mthong bzhin// chos nyid bden pa'i lam zhes bya/ don de go nas rgyud du ni// 'bral med dbang thob nges bstan phyir// chu chen bzhin du gnas 'gyur med// bden pa bsgoms pa'i lam zhes bya// snyan rgyud nges pa'i gdams ngag 'di// rang gi thugs la don rdzogs phyir// dbul pos nor chen rnyed pa 'dra// de phyir mthar phyin lam zhes bya// de yang 'dus pa'i snying po nyon// de dag lam lngar bstan pa yang // gang zag drang phyir bstan pa las// don la rim par dbye ru med// snod bcud 'dzom pas kun ka rdzogs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ lam lnga dus gcig tu rdzogs par bstan pa'i le'u ste nyer bzhi pa'o// // de nas 'dus pa'i tshogs rnams la// gdams ngag mngon du bstan pa yis// rig 'dzin sems dpas don rig nas// tha mal rang rgyud
- 67a
zhes pa ni// lung bstan gdams ngag 'dir bstan pas// rtsal med ngang la rig pa 'phyo// zhen med rang gsal sman chen gyis// 'khor bar 'dzin pa'i nad chen sel// de yang 'dus pa'i snying po nyon// gzhi dang 'dug tshul snang tshul dang // lus gnas ngo bo gdams ngag dang // gnas skabs mthar zug 'bras bu rnams// nga yis bstan gyis legs par nyon// ye nas gnas pa'i gzhi nyid ni// gdod nas ma bcos rang byung ste// de yi don gyis kun la khyab// ye shes 'gyur med kun gyi gzhi// de yi 'dug tshul dang la rig/ sus kyang ma byas ye nas yod// sa le ba la kha dog med// rang bzhin gsal ba'i 'dug tshul yin// rang byung rig pa'i snang tshul ni// phyogs zhen gang yang med pa'i phyir// phyi nang med pa chos kyi sku// zang thal 'gyur med ye nas yod// gdod nas rang byung dag pa'i sku// rang gi sa la gnas pa'i tshe// rang gi gzugs kyi nang na ni// rang byung rig pa bzhi ldan yod// de yi ngo bo gcig tu 'dus// mngon gsal ba yi bdag nyid can// de nyid lhang nge lhan ne ba// rdo rje rang byung 'gyur ba med// de don nges pa'i gdams ngag 'di// tshig dang yi ge'i yul las 'das// rang byung rig pa skye 'gag med// ston kha'i nam mkha' sbyin med 'dra// gnas skabs dgongs pa mthar phyin pas// ma btsal ma
- 67b
bsgrubs mya ngan 'das// las dang thugs rje da lta 'dzom// de phyir 'bras bu mngon du gyur// mthar thug phyi rabs rnal 'byor kun// nges don gdams ngag 'di rnyed pas// nyams kyi dgongs pa gdengs ldan 'gyur// shes rab klong du mngon sangs rgyas// de nas 'dus pa'i snying po nyon// de dag rtsa ba mdor bsdu na// khyung chen nam mkhar ldings pa bzhin// chos sku'i rig pa spro bsdu med// blo yis ma spyad re dogs bral// ye shes mthar phyin lhun gyis grub// bud+d+ha thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ sangs rgyas thams cad kyi bka' rtags kyi gdams ngag mngon du bstan pa'i le'u ste nyer lnga pa'o// // de nas rdo rje sems dpa' yis// dad ldan 'khor gyi don ched du// kun rig chos kyi ston pa la// bden pa'i dgongs don 'di skad gsol// rtogs pa'i ye shes rang gnas su// rig pa byin gyin brlabs pa'i phyir// ma rig ye shes ji ltar dbye// phyed pa'i yon tan ji ltar 'byung // rtogs gzhi mya ngan 'das pa gang // de las sangs rgyas ji ltar 'byung // gzhi gsum 'brel pa yod dam med// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// ma rig ye shes dbye ba ni// sems ni chu
- 68a
'dra thams cad sdud// ye shes nyi mas thams cad bsreg/ lhub lcib chu yis sdud nus kyang // me bzhin bsreg pa'i nus pa med// chu yi rgya mtsho'i gling dgu yang // dus kyi me yis bsregs shing bskam// de bzhin skad cig ting 'dzin gyis// sgrib pa'i phung po brlag cing stong // rig pa'i ye shes rtogs pa yis// bag chags slar bsregs gtan mi skye// sems kyi bag chags 'khor ba'i rgyu// sems ni cir yang mno zhing rgyu// gang dran chags sdang zhen par byed// ye shes kyis ni nyon mongs bsregs// de phyir sems ni 'khrul pa yin// de yang 'dus pa'i snying po nyon// ma 'khrul rig pa'i ye shes kyis// nyon ngas ma lus rtsad nas 'joms// chu yis lhur sdud bsreg mi nus// ji ltar me lce'i rtse mo la// sbrang bu 'du bar ga la nus// de bzhin sems kyis sangs mi rgya// gzhi yi ye shes rtogs pa la// nyon mongs bag chags gnod mi nus// snga phyi bral ba'i chos nyid la// ye shes zhes ni de la bya// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ ma rig ye shes shan dbye ba'i le'u ste nyer drug pa'o// // de yang rdo rje sems dpa' nyon// shan dbye dngos kyi yon tan ni// sangs rgyas dmyal ba yan chad du// ma bcos lhun grub btsal du
- 68b
med// rang byung ye shes bdag med sku// ye shes can la skyon ma gos// rang rig chos skur nges pa'i don// mi gnas shes rab pha rol phyin// skye 'gags med pa'i klong du grol// 'khor lo bsgyur rgyal bsod ches yang // bram ze'i dmod mos brlag par byed// de bzhin bag chags sbyangs dka' ba// snying po don gyi bcud mthong bas// skad cig gcig la rang dag grol// de yang 'dus pa'i snying po nyon// gnyis med bde chen yongs la khyab// dug lnga bskyed pa'i yul 'di ni// 'dam dang 'dra ste rkyen las byung // pad+ma 'dra ste gos pa med// de bzhin yang ti'i chos 'di la// 'khor 'das re dogs skyon ma gos// nam mkha'i ngang las g.yos med bzhin// chos nyid rtogs pa'i ngang las ni// dus gsum 'gyur med kun tu bzang // rkyen dang bral ba'i byang chub la// las kyi rgyu 'bras med pa'i phyir// ma byung ma skyes chos sku la// tshig gi rkyen gyi mthar mi gnas// de yang 'dus pa'i snying po nyon// yang dag don la bdag med pas// rnam par mi rtog lhun gyis grub// bya btsal mi mnga' rtogs pa'i lam// stong pa phyogs lhung yul dang bral// yod par 'dzin pa'i dngos po stor// ye nas yod pa'i don shes na// lha yi dkyil 'khor bskyed mi dgos// rang rig ye shes rtogs pa'i lha// 'dzab dang bsnyen pa 'bul mi dgos// lta ba
- 69a
rig pa'i ye shes de// mtshan mar mi 'gyur nam mkha' bzhin// zhen dang ma zhen dge sdig gnyis// blang dor byed pa byis pa'i chos// ye shes 'ba' zhig las byung ba// thams cad rang byung shar ba bzhin// chos rnams kun gyi sangs rgyas mchog/ de yang 'dus pa'i snying po nyon// nyon mongs skye dang gnyen po gnyis// gcig yod tsam na gcig med phyir// glo bur yin gyis don la med// re dogs gang yang med pa yis// ka dag pa yi ye shes la// skyon gyis bslad pa'i chos med pas// mtshams med lnga dang chos spyod bcu// rtogs pa'i don la khyad med phyir// spong dang len pa'i snang ba la// mtha' dbus med shes rtogs pa bral// ye nas rnam dag lhun gyis grub// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ ma rig ye shes shan dbye ba'i yon tan bstan pa'i le'u ste nyer bdun pa'o// // de nas dad ldan 'khor rnams la// rtogs gzhi mya ngan 'das pa ni// kun bzang ston pas bka' stsal pa// sangs rgyas kun gyi rtogs pa'i don// thig le nyag gcig chos kyi sku// ye nas yod dang rtogs pa gnyis// snga phyi ma yin dus mnyam du// gcig par rtogs pa sangs rgyas pa// kun tu bzang po'i dgongs pa de// ri bo ta lar nyi shar
- 69b
'dra// de yang rdo rje sems dpa' nyon// srid pa ma chags stong pa'i tshe// 'byung ba ma chags gdod nas med// de dus ye nas chos nyid de// ye nas ma 'khrul rig pa yis// de nyid yin par ngo shes pas// gzhi dang rtogs pa gcig tu shes// de phyir thog mtha' dus cig chod// de yang 'dus pa'i snying po nyon// sangs rgyas kun bzang dgongs pa de// rang byung chos sku ye nas yin// de phyir rgyu rkyen 'dus ma byas// rtogs pa kun la chos nyid khyab// de yang 'dus pa'i snying po nyon// rang byung rig pa'i ye shes thugs// de las gzhan du g.yos pa med// thig le nyag gcig ye shes sku// sangs rgyas chos sku de las byung // de phyir kun tu bzang por gnas// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ rtogs pa'i gzhi mya ngan las 'das pa'i le'u ste nyer brgyad pa'o// // de nas 'dus pa'i tshogs rnams la// kun rig ston pas bka' stsal pa// kun bzang rtogs don chos sku de// rdo rje sems la dngos bstan pa// phyi rabs don du bstan pa'i chos// rgyud lung man ngag rnam gsum byung // gzhir bzhag rang byung chen po la// bag chags ka nas med pa'i phyir// 'dzin par zhen pa'i bya ba btang // gang la'ang 'dzin par byar med de// de don gnyis char
- 70a
rim gyis ni// rang rig rtogs pa'i sangs rgyas byung // de yang rdo rje sems dpa' nyon// da lta gang na gnas pa ni// lung ldan nges don rtogs par bya// rgyu 'bras ltos pas zhen pa med// ma tshor yid la byed pa med// btang snyoms ltengs po'i mun pa sangs// gol med nam mkha' lta bu la// zhen med rang byung chos sku gsal// deng 'dus rig pa'i snying po gsal// de rtogs rnam pa bcu gcig ldan// dngos po med pa'i bya ba btang // de nyid rtogs pa mngon gyur yin// de yang 'dus pa'i snying po nyon// tha ma skye shi'i dus byung tshe// ye nas dag pa'i rang bzhin phyir// gzhi gnas 'khrul med bya ba btang // dbang pos gzung ba'i yul med phyir// rtogs tshul rang bzhin dag pa la// grub mtha'i blo yi bya ba btang // de tshe rjes dran drug dang ni// 'bras bu yon tan lnga ldan phyir// de tshe skad cig de nyid las// sangs rgyas sa la nges par 'gro// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ sangs rgyas kyi byung tshul bstan pa'i le'u ste nyer dgu pa'o// // de nas 'dus pa'i tshogs rnams la// gzhi gsum 'brel pa yod med pa// 'dus pa'i 'khor la bka' stsal pa// nges don chos kyi sku dang ni// 'khor gzhi lung ma
- 70b
bstan dag ni// gnas skabs mthar thug gnyis ka yi// 'brel pa med pas 'khor ba stongs// de yang 'dus pa'i snying po nyon// rang bzhin lus dang chos sku gnyis// gnas skabs 'brel pa mthar zug yod// de phyir lung ldan phrad dus na// thig le ye shes rtogs phyir ro// de yang 'dus pa'i snying po nyon// gnyis ka'i gzhi dang lung ma bstan// gnas skabs yod la mthar zug med// de phyir gti mug sangs dus na// chos sku gcig tu shes pas chog/ sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ gzhi gsum 'brel pa yod med bstan pa'i le'u ste sum cu pa'o// // de nas 'dus pa'i snying po nyon// kun tu bzang la 'di skad gsol// gol med chos dbyings gang gis bya// yul du ma 'brel rig pa gang // de gnyis dus mnyam lta ba gang // lta ba mdor ni ji ltar bsdu// rig pa'i rgyal pos bshad du gsol// de skad zhus pa'i don gsan nas// snang ba chos dbyings bka' stsal pa// yul gyi rtog pa gsum bral ba'i// snang ba ma bcos chos nyid las// rig pa ma bslad ye shes ni// bem rig phyed na sku dang dbyings// de yang 'dus pa'i snying po nyon// steng gi chos dbyings chos skur gcig/ bar du ye shes sgyu ma'i dbyings// 'og gi snang ba
- 71a
'byung ba'i dbyings// gcig la tha dad ngos 'dzin na// 'gal ba med de kun gyi dbyings// da lta snang ba'i chos rnams la// mi brtag mi bzung ma bral tsam// sgo lnga ma 'gags rang yan la// rig pa rang dran dbyings nas 'phyo// gang yang rung ba gcig la yang // sgro skur med pa chos dbyings yin// de yang 'dus pa'i snying po nyon// yul 'di med pa'i don shes kyang // da dung bag chags cha 'dra yis// chu zla smig rgyu du ba bzhin// 'od kyi zer bu me long tsam// don la shes med rig pa dang // snang yang snod med rtogs pa yin// chos sku 'phyo ba nam mkha'i klong // yin dang min gyis ci zhig bya// chos kyi dbyings su de la btags// 'khrul pa'i rtog pas gzhi mi 'gyur// btsal ba'i bsam pas dbyings mi spyod// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ snang ba ma bcos chos kyi dbyings gtan la phab pa'i le'u ste so gcig pa'o// // de nas 'dus pa'i tshogs rnams la// kun rig chos kyi rgyal po yis// yul med rig pa bka' stsal pa// lung ldan bla ma'i gdams ngag 'di// ma rig 'khrul pa phyi na yod// rang rig ye shes nang na yod// phyi nang bar du nam mkha' dbye// sems rig phyed pas rang byung rtogs// de yang 'dus pa'i
- 71b
snying po nyon// sprin med nam mkhar nyi shar bzhin// yul med dran pa'i rig pa de// zhen med rang rig lhag mthong ngo // rig pa shes pas ma rig sangs// rig pa'i klong du chos nyid dran// rang byung klong nas ye shes shar// rig pa'i ngang la chos nyid zhog/ de yang 'dus pa'i snying po nyon// de tshe kun bzang chos drug gis// gzhi gnas ma rig drug bcom ste// nyug tsam nyid na tshig tsam stong // rig tsam byung na rig 'gribs brlag/ sal gyis byung bas mun pa sangs// wal gyis byung bas 'thib pa med// sgro skur bral bas ma rig dag/ 'gyur ba med pas nam mkha' 'dra// de yang rdo rje sems dpa' nyon// 'khrul pa ma rig log bcom nas// lung ma bstan par rang brlag stong // bem rig phyed pas gzhi dang phrad// de phyir ma rig mun pa sangs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ yul dang 'brel med kyi rig pa ngos bzung bar bstan pa'i le'u ste so gnyis pa'o// // de nas 'dus pa'i tshogs rnams la// dus mnyam lta ba bka' stsal pa// rang byung ngo bo nyid kyi sku// rgyu rkyen ma bskyed yang dag yod// yin min blo yis ma bcos par// 'dus ma byas pa'i nam mkha' 'dra// de yi rtogs tshul ye shes de// kun bzang nyid ni gdod
- 72a
nas ni// rang rig chos sku yin par rtogs// ri bo ta la'i rtse mo 'dra// de yi de nyid mtshon pa'i dpe// mtha' dbus med pas nam mkha' 'dra// rnam rtog 'joms pas rdo rje 'dra// skye ba med pas a dang 'dra// 'dra ba'i phyir na don ma yin// de yang 'dus pa'i snying po nyon// gtan tshigs nges pa gang yin pa// rang byung 'khor bar 'khyams ma myong // de rtogs 'bras bu dus 'di ru// mtha' bral mngon gyur bden pa mthong // de yi bzlog chos ded pa dang // mthun pa mi mthun gnyis logs pas// gol sgrib skyon gyis ma gos pa// sems las ma byung chos skur gsungs// de yang 'dus pa'i snying po nyon// rang gi sems nyid nges pa de// gang dang 'dra med yin pa med// yin ni da lta'i shes pa la// de don kun la gnas pa'i phyir// 'char nub 'bral ba med pa'i mchog/ la zlos spang len ngo shes pas// skyon med thams cad med par dag/ de phyir dus 'dir 'bras bur 'grub// phyi mar sangs rgyas smos ci dgos// de yang 'dus pa'i snying po nyon// chos dbyings chos sku gcig gi ngang // rang byung rig pa'i ye shes de// nyi zla gzas zin dpe bzhin du// don kun dus gcig yon tan rdzogs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud
- 72b
las/ chos kyi sku dang dbyings dus mnyam par bstan pa'i le'u ste so gsum pa'o// // de nas 'dus pa'i tshogs rnams la// kun rig rgyal pos bka' stsal pa// rig pa chos skur blta shes na// kun la khyab pa'i rig pa yis// 'dus ma byas pa'i don rtogs nas// mtha' bral rig pa gcig yin na// de yang 'dus pa'i snying po nyon// kun gzhi mnyam nyid rgyal ba'i thugs// ma lus sems can kun la gnas// chos skus khyab pas rgyal ba'i sku// mtha' dbus med pas nam mkha' 'dra// rig pa ma bslad gnyug mar gnas// dmigs 'dzin med pa ngang gis gsal// dngos po med la shes pa yod// nam mkha' nyi ma shar ba 'dra// 'dus ma byas pa'i ye shes kyis// rten 'ching med pa'i nyon mongs sel// 'byung ba lnga la rag ma lus// mi 'gyur 'joms pas rdo rje 'dra// bla mas don bstan rnal 'byor pas// the tshom med par rang sems rtogs// thams cad gcig tu rdzogs par shes// ma rig long ba'i mig phyed 'dra// ye shes rig pa 'di nyid ni// yod med dbus kyi mtha' bral bas// sang nges le 'pho 'gyur med// ka shi'i ras kyis rin chen 'dra// de yang 'dus pa'i snying po nyon// de dag ngo bo gcig tu 'dus// da lta'i shes pa 'di nyid la// yid ches gdeng ldan ma rig sangs// rang byung klong du ye shes
- 73a
rgyas// rig pa'i ngangapal chos sku zhog/ sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ lta ba mdor bsdus te bstan pa'i le'u ste so bzhi pa'o// // de nas rdo rje sems dpa' yis// dad ldan 'khor gyi don ched du// kun rig chos kyi rgyal po la// bden pa'i dgongs don 'di skad gsol// rang gi rig pa ngos zin na// nyams su myong ba'i bka' rtags kyis// man ngag don gyi dbye ba gang // chos sku'i ngo 'di ji ltar sprad// chos sku sprad pa'i yon tan gang // drug gnyis mtshon pa'i nyams dang ni// man ngag gol med la zlos dang // nyams myong bka' rtags bsdus pa ni// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// 'khor 'das par do'i gzhi nyid ni// skye shi gnyis kyi bar do la// chos sku gtan la dbab pa'i phyir// spyi yi kun gzhi'i gzhi cha la// sbyor ba rkyen gyis snga phyir bsgribs// lung ldan nges pa'i gdams ngag gis// don gyi kun gzhi ngos bzung phyir// shan phye la ni ngo sprod de// zung bzhi ya bdun don shes bya// de yang 'dus pa'i snying po nyon// snga phyi'i bag chags zhes bya ba// bsam pa ma 'khrul dngos po 'khrul// sngar gyi dge sdig ci byas dran// mi shi'i kha dog dran pa
- 73b
'dra// phyi yi nyon mongs glo bur ba// da gdod ci bya mno ba ni// dngos po ma 'khrul bsam pa 'khrul// zag pa sbrul du 'khrul pa 'dra// yul sems 'dzin pa'i rtog pa ni// bsam dngos gnyis ka 'khrul pa'i phyir// med la yod rtog snga phyi 'dres// ri bong rwa la rtog dpyod 'dra// skye bos 'phral gyi bya ba kun// gnyis ka ma 'khrul don la rtogs// gang byed lta bas ma zin phyir// zla ba dkar kyang mun yod 'dra// zung bzhi zhes ni de la bya// de yang rdo rje sems dpa' nyon// bla ma nges lung ldan pa la// dad ldan shes rab can phrad dus// dngos po ma 'khrul rig pa la// bsam pa ma 'khrul ye shes te// gnyis ka ma 'khrul rang rig sku// lta ba gdengs zin lhun gyis grub// de don gcig shes mngon sangs rgyas// ya bdun zhes ni de la bya// sangs rgyas thams cad kyi dgongs pa chos sku gcig tu 'dus par bka' bgros pa'i don// rin po che yon tan kun 'byung gi rgyud las/ don gyi dbye ba bstan pa'i le'u ste so lnga pa'o// // de nas kun rig ston pa yis// rang byung rig pa'i ye shes ni// chos sku ngo sprod bka' stsal pa// shan dbye ngos bzung la bzlas te// rnal 'byor pa yi shan dbye ba// sngar gyi bag chags zhes bya ba// sngon byas da lta gang dran pa// yul la gzung 'dzin brtas pa la// dam par zhen nas kun tu brtags// de phyir 'khor ba'i
- 74a
sa bon yin// phyis kyi nyon mongs zhes bya ba// ma rig rgyu las rgyur byung sems// de ltas kun gzhi smin pa las// de bskyed tshogs brgyad bde sdug byung // snga phyi gnyis 'dus sgo lnga'i yul// sna tshogs spros pa'i rtog pa de// de la zhen phyir chos brgyad 'byung // de yi nyes pas 'khor ba smin// lung ldan nges pa'i gdams ngag gis// rang rig ye shes ngos bzung nas// da lta'i lus sems 'di nyid la// rten bcas gzhi ldan yod pa'i phyir// 'byung ba lnga yi dngas ma ni// snying ni chos kyi 'khor lo la// rten bcas gzugs kyi nang nas ni// tsit+ta rin chen gzhal yas khang // gur phub 'dra ba'i nang shed na// chos sku bzhi ldan yod pa de// yid kyi khro dang dung ka yis// ma rig snga phyi'i ba rgyas bsgribs// de nyid mthong bar bya ba'i phyir// bla ma nges pa'i gdams ngag gis// kun bzang rig pa'i mtshon rnon des// ma rig brgya rtsa da nas gcod// snga phyir ngan rtog med pa ni// thig gi sa le sing nge thal// da lta'i shes pa'i 'di nyid la// chos sku bzhi ldan ngos bzung ngo // de yang 'dus pa'i snying po nyon// dper na mig/ gi 'bras bu bzhin// hrig ge ba la dran pas zin// ye re ba la shes pa da la// rang rig zhen med gdeng gis gsal// sprin med ston ka'i nam mkha' bzhin// sing nge ba la mtha' dbus med// gang gi mno
- 74b
bsam ma btang phyir// bying rmugs spros pa gang yang med// nyi ma gza' bral lhang de bzhin// sa le ba la 'gyur ba med// bde la mi rtog rgyun du gnas// de phyir rang byung 'gyur ba med// g.ya' med me long byad blta bzhin// wa le ba la dngos po med// de tsam nyid na chos kyi dbyings// gzhi la yul med rtogs pas chog/ de dag dbye ba rnam bzhi la// rang rig ye shes chos sku gcig/ rang rig rnyog ma med pa'i phyir// nor bu chu dngas dpe bzhin no// rang byung chos sku gsal ba yis// rang rig ye shes sgo lnga gsal// dpe ni til gyi mar me 'dra// shes pas ma bsgribs don la brjod// snang ba ma bcos chos dbyings dang // 'bras bu longs spyod rdzogs pa'i sku// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ shes pa snga phyir ma song bar chos skur ngo sprod pa'i le'u ste so drug pa'o// // de nas 'dus pa'i tshogs rnams la/ kun rig ston pas bka' stsal pa// rang byung chos sku rgyu med phyir// lnga ldan gol med ngo sprad de// zab la rgya che'i yon tan la/ gol med ye shes chen por gsal// de yang 'dus pa'i snying po nyon// nges don gting zab brtag dka' ba// bsgom pa'i dus na chos skur gsal// phyogs re'i blo yi spyod yul min// de phyir rgya mtsho'i
- 75a
gting dang 'dra// 'dus ma byas kyi klong dkyil na// mtha' dbus med pa'i rig pa de// chos sku rgya chen kun la khyab// 'dus ma byas kyi nam mkha' 'dra// yod med la sogs chos skur ni// gang yang yin par rtogs pa'i phyir// gang dran don zin byed mi dgos/ kun ldan rin chen yon tan 'dra// gol med rang byung chos sku la// dug lnga'i skyon gyis ma gos te// ye shes klong na chos sku 'phyo// pad+ma dang ni 'dam bzhin no// sems rtogs pa yi rnal 'byor de// shes rab rang yan bzhag gyur kyang // gol med ye shes chos skur gnas// ut+pal rnyed pa'i lha mig 'dra// de yang rdo rje sems dpa' nyon// sangs rgyas dgongs pa mi g.yo ba// dus gsum mi g.yo 'phel 'grib med// shes pa mi g.yo rgya mtsho 'dra// mnyam nyid don la rkyen mi tshugs// gsal dang mi rtog dus mnyam pa// 'bras bu rang byung chos sku yin// de yang 'dus pa'i snying po nyon// de dag rtsa ba mdor bsdu ba// yid la chos sku wal gyis dran// de yi ngang la cog gis zhog/ yul la 'dzin med rtog pa spangs// rang rig yid ches gdeng dang ldan// 'bras bu mngon 'gyur bud+d+ha yin// de yang 'dus pa'i snying po nyon// de dag rig pa bzhi ldan de// gcig la lngar snang ngo bo gcig/ yon tan sgo nas dbye ba la// gser sbrul mig bzhin gcig las med// sangs rgyas thams
- 75b
cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ rig pa rgya bskyed de chos skur ngo sprad pa'i le'u ste so bdun pa'o// // de nas 'dus pa'i tshogs rnams la// kun rig chos kyi rgyal po yis// skyon nyid yon tan bka' stsal pa// bag chags nyon mongs sel ba yang // ma rig pa ni zlog phyir las// gzhi la snga phyi grub pa med// thag par shes na sbrul med 'dra// de yang 'dus pa'i snying po nyon// rig gi yod pas ma rig sangs// sang nge yod pas bying rmugs bral// sal le yod pas rang yid ches// wal le yod pas chos kyi dbyings// de bzhin gcig tu shes pa yis// shin tu zab pas sgro skur bral// rgya che bas ni mtha' dbus med// yon tan che bas gzugs sku byung // gol sa med pas kun gyi rtse// ye nas chos sku ngo shes pas// de las sangs rgyas chos kun rdzogs// gzhi nyid chos skur ngo shes na// skyon dang yon tan gdag pa tsam// nyi zer gcer bu kun bsregs kyang // de la sdig pas gos pa med// de bzhin gdengs zin rnal 'byor pas// snang ba zhes pa thams cad ni// gol sar shes na gzhi dang phrad// de phyir 'khor ba ka dag nas// dug nyid sman du sbyor shes bzhin// skyon nyid rtogs pas ye shes sku// de las gol sa rdul tsam med// de phyir rang
- 76a
sems rtogs pas chog/ de yang 'dus pa'i snying po nyon// snga phyi glo bur byung ba na// gzhi shes spang du med pa'i phyir// nges don rang sems rtogs pas chog/ nyi shar mun grib med pa 'dra// ye shes brdal khyab 'gyur ba med// de ltar rtogs pa'i rnal 'byor pa// dbang po rang yan skyon sangs pas// rang sems dbyings la ye shes klong // gang na 'dug pa chos kyi dbyings// de yang 'dus pa'i snying po nyon// btang bzhag med pa'i ting 'dzin las// 'khor 'das gnyis med du bsam na// bya ba btang ba'i skye bu bzhin// dge sdig gnyis kyi 'dzin pa bral// dus gsum yengs med srog tu blta// snga phyi'i nyon mongs gang skyes kyang // de yi dus nas yul mi dpyad// snang med ngo bo nyid na bzhag/ shes pa ma bcos gzung 'dzin bral// dbyer med rig pa gcig las med// tha snyad bral ba'i don gyis mtshon// dus gsum mi 'gyur kun tu bzang // yon tan kun ldan chos sku la// 'bras bu sbrul sku thub drug byung // de yang 'dus pa'i snying po nyon// nyi ma'i snying po gcig gcig gis// gling bzhi thams cad 'od kyi khyab// de bzhin rang rig chos sku la// rig pa'i blo yis dpyad du med// yin dang min gyi tha snyad bral// yang 'jigs pa'i rtog pa med// sgro skur bral ba'i chos nyid la/ rang byung kun mkhyen rig pa'i thugs// mkha' 'dra/
- 76b
ye shes lhun grub byin gyis rlabs// de yang 'dus pa'i snying po nyon// de dag rtsa ba mdor bsdu na// skyon nyid gzhi la med shes pas// rang byung rig pa chos skur gsal// de tsam nyid na gol ba med// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ skyon yon tan du med pa chos skur ngo sprod pa'i le'u ste so brgyad pa'o// // de nas 'dus pa'i tshogs rnams la// kun rig ston pas bka' stsal pa// de nyid bstan pa'i yon tan ni// chos sku ngo sprod rnam gsum gyis// lhan cig ma rig rnam par dag/ de phyir rkyen bzhis bskyed du med// de yang 'dus pa'i snying po nyon// snga phyi med par ngo sprod pas// gzhi gnas ma rig rtsad nas choms// rig pa rgya bskyed ngo sprad pas// bag la nyal phra rang brlag stongs// skyon nyid yon tan ngo sprad pas// de ma thag 'dzin ma rig sangs// de yang 'dus pa'i snying po nyon// de dag bstan pa'i don shes nas// lhan cig ma rig gtan stongs te// 'khor ba'i sa bon gzhi nas brlag/ ma rig sangs la rig pa rgyas// de yang 'dus pa'i snying po nyon// chos sku nyams myong yid ches pas// 'khor ba rnam rtog ming yang med// gzhi dang gcig phyir chos sku yin// ma rig mun pa med pa'i phyir// chos kyi sku zhes de
- 77a
la bya// de yang rdo rje sems dpa' nyon// dper na nyi ma'i snying po la// mun med 'od kyi rang bzhin ltar// chos sku sangs rgyas rang bzhin la// rtsol ba'i 'khrul pa gzhi nas dag/ chos sku don dam ldan pa la// rig lnga'i sangs rgyas dgongs pa ste// mnyam bzhag rjes thob ming yang med// ma bcos rang sar bzhag pas chog/ de yang 'dus pa'i snying po nyon// chos nyid thig le nyag gcig la// brgyad khri bzhi stong byung ba yang // tha snyad tsam du phye ba las// don la dbyer med gcig tu 'dus// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgud las/ chos sku ngo sprad pa'i yon tan bstan pa'i le'u ste so dgu pa'o// // de nas 'dus pa'i tshogs rnams la// nyams kyi rim pa bka' stsal pa// chos sku rtogs pa'i rnal 'byor pas// dad ldan shes rab snod ldan la// dpe brgyad bzhis mtshon don rnams bshad// de yang 'dus pa'i snying po nyon// nam mkha' nyi ma ri rab bzhin// dngos med mtha' dbus med la khyab// ma bsgribs mtha' dbus med la gsal// chos sku rtogs pas 'gyur ba med// de yang rdo rje sems dpa' nyon// rgya mtsho chu bo bser bu bzhin// zab la g.yo med nyams dang ldan// 'phel 'grib med pas rgyun mi chad// kha dog med
- 77b
pa'i rig pa 'phyo// de yang 'dus pa'i snying po nyon// khyung dang ung+gar sbrul mdud bzhin// nyam nga med pa'i lta ba yis// shin tu dkon pa'i chos sku rnyed// dug lnga skyes tsam rang grol thugs// rin chen cang shes ma gi bzhin// chos nyid rtogs pas thams cad 'grub// gang phyir chos nyid 'brel med shes// nyon mongs nad sel dran pa'i mchog/ de yang 'dus pa'i snying po nyon// de dag dpe don mtshon pa'i nyams// blta bsgom spyod pa 'bras bu yis// rnam pa bzhir ni phye ba yang // shes rab dman la bstan pa las// don la rang rig chos skur 'dus// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ nyams kyi rim pa gcig tu bstan pa'i le'u ste bzhi bcu pa'o// // de nas 'dus pa'i tshogs rnams la// man ngag gol med bka' stsal pa// gsal la mi rtog mi g.yo ba// 'phel 'grib med par rgyun du gnas// gol med kun gzhi la bzla'o// de yang 'dus pa'i snying po nyon// gsal la gol med ye shes ni// sprin med nyi ma'i 'od brdal bzhin// mtha' dbus med pa'i chos skur gsal// 'du shes med 'gog gol ba med// mi rtog dmigs 'dzin med pa yis// rig pa rgya yan chos kyi sku// phyod de sang nge 'dzin rtog med// skye bo ma
- 78a
rtog gol mi srid// mi g.yo ye nas gnas pa yis// chu bo'i rgyun bzhin rtag tu yod// bzhag dang langs pa med pa'i phyir// dbu ma sems tsam gol ba med// rang byung nges pa'i gzhi nyid la// 'phel dang 'grib pa med pa'i phyir// dus gsum dag tu 'gyur ba med// bskyed rim lha yi gol sa med// de yang 'dus pa'i snying po nyon// de dag gol med la zlo ni// rig pa gsal ba longs spyod rdzogs// mi rtog 'dzin med sprul pa'i sku// mi g.yo 'gyur med chos kyi sku// ngo bo nyid sku 'phel 'grib med// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ gol med kyi man ngag bstan pa'i le'u ste zhe gcig pa'o// // de nas 'dus pa'i tshogs rnams la// nyams kyi rim pa 'di gsungs so// gang yang ma mnos dran pa la// rang bzhin med pa'i shes rab kyis// mi brjed pa yi shes pas zin// gza' gtad med pa lam gyi nyams// yul ni gang yang ma brten pa'i// mthong thos med par rang yid ches// 'gyur ba med pa'i gdeng dang ldan// sangs rgyas dgongs pa thugs la 'char// ma bsams pa yi rig pa las// skye 'gags med pa'i ting 'dzin gsal// nyams myong nges par rgyun mi 'chad// de tsam nyid nas da
- 78b
lta'i thugs// phyi yi 'dod yon cir snang yang // ro mchog med par nyams su myong // 'dus byas med par rtag tu gnas// de la zhen pa'i blo mi 'jug/ lus la ma brten dga' ba las// chags pa med pa'i bde/ ba shar// de nyid du na 'pho 'gyur med// nyams kyi nang nas dam pa'i mchog/ de yang 'dus pa'i snying po nyon// de dag rtsa ba mdor bsdu na// rten bcas shes pa 'di nyid la// lung ldan bstan pas rang rig go/ de nyid 'bral med rgyun du gnas// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ nyams su myong ba'i bka' bstan pa'i le'u ste zhe gnyis pa'o// // de nas rdo rje sems dpa' yis// 'dus pa'i 'khor la phan gdags phyir/ kun rig chos kyi rgyal po la// bden pa'i dgongs don 'di skad gsol// phyi nang spyod pa la zlos pa// de yi yon tan ji ltar lags// mthar phyin nyams rim ji ltar 'byung // kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// la zlos spyod pa'i bka' rtags ni// bka' dang mi 'gal mthun par ni// snod ldan blo la 'char ba'i phyir// nges par gtan la dbab par bya// de yang 'dus pa'i snying po nyon// phyi gyen ye shes rang shar bas// dngos po ma
- 79a
'khrul shes pa la// tshor ba bde sdug gang yang rung // nyams su myong tsam nyid nas ni// lus dang 'brel med shes pa'i phyir// ci spyod ye shes chen por shar// de yang 'dus pa'i snying po nyon// kha dog dbyibs su ma bsam pa'i// dngos po ma 'khrul 'jam dang zhim// dga' bde nyams su myong ba ni// da tsam nyid nas 'brel med shes// de phyir rang rig ye shes shar// de yang 'dus pa'i snying po nyon// yul med shes pa ma 'khrul pas// na tsha mi zhim mi dga' sogs// yul dang ma bral nyams myong ba// ye shes rang shar dgongs pa yin// de dag sdug bsngal rnam drug gis// don gyi dbye ba'i don shes na// gang gis rkyen dang phrad pa'i tshe// yul dang 'bral med nyams su myong // de tsam nyid na chos skur shar// de yang rdo rje sems dpa' nyon// dug ni ha la nag po la// ma gi rtsi yis theb gyur na// dug de sman du 'gyur ba bzhin// de bzhin tshor ba bde sdug ni// gang gis rkyen dang phrad pa'i dus// lung bstan gdams ngag dran shes phyir// bde sdug chos skur nyams su myong // ci dran gang phrad ye shes shar// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ phyi rkyen ye shes rang shar bstan pa'i le'u ste zhe gsum pa'o// // de
- 79b
nas 'dus pa'i snying po nyon// nang gi ye shes rang shar don// gzhan du gol med chos sku ni// lha sgom spyod pa'i 'bras bu yis// gol sa med par don brgyad ldan// 'bral med chos sku nyams su myong // seng ge'i 'o ma 'thung ba bzhin// de yang 'dus pa'i snying po nyon// rtag par ma song dngos po med// chad par ma song rgyun mi chad// bying bar ma bsgribs shes pa gsal// rgod par mi 'phro dran mi rgyu// blang du med pas 'dod pa stor// dor du med pas rtsol ba bral// spang du med pas gang yang yin// thob tu med pas re ba med// de yang 'dus pa'i snying po nyon// chos sku rtag pas gzhi dang mthun// ma rig chad pas 'khor ba stongs// rnam rtog bying bas bag chags brlag/ chos nyid 'phro bas thams cad mkhyen// de yang 'dus pa'i snying po nyon// gdams ngag blang bas rang sems rtogs// nyon mongs dor bas sgrib pa dag/ nyams su blangs pas bden pa mthong // gol sa bcad pas chos sku rnyed// man ngag thob pas sangs rgyas 'byung // de yang 'dus pa'i snying po nyon// seng ge'i 'o ma gang 'thung ba// me chu dug mtshon la sogs pa'i// gnod pa gang gis mi tshugs ltar// de yi yon tan brgyad ldan la// go la sgrib skyon gyis mi gos te// mi yi lus la bud+d+ha'i thugs// phyi ma ma yin da lta nyid// nges don bka' las de skad
- 80a
gsungs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ nang gol med ye shes rang shar bstan pa'i le'u ste zhe bzhi pa'o// // de nas 'dus pa'i tshogs rnams la// kun rig ston pas bka' stsal pa// gzhi shes gzhi mthun brtul zhugs can// bgegs med spyod pa bshad kyis nyon// gdams ngag ma nor gzhi shes pas// lta ba nges pa'i gdeng ldan phyir// gang yang chos sku rang gsal bas// 'dus ma byas kyi nam mkha' 'dra// dus dang rnam pa thams cad du// goms pa gdeng du ma gyur par// gdams ngag rgyun du dran par bya// dran pa mi dgos rtag tu ni// gzhi dang mthun par bstan yod na// lta ba gdeng gis zin pa yin// de la sgo gsum bcos mi dgos// ma bcos pa yi chos nyid la// gang mthong nyid 'khrul med pa'i phyir// yid la gang dran chos skur gcig/ smig rgyu nam mkhar shes pa 'dra// brtul zhugs mchog gis la zlos na// mtshams med lnga dang mi dge bcu// chags sdang lnga la longs spyod kyang // blta ba rtogs pa'i grogs su 'gyur// de yang 'dus pa'i snying po nyon// nges don gdams ngag yod pa la// ma rig gti mug med pa'i phyir// yul med rig pa kun 'phyo yang // gang la zhen med nam mkha' 'dra// srung ma
- 80b
lnga yis ma bsrungs pa'i// pho mo chags pa ci spyod kyang // don zin nyes med bde ba'i lam// 'khor ba mi smin gos pa med// pad+ma 'dam gyis ma gos 'dra// zhe sdang ci spyod sdug bsngal yang // dgra gnyen gzhi la med pa'i phyir// de tshe zhe sdang mtha' gsum bral// sbrul gyi mdud pa rang grol 'dra// dus gsum rtsa ba nges pa'i phyir// de bzhin nga rgyal phrag dog kyang // rang byung rang stong rang zhi'i phyir// btson shor rang yul slebs pa 'dra// de yang 'dus pa'i snying po nyon// de ltar rtogs pa'i rnal 'byor pas// rkyen byas gzhan gyis sems dkrugs kyang // nyes pa'i skyon gyis mi gos te// gzhan gyi nyon mongs nyams myong phyir// gzhan gyi sdig pa bsags gyur kyang // rtogs ldan rnams la bsgrib mi nus// shel dkar g.ya' yis mi gos 'dra// de yang 'dus pa'i snying po nyon// lung rigs mi 'gal dka' las ni// 'bol zhing chags chung tshul 'chos pa// nges pa'i gdams ngag ma go na// mkhas kyang rmongs pas thar mi thob// de yang 'dus pa'i snying po nyon// bgegs med ye shes spyod pa ni// rang gi rnam rtog yod kyi bar// bgegs kyi grangs la zad pa med// dngos su med phyir 'khrul pa'i blo// de yang 'dus pa'i snying po nyon// mu stegs can la 'dre yod pas// 'dre 'dzin skye ba ma rig pa// mo ma'i rdzun la re bas bslu// gdeng ldan kun
- 81a
gyis su ston pa// yul dang gol sa chod pa la// 'dre med rig pa chos skur shes// gzhi la lha 'dre med pa'i phyir// phan gnod bya ba rdul tsam med// de yang 'dus pa'i snying po nyon// de dag ye shes rang shar bas// kun brtags med phyir 'dre yang stongs// de phyir 'khrul pa'i 'dre 'dzin phyir// ri bong rwa la rtog dpyod 'dra// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ rang shar spyod pa'i dpe bstan pa'i le'u ste zhe lnga pa'o// // de nas kun rig rgyal po yis// la bzla ye shes rang shar ba// 'dus pa'i 'khor la bka' stsal pa// dbul pos rin chen rnyed gyur na// so nam mi dgos ci 'dod 'byung // de bzhin chos sku rang shar na// chos bya mi dgos rtogs pas chog/ de yang rdo rje sems dpa' nyon// nges don rtogs pa'i rang byung la// bsgom bsgrub bya ba rdul tsam med// ma bsgoms tha mal gol sa med// rang rig ye shes kun tu 'phyo// de yang 'dus pa'i snying po nyon// bde sdug gang gi rkyen phrad na// de dus nyid nas chos skur shes// bde dang mi bde thams cad kun// 'khrul pa'i blo la yod pa las// rtogs pa'i don la gang yang med// de yang 'dus pa'i snying po nyon// me bsad du bas mi gnod ltar// ma bsgoms blta ba thag
- 81b
chotshod phyir// snga phyi dug lnga gang skyes kyang // gzhi la med shes chos sku nyid// de yang 'dus pa'i snying po nyon// gol sa chos nyid la bzla ba// yengs pa bsgom pa yin shes na// ma yengs mtshams bcad bsgom mi dgos// yengs dang ma yengs don la med// rang yul slebs na 'jigs med 'dra// rtog pa chos nyid yin shes na// mi rtog rtse gcig bsgom mi dgos// rtog pa rang stong ye shes shar// gser 'gyur rtsi yis thebs pa 'dra// dug lnga ye shes yin shes na// 'gyod tshangs bshags pa bya mi dgos// nyon mongs ye shes rang sar dag/ dug nyid sman du sbyor shes 'dra// zhen pa chos sku yin shes na// 'jig rten chos brgyad bral mi dgos// ma zhen blo la brten mi dgos// nam langs nyi ma shar ba 'dra// 'khor ba chos nyid yin shes na// mya ngan 'das pa bsgrub mi dgos// re dogs med pa'i gdeng ldan na// shi ba mi ldog yid ches 'dra// sems can sangs rgyas yin shes na// tshogs bsags bsnyen bsgrub bya mi dgos// gter chen rnyed pas so nam mi dgos 'dra// ma bsgoms chos nyid yin shes na// rtse gcig bsgom na don dang bral// ma bsgoms chos sku gzhi dang mthun// don mi gnyer la dgra med 'dra// gnyen po mi mthun grangs mang yang // rtsa ba rang rig chos skur gcig/ de las gzhan pa'i gdams ngag med// nges don rgyud
- 82a
nas de skad gsungs// de yang 'dus pa'i snying po nyon// de phyir la zlos 'di shes pas// gang yang ma yin chos skur gsal// de tsam nyid na dmigs 'dzin med// rang yin gang dgar ye shes shar// nyi shar mun grib brlag pa 'dra// de yang 'dus pa'i snying po nyon// gnyen po dang ni mi mthun pa// snying rje zhe sdang gnyis ka la// chos nyid khyab par gcig pa'i phyir// blang dor med pa'i don shes na// dug spangs pa dang spyod pa kun// chod sku spyod pa'i gdeng ldan pas// gang ltar byas kyang gzhi dang mthun// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ la zlo'i ye shes rang shar bstan pa'i le'u ste zhe drug pa'o// // rang shar yon tan bka' stsal pa// phyi rkyen ye shes rang shar bas// 'jug pa kun tu tsher ba med// nang du gol med rang shar bas// mngal du mi 'jug lus mi len// rang shar skrod pa phye ba yin// rnam rtog thams cad dus gcig choms// la zlo'i ye shes rang shar bas// phyi yi kun brtags ma spangs dag/ de yang 'dus pa'i snying po nyon// kun brtags de dag rang stong phyir// 'khor ba'i skye ba len mi srid// ma bslad rig pa chos kyi sku// dus gsum 'gyur med rang byung la// ci yang mkhyen pa rang byung sku//
- 82b
ngo spyod rang shar rnam pa gnyis// rtsa ba bzhi shes chos skur gcig/ de drug dbye bas gol sa chod// sangs rgyas thugs dang rnal 'byor sems// gcig tu shes pas gnyis su med// kun brtags ma rig gtan stong phyir// nyam pa med pas ltung mi srid// lus dang ma bral bud+d+har 'gyur// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ ye shes rang shar gyi yon tan bstan pa'i le'u ste zhe bdun pa'o// // de nas kun rig ston pas yis// ye shes rang shar rtogs pa yi// nyams kyi rim pa bka' stsal pa// mtha' dbus med pa'i rig pa yis// blo yi gting gdeng de rnyed phyir// mtha' ni yod med rtag chad dang // yin dang min dang dag ma dag/ phyi dang nang dang snod bcud dang // sangs rgyas dang ni sems can dang // mtho ris ngan song dge dang sdig/ 'khor ba mya ngan bde dang sdug/ bzang ngan che chung mtho dman dang // bsgom dang ma bsgoms zhen ma zhe na// yon tan skyon dang 'grib mi 'grib// phan dang gnod pa la sogs pa'i// tha snyad gnyis gnyis bsdus pa kun// mtha' bsal dbu ma mi 'grub pas// phyogs re'i zhen pa gzhi la med// ma zhen blo yi 'dzin pa bral// de phyir chos dbyings mtha' dbus bral// de yang rdo rje sems dpa'
- 83a
nyon// ye nas med pa'i chos nyid la// sgo dang skur ba gang la gdab// gang yang chos nyid yin shes na// zhen dang ma zhen la sogs bral// gang dran gzhi dang mi 'gal na// bsgom du med pa'i gzhi dang phrad// zhe 'dod med pas sangs rgyas so// de yang 'dus pa'i snying po nyon// da lta'i shes pa 'di nyid la// dpag dang gzhal las 'das pa'i phyir// ci la'ang mi gnas nam mkha' 'dra// nges lung ldan pas de ltar go// mtha' rnams gzhi la med pa'i phyir// gang yang mi spangs sgro mi gdags// zhen med stong par skur mi gdab// gang yang rang rig chos sku la// gdams ngag med pa'i mi rnams kyis// mnos shing byas pa thams cad gol// ma mnos dran pa gol ba med// de yang rdo rje sems dpa' nyon// mtha' yi 'dzin pa sna tshogs kyis// mtshan nyid shes pa nyams kyi mchog/ ched du ma bsgoms don du thab / bsgom pa'i shes pa dpag pa'i phyir// zhe la ma mnos sdug bsngal bral// tshig tu ma smras brjod las 'das// de don gol bar ming 'dogs bzhin// rtogs pa shar nas bsgom mi dgos// shes pa gsal la kha dog med// rang yan bzhag pas mtha' dbus med// gyi nar bzhag pas chos skur gsal// de yang 'dus pa'i snying po nyon// sde snod chos la mnyan mi langs// tha snyad chos la bshad mtha'
- 83b
zad// tshig gi na yam bris mi zin// 'jig rten gtam la zad pa med// nges pa don gyi rig pa ni// rigs dang bshal dang 'os pa dang // 'thad dang ma nor don dang ldan// nges don bka' ni yid ches khungs// rig pa nyams myong gdeng gis zin// lung rigs gnyis 'joms rtogs pas chog/ sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ mtha' dbus med pa'i nyams bstan pa'i le'u ste zhe brgyad pa'o// // de nas 'dus pa'i snying po la// kun rig ston pa chos rje yis// ma bsgoms gol med bka' stsal pa// lung ldan nges pa'i gdams ngag gis// da lta'i shes pa 'di nyid la// gang yang ma bsams ma dpyad pa// don gyi gnas lugs chos sku ni// ye nas gnas pa'i gzhi nyid la// 'di yin rtse gcig mi bsgom pas// ma bsgoms rang yan bzhag gyur kyang // lta ba'i gdeng gis zin pa'i phyir// rang sems 'khrul par gol mi srid// de yang 'dus pa'i snying po nyon// ngo sprod rang shar rkyen thub kyang // nges par gzhi dang gcig shes na// rang sems snying po rtogs pa'i phyir// de la ched du bsgom mi dgos// yod med la sogs gang rung gi// mtha' rnams chos nyid yin shes na// ma zhen blo la brten du med// zhen pa dgag cing spang mi
- 84a
dgos// de ltar rtogs pa'i dad ldan gyis// ma bsgoms gang dgar bzhag gyur kyang // yul dang gol sa chod pa'i phyir// tha mal gol sa 'byung mi srid// de yang 'dus pa'i snying po nyon// de las lhag pa'i bogs 'don ni// re ba yod phyir gzhi mi shes// de phyir bogs 'don thams cad nor// yul med rang gsal bsgom mi dgos// de don nges par don go na// gzhi las lhag pa rdul tsam med// de phyir bya btsal ye bral bas// gang ltar byas kyang chos skur rtogs// de las lhag pa'i chos gzhan med// de phyir tshegs med don po che// de yang 'dus pa'i snying po nyon// rang byung ye shes gzhi nyid ni// da lta'i rig pa 'di shes pas// gzhan nas btsal du rdul tsam med// re dogs med phyir gzhi dang bral// 'gyur ba med pas kun gyi gzhi// de rtogs sangs rgyas kun dang bral// de yang 'dus pa'i snying po nyon// sangs rgyas dgongs pa thams cad ni// da lta'i dus 'dir don go bas// phyi mar dge ba'i stegs mi dgos// de phyir dgongs pa'i 'du shes med// nyam nga yid gnyis rtag bral bas// rung dang mi rung tha snyad bral// de phyir kun bzang thugs dang mnyam// de yang 'dus pa'i snying po nyon// rgyud lung man ngag lta sgom de// rig med 'byung ba rnam lnga yang // smre 'dre'i lung gis log bstan pas// rang 'khrul sems
- 84b
kyi rtsol ba yis// spang sbyang bsgyur 'jig la sogs pa// thabs mang dka' ba sna tshogs kyis// gnyen po bskyed dang rdzogs pa yis// lhag par ting 'dzin ci bsgoms kyang // yul dang 'brel ba ma chod phyir// rtags dang nyams ni ci byung yang // bem rig shan 'di ma phyed na// nyams myong bzang yang 'khrul pa yin// de phyir yul sems gcig zer pa// de ltar mkhas kyang sangs mi rgya// de yang 'dus pa'i snying po nyon// de dag gzhi de rtogs pa dang // ma rtogs rgyud pa mchod kyang // 'khrul dang ma 'khrul phye ba las// don la rgyud lung chos mi dgos// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ ma bsgoms gol sa med par bstan pa'i le'u ste zhe dgu pa'o// // de nas 'dus pa'i tshogs rnams la// gnas lugs nyams ni bka' stsal pa// chos rnams kun gyi rtsa ba ni// rang byung ye shes rtogs pa'i don// da lta nyid du nyams su myong // bde ldan sangs rgyas kun dang mnyam// de yang rdo rje sems dpa' nyon// ye nas gnas par don go bas// sgrib skyong tshogs bsags bya mi dgos// rang bzhin gzhi yi gnas lugs la// byar med bsgrub med don shes pas// bsnyen bsgrub chos la rtsol mi dgos// gzhan nas mi 'byung rang
- 85a
rig pas// ma rig mun pa gdod nas dag/ rang rig shes pa gnyug ma 'di// rgyu dang rkyen las ma bskyed phyir// 'dus byas chos la rag ma lus// nges lung bka' yi dgongs pa 'dis// ma nor ma bcos don go'i phyir// tshul 'chos spyod pa bya mi dgos// de yang 'dus pa'i snying po nyon// ye nas gnas pa'i gzhi shes pas// ji bzhin don la rang gsal bas// snang ba'i sgron ma 'degs mi dgos// nam mkha' dang ni dus mnyam phyir// ma skyes mi nub rang 'byung phyir// gzhan nas btsal du rdul tsam med// de yang 'dus pa'i snying po nyon// ye nas gnas pa'i gzhi shes pas// kun khyab ye nas chos sku la// 'pho 'gyur bya ba rdul tsam med// de phyir gzhi nges chos sku la// tshig gi tha snyad bslab mi dgos// blta ru med pa'i rig pa la// mdog dbyibs su ni mthong ba med// gal te yod na 'khrul pa yin// bsam du med 'i chos nyid la// rtog dpyod byed na ma rig sems// bstan du yod na mtshon pa dka'// rtag chad ye nas med pa la// mtha' ru ltung ba yod mi srid// de phyir spros bral mtha' dbus med// de yang 'dus pa'i snying po nyon// yang dag ma nor dgongs pa ni// zhe la 'dod pa khar mi thon// rang gi nyams la gsal ba las// tshig gi mtshon du smrar mi shes// de phyir brjod du med ces bya// sus kyang ma byas ma bcos
- 85b
par// phyogs med pa la chos sku gsal// byed rmugs bya ba'i ming yang med// dngos po med pa'i gsal don gyis// btang snyoms ldeng po'i mun pa med// 'jig rten chos kyis yengs pa med// chos nyid don la ma yengs mchog/ de phyir don gyi gdeng ldan dgos// de yang 'dus pa'i snying po nyon// gang gi mno bsam ma btang bar// de nyid chos nyid yin shes na// gol sgrib sdug bsngal 'byung mi srid// che chung gnyen po bsgom mi dgos// da lta'i shes pa 'di nyid las// don gyi gnas lugs gcig shes na// rgyud dag rang byung chos kyi sku// tha ma rang rig dus der sangs// thams cad mkhyen pa'i ye shes rgyas// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ gnas lugs don gyi nyams myong bstan pa'i le'u ste lnga bcu pa'o// / kun rig rgyal pos bka' stsal pa// de ltar ma rtogs blo dman gyis// rgyun du 'bral med bya ba'i phyir// don zin spyod pa rkyen thub pas// rgyu dang gol sa gdams ngag dang // nyams myong la bzla blta ba ste// re re la ni drug drug tu// phye la bstan gyi yid kyis nyon// de yang rdo rje sems dpa' nyon// bde ba ye shes rnam gsum gyis// nang gi bde ba rkyen thub pas// blta med zhi gnas 'gog pa
- 86a
la// bdag med mi g.yo rnam pa gsum// rang yan lhag mthong mi brjed bzung // mtha' bral shes gsal gdeng gis zin// bdag nyid don la med par shes// de nyid bde gsal ye shes sku// de yang 'dus pa'i snying po nyon// 'du 'dzi longs spyod 'phel ba yis// yo byad rnam gsum ldan pa de// 'dod yon lnga la rang rgyud zhen// gang 'khrul ma mthong don shes pas// gang yang myong bar rig pas shes// bdag gzhan gzhi la ma grub pas// bde ba longs spyod chos nyid rgyan// de yang 'dus pa'i snying po nyon// pho mo bde ba'i rkyen thub pa// 'gro ba bzang por yid chags pas// thabs dang rang rgyud chags spyod gol// snga phyi ma song don zin pa'i// de tshe bde ba mthar ma ltung // pho mo gzhi la grub pa med// lus bde longs spyod rig pa'i sku// de yang 'dus pa'i snying po nyon// de dag bde ba rnam gsum yang // zhen med don zin dngos spyod kyang // gnas skabs 'brel yod mthar thug med// de phyir gdeng zin rnams kyis spyod// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ bde ba ye shes su rkyen thub par bstan pa'i le'u ste nga gcig pa'o// // kun rig rgyal pos bka' stsal pa// phyi yi lus kyi sdug bsngal gyi// nad ni
- 86b
bzhi brgya rtsa gcig las// ye 'drog khod pa rnam gsum yin// gang na lhag mthong don gyis zin// de tshe mtha' bral chos skur myong // lus dang na tsha gzhi la med// sdug bsngal de nyid sbrul skur shar// de yang 'dus pa'i snying po nyon// sems kyi sdug bsngal rkyen thub pas// chags sdang rnam gnyis yin pa'i phyir// byams sdang gzhi la dam par zhen// mi gzhig mi bsam dran pas zin// gang la zhen 'dzin bde zin nyams// de nyid bsam pa gzhi la med// de tshe sdug bsngal bde bar shar// de yang 'dus pa'i snying po nyon// phyi yi sdug bsngal rnam bzhi yang // ma rig rkyen bzhis bskyed pa'i rgyu// nyon mongs bag chags bsags pas gol// snga phyi med shes gdams ngag gis// chos nyid gzhi ldan nyams su myong // gzhi la snga phyi don la med// de phyir 'bras bu chos kyi sku// de yang 'dus pa'i snying po nyon// sdug bsngal nyid dang bde ba'i klong // don la ye shes 'bral ba med// da lta'i rig pa 'di nyid yin// de phyir sdug bsngal bde ba'i ngang // de la zhen med ye shes sku// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ sdug bsngal zhi byed chos skur rkyen thub par bstan pa'i le'u ste nga gnyis pa'o// // de yang 'dus pa'i snying po nyon// btang
- 87a
snyoms shes shing rkyen thub pa// le lo snyoms las lung ma bstan// btang snyoms mun pas rang rig bsgribs// shan phyed ngos zin yid ches la// rang rig 'brel med nyams dang ldan// ma rig med phyir btang snyoms med// lhag mthong 'bras bu bde ba mthong // de yang 'dus pa'i snying po nyon// kun gzhi lung ma bstan pa yis// bsgribs pa lung ma bstan pa'i phyir// dang po yid tsam bsgribs pa yis// ma rig rgyu las lus bskyed pas// brgyal dang mngal du chags tsam na// brjed dang ma dran had de ba// dran med drug gis lung ma bstan// dran med lung las ma g.yos pa'i// nges don gdams ngag sngon bstan nas// lung ma bstan par rang stong nas// gzhi nyid don phrad chos kyi sku// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ btang snyoms lhag mthong rig pa rkyen thub par bstan pa'i le'u ste nga gsum pa'o// // de nas 'dus pa'i tshogs rnams la/ kun rig ston pas bka' stsal pa// gnyid kyi rnam grangs dbye ba ni// dge sdig lung ma bstan pa'i gnyid// bag chags bzang ngan gnyis las byung // dang po lung ma bstan pa'i gnyid// rmi lam med pa'i lam med pa// de la dge sdig rmi lam byung // bag chags mtshams
- 87b
sbyor lhas bstan pa// 'khrul pa bzang ngan dam par 'dzin// de phyir ma rig rmongs par gol// de yang 'dus pa'i snying po nyon// gnyid log tshogs drug bag la nyal// bum nang sbrang bu brgyal ba bzhin// rang dbang med par sems sdud pa// gti mug mun par chos sku dbyings// de ma bsal bar sangs mi rgya// de phyir nges pa'i lung 'di la// yid ches rig pa'i klong du zhog/ der bzhag sa ler dran mi rgyu// chos nyid gnas lugs de yin pas// gnyid ni chos sku'i klong du thim// bag nyal gzhi gnas rig ma rig/ rmi lam rnam gsum gang byung yang // gzhan gyi bar ni ma chod par// sad dus gdams ngag 'di dran pas// gnyid de chos skur rang shes phyir// don tsam nyid na nyams su myong // de la rmi lam grub pa med// 'bras bu mi rtog chos skur shar// de yang rdo rje sems dpa' nyon// dang po rang bzhin lus gzhi yis// kun gzhi lung ma bstan dus na// mngal gyis bsgribs g.yog lus 'dis ni// rkyen byas gnyid du song ba'i tshe// rang nyid mal la gnyid de ni// lung ldan gdams ngag sngon phog pas// 'khor 'das ma ga gzhi de nyid// mi dran gnyid de chos skur dran// rin chen ga 'ur bcug pa bzhin// bying yang sad dus gdams ngag gis// rmi lam gang yang mi bsam par// dran du mi gzhug rjes mi bcad// gdams ngag
- 88a
dran pas bag nyal med// de shes rang byung klong zim yin// de yang 'dus pa'i snying po nyon// rmi lam bzang ngan sprin bzhin du// chos nyid stong pa'i ngang du sangs// brjed dran nor ni rnyed pa 'dra// de yang 'dus pa'i snying po nyon// ma yi mngal du gnas dus na// 'chi kar dran pa mun song dang // brgyal dang ma dran brjed pa'i dus// gdams ngag dran pa med kyang ni// gzhan gyi bar ni mchod par// de tshe dran rnyed lhag mthong shar// de ltar nyams su myong ba'i phyir// bar dor mngon sangs rgyas par nges// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin/ po che yon tan kun 'byung gi rgyud las/ gnyid ye shes klong thim du bstan pa'i le'u ste nga bzhi pa'o// // kun rig ston pas yang gsungs pa// gti mug rang grol rkyen thub pas// ma rig shes bzhin lung ma bstan// gang yang mi sems gti mug sems// lung ldan sgron ma'i don bstan pas// rang rig chos sku yid la shar// gzhi dang phrad pas mun pa brlag/ 'bras bu chos sku thams cad mkhyen// de yang rdo rje sems dpa' nyon// zhe sdang rang grol rkyen thub pas// yul ngan kha dog smra ba la// zhe sdang sems 'khrugs bzod pa nyams// mi bsam yul gyi rjes mi bcad// de dus rtag chad mtha' bral nyams// rang gzhan
- 88b
gzhi la grub pa med// 'bras bu rang rig sbal par shar// de yang 'dus pa'i snying po can// nga rgyal red byed rkyen thub pas// gzhan dag ldem pos smra ba la// nga bden rmongs pa ched du byed// gang yang don med don dran pas// de nyid rig pa'i shes pa nyams// chog gi tshe chung gzhi la med// don ldan nga rgyal chos skur 'char// de yang 'dus pa'i snying po nyon// phrag dog rang grol rkyen thub pas// gzhan gyi phun sum tshogs pa la// g.yo sgra'i thabs kyis gzhan la smon// bdag gzhan med shes chos kyi sra// phrag dog ye shes nyams su myong // de tsam nyid na bdag gzhan med// gso sgra'i don shes longs spyod rgyan// de yang 'dus pa'i snying po nyon// dngos por ma 'khrul rang lugs la// rkyen gyi nyon mongs gang skyes kyang // de dus chos sku nyams su myong // de tshe yul dang 'brel pa med// de phyir rkyen thub bsgom mi dgos// sangs rgyas thams cad kyi dgongs pa chos sgra gcig tu 'dus par bka' bgros pa'i don/ rin po che yon tan kun 'byung gi gyad las/ dug lnga rang grol du bstan pa'i le'u steng lnga pa'o// // de nas 'dus pa'i tshogs rnams la// kun rig ston pas yang gsungs pa// rig 'dzin sems dpa' sprul pa'i sku// sangs rgyas dgongs pa nges pa'i don// thugs nas snyan du brgud pa yi// snod ldan gdams ngag sngon
- 89a
bstan nas// ting 'dzin brtan par ma gyur kyang // snga phyi mi rtog tsam bsgom la// tshe 'phos mi lus gcig thob nas// 'khor bar mi ldog bden pa mthong // de bas mi g.yo gtan goms na// lus kyi 'byung ba zhig pa'i dus// lha yi rig 'dzin mngon thob nas// dus de nyid du mngon sangs rgyas// de yang 'dus pa'i snying po nyon// thig le nyag gcig mngon rtogs pa'i// rnam smin lus dang ma bral bar// thog ma med par sangs rgyas tshe// skad cig tsam la ma rig sangs// lus med rig pa ye shes rgyas// rang byung thugs la skye shi med// thams cad mkhyen pa'i ye shes ldan// nam mkha' nyi ma'i snying po 'dra// de yang 'dus pa'i snying po nyon// ye nas dag pa'i gzhi nyid ni// chos skur ngo spyod don shes na// chos sku gzugs sku rnam pa gnyis// so sor snang ba ma yin te// chos kyi sku las gzugs sku 'char// dper na snum dang mar bzhin no// rin chen lus nang chos sku la// snang ba gzugs med longs spyod sku// snang dag sa bcu'i sems dpas mthong // las dag lha mi kun snang la// gzugs can thub drug sbrul skur mthong // gcig la gcig tshang ye nas yod// gser dang ser po ji bzhin no// de yang rdo rje sems dpa' nyon// ye shes lus can sangs rgyas la// sems can med phyir dor mi dgos// rang la
- 89b
yod pa ngo shes phyir// ched du rtsol bas bsgrub mi dgos// de yang 'dus pa'i snying po nyon// rang byung rig pa chos sku la// dus gsum 'khrul dang 'pho 'gyur med// stong gsum zhig kyang nyam mi nga // dngos med rang byung rig pa'i sku// ye shes gzugs can kha mig can// de yi gzugs brnyan gzugs sku 'byung // ma btsal rang byung chos kyi sku// thabs la mi brten yon tan rdzogs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ srid pa bar do la skye ba phyis mi len par sangs rgyas par bstan pa'i le'u ste nga drug pa'o// // de nas kun rig ston pa la// lha dbang brgya byin don zhus pa// don nyid rtogs pa'i rnal 'byor pas// nges don mthar phyin bka' stsal pa// rtsol spyod rtag tu dgos mi dgos// zhus pa'i don la bka' stsal pa// chos sku gdod nas dag pa la// chos spyod bcu yis sangs mi rgya// ma btsal lhun gyis grub pa la// yon tan bcu yis bsgrub tu med/ kun bzang chos pas nga snga'i phyir// mdo rgyud kun gyi phyi mor bshad// thos pas shes rab bskyed du med// sangs rgyas sems las ma byung phyir// rgyud lung man ngag grogs mi dgos/ kun gyi gzhi nyid nga nyid yin// nga la dang po rgyu med pas// tha ma rkyen gyis gzhig tu
- 90a
med// nga la bsgrub pa'i thabs med pas// dngos grub gzhan nas re ba med// nga la bstan pa'i tshig med pas// rtog pa'i sgra bsam yul las 'das// nga la gong na rje med pas// ye shes kun las khyad par 'phags// nga la 'og na 'bangs med phyir// snying rje chen po spyir mi mdzad// nga nyid ye shes rang bzhin la// thabs kyi ngo bo dbyings na gsal// nyi ma'i snying po rang shar bas// 'byung ba lnga la khyab pa bzhin// chos sku rig pa dngos med la// btsal ba med par ye gnas phyir// nam mkha' lta bur rang gsal bas// bag chags skyon gyis bsgyur du med// rin chen lta bu'i yon tan la// chos sku'i gzugs brnyan gzugs sku 'byung // phyi nang med par ye shes sku// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ lha dbang gi the tshom gyi gegs bsal ba'i le'u ste nga bdun pa'o// // de nas 'dus pa'i tshogs rnams la// kun rig rgyal pos bka' stsal pa// lung ldan nges pa'i rgyud chen 'di// dad ldan kun la 'di yod na// rnam smin lus dang ma bral bar// sangs rgyas da lta dgongs pa nyid// gzhi dang shes pa gcig tu rtogs// 'khrul pa med par rang yid ches// 'du shes bskum dang rgya bskyed med// gang ltar gnas pa chos
- 90b
skur yod// bya dang mi bya'i rtsol ba bral// de don gdeng zin rnal 'byor pas// gang ltar byas pa thams cad kun// rang byung chos skur 'bral med shes// nges don 'di rtogs rnal 'byor pas// 'khrul pa bya ba'i ming yang med// thams cad rang byung chos sku nyid// de yang 'khor rnams legs par nyon// log rtogs sgyu ma'i sems can dang // ye shes sgyu ma'i sangs rgyas gnyis// drang don bstan pas sems ma rtogs// sems can sangs rgyas btags pa tsam// gdag rgyu gang yang gzhi la med// drang don chos kyis bdag gzhan phung // phan gnod med phyir drang don rdzun// rdo rje sems dpas de skad gsungs// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ dus da lta nyid du rtogs par bstan pa'i le'u ste nga brgyad pa'o// // de tshe lha'i bu sems lhag gis// yid kyi the tshom bsal ba'i phyir// rdo rje sems la don zhus pa// gzhi la 'byung ba med pas na// sangs rgyas sems can med pa'i phyir// zugs rje rgyun chad 'gro don med// chad dang med mi 'gal lam// de skad zhus pa'i don gsan nas// rig 'dzin 'khor la bka' stsal pa// ye nas dag pa'i gzhi nyid la// dus gsum dag tu 'gyur med pas// chad pa'i skyon du ci la che// chos skra
- 91a
sems can kun khyab pas// thugs rje'i rgyun ni ci la 'chad// yod las med song ma yin pas// chad pa'i skur pa gang la 'debs// don la sangs rgyas sems can med// gzhi shes 'bral med gcig pus chog/ de yang 'dus pa'i snying po nyon// ma rig rmongs pa'i log lta can// 'dus ma byas pa'i chos nyid la// 'byung gzhi thabs kyis tshang gos zer// rang yid khra bor yod pa la// rang rig yin/ 'dod rmongs pa kun// 'byung ba dngas snyigs gzhir phye na// 'dus byas 'byung ba'i kha dog las// ye shes lnga dang 'od lngar 'dod// phyi nang phung khams skye mched kun// nan gyis gzugs skur blos bsgyur kyang // yul gyi 'brel pa mchod phyir// sangs rgyas mi 'byung shin tu gol// rus sbrul spu la gos byed 'dra// phyi snod mi 'gyur bcud 'gyur zer// gzhi la 'byung ba med pa'i phyir// kha dog lnga dang 'od lnga ni// gzhi mi shes la snang ba las// don ldan kun la gdod nas med// de yang 'dus pa'i snying po nyon// gcig la yon tan kun snang ste// gang yang mi 'gal chos sku ni// rang rang mthong snang so so la// bzang rtog gzugs sku rnam gnyis 'byung // ngan rtog 'gro drug lus snang ba// gzhi la gnyis ka med las byung // byung yang phan gnod gnyis ka med// de phyir 'khor 'das ma rig chos// de yang 'dus pa'i snying po nyon//
- 91b
'khor gyi sa bcu'i sems dpa' yis// rang la yod pa ma rtogs pas// 'gro don ched du rtsol ba byed// ye shes sgyu ma'i sangs rgyas 'dod// glen pas lha khang blta ba bzhin// ldem dgongs bsgom dang sems bskyed dang // sku mdog 'od dang dpe byad dang // zhing khams brgyan pa mngon du 'dod// sgyu ma'i gzugs sku bzang por mthong // chos sku ma shes yul du bzung // de phyir shes bya'i sgrib pas bsgribs// gnas lugs chos sku'i sangs rgyas min// de yang 'khor rnams da nyon cig/ ye nas gnas pa'i sems nyid de// nyan thos rang rgyal rang dag 'khor// shes rab dman la tshogs bsags pas// me long gzhi la rang byad 'dzin// de ni sbrul skur mthong ba'i tshe// chos sku'i gzugs brnyan ma shes phyir// ngan rtogs sbyang phyir mos gus byed// chos skur ma shes thub drug mthong // bag nyal nyon mongs sgrib pa yod// de phyir ye yod gzhi ma shes// smig rgyur chu mthong snyegs pa 'dra// de yang 'dus pa'i snying po nyon// 'gro drug sems can ma lus kun// dug lnga rang la skyes tsam na// chos skur ma shes gti mug pas// med pa'i yul la chags sdang skyes// 'khor ba'i mtha' la zad pa med// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las lha'i bu'i sems
- 92a
kyi rtog pa bsal ba'i le'u ste nga dgu pa'o// // de nas kun rig rgyal po yis// rgyud bdag rdo rje sems dpa' la// rang rig rtogs don 'di skad gsol// kun bzang gdams ngag 'di phog pas// bdag don rtogs pa 'di ltar shar// yul dang sems ni cir snang yang // 'khrul pa'i yid kyis brtags pa las// don la med par rang yid ches// lung ldan gdams ngag zin tsam na// gang yang mi 'gal chos skur shes// de yang 'dus pa'i snying po nyon// ji bzhin pa la don gyis zin// ma bcos pa la dran pa gsal// yid ches don la 'gyur ba med// ma 'gags pa la bzung rgyu med// 'gro 'ong med par rang sar gnas// shes pa gsal la mno bsam bral// de tsam nyid na bsgom du med// de yang 'dus pa'i snying po nyon// nyi shar mun grib med pa bzhin// gnas lugs gzhi dang phrad pa'i tshe// 'khrul med shes pa yul dang bral// bsams nas med pa ma yin te// gdod nas med pa kun gyi gzhi// de nyid rtogs pas kun bzang thugs// dus gsum rgyal ba'i dgongs pa gcig/ de phyir thig le nyag gcig yin// 'pho 'gyur med pa nam mkha' 'dra// de yang 'dus pa'i snying po nyon// chos sku ye shes rtogs tsam na// da lta'i shes pa 'di nyid la// bzang por song ba med pa'i phyir// bsgom dang mi bsgom tha snyad bral// bying
- 92b
rgod gnyis kyang rang byung klong // ma rig med pas ye shes klong // de phyir rang byung shes rab gsal// bzhag dang langs pa med pa'i phyir// bde dang mi bde thams cad kun// don la rang rig chos skur gcig/ gsal dang mi gsal gang yang rung // 'dzin med rang byung chos sku la// dran dang ma dran gang shar yang // gang gi gnyen po brten mi dgos// gang yang chos skur shes pa'i phyir// yengs dang ma yengs gdod nas med// de yang 'dus pa'i snying po nyon// de lta bu yi sems can kun// lung ldan ma phrad phugs ma dag/ gzhi nyid ma shes bar du yang // yul sems gnyis kyi 'khrul pa yod/ de phyir dad pas ci bsgom yang // bying rgod yengs dang ma yengs 'byung // rang blo zhen pa sna tshogs byed// kun kyang nga dang 'dra snyam nas// gdams ngag can la sgro skur 'debs// de nyid gzhi nyid ma shes na// chos spyod brtson yang rnal 'byor min// bskal par bsgoms kyang sangs mi rgya// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las// rdo rje sems dpa' gzhi phrad pa'i rtogs pa bstan pa'i le'u ste drug cu pa'o// // de nas rdo rje sems dpa' yis// 'dus pa'i tshogs la phan gdags phyir// kun tu bzang la 'di skad gsol// thig le cag
- 93a
gcig chos sku la// sa bcu rdzogs pa'i yon tan gang // sangs rgyas dgongs pa ji ltar 'dus// gzhan gyi 'gro don ji ltar byed// gzhi lam 'bras bur ji ltar gcig/ kun rig rgyal pos bshad du gsol// de skad zhus pa'i don gsan nas// kun rig rgyal pos bka' stsal pa// nges pa'i sa rnams rdzogs pa ni// grangs dang ming dang rten dang dpe// yon tan 'bras bu drug drug tu// nges don bstan gyis yid la zung // de yang 'dus pa'i snying po nyon// 'khor bar mi ldog rab tu dga'// rten ni sbyin pa rin chen gter// ma rig cha phra zil gyis gnan// mngon rgyu'i nyon mongs 'byung mi srid// sa ni gnyis pa dri med la// rten ni tshul khrims rin chen myug/ bag nyal mi gnod 'gyur ba med// sgrib med rang rig chos skur gsal// sa ni gsum pa 'od 'phro la// rten ni bzod pa rgya mtsho 'dra// zhen pa'i nyams ni gting nas choms// ye shes ngang la rjes thob med// sa ni bzhi pa 'od byed la// rten ni brtson 'grus ri rab 'dra// zhen pa'i bag chags dran mi srid// 'jig rten mchod kyang zhen pa bral// sa ni lnga pa sbyangs dka' la// rten ni bsam gtan rdo rje 'dra// rtsal ni bying rgod rkyen mi 'byung // dgongs pa'i don la 'byung 'jug med// sa ni drug pa mngon gyur la// rten ni shes rab sman dang 'dra// skye shi med pa'i
- 93b
lam yang ston// thams cad rig pa chos skur mkhyen// sa ni bdun pa ring song la// rten ni dge ba'i bshes gnyen 'dra// rtsal ni dug la sman du 'gyur// 'khor ba'i skyon gyis gos pa med// sa ni brgyad pa mi g.yo ba// rten ni smon lam rin chen 'dra// shes bya'i sgrib pa rtsad nas dag/ dam par blta ba gang yang med// dgu pa legs pa'i blo gros la// rten ni stobs chen nyi ma 'dra// rtsal ni log pa dbyings su sgrol// sangs rgyas sa la nges par 'gro// rang sems sa ni bcu par 'gro// rten ni ye shes dbyings dang 'dra// rtsal ni sgrib dag thams cad mkhyen// de las bgrod med sangs rgyas nyid// de yang 'dus pa'i snying po nyon// de dag sa bcu'i rten la sogs// ngo bo rang byung chos skur 'dus// gdul bya'i rim pas bcur bstan yang // yang dag ye shes ngo bo nyid// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ sa bcu rdzogs par bstan pa'i le'u ste re gcig pa'o// // 'dus pa'i 'khor la bka' stsal pa// sangs rgyas thams cad kun gyi dgongs pa'i don// nges don ma nor 'di rtogs pas// gdams ngag khyad par can du 'dus// dpe don rtags dang gsum kar 'dus// de yang 'dus pa'i snying po nyon// lta ba 'pho 'gyur med pa la// skye
- 94a
'gags med pa'i rig pa shar// ma bcos rang lugs spyod pa bde// re dogs med pa'i 'bras bur gnas/ kun tu bzang po'i dgongs par gnas// dpe ni nyi ma'i snying po la// 'dzam gling bye ba phrag brgya ru// 'char nub ldog pa grangs mang yang // nyi ma 'di nyid gcig pur 'dus// de bzhin sangs rgyas thams cad kyang // mtshan dang sku mdog phyag mtshan sogs// che ba'i yon tan bsam yas kyang // rigs lnga'i sangs rgyas dgongs par 'dus// de yang 'dus pa'i snying po nyon// rang byung rig pa skye med 'di// mi 'gyur 'gags med rang gsal ba// ye nas gnas pa'i don shes phyir// de yang rgyun du mi 'bral ba// de bzhin rigs kyi dgongs pa yin// yang dag sangs rgyas dgongs pa'i don// mi 'gyur mi shigs rdo rje'i sku// chos nyid ma bcos ma bslad pa// mi zad gter gyi dgongs pa ste// rdo rje rigs kyi dgongs pa yin// 'du 'bral med pa'i ye shes thugs// da lta'i shes pa'i 'di nyid la// 'gyur med ye nas gnas pa ni// rang byung yid ches kun gyi gter// rin chen rigs kyi dgongs pa yin// chos sku mtha' yas kun khyab pas// ma byung ma skyes da lta nyid// 'phel 'grib med par rang gsal ba// pad+ma rigs kyi dgongs pa yin// lus kyi nang na rang rig pa// chos sku bzhi ldan rig pa la// de ru ma 'dus gang
- 94b
yang med// de phyir ye shes rgyun mi 'chad// las kyi rigs kyi dgongs pa yin// de yang rdo rje sems dpa' nyon// rten gyi rnal 'byor rtogs pa'i don// byang chub sems dpa' man chad nas// phyi rabs dad ldan yan chad du// nges lung gdams ngag 'di thos pas// sangs rgyas kun dang dgongs pa mnyam// de phyir mi lus sangs rgyas thugs// de yang 'dus pa'i snying po nyon// dper na mar me stong bltam yang // 'od kyi ngo bo gcig tu 'dus// de bzhin 'jug sgo tha dad kyang // nges don rang byung chos sku la// gzhan ni khyad par rdul tsam med// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ sangs rgyas thams cad kyi dgongs pa 'dir 'dus par bstan pa'i le'u ste re gnyis pa'o// // kun rig ston pas bka' stsal pa// chos sku me long lta bu la// gzugs brnyan ye shes sku gsum 'byung // nga yi sprul pa 'gro don du// phyi nang la zlos rnam gsum yin// nga yi sku yi sprul pa las// ye shes sgyu ma'i sangs rgyas ni// 'od dpag med dang 'od mi 'gyur// mar me mdzad la sogs pa yis// sngon gyi de bzhin gshegs pa yang // grangs kyi mi langs brjod las 'das// de rnams bka' yi don bshad pas// sngon gyi sems can grangs med kun// ma
- 95a
lus sangs/ brgyas 'khor stongs// de phyir 'das pa'i sangs rgyas byung // nga yi gsung gi sprul pa las// bskal bzang byang chub stong la sogs// da lta'i sangs rgyas grangs med kyis// bka' yi drang don gsungs pa yis// da lta'i lha mi sems dpa' yis// de phyir sa lam rim pa byung // dus kyi mtha' la nges pa med// nga yi thugs kyi sprul pa las// zhi khro'i sangs rgyas bsam mi khyab// sku gsung thugs kyi dkyil 'khor las// sems can bya ba'i ming yang med// rtog pa lha ru gnas 'gyur phyir// 'khrul ba'i snang ba rdul tsam med// de yang 'dus pa'i snying po nyon// nang gi sprul pa rnam gsum ni// gsung gi sbrul sku 'byung ba ni// mdzad pa bcu gnyis tshul du ni// shAka thub lha mi'i ston pa des// mdo sde 'dul ba mngon pa'i chos// drang don gang mos lam du byas// 'bras bu ngan song mi ltung tsam// sangs rgyas byang chub thob la re// mos pa'i sangs rgyas 'byung bar 'dod// nga yi sku yi sprul pa las// rnam par snang mdzad longs skur bzhengs// phyi nang rigs gsum mgon po la// phyi rgyud tan+t+ra mang du gsungs// de ltar tshogs bsags sgrib sbyang phyir// dam tshig ye shes mchod la sogs// gzhung du byas nas dngos grub re// thun mongs sangs rgyas 'byung bar 'dod// nga yi thugs kyi sprul pa las// gzhi nyid rtogs pa'i
- 95b
sangs rgyas ni// sku ni rang rig chos kyi sku// gsung ni brjod med tshangs pa'i gsung // thugs ni thig le nyag gcig go/ de yang 'dus pa'i snying po nyon// la zlos sbrul sku rnam gsum ni// sku yi sprul pa rang lugs la// rtogs ldan lus la ye shes yod// rin chen ga 'ur bcug pa bzhin// lus kyi nang na chos sku gnas// gsang ba'i gsung ni brjod pa yin// don ldan tshig tu smra mi shes// de don brjod pas brjod med phyir// smras kyang rang byung nyid kyi gsung // gsang ba'i thugs ni rang byung la// bem rig shan phye chos kyi sku// de yang yid ches gdeng gis zin// de don rgyun du skye 'gags med// de yang 'dus pa'i snying po nyon// phyi nang dgu ru phye ba yang // gdul bya'i 'khor la tha dad pas// don la dbyer med gcig gi ngang // rtsa ba chos sku rtogs par gyis// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ chos kyi sku'i sprul pa gzugs sku rnam gnyis kyis gzhan don byed par bstan pa'i le'u ste re gsum pa'o// // de nas 'dus pa'i 'khor rnams la// 'bras bu lhun grub bka' stsal pa// pa na se yi shing thog bzhin// rgyu rkyen 'bras bu tha dad med// de bzhin gzhi lam 'bras bu yang // ngo bo gcig phyir dbye ru med// de phyir rin chen lhun
- 96a
rdzogs yin// de yang 'dus pa'i snying po nyon// lung ldan nges pa'i gdams ngag gis// rtog pa bzhag pas mngon sangs rgyas// ma rig med pa'i ye shes la// skye ba'i phung po len mi srid// de yang 'dus pa'i snying po nyon// gong du bstan pa'i gzhi nyid dang // nyams su blangs pa'i nyams dang ni// 'bras bu mthar thug yin pa'i phyir// lam nyid lam la lam nyid gzhi// de nyid gcig shes 'bras bu mchog/ de nyid rgyu 'bras ro gcig pas// dman pa'i lus la sangs rgyas yin// de yang rdo rje sems dpa' nyon// de ltar rtogs pa'i rnal 'byor pas// dus 'dir chos nyid bden pa mthong // spyan lnga rim gyis cig car du// sngar ma mthong ba'i zhing khams gsum// ye shes mig gis dus gcig mthong // lus dang ma bral rig pa la// 'char nub med pa'i ye shes shar// ma bsams pa yi lhag mthong la// mi brjed pa yi gzungs kyis zin// ma thos pa yi bdud rtsi myang // ma bsgrubs pa yi 'bras bu thong // de yang rdo rje sems dpa' nyon// rang nyid gar 'dug chos kyi dbyings// su dang 'grogs kyang rgyal ba'i sras// gang du 'gro ba byang chub lam// thun mong dngos grub ci bsam 'grub// phyi mar sangs rgyas smos ci dgos// rdzogs pa chen po sangs rgyas thams cad kyis dgongs pa chos sku gcig tu 'dus par bka'
- 96b
bgros pa'i don/ rin po che yon tan kun 'byung gi rgyud las/ gzhi lam gcig pa'i 'bras bu bstan pa'i le'u d+ha re bzhi pa'o// // de nas kun rig rgyal po yis// 'dus pa'i 'khor la chud gtad pa// mthar zug chos nyid lhun rdzogs 'di// thog ma'i chos sku rtogs pa yis// rig 'dzin grub pa thob pa yis// bka' rtags gdams ngag ma chad don// da lta mi brjed gzungs thob la// 'khor 'das ma rig lta ba yis// ye nas chos nyid rang chas la// nges pa'i byin rlabs rig pa yis// bstan pas chos sku bzhi ldan phrad// kun gzhi gzhi cha rang gsal la// rang rig chos skur ngo sprod pas// ma rig kun brtags mun pa sangs// rang gsal chos sku 'gyur ba med// phyi nang rang shar blta spyod bstan// yul dang 'brel chod gol sgrib med// rkyen gyis mi tshugs chos nyid grol// de phyir 'bral med rgyun du gnas// 'bras bu mngon gyur par do byang // bar mchod par sangs rgyas pas// sku gsum dus gcig rang la rdzogs// de phyir gzhi rtogs 'gyur ba med// yang dag rig pa'i 'khor don ni// skal ldan 'dus pa khyed kyi kyang // nges don rgyud 'di yid la chongs// de yang 'khor gyi snying po nyon// tshul 'chos byed cing slob dpon smod// nor phong chos 'dod thabs kyis bskur// nges don bka' bgros rgyud chen 'di// nam yang bstan par
- 97a
ma gsungs so// bstan pa 'jig ka'i dus de ru// yang ti snying po'i chos 'di 'byung // de tshe skal ldan 'ga' 'ga' la// nges don rgyud 'di gtad pa las// don med sna tshogs spyod yul min// kun gyis nges pa de ltar zhog/ de yang 'dus pa'i snying po nyon// gang gis dad ldan rgyud 'di la// mos shing gus par byed pa'i mi// dka' dgu bsngos nas 'tshol ba la// sba bsri mi bya chos 'di bstan// snying 'i nang nas yang snying 'di// gdams ngag ma chad ngas lung rgyud// bde gshegs rnams kyi thugs dam yin// de yang 'dus pa'i snying po nyon// gcig dang gnyis la ston srid na// bden pa'i mtshams las mi 'da' bar// mkha' 'gro chos skyong mchod byas nas// gsang thub shes rab ldan pa la// tshig nyung don 'dril gdams ngag ston// de dang mi ldan blo ngan ni// bla ma lung ldan rdzun gyis 'brid// thabs kyis chos phral zong du 'tshong // bla ma smod cing rang che 'byin// bka' rkun byas nas mkhas su re// slob dpon gsang nas rang che 'byin// de yang rdo rje sems dpa' nyon// nges don gdams ngag ma thob pas// bsgom pa nyams su myong mi srid// 'dus byas chos spang yal bar 'jog/ bsod nams 'dod phyir kun la bshad// mi yis smon 'dod kha gsag can// chags tshul tshul 'chos sna tshogs byed// thabs kyis nor
- 97b
'tshol skyon sna tshogs// gdams ngag med par gsang ba skad// phag tu rdzun gyi dpe'u chung 'dri// rang gi chos la skyon yod phyir// gzhan la skur 'debs mthu sdig byed// 'byor tshad ma phul mi rung zar// de phyir zog pos mi rnams bslu// phyi ma dmyal bar nges par 'gro// de 'dra'i dam nyams mthong thos na// nam yang 'phrad par mi bya'o// de yang 'dus pa'i snying po nyon// de lta'i dam nyams mi ngan la// slob ma byas nas chos bstan na// mkha' 'gro chos skyong kun khros nas// rgyal chen rigs bzhi thog ltar brdeg/ gtsang rigs mgon po rlung ltar 'tshubs// ma mo mkha' 'gro khyi ltar zug/ rgyal 'gong chags nas gnas mi rnyed// ri tsam zos kyang 'grang pa med// mtsho tsam 'thung kyang ngom med 'gyur// zas skom bcud med kha ba 'dra// 'jig rten nor btsal rang brlag stong // slob ma sdang zhing mi rnams 'phya// de tshe kun la zhe sdang 'gyur// de yang 'dus pa'i snying po nyon// gzhan gyi len pa ma yin te// thugs kyi dam tshig nyams pa yin// ci bsam mi 'grub dgra rkun mang // 'go ba'i nad kyis thebs 'gyur nas// phyi ma rdo rje dmyal bar ltung // gal te 'gyod de thar 'dod na// g.yo sgyu kha bsags rnams spangs nas// zhen med rang gi bla ma la// mos gus dad pas yon phul nas// dam skongs 'bras bu ci bsam 'grub// sangs
- 98a
rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ rgud gtad pa'i le'u ste re lnga pa'o// // rdzogs pa chen pa sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon tan kun 'byung gi rgyud las/ d+har+m+ma kA ya sa mA d+hi pa sa/ gu ru te tsu dz+nyA na ke tu tsit+ta sa ma ya g+hu h+ya rdzogs so// // rgya gar gyi mkhan po bi ma la mi tra dang / zhus chen gyi lots+tsha ba dran pa ye shes kyis bsgyur cing gtan la phab pa'o// // rgya gar skad du/ san+ti ma hA a ti yo ga bud+d+ha sarbo da ya tan tra/ dz+nyA na d+har+m+ma ka yAn+da sa mud ya bid+yA wA kra/ gu h+ya tsit+ta sa mA d+hi swa yaM b+hu su kha tsakrAn+ta ga ta pha lan+tan+ta nA ma/ bod skad du/ rdzogs pa chen po shin tu rnal 'byor sangs rgyas thams cad 'byung ba'i rgyud/ ye shes chos kyi sku don 'dus rig pa'i gsung / gsang ba thugs kyi ting nge 'dzin/ rang byung bde ba 'khor lo mthar phyin 'bras bu'i rgyud ces bya ba/ bcom ldan 'das rang byung rig pa'i rgyal po dpal kun tu bzang po la phyag 'tshal lo// 'di skad gsungs pa'i dus gcig na// ngo bo nyid rtogs kun bzang de// bde gshegs 'og min gnas mchog na// rigs lnga la sogs 'khor rnams dang // 'bral med dgongs pa la bzhugs so// de tshe sems
- 98b
dag don ched du// ye shes lha yi rmi lam gsum// de yi brda' yi don bkrol nas// lha dbang gis ni don bskul ba// dus gsum sangs rgyas ma lus kun// gsung gi mnga' bdag khyod yin pas// rtsol bcas theg pa mthar bstan na// rtsol med theg pa mi gsung ba// thugs rje chen po yal lam ci// skal ldan gdul bya ma mchis sam// lhun grub theg pa bshad du gsol// sangs rgyas kun gyi nges pa'i don// rdo rje sems dpa' khyed yin pas// tshig gcig don kun rtogs pa'i chos// btsal med don dang phrad par ni// chos nyid gnas lugs ji lta ba// sems can blo yis rtogs pa'i thabs// nges don kun bzang chos sku yis// dus 'dir bdag la bshad du gsol// yang dag nges don rgyud chen 'di// snod ngan rnams la ngas bshad du// rdzogs chen skye med don bzang yang // ma rtogs pa la sdig mor che// de skad gsungs pa'i don go nas// 'khor rnams rab tu gus pa yis// sems kyi gdung ba bton nas ni// snod dang ldan par dam bcas nas// dang ba'i dad pa'i yid kyis 'khod// de tshe ston pa kun bzang gis// 'khor rnams la ni thugs dgongs te// yang dag gsang ba'i nges don 'di// rang byung chos skus byin brlabs bshad// rdo rje sems dpas don rig nas// gtsang ris lha yi gnas chen du// brtser dgongs dus la bab gyur
- 99a
nas// rig 'dzin 'khor la dbang bskur te// nges don rang gi ngo bos bshad// dus der phyogs bcu'i sangs rgyas la// sprul pa'i rig 'dzin sems dag gis// nges don the tshom bcad pa'i phyir// bden pa'i yid kyis 'di skad zhus// sems nyid mi 'gyur rdo rje la// skye zhing 'byung ba ji ltar lags// gzhi nyid mi 'gyur rdo rje la// skye shi yod pa ma yin te// rang gi rnam rtog gzung 'dzin gyis// tha mal lus la skye shi byung // chos nyid rtsol bas ma bsgrubs par// yon tan 'bras bu ji ltar 'char// tak+Sha ka yi rgyan bzhin du// ye nas gnas pa'i chos nyid las// rgyu 'bras mthar phyin gzhi nas rdzogs// nyi ma'i 'od bzhin 'bras bu 'byung // sems nyid pad+ma ltar dag la// gzung 'dzin dri mas ji ltar gos// pad+ma 'dam gyis mi gos ltar// byang chub sems kyi ngo bo la// gzung 'dzin dri ma gzhi la med// 'khrul pa'i blo la dri ma byung // btsal med sems kyi rang bzhin la// 'gro don mdzad pa ji ltar lags// rang byung chos skur rtogs gyur na// bya ba'i las rnams mi dgos te// nor bu rin chen rnyed pa bzhin// mdzad pa'i phrin las rang las byung // tshig gnyis chad// chos nyid ye nas rang chas la// thos bsam dgos pa ma yin te// ma rig mun pa bsal ba'i phyir// lung ldan rkyen gyis yid ches skyes// chos nyid ye nas 'od
- 99b
gsal la// bying rgod 'byung ba ji ltar lags// chos nyid ye nas 'od gsal kyang // rnam smin lus dang ma bral phyir// log gnon gdams ngag med pa las// tshogs brgyad rkyen gyis bying rgod byung // ye nas rang byung 'gyur med la// 'phel 'grib 'byung ba ji ltar lags// rang byung ye shes snying po la// 'phel 'grib yod pa ma yin te// ma rig mun pa ma sel phyir// kun gzhi'i rkyen gyis 'phel gyur te// gzhi la thog mtha' med pa la// 'khor 'das thog mtha' 'byung ba ci// gzhi nyid dus gsum mi 'gyur la// gro yis bcos su mi 'dod phyir// ye shes ma rig khyad par las// 'khor 'das gnyis kyi thog mtha' byung // gzhi la snang ba med pa las// blo bur 'khrul snang ji ltar byung // gzhi la snang med nam mkha' 'dra// ma rig rkyen byas gzung 'dzin gyis// rang gi zhen snang 'khrul pa'i phyir// bag chags snang ba sprin/ ltar byung // rig pa phyi nang med pa la// mnyam bzhag rjes thob 'ong ba ci// ye shes rig pa 'di nyid la// mnyam gzhag rjes thob gdod nas med// nges don 'di med bsgom chen la// sgo lnga'i yid la rjes thob 'byung // des ni rig 'dzin sems dag gis// zhu ba zhus nas the tshom chod// des rnyed mngon dga'i phug tu ni// ting nge 'dzin la snyoms par zhugs// de tshe 'gro ba'i don bskul ba// khyod ni shAka thub sprul pa
- 100a
ste// 'jig rten gsum na 'gran zla med// sangs rgyas chos kun thugs la rdzogs// 'dod khams 'dzam gling snod ldan la// bstan pa tsam gyis rtogs pa'i chos// sdeb sbyor legs pa'i tshig tu gsungs// nges don gsang ba'i rgyud chen 'di// rang gi sems la gsal ba las// tshig gi thog tu mi phebs phyir// bdag gis 'gro ba shin tu dka'// yang dag nges don dgongs pa de// ma rtogs pa la tshig sgo nas// mtshon nas rtogs par bya ba'i phyir// ci rigs par ni khyod kyis gsungs// lha dbang bka' gnyen drin che bas// mi yul 'dzam gling dad ldan gyi// ma rig mun pa bdag gis bsal// bde gshegs rnams kyi byin gyis rlobs// nges pa'i don ldan slob ma la// nges don gsang ba'i rgyud chen 'di// ma bslad ma bcos 'chad nus na// bde gshegs 'khor gyi bsrung zhing skyob// de skad zhus pa'i don gsan nas// rig 'dzin sems dag dgyes gyur te// skal ldan 'dul ba'i don ched du// ngang pa gser mdog skur sprul te// byang chub mo yi bur skyes nas// yon tan ya mtshan can gyur te// 'bral med rgyun gyi ting 'dzin la// bde ldan gnas su mnyam par gzhag/ dus dang log sred drags pa can// bar chad bya phyir bred bsdigs pa// des don blta bas zil mnan pas// bred cing sngangs brgyal dran nyams te// lus
- 100b
ngag gdung bas don gsol pa// snying rje chen pos bdag la gzigs// ma rig las kyis srin por skyes// sems can lus srog zas su zos// las ngan 'gyod pa'i yid kyis bshags// nyid kyi bstan pa bdag gis bsrung // dam nyams lus srog zas su bslang // bdag gi rang srog snying po 'di// 'bul gyis thugs rje ma chung zhig/ de skad zhus pa'i don go nas// rig 'dzin sems dpa' chen po des// rgyud 'di'i srung mar dam btags te// phyi rabs rnal 'byor don ched du// dbab bcad bzlog dang byas pa bshig/ dam nyams srog la dbab pa yi// gsang ba'i man ngag rnam bzhi byas// thugs la bcangs te yid la sbas// de nas shAka thub sprul pa des// 'dzam gling bde ldan gnas dag tu// da lta dus kyi deng sang na// gsang bdag sprul pa dad nyan la// sdeb sbyor legs pa'i tshig tu gsungs// de yang 'dus pa'i 'khor rnams nyon// kun bzang nga yi byin rlabs kyis// bshad dus de dag rnam pa gsum// gdul bya'i 'khor la tha dad kyang // dus gsum gcig ste khyad med phyir// rim par dbyer med ngo bo gcig/ de skad gsungs pa'i don go nas// skal ldan 'dus pa rnams kyis kyang // gus ldan dang bas rtse gcig tu// dad cing mos pa'i yid kyi 'khod// rdzogs pa chen po shin tu rnal 'byor sangs rgyas thams cad 'byung ba
- 101a
byung bde ba'i 'khor lo mthar phyin 'bras bu'i rgyud las/ nges don 'byung ba'i rgyud kyi gleng gzhi bstan pa'i le'u ste dang po'o// // de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i yid kyis 'di skad gsol// nges don bshad dus gang la bab// snod bcud rim pa gang la bstan// tshig dang yi ges ji ltar mtshon// kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// legs so dang ldan 'khor rnams nyon// de don ngas bshad yid kyis zung // nges don bshad pa'i dus de yang // nyan thos rang rgyal mdo sde'i chos// sde snod gsum gyi chos dar tshe// nges don gsang ba'i rgyud bshad na// snod ngan rnams ni skrag phyir ltung // de bas man ngan nges don 'di// 'byung ba'i dus la ma bab par// rig 'dzin rnams kyis sems la chongs// de sbas yon tan sangs rgyas 'byung // de yang rdo rje sems dpa' nyon// dus kyi tha ma lnga brgya na// mna' za khrims 'chal dam nyams 'byung // mtshon dang mu ges tshe thung dus// rdzogs chen snying po dus der bshad// lan gcig dus kyi deng sang na// sangs rgyas bstan pa 'jig ka'i tshe// 'dzam gling bod kyi byang phyogs su// rgyud dang tan+t+ra mang po 'byung // lung
- 101b
dang sems kyi chos dar te// sde snod chos kun nub gyur nas// de tshe skal ldan 'ga' 'ga' la// bstan pa tsam gyis rtogs pa yi// 'bras bu'i sangs rgyas dus der 'byung // de yang 'khor gyi sems dpa' nyon// nges pa'i lung ldan bla ma la// bslab pa'i chos bcu rdzogs pa dang // ma nor nges pa'i man ngag rgyun// ma chad gzhung ston mkhas la zhus// de yang rdo rje sems dpa' nyon// slob ma dam med la bstan na// khyad med zer zhing sgro skur 'dogs// de phyir nges don 'di mi bstan// mi gus phyir na sku'i dam nyams// g.yo sgyu can gyi mi ngan la// man ngag ma bstan par du yang // nges don zab mo'i chos mi bshad// mi go phyir na gsung dam nyams// dad med kha gsag can la'ang // thugs 'thad yon rnams ma rdzogs par// yang dag zab mo'i rgyud mi sbyin// gzhung ngan byed phyir thugs dam nyams// de yang 'dus pa'i snying po nyon// dad ldan slob ma brtse gdung can// mngags pa'i las la gus par byed// yid 'thad rdzas la phangs med 'bul// mi spel gnyer thub rnams la bshad// de dang mi ldan snod ngan ni// gyong la khengs pa'i nga rgyal can// ser sna che la gtong phod chung // man ngag bsres te kun la ster// phyi zag zung zhing bla ma smod// zas la ngan la nor dad che// rnam smin mi blta grags pa bsgrub// phyi nang med par 'phyar kha
- 102a
gtong / de dag snod ngan mi rnams la// yang dag nges don 'di bstan na// mkha' 'gro rnams kyis srog bcad nas// phyi ma rdo rje dmyal bar ltung // de phyir ma brtags chos mi bshad// de yang rdo rje sems dpa' nyon// tshig dang yi ges don mtshon te// man ngag snying pos khog phub nas// don dang mi 'gal sa bcad la// tshig nyung don du rdzogs par mtshon// de ltar mi shes gang zag gis// don med tshig gis gong 'og dkrugs// rtsal bshad tho chos gzhung nyams byed// mtshams med sdig pa'i char mi phod// rdzogs pa chen po don 'dus rang byung bde ba 'khor lo'i rgyud las/ rkyen snod bcud bstan pa'i le'u ste gnyis pa'o// // de nas rdo rje sems dpa' yis// 'dus pa'i 'khor gyi don ched du// kun rig sems kyi rgyal po la// nges pa'i dgos don 'di skad gsol// chos sku rang chas ye gnas kyang // ma rtogs 'khor bas ji ltar 'chings// ma rig sems kyi mun gseb na// thig le nyag gcig ji ltar yod// kun gzhi'i rnams grangs dbye ba gang // theg brgyad mi grol ji ltar gol// thugs rjes gzengs bstod bshad du gsol// zhus pa'i don gsan bka' stsal pa// chos kun rtsa ba ye sangs rgyas// skyon gyi spros pa'i mtha' bral kyang // ma rig kun gzhi bag chags lus// 'khor ba 'byung ba'i rtsa bar bshad//
- 102b
dper na me long g.ya' bzhin du// shes pa chos sku nyag gcig la// gang gi rang blo ma zhugs pa// gti mug mun par 'thibs pa ste// sa zhag chu 'dras rnyog ma bzhin// spyad pas ma shes ma rig rgyu// kun tu brtags pa'i rtog pa rnams// rkyen gyis log par blta ba ste// phra rags tshul las kun gzhi 'byung // snga ma'i rtog pa bag tsam la// phyi ma'i nyon mongs rgyun chags pas// kun gzhi la bsags bag chags byung // de ltas dug lnga nyon mongs bskyed// rang gar spyod pas 'gro drug gi// bzang ngan bde sdug sna tshogs byung // lus ngan blangs pas thar pa med// khams gsum sdug bsngal gdos thag can// mtha' yas sems can bgrang mi lang // 'khor ba zhes ni de la bya// rdzogs pa chen po don 'dus rang 'byung bde ba'i 'khor lo'i rgyud las/ ma rtogs 'khor ba'i byung tshul bstan pa'i le'u ste gsum pa'o// // de nas ma rtogs 'ching ba yi// skyon gyi rtsa ba bka' stsal pa// 'khrul pa ma log sems can rnams// bdud rtsi'i 'tsho ba'i sman yod kyang // ma phan dug gi nad kyis gzir// sgron me'i ye shes gsal yod kyang // ma rig mun pa'i 'khor bar 'khyams// dgos dgu'i yon tan yod gyur kyang // zas nor 'tsho bas rtag tu mnar// gong du 'dren pa'i lam yod kyang // thar med 'khor ba'i dong du zhugs// ye shes bde ba'i
- 103a
zam yod chu bo bzhi yi mtha' la gtugs// lus ngag yid kyi las 'bad kyang // rtsol ba'i sdug bsngal zad mtha' med// gang ltar bgrod cing gar phyin yang // 'khor ba'i mtha' la zad pa med// de yang rdo rje sems dpa' nyon// ye shes ma 'khrul ma rig 'khrul// thig le ma 'khrul dngos po 'khrul// sangs rgyas ma 'khrul sems can 'khrul// rang byung ma 'khrul gzhan byung 'khrul// rig pa ma 'khrul gzung 'dzin 'khrul// snang ba ma 'khrul kun brtags 'khrul// chos nyid ma 'khrul chos can 'khrul// ma rtogs pa yi sems can la// chos sku yod kyang mi grol 'ching // rdzogs pa chen po don 'dus rang byung bde ba'i 'khor lo'i rgyud las/ ma rtogs pa'i skyon gyis 'ching bar bstan pa'i le'u ste bzhi pa'o// // de nas 'dus pa'i tshogs rnams la// kun rig rgyal pos bka' stsal pa// ma rig sems kyi mun pa ni// spong sdud zhen pa'i rtog pa dang // bag chags nyon mongs 'khor ba ste// de bral thig le chos sgra yin// de yang rdo rje sems dpa' nyon// spong ba'i rtog pa skyes pa'i tshe// 'du byed lnga bcu skar phran 'dra// tshogs brgyad skye 'gags zla ba 'dra// kun gzhi nam mkha'i sprin dang 'dra// de klong thig le nyag gcig yod// dper na nyi ma'i 'od bsgribs 'dra// rang las skyes pa'i sgrib pa rnams// spangs pas mi
- 103b
spong grib ma 'dra// de phyir spong ba'i rtog pa gol// de yang 'dus pa'i snying po nyon// sdud pa'i rtog pa skyes pa'i tshe// 'du byed mtsho kha'i ngang ngur 'dra// tshogs brgyad nya la sram sdod 'dra// kun gzhi rgya mtsho chen po 'dra// nang na thig le nyag gcig bzhugs// dpe ni u dum wa ra 'dra// kha nas mi mngon gting na gnas// de bzhin yul dang 'brel med phyir// de bsad sha la zos pa med// sems yin chos kyis sangs mi rgya// de phyir sdud pa'i rtog pa gol// de yang rdo rje sems dpa' nyon// zhen pa'i rtog pa skyes pa'i tshe// 'du byed lnga bcu nags tshal 'dra// rnam shes tshogs brgyad ri dwags 'dra// kun gzhi'i bag chags rtsa grangs 'dra// de yi gseb na chos sku bzhugs// dpe ni seng ge dkar mo 'dra// gzhan gyis mthong ba med pa bzhin// dngos po'i yul la byang chub med// de phyir zhen pa'i rtog pa gol// de yang 'dus pa'i snying po nyon// sngar gyi bag chags dran pa'i tshe// 'du byed lnga bcu chu ltar 'brub// rnam shes tshogs brgyad me ltar 'bar// kun gzhi'i bag chags sa ltar rdzings// de gseb thig le nyag gcig bzhugs// dpe ni rin chen gser dang 'dra// de nyid rnyed par dka' ba'i phyir// bag chags dge sdig bsags pa'i las// sems la 'dzin pa yod phyir gol// de yang 'khor gyi snying po nyon// phyis kyi nyon mongs skyes pa'i tshe//
- 104a
'du byed lnga bcu rlung ltar 'tshubs// rnam shes tshogs brgyad dgra ltar rgod// kun gzhi'i nyon mongs mun ltar gtibs// de'i dbyings thig le chos sku yod// dper na rin chen 'dam bying 'dra// ma rig nyon mongs skyes pa'i tshe// 'khor ba'i mtha' la zad pa med// de phyir phyi ma'i rgyar chud gol// de yang 'khor gyi snying po nyon// snga phyi'i rtog pa skyes pa yis// sems dang sems byung la sogs pa// ma rig 'khrul pas rtag tu myos// de phyir kun gzhi 'khor ba'i chos// rdzogs pa chen po don 'dus rang byung bde ba'i 'khor lo'i rgyud las/ sems kyi mun gseb na thig le nyag gcig ye nas yod par bstan pa'i le'u ste lnga pa'o// // de nas kun rig rgyal po yis// 'dus pa'i 'khor la bka' stsal pa// sems can kun la gnas pa yi// kun gzhi rnam grangs dbye ba'i don// theg pa kun gyi 'dod gzhung gi// ngo bo dbye ba nges tshig las// kun gzhi'i rnam shes ngo bo ni// rang rig gsal ba'i shes pa de// shel sgong lta bur dag pa la// skad cig rgyun du rtag pa yis// kun gzhi byang chub sems kyi ngang // sus kyang ma byas rang bzhin gnas// de don yongs la khyab pa'i dbyings// gnas 'gyur me long ye shes rdzogs// yang dag a ti nges don la// ma rig log lha'i bag chags rnams// rang bzhin gnas nas kun khyab kyang //
- 104b
rnas dag de bzhin gshegs pa la// kun gzhi'i bag chags med phyir ro// de yang rdo rje sems dpa' nyon// de yang kun gzhi'i rnam shes la// lus kyi kun gzhir btags pas na// skyes bu'i mtshan dang dpe byad dang // 'dzag ma'i srin bu yan chad kyi// lus su snang ba'i dngos po ni// kun gzhir ma byung gcig kyang med// sems ni yul la dmigs pa ste// de la ngar 'dzin phra bas byas// de med de yang mi 'byung phyir// nyon mongs sems kyi kun gzhir btags// sngar gyi bag chags ji snyed pa// de nyid rnam par rtog las byung // rtog pa yid kyi rnam shes yin// de phyir bag chags kun gzhis byas// rang bzhin dag pa'i kun gzhi ni// kun la khyab pa'i ngang nyid kyis// rang bzhin ye sangs rgyas pa ste// sus kyang ma byas btsal du med// rang byung bde chen ma rtogs shing // ma rig rtog pa'i brda' sbyor gyis// 'bras bu gang yang 'grub pa med// sna tshogs bsags pa'i kun gzhi yin// kun gzhi spang sdud brtags pa'i rkyen// sgo lnga snang ba'i yul yin kyang // de nyid yid kyis ma bcad pa// kun gzhi yin kyang rnam shes min// de yang yid kyi rnam shes kyis// bag chags sna tshogs bgos gyur kyang // bag chags brtas par mi nus pas// rnam shes yid kyang kun gzhi min// rnam lnga cir yang snang ba la// gnyis med yongs su 'dris pa
- 105a
dang // tshogs brgyad 'dus shing 'joms pa la// kun gzhi'i rnam shes yin zhes bya// de yang rdo rje dpa' nyon// phyi nang snang grag ji snyed pa// kun gyi 'byung gnas kun gzhi la/ bag chags brtas pas 'byung ba'i phyir// 'khor ba mya ngan 'das pa yang // mi dge'i las dang bsod nams tshogs// dmigs pa'i stobs rdzogs mngon gyur pas// thams cad de las byung bas na// de yi phyir na kun gzhi bya// kun gzhi 'khor ba 'ba' zhig las// mya ngan 'das par ming mi grag/ ma rig brtas pas gnyid 'dres dang // ma rig ma byung 'khor med phyir// kun gzhi zhes ni de la bya// byang chub sems dpa'i sa lam kyang // bye brag rim par phye ba ni// drang ba'i don du gsungs par zad// don la byang chub sems dpa' med// mtshan dang yon tan ci brjod pa// 'gro don de bzhin gshegs pa nyid// de ltar sprul cing dngos med de// brjod pa don yod gshegs par snang // sangs rgyas kun gzhi'i ming dang bral// de yang rdo rje sems dpa' nyon// da ni kun gzhi'i rnam shes kyang // las kyi ma bsgribs lung ma bstan// ngo bo shel sgong lta bu la// dge sdig gang du'ang ma nges phyir// shes pa rang rig gsal gyur kyang // ma bsgribs bag chags ci ste 'jog/ ma bsgribs ye shes sgrib nyon yin// rten ni gang gi rten kyang byed// yin ni
- 105b
dge sdig gang yang min// de phyir bsgribs la lung ma bstan// rdzogs pa chen po don 'dus rang byung bde ba 'khor lo'i rgyud las// kun gzhi'i ngo bo nges tshig dbye ba bstan pa'i le'u ste drug pa'o// // de nas 'dus pa'i 'khor rnams la/ kun rig rgyal pos bka' stsal pa// 'khor ba'i rtsa ba kun gzhi ni// thog ma tha ma 'gro 'ong med// da lta de las mi gzhan ste// sus kyang ma byas rang bzhin gnas// de ni thun mongs spyir bstan yin// dus gsum 'gro 'od med 'dod pa// thog ma gang nas ma 'ongs na// tha ma de las gnas gyur te// tha ma bag chags byang gyur nas// me long ye shes gnas 'gyur tshe// kun gzhi'i ming med gtan du stongs// de phyir thog ma tha ma dang // da lta 'gro 'ong yod par nges// chos rnams thams cad mngon sangs rgyas// rang byung bdag nyid chen po la// ma rig mtshan ma sna tshogs kyis// bag chags mthu brtas kun gzhir gyur// de phyir kun gzhi 'byung ba'i gnas// dang po ma rig pa las byung // de ltar khams gsum sems can dang // nyan thos byang chub sems dpa' la// thun mong dang ni ma yin/ par// kun gzhi bag chags rang bzhin gnas// de yang 'khor gyi sems dpa' nyon// chos nyid dus gsum 'dus ma byas// spros pa kun bral 'gyur ba med// rtag pa chen por lhun gyis grub// rang byung chen
- 106a
mthar yang rang byung ye shes kyis// bag chags kun bcom shin tu stong // gtan med stong pa'i chos nyid la// mu stegs chad ltar yang dag 'gyur// chos sku yod med gnyis dang bral// gtan med stong pa chad lta yin// rdzogs pa chen po don 'dus rang byung bde ba'i 'khor lo'i rgyud las// kun gzhi dang po da lta tha ma gang du 'gro ba bstan pa'i le'u ste bdun pa'o// // de nas 'dus pa'i tshogs rnams la// kun rig ston pas bka' stsal pa// mtshan nyid dang ni rgyu rkyen dpe// dang po kun gzhi'i mtshan nyid ni// dngos por mi 'gyur gtan med dang // dus gsum shes pa skad cig rgyun// chad pa med par gnas phyir ro// kun gzhi byang chub sems kyis dang // spros pa kun bral chos sku la// rang bzhin lhun grub rtogs pa ste// rgyun dang skad cig yod dang bral// dus gsum 'gyur ba med pa'i dbyings// kun gzhi'i mtshan nyid 'dus byas ste// ma rig pa dang log lta gnyis// bag chags yongs su brtas pa yis// 'dus byas min na mi 'gyur zhing // dus gsum brtan par gnas 'gyur te// ye shes snying pos mdzad phyir ro// de yang rdo rje sems dpa' nyon// gzhi rtsa med pa'i kun gzhi ni// grangs kyi rgyu las byung ba med// kun gzhi'i rnam shes 'byung ba'i rgyu// srid gsum mya ngan 'das pa dang // phyi nang dus gsum bsdus
- 106b
pa'i chos// thams cad mnyam nyid gcig pa'i ngang // rang bzhin lhun gyis grub pa'i sku// bde ba chen pos yongs la khyab// de nyid ma rtogs kun gzhi la// ye nas gnas pas rgyu zhes bya// de yang 'dus pa'i snying po nyon// kun gzhi skye ba med pa'i dbyings// gang gis ma bskyed rang bzhin te// ma spros kun bral khyab pa'i dbyings// rkyen gyis byas pa ga la srid// gsal ba'i rgyu rkyen med pa la// kun gzhi gnyen po ye shes kyis// 'jig par 'gyur bas rkyen gyis bskyed// rkyen ni chos dbyings chos sku las// tha dad med kyang de ltar snang // chos dbyings gcig kyang kun gzhi rkyen// chos sku rtogs dang ma rtogs med// ye nas kun la khyab par gnas// chos nyid snang dang mi snang med// chos dbyings chos skur 'dus mod kyang // ma 'dus tha dad lta bur snang // de yi rkyen gyis rtog pa byung // de phyir gang yang rtog pa'i rkyen// rtog pa'i mthu brtas kun gzhir 'gyur// chos nyid chos sku'i rkyen yin pas// rgyu rkyen mi mtshungs tha dad yod// gdags shing brjod pa thams cad ni// ma skyes pa yi cho 'phrul las// rang bzhin mnyam pas gcig/ zer na// thams cad rang bzhin ngang gis gcig/ ye nas spros bral brjod las 'das// rtsod gzhi kun gzhi rang yang med// 'khor ba myang 'das brjod dang bral// des na mi mtshungs so sor snang // de yang rdo/
- 107a
rje sems dpa' nyon// dngos por gzung du rdul tsam med// ma spros rang bzhin yongs la khyab// rnam shes rang bzhin de ltar te// kun gzhi'i dpe ni nam mkha' 'dra// de bzhin kun gzhi'i rnam shes la// tshogs bdun ji ltar skye 'gags kyang / kun gzhi shes pa'i ngang nyid las// tshogs bdun skyes kyang 'gyur ba med// kun gzhi'i shes pa'i rang bzhin ni// skad cig mi sdod 'gro ba ste// chu bo bzhi yi gzhung dang 'dra// dar cig mi sdod rgyun mi 'chad// phyi nang 'khor ba mya ngan 'das// thams cad kun gzhi'i ngang gyur te// gang yang skyed par byed pa'i phyir// des na kun gzhi sa gzhi 'dra// rang gis rang la ma bkag kyang // gzhan gyi rkyen gyis mi mngon pa// nyi zla gza' skar dus gcig tu// shar ba'i 'od kyi phra rags 'dra// kun gzhi rang bzhin dag pa'i dbyings// ye nas dar dkar lta bu la// rtog pa glo bur snum gyis zhe na// gnyis med 'dres par gyur pa ni// dar dkar snum gyis zhen pa 'dra// kun gzhi rnam dag chos kyi dbyings// ye nas rang byung chos kyi sku// dngas ma'i chu dang 'dra ba la// bag chags rnam rtogs 'dres bslad// ye nas rang byung chen po yang // bdag gzhan gang la don mi nus// chu dang sa gnyis 'dres dang 'dra// ma btsal lhun gyis grub gyur kyang // rtog pas bsgribs nas med par snang // nyi ma sprin
- 107b
gyis bsgribs pa 'dra// dngos nyid dug dang chang 'dra bar// ye nas gsod byed gnyen po la// chang gis rkyen byas thar med bzhin// ma rig 'khor ba'i rang bzhin la// bag chags 'khor bas rkyen byas nas// khams gsum 'khor ba'i 'khor lo bskor// thar med 'khor ba'i kun gzhi byas// dpe ni dug dang chang 'dres 'dra// kun gzhi'i rnam par shes pa'i don// gzhan pa kun dang mi mthun yang // bka' rnams sun phyung skyon med cing // theg gzhan rdzun gsung mi 'gyur te// mu stegs 'gal ba sun 'byin pas// theg pa'i mtshan nyid mi shes pas// rtag chad mu bzhi la zhen pas// ma rig rmongs pa'i nga rgyal gyis// rang gi/ 'dod pa yang dag zer// gzhan gyi yin pa khyad du gsod// de dang a ti yo ga'i don// mtshungs par gyur pa ma yin no// theg pa mtha' dag nges brtags shing // rdzogs chen 'di la mthar gtugs shing // theg pa kun gyi spyi phud la// lam dang sa yi mthar gtugs shing // dkyil 'khor yongs kyi snying po ste// sangs rgyas ye shes lhun grub yin// rdzogs pa chen po don 'dus rang byung bde ba'i 'khor lo'i rgyud las// mtshan nyid chu rkyen dpe bstan pa'i le'u ste brgyad pa'o// // de nas 'dus pa'i tshogs rnams la// kun rig ston pas bka' stsal pa// rtsal dang rang bzhin dmigs pa'i yul// dngos po kun
- 108a
gzhi'i nges pa'i rtsal// tshogs bdun yul drug bcas pa ni// kun gzhi'i rnam shes rtsal yin te// kun gzhi med par de dag ni// 'byung bar 'gyur ba ma yin pas// shes pa bdun dang yul drug la// gcig gi yul ni ngo bo nyid// de dag bcas pa thun mong rtsal// phyi nang chos ni ji snyed pa// gzhan med kun gzhi rnam shes la// de nyid rang bzhin spros dang bral// de ltar ma rtogs log rtogs kyis// bdag dang yul brtags zhe sdang gzhi// bde sdug rnam pa sna tshogs bsags// de yis khams gsum 'khor bar 'khyams// de dag kun stsogs log pa'i rtsal// de yang kun gzhi'i rnam shes kyis// yang dag rtsal ni phyi nang chos// sku dang ye shes zhing khams te// dngos su me long ye shes yin// kun gzhi'i rnam par shes pa la// rnam rtog bag chags mthu brtas pas// de nyid thams cad mkhyen pa'i gegs// sa bcu rim par yongs sbyangs nas// yongs su sku dang ye shes gyur// de phyir kun gzhi yang dag rtsal// de yang byang chub sems dpa' nas// dmyal ba'i 'jig tshogs yan chad du// kun la khyab cing kun 'byung bas// de ni kun gzhi thun mong rtsal// khyab pa che bas yon tan bsgribs// de dag ma rig bag chags las// byung phyir kun gzhi thun mong rtsal// de yang khams gsum sems can ni// ma rig pa dang bag
- 108b
chags gnyis/ kun brtags lhan cig skyes pa dang // bag la nyal dang mngon rgyu bas// thams cad de las bskyed pa'i phyir// kun gzhi thun mong min pa'i rtsal// gzhan du kun gzhi rang bzhin rtsal// de las gzhan pa rang bzhin rtsal// the tshom rnam par rtog pa ste// ci phyir gcig gis yin zhe na// kun gzhi ma rig bag chags gnyis// yongs su zhen par gyur pa la// ma rig pa la the tshom ste// bag chags yin pa'i rtog pa byung // de med de yang mi 'byung phyir// the tshom rtog pa rang bzhin rtsal// de yang rdo rje sems dpa' nyon// kun gzhi'i rnam shes skad cig rgyun// mi rtag ma chad dus gsum rgyu// de yang sus kyang ma bcos shing // rang bzhin ngang gis gnas pa ste// des na ngang gi rang bzhin yin// kun gzhi'i rnam par shes pa de// skad cig rgyud gyis mi sdod 'gro// 'gro bas dang po song ba la// tha mar tha chad 'gags par 'gyur// skad cig dus gsum chas phye bas// 'gags shing shes pa'i ngo bo nyid// skad cig rgyun 'gyur mi rtag kyang // nyes pa'i skyon med rang bzhin yin/ ngo bo skad cig chas 'gags te// rigs mthun rgyu las 'gyur ba med// kun gzhi skad cig ma yi rgyun// dus gsum mi 'chad yod gyur na// 'bras bu yongs su rdzogs pa la// kun gzhi'i ming yang mi grags pa'i// mi 'gyur 'khor bar log mi srid//
- 109a
gcig char 'gyur na sangs rgyas dang // bsgrub pa mthar zug mi 'gyur zhing // rdzogs sangs rgyas nas mi 'gyur na// 'dus byas rgyun la 'dus ma byas// 'bras bu 'byung bas mngon brtags 'gyur// 'gyur ba'i rkyen gyis ngan 'gyur na// yongs su 'gyur ba'i mtha' ru ni// dmyal ba las kyang sdug bsngal zhing // gtan du de las thar mi srid// rkyen gyis ma yin rang 'gyur na// dge sdig las kyis 'khor ba dang // myang 'das dngos po mi 'byung ste// mu stegs bzhin du khar rjer 'gyur// don dam yin na skyon yon ci// gang ltar gnas kyang 'gal ba'i phyir// kun gzhi'i rgyun las mi 'gyur bas// rang gi/ log rtog 'dod gzhung yin// kun gzhi spros bral chos kun gyi// 'byung gnas dam pa kun shes pas// phyi nang chos la cir mi rtog/ ma brtags bag chags mi gsog cing // phung po sdug bsngal ma byung bas// des na kun gzhi rang bzhin yin// nyan thos 'gog par zhugs pa ni// rtog med bag chags mi gsog kyang / kun gzhi'i mtshan nyid mi shes pas// bag la nyal gyi bag chags kyis// nyi tshe phyogs gcig lhung bapa ste// theg pa 'di yi chos rnams kun// yongs su zhi ba'i ngang shes shing // bag chags rang bzhin kun byang bas// mi mtshungs shin tu khyad par che// sman gyi rgyal po dar ya kan// dngos po de nyid 'dul ba
- 109b
dang // blun po 'phrad na rnam rtog gis// nad dang 'chi ba de 'grub cing // sos 'gyur gzhan gyis ma byas te// de las byung phyir rang bzhin dpe// de phyir kun gzhi rang bzhin te// phyi nang 'khor ba mya ngan 'das// bsam gyis mi khyab brjod las 'das// sus kyang ma byas byed med de// kun gzhi'i ngang las shugs kyis 'byung // de yang kun gzhi'i rang bzhin yin// kun gzhi'i rang bzhin ngo bo ni// khams gsum 'khor ba 'ba' zhig ste// de yang gzhan gyis byas pa med// ma rig pa dang bag chags las// byas pa med par byung ba'i phyir// de yang kun gzhis byas pa ste// bder gshegs rnams la mi mnga' zhing // dgra bcom byang chub sems dpa' ni// re zhig brtags zad bde gshegs sprul// kun gzhi gnas pa'i gzhi med pas// de phyir 'khor ba 'ba' zhig yin// dug gi rang bzhin na zhing 'chi// de phyir kun gzhi'i rang bzhin gyis// khams gsum 'khor bar 'khyams par byed// de yang rdo rje sems dpa' nyon// kun gzhi'i rnam par shes pa ni// shes pa gzhan dang mi mtshungs shing / kun tu skye 'gags med pas na// dmigs pa'i yul yang chos nyid la// de la dus gsum skye 'gags med// de phyir yongs su rgya ma chad// ji srid ma rig bag chags dang // ma bral bar du mi zad kyang // zad cing chad nas gting
- 110a
stongs pa// dmigs pa'i yul ni ma yin la// yul yang chos nyid ma yin te// re zhig de ltar 'dod pa ni// kha cig tsam gyi gzhung du zad// theg pa spyi yi kun gzhi nyid// chos nyid yin par 'dod pa ni// rang gi yul du rang gyur pas// theg pa 'og ma'i gzhung dang 'gal// rdzogs pa chen po don 'dus rang byung bde ba'i 'khor lo'i rgyud las/ kun gzhi'i rtsal dang rang bzhin dmigs pa'i yul bstan pa'i le'u ste dgu pa'o// // de nas 'dus pa'i tshogs rnams la// kun rig rgyal pos bka' stsal pa// kun gzhi shes pa'i yon tan ma shes skyon// dang po shes pa'i yon tan ni// kun gzhi'i rnam par shes pa ni// ji ltar gnas pa'i don rtogs pas// yod med gang yang mi ltung zhing // rtag chad gnyis dang bral bas na// mya ngan 'das pa'i 'bras bu yang // de yi ngang gis thob par 'gyur// de yang rdo/ rje sems dpa' nyon// kun gzhi'i de nyid ma shes pas// thams cad de las 'byung ba yi// don yang shes par mi 'gyur te// log par lta ba sna tshogs byung // mu stegs chad pa'i rigs rnams kyis// ci byas las kyi 'bras bu ni// smin na 'dir smin phyis mi myong de ltar ci bder spyod ces zer// rtag par lta ba'i rigs dag ni// dngos po bdag nyid brtan pa dang // ji ltar byas pa der smin cing // shes su mi 'gyur
- 110b
brtan par rtog/ gzhan du phywa dang dbang phyug dang // gnam gyis skyob la sogs pa ltar// nyan thos phyi rol snang ba'i chos// kun gzhi'i rnam shes snang ba la// rdul las grub pa'i rang rgyud pa// ris su chad pa'i dngos por blta// de dag kun gzhi ma shes skyon// rdzogs pa chen po don 'dus rang byung bde ba chen po 'khor lo'i rgyud las/ kun gzhi shes pa'i yon tan dang / ma shes pa'i skyon bstan pa'i le'u ste bcu pa'o// // de nas kun rig ston pa yis// 'dus pa'i 'khor la bka' stsal pa// kun gzhi 'joms par byed pa yi// gnyen po log dang ma log skyon// dang po gnyen po bstan pa ni// kun gzhi'i rnam par shes pa yang // dus gsum 'dus ma byas pa'i ngang // gnyen pos gzhom cing gzhi med zhing // bsags pa'i las dang bag chags kun// ting nge 'dzin dang shes rab kyis// yongs su 'joms pa de dag la// kun gzhi'i gnyen por btags par zad// kun gzhi'i don ni 'dus byas la// de la gnyen po med mi srid// lhag mthong rang byung ye shes kyis// kun gzhi gtan nas 'joms par byed// rdzogs chen spyi phud ye che la// nga gdod che ba ci zhig dbyung // lhag chad smra ba rmongs pa yin// bka' lung gzhan ni drang bar gsungs// bka' lung nges pa ma thob par// gsungs dang ma gsungs ci cha yod// rang
- 111a
bzo'i sgras dang ma smras pa// rdzogs chen nges pa'i lung la nyon/ de la ma bsgribs a ti yi// spyi dang rang gi mtshan nyid yin// lhag mthong a ti yo ga la// rang byung a ti'i yang ti ste// rim gyis ma yin gzhan mi mthun// de nyid a ti yo ga yi// lhag mthong mi dmigs ting 'dzin bsgom// de yis sgrib pa 'joms byed la// a ti'i a ti yo ga la// rang byung ye shes chen po yis// ye nas bcos pas gzhom du med// bya ba ma lus yongs rdzogs pas// de phyir khyad par shin tu 'phags// de yang rdo rje sems dpa' nyon// kun gzhi kun gyi 'byung gnas la// log dang ma log med pa ste// ye shes rgyun la btags par zad// de ltar gyur pas 'khor ba stongs// ye nas yon tan rdzogs pa ni// rang gi sa las log pa'o// log pa'i yon tan dngos bstan pa// kun gzhi log pa'i yon tan ni// rdzogs pa las kyang yongs rdzogs pa// lhun grub a ti'i a ti la// ye nas gnas pa ji bzhin las// 'khor ba stongs shing yongs rdzogs pa'i// 'khor 'das rdzogs pa'i ming yang med// yang dag grub pa ga la srid// ji bzhin gnas las ma 'gyur zhes// de nyid log pa'i yon tan yin// de yang rdo rje sems dpa' nyon// de yang kun gzhi ngar 'dzin dang // bag chags yongs su ma zad pas// che ba'i yon tan mi rdzogs shing / 'khor ba'i gnas
- 111b
las de mi thar// de dag kun gzhi ma log skyon// chos rnams ye nas sangs rgyas shing // btsal zhing bsgrub dang bral ba'i don// mngon sum 'gal ba'i gegs byed pas// de ni kun gzhi ma log skyon// rdzogs pa chen po don 'dus rang byung bde ba'i 'khor lo'i rgyud las/ gnyen po log pa dang ma log pa'i skyon bstan pa'i le'u ste bcu gcig pa'o// // de nas 'dus pa'i 'khor rnams la// theg pa'i gol sa bka' stsal pa// mtshan nyid theg pa rnam pa gsum// zhing pa'i so nam las dang 'dra// rgyu rkyen rtsol bas ci 'bad kyang // 'bras bu 'dus byas mod la zad// de bzhin rgyu rkyen tshogs bsags kyang // 'bras bu mi 'byung re dogs mthar// lus ngag yid kyi rtsol ba des// byang chub 'grub par ngas ma bshad// kri yog theg pa rnam pa gsum/ 'jig rten rdzas kyi yo lang 'dra// 'dod pa'i yo lang mang por bcas// glu gar longs spyod sna tshogs can// de bzhin kri yog theg pa ni// rdul tshon dkyil 'khor lha dang bcas// glu gar mchod pa ci phul kyang // 'bras bu mi rtag sgyu ma 'dra// grub pa thob par ngas ma bshad// de yang rdo rje sems dpa' nyon// theg chen bskyed rdzogs rnam pa gnyis// 'jig rten bu tsha'i so nam 'dra// pha mas 'khor bskyed rdzas bsags kyang // rtag pa ma yin rim gyis brlag/ de bzhin yab yum gnyis med
- 112a
sbyor// 'bras bu sku dang ye shes 'dod// rgyu rkyen bskyed cing 'khor ba'i chos// de phyir lhun grub sa mi thob// de dag theg pa'i chos rnams ni// ji ltar bsgrubs shing btsal 'gyur kyang // rang sems snying po mi rtogs phyir// theg brgyad bgrod pa gol sar gsungs// rdzogs pa chen po don 'dus rang byung bde ba'i 'khor lo'i rgyud las/ theg brgyad gol sar bstan pa'i le'u ste bcu gnyis pa'o// / de nas 'dus pa'i 'khor rnams la// kun rig ston pas bka' stsal pa// 'khor ba'i sdug bsngal de dag las// thar cing grol bar byed 'dod na// ma rtogs sdug bsngal snga phyi ni// 'jig rten rdul gyi grangs bzhin du// brjod kyis mi langs bsam mi khyab// de yi rtsa ba mdor bsdu na// sems can nyon mongs bag chags ni// 'jig rten sa gzhi'i gtos dang 'dra// sa gseb thig le nyag gcig ni// rin chen snying po gser dang 'dra// sa nas gser 'tshol bya ba'i thabs// chu chags thabs kyi ngos 'dzin ltar// rgyal ba kun bzang nga yis ni// chos rnams rtsa ba mdor bsdus nas// nges don ma nor gsal ba yi// ye shes sgron me ngas 'degs kyis// 'gro drug sems can yi ma chad/ rmongs pa rnams kyang blo ma stor// dad ldan rnal 'byor nga la brud// byang chub 'dod pa'i lam sna drang // theg chen lta ba gsal zhig gdab// ma
- 112b
sbyangs sgrib dag nga yis bstan// ma bsgrubs sangs rgyas da lta bya// ma bsags tshogs gnyis ngas 'dir rdzogs// ma bsgoms sangs rgyas nga yi chos// ma btsal lhun gyis grub pa yin// rdzogs chen rtogs pa'i rnal 'byor pas// nyes pa byas kyang dpal du che// de don nges par ngas bshad kyi// blo dman kun kyang gzengs bstod cig/ thos bsam mi dgos bstan pas chog/ goms pa mi dgos shes pas chog/ rnam smin lus dang ma bral bar// sangs rgyas kun dang mnyam par bya// de yang rdo rje sems dpa' nyon// de shes yon tan chen po ni// nam mkha' dbyings dang 'dra ba ste// dpag cing gzhal ba'i sems las 'das// theg pa'i sgo mo brjod las 'das// sde snod chos rnams bshad mi langs// sde snod nyid kyang btags pa tsam// de ltar dbye ba bsam yas kyang // don gyi ngo bo gcig las med// de don gsal bar ngas bshad kyis// legs par nyon la yid la zungs// de skad gsungs pa'i don go nas// 'khor rnams dga' mgu yi rang ste// yang dag gus pa'i tshul gyis ni// ma nor bden pa'i chos mnyan to// rdzogs pa chen po don 'dus rang byung bde ba'i 'khor lo'i rgyud las/ 'khor rnams la gzengs bstod pa bstan pa'i le'u ste bcu gsum pa'o// // de nas kun rig ston pa des// nges don rtsa ba 'di gsungs pa/
- 113a
ngo bo gzhi yi gnas lugs dang // lha sgom spyod pa 'bras bu'i don// rtogs pa'i yon tan da lta'i dus// mngon du grub pa ngas bshad nyon// yul med ngo bo rang byung sku// 'khor 'das ma reg gdod nas byung // de don kun la ye nas gnas// 'dus ma byas pas nam mkha' 'dra// de yang 'dus pa'i snying po nyon// dper na khyung chen lding pa bzhin// nges pa'i lta ba gdeng ldan pas// 'khor 'das dngos po cir snang yang // gzung 'dzin zhen rtog gzhi la med// ma gi ta yis gang thebs bzhin// lta ba ngo bo nyid rtogs pas// ji dran ma bsgoms chos nyid gsal// bzhag langs med par rgyun du gnas// bi shas gang byas legs pa bzhin// rnal 'byor spyod lam thams cad du// ye shes rtsa ba don gyis zin// nyes pa'i skyon gyis gos pa med// yid bzhin nor bu'i yon tan bzhin// rang sems chos skur don rtogs pas// mi yi lus la sangs rgyas thugs// gdul byar gzugs sku shugs las byung // de yang rdo rje sems dpa' nyon// de dag ngo bo gcig gcig la// tshig gi mtshon pa tha dad kyang // yul med rang gsal nyid du 'dus// rdzogs pa chen po don 'dus rang byung bde ba'i 'khor lo'i rgyud las/ nges don rtsa ba gcig par bstan pa'i le'u ste bcu bzhi pa'o// // de nas rdo rje sems dpa' yis// 'dus pa'i 'khor
- 113b
la phan don du// yid kyis dran pas 'di skad gsol// snang med ngo bo'i gnas lugs gang // gzhi la 'pho 'gyur ji ltar med// sems can kun la ji ltar yod// kun rig rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// snang med ngo bo'i gnas lugs ni// dus gsum med pa'i sngon rol du// 'das pa bas kyang nga sngar byung // rgyu rkyen med pa'i sngon rol du// 'bras bu rang byung snying po byung // 'byung ba med pa'i sngon rol du// nga dang nam mkha' dus mnyam phyir// bstan pa med pa'i sngon rol du// sangs rgyas pas kyang nga sngar byung // theg pa med pa'i sngon rol du// lta ba'i chos su rang sems byung // skye 'chi med pa'i sngon rol du// myang 'das pas kyang ye shes snga// chos nyid med pa'i sngon rol du// stong pa nyid pas rang rig snga// bde gshegs med pa'i sngon rol du// sems can pas kyang chos sku snga// mtshon tshig med pa'i sngon rol du// tha snyad pas kyang don 'di snga// nga ni rgyu med 'bras bu ste// rang byung rig pa'i snying po yin// de phyir mi skye don mi 'gag/ skye 'chi med pa'i rdo rje 'chang // nga ni nam mkha' rang bzhin te// bag chags ma brtas sa chu med// gzugs med ye shes ngo bo las// rlung med me ni ci la 'byung // de phyir ngo bo nyid kyi sku// de yang rdo rje sems dpa' nyon// rang
- 114a
byung ngo bo nyid la ni// rgyu rkyen ma bskyed yang dag yod// sgro skur bral ba'i rig pa la// 'phel 'grib med par rgyun du gnas// yang dag byang chub snying po la// thob pa med cing spang ba med// 'khor 'das gnyis kyi 'dzin pa yang // tha snyad yin gyis don du med// chos kun mtshan nyid rnam par dag/ bdag med chos la skye 'chi med// ngo bo nyid la bsgom mi dgos// yod med yul gyi mtha' las 'das// de don rang bzhin 'od gsal ba// gdod nas dag pas nam mkha' 'dra// rdzogs pa chen po don 'dus rang byung bde ba'i 'khor lo'i rgyud las/ snang med don gyi gnas lugs bstan pa'i le'u ste bco lnga pa'o// // rdo rje sems dpa' yang nyon cig/ rang rig rtsa ba chos sku la// yon tan lhag ma med par rdzogs// rang byung sangs rgyas ye shes sku// ma bskyed yongs rdzogs grub pa'i lha// chos rnams kun gyi 'byung gnas te// ngo bo dmigs med brjod las 'das// yang dag lta ba mthar phyin pas// pha rol phyin par ye nas gnas// sangs rgyas kun gyi sangs rgyas la// 'gro ba yongs kyi kha lo sgyur// ma bskyed pa yi 'bras bu la// byas pa med pa'i cho 'phrul byung // thams cad 'byung ba nga yi rtsal// de yang rdo rje sems dpa' nyon// don la 'gyur med lta ba'i gzhi// yul la mi ltos rang byung sku// ye shes nam mkha'i
- 114b
mtha' dang mnyam// gzhi la 'gyur med byang chub sems// skyon gyis mi gos dran pa la// 'pho 'gyur med pa gdal ba'i sku// mi skyes mi 'gag rang rig klong // goms pas mi rnyed 'gyur med phyir// 'bral med da lta nga yi zugs// bskal par 'khyams kyang skye 'chi med// de rtogs rig pa kun gyi gzhi// ma bsgoms ye shes mthar phyin pa// re ba med phyir ltung mi srid// gdod nas 'gyur med ye shes smra// rdzogs pa chen po don 'dus rang byung bde ba'i 'khor lo'i rgyud las/ gzhi la 'pho 'gyur med par bstan pa'i le'u ste bcu drug pa'o// // de nas 'dus pa'i 'khor rnams nyon// rang byung ngo bo nyid kyi sku/ sems can kun gyi lus nang na// rang rig rgyal po ye shes de// rang gi sems la ye nas gnas// de yang rdo rje sems dpa' nyon// yang dag nges pa'i chos sku ni// dngos por ma grub yul las 'das// rig pa rgyun chags de nyid ni// 'gro drug kun gyi sems la gnas// skye med ye shes rang byung sku// ched du ma byas rang gsal ba// de nyid rang rig tsam las ni// bcos su med pas nam mkha' 'dra/ sems can kun gzhi gzhi cha la// rang byung chos sku yin mod kyang // lung med rkyen gyis rang rig bsgribs// de phyir ye yod rtogs par bya// de yang rdo rje sems dpa' nyon// sems can lus kyi tshor ba la// rang rig
- 115a
ye shes rgyun mi chad// de nyid mi g.yo rang gsal ba// 'du 'bral med par ye nas gnas// de phyir nyon mongs sbubs nang na// kun bzang ye shes sems dpa' gnas// nges don lung ldan don rtogs na// de don gzhan nas bsgrub mi dgos// sems can byang chub su 'dod pa// kun gzhi'i gseb nas don tshol las// de yi ngang la gnas par gyis// de don rgyal ba'i dgongs pa yin// bder gshegs rnams kyi snying po yang // sems can kun la yod mod kyang // shes pas ma mthong tsam du zad// de mthong nges pa'i gdams pa 'di// shes pas rtag tu 'bral ba med// de yang 'dus pa'i snying po nyon// ma rig 'khrul pa yod bzhin du// 'bras bu'i sangs rgyas thugs la gnas// de phyir gzhan nas 'byung ba med// thog ma ma yin du 'di rang // de yang rang rig ye shes ni// til la mar gyis khyab pa bzhin// 'gro drug kun la rang rig khyab// skye 'gags med par rgyun du gnas// dper na sa gting nam mkha' bzhin// 'gro 'ong med par chos skur gnas// don de ma rtogs blos bslad nas// 'khor bar 'khyams kyang nyams pa med// rang byung rig pa'i ye shes de// sprin med nam mkha'i nyi ma bzhin// 'dus ma byas pa'i klong dkyil na// rang rig ye shes chos sku bzhugs// rin chen ga bur 'od thim 'dra// lus
- 115b
kyi nang na chos sku yod// lus zhig dran pas lus su 'jug/ de phyir 'khor ba'i rgyud la 'khor// don rtogs rang rig gnas su che// rig pa rang byung ngo bo de// sems can kun gyi yid la gnas// de phyir 'khor 'das kun gyi gzhi// rdzogs pa chen po don 'dus rang byung bde ba'i 'khor lo las/ sems can kun la gnas lugs bstan pa'i le'u ste bcu bdun pa'o// // de nas rdo rje sems dpa' yis// kun rig rje la yang zhus pa// don gyi gnas lugs rtogs pa gang // rig pa'i dbang rnams ji ltar bskur// ma bgrod lam lnga ji ltar rdzogs// sa dang pha rol yon tan gang // kun rig ston pas bshad du gsol// zhus pa'i don gsan bka' stsal pa// nges don ngas bshad yid kyis nyon// nges pa'i lung ldan bla ma la// dad pa brtson 'grus dam tshig gis// bkur sti rim gro gus byas nas// man ngag snying po gnang bar 'gyur// de yang 'dus pa'i snying po nyon// dper na bram ze glang chen bzhin// rgyal po'i bka' yi btsan phul gyis// brid bsdigs g.yo sgyus nor 'dod pa// srog snying med par phan mi thogs// de bzhin nges pa'i lung ldan gyis// gdams ngag chos sku ma bstan na// thabs dang g.yo sgra sna tshogs kyi// bka' rkun skyon gyis chos btsal yang // rang sems mi rtogs ngan song ltung // de yang rdo rje sems dpa' nyon//
- 116a
phrag dog med par bzang sems kyis// srog snying rgyal po la byin pas// bram ze gser glang 'dra gnyis 'byung // gnyis ka mnga' thang ci bsam 'grub// de bzhin bla ma lung ldan la// yid 'thad phul zhing ci gsungs nyan// shes rab rno la gsang thub la// man ngag snying po gnang ba'i phyir// slob mas rang sems rtogs par nges// de phyir bla ma bkur ba gces// nges don gnang ba'i thabs su bshad// rdzogs pa chen po don 'dus rang byung bde ba'i 'khor lo'i rgyud las/ rtogs par bya ba'i thabs bstan pa'i le'u ste bco brgyad pa'o// // de nas 'dus pa'i 'khor rnams la// dbang gi rim pa bka' stsal pa// rgyal thabs spyi blugs dbang chen ni// dang po thun mong dbang bskur ba// dad pa dang ni shes rab kyis// sta gon la ni gnas par bya// thun mong dbang rnams rdzogs par bskur// de nas nges pa'i lung ldan gyis// snod dang ldan la ngas bskur gyi// yid la ma yengs don zungs shig/ de yang 'dus pa'i 'khor rnams kyis// ting 'dzin dkyil 'khor dngos kyang rung // khyad par 'phags pa'i rdzas bdun gyis// ye shes lha yi don mtshon phyir// ras sam shing shun gro ga la// 'jug sgo lnga yi brda' bris te// dal du bzhag la byin gyis brlabs// de nas dbang bskur rim pa ni// rgyal thabs spyi blugs dbang bskur ba//
- 116b
mtshon pa'i brda' yi rdzas lnga las// spyi bo snying ga mgrin pa ru// sku gsung thugs kyi dbang ris bskur// lag pa g.yas dang g.yon pa ru// yon tan phrin las de bzhin no// de yang rdo rje sems dpa' nyon// rig pa rang gsal dbang bskur ba// lha bsgom spyod pa 'bras bu'i dbang // dad ldan 'khor la ngas bskur gyis// 'khor rnams ma yengs yid bsdus shig/ nges don sangs rgyas chos kyi sku// thig le rang byung 'od gsal ba// rig pa'i ye shes mngon gyur du// ye shes sku mchog bdag dbang bskur// ma rig sems kyi mun gseb tu// lung ldan thugs kyi sgron ma yis// rang rig rtog med da lta nyid// 'gyur med thugs kyi dbang gcig bskur// nges don ye shes tshangs pa'i gsungs// tshig gi don mtshon yid kyis go// de don gsal ba rig pa'i gsung // brda' mjal nges pa'i dbang thob shog/ de yang rdo rje sems dpa' nyon// dngos med rig pa'i ye shes 'di// nang gsal yengs med chos kun rdzogs// rgyal ba rnams kyi yon tan dbang // ye shes 'gyur med bdag la bskur// rang byung mdzad spyod ye shes la// rgyun du mi 'bral nges pa'i gsung // dus 'dir brjod med ye gsal 'di// mdzad spyod dbang gcig bdag la bskur// de yang dad ldan 'khor rnams nyon// rang rig chos skur blta ba yis// yid ches zag chod
- 117a
gdeng du ldan// de rtogs kun bzang byin rlabs kyis// rang sems rtogs pa'i dbang thob shog/ 'bral med rang gsal yengs pa med// rgyun du nyams myong zhen med pa'i// ting 'dzin rig pa lhag mthong gsal// rkyen dbang mi 'gyur dbang thob shog/ nyam nga med pa'i spyod pa yis/ blang dor dgag bsgrub la sogs med// de don rtag tu skyon mi gos// spyod pa ma bcos dbang thob shog/ 'bras bu rang rig chos nyid klong // ma bgrod sangs rgyas sar phyin pa// chos sku'i gzugs brnyan gzugs sku 'byung // 'gro don mthar phyin dbang thob shog/ de nas 'dus pa'i dad ldan la// nges don mtshon pa'i brda' yig de// snod du blugs te brim byas nas// gang bab gdams ngag bstan par bya// de yang rdo rje sems dpa' nyon// de dag dbang gi rim pa yang // don la dbyer med ngo bo gcig/ ye shes spyi blugs dbang la ni// skur byed bskur bya gdod nas med// nges don rkyen thub rnam drug gis// gdams ngag bstan pa tsam gyis chog/ rdzogs pa chen po don 'dus rang byung bde ba'i 'khor lo'i rgyud las/ dbang gi rim pa bstan pa'i le'u ste bcu dgu pa'o// // de nas kun rig ston pa yis// 'dus pa'i 'khor la bka' stsal pa// med la yod 'dzin kun brtags yul// 'khrul pa bzlog dka' 'jig tshogs ri// rang gis
- 117b
rang bslus zhen pa'i rgyun// de bzlog don phyir lam lnga gsungs// de yang rdo rje sems dpa' nyon// dad ldan 'gyur med las can gyis// lung ldan rdo rje slob dpon la// yid 'thad phongs med 'bul ba ni// tshogs kyi lam du bstan pa yin// bla mas gnang ba byin gyur te// yid gnyis the tshom blo spangs nas// mkha' 'gro mchod cing don zhus tshe// sbyor ba'i lam zhes de la bya// de yang 'dus pa'i snying po nyon// nges pa'i bcud ldan slob dpon gyis// yang dag gdams ngag lung bstan pas// snod ldan yid ches don rtogs phyir// mthong ba'i lam ni yin par gsungs// de don go nas rgyun du ni// nges don chos skur spongs pa med// rang rig ye shes dbang thob phyir// bsgom pa'i lam du bstan pa yin// yang dag nges don gdams ngag 'di// rang gi thugs la don rdzogs pas// 'gyur med gdeng chud ye shes klong // mthar phyin lam du bshad pa ni// de yang 'dus pa'i snying po nyon// yang dag don gyi chos nyid la// lam gyi dbye ba med mod kyang // rnal 'byor blo yi rim pa las// theg pa'i bye brag tha dad pas// lam lngar phye ba gcig tu rdzogs// rdzogs pa chen po don 'dus rang byung bde ba'i 'khor lo'i rgyud las/ ma bgrod lam lnga rdzogs par bstan pa'i le'u ste nyi shu pa'o// /
- 118a
de nas 'dus pa'i tshogs rnams la// kun rig ston pas bka' stsal pa// sa yi dbye ba rten dang dpe// rtsal gyi sgo nas bzhi bzhi ru// pha rol phyin bcu sa dang sbyar// nges pa'i yon tan rdzogs par gsungs// de yang rdo rje sems dpa' nyon// sa ni dang po rab dga' la// rten ni sbyin pa'i pha rol phyin// dpe ni mi zad gter dang 'dra// rtsal ni ma rig zil gyis gnon// sa ni gnyis pa dri med la// rten ni tshul khrims pha rol phyin// dpe ni rin chen myu gu 'dra// rtsal ni rang rig ye shes gsal// de yang 'khor gyi snying po nyon// sa ni gsum pa 'od 'phro la// rten ni bzod pa'i pha rol phyin// dpe ni rgya mtsho chen po 'dra// rtsal ni nyon mongs rtsad nas brlag/ sa ni bzhi pa 'od byed la// rten ni brtson 'grus pha rol phyin// dpe ni rdo rje pha lam 'dra// rtsal ni bag chags zhen pa 'joms// sa ni lnga pa sbyang dka' la// rten ni bsam gtan pha rol phyin// dpe ni ri bo lhun po 'dra// rtsal ni bying rgod skyon dang bral// sa ni drug pa mngon gyur la// rten ni shes rab pha rol phyin// dpe ni ma ki ta yi sman bzang 'dra// rtsal ni rang rig lhag mthong rtogs// de yang rdo rje sems dpa' nyon// sa ni bdun pa ring song la// rten ni thabs kyi pha rol phyin// dpe ni dge ba'i bshes gnyen 'dra// rtsal ni dug lnga sman du bsgyur// sa ni brgyad
- 118b
pa mi g.yo ba// rten ni smon lam pha rol phyin// dpe ni yid bzhin nor bu 'dra// rtsal ni 'jig rten chos brgyad bral// sa ni dgu pa legs pa'i blo gros la// rten ni stobs kyi pha rol phyin// dpe ni nyi ma'i snying po 'dra// rtsal ni log lta dbyings su bsgral// sa ni bcu pa chos kyi sprin// rten ni ye shes pha rol phyin// dpe ni tshangs pa'i dbyangs dang 'dra// rtsal ni sgrib dag thams cad mkhyen// de yang 'dus pa'i snying po nyon// de dag pha rol phyin bcu yang // ngo bo thig le gcig tu 'dus// gdul bya'i rim pas bcur bstan pa// yang dag ngo bor ye shes nyid// rdzogs pa chen po don 'dus rang byung bde ba'i 'khor lo'i rgyud las/ sa dang pha rol phyin pa'i yon tan bstan pa'i le'u ste nyi shu rtsa gcig pa'o// // 'dus pa'i 'khor gyis yang gsol pa// nges pa'i don gyi gdams ngag gis// ma rig mun sel lta ba la// 'khor 'das mtha' yis ma rig dang // ye shes lhun grub lta ba gang // mnyam pa'i rgyal pos bshad du gsol// de skad zhus pa'i don gsan nas// yang dag 'khor la bka' stsal pa// rang byung snying po'i lta ba ni// nyi ma shar nas mun pa sangs// nges lung bstan pas ma rig brlag/ thig le brdal khyab chos
- 119a
sku de// rig pa rang shar bcos pa med// de don lhun grub ye nas gsal// rang byung snying po rang gsal thugs// ye nas tha snyad kun dang bral// ji bzhin gsal la ngan rtog med// don dam spros bral lta ba'i mchog/ btsal med spyod pa'i yul las 'das// yang dag klong 'gyur don la mkhas// de nyid blo la sus 'byor pa// tshogs brgyad shes pa'i yul las 'das// mngon du gyur pas thugs la bkra// kun gyis rtogs dka' byang chub de// g.yo med mi rtog chos sku'i lam// rang rig bde ba chos sku'i klong // gcig tu rdzogs pas thig le gsal// lta ba dbus dang mtha' med pas// spong len ma btsal lhun gyis grub// skye med dang du rig pa 'phyo// rten med chags pa'i yul dang bral// sgom med lta ba ngang gis gsal// mtshon pa'i tshig gis bkri drang bral// skye med gdeng chud 'du 'bral med// snang med rig pa dngos po bral// yang dag thugs la spro bsdu med// ma spros lhun grub rig pa shar// kun khyab don 'dus mtha' ma reg/ ye shes sku mchog chos sku brdal// de yang rdo rje sems dpa' nyon// 'gro drug sems can rang byung sku// 'di ltar snang ba ma lus kun// gdod nas med pa'i don rtogs pas// ye shes gcig gi ngang du 'dus// lus ngag yid kyi bya ba rnams// byas na 'ching ba'i las yin pas// gzhi
- 119b
la med shes bcal mi dgos// ma bsgoms 'du 'bral med par blta// rdzogs pa chen po don 'dus rang byung bde ba'i 'khor lo'i rgyud las/ ma rig mun sel gyi lta ba bstan pa'i le'u ste nyi shu rtsa gnyis pa'o// / de yang 'dus pa'i 'khor rnams nyon// sangs rgyas sems can 'byung ba kun// glo bur byung phyir gnas lugs min// 'jig rten chos la dpe mi blang // 'khor 'das gzhi la don ma reg/ de yang rdo rje sems dpa' nyon// pha med ma med nags kyi bye'u 'dra// nam mkha'i mthongs su thon pa ltar// glo bur 'khor 'das gnyis par nas// chos sku rtogs pas ma rig sangs// gdod ma'i rang byung 'di nyid la// lta ba shes pas chog pa'i phyir// 'khor 'das snying po gdod nas med// yul dang ma 'brel ngo bo nyid// de don rtogs pa'i don la gnas// ye rdzogs chos sku chen po yin// re dogs mtha' kun rnam par zhi// tshig tu 'dzin med ye nas bden// gcig dang du ma mtha' yi chos// de phyir 'khor 'das gnyis las 'das// 'di thos mi skrag lta ba'i mchog/ de yang 'dus pa'i snying po nyon// dngos po med phyir rtag pa bral//
- 120a
kun la khyab pas chad pa bral// mtha' dbus bral bas rang byung sku// brjod med lta ba dran pa'i gzungs// de don phyin ci ma log pas// ye shes lam la gnas par bya// rang rig nges pa'i lta ba la// yengs pa med par yid kyis blta// de yang yul can ma yin te// rang la rang bltas shin tu gsal/ de goms mthar phyin ye shes thugs// chos nyid spros bral 'gyur ba med// rang byung ye shes gnyug mar gnas// de nyid mi 'bral lta ba'i mchog/ de yang rdo rje sems dpa' nyon// 'khor 'das gnyis kyi chos 'di la// ji srid bag chags yod kyi bar// 'di ltar snang ba'i chos rnams yod// ji srid bag chags dag na ni// snang ba'i yul rnams gdod nas med// thag sbrul tho yor mi bzhin no// rdzogs pa chen po don 'dus rang byung bde ba'i 'khor lo'i rgyud las/ mtha' ma reg pa'i lta ba bstan pa'i le'u ste nyi shu rtsa gsum pa'o// // rdo rje sems dpa' yang nyon cig/ rang sems chos skur blta ba ni/ kun la khyab pa'i rig pa yis// 'dus ma byas pa'i don rtogs pas// mtha' bral rig pa gcig yin no// de yang 'dus pa'i snying po
- 120b
nyon// kun gyi mnyam nyid rgyal ba'i thugs// ma lus sems can thams cad la// chos skus khyab par brdal ba'i sku// mtha' dbus med pas nam mkha' 'dra// rig pa ma bslad gnyug mar gnas// dmigs 'dzin med par dang gis gsal// dngos por med la shes par yod// nam mkha' nyi ma'i 'od shar 'dra// 'dus ma byas pa'i ye shes kyis// rten 'cha' med par nyon mongs sel// 'byung ba lnga la rag ma lus// mi 'gyur 'joms pa'i rdo rje 'dra// bla sa don bstan rnal 'byor pas/ the tshom med par rang sems rtogs// thams cad gcig la rdzogs par shes// ma rig long ba'i mig 'byed 'dra// ye shes rig pa 'di nyid ni// yod med dbus kyi mtha' bral bas// sang nge sal le 'pho 'gyur med// ka shi'i ras kyi rin chen 'dra// de yang rdo rje sems dpa' nyon// ma bcos pa yi rang bzhin la// yul med chos skur rang byung ste// re dogs rdul tsam med pa'i phyir// lhun grub ye shes chen por rdzogs// rdzogs pa chen po don 'dus rang byung bde ba'i 'khor lo'i rgyud las/ ye shes lhun gyis grub pa'i lta ba bstan pa'i le'u ste nyi shu rtsa bzhi pa'o// // rdo rje sems dpas yang zhus pa// ma bsgoms ting 'dzin ji ltar gsal// 'bral med rgyun gyi spyod pa gang // re dogs med pa'i 'bras bu rnams// kun rig ston pas bshad du gsol// de skad zhus pa'i don gsan nas// 'dus pa'i 'khor la
- 121a
bka' stsal pa// ma bsgoms 'bral med ting 'dzin ni// rnam smin lus kyi rten bcas pa'i// tha mal kun gzhi gzhi cha la// lung ldan rkyen gyi gdams ngag gis// rang sems chos skur ngo spyad pas// dmigs 'dzin med par ngang gis gsal// gnyug mar gnas la 'phel 'grib med// de yang rdo rje sems dpa' nyon// byang chub thugs kyi nges pa'i don// sangs rgyas kun gyi ye shes sku// rnal 'byor shes rab ye shes mig/ rang byung ting 'dzin rgyun mi 'chad// chos sku rang byung ngos zin pas// rang gsal ye nas byang chub lam// de las mi 'da' rgyal ba'i thugs// de don sangs rgyas dgongs pa yin// de yang 'dus pa'i snying po nyon// sngar gyi bag chags zhes bya ba// gzung 'dzin brtas pa'i snang ba la// dam par zhen pas kun tu brtags// de phyir 'khor ba'i sa bon yin// phyis kyi nyon mongs zhes bya ba// ma rig rgyul tur byung sems// de bltas kun gzhi smin pa'i las// des bskyed tshogs brgyad bde sdug byung // snga phyi gnyis 'dus sgo lnga'i yul// sna tshogs 'phros pas rtog pa ste// de la zhen phyir tshogs brgyad byung // de yi nyes pas 'khor bar smin// de yang rdo rje sems dpa' nyon// lung ldan rkyen gyis chos kyi sku// rang rig sems kyi mun gseb nas// ngo shes rang gi mtshan nyid ni// yul sems gnyis la spros dang
- 121b
bral// mtha' dbus mi dmigs dran las 'das// ye nas dag phyir bya ba med// btsal du med pas sems las 'das// kun la khyab pas btsal mi dgos// 'gag pa med la rig pa stong // ma byas phyir na 'jig pa med// rig pa gsal bas rang ngo shes// ji bzhin pa la ma skyes pa// ma bcos rkyen gyis mi 'gyur ba// rtag chad ma yin sdud pa med// so so ma yin 'dres pa med// dngos med sems kyi ting 'dzin gsal// gtang gzhag med pa'i chos sku la// bying rgod mi 'byung rgyun du gnas// ye shes don la 'char nub med// de yang 'dus pa'i snying po nyon// rang rig ye shes 'di nyid la// bsgom du med phyir yengs pa med// gzung du med la zhe la gsal// rang yid ches pas khar mi zon// snang srid gsal la zhen pa med// rang rig bya ra dngos med grol// dran pa mi brlag 'gro 'od med// dran pa'i rig pa ci 'byung yang // de nyid dus na ngos bzung med// de yang 'dus pa'i snying po nyon// yang dag sangs rgyas nges pa'i don// sems can yid la gsal por gnas// rang byung chos sku 'gyur med phyir// de ldan blo la gol sa med// stong pa'i snying po rang rig blo// nges par rtogs pa'i shes rab kyis// yid ches 'bras bu da lta nyid// rang gi blo yi gting du shar// de yang rdo rje sems dpa' nyon// ye shes kun khyab rang gsal
- 122a
ba// yid la don dran 'du 'bral med// de goms klong du gyur pa'i phyir// tshig gi tha snyad mtshon mi dgos// ye yin don du rang rig pas// rgyal ba'i dgongs pa ma nor ba// ma byas ma bcos thugs kyi gdeng // da lta nyid du rang shar rtogs// chos nyid rang byung ye shes rgyun// ma bsgoms shugs la don gsal ba// sems kyis byin 'da'i ngang du gzhag/ de las ma btsal bsgom pa'i mchog/ de yang 'dus pa'i snying po nyon// nges don spyod pa'i rnal 'byor pas// bya ba'i dngos po gang la yang // ched du mi brtag 'du shes bskyung // rung dang mi rung don mi dpyad// 'jig rten yul chos dbang mi btang // de don chos nyid gdeng gis zin// rtag tu mi brjed gzungs kyis blta// de yang rdo rje sems dpa' nyon// yul la shes pa zhib gyur na// rtog pa zhugs pas chos nyid g.yengs// de phyir gang la ma brtags na// snang ba chos kyi dbyings su rdzogs// sangs rgyas chos sku nges pa'i don// sems can lus kyi bden pa mthong // rang gi rig pa lhag mthong gsal// de phyir bde ldan dam pa'i lam// de yang 'khor kyi snying po nyon// 'bras bu ye nas sangs rgyas pa// da lta nyid du nges par 'grub// de phyir rgyud dag sangs rgyas yin// sa dang lam gyis bcos su med// de yang 'dus pa'i snying po nyon// rang byung rig pa'i chos
- 122b
sku 'di// yid kyi yul du ma bsgoms kyang // lta ba'i don dang 'bral med phyir// rnal 'byor spyod pa ci byed kyang // de tsam nyid na 'byung 'jug med// rdzogs pa chen po don 'dus rang byung bde ba'i 'khor lo'i rgyud las/ chos kyi sku'i bsgom pa ngos gzung ba bstan pa'i le'u ste nyi shu rtsa lnga pa'o// // de nas kun rig rgyal po yis// rang sems gnas thabs bka' stsal pa// snying po chos sku bsgom pa la// skyon bsal dang la gnas thabs ni// nyams kyi 'byung lugs rim pa'i don// 'dus pa'i 'khor la ngas bshad nyon// ting 'dzin mi mthun skyon 'byung ba// bying rgod zhen 'dzin bsgom pa'i dgra// mdor na ci yang rung ba la// rang rig sems kyis myong ba 'am// zhe la 'dzin pa'i skyon yin no// de med ngang la gnas thabs ni// yul dang sems kyi chos rnams la// dang por lta bas ngos zin phyir// brtag cing dpyad du med rtogs pas// snga phyi'i dran pa rgyun bcad la// rig pa'i rang bzhin ji lta ba// gsal la mi rtog mi g.yo ba// gyi na btang snyoms ngang du gzhag/ de tshe ting 'dzin rig pa'i yul// sgo lnga'i yul la phar mi dpyad// yid kyis ting 'dzin tshur mi 'dzin// kun gzhi ma rig mun med gsal// de tshe byung tshor rang zhi nas// chos sku sang nge rig pa la// ma bcos shes pa'i ngang la gzhag/ der brtan ting 'dzin gdeng du
- 123a
chud// de yang rdo rje sems dpa' nyon// de tshe nyams kyi rim pa yang // yid kyi 'gyu ba rgyun chad de// zhen pa'i snang ba dang bral nas// nam langs pa yi nam mkha' bzhin// 'dzin med ye shes rang la gsal// nyin dang mtshan mo dbye ru med// res 'ga' snga phyir rgyun yang // don dran chos skur ldan gyis 'gro// res rgyu gnyen po'i don dran pas// 'khor ba rang sar grol zhes bya// de phyir nyams kyi gdeng dang ldan// dngos po yul du rang snang yang // 'dzin cing dmigs pa med pa'i phyir// gnod rgyu nyam nga gang yang med// snang ba mi skyon thob pa'i gdeng // mdor na gang rung ci la yang // mi brtag mi gzung mi dpyad par// gzugs brnyan g.yo ba yod gyur kyang // chu la g.yo ba med bzhin no// de yang 'dus pa'i snying po nyon// da ltar las su rung ba la// bya btsal bral ba'i rnal 'byor par// rang bzhin ma bcos nga gis gsal// de la rtag tu 'bral med par// 'od gsal chos nyid mthong zhes bya// rdzogs pa chen po don 'dus rang byung bde ba'i 'khor lo'i rgyud las/ chos sku rtogs pa'i ngang la gnas thabs bstan pa'i le'u ste nyi shu rtsa drug pa'o// // rdo rje sems dpa' yang nyon cig/ ngos zin don la gnas thabs ni// mar mes mun sel snang ba bzhin// skad cig gcig gi ting 'dzin gyis// bag chags brlag
- 123b
pas ma rig sangs// don nyid ye shes dran pa yin// nyon mongs las kyis gos pa med// de bas gdams ngag dran pas ni// sgyu ma sangs nas 'khrul bral bzhin// mtshan ma'i rtog bral don shes pas// spros bral ye shes snying por gnas// de yang 'dus pa'i snying po nyon// 'khor 'das gzhi shes rang byung de// bsgom dang mi bsgom sgro skur bral// de nyid nyams su blangs thabs ni// thigs pas snod chen khengs pa bzhin// ngo bo nyid kyi chos sku la// yang yang rig pas gsal thebs na// gol sa mi 'byung sangs rgyas 'grub// dper na bud med sbrum ma ni// skye ba'i dus su zas bstan bzhin// lung ldan gdams ngag yod pa'i mis// rkyen gyi rtog pa ci byung yang // de dus nges don lta dran pas// ma bsgoms don dang 'bral ba med// rgas pas nyam chung bsten pa bzhin// bla ma mkhas pa don ldan la// rtag tu bsnyen cing gus byas na// 'bras bu chos sku myur du ston// de yang rdo rje sems dpa' nyon// nges pa'i don gyi gdengs ldan yang // dus drug rkyen thub bar du ni// 'khor 'das yul gyis mi bslad phyir// ye yin don la brjed mi bya// rgyal po mi 'gro 'khor sdud bzhin// chos nyid ma bsgoms sku gsum 'byung // che ba'i yon tan lhun gyis grub// dper na sgyu ma mkhas pa yis// sprul pa'i srog ni gcod tsam na// srog med sgyu ma yin shes
- 124a
ltar// rang rig lta ba'i don yod pas// dug lnga spyod tshe ye shes 'char// ngo bo nyid las bsgrub med shes// de tshe nyon mongs ci spyad kyang // skyon gyis mi gos rang byung 'char// de nyid mi brjed rtogs pa'i phyir// ched du byas la bsgom mi dgos// de yang rdo rje sems dpa' nyon// rang sems rtogs pa'i bsgoms pa la// cig char bstun te 'jug nus na/ bsgom pa'i thun la ring zung med// nam 'grub snyam pa'i khar ma lus// de yang 'dus pa'i snying po nyon// sangs rgyas dgongs pa ji lta ba// da lta nyid du blang ba'i phyir// rang sems kun gzhi gzhi yi don// yang dag nyid du ngos zin pas// rang byung chos sku rgyal ba'i thugs// sems can blo yis go ba'i phyir// ma rig sangs pas gti mug bral// de phyir tshegs med rgyal ba'i bka'// de rgyud lung ldan sgron ma 'di// dad ldan blo la shar ba'i phyir// yid ches gdeng dang bral med pas// byang chub chos sku thag mi ring // ma nor sangs rgyas chos nyid du// da lta nyid du nges par shes// de phyir 'khor ba ming yang med// bla med byang chub smos ci dgos// dus gsum sangs rgyas nges pa'i don// bstan pa tsam gyis rtogs pa'i chos// dus 'dir yid ches gdeng du 'gyur// rig 'dzin kun dang da lta mnyam// de yang rdo rje sems dpa' nyon// sems can ma rig glo bur de// lung ldan rkyen
- 124b
gyis dus 'dir brlag/ de phyir rang byung rtogs pa'i rtsal// tha mal lus la rgyal ba'i thugs// kun 'byung rin chen gter chen 'di// dad ldan sems la gsal ba'i phyir// bsgyur du mi 'dod yid ches blos// rtag tu 'bral med ye shes gsal// de phyir lung ldan dgongs pa 'di// phyi ma ma yin dus 'di rang // da lta nyid du yin shes na// rtogs pa mngon gyur sangs rgyas yin// chos sku yang dag bya ba ni// kun gzhi'i nang na rang rig gsal// de nyid yod par ngo shes phyir// dman pa'i lus la ye shes thugs// de yang 'dus pa'i snying po nyon// da lta'i shes pa 'di nyid la// ngos gzung med par rang lugs su// de nyid ma bcos rang gsal ba// kun bzang rgyal ba'i dgongs pa yin// rang rig ye gnas bsgom pa ni// ma bral ma bying shes pa la// don gsal yid la mi rtogs pas// rgyun du mi 'bral ye shes skusgra// yul 'di gzhi la med shes phyir// yang dag lta ba blta ru med// de phyir bsgom pa'i yul las 'das// de nyid rang byung byang chub sems// snang med rig pa'i blta ba la// brjed med ye shes rgyun mi 'chad// de phyir 'bral med spyod pa'i gzungs// 'bras bu'i chos sku da lta rtogs// de yang 'dus pa'i snying po nyon// 'gyur med ting 'dzin da lta'i sems// rang byung yin phyir rgyu rkyen med// 'dus ma byas phyir
- 125a
rig pa'i rgyun// dus gsum mi 'gyur rgyal ba'i thugs// rang gsal rig pa chos sku la// bcos thabs gnyen po mi dgos phyir// ched du gtad la bsgom mi dgos// de phyir 'bral med ting 'dzin mchog/ yang dag chos nyid zhes bya ba// sems can rig pa'i don shes na// de nyid rgyal ba'i dgongs pa ste// de las gzhan du btsal du med// de yang rdo rje sems dpa' nyon// lan gcig dus kyi deng sang na// gdams ngag med par bsgom tshul ston// don dang mthun pa'i nyams med phyir// lung ldan rnams la sgro skur 'debs// de phyir nges don gsang ba gces// rdzogs pa chen po don 'dus rang byung bde ba'i 'khor lo'i rgyud las/ 'bral med rgyun gyi ting nge 'dzin bstan pa'i le'u ste nyi shu rtsa bdun pa'o// // de nas kun rig rgyal po des// 'bral med rig spyod bka' stsal pa// rang byung ye shes nam mkha' che// ma 'dres longs rdzogs chos kyi sku// mi skyes mi 'gag rgyun du spyod// de yang rdo rje sems dpa' nyon// bsam 'das don gsal yid la gnas// gsang sngags ngo bo nyid kyi sku// sangs rgyas sems can gnyis kyi gsang // rang gsal dam pa'i snying po 'di// sangs rgyas kun gyi nges pa'i don// yang dag byang chub sems la ni/ mi dmigs pa yang spyad du med// mi gnas par yang bsam du med// de phyir bya/
- 125b
bral nam mkha' che// de yang 'dus pa'i snying po nyon// ma bcos rang byung de bzhin nyid// spyad du med pa'i chos nyid la// ma bsgoms dmigs su med pa ste// ting nge 'dzin zhes btags pa tsam// ma rtogs par yang mi sems par/ kun la khyab pa ye shes la// kun shong byar med spyod pa'i mchog/ de yang rdo rje sems dpa' nyon// rang gi ngo bo nyid rtogs phyir// yul 'di sems su mi sdud pas// spyad pa'i yul yang med par 'gyur// gang gis gang la bsam zhing dpyad// dper na nam mkha' stong pa la// dmigs par mi byed sdud mi byed// de bzhin sems kyis sems bsgom du// ngo bo 'di 'dra dmigs su med// skyon yod gang yang ma dpyad na// gol dang sgrib par ci la 'gyur// spyod pa'i mchog tu 'di nyid gsungs// de yang rdo rje sems dpa' nyon// yang dag rtogs pa'i rig spyod ni// 'gro 'chag 'dug dang nyal la sogs// rkyen thub drug gi gdams ngag gis// dus dang rnam pa thams cad du// rang byung rig pa'i ye shes spyod// da lta'i lus bcas rig pa'i rgyun// ma brjed rtag tu don dran na// bya ba med pa'i spyod pa ste// ngang ngam shugs la rgyud du spyad// de yang rdo rje sems dpa' nyon// shes rab spyod pa lta ba'i gzungs// lus ngag las kyi bya ba rnams// gang yang mi 'gal don dran phyir// dgag sgrub med shes spyod pa'i
- 126a
mchog/ thabs kyi spyod pa mthun 'jug ste// dge bcu chos spyod lus ngag las// gzhan dag dge la gzud pa'i phyir// rtogs ldan rnams kyis ched du bya// de yang 'dus pa'i snying po nyon// shes rab thabs kyi spyod pa yang // rig spyod lta ba dran pa'i gzungs// yul med phyir na skyon dang bral// mngon rtag 'dzin med rgyun du spyad// lta bas zin pa'i chos spyod rnams// ye shes rdzogs chen chos kyi sku// rnal 'byor rig pa'i don ldan la// da lta nyid du rdzogs par gsungs// de yang 'dus pa'i snying po nyon// rgyun du mi 'bral rang rig 'di// nyams myong med par rang gsal ba// de nyid nyams kyi dam pa'i mchog/ mi 'dzin mi spyod rang gsal tsam// 'bral med rgyun gyi spyod par bshad// gal te mtshan ma rgyu na yang // don dran dgag sgrub med shes pas// sangs rgyas lta sgom ngo bor gcig/ rnal 'byor spyod lam thams cad du// don dran spyod pa yin pa'i phyir// ma dran gnyid dang nyon mongs pa// rang dgar song tshe de nyid la// ngo bo nyid dran gnod mi nus// de lta nyid ni yin shes phyir// ched du byas la spyod du med// rdzogs pa chen po don 'dus rang byung bde ba'i 'khor lo'i rgyud las/ 'bral med rgyun gyi spyod pa bstan pa'i le'u ste nyi shu rtsa brgyad pa'o// // de nas 'dus pa'i 'khor rnams la// dug
- 126b
lnga rang grol bka' stsal pa// rang sems don rtogs spyod pa yang // 'dod chags zhe sdang gti mug dang // nga rgyal phrag dog 'khor ba de// nges pa'i gdengs ldan rnal 'byor pas// rgyu mthun bag chags mi gsog go// de yang rdo rje sems dpa' nyon// pho mo dus gsum sbyar gyur kyang // ro myags 'dam du mi skye ste// ku mA ra yi dpe bzhin du// lung ldan 'dod chags ci spyad kyang // de nyid dus na rang grol nas// 'bras bu mi 'byung mngon sangs rgyas// phyi rol mi yi zas nor la// rku 'phrog sna tshogs byas gyur kyang // yi dwags gnas su mi skye ste// 'joms byed 'phreng ba'i dpe bzhin du// nges don rkyen phrad dus de ru// mngon par byang chub 'bras bu thob// de yang 'dus pa'i snying po nyon// 'gro drug sems can ma lus pa// zhe sdang mnar sems srog bcad kyang // dmyal ba'i sdug bsngal ya mi nga // rgyal po gtum po'i dpe bzhin du// gdams ngag nges pa'i don go phyir// skye 'chi med par mngon sangs rgyas// ma rig 'khrul pa'i bag chags kyis// gti mug mun pa 'thibs pa yis// byol song gnas su mi skyes ste// chu nas bton pa'i mi ngan bzhin// las ngan rkyen gyis rang sems rtogs// gzhan gyis mthong bar mngon sangs rgyas// de yang 'dus pa'i snying po nyon// nga rgyal las ngan bskyed gyur kyang // lha mi'i sdug bsngal mi
- 127a
'byung ste// rgyan po rgyal ba'i dpe bzhin du// dge slong rkyen gyis rang sems rtogs// de nyid dus su mngon sangs rgyas// gzhan la phrag dog las byas kyang // lha min 'thab brtsod las mi 'byung // dbang phyug 'khor bcas dpe bzhin du// brid bsdigs rkyen gyis rang byung ngo // de nyid dus na mngon sangs rgyas// de yang rdo rje sems dpa' nyon// sems can log rtog chen po che// gzhan gyi rkyen gyis mi bzlog phyir// dug lnga rang la brten te bzlog/ mthun par bstan pas nges par bzlog/ nges don rtogs pa'i rnal 'byor pas// dug lnga spyad kyang rang grol ba// tha mal pa yang de 'dra na// sbyangs pa'i 'phro can smos ci dgos// rdzogs pa chen po don 'dus rang byung bde ba'i 'khor lo'i rgud las/ dug lnga rang grol du bstan pa'i le'u ste nyi shu rtsa dgu pa'o// // de nas kun rig rgyal po yis// mthun 'jug thabs kyi spyod pa'i don// 'dus pa'i 'khor la bka' stsal pa// theg dman rnams dang sgo bstun phyir// shes rab rig pa'i spyod pa dang // snying rje thabs kyi spyod pa dang // lus ngag mthun 'jug spyod pa bya// de yang 'dus pa'i snying po nyon// de rtogs shes rab spyod pa ni// phyi nang dngos po cir mthong yang // 'khrul pa yin par yid ches pas// dam par mi blta dran pa'i gzungs// ci goms las su rung ba'i
- 127b
bar// rtsol ba med pa'i brtson 'grus kyis// nges pa'i don dang mthun par spyad// de yang rdo rje sems dpa' nyon// mthun 'jug thabs kyi spyod pa yang // ye shes snying rje chen po yis// ma rig log pa'i sems can la// bsam pa bzang po'i nges don gyis// rang gi ting 'dzin ma nyams par// sems can kun la phan don du// mdo rgud smon lam rgya cher gdab// sgrib sbyong tshogs bsags sna tshogs bya// gzhan dag dge la gzud pa dang // theg dman skur pa spang ba'i phyir// dge sdig shan thang phyed par bya// dngos por mi bya lta bas gzung // mi dmigs gsang bar rgud du spyad// de yang 'dus pa'i snying po nyon// sgo gsum rnal 'byor spyod pa yang // bde sdug na tsha sna tshogs dang // gzhan gyi nor 'phrog brdeg pa dang // gshe sbyo mtshang 'bru la sogs par// gnyen po'i gdams ngag dran byas la// nyon mongs dbang du mi gtang bar// las ngan bag chags yin bsam la// chos sku dran pa brjed mi bya// de yang rdo rje sems dpa' nyon// don dam rig pa'i rnal 'byor pas// gzhan gyi skyon dang yon tan la// smad bstod mi bya btang snyoms gzhag/ 'jig rten bre mo'i gtam rnams la// 'du 'dzi 'phyar g.yeng ci chung 'bad// nga rgyal khengs bskyungs shes 'phang smad// dus rnams kun tu zhi bar bya// che tshig rang bstod mi bya bar// bag
- 128a
ma gsar pa'i tshul bzhin du// 'jam zhing zhi bar rtag tu bya// de yang rdo rje sems dpa' nyon// mdor na spyod pa de dag gis// snga phyi rtog pa brtas pa yang // je zhi je phra rang brlag nas// chos sku ye shes lhun gyis grub// nyi ma la ni zer 'byung bzhin// zhing khams yongs su dag pa la// sku gsung yon tan phrin las sogs// che ba'i yon tan ma lus 'byung // rdzogs pa chen po don 'dus rang byung bde ba'i 'khor lo'i rgyud las/ mthun 'jug thabs kyi spyod pa bstan pa'i le'u ste sum cu pa'o// // de yang 'dus pa'i snying po nyon// 'bras bu rim 'byung ngas bshad kyis// legs par nyon la yid la zung // de yang 'khor rnams legs par nyon// gnas pa'i ting 'dzin don ldan pas// ye shes bag chags cha bsnyam phyir// gsal la mi rtog dus mnyam pas// 'dod khams ltar ni skye dbang yod// de tshe 'phos nas chos nyid mthong // mi g.yo ba yi ting 'dzin gyis// rnam rtog de nyid zil non pas// gtsang ma ris kyi lhar skyes nas// de nyid dus na mngon sangs rgyas// mnyam nyid ldan pa'i ting 'dzin gyis// lus bral skad cig de nyid la// 'bras bu sangs rgyas chos kyi sku// de yang dpe med kun bzang thugs// de yang 'khor gyi snying po nyon// mnyam pa'i don la ye gnas pas// 'bras bu'i rig pa da lta
- 128b
nyid// de don mi brjed ye dran phyir// mtshan ma'i yul la ma zhen pas// yul nyid sems su sdud byed pa// gzugs khams gnas su lhung mi 'gyur// rang sems rtogs pa mngon gyur pas// re dang dogs pa'i blo bral phyir// gang yang 'dzin med thugs la gsal// nyan thos sa ru ltung mi 'gyur// dang po blta ba bdag med phyir// mtshan ma'i yul la ma zhen pas// yul nyid sems su sdud pa med// 'dod khams gnas su lhung mi 'gyur// de yang 'dus pa'i snying po nyon// nam mkha' nyi shar mun pa med// de bzhin rang rig chos sku la// ma rig med pas ye shes shar// sangs rgyas thugs la 'char nub med// de phyir 'bras bu sangs rgyas chos// rdzogs pa chen po don 'dus rang byung bde ba'i 'khor lo'i rgyud las/ 'bras bu ltung med bstan pa'i le'u ste so gcig pa'o// // de nas 'dus pa'i 'khor rnams la// kun rig ston pas bka' stsal pa// thugs kyi gdeng chud skal ldan la// mi nub phyogs kyi gter du ni// dus gsum rgyal ba'i chos kyi sku// rang byung thugs la gsal ba'i don// mnyam nyid 'gro don byed pa'i lam// tshad ma rang gi dbang phyug gis// rjes gsob thugs kyi sras mchog la// skye 'gags 'khor ba'i spong len min// bdag dang bral ba rgyal ba'i thugs// de yang 'dus pa'i snying po nyon// 'du 'bral med
- 129a
pa'i ye shes lus// rig pa phyogs med byang chub 'char// so sor ma yin ye nas gcig/ de phyir yon tan bstan pa bka'// byang chub dang du thams cad 'dus// mkha' mnyam dbang phyug chen po'i thugs// ye shes sangs rgyas kun dang mnyam// sde snod chos rnams thugs la rdzogs// de yi yon tan chen po ni// zhe 'dod rigs lngar ma grub kyang // rang gi sems la sangs rgyas tshang // de nyid 'bras bu dam par gsungs// de yang rdo rje sems dpa' nyon// sngon tshe rnam gzigs bstan pa la// bram ze dpal ldan bya ba'i bus// rang sems rtogs pa'i don med par// gzhan nas 'bras bu zhe 'dod kyis// rigs lnga'i sangs rgyas nam 'grub ces// yid la bsams shing lha bsgom pas// 'bras bu med cing 'khor bar skyes// de phyir re dogs med par bya// de yang 'dus pa'i snying po nyon// re med don ni dran byas na// chos nyid sangs rgyas sa la gnas// dogs med don la ma yengs na// sgrib pa sbyangs pa'i thabs mi dgos// de yang rdo rje sems dpa' nyon// ngo bo nyid kyi chos sku la// gang yang ma 'gags nam mkha' bzhin// 'khor 'das zhen med 'bras bu min// de nyid rang sems snying por shar// 'gro drug sems can thams cad la// chos nyid rang chas don rtogs na// bsgom zhing bsgrub pa'i nad dang bral// ye
- 129b
shes ngo bo da lta'i sems// re dogs med shes 'bras bu'i mchog/ dus gsum rang sems 'gyur med don// med la mi zad rang byung thugs// sangs rgyas zhes ni de la bya// rdzogs pa chen po don 'dus rang byung bde ba'i 'khor lo'i rgyud las/ re dogs med pa'i 'bras bu bstan pa'i le'u ste so gnyis pa'o// // de nas 'dus pa'i tshogs rnams la// bdag don rtogs pa'i 'bras bu ni// nges par 'khor la bka' stsal pa// ye nas rang la gnas pa'i don// rang byung snying po chos sku 'di// lung ldan rkyen gyis rtogs tsam na// 'khor ba'i ming med ye shes rgyas// de yang 'dus pa'i snying po nyon// rang byung sems la dbang thob pas// ci spyod chos skur gsal ba las// zhen 'khrul rtog pa ming yang med// thams cad ye shes zang thal nyid// de ltar rtogs pa'i rnal 'byor la// ma rig med phyir 'khor ba bral// nyon mongs rtsa ba gtan nas brlag/ phyi mar skye ba'i rgyu mi gsog/ de yang rdo rje sems dpa' nyon// skye ba mi len rang byung sku// de la yon tan brjod mi langs// de phyir 'bras bu dus 'dir smin// rkyen gyis mi 'jigs brlag pa med// sems rtogs shes pa 'di las ni// byang chub thob tu re ba med// sangs rgyas yon tan thams cad kyang // rtogs pa 'di yi rtsal yin phyir// re ba'i rtsol bas bsgrub mi dgos// de yang 'dus
- 130a
pa'i snying po nyon// sems rtogs 'khor ba med pa'i phyir// 'gro drug sems can ye nas med// de phyir 'khor ba dong spug chos// de rtogs rang rig ye shes sku// de yi 'bras bu da lta 'byung // shin tu dad ldan rnal 'byor la// tshogs bsags sgrib sbyangs thabs mi dgos// nor bu rin chen rnyed pa la// 'jig rten so nam mi dgos bzhin// rang sems chos skur sangs rgyas nas// gzhan nas bsgrub cing bsnan mi dgos// de phyir las med spyod yul med// de yang rdo rje sems dpa' nyon// sems can lus la rgyal ba'i thugs// zab la rgya che gting zab pas// blo yi gting du nges par go// de la 'bras bu dus 'dir rtogs// de phyir rtogs pa mngon gyur pa'i// sangs rgyas zhes ni de la bya// de yis mthong snang sna tshogs te// rang rig chos sku gcig gcig la// byang chub sems dpa' las dag pas// longs spyod rdzogs pa'i sku ru mthong // nyan thos sgrib pa chung ba la// sbrul sku thub pa chen por mthong // nges don rtogs pa'i rnal 'byor pas// rang rig skyon bral chos skur mthong // de phyir rang sems rtogs pa gces// de yang 'dus pa'i snying po nyon// de ltar mthong ba so so yang // rtogs pa che chung bye brag las// logs na yod pa ma yin te// nyi ma dang ni zer bzhin du// dus 'dir rtogs pas sangs rgyas
- 130b
te// da lta nyid du 'bras bu thob// de phyir lung ldan rtogs pa la// rang don chos sku sangs rgyas 'byung // rdzogs pa chen po don 'dus rang byung bde ba'i 'khor lo'i rgyud las/ bdag don rtogs pa'i 'bras bu bstan pa'i le'u ste so gsum pa'o// // kun rig rgyal pos yang gsungs pa// snang med blta ba'i rig pa las// ma btsal 'gyur med chos kyi sku// bag chags med pas yul dang bral// da lta nyid du rang byung sku// dngos med nam mkha'i mtha' dang mnyam// shes rig gsal bas khyad par 'phags// de la 'gran zla gang yang med// rtogs pa'i yon tan brjod mi langs// de yang rdo rje sems dpa' nyon// rang sems rig pa rang byung de// ye med don shar byang chub sku// spyi mthun nyi ma stong pas gsal// de nyid rtogs pas goms mi dgos// ye shes rig pa gsal ba des// ma rig mun pa gdod nas // bag chags nyon mongs rtsad nas brlag/ dgongs pa sangs rkus kun dang mnyam// de yang 'dus pa'i snying po nyon// dper na rgu mtshor rlabs su 'byung // de bzhin don rtogs rnal 'byor pas// skrod pa 'bral med ye shes klong // dus bzhir ye shes rgyun mi 'chad// don 'di rtogs pa'i spyod pa ste// tshogs bsags sgrib sbyangs bcu pas// skad cig 'di dran khyad par 'phags// lus ngag rtsol med rig spyod
- 131a
bde// de yang 'khor gyi snying po nyon// rang drin 'bras bu rang la che// gzugs dang bral bas skye 'chi med// rang las byung ba'i ye shes sku// yul med rig pa mngon sangs rgyas// 'di rtogs 'bras bu lhun grub bde// bsam pa tsam gyis lhun gyis grub// mching bu rin chen khyad par ltar// skye ba mi len mngon sangs rgyas// de yang rdo rje sems dpa' nyon// de rtogs mi zad rin chen gter// de yi 'bras bu yon tan ni// gzugs med rig pa nga yi sku// tha mal rang sems nga yi thugs// stong rig dran pa nga yi gsung // rig pa yon tan gang yang 'grub// ye nas phrin las rang byung bas// rig pa spros bral chos kun rdzogs// de yang 'dus pa'i 'khor rnams nyon// 'gyur med lhun gyis grub pa'i gzhi// chos nyid bde chen klong yangs lam// skye 'chi med pas 'bras bur smin// de dag gcig phyir rgyal paba'i thugs// gser gling sa rdo med pa bzhin// sems can dus nas sangs rgyas la// yon tan mtshan dang dpe byad kyang // ye shes sku la kun kyang rdzogs// da lta tha mal lus sems kyis// sems las ma byung sangs rgyas rnyed// rgyu las ma byung 'bras bu rtogs// lung la ma brten chos rnams rnyed// theg dgu'i chos rnams gcig las med// dug lnga mya ngan 'das par dag/ thugs kyi klong rdol chos kyi sku// 'khor
- 131b
ba'i nang na lus yod kyang // pad+ma dang ni 'dam bzhin du// nyon mongs las kyis gos pa med// de phyir sangs rgyas kun dang mnyam// rdzogs pa chen po don 'dus rang 'byung bde ba'i 'khor lo'i rgyud las// rtogs pa'i yon tan bstan pa'i le'u ste so bzhi pa'o// // de nas sems dpa' rdo rje yis// 'dus pa'i 'khor gyi don ched du// kun rig sems kyi rgyal po la// yang dag nges don 'di skad gsol// theg pa gzhan las ji ltar che// nges don la ni ji ltar bzla// sangs rgyas chos kun ji ltar rdzogs// de skad zhus pa'i don gsan nas// kun rig rgyal pos bka' stsal pa// rang byung rig pa chos sku ni// sems can kun la khyab pas che// nges pa'i don gyi lta ba yis// 'gro drug dbang du bsdus pas che// sangs rgyas kun gyi dgongs pa ni// kun gyi dur sa yin pas che// 'khor ba mya ngan 'das pa ni// kun gyi rten gzhi yin pas che// 'khor ba thog ma tha ma yis// kun gyi thog ma yin pas che// sde snod theg pa'i chos rnams ni// kun gyi 'byung sa yin pas che// sangs rgyas bstan pa ma lus pa// kun gyi rtsa ba yin pas che// dus gsum bder gshegs thams cad kyi// kun gyi lam mchog yin pas che// ye shes rang byung chen po ni// kun gyi sdong po yin pas che// chos rnams kun gyi rtsa ba yi// myang 'das snying po yin pas che// rang byung
- 132a
rig pa'i ye shes ni// lta ba ye gsal gol med che// don rtogs 'gyur med rang rig la// ye klong bsgom du med pas che// chos kun rtsa ba byang chub sems// ye grub btsal du med pas che// 'khor 'das gzhi 'khor gnyis med phyir// kun gyi srog shing yin pas che// de ltar nges pa'i don rtogs nas// gdeng du gyur pas che ba yin// dus gsum sangs rgyas thams cad pas// kun bzang dgongs pa che ba yin// theg gzhan chos kun spyad pa bas// rdzogs chen mos pa khyad par 'phags// rdzogs pa chen po don 'dus rang byung bde ba'i 'khor lo'i rgyud las/ che ba bstan pa'i le'u ste so lnga pa'o// // de nas 'dus pa'i tshogs rnams la// chos nyid la bzla bka' stsal pa// ngo bo rnam rtog skyon dang bral// rtogs pa'i yon tan dpag mi langs// ye shes don la 'phel 'grib med// rgyal ba'i sku ni bgrang mi langs// rang byung gcig dang gnyis su med// gsung gi brjod pa mtha' las 'das// yang dag don ni tshig dang bral// mkhyen pa'i ye shes dpag tu med// rtsa ba thams cad gcig gi ngang // snang ba'i mtha' la thug pa med// ngo bo rang bzhin gcig tu 'dril// rgyal ba'i zhing khams bsam mi khyab// don du thig le gcig gi rtsal// chos kyi dbyings la mu mtha' med// kun kyang chos kyi sku la 'dus// de
- 132b
rtogs rdzogs chen lta ba yin// de yang rdo rje sems dpa' nyon// gad la ni 'khor 'das kun tu gad la// 'dus ni thig le nyid du 'dus// snang ni khams gsum yongs la snang // 'dus ni rang bzhin snang bar 'dus// spros ni brgyad khri bzhi stong spros// 'dus ni a ti yo gar 'dus// gtan la snang stong gnyis ka phab// nyams su bde ba chen por blang // bshad ni theg pa dgu ru bshad// btsal ni rang byung ye shes btsal// spel ni sku dang ye shes spel// mngon du byang chub chos skur bya// 'dod ni rgyal ba'i zhing khams 'dod// mngon du ye shes rol pa bya// bsgrub ni sangs rgyas yon tan bsgrub// don du mi bsam mi bsgom mo// rdzogs pa chen po don 'dus rang byung bde ba'i 'khor lo'i rgyud las/ chos nyid la bzla ba'i le'u ste so drug pa'o// // de yang 'dus pa'i tshogs rnams la// chos kun rdzogs par bka' stsal pa// a ti rdzogs chen mtshan nyid ni// dper na nor bu rin chen bzhin// bdag gzhan dgos 'dod tshang ba la// ma rtogs dus na med 'dra yang // rtogs nas gzhung bzhin spyod pa las// bdag gzhan don 'grub re ba bskyung // de bzhin chos sku'i snying po la// myang 'das sa dang rgyal ba'i zhing // sku dang ye shes ji snyed pa// bdag gzhan 'bras bu mthar phyin pas// rang rig ye shes 'di la rdzogs// don 'di rnal
- 133a
'byor bdag gis spyad// gtan la kun gzhi'i dngos po dbab// don du 'khor brtsad nas chod// rtogs pa thig le nyag gcig gsal// lta ba rang byung ye sangs rgyas// sgom pa chos nyid klong na 'phyo// spyod pa thams cad byar med spyod// rol pa cir yang thogs pa med// 'bras bu ma lus yongs su rdzogs// de ltar rtogs na rdzogs chen yin// de yang 'dus pa'i snying po nyon// steng 'og mtho dman med par rdzogs// phyogs mtshams dbye ba med par rdzogs// mtha' dbus nye ring med par rdzogs// snang stong nye ring med par rdzogs// ye shes brdal ba chen por rdzogs// sku mchog cir yang snang bar rdzogs// gsung ni bstan pa sgrog par rdzogs// thugs ni thams cad mkhyen par rdzogs// mtshan ma chos kyi dbyings su rdzogs// chos nyid dag pa'i ngang du rdzogs// dug lnga ye shes chen por rdzogs// ye shes rang byung nyid du rdzogs// 'khrul pa rang bzhin med par rdzogs// rang bzhin bde ba chen por rdzogs// gzung 'dzin mnyam pa nyid du rdzogs// snang ba 'byung ba lnga ru rdzogs// 'byung ba kun bzang rtsal du rdzogs// sems can byang chub sems su rdzogs// byang sems chos kyi sku ru rdzogs// rdzogs pa chen po don 'dus rang byung bde ba'i 'khor lo'i rgyud las/ sangs rgyas chos kun rdzogs par bstan pa'i le'u
- 133b
ste so bdun pa'o// // de nas 'dus pa'i sems dpa' yis// 'khor gyi the tshom bsal ba'i phyir// bden pa'i yid kyis 'di skad zhus// rang byung ye shes ngo bo la// gzhal bya mi dmigs don ci lags// snang ba'i mtshan ma 'di nyid kyi// gtan tshigs ma grub gsungs pa ci// de don gang gis rtogs pa'i thabs// blta med gsung pa ci yi phyir// gol dang ltung med bstan pa yi// mthun dpe gang gis gang la mtshon// mnyam pa'i rgyal pos bshad du gsol// de skad zhus pa'i don gsan nas// 'dus pa'i tshogs la bka' stsal pa// dngos nyid la sogs chos rnams kun// bya ba med par rang shar cing // yul med ngo bo rang shar phyir// ye nas ma bsgribs 'od gsal bas// gang yang gzhan du mi dmigs na// gzhi las ma grub ngo bor son// chos can med pas gzhal bya bral// de yang rdo rje sems dpa' nyon// snang byed chos skur gsal ba la// ji snyed pa yi rnam grangs kun// dgag bsgrub bya ba med pa'i phyir// ye nas ma grub 'od gsal bar// rang gi sa na ye nas gnas// gzhan la bdag tu ma grub phyir// phyogs gnyis bral ba'i byang chub sems// mtha' bzhi'i tha snyad bral ba la// 'jal byed gtan tshigs ci zhig dgos// de yang rdo rje sems dpa' nyon// mtshon pa'i tha snyad mi brjod do// chos rnams ma lus thams
- 134a
cad kun// log pa'i rjes su 'brang ba'i phyir// yul med thig ler rang shar bas// ji bzhin ma nor snying po yi// nges par gzhan du blta las grol// de yang rdo rje sems dpa' nyon// kun bzang brdal khyab rang bzhin la// thog mtha' chod phyir gol sa med// de yang ye shes rang shar bas// gol sa nyid kyang chos nyid yin// ye shes ngang du gyur pa'i phyir// dmigs zhen med pas gol med gsungs// de yang 'khor gyi snying po nyon// dper na gang gis mi nus kyang // nam mkha' nyi shar rang gsal bzhin// rang byung ye shes ngo bo yang / rang rig ye shes bde gsal pas// snang bas phan med gnod med phyir// phyogs kyi tha snyad bshad mi dgos// rdo rje sems dpas yang gsol pa// ma bsgoms don dang 'bral med pa'i// de don rtogs thabs gang gis bgyi// ma bsgoms klong du gyur pa yi// rang gi tha snyad gang la gdags// de don bsgom du med pa'i dper// mtshan ma byung na cis mi gos// lta ba rang shar chen po la// ma bsgoms gol sar cis mi 'gyur// de skad zhus pa'i don gsan nas// 'dus pa'i 'khor la bka' stsal pa// snying po rang gi rtogs dang ni// man ngag dgongs pa'i thugs brtol nas// shes rgyud rtogs pa'i bla ma yis// ji bzhin nyid du shar ba la// snang byed chos sku nyid son pas// mtshan
- 134b
ma'i dngos po mi 'byung phyir// sman dang sman pa'i thabs bzhin du// sems med mi 'dod ci zhig bral// de yang 'dus pa'i snying po nyon// thig le chos skus khyab pa'i phyir// ji bzhin nyid du rang shar bas// gang yang dam par mi blta bas// thams cad ji bzhin rang sar grol// de phyir mtha' la mi gnas pas// gtang gzhag med pa'i ting nge 'dzin// ma bsgoms klong du gyur par gdags// de yang 'dus pa'i snying po nyon// bsgom du med pa'i chos nyid la// rnam rtog mtshan ma mi 'byung bas// dmigs nas bsal ba bsgrub mi bya// dper na nam mkha' 'di nyid la// sprin dang khu rlangs la sogs ni// ji snyed gzhi na med pa ltar// ji bzhin nyid du rang dran pas// dus mnyam gsal bas yang dag ste// de la gnyen pos bcos su med// tha snyad rang gsal bcos par zad// de yang 'dus pa'i snying po nyon// yul med thig ler rang shar bas// yang dag don la mi 'jug phyir// ngo bo nyid du gyur pas na// don du gnyer ba gang yang med// snga phyi gzhan du dngos med phyir// ched du bsgom du med pa ste// dmigs pa gtad pa'i don dang bral// don mi gnyer la dgra med 'dra// de nas 'dus pa'i yang zhus pa// gtang gzhag med pa'i bsgom pa la// mi 'dun mi 'byung gsungs pa ci// rnal 'byor rtsol bral ma yengs na// bya byed
- 135a
'gog med gsungs pa ci// de nyid 'ching bar mi 'gyur ba'i// phyogs bral bstan pa ji ltar lags// kun rig ston pas bshad du gsol// 'dus pa'i tshogs la bka' stsal pa// dus gsum rnam pa thams cad du// skye 'chi med par ye shar bas// snang med zhen rtog thams cad kyang // gang yang chos skur gsal ba las// gtang gzhag rtsol sems ci la 'byung // gzhan du mi 'gyur klong gnas pas// mi mthun mtshan ma gang yang med// de yang rdo rje sems dpa' nyon// dbyibs dang mtshan ma thams cad kun// gzhi la ma grub don shes phyir// rang gsal yul la rtog pa med// dag dang ma dag thams cad kun// gang yang dgag bsgrub med pa'i phyir// gzhag dang blang bar ye med don// 'byung 'jug med pas bsgom mi dgos// rtsol ba med phyir spyod pa'i mchog/ de yang 'dus pa'i snying po nyon// bdag gzhan ka nas ma grub phyir// bya byed ma lus thams cad kun// 'gro drug las kyang bde gshegs mdzad// ci spyod chos skur ye shar bas// gang yang mtshan nyid dbyer med de// byed pa nyid na grol bar nges// blang dang dor ba[:]dang gis med// de yis 'ching bar ci la 'gyur// rdzogs pa chen po don 'dus rang byung bde ba'i 'khor lo'i rgyud las/ rdo rje sems dpa'i thugs brtol
- 135b
gsal ba'i le'u ste so brgyad pa'o// // de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i yid kyis 'di skad gsol// the tshom gegs chen bsal ba'i phyir// gdams ngag mdor ni ji ltar bsdu// bsgom pa'i don ni dbye ba gang // rtogs pa'i sems nyams ji ltar 'byung // kun rig ston pas bshad du gsol// de skad gsol pa'i don gsan nas// 'dus pa'i 'khor la bka' stsal pa// mdor bsdus gdams ngag nges pa'i don// khyod la bstan gyis yid kyis zung // yul med ma yengs spang blang med// re dogs gnyis med rnal 'byor la// da lta nyid du yid ches gdeng // sangs rgyas sa la nges par gnas// de yang 'dus pa'i snying po nyon// rang byung chos nyid gnas lugs ni// bzo bcos med pa'i shes pa la// sgo skur gang yang ma btags na// lta ba'i gzhi nyid de la bya// de yi ngang la gnas thabs ni// snga phyi med pa'i gnyug ma'i rgyun// ched du ma byas rang gsal tsam// de las ma 'das bsgom pa yin// spang blang med pa'i spyod pa ni// yin min bzang ngan la sogs pa'i// bkod pa gang yang med pa'i phyir// ris su mi byed spyod pa'i mchog/ re dogs med pa'i 'bras bu ni// lung ldan rkyen gyis rtogs pa des// lan gcig thob tu mi re ste// da lta'i rang sems chos
- 136a
skur rtogs// de yang 'khor gyi snying po nyon// blta bsgom spyod pa 'bras bu rnams// tshig la tha dad phye ba las// don la dbyer med ngo bo gcig/ de ltar lhun gyis grub pa yin// rdzogs pa chen po don 'dus rang byung bde ba'i 'khor lo'i rgyud las/ mdor bsdus pa'i gdams ngag bstan pa'i le'u ste so dgu pa'o// // de nas 'dus pa'i 'khor rnams la// kun rig ston pas bka' stsal pa// gsal la mi rtog mi g.yo ba'i// rig pa'i nyams kyi dbye ba'i don// yang dag nges don gdeng gi bka'// ma nor ma bcos khyod la bshad// rnal 'byor dam pa mnyam bzhag tshe// gsal la mi rtog mi g.yo ba'i// ngo bo rtsal dang dpe dang ni// tshad dang nges tshig yul dang 'bras// skyon dang gol sa sgo dgu ste// chos sku ngo spyod sdom tshig yin// de yang rdo rje sems dpa' nyon// rang byung chos sku gsal ba yi// ngo bo rang rig ye shes yin// rtsal ni sgo lnga'i rnam shes gsal// dbye ba 'dod pa'i yon tan la// dpe ni til gyi mar me 'dra// tshad ni shes pa ma bsgribs pa// nges tshig gdams ngag ma brjod gsal// yul ni snang ba chos kyi dbyings// 'bras bu longs spyod rdzogs pa'i sku// skyon ni dbang po yan drags pas// gol sa bying rmugs 'gog pa yin// de yang 'dus pa'i 'khor nyon cig/ gang la rnam par mi rtog pa'i// ngo
- 136b
bopo snga phyi ma dran pa// rtsal ni bde la mi rtog pa// yul ni 'dzin med ma 'gags pa// dpe ni bya ba btang ba 'dra// nges tshig yul la ma yengs pa// tshad ni dran med ma bying ba'i// 'bras bu sbrul sku thub drug 'byung // skyon ni goms par ma byas pa// gol sa rgod 'phro yul la zhe na// de yang rdo rje sems dpa' nyon// sangs rgyas dgongs pa mi g.yo ba// ngo bo dus gsum mi 'gyur ba// rtsal ni ye shes 'phel 'grib med// yul ni shes pa mi g.yo brtan// dpe ni rgya mtsho'i gting dang 'dra// nges tshig mnyam nyid rkyen mi tshugs// gsal dang mi rtog dus mnyam tshad// 'bras bu rang byung chos skur rtogs// skyon ni the tshom yid ma ches// gol sa log rtog mi g.yo gsum// de yang 'dus pa'i snying po nyon// de dag rtsa ba mdor bsdus na// yid la chos sku wal gyis dran// de nyid ngang la cog gis zhog/ yul la 'dzin med rtogs pa sangs// rang rig yid ches gdeng du ldan// 'bras bu mngon gyur sangs rgyas yin// rdzogs pa chen po don 'dus rang byung bde ba'i 'khor lo'i rgyud las/ don gyi bsgom pa'i dbye ba bstan pa'i le'u ste bzhi bcu pa'o// /
- 137a
de nas kun rig rgyal po yis// dad ldan 'khor la bka' stsal pa// de ltar rtogs pa'i rnal 'byor rnams// nges pa'i don la dmigs pa'i tshe// dbang po yul gyi mtshan ma rnams// gzhi la ma grub don rtogs phyir// dngos po gyi nar rang snang yang // mtshan mar shes pas gzung du med// de phyir 'di dang 'di'o zhes// yid la gang yang mi 'gyu bas// snang ba chos kyi dbyings su rtogs// de yang rdo rje sems dpa' nyon// 'on kyang sngar gyi bag chags kyis// chu yi nang gi gzugs brnyan bzhin// kha dog dbyibs kyis bsdus pa ni// bun ne long nge 'od de tsam// snang yang 'du shes mi 'jug pas// rang gi yid kyi ngo gang la// yul med nam mkha' stong pa ltar// sang nge sal le rig pa gsal// bdag gzhan gang du mthong ba med// mi dang sems can dngos po kun// dper na sgyu ma'i gzugs brnyan bzhin// snang tsam nyid na dngos med shes// de phyir 'dzin pa'i blo mi 'byung // de yang 'khor gyi snying po nyon// langs nas spyod lam gang byas kyang // dngos por mi 'dzin rang sar grol// gal te yul la brtags pa na// blang dor med pa'i rtogs pa skye// bde sdug bzang ngan gtsang sme dang // yin min sor mthong ji snyed pa// gang la'ang 'du shes blo mi 'jug/ de phyir spang thob med par rtogs// de rtogs ngang la gnas pa la// pha
- 137b
rol phyin bcu chos spyod sogs// thabs kyi spyod pa ma lus kun// ma spangs kun kyang tshang zhing rdzogs// de yang 'dus pa'i snying po nyon// de shes mngon du ma gyur kyang // zla ba tshes pa nyar 'phel ltar// de rtogs khad kyis sangs rgyas kyi// yon tan ma lus mngon du 'byung // de ltar shes shing rtogs gyur kyang // nyams snang mi la mi bstan te// sgro skur bar chad dngos grub nyams// de phyir rang nyams gsang bar gsungs// de rtogs nyams dang ldan pa la// dga' brod bde ba sna tshogs 'byung // de tshe rnal 'byor sems 'phang skye// nga rgyal dbang gis bdud rnams 'byung // rdzogs pa chen po don 'dus rang byung bde ba'i 'khor lo'i rgyud las/ rtogs pa'i sems nyams bstan pa'i le'u ste zhe gcig pa'o// // de nas 'khor gyi don ched du// rdo rje sems dpas don zhus pa// ting 'dzin nyams dang ldan pa la// lha sgom spyod pa nyams kyi bdud// mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// mnyam gzhag rjes thob par do la// snang ba 'od dang grag pa sgra// 'jigs pa'i gzugs dang bslu ba'i rdzun// lta bar shes na dam pa'i lam// de yang 'dus pa'i 'khor rnams nyon// rnal 'byor dam pa mnyam bzhag tshe// mtshan mo mun nag sprin rum na// nam langs nyi shar bzhin du
- 138a
gsal// khams gsum sems can dge sdig las// gang yang ma lus snga phyi shes// de tshe snying rje'i bdud zhugs te// sems can snying rje'i gdung ba skye// ting 'dzin btang nas gzhan don byed// de phyir bdud kyi dbang 'gyur ltung // de yang rdo rje sems dpa' nyon// nam mkha' stong las sgra byung nas// bde gshegs chos rnams sna tshogs ston// zhing khams rgyan gyis brgyan pa dang // yid du 'ong ba'i sgra thos 'gyur// ting 'dzin btang nas glu gar byed// ngoms shing ngo mtshar mgu sems kyis// de la zhen gyur nyams dang bral// dga' ba'i bdud kyis rang bslus 'gyur// de yang 'dus pa'i snying po nyon// bsgom nyams rmi lam gang yang rung // 'jigs pa'i gzugs sogs mi dge bas// ngang la gnas par bsdig 'gyur bas// ting 'dzin btang nas mya ngan bdud// mi dga' sdug bsngal nyam zag 'byung // de tshe las la yi chad de// lce ba dang gcig pur phag tu ngu// gzugs kyi bdud kyi dbang 'gyur ltung // de yang rdo rje sems dpa' nyon// nyams dang rmi lam gang du yang // yid du 'ong ba'i gzugs bstan te// dus gsum nyes legs thams cad ston// gzhan la smras pa bden par 'byung // nga 'o snyam pa'i bdud zhugs te// ting 'dzin btang nas grong kha yin// bar du phyed bden phyed mi bden// tha ma smras pa thams cad
- 138b
rdzun// bslu ba'i bdud kyis rang bslus ltung // de yang 'dus pa'i snying po nyon// lta ba'i bdud ni de dag kyang // yul 'di gol sar ma shes phyir// snang ba gzugs sogs zhen pa ste// yul la sems zhugs ci spyad bdud// rdzogs pa chen po don 'dus rang byung bde ba'i 'khor lo'i rgyud las/ lta ba'i bdud bstan pa'i le'u ste zhe gnyis pa'o// // de yang rdo rje sems dpa' nyon// sgo lnga bying ba gsal ba'i bdud// rkyen gyis rgod pa mi rtog bdud// 'phro ba mi g.yo'i bdud rnams 'byung // de yang 'dus pa'i snying po nyon// ting 'dzin myur du thob 'dod nas// yun ring bsgoms pas mtshan ma zin// myos pa'i bdud zhugs gsal ba bying // ma rig dbang gis gnyid du song // gsal ba bor nas bying bar song // de nyid rtsol bas ting 'dzin nyams// ma btsal rmi lam bzang ngan 'byung // de phyir bying ba'i bdud kyis bslus// de yang rdo rje sems dpa' nyon// rang rig chos sku ma zin pas// ma rig dbang gis ye shes bsgribs// dran pa med pa'i 'dud zhugs te// dad bsgom rmugs pas bde ba nyams// rang rig med pas zhi gnas bying // lhag mthong med pas don dang bral// bsgom kyang don med bdud kyis bslus// de phyir lung ldan man ngag gces// de yang 'khor gyi snying po nyon// gcig pur mi dga' 'dus la dga'//
- 139a
gzhan gyi rkyen byas bdud zhugs te// ting 'dzin btang nas yin min gyi// yul la zhen pa sna tshogs skye// mi rtog med par nyon mongs 'byung // spong sdud zhen pas rang sdug byed// de phyir g.yeng ba'i bdud kyis bslus// de yang rdo rje sems dpa' nyon// yang yang goms par ma byas pas// 'phro ba rkun bu'i bdud zhugs te// gang yang rung ba'i tshig re tsam// yid la byas pas mi g.yo bral// nan tan chung bas nyams med phyir// lang can rkun bu yang yang ldang // nges pa'i gdeng dang ma ldan pas// 'phro ba'i bdud kyis rang bslus ltung // de yang rdo rje sems dpa' nyon// bsgom pa'i bdud ni de dag kyang // gdams ngag med pa rnams la 'byung // lung ldan rnams la gnod mi tshugs// ma rtogs ci bsgom bdud du 'gyur// rdzogs pa chen po don 'dus rang byung bde ba'i 'khor lo'i rgyud las/ ting nge 'dzin gyi bdud bstan pa'i le'u ste zhe gsum pa'o// // de yang rdo rje sems dpa' nyon// bya ba 'du 'dzi longs spyod bdud// nyams dga' zhen pa gnas kyi bdud// bslab pa'i yon tan g.yeng ba'i bdud// sems 'khrugs 'khor ngan bdud rnams 'byung // de yang rdo rje sems dpa' nyon// dgon par gnas na dad ldan 'du// longs spyod 'du 'dzi'i bdud zhugs te// ting 'dzin btang nas gzhan sems 'dzin// de tshe
- 139b
don bral nor zas 'dod// 'dod blos mtshan ma'i chos la spyod// bsgom pa'i don por g.yeng ba'i bdud// 'jig rten pa la kha lan byed// 'du 'dzi'i bdud kyis rang bslus ltung // de yang rdo rje sems dpa' nyon// rang 'thad pa yi gnas la ni// bkra shis 'dre med lha gnyen yod// rang 'dod zhen pa'i bdud zhugs te// ting 'dzin btang nas nyams dga' brtsig/ srung mas gzhan du 'gro dbang med// zer zhing bdag rtogs don dang bral// rang sems zhen pa bdud du langs// gzhan gyis bdud kyis rang bslus lhung // de yang 'dus pa'i snying po nyon// rnal 'byor mkhas pa bsgom 'dod la// g.yeng ba'i bdud ni khong zhugs te// gzhan gyis bstod pas ting 'dzin btang // chos 'chad sman dang bzo rnams byed// 'dod pa'i rdzas la zhen pa skyes// gzhan don byang chub yin zer nas// bya ba'i g.yeng ba ched du byed// don dang bral bas rang bslus ltung // de yang rdo rje sems dpa' nyon// rnal 'byor 'khor ngan gdung drags pas// sems 'khrugs bdud ni khong zhugs te// 'khor ngan cho ga sems med par 'dod// drin du mi gzo phyar ka gtong // de tshe dad ldog mi rnams 'phya// sgro skur 'debs la zhe sdang 'byung // 'khor ngan bdud kyis rang bslus ltung // de yang 'dus pa'i snying po nyon// spyod pa'i bdud ni de dag kyang // 'jig rten chos
- 140a
brgyad zhen las 'byung // de phyir g.yeng ba don du gnyer// 'khor ba dang blangs rang bslus ltung // rdzogs pa chen po don 'dus rang byung bde ba'i 'khor lo'i rgyud las/ spyod pa'i bdud bstan pa'i le'u ste zhe bzhi pa'o// // de yang 'dus pa'i snying po nyon// 'jig rten mkha' 'gro'i lung ston bdud// nyams su myong ba zhen pa'i bdud// zhe 'dod tshul 'chos bdud dang ni// brkam chags bde ba bogs 'don bdud// gdeng med bskur 'debs zhe sdang bdud// nga rgyal sgo 'dogs bdud rnams 'byung // de yang 'dus pa'i 'khor rnams nyon// rnal 'byor blta bar mnyam gzhag tshe// lha mo'i lus su mngon byung ste// phug tu ma sdod 'gro don gyis// gzhan don byas pa'i yon tan brjod// de tshe mkha' 'gro'i bdud zhugs te// ting 'dzin btang nas gzhan don brtsams// chos su ming btags ci yang byed// don dang bral phyir bdud bslus ltung // de yang 'dus pa'i 'khor rnams nyon// rnal 'byor don ldan bsgom pa la// zab cing cha phra nyams myong ba// lta ba'i don chen ma zin pas// zhi gnas zhen pa'i bdud zhugs pas// rkyen thub med phyir 'phel 'grib yod// bag la nyal ba'i ma rig pas// rang rig chos sku ma shes phyir// lta med pa la bdud bslus ltung // de yang 'dus pa'i snying po nyon// don med bsgom pa'i
- 140b
gang zag kun// gdeng med tshul 'chos gsod can der/ kha 'jam don 'khri'i bdud zhugs te// gzhan dag brid phyir dge la brtson// man ngag med par gsang ba skad// rang nyid bslus phyir bdud zhugs ltung // phyi mar yi dwags lto 'phyer skye// de yang 'khor gyi snying po nyon// lha med thabs kyi rnal 'byor pas// dbang gsum pa yi bde ba la// dga' ba bzhi la zhen pa yis// 'dod chags sred pa'i bdud zhugs te// byi shugs pho mo kun tshogs nas// 'dod chags spyad pas ting 'dzin 'phel// de phyir dbang la brten dgos zer// chags pa'i bdud kyis rang bslus lhung // de yang rdo rje sems dpa' nyon// nges pa'i lung ldan rnal 'byor la// mnyam du ra nas 'gran pa'i phyir// smad sems zhe sdang bdud zhugs te// rang mnyam ngan pa gzhan la rgol// gdams ngag can la skur pa 'debs// rnal 'byor pa la gnod mi tshugs// de phyir dam nyams rang nyid ltung // phyi mar tsha ba'i dmyal bar ltung // de yang 'dus pa'i snying po nyon// nges pa'i don ldan rnal 'byor pas// nges don yang dag bka' la ni// gang zag smad phyir sgro btags te// mi tshig bslad zer phyar ka gtong // nga rgyal bdud ni khong zhugs te// bka' rkun d+harma 'og brus byed// zhe la 'dod cing che chung byed// de phyir bdud bslus dmyal bar ltung // de yang 'dus pa'i
- 141a
snying po nyon// bdud kyi spyod pa bco brgyad kyang // so sor snang ba ma yin te// lta ba'i bdud nyid gcig pu yin// de phyir lta ba dman pa'i bdud// rdzogs pa chen po don 'dus rang byung bde ba'i 'khor lo'i rgyud las/ nyams kyi bdud bstan pa'i le'u ste zhe lnga pa'o// // rdo rje sems dpas yang zhus pa// lha bsgom spyod pa nyams kyi bdud// de dag zil gyis ji ltar mnan// zil gyis non pa'i rtags ni gang // 'bras bu yon tan ji ltar 'byung // kun rig rgyal pos bshad du gsol// zhus pa'i don gsan bka' stsal pa// phyi nang chos kun rang byung sku// bdud nyid rtogs na chos nyid dang // de phyir lung ldan bstan la zhugs// rang sems rtogs na bdud med do// de yang rdo rje sems dpa' nyon// ma nor don la bsgoms pa'i tshe// snang ba 'od kyi bdud byung na// chos sku kha dog bral ba'i phyir// gsal la mi rtog zil gyis mnan// grags pa sgra yi bdud byung na// chos nyid sgra dang bral ba'i phyir// rjes su 'brang med rang bzhin gyis// lta ba'i rig pas zil gyis mnan// 'jigs pa gzugs kyi bdud byung na// gzhi la snang ba med pa'i phyir// dngos med rtogs pa'i shes pa yis// gzugs can mtshan ma zil gyis mnan// bslu ba rdzun gyi bdud byung na// chos nyid tshig las 'das pa'i phyir// bden par 'dzin pa'i
- 141b
skyon bral bas// rdzun la bden med zil gyis mnan// de yang rdo rje sems dpa' nyon// gsal ba bying ba'i bdud byung na// rgyud gsum bsres pa'i gdams ngag gis// gti mug chos skur rang brlag pas// ye gnas lta ba'i zil gyi mnan// rmugs pa bde ba'i bdud byung na// 'phel 'grib med pa'i don shes phyir// rang byung rig pa'i blta ba la// mnyam nyid dran pas zil gyis mnan// rgod pa mi rtog bdud byung/ na// snang ba'i bag chags brtas pa las// rang rig bag chags med pa'i phyir// spong sdud zhen med zil gyis mnan// 'phro ba mi g.yo'i bdud byung na// ye nas mi 'gyur rang byung la// goms pa'i dbang gis ting 'dzin gsal// mi brjed gzungs kyi zil gyis mnan// de yang 'dus pa'i snying po nyon// lha bsgom bdud ni de dag kyang // rang byung chos sku 'di rtogs pas// gang byung zil non rang brlag pas// 'bras bu ye shes lhun gyis 'grub// rdzogs pa chen po don 'dus rang byung bde ba'i 'khor lo'i rgyud las/ lha bsgom gyi bdud zil gyis mnan pa'i le'u ste zhe drug pa'o// // de yang 'dus pa'i snying po nyon// 'du 'dzi longs spyod bdud byung na// ting 'dzin dgra ri shes pa'i phyir// 'dod chung chog shes zil gyis mnan// zhen pa gnas kyi bdud byung na// yul la nges med ma chags pas// lta ba rang rig yul med phyir//
- 142a
zhen pa med par zil gyis mnan// yon tan g.yeng ba'i bdud byung na// bdag don ma grub bar du yang // mi dbang mi btang don dran pas// gzhan don mi bya'i zil gyis mnan// 'khor ngan sems 'khrugs bdud byung na// mthar thug 'brel ba med pa'i phyir// gnas skabs 'brel ba ting 'dzin dgra// gdung sems bsnyungs la zil gyis mnan// de yang rdo rje sems dpa' nyon// mkha' 'gro'i lung ston bdud byung na// rang rig mi 'gyur rtogs pa las// gzhan du lung ston bslu bar shes// re dogs med par zil gyis mnan// nyams myong zhen pa'i bdud byung na// snga phyi med pa'i chos sku ni// ting 'dzin/ rkyen gyis mi 'gyur phyir// zhen med lta ba'i zil gyis mnan// zhe 'dod tshul 'chos bdud byung na// gang yang ma bcos don dran pas// rang byung chos sku gdeng ldan phyir// rtogs pa drang po'i zil gyis mnan// bde ba bogs 'don bdud byung na// rang byung ye shes rten med phyir// dbang la mi ltos 'phel 'grib med// rgyu rkyen 'byung 'dod zil gyis mnan// bden med skur 'debs bdud byung na// chos sku sgro skur bral ba'i phyir// lung ldan rnams la gnod mi nus// lha spyod mkhan gyis zil gyis mnan// nga rgyal sgro 'dogs bdud byung na// rang byung don la skyon bral bas// de don nges pa'i gdams ngag ni// snod ngan
- 142b
gsang ba'i zil gyis mnan// de yang rdo rje sems dpa' nyon// zil gyis mnan thabs de dag kyang // spang len dgag bsgrub med par 'dus// de phyir don rtogs dam pa'i lam// de yang sangs rgyas dgongs pa yin// rdzogs pa chen po don 'dus rang byung bde ba'i 'khor lo'i rgyud las/ spyod pa nyams kyi bdud zil gyis mnan pa'i le'u ste zhe bdun pa'o// // de yang 'dus pa'i snying po nyon// tshon kun rtsa ba byang chub sems// de rtogs bdud ni zil non rtags// kun bzang ston pa ngas bshad kyis// legs par nyon la yid kyis zung // rnal 'byor snang ba'i 'od byung na// 'ja' tshon rang bzhin med shes bzhin// dam par zhen pa'i blo mi 'byung // 'od gsal bdud ni zil non rtags// don rtogs rnal 'byor dam pa yis// sgra yi rnam pa thos pa'i tshe// sgra brnyan rtag pa med shes pas// rjes 'brangs 'dzin pa'i sems bral phyir// sgra grag bdud ni zil gnon rtags// rnal 'byor 'jigs gzugs mthong ba'i tshe// lbu ba snying po med shes ltar// gzhi la 'jigs pa'i yul med rtogs// gzugs bdud zil gyis non pa'i rtags// rnal 'byor bslu ba'i rdzun byung tshe// rmi lam bzhin du rdzun du shes// gang la bden par mi lta bas// bslu ba'i bdud ni zil non rtags// de yang rdo rje sems dpa' nyon// rnal 'byor yul dran rgod
- 143a
pa'i tshe// dug la sngags kyis btab pa ltar// snga phyi rjes 'brangs med shes pas// mi rtog bdud ni zil gnon rtags// rnal 'byor shes pa 'phro ba'i tshe// ba mo la ni nyi shar ltar// rang byung rang don dran pa'i phyir// mi g.yo'i bdud ni zil non rtags// rnal 'byor gsal ba bying gyur tshe// rin chen ga 'ur bcug pa ltar// chos nyid gsal ba rang thim tshe// gsal 'dod bdud ni zil non rtags// bsgom pa rmugs shing bde med tshe// dper na ri bya rtsis med ltar// rmugs pa bde ba chen por shes// bde 'dod bdud ni zil non rtags// de yang 'dus pa'i snying po nyon// lha sgom 'phel 'grib med shes pas// bdag nyid rang byung ye shes su// don rtogs sangs rgyas rtags su gsungs// rdzogs pa chen po don 'dus rang byung bde ba'i 'khor lo'i rgyud las/ lha sgom kyi bdud zil gyis non pa'i rtags bstan pa'i le'u ste zhe brgyad pa'o// // de nas 'khor la bka' stsal pa// spyod pa'i nyams bdud zil non rtags// nges don bshad kyis yid la zung // longs spyod 'du 'dzi'i bdud byung tshe// bung ba bcud len zhen med ltar// gang la chags pa med rtogs pa// longs spyod 'du 'dzi zil non rtags// rnal 'byor gnas la zhen pa'i tshe// mgron po yul slebs 'jigs med ltar// ma bkol ting 'dzin grogs su shes//
- 143b
zhen gnas bdud ni zil non rtags// rnal 'byor g.yeng ba'i bdud byung tshe// me la shing bsnan ji bzhin du// rnam rtog ye shes skul mar shes// g.yeng bdud zil gyis non pa'i rtags// rnal 'byor 'khor ngan bdud byung tshe// phag glang 'brel ba med shes ltar// gnyen la chags pas 'ching bar rtogs// 'khor ngan bdud ni zil non rtags// de yang rdo rje sems dpa' nyon// 'dre bkren ltar bzung lung ston pa// bden par mi 'dzin re dogs bral// bla ma'i lung la yid ches phyir// lung ston bdud ni zil non rtags// rnal 'byor nyams myong skyes pa'i tshe// bde mthong nyams la ma zhen ltar// nyams la zhen pa skyon du rtogs// zhen bdud nyams ni zil non rtags// rnal 'byor spyod pa'i tshul 'chos tshe// drang srong g.yo sgyu med pa ltar// tshul 'chos spyod pa 'khrul bar shes// zhe 'dod bdud ni zil non rtags// rnal 'byor bsgom pa bogs 'don tshe// 'dod chags bral ba'i dge slong bzhin// nges don blta bar dbang mi dgos// bde 'dod bdud ni zil non rtags// rnal 'byor zhe sdang bskur 'debs tshe// skur bral nyams myong btsun mo bzhin// dman sems med pa'i gdeng ldan pas// skur 'debs bdud ni zil non rtags// rnal 'byor nga rgyal sgro 'dogs tshe// rin chen nor la bsnyad mi dgos// de bzhin nges don gsang thub na//
- 144a
nga rgyal bdud ni zil non rtags// de yang 'dus pa'i snying po nyon// de dag spyod pa nyams kyi bdud// rtogs na rang byung chos sku yin// de phyir don dran bdud med pas// zil gyis mnan pa'i thabs mi dgos// rdzogs pa chen po don 'dus rang byung bde ba'i 'khor lo'i rgyud las/ spyod pa nyams kyi bdud zil gyis non pa'i rtags bstan pa'i le'u ste zhe dgu pa'o// // de yang 'dus pa'i snying po nyon// nges don rtogs pa'i rnal 'byor pas// lan gcig skye shi'i bdud byung tshe// ye shes chos sku'i gzugs brnyan ni// longs spyod rdzogs dang sbrul sku 'byung // de yang 'dus pa'i snying po nyon// 'jig rten dag par rtogs pa'i tshe// dmyal ba'i btso bsreg 'jigs pa'i sgra// ngu 'bod tser lhang la sogs pa// gsang sngags gsung gi 'khor lor shes// lcags bsreg sa gzhi me 'od kyang // rnam par dag pa'i zhing khams la// 'khor ba'i skyon med 'od zer 'gyed// de phyir 'od gsal ye shes sku// 'jigs pa'i gshin rje'i gshed po yang // thub drug gzugs skur rnam par mthong // de phyir las dag 'khor ba med// sangs rgyas sa nyid da lta non// rdzun zer lha yis bslus pa'i bdud// nges don snying po rtogs pa yis// sa bcu'i byang chub sems dpar mthong // sems can don byed rgyal ba'i bka'// de yang 'dus pa'i snying
- 144b
po nyon// sbrul sku'i 'khor ni 'gro drug kyang // bden par 'dzin pa'i rtogs med phyir// dus gsum sangs rgyas sprul pa'i 'khor// lus med bsgom bdud 'byung mi srid// lha bsgom bdud med 'bras bu ni// me long nang gi gzugs brnyan bzhin// chos kun gzugs brnyan chos kyi dbyings// de la zhen med rgyal ba'i gnas// de yang 'khor gyi snying po nyon// spyod pa'i bdud med 'bras bu ni// rig pa rang gsal chos skur shes// de yi yon tan 'jig rten du// gzugs sku rnam gnyis 'gro don mdzad// de dus skyon med ye shes ni// pad+ma dang ni 'dam bzhin du// gos med rang rig ting 'dzin gsal// ma rig med phyir skyon mi gos// rnam smin lus kyi sgo lnga yis// 'khor ba'i gzugs bral spang sdud med// bag chags dag phyir zhen pa med// spyod pa'i bdud ni 'byung mi srid// mnyam bzhag rjes thob dbyer med pas// yin min bzang ngan bde sdug gi// nyams kyi bdud med 'bras bu ni// bsam gtan ri mo'i yon tan la// dam par blta ba med pa'i phyir// 'byung 'jug med pa'i nyams dang ldan// lus med ye shes chos skur gsal// de phyir lus bral gdams ngag gces// de yang rdo rje sems dpa' nyon// rang byung chos sku rtogs pa la// rgya mtshor nyi zla'i gzugs brnyan bzhin// rang rang mos pa so so la// gzhan don ma btsal
- 145a
shugs las 'byung // dper na chang gis ra ro bzhin// byang chub sems dpa' las dag la// longs spyod rdzogs pa'i skur mthong nas// ldem dgongs chos rnams sku yis ston// dad ldan nyan thos rang rgyal la// cir yang sprul pa'i skur mthong nas// gsung gi sgo nas drang don du// bkri drang thabs kyis chos rnams ston// de yang 'dus pa'i snying po nyon// 'khor 'das gzhi la med pa yi// nges don ye shes chos sku 'di// thams cad sangs rgyas dgongs pa'i chos// sems can ming med bde gshegs la// byin rlabs chos kun thugs kyis ston// de yang rdo rje sems dpa' nyon// sku gsum gsungs pa de dag kyang // gdul bya'i 'khor la phye ba las// don la dbyer med chos skur gcig/ de phyir thig le nyag gcig yin// rdzogs pa chen po don 'dus rang byung bde ba'i 'khor lo'i rgyud las// bdud zil gyis non pa'i 'bras bu bstan pa'i le'u ste lnga bcu pa'o// // de nas kun rig ston pa la// rdo rje sems dpas yang zhus pa// kun gzhi ldog dus thabs dang ni// log pa'i 'bras bu mthar phyin gang // sangs rgyas rnam bzhi ji ltar dbye// bar dor sangs ni ji ltar rgya// sangs rgyas mdzad spyod ji ltar 'byung // kun rig ston pas bshad du gsol// de nas 'dus pa'i 'khor rnams la// zhus pa'i don
- 145b
gsan bka' stsal pa// ldog pa'i dus dang ldog pa'i thabs// dang po kun gzhi ldog dus ni// kun gzhi'i mtshan nyid 'gro ldog med// re shig ma rig bag chags zad// de la ldog ces btags pa ste// ldog dus rim dang yongs su dag/ dang po gnyis nas dgu bar du// lhan cig skyes dang kun brtags pa'i// ma rig sgrib pa yongs sbyangs nas// rdo rje lta bu'i ting 'dzin gyis// thams cad me long g.ya' dag ltar// gyur pas ldog dus de nyid yin// de yang 'dus pa'i snying po nyon// lus ngag yid gsum ma sbyangs par// ye shes lha la mi spro ste// dngos grub bslang ba'i 'os med pas// de nyid dag par sbyangs pa ni// dngos grub bslang ba'i 'os gnas yin// bdag nyid dag pas dam tshig sems// bran dang khol tshul dngos grub bslang // ye shes sems dpa' bla ma yis// bdag la dngos grub ster tshul gyis// mtshan bcas mtshan med gnyis sgo nas// kun gzhi bag chags yongs sbyangs nas// lcang lo can gyi pho brang du// phyag na rdo rje'i skur rdzogs pas// rdo rje 'dzin pa'i sa zhes bya// de yang rdo rje sems dpa' nyon// thams cad spros bral rnam par dag/ da lta'i rig pa'i ye shes 'di// rtogs pa'i mtshan nyid rnal 'byor la// chu zla lta bur bskyed pa'i gzhi// byang chub lnga yi lha tshogs gsal// mtshan ma lha yi rnal 'byor la// sbyor ba ldan
- 146a
pa'i sa zhes bya// dam tshig sems dpar gsal ba la// ye shes spyan drangs spyan dang grogs// 'bras bu mngon du ma gyur par// mchod cing blang bas mnyam nyid pa// de ltar bsgom pas mthar phyin nas// ye shes lha dang spun grogs tshul// bsgom pas mthar phyin gyur pa'i sar// tshogs chen rnam gnyis yongs rdzogs nas// bde gshegs snang ba sbrul sku nyid// sems dpa'i tshul ston 'khor bskor te// sku yi sgo nas chos ston mdzad// de dag slar yang yig 'brur gyur// bde gshegs sku la 'dus par bsgom// yi ge 'khor lo tshogs chen sa// de dag kun gzhi bzlog pa'i dus// rdzogs pa chen po don 'dus rang byung bde ba'i 'khor lo'i rgyud las/ phyi pa kri yog gi kun gzhi ldog pa'i dus bstan pa'i le'u ste nga gcig pa'o// // kun rig rgyal pos bka' stsal pa// thabs dang shes rab gnyis sgo nas// gsang chen dang la sku gsung thugs// rgyan gyi dkyil 'khor rdzogs bskyed nas// phyi nang lha dang gzhal yas khang // gsal bar rdzogs par bskyed pa ni// sbyor ba thabs kyi sa zhes bya// bdag nyid ting 'dzin gsal ba la// rang bzhin re zhig spyan drangs te// rje grogs khol spun mi blta zhing // gnyis med gcig tu gyur pa la// nyon mongs dug gsum dug lnga dang // maM sa rak+ta la sogs mchod// skyon rnams sku
- 146b
gsung thugs su dag/ 'dod pa'i yon tan ye shes rgyan// mnyam pa nyid du kun gyur pas// de nyid dbye ba med pa'i sa// mchod bstod bsnyen pa mthar phyin nas// de nyid nges par mngon gyur te// sku gsung yon tan phrin las kyis// 'gro ba ma lus rdzogs par mdzad// grogs dang gnyen po'i tshul gyis 'dul// de nyid yongs su rdzogs pa'i sa// kun gzhi ldog pa'i dus nyid yin// de yang rdo rje sems dpa' nyon// ye nas lhun gyis grub pa'i sku// gzhan nas spyan drangs med pa ste// dbyings la rig pa drang ba las// de la dbyings nyid ji bzhin par// rig pas de ltar gnyis med par// rtogs pas spyan drangs byon pa yin// de ltar nges par gyur pa ni// de nyid gnyis su med pa'i sa// phung po lta ru rdzogs pa yang // ye nas lha yi rang bzhin la// de gzod rtsol ba ma yin te// dbyings nyid skye ba med pa las// skye ba'i chos 'phrul lha yi sku// rdzogs par de nyid snang ba las// ting 'dzin rim gyis bskyed pa med// ma bskyed rang bzhin rdzogs gsal ba// de nyid bkod pa med pa'i sa// ma bskyed rdzogs par gsal ba las// bdag gzhan gnyis su med pas ni// dbyings las rim 'jug ma g.yos par// 'bras bu che ba'i yon tan rdzogs// gzhan nas byas dang btsal med pas// che ba'i yon tan rdzogs pa la// lhun gyis grub pa'i sa
- 147a
yin pas// de nyid kun gzhi ldog dus yin// de yang rdo rje sems dpa' nyon// thams cad chos nyid mnyam pa'i ngang // ma btsal ye nas lhun grub rdzogs// dus gsum mi 'gyur chen po yin// thams cad ye nas sangs rgyas pas// 'khor gyi tshig ni ming med te// bskyed cing rtsol bas phral mi dgos// rang rig ye shes mngon snang bas// de nyid mngon du snang gyur te// de tshe nyid na 'khor ba stongs// kun gzhi ming med ldog pa'i dus// de yang 'dus pa'i snying po nyon// don du rnam pa thams cad du// sangs rgyas nyid las ma gtogs pa// rdzogs chen a ti'i a ti la// gzhan pa gang yang med pa'i phyir// sa dang kun gzhi ldog dus gcig/ ye nas sangs rgyas rang bzhin la// de las mi 'gyur rtsol dang bral// ye rdzogs nyid las ma gtogs pa// kun gzhi'i ming yang mi srid pas// 'khor ba yod pa ma yin te// rdog rgyu med phyir ldog dus gang // thams cad ye sangs rgyas pa'i phyir// rtogs ma rtogs su gang gis gdags// rang byung ye shes chen po las// ma rtogs 'khor ba ming yang med// ma rtogs 'khor bar snang zhe na// ltar snang yang dag don med de// sangs rgyas nyid la ltar snang med// thams cad chos sku brdal ba la// gang yang med phyir ci zhig 'khor// de phyir ma btsal ye rdzogs yin// rdzogs pa chen po don 'dus
- 147b
rang byung bde ba'i 'khor lo'i rgyud las/ nang pa bskyed rdzogs gnyis kyi kun gzhi ldog pa'i dus bstan pa'i le'u ste nga gnyis pa'o// // de nas kun rig rgyal po yis// kun gzhi ldog thabs bka' stsal pa// sa dang pha rol phyin pa bcu// rim gyis yongs su sbyangs nas ni// sgrib pa yongs su byang gyur nas// sa bcu rim gyis bgrod pa ni// kun gzhi ldog pa'i thabs su bstan// de yang 'dus pa'i snying po nyon// slob dpon lung dang ldan pa yis// sems can bde gshegs snying po can// ye nas sangs rgyasas rang bzhin pas// sa dang pha rol phyin pa yis// de gzod rtsol ba ma yin te// phung po khams dang skye mched sogs// sku dang ye shes rang chas la// bla ma'i lung dad ldan pas 'grub// bskal pa'i dus la mi ltos par// myur du sangs rgyas thabs chen po// slob dpon lung dang ldan pas na// ldog thabs bla ma dam pa yin// de yang 'khor rnams yang nyon cig/ chos sku nyid las ma gtogs pa'i// kun gzhi bya ba ming med pas// ldog rgyu med phyir ldog thabs ci// ye nas med phyir ldog dang bral// rdzogs pa chen po don 'dus rang byung bde ba'i 'khor lo'i rgyud las/ kun gzhi ldog pa'i thabs bstan pa'i le'u ste nga gsum pa'o// // de nas 'dus pa'i tshogs rnams la// kun rig rgyal po bka' stsal pa// kun gzhi ldog pa'i
- 148a
'as dz+nyAn// ma gcas gnas 'gyur mamam cad dang // shA hA pa pa sa/ na sangs sna rdugs pa'o// / 6ba nan tan dang // m+b+ha ba'i ni gyur pas/ dang longs spyod sku// me long thams cad mkhyen pa nyid// mtshan nyid dbu ma'i bye brag gis// rang bzhin sgyu mar snang ba yi// tshogs bsags smon lam gdab pa yis// mi thogs 'gro don byed par snang // rang bzhin stong pa'i ye shes yin// de yang 'dus pa'i snying po nyon// kun gzhi yongs su gnas 'gyur bas// me long ye shes gyur pa'i tshe// de nyid ngang gis kun 'gyur te// sku lnga ye shes lnga rdzogs nas// rigs lnga yab yum sems dpar bcas// zhing khams gzhal yas yongs rdzogs pa// kun gzhi log pa'i 'bras bu yin// yang ni 'khor rnams yid kyis zung // chos rnams ye nas sangs rgyas pas// de gzod rtsol zhing bsgrub pa dang // gnas 'gyur bzang ngan yongs med de// chos sku bde chen rtogs pa las// ma g.yos gnas pas sgrib pa'i tshogs// ma sbyangs rang bzhin rnam dag nas// ji ltar gnas pa mngon gyur to// rdzogs pa chen po don 'dus rang byung bde ba'i 'khor lo'i rgyud las/ kun gzhi ldog pa'i 'bras bu bstan pa'i le'u ste nga bzhi pa'o// // kun rig rgyal pos bka' stsal pa// ye shes 'bras bu mthar phyin
- 148b
pas// chos dang longs sku'i bdag nyid las// sbrul sku ji ltar 'thad bstan te// so so'i gzhung dang mthun pa ru// 'gro don ma lus rdzogs par mdzad// slar yang chos skur mya ngan 'das// log pa'i 'bras bu mthar phyin pas// de dag re zhig bstan par zad// rim par brgyad ni drang ba'i don// 'gro don rgyas zhes gsungs mod kyang // sku dang ye shes yongs med pas// de la mthar zug 'bras bu med// theg pa brgyad kyis sangs mi rgya// de yang 'dus pa'i snying po nyon// rim pa brgyad kyis bsgrub pa'i lam// bya byed 'bad rtsol mtshan ma ste// mtshan ma sangs rgyas gegs yin pas// rim pa brgyad kyi gol sa yin// de yang rdo rje sems dpa' nyon// ye nas sangs rgyas a ti la// sangs rgyas nyid las gzhan med cing // kun gzhi rgyu 'bras gting nas med// ji ltar gnas pa'i don nyid las// mthar phyin 'bras bu brjod las 'das// log lta bral ba ji bzhin pa// blo la mngon snang mthar phyin pa'o// sangs rgyas myang 'das 'bras bu rdzogs// rdzogs pa chen po don 'dus rang byung bde ba'i 'khor lo'i rgyud las/ ye shes mthar phyin pa'i 'bras bu bstan pa'i le'u ste nga lnga pa'o// // de nas 'dus pa'i 'khor rnams la// sangs rgyas dbye ba bka' stsal pa// dang po rgyu yi sangs rgyas ni// rang byung ngo bo nyid kyi sku// sems ni kun gzhi'i
- 149a
mun gseb na// rang byung ma rig bsgribs te gnas// de yi gtan tshigs nges pa ni// rtag chad bral dang ngo ma shes// rang byung ngo bo rgyun du gnas// 'khor 'das gnyis ka sems la rdzogs// de yi de nyid mtshon pa'i dpe// til la mar gyis khyab pa dang // nam mkha' a dang rdo rje yis// phyogs 'ga' 'dra ba'i dpe yis mtshon// 'bras bu rang la yod pa'i phyir// rgyu rkyen gzhan la rag ma lus// de phyir rang byung kun khyab des// gzhan don byas phyir btsal mi dgos// de yang 'dus pa'i snying po nyon// rtogs pa skad cig sangs rgyas ni// ngo bo kun gzhi'i gzhi cha la// lung ldan bla mas don bstan pas// ma rig sangs pas rig pa rgyas// de yang yid ches gtan tshigs ni// 'khor 'das 'byung ba glo bur te// gzhi la med par rang yid ches// de phyir rtsol ba'i nad dang bral// de yis de nyid mtshon pa ni// mun khung sgron me btegs pa dang // nam langs nyi ma shar ba dang // long bas rin chen rnyed pa 'dra// de yi 'bras bu nges pa ni// bag chags nyon mongs zil gyis gnon// yul med rang rig chos skur bstan// de yang yid ches 'bras bu mchog/ de yang rdo rje sems dpa' nyon// lam la gnas pa'i sangs rgyas de// ngo bo lta ba'i gzhir nges phyir// rgyun du 'bral med lhag mthong gsal// ye shes ngos zin yengs pa med// de phyir
- 149b
lam chen chos sku'i klong // de yi yid ches gtan tshigs ni// nyon mongs mi 'byung bag chags bral// spong sdud zhen pa'i rtog pa sangs// ma rig sgrib med ye shes rgyas// de yi don nyid mtshon pa'i dpe// mar me rlung gis ma bskyod dang // sprin med nyi ma rang gsal ltar// mi g.yo rgya mtsho dngas pa 'dra// 'bras bu'i ye shes de nyid yin// lta ba gdeng ldan yid ches pas// rang rig ye shes nyams shar te// 'khor bar lhung med 'bras bu mchog/ de yang 'dus pa'i snying po nyon// 'bras bu mngon gyur sangs rgyas ni// rang gi ngo bo chos kyi sku// ye shes thugs kyis thams cad mkhyen// nges pa'i don la 'pho 'gyur med// yid ches nges pa'i gtan tshigs ni// lus dang bral ba'i bar do la// ma rig sgrib pa thams cad sangs// rang byung rig pa'i ye shes rgyas// de yi mthun dpe mtshon dpe ni// yid bzhin nor bu rin po che// dgos 'dod thams cad 'byung ba dang // ci bsam 'grub pa'i dpe dang 'dra// de yi 'bras bu nges pa ni// rang rig chos sku ye shes la// gzugs sku rnam gnyis dus gcig 'byung // 'gro don mdzad kyang skyon mi dgos// rdzogs pa chen po don 'dus rang byung bde ba'i 'khor lo'i rgyud las/ sangs rgyas kyi dbye ba bstan pa'i le'u ste nga drug pa'o// // kun rig ston pas yang gsungs pa// rnal 'byor rtogs pa'i
- 150a
gdeng ldan pas// tshe yi tha ma 'chi ka'i dus// sa chu me rlung rim thim ste// dbugs ni thum zum byed pa'i tshe// tshe 'di'i snang ba nub kha ru// phyi ma'i snang ba 'char kha ru// rnam shes snang ba skyes pa'i tshe// du ba smig rgyu lta bur mthong // 'byung ba dngos med zhig pa snyams// de tshe snang ba 'di nub nas// rang snang mched pa srin bu'i me// bag tsam gsal ba'i don mthong ste// snang ba thob pa'i dus su ni// mar me'i rtse ltar brtag par dka'// de nas ye shes brtan pa'i dus// nam langs nyi ma shar ba bzhin// rang rig chos sku wal gyis gsal// yul med rig pa rang byung thugs// sa zin nges pa'i rang byung de// sngar goms dbang gis 'gyur ba med// dper na khab len lcags bzhin du// rang rig chos sku ngos zin pas// mngon shes drug ldan rjes dran drug/ bar do yon tan lnga ldan pas// ma rig sangs nas ye shes rgyas// sangs rgyas yon tan thams cad sdud// de yang rdo rje sems dpa' nyon// rang byung rang rig ye shes ni// sang nge sal le ye shes gsal// de phyir rang byung ye shes sku// byis ni bar dor lus mi len// yul la mi 'jug chags sdang med// de phyir mngal du 'jug pa med// sangs rgyas zhes ni de la bya// rdzogs pa chen po don 'dus rang byung bde ba'i 'khor lo'i rgyud las/ sangs rgyas pa'i dus bstan pa'i le'u
- 150b
ste nga bdun pa'o// // 'khor la ston pas yang gsung ba// sangs rgyas chos sku'i mdzad spyod kyang // ye shes lus can chod sku ni// rnam dag rang byung ye shes thugs// thams cad mkhyen pas rig pa gsal// sangs rgyas kun gyi thugs su bshad// rang byung mig gis thams cad gzigs// ye shes spyan gcig dri ma med// mthong la mi rtog mnyam nyid phyir// chos kyi sku yi spyan zhes bya// de yang rdo rje sems dpa' nyon// mnyam nyid mi g.yo rang byung snyan// dngos med sgra thos rjes 'brang med// de dus chos nyid rang byung sku// de las 'gyur med ye shes snyan// gdangs gsal 'gyur med nyams kyi dri// rtog med tshor ba byang chub sku// ye shes sna la dri mchog thim// de la zhen med sangs rgyas shangs// de yang 'dus pa'i snying po nyon// chos sku ro mchog nyams su bstar// sgra med bde gsal sangs rgyas ljags// ye shes ljags kyis rang rig myang // de don dgongs pa rang byung sku// de yang rdo rje sems dpa' nyon// dngos med rig gsal ye shes lus// ye shes sku la skye 'chi med// de don mi 'gyur yon tan rdzogs// de phyir sangs rgyas chos kyi sku// de ldan skad cig dus de ru/ gza' skar gzugs brnyan rgya mtsho bzhin// dus gcig 'dzam gling phrag brgya ru// 'gro don gzugs sku dus gcig khyab// ci rigs pa yi chos rnams
- 151a
ston// dpe ni nam mkha'i dkyil dang 'dra// rtags ni sangs rgyas chos kun mkhyen// de yi yon tan brjod mi langs// rdzogs pa chen po don 'dus rang byung bde ba'i 'khor lo'i rgyud las// sangs rgyas kyi mdzad spyod bstan pa'i le'u ste nga brgyad pa'o// // de nas kun rig rgyal po la// 'dus pa'i 'khor gyi yang zhus pa// ma rtogs 'khor bar ji ltar 'khyams// gdams ngag med pa'i skyon ni gang // de yi ltung sgo gang du ltung // kun bzang ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rgyud lung man ngag chos rnams kun// snang ba bzhi ru blos byas pas// sgro skur gnyis la zhen pa'i phyir// byas pa don med sdug bsngal snron// de yang 'dus pa'i snying po nyon// dper na bya sgro rlung khyer ltar// nges med gzhi la blo gtang nas// ma rtogs rtsol sgrub ci spyad kyang // mi rtogs dug lnga rgyas par 'gyur// dmus long byang thang 'khor ba bzhin// nges don ma rtogs ci bsgoms kyang // shes rab mig med bag chags brtas// gol sa ma chod 'khrul pa'i las// de yang rdo rje sems dpa' nyon// dper na bya rgod gshog chag ltar// blta spyod gcig tu ma shes par// res 'jog blang dor byas phyir nor// ma rtogs chos spyod las rnams 'khrul// sa bon ma btab so nam bzhin//
- 151b
ngas ngan ma rtags nas spyad kyang // 'bras tha ma zing rang brtag nas// mtha' mad 'bar ba'i rgya mar snang // dbyer gdams ngag med pa'i tshug// lus ngag lasas kyad gyur kyang // drug bcwal rnam nyan ma nus/ ma rtags kyis kun du bzhin na/ dgas pa zin pa dan 'dus rang byung bde ba'i 'thor ba'i byed las ma rtogs pa'i tshun brtan pa'i len na dbu la// dun rigazhan pa gsungs pa// 'bar 'das gcis kyi bar do'i rgyun// thog mapa' gcod ni ma shes na// sa mkhan med pa'i tshong ba bzhin// 'tsha'i drug bsngal las ma bar// TI shi gnyis bya bar dar ni// sa swA \u0f88\u0f90da sa na// rnan pa med pa'i blan kyang snar// ma rig can pa ngas dus med// da pang d+hA thams dpa' ston// ma ma gzhag rjes zab par dar ni// kun du 'jam byed pa gas na// rba zan brna pas ba pa bzhin// m+ba gnyis kyis rkyen mi thub/ yul sems gnyis kyi bar dar ni// bye maM gal sa mchod na// tha lon 'brel bag mchod skar// rang sems ches slar rtogs mi zad// srid pa dag gi bar da na/ sangs rgyas kun gyi don med na// rin chen 'dam du stor ba bzhin// 'bras tha mi 'byung mngal du 'jug/ de yang 'dus pa'i snying po can// theg pa gzhan dang rtsod dus sa// gal mad ngas pa'i don zad na/
- 152a
go mtshon med pa'i dpa' bo bzhin// man ngag zab mo'i khyad mi zon// de yang 'dus pa'i snying po nyon// de phyir gol sa de dag kyang // rang sems snying po ma rtogs phyir// lung ldan bka' med 'khor ba'i skyon// bskal par bgrangs kyang bde mi thob// rdzogs pa chen po don 'dus rang byung bde ba'i 'khor lo'i rgyud las/ gdams ngag med pa'i nyes pa bstan pa'i le'u ste drug bcu pa'o// / de nas kun rig rgyal po yis// dad ldan 'khor la bka' stsal pa// ma rtogs dbyig gu'i thun tshod kyis// mdo sde kha ton gdon 'gyur kyang // bdag bstod gzhan la smod pa'i phyir// ngan song skor ni nges par ltung // gzhan gyi bsam spyod bzang po la// bar chad byed pa bdud yin te// ma rtogs ser sna byed pa ni// bdud kyi sgor ltung 'khor bar 'khyams// gzhan gyi 'khor la phrag dog pas// yon tan mang po shes gyur kyang // rang sems snying po ma rtogs na// gnod sbyin sgor lhung rtag tu 'khor// mnyam nyid ma rtogs rang rgyud du// chags sdang pho tshod spyod pa'i las// dug lnga rang gar spyad nyes pas// srin po'i sgor ltung rtag tu 'khor// rang dbang ting 'dzin ma thob par// 'khor dang ris su bcad bsams pas// bdag nyid che 'dod 'khor sdud pa// sho gam can chen dag tu ltung // de yang rdo rje sems dpa' nyon// ji bzhin
- 152b
ma nor ma rtogs par// lha log gzhan gyi slob dpon byed// rang gis mi shes gzhan sgrol ba// rU tra'i sgor lhung rtag tu 'khor// tshig tshogs phrin las ci mkhas kyang // ma rtogs dngos por 'dzin pa yis// rang rgyud dam rdzas mngon zhen phyir// bgegs dang bya rog sgor ltung 'khor// thabs lam dbang la khungs phyung ste// 'dod chags rang dgar rtag spyad pas// lta bas ma zin bde la zhe na// lha chen sgor ltung 'khor bar 'khyams// ma rtogs pa dang bdag 'dzin pas// gsang sngags lta spyod yin zer nas// sems can kun la brtse med gsod// mu stegs rtag chad sgor ltung 'khor// de yang 'dus pa'i snying po nyon// ma rtogs dbang gis ci spyod pa// lus ngag 'di yis len pa'i phyir// las ngan dgu po gang spyad kyang // dmyal bar nges 'gro gtan du 'khyams// rdzogs pa chen po don 'dus rang byung bde ba'i 'khor lo'i rgyud las/ ma rtogs pa ltung ba'i sgo bstan pa'i le'u ste re gcig pa'o// // de nas rdo rje sems dpa' yis// dad ldan 'khor la phan don du// kun rig sems kyi rgyal po la// bden pa'i yid kyis 'di skad gsol// kun bzang rang sems ji ltar rtogs// don gyi nges don ji ltar bsdu// snga phyi log gnon gang gis bya// rang sems gsal ba ji ltar yin// de skad zhus pa'i don gsan nas// kun rig rgyal pos
- 153a
bka' stsal pa// nga yis rtogs pa'i don bshad kyis// gzhan du ma yengs sems la zungs// de skad ces ni gsungs pa dang // 'khor kun dad pas yid dga' nas// rtse gcig nges par don la zhugs// de tshe ston pas bka' stsal pa// 'khor 'das 'byung bas ma bslad tshe// rang byung ngo bo nyid kyi sku// 'khrul dang rtogs pa med pa'i dus// mtshon tshig spyod pa'i yul med pas// gang zhig 'dzin blo ma zhugs phyir// de nyid don du rang rig ste// sgo skur ma btags rang gsal ba// de las mi 'gyur chos skur shes// sngar ma 'khrul pas bstan mi dgos// ma bstan rig pa rang la shar// de nyid dus na ma rig sangs// bag chags med phyir ye shes rgyas// rang gis rang rig ye shes sku// de las ma g.yos lhun gyis grub// de phyir rang byung rgyu rkyen med// de las yid ches gdeng ldan pas// rkyen bzhi bskyed pas ma rig bral// de phyir 'khor bar lhung ma myong // de yang rdo rje sems dpa' nyon// sems med rang rig chos skur shes// che ba'i yon tan bsgrub mi dgos// rang don bde skyid sangs rgyas med// de phyir mya ngan 'das ma myong // kun brtags med phyir sgrib pa med// de don rang byung snying po la// spang thob med pas re dogs bral// gang gi skyon gyis ma gos la// ma bsgrubs yon tan mtha' dag rdzogs// kun tu bzang po rang
- 153b
la blta// rgyu rkyen snying po med pa'i phyir// dmigs med chos kyi sku zhes bya// de yang rdo rje sems dpa' nyon// sangs rgyas sems can gzhi la med// sems med rang byung kun bzang la// slob dpon med phyir rang byung sku// thos bsam ma byas rang rig rtogs// ma rig med phyir sems dang bral// ngo mtshar rig pa rgyal ba'i gsung // sems med rnam pa thams cad mkhyen// 'byung bzhi med phyir 'dus ma byas// de phyir gzugs med ye shes sku// 'khor ba med pas rnam par dag/ sangs rgyas kun gyi nges pa'i don// phyi rabs kun gyi lung du che// de rtogs nga yi byin rlabs las// dus gsum sangs rgyas gsan par mdzad// myang 'das thog ma med nas byung // 'gro don gzugs sku rnam gnyis ston// rdzogs pa chen po don 'dus rang byung bde ba'i 'khor lo'i rgyud las/ kun tu bzang po'i rtogs pa bstan pa'i le'u ste re gnyis pa'o// // de nas 'dus pa'i 'khor rnams la// kun rig ston pas bka' stsal pa// 'khor ba mya ngan 'das pa'i chos// rang rig chos sku ma yin te// yul la zhen pa'i blo zhugs pas// de phyir don gyi gnas lugs min// de yang rdo rje sems dpa' nyon// ma rig rgyu rkyen las bskyed pa'i// rang rtog 'khrul pa'i bag chags brtas// de las sdug bsngal sna tshogs byung // chu bo bzhi las thar pa med// de yang
- 154a
'dus pa'i 'khor rnams nyon// mya ngan 'das pa'i bde ba yang // rgyu rkyen tshogs bsags nus mthu yis// gnas skabs bde ba'i 'bras bu 'byung // de phyir mthar thugs 'bras bu min// de yang 'khor rnams yang nyon cig/ 'khor 'das ma rig chos kyi sku// tha mal lus bcas shes pa yis// gzhi cha ye shes ngos zin nas// rang rig 'gyur med yid ches pas// de ldan sangs rgyas dgongs pa yin// de rtogs bsgom du rdul tsam med// de nyid rang byung snying po yin// de ldan rnal 'byor gang yang rung // lus ngag yid kyi bya ba rnams// ci spyod ye shes chen po nyid// gang yang 'gal med rig spyod yin// de phyir rang sems rtogs pa yin// de yang rdo rje sems dpa' nyon// rang rig ye shes 'gyur med de// ma byas ma bcos gdod nas dag/ de la gang gnas 'pho 'gyur med// de phyir nges pa'i gdeng ldan pas// ci byas chos sku'i snying po nyid// de ldan mi lus 'di nyid la// sangs rgyas kun dang dgongs pa gcig/ de yang rdo rje sems dpa' nyon// nges don 'di rtogs rnal 'byor la// 'byung bzhi med pas zhen pa chung // sangs rgyas med pas mchod mi dgos// sems can med pas snying rje bral// de phyir re dogs med pa'i don// gang yang med pas btsal du med// de phyir don la yengs pa med// med pa ma yin snying po
- 154b
'di// rgyu rkyen med pa'i rig pa la// kun dang mi mthun ye nas gsal// de ldan chos sku 'gyur ba med// de yang 'dus pa'i snying po nyon// de don nges ldan rnal 'byor la// dge ba mi dgos sgrib pa med// sdig pa mi spyod ma rig med// chos sku ngo shes rang byung de// lung ma bstan pa'i skyon mi gos// de phyir yon tan kun ldan pas// sangs rgyas kun dang ye nas mnyam// rdzogs pa chen po don 'dus rang byung bde ba'i 'khor lo'i rgyud las/ nges don snying po bsdus pa bstan pa'i le'u ste re gsum pa'o// // de nas 'dus pa'i tshogs rnams la// sems kyi log gnon bka' stsal pa// da ltar rig pa 'di nyid ni// ma bsgribs ye gsal rang byung de// dus 'dir don gyi nyams dang ldan// de yang 'dus pa'i snying po nyon// 'bras bu da lta'i shes pa la// ma rig bral ba'i rtogs pa de// rang gsal yid ches nges pa'i don// de nyid sangs rgyas ye shes gdengs// de yang rdo rje sems dpa' nyon// mtho ris ngan song med pas bde// bying rgod med phyir bsgom mi dgos// de ldan yang dag gol sa med// de phyir 'khor 'das ka nas dag chos sku'i ngang la gnas pa'i tshe// sngar goms bag chags dran gyur kyang // chos sku zhen med gol sa med// dug tu ngo shes mi za 'dra// de yang 'dus pa'i snying po nyon// phyis kyi nyon mongs skyes pa'i tshe// tur
- 155a
byung nyon mongs yin shes na// rang byung chos sku shugs la gsal// de tshe blang dor med par zhi// mdor na snga phyi gzhi nyid las// gang yang med par don go bas// de tshe chos sku gsal 'debs phyir// dran pa 'gags med rang byung sku// de yang 'dus pa'i snying po nyon// gdod nas rang byung snying po 'di// 'khor 'das ma rig chos kyi sku// rang gsal 'gyur med ye shes ni// rin po che yi 'od dang 'dra// de phyir rang gsal 'od po che// de ldan rang byung rnal 'byor pas// gang yang chos skur shes pa'i phyir// ci dran skyon med nam mkha' 'dra// de phyir bla ma'i don 'di gces// rdzogs pa chen po don 'dus rang byung bde ba'i 'khor lo'i rgyud las/ nges don log gnon du bstan pa'i le'u ste re bzhi pa'o// // de nas 'khor la bka' stsal pa// sems ni 'khrul pa yin pa'i phyir// chos kun gol sems yin pas na// yang dag nyid ni sems dang bral// sems med rang byung rig pa'i sku// de yang rdo rje sems dpa' nyon// yang dag sangs rgyas lam 'di la// tshogs brgyad med phyir sems dang bral// sna tshogs yul la zhen pa'i bar// rang gi sems zhes de la bya// gang yang rung ba gcig la yang // yid dang sgo lnga yul dran pas// nges don ma yin rang gi sems// rigs drug bskyed pa'i sems yin phyir// yang dag
- 155b
'khrul pa sems las byung // de phyir sems ni gol bar gsungs// de yang 'dus pa'i snying po nyon// sems ni 'khor ba'i gzhi yin pas// rang byung chos sku 'byung mi srid// rang sems rtogs na sems med phyir// dus gsum sangs rgyas kun bzang la// kun gzhi med phyir sems dang bral// de phyir sems kyis sangs mi rgya// sems ni rgyu rkyen bskyed pa'i phyir// nges don ma yin 'khrul pa'i blos// de yang 'dus pa'i snying po nyon// theg brgyad sems su 'dod pa'i phyir// nges don a ti'i gol sar bshad// de phyir 'khor ba'i chos yin te// dper na dmus long nor mi mthong // de phyir yul sems dbyer med 'dod// gang yang rung ba gcig la yang // rang sems yin zer rmongs pa rnams// 'bras bu chos nyid don dang bral// de phyir sems la sangs rgyas med// sems rtogs sems med chos skur shes// de phyir rang sems chos sku min// de yang rdo rje sems dpa' nyon// ma rig rmongs pa'i gang zag rnams// chos sku rang yang sems yin zer// de phyir tshig las don ma go// ming las nges don shes pa dkon// de phyir sems kyis sangs mi rgya// rjes las btsal ba'i glang po rnyed// sems kyi phyogs nas don btsal na// rang rig rgyal po ye shes rnyed// de rnyed sems su 'dzin pa bral// 'dzin bral sems med rang byung sku// sems las ma
- 156a
byung sangs rgyas rnyed// sems kyis rang rig chos sku bsgribs// de phyir ma rig zhes su gdags// ma rig med pas rang sems brlag/ sems ni ma rig rgyu las byung // kun brtags rkyen gyis bskyed pa'i phyir// 'bras bu kun gzhi 'khor ba'i sems// de phyir sangs rgyas 'byung mi srid// de yang 'dus pa'i snying po nyon// mun pa 'thibs pas snang ba bral// rang gi sems kyis ma rig 'phel// de phyir 'khor ba'i rtsa ba ni// rang sems 'khrul pa'i sems 'di yin// de phyir dug lnga rgyas par byed// 'bras bu ngan song rnams su smin// de phyir sems ni sangs rgyas min// sems las sangs rgyas 'dod pa ni// mo gsham bu dang gnyen byed 'dra// ra gan gser yin zer ba 'dra// de yang 'dus pa'i snying po nyon// sems ni glo bur skye 'gag can// rkyen dbang 'gyur bas don mi rtogs// de phyir rang sems ma rig pas// tshogs bsags sgrib pa sbyangs gyur kyang // thar pa mi thob 'khor bar ltung // rdzogs pa chen po don 'dus rang byung bde ba'i 'khor lo'i rgyud las/ sems las sangs rgyas mi 'byung bar bstan pa'i le'u ste re lnga pa'o// // de nas ston pa kun bzang gis// de na 'dus pa'i 'khor rnams la// rgyud kyi mjug bsngal bzla 'di// nges par ched du bka' stsal pa// dus gsum sangs rgyas khyod kyis kyang // nga yi
- 156b
rgyud chen nges don 'dis// rtsa ba rang byung ye shes don// kun la yod kyang rtogs par dka'// de yang rdo rje sems dpa' nyon// don gyi gnas lugs ngo bo ni// da lta'i shes pa so ma la// ci yang ma bsam ma 'gags pa// de ni don gyi snying po bsdu// de don rtogs thabs lung ldan gyis// nges don ma nor bstan pas go// de phyir sangs rgyas chos dang phrad// rtogs thabs rgyal ba'i bka' ru bsdu// de yang 'dus pa'i snying po nyon// nges don gdams ngag ma nor bar// blta ba bsgom pa spyod pa dang // 'bras bu nges pa'i yon tan sogs// rtogs pas nges par chog par bsdu// de yang 'dus pa'i snying po nyon// nges don gdams ngag ma nor bar// gang byung zil gnon gdams ngag bstan// sangs rgyas dus ni bar do ste// de tshe rang rig ye shes grogs// de shes bdud med don ldan bsdu// de yang rdo rje sems dpa' nyon// the tshom za ba byung na yang // rtsa ba gol dang ltung bshags gnyis// gdeng zin re dogs phral ba ni// gang yang the tshom sel bar bsdu// sangs rgyas dus na bar do med// nges pa'i gdams ngag gdeng zin phyir// rnam smin lus dang bral ma bag/ ye shes lus can mngon sangs rgyas// sangs rgyas 'bras bu blang ba bsdu// de yang 'dus pa'i snying po can// de ltar ma rtogs spang ba'i 'o// ma rtogs dbang gis las ngan spya/
- 157a
sgo dgur log par 'khyams pa yis// lam log ma rtogs skyon du bsdu// dang po rtogs tshul ma shes na// sems kyi log gnon shes mi srid// de phyir rang sems chos nyid min// sems ni 'khor ba yin par bsdu// de yang rdo rje sems dpa' nyon// de dag bsdu ba rnam brgyad kyang // rang sems snying po rtogs pa'i thabs// de phyir nges lung rtsa bar bstan// sangs rgyas nges don de las med// rdzogs pa chen po don 'dus rang byung bde ba'i 'khor lo'i rgyud las/ ched du nges par bsdu ba'i le'u ste re drug pa'o// // de nas 'dus pa'i 'khor rnams la// kun rig ston pas don gtad pa// yang dag gsang ba'i rgyud chen 'di// sangs rgyas kun gyi thugs la sbas// rig 'dzin rnams kyi bdag la gtad// de phyir nges don gsang ba 'di// gang zhig rgyud la 'chang nus na// mchog gi dngos grub thob par nges// de phyir rin chen gter rnyed 'dra// de yang 'dus pa'i snying po nyon// rgyal ba'i gsang chen bla med 'di// tshig tu mi 'dod zhe la 'chang // de bcangs yon tan bsam mi khyab// kun rig rgyal pos nges pa'i don// theg pa'i rgyal po lhun rdzogs 'di// dad ldan 'khor mang khyed kyis kyang // rgyud 'di yid la bcang bar gyis// yang dag nges don rgyud chen 'di// dad med smod pa rnams la ni// 'di spel slob dpon bsgral
- 157b
ba'i gnas// yid du mi 'ong rkyen rnams 'byung // de yang rdo rje sems dpa' nyon// snod dang mi ldan mi ngan ni// tshul 'chos byed cing slob dpon smod// nor phongs chos 'dod thabs kyis bslu// de 'dra'i snod ngan gang la yang // ye shes blta ba'i rgyud chen 'di// nam yang bstan par ma gsungs so// de yang 'dus pa'i snying po nyon// bstan pa 'jig pa'i dus der ni// rdzogs chen yang snying bstan pa 'byung // de tshe snod ldan 'byung srid na// nges don ma nor rgyud 'di gtod// de ltar ma byas yang snying 'di// nor 'dod phyir ni 'di spel na// sangs rgyas bka' chad 'byung nges pas// mkha' 'gro chos skyong dgrar langs nas// srin mos srog bcad mnar med ltung // de yang 'khor rnams yang nyon cig/ gal te dad ldan snod rnyed na// 'jig rten zas nor phangs med pa// yid 'thad phul na nges don 'di// gzhan la mi spel mna' bor la// spang skyil mi bya lhug par gtad// snod ldan ma phrad dus nyen// chos skyong yod pa'i lha khang ngam// lha 'dre yod pa'i brag dkyil du// smon lam btab la sbas la bzhag/ rdzogs pa chen po don 'dus rang byung bde ba'i 'khor lo'i rgyud las/ tha ma rgyud gtad pa'i le'u ste drug cu rtsa bdun pa'o// // rdzogs pa chen po shin tu rnal 'byor sangs rgyas thams cad 'byung ba'i rgyud ye shes chos kyi sku/ don 'dus
- 158a
rig pa'i gsung gsang ba thugs kyi ting nge 'dzin rang byung bde ba'i 'khor lo mthar phyin 'bras bu'i rgyud ces bya ba/ gser gyi dril shing can 'di/ rgya gar mkhan po bi ma la mi tra dang / bod kyi lots+tsha ba A tsar+ya dran pa'i ye shes kyis bsgyur cing zhus te gtan la phab pa'o// // rgya gar skad du/ san+ni ma ha ni yA mAr+tha sa ma dA yA ti gar+b+ha sa man+ta b+ha dra dz+nyA na A bar+d+ha tan+ta rat+na swar+N+Na ti shr-i ta nA ma/ bod skad du/ rdzogs pa chen po nges don 'dus pa'i yang snying / kun tu bzang po ye shes klong gi rgyud/ rin po che gser gyi yang zhun zhes bya ba/ bcom ldan 'das mnyam pa nyid kyi rgyal po/ dpal gyi dpal kun tu bzang po la phyag 'tshal lo// 'di skad gsungs pa'i dus gcig na// kun rig chos kyi rgyal po de// 'og min chos dbyings gnas kyi mchog/ nges pa'i don la rab bzhugs te// 'khor rnams 'dus nas rab tu 'khod// de nas rdo rje sems dpa' yis// 'dus pa'i 'khor la phan gdags phyir// kun rig chos kyi rje la ni// rig pa'i yid kyis 'di skad gsol// nges don gnas lugs snying po'i don// rig 'dzin sprul pas bskul pa yi// sangs rgyas bka' rnams bgros pa'i mdo// ma rig mun pa bsal ba'i phyir// sku gsum chos rnams ji ltar gsungs// snod kyi rim pa gang la bstan// de skad ces ni gsung ma thag/ khab len
- 158b
la ni lcags 'du bzhin// byin rlabs dbang ched dad pas ni// 'dus pa rnam bzhi 'dus shing bskor// nyid las mi gzhan sangs rgyas dang // rdo rje 'chang gi rig 'dzin dang // rgyal sras sprul pa'i mgon po dang // dam can mkha' 'gro sde lnga dang // dad nyan lha mi las can kun// las dang thugs rjer 'dzom nas 'khod// de skad zhus pa'i don gsan nas// kun rig chos kyi rgyal po des// mnyam pa'i don la rab zhugs nas// 'dus pa'i 'khor la bka' stsal pa// nges don gnas lugs snying po ni// 'khor 'das 'byung bas ma reg phyir// mdzad dang spyod pa'i rgyud ma bskyod// rang byung gzhi yi snying po yin// de yang 'dus pa'i snying po nyon// rig 'dzin sprul pas bskul pa yi// sems dag lha dbang rig 'dzin des// rmi lam rnam gsum brda shes nas// mngon dga'i phug nas tshig gis bskul// sangs rgyas bka' rnams bgros pa'i mdo// de gzhi nges don chos drug gis// sangs rgyas kun tu bzang po byung // nga yis nga nyid bgro ba las// sangs rgyas gzhan gyis bgro mi nus// kun bzang nga yi sgron ma yi// thog ma'i byung tshul sus shes pa// ma rig mun pa rtsad nas sel// chos rnams kun gyi sgron me'i mchog/ sku gsum chos rnams gsungs pa ni// kun bzang nga yi byin rlabs kyis// sku gsung thugs kyi yon tan las// sprul pa rnam
- 159a
gsum byung nas ni// nges don ldem dgongs drang don bshad// de yang rdo rje sems dpa' nyon// chos sku nges don gsungs pa ni// rang byung ngo bo nyid kyi sku// tshig dang yi ge brjod las 'das// nges don ye shes zugs la gsal// drang srong mngon shes dpe bzhin du// dus gsum sangs rgyas 'khor bcas la// mnyam par bzhag pa'i yid kyi go/ nges don rtogs phyir yang sangs rgyas// de nas ston pa kun bzang gis// rgyud dag rdo rje sems dpa' la// don gyi rang byung gnas chen du// tshig tu ma bstan yid kyi go// byin gyi rlabs kyis bshad ces bya// de yang rdo rje sems dpa' nyon// longs sku rdo rje sems dpa' yis// gtsang ris lha yi gnas chen du// rig 'dzin 'khor la brtser dgongs te// rig 'dzin kun dga' lha dbang la// dbang bskur bka' drang rgyud smin byas// ldem dgongs nges don ngo bo bshad// de tshe rig 'dzin sems dag des// mos gus dad pas rtse gcig tu// phyogs bcu'i 'dus pa'i sangs rgyas la// zhu ba zhus cing the tshom bcad// de yi nges pa'i 'bras bu ni// chos sku rig pa'i don mthong la// rtogs pa mngon gyur sangs rgyas phyir// da lta nyid du thams cad mkhyen// yang ni rig 'dzin sems dag nges// sngon gyi mngon dga'i phug su phyin// nang du mnyam bzhag 'bral med bcings// don
- 159b
de lha yi dbang po bskul// de lan bka' yis bgro dka' ste// lha dbang bka' gnyen drin che bas// nges don rig pa'i man ngag gis// 'dzam gling mun bsal byin gyis rlobs// de tshe lha dbang thugs dgyes te// khyod kyis dad ldan 'khor rnams la// ma bcos ma nor 'chad nus na// bde gshegs 'khor bcas byin gyis rlobs// de skad zhal bzhes ngo mtshar nas// sems dag gser ldan skur sprul te// dus tshod zer la mngon byung nas// byang chub mo yi lhums zhugs te// gsum la bka' rtags dang bcas te// tsar gyis skyes te nges don sgrogs// mi rnams kyis mthong ya mtshan skyes// mngon shes drug ldan ya mtshan can// lha mi kun gyis bkur bar mthong // de ni spyan drangs gnas bzhugs nas// nang du 'bral med dgongs pa la// gnod sbyin bdud kyis brid bsdigs pas// bar du mchod zil gyis non// bred mos gdung bton skyabs su zhus// dam btags rang srog snying po phul// chos 'di'i srung mar dam la btags// de nas shAka thub sprul pa des// bde ldan bkra shis gnas dag tu// de lta'i dus kyi deng sang na// gsang bdag sprul pa dang nyan la// sdeb sbyor legs pa'i tshig tu gsungs// de yang 'dus pa'i snying po can// sku gsum chos rnams gang gsungs kyang // gdul bu'i 'khor la tha dad kyang // shes rab blo yi wang
- 160a
par las// don la dbyer med ngo bo gcig/ rdzogs pa chen po nges don thams cad 'dus pa'i yang snying / kun tu bzang po ye shes klong gi rgyud/ rin po che gser gyi yang zhun las/ nges don 'byung ba'i rgyu gleng gzhi bstan pa'i le'u ste dang po'o// // de nas 'dus pa'i 'khor rnams la// kun rig sems kyi rgyal po yis// snod bcud rim pa ngas bstan gyis// 'dus pa'i 'khor rnams yid kyis nyon// de bstan snod 'dzom shin tu dka'// de phyir nges lung bcud ldan ni// u dum wa ra'i me tog bzhin// 'jig rten 'di na shin tu dkon// de yang rdo rje sems dpa' nyon// dbang gnyis rim par rdzogs pa yi// dam pa'i chos kun ma 'dres pa// kun mkhyen srid par zad med pa'i// lung ldan gdams ngag dag tu ldan// snod rtogs phyir na nor 'dod kyang // sangs rgyas dgongs pa gdeng ldan la// tshul chos med par snying rje che// 'jam zhing dul la nges don zhu// snod ldan dad pa brtson 'grus kyis// smin par byed pa'i dbang mnos nas// dam tshig ldan pa chos 'dod phyir// gsang thub sgro ring gtong phod can// gzhan la mi spel phyi zag ring // spro ba byas kyang mngan rnams theg/ khon du mi 'dzin gzhung rnams 'dzin// gdams ngag bstan pa'i snod du gsungs// gsang sngags don zab nges pa'i don// rta dang glang po rin chen
- 160b
bdun// kha gser kha g.yu ber chen sogs// ser sna med par 'bul nus na// tshegs med don go bstan par bya// de dag mi ldan kha gsag can// slob dpon mched kyi spyod rtsing la// ya mtshan che nas phyar kha gtong // thabs kyis smod pa sna tshogs byed// bka' rkun byas nas kun la spel// nga las lhag pa gzhan na med// bka' brku bcos shing zas nor 'tshol// de ni dmyal ba chen por ltung // 'di la ngo tsha khrel rnams shor// rang gis rang bslus snod ngan la// nam yang bstan par mi bya'o// kun tu bzang po ye shes klong gi rgyud las/ snod bcud bstan pa'i le'u ste gnyis pa'o// // de nas rdo rje sems dpa' yis// 'dus pa'i 'khor la phan gdags phyir// kun rig chos kyi rgyal po la// nges pa'i dgongs don 'di skad gsol// chos kun 'byung ba'i gzhi gsum gyi// 'khor ba'i gzhi ni gang gis bgyi// de ltar 'gro/ drug ji ltar 'khrul// don gyi dbye ba bshad du gsol// de skad zhus pa'i don gsan nas// kun rig rgyal pos bka' stsal pa// nges don dbye ba ngas bshad kyis// dad ldan 'khor rnams da nyon cig/ 'khor gzhi shes pa lung ma bstan// rang bzhin lus kyi rtsal snang ba// gang la mi rtog don shes zin// shes pa rang snang dri mas 'chol// ma rig rgyu ni nges med phyir// shes gzhi lung ma bstan zhes bya// de yang 'dus
- 161a
pa'i snying po nyon// rang bzhin ngo bo'i lus dang ni// shes gzhi lung ma bstan pa gnyis// gnas skabs 'brel yod mthar zug med// yengs dang ma yengs cha med pa'i// had de bun ne tsam du gnas// rang byung rnam shes rkyen dbang 'gyur// de phyir lung ma bstan zhes bya// gzhi ni dran dang ma dran gyi// blo mi 'jug pas don mi shes// ma rig gzhi ni lung ma bstan// de phyir 'khor ba'i gzhi zhes bya// yid byung rim 'gribs log pa'i rgyu// gya gyu tsam du dran yod kyang // don du ma shes de kho na// ma rig skye ba'i gzhi byed phyir// dang po 'khor ba de las byung // kun tu bzang po ye shes klong gi rgyud las// 'khor ba'i shes gzhi lung ma bstan pa'i le'u ste gsum pa'o// // de nas 'dus pa'i tshogs rnams la// kun rig chos kyi rgyal po yis// 'gro drug 'khrul tshul bka' stsal pa// dang po 'khor 'das par do la// shes gzhi lung ma bstan pa la// ma rig lhan cig rnam gsum gyi// rgyu dang de ma zag 'dzom nas// sems kyi kun gzhi smin pa byung // de las kun brtag rnam gsum gyis// dmigs pa bdag po'i rkyen gnyis kyis// bag chags lus kyi kun gzhi byung // gnyis pa bag chags lnga ru smin// de yang 'dus pa'i snying po nyon// 'khrul gzhi la sogs rnam dgu yis// de 'khrul ma bzlog nyes pa ni// g.yeng ba'i las
- 161b
spyad 'chi dus 'byung // de tshe 'byung ba rim thim nas// dbugs zum byed cing gnad gcad de// zhen pa'i dbang gis kha chems 'bor// 'khor ba'i sdug bsngal bsam mi khyab// kun tu bzang po ye shes klong gi rgyud las/ 'chi ltas bstan pa'i le'u ste bzhi pa'o// // de yang rdo rje sems dpa' nyon// de'i tshe 'chi ba'i dus byung tshe// 'di nub phyi ma mun ltar 'byung // snang ba mched dang bskyed pa yi// ma bcos don de yod gyur kyang // ma rig bsgribs par ltung ba'i phyir// gson gshin sa mtshams de la bya// de yang srid pa bar do la// gzhi gnas 'phral byung bag chags kyis// ras dkar la ni snum bzhin ltar// gzhi gnas ma rig bag chags gos// ma rig rkyen sla kha brod dang // rtsom pa rjes 'jug nyon mongs pa// snga phyi'i gol sa yin pa'i phyir// dang por shan ma phyed pas gol// de yang 'dus pa'i snying po nyon// srid pa dag gi bar do la// zhag gsum lon nas bag chags lus// sngon gyi dran pa sna tshogs 'byung // kun rdzob rgyu 'bras mi bslu zhes// yang ni yid kyi lus snang 'gyur// kun tshang thogs med sna tshogs sems// rang gi shes pas sa ma zin// de phyir yid ni lung ma bstan// yang 'gyur gnas ngan lus len phyir// khyim sogs gang rung mngal du 'jug/ rjes dran yon tan med pa'i phyir// chags sdang skyes nas 'khor
- 162a
bar 'khyams// kun tu bzang zas shes klung gi rgyud las/ martags pa 'khor bar 'thams pa bstan pa'i maru ts+tsha lnga pa la// / de nas rdo rje sems dpa' yis// 'dus pa'i 'khor zla na ched du// kun rig ston pa chos rje la// nges pa'i dgos don 'di skad gsol// 'khor 'das gzhi ni gang la bgyi// de las mu stegs ji ltar 'khrul// theg dgu'i 'khrul gzhi ji ltar byung // mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor gyi dad nyan la// zhus pa'i lan de bka' stsal pa// legs par nyon la yid la zung // 'khor 'das gnyis kyi gzhir gyur pa// gang yang med pa'i sngon rol du// sangs rgyas med phyir lung ldan med// theg dgu mya ngan 'das ma reg/ ma rig med phyir sems can med// sprin bcos bag chags skyon ma gos// dug lnga skye ba'i gzhi med phyir// 'khor ba'i skyon gyi mthas ma reg/ zhen pa'i bag chags med pa'i phyir// phra rags bskyed pa'i yul ma grub// 'byung ba lnga la rag ma lus// gnyen po mi tshugs rang bzhin lus// de yang rdo rje sems dpa' nyon// de gsum med pa'i shes pa de// nam langs nyi ma ma shar bzhin// ye nas gnas phyir kun gyi gzhi// rang bzhin ngo bo'i lus zhes bya// 'khor 'das gnyis kyi bar do la// skye ba ma blangs 'dus na
- 162b
yang // rgyu rkyen ma bskyed yang dag yod// sgro skur bral dang ma bral gyis// rtogs dang 'khrul pa gnyis ma myong // rig dang ma rig shan ma phyed// yengs dang ma yengs ngos ma zin// ji zhig ltar la yengs tshul gyis// rang yid had de tsam yod kyang // gang gi 'du shes ma zhugs pa// bya ba btang ba'i mi dang 'dra// de yang 'dus pa'i snying po nyon// de phyir 'khor 'das gnyis kyi gzhi// rang bzhin ngo bo'i lus dang ni// rtogs pa'i ngo bo nyid sku gnyis// gnas skabs 'brel med mthar zug yod// de phyir lhun grub sangs rgyas yin// rdzogs pa chen po nges don thams cad 'dus pa'i yang snying / kun tu bzang po ye shes klong gi rgyud rin po che gser gyi yang zhun las/ 'khor 'das gnyis kyi gzhi rang bzhin gyi lus bstan pa'i le'u ste drug pa'o// // de yang rdo rje sems dpa' nyon// mu stegs rtag pa'i 'khrul dpe ni// 'khrul sman chen po dang 'dra ste// gzhi dang 'khrul pa'i nyes pa de// sun 'don la zlo grangs bstan pa// 'khrul gzhi med pa'i 'khrul pa de// ri bong rwa bzhin yod mi srid// 'khrul gzhi las ni 'khrul pa byung // de phyir dbye ba shin tu gces// de yang 'dus pa'i snying po nyon// ngo bo mi 'gyur gzhi byas nas// kha dog dbyibs can dag tu 'khrul// log pa'i dka' thub dmyal bar ltung // rig pas brtags na bdag ma grub// de
- 163a
nyid don shes la zla'o// de yang 'khor gyi snying po nyon// mu stegs chad pa'i dbye ba ni// kha dog dbyibs med chad gzhi byas// snga phyi rgyu 'bras med par 'khrul// slar btab dmyal ba chen por ltung // chad du min ste rig par yod// de phyir gzhi la gol med pas// rang byung ye shes klong na gnas// kun tu bzang po ye shes klong gi rgyud las/ mu stegs 'khrul tshul bstan pa'i le'u ste bdun pa'o// // kun rig ston pas yang gsungs pa// gzhi ni me long lta bu la// gzugs brnyan theg pa rim dgu byung // phyogs tsam 'khrul tshul ngas bshad nyon// mtshan nyid theg pa rnam gsum gyi// nyan thos rang rgyal mdo sde yi// dbye ba'i rnam grangs mdor bstan pa// snang ba'i phra rags yul gyi gzhi// gang zag bdag med chos bdag yod// zhi ba phyogs gcig thar mi thob// lhag mthong med phyir skye bo rang // don rtogs yul 'di chos kyi dbyings// de yang rdo rje sems dpa' nyon// sems tsam kun gzhi rtogs pa yi// gong 'og shes pa skad cig 'dod// rig pa rang rkyang grangs can gol// rtag dang khyad med sgro 'dogs nor// chos sku rig pa 'gyur ba med// de yang rdo rje sems dpa' nyon// dbu ma pa yi 'dod gzhung de// ngo bo dngos med gzhi byas te// yul sems gzhig pas stong par 'khrul// ci yang med pa'i skye
- 163b
mched ltung // chad dang khyad med stong par gol// stong shes rang byung chos sku yin// de yang 'dus pa'i snying po nyon// de dag mtshan nyid theg pa gsum// phyogs tsam rtogs kyang gzhi mi shes// de phyir nges don mi mthong bas// tshig tu brten te don las gol/ kun tu bzang po ye shes klong gi rgyud las/ rgyu mtshan nyid kyi 'khrul tshul bstan pa'i le'u ste brgyad pa'o// // kun rig ston pas yang gsungs pa// phyi ba kri yog rnam gsum gyis// dbye ba'i rnam grangs ngas bshad kyis// dad ldan 'khor rnams legs par nyon// nam mkha' smig rgyu'i dpe bzhin du// dag pa chos nyid kri ya'i gzhi// bzang ngan gtsang sme dngos grub re// grub pa ma thob byol song rgyu// gtsang sgras mi grol rtog pa nyid// spyod pa ma yin gzhi dag sku// de yang rdo rje sems dpa' nyon// yo ga rnal 'byor sems dpa' yi// dbyer med chos dbyings gzhi byas te// byang chub rnam lnga mnyam par 'dod// bsgom kyang mi grol 'dod khams lha// sems tsam pa dang khyad med gol// la bzla rig pa chos skur shes// de yang rdo rje sems dpa' nyon// de dag yo ga rnam gsum kyang // gzhi nyid ma shes blos bsgyur phyir// nam mkha' dag la 'dzin pa 'dra// don la 'khrul par the tshom med/ kun tu bzang po ye shes klong gi rgyud las/ phyi'i 'khrul tshul bstan pa'i le'u ste dgu pa'o// /
- 164a
kun rig rgyal pos yang gsungs pa// nang pa bskyed rdzogs rnam gnyis kyis// don gyi dbye ba bstan pa'i lung // nam mkha' sprin dang khu rlangs bzhin// rnal 'byor ma hA yo ga yi// bden pa dbyer med 'dod pa'i gzhi// rtog tshogs lhar bsgyur bsgom pas 'khrul// de phyir bgegs dang rA trar ltung // dbu ma dang 'dra 'bras bu gol// lam la mi brten rtogs pas chog/ de yang rdo rje sems dpa' nyon// a nu yo ga'i dbye ba ni// kun gzhi mkha' klong gzhi byas te// snang ba kun bzang rol par 'khrul// yod min med min skye mched ltung // mkha' klong dbu ma chad dang 'dra// la zlo chos kyi dbyings nyid yin// de yang 'dus pa'i snying po nyon// de dag rgyud lung rnam gnyis kyang // rang bzhin lus bzhin 'khrul pa'i phyir// nyi ma sprin gyis bsgribs dang 'dra// snang ba lhar bsgoms chos sku bsgribs// rdzogs pa chen po nges don 'dus pa'i yang snying / kun tu bzang po ye shes klong gi rgyud/ rin po che gser gyi yang zhun las/ rgyud lung 'khrul tshul bstan pa'i le'u ste bcu pa'o// // de nas rdo rje sems dpa' yis// kun rig ston pa chos rje la// bden pa'i dgongs don 'di skad gsol// rdzogs chen spyi dang kha 'byams dang // kun brtags lha dang tshig zin gyis// 'khrul pa'i dbye ba'i rim pa ni// kun rig ston
- 164b
pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rdzogs chen spyi yi 'khrul pa ni// rin chen gser sbrul mthong stongs bzhin// spyi dang kha 'byams kun brtags kyis// lung tshig tsam la nges 'cha' ba// de dag gol bar ngas bshad nyon// ming ni tshig tsam shes pa'i gzhis// mkhas su re nas tha snyad 'dogs// don med nam mkha'i mtha' tshol 'dra// tshig tu shes pas don mi rtogs// tshig nyid don yin zer ba 'khrul// de yang 'dus pa'i sems dpa' nyon// kha 'byams dpa' bo'i 'khrul pa de// snang ba sems sdud gzhi ru byed// 'khrul pa'i dbye ba lhun grub bcu// 'bras bu mi 'byung log par gol// gzhi dang mi mthun lung rig 'gal// gzhi nyid ma shes skye bo rang // de yang rdo rje sems dpa' nyon// kun brtags lhar ni 'khrul pa yi// phyi nang gsang sngags snang paba'i gzhi// bskyed dang rdzogs 'dod rim pa 'khrul// don ma zin pas 'bras bu med// gzhi la lha med bskyed mi dgos// ma bskyed chos sku ye nas yin// de yang 'dus pa'i snying po nyon// tshig zin lung gi 'khrul tshul de// tshig tsam lung la khungs byed pas// dgongs pa rnam gsum ma shes 'khrul// tshig tsam lung gis don mi rtogs// don med tshig gis dgos pa med// lung med don go ye sangs rgyas// de yang
- 165a
'dus pa'i snying po nyon// de dag 'khrul tshul rnam bzhi yang // spyi yi mtshan nyid yin pa'i phyir// gzhi dang 'gal phyir don las gol// de phyir lung ldan gdams ngag dgos// kun tu bzang po ye shes klong gi rgyud rin po che gser gyi yang zhun las/ rdzogs chen spyi'i 'khrul tshul bstan pa'i le'u ste bcu gcig pa'o// // de nas rdo rje sems dpa' yis// 'khor gyi dad ldan don du yang // kun rig ston pa chos rje la// bden pa'i dgongs don 'di skad gsol// 'khor rnams 'khrul pa ldog pa'i thabs// tshegs med rtogs thabs bshad du gsol// de skad zhus pa'i don gsan nas// 'dus pa'i 'khor la bka' stsal pa// 'og ma'i 'khrul pa ldog thabs dang // yang ti nges don ldog pa gnyis// nga yis bstan gyis legs par nyon// 'og ma'i chos kyi 'khrul ldog thabs// gnyen po dang ni ye shes kyis// kun rdzob nyon mongs sgrib sbyangs te// don dam shes bya'i sgrib sbyangs la// tshogs bsags pa yi sangs rgyas ni// las lnga sa bcu rim bgrod te// pha rol phyin bcu mthar phyin nas// sgrib dag 'khrul pa ldog pa'i dus// drang don yin phyir sangs mi rgya// de phyir nges don bka' 'di dgos// de yang 'dus pa'i snying po nyon// mtshan nyid rnam gsum chos kyis ni// 'khrul pa mi bzlog re dogs mtha'// rnam rtog rgyar chud 'khor
- 165b
bar 'khyams// de phyir spu brid chos 'dis phung // kun tu bzang po ye shes klong gi rgyud las/ theg pa 'og ma pa'i chos kyis 'khrul pa mi ldog par bstan pa'i le'u ste bcu gnyis pa'o// // kun rig ston pas yang gsungs pa// yang cig rdzogs chen nges don gyis// 'khrul pa zlog pa'i thabs chen ni// lung ldan gdams ngag ldan pa yi// bla ma rdo rje slob dpon de// gdams ngag mkhas la thugs rje che// dam tshig ldan pa'i slob dpon la// slob mas yon ni ma phul bar// de lta'i gdams ngag zhu mi bya// de yang rdo rje sems dpa' nyon// smin par byed pa'i dbang chen ni// thun mong ma yin khyad 'phags pa'i// ngo bo dbye ba dpe dang gnas// rdzas dang nges tshig las dang skal// rtags dang mthar zug kun rdzogs pa'i// rig pa thugs kyi dbang gsum ni// rim gyi ma yin cig car du// dad ldan gyis ni mnos gyur na// skye ba 'di yis sangs rgyas 'grub// de yi dam tshig mdor bsdus na// rtogs thabs dam tshig rnam lnga yang // rtsa ba rang sems 'di nyid las// gzhan na yod pa ma yin no// rang rig rtogs na dam tshig mchog/ de yang 'dus pa'i snying po nyon// ched du bya ba'i dam tshig drug/ rtsa ba sku gsung thugs su 'dus// de phyir brtse gdung dam tshig ste// chos rnams kun gyi rtsa ba yin// bsrung ba'i dam tshig rnam lnga yang // rtsa ba 'dod
- 166a
chung gdeng zin nyid// de phyir bsrung bya'i dam tshig ste// bar chad mi 'byung dngos grub thob// spang bar bya ba'i dam tshig bzhi// 'khor ba bskyed pa'i rten gzhi ste// de ma spangs par grol mi srid// de phyir ma rtogs rnams kyis spang // gnang bar bya ba'i dam tshig bzhi// lta ba gdeng ldan rnams kyis bya// tha mal kun gyis byar mi rung // de phyir rtogs ldan rnams kyis spyad// de yang rdo rje sems dpa' nyon// g.yo rgyu med pa'i skal ldan gyis// rtsed 'jo le lo rnam g.yeng spang // 'khor mkhas slob gus dad ldan la// snod ldan yin phyir 'khrul pa bzlog/ de yang 'dus pa'i snying po nyon// snod ldan las dang skal bar 'dzom// nges don rgyud chen bstan pa'i snod// phyi mar mi sdod dus 'di ru// man ngag snying po bstan par gsungs// rdzogs pa chen po nges don thams cad 'dus pa'i snying po kun tu bzang po ye shes klong gi rgyud/ rin po che gser gyi yang zhun las/ yang ti rdzogs chen gyis 'khrul pa ldog pa'i thabs bstan pa'i le'u ste bcu gsum pa'o// // de nas rdo rje sems dpa' yis// snod ldan dam bcas don ched du// kun rig thams cad mkhyen pa la// nges don gdams ngag 'di skad zhus// rig 'dzin grub thob bka' rtags gang // rig pa byin gyis ji ltar brlab// de don nyams su ji ltar myong // la zlo spyod pa
- 166b
ji ltar spyad// nges don rgyun kyi bka' rtags gang // kun mkhyen ston pas bshad du gsol// de skad zhus pa'i don gsan nas// 'bral med chos las rang bzhengs te// ye shes rig pa'i klong brtol nas// snod ldan 'khor la bka' stsal pa// rig 'dzin grub thob bka' rtags ni// don gyis brgyud dang byin gyis brlabs// brda' yis bstan dang tshig gi mtshon// sgur rgyal sras la srid gtod 'dra// de yang rdo rje sems dpa' nyon// don gyis khyab dang rtogs pa yi// dbye ba rnam pa gnyis bstan pa'i// til la mar gyis khyab pa bzhin// sangs rgyas sems can ma lus la// rang bzhin ngo bo'i lus kyis khyab// de phyir don gyis khyab par gsungs// de don rtogs pas brgyud pa yi// sngon gyi sangs rgyas kun bzang des// 'khrul ma myong la rtogs myong ba'i// gzhi dang ye shes dus mnyam shar// de phyir kun tu bzang po bya// de yang rdo rje sems dpa' nyon// sangs rgyas mya ngan 'das pa'i gzhi// rang byung ngo bo nyid sku de// ma mdzad ma bcos rgyas ma bskyed// nam mkha'i mthongs su nyi shar 'dra// gdod nas ma rig skyon ma gos// lung la ma brten rig cing rtogs// sangs ma rgyas pa'i rig pa la// rang byung ye shes de la bya// de yang 'dus pa'i snying po nyon// gang la yengs med yang dag yod// sgo skur med pa'i rig pa ni// dus gsum gcig
- 167a
pa'i chos sku la// rang la rang du chos skur shes// da lta'i rig pa 'di yin te// dus rnams kun tu 'bral ba med// sgro skur med pa'i rig pa gsal// ngo bo nyid kyi sku zhes bya// kun bzang rtogs pa nges pa'i don// ming dang dpe don mnyam kyi grangs// drug gsum chos sku gcig la rdzogs// de yang 'dus pa'i snying po nyon// de tshe 'khor 'das par do la// rgyu dang 'bras bu lung ma bstan// sems las ma byung sangs rgyas ni// rang byung kun tu bzang po bya// kun tu bzang po ye shes klong gi rgyud las/ rtogs pa'i brgyud pa bstan pa'i le'u ste bcu bzhi pa'o// // kun rig ston pas yang gsungs pa// nges don byin rlabs brgyud pa'i don// gang phyir byin rlabs dpe dang ni// sprul pa'i dgongs pa brda' yis ni// tshig brgyud yon tan bshad kyis nyon// sems dag rig 'dzin bskul pa'i phyir// sangs rgyas bka' bgros nges pa'i don// ye shes rig pa rang gnas phyir// byin rlabs sangs rgyas kun la shar// de yi mtshon dpe bstan pa ni// nam mkha'i gza' skar shar tsam na// rgya mtsho'i nang du gzugs brnyan 'byung // de tsam nyid na tha dad med// de bzhin kun bzang byin rlabs gyis// sku gsung thugs kyi yon tan las// sprul pa rnam gsum shugs las 'byung // de nyid chos sku nyid kyi rtsal// de don dgongs pa rnam gsum
- 167b
gyis// bstan pa'i 'khor 'di rnam gsum la// drang don ldem dgongs nges pa'i chos// 'dus pa'i 'khor la ci rigs bshad// de yang 'dus pa'i snying po nyon// dang po chos sku'i rtsa ba ni// rang byung ngo bo nyid sku dang // sa bcu'i 'khor la dgongs pas bshad// tshegs med nges don rig pas go/ de don nges par dbye ba ni// lnga bcu bdun gyi brda' bstan phyir// tshig tu ma brjod yid la rtogs// rig 'dzin sprul pa'i spyod yul yin// de yang 'dus pa'i snying po nyon// dgongs dang rig pa rna bar brgyud// tshig gi sgron mas don go phyir// phyi rabs dad ldan rnams kyis go// de phyir sangs rgyas da lta nyid// de yang 'dus pa'i snying po nyon// skye shi gnyis kyi bar do la// kun tu bzang po'i chos drug gis// dpe don rig pa nyams ldan pas// ma rig drug bcom bden pa mthong // rtog gzhi la sogs bcu gcig gis// 'khrul gzhi la sogs dgu po yang // brlag cing stongs te 'khor ba med// de phyir gol sgrib ming med do// de yang 'khor gyi snying po nyon// lung bstan gdams ngag mngon bstan pas// de ma thag tu chos skur shes// rnam smin lus dang ma bral kyang // sangs rgyas sa la nges par 'gro// rdzogs pa chen po nges don 'dus pa'i yang snying kun tu bzang po ye shes klong gi rgyud/ rin po che gser gyi yang zhun las/ rig 'dzin grub pa thob pa'i
- 168a
bka' rtags bstan pa'i le'u ste bco lnga pa'o// // kun rig ston pas yang gsungs pa// nges don rig pa'i byin rlabs kyis// nges don gdams ngag bstan pa dang // mi rtog tsam du byin rlabs dang // thabs kyi bde bas byin rlabs dang // nyams kyi bdud kyis byin rlabs phyir// de don dbye ba shin tu gces// de yang 'dus pa'i snying po nyon// nges don gdams ngag rnam bzhi ste// dang po gzhi nges lta ba la// snang ba ma bcos chos kyi dbyings// gol sa spong sdud zhen pa ste// spong ba dug dang tsher ma 'dra// rang lus 'byung ba'i dug lnga la// mi rung blo yis spong byed pa// gnyen po mi rtag bdag med du// ched du sdug bsngal spong bar 'dod// nyon mongs ris su spong byed pa// rang la nyon mongs gang che ba// kha bka' gnyen pos spang bar byed// gnyen la nye ring byed pa 'dra// nyon mongs rgyu 'bras spong byed pa// dge bsgrub sdig spong 'bras bu tshol// blang dor re dogs rtsol ba byed// 'jig rten so nam byed pa 'dra// de yang 'dus pa'i snying po nyon// sdud pa'i rtog pa bstan pa ni// yul sems gnyis med 'dod pa'i chos// thams cad rang gi sems su bsdu// yul sems gcig tu 'dre mi srid// bu ram rang gis ro mi myong // sems nyid rang snang 'dod pa de// phyi nang sems kyi cho 'phrul gyis// snang ba ma nges sna tshogs pa//
- 168b
chu nang zla ba ngos zin 'dra// chos kun stongs par 'dod pa de// rang gi sems kyi yul gzhig kyang // stong par song ba ci yang med// srin 'bus ri rab bsreg pa 'dra// chos nyid don ni gang rung la// smrar med brjod du med par 'dod// g.yo sgyu can ni khas mi len// tshul 'chos can gyi sems dang 'dra// de yang 'dus pa'i snying po nyon// yul la zhen pa'i rtog pa de// dang po grub mtha'i blos ma bsgyur// ma rig dbang gis 'khrul pa rgyas// 'khor 'das mi shes gti mug gis// ngo mi shes pa phrad pa 'dra// yul la yengs pa'i rtog pa ni// lha mi rnams ni shes pa bcings// kha dog dbyibs kyi 'dod yon la// rtog pa mang bas spyod pa yengs// rma byas mdangs la blta ba 'dra// chos brgyad dam par blta ba de// bstod smad la sogs chos rnams la// dam par zhen pa'i blo 'dzin pas// rang rgyud gol sa yin par nges// bu gcig pa yi/ pha ma 'dra// skye rga na 'chis mi 'jigs pa'i// ma rig blun po zhe sdang can// gzung 'dzin 'di yi rtog pas phung // phyi ma dmyal bas mi 'jigs pas// rgyal pos bsgo ba'i gshed ma 'dra// de yang 'dus pa'i snying po nyon// spong sdud zhen pa de dag kyang // gzhi la med par ma shes pas// 'khrul pa'i chos la bden 'dzin phyir// snang ba chos dbyings gol sar gsungs// kun tu bzang po ye shes klong gi rgyud las//
- 169a
chos kyi dbyings kyi galas bstan pa'i lan+daHbcu drug pa'o// / kun rig ston pas yang gsungs pa// snang ba ma bcas chas dbyings ni// theng 'ag bar gyi dbye ba'i phyir/ chos kyi dbyings ni bstan pa yin// de yang 'dus pa'i snying po nyon// steng gi chos dbyings chos skur gcig/ bar du ye shes sgyu ma'i dbyings// 'og tu snang ba 'byung ba'i dbyings// gcig la tha dad ngos zin na// 'gal ba med de kun ka'i dbyings// da lta snang ba'i chos rnams la// mi brtag mi gzung mi 'brang bar// sgo lnga mi dgag rang yin la// rig pa gang dran dbyings nas 'phyo// gang yang rung ba ci la yang // sgro skur med pa chos dbyings yin// de yang 'dus pa'i snying po nyon// rig pa dngos med chos sku yi// gnas ni nam mkha'i klong na 'phyo// yin dang min gyis ci zhig bya// chos kyi dbyings zhes de la gdags// 'khrul pa'i rtog pas gzhi mi 'gyur// btsal ba'i bsam pas dbyings mi bskyod// kun tu bzang po ye shes klong gi rgyud/ rin po che gser gyi yang zhun las// gol med snang ba ma bcos chos kyi dbyings bstan pa'i le'u ste bcu bdun pa'o// // de nas 'dus pa'i 'khor rnams la// kun rig ston pas bka' stsal pa// rig pa ma bslad chos sku yi// rang bzhin ngo bo
- 169b
nyid kyi sku// rgyu rkyen ma bskyed 'gyur ba med// 'dus ma byas pa'i nam mkha' 'dra// de yi rtogs tshul ye shes te// bsgom sbyin sgro skur ma btags pa// kun bzang rang rig chos skur rtogs// ri po ta la'i nyi shar 'dra// de yis de nyid mtshon pa'i dang // mtha' dbus med pas nam mkha' 'dra// rnam rtog 'joms pas rdo rje 'dra// skye ba med pas a dang 'dra// de yi nges pa'i gtan tshigs ni// rang byung 'khor bar 'khyams ma myong // de rtogs da lta nyid du yang // mtha' bral mngon gyur bden pa mthong // de yi ldog thabs nges pa ni// mthun dang mi mthun gnyis log pas// gol sgrib skyon gyis ma gos phyir// sems las ma byung chos skur gsungs// de yi mtshan nyid nges pa ni// gang dang 'dra med yin pa med// yin ni da lta'i shes pa la// de yi don kun gnas pa'i don// de phyir 'bral ba med pa'i mchog/ la bzlas spang blang med shes pas// skyon yon thams cad med par dag/ de phyir dus 'dir 'bras bu 'grub// phyi mar sangs rgyas smos ci dgos// de yang 'dus pa'i snying po nyon// chos dbyings chos sku gcig gi ngang // rang byung rig pa'i ye shes de// nyi zla gzas zin dpe bzhin du// don kun dus gcig yon tan rdzogs// kun tu bzang po ye shes klong gi rgyud las/ rig pa ma bslad chos kyi skur bstan pa'i le'u ste bco brgyad
- 170a
pa'o// // kun rig ston pas yang gsungs pa// ma bsgoms 'bral med bstan pa'i don// dang po kun gzhi shan phye la// bar du chos sku ngos bzung ba// tha ma la zlos bden pa mthong // de yang 'dus pa'i snying po nyon// dang po rang rig kun gzhi ni// snga phyi rtogs dang chos sku ru// lung ldan bla mas shan phye la// tha mas brten bcas ma bsgribs pa'i// mtshan nyid bzhi ldan chos skur shes// gol sa bzhi chod gdeng dang ldan// de phyir lhag mthong nges pa rnyed// ye nas gnas pa'i rang byung de// ngo shes don dang 'bral med phyir// rgyun du gnas pas sangs rgyas so// de yang 'dus pa'i snying po nyon// de dag bsgom pa'i dbye ba ni// gsal ba mi rtog mi g.yo ba// dbye ba rnam pa dgu dgur ni// rgyun du 'bral med gtan la 'bebs// de dag rtsa ba mdor bsdu na// sgo lnga gsal ba mar me 'dra// rig pa mi g.yo mtsho gting 'dra// mi rtog bya ba btang ba 'dra// de gsum chos nyid gcig la rdzogs// gang mthong dran pa ma 'khrul pa// chos sku ngos zin don ldan pas// de phyir thig le nyag gcig la// ma 'dus pa ni gcig kyang med// rdzogs pa chen po nges don 'dus pa'i yang snying // kun tu bzang po ye shes klong gi rgyud rin po che gser gyi yang zhun las/ rgyun tu 'bral med kyi bsgom pa ngos gzung bstan pa'i le'u ste bcu dgu
- 170b
pa'o// // kun rig ston pas yang gsungs pa// rgyun du 'bral med rig spyod ni// dus ni bzhi gsum gsungs pa yang // spyi yi mtshan nyid yin pa'i phyir// tshig tu bden te don las gol// de yang rdo rje sems dpa' nyon// ye shes rang shar gdams ngag gis// yul ni ma yengs dran pa de// ma 'khrul rig pa chos skur shes// de phyir gdams ngag dus 'dir rtogs// mngon gyur sangs rgyas da lta nyid// de yang 'dus pa'i snying po nyon// dang po rig spyod dbye ba'i don// rgyu dang gol sa gdams ngag dang // nyams dang la bzla 'bras bu ste// re re la ni drug drug tu// phye la bstan gyis yid la zung // bde ba'i ye shes rnam gsum gyi// nang gi bde ba rkyen thub grangs// blta med bzhi gnas 'gog pa la// bdag med mi g.yo rnam gsum gyi// rang yan lhag mthong mi brjed gzung // mtha' bral ye gsal gdeng gis zin// bdag nyid gzhi la med par shes// de nyid bde gsal ye shes sku// 'du 'dzi longs spyod bde ba ni// yo byad rnam gsum ldan pa ste// 'dod yon lnga la rang rgyud zhe na// gang mthong ma 'khrul don shes pas// gang yang myong ba rig par shes// bdag gzhan gzhi la ma grub pas// bde ba longs spyod chos nyid rgyan// pho mo bde ba'i grangs bstan pa// 'gro ba bzang mor yid chags pa// thabs dang rang rgyud chags spyod
- 171a
gol// snga phyir ma nges don zin pa'i// de tshe bde ba'i mthar ma ltung // pho mo gzhi la grub pa med// lus bde longs spyod rig pa'i sgra// de yang 'dus pa'i snying po nyon// de dag bde ba rnam gsum yang // spyod bde don dngos spyad gyur kyang // gnas skabs 'brel yod mthar thug med// de phyir gdeng zin kun gyis spyod// kun tu bzang po ye shes klong gi rgyud las/ bde ba ye shes su rkyen thub par bstan pa'i le'u ste nyi shu pa'o// / kun rig ston pas yang gsungs pa// sdug bsngal sna tshogs 'byung ba gsum// de la phyi lus sdug bsngal grangs// nad ni bzhi brgya rtsa bzhi la// ye 'grog 'khang pa rnam gsum yin// gang na lhag mthong don gyis zin// de tshe mtha' 'bral chos skur mthong // lus dang na tsha gzhi la med// sdug bsngal de nyid sbrul skur shar// sems kyi sdug bsngal grangs gsungs pa// chags sdang rnam gnyis yin pa'i phyir// gol sar skyon bzhi dam par 'dzin// mi gzhig mi bcom dran pas zin// gang la zhen tsam rig pas zin// de tsam nyid na gzhi la med// de tshe sdug bsngal sprul par shes// spyi yi sdug bsngal rnam bzhi'o// ma rig rkyen bzhi bskyed pa yi// nyon mongs bag chags bsags pas gol// snga phyi med shes gdams ngag gis// mtshan nyid bzhi ldan nyams su myong // gzhi la snga phyi don la med//
- 171b
phyir 'bras bu chos kyi sku// de yang 'dus pa'i snying po nyon// sdug bsngal nyid kyang bde ba'i klong // don la ye shes 'du 'bral med// da lta'i rig pa 'di nyid yin// de phyir sdug bsngal bde ba'i klong // kun tu bzang po ye shes klong gi rgyud las/ sdug bsngal zhi byed chos skur rkyen thub par bstan pa'i le'u ste nyer gcig pa'o// // de yang rdo rje sems dpa' nyon// btang snyoms rang bzhin rkyen thub grangs// le lo snyoms las lung ma bstan// btang snyoms shes pa ma rig bsgribs// shan phyed ngos zin yid ches pas// rang rig 'bral med nyams dang ldan// ma rig med phyir btang snyoms med// lhag mthong 'bras bu bden pa mthong // de yang 'dus pa'i snying po nyon// gnyid ni chos sku klong thim gyis// bag nyal gzhi gnas ma rig pas// rmi lam rnam gsum yul la zhen// ldog ka sad dus de nyid shes// de tsam nyid na nyams myong gsal// don la rmi lam grub med rtogs// 'bras bu mi rtog chos skur shar/ kun tu bzang po ye shes klong gi rgyud las/ btang snyoms gnyid ye shes klong thim du bstan pa'i le'u ste nyer gnyis pa'o// // kun rig rgyal pos yang gsungs pa// gti mug rang grol bstan pa'i grangs// ma rig shes gzhi lung ma bstan// gang yang mi shes gti mug sems// lung ldan sgron mas don bstan pas//
- 172a
rang rig chos sku yid la bstar// gzhi dang phrad pas mun pa brlag/ 'bras bu chos nyid thams cad mkhyen// de yang rdo rje sems dpa' nyon// zhe sdang rang grol grangs bstan pa// yul ngan kha dog smra ba la// zhe sdang sems dkrugs bzod pa nyams// mi bsam yul gyi rjes mi gcod// de dus rtag chad mtha' bral nyams// bdag gzhan gzhi la grub pa med// 'bras bu rang rig sbrul skur shar// nga rgyal rengs byed grangs bstan pa// gzhan dag brdeg bsad smra ba las// nga bden rmongs pa ched du byed// gang yang bden med don dran pas// de nyid rig par shes pa'i nyams// tshig gis ches chung gzhi la med// don ldan nga rgyal chos skur shar// de yang 'dus pa'i snying po nyon// phrag dog rang grol grangs bstan pa// gzhan gyi phun sum tshogs pa la// g.yo sgyus gzhan la thabs kyis smod// bdag dang gzhan med chos kyi sku// phrag dog rang grol chos skur myong // de tsam nyid na bdag gzhan med// g.yo sgyu ma bral longs spyod rgyan// de yang 'dus pa'i snying po nyon// dngos po ma 'khrul gnas lugs la// tshor ba bde sdug ci byung yang // de dus chos skur nyams su myong // de tshe yul dang 'brel med shes// de phyir rkyen thub bsgom mi dgos// rdzogs pa chen po nges don 'dus pa'i yang snying kun tu bzang po ye shes klong gi rgyud las//
- 172b
dug lnga rang grol du bstan pa'i le'u ste nyer gsum pa'o// // kun rig ston pas yang gsungs pa// srid pa'i bar do rnam lnga la// ma rig 'khrul pa'i bar do dang // kun brtags dge ba'i bar do dang // gnas 'gyur lha yi bar do dang // rnam shes rlung zhon par do dang // mngon gyur ye shes par do'o// ma rig 'khrul pa'i bar do ni// rgyu ni ma rig rnam gsum ste// rkyen ni chags sdang gnyis kyis gol// gol sa bar dor lus gsum 'dus// sdug bsngal sna tshogs nyams su myong // skye rgas sdug bsngal zad du med// de las thar cing ldog 'dod pas// kun brtags dge rtsa 'dir byas pas// dge bcu sbyin sogs dad pas spyad// phyi mar 'bras bu 'dod pa'i blos// rgyu mthun bag chags mthu brtas pas// lha dang mi yi go 'phang tsam// smon lam dbang gis mtha' btsan kyang // dge ba'i stegs zad 'khor bar 'khyams// de yang 'dus pa'i snying po nyon// gnas 'gyur lha yi bar do la// rtogs dang lha gsal dus mnyam nas// sku gsum gcig la gcig tshang nas// 'bras bu'i sangs rgyas dus de nyid// ma rtogs lha bsgom rU trar skye// de yang 'dus pa'i snying po nyon// rnam shes rlung zhon par do la// phyi nang rlung gi bde goms pas// phag mo la sogs 'pho ba bdun// 'od gsal ye shes skur 'dod pa// thabs lam yin phyir nges don
- 173a
min// de yang 'dus pa'i snying po nyon// mngon gyur ye shes par do la// rgyu ni lung ldan gdams ngag ste// byin rlabs rjes dran rnam drug gis// ma rig sangs la rig pa rgyas// thams cad mkhyen pa'i 'bras bur ldan// 'gro don gzugs sku shugs la 'char// btsal ba med par don rnams grub// rdzogs pa chen po kun tu bzang po ye shes klong gi rgyud/ rin po che gser gyi yang zhun las// srid pa bar do la skye ba phyis mi len par bstan pa'i le'u ste nyer bzhi pa'o// // de yang rdo rje sems dpa' nyon// de ltar ma rtogs byin brlabs pas// dbu ma man chad lta sgom ste// 'khor 'das chos kun sems su bsdus// rig pas rtag chad mtha' bsal te// mi dmigs tsam la bsgom pa'i thabs// bying rgod gnyis kyi skyon bsal la// ting nge mer re rang gsal tsam// yang nas yang du goms par byed// mthun 'jug thabs kyi spyod pa yang // 'og ma'i chos dang sgo bstun phyir// dge sdig shan mdangs phyed par spyod// de tshe don gyis zin par bya// lha sgom spyod pa 'dzom pa'i tshe// 'bras bu tshogs gnyis nam rdzogs na// sgrib gnyis sbyangs nas sangs rgyas 'dod// de las lhag pa'i chos med zer// ri dwags smig rgyu bsnyegs ltar 'khrul// de yang 'dus pa'i snying po nyon// thabs kyis rig pa byin brlabs pa// sman
- 173b
dang yig 'bru dbang gi dus// rtsa dang thig le bde bsgom pas// shes pa 'gyur nas bde la zhe na// de phyir mi grol shin tu 'ching // mi rtog thabs kyi bde 'dod gol// kun tu bzang po ye shes klong gi rgyud las/ 'og ma'i bsgom pa gol bar bstan pa'i le'u ste nyer lnga pa'o// // kun rig ston pas yang gsungs pa// lha med gzhi gnas zhen pa la// bdud byung bar chad zhen las byung // zil gnon gdams ngag ngas bshad nyon// rnal 'byor lta med nyams zhen pa// bdud kyi cho 'phrul mngon shes 'byung // de tshe lta sgom spyod nyams bdud// bar du bcad nas 'khor bar 'khyams// de bzlog don du gdams ngag gis// bco brgyad yon tan chen po ni// zil gnon rtogs dang 'bras bu yis// don ldan nges pa'i sangs rgyas 'byung // de yang 'dus pa'i snying po nyon// lta ba'i bdud ni rnam bzhi ste// snang ba 'od dang grag pa sgra// 'jigs pa gzugs dang bslu ba rdzun// re re la ni drug drug tu// rgyu dang zhugs pa nyes dmigs dang // zil gnon rtags dang 'bras bur gsungs// snang ba 'od kyi bdud byung na// lta ba mun las snang 'byung bas// dge sdig mthong bas snying rje zhugs// 'gro don bya mno ting 'dzin btang // dngos med lhag mthong mi g.yo dran// gzhi la med pas gzha' tshon 'dra// dmyal ba'i gnas kyang sangs rgyas zhing // de
- 174a
yang 'dus pa'i snying po nyon// grag pa sgra yi bdud byung na// mkha' la sgra dang chos ston 'byung // dga' bas ngoms zhing ting 'dzin btang // gdeng bral bsdu zhing bdud dbang song // bka' 'gal chos brgyad 'khor bar ltung // lta ba'i gdang zin sgra dang bral// sgra snyan rtags med rjes mi 'brang // tsher lhang gsung gi 'khor lo bde// 'jigs pa gzugs kyi bdud byung na// rmi lam dngos su 'jigs pa'i gzugs// mi dga' don bral mo chog byed// sems ngan tshe thung yi chad ltung // snang gzugs gzhi la med par shes// snying po med shes nyam mi nga // de nyid thub drug sbrul skur shes// de yang 'dus pa'i snying po nyon// bslu ba rdzun gyi bdud byung na// dus gsum nyes legs ston pa 'byung // bden dang mi bden tha ma rdzun// mngon shes rdugs pas zhe sdang skye// tshig las 'das phyir rdzun ma grub// rmi lam bzhin du 'khrul par shes// don rtogs ci smras rgyal ba'i bka'// kun tu bzang po ye shes klong gi rgyud las/ lta ba'i bdud zil gyis gnon pa'i rtags dang 'bral bu bstan pa'i le'u ste nyer drug pa'o// // kun rig ston pas yang gsungs pa// bsgom pa'i bdud ni rnam bzhi yi// bying ba gsal ba'i bdud byung na// don med nan tan 'bad nas bsgom// myos pa'i dbang gis gsal ba bying // gnyen po gsal ba'i don dang bral//
- 174b
gnyid gsum bsres pas gti mug brlag/ chos nyid klong du gnyid thim shes// sangs rgyas ye shes klong du bying // rmugs pa bde ba'i bdud byung na// lung ldan chos sku ngos ma zin// shes pa blun po lhag mthong med// bsgom pa byas kyang gti mug 'phel// rang rig dran pas ye shes gsal// lta bas zin phyir bde bar shar// 'bras bu ye shes 'gyur med klong // de yang 'dus pa'i snying po nyon// rgod pa mi rtog bdud byung na// gdams ngag med phyir 'dus par dga'// don btang nas ni mi chos byed// spong sdud zhen pa sna tshogs byed// snga phyi rig pa'i don zin phyin// ba mor nyi shar bzhin du stongs// gdeng zin chos dbyings gnas kyi mchog/ 'phro ba mi g.yo'i bdud byung na// don la goms par ma byas pas// rig tshor dran pa phra mo rgyu// don med rkun bu yang yang ldang // mi brjed dran pa'i gzungs kyis zin// rnam rtog rang zhi rig pa gsal// thams cad chos sku 'bras bu mchog/ kun tu bzang po ye shes klong gi rgyud las/ sgom pa'i bdud zil gyis non pa'i rtags dang 'bras bu bstan pa'i le'u ste nyer bdun pa'o// // de nas 'dus pa'i tshogs rnams la// kun rig ston pas bka' stsal pa// bya ba 'du 'dzi longs spyod bdud// nyams dgar zhen pa gnas kyi bdud// bslab pa'i yon tan g.yeng ba'i bdud// 'khor ngan sems
- 175a
dkrugs bdud dang ni// de dag spyod pa'i bdud bzhir gsungs// de yang 'dus pa'i snying po nyon// 'du 'dzi longs spyod bdud dbye na// man ngag med par tshul 'chos byed// mi rnams smon 'dod gzhan sems 'dzin// don por bdag 'dzin phrag dog ltung // de dag dgrar shes zhen pa chung // bu bzhin chags med don gyis zin// longs spyod rang grol rol par rtogs// de yang 'dus pa'i snying po nyon// zhen chags gnas bdud dbye ba ni// thos chung mkhas ches nyams dga' brtsig/ bkra shis 'dre med lha yod zer// 'dre brten mthu yod gzhan la bsdigs// gnas la ma chags nges med shes// bdag gzhan gzhi la med par rtogs// gang du 'dug pa 'og min gnas// de yang rdo rje sems dpa' nyon// yon tan g.yeng bdud dbye ba ni// rig pa lnga ldan bkur sti zhe na// don por rang don rang rgyud gol// zhen log dran zin zil gyis mnan// bdud med ye shes skul mar shes// g.yeng bas bdag gzhan chos skur grub// de yang 'dus pa'i snying po nyon// 'khor ngan sems dkrugs bdud dbye na// lha dman 'khor la gdung drags pas// 'gran sems mchog shes med par 'dod// dad log sgro skur zhe sdang skye// gdung sems bskyungs la 'brel pa gcad// bdud nyid chos skur shes pa las// spong zhing dor du rdul
- 175b
tsam med// rdzogs pa chen po nges don 'dus pa'i yang snying / kun tu bzang po ye shes klong gi rgyud las/ spyod pa'i bdud zil gyis non pa'i rtags dang 'bras bu bstan pa'i le'u ste nyer brgyad pa'o// // de yang rdo rje sems dpa' nyon// nyams kyi bdud drug don bstan pa// mkha' 'gro'i lung ston bdud byung na// khyod ni ma 'dug phan gdags zer// 'dod pa snying zhugs zhen pa tshol// mi 'grub dka' ba sna tshogs byed// zhen pa nyid nas 'dod pa stongs// lung ston bslu ba rdzun du shes// gzhi la med shes re dogs med// de yang 'dus pa'i snying po nyon// nyams myong zhen pa'i bdud byung tshe// mi rtog zhen pa'i bde/ ba 'byung // 'phel 'grib yod pas ma nges pa// ngos ma zin pas lung ma bstan// lhag mthong dran pa'i gdeng dang ldan// don la 'gyur med nam mkha' bzhin// dam par lta med sgrib gnyis dag/ zhe 'dod tshul 'chos bdud byung tshe// gdams ngag med par bsgom tshul ston// dad can glen pa thabs kyis bslu// chags chung tshul 'chos chos par 'ches// gzhi nyid ma bcos dran pa gces// zhe 'dod med na tshul 'chos bral// 'dod med gdeng ldan 'bras bu'i mchog/ de yang rdo rje sems dpa' nyon// brkam chags bdo ba'i bdud byung na// 'dod chags dbang la byang chub ni// rang gi zhen pas 'dod chags srid//
- 176a
don du ma shes byang mi chub// rang rig don ldan dbang mi dgos// 'dod spyad rkyen thub chos skur shes// bogs med ye shes sangs rgyas yin// de yang 'dus pa'i snying po nyon// yon tan phrag dog zhe sdang byed// de la lan 'debs rmongs pa ni// mkhas la skur 'debs dmyal bar lhung // gzhi rtogs don la skur dang bral// zhe sdang rang grol chos nyid rtogs// de nyid dus na bdud med shes// nga rgyal sgo 'dogs bdud byung tshe// gang zag smad phyir chos la smod// ches chung byed cing bka' rkun byed// bsod nams ches chung dmyal bar ltung // man ngag gsang thub zil gyis mnan// yid ches rang rig don gyis zin// da lta nyid du bden pa mthong // de yang 'dus pa'i snying po nyon// de dag bdud kyi dbye ba yang // lha med rnams la 'byung ba las// lung ldan kun gyi yon tan te// sangs rgyas chos ni bco brgyad yin// rdzogs pa chen po nges don 'dus pa'i yang snying / kun tu bzang po ye shes klung gi rgyud rin po che gser gyi yang zhun las/ nyams kyi bdud kyi rtags dang 'bras bu bstan pa'i le'u ste nyer dgu pa'o// // rdo rje sems dpas yang zhus pa// kun rig ston pas bdag la gson// rnal 'byor nyams su myong ba'i bka'// don dang mthun par bshad du gsol// de skad zhus pa'i don dgongs nas//
- 176b
'dus pa'i 'khor la bka' stsal pa// nyams myong rim pa rnam bzhi ste// snang ba chos dbyings nyams myong dang // rang rgyud zil gnon nyams myong dang // nges lung spyod pa'i nyams myong dang // lta ba gdeng zin nyams myong ngo // de yang rdo rje sems dpa' nyon// snang ba chos dbyings nyams myong ni// bya ba btang ba'i mi 'dra ste// mthong snang gzugs sgra la sogs pa// gang mthong ci dran cir snang yang // brtag dpyad ma byas gyi na tsam// yul ni bun ne long 'dug kyang // spong sdud zhen par ma song na// chos dbyings gdeng ldan nyams kyi mchog/ de yang 'dus pa'i snying po nyon// rang rgyud nyon mongs zil non rtags// bsgom thabs skrod dang bcos pa'i thabs// thun tshad nyams dang rnam pa ste// bsgom thabs lta ba'i rgyun la bsgom// skyon ni bying dang rgod pa ste// bcos thabs rab 'bring tha ma yis// thun tshad nyams kyi tshod dang sbyar// de don nges par la bzla na// gser 'gyur rtsi yis thebs pa bzhin// rtogs dang mi rtogs thams cad du// rang sems lta ba'i chos nyid gsal// rang rgyud zil gyis non pa'i nyams// de yang 'dus pa'i snying po nyon// de don mthar thug rim pa'i don// gos kyi 'jam rtsub sna tshogs dang // zas kyi ro mchog gang myong ba// gang dran mthong bral chos skur shes// de tsam nyid na ye shes shar// yul nyid ma yin gang dran
- 177a
pa// chos skur shes pas yul dang bral// de tsam yul dang rig pa gnyis// gnas skabs mthar thug 'brel pa med// de yang 'dus pa'i snying po nyon// rtogs pa mngon gyur gdeng gi nyams// g.yo dang goms pa brtan pa ni// cig car rim gyis 'byung ba ni// shes rab blo yi khyad par las// lus ngag yid kyi nyams rtags kun// rnal 'byor pa la nges par 'byung // de nyid rnal 'byor nyams kyi mchog/ kun tu bzang po ye shes klong gi rgyud las/ rnal 'byor nyams su myong ba'i bka' rtags bstan pa'i le'u ste sum cu pa'o// // de nas 'dus pa'i tshogs rnams la// kun rig ston pas yang gsungs pa// la zla spyod pa'i bka' rtags ni// 'khor la bshad kyi yid kyis nyon// kho na nyid dang sgro 'dogs gcod// rtogs pas gzhig dang ye shes spyod// gdeng ldan rnams kyis spyad par bya// de yang 'dus pa'i snying po nyon// lus kyi de kho na spyod pa// rgyal po gtan ma zin pa bzhin// lus nang chos sku rgyun du gnas// de phyir mi 'bral gzungs dang ldan// ngag gi de kho spyod chen ni// dpe ni dag pa'i brtul zhugs bzhin// nges pa'i don gyis skyon bral bas// ngag tu ma brjod chos skur gsal// sems kyi de kho spyod pa ni// nags kyi ri dwags bag phebs bzhin// shes rab rnam gsum zag chod pas// lhag mthong rig
- 177b
pa'i gdeng gis zin// chos kyi de kho dmigs pa ni// nor rnyed gsang ni thub pa bzhin// gdeng ldan nyams kyi gsang thub pas// nges don mchog gi dngos grub thob// kun tu bzang po ye shes klong gi rgyud las// de kho na nyid la dmigs pa'i spyod pa bstan pa'i le'u ste so gcig pa'o// // de yang 'dus pa'i snying po nyon// phyi yi sgro 'dogs gcod pa ni// dred mo gdos kyis btags pa bzhin// yul dang 'bral med chos skur shes// snang bas mi gnod phan mi nus// nang gi sgro 'dogs gcod pa ni// mi shes slar la mi ldog bzhin// mtha' bral nges pa'i gdeng gis zin// rang rig bde mthong phyir mi ldog/ gnyis ka'i sgro 'dogs chod spyod pa// gnyid sad 'jigs pa bral ba bzhin// ma rig sangs phyir yul dang bral// de phyir yid ches gdeng gis zin// lung gi sgro 'dogs chos spyod ni// nor stor slar la rnyed pa bzhin// drang don mdo rgyud sun bton nas// nges don rnyed pas chos skur rtogs/ kun tu bzang po ye shes klong gi rgyud las/ sgro 'dogs chod pa'i spyod pa bstan pa'i le'u ste so gnyis pa'o// // rdo rje sems dpas yang zhus pa// zas nor dgra gnyen rtog gzhom phyed// ye shes spyod pa bstan du gsol// kun rig ston pas thugs gsol te// 'dus pa'i 'khor la bka' stsal pa// zas kyi rtog pa gzhom pa'i phyir// khyi phag
- 178a
bzhin du gtsang dme med// don zin rtog pa bcos gyur na// yon tan drug ldan spyod pa'i mchog/ gos kyi rtog pa bcom pa'i phyir// smyon pa bzhin du ngan dgu gon// gnyen sdang yon tan lnga ldan phyir// chags med yon tan mchog tu ldan// gnyen gyi rtog pa gzhom pa'i phyir// ngo tsha med par chags spyod dang // gnyen la sdang ba byas gyur na// 'khor ngan bdud bcom bde ba 'phel// dgra yi rtog pa gzhom pa'i phyir// gri bo gshed la 'khor ba bzhin// chags sdang gzhi la med par shes// dgra nyid chos skur shes par bya// de yang 'dus pa'i snying po nyon// de dag spyod pa gang spyod dang // rigs spyod rgyun du bya ba ni// bram ze'i dam tshig 'gal ba'i phyir// lung ldan kun gyis byar mi rung // kun tu bzang po ye shes klong gi rgyud las/ rtog pa gzhom pa'i spyod pa bstan pa'i le'u ste so gsum pa'o// // kun rig ston pas yang gsungs pa// gzhi shes blo dngos gcig pa dang // brtul zhugs mchog dang bgegs med pa'i// ye shes rang shar ngas shad kyis// 'dus pa'i 'khor rnams yid kyi nyon// lung ldan gdams ngag gzhi shes pas// ngo bo nyid la blo ldan phyir// gang yang chos skur rang gsal bas// 'dus ma byas pa'i nam mkha' 'dra// blo dngos gcig par shes pa yis// gang mthong nyid 'khrul med shes phyir// snang mthong
- 178b
gang dran chos skur shes// smig rgyu nam mkhar shes pa 'dra// brtul zhugs mchog gi spyod pa ni// mtshams med lnga dang mi dge bcu// chags sdang lnga la longs spyad kyang // lta ba rtogs pa'i grangs su 'gyur// lung rigs mi 'gal rgyud gnas dang // 'bol zhing zhi la 'jam 'dod pas// nges pa'i gdams ngag ma go na// mkhas kyang rmongs pa snying re rje// de yang 'dus pa'i snying po nyon// bgegs med ye shes rang shar ba// rang gi rnam rtog yod kyi bar// bgegs kyi mtha' la zad pa med// dngos su med phyir 'khrul pa'i blo// mu stegs can la 'dre yod phyir// 'drer 'dzin skye bo ma rig pa// mo ma'i rdzun gyis glen pa bslus// dam pa kun gyis 'dre sun bton// yul dang gol sa chod gyur na// 'dre med rig pa chos skur shes// gzhi la lha 'dre med rtogs pas// phan gnod bya ba ming yang med// de yang 'dus pa'i snying po nyon// de dag ye shes rang shar ba// kun brtags zad na 'dre rnams stongs// 'dre ni nyid 'khrul yin pa'i phyir// ri bong rwa la yod rtog 'dra// rdzogs pa chen po nges don thams cad 'dus pa'i yang snying kun tu bzang po ye shes klong gi rgyud/ rin po che gser gyi yang zhun las/ ye shes rang shar gyi spyod pa bstan pa'i le'u ste so bzhi pa'o// // de nas 'dus pa'i tshogs rnams la// kun rig ston pas yang gsungs
- 179a
pa// dam tshig ltung med ngas bshad nyon// rtogs thabs lnga yis ma nyams na// rang sems mi rtog lung mi ldan// 'khor bar 'khyams kyang 'jigs pa med// da bu la ni las nor 'dra// ched du ma byas drug nyams na// byas pa thams cad mi 'grub cing // 'dir sdug phyi mar dmyal bar ltung // rgyal pos chab bsal mi ngan 'dra// bsrung ba'i dam tshig lnga nyams na// ma rungs las rnams spyad pa'i phyir// ma rig mun pa ma sol pas// rang gi mig ni rang bton 'dra// srang ba'i dam tshig bzhi nyams na// 'og ma'i sems bskyed sdom zhig pas// kha na ma tho rnam gsum ltung // btson rar chud pa'i mi ngan 'dra// de yang 'dus pa'i snying po nyon// de dag dmigs kyis dbye ba ni// ltung ba'i sgo dgur ltung nges kyis// de yi sdug bsngal smos zag chad// las kyis tshe tshad brjod mi langs// kun tu bzang po ye shes klong gi rgyud las// ma rtogs pa'i dam tshig nyams pa'i ltung ba'i sgo bstan pa'i le'u ste so lnga pa'o// // de nas kun rig rgyal po yis// mthar thug ye shes 'bras bu sogs// 'dus pa'i 'khor gyi don ched du// mngon gyur sangs rgyas bka' stsal pa// lus med ye shes sgo lnga yis// sngar ma mthong ba'i zhing khams su// ye shes mig gi dus gcig mthong // 'char nub med pa'i nyi zla shar// zos pa med pa'i ro mchog myong // ma
- 179b
bsams pa yi dran pa la// mi brjed pa yi gzungs dang ldan// bsgrubs pa med pa'i 'bras bu 'byung // rkyen dbang mi 'gyur yul gcig rnyed// sangs rgyas kun dang dgongs pa gcig/ btsal med 'gro don da lta byed// de yang rdo rje sems dpa' nyon// rnam smin las med ye shes sku// rig pa gsal la kha mig can// sngar ma mthong ba'i chos dbyings la// zhing khams sangs rgyas ye shes klong // chos sku rig pa 'char nub med// rang sems rtogs pas chos skur shar// ting 'dzin zas ni nyams su bsten// ro mchog nyams myong chos skur shes// de la bsgom bsgrub bya mi dgos// 'khor 'das gnyis su ma bsams pa'i// lhag mthong dran pa'i ye shes la// mi brjed gzungs ldan rig pa'i sku// gang dran rang rig kun khyab phyir// dus gsum skye 'gag med pa yi// 'bras bu bar dor ye shes ldan// ma rig bag chags shes pa'i phyir// rkyen bzhis bskyed pa'i dbang mi 'gyur// spyir chib sa la nges par 'gro// lhun grub mngon 'gyur dus der 'grub// sangs rgyas kun dang mnyam pa'i phyir// dgongs pa kun bzang nga dang mnyam// de yang rdo rje sems dpa' nyon// chos sku'i gzugs brnyan gzugs sku 'byung // gza' skar gzugs rnyan me long bzhin// ma btsal lhun gyis chos skur grub// de nyid don ldan da lta byas// ye shes lus la rig pa'i
- 180a
thugs// ye shes rang shar don rtogs pas// rang byung chos sku kha mig can/ ye shes sgo lnga gsal bar 'dus// theg gzhan sangs rgyas 'dod pa de// blos byas rnam gsum nges don med// de phyir yang ti sangs rgyas kyi// 'bras bu bar dor sangs rgyas smra// kun tu bzang po ye shes klong gi rgyud las/ nges don gyi sangs rgyas bstan pa'i le'u ste so drug pa'o// // de nas ston pa kun bzang gis// 'dus pa'i 'khor la don gtad pa// nges don 'dus pa'i yang snying 'di// sangs rgyas kun gyis gsungs pa'i chos// rig 'dzin rnams kyis thugs la sbas// chos skyong kun gyis gter ltar bsrung // mkha' 'gro rnams kyis mig ltar 'tsho// de phyir rgyud 'di shin tu gnyen// de don man ngag nges don 'di// log sred chags zhen ma nges la// nam yang bstan par ma gsungs so// de yang rdo rje sems dpa' nyon// yang dag nges don khyad par can// 'bras bu mngon 'byung nges pa 'di// snod ngan rnams la ma gsang na// tshe thung sdug bsngal nad 'byung zhing // phyi ma thar med dmyal bar ltung // de phyir mi bstan snod ngan ni// bla mar mi gus nga rgyal can// tshul 'chos byed cing slob dpon smod// dbul ba med par gdams ngag 'dod// bka' rkun byas nas yod tshul ston// don ma go bas chos la sdang // dpe rkun byas pas phyi thag
- 180b
zung // 'gran sems bcug pas mched dang mkhon// gnas lugs ma shes rang mthong che// nga rang mkhas zhes bla ma smod// sngon nas yod zer rdzun du smra// gzhan nas rnyed zer thabs kyis tshol// phyi nas dbul zhes slob dpon brid// chos rjes bya zhes thabs kyis bslu// g.yo sgra skyon gyis chos 'tshol la// nam yang bstan par mi bya'o// de yang 'khor gyi snying po nyon// gal te 'khor gyis chos bstan na// phyi nang chos skyong kun khros nas// ma nyes kha yogs sna tshogs 'ong // byas pa med par mi rnams sdang // ser snas bsags pa'i rdzas rnams brlag/ rang nyid spro 'bog sgur por 'gro// rgyal 'gong chags nas gnas mi rnyed// phyi mar dmyal ba chen por ltung // de phyir shin tu gsang bar bya// de tshe nges don yang snying 'di// gu lang gser bzhin mi nub tsam// snod ldan 'ga' la bstan pa las// snang dgu kun gyi spyod yul min// 'khor rnams nges pa de ltar zhog/ kun tu bzang po ye shes klong gi rgyud las/ rgyud gtad pa'i le'u ste so bdun pa'o// // rgya gar gyi mkhan po bi ma la mi tra dang / bod kyi lo ts+tsha ba A tsar+ya dran pa ye shes kyis bsgyur cing zhus te gtan la phab pa rdzogs so// rdzogs pa chen po nges don 'dus pa'i yang snying kun tu bzang po ye shes klong gi rgyud rin po che gser gyi yang zhun zhes bya ba/ shang pa che chung ba ye shes
- 181a
rgyal mtshan gyi thugs dam/ bla ma gnyen chung ba la gnang ba/ gnyan chung bas 'brom zhang 'bar la gnang ba/ rje btsun zhang 'bar gyis/ skye sgom la gnang ba/ skye skom gyis/ skyer ba na 'od de la gnang ba'o// //
- 1a
rdzogs pa chen po nges don thams cad 'dus pa bzhugs//
- 1b
rgya gar skad du/ ma hA san+ni ni yA mAr+tha sarba sa mu dA ya/ dz+nyA na ga ga na sa mA na tan+ta/ dr-iSh+Ti b+ha ba na sarba gar+b+ha/ rat+na byA ha nA ma/ bod skad du/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud/ lha bsgom thams cad kyi snying po/ rin po che rnam par bkod pa zhes bya ba/ bcom ldan 'das mnyam pa nyid kyi rgyal po rang byung rig pa'i ye shes/ rtogs pa'i don dang ldan pa/ dpal gyi dpal gyur kun tu bzang po la phyag 'tshal lo// 'di skad gsungs pa'i dus gcig na/ kun rigs sems kyi rgyal po de// 'og min chos kyi dbyings gnas na// nges pa'i don la rab bzhugs te// rdo rje sems dpa' la sogs pa'i// 'khor rnams 'dus nas rab tu 'khod// de tshe rdo rje
- 2a
sems dpa' yis// 'dus pa'i tshogs la phan don du// kun rig chos kyi rgyal po la// rang gi rig pas 'di skad gsol// nges don gnas lugs snying po yi// de 'khor sprul pa gang gis bskul// sangs rgyas bka' rnams ji ltar bgros// ma rig mun pa gang gis sel// de don chos rnams ji ltar gsungs// de skad ces ni zhus ma thag/ khab len la ni lcags 'du bzhin// dad pas rang dbang med par ni// 'khor rnams 'dud cing bskor zhing bskor// de tshe 'dus pa rnam bzhi yang // rdo rje gsang ba rin chen snying // dri med grags pa las rab grub// rgyal ba'i dbang po bsod nams snying // zhi ba bde dang nyi ma'i 'od// nam mkha'i snying po 'bum gzigs dang // phyogs bcu'i sangs rgyas
- 2b
rnams kyang bzhugs// rig 'dzin sems dpa' chen po yang // blo gros gtso dang rnam dag snying // dam pa'i yon tan 'od rlabs can// shes rab bla ma rgyal mtshan 'dzin// rnam par grol ba ting 'dzin dbang // chos dbang dang ni spobs pa brtsegs// bdud 'joms dang ni seng ge'i sgra// rin chen mthong dang brtse ba can// dbang phyug gtso dang brtsegs dge dang / mthong na dga' dang bde mos dang // gsung brtsegs la sogs 'khor rnams kun// rang rang gtso la bskor nas ni// mi brjed pa yi gzungs kyis 'khod// rgyal sras sprul pa'i 'khor rnams dang // tshangs pa brgya byin rgyal chen bzhi// thags bzang ris dang gang ba bzang // chos kyi rgyal po rta mgo can// zur phud lnga pa nor srung dang // mgrin bcu dang ni klu rgyal dang // de 'khor la sogs kun kyang gnas// mkha' 'gro sde lnga srin mo'i tshogs// ye shes mkha' 'gro rig pa 'dzin// rdo rje mkha' 'gro rigs kyi yum// rin chen mkha' 'gro 'dod dgu bsgyur// pad+ma mkha' 'gro bde chen rgyas// las kyi mkha' 'gro lus sgrib sbyangs// 'jig rten mkha' 'gro dam btags pa'i// 'khor gyi gtor zan pho mo kun// snying rje med par gsod la dga'// skyon mthong tsan chad pa gcod// kun kyang srin po'i cha byad can// rngams pa'i nga ro 'jigs pa'i tshul// bstan pa bsrung phyir dus der
- 3a
'dus// sbrul sku snang ba'i 'khor rnams ni// dad ldan lha mi las can kun// mos shing dad pas 'dus pa yi// las dang thugs rje 'joms nas 'khod// de tshe zhus pa'i don gsan nas// kun rig chos kyi rgyal po yis// mnyam pa'i don la thugs zhugs nas// 'dus pa'i tshogs la bka' stsal pa// legs so dang ldan 'khor rnams kun// de don gsal bar ngas bshad kyi// yid ni gzhan du ma g.yengs par// nges par nyon la yid kyis zung // de skad ces ni gsungs ma thag/ 'khor rnams dga' mgu yi rang te// dad pas rtse gcig yid bsdus nas// gus pa'i rig pas chos nyan to// de tshe 'khor gyi don ched du// mnyam pa'i don las rab bzhengs te// ye shes chos sku'i dgongs pa yis// kun rig ston pas bka' stsal pa// nges don gnas lugs snying po de// 'khor 'das 'byung bas ma rig phyir// ma skyes ma bcos rgyus ma mdzad// de nyid ma yengs rig par shes// de la 'gro dang 'ong ba med// de phyir rang byung ngo bo'i sku// de yang rdo rje sems dpa' nyon// de 'khor sprul pa bskul ba ni// sems dag lha dbang rig 'dzin des// rmi lam rnam gsum brda shes pas// mngon dga' phug nas 'di skad bskul// dus gsum sangs rgyas ma lus kun// gsung gi mnga' bdag khyed yin pas// rtsol bcas theg pa mthar
- 3b
bton nas// rtsol med theg pa mi gsung nas// thugs rje chen po yal lam ci// skal ldan 'dul bya ma mchis sam// lhun grub theg pa bshad du gsol// de skad ces ni gsungs pa dang // dus gsum sangs rgyas kun bsdus te// don gyi 'gro ba mdzad pa'i phyir// bka' yi mdo 'di ma bkrol na// kun bzang thugs kyi nges pa'i don// rdo rje sems dpa' khyod yin pas// tshig gcig don kun rtogs pa'i chos// btsal med don dang 'phrad par zhus// de skad bskul ba'i don de ni// rdo rje sems dpa' yis rig nas// ngo bo nyid kyi kun bzang la// nges pa'i yid kyis 'di skad zhus// chos nyid gnas lugs ji lta ba// sems nyid blo yis rtogs pa'i don// nges don kun tu bzang po yis// dus 'dir bdag la bshad du gsol// de skad ces ni bskul ba dang // kun bzang thugs kyis gsan nas ni// ting 'dzin rig pa'i gsung gis ni// dad ldan 'khor la bka' stsal pa// yang dag nges don rgyud chen 'di// snod ldan rnams la ngas bshad de// rdzogs chen skye med don zab kyang // ma rtogs pa la sdig mor che// de skad ces ni gsungs ma zag/ 'khor rnams dad pas 'dus pa rnams// snod dang ldan par dam bcas nas// sems kyi 'dung ba 'di skad bton// 'khor ba'i g.yang sar ltung ba la// thugs rje chen pos mi 'dzin nas/
- 4a
re dogs 'dzin pa'i rgyar chud na// rnam rtog dra ba mi gcod dam// sems can las la thugs chad na// 'gro don snying rje mi mdzad dam// ma rig mun pa'i skrag rum du// dmus long bzhin du rang sems 'thib// ye shes nyi ma mi 'char ram// zhe sdang me chen 'bar ba la// las kyis rlung dmar chen pos bus// chos nyid rlan gyis mi 'jil lam// 'dod chags chu ltar 'brub nas kyang // bse rtsi lta bur zhen pa la// ye shes me yis mi bsreg gam// don stor lus kyi nang du stor// lam stor bdag la sa mkhan mdzod// de skad gdung bas bskul ba dang // kun bzang ston pa'i thugs rje yis// snod dang ldan par thugs gzigs nas// 'dus pa'i 'khor la bka' yis gnang // 'dus pa'i don du bka' bgros te// dang po rtogs thabs chos drug gi// sangs rgyas kun tu bzang po byung // de phyir rang byung snying po la// yis pa nyid 'grol ba las// gzhan gyis bka' 'di 'grol du med// rdo rje sems dpa' khyod nyon cig/ nges don tshig gi don 'grol na// kun bzang nga yi byin rlabs kyis// sku gsung thugs kyi byin rlabs las// sprul pa rnam gsum byung nas ni// nges dang ldem dgongs drang don du// 'khor gyi blo yi khyad par las// ci rigs pa ni bshad par bgro// da yang 'dus pa'i snying po nyon// ma rig mun pa sel ba ni//
- 4b
gzhan gyis sel bar nus min phyir// nges don bka' yi sgron ma 'di// ma rig mun sel nyi zla che// ma rig mun pa rtsad nas 'joms// 'khor 'das 'byung ba'i rtsa ba ni// ye shes ma rig yin pa'i phyir// thog ma'i byung tshul sus shes pa// ma rig mun pa sel ba'i mchog/ de yang rdo rje sems dpa' nyon// ma rig mun sel nyi zla che// 'char nub yod phyir nyi zla che// de bzhin theg brgyad chos kun spang // gzhi nyid ma shes 'joms mi nus// yang ti theg chen snying po 'di// nges shes don ldan lung rtogs na// ma rig mun pa sel zhes bya// rin chen 'od la 'char nub med// gzhi yi ye shes ngos zin na// chos sku'i don dang bral ba med// de phyir ma rig mun pa brlag/ ma rig rnam gsum 'joms pa'i phyir// lung ldan ston pa'i bka' 'di bgros// de phyir nges don rgyud 'di la// shes rab rnam gsum mtha' ru gtug/ de yang 'dus pa'i snying po nyon// don dang mthun pa'i gzhi shes phyir// ma rig sangs pas ye shes rgyas// de phyir rtogs dang sangs rgyas pa// lus dang ma bral dus 'dir byung // ma rig mun sel ye shes sku// chos rnams kun gyi rtsa ba ste// sangs rgyas dgongs pa da lta nyid// phyi ma ma yin dus 'dir yin// de phyir mun sel rig pa 'di// chos rnams kun gyi snying po la// rang byung ye shes sus shes pa// ma rig med pas
- 5a
chos skur shar// de yang rdo rje sems dpa' nyon// de don chos rnams gsungs pa ni// dus gsum sangs rgyas thams cad kyang // rtsa ba chos sku rtogs pa'i phyir// gzi ldan nor bu rin chen bzhin// chos rje ston pa kun bzang gis// thams cad ye shes chen por mkhyen// de yang 'dus pa'i snying po nyon// de don rang rig chos kyi sku// tshig dang rang gis brjod las 'das// rang byung ye shes thugs la gsal// drang srong mngon shes dpe bzhin du// dus gsum sangs rgyas 'khor bcas kyi// mnyam bzhag pas ni yid kyi go// nges don rtogs phyir yang sangs rgyas// rang rig chos sku'i byin rlabs bshad// de nas longs spyod rdzogs pa'i sku// rgyud dag mngon du gyur pa yis// ston pa rdo rje sems dpa' des// byin gyis brlabs pa'i don rig nas// gtsang ma ris kyi lha gnas kyang // yangs dog med pa'i gzhal yas khang // phyi nang med par 'od gsal ba'i// grangs kyi 'og min gnas de ru// longs sku thugs kyis 'dul ba'i dus// rig 'dzin 'khor la brtser dgongs te// snga phyi min pa'i rig pa 'di// da lta'i dus 'di yin par gsungs// rig 'dzin kun dga' lha dbang la// thun mong ma yin dbang bskur nas// dbu rgyan bka' rtags rgyag shing byin// gsang mtshan btags nas rgyud smin byas// gsang sngags yang ti
- 5b
nges don chos// 'khor 'das ma reg chos kyi sku// rang rig ye shes rig pa de// ldem dgongs rang rig ngo bos bshad// de nas rig 'dzin sems dag gis// phyogs bcu 'dus pa'i sangs rgyas la// zhu ba the tshom bcad pa'i phyir// lus ngag gus pa'i dad pa yis// shar phyogs mngon dga'i zhing khams na// sangs rgyas rdo rje gsang ba ni// rdo rje rab 'bar gdan la bzhugs// 'khor la btsal med chos rnams ston// de la bskor ba byas nas ni// kun nas dang pa'i dad pa yis// nges don zhu ba'i rten du yang // bdud rtsi za ma tog gang phul// de la nges pa'i don zhus pa// yang dag dgongs pa'i chos nyid kyi// sems nyid mi 'gyur rdo rje la// skye 'chi 'byung ba ji ltar lags// nges don zhus pa'i don gsan nas// sangs rgyas rdo rje gsang ba des// lha yi bdud rtsis thugs mnyes te// zhus pa'i lan du bka' stsal pa// gzhi nyid mi 'gyur rdo rje la// skye mchi yod pa ma yin te// rang gi rnam rtog gzung 'dzin gyis// tha mal lus la skye 'chi byung // de skad ces ni gsungs pa yis// rang gis sems kyi the tshom chod// zhu ba zhus nas nges pa rnyed// de phyir rtogs pa mngon du gyur// da yang 'khor gyi snying po nyon// lho phyogs 'dul bral med pa yi// rin chen brtsegs pa'i zhing khams na// rin chen snying po rin chen ldan// 'khor la rgya cher btsal
- 6a
med ston/ de la bskor ba byas nas kyang // kun nas 'dod pa'i dad pa yis// nges don zhu ba'i rten du yang // ma gi za ma tog gang phul nas ni// de la nges pa'i don zhus pa// sangs rgyas nges pa'i chos sku la// de don rtsol bas ma bsgrubs par// yon tan 'bras bu ji ltar 'char// de don zhus pa'i don gsan nas// sangs rgyas rin chen snying po de// ma gi ta yis thugs mnyes nas// zhus pa'i lan de bka' stsal pa// tak+Sha ka yis rgyan bzhin du// ye nas gnas pa'i chos nyid la// rgyu 'bras mthar phyin gzhi nas rdzogs// nyi ma'i 'od ltar 'bras bu 'byung // de skad ces ni gsungs pa dang // rang bzhin gzhi yi the tshom chod// zhu ba zhus phyir nges pa rnyed// de phyir lhag mthong mngon du gyur// de yang 'dus pa'i snying po nyon// nub phyogs sgrib pa med pa yi// pad+ma can gyi zhing khams na// sangs rgyas dri med grags pa de// pad+ma'i gdan la 'bras bu ston// de la bskor ba byas nas kyang // kun nas yid ches dad pa yis// nges don zhu ba'i rten du yang // pany+tsa li ka'i na bza' phul// de la nges pa'i don zhus pa// sems nyid pad ltar dag pa la// gzung 'dzin dri mas ji ltar gos// de skad zhus pas don gsan nas// sangs rgyas dri med grags pa de// pany+tsa li kas thugs mnyes nas// zhus pa'i lan de bka' stsal pa// pad+ma 'dam gyis
- 6b
ma gos ltar// byang chub sems kyi ngo bo la// gzung 'dzin dri ma gzhi la med// 'khrul pa'i blo la dri ma byung // de skad ces ni gsungs pa yis// rang gi blo yi the tshom chod// zhu ba zhus phyir nges pa rnyed// nges pa'i ye shes mngon du gyur// da yang 'khor gyi snying po nyon// byang phyogs rnam dag zhing khams na// sangs rgyas las rab grub pa de// in+d+ra nI la'i gdan bzhugs te// nges don btsal med 'bras bu ston// de la bskor ba byas nas ni// kun nas nyams myong dad pa yis// nges don zhu ba'i rten du yang // ta pa la yi 'bras bu phul// de la nges pa'i don zhus pa// chos sku gcig las med pa'i phyir// btsal med sems kyi rang bzhin la// 'gro don mdzad pa ci ltar lags// de skad zhus pas don gsan nas// sangs rgyas las rab grub pa de// me tog ta bas thugs dgyes te// zhus pa'i lan de bka' stsal pa// rang byung chos sku rtogs gyur na// bya ba'i las rnams mi dgos te// nor bu rin chen rnyed pa 'dra// mdzad pa 'phrin las rang las 'byung // de skad ces ni gsungs pa yis// rang gi 'khrul pa'i the tshom chod// zhu ba zhus phyir nges pa rnyed// de phyir 'bras bu mngon du gyur// de yang 'dus pa'i snying po nyon// shar lho 'tshe med zhing khams na// sangs rgyas rgyal ba'i dbang po des// dad ldan nyid kyi 'khor rnams la// btsal med 'bras bu'i
- 7a
chos rnams ston// de la bskor ba byas nas ni// kun nas rang rig dad pa yis// nges don zhu ba'i rten du yang // dpag bsam shing gi 'bras bu phul// de don yang dag don zhus pa// ye nas rang byung snying po de// chos nyid ye nas rang chas la// thos bsam dgos pa ji ltar lags// de skad zhus pa'i don gsan nas// sangs rgyas rgyal ba'i dbang po de// dpag bsam 'bras bus thugs mnyes te// zhus pa'i lan de bka' stsal pa// ye nas chos nyid rang chas la// thos bsam dgos pa ma yin te// ma rig mun pa bsal ba'i phyir// lung ldan rkyen gyis yid ches bskyed// de skad ces ni gsungs pa dang // thos bsam dgos par the tshom chod// zhu ba zhus phyir nges pa rnyed// de phyir ye shes mngon du gyur// de yang 'dus pa'i snying po nyon// lho nub rnam dag zhing khams na// sangs rgyas bsod nams snying po des/ dad ldan rang gi 'khor rnams la// btsal med 'bras bu'i chos rnams ston// de la bskor ba byas nas ni// kun nas shes rab dad pa yis// nges don zhu ba'i rten du ni// shing tog pa men ra gang phul// de la dgos pa'i don zhus pa// ye nas rgyun gyi ting 'dzin gyis// chos nyid ye nas 'od gsal la// bying rgod 'byung ba ji ltar lags// de skad zhus pas don gsan nas// sangs rgyas bsod nams snying po de// shing
- 7b
tog la ni thugs mnyes de// zhus pa'i lan de bka' stsal pa// chos nyid ye nas 'od gsal la// rnam smin lus dang ma bral phyir// log non gdams ngag med pa la// tshogs brgyad rkyen gyis bying rgod 'byung // de skad ces ni gsungs pa yis// rang gis bsgom pas the tshom chod// zhu ba zhu phyir nges pa rnyed// de phyir ting 'dzin mngon du gyur// de yang 'dus pa'i snying po nyon// nub byang 'khor med zhing khams na// sangs rgyas zhi ba'i dbang po de// dad ldan nyid kyi 'khor rnams la// btsal med 'bras bu rgya cher ston// de la bskor ba byas nas ni// yid ches pa yis dad pa yis// nges don zhu ba'i rten du yang // sbrang rtsi phru ba gang phul nas// de la nges pa'i don zhus pa// rang rig kun gzhi gzhi cha ni// ye nas rang byung rgyu med la// 'phel 'grib 'byung ba ji ltar lags// de skad zhus pas don gsan nas// sangs rgyas zhi ba'i dbang po de// sbrang rtsi phul bas thugs mnyes nas// zhus pa'i lan de bka' stsal pa// rang byung ye shes snying po la// 'phel 'grib yod pa ma yin te// ma rig mun pa ma sel phyir// kun gzhi'i rkyen gyis 'phel 'grib byung // de skad ces ni gsungs pa yis// 'phel 'grib med par the tshom chod// zhu ba zhus nas nges pa rnyed// de phyir ye shes mngon du gyur// de yang 'dus pa'i snying po nyon// byang shar las dag
- 8a
zhing khams na// sangs rgyas zhi ba'i snying po de// dad ldan rang gi 'khor rnams la// sems kyi 'bras bu'i chos rnams ston// de la bskor ba byas nas kyang // kun nas dad pa'i gdengs kyis ni// nges don zhu ba'i rten du yang // rin chen ke ta'i 'bras bu phul// de la nges pa'i don zhus pa// rang gi sems nyid gnyug ma la// gzhi la thog mtha' med pa la// 'khor 'das thog mtha' 'ong ba ci// de skad zhus pa'i don gsan nas// sangs rgyas nyi ma'i 'od zer de// rin chen ke tas thugs mnyes te// zhus pa'i lan ni bka' bstsal pa// gzhi nyid dus gsum 'gyur med la// blo yis bcos su mi 'dod phyir// ye shes ma rig khyad par las// 'khor 'das gnyis la thog mtha' byung // de skad ces ni gsungs pa yis// thog mtha' yod med the tshom chod// zhu ba zhus phyir nges pa rnyed// de phyir 'bras bu mngon du gyur// da yang 'dus pa'i snying po nyon// mtha' dbus med pa'i zhing khams na// sangs rgyas nam mkha'i snying po de// dad nyan rnams kyi 'khor rnams la// btsal med 'bras bu'i chos rnams ston// de la bskor ba byas nas ni// kun nas mthar thug dad pa yis// nges don zhu ba'i rten du yang // ut+pal yi me tog phul// de la nges pa'i don zhus pa// rang bzhin dag pa'i ngo bo la// gzhi la snang ba med pa la// glo bur 'khrul
- 8b
snang ji ltar byung // de skad ces ni zhus ma zag/ sangs rgyas nam mkha'i snying po de// ut+pa la yis thugs dgyes te// zhus pa'i lan de bka' stsal pa// gzhi la snang med nam mkha' 'dra// ma rig rkyen byas gzung 'dzin gyis// rang gi gzhan snang 'khrul pa'i phyir// bag chags snang ba sprin ltar byung // de skad ces ni gsungs pa yis// snang ba yod med the tshom chod// zhu ba zhus phyir nges pa rnyed// de phyir 'bras bu mngon du gyur// de yang 'dus pa'i snying po nyon// yon tan rgyas pa'i zhing khams na// sangs rgyas 'bum gzigs bya ba de// nyid kyis dad nyan 'khor rnams la// btsal med 'bras bu'i chos rnams ston// de la bskor ba byas nas ni// kun nas yid ches dad pa yis// nges don zhu ba'i rten du yang // pad+ma gser gyi mdog can phul// de la nges pa'i don zhus pa// 'bral med rgyun gyi ting 'dzin gyis// rig pa phyi nang med pa la// mnyam bzhag rjes thob 'ong ba ci// de skad zhus pa'i don gsan nas// sangs rgyas 'bum gzigs bzhugs pa de// gser gyi pad+mos thugs dgyes nas// zhus pa'i lan de bka' stsal pa// ye shes rig pa 'di nyid la// mnyam bzhag rjes thob gdod nas med// nges don 'di med sgom chen la// sgo lnga'i yul la rjes thob byung // de skad ces ni gsungs pa yis// mnyam bzhag rjes thob the tshom chod//
- 9a
zhu ba zhus phyir nges pa rnyed// de phyir ye shes mngon du gyur// de nas rig 'dzin sems dag de// sngon gyi gnas ni rjes dran nas// sum cu rtsa gsum shar phyogs kyi// rin chen mngon dga' phug tu phyin// nang du 'bral med mnyam bzhag pas// sems can kun gyi don ched du// lha dbang brgya byin drung byon nas// lha yi bu la 'di skad bskul// khyod ni shAka thub sprul pa ste// 'jig rten gsum na 'gran zla med// sangs rgyas chos kun thugs la rdzogs// 'dod khams 'dzam gling snod ldan la// bstan pa tsam gyis rtogs pa'i chos// sdeb sbyor legs pa'i tshig tu gsungs// de skad ces ni bskul ba dang // lha dbang la ni lan gsol pa// nges don gsang ba'i rgyud chen 'di// rang gi sems la gsal ba las// tshig gi thog tu mi phebs pas// bdag gis bgro ba shin tu dka'// de skad ces ni smras pa dang // de yis dgongs pa'i don go nas// lha dbang gis ni don zhus pa// phyi rabs dad ldan don ched du// yang dag nges don dgongs pa de// ma rtogs pa la tshig sgo nas// mtshon nas rtogs par bya ba'i phyir// ci rigs pa ni khyod kyis bgros// de skad ces ni zhus pa dang // rig 'dzin kun gyi don ched du// rig 'dzin kun dgas thugs gsan nas// sku drin che bar lan btab pa// lha dbang bka' gnyen drin che bas// mi yul
- 9b
'dzam gling dad ldan gyi// ma rig mun pa bdag gis bsal// bde gshegs rnams kyis byin gyis brlabs// de skad ces ni gsungs pa dang // rig 'dzin chen po lha dbang de// shin tu thugs ni dgyes gyur te// lha dbang gis ni zhal bzhes pa// nges pa'i don ldan slob ma la// nges don gsang ba'i rgyud chen 'di// ma bcos ma bslad 'chad nus na// bde gshegs 'khor gyis byin gyis brlabs// de skad zhal bzhes dam bcas nas// de yang 'dus pa'i snying po nyon// de nas lha yi bu yis bsams pa la// mi la mngon shes rdzu 'phrul med// de phyir nges pa'i snod ldan la// 'dzam gling mi la bshad dgongs nas// sprul pa skye ba'i rten btsal ba// rigs bzang rigs ngan bud med de// gnod sbyin kun gsos byang chub ma// de yi bur skyes thugs dgongs nas// bya ni ngang pa gser lus can// dngul gyi gshog pa lcags sngar can// g.yu yi smin ma rdo rje'i mchu// rin chen mig can gcig tu sprul// nam langs nyi ma shar mtshams su// nyi zer la ni bya byung nas// byang chub snying gar mchu gtugs nas// snying gar thim nas zhag gsum nas// khye'u chung rgyag shing rdo rje can// tsar gyis skyes nas 'di skad smras// chos kun byang chub ye shes yin// 'khor ba ma rig ye nas min// rgyu rkyen ma bskyed ngo bo nyid// rang gi rig pa chos sku yin// de ltar
- 10a
sgrogs pa zhig byung bas// 'jig rten 'di na ya mtshan can// mtshan yang dga' rab rdo rjer btags// yon tan rig pa lnga ldan la// mngon shes drug gis dus gcig mkhyen// mi rnams kun gyis bkur bar mthong // yon tan lags kyis spyan drangs nas// bde ldan gnas su bzhugs su gsol// de tshe sprul pa dga' rab de// nang du ting 'dzin dgongs pa la// 'bral med rgyun du thugs zhugs pas// gnod sbyin bdud kyis mtho btsams te// bar chod bya phyir phung phyed bzhis// bsdigs dang brid pa'i las rnams byas// lha yi bdud du shes pa yis// mya zhing smyo la dran pa rlag/ snying rje'i don du ting 'dzin glod// brid bsdigs gnyis kyis ma bslus nas// bdud ni yid mug zil gnon nas// gdung ba bton cing skyabs zhus pa// snying rje chen pos bdag la gzigs// ma rig las kyi srin por skyes// sems can lus srog zas su zos// las ngan 'gyod pa'i yid kyis bshags// nyid kyi bstan pa bdag gis bsrung // dam nyams lus srog zas su len// bdag gi srog gi snying po 'di// 'bul gyis thugs rjes ma chung zhig/ de skad ces ni skyabs gsol nas// rig 'dzin chen po dga' rab la// rang srog snying po phul nas ni// bstan pa bsrung bar zhal bzhes nas// dam la btags te bran du byas// gsang ba'i
- 10b
man ngag rnam bzhi mdzad// de nas shAka thub sprul pa des// bkra shis bde ldan gnas dag tu// de lta dus kyi deng sang na// gsang bdag sprul pa dang nyan la// sdeb sbyor legs pa'i tshig tu gsung // da yang rdo rje sems dpa' nyon// shes rab blo yi khyad par las// sku gsum chos rnams gcig gsungs pa'i// bshad lugs rnam pa de dag kun// 'dul bya'i 'khor la tha dad kyang // dus gsum gcig phyir khyad med pas// don la dbyer med ngo bo gcig/ rdzogs pa chen po nges don thams cad 'dus pa'i snying po/ ye shes nam mkha' dang mnyam pa'i rgyud las/ nges don 'byung ba'i rgyu gleng gzhi bstan pa'i le'u ste dang po'o// // de nas rdo rje sems dpa' yis// 'dus pa'i tshogs la phan gdags phyir// gus pa'i sems kyis rab sbyar te// bden pa'i tshig ni 'di skad gsol// chos nyid gnas lugs nges pa 'di// snod kyi rim pa gang la bstan// chos rnams gtan la ci ltar dbab// mnyam pa'i rgyal pos bshad du gsol// de skad zhus pas don gsan nas// kun rig ston pas 'khor rnams la// chos nyid gnas lugs bka' stsal pa// 'khor ba mya ngan 'das pa'i chos// gzhi la gang yang med pa'i phyir// rang rig rtogs pa'i chos sku la// 'khor 'das bzhi la med shes phyir// chos nyid nges pa'i gnas lugs yin// de yang
- 11a
'dus pa'i snying po nyon// don bstan snod bcud rim pa ni// yang dag sangs rgyas nges pa'i don// gsang sngags kun gyi rtsa ba yin// dbang rnams rim par rdzogs byas nas// chos kyi gzhung dang mi 'gal ba// zos bsam bsgom la rag ma lus// nges don bka' rgyud gsang ba yi// dam pa mdzod kyi gnyer ldan zhing // srid par zhus kyang zad med pa'i// bla ma rdo rje slob dpon de// tshul 'chos med par gdeng dang ldan// dper na gangs kyi seng ge bzhin// gcig pur gnas kyang don ldan pa// sangs rgyas dgongs pa thugs la 'chang // da yang rdo rje sems dpa' nyon// skal ldan slob ma'i mtshan nyid ni// bla ma la gus dad pa ldan// ser sna chung la brtson 'grus che// brtse dang dam tshig mi 'gal bsrung // don gsal thub pa'i shes rab zab// tshul shes dang bzang rnams kyi don// yon tan zag med rnams kyi gter// thams cad 'byung ba'i gzhi ru bstan// de yang 'dus pa'i snying po nyon// dang po dad pa sngon song ba'i// lus srog mi blta gtong phod can// 'khor 'das gcig tu bstan pa la// skrag cing 'jigs pa med pa yi// the tshom med par dus tshod zin// rtogs par bya ba'i thabs su bstan// dpa' gtum seng ge'i brtson 'grus kyis// sngags dang mtshan nyid ma 'dres pa'i// khyad par 'phags pa'i gdams ngag gi//
- 11b
nges pa don gyi gdams ngag zhu// glang chen mi ldog dgra 'joms ltar// bla ma rdo rje slob dpon gyis// spyod pa mi brtags chos la brtags// mtshams med lnga yang chos skur shes// sa ku rtsi yi rkang lag bzhin// nges don rang rig chos sku la// rgyun du mi 'bral gdams ngag ni// mi brjed gzungs kyis zin par bya// de yang rdo rje sems dpa' nyon// nges don gsang thub zhe la 'chang // spyod pa 'jam pa'i tshul dang ldan// khram med sgro ring dang bzang la// nges don bstan pa'i snod du rung // de yang 'dus pa'i snying po nyon// de dang mi ldan 'di bstan na// sangs rgyas rnams kyi bka' bcag ste// mtshams med sdig pa'i char mi phod// dmyal ba'i 'og gzhi byed par gsungs// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ snod bcud bstan pa'i le'u gnyis pa'o// / de nas 'dus pa'i tshogs rnams la// kun rig chos kyi rgyal po yis/ chos rnams gtan la dbab pa'i phyir// don gyi dbye ba 'di gsungs pa// yang dag nges don rtogs pa'i thabs// kun gzhi rnam gsum las 'khrul phyir// theg gzhan lnga yi khyad par dbye// sems kyi skyon drug ngos bzung la// sun gdon bdun gyis shan dbye ba'o// de yang 'dus pa'i snying po nyon// khyad 'phags dbang lngas rang rgyud smin// yon tan
- 12a
bzhi yi don shes phyir// dam tshig lnga yi gzhi bzung la// skabs dbye lnga yi go phye nas// dpe don khyad par rnam pa bzhis// 'dus pa lnga yis don brtson phyir// bar do lnga yis gtan la dbab// da yang 'dus pa'i snying po nyon// rtsa ba bzhi yis mdor bsdus te// bsgom yod bzhi yis nyams su blangs// ched spyod gsum ni don du spyod// chos 'phrul bzhi byung zil gyis mnan// snying po lnga yis ngos bzung la// gol sa lnga yis skyon bstan te// nyams pa drug ni ltung ba'i phyir// ye shes bzhi yis shan phye nas// bka' rtags bzhi yis nges mtshon nas// gdams ngag drug gis zag bcad de// nges don gsum gyi don go nas// the tshom gsang bzhi nges bsal nas// rang shar drug gis bsgoms mi dgos// thig le brgyad kyis khyad par bstan// sa lam rim pa dus gcig rdzogs// de yang 'dus pa'i snying po nyon// nges don bdun gyis nyams su blangs// nyams myong bzhi yis gting du go// rig dpyod bzhi yis la bzla la// klong chen drug gis nges pa rnyed// rkyen thob drug gis 'bral med shes// de yang rdo rje sems dpa' nyon// sku gsum thams cad mkhyen pa'i tshad// yon tan lnga yis 'bras bu 'byung // nges pa bzhi yis khyad par 'phags// zil gnon rtags bzhi 'bras bur ldan// che ba lnga yis dngos 'dzin dag/ rang
- 12b
gnas drug gis gzhan don bya// de yang rdo rje sems dpa' nyon// gnyis med gsum gyis la bzla la// gtan tshigs bzhi yis yid ches bya// 'bras bu rgyu yis mtha' ru gtug/ rtogs pa bzhi yi gdeng ldan bya// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ chos rnams gtan la dbab pa sdom du bsdus te bstan pa'i le'u ste gsum pa'o// // de nas rdo rje sems dpa' yis// kun rig chos kyi rgyal po la// nges pa'i dgos don 'di skad gsol// sems kyi kun gzhi ji ltar byung // bag chags kun gzhi ji ltar bgos// lus kyi kun gzhi ji ltar smin// mnyam pa'i rgyal pos bshad du gsol// 'di skad zhus pas don gsan nas// kun rig ston pa chos rje yis// kun gzhi rnam gsum dbye ba'i don// sems kyi kun gzhi bka' stsal pa// thog ma tha ma da lta dang // ngo bopo nges tshig che chung shes// mtshan nyid mnyen po las dang rtsal// yul dpe rtags kyi sgo nas bstan// de yang rdo rje sems dpa' nyon// sems kyi kun gzhi thog mar kyang // gang la mi rtog sa ma zin// ma shes lhan cig ma rig pa// rtog zhugs sems kyi kun gzhi byung // da lta gang na gnas pa'i rten// 'gro drug sems can ma lus kyang // nyan thos rang rgyal sems dpa' la// thun mong dang ni ma yin tshul// da yang
- 13a
'dus pa'i snying po nyon// tha mar gar 'gro nges pa ni// gnyen po lung ldan rang shar nas// rim gyis gcig char nges par nges// don ma phrad na nges pa med// ngo bo gzhi nyid ma shes phyir// bag chags gnyid log kun gzhi ste// ma rig rtog pa'i ngo bor gnas// de yang 'khor gyi snying po nyon// nges tshig yul gyi snang ba la// sna tshogs yul la sems pa'i phyir// min pa'i chos la bden par 'dzin// thag pa sbrul du 'khrul dang 'dra// sems can shas ni che chung yod// nyon mongs sems dpa' mnyen pos ni// bag nyal phra dang shin tu phra// mngon rgyu med pas nyon mongs chung // rgyu med mtshan med 'jig pa'i phyir// tha ma dngos po med par dengs// da lta kun gzhi yod kyi bar// rgyun gyis dus gsum 'gags te med// de yang 'dus pa'i snying po nyon// thun mong snying po dbyings sogs kyi// nyon mongs bag chags bzhin te// shes rab ma rig log lta 'joms// thun mong ma yin cig char dengs// las kyi rgyud mthun gang rung ste// rnam smin rim gyis ma yin te// bar ma chod par 'bras bu smin// lung du ma bstan nges pa med// da yang rdo rje snying po nyon// bag chags rtsal ni rigs drug ste// bde sdug bye brag so sor snang // cha phra rtsal ni nyan sems la// me long lta bur rang snang nas// mtshon pa dpe yis ris dang ldan//
- 13b
nam mkha' chu dang me long sogs// gzhi la rgyu rkyen ma rig pa// med par byung ba ya mtshan che// de yang 'dus pa'i snying po nyon// de dag dbye ba blo dman la// yid ches bya phyir bstan pa yin// ma rig pa la sems su btags// 'khor ba bskyed phyir kun gzhi yin// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ gzhi gnas sems kyi kun gzhi bstan pa'i le'u bzhi pa'o// de nas 'dus pa'i 'khor rnams la// kun rig ston pa chos rje yis// bag chags kun gzhi bka' stsal pa// dang po da lta tha ma dang // ngo bo mtshan nyid nges tshig dang // dpe brtags gnyen po dbye ba rtsal// rnam grangs de dag bsdus te gsungs// de yang rdo rje sems dpa' nyon// thog mar mtha' drug rtog las byung // gang la mi rtog don ma zin// yengs pa'i tshul las rtog pa byung // rang snang sgrib pa bag chags brtas// bag chags snga phyi'i rgyu la brten// 'gag pa ma rig sdug bsngal 'byung // chos sku mi 'gyur 'khor bar brten// de phyir lus sems bag chags yod// de yang 'dus pa'i snying po nyon// gang 'gro/ dus la nges med rkyen// ye shes 'phrad na bag chags brlag/ de med dag pas thabs med do// nyi med mun par mi 'gro 'dra// ngo bo brdzun la bden 'dzin pa// rtog pa zhen rgyud brtas pa na// da lta bag chags
- 14a
rgyun mi chad// de phyir 'khor bar yang yang bskyed// mtshan nyid gcig gis bskyed gyur pas// 'bras bu rigs dang so sor smin// rgyu rkyen tshogs dang mnyen pos 'joms// che chung ji 'dra brten par snang // de yang 'dus pa'i snying po nyon// bag chags kun gzhi rtog pa ste// nges tshig rtog rgyu cha phra de// bag tsam brten rtog brtas pa las// bag chags kun gzhi yul du byas// 'bras bu las kyis smin par byed// thog mar bcas dang thog ma med// gar smin zil gnon bag chags chung // lung du ma bstan smin mi nus// nam mkha' sprin dang sa gzhi bzhin// g.ya' rdul lbu ba bag chags dpe// 'dra yang don min mtshon par zad// glo bur yul byung gzhi la med// da yang rdo rje sems dpa' nyon// bag chags kun 'dus phung po la// rgyu mthun rnam par smin pa ste// phung lnga dus gsum mi bral 'byung // 'khrul brtas brtag tu brtan pa yin// gnyis po thun mong thun min gnyis// thun mong dad pa brtson 'grus dang // mos dran ting 'dzin sogs rnams so// thun mong ma yin ye shes dag/ bag nyal sngon du rgyu gcig gis// bskyed dang bsgrub dang gzhan du 'gyur// gzhan ltos ngo bo grub par 'dod// dbye ba ma nor brtags pa yin// da yang 'dus pa'i snying po nyon// rtsal dang shas ni che chung ste// sdug bsngal skye rgas na
- 14b
'chi ste// byams bral dgra 'phrad med tshol rnyed// 'khor ba'i bag chags rtsal du byung // grangs la mang du yod mod kyang // bag nyon rtog pa skyon dang g.yog/ sgrib ltung gol sa 'khrul pa ste// yul yod bar du grangs zug med// da yang rdo rje sems dpa' nyon// de dag 'khrul pa yul las byung // yul sems par dor gol sa chod// bag chags gzhi la gos pa med// rdzogs pa chen po nges don thams cad la 'dus pa ye shes nam mkha' dang mnyam pa'i rgyud las/ phral byung gi bag chags kyi kun gzhi bstan pa'i le'u ste lnga pa'o// // de nas kun rig ston pa des// skal ldan dad ldan 'khor rnams la// lus kyi kun gzhi bka' stsal pa// dbye ba ngo bo mtshan nyid dang // las dang dpe ldan rtogs par gsungs// de yang 'dus pa'i snying po nyon// rang bzhin bag chags yid kyi lus// thog ma tha ma da lta'i khyad// nges par gtan la dbab pa'i phyir// tha dad lus kyi gzhi las byung // ngo bo rtsal shugs tha dad pa'i// snang dang thig le'i rtsal med kyang // gong gi lus nyid de la brten// lus dang bag chags dbang gis snang // de yis mtshan nyid chos sku dang // bag lus rang bzhin lus la brten// gcig dang tha dad gnyis ka min// 'khor 'das brten yang de ltar gnas// de yang 'dus pa'i snying po nyon// nyan thos sems dpa'
- 15a
sangs rgyas la'ang // rdzu 'phrul mtshan nyid dpe byad kun gyi gzhi// sems can sgo gsum de la brten// lus kyi kun gzhi rten pa'i las// de yis mtshon pa'i dpe gsungs pa// lus kyi kun gzhi khyim dang 'dra// nyi ma 'jug pa'i bde brdal 'dra// gza' skar 'char ba'i nam mkha' 'dra// de yang 'dus pa'i snying po nyon// de dag kun gzhi rnam gsum yang // kun brtags bag chags kun gzhi byung // zung du 'dzom pas kun gzhi grub// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ nyon mongs lus kyi kun gzhi bstan pa'i le'u ste drug pa'o// // sdom du bsdus te bstan pa gnyis pa'o// de nas rdo rje sems dpa' yis// 'dus pa'i 'khor gyi don ched du// kun rig chos kyi rgyal po la// bden pa'i yid kyis 'di skad gsol// rtsa ba gcig pa'i chos nyid la// 'khor ba'i gzhi ni gang gis byas// 'gro drug sdug bsngal ci las byung // mu stegs rtag chad ji ltar 'khrul// theg pa'i rim pa gang las byung // mnyam pa'i rgyal pos bshad du gsol// de skad zhus pas don gsan nas// 'dus pa'i 'khor la bka' stsal pa// 'khor gzhi shes pa lung ma bstan// rang bzhin lus kyi rtsal snang ba// gang la mi rtog don ma zin// shes pa rang snang don ma bcos// ma rig rgyu yis nges
- 15b
med phyir/ shes bzhin lung ma bstan zhes bya// de yang 'dus pa'i snying po nyon// rang bzhin ngo bo'i lus de ni// yengs dang ma yengs cha med pas// had de bun ne tsam du gnas// rang byung rnam shes rkyen dbang 'gyur// de phyir lung ma bstan zhes bya// gzhi ni dran dang ma dran gyi// blo ni 'jug cing don mi shes// ma rig gzhi ni lung ma bstan// de phyir 'khor ba'i gzhi zhes bya// yid byung rim 'grib log pa'i rgyus// gyagyi gyu tsam du dran yod kyang // don du ma shes de kho na// ma rig bskor ba'i gzhi med phyir// dang po 'khor ba de las byung // rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ 'khor ba'i gzhi bstan pa'i le'u ste bdun pa'o// // de nas 'dus pa'i tshogs rnams la// kun rig rgyal pos bka' stsal pa// 'gro drug sdug bsngal byung ba ni// dang po 'khor 'das par do la/ med la yod dran yid tsam byung // lung ma bstan phyir rim gyis 'grib// shes pa mun po thib kyis 'thib// dpyad kyang ngo mi shes pa dang // gang yang mi shes gti mug la// bag nyal zhen pa phra mo byung // de ma thag tu 'dzin pa yis// ma rig lhan cig rnam gsum la// kun brtags gsum gyis rkyen byas pas// thag pa sbrul du 'dzin pa bzhin// dpa' bo yul yan gzung 'dzin gyis// 'jig rten lha mi
- 16a
shes pa rtsings// thar lam mi thob skye 'chir brtags// da yang 'dus pa'i snying po nyon// ma rig gzhon pa nges pa ni// le lo snyoms las dman la sbyar// chags sdang lnga la longs spyod pas// de yis rnam smin 'bras bu 'byung // dmyal bas rang bzhin me sogs mthong // yi dwags mi gtsang mthong yul snang // byol song ngam grog gyen mthur mthong // mi yis mthong yul bzhi ru snang // lha ma yin gyi go mtshon mthong // lha yis rin chen sna bdun mthong // de dag 'gro drug sdug bsngal yin// da yang rdo rje sems dpa' nyon// ma rig pa las byung ba yi// 'gro drug sdug bsngal de dag kyang // 'khrul ngor bden kyang don la med// de phyir ma rig skyon du che// rdzogs pa chen po nges don thams cad 'dus pa ye shes nam mkha' dang mnyam pa'i rgyud las// 'gro drug sdug bsngal byung tshul bstan pa'i le'u ste brgyad pa'o// // de nas 'dus pa'i 'khor rnams la// mu stegs 'khrul lugs bka' stsal pa// 'khrul sman chen po dang 'dra ste// gzhi dang 'khrul pa'i nyes pa de// sun bton la zlos grangs bstan pa'i// 'khrul gzhi med pa'i 'khrul pa de// ri bong rwa bzhin yod mi srid// 'khrul gzhi las ni 'khrul pa byung // de yang 'khor gyi snying po nyon// ngo bo mi 'gyur gzhi
- 16b
par rigs par min// gangs kyi zhun chu khol ma dag/ mkhas pas btung bar bya ba min// pad+ma ze 'bru kha mi dbye// zla tsher ma yin kha mi dbye// ma rtags bug rdol can gyi snod// kha mi dbye zhing bcud mi blug/ don dang mi ldan bcos mi dgos// bsrel zhing spyad par bya ba min// shel gyi mchod rten 'od 'bar ba// mgul nas gdags par bya ba min// khyung chen nam dpangs spyod pa yang // gshog pa g.yas g.yon gcod mi bya// bai DUr+ya yi rdo rje dag/ ra bcag sdig pa bsam mi khyab// rin chen 'bar ba za ma tog/ dug sbyor ba yi sems tsam bya mi rung // rin po che yi lcug phran rnams// cung zad snang bar spong mi bya// rdo rje 'phreng ba rgyun zag ni// 'dres shing spyan par bya ba min// spu gris gtams pa'i tshig pa dag/ sus kyang dral bar bya ba min// dgos pa 'byung ba rin po che// bsreg pa'i dras gros bya mi rung // dung dang bcas pa'i me tog dag/ nam yang dbul bar bya ba min// gser gyi lcags kyus ma bzung ba'i// nya sha nam yang bza' mi bya// nags khros stong pa'i phyogs dag tu// rnal 'byor mig ltar mi rung ngo // ma yis sbyar ba'i rtsi sman dag/ the tshom med par rgyun mi gcad// 'phrul gyi me long snang ba'i g.ya'// rtag tu phyi zhing blta bar bya// dug sbrang 'thung dang tshong bsam gyis// 'gro nyal mi bya mar me gtang // sdom la
- 17a
'khrul pa yis// rgyu 'bras log pa'i brtul zhugs kyis// thar lam mi thob 'khor bar ltung // mar 'dod bye ma btsir ba bzhin// de yang 'dus pa'i snying po nyon// ye med chad par 'dod pa ni// kha dog dbyibs med chad gzhi byas// snga phyi rgyu 'bras med par 'khrul// skur btab dmyal ba chen por ltung // chad du ma ster rig par yod// de phyir gzhi la gol med pas// rang byung ye shes klong na gnas// da yang 'khor gyi snying po nyon// phung pos bsdus pa'i chos rnams kun// dang po ye med stong pa las// glo bur zil tsam phra rags skyed// de las yid sems cha phra byung // rgyu rkyen dag las byung ba ste// byung yang 'byung ba bzhi las byung // las kyi rgyu 'bras med par ni// 'byung ba lnga zhig rang thim nas// me shi thal ba rlung khyer 'dra// da yang 'khor gyi snying po nyon// gnyis ka'i gzhi 'dod mu stegs ni// rig byed smra ba'i lta ba ste// rang sems shes pa lung ma bstan// gzhi ni nges pa med pa las// snang ba gang yang mi 'gog 'dod// gdon gyis zin pa'i smyon pa 'dra// de yi 'bras bu nges par ni// sems kyi rtsa ba ma shes pas// 'byung chen gtos kyi mun pa bzhin// thugs rje'i nyi zer zhags thag chad// dmyal ba'i 'bras bur the tshom med// rdzogs pa chen po nges don thams cad 'dus pa ye shes nam mkha' dang mnyam pa'i rgyud las//
- 17b
mu stegs kyis 'khrul tshul bstan pa'i le'u ste dgu pa'o// // de nas 'dus pa'i tshogs rnams la// theg pa'i rim pa bka' stsal pa// gzhi ni ngo bo nyid sku de// mthun dpe me long lta bu la// gzugs brnyan theg pa rim dgu byung // de yang rdo rje sems dpa' nyon// de don rnam par phye ba ni// dang po nyan thos lta ba yang // mdo sde pa dang bye brag pa// gang zag bdag med chos bdag yod// yul la dngos por 'dzin phyir gol// de yang 'khor gyi sems dpa' nyon// snang ba phra rags yul gyi gzhi// chos la bdag tu 'dzin pa yod// zhi ba phyogs gcig thar mi thob// lhag mthong med phyir skye bo rang // don rtogs yul 'di chos kyi dbyings// de yang 'khor gyi snying po nyon// bden pa bzhi yis sgor zhugs nas// dbugs la sems zhugs 'gog par bsgom// sngon gyis bstan pa la zhugs nas// da lta'i stan la mnyam par bzhag/ da lta'i bstan pa la bzhugs nas// mkhan slob bsdom pa'i khyad par gyis// re dogs spyod pa ched byed pa'i// dka' thub lus gdung bzod pa yi// sems kyis lus ngag btson du bzung // ma 'ongs smon lam rjes 'debs kyang // rdul dang shes pa gnyis 'dod pas// glang chen 'dam du bying ba ster// lus ngag las kyi rtsol ba yis// 'bras bu mi thob snying rje'i gnas// da yang 'dus pa'i snying po nyon// tha
- 18a
ma dag la mi bsten par// rang sems don la blo sbyangs phyir// rten 'brel phyi nang rtsad bcad nas// yul rnams phyogs cha bcad gzhig nas// bse ru khyu lding dpe bzhin du// sgo lnga mi 'geg chu ba 'geg/ rjes 'brang med pa tsam du bsgom// nan bsgom yin phyir don dang 'gal// stong pa nyid la rten 'cha' bas// spang sdud zhen pa yod phyir gol// btsan par mi 'gyur nyams pa yis// nor bus rgyal srid bsgom pa 'dra// de yang rdo rje sems dpa' nyon// chos rnams sems su bsdus nas ni// sems tsam kun gzhi rtog pa yi// gong 'og shes dag skad gcig 'dod// rig pa rang rgyal grangs can gol// rtag/ dang khyad med sgro 'dogs nor// chos sku rang rig 'gyur ba med// dbu ma pa yis 'dod gzhung de// ngo bo dngos med gzhig byas te// yul sems bzhi pa stong par 'khrul// ci yang med pa'i skye mched ltung // tshad dang khyad med stong par 'khrul// stong zhing rang byung chos sku yin// de yang 'dus pa'i snying po nyon// sems tsam dbu ma'i mtshan nyid de// kun rdzob dang ni don dam du// so sor rtogs pa'i shes rab kyis// bden pa gnyis gnyis don dag tu// kun rdzob sgyu ma tsam du shes// don dam spros dang bral ba la// mi dmigs zhi gnas lhag mthong du// rtse gcig sems kyis ting 'dzin bsgom// spyod pa snying rjes gzhi bzung
- 18b
nas// pha rol phyin bcu lam lnga la// sems bskyed gzhan don ched du byed// bdag gzhan sgyu ma tsam du 'dzin// 'bras bu nges par 'dod pa ni// kun rdzob sgrib sbyangs don dam gyis// bden pa mthong ba ched du byed// gcig por nas ni gcig 'tshol ba// chu bzhag zla ba ngos 'dzin 'dra// de yang 'dus pa'i snying po nyon// thams cad rtsa ba gcig pa'i phyir// rang rig sems kyi snying po'i don// zab la rgya che mi shes par// bsam med dag tu gang 'jog pa'i// byis pa de ni blun pa ste// mun pa'i skye mched nyid du ltung // rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ rgyu mtshan nyid kyi lta ba bstan pa'i le'u ste bcu pa'o// // de nas 'dus pa'i 'khor rnams la// kun rig ston pas bka' stsal pa// phyi pa kri yog rnam gsum ni// nam mkha' smig rgyu'i dpe bzhin du// dag pa chos nyid kri ya'i gzhi// bzang ngan gtsang sbras dngos grub re// grub pa mi thob byol song rgyu// gtsang sbras mi grol rtog pa nyid// spyod pa ma yengs gzhi dag sku// de yang rdo rje sems dpa' nyon// yul med rig pa rang gsal gyis// chos nyid stong pa'i ngang las ni// dag pa bzhi yi sgor zhugs nas// ma nyams ma sme gtsang sbra bcas// yo byad phyi la gtsor mdzad cing // bdag dang ye shes rje 'bangs tshul// kun rdzob lha yi
- 19a
dkyil 'khor du// rgud dag pa yi ting 'dzin gyi// sku yi gzugs brnyan phyag rgya yang // bzlas brjod gtsang sbra dus tshod kyi// rgyu rkyen tshogs pa'i nus mthu yis// 'bras bu gzhan la re ba'i phyir// rigs gsum dkyil 'khor lhar gsal kyang // dngos grub gzhan la re ba'i phyir// khyi rgan 'dab chags bsnyegs pa 'dra// de yang 'dus pa'i snying po nyon// rang sems dbye ba med pa la// u pa ya yi theg pa ni// gong 'og lta spyod gnyis 'dzin pas// ne tsho mi ltar 'dod pa 'dra// da yang 'dus pa'i snying po nyon// yo ga rnal 'byor sems dpa' des// dbyer med sangs rgyas gzhi byas te// byang chub rnam lngar mnyam par 'dod// bsgoms kyang mi grol 'dod khams lta// sems tsam pa dang khyad med gol// la bzla rig pa chos skur shes// de yang 'dus pa'i snying po nyon// lta ba chos nyid rnam dag la// rnam par snang mdzad chen po ru// don rtogs ngang la dbyer med phyir// phyag rgya bzhi yi sgor zhugs nas// yo byad gtso ru mi 'dzin pa// don dam skye 'gag med pa yis// lha yis dkyil 'khor 'phags pa'i sku// chos dbyings dag gi byin rlabs las// spun dang grogs po'i tshul du ni// lha dang bdag tu mnyam pa yis// dam tshig ye shes lhar gsal kyang // rgyal srid med pa'i blon po 'dra// de yang 'dus pa'i snying po nyon// bla ma'i
- 19b
don med nan brtags kyis// dmigs pa can la sems brtags kyang // rnam par grol bar mi nus te// nam mkha' dag la 'dzin pa 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ phyi ba rgyud kyi lta ba bstan pa'i le'u ste bcu gcig pa'o// // de nas 'dus pa'i tshogs rnams la// kun rig ston pas bka' stsal pa// rnal 'byor ma hA yo ga yis// nam mkha'i sprin dang khu rlangs bzhin// bden pa dbyed med 'dod pa'i gzhi// rtog tshogs lhar bsgyur bsgom pas 'khrul// de phyir bgegs dang ru drar ltung // dbu ma dang 'dra 'bras bu gol// lam la mi brten rtog pas chod// de yang 'dus pa'i snying po nyon// 'khor 'das ye nas sangs rgyas la// sems kyi rnam rtog ci skyes kyang // mtshan ma dngos po ma grub cing // dper na nam mkha'i bser bu bzhin// de yang 'dus pa'i snying po nyon// yod med dbus la mi gnas pas// sku gsum ye shes lhun grub kyi// yul sems dbye ba med par 'dod// de phyir bden pa gnyis med gzhi// de yang 'dus pa'i snying po nyon// de don lam gyi rim pa ni// thabs dang shes rab sgor zhugs nas// ting 'dzin gsum gyis lhar bsgom pa// grib ma gzugs su bsgyur pa 'dra// de yang 'dus pa'i snying po nyon// yang dag nges pa'i 'bras bu
- 20a
ni// bsnyen bsgrub tshad du byas pa yis// sku gsum ye shes lhun grub 'dod// de phyir ye shes bsres pas nor// rtsol bsgrub yod phyir don dang 'gal// da yang rdo rje sems dpa' nyon// a nu yo ga'i 'dod pa de// kun gzhi mkha' klong gzhi byas te// snang ba kun bzang rol bar 'khrul// yod min med min skye mched dang // mkha' klong dbu ma chad dang 'dra// la bzla chos kyi dbyings nyid yin// de yang 'dus pa'i snying po nyon// phyi nang chos rnams ma lus kun// yid dang kun gzhi gnyis 'dus pas// yang dag bde chen thugs kyi sras// phyi nang chos kun mnyam pa nyid// dran pa tsam gyis lhar gsal gyis// nga 'jog ched bya rtsol ba yod// de phyir kun tu bzang po yi// kun gzhi mkha' klong rnam dag tu// rnam rtog mtshan ma gang spyod kyang // nam mkha' gza' skar btsal med bzhin// kun bzang bde chen thabs kyi gtso// kun tu bzang mo gnyis med mkhar// 'du 'bral med pa chos kyi sku// bde chen gnyis med rig pa'i rtsal// nges pa'i gsang sgo ma shes pas// kun bzang spyod pa'i don mi rtogs// nyi ma sprin gyis sgrib pa 'dra// de yang 'dus pa'i snying po nyon// sems nyid rtsol ba med pa la// bsam pa'i dbang gis bskur byas pas// 'khor ba rgya mtshor g.yeng gyur te// mi shes pa la de ltar snang // rdzogs pa chen po nges don
- 20b
thams cad 'dus pa ye shes nam mkha' dang mnyam pa'i rgyud las/ bskyed rdzogs gnyis bstan pa'i le'u ste bcu gnyis pa'o// // de nas 'dus pa'i tshogs rnams la// kun rig chos kyi rgyal po yis// rdzogs chen spyi yis 'khrul tshul ni// 'khor la ched du bka' stsal pa// spyi dang kha 'byams kun brtags dang // tshig zin lung gis 'khrul tshul ni// nga yis khyod la don bshad kyis// legs par nyon la yid kyis zung // rdzogs chen spyi yis 'khrul tshul ni// rin chen gser sbrul mthong stong bzhin// spyi dang kha 'byams kun brtags dang // lung tshig tsam la khungs nges pa// de dag gol bar ngas bshad nyon// ming ni tshig tsam shes pa'i gzhi// mkhas su re nas tha snyad 'dogs// don med nam mkha'i mtha' 'tshol 'dra// tshig tu shes pas don mi rtogs// tshig nyid don yin zer ba 'khrul// de yang rdo rje sems dpa' nyon// kha 'byams dpal po'i 'khrul pa de// snang bas sems sdud gzhi ru byed// 'khrul pa'i dbye ba lhun grub bcu// 'bras bu mi 'byung log par gol// gzhi dang ma mthun lung rig 'gal// gzhi nyid mi shes skye bo rang // de yang 'dus pa'i snying po nyon// kun brtags lhar ni 'khrul pa yi// phyi nang gsang sngags snang ba bzhin// bskyed dang rdzogs 'dod rim par 'khrul// don ma zin pas 'bras bu med// gzhi la lha med
- 21a
bskyed mi dgos// ma skyes chos sku ye nas yin// de yang 'dus pa'i snying po nyon// tshig zin lung gi 'khrul tshul de// tshig tsam lung la khungs med bzhis// dgongs pa rnam gsum ma shes 'khrul// tshig tsam lung gis don ma rtogs// don med tshig ni 'di dag gis// lung med don go ye sangs rgyas// de yang 'dus pa'i snying po nyon// de dag 'khrul pa rnam bzhi yang // spyi yi mtshan nyid yin pa'i phyir// gzhi dang 'gal phyir don las gol// de phyir lung bstan gdams ngag dgos// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ rdzogs chen spyi'i 'khrul tshul bstan pa'i le'u ste bcu gsum pa'o// // sdom du bsdus te bstan pa las gsum pa'o// // de nas rdo rje sems dpa' yis// 'dus pa'i 'khor gyi don ched du// kun rig rang byung ston pa la// dad pa'i yid kyis 'di skad gsol// phyi yi rdzogs pa chen po a ti yi// chos rnam sems su ji ltar 'dus// mun pa'i sems kyis ji ltar bsgribs// sems 'dod lta ba ji ltar gol// rang sems nges don ji ltar min// sems ngan dpe yis dbye ba gang // tshogs brgyad skyon du ji ltar che// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// sems
- 21b
su chos rnams gcig pa ni// 'khor ba mya ngan 'das pa'i chos// sgyu ma rnam gnyis spyod yul te// log rtog ye shes tha dad kyang // sems kyi chos nyid ngang du gcig/ de yang rdo rje sems dpa' nyon// de yang de nyid mtshon pa'i dpe// sprin dang gzha' tshon khu rlangs dang // 'byung ba'i cho 'phrul sna tshogs pa// nam mkha'i ngang du ro gcig bzhin// yul gyi tha snyad mtshan ma rnams// rang gi sems kyis rtog pa'i phyir// phyi nang chos kun sems su gcig/ de phyir chos rnams ma lus kun// rigs rgyud med phyir sems su gcig/ de yang rdo rje sems dpa' nyon// ma rigs 'khrul pa'i sems 'di yis// byang chub thob 'dod snying re rje// nyid la nyid 'khrul yin pa'i phyir// smyon pas grib ma bsnyegs pa 'dra// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ chos thams cad sems su 'dus par bstan pa'i le'u ste bcu bzhi pa'o// // de nas 'dus pa'i 'khor rnams la// kun rig rgyal pos bka' stsal pa// ma rig sems kyi mun pa 'di// spang sdud zhen pa'i rtog pa dang // bag chags nyon mongs 'khor ba ste// de bral chos sku'i thig le yin// de yang rdo rje sems dpa' nyon// spang ba'i rtog la skyes pa'i che// 'du byed lnga bcu skar phran 'dra// tshogs brgyad skye 'gag zla ba 'dra// kun gzhi nam
- 22a
mkha'i sprin dang 'dra// de klong thig le nyag gcig yod// dper na nyi ma'i 'od sgrib 'dra// rang la skyes pa'i sgrib pa rnams// spang bas mi spong grib ma 'dra// de phyir spang ba'i rtog pa gol// da yang 'dus pa'i snying po nyon// sdud pa'i rtog pa skyes pa'i tshe// 'du byed mtsho kha'i ngang ngur 'dra// tshogs brgyad nya la sram ldang 'dra// kun gzhi rgya mtsho chen po 'dra// nang na thig le nyag gcig bzhugs// dpe ni u dum wa ra 'dra// kha na mi mngon gting na gnas// de bzhin yul dang 'bral med phyir// de bsad sha la zos pa med// sems yin chos kyis sangs mi rgya// de phyir sdud pa'i rtog pa gol// de yang 'dus pa'i snying po nyon// zhen pa'i rtog pa skyes pa'i tshe// 'du byed lnga bcu nags tshal 'dra// rnam shes tshogs brgyad ri dwags 'dra// kun gzhi'i bag chags rtsa grangs 'dra// de yi gseb na chos sku bzhugs// dpe ni seng ge dkar mo 'dra// gzhan gyis mthong ba med pa bzhin// dngos po'i yul la byang chub med// de phyir zhen pa'i rtog pa gol// de yang 'dus pa'i snying po nyon// sngar gyi bag chags dran pa'i tshe// 'du byed lnga bcu chu ltar 'brub// rnam shes tshogs brgyad me ltar 'bar// kun gzhi'i bag chags gzing ltar 'dzings// de gseb thig le nyag gcig bzhugs// dper ni rin chen gser dang 'dra// de don rnyed pa dka' ba'i
- 22b
phyir// bag chags dge sdig bsags pa'i las// sems la 'dzin pa yod phyir gol// de yang 'khor gyi snying po nyon// phyis kyi nyon mongs skyes pa'i tshe// 'du byed lnga bcu rlung ltar 'tshubs// rnam shes tshogs brgyad rbab ltar rgod// kun gzhi'i nyon mongs mun ltar gtibs// de nang thig le chos sku yod// dper na rin chen 'dam bying 'dra// kha nas mi mthong gting na gnas// ma rig nyon mongs gting na gnas// ma rig nyon mongs skyes pa'i tshe// 'khor ba'i mtha' la zad pa med// de phyir phyi ma'i rgyur byung gol// de yang 'khor gyi snying po nyon// snga phyi'i rtog pa skyes pa yi// sems dang sems byung la sogs pa// ma rig 'khrul pas rtag tu myos// de phyir kun gzhi 'khor ba'i chos// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ sems kyi mun pas thig le nyag gcig sgrib par bstan pa'i le'u ste bco lnga pa'o// // de nas 'dus pa'i 'khor rnams la// sems 'dod gol bar bka' stsal pa// sems kyis chos sku bsgribs pa'i phyir// 'khor 'das gnyis kyi bar do ni// thog mtha' gcod ni ma shes na// skye rga na 'chi las mi thar// sa mkhan med pa'i tshong pa 'dra// skye 'chi gnyis kyi bar dor ni// chos sku'i ngo sprod ma shes na// ma rig mun pa sangs dus med// sgron ma med pa'i
- 23a
mun khungs 'dra// de yang rdo rje sems dpa' nyon// lus sems gnyis kyi bar do na// gol sa gcod ni ma shes na// nyon mongs zhen pa ldog mi srid// dred mong gdos kyis zin pa 'dra// mnyam bzhag rjes thob par do na// rgyun du 'bral med ma shes na// blta bsgom gnyis kyis rkyen mi thub// chu bran zan pas bskam pa 'dra// srid pa dag gi bar do ni// sangs rgyas dus ni ma shes na// gzugs sku rnam gnyis 'byung mi srid// rin chen gdam du stor ba 'dra// bdag gzhan rtsod pa'i bar do ni// gal mdo tshig gi 'phrang med na// theg pa gzhan las bogs mi thob// g.yul ngo pham pa'i blon po 'dra// da yang 'dus pa'i snying po nyon// de dag gdams ngag med pa'i skyon// sems kyi rtsa ba ma rig pas// 'khrul pa sna tshogs 'byung ba'i phyir// 'khor ba'i rtsa ba chags sdang lngas// ngan song gsum du rtag tu 'khor// de phyir ma rig sems kyis 'khrul// da yang rdo rje sems dpa' nyon// sems kyi 'dod lugs rnam pa bcu// nan brtags lta ba log par bstan// de phyir snang ba sems su byas// nges don shes pa blo yis bcos// yang dag sems med chos ma shes// de phyir lung med rigs pas dpyad// yul sems gcig par blo yis bsres// de yang 'dus pa'i snying po nyon// bde gshegs snying po ma mthong bar// lung ldan
- 23b
nges pa'i don chen ni// ma rnyed bar du sangs mi rgya// de phyir chos kun rtsa ba ni// chos sku rang gi sems kyis bsgribs// de yang 'dus pa'i snying po nyon// sems ni don med 'khrul pa'i phyir// chos sku'i gol sa sems yin pas// rang byung chos nyid sems dang bral// sems med rang byung chos kyi sku// de yang rdo rje sems dpa' nyon// gang yang rung bas ci la yang // yid ni sgo lnga'i rjes 'brang bas// blta bsgom ma yin ma rig sems// rigs drug bskyed pa'i sems yin phyir// ma rig 'khrul pa sems las byung // de phyir sems ni gol bar gsungs// de yang 'dus pa'i snying po nyon// rang byung snying po chos sku la// tshogs brgyad med phyir sems dang bral// sna tshogs yul la zhen gyi bar// rang gi sems zhes de la bya// skyon gyi rtsa ba sems yin pas// de phyir sems kyis sangs mi rgya// sems ni rgyu rkyen bskyed pa'i phyir// nges don ma yin 'khrul pa'i blo// da yang 'dus pa'i snying po nyon// theg dgu sems su 'dod pa'i phyir// nges don a ti'i gol sar gsungs// de phyir sems ni 'khor ba'i chos// dmus long rin chen mi mthong 'dra// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ rang sems gol bar bstan pa'i le'u ste bcu drug pa'o// // de nas 'dus pa'i 'khor
- 24a
rnams la// kun rig ston pas bka' stsal pa// sems ni 'khor ba'i rtsa ba ste// yul ni sna tshogs snang ba la// sems kyis rtog pa sna tshogs zhe na// de phyir sems ni 'khor ba'i rgyu// rtag chad 'dzin pa'i sems yin pas// lta ba log pa sems las byung // gang dran rang sems 'khrul pa ste// sems las byung ba'i 'khrul rtog gis// chags sdang thams cad bskyed par byed// de phyir 'khor ba sems kyis byas// de nas 'khor ba'i sdug sems gol// de yang 'dus pa'i snying po nyon// sems kyis byas pa'i rtog pa yis// skye ba rgyud pa grangs med pa// sems kyis byas phyir rang byung med// de phyir sems 'di/ glo bur 'khrul// de brtas chos brgyad dam par zhe na// da yang rdo rje sems dpa' nyon// nges don ma mthong glen pa kun// sems las ma gtogs chos med zer// de phyir rmongs pa'i blo re nor// glen bsgom mun pa bsgoms pas phung // gang dran sems kyi chos 'di log/ yid la byed pa'i las ngan kun// blang dor sems 'di shin tu 'chol// drang don sems su bstan pas phung // dpyad bzo byas pas sems 'di dkrugs// mkhyen du re ba'i sprin tshig gis// nges don ma nor bka' 'di bslad// da yang 'dus pa'i snying po nyon// ma rig rmongs pa'i gang zag kun// chos sku rang yan sems yin zer// de phyir tshig las
- 24b
don ma go// ming las nges don shes pa kun// de phyir sems kyis byang mi chub// de nyid btsal ba'i mthun dpe ni// rjes nas btsal bas glang po rnyed// sems kyi phyogs nas don btsal na// rang rig rgyal po ye shes rnyed// de rnyed sems su 'dzin pa bral// 'dzin bral sems med rang rig sku// de don 'bral med byang chub klong // sems bral ting 'dzin rgyun du gnas// de yang 'dus pa'i snying po nyon// sems las sangs rgyas 'dod pa ni// mo gsham bu dang gnyen byed bzhin// snang ba sems yin zer ba de// ra gan gser du 'dzin dang 'dra// de bas lung ldan don rnyed na// rang byung snying po'i don rtogs pas// ma rig sangs nas rang sems brlag/ de phyir chos sku 'gyur ba med// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ rang sems nges don med par bstan pa'i le'u ste/ bcu bdun pa'o// // de nas kun rig rgyal po yi// sems kyi rnam grangs mtshon pa'i dpe// 'dus pa'i 'khor la brtser dgongs nas// ched du dbye ba bka' stsal pa// seng ge lta bu'i sems dang / gzig lta bu'i sems dang / dom lta bu'i sems dang / dred mo lta bu'i sems dang / spyang ki lta bu'i sems dang / g.yi spyang lta bu'i sems dang / 'phar ba lta bu'i sems dang / khyi rgod lta bu'i sems dang / gsa'
- 25a
lta bu'i sems dang / dug sbrul lta bu'i sems la stsogs pa dug pa can bzhin no// bya khyung lta bu'i sems dang / glag lta bu'i sems dang / bya rgod lta bu'i sems dang / ngang pa lta bu'i sems dang / rma bya lta bu'i sems dang / khra lta bu'i sems dang / bya rog lta bu'i sems dang / bya kang ka lta bu'i sems dang / ne tso lta bu'i sems dang / pha wang lta bu'i sems dang / srin bya lta bu'i sems dang / 'ug pa lta bu'i sems dang / khyim bya lta bu'i sems la stsogs pa sred pa can bzhin no// da yang 'dus pa'i snying po nyon/ glang po che lta bu'i sems dang / ma he lta bu'i sems dang / ba lang lta bu'i sems dang / phag rgod lta bu'i sems dang / rta lta bu'i sems dang / rnga mo lta bu'i sems dang / bong bu lta bu'i sems dang / khur bu lta bu'i sems dang / gzhan gyis dbang byas pa la sogs pa bkol spyad can gyi sems bzhin no// de yang 'dus pa'i snying po nyon// srin po lta bu'i sems dang / nya chen lta bu'i sems dang / sdom lta bu'i sems dang / sre mong lta bu'i sems dang / byi la lta bu'i sems dang / grog ma lta bu'i sems dang / srin bu lta bu'i sems dang / sbrang bu tre la ta la sogs pa'i gnod 'tshe can gyi sems bzhin no// da yang 'dus pa'i snying po nyon/ snyan dngags pa'i sems dang / spre'u lta bu'i sems dang / byi la lta bu'i sems dang / sprang po lta
- 25b
bu'i sems dang / smad 'tshong ma lta bu'i sems dang / tshong pa lta bu'i sems dang / smyon pa lta bu'i sems dang / tsher ma lta bu'i sems dang / rdo zlum lta bu'i sems dang / shing lta bu'i sems dang / lug lta bu'i sems dang / byi ba lta bu'i sems dang / mgron khyi lta bu'i sems dang / wa lta bu'i sems la stsogs pa dman par zhen pa'i sems dang ldan pa'o// de yang rnam grangs mdo tsam las/ bgrang gis mi langs brjod las 'das// sems ngan skyon gyi phung po la// dpe yis dbye ba bstan pa yin// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ sems kyi dpe dbye bstan pa'i le'u ste bco brgyad pa'o// // de nas 'dus pa'i tshogs rnams la// kun rig ston pa chos rje yis// tshogs brgyad 'khrul pa yin par ni// dad nyan 'khor la bka' stsal pa// 'khor ba rnams kyi rtsa ba ni// yul dang sems ni gnyis su 'dus// yul kyang rang sems 'khrul pa ste// sems ni rnam shes tshogs brgyad la// sems las byung ba lnga bcu gcig/ rtsa ba kun gzhi nyid du 'dus// de yang rdo rje sems dpa' nyon// sems can kun la yod lugs ni// phyi bltas pa dang nang bltas dang // gnyis kar bltas pa'i shes pa dang // bcos dgos pa dang mi dgos dang // rtag chad bral dang ngo bor gnas// yang dag yod
- 26a
dang byin brlab tu// len du phye nas bstan pa'i don// tshogs brgyad sems su snang ba dang // 'khor ba'i bag chags brtags pa'i phyir// nges don snying po ma yin pas// de yang 'dus pa'i snying po nyon// sgo lnga'i rnam shes ngo bo ni// yul snang tsam na shes pa skye// yul mi snang na shes pa 'gags// yid kyi rnam shes ngo bo ni// yul snang sna tshogs sems pa'i phyir// chags sdang log rtog dag tu 'dzin// rnam rtog sna tshogs ngo bor snang // nyon mongs yid kyi ngo bo ni// nang du zhen pa dam par 'dzin// rtag tu 'dzin pa ngar 'dzin byed// kun gzhi'i rnam shes ngo bo ni// ma rtogs tha mal dus tsam na// rnam rtog rgyas shing rig pa bsgrib// rtogs pa mngon du gyur tsam na// ma rig bsgribs shing ye shes rgyas// gzhan du de dang mtshungs par ni// tshogs bdun skyes na 'phel bar snang // tshogs drug 'gags na bsgribs par snang // des na shes pa'i tshogs brgyad kyang // yang dag ma yin 'khor ba'i chos// de yang 'dus pa'i snying po nyon// sems can mos pa tha dad pas// gang zag blo yi rim pa la// gnas 'gyur chos su bstan pa yang // bkri drang ldem dgongs tsam du bstan// de'i skyon yon khyad par ni// 'byung ba me chu'i dpe bzhin du// ye shes log rtog khyad par gyis// shes pa kun gzhi mtshan nyid ni// rgyu rkyen gnyen pos 'jig pa dang //
- 26b
dus gsum mi rtag 'gyur ba dang // bag chags mtshan ma'i rten byed pas// yang dag ma yin 'khor ba'i rgyu// de yang 'khor gyi snying po nyon// de dag rnam shes tshogs brgyad kun// ma rig rkyen las bskyed pa'i phyir// sdug bsngal 'ba' zhig bde ba med// de phyir chos sku'i gol sar gsungs// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ tshogs brgyad gol sar bstan pa'i le'u ste bcu dgu'o// sdom du bsdus te bstan pa bzhi pa'o// // de nas rdo rje sems dpa' yis// 'dus pa'i 'khor la phan gdags phyir// kun rig chos kyi rgyal po la// yid kyi dran pas 'di skad gsol// mtshan nyid theg pa ji ltar 'khrul// phyi nang gsang sngags sgrib pa gang // thabs med yon tan ji ltar rdzogs// theg chen kun dang mi 'gal gang // rdzogs chen rang byung dbye ba gang // lam dang 'bras bu'i khyad par ci// theg gzhan sun ni ji ltar 'don// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// 'gro drug sems can thams cad la// phung po lnga yis kun khyab ste// spyi dang rang gi mtshan nyid kyis// so sor dbye ba ngas bshad do// dang po spyi yi mtshan nyid ni// phung po lnga ru 'dod pa'i gzhung // sems tsam theg chen pa na re// phung po lnga las ma
- 27a
gtogs pa'i// chos nyid gzhan na yod min phyir// phung po lnga ni gang dag yod// de yang 'dus pa'i snying po nyon// rgyu ni phung po rnam lnga yang // lhar ni ma shes dang po yis// sa dang pha rol phyin pa yi// lam lnga rim gyis bgrod byas nas// bsod nams kyi ni tshogs bsags te// rnam par mi rtog ting 'dzin la// sgrib pa rnam pa gnyis sbyangs nas// thabs dang shes rab gnyis ldan nas// rang rig don dam nges pa yis// 'bras bu thob pa'i dus na ni// sku gsum ye shes bzhi ru 'dod// de yang rdo rje sems dpa' nyon// phung po lnga ru 'dod pa de// yang dag don dam ma yin te// du mar snang dang rkyen gyis bskyed// gnyen pos 'jig cing bskur yod phyir// kun rdzob sgyu ma tsam yin pas// yang dag nyid du 'dod pa 'khrul// mi dang tho yor zag sbrul bzhin// 'khrul pa yin par the tshom med// de yang rdo rje sems dpa' nyon// phung po lnga yi dbye ba dang // mtshan nyid so so'i tha dad pa// sems tsam gzhung du zhi ba bstan phyir// nges don skabs su ngas ma bshad// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ sems tsam gyi gzhung sun 'don pa'i le'u ste nyi shu pa'o// // de nas 'dus pa'i 'khor rnams la// kun rig ston pas bka' stsal pa// gsang sngags phyi nang 'dod
- 27b
pa'i gzhung // phung po khams dang skye mched sbyangs// sangs rgyas yin par blos bsgyur nas// ye shes sems dpa' mchod la sogs// tshogs kyi bsod nams bskyed nas ni// chos nyid sgrib pa bral dus ni// 'bras bu 'byung ba'i nges pa ni// sku gsum ye shes lngar 'dod pas// rang rig chos sku nges don bsgribs// da yang rdo rje sems dpa' nyon// a nu yo ga'i 'dod pa yis// phung po lnga sogs rtogs tshogs kun// ma bskyed rdzogs par 'dod pa des// 'bras bu ye shes lnga dang ni// sku lnga lhun grub 'dod pas bsgribs// da yang 'dus pa'i snying po nyon// rang bzhin lhun grub sangs rgyas ni// dus gsum dag tu mi 'gyur zhing // gnyen po cis kyang bsgyur du med// thabs ni gang la mi brten cing // rang byung kun tu bzang pos byas// de yang 'khor gyi snying po nyon// phung po rnam pa lnga las ni// sku lnga ye shes lnga ru 'dod// phung po gcig las med pa la// 'bras bu tha dad 'byung ba yi// gnas 'gyur du ni sangs rgyas nas// rigs lnga ye shes rdzogs 'dod pa// shin tu mi 'thad 'gal ba'i phyir// ma rig rmongs pas rang la bsgribs// de don 'gal zhing bsgribs pa ni// rgyud gzhan du ni zhib par bstan// nges don skabs su ngas ma bshad// de yang rdo rje sems dpa' nyon// ming gi rnam grangs lnga bstan kyang // don gyi ngo bo gcig
- 28a
tu 'dus// rtsal shugs tshul du gnyis su snang // don la dgos med chag dang 'brel// dbyer byas pa'i sprin tshig 'dra// phung po khams dang skye mched kun// sems su byas shing b+hU yis bcas// de phyir yang dag phung po min// don dam chos la smos ci dgos// de phyir ma rig rmongs pa kun// gnas 'gyur sangs rgyas 'dod pas phung // gtan du 'khyams pa snying re rje// rdzogs pa chen po nges don thams cad 'dus pa ye shes nam mkha' dang mnyam pa'i rgyud las/ sngags phyi nang gi 'dod gzhung sun bton pa bstan pa'i le'u ste nyer gcig pa'o// // de nas 'dus pa'i 'khor kun nyon// kun rig ston pas bka' stsal pa// mu stegs chad la skur btab kyang // nges don snying po ma mthong phyir// nan tshig sgro skur skyon bkal kyang // don dang mthun par mi 'gyur ro// de yang rdo rje sems dpa' nyon// theg pa 'og ma'i chos kun bzhin// shes rab thabs la brten dgos na// byas pa yin phyir gnas lugs min// sku dang ye shes 'byung mi srid// de phyir thabs la rag lus med// rang byung snying po chos sku ni// nyi ma dang ni 'od bzhin du// shes rab chos sku gcig pu la// sku dang ye shes kun la rdzogs// de yang rdo rje sems dpa' nyon// nges don bka' yis drang don kun// sun bton 'dod thob chen po yin// nges 'don bka'
- 28b
la sun bton med// dngos su snang yang byung ba min// don dam rang bzhin ngo bor gnas// don du bya ba mi dmigs kyang // rang byung yon tan shugs la rdzogs// dngos su med kyang don du snang // chu zla'i dkyil 'khor lta bu la// rang bzhin lhun gyis grub pa yis// rang byung rang la shugs kyis byung // de yang rdo rje sems dpa' nyon// phung po dbye ba 'dus lugs kyang // thun mong theg par sgo bstun phyir// kun dang mi 'gal bstan pa yang // drang don yin gyi yang dag min// yang dag nges don yang tig ni// dper na shing tog smin pa la// 'bras bu shugs kyis 'byung ba ltar// chos sku sgrib pa med pa la/ sku gsum ye shes lnga rnams kyang // ma btsal ye nas rang bzhin rdzogs// rigs lnga'i sangs rgyas don gyis tshang // thams cad mkhyen pa'i ye shes kun// ma lus thog pa med par mkhyen// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ thabs la brten mi dgos par yon tan thams cad rdzogs par bstan pa'i le'u nyer gnyis pa'o// // de nas 'dus pa'i 'khor rnams kyis// kun rig chos kyi rgyal po la// theg pa gzhan dang sgo bstun phyir// phung po rgyu 'bras don zhus pa// phung po rnam pa lnga po yang // yang dag yod dang byin brlabs su// rtag chad bral dang ngo
- 29a
bor gnas// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rnam shes phung po yang dag yod// phung po bzhi ni byin rlabs 'byung // rtag chad bral ba rnam shes kyi// kun gzhi rang gi ngo bo yin// rtag chad ngo bo gnas pa ni// phung po gzhan dang tshogs bdun yin// de yang 'dus pa'i snying po nyon// de yang 'bras bu sku lnga dang // ye shes lnga rnams yod tshul ni// 'dus ma byas kyi nam mkha' bzhin// dus gsum 'du 'bral med par ni// chos sku ye shes yang dag yod// sku dang ye shes gzhan dag ni// byin gyis brlabs las byung ba ste// gza' skar rgya mtshor ji bzhin du// btsal du med pa'i shugs las byung // chos sku me long lta bu ni// rtag chad gnyis dang bral bar gnas// theg pa gzhan du zhi ba bstan phyir// nges don skabs su ngas ma bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las theg pa spyi dang mi 'gal bar bstan pa'i le'u nyer gsum pa'o// // de nas 'dus pa'i 'khor rnams la// yang ti rang gzhung bka' stsal pa// rang byung ye shes chos sku la// me long lta bu'i ye shes kyang // yang dag don du mi 'dod phyir// ye shes gzhan la smos ci dgos// de yang rdo rje sems dpa' nyon//
- 29b
rang byung ye shes chen po ni// dus gsum dag tu mi 'gyur la// me long lta bu'i ye shes kyang // thog ma med kyang za ma yod// de phyir rkyen las byung ba yin// khams gsum 'khor ba'i dus tsam na// kun gzhi'i rnam par shes pa la// gnyen pos bskyed pas gnas 'gyur gyis// ye shes bya ba'i ming yang med// nges don yang ti'i ming gis ni// khams gsum 'khor ba'i dus na yang // rang byung ngo bo nyid kyi sku// chos sku khyad par ye gnas phyir// sangs rgyas 'bras bu thob dus na// ye shes chos kyi sku ni gnas// dang po rgyal ba'i bka' 'di yang // thog ma'i byung tshul ma shes na// da lta bsgrub pa'i thabs mi shes// lam gyi the tshom mi chod bzhin// tshe chad pa yi sems su 'gyur// da yang rdo rje sems dpa' nyon// kun bzang thugs kyi nying khu 'di// sprul pa bzhi yi thugs brgyud nas// gdams ngag ma chad gsang ba'i bka'// u rgyan yul nas rim brgyud nas// 'bras bu sangs rgyas nges pa gcig/ dus kyi tha ma deng sang nas// bod kyi mtha' 'khob yul du 'byung // de phyir don dam chos sku las// chos ni gzhan na yod mi srid// de yang 'dus pa'i snying po nyon// 'o na khyed kyi 'dod pa de// sems can las ni sangs rgyas pa// de nyid 'gyur ba ma yin nam// nges don 'gyur ba ma yin te// ma rtogs bag chags bcas pa dang // rtogs pa bag
- 30a
chags bral ba yang // khyad par tha dad snang gyur kyang // don la rgyu 'bras rim gyis med// ngo bo gzhi yis chos sku dang // rtogs pa'i ye shes chos sku gnyis// ngo bo gzhi la tha dad med// nyi ma rang gi ngo bo la// mun sgrib grang ba gang yang med// glo bur sprin gyis bsgribs tsam na// nyi 'od med pa ma yin te// ngo bo 'phel 'grib med pa ltar// rtogs ma rtogs kyi khyad par las// sangs rgyas sems can gcig pa'i phyir// gzhi la dus gsum 'gyur med yin// da yang rdo rje sems dpa' nyon// lung ldan bstan pas thams cad mkhyen// de dus 'bras bu sangs rgyas phyir// ngo bo dag la 'phel 'grib med// skye 'gag med par rgyun du gnas// sems can dus kyi chos sku la// de las 'phel ba rdul tsam med// de phyir yang dag yod par bshad// de yang 'dus pa'i snying po nyon// 'o na dus gsum mi 'gyur yang // thams cad chos skur 'dod pa de// lung rigs gnyis dang 'gal ba dang // sdud pa'i rtog par 'gyur ba'i phyir// yod na rtag chad khyad ci yod// de yang don dang mi 'gal te// thams cad chos skur 'dus pa de// bsdus nas 'dus pa ma yin te// nyi 'od bu ram mngar ba bzhin// dus gcig rdzogs pas chos kyi sku// rang bzhin ngang gis gnas pa bzhin// rgyu rkyen tshogs 'dus ma yin pas// lung dang rigs pa ci la
- 30b
'gal// kha dog dbyibs su med pa la// rtag pa'i skyon gyis ci la gos// mi 'gyur ye nas gnas pa la// rtag ces zer na rtag dka' bas// chos sku 'gyur med 'dod thog yin// chos sku rgyun du ye yod phyir// chad pa'i skyon gyis ye ma gos// dngos po mtshan ma med pa'i phyir// rtag pa ther zug nga la med// de phyir skyon med gnyis kar gnas// de yang rdo rje sems dpa' nyon// chos 'di mchog tu gsang ba yis// sgo lnga dag gis spyod yul min// de phyir chos sku brjod las 'das// brtags pa'i tha snyad kun dang bral// de phyir sems kyi yul las 'das// rang byung rig pa'i ye shes la// tshig gis mtshon pa thams cad nor// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ yang ti shan dbye ba bstan pa'i le'u ste nyer bzhi pa'o// // de nas kun rig ston pa yis// 'dus pa'i 'khor la bka' stsal pa// nyan thos lam dang 'bras bu'i gzhung // tshe ni snga ma yang snga la// dge sdig las ni gang byas pa// da lta lus ni blangs pa la// bde sdug gnyis ni dus 'dir 'byung // phyi ma 'khor bar ltung dogs nas// sdig spang dge ba spyad byas nas// 'bras bu lha mi'i go 'phang thob// de yang 'dus pa'i snying po nyon// rgyu rkyen 'tshogs pa'i dge spyad na// las des 'bras bu thob dus ni// gzhan
- 31a
don mthar phyin 'grub pa yi// 'bras bu sangs rgyas thob par du// mtho ris gnas la rten bcas te// lha dang mi yi them skas la// rim par 'dzeg nas sangs rgyas 'byung // de yang 'dus pa'i snying po nyon// khyed ni yang ti rdzogs chen pa// gang la yang ni mi brten par// rtogs pa gcig pus chog zer ba// rgya rkyen ma tshang 'bras bu 'dod// stong pa nyid kyi mtha' ru lhung // lung rigs gnyis dang shin tu 'gal// des na dge ba tshogs par spyad// 'bras bu lha dang mi yi ni// 'bras bu thob par bya ba la// rang sems rtogs pas mi chog ste// bsod nams tshogs ni bsags nas kyang // mya ngan 'das pa'i mtha' brten te// ting 'dzin rtse gcig bsgom gyur na// 'bras bu thams cad mkhyen pa yi// ye shes thob par 'gyur ba la// khyed ni yang ti rdzogs chen pa// sems nyid rtogs pas chog zer ba// 'khor ba las ni thar gyur kyang // mya ngan 'das pa'i mtha' ru lhung // lam de'i 'bras bus sangs mi rgya// de phyir 'bras bu bla med pa'i// byang chub thob par bya ba la// rgyu ni sa dang pha rol phyin// lam la rim gyis bgrod nus na// gzhan don 'bras bu phun sum tshogs// gzugs sku rnam gnyis thob par 'gyur// shes rab mi rtog rtse gcig tu// ma yengs don la bsgoms gyur kyang // bdag don chos sku 'grub par 'gyur// de yang rdo/
- 31b
rje sems dpa' nyon// 'bras bu bdag dang gzhan don du// phun sum tshogs pa thob pa ni// 'di las thabs chen nye ba'i lam// chos nyid gzhan na med do zer// de dag dbye ba tshogs bsags thabs// snying rje chen pos gzhi bzung ba// theg pa gzhan du zhi ba bstan phyir// nges don skabs su ngas ma bshad// de yang rdo rje sems dpa' nyon// gsang sngags phyi nang 'dod pa'i gzhung // lam dang 'bras bu'i khyad par ni// thabs dang shes rab zung 'brel na// che ba'i yon tan 'bras bu rnyed// 'bras bu thams cad mkhyen pa yi// ye shes thob par bya ba la// thabs dang shes rab 'dzom par dgos// de phyir thabs ni gang zhe/ na// lan gcig dus kyi deng sang na// nges don zab mo khyad bsad nas// ma rig glen pas kun bslus phyir// byi bshugs pho mo kun bsogs nas// smin par byed pa'i lam yin la// phyi nang gsang ba'i dbang dgos zer// 'dod chags lam du khrid byas nas// phung po khams dang skye mched kun// lha dang lha mor gnas 'gyur phyir// rim gyi bskyed dang ma bskyed rdzogs// cho ga gsum mam bdun gyis ni// bskyed cing bsgyur byas ye shes sems// spyan 'dren bstim dang mchod pa sogs// gzhung dang ldan par byas gyur kyang // mthar phyin 'bras bu thob dus na// gzugs sku rnam gnyis 'byung nas kyang // byang chub sems//
- 32a
dpa' man chad nas// sems can dmyal ba yan chad du// rang don mthar phyir grub pa la// stong nyid ting 'dzin bag chags sbyang // chos sku thams cad mkhyen pa yi// ye shes don ldan sku gsum rdzogs// de yang rdo rje sems dpa' nyon// 'di las lhag pa'i nges don chos// rdzogs pa chen po khyod la med// de phyir zabs la brten nas ni// shes rab lta bas zag bcad ste// 'bras bu nges par 'byung bar 'dod// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sngags mtshan nyid kyi lam dang 'bras bu'i dbye ba bstan pa'i le'u ste nyer lnga pa'o// // de nas 'dus pa'i tshogs rnams la// kun rig ston pas bka' stsal pa// theg brgyad lam gyi gol sa ni// khyed cag blo dman ma rig pas// thabs dang shes rab 'brel dgos zer// 'khrul pa brtas pa'i rtog pa yin// de yang 'dus pa'i snying po nyon// dper na mar ni 'dod pa la// chu bsrubs pas ni mar med ltar// thabs kyi mtshan ma dngos su spyad// zhen pa'i sems kyis byang mi chub// rang sems chos skur ma rtogs na// phyi nang gsang ba'i dbang bskur kyang // 'bras bu sangs rgyas 'byung mi srid// shin tu rnal 'byor rdzogs chen la// pho mo lus rten dbang mi dgos// de phyir khyad 'phags rig pa'i dbang // bstan ma
- 32b
zathag tu gdams ngag thob// cig car nges don dbang bskur bas// dbang dang mnyam bshad gdams ngag phog/ rang rig chos sku dus 'dir rtogs// de ltar yin par ma shes phyir// dper na nyi ma'i snying po la// sprin ni dkar nag gnyis kas bsgribs// de bzhin thabs la brten pa yis// gang zag kun gyis dngos por bzung // de phyir lam gyi gegs su gsungs/ de yang rdo rje sems dpa' nyon// dper na skyes bu mi rnams kyis// sngags med pa yis dug zos na// a shu ka yi rkyen yin phyir// che chung gang zos gnyis kas 'chi// nges pa'i lung ldan don med phyir// thabs ni che chung gnyis kas bsgrib// rtsol ba byas pa thams cad gol// de phyir rang rig chos sku ni// sems kyi gseb nas ngos zin na// thabs ni gang la brten pa med// de phyir man ngag snying po'i chos// da yang 'dus pa'i snying po nyon// khyed cag theg pa 'og ma pas// mtshan ma dngos su spyod sgo nas// 'bras bu thams cad mkhyen pa yi// ye shes thob par 'dod pa ni// shin tu gti mug rmongs pa'i gnas// kun brtags bsgom pa'i chos pa kun// lam gyi gegs ni thabs yin phyir// gol sa yin par kun nas bshad// de phyir thabs la brten mi dgos// de yang 'dus pa'i snying po nyon// sangs rgyas nyid du 'gro ba yi// nges pa'i lam ni gang yin pa// thog mar lta ba'i
- 33a
gdeng dang ni// ting 'dzin spyod pa dus gcig tu// rang byung mnyam pa'i don rtogs phyir// brjod pa'i tha snyad kun bral ba'i// thig le nyag gcig chos kyi sku// shes dang sangs rgyas dus mnyam phyir// de las lhag pa'i chos gzhan med// da yang rdo rje sems dpa' nyon// khyed theg pa 'og ma pa// bye ma las ni mar btsir 'dra// bem po 'byung ba rnam pa lnga// sangs rgyas 'dod pa'i snying rul kun// bskal par bsgrubs kyang 'grub mi srid/ bem po rang yang sems yin na// lus la 'pho 'gyur yod pa bzhin// sems la skye shi yod par 'gyur// de phyir rang byung ye shes min// de yang 'dus pa'i snying po nyon// rdzogs chen lam ni ji ltar 'dod// yang ti don lam chen po ni// khyung chen nam mkhar lding ba bzhin// dran pa tsam gyis chos skur gsal// de tsam nyid na ye shes thugs// de phyir ma bgrod dam pa'i lam// dper na nor bu rin chen bzhin// rtogs pa tsam gyis chog pa'i chos// bdag gzhan don ni lhun gyis grub// de phyir nges don ya mtshan che// de yang rdo rje sems dpa' nyon// khyed cag theg pa 'og ma pa// dper na til gyi mar yod kyang // ma btsir bar du mar mi 'byung // de bzhin rang la yod mod kyang // ma bstan bar du shes mi srid// bskal pa 'bum phrag brgya yis par// 'dus byas chos spyod byas gyur
- 33b
kyang // 'bras bu sangs rgyas 'byung ba min// de yang 'dus pa'i snying po nyon// de dag gzhan gyis lam mang yang // rang la yod par ma shes nas// gzhan nas tshol ba rmongs pa'i chos// de phyir rtsol med chos 'di gces// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ theg pa gzhan sun 'don par bstan pa'i le'u ste nyer drug pa'o// // sdom du bsdus te bstan pa lnga pa'o// // de nas rdo rje sems dpa' yis// 'khor gyi rgyud smin bya ba'i phyir// nges don chos la 'jug don du// bden pa'i yid kyis 'di skad gsol// thun mong khyad 'phags dbang lnga ni// yang dag chos kyi rtsa ba'i dbang // gong 'og rim pa ji ltar bskur// kun rig ston pas bshad du gsol// de skad zhus pas don gsan nas// dad ldan 'dus pa'i 'khor rnams la// thun mong khyad 'phags dbang lnga ni// kun bzang nga yis bshad kyis nyon// thun mong sngon 'gro sta gon dang // 'jug sgo dbang gi rim pa yang // ngo bo dbye ba dpe dang gnas// rdzas dang nges tshig las 'da' dka'// rtags dang mthar thug kun la sbyar// da yang 'dus pa'i snying po nyon// sngon 'gro las kyi bya ba ni// yid 'thad par chad mi 'byung 'gro// bkra shis bde ldan 'dod dgu rnyed// nyams dga' dben pa'i gnas de ru// tshad ldan pa yi/
- 34a
dkyil 'khor bca'// thig gdabs dkyil 'khor bri la sogs// gzhung dang mthun par bskyed bris la// mdzes ldan yid 'jug rgyan dgod de// de rjes dbang rdzas thun mong ni// bum pa lha grangs bstun byas te// gtor ma la sogs tshogs kyi rdzas// ci 'byor nus tshad tshogs par bya// de yang rdo rje sems dpa' nyon// ye shes lha yi don bstan phyir// khyad par 'phags pa'i rdzas lnga dang // 'jug sgo lnga yi rdzas rnams dang // ras sam shing shun gro ga la// bris te lung ldan byin gyis brlabs// mtshams kyi dkyil du bzhugs par bya// de nas dad ldan 'khor sogs te// dam tshig sems med brtson 'grus can// byang chub don du gnyer ba des// mos gus dad pas lus btud nas// bla ma rje btsun spyan snga ru// theg pa kun dang sgo bstun phyir// sgo gsum smin pa'i tshul gyis ni// sdom bzung sems ni bskyed par bya// da yang 'dus pa'i snying po nyon// de rjes don la 'jug ched du// dang po sta gon la gnas phyir// sgo lnga mi g.yengs brda' bcings pa// brkyang phyag lha dang dal du gzhug/ las ni don dang ldan pa'i phyir// gang mthong ci dran dris pa dang // lan dang sbyar la dngos grub bstan// de phyir dad pas gnas par bya// de yang 'dus pa'i snying po nyon// shes rab sta gon gnas bya'i phyir// dkyil 'khor la ni kha bltas te//
- 34b
phyogs bzhi dbus dang lnga ru ni// phung po la ni stong rgyas gdab// sngon 'gro las dang sta gon gnyis// skal ldan kun gyi lam yin phyir// chos rnams kun gyi rtsa ba ste// 'jug sgo lam la gces par gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ dbang gi sngon du 'gro ba'i las bstan pa'i le'u ste nyer bdun pa'o// // de nas 'dus pa'i tshogs rnams la// rgyud ni smin par bya ba'i phyir// thun mong dbang gi rim pa yang // kun rig ston pas bka' stsal pa// lta ba lam du khyer ba'i dbang // dkyil 'khor bcug la dam chu blud// 'phreng ba dor zhing nas 'bru gdags// dbu rgyan thod pa brtul zhugs dang // rdo rje dril bu ming gi dbang // lus ngag yid gsum phyir mi ldog/ nges pa'i bla mar lung bstan pa// go rim bzhin du ngas bshad nyon// ma rig mun pa gsal ba'i phyir// phyi rol nas ni mig bsgribs te// rdo rje lam nas 'khrid 'ongs la// lung bstan dkyil 'khor ltar bcug ste// dkyil 'khor bzang po 'di la ltos// da ni dad pa rab tu skyes// bu khyod kyis ni ji ltar mthong // gang mthong khyod kyi dngos grub yin// de yang 'dus pa'i snying po nyon// 'thung zhig dam tshig chu 'di 'thung // bla na med kyang rdo rje dmyal// dam tshig 'das nas bsreg par bya// dam tshig thub na
- 35a
dngos grub thob// skye bo dang ni theg pa dman// snod dang mi ldan 'di bzlas na// mgo lus tshal pa brgya ru 'gas// phyi ma rdo rje dmyal bar ltung // de phyir rab tu gsang bar gyis// rin chen phreng ba 'di dor bas// ye shes lha yi dngos grub ni// gang la phog pa yi dam lha// dus 'dir khyod la dbang zhig bskur// rig pa'i don rtogs me tog rgyus// chos nyid rtags kyis rgyan btags pas// ye shes chen po mchog gi dbang // che ba'i yon tan rdzogs par shog/ chos sku'i snang ba mtshon pa'i phyir// rigs lnga dbu la rgyan bcings pas// ye shes rigs lnga dbyer med pas// dbu rgyan dbang mchog thob par shog/ da yang rdo rje sems dpa' nyon// rab byung thod pa chos kyi dbyings// ye shes lnga yis rang bzhin las// nyi khri tshig stong chos rnams 'byung // rang byung gzhal yas dbang thob shog/ rin chen thod pa'i snod 'di ru// dam rdzas sna tshogs sbyar ba 'di// skal ldan khyod kyis 'di 'thungs pas// dpa' brtul mchog gi dbang thob shog/ rdo rje dril bu rig pa 'dzin// thabs dang shes rab dbang chen te// 'khor 'das chos la rang dbang yod// ye shes chen po'i dbang thob shog/ khyod ni rjes su rnal 'byor te// dus 'di nyid du sangs rgyas pa// 'gro la phan phyir sems bskyed la// yi dam lha ni rtag tu bsgoms// de yang 'dus pa'i
- 35b
snying po nyon// oM ni ye shes chos kyi sku// bde chen mchog tu longs spyod pa'i// mkha' dbyings klong yangs b+ha ga la// rab brjid sku yi dbang thob shog/ dam tshig can gyi lce stengs su// yi ge can gyi oM bsgoms pas// skye med tshangs pa'i gsung snyan che// rig pa gsung gi dbang thob shog/ rab byung chen po ye shes thugs// rgyal ba'i dpal gyi be'u thugs brgyud nas// chos nyid rig pa'i 'od 'phros pas// skal ldan dus kyi dbang thob shog/ de yang 'dus pa'i snying po nyon// yang dag nges don dbang bskur bas// 'khor ba'i mtha' ni mi ltung zhing // mya ngan las 'das 'bras bu mchog/ phyir mi ldog pa'i dbang thob shog/ sangs rgyas bka' yi dbang gnas pa// lung ldan nges pa'i dam pa'i chos// rna ba'i dbang por don gsal ba// nyan pa'i dbang ni thob par shog/ bde gshegs thugs kyi sras po mchog/ sngon gyi thugs dam mi 'da' bar// sems can kun la chos ston pa'i// bla ma'i lung ldan dbang thob shog/ sangs rgyas dgongs pa'i dbang bskur bas// bsnyen bsgrub rnam bzhi las bsgrub pa'i// phyi mar mi sdod dus 'di/ ru// rig 'dzin grub pa'i dbang thob shog/ de dag thun mong dbang rnams kyi// rim pa bzhin du dbang thob na// dus 'dir thun mong dngos grub thob// de phyir dad pas yang dag zungs// rdzogs pa chen po
- 36a
du dus da shA shA las sa dbang brgyad pa/ du rnams la// kun rig chos kyi rgyal po yis// thun mong ma yin khyad 'phags pa'i// rgyal thabs spyi blugs bka' stsal pa// lung ldan bla ma nges pa la// zhu ba 'bral dang b+h+yo ba dr-i// phyir mi ldog par dam bca dang // gnang ba sbyin dang sku gsung thugs// yon tan phrin las dbang bskur zhu// de skad gsol gdab brtul zhugs phul// rim pa bzhin du bskor zhing nod// da yang rdo rje sems dpa' nyon// kun bzang rje btsun bdag la dgongs// ma rig dbang gis don ma rtogs// de phyir bzlog don rgyal ba'i bka'// ye shes rgyud sprin rig pa'i dbang // thugs rje chen pos bdag la bskur// dad ldan nges pa'i shes rab rgyan// rdzogs chen chos la 'jug smralam// 'khor 'das ma rig nges don gyi// ba ma'i chos la mi skrag gas// yang dag ngams bstan pa paM// wang ldan dam chog gzang thub pas// thags nas can du brgyad yi// nges don man ngag gsang thub bam// da yang 'dus pa'i snying po can// bla ma kun bzang spyan lam du// bka' las mi 'da' phyir mi ldog/ sangs rgyas chos su rtogs bar du// rkyen dbang mi btang dam
- 36b
bca'o// skal ldan rigs kyi bu khyod nyon// rang gi dam bca' ji bzhin du// nges don sangs rgyas gsang sngags dbang // yang dag ma nor khyod nos shig/ nges don sangs rgyas chos kyi sku// thig le rang byung 'od gsal ba// rig pa'i ye shes mngon du 'gyur// ye shes sku mchog bdag la skur// ngas don ye shes tshangs pa'i gsung // tshig gi don mtshon yid kyi go// nges don gsal bar rig pa'i gsung // brda 'jal nges pa'i dbang thob shog/ ma rig sems kyi mun gseb tu// lung ldan thugs kyi sgron ma yi// ma rig rtog med da lta nyid// 'gyur med thugs kyi dbang thob shog/ dngos med rig pa'i ye shes 'di// nang gsal yengs med chos kyi sku// rgyal ba rnams kyi yon tan dbang // ye shes 'gyur med bdag la skur// rang byung mdzad spyod ye shes la// rgyun du mi 'bral nges pa'i lung // dus 'dir mi brjed rang gsal gyi// mdzad spyod dbang zhig bdag la skur// da yang 'dus pa'i snying po nyon// nam mkha' lta bur dwangs pa yi// khyab gsal rab brjid skur ston pa'i// mkhas pa rgya che shin tu gsal// e ma bcom ldan sangs rgyas gsung // shes rab gting phyin g.yos pa med// rgyun mi 'chad la phyag 'tshal bstod// ma rtsol bdud rnams 'joms mdzad pa// stobs ldan dpa' bo chen po ste// yon tan phrin las rdzogs
- 37a
mdzad pa// ci bsam 'grub la phyag 'tshal bstod// da ni khyed kyi 'bangs su mchi// dpa' bo chen pos bdag la dgongs// bka' las mi 'da' yid kyis bzung // nges don gdams ngag bstan du gsol// rgyal thabs spyi blugs ye shes dbang // rang byung rig pa'i chu rgyun gyis// ma rig bag chags dag pa'i dbang // skal ldan khyod kyis thob par shog/ de ltar dbang gis rim pa yang // ma nor nges par bskur thob na// sangs rgyas gdams ngag dus 'di ru// nges don mchog ni thob par 'gyur// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rgyal thabs spyi/ blugs kyi rim pa bstan pa'i le'u ste nyer dgu pa'o// // de nas 'dus pa'i tshogs rnams la// kun rig chos kyi rgyal po yis// nges don rig pa rang gsal gyi// dbang gi rim pa bka' stsal pa// ye shes rig pa'i dbang chen ni// blta bsgom spyod pa 'bras bu dang // 'od gsal ye shes dbang bskur dang // brda yig byin la dam tshig dbog/ de yang 'dus pa'i snying po nyon// rang rig chos sku'i lta ba ni// yid ches thag chod gdeng du ldan// de rtogs kun bzang byin rlabs kyis// chos sku rig pa'i dbang thob shog/ 'bral med rang gsal yengs pa med// nyams myong zhen med rgyun du gnas// ting 'dzin lhag
- 37b
mthong ye shes dbang // rkyen dbang mi 'gyur dbang thob shog/ blang dor dgag bsgrub med pa yis// nyam nga med pa'i brtul zhugs mchog/ de la rtag tu skyon mi gos// spyod pa la spyod dbang thob shog/ 'bras bu chos nyid byang chub klong // ma bgrod sangs rgyas sar phyin pa'i// chos sku'i gzugs brnyan gzugs sku 'byung // 'gro don dbang byin dbang thob shog/ de yang 'dus pa'i snying po nyin// ma rig kun gzhi gzhi cha la// rang byung rig pa'i dbang bskur bas// sangs rgyas kun gyi chos kyi sku// ye shes 'od gsal dbang thob shog/ bla ma rje btsun kun bzang ni// sangs rgyas kun gyi sangs rgyas te// lung ldan dam tshig rjes su srungs// yon phul gdams ngag rjes su longs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes rig pa gsal dbang gi rim pa bstan pa'i le'u ste/ sum cu pa'o// // de nas kun rig chos rje yis// ye shes spyi blugs dbang chen ni// dad ldan 'khor la bka' stsal pa// dang po skye shi'i bar do la// rang sems chos sku ngo sprad pas// rgyun du 'bral med gdams ngag gis// rkyen dbang mi 'gyur dbang bskur ro// da yang 'dus pa'i snying po nyon// ye shes rang shar dbang bskur bas// dngos po ma 'khrul rig pa la// tshor ba bde sdug dug lnga ni//
- 38a
gang phrad rkyen thub chos kyi sku// nyams myang bral med dbang thob shog/ dus 'dir sangs rgyas thob bar du// bde ba phyi nang gsang ba gsum// gol med rkyen thub la zlos pa'i// zhen med ye shes dbang thob shog/ sdug bsngal rnam gsum gang byung yang // de dus chos sku dran nas ni// mi bde sdug bsngal rang zhi nas// ye shes rang shar dbang thob shog/ gti mug las byung btang snyoms gsum// shan dbye ngos bzung la zlos pa'i// gol med rkyen thub lhag mthong du// mi brjed gzungs kyi dbang thob shog/ de yang rdo rje sems dpa' nyon// dge sdig rmi lam rnam gsum du// gol med rkyen thub klong thim pa'i// ye shes nyid kyi ting 'dzin du// gsal zeb rig pa'i dbang thob shog/ nyon mongs dug lnga skyes pa'i tshe// gol med log non gsal theb pas// ye shes rkyen thub gdeng gis zin// dug lnga rang grol dbang thob shog/ 'di nas tshe 'phos par do la// ma rig sgrib med gdeng gis ni// mngon shes rjes dran yon tan ldan// skye ba mi len dbang thob shog/ skal ldan rigs kyi bu khyod nyon// 'bral med rkyen thub dbang bskur bas// mi yi lus la sangs rgyas thugs// dus 'dir mngon 'gyur ye shes te// 'bral med sangs rgyas dus 'dir thob// rdzogs pa chen po nges don thams cad 'dus pa/ ye shes nam mkha' dang mnyam
- 38b
pa'i rgyud las/ ye shes spyi blugs kyi dbang gi rim pa bstan pa'i le'u ste so gcig pa'o// // sdom du bsdus te bstan pa drug pa'o// // de nas 'dus pa'i 'khor rnams la// dbang bzhi'i yon tan bka' stsal pa// dang po thun mong yon tan ni// dkyil 'khor 'jug sgo'i dbang bskur bas// phrin las rnam bzhi'i dngos grub thob// phyi ma ma yin dus 'dir 'byung // de phyir dkyil 'khor 'jug pa gces// dam chu lce thog bzhag pa gces// bla na med dang rdo rje'i dmyal// phyi ma dang ni dus 'dir smin// de phyir dam tshig shin tu mnyan// rin chen 'phreng ba 'di dor bas// sngon nas bsgrubs shing bsten pa'i lha// gang phog rang gi yi dam lha// dus 'dir zhal mthong dngos grub thob// de yang 'dus pa'i snying po nyon// rig pa'i don rtogs 'bru brgyad pa// rang la btags pas ye shes mchog/ thun mong mchog gi las rdzogs nas// mtshan dang dpe byad dngos grub thob// rin chen dbu rgyan dbang bskur bas// rig lnga ye shes dbang thob nas// longs sku'i ye shes dus 'dir ni// sku lnga lhun gyis grub par 'gyur// rang byung thod pa'i dbang bskur bas// ye shes lnga rdzogs thams cad mkhyen// brgyad khri bzhi stong chos rnams ni// mi brjed pa yis gzungs rnams thob// brtul zhugs mchog gi dbang bskur bas// thabs dang
- 39a
shes rab don ldan phyir// blang dor med pa'i ye shes kyis// nyam nga med pa'i brtul zhugs byung // de phyir rtog bcom bgegs rnams 'dul// rdo rje dril bu'i dbang bskur bas// thabs dang shes rab don ldan phyir// 'khor 'das chos la rang dbang thob// de phyir rig 'dzin sa la gnas// da yang 'dus pa'i snying po nyon// yang dag ming gi dbang bskur bas// yi dam lha yis lung bstan nas// 'gro don mthar phyin sems bskyed pas// 'khor ba'i ming med mngon sangs rgyas// lus la sku yi dbang bskur bas// chos sku bde chen rig pa yi// gzugs sku rnam gnyis dus 'dir ni// rab brjid sku yi dngos grub thob// dam tshig gsung gi dbang bskur bas// skye med rig pa'i ye shes kyi// tshangs pa'i gsung gi dngos grub kyi// dus 'dir skye 'gag med pa thob// rang byung bum pa'i dbang bskur bas/ rang rig mi 'gyur thugs kyi gdeng // dus 'dir sangs rgyas chos kyi sku// skye 'chi med pa'i dngos grub thob// de yang rdo rje sems dpa' nyon// phyir mi ldog pa'i dbang bskur bas// 'khor ba'i mtha' las rnam thar nas// sangs rgyas chos kyi yon tan rdzogs// skye rga na 'chi'i sdug bsngal thar// lung bstan nyan pa'i dbang bskur bas// sangs rgyas mdo rgyud nges pa'i chos// skad cig la ni nges shes phyir// gti mug med
- 39b
pa'i dngos grub thob// bshad pa'i dbang mchog 'di bskur bas// rdo rje'i lce dang ldan gyur nas// ngag gsal lung bstan dam par 'dzin// bla mar 'dzin pa'i dbang thob 'gyur// bsgom bsgrub mchog gi dbang bskur bas// phyi mar mi sdod dus 'dir 'byung // las bzhi'i dngos grub thob nas ni// rang bzhin grub pa'i sa la gnas// de yang 'dus pa'i snying po nyon// de dag dbang gi yon tan yin// dgos don ma nor nges pa'i lung // mchog dang thun mong ngo bo'i lung // sangs rgyas rgyud smin de las 'byung // rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ thun mong dbang gi yon tan bstan pa'i le'u ste so gnyis pa'o// // de nas kun rig ston pa chos rje yis// rgyal thabs spyi blugs dbang gi ni// yon tan 'khor la bka' stsal pa// dang po lung bstan zhu phul bas// rjes su gnang bas dad mi ldog/ de phyir bka' gsang don la 'jug/ ma rig sel zhing rang rgyud smin// spro ba dri ba'i tshig brjod pas// mnyan zhing gus pa'i blo byung ste// dam tshig gsang ba nges par 'dzin// lung ldan gong mas byin gyis rlobs// slob mas mi ldog dam bcas pas// chos skyong dam btags kun gyis bsrung // tshe ring ci bsam 'grub par byed// de mi nus na bar chad 'byung // gnang ba
- 40a
byin pa'i yon tan ni// dad ldan yid ches blo bde nas// tshogs kyi lam gyi ye shes te// 'bras bu brtson 'grus myur du bya// de yang 'dus pa'i snying po nyon// chos kyi sku yis dbang bskur bas// rang rig thig le'i don shar phyir// rtogs pa mngon 'gyur ye shes mchog/ chod nyid btsal med dus 'dir 'thob// nges don gsung gi dbang bskur bas// tshig gis mtshon pa yid kyis go// don gsal yid ches tshangs pa'i dbyangs// skye 'gag med pa'i dngos grub 'thob// rig pa thugs kyi dbang thob pas// ma rig sel zhing rig pa rtogs// ye shes 'gyur med chos sku thob// da lta nyid du dngos grub thob// yon tan rig pa'i dbang bskur bas// gzugs sku'i zhing khams sna tshogs la// mnga' mdzad sangs rgyas 'gro don byed// gzung 'dzin zhen pa'i skyon mi gol// phrin las rig pa'i dbang bskur bas// 'dzam gling bye ba phrag rgya ru// sprul pa bye ba sna tshogs 'gyed// 'gro don mthar phyin dngos grub thob// de yang rdo rje sems dpa' nyon// sku gsung thugs dang yon tan las// dad pa'i yid kyis bstod byas pas// stobs dang mi 'jigs yon tan 'byung // gsol btab rgyal thabs dbang bskur bas// ye shes chu rgyun nges pa'i brda'// bag chags nyon mongs dus 'dir dag/ chos sku ngo sprod dngos grub thob// rdzogs pa chen po
- 40b
nges don thams cad 'dus pa/ ye shes nam mkha' dang mnyam pa'i rgyud las/ rgyal thabs spyi blugs dbang gi yon tan bstan pa'i le'u so gsum pa'o// // de nas 'dus pa'i 'khor rnams la// kun rig chos kyi rgyal po yis// rig pa rang gsal dbang yon tan// 'dus pa'i 'khor la bka' stsal pa// lta ba nges pa'i dbang bskur bas// sangs rgyas sems can ma lus kun// chos kyi sku las gzhan med pas// 'khor ba'i skyon ni ka nas med// ma bsgrubs 'bral med dbang bskur bas// zhi gnas lhag mthong zung du 'brel// nyams myong zhen med rgyun mi chad// ting 'dzin rang gsal dngos grub thob// spyod pa mchog gi dbang bskur bas// nyon mongs mi 'byung ye shes 'byung // skyon gyis mi gos blang dor med// brtul zhugs mchog gi dngos grub thob// 'bras bu mchog gi dbang bskur bas// sa dang lam la ma bgrod par// nyon mongs dug lnga rang grol nas// dus 'dir sku gsum sangs rgyas 'byung // de yi yon tan brjod mi langs// 'od gsal chen pos dbang bskur bas// ye shes rig pa'i 'od shar bas// 'jig rten gsum gyi byang chub sems// kun kyang sangs rgyas sa ru shes// de yang rdo rje sems dpa' nyon// de dag rang gsal yon tan gyi// brda yig byin la dbang yon phul// de yi bsod nams bsam mi
- 41a
khyab// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rig pa rang gsal gyi dbang gi yon tan bstan pa'i le'u ste so bzhi pa'o// // de nas 'dus pa'i tshogs rnams la// kun rig ston pa chos rje yis// ye shes spyi blugs dbang gi ni// yon tan nges par bka' stsal pa// bde ba ye shes dbang bskur bas// phyi nang gsang ba'i bde ba ni// bde ba rkyen thub chos skur shar// longs spyod rdzogs pa'i 'bras bu 'byung // sdug bsngal zhi byed dbang bskur bas// sdug bsngal sna tshogs gang byung yang // rang zhi byang chub sems su rtogs// khang gzhi gsum 'bras bde bar gnas// btang snyoms lhag mthong dbang bskur bas// gti mug rang bral rkyen rnams thub// le lo mi 'byung chos kyi sku// de tsam nyid na chos sku gsal// dug lnga rang grol dbang bskur bas// nyon mongs zhen pa gang skyes kyang // de nyid gsal theb chos sku nyid// rkyen dbang mi 'gyur gdeng gis zin// skye ba mi len dbang bskur bas// lus bor srid pa bar do la// rjes dran drug gi don shes nas// skye ba mi len ye shes su// bag chags mi 'byung rkyen rnams thub// de yang rdo rje sems dpa' nyon// de dag dbang gi rim pa yang // don la dbyer med ngo bo gcig/ yon tan grangs rnams ci gsungs kyang //
- 41b
sgrib pas mi gos sangs rgyas nyid// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes spyi blugs kyi dbang gi yon tan bstan pa'i le'u so lnga pa'o// / sdom du bsdus te bstan pa bdun pa'o// // de nas rdo rje sems dpa' yis// kun rig chos kyi rgyal po la// bden pa'i yid kyis 'di skad gsol// rtogs par bya ba'i dam tshig gang // ched du bya ba'i dam tshig gang // bsrung bar bya ba'i dam tshig gang // spang bar bya ba'i dam tshig gang // spyad par bya ba'i dam tshig gang // kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// dam tshig lnga yis gzhi bzung ba// nga yis bshad kyis legs par nyon// dam tshig bcu gnyis gzhi bstan pa// lus ngag yid gsum las spyod pa'i// yon tan skyon gyi rtsa ba ste// gnang dang bkag pa shes par gces// de yang 'dus pa'i snying po nyon// rtogs par bya ba'i dam tshig ni// ma med bu ni mi 'byung bzhin// kun gzhi nang gi chos sku las// sangs rgyas mi btsal dam tshig ste// de nyid ngos zin rtogs pa'i cho ga/ gzugs spangs grib ma mi rnyed bzhin// dug lnga spangs pa'i pha rol na// sangs rgyas gzhan na med pa yin// dug lnga mi spangs dam tshig mchog/ gser 'gyur rtse yis theb pa
- 42a
bzhin// dug lnga chos nyid don shes na// spang blang med pa'i chos skur gsal// de las mi 'gyur 'khor mi srid// sngags kyis dug bsad dpe bzhin du// dug lnga rang grol don shes na// ched du mi bsgom dam tshig ste// yid kyi bsam pas bsgom mi dgos// rin chen rnyed pas las mi dgos// de bzhin don rtogs dam tshig mchog/ bsgom mi dgos pa'i chos yin phyir// ma sgoms stor bral gol sa med// de yang rdo rje sems dpa' nyon// de dag rtogs thabs dam tshig kyang // rtsa ba rang sems 'di nyid las// gzhan na yod pa ma yin te// rang rig rtogs na dam tshig mchog/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rtogs par bya ba'i dam tshig bstan pa'i le'u ste so drug pa'o// // de nas 'dus pa'i 'khor rnams la// kun rig ston pa chos rje yis// chad bya'i dam tshig bka' stsal pa// dper na mig gi 'bras bu bzhin// lung ldan rdo rje slob dpon la// brtse gdung dam tshig rgyun du bkur// nges don mchog gi dngos grub thob// da yang 'dus pa'i snying po nyon// dper na rang gi lus bsrung bzhin// nges don gcig pa'i grogs dag la// gdung sems mi 'bral gus byas na// dngos grub tshe ring longs spyod 'phel// dper na rang gi snying bzhin du//
- 42b
dam tshig gdams ngag ma nor ba// snod med gzhan la mi spel bar// ched du dam byas ci bsam 'grub// ka la ping ka'i dbyangs snyan bzhin// rang gi blta bsgom nges pa'i don// rgyun du mi 'bral ched du ni// rig pa so thub dam tshig srung // bden mthong rkyen khar mi btang zhing // lung ldan nges pa'i gdams ngag la// bdud kyi cho 'phrul gang byung yang // zil mnon gdams ngag dran pa gces// bu la mi chags ni ti bzhin// dam ldan dam tshig gdeng ldan nas// chos brgyad spang blang med shes phyir// ched du mi zhen gnyen po dgos// de yang rdo rje sems dpa' nyon// de dag ched bya'i dam tshig kyang // rtsa ba sku gsung thugs su 'dus// de phyir rtsa dgu dam tshig ste// chos rnams kun gyi gzhi ma yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ched du byed pa'i dam tshig bstan pa'i le'u ste so bdun pa'o// // de nas 'dus pa'i tshogs rnams la// kun rig ston pa chos rje yis// bsrung ba'i dam tshig bka' stsal pa// spre dang stag thabs ji bzhin du// rdo rje slob dpon sku dgra dang // bshes 'dris mi bya bsrung gyur na// rin chen sku yi dngos grub thob// mthong ba'i dug can dpe bzhin du// nag mor 'dzings dang dam nyams kyis// 'thab brdungs shugs ma spangs 'gyur na// bgegs
- 43a
kyis mi tshugs byin rlabs 'byung // dug tu ngo shes mi za bzhin// rmig dum sha ni ma zos na// bram ze gtsang ma'i rigs 'dzin skyob// mkha' 'gros thun mong dngos grub ster// gser dang bye ma mi brje bzhin// nges don rgyud drug chos dang ni// bka' rkun chos bzhin ma brjes na// thugs kyis dngos grub sangs rgyas thob// dar dkar la ni snum zhen bzhin// nal bu bsad dang ngos nal la// 'khrig pa'i 'dod chags spyod spangs na// gtsang ris chos skyong kun gyis skyob// de yang rdo rje sems dpa' nyon// de dag bsrung ba'i dam tshig kyang // rtsa ba 'dod chung nyid du 'dus// de phyir zhen pa mi shes na// bar chad mi 'byung dngos grub thob// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bsrung bar bya ba'i dam tshig bstan pa'i le'u ste so brgyad pa'o// // de nas yang kun rig ston pa yis// spang bar bya ba'i dam tshig ni// 'dus pa'i tshogs la bka' stsal pa// rnal 'byor nges lung ldan pa yis// dam bzung mi shigs bsrungs dgos ni// sems can tha mal 'gro ba yi// srog gcad dam tshig can gyis spangs// til gyi phub ma tsam yang ni// ma byin blang bar mi bya ste// mi dang mi ma yin pa'i rdzas// rnal 'byor pa yis rku sems spangs// reg pa dug can dpe bzhin du// srung
- 43b
ma lnga ldan gzhan gyi la// chags sems tsam yang mi bya ste// rnal 'byor dam tshig ldan pas spangs// kha rlangs dug chen dpe bzhin du// mi chos bla ma'i rdzun la sogs// rang 'dod 'du shes bsgyur smra spang // de dag rtsa ba bzhi po ni// 'khor bar 'khrul pa'i rten gzhi ste// de ma spang bar grol mi srid// de phyir rnal 'byor kun gyi spangs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ snang bar bya ba'i dam tshig bstan pa'i le'u ste so dgu pa'o// // de nas kun rig rgyal po yis// gnang ba'i dam tshig rnam pa bzhi// 'dus pa'i 'khor la bka' stsal pa// dug sbrul nyes byed gsod pa bzhin// sku dgra nyes byed zhing bcu dang // sngags la skur pa la sogs pa'i// sdig can bsgral pas dngos grub thob// dper na sbrang bu bcud len bzhin// rnal 'byor thabs rnams sna tshogs kyis// ser sna can gyi zas nor ni// ma byin blangs la tshogs su 'bul// shing tog smin pa'i bcud 'jibs bzhin// snga phyi ma song gdeng ldan pas// pho mo chags pa ci spyod kyang // don las ma 'das bde ba'i grogs// byis pa lag gtong 'drid pa bzhin// nges don bka' la zhugs ched du// drang don chos kun rdzun du smra// gol sgrib phyir ni nyes byed dge// da yang 'dus pa'i snying po nyon// gnang ba'i dam
- 44a
tshig de dag kyang // lta bas gdeng ldan bya ba las// za mal kun gyis byar mi rung // de phyir gdeng ldan blo yis bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gnang bar bya ba'i dam tshig bstan pa'i le'u ste bzhi bcu pa'o// sdom du bsdus te bstan pa brgyad pa'o// // de nas rdo rje sems dpa' yis// 'dus pa'i tshogs la phan gdags phyir// kun rig sems kyi rgyal po la// bden pa'i tshig gis 'di skad gsol// ma rig ye shes dbye ba gang // yul sems gzhi ma gcig mi gcig/ rgyu 'bras don gyi dbye ba gang // bsgom du yod med ji ltar yin// rtogs ma rtogs kyi khyad par gang // kun rig rgyal pos bshad du gsol// de skad zhus pas don gsan nas// 'dus pa'i 'khor la bka' stsal pa// sems can kun la gnas pa yi// ma rig ye shes khyad par ni// nga yis bshad kyis da nyon cig/ dang po 'khor 'das par do la// shes bzhin lung ma bstan du g.yos// de nyid rang du ngo ma shes// de phyir gang gi blo mi 'jug/ de ni gti mug 'khor ba'i gzhi// de la dpyad kyang ma shes pas// zhi gnas ma rig pa zhes bya// de yang 'dus pa'i snying po nyon// de las yul med 'dzin pa ni// bag la nyal ba cha phra byung // de phyir rang la rang gis bsgribs//
- 44b
lhan cig skyes pa'i ma rig pa// rgyu yis rkyen zhes de la bya// rgyu de shin tu myur bar ni// de ma thag tu 'dzin pas brtags// bag nyal langs la nyes pas 'dzin// de ma thag pa'i rkyen zhes bya// rgyu dang de ma thag pa yis// rkyen gnyis zung du 'jug pa yi// lhan cig skyes pa'i ma rig pa// de bskyed shes pa mngal du 'jug/ des 'dzin chags sdang phra mo skyes// nang gi bzung bas kun du brtags// de phyir dmigs pa'i rkyen zhes bya// chags sdang de bas rags skyes pas// khong nas byung nas phyi rol gyi// bag chags yul gyi snang ba yang // rang gi yid kyis don rtog zhugs// yul dang chos brgyad rnam par brtags// nga bdag nan tan gzung 'dzin brtas// mngon 'gyur chags sdang kha tshang phyir// dmigs pa bdag po'i rkyen gnyis tshang // kun brtags ma rig pa zhes bya// de yang 'dus pa'i snying po nyon// lhan cig kun brtags gnyis 'dzom pas// kun gzhi'i rnam par shes pa yin// de bskyed tshogs brgyad kha tshang bas// 'khor bar 'khyams zhes de la bya// de yang rdo rje sems dpa' nyon// sangs rgyas kun gyi ye shes ni// rang sems ngo bo rtogs las byung // ye ni rang byung kun gyi gzhi// shes ni lung ldan nges pa'i don// zung du 'dzom phyir ye shes yin// sman dang sman pa 'dzom pa 'dra// rdzogs pa chen po nges don thams cad 'dus pa/ ye
- 45a
shes nam mkha' dang mnyam pa'i rgyud las/ ma rig ye shes dbye ba bstan pa'i le'u ste zhe gcig pa'o// // de nas kun rig rgyal po yis// yul sems dbye ba bka' stsal pa// snang zhing srid pa'i chos rnams kun// 'khrul sems bag chags yin pa'i phyir// snang ba'i zhen pa sna tshogs kyang // ngo bo yul du grub pa med// de phyir snang ba log 'khrul yin// de yang 'dus pa'i snying po nyon// rang gi sems ni 'khrul ba'i dpe// thag sbrul tho yor mi bzhin du// med la yod 'dzin kun tu brtags// sa chu me rlung 'byung ba bzhi// 'khrul pa'i bag chags brtas pa yis// dngos su snang yang don du med// de phyir yul 'di rten med par// rmongs pa kun ni dam par 'dzin// log pa'i rjes su 'brangs pas phung // smre 'dra'i lung gis bslad pas phung // de yang rdo rje sems dpa' nyon// rang rig chos sku ye shes la// 'khrul pa'i rkyen bzhis ma bskyed pas// kun gzhi med phyir sems kyang med// yul sems gnyis ka gzhi med de// de phyir gzhi med chos sku la// rang rig ye shes klong ldan pas// snang ba med phyir 'dzin pa bral// gsal la 'dzin med mi g.yo ba// sangs rgyas kun gyi dgongs par bshad// de yang rdo rje sems dpa' nyon// rang sems yul du 'dzin pa'i rgyu// 'khor ba'i sa bon ma rig pas// rgyu rkyen byas nas sdug bsngal
- 45b
byung // de phyir rang 'khrul rmongs pa'i sems// gzung 'dzin bying rgod zhen pa'i rgyu// yul la brten nas chags sdang skye// 'khor ba'i rgyu rkyen 'khrul sems gnyis// gcig dang mi gcig rtsol ba'i phyir// 'khor ba'i mtha' la zad med phyir// de phyir rang rig don rtogs na// sems med yul 'di ci la srid// de bas rang sems snying po 'di// sems kyi yul las 'das pa'i phyir// gcig dang mi gcig brjod kyi bar// ma rig blo la yul sems yod// log lta can rnams dam par 'dzin// de phyir sgra dang tshad ma'i chos// spre'u 'dra'i blo yis nan brtags nas// yul sems rtsod pas chos kun byung // de yang 'dus pa'i snying po nyon// nges lung gdams ngag ldan pa yi// yang dag nges pa'i sangs rgyas la// rang rig chos sku sems dang bral// de phyir yul med rig pa 'phyo// nges lung go bas yul sems brlag/ de yang 'dus pa'i snying po nyon// de yang rtsa ba mdor bsdus na// nyi shar mun 'grib med pa bzhin// rang byung chos sku'i don rtogs pas// gol sgrib yul sems gzhi nas dag/ de phyir rang byung ye shes sku// dus gsum 'pho 'gyur/ med pa'i phyir// 'khrul med yang dag mngon sangs rgyas// de phyir nges don rtogs pas chog/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ yul sems gzhi la
- 46a
skabs dbye ba bstan pa'i le'u ste zhe gnyis pa'o// // de nas 'dus pa'i tshogs rnams la// kun rig sems kyi rgyal po yis// rgyu 'bras skabs dbye bka' stsal pa// yang dag nges don skye po la// mdzad spyod 'byang bas ma bslad phyir// rgyu dang 'bras bu ngo bo gcig/ rang byung rig pa'i ngo bo de// dper na nor bu rin chen la// dgos 'dod 'bras bu dus gcig rdzogs// de bzhin chos sku nges don la// rtogs pa tsam gyis nges don rdzogs// de yang 'dus pa'i snying po nyon// theg pa gzhan dang sgo bstun na// re zhig rgyu rkyen brjod pa ni// rgyu ni rang byung ngo bo nyid// rkyen ni lung ldan bla mas tshol// 'bras bu ye shes rtogs pa'i tshe// tha dad med phyir rgyu 'bras gcig/ de yang rdo rje sems dpa' nyon// theg gzhan chos kun rgyu 'bras de// dus gcig ma yin rim gyis tshol// rtsol sgrub yin phyir 'khor ba'i rgyu// gnas skabs bde thob mthar zug med// rgyu 'bras rim bskyed gol sar gsungs// dper na byas pa'i rdzas rnams ni// mi rtag myur du 'jig pa bzhin// rgyu rkyen byas pa'i chos kun nor// 'bras bu mi 'byung chu shing 'dra// da yang 'khor gyi snying po nyon// de don rtsa ba mdor bsdus na// tak+Sha ka yi rgyan bzhin du// rgyu 'bras mthar phyir gzhi nas rdzogs// de bzhin chos kun snying po la// che ba'i yon tan ngang la 'char//
- 46b
'bras gcig phyir lhun gyis grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rgyu 'bras don gyi skabs dbye ba bstan pa'i le'u ste zhe gsum pa'o// / de nas 'dus pa'i tshogs rnams la// kun rig sems kyi rgyal po yis// bsgom du yod med skabs dbye ba// ched du dgongs te bka' stsal pa// nges don ma nor don phrad na// ma bsgoms sangs rgyas da lta 'byung // rang byung chos sku ye gnas pa// byang chub snying po bsgom du med// de yang 'dus pa'i snying po nyon// de phyir chos nyid gdod nas dag/ kun bzang nga yis dgongs pa'i don// ma nor gdams ngag rnam pa lnga// tshegs med rang sems snying po'i don// skal ldan rnams kyis rtogs par bshad// de yang rdo rje sems dpa' nyon// sangs rgyas dgongs pa ji lta ba// sems can blo yis rtogs pa'i thabs// dpe mi mtshon cing ma bskyed par// gdams ngag bstan pa tsam gyis kyang // ma bsgoms da lta nyid du yang // nges don rtogs phyir bsgom med don// ma bsgoms 'bral med sangs rgyas thugs// kun bzang thugs dang mnyam par ni// bral med rkyen thub gdams ngag ni// bsgom mi dgos par gdams ngag gis// dad ldan phyi rabs rtogs par gyis// de yang rdo rje sems dpa' nyon// nges don gdams ngag skal med la//
- 47a
zhi gnas blo ni ma nges pa// bsgom du yod pa gnas pa'i lam// 'khor la bstan gyis yid la nyon// bsgom du med la su skrag pa// mtshan nyid dbang gsum rim gyis bskur// nges don nyams su myong ba dang // yid ches gdeng dang ldan par 'gyur// de phyir rang sems dgongs pa ste// der gnas shes rab shin tu che// nyams ni phyi nas rim gyis 'byung // de byung dga' brod sems mi bya// da yang rdo rje sems dpa' nyon// rnam grangs mtshon pa'i don rnams las// log ste brjod med ngang la bzhag/ tha ma la rjes su ma 'brangs par// bsgom du yod pa'i chos bshad pas// de phyir ma g.yengs bsgom pa ni// nyid las mi gzhan 'khor rnams la// don gyi sgo nas shes par gnas// rig 'dzin sems dpa' rnams kyang ni// ting 'dzin goms pas brtan pa thob// 'khor na gnas pa'i dad nyan kyang // mos pa'i lta ba goms par byed// shes rab dman pa'i rnal 'byor gyis// gnas dang mi g.yo lhun grub 'dod// de phyir rang sems rtogs par dka'// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bsgom du yod med skabs dbye ba bstan pa'i le'u ste zhe bzhi pa'o// // de nas 'dus pa'i tshogs rnams la// kun rig sems kyi rgyal po yis// 'dus pa'i 'khor la
- 47b
bka' stsal pa// ye nas yod pa'i chos kyi sku// rtogs ma rtogs kyi khyad par las// legs par nyon la yid la zung // rang sems ma rtogs sems can ni// 'khor ba gang nas gang du 'khrul// cis 'khrul ldog thabs ma shes pas// yod med gzung 'dzin bla dgas la// 'khrul pa rnams ni dam par 'dzin// 'khor lan chos la brtags pas lan// de yang 'dus pa'i snying po nyon// gang la rtogs med ma shes phyir// log lta gang zhig nor ba'i lam// gnyis med don la ma rig 'khrul// de phyir gnyis med ma rtogs na// lus ngag rtsol bas sdug bsngal non// de phyir nges don lung med na// theg dgu'i shes pas grol mi srid// de yang rdo rje sems dpa' nyon// ye nas yod pa'i chos nyid la// lung ldan nges pa'i don phrad na// rtogs dus da lta'i tshe 'di la// rang sems snying po rtogs par gyis// kun bzang nga la thog mtha' yod// dus cig mchod phyir mngon sangs rgyas// 'das pa'i sangs rgyas kun gyis kyang // nga yod phyir na thog mtha' yod// skye ba mi len tha ma 'byung // da lta ma byon sems dpa' yis// thog mtha' mchod rtsol ba med// de phyir rang sems rtogs par dka'// sems can kun la smos ci dgos// de yang 'dus pa'i snying po nyon// de phyir 'dus pa'i lung ldan gyis// 'khrul pa ldog thabs shes pa des// nges pa tshig
- 48a
gi gdams ngag 'di// bstan pas don rtogs skad cig la// sangs rgyas kun dang dgongs pa mnyam// thog mtha' chod phyir thams cad mkhyen// de yang nges pa'i rgyud chen 'di// rtogs pas chog phyir ya mtshan can// des na tshegs med don po che// chos rnams kun gyi mchog tu bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rtogs ma rtogs kyi khyad par gyi skabs dbye ba bstan pa'i le'u ste zhe lnga pa'o// // sdom du bsdus te bstan pa dgu pa'o// // de nas rdo rje sems dpa' yis// 'dus pa'i 'khor gyi don ched du// kun rig chos kyi rgyal po la// nges pa'i dgos don 'di skad gsol// nam mkha' chos nyid ji ltar 'dra// de las chos sku ji ltar 'phags// 'jig rten dpe ni gang dang 'dra// de las don ni ji ltar 'phags// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// zhus pa legs songs bshad kyis// yid la zung la don la gnyer// de don rtogs thabs mthun dpe ni// nam mkha'i mtshan nyid dngos po med// de dang 'du phyir spros med pas// chos nyid ngo bo de bzhin no// de yang rdo rje sems dpa' nyon// nam mkha'i mtshan nyid gzung du med// chos nyid ngo bo de bzhin no// nam
- 48b
mkha'i mtshan nyid 'gro 'od med// chos nyid ngo bo de bzhin no// nam mkha'i mtshan nyid 'du 'bral med// chos nyid ngo bo de bzhin no// nam mkha'i mtshan nyid bya btsal med// chos nyid ngo bo de bzhin no// nam mkha'i mtshan nyid mtha' dbus med// chos nyid ngo bo de bzhin no// nam mkha'i mtshan nyid steng 'og med// chos nyid ngo bo de bzhin no// nam mkha'i mtshan nyid snang stong med// chos nyid ngo bo de bzhin no// nam mkha'i mtshan nyid bzang ngan med// chos nyid ngo bo de bzhin no// de yang rdo rje sems dpa' nyon// nam mkha'i mtshan nyid bya rtsol med// chos nyid ngo bo de bzhin no// nam mkha'i mtshan nyid skye shi med// chos nyid ngo bo de bzhin no// nam mkha'i mtshan nyid 'phel 'grib med// chos nyid ngo bo de bzhin no// nam mkha' 'byung ba kun gyi gzhi// chos nyid ngo bo de bzhin no// nam mkha' ma lus kun gyi gzhi// chos nyid ngo bo de bzhin no// de yang 'dus pa'i snying po nyon// de ltar 'dra ba'i dpe mtshon kyang // don gyis khyad par bsam yas pas// de las bzlog ste bstan dgos phyir// dpe don khyad par shin tu che// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ dpe nam mkha' dang 'dra bar bstan pa'i le'u ste zhe drug pa'o// // de nas 'dus pa'i tshogs rnams la// kun
- 49a
rig ston pa chos rje yis// dpe don khyad par bka' stsal pa// nam mkha' skye ba med pa tsam// chos nyid yon tan cir yang skye// nam mkha' snang ba med pa tsam// chos nyid ye shes yul du skye// nam mkha' snang ba med pa tsam// chos nyid ye shes yul du snang // nam mkha' brtag tu med pa tsam// chos nyid brtags pas yon tan gter// nam mkha' song ba med pa ste// chos nyid mya ngan 'das par song // nam mkha' 'gag pa med pa ste// chos nyid ngang du log rtogs 'gags// nam mkha' cir yang ma grub ste// chos nyid bde ba chen por grub// nam mkha' med pa'i med pa ste// chos nyid yod pa'i yod pa'o// nam mkha' chad pa'i chad pa ste// chos nyid mi 'gyur rtag pa yin// nam mkha' stong pa phyal ba ste// chos nyid sangs rgyas kun gyi bcud// nam mkha' stong pa stong pa ste// chos nyid ye shes 'ong ba'i bcud// de yang rdo rje sems dpa' nyon// de ltar bzlog nas don bstan pa// phyogs 'ga' ba yi dper mtshon te// don ma yin phyir de las bzlog/ chos nyid brdal ba chen po la// dpe mtshon pa yi yul las 'das// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ dpe don khyad par 'phags pa bstan pa'i le'u ste zhe bdun pa'o// // de nas 'dus pa'i tshogs
- 49b
rnams la// kun rig ston pa chos rje yis// dpe yis mtshon te don 'dra ba// ched du 'khor la bka' stsal pa// nam mkha' nyi zla skar ma dang // rgya mtsho ri bo u dum war// sa gzhi chu bo dus kyi 'brug/ chos rgyal gyad dang ded dpon dang // chu shel bai DUr+ya pad+ma dang // til 'bru me long sgron ma dang // rin chen ma gi gser la sogs// thun mong dpe yis mtshon byas nas// nga yis bstan gyis khyed kyis legs par nyon// nam mkha' yangs mtho mtha' dbus med// dngos med kun khyab 'byung bzhi'i snod// 'gro 'ong med pas 'dus ma byas// chos nyid ngo bo de bzhin no// nyi ma rang gsal kun la dro// nyin zhag gcig gis gling bzhi khyab// mun pa sel ba'i sgron mar grags// chos nyid ngo bo de bzhin no// zla ba bsil la dkar ba ste// rgyu skar tshes grangs dus tshod 'dzin// lo dang zla ba 'phel 'grib can// rgyu 'bras chos kyang de bzhin no// skar ma ma 'dres yongs rdzogs pas// bar snang lam la shugs kyis 'gro// rnyog med chu la gzugs brnyan 'byung // chos nyid ngo bo de bzhin no// de yang rdo rje sems dpa' nyon// rgya mtsho gting zab 'phel 'grib med// srog chags byings mang bsam mi khyab// rin chen la sogs 'dod dgu yod// chos nyid ngo bo de bzhin no// ri bo mi 'gyur brtan pa ste// gling bzhi gling phran kun gyi rten// nyi zla gza'
- 50a
skar kun gyi rten// chos nyid ngo bo de bzhin no// u dum wa ra mtsho gting nas// sa steng rnyed na dgos pa ni// nad sel bsam pa 'grub pa yin// lung ldan gdams ngag de bzhin no// da yang 'dus pa'i snying po nyon// sa gzhir sman dug kun skye zhing // 'gro ba yongs kyi rten nam gzhi// 'byung ba bzhi yi gnyen po yin// chos nyid ngo bo de bzhin no// chu bo chen po rtag tu ni/ rgyun mi chad par 'bab pa la// ngal dub med par 'khor zhing 'gro// chos nyid ngo bo de bzhin no// 'brug gi sgra sgrogs dus tshod ni/ dbyar dgun gnyis kyi shan phyes nas// sems can nyal langs byed pa bzhin// 'khor ba'i chos kyang de bzhin no// chos kyi rgyal po chen po ni// dad pa skyo sun med par ni// rtag tu tshogs gnyis rgyun du gsog/ chos nyid ngo bo de bzhin no// gyad chen dpa' bo chen po ni// rang la gzhan gyis mi tshugs pa// dgra 'joms dmag dpung zil gyis gnon// chos nyid ngo bo de bzhin no// ded dpon bzang po sa mkhan des// rgya mtshor nor len 'jigs pa med// sa mkhan dmag dang tshong dpon bzhin// 'dus byas dge ba de bzhin no// de yang 'dus pa'i snying po nyon// chu shel phyi nang med pa ni// gzugs brnyan gsal kyang don la med// kha dog nges med rkyen las 'byung // chos nyid ngo bo de bzhin no// bai DUr+ya 'od sngo las gyur//
- 50b
'dzam gling nam mkha' kun la khyab// de phyir rin chen snying po blangs// chos nyid snying po de bzhin no// pad+ma skye sa 'dam yin kyang // kha dog dbyibs ni ji ltar yang // nyes pas mi gos gsal la 'tsher// chos nyid ngo bo de bzhin no// de yang 'khor gyi snying po nyon// til la mar gyi rgyun gnas khyab// rtsol ba'i rkyen gyis mar khu 'byung // sems can kun la gnas pa yin// rang byung chos nyid de bzhin no// me long byed gzugs 'byung ba yang // gzugs brnyan byed ni dngos ma yin// don la med kyang snang du rung // chos nyid ngo bo de bzhin no// sgron me ji ltar mun sel ba// skyes bu'i thabs kyi rkyen gyis ni// mar me la sogs 'od kyis sel// chos nyid ngo bo de bzhin no// de yang 'khor gyi snying po nyon// rin chen yon tan kun 'byung yang // bsod nams can la 'byung ba las// tshogs ma bsags la 'byung ba min// chos nyid ngo bo de bzhin no// sman mchog rgyal po ma gi ta// dug rnams sman du 'gyur ba de// thabs mkhas bza' legs kun gyi sman// chos nyid ngo bo de bzhin no// gser ni sa yi gseb nas 'byung // thun mong rin chen kun gyi gter// rtsol bas bsod nams ldan pas rnyed// chos nyid ngo bo de bzhin no// dpe yis dbye ba rnams mang yang // re zhig mtshon tshig tsam du bas// de nyid shes na dpe mi dgos// de phyir dpe don
- 51a
dbye ba gces// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ khyad par gyi dpe mtshon tshig ston pa'i le'u ste zhe brgyad pa'o// // de nas kun rig ston pa yis// 'dus pa'i dad ldan 'khor rnams la// dpe las don ni 'phags par ni// chad du dgongs te bka' stsal pa// nam mkha' yangs mtho 'dus ma byas// ris med 'phyal ba stong pa yin// chos sku rig pa 'bral med klong // de phyir chos nyid khyad par 'phags// nyi ma rang gsal kun dro yang // 'char nub yod phyir 'dus byas yin// ye shes rig pa rgyun du gnas// de phyir chos nyid khyad par 'phags// zla ba gsal zhing bsil kyang ni// 'phel 'grib yod phyir mi rtag pa// rang byung ye shes 'gyur med phyir// chos sku'i ngo bo khyad par 'phags// skar ma ma 'dres yongs rdzogs kyang // ri rab 'khor phyir chos nyid min// rang rig 'gro 'ong med par gnas// de phyir chos sku khyad par 'phags// de yang rdo rje sems dpa' nyon// rgya mtsho byings mang nor yod kyang // 'dus byas las las bskyed pa yin// rang byung rig pa 'dus ma byas// bag chags 'dzin med khyad par 'phags// ri bo mi 'gyur kun rten yang // rdul phran rgyu las skyes pa yin// rgyu dang rkyen las ma byung bas// rang gsal rig pa khyad par
- 51b
'phags// u dum wa ra mtsho la gnas// tsal gyis mi rnyed shin tu dka'// rang la gnas pa'i chos sku ni// lung ldan ston yod khyad par 'phags// da yang 'khor gyi snying po nyon// sa gzhi kun bskyed rten byed kyang // 'jig chags stong pa yod pa yin// ye shes dus gsum 'gyur ba med// chos sku rig pa khyad par 'phags// chu bo rgyun du 'bab 'gyur yang // 'gro 'ong yod la rig pa med// ye shes rig pa'i chos sku ni// gar yang mi 'gro khyad par 'phags// dus kyis 'brug kyang rkyen las byung // dus bzhi nyal langs 'khrul pa'i blo// ye shes 'khor 'das thig le gcig/ dbyer med chos sku khyad par 'phags// de yang 'dus pa'i snying po nyon// chos skyong dad ldan tshogs gsog kyang // drang don chos la spyod pa yin// nges don yang ti rdzogs pa la// tshogs gnyis tshig rdzogs khyad par 'phags// gyad la mi 'tshugs kun 'joms kyang // chos brgyad yod phyir 'khor bar ltung // rang rig ye shes gyad chen ni// 'khor 'das rdzogs phyir khyad par 'phags// ded dpon sa mkhan tshong pa yang // zhen pa'i chags pas ye shes med// lung ldan bla mas don bstan na// zhen pa'i don zhes khyad par 'phags// de yang 'dus pa'i snying po nyon// chu shel gzugs brnyan gsal gyur kyang // kha dog rkyen gyis 'gyur phyir 'khrul// chos sku phyi nang med
- 52a
par ni// 'gyur med gsal bas khyad par 'phags// be DU ra kha dog gsal dngas yang // 'khrul blo yin phyir brtags pa tsam// rig pa gsal dang dngos po med// lhag mthong don ni khyad par 'phags// pad+ma skyon gyis ma gos par// dus zad rkyen gyis rang brlag kyang // rang rig chos skra gol sgrib med// dus dang rkyen med khyad par 'phags// de yang 'dus pa'i snying po nyon// til 'bru mar gyis khyab kyang ni// rkyen gyis bskyed phyir chos sku min// rang rig ye shes gdams ngag la// rtsol ba mi dgos khyad par 'phags// me long gzugs brnyan dngos med bzhin// snang la don med 'khrul pa yin// gzhi nyid rang gsal rig par shes// de phyir chos sku khyad par 'phags// sgron mas 'jig rten mun sel kyang // ma rig mun pa sel mi nus// rang rig lung gi sgron ma yis// chos sku'i rtogs pa khyad par 'phags// da yang 'dus pa'i snying po nyon// rin chen yon tan kun ldan yang // sprul pa'i sku min yod med srid// nges don gdams ngag khyad par 'phags// skal ldan can la khyad par 'phags// ma gi ta yis dug 'joms kyang // ma rig sgrib pa 'joms mi nus// bla ma lung ldan sman mchog gis// dug lnga'i nad 'joms khyad par 'phags// gser ni rtsol bas rnyed 'gyur kyang // bem po'i nor la byang chub
- 52b
med// kun gzhi mun gseb don rnyed na// rtogs ma thag tu sangs rgyas yin// de yang 'dus pa'i snying po nyon// dpe las don gyi khyad par 'phags// bem rig shan 'byed ye shes yin// bem po bya ba'i ming med do// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ thun mong dpe las don khyad par du 'phags par bstan pa'i le'u ste zhe dgu pa'o// sdom du bsdus te bstan pa bcu pa'o// // de nas 'dus pa'i snying po yi// dad ldan 'khor gyi don ched du// kun rig sems kyi rgyal po la// bden pa'i don ni 'di skad gsol// sangs rgyas dgongs pa gang du yang // rgyu 'bras nges tshig ji ltar 'dus// shes rab rnam gsum ji ltar dbye// dpe dang don du ji ltar 'dus// rdzogs chen rang gzhung ji ltar 'dus// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// sangs rgyas kun gyi dgongs pa'i chos// nges don bla ma dam pa yi// gdams ngag khyad par can du 'dus// dpe yis 'dus la don gyis 'dus// rtogs dang gtan tshigs 'dus pa yi// don ni rang byung chos skur 'dus// de yang rdo rje sems dpa' nyon// sangs rgyas kun gyi dgongs pa ni/ kun tu bzang po'i dgongs par 'dus// 'pho 'gyur med pa'i blta ba la// skye
- 53a
dgag med pa'i bsgom pa shar// blang dor med pa'i spyod pa la// re dogs med pa'i 'bras bu gnas// rigs lnga'i sangs rgyas dgongs 'dus pa// rang byung skye med rang gsal ba// 'gag med mi 'gyur rig pa de// de yang gnas pa'i don shes pas// rdo rje sems dpa'i dgongs pa yin// mi shigs ye shes rdo rje'i sku// chos nyid ma bcos ma bslad pa// mi zad gter gyis dgongs pa de// 'dul 'bral med pa'i ye shes thugs// rin chen 'byung ldan dgongs par 'dus// chos nyid mtha' yas khyab gad la la// ma byung ma skyes chos nyid la// 'phel 'grib med par rang snang ba// snang ba mtha' yas dgongs par 'dus// sangs rgyas ye shes da lta nyid// de rtogs rang byung chos nyid gsal// don yod grub pa'i dgongs pa ste// de las 'gyur med sangs rgyas thugs// ye shes lus can chos kyi sku// de ldan snang ba yul rnams la// zhen med rang byung ye shes gsal// rnam par snang mdzad dgongs par 'dus// de yang rdo rje sems dpa' nyon// dpe ni kun dpe nam mkhar 'dus// don ni kun 'dus chos skur 'dus// rtags ni byang chub sems su 'dus// gtan tshigs rang byung snying por 'dus// de yang 'dus pa'i snying po nyon// dus gsum sangs rgyas dgongs 'dus pa// 'dus ma byas pa'i ye shes te// rgyu dang
- 53b
rkyen gyis ma bskyed par// chos rnams kun gyi snying po ru// rang byung lhun gyis grub pa'i sku// sangs rgyas kun gyi dgongs pa 'dus// dgongs pa de dag mtshon pa'i phyir// rang sems bla mar gsungs pa la// dbye ba rnam pa gsum yod de// sems nyid rgyu yi bla ma dang // 'bras bu ye shes bla ma dang // snang ba chos dbyings bla ma'o// de yang 'dus pa'i snying po nyon// sems nyid rgyu yi bla ma ni// log sred can ni ma yin te// lung rigs ldan pa'i gang zag gis// sems can chos la blo gtad pas// bde dang sdug bsngal gnyis su mthong // bde sdug gnyis kyis don brtags pas// dge sdig gnyis las byung bar nges// da pa brtson 'grub shes rab skyes// rnam par rtog pa'i blo sbyangs phyir// drang ba'i don la dgongs nas ni// sgrib sbyangs tshogs rdzogs byed par gsungs// de yang 'khor gyi snying po nyon// 'bras bu ye shes bla ma ni// nges pa'i don la dgongs pa'i phyir// 'khor 'das 'byung bas ma reg kyang // shes pa ngos zin ma bcos pa// rang rig chos sku da lta'i thugs// ngo bo longs spyod rdzogs skur snang // thugs rje sprul pa'i sku ru byung // gzhi yi chos sku gcig pa la// gdul bya yon tan gsum du bshad// da yang 'dus pa'i snying po nyon// snang ba chos dbyings bla ma ni// 'byung chen lnga yis bla ma ste// 'dod yon la sogs rnam lnga ni//
- 54a
dang yi ger mi mtshon pa// ldem dgongs rang gi ngo bo ni// snang ba chos kyi dbyings su bstan// rdzogs pa chen po nges don thams cad 'dus pa/ ye shes nam mkha' dang mam pa'i rgyud las/ sangs rgyas kyi dgongs pa chos kun bla ma dam pa'i gdams ngag tu 'dus par bstan pa'i le'u ste lnga bcu pa'o// // de nas 'dus pa'i tshogs rnams la// kun rig ston pas bka' stsal pa// 'khor 'das gzhi ni/ gcig mod kyang // sems ni snang ba mi 'dra bas// snod ni bye brag dbye ba bstan// dbang po rab 'bring gsum du bstan// da yang 'dus pa'i snying po nyon// dbang po tha ma'i don du ni// dge ba'i las dad rgyu 'bras kyi// 'bras bu bde dang sdug bsngal la// gnyen po dge ba ci byas kyang // chos spyod lam du 'khyer ba'i mi// sde snod gsum gyi chos bstan pas// rgyu yi 'khor lor bstan cing 'dus// de yang rdo rje sems dpa' nyon// dbang po 'bring gi don du ni// 'bras bu rdo rje theg pa ste// kri yog rgyud lung man chad chos// phyag rgya'i dkyil 'khor lam byas nas// 'bras bu de nyid ye shes gsung // rang gi lus ngag yid gsum ni// sku gsung thugs su sbyar ba'i phyir// rdo rje theg par gdags shing 'dus// de yang 'dus pa'i snying po nyon// dbang po rab kyi bsgom pa ni// bstan pa tsam gyis chog pa'i chos// thig le nyag gcig/
- 54b
chos kyi sku// shes pa tsam gyis sangs rgyas nges// pa na se yi 'bras bu bzhin// rgyu 'bras ro gcig theg par 'dus// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rgyu 'bras bsdus pa'i nges tshig bstan pa'i le'u ste nga gcig pa'o// // de nas kun rig ston pa des// 'dus pa'i 'khor la bka' stsal pa// kun gyi gzhi ni nam mkha' la// mun pa nam langs nyi shar bzhin// gzhi sems rig pa'i ye shes ni// gcig pa ma yin khyad par che// de don ngas bshad legs par nyon// 'khor 'das gnyis kyi ngo bo dang / de las bskyed pa'i chos rnams ni// de tsam nyid na ngang gis stong // gzhi la gnyis med nam mkha' 'dra// de yang 'khor gyi snying po nyon// ma rig skyed pa gti mug yin// de phyir 'khor ba'i rtsa ba ste// nyon mongs bag chags skyed pa'i phyir// sems ni tshogs brgyad mun pa 'dra// spre'u 'dra lung gi slob ma yis// rig pa'i gtan tshigs rnam bzhi ni// yul gyi snang ba 'di nyid la// rig pa rang bzhin med par shes// gsal la me tog gang bsgoms pa// thos pa'i shes rab yin pa'i phyir// rig pa yin te ye shes min// da yang 'dus pa'i snying po nyon// sems dang rig pa'i bar du ni// lung ldan nges pa'i gdams ngag gis// snang ba'i gtan tshigs ma gzhig par// 'khor 'das
- 55a
ma rig chos kyi sku// gzhi zhes rang gi rig pa ste// bsam pa'i shes rab yin pa'i phyir// rang byung yin la ye shes min// nam langs mun pa med pa 'dra// de yang rdo rje sems dpa' nyon// ye shes sku yi bar do ni// rnal 'byor rig pa'i blo ldan pas// sems la rgyu ba rgyun bcad nas// ye shes 'gag pa med par gsal// bsgom pa'i shes rab yin pa'i phyir// mnyam bzhag dang la g.yeng ba med// rjes thob ma yengs gter bzhin du// ye shes ngang la chos sku btsal// nges shes gdeng gis zin pa ni// nyi shar mun grib med pa 'dra// da yang 'dus pa'i snying po nyon// shes rab rnam gsum mdor bsdu na// thos bsam bsgom pa yid ches pas// 'bral med rgyun gyi ting 'dzin gyis// 'bras bu dus 'dir mngon sangs rgyas// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ shes rab rnam gsum 'dus par bstan pa'i le'u ste nga gnyis pa'o// // de nas 'dus pa'i 'khor rnams la// kun rig ston pa chos rje yis// dpe dang don du bka' stsal pa// dper na wA ra Na si'i ras// mtshon gyis so sor bsgyur byas par// kha dog sna tshogs cir yang snang // ras su dbyer med ngo bo gcig/ de bzhin sems kyi rnam rtog pa// yul dbang rkyen gyis so sor snang // snang yul 'khrul
- 55b
pa'i sems su 'dus// de phyir snang ba nges med yin// shel sgong dag gi mdun du ni// kha dog sna tshogs ras bzhag pas// shel sgong nyid kyang de ltar snang // snang yang shel las g.yos pa med// de phyir rang byung ngo bo la// gzung 'dzin rkyen gyis rigs drug byung // 'khrul pa'i ngo bo cir snang yang // snang yang gzhi las 'gyur ba med// de yang 'dus pa'i snying po nyon// gser bzang lag gis bsgyur tsam na// chol zangs dri chu'i snod byas na// gser yang ngan pa'i rdzas su snang // de bzhin 'khrul pas brtags tsa na// yul yang ma dag 'jig rten khams// ngam grog g.yang sa tsher dong mthong // gser sku mchod rten byas tsa na// tshogs bsags rten du 'gyur ba'i phyir// gser yang bzang po'i rdzas su mthong // ye shes can gyi ngo gang la// yul yang zhing khams rnam par dag/ rin chen gser gyi ngo bo la// gser gyi rgyu la bzang ngan med// de bzhin chos sku'i ngo gang la// snang dang mi snang gzhi la med// de yang 'dus pa'i snying po nyon// sna tshogs dar gyi rnam pa la// za 'og snam bu byas tsam na// sna tshogs dar gyi ming dang bral// za 'og snam bur gcig pa'i phyir// chos sku rang rig sems yin kyang // lung ldan rkyen gyis bstan tsam na// sna tshogs 'dzin pa'i sems dang bral// thig le nyag gcig chen por 'dus// dper na sman dug
- 56a
gzhi gcig la// la la'i sman de la la'i dug/ de phyir nges don chos 'di la// la la'i byang chub la la'i dmyal// ha la nag po'i dug dang 'dra// thabs mkhas bza' legs sman gyi mchog/ de bzhin 'dod chags zhe sdang yang // nyon mongs rang sar grol tsam na// de ni rang byung ye shes yin// sman gyi rgyal po bcud len bzhin// zabs la mi mkhas bza' nyes na// ha la nag po'i dug dang 'dra// rang la gnas pa'i chos kyis kyang // lung du med pa'i dbang yod tshe// 'dod chags la sogs dug lnga yin// da yang rdo rje sems dpa' nyon// sa 'og gnas pa'i rin chen gser// ngo ma shes na rdo dang 'dra// de bzhin rang la yod pa'i don// rtogs pa med na 'khrul rtog sems// ngo shes 'phrad na mi zad gter/ dgos 'dod re ba rang las 'byung // ngos don chos sku rtogs tsam na// byin rlabs nor bu'i tshul du 'byung // de yang 'dus pa'i snying po nyon// mkhal la nam mkha'i gza' skar dang // chu nang dag gi gzugs brnyan bzhin// gcig pa ma yin so sor med// de bzhin rig pa'i rgyal po dang // rig pa rtsal du snang ba gnyis// ldog pa tha dad ngo bo gcig/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nges don 'dus par bstan pa'i le'u ste nga gsum pa'o// /
- 56b
de nas 'dus pa'i tshogs rnams la// kun rig ston pa chos rje yis// rdzogs chen rang gzhung gsungs pa'i don// ched du dgongs te bka' stsal pa// nga yi rang bzhin brtags dka' ste// 'jug sgo lta ba bsgom pa dang // dam tshig spyod pa phrin las dang // lam dang gnas dang ye shes chos// rnam pa bcu ni ngas bshad nyon// 'jug sgo btsal du med pa yi// lung ldan gdams ngag rjes su 'jug/ de phyir yul la rag ma lus// snang med chos la nges shes skyes// lta ba gzhi nges rang byung la// rig pa khyab gad la 'gyur ba med// de phyir rang rig chos kyi sku// de la gol sgrib skyon mi gol// bsgom pa rang gsal rtog pa med// bying rgod med pa'i ting 'dzin gsal// ched du mi bsgom rang lugs tsam// de phyir yengs med nyams dang ldan// ma bsrungs 'bral med dam pa'i mchog/ mi 'da' chos nyid dam tshig ste// sangs rgyas kun gyi thugs dam yin// phrin las rtsol du med pa ste// gang yang rung ba ci la yang // ma chags mi g.yo phrin las yin// lus ngag bya ba'i las mi dgos// spyod pa blang dor med par spyod// gang yang mi rgyu rgyun du ni// ched du byar med yang bya la// de phyir spyod pa ma bcos mchog/ lam la bgrod du mi yod ste// sa la sbrang med mthar mi ltung // de phyir sa dang lam med phyir// ye shes chen po'i klong ni lam// gnas la mtho
- 57a
dman med pa ste// steng 'og mtha' dbus med pa yi// rang byung chos sku gnas kyi mchog/ de phyir ye shes rang gnas yin// ye shes mi rtog skye med pa// sems can kun gyi rgyud la gnas// de rtogs ye shes chos kyi sku// de phyir sangs rgyas dgongs pa yin// chos ni ji bzhin rgyal ba'i bka'// dri med tshig ni gsung snyan gyis// ma rig mun sel chos kyi mchog/ de phyir nges don chos 'di gces// da yang rdo rje sems dpa' nyon// de dag rang gzhung dbye ba yang // gdul bya'i 'khor la bstan pa las// don du chos sku gcig las med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ yang ti'i rang gzhung 'dus par bstan pa'i le'u ste nga bzhi pa'o// sdom du bsdus te bstan pa bcu gcig pa'o// // de nas rdo rje sems dpa' yi// 'dus pa'i 'khor la phan don du// sangs rgyas kun rig rgyal po la// bden pa'i yid kyis 'di skad gsol// 'khor 'das par do'i lus ni gang // skye shi bar do'i gdams ngag gang // yul sems par do cis mi 'gal// ting 'dzin par do 'bral med gang // srid pa bar do 'bras bu ci// kun rig rgyal pos bshad du gsol// de skad zhus pas don gsan nas// 'dus pa'i 'khor la bka' stsal pa// dang po 'khor 'das par do la// rang byung
- 57b
ngo bo nyid kyi sku// rang byung lus la rig pa'i thugs// 'khor 'das med phyir gzhi nyid min// de yang rdo rje sems dpa' nyon// gzhi la sangs rgyas med pa'i phyir// lung ldan gdams ngag bstan pa med// de phyir rtogs pa mngon gyur min// sangs rgyas skam pos ma mdzad pas// theg pa rim dgur dbye ba med// de phyir mya ngan 'das ma rig/ rang bzhin gzhi yi ngo bo la// ma rig bag chags ma g.yos shing // zhen pa'i rtog pa med pa'i phyir// sems can sgrin pos ma bcos pas/ nyon mongs dug lnga med pa'i phyir// 'khor ba'i mtha' yis skyon ma gos// de yang 'dus pa'i snying po nyon// rang byung ngo bo gzhi nyid las// rdul phran dag gi rgyus ma skyed// 'byung ba lnga la rag ma lus// de phyir gnyen po cis mi tshugs// snang ba gzhi la med ces bya// yang dag chos sku nges par yod// sems nyid skye shi med pa'i phyir// thog ma tha ma med par gnas// de phyir dus gsum mi 'gyur bas// dngos med khyab pas nam mkha' 'dra// mtha' ni sgro skur bral ba dang // yod pa bral phyir rtag pa med// med pa ma yin chad pa min// yod med mthar bral rang byung gzhi// rig pa rang gi ngo bo la// skye 'gag med phyir rang gsal sku// sa le sing nge phyi nang med// de phyir rang rig chos sku nyid// de yang 'dus pa'i snying po nyon// rang byung ngo bo nyid sku ni// 'du 'bral med
- 58a
phyir myang 'das gzhi// chos rnams kun gyi rtsa ba ni// ye nas rang bzhin lhun gyis grub// de yang rdo rje sems dpa' nyon// rang bzhin lus zhes bya ba ni// 'khrul ma myong bas ma rig med// rtogs ma myong bas ye shes med// de phyir yul la yengs pa dang // ma yengs rang du shan ma phyed// gang gi mthas kyang ma reg phyir// 'khor 'das gzhi zhes de la bya// de yang 'dus pa'i snying po nyon// 'khrul pa'i gzhi zhes lung ma bstan// gang la mi rtog don ma zin// yid tsam dran kyang rim gyis 'gribs// mun dkyil song phyir dran pa chung // thibs kyis 'thib pas lung ma bstan// rkyen dbang 'gyur phyir 'khor ba'i gzhi// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'khor 'das par do bstan pa'i le'u ste nga lnga pa'o// // de nas 'dus pa'i tshogs rnams la// kun rig ston pa chos rje yis// skye shi bar do bka' stsal pa// dang po shi ba'i dus byung tshe// gdams ngag med pa'i skye bo dang // lha med sngags btsun gang la'ang rung // 'chi ltas rim par 'byung ba ni// sa ni chu la thim pa yis// phung po'i zungs ni mi thub lci// lus kyi bkrag nyams mog por 'gyur// chu ni me la thim 'gyur tshe// kha skom mchu dang lce rdib 'ong // nyam chung smra ni mi nus 'byung // de nas me la rlung thim tshe//
- 58b
lus kyi drod sher grang bar 'byung // 'chi ltas mig ldog shi 'bras gdon// rlung ni rnam shes thim 'gyur tshe// dbug brtsegs thum thum byed pa 'byung // de tshe mi mno dgu cig bsam// sdug bsngal drags nas dran pa nyams// gnad gcod drags nas bag chags sog/ de dag sems can 'chi ltas yin// 'chi ltas phyi ma gsal ba'i tshe// snang ba skye dang mched 'gyur nas// rang gis rang bsgrib 'khor bar 'khyams// da yang rdo rje sems dpa' nyon// bar do lus gsum len 'gyur te// tha ma gnas ngan lus len pa// dang po rang byung rnam shes de// pho mo'i rkyen gyis lus 'jug tshe// rlung g.yos bag tsam byung ba'i dus// nyer len 'du byed bag tsam byung // drod tsam gyis ni me byung bas// 'du shes pho mo bskyed pa'i tshe// rlan tsam gyis ni chu byung bas// nyer len gyi ni tshor ba dran// nur nur po la sra ba yis// de la gzugs chags ma rig pas// nang ni kun brtags rgyu ba des// sgo lnga'i rnam shes shugs las byung // mngal du chud dang rags skyes pas// 'byung ba bzhi dus smin pa'i phyir// lugs nas byung bas kun brtags pas// snang ba lugs la ngan rtog zhugs// pha mas ngan brlag ngan rtog zhe na// chos brgyad dam par brtas nas ni// mngon rgyud bag chags gnyis tshang nas// rkyen bzhi tshang phyir 'khor bar smin// de yang 'dus pa'i snying
- 59a
po nyon// skye shi gnyis kyi bar do la// thar bar 'dod pa'i dad ldan gyis// las dang thugs rje 'dzom pa yi// lung ldan nges pa'i gdams ngag gis// lung ldan nges pa'i bla ma la// nges don rgyud 'di ngo sprad phyir// gdams ngag zhu phyir chags med pas// lus srog rdzas la mi ltos pas// bla ma mnyes par byas gyur na// gdams ngag can kun rang sems rtogs// de yang 'dus pa'i snying po nyon// ma shi ma skyes par do ni// da lta lus 'di blang ba'i tshe// nges don chos 'di 'phrad gyur na// skye ba 'di yis sangs rgyas 'grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgud las/ skye shi bar do bstan pa'i le'u ste nga drug pa'o// // de nas kun rig chos rje yis// 'dus pa'i 'khor la bka' stsal pa// yul sems gnyis kyi bar do la// phyi yi gol sa bcad pa'i phyir// yul gyi snang ba cir snang yang // snang ba mi 'gog zhen pa 'geg/ de phyir zhen med chos kyi dbyings// de yang 'dus pa'i snying po nyon// spang sdud med phyir cir snang yang // dgag gzhi kun dang bral ba'i phyir// dbang po rang yan btang gyur kyang // sgro skur med phyir gnas lugs yin// sngon gyi sangs rgyas rnams kyis kyang // dbang po rang yan ma brtul kyang // nam mkha' 'dra ste mthar ma lhung // de phyir gzhi
- 59b
la snang ba med// snang med chos la bsgom du med// ma bsgoms gol sa med pa'i phyir// cir snang gang yang grub pa med// 'khrul ngor yod kyang don mi 'dzin// de yang rdo rje sems dpa' nyon// yul sems bar gyi rtog pa 'di// rang yan bzhag kyang yengs mi srid// lung ldan nges pa'i gdams ngag gis// gol sa chod phyir sgron mi gos// rang rig shes pa kun tu gces// de tsam nyid na don gyis zin// lhag mthong 'bral med ye shes gsal// dgag gzhi bral ba'i snang ba la// shes pa ma zhen rang gsal ba// chos sku chos dbyings 'dzom zhes bya// de yang rdo rje sems dpa' nyon// da lta yul sems par do la// rang rig rgyal po ye shes 'phyo// 'du shes ma bzung rig pa 'char// de tsam nyid na chos sku gsal// da lta nyid na yul med shes// chad nas med pa ma yin te// sgro skur ming ni mi rtog pas// zhen 'dzin spros pa bral ba yin// theg brgyad yul ni gzhir byed kyang // yang tir yul 'di yod kyi bar// de tshe gol ba'i sgro skur yod// de phyir ye med shes gyur na// snang ba dag phyir gol sa chod// de yang rdo rje sems dpa' nyon// de dag gdams ngag mdor bsdu na// yul ni 'khrul pa'i bag chags brtas// sems ni ma rig yid la rgyu// de gnyis bar na rang rig gnas// de nyid lung ldan gdams ngag gis// nges don shes pas yul
- 60a
sems stor// de phyir chos sku skye 'gag med// de don nges shes gol sa chod// de nyid chos nyid gzhi dang mthun// de phyir gol med chos kyi sku// de la btsal du rdul tsam med// rdzogs pa chen po'i nges don thams cad 'dus pa/ ye shes nam mkha' dang mnyam pa'i rgyud las/ yul sems par do bstan pa'i le'u ste nga bdun pa'o// // de nas 'dus pa'i tshogs rnams la// kun rig ston pa chos rje yis// ting 'dzin par do bka' stsal pa// shes rab rnams kyis bar dor dpyod pa ni// rig dpyod lta ba'i gzung chen ni// rgyun du mi brjed 'bral med kyis// nges don rig pa'i rnal 'byor pas// mnyam bzhag rjes thob gdams ngag skye// mngal nyid bar do dus kyi tshe// rig pa'i ye shes gdams ngag gis// nang gi sems la brten nas ni// mnyam nyid ye shes klong du thim// de yang 'dus pa'i snying po nyon// sangs rgyas sems can dus dang ni// gnyis ka ma yin gang gi dus// de don lung ldan dam tshig gi// gcig tu gsal theb gdams ngag gis// rig dpyod dus gsum nges pa yin// chos sku thig le mngon sangs rgyas// de yang 'dus pa'i snying po nyon// yang dag gsang ba'i rig dpyod ni// dus dang rnam pa thams cad du// lta ba nges pa'i don gyis bzung // ma brjed 'bral med gdams ngag don// yid la
- 60b
dran pa lhag mthong la// zhen pa med pa chos kyi sku// de don sangs rgyas chos kyi mchog/ lus 'di ma bral dus 'dir grub// de phyir ting 'dzin par do la// rgyun du mi 'bral ting 'dzin 'grub// da yang 'dus pa'i snying po nyon// rjes la thob pa'i dus dag tu// mnyam bzhag don la rig pas ltos// de phyir skyon gyis ma gos na// lhag mthong don gyi gdeng gis zin// de phyir srid pa'i bar do la// sangs rgyas nges par 'byung ba'i don// 'bras bu'i skabs su ngas bshad kyi// phyi rabs rnal 'byor rtogs par gyis// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ting 'dzin par do bstan pa'i le'u ste nga brgyad pa'o// sdom du bsdus te bstan pa bcu gnyis pa'o// // de nas 'dus pa'i tshogs rnams ched// kun rig sems kyi rgyal po la// rdo rje sems dpas yang zhus pas// lha sgom spyod pa 'bras bu 'di// rtsa ba mdor ni ji ltar 'dus// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// dngos med rig pa'i lta/ ba ni// rang byung sku nyid yin pa'i phyir// de rtogs don du gang gnas pa// lta ba'i nang nas dam pa'i mchog/ de phyir don la rig pa lta// de yang rdo rje sems dpa' nyon// shes pa rang gsal lta ba ni// ngo bo
- 61a
dbye ba rnam drug gis// rang gi mtshan nyid de bzhin no// de nyid dus med chos kyi sku// phyi nang med pa'i rnam dag dbyings// de nyid mthong med ltad mor che// nyi ma shar nas mun med ltar// rang byung ngo bo rig pa shar// de tsam nyid na da lta'i thugs// gsang ba dam pa lta ba'i mchog/ da yang 'dus pa'i snying po nyon// rang byung rig pa'i lta ba la// de la ma nor nges shes skyes// skyes kyang dam par mi dzin pa// 'di ltar 'dzin pa med par gsal// yang dag don la gol sa med// de phyir dngos med 'dzin bral gyis// yang dag lta ba'i dgongs pa 'di// nges pa'i lung dang mthun gyur na// kun bzang nga dang lta ba mthun// de yang rdo rje sems dpa' nyon// gzhi nges snang ba ma nges pa// gar mkhan lag pa ji bzhin du// sna tshogs snang yang ngos gzung med// de tsam nyid na gzhi mi 'gyur// de don ma nor rtogs pa'i tshe// rang gi mtshan nyid 'gyur ba med// ji skad btags kyang don dang mthun// rang byung nges pa'i lta ba yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lta/ ba nges pa mdor bsdus bstan pa'i le'u ste nga dgu pa'o// // de nas 'dus pa'i tshogs rnams la// kun rig rgyal pos yang gsungs pa// rang rig ye shes gsal ba yi// don dang mi 'bral ting
- 61b
'dzin ni// gsal la mi rtog mi g.yo ba'i// ngo bo la sogs dbye ba yi// brgyad mtshan gsum gyi man ngag gis// gnyid gsum bsres pa'i chos nyid 'di// ye shes rang byung chen po'i don// mi rtog ye shes lhun grub ste// rtsol bsgrub 'das pa'i byang chub sems// gzung 'dzin med pa'i chos sku la// gsal tsam nyid na dmigs pa med// de bzhin nyid du kun rig pas// de khyab gar gnas sangs rgyas yin// de yang 'dus pa'i snying po nyon// nam mkha'i ngang du sprin sangs ltar// nga yi chos sku ngos zin na// thog ma med nas bsags pa yi// rnam rtog sprin ni dpag tu med// dngos med chos sku rig pa yis// rnam rtog stong pa'i ngang du sangs// 'di shes rang rig bsgom pa'i mchog/ chos sku snying po byang chub la// mtshon du med pa'i rkyen dang bral// de bzhin nyid du kun rig pas// des khyab chos sku kun gsal ba'i// kun la dbang bsgyur thob pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nges don bsgom pa mdor bsdus nas bstan pa'i le'u ste drug cu pa'o// // de nas 'dus pa'i 'khor rnams la// kun rig ston pas bka' stsal pa// bya ba med pa'i spyod pa ni// da lta'i lus 'di blang ba'i tshe// spyod pa'i dbye ba rnam drug gis// don rtogs spangs pa med pa yis// thig
- 62a
pa kun las khyad par 'phags// de yang rang sems rtogs pa'i tshe// dus dang rnam pa thams cad du// rang gsal rig pa 'di nyid las// de las gzhan du bog mi 'don// de yang rdo rje sems dpa' nyon// da lta lus ngag yid kyis kyang // gzhan nas ma tshol dus 'di la// ma yengs rig spyod don dran na// 'khor ba med pa'i mdzad spyod yin// gang yang rung ba ci la yang // skyon yon dgag sgrub med rtogs nas// 'jig rten tha snyad med rtogs pas// 'jig rten tha snyad 'dzin pa nub// don gsal brjed ngas chags pa chung // rtsing chos nga rgyal chos mi 'byung // de phyir spyod pa'i gdengs su bshad// da yang 'dus pa'i snying po nyon// shes rab lta ba'i gdeng spyod kyis// dug lnga rang grol ye shes ni// gang du skyes tshe de nyid gsal// rang byung rig pa'i gol sa med// de phyir rnal 'byor spyod pa ste// 'du shes rtogs pa'i thabs kyis kyang // don zin nges pa'i gdeng lan zhing // rkyang pa dus mnyam yul snang la// nyi zla gzas zin ji bzhin du// ye shes spyod pa mchog tu gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spyod pa mdor bsdus bstan pa'i le'u ste re gcig pa'o// // de nas 'dus pa'i tshogs rnams la// kun rig rgyal pos bka' stsal pa//
- 62b
nges pa'i don la yid ches pa'i// dbye ba rnam pa drug gis ni// phyi ma ma yin dus 'di ru// ye shes mngon 'gyur 'bras bu yin// da yang rdo rje sems dpa' nyon// dper na chu dngas rnyog med ltar// re dogs med pa'i 'bras bu la// gol sgrib bya ba'i ming yang med// nyam nga med pa'i gdong gis zin// zhen 'dod med pa'i nyams zhig 'byung // nyams med rig pa nyams kyi mchog/ de don yid ches 'bras bu mchog/ dper na brtsi 'tshal yod pa'i phyir// 'bras bu gser la smos ci dgos// de phyir nges pa'i gdeng ldan pas// 'bras bu sangs rgyas smos ci dgos// nges don byang chub dus 'dir 'grub// de yang 'dus pa'i snying po nyon// chos sku gzugs brnyan 'byung ba'i dpe// nyi zla gza' skar btsal med pas// rgya mtshor gzugs brnyan 'char ba ltar// chos sku rtogs pa'i 'bras bu la// sems can mos pa tha dad pa// gzugs sku rnam gnyis dus gcig 'byung // rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'bras bu nges par bsdus pa bstan pa'i le'u ste re gnyis pa'o// sdom du bsdus te bstan pa bcu gsum pa'o// // de nas rdo rje sems dpa' yis// 'khor gyi don du yang zhus pa// mtshan ma zil gyis ci ltar mnan// 'gro drug g.yang sa ji ltar bcad// ye
- 63a
shes 'bral med ci ltar bsgom// nyams kyi go rim ji ltar 'byung // kun rig rgyal pos bshad du gsol// de skad zhus pas don gsan nas// 'dus pa'i 'khor la bka' stsal pa// mtshan ma zil gyis mnan pa'i phyir// ma rig mun pa lta bu la// rig pa'i dbang chen bka' stsal pa// de yang dbang po'i dpes bstan pa// bram ze gtsang mas khrus gsol te// rgyal srid dag la dbang bskur zhing // don gyi zil mnan rang byung 'tshal// de don shes pa drang 'thad kyi// 'dus ma byas kyi nam mkha' la// rang gi tshad dang ldan pa la// sems ni drag tu gtad par bya// dper na gyi ling rta 'dul bzhin// rang gi shes pa ma yengs bzhin// drag zhan bar nas rtsol ba 'don// chad zin don la gnas par bya// de yang khams dang sbyar byas nas// khams bde thun ni ring bar bya// mi bde thun ni thung bar bya// yang na langs la cung zad bcag/ rtags ni lus sems gnyis 'byung ste// lus ni 'dar zhing mchi ma 'byung // sems ni bde zhing dngas dga' ste// ting 'dzin rtsal gyis rtags rnams 'byung // rtog pa med par gnas pa ni// bya ba btang ba'i skyes bu bzhin// ma yengs gsal la lhug par bzhag/ rgod na nam mkha'i sprin bzhin du// byung yang gzhi la gnod med ltar// sems kyi tshol ba tshad zin na// rtog pa mi bsgrim bcos mi
- 63b
dgos// de yis bsgom nyams bstan pa ni// dmigs pa'i don la sems gnas kyang // shes pa gtad du mi chud pas// yul la mi rtog bde bar gnas// zhen pa'i rtog pa skyes na yang // ba mo la ni nyi shar bzhin// rjes su mi 'bring ldan gyis 'gro// de tshe gzhi la yid ches 'byung // de dus nyid du sems nyams ni// snang med 'khrul snang log tsa na// snang bcas ting 'dzin don zin nyams// de nyid goms pa'i lam du bde// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mtshan ma zil gyis gnon pa'i bsgoms pa'i le'u ste re gsum pa'o// // de nas kun rig ston pa yis// 'gro drug g.yang sa gcad pa'i phyir// rtsa ba sems las 'das pa'i phyir// ye shes ngos bzung bka' stsal pa// kun gzhi gzhi cha ngo bo la// chos sku ngos bzung mthun dpe ni// rtsa chu brtags nas ngos bzung ba'i// sman pa mkhas pa'i dpe bzhin dang // nor bu chu dngas dpe bzhin no// byang chub sems kyi rig pa'i don// snga ma 'phro ba yid yin te// phyi ma skyes pa nyon mongs yin// sgo lnga skyes pa rtog pa'i yid// dmigs 'dzin med pa ngang gis gsal// gnyug mar gnas la 'phel 'grib med// ye shes zang thal 'di yin te// rang gi ngo bo chos kyi sku// shes pa bcos med drang por gnas// dper na thi bya tshang
- 64a
'jug bzhin// rang gi shes pa chos sku la// bsgom du med pa'i dgongs bya'o// de don rtogs na dngas shing bde// shes pa mi 'gyur dkrir mi 'dod// chu las mi 'da' nya bzhin du// don las mi 'da' chos nyid rtags// de rtags ldan pas rnal 'byor pas// rgyal po'i mnga' byed btsun mo bzhin// snga phyi gnyis po skyes pa'i tshe// de rjes mi gcod chos kyi sku// 'phro na rkun po tshor ma zag/ ma bskrad rang bzhin bros pa ltar// rang byung rtsol ba med pa la// mi g.yo mnyam pa'i don la bzhag/ de don rtogs pa'i rnal 'byor pas// shing bal lta bur lus yang zhing // phyi nang 'byung 'jug dbugs rnams snyoms// chos rnams bde chen gsang ba'i nyams// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'gro drug g.yang sa bcad pa'i bsgom pa bstan pa'i le'u ste re bzhi pa'o// // de nas kun rig ston pa yis// bsgom pa rgyun gyi rtsa ba'i don// rang byung chos sku gsal ba'i don// ye shes 'bral med bka' stsal pa// thig le gcig tu rdzogs pa yi// ye shes chen po'i mthun dpe ni// rang byung ngo bo nyid khyab phyir// mtha' dbus med pas nam mkha' 'dra// de don rang byung ye shes gsal// snang srid gsal ba'i sgo lnga ni// rtog pa gsal ba chos kyi sku// 'dzin pa med par lhun gyis
- 64b
grub// khyung chen nam mkhar lding ba'i tshe// 'phur rlabs 'og tu kun tshud ltar// nges don rtogs pas sku gsum rdzogs// 'byung 'jug med par gnas par bya// ji bzhin nyams kyi gnas lugs ni// rnam par mi rtogs sa le ba// sa le gsal la rtog pa med// de ni rang byung ye shes yin// nor bu rin chen yon tan la// dgos 'dod thams cad shugs kyis 'byung // de bzhin ye shes ngos zin na// bying rgod mi 'byung chos nyid gsal// dper na dug la sngags btab pas// nad rnams sel zhing sman 'gyur ltar// chags sdang dug sogs dug rnams la// chos nyid gsal thebs rang sar grol// de rtags sgra thos rmi lam bzang // gzugs rnams mthong zhing bskor ba byed// bdud rtsi 'dren zhing chos ston pa// bdud kyi cho 'phrul bco brgyad 'byung // rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes 'bral med kyi dgongs pa bstan pa'i le'u ste re lnga pa'o// // de nas kun rig ston pa yis// bsgom nyams rim par 'byung ba ni// 'dus pa'i 'khor la bka' stsal pa// gnas dang mi g.yo mnyam pa nyid// 'bras bu ye shes yon tan ni// nga yis bstan gyis legs par nyon// dang po gnas pa'i ting 'dzin ni// gol sgrib rtog zhen spang nas ni// lus kyi dgon par sems bzhag pas//
- 65a
rang rig ye shes ngang du gnas// dper na 'jigs med lam bgrod kyang // rang lus dang 'dra nyam pa med// de bzhin chos nyid rang gnas pas// re dogs gol sgrib med par gnas// phyi drod yul dang kha dog rdzogs// mtshan ma'i zhen pa mi skye na// chags bral chos dbyings drod ces bya// phyi rtags yul drug ma zhen par// zhing khams mthong dang dbang bskur dang // mchod brten 'od kyi gang bar 'byung // de tshe 'khor ba'i zhen pa ldog/ 'bras bu rnal 'byor tshe 'phos te// rig btsun mi lus thob nas ni// lung ldan rkyen 'phrad shes pa 'char// de tshe chos sku'i bden pa mthong // da yang 'dus pa'i snying po nyon// lhag mthong rig pa'i ngang bzhag tshe// snga phyi gol sgrib rang dengs nas// ye shes rang shar don dang ldan// nyin mtshan 'das kyi bar dor gnas// ngang la gnas pa'i mthun dpe ni// ma bskyod rgya mtsho dngas pa dang // gsal la mi g.yo mar me 'dra// rang byung rig pa'i chos nyid gsal// nang drod ye shes rang sar gnas// the tshom byung tshor rkyen dang bral// de yi ngang du nyon mongs dengs// nyin mtshan 'das pa'i rtog pa med// nang rtags mngon shes drug 'byung nas// zas nor chags chung nyon mongs med// snying rje phan sems rab tu ldan// lhas bstan rmi lam bzang po 'byung // rnal 'byor chos nyid dbang thob mi//
- 65b
'byung ba rim thim shi ba'i tshe// tshe stod tshangs ris lhar skyes nas// tshe de nyid la mngon 'tshang rgya// de yang 'dus pa'i snying po nyon// 'khor ba mya ngan 'das pa'i chos// ji lta bur kyang mi gzigs te// thams cad ye shes nyid du gsal// lo zla thun mtshams med par gnas// rang rig chos sku blta ru yod// gzung du med pas chu zla 'dra// chos sku mnyam pa nyid de ni// khyung lding nyam nga med pa 'dra// gsang ba'i drod ni ye shes ste// gcig pur 'dug kyang skyo ba med// chos brgyad chos skur shes pa'i phyir// 'jig rten 'dre yis gnod mi nus// gsang ba'i rtags ni ma 'khrul pa// tshor ba bde sdug btang snyoms la// rkyen ni gar byung chos skur shes// de phyir ye shes gtang bzhag med// 'bras bu rang gi ngo bo la// sa lam ma bgrod sgrib pa dag/ rtogs pa mngon gyur ye shes kyi// bar dor thogs med mngon sangs rgyas// de yang 'dus pa'i snying po nyon// sangs rgyas sa yis bcings na ni// rnam smin lus med ye shes sku// ye shes rig pa kha mig can// thams cad mkhyen pa'i chos sku gnas// mthun dpe gza' skar shar ba ni// rgya mtsho'i nang du gzugs brnyan 'byung // de bzhin chos sku gcig pu la// drod rtags gzugs sku rnam gnyis 'byung // 'bras bu sangs rgyas yon tan ni// brjod du med la bsam mi khyab// gzhi dang 'phrad pas skye
- 66a
'chi med// de phyir sangs rgyas yang dag yod// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bsgom pa'i nyams bstan pa'i le'u ste re drug pa'o// sdom du bsdus te bstan pa bcu bzhi pa'o// // de nas rdo rje sems dpa' yis// 'dus pa'i 'khor gyi don ched du// kun rig ston pa chos rje la// bden pa'i yid kyis 'di skad gsol// nges don rtogs pa'i rnal 'byor pas// de kho na nyid ji ltar spyod// phyi nang sgro 'dogs chos spyod gang // rnam par rtog pa ji ltar gzhom// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// la zlo spyod pa bka' stsal pa// yid la zung la nges par spyod// de don nges par dbye ba ni// lus ngag yid kyis chos kyi ni// de kho na nyid la dmigs pa'o// spyod pa la zlo/ yin par gsungs// de yang 'dus pa'i snying po nyon// lus ngag rig pa bzo thub la// sgo lnga yul la mi 'jug ste// rang rig dgon par gsal ba yis// rgyun du 'bral med gnas de na// lus kyi skyon gsum rang sar grol// de tshe g.yengs pa mi 'byung bar// gol med chos sku ye shes ldan// rang nyid gar 'dug dgon par shes// rgyal pos gdan sa 'dzin pa 'dra// gang na gnas pa chos dbyings la// zhen chags
- 66b
kyis ni bdud dang bral// mtshams gcod med pas nam mkha' 'dra// lus kyi de nyid spyod par gsungs// de yang 'dus pa'i snying po nyon// nges lung gdams ngag khong chud nas// ngag gi smra ba nyung byas te// 'jig rten gtam la ma g.yengs par// ngag gi skyon bzhi rang sar grol// mi smra dgos pa gsum yod phyir// ngag gi de nyid spyod pa ste// sdig pa bzhin du smra mi bya// sgra bcad mtshams kyi dam par gsungs// zhus 'chad don bstan mi 'gal bar// chos dang mthun par bla mas gsungs// skabs la phog pa'i dus dag las// gzhan du smra bar mi bya'o// de yang rdo rje sems dpa' nyon// lung ldan nges pa'i gdeng gis ni// shes rab rnam gsum yid ches pas// rnam rtog tha mal rgyu med pas// yid la gang dran chos skur shes// lhag mthong rig pas rang bltas pas// 'bral med mi brjed gzungs dang ldan// skyon yon gsum ni rang sar grol// nags kyi ri dgas bag pheb 'dra// de tshe 'jig rten 'khrul med 'dra// chos nyid chos sku rig pa gsal// ma rig bral ba'i lhag mthong la// yid de kho nar spyod par bshad// de yang 'khor gyi snying po nyon// nges pa'i rgyud lung man ngag chos// gdeng ldan nyams su len pa yi// sangs rgyas dngos yin nga yi bka'// chos kyi mkha' la spyod pa yin// mi ma yin dang lha kun gyis// yid bzhin rin chen
- 67a
lta bur mthong // de bzhin bla ma'i gdams ngag 'di// snod med kun la mi sbyin no// rin chen nor rnyed gsang ba bzhin// chos kyi sku nyid snying po 'di// shin tu sbas na dngos grub thob// rig 'dzin gong mas byin gyis rlobs// mkha' 'gros las byed ci bsam grub// chos la dmigs pa'i spyod pa yis// rgyal ba kun dang dgongs pa gcig/ de phyir la zlo'i spyod par gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ de kho na nyid dmigs pa'i spyod pa bstan pa'i le'u ste re bdun pa'o// // de nas 'dus pa'i tshogs rnams la// kun rig ston pas bka' stsal pa// sgro 'dogs spyod pa chen po ni// phyi nang gnyis med lung gis ni// sgro 'dogs gcod pa'i thabs kyi don// lung ldan chos 'di nges par spyod// de yang 'dus pa'i snying po nyon// phyi yi sgro 'dogs spyod pa'i phyir// snang ba'i yul la blos brtags pas// ma rig bag chags brtas pa la// gzhi la yul ni grub pa med// de phyir lung ldan gdams ngag gis// ma rig med par zag chod pas// yul gyi zhen pa dang bral na// gang la 'dzin pa'i blo mi 'jug/ dred mong 'dos thag bcad pa 'dra// yul ni yod med mtha' dbus bral// de yis nyams su myong ba bzhin// chu nang gzugs brnyan smig rgyu bzhin// snang yang
- 67b
zhen pa'i blo mi 'jug/ rnal 'byor yul gyi sgros mi gdags// gang ltar yod kyang dbyings la sbyor// de phyir gol med klong na 'phyo// phyi yis sgro 'dogs chod ces bya// da yang rdo rje sems dpa' nyon// rang gi yid kyis sems btsal bas// yang dag yid kyis mthong ba med// ci yang cha med lung ma bstan// tshogs brgyad med ces sgro 'dogs chod// mi shi slar la mi ldog 'dra// de nyid lung ldan bstan tsam na// chos nyid yin phyir ltung mi srid// de phyir sems kyi yul las 'das// de don rang byung rig pa 'di// chos skur gzhan la zhen med pas// nang gi sgro 'dogs chod pa'i phyir// spyod pa kun gyi mchog tu gsungs// de nga 'dus pa'i snying po nyon// yul sems gnyis med skrod pa ni// gzhi nyid lung ldan nges pa yis// rang byung chos sku'i don shes pas// kun brtags ma rig med pa yis// yul sems gnyis la brtags pa las// zhen pa'i bag chags rten med stong // 'khor 'das ka nas med rtogs phyir// 'jigs pa'i rmi lam sad pa 'dra// lhan cig ma rig med pa'i phyir// kun gzhi bskyed pa'i sems dang bral// sems med yul 'di gtan du stongs// me med du ba med pa 'dra// ngo bo nyid kyi gzhi rtogs na// yul sems dus gsum med pa ste// gang yang med pa'i mngon du byung // rang byung sgro 'dogs chod pa yis// ye shes chen po
- 68a
spyod par gsungs// da yang 'khor rnams yid kyis nyon// nges lung bka' las gsungs pa yi// drang don lung gi dge sdig gnyis// bskyed rim lha bsgom drang don te// drang don mdo rgyud ldem dgongs kyis// don la sgro btags chos nyid min// nges don lung gis sun bton phyir// gol sgrib med par the tshom chod// nges don lung gis gtan phabs pas// ma rig med phyir rgyu 'bras med// ma rig kun gzhi'i mun gseb nas// chos sku rnyed pas mun pa sangs// rtogs pa mngon 'gyur sangs rgyas 'byung // rin chen stor ba slar rnyed 'dra// de phyir rang la dad pa skyes// dus dang rnam pa thams cad du// chos kyi sku dang 'bral med pas// mtshan ma lung gi sgro 'dogs chod// lung dang rigs pa mthun par spyod// rdzogs pa chen po ye shes nam mkha' dang mnyam pa'i rgyud las/ sgro 'dogs gcod pa'i spyod pa bstan pa'i le'u ste re brgyad pa'o// // de nas kun rig ston pa yis// dad ldan 'dus pa'i 'khor rnams la// rnal 'byor zhen pa ldog pa'i phyir// rtog 'joms spyod pa bka' stsal pa// zas gos dgra gnyen 'khor ba'i chos// de la zhen log bya ba'i phyir// spyod pa ma chags brtul zhugs kyis// rtog med spyod pa ched du bya// de yang 'dus pa'i snying po nyon// zas kyi rtog pa gzhom pa'i phyir// gtsang dang mi gtsang med par
- 68b
yang // bab 'bags sme gtsang ma sme ru// khyi bong sha dang mdze sha dang // rul dang bshang gci la sogs pa// tsham tshom rtog pa med bzhin za// ngan rtog skyug bro snyam byed na// brtul zhugs bskyed la ched du bza'// de zos yon tan drug 'byung zhing // zas kyi rnam rtog ched du gzhom// mdor na zhim dang mi zhim dang // gang la rtog med goms par bya// de goms blang dor med ngos kyis// zas kyi rtog pa gzhom par bya// da yang 'dus pa'i snying po nyon// gos kyi rtog pa gzhom pa'i phyir// khyi thul rtsi ber phyag dar khrod// rad rod shing shun la sogs pa'i// kha dog dbyibs ni mi sdug pa// zhen pa bzlog phyir sna tshogs gos// ngo tsha yang med par ni// mi sdug bgo bas brgyan par bya// smyon pa bzhin du rtog pa gzhom// blang dor med pa'i gos gon na// yon tan lnga yod ting 'dzin grogs// de spyod gos kyi rtog pa choms// da yang rdo rje sems dpa' nyon// dgra gnyen rtog pa gzhom pa'i phyir// ma dang sring mo gang la yang // ngo tsha med par chags spyod pas// gnyen kun bla 'tshong ngo tshar sems// 'di ka med na shir rung snyam// gnyen kun 'khor ngan bdud kun choms// de yang rdo rje sems dpa' nyon// dgra kun snying rje'i sar mthong bas// phrad kyang mi brdeg gsod dang bral// gri bo gshed la 'khor ba bzhin// spyod pa byed kyang ngan theg
- 69a
'dra// de byas dgra gnyen nye ring med// thams cad blang dor mi shes pas// dgra gnyen gnyis kyi chags sdang bral// da yang 'dus pa'i snying po nyon// de ltar spyod pa ched byed pa// ma hA man chad spyod pa yin// rtog pa ched du 'joms pa de// rdzogs chen yang ti'i gol sar gsungs// de spyod tshul 'chos don dang ldan// de phyir ched bya med pa'i mchog/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rtog pa 'joms pa'i spyod pa bstan pa'i le'u ste re dgu pa'o// sdom du bsdus te bstan pa bco lnga pa'o// // de nas 'khor gyi don ched du// rdo rje sems dpas don zhus pa// ting 'dzin nyams dang ldan pa yi// lha sgom spyod pa nyams kyi bdud// rnal 'byor pa la 'byung lugs ni// mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// mnyam bzhag rjes thob par do la// snang ba 'od dang grags pa sgra// 'jigs pa gzugs dang bslu ba rdzun// re re la ni drug drug tu// rgyu dang zhugs pa nyes dmigs rnams// zil gnon rtogs dang 'bras bu rnams// lta ba ma shes bdud du 'byung // de yang 'dus pa'i snying po nyon// snang ba 'od kyi bdud byung na// lha med mun las 'od byung bas// dge sdig mthong bas snying rje zhugs//
- 69b
'gro don bya mno ting 'dzin btang // dngos med lhag mthong yo ga dran// gzhi la med pa'i gzha' tshon 'dra// dmyal ba'i gnas kyang sangs rgyas zhing // de yang rdo rje sems dpa' nyon// rnal 'byor rnam pa mnyam bzhag tshe// mtshan mo mun nag sprin rum nas// nam langs nyi shar shin tu gsal// nyam chung 'od gsal yin snyam nas// rnal 'byor pa ni ngar 'phang skyes// de tshe 'gro drug sems can gyis// dge sdig ma lus snga phyi shes// 'khrul pa'i sdug bsngal sna tshogs mthong // de tshe snying rje'i bdud zhugs te// sems can snying rje gdung sems skye// byams dang snying rje bya mno nas// ting 'dzin btang nas gzhan don byed// de phyir gdeng ldan shes pa des// mchi ma 'don cing sems mi dga'// ting 'dzin bral nas shes pa 'phyo// de phyir bdud kyi dbang gyur lhung // de yang rdo rje sems dpa' nyon// grag pa sgra yi bdud byung gang // mkha' la sgra dang chos ston 'byung // dga' bas ngoms shing ting 'dzin btang // bka' 'gal chos brgyad 'khor bar ltung // lta ba'i rtsis zin sgra dang bral// sgra brnyan brtag med rjes mi 'brangs// sgra grags gsung gi 'khor lo bde// de yang rdo rje sems dpa' nyon// rnal 'byor don la gnas pa'i tshe// nam mkha' stong par sgra byung nas// bde gshegs chos rnams sna tshogs ston// zhing khams rgyan gyis
- 70a
brgyan pa dang // yid du 'ong ba'i sgra thos 'gyur// de tshe dga' ba'i bdud zhugs te// ting 'dzin btang nas glu gar byed// ngom zhing ngo mtshar dga' sems skyes// mngon shes yod zer gzhan la sgra// de la zhen pas ting 'dzin bral// dga' ba'i bdud kyis bslus par 'gyur// 'jig rten chos la dam par gzung // bka' dang 'gal kyang bden par byed// gegs zhugs phyi ma 'khor bar ltung // de yang rdo rje sems dpa' nyon// 'jigs pa gzugs kyi bdud byung gang // rmi lam dngos su 'jigs pa'i gzugs// mi dga' don bral mo chog byed// sems ngan tshe thung yid chad ltung // snang gzugs gzhi la med par shes// snying po med ces nyam mi nga // de nyid thub drug skur yang mthong // de yang 'dus pa'i snying po nyon// bsgom nyams rmi lam gang yang rung // lha bdud ltas ngan 'byung gyur nas// 'jigs pa'i gzugs sogs mi dge bas// rang la gnas nas sdig gyur tshe// mya ngan bdud ni khyim zhugs te// ting 'dzin btang nas mo chog byed// mi dga' 'chi ba'i sdug bsngal skye// de bzhin chos la yid ches 'byung // lha dman gcer bur phag tu rgyug/ lcebs dang bsam ngan sna tshogs kyis// mi dge ltas ngan sna tshogs 'ong // de phyir tshe zung ngan song ltung // de yang rdo rje sems dpa' nyon// bslu ba rdzun gyi bdud byung grang //
- 70b
dus gsum nyes legs ston pa 'byung // bden dang mi bden tha ma rdzun// mngon shes rdugs pas zhe sdang skye// tshig las 'das phyir rdzun ma grub// rmi lam bzhin du 'khrul par shes// don rtogs mi mnga' rgyal ba'i bka'// de yang rdo rje sems dpa' nyon// nyams dang rmi lam gang yang rung // yid du 'ong ba'i bden tshig gis// dus gsum nyes legs thams cad ston// gzhan la smras pas bden pa 'byung // de tshe bslu ba'i bdud zhugs te// lha yis lung bstan yin snyams nas// ting 'dzin btang nas grong khar yin// chos nyid bral bas rang rgyud gol// nyams kyis bslus pa phyir gyes nas// bar du phyed bden phyed mi bden// tha mar smra ba thams cad rdzun// de phyir gegs yin ngan song ltung // de yang 'dus pa'i snying po nyon// lha yi bdud ni de dag kyang // yul 'di gol sar ma shes phyir// snang ba gzugs sogs zhen pa ste// yul la sems zhugs ci spyad bdud// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lta ba'i bdud bstan pa'i le'u ste bdun cu pa'o// // da yang rdo rje sems dpa' nyon// sgo lnga bying ba gsal ba'i bdud// dran med rmugs pa bde ba'i bdud// rkyen gyis dgos pa mi rtog bdud// 'phro ba mi g.yo'i bdud rnams byung // da yang rdo rje sems dpa' nyon// bying
- 71a
ba gsal ba'i bdud byung gang // don med nan tan 'bad nas bsgom// mos pa'i dbang gis gsal bar bying // gnyen po gsal ba'i don dang bral// gnyid gsum bsres pas gti mug rlag/ chos nyid klong du gnyid thim zhes// sangs rgyas ye shes klong du thim// de yang 'dus pa'i snying po nyon// gdams ngag med pa'i dad ldan gyis// ting 'dzin myur du 'grub 'dod nas// yun ring bsgom pas tshod ma zin// 'byung ba khams kyi skyon byung ste// mos pa'i bdud zhugs gsal bar bying // ma rig dbang gis gnyid byung ste// tha mar rmi lam bzang ngan byung // re dogs mthar lhung 'khor bar 'khyams// de la gnyen po'i ched byas nas// gsal bar 'dod na bying ba bsal// ched du byas pa'i ting 'dzin nyams// mos pa'i dbang gyur byol song ltung // da yang rdo rje sems dpa' nyon// rmugs pa bde ba'i bdud byung na// lung ldan chos sku ngos ma zin// shes pa mun pa lhag mthong min// bsgom par byas kyang gti mug 'phel// rang rig dran pa'i ye shes gsal// lta bas zin phyir bden par shar// 'bras bu ye shes 'gyur med klong // da yang rdo rje sems dpa' nyon// rang rig chos sku ngos ma zin// ye shes chos sku ma mthong phyir// ma rig dbang gis ye shes bsgribs// de phyir kun gzhi lung ma bstan// de tshe dran med bdud
- 71b
zhugs te// ngang bsgom rmugs pas bde ba nyams// shes pa mun long lhag mthong bral// rang rig med pas zhi gnas bying // ji tsam bsgom kyang don dang bral// sdug bsngal nyid las bde ba med// ma rig rmongs pa'i blo yis ni// bsgom kyang don med bdud kyis bslus// de phyir lung ldan gdams ngag gces// de yang rdo rje sems dpa' nyon// rgod pa mi rtog bdud byung na// gdams ngag med phyir 'du sar dga'// rang don btang nas mi chos byed// spang sdud zhen pa sna tshogs byed// snga phyi rig pas don zin byed// ba mor nyi shar bzhin du btang // gdeng zin chos dbyings gnas kyi mchog/ da yang rdo rje sems dpa' nyon// rnal 'byor dam par khas 'ches nas// gcig pur mi dga' 'du la dga'// chos brgyad dam par gnyer ba'i mi// kha tshig tsam la nges shes skye// gzhan gyis rkyen byas bdud zhugs te// ting 'dzin btang nas yid min gyi// yul la shes pa sna tshogs zhe na// mi rtog med pas nyon mongs rgod// chos la mi lta grags pa bsgrub// spang sdud zhen pas rang rgyud byed// ting nge 'dzin la gol ba'i phyir// de phyir g.yeng ba'i bdud kyis bslus// de yang rdo rje sems dpa' nyon// 'phro ba mang po'i bdud byung gang // don la goms par ma byas pas// rig tshor dran pa phra mo rgyu// de don rkun bu yang yang sdang // mi brjed
- 72a
dran pa'i gzungs kyis zin// rnam rtog rang bzhin rig pa gsal// thams cad chos sku 'bras bu mchog/ da yang rdo rje sems dpa' nyon// las ni dang po'i rnal 'byor pas// yang yang goms par ma byas shing // zhi gnas las su ma rung bas// zhen pa rang log nyams dang bral// 'phro ba rkun bu'i bdud zhugs te// gang yang rung ba'i tshig re tsam// yid la byas pas mi g.yo bral// de phyir rang rgyud sems su gol// dad pa chung bas gdams ngag med// nan tan chung bas nyams dang bral// mang chad rkun bu yang yang ldang // nges pa'i gdeng dang ma ldan phyir// phra mo'i bdud kyis bslus pas ltung // da yang rdo rje sems dpa' nyon// bsgom pa'i bdud ni de dag kyang // nges don med pa rnams la 'byung // lung ldan rnams la gnod mi tshug/ ma rtogs ci bsgoms bdud du 'gyur// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bsgom pa'i bdud bstan pa'i le'u ste don gcig pa'o// // da yang rdo rje sems dpa' nyon// bya ba 'du 'dzi longs spyod bdud// nyams dga' zhen pa gnas kyi bdud// bslab pa yon tan g.yeng ba'i bdud// 'khor ngan sems 'khrul bdud rnams 'byung // da yang rdo rje sems dpa' nyon// 'du 'dzi longs spyod bdud byung na// man ngag
- 72b
med par tshul 'chos byed// mi rnams smon 'dod gzhan sems 'dzin// don bral bdag 'dzin phrag dog ltung // de dag dgra zhes zhen pa chung // bu bzhin chags med don gyis zin// longs spyod rang grol rol par rtogs// de yang rdo rje sems dpa' nyon// rnal 'byor rang byung nges pa ste// dgon par gnas na dad ldan 'dus// tshul 'chos kha gsag mi rnams brten// kha lan pas ni kun la bstan// 'du 'dzi longs spyod bdud zhugs nas// ting 'dzin btang nas gzhan sems 'dzin// phul du re bas mtho la 'thams// chos pa yin zer smon 'dod nas// 'don klog mtshan ma'i chos la dga'// bsgoms pa'i don bor g.yeng ba'i bdud// yon bdag rnams la nga bdag 'dzin// 'du 'dzi che bas rang bslus ltung // de yang rdo rje sems dpa' nyon// zhen chags gnas bdud dbye ba ni// thos chung mkhas ches nyams dga' rtsigs// bkra shis nyams dga' 'dre med phyir// 'dre bsten mthu yod gzhan la bsdigs// gnas la ma chags zhen med shes// bdag gzhan gzhi la med shes pas// gang la 'dug pa 'og min gnas// de yang rdo rje sems dpa' nyon// dben pa 'dod pa'i rnal 'byor pas// rang 'thad pa yi gnas la ni// dbang po yul la bdag tu 'dzin// bkra shis 'dre med lha gnyen po// rang bstod zhen pa'i bdud zhugs te//
- 73a
ting 'dzin btang nas nyams dga' brtsigs// bsrung mas bsrungs nas 'gro dbang med// zer zhing bdag bstod don mi ldan// de phyir 'bras bu don med pas// rang nyams bde ba'i bdud du langs// 'khor ba'i mthar lhung thar pa med// gnas kyi bdud kyis rang bslus ltung // de yang rdo rje sems dpa' nyon// yon tan g.yengs 'dud dbye ba ni// rig pa lnga ldan bkur sti dran// don por gzhan don rang rgyud gol// zhen log don dran zil gyis gnon// bdud med ye shes skul mar shes// g.yeng ba bdag gzhan chos skur grub// de yang 'dus pa'i snying po nyon// rnal 'byor chos la mos ldan pas// yon tan sna tshogs shes pa'i mi// rig pa rnam lnga ldan pas kyang // ched du byas pas gzhan don byed// g.yeng ba'i bdud ni khong du zhugs// gzhan gyis bstod pas ting 'dzin btang // chos 'chad sman dang bzo rnams byed// 'dod pa'i rdzas la zhen pa skyes// bya ba'i las kun ched du byas// g.yeng bas rang sems bdud du langs// don dang bral bas rang bslus ltung // de yang rdo rje sems dpa' nyon// 'khor ngan sems 'khrug bdud byung na// blta dman 'khor ngan sems gdung drags// 'gran sems chog shes med par gnas// dad log sgro skur zhe sdang skyes// gdung sems bskyungs pas 'brel pa bcad// bdud nyid
- 73b
chos skur shes pa las// spangs shing dor du rdul tsam med// de yang rdo rje sems dpa' nyon// zos chung rnal 'byor zhen pa can// 'khor ngan gnyen la gdung drags pas// gzung 'dzin zhen pas rang rgyud byed// phag tu bsags nas nor rnams ster// de tshe sems 'khrul bdud zhugs te// gsang zhing nye 'khor rnams la byin// 'khor ngan gcig la gcig 'gran nas// chog shes med par rtag tu 'dod// de tshe yon tan dad pa ldog/ sgro skur 'debs pas zhe sdang skyes// drin du mi bzo 'phyar ka gtong // 'khor ngan bdud kyis rang bslus ltung // de yang rdo rje sems dpa' nyon// spyod pa'i bdud ni de dag kyang // 'jig rten chos brgyad zhen las 'byung // de phyir g.yeng ba don du gnyer// 'khor ba dang blangs rang bslus ltung // rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spyod pa'i bdud bstan pa'i le'u ste don gnyis pa'o// // da yang 'dus pa'i snying po nyon// 'jig rten mkha' 'gro'i lung bstan bdud// nyams su myong ba zhen pa'i bdud// zhen 'dod tshul 'chos bdud dang ni// brkam chags bde ba bog 'don bdud// gdeng med skur 'debs zhe sdang bdud// nga rgyal sgro 'dogs bdud rnams 'byung // da yang rdo rje sems dpa' nyon// mkha' 'gro'i lung bstan bdud byung tshe//
- 74a
khyod ni ma 'dug phan gdags zer// 'dod pa snying zhugs zhen pa tshol// mi 'grub dka' ba sna tshogs byed// zhen pa nyid na 'dod pa stongs// lung ston bslu ba rdzun du shes// gzhi la nges med re dogs bral// de yang rdo rje sems dpa' nyon// rnal 'byor dam pa mnyam bzhag tshe// mkha' 'gro'i lus su mngon 'byung ste// phug tu ma 'dug 'gro don gyis// gzhan don byas pa'i yon tan brjod// de tshe mkha' 'gro bdud zhugs ste// ting 'dzin btang nas gzhan don brtsam// g.yeng ba'i las spyod nga rgyal can// chos su ming btags ci yang byed// de phyir lung ston bdud ma shes// rdzun la bden 'dzin rmongs pa'i mi// rang gis rang bslus snying re rje// don bral phyir na bdud bslus ltung // da yang rdo rje sems dpa' nyon// nyams myong zhen pa'i bdud byung tshe// mi rtog zhen pa'i bde ba 'byung // 'phel 'grib yod pas ma nges pa// ngos ma zin pas lung ma bstan// lhag mthong dran pa'i gdeng dang ldan// don la 'gyur med nam mkha' bzhin// de ltar lhag med sgrib gnyis dag/ de yang rdo rje sems dpa' nyon// rnal 'byor dad ldan bsgom par bya// gang la rnam par mi rtog pa'i// zab cing cha phra nyams myong yang // lta ba'i don chen ma zin pas// gzhi gnas zhen pa'i bdud zhugs pas// bsam gtan ro la zhen chags phyir//
- 74b
bag la nyal gyi ma rig pas// rkyen mi thub phyir 'phel 'grib med// kun gzhi lung ma bstan yin phyir// rang gi chos sku ngo ma shes// de phyir btang snyoms rnyog pa can// lta med zhen pas bdud bslus ltung // da yang rdo rje sems dpa' nyon// zhen 'dod tshul 'chos bdud byung tshe// gdams ngag med par bsgom tshul ston// dad can glen pa thabs kyis bslus// chags chung tshul 'chos chos par 'chos// gzhi nyid ma bcos dran pa gces// zhe 'dod med na tshul 'chos bral// 'dod med gdeng ldan 'bras bu'i mchog/ de yang rdo rje sems dpa' nyon// don med bsgom pa'i gang zag kun// nges pa'i gdams ngag med par ni// gdeng med tshul 'chos g.yon can de// g.yo sgyu can la 'phags lam ring // kha gsags don 'khri'i bdud zhugs te// dad ldan glen pa dang bzang la// tshul 'chos byed cing chos par 'chos// man ngag med par gsang bar skad// bstan rgyu yod kyis phyi nas bya// zer zhing zas nor sred pa che// rang gis rang bslu snying re rje// phyi ma yi dgas lto 'phyer skye// de yang 'dus pa'i snying po nyon// brkam chags bde ba'i bdud byung tshe// 'dod chags dbang la byang chub re// rang gi zhen pa 'dod chags sred// don du mi shes byang mi chub// rang rig don ldan dbang mi dgos// 'dod spyad rkyen thub chos skur shes// bog med
- 75a
ye shes sangs rgyas yin// de yang 'dus pa'i snying po nyon// lha med thabs kyi bde ba la// zhen pa'i rnal 'byor pa yis ni// dbang gsum pa yi bde ba la// dga' ba bzhi ru ming btags te// 'dod chags sred pa'i bdud zhugs nas// byi shugs pho mo kun 'dus nas// thabs kyi bde ba sna tshogs byed// zhen pa'i chos la dam par blta// thabs lam 'dod chags me ltar skye// chags spyod ting 'dzin 'phel snyam nas// de phyir dbang rten dgos zer ba// 'dod chags bdud kyis rang bslus ltung // da yang rdo rje sems dpa' nyon// nges pa'i lung med rnal 'byor pas// yon tan brjod pa snying la gnas// thos bsam ma byas nga rgyal gyis// mnyam du re nas 'gran don phyir// smad sems zhe sdang bdud zhugs te// rang nyams ngan pas gzhan dag gis// gdams ngag can la skur pa 'debs// de phyir rang phung dam tshig nyams// don dang ldan la gnod mi tshug/ de phyir dam nyams zhe sdang can// mi sdug las kyis mnar nas ni// phyi mar dmyal ba chen por ltung // da yang rdo rje sems dpa' nyon// nga rgyal sgro 'dogs bdud byung tshe// gang zag smad phyir chos la smod// ches chung byed cing bka' rkun byed// bsod nams che chung dmyal bar ltung // man ngag gsang thub zil gyis gnon// yid ches rang rig don gyis zin// da lta nyid du
- 75b
bden pa thob// de yang 'dus pa'i snying po nyon// nges don mi ldan rnal 'byor pas// yang dag nges pa'i bka' 'di la// gang zag smod phyir sgro btags te// mi tshig bslad zer 'phyar ka btang // nga rgyal bdud ni khong zhugs te// bka' rkun d+harma 'og brus byed// slob dpon ma bsten chos shes 'dod// che chung byed cing thabs kyis 'tshol// nges don rgyud pa'i bla ma las// shin tu 'gal phyir dam tshig nyams// byin rlabs mi 'byung bsod nams chung // phyi mar dmyal bar shin tu ltung // da yang 'dus pa'i snying po nyon// bdud kyi spyod pa bco brgyad kyang // so sor snang ba ma yin te// lha yi bu'i bdud gcig pu yin// de phyir lha med rnams kyi bdud// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nyams kyi bdud bstan pa'i le'u ste don gsum pa'o// sdom du bsdus te bstan pa bcu drug pa'o// // rdo rje sems dpas yang zhus pa// lha sgom spyod pa nyams kyi bdud// de dag zil gyis ji ltar mnan// kun rig rgyal pos bshad du gsol// zhus pa'i don gsan bka' stsal pa// chos rnams phyi nang rang byung sku// bdud nyid rtogs pa chos nyid rang // de phyir lung ldan bsten zhus dang // rang sems rtogs na bdud med do// de yang rdo rje sems dpa' nyon// ma nor don la bsgom pa'i
- 76a
tshe// snang ba 'od kyi bdud byung na// chos sku kha dog bral ba'i phyir// gsal la mi rtog zil gyis mnan// grag pa sgra yi bdud byung na// chos nyid sgra dang bral ba'i phyir// rjes su 'brangs med rang bzhin du// lta ba'i rig pas zil gyis mnan// 'jigs pa bdud kyi gzugs byung na// gzhi las snang ba med pa'i phyir// dngos med rtogs pa'i shes pa yis// gzugs can mtshan ma zil gyis mnan// slu ba rdzun gyi bdud byung na// chos nyid tshig las 'das pas na// bden par 'dzin pa'i skyon dang bral// brdzun la bden med zil gyis mnan// de yang rdo rje sems dpa' nyon// bying ba gsal ba'i bdud byung na// gnyid gsum bsres pa'i gdams ngag gis// gti mug chos skur rang brlag pa'i// ye shes lta bas zil gyis mnan// rmugs pa bde ba'i bdud byung na// 'phel 'grib med pa'i don shes phyir// rang byung rig pa'i blta ba la// mnyam nyid dran pas zil gyis mnan// rgod pa mi rtog bdud byung na// snang ba bag chags brtas pa la// rang rig bag chags med pa'i phyir// spang sdud zhen med zil gyis mnan// 'phro ba mi g.yo'i bdud byung na// ye nas mi 'gyur rang byung la// goms pa'i dbang gis ting 'dzin gsal// mi brjed gzungs kyi zil gyis mnan// da yang 'dus pa'i snying po nyon// lta sgom bdud ni de dag kyang //
- 76b
rang byung chos sku'i don rtogs pas// rang byung zil gnon rang brlag pas// 'bras bu ye shes lhun gyis grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// lha sgom gyi bdud zil gyis mnan pa'i le'u ste don bzhi pa'o// // da yang 'dus pa'i snying po nyon// 'du 'dzi g.yeng ba'i bdud byung na// ting 'dzin dgra ru shes pa'i sems// 'dod chung chog shes zil gyis mnan// zhen pa gnas kyi bdud byung na// yul la nges med chags pa yi// lta ba rang rig yul med phyir// zhen pa med pas zil gyis mnan// yon tan g.yengs pa'i bdud byung na// bdag don ma grub bar du yang // mi dbang mi btang don dran pas// gzhan don mi bya zil gyis mnan// 'khor ngan sems 'khrug bdud byung na// mtha' thug 'brel pa med pa'i phyir// gnas skabs 'brel ba ting 'dzin dgra// gdung sems bskyungs la zil gyis mnan// de yang rdo rje sems dpa' nyon// mkha' 'gro'i lung bstan bdud byung na// rang rig mi 'gyur rtogs pa la// gzhan du lung bstan bslu bar shes// re dogs med pa zil gyis mnan// nyams myong zhen pa'i bdud byung na// snga phyi med pa'i chos sku ni// ting 'dzin rkyen gyis mi 'gyur phyir// zhen med lta bas zil gyis mnan// zhe 'dod tshul 'chos bdud byung na// gang yang
- 77a
ma bcos don dran pas// rang byung chos sku don dran pa'i// rtogs pa drang po'i zil gyis mnan// bde ba dgos 'dod bdud byung na// rang byung ye shes rten med phyir// dbang la mi ltos 'phel 'grib med// rgyu rkyen 'byung 'dod zil gyis mnan// gdeng med skur 'debs bdud byung na// chos sku sgro skur bral ba'i phyir// lung ldan can la gnod mi tshugs// lta spyod lam gyi zil gyis mnan// nga rgyal sgro 'dogs bdud byung na// rang byung don ni skyon bral bas// de don nges pa'i gdams ngag gis// snod ngan gsang la zil gyis gnon// de yang rdo rje sems dpa' nyon// zil gyis gnon thabs de dag kyang // spang len dgag bsgrub med par 'dus// de phyir don 'dus dam pa'i lam// der gnas sangs rgyas dgongs pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spyod pa nyams kyi bdud zil gyis gnon pa bstan pa'i le'u ste don lnga pa'o// sdom du bsdus te bstan pa bcu bdun pa'o// // de nas rdo rje sems dpa' yis// dad ldan 'dus pa'i don ched du// kun rig sems kyi rgyal po la// bden pa'i yid kyis 'di skad gsol// sems can sems kyi snying po dang // sangs rgyas dgongs pa'i snying po dang // 'khor 'das gzhi yi snying po dang // 'byung ba'i gnas pa'i
- 77b
snying po dang // chos kyi snying po nges don rnams// kun rig ston pas bshad du gsol// de skad zhus pas don gsan nas// kun rig ston pas bka' stsal pa// snying po rnam lnga ngas bshad kyis// legs par nyon la yid la zung // sems kyi snying po rig pa yin// sangs rgyas snying po ye shes yin// 'khor 'das snying po ngo bo yin// 'byung ba'i snying po nyi zla yin// chos kyi snying po rdzogs chen yin// de yang rdo rje sems dpa' nyon// ma rig gti mug las byung ba'i// kun gzhi tshogs brgyad 'khrul pa'i sems// tshor ba bde sdug sna tshogs pa// bag chags brtas pas sems zhes bya// nyid las nyid 'khrul 'khor ba'i chos// phyi/ nang snod bcud bzang ngan chos// ci 'phrad ci mthong ci bstan pa// 'khrul pa yin par the tshom med// de phyir sems ni yang dag min// dper na rmi lam bde sdug ni// sad pa tsam gyis 'khrul pa yi// rmi lam bzang ngan dam par 'dzin// de bzhin rang bzhin sna tshogs pa// rmongs pa rnams ni dam par blta// med pa'i yul la dngos por zhe na// de phyir sems ni sgyu ma 'dra// sgyu ma de la dngos gzhi med// med la yod 'dzin 'khor ba'i gzhi// de phyir sems ni yang dag min// sems su byas pa thams cad gol// gang yang rung ba ci la yang // 'dzin cing zhen phyir sems 'dis phung // de yang rdo rje sems dpa' nyon// mtshan
- 78a
nyid sems kyi rig pa 'di// nyan thos rig pa skad cig de// lam srang mi rengs rgyu ba bzhin// rig pa po rengs rang re 'dod// 'brel pa med phyir don la gol// phyi yi sems tsam rig pa de// rgya bo rang gzhung dang 'dra ste// rig pa nga rgyal 'gro 'ong can// de phyir 'bras med don las gol// snang ba'i yul 'di rig pa yis// gzhig na rigs pas ma grub pa// dbu ma'i don dang 'gal ba ste// gzhi la skur btab grol ba'o// da yang rdo rje sems dpa' nyon// gsang sngags phyi nang rig pa de// rang sems dbyer med snang stong la// 'dra snang ngang du shes par bya// kun brtags yin phyir nges don min// da yang rdo rje sems dpa' nyon// yang ti rdzogs chen rig pa ni// 'dus ma byas kyi nam mkha' 'dra// chos sku rig pa rang gsal de// 'gro 'od med phyir dus gsum du// rgyu rkyen ma bskyed rang byung sku// yang dag yod phyir shes shing rig/ skye 'gag med phyir rgyun du gnas// dper na mig dang 'bras bu bzhin// sang de rig ge brtag pa dka'// de don ye yod blta mi shes// de phyir dran med rig pas gsungs// sems kyi mun sel rig pa de// sprin gseb nyi ma'i snying po 'dra// de don rig pa ngos bzung bsgoms// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las//
- 78b
sems kyi snying po ngos bzung bstan pa'i le'u ste don drug pa'o// // de nas 'dus pa'i tshogs rnams la// sangs rgyas snying pos bka' stsal pa// sangs rgyas bya ba'i don bstan na// rang bzhin lhun grub ji bzhin pa// sems can kun la ye nas yod// yod kyang ma shes sems can la// lung ldan med phyir ma rtogs 'khor// de yang 'dus pa'i snying po nyon// rtogs pa mngon 'gyur sangs rgyas yin// ma rig sangs rgyas chos kyi sku// de phyir sangs rgyas chos kyi sku// rang la ye nas ngo bo de// lung ldan rkyen gyis don rtogs pas// dran med tshor ba ye shes yin// yid kyis ma nor rang gsal ba// ngos bzung med par yid ches pas// ye shes zhes ni de la bya// de yang 'dus pa'i snying po nyon// sangs rgyas snying po ye shes ni// ye nas gnas pa'i chos nyid de// rig pas shes pas ye shes yin// kun bzang nga yis bshad pa yin// de yang rdo rje sems dpa' nyon// rang byung rig pa'i ye shes de// 'du 'bral med par byed pa'i gzugs// dang por rgyud dang lung las byung // bar du sems rtogs rnal 'byor kun// tha ma sangs rgyas nyid du 'gro// de phyir lung ldan ye shes rkyen// ye nas yod kyang ngo sprod pas// rang byung ye shes dam pa yin// de phyir rang byung lhun grub ni// snying po ye shes yin par gsungs// rdzogs pa chen po nges don
- 79a
thams cad 'dus pa/ ye shes nam mkha' dang mnyam pa'i rgyud las/ sangs rgyas snying po ngos bzung ba bstan pa'i le'u ste don bdun pa'o// // de nas 'dus pa'i tshogs rnams la// kun rig rgyal pos bka' stsal pa// 'khor ba ma rig las skyes pa'i// skye rga na 'chi'i sdug bsngal te// myang 'das lam gyi 'bad rtsol gyis// sdug bsngal med par bde ba 'dod// ma rig yod phyir nges don med// da yang rdo rje sems dpa' nyon// 'khor 'das snying po nges pa ni// nges 'byung rgyu med 'bras bu ni// yang dag snying po ye shes te// kun khyab mi 'gyur rig pa'i sku// dper na nor bu rin chen bzhin// ye nas gnas pa'i rig pa'i don// 'phel 'grib med par rgyun du yod// de la cis kyang bskyod mi nus// de yang 'dus pa'i snying po nyon// dus dang rnam pa thams cad du// 'pho 'gyur med par thams cad skye// de nyid rang byung ye shes don// de phyir kun gyi gzhir ni gsungs// rang byung snying po de nyid ni/ chos rnams kyi ni rtsa ba ste// de don ma gtogs sangs rgyas med// de nyid ma 'khrul sems can med// bag chags ma brtags 'byung ba med// gang yang med pa'i sngon rol du// rang byung rig pa'i rgyal po de// 'dus ma byas kyi klong dkyil na// rang byung rang gsal 'od po che// de nyid rtogs pas kun tu bzang // de phyir kun gyi
- 79b
yang mes po// 'khor 'das med pa'i don 'di yod// de phyir rang byung ngo bo nyid// 'khor 'das kun gyi snying por bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'khor 'das kyi snying po ngos bzung bar bstan pa'i le'u ste don brgyad pa'o// // de nas kun rig ston pa yis// 'byung ba'i snying po bka' stsal pa// sa yi snying po gser yin te// sa zhes ming du btags pa ni// bzung ba brtas pas sra zhing brtan// de la rtsi thog thams cad skye// snying por gser 'ong 'dod dgu 'byung // 'byung yang rang byung chos sku min// de phyir mtshon pa'i dpe zab kyang // nges don snying po ma yin no// de yang 'dus pa'i snying po nyon// chu yi snying po ga pur shel// chu shel ming du btags pa yang // 'dzin pa brtas pas gsher ba sdud// de bzhin thams cad dag par byed// ga pur shel tshwatsha sman bzhin du// gang la phan pa'i sman yin te// mtshon pa'i dpe ni de zab kyang // nges don 'bras bu chu la med// rlung gi snying po dngas snyigs 'byed// rlung zhes ming du btags pa yang // zhen pa'i bag chags brtas pa las// yang zhing 'degs pa'i stobs ldan de// mtshon pa'i dpe ru zab gyur kyang // rlung ni rkyen las 'byung ba ste// g.yo bskyod skye 'gag byed pa'i phyir// 'byung ba rlung la byang chub me dang zil//
- 80a
me zhes ming du btags pa yang // kun slong zhe sdang brtas pa yin// rdo stag 'phros pas dus kyi mes// 'jig rten ma lus kun bsregs kyang // dpe ru zab kyang don du med// thabs srid phyir ni 'dus byas te// nges don snying po me la med// de yang 'dus pa'i snying po nyon// nam mkha' zhes ni btags pa yang // nam mkha'i snying po nyi zla yin// nam mkha' zhes ni btags pa yang // rgya dang ris su ma chad par// dngos med kun khyab mtha' dbus med// 'byung bzhi'i snod du de zab kyang // dpe ru zab kyang don du med// nyi zla 'char nub rkyen gyis gos// de phyir rkyen las byung ba'i phyir// nam mkha' ris med chos sku min// snying po lnga yang rtogs pa'i thabs// de yod dgongs pa'i nges don 'di// tshig med gol sa shugs las chod// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'byung ba'i snying po ngos bzung ba bstan pa'i le'u ste don dgu pa'o// // de nas 'dus pa'i tshogs rnams la// chos kyi snying po bka' stsal pa// nyan thos rang rgyal mdo sde dang // kri ya yo ga u pa rnams// drang don bslu brid chos yin phyir// theg brgyad zabs ni che yang ni// nges don chos kyi snying po min// de yang 'dus pa'i snying po nyon// chos kyi snying po rdzogs chen ni// rgyu rkyen ma bskyed 'dus byas
- 80b
min// de phyir rang byung snying po 'di// sus kyang ma byas mdzad bcos min// rang byung rig pa'i rgyal po yin// de phyir 'dus ma byas pa'i thugs// de la gnyen pos mi shigs phyir// bzhag cing blang bar nus pa med// de don rtogs pa'i rnal 'byor de// mi yis lus la sangs rgyas thugs// rang byung sgra la tshangs pa'i gsung // de ma thag tu kun bzang nyid// theg pa kun gyi yang snying chos// yang dag rgyal ba'i dgongs pa yin// ngo bo nyid kyi sku mchog kyang // dus 'dir shes pa'i chos kyi sku// dpe ni sdig las byas gyur kyang // nges par mi 'gyur dpal du che// nges don rang byung rgyal ba'i bka'// de las zhen pa'i snying po med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos kyi snying po ngos bzung ba bstan pa'i le'u ste brgyad cu pa'o// // sdom du bsdus te bstan pa bco brgyad pa'o// // de nas rdo rje sems dpa' yis// 'dus pa'i 'khor gyi don ched du// kun rig chos kyi rgyal po la// bden pa'i yid kyis 'di skad gsol// lta ba'i rnam grangs gol sa du// snang ba chos dbyings gol sa gang // sgom pa'i gol sa skyon ni ci// spyod pa rtsing ba'i nyes pa ci// 'bras bu gol ba'i nyes pa ci// de dag lhung ba'i gol sa gang // kun rig rgyal pos bshad du gsol// de skad zhus
- 81a
pa'i don gsan nas// kun rig rgyal pos bka' stsal pa// lta ba'i gol sa rnam grangs ni// gzhi bsam lhun grub nges med dang // sems yin spros med thal drag bsgrub// rnam dag dgos med gol sar gsungs// de yang rdo rje sems dpa' nyon// 'khor 'das kun khyab lhun grub de// bde gshegs snying po chos sku ste// rang chas yod phyir ye sangs rgyas// de phyir chos rnams kun gyi gzhi// bsam pa yid smon lhun grub 'dod// sa rdo gser du bsgyur ba bzhin// gnas 'gyur lhar 'dod kun tu brtags// snang ba ma bcos ma bsgyur yang // ma shes ma phan zhen phyir 'khor// mthun snang yul la nan brtags te// snang ba wa le 'dug pa la// ji bzhin chos nyid yin zer ba// gzhi ni ma byung 'dod pa 'khrul// nges med lhun grub yin zer nas// gzhi ni nges med sa ma zin// sna tshogs phyir na chos nyid min// de phyir rig byed lta ba gol// de yang 'dus pa'i snying po nyon// gang yang sems yin 'dod pa de// phyi nang chos rnams sems su 'dus// yul la zhen phyir rang sems 'khrul// ka ta ri pa'i lta bar gol// rgyun chad spros med 'dod pa de// shing zad me bzhin 'dod pa de// gnyis ka med phyir chad pa ste// gnyen po ye shes med pa'i phyir// chos sku med phyir shin tu gol// de yang rdo rje sems dpa' nyon// thal drags
- 81b
gang ltar 'dod pa de// chos can kha yar gcig gcig la// dus gsum tshang phyir 'dod pa 'dod// gcig la gcig med grangs can gol// grub pa po ni grub zin 'dod// sangs rgyas yon tan sems can skyon// rang ngor lhun grub med pa'i phyir// za dad gnyis 'dzin don la gol// snang srid thams cad chos kyi sku// ye nas bde ba chen por dag/ rang gi sems nyid klong na gsal// de ru ma 'dus rdul tsam med// gos pa med pa'i lhun grub de// rang sems snying po ma rtogs par// rkyen tsam thun mongs mngon gyur kyang // sdig can tshogs su mi 'gyur gol// de yang rdo rje sems dpa' nyon// de dag lhun grub bcur gsungs pa// nges don lhun grub med pa'i phyir// nan brtags byed phyir lha log pa// lung med blo byas shin tu gol// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lta ba'i gol sa bstan pa'i le'u ste gya gcig pa'o// // de nas 'dus pa'i 'khor rnams la// snang ba chos dbyings gol sa ni// kun rig ston pas bka' stsal pa// 'khor ba'i rgyu ni zhen rtog ste// lung ldan grub mtha' blos ma bskur// dbang po yul la rtag tu yengs// chos brgyad yul la rtag par zhen// chu bo bzhi yi mtha' la tshud// 'khor bar 'khyams pa'i rten gzhi yin// phra rags yul ni gnyen pos
- 82a
spongs// ris su 'byed pa'i dbye ba spang // yod med 'jal ba'i rgyu 'bras spang // blo yis gzhi nyid 'chos pa'i phyir// nyan thos rang rgyal gol sar gsungs// de yang rdo rje sems dpa' nyon// chos rnams sems su sdud pa'i phyir// yul sems gnyis med 'dod pa dang // sems nyid rang snang 'dod pa dang // yul sems stong par 'dod pa dang // cir yang khas mi len pa'i phyir// dbu ma sems tsam lta ba yi// sdug pa'i rtog pa gol bar bshad// da yang 'dus pa'i snying po nyon// phyi yi 'byung ba rnam lnga ni// rgyu dang rkyen las 'byung ba'i phyir// gzhan 'byung yin phyir ye shes min// de phyir chos dbyings gol sar gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ snang ba chos dbyings kyi gol sa bstan pa'i le'u ste gya gnyis pa'o// // de nas 'dus pa'i tshogs rnams la// kun rig chos kyi rgyal po yis// bsgom pa'i gol sa bka' stsal pa// gang zag bdag med mi g.yo dang // chos la bdag med mi g.yo dang // 'jig rten dga' bde mi g.yo dang // ting 'dzin chos sku'i gol sar gsungs// de yang 'dus pa'i snying po nyon// gang zag bdag med mi g.yo ba// tshogs drug 'gags kyang skad cig ma// nga rgyal yin phyir don ma reg/ sgo lnga bkag pa don yin na// nyan thos
- 82b
bsgom pas rdzogs chen 'gyur// byung tshor bkag pas don yin na// rang rgyal bsgom pas rdzogs chen 'gyur// de yang 'dus pa'i snying po nyon// chos la bdag med mi g.yo ba// rang bzhin med phyir yid la dran// zhi gnas bsam gtan don yin na// lhag mthong bka' la don med 'gyur// 'du shes bzung ba don yin na// skye mched mu bzhi ci las gol// sems kyi bzhag thabs blo 'jug na// 'byung 'jug yod phyir ci la rdzogs// rtogs dang mi rtogs 'dres gyur na// 'khor 'das gnyis bsgom ci la rig/ rtag chad gnyis la mi rtog pas// ma nor don la reg gyur na// dbu ma rdzogs chen ci la yin// da yang 'dus pa'i snying po nyon// 'jig rten dga' bde mi g.yo ba// 'khor 'das mi rtog rgyu med na// sa rdo shing yang rtog par 'gyur// rtog dpyod 'das pas don reg na// bsam gtan gsum sogs ci la gol// snang ba 'di la mi rtog tsam// des ni rnal 'byor don reg na/ yul 'di 'khrul par ci la 'jog/ stong pas don la reg gyur na// rgyu dang 'bras bu stong pa'i phyir// chad pa yin phyir gol sar bshad// de yang rdo rje sems dpa' nyon// phyogs mthun bdud dang 'dra ba las// zhen pa spangs phyir bsgom pa min// de phyir mtsho dbus gru zhig 'dra// rdzogs pa chen po nges don thams cad 'dus pa/ ye shes nam mkha' dang
- 83a
mnyam pa'i rgyud las/ bsgom pa'i gol sa bstan pa'i le'u ste gya gsum pa'o// // de nas 'dus pa'i tshogs rnams la// kun rig chos kyi rgyal po yis// spyod rtsing nyes dmigs bka' stsal pa// gsang sngags gsang ba'i sgor zhugs nas// rang gis ma rtogs gzhan la 'chad// mkhas pa smod cing mnyam la 'gran// dregs shing nga rgyal mkhas 'dod nas// tshig tsam chos la khungs phyung ste// rtsal bshad the tshom gzhung nyams byed// phyi ma dmyal ba chen por ltung // de yang rdo rje sems dpa' nyon// rtsal dang stobs ni yod gyur kyang // lus kyi spyod pa ma bsrungs pas// tho tsho spyod pa'i las byas na// 'bras bu sdug bsngal rkyen du 'gyur// yid kyi dran pas ma bzung bas// ngag gi 'chal pa smras gyur pas// gzhan gyis chos la sgro skur 'byung // phyi mar tsha ba'i dmyal bar skye// lta ba'i dran pas gzung med par// yid kyi spyod pa ma bsrungs par// bdag tu rtog pa'i gzung 'dzin gyis// phyi mar mun pa'i skye mched ltung // de yang rdo rje sems dpa' nyon// de bzhin lus ngag yid kyis kyang // don ma go bar spyod gzab ste// bran mo'i tshul du byas gyur kyang // tshul 'chos yin phyir don las gol// de phyir nges don ma rtogs na// ci spyod nor phyir skyon che bas// ma rtogs dge sdig gang spyod kyang // 'khor ba'i mthar ni ltung bar nges// da
- 83b
yang 'dus pa'i snying po nyon// bya ba ma lus thams cad ni// gang byas re dogs yod pa'i phyir// ci spyod bdud du 'gro bar nges// de phyir spyod pa ched du 'gal// rdzogs pa chen po nges don thams cad 'dus pa// ye shes nam mkha' dang mnyam pa'i rgyud las/ spyod pa'i gol sa bstan pa'i le'u ste gya bzhi pa'o// // de nas 'dus pa'i tshogs rnams la// 'bras bu'i gol sa bka' stsal pa// lha dang mi yi 'bras bu de// bsnyen gnas sdom pa la brten nas// bsod nams tshogs ni bsags gyur kyang // yid smon byed phyir don las gol// da yang 'dus pa'i snying po nyon// mu stegs rtag pa'i 'bras bu yang // mthu chen mngon shes rno myur kyang // bdag tu lta phyir 'khor ba'i rgyu// sdug bsngal 'ba' zhig thar pa med// nyan zos rang rgyal 'bras bu yang // dka' thub mthar phyin bden spyod kyang // chos la bdag med zhen pa'i phyir// 'bras bu ci thob lha mi tsam// mtshan nyid theg pa rnam gnyis kyang // mtha' bral zhen 'dod don la gol// dus la ltos phyir sgrib sbyangs pas// 'bras bu mi thob snying rje'i gnas// de yang rdo rje sems dpa' nyon// phyi rgyud rnam gsum 'bras bu yang // rang byung snying po ma shes pas// dngos grub gzhan nas re ba'i phyir// sangs rgyas mi 'byung re dogs mtha'// bskyed rdzogs rnam gnyis 'bras bu yang // 'dod
- 84a
pa dbyer med 'dod pa des// rtsol sgrub ting 'dzin ci bsgom kyang // rin 'dzin mi thob ru drar skye// de yang 'khor gyi snying po nyon// de dag brtags pa'i 'bras bu kun// rnam pa du ma yod gyur kyang // mi rtog chos spyod ci byas kyang // mi grol 'ching ba'i rmya ru 'gyur// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'bras bu'i gol sa bstan pa'i le'u ste gya lnga pa'o// // de nas 'dus pa'i tshogs rnams la// kun rig chos kyi rgyal po yis// dam tshig nyams pa'i dbye ba ni// ched du dgongs nas bka' stsal pa// nyams pa'i nyes dmig rnam drug ni// khyod la bshad kyis yid kyis nyon// nyan pa'i dbang ni ma mnos par// gsang sngags rgyud ni nyan pa na// tshe thung bar chad sna tshogs 'ong // nal bus blon gral mi zin/ 'dra// lung ldan 'chad pa'i dbang med par// gsang sngags the tshom bshad gyur na// smyo dang 'bogs pa'i nad zin nas// phyi ma lce rmo dmyal bar ltung // bsgom bsgrub dbang ni ma mnos par// dam rdzas bsogs nas sgrub byed pa// yi dwags 'dre bkren myong bar 'gyur// gdol pas rgyal sa mi zin 'dra// da yang rdo rje sems dpa' nyon// lung ldan nges pa'i bla ma la// dbang ma mnos par mkhas su re// nges
- 84b
don rgyud kyi man ngag ni// mkhyen du re bas kha tshabs byed// phyi ma rdo rje dmyal bar ltung // dbang med sngags spyod sdig pa che// de phyir bka' la dam par dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ dbang ma mnos pa'i nyes dmigs bstan pa'i le'u ste gya drug pa'o// // de nas 'dus pa'i tshogs rnams la// kun rig chos kyi rgyal po yis// rtogs thabs med pa'i nyes dmigs ni// 'dus pa'i 'khor la bka' stsal pa// rang la yod par gzhan btsal na// mtha' las 'das pa'i skyon du 'gyur// sdug bsngal 'ba' zhig bde ba med// khyung phrug nam mkha'i mtha' 'tshol 'dra// 'khrul gzhi ngo ni ma shes par// dug lnga spang nas bde tshol ba// 'khrul pa yin phyir rnyed mi 'gyur// chur 'khrul smig rgyu rnyog pa 'dra// ma rig rtsa ba mchod par// dug lnga chos nyid yin zer ba// pho tshod blta ba bdud yin phyir// dug nyid sman du byed pa 'dra// gzhi la 'khor med ma shes par// rtsol sgrub dad pa cher bskyed dang // gnyen pos dug lnga grol 'dod ni// rwa la 'o ma 'jo ba 'dra// lung ldan nges pa'i don med par// bsgom med byas pa'i nga rgyal can// lhag mthong med phyir don las gol// zha bos ri rtse bsnyeg pa 'dra// rdzogs pa chen po nges don thams cad 'dus pa/ ye shes nam
- 85a
mkha' dang mnyam pa'i rgyud las/ rtogs par bya ba'i dam tshig nyams pa'i nyes dmig bstan pa'i le'u ste gya bdun pa'o// // de nas 'dus pa'i tshogs rnams la// kun rig ston pas bka' stsal pa// ched du byas pa'i dam tshig ni// lung ldan bla ma drin chen la// brnyas shing ngan sems bskyed byas na// rdo rje dmyal bar thar med ltung // cha med dug ni 'thung ba 'dra// grogs la phrag dog gdug byed pa// mched lcam thugs dkrug nyes byas te// ci bsam mi 'grub bsreg cing sgribs// rgyab brten med pa'i mi dang 'dra// sbas pa gzhan la bshad pa na// yun ring nad thebs rdzas dang bral// phyi ma na rag dmyal bar ltung // ngo ma shes par gnyen gsod 'dra// rnal 'byor khas 'ches le lo can// dbang po yul la yengs pa'i phyir// zhi gnas lhag mthong gang yang med// byi'u phra snyi la zin pa 'dra// nges pa'i gdams ngag khyad bsad nas// bsgrubs rtags phra mo dam par blta// rang gis rang phung byed pa'i mi// nyes med rgyal pos chab bskul 'dra// don bor 'khor la gdung drag pa// zhen pa'i chos la dam par 'dzin// gnyen po med phyir rang rgyud gol// bong rgan rdzabs su chud pa 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ dam tshig ched du ma byas pa'i skyon
- 85b
bstan pa'i le'u ste gya brgyad pa'o// // de nas 'dus pa'i tshogs rnams la// kun rig ston pa chos rje yis// bsrung ba'i dam tshig bka' stsal pa// slob dpon sku dgrar 'dris bshes na// rig 'dzin thams cad khros 'gyur nas// thar pa'i srog gcod dmyal bar ltung // rang gis rang mig bton pa 'dra// dam nyams 'thab sdum byas 'gyur na// rgyal sras gtsang ris kun khros nas// lha dang bral bas gol kha 'byung // skyel ma med pa'i tshong pa 'dra// gtsang sme med par bza' zer nas// mig zlum sha ni yogs spyad na// dgra rkun bar chad bsod nams 'grib// sad ser khyer ba'i lo tog 'dra// rgyud drug gzhan la spel byas na// mkha' 'gro'i nad kyis thebs 'gyur te// yun ring sdug bsngal thams cad 'ongs// phyi mar lkugs pa'i dmyal bar ltung // btson ni lcags 'og shi ba 'dra// nal bsad ngo nag la spyad na// 'gro ba'i nad kyis thebs gyur nas// phyi ma dud 'gro sbyar bar skye// rin chen 'dam du bying ba 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bsrung bar bya ba'i dam tshig nyams pa'i skyon bstan pa'i le'u ste gya dgu pa'o// // de nas 'dus pa'i tshogs rnams la// kun rig ston pa chos rje yis// spang ba'i dam tshig bka' stsal pa// tha mal sems can
- 86a
srog bcad na// skyabs 'gro nyams shing snying rje bral// skye bo bdud 'gyur sdig pa che// srin po'i lag tu bu khyer 'dra// rnal 'byor ma byin blang gyur na// yi dwags gnas su skye ba dang // skye bo kun gyis spyad gyur na// rab tu tsha ba'i dmyal bar skye// srung ma lnga ldan chags spyad na// dga' bral srog gi bar chad 'ong // phyi ma du 'bod srin bur skye// srin po byi la'i mngal dang 'dra// rang 'dod blo bsgyur rdzun smras na// 'di ru yid ches blo mi 'jog/ phyi ma lce 'bigs dig par skye// kha med lto 'phye nyams pa 'dra// da yang 'dus pa'i snying po nyon// nyams pa'i nyes dmigs de dag kyang // rtsa ba ma rig 'khrul pas bskyed// de phyir lung ldan med pa'i skyon// 'khor ba'i mtha' la zad pa med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spang bar bya ba'i dam tshig nyams pa'i skyon bstan pa'i le'u ste dgu bcu pa'o// // de nas 'dus pa'i tshogs rnams la// dbang dam nyams pa'i nyes pa ni// ltung ba'i sgo dag bka' stsal pa// rang sems chos sku ma rtogs par// mdo rgyud mang po shes bshad kyang // bdag bstod gzhan la smod pa'i phyir// ngan song gsum gyi sgor lhung 'khor// gzhan gyi bsam sbyor bzang po la// bar chad byed pa bdud yin te// gzhan gyi rdzas la ser sna
- 86b
byed// ma rtogs bdud kyi sgor ltung 'khyams// ma rtogs mthu che tshad med kyang // nga rgyal dregs pa'i nyon mongs can// 'jig rten 'di ru btsan phyug kyang // gnod sbyin sgor lhung rtag tu 'khyams// de yang 'dus pa'i snying po nyon// mnyam nyid chos sku ma rtogs par// rang rgyud chags sdang po tshod spyod// snying rje med par gsod la dga'// srin po'i sgor ltung dmyal bar skye// rang dbang ting 'dzin ma thob par// sdig pas 'khor dang ris su bcad// bdag nyid che 'dod 'khor sdud pa// gcan chen sho gam rtag tu 'khor// ji bzhin ma nor ma rtogs par// log rtogs spyod rtsing sna tshogs spyod// rang gis mi shes gzhan bgro ba// ru tra'i sgor lhung dmyal bar skye// de yang rdo rje sems dpa' nyon// ma rtogs phrin las ci mkhas kyang // tshig la dngos por 'dzin pa yin// bgegs dang bya rog sgor ltung 'khor// thabs lam dbang la khungs phyung ste// 'dod chags rang dgar rtag spyod pa// lta bas ma zin bde la zhen// lha chen 'dod chags mngal sgor lhung // ma rtogs pa dang bdag 'dzin pas// gsang sngags lta spyod log pa'i phyir// brtse med sdig pa kun spyad pa// mu stegs sgro skur rtag tu 'khyams// de yang rdo rje sems dpa' nyon// ma rtogs dbang gis rtsing spyod pa// lus ngag yid kyis len pa'i phyir// las ngan dgu po kun spyad pas//
- 87a
dmyal bar ngan 'gro rtag tu 'khyams// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ltung ba'i sgo dgu bstan pa'i le'u ste go gcig pa'o// sdom du bsdus te bstan pa bcu dgu pa'o// // de nas 'dus pa'i tshogs rnams kyis// kun rig ston pa chos rje la// lam gyi dbye ba zhu ba'i phyir// bden pa'i yid kyis 'di skad gsol// ye shes med pa'i rang byung gang // gnyis ka med pa gang gi blo// rang byung ye shes 'dzom pa gang // de skad ces ni zhus pa yis// don gsan 'khor la bka' stsal pa// rang byung ye shes chen po yis// yin min dbye ba ngas bshad kyi// yid kyis nyon la legs par zung // ye shes med pas rang byung des// 'khor 'das gnyis kyi gzhir gyur pa// rang bzhin lus la mdzad spyod med// stong gsal rig pa khyab gad la de// rgyu rkyen ma bskyed rang byung ste// rig dang ma rig yengs ma yengs// gang du yang ni ngos ma zin// lung ldan med phyir ye shes la// 'khor 'das par dor rang 'byung ste// gang yin cha med shes pa gcig/ shan ma phyed cing ngos ma zin// rang la rang gi don ma rtogs// sngon gyi lhun grub don gyi gzhi// chos rnams kun gyi rtsa ba ste// rang la ye shes yod mod kyang // ma rtogs phyir na ye shes med// ma rig ma gol sems can min//
- 87b
gnyis ka med pa'i dran pa de// shes pa had de yod pa la// tshor dang ma tshor dran pas zin// sems can kun la gnas gyur kyang // ma bstan phyir na ye shes min// long ba mig mkhan ma rnyed 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang byung yin te ye shes min par bstan pa'i le'u ste go gnyis pa'o// // de nas 'khor gyi snying po nyon// rang byung med pa'i ye shes ni// ched du dgongs te bka' stsal pa// rang byung med pa'i ye shes de// tshogs brgyad gnas 'gyur ye shes lnga// bskyed pa'i rkyen las byung ba'i phyir// ye nas gnas pa'i rang byung min// de yang 'khor gyi snying po nyon// lung ma bstan gyi dus tsam la// ye shes bya ba'i ming yang med// skye shi gnyis kyi bar do la// nges lung ldan pa'i ye shes de// thog ma med pa za ma yod// me long ye shes bya ba ni// ma rtogs med la rtogs na yod// rkyen las byung na rang byung min// de phyir me long ye shes kyang // glo bur byung yang ye shes min// mnyam nyid so sor rtogs pa dang // bya ba grub pa'i ye shes bzhi// nyi ma dang ni zer bzhin du// chos dbyings ye shes mngon gyur pa'i// rtsal du ye shes bzhi po byung // gzhi la ye shes rnam lnga med// de phyir rang byung rig pa min// de yang rdo rje sems dpa' nyon// sems can mos pa dran pa
- 88a
las// grangs kyi ye shes rnam lnga ni// tshig tu yod de don la med// gzhi yi ye shes ma shes na// ra gan gser du 'dzin pa 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang byung med pa'i ye shes bstan pa'i le'u ste go gsum pa'o// // de nas kun rig ston pa yis// ye shes rang byung gnyis ka min// 'dus pa'i 'khor la bka' stsal pa// thog ma shes gzhi lung ma bstan// de las ma rig rkyen bzhis bskyed// lung ldan med phyir ye shes min// de yang 'dus pa'i snying po nyon// skye shi bar do don ma shes// kun gzhi las byung yid gnyis kyi// bag chags mi dge sna tshogs bsags// gzhi la gnod byed ma shes par// ye shes rang byung gnyis ka med// de la nges pa'i skyon can ni// gzhi las 'khrul phyir gzhi la zhe na// med pa la ni bden par 'dzin// chos brgyad yul la dam par blta// med pa la ni yod par blta// ri bong rwa yi kha dog 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes rang byung gnyis ka med par bstan pa'i le'u ste go bzhi pa'o// // de nas 'dus pa'i tshogs rnams la// kun rig chos kyi rgyal po yis// rang byung ye shes 'dzom par ni// dad ldan 'khor la bka' stsal pa// dang po
- 88b
ngo bo nyid kyi sku// kun tu bzang po'i chos drug gis// 'khrul ma myong la rtogs pa'i phyir// ye shes rang byung dus mnyam 'dzom// de yang rdo rje sems dpa' nyon// da lta skye shi'i bar do la// lung ldan nges pa'i gdams ngag gis// yul sems gzhi la med pa'i don// shes rab rnam gsum las byung ba'i// lhag mthong rig pa'i ye shes shar// ye nas rgyu dang rkyen med phyir// rang byung rig pa'i rgyal po de// lung ldan nges pa'i gdams ngag gis// ye nas rang byung rig pa la// shes nas lung ldan don go ba// de phyir de nyid 'dzom pa yin// da yang 'dus pa'i snying po nyon// gzhi dang nges lung 'dzom pa la// gol dang sgrib pa'i sems med shes// de phyir rtog pa mngon gyur ni// mar gyi yang zhun lta bur gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang byung ye shes 'dzom par bstan pa'i le'u ste go lnga pa'o// // sdom du bsdus te bstan pa nyi shu pa'o// // de nas rdo rje sems dpa' yis// ched du gsungs pa'i don go nas// 'khor rnams la ni brtser dgongs te// rdzogs sangs rgyas la 'di skad gsol// gzhi'i nges don gang gis mtshon// dang po sangs rgyas ji ltar byung // de yi byin rlabs ji ltar blang // lam de tshig gis ji skar mtshan// rdzogs sangs rgyas kyis bshad
- 89a
du gsol// de skad zhus pas don gsan nas// 'dus pa'i 'khor la nges pa'i don// ma nor nges pa'i sangs rgyas bka'// nga yis bshad kyis legs par nyon// rang bzhin gzhi yis mtshon dpe ni// 'dus ma byas kyi nam mkha' 'dra// gang nas ma 'ongs ye nas yod// gar yang mi 'gro dus gsum gcig/ da lta kun khyab ngos bzung bral// thog mtha' med pa'i nam mkha' la// rig med stong pa yin pa'i phyir// dpe ru zab ste don du med// de yang rdo rje sems dpa' nyon// de bzhin ngo bo'i gnas lugs ni// 'khor 'das ma reg sngar bzhin 'dus// sangs rgyas gnyis su med pa yi// 'khor 'das gnyis kyi gzhi gyur pa// ma yengs par ni yod gyur kyang // don gyis ma zin rang snang sems// ngos ma zin zhing shan ma phyed// 'gro 'ong med par rgyun du gnas// thog mtha' med phyir ngo ma shes// da lta kun gzhi sems la gnas// 'dus ma byas phyir skye 'jig med// sems can kun gyi rten gnas gzhi// mos gus med phyir rtogs par dka'// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi yi dpe don bstan pa'i le'u ste go drug pa'o// // de nas kun rig ston pa yis// dang po sangs rgyas rtogs tshul ni// dad ldan 'dus pa'i 'khor rnams la// nga yis rtogs
- 89b
nyams bka' stsal pa// 'khor 'das med pa'i gong rol du// sa chu me rlung gang yang med// srid pa ma chags stong pa nyid// de tshe rang bzhin lus de ni// ye nas yod pa'i chos nyid de// de don ma 'khrul rig pa yis// da lta ma 'khrul nges bstan phyir// gzhi dang rig pa gcig tu shes// rtogs dang sangs rgyas dus mnyam byung // nam langs nyi shar dus mnyam pa// ri bo ta la'i dpe bzhin du// 'khor 'das thog mtha' dus gcig chod// de yang rdo rje sems dpa' nyon// kun bzang rgyal ba'i dgongs pa de// rang byung ngo bo nyid kyi sku// rgyu rkyen ma bskyed 'dus ma byas// kun la khyab pa chos kyi sku// rang gi rig pa ye shes thugs// de nyid yin par ngo shes pas// lhag mthong ye shes rang shar phyir// yod med gnyis kyi sku bral bas// dus gsum mi 'gyur ngas bstan pa// thig le nyag gcig chos kyi sku// de las sangs rgyas chos rnams 'byung // de phyir kun tu bzang zhes bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ kun tu bzang po'i rtogs tshul bstan pa'i le'u ste go bdun pa'o// // kun rig ston pas yang gsungs pa// 'og min chos dbyings gnas de ru// ji bzhin rdo rje sems dpa' des// ma 'khrul rig pa gsal ba ni// rang la ye nas yod mod kyang // gzhi ni mi
- 90a
'gyur nges pa ni// 'di nyid kho na yin nam min// yid la the tshom cha phra yod// de dag gsal phyir mos gus spyod// de phyir kun bzang de ched du// mnyam bzhag dgongs pa thugs gtad nas// the tshom med par chos nyid rtogs// de phyir ye shes rgyud dag pas// rdo rje sems dpa' mngon gyur go/ tshig tu mgo don du shar// de yang 'dus pa'i snying po nyon// de phyir byin gyis brlabs lugs ni// kun bzang thugs kyi nges don de// chos drug ming dang don shes pas// dus gsum cig car rim gyis nyams// gang la ma brten yid kyis ni// lhag mthong chos skur da lta shes// de phyir dgongs par brgyud pa'i phyir// rtogs pa mngon 'gyur sangs rgyas pa'i// phyis mi len par rig pas go// nyid las mi gzhan sangs rgyas 'byung // de phyir byin gyis brlabs zhes bya// de yang 'dus pa'i snying po nyon// ston pa kun bzang byin rlabs kyi// sku gsung thugs kyi sgrub pa gsum// gza' skar rgya mtshor ji bzhin du// de don nyid kyi rtsal du byung // rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rdo rje sems dpa' byin gyis brlabs kyis bshad pa'i le'u ste go brgyad pa'o// // de nas 'dus pa'i tshogs rnams la// kun rig ston pas bka' stsal pa// sbrul sku lnga yi bstan pa
- 90b
yang // tshig gi brda yi sgron ma yis// ma rig mun pa bsal ba'i phyir// lung ldan nges pa'i gdams ngag gis// snyan nas rna bar brgyud ces bya// da yang 'dus pa'i snying po nyon// don gyi bka' yi man ngag gis// ye shes rig pa khong nas shar// de tsam nyid na skye 'gags med// da lta nyid du mngon 'gyur go// lus kyi brda yi sprul pa 'gyed// stong gsum ma lus thams cad du// sprul pa grangs med thams cad pa// lnga bcu rtsa brgyad rnga bdun yang 'dugabarda yis ni// skyon gyis ma gos 'gro don grub// de yang 'dus pa'i snying po nyon// rtags kyi brda yis bstan pa'i phyir// sku mdog phyag mtshan sna tshogs pa// byin rlabs sangs rgyas dngos grub thob// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ tshig las 'das pa bstan pa'i le'u ste go dgu pa'o// sdom du bsdus te bstan pa nyi shu rtsa gcig pa'o// // de nas rdo rje sems dpa' yis// 'dus pa'i tshogs la phan don du// kun rig chos kyi rgyal po la// nges pa'i dgos don 'di skad gsol// snang ba chos dbyings ji ltar yin// 'khor 'das gnyis kyi gzhi ni gang // rang bzhin lhun grub lta ba gang // ma rig mun sel lta ba gang // ting 'dzin dbye ba'i gdams ngag gang // don dam mi 'bral ting 'dzin gang // gnas lugs
- 91a
'gyur med blta ba gang // kun rig chos rjes bshad du gsol// de skad zhus pa'i don gsan nas// 'dus pa'i 'khor la bka' stsal pa// snang ba ma bcos chos dbyings ni// rang byung chos sku gcig gcig la// yon tan thams cad 'byung ba ni// dper na yid bzhin nor bu ltar// de ni lhun grub kun gyi gzhi// de yang rdo rje sems dpa' nyon// dang po gang la ma brtags par// bar du bzung ba'i yul ma zhen// tha ma rjes su ma 'brang phyir// sgo lnga rang yan btang gyur kyang // chos nyid chos kyi dbyings zhes bya// nang gi rig pa chos skur shes// de phyir ye shes phyi nang med// chos nyid rig pa kun tu zhal// gang la thogs med chos skur 'phyo// gnas ni chos sku'i klong na yod// rkyen gyis mi tshugs nam mkha' 'dra// de phyir rang byung 'dus ma byas// de yang 'dus pa'i snying po nyon// gang la mi gnas rig pa 'di// nam mkha'i dkyil gyi nyi zla bzhin// sang nge sa ler mi rtog par// phyod de seng nge ya le ba// chos dbyings gnas kyi nam mkha' ste// yul dang sgo lnga ma 'dres gsal// de tsam nyid na ma 'dres gsal// snang ba ma 'gags cir yang gsal// de ltar rtog med chos kyi dbyings// de yang 'dus pa'i snying po nyon// phyi yi 'byung ba rnam lnga ni// gzhan 'byung yin phyir ye shes min// de phyir mi spang gnod mi nus// sems su mi
- 91b
bsdu phan mi nus// 'di yi kho na zhen med pa// snang ba'i yul 'di cir snang yang // sgro skur ma btags rang gsal bar// chos kyi dbyings zhes de la bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gol med chos kyi dbyings su bstan pa'i le'u ste brgya zam pa'o// // de nas 'dus pa'i tshogs rnams la// kun rig rgyal pos bka' stsal pa// 'khor 'das gzhi la med pa yi// sangs rgyas kun gyi nges pa'i don// rig pa ma bslad chos sku la// ngo bo rtogs tshul dpe dang ni// gtan tshigs ldog bcas mtshan nyid dang // la bzla ba dang rnam pa bdun// chos nyid chos sku'i dper yang gsungs// de yang rdo rje sems dpa' nyon// ngo bo gnas lugs chos sku la// thog mtha' med par ye shes gnas// de phyir rgyu rkyen ma bskyed phyir// gnyen po mi tshugs nam mkha' 'dra// rtogs tshul sgro skur ma btab phyir// ma bcos chos sku rig pas shes// ma dpyad ma mtshon ma bsam par// chos sku gsal bas nyi shar 'dra// rnam rtog 'joms pas rdo rje 'dra// skye ba med pas a dang 'dra// dpe ru zab te don du med// lung thob ma myong gtan tshigs de// gdams ngag yid ches gdeng dang ni// lhag mthong chos sku gzhan na med// de phyir ral gri rin chen 'dra// rtog bcas ngo bo byang chub sgra// mthun dang mi
- 92a
mthun yul las log/ zhen pa log phyir chos kyi sku// de phyir rang bral chos skur shes// mtshan nyid 'dra phyir yin pa min// da lta 'gro ba kun la gnas// 'char nub med phyir ye gnas phyir// sgro skur ma btab ye shes klong // la bzla snang ba med pa la// zhen pa'i log don gdams ngag gis// dug lnga rang grol chos skur shes// rdo rje sems dpa' da nyon cig/ yin pa mi blang min mi spangs// mi bsdu mi bsre mi dbye bar// bsam pa'i yul las 'das pas na// phyod de seng nge rang rig la// mtha' dbus med phyir kun tu khyab// de phyir thig le nyag gcig yin// rdzogs pa chen po nges don thams cad 'dus pa// ye shes nam mkha' dang mnyam pa'i rgyud las// 'khor 'das gzhi la med pa'i blta ba bstan pa'i le'u ste brgya dang gcig pa'o// // de nas 'khor gyi tshogs rnams la// kun rig ston pas bka' stsal pa// nang gi rig pa 'grib med don// da lta'i chos sku 'di nyid ni// 'dus ma byas phyir rtag chad med// ye shes rnal ma nyid yin no// de yang rdo rje sems dpa' nyon// kun gyi mnyam nyid rgyal ba'i thugs// ma lus sems can thams cad la// rtag min bdag bral chos skur shes// dngos med khyab pas nam mkha' 'dra// chad pa ma yin gnyug mar gnas// 'dzin med shes pa ngang gis gsal// ngo bor
- 92b
med la chos skur yod// rang byung nyi ma'i snying po 'dra// dbu mar mi gnas ye shes ni// sgro skur bral bas nyon mongs sel// mtha' dbus med pa'i chos nyid ni// brgyad pa mi g.yo sems dpa' 'dra// bla mas don bstan rnal 'byor pas// the tshom med par rang sems rtogs// yul dang chos skur ma rtogs par// ka shi'i ras kyis rin chen 'dra// de yang 'dus pa'i snying po nyon// nges don rtogs phyir yid ches pas// chos sku 'gyur med ngang la gnas// de tsam nyid na gdeng gis zin// long ba mig med gsal ba 'dra// dper na nam mkha'i nyi ma bzhin// ma rig mun pa 'joms pa'i thabs// lta ba gzhi nges don nyid la// ma nor rig pa gcig yin te// 'bras bu lhun grub gcig tu bstan// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mtha' bral lhun gyis grub pa'i lta ba bstan pa'i le'u ste brgya dang gnyis pa'o// // de nas kun rig rgyal po yis// 'dus pa'i tshogs la bka' stsal pa// rang byung snying po lta ba ni// nyi ma shar nas mun pa sangs// nges lung bstan pas ma rig brlag/ thig le gad la khyab chos sku de// rig pa rang gsal bcos pa med// de don lhun grub ye nas gsal// rang byung snying po rang gsal thugs// ye nas tha snyad kun dang bral// ji bzhin gsal la ngan
- 93a
rtog med// don dam spros bral lta ba'i mchog/ rtsal med spyod pa'i yul las 'das// yang dag klong 'gyur don la mkhas// de nyid las su 'byor pa yis// tshogs brgyad ces pa'i yul las 'das// mngon du gyur pas thugs la bkra// kun gyis rtogs dka' byang chub des// mi g.yo chos sku mi rtog lam// rang rig bde ba chos sku'i klong // gcig tu rdzogs pas kun la gsal// lta ba dbus dang mtha' med pas// spang len ma btsal lhun gyis grub// skye med ngang du rig pa 'phyo// brten med chags pa'i yul las 'das// bsgom med lta ba ngang gis gsal// mtshon pa'i tshig gis bkri drang bral// skye med gdeng du 'du 'bral med// snang med rig pa dngos po bral// yang dag thugs la spro bsdu med// ma bcos lhun grub rig par shar// kun khyab don bsdus mtha' ma reg/ ye shes sku mchog chos sku gdal// da yang rdo rje sems dpa' nyon// 'gro drug sems can rang byung sku// 'di ltar snang ba ma lus kun// gdod nas med pa'i don rtogs nas// ye shes gcig gi ngang du rdzogs// lus ngag yid kyi bya ba rdzogs// byas na 'ching ba'i las yin las// gzhi la mi shes btsal mi dgos// ma bsgoms 'du 'bral med par blta// rdzogs pa chen po nges don 'dus pa/ ye shes nam mkha' dang mnyam pa'i rgyud las/ ma rig mun
- 93b
sel gyi lta ba bstan pa'i le'u ste brgya dang gsum pa'o// // de nas 'dus pa'i tshogs rnams la// kun rig chos rjes bka' stsal pa// rnal 'byor dam pa mnyam bzhag tshe// gsal la mi rtog mi g.yo ba'i// ngo bo rtsal dang dpe dang ni// tshad dang nges tshig yul dang bral// skyon dang gol sa dgu dgu bstan// chos sku 'bral med sdom tshig yin// de yang 'dus pa'i snying po nyon// ngang gis gsal ba ye shes yin// rang rig pa yi ye shes yin// rtsal ni sgo lngar gsal ba yin// dper na til gyi mar me 'dra// tshad ni shes pa ma bsgribs pa// nges tshig gdams ngag ma brjed pa// yul ni snang ba chos kyi dbyings// 'bras bu longs spyod rdzogs pa'i sku// skyon ni yul la yan grangs pa// gol sa bying rmugs 'gog pa yin// de yang rdo rje sems dpa' nyon// dmigs 'dzin med pa'i ngo bo nyid// snga phyi gang yang ma dran pa// rtsal ni bde la ma zhen pa// yul ni 'dzin med ma 'gags pa// dpe ni bya ba btang ba 'dra// tshad ni dran byed ma bying la// nges tshig yul la ma yengs yin// 'bras bu sbrul sku thub drug 'byung // skyon ni goms par ma byas yin// gol sa rgod 'phro yul la zhen// de phyir gnyis 'dzin med ces bya// de yang rdo rje sems dpa' nyon// gnyug mar gnas pa mi g.yo ba'i// ngo bo dus gsum mi 'gyur ba// rtsal ni
- 94a
ye shes 'phel 'grib med// dpe ni rgya mtsho'i gting dang 'dra// yul ni rig pa so thub bstan// tshad ni gsal la mi g.yo ba// nges tshig skyon gyis ma gos pa// 'bras bu rig pa chos sku yin// skyon ni the tshom yid ma ches// gol sa mi g.yo 'gog pa yin// de yang rdo rje sems dpa' nyon// de dag bsgom pa'i dbye ba yang // dad ldan drang phyir gsungs pa las// don la rang rig chos sku la// dbye bar bya ba rdul tsam med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ting nge 'dzin gyi dbye ba mdor bsdus nas bstan pa'i le'u ste brgya dang bzhi pa'o// // de nas 'dus pa'i tshogs rnams la// kun rig rgyal pos bka' stsal pa// ma bsgom don dang mi 'bral bas// thig le gcig tu rdzogs pa yis// kun gzhi gzhi cha chos sku la// sna tshogs snang yang 'gyur ba med// da yang rdo rje sems dpa' nyon// sems ni bsgom du med pa'i dpe// nam mkha' bsgom du sems dang bral// de bzhin sems kyi sems bsgom du// chos nyid sems kyi yul las 'das// stong rig sems kyi yul las 'das// nges par 'gyur med lta ba'i gzungs// don du mi brjed ting 'dzin gsal// rang sems rtogs phyir bsgom mi dgos// de yang rdo rje sems dpa' nyon// rang byung chos sku ngos zin na// shes
- 94b
pa gtad la bsgom mi dgos// de phyir rang byung ye nas gsal// chos nyid ma bsgom 'bral ba med// yang dag sangs rgyas dgongs pa la// 'pho 'gyur med phyir 'dus ma byas// de rtogs rnal 'byor skal ldan gyis// ma bsgoms chos nyid rang byung thugs// de la rtogs pa skye mi nus// de yang rdo rje sems dpa' nyon// ma yengs pa zhes btags pa tsam// don la chos sku de nyid yin// de phyir 'bral med bsgom pa med// gzhan du g.yos pa rdul tsam med// de phyir chos nyid rgyun du gnas// shes pas chog phyir rtsol ba med// de yang 'dus pa'i snying po nyon// lung ldan nges pa'i don zin na// thams cad rang byung nyid kyi don// mkha' ltar khyab cing nyi ltar gsal// gsal tsam nyid na nub pa med// dngos med kun khyab chos sku de// med par ma yin shes shing rig/ stong tsam nyid na ngang gis stong // stong tsam nyid na mtha' dbus med// de yang 'dus pa'i snying po nyon// ye shes lhun grub chen po la// bying rgod zhen 'dzin skyon dang bral// gsal bde stong pa chen po la// ngang du bzhag pa ci yang med// mnyam bzhag med pas rjes thob med// thams cad rang byung chen po las// gzhan du g.yos pa rdul tsam med// de yang rdo rje sems dpa' nyon// de ltar rtogs pas rnal 'byor ngas// lam med lam lnga ma sbyangs shig/ sa med sa bcu ma
- 95a
bgrod cig/ rten med dmigs pa ma 'chang zhig/ sgrib med tshogs gnyis ma bsogs shig/ nges don 'di nyid bsgrub mi dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ma bsgoms don dang mi 'bral bar bstan pa'i le'u ste brgya dang lnga pa'o// // de nas 'dus pa'i tshogs rnams la// kun rig kun tu bzang po yis// gnas lugs 'gyur med bka' stsal pa// chos skus khyab pa'i phyi nang chos// mtha' dbus med pa thams cad pa'i// gnas dang gzhi yi rten byed pa'i// rang byung thig le nyag gcig ste// 'di ni bde gshegs thams cad kyi// thugs kyi dam pa dkyil 'khor yin// de yang rdo rje sems dpa' nyon// rang byung snying po 'gyur med la// blo yis bcos pas gzhi mi 'gyur// de phyir rkyen gyis bcos su med// rang byung ngo bo nyid kyi sku// chos rnams kun gyi rtsa ba'i gzhir// dus gsum sangs rgyas kun gyis gsungs// de phyir gzhi la 'pho 'gyur med// de yang rdo rje sems dpa' nyon// rang bzhin lhun gyis grub pa'i phyir// sangs rgyas nyag gcig chos kyi sku// 'di ni 'khor 'das gnyis kyi gzhi// ma rtogs phyir na 'khor ba la// rtogs na mya ngan 'das zhes bya// gzhi la sangs rgyas sems can med// de phyir gnyis med gcig gi ngang // thams
- 95b
cad de yi ngo bor gnas// de yang 'dus pa'i snying po nyon// 'khor 'das gnyis pas gzhi snga phyir// blo yis ma bcos 'khor 'das med// bag chags ma brtas 'khor ba med// gang yang med phyir kun gyi gzhi// rang byung rtogs pas bcom ldan 'das// sa rnams ma bgrod ngang gis rdzogs// lam la mi brten sa lam bral// med par ma yin ye shes nyid// rdzogs chen mnyam nyid kun tu khyab// chos rnams kun gyi chos chen po// thams cad ngo bor lhun gyis grub// de bskyed chos rnams thams cad 'byung // 'khrul pa'i rtog med gzhi dang mthun// de phyir lung ldan rkyen gyis kyang // blo dngos gcig pa'i dgongs pa la// gzhi shes pa la rtogs zhes bya// de yang 'dus pa'i snying po nyon// chos kyi rgyal por rab bsngags phyir// 'khor 'das byung ba thams cad kyang // btsal ba med par shugs las byung // de phyir kun gyi gzhir gyur zhes// kun bzang nyid kyis gsungs pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gnas lugs 'gyur med bstan pa'i le'u ste brgya dang drug pa'o// sdom du bsdus te bstan pa nyer gsum pa'o// // de nas rdo rje sems dpa' yis// ye shes mngon gyur rtogs pa'i phyir// kun rig chos kyi rgyal po la// bden pa'i yid kyis 'di skad gsol// chos
- 96a
rnams kun gyi rtsa ba yi/ gzhi gsum 'brel pa yod dam med// kun gzhi sems kyi mun gseb nas// chos sku ngos ni ji ltar bzung // da lta'i gzugs dang ma bral bar// gzugs sku mi 'byung gang gis bsgribs// mnyam pa'i rgyal pos bshad du gsol// de skad zhus pa'i don gsan nas// 'dus pa'i 'khor la bka' sprul pa// don gyi rtsa ba mdor bsdus na// gzhi gsum ma nor nges pa yis// 'brel pa nges med ngas bshad kyis// legs par nyon la yid kyis zung // de drug yod med gcig tu rtogs// 'khor 'das gnyis gzhi rang bzhin lus// 'khor gyi shes pa lung ma bstan// gnas skabs 'brel med mthar thug med// gnas skabs 'brel pa yod pa ni// lung ma bstan pa rnam gsum la// rang bzhin lus kyis khyab pa'i phyir// bde gshegs snying po yod ces bya// de yang 'dus pa'i snying po nyon// mthar thug 'brel pa med pa ni// shes bzhin lung ma bstan pa la// yid 'gribs yod phyir mos gus byed// byin rlabs rtogs dang lung ldan zhing // bstan thabs med phyir 'khor ba'i rgyu// de bskyed 'khor ba 'ba' zhig yin// des phyir mthar thug 'brel pa med// mun dang nyi ma dus mi mtshungs// ma rig ye shes de bzhin no// de yang 'dus pa'i snying po nyon// mthar thug 'brel pa yod pa ni// lan cig
- 96b
skye shi bar do la// lung ldan gdams ngag 'phrad srid la// mos gus dad pas rtogs 'gyur tshe// rang rig chos skur shes pa'i phyir// lung ma bstan pa brlag cing stong // mthar thug 'brel pa yod pa ni// nam langs nyi ma shar ba 'dra// de yang 'dus pa'i snying po nyon// myang 'das kun bzang gzhi dang ni// 'khor gzhi lung ma bstan pa gnyis// lhan cig mi gnas 'gal ba'i phyir// gnas skabs mthar thug 'brel pa med// nyi ma'i dkyil na mun med ltar// de phyir ye shes zang thal nyid// da yang 'dus pa'i snying po nyon// 'khor gzhi lung ma bstan la sogs// shan dbye'i skabs su ngas bshad kyis// la bzla'i skabs su ngas ma bshad// phyi rabs rnal 'byor de bzhin no// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi gsum 'brel med bstan pa'i le'u ste brgya dang bdun pa'o// // de nas 'dus pa'i tshogs rnams la// kun rig sems kyi mun gseb nas// 'khrul dang ma 'khrul bka' stsal pa// 'khrul pa rnam bzhi dbye ba'i phyir// gsum bral bzhi ldan gol sa med// de phyir chos sku gzhi dang gcig/ de yang 'dus pa'i snying po nyon// chags sdang 'byung ba'i rgyur byung ba'i// 'khrul dang ma 'khrul shan dbye na// thog med las nyon gyis bsags pa'i// sngar gyi bag chags bzang ngan
- 97a
ni// dus dang gnas skabs 'gyur ba'i phyir// shes pa ma 'khrul dngos po 'khrul// zhen pa brtas phyir bag chags skye// mi shi'i kha dog dran pa 'dra// de yang 'dus pa'i snying po nyon// chags sdang 'byung ba'i rgyur gyur pa// phyis kyi nyon mongs skyes pa yang // dga' dang mi dga' la sogs pa// glo bur rkyen gyis 'byung ba'i phyir// dngos po ma 'khrul shes pa 'khrul// zag pa sbrul du 'dzin pa 'dra// de yang 'khor gyi sems dpa' nyon// snang ba gzhi la med pa la// spong sdud zhen pa byed pa ni// blo dngos gnyis ka 'khrul pa'i phyir// med pa la ni yod rtogs pa// ri bong rwa la yod rtogs 'dra// da yang 'khor gyi sems dpa' nyon// skye bo tha mal shes pa la// bya ba ma 'gags gang byed kyang // blo dngos ma 'khrul chos nyid min// lung ldan gdams ngag med pa'i phyir// gzhi nyid ma shes ma rig yin// zla ba dkar kyang mun pa'i bag/ da yang 'dus pa'i snying po nyon// de dag rtsa ba mdor bsdus na// 'khrul pa'i gzung 'dzin ya bdun kyang // snang ba shes par ma shes phyir// sgro skur zhen pas rang bslus te// gdams ngag med phyir chos sku min// de phyir grub mtha'i blo ma bsgyur// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ snga phyi'i rtog pa 'khrul par bstan pa'i le'u ste brgya dang
- 97b
brgyad pa'o// // de nas 'dus pa'i tshogs rnams la// ma rig sems kyi mun gseb nas// chos sku ngo sprod don 'dus pa// snga phyi'i rtog pa gsum bral ba'i// rang rig chos sku ngo shes na// 'khrul med de lha'i shes pa la// tha mal lus kyi rten bcas pa'i// shes pa ma ma sgribs gsal ba ni// rang byung chos sku yin pa'i phyir// de la ma rig mun pa med// de yang 'dus pa'i snying po nyon// de la yon tan bzhi ldan pa// skye bo mu stegs yul 'di la// nga dang bdag tu rang rgyud byed// zhen pa'i dmigs 'dzin med pa'i phyir// snang ba med pa'i ye shes ni// gol med chos dbyings nam mkha' 'dra// ngang gis gsal ba'i ye shes ni// tshogs drug 'gags pa'i 'gog pa dang // 'du shes med pa'i lha ru gol// gol sa ka nas med pa'i phyir// rin chen 'od 'dra 'char nub med// de yang 'dus pa'i sems dpa' nyon// ye shes gnyug mar gnas pa ni// dbu ma sems tsam mthun bsgom dang // thabs kyi rtsa dang thig le sogs// 'byung 'jug can gyi gol sa med// bskyed rim kun gzhi la sogs pa'i// zhi khro'i lha ru bsgom pa dang // 'phel 'grib can gyi gol sa med// de phyir rgyun du 'bral med yin// da yang 'dus pa'i snying po nyon// gtan la 'bebs pa'i yid kyis ni// lhag mthong rig par rtogs tsam na// dmigs 'dzin med la ngang gis
- 98a
gsal// gnyug mar gnas la 'phel 'grib med// da lta'i shes pa 'di nyid la// rang rig chos sku gcig tu rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos sku ngos bzung ba bstan pa'i le'u ste brgya dang dgu pa'o// // de nas 'dus pa'i tshogs rnams la// kun rig ston pa chos rje yis// rnam smin lus dang bcas dus 'dir// gzugs sku mi 'gyur bka' stsal pa// da lta mngal gyi sgrib g.yogs kyis// gzugs sku ngo sprad mi 'dod de// che ba'i yon tan mi 'byung phyir// nam srod nyi ma nub pa 'dra// da yang 'dus pa'i snying po nyon// lan gcig dus kyi deng sang na// lung med rmongs pa'i nga rgyal can// dpyad bzo rig pa byed pa kun// gzugs sku da lta ngo sprod yod// kha tshabs rdzun tshig smra ba la// rmongs pa bden par 'dzin pa mang // da yang 'dus pa'i snying po nyon// ma rig rdzun de sun 'don te// da lta mngal gyi sgrib g.yogs pas// longs sku dang ni sprul pa'i sku// chu shel sgron me'i dpes mtshon kyang // da lta rang la 'byung mi srid// khyung sgong rang gis bcag mi nus// de phyir gzugs brnyan ye shes ni// ris su bris dang lugs su blugs// 'bur du bkod la sogs pa yis// gzugs sku rang la byung ba dang // dngos su sprad du mi 'dod pas// de
- 98b
phyir drang don ldem dgongs su// zhi khro bsgom pa lha tshogs bstan// de yang 'dus pa'i snying po nyon// sngon du gzugs sku 'byung ba yang // rang rgyud lus bcas ma yin te// rgyud dag sprul pa kha cig las// sangs rgyas byang chub sems dpa' ni// chags sdang lnga dang bcas pa yi// tha mal rang rgyud sems 'di la// gzugs sku da lta 'byung mi srid// nam mkha' dngas par nyi ma 'char// de yang rdo rje sems dpa' nyon// da lta gzugs sku sprod 'dod na// mtshan dang dpe byad ma lus kun// rang gi lus dang tshad rdzogs pa// zhing khams yon tan tshad mthong dgos// dus gsum sangs rgyas thams cad kyang // sku gsung thugs ni mnyam dgos na// de med yon tan ngo spyod min// da yang 'dus pa'i snying po nyon// mngal gyi sgrib g.yogs ma bral bar// lung ldan rkyen dang 'phrad srid na// rang sems chos skur rtogs pa la// gzugs sku mi 'byung lus kyis bsgribs// nyi ma sprin gyis bsgribs pa 'dra// da yang 'khor gyi snying po nyon/ sbrul sku ngo sprod yod zer na// da lta tha mal lus 'di yis// 'dzam gling bye ba phrag brgya ru// sprul pa bye ba phrag brgya 'gyed/ sangs rgyas dmyal ba yan chad du// lus phyin mig gis mthong ba dgos// rnam smin lus dang bcas dus 'dir// ji ltar gzugs skur ngo sprod kyang // mtha' 'khob chu dang 'phrad pa yang //
- 99a
mi thar sdug bsngal 'byung ba'i phyir// sbrul sku ngo sprod yod zer 'khrul// lha mo kun gyi smad gsad rigs// da yang rdo rje sems dpa' nyon// yid smon tsam du yod zer na// zhi khro la sogs bsgom pa yang // rgyud lung chos sku ldem dgongs bstan// de phyir gzugs sku gnas 'gyur las// dngos su 'byung bar ngas ma bshad// de yang 'dus pa'i snying po nyon// gzugs sku'i yon tan 'byung 'dod pa// de ltar rtags chen 'di 'byung tshe// seng ge khyung dang u dum par// rin chen la stsogs dus 'dir 'byung // 'jig rten sangs rgyas 'byung ba'i rtags// de med 'jigs gzugs 'jig rten du// sems can lus dang ma bral bar// gzugs sku'i yon tan 'byung 'dod na// mu stegs ka ba ri par gol// ma rig rmongs pa snying re rje// mnar med rmongs pa snying re rje// rdzogs pa chen po nges don thams cad 'dus pa// ye shes nam mkha' dang mnyam pa'i rgyud las/ lus dang ma bral bar gzugs sku mi 'byung bar bstan pa'i le'u ste brgya dang bcu pa'o// // sdom du bsdus te bstan pa nyi shu rtsa bzhi pa'o// // de nas rdo rje sems dpa' yis// kun rig ston pa chos rje la// nges pa'i dgos don 'di skad gsol// rnam rtog rang sar ci ltar grol// mtha' ma rig pa'i gdams ngag dang // the tshom gegs rnams ci ltar bsal//
- 99b
'dra ba las ni gol ba gang // kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// dper na nyi ma'i snying po la// gzhan gyis ma byas rang gsal ba// thams cad ye shes chos skur gsal// ma rig mun pa gdod nas sangs// de yang rdo rje sems dpa' nyon// dper na rgyal po mthong ba'i tshe// gnyen zhing gus par blo skye bzhin// chos nyid dran par rtog pa med// rig pa rgyun chags dag tu gnas// da yang 'dus pa'i snying po nyon// dper na nam mkha' sprin med bzhin// rang byung rang rig gnod med ltar// rnam rtog rang grol 'dzin med bzhin// ye shes ngo bo chos skur gsal// da yang 'khor gyi snying po nyon// dper na dgun zla 'bring po la// spang la me mched ji bzhin du// ci dran chos sku'i don dran pas// thams cad ye shes nyid du gsal// da yang 'khor gyi snying po nyon// dper na rin chen gser gling du// sa rdo btsal gyis mi rnyed ltar// gang dran chos nyid rang gsal phyir// ting 'dzin dag la 'byung 'jug med// da yang rdo rje sems dpa' nyon// 'khor ba mya ngan 'das pa'i chos// thams cad chos nyid 'gyur med la// bsgom pa'i tha snyad bral ba'i don// rang rig ye shes nyid du gsal// rdzogs pa chen po nges don thams cad 'dus pa/ ye shes nam mkha' dang mnyam
- 100a
pa'i rgyud las/ rnam rtog thams cad rang grol du bstan pa'i le'u ste brgya dang bcu gcig pa'o// // da yang 'dus pa'i snying po nyon// sangs rgyas sems can 'byung ba kun// glo bur yin phyir gnas lugs min// 'jig rten chos la blo mi blang // 'khor 'das gzhi la don ma reg/ de yang rdo rje sems dpa' nyon// pha med ma med nags kyi bye'u// nam mkha'i mthongs su thon pa ltar// glo bur 'khor 'das gnyis ma chad// chos sku rtogs pas ma rig sangs// gdod ma'i ma rig 'di nyid la// blta bar shes pas chog pa'i phyir// 'khor 'das gnyis ka 'dod nas dag/ yul dang ma 'brel ngo bo nyid// de don rtogs pas don la gnas// ye rdzogs chos sku'i snying po yin// re dogs mtha' kun rnam par zhi// tshig tu 'dzin med ye nas dag/ gcig dang du ma mtha' ye chos// de phyir 'khor 'das gnyis las 'das// 'di thos mi skrag lhag pa'i chos// de yang 'dus pa'i snying po nyon// dngos po med phyir rtag pa bral// kun la khyab pas chad pa bral// mtha' dbus bral bas rang byung sku// chos sku nam mkha' lha bu la// brjed med lta ba dran pa'i gzungs// nges don phyin ci ma log pa// ye shes lam la gnas pa 'dra// rang rig nges pa'i lta ba la// yengs pa med par yid kyis blta// de yang yul can ma yin te// rang
- 100b
la rang ltas shin tu gsal// de goms mthar phyin ye shes thugs// chos nyid spros bral 'gyur ba med// rang byung ye shes gnyug mar gnas// de nyid mi 'bral lta ba'i mchog/ de yang rdo rje sems dpa' nyon// 'khor 'das gnyis kyi chas 'di la// ji srid bag chags yod kyi bar// 'di ltar snang ba'i chos rnams la// snang ba'i yul rnams 'dod nas med// ci srid bag chags de dag ni// thag sbrul tho yor ji bzhin no// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mtha' ma reg pa'i rtags bstan pa'i le'u ste brgya dang bcu gnyis pa'o// // de nas 'dus pa'i tshogs rnams la// kun rig ston pa kun bzang gis// the tshom 'gag chen bka' stsal pa// rtsod pa tshig gi 'phrang chen ni// gzhi nges snang ba ma nges phyir// lung ldan gdams ngag mi 'gal ba'i// gtan tshigs chen por bstan pa yin// dper na nyi ma'i snying po la// mun snang gnyis ka mi 'gal phyir// gzhi gcig gang yang mi 'gal bar// de nyid dus na ngos bzung bral// de yang 'dus pa'i snying po nyon// chu bran rgya mtshor gcig pa bzhin// gang phrad ye shes chen po la// byis pa rnams ni tha dad gzung // de phyir blo yi snang ba yin// chos rnams sems su 'dus pa'i phyir// blos bzhag theg pa rim dgu byung // gzhi la chos
- 101a
sku gcig las med// da yang rdo rje sems dpa' nyon// yul nyid sems sdud sdug bsngal yin// rang sems yul na bems por 'gyur// gcig las skye shi med par rigs// 'chi 'pho yod phyir blos 'gyel yin// gnyis ka zhe na bsre mar 'gyur// thams cad ma lus sems yin na// sems tsam ka ta ri par gol// da yang 'dus pa'i snying po nyon// phar 'gyel tshur 'gyel sems pa ni// de shes ma phan 'khor ba dang // de phyir sems rtogs rtsis su che// de phyir lung ldan gdams ngag dgos// da yang 'khor gyi snying po nyon// nga yi nges don chos 'di la// bsgom du yod med mtha' yi chos// sangs rgyas sems can gzhi gcig phyir// rgyu 'bras yod med lhun gyis grub// rtogs na ma bsgom 'bral med par// chos sku rang byung de nyid la// dus gsum dag tu 'bral med pas// de phyir nges don bsgom mi dgos// da yang 'dus pa'i snying po nyon// phung po sangs rgyas lha tshogs na// bsgom pas ma phan rnal 'byor 'ching // snang ba bor nas sangs rgyas na// rtogs tshogs sangs rgyas ci la yin// da lta chos sku ma shes na// gsang sngags man ngag ci la che// de phyir bstan shes bsgom mi dgos// de yang 'dus pa'i snying po nyon// sangs rgyas sems can 'brel pa yang // ma rtogs thugs rje phan mi nus// yod na sems can ci la
- 101b
'khor// gnas skabs 'brel pa med pa la// mthar thug ci yi 'brel pa yod// rgyu 'bras tshogs ni 'og ma'i chos// 'di nyid ltos pa rgyu 'bras chos/ gzhi la gcig pa snang lugs gnyis// don la gnyis ka gang yang med// de yang 'khor 'das ma rig chos// nam mkha'i chos ni dngos med phyir// 'khor ba'i rnam rtog ci la yod// ma spangs grol phyir bsgom du med// de yang 'dus pa'i snying po nyon// zhi gnas bsam gtan nyams myong phyir// yid la nyams su myong ba ni// zhi gnas yin phyir lhag mthong min// nyams myong med pa gdeng dang bral// de phyir blon po'i spyod yul min// gzhi nyid rtogs na nyams mi dgos// de phyir rtogs pa shin tu gces// gang ltar dran pa nyams kyi mchog/ de la 'di zhes smra mi nus// de phyir ma bsgoms nga yi nyams// da yang 'dus pa'i snying po nyon// 'khor 'das gnyis las nga smra phyir// sangs rgyas kun las lung 'di snga// kun tu bzang po 'di rtogs pas// sangs rgyas thams cad phyi nas rgyas// de phyir sangs rgyas ma gsungs chos// sangs rgyas sems can nga las byung // gzhi la gnyis ka med pa'i phyir// sems can tha mal lus srog la// de shes gcod spang la sogs byed// pho tshod lta ba bdud kyi las// da yang 'dus pa'i snying po nyon// rang byung ye shes rtsa ba ni// dngos po med par shes pa
- 102a
yod// yid snang sems kyi rang bzhin la// nges don bka' dang drang don las// ngo bo gzhi gcig mi 'gal kyang // rnam snang shAka thub zhing khams bzhin// yul gyi snang ba tha dad pa// gtan tshigs bzhi yi rang bzhin gsal// snang ba'i zhen pa gang 'gog pa// blta ba'i yul ni rnam bzhi yis// thams cad blo yi snang ba de// gang yang mi 'gal zhen pa 'gogs// de phyir nges don gdams ngag che// bde bas rang sems rtogs pa'i thabs// kun gzhi gzhi cha ngos zin na// ye shes lhun grub rdzogs ched du// rang rig rgyal po ye shes 'phyo// ma rtogs log rtogs 'gog pa'i phyir// mdo sde dang ni rgyud sde la// tshad ma bzhi yi gtan tshigs kyis// theg pa gong 'og khyad par gyi// ming dang tha snyad bsam yas ni// zhen pa log pa'i thabs su zad// rdo rje theg pa 'di las med// de yang rdo rje sems dpa' nyon// snang ba mi 'gog chos dbyings la// zhen pa med pa'i ye shes te// kun gyi rang bzhin ma bcos te// de nyid don dang gang ldan pa// mi yis lus la sangs rgyas thugs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ the tshom gyi gnas bsal ba'i le'u ste brgya dang bcu gsum pa'o// // de nas 'dus pa'i tshogs rnams la// kun rig ston pas bka' stsal pa// nges don sangs
- 102b
rgyas dgongs pa la// nor dang gol gyi dogs pa yi// gong 'og khyad par ngas bshad nyon// mu stegs rtag pa ther zug dang // rdzogs chen 'gyur med chos sku gnyis// 'dra dang nor bas gol te 'gro// de phyir yul dang gol sa chod// mu stegs rtag chad dngos med dang / chos sku dbyings rig dbyer med gnyis// 'dra dang nor bas gol de 'gro// de phyir nang gi sgro 'dogs chod// so so skye bo tha mal dang // rdzogs chen kha 'byams bsgom med gnyis// 'dra dang nor bas gol de 'gro// de phyir grub mtha' blo bsgyur dgos// da yang rdo rje sems dpa' nyon// sems can rang rig rang gsal dang // chos sku'i rig pa gsal ba gnyis// 'dra dang nor bas gol te 'gro// de phyir kun gzhi shan dbye dgos// thun mong dag gi dbang gsum dang // khyad par 'phags pa'i dbang gsum nyid// 'dra dang nor bas gol te 'gro// de phyir ye rdzogs dbang gsum dgos// dbu ma spros dang bral ba dang // rdzogs chen gol sgrib med pa gnyis// 'dra dang nor bas gol te 'gro// de phyir 'khor 'das ma reg dgos// rang byung ngo bo'i lus dang ni// dang po'i shes bzhin lung ma bstan// 'dra dang nor bas gol te 'gro// de phyir thog mtha' bcad pa dgos// dang po 'khor 'das par do dang // tha ma srid pa bar do gnyis// 'dra dang nor bas gol te 'gro// de
- 103a
phyir 'chi kha'i gdams ngag dgos// zhi gnas bying rgod bral ba dang // rdzogs chen snga phyi bral ba gnyis// 'dra dang nor bas gol te 'gro// de phyir chos sku chen por dgos// bsam gtan shes bzhi dbyer med dang // rdzogs chen lhag mthong rig pa gnyis// 'dra dang nor bas gol te 'gro// de phyir rkyen thub gdams ngag dgos// snang stong dbyer med lta ba dang // rang byung snang ba chos dbyings gnyis// 'dra dang nor bas gol te 'gro// de phyir yul sems shan dbye dgos// thabs kyi ro snyoms 'bral med dang // rdzogs chen chos sku 'bral med gnyis// 'dra dang nor bas gol te 'gro// de phyir dang po gzhi shes dgos// thos chung nyams myong zhen pa dang // bdud kyi cho 'phrul bco brgyad gnyis// 'dra ba las ni nor bas gol// de phyir zil gnon man ngag gces// lhun grub sems su 'dod pa dang // sems las byung ba'i chos sku gnyis// 'dra ba las ni nor bas gol// de phyir theg pa shan dbye dgos// thabs kyis zin pa'i bde ba dang // lta ba rtogs pa'i bde ba gnyis// 'dra dang nor bas gol te 'gro// de phyir ye shes rkyen thub dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bsgom pa shan dbye ba bstan pa'i le'u ste brgya dang bcu bzhi pa'o// sdom du
- 103b
bsdus te bstan pa nyer lnga pa'o// // de nas rdo rje sems dpa' yis// rang rig chos nyid la bzla'i phyir// kun rig chos kyi rgyal po la// bden pa'i yid kyis 'di skad gsol// ma bsgoms don dang mi 'bral ba'i// ye shes rang shar gdams ngag dgos// rnam par rtog pa mi 'gog pa'i// rang shar spyod pa ji ltar sbyang // ye shes la ni ji ltar sbyang // de yis 'bras bu ji ltar sbyang // mnyam pa'i rgyal pos bshad du gsol// de skad zhus pa'i don gsan nas// ma bsgoms 'bral ba med pa yi// ye shes rang shar nges pa'i don// kun rig ston pas bka' stsal pa// dngos po ma 'khrul rig pa la// tshor ba bde sdug ci byung yang // lung ldan rin chen byin gyis ni// de nyid chos skur nyams su myong // de yang rdo rje sems dpa' nyon// yul gyi snang ba gang byung yang // ma 'khrul pa yi rig pa yi// don gyis zin pa'i ye shes te// chos nyid dag gi gnas lugs yin// de nyid lung ldan sgron ma yis// ma rig mun pa med pa'i phyir// sgro skur bral ba'i ye shes la// chos kyi sku zhes de la bya// de yang rdo rje sems dpa' nyon// las dang po yi da ldan la// dngos po yul la brten te bstan// snang ba mi 'gog thabs yin pas// de bstan yul dang 'bral med dgos// tshor ba bde ba 'jam dang zhim// dga' ba rang nyams myong ba'i tshe// yul med
- 104a
nyams su myong tshad ni// man ngag lung gi chos skur shes// de phyir ye shes rang shar yin// de yang 'dus pa'i snying po nyon// tshor ba bde sdug sdug bsngal dang // na tsha mi zhim rtsub pa dang // dga' dang mi dga' ci byung yang // lung ldan rin chen rkyen gyis ni// chos skur nyams su myong ba'i phyir// lung ldan gnas skabs mthar thug gi// 'brel ba med shes nyams kyi tshad// de yang 'dus pa'i snying po nyon// yul 'di rig med 'khrul par shes// 'dus byas yin phyir chos sku min// sdug bsngal tshor ba gang byung yang // de dag rtag chad mtha' mar ltung // bying rgod blang dor skyon ma gos// de phyir chos sku bsgom mi dgos// de yang rdo rje sems dpa' nyon// yul gyi dran rtog cir snang yang // gang 'phrad chos skur nyams su myong // de yang yul drug 'brel med shes// grangs ni rnam pa dgur ni bstan// gang mthong gang dran lhag mthong la// rkyen thub drug ni don gyis rdzogs// da yang 'dus pa'i snying po nyon// mtha' ru mi 'dzin lta ba la// rig pa rgya yan chos skur gsal// yod la gdeng gis zin pa la// nyams dang ldan pas tshad ces gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes rang shar bstan pa'i le'u ste brgya dang bco lnga pa'o// // de nas kun rig chos
- 104b
rje yis// tha mal rnam rtog mi 'gag pa'i// la zlo'i spyod pa bka' stsal pa// gzhi shes blo dngos gcig pa dang // brtul zhugs mchog dang bgegs med pa'i// la zlo'i spyod pa dam par zung // gzhi shes rang sar spyod pa ni// lung ldan nges pa'i gdams ngag gis// yul med chos sku ngos zin pas// lus ngag bya byed rjes med pa'i// gzhan du 'dzin med rang rig sku// snga phyi ma bslad ma bcos pa'i// 'du 'bral med pa'i ye shes ni// sus kyang ma byas rang byung bde// gzhi nyid shes pas nam mkha' 'dra// de yang 'dus pa'i snying po nyon// chos sku rig pa 'gro 'ong med// rtag chad mtha' yi sgro skur bral// rang rig spyod pa gang spyod kyang // chos kyi sku las ma gtogs par// rdul tsam gzhan nas yod mi srid// de phyir shes pa rang yan la/ lhag mthong dran pa'i gdeng gis zin// yengs dang ma yengs med par ni// lta ba'i gdengs kyis 'bral med phyir// chos sku gzhir shes spyod pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi shes pa'i spyod pa bstan pa'i le'u ste brgya dang bcu drug pa'o// // de nas kun rig rgyal po yis// 'dus pa'i 'khor la bka' stsal pa// blo dngos spyod pa bstan pa'i phyir// gzhi nyid de ltar rtogs pa la// snang ba nges med sems la rgyu// de rgyu tsam na chos
- 105a
sku nyid// de ltar thag chod nges pa yis// bsgom dang mi bsgom rang sar grol// gang yang chos skur 'gyur ba med// blo dang dngos por byed mi byed// nam mkha' 'ja' tshon ma 'dres rdzogs// blo dang snang ba dngos po'i chos// sems kyi snang ba cir snang yang // dngos med rig pa chos skur shes// bsgom dang mi bsgom tha snyad bral// de phyir blo dngos ye shes shar// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes rang shar gyi spyod pa bstan pa'i le'u ste brgya dang bcu bdun pa'o// // de nas 'dus pa'i tshogs rnams la// brtul zhugs mchog spyod bka' stsal pa// lta ba la ni bzla ba'i phyir// spyod pa rtsing po ched du dgos// de mi 'ching ba'i gdams ngag yod// de phyir rang grol rtogs pa gces// de yang 'dus pa'i snying po nyon// nges lung ldan pa'i rnal 'byor pas// ma dang sring mo kun spyad kyis// gzhan gyi bud med smos ci dgos// sems can mnar sbyangs bsad gyur cing // dge 'dun mchod rten dkor 'phrog kyang // skyon sgrib med par ye shes shar// dmyal dpon ltung ba med pa bzhin// brtul zhugs mchog gi spyod pa la// bsrung ba'i dam tshig mi 'gal te// lung rig ldan pa'i chos 'di dgos// de yang rdo rje sems dpa' nyon// deng sang dus kyi chos byed
- 105b
rnams// zhi 'jam rgyud ni 'bol pa de// gdams ngag med phyir byol song rgyu// de phyir rmongs pa snying re rje// zhi 'bol 'bras bu thob pa med// lha rnams 'jig rten ltung ba med// lta ba ma rtogs thams cad ltung // rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ brtul zhugs mchog gi spyod pa bstan pa'i le'u ste brgya dang bco brgyad pa'o// // de nas 'dus pa'i tshogs rnams la// gzhi la 'dre med bstan pa'i phyir// kun rig ston pa chos rje yis// 'dre yod sun 'don bka' stsal pa// gzhi la lha 'dre med pa la// mu stegs skye bo bden 'dzin pas// 'dre yod sun 'don la zlo dgos// nga yis bshad kyis legs par nyon// de yang rdo rje sems dpa' nyon// yul gyi rtog pa ma zad par// gnod pa'i bgegs la zad pa med// bgegs rigs stong phrag brgyad bcu yang // gzhi la gang yang med pa yi// btsun pa khrims 'chal u li yis// mu stegs log lha'i lha bsgrubs pas// kha che bye brag smra ba yi// thol thol smra la lab lab 'bar// bdud kyi byin rlabs glo bur byung // lha med lhar 'dzin 'dre rnams gnod// 'du ba rnam bzhi'i nad dang ni// ye 'drogs sum brgya drug gis byas// de yang rdzun du smra ba la// rmongs pa'i skye bos bden snyam nas// mo chog byas pas dge ba nyams// 'dre
- 106a
mchod bdud du slar la che// 'byung ba bzhi la 'dre yod zer// srid pa'i skye 'gags mi la gnod// mi shi 'dre byung gnod zer te// rgyab mchod 'dre ni rtags byas pas// na tsha god kha slar la 'ong // de yang 'dus pa'i snying po nyon// srid pa spyi bgegs chen po ni// skye bo rgyang 'phen pa la yod// sangs rgyas chos la 'dre med phyir// chos dang gang zag bdag dang bral// de phyir snang ba med pa'i phyir// srid pa spyi 'dre gzhi la med// 'dre yod zer ba lta ba log/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi la 'dre med par bstan pa'i le'u ste brgya dang bcu dgu pa'o// // de nas 'dus pa'i tshogs rnams la// kun rig chos kyi rgyal po yis// 'dre ni sun 'don bka' stsal pa// 'jig rten zhig na 'dre yang med// kun brtags ma rig yul du brtags// ma rig med na 'dre yang med// 'dre ni glo bur btags pa tsam// mi las gyur par 'dre gdon na// lus can gnod na ma shi rigs// lus med stong pas gnod mi nus// de phyir 'dre gnod rdzun po che// lha bka' mi kun rdzun gyis bslus// tha mal las kyi dus zad na// mo chog byas dang ma byas med// rkyen mi zlog ste kun ka 'chi// da yang 'dus pa'i snying po nyon// de phyir lha 'dre kun med de// 'khrul pa'i blo yis
- 106b
brtags pa las// rtogs pas 'dre med la bzlas na// 'khor 'das ma rig chos 'di la// lha 'dre bya ba'i ming mi shes// thams cad thig le nyag gcig sku// dug shes sman du sbyar shes ltar// 'dre nyid ye shes klong du shes// dgag bsgrub med phyir 'dre rnams stongs// rkyen gyis mi tshugs nam mkha' 'dra// de yang rdo rje sems dpa' nyon// yang dag don gyi ngo bo la// lha 'dre med pas ye shes sku// gang la rtog med rang byung la// nges don man ngag rtogs pa'i phyir// bslu brid chos kyi gol sgrib med// 'dre med ye shes la zla'o// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'dre med sun 'don bstan pa/ ye shes rang shar gyi spyod pa bstan pa'i le'u ste brgya dang nyi shu pa'o// // de nas kun rig ston pa yis// ye shes la bzla bka' stsal pa// rgyu dang 'bras bu gcig phyir// rim par dbyer med ngo bo gcig/ sangs rgyas ma tshol rang la gnas// de phyir rgyu 'bras dbye ru med// de yang 'dus pa'i snying po nyon// 'khor 'das rtsa ba gcig pa'i phyir// rang bzhin lus de ngo shes pas// thar ba thob ces bstan pa'i phyir// 'khor 'das med par chos skur rtogs// phyi nang snod bcud ma lus kun// ma byung ma skyes chos dbyings la// dus gsum 'pho 'gyur med pa'i phyir// phyi nang ma
- 107a
bsal ye nas yin// da yang rdo rje sems dpa' nyon// ma rig las skyes sems can dang // ye shes las byung sangs rgyas gnyis// nges lung ldan pas chos skur gcig/ ma bcal la zlo chen po yi// bde dang sdug bsngal 'khor 'das chos// rtogs dang ma rtogs gnyis med phyir// yul dang 'dzin pa blo med pas// ma btsal ye shes rang gnas yin// de yang 'dus pa'i snying po nyon// gtsang sme gzhi la med pa'i phyir// blo yis byas pa thams cad 'khrul// ma byas ma bcos rang rig nyams// la bzla bzang ngan med par gyis// da yang 'dus pa'i snying po nyon// mtho dman che chung ma lus kun// man ngag can la che chung med// ye shes rang la gnas pa la// mtho dman med par rtogs par gyis// rang byung skye 'chi med pa'i phyir// dus gsum gcig la ye shes sku// grangs dang tshe tshad bgrang du med// de phyir mi 'gyur ye shes yin// da yang 'dus pa'i snying po nyon// ye shes rang shar la zlos na// gang ltar snang dran chos nyid la// ma btsal ye shes rang gnas phyir// bsgom mi dgos pa la zla'o// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes rang shar la bzla ba bstan le'u ste brgya dang nyer gcig pa'o// // de nas kun rig chos rje yis// dad ldan 'dus pa'i
- 107b
'khor rnams la// rtogs pa'i 'bras bu bka' stsal pa// rtogs pa'i yon tan dus 'dir ni// lus med sgo lnga'i rig pas kyang // sngar ma mthong ba'i zhing khams su// ye shes spyan gyis dus gcig mthong // 'char nub med pa'i nyi zla shar// da yang rdo rje sems dpa' nyon// ma bsams pa yi lhag mthong la// ma brjed pa yi gzungs kyis zin// ma zos bdud rtsi'i ro mchog myong // ma bsgrubs pa yi 'bras bu thob// ma btsal pa yi don gcig grub// de yang rdo rje sems dpa' nyon// de phyir nges don 'di btsal na// dus 'dir chos nyid bden pa mthong // thun mong dngos grub ci bsam grub// rjes dran yon tan par dor 'ongs// dus der sangs rgyas smos ci dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'bras bu mngon du 'byung bar bstan pa'i le'u ste brgya dang nyer gnyis pa'o// sdom du bsdus te bstan pa nyer drug pa'o// // de nas 'dus pa'i tshogs rnams kyis// kun rig ston pa chos rje la// bden pa'i yid kyis 'di skad gsol// thig le brgyad kyi dbye ba gang // de skad zhus pa'i don gsan nas// 'dus pa'i 'khor la bka' stsal pa// phyi nang ma bcos mya ngan 'das// myang 'das don ni chos kyi sku// chos kyi dbyings ni sku yi 'od// snying po'i 'bras bu ye shes sku//
- 108a
snying po kun la khyab cing 'dus// thugs kyi nying khu yin pa'i phyir// thig le 'gyur ba med pa'i don// kun bzang rdo rje'i byin brlabs kyis// tshig tu ma bkod thugs la rgyud// don gyi gting phyin bstan pa'i phyir// tshig nyung don du bgrang ba'i phyir// thig le la shan dbye ba ni// mtshan nyid brtags pa'i thig le dang // gsang sngags spyi yi thig le dang // rdzogs pa chen po'i thig le dang // yang ti thig le nyag gcig la// re re la ni bzhi bzhi ste// ngo bo dpe dang gtan tshigs kyis// 'gro sa la shan dbye ba dang // rtsal gyi sgo nas gsum bstan pa// snang ba chos kyi sku la rdzogs// da yang 'dus pa'i snying po nyon// btags pa ming gi thig le yi// mtshan nyid theg pa rnam gsum la// ngo bo rnam shes tshogs brgyad la// dpe ni dmus long g.yu rdo 'dra// gtan tshigs nges pa gang yin pa// thig ni tshogs brgyad sems su gcig le ni khams gsum yongs la khyab// 'gro sa srid pa'i yang rtse yin// gzhi yi thig le bstan pa ni// gsang sngags phyi rgyud rnam pa gsum// ngo bo kun gzhi'i rnam shes la// dpe ni sa dang chu 'dres 'dra// gtan tshigs nges pa gang yin pa// thig ni kun gyi sems kyi gzhi// le ni 'gro drug yongs la khyab// 'gro sa 'das dang ma 'das pa// don gyi thig le bstan pa ni// rdzogs chen a ti spyi yi gzhug/ ngo bo kun gzhi lung
- 108b
ma bstan// dpe ni zho dang 'o ma 'dra// gtan tshigs nges pa gang yin pa// thig ni kun gzhi gnyug ma la// le ni thams cad sems su snang // 'gro sa gar 'gro nges pa med// de yang 'khor gyi sems dpa' nyon// de ltar thig le nyag bzhi bstan// thig pa kun dang sgo bstun phyir// shan gyis sgo nas btags pa yin// don la dbyer med ngo bo gcig/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ thig le la shan dbye ba bstan pa'i le'u ste brgya dang nyi shu gsum pa'o// // de nas 'dus pa'i tshogs rnams la// kun bzang rgyal pos bka' stsal pa// chos nyid thig le zhes bya ba// spro bsdu med par rang gsal ba// chos ni snying po mi 'gyur ba'i// sku bzang thugs kyi sgron ma yin// da yang rdo rje sems dpa' nyon// de phyir ma nor drang phyir thig/ dngos med kun khyab brdal bas le// 'khor 'das gzhi gyur rang byung sku// nyid ni spros bral 'dus ma byas// kun gyi 'byung gnas yin pa'i phyir// ma 'am rten du gzhir gyur pa// til la mar gyis khyab pa bzhin// sangs rgyas thugs dang sems can sems// kun khyab ye nas btsal mi dgos// de phyir chos nyid spros bral ba// 'khrul rtog sems ni gzhi la med// de phyir 'khor 'das ma rig sku// dus dang rnam pa thams cad du//
- 109a
rtogs dang ma rtogs med par gnas// de phyir sgrib tshogs mi dgos pa// sa lam med phyir rim pa med// 'dus ma byas kyi nam mkha' 'dra// de yang 'dus pa'i snying po nyon// rang byung bya bral bde ba'i las// ye shes klong du ye gnas phyir// 'du 'bral med pa'i chos nyid la// re dogs med par mthar ma lhung // de phyir chos nyid dbye ru med// de don ngo bo kun gyi gzhi// de las ma byung gang yang med// de phyir chos nyid thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos nyid kyi thig le bstan pa'i le'u ste/ brgya dang nyer bzhi pa'o// / de nas 'dus pa'i tshogs rnams la// kun rig ston pa chos rje yis// dbyings kyi thig le bka' stsal pa// rang byung ye shes thig le las// che ba'i yon tan kun 'byung phyir// ma btsal yon tan kun 'byung bas// dbyings kyi thig le de la bya// de yang 'dus pa'i snying po nyon// pha rol phyin bcu la sogs pa'i// chos rnams kun gyi gzhir gyur phyir// ji snyed bshad pa thams cad kyang // rang grol nyid du bstan pa las// bde gshegs skyed pa'i yum yin phyir// kun gyis mtshungs pa'i lam du bstan// chos nyid de med yon tan ni// gang yang mi 'byung de yin phyir// chos sku rang rig rtsal du ni// che ba'i yon tan dgos pa'i phyir//
- 109b
shin tu rnal 'byor mchog gi lam// de yang rdo rje sems dpa' nyon// chu chen rgyun mi chad pa'i dpes// sangs rgyas mtshan dang dpe byad kyang // ma btsal lhun rdzogs dang las byung // de phyir dbyings ni rig pa'i rtsal// thig ni ma bcos ye nas dag/ le ni yon tan rgyun mi chad// de phyir rang byung chos sku rgyan// phyi nang chos kyi rol pa kun// dbyings ni thig le 'di la tshang // de phyir chos nyid rang byung las// sangs rgyas che ba'i yon tan 'byung // de phyir dbyings ni rig pa'i rtsal// thig ni ma bcos ye nas gnas// le ni yon tan rgyun mi chad// de phyir rang byung chos sku rgyan// phyi nang chas kyi rol pa kun// ma btsal ye nas rang la 'char// dbyings kyi thig le de la bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// dbyings kyi thig le bstan pa'i le'u ste/ brgya dang nyer lnga pa'o// de nas kun rig chos rje yis// dad ldan 'dus pa'i 'khor rnams la// dbyings ni rnam par dag pa yi// thig le chen po bka' stsal pa// yul dang sems kyi bsdus pa yi// rang 'khrul zhen pa'i blo brtas pa'i// mtshan ma'i sgrib pa sbyang mi dgos// de phyir dbyings dang thig le bya// de yang 'dus pa'i snying po nyon// chos nyid phra zhing shes dka' phyir// lung ldan rkyen gyis don rtogs nas// mi gnas dmigs pa'i
- 110a
yul las 'das// de phyir tshig gis mi phebs phyir// dbyibs dang kha dog dbang po yis// shin tu brtags dka' spyod yul min// rang byung ye shes blo ldan na// ma rig med phyir sgrib pa med// de phyir gnyen po ci la 'tshol// de yang rang gsal rig pa la// yid ches nges pa'i don zin pas// ma rig bag chags gos pa med// de yang rdo rje sems dpa' nyon// chos nyid gzhi la dngos med pas// de phyir don shes sgrib pa med// da lta'i shes pa 'di nyid la// lung ldan nges shes gdeng ldan phyir// nyi shar mun sgrib med pa 'dra// dbyings ni rig pa'i rtsal yin phyir// don ni 'khor 'das rnam par dag/ thig ni sgrib pa sbrang du med// le ni ye shes klong du gdal// nges par rang byung dbyings su dag/ de phyir chos sku 'di shes pas// sangs rgyas thams cad dus 'dir 'grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ dbyings rnam par dag pa'i thig le bstan pa'i le'u ste/ brgya dang nyer drug pa'o// // de nas kun rig chos rje yis// dad ldan 'dus pa'i 'khor rnams la// ye shes thig le bka' stsal pa// chos nyid rig pa'i rnal 'byor la// ma bsgribs 'od gsal ye shes de// lung ldan don bstan ye shes pas// ye shes chen po thig le bya// de yang 'dus pa'i
- 110b
snying po nyon// chos sku byang chub sems su gcig/ de phyir ye nas byang chub sku// de rtogs ma rig med pa'i phyir// shes pa 'khrul pa gting nas dag/ de phyir rang bzhin 'od gsal ba// 'khor ba'i skyon med chos sku nyid// de la sgrib med rang byung thugs// dus gsum mi 'gyur nam mkha' 'dra// de yang rdo rje sems dpa' nyon// chos sku rim par rtogs par byed// de phyir rig pa chos sku'i rgyu// de shes ma bsgribs 'od gsal phyir// rig pa sang nge gdeng gis zin// ye shes chen po rgyun mi 'chad// dbang pos ma mthong rig pas mthong // de mthong ye shes chos kyi sku// thams cad mkhyen pas ye shes spyan// 'phel 'grib med par gnyug mar gnas// rab tu dga' ba'i bden mthong dang // rnal 'byor nges lung ldan pa gnyis// khyad med 'khor bar mi ldog nges// de phyir gdams ngag rtsis su che// ye ni gnas lugs ma bcos pa// shes ni don ldan yid ches 'byung // thig ni thams cad skyon dang bral// le ni nyon mongs rnam par dag/ de phyir ye shes thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes chen po thig le nyag gcig bstan pa'i le'u ste/ brgya dang nyer bdun pa'o// // de nas 'dus pa'i 'khor rnams la// kun rig ston pa chos rje yis// kun bzang
- 111a
thig le bka' stsal pa// 'khor 'das ma 'gags chos sku la// phyi nang rol pa cir snang yang // mtha' dang dbus med yangs pa la// kun tu bzang po'i thig le bya// da yang 'dus pa'i snying po nyon// ngo bo nyid kyi sku shes pas// mi len mi spang ye mnyam phyir// re dogs med pas rang byung sku// de phyir kun bzang gdal ba la// gang yang mi 'gag rol par shar// srog gcod ma byin len pa dang // mi tshangs spyod dang rdzun du smra// mtshams med la sogs sdig byas kyang // nyes par mi 'gyur dpal du che// stong gsum ma lus tshig gyur kyang // nam mkha' me chus mi tshugs 'dra// da yang rdo rje sems dpa' nyon// kun ni 'khor 'das chos rnams la// bzang ni ye shes chos sku 'char// po ni rol pa sna tshogs 'byung // thig ni rang byung kun gyi gzhi// le ni sems can sangs rgyas gzhi// de phyir kun bzang thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ kun tu bzang po'i thig le bstan pa'i le'u ste/ brgya dang nyer brgyad pa'o// // de nas 'dus pa'i tshogs rnams la// kun rig ston pa chos rje yis// lhun grub thig le bka' stsal pa// ye nas gnas pa'i chos nyid la// las kyi rgyu 'bras gang rung kun// rag ma lus phyir 'dus ma byas// de phyir chos kyi snying
- 111b
por gnas// da yang 'dus pa'i snying po nyon// ye shes lhun grub chen po la// rgyu rkyen med phyir rang byung sku// de las kun 'byung lhun gyis grub// chos sku spros pa sna tshogs kyang // de tsam nyid na dngos po med// yod med 'bras bu yul las 'das// de don rtog med rig pa gsal// gang yang mi 'gal don shes phyir// chos sku ye nas lhun gyis grub// chos sku ci snang 'dzin ma grub// de phyir rnam pa gang la yang // zhen pa'i 'dzin pa med par gnas// de phyir lhun grub ye shes klong // de yang 'dus pa'i snying po nyon// rang byung ye shes gad la khyab la// kun kyang yin phyir gang yang med// de phyir 'khor 'das gnyis med dang // lhun ni rtsa ba byang chub sems// grub ni sku dang ye shes 'byung // pa ni rang byung rig pa gsal// thig ni 'khor 'das gzhi la med// le ni thams cad chos kyi klong // de phyir lhun grub thig le bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lhun gyis grub pa'i thig le bstan pa'i le'u ste/ brgya dang nyer dgu pa'o// // de nas 'dus pa'i 'khor rnams la// kun rig chos kyi rgyal po yis// la bzla'i thig le bka' stsal pa// rang gi rig pa chos sku la// sgra mthun don dpag gtan tshigs kyis// don gyi ngo bo gnyis su 'dus// la bzla gcig gi/
- 112a
ngang du rdzogs// da yang rdo rje sems dpa' nyon// brtags pa'i thig le la bzla na// ngo bo snang la rang bzhin med// dpe ni nyi ma'i 'od brdal 'dra// gtan tshogs nges pa gang yin pa// thig ni dngos po yul dang bral// le ni thams cad rgyal ba'i zhing // 'gro sa thig le spyi yi rtsal// gzhi yi thig le la bzla na// ngo bo rang bzhin chos kyi sku// dpe ni dug nyid sman gyi dang // gtan tshigs nges pa gang yin pa// thig ni thams cad mkhyen pa'i sgra// le ni 'gro drag yongs la khyab// ye shes kun gyi rtsa ba'o// b+h+rUM yi rdzogs chen la bzlan// ngo bo sku gsung thugs kyi rgyud// dpe ni nor bu rin chen 'dra// gtan tshigs nges pa gang yin pa// thig ni ma nor drang ba'i lam// le ni gdal ba chen po'i ngang // 'gro sa thig le nyag gcig rtsal// yang ti rdzogs chen la bzla na// 'khor 'das ma rig rang byung gzhi// ngo bo thig le nyag gcig nyid// dpe ni nyi ma'i snying po 'di// gtan tshigs nges pa gang yin pa// thig ni bag chags skyon dang bral// le ni nyon mongs rnam par dag/ 'gro ba kun la sangs rgyas nyid// de yang 'dus pa'i snying po nyon// phyi nang med par thig le la// 'khor 'das med par nyag ma gcig/ snang stong med par phra la zab// thams cad thig ler sangs rgyas pas// steng 'og mtha' dbus med pa dang // phyi nang 'khor
- 112b
'das med pa dang // thams cad thig le chen po las// gzhan gyi chos ni rdul tsam med// de yang 'dus pa'i snying po nyon// nga la sku gsung thugs nyid tshang // ye sangs rgyas pa'i rang bzhin la// yon tan nam mkha'i mtha' dang mnyam// gzhal yas chos kyi klong dang mnyam// rdzogs ni lhag ma med par rdzogs// 'khor ni dus gsum rgyal bar ldan// thams cad kun tu bzang po yis// skad cig rtogs pas mngon sangs rgyas// rtogs thabs bzhi ni bstan par zad// de las mang du dbye ba ni// thig le ma yin 'chal tshig yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ thig le nyag gcig la bzla ba bstan pa'i le'u ste/ brgya dang sum cu pa'o// // de nas 'dus pa'i 'khor rnams la// sa lam gzhi ru rdzogs pa'i don// kun rig rgyal pos bka' stsal pa// med la yod 'dzin 'khrul pa'i blo// 'khrul pa bzlog phyir 'jig tshogs te// rang gis rang bslus zhen pa'i rgyu// de bzlog don phyir lam lnga gsungs// de nas rdo rje sems dpa' nyon// dad ldan las can 'gyur med kyi// lung ldan rdo rje slob dpon la// yid 'thad phangs med 'bul ba ni// tshogs kyi lam du bstan pa yin// lung ldan rdo rje slob dpon la// yid gnyis the tshom blo spangs nas// mkha' 'gro mchod cing don
- 113a
zhus na// sbyor ba'i lam zhes de la bya// de yang 'dus pa'i snying po nyon// nges pa'i bcud ldan slob dpon gyis// yang dag gdams ngag lung bstan pas// snod ldan yid ches nges par rtogs// mthong ba'i lam ni yin par gsungs// don de go na rgyun du ni// nges don chos sku yengs pa med// rang rig ye shes dbang thob phyir// bsgom pa'i lam du bstan pa yin// yang dag nges don gsang ba 'di// rang gi thugs la don go na// 'gyur med gdeng chud ye shes klong // mthar phyin lam du bshad pa yin// de yang 'dus pa'i snying po nyon// yang dag don gyi chos nyid la// lam gyi dbye ba med mod kyang // rnal 'byor blo yi rim pa las// theg pa'i bye brag tha dad pas// lam lngar phye ba gcig tu rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lam lnga rdzogs par bstan pa'i le'u ste/ brgya dang so gcig pa'o// // de nas 'dus pa'i tshogs rnams la// kun rig rgyal pos bka' stsal pa// sa yi dbye ba dpe dang ni// rtsal gyi sgo nas bzhi bzhi ru// pha rol phyin bcu sa dang sbyar// nges pa'i yon tan rdzogs par gsungs// da yang rdo rje sems dpa' nyon// sa ni dang po rab dga' ba// rten ni sbyin pa'i pha rol phyin// dpe ni mi zad gter dang 'dra// rtsal ni ma rig zil gyis
- 113b
gnon// sa ni gnyis pa dri med pa'i// rten ni tshul khrims pha rol phyin// dpe ni rin chen myu gu 'dra// rtsal ni rang rig ye shes gsal// de yang 'dus pa'i snying po nyon// sa ni gsum pa rin chen 'phro// rten ni bzod pa'i pha rol phyin// dpe ni rgya mtsho chen po 'dra// rtsal ni nyon mongs rtsad nas dag/ sa ni bzhi pa 'od byed pa// rten ni brtson 'grus pha rol phyin// dpe ni rdo rje pha lam 'dra// rtsal ni bag chags zhen pa rdzogs// sa ni lnga pa sbyang dka' ba// rten ni bsam gtan pha rol phyin// dpe ni ri bo lhun po 'dra// rtsal ni bying rgod skyon dang bral// sa ni drug pa mngon gyur pa// rten ni shes rab pha rol phyin// dpe ni ma gi'i sman dang 'dra// rtsal ni rang rig lhag mthong rtogs// de yang rdo rje sems dpa' nyon// sa ni bdun pa ring song la// rten ni thabs kyi pha rol phyin// dpe ni dge ba'i bshes gnyen 'dra// rtsal ni dug lnga sman du sbyar// sa ni brgyad pa mi g.yo ba// rten ni smon lam pha rol phyin// dpe ni yid bzhin nor bu 'dra// rtsal ni 'jig rten chos brgyad bral// sa ni dgu pa legs pa'i sa// rten ni stobs kyi pha rol phyin// dpe ni nyi ma'i snying po 'dra// rtsal ni log lta dbyings su bsgral// sa ni bcu pa chos kyi sprin// rten ni ye shes pha rol phyin// dpe ni tshangs pa'i dbyangs dang 'dra// rtsal ni sgrib dag thams cad mkhyen// de yang
- 114a
'dus pa'i snying po nyon// de dag pha rol phyin bcu la// ngo bo thig le gcig tu 'dus// gdul byar rim pa bcu bstan pa// yang dag ye shes ngo bo nyid// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sa dang pha rol phyin pa'i yon tan bstan pa'i le'u ste/ brgya dang so gnyis pa'o// sdom du bsdus te bstan pa nyer bdun pa'o// // de nas rdo rje sems dpa' yis// 'dus pa'i 'khor la phan don du// bden pa nyid kyis 'di skad gsol// nges pa bdun gyis nyams blang ba'i// lta ba bsgom pa spyod pa dang // dam tshig phrin las 'bras bu dang // rang gzhan nyams su blang ba'i thabs// kun rig ston pas bshad du gsol// de skad zhus pa'i don gsan nas// kun rig rgyal pos bka' stsal pa// gzhi nges lta ba nyams blangs pa// sangs rgyas pa yi chos sku la// 'khor 'das med par rig pa'i klong // gzhi la 'gyur med lta ba'i gdeng // yul la mi ltos rang byung sku// ye shes nam mkha' dang mnyam pa'i// don la 'gyur med nam mkha' 'dra// skyon gyis ma gos lta/ ba'i gzungs// 'gyur med chos nyid gdal ba'i klong // de yang rdo rje sems dpa' nyon// mi skye mi 'gag lta ba la// bsgom pas ma rnyed rtogs pas chog/ 'bral med da ltar kun bzang thugs// dus dang rnam
- 114b
pa thams cad du// skye 'chi med par lta ba'i mchog/ don du ye shes mthar phyin lam// re dogs med phyir ltung mi srid// gdod nas 'gyur med snying po gzhi// de nyid rang rig chos sku la// rang rig rang bltas ngo mtshar che// de phyir chos sku sangs rgyas thugs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhi nges pa'i lta ba nyams su blang bar bstan pa'i le'u ste// brgya dang so gsum pa'o// / de nas kun rig ston pa yis// don dang mi 'bral ting 'dzin ni// 'dus pa'i 'khor la bka' stsal pa// chos nyid mi 'gyur ye shes klong // ma bcos ye nas gnas pa yi// rgyu rkyen ma bskyed rang byung sku// dngos med rang gsal 'bras bu la// rkyen bral gnyen pos gzhig tu med// bsam du med pa bsgom mi dgos// de yang 'dus pa'i snying po nyon// dbyings dang bral ba byang chub sems// kha dog med pas mtshon du med// sems kyi yul las 'das pa 'di// skye 'chi med pas 'gyur ba med// rtag pa med pas 'khor ba bral// mtho dman med pas kun gyi rtse// che chung med pas dmigs pa bral// kun gzhi med pas chos sku'i klong // yangs dog med pas bzang mo'i mkha'// mtha' dbus med pas kun la khyab// ye shes zang thal phyi nang med// mtshon du med pas tshad dang bral// de yang 'dus
- 115a
pa'i snying po nyon// snang ba med phyir chos nyid ni// ma bcos ye nas ngang gis gnas// rtsol bsgrub cis kyang btsal du med// rtogs pa dgog pa'i nyams blangs pas// ma bcos chos sku dag pa'i klong // 'bras bu sangs rgyas de nyid klong // de yang 'dus pa'i snying po nyon// gdod nas 'gyur med ting nge 'dzin// rang byung rig pa'i ye shes kyis// ma bcos rang gsal rang bzhag pas// nyams su blangs pa'i dgos pa ste// de la rnal 'byor gang gnas pa// da lta nyid du sangs rgyas thugs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ don dam 'bral med kyi dgongs pa nyams su blang bar bstan pa'i le'u ste/ brgya dang so bzhi pa'o// // de nas 'dus pa'i tshogs rnams la// kun rig rgyal pos bka' stsal pa// sems can dus na gsang spyod ni// gang yang ma bcos de bzhin nyid// chos skur rtogs nas 'gro don du// cir yang snang ba sprul pa'i sku// mdzad pa bcu gnyis mthar phyin pa// thugs rje sprul pa kun 'dus kyang // ched du bya ba'i rloms sems med// da yang 'dus pa'i snying po nyon// sangs rgyas mdzad spyod gang yin pa// sems can dus na spyod pa yis// ye shes rang byung thugs gnas pa// da lta lus ngag yid blangs pas// sangs rgyas ye shes da lta'i sems//
- 115b
de las gzhan du spyod du med// rig pa chos skur dran pa la// ye shes lhag mthong shar zhes bya// de yang rdo rje sems dpa' nyon// chos nyid 'di las ma g.yos pas// lus ngag yid gsum ci spyod pa// sangs rgyas mdzad spyod yin par gsungs// de phyir gang du ci la yang // ma chags zhen med shugs las 'byung // rig spyod ldan pas ma brjed pa// chos rnams kun gyi rtsa bar bshad// de phyir nyams dang 'dre ldan na// ye shes spyod pa'i mchog yin no// de yang 'dus pa'i snying po nyon// bdag gzhan rtog pa med pa'i phyir// gnyis med don tshig chos kyi sku// mthun 'jug spyod pa brgya mtshor ni// spyod pa sna tshogs ci bder spyod// pad+ma skyes 'dam yin te// de la skyon gyis gos pa med// chos nyid blang dor med par rtogs// ting 'dzin nyams pa rdul tsam med// thun mong ma yin rnal 'byor pas// 'ching grol med phyir gol sa chod// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spyod pa blang dor med par bstan pa'i le'u ste/ brgya dang so lnga pa'o// // de nas 'dus pa'i tshogs rnams la// kun rig ston pa kun bzang gis// dam tshig bsrung nyams med pa ni// nges pa'i don du bka' stsal pa// gdeng ldan nges pa'i ye shes kyis// bsrung du med pa'i dam tshig ste// ye bsrungs chen po'i
- 116a
ngang du bsdam// sdom pa phyi nang dam tshig kyang // gdul bya ji ltar 'dod pa 'phrul// tha snyad tsam du gdul mod kyang // dam du bcas pa rdul tsam med// chos sku thugs kyi dam tshig ste// de yi ngang du mi 'bral na// ye bsrungs chen po'i gdeng ldan yin// dam du bca' ba'i skyon med phyir// dngos po med pas nam mkha' 'dra// de yang rdo rje sems dpa' nyon// sdom dang dam tshig rnam mang ba// sku gsung thugs kyi dam tshig ste// sku ni chos skur ma bral na// rtsa ba'i dam tshig bsrung ba yin// gsung ni rang rig ye shes te// mi brjed don la ma yengs na// rang byung rig pa'i thugs la gsal// gsung gi dam tshig bsrung ba yin// thugs ni skye 'gag med par gsal// de las mi 'da' lhag mthong la// mi 'bral gzungs kyis zin pa yis// thugs kyi dam tshig bsrung ba yin// de yang 'dus pa'i snying po nyon// de dag sku gsung thugs kyi ni// rang byung chos sku nyid du 'dus// de phyir rtsa ba byang chub sems// chos rnams kun gyi snying por bshad// de phyir dam tshig bsrung nyams med// rtogs pa'i blo la de ltar snang // de yang rdo rje sems dpa' nyon// nga yis chos nyid dam tshig ni// ma bcos mkha' la nyi shar la// mun pa med par gsal ba ni// lhan gyis rtogs la blta ba yin// rang gi shes pa gnyug ma yi// don la ma yengs ting
- 116b
'dzin la// snang ba'i yul la ma zhen par// gang yang ma bkag spyod pa'i yul// nges don rtogs pa'i chos nyid las// mi 'da'i dam tshig bsrung ba ste// bsrung du yod la nyams pa med// de phyir ye shes 'bral med pa'i// dbyings dang rig pa rang la shar// sna tshogs bsags pas kun gyi gzhi// snga phyi grub pa ga la yod// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// dam tshig bsrung nyams med par bstan pa'i le'u ste/ brgya dang so drug pa'o// // de nas 'dus pa'i 'khor rnams la// kun rig ston pa kun bzang gis// phrin las rdzogs par bka' stsal pa// dper na nor bu yid bzhin las// dgos 'dod thams cad 'byung ba bzhin// ye shes rig pa'i dbang thob na// phyi nang dbang rnams de la rdzogs// phyogs bcu ye shes lhun grub pas// mi rtog ye shes gegs bsal phyir// gnod byed mtshams brtol ming yang med// phyi nang mtshams bcad de la rdzogs// rang bzhin dag pa'i ngo bo la// 'khor ba'i skyon gyis mi gos phyir// ma rig rnam rtog sgrib med pas// don gyi bshags pa de la rdzogs// ye nas rang byung chos sku la// 'khor 'das gzhi la med pa'i phyir// gnyis med don la blo gtad nas// byin chen dbab pa de la rdzogs// dug nyid sbyor shes sman gyi mchog/ dug lnga
- 117a
rang grol ye shes kyi// nyon mongs bdud rtsi chen po la// ye shes byin rlabs de la rdzogs// chags sdang rtog pa'i snang ba la// mos pa'i ting 'dzin gnas gyur pas// 'byung ba lnga yis kun khyab phyir// dbang rim phrin las de la rdzogs// phyogs bcu rang bzhin lhun grub pas// rin chen sna lnga las sbyangs pa'i// gzhal yas khang chen de la rdzogs// rtog tshogs lhar ni gnas bsgyur bas// 'khrul snang nges par mi gnas phyir// rig tshor don gyi lha yin pas// ye shes lha rnams de la rdzogs// 'khor 'das gzhi la med pa'i phyir// kun tu bzang po'i ngo bo la// sangs rgyas sems can dbyer med pas// spyan/ drangs bstim pa de la rdzogs// ye nas gnas pa'i rang byung de// rang chas yod phyir ma btsal ba'i// chos nyid blta ba mi 'gyur bas// brtan par bzhugs pa'i phrin las rdzogs// gzhi la skyon yon med pa'i phyir// rang byung phyi nang med pa la// bzang ngan blang dor med pa yis// zil gyis mnan pa'i 'bras bu rdzogs// yang dag sangs rgyas dgongs pa la// dbyer med gcig tu rtogs pa'i phyir// thams cad 'dres pa chen po ste// nan tan phyag rgya de la rdzogs// da yang 'dus pa'i snying po nyon// ye shes lha yi nga rgyal gyis// lus ngag yid kyi rtsol ba kun// bskul bskyod thabs dang ye shes la// phyag rgya'i phrin las de
- 117b
la rdzogs// lta ba shes pa ngo bo la// sgom pa'i thabs kyis rol pa'i phyir// sems dang chos su don sbyor bas// sbyor sgrol phrin las de la rdzogs// de yang rdo rje sems dpa' nyon// chos sku rang byung rig pa'i gsung // gang la smon du med rtogs pas// yon tan thams cad lhun gyis grub// tshogs rnams snod bcud yod min phyir// rang byung chos sku'i don rtogs pas// ma brjod dgongs pa sbyor byas pa'i// sku gsung thugs kyi don tshang bas// bzlas brjod 'phro 'du de la rdzogs// dga' ldan nges don sbyor ldan 'di// snang srid bde chen rol rtogs pa'i// tshogs rnams thams cad ye yin phyir// tshogs kyi phrin las de la rdzogs// gtso dang 'khor du mi 'byed pa'i// rang rig bzang ngan mi 'byed phyir// bden pa gnyis med ngo bo la// lhag ma'i phrin las de la rdzogs// bya ba med pa'i las rnams ni// gang yang 'dzin med rang gsal ba'i// mi bzung ye shes chen po la// mnan pa'i phrin las de la rdzogs// 'khor ba mya ngan 'das pa'i chos// ye nas rang byung rang gsal la// thig le nyag gcig 'dus pa'i don// dkyil 'khor phrin las de la rdzogs// rang bzhin mi shigs rdo rje yis// lus ngag lhar ni don gsal bas// ye shes lhun grub go ba'i phyir// rang lus bsrung ba'i phrin las rdzogs// ma rig rkyen bzhi med pa'i phyir// gnyis
- 118a
med don du sangs rgyas pas/ mi rtog don du nges pa'i phyir// dge rtsa bsngo ba'i phrin las rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// mdzad pa'i phrin las nyams su blang bar bstan pa'i le'u ste brgya dang so bdun pa'o// // de nas 'dus pa'i tshogs rnams la// kun rig ston pas bka' stsal pa// ngo bo rang bzhin nges pa'i don// gang yang rung ba ci la yang // dngos po med phyir rtag tu med// med pa la ni yod rtog pa// 'khrul pa rnams kyis shes pa las// dam pa kun gyis mi mkhyen no// de yang rdo rje sems dpa' nyon// nam mkha' dngos med sems dang bral// de bzhin rang byung ngo bo nyid// kha dog dbyibs med sems las 'das// de phyir rang bzhin rtogs par dka'// chos sku skye med rig pa'i sku// yid kyi lus su bsam du med// gang yang ma bsams rig pa des// gang yang kun ldan rang byung sku// de yang 'dus pa'i snying po nyon// de la las dang rkyen mi tshugs// de phyir rang bzhin ji bzhin la// bcos pa med phyir rang lus chos// 'dus ma byas pa nam mkha' 'dra// chos nyid rang bzhin dmigs pa med// de don rang byung rig pa des// sems kyi kun gzhi rtsad nas brlag/ bag chags kun gzhi sprin ltar dengs// lus kyi kun gzhi len mi
- 118b
srid// de phyir rang byung rtogs pas chog de yang rdo rje sems dpa' nyon// de la rtsal du med pa'i don// dus gsum 'gyur med ye shes klong // de nyid rgyun du 'bral med pa// yang dag sangs rgyas dgongs pa yin// de yang 'dus pa'i snying po nyon// rang bzhin rnam dag chos dbyings la/ spros pa med par nyams su longs// de blangs 'bras bu sangs rgyas thob// de phyir rang bzhin rtogs pa gces// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang bzhin lhun rdzogs nyams su blangs thabs kyi le'u ste brgya dang so brgyad pa'o// / sdom du bsdus te bstan pa nyer bdun pa'o// / de nas rdo rje sems dpa' yis// 'dus pa'i 'khor la phan gdags phyir// kun rig ston pa chos rje la// nges pa'i nyams kyi don gsol pa// nyon mongs zil gnon nyams ni gang // chos dbyings nyams su ji ltar myong // lta ba'i gdeng gis ji ltar zin// lus ngag yid kyi rtags ni gang // kun rig ston pas bshad du gsol// kun rig ston pa chos rje des// de skad zhus pas don gsan nas// yang dag dgongs nyams nges pa'i don// 'dus pa'i 'khor la bka' stsal pa// chos nyid rang rig don shes pas// dug lnga ye shes rtsis zin phyir// nyon mongs rang chud zil gnon
- 119a
nyams// ba mo la ni nyi shar 'dra// snang ba chos dbyings nyams myong ni// sgyu ma 'dra ste dngos med shes// lta ba gdeng ldan nyams myong ba// sprin dang chu bur nyams myong 'dra// nyams ldan lus ngag yid kyi rtags// bzod thob bkrag gsal chos brgyad bral// de yang 'dus pa'i snying po nyon// 'gro drug sems can thams cad la// lung ldan gdams ngag rtsi yis ni// gser 'gyur rtsi yis thebs pa bzhin// da lta dus kyi sems can gyi// ma rig rtog pa rang rgyud la// zil gnon bsgom pa bstan par bya// sgom thabs skyon dang bcos pa'i thabs// thun tshad nyams dang rnam lnga ste// nga yis bka' las gsungs pa ste// dad ldan sems la go bar gyis// dang po bsgom pa'i bcos thabs ni// lus ngag yid kyis gdams ngag gis// gzhi shes lta bas thag chod la// de yis ngang la mi 'bral ba'i// tshad ni gsal la mi g.yo ba// mi rtog rang byung nyams pa med// de la yid ches gdeng gi zin// gzhi shes pa la nyon mongs med// de yi skyon ni ngos bzung na// bying rgod gol sgrib rnam bzhi ste// ched du byas dang rkyen dang shugs// blo chung shes rab dman la 'byung // rgyu dang dbye ba gsum gsum mo// dbang po 'bring dang tha ma la// bcos la nyams su myong du gzhug/ de phyir rgyun du 'bral med la// goms pa'i dbang gis
- 119b
ting 'dzin gsal// mthun mtshams nyams dang sbyar byas la// 'bring dang tha ma khams dang bstun// rab la rgyun du 'bral med la// thun tshad bzung med nam mkha' 'dra// de don nyams ni mthor bsdus na// shes pa rang gsal nyams pa med// rig pa rgya yan 'dzin pa bral// ye shes zang thal bying rgod med// chos nyid tshig tshugs 'gyur med shes// lta ba rang shar 'khor ba stong // gdams ngag dran pas mtha' dbus med// chos sku 'phyos pas ngang gis stong // ci dran lhag mthong phyogs ris bral// rang byung rang gsal gos pa med// phyal ba yid ches blo bde'o// bde la zhen med kun tu 'phyo// 'dzin med khyab gdal mtha' dbus med// 'khor ba rang brlag chos skur gsal// da yang 'dus pa'i snying po nyon// de lnga ldan pa'i rnal 'byor la// gzhan gyi chags sdang spyod mthong yang // rang grol chags sdang rdul tsam med// de phyir rtogs ldan nyams kyi chos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nyon mongs rang rgyud zil gyis gnon pa'i nyams bstan pa'i le'u ste brgya dang so dgu pa'o// // de nas 'dus pa'i tshogs rnams la// kun rig ston pa chos rje yis// yul dang gol sa bcad pa'i phyir// chos dbyings gdeng rnams bka' stsal pa// bya ba btang ba'i skyes bu
- 120a
bzhin// snang ba'i yon tan rnam lnga dang // brtag dpyad ma byas sgo lnga gsal// snang ba chos nyid 'gyur med nyams// de yang 'dus pa'i snying po nyon// lhag mthong rig pa rang yan te// phyod de rgyang de nyams su bde// nam mkha' dwangs pa'i klong na bde// ko re ldem me nyams su bde/ khyung chen mkhar lding nyams su bde// gsal la bsil ba nyams su bde// bco lnga'i zla gsal klong na bde// bde la mi rtog nyams re gsal// ston ka'i nyi gsal klong na bde// lung ldan rig pa 'phyo na bde// gza' gtad med pa'i klong na bde// 'dus ma byas pa'i klong dkyil na// rang byung rig pa'i ye shes bde// lhag mthong rig pa'i ye shes kyi// rnal 'byor shes pa gsal na bde// lung ldan zas nor med na bde// zhen med chos sku'i klong na bde// rnal 'byor grogs dang bral na bde// lus kyi dgon pa'i nang na bde// rig pa rang gsal klong na bde// gol sa chod pa'i chos la bde/ spros dang bral ba'i klong na bde// skur 'debs phyar ka mang na bde// dug lnga rang grol klong na bde// chos la sgro 'dogs shin tu bde// chos brgyad bral ba'i klong na bde// rang la rang yid ches pas bde// lung ldan gdams ngag klong na bde// yul med 'khyams pa'i klong na bde// snang nor dran// bdag nyid sangs rgyas yin par shes// gnas ni
- 120b
'og min nam mkha' 'dra// mngal du mi 'dug dran pa'i phyir// chos sku mi 'gyur brtan pa thob// de yang 'dus pa'i snying po nyon// bar dor yon tan rnam lnga 'byung // ma rig sangs pas sgrib gnyis dag/ ye shes rgyas pas 'gyur ba med// thams cad las la mkhyen pas ni// sangs rgyas chos sku thugs la rdzogs// gzugs sku rnam gnyis dus gcig 'byung // de yang rdo rje sems dpa' nyon// de tshe ye shes snang ba las// bag chags bral bas chags sdang med// snang ba med pas zhen pa bral// rig pa gsal bas chos skur shes// pho mo med pas mngal mi 'jug/ de phyir skye ba mi len nges// nges pa'i 'bras bu sangs rgyas ni// rnam dag chos sku rang rig shes// de tsam nyid la sangs rgyas su// kun bzang nyid kyi btags pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bar do skye ba med pa bstan pa'i le'u ste brgya dang nga dgu pa'o// sdom du bsdus te bstan pa so gcig pa'o// // de nas rdo rje sems dpa' yis// 'dus pa'i ched du 'di skad gsol// kun bzang nges pa'i gnas lugs don// yon tan che ba ji ltar 'byung // rang gnas la ni ji ltar bzla// kun bzang ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// lha sgom
- 121a
spyod pa phrin las dang // dam tshig 'bras bu'i rang bzhin dang // rnam pa bdun du ngas bshad do// lta ba rtag chad mtha' bral ba'i// rang byung rig pa 'di nyid la// skye med mi 'gyur ye shes klong // kun tu bzang po'i lta ba mchog/ chos sku'i ngang las ma g.yos pa'i// gsal la rtog med mi g.yo ba// rgyun du mi 'bral rang rig de// bsgom pa kun tu bzang por gsungs// de yang rdo rje sems dpa' nyon// blang dor phyogs ris med pa la// gzung 'dzin bya ba'i yul med phyir// rig pa chags med klong du 'phyo// kun tu bzang po'i spyod pa mchog/ phyi nang las ni gang rung la// sbyor sgrol la sogs ci bder spyod// phrin las yin phyir 'gal ba med// kun bzang nga yi phrin las yin// ye shes snying po rang byung la// rtag tu mi 'da' dran pas zung // bde sdug gang byung zil gyis non// dam tshig kun tu bzang por stan// da yang 'dus pa'i snying po nyon// nges don rig pa'i dbang thob phyir// dus gsum sangs rgyas thugs dang mnyam// de phyir ye shes chen po'i las// 'bras bu kun tu bzang por gsungs// gtsang sme bzang ngan kun kyang ni// ye nas mnyam par 'dir shes pas// chos nyid rang sar mtha' dang bral// de phyir rang bzhin kun tu bzang // de yang 'dus pa'i snying po nyon// de dag kun bzang dbye ba yang //
- 121b
ga la khyad yod don la med// de phyir chos sku gcig gi ngang // thams cad rang byung klong du 'dus// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ kun tu bzang po bstan pa'i le'u ste brgya dang drug cu pa'o// // da yang 'dus pa'i snying po nyon// chos sku che ba'i rtsal byung ba// sems dang chos nyid 'byung ba dang // ye shes sku dang sku gsung thugs// yon tan ngan song mtho ris lam// thabs dang shes rab skyon gyi rgyu// yon tan rgyu dang sangs rgyas che// sems can rtogs thabs ngas bshad nyon// de yang rdo rje sems dpa' nyon// sems can ma rig las skyes yin// dug lnga 'khor ba'i rtsa ba ste// 'di nyid rang bzhin med par shes// sems nyid ye nas che bar byung // chos ni 'khor 'das kun yin te// nyid ni spros pa'i dngos po dang // btsal med ye nas che bar gnas// chos nyid ye nas che ba'i mchog/ chos sku'i rtsal ni 'byung ba lnga// ye nas rgyud la sangs rgyas te// de phyir snang ba chos kyi sku// 'byung ba ye shes che bar bsdu// ye ni rang byung ngo bo nyid// shes ni blo yi rtog tu go// zung du 'brel bas ye shes te// de phyir ye shes che bar gsungs// da yang 'dus pa'i snying po nyon// sku yi sku lnga lhun gyis grub// ma btsal ye nas chos skur 'dus// che ba'i yon tan thams cad rdzogs// sku ni
- 122a
ye nas che ba'i mchog/ sku gsung thugs kyi yon tan kyang // phrin las dkyil 'khor rang gi sku// de las gzhan du bsgrub mi dgos// yon tan phrin las che bar bsdu// skyon yon gnyis ka gzhi la med// de phyir go ba sangs rgyas rgyu// rang byung ye nas dag pa'i sku// skyon yon ye nas che ba yin// sdug bsngal 'khor ba ngan song ste// dag par ye nas rtogs pa la// sdug bsngal nyid kyang bde bar 'char// de phyir 'khor ba ngan song chos// de yang 'khor gyi snying po nyon// sangs rgyas sems can rtsa ba gcig/ mtho ris ngan song gzhi la med// de phyir ye nas rang byung sku// mtho ris ngan song che bar gsungs// thabs kyis sangs rgyas sems can 'brel// de phyir nges don thabs las byung // lung ldan gdams ngag nges par che// thabs ni ye nas che bar nges// shes ni chos sku spros dang bral// rab ni don rnams khong du chud// ye nas dbang bskur rgyal po ste// shes rab ye nas che ba yin// skyon ni ma rig 'gyu ba ste// lung ldan rkyen gyis skyon dang bral// de phyir skyon rtogs ye shes 'byung // skyon rgyu ye nas che ba yin// de yang 'khor gyi snying po nyon// nga yi sku gsung thugs rnams ni// ma bcos ma 'gyur ma g.yos pas// nga yi rol pa thams cad la// de phyir spang len bzang ngan med// yon tan rgyu ni ye nas che// 'khor ba sangs pas chos sku
- 122b
rgyas// yon tan kun ldan sangs rgyas te// ma btsal 'bras bu rang gnas pa// sangs rgyas ye nas che bar bsdu// sangs rgyas rgyu ni sems can te// sems can sems rtogs chos sku yin// rtogs pas sangs rgyas da lta nyid// de phyir sems can shin tu med// nges don rtogs pas sangs rgyas 'byung // nges don rtogs pas ma rig sangs// ye nas yod pas ye shes sku// de phyir rtogs pas che ba'i thugs// de yang 'dus pa'i snying po nyon// chos sku'i rtsal du yon tan 'byung // gang yang mi 'gag rol pa yi// che ba drug cu ma 'dres rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ che ba'i yon tan rtsal 'byung bar bstan pa'i le'u ste brgya dang re gcig pa'o// // de nas 'dus pa'i 'khor rnams la// kun rig ston pa chos rje yis// dbyer med ma btsal phyi dang nang // ye shes ma rig bzang ngan las// bde sdug che chung skye 'chi dang // blang dor med pa ma btsal ba// rang gnas chen por la bzla'o// de yang 'dus pa'i snying po nyon// ye nas rgyu dang 'bras bu ni// rim par dbyer med rang gnas phyir// sangs rgyas ma tshol rang la gnas// de phyir rgyu 'bras dbyer med yin// rtsa ba 'khor 'das gcig pa'i phyir// ngo bo nyid sku ye shes gnas// thar pa thob ces bstan pa yang //
- 123a
'khor 'das rtsa ba rang gnas yin// phyi nang snod bcud ma lus kun// ma byung ma skyes chos kyi dbyings// dus gsum 'pho 'gyur med pa'i gnas// phyi nang ma btsal ye gnas yin// de yang 'dus pa'i snying po nyon// ma rig las skyes sems can kun// ye shes las 'byung sangs rgyas nyid// rang byung nges don chos skur gcig/ ma btsal la bzla chen po yin// lus ngag bde sdug ma bcos phyir// rtogs dang ma rtogs gzhi la med// yul la 'dzin pa'i blo med phyir// ma btsal rang gnas la bzla'o// gtsang sme gzhi la gnyis med pas// blo yis byis pa thams cad gol// ma bcos ma byas rang rig sku// bzang ngan med par la bzla'o// che chung mtho dman la sogs pa// rtogs pa can la che chung med// ye nas ma byung ma skyes te// dus gsum gcig pas ye shes sku// rang byung ngo bo rtogs pa la// dus gsum dbyer med gcig pa'i phyir// grangs dang tshe tshad bgrang du med// mi 'gyur ye shes la bzla'o// de yang 'dus pa'i snying po nyon// rang byung ye shes kun bzang la// phyogs ris blang dor gang yang med// ye shes ma btsal rang gnas pas// chos rnams kun gyi la bzla'o// de yang rdo rje sems dpa' nyon// rang gnas chen po de dgu la// rtsa ba rang byung chos skur 'dus// de phyir ye shes zang thal la// 'du 'bral ba yi/
- 123b
ming yang med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang gnas chen por la bzla bar bstan pa'i le'u ste brgya dang drug cu rtsa gnyis pa'o// sdom du bsdus te bstan pa so gnyis pa'o// // de nas rdo rje sems dpa' yis// kun tu bzang por don zhus pas// sku gsum don gyi gdul bya yi// mkhyen tshad 'khor la bshad du gsol// de skad pa yis don gsan nas// 'dus pa'i 'khor la bka' stsal pa// sprul pa drang don khams gsum yang // rgyu 'bras bde sdug ma lus dang // las dang nyon mongs ma lus pa// mkhyen phyir thams cad mkhyen zhes bya// de yang rdo rje sems dpa' nyon// 'dod khams gnas rigs nyi shu yi// las dang rkyen ni gang las byung // nyes legs ma lus dus gcig tu// gang yang shes phyir mno mi dgos// chu bur mig dang sha yi mig/ lha yi mig/ dang chos kyi spyan// ye shes spyan dang rnam lnga ste// thams cad mkhyen pa'i tshad du gsungs/ de yang rdo rje sems dpa' nyon// chu bur mig gis dpag tshad dang // rgyang grags ring zung tshun chad mthong // sha mig gling bzhi gling phran mthong // lha yis mig gis nam mkha'i khams// khyab tshad ma lus dus gcig mthong // sbrul sku'i mkhyen chad de dang 'dra// da yang 'dus pa'i snying po nyon// dmyal khams bco brgyad sdug
- 124a
bsngal dang // che chad ring zung rim pa yang // las ngan byas pa'i nyes pa yin// rnam sbyin sdug bsngal ram pa mkhyen// dus gsum gang yang dus gcig mkhyen// da yang 'khor gyi snying po nyan// nang me lce mkha' la rgyu// de dag las kyi rnam smin gyis// bkres bsgom sdug bsngal sna tshogs pa// yi dwags lus kyi rnam pa dag/ las ngan bsags phyir rang la smin// tshe tshad mnar med yid la byung / de yi mnyen po gang dgos mkhyen// gang yang mkhyen pas sprul pa'i sku// da yang 'dus pa'i snying po nyon// byol song gnas rigs dag na yang // rkang gnyis dang ni rkang bzhi dang // rkang mang dang ni rkang med tshogs// glen lkugs tshe tshad sdug bsngal ni// nges med nges can grangs med kyang // de yis mnyen po gang dgos mkhyen// gling bzhi byol song gling bar dang // mun gling yod pa'i grangs bcas mkhyen// de yang rdo rje sems dpa' nyon// phyi ni snod dang bcud kyis bsdus// 'byung ba bzhi yi rnam pa yang // sa gzhi ri rab rgya mtsho dang // me rlung 'byung ba sna tshogs pa// rdul phran dag gi grangs rnams kyang // bgrang mi dgos par dus gcig mkhyen// phyi yis kha dog dbyibs dang ni// gling bzhi gling phran ma lus pa'i// dbyibs dang tshe tshad lus kyi tshad// ma lus gang yang dus gcig mkhyen// de yang 'dus pa'i snying po nyon// gzugs
- 124b
khams gnas rigs bcu bdun po'i// longs spyod che chung gang yang rung // dge ba'i las ni gang yang rung // 'bras bu 'byung ba'i rim pa yang // 'dir bsags phyi mar smin pa mkhyen// lha yi tshe tshad ring thung yang // 'og las gyur pa'i 'gyur rtsis te// bya ba mang nyung ngus tshod mkhyen// de phyir chags 'jigs stong dang gsum// cho 'phrul mngon 'byung bstan pa'i tshe// 'jig dang mi 'jig rnam pa yang // bsam gtan ro myong zhen pa dang // bag la nyal gyis ma rig pas// bsgrib phyir tha mal ltung ba'i phyir// de yi mnyen po'i chos rnams kyang // gang la gang 'dod rim par mkhyen// longs spyod g.yengs phyir gdul bar dka'// de yang 'dus pa'i snying po nyon// gzugs med khams bzhi'i rim pa yang // zhi gnas ro la zhen pa'i phyir// blta med bsgoms pas rang nyid 'khor// de yang rang gis ma rig pas// ci yang yod min/ med min dang // rnam shes mtha' dang nam mkha' yi// lha log zhen phyir shin tu 'khrul// de la nges med gang 'byung ba'i// ting 'dzin gol ba'i nyams de yi// dus gsum las ni ma lus dang // las kyi 'khor ba'i rnam smin de// de yi gnyen po gang bsgom pa// gnyen po med na ltung dus dang // tshe tshad ring yang tha ma ltung // de dus skur btab dmyal bar ltung // de dag sbrul sku'i mkhyen pa'i tshad// de yang 'dus pa'i
- 125a
snying po nyon// sprul pa de yis sprul pa 'gyed// 'dzam gling bye ba phrag brgya la// sprul pa bye ba phrag brgya 'gyed// gnyen po sgo mo brgyad khri stong // gang gis gang 'dul rig pa mkhyen// lha yi mig gis gzigs tshad du// rna ba la sogs de bzhin no// ma lus mkhyen pa sprul pa'i sku// de phyir thams cad mkhyen zhes bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sprul pa'i sku yis thams cad mkhyen pa'i tshad bstan pa'i le'u ste brgya dang re gsum pa'o// / da yang rdo rje sems dpa' nyon// sangs rgyas chos sku las byung ba'i// longs sku'i mkhyen tshad bsam mi khyab// re zhig drang ba'i don du ni// sa bcu'i byang chub sems dpa' yis// lam lnga sa bcu sbyangs pa'i phyir// zhing khams skye ba brjod mi langs// de dag kun gyis grangs dbye ba// ma lus kun gyi rnam grangs ni// longs spyod rdzogs pas mkhyen pa'i tshad// de yang 'dus pa'i snying po nyon// dag pa'i 'jig rten mang ba'i phyir// rigs lnga la sogs sangs rgyas kyi// rin chen gzhal yas khang dang ni// dkyil 'khor lha tshogs grangs dang ni// sems dpa' sems ma brjod las 'das// rgyan dang kha dog smos zag chod// de yi yon tan ma lus pa// dus gcig tshang zhing rdzogs par mkhyen// da yang 'dus
- 125b
pa'i snying po nyon// chos kyi mig gis mkhyen pa'i tshad// gdul bya'i 'khor du bstan pa yang // drang ba'i don du bstan pa las// nges don longs spyod rdzogs pa yi// mkhyen tshad 'khor 'das ma lus pa// sku yi sgo nas 'dul mdzad mkhyen// ldem dgongs brda yis chos rnams ston// sa bcu'i byang chub sems dpa' yang // 'gro ba'i don du sprul pa las// sa zin byang chub sems dpa' med// de yang 'dus pa'i snying po nyon// lhag mthong rig pa'i don ldan pa// chos kyi mig dang ldan zhes gsungs// de phyir longs spyod rdzogs pa yi// mtshan dang dpe byad ma lus pa// sangs rgyas nyid kyi mdzad pa las// byang chub sems dpa' logs na med// sa dang sa yis khyad par las// sgrib byang ting 'dzin khyad par las// gong nas gong du 'gro sa med// mdzad pa yon tan ldem dgongs chos// gang yang mkhyen pas longs spyod 'khor// de phyir dag pa sangs rgyas nyid// de yang rdo rje sems dpa' nyon// 'gro don phan par bya ba'i phyir// pha rol phyin pa bstan pa yang / byams dang snying rjes gzhir bzung nas// sems can kun la brtser dgongs te// gzhan la phan 'dags bsod nams 'phel// drang ba'i don du gsungs pa las// don la phan pa rdul tsam med// longs spyod mkhyen tshad sa bcur bshad// de yang 'dus pa'i snying po nyon// chos sku nges don
- 126a
bka' mdo yang // drang don bslu brid ma yin te// dbu ma shes rab pha rol phyin// rdzogs chen chos sku'i snying po ni// longs spyod rdzogs pa'i mkhyen pa'i tshad// de phyir bstan pa'i rtsal gyis rdzogs// gang phyir longs sku chos skur brten// 'khor ni byang chub sems dpa'i tshul// chos nyid dag la longs spyod pas// longs spyod rdzogs pa'i mkhyen tshad yin// de yang 'dus pa'i snying po nyon// chos sku/ thugs la ma 'dres mkhyen// sangs rgyas ma lus dgongs pa gcig/ dper na mar me stong dag kyang // 'od kyi ngo bo gcig pa bzhin// dus gsum sangs rgyas stong la sogs// de dag dgongs pa chos skur gcig/ gdul bya 'khor ba tha dad kyang // sku gsung thugs la 'phel 'grib med// de phyir longs spyod rdzogs pa'i tshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ longs spyod rdzogs pa'i sku yi mkhyen pa bstan pa'i le'u ste brgya dang re bzhi pa'o// // de yang rdo rje sems dpa' nyon// chos sku nges zin thams cad mkhyen// dag pa'i 'jig rten med pa'i phyir// 'khor ba'i mun pa ka nas dag/ yod med mtha' dang 'dod pa bral// chos sku ye shes klong gnas pa// da lta'i shes pa 'di nyid la// chos sku ngos zin thams cad mkhyen// de phyir rang byung ngo bor gnas//
- 126b
da yang rdo rje sems dpa' nyon// mtshan nyid chos sku stong pa nyid// dmigs pa med phyir 'gro don bral// stong par 'dod pa chad blta yin// de phyir nges don chos sku min// yang ti nges don chos sku ni// rig pa ngo shes gsal ba la// rtog med gdeng ldan rang byung ste// sang nge sa le gdeng gis zin// chos sku mkhyen pas rang gi thugs// sku ni chos sku ye shes lus// ye shes spyan gyis lhag mthong gsal// ye shes gzugs brnyan la sogs pa// ma 'gags gang la rtog pa med// de phyir chos sku kha mig can// rig pa chos skur gsal phyir ro// de don gdams ngag mdor bsdu na// rnam rtog mi mnga' chos sku de// ci yang rang byung sa ler mkhyen// mi g.yo gdeng ldan 'gyur ba med// de ni chos sku'i mkhyen pa'i tshad// de yang 'dus pa'i snying po nyon// lus 'di'i nang na chos sku bde// 'khor 'das med phyir btsal mi dgos// de phyir lus 'bral chos sku bde// ye shes nam mkha'i mtha' dang mnyam// thams cad mkhyen pa'i ye shes mchog/ da yang rdo rje sems dpa' nyon// sku gsum thams cad mkhyen pa yang // drang ba'i don du phye ba las// don la dbye ba rdul tsam med// ma lus mkhyen pas mkhyen ces bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos kyi sku'i thams cad mkhyen pa'i
- 127a
tshad bstan pa'i le'u ste brgya dang re lnga pa'o// sdom du bsdus te bstan pa'i le'u so gsum pa'o// // de nas rdo rje sems dpa' yis// 'dus pa'i tshogs la phan don du// chos kyi rje la 'di skad gsol// bsam gtan ma gol 'bras bu gang // rgyu yi theg 'og 'bras bu dang // chos rnams rdzogs pa'i 'bras bu dang // phyi nang mi gol 'bras bu rnams// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// rtsol ba med pa'i 'bras bu ni// gol sgrib med pa'i 'bras bu la// dbye ba rnam pa bcu tshan gsum// yid la mi byed gol sgrib med// de phyir nges pa'i 'bras bu bstan// de yang 'dus pa'i snying po nyon// snga phyi zhen pa'i rtog pa yis// byung tshor rjes su ma 'brangs pas// 'jig rten phal pa'i sar ma gol// de yang nges pa'i 'bras bu yin// nga dang bdag med don rtogs phyir// yod med yul du mi bsgom pas// rtag chad mthar ni de mi gol// de yang nges pa'i 'bras bu yin// rgal ba'i bka' dang man ngag gi// shes rab zab mo'i don zin pas// lung du ma bstan de mi gol// de yang nges pa'i 'bras bu yin// lhag mthong rig pa'i gdeng zin pas// zhi gnas ro la ma chags phyir// 'jig rten bsam gtan sar mi gol// de yang nges pa'i 'bras bu yin// snang
- 127b
ba'i yul rnams mthong ba'i tshe// sgo lnga'i rnam shes mi 'gog pas// 'du shes med par de mi gol// de yang nges pa'i 'bras bu yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'jig rten pa'i gol med 'bras bur bstan pa'i le'u ste brgya dang re drug pa'o// // de nas 'dus pa'i 'khor rnams la// kun rig rgyal pos bka' stsal pa// spang ba'i rtog pa med pa'i phyir/ rnam rtog ma spangs rang zhi bas// nyan thos 'gog par de mi gol// de yang nges pa'i 'bras bu yin// rten 'brel bcu gnyis yul med phyir// rtog bkag stong par ma bsgoms phyir// rang sangs rgyas su de mi gol// de yang nges pa'i 'bras bu yin// snang ba sems su mi sdud phyir// rang rig gsal bar mi bsgoms pas// sems tsam par ni der mi gol// de yang nges pa'i 'bras bu yin// bden pa gnyis su mi dbye'i phyir// mtshan ma stong par ma bsgom pa// dbu ma nyid du de mi gol// de yang nges pa'i 'bras bu yin// pho mo rtsa dang thig le yis// thabs kyi bde ba ma bsgoms pas// chags pa'i lam du de mi gol// de yang nges pa'i 'bras bu yin// tshogs gnyis rtsol ba med pa'i phyir// rgyu 'bras rkyen la mi ltos pas// 'du byas chos skur de mi gol// de yang nges pa'i 'bras bu yin// bag chags bzang ngan ming
- 128a
med phyir// dge sdig re dogs rtsol med pas// las kyi dbang du de mi gol// de yang nges pa'i 'bras bu yin// snang stong gzhi la med shes phyir// dbye ba bstan pa'i yul med pas// phra ba'i lam du de mi gol// de yang nges pa'i 'bras bu yin// gzhi la gong 'og med pa'i phyir// lam lnga rim gyis ma sbyangs pas// sa bcu'i nges par de mi gol// de yang nges pa'i 'bras bu yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rgyu mtshan nyid du gol ba med par bstan pa'i le'u ste brgya dang re bdun pa'o// // de nas 'dus pa'i tshogs rnams la// kun rig rgyal pos bka' stsal pa// skyon med yon tan kun ldan de// phyi nang chos rnams rdzogs par ni// nga yis bshad kyi legs par nyon// lha sgom gnyis su don gnas pa'i// rnal 'byor nges pa'i skal ldan de// dad pas kun nas bslang ba'i phyir// snying rje'i rlan dang ma bral bas// sems bskyed rnams gnyis de la rdzogs// gang la mi rtog rang gsal ba'i// chos nyid ngang tshul gsal ba la// bying rgod gnyis kyis skyon bral bas// zhi gnas bde ba de la rdzogs// phyi nang chos rnams ma lus kun// so sor rtog pa'i ye shes kyis// sgyu ma lta bur shes pa'i phyir// dngos med rtogs pas lhag mthong rdzogs// de
- 128b
yang rdo rje sems dpa' nyon// lta ba'i ngang la mnyam bzhag tshe// ser sna 'dzin pas sems med pas// chos dang bdag tu ma mchis pas// sbyin pa'i pha rol phyin pa rdzogs// nges don rtogs pa'i rnal 'byor pas// lus ngag yid kyi spyod pa yi// mi dge nyes byas mi 'byung bas// tshul khrims pha rol phyin pa rdzogs// rang byung rig pa'i rnal 'byor pas// lta ba nges pa'i gdeng zin pas// chos kyi dbyings su kun shong phyir// bzod pa'i pha rol phyin pa rdzogs// nges pa'i lung la yid ches pas// rang byung rig pa shes pa'i phyir// lta ba'i don la ma yengs pas// brtson 'grus pha rol phyin pa rdzogs// snga phyis ma bslad gnyug ma la// gzhan du 'dzin bral rang gsal sku// chos nyid don las mi g.yo phyir// bsam gtan pha rol phyin pa rdzogs// zos pa'i shes rab blo sbyangs nas// nges pa'i don ni mthar phyin pas// chos rnams lta bas thag chod pas// shes rab pha rol phyin pa rdzogs// da yang rdo rje sems dpa' nyon// lung ldan nges pa'i gdams ngag gis// chos kyi dbyings su shes pa'i phyir// rnam pa gang yang mi 'gog pas// thabs kyis pha rol phyin pa rdzogs// sngon nas dge ba'i tshogs bsags pas// bla ma sangs rgyas kun dang phrad// mi gnas bla med don rtogs pas// smon lam pha rol phyin pa rdzogs// thog mtha' ma rig sangs pa las//
- 129a
lung ldan rang rig don shar bas// ma rig mun pa kun bcom phyir// stobs kyis pha rol phyin pa rdzogs// rang byung ngo bo nyid kyi sku// chos kun rtsa bar rab rtogs pas// yon tan ma lus kun 'dus phyir// ye shes pha rol phyin pa rdzogs// de yang 'dus pa'i snying po nyon// sangs rgyas kun gyi mdzad spyod la// tha mal spyod pa'i ming med pas// lus ngag dge ba mi nyams phyir// tshogs chen ma lus rnam gnyis rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos rnams lhun gyis grub pa'i 'bras bu bstan pa'i le'u ste brgya dang re brgyad pa'o// // de nas 'dus pa'i tshogs rnams la// kun rig ston pas bka' stsal pa// bdag dang ye shes gnyis med phyir// dag pa'i lhar ni ma bsgoms pas// kri ya'i theg par de mi gol// de yang nges pa'i 'bras bu yin// gong 'og gnyis su mi lta'i phyir// lha spyod ya char mi bsgom pas// u pa yang ni de mi gol// de yang nges pa'i 'bras bu yin// yang dag nges pa'i don rtogs phyir// byang chub rnam lnga ma bsgoms pas// yo ga sems dpar de mi gol// de yang nges pa'i 'bras bu yin// da yang rdo rje sems dpa' nyon// snang ba gzhi la med pa'i phyir// rnam rtog lha ru ma bsgyur bas// ma hA yo gar de mi gol// de yang nges pa'i
- 129b
'bras bu yin// dbyings dang ye shes gnyis med pas// 'du 'bral mi 'jog yongs med phyir// a nu yo gar de mi gol// de yang nges pa'i 'bras bu yin// snang ba sems nyid yin pa'i phyir// chos nyid mtshon du med rtogs pas// mtshan ma'i skyon du de mi gol// de yang nges pa'i 'bras bu yin// phyi nang gsang ba'i chos kun gyi// brtul zhugs gang yang mi dgos pas// blang dor spyod par de mi gol// de yang nges pa'i 'bras bu yin// rnam rtog gzhi la med pa'i phyir// gnyis med don la mi rtog pas// phyogs can lta bar de mi gol// de yang nges pa'i 'bras bu yin// tshogs brgyad gol sar shes pa'i phyir// sems nyid don la mi rtsol bas// mnyam nyid don la mi 'gyur phyir// chos kyi sku la gol sa med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sngags phyi nang du mi gol bar bstan pa'i le'u ste brgya dang re dgu pa'o// // de nas 'dus pa'i 'khor rnams la// kun rig ston pas bka' stsal pa// sgrib pa med pa'i 'bras bu ni// nges pa'i lung ldan bla ma yis// ye shes chen por ngos zin phyir// skabs dbye'i sgrib pa de la med// de yang nges pa'i 'bras bu yin// nam langs mun sgrib med pa bzhin// ma rig bag chags med pa'i phyir// bslad pa'i sgrib pa de la med// de yang nges pa'i
- 130a
'bras bu yin// gang yang dam par lta med phyir// ched du byas nas sgom med pas// phyogs lhung sgrub pa de la med// de yang nges pa'i 'bras bu yin// gang dran chos skur rab shes pa'i// lta ba nges pa'i gdeng zin pas// tshogs kyi sgrib pa de la med// de yang nges pa'i 'bras bu yin// gsang sngags mdzad spyod thams cad la// bya ba med pa'i don rtogs phyir// las bzhi'i sgrib pa de la med// de yang nges pa'i 'bras bu yin// 'khor 'das chos ni gang la yang // ma chags mi g.yo'i rtogs ldan phyir// mchod pa'i sgrib pa de la med// de yang nges pa'i 'bras bu yin// yang dag sangs rgyas rnams gsungs pa'i// nges pa'i lung la yid ches pas// the tshom sgrib pa de la med// de yang nges pa'i 'bras bu yin// de yang 'dus pa'i snying po nyon// gol sgrib med pa'i don shes na/ rgyal ba nyid dang dgongs pa mnyam// de phyir chos sku da lta nyid// sangs rgyas zhes ni de la bya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sgrib pa med pa'i 'bras bu nyams su blang ba bstan pa'i le'u ste brgya dang bdun cu pa'o// sdom du bsdus te bstan pa so bzhi pa'o// // de nas rdo rje sems dpa' yis// 'dus pa'i tshogs la phan gdags phyir// kun rig ston pa chos rje la// nges pa'i
- 130b
dgongs don 'di skad gsol// sems las ma byung sangs rgyas dang // rgyu las ma byung 'bras bu dang // lung las ma bstan gdams ngag dang // khyad par 'phags pa'i gdams ngag rnams// kun rig ston pas bshad du gsol// de skad zhus pa'i don gsan nas// kun rig ston pas bka' stsal pa// nges pa bzhi yi khyad 'phags pa// khyod la legs par nges bstan gyis// yid la zung la nges par tshong // de yang rdo rje sems dpa' nyon// sems las ma byung sangs rgyas ni// rang byung nges pa'i chos sku ni// sangs rgyas kun gyi nges pa'i don// rnal 'byor kun gyi dam pa'i lam// thams cad mkhyen pa'i ye shes mchog/ de yang rdo rje sems dpa' nyon// mtshan nyid sems su 'dod pa ni// ma rig chos ni bden gnyis su// blo yis nan brtags sems kyis bcos// tshogs bsags sgrib sbyangs kun brtags pa'i// sems bral rang byung chos kyi sku// sems las ma byung sangs rgyas 'di// theg pa kun las khyad par 'phags// phyi nang gsang sngags bskyed rdzogs ni// ting 'dzin gsum gyis lhar bsgoms nas// phrin las rnam bzhi'i las spyod kun// 'bras bu mi thob kun brtags pa'i// yid smon kun brtags dkyil 'khor kun// drang don yin phyir 'khrul pa'i sems// gsal brtan ting 'dzin goms gyur kyang // sems las
- 131a
ma byung sangs rgyas min// de yang 'dus pa'i snying po nyon// yang dag nges don sangs rgyas ni// yid kyis ma bsgoms ma bskyed pa'i// rtsol med rang gsal 'di nyid la// sems las ma byung sangs rgyas yin// snang med rang byung chos nyid la// yul du byas pa med pa'i phyir// lha med bsgom rgyu ga la yod// de phyir sems ni kun brtags yin// gang yang ma bsgoms chos nyid ni// sems kyi yul las 'das pa'i phyir// sems las ma byung rang byung ste// sangs rgyas kun gyi dgongs pa yin// de yang rdo rje sems dpa' nyon// sems ni ma rig mun pa yin// sangs rgyas sems bral ye shes sku// ma rig sems sangs sgrib pa dag/ thams cad mkhyen pa'i ye shes rgyas// rtag chad 'dzin pa ma rig sems// de las ma byung sgro skur bral// rtags chad sems med chos kyi sku// sems las ma byung sangs rgyas yin// sangs ni 'khrul pa 'dzin pa sangs// rgyas ni chos sku mi g.yo rgyas// sangs ni sems su 'dzin pa sangs// rgyas ni rang byung ye shes rgyas// sangs ni gol sgrib sems rnams sangs// rgyas ni ye shes mi rtogs rgyas// sangs ni bying dang rmugs pa sangs// rgyas ni lhag mthong ye shes rgyas// de phyir sems las ma byung ba'i// ye shes rang sangs rgyas pa yin// de yang 'dus pa'i snying po nyon// sangs ni rgod 'phro g.yeng ba sangs//
- 131b
rgyas ni rang rig ye shes rgyas// sangs ni 'khor 'das 'dzin pa sangs// rgyas ni chos sku gsal ba rgyas// sangs ni bag chags nyon mongs sangs// rgyas ni rang gi ngo bo rgyas/ sangs ni bdud bzhi'i cho 'phrul sangs// rgyas ni zil gnon lta ba rgyas// de phyir rang byung rig pa 'di// sems las ma byung sangs rgyas yin// de yang 'dus pa'i snying po nyon// dus gsum sangs rgyas sems dang bral// tshogs brgyad med phyir sems kyang med// rang byung snying po chos kyi sku// sems las ma byung sangs rgyas yin// ma rig las byung sems can kun// sems su 'dzin phyir sdug bsngal 'byung // de phyir sems bral spros la med// spros med chos sku rang byung la// rang sems bral bas dmigs pa med// dmigs med chos kyi sku zhes bya// sems la dus gsum yod pa'i phyir// tshe la snga phyi da lta 'byung // sems la 'pho 'gyur yod pa'i phyir// de phyir lus la skye 'chi 'byung // na tsha bde sdug sna tshogs pa// rang sems yin phyir 'khor bar smin// de phyir sems ni sangs rgyas min// de yang rdo rje sems dpa' nyon// skye shi med phyir sems dang bral// skye med rang byung ye nas gnas// de nyid lam gyi ye shes ni// thog mtha' chod na dus gsum gcig/ chos sku gcig phyir 'pho 'gyur med// don la 'gyur med sdug bsngal bral// snga phyi med par rang
- 132a
byung sku// sems las ma byung sangs rgyas yin// 'pho 'gyur med pas sdug bsngal bral// brjod med rang gi ngo bo la// tshor ba bde sdug gang yang med// de phyir chos nyid bden pa'i ngang // sems las ma byung sangs rgyas yin// de yang 'dus pa'i snying po nyon// dus dang spyod lam thams cad du// nges don 'bral med ye sangs rgyas// de phyir lta ba 'gyur ba med// 'gyur med chos nyid rang byung klong // ma yengs sems med da lta nyid// sgom pa kun gyi mchog tu ni// kun bzang rgyal bas gsungs pa de// sems las ma byung sangs rgyas yin// de yang 'dus pa'i snying po nyon// nges don sangs rgyas khyad par can// kun gzhi med phyir sangs rgyas med// de phyir yul med rig pa 'di// sems las ma byung sangs rgyas yin// sems bral lhag mthong chos nyid la// de la yid ches nges pa'i gdeng // sangs rgyas dgongs pa ma nor ba// dam pa'i thugs la gsal ba ni// sems las ma byung sangs rgyas 'di// theg pa kun las khyad par 'phags// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sems las ma byung ba'i sangs rgyas bstan pa'i le'u ste brgya dang don gcig pa'o// // de nas 'dus pa'i tshogs rnams la// rgyu las ma byung 'bras bu de/ kun rig rgyal pos bka' stsal pa/
- 132b
rgyu rkyen med pa'i mthun dpe ni// nor bu rin chen kun ldan bzhin// chos sku rgyu la rag ma lus// rkyen la mi ltos smos ci dgos// de yang 'dus pa'i snying po nyon// rgyu ni 'dus byas mi rtag phyir// gnyen pos 'jig phyir rkyen khar 'gro// de phyir rkyen gyis ma bskyed pa'i// rang byung chos sku 'gyur med de// chos rnams kun gyi snying po yin// phyi nang kun gyi bag chags kyi// rgyu rkyen ngan pas bskyed pa'i phyir// rang gis rang bslus 'dzin pa yis// 'khrul pa yin par the tshom med// de phyir 'khor 'das ma rig pa'i// nges don chos sku snying po ni// rgyu las ma byung rang byung sku// rkyen gyis ma bskyed 'bras bu yin// de yang 'dus pa'i snying po nyon// ma rig rgyu las ma skyes pa'i// rang byung ngo bo nyid kyi sku// kun brtags rkyen gyi ma bskyed phyir// 'byung ba bzhi la brten mi dgos// nam mkha' stong la rgyu med phyir// rig pa stong la rgyus ma bskyed// nam mkha' 'byung bzhi'i rkyen mi tshugs// de bzhin chos sku 'gyur ba med// de phyir rkyen las ma skyes pa'i// 'bras bu nges par yod ma yin// de yang 'dus pa'i snying po nyon// rgyu med 'bras bu yod ma yin// rgya mtsho'i gser la rgyu med ltar// rig pa rang grol rgyus ma bskyed// gser de g.ya' yis mi gos bzhin// chos spu rkyen gyis mi 'gyur bas// de phyir rgyu las ma byung ba'i// 'bras bu nges par
- 133a
yod pa yin// sems can rgyu las ma skyes pa'i// kun bzang sangs rgyas yod par nges// sngon gyi sangs rgyas rgyas ma bskyed// rkyen med rang byung yin pa'i phyir// ye nas sangs rgyas yin par bshad// de yang 'dus pa'i snying po nyon// drang don sangs rgyas rgyu rkyen ni// thabs dang shes rab yin zhes zer// ji srid thabs la brten gyi bar// chang dang dug bsres 'chi ba 'dra// de phyir rang byung thabs mi dgos// thabs ni ma rig drang ba tsam// ye shes zang thal rgyus ma bskyed// rgyu med 'bras bu shes pas chog/ de yang rdo rje sems dpa' nyon// rang byung stobs kyi 'byung ba'i dpe// lha yis pany+tsa li ka bzhin// rgyu rkyen ma bskyed rang byung sku// sus kyang ma byas byed pa med// de phyir chos nyid brdal ba'i sku// rang byung ye shes rgyus ma bskyed// rkyen med rang gsal rgyun ma chad// gnyen po'i rkyen gyis bcos su med// rgyu las ma byung sangs rgyas yin// de yang 'dus pa'i snying po nyon// skye med rang byung don rtogs pas// tshogs gnyis bsags pas khyad par 'phags// de phyir tshogs bsags rtse mo 'dra// drang don tshogs gsog g.yengs pas phung // gzugs sku tshogs gnyis las ma byung / de phyir chos sku rtogs gyur nas// tshogs ma bsags pa'i gzugs sku byung // de phyir rgyu med 'bras bu yin// de yang 'dus pa'i snying
- 133b
po nyon// ngo bo gcig la tha dad med// byad dang me long gzugs brnyan bzhin// chos sku'i rtsal ni gzugs sku gnyis// tshogs ma bsags par shugs la byung // sku gsum 'gro don tha dad kyang // rgyu rkyen ma skyes ye nas gnas// de phyir chos sku'i rang rtsal ni// mthong snang sna tshogs cir yang 'char// de tsam nyid na rgyu rkyen bral// dper na nam mkha' ji bzhin no// rdzogs pa chen po nges don thams cad 'dus pa// ye shes nam mkha' dang mnyam pa'i rgyud las/ rgyu las ma byung ba'i 'bras bu bstan pa'i le'u ste brgya dang don gnyis pa'o// // de nas 'dus pa'i 'khor rnams la// kun rig chos kyi rgyal po yis// lung la ma brten gdams ngag ni// dad ldan 'khor la bka' stsal pa// sangs rgyas kun gyi ye shes sku// rang byung ngo bo rtogs las byung // 'dus ma byas kyi nam mkha' 'dra// gang yang med pa'i sngon rol du// rang byung ngo bo nyid kyi gzhi// lung las ma brten gdams ngag chos// rang gi rig pas rang rtogs phyir// 'khrul ma myong la rtogs ma myong // de tshe 'khor 'das 'byung ba med// gzhi shes rang byung rig pa la// gzhi nas ma rig med pa'i phyir// rkyen gyis sngon 'khrul ma myong bas// lung ldan gyis ni bstan mi dgos// de phyir lung las ma byung chos// ya mtshan rmad du byung ba'i bka'// sangs rgyas thams cad de las//
- 134a
skyes// de yang 'dus pa'i snying po nyon// rang byung kun tu bzang po la// yul med 'dzin pa med pa'i phyir// ye nas rig pa rang la shar// dus de nyid du ma rig sangs// de phyir lung las ma byung ba'i// nges don snying po'i chos zhes bya// de yang 'dus pa'i snying po nyon// kun bzang slob dpon med pa'i phyir// phyi nang chos kun bshad lung med// de phyir gzhan la ma brten pa'i// rang gi rig pas shes pa'i phyir// lung la ma brten man ngag chos// rgyal ba rnams kyi rtogs tshul yin// de yang 'dus pa'i snying po nyon// lung la ma brten chos sku la// 'khor ba btsal gyis mi rnyed pas// sangs rgyas kun tu bzang po bya/ bag chags kun gyis ma gos phyir// rtog pa med phyir ye shes rgyas// lung la ma brten gdams ngag yin// de phyir dus gsum sangs rgyas kyi// yon tan thams cad ma lus par// skyed par byed pa'i mes po yin// de yang rdo rje sems dpa' nyon// kun bzang sprul pa rnam gsum gyis// sku gsung thugs kyi sgo nas ni// theg dgu'i chos rnams bshad pa yang // lung la ma brten chos 'di yi// byin gyi brlabs kyis 'byung ba yin// thugs nas nges par brgyud pa yin// man ngag snying po 'di rtogs na// rtogs pa mngon 'gyur sangs rgyas yin// de med chos rnams ma lus kun// spre'u 'dra'i lung gi bslad pa yin// theg
- 134b
dgu'i chos kun rkyen gyis byas// de phyir nges don bka' ma yin// der brten sgrub thabs bstan chos sogs// byas pa'i chos kun shin tu nor// des brtsams mkhas pa'i yin zer nas// bstod ra lo rgyus mang bshad kyang // spre'u 'dra'i lung gis dam chos bslad// chu dang 'o ma 'dres pa 'dra// de phyir sbrel 'dra lung ngan la// brten pas lam nor rtog pa zin// de phyir sdug bsngal sna tshogs myong // 'khor ba'i mtha' la zad pa med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lung la ma brten pa'i gdams ngag bstan pa'i le'u ste brgya dang don gsum pa'o// / kun rig ston pa chos rje yis// nges don gdams ngag 'di skad gsungs// sangs rgyas dgongs pa ma nor bar// sems can kun la gnas pa yi// rgyu rkyen ma skyes rang byung ba// lung ldan nges pa'i gdams ngag ni// 'phel 'grib med pa'i ye shes yin// de yang 'dus pa'i snying po nyon// dang po 'khor 'das par do la// kun bzang ye shes rtogs don de// rang byung ngo bo nyug tsam byung // nges don rig pa tsam gyis shar// yid ches don la 'gyur ba med/ rtogs dang sangs rgyas dus mnyam byung // 'khor 'das thog mtha' dus gcig chod// de phyir sangs rgyas mes po yin// de yang rdo rje sems dpa' nyon// rang byung ngo bo
- 135a
nyid kyi sku// dad pa dang ni shes rab kyi// skye shi gnyis kyi bar do la// lung ldan bla ma dam pa yi// bstan pa'i don la rang yid ches// nor bu rin chen rnyed pa 'dra// snod dang skal ba ldan pas rtogs// nges pa'i bka' dang mi 'gal mthun// chos kyi sku dang mi 'bral bas// skye ba mi len ye shes ldan// gzugs sku rnam gnyis 'gro don byed// de yang rdo rje sems dpa' nyon// rtsol bsgrub dag las ma byung bar// rang byung lam la rag ma lus// yul las ma skyes chos sku de// lung ldan rkyen gyis rtogs pas chog/ rdo rje sems la brten pa'i phyir// de yang rdo rje sems dpa' nyon// rang la yod kyis gzhan ma blta// gang gi rtogs pa ma zhugs zhing // shes pa rang gsal 'di nyid ni// chos skur shes pas chog pa'i phyir// chos nyid dang la zug ma gcod// lta ba'i rgyun la brjed ma nges// bsgom pa'i ngang la dran ma gsal// spyod pa'i chos la bcos ma bslad// dam tshig gzhung la tshur ma rkyen// 'bras bu'i chos la rtogs ma ring // nges pa'i lung ldan gdams ngag gi// yid ches gdeng rnyed dgongs par ldan// mtha' mal ma yin brtson 'grus kyi// 'dug tshug rkyen thub sgom chen yin// rdo rje sems dpa' khyod nyid kyang // rang byung chos kyi snying por bshad// spro bsdu med pa'i shes pa la// skye 'gag med pa'i ting 'dzin gsal//
- 135b
'byung 'jug med pa'i ye shes shar// de yang rdo rje sems dpa' nyon// ye nas yin gyis gzod ma tshol// 'gro sa med kyis can ni 'dug/ yengs sa med kyi shes pa klod// gsal la rtog med chos kyi sku// yid ches nges pa'i gdeng gis zin// shes gsal rig pa sangs rgyas thugs// de yang 'dus pa'i snying po nyon// lung ldan nges don gsal ba yi// rang gsal 'di la bogs mi 'don// so thub rig pa ngang gi rtsal// de shes yengs pa med ces bya// de yang 'dus pa'i snying po nyon// 'gro drug yul la mi rtog na// 'gro drug skyes nas 'khor mi srid// de phyir rtog med rig pa la// yid ches mi g.yo rgyun du gnas// tha mal shes pa gzhi cha la// rgyal ba kun gyi dgongs pa 'dus// de don nges lung bstan pa la// sangs rgyas kun dang dgongs pa mnyam// de yang rdo rje sems dpa' nyon// khong nas ye shes rang shar ba// dpyad nas byung ba ma yin te// gdams ngag bstan pas byung ba yin// de phyir bla ma'i bka' 'di gces// rang byung snying po byang chub la// rtsol bar bya ba ming yang med// bya dgos 'khor ba lung ma bstan// sems kyis chos sku khyod la byed// de yang 'khor gyi snying po nyon// nam mkha'i cha la bgos ma byed/ brdzun gyis bden pa ma bslu bar// tshig mang bshad pas chos ma bslad// tshig tu nyung la don du 'dril// lung ldan
- 136a
ma nor gdams ngag gis// slob ma yid ches gdeng ldan la// gdams ngag phog ces de la bya// de yang rdo rje sems dpa' nyon// sangs rgyas yon tan sgro mi gdags// sems can skyon zhes skur mi gdab// yul la ma sbyang zhe na mi bya// sgro skur zhen med chos kyi sku// rgyun du 'bral med gdams ngag gis// de phyir lung ldan bka' 'di gces// de yang 'dus pa'i snying po nyon// mkhas pa'i yon tan khyad mi gsad// 'khor ba'i chos la ngos ma 'dzin// snang ba'i yul la zhen ma che// 'jig rten chos la blo ma rno// rgyal ba'i bka' la bshad ma chung // slob dpon dag la 'gran ma 'dzugs// tshul 'chos can la bkur mi bya// gdams ngag med par chos mi bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gdams ngag khyad par 'phags pa rdo rje sems dpa' la lung mngon du phog pa bstan pa'i le'u ste brgya dang don bzhi pa'o// sdom du bsdus te bstan pa so lnga pa'o// // de nas rdo rje sems dpa' yis// 'dus pa'i tshogs la phan gdags phyir// kun rig sems kyi rgyal po la// dgos pa'i don chen 'di skad gsol// rnal 'byor bar du gcod pa yi// bdud kyi cho 'phrul zil gnon pa'i// rtags dang 'bras bu bshad du gsol// de skad zhus pa'i don gsan nas//
- 136b
kun rig rgyal pos bka' stsal pa// chos kun rtsa ba byang chub sems// de rtogs zil gyis gnon pa'i rtags// kun bzang ston pa ngas bshad kyis// legs par nyon la yid la zung // rnal 'byor snang ba'i 'od byung ba// gzha' tshon rang bzhin med shes ltar// dam par shes pa'i blo mi 'byung // 'od gsal bdud ni zil gnon rtags// don rtogs rnal 'byor dam pa yis// sgra yi rnam pa gang thos tshe// sgra brnyan rtag pa med shes pas// rjes 'brang 'dzin pa'i sems bral phyir// grags sgra bdud ni zil gnon rtags// rnal 'byor 'jigs gzugs mthong ba'i tshe// lbu ba snying po med shes ltar// gzhi la 'jigs pa'i yul med rtogs// gzugs bdud zil gyis gnon pa'i rtags// rnal 'byor bslu ba'i rdzun byung tshe// rmi lam bzhin du rdzun du shes// gang la bden par mi blta bas// bslu ba'i bdud ni zil gnon rtags// de yang rdo rje sems dpa' nyon// rnal 'byor yul dran rgod pa'i tshe// dug la sngags kyis btab pa ltar// snga phyi rjes 'brang med shes pas// mi rtog bdud ni zil gnon rtags// rnal 'byor shes pa 'phro ba'i tshe// ba mo la ni nyi shar ltar// rang byung rang grol dran pa'i phyir// mi g.yo bdud ni zil gnon rtags// rnal 'byor gsal ba bying gyur tshe// rin chen ga bur bcug pa ltar// chos nyid gsal ba rang thim shes// gsal
- 137a
ba'i bdud ni zil gnon rtags// sgom pa rmugs shing bde med tshe// dper na ti bya rtsis med ltar// rmugs med bde ba chen por shes// bde 'dod bdud ni zil gnon rtags// de yang 'dus pa'i snying po nyon// lha sgom 'phel 'grib med shes phyir// bdud nyid rang byung ye shes su// don rtogs sangs rgyas rtags su gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lha sgom gyi bdud zil gyis gnon pa'i rtags bstan pa'i le'u ste brgya dang don lnga pa'o// // de nas 'khor la bka' stsal pa// spyod pa nyams bdud zil gnon rtags// nges don bshad kyis yid la zung // 'du 'dzi longs spyod bdud byung tshe// bung ba bcud len zhen med ltar// gang la chags pa med rtogs phyir// longs spyod bdud ni zil gnon rtags// rnal 'byor gnas la zhen pa'i tshe// mgron po yul sleb 'jigs med ltar// ma bkol ting 'dzin grogs su che// zhen pa'i bdud ni zil gnon rtags// rnal 'byor g.yeng ba'i bdud byung tshe// me la shing bsnan ji bzhin du// rnam rtog ye shes skul mar shes// g.yengs bdud zil gyis gnon pa'i rtags// rnal 'byor 'khor ngan bdud byung tshe// phag dang glang po 'brel med ltar// gnyen la chags pas 'ching bar rtogs/ 'khor ngan bdud
- 137b
ni zil gnon rtags// de yang rdo rje sems dpa' nyon// 'dre bkren lhar bzung gis bstan la// bden par mi 'dzin re dogs bral// bla ma'i lung la yid ches phyir// lung ldan bdud ni zil gnon rtags// rnal 'byor nyams myong skyes pa'i tshe// bden mthong nyams la ma zhen par// nyams la zhen pa skyon du rtogs// zhen nyams bdud kyi zil gnon rtags// rnal 'byor spyod pa tshul 'chos tshe// drang srong g.yo sgyu med pa ltar// tshul 'chos spyod pa 'khrul par shes// zhe 'dod bdud ni zil gnon rtags// rnal 'byor bsgom pa bogs 'don tshe// 'dod chags bral ba'i dge slong bzhin// nges don lta bar dbang mi dgos// bde 'dod bdud ni zil gnon rtags// rnal 'byor zhe sdang skur 'debs che// skur bral nyams myong btsun mo bzhin// smad sems med pa'i gdeng ldan pas// skur 'debs bdud ni zil gnon rtags// rnal 'byor nga rgyal sgro 'dogs tshe// rin chen nor la bsnyad mi dgos// de bzhin nges don gsang thub na// nga rgyal 'dud ni zil gnon rtags// de yang 'dus pa'i snying po nyon// de dag spyod pa nyams kyi 'dud// rtogs na rang byung chos sku yin// de phyir don dran bdud med pas// zil gyis gnon pa'i thabs mi dgos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las//
- 138a
spyod pa'i nyams kyi bdud zil gyis mnan pa'i le'u ste/ brgya dang don drug pa'o// // da yang 'dus pa'i snying po nyon// nges don rtogs pa'i rnal 'byor pa// lan cig skye 'chi'i bdud byung tshe// ye shes chos sku'i gzugs brnyan ni// longs spyod rdzogs dang sbrul sku 'byung // de yang 'dus pa'i snying po nyon// 'jig rten dag par rtogs pa'i tshe// dmyal ba'i btso bsregs 'jigs pa'i sgra// ngu 'bod tsecer lhang la sogs pa// gsang sngags gsung gi 'khor lor shes// lcags bsregs sa gzhi me 'od kyang // rnam par dag pa'i zhing khams la// 'khor ba'i skyon med 'od zer 'gyed// de phyir 'od gsal ye shes sku// 'jigs pa'i gshin rje gshed po yang // thub drug gzugs skur rnam par mthong // de phyir las dag 'khor ba med// sangs rgyas sa ni da lta non// brdzun zer lha yi slu ba'i bdud// nges don snying po rtogs pa yis// sa bcu'i byang chub sems dpar mthong // sems can don byed rgyal ba'i bka'// rnal 'byor rgod pa zil gnon pas// snang ba chos dbyings don ldan phyir// 'gogs med rtags tu nges rtogs pas// rgod pa lhag mthong 'bras bur mthong // rnal 'byor 'phro ba zil gnon pas// rig pa 'phro bas thams cad gnyen// de phyir rang rig chos skur shes// de ltar rtogs pa'i 'bras bu'i mchog/ lung
- 138b
ldan bya ba zil gnon pas// rtog pa'i nyon mongs kun dang bral// klong zim shes pa chos skur gsal// sangs rgyas 'bras bu ye shes klong // rnal 'byor rmugs pa zil gnon pas/ mi g.yo rang byung bde ba de// ting 'dzin kun gyi mchog tu ni// rgyal ba kun gyi 'bras bur bsngags// de yang rdo rje sems dpa' nyon// sbrul sku 'khor ba'i 'gro drug kyang // bden par 'dzin pa'i rtog med phyir// dus gsum sangs rgyas sprul pa'i 'khor// lus med bdud ni 'byung mi srid// bdud med nges pa'i 'bras bu ni// me long dang ni gzugs brnyan ltar// chos kun gzugs brnyan chos kyi dbyings// de las nyams zhen med kyang byung med rgyal ba'i gnas// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ lha sgom gyi bdud zil gyis gnon pa'i rtags dang 'bras bu bstan pa'i le'u ste brgya dang don bdun pa'o// // de nas 'dus pa'i 'khor rnams la// kun rig ston pas bka' stsal pa// rnam smin lus kyi sgo lnga yi// 'khor ba'i sdug bsngal spang sdud med// bag chags bral phyir zhen pa med// spyod pa'i bdud ni 'byung mi srid// de yang rdo rje sems dpa' nyon// 'du 'dzi longs spyod zil gnon pas// zhen med byas pa gang byas kyang // kun bzang rol pa yin par shes// de tsam nyid na chags
- 139a
med grol// gnas la zhen pa zil gyis gnon// gang la 'dug pa 'og min gnas// ting nge 'dzin las ma nyams phyir// 'bras bu chos kyi dbyings su gsal// yon tan g.yeng bdud zil non na// gang byas don la ma gol bas// rnam rtog ye shes rang sar grol// ched du ma byas lhun gyis grub// 'khor ngan bdud ni zil non na// dgra gnyen med pa'i rigs spyod kyis// kun kyang ye shes lta ru shes// 'khor ba'i ming med 'bras bu yin// da yang 'dus pa'i snying po nyon// spyod pa'i bdud med 'bras bu ni// rang rig 'gyur med chos skur shes// de yi yon tan 'jig rten du// gzugs sku rnam gnyis 'gro don mdzad// de phyir skyon med ye shes ni// pad+ma dang ni 'dam bzhin du// gos med rang rig ting 'dzin gsal// ma rig med phyir skyon mi gos// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ spyod pa'i bdud zil gyis non pa'i 'bras bu bstan pa'i le'u ste brgya dang don brgyad pa'o// // de nas 'dus pa'i snying po la// kun rig chos rjes bka' stsal pa// lha las zil gnon bde sdug nyams// bsam gtan ro la zhen pa med// rang byung 'jigs med nyams dang ldan// lus med ye shes chos skur gsal// da yang 'dus pa'i snying po nyon// lung bstan bdud
- 139b
ni zil non na// yang dag bka' la yid ches pas// lung ston rang byung rol par shes// blang dor med pa'i 'bras bu yin// nyams la zhen pa zil non na// yon tan ltar med 'bras bu ste// bden pa nges par mthong ba'i phyir// sa non sgrib pa nges par dag/ tshul 'chos bdud ni zil non pas// g.yo sgyu med pa'i nyams ldan phyir// zhe sdang bral bas re dogs med// nges pa'i gdeng ldan 'bras bu'i mchog/ bogs 'don bdud ni zil non na// bde ba zhen bral chos skur shes// dbang la mi brten rtogs pa shar// de phyir sangs rgyas mngon du grub// skur 'debs bdud ni zil gnon pas// zhe sdang rang grol cir mi rtog/ thugs rje ldan pas 'gro don 'byung // de phyir g.yo med 'bras bu yin// sgro 'dogs bdud ni zil gnon pas// nges don thugs gsal 'chang ba'i phyir// nga rgyal med phyir don nyid gsal// 'bras bu rang byung ngo bo nyid// de yang rdo rje sems dpa' nyon// rang byung chos sku rtogs pa la// rgya mtshor nyi zla'i gzugs brnyan bzhin// rang rang mos pa so so la// gzhan don ma btsal shugs las 'byung // dper na chang gi ra ro bzhin// byang chub sems dpa' las dag la// longs spyod rdzogs pa'i skur mthong nas// ldem dgongs chos rnams sku yis ston// dad ldan nyan thos rang rgyal la// ci yang sprul pa'i skur mthong nas//
- 140a
gsung gi sgo nas nges don du// bkri drang zabs kyi chos rnams ston// de yang 'dus pa'i snying po nyon// 'khor 'das gzhi la med pa'i phyir// nges don ye shes chos sku 'di// thams cad sangs rgyas dgongs pa'i chos// sems can ming med bde gshegs la// byin rlabs chos kun thugs kyis ston// de yang rdo rje sems dpa' nyon// sku gsum gsungs pa de dag kyang // gdul bya'i 'khor la phye ba las// don la dbyer med ngo bo gcig/ de phyir thig le nyag gcig yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nyams kyi bdud zil gyis non pa'i 'bras bu bstan pa'i le'u ste brgya dang don dgu pa'o// sdom du bsdus te bstan pa so drug pa'o// // de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i yid kyis 'di skad gsol// che ba sna lnga'i dbye ba ji ltar yin// chos sku'i 'khor ni ji ltar dag/ longs sku'i 'khor gyi rol pa gang // sbrul sku'i 'khor gyi brtag thabs ci// byang chub che ba ji ltar 'byung // kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// sangs rgyas rnams kyi lta ba ni// nam mkha' nyi ma rgya mtsho bzhin// ma spros ma
- 140b
bsdus rang snang la// chos sku gsal ba ma g.yos pa// kun la khyab pa'i rig pa gsal// de skad 'dus pa'i snying po nyon// rang rig chos sku gsal ba'i don// nges par rang rig dbang thob pas// de la brtson 'grus bya mi dgos// de phyir sangs rgyas chos kyi sku// 'bab chu mar me dug sngags bzhin// dmigs pa drag la sgo lnga gsal// rnam rtog nyid kyang ye shes te// gsal tsam nyid nas nub pa med// de yang 'dus pa'i snying po nyon// rgyal thabs spyi blugs 'chi ba yis// mtshan ma zil gyis gnon pa'i phyir// rig pa dbang gi che ba yis// 'dod khams nyi shu zil gyis non// sa gzhi chu zla gang ga bzhin// sna tshogs snang la gzung du med// che ba'i yon tan rgyun mi 'chad// med la mi zad 'byung ba'i gter// de yang 'dus pa'i snying po nyon// rig pa rang grol che ba yis// 'gro drug g.yang sa gcod pa'i phyir// rang byung chos sku ngos zin pas// gzugs khams bcu bdun de mi 'khor// khyung dang rin chen klu bdag bzhin// lung ldan nges pa'i gdams ngag gis// chos sku rang rig ngos zin phyir// kun gzhi dug gsum rtsad nas bcad// de phyir rang byung don 'di gces// de yang rdo rje sems dpa' nyon// ye shes spyi blugs che ba yis// gol sa phyi nang chod pa'i phyir// nges pa'i don la bsgom mi dgos// gzugs khams bzhir ni de mi skye// de yang
- 141a
'dus pa'i snying po nyon// rgyun du 'bral med ting 'dzin gyis// ye shes chen por la zlos pas// sa bcu rim gyis nges mi bgrod// de phyir nges don rab tu gces// da yang 'dus pa'i snying po nyon// nges pa'i dbang rnams gcig tu rtogs// de don ma bcos chos nyid kyis// bcos pa'i mtshan ma zil gyis gnon// dmigs pa med pa'i nam mkha' yis// dmigs pa'i 'byung ba zil gyis gnon// skye ba med pa'i ye shes kyis// skye ba'i phung po zil gyis gnon// de yang 'dus pa'i snying po nyon// rig pa chos kyi sku nyid du// dus gsum sangs rgyas thams cad kyi// 'byung gnas thams cad nga yi thugs// 'di las ma gtogs sangs rgyas med// rig pa'i nges don thams cad 'di// sangs rgyas kun gyi mes po yin// 'di las ma byung sangs rgyas med// de'i phyir dbang gsum rab tu gces// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rig pa dbang gi che ba bstan pa'i le'u ste brgya dang brgyad cu pa'o// // de nas 'dus pa'i tshogs rnams la// kun rig rgyal pos bka' stsal pa// chos sku'i 'khor gyi che ba yi// bsgom pa'i skyon ni ma dag na// rang rig ye shes ngos zin phyir// chos sku rtog pa med par bshad// 'byung ba'i 'dod yon lnga spyod tshe// longs spyod rdzogs
- 141b
pa'i sku yi ngang // 'gro drug gnas su snang ba'i tshe// sbrul sku thub pa chen po'i ngang // da yang rdo rje sems dpa' nyon// dper na zangs dang lcags rnams la// gser 'gyur rtsi yis thebs gyur nas// thams cad gser du 'gyur ba las// zangs dang lcags su mi 'gyur bzhin// ma rig rtog pa'i mtshan ma la// ye shes chos sku'i rtsis thebs na// khams gsum 'khor ba'i ming med phyir// gdod nas ma spangs ye sangs rgyas// btsal ba med pa ye nas grub// de yang 'dus pa'i snying po nyon// mi nub pa yi 'od gsal phyir// de nyid lhun grub don rtogs na// rtag kyang ye shes chen por rtag/ chad na 'khor ba rtsad nas chad// ldan na sku gsung thugs su ldan// snang na rang rig ye shes snang // yin na ye shes sangs rgyas yin// min na khams gsum 'khor ba min// dag na rnam rtog mtshan ma dag/ da yang 'dus pa'i snying po nyon// gol na chos kyi sku ru gol// 'phros na chos kyi dbyings su 'phros// bying na ye shes klong du bying // gsal na rang sems chos skur gsal// 'phyos na chos kyi klong du 'phyos// de sogs yon tan skyon rnams kun// chos skur 'dus pa'i don rtogs na// ma rtogs nyid kyang ye shes yin// de yang rdo rje sems dpa' nyon// rang byung ye shes chos sku ni// ma bsgoms ye shes chen po'i don// brjod pa med pa'i ye shes
- 142a
la// dmigs pa med pa'i ting 'dzin gsal// shes pa drang thad so ma la// 'du shes ma bsgoms brtul zhugs bskyed// ci yang mi bsgoms gang yang med// ye shes zang thal nyid du bzhag/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos sku'i 'khor gyi che ba'i snang ba dag par bstan pa'i le'u ste brgya dang gya gcig pa'o// / de nas 'dus pa'i 'khor rnams la// kun rig ston pas bka' stsal pa// longs sku'i 'khor gyi che ba ni// kun bzang rol par dag pa'i phyir// sdug bsngal sna tshogs bskyed pa'i phyir// ye shes chen po bde ba'i ngang // phyi nang skra skad sna tshogs pa// gsang sngags gsung gi 'khor lo yin// rkyen gyis chags sdang skyes pa'i phyir// rang byung ye shes shar ba yin// shwa dang ser ba la sogs pa// kun bzang thugs rje'i rol pa yin// ngam grog tsher gdong g.yang sa yang // rnam par dag pa'i zhing khams yin// de yang 'dus pa'i snying po nyon// mtshan ma spangs pa'i pha rol na// bsgom pa bya ba logs na med// sdug bsngal spangs pa'i pha rol na// bde ba bya ba logs na med// ma rig spangs pa'i pha rol na// rang rig ye shes logs na med// gti mug spangs pa'i pha rol na// chos nyid ye shes logs na med// 'dod chags spangs pa'i pha rol na// bde zhing skyid
- 142b
pa logs na med// zhe sdang spangs pa'i pha rol na// snying rje bya ba logs na med// 'khor ba spangs pa'i pha rol na// mya ngan 'das pa logs na med// de yang 'dus pa'i snying po nyon// ma rig sangs pa'i pha rol na// sangs rgyas rtogs pa logs na med// chos can spangs pa'i pha rol na// chos dbyings rnam dag logs na med// chos dbyings ye nas bsgom med pas// sems la dmigs pa'i skyon med pas// rang gsal snying po ye shes 'di// sangs rgyas kun gyi nges pa'i don// yang dag rang byung chos kyi sku// mi dmigs par yang bsgom du med// bya bral nam mkha' ji bzhin no// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ longs sku'i 'khor gyi rol pa'i che ba bstan pa'i le'u ste brgya dang gya gnyis pa'o// // de nas 'dus pa'i 'khor rnams la// kun rig ston pas bka' stsal pa// sbrul sku'i 'khor gyi che ba ni// rtog med dag pa ngas bshad kyis// legs par nyon la yid la zung // rang byung nges don thams cad 'di// lung ldan rtogs pa'i ye shes kyi// gal te mtshan ma 'gyu na yang // don dreg 'gal sgrub med pa'i phyir// rnal 'byor spyod lam thams cad du// ma dran gnyid dang dub la stsogs// gar dgar song tshe de nyid la// ngo bo nyid dran gnod mi nus// da yang rdo ste
- 143a
sems dpa' nyon// gdams ngag can dang 'phrad gyur na// tha mas mi rtog gdams ngag min// dbang po rab kyis btsal du med// sgyu ma'i yul la spyad par bya// dang po kun bzang thugs rjes kyang // de nyid tshig tu phyung ba'i phyir// tshig gis don ni mtshon par nus// tshig nyid don yin zer ba 'khrul// de yang 'dus pa'i snying po nyon// gang dag bkri don bden gnyis bral// yang dag snying po chos nyid la// bsgom du yod dang med pa yi// tshig tu 'dzin med ye gnas bden// snang ba'i yul la rtog med phyir// sems la gtad cing gzung du med// ji srid bar du gtad yod na// de srid bar du 'khrul pa yin// de phyir gtan nas gzung du med// de la skyon gyis gos pa med// de yang 'dus pa'i snying po nyon// rang rig chos sku'i dgongs pa 'di// sems las 'das pa'i sangs rgyas nyid// gang yang ma bsams rig pa gsal// de don sangs rgyas dgongs pa yin// sems min chos sku'i don rtogs phyir// yul nyid sems su mi bsgom phyir// sgom pa po yang med par 'gyur// gang gis gang la bsam zhing bsgom// de phyir rang sems rtogs pas chog/ da yang 'dus pa'i snying po nyon// rang gsal snying po zhen med pas// rgyun du yod pa'i chos nyid la// ma yengs don la gang gnas pa// de ni rnal 'byor nges pa'i mchog/
- 143b
rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sbrul sku'i 'khor gyi rol pa che bar bstan pa'i le'u ste brgya dang gya gsum pa'o// // de nas kun rig rgyal po yis// byang chub sems dpa' che ba'i mchog/ 'dus pa'i 'khor la bka' stsal pa// ma rtogs skyon rnams dag pa yi// snying po don gyi 'bras bu chos// gang zhig snod dang ldan pa yis// shes nas de la gang gnas pa// rang rig nyid la dbang thob phyir// skye ba gzhan du mi len par// sangs rgyas rin chen 'dzin pa thob// de yang rdo rje sems dpa' nyon// rang byung chos sku de nyid ni// ji bzhin ma bcos ma bslad par// de bzhin nyid du blo bzhag pas// ye shes de nyid ma yin pa// bsgrub dang sgrub pa ga la yod// de phyir ye shes mngon 'gyur na// med la mi zad rin chen gter// khams gsum rin chen rnyed pa'i mi// ji ltar 'dod pa nyid du 'byung // de bzhin ye shes chos sku ni// rtogs pas chog phyir rang byung sku// che ba'i yon tan rgyun mi 'chad// ci yang kun 'byung chos kyi rten// de bzhin nyid du kun rig na// 'khor ba dang ni mya ngan 'das// so sor yod pa ma yin te// ji bzhin chos de rtogs nges na// de la 'khor ba'i rang bzhin med// de yang rdo rje sems dpa' nyon// byang ni bag chags nyon mongs byang // chub ni chos sku thig
- 144a
le chub// sems dpa' skyon gsal 'gyur ba med// che ba rang byung ye shes che// de phyir byang sems che bar gsungs// de yang 'dus pa'i snying po nyon// ma bcos pa yis gdams ngag gis// blta/ ba yangs pa'i nam mkha' la// 'dzin pa med pa'i ye shes gad la// gang yang ma spangs lhun gyis grub// mi g.yo mi rtog de nyid ltar// de mthong mun pa rnam par sangs// sangs rgyas kun gyi mchog tu bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ byang chub sems kyi che ba bstan pa'i le'u ste brgya dang gya bzhi pa'o// sdom du bsdus te bstan pa so bdun pa'o// / de nas rdo rje sems dpa' yis// 'dus pa'i 'khor la bka' stsal pa// kun rig chos kyi rgyal po la// nges pa'i dgos don 'di skad gsol// rnal 'byor don la tshogs sogs phyir// ye shes rang gnas che ba dang // bdag don ye shes rang gnas dang // ye shes klong gi tshogs 'khor dang // de don 'dzin spyod phrin las dang // chos sku'i gzugs brnyan gdab pa dang // phyi yi mchod gtor gtong ba rnams// kun rig ston pas gsung du gsol// de skad zhus pa'i don gsan nas// 'dus pa'i 'khor la bka' stsal pa// rnal 'byor rang gnas che ba'i don// ngo bo dbye ba nges tshig dang // ting 'dzin lam dang 'bras bu
- 144b
dang // skyon dang yon tan brgyad du gsungs// de yang rdo rje sems dpa' nyon// ngo bo 'khor 'das rnam gnyis la// byang chub snying pos khyab pa'i phyir// ye shes rang byung gnas yin te/ lung ldan ye shes nges pa'i gnas// rang gnas dbye ba bdag gzhan gnyis// bar do rnam gnyis gang rung du// lung ldan nges pa'i gdams ngag gis// thun mong ma yin gnas mchog bya// nges tshig sangs rgyas bden ldan gnas// skye shi med pa rang byung sku// 'pho 'gyur med phyir ye shes gnas// de ldan 'du 'bral med pa'i chos// ting 'dzin rim gyis ma bskyed pa// rang byung chos sku dran tsam na// de yi ngang la gnas pa yin// dgongs pa de dag rgyal bas gsungs// ngang ngam rang rig rgyun du ni// ched du byar med lam gyi mchog/ de yang 'bral med bgrod mi dgos// de yi 'bras bu sangs rgyas te// de la yid ches gdeng zin pas// sgrib sbyong mi dgos rang byung sku// phyi ma ma yin da lta yin// yon tan thun mong mchog gi ni// ma btsal dngos grub chen por thob// de phyir phyogs 'dir yon tan 'byung // dus gcig rtag pas re dogs bral// skyon ni gnas ma 'byongs pa yis// ci spyod gol bas gdeng dang bral// de phyir skyon ni dug lnga rgyas// rnam smin bdag gzhan gnyis ka brlag/ de yang 'dus pa'i snying po nyon// de dag gnas kyang dbye ba ni// chos sku
- 145a
rtogs pa'i gnas kyi mchog/ de phyir sangs rgyas dgongs pa'i don// 'bras bu dus de nyid du 'grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes rang gnas kyi che ba bstan pa'i le'u ste brgya dang gya lnga pa'o// // de nas 'dus pa'i 'khor rnams la// kun rig ston pa chos rje yis// bdag don rang gnas mchog tu gsungs// bdag nyid 'chi ba'i dus byung nas// 'chi ltas tshang nas nyam zag tshe// mi dga' mi bsam mnyen mi chags// dgra la mi bsam don mi bsam// kha chems mi phor don la bzhag/ gal te bor na chos dang bstun// snga phyi mi bsam chos don dran// bdag don rang gnas mchog tu gsungs// da yang 'dus pa'i snying po nyon// 'di nub phyi ma ya nga'i tshe// lus mnyen rtsa drod med pa la// bkrag mdangs gsal la dri ma med// ya yo med par zung thub 'byung // de'i tshe 'chi ltas bzang po ni// smad nas drod yal snying khar 'dus// spyi bor bun gyis mthongs su yal// bar do chos sku dran pa'i rtags// de yang 'dus pa'i snying po nyon// 'chi khar bla ma'i don gsal na// rtog pa rang gi dus der ni// skad cig don dran 'khrul min gsal// de dran mi 'gyur lhag med bstan// de tshe yid ches yang med// nges don bstan pa de ma thag/ ye
- 145b
shes zang thal chos sku nyid// skad cig gcig la mngon 'gyur te// rjes dran drug gi nges rnyed nas// sangs rgyas dgongs par nges par grol// de phyir rang gnas bdag don grub// de yang 'dus pa'i snying po nyon// mdor na 'chi khar dngos med pa'i// nges don ma rnyed gzungs ldan na// rang gnas chen po rang la gnas// ye shes rang gnas chos skur dran// shi ma thag tu mngon sangs rgya// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bdag gi ye shes man ngag rang gnas bstan pa'i le'u ste brgya dang gya drug pa'o// // de nas kun rig ston pa yis// dad ldan 'dus pa'i 'khor rnams la// gzhan don rang gnas bka' stsal pa// slob ma dad ldan gang yang rung // ye shes rang gnas bya ba'i phyir// ting 'dzin dkyil 'khor dngos kyang rung // lung ldan rnal 'byor dam pa yis// gzhung du bskyed cing bris nas kyang // gzhan don tshe 'das par do la// lung ldan byin rlabs phan don du// gos lham gdugs dang smyug ldem la// tshe 'das sems kyis rten du bya// de yang rdo rje sems dpa' nyon// lung ldan nges pa'i rnal 'byor pas// shes pa gzugs kyis rten la bstims// dbang bskur gdams ngag nges don bstan// chos sku yod phyir rtogs nges pas// yang dang yang du btud kyin bstan//
- 146a
de ltas gzugs ni ldeg pa dang // spyan gyi yid kyis mthong ba dang // bden par chos nyid nyan bsams pas// de lung bstan pas byin gyis brlabs// de nas 'di skad brjod bya ste// tshe 'das rigs kyi bu khyod nyon// sngon tshe thog ma med pa nas// da lta lus rjes phan chad du// ma rig dbang gis las ngan byas// 'khor ba'i sdug bsngal nyam zag pa// de bzlog don du rgyal ba'i bka'// dus 'di yid kyi tshur nyon cig/ ci la ci bstan sems dpa' nyon// bag chags yid kyi rten byed par// gos lham me chu zas kyi rten// khyod kyi yid ni gnas par gyis// khyed kyi sems kyi mun gseb du// rang rig sgrol ma ngas 'degs kyis// snga phyir ma btang yid kyis zung // yod med mtha' bral chos kyi sku// zhen 'dzin bying rgod rkyen dang bral// rgyun du mi gtang ting 'dzin gsal// de la rtag tu gnas par gyis// de skad ces ni lan gsum brjod// de yang rdo rje sems dpa' nyon// de tshe lung ldan thugs dang ni// tshe 'das sems ni gcig tu 'gyur// de nas rang byung ngo bo la// lung ldan lhag mthong don gsal bas// rjes dran drug dang yon tan lnga// dus gcig dran pa'i ye shes te// tshe 'das sems ldan lhag mthong bshad// yon tan rdzogs pa'i chos sku la// dus gsum mi 'gyur chos sku la// gang byams pha ma la sogs dang // slob
- 146b
dpon mched dang gang gsungs pa// tshe 'das shi ba mi bzod tshe// mya ngan smre sngags ma 'don par// snying rje zung la dgongs pa yis// kha dog dbyibs la rten bcas par// nges don snying po chos sku bstan/ ye shes chos sku rtse gcig pa'i// yid gnyis gcig tu gyur bsam la// de lta'i gdung gi ngang bzhag na// tshe 'das lus kyi don rtogs nas// chos sku'i ngang la gnas par nges// de tshe rig pa chos skur 'gyur// denges don gcig shes gnas kyi mchog/ de yang 'dus pa'i snying po nyon// thos bsam ma byas skye bo yang // rnal 'byor pa yi byin rlabs kyis// sangs rgyas sa la nges 'gro na// sngon sbyangs 'phro can smos ci dgos// de bzhin rnal 'byor nges lung gis// nges par thugs rjes bzung gyur na// lta ba'i ngang du tshogs mchod nas// tshe 'das 'bras bu mngon sangs rgyas// de phyir tshegs med don po che// rgyal ba'i bka' las de skad gsungs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gzhan gyi don byed ye shes rang gnas bstan pa'i le'u ste brgya dang gya bdun pa'o// / de nas 'dus pa'i 'khor rnams la// kun rig sems kyi rgyal po yis// ye shes klong tshogs bka' stsal pa// gzhung dang mthun pa'i gnas mchog tu// dam tshig sel med 'khor tshogs la// dbang dang
- 147a
gdams ngag rdzogs pa la// ye shes tshogs kyi 'khor lo bskor// da yang 'dus pa'i snying po nyon// rnal 'byor yo byad tshogs pa yi// lo dang zla ba zhag grangs la// ye shes 'khor lo bskor ba'i phyir// nang nub gung gnyis tshogs kyis mchod// de rjes mi tshig ma chod par// chos sku dran pa ma yengs par// nyams dang rtags ni 'byung ba'i phyir// rgyun du 'bral ba med par bsgom// lung ldan nges pa'i bla mas kyang // mi tshig bla 'os ma bslad par// bar bar dang ni skabs skabs su// nges don rgyud dang gdams ngag bstan// de rjes dad ldan 'khor gyis kyang // gzhan du ma yengs yang yang bsgoms// nyams dang tshad du ma gyur par// rkyen dbang mi btang tshad du bya// de yang rdo rje sems dpa' nyon// phyi nang gsang ba rnam gsum gyi// nyams dang rtags ni rdzogs ldan na// sangs rgyas nges par 'byung ba'i phyir// rnal 'byor tshad dang ldan pa yin// de ma byung gi bar du ni// gdams ngag can gyi nan tan bya// ma byung ma bsgoms gdeng dang ldan// mi yi lus la sangs rgyas thugs// 'bras bu thams cad dus 'dir smin// da yang 'dus pa'i snying po nyon// de tshe dang ldan 'khor gyis kyang // dpyad bzo rig pa ma yin pa'i// nyams myong rtogs pa'i gdeng yang dbul// don dang mthun pa'i gdeng byung na// bkra shis tshogs ni bskor
- 147b
bar bya// rkyen dbang ma btang ting 'dzin ni// lo lnga bar ni ma chad na// tshe la dbang thob rig 'dzin thob// phyi ma sangs rgyas smos ci dgos// lung ldan nges pa'i rnal 'byor pas/ lo gsum par ni mchod par// snga phyi ma btang don gsal na// mngon shes drug 'byung bden pa mthong // chos sku dran pas nges pa'i don// zla gsum par ni ma chad na// chos 'phrul bco brgyad zil gnon pas// dngos grub thob nas gegs mi tshugs// chos sku dran pa'i lhag mthong ni// zla gcig par ni ma chad du// goms pa klong du 'gyur bar nges// de phyir lha yi rig 'dzin thob// gdams ngag yod pa'i rnal 'byor pas// zhag bdun par ni mchod par// tshig tsam ma yin nyams su myong // 'khor bar mi ltung dngos grub thob// de yang rdo rje sems dpa' nyon// ye shes mkha' dang mnyam pa las// sgrib pa ma lus cig char byung // tshogs gnyis kun rdzogs rdzogs sangs rgyas// gnod byed mu stegs byad rnams bzlog/ nyams chags thams cad 'di yis skong // zas nor dngos grub 'di yis thob// bsam pa thams cad 'di yis 'grub// 'di yis bsod nams brjod mi nus// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ye shes kyi tshogs kyi 'khor lo bstan pa'i le'u ste brgya dang gya brgyad pa'o//
- 148a
nas 'dus pa'i tshogs rnams la// kun rig rgyal pos bka' stsal pa// gang gi mdzad spyod rdzogs chen yang // phrin las rnam pa bzhi yi ni// don ldan dbang bskur dbye la sogs// tshogs mchod rim pa gang byed kyang // yid dang mthun pa'i gnas dag tu// dam tshig sel med 'khor sogs te// dkyil 'khor maN+Dal gzhung bzhin bya// ye shes tshogs chen bsags pa'i phyir// dga' ldan lha yis longs spyod dang // 'byor ldan mi yi longs spyod dang // dgos ldan 'phrul gyi longs spyod rnams// yid dang dngos grub bsags byas la// sngon du 'gro ba'i las byas te// gnas khang byin gyis brlabs pa dang // ting 'dzin zhal zas spros bskyed nas// dam can 'du bar bsgo ba dang // thugs dam bskul dang tshar bcad nas// gsang pa'i lha mos mtshams bcad de// rnal 'byor gnong bshags byas nas ni// dkyil 'khor bskyed dang dbang bskur te// don rtogs byin gyis brlabs mi dgos// ma rtogs sngags dang yig 'brus brlab// de yang 'dus pa'i snying po nyon// yid kyis mdun gyi nam mkha' la// dus gsum bzhugs pa'i sangs rgyas dang // bla med khrag 'thung rig lnga'i tshogs// rig 'dzin rje btsun bla ma rnams// mkha' 'gro 'khor bcas spyan drangs nas// ci 'byor pa yis tshogs drang ste// de nas rnal 'byor dad ldan gyis//
- 148b
snang ba gzugs kyi mchod pa dang // bsgral ba srog gi mchod pa dang // thabs dang shes rab bde ba yis// ye shes lha la rdzogs par mchod// lhag ma rol dang lha gshegs nas// skye shi dus kyi smon lam btab// de yang rdo rje sems dpa' nyon// de ltar tshogs chen gnyis rdzogs kyis// stong gsum sangs rgyas sar shes kyang // grong yul gnas la phyag mi byed// ci spyod rgyal ba'i mdzad spyod kyang // 'du 'dzi g.yeng ba'i dbang mi btang // rnam smin lus dang ma bral kyang // sems la chos sku shin tu gsal// nyin dang mtshan mo dbye ru med// ci spyod rang byung ye shes la// ma chags dang du blang ba med// rtog pa skyon du dor ba med// dka' thub tshul gyis bsdam pa med// gang yang blo yi rten med kyang // 'on kyang ma dad drang ba'i phyir// re zhig tsam du dka' chos spyad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gsang sngags tshogs dbul ba'i le'u ste brgya dang gya dgu pa'o// // de nas 'dus pa'i tshogs rnams la// kun rig chos kyi rgyal po yis// rnal 'byor rig 'dzin bsgrub bya'i phyir// chos sku'i gzugs brnyan bka' stsal pa// rten med dam ni rten can la// sku gdung ring srel gdab pa'i phyir// lta ba'i ngang du rdzogs par ni// rnal 'byor pa yis ting 'dzin gyis//
- 149a
lung ldan bka' dang mthun par gdab// de yang rdo rje sems dpa' nyon// ye shes stong nyid blo ldan pas// snang zhing srid pa'i chos rnams ni// gzugs sku yin sems khengs par gdab// spros bral mi dmigs lta ba'i ngang // chos sku thag chod rig pa yis// cir yang snang ba longs spyod sku// 'gro don mdzad pa sprul pa'i sku// skad cig gcig la rdzogs par gdab// de yang 'dus pa'i snying po nyon// nyi ma dang ni zer bzhin du// rang gi chos sku lhag mthong las// sangs rgyas nges par 'byung ba ni// brkos phor dang ni rgya bzhin du// ci btab sbrul sku bsam mi khyab// phyi nang snod bcud ma lus pa// sbrul sku thub pa drug tu gdab// de yis sprul pa sna tshogs 'gyed// 'gro don mdzad pas 'khor ba stongs// ma lus sangs rgyas nyid du 'gyur// de yang mi dmigs chos sku nyid// de yang 'dus pa'i snying po nyon// rten can 'byung lnga'i rten de yang // snang srid rdul phran grangs bzhin du// gzugs sku ring srel bsam mi khyab// de snyed sems can ma lus kun// longs sku grangs med brjod mi langs// sa bcu'i sems dpa' nyid du 'gyur// sems can ming med gzugs kyi sku// thams cad sangs rgyas nyid du brdal// ci btab bye ba stong dang 'dra// nam mkha' khengs par rang byung sku// mtshan nyid dpe byad la sogs pa// ma btsal rang
- 149b
bzhin lhun grub tshang // gzugs snang sku la grag pa gsung // dran rtogs thugs la ye shes klong // de yang 'dus pa'i snying po nyon// de ldan rnal 'byor dam pa ni// chos sku'i ngang la gdung rnams 'byung // gzugs sku bsgom pas ring srel 'byung // snying rje ldan pas mchod rten 'byung // bla ma mnyes na 'od sgra 'byung // snang srid ma lus sangs rgyas sku// de yi yon tan brjod mi lang // rdzogs pa chen po nges don thams cad 'dus pa/ ye shes nam mkha' dang mnyam rang rgyud las/ chos sku'i ngang la tsha tsha gdab par bstan pa'i le'u ste brgya dang dgu bcu pa'o// / de nas kun rig ston pa yis// rnal 'byor tshogs ni bsags pa'i phyir// phyi yi mchod gtor bka' stsal pa// rnal 'byor lta ba rtogs pa yis// rten can dang ni rten med pa'i// bla med mchod gtor gtong ba'i tshe// dang po rten can rim pa ni// phyi yi 'jig rten snod nang du// bdud rtsi'i rgya mtsho gting zab gyur// de steng 'bru yis phye btab pas// gser gyis sa gzhi chen por gyur// me tog sna tshogs gtor ba yis// 'dzam gling bye ba phrag brgyar bsam// rin chen sna lnga brdar ba yis// rin chen ri bdun ma bskyed rdzogs// sa dang 'dra ba'i snying po lnga// 'bras bu yon tan bgrod med pa// mi brjed dran pa'i gzungs thob 'gyur// sman lnga 'bru lnga blugs pa yis// nad dang mu
- 150a
ge'i bskal par thar// lta ba'i ngang du byin brlabs phyir// mgron bzhir rim gyis bsngo mi dgos// bsngo ba med pa'i bsngo ba ni// bla ma mya ngan 'das pa nas// 'jig tshogs dmyal ba yan chad du// bla med mchod sbyin 'di bsngos pas// sems can bsam pa 'grub gyur nas// lhan grub sa la gnas par shog/ de yang 'dus pa'i snying po can// rten med mchod gtor btang ba ni// sems nyid rnam mkha'i klong yangs su// bdud rtsi chur bskyil rig pa yis// sangs rgyas sems can kun mchod nas// dmigs med ye shes tshogs su bsngo// de phyir dmigs med ye shes kyis// rten med mchod gtor 'di btang bas// kun kyang rang byung ye shes su// ye nas don ni rtogs 'gyur nas// skyed med mi 'gyur thob par nges// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ bri'i mchod gtor gtang ba'i le'u ste brgya dang go gcig pa'o// sdom du bsdus te bstan pa so brgyad pa'o// // de nas rdo rje sems dpa' yis// 'dus pa'i 'khor la phan don du// kun rig ston pa chos rje la// bden pa'i yid kyis 'di skad gsol// gnyis med gsum gyi la bzla yi// sangs rgyas sems can ji ltar gcig/ skyon yon gzhi la ji ltar med// 'khrul pa ma rig gang ltar lags// kun rig
- 150b
rgyal pos bshad du gsol// de skad zhus pa'i don gsan nas// 'dus pa'i 'khor la bka' stsal pa// la bzla ba yi nges tshig ni// dus gsum sangs rgyas thams cad la// yang pa'i ye shes ni// sems can kun la gnas pa yi// bde gshegs snying po chos skur bde// kun khyab rang byung ngo bor mthun// de phyir sems can sangs rgyas gcig/ rig dang ma rig gnyis ka ni// rang byung ngo bo nyid kyi sku// de phyir gnyis su med par ni// nges pa'i don du la bzla'o// de yang rdo rje sems dpa' nyon// rang rig ngo bo nyid kyi gzhi// sangs rgyas sems can gnyis la gnas// de phyir ngo bo gcig par ni// rgyal ba kun gyi rab tu bsngags// chos kyi snying po rang byung sku// 'khor 'das rtsa ba de yin phyir// de las sangs rgyas sems can byung // de phyir rang byung kun gyi gzhi// dper na mar me stong btang yang // 'od kyi ngo bo gcig las med// de bzhin sangs rgyas rnams mang yang // thugs ni thig le gcig tu gcig/ sems can las kyi rnam smin gyi// ma rig rkyen gyis bskyed pa'i phyir// skye 'gro gzugs stsogs mang gyur kyang // don ma shes pas sems can te// bskal par 'khyams kyang stong bral med// de phyir sangs rgyas sems can gcig/ gcig las 'khor 'das sna tshogs bskyed// de phyir rang byung ngo bo ste// rtogs par bya ba shin tu gces//
- 151a
da yang 'dus pa'i snying po nyon// sangs rgyas thugs dang sems can sems// so sor snang ba ma yin te// rtsa ba chos sku ro gcig pa// gnyis su med par la bzla'o// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sangs rgyas thams cad gzhi la gcig par bstan pa'i le'u ste brgya dang go gnyis pa'o// // de nas 'dus pa'i tshogs rnams la// skyon yon gzhi la med pa'i phyir// 'khor ba dag gi sdug bsngal ni// nyon mongs brgyad khri bzhi stong dang // nad ni bzhi brgya rtsa gcig dang // ye 'drogs sum brgya drug cu yang // rkye rga na 'chi bzhi ru 'dus// sangs rgyas rnams kyi che ba yang // dpe byad bzang po brgyad cu dang // mtshan ni sum cu rtsa gnyis dang // stobs dang mi 'jigs la sogs pa// thig le chos sku rtogs par 'dus// de yang rdo rje sems dpa' nyon// bsod nams tshogs bskyed 'bras bu ni// sangs rgyas che ba'i yon tan yin// ma rig nyon mongs la sogs pa// sems can lus dang bag chags yin// dge sdig gnyis kyi 'bras bu ni// drang don chos la bden 'dzin kyang // gzhi la skyon yon gnyis med phyir// blang dor med par la bzla'o// da yang 'dus pa'i snying po nyon// dper na 'khrul pa'i snang ba ni// gtsang dang mi gtsang gnyis ka'i gzhi// lud pa la
- 151b
sogs gang rung la// bya khyi rnams kyi zas su mthong // mi rnams kyis ni mi gtsang mthong // de bas snang ba ma nges phyir// don la blang dor med pa yin// de yang 'dus pa'i snying po nyon// gzhi la snang ba med pa yang // rang gi rang sems 'khrul ba'i phyir// 'jig rten chos la blang dor byas// de phyir ma rig rmongs pas nor// de bas snang zhing srid pa'i chos// med la yod 'dzin bag chags blo// chos brgyad bzang ngan gtsang sme rnams// spang sdud blang dor med par ni// ma zhen dam par ltar med na// snang ba rang sar grol ba'i phyir// blang dor med par la bzla'o// da yang 'dus pa'i snying po nyon// yang dag chos sku gcig gcig la// gang yang med phyir spang blang med// de phyir nges don snying po la// bsgom du med phyir 'bral ba med// nges don sangs rgyas dgongs pa la// nyi shar mun grib med pa ltar// nges don rtogs pas skyon yon med// de phyir blang dor med pa yin// de yang rdo rje sems dpa' nyon// chos skur ye shes ngos zin na// gang yang rang byung lhun grub chos// de las gzhan pa'i chos med phyir// blang dor med par la zla'o// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ skyon yon gzhi la med par bstan pa'i le'u ste brgya dang go gsum pa'o// // de nas 'dus pa'i tshogs
- 152a
rnams la// kun rig rgyal pos bka' stsal pa// chos sku gzhi nges rtog pa la// ma rig med pas dug lnga grol// thams cad rang byung chos skur gsal// lung ldan rkyen gyis ma rig dag/ dug lnga byang chub lam yin phyir// sku lnga lhun grub ye nas rdzogs// 'dod chags longs spyod rdzogs pa'i sku// zhe sdang sbrul sku ye sangs rgyas// gti mug chos sku ma rig sangs// nga rgyal ngo bo nyid sku dag/ phrag dog gsang ba'i sku ru rdzogs// dug lnga gcig shes byang chub sku// de yang 'dus pa'i snying po nyon// ye shes yod na ma rig sel// de phyir lung ldan nges pa'i don// bka' rgyud chos 'di sangs rgyas gsungs// ma rig sel ba'i sgron me yin// nyi zlas de la 'gran mi tshugs// ma rig med phyir sangs rgyas 'grub// ye shes shar bas thams cad mkhyen// da yang rdo rje sems dpa' nyon// thig le rtogs pas gang yang 'grub// kun gzhi brlags pas yon tan rdzogs// snang ba med pas zhing khams dag/ sems dang bral bas chos sku gsal// ma rig med pas gzhi dang phrad// rten pa med pas re ba med// gol sa med pas ltung ba med// 'khor ba med pas dogs pa bral// de yang 'khor gyi snying po nyon// bsgom du med pas yengs mi srid// skye 'gags med phyir bying rgod sangs// rang byung rig pa'i ye shes 'di// sus kyang ma byas
- 152b
byed pa med// de phyir chos kyi snying po yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ ma rig pa gzhi la med cing dag par bstan pa'i le'u ste brgya dang go bzhi pa'o// sdom du bsdus te bstan pa so brgyad pa'o// // de nas rdo rje sems dpa' yis// 'dus pa'i 'khor la phan don du// kun rig sems kyi rgyal po la// bden pa'i yid kyis 'di skad gsol// rnams skye ba ji ltar med// rol pa 'gag med ji ltar 'char// mtshan nyid gnyis med gtan tshigs gang // rang blo ngo bo ji ltar grol// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rang bzhin skye med gtan tshigs ni// gzhi la snang ba med pa'i phyir// chos rnams thams cad spros dang bral// de phyir rang bzhin skye ba med// tshig tu smra brjod yul las 'das// brjod med don la yid ches phyir// rang gsal skye med chos kyi sku// de don nges par rtogs pas chog/ de yang 'dus pa'i snying po nyon// chos sku stong pa'i rang bzhin la// ngo bo nyid kyis dmigs su med// de phyir ye shes klong gi lam// rtogs pa'i sgra bsam yul las 'das// dngos gzhi med phyir skye ba med// skye med don 'di sus rtogs pa// de ni rnal 'byor dam pa'i thugs// skye med don la yid ches
- 153a
pas// rang byung thugs la ye shes lus// kha dog dbyibs su med pa'i phyir// dngos po yul gyi mtha' las 'das// skye med chos ni de bzhin gshegs// rang gi ngo bo brjod du med// rgyu med phyir na skye ba med// rkyen med phyir na 'jig pa med// de phyir sems dang bral ba'i thugs// de yang 'dus pa'i snying po nyon// rang bzhin skye med spros dang bral// brjod du med pas rang yid ches// rgyu rkyen ma bskyed don gyi phyir// lhun gyis grub pas thag bcad do// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rang bzhin skye ba med pa'i gtan tshigs bstan pa'i le'u ste brgya dang go lnga pa'o// // de nas 'dus pa'i 'khor rnams la// kun rig ston pas bka' stsal pa// rol pa gang yang mi 'gag pas// skye med skye ba'i cho 'phrul 'byung // de phyir rol pa 'gag med pa// sangs rgyas kun gyi che bar bshad// da yang 'dus pa'i snying po nyon// phyi nang 'byung ba sna tshogs pa// snang stong dbyer med kun khyab mkha'// mtha' dbus med las thams cad 'byung // de phyir nam mkha' kun gyi gzhi// rtsi shing nags tshal thams cad bskyed// theg chen spo la kun gnas nas// byang chub dper ni bstan pa'i phyir// des na rol pa 'gag pa med// thams cad sdud par byed pa'i phyir// gzhi gnas rnam
- 153b
dag chu chen po// mi gtsang gol sgrib 'khrud pa'i dpe// de phyir rol pa 'gag pa med// gang yang chags pa'i rten byed phyir// shes bya thogs med ye shes rlung // ma rig rnam rtog 'thor ba'i dpe// de phyir kun bzang rol par bstan// thams cad ma lus kun bsregs phyir// lhag mthong ye shes 'od 'bar me// bying rgod mthar 'dzin 'joms pa'i dpe// de phyir rol pa 'gag pa med// de yang 'dus pa'i snying po nyon// chos sku ngo bo nyid kyi glal// snang ba 'di ni chos kyi dbyings// de yang rang gsal chos nyid rtsal// 'byung ba ye shes lnga ru dag/ de phyir 'gag med rol pa yin// de yang rdo rje sems dpa' nyon// theg pa'i chos rnams thams cad ni// ma 'dres yongs rdzogs gsal stong gzugs// cir yang snang ba sprul pa'i sku// de phyir rol pa dgag med shar// snang srid 'byung ba'i sgra skad kun// khyab gsal rang bzhin go ba'i sgra// gsang sngags gsung gi 'khor lor shar// de phyir 'gag med rol pa yin// de yang 'dus pa'i snying po nyon// rang rig nges pa'i ye shes kyi// ngang pas tshim byed chos kyi dri// lhag mthong tshor ba rang byung sku// de yang chos nyid rol pa yin// chos sku thig le nyag gcig la// rtsal ni chos dbyings nyams su myong // myong yang don du 'dzin pa med// de yang 'gag med rol pa yin// rang byung sangs rgyas ye shes
- 154a
te// bde mchog don la reg pa'i chos// de rtsal don la reg pa med// de yang 'gag med rol pa yin// de yang 'dus pa'i snying po nyon// cing yang mi sems gti mug la// lhag mthong rang rig ye shes shar// de tsam nyid na bsgom mi dgos// de yang rol pa 'gag med yin// snga phyi rtog pa dngos 'dzin bral// dngos po kun bcom zhe sdang nyid// de yis don la 'gyur med phyir// 'gag med nga yi rol pa yin// nges pa'i lung ldan gdams ngag gis// gdeng nyams che ba'i don nyid la// ye shes nga rgyal don nyid che// nges pa'i don dang 'bral mi phod// sdug bsngal gang yang med pa'i phyir// bde chen rang bzhin snying rje chags// zhen pa gang yang med pa'i phyir// de yang rol pa 'gag med yin// gol dang ltung ba med pa'i phyir// chos nyid gzhan la phrag dog med// de phyir rang byung ye shes shar// de yang 'gag med rol pa yin// de yang 'dus pa'i snying po nyon// 'byung ba 'dod yon dug lnga kun// thams cad ye shes chos skur shar// kun gyi rang bzhin de shes pas// kun la dbang bskur thob pa yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rol pa 'gag med kyi bstan tshigs gtan pa'i le'u ste brgya dang go drug pa'o// // de nas kun rig ston pa yis// 'dus pa'i
- 154b
'khor la bka' stsal pa// mtshan nyid gnyis med gtan tshigs kyis// nges don rtsa ba chos sku la// lung ldan rkyen gyis yid ches bya// sangs rgyas sems can ngo bo la// rang byung yin phyir gnyis su med// de yang rdo rje sems dpa' nyon// de nyid rtogs pas 'khor 'das dag/ med phyir mtshan nyid gnyis su med// phyi dang nang dang snod dang bcud// mtho ris ngan song dge dang sdig/ dag dang ma dag gtsang sme dang // yin dang min dang blang dor dang // bya dang mi bya skyon yon sogs// tha snyad gnyis su 'dus pa kun// dper na ri bong rwa bzhin du// tshig tu yod kyang don la med// de phyir mtshan nyid gnyis med pa'i// gtan tshigs chen por bzhag pa yin// de yang 'dus pa'i snying po nyon// mtha' dang bral ba'i chos sku ni// med pa ma yin dran zhing tshor// chad pa ma yin rig cing gsal// rtag pa ma yin dngos po med// gnyis su ma song zla bo med// gcig tu ma nges kun la khyab// de yang rdo rje sems dpa' nyon// chos can rang gi mtshan nyid ni// gdod nas gnyis su med pa yi// chos rnams rtsa ba gcig pa'i don// gtan tshigs dag gis yid ches bya// gnyis med zhen pa'i rtag pa ni// 'dres pa'i gnyis med ma yin te// gang yang ma 'dres rang byung sku// chad nas gnyis med ma yin te// sangs rgyas snying po chos skur yod// de phyir gzhi la
- 155a
'khor 'das ni// gnyis ka med phyir mthar ma reg/ rang byung chos sku nam mkha' 'dra// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mtshan nyid gnyis su med pa'i gtan tshigs bstan pa'i le'u ste brgya dang go bdun pa'o// // de nas 'dus pa'i tshogs rnams la// kun rig rgyal pos yang gsungs pa// ngo bo nyid du blo grol ba'i// gtan tshigs nges par yid ches don// lus ngag rtsol ba med pa'i phyir// rang byung blo la 'ching grol med// de phyir ngo bo nyid du gnas// da yang rdo rje sems dpa' nyon// gzung 'dzin skyon gyis ma gos pas// rnam rtog blo ni rang sar grol// de phyir nges don ye shes klong // rgyu dang rkyen las ma byung ba'i// rang byung ngo bo nyid kyi sku// de nyid rtogs pas chos skur grol// yang dag sangs rgyas 'di las med// de yang rdo rje sems dpa' nyon// chos nyid dus gsum mi 'gyur phyir// las kyi dbang du gzhi mi 'gyur// de phyir chos nyid rtogs pas grol// de la sogs pa gang yang med// nges pa'i lung ldan yid ches pas// nges pa'i gdeng rnyed rnal 'byor de// mi yi lus ni 'di nyid las// sangs rgyas 'bras bu da lta thob// de phyir rang blo ngo bo nyid// dus 'dir grol bas btsal du med// 'dzin med gsal bas bsgom mi dgos// de phyir
- 155b
yang dag dgongs pa'i gdeng // de dang su ldan bsgom pa'i mchog/ de yang 'dus pa'i snying po nyon// byang chub sems ni rnam par dag/ de don rang byung don rtogs pas// sangs rgyas gzhan du bsgrub mi dgos// de phyir lung ldan gdams ngag gces// chos nyid dag tu blo grol phyir// nyon mongs sdug bsngal rang sar grol// de la skyon gyis mi gos te// rang byung lus la ye shes thugs// sems can rang blor 'dzin pa med// de phyir nyams pa rdul tsam med// de yang 'dus pa'i snying po nyon// 'jig rten khams kun ma lus pa// bsam gyis mi khyab tshig gyur kyang // nam mkha' tshig par mi 'gyur bzhin// nges don rtogs pa'i rnal 'byor la// lha srin mkha' 'gro dgrar langs kyang // gnod pas mi tshugs bka' bzhin byed// de phyir lung ldan shin tu gnyen// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ blo ngo bo nyid du grol ba'i gtan tshigs bstan pa'i le'u ste brgya dang go brgyad pa'o// sdom du bsdus te bstan pa so dgu pa'o// // de nas kun rig ston pa la// 'dus pa'i 'khor gyi don ched du// rdo rje sems dpas 'di skad gsol// nges don gdul bya'i 'bras bu ni// sku gsum ston pa ji ltar 'byung // de 'khor las can gang la gsungs// 'gyur med rgyun gyi dpe don gang /
- 156a
mnyam pa'i rgyal pos bshad du gsol// de skad zhus pas don gsan nas// kun rig ston pas bka' stsal pa// sangs rgyas ngo bo sku gsum las// chos sku rang byung rig pa de// dus gsum dag tu skye 'gag med// 'gro 'ong med phyir ye nas gnas// de yang 'dus pa'i snying po nyon// nges don chos sku'i mthun dpe ni// 'dus ma byas kyi nam mkha' che// dngos med kun khyab dus gsum gcig/ mtha' dbus ris su dbye ru med// de don rang byung ngo bo de/ tshig tu brjod med rang rig sku// thugs la gsal phyir nges shes pas// de phyir kun bzang chos kyi sku// zhing khams chos nyid bde ba'i klong // rang bzhin 'og min byang chub thugs// de la 'gyur ba rdul tsam med// rang byung rig pa rnam par dag/ snying po chos sku'i thugs ka ni// rgyu 'bras gzhi la med pa'i don// chos nyid spros bral snying po yi// 'khor 'das ma lus lhun gyis rdzogs// chos sku ston pa kun bzang gi// dgongs pa'i nges don byin rlabs kyis// phyogs bcur nyid las mi gzhan 'khor// dus gsum sangs rgyas rnams la bshad// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ chos kyi sku'i gdul bya bstan pa'i le'u ste brgya dang go dgu pa'o// // de nas 'dus pa'i 'khor rnams la// kun rig ston pas
- 156b
bka' stsal pa// sangs rgyas longs spyod rdzogs pa'i sku// de yis gdul bya nges par 'byung // de don legs par bshad kyis nyon// longs sku 'byung ba'i mthun dpe ni// nam mkha' dngos med stong pa la// gzha' tshon sna lnga ma 'dres gsal// de tsam nyid na dngos med yin// de bzhin rang gi ngo bo la// skye med chos sku nyid kyi rtsal// rig lnga sku mdog brgyan pa byung // de phyir longs sku sangs rgyas yin// kun gzhi chos sku gzhi cha la// snga phyi bag chags med par gsal// 'byung lnga rol pa sna tshogs kyang // zhen pa med pa chos kyi dbyings// yang dag nges pa'i 'bras bu rnyed// longs spyod rdzogs pa'i sku'i sgo nas// ldem dgongs phyi nang gsang ba'i don// sa bcu'i rig 'dzin sems dpa' la// gsang sngags rang gi ngo bos bstan// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// longs sku'i 'khor gyi gdul bya bstan pa'i le'u ste nyis brgya tham pa'o// // de nas 'dus pa'i 'khor rnams la// kun rig ston pas bka' stsal pa// sprul pa'i sku yi sangs rgyas ni// cir yang ston phyir sprul pa'i sku// 'gro ba'i don phyir gdul bya la// ci rigs par ni don mdzad de// da yang 'dus pa'i snying po nyon// gzhan don sbrul sku'i mthun dpe ni// nges med brag cha khyung dang ni// seng ge chu zla gzugs
- 157a
brnyan dang // mu dum wa ra'i me tog 'dra// sbrul sku rang gi ngo bo ni// thub pa drug tu sgra sbrul te// mi yi shAkya thub par sprul// lha mi rnams kyis ston pa yin// da yang rdo rje sems dpa' nyon// zhing khams srid gsum gnas ris 'dir// 'gro drug sems can las dag la// tshogs gnyis bsags pa'i thabs bstan nas// sgrib sbyang 'bras bu rim gyis 'byung // sbrul sku'i gsung gi sgo nas ni// gang la gang 'os drang don du// dge sdig rgyu 'bras gnyis kyi chos// sdeb sbyor legs pa'i tshig tu ston// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ sprul pa'i sku'i gdul bya bstan pa'i le'u ste nyis brgya dang gcig pa'o// // de nas 'dus pa'i 'khor rnams la// kun rig ston pas bka' stsal pa// 'bras bu nges par mthar zug phyir// che ba'i yon tan gtan la dbab// de don legs par bshad kyis nyon// 'khor 'das gnyis kyi gzhir gyur pa// rang byung ngo bo nyid kyi sku// de las 'khor 'das thams cad bskyed// gzhi la 'khor 'das grub pa med// gzhi la mthong snang sna tshogs pas// 'khrul ngor bden kyang don la med// de phyir rang byung kun gyi gzhi// de la bskyed par nus pa med// de yang rdo rje sems dpa' nyon// dper na gser rgyu gcig pa la// dbyibs dang
- 157b
gzugs ni tha dad par// byas pa de dag ming rer grags// grags kyang gser gyi ngo bor gcig/ de bzhin 'khor 'das sna tshogs la// blun po rnams kyis tha dad bzung // de phyir spong sdud zhen pa byas// gzhi la ngo bo gcig las med// de yang 'dus pa'i snying po nyon// dper na nor bu rin chen la// rnyed pa yod la stor ba med// rang byung ngo bo rtogs pa la// ma btsal yon tan thams cad 'byung // de phyir chos sku nyid kyi rtsal// rtogs pa'i byin rlabs sku gsum 'byung // chos sku kun bzang nges don la// rtogs pas chog phyir ye sangs rgyas// de yang rdo rje sems dpa' nyon// sku yis sprul pa snang mdzad kyis// dag par spyod pa'i rnal 'byor la// phyi rgyud rnam gsum chos bstan te// rdo rje 'dzin pa'i sa ru btags// dper na gser sbrul mig gis ni// 'dod pa'i yon tan rnam lnga yang // dus gcig nyams su myong ba dang // dar ya kan gyi sman mchog bzhin// sku dang ye shes ma lus pa'i// che ba'i yon tan 'byung 'dod pas// gzhan don smon lam mthar phyin pas// longs spyod rdzogs sku 'gro don byed// da yang 'dus pa'i snying po nyon// thugs kyi sprul pa byung ba ni// rdo rje sems dpa' nyid yin te// snod dang ldan pa'i rig 'dzin la// rgyud lung gnyis kyi nges pa'i chos// skye ba tshe gcig bsgrub gyur na// rdo rje 'chang gi sa la gtugs// de
- 158a
yang 'dus pa'i snying po nyon// sman mchog rgyal po chen po'i dpe// lha yis bdud rtsi ma gi tas// shi ba kun slongs sman gyi mchog/ gang la reg pas 'tsho bar ltar// yang ti thig le nyag gcig la// nges pa'i lung ldan don bstan na// lus ngag rtsol ba mi dgos par// bstan dang sangs rgyas dus mnyam 'byung // de phyir man ngag shes pa mchog/ de yang 'dus pa'i snying po nyon// gsung gi sprul pa shAka thub kyis// sems can skye bo las dag la// sde snod rnam pa gsum gyi chos// bskal pa grangs med rnam gsum na// 'bras bu bcu gcig sa gnan 'dod// da yang 'dus pa'i snying po nyon// dper na dpag bsam ljon shing la// bsod nams che chung rim pa yis// 'bras bu sna tshogs rab 'bring 'byung // de phyir las dang rkyen las 'byung // de bzhin drang don chos rnams kun// gang zag blo yi rim pa las// ci rigs pa yi chos bstan pas// 'bras bu lha dang mi ru skye// de yang 'dus pa'i snying po nyon// drang don chos kyis sangs mi rgya// a mra'i 'bras bu smin mi srid// ma rtogs chos kun ci spyad kyang // rnam par grol bar mi 'gyur ro// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'bras bu mthar thug bstan pa'i le'u ste nyis brgya dang gnyis pa'o// // de nas 'dus
- 158b
pa'i tshogs rnams la// 'gyur med don gyi dpe don ni// kun rig ston pas bka' stsal pa// chu bo chen po'i dpe bzhi yis// mi 'gyur don chen nges mtshon pa// bshad kyis 'khor rnams legs par nyon// chu gzhan skye 'bri yod mod kyang // chu bo chen po gang gA la// dbyar skye dgun 'bri med par ni// rgyun mi chad par rtag pa bzhin// rang byung skye med rnal 'byor la// dus dang rnam pa thams cad du// lta ba 'phel 'grib med par ni// ye shes chen po rgyun mi chad// da yang 'dus pa'i snying po nyon// chu gzhan mtsho rab yod mod kyang // chu bo chen po pak+Sha yi// gting la ring thung med 'bab cing // drag dal med par snyoms pa bzhin// theg gzhan res 'jog yod gyur kyang // nges don chos nyid ting 'dzin la// thun mtshams med par rgyun du gnas// de phyir 'byung 'jug med par gsal// de yang 'dus pa'i snying po nyon// chu gzhan 'gyur 'gyur yod mod kyang // chu chen ne rany+dza na la// kyag kyog med par dal 'bab cing // drang por 'gyur ba med pa bzhin// theg gzhan blang dor ched byed kyang // nges don yang ti rdzogs chen la// bzang ngan che chung med par mnyam// 'gyur med blang dor med par spyod// da yang 'khor gyi snying po nyon// chu gzhan sman dug gnyis yod kyang // si ti'i chu bo chen po la// dug med sman gyis nad kun sel//
- 159a
kun la sman pa'i sman mchog bzhin// nges don rtogs pa'i 'bras bu ni// gol sgrib lta spyod nges pa'i mchog/ 'gro ba kun la phan pa'i chos// phyi ma ma yin dus 'dir 'byung // de yang rdo rje sems dpa' nyon// chu bo bzhi 'dus rgya mtsho ru// chu bran mang po kun 'dus pa// rgya mtsho chen por ro gcig bzhin// chos sku thig le nyag gcig tu// blta bsgom spyod pa 'bras bur 'dus// de phyir rang rig chos sku nyid// de rtsal snang ba chos dbyings la// gang yang ma 'gags lhun gyis 'grub// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ 'gyur ba med pa'i dpe don mthar thug bstan pa'i le'u ste nyis brgya dang gsum pa'o// sdom du bsdus te bstan pa so dgu pa'o// // de nas rdo rje sems dpa' yis// 'dus pa'i 'khor la phan don du// kun rig chos kyi rgyal po la// nges pa'i dgos don 'di skad gsol// mtshan nyid sangs rgyas ji ltar bzhed// kri yog sangs rgyas ji ltar 'dod// bskyed rdzogs gnyis kyi sangs rgyas gang // a ti'i sangs rgyas ci ltar gang // yang ti'i sangs rgyas ji ltar gnas// kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal la// nyan thos rang rgyal mdo sde ni// bskal pa grangs med gsum du ni//
- 159b
tshogs ni rnam pa gnyis bsags te// lam lnga rim gyis bgrod byed de// dka' thub mthar phyin 'bras bur nges// bud med lus por pho lus thob// bden bzhi spang blang nyan thos kyi// sa rnams gnon pa'i 'bras bu ni// dgra bcom chen po sdug bsngal bral// tshangs par spyod pa'i dge slong tshogs// bde sgyid ldan pa sbrul sku'i tshul// bya ba byas shing artan pa// zag pa zad cing 'khor ba stongs// da yang rdo rje sems dpa' nyon// yang ti rdzogs chen yas bltas na// 'gro don mi byed thabs dang bral// chos sku ma rtogs shes rab bral// lung ldan nges pa'i don ma mthong // thabs med shes rab bral ba'i phyir// nyan rang rgyal nyid du ltung // de phyir nges pa'i sangs rgyas min// byang chub sems dpa'i 'bras bu yang // byang chub mchog tu sems bskyed nas// 'gro ba'i don du dka' spyad phyir// thabs ni pha rol phyin pa bcus// sgrib gnyis sbyangs nas tshogs gnyis rdzogs// da yang 'dus pa'i snying po nyon// kun tu 'od kyi sa la ni// mi lus med par longs sku'i tshul// mtshan dang dpe byad thams cad ldan// don dam rang bzhin med pa yi// sangs rgyas che ba'i chos kun mkhyen// gdul bya 'khor gyis longs skur mthong // de yang 'khor gyi snying po nyon// byang chub sems dpa'i sangs rgyas kyang // yang ti rdzogs chen las bltas na//
- 160a
nges don snying po ma mthong phyir// gzhi na ma rig yod pas nas// rtsol ba byas pas chos sku bsgribs// de phyir yang dag sangs rgyas min// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las// rgyu mtshan nyid kyi sangs rgyas 'dod lugs bstan pa'i le'u ste nyis brgya dang bzhi pa'o// // de nas kun rig rgyal po yis// 'dus pa'i 'khor la bka' stsal pa// kri ya lha dang lha mo dang // pho mo gnyis kyi tshul du gnas// ming sring lcam dral tshul du yod// thabs dang shes rab bde ba yang // blta ba'i tshul du bltas pas tshim// mi tshe bdun du bsgrubs pa'i mthus// drang srong rig 'dzin sa thob ste// skye ba med pa'i rdo rje 'dzin// rigs gsum mgon por sangs rgyas pa// bram ze'i tshul du gtsang spyad pas// dag pa'i sangs rgyas 'ba' zhig yod// de yang 'dus pa'i snying po nyon// kun kyang longs spyod rdzogs sku la// gzugs brnyan chu zla lta bu la// 'gro don smon lam stobs kyis byed// de phyir dag pa'i sangs rgyas 'dod// de yang rdo rje sems dpa' nyon// yo ga rnal 'byor sems dpa' yis// 'bras bu phyag rgya bzhi bsgrub ste// 'bras bu stug po bkod pa'i sar// chos kyi dbyings su sangs rgyas 'dod// de yang 'dus pa'i snying po nyon// thabs dang shes rab bde spyod ni// lha dang
- 160b
lha mo kun kyang ni// longs spyod rdzogs pa'i cha byad can// sems dpa' sems ma mang po kun// 'jig 'bral med pa'i ye shes lha// chags pa'i tshul gyis bstan pa'i tshul// lag bcangs 'khyud pa tsam gyis kyang // bde ba chos kyi dbyings su smin// gsang sngags thabs chen 'bras bu'i mchog/ sangs rgyas sa ni gzha' tshon bzhin// rang bzhin med par skye 'chi bral// rnam par snang mdzad la sogs pa'i// sangs rgyas bde skyid kun ldan phyir// gzhal yas dkyil 'khor zhing khams rnams// bsam pa tsam gyis rang bzhin 'byung // dper na 'phrul dga'i longs spyod 'dra// de yang 'dus pa'i snying po nyon// de dag kri yog sangs rgyas kyang // yang ti rdzogs chen yas bltas na// rtse mo 'dra ste a ti slob// yang dag nges don ma shes pas// re dogs yod phyir lhun grub min// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ gsang sngags phyi rgyud kyis sangs rgyas 'dod lugs bstan pa'i le'u ste nyis brgya dang lnga pa'o// // de nas 'dus pa'i 'khor rnams la// kun rig ston pas bka' stsal pa// rnal 'byor chen po'i sangs rgyas ni// phung po khams dang skye mched sogs// ye nas sangs rgyas yin pa'i phyir// dkyil 'khor ma lus rang la rdzogs// de yang rdo rje sems dpa' nyon// de bsgrub
- 161a
sangs rgyas skye ba 'dir// rdo rje 'chang gi sa non tshe// thabs dang shes rab bde spyod pa// dga' 'dus pho mo'i dpe bzhin du// 'khrig pa'i sbyor ba'i thabs kyis kyang // sangs rgyas thams cad bskyed par byed// da yang 'dus pa'i snying po nyon// zhi khro'i lha tshogs rgyan dang bcas// 'dod chags 'khrig pa'i tshul du gnas// des bskyed sangs rgyas ngo bo la// ye nas lha yi dkyil 'khor nyid// bgrang gis mi lang pho mo kun// 'gro don ma lus dus gcig byed// de yang 'khor gyi snying po nyon// chos rnams snang stong dbyer med par// nam mkha' stong la gzha' tshon 'dra// skye shi med pa smos ci dgos// dus 'dir 'byung bas khyad par 'phags// de phyir thabs la bsten pa'i mis// 'bras bu byang chub chud mi 'dza'// thabs kyi nang na dam pa'i mchog/ de yang rdo rje sems dpa' nyon// rjes su rnal 'byor sangs rgyas ni// ma bskyed rdzogs pas ye shes klong // lha yis dkyil 'khor rang byung sku// de yang 'dus pa'i snying po nyon// kun bzang rol pa thabs kyi yab// kun tu bzang mo shes rab yum// bde chen gnyis med rol pa'i rtsal// gzha' tshon rig 'dra dngos med gsal// thugs ni rig pa'i ye shes can// phyi nang btsal du gang yang med// nam mkha'i dkyil du nyi shar ltar// rang la rdzogs pas bskyed mi dgos// btsal du
- 161b
med pas skye shi med// 'du 'bral med pa'i sangs rgyas la// kun tu bzang po'i sa zhes gdags// de yang rdo rje sems dpa' nyon// de dag rgyud lung sangs rgyas kyang // yang ti rdzogs chen yas bltas na// rang byung nges don ma shes par// ched du byas pa'i rtsol bas sgribs// re dogs phra mo yod pa'i phyir// nges lung ma shes snang bar 'chel// gzugs can sangs rgyas 'dod pa'i phyir// chos sku'i sangs rgyas don la sgribs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ thig le rgyud lung gi sangs rgyas 'dod lugs bstan pa'i le'u ste nyis brgya dang drug pa'o// // de nas 'dus pa'i 'khor rnams la// kun rig ston pas bka' stsal pa// thig le nyag gcig mngon byung nas// lung ldan nges pa'i don phyir du// rnam smin lus dang bral ma thag/ mngon shes drug dang rjes dran drug/ thog mtha' med par sangs rgyas tshe// skad cig gcig la ma rig sangs// lus med rig pa'i ye shes rgyas// rang byung thugs la skye 'chi med// thams cad mkhyen pa'i ye shes ldan// nam mkha' nyi ma'i snying po 'dra// de yang 'dus pa'i snying po nyon// ye shes lus can sangs rgyas la// sems can med phyir don mi dgos// rang byung rig pa'i chos sku la// rang la yod pa nges shes phyir// ched du rtsol bas bsgrub/
- 162a
mi dgos// rang byung rig pa'i chos sku la// dus gsum 'khrug kyang 'pho 'gyur med// stong gsum zhig kyang nyams mi srid// rang byung chos sku kha mig can// de yi gzugs brnyan gzugs sku gnyis// ma btsal rang byung chos skur ston// de yang rdo rje sems dpa' nyon// rgyud lung nyan thos yan chad la// 'bras bu gzugs sku 'byung mi srid// yid smon gyis ni sangs rgyas kyang // nges don yang ti'i sangs rgyas min// da yang 'dus pa'i snying po nyon// nges don rdzogs pa'i sangs rgyas ni// dus dang rnam pa thams cad du// 'dus ma byas pa'i sangs rgyas ni// dngos med rang byung rig pa'i sku// nges don chos skur shes pa la// drang ba'i don du gzugs skur 'byung // thabs la mi brten yon tan rdzogs// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ yang dag nges don gyi sangs rgyas bstan pa'i le'u ste nyis brgya dang bdun pa'o// sdom du bsdus te bstan pa bzhi bcu pa'o// // de nas rdo rje sems dpa' yis// 'dus pa'i tshogs la phan gdags phyir// kun rig rang byung ston pa la// bden pa'i yid kyis 'di skad gsol// rig 'dzin sems dpa'i don ched du// sangs rgyas rtogs pa bshad du gsol// rgyal sras sprul pa'i don ched du// rig 'dzin rtogs pa bshad du
- 162b
gsol// dad ldan 'khor gyi don ched du// rgyal sras rtogs pa bshad du gsol// phyi rabs rnal 'byor don ched du// mkha' 'gro sde lnga 'khor bcas pas// rang rang rtogs pa bshad du gsol// de skad zhus pas don gsan nas// kun rig ston pas bka' stsal pa// da yang 'dus pa'i 'khor bzhi kun// phyi rabs rnal 'byor don ched du// rang sems chos skur rtogs pa'i don// rang rang thugs la mnga' ba yi// tshig tu mtshon pa 'dir brjod cig/ de skad gsungs pas don go nas// kun rig ston pa'i spyan snga ru// 'dus pa'i 'khor ni rnam bzhi yi// rang rang rtogs pa brjod pa'i phyir// nyid las mi gzhan 'khor rnams ni// phyogs bcu dag pa'i sangs rgyas ni// rdo rje gsang ba rin chen snying // dri med grags dang las rab grub// rgyal ba'i dbang po bsod nams snying // zhi ba bden dang nyi ma'i 'od// nam mkha'i snying po 'bum gzigs rnams// rig 'dzin sems dpa'i don ched du// rang rang rtogs pa'i gdeng nyams ni// go rim bzhin du rtogs brjod pa// dngos po med pa'i chos nyid la// rig pa skye 'gag med pa'i gnas// de yi ngang las ma g.yos na// lhun grub ye shes chos kyi sku// yang ni gdeng nyams 'di gsungs pa// rtog med ma brjod 'gyur ba med// ye shes chen po rgyun mi chad// de ni rang byung chen po ste// skyon
- 163a
gyis ma gos lhun gyis grub// yang ni gdeng nyams 'di gsungs pa// rig pa skye 'gag med pa la// snga phyi bral bas byang chub sems// 'bral ba med pas skye mi tshugs// ma btsal ma grub chos kyi sku// yang ni gdeng nyams 'di gsungs pa// phung po med phyir skye shi bral// rgyu rkyen ma bskyed rang byung sku// ma 'gags don la btsal du med// nges don dgongs pa sangs rgyas thugs// yang ni gdeng nyams 'dir gsungs pa// gdod nas 'gyur med ngo bo la// skyon med dag pas bcos mi dgos// de don rang byung rig pa la// ye shes sku la g.yos pa med// yang ni 'deng nyams 'dir gsungs pa// rgyu las ma byung chos nyid la// skyon med don la ma yengs pas// ched du ma byas rtsol ba grol// de nyid rang rig chos skur rtogs// yang ni don rtogs 'dir gsungs pa// chos sku thig le nyag gcig la// yengs med rgyun du mi 'bral bas// de nyid bsgom pas mchog tu bshad// rang la shar ba'i ye shes sku// yang ni gdeng nyams 'dir gsungs pa// yul med rig pa'i ye shes la// bltas pas thig le dngos med mthong // gzhan nas mi 'byung rang la rnyed// de la ma yengs nges don mchog/ yang ni rtogs don 'dir gsungs pa// gang la mi gnas rang byung ba// ma 'gags rig pa rang la shar// 'phel 'grib med pa nam mkha' 'dra// de
- 163b
nyid rtogs pas chos skur shes// yang ni rtogs don 'dir gsungs pa// dran med rig pa'i don gsal nas// de la yid ches don la gnas// ye shes rang shar bcos pa med// 'gyur med rang gsal chos kyi sku// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ nyid las mi gzhan pa'i 'khor rnams kyi rtogs pa brjod pa'i le'u ste nyis brgya dang brgyad pa'o// / de nas kun bzang spyan sngar ni// rig 'dzin rtogs pa brjod pa'i phyir// blo gros gtso dang rnam dag snying // nam mkha'i yon tan 'od rlabs can// shes rab bla ma rgyal mtshan 'dzin// rnam par grol ba'i ting 'dzin dbang // chos dbang dang ni bsod nams brtsegs// bdud bcom dang ni seng ge'i sgra// rin chen mthong dang brtse ba can// dbang phyug gtso dang yid dge dang // mthong na dga' dang bden mos dang // gsung brtsegs la sogs 'khor rnams kun// rgyal sras sprul pa'i don ched du// go rim bzhin du rtogs pa brjod// yang ni gdeng nyams 'dir gsungs pa// rtsa ba chos sku'i don btsal ba// bsam pas mi rnyed bzhag pas rnyed// dran pa rang gsal bying rgod bral// skye med mi 'gyur bya btsal bral// nyam nga med pa'i bde ba'i mchog/ yang ni gdeng nyams 'dir gsungs pa// gsal ba ma yengs chos kyi sku//
- 164a
ma bsgoms 'bral med ting nge 'dzin// dmigs su med pas nam mkha' 'dra// 'du 'bral med par rgyun du gnas// yang ni gdeng nyams 'dir gsungs pa// sems la gnyen po med pas na// bsam pa'i yul las 'das pa'i phyir// gzhan nas ma 'ongs rgyun mi 'chad// de nyid rang rig chos skur rtogs// yang ni gdeng nyams 'dir gsungs pa// rang byung rig pa rang shar phyir// ma rig mun pa rtsad nas gcod// de la mnyen pos bcos su med// gdod nas rang byung sangs rgyas thugs// yang ni gdeng nyams 'dir gsungs pa// chos nyid ye nas ma bcos pa// de nyid nam mkha'i rang bzhin ltar// skye med rang gsal chos nyid la// rgyun du 'bral med byang chub klong // yang ni gdeng nyams 'dir gsungs pa// rang byung dag pa pad+ma 'dra// 'khor ba'i skyon gyis gos pa med// de phyir chos nyid ngang la ni// 'bral med byang chub sems su gsal// yang ni gdeng nyams 'dir gsungs pa// zab mo'i tshig la ji ltar kyang // dpes kyang mtshon med brjod las 'das// dmigs pa'i yul bral chos kyi sku// de las mi 'gyur mnyam pa'i mchog/ yang ni gdeng nyams 'dir gsungs pa// rang byung chos sku mtha' dbus med// de la ma yengs rtsol bsgrub 'das// mtshon du med pas rkyen mi tshugs// de phyir dus gsum 'bral ba med// yang ni
- 164b
gdeng nyams 'dir gsungs pa// snying po chos sku'i rig 'dzin de// lhun gyis grub phyir ye shes klong // de yi ngang la 'khor ba med// de phyir sangs rgyas dgongs pa yin// yang ni gdeng nyams 'dir gsungs pa// 'byung bzhi zhig pa'i nam mkha' bzhin// chos nyid snying po rig pa ni// ye shes rang gsal 'gyur ba med// de phyir bsgom med byang chub sku// yang ni gdeng nyams 'dir gsungs pa// mtshan ma'i yul med byang chub lam// de las ma btsal rang ba bzhag na// yang dag don gyi dgongs pa ste// de nyid mi 'bral bsgom pas mchog/ yang ni gdeng nyams 'dir gsungs pa// mngon gsum mi gnas chos sku la// tha dad bral ba'i ye shes shar// de las mtshon pa'i ming ma rnyed// de las ma g.yos bsgom pa yin// yang ni gdeng nyams 'dir gsungs pa// rang byung ngo bo nyid kyi sku// bsgom pas rnyed par mi 'gyur te// ma bsgoms pas kyang stor bral med// de phyir chos nyid 'bral ba med// yang ni gdeng nyams 'dir gsungs pa// rang byung chos nyid nam mkha' 'dra// de phyir ting 'dzin spros med gsal// de la gnyen pos bcos su med// de phyir 'bral med dgongs pa yin// yang ni gdeng nyams 'dir gsungs pa// yul gyi mtshan ma sna tshogs pa// de tsam nyid na rang bzhin shes// de phyir sems rtogs chos skur gsal// de la
- 165a
skyong du rdul tsam med// yang ni gdeng nyams 'dir gsungs pa// ma btsal pa yi chos nyid la// rtog dpyod med pa bsgom pa ste// nyams ni shes rig gsal ba la// de las ma yengs bsgom pa yin// yang ni gdeng nyams 'dir gsungs pa// gang yang ma spangs skyon ma gos// 'gro 'ong med par rgyun du gnas// bying rgod skyon gyi dbang mi 'gro// de la sgrib med sangs rgyas thugs// yang ni gdeng nyams 'dir gsungs pa// ma btsal rang las rnyed pa'i phyir// lhag mthong lta ba dran pas bzung // de dang mi 'bral sgom pa'i gdeng // ye nas yod pas stor bral med// yang ni gdeng nyams 'dir gsungs pa// sku med dmigs dang bral ba'i phyir// phyag rgya bsgyur mi dgos par nges// gsung med rig pa'i dgongs pa yin// ye shes thugs la 'gyur ba med// de yang rdo rje sems dpa' nyon// gzhan yang rig 'dzin sems dpa'i tshogs/ bsam gyis mi khyab grangs las 'das// rang rang gdeng nyams mngon du gsungs// de don nges pa'i chos skur gcig/ rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rig 'dzin sems dpa'i 'khor gyis rtogs pa brjod pa'i le'u ste nyis brgya dang dgu pa'o// // de nas rgyal sras sprul pa'i tshogs// tshangs pa brgya byin rgyal chen
- 165b
bzhi// thags bzang ris dang gang ba bzang // mkha' lding rgyal po rta mgo can// zur phud lnga pa nor srung dang // mgrin bcu dang ni klu rgyal rnams// kun rig ston pa'i spyan sngar ni// rang rang rtogs pa brjod pa'i phyir// nges don gdeng nyams 'dir gsungs pa// rtsol sgrub bral ba byang chub thugs// re dogs med pas gol sa med// de don ma bral chos nyid la// rgyun du mi 'bral ye nas gnas// yang ni rtogs don 'dir gsungs pa// snang ba chos dbyings rtogs med la// sgro skur bral bas chos kyi dbyings// de nyid dus mnyam rang gsal ba// sangs rgyas kun gyi dgongs par go// yang ni rtogs don 'dir gsungs pa// gol sa med pa'i lta ba la// bying rgod bral ba'i bsgom pa gsal// phrag dog med pa'i spyod pa bde// de nyid ye shes chos nyid klong // yang ni rtogs don 'dir gsungs pa// nor bu chu 'dangs dpe bzhin du// dran pa tsam gyis ma rig sangs// btsal du med pas ye sangs rgyas// de nyid dus nas gzugs sku 'byung // yang ni rtogs don 'dir gsungs pa// nges don lung la yid ches pas// the tshom med par rang byung gsal// rig pa ma 'gags bde chen klong // de las mi 'gyur dgongs par shes// yang ni rtogs don 'dir gsungs pa// yul gyi mtshan nyid cir snang yang // yid kyis dgag bsgrub med par ni// chos
- 166a
dbyings gdeng ldan nges don la// spang dang sdud pa'i zhen med bde// yang ni rtogs don 'dir gsungs pa// lung la yid ches dgongs pa bde// zab la rgya che dgongs pa gsal// de don rtogs goms 'bras bu la// sangs rgyas nges pa de la bya// yang ni rtogs don 'dir gsungs pa// tshe rab sngon nas mthu brtas pas// snga phyi zhen pa'i rtog pa la// ma yengs chos nyid rang gsal ba// de la bsgom du brdul tsam med// yang ni rtogs don 'dir gsungs pa// rang byung nges don rgyun mi chad// de la rtag tu yid brtas na// bag chags sgrib pa shugs la dag/ ye shes mtsho chen sangs rgyas yin// yang ni rtogs don 'dir gsungs pa// dus dang rnam pa thams cad du// chos sku'i don las mi 'da' phyir// yang dag ting 'dzin rgyun mi 'chad// de phyir nges don 'gyur ba med// yang ni rtogs don 'dir gsungs pa// 'khor bas ma bslad ting 'dzin la// ma bsgoms chos nyid da lta'i thugs// bsgom dang mi bsgom ci phyir 'jug/ mnyam rje med par rgyun du gnas// yang ni rtogs don 'dir gsungs pa// rang sems ma bcos rang lugs la// ma btsal dang bzhag bsgom pa ste// brjod du med pas nyams myong gsal// de don rang byung rtogs pa yin// yang ni don rtogs 'dir gsungs pa// nges don chos nyid 'gyur med la//
- 166b
blo yis brtags pa thams cad med// gang yang ma spangs rang byung la/ de la bsgom du rdul tsam med// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ rgyal sras sprul pa'i 'khor gyis rtogs pa brjod pa'i le'u ste nyis brgya dang bcu pa'o// / dad nyan 'khor la phan don du// mkha' 'gro sde lnga 'khor bcas kyis// kun rig ston pa'i spyan sngar ni// rang rang rtogs pa brjod pa'i phyir// nges pa'i don rtogs 'dir gsungs pa// gti mug mun pa 'thib pa la// thog mtha' chod pas ma rig sangs// yul 'di ma bshigs chos kyi dbyings// de nyid rang sems rtogs pa yin// yang ni rtogs don 'dir gsungs pa// zhe sdang kha dog yul la skye// phyi yi gol sa gcod shes na// zhe sdang rang grol rgyal ba'i thugs// de dus nyid na chos kyi sku// yang ni rtogs don 'dir gsungs pa// don rtogs bde ba'i ye shes shar// nga rgyal ngo bo nyid kyi sku// de don mi 'bral chos kyi sku// de la rkyen gyis gnod mi tshugs// yang ni rtogs don 'dir gsungs pa// pho mo chags pa ci sprad kyang // gol med ye shes rgyun mi 'chad// snga phyir ma song zhen med phyir// bde chen longs spyod chen por shar// yang ni rtogs don 'dir gsungs pa// lha dman chos la phrag dog kyang // gol sa yin phyir nges med dag/ de phyir
- 167a
byang chub bde ba'i klong // de la skyon gyis gos mi srid// de yang 'dus pa'i snying po nyon// sangs rgyas rig 'dzin spyan lam du// 'jig rten mkha' 'gros 'di skad gsol// dam bcas don las bdag mi 'da'// bka' bzhin bgyi ba'i don ched du// nges don 'dus pa'i rgyud chen 'di// mi nub pa ru bdag gis bsrung // 'di la 'gal byed sdig can kun// myur du bsgral la gzhal du rngubs// de yang ston pa'i 'khor kun nyon// bdag cag yid kyis dam bcas pas// sangs rgyas bstan pa bsrung ba'i phyir// sdig can bsad na grol bar nges// rnam smin lus la longs spyod kyi// sangs rgyas rig 'dzin rnams kyis kyang // rang sems chos skur byin gyis brlab// de skad brjod pa'i don gsan nas// kun rig ston pa'i 'khor rnams la// rtsa ba nges pa'i don 'di gsungs// legs so dang ldan 'khor rnams nyon// shes rab blo yis khyad par las// tshig tu mtshon pa sna tshogs kyang // don la dbyer med ngo bo gcig/ de phyir 'khor rnams chos skur rtogs// sangs rgyas 'bras bu de nyid yin// rdzogs pa chen po nges don thams cad 'dus pa/ ye shes nam mkha' dang mnyam pa'i rgyud las/ mkha' 'gro mas rtogs pa brjod pa'i le'u ste nyis brgya dang bcu gcig pa'o// sdom du bsdus te bstan pa zhe gcig pa'o// /
- 167b
de nas 'dus pa'i tshogs rnams la// kun rig ston pa chos rje yis// lta ba'i snying po'i don gtad pa// chos kyi rgyal po kun rdzogs 'di// skal ldan 'dus pa'i 'khor rnams kyis// yid la brnags shing bcang bar gyis// de yang 'dus pa'i snying po nyon// nga yi bstan pa'i snying po 'di// sangs rgyas kun gyi gsang ba'i chos// rig 'dzin rnams kyis thugs la spos// chos skyong rnams kyis gter du btsas// de don man ngag nged don 'di'i// nges don gsang ba'i rgyud gtad pas// rgyud 'di thos pa'i yon tan ni// don thos sangs rgyas lag tu thob// chos sku ye shes dus 'dir rtogs// chos rnams rtsa nas dus gcig shes// rgyud 'dzin pas ni dngos grub thob// kun tu bzang po da lta yin// gang zhig sangs rgyas dngos 'dod pa// rgyud chen 'di la blta bar gyis// sangs rgyas bstan pa nub ka ru// nga yi chos 'di dus de ru// man ngag snying po 'byung nges kyis// phyi rabs rnal 'byor don la chongs// de yang rdo rje sems dpa' nyon// lan gcig dus kyi deng sang na// 'dra min bslu chos dar ba'i tshe// 'phyar 'tshags 'tshong la 'di bstan na// 'di sdug phyi ma dmyal bar ltung // 'dus pa'i snying po yang nyon cig/ rang byung chos sku'i don ston pa'i// gdams ngag 'di ni lha mi kun// phyi nang sde snod bka' rgyud rnams// ji ltar mkhas kyang
- 168a
rmongs pa yis// nges don chos la 'phya skur 'debs// de yang 'dus pa'i snying po nyon// log sred zhen chags ma nges la// nam yang bstan par ma gsungs so// nyan thos la sogs lta dman la// bstan kyang go bar mi 'gyur te// mi theg khal chen bkal ba bzhin// don ma go bas ngan song ltung // de yang 'dus pa'i snying po nyon// de bas rang sems sngon sbyangs pas// rnal 'byor gang zhig dad ldan la// 'chi ka snying po'i don mtshon nas// nges don rgyud 'di gtad par gyis// de yang rdo rje sems dpa' nyon// yang dag nges don khyad par can// 'bras bu nges pa'i don chen 'di// bla mar mi gus nga rgyal can// tshul 'chos byed cing slob dpon smod// 'bul ba med par gdams ngag 'dod// bka' rkun byas pas phyi zag thung // don ma go bas chos la sdang // 'gran sems btsug pas mched dang mkhon// lta ba med pas gzung 'dzin che// bdag med ma shes rang mthong byed// nga rang mkhas zer bla ma smad// sngon nas yod zer nga rgyal che// gzhan nas rnyed zer bka' rkun byed// gdams ngag med par yod tshul ston// phyi nas 'bul zer thabs kyis 'brid// nor phongs gzhog ngoms kha gsags can// g.yo sgyu zabs kyis chos 'dod par// nges don 'dus pa'i rgyud chen 'di// nam yang bstan par ma gsungs so// de yang rdo rje
- 168b
sems dpa' nyon// 'gal byed kun la 'di bstan na// kun bzang nga yis bka' bcag pas// mkha' 'gro'i dmod mo dug ltar gtong // gtsang ris mgon po thog ltar brdeg/ gying chen snying la phug ltar 'debs// rgyal chen bzhi ni thog ltar brdeg/ dam can rnams ni khyi ltar zug/ mi g.yeng ba btsa' bca' gzhi nyams pa la// nad dang mu ge rtag tu 'ong // mi dge sdug bsngal sna tshogs 'byung // ma nyes mi rnams kun kyang sdang // mnos pa mi 'grub chom rkun 'ongs// 'gong 'dre chags nas bsod nams bsgrub// yi mug 'dug pa'i gnas mi rnyed// de yang 'dus pa'i snying po nyon// slob dpon bslus pas 'khor mi 'du// rang che 'dod pas mched dang 'khon// bla ma spangs pas chos mi btsun// bka' rkun byas pas gdams ngag med// tshul 'chos byas pas mi rnams 'phya// 'dod pa che bas dad pa log/ rtsal bshad byas pas gzhung ma tshugs// nges don bcos pas rang rgyud bsregs// bla ma smad pas mnar med ltung // rang gis rang bslu snying re rje// de yang rdo rje sems dpa' nyon// nges don 'dus pa'i rgyud chen 'di// mar me 'chi ka'i 'od bzhin du// bstan pa 'jig ka'i dus dag tu// kun bzang thugs rje'i byin rlabs kyis// rnal 'byor skal ldan rnams la 'byung // da yang 'dus pa'i snying po nyon// lan gcig dus kyi deng
- 169a
sang na// gsangs sngags dar drags nub ga ru// shAka thub sprul pa yin nges shig/ byang chub myu gu skyes nas ni// bstan pa tsam gyis sangs rgya ba// dus 'dir skal ldan rnams la 'byung // de yang 'dus pa'i snying po nyon// sngags dang mtshan nyid rtsod dus su// rnam par snang mdzad sprul pa ni// shrI sid+d+ha zhes bya ba// rang rig mtshan nyid ston pa 'byung // de la nye 'khor dam pa ni// mi g.yo mgon gyi sprul pa ni// bi ma la mi tra bya ba// sangs rgyas dgongs pa 'dzin pa 'byung // de yis mi las skal ldan 'gar// dus der sangs rgyas mngon 'gyur byed// de yang 'dus pa'i snying po nyon// de yang nges don 'bras bu ni// gu lang gser bzhin mi nub tsam// snod ldan 'ga' la bstan pa las// snang dgu rnams kyi spyod yul yin// kun kyang nges par de ltar zhog/ de yang 'dus pa'i snying po nyon// de ltar ma rtogs lta dman gyis// lam lnga sbyangs shing tshogs bsags kyang // nges don ma shes 'bras bu med// de bas rang byung snying po 'di// lung ldan bstan la rtogs par gyis// de rtogs 'bras bu sangs rgyas 'byung // 'gro ba'i mgon pos 'di skad gsungs// de yang rdo rje sems dpa' nyon// gsang ba'i man ngag rgyud chen 'di// lan gcig dus kyi deng sang na// 'dra min bslu chos dar ba'i tshe// dam nyams kha bsags can gyis bslus// gsang
- 169b
bshad ma nor yod zer nas// zhi 'bol chags chung tshul 'chos te// snod dang ldan la bshad kyi zer// rang la nges pa'i gdeng med par// mkhas btsun dag la khungs phyung ste// nor zas dpag med ngas phul zer// rdzun gyi dpe chung bris nas bkram// 'byor tshad phul cig zer nas bslus// mkhas pa rnams ni bskur mi tshugs// blun pos blun bslus snying re rje// kha tsam rdzun tshig smras nas kyang // bstan rgyu med phyir phyis bstan zer// rang med gdams ngag gzhan 'tshol 'gro// ma rnyed 'phyar ka stong zhing 'phya// rnyed na bstan gyis nor phul zer// kun bslus sun bton chos dang bral// gcig bslus sems can brgya bsad pas// sdig pa shin tu che ba yin// de phyir rang 'dod chos mi bshad// de yang 'dus pa'i snying po nyon/ lan gcig dus kyi deng sang na// snod ldan kun la chos 'di gsungs// de tshe theg dman sgro skur 'debs// rang gis rang bslus 'khor bar ltung // de yang 'dus pa'i 'khor kun nyon// 'di la smon cing 'dzin pa la// sangs rgyas rnams kyi byin gyis rlobs// rig 'dzin rnams kyis thugs rje bskyed// mkha' 'gro rnams kyis bar chad bsrungs// bsod nams mi bzad gter dang 'jal// phyi ma'i 'bras bu dus 'dir smin// kun tu bzang pos de skad bshad// rdzogs pa chen po nges don thams cad 'dus pa//
- 170a
lta sgom thams cad kyi snying po/ ye shes nam mkha' dang mnyam pa'i rgyud las/ tha ma rgyud gtad cing bzung ba'i le'u ste nyis brgya dang bcu gnyis so// // chos dang theg pa thams cad kyi yang rtse/ lta ba thams cad kyi me long / sgom pa thams cad kyi 'bral med/ spyod pa thams cad kyi la zlo/ dam tshig thams cad kyi bsrung mtshams/ 'bras bu thams cad kyi yang snying / theg pa thams cad kyi zil gnon/ shes rab thams cad kyi rgyang shing / dman pa rnams ni skrag par byed pa/ ye shes nam mkha' dang mnyam pa'i spyi rgyud rdzogs so// // rgya gar gyi mkhan po bi ma la mi tra dang / bod kyi lo tsA ba gnyigs dz+nyA na ku mA ra dran pa'i ye shes kyis zhus te gtan la phab pa'o// nyang ting 'dzin bzang pos lcags sgrom nag po'i nang du bram ze'i rgyud drug gdams ngag dang bcas pa/ bse sgrom smug por bcug/ dbu ru rdo rje'i rdza gzong phug mo'i brag la/ mkha' 'gro rdo rje spyan gcig ma dang / badz+ra sAd+d+ha legs pa rtsal la gtad/ ye shes nam mkha' dang mnyam pa'i rgyud rin po che gser gyi dril shing can 'di gtad nas sbas pa 'brom ye shes snying po bton// / @#// rgya gar skad du/ san d+hi ma hA ar+tha sa mu dA ya bing bAka swa yam+b+ha su kha tsakra tan+ta nA ma/ bod skad du/ rdzogs pa chen po don 'dus rig pa'i gsung rang
- 170b
byung bde ba'i 'khor lo zhes bya ba/ bcom ldan 'das dpal rang byung rig pa'i rgyal po ye shes kyi sku dang ldan pa de la phyag 'tshal lo// 'di skad gsungs pa'i dus gcig na// ngo bo nyid rtogs kun bzang de// bde gshegs 'og ma'i gnas mchog tu// rigs lnga'i rgyal po la sogs la// rang byung chos sku'i byin rlabs bshad// de tshe sems dpas don rigs nas// gtsang ris lha yi gnas mchog tu// brtser dgongs dus la bab gyur nas// rig 'dzin sems dpa'i 'khor rnams la// nges don rang gi ngo bos bshad// de dus phyogs bcu'i sangs rgyas la// sprul pa'i rig 'dzin sems dag gis// zhu ba zhus nas the tshom bcad// nges rnyed mngon dga'i phug tu zhugs// des sbrul shAka thub sprul pa yis// 'dzam gling bde ldan gnas dag tu// da lta dus kyi deng sang na// gsang bdag sprul pa dad nyan la// sdeb sbyor legs pa'i tshig tu gsungs// de yang ston pa'i 'khor rnams nyon// skad cig yud tsam thang gcig la// gdul bya 'khor ba tha dad kyang // dus gsum gcig ste khyad med phyir// rim par 'byed med ngo bo gcig/ de skad gsungs pa'i don go nas// skal ldan 'dus pa rnams kyis kyang // gus nyan dad pa rtse gcig tu// dad cing gus pa'i yid kyi 'khor// de nas rdo rje sems dpa' yis// 'dus pa'i 'khor la phan gdags phyir//
- 171a
kun rig sems kyi rgyal po la// bden pa'i yid kyis 'di skad gsol// nges don bshad dus gang la bab// snod kyi rim pa gang la bstan// tshig dang yi ger ji ltar mtshon// kun rig rgyal pos bshad du gsol// de skad zhus pas don gsan nas// 'dus pa'i 'khor la bka' stsal pa// legs so dad ldan 'khor rnams nyon// de don ngas bshad yid kyis zung // dus kyi tha ma lnga brgya na// mna' za khrims 'chal dam nyams 'byung // mtshon dang mu ge'i tshe thung dus// rdzogs chen snying po der bshad bya// da yang rdo rje sems dpa' nyon// de yang dus kyi deng sang na// sangs rgyas bstan pa 'jig ka'i tshe// 'dzam gling bod kyi byang phyogs su// rgyud dang tan tra mang po 'byung // lung dang sems kyi chos dar ste// sde snod chos kun nub gyur cing // de tshe skal ldan 'ga' zhig la// rang sems rtogs pa tsam gyis ni// 'bras bu sangs rgyas dus 'dir 'byung // de yang 'dus pa'i 'khor rnams nyon// dad ldan slob ma brtse gdung can// mngags pa'i las la gus par byed// yid 'thad rdzas la phongs med dbul// mi sbal gnyer thub rnams la bshad// de dang mi ldan snod ngan ni// gyong la khengs pa'i nga rgyal can// ser sna che la gtong phod chung // man ngag sred che kun la spel// phyi thag zung zhing bla ma smod// zas la ngan zhing nor
- 171b
da che// rnam smin mi blta grags pa sgrub// phyi nang med par 'phyar kha gtong // de 'dra'i snod ngan mi rnams la// yang dag nges don 'di bstan na// mkha' 'gro rnams kyis srog bcad de// phyi mar mnar med dmyal bar ltung // de phyir ma brtags chos mi bshad// de yang rdo rje sems dpa' nyon// tshig dang yi ges don mtshon te// man ngag snying pos khog phub nas// don dang mi 'gal sa bcad la// tshig nyung don chen rdzogs par bshad// de ltar mi shes gang zag gis// don med tshig gis gong 'og dkrugs// rtsal bshad tho chos gzhung nyams byed// mtshams med sdig pas char mi phod// rdzogs pa chen po don 'dus rig pa'i gsung rang byung bde ba'i 'khor lo'i rgyud las/ don gyi gleng gzhi bstan pa'i le'u ste dang po'o// // de nas kun rig ston pa des// nges don rtsa ba 'di gsungs pa// ngo bo gzhi yi gnas lugs dang // blta bsgom spyod pa 'bras bu'i don// rtogs pa'i yon tan da lta'i dus// mngon du gyur pas ngas bshad nyon// yul med ngo bo rang byung sku// 'khor 'das ma rig gdod nas byung // de don kun la ye nas gnas// 'dus ma byas pa'i nam mkha' 'dra// de yang 'dus pa'i snying po nyon// dper na khyung chen lding ba bzhin// nges pa'i lta ba gdeng ldan pas// 'khor 'das dngos po cir snang yang // gzung
- 172a
'dzin zhen ldog gzhi la med// ma ki ta yis gang thebs bzhin// lta ba ngo bo nyid rtogs pas// ci dran ma bsgoms chos nyid gsal// bzhag sa med par rgyun du gnas// bi shwas gang byas legs pa bzhin// rnal 'byor spyod lam thams cad du// ye shes rtsa ba don gyis zin// nyes pa'i skyon gyis gos pa med// yid bzhin nor bu'i yon tan bzhin// rang sems chos skur don rtogs pas// mi yi lus la sangs rgyas thugs// gdul bya gzugs sku shugs las 'byung // de yang rdo rje sems dpa' nyon// de dag ngo bo gcig pa la// tshig gi mtshon pa tha dad kyang // yul med rang gsal nyid du 'dus// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ nges don rtsa ba gcig par bstan pa'i le'u ste gnyis pa'o// // de nas rdo rje sems dpa' yis// 'dus pa'i 'khor la phan don du// yid kyis dran pas 'di skad gsol// snang med ngo bo gnas lugs gang // gzhi la 'pho 'gyur ji ltar med// sems can kun la ji ltar yod// kun rig rgyal pos bshad du gsol// de skad zhus pas don gsan nas// 'dus pa'i 'khor la bka' stsal pa// snang med ngo bo gnas lugs ni// dus gsum med pas sngon rol du// 'das pa bas kyang rang byung snga// rgyu rkyen med pa'i sngon rol du// 'bras bu rang
- 172b
byung snying po byung // 'byung ba med pa'i sngon rol du// nga dang nam mkha' dus mnyam phyir// bstan pa med pa'i sngon rol du// sangs rgyas pas kyang rang byung snga// theg pa med pa'i sngon rol du// lta ba'i chos su rang sems byung // skye shi med pa'i sngon rol du// myang 'das pas kyang ye shes snga// chos nyid med pa'i sngon rol du// stong pa nyid pas rang rig snga// bde gshegs med pa'i sngon rol du// sems can pas kyang chos sku snga// mtshon tshig med pa'i sngon rol du// tha snyad pas kyang don 'di snga// nga ni rgyu med 'bras bu ste// rang byung rgyu med snying po yin// de phyir mi skye don mi 'gag/ skye shi med pa'i rdo rje 'chang // de ni nam mkha'i rang bzhin te// bag chags ma brtas sa chu med// gzugs med ye shes ngo bo la// rlung med me ni ci las byung // de phyir ngo bo nyid kyi sku// de yang rdo rje sems dpa' nyon// rang byung ngo bo nyid la ni// rku rkyen ma skyes yang dag yod// sgro skur bral ba'i rig pa la// 'phel 'grib med par rgyun du gnas// yang dag byang chub snying po la// thob pa med cing spang ba med// 'khor 'das gnyis kyi 'dzin pa de// tha snyad yin gyis don du med// chos sku'i mtshan nyid rnam par dag/ bdag med chos la skye shi med// ngo bo nyid la bsgom mi dgos// yod med yul gyi mtha' las 'das// de don rang bzhin 'od gsal bas// gdod
- 173a
nas dag pas nam mkha' 'dra// rdzogs pa chen po don 'dus rig pa'i gsung / rang byung bde ba'i 'khor lo las/ snang med don gyi gnas lugs bstan pa'i le'u ste gsum pa'o// / rje sems dpa' yang nyon cig/ rang rig rtsa ba chos sku la// yon tan lhag ma med par rdzogs// rang byung sangs rgyas ye shes sku// ma skyes yongs su grub pa'i lha// chos rnams kun gyi 'byung gnas te// ngo bo dmigs med brjod las 'das// yang dag lta ba mthar phyin pas// pha rol phyin pa ye nas gnas// sangs rgyas kun gyi sangs rgyas la// 'gro ba yongs kyi kha lo bsgyur// bskyed pa med pa'i 'bras bu la// byas pa med pa'i cho 'phrul 'byung // thams cad 'byung ba nga yi rtsal// de yang rdo rje sems dpa' nyon// don la 'gyur med lta ba'i gzhi// yul la mi ltos rang byung sku// ye shes nam mkha'i mtha' dang mnyam// gzhi la 'gyur med byang chub sems// skyon gyis mi gos dran pa la// 'pho 'gyur med pa gdal ba'i sku// mi skye mi 'gag rang rig klong // bsgoms pas mi rnyed 'gyur med phyir// 'bral med da lta nga yis/ thugs/ bskal par 'khyams kyang skye shi med// de rtogs rig pa kun gyi gzhi// ma bsgoms ye shes mthar phyin pa// re ba med phyir ltung mi srid// gdod nas 'gyur med ye shes sku// rdzogs pa chen po don 'dus
- 173b
rig pa'i gsung / rang byung bde ba'i 'khor lo'i rgyud las/ gzhi la 'pho 'gyur med par bstan pa'i le'u ste bzhi pa'o// // da yang rdo rje sems dpa' nyon// rang byung ngo bo nyid kyi sku// sems can kun gyi lus nang na// rang rig rgyal po ye shes de// rang gi sems la ye nas gnas// de yang 'dus pa'i snying po nyon// yang dag nges pa'i chos sku ni// dngos por ma grub yul las 'das// rig pa rgyun chags de nyid ni// 'gro drug kun gyi sems la gnas// skye med rang byung ye shes sku// ched du ma byas rang gsal ba// de nyid rang rig tsam las ni// bcos su med pas nam mkha' 'dra// sems can kun gzhi gzhi cha la// rang byung chos sku yod mod kyang // lung med rkyen gyis rang bzhin bsgribs// de phyir ye yod rtogs par bya// de yang rdo rje sems dpa' nyon// sems can lus kyi tshor ba las// rang byung ye shes rgyun mi chad// de nyid mi g.yo rang gsal bas// 'du 'bral med par ye nas gnas// de phyir nyon mongs sbubs nang na// kun bzang ye shes sems dpa' gnas// nges don lung ldan don rtogs na// de don gzhan nas bsgrub mi dgos// sems can byang chub su 'dod pa// kun gzhi'i gseb nas don 'tshol ba// de yis ngang la gnas par gyis// de don rgyal ba'i dgongs pa yin// bde gshegs rnams kyi snying po yang //
- 174a
sems can kun la yod mod kyang // shes pas ma mthong tsam du bas// de mthong nges pa'i gdams ngag la// shes pas rtag tu 'bral ba med// de yang 'dus pa'i snying po nyon// ma rig 'khrul pa yod bzhin du// 'bras bu sangs rgyas thugs la gnas// de phyir gzhan nas 'byung ba med// thog ma ma yin dus 'di rang // de yang rang rig ye shes ni// til la mar gyis khyab pa bzhin// 'gro drug kun la rang rig khyab// skye 'gag med par rgyun du gnas// dper na sa gting nam mkha' bzhin// 'gro 'ong med par chos skur gnas// de don ma rtogs blos bslad nas// 'khor bar 'khyams kyang nyam nga med// rang byung rig pa'i ye shes de// sprin med nam mkha'i nyi ma bzhin// 'dus ma byas pa'i klong dkyil na// rang rig ye shes chos sku bzhugs// rin chen gang bu ga 'ur 'od thim ltar// lus kyi nang na chos sku yod// lus zhig dran pa lugs su 'jug/ de phyir 'khor ba'i rgyud kha 'khor// don rtogs rang rig gnas su che// rig pa rang byung ngo bo de// sems can kun gyi yid la gnas// de phyir 'khor 'das kun gyi gzhi// rdzogs pa chen po don 'dus rig pa'i gsung // rang byung bde ba'i 'khor lo'i rgyud las/ sems can kun la gnas lugs bstan pa'i le'u ste lnga pa'o// // de nas rdo rje sems dpa' yis// kun rig
- 174b
rje la yang zhus pa// don gyi gnas lugs rtogs thabs gang // ma bgrod lam lnga ji ltar rdzogs// sa dang pha rol yon tan gang // kun bzang ston pas bshad du gsol// zhus pas don gsan bka' stsal pa// de don ngas bshad yid kyis nyon// nges pa'i lung ldan bla ma la// dad pa brtson 'grus dam tshig gis// bkur sti rim 'gro gus byas na// man ngag snying po gnang bar 'gyur// de yang 'dus pa'i snying po nyon// dper na bram ze glang chen bzhin// rgyal po'i bka' yi btsan phul gyis// brid bsdigs g.yo sgyus nor 'dod pas// srog snying med par phan mi thogs// de bzhin nges pa'i lung ldan gyis// man ngag chos sku ma bstan na// thabs dang g.yo sgra sna tshogs kyis// bka' rkun skyon gyis chos btsal kyang // rang sems mi rtogs ngan song ltung // de yang 'dus pa'i snying po nyon// phrag dog med par bzang sems kyis// srog snying rgyal po la byin pas// bram ze gser glang 'dra gnyis byung // gnyis ka mnga' thang ci bsam 'grub// de bzhin bla ma lung ldan la// yid 'thad phul cing ci gsung nyan// shes rab rno zhing gsang thub la// man ngag snying po gnang ba'i phyir// slob mas rang sems rtogs par nges// de phyir bla ma bkur bar gces// nges don gsang ba'i skabs su bshad// rdzogs pa chen po don 'dus rig pa'i gsung //
- 175a
rang byung bde ba'i 'khor lo'i rgyud las/ nges don rtogs par bya ba'i thabs bstan pa'i le'u ste drug pa'o// // de nas kun rig ston pa yis// 'dus pa'i 'khor la bka' stsal pa// med la yod 'dzin kun brtags yul// 'khrul pa ldog dka' 'jig tshogs ri// rang gis rang bslus zhen pa'i rgyun// de ldog don phyir lam lnga gsung // de yang 'dus pa'i snying po nyon// dad ldan 'gyur med las can gyis// lung ldan rdo rje slob dpon la// yid 'thad phangs med dbul ba ni// tshogs kyi lam du bstan pa yin// bla mas gnang ba byin 'gyur te// yid gnyis the tshom blo spangs te// mkha' 'gro mchod cing don zhu tshe// sbyor ba'i lam zhes de la bya// de yang rdo rje sems dpa' nyon// nges pa'i rdo rje slob dpon gyis// yang dag man ngag lung bstan pas// snod ldan yid ches don rtogs phyir// mthong ba'i lam ni yin par gsungs// de don go bas rgyun du ni// nges don chos sku yengs pa med// rang rig ye shes dbang thob phyir// bsgom pa'i lam du bstan pa yin// yang dag nges don gdams ngag 'di// rang gi thugs la don rdzogs pas// 'gyur med gdeng chud ye shes klong // mthar phyin lam du bshad pa yin// de yang 'dus pa'i snying po nyon// yang dag don gyi chos nyid la// lam gyi dbye ba mang med kyang // rnal 'byor blo
- 175b
yi rim pa la// theg pa'i bye brag tha dad pas// lam lnga'i dbye ba gcig tu rdzogs// rdzogs pa chen po don 'dus rig pa'i gsung // rang byung bde ba'i 'khor lo'i rgyud las/ ma bgrod lam lnga rdzogs par bstan pa'i le'u ste bdun pa'o// // de nas 'dus pa'i tshogs rnams la// kun rig ston pas bka' stsal pa// sa yi dbye ba rten dang dpe/ rtsal gyis sgo nas bzhi ru bstan// pha rol phyin bcu sa dang sbyar// nges pa'i yon tan rdzogs par gsungs// de yang 'dus pa'i snying po nyon// sa ni dang po rab dga' ba// rten ni sbyin pa'i pha rol phyin// dpe ni mi zad gter dang 'dra// rtsal ni ma sbyangs zil gyis gnon// sa ni gnyis pa dri med la// rten ni tshul khrims pha rol phyin// dpe ni rin chen myu gu 'dra// rtsal ni rang rig ye shes gsal// de yang 'dus pa'i snying po nyon// sa ni gsum pa 'od 'phro ba// rten ni bzod pa'i pha rol phyin// dpe ni rgya mtsho chen po 'dra// rtsal ni nyon mongs rtsad nas brlag/ sa ni bzhi pa 'od byed pa// rten ni brtson 'grus pha rol phyin// dpe ni rdo rje pha lam 'dra// rtsal ni bag chags zhen pa 'joms// sa ni lnga pa sbyangs dka' ba// rten ni bsam gtan pha rol phyin// dpe ni ri bo lhun po 'dra// rtsal ni bying rgod skyon dang bral// sa ni drug pa mngon gyur la// rten ni shes rab pha rol phyin// dpe ni
- 176a
ma ki sman dang 'dra// rtsal ni rang rig lhag mthong rtogs// de yang rdo rje sems dpa' nyon// sa ni bdun pa ring song ba// rten ni thabs kyi pha rol phyin// dpe ni dge ba'i bshes gnyen 'dra// rtsal ni dug lnga sman du 'gyur// sa ni brgyad pa mi g.yo ba// rten ni smon lam pha rol phyin// dpe ni yid bzhin nor bu 'dra// rtsal ni 'jig rten chos brgyad bral// sa ni legs pa'i blo gros la// rten ni stobs kyi pha rol phyin// dpe ni nyi ma'i snying po 'dra// rtsal ni log lha dbyings su grol// sa ni bcu pa chos kyi sprin// rten ni ye shes pha rol phyin// dpe ni tshangs pa'i dbyangs dang 'dra// rtsal ni sgrib dag thams cad mkhyen// de yang 'dus pa'i snying po nyon// de dag pha rol phyin bcu yang // ngo bo thig le gcig tu 'dus// gdul byar rim pa bcur ni bstan// yang dag ngo bo ye shes nyid// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ sa dang pha rol phyin pa'i yon tan bstan pa'i le'u ste brgyad pa'o// // 'dus pa'i 'khor gyis yang gsol pa// nges pa'i don gyi gdams ngag gis// ma rig mun sel lta ba dang // 'khor 'das mtha' yis ma rig dang // ye shes lhun grub lta ba gang // mnyam pa'i rgyal pos bshad du gsol// de skad zhus pas don gsan nas// yang dag 'khor la
- 176b
bka' stsal pa// rang byung snying po gnas lugs ni// nyi ma shar bas mun pa sangs// nges lung bstan pas ma rig brlag/ thig le brdal khyab chos sku de// rig pa rang gsal bcos pa med// de don lhun grub ye nas gsal// rang byung snying po rang gsal thugs// ye nas tha snyad kun dang bral// ji bzhin gsal la ngan rtog med// don dam spros bral lta ba'i mchog/ rtsal med spyod pa yul las 'das// yang dag klong gyur don la mkhas// de nyid don la su sbyor ba// tshogs brgyad shes pa'i yul las 'das// mngon du gyur pas thugs la bkra// kun gyis rtogs dka' byang chub de// g.yo med mi rtog chos sku lam// rang rig bde ba ye shes klong // gcig tu rtogs pa rdzogs pas/ yang nye pa thig le gsal// lta ba dbus dang mtha' med pas// spang len ma btsal lhun gyis grub// skye med ngang du rig pa 'phyo// rten med chags pa'i yul dang bral// bsgom med lta ba ngang gis gsal// mtshon pa tshig gis bkri drang bral// skye med gdeng chud 'du 'bral med// snang med rig pa'i dngos po bral// yang dag thugs la spro bsdu med// ma spros lhun grub rig par shar// kun khyab don 'dus 'tha' mi reg/ ye shes sku mchog chos skur brdal// de yang rdo rje sems dpa' nyon// 'gro drug sems can rang byung sku// 'di ltar snang ba ma lus kun// gdod
- 177a
nas med pas don rtogs pas// ye shes gcig gis ngang du 'dus// lus ngag yid kyi bya ba rnams// byas na 'ching ba'i las yin pas// gzhi la med shes btsal mi dgos// ma bsgoms 'du 'bral med par blta// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ ma rig mun sel gyi lta ba bstan pa'i le'u ste dgu pa'o// // de yang 'dus pa'i 'khor rnams nyon// sangs rgyas sems can 'byung ba kun// glo bur yin phyir gnas lugs min// de phyir 'jig rten dpe mi blangs// 'khor 'das gzhi la don ma reg/ de yang 'dus pa'i snying po nyon// pha med ma med nags kyi bye'u// nam mkha'i mthongs su thon pa ltar// glo bur 'khor 'das gnyis bor nas// chos sku rtogs pas ma rig sangs// gdod ma'i rang byung 'di nyid ni// lta bar shes pa'i chog pa'i phyir// khor 'das gnyis po gdod nas med// yul dang ma 'brel ngo bo nyid// de don rtogs pas don la gnas// ye rdzogs chos skra chen po yin// re dogs mtha' kun rnam par zhi// tshig tu mtshon med ye nas bden// gcig dang du ma mtha' yi chos// de phyir 'khor 'das gnyis las 'das// 'di thos mi skrag lta ba'i mchog/ de yang 'dus pa'i snying po nyon// dngos po med phyir rtog pa bral// kun la khyab pas chad
- 177b
pa bral// dbus mtha' bral bas rang byung sku// chos sku nam mkha' lta bu la// brjod med lta bas dran pa'i gzungs// de don phyin ci ma log par// ye shes lam la gnas par bya// rang rig nges pa'i lta ba la// yengs pa med par yid kyis blta// de yang yul can ma yin te// rang la rang bltas nang du gsal// de goms mthar phyir ye shes thugs// chos nyid spros bral 'gyur ba med// rang byung ye shes gnyug mar gnas// de nyid mi 'bral lta ba'i mchog/ de yang 'khor gyi snying po nyon// 'khor 'das gnyis kyi chos 'di la// ji srid bag chags yod kyi bar// 'di ltar snang ba'i chos rnams yod// ji srid bag chags dag na ni// snang ba'i yul rnams gdod nas med// thag sbrul tho yor mi bzhin no// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ mtha' ma reg pa'i lta ba bstan pa'i le'u ste bcu pa'o// // de nas 'dus pa'i 'khor rnams la// kun rig rgyal pos bka' stsal pa// rang sems chos skur blta ba ni// kun la khyab pa'i rig pa yis// 'dus ma byas pas don rtogs pas// mtha' bral rig pa gcig yin no// de yang rdo rje sems dpa' nyon// kun gyi mnyam nyid rgyal ba'i thugs// ma lus sems can thams cad la// chos skur khyab par brdal ba'i sku// mtha' dbus med pas nam
- 178a
mkha' 'dra// rig pa ma bslad gnyug mar gnas// dmigs 'dzin med la ngang gis gsal// dngos por med la shes par yod// nam mkhar nyi ma'i 'od shar 'dra// 'dus ma byas pa'i ye shes kyis// rten 'cha' med par nyon mongs sel// 'byung ba lnga la rags ma lus// mi 'gyur 'joms pas rdo rje 'dra// bla mas don bstan rnal 'byor pas// the tshom med par rang sems rtogs// thams cad gcig las rdzogs par shes// ma rig long ba'i mig phyed 'dra// ye shes rig pa de nyid ni// yod med dbus kyi mtha' bral bar// sang nge sa le 'pho 'gyur med// ka shi'i ras kyi rin chen 'dra// de yang rdo rje sems dpa' nyon// ma bcos lta ba'i rang bzhin la// yul med chos sku rang byung de// re dogs rdul tsam med pa'i phyir// lhun grub ye shes chen po yin// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ ye shes lhun grub kyi lta ba bstan pa'i le'u ste bcu gcig pa'o// // rdo rje sems dpas yang zhus pa// ma bsgoms ting 'dzin ji ltar lags// 'bral med rgud kyi spyod pa gang // re dogs med pa'i 'bras bu rnams// kun rig ston pas bshad du gsol// de skad zhus pas don gsan nas// 'dus pa'i 'khor la bka' stsal pa// ma bsgoms 'bral med ting 'dzin ni//
- 178b
rnam smin lus kyi rten bcas pa'i// tha mal kun gzhi gzhi cha la// lung ldan rkyen gyi gdams ngag gis// rang sems chos skur ngo sprad pas// dmigs 'dzin med par ngang gis gsal// gnyug mar gnas la 'phel 'grib med// yul sems gnyis la spyod dang bral// mtha' dbus mi dmigs dran las 'das// ye nas dag phyir bya ba med// btsal du med pas sems las 'das// kun la khyab pas btsal mi dgos// 'gag pa med la rig pa stong // ma byas phyir na 'jigs pa med// rig pa bsal bas rang ngo shes// ji bzhin pa la ma skyes pa// ma bcos rkyen gyis mi 'gyur ba// rtag chad ma yin bsdus pa med// so so ma yin 'dres pa med// dngos med sems kyi ting 'dzin gsal// btang bzhag med pa'i chos sku la// bying rgod mi 'byung rgyun du gnas// ye shes don la 'char nub med// de yang 'dus pa'i snying po nyon// rang rig ye shes 'di nyid las// bsgom du med phyir yengs pa med// gzungs du med pas zhe la gsal// rang yid ches la khar mi thon// snang srid gsal la zhen pa med// rang rig bya ra dngos med grol// dran pa med brlag 'gro 'ong med// dran pa'i rig pa ci byung yang // de nyid dus nas ngos gzung med// de yang 'dus pa'i snying po nyon// yid kyis yul du ma bsgoms kyang // lta ba'i don dang 'bral med phyir//
- 179a
rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ ye shes kyi bsgom pa ngos bzang ba'i le'u ste bcu gnyis pa'o// // rdo rje sems dpa' yang can cig/ ngos zin don la gnas thabs ni// mar mes mun bsal snang ba bzhin// skad cig ma yi ting 'dzin des// bag chags brlag pas ma rig sangs// don nyid ye shes dran pa yis// nyon mongs las kyi gos pa med// de bas gdams ngag dran pas ni// sgyu ma sangs nas 'khrul bral bzhin// mtshan ma'i rtog bral don shes pas// spros bral ye shes snying por gnas// de yang 'dus pa'i snying po nyon// 'khor 'das gzhir shes rang byung ste// bsgom dang mi bsgom sgro skur bral// de nyid nyams su blangs thabs ni// theg pas snod chen khengs pa bzhin// ngo bo nyid kyi chos sgra la// yang yang rig pas gsal thebs na/ gol sa mi 'byung sangs rgyas grub// dper na bud med sbrum ma ni// skye ba'i dus su zas bstan bzhin// lung bstan gdams ngag yod pa'i mis// rkyen gyis rtog pa ci byung yang // de dus nges don blta dran pas// ma bsgoms don dang 'bral ba med// rgas pas nyams chung bsten pa bzhin// bla ma mkhas pa don ldan pa// rtag tu bsten cing gus byas na// 'bras bu chos spu myur du 'grub// de yang rdo rje sems dpa'
- 179b
nyon// nges pa don gyi gdeng rnyed pas// bsgom du med phyir yengs pa med// dus bzhi rkyen thub bar du ni// 'khor 'das yul gyis mi bslad phyir// ye yod don la brjod mi bya// rgyal po mi 'gro 'khor sdud bzhin// chos nyid ma bsgoms sku gsum 'byung // che ba'i yon tan lhun gyis grub// dper na sgyu ma mkhas pa yis// sprul pa'i srog ni bcad tsam na// srog med sgyu ma yin shes ltar// rang rig lta ba'i don yod pas/ dug lnga spyod tshe ye shes 'char// ngo bo nyid las 'grib med shes// de tshe nyon mongs ci spyad kyang // skyon gyis ma gos rang byung gsal// de nyid mi brjed rtogs pa'i phyir// ched du byas la bsgom mi dgos// de yang 'dus pa'i 'khor rnams nyon// rang sems rtogs pa'i bsgom pa la// cig char brtun te 'jug nus na// bsgom pa'i thun la ring zung med// nam 'grub snyam pas khar ma lus// rdzogs pa chen po'i don 'dus rig pa'i gsung // rang byung bde ba'i 'khor lo'i rgyud las/ 'bral med rgyun gyi ting nge 'dzin bstan pa'i le'u ste bcu gsum pa'o// // de nas kun rig rgyal po des// 'bral med rig spyod bka' stsal pa// rang byung ye shes nam mkha' che// ma 'dres yongs rdzogs chos kyi sku// mi skye mi 'gag rgyun du spyod// de yang rdo rje sems dpa' nyon// bsam 'das 'od gsal yid la gnas//
- 180a
gsang sngags ngo bo nyid kyi sku// sangs rgyas sems can gnyis kyi gsang // rang gsang dam pa'i spyod pa 'dis// sangs rgyas kun gyi nges pa'i don// yang dag byang chub sems la ni// mi dmigs pa yang bskyed du med// mi gnas par yang bsam du med// de phyir bya bral nam mkha' 'dra// de yang 'dus pa'i snying po nyon// ma bcos rang byung de bzhin nyid// spyad du med pa'i chos nyid la// ma bsgoms dmigs su med pa de// ting nge 'dzin ces btags pa tsam// mi rtog pa yang mi sems par// kun la khyab pa'i ye shes la// kun shong byar med spyod pa'i mchog/ 'dus pa'i 'khor rnams da yang nyon// rang sems ngo bo nyid rtogs phyir// yul 'di sems su mi sdud pas// spyad pa'i yul yang med par 'gyur// gang gis gang la bsams shing spyad// dper na nam mkha' stong pa la// dmigs par mi byed sdud mi byed// de bzhin sems kyis sems bsgom du// ngo bo 'di 'drar dmigs su med// skyon yon gang yang ma spyad na// gol dang sgrib par ci la 'gyur// spyod pa'i mchog tu de nyid gsungs// de yang rdo rje sems dpa' nyon// rgyun du mi 'bral rang rig 'di// nyams myong med par rang gsal bas// de nyid nyams kyi dam pa'i mchog/ mi 'dzin mi spyod rang gsal tsam// 'bral med rgyun gyi spyod par bshad// gal te
- 180b
mtshan ma rgyun gang // don dran dgag bsgrub med par shes// sangs rgyas lta sgom ngo bo gcig/ rnal 'byor spyod lam thams cad du// don dran spyod pa yin pa'i phyir// ma dran gnyid dang nyon mongs pa// rang dgar song tshe de nyid la// ngo bo nyid dran gnod mi nus// de lta nyid ni yin shes phyin// ched du byas la spyad du med// rdzogs pa chen po don 'dus rig pa'i gsung // rang byung bde ba'i 'khor lo'i rgyud las// 'bral med rgyun gyi spyod pa bstan pa'i le'u ste bcu bzhi pa'o// // 'dus pa'i 'khor la dug lnga ni// rang grol ston pas bka' stsal pa// rang sems don rtogs spyod pa yang // 'dod chags zhe sdang gti mug dang // nga rgyal phrag dog 'khor ba de// nges pa'i don ldan rnal 'byor pas// rgyu mthun bag chags mi sog go/ de yang rdo rje sems dpa' nyon// pho mo dus gsum sbyar gyur kyang // bslab pa'i tshul khrims nyams pa med// bag chags yi dwags gnas mi skye// mtho ris thar par rten mi 'cha'// rang sems snying po rtogs pa yis// 'chi med sogs la gcad du med// zhe sdang mnar sems rig pa'i don// dmyal paba'i sdug bsngal ya mi nga // rang rig ye shes don ldan pas// ma rig sna tshogs don du shes// ye nas chos nyid gdal ba la// ma rig sgrib pa sbyang du med// don rtogs nga rgyal ye shes la// yid ches chos sku
- 181a
rang byung thugs// 'gran zla 'jig rten gsum na med// de nyid nga rgyal ngo bo nyid// phrag dogs gol sgrib skyon med pas// de phyir ma spangs rang sar dag/ lta ba ngan la phrag dog gsal// de phyir phrag dog gsang ba'i sku// de yang 'dus pa'i snying po nyon// sems can log rtog chen po che// gzhan gyi rkyen gyis mi bzlog phyir// dug lnga rang la brten te bzlog/ mthun par bstan pas nges par bzlog/ da yang 'dus pa'i snying po nyon// bzlog tu mi 'dod gang zag la// sdig can mu stegs mthong ba'i tshe// gshe sbyo mtshang rnams 'bru ba'i tshe// bdag nyid gzhan du byol bar bya// gal te spang ba'i thabs med na// ngag gi sgras tshig mi go bas// snying rje chen po'i sems bskyed la// log gnon gdams ngag dran byas la// bzod pa'i yul du shes par bya// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ dug lnga rang grol du bstan pa'i le'u ste bco lnga pa'o// // de yang 'dus pa'i 'khor rnams nyon// 'bras bu rim 'byung ngas bshad kyis// legs par nyon la yid kyis zung // de yang 'dus pa'i 'khor rnams nyon// gnas pa'i ting 'dzin don ldan pas// ye shes bag chags cha snyoms phyir// gsal la mi rtog dus mnyam pas// 'dod khams lhar ni skye dbang yod// de tshe 'phos nas chos
- 181b
nyid mthong // mi g.yo ba yi ting 'dzin gyis// rnam rtog de nyid zil gnon pas// gtsang ma ris kyi lhar skyes nas// de nyid dus na mngon sangs rgyas// mnyam nyid ldan pa'i ting 'dzin gyis// lus bral skad cig de nyid la// 'bras bu sangs rgyas chos kyi sku// dpe med ye shes kun bzang thugs// de yang 'khor gyi snying po nyon// mnyam pa'i don la ye shes pas// 'bras bu rig pa da lta nyid// de don mi brjed ye dran phyir// gzugs khams gnas su ci la ltung // nyam myong nyid la ma zhen cing // stong pa 'dzin med don gsal bar// rang rig ye shes mthu brtas phyir// gzugs med khams su ci la ltung // rang sems rtogs pa mngon gyur pas// re dang dogs pa'i blo bral phyir// gang yang 'dzin med thugs la gsal// nyan thos sa ru lhung mi 'gyur// dang po lta ba bdag med pas// mtshan ma'i yul la ma zhen phyir// yul nyid sems su bsdus pa med// 'dod khams gnas su ltung mi 'gyur// de yang 'dus pa'i snying po nyon// nam mkhar nyi shar mun pa med// de bzhin rang rig chos sku la// ma rig med pas ye shes shar// sangs rgyas thugs la 'char nub med// de phyir 'bras bu sangs rgyas mchog/ rdzogs pa chen po don 'dus rig pa'i gsung // rang byung bde ba'i 'khor lo'i rgyud las/ 'bras bu ltung med 'byung bar bstan pa'i
- 182a
@#/ le'u ste bcu drug pa'o// // de nas 'dus pa'i 'khor rnams la// kun rig rgyal pos bka' stsal pa// thugs kyi gdeng chud skal ldan la// mi nub yongs kyi gter du ni// dus gsum rgyal ba chos kyi sku'i// rang byung thugs la gsal ba'i don// mnyam nyid 'gro don byed pa'i lam// tshad mar rang rig dbang phyug gis// rjes 'tsho ba thugs kyi sras mchog la// skye 'gag 'khor ba'i sbrang len med// bdag dang bral bas rgyal ba'i thugs// de yang 'dus pa'i 'khor rnams nyon// 'du 'bral 'chi med ye shes lus// rigs pa phyogs med byang chub 'char// so so ma yin ye nas gcig/ de phyir yon tan rnyed par dka'// byang chub dang du thams cad 'dus// mkha' mnyam dbang phyug chen po'i thugs// ye shes sangs rgyas kun dang mnyam// sde snod chos rnams thugs la rdzogs// 'jig rten khams na 'gran zla med// zhe 'dod rig pas ma bsgrubs kyang // rang rig sems la sangs rgyas tshang // de nyid 'bras bu dam par gsungs// de yang 'dus pa'i 'khor rnams nyon// sngon tshe rnam gzigs bstan pa la// bram ze dpal ldan bya ba'i bus// rang sems rtogs pa'i don med par// gzhan nas 'bras bu zhe 'dod kyis// rigs lnga'i sangs rgyas nam 'grub ces// yid la bsam zhing lhar bsgoms pas// 'bras bu med cing
- 182b
'khor bar skyes// de phyir re dogs med par bya// de yang rdo rje sems dpa' nyon// re med don 'di dran byas la// chos nyid sangs rgyas sa la gnas// dogs med don la ma yengs na// sgrib pa sbyang ba'i thabs mi dgos// de yang blo gros dam pa nyon// ngo bo nyid kyi chos sku la// gang yang ma 'gags nam mkha' bzhin// 'khor 'das zhen med 'bras bu yin// de nyid rang sems snying por bshad// 'gro drug sems can thams cad la// chos sku rang chas don rtogs nas// bsgom zhing bsgrub pas nad dang bral// ye shes ngo bo da lta'i sems// re dogs med shes 'bras bu'i mchog/ dus gsum 'gyur med rang sems don// med la mi zad rang byung thugs// sangs rgyas zhes ni de la bya// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ re dogs med pa'i 'bras bu bstan pa'i le'u ste bcu bdun pa'o// // kun rig rgyal pos bka' stsal pa// snang med lta ba'i rig pa la// ma btsal 'gyur med chos kyi sku// bag chags med pas yul dang bral// da lta nyid du rang byung sku// dngos med nam mkha'i mtha' dang bral// shes rig gsal bas khyad par 'phags// de la 'gran zla gang yang med// rtogs pa'i yon tan brjod mi langs// de yang rdo rje sems dpa' nyon// rang sems rig pa rang byung de//
- 183a
yengs med don shar byang chub zugs// spyi mthun nyi ma stong pas gsal// de nyid rtogs pas bsgom mi dgos// ye shes rig pa gsal ba la// ma rig mun pa gdod nas med// bag chags nyon mongs rtsad nas brlag/ dgongs pa sangs rgyas kun dang mnyam// de yang 'dus pa'i snying po nyon// dper na rgya mtsho rlabs su byung // de bzhin don rtogs spyod pa yang // 'bral med rig pa'i ye shes klong // dus bzhir ye shes rgyun mi 'chad// don 'di rtogs pa'i spyod pa de// tshogs bsags sgrib sbyangs sa bcu pas// skad cig 'di dran khyad par 'phags// lus ngag rtsol med rig spyod bde// de yang 'khor gyi snying po nyon// rang rig 'bras bu rang la che// gzugs dang bral bas skye shi med// rang las byung bas ye shes sku// yul med rig pa mngon sangs rgyas// 'di rtogs 'bras bu lhun grub de// bsam pa tsam gyis kun 'grub ste// 'ching bu rin chen khyad par ltar// skye ba mi len mngon sangs rgyas// de yang rdo rje sems dpa' nyon// de rtogs mi zad rin chen gter// de yi 'bras bu yon tan ni// gzugs med rig pa nga yi/ sku// tha mal rang sems nga yis thugs// stong nyid dran pa nga yis gsung // rig pa'i yon tan gang yang 'grub// ye nas phrin las rang byung bas// rig pa spros bral chos skur rdzogs// de yang 'dus pa'i 'khor
- 183b
rnams nyon// 'gyur med lhun gyis grub pa'i gzhi// chos nyid bde chen klong yangs lam// skye shi med pa'i 'bras bu smin// de dag gcig phyir rgyal ba'i thugs// gser gling sa rdo med pa bzhin// sems can dus nas sangs rgyas la// yon tan mtshan dang dpe byad kyang // ye shes sku la kun kyang rdzogs// da lta tha mal lus sems kyis// sems las ma byung sangs rgyas rnyed// rgyu las ma byung 'bras bu rtogs// lung la ma bsten chos rnams shes// theg dgu'i chos rnams gcig las med// dug lnga mya ngan 'das par dag/ thugs kyi klong brtol chos kyi sku// 'khor ba'i nang na lus yod kyang // pad+ma dang ni 'dam bzhin du// nyon mongs las kyis gos pa med// de phyir sangs rgyas kun dang mnyam// rdzogs pa chen po don 'dus rig pa'i gsung / rang byung bde ba 'khor lo'i rgyud las/ che ba'i yon tan bstan pa'i le'u ste bco brgyad pa'o// // de nas rdo rje sems dpa' yis// 'khor gyi the tshom gsal ba'i phyir// bden pa'i yid kyis 'di skad gsol// rang byung ye shes ngo bo la// gzhal bya mi dmigs don ci lags// snang ba'i mtshan ma 'di nyid kyi// gtan tshigs ma grub gsungs pa ci// de ni gang gis rtogs pa'i thabs// lha med gsungs pa ci yis phyir// gol sa ltung med bstan pa yi// mthun dpe gang gis gang la mtshon//
- 184a
mnyam pa'i rgyal pos bshad du gsol// de skad zhus pas don gsan nas// 'dus pa'i 'khor la bka' stsal pa// dngos nyid la sogs chos rnams kun// bya ba med par rang shar gcig/ yul med ngo bor rang gnas phyir// des na ma bsgribs rang gsal bas// gang yang gzhan du mi dmigs na// gzhi las ma 'gyur ngo bor son// chos can med pas gzhal byar bral// de yang rdo rje sems dpa' nyon// snang med chos skur gsal ba la// ji snyed pa yi rnam grangs kun// dgag bsgrub bya ba med pa'i phyir// rang gi sa na legs gnas pas// gzhan pa dag tu ma 'grub pas// phyogs gnyis bral ba'i byang chub sems// mtha' bzhi'i tha snyad bral ba la// 'jal byed gtan tshigs ci zhig dgos// 'dus pa'i rdo rje snying po nyon// mtshon pa'i tha snyad mi brjod nga // chos rnams ma lus thams cad kun// log pa'i rjes su 'brang ba'i phyir// yul med thig le rang shar bas// ji bzhin ma nor snying po yis// nges par gzhan du blta bar grol// de yang rdo rje sems dpa' nyon// kun bzang gad la khyab rang bzhin la// thog mtha' chod phyir gol med pas// de nyid ye shes rang shar bas// gol sa nyid kyang chos nyid dag/ ye shes ngang du 'gyur ba'i phyir// dmigs zhen med pas gol med gsungs// de yang 'khor gyi snying po nyon// dper
- 184b
na gang gis mi nus kyang // nam mkha'i nyi ma rang gsal bzhin// rang byung ngo bo ye shes kyang // rang rig ye shes bde gsal bas// snang bas phan med gnod med phyir// phyogs kyi tha snyad bshad ci dgos// rdo rje sems dpas yang gsol pa// ma bsgoms don dang 'bral med pa'i// de don rtogs thabs gang gi bgyi// ma bsgom klong du 'gyur ba yis// rang gis tha snyad gang la gdags// de don bsgom du med pa'i phyir// mtshan ma byung na bcos mi dgos// lta ba rang shar chen po la// ma bsgom gol sar cis mi 'gyur// de skad zhus pas bka' stsal pa// snying po rang gi stobs dang ni// man ngag dgongs pa'i thugs brtol nas// shes rgyud rtogs pa'i bla ma yis// ji bzhin nyid du shar ba la// snang med chos sgra nyid mtshon pas// mtshan ma'i dngos po mi 'byung phyir// sman dang sman pa'i thabs bzhin du// sems med mi 'dod ci zhig bral// de yang 'dus pa'i snying po nyon// thig le chos skus khyab pa'i phyir// de bzhin nyid du rang shar bas// gang yang dam par mi blta na// thams cad ji bzhin rang sar grol// de phyir mtha' la mi gnas pas// btang bzhag med pa'i ting 'dzin gyis// ma bsgoms klong du gyur par gnas// da yang 'dus pa'i snying po nyon// bsgom du med pa'i chos nyid las// rnam rtog mtshan ma ci byung yang //
- 185a
dmigs nas gsal bar bsgrub mi bya// dper na nam mkha' 'di nyid la// sprin dang khu rlangs la sogs ni// ji snyed zhig nas med pa ltar// ji bzhin nyid du rang dran pas// dus mnyam bsal bas yang dag ste// de la gnyen pos bcos su med// tha snyad dang gsal bcos par bshad// de yang 'dus pa'i snying po nyon// yul med thig le rang shar bas// yang dag don la mi 'jigs phyir// ngo bo nyid du gyur pas na// don du gnyer ba gang yang med// snga phyi gzhan du g.yos med phyir// ched du bsgom du med pa ste// dmigs pa gtad pa'i don dang bral// don mi gnyer bar dgra med 'dra// de yang 'dus pa'i yang gsol pa// btang bzhag med pa'i bsgom pa la// mi mthun mi 'byung gsungs pa ci// rnal 'byor rtsol bral ma yengs na// byar med 'gag med gsungs pa ci// de nyid bcings par mi 'gyur ba'i// phyogs bral bstan pa ji ltar lags// kun rig ston pas bshad du gsol// kun rig chos rjes bka' stsal pa// dus gsum rnam pa thams cad du// skye shi med par ye shar bas// snang med zhen rtog thams cad kyang // gang yang chos skur gsal ba la// btang bzhag rtsol sems ci la 'byung // gzhan du mi 'gyur klong gnas pas// mi mthun mtshan ma gang yang med// da yang rdo rje sems dpa' nyon// dbyibs dang
- 185b
mtshan ma thams cad kun// gzhi la ma grub don shes phyir// rang gsal yul la rtog pa med// dag dang ma dag thams cad kun// gang yang dgag bsgrub med pa'i phyir/ bzhag dang blang bar yong med don// 'byung 'jug med par bsgom mi dgos// rtsol ba med phyir spyod pa'i mchog/ da yang 'dus pa'i snying po nyon// bdag gzhan ka nas ma grub phyir// bya byed ma lus thams cad kun// 'gro drug las dang bde gshegs mdzad// ci spyod chos skur ye shar bas// gang yang mtshan nyid dbyer med de// byed pa nyid nas grol bar byed// blang dang dor bar ngang gis med// de yis 'ching bar ci la 'gyur// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ rdo rje sems dpa'i thugs brtol ba'i le'u ste bcu dgu pa'o// // rdo rje sems dpas yang gsol pa// ting 'dzin nyams dang ldan pa la// lha sgom spyod pa nyams kyi bdud// mnyam pa'i rgyal pos bshad du gsol// de skad zhus pa'i don gsan nas// 'dus pa'i tshogs la bka' stsal pa// ting 'dzin nyams dang ldan pa la// snang ba 'od dang grag pa sgra// 'jigs pa gzugs dang bslu ba brdzun// lta bar shes na dam pa'i lam// da yang 'dus pa'i snying po nyon// rnal 'byor dam pa mnyam bzhag tshe// mtshan mo mun nag sprin rum na// nam langs
- 186a
nyi shar bzhin du gsal// khams gsum sems can dge sdig las// gang yang ma lus snga phyi shes// de tshe snying rje'i bdud zhugs te// sems can snying re rje snyam byed// ting 'dzin btang nas gzhan don brtsam// de phyir bdud kyi dbang du 'gyur// de yang rdo rje sems dpa' nyon// nam mkha' stong las sgra byung nas// bde gshegs chos rnams sna tshogs ston// zhing khams rgyan gyis brgyan pa dang // yid du 'ong ba'i sgra thos nas// ting 'dzin btang nas glu gar byed// ngom zhing ngo mtshar dga' sems skyed// de la zhen gyur nyams dang bral// dga' ba'i bdud kyis rang bslus 'gyur// de yang 'dus pa'i snying po nyon// bsgom nyams rmi lam gang yang rung // 'jigs pa'i gzugs sogs mi dge bas// ngang la gnas la bsdig 'gyur bas// ting 'dzin btang nas mya ngan bdud// mi dga' sdug bsngal nyam zag 'byung // de tshe las la yi mug ste// lceb dang gcig pur phug tu ngu// gzugs kyi bdud dbang gyur nas ltung // da yang rdo rje sems dpa' nyon// nyams dang rmi lam gang du yang // yid du 'ong ba'i gzugs bstan te// dus gsum nyes legs thams cad ston// gzhan la bstan pas bden pa 'byung // de tshe nga rgyal bdud zhugs te// ting 'dzin btang nas grong kha yan// bar du phyed bden phyed mi bden// tha ma smra ba
- 186b
thams cad rdzun// bslu ba'i bdud kyis rang bslus ltung // da yang 'dus pa'i snying po nyon// lta ba'i bdud ni de dag kyang // yul gyi gol sar ma shes phyir// snang ba gzugs sogs zhen pa ste// yul la sems zhugs ci spyod bdud// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ rnal 'byor lta ba'i bdud bstan pa'i le'u ste nyi shu pa'o// // da yang rdo rje sems dpa' nyon// sgo lnga bying ba gsal ba'i bdud// dran med rmugs pa bde ba'i bdud// rkyen gyis rgod pa mi rtog bdud// 'phro ba mi g.yo'i bdud rnams 'byung // de yang 'dus pa'i snying po nyon// ting 'dzin myur du 'grub 'dod nas// yun ring bsgoms pas tshad ma zin// myos pa'i bdud zhugs gsal ba'i phyir// ma rig dbang gis gnyid du song // gsal ba bor nas bying por song // de nyid btsal bas ting 'dzin nyams// ma btsal rmi lam bzang ngan byung // de phyir bying ba'i bdud kyis bslus// de yang 'dus pa'i snying po nyon// rang rig chos skur ma zin pas// ma rig dbang gis ye shes bsgribs// dran pa med pa'i bdud zhugs te// ngang bsgom rmugs pas bde ba nyams// rang rig med pas zhi gnas bying // lhag mthong med pas don dang bral// bsgoms kyang don med bdud kyis bslus// de phyir lung ldan man ngag
- 187a
gces// da yang 'khor gyi snying po nyon// gcig pur mi dga' 'dus la dga'// gzhan gyis rkyen byas bdud zhugs te// ting 'dzin btang nas yin min gyi// yul la zhen pa sna tshogs zhe na// mi rtog med par nyon mongs 'byung // spang sdud zhen pa rang rgyud byed// de phyir g.yeng ba'i bdud kyis bslus// de yang 'khor gyi snying po nyon// yang yang goms par ma byas pas// 'phro ba rkun bu'i bdud zhugs te// gang yang rung ba'i tshig re tsam// yid la byas pas mi g.yo bral// nan tan chung bas nyams med phyir// lang can rkun bu yang yang ldang // nges pa'i gdeng dang mi ldan pas// 'pho ba'i bdud kyis bslus phyir ltung // de yang 'khor rnams legs par som// bsgom pa'i bdud ni de dag kyang // gdams ngag med pa rnams la 'byung // lung ldan rnams la gnod mi tshugs// ma rtogs ci bsgom bdud du 'gyur// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ bsgom pa nyams kyi bdud bstan pa'i le'u ste nyi shu rtsa gcig pa'o// // da yang rdo rje sems dpa' nyon// bya ba 'du 'dzi longs spyod bdud// nyams dga' zhen pa gnas kyi bdud// bslab pa yon tan g.yeng ba'i bdud// sems dkrugs 'khor ngan bdud rnams 'byung // da yang 'dus pa'i snying po nyon// dgon par
- 187b
gnas na dad ldan 'du// longs spyod 'du 'dzi'i bdud zhugs te// ting 'dzin btang nas gzhan sems 'dzin// de tshe don bral nor rdzas zhe na// 'dod blos mtshan ma'i chos la spyod// bsgom pa'i don bor g.yeng ba'i bdud// 'jig rten pa la kha len byed// 'du 'dzi'i bdud kyis rang bslus ltung // da yang rdo rje sems dpa' nyon// rang 'thad pa yi gnas la ni// bkra shis 'dre med lha gnyen yod// rang 'dod zhen pa'i bdud zhugs te// ting 'dzin btang nas nyams dga' brtsig/ gzhan du bsrung mas 'gro dbang med// zer zhing bdag brtson don dang bral// rang sems zhen pa bdud du langs// gnas kyi bdud kyis rang bslus ltung // da yang rdo rje sems dpa' nyon// rnal 'byor mkhas pa bsgom 'dod pas// g.yeng ba'i bdud ni khong zhugs te// gzhan gyis bstod pas ting 'dzin btang // chos 'chad sman dang bzo rnams byed// 'dod pa'i rdzas la zhen pa skyes// gzhan don byang chub yin zer nas// bya ba g.yengs pa ched du byed// don dang bral bas rang bslus ltung // de yang rdo rje sems dpa' nyon// rnal 'byor 'khor ngan gdung drags pas// sems 'khrugs bdud ni khong zhugs te// 'khor ngan chog shes med par 'dod// drin du mi bzo 'phyar kha gtong // de tshe dad log mi rnams 'phya// da yang 'dus pa'i snying po nyon//
- 188a
spyod pa'i bdud ni de dag kyang // 'jig rten chos brgyad zhen las 'byung // de phyir g.yengs pa don du gnyer// 'khor ba dang blangs rang bskus ltung // sgro skur 'debs la zhe sdang 'byung // 'khor ngan bdud kyis rang bslus ltung // rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ spyod pa'i bdud bstan pa'i le'u ste nyer gnyis pa'o// // da yang rdo rje sems dpa' nyon// 'jig rten mkha' 'gros lung bstan bdud// nyams su myong ba zhen pa'i bdud// zhen 'dod tshul 'chos byed pa'i bdud// brkam chags bde ba'i bogs 'don bdud// gdeng med skur 'debs zhe sdang bdud// nga rgyal sgro 'dogs bdud rnams 'byung // de yang 'dus pa'i 'khor rnams nyon// rnal 'byor lta bar mnyam bzhag tshe// lha mo'i lus su mngon phyung ste// phug tu ma 'dug 'gro don gyis// gzhan don byas pa'i yon tan brjod// de tshe mkha' 'gro'i bdud zhugs te// ting 'dzin btang nas gzhan don rtsol// chos su ming btags ci yang byed// don dang bral phyir bdud bslus ltung // de yang 'dus pa'i snying po nyon// rnal 'byor don ldan bsgoms pa la// zab cing bde ba nyams myong zer// lta ba'i gdeng chen ma zin par// zhi gnas zhen pa'i bdud zhugs te// rkyen ma thub phyir 'phel 'grib yod//
- 188b
bag la nyal ba'i ma rig pas// rang rig ye shes ma rig phyir// lta med zhen pas rang bslus ltung // de yang 'dus pa'i snying po nyon// don med bsgom pas gang zag kun// gdeng med tshul 'chos gsog can te// kha 'jam don 'khri'i bdud zhugs te// gzhan dag brid phyir dge bar brtson// man ngag med pas gsang ba skad// rang nyid slu ba'i bdud bslus lhung // phyi mar yi dwags lto phyir skyes// da yang 'dus pa'i snying po nyon// lha med thabs kyi rnal 'byor pas// dbang gsum pa yi bde ba la// dga' ba bzhi la zhen pa yis// 'dod chags srid pa'i bdud zhugs te// de med 'bras bu mi dbang bas// 'dod chags spyad kyang ting 'dzin 'phel// byi shug pho mo kun bsogs te// chags pa'i bdud kyi rang bslus ltung // da yang rdo rje sems dpa' nyon// nges pa'i lung ldan rnal 'byor la// mnyam du re nas 'gran pa'i phyir// smad sems zhe sdang bdud zhugs te// rang nyams ngan pas gzhan dag la// gdams ngag can la skur pa 'debs// rnal 'byor lung ldan gnod mi tshugs// de phyir dam nyams rang nyid ltung // phyi mar tsha ba'i dmyal bar skye// de yang 'dus pa'i snying po nyon// nges pa'i don ldan rnal 'byor gyis// nges don yang dag bka' la ni// gang zag smad phyir sgro btags te// mi tshig yin zer 'phyar kha gtong // nga rgyal bdud ni khong
- 189a
zhugs te// phag tu brku dang 'og brus byed// zhe la 'dod cing che chung byed// de phyir bdud bslus dmyal bar ltung // da yang 'dus pa'i snying po nyon// bdud kyi spyod pa bco brgyad kyang // so sor snang ba ma yin te// lha yi bu'i bdud gcig pu yin// de phyir lta ba dman pa'i bdud// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ nyams kyi bdud bstan pa'i le'u ste nyer gsum pa'o// // rdo rje sems dpas yang zhus pa// lha sgom spyod pa nyams kyi bdud// de dag zil gyis ji ltar mnan// kun rig ston pas bshad du gsol// zhus pa'i don gsan bka' stsal pa// phyi nang chos rnams rang byung sgra// bdud nyid rtogs na chos nyid rang // de phyir lung ldan bstan la zhugs// rang sems don rtogs bdud med do// de yang 'dus pa'i snying po nyon// ma nor don la bsgom pa'i tshe// snang ba'i 'od bdud byung ba la// chos sku kha dog dang bral phyir// gsal la mi rtog zil gyis mnan// grags pa skra yi bdud byung na// chos nyid sgra dang bral ba'i phyir// rjes su 'brang med rang bzhin ni// lta ba'i rig pas zil gyis gnan// 'jigs pa gzugs kyi bdud byung na// gzhi la snang ba med pa'i phyir// dngos med shes pas ting 'dzin gyis// gzugs can mtshan ma zil gyis gnon// bslu
- 189b
ba rdzun gyi bdud byung na// chos sku tshig las 'das pa'i phyir// bden par 'dzin pa'i skyon dang bral// rdzun la bden med zil gyis mnan// de yang 'dus pa'i snying po nyon// bying ba gsal ba'i bdud byung na// gnyid gsum bsres pa'i gdams ngag gis// gti mug chos skur rab thim pas// ye nas lta ba'i zil gyis gnon// rmugs pa bde ba'i bdud byung na// 'phel 'grib med pa'i don shes phyir// bde chen ye gnas lta ba la// mnyam nyid rig pas zil gyis mnan// rgod pa mi rtog bdud byung na// snang ba'i bag chags brtas pa las// rang rig bag chags med pa'i phyir// spang sdud zhen med zil gyis mnan// 'phro ba mi g.yo'i bdud byung na// ye nas mi g.yo chos sku la// goms pa'i dbang gis ting 'dzin gsal// mi brjed gzungs kyi zil gyis mnan// da yang 'dus pa'i snying po nyon// lha sgom bdud ni de dag kyang // rang byung chos sku'i don rtogs pas// gang byung zil mnan rang brlags pas// 'bras bu ye shes lhun gyis grub// rdzogs pa chen po don 'dus rig pa'i gsung / rang byung bde ba'i 'khor lo'i rgud las/ lha sgom gyi bdud zil gyis mnan pa'i le'u ste nyer bzhi pa'o// // da yang 'dus pa'i snying po nyon// de don ngang la gnas pa'i tshe// 'du 'dzi longs spyod bdud byung na// ting 'dzin dgra ru shes pa yis//
- 190a
'dod chung chog shes zil gyis mnan// zhen pa gnas kyi bdud byung na// yul la nges med ma chags pas// lta ba rang rig yul med phyir// zhen pa med pa'i zil gyis mnan// yon tan g.yeng ba'i bdud byung na// bdag don ma grub bar du yang // mi dbang mi btang don dran pas// gzhan don mi bya zil gyis mnan// 'khor ngan sems 'khrugs bdud byung na// mthar zug 'brel ba med pa'i phyir// gnas skabs 'brel ba ting 'dzin dgra// gdung sems bsnyungs pa'i zil gyis mnan// da yang 'dus pa'i snying po nyon// zil gyis mnan thabs de dag kyang // spang len dgag bsgrub med par 'dus// lha sgom spyod pa gcig gi dang // de phyir 'bras bu lhun gyis grub// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ spyod pa'i bdud zil gyis mnan pa'i le'u ste nyer lnga pa'o// // de yang rdo rje sems dpa' nyon// mkha' 'gro'i lung bstan bdud byung na// rang rig 'gyur med rtogs pa las// gzhan du lung ston bslu bar shes// re dogs med par zil gyis mnan// nyams myong zhen pa'i bdud byung na// snga phyi med pa'i chos sku ni// ting 'dzin rkyen gyis mi 'gyur phyir// zhen med lta ba'i zil gyis mnan// zhe 'dod tshul 'chos bdud byung na// gang yang ma bcos don dran nas//
- 190b
rang byung chos sku'i gdeng ldan pas// rtog pa drang pos zil gyis mnan// bde ba bogs 'don bdud byung na// rang byung ye shes rten med phyir// dbang la mi ltos 'phel 'grib med// rkyen las mi 'byung zil gyis mnan// gdeng med skur 'debs bdud byung na// chos skur sgro skur bral ba'i phyir// lung ldan can la gnod mi nus// lta spyod mkhan gyi zil gyis mnan// nga rgyal sgro 'dogs bdud byung na// rang byung don la sgro 'dogs bral// nges pa'i gdams ngag dam pa 'di// snod ngan gsang bas zil gyis mnan// da yang 'dus pa'i snying po nyon// de dag nyams kyi bdud drug kyang // rtogs na rnal 'byor dam pa'i lam// de phyir blta ba brjed med bya// de don sangs rgyas dgongs pa yin// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ nyams kyi bdud zil gyis mnan par bstan pa'i le'u ste nyer drug pa'o// // rdo rje sems dpas yang zhus pa// sangs rgyas rnam bzhi ji ltar dbye// bar dor sangs ni ji ltar rgya// sangs rgyas mdzad spyod ji ltar 'byung // kun rig rgyal pos bshad du gsol// zhus pa'i don gsan bka' stsal pa// dang po rgyu yi sangs rgyas ni// rang byung ngo bo nyid kyi sku// sems can kun gzhi'i mun gseb na// rang byung ma rig sgrib pa ste// de yi gtan tshigs nges pa ni//
- 191a
rtag chad bral kyang ngo ma shes// 'khor 'das gnyis ka sems la rdzogs// de yis de nyid mtshon pa'i dpe// til la mar gyis khyab pa ltar// nam mkha' a dang rdo rje yis// phyogs 'ga' 'dra ba'i dpe yis mtshon// 'bras bu rang la yod pa'i phyir// rgyu rkyen gzhan la rag ma lus// de phyir rang byung kun khyab des// gzhan don byas zin btsal mi dgos// de yang 'dus pa'i snying po nyon// rtogs pa skad cig sangs rgyas de// ngo bo kun gzhi gzhi cha la// lung ldan bla mas don bstan pas// ma rig sangs nas rig pa rgyas// de yi ched du gtan tshigs ni// 'khor 'das byung ba'i glo bur des// gzhi la med pas rang yid ches// de phyir rtsol ba'i nad dang bral// de yi de nyid mtshon pa'i dpe// mun khang sgron ma btegs pa dang // nam langs nyi ma shar ba dang // long bas rin chen rnyed pa 'dra// de yi 'bras bu nges pa ni// bag chags nyon mongs zil gyis mnan// yul med rang rig chos skur ldan// de la yid ches 'bras bu mchog/ de yang rdo rje sems dpa' nyon// lam la gnas pa'i sangs rgyas de// ngo bo lta ba gzhi nges phyir// rgyun du 'bral med lhag mthong gsal// ye shes ngos 'dzin yengs pa med// de phyir lam chen chos sku'i klong // de yi yid ches gtan tshig ni// nyon mongs mi 'byung bag chags bral// spang sdud zhen
- 191b
pa'i rtog pa sangs// rang rig sgrib med ye shes rgyas// de yis de nyid mtshon pa'i dpe// mar me rlung gis ma bskyod dang // sprin med nyi ma rang gsal dang // mi g.yo rgya mtsho dngas pa 'dra// 'bras bu ye shes de nyid ni// lta ba gdeng ldan yid ches pa'i// rang rig ye shes nyams shar bas// 'khor bar ltung med 'bras bu'i mchog/ da yang 'dus pa'i snying po nyon// 'bras bu mngon gyur sangs rgyas te// rang rig ngo bo nyid kyi sku// ye shes thugs kyis thams cad mkhyen// nges pa'i don la 'gyur ba med// yid ches nges pa'i gtan tshig ni// lus dang bral ba'i bar do la// ma rig sgrib pa thams cad sangs// rang byung rig pa'i ye shes rgyas// de yis mthun dpes mtshon pa ni// yid bzhin nor bu rin po che// dgos 'dod thams cad 'byung ba dang // ci bsam 'grub pa'i dpe dang 'dra// de yi 'bras bu nges pa ni// rang rig chos sku ye shes la// gzugs sku rnam gnyis dus gcig 'byung // 'gro don mdzad kyang skyon mi gos// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ sangs rgyas rnam pa bzhi'i dbye ba bstan pa'i le'u ste nyer bdun pa'o// // kun rig ston pas bka' stsal pa// rnal 'byor rtogs pa'i gdeng ldan pas// tshe yi tha ma 'chi ba'i dus// sa chu me rlung rim thim ste// dbugs ni
- 192a
thum zum byed pa'i tshe// 'di yi snang ba nub ka dang // phyi ma'i snang ba 'char ka ru// rnam shes snang ba skyes pa'i tshe// du ba smig rgyu lta bur mthong // 'byung ba dngos med zhig pa snyam// de tshe snang ba 'di nub nas// rang snang mched pa srin bu me// bag tsam gsal ba'i don mthong ste// snang ba thob pa'i dus su ni// mar me rtse ltar rtag pa dka'// de nas ye shes brtan pa'i dus// nam langs nyi ma shar ba ltar// rang rig chos skur wal gyis gsal// yul med rig pa rang byung thugs// sa zin nges pa'i ye shes de// sngar goms dbang gis 'gyur ba med// dper na khabs len lcags 'du bzhin// rang rig chos sku ngos zin pas// sangs rgyas yon tan thams cad 'dus// de yang rdo rje sems dpa' nyon// rang byung rang rig ye shes ni// sang nge sal le ye rer gsal// de phyir rang byung ye shes sku// phyis ni bar dor lus mi len// yul la mi 'jug chags sdang med// mngal du 'jug pa med pa'i phyir// sangs rgyas zhes ni de la bya// rdzogs pa chen po don 'dus rig pa'i gsung / rang byung bde ba'i 'khor lo'i rgyud las// sangs rgyas pa'i dus bstan pa'i le'u ste nyer brgyad pa'o// // ston pas 'khor la yang gsungs pa// sangs rgyas chos sku'i mdzad spyod kyang // ye shes lus can chos sku ni// rtog med rang byung ye shes
- 192b
thugs// thams cad mkhyen pa'i rig pa gsal// sangs rgyas kun gyi thugs su bshad// rang byung mig gis thams cad gsal// ye shes spyan gcig dri ma med// mthong la mi rtog dus mnyam phyir// chos kyi sku yi spyan zhes bya// de yang rdo rje sems dpa' nyon// mnyam nyid mi g.yo rang byung snyan// dngos med sgra thos rjes 'brang bral// de thos chos nyid rang byung sgra// de yang 'gyur med ye shes snyan// gdangs gsal 'gyur med nyams kyi dri// rtog med tshor ba byang chub sku// ye shes sna yis dri mchog tshor// de la zhen med sangs rgyas shangs// de yang rdo rje sems dpa' nyon// chos sku ro mchog nyams su bstar// sgra med bde gsal sangs rgyas ljags// ye shes ljags kyis rang rig myong // de don dgongs par rang byung sku// de yang 'dus pa'i snying po nyon// dngos med rigs gsal ye shes lus// ye shes sku la skye shi med// de don mi 'gyur yon tan rdzogs// de phyir sangs rgyas chos kyi sku// de ldan skad gcig dus de ru// gza' skar gzugs brnyan rgya mtsho bzhin// dus gcig 'dzam gling phrag brgya ru// 'gro don gzugs sku dus gcig khyab// ci rigs pa yis chos rnams ston// dpe ni sprin med nam mkha' 'dra// rtags ni sangs rgyas chos sku mkhyen// de yi yon tan brjod mi lang // rdzogs pa chen po don 'dus rig pa'i gsung / rang byung
- 193a
bde ba'i 'khor lo'i rgyud las/ sangs rgyas kyi mdzad spyod bstan pa'i le'u ste nyer dgu pa'o// // rdo rje sems dpas yang zhus pa// ma rtogs 'khor bar 'khyams pa dang // gdams ngag med pa'i skyon ni gang // de yi ltung sgro gang du lhung // kun rig ston pas bshad du gsol// de skad zhus pas don gsan nas// 'khor gyi tshogs la bka' stsal pa// rgyud lung man ngag chos rnams kun// snang ba bzhi ru blo byas nas// sgo skur gnyis la zhen pa'i phyir// byas pa'i don med sdug bsngal snon// da yang rdo rje sems dpa' nyon// dper na bya sgo rlung khyer ltar// nges med gzhi la blo gtad nas// ma rtogs rtsol bsgrub ci spyad kyang // mi gral dug lnga rgyas par 'gyur// dmus long byang thang 'khor ba bzhin// nges don ma rtogs ci bsgoms kyang // shes rab mig med bag chags brtas// gol sa mi chod nor ba'i lam// de yang 'dus pa'i snying po nyon// dper na 'dab chags gshog chag ltar// lta spyod gcig tu ma shes pas// res 'jog blang dor blos byas phyir// ma rtogs chos spyod las rnams 'khrugs// sa bon ma btab so nam bzhin// nges don ma rtogs chos spyod kyang // 'bras bu med cing rang brlag nas// mnar med 'khor ba'i rgya mtshor ltung // de phyir man ngag med pa'i chos// lus ngag las su spyad gyur kyang //
- 193b
sdug bsngal rgyu las phan mi nus// ma rtogs chos sku de bzhin no// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ ma rtogs pa 'khyams pa'i le'u ste sum cu pa'o// / kun rig ston pas bka' stsal pa// 'khor 'das gnyis kyi bar do yi// thog mtha' gcod pa'i don med na// sa mkhan med pa'i tshong pa bzhin// skye shi'i sdug bsngal las mi thar// skye shi gnyis kyi bar do ru// chos sku ngo spyod don med na// sgron me med pa'i mun pa bzhin// ma rig pa la sangs dus med// da yang rdo rje sems dpa' nyon// dus bzhi mnyam par sbyor ba yi// rgyun du 'bral med don med na// chu bran than pas bskams pa bzhin// lta ba sgom pa'i rkyen mi thub// srid pa dag gi bar do ni// sangs rgyas dus kyi don med na// rin chen 'dam du stor ba 'dra// 'bras bu mi 'byung mngal du 'jug/ de yang 'dus pa'i snying po nyon// theg pa gzhan dang rtsod dus su// gal mdo nges pa'i don med na// go mtshon med pa'i dpa' bo bzhin// man ngag zab mo'i khyad mi thon// de phyir gol sa de dag gis// rang sems snying po ma rtogs phyir// gdams ngag med phyir 'khor ba'i skyon// bskal par bgrangs kyang de mi thob// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ gdams ngag med pa'i
- 194a
skyon bstan pa'i le'u ste so gcig pa'o// // de nas kun rig rgyal po yis// dad ldan 'khor la bka' stsal pa// mi rtog dbyig gu'i thun tshod kyis// mdo sde kha zon bton gyur kyang / bdag bstod gzhan la smad pa yis// ngan song sgo ru nges par ltung // gzhan gyi bsam sbyor bzang po la// bar chod byed pa'i bdud yin te// ma rtogs ser sna byed pa yis// bdud kyi sgo lhung 'khor bar 'khyams// gzhan gyis chos la phrag dog pas// yon tan mang du ldan gyur kyang // rang sems snying po ma rtogs na// gnod sbyin sgor lhung rtag tu 'khor// mnyam nyid ma rtogs rang rgyud du// chags sdang pho tshor spyod pa'i las// dug lnga rang khar spyad nyes pas// srin po'i sgor ltung rtag tu 'khor// rang dbang ting 'dzin ma thob par// 'khor dang rigs su bcad bsams pas// bdag nyid che 'dod 'khor sdud pa// sho gam gcan chen rtag tu 'khor// ji bzhin ma nor ma rtogs par// lha log gzhan gyi slob dpon byed// rang nyid mi shes gzhan grol ba// ru tra'i sgor lhung rtag tu 'khor// tshig tshogs phrin las ci mkhas kyang // ma rtogs dngos por 'dzin pa yis// rang rgyud dam rdzas mngon zhen phyir// bgegs dang bya rog sgo ltung 'khor// thabs lam dbang la khungs phyung ste// 'dod chags rang khar bsten byas pas// lta bas ma zin
- 194b
bde la zhen// lha chen sgor ltung 'khor bar 'khyams// ma rtogs nga dang bdag 'dzin pas// gsang sngags lha spyod yin zer nas// sems can srog la brtse med gcod// mu stegs rtag chad sgor ltung 'khyams// da yang 'dus pa'i snying po nyon// ma rtogs dbang gis rtsing spyod pa// lus ngan 'di yis len pa'i phyir// las ngan dgu po gang spyad kyang // dmyal bar nges 'gro gtan du 'khyams// rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ ma rtogs pa'i ltung sgo bstan pa'i le'u ste so gnyis pa'o// // de nas 'dus pa'i 'khor rnams la// kun rig rgyal pos don gtad pa// theg pa'i rgyal po lhun rdzogs 'di// dad ldan 'khor rnams khyed kyis kyang // rgyud 'di yid la brnags shing bcang bar gyis// yang dag nges pa'i rgyud chen 'di// dang med snang 'tshong nyams pa la// 'di spel slob dpon bsgral ba'i gnas// 'di la yid tu mi 'ong rkyen rnams 'byung // de yang rdo rje sems dpa' nyon// snod dang mi ldan mi ngan ni// tshul 'chos byed cing slob dpon smod// nor phongs chos 'dod thabs kyis 'bru// de lta'i snod ngan gang zag la// ye shes lta ba'i rgyud chen 'di// nam yang bstan par ma gsungs so// da yang 'dus pa'i snying po nyon// bstan pa 'jig pa'i dus 'dir ni// rdzogs pa chen po'i
- 195a
bstan pa 'byung // de tshe snod ldan 'byung srid na// yang dag nges don rgyud 'di gtad// de ltar ma byas nges don 'di// nor 'dod phyir ni 'di bstan na// sangs rgyas bka' chad 'byung nges te// mkha' 'gro chos skyong dgrar langs nas// srin pos srog bcad mnar med ltung // de yang 'khor rnams yang nyon cig/ gal te zas nor phangs med pa// yid 'thad 'bul na nges don 'di// gzhan la mi spel mna' bor la// skra bskyil med par lhug par bstan// snod ldan ma phrad dus tshe na// chos skyong yod pa'i lha khang ngam// lha 'dre yod pa'i brag dkyil du// smon lam btab nas sbas la bzhag/ rdzogs pa chen po don 'dus rig pa'i gsung / rang byung bde ba'i 'khor lo'i rgyud las/ rgyud gtad pa'i le'u ste sum cu so gsum pa'o// // bi ma la dang gnyigs dz+nyA nas bsgyur ba'o// //